@040 *, ,BYANG CHUB LAM GYI SGRON ME BZHUGS SO, , PHYOGS BCU'I RGYAL BA SRAS DANG BCAS PA LA PHYAG 'TSAL LO, ,GANG GIS DAL DANG 'BYOR PA'I LUS THOB STE, ,MOS DGE PHUN TSOGS 'KHOR LO BZHI LDAN PAS, ,GCIG TU DGE BA'I LAM LA SLOB 'DOD RNAMS, ,BYANG CHUB SGRUB PA'I TSUL 'DI NYAN PAR GYIS, ,RGYA MTSO CHER G-YENG MNYA' SHING BU GA RU, ,BRGYA LAM 'BYUNG BA'I RUS SBAL MGRIN CHUD LTAR, ,DAL DANG 'BYOR PA'I LUS 'DI RNYED DKA' NA, , SEMS YOD SU ZHIG 'DI 'BRAS MED PAR BYED, ,MANG DU THOS BYA TSUL BZHIN BSAM PAR BYA, ,DBEN PA'I GNAS SU TSUL BZHIN BSGOM PAR BYA, ,THOS PA'I RJES 'JUG SGRUB PA SNYING POR BYED, ,SKYE BA'I RDZONG NAS TSEGS CHUNG THAR BAR 'GYUR, ,SRID GSUM MI RTAG STON KA'I SPRIN DANG 'DRA, ,'GRO BA'I SKYE 'CHI GAR LA LTA DANG MTSUNGS, , SKYES BU'I TSE 'GRO NAM MKHA'I GLOG DANG 'DRA, ,RI GZAR 'BAB CHU BZHIN DU MYUR MGYOGS 'GRO, ,JI LTAR SKYES BU LAG NA DBYUG THOGS KYIS, ,PHYUGS RNAMS @041 BSOD PA'I GNAS SU PHYIN BYED LTAR, ,DE BZHIN SKYE RGA NA DANG 'CHI BA YIS, ,SKYE BO 'DI KUN 'CHI BDAG DRUNG DU BSKYEL, ,JI LTAR CHU BRAN SO SOR GYES PA YI, ,CHU KLUNG CHE RNAMS ZAD PAR BYED PA LTAR, ,DE BZHIN NYIN MTSAN SO SOR 'DAS PA YI, ,MI RNAMS TSE YANG MYUR DU GLAG PAR BYED, ,GANG DU GNAS NA 'CHI BDAG MI 'BYUNG BA'I, , SA PHYOGS DE NI YOD PA MA YIN TE, ,RGYA MTSO LA MED BAR SNANG DAG NA'ANG MED, , RI BO RNAMS KYI BSEB DU ZHUGS NA'ANG MIN, ,BYUNG DANG 'BYUNG BAR 'GYUR BA JI SNYED PA, ,KUN GYI LUS 'DI BLANGS NAS 'DAS GYUR CING, ,GDON MI ZA BAR 'JIG 'GYUR SHES BYA STE, ,MGO LA ME SHOR ZLOG GZHIN BRTZON PAR BYA, ,RGYAL DANG DE SRAS RNAMS KYI BGROS GCIG LAM, ,SNYING RJE'I SEMS DANG GNYIS SU MED BLO DANG, , THA DAG SGROL 'DOD BYANG CHUB RAB MCHOG STE, ,CHOS GSUM 'DI DAG 'BAD DE RGYUN DU SBYANGS, ,DANG PO NGA ZHES BDAG LA MNGON ZHEN CING, ,BDAG GI 'DI ZHES DNGOS LA CHAGS SKYED NAS, ,ZO CHUN 'PHYAN LTAR RANG DBANG MED PA YI, ,'GRO BA 'DI LA SNYING RJE'I SEMS KYIS LTA, ,'GRO BA SGROL PHYIR RDZOGS PA'I BYANG CHUB LA, ,SMON PA'I SEMS NI YANG DAG SKYED BYA STE, ,DE DANG RJES MTHUN RGYAL SRAS SPYOD PA LA'ANG, ,JI LTAR NUS PA BZHIN DU BLO SBYANG BYA, ,NYON MONGS LAS DANG SKYE BA MA LUS PA, ,'JIG TSOGS LTA LAS BYUNG BAR SHES BYAS NAS, ,PHUNG GROL RTZA BA BDAG DANG BDAG GI BA, , 'DZIN PA'I TSUL 'DI 'BAD PAS GZHOM PAR BYA, ,JI SRID PHUNG POR 'DZIN YOD DE SRID DU, ,NGA DANG NGA YIR 'DZIN PA ZLOG MI NUS, ,DE PHYIR LUNG DANG RIGS PA'I @042 RJES 'BRANGS NAS, ,RNAM DPYOD ME YIS PHUNG PO BUD SHING BSREG ,BDAG DANG GZHAN DANG GNYIS DANG RGYU MED LAS, ,SKYE BA MED PHYIR DNGOS RNAMS RANG BZHIN STONG, , YANG NA GCIG DANG DU MA'I NGO BO NYID, ,MED PA'I PHYIR NA GZUGS BRNYAN BZHIN DU, , STONG, ,SGYU MA MIG RGYU DRI ZA'I GRONG KHYER DANG, ,CHU'I ZLA BA BRAG CHA'I SGRA BZHIN DU, , RAB TU GRAGS PA'I RGYU DANG RKYEN DAG LA, ,BRTEN NAS 'BYUNG PHYIR SHIN TU MED PA'ANG MIN, ,BRJOD MED PHYOGS BRAL 'DZIN PA KUN SPANGS PA'I, ,DON DE DBU MA'I LAM DU MKHAS RNAMS BZHED, ,GANG ZHIG DBU MA'I LAM LA RAB ZHUGS PA, ,DE NI SANGS RGYAS DGONGS PA'I LAM LA ZHUGS, ,JI SRID TSIG GI BRJOD NUS DE SRID DU, , RNAM RTOG DRA BA SPEL BYED SPROS PA YIN, ,GNAS LUGS TSIG GIS BRJOD MED NGAG YUL MIN, ,RTOG PAS BTAGS BYA MA YIN SPROS DANG BRAL, ,TSIG GI LAM NAS DE NYID GANG STON PA, ,DE DAG MKHA' LA TSON GYIS RI MO 'BRI, ,DE PHYIR BRJOD BRAL NAM MKHA'I MTSAN NYID DE, ,RGYAL BA RNAMS KYIS DE NYID YIN PAR GSUNGS, KHO BO DE LTA'I DON LA SEMS 'JOG PA, ,DE NI YANG DAG DON LA MNYAM 'JOG CING, , SHES RAB PHA ROL PHYIN PA'I DON BSGOMS TE, ,MTHONG BA'I CHOS LA MYA NGAN 'DAS PA'ANG YIN, ,YOD DANG MED DANG GNYIS DANG GNYIS MIN SOGS, ,GANG YANG RUNG BA'I MTHA' LA SEMS GNAS PA, ,DE NI TSUL BZHIN MA YIN ZHUGS PA YIN, ,NYON MONGS SBRUL GYIS ZIN 'GYUR THE TSOM MED, ,BLO GROS GANG LA'ANG MI GNAS GNAS PA'I MCHOG ,MTSAN MA CI YANG MA RTOGS RTOGS PA'I RAB, ,KUN RTOG NYE BAR ZHI @043 BA BDE BA'I RAB, ,BRJOD BRAL DON 'DI MNYAM GZHAG RNAL 'BYOR YIN, ,RTAG TU SGYU MA LTA BU'I TING 'DZIN GYIS, ,RJES THOB RTEN 'BREL LAM GYI KHYER SO ZHES, ,RTEN CING 'BREL BAR 'BYUNG 'DI RGYAL BA YI, ,GSUNG GI MDZOD KYI GCES PA ZAB MOR BSNGAGS, ,JI LTAR SHING DANG RGYUD LA BRTEN BYAS SHING, ,LAG PA'I RTZOL BA BYAS PA GSUM 'TSOGS NA, ,SGROG BYED PA'I WANG GLING BU LA SOGS LA, ,DE DAG LA BRTEN SGRA YANG 'BYUNG BAR 'GYUR, ,DE NI GANG NAS 'ONGS ZHING GAR SONG ZHES, ,DE LA MKHAS PA LA LAS BRTAG BYAS NA, ,SGRA'I 'ONG BA'AM 'GRO BA RNYED MI 'GYUR, , DE LTAR RGYU RNAMS DANG NI RKYEN DAG LAS, ,'DU BYED 'GYUR BA THAMS CAD 'BYUNG BA STE; ;'DU BYED STONG PA G-YO BA MED PAR NI, ,DE NYID MTHONG BA'I RNAL 'BYOR PA YIS SHES, ,NANG YANG STONG LA PHYI ROL RNAMS KYANG STONG, ,SEMS CAN BDAG GIS STONG ZHING BSHES MED DE, ,CHOS KYI MTSAN NYID NAM MKHA'I NGO BO NYID, ,JI LTAR BU MO GZHON NU'I RMI LAM DU, ,BU PHO BYUNG ZHING SHI BA DE MTHONG NAS, ,BYUNG NA DGA' ZHING SHI NA MI DGA' LTAR, ,CHOS RNAMS THAMS CAD DE BZHIN GSHEGS PAR GYIS, ,SGYU MA BYED PA DAG GIS GZUGS SPRUL TE, ,RTA DANG GLANG PO SHING RTA SNA TSOGS BYAS, ,DE LA 'JIG RTEN SNANG BA GANG YANG MED, ,CHOS RNAMS THAMS CAD DE BZHIN SHES PAR GYIS, ,JI LTAR NAM MKHA' DVANGS PAR ZLA SHAR BA, ,DE'I GZUGS BRNYAN DVANGS PA'I MTSOR SNANG STE, ,ZLA BA CHU'I NANG DU 'PHOS PA MED, ,CHOS KUN MTSAN NYID DE 'DRAR SHES PAR GYIS, ,JI LTA MKHA' LA DRI ZA'I GRONG KHYER SNANG, ,GRONG KHYER PHYOGS @044 BCU YOD MIN GANG NA'ANG MED, ,GRONG KHYER MING TZAM ZHIG GIS BSTAN PAR ZAD, , YUL 'KHOR SDE SRID DAG KYANG DE BZHIN NO, , JI LTAR SOS KHA'I NYI MA PHYED DUS SU, ,SKYES BU SKOM PAS GDUNGS SHING 'GRO BA YI, ,MIG SGYU DAG LA CHU'I PHUNG POR MTHONG, ,'DOD YON BDE LA CHAGS PA'ANG DE BZHIN NO, ,SRANG PHUG RI RDZONG CONG RONG GNAS RNAMS SU, ,SKYES BU GLU LEN NGU DANG RGOD PA DANG, ,BRAG CHA SNANG YANG DE NA YOD PA MIN, ,BSTOD SMAD SNYAN GRAGS DAG KYANG DE BZHIN NO, ,BRAG PHUG RI RDZONG CHU KLUNG NGOGS DAG DU, ,DE DAG LA BRTEN BRAG CHA BYUNG JI LTAR, ,DE BZHIN 'DUS BYAS 'DI KUN SHES PAR GYIS, , 'GRO BA THAMS CAD SGYU MA MIG RGYUR MTSUNGS, ,JI LTAR SOS KA'I NYI MA PHYED DUS SU; ;SKYES BU SKOM PAS GDUNGS SHING 'GRO BA YI, ,MIG RGYU DAG LA CHU'I PHUNG POR MTHONG, ,CHOS RNAMS THAMS CAD DE BZHIN SHES PAR GYIS, ,MIG RGYU LA NI CHU NI YONG MED NA, ,SEMS CAN RMONGS PAS DE LA 'THUNG 'DOD ZER, ,MI BDEN CHU NI BTUNG BAR YONG MI NUS, ,CHOS RNAMS THAMS CAD DE BZHIN SHES PAR GYIS, ,JI LTAR BAR SNANG LA NI SPRIN MED PAR, ,SKAD CIG LA NI SPRIN GYI DKYIL 'KHOR SNANG, , THOG MA GANG NAS BYUNG BA SHES PAR BYA, ,CHOS RNAMS THAMS CAD DE BZHIN SHES PAR GYIS, ,JI LTAR MIG RGYU DRI ZA'I GRONG KHYER DANG, ,SGYU MA JI BZHIN RMI LAM JI LTA BU, , MTSAN MA SGOM PA NGO BO NYID KYIS STONG, ,CHOS RNAMS THAMS CAD DE BZHIN SHES PAR GYIS, ,SRID PA'I 'GRO BA RMI LAM LTA BU STE, ,'DI NA SU YANG MI 'CHI SKYE BA MED, , @045 SEMS CAN MING DANG SROG KYANG MI RNYED DE, ,CHOS 'DI THAMS CAD DBU BA CHU SHING 'DRA, ,SGYU MA LTA BU NAM MKHA'I GLOG 'DRA STE, ,CHU'I ZLA BA 'DRA ZHING MIG RGYU BZHIN, , MI 'GA' 'JIG RTEN 'DI NAS SHI NAS NI, ,'JIG RTEN PHA ROL DAG TU 'PHO MED KYANG, ,LAS BYAS RNAMS NI NAM YANG CHUD MI ZA, ,'KHOR BA NA YANG DKAR NAG LAS 'BRAS SMIN, ,DE LTAR RTEN 'BYUNG ZAB MO'I LAM 'DI NI, ,RNAL 'BYOR RJES THOB LAM GYI KHYER SO YIN, ,RTAG TU SANGS RGYAS 'BYUNG BA MNYES BYED SOGS, , BYANG CHUB SPYOD PA YONGS SU RDZOGS BYED THABS, ,RGYAL DANG DE SRAS RNAMS KYIS SMON PA YI, ,SMON LAM CHE RNAMS MDUN PA'I SEMS KYIS BTAB, ,DE LTAR BSGRUBS PA'I DGE BA JI SNYED PA, ,SNANG STONG SGYU MA LTA BU'I BLO GROS KYIS, ,SRID DANG ZHI BA'I MTHA' LA MI GNAS PA, ,GZHAN PHAN BLO YIS BYANG CHUB CHEN POR BSNGO, ,CES PA SGRUB PA NAN TAN SNYING POR BYED PA SGRUB PA PO BRTZON 'GRUS SENG GE LA GDAMS PA'O, ,BYANG CHUB LAM GYI SGRON ME ZHES BYA BA, SH'AKYA'I DGE SLONG GZHON NU BLO GROS KYIS SBYAR BA RDZOGS SO, ,