@004 *, ,STON PA LA SPRING YIG BZHUGS, BCOM LDAN 'DAS GSUNG GI DBANG PHYUG LA PHYAG 'TSAL LO, ,NYI MA'I GNYEN GYI RIGS 'KHRUNGS SHING, ,SMRA BA'I DAM PA MCHOG GI GTZO, ,GO'U TA MA ZHES GRAGS PA'I, ,STON PA DE LA 'DI SKAD GLENG, ,'DI NA LA LA KHYOD KYI SKU, ,RTAG SOGS YON TAN LDAN PAR SMRA, ,YOD MED 'DAS PAR SMRA BA KHYED, ,RTAG CHAD SPANGS PAR BDAG GIS KHUMS, ,'DI NA LA LA KHYOD KYI GSUNG, ,SNA TSOGS DON DANG LDAN PAR SMRA, , BRJOD MED GSUNG BA KHYED KYI BKA', ,BRAG CHA 'DRA BAR BDAG GIS KHUMS, , 'DI NA LA LA KHYOD KYI THUGS, ,SHES BYA'I DNGOS KUN GSAL BAR SMRA, ,SPROS PA NYIR ZHI KHYED KYI THUGS, ,NAM MKHA' 'DRA BAR BDAG GIS KHUMS, KHYED KYI SKU DANG SGYU MA'I MI, ,SGYU MA'I MI LA SKYE 'CHI MED, ,SKYE 'CHI MED LA RTAG CHAD GANG, ,SKYE BO RMONGS PA RTAG CHAD 'TSOL, KHYED KYI GSUNG DANG BRAG CHA'I SGRA, ,BRAG CHA'I SGRA LA BRJOD 'DOD MED, ,BRJOD 'DOD MED LA BRJOD BYA GANG, ,SKYE BO RMONGS PA BRJOD @005 BYA 'TSOL, KHYED KYI THUGS DANG NAM MKHA'I DBYINGS, ,NAM MKHA'I DBYINGS LA RNAM RTOG MED, ,RNAM RTOG MED LA SHES BYA GANG, ,SKYI BO RMONGS PA SHES BYA 'TSOL, ,KLU SGRUB DANG NI THOGS MED GNYIS, KHYED BSTAN 'DZIN PAR KHYED KYIS GSUNGS, , DE DAG GZHUNG GI RJES 'BRANGS NAS, ,BDAG GIS KHYED KYI DGONGS PA BTZAL, ,'DI NA LA LA KHYED KYI BKA', ,RANG BZO'I ZU LUM SNA TSOGS KYI, ,LOG PAR BKRAL BAS ZHEN LTA YI, KHYED BSTAN DRI MA CAN DU BYAS, KHYED KYI BSTAN LA MI PHYOGS PA'I, ,'JIG RTEN GRANGS CAN 'UG PHRUG DANG, ,GOS MED CAN SOGS KHYED GSUNG DANG, ,'GAL BA SMRA LA MTSAR CI YOD, KHYED LA STON PAR KHAS CHE ZHING, , NYID KYI BRTUL ZHUGS 'DZIN BZHIN DU, KHYED GSUNG LOG PAR SGRUB PA YI, ,SKYE BO RMONGS PA 'DI KO CI, ,LTA BA'I GNAD KUN BSAL BA'I PHYIR, KHYED KYIS STONG NYID BDUD RTZI BSTAN, ,STONG LA BDEN PAR ZHEN PA GANG, ,RNAM GRANGS DU MAR KHYED KYIS SMAD, ,KUN RDZOB BDEN PA SPANGS PA YI, ,STONG MED 'GYUR MED GRUB BO ZHES, , THUB CHOD CAN GYI SKYE BO SMRA, ,DE LA THUB PA JI LTAR DGONGS, ,'KHOR BA SPANGS PAR GYUR PA YI, ,MYA NGAN 'DAS PA KHYED MI BZHED, KHYED KYIS 'KHOR 'DAS CHOS RNAMS KUN, ,SGYU MA LTA BU RDZUN PAR GSUNGS, ,CHOS DBYINGS NAM MKHA'I DKYIL LTA BU, , RTAG TU BDEN PA YOD CES GRAG ,KHYED KYIS LANG DKAR GSHEGS MDO LAS, , STOBS SOGS YON TAN LDAN PA YI, ,BDE GSHEGS SNYING PO DRANG DON DU, ,GSAL BAR GSUNG PAR BDAG GIS KHUMS, KHYED KYIS LDEM POR DGONGS PA LA, ,JI @006 BZHIN SGRA RU MNGON ZHEN NAS, ,BDE GSHEGS SNYING PA'I ZOL GYIS NI, ,BDAG SMRA'I BSTAN PA RGYAS PAR BYED, ,RTAG CHAD SPANG PA DBU MA'I LAM, KHYED KYIS RNAM GRANGS DU MAR BSNGAGS, ,RTAG DANG CHAD PAR SMRA BA RNAMS, ,MGON PO KHYED KYIS SMAD PAR MDZAD, ,'DI NA ZHEN LTA'I DRI CAN RNAMS, ,DBU MAR SMRA BA SMOD BYED CING, , GTZANG BDAG BDE DANG RTAG PA SOGS, ,PHYIN CI LOG TU SMRA LA BSNGAGS, KHYED KYIS CHAGS SOGS NYON MONGS RNAMS, ,PHYIN CI LOG LAS SKYE BAR GSUNGS, ,'DI NA RTAG SOGS PHYIN CI LOG ,NYON MONGS SPONGS BA'I LAM DU SMRA, ,DNGOS RNAMS CHU NANG ZLA BA BZHIN, ,RANG RANG NGO BOS STONG PA'I PHYIR, ,PHAN TSUN GCIG LA GCIG MED PA'I, ,NYI TSE'I STONG NYID KHYED KYIS BKAG ,RANG RANG NGO BOS STONG PA NYID, , CHAD STONG YIN ZHES SMOD BYED CING, ,GZHAN GYI NGO BOS STONG PA YI, ,NYI TSE'I STONG NYID MCHOG YIN LO, , GAL TE KHYED NI KUN MKHYEN NA, ,DE SKAD SMRA RNAMS LOG PAR NGES, ,YANG NA KHYED NYID BYIS PA'AM, ,GZHAN DAG KUN MKHYEN YIN LAGS GRANG, ,GAL TE KHYED KYIS BDEN SMRAS NA, ,SKAL NGAN DE DAG BDUD KYIS BSLUS, ,DE DAG YANG DAG LAM ZHUGS NA, KHYED KYIS 'JIG RTEN BSLUS SAM CI, KHYED KYIS JI LTAR GSUNGS BZHIN SMRAS NA SKYE BO PHAL CHER BDAG LA GSHE, ,GZHAN DANG RJES SU MTHUN PAR SMRAS NA KHO BO G-YANG SAR LHUNG DU DOGS, ,DE LTAR BDAG DANG GZHAN GYI PHYOGS LA GZU BOR GNAS PA'I DPANG PO GZHAN, ,MA RNYED PHYIR NA BDEN YUS 'DI NI STON @007 PA'I SNYAN DU BSRINGS PA YIN, ,STON PA'I SPRING YIG 'DI, MANG DU THOS PA'I SH'AKYA'I DGE SLONG RED MDA' BA GZHON NU BLO GROS KYIS MDOG LHOD KYI CHOS GRVAR SBYAR BA'O, ,DGE'O,, ,,