@048 *, ,GRUB CHEN MA DPAL MO LA GDAMS PA BZHUGS, SRID PA'I DPAL 'BYOR CHU'I ZLA BA DANG, ,DBANG PO'I GZHU DANG MIG 'PHRUL GZUGS BRNYAN DANG, ,DRI ZA'I GRONG KHYER JI BZHIN STONG PA DANG, ,GSOG PA GSOB DANG SNYING PO MED PA LAGS, ,GROGS DANG NYE DU TSONG 'DUS MGRON PO'I TSUL, , NYAMS CHUNG LUS 'DI 'BAB CHU'I DBU BA BZHIN, ,GNOD MANG SROG NI RLUNG NANG MAR ME BZHIN, ,NAM MKHA'I GLOG DANG STON KHA'I SPRIN BZHIN GA-YO, ,NGA RGYAL RGYAGS DANG DREGS PA SKYED PA'I GZHI, ,'KHOR DANG LONGS SPYOD LANG MTSO'I DPAL RNAMS KYANG, ,MIG RGYU'I CHU DANG NAM MKHA'I 'JA' TSON BZHIN, ,BYIS PA'I BLO CAN RMONGS PA SKYED PAR ZAD, ,SNGON BSAGS BSOD NAMS CHU GTER LAS BYUNG BA'I, ,DAL 'BYOR CHU SKYES LANG 'TSO'I ZI 'BRU CAN, ,CHO RIGS BZANG PO'I DRI BSUNG DANG LDAN PA; ;GANG GIS THOB DE'ANG STON KHA'I ME TOG BZHIN, ,DE PHYIR SRID PA'I BDE LA CHAGS SPANGS NAS, ,THUB PAS BSNGAGS PA'I BRTUL ZHUGS BZANG NOS TE, ,RTAG @049 TU TSANGS SPYOD SDOM PA LA GNAS PAS, ,DAL 'BYOR SKU TSE 'BRAS DANG LDAN PAR MDZOD, ,GANG LA SKYABS NA SLU MED DKON MCHOG GSUM, ,'DI PHYI DPAL MGON LAGS PAS DE LA BRTEN, ,DGE LEGS NOR 'PHROG SDIG PA'I GROGS PO DANG, , 'BAD KYANG DON CHUNG TSE 'DI'I 'DUN MA YANG, ,DKAR NAG LAS 'BRAS NAM YANG MI SLU ZHING, ,LAS KYANG GRIB MA BZHIN DU RJES 'BRANG PHYIR, ,SROG GI PHYIR YANG SLAN CHAD SDIG PA'I LAS, ,BZHIN BZANG KHYED KYIS NAM YANG MI BGYIS 'TSAL, , SBYIN DANG TSUL KHRIMS DGE BA LHA MI'I DPAL, ,STER BA'I GNYEN MCHOG LAGS PAR THUB PAS GSUNGS, ,BSOD NAMS ZHING GYUR TSUL LDAN DGE SBYONG DANG, ,SANGS RGYAS MCHOD PA'I DGE BA DGES PAR MDZOD, , GYA GYU'I SEMS LDAN G-YO BA'I NGANG TSUL CAN, ,BUD MED LUS KYANG DAM PAS BSNGAGS 'OS MIN, ,DE PHYIN CHAD DU SKYE BA DMAN PA'I LUS, ,NAM YANG LEN PA MED PAR KHYED BZHED NA, ,RGYAL SRAS YE SHES BLA MA 'OD KYI TOG ,DE BZHIN ME LONG BLO GROS ZHES BYA DANG, ,DBANG PO ZHI DANG 'JAM DPAL DBYANGS RNAMS LA, , RTAG TU GUS PA'I YID KYIS PHYAG MDZOD CIG ,MDZA' BSHES YID BCUGS CAM BUR SMRA RNAMS KYANG, ,DON LDAN TSIG GIS PHAN PAR SMRA BA DKON, ,'BYUNG POS ZIN LA GSANG SNGAGS ZLAS PA BZHIN, ,PHAN PAR SMRA LA MTHUN PAR 'DZIN PA DKON, , 'BAD PAS SGRUB KYANG TSEGS MED RLAG 'GYUR ZHING, ,YUN RING 'GROGS KYANG THA MAR 'BRAL NGES PAS, ,'DI PHYI'I PHUNG PHROL SDUG BSNGAL SKYED PA'I GZHI, ,'KHOR @050 DANG LONGS SPYOD 'KHOR BA'I SDOM THAG YIN, ,SNYAN GRAGS BRAG CHA'I SGRA LA MNGON ZHEN CING, ,'DOD YON MIG RGYU'I RJES SU RNYEGS RNYEGS NAS, ,DON MED BYA BAS DUS MANG 'DA' BYED PA'I, ,SNYAN GRAGS RNYED BKUR BDUD KYI ZHAGS PAR MTHONG, , 'CHI BDAG SBRUL GDUG 'CHI BA'I PHRAG GNAS SHING, ,MI ZAD NGAN 'GRO'I G-YANG SAR LTUNG BZHIN DU, ,TSE SROG DUR BA'I RTZA BZHIN DAM 'JUS NAS, ,'DOD YON SBRANG RTZI MNGAR LA SU ZHIG CHAGS, ,SNGON GROL YID BZHIN NOR BU BLANG BA'I PHYIR, , SRID PA'I CHU GTER CHE LAS SGROL BAR GYIS, ,GANG LA CHAGS PAS RTAG TU SDUG BSNGAL ZHING, ,ME'I 'OBS DANG MI GTZANG RDZAB LTA BU'I, ,'KHOR BA 'DI LA BDE BA'I SKABS MED KYI, ,ZHEN LOG RGYUN DU BSTEN CIG SHES LDAN DAG ,SNANG STONG SGYU MA LTA BU'I KUN RDZOB DANG, ,BRJOD BRAL BSAM DU MED PA'I DON DAM GNYIS, , 'BRAL MED ZUNG DU CHUD PA GZHI'I TSUL, ,YA BRAL SO SOR SONG NA GOL BA YIN, , 'GRO DRUG PHA MAR SHES PA'I SNYING RJE DANG, ,CI SNANG SGYU MAR RTOGS PA'I SHES RAB GNYIS, ,'BRAL MED ZUNG DU CHUD PA 'KHRUL MED LAM, ,YA BRAL SO SOR SONG NA GOL BA YIN, ,GZUNG 'DZIN DBYINGS SU ZHI BA'I CHOS SKU DANG, ,PHRIN LAS RGYUN CHAD MED PA'I GZUGS SKU GNYIS, ,'BRAL MED ZUNG DU CHUD PA 'BRAS BU'I MCHOG , YA BRAL SO SOR SONG NA GOL BA YIN, ,KUN RDZOB RTEN 'BREL SGYU MA LTA BU LA, , DKAR NAG LAS 'BRAS SLU BA MED SHES NAS, ,RTAG CHAD MTHAR LTA'I DRI MAS MA GOS PA, ,MTHA' BRAL DBU MA RTOGS PA'I LTA BA YIN, ,GZHI'I GNAS LUGS LTA @051 BAS LEGS STONG NAS, ,RTZE GCIG SEMS KYI GOMS 'DRIS BYAS PA LAS, ,GNAS LUGS DON LA SGRO MDOGS CHOD PA DE, ,ZHI LHAG ZUNG DU 'BREL BA'I SGOM PA YIN, , RJES THOB SGO GSUM BYA BA JI SNYED PA, ,'DZIN MED SGYU MA LTA BU'I NGANG NAS SPYOD, , DMIGS MED SEMS KYIS BYANG CHUB CHEN POR BSNGO, ,CI BYAS LAM DU 'GRO BA'I SPYOD PA YIN, ,GZHI DANG LAM DANG 'BRAS BU'I RANG BZHIN DANG, ,LTA BA SGOM PA SPYOD PA'I TSUL 'DI RNAMS, ,LEGS PAR RTOGS NAS LEGS PAR SMRAS PA YIN, , LEGS 'DOD RNAMS KYIS LEGS PAR BZUNG CIG AANG, ,CES PA SH'AKYA'I DGE SLONG GZHON NU BLO GROS KYIS SGRUB CHEN MA DPAL MO LA GDAMS PA'O,, ,,