@052 *, ,RJE BTZUN SHES RAB DPAL LA GDAMS PA BZHUGS, BKA' DRIN MNYAM MED DPAL LDAN BLA MA DANG, ,BLA MED DKON MCHOG GSUM LA PHYAG 'TSAL NAS, ,MANG DU THOS PA'I DGE SLONG KU MA RAS, ,DAD LDAN SHES RAB DPAL LA 'DI SKAD 'DOMS, ,SHIN TU RNYED DKA'I DAL 'BYOR RIN CHEN 'DI, ,'JIG PAR NGES SO NAM 'JIG NGES PA MED, ,SKYE BAR NGES SO GAR SKYE NGES PA MED, ,DAL 'BYOR DON YOD MDZOD CIG SHES RAB DPAL, ,'DOD DANG MI 'DOD RNAM SMIN 'BRAS BU STE, ,RANG GIS BSAGS PA'I DKAR NAG LAS 'BRAS RNAMS, ,MYONG BAR NGES SO NAM MYONG NGES PA MED, ,SDIG SPONG DGE LA 'BAD CING SHES RAB DPAL, ,BSAG DANG SRUNG DANG RLAG PA'I SDUG BSNGAL CAN, ,NGAL BRGYAS BSGRUBS PA'I SGYU MA'I ZAS NOR 'DI, ,'DZAD PAR NGES SO NAM 'DZAD NGES PA MED, , LONGS SPYOD SNYING PO LONGS SHIG SHES RAB DPAL, ,PHAN BYED BSHES DANG GNOD BYED DGRA BO YANG, ,GLO BUR 'DUS PA'I TSONG 'DUS MGRON PO BZHIN, ,'BRAL @053 BAR NGES SO NAM 'BRAL NGES PA MED, ,CHAGS SDANG ZHEN PA SKYUNGS SHIG SHES RAB DPAL, ,'JIG RTEN 'DI NAS PHA ROL 'GRO BA'I TSE, ,RANG BSAGS DGE SDIG LAS 'BRAS MA GTOGS PA, ,'KHOR DANG NYE DU LONGS SPYOD RJES MI 'BRANG, ,PHYI MA'I LAM SGYAGS SGRUBS SHIG SHES RAB DPAL, ,DA LO 'DI BYA SANG PHOD 'DI BYED CES, ,RTAG RTAG 'DRA BA'I PHYI TSIG SHOM RA RNAMS, ,THOG DU MI 'BAB GROG SKAM NYA RGYA BZHIN, ,RTAG TSIG 'DOD MDUN SKYUNGS SHIG SHES RAB DPAL, (,CES PA 'DI YANG RJE BTZUN CHEN POS 'BRI GUNG THOL GYI CHEN MO SHES RAB DPAL LA GDAMS PA'O, ,SHU BHAm,, ,,)