@001 *, ,RGYAN DRUG MCHOG GNYIS KYI BSTOD PA MKHA' MNYAM MA BZHUGS SO, , MKHA' MNYAM 'GRO LA MKHYEN BRTZES RAB DGONGS NAS, ,GRANGS MED GSUM DU TSOGS GNYIS RAB RDZOGS ZHING, ,STONG GSUM MI MJED ZHING GI DPAL GYUR PA, ,'DREN MTSOG SH'AKYA'I TOG LA PHYAG 'TSAL LO, ,SHES RAB CHEN POS DE NYID LEGS RTOGS NAS, ,BRTZON PA CHEN POS GO 'PHANG MCHOG BRNYES PA, ,BSTAN PA 'DI LA STON PA GNYIS PAR GRAGS, ,'PHAGS MCHOG KLU SGRUB ZHABS LA PHYAG 'TSAL LO, ,DE SRAS THU BO DGE LEGS DPAL YON CAN, ,LOG SMRA TSAR GCOD SKAL LDAN RJES SU 'DZIN, ,THAR 'DOD RNAMS LA THAR PA'I LAM STON PA'I, ,A'ARYA DE BA'I ZHABS LA PHYAG 'TSAL LO, ,MKHYEN PA'I DKYIL 'KHOR LEGS BSHAD 'OD STONG CAN, ,RAB 'BYAMS SHES BYA'I MKHA' LA RAB 'PHAGS NAS, ,BDE GSHEGS GSUNG RAB NYIN MOR BYED PA'I DPAL, ,'PHAGS PA THOGS MED ZHABS LA PHYAG @002 'TSAL LO, ,DGU BCU GO DGU 'BUM SDE'I GZHUNG LUGS KYIS, ,GANG GI BLO GROS MGUL BAR RAB BRGYAN TE, ,'DZAM GLING 'DI NA KUN MKHYEN GNYIS PAR GRAGS, , MKHAS MCHOG DBYIG GNYEN ZHABS LA PHYAG 'TSAL LO, ,PHUL DU BYUNG BA'I BLO GROS STOBS KYIS RTZEN, ,RMAD DU BYUNG BA'I YON TAN KHUR GYIS BRJID, ,LOG SMRA 'DAM DU'I TSAL RNAMS 'JOMS MDZAD PA'I, ,PHYOGS KYI GLANG PO'I ZHABS LA PHYAG 'TSAL LO; ;CHOS KYIS RIGS PAS CHOS MIN PHAM MDZAD CING, ,GRAGS PA'I SGRA CHEN 'JIG RTEN GSUM NA GRAGS, ,SMRA NGAN MUN 'JOMS SMRA BA'I NYI MA MCHOG ,CHOS KYI GRAGS PA'I ZHABS LA PHYAG 'TSAL LO, ,TSUL KHRIMS RGYA MTSO'I DBUS NA GNAS BCAS SHING, ,'BUM PHRAG 'DUL BA'I GZHUNG GI DENGS KAS BRJID, ,RNAM GROL THAR PA'I NOR BU GTZUG NA 'DZIN, ,MCHOG GNYIS KLU YI DBANG PO LA PHYAG 'TSAL, ,THUB PA'I BSTAN LA SHING RTA'I SROL BTOD NAS, ,SKYE RGU RNAMS LA LEGS PA'I LAM STON PA'I, ,'DZAM GLING MDZES BYED RGYAN DRUG MCHOG GNYIS LA, ,RTAG TU GUS PA'I YID KYIS PHYAG 'TSAL LO, ,PHAN BDE 'BYUNG GNAS BSLAB GSUM RGYAN GYIS SPRAS, ,BKA' DANG BSTAN BCOS SGRA BSGYUR GTAN LA PHABS, ,SANGS RGYAS BSTAN PA PHYOGS BCUR RGYAS MDZAD PA'I, ,MKHAS GRUB LO PAn RNAMS LA PHYAG 'TSAL LO, (,CES PA 'DI YANG GZHON NU BLO GROS KYIS SMRAS PA'O, ,)