An Explanation of the Four Schools of Philosophy

@008 *, ,GRUB MTHA' BZHI'I RNAM BSHAD BZHUGS SO, , 'DIR GRUB MTHA' BZHI'I RNAM BSHAD RAGS PA TZAM BRJOD DE, DE LA GRUB MTHA' SO SO'I NANG GSES KYI DBYE BA, DE DAG GI KHYAD PAR, GONG 'OG GI KHYAD PAR GSUM GYI, DANG PO LA BZHI YOD PA'I, DANG PO MDO SDE PA LA DBYE BA BYAS PA'I GZHUNG GSAL PO MA MTHONG ZHING, BOD KHA CIG SEMS TZAM RNAM BDEN PA LTAR, RNAM PA DANG SHES PA 'DRA MNYAM DU SMRA BA DANG, BYE BRAG SMRA BA DANG MDO SDE PA'I KHYAD PAR NI, GZHI'I GNAS SKABS NA, SHES BYA GZHI LNGA'I NANG NAS GZUGS SEMS SEMS BYUNG GSUM KA RDZAS SU GRUB PAR GNYIS KA 'DOD LA, LDAN MIN 'DU BYED, 'DUS MA BYAS BYE BRAG SMRA BAS RDZAS YOD DU 'DOD CING, MDO SDE PAS BTAGS YOD DU 'DOD DO, ,SEMS BYUNG LA BYE BRAG SMRA BAS YUL GYI RNAM PA MED CING RANG RIG MED PAR 'DOD LA, MDO SDE PAS DE DAG LAS LDOG PAR 'DOD, SNA TSOGS GRANGS MED DU SMRA BA GNYIS YOD CES ZER, GZUGS LA YANG BYE BRAG SMRA @009 BAS BSTAN MED THOGS MED KYI GZUGS YOD PAR 'DOD LA, MDO SDE PAS KUN THOGS BCAS SU 'DOD, LAM GYI SKABS SU RIGS CAN GSUM GYI GANG ZAG KUN GYIS GANG ZAG GI BDAG MED BSGOMS PAS GROL BAR SMRA BAS MI MTHUN PA CHER MED LA, 'BRAS BU'I THAD DU BYE BRAG SMRA BAS, PHUNG PO LHAG BCAS DANG LHAG MED KYI MYANG 'DAS KUN BRAL 'BRAS RDZAS GRUB TU 'DOD CING, MDO SDE PAS GNYEN POS SPANG BYA BKAG PA'I MED DGAG CI YANG MED PAR 'DOD CING, BYE BRAG SMRA BAS DGRA BCOM PA NYAMS NAS PHYIR 'ONG SOGS SU 'GYUR BAR 'DOD LA, MDO SDE PAS MTHONG CHOS LA BDER GNAS KYI BSAM GTAN TZAM LAS NYAMS PAR 'DOD PA LAS NYAMS PA'I CHOS CAN ZHES BYA BA'I 'BRAS BU LAS NYAMS PAR MI 'DOD DO, , GNYIS PA SEMS TZAM PA'I DBYE BA LA, RNAM BDEN RDZUN GNYIS LAS, RNAM BDEN PA LA SNA TSOGS GNYIS MED DU SMRA BA DANG, GZUNG 'DZIN GRANGS MNYAM DU SMRA BA GNYIS LAS, DANG PO NI, SHES PA SKAD CIG LAS SNGO SER DMAR SOGS SU SNANG BA DE SHES PA GCIG GI NGO BOR 'DOD LA, GNYIS PA NI, SNGO SER DMAR SOGS KYI RNAM PA DE RNAMS KYANG RDZAS THA DAD CING, DE RNAMS 'DZIN PA'I SHES PA YANG LCAGS KYI THUR MA SHIB PA LTAR RDZAS THA DAD PAR 'DOD PA'O, ,BOD KHA CIG SHES PA LA SNANG BA 'DI SNANG MKHAN GYI SHES PA LAS RDZAS THA DAD DU GYUR PA'I SHES PA'I NGOR BDEN PAR 'DOD PA SGO NGA PHYED TSAL BA ZHES PA'I RNAM BDEN PA YOD CES ZER RO, ,'DIR RNAM RDZUN PA LA SHES PA LA GZUNG BYA SNANG BAR 'DOD PA DRI BCAS @010 PA DANG, DE MI SNANG BAR 'DOD PA DRI MED PA GNYIS SU 'DOD, RNAM BDEN RDZUN GNYIS LAS KHYAD PAR NI, RNAM BDEN PA NI SHES PA LA SNANG BA'I BZUNG BA BAG CHAGS KYI DBANG GIS PHYI ROL LTAR SNANG YANG, YIN LUGS LA SHES PA RANG GI NGO BO YIN GYIS PHYI ROL DU MA GRUB PAR 'DOD LA, RNAM RDZUN PA NI GZUNG BYA GANG ZAG GI PHYI ROL LA SNANG BA MA GTOGS PA YIN LUGS LA PHYI ROL GYI DON DU YANG MA GRUB NANG GI SHES PAR YANG MA GRUB PA'I MED DGAG CANG MED PA ZHIG TU 'DOD DO, , DE GNYIS KYANG PHYI ROL GYI DON BDEN PA BA MED CING NANG SHES PA BDEN PA BAR 'DOD PA NI KHYAD MED, GSUM PA MDO SDE PA DANG, SEMS TZAM PA'I KHYAD PAR NI, GZHI'I SKABS SU MDO SDE PAS GZUNG BA PHYI BDEN PAR GRUB PAS, DE 'DZIN GYI SEMS SEMS BYUNG KUN KYANG MA 'KHRUL BAR 'DOD LA, RNAM RIG PAS GZUNG BA BDEN PAR MI 'DOD CING DE 'DZIN GYI SEMS SEMS BYUNG KUN KYANG DE NYID RTOGS PA MA RTOGS KUN 'KHRUL PAR 'DOD DO, ,GNYIS KAS KYANG SEMS SEMS BYUNG RDZAS GRUB TU 'DOD PA NI 'DRA LA, LAM GYI SKABS SU MDO SDE PAS, GNYEN PO GANG ZHIG BDAG MED RTOGS PA TZAM DANG, SPANG BYA NYON SGRIB DANG SNYOMS 'JUG GI SGRIB PA TZAM LAS RIGS CAN GSUM KA LA MI 'DOD, SEMS TZAM PAS NYAN THOS KYI RIGS CAN LA GNYEN PO DE TZAM DU ZAD LA, RANG RGYAL GYI RIGS CAN LA DE'I STENG DU GZUNG BA BDAG MED DU RTOGS PA'I CHOS KYI BDAG MED DANG, SPANG BYA SHES SGRIB GZUNG RTOG GI CHA SPANG DGOS LA, THEG CHEN GYI RIGS CAN LA GNYEN PO GANG @011 ZAG DANG, CHOS KYI BDAG MED GNYIS KA RTOGS PA DANG, SPANG BYA NYON SGRIB SHES SGRIB GNYIS GA SPANG DGOS PAR 'DOD DO, ,'BRAS BU'I THAD DU, MDO SDE PAS THEG PA GSUM GYI MYANG 'DAS KUN SNGAR BSHAD PA LTAR MED DGAG TU 'DOD LA, SEMS TZAM PAS MYANG 'DAS KUN SGRIB PA CI RIGS PA DANG BRAL BA'I DE BZHIN NYID DU 'DOD, KHYAD PAR DU MDO SDE PAS GZUGS SKU CHOS SKU GNYIS LAS MI 'DOD KYANG, SEMS TZAM PAS SKU GSUM 'DOD PA SOGS KHYAD PAR 'THA' YAS SO, , GSUM PA DBU MA PA LA GSUM LAS, DANG PO LA DBYE NA, THAL RANG GNYIS LAS, DE LA THAL 'GYUR BA KUN GRUB MTHA' MTHUN PAS DBYE BA MED DO, , RANG RGYUD PA RNAMS LA MDO SDE SPYOD PA'I DBU MA PA DANG, RNAL 'BYOR SPYOD PA'I DBU MA PA GNYIS YOD DO, ,DE LTAR 'BYED PA'I RGYU MTSAN YANG, LEGS LDAN 'BYED KYIS KLU SGRUB GYI GZHUNG LA, GZHAN NGOR PHYI ROL GYI DON THA SNYAD TZAM DU KHAS LEN PA RAGS PA PHYI'I DBU MA PA DANG, THA SNYAD DU SHES PA TZAM LAS MA GTOGS PHYI'I DON MED PAR KHAS LEN PA PHRA BA NANG GI DBU MA PA GNYIS YOD CES SO, ,GNYIS PA THAL RANG GI KHYAD PAR NI, GNYIS KA'ANG MTHAR THUG DAM PA'I BDEN PAR SKYEL BA NI MI MTHUN PA CUNG ZAD KYANG MED CING, GNAS SKABS KUN RDZOB BDEN PA'I RNAM GZHAG RIGS PAS DPYAD MA DPYAD SOGS KYIS THAL RANG DU BZHAG GO ,THAL RANG ZHES 'JOG PA'I RGYU MTSAN THA SNYAD DU CHOS SAM SKYE MCHED LA SOGS PAR RANG LUGS KYI DAM BCA' KHAS BLANGS NAS, DE SGRUB BYED KYI RIGS PA RANG LUGS KYI TSAD MAS @012 GRUB PAR 'DOD PA RANG RGYUD PA YIN LA, SKYE MED STONG NYID SOGS GZHAN GYI LOG RTOG LDOG PA'I PHYIR, GZHAN NGO 'BA' ZHIG TU KHAS LEN PA GZHAN GYI LOG RTOG DE RNAMS KYANG PHA ROL PO'I KHAS BLANGS NANG 'GAL GYI THAL 'GYUR DANG, 'JIG RTEN RANG GRAGS KYI RIGS PAS 'GOG PA YIN GYI DBU MA RANG LUGS LA GRUB PA'I RIGS PA CUNG ZAD KYANG MI BRJOD DO, ,RANG LUGS LA KHAS BLANGS GANG YANG MED PA'I PHYIR ZHES PA THAL 'GYUR BA YIN NO, , GSUM PA DBU SEMS GNYIS KYI KHYAD PAR NI, GZHI'I GNAS SKABS SU, SEMS TZAM PAS SEMS BYUNG BDEN PAR 'DOD LA, DBU MA PAS BDEN MED DU 'DOD, SEMS TZAM PAS 'GRO KUN RIGS CAN GSUM DANG MA NGES PA'I RIGS CAN TE, BZHIR 'DOD KYANG DBU MA PAS GNAS SKABS DE LTAR YIN KYANG, MTHAR THUG SANGS RGYAS KYI RIGS CAN DU 'DOD DO, ,LAM GYI GNAS SKABS SU, SEMS TZAM PAS SNGAR BSHAD PA LTAR 'DOD LA, DBU MA RANG RGYUD PA KHA CIG RIGS CAN GSUM GYI SPANG GNYEN SEMS TZAM PA JI LTAR BZHED LA, THAL 'GYUR BA RNAMS NI, SPROS BRAL CHOS KYI BDAG MED TZAM BSGOMS PAS THAR PA THOB MI SRID PAS, RIGS CAN GSUM KAS CHOS KYI BDAG MED SGOM DGOS PAR BZHED, 'BRAS BU'I THEG PA CHE CHUNG GI KHYAD PAR NI, SEMS BSKYED BSNGO BA SMON LAM SOGS KYI SGO NAS 'JOG PAR BZHED DO, ,'BRAS BU'I SKABS SU, SEMS TZAM PA NYAN RANG LA MYANG 'DAS YOD PAR BZHED DO, ,DGRA BCOM PA RNAMS KYANG PHUNG PO LHAG BCAS KYI SKABS SU, @013 THEG CHEN DU SEMS BSKYED NAS, THEG CHEN LA ZHUGS KYANG, PHUNG PO LHAG MED KYI MYANG 'DAS THOB NAS GTAN NAS THEG CHEN DU SEMS BSKYED MI SRID PA'I PHYIR, DBU MA PA, NYAN RANG LA MTHAR THUG GI MYANG 'DAS MED PAR 'DOD DO, ,NYAN RANG DGRA BCOM LHAG MED KYI MYANG 'DAS THOB PA RNAMS KYANG DE BZHIN GSHEGS PA'I 'OD ZER GYIS BSKUL NAS, ZAG MED KYI TING NGE 'DZIN LAS SAD PAR BYAS TE, BYANG CHUB TU SEMS BSKYED NAS, THEG PA CHEN PO'I LAM LA SLOB PAR BSHAD PA'I PHYIR, NYAN RANG GI LHAG MED MYANG 'DAS LA YANG, DBU SEMS GNYIS 'DOD PA MI MTHUN TE, SEMS TZAM PA DAG NYAN RANG DGRA BCOM TSE 'DI'I 'DU BYED DOR NAS, 'DUS BYAS KYI 'JUG PA NYE BAR ZHI BA'I DE BZHIN NYID KYI NGO BOR 'DOD LA, DE NI NGO BO NYID GSUM GYI NGO BO NYID GANG YIN ZHE NA, 'DI LA SEMS TZAM PA DANG, DBU MA PA'I 'DOD LUGS GNYIS LAS, SEMS TZAM PA DAG DPER NA SGYU MA MKHAN GYIS, SNGAGS DANG RDZAS LA SOGS PA'I MTHUS 'JIM DUM LA SOGS PA'I SGYU MA'I 'KHRUL GZHI RNAMS RTA DANG GLANG LA SOGS PAR SNANG BA LTAR, SGYU MA'I 'KHRUL GZHI DANG 'DRA BAR YANG DAG PA MIN PA'I KUN RTOG GZHAN DBANG NYID SGYU MA'I SNGAGS DANG 'DRA BA'I THOG MA MED PA'I BAG CHAGS KYI DBANG GIS SGYU MA'I RTA GLANG DANG 'DRA BA'I GANG ZAG DANG, CHOS KYI BDAG GNYIS SU SNANG BAR 'DOD DO, ,DE KHAMS GSUM GYIS BSDUS PA'I SEMS SEMS BYUNG RNAMS NI RGYU RKYEN GZHAN LAS SKYES SAM, BAG CHAGS KYI DBANG GIS LOG PAR SNANG BAS NA GZHAN DBANG ZHES KYANG BYA, SGOM SPANGS @014 YIN PAS KUN NAS NYON MONGS PA ZHES KYANG BYA, DE KHO NA NYID JI LTAR BA MIN PAR SNANG BAS YANG DAG PA MIN PA'I KUN RTOG ZHES KYANG BYA, GZHAN DBANG GI GZUNG BYA LA ZA BA PO DANG, BYED PA PO LA SOGS PA'I GANG ZAG GI BDAG TU SGRO 'DOGS PA DANG, GZUNG 'DZIN BDEN PA BA CHOS KYI BDAG TU SGRO 'DOGS PA RNAMS NI KUN BRTAGS ZHES BYA'O, ,KUN RDZOB CES KYANG BYA'O, ,JI SNYED PA'I GZHAN DBANG DE SNYED BSHAD MA THAG PA'I GANG ZAG DANG, CHOS KYI BDAG GNYIS GDOD MAS STONG PA'I DE KHO NA NYID NI, GDOD MA NAS GRUB PA'I YONGS GRUB, GNAS SKABS KUN TU MI 'GYUR BAS DE BZHIN NYID, PHYIN CI MA LOGS PAS YANG DAG PA'I MTHA', YE SHES DAM PA'I YUL DU GYUR PAS DON DAM PA, SPROS PA NYE BAR ZHI BAS MTSAN MA MED PA, ZHES BYA'O, ,GZHAN DBANG NI 'PHAGS PA'I RJES THOB DAG PA 'JIG RTEN PA'I YUL YIN PA, KUN BRTAGS NI BYIS PA'I BLO YI SPYOD YUL YIN ZHING, YONGS GRUB NI 'PHAGS PA'I MNYAM GZHAG RNAM PAR MI RTOG PA'I SPYOD YUL YIN, SNGAR BSHAD PA'I STONG NYID DE BZHIN NYID 'GYUR MED YONGS GRUB YIN LA, DE RTOGS PA'I 'PHAGS PA'I YE SHES PHYIN CI MA LOG PA'I YONGS GRUB YIN, DE DAG RAGS PA TZAM SMROS PA'O, ,DBU MA PA'I LUGS LA, PHYI'I GZUNG BAR SNANG BA DANG, NANG 'DZIN PAR SNANG BA GZHAN DBANG, DE LA RTOG PA SGRO 'DOGS PA RNAMS KUN BRTAGS, SNANG BA DE NYID RTOG PAS SGRO 'DOGS PA LTAR SNANG ZHING MA GRUB PA NI YONGS GRUB BO, , DA NI BDEN GNYIS GYI NGO BO GANG ZHE NA, 'DI LA GRUB MTHA' SMRA BA BZHI'I @015 'DOD LUGS BZHI, BYE BRAG SMRA BA DAG NI, 'JOMS BYED THO BA LA SOGS PAS BCOM PA NA, DE'I BLO MI 'JUG PAR BUM PA LA SOGS PA DANG, RDZAS KYI CHOS BLOS SO SOR BSAL NAS DE'I BLO MI 'JUG PA CHU LA SOGS PA KUN RDZOB DANG, BCOM ZHIG GIS BLO MI 'DOR BAR SHES PA RANG DBANG DU SKYED PA, GZUGS SGRA LA SOGS PA DON DAM PAR 'DOD DE, MDZOD LAS, GANG LA BCOM DANG BLO'I GZHAN, ,BSAL NA DE BLO MI 'JUG PA, ,BUM CHU BZHIN TU KUN RDZOB TU, ,YOD DE DON DAM YOD GZHAN NO, ,ZHES BSHAD DO, ,MDO SDE PA DAG NI, DON 'BRAS BU SKYE BAR NUS PA DON DAM PA, BLO NGOR 'BRAS BU SKYED PAR NUS PA LTAR YOD PA KUN RDZOB KYI BDEN PAR 'DOD DE, RNAM 'GREL LAS, DON DAM DON BYED NUS PA GANG, ,DE 'DIR DON DAM YOD PA YIN, ,GZHAN NI KUN RDZOB YOD PA STE, ,DE DAG RANG SPYI'I MTSAN NYID CAN, ,ZHES BZHED DO, ,SEMS TZAM PA DAG NI RNAM PAR MI RTOG PA'I YE SHES KYI SPYOD YUL DON DAM PA DANG, RIGS PAS DPYAD NA RDZAS SU SGRUB PA'I DON DAM GNYIS SU 'DOD DO, ,DANG PO NI, 'GYUR BA MED PA'I YONGS GRUB YIN TE, MNGON PA KUN LAS BTUS SU, RNAM PAR DAG PA 'GYUR BA'I DMIGS PA NI DON DAM PA'O ZHES DANG, CI'I PHYIR DON DAM ZHES BYA ZHE NA, 'PHAGS PA'I YE SHES DON DAM PA'I YUL YIN PA'I PHYIR ZHES BSHAD DO, , GNYIS PA NI, SEMS DANG SEMS BYUNG GIS BSDUS PA'I SHES RIG DON MED YIN TE, YE SHES SNYING PO KUN LAS BTUS SU, GZUNG DANG 'DZIN PA DANG BRAL @016 BA'I, ,RNAM PAR SHES PA DON DAM 'DOD, ,CES GSUNGS SO, ,KUN RDZOB LA'ANG MTHONG BA'I LAM DE KHO NA NYID SGRIB PA'I KUN RDZOB DANG, RIGS PAS DPYAD MI BZOD KYI KUN RDZOB GNYIS SO, ,DANG PO NI, GZHAN DBANG GI NGO BO YANG DAG PA MIN PA'I KUN RTOG GIS BSDUS PA'I SEMS DANG SEMS BYUNG RNAMS YIN TE, KUN LAS BTUS SU, KUN NAS NYON MONG PAR 'GYUR BA'I DMIGS PA NI KUN RDZOB TU YOD PA'O ZHES BSHAD DO, ,DE NAS GZHAN DBANG NI, RIGS PAS DPYAD NA RDZAS SU SGRUB PA'I DON DAM DANG, DE KHO NA NYID MTHONG BA LA SGRIB PAS KUN RDZOB YIN PA STE, RNAM RIG PA'I GZHUNG GIS 'GA' ZHIG TU DON DAM DANG, 'GA' ZHIG TU KUN RDZOB TU BSHAD DO, ,GNYIS PA NI, SNGAR BSHAD PA'I KUN TU BRTAGS PA'I NGO BO NYID DE, SUM CU PAR, RNAM PAR RTOG PA GANG GANG GI, DNGOS PO GANG GANG RNAM DAG PA, ,DE NYID KUN TU BRTAGS PA YI, ,NGO BO NYID DE DE MED DO, ,ZHES GSUNGS SO, , DE LA GZHAN DBANG NI, DON DAM MTSAN NYID PA DANG, KUN RDZOB RNAMS DRANG BA YIN TE, RIGS PAS DPYAD NA BDEN PAR GRUB PA'I PHYIR, THEG BSDUS SU, RNAM GRANGS PA'I KUN RDZOB TU BSHAD PA'I PHYIR RO, ,KUN BRTAGS NI KUN RDZOB MTSAN NYID PA YIN TE RDZAS SU MED CING, THA SNYAD TZAM DU GRUB PA'I PHYIR, DBUS MTHA'I 'GREL BSHAD DU, CI'I PHYIR NGO BO NYID CES BYA ZHE NA, RDZAS SU MED CING THA SNYAD DU YOD PA DE'I PHYIR NGO BO NYID CES BYA'O ZHES BSHAD DO, ,DBU MA PA RNAMS NI, RNAM GRANGS KYI DNGOS PO 'DI RNAMS KYI YIN LUGS 'PHAGS PA'I MNYAM GZHAG YE @017 SHES KYIS MI SLU BAR GZIGS PA GANG YIN PA DE NI DON DAM PA'I BDEN PA DANG, DE DAG LA BYIS PA RNAMS KYI SNGO POR ZHEN PA GANG YIN PA DE NI KUN RDZOB GYI BDEN PAR 'DOD DE, DBU MA 'JUG PAR, DNGOS KUN YANG DAG RDZUN PAR MTHONG BA YI, , DNGOS RNYED NGO BO NYID NI 'DZIN PAR 'GYUR, ,YANG DAG MTHONG YUL GANG YIN DE NYID DE; ;MTHONG BA RDZUN PA KUN RDZOB BDEN PAR GSUNGS, ,ZHES BSHAD DO, ,'PHAGS PA RNAMS KYI MI SLU BAR GZIGS PA'I DON DE YANG JI LTA BU ZHE NA, DE NI SPROS PA'I 'THA' THAMS CAD DANG BRAL BAS GZHAN LA 'DI'O ZHES NGAG GI LAM GYIS BSTAN DU MED LA, BSGOMS PA'I STOBS KYIS SO SO RANG GI RIG PAR BYA BA ZHIG YIN TE MDO LAS, SMRA BSAM BRJOD MED SHES RAB PHA ROL PHYIN ZHES SOGS DANG, KLU SGRUB KYIS GZHAN LAS SHES MIN ZHI BA DANG, ,SPROS PA RNAMS KYIS MA SPROS SHING, , RNAM RTOG MED DON THA DAD MED, ,DE DE KHO NA'I MTSAN NYID DO, ,ZHES DANG, 'PHAGS PA LHAS, YOD MIN MED MIN YOD MED MIN, ,GNYIS KA'I BDAG NYID MIN PA MIN, ,MU BZHI LAS NI RNAM GROL BA, ,DE DE KHO NA'I MTSAN NYID DO, ,ZHES BSHAD DO, , SKYE MED 'GAG MED STONG NYID LA SOGS PA RNAM GRANGS PA'I DON DAM DU 'DOD DE, KUN RDZOB LA YANG, KUN RDZOB BDEN PA DANG, KUN RDZOB TZAM GNYIS SO, , DANG PO NI, GNOD PA MED PA'I DBANG PO DRUG LAS SKYES PA'I SHES PA'I SPYOD YUL TE, DE KHO NA NYID MA MTHONG BAR BYIS PA RNAMS KYIS MI SLU BAR BYED PA'I GZUGS LA SOGS PA'O, ,GNYIS PA NI, DBANG PO GNOD PA CAN LAS SKYES PA'I SHES SPYOD KYI @018 YUL DU GYUR PA'I SGYU MA DANG, GZUGS BRNYAN LA SOGS PA STE, THA SNYAD DU BDEN PAR GRUB PA'O, ,'JUG PA LAS, GTI MUG RANG BZHIN SGRIB PHYIR KUN RDZOB TE, , DE GANG BDEN PAR MTHONG BA'I BCOS MA STE, ,KUN RDZOB BDEN ZHES THUB PA DE GSUNGS TE, ,BCOS MAR GYUR PA'I DNGOS 'DI KUN RDZOB TU, ,ZHES BSHAD DO, , DE LA GNYIS LAS, GO RIM BZHIN DU, YANG DAG PA'I KUN RDZOB DANG, LOG PA'I KUN RDZOB CES BYA'O, ,BDEN PA GNYIS PO 'DI DAG KYANG, THA SNYAD DU SGRA BLO THA DAD PA'I YUL YIN PAS, THA DAD YIN LA DON DAM PAR DE NYID DANG GZHAN GANG DU'ANG BRJOD DU MED DO, ,DGONGS PA NGES 'GREL LAS, 'DU SHES KHAMS DANG DON DAM MTSAN NYID NI, ,GCIG DANG THA DAD BRAL BA'I RANG BZHIN TE, ,GCIG DANG THA DAD NYID DU GANG RTOG PA, ,DE DAG TSUL MIN YID BYED ZHUGS PA YIN, ,ZHES BSHAD DO, , BDEN GNYIS THA SNYAD DU YANG THA DAD MED PAR 'DOD PA MI 'THAD DE, DE GNYIS LA DBYE BA SO SOR BYAR MI RUNG BA'I PHYIR DANG, BDEN PA GNYIS KYI THA SNYAD KYANG MI 'THAD PAR THAL BA'I PHYIR RO, , DA NI GRUB MTHA' PHYI NANG GI KHYAD PAR LA DBYE NA GNYIS LAS, DANG PO PHYI ROL PA LA DBYE NA, BSDUS NA RTAG PAR SMRA BA DANG, CHAG PAR SMRA BA GNYIS SU 'DU LA, RGYAS PAR PHYE NA TSAD MED CING CUNG ZAD PHYE NA RTOG GE SDE LNGA STE GRANGS CAN PA, RIG BYED PA, ZAD BYED PA, RGYAL BA PA, TSU ROL MDZES PA BA RNAMS SO, ,DANG PO BZHI RTAG PAR SMRA BA YIN LA, PHYI MA NI CHAD PAR SMRA BA YIN NO, ,DE RNAMS KYI NANG GSES @019 GYI KHYAD PAR NI MTHA' YAS SHING, RTAG PAR SMRA BA DANG CHAD PAR SMRA BA'I KHYAD PAR NI, KUN KYANG BDAG YOD 'DOD PAR MTSUNGS KYANG RTAG PA'I BDAG NYID SKYE BA SNGA PHYI DU MAR BRGYUD PA DES LAS MYONG BAR 'DOD PAS RTAG PA SMRA BA YIN LA, 'BYUNG BA LAS GLO BUR DU BDAG SKYE ZHING DE JI SRID 'TSO'I BAR DU BDAG RTAG LA, SHI BA'I TSE RGYUN CHAD NAS, SKYE BA MI LEN PAR 'DOD PAS CHAD PAR SMRA BA YIN, PHYI NANG GI KHYAD PAR GANG GIS 'BYED NA, 'DI LA GSUM TE, LTA SPYOD GNYIS KAS PHYE BA'I PHYI NANG, LTA BA KHO NAS PHYE BA'I PHYI NANG, THABS LAM GYIS PHYE BA'I PHYI NANG, DANG PO LA YANG GANG ZAG PHYI NANG, GRUB MTHA' PHYI NANG GNYIS YIN LA, GANG ZAG PHYI NANG GI KHYAD PAR NI, DKON MCHOG GSUM LA SKYABS SU 'GRO BA'I GANG ZAG NI NANG PA ZHES BYA BA, KHYAB 'JUG DANG TSANGS PA LA SOGS PA LHA RNAMS LA SKYABS SU 'GRO BA'I GANG ZAG NI PHYI PA YIN NO, , DE BAS GANG ZAG PHYI NANG GI KHYAD PAR NI, SKYABS 'GRO LA SOGS PAS 'BYED KYI, LTA BAS 'BYED PA MIN TE, LTA BA MA SHES PA'I PHYI NANG GI GANG ZAG DU MA YOD PA'I PHYIR, GRUB MTHA' PHYI NANG GI KHYAD PAR NI, GTZO BO LTA BAS 'BYED DE, GZHUNG GANG LAS RTAG PA'AM CHAD PA'I MTHA' GNYIS GANG RUNG LDAN PAR BSTAN CING DE NYID LA SKYON DU MI LTA BA NI PHYI PA'I GRUB MTHA' YIN TE DE'I DGONGS PA RTAG CHAD SPANGS PA DBU MA'I LAM LAS, PHYI ROL TU GYUR PA'I PHYIR RO, ,GZHUNG GANG LAS RTAG PA DANG CHAD PA'I MTHA' GNYIS SPANGS SHING, DBU MA'I LAM STON PAR 'DOD @020 PA 'DI NI, NANG PA'I GRUB MTHA' YIN NO, ,DE'I PHYIR, GRUB MTHA' SMRA BA BZHI PO KUN KYANG, RANG RANG GI GRUB MTHA' DBU MAR RLOM TE, SANGS RGYAS KYI RTAG CHAD SPANGS PA DBU MA'I LAM BSTAN CING, DE'I RJES SU 'JUG PAR 'DOD PA'I PHYIR, DE LA GRUB MTHA' SMRA BA BZHI PO RE RE LA YANG RTAG CHAD SPANG LUGS MI 'DRA BA RE RE YOD DE, BYE BRAG TU SMRA BA DAG 'DU BYED RNAMS NI SKAD CIG GIS 'JIG PAS RTAG PA'I MTHA' SPANGS LA, RGYUN MA CHAD PAR 'JUG PAS CHAD PA'I MTHA' SPANGS SO, , MDO SDE PA DAG DNGOS PO RNAMS KYI RANG GI NGO BO 'GAG PAS RTAG PA'I MTHA' LAS GROL LA, RANG DANG RJES SU MTHUN PA'I 'BRAS BU 'BYIN PAS, CHAD MTHA' LAS GROL BA ZHES BYA'O, ,SEMS TZAM PA DAG KUN BRTAGS RANG BZHIN MED PAS RTAG PA'I MTHA' SPANGS LA, GZHAN DBANG BDEN PAR GRUB PAS CHAD PA'I MTHA' SPANGS SO; ;ZHES SMRAS SO, ,DBU MA DAG KUN RDZOB JI LTAR SNANG BA LTAR SKUR PAR MI 'DEBS PAS CHAD PA'I MTHA' LAS GROL LA, DE NYID YIN LUGS DON DAM SPROS PA'I MTHA' THAMS CAD DANG BRAL BAS RTAG PA'I MTHA' LAS GROL TE DE NI GZHI DBU MA YIN NO, , SHES RAB KYIS CHOS GANG LA YANG MTSAN MAR MI 'DZIN PAS, RTAG PA'I MTHA' LAS GROL LA, SNYING RJES GZHAN DON DU TSOGS RGYA CHEN PO SOGS PAS CHAD PA'I MTHA' LAS GROL BA DE NI LAM DBU MA YIN NO, ,SPROS PA'I MTSAN MA THAMS CAD NYE BAR ZHI BA'I CHOS KYI SKU BRNYES PAS RTAG PA'I MTHA' LAS GROL LA, GZUGS KYI SKUS GDUL BYA MCHOG DMAN GYI DON 'KHOR BA JI SRID MA STONGS KYI BAR DU BYED PAS @021 CHAD PA'I MTHA' LAS GROL TE, DE NI 'BRAS BU DBU MA YIN NO, ,DE LTAR NA, DANG PO GSUM DBU MA LTAR SNANG BA YIN LA, PHYI MA NI DBU MA MTSAN NYID PA YIN NO, , LTA BA KHO NAS PHYE BA'I PHYI PA NI, NYAN THOS SDE GNYIS DANG, SEMS TZAM PA YIN TE, DE DAG NI DNGOS PO BDEN PA BA KHAS BLANGS PAS, YIN LUGS LA RTAG CHAD KYI MTHAR LHUNG BAR 'GYUR TE, 'PHAGS PA KLU SGRUB KYIS, DE LA DNGOS POR KHAS LEN YOD NA NI, ,DE LA CHAGS SOGS 'JIGS 'BYUNG CES PA DANG, GAL TE RANG BZHIN GYIS YOD NA, ,DE NI MED PA MIN PAS RTAG ,SNGON BYUNG DA LTAR MED CES PA, ,DE NI CHAD PAR THAL BAR 'GYUR, ,ZHES GSUNGS SO, ,DES NA DE DAG KYANG SANGS RGYAS KYI DGONGS PA JI LTA BA BZHIN MA RTOGS PA'I PHYIR, LTA BAS PHYE BA'I PHYI PA ZHES BYA'O, ,DBU MA PA NI, DE BZHIN GSHEGS PA'I DGONGS PA RTAG CHAD SPANGS TE DBU MA'I LAM JI LTA BA BZHIN RTOGS PA'I PHYIR, LTA BAS PHYE BA'I NANG PA ZHES BYA'O, ,THABS LAM GYIS PHYE BA'I PHYI PA NI, PHA ROL TU PHYIN PA'I THEG PA YIN TE, NANG NI RDO RJE THEG PA BA RNAMS SO, ,ZHES GSUNGS SO, ,YANG NA BU STON RIN PO CHE NI, BKA' DANG PO NYAN THOS KYI THEG PA KHO NA LA GSUNGS PAS, DRANG DON KHO NA YIN LA, BAR PA NI BYANG CHUB SEMS DPA' KHO NA LA GSUNGS PAS, NGES DON KHO NA YIN TE, THA MA NI THEG PA SNA TSOGS LA ZHUGS PA'I 'KHOR LA GSUNGS PAS, DRANG NGES CI RIGS PA YOD, KHYAD PAR DU BDE BAR GSHEGS PA'I SNYING PO SEMS CAN THAMS CAD LA YOD PAR STON PA'I MDO DRANG BA'I DON YIN, DGONGS @022 GZHI RNAM SHES DE LA YOD PA'I ZAG MED SOGS LA DGONGS, DPE MAR GYI RGYU ZHO'AM, 'O MA YOD PA LA MAR YOD CES SMRAS KYANG, RDZUN DU MI 'GYUR BA BZHIN NO, ,DE NA BDE BAR GSHEGS PA'I SANGS RGYAS KHO NA LA YOD, SEMS CAN LA BRTEN NAS MED CES GSUNGS SO, ,CHOS RJE SA SKYA PAn CHEN YANG, DE LTA BU'I BDE GSHEGS SNYING PO GSUNGS PA YANG DRANG DON YIN, DGONGS GZHI SEMS CAN GYI CHOS NYID SPROS BRAL LA DGONGS PA, SEMS ZHUM SEMS CAN DMAN LA SNYAD PA DANG, ,CES RGYUD BLA MA NAS GSUNGS PA'I NYES PA LNGA SPONG BA'I DON DU YIN LA, DNGOS LA GNOD BYED DE 'DRA'I BDE GSHEGS SNYING PO YOD NA, BCING 'GYUR GYI GZHIR 'GYUR BA'I BDAG KHAS LEN PA'I MU STEGS RNAMS DANG KHYAD PAR MED PAR 'GYUR RO, ,ZHES GSUNG PA GDA'O, ,ZHES PA 'DI NI SH'AKYA'I DGE SLONG GZHON DU BLO GROS KYIS BLO DMAN PA RNAMS LA PHAN PAR BYA BA'I PHYIR DANG, RGYAL BA'I BSTAN PA LA PHAN PA RGYA CHEN PO 'BYUNG BA'I PHYIR DU SBYAR BA'O, ,DGE'O, ,