` GANG LA NYES PA RDUL TZAM MI MNGA' ZHING, ,RMAD BYUNG YON TAN DPAL GYIS RAB BRJID PAS, ,SNYAN PA'I BA DAN 'JIG RTEN GSUM NA GA-YO, ,THUB DBANG LHA YI LHA LA PHYAG 'TSAL LO, ,KA YE NYON CIG SHES LDAN GROGS PO DAG ,BSTAN PA'I NYIN BYED NUB RI'I RTZE LA SON, ,LUS SROG G-YO BA 'BAB CHU'I RGYUN DANG MTSUNGS, , THAR 'DOD RNAMS KYIS BAG YOD BSTEN PAR RIGS, ,RIN CHEN BDUN LDAN GLING CHEN BZHI LA DBANG, ,DPAG MED TSE GNAS DGE BCU'I DPAL LA SPYOD, ,PHUN TSOGS MNGON MTHO'I BDE LA ROL BYED PA'I, ,'KHOR LOS BSGYUR RGYAL DPAL DE'ANG CHU SHING 'DRA, ,LHUN PO'I SPO LA YUN RING GNAS BCAS TE, ,YONGS 'DU'I TSAL DU DGA' BDE'I DPAL GYIS ROL, ,'CHI MED NYE DPANG TSOGS KYIS GUS BTUD PA'I, , 'PHROG BYED MIG STONG LDAN DE'ANG SRID PA'I BRAN, ,LUS SEMS ZUG RNGU'I GDUNG BA RING DU SPANGS, ,TING 'DZIN BDE BAS BSKAL MANG 'DA' BYED PA'I, ,'JIG RTEN MES PO GSER GYI MNGAL LDAN YANG, ,'CHI MED GO 'PHANG LAS RING GI NAR 'KHOR, , GANG GIS REG NA RAB BRTAN LHUN PO YANG, ,SKAD CIG TZAM GYIS THAL BAR RLOG BYED PA'I, ,ME LCE'I PHRENG BA LUS LA RAB 'BAR BA, ,DMYAL BA'I ZUG RNGU SU YIS @058 BRNAG PAR NUS, ,BLTAS PA TZAM GYIS KLUNG CHEN RGYUN SKEMS SHING, ,LJON SHING 'BRAS BU MED PAR BYED PA YI, ,TA LA'I YANG THOG SKAM LTA'I YI DVAGS GZUGS, , GANG ZHIG MTHONG NA 'JIGS RUNG SKYI YANG G-YA', ,BLANG DOR RMONGS PA'I GTI MUG SMAG RUM 'THIB, ,GCIG LA GCIG ZA RDO RJE'I ME STAG DANG, ,BKOL SPYOD CHAR RGYUN LUS LA RTAG 'BAB PA'I, ,RNAM MANG DUD 'GRO'I DUB PA SU YIS BZOD, , SRID PA'I PHUN TSOGS DE LTAR MNOG CHUNG ZHING, ,RAB MANG NYES PA'I TSOGS DANG LDAN RIG NAS, ,RANG GZHAN SRID PA'I MTSO LAS BSGRAL BYA'I PHYIR, ,MANG THOS BDAG NI DBEN PA'I NAGS SU 'GRO, ,CHAR 'DOD BYI 'US 'BRUG SGRA THOS PA LTAR, ,DBEN PA'I GTAM 'DI KHO BO'I SNYING LA 'BAB, ,THOS PA'I DON RNAMS DON YOD BYA BA'I PHYIR, ,GZHON NU BLO GROS DBEN PA'I NAGS SU 'GRO, ,NGANG PA'I TSOGS KYIS PADMA'I MTSO MTHONG LTAR, ,BAS MTHA'I GNAS LA KHO BO SEMS RAB GA-YO, ,DAL 'BYOR LUS LA SNYING PO BLANG BA'I PHYIR, ,GZHON NU BLO GROS DBEN PA'I NAGS SU 'GRO, , BUNG BA GZHON NUS 'DAB BRGYA'I TSAL MTHONG LTAR, KHO BO'I YID NI DBEN PA'I RI LA CHAGS, ,TING 'DZIN BDUD RTZI'I RO DE MYONG BYA'I PHYIR, ,GZHON NU BLO GROS DBEN PA'I NAGS SU 'GRO, ,DPYID DUS BSIL BA'I MA LA YA'I RLUNG LTAR, ,NAGS KYI SMAN LJON KHO BO'I YID LA 'BAB, ,NYON MONGS BDUD KYI SDE DE GZHOM BYA'I PHYIR, , GZHON NU BLO GROS DBEN PA'I NAGS SU 'GRO, ,ZHES GSUNGS,