*, (,BLA MA BKA' BZHI PA'I SNYAN DU GSOL BA,) DPON SLOB 'KHOR BCAS SKU KHAMS BZANG ZHING, THUGS DAM 'PHEL BA'I NGANG NAS GSUNG YIG GOS BEM DUR KHA ZI JA BZANG PO'I RTEN DANG BCAS PA BLA MA BSOD NAMS GRAGS PAS 'DIR 'PHROD PAS SEMS DGA', 'DIR YANG KHAMS BZANG POR BDOG SKABS ZHUS, SNGAR NGED KYI BSAM PA LA YANG, DBU MA RANG RGYUD PA RNAMS KYIS RANG GI MTSAN NYID KYIS GRUB PA'I RTEN 'BREL YANG DAG KUN RDZOB TU KHAS BLANGS BA YIN SNYAM, DE DANG MTHUN PAR RANG RE'I YIG CHA RNAMS NA BKOD NA YANG, 'DI LA DNGOS SMRA BA RNAMS @075 KYIS RTEN 'BREL RANG GI MTSAN NYID KYIS GRUB PAR KHAS BLANGS NAS SHER PHYIN LA SOGS PA'I MDO ZAB MO STONG PA NYID STON PA RNAMS LA RGYU 'BRAS LA SKUR PA BTAB SNYAM NAS DBU MA PA LA, RTZA SHER, GAL TE 'DI DAG KUN STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYED LA MED PAR THAL BAR 'GYUR, ,ZHES SOGS 'JIG RTEN DANG 'JIG RTEN LAS 'DAS PA'I THA SNYAD THAMS CAD MI RUNG BA'I SKYON 'PHANGS PA DANG, 'JUG PAR YANG, DE LA SKUR BAS DNGOS PO 'JIG PA'I PHYIR, ,STONG NYID DNGOS PO 'JIG PA'I RGYUR 'GYUR NA, , DE NI RIGS PA MIN, ZHES SOGS KYI SKYON YANG 'BYUNG BAR SEMS SHING, SHING RTA CHEN PO DE DAG GIS SKYON RAGS PA 'DI LTA 'ONG BA'I GRUB MTHA' KHAS MI LEN NAM SNYAM STE, SKYON SPONG JI LTAR MDZAD, GAL TE DNGOS SMRA BAS DON DAM PAR RANG GI MTSAN NYID KYIS GRUB PAR KHAS BLANGS SHING, DBU MA PAS KUN RDZOB TU 'DOD PAS SKYON MED SNYAM NA, DON DAM DANG KUN RDZOB ZHES PA'I MING 'THAD KYANG, RANG GI MTSAN NYID KYI DON BLO'I SNANG TSUL LA MA LTOS PAR, DON BYED NUS PA'I DNGOS PO RDZAS GRUB CIG KHAS BLANGS, DNGOS PO SMRA BA RNAMS KYIS KYANG, DON DAM PA'I DNGOS PO KHAS LEN PA'I RGYU MTSAN NI DE BAS LHAG PA MED PA 'DRA SNYAM, SLOB DPON ZLA BAS RANG GI MTSAN NYID KYIS GRUB PA BDEN PA GNYIS KAR DU MI BZHED PA'I RGYU MTSAN YANG, DE 'DRA BA'I DNGOS PO KHAS BLANGS NA, RIGS PA'I GNOD BYED 'JUG PAR DGONGS NAS, SDE PA GNYIS KYI DON DAM DU GRUB PA'I DNGOS PO DBU MA PAS @076 KUN RDZOB TU 'DOD PA YANG MI RIGS PAR BSTAN PA YIN, BOD KYI DBU MA PA KHA CIG RANG RGYUD PA DBU MA MTSAN NYID PA MIN ZER BA YANG, DON DE LA BSAMS PA 'DRA, YANG BLA MA LO TZ'A BAS, DBU MA GNYIS SU 'DOD PA RMONGS PA MTSAR SKYED YIN, ZHES PA DBU MA PA DON DAM LA 'DOD TSUL KHYAD PAR MED PAS, DON DAM SGYU MA LTA BUR 'DOD PA'I DBU MA MI 'THAD GSUNG STE, ZHI BA 'TSO DPON SLOB DANG, 'PHAGS SENG RNAMS LA MTHAR THUG GI DON DAM SNANG STONG ZUNG 'JUG GI SGYU MA LTA BU DANG, MNYAM GZHAG KYANG SNANG BCAS SU 'DOD PAR MNGON TE, DE LTA DMIGS PA'I SKABS SU RNAM RIG PAS, GZUNG 'DZIN GNYIS KYI DNGOS PO MED PA'I DE BZHIN NYID LA DMIGS NAS, DMIGS PA DAG PA GONG NAS GONG DU MI 'GYUR BA'I SKYON 'PHANGS SHING, RANG LUGS LA, 'DI YI DMIGS PA DNGOS MED DE, CES PA'I SKABS SU DNGOS MED CES PA DGAG PA MA YIN GYI BDEN MED KYIS KHYAD PAR DU BYAS PA'I SGYU MA LTA BU DMIGS PAR BZHAG NAS, DMIGS PA DAG PA GONG NAS GONG DU 'GYUR BAR 'GREL CHEN GNYIS NAS BSHAD PA'I PHYIR RO, , GAL TE MNYAM GZHAG SNANG MED YIN NA SEMS TZAM PA LA 'PHANGS PA'I SKYON RANG LA YANG 'JUG PA'I PHYIR RO, ,GZHAN YANG DAL GYI SLOB DPON CHEN PO SANGS RGYAS YE SHES ZHABS KYANG, DBU MA SGYU MA LTA BU 'DI BZHED PAR MNGON TE, GROL BA'I THIG LER, ZAB MO KHO NA RTOGS PAS MIN, ,GSAL BA DAG KYANG DE BZHIN NO, ,DE PHYIR THAL BYUNG ZAB MO YI, ,GROL 'DOD DE LA BDAG MI DAD, ,ZAB @077 GSAL GNYIS MED RANG BZHIN DU, ,RTOGS PAS TSE 'DI 'BRAS THOB NGES, ,ZHES MTHAR THUG GI DON DAM STONG NYID KHO NA LA BYED NA MTHAR THUG GI 'BRAS BU PHUNG PO LHAG MED KYI MYANG 'DAS SU LHUNG BAR 'GYUR BAS, MTHAR THUG GI RNAM MKHYEN THOB PA RDO RJE THEG PA LA RAG LAS PAR BZHED CING, MTHAR THUG GI DE KHO NA NYID SNANG STONG ZUNG 'JUG GAM, ZAB GSAL GNYIS (/'DIR MTHA' SHOG MA TSANG PA'I BYA THABS BRAL,\