` 'GYOD MED GDENG BROD KYI MGUR MA, ` NA MO GU RU, GANG LA SKYABS NA SLU MED DKON MCHOG GSUM, ,'BRAL MED SPYI GTZUG RGYAN DU BRTAG BZHUG GSOL, ,SNANG STONG SGYU MA'I RNAL 'BYOR RI KHROD PA, ,SEMS GNONG MED KYI GLU SKAD 'DI BZHIN LEN, ,SHUL DU 'PHRENGS PA'I ZAS NOR LUS PA MED, ,GDONG NA MTSER BA'I LAS NGAN BSAGS PA MED, ,THEG CHEN BSLAB PA'I BSAM SBYOR NYAMS PA MED, ,SGYU MA'I LUS SEMS BRAL YANG 'GYOD @060 PA MED, ,TSE 'DI'I RNYED BKUR CHE THABS SGRUB MA MYONG, ,'DOD YON SRED PA'I RJES PHYIR 'BRANG MA MYONG, ,DON MED BYA BAS TSE 'DI YENGS MA MYONG, ,SGYU MA'I LUS SEMS BRAL YANG 'GYOD PA MED, ,CIR SNANG SGYU MAR RTOGS PA'I SHES RAB YOD, , 'GRO DRUG PHA MAR SHES PA'I LHAG BSAM YOD, ,THABS SHES ZUNG DU 'BREL BA'I NYAMS LEN YOD, ,SGYU MA'I LUS SEMS BRAL YANG 'GYOD PA MED, ,THOG MAR GSUNG RAB DGONGS DON TSUL BZHIN SBYANGS, ,BAR DU BLO GSAL GDUL BYA'I TSOGS LA BSHAD, ,THA MAR 'DRIS PA'I DON LA RTZE GCIG BSGOMS, ,SGYU MA'I LUS SEMS BRAL YANG 'GYOD PA MED, ,RGYAL BA'I BSTAN PA SROG LAS GCES PAR BZUNG, , RIGS DANG MI RIGS TSUL BZHIN RNAM PAR PHYES, ,'CHAD RTZOD RTZOM PAS DAL 'BYOR DON YOD BYAS, ,SGYU MA'I LUS SEMS BRAL YANG 'GYOD PA MED, ,'GYOD MED GDENG BROD KYI MGUR MA 'DI, ,GANGS BU LE'I MGUL DU BLANGS PA YIN, ,MI KHO BO'I RJES 'JUG DAD LDAN RNAMS, ,MI NGA BZHIN BYED NA 'DI BZHIN MDZOD, ,TSOGS GNYIS ZUNG DU 'JUG PAS RGYUD SBYANGS TE, ,BDEN GNYIS ZUNG DU 'JUG PA'I DON RTOGS SHING, ,RIM GNYIS ZUNG 'JUG RDO RJE'I LAM BSGOMS PAS, ,'JA' LUS RDO RJE'I SKU RU BDAG GYUR CIG, ,,