@001 *, ,DPAL GSANG BA 'DUS PA'I 'GREL PA SGRON MA GSAL BA DANG BCAS PA'I BSHAD SBYAR YID KYI MUN SEL ZHES BYA BA'I LEGS BSHAD RGYA MTSO'I TSOGS BZHUGS SO, , DPAL RDO RJE SEMS DPA' LA PHYAG 'TSAL LO, ,GANG GI RANG BZHIN CHAGS SDANG RNAM BRAL YANG, KHRO CHAGS GAR GYI ROL PAS 'GRO BA 'DUL, ,THABS DANG SHES RAB GNYIS MED SGYU MA'I TSUL, ,HE RU KA DPAL DE YIS SKYONG GYUR CIG, MTHA' DRUG TSUL BZHI'I RBA RLABS G-YO BA'I PHRENG BA CAN, ,ZAB CING RGYA CHE DPAL LDAN 'DUS PA'I RGYA MTSO LAS, ,RIM GNYIS GNAD KYI BDUD RTZI'I THIGS PA RAB BLANGS NAS, ,SKYE RGU'I RGUD PA SEL MDZAD DPAL MGON KLU SGRUB RGYAL, ,DGE LEGS YON TAN RI MO MTSAN MAS LEGS BKRA ZHING, ,RTAG CHAD MTHAR LTA'I MUN PA STUG PO RNAM BSAL NAS, ,MKHAS MANG RGYU SKAR BYE BA'I DBUS NA LHAM ME BA, ,RTZOD DUS @002 MTSAN MO'I DBANG PHYUG DPAL LDAN ZLA BAR 'DUD, ,RANG NYID ZAB MO'I DON LA GOMS PHYIR DANG, ,BLO DMAN GZHAN LA'ANG PHAN PAR 'GYUR BSAMS NAS, , 'DUS PA'I TSIG DON GSAL BYED SGRON MA LTA'I, ,BSHAD SBYAR YID KYI MUN SEL BDAG GIS BYA, ,'DIR BDE BAR GSHEGS PAS GDUL BYA RNAMS SRID PA'I BSDUG SNGAL LAS BSGRAL TE, THAR PA BLA NA MED PA'I BDE BA LA 'GOD PAR BZHED PAS, THOG MAR DGA' LDAN NAS BABS TE, 'DZAM BU'I GLING DU LHUMS SU 'JUG PA LA SOGS PA BYANG CHUB SEMS DPA'I MDZAD PA RNAMS BSTAN NAS, KHYIM NAS KHYIM MED PAR RAB TU BYUNG STE, RDO RJE'I GDAN GYI SPO LA MNGON PAR RDZOGS PAR SANGS RGYAS NAS, 'DOD CHAGS DANG BRAL BA'I GZUGS KYIS, CHAGS BRAL GYI LAM GYIS 'DUL BA'I GDUL BYA DMAN PA, ZAB PA DANG RGYA CHE BA'I TSUL LA MOS PA RNAMS LA BDEN PA BZHI DANG, MTSAN NYID MED PA DANG DON DAM RNAM PAR NGES PA'I CHOS KYI 'KHOR LO BLA NA MED PA RIM PA GSUM DU BSKOR TE, THEG PA CHE CHUNG GI LAM DANG 'BRAS BU LA 'GOD PAR MDZAD DO, , DE NAS YANG, SNYIGS MA'I DUS KYI SEMS CAN NYON MONGS PA'I 'JUG PA SHAS CHE BA DANG, 'DOD YON SPANG MI NUS PA RNAMS, CHAGS BRAL GYI LAM GYIS 'DUL MI NUS PAR GZIGS NAS, 'DOD CHAGS DANG BRAL BA'I GZUGS SPANGS TE, 'KHOR LOS BSGYUR PA'I CHA BYAD DU SPRUL NAS, AU RGYAN LA SOGS PA'I YUL GZHAN DU YE SHES KYI RANG SNANG LAS GRUB PA'I GZHAL YAS KHANG DU, SPRUL PA DANG DAG @003 PA'I 'KHOR RNAMS LA, GSAL BYED SUM CU RTZA BZHI'I MTHA' CAN GYI RGYUD SDE STONG PHRAG SUM CU RTZA BZHI GSUNGS NAS, CHAGS PA BZHI'I GNYEN POR, RGYUD SDE BZHI'I RANG BZHIN GYI RDO RJE THEG PA'I CHOS KYI 'KHOR LO BSKOR TE, MDO SDE DANG RGYUD SDE DAG GI YANG RTZA BA'AM SNYING PO LTA BU NI DPAL GSANG BA 'DUS PA YIN TE, JI SKAD DU, JI SRID, YA RA LA WA HA'I BAR DANG, ,KA KHA GHA MTHA' nA DZ'A'I MTHA', ,DA DHA'I MTHA' DANG MA MTHA' BCAS, ,DE DE'I RTZA BA YI GE GSUM, ,THUB PA CHEN POS CHOS PHUNG PO, , BRGYAD KHRI BZHI STONG GSUNGS PA YI, ,DPAL LDAN 'DUS 'DI SNOD YIN TE, ,ZHES GSUNGS PA'I PHYIR RO, , DES NA DPAL GSANG BA 'DUS PA RTZA BA'I RGYUD LE'U BCU BDUN PA BSHAD RGYUD BZHI'AM BRGYAD KYIS DGONGS PA BKRAL PA, 'GREL CHEN SGRON MA GSAL BA DANG BCAS PA NI, 'DIR GANG BSHAD PAR BYA BA'I CHOS YIN NO, ,'DI NI BSDUS PA'I DON GSUM GYIS RIG PAR BYA STE, BSHAD PA LA 'JUG PA'I YAN LAG 'JUG BYA RGYUD KYI DON, BYA BA MTHAR PHYIN PA'I YAN LAG GO ,DANG PO LA BZHI, MCHOD PAR BRJOD CING RTZOM PAR DAM BCA' BA, RGYUD KYI BRJOD BYA RIM PA LNGAR BSDU BA, RJOD BYED RGYUD KYI CHE BA BSTAN PA, MDZES BYED RGYUD KYI RGYAN BDUN BSHAD PA'O, ,DANG PO NI, DPAL LDAN RGYUD RGYAL RNAL 'BYOR RGYUD KYIS SHIN TU GSAL BAR RNAM PHYE LEGS BSHAD PA'I, ,MTHA' DRUG GI NI 'CHING BAS BCINGS PAS RGYAL SRAS YUL GYUR RGYAL BA'I 'DUS GANG YIN, ,SANGS RGYAS KUN GYIS RIM GNYIS GNAS KYIS RGYAS @004 BTAB DE NI KLU SGRUB LAS RNYED PA, KHYAB BDAG DPAL LDAN RDO RJE SEMS DPAR BTUD DE ZLA BA GRAGS PAS RIM BZHIN BSHAD, ,CES GSUNGS TE, 'DI LA DGOS DON, BSDUS DON, TSIG GI DON GSUM GYI, DANG PO LA YANG, MCHOD PAR BRJOD PA DANG, BSHAD PAR DAM BCA' BA'I DGOS DON GNYIS KYI, DANG PO NI, 'GREL PA RTZOM PA'I THOG MAR, YUL DAM PA LA MCHOD PA BRJOD PAS BSOD NAMS 'PHEL TE, BSOD NAMS MA YIN PA BZLOG PAS, PHYI NANG GI BAR CHAD NYE BAR ZHI NAS, RTZOM PA'I BYA BA MTHAR PHYIN PAR 'GYUR BA DANG, DAM PA RNAMS NI BYA BA LA 'JUG PA'I THOG MAR 'DOD PA'I LHA LA PHYAG BYED CING, SLOB DPON YANG 'GREL PA RTZOM PA'I THOG MAR YUL DAM PA LA PHYAG BYED PA LAGS NA, RANG NYID DAM PAR SHES NAS, RANG GI 'GREL PA LA GZHAN GUS PAS 'JUG PAR 'GYUR BA NI, MCHOD PA BRJOD PA'I DGOS PA YIN NO, , GNYIS PA BRTZAM PAR DAM BCA' BA'I DGOS PA NI, DAM PA RNAMS NI SROG LA BAB KYANG DAM BCAS PA'I KHUR MI 'DOR BAS, RTZOM PA MTHAR PHYIN PAR 'GYUR BA YIN NO, ,GNYIS PA BSDUS PA'I DON NI, BSHAD PAR DAM BCA' BA DANG, MCHOD PA BRJOD PA GNYIS KYI DANG PO LA YANG, GANG BSHAD, TSUL JI LTAR BSHAD, GANG GIS BSHAD PA GSUM GYI DANG PO NI, DPAL LDAN RGYUD RGYAL RGYAL BA'I 'DUS GANG YIN PA DE BSHAD, ,CES PA'O, ,RGYUD DE JI LTA BU ZHIG CE NA, KHYAD PAR GSUM DANG LDAN PA ZHIG STE, 'CHAD BYED KYI KHYAD PAR BSHAD RGYUD BZHIS BKRAL BA, RJOD @005 BYED KYI KHYAD PAR MTHA' DRUG GIS BCINGS PA, BRJOD BYA'I KHYAD PAR RIM GNYIS KYIS RGYAS BTAB PA'O, ,DANG PO NI, RNAL 'BYOR RGYUD KYIS SHIN TU GSAL RNAM PHYE LEGS BSHAD PA'I, ,ZHES SO, ,GNYIS PA NI, MTHA' DRUG GIS NI 'CHING BA'I BCINGS PA RGYAL SRAS YUL GYUR, ,CES SO, ,GSUM PA NI, SANGS RGYAS KUN GYIS RIM GNYIS GNAS KYIS RGYAS BTAB, ,CES SO, ,TSUL JI LTAR 'CHAD PA NI, KLU SGRUB LAS RNYED CES DANG, RIM BZHIN ZHES SO, ,GANG GIS 'CHAD PA NI, ZLA BA GRAGS PAS ZHES SO, ,GNYIS PA MCHOD PA BRJOD PA NI, KHYAB BDAG DPAL LDAN RDO RJE SEMS DPAR BTUS TE, ,ZHES PA'O, , GSUM PA TSIG GI DON NI, BSHAD CES DRANGS, GANG NA, DPAL LDAN RGYUD RGYAL LO, ,TSOGS GNYIS KYI DPAL DANG LDAN PAS NA DPAL LDAN NI RDO RJE 'CHANG YIN LA, DE STON PAR BYED PA'I RGYUD LA YANG DPAL LDAN ZHES BYA'O, ,RGYUD NI GNYIS TE, BRJOD BYA DON GYI RGYUD DANG, RJOD BYED SGRA'I RGYUD DO, ,DANG PO LA YANG GSUM TE, RGYU'I RGYUD, THABS KYI RGYUD, 'BRAS BU'I RGYUD DO, ,DANG PO NI, SEMS CAN GYI RGYUD LA YOD PA'I BYANG CHUB KYI SEMS KUN TU BZANG PO RANG BZHIN GYIS RNAM PAR DAG PA GZUNG 'DZIN GNYIS SU MED CING MYONG RIG GSAL TZAM GLO BUR GYI DRI MA DANG BCAS PA STE, DE NI RGYU'ANG YIN LA, RGYUD KYANG YIN PAS NA RGYU'I RGYUD CES BYA'O, ,CI'I PHYIR RGYU YIN ZHE NA, DE NYID NYON MONGS DANG RNAM RTOG GIS RKYEN BYAS PA LAS NI, 'KHOR BA'I RGYU BYED LA, LAM GYI RKYEN GYIS SBYANGS PA LAS MYA NGAN @006 LAS 'DAS PA'I RGYU BYED PA'I PHYIR RO, ,CI'I PHYIR RGYUD CES BYA ZHE NA, DE NYID 'KHOR BA THOG MA DANG THA MA MED PAR, RIG PA SNGA MA LA BRTEN NAS PHYI MA 'BYUNG BA'I PHYIR RO, , GNYIS PA THABS KYI RGYUD NI, RGYU'I RGYUD DE GLO BUR GYI DRI MA DANG BRAL BAR BYED PA'I THABS, SMIN BYED DANG GROL BYED KYI LAM STE DE NI THABS KYANG YIN LA RGYUD KYANG YIN PAS NA THABS KYI RGYUD DO, ,CI'I PHYIR THABS YIN ZHE NA, PHA ROL TU PHYIN PA'I THEG PA LAS LAM NYE BA DANG, LAM BDE BA DANG, 'BRAS BU PHUL DU BYUNG BA SGRUB PAS NA THABS ZHES BYA STE, DE YANG 'DI LTAR PHA ROL TU PHYIN PA'I THEG PAS BSKAL BA GRANGS MED PA GSUM GYIS SANGS RGYAS 'GRUB PA STE, 'DIR RDO RJE'I RIGS SU NGES PA BRTZON 'GRUS CAN MTHONG BA'I CHOS DANG, LE LO CAN BAR MA DOR PHYAG RGYA CHEN PO'I DNGOS GRUB THOB PA'I PHYIR RO, ,LAM BDE BA YANG YIN TE, SBYANGS PA'I YON TAN BCU GNYIS LA SOGS PA DKA' THUB DKA' SPYAD LA LTOS PA MED PAR RANG BZHIN YONGS SU SHES PA'I TSUL GYIS 'DOD YON LNGA LA CI BDER LONGS SPYOD PA'I PHYIR RO, ,'BRAS BU PHUL DU BYUNG BA SGRUB PA YANG YIN TE, SKU GSUM YE SHES LNGA LHA DANG MI LAS 'DAS PA'I 'DOD YON LA LONGS SPYOD PA'I ZAG MED KYI BDE BAS KHYAD PAR DU BYAS PA'I 'BRAS BU SGRUB PA'I PHYIR RO, ,CI'I PHYIR RGYUD CES BYA ZHE NA, LAS DANG PO PA'I SA NAS BZUNG STE ZUNG 'JUG MTHAR PHYIN GYI BAR DU LAM SNGA MA LA BRTEN NAS PHYI MA BAR MA CHAD DU 'BYUNG BA'I PHYIR RO, ,SKU GSUM YE SHES LNGA ZAG MED KYI BDE BAS KHYAD PAR DU BYAS PA NI 'BRAS BU'I RGYUD DE, THABS RGYUD KYI DRI MA @007 SBYANGS PA LAS BYUNG BA'I PHYIR 'BRAS BU YANG YIN LA, CHOS SKU LAS LONGS SKU DANG, DE LAS SPRUL SKU DANG, DE LAS GDUL BYA'I SKAL BA DANG 'TSAM PA'I PHRIN LAS, JI SRID 'KHOR BA MA STONG KYI BAR DU 'BYUNG BA'I PHYIR RGYUD KYANG YIN NO, , DE LTA BU'I BRJOD BYA DON GYI RGYUD GSUM PO DE STON PAR BYED PA'I GZHUNG GI TSOGS NI, RJOD BYED SGRA'I RGYUD CES BYA LA, DE NYID NI RGYAL PO DANG DON RGYUD LAS 'DRA BAS NA RGYAL PO ZHES BYA STE, 'DI LTAR RGYAL PO LA CHOS GSUM STE, RANG GI DPUNG RGYAL BAR BYED CING GZHAN GYI DPUNG PHAM PA BYED PA DANG, BTZUN MO DANG 'KHOR GYI DBUS NA BSOD NAMS KYI STOBS KYIS MDZES SHING 'BAR BA DANG, SKYE BO THAMS CAD KYIS BRTEN PAR GYUR CING 'JIG RTEN NA GRAGS PA CHEN PO DANG LDAN PA YIN NO, ,DE BZHIN DU RGYUD 'DI'ANG SMIN GROL GNYIS KYI LAM DANG SPYOD PA LA SOGS PAS SGRIB GNYIS KYI DPUNG PHAM PAR BYED CING, TSOGS GNYIS KYI DPUNG RGYAL BAR BYED PA DANG, GZHAN LAS MCHOG TU GYUR PAS RGYUD THAMS CAD KYI DBUS NA MDZES SHING 'BAR BA DANG, RGYUD SDE STONG PHRAG SUM CU RTZA BZHI'I RTZA BA YIN PAS RGYUD THAMS CAD KYI BRTEN SAR GYUR BA'AM, YAN NA 'GOS LDOG BZHED, GNYIS MED RNAM RGYAL LE'U BDUN CU PA RNAM DAG TU MDZAD PAR SNANG GSUNGS, 'DI'I LHA SUM CU RTZA GNYIS LA RGYUD SUM CU RTZA GNYIS YOD PAS YAN LAG GI RGYUD DE DAG GI BRTEN SAR GYUR CES 'CHAD DO, ,PHYI NANG THAMS CAD LA NYI ZLA LTAR GRAGS PAS NA GRAGS PA CHEN PO DANG LDAN PA YANG YIN TE, JI SKAD DU, DGRA NAG LAS RGYUD KYI MTHAR THUG 'DUS PA STE, , @008 MA BYUNG 'BYUNG BAR MI 'GYUR RO, ,ZHES GSUNGS PAS SO, ,DE LTA BU'I RGYUD RGYAL DE'I MTSAN CI ZHE NA, RGYAL BA'I 'DUS GANG YIN ZHES TE, DUS GSUM GYI SANGS RGYAS THAMS CAD KYI SKU GSUNG THUGS KYI GSANG BA DBYER MI PHYED PA RDO RJE 'CHANG CHEN PO NI, RGYAL PA'I 'DUS PA ZHES BYA LA, DE NYID STON PA'I GZHUNG LA YANG DE SKAD CES BYA'O, ,MTSAN DE DANG LDAN PA'I RGYUD DE'I MTSAN NYID JI LTA BU ZHE NA, MTSAN NYID GSUM DANG LDAN PA ZHIG STE, DANG PO 'CHAD BYED KYI KHYAD PAR NI, RNAL 'BYOR GYI RGYUD KYIS SHIN TU GSAL BAR RNAM PHYE LEGS BSHAD CES TE, RNAL 'BYOR RGYUD NI BSHAD RGYUD BZHI STE, THUN MONG GI BSHAD RGYUD RDO RJE PHRENG BA DANG, LHA MO BZHIS ZHUS, THUN MONG MA YIN PA'I BSHAD RGYUD DGONGS PA LUNG STON DANG, YE SHES RDO RJE KUN LAS BTUS PA RNAMS KYIS BRGYAD DU BYED NA, GNYIS MED RNAM RGYAL, LHA'I DBANG POS ZHUS PA, RDO RJE SNYING PO RGYAN GYI RGYUD, RGYUD PHYI MA RNAMS SO, , RTZA BA'I RGYUD DE, RJOD BYED LEGS SBYAR GYI SKAD KYIS BSHAD PAS NA, SHIN TU GSAL BA DANG, BRJOD BYA'I DON RE RE NAS BSHAD PAS RNAM PAR PHYE BA DANG, DE NYID KYI PHYIR LEGS PAR BSHAD PA'O, ,YANG NA, MA RTOGS PA BSAL BA'I TSUL GYIS SHIN TU DANG, LOG RTOG BSAM BA'I TSUL GYIS GSAL BA DANG, THE TSOM BSAL BA'I TSUL GYIS RNAM PAR PHYE BA STE, DE NYID KYI PHYIR NA SGRO SKUR DANG BRAL BA'I TSUL GYIS LEGS PAR BSHAD PA'O, , 'O NA RGYUD DES, RANG DGAR DON MI STON PAR BSHAD RGYUD KYIS BKRAL DGOS PA CI ZHE NA, GNYIS PA RJOD BYED KYI KHYAD PAR NI, MTHA' DRUG GI NI 'CHING @009 BAS BCINGS PAS ZHES TE, DRANG DON NGES DON, DGONGS DGONGS MIN, SGRA JI BZHIN PA DANG JI BZHIN PA MA YIN PA STE, MTHA' DRUG DANG, DES MTSON NAS, YI GE SPYI SBAS PA MTHAR THUG STE, TSUL BZHI DANG BCAS PAS 'CHING BAS RGYUD KYI DON BCINGS PAS, BSHAD RGYUD LA MA BRTEN PAR RTOGS PAR MI NUS ZHES PA'O, , BSHAD RGYUD LA BRTEN NA THAMS CAD KYIS RTOGS SAM ZHE NA, BSHAD RGYUD LA BRTEN KYANG TZANDAN LTA BU LA SOGS PA RNAMS KYI MI RTOGS KYI, RGYAL SRAS TE RIN PO CHE LTA BU'I GANG ZAG KHO NA'I YUL YIN NO, ,RGYUD DES BRJOD BYA CI STON ZHE NA, GSUM PA BRJOD BYA'I KHYAD PAR NI, SANGS RGYAS KUN GYIS RIM GNYIS GNAS KYIS RGYAL BTAB CES TE, RGYUD KYI DON NI, BSKYED PA'I RIM PA DANG, RDZOGS PA'I RIM PA GNYIS SU GNAS PAS, RIM PA GNYIS PO DES RGYUD KYI DON RGYAS BTAB BO, , GANG GIS ZHE NA, RNAM PAR SNANG MDZAD LA SOGS PA'I RIGS LNGA'I SANGS RGYAS KUN GYIS SO, , 'O NA MTHA' DRUG GIS BCINGS PA'I RGYUD SDE RANG DGAR BSHAD NUS SAM ZHE NA, RANG DGAR MA YIN GYI SDUD PA PO DANG 'DRA BA'I 'PHAGS PA KLU SGRUB LAS, RGYUD BSHAD THABS KYI MAN NGAG RNYED NAS 'CHAD CES PA'O, BYA BA CI ZHIG BYAS NAS 'CHAD CE NA, KHYAB BDAG DPAL LDAN RDO RJE SEMS DPAR BTUD DE ZHES TE, DKYIL 'KHOR PA THAMS CAD DE'I RNAM SPRUL YIN PAS NA KHYAB, RIGS THAMS CAD KYI BDAG PO YIN PAS SAM DKYIL 'KHOR GYI GTZO BOR GYUR PAS NA BDAG STONG PA @010 NYID NI MI PHYED PA NI RDO RJE, DE RTOGS PA'I YE SHES NI SEMS DPA' STE, DE LTA BU'I RDO RJE 'CHANG CHEN PO LA BTUD NAS SO, ,TSUL JI LTAR 'CHAD CE NA, RIM BZHIN ZHES TE, LE'U BCU BDUN RIM PA BZHIN DU BSHAD CES PA'AM, YANG NA YE SHES ZHABS LUGS PA GZHAN DAG RGYUD KYI DON BSNYEN SGRUB YAN LAG BZHIR 'CHAD PA LTA BU MA YIN GYI, BRJOD BYA RIM PA LNGA DANG LDAN PAR 'CHAD CES SO, ,SU ZHIG GIS 'CHAD CE NA, ZLA BA GRAGS PAS ZHES SO, ,DE LTAR NA BSOD NAMS SPEL BA DANG, BYA BA MTHAR PHYIN PA'I YAN LAG MCHOD PA BRJOD CING BSHAD PAR DAM BCA' BA BSHAD NAS, DA NI GNYIS PA RGYUD KYI BRJOD BYA RIM PA LNGAR DBYE BA BSHAD PAR BYA STE, DE LA YANG SPYI DANG, YAN LAG GI DON GNYIS KYI, DANG PO LA YANG, RIM GNYIS KYI RNAM GZHAG SPYIR BSTAN, SO SO'I RANG BZHIN BYE BRAG TU BSHAD PA GNYIS KYI, DANG PO LA YANG SBYANG GZHI'I RANG BZHIN GYI CHOS BSTAN PA DANG, SPANG BYA MI MTHUN PHYOGS KYI DRI MA BSTAN PA GNYIS KYI, DANG PO NI, SKYE BA KUN RDZOB KYI BDEN PA SNOD DANG BCUD KYI BSDUS PA NI, BSKYED RIM GYI SBYANG GZHI YIN LA, 'CHI BA DON DAM PA'I BDEN PA BAR DO DANG BCAS PA NI RDZOGS RIM GYI SBYANGS GZHI YIN NO, ,DE SKAD DU YANG, YE SHES RDO RJE KUN LAS BTUS PA LAS, SKYE BA KUN RDZOB BDEN PA ZHES BYA STE, , 'CHI BA YANG NI DON DAM BDEN PA YIN, ,BDEN GNYIS 'DI LA RNAM PAR NGES BYAS NAS, ,BSHAD PA GNYIS KYI DBYE BA GSUNGS PA YIN, ,ZHES GSUNGS PA LTAR RO, , @011 CI'I PHYIR SKYE BA KUN RDZOB KYI BDEN PA BSKYED RIM GYI SBYANG GZHI YIN ZHE NA, 'DI LA SBYANG GZHI, SBYONG BYED, DE DAG GI CHOS MTHUN, SBYONG TSUL DANG BZHI'O, ,DANG PO SBYANG GZHI NI, SNOD SNGA MA STONG PA NAS BZUNG STE, RI RAB GLING BZHI DANG BCAS PA'I SNOD KYI 'JIG RTEN CHAGS PA NI, GZHAL YAS KHANG YE SHES KYI SA DANG BCAS PA'I SBYANG GZHI YIN LA, SNGAR BYUNG SEMS CAN GZUGS CAN BZHIN, ,DE NAS RIM GYI RO LA CHAGS, ,LE LOS SOGS 'JOG BYAS NAS NI, ,'DZIN BCAS RNAMS KYIS ZHING DPON BTAB, ,CES PA'I BAR GYI BCUD KYI SEMS CAN CHAGS PA NI BRTEN PA LHA BSGOM PA'I SBYANG GZHI YIN NO, ,GNYIS PA SBYONG BYED NI, YE SHES KYI BSGOM PA NAS BZUNG STE, LAS RGYAL MCHOG GI BAR, TING NGE 'DZIN GSUM GYI RANG BZHIN GYI RNAL 'BYOR YIN NO, ,GSUM PA DE DAG GI CHOS MTHUN SBYAR BA NI, SRUNG 'KHOR GYI SBYANG GZHI, GU RU BTZUN MO CAN KHOR YUG GI RI YIN GSUNGS YANG, 'PHAGS PA YAB SRAS KYIS MA SBYAR BAS, YE SHES KYI SA BSGOM PA NAS SBYANG GZHI DANG SBYAR TE, DE LA YE SHES KYI SA BSGOM PA NI 'JIG RTEN SNGA MA ZHIG NAS PHYI MA MA CHAGS KYI BAR GYI STONG PA DANG CHOS MTHUN, 'BYUNG BA RIM BRTZEG RDO RJE'I SA BSGOM PA DANG BCAS PA NI, RLUNG GI DKYIL 'KHOR CHAGS PA NAS SA'I DKYIL 'KHOR CHAGS PA'I BAR DANG CHOS MTHUN, GZHAL YAS KHANG GDAN DANG BCAS PA BSGOM PA NI, GLING BZHI RI RAB DANG BCAS PA CHAGS PA DANG CHOS MTHUN, LHAG MOS KYIS LHA RNAMS CIG CAR BSGOM PA NI BSKAL PA DANG PO'I MI, RANG 'OD CAN DGA' BA'I ZAS CAN BRDZUS @012 TE SKYE BA DANG CHOS MTHUN, GTZO BO SKU MDOG NAG PO DANG, 'KHOR RNAMS KHA DOG THA DAD PA DANG, YAB YUM ZHAL SBYOR DU BSGOM PA NI, BSKAL PA DANG PO'I MI DE RNAMS KYIS ZA KHAS RAGS PA ZOS TE LUS KYI 'OD NUB PA DANG, KHA ZAS MANG NYUNG DU ZOS PAS KHA DOG DBYIBS THA DAD PAR 'GYUR BA DANG, BSHANG GCI'I LAM DOD DE, PHO MO PHAN TSUN RJES SU CHAGS PAS 'KHRIG PA SPYOD PA DANG CHOS MTHUN, LHAG MOS LUS LA 'DUS TE, DON DAM PA'I DKYIL 'KHOR DU BCUG PA DE BZHIN NYID LAS BYANG CHUB PA NI, SEMS CAN DE DAG TSE DANG BSOD NAMS DANG LAS ZAD DE DBANG PO RNAMS 'GAG NAS 'CHI BA 'OD GSAL MNGON SUM DU BYAS PA DANG CHOS MTHUN, H'Um LAS BYUNG BA'I NYI MA NI PHA'I RDO RJE RGYAS PA DANG, AOm LAS BYUNG BA'I ZLA BA NI, PHA MA RJES SU CHAGS PA DANG, AA LAS BYUNG BA'I PADMA NI, MA'I PADMA RGYAS PA DANG, DE'I STENG GI YI GE 'BRU GSUM NI BAR DO'I LUS NGAG YID GSUM DANG, STENG 'OG RNAMS BAR GYI ZLA BA LA ZHUGS TE, ZLA BA'I DKYIL 'KHOR GCIG TU GYUR PA NI, KHU KHRAG BAR DO'I RNAM SHES DANG GSUM 'DUS TE, YE SHES KYI SA THOB PA DANG CHOS MTHUN, ZLA BA'I STENG DU 'BRU GSUM BSGOM PA YIG 'BRU LAS BYANG CHUB PA NI, NUR NUR PO DANG, MER MER PO DANG, GOR GOR PO'I GNAS SKABS NA RANG BZHIN GYI YI GE 'BRU GSUM GYI DBYIBS SU GNAS PA DANG CHOS MTHUN, 'BRU GSUM LAS RDO RJER GYUR PA PHYAG MTSAN LAS BYANG CHUB PA NI, 'KHRANG 'GYUR GYI GNAS SKABS NA, SEMS CAN THAMS CAD DE BZHIN GSHEGS PA'I SNYING PO CAN YIN PAS, RANG RANG @013 GI MTSAN MA RDO RJE DANG 'KHOR LO SOGS KYI DBYIBS SU GNAS PA CHOS MTHUN, PHYAG MTSAN LAS SKU RDZOGS PAR BYANG CHUB PA NI, RKANG LAG 'GYUS TE YAN LAG SMAD LNGA DOD PA DANG CHOS MTHUN, DE LA SPRUL SKU BCUG PA NI, ZLA BA BCU LON TE MNGAL LAS BTZAS NAS SHA'I MIG GI YUL DU GYUR PA DANG CHOS MTHUN, PHUNG PO DANG KHAMS DANG SKYE MCHED RNAMS LA YIG 'BRU 'GOD PA NI, SKRA SPU DANG, SEN MO DANG, DBANG PO DANG, MTSAN RNAMS DOD PA DANG CHOS MTHUN, SKU GSUNG THUGS BYIN GYIS BRLAB PA, MNGAL GYI GNAS SKABS KYI LUS NGAG YID GSUM STOBS LDAN DU GYUR PA DANG CHOS MTHUN, DAM TSIG SEMS DPA' NI GNAS SKABS LNGA LAS GRUB PA'I LUS MNGAL NAS 'THON PA DANG CHOS MTHUN, YE SHES SEMS DPA' NI DE'I LUS KYI KHONG STONG NAS RLUNG 'BYUNG BA DANG CHOS MTHUN, TING NGE 'DZIN SEMS DPA' NI RLUNG DANG LHAN CIG MA BSNUN PAR RANG 'BYUNG BA'I SGRA AA THUNG DANG CHOS MTHUN, PHYAG RGYA 'DU BYED PA NI, RIGS KYI BU MO BAG MA LEN PA DANG CHOS MTHUN, RDO RJE DANG PADMA BYIN GYIS BRLABS NAS, SNYOMS PAR 'JUG PA NI, DE DAG PHAN TSUN CHAGS TE 'KHRIG PA SPYOD PA DANG CHOS MTHUN, SKU GSUNG THUGS BYIN GYIS BRLAB PA, MNGAL GYI GNAS SKABS KYI LUS NGAG YID GSUM DKYIL 'KHOR RGYAL MCHOG BSKYED PA NI BU DANG BU MO SOGS BSKYED PA DANG CHOS MTHUN, DE NAS SEMS SBYANG BA'I PHYIR PHRA MO'I RNAL 'BYOR BSGOM PA NI, BU DANG TSA BO DE DAG GIS RIG PA'I GNAS LNGA BSLABS TE RANG GZHAN GYI DON SGRUB PA DANG CHOS MTHUN, SNGAGS BZLAS @014 SHING SBYIN SREG GIS LHA TSIM PAR BYA STE, PHRIN LAS BZHI'I DNGOS GRUB THOB PA NI, BU DANG TSA BO LA SOGS PA DE DAG LAS, 'GA' ZHIG GIS RGYAL PO LA SOGS PA DE DAG MNYES TE BYA DGA' STER BA DANG CHOS MTHUN NO, ,GTZO BO DON DAM DU ZHUGS TE LHA MO'I GLUS BSKUL BA NI, BU DANG TSA BO DE DAG SHI STE, NYE DU RNAMS KYIS MYA NGAN BYED PA DANG CHOS MTHUN NO, , SLAR YANG GLU'I NGOR GTZO BO BZHENGS TE 'DOD YON LA LONGS SPYOD PA NI, SHI BA DE DAG SKYE BA GZHAN DU LUS BLANGS TE, 'DOD YON LA LONGS SPYOD PA DANG CHOS MTHUN NO, ,DE LTAR NA SBYANG GZHI DANG, SBYONG BYED RAGS PA TZAM NI, SLOB DPON KLU BYANG GIS RNAM GZHAG RIM PAR SBYAR LA, DE LA RJES SU DPAGS NAS, ZHIB PAR SNGON GYI BLA MA RNAMS KYIS MDZAD DE, SHIN TU 'THAD DO, ,LUGS GZHAN SA SKYA PA LAS BSKYED RIM GYI SKYE GNAS BZHI KA SBYONG BAR BZHED, 'DIR 'PHAGS PA YAB SRAS KYIS MI LA MNGAL SKYES PA DANG BRDZUS SKYES GNYIS LAS MED PAS, MI'I SKYE GNAS KHO NA SBYONG BAR BZHED LA, MNGON PA NAS, MI LA SKYE GNAS GZHAN GNYIS YOD PAR BSHAD PA NI, SRID PA TZAM GYI DBANG DU BYAS PAS MI 'GAL LO, ,BZHI PA JI LTAR SBYONG BA'I TSUL NI, SNOD DANG, BCUD KYI DNGOS PO THA MAL PA'I RNAM PAR RTOG PA RNAM DAG PA LHA'I GNAS DANG, LUS DANG, LONGS SPYOD DU SNANG BA BSGYUR BA'I TSUL GYIS SBYONG STE, DE LA SNOD THA MAL PAR ZHEN PA NI, GZHAL YAS KHANG RDO RJE'I RA BA ME RI DANG BCAS PAR SNANG BA BSGYUR BA'I TSUL GYIS SBYONG LA, BCUD THA @015 MAL DU ZHEN PA NI, LHA SUM CU RTZA GNYIS BSGOMS TE, SNANG BA BSGYUR BA'I TSUL GYIS SBYONG NGO, ,CI'I PHYIR 'CHI BA DON DAM PA'I BDEN PA RDZOGS RIM GYI SBYANG GZHI YIN ZHE NA, 'DI LA YANG SBYANG GZHI, SBYONG BYED, DE DAG PHAN TSUN SBYAR BA, JI LTAR SBYONG BA'I TSUL DANG BZHI'O, ,DANG PO NI, 'CHI BA'I TSE, 'BYUNG BA RIM GYIS 'GAG PA NAS BZUNG STE, BAR DOR YID KYI LUS GRUB PA'I BAR NI RDZOGS RIM GYI SBYANG GZHI YIN NO, ,YANG NA, DA LTAR GYI LUS NGAG YID GSUM RMI LAM GYI SNANG BA DANG BCAS PA DANG, 'CHI BA 'OD GSAL BAR DO DANG BCAS PA SBYANG GZHI YIN NO, , GNYIS PA SBYONG BYED NI, LUS DBEN NAS ZUNG 'JUG GI BAR DE KHO NA NYID KYI TING NGE 'DZIN RNAM PA DRUG YIN NO, ,GSUM PA SBYANG GZHI SBYONG BYED PHAN TSUN SBYAR BA NI, 'CHI BA'I TSE SA CHU LA, CHU ME LA, ME RLUNG LA THIM PA'I BAR PHUNG PO KHAMS DANG SKYE MCHED RAGS PA 'GAG PA NI LUS DBEN GYI SBYANG GZHI YIN LA, RLUNG RNAM SHES LA THIM PA NGAG DBEN GYI SBYANG GZHI DANG, RNAM SHES 'OD GSAL LA THIM PA SEMS DBEN GYI SBYANG GZHI YIN NO, ,SGYU MA'I SBYANG GZHI NI, RGYAL BU SPRIN GYI SHUGS CAN BAR DO LA 'DOD, BTZUN MO CAN RMI LAM LA 'DOD, MNGON SHES CAN LUS LEN KHA'I SGRO 'DOGS SHES PA YIN ZER KYANG MI 'THAD PAS, NAG PO ZHABS SGYU MA LA SBYANG GZHI LOGS PA MED KYANG, SBYONG BYED LA DGOS PA NI, ZUNG 'JUG GI NYER LEN GYI RGYU YIN PA'I PHYIR RO, ,ZHES GSUNGS PA 'THAD, 'OD GSAL GYI SBYANG GZHI NI 'CHI BA SHER PHYIN YIN LA ZUNG 'JUG GI SBYANG GZHI BAR DO YIN NO ZHES, RJE 'GOS @016 BZHED, YANG NA, PHUNG PO KHAMS DANG SKYE MCHED YE SHES LNGA DANG BCAS PA ZHIB MOR PHYE NA, DNGOS PO BRGYAD GNAS PA SOGS NI LUS DBEN GYI SBYANG GZHI YIN, LUS KYI KHONG STONG DBUGS NYI KHRI CHIG STONG DRUG BRGYA, YI GE 'BRU GSUM SGRA RANG BZHIN GYIS DRAG PA DANG BCAS PA DANG NGAG DBEN GYI DANG, SEMS GSUM RANG BZHIN DANG BCAS PA SEMS DBEN GYI DANG, RMI LAM GYI TSE RLUNG SEMS TZAM LAS YID KYI LUS MNGON ZHEN DANG BCAS PA GRUB STE, PHYOGS BCUR RGYU ZHING 'DOD PA LA LONGS SPYOD PAR SNANG BA SGYU LUS KYI DANG, 'CHI BA'I TSE 'BYUNG BA BZHI RNAM SHES DANG BCAS PA CHEN PO LNGA 'OD GSAL DU THIM STE, 'CHI BA SHER PHYIN MNGON SUM DU BYAS PA 'OD GSAL GYI DANG, DE LAS LUGS BZLOG GI SNANG BA GSUM RLUNG DANG BCAS PA LAS, SKAD CIG TZAM GYIS BAR DO YID KYI RANG BZHIN GYI LUS GRUB PA NI ZUNG 'JUG GI SBYANG GZHI YIN NO ZHES MKHAS PA SDOG BZHED DO, , 'O NA BSKYED RIM DANG LUS DBEN SBYANG GZHI GCIG TU 'GYUR RO ZHE NA, SKYON MED DE, SBYANG GZHI GCIG YIN YANG, SPANG BYA THA MAL GYI RNAM RTOG RAGS PA BSKYED RIM GYIS SPONG LA, PHRA BA LUS DBEN GYIS SPONG BAS MI 'GAL LO, ,YANG 'CHI BA STONG NYID DANG BAR DO BSKYED RIM GYI SBYANG GZHIR BSHAD PAS, RDZOGS RIM GYI SBYANG GZHI DANG 'GAL ZHE NA, BSKAL BA DANG PO'I MI BRDZUS SKYES SHI NAS, MNGAL DU 'JUG PA'I 'CHI BA 'OD GSAL DANG BAR DO NI BSKYED RIM GYI SBYANG GZHI YIN LA, MNGAL KHA BRGYUD PA'I 'CHI BA 'OD GSAL DANG, BAR DO NI RDZOGS RIM GYI SBYANG @017 GZHI YIN PAS MI 'GAL LO, ,YANG NA BSKYED RIM GYIS NI DE DAG THA MAL DU ZHEN PA SPONG LA, RDZOGS RIM GYIS DE DAG GI NGO BO RANG BZHIN MED PAR STON PA LAM DU BYED PAS MI 'GAL LO, ,BZHI PA JI LTAR SBYONG BA'I TSUL NI, GZHI GSUM NI SPANG BYA'I DNGOS GNYAN MI ZAD PAS ZAG BCAS ZHI GNAS KYI LAM YIN PAS, SPANG BYA MNGON GYUR MGO GNON PA'I TSUL GYIS SBYONG LA, SGYU MA DANG, 'OD GSAL, ZUNG 'JUG DANG BCAS PA NI LHAG MTHONG SHES RAB KYI LAM YIN PAS SPANG BYA'I SA BON SPONG TSUL GYIS SBYONG NGO, , GNYIS PA SPANG BYA MI MTHUN PHYOGS KYI DRI MA BSTAN PA NI, SNOD BCUD THA MAL GYI RNAM RTOG DANG, GZUNG 'DZIN BYA BYED KYI RNAM RTOG NI, BSKYED RDZOGS GNYIS KYI SPANG BYA YIN LA DE YANG DRI MA RAGS PA NI GNYEN PO STOBS CHUNG BAS SPONG LA, PHRA BA NI GNYEN PA STOBS CHE BAS SPONG BAS, DNGOS PO THA MAL GYI RNAM RTOG RAGS PA'I GNYEN PO NI BSKYED RIM YIN LA, PHRA BA'I GNYEN PO NI LUS DBEN YIN NO, , GZUNG 'DZIN BYA BYED KYI RNAM RTOG SHES SGRIB RAGS PA'I GNYEN PO MTSAN BCAS KYI RDZOGS RIM DBEN PA PHYI MA GNYIS YIN LA, SHES SGRIB PHRA BA LA YANG, GZUNG RTOG PHRA BA'I GNYEN PO YUL STONG PA SGYU MA DANG, 'DZIN RTOG PHRA BA'I GNYEN PO SEMS STONG NYID 'OD GSAL DANG, DE GNYIS KYI BAG CHAGS SHIN TU PHRA BA'I GNYEN PO ZUNG 'JUG RNAMS YIN NO, ,DE LTAR BSKYED RDZOGS GNYIS KYI RNAM GZHAG SPYIR BSTAN NAS, DA NI BSKYED RDZOGS GNYIS SO SO'I RANG BZHIN BYE BRAG TU BSHAD @018 PAR BYA STE, DE LA YANG BSKYED PA'I RIM PA DANG, RDZOGS PA'I RIM PA GNYIS KYI, DANG PO LA YANG, SBYANG GZHI BSKYED RIM MTSAN NYID PA DANG, SBYONG BYED BSKYED RIM BTAGS PA BA GNYIS SO, ,DANG PO LA YANG NGO BO, DBYE BA, NGES TSIG GSUM GYI, DANG PO NI, SKYE BA KUN RDZOB KYI BDEN PA SNOD BCUD KYIS BSDUS PA NI BSKYED RIM GYI SGRA DNGOS SU 'JUG PA'I GZHI BSKYED RIM MTSAN NYID PA YIN LA, DE YANG SNGAR BSHAD ZIN TO, , GNYIS PA DBYE BA NI, SNOD KYI 'JIG RTEN, BCUD KYI SEMS CAN GNYIS SO, ,GSUM PA NGES PA'I TSIG NI, CI'I PHYIR DE DAG LA BSKYED RIM ZHES BYA ZHE NA, SNOD KYI 'JIG RTEN NI, 'BYUNG BA CHEN PO BZHIS BSKYED CING, DE DAG RIM GYIS CHAGS PA LAS GRUB PA'I PHYIR DANG, BCUD KYI SEMS CAN NI, CHEN PO LNGAS BSKYED CING GNAS SKABS LNGA'AM YAN LAG DANG NYING LAG CHA SHAS RIM GYIS GRUB PA'I PHYIR BSKYED PA'I RIM PA ZHES BYA'O, ,GNYIS PA SBYONG BYED BSKYED RIM BTAGS PA BA NI, DE KHO NA NYID KYI TING NGE 'DZIN TE, DE LA YANG, GANG GIS SGRUB PA PO'I GANG ZAG GI MTSAN NYID, GANG DU SGRUB PA GNAS SKABS KYI MTSAN NYID, GANG BSGRUB PA RNAL 'BYOR GYI RIM PA DANG GSUM GYIS, DANG PO NI, DBANG BSKUR BAS RGYUD SMIN PAR BYAS SHING, SNGAGS KYI DAM TSIG DANG SDOM PA 'DZIN PA'O, ,GNYIS PA GNAS KYI MTSAN NYID NI, DGON PA CHEN PO LA SOGS PA, ME TOG DANG 'BRAS BU CAN GYI SHING DANG, BYA SKAD SNYAN PA LA SOGS PAS BRGYAN PAS NYAMS DGA' BA, SKYE BO @019 'DUS PA DANG BRAL BA'I DBEN PA'I GNAS SU 'DUS PA BYA STE, JI SKAD DU, DGON PA CHEN PO'I SA PHYOGS NI, ,ME TOG 'BRAS BU SOGS KYIS BRGYAN, ,RI BO DBEN PA DAG DU NI, ,DNGOS GRUB THAMS CAD BSDUS PAS 'GRUB, ,CES GSUNGS PA LTAR RO, ,GSUM PA DE KHO NYID KYI RNAL 'BYOR LA, SNGON 'GRO SRUNG BA'I 'KHOR LO DANG, DNGOS GZHI DE KHO NA NYID KYI RNAL 'BYOR GNYIS SO, SRUNG BA'I 'KHOR LO LA YANG, GNAS BSRUNG BA DANG, BDAG BSRUNG BA'O, ,GNAS BSRUNG BA LA YANG PHYOGS MTSAMS BCING BA DANG, RA BA DANG DRA BAS BSRUNG BA'O, ,PHYOGS MTSAMS BCING BA LA YANG, KHRO BO DANG, PHUR BU DANG, MES BSRUNG BA'O, ,GNYIS PA DE KHO NA NYID KYI RNAL 'BYOR LA GSUM STE, NGO BO, NGES TSIG DBYE BA SO SO'I MTSAN NYID DANG BCAS PA'O, ,DANG PO BSKYED RIM GYI TING NGE 'DZIN GYI NGO BO NI, RNAL 'BYOR BZHI LA SOGS PA'I CHO GA'I RIM GYIS, MTSAN BCAS KYI LHA'I SKU BSKYED PA'I RTEN DE LA GNAS TE, RANG GZHAN GYI DON PHUN SUM TSOGS PA SGRUB PA'I TING NGE 'DZIN NO, , DE LA GNAS TE, RANG GZHAN GYI DON PHUN SUM TSOGS PA SGRUB PA'I TING NGE 'DZIN NO, , GNYIS PA NGES TSIG NI, CI'I PHYIR BSKYED PA'I RIM PA ZHES BYA ZHE NA, SBYANG GZHI SRID PAR SKYE BA'I RIM PA LTAR BSGOM PA'I PHYIR DANG, SRID PAR SKYE BA'I RIM PA SBYONG BAR BYED PA'I PHYIR BSKYED PA'I RIM PA ZHES BYA'O, ,GSUM PA DBYE BA LA GNYIS TE, DRAN PA GCIG PA'I RNAL 'BYOR DANG, RTOG PA'I RNAL 'BYOR RO, ,DANG PO LA BRGYAD DE, NGO BO DANG, NGES TSIG DANG, SHES BYA DANG, MI MTHUN PHYOGS DANG, BSLAB TSUL DANG, PHAN YON DANG, RAB TU DBYE BA DANG, MTHAR PHYIN PA'I TSAD DO, ,DE @020 LA NGO BO NI, LHA'I DMIGS PA LA SEMS RTZE GCIG PA'I TING NGE 'DZIN NO, ,NGES TSIG NI, GCIG TU LHA'I RNAM PA DRAN PA'I PHYIN DRAN PA GCIG PA'I TING NGE 'DZIN NO, , SHES BYA NI GNYIS TE, MI MKHAS PA'I SHES BYA DANG, MKHAS PA'I SHES BYA'O, ,MI MKHAS PAS NI 'DI LA SLOB PA'I TSE, SNANG GRAGS KYI CHOS THAMS CAD RANG GI LHA'I SKU'I NGO BO NYID DU SHES PAR BYED DO, ,MKHAS PAS NI CHOS THAMS CAD LHA'I NGO BOR SHES PAR BYAS PA DE NYID, RANG GI PHUNG PO LA SOGS PA'I CHA SHAS SU GYUR PA DANG, DE'ANG RANG BZHIN MED PAR MI DMIGS PA'I TSUL GYIS SHES PAR BYED DO, ,DRAN PA GCIG PU'I MI MTHUN PHYOGS NI, THA MAL PA'I LUS DANG, GNAS DANG, LONGS SPYOD LA MNGON PAR ZHEN PA'O, ,BSLAB PA'I TSUL NI, MAN NGAG JI LTA BA BZHIN DU RNAM PA LA DUM BUR BCAD CING SLOB STE, DE YANG SNGON DU SEMS SBYANG BA'I RIM PA LA DUM BUR BCAD CING BSGOM PA DANG, MTHAR BSAM GTAN GYI 'KHOR LO RDZOGS PAR BSGOM PA'O, ,DRAN PA GCIG PA BSGOM PA'I PHAN YON DANG DGOS PA NI LNGA STE, THA MAL PA'I LUS LA SOGS PAR MNGON PAR ZHEN PA DGAG PA'I PHYIR DANG, SAm tIR BSOD NAMS KYI TSOGS KHYAD PAR CAN BSAG PAR BYA PA'I PHYIR DANG, BDAG NYID RNAM PAR GROL BA SANGS RGYAS KYI GO 'PHANG DANG RJES SU MTHUN PAR BYIN GYIS BRLAB PAR BYA BA'I PHYIR DANG, GTZO BO LUS KYI DRI MA SBYANG BAR BYA BA'I PHYIR DANG, RTOG PA'I RNAL 'BYOR LA MNGON DU PHYOGS PAR BYA BA'I PHYIR DRAN PA GCIG PA'I TING NGE 'DZIN BSGOM PA YIN NO,, @021 DRAN PA GCIG PA'I TING NGE 'DZIN LA DBYE BA GNYIS TE, DPA' BO GCIG PA DANG, DKYIL 'KHOR GYI 'KHOR LO BSGOM PA'O, ,DPA' BO GCIG PA NI GANG ZAG BLO CHUNG BA THUN MONG GI DNGOS GRUB DON DU GNYER BAS BSGOM STE, DE YANG DBANG PO RAB RNAL 'BYOR BZHIS BSGOM PA DANG, 'BRING MNGON BYANG LNGAS BSGOM PA DANG, THA MA RDO RJE BZHIS BSGOM PA DANG GSUM MO, , DKYIL 'KHOR GYI 'KHOR LO BSGOM PA LA GNYIS TE, DANG PO'I SBYOR BA DANG, DKYIL 'KHOR GYI RGYAL MCHOG GO ,DANG PO'I SBYOR BA LA LNGA STE, RTEN GZHI SGRUB PA'I TING NGE 'DZIN DANG, BRTEN PA LHA'I TING NGE 'DZIN DANG, PHYAG RGYA MNGON PAR 'DU BYA BA'I TING NGE 'DZIN DANG, RDO RJE DANG PADMA BYIN GYIS BRLAB PA SNGON DU 'GRO BAS RJES SU CHAGS PA'I SBYOR BA BYA BA DANG, LAS LA GNAS PAS MCHOD PA'I CHO GA BYA'O, , RTEN GZHI SGRUB PA'I TING NGE 'DZIN LA GNYIS TE, SA'I CHA BSKYED PA DANG, GZHAL YAS KHANG BSKYED PA'O, ,BRTEN PA LHA BSKYED PA LA GNYIS TE, LHAG MOS BSKYED PA, RNAL 'BYOR BZHIS GTZO BO BSKYED PA'O, ,GTZO BO BSKYED PA LA BZHI STE, RNAL 'BYOR DANG, RJES SU RNAL 'BYOR DANG, SHIN TU RNAL 'BYOR DANG, RNAL 'BYOR CHEN PO'O, , RNAL 'BYOR LA GNYIS LAS, DE BZHIN NYID LA BYANG CHUB PA DANG, ZLA BA LAS BYANG CHUB PA'O, ,RJES SU RNAL 'BYOR LA GSUM STE, YIG 'BRU DANG, PHYAG MTSAN DANG, SKU RDZOGS PAR BYANG CHUB PA'O, ,SHIN TU RNAL 'BYOR LA GNYIS TE, SPRUL SKUR BSGYUR BA DANG, SA BON DGOD PA'O, ,RNAL 'BYOR CHEN PO LA GNYIS TE, SKU GSUNG THUGS @022 BYIN GYIS BRLAB PA DANG, SEMS DPA' GSUM BRTZEGS BSGOM PA'O, ,SKU GSUNG THUGS BYIN GYIS BRLABS PA LA GNYIS TE, SO SOR BRLAB PA DANG, SPYIR BRLAB PA'O, ,PHYAG RGYA 'DU BYA BA LA GNYIS TE, PHO NYA'I LAM LA DGA' BAS LAS KYI PHYAG RGYA DANG, RNAL 'BYOR GYI LAM LA DGA' BAS TING NGE 'DZIN GYI PHYAG RGYA 'DU BYA'O, , DKYIL 'KHOR RGYAL MCHOG BSKYED PA LA LNGA STE, DE BZHIN GSHEGS PA LNGA DANG, RIGS KYI YUM BZHI DANG, MCHOD PA'I LHA MO LNGA DANG, BYANG CHUB SEMS DPA' BRGYAD DANG, KHRO BO BCU BSKYED PA'I CHO GA'O, ,DE RE RE LA YANG BSKYED PA, SPRO BA, BSDU BA, BGOD PA DANG BZHI BZHI'O, ,DRAN PA GCIG PA'I TING NGE 'DZIN MTHAR PHYIN PA'I TSAD NI, DPA' BO GCIG PA DANG, DKYIL 'KHOR GYI 'KHOR LO GANG BSGOM PA'I LHA'I RNAM PA CHES SHIN TU GSAL BA DANG, RKYEN GYIS MI BSGUL BA DANG, RANG GI NGANG GIS 'BYUNG BA NA MTHAR PHYIN PA YIN NO, , GNYIS PA RTOG PA'I RNAL 'BYOR NI 'OG TU 'CHAD PAR 'GYUR RO, ,DRAN PA GCIG PA DANG RTOG PA'I RNAL 'BYOR LA BSLAB PA'I RNAL 'BYOR PA GNYIS KAS, THUN MTSAMS KYI BYA BA NI BDUN TE, GTZO BO BDAG NYID DON DAM DU 'JUG PA DANG, DE LA LHA MO'I DBYANGS KYIS BSKUL BA DANG, DE'I NGOR BZHENGS PA DANG, DE LA RIGS LNGA'I SGO NAS BSTOD PA DANG, DE NAS PHYI NANG GSANG GSUM GYI MCHOD PA DANG, DE NAS DKYIL 'KHOR BSDU BA DANG, LHA'I NGA RGYAL DANG LDAN PAS, MNYAM PAR MA BZHAG PA'I SPYOD PAS JI LTA BA BZHIN DU GNAS PAR BYA'O, ,DE LTAR DRAN PA @023 GCIG PA DANG, RTOG PA'I RNAL 'BYOR MTHAR PHYIN NAS, THUN MONG GI DNGOS GRUB BSGRUB PAR 'DOD NA ZLA BA DRUG TU RIG PA BRTUL ZHUGS KYI SPYOD PA LA BSLAB PAR BYA STE, JI SKAD DU, GZUGS DANG SGRA DANG ROR LDAN PA, ,SHES RAB CAN GYIS ZLA DRUG BSGOM, ,ZHES GSUNGS PA'I PHYIR RO, , DE LTAR BSKYED PA'I RIM PA BSTAN NAS, DA NI GNYIS PA RDZOGS PA'I RIM PA BSHAD PAR BYA STE, DE LA YANG, SBYANG GZHI'I RDZOGS RIM MTSAN NYID PA DANG, SBYONG BYED RDZOGS RIM BTAGS PA BA GNYIS SO, ,DANG PO LA, NGO BO, DBYE BA, NGES TSIG GSUM GYI DANG PO NI, 'CHI BA 'OD GSAL SNGON DU 'GRO BA CAN GYI BAR DO'I LUS KYI RDZOGS RIM GYI SGRA 'JUG PA'I RGYU MTSAN DANG LDAN PA'I RDZOGS RIM DNGOS YIN NO, ,GNYIS PA DBYE BA NI GSUM STE PHUNG PO 'GAG PAS BSDUS PA DANG, 'CHI BAS BSDUS PA DANG, BAR DOS BSDUS PA'O, ,GSUM PA NGES TSIG NI, CI'I PHYIR RDZOGS PA'I RIM PA ZHES BYA ZHE NA, BAR DO'I LUS DE NI, CHEN PO LNGA 'DUS PA LAS BYUNG BA MA YIN GYI, RLUNG SEMS TZAM LAS GRUB PA'I PHYIR DANG, GNAS SKABS LNGA'I RIM GYIS MA YIN GYI, SKAD CIG TZAM LAS GRUB PA'I PHYIR DANG, YAN LAG DANG, NYING LAG CHA SHAS KYIS BYUNG BA MA YIN GYI, LUS CIG CAR RDZOGS PA'I PHYIR RDZOGS PA ZHES BYA LA, DE'I RIM PA NI, CHU DVANGS PA LAS NYA 'PHAR BA'AM, GNYID LOG PA LAS SAD PA LTAR, 'CHI BA STONG PA NYID LAS SKAD CIG GIS 'BYUNG PA'I PHYIR TE, DE'I PHYIR RDZOGS PA'I RIM PA ZHES BYA'O, ,GNYIS PA SBYONG BYED KYI RDZOGS RIM @024 BTAGS PA BA NI, DE KHO NA NYID KYI TING NGE 'DZIN MTSAN MA MED PA STE, DE LA YANG NGO BO DANG, NGES TSIG DANG, DBYE BA DANG, GRANGS DANG, GO RIM NGES PA STE LNGA'O, , RDZOGS RIM GYI TING NGE 'DZIN GYI NGO BO NI THAMS CAD STONG PA 'OD GSAL LAS, RLUNG SEMS TZAM LAS SKAD CIG GIS GRUB PA'I YE SHES KYI SKU 'JA' TSON LTA BU 'BAD RTZOL MED PAR, SNGON GYI 'PHEN PA'I SHUGS KYIS 'BYUNG BA LA BRTEN NAS, RANG GZHAN GYI DON PHUN SUM TSOGS PA 'GRUB PA'I MTSAN MA MED PA'I TING NGE 'DZIN NO, ,GNYIS PA NGES TSIG NI, CI'I PHYIR RDZOGS RIM ZHES BYA ZHE NA, ZUNG 'JUG GI YE SHES NI, RDZOGS PA'I RIM PA LTAR GOMS PAR BYED PA'I PHYIR DANG, RDZOGS PA'I RIM PA SBYONG BAR BYED PA'I PHYIR, RDZOGS PA'I RIM PA ZHES BYA LA, LUS DBEN LA SOGS PA NI, MCHOG GI DNGOS GRUB BSGRUB PA'I THUN MONG MA YIN PA'I BSLAB BYA YIN PA'I PHYIR RDZOGS PA'I RIM PA ZHES BYA'O, ,GSUM PA DBYE BA NI, ZLA BA GRAGS PAS, RGYUD DON MA LUS PA SDUD PA'I DBANG DU BYAS NAS, BSKYED PA'I RIM PA GCIG DANG, RDZOGS PA'I RIM PA LA BZHIR PHYE NAS LNGAR MDZAD, 'PHAGS PA KLU SGRUB KYIS, BSKYED RIM LA MDOR BYAS LOGS SU MA MDZAD CING, PHA ROL TU PHYIN PA'I THEG PAR, LAM LNGA 'BYUNG BA DANG GRANGS MTHUN PAR BYA BA'I PHYIR, RDZOGS RIM LA RIM PA LNGA MDZAD, AARYA DE WAS NYAMS LEN GYI RIM PA DANG BSTUN NAS, RDZOGS RIM LA DRUG TU MDZAD, RGYAS BSDUS KYI DBYE BA TZAM MA GTOGS YAB SRAS RNAMS DGONGS PA NANG 'GAL BA MED CING NYAMS SU LEN PA NA AARYA DE WA LTAR @025 DRUG TU DBYE BAR BYA'O, , BZHI PA GRANGS NGES PA NI, SPANG BYA NYON MONGS DANG RNAM RTOG MNGON GYUR MGO GNON PA DANG, SA BON DRUNGS 'BYIN PA LA RIM PA DRUG DGOS TE, DBEN PA GSUM NI SEMS RTZE GCIG PA ZHI GNAS KYI LAM YIN PAS, SPANG BYA NYON MONGS PA DANG RNAM RTOG MGO GNON PA YIN LA, LHAG MA GSUM NI SHES RAB GTZOR BYED PA LHA MTHONG GI LAM YIN PAS SA BON DRUNGS 'BYIN PA YIN NO, ,DANG PO LA YANG, ZHI GNAS KYI RTEN DANG, RKYEN DANG, DNGOS GSUM STE, LUS DBEN NI RTEN YIN TE, DES SBYANGS PA'I LUS LA BRTEN NAS ZHI GNAS BSGOM A'I PHYIR RO, ,NGAG DBEN NI RKYEN YIN TE, RLUNG DBANG DU 'DUS PA LAS MI RTOG PA'I ZHI GNAS SKYE BA'I PHYIR RO, ,SEMS DBEN NI DNGOS YIN TE, BDE STONG GI YE SHES SEMS RTZE GCIG PA'I RANG BZHIN YIN PA'I PHYIR RO, , GSUM PA DES SPANG BYA MGO MNAN DU ZIN KYANG, SA BON SPONG BA LA PHYI MA GSUM BZHAG STE, SGYU LUS KYIS YUL STONG NYID DU RTOGS PAS GZUNG RTOG SPONGS LA, 'OD GSAL GYIS SEMS STONG PAR RTOGS PAS 'DZIN RTOG GI SA BON SPONG ZHING, ZUNG 'JUG GIS BDEN GNYIS DBYER MED PAR RTOGS PAS, BDEN GNYIS THA DAD DU ZHEN PA'I SA BON SPONG PA'I PHYIR RO, ,DE'I PHYIR DRUG DU GRANGS NGES SO, ,LNGA PA GO RIM NGES PA NI, SNGA MA SNGA MA LA BRTEN NAS PHYI MA PHYI MA 'BYUNG BAS, RGYU 'BRAS KYI GO RIM YIN TE, 'DI LTAR LUS DBEN SKU RDO RJE'I TING NGE 'DZIN LA BRTEN NAS, @026 NGAG DBEN GSUNG RDO RJE'I TING NGE 'DZIN 'BYUNG GI GZHAN DU MA YIN TE, DPER NA PI WANG GI KHOG PA LEGS PAR SBYANGS PA LAS SKAD SNYAN PA 'BYUNG GI GZHAN DU MA YIN PA LTA BU'O, ,NGAG RNAM PAR DBEN PAS SEMS KYI ZHON PA RLUNG DBANG DU 'DUS PA LAS RLUNG LA ZHON PA'I SEMS RNAM PAR DBEN PA, THUGS RDO RJE'I TING NGE 'DZIN 'BYUNG STE, DPER NA RTA'I KHA LO 'BYONGS PA'I SKYES BUS BGROD PA'I GNAS SU PHYIN GYI, GZHAN GYIS MA YIN PA LTA BU'O, ,SEMS DBEN GYI TING NGE 'DZIN MED NA SGYU MA LTA BU'I TING NGE 'DZIN MED DE, SGYU MA LTA BU'I SKU DE NI RANG RIG BDE BA TZAM LAS GRUB PA'I PHYIR RO, ,KUN RDZOB SGYU MA LTA BU LA MNGON SUM DU MA BYAS PAR DON DAM 'OD GSAL RTOGS PAR MI NUS TE, SGYU MA BSAM GTAN GNYIS KYIS BSHIG PA LAS 'OD GSAL MNGON DU 'GYUR PA'I PHYIR RO, ,'OD GSAL DON DAM PA'I BDEN PA MED NA ZUNG 'JUG GI SKU MI 'BYUNG STE, 'DZIN PA'I YAN LAG MED NA RJES DRAN GYI YAN LAG MED LA, RJES DRAN GYI YAN LAG MED NA TING NGE 'DZIN GYI YAN LAG ZUNG 'JUG MI 'BYUNG PA'I PHYIR RO, ,DE LTAR NA TING NGE 'DZIN GYI RIM PA 'DI DAG LA SNGA PHYI RIM CAN DU BSLAB DGOS TE, JI SKAD DU, RIM LNGA LAS, BSKYED PA'I RIM PA LA GNAS PA'I, ,RDZOGS PA'I RIM PA 'DOD RNAMS LA, THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES BSHAD PA'I PHYIR RO, , DE LTAR PHYI'I DON RNAM PAR BZHAG NAS, DA NI YAN LAG GI DON BSHAD PAR BYA STE, DE LA YANG GNYIS, BSKYED PA'I RIM PA DANG, RDZOGS PA'I RIM PA'O, ,DE LA BSKYED @027 PA'I RIM PA RGYAS PA NI SNGAR BSHAD ZIN LA, DE DAG GI DON BSDUS TE BSTAN PA NI, GSANG SNGAGS SKU NI RAB BSGRUB BYED, ,BSKYED PA'I RIM PA DANG PO YIN, ,ZHES GSUNGS TE, DE LA GSANG SNGAGS NI MER MER PO DANG, LTAR LTAR PO'I GNAS SKABS NA YIG GE 'BU GSUM GYI DBYIBS SU GNAS PA YIN LA, SKU NI DES BSKYED PA'I RNAM SMIN GYI LUS TE, DE YANG DAG PA'I LHA'I SKUR RAB TU BSGRUB PAR BYED PA'I SBYOR BA LA SOGS PA'I TING NGE 'DZIN GSUM NI, BSKYED PA'I RIM PA ZHES BYA STE, SBYANG GZHI BSKYED PA'I RIM PA LTAR BSGOM PAR BYED PA'I PHYIR DANG, BSKYED PA'I RIM PA SBYONG BAR BYED PA'I PHYIR RO, ,YANG NA GSANG SNGAGS NI YI GE 'BRU GSUM YIN, SKU NI DES BSKYED PA'I MTSAN MA DANG BCAS PA'I LHA'I SKU STE, DE RAB TU BSGRUB PAR BYED PA'I TING NGE 'DZIN GSUM LA BSKYED PA'I RIM PA ZHES BYA'O, ,BSKYED RIM DE NI SKAS KYI RIM PA DANG PO LTAR RDZOGS RIM GYI DANG POR BGROD PAR BYA BA YIN PAS RIM PA DANG PO YIN NO, , GNYIS PA RDZOGS RIM LA YANG BZHI YOD PA'I DANG PO SEMS DBEN LA GNYIS TE, SEMS DBEN GYI SNGON 'GRO DANG, SEMS DBEN DNGOS SO, ,DANG PO LA YANG RTEN LUS DBEN DANG, RKYEN NGAG DBEN GNYIS SO, ,DANG PO LUS DBEN GYI TING NGE 'DZIN LA DON BRGYAD DE, RTEN GYI GANG ZAG DANG, SHES BYA DANG, SPANG BYA MI MTHUN PA'I PHYOGS DANG, DBYE BA SO SO'I MTSAN NYID DANG BCAS PA DANG, BSLAB PA'I TSUL DANG, NGES TSIG DANG, BSLAB PA MTHAR PHYIN PA'I TSAD DANG, BSLAB @028 PA'I PHAN YON NO, ,LUS DBEN LA 'JUG PA'I RTEN GYI GANG ZAG NI BSKYED RIM MTHAR PHYIN NAS, MCHOG GI DNGOS GRUB DON DU GNYER BAS LUS DBEN SOGS RDZOGS RIM LA 'DOD PA YOD PA'O, ,LUS DBEN GYI SHES BYA NI, DE LA SLOB PA'I TSE, LUS THAMS CAD DON DAM PAR STONG PA NYID LAS BYUNG ZHING, STONG PA NYID LA THIM PA NAM MKHA' DANG MNYAM PA YIN LA, KUN RDZOB TU DNGOS PO RGYAS BSDUS PA'I LUS THAMS CAD, DE BZHIN GSHEGS PA LNGA'I PHRA RAB LAS GRUB PAR SHES PAR BYA STE, JI SKAD DU, SKU YI RDO RJE RDZOGS BYANG CHUB, ,DNGOS DANG DNGOS MED RNAM DPYAD DE, ,SANGS RGYAS SKU ZHES BYA BAR BSHAD, ,CES GSUNGS PA'I PHYIR RO, ,SPANG BYA MI MTHUN PA'I PHYOGS NI KHA DOG GI GZUGS LA SOGS PA THA MAL PA'I RTOG PA CHA PHRA BAS STE RAGS PA NI BSKYED RIM GYIS SBYANGS PA'I PHYIR, DBYE BA SO SO'I MTSAN NYID LA BZHI STE, GZUGS KYI LUS DBEN DANG, RANG BZHIN GYI LUS DBEN DANG, RNAM PAR SHES PA'I LUS DBEN DANG, TING 'DZIN GYI LUS DBEN NO, ,GZUGS KYI LUS DBEN NI, LUS 'DI MI GTZANG BA'I RDZAS SUM CU RTZA GNYIS 'DUS PA'I PHYIR, THA MAL PA RNAMS KYI GZUGS KYI LUS PO GTZANG BA DANG BDE BA LA SOGS PAR BRTAGS PAS DBEN PA STE, NYAN THOS PA DANG SHES BYA THUN MONG BA'O, ,RANG BZHIN GYI LUS DBEN NI, LUS 'DI PHUNG PO LA SOGS PA'I RANG BZHIN NYI SHU (PHUNG PO LNGA, KHAMS BZHI, YID KYI DBANG PO, DBANG PO LNGA, YUL LNGA, YE SHES LNGA,) RTZA LNGA YIN PA'I PHYIR PHYI ROL PA RNAMS KYIS LUS KYI RANG BZHIN GCIG TU BRTAGS PAS DBEN PA STE, PHA ROL TU PHYIN PA BA DANG SHES BYA THUN MONG @029 BA'O, ,RNAM PAR SHES PA'I LUS DBEN NI, RNAM PAR SHES PA BRGYA LA SOGS PAR MI DMIGS PA'I PHYIR, RANG GI SDE PAS BRTAGS PA'I GZUNG 'DZIN GYI DBEN PA STE, SEMS TZAM PA DANG SHES BYA THUN MONG BA'O, ,TING 'DZIN GYI LUS DBEN NI, LUS THAMS CAD STONG PAR SHES PAR BYAS NA KUN RDZOB TU DNGOS PO BRGYA LA SOGS PAR GNAS PA DE BZHIN GSHEGS PA (BRGYA PHUNG PO LNGA, KHAMS BZHI, YUL LNGA, DBANG PO LNGA STE DE RE RE LA'ANG LNGA LNGAR DBYE BAS DGU BCU RTZA LNGA'I DE'I STENG DU YE SHES LNGA BSNAN PAS BRGYA,) LA SOGS PAR NGA RGYAL BYED PA STE, GSANG SNGAGS KYI SHES BYA THUN MONG PA YIN PA'O, ,BSLAB TSUL NI, GZUGS KYI LUS DANG, RANG BZHIN GYI LUS DANG, RNAM PAR SHES PA'I LUS GSUM BDAG MED PAR SHES PAR BYAS NAS, PHUNG PO LA SOGS PA DNGOS BRGYA PO CI DANG CI MTHONG BA THAMS CAD DE BZHIN GSHEGS PA DE DANG DER NGA RGYAL BYED PA'I TSUL GYIS RIGS BRGYAR BSGOM PAS CHA PHRA BA'I RNAM RTOG BZLOG PAR BYA'O, ,DE NAS RIGS LNGA DANG, GSUM DANG, MTHAR BYANG CHUB KYI SEMS KUN TU BZANG PO'I NGO BO GSANG CHEN RIGS GCIG TU NGA RGYAL BYA BA NI BSLAB PA'I RIM PA'O, ,NGES TSIG NI, GANG ZAG DANG CHOS KYI BDAG NI DBEN PA'AM, THA MAL PA'I LUS SU RTOGS PAS DBEN PA'I PHYIR LUS RNAM PAR DBEN PA'O, , MTHAR PHYIN PA'I TSAD NI, KHAMS GSUM THAMS CAD RDO RJE 'CHANG CHEN PO GTZANG CHEN RIGS GCIG TU NGA RGYAL BRTAN PAR GYUR PA'O, ,PHAN YON NI, THA MAL PA'I RNAM RTOG SPONG BAR 'GYUR BA DANG, NGAG RNAM PAR DBEN PA'I SGO LA PHYOGS @030 PAR 'GYUR BA DANG, LHUN GYIS GRUB PA'I DUS SU GZUGS KYI SKU 'GRUB PAR 'GYUR BA LA SOGS PA'O, ,DE LTAR RTEN LUS RNAM PAR DBEN PA'I TING NGE 'DZIN BSHAD NAS, RKYEN NGAG RNAM PAR DBEN PA'I TING NGE 'DZIN BSHAD PAR BYA STE, DE LA DRUG STE, RTEN GYI GANG ZAG DANG, SHES BYA DANG, SPANG BYA MI MTHUN PHYOGS DANG, NYAMS SU BLANG BA'I THABS DANG, MTHAR PHYIN PA'I TSAD DANG, PHAN YON BSTAN PA'O, ,RTEN GYI GANG ZAG NI, LUS DBEN SKU RDO RJE'I TING NGE 'DZIN MTHAR PHYIN NAS, NGAG DBEN GSUNG RDO RJE'I TING NGE 'DZIN LA 'DOD PA YOD PA'O, ,NGAG DBEN GYI SHES BYA NI, DE LA SLOB PA'I TSE NGAG THAMS CAD STONG PA NYID LAS BYUNG ZHING, STONG PA NYID LA THIM PA, NAM MKHA' DANG MNYAM PAR SHES PAR BYED PA STE, JI SKAD DU, GSUNG GI RDO RJE RDZOGS BYANG CHUB, ,SGRA DANG SGRA MIN RNAM DPYAD DE, ,GSUNG GI RDO RJE ZHES BSHAD DO, ,ZHES GSUNGS PA'I PHYIR RO, , SPANG BYA MI MTHUN PA'I PHYOGS NI, PHYI ROL GYI NGAG GI BZLAS PA DANG, THA MAL PA'I DUS KYI NGAG DANG RLUNG GI RGYU BA STE, RLUNG DBANG DU MA 'DUS PA LAS SDUG BSNGAL GYI RGYUR 'GYUR BA'I PHYIR RO, ,ZHES BTZUN MO CAN GSUNG NGO, ,NYAMS SU BLANG BA'I THABS NI, SGRA'I DE KHO NA NYID NAM MKHA' DANG MNYAM PAR SHES PAR BYAS NAS, RLUNG GI DE KHO NA NYID DANG, SNGAGS KYI DE KHO NA NYID DU SBYAR NAS RLUNG GI RGYU BA BGRANG PA'I TSUL GYIS SLOB PA'O, ,DE BAS NA, BSLAB PA'I TSUL NI DE KHO NA NYID GSUM STE, RLUNG GI DE KHO NA NYID DANG, SNGAGS KYI DE KHO NA NYID DANG, SGRA'I DE KHO NA @031 NYID DO, ,RLUNG GI DE KHO NA NYID LA DON BRGYAD DE, NGO BO DANG, DBYE BA DANG, GNAS DANG, KHA DOG DANG, RGYU BA'I TSUL DANG, BYED LAS DANG, RGYU'I GRANGS DANG, PHAN YON BSTAN PA'O, ,RLUNG GI NGO BO NI, 'JUG PA, GNAS PA, LDANG BA GSUM STE, RIM LNGA LAS, 'JUG PA NYID DANG GNAS PA DANG, ,LDANG BA YI NI RIM GYIS KYANG, , SHES RAB THABS KYI GZHI GNAS TE, ,SNGAGS KYI YAN LAG MA NYAMS BZLAS, ,ZHES GSUNGS PA'I PHYIR RO, ,DBYE BA NI GNYIS TE, RTZA BA'I RLUNG DANG, YAN LAG GI RLUNG NGO, ,RTZA BA'I RLUNG NI LNGA STE, SROG 'DZIN DANG, THUR SEL DANG, GYEN RGYU DANG, ME DANG MNYAM DU GNAS PA DANG, KHYAB BYED DO, ,YAN LAG GI RLUNG LA YANG LNGA STE, RGYU BA DANG, RNAM PAR RGYU BA DANG, YANG DAG PA RGYU BA DANG, RAB TU RGYU BA DANG, NGES PAR RGYU BA'O, ,RLUNG GI GNAS LA GNYIS TE, RTZA BA'I RLUNG GI GNAS DANG, YAN LAG GI RLUNG GI GNAS SO, ,RTZA BA'I RLUNG GI GNAS NI GYEN RGYU LKOG MA DANG, SROG 'DZIN SNYING KHA DANG, ME DANG MNYAM GNAS LTE BA DANG, ,THUR SEL GSANG GNAS DANG, KHYAB BYED LUS THAMS CAD LA KHYAB PAR GNAS TE, JI SKAD DU, LKOG MA SNYING KHA LTE BA DANG, ,GSANG BA'I PAD MAR 'GRO 'ONG STON, ,ZHES DANG, LUS KUN LA NI GNAS PA'I RLUNG, ,'DI NI RNAM SNANG NGO BO STE, ,'CHI BA'I MTHAR NI 'BYUNG BA YIN, , ZHES GSUNGS PA'I PHYIR RO, ,YAN LAG GI RLUNG LNGA NI DBANG PO LNGA LA GNAS TE, SPYOD BSDUS LAS, LDANG ZHING RGYU BA LA SOGS PA LNGA NI, DBANG PO LNGA LA GNAS NAS PHYI ROL GYI BYA BA RNAMS BYED DO, ,ZHES GSUNGS PA'I PHYIR RO, ,RTZA BA'I RLUNG LNGA'I @032 KHA DOG NI, GYEN RGYU DMAR PO, THUR SEL SER PO, ME DANG MNYAM GNAS NAG PO, SROG 'DZIN DKAR PO, KHYAB BYED LJANG KHU'O, ,YAN LAG GI RLUNG GI KHA DOG MIG NAS RGYU BA DMAR PO, RNA BA NAS RGYU BA LJANG KHU, SNA NAS RGYU BA SER PO, LCE NAS RGYU BA DKAR PO, BA SPU'I BU GA NAS RGYU BA SNGO BSANGS SO, ,ZHES MNGON SHES CAN BZHED DO, ,GZHAN DAG YAN LAG GI RLUNG LNGA'I RGYU BA GZHUNG LAS GSAL PO MA BSHAD KYI, GDAMS NGAG GIS YUL GYI LHA MO'I KHA DOG BZHIN SHES PAR BYA'O, ,ZHES GSUNGS SO, ,RGYU BA'I TSUL NI THABS KYI RGYU TSUL DANG, SHES RAB KYI RGYU TSUL LO, ,DE LA THABS KYI RGYU TSUL NI, DA LTA GYI DUS SU BZHI STE, DANG POR SNA SGO G-YAS NAS GYEN DU RGYU BA ME'I DKYIL 'KHOR DMAR PO DGU BRGYA PA PHRAG GCIG TU RGYU'O, ,G-YON NAS ME DANG MNYAM DU GNAS PA'I RLUNG GI DKYIL 'KHOR KHA DOG LJANG SER 'OD NAG PO LAS KYI MGON PO'I RANG BZHIN DGU BRGYA PA PHRAG GCIG TU RGYU'O, ,GNYIS KA NAS THUR DU SEL BA'I RLUNG PADMA MGON PO DBANG CHEN GYI DKYIL 'KHOR SER PO RIN CHEN MGON PO'I RANG BZHIN DGU BRGYA PA PHRAG GCIG RGYU'O, ,SROG 'DZIN CHU'I DKYIL 'KHOR DKAR PO RDO RJE MGON PO'I RANG BZHIN DGU BRGYA PA PHRAG GCIG RGYU'O, ,DE SKAD DU YANG, G-YAS PA NAS NI 'BYUNG BA'I KHAMS, ,ME YI DKYIL 'KHOR NYID YIN TE, KHA DOG DMAR ZHING GSAL BA 'DI, ,PAD MA MGON PO'I RGYU BA'O, ,ZHES SOGS GSUNGS SO, ,SHES RAB KYI RGYU TSUL NI, THABS MGON PO RE RE RGYU BA NA LHA MO BZHI BZHI RGYU STE, DE YANG G-YAS NAS ME'I DKYIL 'KHOR PAD MA MGON @033 PO KHA DOG DMAR PO DGU BRGYA PA PHRAG GCIG RGYU BA'I SPYI DE LA BYE BRAG TU BZHIR 'GYUR TE, DANG POR GOS DKAR MO ME'I ME DMAR PO NYIS BRGYA NYI SHU RTZA LNGA STENG DU RGYU'O, ,DE'I 'OG TU SGROL MA ME'I RLUNG DMAR PO'I NAG PO NYIS BRGYA NYI SHU RTZA LNGA BSIGS LA RGYU'O, ,DE'I 'OG TU SANGS RGYAS SPYAN MA'I SA DMAR PO'I SER PO NYIS BRGYA NYI SHU RTZA LNGA THAD KAR RGYU'O, ,DE NAS M'A MA KI ME'I CHU DMAR PO'I DKAR PO NYIS BRGYA NYI SHU RTZA LNGA THUR DU RGYU'O, ,DE BZHIN DU G-YON PA NAS RLUNG GI RLUNG LAS KYI MGON PO 'OD ZER NAG PO DGU BRGYA PA PHRAG GCIG RGYU BA'I SPYI DE LA, BYE BRAG TU BZHIR 'GYUR TE, DANG PO RLUNG GI RLUNG SGROL MA NAG PO'I NAG PO NYIS BRGYA NYI SHU RTZA LNGA BSEGS LA RGYU'O, ,DE NAS RLUNG GI SA SPYAN MA NAG PO'I SER PO NYIS BRGYA NYI SHU RTZA LNGA THAD KAR RGYU'O, ,DE NAS RLUNG GI CHU M'A MA KI NAG PO'I DKAR PO NYIS BRGYA NYI SHU RTZA LNGA THUR DU RGYU'O, ,DE NAS RLUNG GI ME GOS DKAR MO NAG PO'I DMAR PO NYIS BRGYA NYI SHU RTZA LNGA GYEN DU RGYU'O, ,DE BZHIN DU GNYIS KA NAS, THUR SEL GYI RLUNG RIN CHEN MGON PO DGU BRGYA PA PHRAG GCIG SPYIR RGYU BA DE LA, BYE BRAG TU BZHIR 'GYUR TE, DANG POR SPYAN MA'I NGO BO SA'I SA SER PO'I SER PO NYIS BRGYA NYI SHU RTZA LNGA THAD KAR RGYU'O, ,DE NAS M'A MA KI'I NGO BO SA'I CHU SER PO'I DKAR PO NYIS BRGYA NYI SHU RTZA LNGA THUR DU RGYU'O, ,DE NAS GOS DKAR MO'I NGO BO SA'I ME SER PO'I DMAR PO NYIS BRGYA NYI SHU RTZA LNGA GYEN DU RGYU'O, ,DE NAS SGROL MA'I NGO BO SA'I RLUNG SER PO'I NAG PO NYIS BRGYA NYI SHU RTZA LNGA BSEGS LA RGYU'O, ,DE BZHIN DU SROG 'DZIN GYI RLUNG RDO RJE MGON @034 PO DGU BRGYA PA PHRAG GCIG GNYIS KA NAS DAL GYIS RGYU BA'I SPYI DE LA, BYE BRAG TU BZHIR 'GYUR TE, DANG POR M'A MA KI'I NGO BO CHU'I CHU DKAR PO'I DKAR PO NYIS BRGYA NYI SHU RTZA LNGA THUR DU RGYU'O, ,DE NAS GOS DKAR MO'I NGO BO CHU'I ME DKAR PO'I DMAR PO NYIS BRGYA NYI SHU RTZA LNGA GYEN DU RGYU'O, ,DE NAS SGROL MA'I NGO BO CHU'I RLUNG DKAR PO'I NAG PO NYIS BRGYA NYI SHU RTZA LNGA BSEGS LA RGYU'O, ,DE NAS SPYAN MA'I NGO BO CHU'I SA DKAR PO'I SER PO NYIS BRGYA NYI SHU RTZA LNGA THAD KAR RGYU'O, ,DE SKAD DU YANG, 'KHOR DANG KHYAD PAR DAG TU SPROD, ,ZHES DANG, DGONGS PA LUNG STON LAS, DMAR DANG NAG DANG DE BZHIN SER, ,DKAR PO NYID DE MDOR BSDUS PA, ,BZHI BZHI YI NI SBYOR BA LAS, ,GOS DKAR LA SOGS LEGS PAR BRI, ,ZHES SOGS GSUNGS SO,, DE DAG NI, BTZUN MO CAN DANG, NAG PO ZHABS KYI LUGS SO, ,MNGON SHES CAN NI 'DI LTAR BZHED DE, RLUNG GI RLUNG GIS GTZO BYAS NAS RGYU BA NA, LDANG BA'I DUS SU RLUNG GI RLUNG DE RLUNG GZHAN BZHI'I DBUS NA GNAS PA DANG, 'KHOR BZHI BAS CUNG ZAD RAGS PA DANG, CUNG ZAD RING BA DANG, RTZA BA'I KHA DOG GIS 'KHOR BZHI LA KHYAB PAR RGYU STE, DE YANG DANG POR LDANG BA'I TSE, H'Um GI SGRA DANG BCAS NAS SNA SGO G-YON PA NAS 'BYUNG STE BSEGS LA 'GRO, SLAR LDOG PA'I DUS SU AOm GYI SGRA DANG BCAS NAS LTE BA'I GNAS SU 'JUG GNAS PA'I DUS SU AA'I SGRA DANG BCAS NAS DE NYID DU THIM PAR GYUR TE, DE LTAR 'BYUNG 'JUG GNAS GSUM RGYU BA GCIG TU BGRANGS PAS NYIS BRGYA NYI SHU RTZA LNGA NI SHES RAB RLUNG GI RLUNG SGROL MA'I RGYU TSUL LO, , @035 DE NAS YANG RLUNG GI RLUNG GIS GTZO BYAS NAS, MGRIN PA ME'I DKYIL 'KHOR NAS SNA SGO G-YAS NAS GYEN DU 'BYUNG ZHING 'JUG PA DANG GNAS PA'I RGYU BA SNGA MA BZHIN BGRANGS PA NYIS BRGYA NYI SHU RTZA LNGA NI RLUNG GI ME GOS DKAR MO'I RGYU BA'O, ,DE NAS YANG RLUNG GIS GTZO BYAS NAS GSANG GNAS SA'I DKYIL 'KHOR NAS, SNA SGO GNYIS KA NAS THAD KAR 'GRO ZHING, 'JUG PA DANG GNAS PA'I RGYU BA SNGA MA BZHIN BGRANGS PA NYIS BRGYA NYI SHU RTZA LNGA NI RLUNG GI SA SPYAN MA'I RGYU BA'O, ,DE NAS YANG RLUNG GI RLUNG GIS GTZO BYAS NAS SNYING KHA CHU'I DKYIL 'KHOR NAS, THUR DU 'GRO ZHING 'JUG PA DANG GNAS PA'I RGYU BA SNGA MA LTAR BGRANGS PA NYIS BRGYA NYI SHU RTZA LNGA NI RLUNG GI CHU M'A MA KI'I RGYU BA'O, ,DE LTAR RLUNG GI RLUNG GIS GTZO BYAS PAS DGU BRGYA PA PHRAG GCIG NI THABS LAS KYI MGON PO'I RGYU BA'O, ,DE NAS ME'I RLUNG LA GTZO BO 'PHO STE, THOG MAR MGRIN PA ME'I DKYIL 'KHOR NAS, ME RLUNG GIS GTZO BYAS NA NYIS BRGYA NYI SHU RTZA LNGA RGYU BA NI ME'I ME GOS DKAR MO'O, ,DE NAS LTE BA RLUNG GI DKYIL 'KHOR NAS ME RLUNG GIS GTZO BYAS PA NYIS BRGYA NYI SHU RTZA LNGA RGYU BA NI ME'I RLUNG SGROL MA'O, ,DE NAS GSANG GNAS SA'I DKYIL 'KHOR NAS ME RLUNG GIS GTZO BYAS PA NYIS BRGYA NYI SHU RTZA LNGA RGYU BA NI ME'I SA SPYAN MA'O, ,DE NAS SNYING KHA CHU'I DKYIL 'KHOR NAS ME'I GTZO BYAS PA NYIS BRGYA NYI SHU RTZA LNGA RGYU BA NI ME'I CHU GOS DKAR MO'O, ,DE LTAR MES GTZO BYAS PA DGU BRGYA PA PHRAG GCIG NI PAD MA MGON PO'I RGYU BA'O, ,DE NAS SA'I RLUNG LA GTZO BO 'PHOS TE, DE'ANG THOG MAR GSANG GNAS SA'I DKYIL 'KHOR NAS @036 SA RLUNG GIS GTZO BYAS PA NYIS BRGYA NYI SHU RTZA LNGA RGYU BA NI SA'I SA SPYAN MA'O, ,DE NAS LTE BA RLUNG GI DKYIL 'KHOR NAS SA RLUNG GIS GTZO BYAS PA NYIS BRGYA NYIS SHU RTZA LNGA RGYU BA NI SA'I RLUNG SGROL MA'O, ,DE NAS MGRIN PA ME'I DKYIL 'KHOR NAS SA RLUNG GIS GTZO BYAS PA NYIS BRGYA NYI SHU RTZA LNGA RGYU BA NI SA'I CHU GOS DKAR MO'O, ,DE NAS SNYING KHA CHU'I DKYIL 'KHOR NAS SA RLUNG GIS GTZO BYAS PA NYIS BRGYA NYI SHU RTZA LNGA RGYU BA NI ME'I CHU M'A MA KI'O, ,DE LTAR SA RLUNG GI GTZO BYAS PA DGU BRGYA PA PHRAG GCIG NI RIN CHEN MGON PO'I RGYU BA'O, ,DE NAS CHU'I RLUNG LA GTZO BO 'PHOS TE, DE YANG THOG MAR SNYING KHA CHU'I DKYIL 'KHOR NAS, CHU RLUNG GI GTZO BYAS PA NYIS BRGYA NYI SHU RTZA LNGA SNA SGO GNYIS KA NAS 'BYUNG BA NI CHU'I CHU M'A MA KI'O, ,DE NAS LTE BA RLUNG GI DKYIL 'KHOR NAS, CHU RLUNG GI GTZO BO BYAS PA'I NYIS BRGYA NYI SHU RTZA LNGA SNA SGO G-YON PA NAS 'BYUNG BA NI CHU'I RLUNG SGROL MA'O, ,DE NAS MGRIN PA ME'I DKYIL 'KHOR NAS CHU RLUNG GI GTZO BO BYAS PA'I NYIS BRGYA NYI SHU RTZA LNGA SNA SGO G-YAS PA NAS BYUNG BA NI CHU'I ME GOS DKAR MO'O, ,DE NAS GSANG GNAS SA'I DKYIL 'KHOR NAS CHU RLUNG GI GTZO BYAS PA NYIS BRGYA NYI SHU RTZA LNGA GNYIS KA NAS RGYU BA NI CHU'I SA SPYAN MA'O, ,DE LTAR CHU RLUNG GI GTZO BYAS PA DGU BRGYA BA PHRAG GCIG RDO RJE MGON PO'I RGYU BA'O, ,DE BAS NA RLUNG GANG GI GTZO BYED PA DE 'KHOR GZHAN BZHI'I DBUS NA GNAS PA DANG, CUNG ZAD RAGS PA DANG, CUNG ZAD RING BA DANG, GTZO BO'I KHA DOG GIS GZHAN RNAMS LA KHYAB PA YIN LA, DE LTA'I TSUL GYIS GNAS DANG SGO DANG, PHYOGS GANG NAS RGYU'ANG @037 THABS KYI RGYU BAR BZHAG PA DE NYID GANG NAS 'BYUNG BA'I GNAS DANG, GANG DU RGYU BA'I SGO DANG, JI LTAR RGYU BA'I PHYOGS KYI DBYE BAS SHES RAB KYI RGYU BAR BZHAG GO RLUNG GI BYED LAS LA GNYIS TE, THA MAL BA'I RGYUD LA BYED PA'I LAS DANG, RNAL 'BYOR PA'I RGYUD LA BYED PA'I LAS SO, ,THA MAL PA'I BYED LAS KYANG GNYIS TE, THUN MONG GI LAS DANG, KHYAD PAR GYI LAS SO, ,THUN MONG GI BYED LAS NI, SEMS KUN TU SNANG BA GSUM DANG 'DRES NAS 'KHOR BA'I CHOS THAMS CAD BSKYED PA'I BYA BA BYED DE, DE YANG PHA DANG MA'I STENG NA RLUNG SROG DANG RTZOL BA'I BDAG NYID CAN GNAS PA DE, DBANG PO GNYIS SNYOMS PAR 'JUG PA'I DUS SU, 'DOD CHAGS CHEN PO'I MES BZHU NAS, KHU BA DANG KHRAG GI RNAM PAR RDO RJE DANG PAD MA LAS BABS TE, MNGAL GYI GNAS SKABS SU LHUNG BA DANG, BAR DO'I SRID PA GSUM 'DRES TE, GNAS SKABS LNGAS RIM GYIS 'PHEL NAS, SEMS CAN GYI KHAMS BSKYED PAR BYED LA, JI SRID 'TSO'I BAR DU YANG LUS LA 'JUG GNAS LDANG GSUM GYIS GNAS TE, LUS NYIN MTSAN DU 'DZIN CING MI 'DRUL BA'I BYA BA BYED DO, ,YANG DE NYID YI GE AA'I GZHIR GYUR NAS NGAG THAMS CAD BSKYED PA'I BYA BA BYED DO, ,YANG DE NYID SEMS SNANG BA GSUM DANG RANG BZHIN BRGYAD CU'I ZHON PAR GYUR NAS, RTOG BAS RTOG MED KYI SEMS THAMS CAD BSKYED PA'I BYA BA BYED DO, ,MTHAR TSE DANG LAS ZAD NAS 'CHI BA'I TSE MI SHIGS PA HA LA ZHUGS NAS, RIM GYIS 'CHI BA STONG PA MNGON DU BYED DO, ,YANG RLUNG DE NYID BAR DO'I SRID PA'I ZHON PAR GYUR TE, RLUNG SEMS 'DRES @038 PA'I BAR DO DE LAS KYI STOBS KYIS SKYE GNAS BZHI'I LUS BLANGS TE, SLAR YANG SNGA MA BZHIN DU BYA BA THAMS CAD BYED DO, , KHYAD PAR GYI LAS LA GNYIS TE, RTZA BA'I RLUNG LNGA'I LAS DANG, YAN LAG GI RLUNG LNGA'I LAS SO, ,RTZA BA'I RLUNG LNGA'I LAS LA, SROG 'DZIN GYI RLUNG GIS RLUNG THAMS CAD PHYIR SPRO BA DANG, NANG DU SDUD PA'I BYA BA BYED DO, ,ME DANG MNYAM DU GNAS PAS NI, KHA ZAS THAMS CAD 'JU BA'I BYA BA BYED DO, ,GYEN DU RGYU BAS NI, BZA' BA DANG MYANG BA LA SOGS PA THAMS CAD LCI YI RNAM PAR SHES PA LA GTOD CING RO 'DZIN PA'I BYA BA BYED DO, ,THUR SEL GYIS NI, GCIN DANG PHYI SA LA SOGS PA 'PHEN PA DANG SDOMS PA'I BYA BA BYED DO, ,KHYAB BYED KYIS NI, 'GRO BA DANG 'ONG BA DANG BSKUL BA LA SOGS PA'I BYA BA BYED DO, ,DE SKAD DU YANG BSHAD PA'I RGYUD LAS, DBANG PO'I SGO YI RGYUN LAS NI, SROG DANG RTZOL BA'I RGYU BA DAG ,RTAG PA'I DUS SU RGYU BA NI, ,SROG CES BYA BA YIN PAR BSHAD, ,CES SOGS GSUNGS SO, ,YAN LAG GI RLUNG LNGA'I LAS NI, MIG LA SOGS PA DBANG PO LNGA LA GNAS NAS, GZUGS LA SOGS PA'I YUL LNGA YONGS SU RDZOGS PAR BYED DO, ,DE YANG RGYU BA'I RLUNG NI GZUGS SO, ,RNAM PAR RGYU BA'I RLUNG NI SGRA'O, ,YANG DAG PAR RGYU BA'I RLUNG NI DRI'O, , RAB TU RGYU BA'I RLUNG NI RO'O, ,NGES PAR RGYU BA'I RLUNG NI REG BYA'I LAS BYED DO, , RNAL 'BYOR PA'I RGYUD KYI LAS LA YANG GNYIS TE, THUN MONG GI LAS DANG KHYAD PAR GYI LAS SO, @039 THUN MONG GI LAS NI, BSKYED RIM PAS PHYAG RGYA DANG SNYOMS PAR 'JUG PA BYAS PA LAS, RTZA SBUGS SO SO NA YOD PA'I RLUNG RNAMS 'DOD CHAGS CHEN PO'I MES BZHU NAS, KUN RDZOGS BYANG CHUB KYI SEMS KYI RNAM PAR YUM GYI PAD MAR BABS TE, YIG GE GSUM LA SOGS PA'I RIM GYIS DKYIL 'KHOR RGYAL MCHOG GI LHA RNAMS BSKYED PAR BYED DO, ,RDZOGS RIM PAS RLUNG DE NYID YI GE GSUM GYI GZHIR GYUR PAS, LHUN GYIS GRUB PA'I BZLAS PA BYAS NAS, SNGON GYI LAS KYI SGRIB PA ZAD PAR BYED DO, ,YANG GDAMS NGAG JI LTA BA BZHIN DU RDO RJE'I BZLAS PA LA BSLABS PAS MTHAR SEMS KYI ZHON PA RLUNG DBANG DU 'DUS PA LA BRTEN NAS, SEMS LA DMIGS PA'I TING NGE 'DZIN DBANG DU BYED DO, ,SEMS LA DMIGS PA'I SKABS SU BDE BA'I SNANG BA RLUNG DANG 'DRES NAS, SGYU MA LTA BU'I SKU MDOG MNGON DU BYED DO, , SGYU MA LTA BU DE NYID 'OD GSAL GYI MES SBYANGS NAS 'OD GSAL DE LAS SNANG BA GSUM RLUNG DANG 'DRES NAS RJES DRAN GYI YAN LAG GI ZUNG 'JUG GI SKU BSKYED PA'I BYA BA BYED DO, ,KHYAD PAR GYI LAS LA LNGA STE, SROG 'DZIN GYI RLUNG DGU BRGYA BA PHRAG GCIG RGYU BA'I DUS SU SLOB PA'I ZUNG 'JUG PAS ZHI BA'I LAS BYED DO, ,DE BZHIN DU THUR SEL RIN CHEN MGON PO RGYU BA'I DUS SU RGYAS PA'I LAS BYED DO,, GYEN RGYU PAD MA MGON PO RGYU BA'I DUS SU DBANG GI LAS BYED DO, ,ME DANG MNYAM GNAS LAS KYI MGON PO RGYU BA'I DUS SU MNGON GCOD KYI LAS BYED DO, ,DE SKAD DU YANG, YA YI DON GYIS CI YANG RUNG, DNGOS GRUB 'DOD PA'I BYA BA NI, RA LA @040 SOGS PA GSUM NYID KYIS, ,'GRO BA'I DON LA RAB TU 'JUG ,ME DANG RLUNG DANG DBANG CHEN DANG, ,CHU STE SO SO'I DKYIL 'KHOR DU, ,LAS NI GNYIS GNYIS BYED PAR 'GYUR, ,ZHES GSUNGS SO, KHYAB BYED KYIS NI, RNAL 'BYOR PA BAR MA DOR MYA NGAN LAS 'DAS PA GCIG TU BYED PA'I BSAM GTAN PAS 'CHI BA DON DAM MNGON DU BYED PA'I BYA BA BYED DO, , DE YANG, AOm SH'U N+Y'A TA LA SOGS PA SNGAGS KYI DON GNAS SKABS GSUM DU MNGON DU BYAS NAS, 'CHI BA DON DAM MNGON DU BYED DE, 'DI LTAR, 'CHI BA'I TSE NA PHUNG PO LA SOGS PA MTHAR RLUNG LA THIM NAS, KHYAB BYED KYI RLUNG RGYU BA'I TSE 'CHI KHA'I RDO RJE BZLAS PA BYED PA NI, SH'U N+Y'A TA LA SOGS PA'I SNGAGS KYI DON DANG PO RLUNG MNGON DU BYAS PA YIN NO, ,DE NAS RLUNG YANG MI SHIGS PA HA LA THIM NAS, HA ZHES RLUNG SEMS LA THIM PA NI, SH'U N+Y'A TA LA SOGS PA SNGAGS KYI DON GNYIS PA SEMS MNGON DU BYAS PA YIN NO, ,DE NAS SEMS KYANG SEMS BYUNG LA THIM, SEMS BYUNG YANG MA RIG PA LA THIM, MA RIG PA THAMS CAD STONG PA 'CHI BA 'OD GSAL LA THIM PA NI, SH'U N+Y'A TA LA SOGS PA SNGAGS KYI DON GSUM PA STONG PA MNGON DU BYAS PA YIN NO,, DE LTAR NA KHYAB BYED KYI RLUNG GIS SH'U N+Y'A TA'I SNGAGS KYI DON GNAS SKABS GSUM DU MNGON DU BYAS NAS, 'CHI BA 'OD GSAL RTOG PA'I BYA BA BYED DO, ,YAN LAG GI RLUNG GIS RNAL 'BYOR PA'I RGYUD LA MNGON PAR SHES PA LNGA BSKYED PA'I BYA BA @041 BYED DO, ,RTZA BA DANG YAN LAG GI RLUNG GI KHYAD PAR GYI LAS SNGAR THA MAL PA'I RGYUD LA BYED PAR BSHAD PA DE NI, 'DIR RNAL 'BYOR PA'I RGYUD LA YANG BYED PAR BLTA'O, , DE LTAR NA RLUNG GI LAS NI 'KHOR BA DANG MYA NGAN LAS 'DAS PA'I RGYU BYED PAS TE, JI SKAD DU, SEMS CAN KUN GYI SROG GYUR PA, ,RLUNG ZHES BYA BA LAS KUN BYED, , CES DANG, BSHAD PA'I RGYUD LAS KYANG, SNYING POR GYUR PA RANG SROG LAS, KHAMS GSUM NA NI GZHAN MED DE, KHAMS GSUM RLUNG GI SPRUL PA TZAM, ,RMI LAM RMI BA BZHIN DU BLTA, ,ZHES GSUNGS SO, ,RLUNG RGYU BA'I GRANGS NI, SHES RAB KYI GRANGS DANG, THABS KYI GRANGS DANG, NYIN MTSAN GYI GRANGS SO, ,SHES RAB KYI GRANGS NI, NYIS BRGYA NYI SHU RTZA LNGA'O, ,THABS KYI GRANGS NI, SHES RAB KYI RGYU BA BZHI GCIG TU BSDOMS PAS DGU BRGYA PA PHRAG RE RE'O, ,NYIN MTSAN GYI GRANGS NI SKOR DRUG THUN BCU GNYIS, THUN PHYED PA NYI SHU RTZA BZHI STE, THUN PHYED PHYED LA DGU BRGYA PA PHRAG RE RE RGYU BAS, DE RNAMS KUN LOG PAS NYI KHRI GCIG STONG DRUG BRGYA'O, ,DE SKAD DU YANG, GOS DKAR LA SOGS BZLAS BSHAD PA, ,BRGYA PHRAG GNYIS DANG NYI SHU LNGA, , BZHI PO LEGS PAR BSDUS NAS NI, ,SBYOR BZHI BSDUS PAS BRGYA PHRAG DGU ,DGU BRGYA DAG DU GANG BSTAN PA, ,NYI SHU RTZA BZHI'I RIM GYIS NI, ,DE NI SO SOR 'BYUNG BA LAS, ,NYI KHRI CHIG STONG DRUG BRGYA'O, ,ZHES GSUNGS PAS SO, ,RLUNG GI DE NYID SHES PA'I PHAN YON NI SNGAGS KYI DE KHO NA NYID RTOGS PAR 'GYUR BAS TE, RLUNG GI DE NYID RIM GYIS NI, ,SNGAGS KYI DE NYID YANG DAG 'JUG ,CES GSUNGS SO, ,SNGAGS @042 KYI DE KHO NA NYID LA LNGA STE, SNGAGS KYI NGO BO, NGES TSIG DBYE BA, BYED LAS, SNGAGS BTU BA'O, , SNGAGS KYI NGO BO NI, YI GE GSUM MO, ,NGES TSIG NI, YI GE GSUM PO DER SNGAGS THAMS CAD 'DU BA'I PHYIR DANG, MNGON PAR 'DOD PA'I DNGOS GRUB LA MI SLU BA'I PHYIR NA, SNGAGS KYI DE KHO NA NYID CES BYA'O, ,SNGAGS KYI DBYE BA NI BZHI STE, BRJOD PA'I YI GE GSUM DANG, DBYIBS KYI YI GE GSUM DANG, BRDAR GYUR PA'I YI GE GSUM DANG, DON DAM PA'I YI GE GSUM MO, ,JI SKAD DU, MI RTOG DON GYI DE NYID NI, ,RAB TU PHYE NAS BSHAD PAR BYA, ,BRJOD DANG DMIGS PAR BCAS PA DANG, ,BRDAR GYUR DANG NI DON DAM MO, ,ZHES GSUNGS SO, ,BYED LAS NI, BRJOD PA'I YI GE GSUM GYIS BSKYED RIM PA LA PHYI'I KHA DOG DANG, DUS LA SOGS PA LA BRTEN NAS, ZHI BA LA SOGS PA'I LAS BYED, PHRENG SNGAGS KYI MA GRUB PA LA SNYING PO BSKUL BA'I BYA BA BYED PA DANG, KHA ZAS LA SOGS PA SBYONG BA'I BYA BA BYED DO, , DBYIBS SU GYUR PA'I YI GE GSUM GYIS 'KHOR BA PA MER MER PO LA SOGS PA'I GNAS SKABS SU YI GE GSUM GYI DBYIBS SU GYUR NAS, RNAM SMIN GYI LUS BSKYED PA'I BYA BA BYED LA, BSKYED RIM PA LA, LHA BSKYED PA DANG KHA ZAS SBYONG BA'I BYA BA BYED DO, ,BRDAR GYUR BA'I YI GE GSUM NI, 'JUG GNAS LDANG GSUM GYI NGO BO YIN PAS, JI LTAR RLUNG GIS LAS BYED PA DE BZHIN DU BRDA'I YI GE GSUM GYIS KYANG BYED DO, ,DON DAM PA'I YI GE GSUM NI, CHOS CAN YI GE GSUM BKAG PAS NA @043 YI GE GSUM STE 'OD GSAL LA BYA LA, DES NI GNYIS SU MED PA'I YE SHES KYI SKU BSKYED PA'I BYA BA BYED DO, ,SNGAGS BTU BA LA GZHI GANG LAS BTU BA, NGO BO GANG BTU, TSUL JI LTAR BTU BA GSUM GYI, GZHI GANG LAS BTU BA NI, A'A LI K'A LI'I GRONG KHYER LAS BTU BA STE, JI SKAD DU, 'JIGS BYED RTOGS BDUN NAS, A'A LI K'A LI'I GRONG KHYER NAS, ,SNGAGS KYI RGYAL PO BTU BAR BYA, ,ZHES GSUNGS PA LTAR RO, ,NGO BO GANG BTU BA NI, YI GE GSUM MO, ,TSUL JI LTAR BTU BA NI, BSKYED RIM PA'I BTU BA DANG, RDZOGS RIM PA'I BTU BA GNYIS KYI DANG PO NI, RDO RJE PHRENG BA LAS, SKU GSUNG THUGS KYI SGRUB BYED PA'I, ,MTSUNGS PA MED PA'I SNGAGS BTU BYA, ,GSUNG GI RDO RJE SNYING PO MCHOG ,AU SHA YA NA'I CHA DANG MTHUN, ,DBYANGS YIG DRUG PAR YANG DAG LDAN, ,SDE TSAN THA MA'I THA MAR BCAS, ,THUGS KYI RDO RJE'I GO 'PHANG GSAL, ,ZHES GSUNGS SO, ,DE LA DANG PO'I YI GE NI AA'O, ,DBYANGS YIG LNGA PA NI AU'O, ,DE GNYIS MTSAMS SBYOR BAS AO RU 'GYUR RO, ,SDE TSAN THA MA'I THA MA NI MA'O, ,DE DAG SDOM PAS SKU'I RDO RJE'I SA BON AOm 'GRUB BO, ,THOG MA'I YI GE NYIS 'GYUR NI A'A RING PO'O, ,DBUS MA SHA'I CHA NI TSEG DRAG GO, DE DAG LAS GSUNG GI RDO RJE'I SA BON A'A: RING PO TSEG DRAG CAN 'GRUB BO, ,AU SHA YA NA'I CHA NI HA'O, , DBYANGS YIG DRUG NI A'U RING PO'O, ,SDE TSAN THA MA'I THA MA NI MA'O, ,DE DAG SDOM PA LAS THUGS KYI RDO RJE'I SA BON H'Um RING PO 'GRUB BO, ,RDZOGS RIM PA'I SNGAGS BTU BA LA GNYIS TE, NUS PA'I SGO NAS BTU BA DANG, SGRA'I SGO NAS BTU BA'O, ,DANG PO NI, @044 CHOS KYI PHUNG PO BRGYAD KHRI BZHI STONG JI SNYED PA DBYANGS YIG BCU DRUG DANG GSAL BYED SUM CU RTZA GSUM LAS BYUNG BAS, DE DAG DU 'DU LA, DBYANGS DANG GSAL BYED DE DAG KYANG SKYES PA DANG, BUD MED DANG, MA NING GSUM DU 'DU STE, DBYANGS RNAMS NI GDANGS ZHAN PAS BUD MED DANG, KA LA SOGS PA'I SDE PA LNGA NI, GDANGS DRAG PAS SKYES PA DANG, MTHAR GNAS DANG DRO BA'I SDE TSAN DANG, DBYANGS KYI Ri R'i Li L'i BZHI RNAMS NI BAR MAR GNAS PAS MA NING ZHES BYA'O, ,DE DAG KYANG YI GE GSUM DU 'DU STE AOm NI DBYANGS GSAL 'DRES PAS MA NING YIN LA, A'A: NI DBYANGS KHO NA YIN PAS BUD MED DANG, H'Um NI GSAL BYED SHAS CHE BAS SKYES PA YIN NO, , DE PHYIR YI GE GSUM PO DES, RTAGS GSUM PA CAN GYI DBYANGS GSAL RNAMS BSDUS SO, , SGRA'I SGO NAS BTU BA NI, YAB YUM SNYOMS 'JUG BYED PA'I TSE NA, RTZA G-YAS PA NAS K'A LI'I SGRA GRAG G-YON PA NAS A'A LI SGRA GRAG RDO RJE'I RTZA BAR 'BRU DRUG GI SGRA GRAG PAD MAR 'BRU GSUM GYI SGRA GRAG PA'AM, YANG NA NAG PO ZHABS LTAR, LTE BA YAN CHAD K'A LI'I SGRA GRAG LTE BA MAN CHAD A'A LI SGRA GRAG RDO RJE'I RTZA BA DANG PADMAR 'BRU GSUM GYI SGRA GRAG PAS DE BAS NA DBYANGS GSAL KUN 'BRU GSUM GYI SGRAR 'DUS PAS 'BRU GSUM SGRA YI SGO NAS 'DUS PA'O, ,SGRA YI DE KHO NA NYID LA BZHI STE, SGRA YI NGO BO DANG, SGRA'I DON, BRJOD TSUL DANG, SGRA'I DE NYID NAM MKHA' DANG MNYAM PA DANG, SGRA'I DE NYID RTOGS PA'I PHAN YON NO, ,DE LA SGRA'I NGO @045 BO NI, A'A LI K'A LI'I LAS BYUNG BA'I MING DANG, TSIG DANG NGAG GI TSOGS THAMS CAD DO, ,SGRAS DON BRJOD PA'I TSUL NI, GANG DU, GANG GI PHYIR, JI LTAR RAB TU 'JUG PA'I TSUL GYIS TE, DE LA GANG DU 'JUG PA NI, SGRA THAMS CAD RANG GI BRJOD PAR BYA BA'I DON LA 'JUG PA STE, DPER NA MAR ME'I SGO NAS BUM PA LA SOGS PA BLTA BA BZHIN NO, ,GANG GI PHYIR 'JUG PA NI, AA SGYUR GYUR PA'I PHYIR 'JUG PA STE, GANG GI PHYIR AA DANG YANG DAG PAR LDAN PAR MA GYUR PA'I KA LA SOGS PA YOD PA MA YIN TE, YIG GE THAMS CAD KYI KHONG NA AA GNAS PA'I PHYIR RO, ,DE SKAD DU YANG, AA NI YIG 'BRU KUN GYI MCHOG ,DON CHEN YI GE DAM PA YIN, KHONG NAS 'BYUNG BA SKYE BA MED, ,TSIG TU BRJOD PA SPANGS PA STE, ,BRJOD PA KUN GYI RGYU YI MCHOG TSIG KUN RAB TU GSAL BAR BYED, ,CES GSUNGS PA'I PHYIR RO, ,JI LTAR 'JUG PA NI, YI GE PHAN TSUN 'DUS PA LAS TSIG YON TAN CAN DU GYUR NAS 'JUG STE, DE YANG A'A LI K'A LI'I YI GE DU MA 'DUS PA LAS MING 'BYUNG, MING DU MA 'DUS PA LAS TSIG 'BYUNG, TSIG DU MA 'DUS LAS NGAG TU LDANG STE, DE LAS 'JIG RTEN DANG 'JIG RTEN LAS 'DAS PA'I BSTAN BCOS THAMS CAD 'BYUNG BA'I PHYIR RO, ,SGRA'I DE KHO NA NYID NAM MKHA' DANG MNYAM PA NI, NGAG GI SGRA THAMS CAD A'A LI K'A LI'I LAS BYUNG LA, A'A LI K'A LI'I YI GE RNAMS AA THUNG GI RTZA BA CAN YIN ZHING, AA THUNG YANG LUS KYI KHONG STONG 'OD GSAL LAS BYUNG BAS, DE'I PHYIR SGRA THAMS CAD STONG PA NYID KYI RTZA BA CAN YIN PAS, NAM MKHA' DANG MNYAM PA YIN NO, ,SGRA'I DE NYID SHES PA'I @046 PHAN YON LA GNYIS TE, MI SKYE BA'I CHOS LA BZOD PA THOB PA, 'JIG RTEN GYI CHOS BRGYAD ZIL GYIS GNON PA'O, ,MI SKYE BA'I CHOS LA BZOD PA THOB PA NI, SGRA THAMS CAD SKYE MED DU RTOGS PA'I RNAL 'BYOR PA DES, 'GAL BAR SNANG BA THAMS CAD 'GAL BA MED PAR BZOD DE, SNANG BA THAMS CAD STONG PA YANG BZOD, GANG ZAG DU YANG BZOD DO, ,DE CI'I PHYIR ZHE NA, GANG ZAG NI STONG PA, STONG PA NYID GANG ZAG TU SNANG BA'I PHYIR RO, ,'JIG RTEN GYI CHOS BRGYAD ZIL GYIS GNON PA NI, SGRA THAMS CAD SKYE MED DU RTOGS PAS, BSTOD SMAD SOGS LA DGA' MI DGA' MI 'BYUNG STE, BSTOD SMAD SOGS BRAG CHA DANG 'DRA BAR KHONG DU CHUD PA'I PHYIR RO, ,DE LTAR NA RLUNG DANG SNGAGS DANG, SGRA'I DE KHO NA NYID LA THOS BSAM GYIS SGROG 'DOGS BCAD NAS, SGRA'I DE NYID NAM MKHA' DANG MNYAM PAR SHES PAR BYAS NAS, RLUNG GI DE NYID 'BYUNG 'JUG GNAS GSUM DANG, SNGAGS KYI DE NYID YI GE 'BRU GSUM DBYER MED DU SBYAR NAS RGYU BA BGRANG BA'I TSUL GYIS BSLAB PAR BYA'O, ,DANG POR BEM PO'I RLUNG RAGS PA LA BSLAB, DE NAS BEM PO'I RLUNG PHRA BA LA BSLAB, DE NAS SHES PA'I RLUNG GSAL BA DANG 'DRES PA LA GDAMS NGAG JI LTA BA BZHIN DU BSLAB BO, ,RDO RJE BZLAS PA MTHAR PHYIN PA'I TSAD NI, DANG POR BEM PO'I RLUNG RAGS PA LA LOBS PA'I TSAD NI RLUNG GI RGYU BA GSAL BA DANG, RANG GI KHAMS SNYOMS PA'O, ,BEM PO'I RLUNG PHRA BA LA LOBS PA'I TSAD NI, REG PA BDE BA DANG RLUNG G-YAS G-YON SPO NUS PA'O, ,GSAL BA'I RLUNG SHES PA DANG 'DRES PA LA LOBS PA'I TSAD @047 NI RLUNG GNOD MED DU BSDAMS NUS PA DANG, RLUNG PHYI NANG DU BSRE NUS PA'O, DES NI RLUNG RNAM PAR RGYAL BA THOB PA YIN NO, ,MTHAR PHYIN PA'I PHAN YON NI, LAN CIG LHUN GYIS GRUB PA'I DUS SU DE BZHIN GSHEGS PA'I GSUNG RNAM PAR DAG PA BSGRUB PA DANG, 'JIG RTEN GYI CHOS BRGYAD ZIL GYIS GNON PAR 'GYUR BA DANG, RLUNG DBANG DU 'DUS PAS SEMS DBEN SKYE BAR 'GYUR BA DANG, SLOB PA'I ZUNG 'JUG GI SKU LA BRTEN NAS, ZHI BA LA SOGS PA'I LAS 'GRUB PAR 'GYUR BA'O, ,DE LTAR SEMS DBEN GYI SNGON 'GRO LUS DBEN DANG, NGAG DBEN BSHAD NAS, DA NI SEMS DBEN RANG GI NGO BO BSHAD PAR BYA STE, DE LA YANG SPYI'I DON DANG, YAN LAG GI DON GNYIS KYI, DANG PO LA YANG RTEN GYI GANG ZAG DANG, SHES BYA DANG, SPANG BYA DANG, DBYE BA SO SO'I MTSAN NYID DANG, NGES TSIG BSTAN PA'O, ,SEMS DBEN GYI RTEN GYI GANG ZAG NI, RDO RJE'I BZLAS PA MTSAR PHYIN NAS SEMS TZAM GYI TING NGE 'DZIN LA 'DOD PA YOD PA'O, ,JI SKAD DU, RDO RJE BZLAS NAS RNAL 'BYOR PAS, ,SEMS LA DMIGS PA THOB PAR 'GYUR, ,ZHES GSUNGS PA LTAR RO, ,SEMS DBEN GYI SHES BYA NI, CHOS THAMS CAD SEMS RANG RIG PA BDE BA CHEN PO'I RNAM PA YIN LA, SEMS DE'ANG STONG PA NYID LAS BYUNG ZHING, STONG PA NYID LA THIM PA NAM MKHA' LTAR SHES PAR BYED PA STE, JI SKAD DU, THUGS KYI RDO RJE RDZOGS BYANG CHUB, ,GNAS PA'I RDO RJE RNAM DPYAD NA, ,THUGS KYI RDO RJE ZHES BSHAD DO, ,ZHES GSUNGS SO, ,SPANG BYA NI, GZUNG 'DZIN GYI RTOG PAS BSDUS PA'I RANG BZHIN BRGYAD CU'O, ,DBYE BA SO @048 SO'I MTSAN NYID LA GNYIS TE, SHES BYA SEMS KYI MTSAN NYID DANG, SEMS LA DMIGS PA YE SHES KYI MTSAN NYID DO, ,SHES BYA SEMS KYI MTSAN NYID LA GNYIS TE, RTOG MED KUN TU SNANG BA'I SEMS DANG, RTOG BCAS RANG BZHIN GYI SNANG BA'I SEMS SO, ,'DI GNYIS KYI NGOS 'DZIN LA SLOB DPON RNAMS BZHED PA MI MTHUN TE, NAG PO ZHABS KYI LUGS KYIS 'PHAGS PA YAB SRAS KYI RANG LUGS LA SEMS KYI RGYUD GCIG YIN TE, SPYOD BSDUS SU, GCIG PU 'GRO ZHING RING DU RGYU, ,LUS MED DBANG PO'I PHUG NA GNAS, ,ZHES GSUNGS PA DANG, YID KYI DBANG PO SNANG BA GSUM, , ZHES GSUNGS SO, , 'O NA RNAM SHES DRUG GAM BRGYAD DU JI LTAR 'JOG CE NA, GNAS DANG RTEN GYIS PHYE BAS RNAM SHES TSOGS DRUG TU 'GYUR TE, DPER NA KHANG PA BU GA DRUG YOD PAR MAR ME BTEGS PA NA, MAR ME DRUG GI SNANG BA 'BYUNG BA BZHIN DU, BYANG CHUB KYI SEMS KUN TU BZANG PO MYONG BA RIG TZAM DE NYID MIG LA SOGS PA DBANG PO LNGA LA BRTEN NAS, GZUGS LA SOGS PA YUL LNGA'I SNANG BA 'BYUNG BAS DBANG SHES LNGAR BZHAG DE NYID RNAM SHES SNGA MA LA BRTEN NAS 'DUS BYAS DANG 'DUS MA BYAS KYI CHOS RNAMS RTOGS PAS YID SHES DANG, NGA DANG NGA YIR 'DZIN PAS NYON MONGS CAN GYI YID DANG, MIG LA SOGS PA CHOS GZHAN GYI RGYU BYED PAS KUN GZHIR BZHAG GO ,DE LA YID KYI DBANG PO RTOG MED CIG NYID SKYE BA LA PHYOGS PA'I CHA SNANG BA DANG, BDE BA LA PHYOGS PA'I CHA SNANG BA MCHED PA DANG, 'GAG PA LA PHYOGS @049 PA'I CHA SNANG BA NYER THOB BO, ,RTOG BCAS RANG BZHIN GYI SNANG BA NI, DE GSUM GYIS DRANGS PA'I 'KHOR BA BSKYED PA'I RGYU GLO BUR GYI DRI MA RANG BZHIN BRGYAD CU'O, , DE LA RTOG MED KUN TU SNANG BA NI, 'DI'O ZHES MYONG STOBS KYIS NGES PA 'DREN MI NUS PAS RTOG BCAS RANG BZHIN GYI RTAGS LAS RJES SU DPOG LA, RANG BZHIN RNAMS NI MYONG STOBS KYIS NGES PA 'DREN PAS MNGON 'GYUR YIN NO ZHES BZHED DO, , BTZUN MO CAN NI, SGO LNGA'I RNAM SHES RNAMS NI RTOG MED KUN TU SNANG BA YIN LA, RTOG BCAS YID KYI SHES PA NI RANG BZHIN SNANG BA YIN NO, ,DE YANG MIG GIS GZUGS DANG POR MTHONG BA SNANG BA DANG, CHES GSAL BAR MTHONG BA SNANG BA MCHED PA DANG, YID GTAD DE BLTAS PAS MI GSAL BAR MOG GIS MTHONG BA NYER THOB YIN LA, SNANG BA GSUM PO DE LAS RANG BZHIN RNAMS SKYE TSUL NI, SNANG BA'I RJES THOGS SU RANG GI RANG BZHIN SUM CU RTZA GSUM LAS GANG RUNG ZHIG DANG, SNANG BA MCHED PA SKYE, SNANG MCHED KYI RJES THOGS SU, RANG GI RANG BZHIN BZHI BCU LAS GANG RUNG DANG, NYER THOB SKYE LA, NYER THOB KYI RJES THOGS SU RANG GI RANG BZHIN BDUN LAS GANG RUNG BA ZHIG SKYE'O ZHES BZHED, RAB TU SGRON GSAL TU, RNAM SHES TSOGS DRUG SNANG BA DANG, ,NYON YID SNANG BA MCHED PA DANG, KUN GZHI NYER THOB BO ZHES BSHAD MOD, 'THAD PAR MA MTHONG NGO, , DE LA NAG PO ZHABS KYIS RTOG MED SNANG BA GSUM YID KYI DBANG PO LA BZHAG PA SPYOD BSDUS SU, 'DI NA LUS KYI NANG NA SNANG BA'I RNAM PAR SHES PA GSUM @050 PO DE NI YID KYI DBANG PO STE, DBANG PO THAMS CAD KYI BDAG PO YIN ZHING, ZHES SOGS GSUNGS PA DANG MTHUN ZHING BTZUN MO CAN GYIS SGO LNGA'I RNAM SHES LA BZHAG PA NI GZHUNG DE DANG 'GAL BAR SNANG NGO RTOG MED KUN TU SNANG BA LA DRUG STE, SEMS KYI DBYE BA DANG, MING GI RNAM GRANGS DANG, MTSAN NYID DANG, DUS JI TZAM DU SKYE BA DANG, SEMS KYI BYED LAS DANG, BSGRUB PA'I RGYU'O, ,DBYE NA GSUM STE, SNANG BA DANG, SNANG BA MCHED PA DANG, NYE BAR THOB PA'O, ,MING GI RNAM GRANGS LA MKHAS PA LA BSTAN PA DANG, MI MKHAS PA LA BSTAN PA GNYIS SO, ,MKHAS PA LA BSTAN PA YANG THEG PA THUN MONG DU GRAGS PA'I MING DANG RDO RJE THEG PA LA GRAGS PA'I MING NGO, ,THEG PA THUN MONG DU GRAGS PA'I MING NI SEMS DANG, YID DANG, RNAM PAR SHES PA DANG, KUN BTAGS DANG, GZHAN DBANG DANG, YONGS GRUB CES BYA BA LA SOGS PA'O, ,GSANG SNGAGS LA GRAGS PA'I MING NI SNANG BA DANG, SNANG BA MCHED PA DANG, SNANG BA NYER THOB CES DANG, STONG PA DANG, SHIN TU STONG PA DANG STONG PA CHEN PO ZHES SOGS SO, , MI MKHAS PA LA BSTAN PA LA GNYIS TE, SGRA MKHAS PA LA BSTAN PA DANG, THA MAL PA LA BSTAN PA'O, ,THA MAL PA LA BSTAN PA NI, NYIN MO DANG, MTSAN MO DANG, MTSAMS DANG, SKYES PA DANG, BUD MED DANG, MA NING LA SOGS PA'O, ,SGRA MKHAS PA LA BSTAN PA NI, AAm DANG AA: DANG AAS BSTAN PA'O, ,SEMS KYI MTSAN NYID LA GNYIS TE, SPYI DANG, BYE BRAG GI MTSAN NYID DO, ,SPYI'I MTSAN NYID LA @051 GNYIS TE, CHOS CAN SEMS KUN RDZOB PA'I MTSAN NYID DANG, SEMS KYI CHOS NYID DON DAM PA'I MTSAN NYID DO, ,SEMS KUN RDZOB PA'I MTSAN NYID NI, GZUNG 'DZIN GYIS DBEN PA'I RANG RIG GSAL TZAM MO, ,SEMS KYI CHOS NYID DON DAM PA'I MTSAN NYID NI, SEMS THAMS CAD DON DAM PAR STONG PA NYID LAS BYUNG ZHING STONG PA NYID KYI NGO BO NAM MKHA' LTA BU MTHA' GANG DU YANG MI GNAS PA'O, ,DE SKAD DU YANG, RANG RIG TZAM GYI YE SHES NI, ,NAM MKHA' LTA BUR MTSAN NYID MED, ,ZHES SO, ,BYE BRAG GI MTSAN NYID NI, SEMS SNANG MCHED THOG GSUM PO 'DI NI, ZLA BA'I 'OD ZER DANG, NYI MA'I 'OD ZER DANG, MUN PA GSUM GYI DPES MTSON NAS BSTAN PAS DE DAG DANG CHOS MTSUNGS TE, JI LTAR ZLA BA'I 'OD ZER LA SOGS PA DE DAG NAM MKHA' LAS BYUNG ZHING NAM MKHAR THIM PA BZHIN DU, SNANG BA GSUM PO 'DI DAG KYANG DANG POR 'OD GSAL LAS BYUNG ZHING, MTHAR 'OD GSAL LA THIM PA DANG, ZLA BA'I 'OD ZER LA SOGS PA 'DI DAG DNGOS PO BZANG NGAN THAMS CAD LA KHYAB KYANG, DE DAG GI SKYON YON GYIS MA GOS PA LTAR, SNANG BA GSUM PO 'DI DAG KYANG BDE 'GRO DANG, NGAN 'GRO'I 'GRO BA THAMS CAD LA KHYAB KYANG DE DAG GI SKYON YON GYIS MI GOS PA DANG, ZLA BA'I 'OD ZER LA SOGS PA DAG RANG GI YUL CAN GYI BLOS SHES PA GSAL BYED GZHAN LA MI LTOS PA LTAR, SNANG BA GSUM PO 'DI YANG RIG CING GSAL BA'I BDAG NYID YIN PAS GSAL BYED GZHAN LA MI LTOS PA'O, ,YANG NA SNANG BA NI ZLA BA'I 'OD ZER LTAR GSAL BA DANG, SNANG BA MCHED PA @052 NI NYI MA'I 'OD ZER LTAR CHES GSAL BA DANG, NYER THOB NI MTSAMS KYI MUN PA LTAR GSAL BA'I BYA BA RDZOGS PA YIN NO, ,SKYE BA'I DUS NI, SKAD CIG DANG, THANG CIG DANG, YUD TZAM LA SOGS PAR SKYE'O, ,BYED LAS NI, SEMS GSUM GYI MTSAN NYID MA RTOGS NA 'KHOR BA'I CHOS THAMS CAD BSKYED LA, RTOGS NA MYA NGAN LAS 'DAS PA'I CHOS THAMS CAD KYI RTZA BA BYED DO, ,DE SKAD DU YANG, SNANG BA GSUM GYI MTSAN NYID CAN, ,GANG DE SNANG BA GSUM THOS PA, ,SEMS CAN KHAMS NI MA LUS PA'I, ,RANG BZHIN RTZA BA 'DI YIN NO, ,ZHES GSUNGS SO, ,SGRUB PA'I RGYU NI, RLUNG DANG SHES PA SNGA MA'I STOBS KYIS 'BYUNG BA STE, RLUNG RNAMS PHRA BA'I GZUGS KYIS NI, ,SHES DANG YANG DAG 'DRES GYUR NAS, ,DBANG PO'I LAM NAS BYUNG BAS NI, ,YUL RNAMS LA NI DMIGS PAR BYED, ,ZHES DGONGS PA LUNG STON LAS GSUNGS SHING RDO RJE PHRENG BA LAS KYANG, DE NI RE RE'I DON SNANG BA, ,RLUNG GIS BLANGS NAS 'DZIN BYED LA, ,RLUNG DANG LDAN PA'I RNAM SHES NI, ,RTAG TU 'GRO BA GNAS PAR 'GYUR, ,ZHES GSUNGS SO, ,RTOG BCAS RANG BZHIN SNANG BA NI, RTOG MED KUN TU SNANG BA DANG, RLUNG GI STOBS KYIS DE'I RJES SU RGYU BA'I YID KYI RNAM SHES RTOGS PA DANG BCAS PA STE, DE YANG SNANG BA'I RANG BZHIN SUM CU RTZA GSUM, MCHED PA'I RANG BZHIN BZHI BCU THAM PA, NYER THOB KYI RANG BZHIN BDUN NO, ,DE DAG GI NANG SEMS KYI GRANGS DANG GO RIM NGES PA NI MED LA, SPYI TZAM LA RGYU KUN TU SNANG BA GSUM GYI GO RIM NGES PAS, DE DAG GI RJES SU RGYU BA'I RANG BZHIN RNAMS @053 GO RIM NGES SO, ,RANG BZHIN RNAMS KUN TU SNANG BA GSUM GYI RJES SU 'CHOL BAR MI 'BYUNG BA NI, RGYU KUN TU SNANG BA GSUM GSAL BA DANG, CHES GSAL BA DANG, MI GSAL BAR GNAS PAS, DE DAG GI 'BRAS BU RANG BZHIN GSUM YANG DE BZHIN DU GNAS LA, RGYU DANG 'BRAS BU RJES SU MTHUN PA'I PHYIR RO, ,GRANGS NGES NI, RNAM RTOG CHE LONG TZAM LA BRGYAD CU LA SOGS PAR NGES KYI, DE DAG SO SO'I GSAL BA'I DBYE BA MTHA' MED DO, , RANG BZHIN RNAMS GNAS SKABS 'DIR BSTAN PA NI, SEMS DBEN MI RTOG PA BSGOM PA'I MI MTHUN PHYOGS SU BSTAN PA'O, ,SEMS LA DMIGS PA NGES SHES KYI MTSAN NYID LA LNGA STE, DBYE BA DANG, BSGRUB PA DANG, NYAMS SU BLANG BA'I THABS DANG, MTHAR PHYIN PA'I TSAD DANG, PHAN YON NO, ,DBYE BA LA GNYIS TE, SEMS KYI CHOS CAN KUN RDZOB RIG PA'I YE SHES DANG, CHOS NYID DON DAM RIG PA'I YE SHES SO, ,CHOS CAN KUN RDZOB RIG PA'I YE SHES NI, GZUNG 'DZIN GYIS DBEN PA'I SEMS MYONG RIG GSAL TZAM MTSAN NYID JI LTA BA BZHIN DU RTOGS PA'I YE SHES SO, ,DON DAM CHOS NYID RIG PA'I YE SHES NI, SEMS KYI CHOS NYID DON DAM SPROS PA DANG BRAL BA NAM MKHA' LTA BU RIG BYA RIG BYED GNYIS SU MED PA'I TSUL GYIS MNGON DU GYUR PA STE, DE'ANG 'OG TU 'OD GSAL GYI SKABS NAS STON CING, 'DIR SKABS SU BAB PA, CHOS CAN KUN RDZOB RIG PA'I YE SHES KYI MTSAN NYID STON TE, DE'ANG RANG RIG BDE BA RAB 'BRING GSUM STE, THOG MAR GZUNG 'DZIN @054 GYIS STONG ZHING, BDE BA'I SNAM PA GSAL BAR SNANG BA NI SNANG BA'I YE SHES SO, , GZUNG 'DZIN GYI RTOG PAS CHES STONG ZHING SHIN TU BDE BA'I SKAD CIG NI SNANG BA MCHED PA'I YE SHES SO, ,GZUNG 'DZIN GYI RTOG PA CHES CHER STONG ZHING BDE BA CHEN PO'I SNANG BA NYAMS SU MYONG BA NI NYER THOB BO, ,DE DAG LA NI STONG PA DANG, SHIN TU STONG PA DANG, STONG PA CHEN PO ZHES KYANG BYA'O, ,CHOS CAN RIG PA'I YE SHES BSGRUB PA'I RGYU NI GNYIS TE, 'BYOR PA CAN RTAG TU PHYAG RGYA LA BRTEN PA DANG, 'BYOR PA CHUNG BA LAN CIG PHYAG RGYA LAS MTSON NAS, PHYIS RNAL 'BYOR GYI STOBS KYIS BSGOM PA'O, ,DE SKAD DU YANG, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, YE SHES GSUM GYI DBYE BA NI, ,GSAL BAR 'DI LAS MTSON PAR 'GYUR, ,ZHES DANG, GAL TE CHU SKYES RDO RJE SBYOR, ,KUN RDZOB TU YANG MED GYUR NA, , LAN CIG TZAM ZHIG MYONG NAS KYANG, ,BSAM GTAN STOBS KYIS 'GRUB PAR 'GYUR, , ZHES RIM LNGA LAS GSUNGS SO, ,NYAMS SU BLANGS PA'I THABS NI, BDE BA SDU BA DANG, BDE BA GZUNG BA DANG, BDE BA LOG PA DANG, BDE BA SPRO BA'I TSUL GYIS NYAMS SU BLANG BAR BYA STE, GDAMS NGAG LAS SHES SO, ,MTHAR PHYIN PA'I TSAD NI, MNYAM PAR BZHAG PA'I TSE SEMS BDE STONG GNYIS MED DU 'CHAR BA BZHIN DU, LANGS PA'I TSE YANG YUL RAB 'BRING CI DANG CI MTHONG BA THAMS CAD GNYIS MED BDE BA CHEN POR SNANG STE, RDO RJE PHRENG BA LAS, DE BAS GNYIS MED MTHONG BA YI, , RNAL 'BYOR PAS NI YE SHES GSUM, ,MTHONG PHYIR DMAN DANG BAR MA DANG, ,DAM @055 PA'I YUL LA 'JUG PA YIN, ,ZHES GSUNGS SO, ,SEMS LA DMIGS PA'I YE SHES MTHAR PHYIN PA'I PHAN YON NI LNGA STE, LAN CIG LHUN GYIS GRUB PA'I DUS SU DE BZHIN GSHEGS PA'I THUGS RNAM PAR MI RTOG PA BDE BA CHEN PO 'BYUNG BA DANG, GZHAN GYI SEMS SHES PA'I MNGON SHES 'BYUNG BA DANG, BDAG BYIN GYIS BRLABS PA'I SGO LA PHYOGS PAR 'GYUR BA DANG, SA BCU'I DBANG PHYUG DANG 'DRA BAR 'GYUR BA DANG, LAS DANG NYON MONGS PA'I 'CHING BA THAMS CAD LAS GROL BAR 'GYUR RO, , SEMS DBEN GYI NGES TSIG NI, SHES BYA SEMS KYI MTSAN NYID KUN TU SNANG BA DANG, RANG BZHIN SNANG BA NI, PHYI GZUNG 'DZIN GYI RTOG PAS, RANG BZHIN GYIS DBEN PAS NA SEMS DBEN ZHES BYA, LAM RIG PA'I YE SHES KYI MTSAN NYID NI, GZUNG 'DZIN GYI RTOG PA DANG, SEMS RIG PAS KYANG DBEN PAS NA SEMS DBEN ZHES BYA'O, , GNYIS PA YAN LAG GI DON NI, SNGAR RGYAS PAR BSHAD PA'I SEMS DBEN GYI MTSAN NYID DE NYID BSDUS TE STON PA NI, SEMS TZAM ZHIG LA DMIGS PA NI, , RIM PA GNYIS PA ZHES BRJOD DO, ,ZHES TE, NYON MONGS DANG RNAM RTOG LA SOGS PA GLO BUR GYI DRI MAS DBEN PA'I SEMS MYONG RIG TZAM ZHIG BSGOM PA DANG, PHYAG RGYA'I STOBS KYIS RIG BYA RIG BYED GNYIS SU MED PA'I TSUL GYIS DMIGS PA NI RIM PA GNYIS PA SEMS LA DMIGS PA THUGS RDO RJE'I TING NGE 'DZIN ZHES BRJOD DO, , RIM PA GNYIS PA ZHES PA NI, RIM PA DANG PO BSKYED PA'I RIM PA'I RJES @056 THOGS SU 'BYUNG BAS DE SKAD CES BYA STE, SKAS KYI GDANG BU GNYIS PA LTA BU'O, ,DE LTAR SEMS BDE BA CHEN PO MTHAR PHYIN PA LAS SEMS BDE GSAL RLUNG DANG BCAS PA LAS SGYU MA LTA BU RANG BYIN GYIS BRLAB PA SGOM DGOS PAS NA KUN RDZOB SGYU MA LTA BU BSTAN PAR BYA'O, ,DE LA YANG DON BCU STE, RTEN GYI GANG ZAG DANG, SNOD DU BYA BA'I RIM PA DANG, YONGS SU SHES PAR BYA BA'I YUL DANG, SPANG BYA MI MTHUN PHYOGS DANG, SGYU LUS GRUB PA'I RGYU DANG, MTSON BYED KYI DPE DANG, BSLAB BYA'I TSUL DANG, MTHAR PHYIN PA'I TSAD DANG, PHAN YON DANG, NGES TSIG GO ,RTEN GYI GANG ZAG NI, SEMS DBEN MTHAR PHYIN NAS SGYU MA LTA BU'I TING NGE 'DZIN LA 'DOD PA YOD PA'O, ,SNOD DU BYA BA'I RIM PA NI, SLOB DPON GYIS TSOGS KYI DKYIL 'KHOR GYI DBUS SU THUN MONG GI DBANG DGU SNGON DU 'GRO BAS, GSANG BA'I DBANG SKUR BA THOB PAR BYA STE, DE'I STOBS KYIS GDAM NGAG GI GNANG BA SBYIN PA DANG, BSGOMS PA'I SNOD DU GYUR PA'I PHYIR RO, ,SHES PAR BYA'I SPYOD YUL NI, KHAMS GSUM THAMS CAD RDO RJE 'CHANG CHEN PO SGYU MA LTA BU'I RANG BZHIN DU SHES PAR BYA'O, , DE SKAD DU YANG, SGYU MA LTA BU'I RANG BZHIN GYIS, ,DNGOS BDAG KUN LAS RNAM PAR RO, ,ZHES DANG, DE BAS 'DI LTAR 'GRO BA KUN, ,SGYU MA LTA BUR 'DI BSHAD DE, ,ZHES GSUNGS SO, ,SPANG BYA MI MTHUN PA'I PHYOGS NI, SKU LA SOGS PA'I SNANG BA THAMS CAD NUB PA'I GNYIS MED KYI SHES PA BDE GSAL TZAM MTHAR THUG TU 'DOD PA DE NI 'DIR SPANG BYA YIN TE, SGYU MA LTA BU'I LHA SKU BSGOMS PA MED PAR @057 BDE GSAL SNANG BA MED PA TZAM BSGOMS PAS, 'OD GSAL LA ZHUGS PA'I MJUG THOGS SU ZUNG 'JUG DAG PA'I SGYU LUS SU LDANG BAR MI 'GYUR TE, DAG PA'I SGYU LUS KYI NYER LEN MA BSGOM PA'I PHYIR RO, ,DE BAS NA 'DIR DMIGS MED KYI MI RTOG PA TZAM BSGOM PA MNYAM GZHAG SGYU MAR 'DOD PA NI, 'PHAGS PA YAB SRAS KYI GZHUNG LAS PHYI ROL DU GYUR PA YIN STE, 'PHAGS PA YAB SRAS KYIS NI SGYU MA'I DPE BCU GNYIS KYIS MTSON PA'I LHA SKU PHYAG RGYA CHEN PO RDO RJE 'CHANG CHEN PO'I RNAM PA SGOM PA NYID SGYU LUS SU GSUNGS PA'I PHYIR RO, ,DE SKAD DU YANG SGYU MA'I RIM PA LAS, DNGOS DANG DNGOS MED LAS GROL BA, ,RDO RJE SEMS DPA' LEGS BRIS PA, , ME LONG SHIN TU YANG DAG LA, ,GZUGS BRNYAN SNANG BA DAG DANG MTSUNGS, ,RNAM PA KUN GYI MCHOG LDAN PA'I, ,SKU NI LTA BAS MI NGOMS PA, ,SLOB MA BZANG PO DE LA BSTAN, ,BDAG BYIN BRLABS ZHES DE BSHAD DO, ,ZHES DANG, SPYOD BSDUS LAS, DE BAS NA YE SHES TZAM GYIS LHA NYID DU BSKYED PA SLOB DPON GYI ZHAL SNGA NAS RTOGS PAR BGYID 'TSAL LO, ,ZHES DANG, YE SHES TZAM DU YONGS SU SNANG BA TZAM GYIS MTSAN NYID THAMS CAD DANG LDAN PA'I LHA'I SKUR GZUNG BA DE YANG, SGYU MA DANG RMI LAM LA SOGS PA'I DPE RNAM PA BCU GNYIS KYIS NYE BAR MTSON PA 'DI NI, SANGS RGYAS RNAMS KYI YID KYI RANG BZHIN GYI SKU YIN NO, ,ZHES DANG, DE NAS SHES RAB DANG THABS KYI SNANG BA GNYIS 'OD ZER LNGA DANG BCAS SHING, SNA TSOGS PA'I YON TAN THAMS CAD DANG LDAN PA SGYU MA LTA BU'I LHA'I SKU 'BYUNG BAR 'GYUR RO, ,ZHES @058 SOGS GSUNGS PA'I PHYIR RO, ,DE BAS NA LHA SKU PHYAG RGYA CHEN PO RDO RJE 'CHANG GI RNAM PA SGYU MA'I DPE BCU GNYIS KYIS MTSON NAS, BSGOM PA 'DI NI RNAL 'BYOR PA RNAMS KYIS TSE 'DI NYID LA MA DAG PA'I LUS SPANGS NAS, DAG PA'I SGYU LUS ZUNG 'JUG RDO RJE 'CHANG CHEN PO'I SKU THOB PA'I THUN MONG MA YIN PA'I NYE BAR LEN PA'I RGYU YIN LA, DE'ANG 'PHAGS PA KLU SGRUB LAS BRGYUD PA'I MAN NGAG KHO NA LA BZHUGS KYI, RGYUD DANG MAN NGAG GZHAN PA LA MING TZAM YANG MED PAS, GSANG BA 'DUS PA BA RNAMS KYI THUN MONG MA YIN PA'I GDAM NGAG YIN BZHIN DU, DE'I GNAD MA GO BAR 'DI'I SGYU LUS DANG, DUS 'KHOR NAS BSHAD PA'I SOR SDUD BSAM GTAN DON GCIG TU 'DOD PA NI CHES SHIN TU RNAM PAR 'KHYAMS PA YIN NO, , SGYU MA LTA BU BSGRUB PA'I RGYU NI, SEMS BDE GSAL TZAM GYI NYER LEN DANG RLUNG LNGA'I LHAN CIG BYED RKYEN LAS 'GRUB TE, SGYU MA'I RIM PA LAS, DE NYID RLUNG DANG YANG DAG LDAN, ,RNAM SHES GSUM PO RLUNG YANG NI, ,RNAL 'BYOR PA YI LUS SU 'GYUR, ,SGYU MA'I LUS ZHES DE LA BSHAD, ,CES DANG, RDO RJE PHRENG BA LAS KYANG, TSIG GI LAM GYI YUL DE NYID, ,GTZO BO'I YE SHES SKU RANG BZHIN, ,SEMS CAN KUN LA PHAN PA'I PHYIR, ,'JA' TSON LTA BUR SNANG BA YIN, ,ZHES GSUNGS SO, ,SGYU MA LTA BU'I MTSON BYED KYI DPE NI, SPYIR BCU GNYIS YIN MOD, ,'ON KYANG DE DAG LA DPE'I GTZO BO GSUM STE, SKAD CIG TZAM GYIS YAN LAG DANG NYING LAG RDZOGS PAR GRUB PA'I DPE NI, ME LONG NANG GI GZUGS BRNYAN NO, ,SPYOD YUL THAMS CAD @059 LA KHYAB PA'I DPE NI CHU'I ZLA BA'O, ,ZHI BA LA SOGS PA'I LAS KYI DBYE BAS KHA DOG SER PO SNANG BA'I DPE NI NAM MKHA'I 'JA' MTSON NO, ,DE SKAD DU YANG, SGYU MA'I RIM PA LAS, ME LONG NANG GI GZUGS BRNYAN GYIS, ,SGYU MA'I LUS DE SHES PAR BYA, KHA DOG NAM MKHA'I 'JA' LTA BU, KHYAB PA CHU YI ZLA BAS SO, ,ZHES GSUNGS SO, ,SGYU MA'I LUS LA BSLAB PA'I TSUL NI, DANG POR TSAD MED BZHI BSGOMS NAS, DE'I RJES LA RANG NYID RLUNG SEMS TZAM LAS GRUB PA'I RDO RJE 'CHANG CHEN PO LONGS SKU KHA DOG DKAR PO MTSAN DANG DPE BYAD KYIS BRGYAN PA, NYAMS BDE GSAL RNAM PA LHAR SNANG BA, ME LONG GI NANG GI GZUGS BRNYAN LTAR SNANG LA RANG BZHIN MED PA GCIG TU SKYED DE, DE NYID LA SEMS RTZE GCIG TU GTAD NAS, YANG DANG YANG DU BSGOM PAR BYA STE MAN NGAG LAS SHES PAR BYA'O, ,SGYU LUS MTHAR PHYIN PA'I TSAD NI, MNYAM PAR MA BZHAG PA NA YANG RANG NYID JI LTAR BSGOM PA LTAR GYI RDO RJE 'CHANG CHEN PO'I RNAM PAR GSAL BA DANG, DNGOS PO RNAMS LA ZHEN PA CHUNG BA DANG, LHA KLU GNOD SBYIN SOGS KYIS MCHOD PA DANG, ZAS LA SOGS PA TSEGS MED PAR RNYED PA DANG, RMI LAM DU YANG RGYU NAS SHES PA LTAR GYI MTSAN MA RNAMS 'BYUNG BA'O, , PHAN YON NI, RGYU KUN RDZOB DE LAS, 'BRAS BU 'OD GSAL SKYE BAR 'GYUR BA DANG, SANGS RGYAS KYI YON TAN THAMS CAD KYIS BRGYAN PA'I DAG PA'I SGYU LUS RDO RJE 'CHANG CHEN PO'I SKU THOB PAR 'GYUR BA'O, ,DE SKAD DU YANG SGYU MA'I RIM PA LAS, BDAG BYIN BRLABS PA'I RIM GYIS NI, ,'OD GSAL BA NYID THOB PAR @060 'GYUR, ,ZHES DANG, BDAG LA BYIN RLABS THOB PA'I MI, ,GTZO BO SANGS RGYAS KUN BDAG NYID, ,TSE 'DI NYID LA THOB PAR 'GYUR, ,ZHES GSUNGS SO, ,NGES TSIG NI, DE LTA BU'I BDAG BYIN GYIS BRLABS PA'I RIM PA DE, BSAM GTAN GNYIS KYIS MA BSHIG PAR 'OD GSAL MNGON DU MI 'GYUR BAS, DON DAM LA SGRIB CING DBANG PO LA SNANG BAS KUN RDZOB KYI BDEN PA ZHES BYA'O, ,SNGAR BSHAD PA DE RNAMS KYI DON BSDUS NAS STON PA NI, KUN RDZOB BDEN PA BSTAN PA NI, ,YID 'ONG RIM PA GSUM PA'O, ,ZHES TE, SGYU MA'I SKU DE BSAM GTAN GNYIS KYIS MA BSHIG PAR 'OD GSAL MNGON DU MI 'GYUR BAS DON DAM MTHONG BA LA SGRIB PAS NA KUN RDZOB, MIG LA SNANG BA TZAM YIN PAS NA BDEN PA, NAM MKHA'I 'JA' TSON LTAR 'OD ZER LNGAS BRGYAN PAS NA YID DU 'ONG STE, DE LTA BU'I KUN RDZOB SGYU MA'I TING NGE 'DZIN DE NI, RIM PA GNYIS PA SEMS LA DMIGS PA'I RJES THOGS SU BSTAN CING BSGOM PAR BYA BA YIN PAS NA RIM PA GSUM PA ZHES BYA STE, SKAS KYI GDANG BU GSUM PA LTA BU'O, , DE LTA BU'I KUN RDZOB KYI BDEN PA MTHAR PHYIN NAS, DON DAM PA'I BDEN PA LA BSLAB PAR BYA BA YIN PAS, DON DAM PA'I BDEN PA BSHAD PAR BYA STE, DE LA YANG DON BCU STE, RTEN GYI GANG ZAG DANG, SNOD DU BYA BA'I RIM PA DANG, SHES BYA'I YUL DANG, SPANG BYA MI MTHUN PHYOGS DANG, MNGON PAR BYANG CHUB PA'I RIM PA'I MTSAN NYID DANG, DE LA BSLAB PA'I RIM PA DANG, MTSON BYED SHES RAB YE @061 SHES KYI DBANG DANG, BSGOM PA MTHAR PHYIN PA'I TSAD DANG PHAN YON, MING GI RNAM GRANGS, NGES TSIG DANG BCAS PA'O, ,DON DAM BDEN PA LA 'JUG PA'I RTEN GYI GANG ZAG NI, KUN RDZOB BDEN PA MTHAR PHYIN ZHING THAMS CAD STONG PA 'OD GSAL GYI TING NGE 'DZIN LA 'DOD PA YOD PA'O, ,SNOD DU BYA BA'I RIM PA NI, RDO RJE SLOB DPON YANG DAG PAR MNYES PAR BYAS NAS, TSOGS KYI DKYIL 'KHOR DU MCHOD PA CHEN PO BYAS PA'I RJES LA THUN MONG GI DBANG DGU DANG, GSANG BA'I DBANG SNGON DU 'GRO BAS SHES RAB YE SHES KYI DBANG BSKUR BA'O, ,SHES BYA NI, CHOS THAMS CAD, THAMS CAD STONG PA 'OD GSAL SPRIN MED PA'I NAM MKHA' LTA BU'I MTHAR THUG PAR SHES PAR BYA'O, ,SPANG BYA MI MTHUN PA'I PHYOGS NI, SGYU MA LTA BU'I SKU DE LA, DNGOS PO DANG MTSAN MAR 'DZIN PA'I RTOG PA'O, ,MNGON PAR BYANG CHUB PA'I RIM PA'I MTSAN NYID LA, NGO BO DANG, DBYE BA GNYIS KYI MNGON PAR BYANG CHUB PA'I NGO BO LA, RGYA BOD KYI BLA MA MANG PO ZHIG SNANG BA GSUM NYE BAR NUB PA'I GNYIS SU MED PA'I SHES PA MYONG RIG GSAL TZAM MA 'GAG PA DE NYID, THAMS CAD STONG PA 'OD GSAL MNGON PAR BYANG CHUB PA'I RIM PA YIN NO ZHES BZHED DO, , YUL GYI SNANG BA NUB PA'I GNYIS MED KYI SHES PA MTHAR THUG RTOGS PA'I YE SHES SU 'DOD PA 'DI NI, 'PHAGS PA YAB SRAS KYI LUGS MA YIN GYI, SEMS TZAM RNAM RDZUN PA'I 'DOD PA YIN TE, THEG BSDUS LAS, MI RTOG YE SHES RGYU BA LA, , DON KUN SNANG BA MED PHYIR YANG, ,ZHES DANG, MI ZHIG MIG NI BTZUM PA LTAR, @062 MNYAM PAR BZHAG PA'I SHES DE 'DRA, ,DE NYID MIG NI PHYE BA LTAR, ,RJES LAS THOB PA'I SHES DE BZHIN, ,ZHES GSUNGS SHING, SLOB DPON SH'AN TI PAS BRTAG GNYIS KYI DKA' 'GREL MU TIG GI PHRENG BAR, JI SRID GANG GI RNAM PAR SNANG BA 'JUG PA DE SRID DU DON DAM PA'I BDEN PA MTHONG BA MA YIN TE, RAB RIB CAN GYIS SKRA SHAD DANG SHA SBRANG LA SOGS PA MTHONG BA NI, SKRA SHAD LA SOGS PA'I STONG PA MI MTHONG BA BZHIN NO, ,CI STE DE'I CHOS THAMS CAD LA DMIGS PAS MING DANG RGYU MTSAN THAMS CAD SPANGS TE, BRJOD PA DANG SNANG BA MED PA'I TING NGE 'DZIN LA GNAS PA NI, SNGON GYI RAB TU SBYOR BA'I BAG CHAGS KYI STOBS KYIS LHUN GYIS GRUB PA DANG, MNGON PAR 'DU BYED PA MED PAR SPROS PA'I MTSAN MA THAMS CAD NUB NAS RNAM PAR MI RTOG PA DANG, SNANG BA MED PA'I CHOS THAMS CAD STONG PAR MTHONG STE, GCIG TU DRI MA MED PA MTHA' YAS SHING NAM MKHA' LTA BU, 'JIG RTE LAS 'DAS PA'I YE SHES DON DAM PA'I BYANG CHUB KYI SEMS GTZO BO'I SHES RAB KYI PHA ROL TU PHYIN PA SGRIB PA THAMS CAD KYI GNYEN PO'I LAM SKYE BAR 'GYUR TE ZHES BSHAD PA'I PHYIR RO, , DE BAS NA 'PHAGS PA YAB SRAS NI, YUL GYI SNANG BA MED PA'I SHES PA GTAN MI SHES TE, SHES PA DANG SHES BYA PHAN TSUN LTOS PAS, SHES PA LA YUL SNANG BAS KHYAB PAR BZHED PA'I PHYIR RO, ,DE SKAD DU YANG DBU MA 'JUG PAR, SHES BYA MED NA SHES PA BSAL BA NI, ,BDE BLAG RNYED CING SANGS RGYAS RNAMS KYIS GSUNGS, , ZHES DANG, YUL MED NA YANG SEMS YOD MA 'DZIN CIG ,SEMS YOD NA YANG YUL @063 MED MA 'DZIN CIG ,DE DAG SHES RAB TSUL MDOR SANGS RGYAS KYIS, ,MTSUNGS PAR SPANGS SHING MNGON PA'I CHOS LAS GSUNGS, ,ZHES BSHAD PA'I PHYIR RO, ,DON DAM SHES PA'I YUL DU BYED PAR YANG MI BZHED DE, TSIGS GSAL LAS, RNAM PAR SHES PA NI MTSAN MA LA DMIGS PA YIN NA, MYA NGAN LAS 'DAS PA LA NI MTSAN MA CUNG ZAD KYANG YOD PA MA YIN NO, ,DE'I PHYIR DE NI RE ZHIG RNAM PAR SHES PAS DMIGS PAR BYED PA MA YIN NO, ,ZHES GSUNGS TE, SPYOD 'JUG LAS KYANG DON DAM BLO YI SPYOD YUL MIN, ,BLO NI KUN RDZOB YIN PAR 'DOD, ,CES GSUNGS PA'I PHYIR RO, , DE BAS NA 'PHAGS PA YAB SRAS NI, 'OD GSAL GYI NGO BO 'PHAGS PA'I MNYAM GZHAG YE SHES SU BZHED LA, YE SHES DE YANG CHU LA CHU BZHAG PA BZHIN DU RNAL 'BYOR BA'I SEMS SKYE MED SPROS BRAL DE BZHIN NYID KYI NGANG DU THIM PA DON DAM PA'I BDEN PAR BZHED DE, MNGON PAR BYANG CHUB PA'I RIM PA LAS, GANG ZHIG YOD DANG MED PA'I THA SNYAD RNAMS DANG BRAL, ,BSOD NAMS GZUGS MIN SDIG PA'I GZUGS MA YIN, ,BSOD NAMS SDIG PA'I BDAG MIN MCHOG GYUR PA, ,DE NI THAMS CAD STONG PAR SANGS RGYAS RNAMS KYIS GSUNGS, ,ZHES DANG, SPYOD BSDUS LAS KYANG, 'OD GSAL GYI MING GI RNAM GRANGS STON PA NA, DE BZHIN NYID DANG, MA NOR BA DE BZHIN NYID DANG, YANG DAG PA'I MTHA' DANG, CHOS KYI SKU ZHES BSHAD CING, SGRON GSAL LAS KYANG, GANG LA RTOG PA MED PA DE NI YE SHES SO, ,DE GANG YIN ZHE NA, DON DAM PA'I BDEN PA BRJOD DU MED PA NYID YIN PAS SO, ,ZHES DANG, @064 TSIG GSAL LAS, YE SHES NI STONG PA NYID LA DMIGS PAR 'GYUR DGOS LA, DE YANG MA SKYES PA'I RANG BZHIN NYID YIN PAS, JI LTAR YOD PA MA YIN PA'I RANG BZHIN DES, MYA NGAN LAS 'DAS PA DNGOS PO MA YIN ZHING, DNGOS PO MED PA MA YIN ZHES BYA BAR 'DZIN PAR BYED DE, YE SHES NI SPROS PA THAMS CAD LAS 'DAS PA'I RANG BZHIN YIN PA'I PHYIR RO, ,ZHES DANG, DBU MA 'JUG PA LAS KYANG, GANG TSE SKYE MED DE NYID YIN ZHING BLO YANG SKYE BA DANG BRAL BA, ,DE TSE DE RNAMS RTEN LAS DE YIS DE SPONGS SHES PAR BRJOD BYA STE, ,ZHES GSUNGS PA'I PHYIR RO, ,GAL TE 'OD GSAL DE BZHIN NYID YIN NA, KUN RDZOB KYI BDEN PA DANG RGYU 'BRAS SU BSHAD PA DANG, LUGS BZLOG GI SNANG BA GSUM 'OD GSAL LAS SKYE BAR BSHAD PA DANG 'GAL TE, DE BZHIN NYID NI SPROS PA DANG BRAL BA'I PHYIR RO, ,ZHE NA, DON DAM PAR NI DNGOS PO DANG DNGOS PO MED PA GANG LA YANG RGYU 'BRAS KYI THA SNYAD MI 'THAD LA, KUN RDZOB TU GZHAN RJES SU BZUNG BA'I THABS SU, CHOS KYI SKU NYID LA YANG 'PHAGS PA NYID KYIS RGYU DANG 'BRAS BU'I THA SNYAD MDZAD DE, RIN CHEN PHRENG BAR, SANGS RGYAS RNAMS KYI GZUGS KYI SKU, ,BSOD NAMS TSOGS LAS 'KHRUNGS PA STE, ,CHOS KYI SKU DE MDOR BSDUS NA, ,RGYAL PO YE SHES TSOGS LAS 'KHRUNGS, ,ZHES CHOS SKU YE SHES KYI TSOGS KYI 'BRAS BUR BSHAD CING, CHOS KYI SKU LA BSTOD PA NA, GCIG MIN DU MA MA YIN BDAG DANG GZHAN LA PHAN PA'I PHUN SUM TSOGS CHEN GZHIR GYUR PA, ,ZHES CHOS SKU DON GNYIS PHUN SUM TSOGS PA'I RGYUR YANG BSHAD PA'I @065 PHYIR RO, ,DE BAS NA 'OD GSAL GYI NGO BO 'PHAGS PA YAB SRAS KYI DGONGS PA JI LTA BA BZHIN RTOGS PA RGYA BOD DU CHES NYUNG ZHING, KHO BOS JI LTA BA BZHIN BSHAD PA LA, SKAL BA DANG LDAN PA DAG YID CHES PAR MDZOD CIG ,MNGON PAR BYANG CHUB PA'I DBYE BA NI GNYIS TE, PHYI'I MNGON PAR BYANG CHUB PA DANG, NANG GI MNGON PAR BYANG CHUB PA'O, ,PHYI'I MNGON PAR BYANG CHUB PA NI PHYI DPE'I SGO NAS MTSON PA STE, DE YANG, SNANG BA'I DPE NI MTSAN MO ZLA BA'I 'OD ZER SHAR BA'O, ,SNANG BA MCHED PA'I DPE NI NYIN MO NYI MA'I 'OD ZER SHAR BA'O, ,NYER THOB KYI DPE NI SROD KYI MTSAMS KYI MUN PA'O, ,'OD GSAL GYI DPE NI ZLA BA'I 'OD ZER 'DAS SHING NYI MA'I 'OD ZER MA SHAR LA, MTSAMS KYI MUN PA NUB PA, THO RANGS KYI DUS KYI SPRIN MED PA'I NAM MKHA' DVANGS PA STE, DE'I DUS SU SNANG MUN GYIS SGRIB BYED DANG BRAL BAS, NAM MKHA'I RANG BZHIN RANG MDOG JI LTA BA BZHIN DU MTHONG BAS, GNAS LUGS RTOGS PA'I 'OD GSAL GYI DPER RUNG NGO, ,NANG GI MNGON PAR BYANG CHUB PA NI BZHI STE, STONG PA DANG, STONG PA CHEN PO DANG, THAMS CAD STONG PA 'OD GSAL LO, ,DE LA 'BYUNG BA BZHI RIM GYIS 'GAGS TE, RNAM SHES 'OD GSAL LA THIM PA'I DUS SU 'DOD CHAGS LAS GYUR PA'I RANG BZHIN SUM CU RTZA GSUM 'GAG PAS ZLA BA'I 'OD ZER LTAR SEMS KYI RANG BZHIN GSAL POR NYAMS SU MYONG BA NI, STONG PA DANG PO SNANG BA'I YE SHES SO, , DE NAS ZHE SDANG LAS GYUR PA'I RANG BZHIN BZHI BCU 'GAGS PA, NYI MA'I @066 'OD ZER LTAR SEMS KYI RANG BZHIN CHES GSAL POR NYAMS SU MYONG PA NI, STONG PA GNYIS PA SNANG BA MCHED PA'I YE SHES SO, ,DE NAS GTI MUG LAS GYUR PA'I RANG BZHIN BDUN 'GAGS PAS, MTSAMS KYI MUN PA LTAR, SEMS 'GAGS PA LA PHYOGS TE MI GSAL BAR GYUR PA NI STONG PA CHEN PO SNANG BA NYER THOB BO, ,DE NAS SEMS KYI RGYU BA MA LUS PA 'GAGS TE SPRIN MED PA THO RANGS KYI NAM MKHA' LTAR, SPROS PA'I MTSAN MA THAMS CAD DANG BRAL BA'I DE BZHIN NYID LA MI GNAS PA'I TSUL GYIS GNAS PA NI, THAMS CAD STONG PA 'OD GSAL MNGON DU GYUR PA ZHES BYA'O, , DE YANG JI SKAD DU, NANG GI BDE BA RNYOG BRAL SANGS RGYAS BYANG CHUB SKAD CIG DAG GIS THOB PAR 'GYUR, ,ZHES GSUNGS SO, ,MNGON PAR BYANG CHUB PA DE MNGON DU BYED PA'I THABS LA BSLAB PA'I TSUL NI, RIL 'DZIN DANG RJES GZHIG GI BSAM GTAN GNYIS KYIS SGYU LUS BSHIG PA LAS, 'OD GSAL MNGON SUM DU 'GYUR LA, BSAM GTAN GNYIS PO DE'ANG PHYIS GZHUNG NAS 'CHAD PAR 'GYUR RO, , MNGON PAR BYANG CHUB PA DE MTSON BYED SHES RAB YE SHES KYI DBANG BSKUR BA NI, PHYI NANG GI MNGON PAR BYANG CHUB PA GNYIS DANG, DE MNGON DU BYED PA'I THABS BSAM GTAN GNYIS KYI MAN NGAG BLA MA'I NGAG LA BRTEN NAS THOB PA'I RJES LA, SNGAR BSTAN PA'I DON SLOB MA'I MNGON SUM DU NYAMS SU MYONG BAR BYA BA'I PHYIR, BLA MAS LEGS PAR BSLABS PA'I PHYAG RGYA SLOB MA'I LAG TU GTAD NAS DNGOS PO THAMS CAD DANG BRAL BA, ZHES SOGS KYI TSIGS SU BCAD PA'I DON BRJOD @067 PA NI, SHES RAB KYI DBANG YIN LA, MAN NGAG JI LTA BA BZHIN DU DE DANG SNYOMS PAR ZHUGS PA SA SNGAR BSTAN PA'I MNGON PAR BYANG CHUB PA BZHI'I DON NYAMS SU MYONG BA NI YE SHES KYI DBANG NGO, ,DE SKAD DU YANG, BYANG CHUB SEMS NI DON DAM ZHES BYA BA, ,SKAL BZANG SLOB MA BZANG POS MAN NGAG THOB, ,THAL MO SBYAR NAS ME TOG 'DZIN PA YIS, ,BLA MA LAS NI SLAR YANG BLANG BAR BYA, ,ZHES GSUNGS SO, ,CI STE SHES RAB YE SHES KYI DBANG NI SMIN BYED KYI LAM YIN PAS, MNGON PAR BYANG CHUB PA'I MAN NGAG BSTAN PA'I SNGON DU 'GRO BAR RIGS NA, CI'I PHYIR 'DIR PHYIS BRTZAM PAR BYA ZHE NA, MAN NGAG BSTAN PA'I SNOD DU RUNG BA NI, SNGAR GSANG DBANG BSKUR BA NYID KYIS BYAS PA YIN LA, SHES RAB YE SHES KYI DBANG PHYIS BSKUR BA NI, DON MAD BDEN PA NYAMS SU LEN PA'I SNOD DU BYAS PA YIN NO, ,YANG NA, DON DAM GYI SNOD DU BYED PA'I SHES RAB YE SHES KYI DBANG SMIN BYED KYI LAM NI, SNGAR GSANG DBANG DANG 'BREL BAR BSKUR BAS, MAN NGAG GI SNGON DU SONG BA YIN LA, 'DIR PHYIS BSKUR BAS NI, MAN NGAG GI PRA KHRID LA BSLAB PA'I PHYIR BSKYAL TE BSKUR BAS TE, JI SKAD DU THAL MO SBYAR NAS ME TOG 'DZIN PA YIS, ,BLA MA LAS NI SLAR YANG BLANG BAR BYA, ,ZHES GSUNGS PA'I PHYIR TE, GZHAN DU NA SLAR YANG ZHES PA'I TSIG MI RIGS PAR 'GYUR RO ZHES SNGON GYI BLA MA DAG GSUNG NGO, ,'OD GSAL MTHAR PHYIN PA'I TSAD NI, MNYAM PAR BZHAG PA'I DUS SU DNGOS PO'I MTSAN MA THAMS CAD NUB PA DANG, DE'I LUS LA MTSON LA SOGS PA PHYI'I 'BYUNG BAS GZHIG @068 MI NUS PA DANG, DRUNG DU DUNG DANG RNGA LA SOGS PA'I SGRA JI TZAM DRAG KYANG MNYAM GZHAG LAS BSKYOD MI NUS PA DANG, MNYAM GZHAG LAS LANGS PA'I TSE, CHOS THAMS CAD SGYU MA LTA BUR STONG PA NYID DU MYONG STOBS KYIS YID CHES PAS, NYON MONGS DANG RNAM RTOG GI MTSAN 'DZIN MI SKYED PA'O, , MTHAR PHYIN PA'I PHAN YON NI, 'KHOR BA'I 'CHING BA LAS GROL BA DANG, ZUNG 'JUG GNYIS SU MED PA'I YE SHES KYI SKU THOB PAR 'GYUR BAS TE, JI SKAD DU, YANG DAG MTHA' LAS LANGS NAS NI, ,GNYIS MED YE SHES THOB PAR 'GYUR, , ZHES SOGS GSUNGS SO, ,MING GI RNAM GRANGS NI, DON DAM PA DANG, DE BZHIN NYID DANG, YANG DAG PA'I MTHA' DANG, CHOS KYI SKU DANG, SHES RAB KYI PHA ROL TU PHYIN PA SOGS MTSAN GYI RNAM GRANGS DRUG CU TZAM SPYOD BSDUS LAS GSUNGS SO, , NGES TSIG NI, YE SHES DAM PA'I SPYOD YUL YIN PAS DON DAM PA DANG, MI 'GYUR BAS DE BZHIN NYID DANG, PHYIN CI MA LOG PAS YANG DAG PA'I MTHA' DANG, RANG BZHIN GYIS DAG PAS 'OD GSAL BA DANG, SANGS RGYAS KYI CHOS THAMS CAD KYI RTEN BYED PAS CHOS KYI SKU DANG, DUS GSUM GYI DE BZHIN GSHEGS PA THAMS CAD BSKYED PAR BYED PAS SHES RAB KYI PHA ROL TU PHYIN PA SOGS SO, , DE DAG GI DON BSDU BA NI, KUN RDZOB BDEN PA DAG PA NI, ,RIM PA BZHI PA ZHES BRJOD DO, ,ZHES TE, KUN RDZOB BDEN PA NI SNGAR BSTAN PA'I SGYU MA LTA BU'I SKU YIN LA, DE DAG PAR BYED PA NI 'OD GSAL BA'I RIM PA STE, SGYU MA BSAM @069 GTAN GNYIS KYIS BSHIGS TE, 'OD GSAL LA MNGON DU BYAS PA LAS, SGYU MA LA DNGOS PO'I MTSAN MAR 'DZIN PA DAG PAR 'GYUR BA'I PHYIR RO, , DES NA 'OD GSAL BA'I RIM PA DE NI, KUN RDZOB BDEN PA SGYU MA'I RJES THOGS SU BSTAN CING, BSGOM PAR BYA BA YIN PA'I PHYIR, RIM PA BZHI PA ZHES BRJOD DE, SKAS KYI GDANG BU BZHI PA LTA BU'O, ,DE LTAR DON DAM PA'I BDEN PA MTHAR PHYIN NAS, GNYIS SU MED PA'I YE SHES ZUNG 'JUG LA BSLAB PAR BYA BA YIN PAS, DE BSHAD PAR BYA'O, ,DE LA YANG DON BRGYAD DE, RTEN GYI GANG ZAG DANG, SHES PAR BYA BA'I SPYOD YUL DANG, MTSON PAR BYED PA'I MTSAN NYID DANG, BSLAB PAR BYA BA'I TSUL DANG, BSLAB PA MTHAR PHYIN PA'I TSAD DANG, MTHAR PHYIN PA'I PHAN YON DANG, MING GI RNAM GRANGS DANG, NGES TSIG BSTAN PA'O, ,DE LA ZUNG 'JUG GI RTEN GYI GANG ZAG NI, DON DAM PA'I BDEN PA MTHAR PHYIN PAR BYAS SHING GNYIS SU MED PA'I YE SHES LA 'DOD PA YOD PA'O, , SHES PAR BYA BA'I SPYOD YUL NI, CHOS THAMS CAD BDEN GNYIS DBYER MED PA'I RANG BZHIN DU SHES PAR BYA'O, ,MTSON BYED KYI MTSAN NYID LA GNYIS TE, SA MTSAMS NGOS BZUNG BA DANG, RANG BZHIN GTAN LA DBAB PA'O, ,DANG PO NI, RDO RJE THEG PA'I MTHAR THUG GI 'BRAS BU ZUNG 'JUG RDO RJE 'CHANG CHEN PO'I SA MTSAMS LA, (AA BHA YA DANG SH'AN TI PA LA SOGS) RGYA BOD KYI MKHAS PA PHAL CHE BA DAG ,PHAR PHYIN THEG PA'I BCU GCIG KUN TU 'OD KYI SA DANG, SNGAGS KYI BCU GSUM RDO RJE @070 'DZIN PA'I SA DON GCIG CING, NGO BO DANG SPANGS RTOGS PHRIN LAS SOGS LA KHYAD PAR MED LA, PHA ROL TU PHYIN PA'I LAM GYIS BSKAL BA GRANGS MED PA GSUM GYIS THOB DGOS LA, SNGAGS KYI LAM GYIS TSE 'DI NYID LA THOB PAS SNGAGS KYI THEG PA KHYAD PAR DU 'PHAGS PAR BZHED DE, TSUL GSUM SGRON MA LAS, DON GCIG NA YANG MA RMONGS DANG, ,THABS MANG DKA' BA MED PA DANG, ,DBANG PO RNON PO'I DBANG BYAS NAS, ,SNGAGS KYI THEG PA KHYAD PAR 'PHAGS, ,ZHES BSHAD DO, ,RNAL 'BYOR GYI DBANG PHYUG GI MAN NGAG MNGA' BA'I BLA MA RJE SA SKYA PA RNAMS NI, 'DI LTAR BZHED DE, BCU GCIG KUN TU 'OD KYI SA NI, PHAR PHYIN THEG PA'I MTHAR THUG YIN LA, BCU GSUM RDO RJE 'DZIN PA'I SA NI SNGAGS KYI MTHAR THUG YIN LA, DE YANG, SPANGS PA DANG, RTOGS PA DANG, GNAS GYUR DANG GSUM GYI SGO NAS KHYAD PAR 'PHAGS TE, DE YANG 'DI LTAR, SPANGS PA'I KHYAD PAR NI, SNGA MAS NI 'KHOR DANG ZHING SOGS THA DAD DU 'DZIN PA'I SHES SGRIB PHRA MO MA SPANGS PA, PHYI MAS SPANGS PA'I PHYIR RO, ,RTOGS PA'I KHYAD PAR NI, SNGA MAS CHOS THAMS CAD GNYIS SU MED PA'I NGO BO THUGS SU MA CHUD CING, PHYI MAS THUGS SU CHUD PA'I PHYIR RO, ,GNAS GYUR PA'I KHYAD PAR NI, SPANGS RTOGS MTHAR PHYIN PA THOB PA YANG LUS RTZA, RTZA YI GE SNYING PO YE SHES RLUNG, KHAMS BYANG CHUB KYI SEMS TE, RTEN DKYIL 'KHOR BZHI GNAS GYUR PA LA RAG LAS SHING, DKYIL 'KHOR BZHI GNAS GYUR PA YANG DBANG BZHI'I LAM BSGOM PA LA LTOS PAS, BCU GCIG KUN TU 'OD KYI SA LA GNAS GYUR @071 MTHAR PHYIN PA MED DO, ,DE BAS NA PHAR PHYIN THEG PA'I LAM GYIS BCU GCIG KUN TU 'OD KYI SA MAN CHAD BGROD NUS KYANG, BCU GSUM RDO RJE 'DZIN PA'I SA THOB PA DBANG BZHI PA'I LAM NYE RGYU BSTEN PA LA LTOS DGOS SO, ,DES NA KUN TU 'OD KYI SA NI BDE BAR GSHEGS PA'AM, SANGS RGYAS KYI SA YIN GYI, RDO RJE SEMS DPA'I SA MA YIN TE, SAMBU tI LAS, GANG DAG BSAM GYIS MI KHYAB PA'I GNAS MA THOB PA DE NI, BDE BAR GSHEGS PA STE SANGS RGYAS KYI SA YIN NO, ,MTSAN GZHI MTSON PAR BYED PA NI, RDO RJE SEMS DPA' YANG DAG PAR GSUNGS SO, ,ZHES BSHAD PA'I PHYIR RO, ,ZHES GSUNGS SO, ,SMRi TIS KYANG, RNAL 'BYOR BLA MED KYI RGYUD LAS SANGS RGYAS PA NI, GONG NA MED PA'I YANG DAG PAR RDZOGS PA'I SANGS RGYAS YIN ZHING, BYA SPYOD DANG MDO SDE LAS, SANGS RGYAS PA NI, GONG MA DANG BCAS PA'I YANG DAG PAR RDZOGS PA'I SANGS RGYAS YIN LA, NYAN RANG DGRA BCOM DAG NI SANGS RGYAS YIN GYI, YANG DAG PAR RDZOGS PA'I SANGS RGYAS MA YIN NO ZHES 'DOD DO, , KHO BOS NI 'PHAGS PA YAB SRAS KYI DGONGS PA 'DI LTAR RTOGS TE, PHA ROL TU PHYIN PA'I DPA' BAR 'GRO BA'I TING NGE 'DZIN DANG, RDO RJE LTA BU'I TING NGE 'DZIN DANG, SNGAGS KYI MTHAR THUG ZUNG 'JUG GNYIS SU MED PA'I YE SHES DON GCIG PAR AARYA DE WAS BSHAD DE, SPYOD BSDUS KYI LE'U DANG POR, 'PHONG SLOB PA'I DPES DPA' BAR 'GRO BA'I TING NGE 'DZIN LA RIM GYIS SLOB CING, DPA' BAR 'GRO BA'I TING NGE 'DZIN THOB NAS GANG LA YANG MI SLOB BO, ,ZHES PA'I MDO SHES @072 BYED DU DRANGS NAS, TSUL 'DI NYID KYIS RDO RJE THEG PA LA GNAS PA'I DPA' BAR 'GRO BA'I TING NGE 'DZIN LA SLOB PAR 'DOD PAS KYANG, RIM PA 'DI NYID KYIS BSLAB PAR BYA'O, ,ZHES SANGS RGYAS KYI THEG PA'I BSAM PA LA SLOB PA NAS BZUNG STE, ZUNG 'JUG GI BAR LA RIM GYIS SLOB CING, ZUNG 'JUG THOB NAS GANG LA YANG MI SLOB PAR BSHAD PA'I PHYIR DANG, ZUNG 'JUG GI SKABS NAS KYANG, SNANG BA MED PA LAS LANGS NAS, ZUNG DU 'JUG PAR GNAS PA'I RIM GYIS SANGS RGYAS KYI BYA BA MNGON SUM DU BYAS NAS, RDO RJE LTA BU'I TING NGE 'DZIN GYI YON TAN THAMS CAD KYIS BRGYAN NAS GNAS PAR 'GYUR RO, ,ZHES DANG, RDO RJE LTA BU'I TING NGE 'DZIN 'DI NYID KYI KHYAD PAR, BCOM LDAN 'DAS KYI DPA' BAR 'GRO BA'I TING NGE 'DZIN GYI MDO LAS KYANG, GANG GIS DPA' BAR 'GRO BA'I TING NGE 'DZIN 'DI THOB PA'I SKYES BU DAM PA 'DI DAG NI, SANGS RGYAS THAMS CAD KYI YUL DU MCHIS PA LAGS SO, , RANG DBANG GI YE SHES LA DBANG BGYID PA LAGS SO, ,DPA' BAR 'GRO BA'I TING NGE 'DZIN MA THOB PA'I PHYI, BYANG CHUB SEMS DPA' DE LA NI BYANG CHUB SEMS DPA' ZHES MI SMRA'O, ,ZHES SOGS GSUNGS SO, ,ZHES BSHAD DO, ,DE LA DPA' BAR 'GRO BA'I TING NGE 'DZIN NI, SA BCU PA LA GNAS PA'I BYANG CHUB SEMS DPA' THOB PAR DPA' BAR 'GRO BA'I TING NGE 'DZIN GYI MDO LAS BSHAD DE, JI SKAD DU MDO DE NYID LAS, BLO GROS BRTAN PA, DPA' BAR 'GRO BA'I TING NGE 'DZIN NI, BYANG CHUB SEMS DPA' SA DANG PO LA GNAS PAS MI THOB, SA GNYIS PA LA GNAS PAS MA YIN, SA @073 GSUM PA LA GNAS PAS MA YIN, SA BZHI PA LA GNAS PAS MA YIN, SA LNGA PA LA GNAS PAS MA YIN, SA DRUG PA LA GNAS PAS MA YIN, SA BDUN PA LA GNAS PAS MA YIN, SA BRGYAD PA LA GNAS PAS MA YIN, BYANG CHUB SEMS DPA' SA DGU LA GNAS PAS MI 'THOB KYI, BLO GROS BRTAN PA, DPA' BAR 'GRO BA'I TING NGE 'DZIN NI, BYANG CHUB SEMS DPA' SA BCU PA LA GNAS PAS 'THOB BO, ,ZHES GSUNGS PA'I PHYIR RO, ,DE BAS NA, SNGAGS KYI ZUNG 'JUG LA GNAS PA NI, SKYE BA GCIG GIS THOGS PA'I BYANG CHUB SEMS DPA' SA BCU PA LA GNAS PA YIN PAR SNGAR BSHAD PA'I LUNG DE DAG GIS BSTAN MI NUS PAR LEGS PAR GRUB PA YIN NO, , DE BAS NA PHA ROL TU PHYIN PA'I LAM GYIS NI, BSKAL PA GRANGS MED PA GSUM GYIS DPA' BAR 'GRO BA'I TING NGE 'DZIN THOB LA, SNGAGS KYI LAM GYIS, BRTZON 'GRUS CAN TSE 'DI NYID LA THOB PAR 'GYUR BAS, SNGAGS KYI THEG PA CHES KHYAD DU 'PHAGS PAR YANG GRUB BO, ,'O NA SNGAGS KYI LAM GYIS TSE 'DI LA SANGS RGYAS THOB PAR BSHAD PA DANG 'GAL TE, SA BCU PA LAS MA THOB PA'I PHYIR RO ZHE NA, SKYON MED DE, SA BCU PA'ANG SANGS RGYAS SU BRJOD DE, BYAMS PAS, SA DGU 'DAS NAS YE SHES NI, ,GANG GI SANGS RGYAS SAR GNAS PA, ,DE NYID BYANG CHUB SEMS DPA'I SA, ,BCU PA YIN PA SHES PAR BYA, ,ZHES GSUNGS PA'I PHYIR RO, ,DE BAS NA JI SKAD DU (DE'I 'GREL PAR,) SA BCU PA LA GNAS PA'I BYANG CHUB SEMS DPA' SANGS RGYAS BDEN PAR BRJOD PAR BYA'I, YANG DAG PAR RDZOGS PA'I SANGS RGYAS NI MA @074 YIN NO, ,ZHES BSHAD PA LTAR, ZUNG 'JUG RDO RJE 'CHANG GI SA LA GNAS PA YANG, SANGS RGYAS YIN GYI, CHOS KYI SKU LA BZHUGS PA'I YANG DAG PAR RDZOGS PA'I SANGS RGYAS NI MA YIN PAR BYA STE, GAL TE YIN NA BSTAN PA GCIG LA STON PA GNYIS 'BYUNG BA'I SKYON YOD DE, BSTAN PA 'DI LA YANG, RGYAL PO AINDRA BHU TI DANG, 'PHAGS PA KLU SGRUB KYI SNGAGS KYI LAM GYIS SANGS RGYAS PA'I PHYIR RO, ,DE SKAD DU YANG SPYOD BSDUS LAS, JI LTAR RGYAL PO AINDRA BHU TI DANG 'DRA BAR, PHUNG PO'I KHOG PA BRJES TE, RDO RJE'I LUS SU GYUR NAS, BTZUN MO'I MCHOG DANG LHAN CIG TU MI SNANG BAR GYUR TE, YON TAN GYI DBANG PHYUG BRGYAD DANG LDAN PAS SANGS RGYAS KYI ZHING NAS SANGS RGYAS KYI ZHING DU 'GRO STE, ZHES GSUNGS SHING, SGRON GSAL LAS KYANG, DE LTAR SLOB DPON CHEN PO DPAL KLU SGRUB KYI ZHAL SNGA NAS, NYID KYI DON RJES SU BRNYES NAS, SO SO RANG RIG PA RDO RJE 'DZIN PA CHEN PO'I TING NGE 'DZIN 'JIG RTEN DU BSTAN NAS LHA DANG MI'I BDE BA LAS 'DAS SHING, MU STEGS DANG, NYAN THOS DANG, RANG SANGS RGYAS KYI BSAM GTAN DANG SNYOMS PAR 'JUG PA'I BDE BA LAS 'DAS NAS SKYE BA DANG 'GAG PA DANG BRAL BA'I DE BZHIN GSHEGS PA'I SKU RNAM PA THAMS CAD KYI MCHOG DANG LDAN PA, SKU LTA BAS CHOG MI SHES DANG, STOBS BCU DANG, MI 'JIGS PA BZHI LA SOGS PA SANGS RGYAS KYI YON TAN RNAMS KYIS BRGYAN PA BRNYES NAS BDE BA CAN DU GSHEGS PA STE, YON TAN GYI DBANG PHYUG BRGYAD DANG LDAN PAR BZHUGS SO ZHES BSHAD PA'I PHYIR RO, ,BSTAN PA GCIG LA STON PA GNYIS 'BYUNG BAR YANG @075 MI RIGS TE, SANGS RGYAS GNYIS LHAN CIG TU 'BYUNG BA DGOS PA MED PA'I PHYIR DANG, LHAN CIG GNYIS MIN SANGS RGYAS BZHIN, ,ZHES SOGS KYI THEG PA CHE CHUNG GI LUNG DU MA DANG 'GAL BA'I PHYIR RO, ,GAL TE SA BCU PA YIN NA, SAMBU tI LAS, DE NYID GCIG PUS SEMS CAN RNAMS KYI DON BYED PA DANG, RNAM PAR RTOG PA THAMS CAD SPANGS KYANG, BLTAMS PA STON PA DANG KHAB NAS MNGON PAR 'BYUNG BA DANG, ZHES SOGS NAS, RMI LAM LTA BUR SANGS RGYAS KYI ROL PA MCHOG TU STON PAR MDZAD DO ZHES MDZAD PA BCU GNYIS STON PAR BZHED PA DANG 'GAL ZHE NA, MI 'GAL TE, DPA' BAR 'GRO BA'I TING NGE 'DZIN THOB PA'I BYANG CHUB SEMS DPAS MDZAD PA BCU GNYIS KYI SGO NAS SEMS CAN GYI DON BYED PAR BSHAD PA'I PHYIR RO, , DE SKAD DU YANG DPA' BAR 'GRO BA'I TING NGE 'DZIN LAS, BLO GROS BRTAN PA, DE LA DPA' BAR 'GRO BA'I TING NGE 'DZIN DE GANG ZHE NA, 'DI LTA STE NAM MKHA'I KHAMS BZHIN DU SEMS BSKYED PA SHIN TU YONGS SU SBYANG BA BYAS PA DANG, SEMS CAN THAMS CAD KYI SEMS LA RTOGS PA MNGON SUM DU GYUR PA DANG, SEMS CAN THAMS CAD KYI DBANG PO MCHOG DANG, MCHOG MA YIN PA SHES PA DANG, GNAS DANG GNAS MA YIN PA LA RNAM PAR BLTA BA MNGON SUM DU GYUR PA DANG, ZHES PA NAS SEMS KYI SKAD CIG SKAD CIG LA GDUL BYA'I SEMS CAN JI LTAR YONGS SU SMIN PA DANG, MNGON PAR RDZOGS PAR BYANG CHUB PA DANG, RNAM PAR GROL BA STON PA DANG, BYANG CHUB SEMS DPA' DAG MNGAL DU 'JUG PA DANG, BTZAS PA DANG, MNGON PAR @076 'BYUNG BA DANG, DKA' BA SPYOD PA DANG, BYANG CHUB SNYING POR 'GRO BA DANG, BDUD 'DUL BA DANG, BYANG CHUB MNGON PAR RDZOGS PAR 'TSANG RGYA BA DANG, CHOS KYI 'KHOR LO BSKOR BA DANG, MYA NGAN LAS 'DA' BA CHEN PO DANG, LUS 'JIG PA YANG STON PA, BYANG CHUB SEMS DPA'I CHOS NYID DE YANG MI 'DOR ZHING, SHIN TU PHUNG PO MED PAR YANG MYA NGAN LAS MI 'DA' BA 'DI NI, BLO GROS BSTAN PA, DPA' BAR 'GRO BA'I TING NGE 'DZIN ZHES BYA STE, ZHES GSUNGS PA'I PHYIR RO, ,'DIS NI ZUNG 'JUG LA GNAS PA'I PHRIN LAS KYI KHYAD PAR YANG BSTAN PA YIN NO, ,DE BAS NA RDO RJE THEG PA'I MTHAR THUG GI 'BRAS BU'I SA MTSAMS NI, 'PHAGS PA YAB SRAS KYI GZHUNG LA BRTEN NAS, KHO BO 'BA' ZHIG GIS LEGS PAR RTOGS KYI, GZHAN DAG GIS NI JI BZHIN BSHAD PAR MI SEMS SO, , RANG BZHIN GTAN LA DBAB PA LA GNYIS TE, SKU'I KHYAD PAR DANG, YE SHES KYI KHYAD PAR RO, ,SKU YI KHYAD PAR NI, LUGS LDOG GI SNANG BA GSUM GYI RGYU DANG, RLUNG 'OD ZER LNGA YI LHAN CIG BYED PA'I RKYEN LAS GRUB PA YID KYI RANG BZHIN GYI LUS SHIN TU DVANGS PA DBANG PO'I GZHU LTAR SNANG LA RANG BZHIN MED PA DPAG TSAD BRGYA'I KHYOD TZAM DU CHE ZHING, LUS KYI 'OD KYIS 'JIG RTEN GYI KHAMS MTHA' DAG SNANG BAR BYED PA, MTSAN DANG DPE BYAD KYIS BRGYAN PA, PHYIR MI LDOG PA'I BYANG CHUB SEMS DPA' RNAMS KYI LHA'I MIG KHO NA'I SPYOD YUL GYI, NYAN RANG TSANGS PA SOGS KYI LHA'I MIG GIS KYANG SPYOD YUL MA YIN PA STE, JI SKAD DU, DPAG TSAD @077 BRGYA YI KHYON TZAM DU, ,RDO RJE 'BAR BA'I 'OD DAG GIS, ,RGYAN RNAMS KUN GYIS BRGYAN PA YI, ,DAG PA'I BDAG NYID SNANG BAR 'GYUR, ,TSANGS PA DRAG PO LA SOGS LHAS, ,NAM YANG MTHONG BAR MI 'GYUR RO, ,ZHES DANG, DE'I 'GREL PAR, SKYES BU CHEN PO'I MTSAN SUM CU RTZA GNYIS KYIS BRGYAN PAS NA RGYAN RNAMS KUN GYIS RAB TU BRGYAN PA'O, ,SGYU MA LTA BU'I SKU MNGA' BAS NA DAG PA'I BDAG NYID DO, , 'OD KYIS 'JIG RTEN GYI KHAMS DPAG TU MED PA GSAL BAR BYED PAS SNANG BAR GYUR PA'O, ,'DI LTAR GYUR PA'I YE SHES KYI SKU BRNYES PAS, TSANGS PA LA SOGS PA'I LHA RNAMS KYIS NAM YANG MTHONG BAR MI NUS NA, GZHAN DAG GIS LTA SMOS KYANG CI DGOS TE, PHYIR MI LDOG PA'I SPYOD YUL YIN PA'I PHYIR RO, ,ZHES BSHAD CING, DPA' BAR 'GRO BA'I TING NGE 'DZIN LAS KYANG BYANG CHUB SEMS DPA' DE'I LUS GCIG TU MKHREGS PA, SRA BA SNYING POR GYUR PA, RDO RJE LTA BU'O, ,KHONG STONG MA YIN PA MI PHYED PA YANG YIN NO, ,BYANG CHUB SEMS DPA' DE'I KHOG NA LONG KHA DANG PHO BA YANG MED, BSHANG BA DANG GCI BA YANG MED, SNAB DANG MCHIL MA YANG MED, MI GTZANG BA YANG MED, DRI MI ZHIM PA YANG MED, ZHES GSUNGS SO, ,DE BAS NA 'JAM DPAL LA SOGS PA'I SA BCU PA RNAMS KYI LONGS SPYOD RDZOGS PA'I SKU NI, GONG DU BSHAD PA'I MTSAN NYID DE LTA BUR BZHUGS PA YIN LA, DE YANG PHA ROL TU PHYIN PA'I THEG PA PAS NI, BSKAL PA GRANGS MED PA GSUM DU BSOD NAMS KYI TSOGS BSAGS PA'I RNAM SMIN LAS GRUB PA YIN LA, RDO RJE THEG PA PAS NI, THABS @078 LAM KHYAD PAR CAN BSGOMS PAS TSE 'DI NYID LA 'GRUB PA YIN NO, ,'O NA MA DAG PA'I LUS 'DI THABS GANG GIS DE LTA BU'I RDO RJE'I LUS SU 'GYUR ZHE NA, MA RGYUD KYI RJES SU 'BRANG BA'I THABS LAM PA DAG NI, THABS SAM BSGOMS PA'I STOBS LAS BYUNG BA'I KHAMS BYANG CHUB KYI SEMS DVANGS MAS GSER 'GYUR GYI RTZIS LCAGS GSER DU 'GYUR BA LTAR, MA DAG PA'I LUS 'JA' LUS RDO RJE'I SKUR BSGYUR BAR BZHED MOD, RGYU THOG BCAS LAS, 'BRAS BU DVANGS ZHING THOGS PA MED PA'I LUS 'BYUNG BAR 'DOD PA NI, SOL BA BRDAR BAS DUNG DU 'GYUR BA LTAR SHIN TU DKA'O, ,DES NA 'PHAGS PA YAB SRAS NI 'DI LTAR BZHED DE, NGAG DBEN GYI RLUNG SBYANGS SHING SEMS DBEN GYIS SEMS SBYANGS NAS, SGYU LUS KYI SKABS SU DAG PA'I SGYU LUS KYI RGYU MTHUN GYI RGYU, RLUNG SEMS TZAM LAS GRUB PA'I MA DAG PA'I SGYU LUS BSGOM ZHING, DE NYID LA DNGOS 'DZIN DANG, SGYUR 'DZIN GYI DRI MA DAG 'OD GSAL GYI MES SBYANGS NAS, 'OD GSAL MTHAR PHYIN PA'I RNAL 'BYOR PA SPYOD PA GSUM GANG RUNG LA BSLABS TE, BSLAB PA MTHAR PHYIN PA'I RJES THOGS SU BDAG GIS YUN RING DU 'OD GSAL LA SNYOMS PAR ZHUGS TE, MA DAG PA'I LUS SPANGS TE, DAG PA'I SGYU LUS ZUNG 'JUG MNGON SUM DU BYAS TE, SEMS CAN GYI DON BYA'O SNYAM PA'I 'PHEN PA SNGON DU BTANG STE, 'OD GSAL LA SNYOM PAR 'JUG GO ,DE NAS, CHU DVANGS PA LA NYA (RTEN MED PAR) LDANG BA LTAR, SNGON GYI 'PHEN PA'I SHUGS KYIS 'OD GSAL LAS LANGS NAS, MA DAG PA'I LUS SBRUL SHUN PA BRJES PA LTAR SPANGS TE, LUGS @079 LDOG GI SNANG BA GSUM RLUNG DANG BCAS PA LAS GRUB PA'I DAG PA'I SGYU LUS ZUNG 'JUG GI SKU MNGON SUM DU MDZAD DE, SANGS RGYAS KYI ZHING NAS SANGS RGYAS KYI ZHING DU RGYU ZHING, SANGS RGYAS MCHOD PA DANG, SEMS CAN GYI DON BYED PA SOGS BSAM GYIS MI KHYAB PA'I RNAM PAR THAR PA 'KHOR BA JI SRID MA STONGS KYI BAR DU MDZAD PA YIN NO, ,DE SKAD DU YANG RIM LNGA LAS, JI LTAR DVANGS PA'I CHU DAG LAS, ,NYA DAG MYUR DU LDANG BA LTAR, ,THAMS CAD STONG PA 'OD GSAL LAS, ,SGYU 'PHRUL DRA BA 'BYUNG MA YIN, ,ZHES DANG, SPYOD BSDUS LAS, DE BAS NA STONG PA NYID GZHI GCIG TU GYUR BA'I, SNANG BA'I TSOGS NAM MKHA' SNANG BA LTA BUS 'JIG RTEN GYI KHAMS THAMS CAD SNANG BAR BYAS TE, KHAMS PHRA BA DANG LHAN CIG TU GRIB MA DANG 'DRA BAR GCAD DU MED PA DANG, GZHIG TU MED PAR RDO RJE'I SKU'I NGO BO NYID DE 'PHO BA MED CING, ZAG PA MED PA'I NYON MONGS PA'I BAG CHAGS THAMS CAD LAS RNAM PAR GROL BA, 'DOD PA TZAM GYI DBANG DU GYUR PA THOB PA, CHU LAS NYA LTA BU'AM, MYUR BAR GNYID LOG CING SAD PA BZHIN DU, MCHOG TU DGA' BA'I LUS KYI NGO BO NYID KYI GZUGS 'BYUNG BAR 'GYUR BA'I GZUGS KYI BDAG NYID CAN GYI MING NI RDO RJE 'CHANG CHEN PO ZHES BYA'O, ,ZHES SOGS GSUNGS SO, ,MA DAG PA'I LUS 'DI SPONG BAR YANG, SPYOD BSDUS SU, JI LTAR RGYAL PO AINDRA BHO DHI DANG 'DRA BAR, PHUNG PO'I KHOG PA BRJES TE, ZHES DANG, SGRON GSAL DU YANG, TSE 'DI NYID LA RANG GI NGO BO BRJE BAR 'GYUR BA'I PHYIR RO, ,ZHES SOGS SKABS DU MAR BSHAD CING, SLOB @080 DPON 'PHAGS PA NYID KYANG MA DAG PA'I SKU RGYAL PO BDE SPYOD BZANG PO'I BU LA SBYIN PA BTANG NAS 'JA' LUS RDO RJE'I SKUS BDE BA CAN DU GSHEGS PAR BSHAD PA'I PHYIR RO, ,GAL TE SLOB DPON 'PHAGS PAR DOR SANGS RGYAS PAR SHAD PA YIN GYI, TSE 'DIR SANGS RGYAS PAR BSHAD PA MA YIN NO ZHE NA, DE NI MA YIN TE, BAR DOR 'TSANG RGYA BA NI, RNAL 'BYOR BA GANG BDEN PA MTHONG YANG, SNGON GYI BAG CHAGS KYI DBANG GIS ZHING LAS DANG, TSONG LAS SOGS KYIS G-YENGS TE, SPYOD PA GSUM BYED MA KHOM PAR, 'CHI LTAS 'BYUNG BA ZHIG 'CHI KHA'I MAN NGAG LA BRTEN NAS, BAR DOR 'TSANG RGYA BAR BSHAD PA YIN LA, SLOB DPON LA NI G-YENG RKYEN DE LTA BU MI MNGA' BA'I PHYIR DANG, DPAL GYI RI LA BZHUGS PA NA, SHIN TU SPROS MED KYI SPYOD PA MDZAD NAS SPYOD PA MTHAR PHYIN PA NA MA DAG PA'I SKU SBYIN PAR BTANG STE, RDO RJE'I SKUS BDE BA CAN DU GSHEGS SHING, DA LTA SA BCU'I DBANG PHYUG GI GO 'PHANG LA BZHUGS PA YIN LA, MA 'ONGS PA NA 'JIG RTEN GYI KHAMS DVANGS PA'I 'OD ZHES BYA BAR, DE BZHIN GSHEGS PA YE SHES 'BYUNG GNAS 'OD CES BYA BAR MNGON PAR RDZOGS PAR 'TSANG RGYA BAR 'GYUR BA YIN NO, , 'O NA, RAB TU DGA' BA'I SA BSGRUBS TE, ,ZHES PA DANG 'GAL LO ZHE NA, MI 'GAL TE, PHA ROL TU PHYIN PA'I THEG PA LA BRTEN NAS, SA DANG PO BRNYES PA YIN LA, SA DANG PO BRNYES NAS, RDO RJE THEG PA'I LAM LA BRTEN NAS, SA BCU PA BRNYES PA YIN PA'I PHYIR DANG, LUNG BSTAN PA NI, PHAR PHYIN THEG PA'I DBANG DU @081 BYAS PA'I PHYIR RO, ,YE SHES KYI KHYAD PAR NI, JI LTAR GLANG GNYIS GNYA' SHING GCIG GIS SBRES NAS PHYOGS GCIG TU 'GRO ZHING, ZHING RMO BA'I BYA BA GCIG BYED PA LTAR, SHES RAB DANG SNYING RJE GNYIS YE SHES GCIG LA DBYER MED PAR BZHUGS TE MI GNAS PA'I NGAN LAS 'DAS PA'I PHYOGS GCIG TU 'GRO ZHING, RNAM MKHYEN GYI BYA BA GCIG BYED PA NI ZUNG 'JUG NI YE SHES KYI NGO BO NYID YIN NO, ,DE NI MTSAN NYID GSUM DANG LDAN TE, 'GOG PA ZUNG 'JUG DANG, SNANG BA ZUNG 'JUG DANG, 'BREL BA ZUNG 'JUG GO ,DANG PO NI, GNYIS SU MED PA'I YE SHES DES, 'KHOR 'DAS DANG, KUN NAS NYON MONGS DANG, RNAM BYANG LA SOGS PA, GNYIS BYAS KYI CHOS THAMS CAD THA DAD PA'I RNAM RTOG SPANGS PA'I TSUL GYIS 'GOG PA ZUNG 'JUG CES BYA'O, ,DE SKAD DU YANG, 'KHOR BA DANG NI MYA NGAN 'DAS, ,RTOG PA GNYIS PA SPANGS NAS NI, ,GANG DU DNGOS PO GCIG GYUR PA, ,ZUNG DU 'JUG CES DE BSHAD DO, , ZHES SOGS GSUNGS SO, , GNYIS PA NI, THABS KUN RDZOB KYI BDEN PA RDO RJE 'CHANG CHEN PO'I LUS DANG, GNAS YE SHES RANG SNANG GI GZHAL MED KHANG DANG, LONGS SPYOD DU RIG MA BYE BA PHRAG KHRIG SNANG BA DANG, SHES RAB DON DAM PA'I BDEN PA RANG BZHIN MED PA DBYER MED PAR RTOGS PA'I TSUL GYIS SNANG BA ZUNG 'JUG CES BYA STE, DE SKAD DU YANG, KUN RDZOB DANG NI DON DAM DAG ,SO SO'I CHAR NI SHES GYUR NAS, ,GANG DU YANG DAG 'DRES GYUR PA, ,ZUNG DU 'JUG CES DE BSHAD DO, ,ZHES GSUNGS SO, ,GSUM PA NI, @082 STONG PA NYID KYI SHES RAB DANG, ,DMIGS PA MED PA'I SNYING RJE DBYER MED PA NI 'BREL BA ZUNG 'JUG STE, DE SKAD DU YANG, SHES RAB SNYING RJE GCIG PAR NI, ,SHES NAS GANG DU 'JUG GYUR PA, ,ZUNG 'JUG CES BYAR BSHAD PA STE, ,RIM 'DI SANGS RGYAS SPYOD YUL LO, ,ZHES GSUNGS SO, ,GZHAN YANG GNYIS SU MED PA'I YE SHES GCIG PU DE NYID LDOG PA'I PHYE BAS, ME LONG LTA BU LA SOGS PA'I YE SHES LNGA DANG STOBS BCU DANG, MI 'JIGS PA BZHI DANG, SANGS RGYAS KYI CHOS MA 'DRES PA BCO BRGYAD LA SOGS PA, SANGS RGYAS KYI YON TAN MTHA' YAS PAR RNAM PAR BZHAG GO , ZUNG 'JUG GI TING NGE 'DZIN DE LA BSLAB PA'I TSUL LA GNYIS TE, BRTZON 'GRUS CAN MTHONG BA'I CHOS LA MYA NGAN LAS 'DAS PA'I BSLAB TSUL DANG, LE LO CAN BAR DOR MYA NGAN LAS 'DA' BA'I BSLAB TSUL LO, ,DANG PO NI, 'OD GSAL MTHAR PHYIN PAR BYAS PA'I RNAL 'BYOR PA, SLOB PA'I ZUNG 'JUG LA GNAS PA DES, DON DAM PA'I BDEN PA BSGOM PA NA 'PHEN PA 'DI LTAR BTANG STE, BDAG GIS 'OD GSAL GYI TING NGE 'DZIN LA LO DANG ZLA BA LA SOGS PA JI LTAR 'DOD PAR GNAS PAR BYAS LA, DE LAS RJES DRAN GYI YAN LAG GIS ZUNG 'JUG GI SKUR LTA BAR BYA'I SNYAM PA'I SEMS KYI 'PHEN PA BTANG STE, 'OD GSAL GYI TING NGE 'DZIN LA JI LTAR 'DOD PA SNYOMS PAR 'JUG PAR BYA'O, ,DE NAS SNGON GYI 'PHEN PA'I SHUGS DANG, KUN RDZOB KYI SKABS SU TSAD MED BZHI BSGOMS PA'I STOBS KYIS 'OD GSAL 'DZIN PA'I YAN LAG DE LAS, RJES DRAN GYIS YAN LAG SNANG BA GSUM RLUNG DANG @083 BCAS PA LAS, TING NGE 'DZIN GYI YAN LAG ZUNG 'JUG LONGS SKU RDO RJE 'CHANG CHEN PO GZHAL YAS KHANG DANG BAS PA SKAD CIG TZAM GYIS BSKYED LA, DE NAS SPRUL SKUR BSGYUR BA'I PHYIR RANG GI LHAG PA'I LHA GANG YIN PA'I RNAM PA BSKYED NAS SPROS BSDUS RANG LA BCUG STE SPRUL SKUR BSGYUR BA NI DANG PO'I SBYOR BA'O, ,DE NAS DKYIL 'KHOR RGYAL MCHOG SPRO BA'I PHYIR YE SHES KYI PHYAG RGYA DANG SNYOMS PAR ZHUGS TE, BDE BA'I SNANG BA TZAM LAS LHA SUM CU RTZA GNYIS SKAD CIG GIS BSKYED DE, RANG RANG GI MTSAN SNGAGS KYIS BSKUL NAS SPROS BSDUS NAS RANG GI PHUNG PO LA SOGS PA'I RNAM PAR DAG PA'I NGO BOR BKOD PA NI DKYIL 'KHOR RGYAL MCHOG GO ,DE LTA BU'I ZUNG 'JUG DKYIL 'KHOR RGYAL MCHOG DE LA GNAS NAS, RDO RJE BZLAS PA'I SGO NAS ZHI BA LA SOGS PA'I LAS KYI SGO NAS SEMS CAN GYI DON BYA BA DANG, SKU GSUM DBYER MED LA BSLAB PAR BYA BA DANG, SPYOD PA GSUM GANG RUNG LA BSLAB PA BYA BA NI LAS RGYAL MCHOG GO ,ZUNG 'JUG LA SLOB PA'I SKABS 'DIR, 'OD GSAL LAS ZUNG 'JUG YE SHES KYI SKUR LDANG BA NI RNAL 'BYOR BA'I RANG SNANG TZAM DU ZAD KYI, MA DAG PA'I PHUNG PO SPONG NUS PA NI MIN NO, , SKU GSUM DBYER MED LA BSLAB PA NI, ZUNG 'JUG DE NYID 'OD GSAL GYI RGYAS BTAB NAS, MI RTOG PAR GNAS PA NI CHOS SKU, DE NYID SA BCU'I BYANG CHUB SEMS DPA' RNAMS LA RDO RJE 'CHANG CHEN PO'I GZUGS KYIS CHOS KYI RO MYONG BAR MDZAD PA NI LONGS SKU'O, ,DE NYID SO SO SKYE BO LAS DAG DANG, SA DGU PA MAN @084 CHAD LA SPRUL PA DU MAR SNANG BA NI SPRUL PA'I SKU'O, ,DE GSUM DBYER MED PA NI ZUNG 'JUG RDO RJE 'CHANG CHEN PO MTSAN NYID GSUM DANG LDAN PA STE, RDO RJE PHRENG BAR, SKU GSUM DAG GIS THA DAD PAR, ,SKYOB PA YIS NI YANG DAG BSHAD, ,RDZOGS PA'I RIM PA'I SBYOR BA YIS, ,GCIG TU YANG NI 'GYUR BA YIN, ,ZHES BSHAD DO, , SLOB PA'I ZUNG 'JUG GI SKABS SU, DE LTA BU'I SKU GSUM DBYER MED RDO RJE 'CHANG CHEN PO MTSAN NYID GSUM LDAN DE LA 'BAD RTZOL GYIS MA BSLABS KYANG, RANG GI NGANG GIS GNAS PAR 'GYUR MOD, 'ON KYANG MYUR DU MI SLOB PA'I SA LA GNAS PAR BYA BA'I PHYIR, BSLAB PAR YANG BYA STE, DPER NA BYA NAM MKHA' LA GSHOG PA BRGYANGS PA TZAM GYIS BGROD BYAR PHYIN YANG, MYUR DU PHYIN PAR BYA BA'I PHYIR G-YOB PA DANG 'DRA'O, ,DE LTAR ZUNG 'JUG GI TING NGE 'DZIN LA BSLAB PAS MCHOG THOB PA'I SNGA LTAS KYI MTSAN MA GZUGS PHRA BA DANG, REG PA YANG BA LA SOGS PA DNGOS KYI RTAGS DANG, RMI LAM GYI MTSAN MA LE'U BCO LNGA PA NAS BSHAD PA RNAMS 'BYUNG BAR 'GYUR RO, , LE LO CAN BAR DOR MYA NGAN LAS 'DA' BA'I TSUL NI, RNAL 'BYOR PA GANG ZHIG BDEN PA MTHONG YANG, SNGON GYI BAG CHAGS KYI DBANG GIS, ZHING LAS DANG, TSONG LAS SOGS KYIS G-YENGS TE, SPYOD PA GSUM BYAR MA GRUB CING, 'CHI LTAS BYUNG NA 'PHEN PA 'DI LTAR BTANG BAR BYA STE, BDAG GIS 'CHI BA 'OD GSAL LA JI LTAR 'DOD PAR GNAS PAR BYAS LA BAR DO LHUN GRUB KYI ZUNG 'JUG TU LANGS LA, @085 DE NYID DU MCHOG THOB PAR BYA'O SNYAM DU BSAMS NAS, 'CHI KHA'I MAN NGAG JI LTA BA BZHIN DU BSGOMS NA, DE'I STOBS KYIS, 'CHI BA 'OD GSAL MNGON SUM DU BYAS NAS PAR DOR ZUNG 'JUG GI SKUR LANGS TE, DE NYID DU SPYOD PA GSUM GANG RUNG DANG, SKU GSUM DBYER MED SOGS LA BSLAB PAS, BAR DO'I LUS DE NYID ZUNG 'JUG RDO RJE 'CHANG CHEN PO'I SKU RU 'GYUR RO, ,DE SKAD DU YANG, BSAM PA GANG DANG GANG GIS NI, ,MI RNAMS YID NI YANG DAG SBYOR, ,DES NA DE YI RANG BZHIN 'GYUR, ,SNA TSOGS NOR BU JI BZHIN NO, ,ZHES DANG, DAM TSIG KHU BYUNG CHO GA BZHIN, ,'BRAS BU 'DOD PAS BTUNG BAR BYA, ,DE BZHIN GSHEGS PA'I TSOGS BSAD NA, ,DNGOS GRUB RAB MCHOG THOB PAR 'GYUR, ,ZHES GSUNGS SO, ,ZUNG 'JUG MTHAR PHYIN PA'I TSAD NI, BSLAB PAR BYA BA'I CHOS THAMS CAD DANG BRAL BA, DON GNYIS PHUN SUM TSOGS PA THAMS CAD MKHYEN PA'I GO 'PHANG LA GNAS PA STE, DE SKAD DU YANG, ZUNG 'JUG TING NGE 'DZIN LA GNAS NAS, ,SLAR ZHING GANG LA'ANG MI SLOB BO, ,'DI NI RDZOGS PA'I RNAL 'BYOR PA, ,RDO RJE 'DZIN PA CHEN PO'ANG DE, , RNAM PA KUN GYI MCHOG LDAN PA'I, ,THAMS CAD MKHYEN PAR DE NI 'GYUR, ,ZHES GSUNGS SO, ,ZUNG 'JUG BSGOMS PA'I PHAN YON NI, THAMS CAD MKHYEN PA'I GO 'PHANG RDO RJE 'CHANG CHEN PO THOB PAR 'GYUR BA'O, ,MING GI RNAM GRANGS NGES TSIG DANG BCAS PA NI, MA RIG PA LOG PAS RIG PA NI DON DAM PA YIN LA, DE LAS BYUNG BAS NA RIG PA CHEN PO'I SKYES BU ZHES BYA'O, ,BDEN PA GNYIS DBYER MED @086 PAS NA BDEN PA GNYIS KYI TSUL LA GNAS PA ZHES BYA'O, ,SGRIB GNYIS KYI G-YUL NGO BZLOG PAS NA DPA' BAR 'GRO BA'I TING NGE 'DZIN ZHES BYA'O, ,MI MTHUN PHYOGS KYIS MI PHYED PAS NA RDO RJE LTA BU'I TING NGE 'DZIN ZHES BYA'O, ,'DOD NA SKAD CIG GNYIS PA LA CHOS SKU MNGON DU GYUR PA'I YANG DAG PAR RDZOGS PA'I SANGS RGYAS KYI SA LA GNAS PAR 'GYUR BAS NA BAR CHAD MED PA'I TING NGE 'DZIN ZHES BYA'O, , THABS DANG SHES RAB GNYIS YE SHES GCIG LA LDAN PAR ZHUGS PAS NA ZUNG 'JUG CES BYA'O, ,DE DAG GI DON BSDU BA NI, BDEN GNYIS SBYOR BA GANG YIN PA, , ZUNG 'JUG CES BYA LNGA PA STE, ,ZHES TE, KUN RDZOB BDEN PA SGYU MA DANG, DON DAM BDEN PA 'OD GSAL GNYIS YE SHES GCIG LA DBYER MED PAR SBYOR BA GANG YIN PA'I TING NGE 'DZIN NI ZUNG 'JUG CES BYA STE, DE NI RIM PA BZHI PA DON DAM BDEN PA'I MJUG THOGS SU BSTAN CING BSGOM PAR BYA BA YIN PA LNGA PA STE, SKAS KYI GDANG BU LNGA PA BZHIN NO, , SNGAR BSHAD PA'I RIM PA DANG PO DE'I MJUG BSDU BA NI, 'DI NI SGRUB PA'I YAN LAG MCHOG ,RGYUD KUN GYI NI DON BSDUS PA'O, ,ZHES TE, SNGAR BSHAD PA'I RIM PA LNGA PO 'DI NI, SGRUB PAR BYA BAS NI BSGRUB PA STE, RDO RJE 'CHANG CHEN PO YIN PAS, DE BSGRUB PAR BYED PA'I YAN LAG STE RGYU, RGYUD SDE 'OG MA DANG PHA ROL TU PHYIN PA LA LTOS NAS MCHOG YIN LA, RTZA BA'I RGYUD LE'U BCU BDUN PA KUN GYI BRJOD BYA MDOR BSDUS PA YIN NO, ,BRJOD BYA'I DON MDOR BSDUS NA RIM PA LNGA YIN @087 MOD, RGYAS PAR PHYE NA JI LTAR 'GYUR ZHE NA, RIM PA 'DI YI DBYE BA YANG, ,SPROS PA'I RIM PAS RNAM PA MANG, ,ZHES TE, RIM PA LNGA PO 'DI'I NANG GSES KYI DBYE BA'ANG, SPROS TE PHYE NA RIM PA RNAM PA MANG POR 'GYUR TE, 'DI LTAR BSKYED RIM LA YANG, DRAN PA GCIG PA DANG RTOG PA'I RNAL 'BYOR GNYIS, DRAN PA GCIG PA LA YANG, DPA' BO GCIG PA DANG, DKYIL 'KHOR 'KHOR LO BSGOM PA GNYIS, DPA' BO GCIG PA LA YANG, ZLOS PA PO SUM CU RTZA GNYIS KYI DBYE BAS, SGRUB THABS SUM CU RTZA GNYIS SU 'GYUR LA, DKYIL 'KHOR 'KHOR LO LA YANG, DANG PO'I SBYOR BA'I TING NGE 'DZIN LA SOGS PA GSUM DANG, ZLOS PA PO'I BYE BRAG GIS SUM CU RTZA GNYIS SU 'GYUR BAS RNAM PA MANG BA'O, ,RTOG PA'I RNAL 'BYOR LA YANG, NANG LA MCHOG TU GZHOL BA DANG, SNGAGS LA MCHOG TU GZHOL BA'I SGO NAS GNYIS YIN LA, NANG LA MCHOG TU GZHOL BA LA YANG, STENG SGO LA BRTEN PA'I MTSAN MA PHRA MO DANG, 'OG SGO LA BRTEN PA'I MTSAN MA PHRA MO BSGOM PA GNYIS YIN ZHING, 'OG SGO LA YANG THIG LE DNGOS BSGOM PA DANG, MTSAN MA PHRA MO BSGOM PA GNYIS YOD LA, SNGAGS LA MCHOG TU GZHOL BA LA YANG, RDO RJE'I BZLAS PA DANG, NGAG GI BZLAS PA'I SGO NAS GNYIS YIN LA, NGAG GI BZLAS PA LA YANG, PHRENG SNGAGS BZLAS PA DANG, MTSAN SNGAGS BZLAS PA GNYIS YIN PAS, DE LTAR NA SPROS PA'I DBYE BAS RNAM PA MANG YANG, MDOR BSDUS NA, SNGAGS KYI SKU NI RAB BSGRUB BYED, ,BSKYED PA'I RIM PA DANG PO YIN, ,ZHES PAR 'DUS SO, ,SEMS DBEN LA YANG, SNGON 'GRO DANG, @088 DNGOS GZHI'I SGO NAS GNYIS YIN LA, SNGON 'GRO LA YANG, LUS DBEN DANG, NGAG DBEN GYI SGO NAS GNYIS YIN LA, DE RE RE LA YANG SPROS PA'I DBYE BAS RNAM PA MANG YANG, BSDU NA, NGAG DBEN DANG, LUS DBEN GNYIS SU 'DUS SO, ,DNGOS GZHI SEMS DBEN LA YANG, SHES BYA SEMS KYI MTSAN NYID DANG, SEMS LA DMIGS PA YE SHES KYI MTSAN NYID GNYIS YIN LA, SHES BYA SEMS LA YANG KUN TU SNANG BA DANG, RANG BZHIN GYI DBYE BAS GNYIS YIN LA, KUN TU SNANG BA LA YANG SNANG BA DANG, MCHED PA DANG, NYE BAR THOB PA'I SGO NAS GSUM YIN LA, RANG BZHIN SNANG BA LA YANG, SUM CU RTZA GSUM DANG, BZHI BCU DANG, BDUN YIN PAS RNAM PA MANG LA, SEMS LA DMIGS PA'I YE SHES LA YANG, CHOS CAN RIG PA DANG, CHOS NYID RIG PA'I YE SHES GNYIS YIN LA, CHOS CAN RIG PA LA YANG, SNANG MCHED THOB GSUM GYI SGO NAS GSUM YOD PAS, DE LTAR NA SPROS PA'I RIM PAS RNAM PA MANG YANG, BSDU NA SEMS LA DMIGS PA TZAM ZHIG NI, RIM PA GNYIS PA ZHES BRJOD DO, ,ZHES PAR 'DU'O, ,KUN RDZOB BDEN PA LA YANG, SNOD DU RUNG BAR BYA BA DANG, BSTOD PA'I SNGON DU 'GRO BAS GSOL BA GDAB PA DANG, SGRUB PA'I RGYU DANG, KHYAB PA DANG, MTSON PA'I DPE DANG, RTOGS PA'I PHAN YON DANG MA RTOGS PA'I SKYON LA SOGS PA'I SGO NAS, SPROS PA'I DBYE BAS RNAM PA MANG YANG, KUN RDZOB BDEN PA BSTAN PA NI, YID 'ONG RIM PA GSUM PA'O, ,ZHES PAR 'DU'O, ,DON DAM BDEN PA LA YANG, BSTOD CING GSOL BA GDAB PA DANG, PHYI'I MNGON PAR BYANG CHUB PA DANG, NANG GI @089 MNGON PAR BYANG CHUB PA DANG, DE MNGON DU BYED PA'I THABS BSAM GTAN GNYIS DANG, MAN NGAG PRA KHRID BSTAN PA'I PHYIR SHES RAB YE SHES KYI DBANG BSKUR BA SOGS KYI SGO NAS, SPROS PA'I DBYE BA'I RIM PA MANG YANG, BSDU NA, KUN RDZOB BDEN PA DAG PA NI, RIM PA BZHI PA ZHES BRJOD DO, ,ZHES PAR 'DU'O, ,ZUNG 'JUG LA YANG, BRTZON 'GRUS CAN MTHONG CHOS LA MYA NGAN LAS 'DA' BA DANG, LE LO CAN BAR DOR MYA NGAN LAS 'DA' BA GNYIS YIN LA, DANG PO LA YANG, MTSAN NYID DANG, MING GI RNAM GRANGS DANG, SPYOD PA LA BSLAB TSUL DANG GSUM YIN LA, MTSAN NYID LA YANG, SNANG BA ZUNG 'JUG DANG, 'GOG PA ZUNG 'JUG DANG, 'BREL BA ZUNG 'JUG DANG GSUM STE, DE LTAR SPROS PA'I DBYE BAS RIM PA MANG YANG, BSDU NA, BDEN GNYIS SBYOR BA GANG YIN PA, ,ZUNG 'JUG CES BYA LNGA PA STE, ,ZHES PAR 'DU'O, ,YANG NA LAM GYI RIM PA 'DI'I DBYE BA YANG, SPROS PA DANG, BSDUS PA'I RIM PAS 'PHAGS PA YAB SRAS LA YANG MI MTHUN PA RNAM PA MANG STE, AARYA DE WAS RDZOG RIM RIM PA DRUG TU PHYE, 'PHAGS PA NYID KYIS RIM LNGAR BSDUS SHING, ZLA BA GRAGS PAS, RGYUD MA LUS PA'I DON SDUD PA'I DBANG DU BYAS TE, RDZOGS RIM BZHIR BSDUS SHING, BSKYED RIM GCIG TU BYAS NAS, RIM PA LNGAR SPROS PA'I DBYE BAS RIM PA MANG YANG, DE RNAMS YANG DAG PA BSDUS PA NI, GANG GIS SHES PA RGYUD RIG TE, SPROS PA'I RIM PA MANG PO DE RNAMS RIM PA LNGAR YANG DAG PAR BSDUS PA RGYUD MA LUS PA'I DON DU GANG GIS SHES PA DES, RGYUD KYI DON BDE BLAG TU RIG @090 CING RTOG PAR 'GYUR RO, ,RIM PA LNGA PO DE DAG GANG ZHE NA, SNGAGS DANG SEMS DANG LUS DANG NI, ,RNAM DAG DANG NI ZUNG 'JUG PA, ,ZHES TE SNGAGS KYIS BSKYED PAS NA SNGAGS TE BSKYED RIM DANG, SEMS DBEN DANG, LUS SGYU LUS DANG, RNAM DAG 'OD GSAL DANG ZUNG 'JUG RNAMS SO, ,CI'I PHYIR RGYUD KYI DON MA LUS PA RIM PA LNGAR SHES PAS RGYUD KYI DON BDE BLAG TU RTOGS PAR 'GYUR ZHE NA, RIM PA LNGA YIS BSDUS PA'I DON, ,SHES NAS MTHA' DRUG LA 'JUG GO ,ZHES TE, JI SKAD DU BSHAD PA'I RIM PA LNGA POS, RGYUD MA LUS PA'I BRJOD BYA'I DON BSDUS PAR SHES NAS PA'I RIM PA LNGA POS, RGYUD MA LUS PA'I BRJOD BYA'I DON BSDUS PAR SHES NAS RJOD BYED MTHA' DRUG DANG, DES MTSON PA'I TSUL BZHI'I DON BDE BLAG TU RTOGS PAS DE DAG PHYIN CI MA LOG PA LA 'CHAD PAR 'JUG PAR 'GYUR TE, DRANG DON DANG, SGRA JI BZHIN PA DANG, YI GE'I DON DANG, SPYI'I DON RNAMS KYIS BSKYED RIM STON LA, LHAG MA RNAMS KYIS RDZOGS RIM BZHI CI RIGS PAR STON PA'I PHYIR RO, , DE LTAR BRJOD BYA RGYUD DON RIM PA LNGAR BSDU BA BSTAN NAS, DA NI RJOD BYED RGYUD KYI CHE BA BSTAN PAR BYA STE, DE LA YANG RGYUD SDE MTHA' DAG GI RTZA BAR BSTAN PA DANG, MDO SDE MTHA' DAG GI RTZA BAR BSTAN PA GNYIS KYI, RGYUD SDE KUN GYI RTZA BAR BSTAN PA NI, JI SRID YA RA LA HA'I BAR, ,KA KHA GHA MTHA' nA DZ'A'I MTHA', ,DA DHA'I MTHA' DANG MA MTHAR BCAS, ,DE DE'I RTZA BA YIG GE GSUM, ,ZHES TE, DE LA YA RA LA GSUM MTHAR GNAS KYI SDE TSAN NO, ,HA NI DRO BA'I SDE TSAN NO, ,KA KHA GHA GSUM KA SDE'O, ,nA NI tA SDE'O, ,TZ'A NI TZA SDE'O, ,DA DHA NI TA SDE'O, ,MA NI PA SDE'O, ,DE @091 LTAR NA GSAL BYED SUM CU RTZA BZHI'I MTHA' CAN GYIS, RGYUD SDE STONG PHRAG SUM CU RTZA BZHI'I RTZA BA NI, SA MA DZA ZHES PA YI GE GSUM PA'I MING CAN GYI RGYUD 'DI YIN NO, ,'DIR JI SRID YA RA LA SHA KshA'I BAR ZHES, KshA DANG BCAS PA'I GSAL BYED SUM CU RTZA BZHI SPONG BAR RIGS TE, YE SHES RDO RJE KUN LAS BTUS PAR, RGYUD SDE LNGA PA KshA DANG BCAS PA'I GSAL BYED SUM CU RTZA BZHI'I MTHA' CAN GYI RGYUD STONG PHRAG SUM CU RTZA BZHI YOD PAR GSUNGS PA'I PHYIR RO, , MDO SDE MTHA' DAG GI RTZA BAR BSTAN PA NI, THUB PA CHEN POS CHOS PHUNG PO, ,BRGYAD KHRI BZHI STONG GSUNGS PA YI, ,DPAL LDAN 'DUS 'DI SNOD YIN TE, , DE BAS 'DI NI RGYUD KYI RTZE, ,ZHES TE, CHOS KYI PHUNG PO BRGYAD KHRI BZHI STONG THAMS CAD KYI BRJOD BYA'I GTZO BO YANG 'DIR 'DUS PAS, DPAL LDAN 'DUS PA 'DI NI DE DAG THAMS CAD KYI YANG SNOD DAM RTZA BA LTA BU YIN NO, ,CI'I PHYIR MDO SDE DANG RGYUD SDE KUN GYI RTZA BA YIN ZHE NA, MDO RGYUD DE DAG GI MTHAR THUG GI 'BRAS BU NI, GNYIS SU MED PA ZUNG 'JUG GI YE SHES YIN LA, DE NYID THABS BDE BA DANG, LAM MYUR BAS BDE BLAG TU THOB PA'I THABS 'DI NYID KYIS STON PAS DE'I PHYIR 'DI NI RGYUD THAMS CAD KYI RTZE MO'AM, MCHOG TU GYUR PA YIN NO, ,RGYUD DE'ANG MTSAN NYID JI LTA BU ZHIG ZHE NA, RJOD BYED NYUNG BA, BRJOD BYA MANG BA, RIN PO CHE LTAR SKAL BA DMAN PAS RNYED PAR DKA' BA, RNYED KYANG DON RTOGS PAR DKA' BAS TE, KHYAD PAR BZHI DANG LDAN PA ZHIG YIN NO ZHES STON PA STE, GZHUNG NYUNG BA LA DON MANG BA, , @092 'DUS PA'I RGYUD NI RNYED DKA' ZHING, ,RGYAN BDUN RTOGS PAR DKA' BAS NA, , THAMS CAD DU NI RNAM PAR 'KHOR, ,ZHES TE, DPAL LDAN 'DUS PA'I RGYUD NI BRJOD BYED KYI GZHUNG NYUNG LA, MDO RGYUD THAMS CAD KYI DON BSDUS PAS BRJOD BYA'I DON MANG BA DANG MAR ME MDZAD MAN CHAD KYI 'DAS PA'I SANGS RGYAS RNAMS KYIS MA GSUNGS SHING, BYAMS PA LA SOGS PA'I SKAL BA BZANG PO'I SANGS RGYAS RNAMS KYIS KYANG GSUNG PAR MI 'GYUR BAS, RNYED PAR DKA' ZHING, RNYED KYANG MAN NGAG MED PAR 'DI'I TSIG DON RNAM PA THAMS CAD RTOGS PAR MI 'GYUR BAS, MGRON PO PHYOGS BSLAD PA LTAR RNAM PAR 'KHOR ZHING RMONGS PAR 'GYUR RO, ,CI'I PHYIR RTOGS PAR DKA' ZHE NA, RTZA RGYUD NI RGYAN BDUN GYIS BCINGS PA YIN LA, RGYAN BDUN YANG, BSHAD RGYUD KYI SGO NAS RTZA RGYUD 'CHAD SHES PA'I BLA MA'I MAN NGAG LA MA BRTEN PAR RTOGS PAR DKA' BA'I PHYIR RO, , DE LTAR RJOD BYED RGYUD KYI CHE BA BSTAN NAS, DA NI 'CHAD BYED RGYUD MDZES PAR BYED PA'I RGYAN BDUN BSHAD PAR BYA STE, DE LA YANG BSHAD PAR DAM BCA' BA DANG, BSHAD PA DNGOS GNYIS KYI DANG PO NI, DE BAS BLA MA'I BKA' DRIN GYI, , 'BAD DE RNAM PAR SHES NAS NI, ,SEMS CAN RJES GZUNG 'DOD PA YIS, ,DE YI RNAM PAR DBYE BAR BYA, ,ZHES TE, GANG GI PHYIR RGYAN BDUN MA RTOGS PAR RGYUD DON RNAM PAR MI SHES PA DE BAS NA, RGYAN BDUN PO DE'I RNAM PAR DBYE BA BSHAD PAR BYA'O, ,RANG DGAR 'CHAD DAM ZHE NA, MA YIN GYI, BSHAD RGYUD SHES PA'I BLA MA'I @093 BKA' DRIN DANG, RANG GIS KYANG THOS BSAM LA 'BAD DE, BSHAD RGYUD LA BRTEN NAS RGYAN BDUN GYI DBYE BA RNAM PAR SHES PAR BYAS NAS SO, ,DGOS PA CI'I PHYIR ZHE NA, RGYAN BDUN MA RTOGS PAS RGYUD KYI DON LA RMONGS PA'I SEMS CAN RJES SU GZUNG BAR 'DOD PA YIS SO, , BSHAD PA DNGOS LA DBYE BAS MDOR BSTAN, MTSAN NYID RGYAS PAR BSHAD, MJUG BSDU BA DANG GSUM GYI DANG PO NI, GLENG SLANG BA YI GRANGS NI LNGA, ,TSUL NI RNAM PA BZHI YIN LA, ,RGYAS BSHAD MTHA' NI RNAM PA DRUG ,BSHAD PA YANG NI RNAM PA BZHI, ,LNGA PA'I DBYE BA RNAM PA GNYIS, ,DRUG PA'I DBYE BA LNGA DANG LDAN, ,BDUN PA'I DBYE BA RNAM GNYIS TE, ,RGYAN RNAMS MDO RU BSDUS PA'O, ,ZHES TE, SPYIR RGYAN DANG, RGYAN CAN GNYIS KYI, RGYAN CAN NI GSANG BA 'DUS PA'O, ,RGYAN NI, RGYUD MDZES PAR BYED PA'I YON TAN RGYAN BDUN TE, DE LA SPYI'I DON DRUG STE, DBYE BA DANG, GRANGS NGES PA DANG, GO RIM NGES PA DANG, THOG MAR BSTAN PA'I DGOS PA DANG, NGES TSIG DANG, RGYAN NYI SHU RTZA BRGYAD DGOS 'BREL GYI DNGOS PO BZHIR BSDU TSUL LO, ,DE LA RGYAN BDUN GYI DBYE BA LA GSUM STE, BSDUS PA'I DBYE BA DANG, SOR BZHAG PA'I DBYE BA DANG, RGYAS PA'I DBYE BA'O, ,BSDUS PA'I DBYE BA LA GNYIS TE, THA DAD KYI RGYAN DANG, THA MI DAD KYI RGYAN NO, ,THA DAD KYI RGYAN NI BCO LNGA STE, RGYUD KYI MTSAN DANG, RGYUD KYI BYED PA PO DANG RGYUD LA 'JUG PA'I DBYE GZHI DBYE BA'I YA GYAL DU BYAS NA GANG ZAG DRUG DANG, BRJOD BYA SANGS RGYA BA'I TSUL BZHI DANG, DGOS PA @094 NGES PA GNYIS DANG, DGOS PA'I DGOS PA RNAMS TE, DE DAG NI RGYUD LAS DON GZHAN YIN PA'I PHYIR RO, ,THA MI DAD KYI RGYAN NI BCU GSUM STE, RGYUD KYI TSAD DAM NUS PA DANG, BRJOD BYED MTHA' DRUG DANG, TSUL BZHI DANG, TSOGS BSHAD DANG SLOB BSHAD GNYIS TE, DE RNAMS NI RGYUD KYI NGO BO YIN PA'I PHYIR RO, ,SOR BZHAG PA'I DBYE BA NI, GLENG SLANG BA YI GRANGS NI LNGA, ,ZHES PA NAS, BDUN PA'I DBYE BA RNAM PA GNYIS, ,ZHES PA'I BAR BDUN NO, ,RGYAS PAR DBYE NA, THA DAD KYI RGYAN BCO LNGA'AM BCU BZHI, THA MI DAD KYI RGYAN BCU GSUM STE NYI SHU RTZA BRGYAD DO, ,GRANGS NGES PA NI, DPER NA PHAR PHYIN THEG PA'I SA DANG PO'I BDEN PA MTHONG BA LA BYANG CHUB YAN LAG BDUN DGOS PA LTAR, GSANG BA 'DUS PA'I RGYUD LA 'JUG PA'I GEGS, MA RTOGS, LOG RTOGS, THE TSOM GYI DRI MA BSAL NAS, RGYUD DON RTOGS PA'I GO BA SKYE BA LA RGYAN BDUN DGOS PA'I PHYIR RO, ,GO RIM NGES PA NI, THOG MAR GLEGS BAM MTHONG BA LA BRTEN NAS RTOG PA SKYE BA'I GO RIM DANG BSTUN PA STE, DE YANG MING LA BRTEN NAS DON TSOL BAS, DANG POR GLEGS BAM MTHONG MA THAG 'DI'I MING CI YIN SNYAM NAS 'DRI BA NA, RGYUD KYI MTSAN NI MING YIN LA, ,ZHES PAS MING LA RMONGS PA SEL LO, ,RANG LA MI MKHO BA'I BSTAN BCOS LA MI 'JUG PAS, GDUL BYA GANG GI DON DU BYAS ZHES 'DRI BA NA, SKYES BU 'DOD CHAGS CAN DON DU, ,ZHES PAS, CHED DU BYA BA'I GDUL BYA LA RMONGS PA SEL LO, ,BYED PA PO TSAD LDAN GYIS MA BYAS PA'I BSTAN CHOS LA RTOG LDAN MI 'JUG PAS, 'DI'I BYED @095 PA PO SU ZHIG CES 'DRI BA NA, 'DI YI BYED PO RDO RJE SEMS, ,ZHES PAS, BYED PA PO LA RMONGS PA SEL LO, ,BRJOD BYA MED PA'I BSTAN CHOS NI BYA ROG SOR RTOG GI BSTAN CHOS LTAR, 'JUG BYA MA YIN PAS, 'DI LA MNGON PAR 'DOD PA'I DON CI ZHIG STON PA'I NUS PA YOD CES 'DRI BA NA, CHO GA DE BZHIN LE'U DANG, ,RIM PAR PHYE DANG DUM BU'O, ,ZHES PAS, MNGON PAR 'DOD PA'I BRJOD BYA STON MI NUS SAM SNYAM PA'I DOGS PA SEL LO, ,NYING DGOS 'DOD BYA MA YIN PA NI, MA BAG MAR LEN PA'I BSTAN CHOS LTAR, RTOGS LDAN GYI 'JUG BYA MA YIN PAS, 'DI LA NYING DGOS KHYAD PAR CAN CI ZHIG YOD CES 'DRI BA NA, ZHI SOGS BYA BA'I CHO GA DANG, DE BZHIN GRUB PA BRGYAD DANG NI, ,SANGS RGYAS KYANG NI MCHOG YIN NO, ,ZHES PAS, NYING DGOS LA RMONGS PA SEL LO, ,BYED PA PO TSAD MA'I SKYES BUR SGRUB BYED KYI RIGS PA MED NA, DBANG PHYUG LTAR YID CHES PA'I GNAS SU MI RUNG BAS, RDO RJE SEMS DPA' DE TSAD MA'I SKYES BUR SGRUB BYED KYI RIGS PA CI YOD CES 'DRI NA, TSUL NI RNAM PA BZHI YIN NO, ,ZHES PAS, RIGS PA RNAM PA BZHI'I SGO NAS, RDO RJE SEMS DPA' TSAD MA'I SKYES BUR BSGRUB PA YIN NO, ,RJOD BYED GANG GI 'CHAD CES 'DRI BA NA, RGYAS BSHAD MTHA' NI RNAM PA DRUG ,TSUL NI RNAM PA BZHI YIN LA, ,ZHES PAS, 'DI 'CHAD PA NA BSTAN BCOS MKHAN LA SGRA JI BZHIN DU BSHAD DU MI RUNG GI BLA MA'I MAN NGAG LA BRTEN NAS, MTHA' DRUG TSUL BZHI'I SGO NAS 'CHAD DO ZHES PAS, RJOD BYED LA RMONGS PA SEL LO, ,SLOB MA GANG LA GANG 'CHAD CES 'DRI NA, @096 LNGA PA'I DBYE BA RNAM PA GNYIS, ,ZHES PAS THUN MONG BA TSOGS BSHAD DANG, THUN MONG MA YIN PA SLOB BSHAD GNYIS BYA'O, ,ZHES 'CHAD TSUL RMONGS PA BSAL LO, , 'O NA GANG ZAG GANG LA TSOGS BSHAD BYA, GANG LA SLOB BSHAD BYA ZHES 'DRI NA, DRUG PA'I DBYE BA LNGA DANG LDAN, ,ZHES PAS, GANG ZAG LNGA YOD PA'I DANG PO BZHI LA TSOGS BSHAD DANG, PHYI MA LA SLOB BSHAD BYA'O, ,ZHES PA'O, ,BSHAD PAS GO BA JI LTAR SKYE ZHES 'DRI BA NA, 'DUN PA'I DBYE BA RNAM PA GNYIS, ,ZHES PAS, KUN RDZOB DON DAM PA'I BDEN PA GNYIS RTOG PA'I NGES PA SKYE'O, ,ZHES PA'O, , THOG MAR BSTAN PA'I DGOS PA NI, JI SKAD DU BSHAD PA'I TSUL GYIS, RGYUD LA 'JUG PA'I GEGS MA RTOGS LOG RTOG THE TSOM GYI DRI MA BSAL BA NA, DGA' BA KHYAD PAR CAN SKYES NAS, GUS PA CHEN POS RGYUD LA 'JUG PAR 'GYUR BA'O, ,NGES PA'I TSIG NI, JI SKAD BSHAD PA'I TSUL GYIS DGA' BA SKYES NAS RGYUD MDZES PAR BYED PA'I PHYIR, RGYAN ZHES BYA STE, DPER NA GSER DNGUL GYI RGYAN GYIS SKYES PA DANG BUD MED KYI LUS LA DGA' BA BSKYED PA BZHIN NO, , JI SKAD DU, GZUGS RGYAN YON TAN RANG BZHIN LDAN PA ME LONG NANG SONG NA, ,MTHONG BA'I DBANG GIS MI RNAMS DGA' BA'I MCHOG BSKYED LA, ,ZHES GSUNGS PA LTAR RO, ,DGOS 'BREL GYI DNGOS PO BZHIR BSDU BA NI, RGYAN NYI SHU BRGYAD PO DE DAG KYANG BRJOD BYA DANG, RJOD BYED DANG, DGOS PA DANG, DGOS PA'I DGOS PA BZHIR 'DU STE, SANGS RGYAS PA'I TSUL BZHI NI BRJOD BYAR 'DUS SO, ,THA MI DAD @097 KYI RGYAN BCU GSUM NI RJOD BYED DU 'DUS SO, ,RGYUD KYI MING DANG, BYED PA PO DANG, RGYUD LA 'JUG PA'I GANG ZAG DRUG LA BRTEN NAS, BRJOD BYA BDEN PA GNYIS RTOGS PA'I NGES PA SKYE BAS NA DE DAG NI DGOS PAR 'DUS SO, ,ZHI SOGS PHRIN LAS BZHI DANG, GRUB PA BRGYAD DANG, MCHOG SANGS RNAMS NI DGOS PA'I DGOS PAR 'DUS SO, ,'BREL BA NI SHUGS LA BSTAN TE, DE LTAR NA RGYAN BDUN GYIS NI RGYUD LA 'JUG PA'I DGOS SOGS CHOS BZHI'ANG BSTAN PA YIN NO, ,DE LTAR RGYAN BDUN GYI DBYE BA MDOR BSDUS NAS, DE DAG GI RANG BZHIN RGYAS PAR BSHAD PAR BYA STE, DE LA YANG SPYI'I MTSAMS SBYAR BA DANG, SO SO'I RANG BZHIN BYE BRAG TU BSHAD PA GNYIS KYI, DANG PO NI BSHAD PA'I RGYUD KYI RJES 'BRANGS NAS, ,RGYAN NI BDUN PO RNAMS KYIS NI, ,RIM PA BZHIN DU RE RE YI, ,BSTAN PA DAG NI BDAG GIS BYA, , ZHES TE, BSHAD PAS RGYUD NI YE SHES RDO RJE KUN LAS BTUS PA STE, DE LAS RGYAN BDUN GYI DBYE BA RGYAS PAR GSUNGS PA'I PHYIR RO, ,SO SO'I RANG BZHIN BYE BRAG TU BSHAD PA LA BDUN YOD PA'I YANG RGYAN DANG PO, GLENG SLANG BA'I GRANGS LA, DRI BA DGOD PA DANG, LAN STON PA GNYIS KYI, DANG PO NI, RGYUD 'DI'I MING NI CI ZHIG YIN, ,GANG GI DON DU 'DI NYID MDZAD, ,SU ZHIG BYED PO 'DI'I TSAD GANG, ,'DI YI DGOS PA'ANG CI ZHIG YIN, ,ZHES PA'O, ,LAN NI, RGYUD 'DI'I MING CI ZHIG CES 'DRI BA NA, RGYUD KYI MTSAN NI MING YIN LA, ZHES TE, MTSAN BRJOD PAR DKA' BA DPAL GSANG BA 'DUS PA ZHES BYA BA'O, ,ZHES PA'O, ,GDUL BYA GANG GI DON DU @098 'DI MDZAD CES 'DRI NA, SKYE BO 'DOD CHAGS CAN DON DU, NYON MONGS PA'I 'JUG PA SHAS CHE BA 'DOD YON SPANG MI NUS PA'I SKYE BO 'DOD CHAGS CAN GYI DON DU MDZAD DO, , SU ZHIG 'DI'I BYED PO YIN ZHE NA, 'DI YI BYED PO RDO RJE SEMS, ,ZHES TE, RGYUD 'DI'I BYED PA PO NI DRUG PA RDO RJE 'CHANG CHEN PO DPAL RDO RJE SEMS DPA' YIN NO ZHES SO, ,'DI'I BRJOD BYA STON PA DANG 'BRAS BU GRUB PA'I TSAD DAM NUS PA GANG ZHE NA, TSAD DAG KYANG NI BSHAD BYA STE, ,CHO GA DE BZHIN LE'U DANG, ,RIM PAR BYED DANG DUM BU'O, ,DE DAG RNAM PA BZHIR GYUR PA, ,ZHES TE, CHO GA NI BI TI STE, BI TI NA, BI TI ZHES PA RANG GZHAN LA PHAN PA NI LE'U DANG, ZHES TE, LE'U NI PA RI WARTA STE, YONGS SU BRJE BA'I DON STON PAS, GRUB PA CHEN PO BRGYAD LA BYA LA, 'DIS DE STON CING 'BYIN PAR BYED PAS LE'U'O, ,YONGS SU BRJE BA SOGS NI, BCUD LEN DANG SMAD BRGYAD PO LA'ANG YOD PAS, DE LAS KHYAD PAR DU BYA BA'I PHYIR, GNYIS SU MED PA'I YE SHES MCHOG GI DON STON PA NI, RIM PA PHYE ZHES TE, RIM PAR PHYE BA NI, PA TA LA STE SNAM BU LEN PA DANG 'DRA BA'I PHYAG RGYA CHEN PO MCHOG GI DNGOS GRUB LA BYA LA, DE 'DIS STON CING 'BYIN PAR BYED PAS RIM PAR PHYE BA'O, , GNYIS SU MED PA'I YE SHES MCHOG GI DNGOS GRUB NI LAM GYI RIM PA NYAMS SU BLANGS PA LA YANG 'BYUNG BAS, DE LAS KHYAD PAR DU BYA BA'I PHYIR, BRJOD BYA YONGS SU BRJOD CING STON PA NI, DUM BU ZHES TE, DUM BU NI PA RI TSE DA STE, @099 BRJOD BYA'I DON RJOD BYED GZHUNG 'DIS YONGS SU GCOD CING STON PAR BYED PAS NA DUM BU'O, ,DE LA SNGA MA GSUM NI, 'BRAS BU 'BYIN PA'I NUS PA YIN LA, PHYI MA NI, BRJOD BYA BRJOD PA'I NUS PA'O, ,GZHAN YANG, GZHUNG NYID KYIS NI GRANGS YIN NO, , ZHES PAS KYANG RGYUD KYI TSAD BSTAN TE, CHO GA BCU BDUN LE'U BCU BDUN RIM PAR PHYE BA BCU BDUN, DUM BU BCU BDUN YIN PAR SHES PAR BYA'O, ,DGOS PA'I DGOS PA CI YIN ZHE NA, DGOS PA YANG NI BSHAD BYA STE, ,ZHI SOGS BYA BA'I CHO GA DANG, ,DE BZHIN GRUB PA BRGYAD DANG NI, ,MCHOG GI SANGS RGYAS KYANG YIN NO, , ZHES TE, NYING DGOS NI GNYIS TE, 'JIG RTEN PA DANG, 'JIG RTEN LAS 'DAS PA'O, ,'JIG RTEN PA LA YANG GNYIS TE, DMAN PA ZHI SOGS PHRIN LAS BZHI DANG, MCHOG GRUB PA CHEN PO BRGYAD DO, ,'JIG RTEN LAS 'DAS PA NI MCHOG GI SANGS RGYAS TE, GNYIS SU MED PA'I YE SHES RDO RJE 'CHANG CHEN PO YIN LA, DE DAG NI 'DI'I NYING DGOS YIN NO, , RGYAN GNYIS PA TSUL BZHI LA GNYIS TE, MTSAMS SBYAR SNGON DU 'GRO BAS MDOR BSTAN PA DANG, SO SO'I RANG BZHIN RGYAS PAR BSHAD PA'O, ,DANG PO NI, GLENG SLANG BA NI 'DAS ZIN TE, ,GNYIS PA YANG NI BSHAD PAR BYA, ,RGYUD DAG DANG NI GLENG GZHI DANG, ,NGES PA'I TSIG DANG RGYU YIN NO, ,ZHES SO, , SO SO'I RANG BZHIN RGYAS PAR BSHAD PA LA GNYIS TE, 'DOD CHAGS DANG BRAL BA'I SANGS RGYAS TSUL DANG, 'DOD CHAGS DANG BCAS PA'I SANGS RGYAS TSUL @100 LO, ,DANG PO NI, SPYIR SANGS RGYAS KYI GDUL BYA'I GTZO BO NI LHA DANG MI GNYIS YIN LA, LHA'I RTEN LA SANGS RGYAS PAS MI'I DON MI NUS TE, MIS LHA YUL DU BGROD MI NUS PA'I PHYIR RO, ,MI YI RTEN LA SANGS RGYAS PAS LHA YI DON BYED NUS TE, LHA RNAMS KYIS MI YI YUL DU BGROD NUS PA'I PHYIR RO, ,DE BAS NA, SANGS RGYA BA LA RGYU KHYAD PAR CAN MI YI SKYE BAR 'KHRUNGS PA ZHIG DGOS SO ZHES STON PA NI, MI YI SKYE BAR 'KHRUNGS PA NI, ,RGYUD CES BYA BA YIN PAR BRJOD, ,CES GSUNGS SO, , MI'I RGYUD DU SKYES KYANG KHYIM NA GNAS PAS SANGS RGYA MI NUS TE, JI SKAD DU MDO LAS, (TING NGE 'DZIN RGYAL PO LAS,) GANG DAG KHYIM NA GNAS PAR BYED BZHIN DU, ,BLA MED BYANG CHUB MCHOG 'DI THOB PA YI, ,SANGS RGYAS GANG DAG SNGON CHAD MA BYUNG STE, ,MA 'ONGS PA NA'ANG MI 'BYUNG DA LTAR MED, ,CES GSUNGS PA LTAR RO, ,DE BAS NA SANGS RGYA BA LA THOG MAR KHYIM NAS KHYIM MED PAR RAB TU 'BYUNG BA ZHIG DGOS SO ZHES STON PA NI, BTZUN MO'I 'KHOR LAS 'DAS NAS NI, ,RAB TU BYUNG BA GLENG GZHI YIN, ,ZHES TE, GLENG GZHI NI DANG PO'I RGYU YIN LA, RAB TU BYUNG BA NI, LAM SGRUB PA'I DANG PO'I RGYU YIN PA'I PHYIR RO, ,YANG NA 'BRAS BU LA RNAM PA STER BAS NA GLENG GZHI STE, RGYU'I GNAS SKABS SU RAB TU BYUNG BA'I CHA LUGS SU 'DOD PA BZHIN DU, 'BRAS BU'I GNAS SKABS NA YANG CHA LUGS DE NYID KYIS SANGS RGYAS PA'I PHYIR RO, , TSUL KHRIMS 'CHAL BAS NI LAM SGRUB MI NUS PAS RAB TU BYUNG TZAM GYIS MI CHOG GI TSUL KHRIMS KYI SDOM PA LA NGES PAR GNAS PA ZHIG DGOS SO ZHES STON PA NI, @101 'DUL LA SDOM PA BSTAN PA NI, ,NGES PA'I TSIG CES BSHAD PA YIN, ZHES TE, NGES PAR GNAS PAS NA NGES TSIG STE, RAB TU BYUNG NAS 'DUL BA NAS BSTAN PA'I BSLAB BYA RNAMS LA NGES PAR GNAS DGOS PA'I PHYIR, NGES TSIG CES BYA'O, ,TSUL KHRIMS TZAM GYIS RNAM GROL THOB MI NUS KYIS, DKA' BA SPYAD PAS LAM BSGOM PA LA 'BAD DGOS SO ZHES STON PA NI, 'BRAS BU 'DOD PAS CHOS SPYOD PA, ,DE NI RGYU ZHES BRJOD BYA STE, ZHES TE, 'BRAS BU RNAM PAR GROL BA 'DOD PAS, CHU BO NA RA DZ'A NA'I 'GRAM DU LO DRUG DU DKA' SPYAD KYIS CHOS SPYOD PA DE NI, RNAM GROL THOB PA'I NYE PA'I RGYU YIN PA'I PHYIR, RGYU ZHES BYA'O, ,DE DAG GI MJUG BSDU BA NI, 'DI NI 'DOD CHAGS BRAL KHYOD KYI, ,TSUL NI RNAM PA BZHIR 'DOD DO, ,ZHES PA'O, , 'DIR 'DOD CHAGS DANG BRAL BA'I SANGS RGYA BA'I TSUL BZHI BSHAD PA NI, BCOM LDAN 'DAS THUB PA CHEN PO NI, JI SKAD BSHAD PA'I TSUL BZHI PO DE YI SGO NAS MNGON PAR RDZOGS PAR SANGS RGYAS PAR 'JIG RTEN THAMS CAD KYI MTHUN SNANG DU GRUB CING, RGYUD KYI BYED PA PO RDO RJE SEMS DPA' YANG DE LAS RGYUD THA DAD PA MA YIN NO, ,ZHES BSTAN PA'I SGO NAS, RGYUD BYED PA PO TSAD MAR BSGRUBS PA YIN NO, ,'DOD CHAGS DANG BCAS PAR SANGS RGYA BA'I TSUL LA GNYIS TE, MTSAMS SBYAR BA DANG, BSHAD PA DNGOS SO, ,DANG PO NI, 'DOD CHAGS CHOS KYI TSUL GYIS NI, ,DON GSAL RTOGS PHYIR BSHAD PAR BYA, ,ZHES SO, ,GNYIS PA LA YANG, BSKYED RIM STON PAR BYED PA'I RGYUD DANG, RDZOGS RIM STON PAR BYED PA'I GLENG @102 GZHI DANG, DBANG BSKUR STON PAR BYED PA'I NGES TSIG DANG, SPYOD PA STON PAR BYED PA'I RGYU'O, ,DE LA BSKYED RIM STON PAR BYED PA'I RGYUD NI, RIGS LNGA'I SANGS RGYAS BSKYED PA NI, ,RGYUD CES BYA BA YIN PAR BRJOD, ,CES TE, DANG PO'I SBYOR BA DANG, DKYIL 'KHOR RGYAL MCHOG GIS LHA SUM CU RTZA GNYIS BSKYED DE BSGOM PA NI RIGS LNGA LAS MA 'DAS PAS, RIGS LNGA'I SANGS RGYAS BSKYED PA ZHES BYA LA, DE NYID NI RIGS LNGA'I RGYUD KHYAD PAR CAN DU SKYES PAS NA RGYUD CES BYA'O, ,BSKYED RIM TZAM GYIS MI CHOG RDZOGS RIM BSGOM DGOS PAS NA RDZOGS RIM STON PAR BYED PA'I GLENG GZHI NI, SLAR YANG RIGS GCIG GYUR PA NI, ,GLENG GZHI YIN PAR RAB TU BSTAN, ,ZHES TE, DBEN GSUM LAM GYI SKU GSUM SPRUL SKU DANG, KUN RDZOB LONGS SKU DANG, 'OD GSAL CHOS SKU RIM GYIS BSGOMS TE, SLAR YANG ZUNG 'JUG SKU GSUM DBYER MED BSGOM PA NI 'BRAS BU'I SKU GSUM RIGS GCIG TU GYUR PA'O, , DE SKAD DU YANG RDO RJE PHRENG BAR, SKU GSUM DAG GIS THA DAD PAR, ,SKYOB PA YIS NI YANG DAG BSTAN, ,RDZOGS PA'I RIM PA'I SBYOR BA YIS, ,GCIG TU YANG NI 'GYUR BA YIN, ,ZHES GSUNGS PAS SO, ,DE NYID 'BRAS BU RDO RJE 'CHANG LA RANG GI RNAM PA STER BAR BYED PAS NA GLENG GZHI ZHES BYA'O, ,BSKYED RDZOGS GNYIS KYI SNGON DU SMIN BYED KYI LAM 'GRO DGOS PAS NA, DBANG BSKUR STON PAR BYED PA NGES PA'I TSIG NI, RDO RJE LA SOGS GZUNG BA NYID, ,NGES PA'I TSIG NI YIN PAR BSHAD, ,CES TE, DBANG BSKUR GYI SNGON DU RDO RJE LA SOGS PA RIGS LNGA'I DAM TSIG DANG SDOM PA 'DZIN @103 PA DANG, THUN MONG GI DBANG DGU'I SKABS SU, CHU DBANG SNGON DU 'GRO BA'I RDO RJE DANG COD PAN LA SOGS PA'I DBANG BSKUR BA NI, RDO RJE LA SOGS GZUNG BA NI, , ZHES SO, ,SOGS PA'I SGRAS GSANG BA DANG, SHES RAB YE SHES DANG, DBANG BZHI PA BSKUR BA'ANG GZUNG NGO, ,SMIN LAM DBANG BSKUR BA DE NI, GDON MI ZA BAR BRTEN PAR BYA BA YIN PAS NA, NGES PA'I TSIG CES BYA'O, ,'BRAS BU LA NUS PA 'BYIN PA LA SPYOD PA DGOS PAS SPYOD PA STON PAR BYED PA'I RGYU NI, SGEG PA LA SOGS SPYOD PA NI, ,RGYU ZHES BYA BA YIN PAR BSHAD, ,CES TE, SGEG PA LA SOGS PA GAR GYI NYAMS DGU DANG LDAN PAS 'DOD PA'I YON TAN LNGA LA CI BDE BAR SPROS BCAS, SPROS MED, SHIN TU SPROS MED KYI TSUL GYIS SPYOD PA NI MTSAN BCAS MTSAN MED KYI DNGOS GRUB KYI 'BRAS BU MYUR DU 'BYIN PA BYED PA'I NYE BA'I RGYU YIN PAS RGYU ZHES BYA'O, ,'DIR RGYU DANG POR BSTAN PA NI, CHAGS BRAL GYI TSUL, ZHI DANG GO RIM MTHUN PAR BYA BA'I PHYIR TE, DON GYI RIM PA LAS NI DBANG BSKUR STON PA'I TSIG DANG POR 'BYUNG STE SMIN LAM DBANG BSKUR GYI RGYUD SMIN PAR BYA STE GROL LAM RIM PA GNYIS SGOM NAS NYER RGYU SPYOD PA LA BSLAB PA LAS 'BRAS BU PHYAG RGYA CHEN PO'I DNGOS GRUB THOB PA'I PHYIR RO, , RGYAN GSUM PA MTHA' DRUG BSHAD PA LA RNAM PA GNYIS, MTSAMS SBYAR BA DANG, BSHAD PA DNGOS SO, ,DANG PO NI, RGYAN NI GSUM PA NYID KYANG NI, ,RNAL 'BYOR RGYUD TSUL LAS BSHAD PA'I, ,MTHA' DRUG TSIG GIS NGES BYAS PAS, ,RGYAS @104 BTAB DON NI RAB RTOGS BYA, ,ZHES PA'O, ,GNYIS PA LA, MING GIS MDOR BSTAN PA DANG, SO SO'I MTSAN NYID RGYAS PAR BSHAD PA GNYIS KYI DANG PO NI DRANG BA DANG NI NGES DON BCAS, ,DGONGS PAS BSHAD DANG DGONGS YIN DANG, ,JI BZHIN SGRA DANG SGRA MIN TE, ,MTHA' NI DRUG TU SHES PAR BYA, ,ZHES TE, MTHA' DRUG NI, MTHA' LA BRTEN PA DANG, MTHAR THUG PA GNYIS LAS, 'DI NI MTHA' LA BRTEN PAS NA MTHA'O, ,DE LA GSUM TE DON GYI MTHA' LA BRTEN PA DANG, TSIG GI MTHA' LA BRTEN PA DANG, TSIG DON GNYIS GA'I MTHA' LA BRTEN PA'O, ,DE LA DRANG DON NGES DON GNYIS NI, DON GYI MTHA' LA BRTEN PA STE, RDO RJE'I TSIG GCIG GIS DON BSKYED RIM DANG, RDZOGS RIM 'GAL BA GNYIS STON PA'I PHYIR TE, DPER NA BADZRA DHRiG CES PA'I SGRA DES, DRANG DON DU RDO RJE RTZE LNGA PA 'DZIN PA LA 'GRO LA, NGES DON DU ZUNG 'JUG GI YE SHES RANG GI NGO BO 'DZIN PA LA 'GRO BA LTA BU'O, ,DGONGS DANG DGONGS MIN GNYIS NI, TSIG MTHA' LA BRTEN PA STE, SGRA GNYIS KYIS BSKYED RIM DANG RDZOGS RIM 'GAL BA GNYIS STON PA'I PHYIR RO, , DE LA DRANG DON NGES DON GNYIS LAS, DRANG DON GYIS NGES PA KHO NAR BSKYED RIM STON LA, NGES DON GYIS NGES PA KHO NAR RDZOGS RIM STON NO, ,DGONGS DGONGS MIN GNYIS KYIS SHAS CHER RDZOGS RIM STON LA, BSKYED RIM STON PA'ANG YOD, SGRA JI BZHIN MA YIN PAS SHAS CHER RDZOGS RIM BSTAN LA, BSKYED RIM BSTAN PA'ANG YOD, SGRA JI BZHIN PA'I PHAL CHER BSKYED RIM BSTAN LA, RDZOGS RIM STON PA'ANG @105 YOD, TSIG GCIG LA DON GNYIS BYUNG NA, DRANG DON NGES DON NO, ,BSKYED RDZOGS GANG STON YANG TSIG DON 'GAL BA ZHIG BYUNG NA DGONGS BSHAD, TSIG DON MI 'GAL BA GCIG BYUNG NA DGONGS PA MA YIN PA'O, ,RJOD BYED KYI TSIG BRDA BSHAD GCIG BYUNG NA SGRA JI BZHIN PA MA YIN PA'O, ,TSIG 'JIG RTEN THA MAL PA LA GRAGS PA GCIG BYUNG NA SGRA JI BZHIN PA'O, , SO SO'I MTSAN NYID RGYAS PAR BSHAD PA LA DRUG STE, DANG PO DRANG DON NI, SKAL NGAN RNAMS LA RGYAL BA YIS, ,SBAS TE BSHAD PA DRANG BA'I DON, ,ZHES TE, RDZOGS RIM GYI SNOD DU MI RUNG BA'I SKAL NGAN RNAMS LA NGES DON SBAS TE, BSKYED RIM GYI DON BSHAD PA NI DRANG BA'I DON ZHES BYA'O, ,GNYIS PA NGES DON NI, YANG DAG DON NI RAB STON PHYIR, ,NGES PA'I DON YANG GSUNGS PA YIN, ,RDZOGS RIM GYI SNOD DU RUNG BA LA, DRANG DON STON PA'I RDO RJE'I TSIG DE NYID KYIS BSKYED RIM DU MA ZAD, YANG DAG STE RDZOGS PA'I RIM PA YANG RAB TU STON PA'I PHYIR, NGES PA'I DON ZHES GSUNGS SO, ,GSUM PA DGONGS BSHAD NI, MCHOG 'DOD SEMS CAN RNAMS KYI PHYIR, ,CHOS KYI DE NYID RAB STON PA, ,'GAL BA'I TSIG GIS SBYOR BA YIS, ,GSUNGS PA GANG YIN DGONGS BSHAD DO, ,MCHOG 'DOD PA'I SEMS CAN DBANG PO RNON PO RNAMS KYI PHYIR, DON DE STON BYED DU 'GAL BA'I TSIG GIS SBYOR BA YIS, CHOS KYI DE NYID RDZOGS PA'I RIM PA RAB TU STON PA'I DGONGS PA BSHAD CES BYA'O, ,BZHI PA DGONGS MIN NI DBANG PO DMAN PA'I SEMS CAN RNAMS, ,RTOGS PHYIR @106 MCHOG TU GSAL BA YIS, ,DE NYID NGES PAR STON PA NI, ,DGONGS PA MIN PAS BSHAD PA'O, ,ZHES TE, DBANG PO DMAN PA ZAB MO'I SNOD DU RUNG BA'I SEMS CAN RNAMS LA CHOS KYI DE KHO NA NYID RTOGS PAR BYA BA'I PHYIR, MCHOG TU GSAL ZHING DON DANG MTHUN PA'I TSIG GIS GTZO CHEN CHOS KYI DE KHO NA NYID 'OD GSAL ZUNG 'JUG SOGS STON PA NI DGONGS PA MIN PAS BSHAD PA ZHES BYA'O, ,LNGA PA SGRA JI BZHIN PA NI, DKYIL 'KHOR LA SOGS CHO GA ZHIB, ,SPYOD PA JI LTA JI LTAR GSUNGS, , DON RGYAS BSHAD PA GANG YIN PA, ,DE NI JI BZHIN SGRAR GSUNGS PA'O, ,ZHES TE, CHOG ZHIB MOS TE, RTOG PA'I RGYUD LAS DKYIL 'KHOR JI LTAR 'BRI BA DANG, THIG TSON, SBYIN BSREG GTOR MA LA SOGS PA'I SPYOD PA JI LTAR GSUNGS PA RNAMS, 'JIG RTEN DANG BSTAN 'CHOS LA GRAGS PA'I TSIG GIS DON RGYAS PAR BSHAD PA DE NI SGRA JI BZHIN PA ZHES BYA'O, ,DRUG PA SGRA JI BZHIN PA MA YIN PA NI, KO tA KshA LA SOGS PA'I SGRA, ,'JIG RTEN BSTAN CHOS LA MED CING, ,DE NI JI BZHIN MIN PAR BSGRAGS, ,ZHES TE, SGRA GANG DON DE'I RJOD BYED DU 'JIG RTEN DANG BRDA SPROD PA'I BSTAN CHOS LA GRAGS PA MED CING RNAL 'BYOR PHO MO'AM, DE BZHIN GSHEGS PA KHO NA'I BRDAR GYUR PA RLUNG BCU STON PA LA, KO tA KshA DANG, KO TA BA LA SOGS PA'I SGRA LTA BU NI, SGRA JI BZHIN PA MA YIN PA ZHES BYA'O, ,RGYAN BZHI PA BSHAD PA'I TSUL BZHI LA MTSAMS SBYOR SNGON DU 'GRO BAS MDOR BSTAN, DBYE BAS RGYAS PAR BSHAD PA GNYIS KYI, DANG PO NI, MTHA' DRUG DBYE BA BSTAN NAS NI, ,BSHAD PA'I DBYE BA @107 BRJOD PAR BYA, ,YI GE'I DON DANG SPYI YI DON, ,SPAS DANG DE BZHIN MTHAR THUG PA'O, ,ZHES PA'O, ,GNYIS PA LA DBYE BA DANG, DBYE BA SO SO'I MTSAN NYID GNYIS KYI DBYE BA NI, DANG PO GCIG PU KHO NA NYID DANG, ,SPYI YI DON GYI DBYE BA GNYIS, , SPAS PA RNAM PA GSUM DU BSHAD, ,MTHAR THUG PA NI RNAM PA GNYIS, ,ZHES TE, DE LA YI GE'I DON LA DBYE BA MED CING SHES BYA SHAS CHER STON CING, BSLAB BYA'I NGO NAS BSKYED RIM STON NO, , SPYI'I DON LA GNYIS TE, MDO SOGS LA ZHUGS PA DANG, BSKYED RIM PA'I SPYI DON NO, ,DANG PO NI, RNAM THAR SGO GSUM DANG, BYANG PHYOGS SO BDUN LA SOGS PA MDO SDE LA GRAGS PA RNAMS TE, DE DAG NI PHAR PHYIN THEG PA BA DANG SHES BYA THUN MONG BA YIN PA'I PHYIR RO, ,GNYIS PA NI, GZHAL YAS KHANG BSKYED PA DANG, LHAG MOS BSGOM PA LA SOGS PA BSKYED RIM DANG 'BREL BA RNAMS TE, BSKYED RDZOGS GNYIS KA'I THUN MONG GI BSLAB BYA YIN PA'I PHYIR RO, ,RDZOGS RIM PAS, BSKYED RIM JI LTAR BSGOM ZHE NA, DE DAG GIS KYANG, LHA'I RNAL 'BYOR BSGOM PA NA, GZHAL YAS KHANG GI DBYIBS DANG, LHA YI GRANGS DANG, KHA DOG PHYAG MTSAN LA SOGS PA BSKYED RIM PA DANG MTHUN PAR BSGOM PA'I PHYIR RO, ,SPAS PA NI GSUM STE, 'DOD CHAGS CHOS KYI SPAS PA DANG, KUN RDZOB SGYU MA'I SPAS PA DANG, YE SHES GSUM GYI SPAS PA'O, ,DE GSUM NI SPYI DON MTHAR THUG GNYIS KYI DBUS SU CHUD PAS SPAS PA ZHES BYA'O, ,MTHAR THUG NI GNYIS TE, 'OD GSAL DANG, ZUNG 'JUG @108 GO, 'OD GSAL NI, DNGOS PO'AM LAM GYI MTHAR THUG YIN LA, ZUNG 'JUG NI 'BRAS BU'AM RTOGS PA'I MTHAR THUG YIN PA'I PHYIR, MTHAR THUG ZHES BRJOD DO, , DE LA YI GE'I DON DANG, SPYI'I DON GNYIS NI SGRA LHUR BLANGS NAS BSHAD LA, SPAS DON DANG, MTHAR THUG GI DON GNYIS NI DON LHUR BLANGS NAS BSHAD PA'O, , GNYIS PA PHYE BA SO SO'I MTSAN NYID LA BZHI'I, DANG PO YI GE'I DON NI SGRA TZAM LA NI RAB GZHOL BA'I, ,PHYI ROL BSTAN BCOS MKHAS PA YIS, ,DE YI BKOD PA RAB BSTAN PA, ,YI GE'I DON NI YIN PAR BSHAD, ,CES TE, SKAD KYI BYINGS DANG, RKYEN DANG, RNAM DBYE DANG, TSIG SDUD LA SOGS PA SGRA TZAM GYI MTSAN NYID STON PA LA RAB TU GZHOL BA'I PHYI ROL GYI BSTAN CHOS NI BRDA SPROD PA'I GZHUNG STE, DE LA MKHAS PA RNAMS KYIS BRDA SPROD KYI GZHUNG DE'I BKOD PA DANG MTHUN PAR SGRA GANG GIS DON RAB TU STON CING BSHAD PA DE NI YI GE'I DON ZHES BSHAD DO, ,GNYIS PA SPYI'I DON NI, MDO SOGS LA NI RAB BZHUGS PA'I, ,THE TSOM BZLOG PAR BYED PA DANG, ,BSKYED PA'I RIM DANG LDAN PA DAG, SPYI YI DON NI YIN PAR GSUNGS, , ZHES TE, SNGAR MDO SDE SOGS PHAR PHYIN THEG PA LA RAB TU ZHUGS PA RNAMS KYIS, RGYUD DU MDO SDE LA GRAGS PA'I CHOS SKAD MA MTHONG NAS, CI 'DI STON PA'I BKA' MA YIN SNYAM THE TSOM MAM, 'GYOD PA BZLOG PAR BYA BA'I PHYIR, RNAM THAR SGO GSUM SOGS PHAR PHYIN THEG PAR GRAGS PA STON PA DANG, LHAG MOS BSGOM PA SOGS BSKYED RIM DANG 'BREL BA'I DON STON PA NI MDO SOGS LA ZHUGS PA DANG, RNAL @109 'BYOR RGYUD MAN CHAD LA GRAGS PA'I BSKYED RIM NI, BSKYED RIM PA RNAMS DANG, SHES BYA DANG BSLAB BYA THUN MONG BA YIN PA'I PHYIR, SPYI'I DON BSHAD PAR BYA'O GSUNGS, ZHES BYA'O, , GSUM PA SPAS DON NI, 'DOD CHAGS CHOS NI RAB STON DANG, ,KUN RDZOB BDEN PAR RTOGS PA DANG, ,YE SHES GSUM PO RNAM BRTAG PA'I, ,SNYING PO YOD PAS SPAS PA'O, ,ZHES TE, 'DOD CHAGS CHOS KYI SPAS PA NI, PHYAG RGYA DANG JI LTAR SNYOMS PAR 'JUG PA'I CHO GA STON PA STE, DE NI TSOGS PAR DBYUNG BAR MI 'OS BA'I PHYIR SPAS PA ZHES BYA'O, ,KUN RDZOB BDEN PA'I SPAS PA NI, SGYU LUS DNGOS DANG, DE DANG 'BREL BA'I SPYOD PA STON PA YANG YOD DO, ,YE SHES GSUM GYI SPAS PA NI, SEMS GSUM DNGOS DANG, DE'I SNGON 'GRO LUS DBEN DANG NGAG DBEN STON PA YANG YOD LA, DE DAG NI RIM PA 'OG MA RNAMS LA MI BSTAN PA'I PHYIR SPAS RJE SOGS GSUNG PA'AM, YANG NA BDAG GI BLA MA GSUM PO THAMS CAD KYANG SPYI DON DANG, MTHAR THUG GNYIS KYI DBUS SU CHUD PAS SNYING PO LTA BUR YOD PAS NA SPAS PA'O, ,BZHI PA MTHAR THUG NI, 'OD GSAL BA NI RAB STON DANG, ,ZUNG DU 'JUG PA RTOGS PAS TE, , RNAM PA GNYIS SU MTHA' BSHAD DE, ,MTHA' NI MUR THUG PA YI TSIG ,CES TE, MTHAR THUG NI GNYIS TE, DNGOS PO'AM LAM GYI MTHAR THUG 'OD GSAL DANG, 'BRAS BU'AM YE SHES TE MTHAR THUG ZUNG 'JUG STE, DE GNYIS NI 'CHAD TSUL BZHI PA CAN GYI RDO RJE'I TSIG GI BRJOD BYA LHAG MA MA LUS PAR MUR THUG PA YIN PA'I PHYIR, MTHAR THUG PA ZHES BYA'O, ,SPYIR SPAS GNYIS LA NI BRJOD BYA LHAG MA LUS PA'I PHYIR, RDO @110 RJE'I TSIG DE'I BRJOD BYA MUR THUG PA MA YIN NO, , LNGA PA BSHAD PA'I RGYAN LA GNYIS TE, DBYE BAS MDOR BSTAN PA DANG, SO SO'I RANG BZHIN RGYAS PAR BSHAD PA'O, ,DANG PO NI, 'CHAD PAS NYAN PAR 'DOD PA LA, ,DBYE BA YANG NI GNYIS YOD DE, ,TSOGS LA BSHAD PAR BSTAN PA DANG, , GNYIS PA SLOB MA LA BSHAD PA'O, ,ZHES PA'O, ,GNYIS PA LA GNYIS KYI TSOGS BSHAD NI, JI BZHIN SGRA DANG DGONGS MIN DANG, ,DRANG BA'I DON DU'ANG GANG GYUR DANG, ,YI GE'I DON DANG SPYI YI DON, ,TSOGS LA BSHAD PAR 'DOD PA YIN, ,ZHES TE SGRA JI BZHIN PA LA SOGS PA RNAMS NI, BSKYED RIM LA SOGS PA SHES BYA THUN MONG BA STON PA'I PHYIR, BSKYED RDZOGS GNYIS KA'I GDUL BYA LA THUN MONG DU BSHAD PAR BYA BA YIN PAS TSOGS LA BSHAD PA ZHES BYA'O, ,DGONGS MIN GYIS RDZOGS RIM STON PA MA YIN NAM, JI LTAR TSOGS BSHAD YIN ZHE NA, DGONGS MIN GYI GDUL BYA NI, DE KHO NA NYID LA MOS KYANG DBANG PO DMAN PAS SLOB BSHAD KYI GNAS MI RUNG BAS SAM, YANG NA SGOM MIN LA BSKYED RIM STON PA YANG YOD PAS, DE'I PHYIR TSOGS BSHAD DU BZHAG GO ,GNYIS PA SLOB BSHAD NI, JI BZHIN MIN SGRA NGES DON DANG, ,DE BZHIN DGONGS TE BSHAD PA DANG, ,SBAS DON MTHAR THUG PA RNAMS NI, ,SLOB MA LA NI BSHAD PAR 'DOD, ,CES TE, SGRA JI BZHIN MA YIN PA LA SOGS PAS NI RDZOGS RIM STON PA'I PHYIR, RDZOGS RIM GYI SNOD DU RUNG BA KHO NA LA BSTAN PAR BYA BA YIN PAS, SLOB MA LA BSHAD PA ZHES BYA'O, ,BSHAD PA DBYE BA @111 GNYIS PO DE GANG LAS BSHAD CE NA, BSHAD PA'I RGYUD KYI RJES 'BRANGS NAS, , BDE GSHEGS RNAMS KYI 'DUL BYA LA, ,RIM PA GNYIS LA BRTEN NAS NI, ,BSHAD PA'I DBYE BA GSUNGS PA YIN, ,ZHES TE, BSHAD PA'I RGYU YE SHES RDO RJE KUN LAS BTUS PA LAS, BSHAD PA GNYIS KYI DBYE BA GSUNGS PA YIN NO, ,ZHES PA'O, , RGYAN DRUG PA GANG ZAG GI RGYAN LA DRUG STE, GANG ZAG GI MTSAN NYID DANG, DBYE BA DANG, SO SO'I RANG BZHIN DANG, 'CHAD NYAN SGRUB GSUM GYI SNOD DU RUNG MI RUNG DANG, TSOGS BSHAD SLOB BSHAD KYI SNOD GANG YIN PA DANG, MJUG BSDU BA'O, , GANG ZAG GI MTSAN NYID NI, 'DOD CHAGS CAN GYI SKYES BUS 'DOD YON LA BSTEN PAS THAR PA THOB PAR 'DOD PA'O, ,DE SKAD DU YANG, SKYES BU 'DOD CHAGS CAN DON DU, ,ZHES GSUNGS SO, ,DBYE BA NI, RNAM PA KUN TU NYAN 'DOD PA'I, ,'JIG RTEN NGES PAR GYUR PA NI, ,BLO YI RNAM PA DPAG MED LAS, ,GANG ZAG RNAM PA LNGAR 'DOD DO, ,ZHES TE, SPYIR NYAN PA PO'I GANG ZAG GI BLO'I NANG GSES KYI DBYE BA DPAG TU MED KYANG, RIGS BSDUS NAS GANG ZAG RNAM PA LNGAR 'DOD DO, ,LNGA GANG ZHE NA, AUTPALA DANG PAD DKAR DANG, ,PADMA TZANDAN RIN PO CHE, ,RANG BZHIN THA DAD MING GIS TE, ,THAMS CAD MKHYEN PAS GSUNGS PA YIN, ,ZHES SO, ,SO SO'I RANG BZHIN LA LNGA LAS, AUTPALA LTA BU'I GANG ZAG NI, ,DE NI MA LUS THOS 'GYUR LA, , 'DZIN PA LA NI RNAM PAR MKHAS, ,SKAD CIG GIS NI BRJED GYUR PA, ,AUTPAL ZHES BYA'I GANG ZAG GO ,ZHES GSUNGS TE, AUTPALA LA CHOS GSUM STE, CHE ZHING RTZI MANG BA @112 DANG, NYI MA SHAR BAS KHA 'BYE ZHING, BUNG BA LA SOGS PAS RTZI BLANG BAR NUS PA DANG, RTZI DE NYID 'DZAG SKYEN PA'O, ,DE BZHIN DU GANG ZAG 'DI LA YANG, CHOS GSUM YOD DE, THOS PA MANG ZHING THOS PA'I DUS SU GO BA DANG, CUNG ZHIG NAS BRJED PAR 'GYUR BA DANG, MA BRJED KYI BAR DU GZHAN LA STON PAR NUS PA STE, DE BAS NA AUTPALA LA DANG 'DRA BA'I PHYIR, AUTPALA LTA BU'I GANG ZAG CES BYA'O, ,PAD MA DKAR PO LTA BU NI, GZUNG BYA MANG DU THOS GYUR KYANG, ,STON PA YI NI NUS PA MED, ,BUM PA YI NI RUS SBAL 'DRA, ,PAD DKAR ZHES BYA'I GANG ZAG GO ,ZHES TE, PAD MA DKAR PO LA CHOS GSUM STE, CHE ZHING RTZI MANG BA DANG, NYI MAS DROS NAS KHA ZUM ZHING, BUNG BA LA SOGS PAS BLANG MI NUS PA'O, ,DE BZHIN DU GANG ZAG 'DI LA YANG CHOS GSUM STE, THOS PA MANG ZHING THOS DUS SU GO BA DANG, DE NYID KYI DON BRJED PA MED PA DANG, GZHAN LA LEGS PAR STON MI NUS PA STE, DE BAS NA PAD MA DKAR PO DANG 'DRA BA'I PHYIR PAD DKAR ZHES BYA BA'I GANG ZAG GO ,PAD MA DMAR PO LTA BU'I GANG ZAG NI, DAD DANG LDAN ZHING SNYING RJE CHE, ,THOS NAS BLO YI KHA 'BYED CING, ,TSIGS MED 'OD MA BZHIN 'DZAG PA, ,PAD DMAR ZHES BYA'I GANG ZAG GO, ZHES TE, PAD MA DMAR PO LA CHOS BZHI STE, KHA DOG DMAR BA DANG, KUN GYI YID DU 'ONG BA DANG, NYI MA SHAR BAS KHA DBYE ZHING RTZI MANG BA DANG, TSIGS MED PA'I 'OD MA BZHIN DU SKAD CIG LA 'DZAG PA'O, ,DE BZHIN DU GANG ZAG 'DI LA YANG CHOS BZHI YOD DE, DAD PA CHE BA DANG, SNYING RJE CHE BA DANG, THOS PA CHE ZHING THOS @113 DUS SU GO BA DANG, SKAD CIG GIS BRJED PAR 'GYUR BA STE, DE BAS NA PAD MA DMAR PO DANG 'DRA BA'I PHYIR, PAD MA DMAR PO LTA BU'I GANG ZAG CES BYA'O, ,TZANDAN LTA BU NI, THOS PA NYUNG ZHING NGA RGYAL LDAN, ,RTZA BA MED PAR MANG DU SMRA, ,RJES SU GZUNG BAR MI NUS PA, ,TZANDAN ZHES BYA'I GANG ZAG GO ,ZHES TE, TZANDAN SBRUL GYI SNYING PO LA CHOS LNGA STE, DNGOS PO CHUNG BA DANG, DRI CHE BA DANG, RTZA BA NGAN PA DANG, YAN LAG MANG BA DANG, SBRUL GYIS DKRIS NAS GZHAN GYIS BLANG BAR MI NUS PA'O, , DE BZHIN DU GANG ZAG 'DI LA YANG CHOS LNGA YOD DE, THOS PA CHUNG BA DANG, NGA RGYAL CHE BA DANG, DON GYI RTZA BA MED PA DANG, TSIG GI SPROS PA MANG BA DANG, SLOB MA LA STON MI NUS PAS GZHAN RJES SU GZUNG BAR MI NUS PA'O, ,DE BAS NA TZANDAN DANG 'DRA BA'I PHYIR, TZANDAN LTA BU'I GANG ZAG CES BYA'O, ,RIN PO CHE LTA BU NI, TSUL KHRIMS DAG CING MKHAS PA SGRIN, ,SHES RAB LDAN ZHING RGYUD CIG LA, ,THOS NAS LEGS PAR STON PA NI, ,RIN CHEN ZHES BYA'I GANG ZAG GO ,ZHES TE, YID BZHIN GYI NOR BU RIN PO CHE LA CHOS BDUN TE, RANG BZHIN GYIS DAG PA DANG, SEMS CAN GYI DGOS 'DOD SKONG BA DANG, RANG BZHIN MI 'GYUR BA DANG, KUN GYI YID DU 'ONG BA DANG, GZHAN LA PHAN 'DOGS PA DANG, GZHAN LA GNOD PA MI BYED PA DANG, , DGOS 'DOD DE SGYU MA'I RTA GLANG LTA BU MA YIN PAR GZHAN LA PHAN 'DOGS NUS PA'O, ,DE BZHIN DU GANG ZAG 'DI LA, KHYAD CHOS BDUN YOD DE, SDOM PA GSUM DANG LDAN ZHING RANG BZHIN GYIS TSUL KHRIMS DAG PA DANG, MKHAS PAS GZHAN LA @114 PHAN 'DOGS PA DANG, SGRIN PAS GZHAN LA GNOD PA MI BYED PA DANG, SHES RAB CHE BAS CHOS RNAMS KYI RANG SPYI'I MTSAN NYID SHES PA DANG, RGYUD MI 'GYUR BAS DGOS PA'I BYA BA MTHAR PHYIN PA DANG, THOS PA CHE BAS SDE SNOD MTHA' DAG GI DON SHES PA DANG, BLO GSAL BAS GZHAN 'DOD PA'I CHOS THAMS CAD LEGS PAR STON PA, DE BAS NA RIN PO CHE DANG 'DRA BA'I PHYIR RIN PO CHE LTA BU'I GANG ZAG CES BYA'O, ,'CHAD NYAN SGRUB GSUM GYI SNOD DU RUNG MI RUNG BRTAG PA NI, AUTPALA DANG PAD DMAR LTA BU NI NYAN PA POR RUNG STE, THOS PA'I DON BRJED KYANG SEMS LA BAG CHAGS BZHAG PAS PHYIS 'BRAS BU 'BYUNG BA'I PHYIR RO, ,PAD DKAR DANG, TZANDAN LTA BU NI, NYAN PA PO DANG, SGRUB PA PO RUNG GI ,'CHAD PA POR MI RUNG STE, PAD DKAR LTA BU LA TSIG GI YON TAN MED CING, TZAN DAN LTA BU LA TSIG GI SPROS PA MANG ZHING DON GYI RTZA BA MED PAS GZHAN RJES SU GZUNG BAR MI NUS PA'I PHYIR RO, , RIN PO CHE LTA BU NI THAMS CAD RUNG NGO, ,TSOGS BSHAD DANG SLOB BSHAD GANG GI SNOD YIN BRTAG PA NI, AUTPALA DE BZHIN PAD DKAR DANG, ,TZAN DAN PAD MA NYID DAG STE, ,GANG ZAG BZHI PO 'DI DAG NI, ,TSOGS LA BSHAD PA'I GANG ZAG GO, ZHES TE, 'DI DAG NI BSKYED RIM MA BSGOM PA DANG, NYAN PA'I SNOD DU RUNG BA'I PHYIR RO, ,RDZOGS PA'I RIM PA'I SKAL LDAN ZHING, ,RTAG TU SPYOD PAS RNAM BRGYAN PA, , SLOB MA LA BSHAD SNOD YIN NO, ,ZHES TE, RIN PO CHE LTA BU'I GANG ZAG NI, BSKYED RDZOGS GNYIS KA NYAN PA DANG BSGOM PA'I SNOD DU RUNG BA'I PHYIR, SLOB MA LA BSHAD @115 PA'I SNOD YIN NO, ,MJUG BSDU BA NI, GANG ZAG SHES PA'I DBYE BA YIS, ,SNOD DANG SNOD MIN YONGS BRTAGS NAS, ,RDO RJE SLOB DPON MKHAS PAS NI, BSHAD PA RNAM PA GNYIS BYA'O, ,ZHES JI SKAD BSHAD PA'I GANG ZAG GI DBYE BA DANG MTSAN NYID SHES PA'I RDO RJE SLOB DPON MKHAS PAS NI, NYAN PA PO'I SNOD DANG SNOD MA YIN PA'I RGYUD KYI KHYAD PAR YONGS SU BRTAGS NA, GANG LA GANG 'TSAM GYIS TSOGS BSHAD DANG SLOB BSHAD RNAM PA GNYIS BYA'O, ,RGYAN BDUN PA NI, RGYAN NI DRUG PO DE RNAMS KYIS, ,BDEN GNYIS RNAM PAR NGES BYAS PA, ,DE NI RGYAN 'GYUR BDUN PA STE, , RDZOGS PA'I RIM PA BSGRUB PA'O, ,ZHES TE, 'DI LA DON BZHI STE, GANG LA NGES PAR BYA RGYU'I GANG ZAG GANG GIS NGES PAR BYED PA DANG, GANG DU NGES PAR BYA BA DANG, NGES PAR BYAS PA'I 'BRAS BU GANG YIN PA'O, ,GANG LA NGES PAR BYA RGYU'I GANG ZAG NI, AUTPALA LA SOGS PA'I GANG ZAG LNGA PO RNAMS SO, ,GANG GIS NGES PAR BYED PA NI, SNGAR BSHAD PA'I RGYAN DRUG PO DE RNAMS KYIS TE, DE YANG THA MI DAD KYI RGYAN BCU GSUM GYIS DNGOS SU NGES PAR BYED LA, RGYUD KYI MING DANG, BYED PA POS NI BRGYUD NAS NGES PAR BYED DO, ,GANG ZHIG TU NGES PAR BYA BA NI, RGYUD DON RIM PA LNGA PO DE NYID KUN RDZOB DANG, DON DAM PA'I BDEN PA GNYIS SU RNAM PAR NGES ZHING RTOGS PAR BYAS TE, DE YANG BSKYED RIM DANG, DBEN GSUM SGYU MA DANG BCAS PA NI KUN RDZOB BDEN PA DANG, 'OD GSAL DANG, ZUNG 'JUG GNYIS NI DON DAM PA'I BDEN PA ZHES BYA'O, ,DE YANG, 'OD GSAL NI DON DAM DNGOS YIN LA, ZUNG 'JUG NI @116 DON DAM DNGOS MA YIN YANG, THOB BYA'I 'BRAS BU MTHAR THUG YIN PAS DON DAM DU BZHAG GO ,NGES PA'I 'BRAS BU NI, THUN MONG BA ZHI SOGS PHRIN LAS BZHI DANG, GRUB PA CHEN PO BRGYAD LA SOGS PA DANG, THUN MONG MA YIN PA RDZOGS PA'I RIM PA ZUNG 'JUG GNYIS SU MED PA'I YE SHES BSGRUB CING THOB PA'O, ,DE BAS NA, RGYAN SNGA MA DRUG PO LA BRTEN NAS, RGYUD DON BDEN PA GNYIS SU NGES PA NI RGYAN BDUN PA ZHES BYA'O, ,DE LTAR RGYAN BDUN RGYAS PAR BSHAD NAS, MJUG BSDU BA'I TSUL GYIS RGYUD LA BRTEN NAS, RTZA RGYUD GSUNGS PAR GDAMS PA NI, BSHAD PA'I RGYUD KYI RJES 'BRANGS NAS, ,BSHAD SGRA SHIN TU RNYED PA DKA', ,'DI LTAR DRANG TE BSHAD PA NI, ,RNAL 'BYOR RGYUD LAS GZHAN DU MIN, ,ZHES TE, GONG DU BSHAD PA'I TSUL 'DI LTAR RGYAN BDUN GYI SGO NAS RTZA BA'I RGYUD KYI DON DRANGS TE BSHAD PA NI, RNAL 'BYOR CHEN PO'I RGYUD GSANG BA 'DUS PA LAS, GZHAN DGES RDOR BDE MCHOG SOGS LA YOD PA MA YIN LA, BSHAD PA'I RGYUD YE SHES RDO RJE KUN LAS BTUS PA'I RJES SU 'BRANGS NAS, RGYAN BDUN GYI SGO NAS RTZA BA'I RGYUD BSHAD CING SMRA BA SHIN TU RNYED PAR DKA'O, ,DE BAS RDO RJE SLOB DPON GYIS, ,GLENG GZHI RIM PA'I SBYOR BAR BCAS, , BSHAD PA'I RGYUD LA MKHAS PA YIS, ,'BAD DE RNAL 'BYOR RGYUD GZUNG NGO, ,ZHES TE, BSHAD PA'I RGYUD KYI RJES SU 'BRANGS NAS, RTZA BA'I RGYUD BSHAD PA SHIN TU RNYED PAR DKA' BA DE BAS NA GLENG GZHI'I RIM PA'I SBYOR BA DANG BCAS PA'I RNAL 'BYOR CHEN PO'I RGYUD GSANG BA 'DUS PA GZUNG NGO, ,ZHES 'BREL LO, SU ZHIG GIS ZHE NA, RDO @117 RJE SLOB DPON GYIS SO, ,SLOB DPON KHYAD PAR JI LTA BU ZHE NA, ,YE SHES RDO RJE KUN LAS BTUS PA LA SOGS PA BSHAD PA'I RGYUD BZHI LA MKHAS PA YIS SO, ,TSUL JI LTAR NA SGO GSUM 'BAD DE, RJOD BYED RGYUD KYI GLENG GZHI 'DI SKAD BDAG GIS THOS PA SOGS NAS RDZOGS KYI BAR DANG, BRJOD BYA'I DON RIM PA LNGA MTHA' DRUG TSUL BZHI'I SGO NAS SBYOR BAS SO, ,DE DAG NI RGYUD MDZES PAR BYED PA RGYAN RNAM PA BDUN BSHAD PA'I RIGS PA'O, , DE LTAR BSHAD PA LA 'JUG PA'I YAN LAG BSTAN NAS, DA NI BSHAD BYA RGYUD KYI DON DNGOS BSHAD PAR BYA STE, DE LA YANG BSDUS PA'I DON DANG TSIG GI DON GNYIS SO, ,BSDUS PA'I DON LA YANG, RGYUD SPYI'I BSDUS DON DANG, LE'U SO SO'I BSDUS DON GNYIS KYI, LE'U SO SO'I BSDUS DON NI, LE'U RANG RANG 'CHAD PA'I SKABS SU STON NO, ,RGYUD SPYI'I BSDUS DON LA GNYIS TE, BRJOD BYA DON GYI BSDUS DON DANG, RJOD BYED SGRA'I BSDUS DON NO, ,DANG PO NI, DPAL GSANG BA 'DUS PA LE'U BCU BDUN PA 'DI'I BRJOD BYA'I DON NI, PHYE NA RIM PA LNGA YIN LA, MDOR BSDUS NA, BSKYED PA'I RIM PA DANG, RDZOGS PA'I RIM PA GNYIS YIN TE, RGYUD PHYI MA LAS, SANGS RGYAS RNAMS KYIS CHOS BSTAN PA, ,RIM PA GNYIS LA YANG DAG GNAS, ,BSKYED PA YI NI RIM PA DANG, ,RDZOGS PA YI NI RIM NYID DO, ,ZHES GSUNGS PA LTAR RO, , DE LA LE'U DANG POS RGYUD KYI BRJOD BYA'I DON THAMS CAD BSKYED RDZOGS @118 GNYIS SU BSDUS NAS MDOR BSTAN PA YIN LA, LE'U LHAG MA BCU DRUG POS NI, RGYUD KYI BRJOD BYA'I DON THAMS CAD SMIN LAM DANG GROL LAM GNYIS SU PHYE NAS, LE'U DANG PO'I DON RGYAS PAR BSHAD PA YIN NO, ,DE LA YANG SMIN LAM GTZO BOR STON PA'I LE'U GSUM DANG, GROL LAM GTZO BOR STON PA'I LE'U BCU GSUM YOD LA, SMIN LAM STON PAR BYED PA'I LE'U GSUM NI, LE'U BZHI PA DANG, BRGYAD PA DANG, BCU DRUG PA RNAMS SO, ,GROL LAM STON PAR BYED PA'I LE'U BCU GSUM LA, BSNYEN PA STON PAR BYED PA'I LE'U DGU DANG, SGRUB PA STON PAR BYED PA'I LE'U GSUM DANG, MCHOG THUN MONG GI DNGOS GRUB MA GRUB NA, LHA'I SNYING PO BSKUL BAR BYED PA'I LE'U GCIG GO ,BSNYEN PA STON PAR BYED PA'I LE'U DGU LA YANG DE KHO NA NYID KYI TING NGE 'DZIN STON PAR BYED PA'I LE'U DRUG DE DANG RJES SU MTHUN PA'I SPYOD PA DANG, DAM TSIG DANG SDOM PA STON PA'I LE'U GSUM MO, ,DE KHO NA NYID KYI TING NGE 'DZIN STON PAR BYED PA'I LE'U DRUG NI, LE'U GNYIS PA DANG, GSUM PA DANG, DRUG PA DANG, BCU GCIG PA DANG, BCU GNYIS PA DANG, BCO LNGA PA'O, ,DE DANG RJES SU MTHUN PA'I SPYOD PA DANG, DAM TSIG DANG SDOM PA STON PAR BYED PA'I LE'U GSUM NI, LE'U LNGA PA DANG BDUN PAS SPYOD PA STON LA, LE'U BCU BDUN PAS NI DAM TSIG DANG SDOM PA STON NO, ,SGRUB PA STON PAR BYED PA'I LE'U GSUM NI, LE'U DGU PA DANG, BCU GSUM PA DANG, BCU BZHI PA'O, ,MA GRUB NA SNYING PO BSKUL BAR BYED PA NI LE'U BCU PA'O, ,RJOD BYED SGRA'I BSDUS DON NI, MTHA' DRUG TSUL BZHI'I SGO NAS GSANG @119 BA 'DUS PA'I RGYUD THAMS CAD 'CHAD DE, DE YANG SNGAR BSHAD ZIN TO, , DE LTAR BSDUS PA'I DON BSTAN NAS, DA NI YAN LAG GI DON BSHAD PAR BYA STE, DE LA YANG GNYIS TE, LE'U DANG POS MDOR BSTAN, LE'U LHAG MA BCU DRUG GIS RGYAS PAR BSHAD PA'O, ,LE'U DANG PO LA YANG, BSDUS PA'I DON DANG, YAN LAG GI DON GNYIS SO, ,BSDUS PA'I DON LA YANG, BRJOD BYA DON GYI BSDUS DON DANG, RJOD BYED SGRA'I BSDUS DON GNYIS KYI DANG PO NI, DE LA LE'U DANG PO LAS NI, BRJOD PA DANG, BRJOD PAR BYA BA'I BDAG NYID RDO RJE 'CHANG CHEN PO'I SPRUL PA'I DKYIL 'KHOR DU NYAN PA'I SKAL BA DANG LDAN PA RNAMS LA RIG PA'I DBANG BSKUR BA BYIN NAS, DRANG BA DANG, NGES PA'I DON GYI BYE BRAG GIS, BRTAG PA DANG, RDZOGS PA'I RIM PA BSGRUB PA'I THABS SO SOR STON CING, ZHES TE, 'DI NI 'DI SKAD STON TE, GZUNGS KYI DKYIL 'KHOR YAN CHAD NI, RGYUD KYI GLENG BZHI'I KHONGS SU GTOGS LA, GLENG GZHI YANG, RGYUD MA LUS PA'I DON MDOR BSDUS NAS STON PAS, RGYUD SPYI'I LUS RNAM GZHAG LTA BU YIN PAS, LE'U DANG PO'I THUN MONG MA YIN PA'I GZHUNG MA YIN LA, LE'U DANG PO'I THUN MONG MA YIN PA'I GZHUNG NI, MI BSKYOD PA BSDUS PA'I DKYIL 'KHOR MAN CHAD YIN ZHING, DE DAG GIS NI SNGON BYUNG LTAR NA, RDO RJE 'CHANG CHEN PO SPRUL PA'I DKYIL 'KHOR DU RGYUD NYAN PA'I SKAL BA DANG LDAN PA RNAMS LA RIG PA'I DBANG BSKUR BA STON LA, RJES 'JUG GI MNGON RTOGS LTAR NA, DE DAG DRANG DON DU BSHAD PAS BSKYED RIM PA'I SGRUB THABS STON LA, NGES DON DU @120 BSHAD PAS RDZOGS RIM PA'I SGRUB THABS STON NO ZHES PA, 'GREL PA'I GZHUNG 'DI'I DON YIN NO, ,TSIG GI DON NI, LE'U DANG PO LAS NI, BRTAG PA BSKYED RIM PA DANG, RDZOGS RIM PA'I SGRUB THABS SO SOR STON ZHES SBYAR RO, ,GANG GIS STON ZHE NA, LE'U DANG PO'I GZHUNG RNAMS DRANG BA DANG, NGES PA'I DON DU BSHAD PA'I BYE BRAG GIS, GO RIM BZHIN DU, BSKYED RDZOGS GNYIS SO SOR STON TO, , CI ZHIG BYAS NAS ZHE NA, DBANG BSKUR BA BYIN NAS SO, ,DE LA BYIN ZHES SBYAR, GANG NA RIG PA'I DBANG BSKUR BA ZHES TE, RIG PA NI MA RIG PA LA LOG PAS YE SHES LNGA YIN LA, DE'I RANG BZHIN CAN DU GYUR PA'I CHU DANG COD PAN LA SOGS PA THUN MONG GI DBANG DGU'O, ,SU ZHIG LA ZHE NA, BSKYED RIM NYAN PA'I SKAL BA DANG LDAN PA'I GDUL BYA RNAMS LA'O, ,GANG DU ZHE NA, SPRUL PA'I DKYIL 'KHOR DU'O, ,DKYIL 'KHOR JI LTA BU ZHE NA, BRJOD PA NI RGYUD STON PAR BYED PA DKYIL 'KHOR GYI GTZO BO YIN LA, BRJOD PAR BYA BA NI, BSTAN PAR BYA BA DE BZHIN GSHEGS PA DANG, RIG MA LA SOGS PA'I 'KHOR RNAMS YIN LA, DE'I PHYIR BRJOD PA DANG, BRJOD PAR BYA BA'I BDAG NYID RDO RJE 'CHANG CHEN PO'I ZHES SMOS SO, ,MDOR NA RTEN GZHAL YAS KHANG DANG, BRTEN PA GTZO BO DANG, 'KHOR DU SNANG BA'I LHA'I DKYIL 'KHOR DU SNANG BA THAMS CAD RDO RJE 'CHANG CHEN PO'I RANG BZHIN DU GYUR PA'I SPRUL PA'I DKYIL 'KHOR DU ZHES PA'I DON YIN GYI, 'DI LA SNGAR RABS SA SKYA PA DANG RGYUD KYI BRJOD BYA DANG, RJOD BYED THAMS CAD KYI DBYINGS KYI RANG BZHIN GYI RDO RJE @121 'CHANG CHEN PO'I RANG BZHIN YIN NO ZHES, 'CHAD PA NI SKABS KYI DON MIN NO, , LE'U DANG PO'I GZHUNG GIS BSKYED RDZOGS GNYIS SO SOR JI LTAR STON ZHE NA, GLENG GZHI LE'U DANG PO'I GZHUNG DNGOS MA YIN KYANG, LE'U'I KHONGS SU 'DU BAS, BSDUS DON LE'U DANG PO'I GZHUNG DANG THUN MONG DU BSHAD PAR BYA STE, DE LA DANG PO GLENG GZHI'I STON PA DANG, GNAS PHUN SUM TSOGS PA TSUL BZHIR BSHAD PA LA, YI GE'I DON DU BSHAD PAS, SNGON BYUNG LTAR NA STON PA DANG GNAS PHUN SUM TSOGS PA STON, DE NYID RJES 'JUG GI MNGON RTOGS LTAR NA, GZHAL YAS KHANG BSKYED PA DANG, LHAG MOS SNGON DU 'GRO BA'I RNAL 'BYOR BZHIS, GTZO BO'I SKU BSKYED PA YAN CHOD STON, SPYI DON DU BSHAD PAS PHYAG RGYA DANG SNYOMS PAR ZHUGS PA LAS, CHOS 'BYUNG DU LHA SUM CU RTZA GNYIS CHO GA GSUM GYIS BSKYED PA STON, DE NAS 'KHOR PHUN SUM TSOGS PA DRANG DON DU BSHAD PAS, SNGON BYUNG LTAR, GANG DANG LHAN CIG THOS PA'I 'KHOR PHUN SUM TSOGS PA STON LA, RJES 'JUG LTAR NA, BSKYED RIM PA'I DKYIL 'KHOR RGYAL MCHOG STON TE, DE LTAR NA GLENG GZHI'I YI GE'I DON DANG, SPYI'I DON DANG, DRANG DON DU BSHAD PAS BSKYED RIM PA'I SGRUB THABS STON NO, ,YANG STON PA DANG, GNAS PHUN SUM TSOGS PA SBAS DON DANG, MTHAR THUG DU BSHAD PAS RDZOGS RIM STON TE, ,DE YANG SBAS DON DU BSHAD PA LA SBAS PA GNYIS KA YOD PAS SEMS GSUM GYI SBAS PAS SEMS DBEN DNGOS DANG, DE'I SNGON 'GRO LUS DBEN DANG, NGAG DBEN YANG STON, KUN RDZOB KYI SBAS PAS KUN RDZOB KYI NGO @122 BO SPYOD PA DANG BCAS PA STON, 'DOD CHAGS CHOS KYI SBAS PAS BSKYED RDZOGS GNYIS KYI DKYIL 'KHOR RGYAL MCHOG BSKYED PA DANG, GSANG MCHOD STON, MTHAR THUG TU BSHAD PAS 'OD GSAL, ZUNG 'JUG GNYIS KA STON TE, DE DAG GIS NI DBEN GSUM SNGON DU SONG BAS KUN RDZOB SPYOD PA DANG BCAS PA DE 'OD GSAL DU BCUG NAS ZUNG 'JUG LONGS SKUR BZHENGS TE, SPRUL SKUR BSGYUR NAS, BDE BA'I SNANG BA TZAM LAS YUM GYI CHOS 'BYUNG DU DKYIL 'KHOR BSKYED PA YAN CHAD STON, DE NAS 'KHOR PHUN SUM TSOGS PA NGES DON DU BSHAD PAS, RDZOGS RIM GYI DKYIL 'KHOR RGYAL MCHOG STON NO, ,DES NA GLENG GZHI PHUN SUM TSOGS PAS KYANG BSKYED RDZOGS GNYIS KYI RNAL 'BYOR STON NO, ,DE BZHIN DU GZUNGS KYI DKYIL 'KHOR DRANG NGES SU BSHAD PAS KYANG STON TE, DRANG DON GYIS BSKYED RIM GYI SPYOD PA DANG, NGES DON GYIS RDZOGS RIM GYI SPYOD PA STON PA'I PHYIR RO, ,DE NAS MI BSKYOD PA BSDUS PA'I DKYIL 'KHOR GYIS KYANG STON TE, DE LA MDOR BSTAN DANG, RGYAS BSHAD GNYIS KYI, MDOR BSTAN DRANG DON DU BSHAD PAS BSKYED RIM GYI MDOR BSTAN NO, , NGES DON GYIS RDZOGS RIM GYI MDOR BSTAN TE, 'DOD GSAL LAS ZUNG 'JUG TU BZHENGS NAS, DE SPRUL SKUR BSGYUR BA BSTAN PAS SO, ,RGYAS BSHAD LA GSUM LAS, ZIL GNON RDO RJE'I TING NGE 'DZIN TSUL BZHI BSHAD PA LA, YI GE'I DON BSHAD PA MED CING, SPYI DON GYIS LHAG MOS MDZAD PA DANG BCAS PA RGYAS PAR 'CHAD, SBAS DON GYIS GSANG MCHOD STON, MTHAR THUG GIS 'OD GSAL RGYAS @123 PAR BSHAD, DE NAS GNYIS PA DAM TSIG 'BYUNG BA RDO RJE'I TING NGE 'DZIN DRANG DON DU BSHAD PAS, LHAG MOS BSDU BA SNGON DU 'GRO BA'I RNAL 'BYOR BZHIS GTZO BO'I SKU BSKYED PA STON, DE NAS GSUM PA TING NGE 'DZIN GYI DKYIL 'KHOR SPRUL PAS, BSKYED RDZOGS GNYIS KA'I DKYIL 'KHOR RGYAL MCHOG BSTAN LA, DE LA YANG 'BYIN SNGAGS RNAMS DRANG DON DU BSHAD PAS BSKYED RIM PA'I 'BYIN SNGAGS MI STON LA, NGES DON DU BSHAD PAS RDZOGS RIM PA'I 'BYIN SNGAGS BSTAN TO, ,DE LTAR NA JI SKAD BSHAD PA'I TSUL GYIS, LE'U DANG POS RIM PA GNYIS MDOR BSDUS BSTAN PA YIN NO, , GNYIS PA RJOD BYED SGRA'I BSDUS DON NI, 'DI SKAD BDAG GIS ZHES BYA BA NAS, BHA GA LA BZHUGS SO ZHES PA'I BAR NI TSUL BZHIR BSHAD PA'O, ,ZHES SOGS 'GREL BAR GSAL LO, ,YAN LAG GI DON LA, GLENG GZHI PHUN SUM TSOGS PAS MDOR BSTAN PA DANG, GZHUNG LHAG MAS RGYAS PAR BSHAD PA'O, ,DANG PO LA YANG GNAS DANG STON PA PHUN SUM TSOGS PA TSUL BZHIR BSHAD, 'KHOR PHUN SUM TSOGS PA DRANG NGES GNYIS SU BSHAD PA GNYIS KYI, DANG PO LA BZHI'I, YI GE'I DON NI, 'DIR SDUD BAR BYED PA 'PHAGS PA PHYAG NA RDO RJES, RDO RJE 'CHANG CHEN PO RANG GIS JI SKAD DU THOS PA THUGS LA BZHAG NAS, 'DI SKAD BDAG GIS THOS PA ZHES SOGS GSUNGS TE, 'DI SKAD CES BYA BA NI, RGYUD KYI DON MA LUS PA STON PA'I TSIG PHRAD DO, ,BDAG GIS THOS ZHES PA NI, BDAG NYID KYIS MNGON SUM DU THOS KYI, @124 GZHAN LAS GCIG NAS GCIG TU BRGYUD PA MA YIN PA DANG, TSIG THOS PA TZAM DU ZAD KYI, DON RTOGS PA MA YIN ZHES PA'O, ,DUS GCIG NA ZHES PA NI, DUS GCIG GI TSE 'DI THOS LA, GZHAN DU NI GZHAN DAG THOS SO ZHES PAS, BDAG NYID THOS PA MANG BAR BSTAN TO, ,YANG NA DUS GCIG GI TSE THOS KYI, GZHAN GYI TSE NA 'DI MA THOS SO ZHES PAS, RGYUD RNYED PAR DKA' BA BSTAN TO, ,YANG NA DUS SKAD CIG MA GCIG LA THOS ZHES PAS, SHES RAB PHUL DU BYUNG BAR BSTAN TO, ,STON PA GANG LAS, GNAS GANG DU, GROGS GANG DANG LHAN CIG THOS ZHE NA, GANG LAS THOS PA'I STON PA PHUN SUM TSOGS PA STON PA NI, BCOM LDAN 'DAS ZHES TE, SKAL BA PHUN SU TSOGS PA NYID KYI PHYIR DANG, MI MTHUN PA'I PHYOGS MA LUS PA BCOM PAS NA, BCOM LDAN TE RDO RJE 'CHANG CHEN PO LA THOS ZHES PA'O, ,GANG DU THOS PA'I GNAS PHUN SUM TSOGS PA STON PA NI, DE BZHIN GSHEGS PA THAMS CAD CES SOGS TE, BCOM LDAN 'DAS DE NYID RNAM SNANG LA SOGS PA DE BZHIN GSHEGS PA LNGA'I BDAG NYID YIN PAS DE BZHIN GSHEGS PA THAMS CAD KYANG YIN LA, SKU GSUNG THUGS KYI RDO RJE GSUM DBYER MI PHYED PA YANG YIN PAS NA, SKU GSUNG THUGS KYI SNYING PO STE RDO RJE 'CHANG CHEN PO'O, ,DE'I RDO RJE BTZUN MO NI SHES RAB STONG PA NYID DE DE NYID NYON MONGS PA 'JOMS PAS NA BHA GA ZHES BYA LA, DER BZHUGS PA NA THOS ZHES PA'O, ,DON NI 'DI YIN TE, CHOS KYI DBYINGS KYI RANG BZHIN GYI NAM MKHA'I DBUS SU CHUD PA'I RIN PO CHE LAS GRUB PA'I GZHAL YAS KHANG GI NANG ZLA BA'I @125 DKYIL 'KHOR GYI STENG DU RDO RJE 'CHANG CHEN PO BZHUGS PA NA THOS ZHES PAS TE, DES NI GZHAL YAS KHANG LHAG MOS DANG BCAS PA SNGON DU 'GRO BA CAN GYI RNAL 'BYOR BZHI LAS, GTZO BO'I SKU BSKYED PA STON TO, , GNYIS PA SPYI DON LA, 'DI SKAD CES PA BSHAD PA DANG, BDAG GIS THOS PA LA SOGS PA BSHAD PA GNYIS KYI, DANG PO LA YANG, AE WAm THOG MAR STON PA'I RGYU MTSAN DANG, DE LUNG GIS BSGRUB PA'O, ,DANG PO NI, 'DIR RDO RJE SLOB DPON LA GSOL BA, DGONGS PA GANG GIS DE BZHIN GSHEGS PA RNAMS KYI GSUNG RAB KYI THOG MAR, 'DI SKAD BDAG GIS THOS ZHES AE WAm KHO NA STON PAR BYED, AI DANG MA YA STE, 'DI DAG BDAG GIS ZHE'AM, AI YANG MA YA STE, 'DI DAG GIS ZHES BYA BA LA SOGS PAS KYANG RANG GI BLO LA GNAS PA'I DON STON PAR NUS PA'I PHYIR RO ZHE NA, GSUNG RAB KYI DANG POR AE WAm ZHES PA'I YI GE GNYIS NGES PAR BRJOD DGOS TE, DE BZHIN GSHEGS PA THAMS CAD KYI SHES RAB DANG, THABS STON PA NYID KYI BRDAR GYUR PA'I PHYIR RO, ,DE LTAR YIN PAR JI LTAR SHES PAR BYA ZHE NA, GNYIS PA DE LUNG GIS BSGRUB PA NI, BCOM LDAN 'DAS NYID KYIS LHA'I DBANG POS ZHUS PA LAS GSUNGS TE, BRGYA BYIN GYIS GSOL BA, CI'I PHYIR 'DI SKAD CES BYA 'DI, ,GANG PHYIR DANG POR RAB TU SBYAR, ,CI 'DI BDE GSHEGS GSUNG YIN NAM, ,NYAN THOS KYIS BSHAD YIN NAM CI, ,BDAG GI SOM NYI 'DI DAG KUN, ,SRID MTHA' 'BYIN PAS BSAL DU GSOL, ,DAM CHOS YON TAN SMRA BA YI, ,LHA YI DBANG PO'I TSIG @126 GSAN NAS, ,DE NAS LEGS SO ZHES BYIN TE, ,BCOM LDAN 'DAS KYIS 'DI SKAD GSUNGS, ,GANG PHYIR THAMS CAD GZIGS PA YIS, ,DANG POR 'DI SKAD CES GSUNGS PA, ,DE NI GO RIM JI BZHIN DU, ,LHA YI DBANG POS MNYAN PAR GYIS, , CHOS KYI PHUNG PO BRGYAD KHRI DANG, ,BZHI STONG GI NI GRANGS SNYED KYI, ,KUN GYI GZHI DANG PHA MA NI, ,YI GE GNYIS SU DE BZHIN BSTAN, ,YI GE AE NI MAR GYUR LA, ,WA NI PHA ZHES BYA BAR GRAGS, ,THIG LE DER NI SBYOR BA STE, ,SBYOR DE SHIN TU RMAD BYUNG BA'O, ,AE NI PAD MA ZHES BSHAD LA, ,WA NI RDO RJE NYID YIN NO, ,THIG LE DER NI SA BON STE, ,DE LAS 'GRO BA GSUM RNAMS SKYES, ,AE NI SHES RAB NYID GYUR LA, , WA NI RAB DGA'I BDAG PO'O, ,THIG LE MI SHIGS DE NYID DE, ,DE LAS YI GE NYID KYANG SKYES, ,CHOS KYI PHYAG RGYA YI GE GNYIS, ,DE NYID SHES PA GANG GIS SHES, ,DE NI SEMS CAN THAMS CAD LA, ,CHOS KYI 'KHOR LO BSKOR BYED 'GYUR, ,'GRO BA GANG GIS YI GE GNYIS, ,MI SHES RTAG TU 'DON PA DAG ,DE NI SANGS RGYAS CHOS RNAMS LAS, ,PHYI ROL SBYOR SPANGS THUB PA BZHIN, ,AE WAm YIG GNYIS SGYU MA PA, ,THAMS CAD MKHYEN PA 'DIR BZHUGS PAS, ,DAM CHOS BSTAN PA'I THOG MAR NI, ,AE WAm DE PHYIR RAB TU BSHAD, ,DE BAS BRGYA BYIN LHA YI BDAG ,GAL TE RTAG PA'I GNAS 'DOD NA, ,YIG GNYIS SGYU MA DRAN BYAS SHING, ,DAM PA'I CHOS LA BLA MAR GYIS, , ZHES GSUNGS TE, 'DI LA DON GSUM STE, 'KHOR GYIS DRI BA ZHUS PA, STON PAS SPRO BA BSKYED DE MNYAN PAR GDAMS PA, DRI BA'I LAN DNGOS BSTAN PA'O, ,DANG PO NI, @127 GSAN DU GSOL ZHES PA YAN CHAD DE, DRI BA'I DON NI, AE WAm GSUNG RAB KYI DANG POR SMOS PA'I RGYU MTSAN DANG, DE SANGS RGYAS KYI GSUNG NGAM, NYAN THOS KYI GSUNG GANG YIN ZHES DRIS PA'O, ,GNYIS PA NI, MNYAM PAR GYIS ZHES PA YAN CHAD DE, DES NI AE WAm NI DE BZHIN GSHEGS PA'I GSUNG YIN LA DE YANG THABS SHES RAB MTSON BYED YIN PAS, DANG POR SMOS ZHES DRI BA'I LAN MDOR BSTAN NO, ,DRIS LAN DNGOS LA GNYIS TE, RGYAS PAR BSHAD PA DANG, MJUG BSDU BA'O, ,DANG PO LA YANG GSUM STE, YI GE GNYIS KYIS THABS SHES JI LTAR BSTAN PA'I TSUL, YI GE GNYIS KYIS DE NYID SHES PA'I PHAN YON DANG, MI SHES PA'I NYES DMIGS BSTAN PA'O, ,DANG PO LA YANG BRDA'I SGO NAS BSTAN PA DANG, DBYIBS KYI SGO NAS BSTAN PA DANG, SGRA'I SGO NAS BSTAN PA GSUM MO, ,DANG PO AE WAm GYIS BRDA'I SGO NAS THABS SHES STON PA NI, CHOS KYI PHUNG PO BRGYAD KHRI DANG, ,ZHES SOGS TSIGS SU BCAD PA GNYIS TE, DE LA CHOS KYI PHUNG PO BRGYAD KHRI BZHI STONG JI SNYED PA KUN GYIS MA GRUB PA 'GRUB PAR BYED PA DANG, GRUB ZIN GNAS PAR BYED PA'I GZHI'AM RTEN LTA BUR GYUR PA'I PHA MA NI, YI GE AE WAm GNYIS SU BSTAN TE, 'DI LTAR DPER NA MA NI PHA RIGS MI 'DRA BA'I THUN MONG GI RKYEN BYED CING, PHA NI RANG GI RIGS KHO NA'I THUN MONG MA YIN PA'I RGYU BYED LA, PHA MA SNYOMS PAR ZHUGS PA LAS BU 'BYUNG BA DE BZHIN DU, YI GE AES MTSON PA'I DBYANGS YIG BCU DRUG NI, GSAL BYED SO SO'I KHOG TU ZHUGS NAS, THUN MONG GI RKYEN BYED PAS MA LTA BUR GYUR PA YIN LA, DE'I @128 PHYIR YI GE AE NI MAR GYUR LA, ,ZHES BRJOD CING, YI GE WA YIS MTSON PA'I GSAL BYED SUM CU RTZA GSUM NI, MING TSIG RNAMS KYI THUN MONG MA YIN PA'I RGYU BYED PAS PHA LTA BU YIN LA, DE'I PHYIR, WA NI PHA ZHES BYA BAR GRAGS, ,ZHES BRJOD LA, WA'I KLAD KOR THIG LE NI, DER DE DBYANGS GSAL PHAN TSUN SBYOR BA MTSON PA YIN LA, DBYANGS GSAL PHAN TSUN SBYOR BA LAS, MING DANG TSIG RNAMS 'BYUNG LA, DE RNAMS 'DUS PA LAS, SHIN TU RMAD DU BYUNG BA SNGON LHA'AM MIR GYUR PA GANG GIS KYANG MA BSKOR BA'I CHOS KYI PHUNG PO BRGYAD KHRI BZHI STONG GI RANG BZHIN GYI CHOS KYI 'KHOR LO 'BYUNG NGO, ,DE'I PHYIR BRDA'I SGO NAS KYANG YI GE GNYIS KYI THABS SHES STON NO, , GNYIS PA DBYIBS KYI SGO NAS BSTAN PA NI, AE NI ZHES SOGS TSIGS BCAD GCIG TE, AE'I DBYIBS GRU GSUM GYIS YUM GYI PAD MA MTSON LA, WA'I DBYIBS ZLUM POS NI YAB GYI RDO RJE MTSON CING, THIG LE LAS YAB YUM PHAN TSUN SBYOR BA DER BYANG CHUB KYI SEMS KYI SA BON 'BYUNG BA MTSON TE, DE LAS 'GRO BA RAB 'BRING RNAM PA GSUM, RAB DE BZHIN GSHEGS PA DANG RIG MA, 'BRING BYANG CHUB SEMS DPA' DANG LHA MO, THA MA KHRO BO RNAMS CHO GA GSUM LAS SKYE ZHES PAS, BSKYED RIM PA'I SPYI DON NO, ,GSUM PA SGRA'I SGO NAS THABS SHES STON PA NI AE NI, SHES RAB CES SOGS TSIGS BCAD GCIG TE, AE'I SGRA LAS DRANGS NA AE KA RA ZHES PA SHES RAB STE, RLUNG GI 'BYUNG KHUNGS LUS KYI KHONG STONG STON LA, RAB DGA' NI RNAM PAR SHES PA YIN LA, DE'I BDAG PO NI RNAM SHES LA DBANG BSKUR BAS @129 RLUNG LA BYA LA, THABS RLUNG DE YANG WA YI SGRA LA DRANGS NAS WA YU NA ZHES PAS STON NO, , THIG LE NI, MI SHIGS PA RLUNG GI RTZA BA AA THUNG STON LA, AA THUNG DE LAS KYANG DBYANGS DANG GSAL BYED KYI YI GE RNAMS SKYE'O, ,DE BAS NA 'DI NI, BRDA'I SGO NAS THABS SHES STON PA'I SNGON DU 'GRO BA YIN TE, DE YANG BDE BAR GSHEGS PA'I SKU LA YE SHES KYI RLUNG BYUNG NAS, DES DBYANGS DANG GSAL BYED KYI RANG BZHIN GYI YI GE RNAMS BSKYED LA, DE DAG PHAN TSUN SBYAR BA LAS, CHOS KYI PHUNG PO RNAMS 'BYUNG BA'I PHYIR RO, ,DE BAS NA BRDA DANG SGRA'I SGO NAS THABS SHES BSTAN PAS GNYIS PO 'DIS, CHOS PHUNG BRGYAD KHRI BZHI STONG GI BRJOD BYA, RJOD BYED KUN LA RGYAS BTAB PAS CHOS KYI PHYAG RGYA ZHES BYA STE, DE YANG GSUNG RAB KYI RJOD BYED KUN AE WAm GYIS MTSON PA'I DBYANGS DANG GSAL BYED LAS MA 'DAS PAS, RGYAS BTAB PA YIN LA, BRJOD BYA KUN KYANG DE DAG GIS MTSON PA'I THABS SHES LAS MA 'DAS PAS RGYAS BTAB PA YIN NO, ,DE BAS NA YI GE GNYIS KYI DE KHO NA NYID GANG GIS SHES PA DE NI, SANGS RGYAS NAS SEMS CAN RNAMS LA BSAMS PA JI LTA BA BZHIN CHOS KYI 'KHOR LO BSKOR BAR BYED DO, , GSUM PA MI SHES PA'I NYES DMIGS BSTAN PA NI, 'GRO BA GANG GI ZHES TSIGS BCAD GCIG STE, GONG DU JI SKAD BSHAD PA'I YI GE GNYIS KYI DE KHO NA NYID MI SHES PAR, GSUNG RAB KYI YI GE TZAM RTAG TU 'DON PA DE DAG NI, SANGS RGYAS KYI CHOS RNAMS KYI DON RTOGS PA LAS PHYI ROL DU GYUR TE GSUNG RAB KYI DE KHO NA @130 NYID THABS DANG SHES RAB KYI TSUL SHES PA'I SBYOR BA SPANGS PA'I PHYIR RO, ,DPER NA PHYI ROL PA'I THUB PA DRANG SRONG BZHIN NO, , GNYIS PA MJUG BSDUS TE YI GE GNYIS KYI DE KHO NA NYID LA BSLAB PAR GDAMS PA NI, AE WAm ZHES SOGS TSIGS BCAD GNYIS TE, SPYIR MDO RGYUD KUN GYI LUS RNAM GZHAG NI GLENG GZHI YIN LA, GLENG GZHI'I DON YANG AE WAm GYIS BSTAN PAS DE'I PHYIR MDO RGYUD KYI DAM CHOS RNAMS BSTAN PA'I THOG MAR AE WAm RAB TU BSHAD DO, ,SU ZHIG GIS BSHAD CE NA, AE WAm YIG GNYIS KYIS MTSON PA'I THABS DANG SHES RAB GNYIS SU MED PA SGYU MA LTA BU'I ZUNG 'JUG GI SKUS DER BZHUGS PA'I THAMS CAD MKHYEN PAS SO, ,GANG GI PHYIR STON PA SANGS RGYAS NYID KYANG, YIG GNYIS KYIS MTSON PA'I THABS SHES GNYIS LA BZHUGS SHING, BSTAN PA DAM CHOS KYI BRJOD BYA RJOD BYED KUN KYANG YIG GNYIS KYIS MTSON PA'I THABS SHES GNYIS SU GNAS PA DE BAS NA, BRGYA BYIN LHA'I BDAG CES BOS NAS, GAL TE RTAG PA'I GNAS TE, GANG THOB NA MI 'GYUR BA SANGS RGYAS THOB PAR 'DOD NA, YIG GNYIS KYIS MTSON PA'I THABS SHES GNYIS MED SGYU MA LTA BU RGYUN DU DRAN PAR BYA ZHING, DE STON PA'I DAM CHOS LA GUS PA CHEN POS BLA MAR GYIS SHIG CES GDAMS PA'O, ,GNYIS PA BDAG GIS THOS PA SOGS 'CHAD PA NI, BDAG GI THOS PA ZHES SOGS KYI RDO RJE'I TSIG RNAMS KYI DON YANG, LHA'I DBANG POS ZHUS PA'I RGYUD DE NYID LAS BSTAN TE, JI SKAD DU, 'KHOR LO SPRUL PA'I NGO BO LA, ,BDAG GIS THOS @131 PA ZHES GSUNGS TE, ,SA BON NGO BO GANG SPRUL PA, ,LHA RNAMS KYIS NI 'KHOR LO MCHOG ,MCHOG TU DGA' BA'I DUS GANG YIN, ,DUS GCIG NA ZHES BSHAD PA YIN, , DBANG PHYUG BRGYAD KYIS BCOM LDAN 'DAS, ,BDE BA CHEN PO'I GNAS LA BZHUGS, , 'DI YI PHUNG PO LNGA RGYAL BA, ,DE BZHIN GSHEGS PA THAMS CAD YIN, ,DE YI BDAG NYID SKU GSUNG THUGS, ,RDO RJE SNYING 'DIR BDE CHEN PO, ,BTZUN MO LEGS SBYANG PHYAG RGYA STE, ,LEGS SBYANGS PAD MA BHA GA YIN, ,BZHUGS PA RDO RJE 'DZIN PA DER, , THIG LE'I GZUGS KYIS GNAS PA'O, ,ZHES GSUNGS TE, DE LA BZHUGS ZHES DRANG, SU ZHIG CE NA BCOM LDAN 'DAS ZHES TE, DBANG PHYUG BRGYAD LDAN GYI BCOM LDAN 'DAS RDO RJE 'CHANG CHEN PO'I NGO BO SGRUB PA PO BDAG NYID DO, ,DE YANG JI LTA BU ZHIG ZHE NA, DBANG PO GNYIS SBYOR GYI BDE BA CHEN PO'I GNAS LA BZHUGS PA'O, ,GANG LA BZHUGS ZHE NA, BTZUN MO'I BHA GA ZHES TE, BTZUN MO NI SME SHA CAN LA SOGS PA'I BU MO'O, ,DBANG BSKUR BA SOGS KYIS LEGS PAR SBYANGS PA'I PHYAG RGYA STE, BHA GA NI DE'I PADMA BYIN GYIS RLOBS PAS LEGS PAR SBYANGS PA YIN LA, DE LA ZHUGS ZHES PA'O, ,DUS NAM GYI TSE NA, DUS GCIG NA ZHES TE, DBANG PO GNYIS SBYOR GYI MCHOG TU DGA' BA LHAN SKYES KYI BDE BA NYAMS SU MYONG BA'I DUS GCIG NA'O, ,TSUL JI LTAR BZHUGS ZHE NA, YUM GYI BHA GA DER RDO RJE 'DZIN PA RANG NYID THIG LE'I GZUGS KYIS YI GE 'BRU GSUM GYI DBYIBS SU GNAS TE BZHUGS SO, , CI'I PHYIR THIM PA'I GZUGS KYIS BZHUGS ZHE NA, DE BZHIN GSHEGS PA THAMS @132 CAD KYI SKU DANG GSUNG DANG THUGS KYI SNYING PO ZHES TE, SGRUB PA PO 'DI'I PHUNG PO LNGA NI RGYAL BA LNGA'I BDAG NYID YIN PAS, DE BZHIN GSHEGS PA THAMS CAD YIN LA, DE'I BDAG NYID KYI LUS NGAG YID GSUM NI SKU GSUNG THUGS ZHES BRJOD LA, RDO RJE SNYING PO NI SNYOMS PAR 'JUG PA'I DUS 'DIR, PHUNG PO KHAMS DANG SKYE MCHED DE DAG 'DOD CHAGS CHEN PO'I MES BZHU STE, KHAMS BYANG CHUB KYI SEMS BDE BA CHEN PO'I NGO BOR BHA GAR BABS PAS, THIG LE'I GZUGS KYIS GNAS ZHES BRJOD DO, , THIG LE'I GZUGS SU GNAS PA DES CI ZHIG BYA ZHE NA, BDAG GIS THOS PA ZHES TE, LHA'I 'KHOR LO SPRUL PA LA BDAG GIS THOS PA ZHES GSUNGS TE, KHAMS BYANG CHUB SEMS KYI SA BON GYI NGO BO LAS YUM GYI BHA GA LHA SUM CU RTZA GNYIS KYI 'KHOR LO CHO GA GSUM LAS BSKYED CES PA'O, ,'DIS NI SNGAR YI GE'I DON DU BSHAD PA'I RNAL 'BYOR BZHIS BSKYED PA'I GTZO BO DE NYID, PHYAG RGYA 'DU BYAS TE SNYOMS PAR ZHUGS PA LAS, PHYAG RGYA'I CHOS 'BYUNG DU LHA SUM CU RTZA GNYIS CHO GA GSUM GYIS BSKYED PA STON TO, ,THIG LE'I 'BRU GSUM GYI DBYIBS SU GNAS PA CIS SHES ZHE NA, DE LHA MO BZHIS ZHUS KYI LUNG GIS BSGRUB PA NI, CHA GNYIS PA NI DGU PA NYID DU BSHAD, SUM CU BCU PA LNGA'I SA BON NYID, ,CHA GNYIS LNGA PA DRUG TU PHYE BA LAS, ,'BYUNG BA 'DI NI THIG LE YIN ZHES BSHAD, ,CES TE, CHA GNYIS PA NI A'A RING PO'O, ,DGU PA NI MA NING GI DBYANGS DOR BAS DBYANGS DGU PA AO'O, ,DE GNYIS MTSAMS SBYAR BAS AO 'GRUB PO, ,SUM CU BCU PA NI BCU TSAN GSUM DANG GSUM TE, GSAL @133 BYED SUM CU RTZA GSUM PA HA LA BYA'O, ,LNGA PA'I SA BON NI SDE BA LNGA PA'I THA MA MA STE, DE NYID AO'I KLAD KOR DU SBYAR BAS AOm 'GRUB BO, ,CHA GNYIS PA NI A'A: TSEG DRAG CAN NO, ,LNGA PA NI SDE PA LNGA PA MA'O, ,DRUG PA NI DBYANGS DRUG PA A'U RING PO STE, DE HA'I KHOG TU BCUG STE MA KLAD KOR DU SBYAR BAS H'Um 'GRUB PO, ,DE LTAR 'BRU GSUM GYI DBYIBS SU BYANG CHUB KYI SEMS YUM GYI BHA GAR 'BYUNG BA 'DI NI, THEG LE YIN ZHES BSHAD, CES PA'O, ,GSUM PA BZHUGS PA'I TSIG DE NYID RDO RJE PHRENG BA'I LUNG GIS SBAS DON DU BSHAD PA NI, BZHUGS PA'I TSIG 'DI DAG LA, SAm SKRi TA'I SKAD LA, YI GE BZHI BCU THAM PA YOD CING DE DAG YI GE RE RE LA YI GE GZHAN BSNAN PA'I NGES TSIG GIS BSHAD PA NA, 'OG NAS 'BYUNG BA'I TSIGS BCAD RNAMS KYIS TSIG SNA RE RE STON LA, DES TSIG GZHAN RNAMS SHUGS LA DRANGS PA'I TSUL GYIS SKABS GYI DON STON PA YIN NO, ,DE LA YI GE BZHI BCUS SNA DRANGS PA'I TSIGS BCAD BZHI BCUS SBAS PA GSUM KA STON LA, LUS DBEN DANG, NGAG DBEN, SEMS DBEN GYI SNGON 'GRO YIN PAS DER 'DUS LA, YI GE NYI SHU RTZA LNGAS SEMS GSUM GYI SBAS PA STON CING, DE LA YANG, YI GE LNGAS LUS DBEN STON CING, GCIG GIS NGAG DBEN STON LA, BCU DGUS SEMS DBEN STON NO, ,YI GE BCU BZHIS KUN RDZOB SPYOD PA DANG BCAS PA STON CING, YI GE GCIG GIS 'DOD CHAGS CHOS SBAS STON NO, ,DE DAG KYANG DON GYI DBANG GIS GO RIM DKRUGS NAS 'CHAD DO, ,YI GE BZHI BCU PO DE LA DON GNYIS TE, SBAS PA GSUM RGYAS PAR BSHAD PA DANG, DON BSDU BA'O, , @134 DANG PO LA YANG GSUM STE, SEMS GSUM GYI SBAS PA DANG, 'DOD CHAGS CHOS KYI SBAS PA DANG, KUN RDZOB SGYU MA'I SBAS PA'O, ,DANG PO LA YANG LNGA STE, SEMS GSUM GYI NGO BO DANG, ,SEMS GSUM PO GSAL DU 'JUG PA'I GO RIM DANG, SEMS GSUM GYI BYED LAS DANG, SEMS GSUM GYI SGRUB PA DANG, SEMS GSUM GYI RNAM GRANGS SO, ,DANG PO LA YANG GSUM, SNANG BA DANG, SNANG BA MCHED PA DANG, NYER THOB BO, ,DANG PO SNANG BA'I NGO BO NI, ,AE NI SHES RAB DAM PA STE, ,'DOD CHAGS BRAL SOGS SKAD CIG BDAG ,SRID PA GSUM NA YONGS SHES PA'I, ,'DI NI RTZA BAR RNAM PAR BSTAN, ,ZHES TE, AE KA RA NA ZHES PA, RTZA BA ZHES PAR 'GYUR BAS, RTZA BAR RNAM PAR BSTAN ZHES SBYAR, GANG ZHE NA, SHES RAB DAM PA STE SEMS SNANG BA DANG PO 'DI NI'O, ,SNANG BA NI 'BRAS BU BSKYED PA NA MO LTAR 'DOD CHAGS KYI RANG BZHIN 'JAM PO BSKYED PA NA SHES RAB CES BYA'O, , GANG GIS ZHE NA, SRID PA GSUM NA KHYAD PAR YONGS SU SHES PA'I 'DOD CHAGS DANG BRAL BA LA SOGS PA RANG BZHIN SUM CU RTZA GSUM GYI RTZA BA'AM RGYU YIN PAR RO, ,DE DAG NI SKAD CIG THANG CIG YUD TZAM DU SKYE BAS NA SKAD CIG BDAG CES SO, ,GNYIS PA SNANG BA MCHED PA'I NGO BO NI, WAm, 'OD MA SBRENG BA LTAR MDZES SHING, ,CHAGS LA SOGS PA RAB BSKYED LDAN, ,SNANG BA MCHED PAR RNAM PAR SHES, ,MING NI THABS ZHES BYA BA YIN, ,ZHES TE, PA TA WAm ZHES PA 'OD MA SBRENG BA LTAR ZHES PAR 'GYUR BAS, JI LTAR 'OD MA KHONG STONG YIN YANG TSIGS @135 LAS YAL GA LA SOGS PA SKYE BA LTAR, SNANG BA MCHED PA YANG GZUNG 'DZIN GYI RTOG PAS STONG YANG CHAGS PA LA SOGS RANG BZHIN BZHI BCU BSKYED PA'I NUS PA DANG LDAN PA'O, ,SNANG BA MCHED PA DE NI, GZUGS LA SOGS PA'I BYE BRAG SHES PAS RNAM PAR SHES PA ZHES BYA LA, 'BRAS BU BSKYED PAS NA SKYES PA LTAR ZHE SDANG BA'I RANG BZHIN DRAG PO BSKYED PAS NA, MING NI THABS ZHES BYA'O, ,GSUM PA NYER THOB KYI NGO BO NI, MA RIG CHEN RANG NYID RTZA BAS TE, ,LUGS LAS BZLOG PA'I MA RIG PA, , MA RIG PA LAS KYANG 'DI 'BYUNG, ,DE BAS SNANG BA 'BYUNG BA'O, ,ZHES TE, MA HA BI DHA STE, RIG CHEN ZHES PA YIN LA, MA RIG PA LOG PAS NA RIG CHEN RANG NYID NI 'OD GSAL TE, DE NYID RTZA BA'AM RGYU YIN NO, ,GANG GI ZHE NA, 'OD GSAL LAS LDANG BA'I DUS KYI SEMS GSUM LUGS LAS BZLOG PA'I MA RIG PA'O, ,DE MA ZAD, SEMS GSUM 'OD GSAL DU 'JUG PA'I LUGS 'BYUNG GI DUS SU MA RIG PA NYER THOB LAS KYANG 'OD GSAL 'DI 'BYUNG NGO, ,LUGS 'BYUNG GI DUS SU MA RIG PA LAS 'OD GSAL BA 'BYUNG BA DE BAS NA, LUGS BZLOG GI DUS SU, 'OD GSAL LAS MA RIG PA LA SOGS PA'I SNANG BA GSUM 'BYUNG BA YIN NO, ,GNYIS PA SEMS GSUM 'OD GSAL DU THIM PA'I GO RIM BSTAN PA NI, YA, RNAM SHES DANG POR 'GRO BA NI, ,DE MING SNANG BA MCHED PAS TE, ,DE NI STONG PA CHER 'GRO LA, , DE YANG 'OD GSAL BAR 'GRO'O, ,ZHES TE, SEMS GSUM LUGS SU 'BYUNG BA NA, MA RIG PA LAS 'OD GSAL JI LTAR 'BYUNG ZHING, YA TI ZHES PA 'GRO BAS TE, SEMS @136 GSUM 'OD GSAL DU 'JUG PA NA, RNAM SHES DANG PO SNANG BA GANG DU 'GRO ZHING THIM PA DE'I MING NI SNANG BA MCHED PA ZHES BYA LA, MCHED PA DE NI STONG PA CHEN PO MA RIG PAR 'GRO ZHING THIM PAR 'GYUR RO, ,MA RIG PA DE DANG 'OD GSAL BAR 'GRO ZHING THIM PAR 'GYUR RO, ,DE BAS NA, MA RIG PA'I RJES SU 'OD GSAL MNGON DU 'GYUR BAS, MA RIG PA LAS 'OD GSAL 'BYUNG ZHES BRJOD DO, ,SEMS GSUM GYI BYED LAS LA GSUM GYI DANG PO MDOR BSTAN PA NI, SHRU, SNANG BA GSUM GYI MTSAN NYID CAN, ,GANG 'DIR RNAM SHES GSUM THOS PA, ,SEMS CAN KHAMS NI MA LUS PA'I, ,RANG BZHIN RTZA BA 'DI YIN NO, ,ZHES TE, SHRU NI THOS PA TE ZLA BA DANG NYI MA MUN PA LTA BU'I MTSAN NYID CAN GYIS RNAM SHES GSUM SNGAR GONG DU BSHAD CING THOS PA GANG YIN PA DE DAG NI 'DIR SEMS CAN GYI KHAMS PHUNG PO DANG, KHAMS DANG, SKYE MCHED RNAMS MA LUS PA'I RANG BZHIN GYI RTZA BA'AM RGYU YIN TE, DE DAG MA GRUB PA GRUB PA DANG, GRUB ZIN GNAS PA SEMS KYIS BYED PA'I PHYIR RO, , GNYIS PA RGYAS PAR BSHAD PA LA GNYIS, 'PHEN BYED KYI RGYU DANG, RDZOGS BYED KYI RGYU BSTAN PA'O, ,DANG PO NI, BHA 'BYUNG BA 'DI LAS RANG BZHIN YANG, , CHAGS DANG CHAGS MIN LA SOGS PA, ,DE LAS DGE DANG MI DGE LAS, ,DE LAS SKYE BA 'BYUNG BA YIN, ,BHANDA ZHES PA 'BYUNG BA STE 'BYUNG ZHES DRANGS, GANG LAS ZHE NA, SNANG BA GSUM GYI MTSAN NYID CAN RNAM PAR SHES PA 'DI LAS SO, ,GANG ZHIG 'BYUNG ZHE NA, RANG BZHIN RNAMS TE, CHAGS PA DANG, CHAGS PA MED PA LA SOGS @137 PA'I RANG BZHIN BRGYAD CU RNAMS CI RIGS PAR 'BYUNG LA, RANG BZHIN DE DAG LAS KYANG SKYE BA 'PHEN BYED KYI DGE BA'I LAS DANG, MI DGE BA'I LAS 'BYUNG LA, LAS DE DAG LAS KYANG, 'GRO BA LNGA'I SKYE BA RNAMS 'BYUNG BA YIN NO, ,GNYIS PA RDZOGS BYED KYI RGYUR BSTAN PA LA LNGA YOD PA'I DANG PO KHAMS KYI RDZOGS BYED DU BSTAN PA NI, KA SRA BA'I KHAMS DANG CHU NYID DANG, ,DE BZHIN ME DANG RLUNG DAG NI, ,RNAM PAR SHES PAS BLANGS NAS SU, ,SRID GSUM GNAS SU SKYE BAR 'GYUR, ,ZHES TE, KA NA SRA BA'I KHAMS TE, DES MTSON NAS CHU DANG ME DANG RLUNG STE 'BYUNG BA BZHI PO RNAMS RNAM PAR SHES PAS BLANGS SHING YONGS SU GZUNG STE, SA 'OG SA STENG SA BLA'I SRID PA GSUM DU SKYE BAR 'GYUR RO, , GNYIS PA PHUNG PO'I RDZOGS BYED DU BSTAN PA NI, SMIN, 'DI NI PHUNG PO LNGA RNAMS SU, ,'BYUNG BA 'DUS BYAS MTSAN NYID NI, ,GZUGS TSOR 'DU SHES 'DU BYED DANG, ,RNAM SHES DE NYID NI LNGA PA'O, ,ZHES TE, AAS SMIN TE, 'DI'AM 'DIR ZHES PA STE, SNANG BA GSUM GYI MTSAN NYID CAN GYI RNAM SHES 'DI NI, GZUGS NAS RNAM SHES KYI BAR PHUNG PO LNGA'I MTSAN NYID CAN GYI 'DUS BYAS RNAM 'BYUNG BA'I RGYU YANG YIN ZHES PA'O, ,GSUM PA YE SHES KYI RDZOGS BYED DU BSTAN PA NI, SA, MNYAM NYID SO SOR RTOG PA DANG, ,BYA BA GRUB PA NYID DANG NI, ,ME LONG DANG NI CHOS KYI DBYINGS, ,'DI NI RNAM SHES LNGA PO YIN, ,ZHES TE, SA MA DA NA ZHES PA, MNYAM NYID STE, RNAM SHES GSUM PO 'DI NYID NI, MNYAM NYID NAS CHOS KYI DBYINGS KYI @138 BAR RNAM SHES TE YE SHES LNGA'I RANG BZHIN YANG YIN NO ZHES PA'O, ,DE LA GZHI'I GNAS SKABS SU YID KYI RNAM PAR SHES PA NYID YE SHES LNGAR BZHAG STE, DE NYID KYI RANG GI NGO BO GDOD MA NAS RNAM PAR DAG PAS NA CHOS KYI DBYINGS KYI YE SHES SO, , ME LONG LA GZUGS BRNYAN BZHIN DU CHOS THAMS CAD KYI GZUGS BRNYAN CIG CAR SNANG BAS NA ME LONG LTA BU'I YE SHES SO, ,SGO GSUM GYI LAS YONGS SU RDZOGS PAR BYED PAS NA BYA BA GRUB PA'I YE SHES SO, ,PHUNG PO KHAMS DANG SKYE MCHED KYIS BSDUS PA'I CHOS RNAMS MA 'DRES PAR SO SOR 'BYED PAS NA SO SOR RTOG PA'I YE SHES SO, , PHYI NANG GI CHOS THAMS CAD SEMS TZAM DU RO GCIG PAR RTOGS PAS NA MNYAM PA NYID KYI YE SHES SO, ,DE NYID RNAM PAR DAG PA MTHAR PHYIN PA NA, 'BRAS BU'I GNAS SKABS KYI YE SHES LNGAR 'GYUR RO, ,BZHI PA SKYE MCHED KYI RDZOGS BYED DU BSTAN PA NI, MA, YID KYI SKYE MCHED NYID DANG NI, ,MIG DANG DE BZHIN RNA BA DANG, ,SNA DANG LCE DANG LUS RNAMS TE, ,'DI NI SKYE MCHED RNAMS 'BYUNG BA'O, ,ZHES TE, MA NA YID DE, RNAM SHES GSUM PO 'DI NI, YID NAS LUS KYI BAR SKYE MCHED DRUG PO RNAMS 'BYUNG BA'I RGYU YANG YIN NO, ,LNGA PA YUL GYI RDZOGS BYED DU BSTAN PA NI, GA DBANG PO RANG NYID RANG YUL LA, ,'GRO BAR GYUR PA DE DANG DES, ,DBANG PO GANG DANG GANG SPYOD YUL, ,DE DE SNANG BA TZAM NYID DO, ,ZHES TE, GA TSAN YA NA ZHES PA, DBANG PO RANG NYID CES TE, MIG LA SOGS PA'I DBANG PO RANG NYID GZUGS LA SOGS PA'I RANG GI YUL LA 'GRO BAR 'GYUR BA'I DBANG PO DE DANG DE RNAMS DANG, DBANG PO @139 GANG DANG GANG GI SPYOD YUL DU GYUR PA'I GZUGS LA SOGS PA DE DANG DE NI SEMS GSUM GYI SNANG BA TZAM YIN NO, ,GSUM PA SEMS GSUM GYI BYED PA MJUG BSDUS TE BSTAN PA NI, STI, SKYE DANG GNAS DANG 'JIGS PA DANG, ,SRID PA BAR MAR GNAS PA STE, ,JI SNYED 'JIG RTEN GYIS BTAGS PA, ,SEMS KYI RLUNG GI RNAM 'PHRUL LO, ,ZHES TE, SNYIM MA NA, SKYE BAS TE, MNGAL LA SOGS PAR SKYE BA DANG, SKYES NAS MA SHI'I BAR GNAS PA DANG, 'BYUNG BA RIM GYIS THIM STE, 'CHI BA'I 'JIG PA DANG, SKYE SRID 'CHI SRID KYI BAR DU SRID PA BAR CHAD GNAS PAS TE, JI SNYED 'JIG RTEN GYI THA SNYAD BTAGS PA DE DAG SEMS DANG RLUNG GI RNAM 'PHRUL YIN NO, ,BZHI PA SEMS GSUM GYI SGRUB PA LA GNYIS TE, YUL SEMS KYI SGRUB PA DANG, YUL CAN YE SHES KYI SGRUB PA'O, ,DANG PO LA YANG, KUN TU SNANG BA'I SGRUB PA DANG, RANG BZHIN SNANG BAS SGRUB PA GNYIS KYI, DANG PO NI, TAm, DE NI RE RE'I DON SNANG BA, , RLUNG GI BLANGS NAS 'DZIN BYED LA, ,RLUNG DANG LDAN PA'I RNAM SHES NI, ,RTAG TU 'GRO LA ZHON PAR 'GYUR, ,ZHES TE, TAm ME GE NA ZHES PA, RNAM SHES GSUM PO DE NI RE RE'I DON GZUGS LA SOGS PA SNANG BA YANG, BZHON PA RLUNG GI RNAM SHES KYI MTSAN NYID BLANGS NAS DON 'DZIN PAR BYED PA YIN LA, DE BAS NA RLUNG GI ZHON PA DANG LDAN PA'I RNAM SHES NI, RTAG TU GZUGS LA SOGS PA'I YUL RNAMS LA 'GRO BA DANG 'ONG BA GNAS PAR 'GYUR RO, ,ZHES TE, MDOR NA RNAM SHES SNGA MA'I NYER LEN DANG RLUNG GI LHAN CIG BYED RKYEN LAS, SEMS SNANG BA GSUM SKYE BAR 'GYUR @140 RO ZHES PA'O, ,GNYIS PA RANG BZHIN SNANG BA'I SGRUB PA, AE, 'DI NI RLUNG KHAMS CHEN PO STE, ,RNAM SHES GSUM GYI ZHON PA YIN, ,DE YIS RANG BZHIN RTAG TU NI, ,JI LTA JI LTAR 'GRO BAR 'GYUR, ,ZHES TE, AE AA SHVA NA, RLUNG KHAMS CHEN PO ZHES PA STE, RLUNG KHAMS CHEN PO NI ZHON PA YIN NO, ,GANG GI ZHE NA, RNAM SHES GSUM GYI'O, , RLUNG GI ZHON PA CAN GYI RNAM SHES GSUM PO DE YIS RANG BZHIN BRGYAD CU PO JI LTA JI LTAR YUL DANG 'PHROD TSAD DU BSKYED CING 'GRO BAR 'GYUR RO, ,SEMS GSUM RLUNG DANG BCAS PA'I RGYU RKYEN DANG YUL GYI DMIGS RKYEN DANG, DBANG PO'I BDAG PO'I RKYEN LAS RANG BZHIN BRGYAD CU'I RTOG PA SKYE BAR 'GYUR RO, ,ZHES PA'O, ,GNYIS PA SEMS LA DMIGS PA'I SGRUB PA LA GNYIS TE, SNGON 'GRO DANG, DNGOS GZHI'O, , DANG PO LA YANG LUS DBEN DANG, NGAG DBEN GNYIS SO, ,DANG PO LUS DBEN LA YANG BZHI'I, PHUNG PO'I LUS DBEN NI, GA 'GRO BA 'BYUNG BA'I PHUNG PO RNAMS, , SANGS RGYAS LNGA YI BDAG NYID DE, ,MNGON PAR BYANG CHUB RNAM PA LNGA, ,ZHES BYAS RAB TU BSKUL BA YIN, ,GA GHA TI NA, 'GRO BA 'BYUNG BA'I PHUNG PO ZHES TE, MI'I 'GRO BAR 'BYUNG BA'I PHUNG PO LNGA RNAMS NI, SANGS RGYAS LNGA'I BDAG NYID YIN TE, MNGON PAR BYANG CHUB PA RNAM PA LNGAS BSKUL ZHING BSKYED PA YIN PA'I PHYIR RO, ,'DI LTAR, MNGAL DU 'JUG PA'I SNGON ROL DU, 'CHI BA 'OD GSAL MNGON DU GYUR PA NI, DE BZHIN NYID LAS BYANG CHUB PA YIN LA, PHA MA'I KHU KHRAG GNYIS DANG, BAR DO'I RNAM SHES GSUM 'DRES TE YE SHES KYI SA THOB PA NI ZLA BA LAS BYANG CHUB PA'O, , @141 MER MER PO DANG, LTAR LTAR PO'I GNAS SKABS NA, YI GE GSUM GYI DBYIBS SU GNAS PA NI, YIG 'BRU LAS BYANG CHUB PA'O, ,GOR GOR PO DANG, 'KHRANG 'GYUR GYI GNAS SKABS NA, SEMS CAN THAMS CAD DE BZHIN GSHEGS PA'I SNYING PO CAN YIN PAS, RANG RANG GI RIGS KYI MTSAN MA RDO RJE DANG, 'KHOR LO LA SOGS PA'I DBYIBS SU GNAS PA NI, PHYAG MTSAN LAS BYANG CHUB PA'O, ,RKANG LAG 'GYUS PA DANG, MIG LA SOGS PA'I DBANG PO DANG, NYING LAG SOGS GRUB PA NI SKU RDZOGS PAR BYANG CHUB PA YIN NO, ,DE BAS NA PHUNG PO LNGA NI MNGON PAR BYANG CHUB PA LNGAS BSKYED PAS RGYAL BA LNGA'I BDAG NYID YIN LA, DE DAG RE RE YANG LNGA LNGAR PHYE NAS DE BZHIN GSHEGS PA LNGAR BSGOM MO, ,GNYIS PA KHAMS KYI LUS DBEN NI, WAN, RLUNG DANG ME DANG CHU DANG SA, ,SPYAN LA SOGS PA BZHI PO STE, ,YE SHES BDAG NYID CAN GSUM DU, ,SHES BYA SANGS RGYAS BYANG CHUB STE, ,ZHES TE, WA YU NA RLUNG STE, DES MTSON PA'I ME DANG CHU DANG SA STE 'BYUNG BA BZHI NI YE SHES BDAG NYID CAN GSUM STE, SEMS GSUM GYI BDAG NYID DU SHES PAR BYA LA, SEMS KYI RANG BZHIN GYI 'BYUNG BA BZHI PO DE'ANG SPYAN MA M'A MA KI LA SOGS PA LHA MO BZHI'I NGO BO YIN LA, DE DAG RE RE YANG LNGA LNGAR PHYE STE, DE BZHIN GSHEGS PA LNGA LNGAR BSGOMS PAS, 'BRAS BU SANGS RGYAS KYI BYANG CHUB STER RO, ,GSUM PA SKYE MCHED KYI LUS DBEN NI, SA, THAMS CAD DE BZHIN GSHEGS PA'I SKU, ,PHYAG RGYA BZHIS NI RGYAS BTAB CING, , MIG LA SOGS PA'I BDAG NYID DER, ,SA SNYING LA SOGS RGYAL SRAS SO, ,ZHES TE, @142 SARBA NI THAMS CAD NI, PHYAG RGYA BZHI NI 'BYUNG BA BZHI STE, DES RGYAS BTAB CING BSKYED PA'I LUS 'DI'I PHUNG PO LNGA PO THAMS CAD DE BZHIN GSHEGS PA LNGA'I SKU'I RANG BZHIN YIN LA, MIG LA SOGS PA'I BDAG NYID KYI SKYE MCHED LNGA PO DOR TE, DE DAG KYANG SA'I SNYING PO LA SOGS PA'I RGYAL SRAS LNGA'I RANG BZHIN YIN LA, DE DAG RE RE YANG LNGA LNGAR PHYE NAS, DE BZHIN GSHEGS LNGA LNGAR BSGOM MO, ,BZHI PA LA YUL GYI LUS DBEN NI, TA, DBANG PO DE YI LAM NAS NI, ,SGRUB PA POS NI YUL THOB PA, ,RANG BZHIN DE RNAMS MA LUS PAR, ,TSIM PAR BYA PHYIR DBUL BAR BYA, ,ZHES TE, TAD NA DBANG PO STE, MIG LA SOGS PA'I DBANG PO DE DANG, DE'I LAM NAS, SGRUB PA POS NI, GZUGS LA SOGS PA'I YUL THOB PA'I RANG BZHIN DE RNAMS MA LUS PAR, RGYAL SRAS LNGA'I RANG BZHIN GYI DBANG PO LNGA PO DE RNAMS TSIM PAR BYA BA'I PHYIR, LHA MO LNGAR BSGOM TE DBUL BAR BYA'O, ,DE LTAR NA PHUNG PO LNGA, KHAMS BZHI, SKYE MCHED LNGA, YUL LNGA RNAMS LNGA LNGAR PHYE BAS DGU BCU RTZA LNGAR 'GYUR LA, DE'I STENG DU YE SHES LNGA DE BZHIN GSHEGS PA LNGAR BSGOM PA BSNAN PAS RIGS BRGYAR BSGOM PA BSTAN TO, , THA MAL PA'I LUS LHAR BSGOM PA LA RTZOD PA SPONG BA NI, THA MAL BA'I LUS LA YE SHES KYI RANG BZHIN GYI LHA'I SKU DE DAG 'GOD PA MI 'GAL LAM ZHE NA, MI 'GAL TE, TA, DE DANG DE YI RIGS BYUNG BA'I, ,LHA DANG LHA MO THA DAD PA, ,DE NI YOD MIN DE MED KYANG, ,'GRO BA'I DON PHYIR STON PA YIN, ,ZHES TE, TYAD DE, DE @143 DANG DE YI RIGS ZHES PA, RNAM SNANG LA SOGS PA DE DANG DE YI RIGS LAS BYUNG BA'I SA SNYING LA SOGS PA'I LHA DANG, SPYAN MA LA SOGS PA'I LHA MO THA DAD PA DE NI, THA MAL PA'I LUS LA DNGOS SU YOD PA LA YIN ZHING, DE DAG DNGOS SU MED KYANG, DE DAG GI RGYU YIN PAS, DE DAG GI RNAM PAR BSGOM DU RUNG LA, 'GRO BA RNAMS PHUNG PO LA THA MAL DU ZHEN PA BZLOG PA'I PHYIR, LHA DANG LHA MOR STON CING BSGOM PA MI 'GAL LO, ,GNYIS PA NGAG DBEN BSTAN PA NI, YE, GANG YANG KHAMS GSUM SEMS CAN RNAMS, ,SROG DANG RTZOL BA LA BRTEN PA'I, ,GSANG SNGAGS RGYAL PO ZLOS BZHIN DU, ,MI SHES BSAM GTAN KLOG PA YANG, ,ZHES TE, YE DZA BHE TRE ZHES PA, GANG YANG KHAMS GSUM ZHES TE KHAMS GSUM GYI SEMS CAN RNAMS SROG DANG RTZOL BA STE, RLUNG DBYUNG 'JUG GNAS GSUM LA BRTEN PA'I GSANG SNGAGS RGYAL PO 'BRU GSUM NYIN DANG MTSAN DU ZLOS BZHIN DU DE LTAR YIN PAR MI SHES SO, ,SHES NA DE'I MTSAN NYID JI LTA BU YIN ZHE NA, RLUNG 'BYUNG 'JUG GNAS GSUM 'BRU GSUM DU SHES NAS, DE LA RTZE GCIG TU GTAD DE 'BRU GSUM ZLOS PA NYID BSAM GTAN DANG SNGAGS ZLOS PA'I MCHOG YIN PAS, DE LAS GZHAN PA'I BSAM GTAN DANG MCHU DANG RKAN DU SBYAR TE SNGAGS KLOG PA'I NGAG BZLAS SPANGS PA ZHIG GO, DE LTA BU'I MTSAN NYID BLA MA'I DRIN GYIS SHES PAR BYAS NAS, RDO RJE'I BZLAS PA LA BSLAB PAR BYA'O, ,ZHES PA'O, ,GNYIS PA YE SHES KYI SGRUB PA DNGOS LA, MNYAM GZHAG DANG, RJES THOB GNYIS KYI, DANG PO NI, BA, RDO RJE PAD MA MNYAM @144 SBYAR BAS, ,YE SHES GSUM GYI CHA RIG PA, ,BLO LA GOS DANG MA GOS PAS, ,DER NI BDE BAS RTAG TU GNAS, ,ZHES TE, BADZRA, RDO RJE STE, SGRUB PA PO'I RDO RJE DANG, PHYAG RGYA'I PAD MA MNYAM PAR SBYOR BAS, SNANG MCHED THOB GSUM GYI CHA'AM MTSAN NYID RIG PAR 'GYUR TE, BDE BA BSDU BA LA SOGS PA'I MAN NGAG GIS SO, ,BLO STE YE SHES GSUM PO DE'ANG, THABS KYIS MNGON SUM DU MA BYAS PA'I TSE GLO BUR GZUNG 'DZIN GYI DRI MAS GOS PA DANG, RANG GI NGO BO NI SHEL SGONG DAG PA LTAR, GZUNG 'DZIN GYI DRI MAS GOS PA DANG, RANG GI NGO BO NI SHEL SGONG DAG PA LTAR, GZUNG 'DZIN GYI DRI MAS MA GOS PAR GNAS PAS, DBANG PO GNYIS SBYOR GYI GNAS SKABS DER NI, GNYIS SNANG DANG GNYIS DANG BRAL BA'I BDE STONG GI YE SHES NYAMS SU MYONG BA RTAG TU GNAS SO, ,GNYIS PA MNYAM PAR MA BZHAG PA'I SGRUB PA NI, THA, DE BAS GNYIS MED MTHONG BA YI, ,RNAL 'BYOR PAS NI YE SHES GSUM, ,MTHONG PHYIR DMAN DANG BAR MA DANG, ,DAM PA'I YUL LA GZHAG PAR BYA, ,ZHES TE, MNYAM GZHAG TU SEMS BDE GSAL RTOGS NAS LANGS PA'I DUS SU JI LAR 'GYUR ZHE NA, THA TA BYA ZHES PA BZHAG CES PA STE, MNYAM GZHAG TU BDE GSAL RTOGS PA DE BAS NA, GNYIS MED MTHONG BA'I RNAL 'BYOR PAS MNYAM GZHAG TU YE SHES GSUM MTHONG BA'I PHYIR, MNYAM GZHAG LAS LANGS PA'I TSE NA YANG DMAN PA DANG, BAR MA DANG DAM PA'I YUL RNAMS DANG, SEMS SNANG MCHED THOB GSUM GYI RANG BZHIN DU BZHAG CING BSGOM PAR BYA'O, ,LNGA PA SEMS GSUM GYI MING GI RNAM GRANGS LA GNYIS KYI DANG PO BCOS MA MA YIN PA'I RNAM GRANGS NI, TZID, SEMS DANG SEMS BYUNG MA @145 RIG PA, ,SHES RAB THABS DANG NYER THOB DANG, ,STONG DANG SHIN TU STONG PA DANG, , STONG CHEN ZHES KYANG RAB TU BRJOD, ,CES TE, TZIR TA ZHES PA SEMS TE, DON NAM YUL LA SEMS PAS NA SEMS TE SNANG BA DANG PO DANG, DE LAS BYUNG BAS NA SEMS BYUNG STE, SNANG BA MCHED PA DANG BLUN PA'I RNAM PAR BYUNG BAS NA MA RIG PA STE NYER THOB DANG, PHRA BA'I RNAM PAR 'DUG PAS NA SHES RAB STE SNANG BA DANG, RAGS PA'I RNAM PAR 'DUG PAS NA THABS TE MCHED PA DANG, SNANG BA DANG PO GNYIS NUB PAS NA NYER THOB BO, ,YANG DGAG BYA DANG BRAL BA'I NGO NAS SEMS GSUM GYI RNAM GRANGS BSTAN PA NI, GZUNG 'DZIN GYI RTOG PA RAGS PA 'GAGS PAS STONG PA NI SNANG BA DANG PO'O, ,BAR MA 'GAGS PAS SHIN TU STONG PA NI MCHED PA'O, ,PHRA BA 'GAGS PAS STONG PA CHEN PO NYER THOB BO, , GNYIS PA, BCOS MA'I MING GI RNAM GRANGS NI, shU, 'DI LA SNANG BA'I DBYE BA LA, THUN MTSAMS NYIN MO MTSAN MO YI, ,'JIG RTEN THA SNYAD BYAS PA YIS, , YE SHES GSUM NI MTHONG PHYIR RO, ,ZHES TE, AE shU, ZHES PA SNANG BA'I DBYE BA STE, SEMS GSUM PO 'DI LA SNANG BA GSAL MI GSAL GYI DBYE BA NI, NYER THOB NI THUN MTSAMS KYI MUN PA LTA GSAL BA'I BYA BA DANG BRAL BAS THUN MTSAMS DANG, MCHED PA NI NYI MA LTAR CHES GSAL BAS NYIN MO DANG, SNANG BA NI ZLA BA LTAR GSAL BAS MTSAN MO ZHES BYA'O, ,DE LTAR 'JIG RTEN NA GRAGS PA'I THA SNYAD BYAS PA YIS, MI MKHAS PA RNAMS KYIS KYANG YE SHES GSUM MTHONG ZHING RTOGS PAR 'GYUR BA'I PHYIR @146 RO, ,RNAM GRANGS GZHAN YANG YOD DE 'DI LTAR, BI, SNA TSOGS PA YI THA SNYAD DAG, 'JIG RTEN PAS NI YONGS BRTAGS PAS, ,DUS GSUM GYI NI DBYE BA YI, ,YE SHES RNAM PA GSUM 'BYUNG NGO, ,ZHES TE, BI TZI TRA NA ZHES PA SNA TSOGS PA'I THA SNYAD DE, SKYES PA DANG, BUD MED DANG, MA NING DANG RTZUB MO DANG 'JAM PO ZHES SOGS SNA TSOGS PA'I THA SNYAD 'JIG RTEN PAS YONGS SU BTAGS PA DANG, MTSAN MO DANG NYIN MO DANG, THUN MTSAMS TE DUS GSUM GYI DBYE BA'I MING GIS MTSON NAS BSTAN PAS, YE SHES RNAM PA GSUM RTOGS SHING GO BA 'BYUNG NGO, ,DE LTAR SEMS GSUM GYI SBAS PA BSTAN NAS, GNYIS PA 'DOD CHAGS CHOS KYI SBAS PA NI, BHA, ROL PAS DGA' BA GANG YIN PA'I, KHRO BO'I RGYAL PO STOBS CHEN RNAMS, ,DE NI PHYOGS MTSAMS NGO BO RU, ,DPUNG PA YAN LAG RNAMS SU BRTAG ,CES TE, AA BHAN TI NA ROL PA STE, 'DOD YON LNGA'AM DBANG PO GNYIS SBYOR BA'I ROL PAS DGA' BA GANG YIN PA LA SPYOD PA'I TSE NA, KHRO BO'I RGYAL PO STOBS CHEN BCU PO DE NI, PHYI ROL DU PHYOGS DANG PHYOGS MTSAMS KYI NGO BO RU BKOD PA DE BZHIN DU, SKABS 'DIR, DPUNG PA LA SOGS PA'I YAN LAG BCU RNAMS SU BTAGS SHING BSGOM PAR BYA'O, , 'DI NI SHIN TU RNAL 'BYOR GYI DUS SU SA BON RNAMS LUS LA 'GOD PA DANG, PHYAG RGYA 'DU BYA BA'I DUS SU PHYAG RGYA'I LUS LA KHRO MO BCU 'GOD PA'I DON YIN PAS 'DOD CHAGS CHOS SBAS STON NO, ,GSUM PA KUN RDZOB SGYU MA'I SBAS PA LA LNGA STE, SGYU LUS KYI NGO BO DANG, SGRUB PA DANG, DE DANG 'BREL BA'I SPYOD PA DANG, SGYU MAS @147 KHYAB PA DANG, SGYU MA RTOGS PA'I PHAN YON NO, ,DANG PO SGYU LUS KYI NGO BO NI, KA SKU GSUM DANG NI THA DAD PAR, ,SKYOB PA YIS NI YANG DAG BSTAN, ,RDZOGS PA'I RIM PA'I SBYOR BA YIS, ,GCIG TU YANG NI 'GYUR BA YIN, ,ZHES TE, KA YA TRI NA, SKU GSUM ZHES TE, LAM GYI SKABS KYI SKU GSUM DAG NI DBEN GSUM SPRUL SKU DANG, SGYU MA LONGS SKU DANG, 'OD GSAL CHOS SKU RNAMS THA DAD PAR RIM GYIS NYAMS SU BLANG BAR BYA BAR, SKYOB PA YIS NI YANG DAG BSTAN LA, RDZOGS PA'I RIM PA ZUNG 'JUG GNYIS SU MED PA'I YE SHES KYI SBYOR BA YIS SKU GSUM DBYER MED ZUNG 'JUG RDO RJE 'CHANG CHEN PO GCIG TU YANG NI 'GYUR BA YIN NO, ,SGYU LUS KYI SKABS SU ZUNG 'JUG BSHAD PA 'GAL LO ZHE NA, 'OD GSAL GYIS SBYANGS MA SBYANGS KYI KHYAD PAR YOD KYANG, SKU'I RNAM PA LA KHYAD PAR MED PAS MI 'GAL LO ZHES BSTAN PA NI, YA, GANG ZHIG SANGS RGYAS SKU MTSAN NYID, ,KUN RDZOB BDEN PA GSUNG PA NI, , DE NYID RDZOGS PA'I SBYOR GYUR PAS, ,'OD GSAL BAS NI RNAM DAG 'GYUR, ,ZHES TE, YA SYA TAm, ZHES GANG ZHIG STE, ZUNG 'JUG GANG ZHIG SANGS RGYAS KYI SKU GSUM DBYER MED PA'I MTSAN NYID CAN TE, KUN RDZOB BDEN PA SGYU LUS 'CHAD PA'I SKABS SU GSUNGS PA NI MI 'GAL TE, KUN RDZOB SGYU LUS DE NYID RDZOGS PA ZUNG 'JUG DE'I SBYOR BAS TE, RGYUR GYUR PA YIN PAS NA, 'BRAS BU DAG PA'I SGYU LUS KYIS MTSON NAS, RGYU MA DAG PA'I SGYU LUS BSTAN PA YIN NO, ,CI'I PHYIR ZUNG 'JUG GI RGYU YIN ZHE NA, KUN RDZOB MA DAG PA'I SGYU LUS DE 'OD GSAL GYI MES SBYANGS TE, SGYUR @148 'DZIN GYI DRI MA RNAM PAR DAG PAR BYAS PA NA, ZUNG 'JUG DAG PA'I SGYU LUS SU 'GYUR BA'I PHYIR RO, ,CI'I PHYIR MA DAG PA'I SGYU LUS SBYANGS PAS ZUNG 'JUG DAG PA'I SGYU LUS SU 'GYUR ZHE NA, RA, BDAG BYIN RLABS CHEN MA GTOGS PA, ,RIN CHEN GZHAN DAG 'DI NA MED, ,ME YIS SBYANGS PA'I NOR BU BZHIN, ,RANG BZHIN 'OD GSAL RNAM DAG PA'O, ,RATNA RIN CHEN TE, RDO RJE 'CHANG CHEN PO'I GZUGS BRNYAN ME LONG GI NANG DU SHAR BA LTA BU'I BDAG BYIN RLABS CHEN TE, KUN RDZOB SGYU MA'I SKU YI RNAM PA MA GTOGS PA RIN CHEN TE YE SHES KYI SKU'I RNAM PA GZHAN DAG ZUNG 'JUG GI SKABS 'DIR NA MED DO, , 'O NA KHYAD PAR GTAN MED DAM ZHE NA, DPER NA ME YIS SBYANGS PA'I GNAS SKABS NA NOR BU STE GSER G-YA' MED LA, MA SBYANGS PA'I GNAS SKABS SU G-YA' DANG BCAS PA YIN KYANG, GNAS SKABS THAMS CAD DU NGO BO LA KHYAD PAR MED PA BZHIN DU SGYU LUS DE LA RANG BZHIN 'OD GSAL GYI MES SGYUR 'DZIN GYI DRI MA RNAM PAR DAG PAR BYAS PA NA ZUNG 'JUG DAG PA'I SGYU LUS SU BZHAG LA, 'OD GSAL GYIS MA SBYANGS PA NA, SGYUR 'DZIN GYI DRI MA YOD PAS MA DAG PA'I SGYU LUS SU BZHAG KYANG, GNYIS KA YANG NGO BO RDO RJE 'CHANG CHEN PO'I SKU'I RNAM PAR KHYAD PAR MED DO, , GNYIS PA SGYU LUS KYI SGRUB PA BSTAN PA NI, WAG TSIG GI LAM GYI YUL 'DI NYID, ,GTZO BO'I YE SHES SKU RANG BZHIN, ,SEMS CAN KUN LA PHAN PA'I PHYIR, , 'JA' TSON BZHIN DU SNANG BA YIN, ,ZHES TE, DE LTA BU'I SGYU MA LTA BU'I SKU DE RGYU GANG @149 LAS GRUB PA YIN ZHE NA, WAG BE TRE NA, ZHES PA TSIG GI LAM STE, NGAG THAMS CAD KYI RTZA BA BYED PAS NA TSIG GI LAM NI RLUNG NGO, ,RLUNG DE'I YUL NI RNAM SHES TE, RLUNG DANG RNAM SHES 'DI NYID TZAM LAS, GTZO BO RDO RJE 'CHANG CHEN PO'I YE SHES KYI SKU'I RANG BZHIN 'OD ZER LNGAS BRGYAN PA'I 'JA' TSON BZHIN DU SNANG ZHING BSKYED PA YIN NO, ,DGOS PA CI'I PHYIR ZHE NA, SEMS CAN KUN LA PHAN PA'I PHYIR TE, 'OD GSAL LAS ZUNG 'JUG DAG PA'I SGYU LUS SU BZHENGS TE, GANG LA GANG 'DUL GYI SPRUL SKUR BSGYUR NAS SEMS CAN GYI DON MDZAD PA'I PHYIR RO, ,GSUM PA DE DANG 'BREL BA'I SPYOD PA LA GSUM STE, DUS DANG, CHO GA DANG, PHAN YON NO, ,DANG PO DUS NI, TYA, RANG BZHIN SNANG BA'I DBYE SHES NAS, ,DE NAS SPYOD PA RAB TU BYA, , LAS KYI LUS NI RNAM SPANGS NAS, ,RDO RJE'I SKU NYID THOB PAR 'GYUR, ,ZHES TE, TYAD TA NA, ZHES PA RANG BZHIN SNANG BA STE, 'OD GSAL MNGON SUM DU BYAS PAS RANG BZHIN RNAMS GLO BUR BA NYID KYIS SEMS SNANG BA GSUM LA MA GOS PA'I DBYE BA SHES NAS SAM YANG NA RANG BZHIN BRGYAD CU'I RTZA BA SEMS SNANG BA GSUM GYI DBYE BA LA BSLAB PA MTHAR PHYIN CING SHES NAS, KUN RDZOB SGYU MA'I SKUR BZHENGS PA'I RJES THOGS DE NAS RIG PA BRTZUL ZHUGS KYI SPYOD PA BYA'O, ,DES PHAN YON CI THOB CE NA, LAS KYIS BSKYED PA'I THA MAL PA'I LUS YONGS SU SPANGS NAS, 'KHOR BA JI SRID MA STONGS KYI BAR DU MI 'JIGS PA'I RDO RJE'I SKU NI 'THOB PAR 'GYUR RO, , GNYIS PA SPYOD PA LA JI LTAR BSLAB PA'I CHO GA NI, HRI, THUGS LA 'JIG @150 RTEN PA RNAMS KYI, ,DON SPYOD BZHAG NAS DE BZHIN GSHEGS, ,KUN RDZOB TU NI SKU SPRUL NAS, ,JI LTA JI LTAR 'DOD PAR SPYOD, ,CES TE, SPYOD PA DE YANG BYA BA'I KHYAD PAR JI LTA BU ZHIG GIS BYA ZHE NA, HRID, ZHES PA THUGS TE, SPYOD PA SLOB PA PO'I THUGS ZHI SOGS KYI DON BYA'O SNYAM PA 'JIG RTEN PA'I DON SPYOD BZHAG NAS RNAM SNANG LA SOGS PA'I DE BZHIN GSHEGS PA'I 'DRA 'BAG DU BZHUGS TE, KUN RDZOB BCOS DANG SPROS MED KYI SGO NAS, JI LTA JI LTAR 'DOD PAR 'DOD YON LNGA LA LONGS SPYOD PA'O, ,BSAM PA GANG GIS 'DOD YON LA LONGS SPYOD CE NA, YA, RNAL 'BYOR DBANG PO GANG GANG 'DOD, ,DE DE THOGS PA MED PAR BYA, ,MNYAM PAR MA BZHAG RNAL 'BYOR GYIS, ,RTAG TU MNYAM PAR 'JOG PAR 'GYUR, ,ZHES TE, YO GA NI RNAL 'BYOR TE, SPYOD PA BYED PA'I RNAL 'BYOR DBANG PO 'DOD YON GANG DANG GANG LA SPYOD PA MED PAR SPYAD PAR BYA STE, DE LTAR SPYAD NA MNYAM PAR MA BZHAG PA 'DOD YON LA LONGS SPYOD PA'I RNAL 'BYOR GYIS KYANG RTAG TU MNYAM PAR 'JOG PAR 'GYUR RO, ,'O NA PHAR PHYIN THEG PA LAS, 'DOD YON LNGA NI DUG GI LO MA LTAR NGAN SONG GSUM GYI RGYUR BSHAD PA DANG, 'DIR 'DOD YON BSTEN PA THAR PA'I LAM DU BSHAD PA 'GAL LO ZHE NA, MI 'GAL TE, GANG ZAG DBANG PO RTUL POS THA MAL PA'I CHAGS ZHEN GYIS 'DOD YON LA SPYAD NA NGAN SONG GI RGYUR 'GYUR BA LA DGONGS @151 NAS, PHAR PHYIN THEG PAR 'DOD YON SPONG BAR GSUNGS LA, DBANG PO RNON POS THA MAL PA'I RNAM RTOG SPANGS TE, RANG BZHIN SHES PA'I SGO NAS 'DOD YON LA LONGS SPYAD PAS THAR PA'I RGYUR GSUNGS PA MI 'GAL LO ZHES STON PA NI, SHID, BKAG PA DAG KYANG BYED PAS NA, ,BYA DANG BYA MIN RNAM SPANGS TE, ,PADMA LA NI 'DAM GYIS BZHIN, ,NGO BO NYID SHES GOS MI 'GYUR, ,ZHES TE, SHI TA NA BKAG PA BYED CES PA STE, SNGAGS KYI THEG PA 'DIR NI PHA ROL TU PHYIN PAR BKAG PA 'DOD YON DAG KYANG CI DGAR LONGS SPYOD PAR BYED PAS NA, 'DI NI BYA'O, ,'DI NI BYA BA MA YIN NO ZHES PA'I BLANG DOR GYI RNAM RTOG SPANGS TE, 'DOD YON GYI NGO BO NYID LHA DANG SEMS GSUM DANG, STONG PA'I RANG BZHIN DU SHES PA'I SGO NAS SPYAD NA NYES PAS GOS PAR MI 'GYUR TE, PAD MA 'DAM LAS SKYES KYANG 'DAM GYIS MI GOS PA BZHIN NO, ,'DOD YON LA SPYAD PAS NYES PAS MI GOS PA'I 'THAD PA GZHAN BSTAN PA NI, HA, RGOD DANG RTZED MOR BYED PA DANG, GAR GYI RO DGUR LDAN PA DANG, ,SNGAGS DANG PHYAG RGYA'I RNAM RTOG PA, ,RDO RJE SEMS DPA'I SPYOD PA'O, ,ZHES TE, HA SA NA RGOD PA STE, GANG GI TSE RNAL 'BYOR PA SPYOD PA BYED PA'I TSE RGOD PA DANG, RTZED MO BYED PA DANG, GAR GYI RO DGU DANG LDAN PAS MAN NGAG GI BRDA DANG, PHYAG RGYA LUS KYI BRDA LA SOGS PA'I SGO NAS THA MA'I RNAM RTOG SPANGS TE NGO BO NYID SHES PA'I SGO NAS 'DOD YON LA LONGS SPYOD PA NI, RDO RJE SEMS DPA'I SPYOD PA YIN PAS SAM, RDO RJE SEMS DPA' THOB PAR BYED PA'I SPYOD PA YIN PAS NYES PAS GOS PAR MI 'GYUR RO, ,GSUM PA @152 SPYOD PA'I PHAN YON BSTAN PA NI, DA, YID BZHIN NOR BU MCHOG BZHIN DU, ,'DOD PA THAMS CAD STER BAR 'GYUR, ,SANGS RGYAS RNAMS KYI PHUN TSOGS KYANG, ,STOBS KYIS BLANGS NAS SPYOD PAR 'GYUR, ,ZHES TE, DA TI NA STER BA'O, ,NGO BO NYID SHES PA'I SGO NAS 'DOD YON LA LONGS SPYOD PA 'DIS NI YID BZHIN NOR BU BZHIN DU PHRIN LAS BZHI DANG, GRUB CHEN BRGYAD LA SOGS PA 'JIG RTEN PA'I 'DOD PA STE, PHUN SUM TSOGS THAMS CAD STER BAR 'GYUR LA, DER MA ZAD SANGS RGYAS RNAMS KYI PHUN SUM TSOGS PA STOBS DANG MI 'JIGS PA LA SOGS PA PHYAG RGYA CHEN PO'I DNGOS GRUB KYANG 'DI NYID LA STOBS KYIS BLANGS NAS SPYOD PAR 'GYUR TE, JI SKAD DU, SPYOD BSDUS LAS, RI DBANG RTZE NAS 'GA' ZHIG LHUNG GYUR NA, ,LTUNG BAR MI 'DOD KYANG NI LTUNG BAR 'GYUR, ,BLA MA'I DRIN GYIS PHAN PA'I LUNG THOB NA, ,GROL BAR MI 'DOD KYANG NI GROL BAR 'GYUR, ,CES GSUNGS PA LTAR RO, ,BZHI PA SGYU MAS KHYAB PAR BSTAN PA NI, DZE, SGYU MA LTA BU'I TING 'DZIN GYIS, ,DNGOS BDAG KUN LAS RNAM PAR ROL, ,SANGS RGYAS MDZAD PA BYED BZHIN DU, ,GTAN LA PHAB PA'I GZHI LA GNAS, ,ZHES TE, SGYU LUS BSGOM PA'I TSE BDAG NYID GCIG PU SGYU MAR BSGOMS MAM ZHE NA, MA YIN GYI DNGOS PO THAMS CAD LA KHYAB PAR BSGOM ZHES PA NI, DZE NA BA STE ROL CES PA'O, ,BDAG NYID RDO RJE 'CHANG CHEN PO SGYU MA LTA BU'I TING NGE 'DZIN LA GNAS NAS, PHYI NANG GI DNGOS PO'I BDAG NYID KUN LA YANG SGYU MAS KHYAB PAR RNAM PAR ROL LO, ,DES NA SGYU MA LTA BU'I TING NGE 'DZIN LA GNAS PA'I RNAL 'BYOR @153 PA NI, JI LTAR SANGS RGYAS DAG PA'I SGYU LUS LA GNAS NAS ZHI SOGS KYIS SEMS CAN GYI DON MDZAD PA BZHIN DU, DNGOS PO THAMS CAD SGYU MAR GTAN LA PHAB PA'I GZHI LA GNAS NAS ZHI SOGS KYIS SEMS CAN GYI DON BYED DO, ,DER MA ZAD LAM THAMS CAD KYANG SGYU MA'I BDAG NYID DU BSTAN PA NI, YO, RNAL 'BYOR LHAG PA'I RNAL 'BYOR DANG, ,RNAL 'BYOR CHEN POR RANG NYID 'GYUR, ,CES TE, YO GA RNAL 'BYOR TE, RNAL 'BYOR DANG, RJES SU RNAL 'BYOR DANG, LHAG PAS TE SHIN TU RNAL 'BYOR DANG, RNAL 'BYOR CHEN PO RNAMS LA YANG SGYU MA'I SKU RANG NYID KYIS KHYAB PAR GNAS SO, ,DER MA ZAD LHA RNAMS LA YANG SGYU LUS KYI KHYAB PAR BSTAN PA NI, RDO RJE CAN DANG MKHA' 'GRO DANG, ,GANG YANG RNAL 'BYOR DE RANG NYID, ,CES TE, RDO RJE CAN NI DE BZHIN GSHEGS PA LNGA'O, ,MKHA' 'GRO NI RIG MA LHA MO RNAMS SO, , RNAL 'BYOR NI BYANG CHUB SEMS DPA' DANG KHRO BO RNAMS TE, DE LTA BU'I LHA'I DKYIL 'KHOR RNAMS LA YANG SGYU MA'I SKU RANG NYID KHYAB PAR GNAS SO, ,LNGA PA SGYU LUS RTOGS PA'I PHAN YON NI, BHA, YON TAN BRGYAD DANG NYER LDA PAS, ,SEMS CAN THAMS CAD RIG 'GYUR ZHING, ,'JIG RTEN KHAMS NI MA LUS PAR, ,BDAG NYID YE SHES LUS KYIS SPYOD, ,CES TE, SGYU LUS BSGOMS PAS YON TAN CI ZHIG THOB CE NA, BHA DHA STE LDAN PA ZHES TE, SGYU LUS 'OD GSAL GYI MES SBYANGS TE, DAG PA'I SGYU LUS MNGON DU GYUR PA NA, GZUGS PHRA BA DANG REG PA YANG BA LA SOGS PA 'JIG RTEN PA'I DBANG PHYUG BRGYAD DANG, SKU'I DBANG PHYUG SOGS 'JIG RTEN LAS 'DAS @154 PA'I DBANG PHYUG BRGYAD DANG NYE BAR LDAN PAS SEMS CAN THAMS CAD KYI KHAMS DANG BSAM PA DANG BAG LA NYAL NI JI LTA BA BZHIN DU RIG PAR 'GYUR ZHING, DE'I STOBS KYIS SKAL BA DANG 'TSAM PAR SEMS CAN GYI DON BYA BA'I PHYIR DAG PA DANG, MA DAG PA'I 'JIG RTEN GYI KHAMS MA LUS PAR BDAG NYID YE SHES KYI LUS KYIS RGYU ZHING SPYOD DO, ,'O NA YE SHES KYI LUS CAN GYI RNAL 'BYOR PA DE, GNAS GANG DU GNAS SHING YUL GANG LA LONGS SPYOD CE NA, GE GTZO BO GANG DU RGYU BA YI, ,DE YI KHYIM NI NAM MKHA' NYID, ,BDE BA CHEN PO'I TING 'DZIN GYIS, ,DE NYID DU NI RTAG TU ROL, ,CES TE, GE HA DA TA NA ZHES PA KHYIM STE GTZO BO RDO RJE 'CHANG CHEN PO YE SHES RANG SNANG LAS GRUB PA'I GZHAL YAS KHANG DU GNAS SHING, GANG LA LONGS SPYOD PA'I YUL NI, LHA DANG MI'I BDE BA LAS 'DAS SHING MU STEGS CAN DANG NYAN THOS DANG RANG SANGS RGYAS KYI SNYOMS 'JUG DANG, TING NGE 'DZIN GYI BDE BA LAS 'DAS TE, YE SHES KYI RIG MA BYED PA KHRAG KHRIG BRGYA STONG DU MA DANG LHAN CIG ZAG PA MED PA'I BDE BA CHEN PO'I TING NGE 'DZIN GYIS NAM MKHA' DE NYID DU 'KHOR BA JI SRID MA STONGS KYI BAR DU RTAG TU ROL LO, ,DE LTAR SBAS PA GSUM RGYAS PAR BSHAD NAS MJUG BSDU BA NI, 'GREL CHEN DPAL LDAN 'DUS PA YONGS GSAL BA'I, , BZHUGS PA'I TSIG DON 'DI DAG NI, ,RDO RJE PHRENG BA'I RJES 'BRANGS NAS, ,'JAM PA'I DBYANGS KYIS BSHAD PA YIN, ,ZHES TE, DPAL LDAN 'DUS PA'I BZHUGS @155 PA'I TSIG DON YONGS SU GSAL BAR BYED PA'I TSIGS SU BCAD PA BZHI BCU PO 'DI DAG NI BSHAD RGYUD RDO RJE PHRENG BA LAS, 'JAM DPAL DBYANGS KYI MTSAN CAN GYIS RDO RJE 'CHANG CHEN POS BSHAD PA YIN NO, ,DE LTAR SBAS DON BSHAD NAS BZHI PA BZHUGS PA'I TSIG DE NYID, DGONGS PA LUNG STON GYI LUNG GIS MTHAR THUG DU BSHAD PA NI, DE NYID 'DI SKAD BDAG GI THOS, ,GSAL BA 'GA' ZHIG DUS YIN TE, ,RDO RJE GSANG DBANG BCOM LDAN 'DAS, ,RDO RJE DAM TSIG GSUM GYI MCHOG ,YE SHES DE BZHIN GSHEGS PA KUN, ,YE SHES PHUN TSOGS BSAM MI KHYAB, ,YOD MED GNYIS KA LAS 'DAS PA'I, ,GNAS MED GNAS PA ZHES BYA'O, ,NAM MKHA'I RANG BZHIN 'DI LA NI, ,THAMS CAD MKHYEN PA'I YE SHES BSGOM, ,'GRO SNYING RNAM DAG CES BYA LA, ,THUB PA CHEN PO BZHUGS PAR MDZAD, ,CES TE, DE LA 'DI SKAD BDAG GIS THOS PA'I DUS GCIG NA ZHES PA NI, TSIG RKANG PA DANG PO GNYIS KYIS BSTAN TE, 'DI LTAR ZUNG 'JUG GI YE SHES DE NI MI BSLU BAS NA DE KHO NA NYID CES BYA STE, DE NI 'DI SKAD DAM AE WAm ZHES PAS BSTAN TO, ,ZUNG 'JUG DE MNGON DU GYUR PA NI, BDAG GIS THOS ZHES PAS BSTAN TE, DUS NAM GYI TSE MNGON DU GYUR ZHE NA, GSAL BA 'GA' ZHIG NI 'OD GSAL YIN LA, 'OD GSAL MTHAR PHYIN PA'I DUS GCIG NA MNGON DU GYUR CES SO, ,BCOM LDAN 'DAS DE BZHIN GSHEGS PA THAMS CAD KYI SKU DANG GSUNG DANG THUGS KYI SNYING PO ZHES PA NI, RDO RJE GSANG DBANG ZHES SOGS TSIGS SU BCAD PA GCIG GIS 'CHAD DO, ,DE DAG GIS NI @156 ZUNG 'JUG GI SKU DE RGYU GANG LAS BYUNG ZHE NA, LUGS LDOG GI SNANG BA GSUM RLUNG DANG BCAS PA LAS BYUNG ZHES STON TE, GSANG DBANG NI RLUNG STE, GSANG BA NI SEMS YIN LA, DE LA DBANG BSKUR BA'I PHYIR RO, ,RLUNG DE NYID MI ZLOG PAR 'BYUNG BAS NA RDO RJE ZHES BYA'O, ,DE LTA BU'I RLUNG DE NYID BCOM LDAN 'DAS ZHES PAS BSTAN TO, , 'OD GSAL DE NYID MI PHYED PAS NA RDO RJE DANG, 'DA' BAR MI BYA BAS NA DAM TSIG STE, DE LAS BYUNG BA'I LUGS LDOG GI SNANG BA GSUM NI SKU DANG GSUNG DANG THUGS KYI SNYING PO ZHES PAS BSTAN TO, ,BSHAD MA THAG PA DE LTA BU'I LUGS LDOG GI SNANG BA GSUM RLUNG DANG BCAS PA LAS, GNYIS SU MED PA'I YE SHES ZUNG 'JUG GI SKU DE 'BYUNG NGO, ,DE NI DE BZHIN GSHEGS PA THAMS CAD CES PAS BSTAN TO, ,CI'I PHYIR ZUNG 'JUG GI SKU DE LA DE BZHIN GSHEGS PA THAMS CAD ZHES BYA ZHE NA, DE NI STOBS DANG MI 'JIGS PA LA SOGS PA SANGS RGYAS KYI YE SHES PHUN SUM TSOGS PA BSAM GYIS MI KHYAB PA DANG LDAN PA'I PHYIR RO, ,RDO RJE BTZUN MO'I BHA GA LA BZHUGS ZHES PA NI, YOD MED GNYIS KA LAS 'DAS ZHES SOGS TSIGS BCAD LHAG MAS STON NO, ,DE LA BZHUGS CES DRANGS, SU ZHIG NA, THUB PA CHEN PO RDO RJE 'CHANG NGO, , GANG LA ZHE NA, 'GRO SNYING RNAM DAG CES BYA LA ZHES TE, 'GRO BA NI SEMS CAN RNAMS SO, ,DE'I SNYING NI GZUNG 'DZIN DU SNANG BA'I SEMS TE, DE RNAM PAR DAG PA'I 'OD GSAL LA BZHUGS CES PA'O, ,DE NI BTZUN MO'I BHA GA ZHES PAS @157 BSTAN TO, ,'OD GSAL LAM BHA GA DE LA TSUL JI LTAR BZHUGS ZHE NA, SPROS PA DANG BRAL BA'I NAM MKHA'I RANG BZHIN GYI 'OD GSAL 'DI LA NI, THAMS CAD MKHYEN PA'I YE SHES RDO RJE 'CHANG CHEN PO DE NYID BRTAG NA MA GRUB PAS YOD PA LAS 'DAS LA, 'JA' TSON LTAR SNANG BA TZAM DU GRUB PAS MED PA LAS 'DAS SHING, YOD MED GNYIS KAR MA GRUB PAS GNYIS KA LAS 'DAS TE, GNAS PA MED PA'I TSUL GYIS GNAS PA'AM, BZHUGS PA ZHES BYA'O, ,'DIS NI 'OD GSAL DANG ZUNG 'JUG GNYIS KA BSTAN PAS NA MTHAR THUG GO ,SBAS DON DANG, MTHAR THUG TU BSHAD PA'I BSDUS PA'I DON NI 'DI YIN TE, DBEN GSUM SGYU MA DANG BCAS PA 'OD GSAL DU BCUG NAS ZUNG 'JUG LONGS SKUR BZHENGS TE, SPRUL SKUR BSGYUR BA RDZOGS RIM PA'I DANG PO'I SBYOR BA BSTAN TO,, GNYIS PA 'KHOR PHUN SUM TSOGS PA DRANG NGES GNYIS SU BSHAD PA LA, BSDUS PA'I DON DANG, YAN LAG GI DON GNYIS KYI DANG PO BSDUS PA'I DON NI, DRANG DON DU BSHAD PA LA, SNGON BYUNG LTAR NA, GANG DANG LHAN CIG THOS PA'I 'KHOR BYANG CHUB SEMS DPA' DANG, DE BZHIN GSHEGS PA'I 'KHOR PHUN SUM TSOGS PA BSTAN TO, ,DE NYID RJES 'JUG GI MNGON RTOGS LTAR NA YUM GYI CHOS 'BYUNG DU CHO GA GSUM GYIS BSKYED PA'I DKYIL 'KHOR GYI LHA RNAMS DRANG DON GYI 'BYIN SNGAGS KYIS PHYI ROL DU SPROS NAS, SPYI DANG KHYAD PAR GYI MDZAD PA MDZAD DE, TSUR BSDUS NAS RANG RANG GI GNAS SU BKOD PA'I BSKYED RIM PA'I DKYIL 'KHOR RGYAL MCHOG @158 BSTAN TO, ,NGES DON DU BSHAD PAS, YE SHES KYI PHYAG RGYA'I CHOS 'BYUNG DU SKAD CIG GIS BSKYED PA'I DKYIL 'KHOR GYI LHA RNAMS NGES DON GYI 'BYIN SNGAGS KYIS PHYI ROL DU SPROS TE, SPYI DANG KHYAD PAR GYI MDZAD PA MDZAD NAS, RANG RANG GI GNAS SU BKOD PA'I ZUNG 'JUG GI DKYIL 'KHOR RGYAL MCHOG BSTAN TO, ,DE YANG DRANG NGES GNYIS KYI LHA GRANGS DANG SKU'I RNAM PA LA KHYAD PAR MED KYANG, DRANG DON GYIS NI BSKYED RIM KUN BTAGS KYI LHA'I 'KHOR LO BSGOM PA YIN LA, NGES DON NI PHUNG PO LA SOGS PA RNAM PAR DAG PA'I BDAG NYID ZUNG 'JUG GI SKU, YE SHES DAG PA'I SNANG LUGS NYID LAS, THA MI DAD PA'I 'KHOR DU SNANG BA 'BYUNG BA'O, , YANG NA STON PA DANG 'KHOR THA DAD DU BSHAD PA'I CHA NAS DRANG DON YIN LA, THA MI DAD DU BSHAD PA'I CHA NAS NGES DON YIN NO, , GNYIS PA YAN LAG GI DON LA GNYIS KYI DANG PO DRANG DON DU BSHAD PA NI, 'DI SKAD BDAG GIS DUS ZHES PA GROGS GANG DANG LHAN CIG THOS ZHE NA, BYANG CHUB SEMS DPA' SEMS DPA' CHEN PO RNAMS DANG LHAN CIG TU THOS ZHES SBYAR RO, ,DE LA BYANG CHUB SEMS DPA' NI, CHAGS BRAL GYI LAM GYIS BYANG CHUB DON DU GNYER BA RNAMS TE, DE LAS KHYAD PAR DU BYA BA'I PHYIR SEMS DPA' CHEN PO ZHES SMOS TE, SEMS DPA' CHEN PO NI, NGO BO NYID SHES PA'I SGO NAS 'DOD YON LNGA SPYAD PAS TSE 'DI NYID LA PHYAG RGYA CHEN PO DON DU GNYER BA RNAMS SO, ,BYANG CHUB SEMS DPA' JI SNYED CIG DANG ZHE NA, GRANGS BRJOD KYIS MI LANG ZHING, GZUGS DANG YON TAN @159 LA SOGS PA TSIG GI YUL LAS 'DAS PAS KYANG BRJOD KYIS MI LANG BA DANG, SANGS RGYAS KYI ZHING DPAG TU MED PA'I RDUL PHRA RAB DANG MNYAM PA RNAMS DANG NGO, , DE DAG GI NANG NAS, GANG GIS LHA'I 'KHOR LO YONGS SU RDZOGS PAR 'GYUR BA'I 'KHOR GYI GTZO BO DE TZAM ZHIG BSTAN PA'I PHYIR, 'DI LTA STE, DAM TSIG RDO RJE DANG ZHES SOGS SMOS TE, DE DAG GI TSIG GI DON NI 'GREL PAR GO SLA'O, ,GNYIS PA NGES DON DU BSHAD PA NI, JI SKAD BSHAD PA'I 'KHOR PHUN SUM TSOGS PA DE DAG GTZO BO LAS THA DAD PA'I RANG RGYUD PA YIN NAM SNYAM NA, MA YIN TE, DE BZHIN GSHEGS PA DANG, BYANG CHUB SEMS DPA' RNAMS DANG, SANGS RGYAS KYI ZHING RNAMS NI RDO RJE 'CHANG CHEN PO NYID KYI YAN LAG GI CHA SHAS SU GYUR PA YIN TE, JI SKAD DU, MDOR NA PHUNG PO LNGA RNAMS NI, ,SANGS RGYAS LNGAR NI RAB TU GRAGS, ,RDO RJE SKYE MCHED NYID DAG KYANG, ,BYANG CHUB SEMS DPA'I DKYIL 'KHOR MCHOG ,CES GSUNGS PA'I PHYIR RO, ,'O NA RANG GI SKU'I CHA SHAS KYI DKYIL 'KHOR BA'I LHAR SPROS PA LA DGOS PA CI YOD CE NA, RDO RJE 'CHANG CHEN PO NYID YIS RANG GI SKU'I CHA SHAS RNAMS RTEN DANG BRTEN PA'I DKYIL 'KHOR DU RNAM PAR SPROS PA NI, DKYIL 'KHOR GYI 'KHOR LO LTA BUS 'DUL BA'I SKYE BO RNAMS DGA' BAR BYA BA'I PHYIR YIN NO, , DE LTAR GLENG GZHI PHUN SUM TSOGS PAS MDOR BSTAN NAS, GZHUNG LHAG MAS DE NYID RGYAS PAR BSHAD PA LA GNYIS TE, GZUNGS KYI DKYIL 'KHOR BSTAN PA DANG, MI BSKYOD PA BSDUS PA'I DKYIL 'KHOR BSTAN PA'O, ,DANG PO LA BSDUS @160 PA'I DON DANG, YAN LAG GI DON GNYIS KYI, BSDUS PA'I DON NI, SNGON BYUNG LTAR NA, STON PA PHUN SUM TSOGS PA YON TAN GYI DBANG PHYUG BRGYAD DANG LDAN PA DES, 'DOD PA'I KHAMS KYI YUL LA CHAGS PA'I SEMS CAN RNAMS 'DOD YON LNGA'I SGO NAS GROL BAR BSTAN PA'I PHYIR 'DOD CHAGS CHEN PO'I TSUL ZHES BYA BA'I TING NGE 'DZIN LA SNYOMS PAR ZHUGS NAS, 'KHOR PHUN SUM TSOGS PA DE DAG NYID KYI THUGS KHAR BSDUS NAS GZUNGS KYI LHA MO DGUR SPRUL TE, ,DE DAG DANG LHAN CIG 'DOD YON LNGA LA LONGS SPYOD ZHIG BSTAN TO, ,RJES 'JUG GI MNGON RTOGS LTAR NA DRANG DON DU BSHAD PAS NI, BSKYED RIM MTHAR PHYIN PA'I RNAL 'BYOR PAS THUN MONG GI DNGOS GRUB SGRUB PA'I DON DU GZUGS KYI LHA MO LNGA DANG LHAN CIG SPROS MED KYI SPYOD PA BYED PA STON LA, NGES DON DU BSHAD PAS NI, RDZOGS RIM PAS MCHOG GI DNGOS GRUB SGRUB PA'I DON DU GZUNGS KYI LHA MO LNGA DANG LHAN CIG SPROS MED KYI SPYOD PA BYED PA BSTAN TO, ,ZHES BLA MA GONG MA 'GOS SDOG DAG BZHED DO, ,GZHAN DAG NI GZUNGS KYI DKYIL 'KHOR NI SNGON BYUNG STON PA'I RNAM THAR TZAM MA GTOGS RJES 'JUG GI MNGON RTOGS LA SBYAR DU MED DO ZHES 'CHAD DO, ,CI'I PHYIR GZUNGS KYI DKYIL 'KHOR ZHES BYA ZHE NA, 'KHOR LHA MO KHO NAS BSKOR BAS NA GZUNGS KYI DKYIL 'KHOR ZHES BYA'O, , GNYIS PA YAN LAG GI DON LA GNYIS KYI DANG PO DRANG DON NI, ZHUGS PAR MDZAD DO ZHES SBYAR RO, ,NAM GYI TSE ZHE NA, GLENG GZHI DE BKOD PA PHUN SUM @161 TSOGS PA RDZOGS PA DE NAS SO, ,GANG ZHIG ZHE NA, DE BZHIN GSHEGS PA'I 'KHOR PHUN SUM TSOGS PA DE DAG THAMS CAD DO, ,GANG LA NA, RDO RJE 'CHANG CHEN PO NYID KYI SKU LA'O, ,TSUL JI LTAR NA, RANG GI SA BON GYI YI GE'I 'OD ZER GYI LCAGS KYUS DRANGS NAS PHUNG PO LA SOGS PA'I NGO BO NYID DU'O, ,CI ZHIG MDZAD NAS ZHE NA, YON TAN GYI DBANG PHYUG BRGYAD DANG LDAN PAS BCOM LDAN 'DAS DE BZHIN GSHEGS PA RDO RJE RNAM PAR SNANG MDZAD CHEN PO GYA NOM LHA'I RNAM PA CAN GYI 'DOD CHAGS 'DU SHES GSUM KYIS THA MAL PA'I 'DOD CHAGS SPANG BA'I PHYIR, CHAGS BRAL GYI SKU SPANGS TE, RDO RJE 'CHANG CHEN PO'I SKUR BDAG NYID SPRUL NAS, DE BZHIN GSHEGS PA THAMS CAD KYI 'DOD CHAGS CHEN PO'I TSUL ZHES BYA BA CHAGS CAN GYI GDUL BYA SMIN CING GROL BAR BYA BA'I DON DU YUL RNAMS LA CHAGS PAR MDZAD PA STE, DE LTA BU'I TING NGE 'DZIN LA SNYOMS PAR ZHUGS NAS SO, ,DE BZHIN GSHEGS PA THAMS CAD RDO RJE 'CHANG CHEN PO'I SKU LA ZHUGS PA DE NAS, DE BZHIN GSHEGS PA DE DAG THAMS CAD MNGON PAR BYUNG BAR GYUR TE ZHES SBYAR RO, ,GANG LAS NA, BCOM LDAN 'DAS RNAM PAR SNANG MDZAD CHEN PO'I SKU LAS SO, ,TSUL JI LTAR NA, NYID KYI SKU SNGAR SKYES PA'I RNAM PAR YOD PA SPANGS NAS, LHA'I BU MO'I RNAM PA CAN GYI BUD MED KYI GZUGS SU MNGON PAR SPRUL NAS SO, ,DGONGS PA CI'I PHYIR DU ZHE NA, BCOM LDAN MCHOG TU DGA' BA'I BDE BAS YONGS SU MNYES SHING TSIM PAR BYA BA'I PHYIR RO, ,DE NYID BSTAN PA'I PHYIR, LA LA NI SANGS RGYAS SPYAN LTA BU'O ZHES SOGS TE GO SLA'O, ,GNYIS @162 PA NGES DON DU BSHAD PA NI, 'DOD CHAGS CHEN PO'I TSUL ZHES BYA BA'I TING NGE 'DZIN LA SNYOMS PAR ZHUGS PA NI, 'DOD CHAGS DANG, 'DOD CHAGS DANG BRAL BA DANG, 'DOD CHAGS BAR MA'I RIM GYIS RNAM PAR DAG PA'I GNAS 'OD GSAL MNGON SUM DU BYA'O SNYAM DU THUGS RTZE GCIG TU MDZAD NAS, DE BZHIN GSHEGS PA'I 'KHOR DE DAG RANG LAS BRGYUD THA DAD PA'I PHYI ROL DU ZHEN PA SPANGS NAS, DE BZHIN GSHEGS PA THAMS CAD LAS YONGS SU SGRUB PA'I SKU BDAG YIN NO ZHES BSTAN PA'I PHYIR, DE BZHIN GSHEGS PA'I 'KHOR DE DAG THAMS CAD NYID KYI SKU LA ZHUGS PAR MDZAD DO ZHES PA'O, ,GZHUNG LHAG MAS BSHAD PA NI SNGA MA BZHIN NO, ,GNYIS PA, MI BSKYOD PA BSDUS PA'I DKYIL 'KHOR LA GNYIS TE, BSDUS PA'I DON NI, SNGON BYUNG LTAR NA, RGYUD NYAN PA'I SKAL BA DANG LDAN PA RNAMS LA RIG PA'I DBANG BSKUR BA'I PHYIR, LHA BCU GSUM GYI RANG BZHIN GYI RTEN DANG BRTEN PAR BCAS PA'I DKYIL 'KHOR TING NGE 'DZIN GYIS SPRUL PA GCIG STON LA, RJES 'JUG GI MNGON RTOGS LTAR NA, DRANG DON DU BSHAD PAS NI BSKYED RIM PA'I GZHAL YAS KHANG BSKYED PA NAS, DKYIL 'KHOR RGYAL MCHOG GI BAR SGRUB THABS RDZOGS PAR STON LA, NGES DON GYIS NI RDZOGS RIM PA'I SGRUB THABS RDZOGS PAR BSTAN TO, ,RJE 'GOS DANG SDOG BLA MA SNGA MA DAG DRANG DON GYI BSKYED RIM PAS THUN MONG GI DNGOS GRUB KYI DON DU BSDUS PA'I DKYIL 'KHOR DU LHA SUM CU RTZA GNYIS DANG LHAN CIG SPROS MED KYI SPYOD PA BYED PAR STON LA, NGES DON GYI RDZOGS RIM PAS, MCHOG GI DNGOS GRUB KYI DON DU BSDUS @163 PA'I DKYIL 'KHOR DU LHA SUM CU RTZA GNYIS DANG LHAN CIG SPROS MED KYI SPYOD PA BYED PA BSTAN TO ZHES 'CHAD DO, ,CI'I PHYIR MI BSKYOD PA BSDUS PA'I DKYIL 'KHOR ZHES BYA ZHE NA, MI BSKYOD PA DKYIL 'KHOR GYI GTZO BOR YOD CING, DKYIL 'KHOR GYI LHA SUM CU RTZA GNYIS LHA BCU GSUM DU BSDUS PA'I PHYIR DE SKAD CES BYA'O, ,'O NA DE BZHIN GSHEGS PA LNGA LAS MI BSKYOD PA KHO NA 'DIR DKYIL 'KHOR GYI GTZO BOR 'JOG PA CI ZHE NA, GZHI'I SKABS SU SEMS CAN GYI RGYUD 'DIR PHUNG PO LNGA'I NANG NAS SEMS NYID GTZO BO STE, JI SKAD DU, CHOS RNAMS SNGON DU YID 'GRO STE, , YID GTZO YID KYI 'GROS CAN YIN, ,ZHES GSUNGS PA LTAR, SGO GSUM GYI LAS THAMS CAD SEMS SNGON DU 'GRO ZHING, SEMS KYI RJES SU 'JUG PA'I PHYIR DANG, GZUGS LA SOGS PA'I CHOS RNAMS KYANG SEMS LAS GZHAN MA YIN PA'I PHYIR RO, , DE'I PHYIR RGYUD DU, RNAM PAR SHES PA NYID KYI RANG BZHIN GYI MI BSKYOD PA NYID DKYIL 'KHOR GYI GTZO BOR BZHAG LA, LAM NYAMS SU LEN PA'I TSE NA RNAL 'BYOR PA RANG GI ME TOG PHOG PA'I LHA GANG YIN PA DE DKYIL 'KHOR GYI GTZO BOR 'GYUR RO, , GNYIS PA YAN LAG GI DON LA MDOR BSTAN, RGYAS BSHAD GNYIS KYI, DANG PO LA GNYIS KYI DRANG DON DU BSHAD PA NI, GZUNGS DKYIL GYI BKOD PA RDZOGS PA'I RJES THOGS DE NAS, BYIN GYIS BRLABS PA STE SPRUL PAR MDZAD DO, ,ZHES SBYAR, GANG GIS NA DE BZHIN GSHEGS PA MI BSKYOD PAS SO, ,GANG ZHE NA, DAM TSIG CHEN PO STE, RDO RJE 'CHANG CHEN PO'I DKYIL 'KHOR DRI MA THAMS CAD DANG BRAL @164 BA'I RDUL MED PA GRU BZHI LA SOGS PA'I YON TAN DANG LDAN PA'O, ,GANG DU ZHE NA, DE BZHIN GSHEGS PA THAMS CAD KYI BTZUN MO'I BHA GA CHOS KYI DBYINGS KYI RANG BZHIN GYI NAM MKHA'I DBUS SU'O, ,DKYIL 'KHOR DE'I KHYAD PAR NI, GZHAL YAS KHANG GI PHYI ROL NA GNAS PA RNAMS KYIS KYANG SHEL GYI NANG DU CHUD PA'I GZUGS LTAR DKYIL 'KHOR GYI LHA RNAMS KYI SKU MTHONG BAS GSAL BA DE'I NGO BO NYID DO, , AINdA NI LA LA SOGS PA RIN PO CHE SNA TSOGS PA'I KHA DOG KHYAD PAR DANG LDAN PAS NA SNA TSOGS GZUGS KYIS KUN TU RGYAS PA'O, ,GZHAL YAS KHANG GI NANG PHYUNG BA'I DKYIL 'KHOR PA'I LHA RNAMS KYIS KHYAB PAS NA SANGS RGYAS SPRIN GYIS KUN TU KHYAB PA'O, ,PHYOGS BCUR KHRO BO'I 'OD ZER GYI TSOGS 'BAR ZHING 'KHRUGS PAS NA 'OD ZER 'PHRO BA MANG PO 'KHRUG PA'O, ,ZLA BA DANG RDO RJE DANG RIN PO CHE LA SOGS PA RANG RANG GI RIGS KYI GDAN DANG LDAN PAS NA GSAL BA LA SOGS DKYIL 'KHOR LDAN NO, ,RNAM SNANG LA SOGS PA DE BZHIN GSHEGS PA RIGS LNGA PO KUN GYIS RTEN YIN PAS NA DE BZHIN GSHEGS PA KUN GYI GNAS SO, ,'DIS NI GZHAL YAS KHANG GDAN DANG BCAS PA BSKYED PA BSTAN TO, ,GZHAL YAS KHANG BSKYED PA'I RJES THOGS DE NAS, BZHAG PAR GYUR TO ZHES SBYAR RO, ,SU ZHIG NA, BCOM LDAN 'DAS SO, , GANG DU NA, SNGAR BSHAD PA'I DAM TSIG CHEN PO'I DKYIL 'KHOR GYI DBUS SU'O, , 'DIS NI LHAG MOS BSGOM PA BSTAN TO, ,LHAG MOS BSGOM PA'I RJES THOGS DE NAS ZHUGS SO ZHES SBYAR, GANG LA NA BYANG CHUB KYI SEMS RDO RJE THUGS LA'O, ,GANG @165 ZHUGS NA, DE BZHIN GSHEGS PA MI BSKYOD PA LA SOGS PA'O, ,'DI NI LHAG MOS LUS LA BSDU BA BSTAN TO, ,GNYIS PA DE NYID NGES DON DU BSHAD PA NI, BYIN GYIS BRLABS TE 'JOG PAR MDZAD DO, ,GANG GIS NA, DE BZHIN GSHEGS PA MI BSKYOD PAS ZHES TE, MI BSKYOD PA NI SEMS GSUM GYI RANG BZHIN GYI RNAM PAR SHES PA YIN LA, DES SO, ,GANG ZHIG CE NA, RLUNG SEMS TZAM LAS GRUB PA'I SGYU MA LTA BU'I SKU DE NYID DO, ,GANG DU ZHE NA, DAM TSIG CHEN PO'I DKYIL 'KHOR RDUL MED PA GRU BZHIR ZHES TE, 'DA' BAR MI BYA BAS NA DAM TSIG CHEN PO, SNYING PO LEN PAS NA DKYIL 'KHOR, SGRIB GNYIS KYI DRI MA MED PAS NA RDUL MED PA, KUN NAS MNYAM PAS NA GRU BZHI PA STE 'OD GSAL LO, ,DAM TSIG CHEN PO'I DKYIL 'KHOR DE GANG YIN ZHE NA, DE BZHIN GSHEGS PA THAMS CAD KYI BTZUN MO'I BHA GA ZHES TE, DE BZHIN GSHEGS PA THAMS CAD NI GZUGS LA SOGS PA'I PHUNG PO RNAMS YIN LA, DE DAG GIS BRTEN CING BZHUGS PA'I GNAS SU MDZAD PA'I BTZUN MO NI SHES RAB KYI PHA ROL TU PHYIN PA THAMS CAD KYI STONG PA 'OD GSAL TE, DE NYID SANGS RGYAS RNAMS BSKYED PA'I RGYUR GYUR PAS NA BHA GA ZHES BYA STE, DGONGS PA LUNG STON LAS, SANGS RGYAS RNAMS KYIS GANG BSTEN PA'I, ,SAR GYUR DE NI BCU GSUM PA, ,DE NI BTZUN MOR YANG DAG BSHAD, ,DAG CHOS BHA GA ZHES BRJOD DO, ,ZHES GSUNGS PA LTAR, DKYIL 'KHOR DE YANG MTSAN NYID JI LTA BU ZHE NA, SHEL LTAR RANG BZHIN GYIS RNAM PAR DAG PAS NA GSAL BA, SNANG BA MED PA'I RANG BZHIN YIN PAS NA DE'I NGO @166 BO NYID DO, ,'OD GSAL LA 'JUG PA DANG LDANG BA'I TSE RLUNG 'OD ZER LNGAS KHYAB PAS NA SNA TSOGS GZUGS KYIS KUN TU RGYAS PA'O, ,'OD GSAL DE NYID DE BZHIN GSHEGS PA KUN GYI BDAG NYID YIN PAS NA SANGS RGYAS SPRIN GYIS KUN TU KHYAB PA'O, ,BSREG CING GDUNG BAR BYED PA KHRO BO'I 'OD ZER DANG 'DRA BA'I RANG BZHIN BRGYAD CU'I RNAM RTOG THIM ZHING 'BYUNG BA'I GNAS YIN PAS NA 'OD ZER 'PHRO BA MANG PO 'KHRUG PA'O, ,ZLA BA'I DKYIL 'KHOR SOGS DANG CHOS MTSUNGS PA'I SNANG MCHED THOB GSUM THIM ZHING 'BYUNG BA'I GNAS YIN PAS NA GSAL BA LA SOGS DKYIL 'KHOR LDAN NO, ,RDO RJE 'CHANG CHEN PO NI DE BZHIN GSHEGS PA KUN GYI BDAG NYID YIN LA, DE'I GNAS YIN PAS NA DE BZHIN GSHEGS PA KUN GYI GNAS SO, , DE LTA BU'I DAM TSIG CHEN PO'I DKYIL 'KHOR 'OD GSAL BA DER BZHAG PAR GYUR TO, ,ZHES PA'I DON NO, ,'DIS NI SGYU LUS 'OD GSAL DU 'JUG PA BSTAN TO, , 'OD GSAL LA ZHUGS PA'I RJES THOGS DE NAS BZHAG PAR GYUR TO, ,ZHES SBYAR, SU ZHIG GIS NA, BCOM LDAN SOGS SO, ,GANG DU NA, DKYIL 'KHOR CHEN PO'I DBUS SU'O, ,'DIS NI 'OD GSAL LAS ZUNG 'JUG LONGS SKUR BZHENGS PA BSTAN TO, , LONGS SKUR BZHENGS PA'I RJES THOGS DE NAS ZHUGS SO ZHES SBYAR, GANG LA NA, BYANG CHUB KYI SEMS RDO RJE'I THUGS LA'O, ,GANG NA MI BSKYOD PA LA SOGS PA'O, , 'DIS NI LONGS SKU GDUL BYA PHAL BA LA MI SNANG BAS SEMS CAN GYI DON BYA BA'I PHYIR, LONGS SKU DE NYID DE BZHIN GSHEGS PA LNGA'I RANG BZHIN GYI SPRUL SKUR BSGYUR @167 BA BSTAN TO, ,GNYIS PA RGYAS PAR BSHAD PA LA BZHI STE, ZIL GNON RDO RJE'I TING NGE 'DZIN DANG, DAM TSIG 'BYUNG BA RDO RJE'I TING NGE 'DZIN DANG, ZHAR BYUNG CHED DU BRJOD PA DANG, TING NGE 'DZIN GYI DKYIL 'KHOR SPRUL PA BSTAN PA'O, ,DANG PO ZIL GNON RDO RJE'I TING NGE 'DZIN BSTAN PA LA GNYIS KYI, DANG PO BSDUS PA'I DON NI, SPYI DON DU BSHAD PAS NI, LHAG MOS MDZAD PA DANG BCAS PA STON PAS, SNGAR MDOR BSTAN DU DRANG DON GYI SKABS SU LHAG MOS BSGOM PA DE NYID RGYAS PAR 'CHAD DO, ,SBAS DON DU BSHAD PAS DKYIL 'KHOR RGYAL MCHOG BSHAD PA SNYOMS 'JUG GI CHO GA DANG GSANG MCHOD KYI SNYOMS 'JUG GI CHO GA BSTAN TO, ,MTHAR THUG TU BSHAD PAS NA SNGAR MDOR BSTAN NGES DON DU BSHAD PA'I 'OD GSAL DE NYID RGYAS PAR 'CHAD DO, ,CI'I PHYIR ZIL GNON RDO RJE'I TING NGE 'DZIN ZHES BYA ZHE NA, LHA RNAMS SKAD CIG TZAM GYIS BSKYED PAS, MNGON BYANG LNGA LAS LHA RNAMS RIM GYIS BSKYED PA ZIL GYIS GNON PAS NA DE SKAD CES BYA'O, ,GNYIS PA YAN LAG GI DON LA GSUM GYI, DANG PO SPYI'I DON DU BSHAD PA NI, GZHAL YAS KHANG GDAN DANG BCAS PA BSKYED PA'I RJES THOGS DE NAS, SNYOMS PAR ZHUGS PAR GYUR TO ZHES SBYAR, SU ZHIG CE NA, BYANG CHUB KYI SEMS RDO RJE, RDO RJE 'CHANG CHEN PO'O, ,GANG LA NA LHA RNAMS SKAD CIG TZAM GYIS BSKYED PAS ZLA BA DANG RDO RJE LA SOGS PA MNGON BYANG LNGA LAS RIM GYIS BSKYED PA ZIL GYIS GNON PAS NA ZIL GNON RDO RJE ZHES BYA BA'I TING NGE 'DZIN LA'O, ,SNYOMS PAR ZHUGS MA THAG TU GZHAL YAS KHANG GI @168 NANG GI NAM MKHA'I DBYINGS THAMS CAD DE BZHIN GSHEGS PA RIGS LNGA PO THAMS CAD KYI RIG PA JI SNYED PA DE DAG THAMS CAD RDO RJE SEMS DPA'I BYIN GYIS BRLABS KYIS TE, 'OD ZER GYI LCAGS KYUS DRANGS TE, DKYIL 'KHOR DU RDO RJE SEMS DPA'I 'JUG PAS ZHUGS TE, RDO RJE SEMS DPA'I GO 'PHANG NYID THOB PAS DE BZHIN GSHEGS PA THAMS CAD KYI BDE BA DANG YID BDE BA THOB PAR GYUR TO, ,GNYIS PA SBAS DON NI, BYANG CHUB KYI SEMS RDO RJE, RDO RJE 'CHANG CHEN PO'I TING NGE 'DZIN LA SNYOMS PAR ZHUGS SO ZHES SBYAR, TING NGE 'DZIN JI LTA BU LA ZHE NA, TING NGE 'DZIN GANG GIS PHUNG PO LA SOGS PA'I NGO BO RNAMS KUN RDZOB BYANG CHUB KYI SEMS KYI RNAM PAS ZIL GYIS GNON CING GCIG TU MDZAD LA, DE NYID RDO RJE LTAR MI PHYED PA YIN PAS NA DE BZHIN GSHEGS PA THAMS CAD KYI ZIL GNON RDO RJE ZHES BYA BA'I TING NGE 'DZIN LA'O, ,SNYOMS PAR ZHUGS MA THAG TU NAM MKHA'I DBYINGS TE, RTZA SBUBS STONG PHRAG BDUN CU RTZA GNYIS KYI KHONG STONG THAMS CAD DE BZHIN GSHEGS PA THAMS CAD KYI RDO RJE'I NGO BOR TE, THABS KYI YE SHES KUN RDZOB BYANG CHUB KYI SEMS KYIS GANG BAR GNAS PAR GYUR TO ZHES PA'O, ,DE NAS SEMS CAN JI SNYED PA STE, PHUNG PO LA SOGS PA DE DAG THAMS CAD RDO RJE SEMS DPA'I BYIN GYIS BRLABS KYIS TE, THABS KYI YE SHES SHAR BAS, DE BZHIN GSHEGS PA ZHES GSOL LO, ,'DIS NI BSKYED RDZOGS KYI RNAL 'BYOR PA GNYIS KYI DKYIL 'KHOR RGYAL MCHOG BSKYED PA DANG, GSANG MCHOD KYI DUS SU PHYAG RGYA DANG SNYOMS PAR ZHUGS PAS, 'DOD @169 CHAGS CHEN PO'I MES KHAMS BYANG CHUB KYI SEMS ZHU BAR GYUR NAS MCHOG TU DGA' BA'I BDE BA MYONG BAR GYUR TO, ,ZHES BSTAN TE, 'DOD CHAGS CHOS KYI SBAS BA'O, , GSUM PA MTHAR THUG NI, SNYOMS PAR ZHUGS ZHES SBYAR, GANG LA NA, PHUNG PO LNGA'I RANG BZHIN GYI DE BZHIN GSHEGS PA THAMS CAD STONG PA NYID DU GCIG PAR MDZAD PAS NA ZIL GYIS GNON PA, DE NYID MI PHYED PAS NA RDO RJE ZHES BYA BA 'OD GSAL BA'I TING NGE 'DZIN LA'O, ,'OD GSAL LA SNYOMS PAR ZHUGS MA THAG TU, NAM MKHA'I DBYINGS TE STONG PA NYID GSUM PO 'DI THAMS CAD DE BZHIN GSHEGS PA THAMS CAD KYI RDO RJE'I NGO BO STE, THAMS CAD STONG PA 'OD GSAL GYI NGO BOR GNAS PAR GYUR TO, ,DE NAS NAM MKHA'I DBYINGS TE, STONG PA NYID GSUM LA GNAS PA'I SEMS CAN STE PHUNG PO LA SOGS PA JI SNYED PA DE DAG THAMS CAD RDO RJE SEMS DPA' STE THAMS CAD STONG PA 'OD GSAL GYI BYIN GYIS BRLABS KYIS ZHES SOGS SO, ,GNYIS PA DAM TSIG 'BYUNG BA RDO RJE'I TING NGE 'DZIN LA GNYIS KYI, BSDUS PA'I DON NI, DRANG DON GYIS NI LHAG MOS BSGOM PA SNGON DU SONG BA'I BSKYED RIM PA'I RNAL 'BYOR PAS, RNAL 'BYOR BZHI LAS, GTZO BO'I SKU BSKYED PA STON LA, NGES DON GYIS NI RDZOGS RIM PAS SGYU LUS 'OD GSAL DU BCUG NAS, LONGS SKUR BZHENGS TE SPRUL SKUR BSGYUR BA BSTAN TO, ,GNYIS PA YAN LAG GI DON LA GNYIS KYI, DANG PO DRANG DON BSHAD PA NI, ZIL GNON RDO RJE TING NGE 'DZIN GYI 'JUG THOGS DE NAS SNYOMS PAR ZHUGS PA'O, ,SU ZHIG NA, BCOM LDAN 'DAS @170 ZHES SO, ,GANG LA NA, DE BZHIN GSHEGS PA THAMS CAD KYI SKU DANG GSUNG DANG THUGS RDO RJE NI YI GE GSUM STE, DE NYID BSKYED RIM PA RNAMS KYIS 'DA' BAR MI BYA BAS NA DAM TSIG DE LAS 'BYUNG ZHING SKYES PA NI LHA YI SKU NI, DE NYID MI PHYED PAS NA RDO RJE'O, ,MDOR NA RNAL 'BYOR BZHI LAS BSKYED PA'I GTZO BO'I SKU LA DMIGS PA'I TING NGE 'DZIN LA'O, ,SNYOMS PAR ZHUGS PAS CI ZHIG MDZAD CE NA, BYIN GYIS BRLABS SO ZHES SBYAR RO, ,GANG ZHE NA, RIG PA CHEN PO NI AOm LA SOGS PA'I GSANG SNGAGS KYI YI GE STE, DES BSKYED PA'I SKYES BU'I GZUGS LHA SKU PHYAG RGYA CHEN PO 'DI'O, , GANG GIS ZHE NA, DE BZHIN GSHEGS PA THAMS CAD KYI SNGAGS AOm LA SOGS PAS BYIN GYIS BRLABS KYIS SO, ,'DIS NI MNGON BYANG LNGA LAS, DANG PO'I MGON PO BSKYED PA BSTAN TO, ,BYIN GYIS BRLABS PA DE JI LTA BU'I RNAM PAR GYUR CE NA, ZHAL GSUM PA LTA BUR DE BZHIN GSHEGS PA THAMS CAD KYIS TE, GDUL BYA RNAMS KYIS GZIGS PA GYUR TO, ,ZHES PA STE, 'DIS SPRUL SKU BSGYUR BA BSTAN TO, ,GNYIS PA NGES DON DU BSHAD PA NI BYIN GYIS BRLABS SO ZHES SBYAR, GANG NA, CHEN PO MCHOG TU TSAD MED DANG, ,MKHAS BRTZON PA YI LAS BDAG NYID, ,SHIN TU RMAD BYUNG BYED PA PO, ,CHEN PO ZHES NI BSHAD PA YIN, ,ZHES TE, CHEN PO'I SGRA NI MCHOG LA YANG 'JUG PAS, DON DAM NI MCHOG YIN PAS, RIG PA CHEN PO NI DON DAM PA'I BDEN PA'O, ,SKYES BU NI KUN RDZOB KYI BDEN PA STE, BDEN GNYIS DE DAG LAS SKYES PA'I RNAM PA THAMS CAD KYI MCHOG DANG LDAN PA'I ZUNG 'JUG RDO RJE 'CHANG CHEN @171 PO NI RIG PA CHEN PO SKYES BU'I GZUGS ZHES BYA STE DE'O, ,TSUL JI LTAR DU BYIN GYIS BRLAB CE NA, DE BZHIN GSHEGS PA THAMS CAD KYI ZHES TE, DE BZHIN GSHEGS PA THAMS CAD KYI PHRA RAB LAS BSGRUBS PA'I BDAG NYID DU BSKYED PA'O, ,SU ZHIG GIS ZHE NA, BYANG CHUB KYI SEMS RDO RJE STE, RDO RJE 'CHANG CHEN POS SO, ,CI ZHIG MDZAD NAS ZHE NA, SKU GSUNG THUGS RDO RJE'I DAM TSIG NI 'OD GSAL YIN LA, DE LAS 'BYUNG ZHING SKYES PA ZUNG 'JUG GI SKU STE, DE NYID MI PHYED PAS NA RDO RJE ZHES BYA LA, DE LA DMIGS PA'I TING NGE 'DZIN LA SNYOMS PAR ZHUGS NAS SO, ,'DIS 'OD GSAL LAS ZUNG 'JUG TU BZHENGS PA BSTAN TO, ,DE NYID SPRUL SKUR BSGYUR BA NI, BYIN GYIS BRLABS MA THAG TU ZHES SOGS SNGA MA BZHIN NO, ,GNYIS PA ZHAR BYUNG CHED DU BRJOD PA BSTAN PA NI, DAM TSIG 'BYUNG BA RDO RJE'I TING NGE 'DZIN GYI RJES THOGS DE NAS CHED DU BRJOD PA 'DIS CHED DU BRJOD DO ZHES SBYAR, GZHAN GYIS MI BSKUL BA RANG NYID DGES BZHIN DU BSNGAGS PAR BRJOD PA NI CHED DU BRJOD PA'O, , SU ZHIG GIS ZHE NA, DE BZHIN GSHEGS PA MI BSKYOD PA LA SOGS PA SNGAR BYANG CHUB KYI SEMS RDO RJE'I THUGS LA ZHUGS PA DE DAG SLAR YANG BCOM LDAN 'DAS RNAM PAR SNANG MDZAD KYI THUGS KAR NAS PHYIR SONG STE'O, ,CHED BRJOD KYI NGO BO NI, AE MA HO ZHES PA NGO MTSAR BA'I TSIG STE, RAB TU BYUNG BA NGO MTSAR CHE'O ZHES PA'O, ,GANG ZHIG RAB TU BYUNG BA ZHE NA, SANGS RGYAS THAMS CAD KYI BYANG CHUB KYI SEMS NI YONGS SU DAG PA DANG, MA DAG PA'I LHA'I SKU RNAM PA GNYIS TE DE DAG GDUL BYA RNAMS KYI @172 RGYUD LA RAB TU BYUNG BA'O, ,CI'I PHYIR NGO MTSAR CHE ZHE NA, BYANG CHUB KYI SEMS GNYIS PO DE NI, DUS GSUM GYI DE BZHIN GSHEGS PA KUN GYI THUN MONG MA YIN PA'I MAN NGAG YIN PAS, SBAS ZHING GSANG BAR BYA BA YIN PA'I PHYIR DANG, RAB TU MI RTOG PA STE RTOG GE LAS 'DAS PA'I PHYIR DANG, GNAS MED PA STE KHAMS GSUM DU MI GNAS PA'I PHYIR RO, ,BLA MA SNGA MA DAG CHED BRJOD 'DIS BSKYED RDZOGS GNYIS KYI DKYIL 'KHOR RGYAL MCHOG BSKYED PA BSTAN GSUNG STE, DON DE GZHUNG 'GREL LAS MI GSAL ZHING, DKYIL 'KHOR RGYAL MCHOG 'OG NAS TING NGE 'DZIN GYI DKYIL 'KHOR SPRUL PAS STON NO, ,MI BSKYOD PA BSDUS PA'I DKYIL 'KHOR 'DI YAN CHAD KYIS RDZOGS PAR 'CHAD PA'ANG MI 'THAD DE, MI BSKYOD PA'I DKYIL 'KHOR DNGOS BSKYED PA 'OG NAS 'BYUNG BA 'DI YIN PA'I PHYIR RO, ,BZHI PA TING NGE 'DZIN GYI DKYIL 'KHOR BSTAN PA LA GNYIS KYI, DANG PO BSDUS PA'I DON NI, SNGON BYUNG STON PA'I RNAM 'PHRUL GYI DBANG DU BYAS NAS, 'KHOR GYI MI BSKYOD PA LA SOGS PA'I DE BZHIN GSHEGS PA RNAMS DGONGS PA GCIG TU 'DUS NAS RDO RJE 'CHANG CHEN PO LA MCHOD PA SNGON DU 'GRO BAS PHYAG 'TSAL NAS, GSANG BA 'DUS PA'I DON LA GSOL BA GDAB PA DANG, BCOM LDAN 'DAS KYI RGYUD KYI DON RTOGS PAR DKA' BAR BSTAN PA DANG, 'KHOR RNAMS KYIS SLAR YANG BSKYAR NAS GSOL BA BTAB PA DANG, BCOM LDAN 'DAS KYIS YE SHES KYI DKYIL 'KHOR SPRUL PAR MDZAD PA BSTAN TO, ,DE NYID RJES 'JUG GI MNGON RTOGS LTAR NA MA 'ONGS PA'I THOS BSAM LA SLOB PA RNAMS GSANG BA @173 'DUS PA'I RGYUD BLA MA LA THOS BSAM BYED PA'I SLOB MAS NI, BYA BA 'DI LTAR GYIS LA ZHUS SHIG SLOB DPON GYIS NI 'DI LTAR GYIS LA SHOD CIG CES STON PA YIN TE, DE SKAD DU YANG 'GREL PA LAS, DA NI MA 'ONGS PA'I GDUL BYA RNAMS LA SLOB DPON DANG SLOB MA'I 'BREL BA BSTAN PA'I PHYIR ZHES GSUNGS SO, ,DE LA SLOB MA'I BYA BA MDOR BSDUS NA GSUM STE, DANG PO LO DANG ZLA BA'I BAR DU LUS NGAG GI SRI ZHUS MNYES PAR BYA BA DANG, DE NAS RIN PO CHE LA SOGS PA'I MCHOD PA DANG, YON PHUL BA DANG, DE NAS RANG GI 'DOD PA'I CHOS ZHU BA'I DON DU GSOL BA 'DEBS PA'O, ,DANG PO GNYIS NI, MCHOD DE PHYAG 'TSAL NAS ZHES PA YAN CHAD KYIS BSTAN TO, ,GSUM PA NI, BSHAD DU GSOL ZHES PA YAN CHAD DO, ,BLA MA'I BYA BA YANG MDOR BSDUS NA GSUM STE, DANG POR SPRO BA BSKYED CING 'DOD PA'I DON LA BRTAG PA DANG, DKYIL 'KHOR BZHENGS TE DBANG BSKUR BA DANG, DE NAS SKAL BA 'TSAM PA'I CHOS BSHAD PA'O, ,DANG PO NI, BYANG CHUB SEMS DPA' GZHAN LTA CI SMOS ZHES PA YAN CHAD DO, ,GNYIS PA NI, GSOL BA BTAB PA DE MKHYEN NAS ZHES PA YAN CHAD KYIS BSTAN TO, ,GSUM PA NI, SHUGS KYIS BSTAN TO, , GNYIS PA YAN LAG GI DON LA BZHI LAS, DANG PO SLOB MA'I BYA BA PHYAG DANG MCHOD PA'I BYA BA SNGON DU 'GRO BAS GSOL BA GDAB PA LA GNYIS KYI, DANG PO DRANG DON DU BSHAD PA NI, CHED BRJOD RDZOGS PA'I RJES DE NAS, BCOM LDAN 'DAS DE BZHIN GSHEGS PA MI BSKYOD PA LA SOGS PA THAMS CAD KYANG DGONGS PA @174 GCIG TU 'DUS NAS, 'DI SKAD CES GSOL TO ZHES SBYAR RO, ,GANG LA ZHE NA, BYANG CHUB KYI SEMS RDO RJE LA'O, ,CI ZHIG BYAS NAS ZHE NA, DE BZHIN GSHEGS PA THAMS CAD KYI ZHES SOGS SO, ,GNYIS PA NGES DON DU BSHAD PA NI, GZHAN RNAMS SNGA MA DANG 'DRA LA, DE BZHIN GSHEGS PA THAMS CAD KYIS MCHOD PA RGYAS PAR SPROS PA ZHES PA NI, GZUGS LA SOGS TE 'DOD PA'I YON TAN LNGA DANG LDAN PAS MCHOD PA LAN MANG DU BYAS PA'O, ,DE KHO NA NYID KYI RIN PO CHE NI BUD MED RIN PO CHE'O, , GSOL GDAB DNGOS NI, BCOM LDAN ZHES BOS NAS, BSHAD DU GSOL ZHES SBYAR RO, ,GANG ZHE NA, 'DUS PA GSANG BA LAS BYUNG BA, ZHES TE, GNYIS GCIG TU GYUR PA NI 'DUS PA STE YI GE'I DON NO, ,RDO RJE DANG PAD MA YANG DAG PAR SBYOR BA NI SPYI'I DON NO, ,SHES RAB DANG THABS YANG DAG PAR SBYOR BA NI 'DUS PA STE SBAS PA'O, ,KUN RDZOB DANG DON DAM PA'I BDEN PA 'DUS PAS NA 'DUS PA, GSANG BA NI 'OD GSAL BA, DE LAS BYUNG BA NI GNYIS SU MED PA'I YE SHES ZUNG 'JUG RDO RJE 'CHANG CHEN PO STE MTHAR THUG PA'O, ,DE NI DE BZHIN GSHEGS PA THAMS CAD KYI 'CHANG CHEN PO STE MTHAR THUG PA'O, ,DE NI DE BZHIN GSHEGS PA THAMS CAD KYI GCIG NAS GCIG TU BRGYUD PA'I GSANG ZHING SBA BAR BYA BA YIN PAS NA DE BZHIN GSHEGS PA KUN GYIS GSANG ZHES BYA'O, ,DE BZHIN GSHEGS PA LNGA PO GCIG TU 'DUS PA'I MTSAN NYID CAN YIN PAS NA, RDO RJE SNYING PO 'DUS PA'I DE NYID CES BYA'O, ,'DIS NI 'DI SKAD STON TE BSKYED RIM NYAN PAR 'DOD PA RNAMS KYIS BLA MA LA DRANG DON GYI MCHOD PA RIN PO CHE LA SOGS PAS MCHOD DE, YI GE'I DON DANG, @175 SPYI'I DON GNYIS KYIS BSKYED RIM GYI DON LA BSHAD PAR GSOL BA 'DEBS PA DANG, RDZOGS RIM NYAN PAR 'DOD PA RNAMS KYIS BLA MA LA NGES DON GYI MCHOD PA BUD MED RIN PO CHE MANG POS MCHOD DE, SBAS DON DANG MTHAR THUG GNYIS KYIS RDZOGS PA'I RIM PA BSHAD PAR GSOL BA 'DEBS PA YIN NO, ,GNYIS PA SLOB DPON GYIS SPRO BA BSKYED CING ZHAL GYIS BZHES PA SNGON DU 'GRO BA'I RGYUD KYI DON RTOGS PA DKA' BAR BSTAN PA NI, DE NAS 'DI SKAD CES BKA' BSTZAL TO ZHES SBYAR, GANG LA NA, DE BZHIN GSHEGS PA THAMS CAD LA'O, ,GANG GIS NA, BYANG CHUB KYI SEMS RDO RJE 'CHANG CHEN POS SO, ,TSUL JI LTAR NA, DE BZHIN GSHEGS PA THAMS CAD CES BOS NAS, DRIS PA'I DON BSTAN PAR BZHED PAS, LEGS SO LEGS SO ZHES ZHAL GYIS BZHES PA'O, ,'ON KYANG ZHES PA NI RNAM PAR BRTAGS PA STE, 'DUS PA'I DON 'DI NI, DE BZHIN GSHEGS PA STE, RIN PO CHE LTA BU'I GANG ZAG DGE BA'I RTZA BA YONGS SU SMIN PA THOS PA'I PHA ROL DU SON PA, SANGS RGYAS NYID MNGON PAR 'DOD CING RIGS NGES PA DE DAG KYANG THE TSOM BSKYED PAR BYED PA YIN TE, 'DUS PA'I DON NI, BLA MA'I MAN NGAG DANG BRAL BA NA, DE RNAMS KYIS YUL MA YIN PA'I PHYIR RO, ,BYANG CHUB SEMS DPA' GZHAN NI TZANDAN LTA BU LA SOGS PA'I GANG ZAG DGE BA'I RTZA BA MA SMIN CING MOS PA DMAN PA RNAMS TE, DE DAG GIS RTOGS PA LTA CI SMOS ZHES PA'O, ,'DIS NI 'DI SKAD STON TE, SPYIR RGYUD 'DI LA MOS PA NI LEGS NA, 'DI'ANG SHIN TU ZAB PAS GO ZHING RTOGS PAR DKA' BA YIN PAS, DA @176 RUNG THEG PA'I TSUL GZHAN LA BSLABS NAS, GZOD 'DIR ZHUGS NA MI RUNG NGAM ZHES BRJOD PAS, RGYUD KHYAD PAR CAN DU DAD PA BSKYED PAR BYED PA'O, ,GSUM PA SLAR YANG 'DOD PA'I DON LA BSKYAR TE GSOL BA GDAB PA NI, RIN PO CHE LTA BU'I GANG ZAG RIGS NGES PA'I GANG ZAG RNAMS KYIS YANG YUL MA YIN NO ZHES PA NGO MTSAR DU GYUR LA, PAD DKAR LTA BU LA SOGS PA RIGS MA NGES PA RNAMS KYIS LTA CI SMOS ZHES RMAD DU GYUR NAS, SLAR YANG BCOM LDAN 'DAS LA 'OG NAS 'BYUNG BA 'DI SKAD CES GSOL TO, ,BCOM LDAN 'DAS ZHES BOS NAS YANG DAG PAR BSTAN DU GSOL ZHES SBYAR RO, ,GANG ZHE NA, DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA STON PAR MI SPRO BA DE'O ZHES TE, SKU GSUNG THUGS KYI GSANG BA NI, RIGS GSUM GYI DAM TSIG DANG SDOM PA LA SOGS PA STE YI GE'I DON NO, ,AOm LA SOGS PA YI GE GSUM NI SPYI'I DON NO, ,YE SHES GSUM PO RANG BZHIN GYI SNANG BA RLUNG GI BZHON PA DANG BCAS PA NI SBAS PA'I DON NO, ,YE SHES KYI RANG BZHIN GYI SKU NI MTHAR THUG GI DON TO, , SU ZHIG LA STON PAR MI SPRO BA ZHE NA, RIN PO CHE LTA BU'I GANG ZAG THOS PA'I PHA ROL DU SON PA LA SOGS PA 'DI LTA BU YON TAN KHYAD PAR CAN LA YANG STON PAR MI SPRO BA DE'O, ,GANG ZAG GANG LA ZHE NA, BCOM LDAN 'DAS DE BZHIN GSHEGS PA THAMS CAD DE, RIN PO CHE LTA BU'I GANG ZAG RNAMS LA'O, ,CI ZHIG MDZAD NAS ZHE NA, DE BZHIN GSHEGS PA THAMS CAD KYIS RDO RJE DAM TSIG 'BYUNG @177 BA'I TSIG GIS BYIN GYIS BRLAB PAR MDZAD CES TE YI GE'I DON NO, ,DE BZHIN GSHEGS PA THAMS CAD KYIS RDO RJE'I DAM TSIG NI SKU RDO RJE LA SOGS PA STE, DE RNAMS 'BYUNG BA'I TSIG NI DE BSKYED PA'I SA BON GYI YI GE AOm LA SOGS PA STE SPYI'I DON NO, ,RDO RJE'I DAM TSIG NI DBANG PO GNYIS SNYOMS PAR 'JUG PA'O, ,DE LAS BYUNG BA'I TSIG NI BYANG CHUB KYI SEMS KYI THIG LE'O, ,DES BYIN GYIS BRLABS PA NI, DBANG BSKUR BAR BYAS PA STE SBAS PA'O, ,RDO RJE'I DAM TSIG NI 'OD GSAL BA'O, , DE LAS BYUNG BA'I TSIG NI STONG PA GSUM STE, DES BYIN GYIS BRLABS PA NI, BCOM LDAN 'DAS KYI GDUL BYA'I SKYE BO'I RGYUD LA LHA SKU RNAM PA GNYIS GSAL BAR MDZAD PA YIN LA, DE STON CIG CES PA STE MTHAR THUG PA'O, ,DGOS PA CI'I PHYIR DU ZHE NA, DE BZHIN GSHEGS PA THAMS CAD KYIS ZHES SOGS SO, , 'DI SKAD BSTAN TE, THEG PA'I TSUL 'DI SHIN TU ZAB CING RTOGS PAR DKA' LA, KHYAD PAR DU GYUR PA NGO MTSAR BA DE BAS NA BSKYED RDZOGS GNYIS KYI DON CIS KYANG BSHAD DU GSOL ZHES BSKYAR TE GSOL BA BTAB PA'O, ,BZHI PA SLOB DPON GYI BYA BA DKYIL 'KHOR SPRUL PA STON PA LA GNYIS KYI, DANG PO SBYOR BA'I TING NGE 'DZIN NI, DE LTAR GSOL BA BTAB PA'I RJES THOGS DE NAS BCOM LDAN 'DAS KYIS GSOL BA BTAB PA DE MKHYEN NAS, DE RNAMS LA DBANG BSKUR BA'I PHYIR, YE SHES KYI DKYIL 'KHOR SPRUL PA'I DON DU, YE SHES KYANG YIN LA SGRON MA YANG YIN PAS NA YE SHES SGRON MA STE YI GE'I DON NO, ,SEMS CAN RNAMS KYI RGYUD @178 LA YE SHES KYI SNANG BAR MDZAD PAS NA MI BSKYOD PA LA YE SHES SGRON MA ZHES BYA STE SPYI'I DON NO, ,RNAM PAR SHES PA GSUM GYI SNANG PAS PHYOGS BCUR SNANG BAR MDZAD BAS SNANG BA GSUM NI YE SHES SGRON MA STE SBAS PA'I DON NO, ,YE SHES NI 'OD GSAL DON DAM PA'I BDEN PA YIN LA, DE NYID SNANG BA MA LUS PA ZIL GYIS MNAN NAS 'JIG RTEN GYI KHAMS MTHA' YAS PA SNANG BAR BYED PAS NA SGRON MA DANG, MI PHYED PAS NA RDO RJE STE, DE SKAD CES BYA BA'I TING NGE 'DZIN LA SNYOMS PAR ZHUGS TE ZHES PA MTHAR THUG PA'O, ,RANG BZHIN GYIS 'OD GSAL BA'I TING NGE 'DZIN LAS BZHENGS NAS NYON MONGS PA LNGAS KHYAB PA'I SEMS CAN GYI KHAMS LA GZIGS TE NYON MONGS PA'I RANG BZHIN YONGS SU SHES PA NYID NI BYANG CHUB YIN LA, DE'I NGO BO NYID NI BDAG YIN NO ZHES MKHYEN NAS, GDUL BYA RNAMS KYI NYON MONGS PA ZHE SDANG RNAM PAR SBYANG BA'I PHYIR ZHE SDANG GI RIGS NI ZHE SDANG RDO RJE YIN LA, DE'I MCHOG GI SNYING PO'I SNYING PO NI SNGAGS TE, 'OG NAS 'BYUNG BA 'DI NYID KYI SKU DANG GSUNG DANG THUGS RDO RJE LAS YANG DAG PAR PHYUNG NGO, ,GANG ZHE NA, BADZRA DHRI CES PA STE, MNGON BYANG LNGA MTSON PA'I RDO RJE RTZE LNGA PA 'DZIN PAR MDZAD PAS NA RDO RJE 'CHANG STE DRANG BA'I DON NO, ,BDEN PA GNYIS KYI BDAG NYID CAN GYI YE SHES KYI RDO RJE 'DZIN PA MDZAD PAS NA RDO RJE 'CHANG STE NGES DON NO, ,'DI PHYUNG MA THAG TU BCOM LDAN 'DAS RNAL 'BYOR BZHIS BSKYED PA RIG PA'I SKYES BU BDEN PA GNYIS KYI BDAG NYID DE NYID MI BSKYOD PA'I PHYAG RGYA CHEN PO DANG DBYER MED PAR SBYOR BA'I THABS KYIS DBUS ZHAL NAG @179 PO, G-YAS ZHAL DKAR PO, G-YON ZHAL DMAR PO'I TSUL DU DE BZHIN GSHEGS PA THAMS CAD KYI SKU GSUNG THUGS RDO RJE, RDO RJE 'CHANG CHEN PO'I SKU GSUNG THUGS RDO RJE LA DBYER MI PHYED PA ZHUGS SO ZHES PA'O, ,'DIS NI DE SKAD BSTAN TE ZIL GNON RDO RJE'I TING NGE 'DZIN DRANG DON DU BSHAD PAS LHAG MOS MDZAD PA DANG BCAS PA BSKYED, DAM TSIG 'BYUNG BA RDO RJE'I TING NGE 'DZIN DRANG DON DU BSHAD PAS LHAG MOS BSDU BA SNGON DU 'GRO BA CAN GYI RNAL 'BYOR BZHI LAS GTZO BO'I SKU BSKYED, YANG ZIL GNON RDO RJE SBAS DON DU BSHAD PAS PHYAG RGYA DANG SNYOMS PAR ZHUGS TE, CHOS 'BYUNG DU LHA SUM CU RTZA GNYIS BSKYED PA DE NYID 'DIR, YE SHES SGRON ME'I TING NGE 'DZIN SPYI DON DU BSHAD PAS, CHOS 'BYUNG GI GTZO BO'I SKU DE NYID DRANG DON GYI 'BYIN SNGAGS KYIS PHYUNG STE, SPROS, BSDUS, GTZO BO LA BCUG STE, ZHE SDANG RDO RJER BSGYUR BA NI, BSKYED RIM PA'I DANG PO'I SBYOR BA'O, ,YANG ZIL GNON RDO RJE MTHAR THUG GI SGYU LUS 'OD GSAL DU BCUG DAM TSIG 'BYUNG BA RDO RJE MTHAR THUG GI 'OD GSAL LAS ZUNG 'JUG TU BZHENGS TE SPRUL SKUR BSGYUR, YANG ZIL GNON RDO RJE SBAS BSHAD KYIS YE SHES KYI PHYAG RGYA DANG SNYOMS PAR ZHUGS TE, CHOS 'BYUNG TU BDE BA'I SNANG BA TZAM LAS SKAD CIG GIS LHA SUM CU RTZA GNYIS BSKYED PA DE NYID, 'DIR YE SHES SGRON MA SBAS DON DANG MTHAR THUG TU BSHAD PAS, CHOS 'BYUNG GI GTZO BO'I SKU DE NYID NGES DON GYI 'BYIN SNGAGS KYIS PHYUNG STE, GTZO BO LA BCUG PAS SPRUL SKU ZHE SDANG RDO RJER BSGYUR BA NI RDZOGS RIM PA'I DANG PO'I SBYOR @180 BA'O, , 'O NA MDOR BYAS SU MI BSKYOD PA DBYUNG BA MAN CHAD DKYIL 'KHOR RGYAL MCHOG TU BSHAD PA DANG, 'DIR MI BSKYOD PA BYUNG BA YAN CHAD DANG PO'I SBYOR BAR BSHAD PAS MI MTHUN NO ZHE NA, SKYON MED DE, SLOB DPON KLU SGRUB KYIS DANG PO'I SBYOR BA NI RANG DON YIN LA, DKYIL 'KHOR RGYAL MCHOG NI GZHAN DON YIN PAR DGONGS NAS, MI BSKYOD PA DBYUNG BA GZHAN DON YIN PAS NA DKYIL 'KHOR RGYAL MCHOG TU BSHAD LA, SLOB DPON ZLA GRAGS KYIS, 'KHOR BSKYED PA'I CHO GA NI DKYIL 'KHOR RGYAL MCHOG DANG, GTZO BO BSKYED PA'I CHO GA NI DANG PO'I SBYOR BA YIN PAR DGONGS NAS, MI BSKYOD 'BYUNG BA YAN CHAD GTZO BO BSKYED PA'I CHO GA YIN PAS DANG PO'I SBYOR BAR BSHAD KYI DON LA MI MTHUN PA MED DO, ,GNYIS PA DKYIL 'KHOR RGYAL MCHOG BSTAN PA LA GNYIS KYI, DANG PO BSDUS DON NI, 'DIR DRANG BA'I DON DANG NGES PA'I DON DANG, SGRA JI BZHIN PA GSUM GYI RIM PA GNYIS KYI DKYIL 'KHOR RGYAL MCHOG GNYIS STON TE, DE YANG SKYE MCHOG GI TING NGE 'DZIN RNAMS DRANG DON DU BSHAD PAS, YUM GYI CHOS 'BYUNG CHO GA GSUM GYIS BSKYED PA'I 'KHOR DE RNAMS, DRANG DON GYI 'BYIN SNGAGS KYIS GTZO BO'I THUGS KHA NAS PHYUNG STE, SPROS, BSDUS, RANG RANG GI GNAS SU BKOD PA SGRA JI BZHIN DU BSHAD PAS BSKYED RIM PA'I DKYIL 'KHOR RGYAL MCHOG BSTAN TO, ,YANG TING NGE 'DZIN RNAMS NGES DON DU BSHAD PAS CHOS 'BYUNG DU BDE BA'I SNANG BA TZAM LAS SKAD CIG GIS BSKYED PA'I @181 'KHOR GYI LHA DE RNAMS NGES DON GYI 'BYIN SNGAGS KYIS PHYUNG STE, SPROS, BSDUS, RANG RANG GI GNAS SU 'GOD PA SGRA JI BZHIN DU BSHAD PAS RDZOGS RIM PA'I DKYIL 'KHOR RGYAL MCHOG BSTAN TO, ,YAN LAG GI DON LA BZHI LAS DANG PO DE BZHIN GSHEGS PA BZHI 'BYUNG BA'I CHO GA NI, GTZO BO PHYUNG BA'I RJES THOGS DE NAS BCOM LDAN 'DAS DAM TSIG 'BYUNG BA RDO RJE'I TING NGE 'DZIN LA SNYOMS PA ZHUGS NAS PHYUNG NGO ZHES SBYAR RO, ,DAM TSIG 'BYUNG BA RDO RJE'I TING NGE 'DZIN DRANG NGES SU BSHAD PA NI SNGAR BSTAN ZIN TO, ,GANG ZHIG CE NA, SEMS CAN GTI MUG CAN RNAMS SBYONG BA'I PHYIR ZHI BA'I TSUL CAN GANG YIN PA NI GTI MUG GI RIGS TE, RNAM PAR SNANG MDZAD YIN LA, DE'I MCHOG GI SNYING PO'I SNYING PO 'OG NAS 'BYUNG BA 'DI'O, ,GANG LAS NA, BCOM LDAN 'DAS NYID KYI SKU LA SOGS PAS SO, ,SNYING PO DE GANG ZHE NA, DZ'I NA DZIG CES TE, RTZIBS BCU GNYIS PA'I CHOS KYI 'KHOR LOS BDUD LAS RGYAL BAS NA RGYAL BA STE DRANG DON NO, ,RDO RJE LTA BU'I TING NGE 'DZIN GYIS BDUD BZHI ZIL GYIS GNON PAS NA RGYAL BA STE NGES DON NO, ,'DI PHYUNG MA THAG TU SPYAN SNGAR TE MDUN DU BZHUGS SO ZHES SBYAR RO, ,GANG GI ZHE NA, SKU GSUNG THUGS RDO RJE, RDO RJE 'CHANG CHEN PO YIN NO, ,TSUL JI LTAR ZHE NA, BCOM LDAN 'DAS RIG PA'I SKYES BU RDO RJE 'CHANG CHEN PO NYID RNAM PAR SNANG MDZAD KYI PHYAG RGYA CHEN PO DANG DBYER MI PHYED PA'I SBYOR BA'I THABS KYIS DBUS ZHAL DKAR PO, G-YAS ZHAL NAG PO, G-YON ZHAL DMAR PO'I TSUL DU'O, ,PHRIN LAS CI ZHIG MDZAD NAS ZHE NA, ME LONG LTA BU'I YE SHES KYIS @182 GTI MUG CAN RNAMS KYI GTI MUG SBYANGS TE, GTI MUG RNAM PAR DAG PA'I GNAS LA BKOD NAS SO, ,RNAM PAR SNANG MDZAD PHYUNG BA'I RJES THOG DE NAS BCOM LDAN 'DAS RIN PO CHE 'BYUNG BA'I RDO RJE DBAL ZHES BYA BA'I TING NGE 'DZIN LA SNYOMS PAR ZHUGS TE, PHYUNG NGO ZHES SBYAR RO, ,DE LA KUN RDZOB BYANG CHUB KYI SEMS LAS BYUNG BA'I PHYAG RGYA CHEN PO NI, RIN PO CHE 'BYUNG BA'I RDO RJE'I DBAL DE DRANG BA'I DON NO, , DON DAM 'OD GSAL LAS BYUNG BA'I PHYAG RGYA CHEN PO NI, RIN PO CHE 'BYUNG BA'I RDO RJE'I DBAL TE NGES DON NO, ,GANG ZHIG CE NA, BSAM PA THAMS CAD YONGS SU RDZOGS PAR BYED PAS NA YID BZHIN GYI NOR BU'I RIGS NI RIN CHEN 'BYUNG LDAN YIN LA, DE'I MCHOG GI SNYING PO'I SNYING PO 'OG NAS 'BYUNG BA 'DI'O, ,GANG LAS NA BCOM LDAN NYID KYI SKU LA SOGS PA LAS SO, ,SNYING PO DE GANG ZHE NA, RANTA DHRIG CES TE, BSAM PA THAMS CAD RDZOGS PAR BYED PA'I RIN PO CHER 'DZIN PAR MDZAD PAS NA, RIN CHEN 'CHANG STE DRANG BA'I DON NO, ,YANG DAG PA'I MTHA' RTOGS PA'I RIN PO CHE 'DZIN PAR MDZAD PAS NA RIN CHEN 'CHANG STE NGES PA'I DON NO, ,'DI PHYUNG MA THAG TU LHOR PHYOGS TE G-YAS PHYOGS SU BZHUGS SO ZHES SBYAR RO, ,GANG GI NA SKU GSUNG THUGS RDO RJE YI'O, ,TSUL JI LTAR NA, BCOM LDAN 'DAS RIG PA'I SKYES BU DE NYID RIN CHEN DBAL GYI PHYAG RGYA CHEN PO DANG DBYER MED DU SBYOR BA'I THABS KYIS DBUS ZHAL SER PO, G-YAS ZHAL NAG PO, G-YON ZHAL DKAR PO'I TSUL DU'O, , PHRIN LAS CI ZHIG MDZAD NAS ZHE NA, NAM MKHA'I GNAS KYIS TE, NAM MKHA' LTAR @183 GOS PA MED PA'I MNYAM NYID KYI YE SHES KYI NOR GYIS DREGS SHING, KHENGS PA'I SEMS CAN RNAMS, SBYIN PAS 'DUL BAR MDZAD CING, NGA RGYAL RNAM PAR DAG PA'I GNAS LA BZHAG NAS SO, ,RIN CHEN 'BYUNG LDAN PHYUNG BA'I RJES THOG DE NAS, BCOM LDAN 'DAS 'DOD CHAGS CHEN PO'I RGYUN 'BYUNG BA'I RDO RJE ZHES BYA BA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR, DE LA KUN RDZOB BYANG CHUB KYI SEMS LAS BYUNG BA'I 'OD DPAG TU MED PA'I PHYAG RGYA CHEN PO LA DMIGS PA NI 'DOD CHAGS CHEN PO'I RGYUN 'BYUNG BA'I RDO RJE ZHES BYA BA'I TING NGE 'DZIN TE DRANG BA'I DON NO, ,DON DAM 'OD GSAL LAS BYUNG BA'I 'OD DPAG TU MED PA'I PHYAG RGYA CHEN PO LA DMIGS PA NI DE NYID KYI NGES PA'I DON NO, ,GANG ZHIG CE NA, SO SOR RTOG PA'I YE SHES LA CHAGS PA NI RDO RJE 'DOD CHAGS KYI RIGS TE DE'I MCHOG GI SNYING PO'I SNYING PO 'OG NAS 'BYUNG BA 'DI'O, ,GANG LAS NA BCOM LDAN 'DAS NYID KYI SKU LA SOGS PA LAS SO, , SNYING PO GANG ZHE NA, AA RO LiG ZHES PA STE, 'KHOR BA MA LUS PA LAS 'DAS PAS NA AA RI LIG STE DRANG BA'I DON NO, ,YE SHES GSUM GYIS DON DAM PA'I BDEN PAR BGROD PAS NA AA RO LIKA STE NGES PA'I DON TO, ,'DI PHYUNG MA THAG TU RGYAB TU BZHUGS SO ZHES SBYAR RO, ,GANG GI NA SKU GSUNG THUGS RDO RJE YI'O, ,TSUL JI LTAR NA BCOM LDAN 'DAS RIG PA'I SKYES BU DE NYID 'JIG RTEN DBANG PHYUG RIG PA'I BDAG PO NI 'OD DPAG MED YIN LA, DE'I PHYAG RGYA CHEN PO DANG DBYER MED @184 PAR SBYOR BA'I THABS KYIS DBUS ZHAL DMAR PO, G-YAS ZHAL NAG PO G-YON ZHAL DKAR PO'I TSUL DU'O, ,PHRIN LAS CI ZHIG MDZAD NAS ZHE NA, SO SOR RTOGS PA'I YE SHES KYIS 'DOD CHAGS LA SPYOD PA'I SEMS CAN RNAMS 'DOD CHAGS KYIS 'DOD CHAGS SPANGS TE, 'DOD CHAGS RNAM PAR DAG PA'I GNAS LA SBYAR NAS SO, ,'OD DPAG MED PHYUNG BA'I RJES THOGS DE NAS BCOM LDAN 'DAS GDON MI ZA BA'I MCHOG DAM TSIG 'BYUNG BA'I RDO RJE TING NGE 'DZIN LA SNYOMS PA ZHUGS TE PHYUNG NGO ZHES SBYAR RO, ,DE LA GDON MI ZA BA'I MCHOG DAM TSIG 'BYUNG BA'I RDO RJE ZHES BYA BA'I TING NGE 'DZIN GYI DRANG DON NI, BYA GRUB YE SHES KYI RANG BZHIN GYI DON YOD GRUB PA LA DMIGS PA YIN LA, NGES DON NI 'OD GSAL LA DMIGS PA'O, ,GANG ZHE NA, NYON MONGS PA DANG PHRAG DOG RNAM PAR SBYONG BA DANG, NYON MONGS PAS DAM TSIG NYAMS PA LA SOGS PA'I NYES PA SEL BAR BYED PA'I DON GYI RIGS NI, DAM TSIG 'GUGS PA'I RIGS TE DON YOD GRUB PA'O, ,DRANG BA'I DON NO, ,DAM TSIG NI KHAMS PHRA BA STE, DES THABS KYI YE SHES KUN RDZOB BDEN PAR BKUG NAS MCHOG TU DGA' BA BSKYED PAS, YONGS SU SBYONG BA'I RIGS NI, DAM TSIG 'GUGS PA'I RIGS TE, NGES PA'I DON NO, ,DE'I MCHOG GI SNYING PO'I SNYING PO 'OG NAS 'BYUNG BA 'DI'O, ,GANG LAS NA, BCOM LDAN 'DAS NYID KYI SKU LA SOGS PA LAS SO, ,SNYING PO NI PRADZNYA DHRIG CES TE, CHOS RAB TU RNAM 'BYED KYI SHES RAB 'DZIN PAR MDZAD PAS NA SHES RAB 'CHANG TE DRANG DON TO, ,KHAMS PHRA BAS KUN RDZOB BYANG CHUB KYI SEMS 'DZIN @185 PAR MDZAD PAS NA SHES RAB 'CHANG STE NGES DON NO, ,'DI PHYUNG MA THAG TU BYANG PHYOGS TE G-YON PHYOGS SU BZHUGS SO ZHES SBYAR RO, ,GANG GI NA, SKU GSUNG THUGS RDO RJE YI'O, ,TSUL JI LTAR NA, BCOM LDAN 'DAS RIG PA'I SKYES BU DE NYID GRUB PA GDON MI ZA BA DON YOD GRUB PA'I PHYAG RGYA CHEN PO DANG DBYER MED PAR SBYOR BA'I THABS KYIS DBUS ZHAL LJANG KHU, G-YAS ZHAL NAG PO, G-YON ZHAL DKAR PO'I TSUL DU'O, ,PHRIN LAS CI ZHIG MDZAD NAS ZHE NA, SO SOR RTOG PA'I YE SHES KYIS PHRAG DOG CAN RNAMS KYI PHRAG DOG GI DRI MA SBYANGS TE, PHRAG DOG RNAM PAR DAG PA'I GNAS LA BKOD NAS SO, ,'O NA DE LTA BU'I BSKYED RDZOGS GNYIS KYI RIGS LNGA PO DE BSGOM PA LA PHAN YON CI 'BYUNG ZHE NA, ZHE SDANG MI BSKYOD PA DANG, GTI MUG RNAM SNANG DANG, 'DOD CHAGS 'OD DPAG MED DANG, YID BZHIN NOR BU RIN CHEN 'BYUNG LDAN DANG, DAM TSIG DON YOD GRUB PA STE, RIGS LNGAR RTOGS PA 'DI RNAMS BSKYED RIM PAS BSGOMS PAS NI, GDUL BYA RNAMS KYI MNGON PAR 'DOD PA'I DON ZAG PA MED PA'I BDE BA'I RANG BZHIN GYI THAR PA BSGRUB PAR BYED PA'O, ,DRANG BA'I DON NO, ,NGES PA'I DON NI, BDE BA'I SNANG BA TZAM LAS GRUB PA'I RIGS LNGAR RTOGS PA 'DI DAG RDZOGS RIM PAS BSGOMS PAS 'DOD PA LA LONGS SPYOD PAS, MTHAR THUG GI THAR PA RDO RJE 'CHANG CHEN PO THOB PA'AM, YANG NA RIGS LNGA NI GZUGS LA SOGS PHUNG PO LNGA STE, DE DAG 'OD GSAL DU BCUG STE BSGOMS PAS 'DOD PA THUN MONG GI DNGOS GRUB DANG, THAR PA MCHOG GI DNGOS GRUB THOB STE, @186 BSHAD RGYUD LAS, PHUNG PO 'DI DAG SANGS RGYAS TE, ,RDZOGS PA'I BYANG CHUB RKYEN DU BYUNG STE DE RNAMS 'DOD, ,GNYIS MED DE BZHIN NYID SBYOR BAS, ,DE YANG DE BZHIN GSHEGS ZHES BYA, ,ZHES GSUNGS SO, ,SRA BA RNAM SNANG LA SOGS PA'I LONGS SPYOD KYI PHYIR, LHA MO BZHI DBYUNG BA'I CHO GA NI, DE BZHIN GSHEGS PA BZHI PHYUNG BA'I RJES THOG DE NAS, BCOM LDAN 'DAS RDO RJE 'DZIN PA RJES SU MNYES PAR BYED PA'I DAM TSIG NI M'A MA KI YIN LA, DE LA DMIGS PA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR RO, ,GANG ZHE NA, RDO RJE 'DZIN PA THAMS CAD KYI BTZUN MO'I MCHOG M'A MA KI'I SNYING PO 'OG NAS 'BYUNG BA 'DI'O, ,GANG LAS NA, NYID KYI SKU LA SOGS PA LAS SO, ,SNYING PO NI DE SH'A RA TI ZHES TE, ZHE SDANG NI MI BSKYOD PA STE, DE LA DGA' BAS NA ZHE SDANG DGA' STE DRANG DON NO, ,ZHE SDANG RNAM PAR DAG PA LA DGA' BA NI ZHE SDANG DGA' STE NGES DON NO, ,'DI PHYUNG MA THAG TU DKYIL 'KHOR GYI SHAR PHYOGS KYI GRVAR BZHUGS SO ZHES SBYAR RO, ,TSUL JI LTAR NA, RIG PA'I SKYES BU DE NYID BUD MED DE ZHI ZHING SGEG PA'I NYAMS DANG LDAN PA, M'A MA KI'I GZUGS 'DZIN PAR GYUR TE, SNGO DKAR DMAR BA'I TSUL DU'O, ,M'A MA KI PHYUNG BA'I RJES THOG DE NAS, DE BZHIN GSHEGS PA THAMS CAD NI RNAM PAR SNANG MDZAD YIN LA, DE'I RJES SU MNYES PAR BYED PA'I RDO RJE NI SANGS RGYAS SPYAN TE, DE LA DMIGS PA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR, GANG NA, BTZUN MO'I MCHOG SPYAN MA'I SNYING PO 'DI'O, ,GANG LAS NA, NYID KYI SKU LA SOGS LAS SO, ,SNYING PO NI @187 MO HA RA TI ZHES TE, GTI MUG GI RNAM SNANG YIN LA, DE LA DGA' BAS NA GTI MUG DGA' BA STE DRANG DON NO, ,GTI MUG RNAM PAR DAG PA LA DGA' BA NI NGES DON NO, , 'DI PHYUNG BA THAG TU LHO PHYOGS KYI GRVAR BZHUGS SO ZHES SBYAR RO, ,TSUL JI LTAR NA, RIG PA'I SKYES BU DE NYID BUD MED DE SPYAN MA'I GZUGS 'DZIN PAR GYUR TE, DKAR NAG DMAR BA'I TSUL DU'O, ,'DIR M'A MA KI LHO NUB DANG, SPYAN MA SHAR LHOR 'BYUNG BA RIGS KYANG GO LOG PA NI RGYUD LA RANG DGAR 'JUG PA SPANG BA'I PHYIR RO, ,SPYAN MA PHYUNG BA'I RJES THOGS DE NAS, 'DOD CHAGS 'DZIN PA NI 'OD DPAG MED DE, DE RJES SU CHAGS PAR BYED PA'I RDO RJE NI GOS DKAR MO STE, DE LA DMIGS PA'I TING NGE 'DZIN LA SNYOMS PAR ZHUGS TE, PHYUNG NGO ZHES SBYAR RO, ,GANG NA, BTZUN MO'I MCHOG GOS DKAR MO'I SNYING PO 'DI'O, ,GANG LAS NA, NYID KYI SKU LA SOGS PA LAS SO, ,SNYING PO NI RA GA RA TI ZHES TE, 'DOD CHAGS NI 'OD DPAG MED YIN LA, DE LA DGA' BAS NA ZHES PA DRANG DON DANG, 'DOD CHAGS RNAM PAR DAG PA LA DGA' BAS NA ZHES PA NGES DON NO, ,'DI PHYUNG MA THAG TU NUB PHYOGS KYI GRVAR BZHUGS SO ZHES SBYAR RO, ,TSUL JI LTAR NA RIG PA'I SKYES BU DE NYID BUD MED DE, GOS DKAR MO'I GZUGS 'DZIN PAR GYUR TE, DMAR NAG DKAR MA'I TSUL DU'O, , GOS DKAR MO PHYUNG BA'I RJES THOG DE NAS, SKU GSUNG THUGS BSLU BA RDO RJE ZHES BYA BA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR RO, ,DE LA SKU GSUNG THUGS BSLU BA STE MI RTAG PA'O ZHES GZHAN LA RAB TU STON PA NA YI GE'I DON NO, , @188 SKU GSUNG THUGS LA SOGS PA'I CHOS THAMS CAD BSLU BA STE STONG PA'O ZHES PA NI SPYI'I DON NO, ,SKU GSUNG THUGS NI SNANG BA GSUM STE DE DAG KHAM PHRA BA DANG LHAN CIG SKAD CIG RE RER RJES SU MYONG STE, SLAR YANG DNGOS PO MED PAR BYAS NAS, 'OD GSAL LA ZHUGS PA NI BSLU BA STE SBAS PA'O, ,SKU GSUNG THUGS NI PHUNG PO KHAMS DANG SKYE MCHED LA SOGS PA YIN LA, DE RNAMS RIL 'DZIN DANG RJES GZIG GIS RIM GYIS MI SNANG BAR BYAS PA NI BSLU BA STE MTHAR THUG GO ,CI ZHIG PHYUNG ZHE NA, SHES RAB 'CHANG BA NI DON YOD GRUB PA YIN LA, DE RJES SU CHAGS PA'I RDO RJE'I DAM TSIG NI SGROL MA STE, DE'I SNYING PO 'DI'O, ,GANG LAS ZHE NA, NYID KYI SKU LA SOGS PA LAS SO, ,SNYING PO NI BADZRA RA TI ZHES TE, RDO RJE NI DON YOD GRUB PA YIN LA, DE LA DGA' BAS NA ZHES PA DRANG DON NO, ,RDO RJE YE SHES LA DGA' BAS NA ZHES PA NGES DON NO, ,'DI PHYUNG MA THAG TU BYANG PHYOGS KYI GRVAR BZHUGS SO ZHES SBYAR RO, ,TSUL JI LTAR NA, RIG PA'I SKYES BU DE NYID BUD MED DE, SGROL MA'I GZUGS 'DZIN PAR GYUR TE, LJANG NAG DKAR BA'I TSUL DU'O, ,LHA MO BZHI PO 'DI DAG NI, DE BZHIN GSHEGS PA THAMS CAD KYI LHAN CIG SPYOD PA'I BTZUN MO YIN PAS BTZUN MO MCHOG CES BYA LA, DE RNAMS DANG YANG DAG PAR SBYOR BA MDZAD PAS, PHUN SUM TSOGS PA'I MCHOG BSKYED PAS NA DAM TSIG PHUN SUM TSOGS PA'O ZHES GSUNGS SO, , GSUM PA SGO BA BZHI DBYUNG BA'I CHO GA NI, LHA MO BZHI PHYUNG BA'I RJES THOGS DE NAS RNAM PAR SNANG MDZAD RDO RJE ZHES BYA BA'I TING NGE 'DZIN LA ZHUGS NAS PHYUNG NGO @189 ZHES SBYAR RO, ,DE LA RNAM SNANG GI DBANG BSKUR BA'I RDO RJE NI, RNAM SNANG RDO RJE STE, KHRO BO GSHIN RJE GSHED YIN LA, DE LA DMIGS PA'I TING NGE 'DZIN LA DE SKAD CES BYA'O, ,GANG ZHIG CE NA, DE BZHIN GSHEGS PA THAMS CAD KYI DKYIL 'KHOR BYIN GYIS BRLAB CING BSKYED PA'I KHRO BO CHEN PO NI KHRO BO CHEN PO GSHIN RJE GSHED KYI SNYING PO 'DI'O, ,GANG LAS NA, NYID KYI SKU LA SOGS PA LAS SO, ,SNYING PO NI YA MAN TA KRID CES TE, GSHIN RJE GSHED NI DMYAL BA STE, DE BCOM LDAN 'DAS KYI KHRO BO CHEN PO'I TING NGE 'DZIN GYIS MTHAR THUG PAR MDZAD CING 'JIG PAR MDZAD PAS NA GSHIN RJE MTHAR BYED DE DRANG BA'I DON NO, ,GSHIN RJE NI RMONGS PA'I MUN PA STE, DE DON DAM PA'I BDEN PAS MTHAR THUG PAR MDZAD CING 'JIG PAR MDZAD PAS NA GSHIN RJE MTHAR BYED DE NGES PA'I DON NO, ,'DI PHYUNG MA THAG TU DKYIL 'KHOR GYI SHAR PHYOGS KYI SGOR BZHUGS SO, ,TSUL JI LTAR NA, RIG PA'I SKYES BU DE NYID DE BZHIN GSHEGS PA THAMS CAD NI BGEGS RNAMS YIN LA, DE DAG BSKYED PAR BYED PA STE, 'JIGS SHING SKRAG PAR BYED PA KHRO BO CHEN PO'I TSUL DU'O, ,GSHIN RJE GSHED PHYUNG BA'I RJES THOG DE NAS, MNGON PAR BYANG CHUB PA RDO RJE ZHES BYA BA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR RO, ,DE LA MNGON PAR BYANG CHUB PA NI RIN 'BYUNG YIN LA, DE'I COD PAN CAN GYI RDO RJE NI, KHRO BO GZHAN GYIS MI THUB PAS TE, DE LA DMIGS PA NI DRANG BA'I DON NO, ,MNGON PAR BYANG CHUB PA'I RDO RJE NI 'OD GSAL TE DE LA DMIGS PA NI NGES DON NO, ,GANG ZHIG CE NA, KHRO BO @190 CHEN PO GZHAN GYIS MI THUB PA'I SNYING PO 'DI'O, ,GANG LAS NA, NYID KYI SKU LA SOGS PA LAS SO, ,SNYING PO NI, PRADZNYA NA TA KRID CES TE, SHES RAB KYIS NYON MONGS PA 'JIG PAR MDZAD PAS NA SHES RAB MTHAR BYED DE DRANG BA'I DON NO, ,SHES RAB NI RTOGS PA STE, DE 'OD GSAL DU 'JUG PAS MTHAR BYED PAS NA ZHES PA NGES DON NO, ,'DI PHYUNG MA THAG TU LHO PHYOGS KYI SGOR BZHUGS SO ZHES SBYAR RO, ,TSUL JI LTAR NA RIG PA'I SKYES BU DE NYID RDO RJE'I DAM TSIG GI GDUG PA RNAMS BSNYENGS PA STE SKRAG PA BYED PA'AM, YANG NA RDO RJE DAM TSIG NI 'JIG RTEN PA'I MKHA' 'GRO MA RNAMS TE, DE RNAMS BSNYENGS PA STE 'JIGS SHING SKRAG PAR BYED PA KHRO BO CHEN PO'I TSUL DU'O, ,SHES RAB MTHAR BYED PHYUNG BA'I RJES THOG DE NAS, CHOS RIN PO CHE 'BYUNG GNAS RDO RJE ZHES BYA BA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR, DE LA CHOS RIN PO CHE NI 'OD DPAG TU MED PA'O, ,DE'I 'BYUNG GNAS RDO RJE NI DE'I RIGS SU GTOGS PA RTA MGRIN TE, DE LA DMIGS PA NI DRANG BA'I DON NO, ,CHOS RIN PO CHE NI 'OD GSAL BA'O, ,DE'I 'BYUNG GNAS RDO RJE NI DE LAS BYUNG BA'I RTA MGRIN TE DE LA DMIGS PA NI NGES PA'I DON NO, ,GANG ZHE NA, KHRO BO CHEN PO RTA MGRIN GYI SNYING PO 'DI'O, ,GANG LAS NA, NYID KYI SKU LA SOGS PA LAS SO, ,SNYING PO NI PAD MAN TA KRID CES TE, PAD MA CHUS MA GOS PA BZHIN DU NYON MONGS PAS MA GOS SHING, DE NYID 'JIG PAR MDZAD PAS NA PAD MA MTHAR BYED DE DRANG DON NO, ,PAD MA NI SKYE GNAS, MTHA' NI NANG STE DER SDBANG PO GNYIS @191 SNYOMS PAR ZHUGS PA'I THABS KYIS MCHOG TU DGA' BA'I BDE BA BSKYED PAS NA ZHES PA NGES DON NO, ,'DI PHYUNG MA THAG TU NUB PHYOGS KYI SGOR BZHUGS SO ZHES SBYAR RO, ,TSUL JI LTAR NA RIG PA'I SKYES BU DE NYID DE BZHIN GSHEGS PA THAMS CAD KYI GSUNG RDO RJE KHRO BO'I TSUL DU'O, ,RTA MGRIN PHYUNG BA'I RJES THOG DE NAS SKU GSUNG THUGS RDO RJE ZHES BYA BA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR RO, ,DE LA SKU GSUNG THUGS NI DON YOD GRUB PA'O, ,DE'I RDO RJE NI KHRO BO BDUD RTZI'I THABS SBYOR TE, DE LA DMIGS PA NI DRANG DON NO, ,SKU GSUNG THUGS RDO RJE RNAM PAR DAG PA'I GNAS NI 'OD GSAL BA STE, DE LA DMIGS PA NI NGES DON NO, , GANG ZHE NA, KHRO BO CHEN PO BDUD RTZI THABS SBYOR GYI SNYING PO 'DI'O, ,GANG LAS NA, NYID KYI SKU LA SOGS PA LAS SO, ,SNYING PO NI BIG NAN TA KRID CES TE, BGEGS RNAMS MTHAR MDZAD CING 'JIG PAR MDZAD PAS NA BGEGS MTHAR BYED DE DRANG BA'I DON NO, KHAMS BZHI 'PHEL BA DANG 'GRIB PAS LUS GZIR BAS NA BGEGS ZHES BYA LA, DE RNAMS THABS KYI YE SHES SHAR BAS 'JIG PAR MDZAD PAS NA ZHES PA NGES DON NO, ,'DI PHYUNG MA THAG TU BYANG PHYOGS KYI SGOR BZHUGS SO ZHES SBYAR RO, , TSUL JI LTAR NA, RIG PA'I SKYES BU DE NYID DE BZHIN GSHEGS PA THAMS CAD KYI SKU DANG GSUNG DANG THUGS KYI RANG BZHIN KHRO BO CHEN PO'I TSUL DU'O, ,KHRO BO BZHI PO DE RNAMS BYANG PHYOGS LA SOGS PA'I SGOR ZHUGS NAS CI MDZAD CE NA, DE BZHIN GSHEGS PA THAMS CAD KYI SKU DANG GSUNG DANG THUGS NI DKYIL 'KHOR PA RNAMS TE DE RNAMS @192 MNYES PAR BYA BA'I PHYIR RO, ,DAM TSIG LA SEMS PAS NA DKYIL 'KHOR GYI DAM TSIG SEMS DPA' RNAMS TE, BGEGS THAMS CAD RNAM PAR 'JIG PA'I BYA BA MDZAD CES PA'O, ,BZHI PA LHA LHAG MA RNAMS LA BSGRE BA'I TSUL GYIS BSTAN PA NI, SGO RNAMS PA BZHIR BGOD NAS SHAR PHYOGS KYI MTSAMS NAS BRTZAMS TE, MTSAMS BZHI DANG STENG 'OG RNAMS SU MI G-YO BA LA SOGS PA'I KHRO BO GZHAN DRUG BKOD PAR BYA'O, ,SHAR PHYOGS KYI SNAM BU NAS BRTZAMS TE BYAMS PA LA SOGS PA BYANG CHUB SEMS DPA' BRGYAD DGOD DO, ,NANG GI DKYIL 'KHOR GYI PHYI ROL GYI SHAR PHYOGS KYI MTSAMS NAS BRTZAMS TE, GZUGS RDO RJE LA SOGS PA LHA MO BZHI DGOD DO, ,THAMS CAD KYI GDAN DANG, SKU MDOG PHYAG MTSAN LA SOGS PA'I NGES PA NI SGRUB THABS BZHIN SHES PAR BYA'O, ,DE LTAR NA LHA SUM CU RTZA GNYIS 'GOD PAR SHES PAR BYA'O, ,'DI JI LTAR SHES PAR BYA ZHE NA, PHYUNG BA'I DKYIL 'KHOR LA LHA SUM CU RTZA GNYIS 'GOD DGOS TE, SKU YI DKYIL 'KHOR LA LHA SUM CU RTZA GNYIS 'GOD PAR BSHAD PA'I PHYIR, MA NGES PA MA YIN TE, PHYUNG BA'I DKYIL 'KHOR NI, SKU'I DKYIL 'KHOR GYI 'BRAS BU YIN PA'I PHYIR TE, SKU'I DKYIL 'KHOR LA JI LTAR BZHUGS PA'I LHA RNAMS, BYANG CHUB KYI SEMS KYI THIG LE'I RNAM PAR YUM GYI BHA GAR BAB NAS, DE DAG LHAR BSKYED DE, PHYI ROL DU 'BYIN PA YIN PA'I PHYIR RO, , 'O NA SKU'I DKYIL 'KHOR LA LHA SUM CU RTZA GNYIS YOD PA'I PHYIR ZHES BYA BA STE, RDO RJE SLOB DPON GYI SKU'I DKYIL 'KHOR LA LHA SUM CU RTZA GNYIS YOD PA'I PHYIR ZER @193 RAM, YUM LA YOD PA'I PHYIR ZER RAM, GNYIS KA LA YOD PA'I PHYIR ZER, GANG LTAR YANG GTAN TSIGS MA GRUB STE YAB LA NYI SHU RTZA BDUN LAS MED CING, YUM LA NYI SHU RTZA BZHI LAS MED PA'I PHYIR DANG, YAB YUM GNYIS KA LA BSDOMS NA LNGA BCU RTZA GCIG YOD PAS, MANG BAR 'GYUR BA'I PHYIR RO ZHE NA, YAB YUM GANG RUNG RE RE'I GTAN TSIGS SU MI 'GOD KYI, YAB YUM GNYIS KA SDOM PA GTAN TSIGS SU GTONG STE, DPER NA BU BSKYED PA LA PHA MA GNYIS KA DGOS PA LTAR, LHA MNGAL SKYES KYI TSUL DU BSKYED PA LA YANG YAB YUM GNYIS KA RGYUR DGOS PA'I PHYIR RO, , DE LTA NA YANG MANG BA'I NYES PA MED DE, YAB YUM GYI LHA RNAM DAG GCIG PA RNAMS GCIG TU BGRANGS SHING, RNAM DAG MI GCIG PA RNAMS THA DAD DU BGRANGS PAS SUM CU RTZA GNYIS LAS MED PA'I PHYIR RO, ,DE'ANG 'DI LTAR, YAB YUM GYI RIGS LNGA PHUNG PO LNGA RNAM PAR DAG PA YIN PAS RNAM DAG GCIG ,YAB KYI YUM BZHI DANG, YUM GYI YUM BZHI NI 'BYUNG BA BZHI RNAM PAR DAG PA YIN PAS RNAM DAG GCIG YAB KYI KHRO BO BCU DANG YUM GYI KHRO MO BCU NI YAN LAG BCU RNAM PAR DAG PA YIN PAS RNAM DAG GCIG PAS GCIG TU BGRANGS PAS BCU DGU YOD LA YAB KYI BYANG CHUB SEMS DPA' BRGYAD NI DBANG PO LNGA RNAM PAR DAG PA YIN LA, YUM GYI GZUGS RDO RJE LA SOGS PA LNGA NI YUL LNGA RNAM PAR DAG PA YIN PAS DE DAG SO SOR BGRANGS PAS BCU GSUM STE, DE LTAR NA YAB YUM GYI SKU'I DKYIL 'KHOR LA SUM CU RTZA GNYIS LAS MED PA'I PHYIR RO, , @194 'O NA YAB YUM GYI SKU'I DKYIL 'KHOR SUM CU RTZA GNYIS YOD PAR GANG GIS GRUB CE NA, RDO RJE PHRENG BA'I LUNG GIS 'GRUB STE, RDO RJE PHRENG BA LAS, SEMS KYIS GZHAN NI MI BSAM PAR, ,SEMS DPA' CHEN POS MNYAN PAR GYIS, ,RDO RJE SLOB DPON LUS 'DI LA, ,RGYAL BA'I SKU NI RIM BZHIN GNAS, ,DANG PO SKU YI RDO RJE NI, ,GZUGS PHUNG LA NI YANG DAG ZHUGS, ,RJES SU CHAGS PA'I RDO RJE NI, , TSOR BA YI NI PHUNG POR ZHUGS, ,BCOM LDAN GSUNG GI RDO RJE NI, ,'DU SHES KYI NI PHUNG POR ZHUGS, ,MCHOD PA KUN GYI RDO RJE NI, ,'DU BYED KYI NI PHUNG POR ZHUGS, , BCOM LDAN THUGS KYI RDO RJE NI, ,RNAM SHES PHUNG POR YANG DAG 'DI YI SHA SOGS SA KHAMS LA, ,BCOM LDAN 'DAS YUM SPYAN BZHUGS SO, KHRAG SOGS CHU YI KHAMS LA NI, ,BCOM LDAN 'DAS YUM M'A MA BZHUGS, ,DRO BA LA SOGS ME KHAMS LA, ,BCOM LDAN 'DAS YUM GOS DKAR BZHUGS, ,BSKYOD PA LA SOGS RLUNG KHAMS LA, ,BCOM LDAN 'DAS YUM SGROL MA BZHUGS, ,DE YI MIG GI DBANG GNYIS LA, ,DE BZHIN GSHEGS PA SA SNYING PO, ,DE YI RNA BA'I DBANG GNYIS LA, ,BDE GSHEGS PHYAG NA RDO RJE'O, ,DE YI SNA YI DBANG PO LA, ,DE BZHIN GSHEGS PA MKHA' SNYING PO, ,DE YI LCE DBANG LA BZHUGS PA, ,DE BZHIN GSHEGS PA 'JIG RTEN DBANG, KHAMS BZHI'I RANG BZHIN GONG BU NI, ,LUS ZHES BYA BAR GDAGS PA LA, ,SGRIB PA THAMS CAD RNAM SEL BA, ,DE BZHIN GSHEGS PA DE BZHUGS SO, ,DE YI YID KYI DBANG PO LA, ,DE BZHIN GSHEGS PA 'JAM DBYANGS @195 BZHUGS, ,LUS KYI TSIGS NI THAMS CAD LA, ,DE BZHIN GSHEGS PA KUN TU BZANG, ,LUS KYI RTZA RGYUS THAMS CAD LA, ,DE BZHIN GSHEGS PA BYAMS PA'O, , LAG PA G-YAS PA'I RTZA BAR NI, ,DE BZHIN GSHEGS PA GSHIN RJE GSHED, ,LAG PA G-YON PA'I RTZA BAR NI, ,BDE GSHEGS GZHAN GYIS MI THUB PA, KHA YI PAD MAR BZHUGS PA NI, ,DE BZHIN GSHEGS PA RTA MGRIN NO, ,GSANG BA'I GNAS SU BZHUGS PA NI, ,DE BZHIN GSHEGS PA BDUD RTZI 'KHYIL, ,DPUNG PA G-YAS PAR BZHUGS PA NI, ,DE BZHIN GSHEGS PA MI G-YO BA, ,DPUNG PA G-YON PAR BZHUGS PA NI, ,DE BZHIN GSHEGS PA 'DOD PA'I RGYAL, ,PUS MO G-YAS LA BZHUGS PA NI, ,DE BZHIN GSHEGS PA DBYUG PA SNGO, ,PUS MO G-YON PAR BZHUGS PA NI, ,DE BZHIN GSHEGS PA STOBS PO CHE, ,RANG GI SPYI BOR BZHUGS PA NI, ,DE BZHIN GSHEGS PA 'KHOR LOS BSGYUR, ,'OG GI RKANG PAR BZHUGS PA NI, DE BZHIN GSHEGS PA GNOD MDZES TE, ,LUS NI 'DI NYID KUN LA 'DIR, ,DE BZHIN GSHEGS PA THAMS CAD BZHUGS, ,ZHES GSUNGS SO, ,RTZA BA'I RGYUD DU YANG, LHA SUM CU RTZA GNYIS TSANG BAR GSUNGS TE, DKYIL 'KHOR DU BKOD PA'I LHA BCU GSUM DANG, BYANG CHUB SEMS DPA' BRGYAD DANG LHA MO LNGA GLENG GZHI'I SKABS NAS GSUNGS SHING, MTSAMS BZHI DANG, STENG 'OG GI KHRO BO RNAMS KYI PHRENG SNGAGS LE'U BCU BZHI PA NAS GSUNGS PAS DE DAG BSNAN PAS SO, , 'ON KYANG DKYIL 'KHOR DU LHA RNAMS RDZOGS PAR MI 'GOD PA NI, SLOB @196 DPON MED PAR RGYUD LA RANG DGAR 'JUG PA SPANG BA'I PHYIR RO, ,DE LTAR NA 'PHAGS PA KLU SGRUB NI, BSHAD RGYUD KYI RJES SU 'BRANGS NAS, DKYIL 'KHOR GYI LHA SUM CU RTZA GNYIS SU BZHED PA YIN NO, ,RGYAL PO AINDRA BHO TI NI, LE'U DANG POR YE SHES KYI DKYIL 'KHOR DU LHA BCU GSUM 'GOD PA DANG, LE'U BZHI PAR RDUL TSON GYI DKYIL 'KHOR DU LHA BCU GSUM GYI MTSAN MA LAS MA BYUNG BA RGYU MTSAN DU BYAS NAS, LHA BCU GSUM DU BZHED PA YIN NO, ,SANGS RGYAS YE SHES ZHABS, BCU GSUM GYI STENG DU GZUGS RDO RJE MA NAS CHOS DBYINGS RDO RJE MA'I BAR LHA MO DRUG BSNAN NAS LHA BCU DGUR BZHED DO, ,PAndI TA MGRIN GSUM PA, LHA NYI SHU RTZA LNGAR BZHED CES GRAGS KYANG 'DI BZHED MI GSAL MOD, ,BCU GSUM GYI STENG DU BYANG CHUB SEMS DPA' BRGYAD DANG, MTSAMS BZHI'I KHRO BO BSNAN PA YIN NAM SNYAM MO, , LE'U'I MTSAN BSTAN PA NI, DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA NI RDO RJE GSUM YIN LA, GSANG BA DE GSUM 'DUS PA NI RDO RJE 'CHANG CHEN PO STE, DE STON PAR BYED PA'I GZHUNG LA YANG DE SKAD CES BYA LA, TING NGE 'DZIN GYI DKYIL 'KHOR NI RIM PA GNYIS KYI TING NGE 'DZIN YIN CING, DE LE'U 'DIS STON PAS NA DE SKAD CES BYA'O, ,LE'U NI JI LTAR GOS KYIS MCHU SBRANG LA SOGS PA NYE BAR 'TSE BA LOG PA BZHIN DU, RGYUD KYI DON 'DIS KYANG KUN NAS NYON MONGS PA GSUM GYI NYE BAR 'TSE BA LOG PAS GOS DANG 'DRA BA'I PHYIR LE'U STE, DE STON PA'I GZHUNG GI TSOGS LA YANG LE'U ZHES BYA'O, ,LE'U DE LTA BU BCU BDUN @197 YOD PA'I LE'U DANG PO'I RNAM BSHAD DO,, ,, ` DE LTAR LE'U DANG POS RGYUD MA LUS PA'I DON MDOR BSTAN NAS DE NYID LE'U LHAG MA BCU DRUG GIS RGYAS PAR 'CHAD PA LA, BCU DRUG GI DANG PO'I LE'U GNYIS PA LA GNYIS TE, BSDUS PA'I DON DANG, YAN LAG GI DON NO, ,DANG PO LA YANG GNYIS KYI BRJOD BYA DON GYI BSDUS DON NI, LE'U DANG POR BSTAN PA'I RIM PA GNYIS KYI NANG NAS 'DIR RDZOGS RIM 'BA' ZHIG STON LA, DE LAS KYANG 'OD GSAL DANG ZUNG 'JUG 'BA' ZHIG BSTAN TO, ,DE LAS KYANG 'OD GSAL GTZO BOR STON LA, ZUNG 'JUG NI DE'I 'BRAS BU'I TSUL DU ZHAR LA BSTAN TO, ,GNYIS PA RJOD BYED SGRA'I BSDUS DON NI DE NAS BCOM LDAN 'DAS ZHES PA NAS, 'DI SKAD CES BKA' BSTZAL TO ZHES PA'I BAR NI SGRA JI BZHIN PA'O ZHES SOGS NI GO SLA'O, ,GNYIS PA YAN LAG GI DON LA DRUG STE, 'KHOR GYI GSOL BA GDAB PA DANG, SDUD PA PO'I TSIG GIS MTSAMS SBYAR BA DANG, STON PAS MNYAN PAR GDAMS PA'I TSUL GYIS BYANG CHUB KYI SEMS KYI MTSAN NYID BSTAN PA DANG, 'KHOR GYIS DE LA CHED DU BRJOD PA DANG, DE BZHIN GSHEGS PA DRUG GIS BYANG CHUB KYI SEMS KYI MTSAN NYID BSTAN PA DANG, SLAR YANG NGO MTSAR TE CHED DU BRJOD PA'O, ,DANG PO 'KHOR GYIS GSOL BA GDAB PA NI, LE'U DANG PO RDZOGS PA'I RJES THOG DE NAS, 'DI SKAD CES GSOL TO ZHES SBYAR, GANG LA NA, SKU GSUNG THUGS KYI BDAG PO RDO RJE 'CHANG CHEN PO LA'O, , SU ZHIG GIS NA, MI BSKYOD PA LA SOGS PA 'KHOR GYI DE BZHIN GSHEGS PA THAMS @198 CAD KYIS SO, ,CI ZHIG BYAS NAS ZHE NA, PHYI NANG GSANG GSUM GYI MCHOD PA BYAS TE LUS KYIS PHYAG 'TSAL NAS SO, ,'DIS SNGON BYUNG LTAR NA MI BSKYOD PA LA SOGS PA 'KHOR GYI DE BZHIN GSHEGS PA RNAMS KYIS RDO RJE 'CHANG CHEN PO LA MCHOD PA BYAS TE, RDZOGS RIM GYI DON LA GSOL BA GDAB PA STON LA, RJES 'JUG LTAR NA, RIN PO CHE LTA BU'I GANG ZAG RDZOGS RIM DON DU GNYER BAS, BLA MA LA PHYI NANG GSANG GSUM GYI MCHOD PA BYAS TE, RDZOGS RIM GYI DON LA GSOL BA GDAB PAR BYA BA STON NO, ,BCOM LDAN 'DAS ZHES STON PA LA BOS NAS, BSHAD DU GSOL ZHES SBYAR RO, ,GANG ZHE NA, BLA NA MED PA'I BYANG CHUB SEMS SO, ,DE'ANG JI LTA BU SNYAM NA, SKU GSUM THUGS GSUM DBYER MI PHYED PA'I NGO BO NI ZUNG 'JUG RDO RJE 'CHANG CHEN PO YIN LA, RGYU 'OD GSAL LA 'BRAS BU DE'I MING GIS NYE BAR GDAGS PAS, 'OD GSAL NYID SKU GSUNG THUGS KYI MCHOG CES BYA'O, ,DE NYID BYA BA'I RGYUD LA SOGS PA LA GNAS PA RNAMS LA MI BSTAN PA NI GSANG BA'O, ,DE NYID KYIS NA BLA NA MED PA'O, ,SGRIB PA THAMS CAD LAS RNAM PAR GROL BAS NA SNYING PO'O, ,DON NI ZUNG 'JUG GI SKU BSKYED PA'I PHYIR DU DE'I RGYU DON DAM BYANG CHUB KYI SEMS 'OD GSAL BSHAD DU GSOL ZHES PA'O, , GNYIS PA SDUD PA PO'I TSIG GIS MTSAMS SBYAR BA NI, GSOL BA BTAB PA'I RJES THOGS DE NAS, BCOM LDAN 'DAS SKU GSUNG THUGS RDO RJE'I BDAG POS, 'KHOR GYI DE BZHIN GSHEGS PA THAMS CAD KYIS GSOL BA BTAB PAR MKHYEN @199 CING, SGRIB PA RNAMS SEL LA SOGS PA BYANG CHUB SEMS DPA' THAMS CAD KYI SEMS KYI YONGS SU RTOG PA, GAL TE BCOM LDAN 'DAS KYIS BDAG CAG RNAMS LA YONGS SU DAG PA'I LHA'I SKU BSKYED PA'I PHYIR, DON DAM BYANG CHUB KYI SEMS 'OD GSAL BSTAN PAR MDZAD NA SEMS CAN GYI DON CHEN POR 'GYUR RO SNYAM PA YANG THUGS KYIS MKHYEN NAS, BYANG CHUB SEMS DPA' DE DAG LA 'DI SKAD CES BKA' BSTZAL TO, ,ZHES TE, 'DIS RJES 'JUG LTAR NA, BLA MAS BDAG CAG SLOB MA RNAMS LA YONGS SU DAG PA'I ZUNG 'JUG BSKYED PA'I PHYIR, BYANG CHUB KYI SEMS 'OD GSAL BSHAD NA 'BRAS BU PHUN SUM TSOGS PA 'GRUB PA'I DON CHEN POR 'GYUR RO SNYAM PA'I RTOG PA MKHYEN NAS, BYANG CHUB KYI SEMS KYI MTSAN NYID 'CHAD PAR 'GYUR BA YIN NO, ,GSUM PA STON PAS MNYAN PAR GDAMS PA'I TSUL GYIS BYANG CHUB KYI SEMS KYI MTSAN NYID BSTAN PA LA GNYIS KYI, DRANG DON NI, KHYOD KYIS BSKYED CIG CES SBYAR RO, ,LHAG MOS MDZAD PA DANG BCAS PA BSGOM PAR BYA BA ZHES PA'I DON NO, ,SU YIS BSGOM PAR BYA ZHE NA, SEMS LUS LTA BU NI SKU RDO RJE LTA BU ZHES BYA BA SKU RDO RJE'I ZLOS PA PO DANG, LUS SEMS LTA BU NI THUGS RDO RJE LTA BU ZHES PA THUGS RDO RJE'I ZLOS PA PO DANG, SEMS TSIG TU BRJOD PA LTA BU NI GSUNG RDO RJE LTA BU ZHES BYA BA GSUNG RDO RJE'I ZLOS PA POS KYANG DE LTAR BSGOM PAR BYA'O, ,DE LTAR BSGOMS NAS CI ZHIG BYA ZHE NA, SKU GSUNG THUGS RNAMS NAM MKHA' LTA BU STONG PA NYID DU YANG DAG PAR SBYAR ZHING, GCIG TU BYAS NAS ZHES TE, LHAG MOS BSDU BA SNGON DU @200 'GRO BAS, DE BZHIN NYID LAS BYANG CHUB PA BSGOMS PA BSTAN TO, ,GNYIS PA NGES DON NI, KHYED KYIS YID KYI RANG BZHIN GYI LUS SGYU MA LTA BU BSKYED CIG PA'O, , JI LTA BUR ZHE NA SEMS LUS LTA BU ZHES PA, SEMS GSUM KHAMS PHRA BA DANG LHAN CIG PA LAS GRUB PA LONGS SPYOD RDZOGS PA'I KU SGYU MA LTA BUR SNANG LA RANG BZHIN MED PA'O, ,DE LTA BU'I SKU DE NI, LUS SEMS LTA BU STE SEMS KYI SNANG BA TZAM LAS SEMS LAS GZHAN DU CI YANG MED CING, SEMS TSIG TU BRJOD PA LTA BU STE TSIG GI BRJOD PA TZAM MA GTOGS REG PA DANG GZUNG BAR MI NUS PA DE LTA BUR BSKYED CIG CES PA'O, ,'DIS NI DBEN GSUM SNGON DU 'GRO BA CAN GYI SGYU LUS BSGOM PA BSTAN TO, , DE LTAR BSKYED PA'I SGYU MA'I RANG BZHIN GYI SKU GSUNG THUGS BSAM GTAN GNYIS KYIS BSHIG STE, NAM MKHA' LTA BU STE NAM MKHA' NGO BO NYID KYIS 'OD GSAL BAR YANG DAG PAR SBYAR ZHING GCIG TU BYAS NAS LUGS LDOG GI SNANG BA GSUM RLUNG DANG BCAS PA LAS ZUNG 'JUG DAG PA'I SGYU LUS RDO RJE 'CHANG CHEN POR BDAG NYID BSKYED PAR BYA'O ZHES PA STE, 'DIS NI SGYU LUS 'OD GSAL DU BCUG NAS, SLAR YANG ZUNG 'JUG TU LDANG BA BSTAN TO, ,DE SKAD DU YANG RDO RJE PHRENG BA LAS, SNYING POR GYUR PA RANG SROG LAS, KHAMS GSUM NA NI GZHAN MED DE, KHAMS GSUM RLUNG GI SPRUL PA STE, ,RMI LAM RMI BA BZHIN DU MTHONG, KHAMS GSUM BDAG NYID DE BZHIN NYID, ,GCIG TU GYUR BAR MTHONG BA NI, ,BYIN GYIS BRLABS NAS DE @201 BZHIN NYID, ,DNGOS GRUB MYUR DU THOB PAR 'GYUR, ,ZHES GSUNGS TE, PHYI NANG GI DNGOS PO RNAMS KYI SNYING PO STE RGYUR GYUR PA RANG SROG STE RLUNG DANG RNAM SHES LAS MA GTOGS PA KHAMS GSUM NA GZHAN MED DE, 'DI LTAR KHAMS GSUM GYIS BSDUS PA'I PHYI NANG GI DNGOS PO RNAMS NI RLUNG RNAM SHES DANG BCAS PAS SPRUL ZHING BSKYED PA TZAM STE, DPER NA RMI LAM DU MED BZHIN DU SNA TSOGS RMI BA BZHIN DU, DNGOS PO RNAMS KYANG SGYU MA LTA BUR BLO 'KHRUL PAS MTHONG BA YIN NO, ,'DIS SGYU LUS BSTAN TO, , KHAMS GSUM GYI DNGOS PO SGYU MA LTA BU'I BDAG NYID DE NYID DE BZHIN NYID 'OD GSAL GYI NGO BO GCIG TU GYUR PAR MYUR BA STE SKAD CIG LA MTHONG ZHING MNGON SUM DU BYAS NAS, SLAR YANG RJES DRAN GYI YAN LAG GIS ZUNG 'JUG GI SKUR BYIN GYIS BRLABS NAS, DE BZHIN NYID DE 'GYUR BA MED PA'I RANG BZHIN GYI MCHOG GI DNGOS GRUB MYUR BAR TE TSE 'DI LA THOB PAR 'GYUR RO, ,BZHI PA DE LA 'KHOR GYIS CHED DU BRJOD PA NI, AE MA HO STE NGO MTSAR CHE'O, ,GANG ZHIG CE NA, KUN TU BZANG PO STE RDO RJE 'CHANG CHEN POS, SKYE BA MED PA STE DOM DAM BDEN PA 'OD GSAL DER, YID KYI RANG BZHIN GYI LUS 'JUG PA'I TSUL GYIS TE, 'OD GSAL DU BCUGS NAS, SLAR YANG 'OD GSAL DE LAS SKU GSUNG THUGS KYI RDO RJE CAN TE, SKU GSUM DBYER MED ZUNG 'JUG RDO RJE 'CHANG CHEN PO'I SKUR SKYE BA RAB TU BSGRAGS PA GANG YIN PA 'DI'O, ,LNGA PA DE BZHIN GSHEGS PA DRUG GIS BYANG CHUB KYI SEMS KYI MTSAN NYID BSTAN PA LA, DANG PO RDO RJE 'CHANG GIS BYANG CHUB KYI SEMS KYI MTSAN NYID BSTAN @202 PA NI CHED BRJOD RDZOGS PA'I RJES DE NAS BCOM LDAN 'DAS DE BZHIN GSHEGS PA THAMS CAD KYI MNGON PAR RDZOGS PA BYANG CHUB PA'I TSUL NI, GNYIS SU MED PA'I YE SHES THOB PA'I THABS TE, DE NYID MI PHYED PAS NA RDO RJE ZHES BYA LA, DE LTA BU'I TING NGE 'DZIN LA SNYOMS PAR ZHUGS TE, BYANG CHUB KYI SEMS 'OG NAS 'BYUNG BA 'DI GSUNGS SO, ,'DI LA TSUL BZHI'I, DANG PO YI GE'I DON NI, BYANG CHUB KYI SEMS BSGOM PA NA, DNGOS PO MED PA GCIG BSGOM MAM SNYAM NA, DE'ANG MA YIN TE, DNGOS PO MED PA BSGOM PA MED, BRTAN G-YO'I DNGOS PO THAMS CAD DON DAM PAR MED LA, MED PA NI BSGOM BYAR YANG MED DE RI BONG RVA BZHIN NO, ,'O NA DNGOS PO RANG BZHIN YOD PA ZHIG BSGOM MAM ZHE NA, DE'ANG MA YIN TE, BSGOM PAR BYA BA BSGOM PA YIN, ,BSGOM PAR BYA BA DNGOS PO RANG BZHIN GYIS YOD PA'ANG BSGOM PA MIN TE, RANG BZHIN GYIS YOD PA'I DNGOS PO NI BSGOMS PAS KHYAD PAR DU MI 'GYUR BAS, BSGOM PAR BYA BA DANG BRAL BA'I PHYIR RO, ,'O NA DNGOS PO DANG DNGOS PO MED PA GNYIS KA BSGOM MAM ZHE NA, DE'ANG MIN TE, DE LTAR DNGOS PO DNGOS MED PAS, ,DE LTAR DE DNGOS PO DANG, DNGOS PO MED PA GNYIS KA YIN PA NI BSGOM BYA'I DNGOS POR MED DE, PHYOGS GNYIS PO 'GAL BA'I PHYIR RO, , 'O NA JI LTAR BSGOM ZHE NA, BSGOM PAR BYA BA DANG SGOM PA PO DANG, SGOM PA DMIGS SU MED PA'I 'KHOR GSUM YONGS SU DAG PA'I TSUL DU BSGOM MO, ,GNYIS PA SPYI'I DON NI, GANG TE BYANG CHUB KYI SEMS BSGOM PA NA, 'DUS BYAS DANG 'DUS @203 MA BYAS KYI CHOS THAMS CAD GZUGS CAN GYI DNGOS PO RNAMS STENG 'OG SOGS CHA SHAS KYIS PHYE, GZUGS CAN MA YIN PA RNAMS GCIG DANG DU BRAL SOGS GTAN TSIGS KYIS DNGOS PO MED PAR DPYAD NAS STONG PA'O ZHES BSGOM PA YIN NO ZHE NA, CHOS THAMS CAD DNGOS PO MED PAS STONG PA'O ZHES BSGOM PA YANG, YANG DAG PA MIN TE, STONG PA NYID LA MNGON PAR ZHEN PA'I LTA BA YIN PA'I PHYIR DANG, STONG PA NYID LA ZHEN PA YANG SPANG BYA YIN PA'I PHYIR RO, ,'O NA STONG PA NYID SGOM PA YANG DAG PA MA YIN NA, DON GYIS DBEN PA'I SEMS RIG GSAL SNGA PHYI RGYU 'BRAS KYI RNAM PAR BSGOM PA YANG DAG PA YIN NAM ZHE NA, BSGOM PAR BYA BA SEMS SNGA PHYI RGYU 'BRAS KYI RNAM PAR ZHEN NAS BSGOM PA YANG RIGS PA MA YIN TE, RGYU DANG 'BRAS BU NYID DON DAM PAR MED PA'I PHYIR TE, BDAG DANG, GZHAN DANG, GNYIS KA DANG, RGYU MED PA LAS SKYE BA MA GRUB PA'I PHYIR RO, ,'O NA DON GYIS DBEN PA'I RNAM RIG TZAM BSGOM PA YANG DAG PA MA YIN NA, SMON BYA'I YUL PHYI ROL GYI RNAM PA CAN DU BSGOM PA YANG DAG PA YIN NAM ZHE NA, DE LTAR TE, SMON BYA'I YUL PHYI ROL DON GYI RNAM PAR BSGOM PA YANG MI 'THAD DE, PHYI ROL GYI RNAM PA CAN GYIS, SMON BYA DANG SMON LAM SOGS DNGOS POR MED PA'I PHYIR RO, ,DE BAS NA PHYI ROL GYI DNGOS PO LTA BUR BSGOM PA NI DMIGS SU MED CING YOD PA MA YIN TE, PHYI ROL DON DU SNANG BA NI SEMS KYI RANG BZHIN LAS GZHAN MA YIN PA'I PHYIR RO, ,DE LA RKANG PA DANG POS NGO BO BKAG PAS STONG PA NYID KYI RNAM THAR BSTAN TO, ,GNYIS PAS RGYU 'BRAS KYI @204 MTSAN MA BKAG PAS MTSAN MA MED PA'I RNAM THAR BSTAN TO, ,THA MA GNYIS KYIS SMON LAM BKAG PAS SMON PA MED PA'I RNAM THAR BSTAN TO, ,DE LTAR NA YI GE'I DON DANG, SPYI DON GNYIS KYIS BSKYED RIM PA'I YE SHES PA SBYANGS PA BSTAN TO, , GSUM PA SBAS DON NI SGYU LUS MTHAR PHYIN NAS 'OD GSAL BSGOM PA'I TSE, DON GYIS DBEN PA'I SEMS GSAL RIG TZAM BSGOM MAM ZHE NA PHYI ROL PHUNG PO LA SOGS PA'I DNGOS PO MED PAS SEMS GSAL RIG TZAM BSGOM PA MTHAR THUG GI 'OD GSAL BSGOM PA MA YIN TE, SEMS NI GZUNG 'DZIN GNYIS SU SNANG BAS MA DAG PA'I PHYIR DANG, GZUNG 'DZIN GYI SNANG BAS DBEN PA'I SHEL SGONG DAG PA LTA BU'I SEMS NI RTAG TU MED PA'I PHYIR RO, ,'O NA KUN RDZOB SGYUR MA LTA BU'I BDAG NYID KYI BSGOM PA YIN NAM ZHE NA, BSGOM PAR BYA BA KUN RDZOB SGYU MA LTA BU'I BDAG NYID KYI LHA SKU BSGOMS PA DE'ANG 'OD GSAL BSGOM PAR RIG PA MA YIN TE, SGYUR LUS BSAM GTAN GNYIS KYIS BSHIG PAS 'OD GSAL GYI TSE RNAM PAR DAG CING MA DMIGS PA'I PHYIR RO, ,'O NA BDEN GNYIS THA DAD DU BSGOM MAM ZHE NA, DE LTAR NA DON DAM LAS THA DAD PA'I KUN RDZOB KYI BDEN PA TZAM GYI DNGOS PO NI, BSGOM BYA'I DNGOS POR YOD PA MA YIN TE, BDEN PA GNYIS DBYER MED PA'I PHYIR TE, DE BAS NA BDEN GNYIS THA DAD LTA BUR BSGOM PA NI, DMIGS SU MED DE, BDEN GNYIS THA DAD DU MA DMIGS PA'I PHYIR RO, ,'DIS NI DNGOS SU SGYU MA DANG SEMS GSUM BKAG PA'I 'OD GSAL BSTAN LA, DGAG BYA SBAS PA DANG 'BREL BAS SBAS PA ZHES BYA'O, , @205 BZHI PA MTHAR THUG NI ZUNG 'JUG GI SKABS SU 'OD GSAL BSGOM PAR BYA'AM ZHE NA, MA YIN TE, DNGOS PO MED PA DON DAM BDEN PA ZUNG 'JUG GI SKABS SU BSGOM BYA MA YIN TE, 'OD GSAL NI GZOD MA NAS DAG PAS SNANG MED YIN PA'I PHYIR DANG, ZUNG 'JUG NI LHA SKU SGYU MA LTA BU DANG STONG PA DBYER MED YIN PA'I PHYIR RO, , 'O NA KUN RDZOB BDEN PA'I BDAG NYID DU BSGOM MAM ZHE NA ZUNG 'JUG GI TSE BSGOM PAR BYA BA SGYU MA LTA BU'I BDAG NYID DU YANG BSGOM PA YOD PA MA YIN TE, SGYU MA NI MI BDEN PA NYID DANG, BRDZUN PA SLU BA'I CHOS CAN YIN PA'I PHYIR DANG, ZUNG 'JUG NI MTHAR THUG GI THOB BYA MI SLU BA YIN PA'I PHYIR, 'O NA BDEN GNYIS THA DAD DAM RES 'JOG DU BSGOM MAM ZHE NA, DE LTAR DNGOS PO KUN RDZOB KYI BDEN PA DANG, DNGOS PO MED PA DON DAM PA'I BDEN PA GNYIS RES 'JOG GAM THA DAD DU BSGOM PA MA YIN TE, BDEN PA GNYIS SU MED PAR MTHONG BA TZAM GYIS GROL BAR 'GYUR BA'I PHYIR RO, ,DE BAS NA, ZUNG 'JUG GI RIM PA RTOGS PA RNAMS LA NI, BSGOM PA PO DANG, BSGOM PA DANG, BSGOM PAR BYA'O ZHES, MNGON PAR ZHEN PA DMIGS SU MED DO, , GNYIS PA RNAM SNANG GI BYANG CHUB KYI SEMS KYI MTSAN NYID STON PA NI, RDO RJE 'CHANG CHEN PO'I BYANG CHUB SEMS KYI MTSAN NYID BSTAN PA'I RJES THOG DE NAS, MNGON PAR RTOGS PA'I RDO RJE NI 'OD GSAL BA STE, DE LA DMIGS PA'I TING NGE 'DZIN LA SNYOMS PAR ZHUGS TE, 'OG NAS 'BYUNG BA 'DI GSUNGS SO, ,RANG GI @206 SEMS GZOD MA NAS MA SKYES PA, RDO RJE GSUM MI PHYED PA'I STONG PA NYID KYI RANG BZHIN YIN TE, CHOS BDAG MED PA RANG BZHIN GYIS 'OD GSAL BA'I DON DAM DANG GNYIS SU MED CING MNYAM PA NYID YIN PAS SO, ,CHOS BDAG MED PA DE JI LTA BU ZHE NA, PHYI SNOD DU GYUR PA'I DNGOS PO THAMS CAD BRAL ZHING, NANG PHUNG PO KHAMS DANG SKYE MCHED KYI BDAG NYID CAN GZUNG BA DANG 'DZIN PA RNAM PAR SPANGS PA NAM MKHA' LTA BU'O, ,GSUM PA MI BSKYOD PA'I BYANG CHUB KYI SEMS BSTAN PA NI, RNAM SNANG GI BYANG CHUB KYI SEMS BSTAN PA'I RJES THOG DE NAS, MI BZAD PA'I RDO RJE NI YANG DAG PA'I MTHA' STE, DE LA DMIGS PA TING NGE 'DZIN LA YANG DAG PAR SNYOMS PAR ZHUGS NAS, 'OG NAS 'BYUNG BA 'DI GSUNGS SO, ,PHYI NANG GI DNGOS PO 'DI RNAMS MTHA' BZHI LAS MA SKYES PAS CHOS RNAMS MED PA YIN LA, CHOS RNAMS KYI CHOS NYID KYANG MED DE, RTEN CHOS CAN MED PA'I PHYIR RO, ,DE BAS NA NAM MKHA' LTA SPROS PA DANG BRAL ZHING, BDAG MED PA'I RANG BZHIN 'OD GSAL BA 'DI NI, GNYIS SU MED PA'I YE SHES KYI MTSAN NYID CAN GYI BYANG CHUB THOB PA'I TSUL TE THABS BRTAN PA'AM SNYING PO YOD PA YIN NO, ,BZHI PA RIN 'BYUNG GI BYUNG CHUB KYI SEMS KYI MTSAN NYID BSTAN PA NI, MI BSKYOD PA'I BYANG CHUB KYI SEMS KYI MTSAN NYID BSTAN PA'I RJES THOG DE NAS, BDAG MED PA'I RDO RJE NI DON DAM PA'I BDEN PA STE, DE LA DMIGS PA'I TING NGE 'DZIN LA SNYOMS PAR ZHUGS TE, 'OG NAS 'BYUNG BA 'DI GSUNGS SO, ,ZAG BCAS ZAG MED KYI CHOS THAMS CAD MTSAN GZHI'I @207 DNGOS POR MED DE, MTSAN MA MED PA'I PHYIR, MTSAN GZHI MA GRUB PAS CHOS RNAMS KYI MTSAN NYID KYANG RNAM PAR SPANGS NAS GA LA YOD DE, RTEN MED PA'I PHYIR RO, ,DPER NA MO GSHAM GYI BU SNGO BSANGS DANG DKAR SHAM BZHIN, 'O NA JI LTAR LHA'I SKU BSKYED CE NA, BDAG MED PA'I CHOS TE, 'OD GSAL LAS BDAG BYIN GYIS RLOBS PA'I RIM GYIS ZUNG 'JUG GI SKU KUN TU 'BYUNG STE, DE'I PHYIR 'OD GSAL 'DI NI BYANG CHUB THOB PA'I TSUL TE, THABS BRTAN PA YIN NO, , LNGA PA 'OD DPAG MED KYI BYANG CHUB KYI SEMS KYI MTSAN NYID BSTAN PA'I RJES THOGS DE NAS, 'OD ZER 'BAR BA SGRON MA NI 'OD GSAL BA STE DE LA DMIGS PA'I TING NGE 'DZIN LA SNYOMS PAR ZHUGS TE, 'OG NAS 'BYUNG BA 'DI GSUNGS SO, , RANG BZHIN GYIS MA SKYES PA'I 'DUS BYAS DANG, 'DUS MA BYAS KYI CHOS RNAMS LA BSGOM PA'ANG MED DE, BSGOM PAR BYA BA'I NGO BO NYID MED PA'I PHYIR RO, ,'O NA LHA'I RNAL 'BYOR DU JI LTAR 'GYUR ZHE, NAM MKHA' NI DON DAM PA'I BDEN PA DANG TSUL NI KUN RDZOB KYI BDEN PA STE, DE NYID THA DAD MED PAR GCIG TU SBYOR BA'I TSUL GYIS DE LTAR DNGOS PO STE, ZUNG 'JUG RDO RJE 'CHANG CHEN PO'I SKUR RAB TU BSGRAGS SHING BSHAD DO, ,ZHES PA'O, ,DRUG PA DON YOD GRUB PA'I BYANG CHUB KYI SEMS KYI MTSAN NYID BSTAN PA NI, 'OD DPAG MED KYI BYANG CHUB KYI SEMS KYI MTSAN NYID BSTAN PA'I RJES THOGS DE NAS, ZIL GNON RDO RJE NI 'OD GSAL BA STE, DE LA DMIGS PA'I TING NGE 'DZIN LA SNYOMS PAR ZHUGS TE, 'OG NAS 'BYUNG BA 'DI @208 GSUNGS SO, ,PHYI NANG GI CHOS RNAMS NI RANG BZHIN KUN RDZOB KYI BDEN PA DANG, 'OD GSAL DON DAM PA'I BDEN PA STE, BDEN PA GNYIS SU GNAS PA DE BAS NA, GDOD MA NAS RANG BZHIN GYIS RNAM PAR DAG STE NAM MKHA' BZHIN NO, ,DE BAS NA 'BRAS BU BYANG CHUB MED CING DE 'THOB PA'I RGYU MNGON RTOGS KYANG MED DE, RGYU DANG 'BRAS BU DBYER MI PHYED PA'I PHYIR RO, ,RGYU 'BRAS DBYER MED MI PHYED PAR YONGS SU SHES PA'I 'OD GSAL 'DI NI, BYANG CHUB THOB PA'I TSUL TE THABS BSTAN PA'O, , ZHES SO, ,DRUG PA SLAR YANG NGO MTSAR BA'I CHED DU BRJOD PA NI, DE BZHIN GSHEGS PA DRUG GIS BYANG CHUB KYI SEMS KYI MTSAN NYID BSTAN PA'I RJES DE NAS, BYAMS PA LA SOGS PA SKU GSUNG THUGS KYI GSANG BA NI YID KYI RANG BZHIN GYI SKU YIN LA, CHOS KYI DE KHO NA NYID NI, DE DON DAM PA'I BDEN PAS RNAM PAR DAG PAR BYAS PAS TE DE GSAL BAR BYED PA'I YI GE THOS NAS, KUN RDZOB KYI BDEN PAS NGO MTSAR DU GYUR, DON DAM PA'I BDEN PAS RMAD DU GYUR TE, CHED DU BRJOD PA 'DI CHED DU BRJOD DO, , AE MA HO SANGS RGYAS ZHES PA KUN RDZOB KYI SGO NAS BSTOD PA'O, ,AE MA HO CHOS ZHES PA NI DON DAM PA'I SGO NAS BSTOD PA'O, ,CHOS BSHAD PA NI NGO MTSAR CHE ZHES PA BDEN GNYIS DBYER MI PHYED PAR GSAL BAR BYED PA'I CHOS BSTAN PA'I SGO NAS BSTOD PA'O, ,YANG DAG DON NI 'OD GSAL LO, ,DAG PA'I DON NI DAG PA'I SGYU LUS SO, ,DE LTA BU'I YON TAN DANG LDAN PA'I BYANG CHUB KYI SEMS RDO RJE 'CHANG CHEN PO KHYED LA PHYAG 'TSAL LO ZHES SO, ,BDAG MED PA'I CHOS DON DAM PA'I BDEN PA @209 LAS 'KHRUNGS SHING BYUNG BA DANG, SANGS RGYAS KYI BYANG CHUB RDZOGS PA'I RIM PA GDUL BYA'I RGYUD LA BSKYED CING RDZOGS PAR MDZAD PA DANG RTOG PA THAMS CAD LAS 'DAS PAS NA MI RTOG PA DANG DE NYID KYIS NA DMIGS SU MED PA STE DMIGS BRAL KHYED LA PHYAG 'TSAL LO ZHES SO, ,'KHOR 'DAS KUN TU BZANG BAS NA KUN TU BZANG PO, PHUN SUM TSOGS PA THAMS CAD BSGRUB PAS NA THAMS CAD DON NO, ,LHA'I DKYIL 'KHOR RAB TU SPRO BAR MDZAD PAS NA BYANG CHUB SEMS NI RAB BSKOR BA'O, ,BYANG CHUB NI DON DAM PA'I BDEN PA'O, ,SPYOD PA NI KUN RDZOB KYI BDEN PA'O, ,BDEN GNYIS DBYER MI PHYED PA NI RDO RJE CHE STE, DE LTA BU KHYOD LA PHYAG 'TSAL LO ZHES SO, , GANG LA PHYAG 'TSAL BA'I BYANG CHUB SEMS KYI NGO BO DE JI LTA BU ZHE NA, DE BZHIN GSHEGS PA'I THUGS DAG PAS TE, YID KYI RANG BZHIN GYI SKU MNGA' BA'O, ,GDUL BYA RNAMS LA SKU RDO RJE LA SOGS PA'I RNAM PAR SNANG BAS NA SKU GSUNG THUGS KYI RDO RJE 'DZIN NO, ,RDO RJE GSUM GYI SANGS RGYAS THOB PAR MDZAD CING MI GNAS PA'I MYA NGAN LAS 'DAS PA LA 'JOG PAR MDZAD PAS NA SANGS RGYAS BYANG CHUB RAB STON PA'O, ,DE LTA BU'I BYANG CHUB KYI SEMS RDO RJE 'CHANG CHEN PO KHYED LA PHYAG 'TSAL LO, , ZHES PA'O, ,BYANG CHUB KYI SEMS KYI LE'U STE LE'U GNYIS PA'I RNAM BSHAD DO,, ,, ` LE'U GSUM PA LA GNYIS TE, BSDUS PA'I DON DANG, YAN LAG GI DON NO, ,DANG PO BSDUS PA'I DON LA, BRJOD BYA DON GYI BSDUS DON DANG, RJOD BYED SGRA'I BSDUS DON GNYIS KYI DANG PO NI, LE'U 'DIS, BSKYED RIM PA DANG RDZOGS @210 RIM PA GNYIS KYIS, PHRA MO RNAM PA GSUM BSGOM PA SNGON 'GRO LHA'I RNAL 'BYOR DANG BCAS PA GSAL BAR STON NO, ,DE LA PHRA MO RNAM PA GSUM NI, STENG SGO LA BRTEN PA'I MTSAN MA PHRA MO BSGOM PA DANG 'OG SGO LA BRTEN PA'I THIG LE PHRA MO BSGOM PA NI BSKYED RIM PA'I'O, ,ZHI SOGS KYI LAS BSGRUB PA'I DON DU RDO RJE'I BZLAS PA BGOM PA NI RDZOGS RIM PA'I'O, ,RJOD BYED SGRA'I BSDUS DON NI 'GREL BAR GSAL LO, , GNYIS PA YAN LAG GI DON LA GSUM STE, SNGON 'GRO LHA'I RNAL 'BYOR BSTAN PA DANG, DNGOS GZHI PHRA MO'I RNAL 'BYOR BSTAN PA DANG, LHA'I RNAL 'BYOR GSAL BAR BSHAD PA'O, ,DANG PO LA DRANG DON DANG NGES DON GNYIS KYI, DANG PO LA YANG GSUM STE, SDUD PA PO'I TSIG GIS MTSAMS SBYAR BA DANG, STON PA'I GSUNG GIS RTEN DANG BRTEN PA'I DKYIL 'KHOR MDOR BSTAN PA DANG, BRTEN PA LHA'I DKYIL 'KHOR RGYAS PAR BSHAD PA'O, ,DANG PO NI, LE'U GNYIS PA RDZOGS PA'I RJES THOG DE NAS, GSUNGS SO ZHE SBYAR RO, ,GANG GIS SHE NA, BCOM LDAN 'DAS SKU GSUNG THUGS RDO RJE DE BZHIN GSHEGS PA RDO RJE 'CHANG CHEN POS SO, ,GANG ZHIG CE NA, DE BZHIN GSHEGS PA THAMS CAD KYI ZHES SOGS TE, RNAM SNANG LA SOGS PA DE BZHIN GSHEGS PA RNAMS SEMS CAN GYI DON GYI PHYIR, PHYOGS BCUR KHYAB PA NI 'PHRO BA, DE NYID CHOS KYI CHAR 'BEBS PAS NA SPRIN, BSAM PA'I DBANG GIS SKU DU MAR STON PAS BKOD PA, DE NYID MI PHYED PAS NA RDO RJE STE, DE LTA BU'I TING NGE 'DZIN @211 LA SNYOMS PAR ZHUGS TE, RDO RJE BKOD PA ZHES BYA BA'I TING NGE 'DZIN NI DE BZHIN GSHEGS PA'I TSOGS KYI DKYIL 'KHOR TE, DE STON PA'I LE'U 'DI'O, ,GNYIS PA RTEN DANG BRTEN PA'I DKYIL 'KHOR MDOR BSTAN PA NI, DE LA DANG PO RTEN GZHAL YAS KHANG DANG SBYAR NA, BSRUNG BA'I 'KHOR LO 'OD GSAL DU BCUG NAS SA'I CHA STONG PA NYID DU BSGOM PA NI SHU N+YA TA ZHES SOGS KYI SNGAGS SO, ,DE LTA BU'I CHOS KYI DBYINGS KYI RANG BZHIN GYI NAM MKHA'I KHAMS KYI DBUS SU GNAS PA STE CHUD PAR RNAM SNANG LA SOGS PA'I SANGS RGYAS PA RNAMS KYI DKYIL 'KHOR TE, GZHAL YAS KHANG PA'I 'KHOR LO BSDOM PAR BYA'O, ,GZHAL YAS KHANG DE'I MTSAN NYID JI LTA BU ZHE NA, 'OD ZER SPRIN GYI BKOD PA CHE ZHES PA, LHA RNAMS KYI 'OD ZER SPRIN GYI TSOGS KYIS KHYAB PA'O, ,SANGS RGYAS 'BAR BA'I 'OD DANG MNYAM PA NI PHYOGS BZHI DBUS DANG BCAS PA RNAMS KYI KHA DOG KYANG GTZO BO SANGS RGYAS LNGA'I KHA DOG DANG 'DRA BA'O, ,'OD ZER RNAM LNGAS KUN TU KHYAB PA NI, GZHAL YAS KHANG DE'I RGYU RIN PO CHE SNA LNGA LAS GRUB PA'O, ,THAMS CAD DU BZANG BAS NA KUN NAS YONGS SU ZLUM POR TE, RIN PO CHE SNA TSOGS LAS GRUB PAS NA DNGOS POR BZANG ZHING GRU BZHI LA SOGS PA'I YON TAN DANG LDAN PAS MNGON PAR 'DU BYAS PAS BZANG BA'O, , SNAM BU LA GZUGS RDO RJE LA SOGS PA'I GZUNGS KYI LHA MO RNAMS GNAS PAS 'DOD PA'I YON TAN LNGAS KHYAB PA'O, ,SNAM BU DE NYID LA LHA LA NYE BAR BSTAN PA'I MCHOD PA RNAM PA LNGAS BRGYAN CING SPRAS PA'O, ,MDOR BSDU NA, RTEN LHA'I DKYIL @212 'KHOR DE LTAR BSGOM PAR BYA'O, ,GNYIS PA BRTEN PA LHA BSKYED PA DANG SBYAR NA, GZHAL YAS KHANG DER, LHAG MOS 'OD GSAL TU BCUG NAS, DE NYID BRTAN PAR BYED PA NI SHU N+YA TA ZHES SOGS SO, ,DE LTA BU'I DE BZHIN NYID LAS BYANG CHUB PA NI, NAM MKHA'I DBYINGS KYI DBUS GNAS PAR, ,ZHES SO, ,DE NAS ZLA BA LAS BYANG CHUB PA LA SOGS PA RNAL 'BYOR BZHI GTZO BO'I SKU BSKYED PA DANG, DKYIL 'KHOR RGYAL MCHOG BSKYED PA NI, SANGS RGYAS DKYIL 'KHOR BSGOM PA NI, ,ZHES PA'O, ,LHA DE RNAMS MTSAN NYID JI LTAR BSGOM ZHE NA, 'OD ZER SPRIN GYI BKOD PA CHE, ,ZHES RIGS DE DANG DER 'BREL BA'I GTZO 'KHOR GYI LHA RNAMS RANG RANG GI GNAS JI LTA BA BZHIN DU GNAS PA DANG, SANGS RGYAS 'BAR BA'I 'OD DANG MNYAM, ,ZHES PA 'KHOR RNAMS KYANG RANG GI GTZO BO'I KHA DOG DANG 'DRA BA'O, ,'DOD PA'I YON TAN LNGA YIS KHYAB, ,CES PA GZUGS RDO RJE LA SOGS PA BYE BRAG TU BSHAD PA'O, ,RKANG PA GZHAN LHAG MA GSUM NI LHA DANG MI SBYAR RO, ,MDOR NA, BRTEN PA LHA'I DKYIL 'KHOR DE LTAR BSGOMS NAS, 'OG NAS 'BYUNG BA'I PHRA MO'I RNAL 'BYOR BSGOM ZHES PA'O, ,GSUM PA BRTEN PA LHA'I DKYIL 'KHOR RGYAS PAR BSHAD PA LA GSUM STE, DANG PO RIGS SO SO'I ZLOS PA POS RDO RJE 'CHANG SOGS DBUS SU BSGOM PA NI, DE LTA BU'I DKYIL 'KHOR BSGOM PA'I GTZO BO GANG ZHIG GIS BYA ZHE NA, RDO RJE 'CHANG GI ZLOS PA POS NI, GZUGS TE BDAG NYID DKYIL 'KHOR GYI DBUS SU RDO RJE 'CHANG CHEN PO'I RNAM PAR BSGOM PAR BYA'O, ,RNAM SNANG GI ZLOS PA POS NI, RNAM PAR SNANG @213 MDZAD KYI PHYAG RGYA CHEN PO DBUS SU BSGOM PAR BYA ZHING, RNAM SNANG NI SKU RDO RJE YIN YANG, GSUNG DANG THUGS KYI YON TAN YANG MNGA' BAS SKU GSUNG THUGS KYIS MTSAN PA'O, ,MI BSKYOD PA'I ZLOS PA PO NI 'DIS LHA'I DKYIL 'KHOR SDUD PAS NA BSDUS PA STE RDO RJE 'CHANG CHEN PO DANG GCIG TU SBYOR BA MI BSKYOD PA ZHE SDANG RDO RJE'I RGYAL MCHOG STE, PHYAG RGYA CHEN PO BSGOM PAR BYA'O, ,DE BZHIN DU RIN 'BYUNG GI ZLOS PA POS DKON MCHOG DPAL TE RIN 'BYUNG DANG, 'OD DPAG MED KYI ZLOS PA POS TSE DPAG MED DANG DON GRUB KYI ZLOS PA POS THOGS MED GRUB PA STE DON GRUB KYI PHYAG RGYA CHEN PO RNAMS DKYIL 'KHOR GYI DBUS SU BSGOM PAR BYA'O, ,ZLOS PA PO'I RIGS KYI DBYE BAS, DE BZHIN GSHEGS PA DRUG PO GANG DBUS SU BSGOMS PAS GTZO BO BYA BAR 'DIR DNGOS SU BSHAD PA, DE DAG GIS NYE BAR MTSON NAS, GNOD MDZES KYI BAR GYI LHA SUM CU RTZA GNYIS PO GANG LA ME TOG PHOG PAS GTZO BO BYA'O ZHES KYANG ZHOR LA STON NO, ,DE SKAD DU YANG RDO RJE MCHOG NI GANG YIN PA'I, DBUS SU SKU NI LEGS BRIS LA, ,DE YI MING SMOS RDO RJE YI, ,DKYIL 'KHOR YIN ZHES SANGS RGYAS GSUNGS, ,ZHES BSHAD DO, ,DE LA DE BZHIN GSHEGS PA GZHAN BZHI DBUS SU 'GRO BA NA, DE'I SHUL DU MI BSKYOD PA 'GRO ZHING, YUM GYI SHUL DU REG RDO RJE 'GRO'O, ,BYANG CHUB SEMS DPA' DANG, KHRO BO RNAMS DBUS SU 'GRO BA NA, RIGS BDAG GANG YIN PA DE PHYUNG NAS RANG LA BSTIM, DE'I SHUL DU MI BSKYOD PA 'GRO LA, PHYOGS KYI LHA MOS YUM BYED PAS, DE'I SHUL DU REG RDO RJE MA 'GRO'O, , @214 LHA MO RNAMS DBUS SU 'GRO BA NA, RANG GI RIGS BDAG GANG YIN PA DE PHYUNG NAS RANG LA BSTIM, DE'I SHUL DU MI BSKYOD PA 'GRO ZHING RANG GI SHUL DU REG RDO RJE MA 'GRO'O, ,RNAM PA LHA MO LA NGO BO RANG GI RIGS BDAG GI DE BZHIN GSHEGS PA'I NGA RGYAL GYIS, DKYIL 'KHOR PA GZHAN RNAMS 'BYIN NO, ,YANG NA RNAL 'BYOR PAS LHA MO RNAMS LA ME TOG PHOG KYANG LHA MO'I RNAM PAR MI BSGOM GYIS, DE'I RIGS BDAG DE BZHIN GSHEGS PA'I RNAM PAR BSGOM LA, RNAL 'BYOR MA RNAMS KYIS LHA PHO LA ME TOG PHOG KYANG, DE'I RNAM PAR MI BSGOM GYI, DE'I YUM LHA MO'I RNAM PAR BSGOM PA 'THAD DE, GSANG MTSAN 'DOGS PA NA BUD MED RNAMS LA LHA MO'I MING DANG, SKYES PA RNAMS LA DE BZHIN GSHEGS PA'I MING GIS 'DOGS PA'I PHYIR RO, , GNYIS PA GTZO BO DE RNAMS KYI SKU MDOG DANG PHYAG MTSAN GSAL BAR BSHAD PA NI, SKU GSUNG THUGS KYI RDO RJE CAN NI RDO RJE 'CHANG CHEN PO STE, DE LA MI BSKYOD PA ZHUGS PAS ZHE SDANG RDO RJER GYUR TE, SKU MDOG AINTRA NI LA'I KHA DOG 'DRA BA PHYAG G-YAS KYI DANG PO NA RAB TU 'BAR BA'I RDO RJE BSNAMS PA, KHRO BA DANG 'DOD CHAGS CHEN PO 'DRES PAS MCHE BA CUNG ZAD RNAM PAR GTZIGS PA LA DE NYID KYI PHYIR 'JIGS 'JIGS LTA BU BSGOM MO, ,RNAM PAR SNANG MDZAD NI SKU MDOG SHEL DANG ZLA BA'I 'OD 'DRA BA DANG, THOR TSUGS DANG COD PAN GYIS BRGYAN PA DANG, 'OD KYI DKYIL 'KHOR DANG BCAS SHING SKU LA SNA TSOGS PA'I MTSAN BZANG PO THAMS CAD KYIS MDZES PAR BRGYAN PA, PHYAG G-YAS KYI DANG PO NA RAB TU 'BAR BA'I 'KHOR @215 LO DKAR PO BSNAMS PA BSGOM MO, ,RIN CHEN 'BYUNG LDAN NI SKU MDOG 'DZAM BU CHU BO'I GSER 'OD 'DRA BA SANGS RGYAS TE, DE BZHIN GSHEGS PA'I SPRIN GYIS KUN NAS 'KHRIGS PA, PHYAG G-YAS KYI DANG PO NA RIN PO CHE BSNAMS PA BSGOM MO, ,DE YI PHYAG NA RDO RJE CHE, ,ZHES PA NI, ZHE SDANG RDO RJE'I PHYAG MTSAN GSAL BAR BSHAD PA'O, ,'DOD CHAGS RDO RJE CAN NI, 'OD DPAG TU MED PA STE, SKU MDOG PAD MA R'A GA'I MDOG 'DRA BA DANG, 'DOD CHAGS RNAM PAR DAG PA'I RANG BZHIN YIN PAS, GTZO BO 'DOD CHAGS 'BAR MNGA' BA, ,ZHES SO, ,PHYAG G-YAS KYI DANG PO NA RAB TU 'BAR BA'I PAD MA DMAR PO BSNAMS PA BSGOM MO, ,GDON MI ZA BA RDO RJE CAN NI DON YOD GRUB PA STE, SKU MDOG MAR KA TI'I 'OD 'DRA BA DANG, SKU LA RDO RJE 'BAR BAS RNAM PAR BRGYAN PA DANG, 'OD ZER KUN TU 'BAR BA'I SPRIN GYIS KHYAB PA DANG, ZHI BA'I NYAMS DANG LDAN PA, SNA TSOGS PA'I 'GRO BA MA LUS PA'I DON BYED PAS, PHYAG G-YAS KYI DANG PO NA DKAR PO LA SOGS PA'I 'OD ZER SNA LNGA LDAN PA'I RAL GRI BSNAMS PA BSGOM MO, ,DE LTAR SANGS RGYAS LNGA'I DKYIL 'KHOR BSGOM PAR BYA'O, , GSUM PA GTZO BO DE RNAMS BSKYED PA'I YAN LAG ZLA BA LAS BYANG CHUB PA STON PA NI, DE NAS, BCOM LDAN 'DAS CHOS KYI DBYINGS KYI NGO BO NYID RDO RJE ZHES BYA BA'I TING NGE 'DZIN LA SNYOMS PAR ZHUGS TE, 'OG NAS 'BYUNG BA'I SNGAGS 'DI GSUNGS SO, ,SNGAGS NI AOm LA SOGS TE, 'DIS NI YI GE 'BRU GSUM PAD MA DANG @216 BCAS PA YAS THIM, NYI MA'I DKYIL 'KHOR MAS THIM PAS BDAG NYID ZLA BA'I DKYIL 'KHOR LTA BUR BYIN GYIS BRLABS TE, DE'I STENG DU YI GE 'BRU GSUM LA SOGS PAS LHA'I SKU BSKYED DE, 'OG NAS BSHAD PA'I PHRA MO'I RNAL 'BYOR BSGOM PA BSTAN TO, , DE DAG GIS LHA'I RNAL 'BYOR DRANG DON DU BSHAD NAS, NGES PA'I DON DU BSHAD PA LA GNYIS KYI, DANG PO RDO RJE BZLAS PA'I RLUNG SNGAGS KYI DE KHO NA NYID STON PA NI, DE NAS BCOM LDAN SNYOMS PAR ZHUGS TE, 'DI GSUNGS SO ZHES SBYAR RO, ,GANG LA SNYOMS PAR ZHUGS NA, DE BZHIN GSHEGS PA THAMS CAD RLUNG 'OD ZER LNGA'O, , 'PHRO BA NI DE DAG STENG GI SNA SGO LAS 'BYUNG BA'O, ,SPRIN NI TSOGS SO, ,BKOD PA NI DKYIL 'KHOR RE RE LA DKYIL 'KHOR BZHI BZHI 'BYUNG ZHING, DKAR PO LA SOGS PA'I KHA DOG GIS PHYE BA'O, ,MDOR NA RLUNG DE KHO NA NYID LA DMIGS PA'I TING NGE 'DZIN LA SNYOMS PAR ZHUGS TE ZHES PA'O, ,GANG GSUNG NA RDO RJE BKOD PA ZHES TE, RDO RJE NI YI GE GSUM MO, ,DE'I BKOD PA NI A'A LI K'A LI DANG MA nI LA SOGS PA'I YI GE'I TSOGS TE, DE RNAMS NI YI GE 'BRU GSUM DU 'DUS LA, NYIN DANG MTSAN DU 'JUG GNAS LDANG BA'I RIM PA LAS 'BRU GSUM ZLOS PA NI TING NGE 'DZIN TE, DE STON PA'I LE'U 'DI'O, ,DE DAG GIS NI RLUNG DANG SNGAGS KYI DE KHO NA NYID BSTAN LA, DON DE NYID SHU N+YA TA'I SNGAGS KYIS KYANG STON TE, DE'ANG RLUNG DANG SBYAR BA DANG, SNGAGS DANG SBYAR BA GNYIS KYI, DANG PO NI, BSHAD RGYUD LAS, AOm NI DANG PO GCIG DANG LDAN, ,SH'U N+YA TA NI GNYIS PA STE, ,DZNYA NA ZHES PA GSUM PA'O, ,BADZRA ZHES BYA @217 BZHI PA'O, ,SVA BHA A'ATMA KO LNGA PA, ,AA HAm ZHES PA DRUG PAR BRJOD, ,DE LTAR BDE GSHEGS DRUG PO NI, ,SKYE BO MCHOG LA BSTAN PA YIN, ,ZHES TE, AOm NI RLUNG DANG PO ME'I DKYIL 'KHOR GYEN DU RGYU BA'I RLUNG NGO, ,SH'U N+YA TA NI GNYIS PA G-YON PA RLUNG GI DKYIL 'KHOR ME DANG MNYAM DU GNAS PA'I RLUNG NGO, ,DZNYA NA ZHES PA RLUNG GSUM PA, GNYIS KA NAS RGYU BA SA'I DKYIL 'KHOR THUR DU SEL BA'I RLUNG NGO, ,BADZRA ZHES PA RLUNG BZHI PA DAL GYIS RGYU BA CHU'I DKYIL 'KHOR SROG 'DZIN PA'I RLUNG NGO, ,SVA BHA WA A'ATMA KO NI RLUNG LNGA PA NAM MKHA'I BDAG NYID KHYAB BYED KYI RLUNG NGO, ,AA HAm NI DRUG PA RLUNG GI 'BYUNG GNAS 'OD GSAL LO, ,RLUNG LNGA NI DE BZHIN GSHEGS PA LNGA, 'OD GSAL NI DRUG PA RDO RJE 'CHANG CHEN PO STE, DE LTAR NA RLUNG LNGA 'OD GSAL DANG BCAS PA'I BDE GSHEGS DRUG PO NI, SKYE BO MCHOG ZUNG 'JUG PA LA BSTAN PA YIN NO, ,RLUNG DE DAG RE RE ZHING RLUNG GI DE NYID 'JUG GNAS LDANG GSUM DANG LDAN PAR BSTAN PA NI, AOm SH'U N+YA TA ZUNG DANG PO, DZNYA NA BADZRA GNYIS PA YIN, SVA BHA A'ATMA KO HAm GSUM PA, DE NYID GSUM DANG 'DIR BRTAGS PA'O, ,DE NYID GSUM NI GCIG GYUR PA, ,GSAL BA'I MING CAN ZHES BYAR BRJOD, ,CES TE, AOm SH'U N+YA TA NI RLUNG DANG POR NANG DU 'JUG PA'O, ,DZNYA NA BADZRA NI GNYIS PA NANG DU GNAS PA'O, , SVA BHA A'ATMA KO HAm NI GSUM PA PHYIR LDANG BA'O, ,DE LTA BU'I RLUNG GI DE NYID 'JUG GNAS LDANG GSUM 'DIR RLUNG LNGA PO RE RE ZHING RNAM PAR BRTAGS PA'O, ,DE NYID GSUM NI STONG NYID GSUM STE, DE DAG GCIG TU GYUR PA NI GSAL BA'I MING CAN @218 'OD GSAL ZHES BYA BAR BRJOD DO, ,DE LTAR RLUNG GI DE KHO NA NYID LTAR BSHAD NAS, SNGAGS KYI DE KHO NA NYID LTAR BSHAD NA, TSIGS BCAD DANG POS 'BRU GSUM 'GRUB PA'I RGYU YIG 'BRU DRUG STON TE, 'DI LTAR AOm NI DANG PO ZHES YI GE AO'O, ,SH'U N+YA TA NI AAm NGO, DZNYA NA NI AA'O, ,BADZRA NI AA: DRAG PO'O, ,SVA BHA A'ATMA KO NI A'U RING PO'O, , AA HAm NI HA'O, ,DE LTA BU'I YI GE DRUG NI BDE GSHEGS DRUG GI SA BON YIN PAS, BDE GSHEGS DRUG GO ,DE NYID SKYE BO MCHOG ZUNG 'JUG PA LA BSTAN PA YIN NO, , DE LTA BU'I YI GE DRUG LAS SNGAGS KYI DE NYID YI GE 'BRU GSUM JI LTAR 'GYUR BA BSTAN PA NI, AOm SH'U N+YA TA ZHES PAS AOm LA AAm BZHAG PAS AOm DU 'GYUR RO, , DZNY'A NA BADZRA ZHES PAS AA LA AA: DRAG PO BZHAG PAS AA: TSEG DRAG CAN DU 'GYUR RO, , SVA BHA A'ATMA KO HAm ZHES PAS HA LA A'U RING PO BCUG STE SNGA MA'I AAm BZHAG PAS H'Um DU 'GYUR RO, ,YI GE 'BRU DRUG PO DE NYID SNGAGS KYI 'BRU GSUM DU 'GYUR BAR 'DIR RNAM PAR BRTAGS PA'O, ,SNGAGS KYI DE NYID 'BRU GSUM NI AA THUNG NGU GCIG GI BDAG NYID DU 'GYUR TE, YI GE KUN LA AA THUNG GIS KHYAB PA'I PHYIR RO, ,AA THUNG DE NI GSAL BA'I MING CAN ZHES BRJOD DE, DE SKAD DU YANG, AA NI YIG 'BRU KUN GYI MCHOG ,DON CHEN YI GE DAM PA YIN, KHONG NAS 'BYUNG BA SKYE BA MED, ,TSIG KUN RAB TU GSAL BAR BYED, ,CES GSUNGS PA'I PHYIR RO, ,GNYIS PA RDO RJE BZLAS PA'I RTEN ZUNG 'JUG PA'I LHA'I RNAL 'BYOR STON PA NI, SANGS RGYAS DKYIL 'KHOR TE DBEN GSUM SNGON DU 'GRO BA CAN GYI SGYU MA LTA BU'I SKU PA'I RTEN ZUNG 'JUG PA'I LHA'I RNAL 'BYOR STON PA NI, SANGS @219 JI LTA BU ZHE NA, SNANG BA GSUM GYI TSOGS KYI SNANG BA 'KHRIGS PAS NA 'OD ZER SPRIN GYI BKOD PA ZHAL, 'JA' TSON LTAR DKAR PO LA SOGS PA'I 'OD ZER LNGAS BRGYAN PAS NA SANGS RGYAS 'BAR BA'I 'OD DANG MNYAM PA'O, KHAMS PHRA BA LAS BSGRUBS PAS NA, 'OD ZER SNA LNGAS KUN TU KHYAB PA'O, ,PHYI NANG GI DNGOS PO THAMS CAD KYI NGO BO YIN PAS KUN NAS YONGS SU ZLUM POR RO, ,RGYU BA LA SOGS PA'I 'OD ZER LNGA DANG LDAN PAS, 'DOD PA'I YON TAN LNGAS BRGYAN PA'O, ,YUL RNAMS LA NYE BAR LONGS SPYOD PAS NA, MCHOD PA RNAM PA LNGA NI DBANG PO LNGA RNAMS TE DE RNAMS KYIS BRGYAN PA NI YUL MA LUS PA MTHONG BA'I PHYIR RO, ,DE LTA BU'I SANGS RGYAS KYI DKYIL 'KHOR DE NAM MKHA'I DBYINGS KYI DBUS GNAS PAR TE 'OD GSAL BAR CHUD PAR BSGOM PAR BYA'O, ,DE LTAR BDAG NYID 'OD GSAL BAR CHUD PAR BSGOMS NAS, SLAR YANG 'OD GSAL LAS LANGS TE, MDOR NAS TE SKAD CIG GI RNAM PAS RDO RJE 'CHANG CHEN PO'I GZUGS TE SKU'I NGO BOR 'KHOR BA DANG MYA NGAN LAS 'DAS PA DAG GI DBUS SU YOD PA DANG MED PA'I PHYOGS DANG BRAL BAR BDAG NYID RNAM PAR BSGOM PAR BYA'O, ,DE LTAR 'OD GSAL LAS ZUNG 'JUG LONGS SKUR BZHENGS NAS, ZLOS PA PO'I BYE BRAG GIS DE BZHIN GSHEGS PA LNGA'I RANG BZHIN GYI SPRUL SKUR BSGYUR BA NI, RNAM PAR SNANG MDZAD PHYAG RGYA CHE ZHES SOGS TE, DE DAG GI BSHAD PA NI DRANG DON GYI SKABS BZHIN DU SHES PAR BYA'O, ,DE LTA BU'I ZUNG 'JUG PA'I DKYIL 'KHOR RGYAL MCHOG LA GNAS TE 'OG NAS BSHAD PA'I PHRA MO'I RNAL 'BYOR GSUM @220 LAS, RDO RJE BZLAS PA'I SGO NAS SEMS CAN GYI DON BYA'O ZHES STON NO, ,SGYU MA LTA BU'I SKU 'OD GSAL DU BCUG NAS, ZUNG 'JUG LONGS SKU BSKYED PA'I RGYU GANG YIN ZHE NA, LUGS BZLOG GI SNANG BA GSUM RLUNG DANG BCAS PA YIN ZHES STON PA NI, DE NAS BCOM LDAN 'DAS ZHES PA NAS AOm DHARMA DHA TU ZHES PA'I BAR RO, ,DE'I DON BSHAD RGYUD KYIS 'CHAD PA NI, AOm NI DANG POR SHES PAR BYA, ,DHARMA ZHES BYA GNYIS PA'O, ,DHA TU ZHES PA GSUM PAR BSHAD, ,SVA BHA WA GRAGS BZHI PA'O, ,A'ATMA KO NI LNGA PA YIN, ,AA HAm DU GYUR DRUG PAR 'DOD, ,SNGAGS 'DI BRJOD NAS DE 'OG TU, , BSGOM PA'I BDAG NYID CAN GYIS BSGOM, ,ZHES GSUNGS TE, AOm NI SROG 'DZIN NO, ,DHARMA NI THUR SEL LO, ,DHA TU NI GYEN RGYU'O, ,SVA BHA WA NI ME DANG MNYAM GNAS SO, ,A'ATMA KO NI KHYAB BYED KYI RLUNG NGO, ,AA HAm NI RLUNG GI 'BYUNG GNAS 'OD GSAL LO, ,YA BRAL DRUG PO DE DAG ZUNG BSDEBS PAS LUGS BZLOG SNANG BA GSUM STON TE, DANG PO GNYIS KYIS NYER THOB KYI YE SHES DANG, BAR PA GNYIS KYIS SNANG MCHED KYI YE SHES DANG, THA MA GNYIS KYIS SNANG BA'I YE SHES BSTAN TO, ,SNGAGS 'DI BRJOD NAS ZHES PA NI, SNGAGS KYI DON LUGS BZLOG GI SNANG BA GSUM RLUNG DANG BCAS PA MNGON SUM DU BYAS NAS, DE'I 'OG TU ZUNG 'JUG LONGS SKUR BZHENGS PA NI, BSGOM PA'I BDAG NYID CAN GYIS BSGOM, ,ZHES PA STE, NGES PA'I DON NO, , GNYIS PA DNGOS GZHI'I PHRA MO'I RNAL 'BYOR BSTAN PA LA GNYIS TE, SPYI'I DON DANG, YAN LAG GI DON NO, ,DANG PO LA DRUG STE, NGO BO DANG, DBYE BA DANG, NGES TSIG @221 DANG, BSLAB PA'I TSUL DANG, BSLAB PA MTHAR PHYIN PA'I TSAD DANG, PHAN YON BSTAN PA'O, ,DE LA PHRA MO'I RNAL 'BYOR RANG GI NGO BO NI, SEMS SBYONG BA'I TING NGE 'DZIN GYI KHYAD PAR RO, ,DBYE NA GNYIS TE, STENG SGO LA BRTEN PA DANG 'OG SGO LA BRTEN PA'O, ,'OG SGO LA BRTEN PA LA YANG GNYIS TE, 'OG SGO LA THIG LE BSGOM PA DANG, LHA'I MTSAN MA BSGOM PA'O, ,'OG SGOR MTSAN MA BSGOM PA NI, LE'U DRUG PA LAS, AUTPAL MTHING KA'I MDOG 'DRA BA, ,RTZE MO LNGA PA KHYAD PAR DU, ,NAS KYI 'BRU TZAM NAN TAN GYIS, ,SNA YI RTZE MOR RNAM PAR BSAM, ,TZA NA KA YI 'BRU TZAM LA, ,'DAB MA BRGYAD PA GE SAR BCAS, ,SNA YI RTZE MOR 'DI SHES TE, ,BSGOMS NA BYANG CHUB STZOL BAR 'GYUR, ,ZHES GSUNGS SO, ,PHRA MO'I RNAL 'BYOR GYI NGES TSIG NI, PHRA ZHING RTOGS PAR DKA' BA LA DMIGS PA'I PHYIR NA PHRA MO'I RNAL 'BYOR TE, RANG GI LHA'I MTSAN MA NYUNGS DKAR RAM NAS KYI 'BRU TSAD TZAM DANG, BYANG CHUB KYI SEMS KYI THIG LE RTOGS PAR DKA' BA LA SLOB PA'I PHYIR RO, ,BSLAB PA'I TSUL NI, DANG POR SEMS BRTAN PAR BYA BA'I PHYIR, SNA'I RTZER MTSAN MA BRTAN PAR BSLAB PA DANG, DE NAS BSGOM PA DBANG DU GYUR PA BSKYED PA'I SPRO BA DANG BSDU BA LA BSLAB PA STE, DE YANG DANG POR MTSAN MA'I SPRO BSDU LA BSLAB, PHYIS LHA'I SPRO BSDU LA BSLAB PAR BYA'O, ,BSLAB PA MTHAR PHYIN PA'I TSAD NI GNYIS TE, REG PA'I MTSAN MA DANG, MTHONG BA'I MTSAN MA'O, ,MTHAR PHYIN PA'I PHAN YON NI, RANG GI SEMS LA DBANG DU GYUR PA THOB PAS, 'JIG RTEN DANG 'JIG RTEN LAS 'DAS PA'I DNGOS GRUB @222 THAMS CAD THOB PAR 'GYUR PA'O, ,GNYIS PA YAN LAG GI DON LA GSUM GYI, DANG PO PHYI'I DON NI, BSGOM ZHES SBYAR RO, ,SU ZHIG GIS ZHE NA, DRAN PA GCIG PA MTHAR PHYIN PA NANG LA MCHOG TU GZHOL BA'I RNAL 'BYOR PA YIS SO, ,CI'I PHYIR DU NA, RANG GI SEMS BRTAN PAR BYA BA'I PHYIR DU'O, ,GANG ZHIG CE NA, RIN CHEN CHEN PO NI RDO RJE LA SOGS PA RANG GI LHA'I PHYAG MTSAN TE, DE YANG RIGS LNGA DANG 'BREL BA'I KHA DOG LNGA PA CHE CHUNG YUNGS DKAR GYI 'BRU'I TSAD TZAM MO, ,GNAS GANG DU NA, RANG GI LHAG PA'I LHAS GTZO BYAS PA'I DKYIL 'KHOR RGYAL MCHOG YAS CHOD BSKYED NAS GTZO BO'I SNA'I RTZE MOR NYI MA DANG ZLA BA'I DKYIL 'KHOR SEN MO ZLUM PA TZAM GYI STENG DU'O, ,DUS NI NYIN MTSAN RTAG PAR NAN TAN DU BSGOM PAR BYA'O, ,DE LTAR BSGOMS PAS REG MTHONG GI MTSAN MA BYUNG STE, RDO RJE LA SOGS PA'I PHYAG MTSAN GYI RIN PO CHE BRTAN PAR GYUR NA, BSGOMS PAS MI G-YO BAR SHES PA DANG, BSGOM PA LA DBANG DU GYUR PA BSKYED PA'I PHYIR SPRO BAR BYA'O, ,BRTAN PAR MA GYUR PA STE, BSGOM PA LA 'DOD BZHIN PAS NI SPRO BAR MI BYA'O, ,DE LTAR MTSAN MA'I SPRO BSDU LA BYANG NAS, TING NGE 'DZIN LA RTZAL SBYANG BA'I PHYIR MTSAN MA PHRA MO GYUR PA LAS BYUNG BA'I LHA'I SPRO BSDU LA BSLAB PAR BYA'O ZHES STON PA NI, SPRO BAR BYA'O ZHES SBYAR, GANG ZHE NA, MCHOG RAB SPRIN RNAMS TE, MTSAN MA GYUR PA LAS BYUNG BA'I RANG GI LHAG PA'I LHA'I TSOGS SO, ,JI LTA BU NI, KHA DOG NI, SANGS RGYAS 'BAR BA 'DRA BA'I 'OD CES TE, DKAR PO LA SOGS PA RANG GI RIGS DANG MTHUN PA'I KHA DOG DANG LDAN PA'O, , @223 PHYAG MTSAN NI 'KHOR LO LA SOGS PA RANG GI RIGS DANG MTHUN PA'I MTSON CHA PHYAG NA 'DZIN PA'O, ,DE BZHIN GSHEGS PA 'BA' ZHIG DU MA ZAD KYIS BYANG CHUB SEMS DPA'I SPRIN CHEN RNAMS TE, BYANG CHUB SEMS DPA' DANG LHA MO DANG KHRO BO LA SOGS PA'I RIGS LNGA'I LHA RNAMS KYANG SPRO BA'I BDAG NYID CAN SGRUB PA POS NAM MKHA' KHYAB PAR SPRO ZHING, G-YOGS PAR BYA'O, ,'DIS NI STENG SGOR BRTEN PA'I PHRA MO'I RNAL 'BYOR BSTAN TO, ,GNYIS PA SBAS DON DU BSHAD PAS, 'OG SGO LA BRTEN PA'I PHRA MO'I RNAL 'BYOR STON PA NI, GZHAN RNAMS SNGAR DANG 'DRA LA, GANG ZHIG BSGOM ZHE NA, RIN CHEN CHEN PO NI KUN RDZOB BYANG CHUB KYI SEMS TE, CHE CHUNG YUNGS DKAR GYI 'BRU TSAD TZAM, KHA DOG LNGA PA NI, DE BZHIN GSHEGS PA LNGA'I BDAG NYID DU BYAS LA BSGOM MO, ,GANG DU NA SNA'I RTZE MOR TE RANG GI RDO RJE KHAR RO, ,TSUL JI LTAR NA SGRUB THABS LAS JI SKAD BSHAD PA'I CHO GAS RDO RJE DANG PAD MA 'DU BYAS PA SNGON DU 'GRO BAS RANG GI SEMS KYI RIN PO CHE BRTAN PAR BYAS NAS, RNAL 'BYOR PA PHYAG RGYA DANG SNYOMS PAR ZHUGS TE, BYANG CHUB KYI SEMS YUNGS DKAR GYI 'BRU TSAD TZAM SPRO ZHING PHYUNG STE'O, ,JI SKAD BSHAD PA'I CHO GAS SEMS KYI RIN PO CHE BRTAN PAR MA GYUR PAR THIG LE LA YONGS MI SPRO'O, ,DE LTAR THIG LE'I MTSAN MA'I SPRO BSDU LA BYANG BAR GYUR NAS, TING NGE 'DZIN GYI RTZAL SBYANG BA'I PHYIR, THIG LE YONGS SU GYUR PA LAS BYUNG BA'I DKYIL 'KHOR PA'I LHA RNAMS BU DANG TSA BO LA SOGS PA'I TSUL DU SPRO STE, BSGOM PAR BYA'O ZHES STON PA NI, SANGS RGYAS 'BAR BA 'DRA BA'I 'OD, @224 ,CES SOGS TE, BSHAD PA SNGA MA BZHIN DU SHES PAR BYA'O, ,GSUM PA MTHAR THUG TU BSHAD PAS RDZOGS RIM PA'I PHRA MO'I RNAL 'BYOR STON PA NI, RTAG PAR TE NYIN MTSAN DU BSGOM PAR BYA'O ZHES SBYAR, SU ZHIG GIS ZHE NA, 'OD GSAL MTHAR PHYIN NAS ZUNG 'JUG LA SLOB PA'I RNAL 'BYOR BA YI'O, ,GANG ZHIG CE NA, SANGS RGYAS KYI RIN PO CHE BSKYED PAS NA RIN PO CHE STE, RLUNG GI 'BYUNG GNAS MI SHIGS PAR GRAGS PA STE, DE NI THIG LE'I GZUGS CAN YIN PAS YUNGS DKAR GYI 'BRU TSAD TZAM MO, ,MI SHIGS PA DE GANG NA GNAS SHE NA, SNA'I RTZE MOR TE SNYING KHA'I PAD MA'I LTE BAR GNAS SO, ,MI SHIGS PA DE LAS BYUNG BA'I RLUNG KHA DOG LNGA PO DE BZHIN GSHEGS PA LNGA'I BDAG NYID CAN NO, ,TSUL JI LTAR ZHE NA, NAN TAN TU STE, DE LA 'BRU GSUM DU ZHEN PAS 'JUG GNAS LDANG GSUM GYI RGYU BA BGRANG PA'I TSUL GYIS, BRTAN PA STE MI SHIGS PA LAS BYUNG BA'I RIN CHEN TE KHA DOG LNGA PA'I 'OD ZER GYI TSOGS SPRO BAR BYA'O, ,'O NA DE RNAL 'BYOR PA JI LTA BU ZHIG GIS BZLAS PAR BYA ZHE NA, 'OD GSAL GYI DE NYID RTOGS NAS ZUNG 'JUG LA GNAS PA'I SGRUB PA POS BZLAS PAR BYA YI, BRTAN PAR MA GYUR PAS TE 'OD GSAL MA RTOGS SHING ZUNG 'JUG LA MI GNAS PAS NI YONGS MI SPRO STE RDO RJE BZLAS PA'I SGO NAS GZHAN DON MI BYA'O ZHES PA'O, ,SPRO BA'I CHO GA BSTAN PA NI, SANGS RGYAS 'BAR BA'I ZHES TE, SANGS RGYAS 'BAR BA NI 'OD ZER RNAM PA'O, ,DE DANG 'DRA BA'I 'OD NI DKYIL 'KHOR BZHI STE G-YAS DANG, G-YON DANG, GNYIS KA DANG, DAL GYIS RGYU BA'I DBYE BAS MGON @225 PO BZHI'I BDAG NYID KYI MCHOG RAB SPRIN RNAMS TE, DKYIL 'KHOR LA SPROS PAS NAM MKHA'I KHONGS SU GTOGS PAR SPRO BAR BYA'O ZHES SO, ,GZHUNG LHAG MA RNAMS MTHAR THUG TU BSHAD PA MED DO, ,GSUM PA DE DAG GI DON GSAL BAR BSHAD PA LA GNYIS TE, DRANG DON DU BSHAD PA DANG, NGES DON DU BSHAD PA'O, ,DANG PO LA GNYIS LAS, LHA RNAMS BSKYED PA'I RIM PA RGYAS PAR BSTAN PA NI, RNAM PAR SNANG MDZAD KYI ZLOS PA POS NAM MKHA'I DBYINGS KYI DBUS GNAS PAR TE, DE BZHIN NYID LA BYANG CHUB PA SNGON DU 'GRO BAS ZLA BA'I DKYIL 'KHOR BRI BAR BYA ZHES PAS, ZLA BA LAS BYANG CHUB PA BSGOMS NAS, GSAL BAS TE ZLA BA'I DKYIL 'KHOR GYI DBUS SU SA BON AOm LAS PHYAG MTSAN 'KHOR LO'I DKYIL 'KHOR TE 'KHOR LO DKAR PO BSAMS TE, DE YONGS SU GYUR PA LAS RNAM PAR SNANG MDZAD JI LTA BA BZHIN DU BSGOM PAR BYA'O, ,PAD MA BSGOMS PA STE PAD MA'I RIGS CAN GYI RNAL 'BYOR PAS, AA LAS PAD MA DMAR PO 'DAB MA BRGYAD PA AAS MTSAN PA, DE YONGS SU GYUR PA LAS PAD MA'I DKYIL 'KHOR 'DRA BA STE, PAD MA R'A GA'I 'OD CAN GYI 'OD DPAG TU MED PA BSGOM PAR BYA'O, ,RIN CHEN BRTZON PAS TE RIN 'BYUNG GI RIGS CAN GYIS, SVA LAS RIN PO CHE, DE YONGS SU GYUR PA LAS RIN CHEN DKYIL 'KHOR 'DRA BA STE RIN CHEN 'BYUNG LDAN SKU MDOG SER PO BSGOM PAR BYA'O, , DON GRUB KYI RIGS CAN GYIS, HA LAS SBYOR BA'I DKYIL 'KHOR TE SNA TSOGS RDO RJE, DE LAS BYUNG BA'I DON YOD GRUB PA NAM MKHA'I MDOG 'DRA BA SNGO BSANGS BSGOM @226 PAR BYA'O, ,MI BSKYOD PA'I RNAL 'BYOR PAS NI, AOm A'A: H'Um LAS RDO RJE, DE LAS BYUNG BA'I SKU DANG GSUNG DANG SGRUB PA'I DKYIL 'KHOR NI MI BSKYOD PA STE DE BSGOM PAR BYA'O, ,RJES SU RNAL 'BYOR DE DAG GANG GI YIN ZHE NA, RJES SU RNAL 'BYOR LNGA PO 'DI DAG SANGS RGYAS RAB KYI MCHOG STE, DE BZHIN GSHEGS PA LNGA'I YIN LA, RJES SU RNAL 'BYOR DE'I SNGON DU 'GRO BA NI, THAMS CAD MKHYEN PA'I TSUL TE SBYOR BA, DE BZHIN NYID DANG ZLA BA LAS BYANG CHUB PA STE, DE DAG RJES SU RNAL 'BYOR GYI SNGON DU 'GRO BA'O, ,LE'U'I MTSAN DON NI, RDO RJE NI DE BZHIN GSHEGS PA RNAMS SO, , BKOD PA NI DE DANG GANG DU 'DUS PA MDZAD PA STE, DE NI RDO RJE BKOD PA'I LE'U ZHES BYA'O, ,GNYIS PA NGES DON DU BSHAD PA LA GSUM STE, RDO RJE BZLAS PA RGYAS PAR BSHAD PA DANG, LE'U'I MTSAN DON DANG, DE NYID LUNG GIS BSGRUB PA'O, , DANG PO NI, SNGAR PHRA MO'I RNAL 'BYOR MTHAR THUG TU BSHAD PA'I RLUNG GI DE KHO NA NYID, 'DIR DKYIL 'KHOR BZHI'I BDAG NYID CAN GYI MGON PO BZHI'I NGO BO NYID DU SO SOR PHYE NAS GSAL BAR 'CHAD DO, ,DE LA BRI BAR BYA BA STE SHES PAR BYA'O, ,GANG ZHE NA, NAM MKHA'I DBYINGS TE 'OD GSAL BA'I DBUS SU GNAS PA'I ZLA BA'I DKYIL 'KHOR RLUNG GI 'BYUNG GNAS MI SHIGS PA'I THIG LE'O, ,GSAL BA'I DKYIL 'KHOR TE 'OD GSAL BA'I DBUS NA GNAS PA'I MI SHIGS PA LAS BYUNG BA'I 'KHOR LO'I DKYIL 'KHOR TE, CHU'I DKYIL 'KHOR MI BSKYOD PA'I NGO BO NYID KHA DOG DKAR ZHING DAL BAR RGYU BA DE, BSGOM PA STE 'BYUNG BAR SHES PAR BYA'O, ,PAD MA'I DKYIL @227 'KHOR 'DRA BA NI ME'I DKYIL 'KHOR KHA DOG DMAR PO, ,PAD MA BSGOM PA STE 'OD DPAG TU MED PA'I NGO BO NYID G-YAS NAS 'BYUNG BAR SHES PAR BYA'O, ,RIN CHEN DKYIL 'KHOR 'DRA BA NI DBANG CHEN GYI DKYIL 'KHOR KHA DOG SER PO, RIN CHEN BRTZON PAS TE RIN 'BYUNG GI BDAG NYID GNYIS KA LAS 'BYUNG BAR SHES PAR BYA'O, , SBYOR BA'I DKYIL 'KHOR NI RLUNG GI DKYIL 'KHOR KHA DOG NAG PO NAM MKHA' 'DRA BA STE DON YOD GRUB PA'I NGO BO NYID G-YON PA NAS 'BYUNG BAR SHES PAR BYA'O, ,DE LTA BU'I DKYIL 'KHOR BZHI'I DGU BRGYA PA PHRAG RE RE RGYU BA'I DUS SU, ZUNG 'JUG PAS RDO RJE BZLAS PA'I SGO NAS ZHI SOGS KYI LAS BZHI GRUB BO, ,'O NA DE LTA BU'I RDO RJE BZLAS PA DES RTEN GANG LA GNAS TE GDUL BYA'I DON BYED CE NA, RDO RJE BZLAS PA 'DI DAG SANGS RGYAS RAB KYI MCHOG TE, ZUNG 'JUG GI RNAL 'BYOR SKU DANG GSUNG DU GRUB PA STE SKU GSUM DBYER MED RDO RJE 'CHANG CHEN PO'I SKUR BSKYED NAS GDUL BYA'I DON BYED DO, ,ZUNG 'JUG DE RGYU GANG LAS BYUNG BA YIN ZHE NA, DKYIL 'KHOR RDO RJE LAS BYUNG BA, ,ZHES TE, ZUNG 'JUG GI DKYIL 'KHOR DE NI RDO RJE STE 'OD GSAL BA LAS BYUNG BA STE, 'OD GSAL LAS BZHENGS NAS BDEN PA GNYIS KYI BDAG NYID CAN GYI LHA'I DKYIL 'KHOR YIN PAR SHES PAR BYA'O, ,'O NA ZUNG 'JUG LA BRTEN NAS RDO RJE BZLAS PA BYED PA DE DGOS PA GANG GI DON DU BYED CE NA, THAMS CAD MKHYEN PA'I TSUL THOB PA STE, THAMS CAD MKHYEN PA'I GO 'PHANG THOB PAR 'DOD PA RNAMS KYIS BYED DO, ,LE'U'I MTSAN DON NI, RDO RJE NI YONGS SU DAG PA'I LHA'I SKU, @228 BKOD PA NI TSOGS TE, DE STON PA'I TSIG GI LE'U LA YANG DE SKAD CES BYA'O, ,RTEN ZUNG 'JUG LA GNAS NAS RDO RJE BZLAS PA BYED PA DE GANG LAS SHES ZHE NA, DE DGONGS PA LUNG STON GYI LUNG GIS BSGRUB PA NI, THOG MTHA' MED PA'I RNAL 'BYOR LA, ,PHRA MO ZHES NI RAB TU BRTAGS, ,MI GSAL GSAL BAR YANG DAG SBYOR, ,DNGOS MED NGO BO NYID LAS BYUNG, ,RANG BZHIN GYIS GRUB DANG PO GCIG ,GCIG DANG DU MA RNAM PAR SPANG, ,RTEN CING 'BREL 'BYUNG CHOS SU GRAGS, ,DNGOS PO KUN GYI 'BYUNG GNAS GCIG ,BDAG NYID 'DI LTAR BYAS NAS NI, ,CHOS KYI DKYIL 'KHOR BRI BAR BYA, ,DMAR DANG GNAG DANG DE BZHIN SER, ,DKAR PO NYID DE MDOR BSDUS PA, , BZHI BZHI YI NI SBYOR BA YIS, ,GOS DKAR LA SOGS LEGS PAR BRI, ,DE YI DBUS SU RANG GI LHA, ,SBYOR BA BZHI YI GO 'PHANG MCHOG ,GOS DKAR LA SOGS JI BZHIN DU, ,STENG DANG GSEGS DANG THAD KA 'OG ,ME DANG RLUNG DANG DBANG CHEN DANG, ,CHU STE SO SO'I DKYIL 'KHOR RO, ,ZHES SOGS TE, DE LA RKANG PA DANG PO GNYIS KYIS NI ZUNG 'JUG GI RNAL 'BYOR LA GNAS NAS, RDO RJE'I BZLAS PA BYED PA MDOR BSTAN TO, ,LHAG MA RNAMS KYIS RGYAS PAR 'CHAD DE, DE YANG RKANG PA DANG PO NI, MI GSAL GSAL BAR ZHES PA NAS, 'DI LTAR BYAS NAS NI ZHES PA'I BAR GYIS 'CHAD LA, RKANG PA PHYI MA, CHOS KYI DKYIL 'KHOR ZHES PA MAN CHAD KYIS 'CHAD DO, , GANG LA GNAS NAS RDO RJE'I BZLAS PA BYED PA'I ZUNG 'JUG DE JI LTA BU ZHE NA, MI GSAL BA KUN RDZOB KYI BDEN PA DANG, GSAL BA DON DAM PA'I BDEN PA DAG GNYIS SU @229 MED PAR YANG DAG PAR SBYOR BA'I YE SHES NI ZUNG 'JUG YIN NO, ,DE RGYU GANG LAS BYUNG ZHE NA, DNGOS MED NGO BO NYID DE 'OD GSAL LAS YANG DAG PAR BYUNG NGO, ,'OD GSAL DE'I RANG BZHIN JI LTA BU ZHE NA, DE NI GSAR DU RGYU RKYEN GYIS BYAS PA MA YIN GYI, DANG PO STE GDOD MA NAS RANG BZHIN GYIS GRUB CING GNAS PA, DBYE BA MED PAS GCIG PU, BDEN PAR MA GRUB PAS NA, GCIG DANG DU MA RNAM PAR SPANGS PA, PHYI NANG GI DNGOS PO KUN DANG PO YANG DE LAS BYUNG ZHING, MTHAR YANG DER THIM PAS DNGOS PO KUN GYI 'BYUNG GNAS GCIG PA'O, ,DE LTA BU'I 'OD GSAL DE LAS ZUNG 'JUG GI SKU JI LTAR 'BYUNG ZHE NA, 'OD GSAL LAS LUGS BZLOG GI SNANG BA GSUM 'BYUNG BA NI, RTEN CING 'BREL 'BYUNG CHOS SU GRAGS ZHES SO, ,LUGS BZLOG GI SNANG BA GSUM RLUNG DANG BCAS PA LAS ZUNG 'JUG TU LDANG BA NI, BDAG NYID DE LTAR BYAS NAS NI, ,ZHES SO, ,DE LTA BU'I MTSAN NYID CAN GYI ZUNG 'JUG LA GNAS NAS CHOS KYI DKYIL 'KHOR TE RLUNG DKYIL 'KHOR BZHI'I BDAG NYID KYI RDO RJE BZLAS PA BYA'O, ,DKYIL 'KHOR BZHI PO DE GANG ZHE NA, ME DANG RLUNG DANG DBANG CHEN DANG, , CHU STE SO SO'I DKYIL 'KHOR RO, ,DE DAG GI KHA DOG NI GO RIM BZHIN DU, DMAR DANG GNAG DANG DE BZHIN SER, ,DKAR PO NYID DE MDOR BSDUS PA'O, ,THABS MGON PO BZHI PO DE DAG RE RE YANG GOS DKAR MO LA SOGS PA SHES RAB LHA MO BZHI BZHI'I SBYOR BA YIS LEGS PAR BRI ZHING BSGOM PAR BYA'O, ,DKYIL 'KHOR RE RE LA YANG LHA MO BZHI BZHI TSANG BAR RGYU NI, GANG GI SGO NAS THABS MGON PO'I RLUNG @230 DU BZHAG CE NA, SBYOR BA BZHI STE LHA MO'I RLUNG BZHI PO DE'I DBUS SU RANG GI LHA STE MGON PO'I RLUNG GI 'PHANG MCHOG STE RAGS PAR RGYU RING BAR RGYU, 'KHOR RNAMS LA DE'I 'OD KYIS KHYAB PAR RGYU BAS, THABS MGON PO'I RLUNG DU BZHAG GO ,LHA MO'I RLUNG RNAMS TSUL JI LTAR RGYU ZHE NA, GOS DKAR MO ME DANG, SGROL MA RLUNG DANG, SPYAN MA SA DANG, M'A MA KI CHU STE GO RIM BZHIN DU, STENG DANG, GSEGS DANG, THAD KA DANG, 'OG RNAMS SU RGYU'O, ,DE DAG GI DON RGYAS PAR NI NGAG DBEN GYI SKABS SU BSHAD ZIN TO, ,LE'U GSUM PA'I RNAM BSHAD DO,, ,, ` LE'U BZHI PA LA GNYIS TE, BSDUS DON DANG YAN LAG GI DON NO, , DANG PO LA GNYIS KYI, BRJOD BYA DON GYI BSDUS DON NI, LE'U 'DIS, KHYAD PAR CAN GYI SLOB MA RNAMS RDUL TSON GYI DKYIL 'KHOR DU DBANG BSKUR BA'I PHYIR, GSOL GDAB SNGON DU 'GRO BA CAN GYI DKYIL 'KHOR GYI CHO GA STON CING, DE'ANG DRANG DON DU BSHAD PA NI, DKYIL 'KHOR GYI MTSAN DANG THIG GDAB PA DANG, PHYAG RGYA BGOD PA DANG, MCHOD PA LA SOGS PA DKYIL 'KHOR GYI CHO GA BSTAN LA, NGES DON DU BSHAD PAS NI, ZUNG 'JUG RDO RJE 'CHANG CHEN PO'I DKYIL 'KHOR SKYED BYED KYI RGYU LAM DANG BCAS PA BSHAD DO, ,RJOD BYED SGRA'I BSDUS DON NI GO SLA'O, , GNYIS PA YAN LAG GI DON LA GSUM STE, BSTOD PA SNGON DU 'GRO BAS GSOL BA GDAB PA DANG, SDUD PA PO'I TSIG GIS MTSAMS SBYAR BA DANG, STON PA'I GSUNG GIS DKYIL 'KHOR GYI CHO GA BSTAN PA'O, ,DANG PO NI, LE'U GSUM PA RDZOGS PA' @231 RJES THOG DE NAS, GSOL BA BTAB BO ZHES SBYAR, GANG LA NA SKU GSUNG THUGS KYI BDAG PO RDO RJE 'CHANG CHEN PO LA'O, ,SU ZHIG GIS NA, MI BSKYOD PA LA SOGS PA DE BZHIN GSHEGS PA THAMS CAD KYIS SO, ,GANG GIS NA 'OG NAS 'BYUNG BA'I BSTOD PA'I RGYAL PO 'DIS SO, ,DE LA THOG MAR RIGS LNGA'I SGO NAS BSTOD PA NI, DE BZHIN GSHEGS PA KUN GYI BDAG NYID MI BSKYOD PA'I RANG BZHIN GYI RDO RJE 'CHANG CHEN PO KYE ZHES BOS NAS, DKYIL 'KHOR DAM PA BSHAD DU GSOL ZHES SBYAR RO, , DE BZHIN DU GZHAN LA'ANG SHES PAR BYA'O, ,ZHI BA ZHES PA NI RNAM PAR SNANG MDZAD KYI NGO BO NYID KYIS SO, ,DE BZHIN GSHEGS PA KUN GYI GNAS, ,ZHES PA NI RIN CHEN 'BYUNG LDAN GYI NGO BO NYID KYIS SO, ,CHOS KUN ZHES PA NI 'OD DPAG TU MED PA'I NGO BO NYID KYIS SO, ,BDAG MED PA'I CHOS ZHES PA NI DON YOD GRUB PA'I NGO BO NYID KYIS BSTOD PA'O, ,YANG RIGS GSUM GYI SGO NAS BSTOD PA NI, KYE KUN TU BZANG PO SKU YI MCHOG ,CES BOS NAS, DKYIL 'KHOR DAM PA BSHAD DU GSOL, , ZHES SBYAR RO, ,DKYIL 'KHOR JI LTA BU ZHE NA, 'CHAD PAR 'GYUR PA'I DKYIL 'KHOR GYI MTSAN DANG LDAN PA MTSAN RNAMS THAMS CAD YANG DAG RDZOGS SHING, LHAG CHAD KYI NYE PA DANG BRAL BA MTSAN MIN THAMS CAD YANG DAG SPANGS PA'O, ,YANG KYE KUN TU BZANG PO ZHES BOS NAS, DKYIL 'KHOR LAS BSHAD DU GSOL ZHES SBYAR RO, , KUN TU BZANG PO JI LTA BU ZHE NA, DON DAM PA'I BDEN PA LAS BYUNG BAS NA ZHI BA'I CHOS NI MCHOG LAS BYUNG BA'O, ,RANG BZHIN BRGYAD CU'I RNAM RTOG RNAMS @232 RNAM PAR BYANG CHUB BSGOMS PAS SBYONG BAR MDZAD PAS NA, YE SHES SPYOD PA RNAMS SBYONG BA'O, ,NGAG GI DBANG PHYUG BRNYES PAS NA GSUNG GI MCHOG GO ,'DIS NI GSUNG GI SGO NAS BSTOD PA'O, ,YANG KYE KUN TU BZANG PO ZHES BOS NAS, DKYIL 'KHOR DAM PA BSHAD DU GSOL ZHES SBYAR RO, , KUN TU BZANG PO JI LTA BU ZHE NA, SEMS CAN KUN GYI SEMS NI GNYIS SU MED PA'I RANG BZHIN GYI RDO RJE YIN PAS SEMS CHEN PO, 'DOD CHAGS LA SOGS PA RNAM PAR DPYAD NA DMIGS SU MED PAS RANG BZHIN GYIS DAG PA'O, ,'DOD CHAGS LA SOGS PA'I DRI MA DANG BRAL BAS NA DRI MA MED PA'O, ,DE NYID KYIS NA KUN TU BZANG PO'O, ,DE LTA BU'I RANG GI THUGS SO SOR THUGS SU CHUD PAS NA THUGS KYI MCHOG GO ,SEMS CAN THAMS CAD MYA NGAN LAS 'DAS PA THOB PAR MDZAD PAS NA KHA LO SGYUR BA'O, ,'DIS THUGS KYI SGO NAS BSTOD PA'O, ,GNYIS PA SDUD PA PO'I TSIG GIS MTSAMS SBYAR BA NI, GSOL BA BTAB PA'I RJES THOG DE NAS BSHAD CES SBYAR RA, ,GANG GIS NA GDUL BYA RNAMS LA CI RIGS PAR RJES SU STON PAR MDZAD PAS NA STON PA, GNYIS SU MED PA'I YE SHES KYI RDO RJE 'DZIN PAS NA RDO RJE 'DZIN PA, SA 'OG SA STENG MTHO RIS KYI NGO BOR GYUR PAS NA 'JIG RTEN GSUM PA, 'DOD PA'I KHAMS LA SOGS PA'I NGO BO NYID DU BZHUGS PAS NA KHAMS GSUM PA, 'JIG RTEN GSUM MCHOG RDO RJE NI NYAN RANG RNAMS YIN LA, DE RNAMS KYI MCHOG NI GTZO BOR GYUR PA'O, ,'JIG RTEN GSUM MCHOG NI TSANGS PA LA SOGS PA YIN LA, @233 DE RNAMS LA RJES SU STON PAR MDZAD PA RDO RJE 'CHANG CHEN POS SO, ,GANG ZHE NA, DE BZHIN GSHEGS PA KUN GYI THUGS KYI DKYIL 'KHOR RO, ,DKYIL 'KHOR DE JI LTA BU ZHE NA, DE BZHIN GSHEGS PA RNAMS BZHUGS PA'I GNAS SU GYUR PAS NA, DE BZHIN GSHEGS PA KUN GYI GNAS SO, ,SNYING PO LEN PAS NA DKYIL 'KHOR ZHES BYA LA, SNYING PO LEN PA DE DANG RNAM PA 'DRA BAS NA DKYIL 'KHOR RAB 'DRA BA'O, ,YID DU 'ONG BAS NA NYAMS DGA' 'O, ,GSUM PA STON PA'I GSUNG GIS DKYIL 'KHOR GYI CHO GA BSHAD PA LA GNYIS TE, DRANG DON BSHAD PA DANG, NGES PA'I DON BSHAD PA'O, , DANG PO LA BZHI STE, DKYIL 'KHOR GYI MTSAN BSTAN PA DANG, THIG GDAB PA DANG, PHYAG RGYA BKOD PA DANG, MCHOD PA'I CHO GA BSTAN PA'O, ,DANG PO NI, DE NAS ZHES PA NI DE'I PHYIR GYI DON YIN PAS, DE LTAR GSOL BA 'DEBS PA MTHONG BA NA, GANG GI PHYIR 'DI NI DAD PA LA SOGS PA'I YON TAN RDZOGS PA YIN PA DE'I PHYIR DKYIL 'KHOR RAB TU BSHAD PAR BYA'O SNYAM DU DGONGS SO, ,DKYIL 'KHOR GANG ZHE NA, SEMS GTZO BOR GYUR PAS NA THUGS KYI DKYIL 'KHOR RO, ,RDO RJE'I RIGS GTZO BO YIN PAS NA MCHOG MI BSKYOD PA DANG 'DRA BAR BDUD RNAMS KYIS BSKYOD PAR MI NUS PAS NA THUGS KYI RDO RJE RAB 'DRA BA'O, ,SKU GSUNG THUGS KYI SNYING PO LEN PAS NA SKU GSUNG THUGS KYI DKYIL 'KHOR DE'O, ,GNYIS PA THIG GDAB PA NI, THIG GDAB BO ZHES SBYAR TE, DKYIL 'KHOR GYI SA'I CHA THIG GIS RNAM PAR BGO ZHES PA'O, ,SU ZHIG GIS SHE NA, LUS DANG NGAG SEMS BSGOMS PAS TE MNYAM PAR @234 BZHAG PA, LAS KYI CHO GA MTHONG BA'I SHES RAB CAN GYIS SO, ,GANG GIS GDAB CE NA, DKYIL 'KHOR STON PAS NA THIG SKUD, GZHAN DU MA SPYAD PAS NA GSAR PA, YANG DAG PAR SBRIL BAS NA LEGS PA BKAL BA, DKYIL 'KHOR GYI NYIS LDAB TU YOD PAS NA TSAD MA, TSON SNA LNGA DANG LDAN PAS NA RAB TU MDZES PA YIS SO, ,DKYIL 'KHOR TSAD JI TZAM DU THIG GIS BGO ZHE NA, THUGS KYI DKYIL 'KHOR DAM PA DE NGOS RE RE LA KHRU GSUM GSUM STE KHRU NI BCU GNYIS TSAD DU BYA'I DE LAS CHUNG BAR MI BYA'O, ,DBYIBS JI LTA BUR BYA ZHE NA, PHYI'I DKYIL 'KHOR GYI DBYIBS NI NGOS BZHI DANG GRVA BZHIR LDAN PA SHAR LA SOGS PA'I SGO BZHI DANG LDAN PAR RAB TU BRTAG GO ,DE LTA BU'I PHYI'I DKYIL 'KHOR DE'I DBUS SU 'KHOR LO STE NANG GI DKYIL 'KHOR ZLUM BU LTA BUR BRIS BAR BYA'O, , GSUM PA PHYAG RGYA DGOD PA NI, DE LTAR DKYIL 'KHOR BRI BA RDZOGS PA'I RJES DE NAS SA SBYANG BA LA SOGS PA LAS KYI CHO GA NYI SHU MTHONG BA'I SLOB DPON GYIS CHOS KYI PHYAG RGYA DANG, MTSAN MA'I PHYAG RGYA DANG PHYAG RGYA CHEN PO STE, PHYAG RGYA GSUM PO GDUL BYA'I RGYUD LA LTOS TE CI RIGS PAR DGOD PAR BYA'O, ,DE LA GDUL BYA DBANG PO RNON PO LA NI, YI GE H'Um LA SOGS PA SA BON 'GOD PA CHOS KYI PHYAG RGYA'O, ,DBANG PO 'BRING PO LA NI RDO RJE LA SOGS PA MTSAN MA'I PHYAG RGYA'O, , DBANG PO RTUL PO LA NI LHA SKU YONGS SU RDZOGS PAR 'BRI BA PHYAG RGYA CHEN PO'O, ,DE LA NYE BAR MTSON PA'I DON DU, MTSAN MA'I PHYAG RGYA BSTAN PA NI, DKYIL 'KHOR GYI @235 DBUS SU RDO RJE 'CHANG CHEN PO'I MTSAN MA RDO RJE BRI BAR BYA'O, ,JI LTA BU ZHE NA, AINDRA NI LA'I KHA DOG 'DRA BA 'OD ZER 'BAR BA DBYIBS RTZE LNGA PA, ZHE SDANG GI DE KHO NA NYID YIN PAS 'JIGS PA NI BGEGS RNAMS YIN LA, DE DAG KYANG RAB TU 'JIGS PAR BYED PA BRI'O, ,SHAR PHYOGS SU RNAM SNANG GI MTSAN MA 'KHOR LO CHEN PO RDO RJE 'BAR BA STE, 'OD ZER LNGAS RNAM PAR BRGYAN PA BRI BAR BYA'O, ,LHO PHYOGS SU RIN 'BYUNG GI MTSAN MA RIN CHEN CHEN PO 'OD ZER MANG POS 'KHRIGS PA BRI BAR BYA'O, , NUB PHYOGS SU 'OD DPAG MED KYI MTSAN MA PAD MA CHEN PO 'DAB MA BRGYAD PA PAD MA R'A GA'I KHA DOG 'DRA BA BRI BAR BYA'O, ,BYANG PHYOGS SU NI DON GRUB KYI MTSAN MA RAL GRI CHEN PO SNA LNGA'I 'OD ZER MANG PO RAB TU 'KHRIGS PA BRI BAR BYA'O, ,SHAR PHYOGS KYI GRVAR NI SPYAN MA'I MTSAN MA DBUS GNAG LA MTHA' DKAR BA'I 'OD DANG LDAN PA GANG YIN PA DE NI, DBUS NA SPRIN DANG 'DRA BA'I 'OD CES BYA STE, DE LTA BU'I SPYAN BRI BAR BYA'O, ,LHO PHYOGS KYI GRVAR M'A MA KI PHYOGS MTSAN RDO RJE BRI BAR BYA'O, ,M'A MA KI NI RIGS GNYIS 'DZIN PAS RIN PO CHE'I RIGS LA LTOS PA DE'I TSE RIN PO CHE YANG M'A MA KI'I PHYAG MTSAN DU 'GYUR RO, ,NUB PHYOGS KYI GRVAR NI GOS DKAR MO'I MTSAN MA PAD MA DMAR PO KHA BYE BA SDONG BUR BCAS PA BRI BAR BYA'O, , BYANG PHYOGS KYI GRVAR NI, SGROL MA'I MTSAN MA AUTPALA MDZES PA KHA DOG MTHING KA SPRIN SNGON PO DANG 'DRA BA BRI BAR BYA'O, ,SHAR PHYOGS KYI SGOR NI, GSHIN RJE GSHED KYI MTSAN MA 'OD ZER LNGAS BRGYAN PA'I THO BA 'BAR BA 'OD GSAL BA BRI @236 BAR BYA'O, ,LHO PHYOGS KYI SGOR NI SHES RAB MTHAR BYED KYI MTSAN MA RDO RJE 'BAR BA LA SOGS PA'I 'OD BZANG PO DANG LDAN PA'I BE CON BRI BAR BYA'O, ,NUB PHYOGS KYI SGOR NI PADMA MTHAR BYED KYI MTSAN MA RAL GRI LTAR RNO BA'I 'OD 'PHRO BA'I PADMA 'BAR BA 'OD BYED PA BRI BAR BYA'O, ,BYANG PHYOGS KYI SGOR NI, RDO RJE 'KHYIL BA RDO RJE'I BE CON TE BDUD RTZI 'KHYIL BA'I MTSAN MA SNA TSOGS RDO RJE BRI BAR BYA'O, , BSHAD MA THAG PA'I DKYIL 'KHOR BRI BA'I CHO GA NYE BAR SDUD PA NI, THUGS KYI DKYIL 'KHOR DAM PA DE, ,ZHES PA RKANG PA GNYIS SO, ,PHYUNG BA'I DKYIL 'KHOR LA LHA SUM CU RTZA GNYIS 'GOD PA'I RIGS PAS, BRI BA'I DKYIL 'KHOR DU YANG LHA SUM CU RTZA GNYIS 'GOD PAR SHES PAR BYA'O, ,BZHI PA MCHOD PA'I CHO GA BSTAN PA LA GSUM GYI, DANG PO LUS LA SOGS PAS MCHOD PA'I CHO GA BSTAN PA NI, DE LTAR BRIS SHING MTSAN MA BKOD DE, DKYIL 'KHOR JI LTA BA BZHIN DU BSGRUBS PA'I RJES LA, SGRUB PA POS LUS DANG NGAG SEMS MCHOD PA RNAM PA GSUM GYIS LHA'I 'KHOR LO LA NAN TAN DU STE GUS PA DANG BCAS PAS MCHOD PAR BYA'O, ,GNYIS PA NANG GI MCHOD PA NI, DE'I RJES SU SGRUB PA POS MNYES PAR BYA ZHING ROL BAR BYA'O ZHES SBYAR, GANG LA ZHE NA, SME SHA CAN GYI BU MO LA SOGS PA RANG GI RIGS KYI BUD MED DO, ,JI LTA BU ZHE NA, GZUGS SDUG PA LA SOGS PA'I YON TAN DANG LDAN PAS RAB TU MDANGS BZANG BA, NA TSOD LA GRANGS BCU DRUG LON PA DRI DANG ME TOG GI PHRENG BA DANG RGYAN RNAM PA SNA TSOGS KYIS BRGYAN PA'O, ,GANG DU NA, DKYIL 'KHOR DE'I DBUS SU'O, , @237 TSUL JI LTAR ROL BAR BYA ZHE NA, JI SKAD BSHAD PA'I YON TAN GYIS SKA RAGS SU BYAS PA'I BU MO DE M'A MA KIR BYIN GYIS BRLABS TE, THA MAL PA'I DNGOS PO BSAL LA RIGS LNGAS BRGYAN PAR BYAS TE'O, ,DE NAS SANGS RGYAS ZHI BA'I GNAS TE BYANG CHUB KYI SEMS KYI THIG LE RDO RJE'I LAM NAS RDO RJE PHYI ROL TU SPROS TE, BYANG CHUB KYI SEMS KYI RDUL PHRA RAB LAS BSGRUBS PA'I DE BZHIN GSHEGS PA'I TSOGS KYIS NAM MKHA'I DBYINGS KHYAB PAR BRGYAN PAR BYA'O, ,GSUM PA LUS KYI RGYU MTHUN PAS MCHOD PA NI, DE LTAR BYA CHUB KYI SEMS 'BA' ZHIG GIS MCHOD PAR MA ZAD KYI, BSHANG GCI KHU BA KHRAG LA SOGS PA BDUD RTZI LNGA RNAMS KYIS KYANG LHA BSHOS SU GYUR PAS DKYIL 'KHOR GYI LHA RNAMS LA DBUS BAR BYA ZHING, DE NYID KYIS BDAG NYID KYANG TSIM PAR BYA'O, ,DE LA 'DIR BDUD RTZIS LNGA PA LA MI MTHUN TE, KHA CIG RDO RJE'I DRI MA LA 'DOD, KHA CIG STENG SGO BDUN GYI DRI MA LA 'DOD, KHA CIG NGAR SNABS LA 'DOD, SA SKYA PA KHA CIG KLAD PA LA 'DOD DO, KHA CIG SHA CHEN LA 'DOD DO, , LUS KYI RGYU MTHUN GYI MCHOD PA DE LTAR BYAS PA'I PHAN YON NI, SANGS RGYAS NI GZUGS LA SOGS PA'I PHUNG PO DANG, BYANG CHUB SEMS DPA' NI MIG LA SOGS PA'I SKYE MCHED RNAMS TE, DE LTA BU'I SANGS RGYAS DANG BYANG CHUB SEMS DPA' GRAGS PA'I SKYE MCHED RNAMS TE, DE LTA BU'I SANGS RGYAS DANG BYANG CHUB SEMS DPA' GRAGS PA CHE ZHING BZANG PO LA SPYOD PA RNAMS MNYES SHING DGE BAR GYUR PAS, 'JIG RTEN GYI MIG DGA' BAR MDZAD PAR 'GYUR RO, ,NGES DON DU BSHAD PA LA GNYIS TE, BSDUS PA'I DON DANG, YAN LAG GI DON NO, ,BSDUS PA'I DON NI, RDO RJE TSIG DE @238 RNAMS NGES DON DU 'CHAD PA'I BSHAD RGYUD KYI LUNG 'DI RNAMS KYIS ZUNG 'JUG GI DKYIL 'KHOR THOB BYED KYI THABS LAM DANG BCAS PA BSTAN TE, DE YANG DKYIL 'KHOR GYI MTSAN DANG, THIG GDAB PA DANG, PHYAG RGYA DGOD PA RNAMS KYI ZUNG 'JUG GI MTSAN NYID BSHAD LA, LUS LA SOGS PA'I MCHOD PAS NI, DBEN GSUM SNGON DU 'GRO BA'I SGYU LUS BSGOM PA BSTAN CING, BYANG CHUB KYI SEMS KYIS MCHOD PA DANG, LUS KYI RGYU MTHUN GYIS MCHOD PAS, 'OD GSAL BSGOMS PAS ZUNG 'JUG THOG PAR BSTAN TO, ,YAN LAG GI DON LA BZHI STE, DKYIL 'KHOR GYI MTSAN DANG, THIG GDAB PA DANG, MCHOD PA NGES DON DU BSHAD PA'O, ,DKYIL 'KHOR GYI MTSAN NGES DON DU BSHAD PA NI, DE NAS THUGS KYI DKYIL 'KHOR MCHOG, RDO RJE YE SHES RAB 'DRA BA, ,SKU DANG GSUNG DANG THUGS RNAMS KYI, ,DKYIL 'KHOR RAB TU BSHAD PAR BYA, ,ZHES TE, GNYIS SU MED PA'I YE SHES ZUNG 'JUG GI SKU DE NYID MCHOG GI SNYING PO LEN PAS NA THUGS KYI DKYIL 'KHOR MCHOG CES BYA LA, DE CI DANG 'DRA NA, GNYIS SU MED PA'I YE SHES DE NYID MI PHYED PAS NA RDO RJE DANG 'DRA BA'O, , DE LTA BU'I SKU GSUNG THUGS DBYER MI PHYED PA'I ZUNG 'JUG GI DKYIL 'KHOR BSHAD PAR BYA'O, ,THIG GDAB PA NGES DON DU BSHAD PA LA GSUM STE, 'DEBS BYED THIG SKUD KYI NGES DON DANG, DES BTAB PA'I THIG GI NGES DON DANG, THIG GIS BSTAN PA'I DKYIL 'KHOR GYI NGES DON NO, ,THIG SKUD GSAR PA LEGS BKAL BA, , @239 ZHES SOGS THIG SKUD KYI NGES DON 'CHAD PA NI, 'DI NI DGU YI BDAG NYID MCHOG, LEGS SBRIL DE BZHIN NYID STON PA'O, ,SNA TSOGS LUNG GI BRDAR GYUR PA, ,TSAD MA BZANG POR DE BSHAD DO, ,KUN RDZOB DANG NI DON DAM DAG ,GNYIS SU MED PAR MDZES PA YIN, ,ZHE TE, THIG SKUD GSAR PA ZHES PA GANG LA BYA ZHE NA, GSAR PA'I SKAD DOD NA WA ZHES PA DGU LA YANG 'JUG PAS, 'DIR GSUNG RAB YAN LAG DGU'I BDAG NYID LA THIG SKUD GSAR PA ZHES BYA LA, DE NYID BRJOD BYA BDEN GNYIS STON PAS NA MCHOG GO, LEGS SBRIL ZHES PA, DES DE BZHIN NYID DON DAM PA'I BDEN PA STON PAS DE SKAD DO, ,TSAD MA ZHES PA GSUNG RAB DGU'I LUNG DE DAG BRJOD BYA SNA TSOGS PA KUN RDZOB KYI BDEN PA BSTON PA'I BRDAR GYUR PAS NA TSAD MA ZHES BSHAD DO, ,MDZES PA ZHES PA DE DAG GIS KUN RDZOB DANG DON DAM BDEN PA DAG GNYIS SU MED PAR ZUNG 'JUG STON PAS NA MDZES PA YIN NO, ,THIG GI NGES DON NI, GSUNG RAB DGU'I BDAG NYID KYI THIG SKUD KYIS BTAB PA'I THIG DE GANG ZHE NA, SHES RAB 'DI NI THIG YIN TE, ,THABS NI DE YI RJES 'JUG PA'O, ,ZHES TE, SHES RAB DON DAM PA'I BDEN PA 'OD GSAL DANG, DON DAM DE'I RJES SU 'JUG PA'I THABS KUN RDZOB KYI BDEN PA'I GNYIS DBYER MED PA'I 'DI NI GSUNG RAB YAN LAG DGU'I THIG SKUD KYIS BTAB PA'I THIG YIN NO, ,DKYIL 'KHOR GYI NGES DON NI DE LTA BU'I THIG DES, DKYIL 'KHOR GANG ZHIG STON ZHE NA, SHES RAB THABS KYI THIG CIG GIS, ,THUGS KYI DKYIL 'KHOR THIG GDAB BYA, ,ZHES TE, SHES RAB @240 DON DAM PA DANG THABS KUN RDZOB KYI BDEN PA DBYER MI PHYED PA'I THIG GCIG GIS THUGS KYI DKYIL 'KHOR THIG GDAB BYA STE, THUGS KYI DKYIL 'KHOR STON CES PA'O, ,THUGS KYI DKYIL 'KHOR JI LTA BU ZHE NA, CHOS DANG LONGS SPYOD RDZOGS PA MCHOG ,CES TE, CHOS KYI SKU DANG, LONGS SPYOD RDZOGS PA'I SKU, MCHOG SPRUL PA'I SKU STE, SKU GSUM DBYER MED ZUNG 'JUG RDO RJE 'CHANG CHEN PO NI, BDEN GNYIS DBYER MI PHYED PA'I SNYING PO LEN PA'AM 'DZIN PAS NA, THUGS KYI DKYIL 'KHOR ZHES BYA'O, ,BDEN GNYIS KYI THIG DES BSTAN PA'I, KHRU NI BCU GNYIS TSAD DU BYA, ,ZHES SOGS KYI DKYIL 'KHOR GYI NGES DON BSHAD PA NI, RTEN 'BREL YAN LAG BCU GNYIS PA, ,'PHAGS PA'I BDEN BZHI NGOS BZHI STE, ,TSANGS PA'I GNAS BZHI GRVA BZHI YIN, ,BSDU BA'I DNGOS GRAGS SGO YIN TE, ,RE RE'ANG BZHI BZHI'I MING CAN NO, ,CHOS KYI DE NYID DON GYI BRDA, ,'KHOR LO NANG GI DKYIL 'KHOR RO, ,ZHES TE, ZUNG 'JUG GI SKU DE NYID MA RIG PA LA SOGS PA RTEN 'BREL YAN LAG BCU GNYIS RNAM PAR DAG PAS KHRU BCU GNYIS PA'O, ,SDUG BSNGAL LA SOGS PA 'PHAGS PA'I BDEN PA BZHI THUGS SU CHUD PAS NA NGOS BZHI PA'O, ,BYAMS PA LA SOGS PA TSANGS PA'I GNAS BZHIS SEMS CAN THAMS CAD LA MNYAM PAS NA GRVA BZHI PA'O, ,SBYIN PA LA SOGS PA'I BSDU BA'I DNGOS PO BZHIS SEMS CAN RNAMS THAR PA CHEN PO'I GRONG KHYER DU SDUD CING 'JUG PAS NA SGO BZHI PA'O, ,CHOS RNAMS KYI DE KHO NA NYID KYI DON GNYIS SU MED PA'I YE SHES GCIG GI NGO BOR BZLUMS PA'I BRDAR NANG GI @241 DKYIL 'KHOR ZLUM PO'O, ,PHYAG RGYA BKOD PA NGES DON DU BSHAD PA LA GSUM STE, DE BZHIN GSHEGS PA LNGA'I PHYAG RGYA DANG, YUM BZHI'I PHYAG RGYA DANG, SGO BA BZHI'I PHYAG RGYA NGES DON DU BSHAD PA'O, ,DE LA, DE DBUS RDO RJE BRI BA NI, ,AINdA NI LA'I KHA DOG 'DRA, ,ZHES SOGS DE BZHIN GSHEGS PA LNGA'I PHYAG RGYA NGES DON DU BSHAD PA NI, MI PHYED YE SHES MTSAN NYID DE, ,RDO RJE AINdA NI LA RGYA, ,RNAM PA LNGA RU PHYE STE BSHAD, ,RTZE MO 'KHOR BA 'JIGS BYED DO, ,ZHES PAS DBUS SU RDO RJE 'BRI BA'I NGES DON BSTAN TE, ZUNG 'JUG GNYIS SU MED PA'I YE SHES DE NYID BDEN GNYIS DBYER MI PHYED PAR MTSON PA NI DBUS KYI RDO RJE'O, ,DE NYID LDOG PA'I SGO NAS ME LONG LTA BU LA SOGS PA LNGA RU PHYE BA NI RDO RJE DE NYID RVA LNGA PA'O, ,YE SHES LNGA PO DES 'KHOR BA'I 'JIGS PA 'JIG PAR BYED PAS MTSON CHA'I RTZE MO DANG 'DRA BAS NA RTZE MO'O, , ZUNG 'JUG GI YE SHES DE NYID GDOD MA NAS NYON MONGS DANG RNAM RTOG DRI MAS MA GOS PAS RANG BZHIN GYIS RNAM PAR DAG PA'I CHA NAS CHOS KYI DBYINGS KYI YE SHES YIN LA, DE MTSON PA NI RDO RJE DE NYID AINdA NI LA'I KHA DOG 'DRA BA'O, ,ZUNG 'JUG GI YE SHES DE NI ME LONG LA GZUGS BRNYAN SNANG BA LTAR DNGOS PO MA LUS PA CIG CAR YONGS SU SHES PA'I CHA NAS ME LONG YE SHES YIN LA, DE MTSON PA NI SHAR GYI 'KHOR LO YIN PAS, ME LONG RANG BZHIN SHAR GNAS PA'I, ,'KHOR LO 'BAR BAS RNAM PAR BRGYAN, ,CES SO, ,ZUNG 'JUG DE NYID KYIS PHYI NANG GI CHOS THAMS CAD SEMS TZAM MO ZHES RO GCIG TU RTOGS PA'I CHA NAS MNYAM NYID YE SHES YIN LA, @242 DE MTSON PA NI LHO PHYOGS KYI RIN PO CHE YIN PAS, MNYAM NYID YE SHES LHO PHYOGS SU, ,KUN CIG CES BYA'I RIN PO CHE, ,ZHES SO, ,YE SHES DE NYID KYIS CHOS RNAMS KYI CHA SHAS PAD MA'I 'DAB MA LTAR MA 'DRES PAR SO SOR RTOG PA'I CHA NAS SO SOR RTOG PA'I YE SHES YIN LA, DE MTSON PA NI NUB KYI PAD MA YIN PAS, SO SOR RTOG PA NUB PAD MA, ,PAD MA R'A GA'I 'OD 'DRA BA, ,ZHES SO, ,YE SHES DE NYID, RANG GZHAN GYI BYA BA SGO GSUM GYI LAS RDZOGS PAR BYED PA'I CHA NAS, BYA BA GRUB PA'I YE SHES YIN LA, DE MTSON PA BYANG GI RAL GRI YIN PAS, MCHOG GI THUGS NI GANG YIN PA'I, ,'GRO BA'I RNAM RTOG 'JOMS BYED PA, ,BYA BA GRUB PA BYANG PHYOGS KYI, , RAL GRI 'OD ZER 'BAR 'DRA'I MDOG ,CES SO, ,DE LTAR NA SHES RAB DANG SNYING RJE DBYER MED PA'I ZUNG 'JUG GI YE SHES KYI SHES RAB KYI CHA NI DE BZHIN GSHEGS PA LNGA'I MTSAN MAS BSTAN LA, DBUS NA SPRIN DANG 'DRA BA'I 'OD, ,CES SOGS YUM BZHI'I PHYAG MTSAN GYIS SNYING RJE TSAD MED PA BZHIR PHYE NAS STON TE, DE LA SEMS CAN BDE BA DANG LDAN PAR 'DOD PA'I BYAMS PA TSAD MED PA MTSON PA NI, SHAR LHO'I SPYAN YIN PAS, SPRIN SNGON DANG NI MNYAM PA'I 'OD, ,SHAR LHO'I SPYAN NI BYAMS PA YIN, ,ZHES SO, , SEMS CAN SDUG BSNGAL DANG BRAL BAR 'DOD PA'I SNYING RJE TSAD MED PA MTSON PA NI, LHO NUB KYI RDO RJE YIN PAS, M'A MA KI YI RIGS RDO RJE, ,LHO NUB SNYING RJE ZHES BYA'O, ,ZHES SO, ,SEMS CAN BDE BA DANG MI 'BRAL BAR 'DOD PA'I @243 DGA' BA TSAD MED PA MTSON PA NI, NUB BYANG GI PAD MA YIN PAS, NUB BYANG SDONG BU DANG BCAS PA'I, ,PAD MA DGA' BA'I YANG DAG GNAS, ,ZHES SO, ,SEMS CAN THAMS CAD LA MNYAM SNYOMS PA'I BTANG SNYOMS TSAD MED PA MTSON PA NI, BYANG SHAR GYI AUTPALA YIN PAS, BYANG SHAR AUTPALA 'OD ZER NI, ,SNGO DANG BCAS PA BTANG SNYOMS YIN, ,ZHES SO, ,DE LTAR NA, ZUNG 'JUG GI YE SHES KYI SHES RAB DANG SNYING RJE GNYIS NI, DE BZHIN GSHEGS PA LNGA DANG YUM BZHI'I MTSAN MAS BSTAN NAS, DE DAG GIS BSDU BA BZHI'I SGO NAS SEMS CAN GYI DON BYED PA'I PHRIN LAS, THO BA 'BAR BA 'OD GSAL BA, ,ZHES SOGS BSGO BA BZHI'I MTSAN MAS STON CING, DE LA THOG MAR GDUL BYA GDAMS NGAG GI SNOD DU RUNG BAR BYA BA'I PHYIR ZANG ZING GIS BSDUS PA'I SBYIN PA MTSON PA NI, SHAR SGO'I THO BA YIN PAS, THO BA MDANGS LDAN 'OD DANG BCAS, ,DE BZHIN SHAR SGO SBYIN PA STE, ,ZHES SO, ,SBYIN PAS BSDUS PA'I GDUL BYA LA PHAR PHYIN DRUG GI GTAM BRJOD PA'I SNYAN PAR SMRA BA MTSON PA NI, LHO SGO'I DBYUG PA YIN PAS, DE BZHIN SNYAN SMRA ZHES BSGRAGS PA, ,DBYUG PA 'OD BZANG RDO RJE 'BAR, ,ZHES SO, ,DE LTAR SNYAN PAR SMRAS PA'I GDUL BYA RANG LA YID CHES PAR BYA BA'I PHYIR DU, RANG NYID PHAR PHYIN DRUG TSUL BZHIN BSGRUBS PA'I DON SPYOD MTSON PA NI NUB SGO'I PAD MA YIN PAS, NUB TU DON SPYOD CES BYA BA, ,RTAG MGRIN GYI NI PAD MA'O, ,ZHES SO, ,DE LTAR BDAG LA YID CHES PA'I GDUL BYA, PHAR PHYIN DRUG LA TSUL BZHIN DU SLOB TU 'JUG PA'I DON MTHUN MTSON PA NI, BYANG @244 SGO'I RDO RJE YIN PAS, DON MTHUN PA NI RDO RJE STE, ,RDO RJE 'KHYIL BA RDO RJE CAN, ,ZHES SO, ,DE DAG GI DON BSDU BA NI, PHYAG RGYA BGOD PA'I MTSAN NYID DE, ,LEGS PAR BSHAD PA 'DI YIN NO, ,ZHES SO, ,DE LTAR, JI SKAD BSHAD PA'I MTSAN NYID CAN GYI ZUNG 'JUG DE'I RGYU, LAM BSTAN PA'I PHYIR DU, MCHOD PA'I CHO GA NGES DON DU BSHAD PA LA GSUM STE, LUS LA SOGS PA'I MCHOD PA DANG, BYANG CHUB KYI SEMS KYI MCHOD PA DANG, LUS KYI RGYU MTHUN GYI MCHOD PA NGES DON DU BSHAD PA'O, ,DE LA, LUS DANG NGAG SEMS MCHOD PA YI, ,ZHES SOGS, LUS LA SOGS PA'I MCHOD PA NGES DON DU BSHAD PA NI, JI BZHIN YANG DAG GNAS MCHOD PA, ,RNAM GSUM BSGOMS PAS 'GYUR BA YIN, ,DANG POR CHEN PO YOD PA YI, ,PHYAG RGYA'I DKYIL 'KHOR YIN PAR BSHAD, ,CES TE, ZUNG 'JUG GI SKU DE THOB PAR BYED PA'I RGYU GANG ZHE NA, JI BZHIN YANG DAG GNAS PA NI ZUNG 'JUG YIN LA, DE MCHOD PA STE MNYES PA'AM, THOB PAR BYED PA'I RGYU NI DBEN PA RNAM PA GSUM BSGOMS PAS THOB PAR 'GYUR BA YIN ZHES TE, 'DIS DBEN GSUM BSTAN TO, ,CHEN PO YOD PA'I PHYAG RGYA NI, LHA SKU PHYAG RGYA CHEN PO SGYU MA LTA BU'I SKU YIN PAS, DE NYID ZUNG 'JUG 'OD GSAL GYI SNYING PO LEN PAS NA DKYIL 'KHOR TE, 'OD GSAL GYI DANG POR SGYU LUS BSGOM ZHES PA'O, ,BUD MED RAB TU MDANGS BZANG BA, ,ZHES SOGS, BYANG CHUB KYI SEMS KYI MCHOD PA NGES DON DU BSHAD PA NI, NANG LA SOGS PA'I DBYE BA YI, , STONG NYID LO NI BCU DRUG PA, ,MA SKYES ZHI BA GANG YIN PA, ,DE NI BU MO ZHES BYAR @245 BSHAD, ,ZHI BA'I CHOS DANG NYER LDAN PA, ,MDANGS BZANG 'OD NI YIN PAR GSUNGS, ,RTEN 'BREL BAG CHAGS DRI YIN TE, ,YE SHES KHA BYE ME TOG GO ,DNGOS PO MED PA RIGS YIN TE, ,KUN MKHYEN YE SHES DBUS NYID DO, ,CHOS KYI DBYINGS KYI BU MO NI, ,SHES RAB 'DI 'DRAS MNYES PAR BYA, ,ZHES TE, DE LA 'DIR, MTHA' BZHI LAS MA SKYES SHING SPROS PA NYE BAR ZHI BA'I RANG BZHIN CAN GYI 'OD GSAL DE NI BU MO ZHES BYA BAR BSHAD LA, 'OD GSAL DE NYID NANG LA SOGS PA CHOS CAN BCU DRUG GI DBYE BAS STONG NYID BCU DRUG GI RANG BZHIN YIN PAS NA, LO BCU DRUG MA'O, ,ZHI BA'I CHOS ZUNG 'JUG GI YE SHES 'BRAS BUR NYE BAR LDAN PAS NA MDANGS BZANG BA'O, ,'OD GSAL DE LAS LUGS BZLOG GI SNANG BA GSUM RLUNG DANG BCAS PA LAS YE SHES KYI SKU SKYE BA'I RTEN 'BREL GYI BAG CHAGS NI DRI YIN LA, 'OD GSAL DE NYID CHOS THAMS CAD KYI GNAS LUGS RTOGS PA'I YE SHES KYI KHA BYE BA'I RANG BZHIN YIN PAS NA ME TOG GO ,YON TAN GYI SKAD DOD GU nA ZHES PA RIGS LA YANG 'JUG PAS, 'OD GSAL DE NYID BDEN PA'I DNGOS POR MED PAS RIGS SAM YON TAN NO, ,DE LTA BU'I MTSAN NYID CAN GYI CHOS DBYINGS 'OD GSAL GYI RANG BZHIN GYI BU MO NI, KUN MKHYEN YE SHES DBUS NYID DE, ,ZUNG 'JUG GI YE SHES THOB PA'I DON DU 'OG NAS 'BYUNG BA'I SHES RAB 'DI 'DRAS MNYES SHING ROL PAR BYA'O, ,'OD GSAL LA ROL BAR BYED PA'I SHES RAB DE CI 'DRA ZHE NA, NANG NA MA YIN PHYI NA MIN, ,GNYIS KAR MA YIN GZHAN GNAS MIN, ,GNAS MED GNAS @246 PA'I RNAL 'BYOR GYUR, ,DE BAS M'A MA KIR BSHAD DO, ,ZHES TE, SHES RAB DE NYID NANG DBANG PO LA GNAS PA MA YIN, PHYI ROL YUL LA GNAS PA MA YIN, GNYIS KA RNAM SHES LA GNAS PA MA YIN, GZHAN PHUNG PO KHAMS DANG SKYE MCHED SOGS LA YANG GNAS PA MA YIN, DE'I PHYIR GNAS PA MED PA'I TSUL GYIS CHOS RNAMS KYI CHOS NYID DU GNAS PA'I RNAL 'BYOR DE NYID 'OD GSAL LA ROL BA'I SHES RAB YIN LA, DE NYID CHU LA CHU BZHAG PA BZHIN DU 'OD GSAL NYID DANG DBYER MED PAS NA 'OD GSAL DE NYID M'A MA KIR YANG BSHAD DO, ,'OD GSAL DE LA CI'I PHYIR BYIN GYIS BRLAB PA ZHE NA, DE YI NGO BO NYID GCIG PA, ,BYIN GYIS BRLABS ZHES DE BSHAD DO, ,ZHES TE, 'OD GSAL DE'I NGO BO NYID CHOS THAMS CAD LA DBYER MED CING RO GCIG PAS NA BYIN GYIS BRLABS PA ZHES BSHAD DO, ,SANGS RGYAS ZHI BA'I GNAS SPROS PAS, ,ZHES PA 'CHAD PA NI, NAM MKHA' DANG NI GCIG TU GNAS, , SANGS RGYAS ZHI BA'I GNAS SU 'GYUR, ,ZHES TE, NAM MKHA' DANG GCIG TU GNAS PA NI 'OD GSAL YIN LA, DE NYID SANGS RGYAS ZHI BA STE ZUNG 'JUG GI SKU GNAS TE RGYUR 'GYUR ZHES PA'O, ,BSHANG GCI KHU BA KHRAG LA SOGS, ,ZHES SOGS LUS KYI RGYU MTHUN GYI MCHOD PA NGES DON DU BSHAD PA NI, DE LA YUM DU RNAM BRTAGS PA, , SDUD PA DAG NI BSHANG BA YIN, ,YE SHES DBANG PO STONG PA GCIN, ,RNAM DAG CHOS NYID KHU BA YIN, ,THAMS CAD MKHYEN PA'I YE SHES KHRAG ,GANG ZHIG CHOS SU YONGS BRTAGS PA, ,DE NYID LHA RNAMS ZHES BYA STE, ,DNGOS MED PA NI 'BUM BA'O, ,ZHES TE, @247 DE LA BSHANG BA'I SKAD DOD BHi NA YA CES PA'I SGRA LAS DRANGS NA, BHI SHA YA SHES PA YUL YIN LA, GCIN GYI SKAD DOD LU DRA YA, ZHES PA'I SGRA LAS DRANGS NA AINDRA ZHES PA DBANG PO YIN PAS, GZUGS SOGS YUL DANG, MIG SOGS DBANG POR RNAM PAR BRTAGS PA DAG 'OD GSAL DU SDUD CING THIM PA NI BSHANG GCI 'BUL BA'O, KHU BA'I SKAD DOD SHU TRA ZHES PA'I SGRA LAS DRANGS NA, BHI SHUD DHA ZHES PA RNAM PAR DAG PA'I CHOS NYID YIN LA, KHRAG GI SKAD DOD SO NI TA ZHES PA'I SGRA LAS DRANGS NA, SARBA DZNYA NA ZHES PA THAMS CAD MKHYEN PA'I YE SHES TE, RNAM PAR DAG PA'I CHOS NYID DANG, THAMS CAD MKHYEN PA'I YE SHES MNGON DU BYED PA NI KHU BA DANG KHRAG 'BUL BA'O, , LHA LA 'BUL ZHES PA'I LHA NI, PHUNG PO KHAMS DANG SKYE MCHED SOGS CHOS SU YONGS SU BRTAGS PA RNAMS YIN LA, DE RNAMS BSAM GTAN GNYIS KYIS DNGOS PO MED PAR BYAS NAS, 'OD GSAL DU BCUG PA NI 'BUL BA'O, ,MCHOD PA'I PHAN YON BSTAN PA NI, DE BYAS SANGS RGYAS RGYAL SRAS RNAMS, KHYAD PAR DU NI MNYES PAR 'GYUR, ,ZHES TE DE LTA BU'I MCHOD PA BYAS NA SANGS RGYAS DANG RGYAL SRAS RNAMS MNYES PAR GYUR CING, BDAG NYID KYIS KYANG DE DAG GI GO 'PHANG THOB PAR 'GYUR RO, ,GANG YANG 'JIG RTEN GYIS BRTAGS PA, ,DE RNAMS JI SKAD BSHAD PA NYID, ,CES PA, LE'U BZHI PA 'DIR, MI BSKYOD PA'I DKYIL 'KHOR GYI MTSAN DANG, THIG DANG, PHYAG RGYA DGOD PA DANG, MCHOD PA LA SOGS PA GANG YANG 'JIG RTEN @248 GYI THA SNYAD BTAGS PA LTAR DRANG DON DU BSTAN PA DE RNAMS NGES DON DU BSHAD NA JI SKAD BSHAD PA BZHIN DU ZUNG 'JUG GI YE SHES DANG, DE THOB BYED KYI LAM, DBEN GSUM SGYU LUS 'OD GSAL DANG BCAS PA BSTAN PA YIN NO, , LE'U YI MTSAN DON NI, THUGS RDO RJE BDAG POR GYUR PA'I DKYIL 'KHOR NI THUGS KYI DKYIL 'KHOR RO, ,DKYIL NI SNYING PO KUN RDZOB KYI BDEN PA'O, , 'KHOR NI DE LEN CING 'DZIN PA STE DRANG BA'I DON NO, ,DKYIL NI SNYING PO STE DON DAM PA'I BDEN PA'O, ,'KHOR NI DE LEN CING 'DZIN PA STE DRANG BA'I DON NO, , DKYIL NI SNYING PO STE DON DAM PA'I BDEN PA'O, ,'KHOR NI DE LAN CING 'DZIN PA TE DON DAM DE NYID DKYIL 'KHOR YIN PA YANG, BSHAD PA'I RGYUD LAS, YAN LAG KUN BSGOM PAS 'DAS SHING, ,RTOG DANG RNAM RTOG RNAM PAR SPANG, ,DGUG BSKYED THIG LE LAS 'DAS PA, ,'DI NI DKYIL 'KHOR MCHOG YIN NO, ,ZHES GSUNGS TE, RKANG PA DANG POS NI BSKYED RIM, LUS DBEN SGYU LUS DANG BCAS PA LHA'I ZHAL PHYAG GI RNAM PA CAN GYI BSGOM PA LAS 'DAS PAR BSTAN TO, ,RKANG PA GNYIS PAS NI, SEMS DBEN GYI BSGOM PA LAS 'DAS PAR BSTAN TO, ,RKANG PA GSUM PAS NI, NGAG DBEN GYI BSGOM PA LAS 'DAS PAR BSTAN TO, ,RKANG PA GSUM PAS NI, 'OD GSAL DE NYID MTSAN BCAS KYI BSGOM PA THAMS CAD LAS 'DAS PAS DKYIL 'KHOR GYI MCHOG DON DAM PA'I DKYIL 'KHOR YIN NO ZHES BSTAN TE NGES PA'I DON TO, ,LE'U BZHI PA'I RNAM BSHAD DO,, ,, @249 ` LE'U LNGA PA LA GNYIS TE, BSDUS PA'I DON DANG, YAN LAG GI DON TO, , BSDUS PA'I DON LA, BRJOD BYA DON GYI BSDUS DON NI, LE'U 'DIS RIM PA GNYIS RTOGS SHING DBANG BSKUR BA THOB PAS KYANG, SPYOD PA DANG BRAL BAS DNGOS GRUB 'GRUB PAR MI 'GYUR RO ZHES BSTAN PA'I PHYIR, LE'U'I RKED NAS BRJOD BYA'I GTZO BO SPYOD PA GSUM MDOR BSDUS PA'I TSUL GYIS STON LA, ZHAR LA LE'U'I STOD NAS THEG PA'I CHE BA DANG, SMAD NAS KLAN KA NGAN PA'I RTZOD PA BZLOG PA DANG, RMAD KHYER BA'I BSTOD PA DANG BCAS PA STON NO, ,RJOD BYED SGRA'I BSDUS DON NI GO SLA'O, ,YAN LAG GI DON LA GNYIS TE, SDUD PA PO'I TSIG GIS MTSAMS SBYAR BA DANG STON PA'I GSUNG GIS LE'U LA 'JUG PA'O, ,DANG PO NI, LE'U BZHI PA RDZOGS PA'I RJES DE NAS BKA' BSTZAL TO ZHES SBYAR RO, ,SU ZHIG GIS ZHE NA, DE BZHIN GSHEGS PA KUN GYI SKU DANG GSUNG DANG THUGS KYI RDO RJE 'CHANG BSAL LO, ,DE'I KHYAD PAR NI KHAMS GSUM GYI BDAG PO YIN PAS RGYAL PO, SA 'OG SA STENG MTHO RIS RNAMS SU RJES SU STON PAR MDZAD PAS NA GNAS KYI DBANG PHYUG GO ,KHYAB 'JUG DANG LHA CHEN PO LA SOGS PA 'JIG RTEN PA'I LHA RNAMS DANG, NYAN THOS LA SOGS PA 'JIG RTEN LAS 'DAS PA RNAMS RDZU 'PHRUL LA SOGS PA ZIL GYIS GNON PAR MDZAD PAS NA KUN GYI MCHOG GIS SO, ,GANG ZHIG CE NA, SPROS BCAS DANG, SPROS MED DANG, SHIN TU SPROS MED DE, SPYOD PA GSUM GYI MTSAN NYID DO, ,SPYOD PA DE DAG GI KHYAD PAR NI, RANG DANG GZHAN THAMS CAD KYI DON DU SPYOD PAS NA SPYOD PA KUN DANG @250 THAR PA DANG THAMS CAD MKHYEN PA 'DOD PA RNAMS KYIS DON TU GNYER BYA YIN PAS NA MCHOG GI CHOS KYI DON NO, ,GNYIS PA STON PA'I GSUNG GIS LE'U LA 'JUG PA LA BZHI STE, THEG PA'I CHE BA BSTAN PA DANG, SPYOD PA DNGOS BSTAN PA DANG, KLAN KA NGAN PA'I RTZOD PA BZLOG PA DANG, RMAD KHYER BA'I BSTOD PA BSTAN PA'O, ,THEG PA'I CHE BA BSTAN PA NI, SGRUB PAR BYED PA STE BSKYED PA BYED DO ZHES SBYAR RO, ,GANG ZHE NA, DNGOS GRUB RAB MCHOG STE, PHYAG RGYA CHEN PO'I DNGOS GRUB BO, ,GANG ZAG GANG GIS ZHE NA, RNAM PAR MI RTOG PAS NA ZAB MO DON DAM PA'I BDEN PA DANG, DON NI RGYA CHE BA KUN RDZOB KYI BDEN PA STE, DBYER MI PHYED PA'I TSUL GYIS BSGOM PA'I RNAL 'BYOR PA, 'DOD CHAGS ZHE SDANG GTI MUG RIGS TE, 'DOD CHAGS LA SOGS PA'I NYON MONGS PAS RGYUD CHER 'KHRUGS PAS KYANG NGO, , THEG PA GANG LA BRTEN NAS ZHE NA, THEG PA'I MCHOG NI BLA NA MED PA RDO RJE'I THEG PA 'DI LA BRTEN NAS SO, ,'DIS NI, PHA ROL TU PHYIN PA'I THEG PAR 'DOD CHAGS LA SOGS PA NYON MONGS PA'I 'JUG PA SHAS CHE BA RNAMS KYIS 'BRAS BU MI THOB PAR BSTAN LA, SNGAGS KYI THEG PAR NI THABS LA MKHAS PA'I STOBS KYIS, 'DOD CHAGS LA SOGS PA NYON MONGS PA'I 'JUG PA SHAS CHE BAS KYANG DNGOS GRUB THOB PAR BSTAN PAS, THEG PA'I CHE BA BSTAN PA YIN NO, ,YANG PHA ROL TU PHYIN PA'I THEG PAR NI, BRAN DANG LHAM MKHAN LA SOGS PA SKYE GNAS DANG RIGS KYI SMAD PA RNAMS DANG, DOL PA DANG MTSAMS MED BYED PA LA SOG @251 PA SDIG CAN RNAMS KYIS MI 'GRUB PAR BSTAN LA, 'DIR NI RANG BZHIN YONGS SU SHES PA NYID 'TSANG RGYA BA'I RGYU YIN GYIS SKYE GNAS LA SOGS PA NI MA YIN PAS RIGS NGAN LA SOGS PA DE DAG KYANG SNGAGS KYI THEG PA 'DIR ZHUGS NA DNGOS GRUB 'GRUB PAR 'GYUR RO ZHES BSTAN PA'I SGO NAS THEG PA'I CHE BA STON PA NI, BRAN LA SOGS PA RIGS NGAN SKYE GNAS KYIS SMAD PA DANG, SMYIG MA MKHAN DANG LHAM MKHAN LA SOGS PA LAS KYI SMAD PA DANG, RLUBS DANG 'PHRUL 'KHOR DANG MTSON DANG, RGYA LA SOGS PA'I SGO NAS SROG CHAGS GSOD PA DON DU GNYER BAR SEMS PA'I SDIG CAN RNAMS KYANG, THEG CHEN BLA NA MED PA'I THEG MCHOG RDO RJE'I THEG PA 'DI LA ZHUGS NA, DNGOS GRUB 'GRUB PAR 'GYUR RO, ,DE LA RDO RJE THEG PA NI CHEN PO BLA NA MED PA'O, ,GANG ZAG MCHOG RIN PO CHE LTA BU'I GANG ZAG RNAMS 'DI NYID KYIS 'GRO BAS NA THEG PA'I MCHOG CES BYA'O, ,SEMS CAN GANG PHA DANG MA DANG DGRA BCOM PA GSOD PA DANG, SANGS RGYAS KYI SKU 'JIG PA DANG, DAM PA'I CHOS SPONG BA STE 'CHI BA'I DUS BYAS MA THAG DMYAL BAR LTUNG BAR 'GYUR BA MTSAMS MED PA'I LAS BYED PA DANG, SOGS PA'I SGRAS BSDUS PA MTSAMS MED DANG, NYE BA DANG, SDIG PA CHEN PO DGE SLONG GI RTZA BA'I LTUNG BA BZHI SPYOD PA RNAMS KYANG RDO RJE THEG PA'I THEG MCHOG 'DI LA ZHUGS TE BLA MA'I DRIN GYIS RDZOGS PA'I RIM PA THOB NA SANGS RGYAS 'GRUB PAR 'GYUR NA, RIGS NGAN LA SOGS PA GZHAN GYIS LTA CI SMOS ZHES PA'O, ,DE LTAR SKYE BO SDIG CAN MA LUS PA RNAM PAR SBYONG BA NI, RDO RJE @252 THEG PA YIN PAS 'GA' ZHIG GAL TE, SLOB DPON LA 'KHU BA DANG SMOD PA DAG KYANG 'GRUB BAM SNYAM DU DOGS NA DE DGAG PA NI, DANG POR SLOB DPON LA BSNYEN BKUR BYAS TE, THOS PA DANG BSAM PA'I RIM GYIS, RIM GNYIS KYI DE KHO NA NYID RTOGS NAS, DA NI 'DIS CI ZHIG BYA SNYAM NAS SGO GSUM GYIS BRNYAS PA BYED CING, SNYING NAS SLOB DPON LA SMOD PAR BYED PA DE DAG SDIG CAN THAMS CAD GROL BAR BYED PA GSANG BA 'DUS PA NYID LA ZHUGS TE BSGRUBS KYANG DNGOS GRUB 'GRUB PAR MI 'GYUR NA, THEG PA GZHAN LA LTA SMOS KYANG CI DGOS TE, JI SKAD DU, DPAL SGYU 'PHRUL DRA BA LAS KYANG, SLOB DPON SMOD PAR BYED PA DAG ,RMI LAM DU YANG MTHO NGA MI BYA, ,SLOB DPON SMOD PA GANG YIN DE, ,BGEGS DANG LOG 'DREN RNAMS KYIS GZUNG, ,NGAN PA GTUM PO'I LAS BYED PA, ,MKHAS PAS RTAG TU SPANG BAR BYA, , ZHES GSUNGS SO, ,SPYOD PA'I KHYAD PAR BSTAN PA LA GNYIS TE, GNYIS SU MED PA'I YE SHES DGONGS PA'I TSIG GIS BSTAN PA DANG, SPYOD PA DNGOS BSTAN PA'O, , DANG PO RGYUD LA RANG DGAR 'JUG PA SPANG BA'I PHYIR, 'JIG RTEN DANG 'GAL BA'I TSIG GIS GNYIS SU MED PA'I YE SHES STON PA NI, SROG GCOD PA YI SEMS CAN GANG, ,ZHES SOGS GSUNGS TE, RDO RJE'I TSIG 'DI DAG GI DON BSHAD RGYUD KYIS 'CHAD PA NI, 'DIR SROG GCOD PA ZHES GANG LA BYA ZHE NA, DGONGS PA LUNG STON LAS, GANG GI PHUNG SOGS DNGOS MED PAR, ,ZHI GNAS LAS BYUNG SEMS KYIS BYAS, ,DE NI SROG GCOD BYAS PA STE, ,THEG PA MCHOG LA GNAS PA YIN, ,ZHES TE, @253 SGYU LUS MTHAR PHYIN PA'I RNAL 'BYOR PA GANG GIS, RANG GI PHUNG PO LA SOGS PA DNGOS PO MED PA 'OD GSAL DU BSAM GTAN GNYIS GANG RUNG GI ZHI GNAS LAS BYUNG BA'I SEMS KYIS BYAS PA DE NI SROG GCOD BYAS PA STE, THEG PA MCHOG DON DAM PA'I BDEN PA 'OD GSAL LA GNAS PA YIN NO, ,BRDZUN DU SMRA BA GANG LA BYA ZHE NA, NANG DANG DE BZHIN PHYI ROL DAG, RTEN CING GNYIS SU STON PA NI, ,DE NI BRDZUN SMRA DGA' BAS TE, ,GNAS MED LA GNAS RNAL 'BYOR PA'O, ,ZHES TE, MA RIG PA'I RKYEN GYIS 'DU BYED LA SOGS PA NANG GI RTEN 'BREL DANG, SA BON LAS MYU GU LA SOGS PA PHYI ROL GYI RTEN CING 'BREL BAR 'BYUNG BA DANG, RNAM PA GNYIS PO RGYU RKYEN LAS BYUNG BA'I PHYIR, SGYU MA BZHIN DU RDZUN PA'O, ,ZHES STON PA DE NI, BRDZUN DU SMRA BAR DGA' BAS TE, ,DE LTAR CHOS THAMS CAD RDZUN PA SLU BA'I CHOS CAN DU RTOGS PA DE NI GNAS PA MED PA'I TSUL GYIS GNAS PA'I RNAL 'BYOR ZHES BYA'O, ,GZHAN GYI NOR LA CHAGS PA GANG LA BYA ZHE NA, RDZOGS SANGS RGYAS KYI YE SHES GANG, ,DE NI RJES SU SHES BYA STE, ,DE 'PHROG DANG TSUL GANG YIN PA, ,GZHAN GYI NOR LA CHAGS PA 'DOD, ,CES TE, STOBS DANG MI 'JIGS PA LA SOGS PA SANGS RGYAS KYI YE SHES RNAMS NI, GZHAN GYI RDZAS ZHES BYA LA, CHOS THAMS CAD SGYU MA LTA BUR RTOGS PA NA DE RANG STOBS KYIS 'PHROG PA'I TSUL GYIS THOB PA GANG YIN PA DE NI GZHAN GYI NOR LA CHAGS PA ZHES BYA'O, ,'DOD PA SPYOD PA GANG LA BYA ZHE NA, GANG ZHIG DE NYID DNGOS GCIG PA, ,DE BZHIN NYID LA RTAG SBYOR BA, ,SEMS CAN @254 DE DE 'DOD LA DGA', ,SGRUB PA MCHOG LA DAM PAR 'GYUR, ,ZHES TE, RNAL 'BYOR PA GANG ZHIG DNGOS PO THAMS CAD RO GCIG PA DE BZHIN NYID 'OD GSAL LA RTAG TU BLO SBYOR BA DE NI 'DOD PA LA DGA' BA ZHES BYA'O, ,BSHANG GCI ZA BA GANG LA BYA ZHE NA, STONG NYID KYIS SKRAG GTI MUG GI ,YUL NI BSHANG BA ZHES BSGRAGS TE, , DBANG PO GCI BA ZHES BYA LA, ,DE DAG ZHI BA BZA' BA YIN, ,ZHES TE, STONG PA NYID KYIS SKRAG PA'I GANG ZAG NI GTI MUG CAN YIN LA, DES GZUGS SOGS YUL DU BRTAGS PA NI BSHANG BA YIN CING, MIG SOGS DBANG POR BRTAGS PA NI GCI BA YIN LA, YUL DANG DBANG PO DE DAG STONG PA NYID DU ZHI BA NI BSHANG GCI ZA BA YIN NO, ,THEG PA CHEN PO'I CHOS MCHOG 'DIR, ,DE DAG SGRUB PA'I SNOD DU 'GYUR, , ZHES PA GONG DU BSHAD PA DE DAG DANG LDAN NA 'OD GSAL RTOGS PAR 'GYUR ZHES PA'O, ,SPYOD PA DNGOS BSTAN PA LA GNYIS TE, SPYI'I DON DANG, YAN LAG GI DON NO, , SPYI DON LA DRUG STE, SPYOD PA RANG GI NGO BO DANG, DBYE BA DANG, DUS DANG, SPYOD PA LA BRTZAD PA'I SKYON SPANG BA DANG, SPYOD PA'I PHAN YON DANG, SPYOD PA LA BSLAB PA'I TSUL BSTAN PA'O, ,SPYOD PA'I RANG GI NGO BO NI, RANG BZHIN YONGS SU SHES PA'I TSUL GYIS, 'DOD YON LNGA LA CI BDER SPYOD PA'O, ,DBYE BA NI GNYIS TE, 'DOD CHAGS DANG BRAL BA'I SPYOD PA DANG, 'DOD CHAGS DANG BCAS PA'I SPYOD PA'O, ,'DOD CHAGS BRAL BA'I SPYOD PA LA GNYIS TE, DMAN PA NYAN THOS LA @255 SOGS PA'I SPYOD PA LUS NGAG GDUNG ZHING DKA' THUB KYI SPYOD PA DANG, RGYA CHE BA BYANG CHUB SEMS PA'I SPYOD PA SA DANG PHA ROL PHYIN PA'I SPYOD PA'O, ,SNGA MA NI LAM RNAL MA SHES PAR BYA BA'I DON DU 'DIR LAM GYI GOL SAR BSTAN PA'O, ,'DOD CHAGS DANG BCAS PA'I SPYOD PA LA GNYIS TE, SNGAGS KYI SPYOD PA DANG, MGON PO'I KUN TU SPYOD PA'O, ,SNGAGS KYI SPYOD PA LA GNYIS TE, THA MAL BA'I SPYOD PA DANG, RIGS PA BRTUL ZHUGS KYI SPYOD PA'O, ,THA MAL BA'I SPYOD PA NI, DBANG BSKUR BA THOB PA NAS BRTZAMS TE, DNGOS GRUB MA THOB KYI BAR DU RJES THOB KYI TSE ZAS ZA BA DANG, 'DOD PA LA LONGS SPYOD PA LA SOGS PA SPYOD LAM GYI GNAS SKABS KUN LA RANG BZHIN YONGS SU SHES PA'I TSUL GYIS SPYOD PA'O, ,RIG PA BRTUL ZHUGS KYI SPYOD PA LA GSUM STE, SPROS BCAS DANG, SPROS MED DANG, SHIN TU SPROS PA MED PA'I SPYOD PA'O, ,DE RE RE LA YANG GSUM STE, BYA BA LA LTOS PA DANG, DUS LA LTOS PA DANG, BSAM PA LA LTOS PA'O, ,BSAM PA LA GNYIS TE, 'JUG PA'I BSAM PA DANG, BSGOM PA'I BSAM PA'O, ,SPYOD PA'I DUS NI GSUM STE, THA MAL BA'I SPYOD PA NI, THA MAL BA'I GNAS SKABS THAMS CAD DU BYED DO, ,RIG PA BRTUL ZHUGS KYI SPYOD PA'I DUS LA GSUM STE, THUN MONG GI DNGOS GRUB DON DU GNYER BA'I BSKYED RIM PA NI, BSKYED PA'I RIM PA MTHAR PHYIN NAS BSLAB PAR BYA'O, ,MCHOG DON DU GNYER BA RNAMS NI SEMS DBEN MTHAR PHYIN NAS KUN RDZOB KYI SKABS SU BYED LA, KUN RDZOB KYI SKABS SU SPYOD PA MA BYAS PA NI, ZUNG 'JUG GI SKABS SU BYED DO @256 ZHES, SNGA RABS KYI BLA MA DAG GSUNG MOD, 'OD GSAL MTHAR PHYIN NAS ZUNG 'JUG GI SKABS SU BYED PAR MNGON TE, SPYOD BSDUS SU, SPYOD PA GSUM PO MTHAR PHYIN PA'I RJES THOGS LA THA MAL BA'I LUS SPANGS NAS PHYAG RGYA CHEN PO MCHOG GI DNGOS GRUB THOB PAR BSHAD PA'I PHYIR RO, ,GSUM PA MGON PO'I SPYOD PA BYED PA'I DUS NI ZUNG 'JUG KHO NA'I SKABS SU BYED DE, GZHAN LA DE MI SKYE BA'I PHYIR RO, , DE SKAD DU YANG, ZUNG 'JUG GO 'PHANG LA GNAS PA, ,SLOB BZHIN PA YI RNAL 'BYOR CHE, ,ZUNG 'JUG MA BSGOM 'GYUR BA DANG, ,SPYOD PA'ANG DE DANG GNYIS SU MED, , CES GSUNGS SO, ,SPYOD PA LA BRTZAD PA'I SKYON SPANG BA NI, ,GZHAN DAG NA RE, 'DOD YON LNGA LA LONGS SPYOD PAS GROL NA, PHA ROL TU PHYIN PA'I THEG PA LAS, 'DOD PA NI DUG GI LO MA LTA BU'O, ,'DOD PA NI RAL GRI'I SO LTA BU'O, ,'DOD PA NI TZAM PA KA'I ME TOG LTA BU'O, ,ZHES SOGS 'DOD YON LNGA SPANG BYAR GSUNGS PA DANG 'GAL LO ZHE NA, MI 'GAL TE, MDO GZHAN LAS 'DOD YON LNGA BKAG PA NI, GANG ZAG DBANG PO DMAN PA 'DOD YON LNGA'I RANG BZHIN YONGS SU MI SHES PA NYAN THOS SOGS LA BKAG PA YIN LA, GANG ZAG DANG DBANG PO RAB 'DOD YON LNGA'I RANG BZHIN YONGS SU SHES PA'I BYANG CHUB SEMS DPA' RNAMS LA NI MA BKAG CING, SLAR YANG GNANG BA YIN TE, 'OD SRUNG GIS ZHUS PA LAS, JI LTAR GRONG KHYER SKYE BO'I MI GTZANG LUD, ,DE NI BU RAM SHING BA'I ZHING LA PHAN, ,DE BZHIN BYANG CHUB SEMS DPA'I NYON MONGS LUD, ,DE NI SANGS RGYAS CHOS BSGRUB BSKYED LA PHAN, , @257 ZHES GSUNGS SHING, RDO RJE PHRENG BA LAS KYANG, BKAG PA DAG KYANG BYED PAS NA, , BYA DANG BYA MIN RNAM SPANGS TE, ,PAD MA LA NI 'DAM GYIS BZHIN, ,NGO BO NYID SHES GOS MI 'GYUR, ,ZHES GSUNGS SO, ,SPYOD PA'I PHAN YON NI GSUM STE, 'BRAS BU'I GNAS SKABS SU BDE BA CHEN PO THOB PAR 'GYUR BA DANG, THA MAL BA'I LUS SPONG BAR 'GYUR BA DANG, MCHOG THUN MONG GI DNGOS GRUB THOB PAR 'GYUR BAS SO, , 'BRAS BU'I GNAS SKABS SU BDE BA CHEN PO THOB PA MA GYUR PA YANG, SPYOD BSDUS LAS, BLA NA MED PA'I BDE BA CHEN PO'I 'BRAS BU THOB PAR BYA BA LA, SGRUB PA GZHAN MED DO, ,DE'I DON DU BZA' BA DANG, GNAS LA SOGS PA'I BDE BA RNAMS KYIS YON TAN GYI DBANG PHYUG BRGYAD LA SOGS PA DANG LDAN PA'I THAMS CAD MKHYEN PA MNGON DU BYED PAR 'GYUR RO, ,ZHES GSUNGS SO, ,THA MAL BA'I LUS SPONG BA LA, RDO RJE PHRENG BA LAS, RANG BZHIN SNANG BA'I DBYE SHES NAS, ,DE NAS SPYOD PA RAB TU BYA, ,LAS KYI LUS NI YONGS SPANGS NAS, ,RDO RJE'I SKU NI THOB PAR 'GYUR, ,ZHES GSUNGS SO, ,DNGOS GRUB THAMS CAD THOB PAR GYUR BA YANG, LE'U BDUN PA LAS, DKA' THUB DKA' SPYOD MI BZAD PAS, ,BSTAN KYANG 'GRUB PAR MI 'GYUR GYIS, , 'DOD PA KUN LA LONGS SPYOD CING, ,BRTEN NA MYUR DU 'GRUB PAR 'GYUR, ,ZHES GSUNGS SO, ,SPYOD PA LA BSLAB PAR BYA BA'I TSUL NI GSUM STE, THA MAL BA'I SPYOD PA DANG, RIG PA BRTUL ZHUGS KYI SPYOD PA DANG, MGON PO'I KUN TU SPYOD PA LA BSLAB PA'I TSUL LO, ,THA MAL PA LA BSLAB PA'I TSUL NI, ZAS LA LONGS SPYOD @258 PA'I TSE SKU RDO RJE TING NGE 'DZIN GYIS NANG GI SBYIN SREG TU BYA BA DANG, YUL GZHAN BZHI LA, RDO RJE 'CHANG GI NGA RGYAL GYIS LHA DANG, SEMS DANG, STONG PAR SHES PAR BYA STE, LONGS SPYAD PA DANG, DBYANGS LEN PA DANG, MDO 'DON PA LA SOGS PA NGAG GI BYA BA LA RDO RJE CHOS KYI NGA RGYAL GYIS BYA STE, DE SKAD DU YANG, SKU LA RDO RJE KHA ZAS LA, ,PHYI ROL RDO RJE 'DZIN PA DANG, ,MDO 'DON CHO GA'I BYA BA LA, ,RTAG PAR RDO RJE CHOS SU BYA, ,ZHES GSUNGS SO, ,DE BZHIN DU GNYID 'OD GSAL DU LOG PA DANG, LHA MO'I GLUS BSKUL TE SGYU MA LTA BU'I SKUR LDANG BA DANG, KHRUS BYED PA NA DBANG BSKUR BAR BSAM PA DANG, BLA MA LAS GZHAN LA PHYAG 'TSAL BA NA, LUS DANG NGAG TZAM GYIS BYA'I, ,SEMS GUS PAS MI BYA STE, DE SKAD DU YANG, SANGS RGYAS BYANG CHUB SEMS DPA' DANG, ,NYAN THOS RANG RGYAL DE BZHIN TE, ,SKU GSUNG THUGS SU SBYOR BA YIS, ,PHYAG 'TSAL NA NI MA RUNG 'GYUR, ,ZHES GSUNGS SO, , RIG PA BRTUL ZHUGS KYI BSLAB PA LA GSUM STE, SPROS BCAS DANG, SPROS MED DANG, SHIN TU SPROS MED LA BSLAB PA'I TSUL LO, ,SPROS BCAS LA BSLAB PA'I TSUL LA GNYIS TE, BSKYED RIM PA DANG RDZOGS RIM PA'I BSLAB PA'I TSUL LO, ,BSKYED RIM PA'I BSLAB PA'I TSUL LA LNGA STE, RTEN GYI GANG ZAG DANG, TSOGS KYI DKYIL 'KHOR MNGON PAR 'DU BYA BA'I RIM PA DANG, RNAL 'BYOR GYI RIM PA DANG, MCHOD PA'I RIM PA DANG, SPROD BCAS KYI NGES TSIG BSTAN PA'O, ,RTEN GYI GANG ZAG NI, RTOG PA'I RNAL 'BYOR MTHAR PHYIN CING, THUN MONG GI DNGOS GRUB 'DOD LA, LONGS @259 SPYOD CHE ZHING SHES RAB CHUNG BA, NA SO GZHON PA'O, ,TSOGS KYI DKYIL 'KHOR MNGON PAR 'DU BYA BA LA BZHI STE, GNAS KYI MTSAN NYID DANG, KHANG PA 'DU BYA BA DANG, YO BYAD 'GOD PA DANG, RNAL 'BYOR PHO MO CHA LUGS BSGYUR ZHING MNGON PAR 'DU BYA BA'O, ,GNAS KYI MTSAN NYID NI, BSKYED MOS TSAL LA SOGS PA SKYE BO 'DU BA DANG BRAL BAS SHIN TU DBEN PAR BYA STE, BDE MCHOG GI RGYUD LAS, BSKYED MOS TSAL LA SOGS PAR BSGRUB, ,CES GSUNGS SO, ,DER KHANG PA MNGON PAR 'DU BYA BA NI, DER 'BYOR NA SO PHAG LAS BYAS PA'I KHANG PA GSUM RIM BYA BA'AM MA 'BYOR NA SA'I KHANG PA BRTAN PO BYA, YANG NA SA PHUG SUM RIM DU BYA'O, ,YO BYAD 'GOD PA NI, KHANG PA DANG POR G-YOS MA BZHAG GO, GNYIS PAR DUNG DANG, PO WANG DANG, ROL MO LA SOGS PA MCHOD PA'I YO BYAD RNAMS BZHAG PAR BYA'O, KHANG PA GSUM PAR SNA TSOGS PAD MA RAS KYIS G-YOGS PA NYI SHU RTZA GCIG 'GOD DO, ,DER RNAL 'BYOR PHO MO CHA LUGS BSGYUR BA NI, STAN DE DAG LA RNAL 'BYOR MA NYI SHU THAM PA BDE MCHOG GI RNAL 'BYOR MA'I CHA LUGS SU, GSER LA SOGS PA KHAMS SAM, DUNG LA SOGS PA SROG GAM, SHING RTZA BA LAS LUGS MA'AM, 'BUR LA SOGS PA'I CHA LUGS DANG LDAN PAR 'GOD DO, ,RNAL 'BYOR MA NYI SHU MA RNYED NA, LHAN CIG SPYOD PA'I RNAL 'BYOR MA BZHI MO LAS BYA LA, GZHAN BCU DRUG RNAL 'BYOR PA MO'I CHA LUGS SU BYA'O, ,ZHES GSUNG NGO, ,DER RNAL 'BYOR GYI RIM PA NI, DANG POR SRUNG BA'I 'KHOR LO SNGON DU 'GRO BA CAN GYI, RDO RJE'I SA'I CHA BSKYED DE, DE'I STENG DU TSOGS KYI KHANG PA DE NYID GZHAL @260 YAS KHANG DU BSKYED LA, DER LHAG MOS SNGON DU 'GRO BAS, RNAL 'BYOR BZHIS BDAG NYID GTZO BO'I SKUR BSKYED DE, LHAN CIG SPYOD MA BZHI GANG RUNG RANG RIGS KYI YUM DU BSKYED CING BYIN GYIS BRLABS TE, SNYOMS PAR 'JUG PA YAN CHAD DANG PO SBYOR BA'O, ,DE NAS THIG LE NAS, CHO GA GSUM GYIS LHA NYI SHU RTZA GCIG BSKYED, SPROS BSDUS, TSOGS RNAMS LA BSTIMS TE, RANG GI GNAS SU 'GOD PA NI DKYIL 'KHOR RGYAL MCHOG GO ,DE NAS GTZO BO DON DAM DU THIM PA DANG, DE LA LHA MO'I GLUS BSKUL BA DANG, DE'I NGOR MDZAD DE BZHENGS PA DANG, DE LA LHA MO BZHIS, MI BSKYOD RDO RJE YE SHES CHE, ,LA SOGS PAS BSTOD PA NI LAS RGYAL MCHOG GO, TSOGS KYI DKYIL 'KHOR MCHOD PA LA LNGA STE, PHYI DANG, NANG DANG, GSANG BA DANG, ROL MO RGYAL BA'I MCHOD PA DANG, ZHAR LA SEMS CAN SMIN CING GROL BA'I LAS BSGRUB PA'O, ,PHYI'I MCHOD PA NI, DRI SNGON DU 'GRO BA'I, ME TOG LA SOGS PA RNAM PA LNGA'O, ,NANG GI MCHOD PA NI, 'JUG BSAM, BSGOM BSAM DANG LDAN PAS, 'DOD YON LNGA LA LONGS SPYOD PA STE, DE LA 'JUG BSAM NI, 'DOD YON LNGA SPYOD PA'I TSE DBANG PO TSIM TSIM DU SPYOD DO SNYAM PA'O, ,BSGOM BSAM NI, 'DOD YON LNGA PO DE BZHIN GSHEGS PA'AM, SPYAN LA SOGS PA'AM, GZUGS RDO RJE LA SOGS PAR BSGOM MO, ,DE YANG DANG POR DAR LA SOGS PA GZUGS KYI MCHOD PA BYA'O, , DE'I 'OG TU DUNG DANG PI WANG LA SOGS PA SGRA'I MCHOD PA BYA'O, ,DE NAS TZANDAN LA SOGS PA DRI'I MCHOD PA BYA'O, ,DE NAS RO'I MCHOD PA'I TSE BZA' BA DANG, BCA' @261 BA DANG, BTUNG BA RNAMS YI GE GSUM GYIS SBYANGS TE DE NAS KHA DANG, LKOG MA DANG, SNYING KHA RNAMS SBYANGS LA, NANG GI SBYIN SREG TU DBUL LO, ,DE NAS GSANG BA'I MCHOD PA BYED PA'I TSE, LHAN CIG SPYOD MA BZHI LAS, 'DOD PA'I BSTAN BCOS LAS RAB 'BYAMS LA MKHAS PA CIG BYIN GYIS BRLABS TE, PANG PAR BZHAG NAS, 'DI DANG LHAN CIG PHYAG RGYA CHEN PO BSGRUB PAR BYA'O SNYAM DU BSAM PA BRTAN PO BSKYED DE, SEMS SENG GE DANG 'DRA BAR DGOS PA DANG RNAM RTOG MED PAR, 'DOD PA'I BSTAN BCOS LAS, KA RA NA'I SBYOR BA SNGON DU 'GRO BAS, RANG RIGS KYI SKYIL KRUNG DANG LDAN PAS, SNYOMS PAR ZHUGS PA LAS, LHAN CIG SKYES PA'I BDE BA'I RO MYONG BAR BYA'O, ,ROL MO RGYAS PA'I MCHOD PA NI, RNAL 'BYOR PHO MO RNAMS THUGS GZHAN DU MI 'GYUR BAR BYA BA'I PHYIR DANG, PHAN TSUN RAB TU DGA' BAR BYA BA'I PHYIR, SANGS RGYAS KYI ROL PA MDZAD PA STE, PHYAG DANG PHYAG GI LAN DANG, MCHOD PA DANG MCHOD PA'I LAN DANG, GLU DANG GLU'I LAN DANG, GAR DANG GAR GYI LAN RNAMS SKYE BO GZHAN GYIS MI 'PHRIGS PAR BYA BA'I PHYIR DANG, THA MAL PA'I THA SNYAD SPANG BAR BYA BA'I PHYIR, LUS DANG NGAG GI BRDA DANG BCAS PAR BYA'O, ,ZHAR LA SEMS CAN SMIN CING GROL BA'I LAS BSGRUB PA NI, GDUL BA'I DUS LA BAB NA, RNAM PAR SNANG MDZAD DU SPRUL TE, STONG PA MA YIN MI STONG MIN, ,ZHES SOGS MTHA' THAMS CAD DANG BRAL BA'I CHOS BSTAN PAS CHAD PA'I MTHAR LHUNG BA'I LTA BA BZLOG PA DANG, GDUG CING GDUL DKA' BA SOGS LA, DPAL HE RU KA LA SOGS PA'I @262 SKUR SPRUL NAS, GDUL BYA'I DON BYA BA'O, ,DE DAG LA CI'I PHYIR SPROS BCAS KYI SPYOD PA ZHES BYA ZHE NA, BYA BA DANG, DUS DANG, BSAM PA THAMS CAD SPROS PA DANG BCAS PA'I PHYIR, SPROS BCAS KYI SPYOD PA ZHES BYA'O, ,BYA BA NI, PHO MO NYI SHU DANG LHAN CIG PHYAG DANG PHYAG GI LAN DANG, GAR DANG GAR GYI LAN LA SOGS PA BYED PAS BYA BA MANG BA'I PHYIR RO, ,DUS NI ZLA BA DRUG LA SOGS PAR RTAG TU BYED PA'I PHYIR RO, ,'JUG BSAM NI DBANG PO TSIM TSIM DU SPYAD PAR BYA'O SNYAM PAS, THA MAL PA DANG CHA 'DRA BA'I PHYIR RO, ,BSGOM BSAM NI, LHA'I RNAM PAR BSGOMS PAS RAGS PA'I PHYIR RO, ,DE DAG GIS NI BSKYED RIM PA'I BSLAB PA'I RIM PA'O, , RDZOGS RIM PA'I BSLAB PA'I RIM PA LA GNYIS TE, KUN RDZOB DANG, ZUNG 'JUG PA'I BSLAB PA'I RIM PA'O, ,DE GNYIS KA LA LNGA LNGA STE, RTEN GYI GANG ZAG DANG, TSOGS KYI DKYIL 'KHOR 'DU BYA BA'I RIM PA DANG, RNAL 'BYOR GYI RIM PA DANG, MCHOD PA'I RIM PA RGYAS PAR BYA BA DANG, SPROS BCAS KYI NGES TSIG BSTAN PA'O, , RTEN GYI GANG ZAG NI, SGYU LUS MTHAR PHYIN PA DANG, 'OD GSAL MTHAR PHYIN NAS ZUNG 'JUG LA GNAS PA, TSE 'DI NYID DU PHYAG RGYA CHEN PO'I DNGOS GRUB THOB PAR 'DOD PA, LONGS SPYOD CHE ZHING, SHES RAB CHUNG BA, NA SO GZHON PA'O, ,TSOGS KYI DKYIL 'KHOR 'DU BYA BA'I RIM PA NI, SNGAR BSKYED RIM GYI SKABS DANG 'DRA BAR SHES PAR BYA'O, ,RNAL 'BYOR RIM PA LA GNYIS TE, SGYU LUS PA'I BYA BA DANG, ZUNG 'JUG PA'I BYA BA'I RIM PA'O, ,SGYU LUS PA'I BYA BA'I RIM PA NI, BSKYED RIM PA @263 DANG MTHUN PAR BYA BA'AM, YANG NA RDZOGS RIM PA YIN PAS, ZUNG 'JUG GI RNAL 'BYOR GYIS BYA'O, ,ZUNG 'JUG PA'I BYA BA'I RIM PA NI, TSOGS KYI KHANG PA DE SKAD CIG GIS, RDO RJE'I SA'I CHA LA GNAS PA'I GZHAL YAS KHANG DU BSKYED LA, DER BDAG NYID SGYU MA LTA BU'I LHA SKU PHYAG RGYA CHEN POR BSKYED DE, DE BSAM GTAN GNYIS GANG RUNG GIS BSHIG STE, 'OD GSAL MNGON SUM DU BYAS NAS, SLAR YANG RLUNG SEMS TZAM LAS GRUB PA'I ZUNG 'JUG LONGS SKUR BZHENGS TE, SPRUL SKUR BSGYUR BA NI DANG PO'I SBYOR BA'O, ,DE NAS YE SHES KYI PHYAG RGYA DANG SNYOMS PAR ZHUGS TE, BDE BA'I SNANG BA TZAM LAS, LHA MO NYI SHU BSKYED DE, TSOGS LA BSTIM PA NI DKYIL 'KHOR RGYAL MCHOG GO, ,DE NAS GTZO BO DON DAM DU THIM PA DANG, LHA MO'I GLUS BSKUL BA DANG, DE'I NGOR BZHENGS PA DANG, DE LA MCHOD CING BSTOD PA NI LAS RGYAL MCHOG GO ,TSOGS KYI MCHOD PA'I RIM PA NI, 'DIR 'JUG BSAM DANG, BSGOM BSAM TZAM GYIS KHYAD PAR DU BYAS PA STE, GZHAN RNAMS NI SNGAR DANG 'DRA BAR SHES PAR BYA'O, ,SGYU LUS PA'I 'JUG BSAM NI, TING NGE 'DZIN SKYE BA DANG MTHUN PA'I PHYIR 'DOD YON LNGA SPYAD DO SNYAM PA'O, ,ZUNG 'JUG PA'I 'JUG BSAM NI LUS LA GZINGS DANG GRU YI BLO BZHAG NAS LUS GNAS PA TZAM GYI DON DU SPYAD DO SNYAM PA'O, ,RGYU LUS PA'I BSGOM BSAM NI, 'DOD YON LNGA RNAM PA LNGA DANG, NGO BO SEMS SNANG BA GSUM TZAM DU SHES PAR BYED LA, ZUNG 'JUG PAS NI, SEMS DE'ANG STONG PA 'OD GSAL GYI NGO BOR SHES PAR BYAS NAS LONGS SPYOD PA'O, , @264 'DIS SPROS BCAS KYI NGES TSIG NI, SGYU LUS PA'I BSAM PA SPROS MED DANG, ZUNG 'JUG PA'I BSAM PA SHIN TU SPROS MED YIN YANG, DUS DANG BYA BA SPROS PA DANG BCAS PA'I PHYIR, SPROS BCAS KYI SPYOD PA ZHES BYA'O, ,SPROS MED KYI SPYOD PA LA BSLAB PA'I RIM PA LA GNYIS TE, BSKYED RIM PA DANG, RDZOGS RIM PA'O, , BSKYED RIM PA'I BSLAB PA LA LNGA STE, RTEN GYI GANG ZAG DANG, TSOGS 'DU BA'I RIM PA DANG, RNAL 'BYOR GYI RIM PA DANG, SPYOD PA'I RIM PA DANG, SPROS PA MED PA'I SPYOD PA'I NGES TSIG GO ,DE LA RTEN GYI GANG ZAG NI, GZHAN SPROS BCAS DANG 'DRA LA, LONGS SPYOD DANG SHES RAB DANG NA TSOD 'BRING DU GNAS PA'O, , TSOGS 'DUG BYA BA'I RIM PA NI BZHI STE, GNAS KYI MTSAN NYID DANG, KHANG PA MNGON PAR 'DU BYA BA'I RIM PA DANG, MCHOD PA BGOD PA'I RIM PA DANG, RNAL 'BYOR PHO MO 'DU BYA BA'I RIM PA'O, ,DE LA DANG PO GSUM NI SPROS BCAS BZHIN DU SHES PAR BYA'O, ,RNAL 'BYOR PHO MO 'DU BYA BA NI, SPROS MED DBANG PO 'BRING PO DE YANG RAB 'BRING GSUM STE, DE LA 'BRING PO'I RAB KYIS KHANG PA GSUM PAR, BSDUS PA'I DKYIL 'KHOR LHA SUM CU RTZA GNYIS LHA MO DGU BUD MED GZHAN RNAMS SKYES PA 'GOD DO, ,SU CHA LUGS BSGYUR RO, ,'BRING PO'I 'BRING POS PHYAG RGYA LNGA SPYAN MA SOGS BZHI DANG REG RDO RJE MA'O, ,PAR CHA LUGS BSGYUR RO, ,'BRING PO'I THA MAS PHYAG RGYA GCIG REG RDO RJE MA PAR CHA LUGS BSGYUR ZHING 'GOD DO, ,RNAL 'BYOR RIM PA NI, SRUNG BA'I 'KHOR LO SNGON DU 'GRO BAS, DANG PO'I SBYOR BA'I RJES LA, PHYAG RGYA DANG SNYOMS PAR ZHUGS TE, @265 THIG LE LAS CHO GA GSUM GYIS LHA SUM CU RTZA GNYIS BSKYED DE, SPROS, BSDUS, TSOGS LA BSTIM ZHING, RANG RANG GI GNAS SU 'GOD PA NI DKYIL 'KHOR RGYAL MCHOG GO ,TSOGS LA MANG NYUNG YOD KYANG TING NGE 'DZIN LA MANG NYUNG MED PAR BZHED DO, ,DE NAS GTZO BO 'OD GSAL DU THIM PA DANG, LHA MO'I GLUS BSKUL BA DANG, BZHENGS PA LA BSTOD PA BYA BA'I BAR NI LAS RGYAL MCHOG GO ,MCHOD PAS PHYE PAS RIM PA NI GSUM STE, DE LA PHYI'I MCHOD PA NI DANG PO DRI SNGON DU 'GRO BA'I ME TOG LA SOGS PA LNGA'I MCHOD PA BYA'O, ,NANG GI MCHOD PA NI, 'DIR BYA BA SPROS MED DU 'DUG KYANG 'JUG BSAM SGOM GSUM SPROS PAS BYED DO, ,'JUG BSAM DBANG PO TSIM TSIM DANG, BSGOM BSAM LHAR SHES PAR BYA'O, ,GSANG BA'I MCHOD PA NI, YUL LNGA PA LHAN CIG SKYES PA'I BDE BAS TSIM PAR BYA'O, ,NGES TSIG NI, BSKYED RIM PAS BSAM PA SPROS BCAS SU 'DUG KYANG, DUS DANG BYA BA SPROS MED YIN PA'I PHYIR NA SPROS MED CES BYA'O, ,RDZOGS RIM PAS SPROS MED KYI SPYOD PA LA BSLAB PA LA LNGA STE, RTEN GYI GANG ZAG DANG, TSOGS 'DU BYA BA DANG, RNAL 'BYOR GYI RIM PA DANG, MCHOD PA'I RIM PA DANG, NGES TSIG GO ,DANG PO BZHI NI SNGA MA BZHIN DU SHES PAR BYA'O, ,NGES TSIG NI, SGYU LUS PAS BYA BA DANG, DUS DANG BSAM PA GSUM KAR SPROS MED YIN LA, ZUNG 'JUG PAS BSAM PA SHIN TU SPROS MED YIN KYANG, BYA BA SPROS MED YIN PAS NA SPROS MED CES BYA'O, ,SHIN TU SPROS MED KYI SPYOD PA LA BSLAB PA'I TSUL LA LNGA STE, RTEN GYI GANG ZAG DANG, GNAS KYI MTSAN @266 NYID DANG, KHA ZAS SGRUB PA'I TSUL DANG, BSLAB TSUL RGYAS PAR BSTAN PA DANG, NGES TSIG BSTAN PA'O, ,RTEN GYI GANG ZAG NI, NA TSOD RGAN LA LONGS SPYOD CHUNG ZHING SHES RAB CHE BA'O, ,GNAS NI RI BO DBEN PA DANG, DUS KHROD LA SOGS PA SKYE BO 'DUS PAS DBEN PAR BYA'O, ,DER KHA ZAS SGRUB PA'I TSUL NI BZHI STE, TSOGS CHEN POS SBYOR DU BCUG PA'AM, GROGS MCHOG TU GYUR PAS SBYAR BA'AM, YANG NA GNOD SBYIN MO'I MNGA' GZHUG PAS SGRUB PA'AM, YANG NA NAGS TSAL DU RTZA BA DANG, LO MA LA SOGS PAS 'TSO BAR BYA BA'O, ,SHIN TU SPROS MED KYI SPYOD PA LA BSLAB TSUL RGYAS PAR BSTAN PA LA LNGA STE, BSAM PA'I KHYAD PAR DANG, PHYAG RGYA'I KHYAD PAR DANG, RNAL 'BYOR GYI KHYAD PAR DANG, BYA BA'I KHYAD PAR DANG, YUL LA LONGS SPYOD PA'I KHYAD PAR RO, ,BSAM PA'I KHYAD PAR NI BZHI STE, DANG POR 'KHOR BA'I SDUG BSNGAL BSAM ZHING, MYA NGAN LAS 'DAS PA'I BDE BA 'DOD PAS 'DU 'DZI THAMS CAD SPANGS SHING, THA NA RGYAL SRID KYI DBANG PHYUG LA YANG SDUG BSNGAL GYI 'DU SHES BSKYED PAR BYA BA DANG, GNYIS PAR NI TIL 'BRAS TZAM LA YANG YONGS SU 'DZIN PA SPANG BA DANG, GSUM PAR NI DON DAM PA'I BDEN PA'I CHED DU, LUS DANG SROG LA YANG LTOS PA MED PAR BYA BA DANG, BZHI PAR NI DNGOS GRUB MCHOG GI DON DU, DNGOS GRUB PHRA MO LA DGA' BAR MI BYA BA'O, ,PHYAG RGYA'I KHYAD PAR NI, BSKYED RIM PAS NI, RANG GI SNYING KHA NAS RDO RJE DBYINGS KYI DBANG PHYUG MA RANG RIGS KYI LHA MO'I DBYIBS SU BKOD PA'AM, RDZOGS RIM PAS, YE SHES KYI LHA MOR BSKYED PA DNGOS YIN @267 GSUNG RANG RIGS KYI PHYAG RGYA STONG PA NYID DANG SNYOMS PAR 'JUG PAR BYA'O, ,RNAL 'BYOR GYI KHYAD PAR NI, BSKYED RIM PAS, BSKYED RIM GYI RNAL 'BYOR MNGON DU BYA LA, RANG 'OD KYI RIG MA'I BDE BA TZAM LA GNAS PAR BYA'O, ,RDZOGS RIM PAS NI, 'OD GSAL GYI TING NGE 'DZIN MNGON SUM DU BYAS NAS, GNYID 'OD GSAL DU 'JUG PA BSGOM PAR BYA'O, ,BYA BA'I KHYAD PAR NI, BU SU KU TZAM GYI SPYOD PA STE, BU ZHES BYA BA BU DZA NA STE ZAS LA SPYOD PA'O, ,SU ZHES BYA BA NI SU DA NA STE GNYID LOG PA'O, , KU ZHES BYA BA NI KU TA SI RI STE BSHANG SAR 'GRO BA'O, ,DE LTAR MI BYAR MI 'DOD PA'I BYA BA GSUM TZAM RJES SU SKYONG BA'O, ,YUL LA LONGS SPYOD PA'I KHYAD PAR NI, BSKYED RIM PAS, BSKYED RIM PA'I 'JUG BSAM BSGOM BSAM DANG LDAN PAS LONGS SPYOD PA'O, ,RDZOGS RIM PAS NI, KUN RDZOB DANG ZUNG 'JUG PA'I 'JUG BSAM BSGOM BSAM DU SHES PAR BYA'O, ,CI'I PHYIR DE DAG LA SHIN TU SPROS MED CES BYA ZHE NA, BSKYED RIM PA DANG, SGYU LUS PA NI, BYA BA DANG DUS SHIN TU SPROS MED YIN PA'I PHYIR, DE SKAD CES BYA LA, ZUNG 'JUG PA NI, BYA BA, DUS, BSAM PA GSUM KA SHIN TU SPROS MED YIN PA'I PHYIR, SHIN TU SPROS MED CES BYA'O, , MGON PO'I KUN TU SPYOD PAR BSLAB TSUL NI, RIM PA LNGA PAR, JI LTAR BDAG NYID JI BZHIN DGRA, ,JI LTAR CHUNG MA DE BZHIN MNA', ,JI LTAR SMAD 'TSONG DE BZHIN MA, ,JI LTAR BRAM ZE DE BZHIN GDOL, ,ZHES SOGS GSUNGS PA LTAR, CHOS THAMS CAD 'OD GSAL STONG PA NYID KYI NGO BOR RO GCIG TU RTOGS PA'I NGANG NAS, @268 SROG GCOD DANG DE SPONG BA LA SOGS PA CHOS DANG CHOS MA YIN PA RNAMS LA LTOS PA MED PAR BLANG DOR LA MNYAM SNYOMS PA'I TSUL GYIS SLOB PA'O, ,DE LTAR SPYOD PA GSUM GYI SPYI'I DON BSTAN NAS, YAN LAG GI DON LA GNYIS TE, DRANG BA'I DON DANG, NGES PA'I DON NO, ,DRANG DON LA GSUM STE, SPROS MED KYI SPYOD PA DANG, SHIN TU SPROS MED KYI SPYOD PA DANG, DE DAG GI PHAN YON BSTAN PA'O, ,SPROS MED KYI SPYOD PA BSTAN PA NI, SPROS MED BSDUS PA'I DKYIL 'KHOR RAM, PHYAG RGYA LNGA PA DANG, GCIG PA GANG YANG RUNG BA DANG LHAN CIG SPYOD PA BYED PA'I PHYAG RGYA NI, MA LTAR BYAMS PA DANG, SRING LTAR BRTZE BA DANG, BU MO LTAR RJES SU GDUNG BA'I MTSAN NYID CAN GYI RANG RIGS KYI BUD MED GANG RUNG BA BLANGS LA, SGRUB THABS LAS BSHAD PA'I RIM PA BYIN GYIS BRLABS TE, 'DOD PA PA STE, SGRUB PA PO RANG GIS SNYOMS 'JUG GIS MNYES PAR BYAS NA, THEG CHEN MCHOG RDO RJE'I THEG PA LA DNGOS GRUB RGYA CHE ZHING MCHOG TU GYUR PA SGRUB PA PO DES THOB PAR 'GYUR RO, ,JI SKAD BSHAD PA'I MTSAN NYID DANG MI LDAN ZHING RJES SU MI MTHUN PA'I PHYAG RGYA DANG MNYAM PAR SBYOR BAS NI, SEMS G-YENGS PAR 'GYUR BAS SPANG BAR BYA'O, ,RJES SU MTHUN PAR JI LTAR SHES PAR BYA ZHE NA, RJES SU MTHUN PA DE'ANG SKYE BA GZHAN DAG DU YANG YID GCUGS PAR GYUR PAS, TSE 'DIR LHAG PAR YANG YID DANG MTHUN ZHING RANG GIS DBANG BSKUR BA DANG, SNGAGS DANG RGYUD LA SOGS PA LA LEGS PAR BSLABS PA'O, ,SHIN TU SPROS MED KYI SPYOD PA BSTAN PA NI, GAL TE BSGRUB PA PO DANG RJES SU @269 MTHUN PA'I PHYAG RGYA MA RNYED NA, DE'I TSE JI LTAR BYA ZHE NA, BSKYED RIM PAS NI, RANG GI SNYING KHA NAS SANGS RGYAS GTZO BO'I YUM RDO RJE DBYINGS KYI DBANG PHYUG MA PHYUNG STE, DE RANG RIGS KYI LHA MO'I DBYIBS SU BKOD NAS SNYOMS PAR 'JUG LA, RDZOGS RIM PAS NI, SANGS RGYAS KYI YUM SHES RAB KYI PHA ROL TU PHYIN PA 'OD GSAL DANG SNYOMS PAR 'JUG GO ,DE SKAD DU YANG, SNYING LA GNAS PA'I LHA MO CHE, ,RNAL 'BYOR PA YI RNAL 'BYOR BSKYED, ,SANGS RGYAS KUN GYI YUM GYUR PA, ,RDO RJE DBYINGS KYI DBANG MOR BSHAD, ,CES GSUNGS SO, ,DE DAG GI PHAN YON BSTAN PA NI, GAL TE 'DOD PA LA SPYOD PA NI NGAN SONG GI RGYUR GSUNGS PA MA YIN NAM ZHE NA, JI SKAD BSHAD PA'I LAS KYI PHYAG RGYA DANG, YE SHES KYI PHYAG RGYA LA SNYOMS 'JUG GIS MNYES PAR BYAS KYANG CHAGS SOGS KYI NYES PAS MI GOS SO, ,SU ZHIG GIS MNYES PAR BYAS NAS ZHE NA, 'DOD YON GYI RANG GI NGO BO SHES SHING THA MAL PA'I RNAM RTOG DANG BRAL BAS RNAM PAR MI RTOG PA'I RNAL 'BYOR PA LEGS PAR BSLABS PA'I PHYAG RGYA DANG LDAN PA'I BLO CAN GYIS SO, ,NYON MONGS PA'I NYES PAS MA GOS PA 'BA' ZHIG DU MA ZAD KYI, RNAL 'BYOR PA DE NI SANGS RGYAS NYID DE, RDO RJE 'CHANG CHEN PO'I NYID DU 'GRUB PAR 'GYUR RO, ,RDO RJE'I TSIG DE DAG BSHAD PA'I RGYUD KYIS NGES DON DU BSHAD PA NI, CHOS SKUR MTSAN NYID GCIG PA YI, ,SHES RAB PHA ROL PHYIN YUM MA, ,GNYIS MED DE BZHIN NYID SBYAR BAS, ,DNGOS MED CES BYA 'DOD SPYOD PA'O, ,LONGS SPYOD RDZOGS DANG MNYAM GANG YIN, ,DE NYID SRING MO YIN @270 PAR 'DOD, ,RANG LHA'I RNAL 'BYOR LDAN PA YI, ,GSANG SNGAGS LUS KYIS MNYES PAR BYA, ,SPRUL PA'I GZUGS CAN BU MO DE, ,SGRUB PA POS NI BSGOM PAR BYA, , ZHES TE, 'DIS NI ZUNG 'JUG PA'I RNAL 'BYOR PAS LAM GYI SKU GSUM NYAMS SU LEN PA NYID LA, MA DANG BU MO DANG, SRING PO LA 'DOD PA SPYOD PA ZHES BSTAN PA YIN TE, 'DI LTAR, CHOS SKU STONG PA NYID DU MTSAN NYID GCIG PA'I SHES RAB KYI PHA ROL TU PHYIN PA 'OD GSAL NYID NI, ZUNG 'JUG YONGS SU BSKYED PAR BYED PAS NA MA ZHES BYA LA, GANG GI TSE ZUNG 'JUG PAS SGYU LUS BSAM GTAN GNYIS KYIS DNGOS PO MED PAR BSHIG STE, GNYIS MED DE BZHIN NYID 'OD GSAL GYI NGO BOR SBYAR BA NI, MA LA 'DOD PA SPYOD PA ZHES BYA'O, ,'OD GSAL LAS LUGS LDOG GI SNANG BA GSUM RLUNG DANG BCAS PA LAS GRUB PA'I LONGS SPYOD RDZOGS PA'I SKU DE NYID NI, RNAL 'BYOR PA RANG DANG, MA CHOS SKU GCIG LAS MNYAM DU 'BYUNG BAS NA SRING MO ZHES BYA LA, DE LTA BU'I LONGS SKU DE MNGON DU BYAS TE, DE DANG GNYIS SU MED PAR SBYOR BA NI, RANG LHA'I RNAL 'BYOR LDAN PA YI GSANG SNGAGS LUS KYI MNYES PA ZHES BYA LA, DE NI SRING MO LA 'DOD PA SPYOD PA'O, ,LONGS SKU DE NYID DE BZHIN GSHEGS PA LNGA GANG RUNG GI RNAM PAR BSGYUR BA'I SPRUL SKU NI BDAG NYID LONGS SKU'I NGO BOR GNAS PA DES BSKYED PAS NA BU MO'O, ,SGRUB PA POS SPRUL SKU DE LTA BU RANG DANG DBYER MED PA'I TSUL GYIS BSGOMS PA NU BU MO LA 'DOD PA SPYOD PA ZHES BYA'O, , DE LTA BU'I LAM GYI SKU GSUM BSGOMS PAS PHAN YON CI 'THOB CE NA, MA DANG SRING @271 MO BU MO NI, ,'DI 'DRA'I RNAL 'BYOR PAS MNYES BYAS, ,THEG CHEN MCHOG GI CHOS NYID LA, ,DNGOS GRUB RGYA CHEN DES THOB BO, ,ZHES TE, MA DANG SRING MO BU MO'I MING CAN GYI LAM GYI SKU GSUM RNAL 'BYOR PAS BSGOMS PAS MNYES PAR BYAS NA, PHYAG RGYA CHEN PO'I DNGOS GRUB THOB CES PA'O, ,'DIR BLA MA SNGA RABS PA DAG GIS, BSKYED RDZOGS GNYIS KYI LAM GYI SKU GSUM GYI STONG PA NYID BSGOM PA LA SBYOR BA NI HA CANG 'GRIG PA MA YIN NO, ,KLAN KA NGAN PA'I RTZOD PA SPANG BA LA GSUM STE, 'KHOR GYI THE TSOM SKYES TE ZHUS PA DANG, DE'I LAN BTAB PA DANG, 'BRAS BU'I GNAS SKABS BSTAN PA'O, , 'KHOR GYIS THE TSOM SKYES NAS ZHUS PA NI, DE NAS SGRIB SEL LA SOGS PA STE, PAD MA DKAR PO LTA BU LA SOGS PA'I GANG ZAG DBANG PO RTUL PO RNAMS DGONGS PAS GSUNGS PA'I RDO RJE'I TSIG LA SGRA JI BZHIN PAR GZUNG NAS, RIGS NGAN LA SOGS PAS KYANG SANGS RGYAS 'GRUB PAR THOS PAS NGO MTSAR DU GYUR, MTSAMS MED BYED PA LA SOGS PA SDIG CAN RNAMS KYIS KYANG BDE BA CHEN PO'I GO 'PHANG THOB PAS RMAD DU GYUR TE, TSOGS GNYIS DANG LDAN PAS NA BCOM LDAN 'DAS 'PHAGS PAR GYUR PA'I DE BZHIN GSHEGS PA THAMS CAD KYI BDAG PO RGYU CI'I SLAD DU YONGS SU RDZOGS PA DANG MA RDZOGS PA'I DE BZHIN GSHEGS PA THAMS CAD KYI 'KHOR GYI NANG DU, SROG GCOD PA ZHES SOGS TSOGS PAR DBYUNG BAR MI 'OS PA'I 'DI LTA BU'I TSIG NGAN PA GSUNG, ZHES GSOL TO, ,SGRIB SEL LA SOGS PA'I @272 BYANG CHUB SEMS DPA' RNAMS LA THE TSOM YOD PA MA YIN YANG, MA 'ONGS PA'I GDUL BYA RNAMS KYI DGOS PA BSAL BA'I CHED DU, THE TSOM SKYES PA LTAR BCOS NAS ZHUS PA'O, ,DE'I LAN BSTAN PA NI, MI BSKYOD PA LA SOGS PA 'KHOR GYI DE BZHIN GSHEGS PA RNAMS KYIS, BCOM LDAN 'DAS CI'I SLAD DU TSIG NGAN GSUNG ZHES PA'I, SGRIB SEL LA SOGS PA'I TSIG DE GSAN NAS, DE DAG 'DI SKAD CES BKA' BSTZAL TO, ,RIGS KYI BU RNAMS ZHES BOS NAS, KHYOD KYI BSAM PA SHES KYIS, BSAM PA DE THONG, DGONGS PAS GSUNGS PA'I RDO RJE'I TSIG LA, SGRA JI BZHIN PAR GZUNG NAS, TSIG NGAN PA ZHES DE SKAD MA ZER CIG SANGS RGYAS RNAMS KYIS SROG GCOD PA DANG, ZHES SOGS, RDO RJE'I TSIG GIS GSUNGS PA'I CHOS NYID DAG PA 'DI NI, PAD MA DKAR PO LTA BU LA SOGS PA, DBANG PO RTUL PO RNAMS LA SGRA JI BZHIN PAR GSUNGS PA MA YIN GYI, MI GNAS PA'I MYA NGAN LAS 'DAS PA'I MTSAN NYID CAN GYI, SNYING PO'I DON SHES SHING KHONG DU CHUD PA'I YE SHES RIN PO CHE LTA BU'I GANG ZAG RNAMS LA DGONGS PA'I TSIG GIS GSUNGS PA YIN NO, , 'O NA DGONGS PA'I TSIG GIS BSTAN PA'I DON DE GANG ZHE NA, SNYING PO'I CHOS DON DAM PA'I BDEN PA DANG, DON KUN RDZOB KYI BDEN PA GNYIS PO DBYER MI PHYED PA'I ZUNG 'JUG 'BYUNG BA STE, DE BAS NA SROG GCOD PA DANG ZHES SOGS DGOGS PA'I TSIG GIS BSTAN PA'I CHOS NYID DAG PA 'OD GSAL 'DI NI, GNAS TE RDO RJE 'CHANG CHEN PO THOB PAR BYED PA'I BYANG CHUB KYI SPYOD PA YIN GYI, SROG GCOD PA LA @273 SOGS PA RDO RJE'I TSIG GIS, DGONGS PA BSHAD PA DE NAS, BRJOD KYIS MI LANG BA'I BYANG CHUB SEMS DPA' RNAMS, SROG GCOD PA LA SOGS PA BYA'O ZHES THOS PAS, LAS DE DAG LA ZHUGS NA RNAM SMIN TSA BAS 'JIGS SHING, MA ZHUGS NA STON PA'I BKA' LAS 'DAS PAS SKRAG NAS, BYA BA DANG BYA BA MA YIN PA LA RMONGS PA NA PHYIS RDO RJE'I TSIG DE DAG GI DGONGS PA BSHAD PA THOS PAS, SNGON CHAD MA RTOGS PA'I CHOS NYID RTOGS PAS YID RTZE GCIG TU GYUR TE, DBANG PO MA LUS PA LDOG CING 'GAG PAR GYUR PA NI BRGYAL BAR GYUR PA'O, ,DE NYID BSHAD RGYUD KYI LUNG GIS NGES DON DU BSHAD PA NI, MI G-YO BA 'DI LAS BSANG BAS STE, ZHI BA GCIG PU BDE BA'I MCHOG RDZOGS PA'I BYANG CHUB THOB BYED PA, 'DI NI DGONGS PAS GSUNGS PA YIN TE, ZHES TE, BYANG CHUB SEMS DPA' BRGYAL BAR GYUR TO ZHES PA 'DI, SGRA JI BZHIN PA YIN NAM ZHE NA, MA YIN GYI, MI G-YO BA STE BRGYAL BA 'DI NI, DGONGS PA'I TSIG GIS GSUNGS PA YIN NO, ,GANG LA DGONGS ZHE NA, RTOGS PAR DKA' BAS NA GSANG BA STE, 'OD GSAL LO, ,DE NI SPROS PA THAMS CAD BRAL BAS NA ZHI BA LA MED PA'AM DBYE BA MED PAS NA GCIG PU, LHA MA'I BDE BA LAS PHUL DU BYUNG BAS NA BDE BA'I MCHOG ZUNG 'JUG THOB PAR BYED PAS NA RDZOGS PA'I BYANG CHUB THOB BYED PA'O, ,DE LTA BU'I 'OD GSAL LA DGONGS NAS BRGYAL BA ZHES GSUNGS SO, ,'O NA BRJOD KYIS MI LANG BA'I SANGS RGYAS DANG BYANG CHUB SEMS DPA' GANG LA BYA ZHE NA, NAM MKHA' MTHA' YAS SBYOR BA YIS, ,GZUGS @274 LA SOGS PA MTHA' YAS SO, ,DE NYID DE BZHIN GSHEGS PA DANG, ,DE BZHIN BYANG CHUB SEMS DPAR BSHAD, ,CES TE, NAM MKHA' MTHA' YAS NI 'OD GSAL YIN LA, DER BSAM GTAN GNYIS KYIS SBYOR ZHING BCUG PA'I GZUGS LA SOGS PA'I PHUNG PO MTHA' YAS PA NI BZHIN GSHEGS PA MA YIN LA, MIG LA SOGS PA'I SKYE MCHED MTHA' YAS PA NI, BYANG CHUB SEMS DPAR BSHAD DO, ,'O NA 'OD GSAL BA DE NYID LA 'KHOR RNAMS BRGYAL BAR 'KHRUL NAS STON PA LA, BRGYAL BA 'DI DAG BSLANG DU GSOL ZHES BSKUL BA CI ZHE NA, DE NYID BSDUS PA 'DI LTA BU, ,DKYIL 'KHOR RANG LUS GANG YIN PA, ,'DI NI 'JIGS TSOGS LUS RTOG LA, ,BYANG CHUB SEMS DPA' BRGYAL BAR GYUR, ,DE LTA'I BDE 'DI MA SHES PAS, ,BRGYAL LA BSKUL BAR MDZAD PA DANG, ,BYANG CHUB SEMS DPA' SEMS DPA' CHE, ,BRGYAL BA ZHES NI BSHAD MA YIN, ,ZHES TE, RNAL 'BYOR PA RANG GI LUS KYI DKYIL 'KHOR DU RTOG PA'I PHUNG KHAMS SKYE MCHED RNAMS DE KHO NA NYID STONG PA NYID DU BSDUS SHING BCUG PA'I 'OD GSAL 'DI LTA BU NI, SDUG BSNGAL THAMS CAD BRAL BA'I BDE BA'I MCHOG YIN YANG, DE LTA BU'I BDE BA MA SHES SHING MA RTOGS PAS, 'JIG TSOGS 'DAS RTOG STE, PHUNG PO LA BDAG DANG BDAG GIR 'DZIN PA'I BYIS PA RNAMS KYIS, 'OD GSAL LA SNYOMS PAR ZHUGS PA LA BRGYAL BAR 'KHRUL NAS, BRGYAL BA 'DI DAG BSLANG DU GSOL ZHES, STON PA LA BSKUL BAR MDZAD PA YIN NO, ,BSLANG BA'I GNAS SKABS LA GNYIS KYI DRANG DON DU BSHAD PA NI, BSLANG BAR GSOL @275 ZHES PA YAN CHAD GO SLA'O, ,DE NAS BCOM LDAN NAM MKHA' DANG MNYAM PA GNYIS SU MED PA'I RDO RJE ZHES BYA BA NI, 'OD GSAL BA STE, DE LA SNYOMS PAR ZHUGS NAS, RANG GI 'OD KYI BYANG CHUB SEMS DPA' DE DAG LA REG PA TZAM GYIS, BYANG CHUB SEMS DPA' DE DAG DRAN PA RNYED DE, RANG RANG GI STAN LA GNAS PAR GYUR TO, ,NGES DON DU BSHAD PA NI, NAM MKHA' NI STONG PA NYID GSUM MO, ,MNYAM PA NI 'OD GSAL BA'O, ,GNYIS SU MED PA'I RDO RJE NI ZUNG 'JUG STE, DE LTA BU'I TING NGE 'DZIN LA SNYOMS PAR ZHUGS PA ZHES PA'I DON NI, MI G-YO BA'I TING NGE 'DZIN LA GNAS PA'I BYANG CHUB SEMS DPA' DE DAG 'OD GSAL LAS ZUNG 'JUG DU LDANG BAR BYIN GYIS BRLABS ZHES PA'O, ,SNYOMS PAR ZHUGS MA THAG TU ZHES PA NI, DE LTAR BYIN GYIS BRLABS MA THAG TU, RDO RJE 'CHANG CHEN PO'I 'OD KYIS REG PA TZAM GYIS BYANG CHUB SEMS DPA' DE DAG 'OD GSAL LAS LANGS TE RANG RANG GI STAN LAS TE, RANG GI 'JIG RTEN GYI KHAMS SU SEMS CAN GYI DON BYED NUS PAR GNAS PAR GYUR TO, ,ZHES PA'O, ,DA RMAD KHYER BA'I BSTOD PA BSTAN PA NI, DE NAS MI BSKYOD PA LA SOGS PA DE BZHIN GSHEGS PA THAMS CAD, BCOM LDAN 'DAS ZAB MO STON PA LA MKHAS PAS NGO MTSAR DU GYUR, SNGON MA BYUNG BAS RMAD DU GYUR, BKA' BSTZAL PAS DON RTOGS SHING, TING NGE 'DZIN GYI KHYAD PAR GYIS BSKYED PA'I SEMS CAN GYI TSOGS GZIGS PAS, SHIN TU DGYES PAS KHYAB GYUR NAS, CHOS KYI DBYANGS 'DI SKAD CES GSUNGS SO, ,AE MA HO ZHES PAS NGO MTSAR BA'O, ,CHOS @276 ZHES PA DANG PO NI BSTAN PA'I MTSAN NYID CAN GYI CHOS SO, ,CHOS KYI SGRA GNYIS PAS NI DES BSTAN PA'I DON NO, ,CHOS KYI DON 'BYUNG BA ZHES PA'I CHOS NI RJOD BYED DO, , DON NI BRJOD BYA'O, ,DE GNYIS 'BYUNG BAS NA CHOS KYI DON 'BYUNG BA'O, ,DE GANG ZHE NA, CHOS DON DAG PA BDAG MED PA ZHES TE, CHOS NI THOS PA'I RANG BZHIN NO, ,DON DAG PA NI BSAM PA'I RANG BZHIN NO, ,BDAG MED PA NI DE MNGON SUM DU GYUR PA BSGOM PA'I RANG BZHIN NO, ,DE LTA BU'I CHOS STON PA'I RDO RJE RGYAL TE, RDO RJE 'CHANG CHEN PO KHYED LA PHYAG 'TSAL 'DUD, CES PA'O, ,BCOM LDAN 'DAS BDEN PA GNYIS KYI BDAG NYID YIN PAS PHYAG 'TSAL 'DUD CES PA, PHYAG 'TSAL BA'I TSIG GNYIS SMOS SO, ,DE LTAR BRJOD BYA CHOS BSTAN PA'I SGO NAS BSTOD NAS, DBANG PHYUG BRGYAD KYI SGO NAS BSTOD PA NI, SKU GSUNG THUGS RDO RJE DBYER MI PHYED PAS NA, SKU GSUNG THUGS RAB TU DAG PA DANG, 'OD GSAL DANG DBYER MED PAR GNAS PAS NA NAM MKHA' DANG MNYAM NYID GNAS PA'O, ,SKYE 'GAG DANG BRAL BAS NA RNAM PAR MI 'GYUR BA'O, ,SNANG BA RNAM PAR DAG PAS NA SNANG BA MED PA'O, ,'JA' TSON LTAR 'OD ZER LNGA DANG LDAN ZHING RNAM PA THAMS CAD KYI MCHOG DANG LDAN PA'I MI 'JIG PA'I SKU MNGA' BAS NA, RDO RJE'I SKU STE DE LTA BU KHYED LA PHYAG 'TSAL 'DUD CES PA'O, ,SANGS RGYAS THAMS CAD KYI THUGS KYI YON TAN MNGA' BAS NA THUGS NI'O, ,DE BZHIN GSHEGS PA RNAMS KYI THOG MAR GYUR PAS NA DE BZHIN GSHEGS PA'I GTZO BO STE DAM PAR GYUR PA'O, ,DUS GSUM GYI DNGOS PO THAMS CAD KYI RANG @277 BZHIN DU GNAS PAS NA DUS GSUM DAG GI LAM DU BYUNG BA'O, ,NAM MKHA' CHEN PO 'OD GSAL BA'I RANG BZHIN YANG KHYED NYID YIN LA, KHAMS GSUM KUN GYI DBYINGS SU GYUR PA'ANG KHYED NYID DO, ,RDZU 'PHRUL LA MNGA' BRNYES PAS NA NAM MKHA'I LAM LA GNAS PA'ANG KHYED DE, DE LTA BU KHYED LA PHYAG 'TSAL 'DUD CES SO, ,RIGS LNGA'I SGO NAS BSTOD PA NI, NAM MKHA'I SKU NI ME LONG LTA BU'I YE SHES SO, ,DE LA YANG DAG PAR 'BYUNG BA NI RNAM PAR SNANG MDZAD DO, ,NAM MKHA'I LAM NI MNYAM PA NYID KYI YE SHES SO, ,DE LA GNAS PA NI RIN CHEN 'BYUNG LDAN NO, ,NAM MKHA'I THUGS NI CHOS KYI DBYINGS KYI YE SHES SO, ,DE'I RANG BZHIN NI MI BSKYOD PA'O, , CHOS KYI MCHOG NI SO SOR RTOG PA'I YE SHES SO, ,DE YI BDAG NYID NI 'OD DPAG MED DO, ,SPYOD PA'I GNAS NI BYA BA GRUB PA'I YE SHES TE, DE YI BDAG NYID DON YOD GRUB PA'O, ,DE LTAR RIGS LNGA'I BDAG NYID CAN GYI RDO RJE 'CHANG KHYOD LA PHYAG 'TSAL LO ZHES PA'O, ,LE'U'I MTSAN DON NI, BDAG DANG GZHAN GYI DON BSGRUB PA'I SPYOD PA NI, SPYOD PA KUN TE, DE NYID KHYAD PAR DU GYUR PAS NA MCHOG GO ,DE STON PA'I LE'U LA YANG DE SKAD CES BYA'O, ,LE'U LNGA PA'I RNAM BSHAD DO,, ,, ` LE'U DRUG PA LA GNYIS TE, BSDUS PA'I DON DANG, YAN LAG GI DON GNYIS KYI, BSDUS PA'I DON LA, BRJOD BYA DON GYI BSDUS DON NI, LE'U 'DI'I STOD NAS, RIM PA GNYIS KYI RNAL 'BYOR PAS, SKU GSUNG THUGS BYIN GYIS BRLAB PA STON LA, SKED NAS MCHOD PA'I CHO GA DANG, RDZOGS PA'I RIM PA STON, SMAD NAS @278 PHRA MO'I RNAL 'BYOR DANG, RNAL 'BYOR GYI SPYOD PA BSTAN TO, ,RJOD BYED SGRA'I BSDUS DON NI GO SLA'O, ,YAN LAG GI DON LA LNGA STE, SKU GSUNG THUGS BYIN GYIS BRLABS PA DANG, MCHOD PA'I CHO GA DANG, RDZOGS RIM DANG, PHRA MO'I RNAL 'BYOR DANG, RNAL 'BYOR GYI SPYOD PA BSTAN PA'O, ,DANG PO LA GNYIS KYI BSKYED RIM PA'I SKU GSUNG THUGS BYIN GYIS BRLABS PA NI, DE NAS DE BZHIN GSHEGS PA MI BSKYOD PA SKU GSUNG THUGS NI MI BSKYOD PA YIN LA, GSANG BA'I RDO RJE NI DER BYIN GYIS RLOB PA'I SNGAGS TE, DE LA DMIGS PA'I TING NGE 'DZIN LA SNYOMS PAR ZHUGS TE, BSKYED RIM PA'I THUGS BYIN GYIS BRLAB PA'I SNGAGS 'DI GSUNGS SO, ,SNGAGS NI AOm ZHES SOGS TE, DE BZHIN GSHEGS PA THAMS CAD KYI THUGS RDO RJE'I NGO BO NGA YIN ZHES PA'O, ,RDUL DANG BRAL BA'I GNAS RDO RJE ZHES BYA BA NI, ME LONG YE SHES KYI NGO BO RNAM PAR SNANG MDZAD DU BYIN GYIS RLOB PA'I SNGAGS TE, DE LA DMIGS PA'I TING NGE 'DZIN LA SNYOMS PAR ZHUGS TE SKU BYIN GYIS RLOB PA'I SNGAGS 'OG NAS 'BYUNG BA 'DI GSUNGS SO, ,AOm ZHES PA SOGS TE DE BZHIN GSHEGS PA THAMS CAD KYI SKU RDO RJE'I NGO BO NGA YIN ZHES PA'O, ,MNYAM PA NYID MI GNYIS PA'I RDO RJE NI, SO SOR RTOG PA'I BDAG NYID KYI 'OD DPAG TU MED PAR BYIN GYIS RLOB PA'I SNGAGS TE, DE LA DMIGS PA'I TING NGE 'DZIN LA SNYOMS PAR ZHUGS NAS, GSUNG BYIN GYIS RLOB PA'I SNGAGS 'OG NAS 'BYUNG BA 'DI GSUNGS SO, ,AOm ZHES SOGS TE, DE BZHIN GSHEGS PA THAMS CAD KYI GSUNG RDO RJE'I NGO BO NGA YIN ZHES PA'O, ,SNGAGS DE DAG @279 GIS SKU GSUNG THUGS JI LTAR BYIN GYIS RLOB CE NA, SGRUB PA NYID DU BYA BA STE BYIN GYIS BRLAB BO ZHES SBYAR RO, ,GANG ZHIG BYIN GYIS BRLAB CE NA, LHA'I 'KHOR LO'I GZHIR GYUR PAS NA GNAS TE, SGRUB PA PO'I LUS NGAG YID GSUM MO, ,GANG DU BYIN GYIS BRLAB CE NA, LHA'I 'KHOR LO'I GZHIR GYUR PAS NA GNAS TE, SGRUB PA PO'I LUS NGAG YID GSUM MO, ,GANG DU BYIN GYIS BRLAB CE NA, MCHOG RAB STE DAM PA NYID DU'O, ,DAM PA DE GANG ZHE NA, RDO RJE GSUM PO DE BZHIN GSHEGS PA'I GSANG ZHES TE, NYAN THOS LA SOGS PA'I SPYOD YUL MA YIN PAS NA GSANG BA, MI BSKYOD PA SOGS PA DE BZHIN GSHEGS PA GSUM GYI RANG BZHIN GYI RDO RJE GSUM DU BYIN GYIS BRLAB CES PA'O, ,THABS GANG GIS ZHE NA, SNGAGS KYI MTSAN GYIS SHIN TU MTSAN BCAS LA ZHES TE, MI BSKYOD PA LA SOGS PA MTSON PAR BYED PA'I YIG 'BRU GSUM GYI SNGAGS KYI MTSAN GYIS SPYI BO DANG, LKOG MA DANG, SNYING KHA'I PHYOGS SU BKOD NAS SHIN TU MTSAN PAR BYA LA, YI GE DE DAG LAS SPYAN MA DANG, GOS DKAR MO DANG, M'A MA KI'I TSOGS SPROS TE MI BSKYOD PA LA SOGS PA'I TSOGS SPYAN DRANGS NAS, GNAS GSUM DU BSTIM PA NI, GNAS KYIS RNAM PAR BSGOM PAR BYA, , ZHES PA'O, ,DE NAS SNGAR GYI SNGAGS GSUM PO 'DIS SKU GSUNG THUGS RDO RJE'I NGO BOR BYIN GYIS BRLAB BO, ,SNGAGS DE DAG BSHAD RGYUD KYI NGES DON DU BSTAN PAS, RDZOGS RIM PA'I SKU GSUNG THUGS BYIN GYIS BRLAB PAR BSHAD PA NI, BSHAD PA'I RGYUD LAS, DE NI DPAL CHEN MI BSKYOD PA, ,SKU GSUNG THUGS KYI GSANG BA YI, , @280 TING NGE 'DZIN LA SNYOMS ZHUGS NAS, ,THUGS BYIN RLABS ZHES BYA BA YI, ,GSANG SNGAGS DE NI BKA' BSTZAL BA, ,AOm ZHES BYA BA DANG PO YIN, ,SARBA TA TH'A GA TA GNYIS, ,TZITAT GSUM DU YONGS SU GRAGS, ,BADZRA GNYIS DANG LDAN PA, SV'A BHA A'ATMA KO LNGA PA, AA HAm ZHES PA DRUG PA STE, ,SKU DRUG GSUM GYI MING CAN NO, ,DE NAS DPAL LDAN RNAM SNANG MDZAD, ,RDUL BRAL RDO RJE ZHES BYA BA'I, ,TING NGE 'DZIN LA SNYOMS ZHUGS NAS, ,SKU NI BYIN GYIS BRLAB PA GSUNGS, ,AOm ZHES BYA BA TSANGS PAR BSHAD, ,SARBA TA TH'A GA TA GNYIS, ,KA YA CHAGS RTOGS DBANG PHYUG STE, ,BADZRA RIG BYED YIN PAR GRAGS, ,SVA BHA A'ATMA KO 'DOD LHA, ,AA HAm SKYE MCHED CES BRJOD DO, ,DGONGS PA YI NI YANG DAG BRTAGS, ,SHES RAB DBYE BAS DBYE BAR BYA, ,DE NAS TSE DPAG MED CES PA, ,KUN TU MI GNYIS RDO RJE CAN, ,TING NGE 'DZIN LA SNYOMS ZHUGS NAS, ,GSUNG NI BYIN GYIS BRLAB PA GSUNGS, ,AOm NI DANG POR BSGRAGS PA YIN, ,SARBA TA TH'A GA TA ZUNG, ,WAG NI YON TAN GSUM DU GYUR, , BADZRA DUS KYI MING CAN YIN, ,SV'A BHA A'ATMA KO 'DOD LHA, ,AA HAm ZHES PA DRUG DU BSHAD, ,DE LTAR YANG DAG BSHAD GSUM CHAR, ,RE RE ZHING DRUG GSUM DU BSHAD, , THUGS DANG SKU DANG DE BZHIN GSUNG, ,RIM NI RIM PA MIN PAS GSUNGS, ,RDO RJE GSUM ZHES BYA BA LAS, ,BDAG PO'I CHOS CAN GCIG TU BYUNG, ,ZHES SO, ,'DI DAG GIS NI ZUNG 'JUG LA GNAS PA'I RIGS GSUM GYI ZLOS PA PO'I SGYU LUS 'OD GSAL DU BCUG NAS ZUNG 'JUG TU LDANG BA'I RGYU LUS LDOG GI SNANG BA GSUM RLUNG @281 DANG BCAS PA STON TE, DE LA DPAL CHEN MI BSKYOD PA, ,ZHES PA NI MI BSKYOD PA'I ZLOS PA POS SGYU LUS BSKYED PA BSTAN TO, ,SKU GSUNG THUGS KYI GSANG BA'I TING NGE 'DZIN ZHES PAS, SGYU LUS 'OD GSAL DU BCUG PA BSTAN, THUGS BYIN GYIS RLOB PA ZHES PAS 'OD GSAL LAS ZUNG 'JUG TU LDANG BA BSTAN, DE'I RGYU GANG ZHE NA, GSANG SNGAGS ZHES PAS ZUNG 'JUG TU LDANG BA'I RGYU BSTAN TE, SNGAGS YA PHRAL TE BSHAD PAS, RLUNG LNGAS 'BYUNG GNAS 'OD GSAL DANG BCAS PA STON LA, ZUNG DU BSDEBS PAS LUGS LDOG GI SNANG BA GSUM BSTAN TO, ,DE LA AOm NI DANG PO SROG 'DZIN GYI RLUNG NGO, ,SARBA TA TH'A GA TA NI GNYIS PA THUR SEL GYI RLUNG NGO, ,TZITTA NI GSUM PA GYEN RGYU'I RLUNG NGO, ,BADZRA NI GNYIS GNYIS DANG LDAN PA BZHI PA ME DANG MNYAM GNAS KYI RLUNG NGO, ,SV'A BHA A'ATMA KO NI LNGA PA KHYAB BYED KYI RLUNG NGO, ,AA HAm NI DRUG PA RLUNG GI 'BYUNG GNAS 'OD GSAL BSTAN TO, ,YANG SNGAGS DE DAG ZUNG DU BSDEBS PAS NI, LUGS LDOG GI SNANG BA GSUM STON TE, ZUNG DANG POS NI NYER THOB, BAR PAS NI SNANG BA MCHED PA, THA MAS NI SEMS SNANG BA DANG PO STON NO, , DE BZHIN DPAL LDAN RNAM SNANG MDZAD, ,CES PAS SKU RDO RJE'I ZLOS PA PO'I SGYU LUS BSKYED PA BSTAN LA, TSE DPAG MED CES PAS GSUNG RDO RJE'I ZLOS PA PO'I SGYU LUS BSTAN TO, ,TING NGE 'DZIN RNAMS KYIS SGYU LUS 'OD GSAL DU 'JUG PA DANG, SNGAGS RNAMS KYIS ZUNG 'JUG LAS LDANG BA'I RGYU RLUNG SEMS BSTAN PA NI SNGA MA'I SHUGS KYIS SHES SO, ,SKU BYIN GYIS BRLAB PA'I SKABS SU TSANGS PA LA SOGS PAS RLUNG @282 RNAMS BSTAN PA NI, TSANGS PA NI 'JIG RTEN GYI MES PO DANG POR BYUNG BAS RLUNG DANG PO'O, ,(RLUNG GNYIS PA CHAD), DBANG PHYUG NI GRONG KHYER GSUM 'JIG BYED YIN PAS RLUNG GSUM PA'O, ,RIG BYED NI TSANGS PA'I GDONG BZHI LAS BYUNG BAS RLUNG BZHI PA'O, ,'DOD LHA NI MDA' LNGA DANG LDAN PAS RLUNG LNGA PA'O, ,SKYE MCHED NI GZHON NU KAR TI KA GDONG DRUG DANG LDAN PAS DRUG PA RLUNG GI 'BYUNG GNAS 'OD GSAL LO, , YANG YON TAN GSUM NI, RDUL, SNYING STOBS, MUN PA GSUM MO, ,DUS NI RDZOGS LDAN LA SOGS PA BZHI'O, ,RE RE ZHING DRUG GSUM DU BSHAD CES PA SNGAGS DE DAG RE RE YANG YA BRAL NA RLUNG LNGA 'OD GSAL DANG BCAS PA DRUG STON LA, ZUNG DU BSDEBS NA LUGS LDOG GI SNANG BA GSUM STON PA'O, ,RIM NI RIM PA MIN PAS GSUNGS, , ZHES PA SKU GSUNG THUGS ZHES PA'I RIM PA, RTZA RGYUD DU THUGS DANG POR BTON NAS RIM PA MIN PAS GSUNGS PA NI, RGYUD LA RANG 'GAR 'JUG PA SPANG BA'I PHYIR RO, , RDO RJE GSUM ZHES BYA BA LAS, ,BDAG PO'I CHOS CAN GCIG TU BYUNG, ,ZHES PA, RDO RJE GSUM NI GONG GI SNGAGS GSUM YIN LA, DE LAS BDAG PO'I CHOS CAN ZUNG 'JUG GI SKU GCIG 'BYUNG BA'O, ,DE DAG DANG 'BREL BA'I CHO GA NGES DON DU BSHAD PA NI, SGRUB PA NYID DU BYA BA STE, ,BSKYED PA NYID DU BYA'O, ,ZHES SBYAR RO, ,GANG ZHE NA, SNGAGS NI DE BZHIN GSHEGS PA RNAMS YIN LA, DE RNAMS KYI MTSAN TE, 'OD ZER LNGAS SHIN TU MTSAN CING BRGYAN PAR BYAS PA'I RDO RJE'I SKU'O, ,THABS GANG GIS ZHE NA, RDO RJE GSUM NI PHUNG PO LA SOGS PA'I DE BZHIN GSHEGS PA RNAMS LAS BYUNG BA'I @283 YE SHES GSUM MO, ,DE RNAMS NI BSKYED RIM PA RNAMS KYI YUL MA YIN PAS GSANG BA'O, ,GNAS NI DON DAM BDEN PA 'OD GSAL LO, ,GNAS KYIS ZHES PA KUN RDZOB BDEN PA STE, RNAM PAR BSGOM PAR BYA BA NI KUN RDZOB 'OD GSAL DU BCUG STE BSGOM ZHES PA'O, ,MCHOG RAB TE BSHAD MA THAG PA'I STONG PA BZHI PO SGYU LUS DANG BCAS PA 'DIS, ZUNG 'JUG GI SKU SGRUB CES PA'O, ,MCHOD PA'I CHO GA LA BZHI LAS, RJES SU CHAGS PA'I SBYOR BA LA BSTAN PA NI, DE NAS BCOM LDAN 'DAS ZHES SOGS TE, SNGON 'BYUNG LA RIN CHEN 'BYUNG LDAN GYIS YE SHES SGRON MA RDO RJE ZHES BYA BA, SEMS CAN SER SNA CAN GYI RGYUD LA, SER SNA RNAM PAR DAG PA'I YE SHES KYI SNANG BA BSKYED PAR MDZAD PAS NA RIN CHEN 'BYUNG LDAN YIN LA, DE LA DMIGS PA'I TING NGE 'DZIN LA SNYOMS PAR ZHUGS NAS, SNGAGS 'DI GSUNGS SO, , RJES 'JUG LTAR NA SHIN TU RNAL 'BYOR GYI GNAS SKABS SU, BDAG NYID LA SKU BYIN GYIS RLOB PA SOGS BYAS NAS, RANG RIGS KYI YUM LA RIGS LNGA BKOD CING, RDO RJE PAD MA 'DU BYAS TE, RIN 'BYUNG GI NGA RGYAL GYIS, ,SNGAGS 'DI BRJOD NAS 'KHYUD PA LA, ,SOGS PA BYA BAR BSTAN TO, ,SNGAGS KYI DON NI DE BZHIN GSHEGS PA THAMS CAD KYI RJES SU CHAGS PA'I RDO RJE YIN ZHES PA'O, ,DE LTAR SNYOMS PAR ZHUGS PA'I 'OG TU DE BZHIN GSHEGS PA THAMS CAD MCHOD PA'I SNGAGS STON PA NI DE NAS ZHES SOGS TE SNGON BYUNG LA DON YOD GRUB PAS RDO RJE GDON MI ZA BA ZHES BYA BA, DON YOD GRUB PA NYID YIN LA, DE LA DMIGS PA'I TING NGE 'DZIN LA @284 SNYOMS PAR ZHUGS TE, SNGAGS 'DI GSUNGS SO, ,RJES 'JUG LTAR NA, RJES SU CHAGS PA'I SBYOR BA BYAS PA DE'I 'OG TU, RDO RJE 'CHANG GI NGA RGYAL GYIS SNYOMS PAR ZHUGS TE, YUM GYI MKHAR BYANG CHUB KYI SEMS SPROS NAS, THIG LE CHA GSUM DU BYAS PA'I CHA GCIG LA MCHOD PA BYED PA'I DUS SU, ,DON GRUB KYI NGA RGYAL GYIS SNGAGS 'DI BRJOD PA BSTAN TE, SNGAGS KYI DON NI, DE BZHIN GSHEGS PA THAMS CAD KYI MCHOD PA'I RDO RJE NGA YIN ZHES PA'O, ,BSKYED RDZOGS GNYIS KA'I THUN MONG GI MCHOD PA BSTAN PA NI, BSHAD MA THAG PA'I CHO GA RGYAS PA NYID KYIS SNGAGS PAS RTAG TU GNAS PAS BYA'O ZHE NA, DE NYID BRTAN PA BSKYED PAR BYED PA NI, RTAG TU 'DOD PA'I YON TAN LNGAS, ,SANGS RGYAS TSUL BZHIN MCHOD PAR BYA, ,ZHES SO, ,RDZOGS RIM PA'I MCHOD PA GZHAN BSTAN PA NI, MCHOD PA RNAM PA LNGA NI, GZUGS SOGS 'DOD PA'I YON TAN LNGA 'OD GSAL DU BCUG PA STE, DE LTA BU'I MCHOD PAS MYUR DU STE TSE 'DI NYID DO, ,SKU GSUM GYI BDAG NYID CAN GYI SANGS RGYAS NYID THOB PAR 'GYUR RO, ,CI'I PHYIR DE LA MCHOD PA ZHES BYA ZHE NA, PAN TZA AU PA HA RA STE, YUL LNGA 'OD GSAL DU 'PHROG CING NYE BAR ZHU BAS NA MCHOD PA ZHES BYA'O, ,DON DE YANG BSHAD PA'I RGYUD LAS, GZUGS DANG SGRA DANG DRI DANG RO, ,REG BYA DANG NI CHOS KYI KHAMS, ,DE DAG DNGOS PO MED BYAS PA, ,SANGS RGYAS MCHOD PA BLA MED DE, ,MIG SOGS YE SHES LAS BYUNG BA, MNGON SHES LNGA NI MDZES BYAS PA, ,MCHOD PA BZANG PO BSHAD PA 'DIS, ,BYANG CHUB MYUR TU THOB PAR 'GYUR, ,ZHES GSUNGS SO, ,DE @285 LTAR PHYI DANG NANG GI MCHOD PA BSTAN NAS, RDZOGS RIM DANG BRAL BAS BYANG CHUB MYUR DU THOB PAR MI 'GYUR RO ZHES BSTAN PA'I PHYIR, RDZOGS RIM STON PA LA GNYIS KYI, DANG PO MDOR BSTAN PA NI, DE NAS RDO RJE 'DZIN GYIS DE BZHIN GSHEGS PA THAMS CAD KYI SNGAGS KYI GSANG BA RNAM PAR DAG PA 'OG NAS 'BYUNG BA 'DI GSUNGS SO, , SGRUB PAR BYA ZHES SBYAR RO, ,GANG NA BDAG LA BYIN GYIS BRLAB PA'I MTSAN NYID CAN GYI DNGOS GRUB RAB MCHOG STE PHYAG RGYA CHEN PO'I DNGOS GRUB BO, ,THABS GANG GIS ZHE NA, SNGAGS LA DMIGS PA NGAG DANG, ZHES PA SNGAGS YI GE 'BRU GSUM LA DE RNAMS KYI 'JUG GNAS SDANG GSUM GYI NGO BO SHES PA'I SGO NAS DMIGS PA NGAG DBEN NO, ,LUS NI, RDO RJE BZLAS PA'I RGYUR GYUR PA'I LUS DBEN NO, ,YID KYIS BSKUL NAS SU, ZHES PA YID YONGS SU SHES PA SEMS DBEN NO, ,MGU BA YIS ZHES PA SGYU LUS DANG ZUNG 'JUG GNYIS KA LA SBYOR BAS, SGYU LUS LA SBYAR NA, MCHU ZHING YID DU 'ONG BA SGYU MA LTA BU'I SKU'O, ,YID NI DGA' ZHING ZHES PA SGYU LUS RNAM PAR DAG PAR BYED PAS YID YANG DAG PAR DGA' BAR 'GYUR BA DON DAM PA'I BDEN PA'O, , MGU BA YIS ZHES PA NI, SRID PA DANG ZHI BA'I MTHA' LA MI GNAS PA'I MTSAN NYID CAN YID DU 'ONG BA'I RDO RJE 'CHANG CHEN PO'I SKU'O, ,MDOR BSTAN PA'I TSIG BZHI PO DE RGYAS PAR 'CHAD PA NI, SEMS LA DMIGS PA NI RIM PA GNYIS PA YONGS SU SHES PA STE, DES SEMS GZUNG 'DZIN GYIS DBEN PA'I BDAG MED PA @286 DANG, NGAG DANG LUS KYANG BDAG MED PAR RNAM PAR BSGOMS PAS, SEMS KYI RANG BZHIN RTOGS PA BSGRUB PAR BYA'O, ,'DIS NI SKU GSUNG THUGS KYI MTSAN NYID KYI SHES RAB DANG, THABS DANG NYER THOB GSUM BSTAN PAS SEMS DBEN BSTAN TO, , SEMS DBEN MTHAR PHYIN NAS CI ZHIG BYA ZHE NA, NAM MKHA' BZHIN DU MNYAM PA NI 'OD GSAL YIN LA, DE BSKYED PA'I GNAS SAM RTEN SBYOR BA GSUM GCIG TU GYUR PA YID KYI RANG BZHIN GYI LUS BSGRUB PAR BYA BA STE BSKYED PAR BYA'O, ,SBYOR BA GSUM NI DBEN PA GSUM MAM SEMS GSUM MO, ,'DIS NI SGYU LUS BSTAN TO, , SGYU LUS MTHAR PHYIN NAS CI ZHIG BYA ZHE NA, 'OD GSAL BSGOM MO ZHES STON PA NA, LUS DANG NGAG DANG SEMS DMIGS NAS, ,ZHES PA DBEN GSUM YIN LA, DBEN GSUM GYIS BSGRUB PA'I SGYU MA LTA BU'I SKU'I NGO BO NYID NI, DON DAM PAR DMIGS SU MED DE, THAMS CAD KYANG DON DAM PA'I BDEN PAR RTOGS PA'I PHYIR RO, ,GAL TE YE SHES KYI SKU LA RANG BZHIN MI DMIGS KYANG, RTOG PA'I RNAL 'BYOR GYI LHA SKU LA RAG BZHIN DMIGS SO ZHE NA, SNGAGS NI YI GE GSUM STE, DES LUS SU SBYOR BA STE, BSKYED PA'I SNGAGS KYI SKU LA BYANG CHUB KYI RANG BZHIN MED DE, SNGAGS KYI YI GE RNAMS NI SKYES MA THAG TU 'JIG PAS NAM MKHA' DANG 'DRA BA YIN NO, ,DE DAG GIS LUS BSKYED PAR GA LA 'GYUR, GAL TE BSGOM BZHIN PA'I GNAS SKABS NA YOD DO ZHE NA, BSGOM BZHIN PA'I GNAS SKABS NA YANG LHA'I SKU MED PAS, YANG DAG PAR NA RTOG PA'I RNAL 'BYOR LA LHA BSGOM PA YANG MED DO, ,DE LTAR NA 'OD @287 GSAL CHOS SKU DANG, SGYU LUS LONGS SKU DANG, DBEN GSUM SPRUL SKU RNAMS NI YANG DAG PAR SPANG BAR BYA BA YIN TE, DBEN GSUM SGYU LUS DANG BCAS PA NI MTSAN BCAS KYI BSGOM PA YIN PA'I PHYIR DANG, 'OD GSAL NI ZHI BA'I MTHAR LTUNG BA YIN PA'I PHYIR RO, ,DE'I PHYIR SKU GSUM DBYER MED PA MI GNAS PA'I MYA NGAN LAS 'DAS PA'I MTSAN NYID CAN GYI ZUNG 'JUG RDO RJE 'CHANG CHEN PO'I GO 'PHANG LA BSLAB PAR BYA BAR BSTAN PA NI, BSGOM PAR BYA BA STE BSLAB PAR BYA'O ZHES SBYAR, GANG NA SNGAGS 'OD ZER LNGA YIS BRTAG PA STE BSKYED PA'I RDO RJE LTA BU'I TING NGE 'DZIN GYI NGO BO ZUNG 'JUG LA'O, ,THABS GANG GIS ZHE NA, SKU GSUNG THUGS KYI MTSAN NYID DU, ,'DI NI MDOR NA RNAM DPYAD NAS, ,ZHES PA, LUS DBEN DANG NGAG DBEN SNGON DU SONG BA CAN GYI SEMS DBEN NI, SKU GSUNG THUGS KYI MTSAN NYID CAN GYI SHES RAB DANG, THABS DANG NYER THOB GSUM GYI RANG BZHIN GYI STONG PA GSUM YIN LA, DE DAG RNAM PAR DPYAD NAS TE YONGS SU SHES PAR BYAS NAS, BSHAD MA THAG PA'I STONG PA GSUM PO 'DI NI MDOR NA STE, KUN RDZOB BDEN PA SGYU MA'I SKUR BSKYED DO, ,ZHES PA'O, ,'DIS NI DBEN GSUM SNGON DU 'GRO BA CAN GYI SGYU LUS BSGOM PA BSTAN TO, ,SGYU LUS DE NYID BSAM GTAN GNYIS KYIS BSHIG STE, BYANG CHUB TE 'OD GSAL BAR SBYOR BA STE GZHUG PAR BYA'O ZHES PA'O, ,DA NI LE'U GSUM PA LAS GSUNG SA PA'I PHRA MO'I RNAL 'BYOR RGYAS PAR BSTAN PAR BYA STE, DE LA GNYIS, SDUD PA PO'I TSIG GIS MTSAMS SBYAR BA DANG, STON PA'I GSUNG GIS @288 PHRA MO'I RNAM 'BYOR BSTAN PA GNYIS KYI, DANG PO NI, RDZOGS RIM BSTAN PA'I RJES THOG DE NAS, BKA' BSTZAL TO, ,ZHES SBYAR, GANG NA, BSGOM PA'I MCHOG 'OG NAS 'BYUNG BA 'DI'O, ,SU ZHIG GIS NA, RNAM SNANG LA SOGS PA'I SANGS RGYAS KUN GYI NANG NAS MCHOG TU GYUR PA THUGS RDO RJE KUN MKHYEN GYIS SO, , DE'I KHYAD PAR NI, TSOGS GNYIS DANG LDAN PAS NA DPAL LDAN, RTZE LNGA PA'I RDO RJE 'DZIN PA NI YI GE'I DON NO, ,YE SHES LNGA'I RANG BZHIN GYI RDO RJE 'CHANG BAS NA RDO RJE 'DZIN PA NI SPYI'I DON NO, ,YID KYI RANG BZHIN GYI LUS 'DZIN PA NA RDO RJE 'DZIN PA NI SBAS PA'I DON NO, ,GNYIS SU MED PA'I YE SHES KYI RDO RJE 'DZIN PAS NA RDO RJE 'DZIN PA NI MTHAR THUG GI DON NO, ,SPYAN MA LA SOGS PA'I LHA MO KUN GYIS MCHOD PAS NA DE BZHIN GSHEGS PA KUN GYIS MCHOD PA'O, ,STON PA'I GSUNG GIS PHRA MO'I RNAL 'BYOR BSTAN PA LA GNYIS KYI, DANG POS LHA'I RNAL 'BYOR SNGON DU 'GRO BA'I PHRA MO'I RNAL 'BYOR MDOR BSTAN PA NI, ZUNG 'JUG PAS PHRA MO'I RNAL 'BYOR BSGOM PA'I SNGON DU, SGYU MA LTA BU'I SKU NAM MKHA'I DBYINGS KYI DBUS GNAS PAR TE, 'OD GSAL DU BCUG NAS, SLAR YANG ZLA BA'I DKYIL 'KHOR TE, LUGS LDOG GI SNANG BA GSUM RLUNG DANG BCAS PA LAS, LONGS SPYOD RDZOGS PA'I SKU BSGOM ZHING BSKYED PAR BYA'O, ,DE'I RJES SU SANGS RGYAS GZUGS NI RAB BSGOM ZHES PA, ,MI BSKYOD PA LA SOGS PA GANG RUNG RJES SU ZHUGS PA, DE BZHIN GSHEGS PA THAMS CAD KYI RDUL PHRA RAB LAS BSGRUBS PA'I SPRUL PA'I SKUR BDAG NYID BSKYED NAS, @289 'OG NAS 'BYUNG BA'I PHRA MO'I RNAL 'BYOR BRTZAM PAR BYA'O, ,RGYAS PAR BSHAD PA LA GNYIS TE, RTZA BA'I RDO RJE BZLAS PA DANG, YAN LAG GI RDO RJE BZLAS PA GNYIS KYI, RTZA BA'I RDO RJE BZLAS PA NI, SNA'I RTZE MOR ZHES PA'I RDO RJE'I TSIG 'DI DRANG DON DANG, NGES DON DU BSHAD PA GNYIS KYI, DRANG DON DU BSHAD PAR BSKYED RIM PAS 'OG SGO LA BRTEN PA'I PHRA MO'I RNAL 'BYOR BSGOM PA STON PA NI, SNA'I RTZE MO NI RDO RJE'AM PAD MA'I ZE 'BRU LA DER YUNGS DKAR TE BYANG CHUB KYI THIG LE BSAM ZHING BSGOM PAR BYA'O, ,'DIR YUNGS DKAR GYI SGRAS THIG LE MTSON PAR YANG RGYUD PHYI MA LAS GSUNGS TE, YE SHES LNGA YI RLUNG BZHIN DBUGS, ,'BYUNG BA LNGA YI NGO BO NYID, , PAD MA'I SNA RTZER PHYUNG NAS NI, ,THIG LE'I GZUGS SU BRTAG PAR BYA, ,RIN CHEN KHA DOG SNA LNGA PA, ,SROG DANG RTZOL BA ZHES BYAR BSHAD, ,CES GSUNGS SO, ,JI LTAR BSGOM ZHE NA, YUGS DKAR TE THIG LE YI DBUS SU 'GRO BA BCUD DANG, MI 'GRO BA SNOD KYI 'JIG RTEN RNAMS SKYE BZHIN PAR SHES PAR BYA STE, BDUD RTZI'I SA BON ZHES BSHAD DE, DE LAS 'GRO BA GSUM PO SKYE, ,ZHES GSUNGS SO, ,YANG NA RGYU BA DANG MI RGYU BA RNAMS RDO RJE SEMS DPA'I RANG BZHIN DU BSAM PAR BYA'O, ,THIG LE DE NYID RANG RIG BDE BA'I RGYUR GYUR PAS NA, YE SHES GNAS NI NYAMS DGA' BA, , ZHES SO, ,THIG LE DE BSGRUB PA'I RGYU GANG ZHE NA, GSANG BA'I YE SHES KYIS BRTAGS BSGOM, ,ZHES TE, GSANG BA'I YE SHES NI DBANG PO GNYIS SNYOMS PAR 'JUG PA'O, ,BRTAGS PA NI DES BSKYED PA'I THIG LE'O, ,DE BSGOM ZHES PA'O, ,GNYIS @290 PA NGES DON DU BSHAD PAR RDZOGS RIM PA'I RDO RJE BZLAS PA BSGOM PA BSTAN PA NI, RKANG PA DANG POS NI SNGAGS DANG RLUNG GI DE KHO NA NYID BSTAN TO, ,GNYIS PAS NI YE SHES KYI DE KHO NA NYID DO, ,THA MA GNYIS KYIS NI YONGS SU DAG PA'I LHA'I DE KHO NA NYID BSTAN TO, ,DE LA SNYING KHA DANG GSANG BA'I GNAS DANG, LKOG MA DANG, LTE BA DANG, LUS THAMS CAD LA GNAS PA'I RLUNG 'OD ZER LNGA PO SROG DANG RTZOL BAR GYUR NAS, STENG GI SNA'I BU GA LAS DKYIL 'KHOR BZHI'I KHA DOG GO RIM BZHIN DU NGES PAR 'BYUNG STE, DE'I TSE, RNAL 'BYOR PAS STENG GI SNA'I RTZE MOR YUNGS DKAR TE, DKYIL 'KHOR BZHI'I BDAG NYID KYI RLUNG 'JUG GNAS LDANG GSUM GYI TSUL DU BSAM ZHING BSGOM PAR BYA'O, ,'DIR YUNGS DKAR GYI SGRAS DKYIL 'KHOR BZHI'I RLUNG BSTAN PA YANG RDO RJE PHRENG BA LAS GSUNGS TE, JI SKAD DU, SNA RTZER YUNGS DKAR ZHES BYA BA, ,SROG DANG RTZOL BA'I BRTAG PA'O, ,SROG DANG RTZOL BA LA GNAS PA, ,'OD ZER LNGA PO SANGS RGYAS DNGOS, ,STENG GI SNA LA NGES BYUNG BA, ,G-YON DANG G-YAS DANG GNYIS KA DANG, ,DAL ZHES BYA BA RNAM BZHIR 'GYUR, ,NANG GI DUS NI YIN PAR BSHAD, ,RANG SNGAGS BZHI YI SBYOR BA YIS, ,NYIN MTSAN RNAM PA THAMS CAD DU, ,THUN PHYED DUS SU GNAS BYED DE, ,RIM NI GO RIM JI BZHIN DU, , ZHES GSUNGS SO, ,RDO RJE BZLAS PA DE RTEN GANG LA GNAS NAS BYED CE NA, ZUNG 'JUG GI SKU LA GNAS NAS BSGOM MO ZHES STON PA NI, 'GRO DANG MI 'GRO BA NI LUGS LDOG GI SNANG NA GSUM, YUNGS DKAR NI KHAMS PHRA BA STE, RNAM SHES GSUM RLUNG @291 DANG BCAS PA LAS GRUB PA'I YE SHES KYI SKU LA BRTEN NAS BSGOM ZHES PA'O, ,YE SHES KYI SKU DE MTSAN NYID JI LTA BU ZHE NA, DE NAS RLUNG SEMS TZAM LAS GRUB PAS NA YE SHES KYI GNAS SO, ,'JA' TSON LTAR DKAR PO LA SOGS PA'I 'OD ZER DANG LDAN PAS NYAMS DGA' BA'O, ,RTOG PA'I RNAL 'BYOR PA RNAMS KYI YUL MA YIN PAS NA GSANG BA'O, ,'OD GSAL GYI YE SHES LAS BYUNG BAS NA YE SHES KYIS BRTAGS PA'O, ,YE SHES KYI SKU 'DI NYID MDO SDE DAG LAS KYANG DGONGS PA'I TSIG GIS GSUNGS TE, PHAL PO CHE LAS, SKRA TZAM KHYOD CIG LA YANG SANGS RGYAS NI, ,RNAM MANG GANGG'A'I KLUNG GI BYE SNYED BZHUGS, ,ZHES DANG, RDUL GCIG STENG NA RDUL SNYED SANGS RGYAS RNAMS, ,SANGS RGYAS SRAS KYI DBUS NA BZHUGS PA DAG ,CES GSUNGS TE, RDUL GCIG GI STENG NA RDUL SNYED KYI SANGS RGYAS BZHUGS PA NI, YE SHES KYI SKU KHO NA LA RUNG BA'I PHYIR RO, ,DA NI DKYIL 'KHOR BZHI'I DBYE BAS PHYE BA'I YAN LAG BZLAS PA BSTAN PA NI, BSGOM PAS TE SHES PAR BYA'O ZHES SBYAR RO, , GANG ZHE NA, NAM MKHA'I DBYINGS KYI DBUS GNAS PAR TE, MI SHIGS PA LAS BYUNG BA'I NYI MA'I DKYIL 'KHOR TE, ME'I DKYIL 'KHOR PAD MA MGON PO'I RGYU BA SNA BUG G-YAS NAS 'BYUNG BA'O, TSUL JI LTAR BSGOM ZHE NA, SANGS RGYAS NI RNAM PAR SNANG MDZAD, DE'I GNAS NI YI GE AOm, RLUNG NANG DU 'JUG PA DANG, SKU NI 'OD DPAG TU MED PA, DE'I GNAS YI GE A'A: RLUNG GNAS PA'I BDAG NYID BSGOM ZHING, AOm DANG A'A: DE'I STENG DU GNAS TE, YI GE H'Um LDANG BA'I BDAG NYID CAN NI BZHAG CING BSGOM PA @292 'DI NI 'OD DPAG TU MED PA'I BZLAS PA'O, ,YANG NAM MKHA'I DBYINGS KYI DBUS GNAS PA STE MI SHIGS PA LAS BYUNG BA'I GSAL BA'I DKYIL 'KHOR TE, CHU'I DKYIL 'KHOR RDO RJE MGON PO'I RGYU BA SPYAN GYI TSUL DU SBYOR BA SDE DKAR ZHING DAL BA BSGOM PAR BYA'O, ,TSUL JI LTAR ZHE NA, RDO RJE PAD MA RNAM PAR BSGOM ZHES TE, AOm NANG DU 'JUG PA'I BDAG NYID CAN YONGS SU GYUR PA'I RJES LA, PAD MO STE A'A: GNAS PA'I BDAG NYID CAN DANG, RDO RJE STE H'Um SDANG BA'I BDAG NYID CAN RNAM PAR BSGOM MO, ,'DI NI RDO RJE'I BZLAS PA'O, ,YANG NAM MKHA'I DBYINGS KYI DBUS GNAS PAR TE, MI SHIGS PA LAS BYUNG BA'I RIN CHEN DKYIL 'KHOR TE DBANG CHEN GYI DKYIL 'KHOR RIN CHEN MGON PO'I RGYU BA KHA DOG SER PO GNYIS KA NAS RGYU BA BRI BAR BYA BA STE BSGOM PAR BYA'O, ,TSUL JI LTAR ZHE NA, DKYIL 'KHOR DE'I STENG DU MCHOG GI SBYOR BA STE YI GE GSUM SPRO BA DANG, BSDU BA DANG, GNAS PA'I BDAG NYID CAN NAN TAN GYI RTZE GCIG TU BSGOM ZHING SHES PAR BYA'O, ,'DI NI RIN PO CHE BA'I BZLAS PA'O, ,YANG NAM MKHA'I DBYINGS KYI DBUS GNAS PAR TE, MI SHIGS PA LAS BYUNG BA'I 'OD KYI DKYIL 'KHOR TE, RLUNG GI DKYIL 'KHOR KHA DOG NAG PO LAS KYI MGON PO'I RGYU BA G-YON PA NAS 'BYUNG BA SGOM PAR BYA'O, ,TSUL JI LTAR NA, DKYIL 'KHOR DE'I STENG DU SANGS RGYAS TSUL TE H'Um LDANG BA DANG, ZHI BA STE GNAS PA DANG, SPRO BA STE AOm 'JUG PA'I TSUL DU BSGOM PAR BYA'O, ,DE NAS DKYIL 'KHOR BZHI PO RE RE'I DKYIL 'KHOR GYI RAB TU 'JUG PA LA SPYOD PA NA, THABS MGON @293 PO'I RLUNG NI KHYAD PAR DU STE RAGS PAR RGYU ZHING, SHES RAB LHA MO'I RLUNG RNAMS NI 'KHOR DU GYUR PAS DE'I NANG DU CHUD PAR SPRO ZHES PA'O, ,RDO RJE BZLAS PA 'DI NYIN MTSAN DU BZLAS PA'I GRANGS NI, BSHAD PA'I RGYUD LAS, GOS DKAR LA SOGS BZLAS BSHAD PA, ,BRGYA PHRAG GNYIS DANG NYI SHU LNGA, ,BZHI PO LEGS PAR SBRES PA NI, ,BZHI BSDUS BRGYA PHRAG DGU NYID DO, ,DGU BRGYA DAG DU GANG BSTAN PA, , NYI SHU RTZA BZHI'I RIM GYIS NI, ,DE NI SO SOR 'BYUNG BA LAS, ,NYI KHRI CHIG STONG DRUG BRGYA'O, ,ZHES GSUNGS SO, ,DE DAG GI DON NI SNGAR BSHAD ZIN TO, ,DA NI BSKYED RIM PA'I RNAL 'BYOR PHO MO GNYIS KA'I PHRA MO'I RNAL 'BYOR GZHAN BSTAN PA NI, DE LA SPYIR BSKYED RIM PA'I PHRA MO'I RNAL 'BYOR LA GNYIS TE, STENG SGO LA BRTEN PA'I MTSAN MA PHRA MO BSGOM PA DANG, 'OG SGO LA BRTEN PA'I THIG LE PHRA MO BSGOM PA'O, ,DANG PO NI, LE'U GSUM PA'I SPYI DON DU BSHAD PAS BSTAN LA, 'OG SGO LA BRTEN PA'I THIG LE PHRA MO BSGOM PA LA GNYIS TE, THIG LE DNGOS BSGOM PA DANG, THIG LE LAS PHYAG MTSAN PHRA MO BSGOM PA'O, ,DANG PO NI, LE'U GSUM PA'I SBAS DON DU BSHAD PA DANG, LE'U 'DI NYID KYI DRANG DON DU BSHAD PAS BSTAN LA, THIG LE LAS PHYAG MTSAN PHRA MO BSGOM PA NI, 'DIR STON PA YIN TE DE YANG RIGS KYI BYE BRAG GIS, RNAL 'BYOR PA SUM CU RTZA GNYIS KYI RDO RJE LA SOGS PA RANG GI LHA'I PHYAG MTSAN RDO RJE'I RTZE MOR BSGOM PA MI BSKYOD PA'I RNAL 'BYOR PA MTSON NAS STON PA NI, RNAM PAR BSAM PAR BYA'O ZHES SBYAR, GANG NA, THIG LE GYUR PA LAS @294 BYUNG BA'I RANG GI LHA'I PHYAG MTSAN RDO RJE'O, ,JI LTA BU ZHE NA, KHA DOG GI KHYAD PAR AUTPAL MTHING KA'I MDOG 'DRA BA SNGON PO'O, ,DBYIBS KYI KHYAD PAR NI RTZE MO LNGA PA, TSAD KYI KHYAD PAR NAS KYI 'BRU TZAM MO, ,GANG DU NA SNA'I RTZE MO STE RDO RJE'I BU GAR RO, , TSUL JI LTAR NA NAN TAN GYIS TE RGYUN DU'O, , SU ZHIG GIS NA, MI BSKYOD PA'I RNAL 'BYOR PAS SO, ,RNAL 'BYOR MA SUM CU RTZA GNYIS KYI RANG GI LHA'I MTSAN MA CHOS 'BYUNG DU BSGOM PA 'OD DPAG TU MED PA'I RNAL 'BYOR MAS MTSON NAS STON PA NI, NAN TAN DU BSGOMS PAS BYANG CHUB LA GZHOL ZHING THOB PAR 'GYUR RO ZHES SBYAR, GANG NA THIG LE GYUR PA LAS BYUNG BA'I RANG GI LHA'I MTSAN MA PAD MA'O, ,DE YANG TSAD KYI KHYAD PAR TZA NA KA'I 'BRU TZAM DANG, DBYIBS KYI KHYAD PAR 'DAB MA BRGYAD PA GE SAR DANG BCAS PA, KHA DOG GI KHYAD PAR DMAR POR BSGOM MO, ,GANG DU NA SNA'I RTZE MOR TE, CHOS 'BYUNG GI NANG DU CHUD PAR RO, ,SU ZHIG GIS NA 'OD DPAG MED KYI RNAL 'BYOR MAS SO, ,RDO RJE DANG PAD MA'I RTZE MO DER, RANG GI RIGS KYI DBYE BAS 'KHOR LO DANG, RIN PO CHE DANG, RAL GRI LA SOGS RANG GI LHA'I MTSAN MA RNAMS TZA NA KA'I 'BRU TZAM BSGOM PA YANG BRTAG CING SHES PAR BYA'O, ,DE LTAR BSGOMS PAS PHAN YON CI THOB CE NA, ZHI BA LA SOGS PA'I DNGOS GRUB THAMS CAD DANG, 'DOD PA'I DBANG PHYUG LA SOGS PA'I YON TAN BRGYAD DANG, BYANG CHUB STE GNYIS SU MED PA'I YE SHES KYI GNAS TE RGYU 'OD GSAL 'GRUB CING MNGON DU BYED PAR 'GYUR RO, ,'OD GSAL DE NI NYON @295 MONGS PA RNAM PAR DAG PAS NA NYAMS DGA' BA'O, ,PHRA MO'I RNAL 'BYOR GYIS 'OD GSAL JI LTAR 'GRUB CE NA, PHRA MO MTHAR PHYIN DBEN GSUM SNGON DU SONG BA'I SGYU LUS MTHAR PHYIN NAS, 'OD GSAL 'GRUB BO ZHES STON PA NI, SANGS RGYAS TE PHUNG PO LA SOGS PA BYANG CHUB GNAS TE SPRUL SKU'I GZHI SGYU MA'I SKUR MDOR NA STE, YE SHES GSUM RLUNG DANG BCAS PAS BSKYED NAS, BSAM GTAN GNYIS KYI 'OD GSAL DER SPRO ZHING GZHUG PAR BYA'O, ,'OD GSAL LAS ZUNG 'JUG TU BZHENGS PA NI, SKU GSUNG THUGS KYIS MTSAN PA STE SKU GSUM GYI BDAG NYID CAN GYI RDO RJE 'CHANG CHEN POR CHOS KYIS TE, 'OD GSAL GYI TSIG RNAMS TE RGYU LAS BDAG NYID BSKYED PAR BYA'O ZHES PA'O, ,DA RNAL 'BYOR GYI SPYOD PA BSTAN PA LA GNYIS TE, DRANG DON DANG, NGES DON NO, ,DRANG BA'I DON LA BZHI LAS, DANG PO SDUD PA PO'I TSIG GIS MTSAMS SBYAR BA NI, PHRA MO'I RNAL 'BYOR BSHAD PA DE NAS, BKA' BSTZAL TO ZHES SBYAR RO, ,GANG GIS NA, DPAL LDAN RDO RJE 'DZIN PA STE RDO RJE 'CHANG CHEN PO, DE NYID DON KUN TE GNYIS SU MED PA'I YE SHES STON PAS SO, ,CI ZHIG CE NA, SPROS BCAS DANG, SPROS MED DANG, SHIN TU SPROS MED KYI SPYOD PA KUN NO, ,DE'I KHYAD PAR NI, DE RNAMS KYI MCHOG GI (RANG BZHIN SHES PA'O, ,)LONGS SPYOD PA DANG, (ZUNG 'JUG GI RGYUR GYUR PA'O, ,)GROL BA'I SPYOD PA'O, ,DAG PA NI RDO RJE 'CHANG GI GO 'PHANG THOB PAS SO, , NYAN THOS LA SOGS PA'I SPYOD YUL MA YIN PAS GSANG BA DAM PA'O, ,SPYOD PA'I NGO BO DNGOS STON PA NI, DE LA SPYIR SPYOD PA NI, 'DOD PA'I YON TAN LNGA LA RANG BZHIN @296 YONGS SU SHES PA'I SGO NAS LONGS SPYOD PA YIN LA LONGS SPYOD LUGS GSUM LAS, BYA BA DANG BSAM PA SPROS PA MANG BA'I SGO NAS LONGS SPYOD PA DANG, BYA BA LA SOGS PA GSUM SPROS PA NYUNG BA'I SGO NAS LONGS SPYOD PA DANG, DUS LA LTOS PA MED PA DANG BYA BA PHYAG RGYA BSTEN PA TZAM GYI SPROS PA YANG MED PA BU SU KU'I SPYOD PA LA GNAS NAS SHIN TU SPROS MED KYI SGO NAS LONGS SPYOD PA'O, ,DE LA BSGOM PAR BYA BA STE LONGS SPYOD PAR BYA'O ZHES SBYAR, GANG LA NA, GZUGS DANG SGRA DANG ROR LDAN PA, ,ZHES 'DOD PA'I YON TAN LNGA LA'O, ,'DOD YON GYI NGO BO YONGS SU SHES PA'I SHES RAB CAN GYIS SO, ,TSUL JI LTAR NA GSANG BA'I DE NYID MCHOD CHEN GYIS LEGS PAR MCHOD NAS ZHES PA 'JUG BSAM SGOM GSUM DANG LDAN PA'I SGO NAS SAM, YANG NA SPROS SPYAD SPROS MED SHIN TU SPROS MED KYI SGO NAS SO, ,DUS JI TZAM DU ZHE NA, ZLA BA DRUG BSGOM ZHES TE, ZLA BA DRUG TU RTAG TU BYAS NA SPROS BCAS SO, , RE 'GA' BYAS NA SPROS MED DO, ,DUS KYI NGES PA MED NA SHIN TU SPROS MED DO, , DNGOS GRUB DANG MNGON SPYOD KYI LAS SGRUB PA'I DUS KYI CHO GA'I KHYAD PAR BSTAN PA NI, DNGOS GRUB DANG MNGON SPYOD KYI BSNYEN PA RDZOGS NAS SGRUB PA BYED PA'I DUS SU, KHA ZAS JI LTA BU LA LONGS SPYOD PAR BYA SNYAM NA, BSNYEN PA MTHAR PHYIN NAS, GRUB PA CHEN PO BRGYAD KYI DNGOS GRUB KYI 'BRAS BU 'DOD PAS SGRUB PA BYED PA'I DUS SU, ZAS SU BSHANG GCI BZA' BAR BYA ZHING, LHA RNAMS LA YANG DBUL BAR BYA'O, ,DES PHAN YON CI 'THOB CI ZHE NA, SANGS RGYAS BYANG CHUB SKYON MED PAS TE, MNGON PAR @297 'DOD PA'I DNGOS GRUB BLA NA MED PA 'GRUB PAR 'GYUR RO, ,MNGON SPYOD KYI DUS KYI ZAS LA LONGS SPYOD PA'I KHYAD PAR BSTAN PA NI, MNGON SPYOD KYI LAS SGRUB PA'I DUS SU, RIGS GANG GI ZLOS PA PO YIN YANG LHA RNAMS KHRO BOR BSKYED NAS, RANG GIS KYANG ZAS SU SHA BZA' BAR BYA ZHING, LHA RNAMS LA YANG DBUL BAR BYA'O, , ZHES SPYIR BSTAN NAS, RIGS GANG LA SHA GANG LONGS SPYAD PA PHYE STE STON PA NI, RDO RJE'I RIGS KYI KHRO BO RNAMS KYIS SHA CHEN DAG LA LONGS SPYOD PAR BYA STE, DES PHAN YON CI 'THOB CE NA, SKU GSUNG THUGS TE RJES SU MTHUN PA'I GSANG BA STE, GSAD PA LA SOGS PA'I MNGON SPYOD LAS RNAMS 'GRUB PAR 'GYUR ZHING, DER MA ZAD RIL BU LA SOGS PA'I DNGOS GRUB GZHAN THAMS CAD KYANG 'GRUB PAR 'GYUR RO, , DE BZHIN DU RNAM SNANG GI RIGS KYIS GLANG PO CHE'I SHA DANG, RIN 'BYUNG GI RIGS KYIS RTA'I SHA DANG, 'OD DPAG MED KYI RIGS KYIS DAM PA BA LANG GI SHA DANG, DON YOD GRUB PA'I RIGS KYIS KHYI'I SHA RNAMS RANG GI ZAS KYI PHYIR YANG BZA' BAR BYA ZHING, LHA RNAMS LA YANG DBUL BA DANG, 'BYUNG PO RNAMS LA YANG GTOR MA BYA'O, ,RIGS DANG MTHUN PA'I SHA MA RNYED NA, DES JI LTAR BYA ZHE NA, ZAS GZHAN 'BRAS CHAN DANG, 'BRU LA SOGS PA RNAMS KYANG SHA DE DANG DER MOS TE SHA'I RNAM PAR DBUL BAR BYA'O, ,MA ZOS NA ZHES PA KHRO BO THAMS CAD KYI DRAG PO'I LAS LA NI ZAS GZHAN MI DBUL BA YIN PAS, BZA' BAR MI BYA'O ZHES PA'O, ,DE LTAR BYAS NA RIGS DE DANG 'BREL BA'I BYANG CHUB SEMS DPA' BLO CAN TE, RANG GI PHYAG @298 RGYA DANG BCAS PA RNAMS DANG, MI BSKYOD PA LA SOGS PA'I SANGS RGYAS RNAMS RANG GI RIGS KYIS MCHOD PA BYAS PAS MNYES PAR 'GYUR RO, ,DE DAG GI PHAN YON BSTAN PA NI, BSHAD MA THAG PA 'DI LTA BU'I GTOR MA'I SBYOR BA YIS, MYUR DU STE RINGS PAR SANGS RGYAS THOB PAR 'GYUR RO, ,DER MA ZAD 'DOD KHAMS TE BUD MED THAMS CAD KYI YUL LA DGA' BA'I DBANG PHYUG TU YANG 'GYUR TE, JI SKAD DU, RI RAB SUM CU RTZA DRUG GI ,RDUL PHRAN JI SNYED YOD PA YI, ,DE NYID KYI NI BUD MED RNAMS, ,YON TAN CAN NI BDAG GIS SGRUB, ,CES PA'I SGO NAS GSUNGS PA'I PHYIR RO, ,LAS KYI SA PA'I 'JIG RTEN 'DZAM BU GLING NA PHYIR MI LDOG PA'I GO 'PHAG THOB PA'I LAS SEMS CAN SMIN CING GROL BA YANG BYED PAR 'GYUR RO, ,RTOGS PA'I RNAL 'BYOR PA RNAMS KYI MCHOG TU GYUR PAS NA GTZO BO'O, ,SDUG BSNGAL DANG YID MI BDE THAMS CAD ZIL GYIS GNON PAS NA GZI BRJID CAN NO, ,'JIG RTEN GYI CHOS BRGYAD KYIS MI BRDZI BAS NA STOBS DANG LDAN PA'O, ,RDO RJE SEMS DPA'I TSE DANG LANG TSO THOB PAS NA MDANGS BZANG BA'O, ,RTAG TU RAB TU DGA' BAR 'GYUR BAS NA MTHONG NA YID DU 'ONG BA'O, , DE LTA BU'I RNAL 'BYOR CHEN PO DANG LDAN PA'I RNAL 'BYOR PAS PHYI'I SNGAGS DANG PHYAG RGYA LA SOGS PAS BSKUL BA MED PAR, MIG DANG RNA BA DANG YID GSUM GYIS MTHONG BA STE KHONG DU CHUD PA TZAM GYIS 'JIG RTEN GYI 'GRO BA SNA TSOGS PA 'DI DAG DBANG DU BYED PAR 'GYUR RO, ,BSHAD MA THAG PA'I YON TAN 'DI DAG NI SANGS @299 RGYAS TE, RTOG PA'I RNAL 'BYOR PA THAMS CAD KYI GSANG BA'I BYANG CHUB DAM PA STE BYANG CHUB THOB PAR 'GYUR BA NYE BAR MTSON PA'O, ,YANG DAG SNGAGS TE DE BZHIN GSHEGS PA RNAMS KYI GSANG BA BSHAD MA THAG PA 'DI NI, LUS NGAG SEMS LAS 'DA' BA STE THA MAL BA'I LUS SPANGS NAS GANG GI RDO RJE'I RANG BZHIN GYI LUS THOB PAR 'GYUR BA'I DE KHO NA NYID NI 'DI LTA BU YIN NO ZHES PA STE, DE SKAD DU YANG GSANG BA GRUB PA LAS, RNAM RTOG MED PA'I SNGAGS PA NI, ,'DI LTA'I TING 'DZIN LDAN PA DAG ,NGES PA'I DUS NI YONGS SPANGS NAS, ,BLA MED GO 'PHANG THOB PAR 'GYUR, ,ZHES GSUNGS SO, ,RDO RJE'I TSIG 'DI DAG BSHAD RGYUD KYI NGES DON DU BSHAD PA LA GSUM GYI, SPYOD PA NGES DON DU BSHAD PA NI, SKAD CIG THANG GCIG YUD TZAM LA, ,ZLA PHYED ZLA BA LO YI DUS, ,BSKAL BA GRANGS MED GSUM PO NI, , SKAD CIG GCIG TU MNYAM PAR BSHAD, ,ZLA BA DRUG BSHAD DE NYID YIN, ,CES TE, RTZA RGYUD KYI ZLA BA DRUG CES PA DES, PHA ROL TU PHYIN PA'I THEG PAR BSKAL BA GRANGS MED GSUM GYIS SANGS RGYAS THOB PA DANG, SNGAGS KYI THEG PAR 'OD GSAL RTOGS PA'I SKAD CIG GIS ZUNG 'JUG RDO RJE 'CHANG GI GO 'PHANG THOB PA GNYIS MNYAM PAR BSHAD PA YIN TE, ZLA BA DRUG GI SKAD DOD SHAD TRA MA SA ZHES PA BSKAL BA 'GRUB PA'I RGYU DRUG LA BYA STE, SKAD CIG DANG, THANG CIG DANG, YUD TZAM DANG, ZLA BA PHYED DANG, ZLA BA GCIG DANG, LO GCIG TU STE DRUG GO ,DE LA SKAD CIG NI, DUS MTHA'I SKAD CIG MA BRGYA NYI SHU BSDOMS PA'I DE'I SKAD CIG YIN NO, ,DE'I SKAD CIG DRUG @300 CU LA NI THANG CIG GO ,THANG CIG SUM CU LA NI YUD TZAM MO, ,YUD TZAM SUM CU LA NI NYIN ZHAG GCIG STE, DE 'DIR MA BGRANGS SO, ,NYIN ZHAG BCO LNGA NI ZLA BA PHYED DO, ,DE GNYIS BSDOMS PA NI ZLA BA GCIG GO ,ZLA BA BCU GNYIS NI LO GCIG GO , LO DPAG MED BSAGS PA LAS BSKAL CHEN 'GRUB STE, BSKAL CHEN DE 'DRA BA GRANGS MED GSUM DU TSOGS BSAGS PA DANG, 'OD GSAL RTOGS PA'I SKAD CIG MA GCIG MNYAM PAR BSHAD DE, MAm SA ZHES PA MA'I SGRA LAS DRANGS NAS, MA LA PA KshA STE GRANGS MED DO, ,SA'I SGRA LAS DRANGS NA SA MA TA STE MNYAM PA'O, ,GRANGS MED GSUM DU TSOGS BSAGS PA DANG MNYAM PA'I SKAD CIG DE GANG YIN ZHE NA, DNGOS MED RDZOGS PAR LONGS SPYOD PA, ,SKAD CIG GCIG TU BSNGAGS PA STE, , DUS GSUM LAS 'DAS YIN PAR DGONGS, ,ZHES TE, RDZOGS PAR LONGS SPYOD PA NI SGYU LUS, DE BSAM GTAN GNYIS KYIS BSHIG STE DNGOS PO MED PAR BYAS PA NI SKAD CIG MA GCIG STE DUS GSUM STE STONG PA GSUM LAS 'DAS PA'I THAMS CAD STONG PA 'OD GSAL YIN PAR DGONGS SO, ,'OD GSAL DE NYID JI LTAR BSGOM ZHE NA, GZUGS DANG SGRA DANG ROR LDAN PA, ,RNAL 'BYOR PAS NI ZLA DRUG BSGOM, ,MCHOD CHEN DE NI BYAS NAS SU, ,GSANG BA'I DE NYID RNAM PAR BSGOM, ,ZHES TE, GZUGS NI LUS DBEN NO, ,SGRA NI NGAG DBEN NO, ,ROR LDAN NI SEMS DBEN NO, ,RNAL 'BYOR PA NI SGYU LUS SO, ,ZLA DRUG NI BSHAD ZIN TO, ,DE LTAR NA DBEN GSUM SNGON DU 'GRO BA CAN GYI SGYU LUS 'OD GSAL DU BCUG PA'I MCHOD PA CHEN PO BYAS NAS, @301 GSANG BA'I DE NYID 'OD GSAL BSGOM, ,ZHES PA'O, ,MCHOD PA'I CHO GA NGES DON DU BSTAN PA LA, BSHANG GCI ZAS SU ZOS NAS NI, ,ZHES PA 'CHAD PA NI, YUL DANG DBANG PO SEMS DPA' NI, ,BSHANG GCI ZAS SU BYED PA'O, ,BYAS NAS DE 'DRA'I DNGOS GRUB NI, ,BZA' BA RNAMS RTOG MED PA'O, ,ZHES TE, BSHANG DANG GCI BA NI YUL DANG DBANG PO YIN LA, DE DAG 'OD GSAL DU BCUG PA NI ZAS SU BYED PA'O, ,DE LTA BU'I TSUL GYIS BSHANG GCI ZAS SU BYAS NA, PHYI ROL GYI BZA' BA'I RNAM RTOG MED PA'I DNGOS GRUB THOB PAR 'GYUR RO, , DNGOS GRUB DE JI LTA BU ZHE NA, DE NYID 'DI NI BLA MED PA, ,BYANG CHUB SEMS GCIG LAS BYUNG BA'O, ,ZHES TE, BYANG CHUB KYI SEMS 'OD GSAL LAS BYUNG BA'I BLA NA MED PA'I DE KHO NA NYID ZUNG 'JUG GI YE SHES SO, ,DE'I MTSAN NYID NI, RTOG MED 'DUS NI MA BYAS SHING, ,MI RTOG DON NI 'GRUB PAR 'GYUR, ,ZHES TE BDAG GZHAN THA DAD RTOG PA DANG BRAL BAS NA RTOG PA MED CING, LAS NYON GYIS MA BSKYED PA NA 'DUS MA BYAS PA, MI RTOG PA NI DON DAM PA'I BDEN PA'O, ,DON NI KUN RDZOB KYI BDEN PAS TE, DE GNYIS DBYER MI PHYED PA'I YE SHES 'GRUB PAR 'GYUR ZHES PA'O, ,ZAS SU SHA RNAMS BZA' BA DANG, ,ZHES PA 'CHAD PA NI, MAm NI M'A MA KIR BSHAD DE, ,SA NI MNGON PAR BYANG CHUB PA'O, ,BSAM GTAN DE NI DGA' SPYOD PA, ,SHA ZHES BYA BAR DE BSHAD DO, ,ZHES GSUNGS TE, SHA YI SGRA MAm SA ZHES PA, M'A MA KI NI BDAG SA BU NI 'OD GSAL BA STE, BDAG BYIN BRLABS 'OD @302 GSAL DU BCUG PA'I MNGON PAR BYANG CHUB KYI BSAM GTAN LA SPYOD PA DE NI SHA ZA BA ZHES BSHAD DO, ,SHA CHEN DAG NI RAB BRTAGS ZHES PA 'CHAD PA NI, NAM MKHA' MTHA' YAS RNAL 'BYOR NI, ,SHA CHEN DE NI YIN PAR BSHAD, ,GSANG BA YI NI GO 'PHANG MCHOG ,RDO RJE GSUM NI MYUR DU 'GRUB, ,CES TE, NAM MKHA'I MTHA' YAS NI 'OD GSAL YIN LA, DE BSGOM PA'I RNAL 'BYOR NI SHA CHEN ZA BA YIN PAR BSHAD LA, DE'I 'BRAS BU NI GSANG BA'I GO 'PHANG MCHOG RDO RJE GSUM DBYER MI PHYED PA'I ZUNG 'JUG TSE 'DIR 'GRUB PA'O, ,GLANG PO'I SHA SOGS ZA BA NGES DON DU BSHAD PA NI, DAM TSIG CHEN PO GLANG CHEN RTA, ,DE BZHIN KHYI LA SOGS PA'I SHA, PHUNG PO LA SOGS RIGS DBYE BAS, ,JI SKAD BSHAD DANG GRANGS MNYAM PA'O, , RNAL 'BYOR GANG ZHIG GNYIS MED PA, ,BSAM GTAN DGA' BA ZHES BYA ZAS, , ZHES TE, GLANG CHEN DANG RTA DANG DAM TSIG CHEN PO BA LANG DANG, KHYI DANG SOGS PAS MI'I SHA RNAMS NI, GO RIM BZHIN DU GZUGS KYI PHUNG PO NAS RNAM PAR SHES PA'I BAR PHUNG PO LNGA YIN LA, RNAL 'BYOR PA GANG ZHIG PHUNG PO DE RNAMS GNYIS SU MED PA 'OD GSAL DU BCUG PA'I BSAM GTAN LA DGA' ZHING ROL BA DE NI GLANG PO CHE LA SOGS PA'I SHA ZOS PA ZHES BYA'O, ,ZAS GZHAN DAG NI MA ZOS NA, ,ZHES PA 'CHAD PA NI, KHAM ZHES BYA BA'I NGO BO NI, ,'JIG RTEN PA DANG 'JIG RTEN 'DAS, , GANG YANG 'JIG RTEN LAS 'DAS MCHOG, MKHAS PA'I RNAM PAR MI RTOG PA'O, ,DE BZHIN NYID DU RO GCIG PA, ,DE NI 'KHOR DANG CIG SHOS SPANGS, ,ZHES PA STE, @303 KHAM STE ZAS GZHAN ZHES PA NI, 'JIG RTEN PA SO SO SKYE BO DANG, 'JIG RTEN LAS 'DAS PA NYAN RANG 'PHAGS PA DANG, 'JIG RTEN LAS 'DAS PA'I MCHOG RDZOGS PA'I SANGS RGYAS RNAMS YIN LA, MA ZOS NA ZHES PA, MKHAS PA GANG ZHIG GSUM PO DE DAG LA BZANG NGAN BLANG DOR THA DAD DU MI RTOG CING, DE BZHIN NYID KYI NGO BOR RO GCIG PAR RTOGS PA DE NI, 'KHOR BA SPANG BYA DANG, CIS SHOS MYANG 'DAS BLANG BYAR 'DZIN PA SPANGS PA YIN NO, ,DE DAG GI PHAN YON STON PA NI, RNAL 'BYOR BRTUL ZHUGS BZANG PO 'DIS, ,BYANG CHUB SEMS DPA' BLO CAN DANG, ,SANGS RGYAS RNAMS NI MNYES PAR 'BYOR, ,DNGOS GRUB MYUR DU THOB PAR 'BYOR, ,'DOD KHAMS DBANG PHYUG 'JIG RTEN NA, ,LAS KYI GO 'PHANG THOB PAR 'BYOR, ,GTZO BO GZI CHEN STOBS KYIS PHYUG ,MDANGS DANG LDAN ZHING MTHONG NA DGA', ,MTHONG BA TZAM GYIS BSKUL BYED PAR, ,'JIG RTEN 'DI DAG DBANG DU 'GYUR, ,'DI NI SANGS RGYAS THAMS CAD KYI, ,GSANG BA BYANG CHUB DAM PA'O, ,GTZO BO DE BZHIN GSHEGS KUN GYI, ,DAM TSIG YIN TE DAM TSIG MCHOG ,CES SOGS NI SNGAR DRANG DON GYI SKABS SU BSHAD PA BZHIN SHES PAR BYA'O, ,LE'U YI MTSAN DON NI, DE KHO NA NYID RNAM PAR MI 'JIGS PA'I NGO BO NYID GANG GIS LUS DANG NGAG DANG YID BYIN GYIS RLOB CING BSKYED PA DE NI, SKU GSUNG THUGS BYIN GYIS BRLAB PA'I LE'U ZHES BYA LA, DE STON PA'I GZHUNG LA YANG DE SKAD CES BYA'O, ,LE'U DRUG PA'I RNAM BSHAD DO,, ,, @304 ` DE LTAR BSKYED RDZOGS GNYIS KYI RNAL 'BYOR PA'I SPYOD PA YANG DAG PAR BSTAN NAS, LE'U BDUN PAS DE NYID SPROS TE 'CHAD PA LA GNYIS, BSDUS PA'I DON DANG, YAN LAG GI DON NO, ,BSDUS PA'I DON LA, BRJOD BYA DON GYI GTZO BO SPYOD PA NI LE'U YI STOD NAS STON LA, LE'U YI RKED NAS RJES DRAN DRUG DANG SNYOMS 'JUG GI CHO GA STON, LE'U YI SMAD NAS RJES DRAN BCU DRUG DANG, RJES DRAN RTOGS PA'I PHAN YON STON NO, ,RJOD BYED SGRA YI BSDUS DON NI GO SLA'O, ,GNYIS PA YAN LAG GI DON LA GNYIS TE SDUD PA'I TSIG GIS MTSAMS SBYAR BA DANG, STON PA'I GSUNG GI LE'U LA 'JUG PA'O, ,DANG PO NI, LE'U DRUG PA RDZOGS PA'I RJES DE NAS, BCOM LDAN 'DAS KYIS GSUNGS SO ZHES SBYAR RO, ,GANG ZHE NA, DAM TSIG CHEN PO RDO RJE 'CHANG GI DE KHO NA NYID YAN LAG DRUG DANG, SNGAGS SPYOD PA'I MCHOG THUN MONG GI SGRUB PA DAG GIS MNGON PAR RDZOGS PA BYANG CHUB PA RDO RJE 'CHANG CHEN PO THOB PAR BYED PA'I GZHUNG GI TSOGS KYI LE'U 'DI'O, ,DE LA YAN LAG DRUG NI RJES DRAN DRUG GAM, DBEN PA GSUM DANG, SGYU LUS, 'OD GSAL, ZUNG 'JUG RNAMS SO, ,THUN MONG GI SGRUB PA NI SPYOD PA GSUM MAM SNYOMS 'JUG GI CHO GA'O, , STON PA'I GSUNG GI LE'U LA 'JUG PA LA GSUM STE, SPYOD PA STON PA DANG, RJES DRAN DRUG STON PA DANG, RJES DRAN BCU DRUG STON PA'O, ,SPYOD PA STON PA LA GNYIS TE 'JUG BSAM GYIS SGO NAS SPYOD PA STON PA DANG, SGOM BSAM GYI SGO NAS SPYOD PA BSTAN PA'O, ,DANG PO LA YANG 'JUG BSAM SPROS BCAS DANG, SPROS MED DANG, @305 SHIN TU SPROS MED DANG, SPYOD PA'I PHAN YON BSTAN PA DANG BZHI'O, ,'JUG BSAM SPROS BCAS BSTAN PA NI, RNAL 'BYOR GYI RIM PA YAN CHAD SNGON DU SONG BAS, MCHOD PA'I CHO GA LA GSUM LAS, PHYI'I MCHOD PA ME TOG LA SOGS PA LNGA BYAS PA'I RJES LA, NANG MCHOD DANG, GSANG MCHOD KYI SKABS SU, GZUGS SOGS 'DOD PA'I LONGS SPYOD THAMS CAD LA JI LTAR 'DOD PA STE RNAL 'BYOR PA RANG GI DBANG PO TSIM TSIM DU SPYAD PAR BYA'O SNYAM PAS, 'DOD YON BSTEN PA NI, 'DOD YON LA ZHEN PA CHE BAS NA SPROS BCAS BOD SNGA RABS DAG GSUNG MOD 'DOD YON LA STEN CHE BAS LONGS SPYAD NA RDZOGS RIM YANG SPROS BCAS SU 'GYUR GSUNG NGO, ,ZHES BYA STE, BSKYED RIM PA'I 'JUG BSAM BSTAN TO, ,PHAN YON CI ZHIG 'THOB CE NA, BSHAD MA THAG PA 'DI LTA BU'I 'JUG BSAM DANG LDAN PA'I 'DOD YON LA LONGS SPYOD PA'I SBYOR BA YIS, SANGS RGYAS TE RDO RJE 'CHANG CHEN PO MYUR ZHING RINGS PAR TSE 'DI NYID LA THOB PAR 'GYUR RO, , 'JUG BSAM SPROS MED STON PA NI GZUGS SOGS 'DOD PA'I LONGS SPYOD THAMS CAD LA JI LTAR 'DOD PA STE, TING NGE 'DZIN SKYE PA'I YAN LAG TU SPYOD PAR BYA'O SNYAM PAS, 'DOD YON BSTEN PA NI 'DOD PA LA ZHEN PA CHUNG BAS NA SPROS MED CES BYA STE, KUN RDZOB SGYU LUS KYI 'JUG BSAM BSTAN TO, ,DE LTA BU'I 'JUG BSAM DANG LDAN PAS RNAL 'BYOR PA BDAG DANG, GZHAN PHYAG RGYA RNAMS LA YANG 'DOD YON LNGAS MCHOD PAR BYA'O, ,RNAL 'BYOR JI LTA BUS ZHE NA, RANG GI LHAG PA'I LHA'I SBYOR BA YIS TE, RNAL 'BYOR DANG LDAN PA YIS SO, ,PHAN YON CI 'THOB @306 CE NA, LUS NGAL ZHING DUB PA'I SBYOR BAS, GTZUG LAG KHANG LA SOGS PA SGRUB PA'I DKA' THUB DANG, SHING DRUNG LA SOGS PA SBYANGS PA'I YON TAN BCU GNYIS KYI SDOM PA DANG, RI LAS 'PHYONG ZHING MER 'JUG PA LA SOGS PA MI BZAD PA'I BRTUL ZHUGS BSTEN CING LUS GDUNG BAS BYANG CHUB 'GRUB PAR MI 'GYUR GYIS, JI SKAD BSHAD PA'I LHA'I RNAL 'BYOR DANG, 'JUG BSAM DANG LDAN PA'I SGO NAS 'DOD PA'I LONGS SPYOD THAMS CAD LA BRTEN PAS, RDO RJE 'CHANG CHEN PO MNYES PAR BYAS NA, MYUR DU STE TSE 'DIR PHYAG RGYA CHEN PO 'GRUB PAR 'GYUR RO, ,DE LTAR LUS GDUNG BA'I SGO NAS PHYAG RGYA CHEN PO 'GRUB PA BKAG NAS, SGRUB PA PO'I YID GDUNG BA YANG DGAG PA'I PHYIR, 'JUG BSAM SHIN TU SPROS MED STON PA LA GNYIS KYI DRANG DON DU BSHAD PA NI, BSOD SNYOMS KYI 'TSO BA LTA BU SLONG MO ZA BA'I NGANG TSUL GYIS MI BZLAS TE, PHYAG RGYA CHEN PO SGRUB PAR MI BYA'O ZHES PA'O, ,SLONG DU 'GRO BA DANG 'DRA BAR, ZHING LAS DANG, TSONG LAS SOGS DMAN PA LA 'JUG PA'I KYANG BDE BAR MI BYA'O, ,ZHES BSTAN TO, ,SLONG LA'ANG DGA' BAR MI BYA'O ZHES PA NI, ZAS LA MA CHAGS SHING ZHEN PAR MA GYUR PAR, JI LTAR TZAM GYIS LUS GNAS PAR 'GYUR BA DE TZAM DU LONGS SPYAD PAR BYA'O SNYAM PA NI, 'DOD YON LA SHIN TU ZHEN PA CHUNG BAS NA SHIN TU SPROS MED CES BYA STE, ZUNG 'JUG PA'I 'JUG BSAM BSTAN TO, ,DE LTA BU SPYOD PA LA GNAS PAS CI ZHIG BYA ZHE NA, 'JUG BSAM SHIN TU SPROS MED DE LTA BU DANG LDAN PAS, YAN LAG MA NYAMS PA STE RANG GI LHA YI RNAL 'BYOR @307 DANG LDAN PAS SNGAGS TE YI GE GSUM BZLAS PAR BYA'O, ,ZHES PA'O, ,DE LTAR BYAS PAS PHAN YON CI 'THOB CE NA, 'DOD YON LA CI BDER LONGS SPYAD PAS LUS LA SOGS PA BDE BAR GNAS PA THOB LA, BDE BAR GNAS PA LAS KYANG SEMS RTZE GCIG PA 'THOB CING, DE LAS KYANG BYANG CHUB RDO RJE 'CHANG CHEN PO TSE 'DI NYID LA 'THOB BO, ,RANG BZHIN SHES PA'I SGO NAS 'DOD YON LA SPYOD PA'I SNGAGS KYI SPYOD PA DANG LDAN PA LAS, GZHAN DU DKA' THUB DKA' SPYAD LA SOGS PAS THAR PA BSGRUB PA RNAMS NI, TSE 'DIR 'CHI MED KYI DNGOS GRUB MI THOB PAS, YA NGA BA MA SPANGS PAS DUS MA YIN PAR 'CHI BAR 'GYUR ZHING, SHI BA'I 'OG TU LAS KYI DBANG GIS DMYAL BA LA SOGS PA'I NGAN SONG RNAMS SU SKYES NAS NGES PAR BSREG CING LTUNG BAR 'GYUR RO, ,RDO RJE'I TSIG DE NYID NGES DON DU BSHAD PA NI, BSHAD PA'I RGYUD LAS, THA DAD YI GE SLONG MO YIN, ,DE 'DON PA NI ZA BAS TE, ,DE DAG SLONG MO ZA BAR 'DOD, ,GANG ZHIG BZLOS PAR DGA' BA DE, ,RNAL 'BYOR PA YI DBUS DBYUNG RDUB, ,SBYOR BA BZHI YI DE NYID NI, ,SHES RAB THABS KYI GZHIR GNAS NAS, , SNGAGS KYI YAN LAG MA NYAMS BZLAS, ,RNAL 'BYOR DBANG PO NYIN MTSAN DU, , BZLAS BRJOD GRANGS SU BYAS PA NI, KHRI PHRAG GNYIS DANG CHIG STONG DANG, ,DE BZHIN DRUG BRGYA DAG TU 'GYUR, ,ZHES GSUNGS TE, RLUNG SNGAGS THA DAD DU GZUNG NAS PHRENG SNGAGS DANG MTSAN SNGAGS LA SOGS PA THA DAD PA'I YI GE RNAMS NGAG TU 'DON PA NI SLONG MO ZA BAR 'DOD LA, DE DAG NI SPANG BAR BYA'O, ,'O NA JI LTAR @308 BZLAS ZHE NA, RDZOGS RIM PA'I RNAL 'BYOR PA GANG ZHIG RDO RJE'I ZLOS PA LA DGA' BA DE DAG SNGAGS 'BYUNG BA DANG, RDUB PA DANG, GNAS PA RNAMS YI GE 'BRU GSUM GYI NGO BOR SHES PAR BYAS NAS, SNGAGS KYI YAN LAG MA MNYAM PAR BZLAS PAR BYA'O, ,GZHI GANG LA GNAS TE BZLAS ZHE NA, SBYOR BA BZHI NI RLUNG DKYIL 'KHOR BZHI LA GNAS, DE RNAMS RE RE YANG SHES RAB LHA MO'I RGYU BA BZHI DANG, THABS MGON PO'I RGYU BA RE RE YOD PAS, DE DAG GI GZHI LA GNAS NAS SO, ,GRANGS CI TZAM DU BZLAS ZHE NA, RNAL 'BYOR DBANG PO ZHES SOGS TE GO SLA'O, ,SPRO BA BSKYED PA'I SGO NAS SPYOD PA DE DAG GIS PHAN YON BSTAN PA NI, SANGS RGYAS RIN PO CHE LTA BU'I GANG ZAG DANG, BYANG CHUB SEMS DPA' PAD MA DKAR PO LTA BU LA SOGS PA BYA BA DANG SPYOD PA LA SOGS PA'I SNGAGS KYI SPYOD PA RNAMS LAS, MCHOG TU GYUR PA RNAL 'BYOR CHEN PO'I SPYOD PA LA GNAS PA RNAMS CHOS KUN RDZOB KYI BDEN PA DANG, MI G-YO BA DON DAM PA'I BDEN PA DANG, MCHOG DE GNYIS DBYER MI PHYED PA'I ZUNG 'JUG GI GO 'PHANG BRNYES PA YANG, JI SKAD BSHAD PA'I SPYOD PA GSUM GYI SGO NAS 'DOD PA'I YON TAN THAMS CAD CIG CAR BSTAN PAS 'GRUB PA YIN NO, ,BSGOM BSAM GYI SGO NAS SPYOD PA BSTAN PA LA, SPROS BCAS DANG SPROS MED DANG, SHIN TU SPROS MED GSUM LAS, SPROS BCAS KYI SPYOD PA LA YANG GSUM LAS, 'DOD YON SPANG MI NUS PA'I PHYAG CHEN YUL RNAMS LA ZHEN PAS KYANG GNYIS SU MED PA'I YE SHES THOB PAR 'DOD NA, RTAG TU STE SPYOD LAM THAMS CAD DU GZUGS SOGS 'DOD @309 PA'I YON TAN LNGA RNAMS RANG BZHIN YONGS SU SHES PA'I SGO NAS BSTEN CING SLOB PAR BYA'O, ,PHAN YON CI ZHIG 'THOB CE NA, MIG LA SOGS PA'I RANG BZHIN GYI SA'I SNYING PO LA SOGS PA'I BYANG CHUB SEMS DPA' RNAMS MNYES PAS TE TSIM PAR 'GYUR RO, ,DES CI ZHIG BYA ZHE NA, BYANG CHUB NI SPYAN LA SOGS PA'I RANG BZHIN LA SOGS PA 'BYUNG BA BZHI YIN LA, NYI MA NI 'BYUNG BA BZHI DANG LDAN PA'I GZUGS SOGS KYI PHUNG PO RNAM SNANG LA SOGS PA DE BZHIN GSHEGS PA LNGA'I RANG BZHIN RNAMS YIN LA, DE RNAMS CHAGS PAR BYA ZHING DGES PAR 'GYUR BA'O, , GZUGS LA SOGS THABS KYI NGO BOR BYE BRAG TU PHYE NAS BSHAD PA LA GSUM GYI, SPYI DON DU BSHAD PA NI, MCHOD PAR BYA ZHES SBYAR, GANG GIS NA, MIG GI YUL GZUGS LA RAB 'BRING RNAM PAR GSUM DU SHES PAR BYAS NAS, MCHOG TU GYUR PA GANG YIN PA DES SO, ,GANG LA NA, RNAM SNANG GI RIGS SU GYUR PA DKYIL 'KHOR GYI LHA RNAMS LA'O, ,SU ZHIG GIS NA, MCHOG PAR BYED PA STE, SPROS BCAS KYI SPYOD PA LA GNAS PA'I SNGAGS PAS SO, ,BSAM PA GANG GIS NA, GZUGS RNAM PA GSUM PO DE NYID, BCOM LDAN 'DAS SNA TSOGS PA'I BDAG NYID SANGS RGYAS RNAM PAR SNANG MDZAD KYI NGO BOR SHES PAR BYAS NAS SO, ,DE BZHIN DU SGRA LA RAB 'BRING RNAM PA GSUM DU SHES PAR BYAS NAS, MCHOG TU GYUR PA RIN 'BYUNG GI DKYIL 'KHOR GYI LHA RNAMS LA, DBUL BAR BYA'O, ,BSAM PA GANG GIS NA, SGRA GSUM PO DE NYID SANGS RGYAS RIN CHEN 'BYUNG GNAS KYI NGO BOR SHES PAR BYAS NAS SO, ,DRI LA RAB @310 'BRING RNAM PA GSUM SHES PAR BYAS NAS, MCHOG TU GYUR PA SANGS RGYAS SOGS TE, 'OD DPAG MED KYI DKYIL 'KHOR GYI LHA RNAMS LA DBUL BAR BYA'O, ,BSAM PA GANG GIS NI, DRI GSUM PO DE NYID 'DOD CHAGS CHOS KYI 'BYUNG GNAS 'OD DPAG MED KYI NGO BOR SHES PAR BYAS NAS SO, ,RO LA RAB 'BRING RNAM PA GSUM SHES PAR BYAS NAS, MCHOG TU GYUR PA DON GRUB KYI DKYIL 'KHOR GYI LHA RNAMS LA DBUL BAR BYA'O, ,BSAM PA GANG GIS NA, RO GSUM PO DE NYID SANGS RGYAS THOGS MED RDO RJE 'DZIN DON YOD GRUB PA'I NGO BOR SHES PAR BYAS NAS SO, ,REG BYA LA RAB 'BRING RNAM PA GSUM SHES PAR BYAS NAS, MCHOG TU GYUR PA BDAG GI RIGS MI BSKYOD PA'I DKYIL 'KHOR PA RNAMS LA DBUL BAR BYA'O, ,BSAM PA GANG GIS NA, REG BYA GSUM PO DE NYID BCOM LDAN 'DAS RDO RJE CAN MI BSKYOD PA'I NGO BOR SHES PAR BYAS NAS SO, ,DE DAG GI DON BSDU BA NI, GZUGS SGRA LA SOGS PA'I YUL LNGA PO DE RNAMS, DE BZHIN GSHEGS PA LNGA'I NGO BO NYID DU NYIN MTSAN RTAG TU SEMS SBYAR ZHING BSKYOD PAR BYA'O, ,YUL NGA DE BZHIN GSHEGS PA LNGA'I NGO BOR SEMS BSKYED PA 'DI NI, DUS GSUM GYI SANGS RGYAS THAMS CAD KYI GSANG ZHING SBA BAR BYA BA DANG, SANGS RGYAS KYI 'BRAS BU THOB PAR BYED PAS SNYING PO BSDUS PA YIN NO, , GZUGS LA SOGS PA THABS KYI NGO BOR BZHAG NAS, SPYAN LA SOGS PA SHES RAB KYI NGO BOR BSTAN PA NI, GZUGS DANG, SGRA DANG, DRI DANG, SOGS PAS RO DANG, REG BYA RNAMS GO RIM BZHIN DU, SPROS BCAS KYI SPYOD PA LA GNAS PA'I SNGAGS @311 PAS, SANGS RGYAS SPYAN DANG, M'A MA KI DANG, GOS DKAR MO DANG, SGROL MA DANG, REG RDO RJE'I RANG BZHIN GYI LHA NYID DU RTAG TU BSGOM ZHING SHES PAR BYAS NAS MCHOD PAR BYA'O, ,YANG NA GZUGS LA SOGS PA'I YUL LNGA PO DE LA, GZUGS RDO RJE LA SOGS PA RIGS LNGA LAS BYUNG BA'I RIGS KYI TSUL DU RNAM PAR BSGOM ZHING SHES PAR BYAS NAS MCHOD DO, ,LHA'I RNAM PAR BSGOM PAS SPROS PA DANG BCAS PA STE BSKYED RIM PA'I BSGOM BSAM BSTAN RDZOGS RIM PAS KYANG SPROS BCAS DE LTAR BYED TO, , YANG RDO RJE'I TSIG DE DAG SBAS DON DU BSHAD PA NI, MCHOD PAR BYA ZHES SBYAR, GANG GIS NA, GZUGS YID DU 'ONG MI 'ONG BAR MA GSUM GO RIM BZHIN DU, SEMS SNANG MCHED THOB GSUM GYI NGO BOR SHES PAR BYAS NAS, SEMS GSUM GYI RANG BZHIN GYI GZUGS DES SO, ,SU ZHIG GIS MCHOD CE NA, MCHOD PAR BYED PA STE, SPROS MED KYI SPYOD PA LA GNAS PA'I SGYU LUS PA'I RNAL 'BYOR PAS SO, ,YUL GANG LA MCHOD CE NA, RNAL 'BYOR PA DE NYID BRTAN G-YO SNA TSOGS PA'I BDAG NYID SANGS RGYAS RNAM PAR SNANG MDZAD, GANG DU THIM ZHING 'BYUNG BA'I GZHI RDO RJE 'CHANG CHEN PO SEMS GSUM GYI RANG BZHIN YIN PAS, DE NYID LA'O, ,DE BZHIN DU SGRA RNAM PA GSUM SEMS GSUM GYI NGO BOR SHES PAR BYAS NAS, SEMS GSUM GYI RANG BZHIN GYIS RIN 'BYUNG GI RANG BZHIN GYI LHA RNAMS LA DBUL BAR BYA'O, ,DE GANG ZHE NA, RNAL 'BYOR PA DE NYID BCOM LDAN SNA TSOGS PA SANGS RGYAS RIN CHEN 'BYUNG GNAS KYI GTZO BO SEMS GSUM GYI BDAG NYID KYI RDO RJE 'CHANG CHEN PO YIN NO, ,DRI RNAM @312 PA GSUM SEMS GSUM GYI RANG BZHIN DU SHES PAR BYAS NAS, SANGS RGYAS SOGS TE SEMS GSUM GYI RANG BZHIN GYI 'OD DPAG TU MED PA'I LHA RNAMS LA DBUL BAR BYA'O, ,DE NYID GANG ZHE NA, RNAL 'BYOR PA DE NYID 'DOD CHAGS CHOS KYI 'BYUNG BA NAS 'OD DPAG TU MED PA'I GTZO BO SEMS GSUM GYI RANG BZHIN RDO RJE 'CHANG CHEN PO YIN NO, ,RO RNAM PA GSUM SEMS GSUM GYI RANG BZHIN DU SHES PAR BYAS NAS, SEMS GSUM GYI RANG BZHIN GYI DON YOD GRUB PA'I LHA RNAMS LA DBUL BAR BYA'O, , DE GANG ZHE NA, RNAL 'BYOR PA DE NYID SANGS RGYAS THOGS MED RDO RJE 'DZIN TE, DON YOD RDO RJE BSKYED PAR BYED PA'I RDO RJE 'CHANG CHEN PO SEMS GSUM GYI NGO BO YIN NO, , REG BYA GSUM SEMS GSUM GYI NGO BOR SHES PAR BYAS NAS, BDAG GI RIGS TE SEMS GSUM GYI NGO BO MI BSKYOD PA'I LHA LA DBUL LO, ,DE GANG ZHE NA, RNAL 'BYOR PA DE NYID MI BSKYOD PA'I TSUL MNYES PA STE, MI BSKYOD PA BSKYED PAR BYED PA'I BCOM LDAN RDO RJE CAN RDO RJE 'CHANG CHEN PO SEMS GSUM GYI RANG BZHIN YIN NO, , DE RNAMS GSAL BAR BSHAD PA NI, GZUGS SGRA LA SOGS PA'I YUL LNGA PO DE NYID, RTAG TU SEMS SNANG MCHED THOB GSUM DA LTAR GYI SKAD CIG MA RE RE'I NGO BOR SBYAR ZHING SHES PAR BYA'O, ,YUL LNGA SEMS GSUM DU SHES PA 'DI NI, SANGS RGYAS THAMS CAD DE RIN PO CHE LTA BU'I GANG ZAG RNAMS LA BSTAN PAR BYA BA YIN GYI, TZANDAN LTA BU LA SOGS PA RNAMS LA BSTAN PAR BYA BA MA YIN PAS GSANG BA'O, ,DE NYID KYI PHYIR SNYING PO BSDUS PA'O, ,SNGAGS KYI YAN LAG MA NYAMS PAR ZLOS PA'I @313 SNGAGS PA YIS, GZUGS SGRA LA SOGS PA'I YUL RNAMS LHA NYID DU STE YE SHES GSUM GYI NGO BOR RTAG TU BSGOM ZHING SHES PAR BYA'O, ,YE SHES GSUM GYI RANG BZHIN GYI DBYE BA BSTAN PA NI, GZUGS LA SOGS PA'I YUL DE LA RIGS KYI TSUL DU STE 'DOD CHAGS DANG, 'DOD CHAGS DANG BRAL BA DANG, CHAGS PA BAR MA'I RANG BZHIN GYI RANG BZHIN BRGYA DRUG CU PO RNAMS, RNAM PAR BSGOM ZHING RJES SU MYONG BAR SHES PAR BYA'O, ,DE DAG GIS NI MCHOD PA, MCHOD YUL, MCHOD PA PO RNAMS SEMS GSUM GYI NGO BOR BSGOMS PAS, SPROS PA MED PA ZHES BYA STE, SGYU LUS PA'I BSGOM BSAM BSTAN TO, ,YANG MTHAR THUG TU BSHAD PA NI, GZUGS RNAM PA GSUM PO SEMS GSUM DU SHES PAR BYAS NAS, MCHOD PAR BYA BA STE, 'OD GSAL GYI NGO BO NYID DU THIM PAR BYA'O, ,SU ZHIG GIS ZHE NA, MCHOD PA BYED PA STE, GZUGS GSUM SEMS GSUM GYI NGO BOR SHES SHING, SEMS GSUM YANG STONG PA NYID DU SHES PA'I SNGAGS PA SHIN TU SPROS MED KYI SPYOD PA LA GNAS SO, ,'OD GSAL DE NYID NI, SANGS RGYAS RNAM PAR SNANG MDZAD KYI GZHI RDO RJE 'CHANG CHEN PO YIN TE, DE BSKYED BYED YIN PA'I PHYIR RO, ,SGRA RNAM PA GSUM SEMS GSUM DU SHES PAR BYAS NAS, 'OD GSAL DU BSTIM PAR BYA'O, ,JI SKAD DU, BSHAD PA'I RGYUD LAS KYANG, NANG DANG DE BZHIN PHYI ROL DANG, ,GNYIS KA RJES SU MI DMIGS PA, ,GZUGS SOGS RNAM GSUM DE YIN TE, LHA RNAMS LA NI DBUL BAR BYA, ,ZHES GSUNGS SO, ,'OG MA RNAMS NI SNGA MA'I RIGS BSGRES PAS GO SLA'O, ,'DI DAG LA SEMS @314 TZAM DU BSGOM PA'I SPROS PA YANG MED PAS NA, SHIN TU SPROS PA MED PA STE, ZUNG 'JUG PA'I BSGOM BSAM BSTAN TO, ,RJES DRAN DRUG STON PA LA GNYIS TE, RJES DRAN DNGOS BSTAN PA DANG, ZHAR LA SNYOMS 'JUG GI CHO GA BSTAN PA'O, ,RJES DRAN DNGOS BSTAN PA NI, SKABS 'DI'I RJES DRAN DRUG GIS, DBEN GSUM SNGON DU 'GRO BA CAN GYI SGYU LUS 'OD GSAL DU BCUG NAS, ZUNG 'JUG GI SKUR BZHENGS PA SPYIR BSTAN TO, ,DE LA SKU DANG GSUNG DANG THUGS RNAMS BSGOM ZHES PA, DBEN PA GSUM MDOR BSTAN PA STE, SKU BSGOM PA RGYAS PAR STON PA NI, SANGS RGYAS RJES SU DRAN PA SBYOR, ,ZHES TE, RIGS BRGYA'I DBYE BAS LUS RNAM PAR DBEN PAR BYED PA NI, SANGS RGYAS RJES SU DRAN PA SBYOR TE BSGOM PA'O, ,GSUNG BSGOM PA RGYAS PAR BSTAN PA NI, CHOS NI RJES SU DRAN PA BSGOM, ,ZHES TE, RDO RJE'I BZLAS PA MTHAR THUG PAS NGAG RNAM PAR DBEN PA NI CHOS RJES SU DRAN PA BSGOM PA'O, , THUGS BSGOM PA RGYAS PAR 'CHAD PA NI, RDO RJE RJES SU DRAN PA BSGOM, ,ZHES TE, RANG BZHIN SNANG BA'I RIM GYIS, SEMS RNAM PAR DBEN PA RTOGS PA NI RDO RJE RJES SU DRAN PA BSGOM PA'O, KHRO BO RJES SU DRAN PA BSGOM, ,ZHES PAS, SEMS DBEN GYI SGRUB PA BSTAN TE, KHRO BO NI THABS KYI YE SHES KUN RDZOB BYANG CHUB KYI SEMS YIN LA, DES LUS GZIR BAR BYED PA'I BGEGS ZIL GYIS GNON PAS NA KHRO BO, DE RJES SU DRAN PA NI PHYAG RGYA DANG SNYOMS PAR ZHUGS TE BAR MA CHAD PAR BSGOM PA'O, ,RIGS NI RJES SU DRAN PA SBYOR, ,ZHES SGYU LUS BSTAN TE, RIGS NI LUS @315 NGAG YID GSUM YIN LA, DE RJES SU DRAN PA NI, YE SHES GSUM GYIS SO SOR YONGS SU SHES PA'O, ,SBYOR BA NI SEMS GSUM RLUNG DANG BCAS PA DBYER MED PAR SBYAR NAS SGYU LUS BSKYED PA'O, ,LHA NI RJES SU DRAN PAR SBYOR, ,ZHES PAS, 'OD GSAL BSTAN TE, LHA NI SGYU LUS PHYAG RGYA CHEN PO'O, ,DE RJES SU DRAN PA NI, CHU ZLA LA SOGS PA'I DPES, DE'I NGO BO YONGS SU SHES PA'O, ,SBYOR BA NI, DE BSAM GTAN GNYIS KYIS BSHIG STE 'OD GSAL DU BCUG PA'O, ,BSGOMS NA BYANG CHUB THOB PAR 'GYUR, ,ZHES PAS ZUNG 'JUG BSTAN TE, DE LTAR DBEN GSUM SNGON DU 'GRO BA'I SGYU LUS 'OD GSAL TU BCUG STE GOMS NA, SLAR YANG LUGS LDOG GI SNANG BA GSUM RLUNG DANG BCAS PA LAS, BYANG CHUB STE ZUNG 'JUG GI YE SHES SKYE ZHING THOB PAR 'GYUR RO, ,SGYU LUS 'OD GSAL DU BCUG PA LAS ZUNG 'JUG SKYE BA LUNG GIS BSGRUB PA NI, RTZA RGYUD LAS NYAMS DGA' SANGS RGYAS KUN GYIS BSTEN, , BHA GA ZHI BA GCIG PU'I MING, ,RANG GI DE NI GNYIS MED 'BYUNG, ,RDO RJE DE NYID DU SBYAR BYA, ,SANGS RGYAS RJES DRAN SBYOR BA STE, ,BHA GA LINGGA YIN PAR GRAG, GZHUG PA GNYIS MED SBYOR BA STE, ,SANGS RGYAS GZUGS SU BSGOM PA'O, ,DE LA BLO LDAN GYIS SPRO BA, ,BA SPU'I BU GA'I RTZE MO NAS, ,MNYAM PA MED PA'I KHYAD PAR DU, , SANGS RGYAS 'PHRIN RNAMS DE SPRO'O, ,ZHES GSUNGS TE, DE LA RTZA RGYUD DU SANGS RGYAS RJES DRAN GYI DON BHA GA LA NI LINGGA BZHAG ,CES GSUNGS PAS BHA GA NI 'OD GSAL TE, DE NI NYON MONGS PA RNAM PAR DAG PAS NA NYAMS DGA'O, ,DUS GSUM GI SANGS @316 RGYAS KUN GYIS BSTEN PAS NA BHA GA'O, ,SPROS PA DANG BRAL BAS NA ZHI BA, DBYE BA MED PA LAN CIG PU'O, ,RDO RJE NI, RANG GI DE NI GNYIS MED 'BYUNG, ,ZHES PA SGYU LUS SO, ,GZHUG PA GNYIS MED SBYOR BAS TE, ,ZHES PA SGYU LUS 'OD GSAL TU BCUG PA'O, ,SANGS RGYAS GZUGS SU BSGOM PA'O, ,ZHES PA 'OD GSAL LAS ZUNG 'JUG BZHENGS PA'O, ,DE NYID SPRUL SKUR BSGYUR BA NI, DE LA BLO LDAN GYIS, ZHES SOGS KYIS BSTAN TO, , DA NI BSKYED RDZOGS GNYIS KA'I RNAL 'BYOR PA'I SNYOMS 'JUG CHO GA BSTAN PA NI, THOG MAR RDO RJE 'CHANG CHEN PO'I ZLAS PA POS SNYOMS 'JUG GI CHO GA NI, MCHOD PA RAB TU BRTZAM PAR BYA'O, ,ZHES SBYAR RO, ,GANG LA NA RNAL 'BYOR BDAG NYID LA'O, ,GANG DU ZHE NA, RAB TU DBEN ZHING YID DANG MTHUN PA'I GNAS SU'O, , GANG GIS ZHE NA, BUD MED YAN LAG DANG NYING LAG MA NYAMS PA'I GZUGS DANG LDAN ZHING KHA DOG SDUG PAS MDANGS BZANG BA DANG, NA TSOD LO GRANGS BCU DRUG LON PA RNYED NAS, DE REG RDO RJE MAR BSKYED DE, BYIN GYIS BRLABS PA STE, 'DOD CHAGS LA SOGS PA RANG BZHIN GSUM PO SKYE BA'I GNAS, YUL YID DU 'ONG BA CHAGS LA SOGS PA RANG BZHIN GSUM PO SKYE BA'I GNAS, YUL YID DU 'ONG BA GSUM PO DAG GIS, BDAG NYID MCHOD PAR BYA'O, ,DUS NAM GYI TSE ZHE NA, DKYIL 'KHOR RGYAL MCHOG BSKYED PA DANG, GSANG MCHOD BYED PA LA SOGS PA'I DUS SU'O, , RNAM SNANG LA SOGS PA'I ZLOS PA POS GZHAN GYI CHO GA LA BSTAN PA NI, RNAM SNANG GI ZLOS PA POS NI, RANG GI RIGS KYI PHYAG RGYA DE BZHIN GSHEGS PA'I BTZUN MO'I @317 MCHOG SPYAN DU BSGOM PAR BYA ZHING, RIN 'BYUNG GI RIGS KYIS M'A MA KI DANG, 'OD DPAG MED KYIS GOS DKAR MO DANG, DON GRUB KYIS SGROL MA LA SOGS PAR BSGOM PAR BYA'O, ,DE LTAR BSGOM PAS CI BYA ZHE NA, 'KHYUD PA LA SOGS PA PHAN TSUN RJES SU CHAGS PA SNGON DU 'GRO BAS, DBANG PO GNYIS MNYAM PAR SBYAR BAS, SNYOMS PAR 'JUG PAR BYA STE, DES SANGS RGYAS RDO RJE 'CHANG CHEN PO'I DNGOS GRUB STE, MCHOG TU DGA' BA'I MTSAN NYID GCIG PA THOB PAR 'GYUR RO, ,SNGAGS LA MCHOG TU GZHOL BA'I CHO GA'I KHYAD PAR BSTAN PA NI, BSKYED RIM PAS RANG DANG PHYAG RGYA LHA BSKYED PA SNGON DU SONG BAS, RANG GI RDO RJE YI GE H'Um YONGS SU GYUR PA LAS, RDO RJE NOR BU'I CHA AOm GYIS MTSAN PAR BSGOM, AA LAS PHYAG RGYA'I PAD MA AAS MTSAN PAR BSAMS TE, RIN 'BYUNG GI NGA RGYAL GYIS RJES SU CHAGS PA'I SBYOR BA DANG LDAN PAS H'Um GLUR BLANG ZHING SNYOMS PAR ZHUGS TE, YI GE PHAt KYIS BYANG CHUB KYI SEMS DBAB PAR BYA'O, ,AA LAS PAD MA BSKYED PA CHOS SKU DANG, AOm LAS NOR BU BYIN GYIS BRLAB PA LONGS SKU DANG, H'Um LAS RDO RJE BSKYED PA SPRUL SKUR BSGOM PAR BYA ZHES PA NI, THA MAL PA'I RNAM RTOG SPANG BA'I PHYIR DE LTAR MOS PAR BYED PA TZAM YIN PAS RNAM PAR RTOG PA TZAM YIN GYI, SKU GSUM DNGOS MA YIN PAS, DE KHO NA NYID MA YIN NO, ,SNYOMS PAR 'JUG PA'I TSE, DKAR PO LA SOGS PA 'OD ZER LNGAS PAD MA DANG RDO RJE'I NANG KHYAB CING GANG BAR BSGOM PAR BYA'O, ,SNGAR BSHAD PA'I SPYAN MA NI, ZLA BA'I 'OD BZHIN DU 'BAR BA DANG BCAS PA'I 'OD ZER DKAR @318 PO'I SNANG BA DANG LDAN PA YID DU 'ONG ZHING YID 'PHROG PA'I BUD MED DU BSGOM PAR BYA'O, ,DES MTSON NAS, M'A MA KI KHA DOG SNGON MO DANG, GOS DKAR MO DMAR MO LA SOGS PA BSGOM PA DANG SHES PAR BYA'O, ,RJES DRAN BCU DRUG STON PA LA GNYIS TE, DNGOS DANG RJES DRAN RTOGS PA'I PHAN YON BSTAN PA'O, ,DANG PO LA MDOR BSTAN, RGYAS BSHAD GNYIS KYI, MDOR BSTAN PA NI, SANGS RGYAS RJES DRAN NI ZHES SOGS RKANG PA GNYIS SO, ,DE LA BSKYED RIM PA'I SKU GSUNG THUGS BYIN GYIS BRLAB PA MA GTOGS RJES DRAN GZHAN RNAMS KYIS RDZOGS RIM 'BA' ZHIG STON LA, DE LA YANG GNYIS LAS, RDZOGS RIM PA'I SKU GSUNG THUGS BYIN GYIS BRLAB PA YAN CHOD KYIS, BRTZON 'GRUS CAN MTHONG BA'I CHOS LA SANGS RGYA BA'I LAM STON LA, DAM TSIG RJES DRAN MAN CHOD KYIS LE LO CAN BAR DOR MYA NGAN LAS 'DA' BA'I LAM BSTAN TO, ,RGYAS PAR BSHAD PA LA LNGA STE, YE SHES SKU BSKYED PA DANG, SKU GSUNG THUGS BYIN GYIS BRLOB PA DANG, THUN MONG GI DON DAM PAR 'JUG PA'I RIM PA DANG, 'OD GSAL LAS LDANG BA DANG, SPRUL SKU'I GZHI 'GOS PA'O, ,DANG PO YE SHES KYI SKU BSKYED PA LA GSUM LAS, RIGS SO SO'I ZLOS PA POS RANG GI LHA'I SKUR BSGOM PA'I RIM PA BSTAN PA NI, DE YANG SNGAR GYI RJES DRAN DRUG GIS NI, DBEN GSUM SNGON DU SONG BA'I KUN RDZOB 'OD GSAL DU BCUG PA LAS, ZUNG 'JUG LONGS SKUR BZHENGS NAS SPRUL SKUR BSGYUR BA SPYIR BSHAD LA, DE NYID RIGS SO SO'I ZLOS PA PO RNAMS KYIS JI LTAR BSGOM PA BYE BRAG TU BSHAD PA NI, RNAM SNANG GI @319 ZLOS PA POS, SNGAR GYI RJES DRAN DRUG GI DON JI LTAR BSGOM NA, SANGS RGYAS TE RNAM PAR SNANG MDZAD RJES SU DRAN PA'I TSUL GYIS BSGOM ZHING, DE'ANG TSUL JI LTAR BSGOM ZHE NA, BHA GA DON DAM PA'I BDEN PA LA, LING GA DBEN GSUM SNGON DU 'GRO BA CAN GYI SGYU LUS BSAM GTAN GNYIS KYIS BSHIG STE, BZHAG PA STE BCUG PA NI 'OD GSAL MNGON DU BYAS PA YIN LA, DE LAS LUGS LDOG GI SNANG BA GSUM RLUNG DANG BCAS PA LAS ZUNG 'JUG LONGS SKUR BZHENGS PA NI, SANGS RGYAS GZUGS NI RAB TU BSGOM, ,ZHES SO, ,DE NAS SPRUL SKUR BSGYUR BA NI, MKHAS PA STE NGO BO NYID SHES PA'I RNAL 'BYOR PAS, YE SHES KYI PHYAG RGYA DANG SNYOMS PAR ZHUGS TE, BA SPU RNAMS KYI BU GA NAS TE, YUM GYI CHOS 'BYUNG DU BDE BA'I SNANG BA TZAM LAS, SANGS RGYAS SPRIN TE, RNAM PAR SNANG MDZAD KYI TSOGS RNAM PAR SPROS TE, 'JIG RTEN GYI KHAMS THAMS CAD NA GNAS PA'I GTI MUG LA SPYOD PA'I SEMS CAN GYI KHAMS RNAM PAR SBYANGS NAS, SLAR BDAG NYID LA RJES SU ZHUGS PAS, RNAM SNANG SPRUL SKUR BSGYUR BA'O, ,'OD DPAG MED KYI RNAL 'BYOR PAS RJES DRAN JI LTAR BSGOM ZHE NA, CHOS TE 'OD DPAG TU MED PA RJES SU DRAN PA'I TSUL GYIS BSGOM MO, ,CHOS KYI SPRIN NI 'OD DPAG TU MED PA STE, DE RNAM PAR SPROS PAS 'DOD CHAGS LA SPYOD PA'I SEMS CAN GYI KHAMS SBYANGS TE, BDAG NYID LA ZHUGS PAS 'OD DPAG TU MED PAR BSGYUR BA'O, ,MI BSKYOD PA'I RNAL 'BYOR PAS RJES DRAN DRUG JI LTAR BSGOM ZHE NA, RDO RJE STE MI BSKYOD PA RJES SU DRAN PA'I TSUL GYIS BSGOM MO, ,RDO @320 RJE'I SPRIN NI MI BSKYOD PA STE, DE RNAM PAR SPROS PAS ZHE SDANG LA SPYOD PA'I SEMS CAN GYI KHAMS SBYANGS TE, BDAG LA RJES SU ZHUGS PAS, MI BSKYOD PAR BSGYUR PA'O, ,RIN 'BYUNG GI RNAL 'BYOR PAS RJES DRAN DRUG JI LTAR BSGOM ZHING, RIGS TE RIN CHEN 'BYUNG LDAN RJES SU DRAN PA'I TSUL GYIS BSGOM MO, ,RIGS KYI SPRIN NI RIN CHEN 'BYUNG LDAN TE, DE RNAM PAR SPROS PAS, SER SNA DANG NGA RGYAL LA SPYOD PA'I SEMS CAN GYI KHAMS SBYANGS TE, BDAG LA RJES SU BZHUGS PAS RIN 'BYUNG DU BSGYUR BA'O, ,DON GRUB KYI RNAL 'BYOR PAS RJES DRAN DRUG JI LTAR BSGOM ZHE NA, KHRO BO DON YOD GRUB PA RJES SU DRAN PA'I TSUL GYIS BSGOM MO, KHRO BO'I SPRIN NI DON YOD GRUB PA STE, DE RNAM PAR SPROS PAS PHRAG DOG CAN GYI SEMS CAN GYI KHAMS SBYANGS TE, BDAG LA RJES SU ZHUGS PAS DON YOD GRUB PAR BSGYUR BA'O, ,DE DAG GIS ZUNG 'JUG PA'I DE BZHIN GSHEGS PA LNGA'I DANG PO'I SBYOR BA LNGA BSTAN TO, , LUS BRTAS PA'I SBYOR BA BSTAN PA NI, DAM TSIG NI ZUNG 'JUG YE SHES KYI SKU, ,DE RJES SU DRAN PA NI, DE SPRUL SKUR BSGYUR BA'O, ,RNAL 'BYOR PA BDAG GI LCE'I RDO RJE GYEN TU BZLOG STE, RKAN GYI PAD MAR LDAN PA STE BCUG NAS, SKYES PA DANG, BUD MED KYI DBANG PO GNYIS MNYAM PAR SBYAR BA'I TSUL DU LCE CHUNG BA'I NU MA 'JIBS PAS RANG GI KHU BA'I THIG PA STE KLAD RGYAS KYI BDUD RTZI CHA BCU DRUG TU GNAS PA ZLA BA PHYED PHYED LA CHA RE RE 'BAB PA LAS, DE BAS MANG DU PHAB PAS, SANGS RGYAS TE GZUGS KYI PHUNG PO LA SOGS PA DANG, RDO RJE SEMS DPA' STE @321 SEMS LAS BYUNG BA RNAMS, MCHOD PA STE TSIM ZHING RGYAS PAR 'GYUR RO, ,GNYIS PA, PHYUNG BA'I DKYIL 'KHOR BSTAN PA NI, DKYIL 'KHOR NI PHYUNG BA'I DKYIL 'KHOR RO, , DE RJES SU DRAN PA BSGOM PA NI, MCHOG BSGRUB PA LA GNAS PA'I RNAL 'BYOR PA 'KHYUD PA LA SOGS PA'I BYA BA LA MKHAS PAS, DBANG PO GNYIS MNYAM PAR BZHAG PA STE, PHYAG RGYA DANG SNYOMS PAR ZHUGS PAS RANG GI KHU BA DAG RDO RJE'I LAM NAS, YUM GYI BHA GAR RTAG TU DBYUNG BAR BYA'O, ,DES CI ZHIG BYA ZHE NA, DKYIL 'KHOR DKYIL 'KHOR TSUL DU BYA, ,ZHES TE, DKYIL 'KHOR NI BU DANG TSA BO LA SOGS PA PHYUNG BA'I DKYIL 'KHOR YIN LA, DKYIL 'KHOR TSUL DU BYA ZHES PA DE LTA BU'I DKYIL 'KHOR BSKYED PAR BYA'O, ,ZHES SO, ,DON NI 'DI YIN TE, SNGAR BSHAD PA'I TSUL GYIS DE BZHIN GSHEGS PA LNGA'I DANG PO'I SBYOR BA LNGA BSKYED NAS, YE SHES KYI PHYAG RGYA DANG SNYOMS PAR ZHUGS PA LAS, BDE BA'I SNANG BA TZAM LAS YUM GYI CHOS 'BYUNG DU LHA'I 'KHOR LO SKAD CIG TZAM GYIS BSKYED DE, RANG RANG GIS 'BYIN SNGAGS KYIS SPROS NAS, SLAR BSDUS TE RANG RANG GI GNAS SU BKOD PA NI, DKYIL 'KHOR RGYAL MCHOG GO ,LAS RGYAL MCHOG LA GSUM STE, DNGOS GZHI BDEN PA GNYIS DBYER MED PA LA BSLAB PA DANG, SGYU MA LTA BU'I SKABS SU SPYOD PA MA BYAS NA, SPYOD PA BYA BA DANG, RDO RJE BZLAS PA'I SGO NAS SEMS CAN GYI DON BYED PA STE DE LTAR GSUM PO GANG YANG RUNG BA GCIG LA BSLAB PAR 'BREL LO, ,SKU GSUNG THUGS BYIN GYIS BRLAB PA LA GNYIS TE, BSKYED RIM PA'I SKU GSUNG THUGS BYIN GYIS BRLAB PA NI, @322 SBYOR BA DANG, RJES SU SBYOR BA DANG, LHAG PA'I SBYOR BA RNAMS BYAS NAS, RNAL 'BYOR CHEN PO SKU GSUNG THUGS BYIN GYIS RLOB PA'I TSE, SPYI BO LA SOGS PA'I GNAS GSUM DU H'Um LA SOGS PA'I YI GE GSUM BKOD DE, DE DAG LA SPYAN LA SOGS PA'I LHA MO GSUM SPROS NAS, SKU RDO RJE LA SOGS PA RIGS GSUM GYI LHA RNAMS NAM MKHAR SPYAN DRANGS NAS, LE'U BCU GNYIS PA NAS BSHAD PA'I TSIGS BCAD GNYIS KYIS GSOL BA BTAB STE, SLAR YANG AOm LA SOGS PA LA BCUG NAS, TSIG BCAD 'DI DAG GIS SMON LAM 'DEBS PA'O, ,DE LA SKU NI RNAM PAR SNANG MDZAD DE, DE'I NGO BO NYID DU GYUR PA RJES SU DRAN PA NI, PHYOGS BCU DANG, DUS GSUM GYI SANGS RGYAS KUN GYI SKU GANG YIN PA RNAM PAR SNANG MDZAD DANG 'BREL BA'I ZAG PA MED PA'I PHUNG PO LNGA YI RNAM SNANG RAB TU RGYAS SHING GANG BA DE BZHIN DU SANGS RGYAS SKU'I NGO BO STE SKU RDO RJE 'KHOR DANG BCAS PA SPYI BOR BCUG PAS SGRUB PA PO BDAG GI LUS KYANG SKU RDO RJE'I NGO BO DANG 'DRA BAR GYUR CIG GSUNG GI 'OD DPAG TU MED PA DE RJES SU DRAN PA NI, RDO RJE CHOS 'OD DPAG TU MED PA'I GSUNG GANG YIN PA NGES PA'I TSIG DANG, CHOS DANG, DON DANG, SPOBS PA SO SO YANG DAG PAR RIG PA STE, SO SO YANG DAG PAR RIG PA BZHI DANG LDAN PA DE DANG 'DRA BAR SGRUB PA PO BDAG GI TSIG KYANG DE DANG 'DRA BAR GYUR TE, CHOS 'DZIN PA 'OD DPAG TU MED PA DANG 'DRA BAR GYUR CIG CES PA'O, ,THUGS NI MI BSKYOD PA'O, ,DE RJES SU DRAN PA NI, SNOD MA YIN PA LA GSANG BA GNYIS SU MED PA'I YE SHES, DE STON PA LA DBANG PAS NA @323 GSANG BA'I BDAG PO, REG RDO RJE DANG LDAN PAS NA BLO LDAN, 'KHOR 'DAS KUN TU DGE BAS NA KUN TU BZANG PO, MI BSKYOD PA'I THUGS GANG YIN PA DE DANG, SGRUB PA PO BDAG GI SEMS KYANG DE DANG 'DRA BAR GYUR TE, RDO RJE 'DZIN PA LTA BUR GYUR CIG CES PA'O, ,RDZOGS RIM PA RNAMS KYIS RANG BZHIN YONGS SU SHES PA TZAM GYIS SKU GSUNG THUGS BYIN GYIS BRLABS PA BSTAN PA NI, SKYE GNAS BZHIS BSDUS PA'I SEMS CAN RNAMS RJES SU DRAN PA BSGOM PA NI, MNGAL SKYES LA SOGS PA SKYE GNAS BZHIS BSDUS PA'I SEMS CAN KUN GYI SEMS GANG YIN PA 'DI NI SKU'O, , 'DI NI GSUNG NGO, ,'DI NI THUGS SO ZHES BRTAG PA'I GZHIR GYUR PA DE DAG DANG, SANGS RGYAS THAMS CAD KYI THUGS DANG, BDAG SGRUB PA PO'I SEMS RNAMS GNYIS SU MED CING, NAM MKHA' DANG 'DRA BAR BSGOM PA NI THUGS BYIN GYIS BRLAB PA'O, , SKU DANG GSUNG BYIN GYIS BRLAB PA TSIG GCIG GIS STON PA NI, SNGAGS KYI RDO RJE STE SKYE GNAS BZHIS BSDUS PA'I SEMS CAN GYI NGAG GI TSOGS DANG, DE DAG GI SKU STE, LUS GANG YIN PA DANG, SNGAGS 'DZIN PA RDO RJE 'CHANG CHEN PO'I GSUNG GIS SKU YANG RNAM BSGOM ZHES PA, SKU DANG GSUNG DAG DANG, BDAG SGRUB PA PO'I NGAG DANG LUS DAG KYANG DE DAG DANG 'DRA BAR NAM MKHA' DANG MNYAM ZHING, STONG PA NYID DU RO GCIG PAR BSGOM PA NI, SKU DANG GSUNG BYIN GYIS RLOB PA'O, ,THUN MONG GI DON DAM PAR 'JUG PA'I RIM PA BSTAN PA NI, DE LA DAM TSIG NI 'DA' BAR MI BYA BAS NA 'OD GSAL LO, ,SANGS RGYAS KYI SKU BSKYED PA'I RJES THOG LA, DON DAM @324 RTOGS PA NI DAM TSIG RJES SU DRAN PA'O, ,DE BSGOM PA NI, DE LA BRTZON 'GRUS DANG LDAN PA RNAMS NI, TSE 'DI NYID LA BSKYED RIM NAS BRTZAMS NAS, ZUNG 'JUG GI BAR MTHAR PHYIN TE, MI GNAS PA'I MYA NGAN LAS 'DAS PA THOB PAR 'GYUR LA, LE LO CAN 'GA' ZHIG SGYU LUS YAN CHA MTHAR PHYIN TE BDEN PA MTHONG YANG GOMS PAR MA BYAS SHING, LE LO'I DBANG GIS SPYOD PA MA BYAS PAS, PHYAG RGYA CHEN PO'I DNGOS GRUB MA THOB CING, 'CHI BA'I DUS LA BAB PA NA, 'CHI KHA'I MAN NGAG MNGON DU BYAS TE, BAR DOR PHYAG RGYA CHEN PO'I DNGOS GRUB THOB PA GCIG BSTAN TO, ,DE LA TSIG GI DON NI, DAM TSIG NI PHA MA GNYIS DBANG PO SBYOR BA'O, , KHU BA PHYUNG ZHES PA NI, PHA MA GNYIS KYI KHU KHRAG DANG BAR DO'I RNAM SHES MA'I MNGAL DU 'DRES TE, MER MER PO LA SOGS PA'I GNAS SKABS LNGAS LUS SMIN PA THOB STE, ZLA BA BCU TSANG BA'I MTHAR, MNGAL NAS BTZAL TE BYIS PA DANG, GZHON NU DANG, DAR LA BAB PA'I GNAS SKABS SU GYUR PA'O, ,DE NAS RDO RJE THEG PA LA ZHUGS TE, BSKYED RIM NAS SGYU LUS YAN CHOD MTHAR PHYIN PAR BYAS SHING, BDEN PA MTHONG YANG, GOMS PAR MA BYAS PA ZHIG 'CHI BA'I DUS LA BAB PA NA, 'BRAS BU 'DOD PA STE BAR DOR PHYAG RGYA CHEN PO'I DNGOS GRUB 'DOD PAS, CHO GA BZHIN BTUNG BAR BYA ZHES PA, 'CHI KHA'I PHUNG PO KHAMS DANG SKYE MCHED KYI RANG BZHIN GYI SGYU LUS RNAMS, RDO RJE PHRENG BA LAS, GZUGS PHUNG RTOGS PA ZHES SOGS, GSUNGS PA'I CHO GA BZHIN, 'CHI BA 'OD GSAL DU RIM GYIS GZHUG CING BTUNG @325 BAR BYA'O, ,DE LAS CIR 'GYUR ZHE NA, DE LTAR RNAM SNANG LA SOGS PA DE BZHIN GSHEGS PA LNGA'I RANG BZHIN GYI, GZUGS LA SOGS PA'I PHUNG PO'I TSOGS BSAD PA STE, 'CHI BA 'OD GSAL DU BCUG NAS, SLAR YANG BAR DOR LHUN GYIS GRUB PA'I ZUNG 'JUG TU LANGS TE, DER DNGOS GZHI BDEN PA GNYIS DBYER MED PA DANG, SPYOD PA GSUM GANG RUNG LA BSLABS PAS, DE NYID DU PHYAG RGYA CHEN PO'I DNGOS GRUB THOB PAR 'GYUR RO, ,DE SKAD DU YANG DGONGS PA LUNG STON LAS, DAM TSIG RJES DRAN RNAMS KYIS NI, ,DE BAS TSANGS PA SHIN TU BYUNG, ,DNGOS MED GCIG TU SBYOR BA YIS, ,MKHAS PAS CHO GA BZHIN DU BTUNG, ,DE BZHIN GSHEGS TSOGS CHE BA NI, ,DNGOS MED CES BYA BSAD PA STE, ,BLO DANG LDAN PAS 'DI BSAD NA, ,DNGOS GRUB RAB MCHOG THOB PAR 'GYUR, ZHES GSUNGS SO, ,RDO RJE GTZUG TOR GYI RGYUS LAS KYANG, MI RTAG PA NI SHI BA STE, ,SHES RAB PHA ROL PHYIN TSUL YIN, ,ZHES SOGS GSUNGS SO, ,'CHI BA 'OD GSAL DE NYID BRTAN PAR BYED PA NI, SHES RAB NI, SHES RAB DANG, THABS DANG, NYE BAR THOB PA RNAMS YIN LA, DE'I PHA ROL NI DON DAM PA'I BDEN PA 'OD GSAL LO, ,DE NYID 'DA' BAR MI BYA BAS NA DAM TSIG GO ,DE RIL 'DZIN DANG, RJES GZHIG GIS RIM PAS DRAN PAS NA RJES SU DRAN PA'O, ,DE LA RGYUN MI 'CHAD PAR SLOB PAS NA BSGOM PA'O, ,DE JI LTA BU ZHE NA, 'CHI BA SHES RAB KYI PHA ROL TU PHYIN PA DE NI, GDOD MA NAS RANG BZHIN GYIS RNAM PAR DAG PAS NA 'OD GSAL BA, KUN TU SNANG BA GSUM PO RANG BZHIN @326 BRGYAD CU DANG BCAS PA THAMS CAD 'GAGS PAS NA ZAG PA MED PA, DE LAS LUGS BZLOG GI SNANG BA GSUM RLUNG DANG BCAS PA 'BYUNG STE, BAR DO SGYU MA LTA BU'I LUS LEN PAS NA MA SKYES PA'O, ,'BRAS BU MED PAS BYANG CHUB MED CING, DE 'THOB BYED KYI RGYU MED PAS MNGON RTOGS MED LA, GNAS MED PAS KHAMS KYANG MED CING, GNAS PA MED PAS 'BYUNG BA YANG MED PA'O, ,'CHI BA 'OD GSAL LAS, BAR DO ZUNG 'JUG DU LDANG BA'I RIM PA STON PA NI, MA SKYES PA NI 'OD GSAL 'DZIN PA'I YAN LAG GO ,RJES SU DRAN PA NI DE LAS LDANG BA RJES DRAN GYI YAN LAG GO ,BSGOM PA NI, BDEN PA GNYIS KYI BDAG NYID CAN GYI ZUNG 'JUG RDO RJE 'CHANG CHEN PO'O, , 'CHI BA 'OD GSAL 'DZIN PA'I YAN LAG GI 'OG DE NAS, LUGS BZLOG GI SNANG BA GSUM RLUNG DANG BCAS PA RJES DRAN GYI YAN LAG LAS, RANG BZHIN TE KUN RDZOB KYI BDEN PA DANG, 'OD GSAL BA DON DAM PA'I BDEN PA STE, DE GNYIS DBYER MI PHYED PA'I BDAG NYID CAN GYIS ZUNG 'JUG RDO RJE 'CHANG CHEN PO'I SKUR LDANG BAR 'GYUR RO, , DE'I MTSAN NYID JI LTA BU ZHE NA, RGYU DANG 'BRAS BU GNYIS SU MED PAS NA, MTSAN MA MED PA, 'KHOR BA JI SRID MA STONG GI BAR DU MI 'JIG PAS NA MI 'GYUR BA, NAM MKHA'I 'JA' TSON LTAR 'OD ZER LNGA DANG LDAN PAS NA NAM MKHA' BZHIN NO, , DE NYID RO GCIG PAS NA GNYIS SU MED PA, ZUNG 'JUG GI BDAG NYID YIN PAS NA GNYIS SU MED PA MIN PA, SDUG BSNGAL THAMS CAD NYE BAR ZHI BA'I MTSAN NYID @327 CAN YIN PAS NA ZHI BA, ZAG PA MED PAS NA SHIN TU DRI MA MED PA, REG BYA'I YUL MA YIN PAS NA NAM MKHA' BZHIN NO, ,DE LTAR 'CHI BA CHOS KYI SKU DANG, BAR DO LONGS SPYOD RDZOGS PA'I SKU GNYIS SU MED PA'I MTSAN NYID CAN DU NGES PAR BYAS NAS, SPRUL PA'I SKU'I GZHI 'GOD PA NI, ZHE SDANG NI MI BSKYOD PA'O, ,RIGS LA SOGS PA'I MCHOD PA NI THUGS RDO RJE RANG GI SKU LAS BYUNG BA'I LHA'I 'KHOR LO BUD MED KYI GZUGS SU SPRUL NAS, BLA NA YOD PA DANG BCAS PA LA SOGS PA'I MCHOD PA BYED PA'O, ,RJES SU DRAN PA NI, CHAGS PA LA SOGS PA NYAMS SU MYONG BA STE, DE JI LTA BU ZHE NA, MCHOD PAR BYA ZHES SBYAR RO, ,GANG LA NA RNAL 'BYOR PA BDAG NYID LA'O, ,GANG GIS NA PHYAG RGYA DANG MNYAM PAR SBYOR BA LAS BYUNG BA'I BDAG GI KHU BA STE MCHOG TU DGA' BAS SO, ,PHYAG RGYA JI LTA BU LA ZHE NA, BUD MED TE BU MO SEMS RAB TU BRTAN CING MI 'GYUR BA, LO GRANGS BCU GNYIS LON PA, PAD MA CAN LA SOGS PA'I RIGS BZHI GANG RUNG DANG LDAN PA RNYED PA LA'O, ,TSUL JI LTAS SNYOMS PAR 'JUG PAR BYA ZHE NA, RANG RIGS KYI PHYAG RGYAR RAB TU BSGOMS TE RDO RJE PAD MA 'DU BYAS NAS, KA RA NA'I SBYOR BAS SNYOMS PAR 'JUG PAR BYA'O, , GANG ZAG JI LTA BU ZHE NA, RIM GNYIS KYI RNAL 'BYOR PA SPROS MED GZUNGS KYI LHA MO LNGA DANG SPYOD PA BYED PAS SO, ,DUS NAM GYI TSE NA, GSANG BA'I MCHOD PA BYED PA'I DUS SU'O, , RJES DRAN BCU DRUG RTOGS PA'I PHAN YON LA GNYIS KYI, MCHOG GRUB PAR @328 BSTAN PA NI, DE LTA BU'I RJES DRAN BCU DRUG RTOG PA'I RNAL 'BYOR PA 'DIS NI, RNAM SNANG LA SOGS PA'I NGO BO NYID KYI RDZU 'PHRUL DANG LDAN PA'I SKU THOB PAS NA, DE BZHIN GSHEGS PA RNAMS KYI SKU'I DBANG PHYUG DANG, YID LA GANG DANG GANG 'DOD PA DE DANG DE 'BAD PA MED PA PHUN SUM TSOGS PAR 'GYUR BAS NA RDO RJE 'DZIN PA STE MI BSKYOD PA DANG, 'BREL BA'I THUGS KYI DBANG PHYUG DANG, SGRA SNYAN DANG 'DRA BAR SGRA'I NGO BO NYID SHES PA LA NI GANG ZHIG SMRAS PAR 'GYUR BA DE THAMS CAD 'BYOR PAR 'GYUR BAS CHOS 'DZIN MCHOG STE, 'OD DPAG MED DANG 'BREL BA'I GSUNG GI DBANG PHYUG DAG KYANG TSE 'DI NYID LA 'THOB PAR 'GYUR RO, ,DER MA ZAD SKU GSUNG THUGS DBYER MI PHYED PA'I MTSAN NYID CAN GYI PHYAG RGYA CHEN PO YANG 'GRUB PAR 'GYUR RO, ,'JIG RTEN PA'I DNGOS GRUB 'GRUB PAR BSTAN PA NI, DE LTA BU'I ZUNG 'JUG PA'I TING NGE 'DZIN LA GNAS PAS NI, GONG DU BSHA PA DE DAG LAS GZHAN PA GRUB PA CHEN PO BRGYAD LA SOGS PA 'JIG RTEN PA'I DNGOS GRUB PHRA MOR BSHAD PA DE RNAMS KYANG 'GRUB PAR 'GYUR RO, ,RGYU GANG GIS 'GRUB CE NA, RDO RJE GSUM NI KHAMS GSUM YIN LA, DE RNAMS STONG PA NYID KYI NGO BOR DBYER MI PHYED PAR BSGOMS TE, SNGAGS KYI YAN LAG MA NYAMS PAR BZLAS SHING BDEN PA MTHONG BA TZAM GYIS SO, ,GAL TE DNGOS PO'I MTSAN MAR GZUNG STE THA DAD PAR BSGOMS NA, 'JIG RTEN PA'I DNGOS GRUB KYANG MI 'GRUB NA, 'JIG RTEN LAS 'DAS PA LTA SMOS KYANG CI DGOS ZHES, STONG PA NYID BSGOMS PA'I TING NGE 'DZIN GYI NUS PA BSTAN PA @329 YIN TE, BDE MCHOG LAS, RNAL 'BYOR THAMS CAD BCOM LDAN 'DAS, ,RDO RJE SEMS DPA' DE BZHIN GSHEGS, KHAMS GSUM PA NI MA LUS RNAMS, ,THAMS CAD DE YI LONGS SPYOD DO, ,ZHES GSUNGS PAS SO, ,LE'U'I MTSAN DON NI, SNGAGS NI SGRUB PA PO, DE RNAMS KYI SPYOD PA NI, SPROS PA MED PA LA SLOB PA'I NGO BO STE, DE NYID PHUL DU BYUNG BAS NA MCHOG GO ,LE'U NI DE STON PA'I GZHUNG GI TSOGS SO, , LE'U BDUN PA'I RNAM BSHAD DO,, ,, ` DE LTAR SPYOD PA LA GNAS PA'I RNAL 'BYOR PAS, TSOGS YONGS SU RDZOGS PAR BYA BA'I DON DU, BLA NA MED PA'I MCHOD PA BYA BA DANG, SNOD DU RUNG BA'I SLOB MA LA GSANG BA'I DBANG BSKUR BA BSTAN PA'I PHYIR, LE'U BRGYAD PA 'CHAD PA LA GNYIS TE, BSDUS PA'I DON DANG, YAN LAG GI DON NO, ,BSDUS PA'I DON LA GNYIS KYI BRJOD BYA DON GYI BSDUS DON NI, LE'U 'DI'I STOD NAS, BSTOD PA SNGON DU 'GRO BA'I 'DOD PA'I DON LA GSOL BA GDAB PA STON, RKED NAS MCHOD PA'I CHO GA STON, SMAD NAS GSANG BA'I DBANG BSKUR BA STON NO, ,BRJOD BYA SGRA'I BSDUS DON NI GO SLA'O, ,YAN LAG GI DON LA GSUM STE, BSTOD CING GSOL BA GDAB PA DANG, MCHOD PA'I CHO GA DANG, GSANG BA'I DBANG BSKUR BSTAN PA'O, ,BSTOD CING GSOL BA GDAB PA LA GNYIS KYI, SDUD PA PO'I TSIG GIS STON PA'I MTSAN NYID BSTAN PA'I THABS KYIS MDOR BSTAN PA NI, GSOL BA BTAB BO ZHES SBYAR, SU ZHIG GIS NA, RDO RJE DKON MCHOG DPAL GYIS ZHES TE, DKON MCHOG DPAL NI @330 DGE BA'I RANG BZHIN YIN ZHING, DGA' BA BSKYED PAS NA BYANG CHUB KYI SEMS KYI THIG LE LA BYA STE, DES DBANG BSKUR BAR GSOL BA 'DEBS PA'I GZHIR GYUR PA'I PHYIR NA, PHYAG NA RDO RJE LA DKON MCHOG DPAL ZHES PA'I MING GIS BTAGS PA'O, , GANG ZHE NA, GNAS PHUN SUM TSOGS PA BTZUN MO'I BHA GAR BZHUGS PAS NA BCOM LDAN 'DAS RIGS LNGA'I DE BZHIN GSHEGS PA THAMS CAD KYI BDAG PO, SPYAN LA SOGS PA'I LHA MO RNAMS KYI GTZO BOR GYUR PAS DBANG PHYUG DAM PA RDO RJE 'DZIN PA CHEN PO LA'O, ,GANG GIS NA, 'OG NAS 'BYUNG BA'I BSTOD PA 'DIS BSTOD NAS SO, , RGYAS PAR BSHAD PA LA GNYIS KYI, SPYOD PA DANG PHRIN LAS KYI SGO NAS BSTOD CING GSOL BA BTAB PA NI, BSHAD DU GSOL ZHES SBYAR, GANG NA RIM GNYIS KYI DKYIL 'KHOR SPRUL PAS SEMS CAN GYI DON RDZOGS PAR BYED PA'I MCHOD PA'O, ,GANG GIS NA, RDO RJE LTAR MI PHYED PA'I TSUL GYIS MDZES PAS NA RDO RJE RGYAL PO'O, ,SEMS CAN TSAD MED PA SANGS RGYAS KYI SA LA SON PAR MDZAD PAS NA THEG PA CHE'O, ,DON DAM PA'I BDEN PAS RNAL 'BYOR PA'I RGYUD RNAM PAR SBYOR BAR MDZAD PAS NA, NAM MKHA'I SPYOD PA RNAM SBYONG BA'O, ,RNAM PAR RTOG PA'I SPROS PA THAMS CAD DANG BRAL BA'I SPYOD PA LA GNAS PAS NA KUN TU BZANG PO SPYOD PA'I MCHOG GO ,NYAN RANG LA SOGS PA'I MCHOG TU GYUR PAS NA RGYAL MCHOG RDO RJE 'CHANG CHEN POS SO, ,DE KHO NA NYID KYI SGO NAS BSTOD CING GSOL BA GDAB PA LA GNYIS KYI, DRANG DON DU BSHAD PA NI MCHOD PA BSHAD DU GSOL ZHES SBYAR, GANG GIS NA, 'DOD CHAGS ZHE SDANG GTI MUG CHES @331 CHE BA RNAMS KYANG SBYONG BAR BYED PA'I RDO RJE THEG PA STON PAR MDZAD PA DANG, CHOS THAMS CAD NAM MKHA'I DBYINGS DANG MTSUNGS PAR STON PAS MCHOG TU GYUR PA DANG, DUS GSUM GYI RGYAL BA RNAMS BSKYED PAR MDZAD PAS NA RGYAL GZHI RDO RJE 'CHANG CHEN POS SO, ,MCHOD PA BSHAD DU GSOL ZHES SBYAR, GANG GI NA, GDUL BYA RNAMS NYAN THOS LA SOGS PA'I THEG PA GSUM GYI LAM LA RAB TU GNAS PAR MDZAD PA DANG, BAG CHAGS MA LUS PA DANG BRAL ZHING 'KHOR BA JI SRID PAR GNAS PA'I YE SHES KYI RANG BZHIN GYI THAR PA'I LAM STON PAR MDZAD PA DANG, RNAM SNANG LA SOGS PA'I DE BZHIN GSHEGS PA RNAMS KYI BDAG POR GYUR PAS SANGS RGYAS SKAL MCHOG GO ,DE NYID KYIS PHYIR DAG PA'I BDAG NYID CAN GYI MI MCHOG RDO RJE 'CHANG CHEN POS SO, ,PHYAG 'TSAL LO ZHES SBYAR, GANG LA NA, RDO RJE THEG PA'I RANG BZHIN GYI RDO RJE 'CHANG CHEN PO LA'O, ,DE JI LTA BU ZHE NA, DON DAM PA'I BYANG CHUB KYI SEMS RGYAS PA'I SPYAN DANG LDAN ZHING, RNAM PA BCU GNYIS PA'I CHOS KYI 'KHOR LO 'JIG RTEN GSUM DU BSKOR BAR MDZAD PA DANG, RDO RJE GSUM DBYER MI PHYED PA'I MTSAN NYID CAN YIN PAS, SKU GSUNG THUGS SHIN TU DAG PA'O, ,NGES DON DU BSHAD PA NI, 'DOD CHAGS ZHE SDANG GTI MUG CHE, ,ZHES YE SHES GSUM GYI SGO NAS BCOM LDAN 'DAS LA BOS NAS, BSHAD DU GSOL ZHES SBYAR RO, ,'DOD CHAGS NI SNANG BA'O, , ZHE SDANG NI SNANG BA MCHED PA'O, ,GTI MUG NI NYER THOB KYI YE SHES SO, ,GANG ZHIG NA, GNYIS SU MED PA'I YE SHES KYI BDAG NYID KYI MCHOD PA'O, ,RDO RJE NI 'OD GSAL @332 BA'O, ,DE NYID BSHAD MA THAG PA'I RANG BZHIN GYI SNANG BA SBYOR BAR MDZAD PAS NA THEG PA'O, ,DE RAB TU STON PAR MDZAD PA NA RDO RJE THEG PA RAB STON PA'O, ,DBANG PO'I MCHOG LHA'I MIG TZAM GYIS GZUNG BAR BYA BA YIN PAS NA NAM MKHA'I DBYINGS DANG MTSUNGS PA'O, ,THAMS CAD KYI DANG POR GYUR PAS NA MCHOG GO ,RNAM SNANG LA SOGS PA THIM PA'I GZHIR GYUR PAS NA RGYAL BA'I GZHI RDO RJE 'CHANG CHEN PO'O, , YANG GNYIS SU MED PA'I YE SHES KYI MCHOD PA BSHAD DU GSOL ZHES SBYAR RO, ,SU ZHIG GIS NA, RDO RJE'I SKU NYID KYIS TSAD MED PA'I LHA MO DANG SNYOMS PAR ZHUGS PAS, 'KHOR BA JI SRID PAR MCHOG TU DGA' BAR MTSAN NYID GCIG PA LHA DANG MI LAS 'DAS PA'I YON TAN BRGYAD KYI BDE BA NYAMS SU MYONG BA NI THAR PA YIN LA, DE THOB PA'I THABS STON PAR MDZAD PAS NA, THAR PA'I LAM RAB TU STON PA DANG, SHES RAB DANG THABS DANG, NYER THOB GSUM GYIS GDUL BYA DON DAM PA'I GRONG KHYER DU 'JUG PAR MDZAD PAS NA, THEG PA GSUM GYI LAM LA GNAS PA'O, ,BDE BA THAMS CAD KYI BDAG NYID SGRUB PAR MDZAD PAS NA, SANGS RGYAS SKAL MCHOG GO , BDEN PA GNYIS KYI BDAG NYID CAN YIN PAS NA, DAG PA'I BDAG STE, DE LTA BU'I YON TAN KHYAD PAR CAN DANG LDAN PA'I MI MCHOG RDO RJE 'CHANG CHEN PO KHYOD KYIS SO, , PHYAG 'TSAL LO ZHES SBYAR, GANG LA NA, MI 'JIG PA'I BDAG NYID CAN GYI RDO RJE THEG PA KHYED LA'O, ,DE JI LTA BU ZHE NA, BDEN PA GNYIS KYI BDAG NYID CAN GYI RDO THEG PA KHYED LA'O, ,DE JI LTA BU ZHE NA, BDEN PA GNYIS KYI BDAG NYID CAN GYI RDO RJE 'CHANG CHEN PO NI, BYANG CHUB KYI SEMS YIN LA, DE NYID RGYAS SHING YANGS PA'I @333 SPYAN LNGA DANG LDAN PAS NA RGYAS PA'I SPYAN NO, ,BDEN PA GNYIS KYI BDAG NYID CAN GYI CHOS 'JIG RTEN LA RAB TU STON PAR MDZAD PAS NA, CHOS KYI 'KHOR LO RAB BSKOR BA'O, ,YANG DAG PA'I MTHAS RNAM PAR DAG PA'I SKU GSUNG THUGS MNGA' BAS NA, SKU DANG GSUNG THUGS SHIN TU DAG PA STE, RDO RJE 'CHANG CHEN PO'O, ,MCHOD PA'I CHO GA LA GSUM STE, RDZOGS RIM PA'I MCHOD PA DANG, BSKYED RIM PA'I MCHOD PA DANG, DE GNYIS KA'I THUN MONG GI MCHOD PA'O, ,RDZOGS RIM PA'I MCHOD PA LA GNYIS KYI, MDOR BSTAN PA NI, BSTOD CING GSOL BA BTAB PA DE NAS, BSHAD DO ZHES SBYAR RO, ,SU ZHIG GIS ZHE NA, RGYAL PO RDO RJE 'DZIN TE RDO RJE 'CHANG GIS SO, ,DE JI LTA BU ZHE NA, 'OD GSAL GYI BDAG NYID YIN PAS THAMS CAD NAM MKHA'O, ,MI 'JIG CING PHUL DU BYUNG BAS NA MI 'GYUR CHE'O, ,DE BZHIN GSHEGS PA THAMS CAD KYIS DBANG BSKUR BAS NA THAMS CAD DBANG BSKUR RO, ,NAM MKHA' MDZOD KYI TING NGE 'DZIN GYI SEMS CAN THAMS CAD KYI YID LA RE BA YONGS SU RDZOGS PAR MDZAD PAS NA KUN DON NO, ,'JIG RTEN GSUM GYI BDAG PO YIN PAS NA KUN GYI DBANG PO, BDEN PA GNYIS NGO BO NYID KYIS 'DZIN PAR MDZAD PAS NA RDO RJE RIN CHEN 'DZIN NO, ,DES CI ZHIG BSHAD CE NA, DUS GSUM GYI DE BZHIN GSHEGS PA THAMS CAD DANG 'BREL BA'I MCHOD PA'O, ,DE JI LTA BU ZHE NA, BSKYED RIM LA GNAS PA RNAMS DANG, THUN MONG MA YIN PAS NA MCHOG GO ,CI'I PHYIR BSKYED RIM PA DANG THUN MONG MA YIN ZHE NA, RDO RJE MI PHYED GSUM GNAS TE, RANG BZHIN GYIS YANG DAG @334 PAR GNAS PA'I MCHOD PA YIN PAS SO, ,DE NI KHAMS GSUM PA RNAMS KYI SKU DANG GSUNG DANG THUGS SU 'DUS PAR MDZAD PAS NA, SKU DANG GSUNG THUGS SKAL MCHOG GO , RGYAL BA RNAMS 'DI LAS 'BYUNG BAR 'GYUR BAS NA RGYAL BA 'BYUNG BA'O, , RDZOGS RIM PA'I MCHOD PA RGYAS PAR BSHAD PA NI, DE LA ZUNG 'JUG PA'I RNAL 'BYOR PAS, DBEN GSUM SNGON DU SONG BA'I KUN RDZOB 'OD GSAL DU BCUG PA'I STONG PA DE NYID LAS, ZUNG 'JUG LONGS SKUR BZHENGS NAS, SPRUL SKUR BSGYUR TE, YE SHES KYI PHYAG RGYA DANG SNYOMS PAR ZHUGS PA LAS, BDE BA'I SNANG BA TZAM LAS, SKAD CIG GIS LHA RNAMS YUM GYI CHOS 'BYUNG DU BSKYED NAS, DE DAG NGES DON GYIS 'BYIN SNGAGS KYIS PHYIR SPROS TE, SPYI DANG KHYAD PAR GYI SGO NAS SEMS CAN GYI DON BYAS NAS RANG RANG GI GNAS SU BKOD PA NI ZUNG 'JUG PA'I DKYIL 'KHOR RGYAL MCHOG YIN LA, DE NYID LA MCHOD PA ZHES BYA STE, SEMS CAN GYI DON RDZOGS PAR BYED PA NYID SANGS RGYAS MNYES PA'I MCHOD PA YIN PA'I PHYIR RO, ,ZUNG 'JUG GI DKYIL 'KHOR DE'I MTSAN NYID STON PA NI, NA CHUNG GZHON NU ZHES SOGS TE, ZUNG 'JUG DE NYID YID DU 'ONG BA'I GZUGS CAN YIN PAS NA NA CHUNG GZHON NU'O, , BDEN GNYIS DBYER MED PA'I MIG DANG LDAN PAS NA MIG YANGS PA'O, ,YAN LAG DANG NYING LAG YONGS SU RDZOGS PAS NA GZUGS BZANG BA'O, ,RDO RJE SEMS DPA'I LANG TSO DANG LDAN PAS NA GZHON PAS BRGYAN PA'O, ,BSDUS PA'I DKYIL 'KHOR GYI LHA BCU GSUM GYI STENG DU, GLENG GZHI'I SKABS KYI BYANG CHUB SEMS DPA' BRGYAD @335 DANG, LHA MO LNGA BSNAN CING GTZO BO YAB YUM GCIG TU BGRANGS PAS, DKYIL 'KHOR PA NYI SHU RTZA LNGA YOD PAS NA LO GRANGS NYI SHU RTZA LNGA LON PA ZHES BYA'O, ,'O NA 'DIR DKYIL 'KHOR GYI LHA SUM CU RTZA GNYIS YOD PA MA YIN NAM ZHE NA, SUM CU RTZA GNYIS NI BSHAD RGYUD KYI RJES SU 'BRANGS PA YIN LA, 'DIR NI RTZA RGYUD KYI GLENG GZHI DANG, BSDUS PA'I DKYIL 'KHOR DU DNGOS SU BSTAN TSOD RNAMS BGRANGS PAS NYI SHU RTZA LNGA YIN NO, ,BYOL SONG GI SGRA LOGS NA YOD PA LA BYA STE, DES NA 'DIR, DKYIL 'KHOR PA RNAMS GTZO BO RDO RJE 'CHANG CHEN PO LAS LOGS SU THA DAD PA LTAR SNANG YANG, GTZO BO NYID KYI RNAM 'PHRUL YIN PAS, RDO RJE 'CHANG CHEN PO NYID DANG, 'DRA BAR GZUNG ZHING BRTAG PAR BYA'O, ,BSKYED RIM PA'I MCHOD PA LA GSUM LAS, GNAS SBYANG ZHING MCHOD PA'I YO BYAD BSGRUB PA NI, GSANG BA'I DBANG BSKUR BA'I GNAS KHANG NI, SNGAR 'DU MA BYAS PA'I SA PHYOGS YIN NA, SA SBYANG BA LA SOGS PA CHO GA'I RIM PAS YONGS SU DAG PAR BYAS PAS NA, SA PHYOGS GTZANG ZHING SKYE BO 'DUS PA DANG BRAL BAS NA RNAM PAR DBEN PA'O, ,GAM ZHES PA RNAM GRANGS GZHAN STON PA STE, RGYAL BA STE SNGAGS PA RANG NYID SKYES PA DANG, ZHI BA SKYES BU DAM PA GZHAN GYI KHYIM RNAMS NI ZHI BA'I GNAS TE DE RNAMS SU NI SA SBYANG MI DGOS KYI, BSHANG GCI STE BA LANG GI LCI BA DANG, GCIN DANG CHU DANG, SHING SHUN DRI BZANG PO LA SOGS PAS SA PHYOGS BYUGS SHIG DKYIL 'KHOR BYAS TE, DER MCHOD PA LNGA DANG, 'DOD YON LNGA LA SOGS PA'I MCHOD PA'I YO BYAD RNAMS RGYAL BA @336 MCHOD PA'I PHYIR GSANG BA'I DBANG BSKUR BA MA RDZOGS KYI BAR DU NYI MA RE RE ZHING BRTAG PAR BYA'O, ,PHYAG RGYA 'DU BYA ZHING RANG NYID LHAR BSGRUB PA NI, DE LTAR MCHOD PA'I YO BYAD BSGRUBS NAS, SGRUB PA'I THABS LAS BYUNG BA'I RIM GYIS, RNAL 'BYOR DANG, RJES SU RNAL 'BYOR BYAS NAS SHIN TU RNAL 'BYOR GYI GNAS SKABS SU CHO GA SHES PA STE BSKYED RIM PA'I SNGAGS PAS, RANG DANG PHYAG RGYA GNYIS KYI NU MA'I DBUS TE, SNYING KHA'I GNAS SU YI GE H'Um LAS BYUNG BA'I MI BSKYOD PA 'GOD DO, , SPYI GTZUG GI MTHA' STE SKRA'I MTSAMS SU AOm LAS BYUNG BA'I RNAM PAR SNANG MDZAD 'GOD DO, ,DE GNYIS KYI BAR LKOG MA'I PHYOGS SU AA LAS BYUNG BA'I 'OD DPAG MED 'GOD DO, ,RKANG PA GNYIS KYI BAR BRLA'I RTZA BAR HA LAS BYUNG BA'I DON YOD PA GRUB PA 'GOD DO, ,LTE BA, SKED PA, GANG BA'I GNAS RNAMS SU SVA LAS BYUNG BA'I RIN CHEN 'BYUNG LDAN 'GOD DO, ,DE LTAR NA JI SKAD BSHAD PA'I TSUL GYIS, RGYAL BA RNAM SNANG LA SOGS PA DE BZHIN GSHEGS PA RNAMS DANG, RGYAL BA'I SRAS BYAMS PA LA SOGS PA BYANG CHUB SEMS DPA' RNAMS DANG, LHA MO LA SOGS PA RIGS LNGA'I BDAG NYID KYI LHA RNAMS SGRUB PA'I THABS LAS BSHAD PA'I CHO GAS GNAS DE DANG DER CI RIGS PAR 'GOD PAR BYA'O, ,DE LTAR BDAG DAG PHYAG RGYA'I LUS LA RIGS LNGA BKOD NAS, DE NAS CI ZHIG BYA ZHE NA, RDO RJE DANG PAD MA BYIN GYIS BRLABS NAS SNYOMS PAR ZHUGS TE, NAM MKHA'I DBYINGS TE PHYAG RGYA'I CHOS 'BYUNG GI DBUS SU, YE SHES RGYA MTSO STE BYANG CHUB KYI SEMS BSGOM PAR BYA BA STE @337 DBYUNG BAR BYA'O, ,DE NAS BDAG NYID CHOS 'BYUNG GI NANG GI ZLA BA STE BYANG CHUB KYI SEMS KYI DBUS SU RANG GI LHAG PA'I LHA GANG YIN PA DE'I NGO BOR GNAS PAR BSGOM PAR BYA'O, ,DE'I 'OG TU MKHAS PAS, CHOS 'BYUNG GI DBUS KYI DE BZHIN GSHEGS PA DE PHYIR SPROS TE, SEMS CAN GYI DON BYAS NAS BDAG NYID LA RJES SU ZHUGS PAS BDAG NYID DKYIL 'KHOR GYI GTZO BOR BSKYED PAR BYA'O, , DE LTAR BDAG NYID BSKYED NAS DKYIL 'KHOR RGYAL MCHOG DNGOS BSKYED PA NI, RNAL 'BYOR PA RANG GI LUS RIN CHEN RNAM BZHI'I MCHOD RTEN DU BSAM PAR BYA'O, ,ZHES SBYAR RO, ,DE LA RIN CHEN RNAM BZHI NI, SPYAN LA SOGS PA'I NGO BO NYID KYIS 'BYUNG BA BZHIN NO, ,MCHOD RTEN JI LTA BUR ZHE NA, DKAR PO LA SOGS PA'I 'OD ZER GYI PHRENG BAS RNAM PAR BRGYAN CING MDZES PA DANG, DUS GSUM GYI YE SHES RGYA MTSO STE DE BZHIN GSHEGS RNAMS KYI BZHUGS PA'I GNAS SAM ZHING YIN PAR RO, ,DE LTAR RANG GI LUS KYI MCHOD RTEN BSGOMS PA'I 'OG TU BSKYED PA'I RIM PA LA BYANG BA'I MKHAS PAS BDAG GI BA SPU'I BU GA NAS TE RANG GI RDO RJE'I SBUBS LAS BYUNG BA'I BYANG CHUB KYI SEMS PHYAG RGYA'I CHOS 'BYUNG NA GNAS PA LAS JI LTAR 'DOD PA'I DON RDZOGS PAR BYED PAS, SEMS CAN GYI KHAMS MCHOD CING RJES SU 'DZIN PAR MDZAD PAS NA MCHOD PA'I SPRIN TE, LHA'I TSOGS YIN LA, DE RNAMS SPROS SHING DBYUNG BAR BYA'O ZHES PA STE, 'DIS DKYIL 'KHOR RGYAL MCHOG BSTAN TO, ,DE NAS THUN MONG DANG THUN MONG MA YIN PA'I LAS RGYAL MCHOG SNGON DU @338 SONG NAS, MTHAR DKYIL 'KHOR BSDU BA NI, SNGAR GYI, ZHI BA RDO RJE 'DZIN 'DOD NA, , ZHES PA'I RKANG PA GNYIS 'DIR BLANGS NAS BSHAD DE, ZHI BA NI RNAM G-YENG ZHI BA'I SEMS RTZE GCIG PA YIN LA, DE NYID MI PHYED PAS NA RDO RJE'O, ,SEMS RTZE GCIG PA'I TING NGE 'DZIN DE 'DOD NA RANG GI YE SHES SEMS DPA' LA 'OD ZER 'PHROS PAS, DKYIL 'KHOR PA RNAMS LA PHOG STE, RNGUL CHU BZHIN DU ZHU BAR GYUR PA RDO RJE'I LAM NAS DRANGS TE, RANG GI SNYING KHAR YE SHES SEMS DPA' LA BSDU BA DAG KYANG RAB TU BYA LA, DE'I 'OG TU GTZO BO 'BA' ZHIG LA SEMS GTAD DE BSGOM MO ZHES PA'O, ,BSKYED RDZOGS GNYIS KA'I MCHOD PA'I YAN LAG BSTAN PA LA GNYIS KYI, DRANG DON DU BSHAD PA NI, RNAM DBYE SHES PA'I MKHAS PAS, ME TOG AUTPAL DANG PAD MA RNAMS LA RIGS LNGA'I DBYE BAS DKAR PO LA SOGS PA RNAM PA LNGAR SHES PAR BYAS SHING, DZ'A TI LA YANG RIGS RNAM PA GSUM DU SHES PAR BYAS NAS, RIGS DANG MTHUN PAR LHA RNAMS LA DBUL BAR BYA'O, ,DE BZHIN DU ME TOG KAR NI KA RA LA SOGS PA DAG KYANG BSAM GTAN GYI STOBS KYIS BSAMS SHING BSKYED NAS KYANG LHA RNAMS LA MCHOD PA BYA'O, ,DE NYID NGES DON DU BSHAD PA NI, BSHAD PA'I RGYUD LAS, GANG ZHIG RLUNG NI BCUR GRAGS PA, ,DE NI PAD MA AUTPAL YIN, ,DE NYID CES GRAGS RDO RJE GSUM, ,DZ'A TI CIG BU GSUM DU 'DOD, ,KAR NI KA RA MA LI KA ,YUG TI KA RA WI RA NI, ,GO RIM BZHIN DU SPYAN SOGS TE, ,DBANG CHEN SOGS PAR 'DI SBYAR RO, ,DNGOS MED GO 'PHANG LA 'GOD PAS, ,LHA RNAMS KYI NI @339 SKU SBYOR BA, ,GCIG TU SANGS RGYAS KUN MNYES PA'I, ,MCHOD PA CHEN POR DE 'GYUR RO, ,ZHES GSUNGS SO, ,'DIS NI RDZOGS RIM PA'I RDO RJE BZLAS PA BSTAN TO, ,DE LA PAD MA LNGAS NI RTZA BA'I RLUNG LNGA BSTAN LA, AUTPAL LNGAS NI YAN LAG GI RLUNG LNGA BSTAN TO, ,ME TOG KAR NI KA RA LA SOGS PA BZHIS NI RLUNG BCU PO DE DAG DKYIL 'KHOR BZHIR BSDUS NAS BSTAN TO, ,DZ'A TI GSUM GYIS NI, DKYIL 'KHOR BZHI PO DE DAG KYANG RDO RJE GSUM GYI RANG BZHIN GYI 'BYUNG 'JUG GNAS GSUM DU BSDUS NAS BSTAN TO, ,DNGOS MED GO 'PHANG LA 'GOD PA ZHES SOGS KYIS RDO RJE BZLAS PA'I PHAN YON 'OD GSAL DANG ZUNG 'JUG BSTAN TO, ,DA NI RNAL 'BYOR PA GNYIS KA'I THUN MONG GI GSANG BA'I DBANG BSKUR BA LA BZHI STE, BLA MA'I BYA BA DANG, SLOB MA'I BYA BA DANG, GSAL BA'I DBANG BSKUR BA DNGOS DANG, GSANG DBANG GI PHAN YON BSTAN PA'O, ,BLA MA'I BYA BA GSANG DBANG GI SNGON DU TING NGE 'DZIN GYI DKYIL 'KHOR JI LTAR BSGOM PA BSTAN PA NI, BSGOM PAR BYA ZHING BSKYED PAR BYA'O ZHES SBYAR, GANG ZHIG NA, 'KHOR LO STE RNAM PAR SNANG MDZAD KYI DKYIL 'KHOR RO, ,JI LTA BUR ZHE NA, NGOS RE RE LA NYI SHU RTZA LNGA RTZA LNGA DPAG TSAD BRGYA'I KHYON TZAM DU CHE BA, GRU BZHI SGO BZHI PA LA SOGS PA'I YON TAN DANG LDAN PA'O, , SU ZHIG GIS NA, RNAM SNANG GI RNAL 'BYOR PAS SO, ,RTEN GZHAL YAS KHANG BSKYED PA'I 'OG TU, BAG YOD DANG LDAN PA'I MKHAS PAS DUS RTAG TU MI BSKYOD PA LA SOGS PA'I RIGS LNGA'I BDAG NYID KYI LHA RNAMS KYI DKYIL 'KHOR GYI SHAR LA @340 SOGS PA'I PHYOGS RNAMS SU CI RIGS PAS 'GOD PAR BYA'O, ,JI LTAR 'KHOR LO'I SGRAS RNAM SNANG GI DKYIL 'KHOR BSTAN PA DE BZHIN DU PAD MO NAS AUTPA LA'I BAR GYIS KYANG, 'OD DPAG MED DANG, MI BSKYOD PA DANG, DON YOD GRUB PA DANG, RIN CHEN 'BYUNG LDAN GYI DKYIL 'KHOR RNAMS KYANG MKHAS PAS BSGOM ZHING SHES PAR BYA'O, ,TSAD JI TZAM DU ZHE NA, DPAG TSAD NAS DPAG TSAD BYE BA'I KHYON TZAM DU JI LTAR 'DOD CING DGA' BAR RO, ,DBYIBS JI LTA BU NA, RGYA DANG DPANGS TSAD MNYAM PAS GRUB BZHI SHIN TU MDZES PA'O, ,RGYU NI RIN PO CHE SNA BZHI LAS GRUB PA, MCHOD RTEN DANG 'DRA BAS NA MCHOD RTEN, SHEL LTAR KHA DOG DKAR BAS NA GSAL ZHING, DKYIL 'KHOR GYI DE KHO NA NYID DANG LDAN PAS NA RANG BZHIN GYI DRI MA MED PA, RIGS LNGA'I DKYIL 'KHOR PA RNAMS KYI GZHI'AM GNAS SU BSGOM PAR BYA'O, ,SU ZHIG GIS NA, GSANG BA'I DBANG BSKUR BAR SHES PA'I RNAL 'BYOR PA SHES RAB CAN GYIS SO, ,DGOS PA NI, MCHOD PA'I PHYIR TE, GSANG BA'I DBANG BSKUR BA'I PHYIR DU'O, ,DE LA SPYIR BUM PA'I DBANG RDUL TSON GYI DKYIL 'KHOR DU BSKUR BA'I GSANG BA DANG, SHES RAB YE SHES KYI DBANG NI, TSOGS KYI DKYIL 'KHOR DU BSKUR BAR DKYIL CHOG NYI SHU PA LAS BSHAD LA, RDUL TSON GYI DKYIL 'KHOR GYI TSAD NI, THUGS KYI DKYIL 'KHOR KHRU BCU GNYIS PA DANG, GSUNG GI KHRU BCU DRUG PA DANG, SKU'I KHRU NYI SHU PAR BSHAD CING, 'DIR DPAG TSAD BRGYA DANG BYE BA'I KHYON TZAM DU BSGOM ZHES PA, GSANG BA'I DBANG BSKUR BA'I DON DU, TSOGS KYI KHANG PA DE NYID @341 DPAG TSAD BRGYA LA SOGS PA'I KHYON TZAM DU BSGOM ZHES PA'O, 'GREL PAR, YID KYIS SAM, BRI BAS BSKYED PAR BYA ZHES PA LA, YID KYIS ZHES PA NI, TING NGE 'DZIN GYI DKYIL 'KHOR BSTAN LA, BRI BAS BSKYED ZHES PA 'BYOR NA SO PHAG LA BYAS PA'I KHANG PA SUM BRTZEG BYAS LA, DE LTAR RNAL 'BYOR PHO MO CHA LUGS BSGYUR BA BSTAN ZHES SNGA RABS KYI BLA MA DAG BZHED DO, ,'ON KYANG, BRI BAR BYA ZHES PA'I DON KHANG PA BRTZIG PA LA MI MNGON PAS, SPYIR BSKYED RIM GYI SNOD DU RUNG BA'I BUM DBANG LA NGES PAR RDUL TSON GYI DKYIL 'KHOR DGOS SHING, 'DIR YID KYI SAM, BRIS PAS ZHES PA, GSANG DBANG GI SNGON 'GRO'I BUM DBANG LA RDUL TSON GYI DKYIL 'KHOR NGES PAR MI DGOS KYIS, GRUB NA BYA ZHES BSTAN PAR MNGON CING, DE'I TSAD KYANG SNGAR BUM DBANG GI SKABS DANG 'DRA ZHING, DE YANG RNAL 'BYOR PAS BSGOM PA NA, DPAG TSAD BRGYA LA SOGS PA'I TSAD TZAM DU BSGOM ZHES PA GZHUNG GI DON YIN NO, , DE LTAR BLA MA'I BYA BA BSTAN PA'I 'OG TU GSANG BA'I DBANG BSKUR BAR 'DOD PA'I SLOB MA'I BYA BA BSTAN PA LA GNYIS KYI LHA DANG BLA MA THUN MONG GI MCHOD PA NI, 'DOD PA'I YON TAN LNGA RNAMS KYIS MCHOD PA RGYA MTSO STE DPAG TU MED PA BRTZAM PAR BYA ZHES SBYAR, GANG LA ZHE NA, DKYIL 'KHOR BA'I LHA RNAMS DANG BLA MA LA'O, ,'DOD PA'I YON TAN LNGA JI LTA BU ZHE NA, PADMA R'A GA LA SOGS PA'I RIN PO CHE DANG, DAR DANG BAL LA SOGS PA'I NA BZA' DANG, SOGS PAS DUNG DANG, PI WANG LA SOGS PA'I SGRA DANG, AA KA RU DANG, TZANDAN LA SOGS PA'I DRI RNAMS SO, , @342 SU ZHIG GIS NA, DRI MA'I RNYOG MA 'KHRUD PAS YE SHES BSKYED PAR BYED PA'I PHYIR, BYANG CHUB NI GSANG BA'I DBANG YIN LA DE 'DOD PAS SO, ,DUS NI JI SRID DU ZHE NA, GSANG BA'I DBANG BSKUR MA RDZOGS KYI BAR DU, NYI MA RE RE ZHING RTAG TU MCHOD PAR BYA'O, ,DE BZHIN DU ME TOG LA SOGS PA'I MCHOD PA RNAMS PA LNGA MCHOG PHUL TU BYUNG BA RNAMS KYIS RTAG TU LHA RNAMS DANG BLA MA MNYES PAR BYA'O, ,BLA MA LA KHYAD PAR GYI MCHOD PA BSTAN PA LA GNYIS LAS, LEGS PAR BSLABS PA'I PHYAG RGYA DBUL BA NI, DBUL BAR BYA ZHES SBYAR, GANG LA NA SANGS RGYAS KUN GYI BDAG NYID BLA MA LA'O, ,GANG ZHIG NA, 'KHOR BA JI SRID PAR ZAG PA MED PA'I BDE BA BSKYED PA'I ZHING DU GYUR PAS NA RIN CHEN 'BYUNG GNAS, LANG TSO MA NYAMS PAS NA NA CHUNG, BUD MED KYI YON TAN THAMS CAD DANG LDAN PAS NA MCHOG TU GYUR PA PAD MO CAN NO, ,DE NYID RIN PO CHE SNA TSOGS PA DANG, GOS DANG, DRI DANG BYUGS PA LA SOGS PA SNA TSOGS PAS BRGYAN CING SPRAS PAS SO, ,DGOS PA CI'I PHYIR DU NA, BSGRUB TSE STE THA MAL PA'I DNGOS GRUB DANG, RAB TU 'GRUB PA STE KHYAD PAR CAN GYI DNGOS GRUB SANGS RGYAS TE DE RNAMS TSE 'DI NYID LA 'THOB PAR BYA BA'I PHYIR DU'O, ,GZHAN YANG TSAD YONGS SU CHAD PA MED PA'I RDZAS KHYAD PAR CAN BLA MA LA DBUL BA NI, STONG GSUM GYI STONG CHEN PO'I 'JIG RTEN GYI ZHING 'DI PADMA R'A GA DANG, AINdA NI LA DANG, BEEd'URYA DANG, MARGAD DANG, RDO RJE DANG, MU TIG DANG, BYI RU ZHES BYA BA'I RIN PO CHE SNA BDUN GYIS YONGS SU BKANG ZHING NYIN RE ZHING DBUL BAR BYA BA'AM, GAL TE @343 SLOB MA 'KHOR LOS BSGYUR BA'I RGYAL PO ZHIG YIN NA, BTZUN MO RIN PO CHE LA SOGS PA'I RIN CHEN SNA BDUN YANG BSOD NAMS DANG YE SHES KYI TSOGS SGRUB PA LA MKHAS PAS, NYIN RE ZHING DBUL BAR BYA'O, ,SLOB MA JI LTA BU ZHE NA, BLA MA LAS GNYIS SU MED PA'I YE SHES RTOGS PAR 'DOD CING, DE'I MAN NGAG GIS PHYAG RGYA CHEN PO'I DNGOS GRUB SGRUB PAR 'DOD PA'I SHES RAB CAN GYIS SO, ,DE THAMS CAD DNGOS SU MA 'BYOR NA BSAM GTAN GYIS KYANG BSKYED DE DBUL BAR BYA'O, ,SLOB DPON GYI BYA BA GSANG BA'I DBANG BSKUR BA DNGOS BSTAN PA LA GSUM LAS, LHA BSKYED PA SNGON DU 'GRO BA'I MCHOD PA STON PA NI, DE LTAR SLOB MAS MCHOD PA'I YO BYAD BSTABS NAS, BLA MAS CI ZHIG BYA ZHE NA, DBUL BAR BYA'O ZHES SBYAR, GANG NA REG PA'I SBYOR BA STE REG RDO RJE LAS BYUNG BA'I BDE BA'O, ,GANG LA NA, 'DOD CHAGS KYI BLO CAN GYI SANGS RGYAS TE DE BZHIN GSHEGS PA RNAMS LA'O, ,GANG DU NA, SANGS RGYAS KYI DKYIL 'KHOR DBUS DAG DU'O, ,TING NGE 'DZIN JI LTA BUS ZHE NA, BDAG PO'I PHYAG RGYAR TE DKYIL 'KHOR GYI GTZO BOR MNYAM PAR BZHAG CING BSKYED PAR BYA'O, ,DE NYID RGYAS PAR BSHAD PA NI, NAM MKHA'I DBYINGS KYI DBUS SU GNAS PA'I LHA'I DKYIL 'KHOR GYI BKOD PA BSGOM PAR BYA'O, ,DE LTAR BSGOMS NAS GZUGS KYI PHUNG PO LA SOGS PA'I RANG BZHIN RNAM SNANG LA SOGS PA'I YE SHES KYI RANG BZHIN GYI SKU, SPRUL PA'I SKU 'DZIN PAR BYA BA'I PHYIR BDAG GI LUS LA GZHUG PAR BYA'O, , @344 DE LTAR BDAG LUS RNAM SNANG LA SOGS PA'I DE BZHIN GSHEGS PA THAMS CAD KYI RDUL PHRA RAB LAS BSGRUBS PAR BSKYED NAS, BLA MA LA BSHANG BA YUL DANG, GCI BA DBANG PO RNAMS KYIS MCHOD CING BRJOD PAS TSIM PAR BYA'O, ,MCHOD PA DE JI LTA BU ZHE NA, SLOB MAS BSTABS PA'I BZHIN BZANG SHIN TU MDZES SHING YID DU 'ONG BA'I NA CHUNG, RDO RJE THEG PA'I SNOD DU RUNG BAS NA SKAL BA MCHOG DANG LDAN PA DE NYID BYIN GYIS BRLABS KYIS GNAS TE, RNAM SNANG LA SOGS PA'I SA BON AOm LA SOGS PA GNAS JI LTA BA BZHIN DU BSAMS SHING BKOD PAS, DE KHO NA NYID KYI MCHOD PA SNYOMS PAR 'JUG PA'I MTSAN NYID CAN RAB TU BRTAG GO, 'DI NYID NI PHYI'I MCHOD PA LA LTOS NAS, DE KHO NA NYID KYI MCHOD PA ZHES BYA STE, CHAGS PA DANG, CHAGS PA DANG BRAL BA DANG, CHAGS PA BAR MA'I RIM GYIS NYON MONGS PA RNAM PAR DAG PA'I GNAS YE SHES GSUM MNGON DU BYED PA'I PHYIR RO, ,GSANG BA'I DBANG BSKUR BA DNGOS BSTAN PA NI, BLA MA YAB YUM SNYOMS PAR ZHUGS TE MCHOD PA'I 'OG TU, MIG BZANG STE PHYAG RGYA'I PAD MA LA GNAS PA'I BYANG CHUB KYI SEMS KYI KHU BA BYANG CHUB LAS MI G-YO BA'I BRTAN PA'I BLO DANG LDAN PAS 'DIS RANG GI LUS LA GNAS PA'I DE BZHIN GSHEGS PA THAMS CAD TSIM PAR BYA'O, ,DE YANG SLOB DPON GYIS GSANG BA'I RDO RJE SLOB MA'I KHAR BCUG NAS LEN PA NI, THABS DANG 'BREL BA'I GSANG DBANG YIN LA, PHYAG RGYA'I CHOS 'BYUNG NAS LCE'I THUR MAS LEN PA NI SHES RAB DANG 'BREL BA'I GSANG DBANG YIN NO, ,THIG LE CHA GCIG @345 DUNG PHOR LA SOGS PAR BZHAG LA, DRI'I CHU DANG BSRES TE, BKRA SHIS KYI TSIGS BCAD SNGON DU 'GRO BAS, SLOB MA'I SPYI BO NAS DBANG BSKUR BAR BYA STE, DE SKAD DU YANG ZLA GSANG THIG LE LAS, BYANG CHUB SEMS NI RIN CHEN 'BAR PHYUNG BA, ,MA LUS RGYAL BA RNAMS KYI LUS SKAM PA, ,RNAM DAG RDO RJE LAS BYUNG YE SHES CHU, ,DRI MED RIN CHEN SPYIR DBAB DBANG BSKUR RO, ,ZHES GSUNGS SO, ,GSANG BA'I DBANG BSKUR BA'I PHAN YON BSTAN PA NI, BSHAD MA THAG PA'I GSANG BA'I DBANG BSKUR BA 'DI NI, SNGAGS RNAMS THAMS CAD DE, DE BZHIN GSHEGS PA THAMS CAD DANG 'BREL BA'I RDO RJE'I RANG BZHIN GYI SKU GSUNG THUGS BSKYED PAS NA SKU GSUNG THUGS KYI MCHOD PA'O, ,BYA BA'I RGYUD LA SOGS PA RNAMS LA SBA BAR BYA BAS GSANG BA YE SHES RDO RJE CAN TE SLOB BZHIN PA'I RNAL 'BYOR PA RNAMS KYIS SNGAGS SGRUB PA LA SOGS PA RNAMS KYI DNGOS GRUB MA LUS PAR BSKYED PAR BYED DO, ,DE LA RKANG PA DANG PO GNYIS KYIS MCHOG GI DNGOS GRUB DANG, THA MA GNYIS KYIS 'JIG RTEN PA'I DNGOS GRUB BSTAN TO, ,LE'U BRGYAD PA'I RNAM BSHAD DO,, ,, ` DBANG BSKUR BA RDZOGS PAS RMAD DU BYUNG BA'I BYA BAS KYANG BYANG CHUB BSGRUB PAR BYA'O, ,ZHES BSTAN PA'I PHYIR, LE'U DGU PA 'CHAD PA LA GNYIS TE, BSDUS PA'I DON DANG, YAN LAG GI DON NO, ,BSDUS PA'I DON LA GNYIS KYI, BRJOD BYA DON GYI BSDUS DON NI, LE'U 'DI'I STOD NAS, RMAD DU BYUNG BA'I LUNG BSTAN PA DANG, RKED NAS KLAN KA NGAN PA'I RTZOD PA SPANG BA DANG, SMAD NAS NGO MTSAR BA'I CHED DU @346 BRJOD PA BSTAN TO, ,SGRA'I BSDUS DON NI GO SLA'O, ,YAN LAG GI DON LA GNYIS KYI, MDOR BSTAN PA NI, LE'U BRGYAD PA RDZOGS PA'I RJES SU DE NAS RAB TU BSHAD CES SBYAR, SU ZHIG GIS NA, RGYAL PO RDO RJE 'DZIN TE RDO RJE 'CHANG GIS SO, ,DE'I KHYAD PAR NI, STONG PA BZHI'I BDAG NYID YIN PAS NA THAMS CAD NAM MKHA'O, ,DE NYID KYIS NA MI 'GYUR MCHOG GO ,BYA BA'I RGYUD LA SOGS PA RAB TU ZHUGS PA RNAMS KYI DBANG BSKUR BA'I SPYOD PA THAMS CAD KYI STENG NA GNAS PAS NA THAMS CAD DBANG BSKUR SPYOD PA'I MCHOG GO ,KUN DON NI RNAM SNANG LA SOGS PAS TE, DNGOS GRUB 'DOD PA RNAMS KYIS DON DU GNYER ZHING GSOL BA 'DEBS PA'I PHYIR RO, , DE RNAMS KYI DBANG PHYUG DAM PA DE BZHIN GSHEGS PA DRUG PAS SO, ,GANG ZHIG BSHAD CE NA, DKYIL 'KHOR GANG DU BDAG NYID KYI SKU GSUNG THUGS LA LONGS SPYOD PAR MDZAD PA RDO RJE GSUM MI PHYED PA'I RANG BZHIN GYI DKYIL 'KHOR RO, ,DE NYID NI RIN PO CHE LTA BU'I GANG ZAG KHO NA LA BSTAN PAR BYA BA YIN PAS SANGS RGYAS YE SHES CAN TE, NYAN THOS LA SOGS PA RNAMS LA MI BSTAN PAS GSANG BA'O, ,SKAL BA DANG LDAN PA RNAMS TSIM PAR BYED PAS NYAMS DGA' MCHOG GO ,RGYAS PAR BSHAD PA LA GSUM STE, RMAD DU BYUNG BAS LUNG BSTAN PA DANG, KLAN KA NGAN PA'I RTZOD PA BZLOG PA DANG, NGO MTSAR BA'I CHED DU BRJOD PA'O, ,DANG PO LA DRANG DON DANG, NGES DON GNYIS KYI, DRANG DON LA YANG LNGA YOD PA'I MI BSKYOD PA'I RNAL 'BYOR PAS BSAD PA'I LAS BSGRUB PA LA, SPYI DON DANG, GZHUNG DON GNYIS KYI, SPYI'I DON LA @347 DGU YOD PA'I, RTEN GYI KHYAD PAR NI, DRAN PA GCIG PA'I TING NGE 'DZIN MTHAR PHYIN NAS, PHRA MO'I RNAL 'BYOR GYIS SEMS SBYANGS TE, ZLA BA DRUG TU RIG PA'I BRTUL ZHUGS KYI SPYOD PA LA BSLABS PA'O, ,RTEN GYI KHYAD PAR 'DI NI 'OG MA RNAMS LA'ANG SHES PAR BYA'O, ,YUL GYI KHYAD PAR NI, DKON MCHOG GSUM DANG RDO RJE SLOB DPON SOGS LA GNOD PA BYED PA STE, LE'U BCU GSUM PA LAS, MA DAD SMRA BA'I SEMS CAN DANG, ,ZHES SOGS GSUNGS SO, ,GNAS KYI KHYAD PAR NI, LE'U BCU BZHI PA LAS, MA MO'I GNAS SAM DUR KHROD DAM, KHANG STONG DANG NI BZHI MDO DANG, , MTSAN MA GCIG DANG SHING GCIG DRUNG, ,MNGON PAR SPYOD PA BRTZAM PAR BYA, ,ZHES PA LTAR RO, ,DUS KYI KHYAD PAR NI, GNYIS TE, ZLA BA'I DUS DANG, NYIN ZHAG GI DUS SO, ,ZLA BA'I DUS NI MAR NGO'O, ,DE SKAD DU YANG BSHAD RGYUD LAS, DBANG DANG MNGON SPYOD LA SOGS PA, ,ZLA BA MAR GYI NGO LA BRTZAM, ,DBANG DANG MNGON SPYOD DBANG GI LAS, ,NYI MA'I GUNG DANG MTSAN PHYED LA'O, ,ZHES GSUNGS SO, ,PHYOGS KYI KHYAD PAR NI, ME'I PHYOGS TE, GSOD PA NYID LA ME'I PHYOGS, ,ZHES GSUNGS SO, ,KHA DOG GI KHYAD PAR NI, SGRUB PA PO'I CHAS GOS DANG MCHOD RDZAS DANG LHA'I KHA DOG RNAMS NAG POR BYAS TE, KHA DOG NAG PO GSOD PA'I LAS LA'O, ,ZHES GSUNGS SO, ,BSAM PA'I KHYAD PAR NI, KHROS PA'I SEMS KYIS BYA STE, KHROS PA'I SEMS KYIS GSOD PA LA'O, ,ZHES GSUNGS SO, KHA ZAS KHYAD PAR NI, MNGON SPYOD KYI DUS SU SHA CHEN PO LA LONGS SPYOD PA LA LE'U DRUG PAR BSHAD DO, ,CHO GA'I KHYAD @348 PAR NI, RANG RIGS KYI PHYAG RGYA BZHI'AM GCIG GANG 'BYOR DANG LHAN CIG TU GNAS PAR BYA STE, LE'U BCU GNYIS PA LAS, LAM GYI BZHI MDO SHING GCIG DRUNG, , MTSAN MA GCIG DANG ZHI GNAS SU, ,ZHES PAS BSTAN TO, ,DE NAS BSRUNG BA'I 'KHOR LO SNGON DU 'GRO BAS GZHAL YAS KHANG DAN DANG BCAS PA BSKYED LA, GZHAL YAS KHANG GI NANG DU RAm LAS ME'I DKYIL 'KHOR BSKYED NAS, DER LHAG MOS MDZAD PA DANG BCAS PA BSGOMS LA, LHAG MOS BSDU BA SNGON DU 'GRO BAS, RNAL 'BYOR BZHI'I SGO NAS GTZO BO MI BSKYOD PA'I SKUR BSKYED PA'I DUS SU ZLA BA LAS BYANG CHUB PA NYI MAR BYA BA DANG, YIG 'BRU LAS BYANG CHUB PA H'Um RING PO TZAM DU BYA, MTSAN MA LAS BYANG CHUB PA RDO RJE RTZE LNGA PA KHA CUNG ZAD GYES PAR BYA'O, ,DE YONGS SU GYUR PA LAS, LHA'I SKU ZHAL BZHI PA PHYAG DRUG PA PHYAG G-YAS KYI DANG PO NA RDO RJE RTZE DGU PA KHA CUNG ZAD GYES PA BSNAMS PAR BSAMS NAS, SEMS DPA' SUM BRTZEG GI BAR DU BSGOMS PA'I TING NGE 'DZIN SEMS DPA'I 'OD ZER GYIS PHYOGS BCU'I SANGS RGYAS THAMS CAD KYI MA RUNGS PA 'DUL BA'I THUGS KYI NUS PA THAMS CAD BSDUS TE, BDAG LA BCUG PA'I MTHAR THUG PA NI DANG PO SBYOR BA'O, , DE NAS PHYAG RGYA DANG, SNYOMS PAR ZHUGS TE, LHA THAMS CAD KYANG KHA DOG NAG PO, KHRO ZHING 'KHRUGS PA'I CHA LUGS THAMS CAD DANG LDAN PAR, PHYAG RGYA'I CHOS 'BYUNG DU BSKYED LA, 'BYIN SNGAGS KYIS PHYI ROL DU SPRO BA'I DUS SU LHA PHO MO'I DBYE BAS LHA PHO THAMS CAD GTZO BO'I G-YAS SU 'GOD, LHA MO THAMS CAD G-YON DU 'GOD @349 DO, ,GZHAN YANG 'JIG RTEN PA'I LHA GNOD SBYIN DANG, WA DANG BYA ROG DANG, BYA RGOD DANG, KHYI DANG, LCE SPYANG LA SOGS PA MA RUNGS PA SNA TSOGS KYIS KYANG DKYIL 'KHOR GYI THO PHYI GANG BAR BSAMS TE, LE'U BCU GSUM PA LAS, NAM MKHA' RDO RJE SRIN PO NI, ,DRAG CING KHRO LA RAB TU GTUM, ,WA DANG BYA ROG SNA TSOGS DANG, , BYA RGOD KHYI YIS GANG BAR BSGOM, ,ZHES GSUNGS SO, ,DE NAS BDAG GI PHYAG G-YAS KYI DANG PO'I RDO RJE LAS 'OD ZER 'PHROS PAS, SANGS RGYAS THAMS CAD KYI MA RUNGS PA 'DUL BA'I THUGS KYI NUS PA THAMS CAD BSDUS NAS, DKYIL 'KHOR PA'I LHA RNAMS LA BSTIMS PAS, SNGA MA BAS KYANG CHES KHROS SHING 'KHRUGS PAR BSAM PA NI DKYIL 'KHOR RGYAL MCHOG GO, DE NAS YANG, BDAG GI PHYAG G-YAS KYI DANG PO'I RDO RJE LAS 'OD ZER 'PHROS PAS, SEMS CAN THAMS CAD KYI RGYUD LA YOD PA'I ZHE SDANG GI DUM BU THAMS CAD 'OD ZER NAG PO'I TSUL DU BSDUS TE, DE LAS 'BYUNG PO NAG PO'I GZUGS SU BSAMS LA, DE DGRA BO'I LUS LA BSTIMS PAS, DGRA BO RDO RJE GNOD SBYIN SRIN PO'I GZUGS SU GYUR TE, ZHAL BZHI PA PHYAG BZHI PA STA RE DANG DGRA STA LA SOGS PA PHYAG NA BSNAMS PAR BSAMS TE, LE'U BCO LNGA PA LAS, RDO RJE SEMS DPA' KHRO BO CHE, ,RNAM PAR BGRAD PA 'JIGS 'JIGS LTA, ,STA RE THO BA PHYAG NA BSNAMS, ,ZHES GSUNGS SO, ,DE NI KHAMS GSUM GYI SEMS CAN DE BZHIN GSHEGS PA'I SNYING PO CAN, BSLAB PA'I GZHI LNGA LA GNAS PA SOGS DANG, NYAN THOS DANG, RANG SANGS RGYAS DANG, BYANG CHUB SEMS DPA' @350 DANG, DE BZHIN GSHEGS PAS KYANG 'JIG RTEN GYI KHAMS GANG BAR BSAM TE, DE DAG THAMS CAD RDO RJE GNOD SBYIN DES BSAD DE, BSAD PA TZAM GYIS 'GYOD PA SKYES NAS, LUS 'DAR BUS THEBS, LUS TIL MAR GYIS BSKUS, SROG BYE BA SKYABS MED PA SKRA GROL BAR SKYES PAR BSAMS TE, DE NAS BDAG GI MDUN NA GNAS PA'I GNOD MDZES RGYAL PO LA SUM BHA NI'I BKA' BSGOS TE, DES KYANG BSGRUB BYA DE RLUNG GI DKYIL 'KHOR G-YO BA'I GZUGS CAN LA BSKYON, MGRIN PA ZHAGS PAS BCINGS, SNYING LCAGS KYUS DRANGS NAS 'ONG STE, MDUN DU BZHAG LA DE NAS DE LA 'DIS NI, KHAMS GSUM GYI SEMS CAN THAMS CAD BSAD DO ZHES SOGS SDIG PA'I DRI MA BSGRAGS LA, DE NAS, SKU GSUNG THUGS KYI SBYOR BA CAN, ,SANGS RGYAS THAMS CAD BDAG LA GSON, ,BDAG NI DPAL LDAN RDO RJE 'DZIN, ,KA YI 'KHOR LO RAB SBYOR BAS, ,ZHES SOGS BRJOD PAS, DKYIL 'KHOR GYI LHA RNAMS KYIS DGRA BO'I LUS BSIL BA DANG, BRTUBS PAR BSAMS PAS, 'JIG RTEN PA'I LHA DANG, BYA ROG DANG, 'UG PA LA SOGS PAS, KHRAG DANG, RGYU MA LA SOGS PA'I MTHAR THUG PAR ZOS PAR BSAM MO, ,DE NAS, DE'I RNAM PAR SHES PA AA THUNG GI GZUGS CAN ZA MA TOG TU BCUG STE, GNOD MDZES KYIS MI BSKYOD PA'I ZHING KHAMS SU BSKYAL TE, BYANG CHUB SEMS DPAR SKYES PAR BSAMS NA, ZLA BA PHYED DAM ZHAG BDUN GYIS 'CHI BAR 'GYUR LA, BDAG GIS THUGS KYI DNGOS GRUB THOB PAR 'GYUR RO, ,GZHUNG GI DON NI NAM MKHA'I DBYINGS KYI DBUS GNAS PAR, ,ZHES @351 PA NI, YE SHES KYI SA BSKYED PA LA SOGS PA SNGON DU 'GRO BAS, GZHAL YAS KHANG GDAN DANG BCAS PA SKYED PA'O, ,DE NAS LHAG MOS KYI DKYIL 'KHOR BSGOM PA NI, SANGS RGYAS DKYIL 'KHOR BSGOM PAR BYA, ,ZHES PA'O, , LHAG MOS BSDU BA SNGON DU 'GRO BAS RNAL 'BYOR BZHIS MI BSKYOD PA BSKYED PA NI, RDO RJE MI BSKYOD RAB BSGOMS NAS, ,ZHES SO, ,DE'I PHYAG MTSAN GYI KHYAD PAR NI, LAG TU ZHES SOGS RKANG PA GSUM GYIS BSTAN TO, ,DE LTAR DKYIL 'KHOR RGYAL MCHOG BSKYED NAS, LAS RGYAL MCHOG GI DUS SU, DGRA BO RDO RJE GNOD SBYIN SRIN PO'I GZUGS SU BSKYED NAS, DE NAS SEMS CAN THAMS CAD DANG, DE BZHIN GSHEGS PAS 'JIG RTEN GYI KHAMS GANG BAR BSGOM PA NI, DUS GSUM PA'I SANGS RGYAS RNAMS BSGOMS NAS ZHES PA'O, ,DE DAG THAMS CAD RDO RJE GNOD SBYIN GYIS BSAD PA NI, RDO RJE ZHES SOGS RKANG PA GSUM MO, ,DE NAS DGRA BO 'GYOD PA SKYES PA SOGS SU BSAMS LA, GNOD MDZES LA BKA' BSGO BA DANG, BSGRUB BYA BKUG STE MDUN DU BZHAG PA DANG, SDIG PA'I DRI MA BSGRAG PA DANG, 'JIG RTEN LAS 'DAS PA'I KHRO BO RNAMS LA BKA' BSGOS PAS, BSGRUB BYA PHYI ROL GYI DUR KHROD DU KHYER TE BSAD PA DANG, DE'I SHA LA SOGS PA ZOS TE RNAM PAR SHES PA LA AA THUNG GI GZUGS CAN ZA MA TOG TU BCUG STE, MI BSKYOD PA'I ZHING DU BSKYAL BAS, BYANG CHUB SEMS DPAR SKYES PAR BSAM PA NI, BSAM GTAN MCHOG STE BSGOM NA ZHES PA'O, ,DES PHAN YON CI ZHIG 'THOB PAR 'GYUR ZHE NA, SGRUB PA @352 PO'I PHAN YON NI, THUGS KYI DNGOS GRUB THOB PAR 'GYUR, ZHES PA'O, ,BSGRUB BYA'I PHAN YON NI, RDO RJE GSANG BA 'DI LTA BU, ,ZHES SOGS SO, ,GZHUNG BSDU BA NI, 'DI NI ZHES SOGS SO, ,GTI MUG GI RIGS KYI DAM TSIG LA, SPYI'I DON DANG, YAN LAG GI DON GNYIS KYI, SPYI'I DON NI, RNAM SNANG GI ZLOS PA POS NOR BLANGS PA'I SGO NAS SER SNA CAN GYI SEMS CAN GYI DON BYA BAR 'DOD NA, RTEN GYI KHYAD PAR SNGAR DANG 'DRA'O, ,YUL GYI KHYAD PAR NI, SER SNA CAN NO, ,DUS KYI KHYAD PAR NI SNGAR DANG 'DRA'O, ,GNAS KYI KHYAD PAR NI, DGON PA CHEN PO LA SOGS PA SGRUB PA PO RANG NYID YID DU 'ONG BA'O, ,PHYOGS KYI KHYAD PAR NI, SER SNA CAN GYI SER SNA YOD PA DER KHA BLTA BA'O, KHA DOG GYI KHYAD PAR NI, GANG BLANG BAR 'DOD PA'I NOR GYI KHA DOG MTHUN PAR BYA'O, ,BSAM PA'I KHYAD PAR NI, SER SNA CAN GYI SER SNA DANG BRAL BA BYA BA'O, ,CHO GA'I KHYAD PAR NI, RANG RIGS KYI PHYAG RGYA GCIG GAM BZHI GANG RUNG LHAN CIG GNAS TE, SRUNG BA'I 'KHOR LO LA SOGS PA SNGON DU 'GRO BAS, ZLA BA LAS BYANG CHUB PA YAN CHAD SNGAR DANG 'DRA LA, YIG 'BRU LAS BYANG CHUB PA AOm MO, PHYAG MTSAN LAS BYANG CHUB PA 'KHOR LO'O, ,DE LAS RNAM PAR SNANG MDZAD BSKYED DE, SEMS DPA' SUM BRTZEG GI BAR DU RNAL 'BYOR BZHIS BSKYED PA NI DANG PO SBYOR BA'O, ,DE NAS RANG RIGS KYI PHYAG RGYA DANG SNYOMS PAR ZHUGS PA LAS CHO GA GSUM GYIS LHA THAMS CAD BLANG BA'I RNAL 'BYOR DANG KHA DOG MTHUN PAR BSKYED NAS PHYI ROL TU SPROS TE, RANG RANG GI GNAS SU BKOD PA NI, DKYIL @353 'KHOR RGYAL MCHOG GO ,RTEN DE LA GNAS TE, LHA THAMS CAD KYI BA SPU'I BU GA'I TSOGS NAS, 'OD ZER DKAR PO LA SOGS PA NOR DANG KHA DOG MTHUN PA ZHAGS PA LTA BUR SPROS TE BCINGS PAS, NOR GZHAN DU MI G-YO BAR BYA'O, ,DE NAS RANG GI LCE'I PAD MA'I STENG DU HR'I BSAMS LA, DE LAS 'OD ZER GYI LCAGS KYU PHYUNG PAS, SER SNA CAN GYI BANG MDZOD NAS NOR DRANGS TE, RANG GI BANG MDZOD LA SOGS PAR BZHAG PAS GANG BAR BSAM MO, ,DE NAS NOR DE DAG GIS MCHOD SBYIN CHEN PO BYAS TE, DES RANG GZHAN GNYIS KA'I SER SNA'I NYES PA 'JIL BAR 'GYUR TE, BSGRUB BYA SBYIN BDAG YIN LA, SGRUB PA PO SBYIN PA PO YIN PAS, GNYIS KA'I BSOD NAMS THOB PA'I PHYIR RO, ,YAN LAG GI DON LA GSUM GYI, SDUD PA PO'I TSIG GIS MTSAMS SBYAR BA NI, DE NAS BKA' BSTZAL TO ZHES SBYAR, SU ZHIG GIS NA, RGYAL PO RDO RJE 'DZIN GYIS SO, ,DE'I KHYAD PAR NI, GTI MUG GIS YANG DAG PA'I MTHA' THOB PAR MDZAD PAS NA, MI SHES THAR PA RAB BSGRUB PA'O, ,NGO BO NYID DAM RANG BZHIN GYIS DAG PA DANG, BSOD NAMS DANG BSOD NAMS MA YIN PAS GOS PA MED PA DANG, SEMS CAN THAMS CAD KYI RGYUD LA YOD PA'I SER SNA'I DRI MA SBYONG BA'I BYANG CHUB KYI SPYOD PA RAB TU STON PA POS SO, ,GANG ZHIG CE NA, SANGS RGYAS KYI BYANG CHUB BSGRUB CING BSKYED PAR BYED PA'I THABS PHYIN CI MA LOG PAS, YANG DAG PA'I RDZAS DGUG PA'I DAM TSIG GO ,LAS SBYOR DNGOS NI, NAM MKHA'I DBYINGS KYI DBUS GNAS PAR, ,ZHES PA, SRUNG 'KHOR SOGS SNGON DU 'GRO BA'I GZHAL YAS @354 KHANG GDAN DANG BCAS PA BSKYED PA'O, ,DER LHAG MOS MDZAD PA DANG BCAS PA BSGOM PA NI, 'KHOR LO'I DKYIL 'KHOR BSGOM PAR BYA, ,ZHES PA'O, ,LHAG MOS BSDU BA SNGON DU 'GRO BAS, RNAL 'BYOR BZHIS RNAM SNANG BSKYED PA NI, RNAM PAR SNANG MDZAD RAB BSGOMS TE, ,ZHES SO, ,DKYIL 'KHOR RGYAL MCHOG SPRUL PA NI, SANGS RGYAS THAMS CAD RAB TU BSGOMS, ,ZHES PA'O, ,LHA RNAMS KHA DOG JI LTA BU BSGOM ZHE NA, RIN CHEN KUN GYI ZHES PA RKANG PA GNYIS SO, ,LAS RGYAL MCHOG NI, NOR RNAMS THAMS CAD CES PA'O, ,NOR DE DAG JI LTAR DGUG PAR BYA ZHE NA, RDO RJE GSUM DU RNAM BSGOM ZHES TE, RDO RJE GSUM NI SKU GSUNG THUGS SO, ,DE LA SKU BSGOM PA NI, BA SPU'I BU GA NAS NOR GYI KHA DOG DANG MTHUN PA'I 'OD ZER ZHAGS PA LTA BU SPROS PAS, MNGON PAR 'DOD PA'I RIN PO CHE'I RIGS BCINGS PA'O, , GSUNG RNAM PAR BSGOM PA NI, LCE'I PAD MA'I HR'I LAS BYUNG BA'I 'OD ZER GYI LCAGS KYUS NOR DRANGS PA'O, ,THUGS RNAM PAR BSGOM PA NI, NOR DRANGS PA DE DAG RANG GI KHYIM DU BZHAG PAR YID LA BSGOM PA'O, ,DES PHAN YON CIR 'GYUR ZHE NA, 'JIG RTEN PA'I PHUN SUM TSOGS PA 'BYOR PA NI, NOR GYI RGYA MTSO ZHES SO, ,'JIG RTEN LAS 'DAS PA'I 'BRAS BU 'GRUB PA NI, SANGS RGYAS KUN GYI ZHES TE, SANGS RGYAS THAMS CAD KYI SRAS KYI GTZO BOR GYUR PA DANG, PHYIS DE BZHIN GSHEGS PAR YANG 'GYUR BA'O, ,DE DAG GI GZHUNG NYE BAR BSDU BA NI, 'DI NI ZHES SOGS SO, , 'DOD CHAGS KYI RIGS KYI DAM TSIG LA GNYIS KYI, SPYI'I DON NI, 'OD DPAG @355 TU MED PA'I RNAL 'BYOR, NANG LA MCHOG TU GZHOL BA, THUN MONG GI BSNYEN PA MTHAR PHYIN PAS, 'DOD CHAGS KYI DAM TSIG SNYOMS 'JUG GI SGO NAS GZHAN DON BYED PAR 'DOD NA, YUL GYI KHYAD PAR NI, 'DOD CHAGS SPYAD PAS 'DUL BA'I BUD MED DO, ,DUS DANG GNAS KYI KHYAD PAR NI, SNGA MA DANG 'DRA'O, ,PHYOGS KYI KHYAD PAR NI, CHOG CAN GANG NA YOD PA'I PHYOGS SU KHA BLTA BA'O, KHA DOG GI KHYAD PAR NI DMAR POR BYA'O, ,BSAM PA'I KHYAD PAR NI, CHAGS PA'I SEMS KYIS SO, , CHO GA'I KHYAD PAR NI, RANG RIGS KYI PHYAG RGYA BZHI'AM GCIG GANG RUNG DANG LHAN CIG GNAS TE, SRUNG BA'I 'KHOR LO SOGS SNGON DU 'GRO BAS, MNGON BYANG LNGAS 'OD DPAG TU MED PA BSKYED DE, YIG 'BRU LAS BYANG CHUB PA AA DANG, PHYAG MTSAN LAS BYANG CHUB PA PAD MAS BYA BA NI KHYAD PAR RO, ,DE NAS SEMS DPA' SUM BRTZEG GI BAR DU RNAL 'BYOR BZHIS BSKYED PA NI DANG PO SBYOR BA'O, ,DE NAS RANG RIGS KYI PHYAG RGYA DANG SNYOMS PAR ZHUGS PA LAS, CHO GA GSUM GYIS LHA RNAMS KHA DOG DMAR POR BSKYED NAS, SPROS, BSDUS TE RANG RANG GI GNAS SU BKOD PA NI, DKYIL 'KHOR RGYAL MCHOG GO ,LAS RGYAL MCHOG NI, 'DOD PA SPYAD PAS 'DUL BA'I BUD MED DE MDUN DU BZHAG STE, RNAL 'BYOR BZHIS GOS DKAR MOR BSKYED DE, KA RA NA'I SBYOR BA SNGON DU 'GRO BAS SNYOMS 'JUG BYAS NA, SANGS RGYAS KYI BSTAN PA LA CHUD PA LA SOGS PAR 'GYUR RO, ,YAN LAG GI DON LA GSUM GYI, SDUD PA PO'I TSIG GIS MTSAMS SBYAR BA NI, DE NAS BKA' BSTZAL TO, ,ZHES SBYAR, SU ZHIG @356 GIS NA, RGYAL PO RDO RJE 'DZIN GYIS SO, ,GANG ZHIG CE NA, CHAGS CAN 'DUL BA'I DON DU, 'DOD CHAGS DANG BCAS PA LTA BU'I GZUGS SU BSKYED NAS, THAR PA 'DOD PA RNAMS LA SDUG BSNGAL DANG BRAL BA'I THAR PA SGRUB PAR MDZAD PAS NA, 'DOD CHAGS THAR PA RAB SGRUB PA'O, ,BDEN PA GNYIS KA BDAG NYID CAN YIN PAS NA GSANG BA DAG PA'O, ,MI GNAS PA'I MYA NGAN LAS 'DAS PA LA GNAS PAS NA DMIGS PA MED PA 'OD DPAG TU MED PA'I DAM TSIG GI DKYIL 'KHOR RO, ,LAS SBYOR DNGOS NI, NAM MKHA'I DBYINGS KYI DBUS GNAS PAR, ,ZHES PA, GZHAL YAS KHANG GDAN DANG BCAS PA BSKYED PA'I BAR RO, ,DER LHAG MOS MDZAD PA DANG BCAS PA BSGOM PA NI, PAD MA'I DKYIL 'KHOR BSGOM PAR BYA, ,ZHES SO, ,DE NAS LHAG MOS BSDU BA SNGO DU 'GRO BA'I RNAL 'BYOR BZHIS GTZO BO 'OD DPAG TU MED PA BSKYED PA NI, DPAG MED CHE NI RAB BSGOMS TE, ZHES SO, ,DKYIL 'KHOR RGYAL MCHOG BSKYED PA NI, SANGS RGYAS RNAMS KYIS THAMS CAD DGANG, ,ZHES SO, , LAS RGYAL MCHOG GI SKABS SU, BSGRUB BYA RNAL 'BYOR BZHIS GOS DKAR MOR BSKYED PA NI, BUD MED LTA BUR ZHES PA RKANG PA GSUM MO, ,DE NYID LA SNYOMS PAR 'JUG PA NI, 'DI NI RDO RJE ZHES PA RKANG PA GSUM MO, ,PHAN YON CI ZHIG 'THOB CE NA, BSHAD MA THAG PA'I LAS SBYOR 'DI NI, RDO RJE STE SGRUB PA PO THAMS CAD KYI CHOS DANG, LONGS SPYOD RDZOGS PA DANG, SPRUL PA'I NGO BO NYID KYI SKU GSUM MI PHYED PA BSGRUB CING BSKYED PA'O, ,GZHUNG NYE BAR BSDU BA NI, 'DI NI ZHES SOGS SO, ,LAS KYI @357 RIGS KYI DAM TSIG LA GNYIS TE, SPYI'I DON NI DON YOD GRUB NI RNAL 'BYOR PA SNANG LA MCHOG TU GZHOL BA BSNYEN PA MTHAR PHYIN PAS, LAS KYI RIGS KYI DBANG TSIG BRDZUN DU SMRAS PA'I SGO NAS SEMS CAN GYI DON BYED PAR 'DOD NA, YUL GYI KHYAD PAR RDZUN DU SMRA BAS 'DUL BA'I SEMS CAN NO, ,DUS DANG GNAS KYI KHYAD PAR SNGA MA BZHIN NO, ,PHYOGS KYI KHYAD PAR BSGRUB BYA GANG NA YOD PA'I PHYOGS DER KHA BLTA BA'O, ,KHA DOG GI KHYAD PAR BSNYEN PA'I DUS DANG KHYAD PAR MED DO, ,BSAM PA'I KHYAD PAR NI, BRDZUN DU SMRAS PAS SEMS CAN LA PHAN 'DOGS PAR 'DOD PA'O,, CHO GA'I KHYAD PAR NI, RANG RIGS KYI PHYAG RGYA BZHI'AM GCIG GANG RUNG DANG LHAN CIG TU GNAS NAS, SRUNG BA'I 'KHOR LO LA SOGS PA SNGON DU 'GRO BAS, MNGON BYANG LNGAS DON YOD GRUB PA BSKYED DE, YIG 'BRU LAS BYANG CHUB PA YIG GE HA DANG, PHYAG MTSAN LAS BYANG CHUB PA RAL GRI LAS BYA BA NI KHYAD PAR RO, ,DE NAS SEMS DPA' SUM BRTZEG GI BAR DU RNAL 'BYOR BZHIS BSKYED PA DANG PO SBYOR BA'O, ,DE NAS RANG RIGS KYI PHYAG RGYA DANG SNYOMS PAR ZHUGS TE, YUM GYI CHOS 'BYUNG DU LHA THAMS CAD CHO GA GSUM GYIS BSKYED NAS, SPROS, BSDUS, RANG RANG GI GNAS SU BKOD PA NI DKYIL 'KHOR RGYAL MCHOG GO ,LAS RGYAL MCHOG LA GNYIS TE, RDZUN PA'I DON BSGOM PA DANG, DNGOS SU BRDZUN SMRA BA'O, ,RDZUN PA'I DON BSGOM PA NI SEMS CAN THAMS CAD MDUN DU BSGOM LA, SEMS CAN DANG DE BZHIN GSHEGS PA THAMS CAD LA CHOS THAMS CAD KYI RDZUN PA SLU BA'I CHOS CAN, SGYU MA LTA BU ZHES @358 TSIG DU BRJOD CING YID LA BSGOM MO, ,DE SKAD DU YANG MDO LAS, LHA'I BU CHOS THAMS CAD RDZUN PA SGYU MA LTA BU'O, ,NGA YANG DE BZHIN DU STON PAR BYED DE, DES NA NGA NI BRDZUN DU SMRA BA'O ZHES GSUNGS SO, ,GNYIS PA DNGOS SU RDZUN DU SMRA BA NI, GZHAN DAG SDIG PA LAS BZLOG PA DANG, SDUG BSNGAL LAS BSKYAB PA'I PHYIR, BRDZUN SMRAS PA LA DGOS PA YOD NA, YANG DANG YANG DU BRDZUN SMRA BAR BYA STE, DE SKAD DU YANG, GZHAN RNAMS BDE BAR BYA PHYIR DANG, ,SLOB DPON BDE BA'I RGYU DANG NI, , DKON MCHOG GSUM LA GNOD PA LA, ,RTAG PAR BRDZUN DU SMRA BAR BYA, ,ZHES GSUNGS PA'I PHYIR RO, ,YAN LAG GI DON LA GSUM GYI DANG PO SDUD PA PO'I TSIG GIS MTSAMS SBYAR BA NI DE NAS BKA' BSTZAL TO ZHES SBYAR, SU ZHIG GIS NA, RGYAL BA RDO RJE 'DZIN GYIS SO, ,BCOM LDAN 'DAS DE NYID 'JUG GNAS LDANG GSUM GYI MTSAN NYID CAN GYI RDO RJE BZLAS PA STON PAS, GDUL BYA'I DON SGRUB PAR MDZAD PAS NA RDO RJE SNGAGS KYI DON SGRUB PA'O, ,SGYU MA LTA BU'I SKU DANG LDAN PAS NA BDAG MED PA'O, ,CHOS KYI SKU LAS BYUNG BAS NA YE SHES LAS BYUNG BA'O, ,GANG ZHIG NA, 'OG NAS 'BYUNG BA'I GSUNG 'DI SKAD DO, ,LAS SBYOR DNGOS NI, NAM MKHA'I DBYINGS KYI DBUS GNAS PAR, ,ZHES PAS, GZHAL YAS KHANG GDAN DANG BCAS PA BSGOM PA'O, ,DER LHAG MOS MDZAD PA DANG BCAS PA BSGOM PA NI, SANGS RGYAS DKYIL 'KHOR ZHES SO, ,LAS RGYAL MCHOG NI, THAMS CAD GZUGS SU RNAM BSGOMS NAS, ,ZHES PA TSIGS RKANG PA DRUG STE, CHOS THAMS CAD BRDZUN PA'O, ,SLU BA'O,, @359 ZHES PA 'DI NI SANGS RGYAS THAMS CAD KYI GSUNG NAM MKHA' DANG 'DRA BAR DNGOS PO MED CING, DRI MA MED PA'O, ,PHAN YON NI, YE SHES BLO CAN ZHES PA RKANG PA GNYIS SO, ,GZHUNG NYE BAR BSDU BA NI, 'DI NI ZHES SOGS SO, ,SPRO BAR BYA'O ZHES PA NI, YANG DANG YANG DU BSLAB PAR BYA'O ZHES PA'O, ,RIN PO CHE'I RIGS KYI DAM TSIG BSTAN PA LA GNYIS KYI, SPYI'I DON NI, RIN CHEN 'BYUNG LDAN GYI RNAL 'BYOR PAS RIN PO CHE'I RIGS KYI DAM TSIG TSIG RTZUB SMRAS PA'I SGO NAS SEMS CAN GYI DON BYED NA, THUN MONG GI BSNYEN PA MTHAR PHYIN PAR BYAS LA, RANG RIGS KYI PHYAG RGYA BZHI'AM GCIG GANG RUNG DANG LHAN CIG TU GNAS TE, YUL GYI KHYAD PAR NI, TSIG RTZUB SMRAS PAS 'DUL BA'I GANG ZAG GO ,DUS DANG GNAS KYI KHYAD PAR NI SNGA MA BZHIN NO, ,PHYOGS KYI KHYAD PAR NI, BSGRUB BYA GANG NA YOD PA DER KHA BLTA'O, KHA DOG GI KHYAD PAR NI, BSNYEN PA DANG 'DRA'O, ,BSAM PA'I KHYAD PAR NI, TSIG RTZUB SMRAS PAS DON BYA BAR 'DOD PA'O, ,CHO GA'I KHYAD PAR NI, SRUNG BA'I 'KHOR LO SOGS SNGON DU 'GRO BAS, MNGON BYANG LNGAS RIN 'BYUNG BSKYED DE, YIG 'BRU LAS BYANG CHUB PA SOGS DANG, PHYAG MTSAN LAS BYANG CHUB PA RIN PO CHE LAS BYA BA NI KHYAD PAR RO, ,DE NAS SEMS DPA' SUM BRTZEG GI BAR DU RNAL 'BYOR BZHIS BSKYED PA NI DANG PO'I SBYOR BA'O, ,DE NAS RANG RIGS KYI PHYAG RGYA DANG SNYOMS PAR ZHUGS TE CHO GA GSUM GYIS LHA THAMS CAD BSKYED NAS, RANG RANG GI GNAS SU BKOD PA NI, DKYIL 'KHOR RGYAL MCHOG GO ,LAS RGYAL MCHOG NI, TSIG RTZUB SMRAS @360 PAS 'DUL NA DNGOS SU SMRA BAR BYA'O, ,PHAN YON NI, DES RDO RJE 'CHANG CHEN PO MNYES PAR BYAS NAS, ZUNG 'JUG YE SHES THOB PAR 'GYUR BA'O, ,YAN LAG GI DON LA GSUM GYI, SDUD PA PO'I TSIG GIS MTSAMS SBYAR BA NI, DE NAS BKA' BSTZAL TO ZHES SBYAR RO, ,SU ZHIG GIS NA, RGYAL PO RDO RJE 'DZIN GYIS SO, ,BCOM LDAN 'DAS DE NYID SKU GSUNG THUGS KYI RDO RJE GSUM MI PHYED PA YANG YIN LA, DUS GSUM GYI RGYAL BA THAMS CAD BSKYED PA'I GNAS YIN PAS NA, RDO RJE MI PHYED GSUM RGYAL GNAS SO, ,RDO RJE 'CHANG CHEN PO'I DNGOS GRUB STON PAS NA, RDO RJE DNGOS GRUB RAB STON PAS SO, ,GANG ZHIG NA, 'OG NAS 'BYUNG BA'I GSUNG NI 'DI SKAD DO, ,LAS SBYOR DNGOS NI, NAM MKHA'I DBYINGS ZHES PA NI GZHAL YAS KHANG GDAN DANG BCAS PA BSKYED PA'I BAR RO, ,DER LHAG MOS MDZAD PA DANG BCAS PA BSGOM PA NI, DAM TSIG DKYIL 'KHOR RO ZHES SO, ,RNAL 'BYOR BZHIS GTZO BO BSKYED PA DANG PO'I SBYOR BA NI DKON MCHOG DPAL ZHES PA'O, ,YANG NA SRUNG BA'I 'KHOR LO NAS, LHAG MOS BSDU BA'I BAR RKANG PA DANG POS BSTAN LA, MNGON BYANG LNGA LAS DANG PO'I MGON PO BSKYED PA RKANG PA GNYIS PAS BSTAN CING, SPRUL SKUR BSGYUR BA NAS SEMS DPA' SUM BRTZEG TU BSGOM PA'I BAR RKANG PA GSUM PAS BSTAN TE, RIGS SNGA MA BZHI PO LA YANG DE BZHIN DU SHES PAR BYA'O, ,DKYIL 'KHOR RGYAL MCHOG NI, GZUGS RNAMS KUN GYI ZHES PA'O, ,LAS RGYAL MCHOG PHAN YON DANG BCAS PA NI, RTZUB PA'I NGAG CES SOGS SO, ,GZHUNG NYE BAR BSDU BA NI, BCOM LDAN 'DAS ZHES @361 SOGS GSUNGS SO, ,RDO RJE'I BKOD PA NI RDO RJE 'CHANG CHEN PO'O, ,RDO RJE TSIG DE DAG NGES DON DU BSHAD PA LA GSUM STE, 'KHOR GYI GSOL BA BTAB PA DANG, STON PAS SPRO BA BSKYED DE ZHAL GYIS BZHES PA DANG, LAN DNGOS BSTAN PA'O, ,'KHOR GYIS GSOL BA BTAB PA NI, ,DGONGS PA LUNG STON LAS, DE NI DGONGS PA'I CHOS GCIG PU, ,DAM TSIG DE NI DON GSUNGS LA, ,GTZO BO KUN MKHYEN THAMS CAD RIG ,MGON LA PHYAG NA RDO RJES GSOL, ,DE BZHIN NYID DU DNGOS GCIG PA'I, , DUS GSUM 'BYUNG BA'I SANGS RGYAS GANG, ,CHOS SKU GCIG PU LAS 'KHRUNGS PA, ,JI LTAR RDO RJE PHYE MAR BRLAG ,DE NI CHER BRLAGS GYUR PA LAS, ,JI LTAR YANG DAG SEMS 'GRUB 'GYUR, ,'DAS PA YI NI STON PA DANG, ,DA LTAR RJES SU STON MDZAD DANG, ,MNYES BYA MA BYON SANGS RGYAS RNAMS, ,RDZOGS PA'I BYANG CHUB STZOL BA PO, , MI BSKYOD GZUGS CAN RDO RJE YIS, ,MGON PO DE RNAMS JI LTAR GZHOM, ,DE NYID SNA TSOGS DON LDAN TSIG ,DE RNAMS KYIS NI JI LTAR RTOGS, ,GANG ZHIG SHES PAS RGYAL SRAS RNAMS, ,DGONGS DON LA DGOS MED GYUR PA, ,MA 'ONGS SKYE BO'I DON DU NI, ,DE NYID BCOM LDAN BSHAD DU GSOL, ,ZHES SO, ,DON NI 'DI YIN TE, RTZA RGYUD DU DUS GSUM GYI SANGS RGYAS THAMS CAD MI BSKYOD PA'I RDO RJES BCOM PAS, THUGS KYI DNGOS GRUB THOB CES BSHAD PA LA SANGS RGYAS RNAMS NI CHOS KYI SKU'I MTSAN NYID CAN YIN PAS, RDO RJES GZHOM PAR MI NUS SHING, BCOM NA YANG DNGOS GRUB THOB PAR MI RIGS LA, MI BSKYOD PA YANG DUS GSUM GYI SANGS RGYAS @362 BSKYED PO YIN PAS DE DAG 'JOMS PAR MI RIGS NA, DE LTAR BSHAD PA'I DGONGS PA CI LAGS ZHES ZHUS PA'O, ,DES MTSON NAS, MA BYIN PAR LEN PA DANG, MI TSANGS PAR SPYOD PA DANG, RDZUN DU SMRA BA DANG, TSIG RTZUB SMRA BA LA SOGS PA'I DON GANG LAGS ZHES ZHUS PA'O, ,DE LTAR GSOL BA BTAB PA DANG, STON PAS SPRO BA BSKYED NAS ZHUS PA'I LAN STON PAR ZHAL GYIS BZHES PA NI, DE NAS RDO RJE 'DZIN SMRA BA'I, ,'GRO LA PHAN PA'I TSIG GSAN NAS, ,DE 'OG GTZO BO RDO RJE 'CHANG, KHYAB BDAG GIS NI SLAR GSUNGS PA, ,LEGS SO BU KHYOD CHER LEGS SO, ,KUN TU BZANG PO KHYOD LEGS SO, ,DGONGS PAS BSHAD PA'I DON DU NI, KHYOD KYIS NGA LA GANG DRIS PA, ,GSUNGS DON JI LTA JI LTA BAR, ,DE NI NGA YIS BSHAD PAR BYA, ,ZHES PA'O, ,LAS SBYOR DNGOS NGES DON DU BSTAN PA NI, RIGS LNGA'I ZLOS PA PO ZUNG 'JUG GI RNAL 'BYOR PA RNAMS KYIS, RANG RANG GI SGYU MA LTA BU'I SKU BSAM GTAN GNYIS GANG RUNG GIS BSHIG NAS 'OD GSAL DU BCUG STE, 'OD GSAL 'DZIN PA'I YAN LAG LAS, RJES DRAN GYI YAN LAG GIS ZUNG 'JUG LONGS SKUR BZHENGS TE, RANG RANG GI LHAG PA'I LHA'I SKUR BSGYUR NAS, DKYIL 'KHOR RGYAL MCHOG BSKYED DE, LAS RGYAL MCHOG BDEN GNYIS DBYER MED LA SLOB PA'I TING NGE 'DZIN DE NYID LDOG PA'I PHYE BAS, SROG GCOD LA SOGS PA'I THA SNYAD BRTAGS PAS TE, TING NGE 'DZIN DE NYID KYIS THA MAL PA'I PHUNG PO KHAMS DANG SKYE MCHED RNAMS BSHIG CING, MI SNANG BAR BYAS PAS SROG GCOD PA DANG, SANGS RGYAS KYI STOBS DANG MI 'JIGS PA @363 SOGS RANG DBANG DU LEN PAS NA RDZAS PHROGS PA DANG, BDEN PA GNYIS DBYER MED DU SBYOR BAS NA DBANG PO GNYIS SBYOR BA DANG, PHYI NANG GI CHOS THAMS CAD RDZUN PA BSLU BA'I CHOS CAN DU STON PAS NA BRDZUN DU SMRA BA DANG, DE NYID DNGOS POR SMRA BA RNAMS KYI RNA BAR MI 'ONG ZHING, MI SNYAN PAS NA, TSIG RTZUB SMRA BA ZHES SOGS THA SNYAD BTAGS SO, ,DE LA ZHE SDANG GI RIGS KYI DAM TSIG NGES DON DU BSHAD PA NI, MI BSKYOD 'DI NAS SPRUL PA STE, ,MI PHYED PAS DE RDO RJER GYUR, ,DE YI LAG PA MA RIG YIN, ,DER NI RDO RJE 'OD GSAL BA'O, ,YE SHES RANG BZHIN SKUR GYUR TE, , 'OD ZER SNA LNGAS YANG DAG 'BAR, ,PHUNG SOGS GANG BSHAD SANGS RGYAS TE, ,RDO RJE GSUM SKYES DUS GSUM SHES, ,SKU YI RDO RJE PHYIR BRLAG PAS, ,THA MAL PA YI PHUNG PO BSHIG ,'DI NI ZHE SDANG RIGS YID 'ONG, ,MI BSKYOD YE SHES RDO RJE SKYES, , DE YI ZHING DU SKYE BA MCHOG ,DNGOS GRUB CHEN PO THOB PAR 'GYUR, ,ZHES SO, ,DE LA RTZA RGYUD DU, MI BSKYOD RDO RJE RAB BSGOMS TE, ,ZHES PA'I MI BSKYOD PA NI, LONGS SKU RANG GI LHAG PA'I LHAR BSGYUR PA'I SPRUL SKU YIN LA, DE NYID LONGS SKU DANG DBYER MI PHYED PAS NA RDO RJE'O, ,LAG TU RDO RJE RAB BSGOMS ZHES PA'I LAG PA NI, SGYU LUS 'OD GSAL DU ZHUGS PA'I SNANG BA THA MA MA RIG PA YIN LA, RDO RJE NI 'OD GSAL BA'O, ,'OD 'PHRO MANG PO ZHES PA NI, 'OD GSAL LAS BZHENGS PA'I YE SHES KYI SKU 'OD ZER SNA LNGAS YANG DAG PAR 'BAR BA'O, ,DUS GSUM SANGS RGYAS RNAMS KYI SKU GSUNG THUGS RDO RJES CHER BRLAG CES PA'I SANGS RGYAS NI, SGYU LUS PA'I PHUNG @364 PO LA SOGS PA DANG, SKU GSUNG THUGS NI RDO RJE GSUM SKYES TE, SGYU LUS PA'I LUS NGAG YID GSUM YIN LA, DE DAG RDO RJES PHYE MAR BRLAG PA NI, BSAM GTAN GNYIS KYIS 'OD GSAL DU BCUG PAS THA MAL PA'I PHUNG PO BSHIG PA'O, ,ZHE SDANG GI RIGS YID DU 'ONG BA NI 'OD GSAL LO, ,MI BSKYOD YE SHES NI ZUNG 'JUG GO, GTI MUG GI RIGS KYI DAM TSIG NGES DON DU BSHAD PA NI, DE NI DPAL LDAN BDE CHEN PO, ,MI SHIGS THAR PA BSGRUB PA PO, ,RANG BZHIN GYIS DAG GOS MED PA, , BYANG CHUB SPYOD PA RAB BSGRUB PAS, ,PHYAG NA RDO RJE 'OD CHEMS PO, ,GSANG BA KUN GYI GTZO BO LA, ,BSAM NAS RDZOGS PA'I SANGS RGYAS KYIS, ,SGRUB PA'I DAM TSIG DE NYID GSUM, ,RIN CHEN CHOS NI RAB 'JUG PAS, ,RDO RJE SEMS DPA' RNAM BSGOM STE, ,LUS DE YIS NI RNAM KUN TU, ,RNAM PAR SMIN PA PHROGS NAS NI, , RDZOGS PA'I BYANG CHUB RAB SGRUB PA'I, ,RDZAS RNAMS THAMS CAD PHROGS PA'O, ,DES NI YID BZHIN NOR MNYAM PA'I, ,NOR GYI RGYA MTSOS RAB TU 'GENGS, ,'DI NI GTI MUG RIGS DAG NI, ,DAM TSIG DE NYID YIN PAR BSGRAGS, ,ZHES SO, , DE LA SGRUB PA'I DAM TSIG GSUM NI, DBEN PA GSUM MO, ,'JIG RTEN CHOS NI SGYU LUS SO, ,RAB 'JUG CES PA SGYU LUS BSAM GTAN GNYIS KYIS 'OD GSAL DU BCUG PA'O, ,'OD GSAL LAS ZUNG 'JUG LONGS SKUR BZHENGS PA NI, RDO RJE SEMS DPA' RAB BSGOMS TE, ,ZHES SO, ,DAG PA'I SGYU LUS DE RNAM SMIN MA DAG PA'I PHUNG PO 'PHROGS SHING BCOM NAS, RDZOGS PA'I SANGS RGYAS KYI STOBS @365 DANG MI 'JIG PA LA SOGS PA RANG STOBS KYIS LEN PA NI RDZAS RNAMS 'PHROG PA'O, , SPRUL SKUR BSGYUR BA NI, YID BZHIN NOR MNYAM PAS ZHES PA RKANG PA GNYIS SO, , GTI MUG RIGS DAG NI 'OD GSAL LO, ,DAM TSIG NI KUN RDZOB BDEN PA'O, ,DE NYID NI ZUNG 'JUG GO, 'DOD CHAGS KYI RIGS KYI DAM TSIG NGES DON DU BSHAD PA NI, DPAG MED TSE NI SGYU MA'I SKU, ,DER NI PHUNG PO LA SOGS DGANG, ,SHES RAB PHA ROL PHYIN LDAN PA'I, ,PHUNG PO LA SOGS DER BYA'O, ,STONG PA BZHI DANG MNYAM SBYOR BA'I, ,BYANG CHUB KYI NI TSUL MCHOG BYA, ,KUN RDZOB DANG NI DON DAM DAG, 'DI NA DBANG PO GNYIS YIN LA, ,ZUNG DU 'JUG PAR GRAGS PA YI, ,DE DAG GNYIS MED DE SBYOR BA, ,DE LA MNYAM GZHAG SBYOR BA YIS, ,DE DAG THAMS CAD NYE BAR SPYAD, , 'DI NI SANGS RGYAS THAMS CAD KYI, ,'DOD CHAGS CHEN PO'I TSUL MCHOG GO ,ZHES SO, ,DPAG MED TSE NI RAB BSGOMS TE, ,ZHES PA'I DPAG MED TSE NI SGYU MA'I SKU STE SGYU LUS SO, ,SANGS RGYAS RNAMS KYIS THAMS CAD DGANG, ,CES PA'I SANGS RGYAS NI PHUNG PO LA SOGS PA'O, ,BUD MED LTA BUR SBYAR SHES PA'I BUD MED NI SHES RAB KYI PHA ROL TU PHYIN PA 'OD GSAL YIN LA, SBYAR BA NI PHUNG PO LA SOGS PA 'OD GSAL DER BSAM GTAN GNYIS KYIS BCUG PAR BYAS PA'O, ,DAM TSIG BZHI ZHES SOGS KYI DON NI, STONG PA BZHI DANG MNYAM PAR SBYOR BA'I BYANG CHUB NI 'OD GSAL YIN LA, TSUL NI KUN RDZOB KYI BDEN PA'O, ,MCHOG NI DE GNYIS ZUNG DU 'JUG PA'O, ,DBANG PO GNYIS NI MNYAM SBYOR BA, ,ZHES PA DBANG PO GNYIS NI @366 KUN RDZOB DANG DON DAM PA'I BDEN PA YIN LA, DE GNYIS ZUNG DU 'JUG CING GNYIS SU MED PAR SBYOR BA NI, MNYAM PAR SBYOR BA'O, ,BDEN GNYIS MNYAM PAR SBYOR BA 'DI NI, 'DOD CHAGS CHEN PO'I TSUL MCHOG STE ZUNG 'JUG YIN NO, ,LAS KYI RIGS KYI DAM TSIG NGES DON DU BSHAD PA NI, DE NAS BCOM LDAN SNA TSOGS PA, , RDO RJE MI PHYED GSUM RGYAL BDAG ,RDO RJE'I DNGOS GRUB RAB STON PA, ,GSUNG NI 'DI SKAD BKA' BSTZAL TO, ,GANG ZHIG PHYI NANG BDAG NYID CHE, ,DE DAG THAMS CAD RDZUN PAR BRJOD, ,RNAM RTOG 'CHING LAS GROL BYANG CHUB, ,'DI NI DON YOD DAM TSIG GO ,PHYI NANG GI BDAG NYID KYI RTEN 'BREL THAMS CAD RDZUN PAR BRJOD CES PAS SGYU LUS BSTAN TO, ,RNAM RTOG 'CHING LAS GROL ZHES PA 'OD GSAL LO, ,BYANG CHUB NI ZUNG 'JUG GO ,DON YOD DAM TSIG NI SPRUL SKUR BSGYUR BA'O, ,RIN PO CHE'I RIGS KYI DAM TSIG NGES DON DU BSHAD PA NI, DE NAS MGON PO RIN CHEN DBANG, , MNYAM NYID DE BZHIN NYID STON PA, ,DNGOS GRUB RDO RJE RAB THOB PAS, ,DAM TSIG GNAS NI BKA' BSTZAL PA, ,PHUNG PO LA SOGS MED STON TSIG ,MNYAM MIN GANG YIN RTZUB NGAG SOGS, ,DE DON RNAL 'BYOR PAS BSLABS NAS, ,MYUR DU BYANG CHUB 'THOB PAR 'GYUR, ,ZHES SO, ,DE LA, PHUNG PO LA SOGS MED STON TSIG ,CES PAS 'OD GSAL BSTAN LA, ,RTZUB PA'I NGAG LA SOGS PA'I DON, ,ZHES PAS SGYU LUS BSTAN TO, ,SGYU LUS DANG 'OD GSAL DE DAG LA RNAL 'BYOR PAS BSLABS PAS MYUR DU ZUNG 'JUG GI BYANG CHUB THOB PAR 'GYUR RO, ,ZHES PA'O, ,DE LTAR RMAD DU @367 BYUNG BA'I LUNG BSTAN PA BSHAD NAS, KLAN KA NGAN PA'I RTZOD PA BZLOG PA LA GNYIS KYI, THE TSOM SKYES PA'I SGO NAS 'KHOR GYIS DRI BA ZHUS PA NI, RDO RJE 'CHANG CHEN PO'I 'KHOR NA GNAS PA'I BYANG CHUB SEMS DPA' CHEN PO RNAMS LA THE TSOM MI MNGA' YANG, RJES 'JUG GI GDUL BYA PADMA DKAR PO LTA BU LA SOGS PA DAM TSIG LNGA'I RDO RJE'I TSIG GIS NGES DON MI SHES PA RNAMS KYIS THE TSOM BSAL BA'I PHYIR DU THE TSOM BSKYED PA LTAR BCOS NAS ZHUS PA NI, DAM TSIG LNGA BSTAN PA'I RJES THOG DE NAS, RDO RJE DPAL TE PHYAG NA RDO RJE LA SOGS PA BYANG CHUB SEMS DPA' CHEN PO RNAMS, 'JIG RTEN DANG 'GAL BA'I TSIG GIS TING NGE 'DZIN GYI KHYAD PAR STON PA THOS PAS, NGO MTSAR DU GYUR CING RMAD DU GYUR NAS, RDO RJE'I TSIG 'OG NAS 'BYUNG BA 'DI SMRAS SO, , BCOM LDAN 'DAS RDO RJE 'CHANG CHEN PO CI'I SLAD DU GSUNG ZHES SBYAR RO, ,GANG DU NA DE BZHIN GSHEGS PA DANG, BYANG CHUB SEMS DPA'I 'KHOR GYI NANG DU'O, ,GANG ZHIG NA MES BSIL BAR GYUR PA LTAR, SROG GCOD PA DANG MA BYIN PAR LEN PA SOGS DAM PA MA YIN PA'I LAS KYIS DNGOS GRUB THOB BO ZHES PA 'DI LTA BU YANG DAG PA MA YIN PA'I TSIG GI LAM DON RTOGS PAR DKA' BAS NA RDO RJE'I TSIG 'DI'O, ,MI GSUNG BA'I RGYU MTSAN NI, RDO RJE 'CHANG CHEN PO NI DE BZHIN GSHEGS PA RIGS LNGA PO THAMS CAD KYI BDAG PO YIN ZHING, KHAMS GSUM STE THOS BSAM SGOM GSUM GYI DBYE BAS THA MA DANG, 'BRING DANG, MCHOG TU GYUR PA'I SHES RAB KYI SGO NAS, RAB 'BRING LA SOGS PA'I 'JIG RTEN GYI KHAMS THAMS CAD LAS 'DAS @368 SHING BRGAL BAS SO, ,LAN BSTAN PA LA GNYIS LAS, DAM TSIG DANG SPYOD PA'I SGO NAS BSNGAGS PA NI, DE LTAR THE TSOM DRIS PA'I RJES THOG DE NAS, MI BSKYOD PA LA SOGS PA DE BZHIN GSHEGS PA THAMS CAD KYIS, 'DI SKAD CES BKA' BSTZAL TE ZHES SBYAR RO, ,GANG LA ZHE NA, RDO RJE DPAL LA SOGS PA'I BYANG CHUB SEMS DPA' DE DAG LA'O, ,RDO RJE'I RIGS LA SOGS PA LAS SKYES PA NA RIGS KYI BU ZHES BOS NA, DAM TSIG LA THE TSOM SKYES PA'I SGO NAS DMAN PA STE, NGAN PA DANG ZHAN PA'I 'DU SHES DANG, 'JIG RTEN GYIS SMAD PA'I 'DU SHES 'DI LTA BU MA BSKYED CIG DE CI'I PHYIR ZHE NA, SNGAGS KYI SPYOD PA NI SPYOD PA'I MCHOG GO ZHES PA, SNGAGS KYI SPYOD PA NI, DAM TSIG LNGA DRANG DON DU BSHAD PA STE, DE NI BYANG CHUB SEMS DPA'I SPYOD PA YIN LA, DE YANG NYAN THOS LA SOGS PA'I SPYOD PA LA LTOS NAS SPYOD PA'I MCHOG YIN TE, BYANG CHUB SEMS DPA' RNAMS NI SROG GCOD PA LA SOGS PA 'JIG RTEN DANG 'GAL BA'AM SBYIN PA SOGS MI 'GAL YANG RUNG, SNYING RJE'I DBANG GIS RNAM PA GANG DANG GANG GIS SEMS CAN GYI DON RDZOGS PAR 'GYUR BA'I RNAM PA DE DANG DE DAG DE LA, CI NUS SU 'JUG PAR 'GYUR BA'I PHYIR RO, ,DE YANG SNGAGS KYI SPYOD PA NI DE BZHIN GSHEGS PA'I SPYOD PA'O, ,ZHES PA, SLOB DPON GANG GIS DE KHO NA NYID ZLOS SHING 'DON PA NA SNGAGS TE RIN PO CHE LTA BU'I GANG ZAG YIN LA, DE RNAMS KYI SPYOD PA NI, DAM TSIG LNGA'I NGES DON SGYU LUS 'OD GSAL DU BCUG NAS ZUNG 'JUG TU BZHES TE, SPRUL SKUR BSGYUR BA DE NYID YIN LA, RDZOGS PA'I GO RIM RTOGS NAS MNYAM PAR @369 BZHAG PA'I SBYOR BAS SPYOD PA DE NYID NI DE BZHIN GSHEGS PA'I SPYOD PA ZHES BYA STE, TSE 'DI NYID LA THA MAL PA'I PHUNG PO SPANGS NAS, RDO RJE'I SKU 'THOB PAS RANG GI NGO BO NYID YONGS SU BRJE BA YIN PA'I PHYIR RO, ,BDEN PA GNYIS KYI SGO NAS BSNGAGS PA LA GSUM GYI, STON PA RDO RJE 'CHANG GIS DON DAM PA'I BDEN PA THUGS SU CHUD PAR BSTAN PA NI, NAM MKHA' NI DON DAM PA'I BDEN PA STE, DE NI PHYI NANG GI RTEN 'BREL THAMS CAD KYI RJES SU SONG ZHING KHYAB LA, PHUNG PO KHAMS DANG SKYE MCHED KYIS BSDUS PA'I CHOS THAMS CAD KYANG, NAM MKHA'I RANG BZHIN GYI CHOS KYI DBYINGS KYI KHONGS SU GTOGS PA YIN TE, CHOS DE RNAMS DANG NAM MKHAR RTOGS PA'I CHOS NYID DAG NI DBYER MI PHYED PA'I PHYIR RO, ,DON DE NYID 'CHAD PA NI, PHUNG PO KHAMS DANG SKYE MCHED KYIS BSDUS PA'I CHOS DE DAG KYANG, GZUGS SOGS 'DOD PA'I YON TAN LA SRED PA, RGAL CHEN RIGS BZHI LA SOGS PA 'DOD PA'I KHAMS NA YANG MI GNAS 'DOD PA LA'ANG 'DOD CHAGS DANG BRAL TE, GZUGS TZAM LA CHAGS PA GZUGS KYI KHAMS NA YANG MI GNAS, GZUGS LA YANG 'DOD CHAS DANG BRAL TE RNAM SHES TZAM LA GNAS PA GZUGS MED PA'I KHAMS LA'ANG MI GNAS, RLUNG GI DKYIL 'KHOR LA SOGS PA RGYU BA DANG MI RGYU BA'I GZHIR GYUR PA'I 'BYUNG BA CHEN PO BZHI LA YANG MI GNAS TE DE THAMS CAD KYANG 'OD GSAL BA'I NGO BO NYID YIN PA'I PHYIR RO, ,PHUNG PO LA SOGS PA'I CHOS THAMS CAD KYANG TSUL DE LTAR MTHA' GANG DU YANG MI GNAS PAR RJES SU RIG PAR BYA'O, ,DUS GSUM GYI DE BZHIN GSHEGS PA @370 THAMS CAD KYANG PHYI NANG GI RTEN CING 'BREL BAR 'BYUNG BA'I DON GYI DBANG BDAG DANG, GZHAN DANG, GNYIS KA DANG, RGYU MED PA LAS MA GRUB PA 'DI LTA BU MKHYEN CING, SEMS CAN RNAMS KYI BSAM PA'I KHYAD PAR DMAN PA DANG, 'BRING DANG, MCHOG GI DBYE BA YANG MKHYEN NAS YID BZHIN GYI NOR BU DANG, BUM PA BZANG PO DANG 'DRA BAR, SEMS CAN GYI BSAM PA DANG RJES SU MTHUN PAR CHOS 'CHAD PAR MDZAD DO, ,BSHAD MA THAG PA'I TSUL DE LTAR NAM MKHA'I TSIG STE, CHOS THAMS CAD NAM MKHA' LTAR, STONG PA NYID DU NGES PAR BRJOD PAS, DE BZHIN GSHEGS PA LNGA'I DAM TSIG NGES DON DU BSHAD PA'I DON 'OD GSAL DANG ZUNG 'JUG RJES SU RIG PAR BYA'O, ,STON PAS ZUNG 'JUG MNGON SUM DU BYAS PAS BSTAN PA NI, DPER NA RTZUB SHING, RTZUB STAN, MI'I LAG PA BSKYOD PA GSUM 'DUS PA'I RKYEN GYIS DANG POR DU BA 'BYUNG ZHING, PHYIS ME 'BYUNG MOD, ME DANG DU BA DE YANG RTZUB SHING LA SOGS PA RE RE LA MI GNAS SHING, DE DAG MED PAR YANG MI 'BYUNG NGO, ,DPE DE LTA BUR, DE BZHIN GSHEGS PA THAMS CAD NI THAMS CAD STONG PA'O, ,RDO RJE NI CHEN PO STONG PA'O, ,DAM TSIG NI SHIN TU STONG PA'O, ,RJES SU NI STONG PA GSUM PO DE DAG GI PHYIS SAM RJES SU RIG PAR BYA BAS NA STONG PA STE, DE LTAR ZUNG 'JUG GI SKU YANG STONG PA BZHI PO RE RE LAS MI 'BYUNG ZHING, DE DAG MED PAR YANG MI 'BYUNG LA, DE DAG LA BRTEN NAS 'BYUNG BAR RIG PAR BYA'O, ,STONG PA BZHI PO DE DAG LA BRTEN NAS ZUNG 'JUG JI LTAR 'BYUNG ZHE NA, 'GRO BA DANG 'ONG BA LA SOGS PA ZHES TE, SGYU @371 LUS BSAM GTAN GNYIS KYI 'OD GSAL DU BCUG PA NA, STONG PA GSUM GYI RIM GYIS DON DAM PA'I BDEN PAR 'GRO ZHING, SLAR YANG 'OD GSAL LAS LUGS BZLOG GI SNANG BA GSUM RIM GYIS 'ONG BA LAS, ZUNG 'JUG GI SKUR YONGS SU RDZOGS PAR 'GYUR ZHING, YONGS SU RDZOGS PA'I ZUNG 'JUG THOB PA LA NI, SOGS PA'I SGRAS BSDUS PA 'GRO BA DANG 'ONG BA MED DE, 'KHOR BA JI SRID MA STONGS BAR DU SKU DE NYID KYIS GNAS PA'I PHYIR RO, ,DE LTAR MCHOG TU ZAB PA'I CHOS NYID THOS SHING BZUNG BAS 'KHOR RNAMS YI RANGS TE CHED DU BRJOD PA NI, 'OD GSAL LAS ZUNG 'JUG TU LDANG BA BSTAN PA'I RJES THOG DE NAS, BYANG CHUB SEMS DPA' DE DAG SNANG BA SKYES PAS NGO MTSAR DU GYUR, CHOS NYID RTOGS PAS RMAD DU GYUR, THABS KYIS YE SHES SKYES PAS RNGAM ZHING MIG GDANGS TE, SO SO RANG GI RIG PA'I CHOS NYID KYI TSIG 'OG NAS 'BYUNG BA 'DI SKAD SMRAS SO, ,NGO MTSAR RO ZHES SBYAR, GANG ZHIG NA, RMAD BYUNG CHEN PO'I CHOS NI DON DAM PA'I BDEN PA'O, ,DE NYID THAMS CAD LA KHYAB PAS NA NAM MKHA' DANG MTSUNGS PA'O, ,RTOG GE'I BRTAG BYA MA YIN PAS NA RNAM PAR MI RTOG PA'O, ,KUN RDZOB KYI BDEN PA YONGS SU DAG PAS NA DAG PA, ,DE NYID LAS DON DAM PA'I MTHONG BA LA SGRIB CING 'GEGS PAS NA KUN RDZOB TE, ,DAG PA'I SGYU LUS RDO RJE 'CHANG CHEN PO'I SKU 'BYUNG BAR BSHAD PA GANG YIN PA DE'O, ,ZHES TE, ,DON DAM PA'I BDEN PAR ZHUGS TE SNANG BA MED PAR GYUR PA LAS SLAR YANG ZUNG 'JUG SNANG BCAS SU LDANG BA NGO MTSAR RO ZHES PA'O, ,LE'U'I @372 MTSAN DON NI, 'OD GSAL GYIS DAG PAR BYAS PA'I ZUNG 'JUG NI DON DAM PA'I DE KHO NA NYID DE RDO RJE 'CHANG CHEN PO YIN LA, DE NYID 'DA' BAR MI BYA BAS NA DAM TSIG GO ,DE STON PA'I GZHUNG GI TSOGS LA YANG DE SKAD CES BYA STE, LE'U DGU PA'I RNAM BSHAD DO,, ,, ` DE LTAR RIM GNYIS LA GNAS SHING SPROS PA DANG BCAS PA LA SOGS PA'I SPYOD PA GSUM NYAMS 'OG TU CHUD PA'I RNAL 'BYOR PAS GANG GI TSE DNGOS GRUB RNYED PAR MA GYUR NA, DE'I TSE RANG GI LHA LA SNYING POS BSKUL BAR BYA'O, ,ZHES BSTAN PA'I PHYIR, LE'U BCU PA 'CHAD PA LA GNYIS KYI, BSDUS PA'I DON NI, LE'U 'DI'I STOD NAS GSOL GDAB SNGON DU 'GRO BA'I SDUD PA PO'I TSIG GIS STON PA'I KHYAD PAR BSTAN PAS MTSAMS SBYAR, RKED NAS STON PA'I GSUNG GIS RIM PA GNYIS KYI LHA'I SNYING PO BSKUL BA BSTAN, SMAD NAS SNYING PO BSKUL BA'I 'BRAS BU BSTAN TO, ,YAN LAG GI DON LA GSUM GYI, 'KHOR GYIS GSOL BA BTAB PA NI, LE'U DGU PA RDZOGS PA'I RJES DE NAS, MI BSKYOD PA LA SOGS PA'I DE BZHIN GSHEGS PA THAMS CAD LE'U DANG POR BSHAD PA'I RIM PAS KYANG DGONGS PA GCIG TU 'DUS TE, 'DI SKAD CES GSOL TO ZHES SBYAR RO, ,GANG LA ZHE NA, BCOM LDAN 'DAS DAM TSIG CHEN PO'I RDO RJE 'CHANG CHEN PO LA'O, ,BCOM LDAN 'DAS DE NYID BDEN PA GNYIS DBYER MED PA'I MTSAN NYID CAN YIN PAS NA, DE KHO NA NYID MNGON PAR RDZOGS PAR BYANG CHUB PA'O, ,GDUL BYA'I BSAM PA'I BYE BRAG JI LTA BA BZHIN @373 DU MKHYEN PAS DE BZHIN GSHEGS PA'O, ,CI ZHIG BYAS NAS ZHE NA, PHYAG 'TSAL TO'O, ,BCOM LDAN 'DAS ZHES BOS NAS BSHAD DU GSOL ZHES SBYAR RO, ,GANG ZHIG NA, SBRUL LA SOGS SNGAGS RNAMS KYI SNYING PO KUN TU BSDUS SHING GSAL BAR BYAS PA, AOm LA SOGS PA'I YI GE 'BRU GSUM MO, ,DE NYID KYI KHYAD PAR NI SKU GSUNG THUGS TE DE BZHIN GSHEGS PA RNAMS KYIS GSANG BAR BSGRAGS PA, ZHI BA LA SOGS PA'I DNGOS GRUB CHEN PO THOB PAR BYED PA'I TSUL TE, THABS MCHOG TU GYUR PA MI SLU BAS NA YANG DAG PA'O, ,SDUD PA PO'I TSIG GIS STON PA'I KHYAD PAR BSTAN PAS MTSAMS SBYAR BA NI, GSOL BA BTAB PA'I RJES DE NAS BKA' BSTZAL TO ZHES SBYAR, SU ZHIG GIS NA, SHES RAB DANG NYER THOB LA LTOS NAS MDZES PAS NA RGYAL PO, THABS KYI YE SHES KYI BDAG NYID YIN PAS NA RDO RJE 'DZIN PA STE, RDO RJE 'CHANG CHEN POS SO, ,DE'I KHYAD PAR NI, 'DOD CHAGS LA SOGS PA'I NYON MONGS PA CHES SHIN TU MANG PO, RGYA MTSO DANG MNYAM PA RNAMS KYI SDUG BSNGAL DANG YID MI BDE LA SOGS PA'I RANG BZHIN ZIL GYIS MNAN NAS, MCHOG TU DGA' BA'I NGO BO NYID KYIS ROL BAS NA GTZO BO, SDUG BSNGAL THAMS CAD BSREG PAS NA 'BAR BA DRAG PO'O, ,THA MAL PA BAS RAB TU RGYAS PA'I SPYAN BGRAD PAS NA SPYAN YANGS PAS SO, ,GANG ZHIG NA 'OG NAS 'BYUNG BA'I GSUNG 'DI SKAD DO, ,STON PA'I GSUNG GI SNYING PO BSKUL BA'I CHO GA BSTAN PA LA GNYIS TE, BSKYED RIM PA'I SNYING PO BSKUL BA DANG, RDZOGS RIM PA'I SNYING PO BSKUL BA BSTAN PA'O, ,DANG PO LA DRUG STE, @374 TING NGE 'DZIN GYI RGYAL PO MI DMIGS PA BSGOM PA DANG, SNYING PO BSKUL BA'I GZHI 'GOD PA DANG, SNYING PO BSKUL BA'I CHO GA DNGOS DANG, SNYING PO BSKUL BA'I DUS KYI TSAD DANG, SNYING PO BSKUL BA DANG MA BSKUL BA'I PHAN YON DANG NYES DMIGS BSTAN PA'O, ,TING NGE 'DZIN GYI RGYAL PO MI DMIGS PA BSGOM PA NI, LUS DANG NGAG DANG YID RNAMS SKU GSUNG THUGS RDO RJE'I TSUL GYIS DBYER MI PHYED PAR BSGOM MO, ,JI LTAR ZHE NA, 'DI NI LUS SO, ,'DI NI NGAG GO ,'DI NI YID DO ZHES DE KHO NA NYID DBYER MED PAS RNAM PAR MI RTOG PA'O, ,GCIG LA GCIG BRTEN PA MED PAS MI DMIGS PA'O, ,GSUM PO STONG PA NYID DU RO GCIG PAS GANG NA'ANG MI GNAS SHING MNYAM PA NYID KYI TSUL DU'O, ,SNYING PO BSKUL BA'I GZHI 'GOD PA NI, DE NAS BCOM LDAN 'DAS TING NGE 'DZIN LA SNYOMS PAR ZHUGS NAS, GSOL BA 'DEBS PAR BYED PA'I DE BZHIN GSHEGS PA DE LA 'OG NAS 'BYUNG BA 'DI SKAD CES BKA' BSTZAL TO, ,TING NGE 'DZIN JI LTA BU ZHE NA, DE BZHIN GSHEGS PA RANG BZHIN GYIS DAG PA PHA ROL TU PHYIN PA NI SPYAN LA SOGS PA'O, ,SNGAGS NI RNAM SNANG LA SOGS PA'O, ,DE DAG GI TSUL NI, PHAN TSUN RJES SU CHAGS PA STE, DE NYID MI 'JIGS PAS NA RDO RJE'O, ,DE SKAD CES BYA BA'I TING NGE 'DZIN LA'O, ,BCOM LDAN 'DAS DE BZHIN GSHEGS PA THAMS CAD CES BOS NAS, MI BSKYOD PA LA SOGS PA DE BZHIN GSHEGS PA THAMS CAD M'A MA KI LA SOGS PA LHAN CIG SPYOD PA DANG, RJES SU SPYOD PA'I DBYE BAS RIG PA BYE BA PHRAG KHRIG BRGYA STONG DU MA DANG THABS @375 GCIG TU YUL LA NYE BAR SPYAD PAS, THAR PA 'DOD PA'I SEMS CAN RNAMS KYI DON BYA BA LA, DE DAG GI BSAM PA DANG MTHUN PAR, 'DOD YON LA ROL PA STON PAR MDZAD DO, ,TSUL JI LTAR ZHE NA, PHYOGS BCU'I 'JIG RTEN GYI KHAMS MTHA' KLAS PAR, RTAG TU TSIM PAR BYED PA'I GZUGS SOGS 'DOD PA'I YON TAN LNGA RNAMS KYIS ROL CING, SNA TSOGS PA'I DGA' BAS LHA MO RNAMS DANG LHAN CIG DGES LA RIG PA'I TSOGS KYIS MCHOD CING, SLAR YANG DE DAG LA MCHOD PA MDZAD PA'I SGO NAS YONGS SU SPYOD PA YOD KYANG, DE LTA BU'I DE BZHIN GSHEGS PA DE DAG SNGAGS SMRA BA RNAM PA BZHI'I SGO NAS ZHI BA LA SOGS PA'I LAS BSGRUB PA LA 'JUG PA'I SNGAGS SPYOD PA LA MNGON PAR BRTZON PA RNAMS LA, SPYAN RAS KYIS MI MTSO'O, , CI'I PHYIR SPYAN RAS KYIS MI 'TSO'O ZHE NA, KYE MA ZHES SOGS TE, SNGAGS SPYOD PA'I TSUL NI, RNAM PA BDUN STE, GANG ZHE NA, DKYIL 'KHOR BSGOM BYA DANG BRI BYA'I DKYIL 'KHOR GNYIS SO, ,TSOGS DANG TSOGS 'KHOR GYI CHO GA'O, ,THABS DANG NI, LAS SO SO DANG LAS THAMS CAD PA'I SBYIN SREG GI THAB BO, ,GTOR MA LHA'I DANG 'BYUNG PO THAMS CAD PA'I'O, ,'DUS DANG RNAL 'BYOR PA DANG RNAL 'BYOR MA'I TSOGS RNAMS BYA BA'I DBANG GIS GCIG TU 'DUS PA'O, ,GO RIM DANG, DER 'DUS PA RNAMS KYIS JI LTAR BSTAN PA'I THA SNYAD KYIS RAB TU 'JUG PA'I GO RIM MO, KHANG MIG RIM LNGA LA 'DOD DO, ,DE NYID SNGAR GYI DKYIL 'KHOR NAS GO RIM GYI BAR GYI RANG RANG GI DE KHO NA NYID DO, ,RNAM PA BDUN DU GRAGS, ,DE NI GSANG SNGAGS TSUL ZHES BSHAD, ,CES PA'O, ,RDZOGS PA'I RIM PA LA GNAS NAS, SNGAGS KYI TSUL DE DAG SGYU MA LTA BUR GNYIS SU MED @376 PAR RTOGS PA NI CHOS SO, ,RDZOGS PAR GYUR PA NI DE LAS PHYIR BYUNG BAS TE, MI DMIGS PA'I MOS PAS MA ZIN PAS BDAG DANG, SNGAGS DANG, LHA RNAMS THA DAD DU 'DZIN CING, DNGOS POR ZHEN PAS DNGOS GRUB 'GRUB PAR MI 'GYUR RO SNYAM NAS SO, ,SNYING PO BSKUL BA'I CHO GA DNGOS LA GSUM STE, SNGAGS KYI RGYAL PO 'BRU GSUM BZLAS PA PHAN YON DANG BCAS PA DANG, LHA'I RNAL 'BYOR DANG, THUGS BSKUL BA'I PHYIR ZLOS PA SO SO'I BYE BRAG DANG BCAS PA'O, ,DE LTAR SNGAGS LA MCHOG TU GZHOL BA RNAMS LA, DE BZHIN GSHEGS PA RNAMS RGYAB KYIS PHYOGS PAR GZIGS NAS, DNGOS GRUB 'DOD PA DE RNAMS LA DE BZHIN GSHEGS PA RNAMS SPYAN RAS KYIS 'TSO BA'I THABS 'BRU GSUM PHAN YON DANG BCAS PA BSTAN PA NI, GANG GI PHYIR 'DOD PA'I YON TAN LA ROL PAS MCHOG TU DGA' BA MYONG BAR MDZAD PA'I DE BZHIN GSHEGS PA RNAMS SGRUB PA PO LA MI GZIGS PA DE BAS NA, SNGAGS SPYOD PA'I SKYES BU DAM PA DE RNAMS LA DE BZHIN GSHEGS PA RNAMS SPYAN RAS KYIS BTZA' BAR BYA BA'I PHYIR, 'OG NAS 'BYUNG BA 'DI GSUNGS SO, ,DE GANG ZHE NA, DE BZHIN GSHEGS PA THAMS CAD KYI SKU GSUNG THUGS RDO RJE'I SNGAGS KYI GSANG BA SBRUL LA SOGS PA'I SNGAGS RNAMS KYI LHA THAMS CAD KYI SNYING PO STE, SROG BSKUL BAR BYED CING BSAD PAR BYED PA, SNOD MA YIN PA RNAMS LA RAB TU GSANG BA, GTI MUG GI RIGS CAN GYI DE BZHIN GSHEGS PA THAMS CAD KYI SKU GSUNG THUGS KYI DAM TSIG LA DMIGS PA YI GE AOm DANG, ZHE SDANG GI RIGS CAN GYI RDO RJE 'DZIN @377 PA THAMS CAD KYI SKU GSUNG THUGS KYI DAM TSIG LA DMIGS PA YI GE H'Um DANG, 'DOD CHAGS KYI RIGS CAN CHOS 'DZIN PA THAMS CAD KYI SKU GSUNG THUGS KYI DAM TSIG LA DMIGS PA YI GE A'A: 'OG NAS 'BYUNG BA 'DI DAG RDO RJE 'CHANG CHEN PO NYID KYI SKU RDO RJE LAS AOm DANG, GSUNG RDO RJE LAS A'A: DANG THUGS RDO RJE LAS H'Um RNAMS PHYUNG NGO, ,GANG GIS ZHE NA, TSIG GI LAM ZHAL NAS NGES PAR BRJOD PAS SO, ,JI LTAR BUR ZHE NA, SKYES PA DANG, BUD MED DANG, MA NING GI NGO BO NYID KYI YI GE RNAMS GANG DU BSAGS SHING BSDUS PAR GYUR PA'I SNGAGS BSDUS PA , YI GE GSUM PO 'DI LTA BU GSUNGS SO, ,SNGAGS BSDUS PA GSUNGS PA'I 'OG DE NAS, YI GE GSUM PO 'DI DAG GSUNGS PA TZAM GYIS, MI BSKYOD PA LA SOGS PA'I SANGS RGYAS THAMS CAD DANG, SRAS TE BYANG CHUB SEMS DPA'I TSOGS DANG BCAS PA KUN RDO RJE 'CHANG CHEN POS, RJES SU GZUNG BAR 'OS PA'I SEMS CAN RNAMS GZIGS PAS, RAB TU DGA' BA RGYA CHEN PO THOB STE, 'DAR ZHING BRGYAL BAR GYUR NAS, RIGS THAMS CAD KYI BDAG PO RDO RJE SEMS DPA' RJES SU DRAN PA STE, SEMS CAN THAMS CAD RJES SU 'DZIN PA'I NGO BO NYID DRAN PA'O, ,LHA'I RNAL 'BYOR LA GNYIS KYI, SPYI'I DON NI RDZOGS RIM PA LA DNGOS GRUB MI 'GRUB MI SRID PAS SNYING PO BSKUL MI DGOS LA, BSKYED RIM PA LA YANG NANG LA MCHOG TU GZHOL BA DANG, SNGAGS LA MCHOG TU GZHOL BA GNYIS KYIS NGAL BA MI DGOS, SNGAGS LA MCHOG TU GZHOL BA YANG, 'BRU GSUM NGAG TU ZLOS PA'I SGO NAS, RDO RJE'I BZLAS PA BYED PA @378 LA MI 'GRUB MI SRID PAS SNYING PO BSKUL MI DGOS SO, ,PHRENG SNGAGS DANG, MTSAN SNGAGS ZLOS PA PO'I RNAL 'BYOR PA LA DNGOS GRUB MI 'GRUB PA SRID PAS SNYING PO BSKUL DGOS SO, ,DE LA RNAL 'BYOR PA THUN MONG GI BSNYEN PA MTHAR PHYIN ZHING, RIG PA BRTUL ZHUGS KYI SPYOD PA LA BYANG BAR BYAS PA ZHIG PHRENG SNGAGS DANG, MTSAN SNGAGS KYI SGO NAS, ZHI SOGS KYI LAS GANG YANG RUNG BA BSGRUBS PAS MA GRUB NA CHO GA DE NYID KYIS LAN BDUN GYI BAR DU SPOBS PAR BYA'O, ,ZHES PA GZHUNG NAS MA BSHAD KYANG BLA MA RNAMS KYI MAN NGAG GO ,DES KYANG MA 'GRUB NA, PHYAG RGYA'I RGYAL PO RDO RJE 'CHANG BSKYED PA DANG, TING NGE 'DZIN GYI RGYAL PO MOS PA LAS BYUNG BA'I MI DMIGS PA BSGOM PA DANG, SNGAGS KYI RGYAL PO 'BRU GSUM BZLAS PA'I SGO NAS RANG GI LHA LA SNYING PO BSKUL BAR BYA'O, , DE LA PHYAG RGYA'I RGYAL PO RDO RJE 'CHANG CHEN PO RNAL 'BYOR BZHIS BSKYED LA, TING NGE 'DZIN SEMS DPA'I 'OD ZER GYIS PHYOGS BCU'I SANGS RGYAS DANG BYANG CHUB SEMS DPA' THAMS CAD KYI THUGS KYI NUS PA THAMS CAD BSDUS NAS, DE BZHIN GSHEGS PA THAMS CAD KYI THUGS KYI BDAG NYID DU BSKYED LA, SME SHA CAN GYI BU MO REG RDO RJER BSKYED DE, SNYOMS PAR ZHUGS PA LAS, CHOS 'BYUNG DU CHO GA GSUM GYIS LHA THAMS CAD BSKYED NAS, DKYIL 'KHOR GYI LHA THAMS CAD RANG GI NGO BO NYID DU SPROS TE, RANG RANG GI GNAS SU BKOD LA, THAMS CAD KYANG SEMS DPA' SUM BRTZEG TU BYAS TE, TING NGE 'DZIN GYI RGYAL PO LA SOGS PA LAS BYUNG @379 BA'I MI DMIGS PA SGYU MA LTA BUR BSGOM LA, LHA RNAMS KYI TING NGE 'DZIN SEMS DPA' 'OD ZER GYIS RNAM SNANG LA SOGS PA RIG PA BYE BA PHRAG KHRIG BRGYA STONG DU MA DANG BCAS PA'I THUGS BSKUL BAS, SGRUB PA PO LA THUGS DGONGS PAR BSKYED PA'I 'OG TU, DKYIL 'KHOR GYI GNOD MDZES LA SUm BHA NI LA SOGS PA'I SNGAGS KYIS BKA' BSGOS PAS, GNOD MDZES KYIS, 'DI ZHES BYA BA'I SGRUB PA PO KHYED LA RTAG TU GUS PAS NA, ZHES BYA BA LA SOGS PAS THUGS BSKUL BAS, SGRUB PA PO LA SHIN TU THUGS DGONGS PAR BSAM LA, SNGAGS KYI RGYAL PO AOm A'A: H'Um ZHES PA ZHAG BDUN BZLAS NAS, ZHI SOGS KYI LAS BSGRUB NA, NGES PAR 'GRUB PAR 'GYUR RO, ,YAN LAG GI DON LA GSUM STE, PHYAG RGYA'I RGYAL PO RDO RJE 'CHANG BSKYED PA DANG, DE'I DKYIL 'KHOR BSKYED PA DANG, KHYAD PAR GYI CHO GA SEMS DPA' SUM BRTZEG TU BYA BA'O, ,DANG PO NI, DE BZHIN NYID KYI NGO BOR 'JOG CING BRLAN PAR BYA BAS NA NAM MKHA'I DBYINGS TE, RNAL 'BYOR BZHIS RDO RJE 'CHANG DU BSKYED PA'I DAM TSIG SEMS DPA'O, ,DE'I DBUS TE SNYING KHAR GNAS PA'I BKOD PA'I DKYIL 'KHOR TE, RANG DANG 'DRA BA'I YE SHES SEMS DPA' BSGOM PAR BYA'O, ,YE SHES SEMS DPA' DE'I DBUS NA GNAS PA'I TING NGE 'DZIN SEMS DPA' YI GE H'Um BSGOM MO, ,GSUM PO DE DAG RANG GI GZUGS TE, RANG GI NGO BO NYID DU RAB TU BRTAG CING BSKYED DO, ,TING NGE 'DZIN SEMS DPA' LAS RDO RJE STE, DE BZHIN GSHEGS PA LNGA'I RANG BZHIN GYI DKAR PO LA SOGS PA'I 'OD ZER CHER 'BAR BA @380 PHYOGS BCUR RNAM PAR 'PHRO BA BSAM PAR BYA'O, ,DE NAS PHYOGS BCU NA BZHUGS PA'I RNAM PAR SNANG MDZAD LA SOGS PA RDZOGS PA DANG, MA RDZOGS PA'I SANGS RGYAS RNAMS KYI SKU GSUNG THUGS KYI NUS PA TING NGE 'DZIN SEMS DPA'I 'OD ZER GYI LCAGS KYUS DRANGS TE RANG GI TING NGE 'DZIN SEMS DPA' LA BCUG PAR SGRUB PA PO DE YIS RNAM PAR BSGOM MO, ,DE LTAR BSGOM MA THAG TU SGRUB PA PO DE NI THAMS CAD ZIL GYIS MNAN NAS, RDO RJE 'CHANG CHEN PO'I NGO BOR 'GYUR RO, ,JI LTAR BU'I RDO RJE 'CHANG CHEN POR 'GYUR CE NA, SKU GSUNG THUGS DBYER MI PHYED PAS NA SKU GSUNG THUGS KYI RDO RJE 'DZIN NO, ,DE BZHIN GSHEGS PA THAMS CA DGES PAR MDZAD PAS NA RDO RJE SEMS DPA' RGYAL PO CHE'O, ,RGYU BA DANG MI RGYU BA KUN GYI GTZO BO TSANGS PA LA SOGS PA RNAMS KYANG, TSAR GCAD PA DANG RJES SU 'DZIN PAR MDZAD PAS NA KUN GYI GTZO BO DBANG PHYUG MCHOG STE, RNAM PA DE LTA BU'I RDO RJE 'CHANG CHEN PO BSGOM ZHES PA'O, ,DE LTAR NA RANG GI LUS KYI DKYIL 'KHOR RDO RJE 'CHANG CHEN PO'I NGO BOR, RANG RDO RJE STE RANG GI SEMS KYIS BSKYED PA'I TSUL GYI NI 'DI YIN NO, ,BSHAD MA THAG PA'I CHO GA 'DI NI, DUS GSUM GYI SANGS RGYAS THAMS CAD KYI RDO RJE STE THUGS KYI NUS PA, SNYING PO STE BRTAN PAR GYUR PA, BSDUS PAS TE DRANGS SHING BKUG PA YIN NO, ,DE LTAR DE BZHIN GSHEGS PA THAMS CAD KYI THUGS KYI NGO BOR BDAG NYID BSKYED NAS, 'KHOR GYI DKYIL 'KHOR PA RNAMS JI LTAR BSKYED PA BSTAN PA NI, BSGOM ZHES SBYAR RO, ,GANG ZHIG NA, SNGAGS KYI SKYES BU STE, RNAM SNANG LA SOGS @381 PA'I DE BZHIN GSHEGS PA BZHI RNAMS SO, ,GNAS GANG DU NA, GTZO BO RANG GI SHAR LA SOGS PA'I GNAS BZHI RNAMS SU'O, ,TSUL JI LTAR NA, JI SKAD GSUNGS PA'I SKU MDOG DANG PHYAG MTSAN GYI GZUGS KYI TSUL DU'O, ,ZHAL GYIS KHYAD PAR NI, 'DOD CHAGS DANG, 'DOD CHAGS DANG BRAL BA DANG, 'DOD CHAGS BAR MA'I DBYE BAS, DKAR NAG DMAR BA LA SOGS PA ZHAL GSUM LTA BU'I SBYOR BA YIS SO, , RGYU GANG LAS NA, KHA DOG GSUM GYIS TE YI GE GSUM GYI RGYU LAS SO, ,RDO RJE DAM TSIG NI RDO RJE 'CHANG CHEN PO'O, ,LHA (SUM CU RTZA GCIG) THAMS CAD SEMS DPA' SUM BRTZEG TU BYA BA NI, DE BZHIN GSHEGS PA'I THUGS YANG DAG PAR BSKUL BA DE LA, 'OG NAS BSHAD PA 'DI NI DE BZHIN GSHEGS PA THAMS CAD KYI GSANG BA DAM PA YIN PAS NA RDO RJE MCHOG GI GSANG BA'O, ,BSAM PAR BYA'O ZHES SBYAR RO, ,GANG NA, YE SHES KYI RANG BZHIN YIN PAS NA PHRA MO STE, RANG DANG 'DRA BA'I YE SHES SEMS DPA'O, ,GANG DU NA, DKYIL 'KHOR RNAMS RE RE'I SNYING KHA'I DBUS SU ZLA BA'I DKYIL 'KHOR GYI STENG DU'O, ,YE SHES SEMS DPA' DE'I SNYING KHA'I DBUS SU ZLA BA'I STENG DU BSAM PAR BYA'O ZHES SBYAR, GANG NA, YI GE STE MI 'GYUR BA'I RANG BZHIN MI SHIGS PA LAS BYUNG BA'I MCHOG TU GYUR PA'I TSIG TING NGE 'DZIN SEMS DPA' YI GE H'Um NGO, ,SGRUB PA PO NGES PAR LEGS PA LA SBYOR BAR BYED PAS NA SBYOR BA STE, TING NGE 'DZIN SEMS DPA' DE LAS RDO RJE CHEN PO RTZE LNGA PA KHA CUNG ZAD GYES PA BSGOM PAR BYA'O, ,THUGS BSKUL BA'I PHYIR ZLOS PA PO SO SO'I BYE BRAG DANG BCAS @382 PA BSTAN PA NI, JI LTAR GLANG PO CHE LCAGS KYUS DBANG DU BYED CING 'GUGS PA LTAR, 'DIS DE BZHIN GSHEGS PA THAMS CAD KYI THUGS KYI NUS PA 'GUGS SHING DBANG DU BYED PAS NA RDO RJE KYO BA STE TING NGE 'DZIN SEMS DPA'I 'OD ZER YIN LA, DE'I SBYOR BA YIS RDO RJE GSUM RNAMS BSGOM PAR BYA'O, ,TSUL JI LTAR BSGOM ZHE NA, SEMS DPA' GSUM GYI BDAG NYID CAN GYI DKYIL 'KHOR GYI LHA RNAMS GCIG TU GYUR PA'I TING NGE 'DZIN SEMS DPA'I 'OD ZER GYIS LCAGS KYU DES, BSGRUB BYA'I LHA RNAMS KYI SNYING KHAR GDAB PAR BYA STE, DE LTAR BTAB PAS, BSGRUB BYA'I LHA RNAMS KYI SEMS DPA' GSUM RAB TU BSKUL BAR BYA ZHING, SGRUB PA PO LA DGONGS PAR BSKYED PAR BYA'O, ,DE LTAR SGRUB PA PO LA DGONGS PA BSKYED PA'I 'OG TU, GNOD MDZES MDUN DU BKAG STE, BKA' NOD PAR BSAMS NAS, DE BZHIN GSHEGS PA THAMS CAD KYIS BDAG LA DNGOS GRUB SBYIN PAR BSKUL CIG CES BKA' BSGO'O, ,BSHAD MA THAG PA'I CHO GA 'DI NI RDO RJE STE SGRUB PA PO THAMS CAD KYI SANGS RGYAS RNAMS KYI BYANG CHUB KYI SEMS RAB TU BSGRUB CING 'GUGS PAR BYED PA'O, , BSHAD MA THAG PA'I SEMS DPA' GSUM GYI BDAG NYID KYIS RDO RJE KYO BA RNAM PA BSGOM ZHING, BSGRUB BYA'I LHA'I SNYING KHA RU BTAB STE BSKUL BA 'DI NI, RDO RJE PAD MA'I RIGS DANG, SOGS PAS DE BZHIN GSHEGS PA DANG, RIN PO CHE DANG, LAS KYI RIGS KYI SGRUB PA PO RNAMS KYIS KYANG YONGS SU BLANG BAR BYA'O, ,JI LTAR ROL MO MKHAN CIG NYID CHA LUGS BSGYUR BAS, RGYAL PO DANG BLON PO LA SOGS PA GZHAN @383 DANG GZHAN DU RTOG PAR BYED PA DE BZHIN DU, 'DIR YANG THUGS RDO RJE GCIG PU NYID BSGRUB PAR BYA BA DANG, SGRUB PA PO DANG, BSGRUB PA'I TSUL GYIS YONGS SU RTOGS PAS NA, BSHAD MA THAG PA'I THUGS BSKUL BA 'DI NI ROL MO LTA BUR 'BYUNG BAS NA, ROL MO 'BYUNG BA ZHES BYA'O, ,SNYING PO BSKUL BA'I DUS SAM TSAD BSTAN PA NI, DE BZHIN GSHEGS PA RNAMS CHO GA GANG GIS KHRID CING DRANGS PA DE NI RDO RJE'I TSUL MCHOG STE, BSHAD MA THAG PA'I SNYING PO BSKUL BA'I CHO GA 'DI YIN LA, DE LTA BU'I CHO GA 'DI BRTZAMS PA'I NYI MA NAS BZUNG STE ZHAG BDUN GYI BAR DU BYA'O, , SNYING PO BSKUL BA'I PHAN YON BSTAN PA NI, YE SHES RDO RJE CAN STE SGRUB PA PO RNAMS KYI BLA MA'I MAN NGAG LAS RNYED PAS NA GSANG BA, BSHAD MA THAG PA'I SNYING PO BSKUL BA'I CHO GA 'DI, ZHAG BDUN GYI BAR DU BYAS NA, BSGRUB BYA'I DE BZHIN GSHEGS PA RNAMS KYI SKU GSUNG THUGS SGRUB PA PO LA 'GRUB PAR 'GYUR RO, ,DE CI'I PHYIR ZHE NA, DE BZHIN GSHEGS PA RNAMS DAM TSIG LAS MI 'DA' BAS YID 'JIGS SHING, THUGS RDO RJE'I DBANG DU GYUR PAS SKRAG PAR GYUR NAS, BGEGS MED PA'I THUGS KYIS SGRUB PA PO LA MCHOG STZOL BAS, RNAM PAR GZIGS SHING RJES SU 'DZIN PAR MDZAD DO, ,RJES SU BZUNG NAS CI ZHIG MDZAD CE NA, YID LA MNGON PAR MGU ZHING DGA' BAR GYUR PA'I 'JIG RTEN DANG, 'JIG RTEN LAS 'DAS PA'I DNGOS GRUB RGYA CHEN PO STER BAR 'GYUR RO, ,SU ZHIG GIS STER BAR 'GYUR ZHE NA, MI BSKYOD PA LA SOGS PA'I SANGS RGYAS DANG, BYAMS PA LA SOGS PA'I BYANG CHUB SEMS DPA' @384 SNGAGS KYI SPYOD PA'I CHO GA LA SLOB PA'I GRUB PA'I SKYES BU RNAMS KYIS SO, ,SNYING PO BSKUL BA DANG BRAL BA'I NYES DMIGS BSTAN PA NI, DE LTAR NAN TAN MI BYED PA'I SGRUB PA PO CIR 'GYUR ZHE NA, BSGRUB BYA DANG, SGRUB PA PO DANG, SGRUB PA RNAMS DBYER MED PA'I TSUL LA RMONGS PAS, 'DI DAG NI DE BZHIN GSHEGS PA'O, , BDAG NI THA MAL PA'O ZHES RTOG PA'I SGRUB PA PO RNAMS KYI SROG NI, LAS GANG GIS (SNGAR ZLAS PA SOGS) DNGOS GRUB 'DOD PA'I LAS DES ZAD PAR BYED PAR 'GYUR GYI, DNGOS GRUB THOB PAR MI 'GYUR TE, SNYING PO YANG DAG PAR BSKUL BA DANG DBANG BRAL BA'I PHYIR RO, ,DE LTAR THUN MONG GI SGRUB PA LA ZHUGS PA RNAMS KYIS SNYING PO BSKUL BA'I CHO GA BSTAN NAS DNGOS GRUB MCHOG LA GNAS PA RDZOGS RIM PA RNAMS KYI SNYING PO BSKUL BA'I CHO GA LA GSUM STE, SNYING PO BSKUL BA'I CHO GA THABS 'BRAS BU DANG BCAS PA DANG, SNYING PO BSKUL BAS GRUB PA DANG MTHUN PA'I SPYOD PA DANG, GSANG BA'I MCHOD PA BYE BRAG TU BSHAD PA'O, ,DANG PO LA GNYIS KYI, SDUD PA PO'I TSIG GIS MTSAMS SBYAR BA NI, BSKYED RIM PA'I SNYING PO BSKUL BA BSHAD PA'I RJES THOGS DE NAS, BKA' BSTZAL TO ZHES SBYAR RO, ,SU ZHIG GIS NA, RGYAL PO RDO RJE 'DZIN TE RDO RJE 'CHANG CHEN POS SO, ,DE'I KHYAD PAR RDO RJE GSUM ZHES SOGS SNGAR BSHAD ZIN TO, ,GANG ZHIG NA, 'OG NAS 'BYUNG BA GSUNG 'DI SKAD DO, , THABS 'BRAS BU DANG BCAS PA'I SNYING PO BSKUL BA NI, SPYIR RDZOGS RIM PAS DNGOS GRUB MI 'GRUB PA MI SRID KYANG, GCES PA'I PHYIR SNYING PO BSKUL BA'I RTZOM @385 GZHI LA BRTEN NAS, RDZOGS PA'I RIM PA JI LTAR BSGOM PA BSHAD PA YIN TE, DE YANG 'JIG RTEN DANG 'JIG RTEN LAS 'DAS PA'I DNGOS GRUB THAMS CAD 'GRUB PAR BYED PA ZUNG 'JUG YIN PAS, DE BSGOM PAR BYA'O ZHES BSTAN PA NI, GANG CI'ANG RUNG BA'I SNGAGS KYI GSANG BA LA ZHUGS PA'I SNGAGS KYI SKYES BU JI SNYED PA SKU GSUNG THUGS KYI RDO RJE GSUM GYI RANG BZHIN GYI YE SHES TE DE BZHIN GSHEGS PA RNAMS KYIS RDZOGS SHING GANG BA DE RNAMS KYI DNGOS PO STE, 'JIG RTEN DANG 'JIG RTEN LAS 'DAS PA'I DNGOS GRUB THAMS CAD BRTAG PA STE BSKYED PA NI, DBANG PO GNYIS TE, BDEN PA GNYIS DBYER MED PAR SBYOR BA'I ZUNG DU 'JUG PAS 'GRUB PAR 'GYUR GYI DE DANG BRAL BAS 'GRUB PAR MI 'GYUR RO, ,ZHES DGONGS SO, , BSHAD MA THAG PA'I BDEN GNYIS DBYER MED PAR SBYOR BAS SGRUB PA RDZOGS PAR BYED PA 'DI NI, SANGS RGYAS THAMS CAD KYI 'DA' BAR MI BYA BA'I SNGAGS KYI DAM TSIG NI, ZUNG 'JUG GI SKU YIN LA, DE BSGOM PA'I THABS YIN NO, ,BDEN GNYIS SBYOR BA'I ZUNG 'JUG DE JI LTAR BSKYED PAR BYA ZHE NA, RIG MA'I DBANG PHYUG NI, 'OD GSAL YIN LA, DER ZHUGS TE SGYU LUS KYI PHUNG PO LA SOGS PA MI SNANG BAR BYAS NAS, SLAR YANG RJES DRAN GYI YAN LAG GIS RDO RJE STE BDEN PA GNYIS DBYER MED PAR SBYOR BA'I ZUNG 'JUG BSGOM PAR BYA ZHING BSKYED PAR BYA'O, ,ZUNG 'JUG LA GNAS PA DES SEMS CAN RNAMS LA CI ZHIG BYA ZHE NA, DON DAM PA'I BDEN PA LA ZHUGS PA'I 'OG TU, BDEN PA GNYIS KYI BDAG NYID CAN GYI ZUNG 'JUG GI SKUR @386 BZHENGS PA'I RNAL 'BYOR PAS, KHAMS GSUM NA GNAS PA'I SEMS CAN RNAMS LA PHA DANG MA LA SOGS PA'I 'DU SHES KYIS CHAGS SHING ZHEN LA, GNAS SKABS DANG MTHAR THUG GI PHAN PA SGRUB PAR 'DOD PA'I CHAGS PAS YANG DANG YANG DU BLTA BAR BYA ZHING, SEMS CAN DE RNAMS KYIS KYANG 'DI NI BDAG CAG BSKYED PAR BYED PA'I PHA'O, ,SKYONG BAR BYED PA'I MA'O ZHES SOGS KYI BLO BSKYED LA DAD CING GUS PA DANG BCAS PAS RNAL 'BYOR PA DE LA BLTA BAR BYA'O, ,BSHAD MA THAG PA'I ZUNG 'JUG BSKYED PAR BYED PA'I CHO GA 'DI NI, DAM TSIG STE RDO RJE 'CHANG CHEN PO'I SNYING PO LEN PAR BYED PAS NA DKYIL 'KHOR RO, ,SNYING PO BSKUL BA GRUB PA'I RNAL 'BYOR PA RNAMS KYI SPYOD PA STON PA NI, DE NAS BKA' BSTZAL TO ZHES SBYAR RO, , SU ZHIG GIS NA, RGYAL PO RDO RJE 'DZIN GYIS SO, ,DE'I KHYAD PAR NI, DE BZHIN GSHEGS PA KUN GYI GZUGS LA SOGS PA'I PHUNG PO RNAMS YIN LA, DE RNAMS KYI NGO BO DON DAM PA'I BDEN PAS BSKYED PAS NA, DE BZHIN GSHEGS PA KUN GYI SRAS SO, ,SANGS RGYAS THAMS CAD KYIS DBANG BSKUR BAS NA THAMS CAD DBANG BSKUR RO, ,DE NYID KYIS NA SANGS RGYAS KUN GYI GTZO BOS SO, ,GANG ZHIG NA 'OG NAS 'BYUNG BA'I GSUNG 'DI SKAD DO, ,NYE BAR LONGS SPYAD DO ZHES SBYAR, GANG ZHIG NA 'JIG RTEN GYI KHAMS MTHA' YAS MU MED PA THAMS CAD NA THA MA DANG 'BRING DANG, MCHOG GI DBYE BAS PHYE BA'I BUD MED JI SNYED YOD PA DE DAG THAMS CAD DO, ,SU ZHIG GIS NA, BSKYED RDZOGS GNYIS KYI SNYING PO BSKUL BA GRUB PA'I @387 RNAL 'BYOR PA RNAMS KYIS SO, ,THABS GANG GIS ZHE NA, YE SHES KYI SKU DANG SNGAGS KYI SKU'I RANG BZHIN GYI PHYAG RGYA CHEN PO RNAM PA GNYIS KYIS SO, BSAM PA JI LTA BUS ZHE NA, BUD MED DE DAG KUN GZUGS RDO RJE LA SOGS PA'I NGO BOR YONGS SU BRTAGS LA, RANG BZHIN SOGS PA'I SBYOR BA STE, DE KHO NA NYID 'OD GSAL LA DMIGS PAS SO, ,TSUL JI LTAR LONGS SPYOD CE NA, PHYAG RGYA CHEN PO RNAM PA GNYIS LA SOGS PA'I SBYOR BAS BUD MED KUN LA LONGS SPYOD PA'I GNAS DER SANGS RGYAS GNAS TE, SANGS RGYAS KYI SPRUL PA BYE BA GRANGS MED DPAG TU MED PA'I TSAD TZAM GYI RDO RJE 'DZIN PA SPROS NAS LONGS SPYOD PAR BYA'O, ,BYANG CHUB KYI DAM TSIG NI RDO RJE 'CHANG CHEN PO'O, ,SNYING PO BSKUL BA'I 'BRAS BU BSTAN PA NI, THOB PAR 'GYUR ZHES SBYAR, GANG ZHIG NA SKU RDO RJE LA SOGS PA'I RDO RJE GSUM PO NAM MKHA' DANG 'DRA BAR RANG BZHIN MED PAR RTOGS PA'I MTSAN NYID CAN GYI BYANG CHUB BO, , GANG GIS NA BSHAD MA THAG PA'I SBYOR BA 'DI YIS SO, ,SBYOR BA LA SLOB PA'I RNAL 'BYOR PAS PHAN YON CI 'THOB CE NA, THOB BO ZHES SBYAR, GANG ZHIG NA, RDO RJE SEMS DPA' LTA BU'I BDE BA DAM PA DANG, NAD MED PA LA DGOS PA DANG, TSE RING BA GANG YIN PA'I RDO RJE SEMS DPA'I TSE'O, ,SU ZHIG GIS NA, SBYOR BA LA SLOB BZHIN PA'I BYANG CHUB SEMS DPA' DES SO, ,BYANG CHUB SEMS DPA' DE NI, JI LTAR RGYA MTSO CHEN PO RIN PO CHE KUN GYI 'BYUNG GNAS YIN PA BZHIN DU, RGYAL BA STE RDO RJE SEMS DPA' TSE DANG LANG TSO LA SOGS PA'I YON TAN KUN GYI GNAS SU GYUR @388 PAS NA RGYA MTSO'O, ,LE'U YI MTSAN DON NI, 'JIG RTEN DANG 'JIG RTEN LAS 'DAS PA'I DNGOS GRUB 'GRUB PA'I PHYIR DU, DE BZHIN GSHEGS PA THAMS CAD KYI SNYING PO BSKUL BA ZHES BYA BA'I LE'U STE BCU PA'I RNAM BSHAD DO,, ,, ` DE LTAR RNAL 'BYOR BA GNYIS KYI SNYING PO BSKUL BA RNAM PA GNYIS BSHAD NAS, RTOG PA DANG, RDZOGS PA'I RNAL 'BYOR PA RNAMS KYIS LHA'I SKU RNAM PA GNYIS PO LE'U DANG PO LAS GSUNGS PA GSAL BAR BYA BA'I PHYIR, LE'U BCU GCIG PA 'CHAD PA LA GNYIS KYI, BSDUS PA'I DON NI, LE'U 'DI'I STOD NAS SNGAGS KYI SKU DANG, YE SHES KYI SKU BSKYED PA STON, RKED NAS MNGON PAR SHES PA SGRUB PA STON, SMAD NAS RDZOGS PA'I RIM PA GZHAN STON NO, ,YAN LAG GI DON LA GNYIS KYI, SDUD PA PO'I TSIG GIS MDOR BSTAN PA NI, LE'U BCU PA GSUNGS PA'I RJES DE NAS, DE BZHIN GSHEGS PA THAMS CAD KYI RDO RJE NI, AOm LA SOGS PA'I YI GE GSUM YIN LA, DES BSKYED PA'I SKYES BU'I MCHOG NI SNGAGS KYI LHA RNAMS TE, DE LA DMIGS PA'I TING NGE 'DZIN LA SNYOMS PAR ZHUGS TE GSUNGS SO ZHES SBYAR RO, , GANG ZHE NA, DE BZHIN GSHEGS PA THAMS CAD KYI SNGAGS GSANG BAR GYUR PA RDO RJE NI YI GE GSUM MO, ,DE RNAMS KYIS GANG DU RIG PA'I SKYES BU STE LHA BSKYED PA'I LE'U 'DI'O, ,STON PA'I GSUNG GIS RGYAS PAR BSHAD PA LA GSUM STE, LHA'I SKU BSKYED PA DANG, MNGON SHES BSGRUB PA DANG, RDZOGS PA'I RIM PA GZHAN BSTAN PA'O, ,LHA'I SKU BSKYED PA LA GNYIS TE, SNGAGS KYI SKU BSKYED PA DANG, YE SHES KYI @389 SKU BSKYED PA'O, ,SNGAGS KYI SKU BSKYED PA LA GNYIS TE, RIGS SO SO'I TING NGE 'DZIN RGYAS PAR BSTAN PA DANG, GZHUNG NYE BAR BSDU BA'O, ,DANG PO LA BZHI YOD PA'I, RDO RJE 'CHANG CHEN PO'I RNAL 'BYOR PA'I DRANG PA GCIG PA'I TING NGE 'DZIN LA, RNAL 'BYOR GYI RIM PA MDOR BSTAN PA NI, RNAM PAR BSGOM ZHES SBYAR, GANG ZHE NA, SA 'OG SA STENG SA BLA NA RAB TU MCHOD PA'I PHYIR, MCHOD PAS CHE BA'I DGA' ZHING MGU BAR 'GRO ZHING, SON BAR GYUR PAS NA PHYAG RGYA CHEN PO STE LHA'I SKU'O, ,RGYU GANG LAS NA, DE BZHIN NYID DANG ZLA BA LAS BYANG CHUB PA SNGON DU SONG NAS, 'DI RNAMS LAS SNGAGS RNAMS 'BYUNG BAS NA, SNGAGS KYI MCHOG RDO RJE GSUM GYI RANG BZHIN GYI YI GE AOm LA SOGS PA GSUM GYI RGYU LAS SO, ,'DIS YIG 'BRU LAS BYANG CHUB PA BSTAN TO, ,DGOS PA CI'I PHYIR DU NA, MNGON PAR BYANG CHUB PA RNAM PA LNGA PO THAMS CAD THOB PA'I PHYIR DU'O, ,GANG ZAG SU ZHIG GIS NA, YE SHES RDO RJE STE SGRUB PA PO DAG GIS SO, ,YI GE GSUM GYIS BYA BA STON PA NI, YI GE AOm NI YE SHES TE DE BZHIN GSHEGS PA'I SNYING PO STE DES RNAL 'BYOR BA'I MI PHYED PA'I LUS BSKYED PAS NA RDO RJE'I SKU NI THOB BYED PA'O, ,BYANG CHUB NI 'OD GSAL BA YIN LA, DE LAS BYUNG BA'I BDAG MED PA NA 'OD DPAG TU MED PA STE, DE'I RANG BZHIN GYI AA NI RNAL 'BYOR PA RNAMS KYI MI PHYED PA'I GSUNG BSKYED PAR BYED PAS NA, RDO RJE'I GSUNG NI THOB BYED PA'O, ,SKU DANG GSUNG LA BRTEN PA'I THUGS NI SKU GSUNG THUGS TE MI BSKYOD PA YIN LA, DE'I RANG BZHIN GYI YI GE H'Um NI SKU GSUNG THUGS DBYER MI PHYED @390 PA'I THUGS RNAL 'BYOR PA RNAMS KYI RGYUD LA BSKYED PAR BYED PAS NA, RDO RJE MI BSKYOD GSUM THOB PA'O, ,SNGAGS KYI SKYES BU NI RDO RJE 'CHANG CHEN PO'O, ,RGYAS PAR BSHAD PA LA GSUM STE, GZHAL YAS KHANG BSKYED PA DANG, LHA BSKYED PA DANG, GNAS KYI MTSAN NYID PHAN YON DANG BCAS PA BSTAN PA'O, ,RTEN GZHAL YAS KHANG BSKYED PA NI, 'OG NAS BSHAD PA'I GNAS MTSAN NYID DANG LDAN PAR, RNAL 'BYOR GYI RIM PA SRUNG BA'I 'KHOR LO SNGON DU 'GRO BAS, YE SHES KYI SA'I CHA BSKYED PA NI, NAM MKHA' RDO RJE'I DBUS GNAS PAR, ,ZHES SO, , DER RDO RJE'I SA'I CHA BSKYED PA NI, DKYIL 'KHOR RDO RJE KUN SKYES BSAM, , ZHES SO, ,DER BHR'Um LAS GZHAL YAS KHANG BSKYED PA NI, DE RU YI GE BHR'Um BSAM MO, , ZHES SO, ,DE LA BSAM ZHING BSGOM MO ZHES SBYOR RO, ,GANG NA RDO RJE'I SA'I DKYIL 'KHOR RO, ,GANG DU NA, NAM MKHA' RDO RJE'I DBUS SU CHUD CING GNAS PAR RO, ,RGYU GANG LA NA, RDO RJE KUN NI SPYAN LA SOGS PA LHA MO BZHI'I RANG BZHIN GYI SA LA SOGS PA'I 'BYUNG BA RNAMS YIN LA, DE DAG GI RIM PA LAS SKYES PA'O, ,SA'I CHA DE RU STE DE'I STENG DU YI GE BHR'Um GZHAL YAS KHANG GI RGYU RU BSAM MO, ,DE LAS JI SKAD BSHAD PA'I MTSAN NYID DANG LDAN PA'I GZHAL YAS KHANG BSGOM MO, ,LHA BSKYED PA LA GNYIS KYI, LHAG MOS BSKYED PA NI, RDO RJE'I SPRIN NI 'PHRO BSKYED PA, ,ZHES TE, RDO RJE'I SPRIN NI DE BZHIN GSHEGS PA'I TSOGS RNAMS YIN LA, DE RNAMS LHAG PAR MOS TZAM GYIS JI LTA BA BZHIN SPRO ZHING SKYED DO, ,LHAG MOS KYI RANG BZHIN NI, RDO RJE'I @391 SPRIN DE 'DZIN PAR BYED PAS NA, RDO RJE'I SPRIN NI 'PHRO BSKYED PA, ,ZHES BHR'Um MO, ,DE STON PA NI, DE LA 'DI NI ZHES SOGS SO, ,YE SHES RDO RJE NI RNAM SNANG NGO, ,MNGON BYANG LNGAS SNGAGS KYI SKU BSKYED PA STON PA LA ZLA BA LAS BYANG CHUB PA NI, RDO RJE DKYIL 'KHOR ZHES PA NAS, MNYES PAR BYED CES PA'I BAR GYIS STON NO, ,DE LA YANG, H'Um LAS NYI MA BSGOM PA NI, ,RDO RJE'I DKYIL 'KHOR DBUS GNAS PAR, , YI GE H'Um NI RAB TU BSGOM, ,ZHES SBYAR TE, RDO RJE'I DKYIL 'KHOR DBUS GNAS PAR, ,YI GE H'Um NI RAB TU BSGOM, ,ZHES SBYAR TE, RDO RJE'I DKYIL 'KHOR TE NYI MA'I DKYIL 'KHOR GYI DBUS SU GNAS PAR H'Um BSGOM ZHES PA, H'Um LAS NYI MA'I DKYIL 'KHOR BSGOM PA'O, ,GSAL BA'I DKYIL 'KHOR DBUS GNAS PAR, ,AOm ZHES BYA BA RAB TU BSGOM, ,ZHES PA GSAL BA'I DKYIL 'KHOR TE, ZLA BA'I DBUS SU AOm BSGOM PA NI, NYI MA'I DKYIL 'KHOR GYI STENG DU AOm LAS ZLA BA'I DKYIL 'KHOR BSAM PA'O, ,CHOS KYI DKYIL 'KHOR DBUS GNAS PAR, ,YI GE AA NI RNAM PAR BSAM, ,ZHES PA, CHOS KYI DKYIL 'KHOR TE PAD MA'I DBUS SU AA BSAM PA NI ZLA BA'I DKYIL 'KHOR GYI STENG DU, AA LAS PAD MA BSAM PA'O, ,DE'I STENG DU YI GE GSUM BSGOM PA NI MAN NGAG GO ,MTSAN MA GSUM PO DE GANG DU BSGOM ZHE NA, YI GE BHR'Um GYI GNAS GZHAL YAS KHANG BSGOM STE, DE'I NANG DU RDO RJE GSUM 'BYUNG STE, NYI MA ZLA BA PAD MA'I MTSAN MA GSUM PO BSGOM PAR BYA ZHING, GZHAN DU MA YIN NO, , DE LTAR BSGOMS PA'I 'OG TU 'BRU GSUM PAD MA DANG BCAS PA YAS THIM NYI MA'I @392 DKYIL 'KHOR, MAS THIM PAS ZLA BA'I DKYIL 'KHOR GCIG TU GYUR PA NI ZLA BA LAS BYANG CHUB PA'O, ,DE LTA BU'I ZLA BA'I DKYIL 'KHOR NI, DUS GSUM GYI SANGS RGYAS RNAMS KYI SNYING PO YIN TE, THUGS KYI MTSAN MAR GYUR PA'I PHYIR RO, ,MTSAN MA GSUM GYI RGYUR GYUR PA'I YI GE GSUM NI SKU GSUNG THUGS MNYES PAR BYED PA ZHES BYA STE, DE LTAR NA ZLA BA'I GZUGS DANG, MTSAN MA GSUM NYE BAR GOMS PAR BSGOM PAR BYA'O, ,ZLA BA LAS BYANG CHUB PA DE'I 'OG TU CI ZHIG BYA ZHE NA, YIG 'BRU LAS BYANG CHUB PA STON PA NI, ZLA BA'I STENG DU SANGS RGYAS SKU'I MCHOG AOm DANG, GSUNG GI LAM A'A: DANG, THUGS KYI YE SHES 'JING H'Um RNAMS BSGOM MO, ,DE NAS CI ZHIG BYA ZHE NA, PHYAG MTSAN LAS BYANG CHUB PA STON PA NI, YI GE GSUM YONGS SU GYUR PA LAS BYUNG BA'I MNGON BYANG LNGA STON PA'I RDO RJE RTZE LNGA PA BSGOM MO, , DE LTA BU'I RDO RJE 'DI NI, BYANG CHUB STE BDE BA CHEN PO'I GNAS SU 'KHRID CING THOB PAR BYED PA'I TSUL MCHOG YIN TE, RIGS THAMS CAD KYI DAM PA YIN PA'I PHYIR RO, ,RDO RJE 'DI NI SANGS RGYAS THAMS CAD KYIS TE RDO RJE 'CHANG GI SGRUB PA PO RNAMS KYIS SANGS RGYAS BYANG CHUB STE BSKYED PA'I RIM PA'I PHYAG RGYA CHEN PO RAB TU SGRUB CING YONGS SU RDZOGS PAR BYED PA'O, ,DE'ANG RDO RJE DE YONGS SU GYUR PA LAS SKU RDZOGS PAR BYANG CHUB PA RDO RJE 'CHANG CHEN PO'I SKUR BSKYED PAR BYA'O, ,DE DAG GIS NI RNAL 'BYOR DANG, RJES SU RNAL 'BYOR BSTAN TO, ,DE NAS SPRUL SKU BSGYUR BA DANG, SA BON LUS LA 'GOD PA NI, SHIN TU RNAL 'BYOR RO, ,SKU @393 GSUNG THUGS BYIN GYIS RLOB PA DANG, SEMS DPA' SUM BRTZEG TU BSGOM PA'I PAR NI RNAL 'BYOR CHEN PO'O, ,DE LTAR RNAL 'BYOR BZHIS BSKYED DE, DPA' BO GCIG PA BSGOM PA'AM, YANG NA DKYIL 'KHOR RGYAL MCHOG BSKYED DE, DRAN PA GCIG PA'I TING NGE 'DZIN LA BSLAB PAR 'BREL LO, ,'DI DAG GANG GIS BSTAN ZHE NA, YE SHES RDO RJE STE RDO RJE 'CHANG CHEN POS SPRUL PA STE BSTAN PA YIN NO, ,DGOS PA CI'I PHYIR DU BSTAN ZHE NA, SANGS RGYAS TE RIN PO CHE LTA BU'I GANG ZAG RNAMS KYIS RGYU KUN RDZOB KYI BDEN PA DANG, 'BRAS BU DON DAM PA'I BDEN PA LAS 'BYUNG ZHING BSKYED PA'I YONGS SU DAG PA'I LHA'I SKU THOB PA'I DON DU BSTAN TO, ,GZHAN YANG SNGAGS KYI RIG PA ZHES RTOG PA'I RGYUD LA SOGS PAR BSGRAGS PA'I ZHI BA LA SOGS PA'I THUN MONG GI DNGOS GRUB DAG GI DON DU YANG BSTAN TO, ,DGOS GRUB DE YANG THABS GANG GIS THOB CE NA, SNGON DU BSNYEN BSNYEN PA DANG BCAS PA'I BZA' BA DANG BSRUNG BA'I DAM TSIG DAG GIS RDZOGS SHING THOB PAR 'GYUR RO, ,DAM TSIG DE DAG GANG GI YIN ZHE NA, DAM TSIG 'DI DAG NI RDO RJE GSUM DBYER MI PHYED PAR BSGOM PA'I SANGS RGYAS SKYES BUS TE, MI BSKYOD PA LA SOGS PA DE BZHIN GSHEGS PA RNAMS KYI YIN NO, ,DE DAG GI DON BSDU BA NI, SKU GSUNG THUGS NI YI GE GSUM MO, ,DAM TSIG NI DE LAS BYUNG BA'I NYI MA'I DKYIL 'KHOR LA SOGS PA GSUM MO, , DE KHO NA NYID NI PAD MA'I STENG GI YI GE GSUM MO, ,YE SHES NI THAMS CAD YONGS SU GYUR PA LAS BYUNG BA'I ZLA BA'I DKYIL 'KHOR RO, ,RDO RJE NI ZLA BA'I STENG GI YI GE @394 GSUM YONGS SU GYUR PA LAS BYUNG BA'I RDO RJE CHEN PO RTZE LNGA PA'O, ,DES BSKYED PAS NA BYIN GYIS BRLAB PA'I DPAL NI PHYAG RGYA CHEN PO'I GZUGS TE, DE BSKYED PA LA THUGS RTZE GCIG TU MDZAD PA'I TING NGE 'DZIN GANG YIN PA DE LA DE SKAD CES BYA'O, , GNAS KYI MTSAN NYID PHAN YON DANG BCAS PA BSTAN PA NI, SKYE BO 'DUS PA DANG BRAL BAS NA DBEN PA, ME TOG DANG 'BRAS BU DANG, LO MA DANG LDAN PA'I SHING SNA TSOGS KYI YAL GAS KHEGS SHING YID DU 'ONG BA'I CHU'I TSOGS KYIS MDZES PAS NA NYAMS DGA' BA'I GNAS NA 'DUG PA'I RNAL 'BYOR PAS, BSHAD MA THAG PA'I SBYOR BA 'DI KUN TU BRTZAM ZHING BSLAB PAR BYA'O, ,DES CIR 'GYUR ZHE NA, ZLA BA PHYED KYIS TE, BLA MA DANG LHA'I YUL LA YID CHES PAR GYUR PAS, GCIG TU BRTUN PAS BSGRUB NA, RDO RJE'I SKU GSUNG THUGS TE RDO RJE 'CHANG CHEN PO NYID THE TSOM MED PAR NGES PAR 'GRUB PAR 'GYUR RO, ,ZHES BYA BAR DGONGS SO, ,RNAM PAR SNANG MDZAD KYI DRAN PA GCIG PA'I TING NGE 'DZIN BSTAN PA LA GSUM GYI, TING NGE 'DZIN DNGOS BSTAN PA NI, BSRUNG BA'I 'KHOR LO SNGON DU 'GRO BAS, GZHAL YAS KHANG GDAN DANG BCAS PA BSKYED DE, DER LHAG MOS MDZAD PA DANG BCAS PA BSGOMS NAS, LHAG MOS LUS LA BSDUS TE, DON DAM PA'I DKYIL 'KHOR DU BCUG NAS SH'U N+YA TA ZHES PA'I SNGAGS KYIS BRTAN PAR BYAS NAS, DE BZHIN NYID LAS BYANG CHUB PA NI, NAM MKHA' RDO RJE'I DBUS ZHES PA'O, ,DE NAS AOm LA SOGS PA'I YI GE GSUM GYIS ZLA BA NYI MA PAD MA BSKYED DE, PAD MA'I STENG DU YI GE GSUM BSAMS NAS DE THAMS R@395 CAD YONGS SU GYUR PA LAS ZLA BA'I DKYIL 'KHOR BSGOM PA NI, GSAL BA'I DKYIL 'KHOR DAM PA BSAM, ,ZHES PA'O, ,ZLA BA'I DKYIL 'KHOR GYI STENG DU YI GE GSUM BKOD DE, DE GYUR PA LAS BYUNG BA'I 'KHOR LO BSGOM LA, DE LAS BYUNG BA'I RNAM SNANG GI DAM TSIG SEMS DPA' BSKYED PA NI, RANG GI SNGAGS KYI DAM TSIG BSKYED, , CES PA'O, ,DAM TSIG SEMS DPA'I SNYING KHAR YE SHES SEMS DPA' BZHAG LA, DE'I SNYING KHAR YI GE AOm 'OD ZER LNGA DANG LDAN PA BKOD LA, RNAM PAR SNANG MDZAD LA SOGS PA'I NGO BO NYID DU BSGOM MO, ,DE NAS RNAL 'BYOR PAS, AOm DE LAS RNAM PAR SNANG MDZAD KYI SPRIN CHEN PO STE TSOGS RNAMS PHYOGS BCUR SPROS NAS, SEMS CAN GYI DON MDZAD DE BDAG NYID LA BCUG PAS, DE BZHIN GSHEGS PA THAMS CAD KYI SKU RDO RJE'I NGO BOR 'GYUR RO, ,PHAN YON BSTAN PA NI, BSHAD MA THAG PA'I TING NGE 'DZIN 'DI YIS, SANGS RGYAS TE BSKYED PA'I RIM PA SHES PA RNAMS KYI SKU STE LUS RDO RJE RNAM PAR SNANG MDZAD KYI RIGS DANG 'BREL BA'I LHA RNAMS KYIS GANG BA'I RGYA MTSOR 'GYUR RO, , GZHAN YANG YE SHES LNGA NI, MIG GI RNAM PAR SHES PA LA SOGS PA LNGA RNAMS TE, DE RNAMS DANG LDAN PA'I GZUGS LA SOGS PA'I YUL LNGA BSTEN NAS TE NYAMS SU MYONG BAS 'KHOR BA JI SRID PAR GNAS PA DANG, SANGS RGYAS SKU STE MTSAN THAMS CAD DANG LDAN PA'I SKU RDO RJE DANG 'DRA BA'I MDOG STE RDZU 'PHRUL 'GRUB PA DANG, RDO RJE STE GTZO BO RDO RJE 'CHANG CHEN POR GYUR NAS, SKAL BA GSUM DU STE RTOG PA RAB @396 'BRING THA MA GSUM DANG LDAN PA'I GDUL BYA LA CHOS STON PAS GNAS PA'O, ,ZLA BA PHYED KYIS ZHES PA NI, BYA BA'I SPROS PA LA LTOS PA MED PAR TING NGE 'DZIN LA ZHEN PA TZAM GYIS 'GRUB CES BYA BAR DGONGS PA'O, ,GZHUNG NYE BAR BSDU BA NI, BCOM LDAN 'DAS ZHES TE, SKU RDO RJE GSANG BA NI RDO RJE 'CHANG CHEN PO'O, ,DE BZHIN GSHEGS PA THAMS CAD NI ZLA BA'I DKYIL 'KHOR RO, ,RDO RJE NI YI GE GSUM GYUR PA LAS BYUNG BA'I 'KHOR LO'O, ,'OD ZER BKOD PA NI DE LAS BYUNG BA'I PHYAG RGYA CHEN PO'I GZUGS TE, DE BSKYED PA'I TING NGE 'DZIN GANG YIN PA DE LA DE SKAD CES BYA'O, , 'OD DPAG TU MED PA'I DRAN PA GCIG PA'I TING NGE 'DZIN LA GSUM STE, DRAN PA GCIG PA'I TING NGE 'DZIN DNGOS BSTAN PA NI, LHAG MOS DON DAM PA'I DKYIL 'KHOR DU BCUG PA'I DE BZHIN NYID LAS BYANG CHUB PA DANG, ZLA BA LAS BYANG CHUB PA NI, NAM MKHA' RDO RJE'I DBUS SU BSAM, ,ZHES PA'O, ,ZLA BA'I STENG DU YI GE GSUM GYUR PA LAS BYUNG BA'I PAD MA DMAR PO 'DAB MA BRGYAD PA BSGOM PA NI, CHOS KYI DKYIL 'KHOR DAM PA NI, ,ZHES PA'O, ,DE LAS BYUNG BA'I 'OD DPAG TU MED PA'I DAM TSIG SEMS DPA' BSKYED PA NI, RANG GI SNGAGS KYI SKYES BU BSKYED, , CES PA'O, ,DE'I THUGS KHAR YE SHES SEMS DPA' BSGOMS NAS, NGAG GI LAM YE SHES SEMS DPA' LA TING NGE 'DZIN SEMS DPA' YI GE A'A: BZHAG CING BGOD DO, ,DE LTAR KHA DOG LNGA DANG LDAN PA'I MI PHYED PA'I NGO BO NYID KYI RDO RJE CHEN PO 'JIG @397 RTEN DBANG PHYUG MCHOG TU BSGOM MO, ,DAM TSIG NI DAM TSIG SEMS DPA'O, ,YE SHES NI YE SHES SEMS DPA'O, ,TSIG GI DAM TSIG NI TING NGE 'DZIN SEMS DPA'O, , SEMS DPA' GSUM PO DE DAG RDZOGS PA STE, GCIG TU BYAS NAS BSGOM MO, , LNGA'I MCHOG NI DE BZHIN GSHEGS PA LNGA PO THAMS CAD KYANG SEMS DPA' SUM BRTZEG TU BSGOM ZHES PA'O, ,PHAN YON BSTAN PA NI, CHOS KYI TSIG GI LAM NI 'OD DPAG TU MED PA'I TING NGE 'DZIN NO, ,GNAS PA NI DE YANG DAG PAR THOB PA'O, ,RDO RJE NI KUN RDZOB KYI BDEN PA'O, ,CHOS NI DON DAM PA'I BDEN PA'O, ,CHOS DANG LDAN PA'I RDO RJE NI, RDO RJE CHOS TE RDO RJE 'CHANG CHEN PO DANG MTSUNGS PAR 'GYUR BA'O, , YE SHES LNGA LDAN ZHES SOGS NI BSHAD ZIN TO, ,TING NGE 'DZIN GYI MTSAN NYE BAR BSDU BA NI, DE BZHIN GSHEGS PA THAMS CAD NI YE SHES SEMS DPA'O, ,GSUNG RDO RJE NI TING NGE 'DZIN SEMS DPA'O, ,DAM TSIG NI DAM TSIG SEMS DPA' STE, DE BZHIN GSHEGS PA THAMS CAD KYI GSUNG RDO RJE'I DAM TSIG GANG DU 'BYUNG BA'I TING NGE 'DZIN DE LA DE SKAD CES BYA'O, ,MI BSKYOD PA'I RNAL 'BYOR PA'I DRAN PA GCIG PA'I TING NGE 'DZIN BSTAN PA LA GNYIS KYI, TING NGE 'DZIN DNGOS BSTAN PA NI, LHAG MOS DON DAM PA'I DKYIL 'KHOR BCUG PA'I DE BZHIN NYID LAS BYANG CHUB PA NAS, PHYAG MTSAN RDO RJE LAS BYANG CHUB PA'I BAR NI, RDO RJE'I DKYIL 'KHOR DAM PA ZHES SO, ,RDO RJE YONGS SU GYUR PA LAS MI BSKYOD PA'I DAM TSIG SEMS DPA' BSKYED @398 PA NI, RANG SNGAGS SKYES BU RDZOGS BYAS LA, ,ZHES PA'O, ,DAM TSIG SEMS DPA'I SNYING KHAR YE SHES SEMS DPA' BSKYED LA, SEMS LAS TE YE SHES SEMS DPA'I THUGS KHAR TING NGE 'DZIN SEMS DPA' YI GE H'Um GNAS PAR BSAM MO, ,DE LTAR SEMS DPA' GSUM GYI BDAG NYID CAN GYI DAM TSIG CHEN PO'I DE KHO NA NYID MI BSKYOD PA KHA DOG LNGA PA'I 'OD ZER DANG LDAN PAR RNAM PAR BSGOM PAR BYA'O, , PHAN YON BSTAN PA NI, YE SHES RDO RJE DAG GIS TE, MI BSKYOD PA'I RNAL 'BYOR PAS BSKYED PAR BYA ZHES SBYAR RO, ,GANG ZHE NA, RDO RJE KUN DANG RGYAL BA NI MI BSKYOD PA'O, ,DE'I GNAS NI PHYAG RGYA CHEN PO'I GZUGS TE, MI BSKYOD PA'I PHYAG RGYA CHEN PO BSKYED PAR BYA'O ZHES PA'O, ,DE LAS CIR 'GYUR ZHE NA, DE LTAR RTAG PA NYID KYIS THUN BZHIR BSLAB PAR BYAS NA, DGE BA'I RTZA BA YONGS SU SMIN PAS, RDO RJE LTA BU'I TING NGE 'DZIN MNGON PAR RTOGS NAS, TSE 'DI NYID LA PHYAG RGYA CHEN PO'I DNGOS GRUB THOB PAR 'GYUR RO, ,ZHES STON PA NI, STON PA RDO RJE ZHES SOGS TE, LHA DANG MI RNAMS LA RJES SU STON PAR MDZAD PAS NA STON PA, RDO RJE NI DON DAM PA'O, , THUGS NI KUN RDZOB BO, ,DE DAG LAS BSGRUBS PA'I ZUNG 'JUG NI RDO RJE THUGS 'DRA'O, ,'DOD PA'I DBANG PHYUG LA SOGS PA'I YON TAN BRGYAD KYI 'BYUNG GNAS SU GYUR PAS NA YE SHES YON TAN RGYA MTSO'O, ,YE SHES LNGA LDAN ZHES SOGS BSHAD ZIN TO, ,SEMS DPA' GSUM GYI BDAG NYID YIN PAS NA, RDO RJE THUGS GSANG BA NI RDO RJE 'CHANG CHEN PO'O, ,DE DAG GI GZHUNG NYE BAR BSDU BA NI, DE BZHIN GSHEGS @399 PA THAMS CAD NI RDO RJE 'CHANG CHEN PO'O, ,SKU GSUNG THUGS NI RNAM SNANG LA SOGS PA GSUM MO, ,DAM TSIG NI DON YOD GRUB PA'O, ,RDO RJE NI RIN CHEN 'BYUNG LDAN TE, DE RNAMS BSKYED PA'I TING NGE 'DZIN GANG YIN PA DE LA DE SKAD CES BYA'O, ,DON GRUB DANG RIN 'BYUNG GI DRAN PA GCIG PA'I TING NGE 'DZIN RGYAS PAR BSTAN PA MED KYANG, GZHUNG NYE BAR BSDU BA'I TSIG 'DIS ZIN PAS NA, SNGAR BSHAD PA'I CHO GA DANG 'DRA BAR BSKYED PAR BYA STE, KHYAD PAR NI, DON GRUB KYI RNAL 'BYOR PAS, YIG 'BRU GSUM YONGS SU GYUR PA LAS SNA TSOGS RDO RJE BSGOM, DE LAS DON GRUB KYI SKU BSKYED PAR BYA'O, ,RIN 'BYUNG GI RNAL 'BYOR PAS YIG 'BRU GSUM YONGS SU GYUR PA LAS RIN PO CHE DANG, DE LAS RIN 'BYUNG GI SKUR BSKYED PAR BYA'O, , GZHAN NI SNGAR DANG 'DRA'O, ,YE SHES KYI SKU BSKYED PA LA BZHI LAS, 'JAM DPAL GYI TING NGE 'DZIN 'OD GSAL BSGOM PA NI, BSGOM PAR BYA'O, ,GANG DU NA, YE SHES DKYIL 'KHOR TE, RGYU BA DANG MI RGYU BA'I TSOGS 'JIG RTEN GSUM GYI DBUS SU'O, , GANG ZHIG NA, RDO RJE CHEN PO STE SGYU LUS PHYAG RGYA CHEN PO'I GZUGS SO, ,DE NAS CI ZHIG BYA ZHE NA, LUS RNAMS KUN LAS TE, RGYU BA DANG MI RGYU BA KUN LA YI GE KHAm NAM MKHAR BYED PA'I SA BON DMIGS SHING BKOD NAS, RJES SU GZHIG PA'I RIM PAS, DANG POR DE DAG DNGOS PO MED PAR BYAS NAS, PHYIS BDAG NYID KYANG, SEMS DPA' GSUM RIM GYIS 'OD GSAL DU ZHUGS PA DE BYAS NA, RDO RJE YE SHES NAM MKHA' DANG MNYAM PAR 'GYUR RO, ,DE GANG ZHE NA, KHAm ZHES PA 'OD GSAL BA'O, , @400 DE NAS CIR 'GYUR ZHE NA, SANGS RGYAS TE RNAM SNANG LA SOGS PA'I NGO BO NYID KYI GZUGS LA SOGS PA'I PHUNG PO DANG, BYANG CHUB SEMS DPA' STE SA'I SNYING PO LA SOGS PA'I NGO BO NYID KYI MIG LA SOGS PA RNAMS, RDO RJE PHRENG BAR, GZUGS PHUNG RTOGS PA ZHES SOGS KYI RIM PAS, YANG DANG YANG DU STE SKAD CIG RE RE ZHING 'OD GSAL DU NYE BAR 'PHROG CING ZHU BAS NA MCHOD PA DANG, SKAL PA GSUM NI, SHES RAB DANG, THABS DANG, NYER THOB GSUM YIN LA, DE DANG MNYAM PAR GYUR CING ZHU BAR GYUR PAS NA DAM TSIG STE, 'OD GSAL LA GNAS NAS, SANGS RGYAS TE YE SHES GSUM GYIS KYANG GZIGS PAR MI 'GYUR BA STE, SNANG BA MED PA'I NGO BO NYID DU GNAS PA'O, ,NAM MKHA' RDO RJE NI 'OD GSAL BA'O, ,DE LAS BYUNG BAS NA, NAM MKHA' RDO RJE'I DAM TSIG STE, RDO RJE 'CHANG CHEN PO'O, ,TING NGE 'DZIN GYI MTSAN NYID KYIS 'OD GSAL LAS LDANG BA'I RIM PA BSTAN PA NI, SKU GSUNG THUGS NI SGYU LUS PHYAG RGYA CHEN PO'O, ,DE'I MI SNANG BA NI 'OD GSAL, DE LAS BYUNG BAR GYUR PAS NA 'BYUNG BA'O, ,BKOD PA NI G-YO BA DANG MI G-YO BA'I DNGOS PO THAMS CAD KYI BDAG NYID ZUNG 'JUG YE SHES KYI SKU'O, ,DE'I PHRENG BA NI GDUL BYA'I BSAM PA JI LTAR BA BZHIN DU RNAM SNANG LA SOGS PA'I SPRUL SKUR BSGYUR BA'O, ,DE DAG LA RTZE GCIG TU DMIGS PA'I TING NGE 'DZIN GANG YIN PA DE LA DE SKAD CES BYA'O, ,DE DAG GI DON RGYAS PAR BSHAD PA NI, ZUNG 'JUG LA GNAS PA'I RNAL 'BYOR PAS, NAM MKHA' RDO RJE STE 'OD GSAL BA'I DBUS LAS BYUNG BA'I RANG SNGAGS SKYES BU STE, @401 ZUNG 'JUG GI PHYAG RGYA CHEN PO'I GZUGS SU BSAM PA STE BSGOM LA, DE'I 'OG TU SEMS CAN THA MAL PA'I YUL DU GYUR PA'I SPRUL PA'I SKU BZUNG STE, DKYIL 'KHOR RGYAL MCHOG BSKYED NAS, LAS RGYAL MCHOG RDO RJE BZLAS PA'I SGO NAS SEMS CAN GYI DON BYED PA NI SNYING KHAR RDO RJE HAm ZHES PA BZHAG STE ZHES PA, 'BYUNG 'JUG GNAS GSUM MI SHIGS PA HA'I RTZA BA NAS SGRA'I DE KHO NA NYID NAM MKHA' DANG 'DRA BAR SHES PAR BYAS TE, 'OD ZER RNAM PAR BSGOM ZHES PA RLUNG SNGAGS DBYER MI PHYED PA'I SGO NAS, G-YAS PA NAS PAD MA MGON PO DGU BRGYA PA PHRAG GCIG RGYU BA'I DUS SU, DBANG GI LAS BYED PA SOGS MGON PO BZHI'I RLUNG RGYU BA NA, PHRIN LAS BZHI'I SGO NAS SEMS CAN GYI DON BYA'O ZHES PA'O, ,HAm ZHES PA BRJOD DU MED PA'I YANG BRJOD DU MED PA RLUNG GI RTZA BA 'OD GSAL STON PA'O, ,DE LTAR BSGOM PA'I RNAL 'BYOR PA DES PHAN YON CI 'THOB CE NA, DE LTAR BSGOM PA PO DE NI 'OD GSAL LAS BYUNG ZHING, PHYIR MI LDOG PA RNAMS KYI LONGS SPYOD PAS NA 'JAM DPAL DAM TSIG LONGS SPYOD DE, YE SHES KYI RANG BZHIN GYI SKU THOB NAS, SPRUL PA'I SKU GSUNG THUGS MNGA' BA'I RDO RJE CAN, SA BCU STE 'OD ZER BCU LA GNAS PA BYANG CHUB DON DAM PA DANG, SEMS CAN KUN RDZOB KYI BDEN PA GNYIS DBYER MI PHYED PA'I BDAG NYID CAN GYI ZUNG 'JUG DER 'GYUR RO, ,TING NGE 'DZIN GYI MTSAN GYI GZHUNG NYE BAR BSDU BA NI, BDEN PA GNYIS KYI BDAG NYID CAN GYI SKU NI BYANG CHUB SEMS DPA'I YE SHES SO, ,DE NYID 'DA' BAR MI BYA BAS NA DAM TSIG GO ,KHAMS GSUM PA @402 RNAMS TSIM PAR BYED PAS NA ZLA BA'O, ,'KHOR BA JI SRID PAR SEMS CAN GYI DON BYED PAS NA RDO RJE'O, ,DE BSKYED PAR BYED PA'I TING NGE 'DZIN GANG YIN PA DE LA DE SKAD CES BYA'O, ,MNGON SHES SGRUB PA'I CHO GA LA GNYIS TE, BSKYED RIM PA'I MNGON SHES SGRUB PA DANG, RDZOGS RIM PA'I MNGON SHES SGRUB PA'O, ,BSKYED RIM PA'I MNGON SHES SGRUB PA LA GNYIS TE, SKYE MCHED LA BYANG CHUB SEMS DPA' BKOD DE, MNGON SHES SGRUB PA'I PHAN YON DANG BCAS PA DANG, DE BZHIN GSHEGS PA BKOD DE SGRUB PA PHAN YON DANG BCAS PA'O, ,DANG PO LA LNGA YOD PA'I MIG GI MNGON SHES SGRUB PA'I CHO GA NI, NANG LA MCHOG TU GZHOL BA THUN MONG GI BSNYEN PA MTHAR PHYIN PAR BYAS PA'I RNAL 'BYOR PAS, MIG GI MNGON SHES SGRUB PAR 'DOD NA, KHYAD PAR BRGYAD DANG LDAN PAS BSGRUB PAR BYA STE, DE LA YUL GYI KHYAD PAR NI, GANG BLTA BAR 'DOD PA'I YUL PHYOGS SO, ,GNAS KYI KHYAD PAR NI, RNAM PAR DBEN PA'I RI BO'AM, YID DANG MTHUN PA'I GNAS SO, ,DUS KYI KHYAD PAR ZLA BA YAR GYI NGO'O, ,NYIN ZHAG GI DUS NI SROD LA BYA'O, ,PHYOGS KYI KHYAD PAR NI GANG BLTA BAR 'DOD PA'I PHYOGS SU KHA BLTA'O, ,KHA DOG GI KHYAD PAR BSTAN PA DANG MTHUN NO, , BSAM PA'I KHYAD PAR NI YUL DE BLTA BAR 'DOD PA'O, ,CHO GA'I KHYAD PAR NI SRUNG BA'I 'KHOR LO SNGON DU 'GRO BA CAN GYI GZHAL YAS KHANG GDAN DANG BCAS PA BSKYED NAS, DER LHAG MOS BSDU BA SNGON DU 'GRO BA CAN GYI RNAL 'BYOR BZHIS RANG GI LHAG PA'I LHA'I SKUR BSKYED PA NI DANG PO SBYOR BA'O, ,DE NAS RANG RIGS KYI @403 PHYAG RGYA DANG SNYOMS PAR ZHUGS PA LAS, CHO GA GSUM GYIS LHA RNAMS BSKYED DE, RANG RANG GI GNAS SU BKOD PA NI DKYIL 'KHOR RGYAL MCHOG GO ,LAS RGYAL MCHOG NI, MIG GNYIS KA SBUBS STONG PAR BSGOM LA, DER YI GE THIG LE NYI ZLA'I 'OD ZER 'BAR BA BSKYED LA, DE SA'I SNYING PO'I RANG BZHIN TU BSGOMS TE, DE LAS BYUNG BA'I 'OD ZER GYI TSOGS KYIS YUL PHYOGS GZHAN GYI GANG LTA BA 'DOD PA'I DNGOS PO DE SHIN TU GSAL BAR YID LA BYAS NAS, ZHAG BDUN LA SOGS PA'I BAR DU THUN BZHIR BSGOM NA, GANG BLTA BAR 'DOD PA'I DNGOS PO DE LAG MTHIL DU SKYU RU RA BZHAG PA BZHIN DU MTHONG BAR 'GYUR RO, ,TSIG GI DON NI NYI ZLA'I 'OD ZER 'BAR BA'I YI GE THIG LE BSGOM MO, ,GANG DU NA, NAM MKHA'I DBYINGS KYI DBUS TE, MIG GNYIS KYI SBUBS STONG PAR BYAS PA'I KHONG STONG DU'O, ,JI LTAR NA RDO RJE LUS TE SA'I SNYING PO RANG BZHIN DU'O, ,THIG LE DE NI MTSON CHA'I MCHOG CES BYA STE, DE LAS BYUNG BA'I MIG GIS BGEGS GI MCHOG DBANG PO LA SOGS PA'I TSOGS 'JOMS PA'I PHYIR RO, ,DE LTAR BSGOMS PAS PHAN YON CI 'THOB CE NA, RDO RJE'I SKU STE RDO RJE 'CHANG CHEN PO DANG 'DRA BAR 'JIG RTEN GYI KHAMS DPAG TU MED PA NA GNAS PA'I DNGOS PO THAMS CAD LAG MTHIL DU SKYU RU RA BZHAG PA BZHIN DU MTHONG BAR 'GYUR RO, ,THIG LE ZHES PA NI BSHAD MA THAG PA DON STON PA'I SA BON NO, ,NAM MKHA' RDO RJE'I DAM TSIG NI RDO RJE 'CHANG CHEN PO'O, ,BKOD PA NI PHYAG RGYA CHEN PO'O, , DE NI SA'I SNYING PO LA SOGS PA'I GNAS YIN PAS, NAM MKHA' RDO RJE'I DAM TSIG @404 BKOD PA'I GNAS ZHES BYA STE, TING NGE 'DZIN DE STON PA LA YANG DE SKAD CES BYA'O, ,DE LTAR BSHAD MA THAG PA DANG, 'OG NAS 'CHAD PA'I LHA MI'I MIG DANG RNA BA LA SOGS PA BSGOM PA'I RNAL 'BYOR PA DE NI, MNGON SHES LNGA DANG LDAN PA'I RDO RJE 'CHANG CHEN PO DANG 'DRA BAR 'GYUR RO, ,GANG GI SGO NAS ZHE NA, DUS GSUM GYI SANGS RGYAS RNAMS KYIS MNGON SHES DAM TSIG MCHOG STE, LHA'I MIG LA SOGS PA'I MNGON SHES RNAMS KYI SGO NAS SO, ,BSHAD MA THAG PA'I LHA'I MIG GI MNGON SHES 'DI NI, SANGS RGYAS TE RANG GI SEMS JI LTA BA BZHIN DU MNGON PAR SHES PA'I RNAL 'BYOR PA CHEN PO RNAMS KYI RANG DANG GZHAN GYI DNGOS GRUB THAMS CAD BSGRUB PA'I MCHOG GAM GTZO BO YIN NO, ,LHA'I RNA BA'I MNGON SHES SGRUB PA'I CHO GA NI, BSNYEN PA LAS SU RUNG BA'I RNAL 'BYOR PAS, SRUNG BA'I 'KHOR LO SNGON DU 'GRO BA'I GZHAL YAS KHANG GDAN DANG BCAS PA BSKYED LA, DER LHAG MOS BSDU BA SNGON DU 'GRO BA CAN GYI, SANGS RGYAS DKYIL 'KHOR RNAM PAR BSAM, ZHES PA RNAL 'BYOR BZHIS RANG GI LHAG PA'I LHA GANG YIN PA BSKYED CES PA'AM, YANG NA RDO RJE SEMS DPA' STE RDO RJE 'CHANG CHEN POR BSGOM LA, DKYIL 'KHOR RGYAL MCHOG BSKYED DE, LAS RGYAL MCHOG NAM MKHA'I DBYINGS KYI DBUS TE, RNA BA'I GNAS STONG PAR BSGOMS PA'I DBUS SU, YE SHES TE PHYAG NA RDO RJE'I SA BON YI GE AOm BSGOM PAR BYA ZHING, DE NYID RDO RJE GSUM STE PHYAG NA RDO RJE'I RANG BZHIN DU BSGOM LA, GANG NYAN PAR 'DOD PA'I SGRA'I TSOGS RNAMS RNA BA'I DRUNG DU GRAGS PA BZHIN DU YID LA BYAS NAS ZHAG @405 BDUN LA SOGS PA'I BAR DU THUN BZHIR BSLAB PAR BYA'O, ,DE LAS CIR 'GYUR ZHE NA, MI BSKYOD RDO RJE GSUM STE, RDO RJE 'CHANG CHEN PO DANG 'DRA BAR 'JIG RTEN GYI KHAMS DPAG TU MED PA NA GNAS PA'I SGRA'I TSOGS THAMS CAD RNA BA'I DRUNG DU DRAG PA'I SGRA GCIG BZHIN DU THOS PAR 'GYUR RO, ,RDO RJE MI BSKYOD NI RDO RJE 'CHANG CHEN PO'O, ,GZHAN YANG RDO RJE'I SKU THOB PAS NA MI BSKYOD PA STE, RDO RJE 'CHANG CHEN PO'I SKU DANG 'DRA BA DANG, THA MAL BA MA YIN PA'I GSUNG DANG THUGS 'DZIN PAS NA GSUNG DANG THUGS MCHOG 'DRA BAR 'DZIN PA'O, ,'JIG RTEN GYI KHAMS THAMS CAD DU MI BSKYOD RDO RJE STE, RNA BA LA GNAS PA'I PHYAG NA RDO RJE BSNYEN CING MCHOD PAR 'GYUR RO, ,MI BSKYOD PA'I DAM TSIG MNGON PAR 'BYUNG BA'I RDO RJE NI, PHYAG NA RDO RJE STE TING NGE 'DZIN DE STON PA LA YANG DE SKAD CES BYA'O, ,SNA'I MNGON SHES BSGRUB PA'I CHO GA NI, THUN MONG GI BSNYEN PA MTHAR PHYIN PA'I RNAL 'BYOR PAS, CHO GA GZHAN RNAMS SNGAR DANG 'DRA LA, CHO GA'I KHYAD PAR GZHAL YAS KHANG GDAN DANG BCAS PA BSKYED NAS, DER LHAG MOS MDZAD PA DANG BCAS PA BSGOMS NAS, LHAG MOS DON DAM PA'I DKYIL 'KHOR DU BCUG PA'I DE BZHIN NYID LAS BYANG CHUB PA NI, NAM MKHA'I DBYINGS KYI DBUS SU ZHES PA'O, ,DE NAS RNAL 'BYOR BZHIS RANG GI LHAG PA'I LHA GANG YIN DU BSKYED PA'AM, RDO RJE 'CHANG CHEN POR BSKYED PA'I DANG PO'I SBYOR BA NI, SANGS RGYAS DKYIL 'KHOR 'OD BZANG BSAM, ,ZHES PA'O, ,DE'I 'OG TU DKYIL 'KHOR RGYAL MCHOG BSKYED NAS, LAS RGYAL MCHOG NAM MKHA'I RDO @406 RJE STE NAM MKHA'I SNYING PO'I RANG BZHIN SNA'I DBANG PO STONG PAR BSGOM LA DER RIN CHEN STE NAM MKHA'I SNYING PO'I SA BON YI GE AOm BSAM MO, ,DE NYID RDO RJE DAM TSIG GSUM STE NAM MKHA'I SNYING PO'I RANG BZHIN DU BSGOM LA, 'JIG RTEN GYI KHAMS THAMS CAD NA GNAS PA'I DRI RAB 'BRING THA MA GSUM PO RNAMS SNA'I DRUNG NA GNAS PA BZHIN DU GSAL POR YID LA BYAS NAS ZHAG BDUN LA SOGS PA'I BAR DU BSGOM PAR BYA'O, ,DES CIR 'GYUR ZHE NA, RDO RJE GSUM GYI DPAL TE RDO RJE 'CHANG CHEN PO DANG 'DRA BAR, 'JIG RTEN GYI KHAMS DPAG TU MED PA NA GNAS PA'I DRI THAMS CAD LA SPYOD PAR 'GYUR RO, ,DKON MCHOG DPAL NI RDO RJE 'CHANG CHEN PO STE, DES DE SKAD CES BKA' BSTZAL TO, , GZHAN YANG DE LTAR BSGOM PA'I RNAL 'BYOR NI, THA MAL PA MA YIN PA'I SKU GSUNG THUGS DANG RDO RJE NAM MKHA' MDZOD KYI TING NGE 'DZIN GYI DKON MCHOG DPAL GYI 'OD 'DRA BAS TE, DKON MCHOG DPAL DANG RDZU 'PHRUL 'DRA BAR 'GYUR RO, ,BDAG MED BYANG CHUB NI 'OD GSAL BA'O, ,YE SHES NI STONG PA BZHI'I BDAG NYID KYI RDO RJE 'CHANG CHEN PO'I SKU'O, ,DE NYID NYAN THOS LA SOGS PA'I SPYOD YUL MA YIN PAS NA GSANG BA STE, SGRUB PA PO DE NI DE LTA BU'I RDO RJE 'CHANG CHEN PO'I SKU DANG 'DRA BAR GNAS PAR 'GYUR RO, ,DRI RNAM PA GANG GIS LONGS SPYOD CING MYONG BA DE NI, RIN PO CHE'I DAM TSIG LONGS SU SPYOD PA'I RDO RJE STE NAM MKHA'I SNYING PO YIN LA, DE BSKYED PA TING NGE 'DZIN GANG YIN PA DE LA DE SKAD CES BYA'O, ,LCE'I MNGON PAR @407 SHES PA BSGRUB PA'I CHO GA NI, THUN MONG GI BSNYEN PA LA MTHAR PHYIN PA'I RNAL 'BYOR PAS, LCE'I MNGON SHES SGRUB PAR 'DOD NA, GZHAN RNAMS SNGAR DANG 'DRA LA, CHO GA'I KHYAD PAR SRUNG 'KHOR SNGON DU 'GRO BA CAN GYI GZHAL YAS KHANG GDAN DANG BCAS PA BSKYED PA DER LHAG MOS BSDU BA SNGON DU 'GRO BAS, RNAL 'BYOR BZHI'I SGO NAS, RANG GI LHAG PA'I LHA GANG RUNG DU BSKYED PA'AM, RDO RJE 'CHANG CHEN POR BSKYED PA DANG PO SBYOR BA NI, NAM MKHA'I DBYINGS ZHES PA RKANG PA GNYIS SO, ,DE'I 'OG TU DKYIL 'KHOR RGYAL MCHOG BSKYED NAS LAS RGYAL MCHOG LCE'I DBANG PO'I GNAS 'JIG RTEN DBANG PHYUG STE 'OD GSAL BAR BSGOM LA, DER CHOS TE 'JIG RTEN DBANG PHYUG BSKYED PA'I SA BON YI GE AOm BSGOM ZHING, DE NYID RDO RJE DAM TSIG GSUM STE 'JIG RTEN DBANG PHYUG GI NGO BOR BSGOMS NAS, 'JIG RTEN GYI KHAMS THAMS CAD NA GNAS PA'I RO RAB 'BRING THA MA GSUM LCE'I DBANG PO'I DRUNG NA GNAS PA BZHIN DU GSAL POR YID LA BYAS TE, ZHAG BDUN LA SOGS PAR BSGOM PAR BYA'O, ,DE LAS CI 'GYUR ZHE NA, RDO RJE GSUM DPAG MED DE, RDO RJE 'CHANG CHEN PO DANG 'DRA BAR PHYOGS BCU'I 'JIG RTEN GYI KHAMS THAMS CAD NA GNAS PA'I RO THAMS CAD RJES SU MYONG BAR 'GYUR RO, ,GZHAN YANG DE LTAR BSGOM PA DE NI, LUS LA SOGS PA'I GZI BRJID 'OD DPAG MED DANG 'DRA BAR 'GYUR ZHING, DBANG PO DMAN PA LA SOGS PA'I SEMS CAN THAMS CAD LA SANGS RGYAS THOB PAR BYED PA'I THABS STON PAR BYED PAS NA THEG CHEN LAM NI 'BYUNG BAR 'GYUR BA'O, ,RDO RJE 'OD DPAG @408 MED NI RDO RJE 'CHANG CHEN PO'O, ,DES DE SKAD CES BKA' BSTZAL TO, ,YON TAN DPAG TU MED PA NI RDO RJE 'CHANG CHEN PO'O, ,DE LA KHAMS GSUM NA GNAS PA'I RO THAMS CAD LCE'I DRUNG NA GNAS PA'I RO GCIG 'DRA BAR SPYOD PA NI 'OD DE, DES MDZES PAR GYUR PA'I DPAL GANG YIN PA DE NI YON TAN DPAG TU MED PA'I 'OD KYI DPAL TE, 'JIG RTEN DBANG PHYUG YIN LA, DE BSKYED PA'I TING NGE 'DZIN GANG YIN PA DE LA DE SKAD CES BYA'O, ,LUS KYI MNGON SHES BSGRUB PA'I CHO GA LA BSNYEN PA MTHAR PHYIN PA'I RNAL 'BYOR PAS LUS KYI MNGON SHES BSGRUB PAR 'DOD NA, GZHAN RNAMS SNGAR DANG 'DRA LA, RNAL 'BYOR BZHIS RANG GI LHAG PA'I LHA GANG RUNG DU BSKYED PA'AM, RDO RJE 'CHANG CHEN POR BSKYED PA'I DANG PO SBYOR BA NI, NAM MKHA'I DBYINGS KYI DBUS SU NI, ,SANGS RGYAS DKYIL 'KHOR DAM PA BSAM, ,ZHES PA'O, , DE'I 'OG TU DKYIL 'KHOR RGYAL MCHOG BSKYED NAS LAS RGYAL MCHOG NI, RDO RJE NYID KHA ZUM PA'I RNAM PAS AUTPAL DANG 'DRA BAS NA, RDO RJE AUTPAL TE, DE NYID 'OD GSAL DU BSGOM PA, DER DAM TSIG STE SGRIB PA RNAM SEL BSKYED PA'I SA BON YI GE AOm BSGOM ZHING, DE NYID RDO RJE DAM TSIG GSUM STE SGRIB PA RNAM SEL GYI NGO BOR BSGOMS NAS, 'JIG RTEN GYI KHAMS THAMS CAD NA GNAS PA'I REG BYA THAMS CAD RANG GI PHYAG RGYA'I PAD MAR RTOGS PA'I REG BYA DANG 'DRA BAR GSAL POR YID LA BYAS NAS, ZHAG BDUN LA SOGS PAR BSGOM PAR BYA'O, ,DE LAS CIR 'GYUR ZHE NA, RDO RJE GDON MI ZA BA STE, RDO RJE 'CHANG CHEN PO DANG 'DRA BAR, 'JIG RTEN GYI KHAMS @409 DPAG TU MED PA NA GNAS PA'I REG BYA DPAG TU MED PA RNAMS PHYAG RGYA GCIG GIS PAD MAR RTOGS PA'I REG BYA DANG 'DRA BAR, RJES SU MYONG BAR 'GYUR RO, , GZHAN YANG DE LTAR BSGOMS PA DE NI, LUS LA SOGS PA RDO RJE THOGS MED DE DON YOD GRUB PA DANG 'DRA BA'I 'OD DAM GZI BRJID DANG LDAN PAR 'GYUR RO, ,'DI LA MCHOG TU DGA' BA'I BDE BA YOD PAS NA DPAL LDAN, SGRIB PA RNAM SEL GYI 'BYUNG GNAS SU GYUR PAS NA YE SHES RGYA MTSO STE, DON YOD GRUB PA YIN LA, DE DANG 'DRA BAR SEMS CAN THAMS CAD KYI DON KUN 'BYUNG ZHING BSKYED PA'I MTSAN NYID CAN DU 'GYUR RO, ,RDO RJE GDON MI ZA BA NI RDO RJE 'CHANG CHEN PO'O, ,GDON MI ZA BA'I DAM TSIG NI DON YOD GRUB PA STE, DE LAS BYUNG BA'I YE SHES KYI MCHOG NI SGRIB PA DANG RNAM SEL LO, ,DE'I 'OD ZER NI DE DANG 'DRA BAR 'BYUNG BA'I BYANG CHUB KYI SEMS KYI THIG LE STE, DE GANG NA 'BYUNG BA'I TING NGE 'DZIN DE LA DE SKAD CES BYA'O, ,PHA ROL TU THIG LE STE, DE GANG NA 'BYUNG BA'I TING NGE 'DZIN DE LA DE SKAD CES BYA'O, ,PHA ROL TU PHYIN PA'I THEG PAR SNA LCE LUS GSUM YUL DANG PHRAD NAS 'DZIN PAS, DE DAG LA MNGON SHES BSGRUB DU MI RUNG BAR BSHAD CING, 'DIR DE DAG LA YANG MNGON SHES SGRUB PAR BSHAD PA NI RDO RJE THEG PA'I THABS LA MKHAS PA'I KHYAD PAR YIN NO, , DE BZHIN GSHEGS PA RNAMS BKOD PA'I MNGON SHES BSGRUB PA'I CHO GA LA GSUM GYI, RNAM PAR SNANG MDZAD BKOD PAS MIG GI MNGON SHES BSGRUB PA'I CHO GA NI, BSNYEN PA LAS SU RUNG BA'I RNAL 'BYOR PAS, MIG GI MNGON SHES BSGRUB PAR 'DOD NA, GZHAN RNAMS SNGON DANG 'DRA LA, CHO GA'I KHYAD PAR RNAL 'BYOR BZHIS RANG GI LHAG @410 PA'I LHA GANG YIN PA BSKYED PA'AM, RDO RJE 'CHANG CHEN POR BSKYED PA'I DANG PO'I SBYOR BA NI, NAM MKHA'I DBYINGS KYI DBUS SU NI, ,SANGS RGYAS DKYIL 'KHOR 'OD BZANG BSAM, ,CES PA'O, ,DE NAS DKYIL 'KHOR RGYAL MCHOG BSKYED DE, LAS RGYAL MCHOG NI, MIG GI DBANG PO'I GNAS RDO RJE RNAM SNANG STE, 'OD GSAL BAR BSGOM LA, DER SKU GSUM STE, RNAM PAR SNANG MDZAD BSKYED PA'I YI GE AOm BSGOM ZHING, DE NYID RDO RJE DAM TSIG GSUM STE RNAM SNANG GI NGO BOR BSGOMS NAS, DE YONGS SU GYUR PA LAS, MIG GI DBANG PO RNAM SNANG GI RANG BZHIN DU BSAMS TE, 'JIG RTEN GYI KHAMS THAMS CAD NA GNAS PA'I GZUGS THAMS CAD MIG GI DBANG PO'I DRUNG NA 'DUG PA BZHIN TU GSAL POR YID LA BYAS NAS, ZHAG BDUN LA SOGS PAR BSGOM PAR BYA'O, ,DE LA CIR 'GYUR ZHE NA, RNAM PAR SNANG MDZAD DE, RDO RJE 'CHANG CHEN PO DANG MNYAM PAR 'GYUR TE SNGA MA BZHIN NO, ,PHAN YON BSTAN PA NI, DE LTAR BSGOM PA'I SGRUB PA PO NI, LUS LA SOGS PA'I RDO RJE RNAM PAR SNANG MDZAD DANG 'DRA BA'I 'OD DE GZI BRJID DANG LDAN ZHING, YE SHES KYI NGO BO NYID DANG, YE SHES LUS KYI MNGON PAR BYANG CHUB CING RTOGS PAR 'GYUR BA'I PHYIR, YE SHES RDZOGS BYANG CHUB DANG SKU GSUM DBYER MED MI PHYED PA RDO RJE 'CHANG CHEN PO'I GO 'PHANG SGRUB PAR BYED CING THOB PAR 'GYUR RO, ,TING NGE 'DZIN GYI MTSAN BSTAN PA NI, LUS NGAG SEMS KYIS DMIGS SHING GZUNG BAS NA, LUS DANG NGAG DANG YID DMIGS PA STE, RDO RJE 'CHANG CHEN PO'I SKU'O, ,DE NYID MI SHIGS PAR 'BYUNG BAS NA RDO RJE STE, @411 TING NGE 'DZIN DE STON PA LA YANG DE SKAD CES BYA'O, ,GNAS PHUN SUM TSOGS PA BSTAN PA LA GNYIS KYI, DRANG DON DU BSHAD PA NI, GONG DU BSHAD PA'I BSAM GTAN DE DAG GNAS GANG DU BSGOM ZHE NA, SKYE BO 'DUS PA DANG BRAL BA'I RNAM PAR DBEN PA'I RI BO ME TOG 'BRAS BU LA SOGS PAS BRGYAN PA DANG, KLUNG DANG 'BAB CHU DANG LDAN PA'I SKYED MOS TSAL LA SOGS PA DANG, DUR KHROD DANG, SOGS PAS KHANG STONG DANG SHING GCIG PA DANG, LHA KHANG LA SOGS PA YID DANG MTHUN PA'I GNAS RNAMS SU SA'I SNYING PO'I TING NGE 'DZIN LA SOGS PA GONG DU BSHAD PA'I BSAM GTAN BSDUS PA 'DI DAG BSGOM MO, ,NGES DON DU BSHAD PA NI, GNAS DE DAG TU GROGS GANG DANG LHAN CIG BSGRUB CE NA, NU MA DANG RKED PA LA SOGS RGYAS PA DANG LDAN PA'I BUD MED KYI RI BO DANG, SKYE BO THAMS CAD KYIS THUN MONG DU SPYAD BYAR GYUR PA KLUNG DANG 'BAB CHU DANG 'DRA BA'I SPRUL 'TSONG MA LA SOGS PA'I BUD MED DANG, DUR KHROD DANG 'DRA BAR 'JIG RTEN GYIS SMAD PA'I GDOL BA DANG, KHRUS MKHAN MO LA SOGS PA BUD MED KYI 'GRO BA RNAMS DANG LHAN CIG TU BSAM GTAN BSDUS PA 'DI DAG BSGOM MO, , MI BSKYOD PA LA SOGS PA BKOD PAS BSGRUB PA NI, BSNYEN PA LAS SU RUNG BA'I RNAL 'BYOR PAS, CHO GA'I KHYAD PAR RNAL 'BYOR BZHIS RDO RJE 'CHANG CHEN PO'AM, RANG GI LHAG PA'I LHA GANG RUNG BSKYED PA'I DANG PO SBYOR BA DANG, DKYIL 'KHOR RGYAL MCHOG BSKYED NAS LAS RGYAL MCHOG RNA BA'I MNGON SHES BSGRUB PAR @412 'DOD NA RNA BA'I SBUBS STONG PAR BYAS NAS, DER AOm BKOD DE, MI BSKYOD PAR SHES PAR BYA, SNA YI MNGON SHES GRUB NA, SNA'I SBUBS STONG PAR BYAS NAS, DER AOm BKOD DO, ,RIN CHEN 'BYUNG LDAN DU SHES PAR BYA, LCE'I MNGON SHES GRUB NA LCE'I SBUBS STONG PAR BYAS NAS DER AOm BKOD DO, ,'OD DPAG TU MED PAR SHES PAR BYA, LUS KYI MNGON SHES SGRUB NA, RDO RJE'I SBUBS STONG PAR BYAS NAS, DER AOm BKOD DO, ,DON YOD GRUB PA'I RANG BZHIN DU SHES PAR BYAS NAS, ZHAG BDUN LA SOGS PAR BSGOMS NA, SNGAR BSHAD PA LTAR LHA'I RNA BA'I MNGON SHES LA SOGS PA THOB PAR 'GYUR RO, ,TSIG GI DON NI BSAM PAR BYA'O, ,GANG ZHE NA, MI BSKYOD PA DANG, SOGS PA'I SGRAS RIN 'BYUNG DANG, 'OD DPAG MED DANG, DON YOD GRUB PA'I RANG BZHIN GYI YI GE AOm RNAMS SO, ,GANG DU NA RDO RJE NAM MKHA'I DKYIL DU STE, RNA BA DANG, SNA DANG, LCE DANG, RDO RJE'I SBUBS RNAMS 'OD GSAL GYIS SBYANGS PA'I KHONG STONG DER RO, ,JI LTAR BSGOM NA RNA BA LA SOGS PA'I SKYE MCHED LA GNAS PA'I YI GE AOm DE RNAMS GO RIM BZHIN DU, SANGS RGYAS MCHOG STE MI BSKYOD PA LA SOGS PA BZHI'I RANG BZHIN DU BSGOM MO, ,LHA'I RNAL 'BYOR GANG SNGON DU 'GRO BAS BSGOM ZHE NA, MNGON SHES LNGA'I SBYOR BA STE, RDO RJE 'CHANG CHEN PO'AM, RANG GI LHAG PA'I LHA'I RNAL 'BYOR SNGON DU 'GRO BAS SO, ,DAM TSIG CHEN PO RDO RJE MNGON PAR MKHYEN PA NI RDO RJE 'CHANG CHEN PO'O, ,RDZOGS RIM PA'I MNGON SHES BSGRUB PA LA GNYIS LAS, YAN LAG GI RLUNG LNGA'I BZLAS PA NI, ZUNG 'JUG LA GNAS PA'I RNAL 'BYOR PA MNGON @413 SHES BSGRUB PA'I CHO GA NI, SGYU LUS 'OD GSAL DU BCUG STE, ZUNG 'JUG TU BZHENGS NAS, SPRUL SKUR BSGYUR TE, DKYIL 'KHOR RGYAL MCHOG DANG LDAN PAS, LAS RGYAL MCHOG NI, BSAM PA 'DI LTAR BTANG STE BDAG GIS SHES PAR BYA BA'I YUL PHYOGS GZHAN GYI GZUGS LA SOGS PA'I DNGOS PO RNAMS KYANG BDAG NYID KYI RLUNG DANG RNAM SHES LAS MA GTOGS PA LOGS NA GZHAN MED DE, MIG LA SOGS PA DBANG PO'I LAM LA BRTEN PA'I, RGYU BA LA SOGS PA YAN LAG GI RLUNG RNAM PAR SHES PA DANG 'DRES PA LAS, GZUGS SOGS YUL LNGA'I SNANG BA 'BYUNG BA TZAM YIN PA'I PHYIR RO SNYAM DU SHES PAR BYAS NAS, RLUNG 'BYUNG 'JUG GNAS GSUM DANG, YI GE 'BRU GSUM SBYAR NAS RDO RJE'I BZLAS PA BYAS TE, DE YANG H'Um GI TSUL GYIS YAN LAG GI RLUNG DANG RNAM SHES 'DRES TE, PHYI ROL TU 'PHROS PAS, YUL PHYOGS GZHAN GYI GZUGS LA SOGS PA'I DNGOS PO GSAL BAR BSAMS TE, DPER NA KHANG NANG GI MAR ME'I 'OD KLO SKAR NAS PHYI ROL TU 'PHROS PA LTA BU'O, ,AOm GYI TSUL GYIS NANG DU BSDUS TZAM NA, BLTA BYA'I GZUGS LA SOGS PA MED PAR BSAMS TE, DPER NA MAR ME GZHAN DU SPOS PAS KLO SKAR GYI 'OD MI 'BYUNG BA BZHIN NO, ,TSUL DE LTAR MIG LA SOGS PA'I LAM NAS, ZO CHUN GYI 'PHRUL 'KHOR LTAR NYIN DANG MTSAN DU BZLAS PAS YUL PHYOGS GZHAN NA GNAS PA'I GZUGS LA SOGS PA LAG MTHIL GYI SKYU RU RA BZHIN DU MTHONG BAR 'GYUR RO, , DE YANG MIG GI MNGON SHES BSGRUB PAR 'DOD NA, MIG GI LAM NA RGYU BA @414 ZHES BYA BA'I YAN LAG GI RLUNG RGYU BA NA, SNGAR BSHAD PA'I TSUL GYIS RDO RJE'I BZLAS PA BYAS PAS MIG GI MNGON SHES THOB BO, ,RNA BA'I MNGON SHES BSGYUB NA, RNA BA'I SKYE MCHED LA GNAS PA'I RNAM PA RGYU BA ZHES BYA BA'I RLUNG LA SNGAR BSHAD PA'I TSUL GYIS RDO RJE'I BZLAS PA BYAS PAS RNA BA'I MNGON SHES THOB PAR 'GYUR RO, ,DE BZHIN DU SNA DANG LCE DANG LUS LA GNAS PA'I YAN LAG GI RLUNG RNAMS LA RDO RJE'I BZLAS PA BYAS NA DE DANG DE'I MNGON SHES THOB PAR 'GYUR RO, ,DE DAG NI YAN LAG GI RLUNG GI BZLAS PA'I SGO NAS MNGON SHES SGRUB PA'I CHO GA YIN NO, ,DAL BA'I RLUNG GIS BZLAS PA'I SGO NAS MNGON SHES SGRUB PA'I CHO GA NI, RTEN ZUNG 'JUG PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS LAS RGYAL MCHOG MIG LA SOGS PA DBANG PO'I SGO NAS G-YAS ME'I DKYIL 'KHOR LA SOGS PA MGON PO BZHI'I RLUNG SPROS TE, SNGAR BSHAD PA'I TSUL GYIS RDO RJE'I BZLAS PA BYAS PAS, MIG GI MNGON SHES LA SOGS PA THOB PAR 'GYUR RO ZHES SDOG BZHED DO, , GZHAN DAG NA RE, RTZA BA DANG YAN LAG GI RLUNG THA DAD PA'I SGO NAS MNGON SHES BSGRUB PA MA YIN TE, SNGAR BSHAD PA LTAR YAN LAG GI RLUNG LA RDO RJE BZLAS PA BYED LA DE'I TSE, RTZA BA'I RLUNG GI RDO RJE BZLAS PA YANG BYED DE, DE BAS NA BZLAS PA GNYIS PA DUS GCIG TU BYAS PAS, MNGON SHES BSGRUB PA YIN NO ZHES ZER RO, , TSIG GI DON LA GNYIS KYI, YAN LAG GI RLUNG GI BZLAS PA NI, RDO RJE MNGON SHES TE, RDO RJE 'CHANG CHEN PO DANG 'DRA BAR 'GYUR RO, ,THABS GANG GIS ZHE NA, RTEN ZUNG @415 'JUG PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG MDUNG LTAR YUL RNAMS LA 'BIBS PA'I PHYIR NA, RTZE LNGA PA NI MIG LA SOGS PA'I DBANG PO LNGA YIN LA, DE DAG GZUGS SGRA LA SOGS PA'I GNAS TE YUL LNGA DAG TU SBYOR BA YIS SO, ,DBANG PO JI LTA BU ZHE NA, MI SHIGS PAR 'BYUNG PAS NA RDO RJE CHEN PO'O, ,'BAR BA LNGA STE RNAM PAR SDANG LA SOGS PA'I YAN LAG GI RLUNG LNGAS RNAM PAR BRGYAN CING SPUD PA'O, ,TSUL JI LTAR SBYOR BAS ZHE NA, ME STAG MANG PO 'KHRUGS PA NI, DBANG PO'I SGO NAS RGYU BA'I RLUNG 'OD ZER LNGA'O, ,DE NYID KYI 'JUG GNAS LDANG GSUM RANG SNGAGS TE, YI GE GSUM DANG SBYAR NAS 'KHOR LO STE ZO CHUN GYI 'PHRUL 'KHOR DANG 'DRA BAR, NYIN DANG MTSAN DU BSKOR ZHING BSGOM PAR BYAS PAS SO, ,PHUN YON CI THOB CE NA, RDO RJE LNGA NI RLUNG 'OD ZER LNGA STE, DE NYID KYI 'JUG PA LA SOGS PA YI GE GSUM DANG SBYOR ZHING BZLAS PA YI, RDO RJE MNGON SHES TE RDO RJE 'CHANG CHEN PO DANG 'DRA BAR MNGON SHES LNGA THOB PAR 'GYUR RO, ,RTZA BA'I RLUNG GI BZLAS PA NI, SANGS RGYAS NI GZUGS LA SOGS PA'I PHUNG PO RNAMS YIN LA, DE'I GNAS NI YE SHES KYI SKU RDO RJE 'CHANG CHEN PO STE DE DANG 'DRA BAR MNGON SHES LNGA THOB PAR 'GYUR RO, ,THABS GANG GIS ZHE NA, RTEN ZUNG 'JUG PA'I DKYIL 'KHOR RGYAL MCHOG YAN CHAD KYI LHA'I RNAL 'BYOR LA GNAS NAS, LAS RGYAL MCHOG NI, RDO RJE NAM MKHA' NI SGRUB PA PO RANG GI PHYAG RGYA CHEN PO'I GZUGS TE, DE'I DKYIL NYID DU CHUD PA'I 'KHOR LO STE, MIG LA SOGS PA'I DBANG PO RNAMS SANGS RGYAS TE @416 GZUGS LA SOGS PA'I YUL RNAMS LA 'JUG CING MNYAM PAR SBYOR BAR RAB TU BSGOMS PA NA'O, ,TSUL JI LTAR BSGOM ZHE NA, ME'I DKYIL 'KHOR LA SOGS PA DKYIL 'KHOR BZHI'I RLUNG RNAMS MIG LA SOGS PA DBANG PO'I SGO NAS RGYU BA NA, SANGS RGYAS TE RNAM PAR SNANG MDZAD LA SOGS PA'I 'BAR BA'I 'OD DANG 'DRA BAR, DKAR PO LA SOGS PA 'OD ZER LNGA'I TSUL DU RGYU ZHING, DE NYID KYI 'JUG PA LA SOGS PA YI GE GSUM DANG SBYAR NAS, RDO RJE BZLAS PA BYAS PAS SO, ,RDZOGS RIM PAS TING NGE 'DZIN GZHAN BSTAN PA LA GNYIS TE, BSAM GTAN GNYIS KYI TING NGE 'DZIN 'BRAS BU DANG BCAS PA DANG, KLOG PA LA SOGS PA'I PHAN YON BSTAN PA'O, ,DANG PO LA SPYI DON DANG, GZHUNG DON GNYIS KYI DANG PO SPYI'I DON NI, RJE 'GOS KYI BLA MA NAG PO ZHABS NI, SPRUL SKU GSUM LAN LNGAR SBYOR BAR 'DOD DE, DE'I LUGS LA RIL 'DZIN DANG, RJES GZHIG GNYIS KYI, RIL 'DZIN NI KUN RDZOB SGYU MA'I RDO RJE 'CHANG YAB YUM SNYOMS 'JUG BYAS PA LAS SPRUL SKU RNAM SNANG BTON LA, RDO RJE 'CHANG LA BCUG STE, RNAM SNANG GI SPRUL SKUR BSGYUR LA DE NYID RGYU BA DANG MI RGYU BA'I BDAG NYID DU BYAS LA, RANG DAM TSIG SEMS DPA'I SNYING KHAR YE SHES SEMS DPA' AOm BSAM, AOm GYI THIG LE'I NANG DU TING NGE 'DZIN SEMS DPA' LA AA THUNG BSAM, DE NAS RANG DAM TSIG SEMS DPA' YE SHES SEMS DPA' LA THIM, YE SHES SEMS DPA' TING NGE 'DZIN SEMS DPA' LA THIM, TING NGE 'DZIN SEMS DPA' AA THUNG 'OD GSAL DU THIM STE, SNANG BA MED PAR GYUR BA NA, RTAGS KYI SHES @417 PA NI GZUNG BYA LA RLUNG DAG PA'I RTAGS 'JA' TSON SNA LNGA BKRA LAM LAM PA 'BYUNG, RTAGS CAN GYI SHES PA NI 'DZIN BYA LA SMIG SGYU LTA BU RAB RIB TU G-YO BA'I NYAMS BRTAN MI BRTAN GYI CHAG TSAD DU 'CHAR RO, ,DE SKAD DU YANG RGYUD PHYI MA LAS, DANG PO SMIG SGYU LTA BU STE, ,ZHES DANG, SPYOD BSDUS LAS, DANG PO NI SMIG SGYU LTA BU LA 'OD ZER LNGA'I TSOGS DANG LDAN PA MTHONG ZHES SO, ,DE LA YANG ZHEN CHAGS MI BYED PAR RDO RJE 'CHANG DU LANGS NAS SPRUL SKU RNAM SNANG DU BSGYUR TE SNGA MA LTAR KHAMS GSUM RIL PO SEMS DPA' GSUM GYI NGO BOR BYAS NAS, 'OD GSAL DU BCUG TZAM NA, RTAGS KYI SHES PA GZUNG BYA LA SNANG BA DAG PA'I RTAGS, DNGOS PO THAMS CAD DKAR BRENG BRENG BA 'BYUNG LA, RTAGS CAN GYI SHES PA 'DZIN BYA LA, GSAL RIG GI SHES PA'I NYAMS MYONG DU BA LTA BU 'BYUNG NGO, ,DE SKAD DU YANG, GNYIS PA DU BA LTA BU'O, ,ZHES DANG, GNYIS PA NI ZLA BA'I 'OD ZER LTA BU'O ZHES PAS SO, ,DE DAG NI SKU'I RIL 'DZIN NO, ,DE LA YANG CHAGS SHING ZHEN PA MI BYED PAR, RDO RJE 'CHANG CHEN POR LANGS TE, SPRUL SKU SNANG MTHAR BSGYUR NAS, KHAMS GSUM RIL PO SEMS DPA' GSUM GYI NGO BOR BYAS NAS, SNGA MA LTAR RANG DAM TSIG SEMS DPA' YE SHES SEMS DPA' A'A LA BSTIM, DE NYID TING NGE 'DZIN SEMS DPA' AA THUNG LA BSTIM, AA THUNG GI NGO BO 'OD GSAL DU THIM PAS SNANG BA MED PAR GYUR BA NA, RTAGS KYI SHES PA GZUNG BYA LA SNANG MCHED 'BYONGS PA'I RTAGS DNGOS PO THAMS CAD DMAR LAM LAM PA 'BYUNG, RTAGS CAN GYI SHES PA 'DZIN BYA LA SRIN BU ME @418 KHYER LTA BU 'BYUNG NGO, ,DE SKAD DU YANG, GSUM PA SRIN BU ME KHYER BZHIN, ,ZHES DANG, GSUM PA NI, NYI MA'I 'OD ZER LTA BU'O, ,ZHES PAS SO, ,DE NI GSUNG GI RIL 'DZIN NO, ,DE LA YANG CHAGS SHING ZHEN PA MI BYED PAR, RDO RJE 'CHANG DU BZHENGS LA, SPRUL SKU MI BSKYOD PAR BSGYUR TE, SNGA MA BZHIN DU RANG DAM TSIG SEMS DPA' SNYING KHA'I YE SHES SEMS DPA' H'Um LAS BSDU, H'Um YANG ZHABS KYU NAS RIM GYIS BSDUS TE, AA THUNG LA BSDU, AA THUNG YANG SNANG BA MED PAR BTANG BAS, RTAGS KYI SHES PA GZUNG BYA LA NYER THOB 'BYONGS PA'I RTAGS MUN NAG LTA BU 'BYUNG, RTAGS CAN GYI SHES PA 'DZIN BYA LA, MAR ME RLUNG GIS MA BSKYOD PA LTA BU 'BYUNG NGO, ,DE SKAD DU YANG, BZHI PA MAR ME 'BAR LTA BU, ,ZHES DANG, BZHI PA NI MUN NAG LTA BU'O, ,ZHES GSUNGS SO, ,YANG RDO RJE 'CHANG DU BZHENGS TE, SPRUL SKU MI BSKYOD PAR BSGYUR NAS SNGA MA LTAR SEMS DPA' GSUM PO RIM GYIS 'OD GSAL DU BCUG PAS, RTAGS DANG RTAGS CAN GYI SHES PA THAMS CAD 'DRES NAS SPRIN MED PA'I NAM MKHA' LTA BU MTHONG BAR 'GYUR RO, ,DE SKAD DU YANG, SPRIN MED NAM MKHA' LTA BU NI, ,RTAG TU SNANG BA LNGA BA'O, ,ZHES DANG, LNGA PA NI SPRIN MED NAM MKHA' LTA BU'O, ZHES PAS SO, ,RJES SU GZHIG PA'I BSAM GTAN NI, DANG PO RLUNG SEMS TZAM LAS GRUB PA'I BDAG NYID, KHAMS GSUM LAS THA DAD PA'I RDO RJE 'CHANG CHEN POR BSKYED LA, DE NYID SNGA MA BZHIN DU, SPRUL SKU SKU RDO RJE LA SOGS PA GSUM DU BSGYUR LA, GSUM PO DE'I THUGS KA NAS 'OD ZER 'PHROS PAS, BDAG @419 LAS MA GTOGS PA'I RGYU BA DANG, MI RGYU BA'I LUS LA SOGS PA 'OD KYI GONG BUR BYAS NAS, YANG DAG PAR BCOM STE, 'OD KYI GONG BU DE'ANG JE PHRA RJE PHRAR SONG BAS, STONG PA NYID DU BYAS NAS, BDAG NYID KYANG SEMS GSUM GCIG LA GCIG THIM PA'I RIM GYIS, MTHAR THIG LE BSGOM PA YANG SPANGS NAS, 'OD GSAL MNGON DU BYED PA YIN NO, ,RIL 'DZIN DANG RJES GZHIG GI DON JI SKAD BSHAD PA DE DAG KYANG, 'OD GSAL GYI RIM PA LAS, MGO BO NAS NI RKANG PA'I BAR, ,JI SRID SNYING KHAR PHYIN GYI BAR, ,RNAL 'BYOR YANG DAG MTHA' LA 'JUG ,RIL POR 'DZIN PA ZHES BSHAD DO, ,ZHES DANG, RGYU BA DANG NI MI RGYU NYID, ,DANG PO 'OD GSAL BAR BYAS TE, ,PHYIS NI DE YI BDAG NYID BYED, ,RJES SU GZHIG PA'I RIM PA YIN, , ZHES GSUNGS SO, ,BLA MA BTZUN MO CAN NI, KHAMS GSUM GYI LUS NGAG YID GSUM GYI RTOG PA GZHOM PA'I PHYIR, SPRUL SKU GSUM LA THANG GSUM SBYOR BAR BZHED DE, DE'ANG KHAMS GSUM PA'I LUS KYI RNAM RTOG GZHOM BA'I PHYIR SKU'I RIL 'DZIN NI, RLUNG SEMS GNYIS LAS KUN RDZOB SGYU MA LTA BU RDO RJE 'CHANG CHEN PO'I SKUR BSKYED LA, SPROS, BSDUS, BDAG LA BCUG STE, SPRUL SKU RNAM SNANG DU BSGYUR LA KHAMS GSUM GYI LUS DANG THA DAD MED PAR BSAMS PA NI DAM TSIG SEMS DPA'O, , DE'I THUGS KHAR YE SHES SEMS DPA' AOm BSGOM MO, ,TING NGE 'DZIN SEMS DPA' AOm GYI THIG LE'I NANG DU THIG LE GZHAN AA THUNG GI NGO BO BSGOM MO, ,DE NAS DAM TSIG SEMS DPA' YE SHES SEMS DPA' AOm LA BSDU, DE THIG LE AA THUNG LA BSDU, @420 AA THUNG STONG PA NYID DU BSGOM PA'O, KHAMS GSUM PA'I SEMS KYI RTOG PA GZHOM PA'I PHYIR, THUGS KYI RIL 'DZIN NI, RDO RJE 'CHANG CHEN POR BSKYED LA, DE NYID MI BSKYOD PA'I SPRUL SKUR BSGYUR TE, KHAMS GSUM PA THAMS CAD KYI SEMS KYI NGO BO NYID DU BSGOM PA NI DAM TSIG SEMS DPA'O, ,DE'I THUGS KHAR YE SHES SEMS DPA' H'Um BSGOM MO, ,TING NGE 'DZIN SEMS DPA' H'Um GI THIG LE'I NANG DU, THIG LE GZHAN AA THUNG GI NGO BO BSGOM MO, ,DE NAS SNGA MA LTAR SEMS DPA' GSUM RIM GYIS BSDUS TE, 'OD GSAL BA'I BDAG NYID CAN DU BSGOM MO, KHAMS GSUM PA'I NGAG GI RTOG PA GZHOM PA'I PHYIR, GSUNG GI RIL 'DZIN NI, RDO RJE 'CHANG CHEN PO'I SKUR BSKYED LA, DE NYID SNANG MTHA'I SPRUL SKUR BSGYUR TE, KHAMS GSUM THAMS CAD KYI NGAG GI NGO BO NYID DU BSGOM PA NI DAM TSIG SEMS DPA'O, ,DE'I THUGS KHAR YE SHES SEMS DPA' A'A: TSEG DRAG DANG BCAS PA BSGOM, TING NGE 'DZIN SEMS DPA' TSIG DRAG GI NANG DU AA THUNG GI NGO BO BSGOM, DE NAS SNGA MA LTAR SEMS DPA' SUM RIM GYIS BSDUS TE, 'OD GSAL BA'I BDAG NYID CAN DU BSGOM MO, , DE LTAR BSGOMS PAS LUS NGAG YID GSUM 'OD GSAL DU THIM ZHING, 'OD GSAL GYI YE SHES RGYUD LA SKYE PA'I DNGOS KYI RTAGS RNAMS 'BYUNG STE, DE YANG SKU RDO RJE'I TING NGE 'DZIN GYIS KHAMS GSUM PA'I LUS KYI RTOG PA BCOM PA'I TSE, LUS KYI NGO BO SA DANG CHU THIM PA'I RTAGS DANG RTAGS CAN 'BYUNG BAR 'GYUR TE, DE'I RTAGS CAN GYI YE SHES BRTEN G-YO'I TSAD NI, SMIG SGYU LTA BU LA RTAGS NI, 'OD ZER LNGA'I @421 TSOGS DNGOS SU SKYE'O, ,GSUNG GI RDO RJE'I TING NGE 'DZIN GYIS NGAG GI RTOG PA BCOM PA'I TSE, NGAG GI NGO BO ME DANG RLUNG THIM PA'I DUS SU, YE SHES BRTEN G-YO'I TSAD NI DU BA LTA BU LA, RTAGS ZLA BA'I 'OD ZER LTA BU STE, DE'I TSE STONG PA'AM SNANG BA'I YE SHES MNGON SUM DU BYAS PA'O, ,THUGS RDO RJE'I TING NGE 'DZIN GYIS SEMS KYI RTOG PA BCOM PA'I TSE SEMS KYI RANG BZHIN SNANG BA GSUM MAM, STONG PA GSUM THAMS CAD STONG PAR THIM PA'I RTAGS DANG, RTAGS CAN 'BYUNG STE, DE'ANG SEMS SNANG BA DANG PO THIM PA'I RTAGS CAN, YE SHES BRTEN G-YO'I TSAD NI, MKHA' SNANG LTA BU LA RTAGS NI NYI MA'I 'OD ZER LTA BU 'BYUNG NGO, ,DE YANG THUGS RDO RJE YI DAM TSIG SEMS DPA' THIM PA'I DUS SU 'BYUNG NGO, ,SNANG BA MCHED PA NYER THOB LA THIM PA'I RTAGS CAN BRTEN G-YO'I TSAD NI MAR ME LTA BU LA RTAGS NI MUN NAG LTA BU'O, ,DE YANG YE SHES SEMS DPA' THIM PA'I DUS SU 'BYUNG NGO, ,SNANG BA NYER THOB 'OD GSAL DU THIM PA LAS YE SHES SPRIN MED PA'I NAM MKHA' LTAR SPROS PA'I MTSAN MA THAMS CAD KYIS STONG PAR SNANG BA STE, CHOS NYID DON DAM PA THAMS CAD STONG PA 'OD GSAL TE YE SHES KYI MIG GIS JI LTA BA BZHIN DU MTHONG BA'O, ,DE NI YE SHES SEMS DPA' THIM PA'I DUS SU 'BYUNG NGO, ,DE SKAD DU YANG, SMIG SGYU LTA BU DANG PO STE, ,ZHES SOGS GSUNGS SO, ,RTAGS KYI RIM PA 'DI DAG KYANG, AARYA DE WA LTAR BKOD PA YIN PAS, ZLA BA GRAGS PA 'BYUNG BA LNGA THIM PA'I RTAGS SU BZHED DO, ,RJES SU GZHIG PA'I BSAM GTAN NI, BDAG NYID RLUNG DANG RNAM @422 SHES TZAM LAS GRUB PA'I SGYU MA LTA BU'I SKU DE SKU RDO RJE LA SOGS PA GSUM DU BSGYUR LA, DE DAG GI THUGS KA LAS 'OD 'PHROS PAS, RGYU BA DANG MI RGYU BA'I LUS LA SOGS PA BCOM NAS, BDAG DAM TSIM SEMS DPA' LA BSDU, DAM TSIG SEMS DPA' YE SHES SEMS DPA' LA, DE YANG TING NGE 'DZIN SEMS DPA' LA, DE YANG MTHAR 'OD GSAL LA THIM PAR BYA'O, ,DE SKAD DU YANG, RGYU BA DANG NI MI RGYU NYID, ,DANG PO 'OD GSAL BAR BYAS TE, ,ZHES SOGS GSUNGS SO, ,DE LTA BU'I RJES GZHIG GIS BSAM GTAN BSGOM PA YANG, RTAGS DANG RTAGS CAN SNGAR BSHAD PA LTAR 'BYUNG BA'I TSUL GYIS 'OD GSAL RTOGS PAR 'GYUR RO, ,JI SKAD BSHAD PA'I BSAM GTAN GNYIS PO GANG RUNG GIS KYANG 'OD GSAL RTOGS PAR 'GYUR RO, ,BTZUN MO CAN GYI LUGS SO, ,SNGA RABS KHA CIG ZLOS PA PO THAMS CAD RIGS BSDU NA SKU GSUNG THUGS KYI ZLOS PA PO GSUM DU 'DU LA, DE YANG SKU RDO RJE'I ZLOS PA PO NI, SKU'I RIL 'DZIN DANG RJES GZHIG GANG RUNG GI SGO NAS 'OD GSAL MNGON SUM DU BYED LA, DE BZHIN DU GSUNG RDO RJE'I ZLOS PA POS KYANG, GSUNG GI RIL 'DZIN DANG, RJES GZHIG GANG RUNG DANG, THUGS RDO RJE'I ZLOS PA POS KYANG THUGS KYI RIL 'DZIN DANG RJES GZHIG GANG RUNG GI SGO NAS 'OD GSAL MNGON SUM DU BYED PAR BZHED DE, DE TZAM YANG MTSAMS MO, ,YAN LAG GI DON LA GNYIS TE, RIL 'DZIN GYI BSAM GTAN DANG, RJES GZHIG GI BSAM GTAN NO, ,DANG PO LA GNYIS KYI SKU GSUNG THUGS KYI RIL 'DZIN SO SOR BSTAN PA NI, SGYU LUS GRUB PA'I RNAL 'BYOR PAS, @423 KHAMS GSUM PA'I LUS KYI RTOG PA GZHOM PA'I PHYIR, SKU'I RIL 'DZIN BSGOM PA NI, RTOGS PAS NA SANGS RGYAS TE, RGYU BA DANG MI RGYU BA'I SHES BYA'I DKYIL 'KHOR GYI DBUS SU GNAS PAR BDAG GI LUS TE, SGYU LUS PHYAG RGYA CHEN PO DE NYID SPRUL SKU RNAM PAR SNANG MDZAD DU BZHAG PA STE BSGYUR NAS, DE NYID KHAMS GSUM PA RNAMS KYI LUS KYI NGO BOR BSGOM PA NI, DAM TSIG SEMS DPA'O, ,DE'I SNYING KHAR YE SHES SEMS DPA' AOm BSAMS LA, SNGAGS TE YE SHES SEMS DPA' AOm GYI THIG LE'I NANG DU RANG GI RNAM PAR SHES PA TING NGE 'DZIN SEMS DPA' THIG LE GZHAN AA THUNG GI NGO BO BSGOM MO, ,DE NAS RANG DAM TSIG SEMS DPA' YE SHES SEMS DPA' LA THIM, DE TING NGE 'DZIN SEMS DPA' LA THIM, TING NGE 'DZIN SEMS DPA' AA THUNG YANG SNANG BA MED PAR GYUR PA NA, GANG GI TSE DE LTAR SLOB PA'I RNAL 'BYOR PA DE LA 'GOG PA'I RDO RJE STE 'OD GSAL BA'I NGO BO NYID DU SEMS NYID SKYE BAR 'GYUR BA DE'I TSE RNAL 'BYOR PA DE SANGS RGYAS KUN GYI MCHOG RDO RJE 'CHANG CHEN PO BSGRUB PAR 'GYUR ZHING, BSAM PA THAMS CAD RDZOGS PAR BYED PAS, YID BZHIN GYI NOR BU DANG 'DRA BA DANG, TSOGS GNYIS KYI DPAL DANG LDAN PAR 'GYUR RO, , KHAMS GSUM PA'I SEMS KYI RTOG PA GZHOM PA'I PHYIR, THUGS KYI RIL 'DZIN BSGOMS PA NI, SANGS RGYAS TE RGYU BA DANG MI RGYU BA'I SHES BYA'I DKYIL 'KHOR GYI DBUS SU GNAS PAR, SGYU LUS PHYAG RGYA CHEN PO'I SKU SPRUL SKU RDO RJE MI BSKYOD PAR @424 BSGYUR NAS, DE NYID KHAMS GSUM PA'I SEMS KYI NGO BOR RAB TU BSGOM PA NI DAM TSIG SEMS DPA'O, ,DE'I SNYING KHAR YE SHES SEMS DPA' H'Um BSGOMS NAS, YE SHES SEMS DPA' H'Um GI THIG LE'I NANG DU, RANG GI SEMS TING NGE 'DZIN SEMS DPA' LA THIM PAR GYUR PA AA THUNG NGU BZHAG STE, SNGA MA LTAR SEMS DPA' GSUM RIM GYIS 'OD GSAL DU GZHUG GO KHAMS GSUM PA'I NGAG GI RTOG PA GZHOM PA'I PHYIR, GSUNG GI RIL 'DZIN BSGOM PA NI, SNGA MA LTA BU'I SANGS RGYAS DKYIL 'KHOR DBUS SU GNAS PAR, SGYU LUS PHYAG RGYA CHEN PO'I SKU, SPRUL SKU TSE DPAG TU MED PAR BSGYUR TE, DE NYID KHAMS GSUM PA'I NGAG GI NGO BOR BSGOM PA NI DAM TSIG SEMS DPA'O, DE'I SNYING KHAR YE SHES SEMS DPA' A'A: TSEG DRAG CAN BSAMS TE, DE'I THIG LE'I NANG DU TING NGE 'DZIN SEMS DPA' RDO RJE STE RANG GI SEMS THIG LE'I RANG BZHIN AA THUNG NGU BZHAG STE, SNGA MA LTAR SEMS DPA' GSUM RIM GYIS 'OD GSAL DU GZHUG GO ,DE DAG GI PHAN YON BSDUS TE BSTAN PA NI, BSHAD MA THAG PA'I RIL 'DZIN GYI BSAM GTAN GSUM PO 'DI NI, DAM TSIG STE BSKYED PA'I RIM PA BSGOMS PA LAS MCHOG TU GYUR TE, DE CI'I PHYIR ZHE NA, RDO RJE GSUM NI SEMS CAN THAMS CAD KYI LUS NGAG YID GSUM YIN LA, DE DAG STONG PA NYID DU DBYER MI PHYED PAR BSGOMS PAS, 'GOG PA'I DAM TSIG STE, 'DZIN PA'I YAN LAG 'OD GSAL GYI RANG BZHIN MNGON DU BYED PA'I YE SHES THOB PAR 'GYUR BA'I PHYIR RO, ,DE LAS CIR 'GYUR ZHE NA, SANGS RGYAS DNGOS GRUB TE GZUGS LA SOGS PA @425 THA MAL PA'I PHUNG PO SPANGS NAS, ZAB CING RGYA CHE BA'I BDAG NYID CAN GYI YE SHES KYI SKU THOB PAR 'GYUR BA'I PHYIR RO, ,RJES GZHIG GI BSAM GTAN BSTAN PA NI, SKU'I RJES GZHIG NI, SGYU LUS GRUB PA'I RNAL 'BYOR PAS, SGYU MA'I SKU DE NYID GSAL BA'I DKYIL 'KHOR TE SPRUL SKU RNAM PAR SNANG MDZAD DU BSGOMS LA, DE'I SNYING KHAR YE SHES SEMS DPA' AOm BSAMS TE, DE LAS 'OD ZER 'PHROS PAS, KHAMS GSUM PA'I LUS NGAG SEMS RNAMS BCOM NAS, 'OD KYI TSUL DU BDAG LA BSDUS TE, BDAG NYID KYANG SEMS DPA' GSUM RIM GYIS RDO RJE NAM MKHA'I DBYINGS TE, 'OD GSAL BAR ZHUGS PAR BSAMS NA, DE LTAR SLOB PA'I RNAL 'BYOR PA DE NI, SEMS CAN THAMS CAD KYI YID LA RE BA'I RTOG PA RDZOGS PAR BYED PAS NA SKAL BA STE, DER GNAS PA NI, 'KHOR BA JI SRID PAR SKU GSUM GYI BDAG NYID CAN DU GYUR TE, SKYE BO MA LUS PA'I DON RDZOGS PAR BYED PAR 'GYUR RO, , GSUNG GI RJES GZHIG NI SGYU MA'I SKU DE NYID CHOS KYI DKYIL 'KHOR TE, 'OD DPAG TU MED PA'I SPRUL SKUR BSGOMS NAS DE'I THUGS KAR YE SHES SEMS DPA' A'A BSAMS TE, DE LAS 'OD ZER 'PHROS PAS, KHAMS GSUM PA'I LUS NGAG SEMS RNAMS BCOM STE, BDAG LA BSDUS NAS BDAG KYANG SEMS DPA' GSUM RIM GYIS RDO RJE NAM MKHA'I DBYINGS TE, 'OD GSAL BAR ZHUGS PAR BSAM MO, ,THUGS KYI RJES GZHIG NI, SGYU MA'I SKU DE NYID RDO RJE'I DKYIL 'KHOR TE, MI BSKYOD PA'I SPRUL SKUR BSGOM ZHING, DE'I THUGS KHAR YE SHES SEMS DPA' H'Um BSAMS TE, DE LAS @426 'OD ZER 'PHROS PAS, KHAMS GSUM PA'I LUS NGAG SEMS RNAMS BCOM STE, BDAG LA BSDUS NAS BDAG NYID KYANG SEMS DPA' GSUM RIM GYIS RDO RJE NAM MKHA'I DBYINGS TE, 'OD GSAL BAR ZHUGS PAR BSAM MO, ,DE LAS CIR 'GYUR ZHE NA, DE LTAR SLOB PA'I SGRUB PA PO DE NI, SKAL PAR TE 'KHOR BA JI SRID PAR, SKU GSUM GYI BDAG NYID CAN DU GYUR NAS, SEMS CAN THAMS CAD KYI DON RDZOGS PAR BYED PAS GNAS PAR 'GYUR RO, ,RDO RJE GSUM GYI RTOGS PA'I DAM TSIG NI, RDO RJE 'CHANG CHEN PO'O, ,DE NYID KLOG PA LA SOGS PA'I PHAN YON BSTAN PA NI, SKU GSUNG THUGS RDO RJE STE RDO RJE 'CHANG CHEN PO'I RIM GNYIS KYI RNAL 'BYOR 'DI LA, BLA MA RNAMS KYIS DBANG BSKUR ZHING GNANG BA THOB PHYIN CHAD RNAL 'BYOR PA GANG ZHIG KLOG PA'AM, GZHAN LA STON NAM, RANG SEMS KYANG RUNG STE, DE YANG RDO RJE 'DZIN PA DANG 'DRA BAR 'GYUR RO, ,LE'U YI MTSAN DON NI, DE BZHIN GSHEGS PA THAMS CAD KYI SNGAGS NI AOm LA SOGS PA'O, ,DE LAS BYUNG BA'I DAM TSIG NI RDO RJE 'CHANG CHEN PO'O, ,DE NI SNGAGS LA GZHOL BA RNAMS KYI DE KHO NA NYID DO, ,RIG PA NI 'OD GSAL BA'O, ,DE LAS BYUNG BA'I SKYES BU NI RIG PA'I SKYES BU STE, YE SHES KYI SKU'O, , DE NI SNGAGS KYI SKU LAS PHUL DU BYUNG BAS NA MCHOG GO ,DE STON PA'I GZHUNG GI TSOGS LA YANG DE SKAD CES BYA STE, LE'U BCU GCIG PA'I RNAM BSHAD DO,, ,, ` DE LTAR LAS KYI LAM SGYU LUS 'OD GSAL GYIS RNAM PAR DAG PAR BYED PA'I THABS BSAM GTAN GNYIS BSTAN NAS, RIM PA GNYIS KYI PHYAG RGYA CHEN @427 PO MOS PA DANG, DE KHO NA NYID YID LA BYED PA'I TSUL GYIS 'OD GAL DU THIM PA BSTAN PAR BYA BA'I PHYIR, LE'U BCU GNYIS PA 'CHAD PA LA GNYIS KYI, BSDUS PA'I DON NI, LE'U 'DI'I STOD NAS, PHYAG RGYA CHEN PO YONGS SU THIM PA STON CING, RKED NAS DNGOS GRUB BSGRUB PA'I CHO GA DANG, BSNYEN PA GNYIS KYI CHO GA STON LA, SMAD NAS SGRUB PA MDOR BYAS PA DANG, DNGOS GRUB BSGRUB PA'I DUS KYI NGES PA DANG, RNAL 'BYOR CHEN PO'I SKU GSUNG THUGS BYIN GYIS BRLABS PA STON NO, , YAN LAG GI DON LA GNYIS KYI, SDUD PA PO'I TSIG GIS STON PA'I KHYAD PAR BSTAN PA NI, LE'U BCU GCIG PA RDZOGS PA'I RJES DE NAS BKA' BSTZAL TO ZHES SBYAR, SU ZHIG GIS NA, SA 'OG SA STENG SA BLA RNAMS SU STON PAR MDZAD PAS NA STON PA RDO RJE 'DZIN GYIS SO, ,DE NYID NI DKYIL 'KHOR PA RNAMS 'BYIN PAR BYED PAS NA BSKYED PA'O, ,YE SHES MCHOG NI RIN PO CHE LTA BU'I GANG ZAG STE, DE RDO RJE LTA BU'I TING NGE 'DZIN LA RAB TU 'JUG PAS SGRUB PAR MDZAD PAS NA YE SHES MCHOG SGRUB PA'O, ,GANG ZHIG NA, DAM TSIG RDO RJE GSUM NI RDO RJE 'CHANG CHEN PO YIN LA, DE'I DE KHO NA NYID DON DAM PA'I BDEN PA'O, ,GANG GIS NA, RDO RJE'I GSUNG GIS SO, ,LE'U YI GZHUNG RGYAS BSHAD LA BRGYAD DE, PHYAG RGYA CHEN PO THIM PA MDOR BSTAN PA DANG, GNAS KYI MTSAN NYID BSTAN PA DANG, PHYAG RGYA CHEN PO THIM PA RGYAS PAR BSHAD PA DANG, DNGOS GRUB SGRUB PA'I CHO GA BSTAN PA DANG, BSNYEN PA GNYIS KYI CHO GA BSTAN PA DANG, DNGOS GRUB DANG MTHUN PA'I SPYOD PA BSTAN PA DANG, @428 DNGOS GRUB SGRUB PA'I DUS KYI NGES PA DANG, SKU GSUNG THUGS BYIN GYIS BRLAB PAS BSTAN PA'O, ,PHYAG RGYA CHEN PO THIM PA SGYU MA LTA BU'I TING NGE 'DZIN MDOR BSTAN PA NI, SGYU LUS BSAM GTAN GNYIS KYIS BSHIG NAS, NAM MKHA' DANG MTSUNGS PA 'OD GSAL BA DANG MNYAM PAR GYUR CING, MNGON SUM DU BYAS PAS RNAM PAR RTOG PA'I NGO BO NYID YIN ZHING, PHYI NANG GI CHOS RNAMS KYANG RANG BZHIN GYIS RNAM PAR DAG PA YIN YANG, 'ON KYANG KUN RDZOB TU ROL MO BZHIN DU 'OG NAS BSHAD PA'I LHA'I RNAL 'BYOR DANG DNGOS GRUB SGRUB PA'I CHO GA LA SOGS PA 'DI DAG RAB TU BSGOM PA STON PA YIN NO, ,GNAS KYI MTSAN NYID LA GNYIS KYI, DRANG DON DU BSHAD PA NI, LE'U BCU GCIG PAR BSHAD PA DANG, MA BSHAD PA'I DNGOS GRUB RNAMS GNAS GANG ZHIG TU BSGRUB CE NA, GRONG NAS RGYANG GRAGS SOGS 'PHAGS PA'I DGON PA CHEN PO'I SA PHYOGS MCHOG TU GYUR PA DANG, CHU LA SOGS PAS YID DU 'ONG ZHING, ME TOG DANG 'BRAS BU LA SOGS PAS BRGYAN PA'I RI BO DANG SKYE BOS RNAM PAR DBEN PA'I SA PHYOGS GZHAN RNAMS SU YANG, 'JIG RTEN DANG 'JIG RTEN LAS 'DAS PA'I DNGOS GRUB THAMS CAD GANG DU BSDUS SHING BSAGS PA PHYAG RGYA CHEN PO'I DNGOS GRUB 'GRUB BO, ,DE NYID NGES DON DU BSHAD PA NI, DE LA DGON PA CHEN PO'I SA PHYOGS ZHES PAS NI CHOS KYI SKU'I MTSAN NYID STON TE, DE SKAD DU YANG, NAM MKHA' BRTAGS PA'I SBYOR BA YIS, ,PHUNG PO DGON PA CHEN POR 'DOD, ,GNAS MED GNAS PA'I SBYOR BA YIS, ,GNAS CHEN PO NI SA PHYOGS YIN, ,ZHES TE, GZUGS @429 LA SOGS PA'I PHUNG PO RNAMS, NAM MKHA' BRTAGS PA'I SBYOR BA STE, BSAM GTAN GNYIS KYIS BSHIG NAS 'OD GSAL DU BCUG PA NI, SPROS PA'I MTSAN MA LAS RING DU GNAS PAS NA DGON PA CHEN POR 'DOD DO, ,DE LTA BU'I 'OD GSAL LA GNAS MED GNAS PA'I SBYOR BA STE, MI GNAS PA'I TSUL GYIS 'KHOR BA JI SRID PAR BZHUGS PA'I GNAS CHEN TE, CHOS KYI SKU NI SGRIB GNYIS KYI DRI MAS GTZANG BAS NA SA PHYOGS YIN NO, ,ME TOG 'BRAS BU SOGS PAS BRGYAN, ,CES PAS LONGS SKU DANG SPRUL PA'I SKU STON PA NI, 'DIR NI LONGS SPYOD RDZOGS PA'I SHING, , DNGOS GRUB SNA TSOGS ME TOG LDAN, ,SPRUL PA'I 'BRAS BU YANG DAG BRGYAN, ,CES TE, 'DIR NI STE CHOS KYI SKU'I SA PHYOGS GTZANG MA LA SKYES PA'I SHING NI, LONGS SPYOD RDZOGS PA'I SKU YIN TE, ,DE NYID 'JIG RTEN DANG 'JIG RTEN LAS 'DAS PA'I DNGOS GRUB SNA TSOGS KYI ME TOG DANG LDAN ZHING GDUL BYA SNA TSOGS PA'I DON MDZAD PA'I SPRUL PA'I 'BRAS BUS YANG DAG PAR BRGYAN PA'I PHYIR RO, ,RI BO DBEN PA'I SA PHYOGS ZHES PAS, SKU GSUM DBYER MED RDO RJE 'CHANG CHEN PO STON PA NI, YANG DAG RDZOGS PA'I BYANG CHUB RIG ,DNGOS MED DBEN PA NYAMS DGA' BA'O, ,RDO RJE ZHES BYA DE BSGRUB BYA, ,ZHES TE, SNGAR BSHAD PA'I CHOS KYI SKU'I SA PHYOGS GTZANG MA DANG, DNGOS GRUB SNA TSOGS KYI ME TOG DANG, SPRUL PA'I 'BRAS BUS BRGYAN PA'I LONGS SPYOD RDZOGS PA'I LJON SHING DANG LDAN PA'I RI BO NI YANG DAG PA RDZOGS PA'I BYANG CHUB STE, SKU GSUM DBYER MED RDO RJE 'CHANG CHEN PO YIN LA, DE NYID NI DNGOS MED DE, @430 DON DAM PA'I BDEN PA LAS MI G-YO BAS DBEN PA DANG, ZAG PA MED PA'I BDE BA DANG LDAN PAS NYAMS DGA' BA'O, ,DE BAS NA SKU GSUM DBYER MED RDO RJE 'CHANG CHEN PO'I RI BO DER GNAS NAS, PHYAG RGYA CHEN PO'I DNGOS GRUB BSGRUB PAR BYA'O ZHES PA'O, ,PHYAG RGYA CHEN PO SGYU MA LTA BU'I SKU THIM PA RGYAS PAR BSHAD PA LA GSUM GYI, SGYU LUS BSGOM TSUL DNGOS BSTAN PA NI, MAm ZHES PA SGYU LUS MTSON PAR BYED PA'I SA BON TE, MA'I SGRA LA DRANGS NA MA NA YID, DZU'I SGRA LA DRANGS NA, AA DZU NA BRTEN CING BSNYEN PAR BYA BAS TE, YID KYI RANG BZHIN GYIS BRTEN CING BSNYEN PA YIN PAS NA, MA DZU'AM 'JAM PA STE, SGYU MA LTA BU'I SKU YIN LA, DE NYID MI PHYED PAS NA RDO RJE'O, ,DE NYID RAB TU BSGOM MO, ,GANG LA NA RANG GI LUS NGAG SEMS KYI RDO RJE LA'O, ,RANG 'BA' ZHIG SGYU MAR BSGOM MAM ZHE NA, MA YIN GYI, KHAMS GSUM PA RNAMS KYI LUS DANG, SEMS LA YANG SPROS TE THAMS CAD SGYU MA LTA BUR BSGOM MO, , DE LAS CIR 'GYUR ZHE NA, RDO RJE 'JAM PA STE, RDO RJE 'CHANG CHEN PO'I SKU DANG 'DRA BA THOB PAR 'GYUR RO, ,RDO RJE 'CHANG CHEN PO'I SKU JI LTA BU ZHE NA, DAG PA'I SGYU LUS KYI MTSAN NYID STON PA NI, RDO RJE 'CHANG CHEN PO'I SKU NI TSAD DPAG TSAD BRGYA'I KHYON TZAM DU CHE ZHING, SKYES BU CHEN PO'I MTSAN SUM CU RTZA GNYIS KYI RGYAN RNAMS KUN GYIS BRGYAN PA DANG, DNGOS 'DZIN GYI DRI MAS DAG PA'I SGYU MA'I SKU MNGA' BAS NA DAG PA'I BDAG NYID DANG, RDO RJE 'BAR BA'I 'OD DAG GIS TE, RANG GI SKU'I 'OD ZER GYIS 'JIG RTEN GYI KHAMS DPAG TU MED PA GSAL BAR BYED PAS SNANG BAR 'GYUR BA'O, , @431 DE LTA BU'I YE SHES KYI SKU DE NI, TSANGS PA DANG DRAG PO LA SOGS PA 'JIG RTEN PA'I LHA RNAMS KYIS NAM YANG MTHONG BAR MI NUS NA, GZHAN DAG GIS LTA CI SMOS TE, DE NI SA BCU PA LA GNAS PA'I PHYIR MI LDOG PA'I BYANG CHUB SEMS DPA' RNAMS KYIS LHA'I MIG GI SPYOD YUL YIN PA'I PHYIR RO, ,RDO RJE 'JAM PA MCHOG GI DAM TSIG NI SGYU LUS PHYAG RGYA CHEN PO'O, ,DE NYID SO SO SKYE BO LA SOGS PAS MI RIGS PAS NA MI SNANG BA'O, ,SGYU LUS NYID 'OD GSAL DU GZHUG PA BSTAN PA NI, RDO RJE MI PHYED GSUM NI THUGS YIN LA, DE LAS BYUNG BA'I BSHANG BA YUL DANG, GCI BA DBANG PO RNAMS PHAN TSUN BSRES PA'I DAM TSIG LNGA STE, YUL DANG DBANG POS BSDUS PA'I PHUNG PO RNAMS LUGS GSUM STE SEMS SNANG BA GSUM RLUNG DANG LDAN PA LAS BYUNG BA'I SGYU MA LTA BU'I SKUR BSKYED NAS, RIL 'DZIN DANG, RJES GZHIG GIS BSHIGS TE, KHA STE 'OD GSAL DU BCUG NAS BSGOM PAR BYA'O, ,DE LAS CIR 'GYUR ZHE NA, DE LTAR BSGOM PA'I RNAL 'BYOR PA DE, SANGS RGYAS KUN GYIS TE, RTOG GE PA RNAMS KYIS MI PHYED CING YUL MA YIN PA'I THUGS TE, YE SHES KYI SKU 'OD GSAL DE RU BCUG TE BSGOMS PAS, DE MA THAG TU 'OD GSAL 'DZIN PA'I YAN LAG DE LAS, RJES DRAN GYI YAN LAG GIS ZUNG 'JUG GI SKUR BZHENGS TE, RDO RJE 'JAM PA'I 'OD DE GZI BRJID DANG 'DRA BA THOB PAR 'GYUR RO, ,DNGOS GRUB GYI CHO GA LA GNYIS TE, BSKYED RIM PA'I DNGOS GRUB KYI CHO GA DANG, RDZOGS RIM PA'I DNGOS GRUB KYI CHO GA'O, ,DANG PO LA DON BDUN TE, RDZAS KYI SGO NAS RIG PA 'DZIN @432 PA BSGRUB PA DANG, SNGAGS KYI RIL BU'I SGO NAS BSGRUB PA DANG, PHYAG RGYA CHEN PO'I GZUGS KYIS RIG PA 'DZIN PA BSGRUB PA DANG, DNGOS GRUB DANG MTHUN PA'I SPYOD PA DANG, GDUL BYA 'DUN PA'I SBYOR BA RGYAS BTAB DANG BCAS PA DANG, LAS KYI DBYE BAS ZAS LA LONGS SPYOD PA'I CHO GA DANG, LHA RNAMS RGYAS PAR BYA BA'I CHO GA'O, , DANG PO LA BZHI'I 'KHOR LO'I RIGS 'DZIN BSGRUB PA PHAN YON DANG BCAS PA BSTAN PA NI, BSNYEN PA LAS SU RUNG BA'I RNAL 'BYOR PAS 'KHOR LO'I RIG PA 'DZIN PA BSGRUB PAR 'DOD NA, DANG POR DNGUL LAM DUNG LA SOGS PA'I RGYU LAS BYAS PA'I 'KHOR LO DKAR PO KHRU GANG BRTZIBS BRGYAD PA LTE BA DANG MU KHYUD DANG BCAS PA 'OD ZER BSNOL MAR 'PHRO BA BYAS LA, 'BRU GSUM BZLAS PA'I DRI'I CHUS BSANGS TE, 'BRU GSUM GYI SNGAGS KYIS BSRUNGS LA, ZA MA TOG 'DI NANG DU BCUG STE, KHRI'U LA SOGS PA'I STENG DU BZHAG GO ,DE NAS RNAL 'BYOR GYI RIM PA RNAM SNANG GIS GTZO BYAS PA'I DKYIL 'KHOR RGYAL MCHOG YAN CHAD BSKYED NAS, LAS RGYAL MCHOG NI, MDUN GYI 'KHOR LO MI DMIGS PAR BYAS TE, RANG GI SNGAGS KYIS TE, RNAM SNANG GI SA BON AOm LAS 'KHOR LO 'OD 'PHRO MDANGS MCHOG CAN TE, 'KHOR LO DKAR PO RTZIBS BRGYAD PA 'OD ZER BSNOL MAR 'PHRO BA BSGOMS NAS, SANGS RGYAS THAMS CAD BZHUGS PA'I GNAS, ZHES PA DE'I LTE BAR RNAM SNANG GIS GTZO BYAS PA'I DKYIL 'KHOR GYI LHA RNAMS BSKYED DO, ,GSAL BAR THUN BZHIR BSGOMS TE, JI SRID DRO BAR GYUR PA DANG, DU BA 'THUL BA DANG, 'BAR BAR GYUR PA'I RTAGS RAB 'BRING @433 GSUM BYUNG GI BAR DU BSGOMS LA, DE NAS 'KHOR LO DE RANG GI LAG TU THOGS PAS, DRO BA'I DUS SU NI MI SNANG BA'AM NAM MKHA' LA 'GRO BA DANG, DU BA DANG 'BAR BA'I DUS SU NI TSE BSKAL PAR THUB PAR 'GYUR BAS, SANGS RGYAS TE RDO RJE 'CHANG CHEN PO DANG 'DRA BAR 'GYUR RO, ,PHAN YON GZHAN YANG RIG PA 'DZIN PA DE RI RAB SUM CU RTZA DRUG GI RDUL PHRAN JI SNYED YOD PA'I TSAD KYI DKYIL 'KHOR RNAMS DE'I RJES SU 'BRANG BAR 'GYUR TE, KUN KYANG RDO RJE 'DZIN PA DANG 'DRA BAR TSE'I DNGOS GRUB THOB PAS MI 'JIGS PA NYID DO, ,TING NGE 'DZIN GANG GIS 'KHOR LO DANG MNYAM PA THOB PA DE NI, 'KHOR LO'I DAM TSIG CES BYA'O, ,RDO RJE'I RIG PA 'DZIN PA PHAN YON DANG BCAS PA BSTAN PA NI, BSNYEN PA LAS SU RUNG BA'I RNAL 'BYOR PAS RDO RJE'I RIG PA 'DZIN PA BSGRUB PAR 'DOD NA, LHA'I RNAL 'BYOR MI BSKYOD PA'I DANG PO'I SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG LCAGS LAS BYAS PA'I RDO RJE KHRU GANG BA BYAS LA, DE NAS GSANG BA LA SOGS PA SNGA MA BZHIN BYAS TE, MDUN GYI RDO RJE DE NYID DKYIL 'KHOR DBUS SU STE, MI DMIGS PAR BYAS PA'I STONG PA'I NGANG LAS, RANG SNGAGS H'Um LAS SNGAR DANG 'DRA BA'I RDO RJE CHEN PO BSGOMS LA, DE NYID RDO RJE KUN GYI GNAS YIN PAR BSAMS NA ZHES PA, DE'I STENG DU MI BSKYOD PAS GTZO BYAS PA'I DKYIL 'KHOR GYI LHA RNAMS SKAD CIG GIS BSKYED NAS, RTAGS GSUM GANG RUNG MA BYUNG GI BAR DU THUN BZHIR BSGOMS NA, PHA YON SNGA MA BZHIN DU 'THOB PAS, RDO RJE 'DRA BAR 'GYUR BA'O, , @434 PHAN YON GZHAN YANG, RI RAB SUM CU RTZA DRUG CES PAS, RDO RJE 'CHANG CHEN PO DANG 'DRA BAR 'DOD PA'I DBANG PHYUG TU 'GYUR BAR STON NO, ,DRAG PO DAG GIS ZHES PAS, KHAMS GSUM THAMS CAD KYIS PHYAG BYAS PAR STON TE, DRAG PO NI KHAMS GSUM GYI PHYAG BYAS PA YIN PA'I PHYIR RO, ,RDO RJE'I DAM TSIG NI, LHAN CIG SPYOD PA'I PHYAG RGYA RNAMS TE, DE DANG DE'I TING NGE 'DZIN LA DE SKAD CES BYA'O, ,PAD MA BSGRUB PA'I PHAN YON DANG BCAS PA NI, BSNYEN PA LAS SU RUNG BA'I RNAL 'BYOR PAS PAD MA'I RIG 'DZIN BSGRUB PAR 'DOD NA, GZHAN SNGAR DANG 'DRA BA LAS, CHO GA'I KHYAD PAR 'OD DPAG TU MED PA'I DANG PO SBYOR BA DANG, DKYIL 'KHOR RGYAL MCHOG BSKYED NAS, LAS RGYAL MCHOG NA, ZANGS LAS BYAS PA'I PAD MA DMAR PO 'DAB MA BRGYAD PA LA, GSANG BA LA SOGS PA SNGA MA LTAR BYAS LA, PAD MA DE MI DMIGS PA LAS, DE NYID CHOS RNAMS KUN GYI GNAS YIN PAR BSAMS NAS TE, DE'I STENG 'OD DPAG TU MED PAS GTZO BYAS PA'I DKYIL 'KHOR SKAD CIG GIS BSKYED NAS BSGOMS PAS, RTAGS GSUM GANG RUNG BYUNG BA NA, SNGAR DANG 'DRA BAR PHAN YON 'BYUNG STE, DE'I PHYIR RDO RJE CHOS TE, 'OD DPAG MED DANG 'DRA BAR 'GYUR RO, ,PHAN YON GZHAN YANG, RI RAB SUM CU RTZA DRUG GI RDUL PHRAN JI SNYED YOD PA'I TSAD KYI DAG PA'I BDAG NYID DE, PAD MA'I RIGS CAN GYI SANGS RGYAS TE THABS KYI NGO BO NYID DANG, MCHOD MCHOG STE SHES RAB KYI NGO BO NYID KYI DKYIL 'KHOR GYI TSOGS SU SGRUB PA PO BDAG NYID 'JOG PAR BYED CING, SNGAGS DANG PHYAG RGYA'I TSOGS @435 THAMS CAD KYI BDAG PO NYID DU DBANG BSKUR BAR 'GYUR RO, ,YE SHES LNGA LDAN ZHES SOGS BSHAD ZIN TO, ,PHYOGS BCU'I SANGS RGYAS THAMS CAD DANG 'BREL BA'I SKU GSUNG THUGS KYI GSANG BA GSUM LA BSNYEN BKUR BYED PAR 'GYUR RO, ,RAL GRI SGRUB PA PHAN YON DANG BCAS PA NI, RAL GRI'I RIG PA 'DZIN PA SGRUB PAR 'DOD PA'I RNAL 'BYOR PAS, GZHAN RNAMS SNGAR DANG 'DRA BA LAS, CHO GA'I KHYAD PAR, DON YOD GRUB PA'I DANG PO SBYOR BA DANG, DKYIL 'KHOR RGYAL MCHOG BSKYED NAS, LAS RGYAL MCHOG LCAGS LAS BYAS PA'I RAL GRI BRDUNGS LA, DE NYID GSANG BA LA SOGS PA SNGA MA LTAR BYAS NAS, MI DMIGS PA'I NGANG LAS, RANG GI SNGAGS KYIS TE, DON GRUB KYI SA BON HA LAS 'OD ZER LNGA'I MDOG 'DRA'I 'DOD DE, 'OD ZER LNGA DANG LDAN PA'I RAL GRI BSGOMS LA, DE'I STENG DU DON GRUB KYIS GTZO BYAS PA'I DKYIL 'KHOR RNAMS SKAD CIG GIS BSKYED DE BSGOMS PAS, RTAGS GSUM GANG RUNG BYUNG BA NA, MIG YANGS DE BSGRUB PA PO'I LAG TU THOGS NA, RDO RJE GSUM LAS BYUNG BA'I RIG PA NI PHYAG RGYA CHEN PO'I GZUGS YIN LA, DE 'DZIN PAR 'GYUR ZHING, KHAMS GSUM GYI RDZU 'PHRUL CHEN PO DANG LDAN PA KUN GYIS MCHOD PA DANG, TSANGS PA'I GTZO BO DANG, DBANG PO STE BRGYA BYIN DANG, LHA MIN GYI GTZO BO RNAMS KYIS PHYAG BYAS PA DANG, STONG GSUM GYI 'JIG RTEN GCIG PU BA STE BDAG POR 'GYUR RO, ,GSANG BA 'DZIN PA STE THA MAL GYI SGRUB PA LA GNAS PA RNAMS KYI, MI MCHOG STE GTZO BOR 'GYUR RO, ,SKU GSUNG THUGS KYI RDO RJE 'DZIN STE SGRUB PA PO GANG YID @436 LA 'DOD CING BSAMS LA DE LTA BU'I 'JIG RTEN DANG, 'JIG RTEN LAS 'DAS PA'I DNGOS GRUB RNAMS RDO RJE THUGS LAS TE, BSAMS PA TZAM GYIS RAB TU 'BYUNG ZHING STER BAR 'GYUR RO, ,DE BZHIN GSHEGS PA THAMS CAD KYI BDAG NYID CAN GYI RAL GRI NI, RAL GRI THAMS CAD STE, DE DANG DBYER MED PA'I TING NGE 'DZIN LA DE SKAD CES BYA'O, ,'DIR RIN PO CHE'I SGRUB PA MA BSHAD PA NI, 'KHOR LO LA SOGS PA LA RANG BZHIN GYIS GRUB PA'I NUS PA MED PAS BSGRUB PA BSHAD LA, RIN PO CHE RNYED NA, RANG BZHIN GYIS GRUB PA'I NUS PA YOD PAS, BSGRUB MI DGOS PAR SEMS CAN GYI DON 'BYUNG ZHING, MA RNYED NA BSGRUB MI NUS PAS, RIN PO CHE'I SGRUB PA MA BSHAD PA YIN NO, ,SNGAGS KYI RIL BU'I SGRUB PA BSTAN PA NI, NANG LA MCHOG TU GZHOL BAS BSNYEN PA LAS SU RUNG BA'I RNAL 'BYOR PA RIL BU'I RIG PA 'DZIN PA BSGRUB PAR 'DOD NA, RANG GI LHAG PA'I LHA'AM RNAM PAR SNANG MDZAD KYI DANG PO SBYOR BA DANG DKYIL 'KHOR RGYAL MCHOG BSKYED NAS, LAS RGYAL MCHOG YI GE AOm TZA NA KA'I 'BRU TSAD TZAM GYI RIL BU BSAMS NAS, DE'I DBUS SU STE NANG DU CHUD PAR RANG GI LHA'I GZUGS TE SA BON AOm RNAM SNANG GI NGO BO NYID RLUNG 'JUG PA'I BDAG NYID CAN DU BSAMS TE, KHAR BCUG NAS TE SPYI BO'I GNAS SU BSGOM MO, ,YANG DANG YANG DU BSGOM NA SGRUB PA PO DE NI DE MA THAG TU YANG BYANG CHUB DON DAM PA'I BDEN PA DANG, SEMS CAN KUN RDZOB KYI BDEN PA STE, DE GNYIS DBYER MI PHYED PA'I RDO RJE 'CHANG CHEN PO DANG, 'OD DE RDZU 'PHRUL 'DRA BAR 'GYUR ZHING, GZI @437 BRJID LTA BAR DKA' BAS NA, NYI MA SHAR BA'I ZHES PA SOGS GSUNGS SO, ,DE BZHIN DU RANG GI LHAG PA'I LHA'AM, 'OD DPAG TU MED PA'I DANG PO SBYOR BA DANG, DKYIL 'KHOR RGYAL MCHOG BSKYED NAS, LAS RGYAL MCHOG YI GE A'A TZA NA KA'I 'BRU TSAD TZAM GYI RIL BU BSAMS NAS, DE'I DBUS SU CHUD PA'I RANG GI LHA'I GZUGS TE SA BON SNANG MTHA'I NGO BO AA NYID RLUNG GNAS PA'I BDAG NYID CAN DU BSAMS TE, KHAR BCUG PA STE LKOG MA'I GNAS SU BSGOMS NA, SGRUB PA PO DE NI ZHES SOGS SO, ,BYANG CHUB YE SHES NI RDO RJE 'CHANG CHEN PO'O, ,DE BZHIN DU RANG GI LHAG PA'I LHA'AM, MI BSKYOD PA'I DANG PO SBYOR BA DANG, DKYIL 'KHOR RGYAL MCHOG BSKYED NAS, LAS RGYAL MCHOG YI GE H'Um TZA NA KA'I 'BRU TSAD TZAM GYI RIL BU BSAMS LA, DE'I DBUS SU CHUD PA'I RANG GI LHA'I GZUGS TE SA BON MI BSKYOD PA'I NGO BO NYID KYI H'Um NYID RLUNG LDANG PA'I BDAG NYID CAN DU BSAMS TE, KHAR BCUG PA STE SNYING KHA'I GNAS SU BSGOMS NA, PHAN YON DE NI ZHES SOGS SO, ,RDO RJE'I SKU NI RDO RJE 'CHANG CHEN PO'O, ,PHYAG RGYA CHEN PO'I GZUGS KYIS RIG PA 'DZIN PA BSGRUB PA NI, DE YANG NANG LA MCHOG TU GZHOL BA THUN MONG GI BSNYEN PA MTHAR PHYIN PA'I RNAL 'BYOR PAS, 'KHOR LO'I RIG 'DZIN PA BSGRUB PAR 'DOD NA, MKHA' DBYINGS TE YE SHES KYI SA SBYANG BA SNGON DU 'GRO BA CAN GYI, GZHAL YAS KHANG GDAN DANG BCAS PA BSKYED LA, GZHAL YAS KHANG GI DBUS SU GSAL BA'I DKYIL 'KHOR TE, ZLA BA'I DKYIL 'KHOR LA GNAS PA'I RNAM PAR SNANG MDZAD RNAL 'BYOR BZHI'I SGO NAS @438 RAB TU BSGOM PA DANG PO SBYOR BA DANG, DE NAS RANG RIGS KYI PHYAG RGYA DANG SNYOMS PAR ZHUGS PA LAS, CHO GA GSUM GYIS LHA RNAMS BSKYED DE RANG RANG GI GNAS SU BKOD PA'I DKYIL 'KHOR RGYAL MCHOG LA GNAS NAS, LAS RGYAL MCHOG RNAM SNANG GI PHYAG G-YAS KYI DANG PO'I 'KHOR LO DE MI DMIGS PAR BSGOMS NAS, AOm LAS LAG TU 'KHOR LO DKAR PO BRTZIBS BRGYAD PA BSAMS LA, DE'I LTE BAR RNAM SNANG GI DKYIL 'KHOR BSKYED DE, DE LA SEMS GTAD DE BSGOMS PAS, RTAGS GSUM GANG RUNG BYUNG BA NA, SNGA MA BZHIN DU 'KHOR LO'I RIG PA 'DZIN PAR 'GYUR RO, , 'DI DAG JI LTAR SGRUB PAR BYA ZHE NA, DANG POR 'KHOR LO CHEN PO'I RIGS TE, RNAM PAR SNANG MDZAD KYI DKYIL 'KHOR BSGOMS NAS, SANGS RGYAS SKUR NI RAB SBYOR TE, RNAM PAR SNANG MDZAD KYI RNAL 'BYOR DANG LDAN PAS, YE SHES TE RNAM SNANG GI SGRUB PA 'DI NI, YE SHES RDO RJE STE SGRUB PA PO DAG GIS BSGRUB PAR BYA'O, ,RDO RJE'I RIG PA 'DZIN PA BSGRUB PAR 'DOD LA, MKHA' DBYINGS YE SHES KYI SA SBYANG BA SNGON DU 'GRO BAS, GZHAL YAS KHANG GDAN DANG BCAS PA BSKYED NAS, DE'I DBUS SU RDO RJE STE, NYI MA'I DKYIL 'KHOR LA GNAS PA'I, GNYIS SU MED PA'I YE SHES KYI BDAG NYID, MI BSKYOD PA RNAL 'BYOR BZHIS BSGOMS PAS DANG PO'I SBYOR BA'O, , DE NAS RANG RIGS KYI PHYAG RGYA DANG SNYOMS PAR ZHUGS TE, DKYIL 'KHOR RGYAL MCHOG BSKYED NAS, LAS RGYAL MCHOG MI BSKYOD PA'I PHYAG G-YAS KYI DANG PO'I RDO RJE MI DMIGS PA'I NGANG LAS, H'Um LAS LAG TU RDO RJE BSAMS TE, DE'I LTE BAR MI @439 BSKYOD PAS GTZO BYAS PA'I DKYIL 'KHOR SKAD CIG GIS BSKYED NAS, DE LA SEMS GTAD DE BSGOMS PAS, RTAGS GSUM GANG RUNG BYUNG BA NA, RDO RJE'I RIG PA 'DZIN PAR 'GYUR RO, ,'DI JI LTAR BSGRUB CE NA, RDO RJE CHEN PO'I RIGS TE, DANG POR MI BSKYOD PA'I DKYIL 'KHOR BSGOMS TE RDO RJE'I SKU NI RAB SBYOR TE, MI BSKYOD PA'I TING NGE 'DZIN DANG LDAN PAS, RDO RJE MCHOG STE, MI BSKYOD PA'I BSGRUB PA 'DI NI, YE SHES RDO RJE STE SGRUB PA PO DAG GIS BYA'O, ,RIN PO CHE'I RIG PA 'DZIN PA BSGRUB PAR 'DOD PAS, MKHA' DBYINGS TE, YE SHES KYI SA SBYANG BA SNGON DU 'GRO BA CAN GYI, GZHAL YAS KHANG GDAN DANG BCAS PA BSKYED NAS, DE'I DBUS SU RIN PO CHE LA GNAS PA'I RIN CHEN RDO RJE STE, RIN CHEN 'BYUNG LDAN GYI RNAL 'BYOR BZHI'I SGO NAS RAB TU BSGOM PA NI DANG PO SBYOR BA'O, ,DE NAS RANG RIGS KYI PHYAG RGYA DANG SNYOMS PAR ZHUGS PAS, DKYIL 'KHOR RGYAL MCHOG BSKYED DE, LAS RGYAL MCHOG NI, RIN 'BYUNG GI PHYAG G-YAS KYANG DANG PO'I RIN PO CHE MI DMIGS PA'I NGANG LAS SVA LAS LAG TU RIN PO CHE BSAMS TE, DE'I STENG DU RIN 'BYUNG GIS GTZO BYAS PA'I DKYIL 'KHOR RNAMS BSKYED DE, DE LA SEMS GTAD DE BSGOMS PAS, RTAGS GSUM GANG RUNG BYUNG BA NA, RIN PO CHE'I RIG PA 'DZIN PAR 'GYUR RO, ,'DI DAG CI LTAR BSGRUB CE NA, RIN PO CHE'I RIGS TE DANG POR RIN 'BYUNG GI DKYIL 'KHOR BSGOMS NAS, RIN CHEN SKUR NI RAB SBYOR TE, RIN 'BYUNG GI RNAL 'BYOR DANG LDAN PAS, RIN CHEN MCHOG STE RIN 'BYUNG SGRUB PA 'DI NI, YE SHES RDO RJE STE SGRUB PA PO @440 DAG GIS BSGRUB PAR BYA'O, ,PAD MA'I RIGS PA 'DZIN PA BSGRUB PAR 'DOD PAS, MKHA' DBYINGS TE YE SHES KYI SA SBYANG BA SNGON DU 'GRO BA'I GZHAL YAS KHANG GDAN DANG BCAS PA BSKYED NAS, DE YI DBUS SU CHOS KYI DBYINGS TE, PAD MA 'DAB MA BRGYAD PA LA GNAS PA'I TSE DPAG MED RNAL 'BYOR BZHI'I SGO NAS RAB TU BSGOMS PA NI, DANG PO SBYOR BA'O, ,DE NAS RANG RIGS KYI PHYAG RGYA DANG SNYOMS PAR ZHUGS TE, DKYIL 'KHOR RGYAL MCHOG BSKYED NAS LAS RGYAL MCHOG TSE DPAG MED KYI PHYAG G-YAS KYI DANG PO'I PAD MA MI DMIGS PA'I NGANG LAS, AA LAS LAG TU PAD MA BSAMS TE, DE'I LTE BAR, TSE DPAG MED KYIS GTZO BYAS PA'I DKYIL 'KHOR BSKYED NAS, DE LA DMIGS TE BSGOMS PAS, RTAGS GSUM GANG RUNG BYUNG BA DANG, PAD MA'I RIG PA 'DZIN PAR 'GYUR RO, ,'DI DAG JI LTAR BSGRUB CE NA, PAD MA'I RIGS CHEN TE, DANG POR 'OD DPAG TU MED PA'I DKYIL 'KHOR BSGOMS NAS, CHOS KYI SKU NI RAB SBYOR TE, 'OD DPAG TU MED PA'I TING NGE 'DZIN DANG LDAN PAS, PAD MA'I MCHOG STE, 'OD DPAG TU MED PA'I SGRUB PA 'DI NI, YE SHES RDO RJE STE SGRUB PA PO DAG GIS BSGRUB PAR BYA'O, ,RAL GRI'I RIG PA 'DZIN PA BSGRUB PAR 'DOD PAS, MKHA' DBYINGS TE YE SHES KYI SA SBYONG BA SNGON DU 'GRO BA'I GZHAL YAS KHANG GDAN DANG BCAS PA BSKYED NAS, DE'I DBUS SU DAM TSIG STE, SNA TSOGS RDO RJE LA GNAS PA'I GDON MI ZA BA'I YE SHES TE, DON YOD GRUB PA RNAL 'BYOR BZHI'I SGO NAS BSGOM PA NI DANG PO SBYOR BA'O, ,DE NAS RANG RIGS KYI PHYAG RGYA DANG SNYOMS @441 PAR ZHUGS PA LAS, DKYIL 'KHOR RGYAL MCHOG BSKYED NAS, LAS RGYAL MCHOG NI, DON GRUB KYI PHYAG G-YAS KYI DANG PO RAL GRI MI DMIGS PA'I NGANG LAS, HA LAS LAG TU RAL GRI BSAMS TE, DE'I STENG DU DON GRUB KYIS GTZO BYAS PA'I DKYIL 'KHOR BSKYED NAS, DE LA DMIGS TE BSGOMS PAS, RTAGS GSUM GANG YANG RUNG BA BYUNG BA NA RAL GRI'I RIG PA 'DZIN PAR 'GYUR RO, ,'DI DAG GANG GIS BSGRUB CE NA, DAM TSIG CHEN PO'I RIGS TE, DON GRUB KYI DKYIL 'KHOR DANG POR BSGOMS TE, THOGS MED DAM TSIG RAB SBYOR TE, DON YOD GRUB PA'I TING NGE 'DZIN DANG LDAN PAS, DAM TSIG MCHOG STE DON YOD GRUB PA'I BSGRUB PA 'DI NI, YE SHES RDO RJE STE SGRUB PA PO DAG GIS BSGRUB PAR BYA'O, ,DE LTAR 'KHOR LO LA SOGS PA'I MTSAN MA RNAMS KYIS RIG PA 'DZIN PA SGRUB PAR MA ZAD, RTZE GSUM DANG, LCAGS KYU DANG, DGRA STVA LA SOGS PA KHRO BO'I RGYAL PO'I MTSAN MA RNAMS KYIS KYANG BSGRUB PAR BYA'O, ,RNAL 'BYOR GANG GIS BSGRUB CE NA, RDO RJE'I KHYAD PAR STE MI BSKYOD PA'I TING NGE 'DZIN GYIS BSGRUB BO, , BSAM GTAN GANG GIS BSGRUB CE NA, THA MAL PA'I DNGOS PO SPANGS NAS, PHUL DU BYUNG BA'I DNGOS PO BSGRUB PAR NUS PA'I SKU GSUNG THUGS KYI SGRUB PA'I BSAM GTAN DES 'GRUB PAR 'GYUR GYI GZHAN DAG GIS MA YIN NO, ,DE YANG KHRO BO BCU'I RNAL 'BYOR PAS, KHRO BO'I MTSAN MA GANG SGRUB KYANG, BSGRUB PA'I TSE MI BSKYOD PA'I RNAL 'BYOR GYIS BSGRUB PAR BYA STE, DE DANG MI BSKYOD PA'I DANG PO'I @442 SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG NI, MI BSKYOD PA'I PHYAG G-YAS KYI DANG POR RTZE GSUM LA SOGS PA GANG RUNG BSAMS TE, DE MI DMIGS PA'I NGANG LAS, H'Um LAS RTZE GSUM LA SOGS PAR BSAMS TE, DER MI BSKYOD PAS GTZO BYAS PA'I DKYIL 'KHOR BSKYED NAS BSGOMS PAS, PHAN YON SNGA MA LTAR 'BYUNG BAR 'GYUR RO, ,GZHUNG NYE BAR BSDU BA NI, DAM TSIG CHEN PO NI THEG PA CHEN PO'O, ,DE'I DNGOS GRUB NI GONG DU BSHAD PA RNAMS TE, DE STON PA'I RDO RJE NI DAM TSIG CHEN PO'I DNGOS GRUB RDO RJE STE, RDO RJE 'CHANG CHEN PO'O, ,DNGOS GRUB DANG MTHUN PA'I SPYOD PA STON PA NI, RTAG TU BSGRUB BO ZHES SBYAR, GANG NA, GONG DU BSHAD PA'I DNGOS GRUB DE RNAMS SO, ,SU ZHIG GIS NA, BSNYEN PA LAS SU RUNG BA'I SGRUB PA POS SO, ,GROGS GANG DANG LHAN CIG BSGRUB CE NA, MTSAN MA GCIG PA STE RAB TU MNYAM PA'I CHA LUGS 'DZIN PA'I LAM GYI BZHI MDO'AM STE, BRAM ZE'I RIGS LA SOGS PA PHYAG RGYA BZHI'AM, YANG NA SHING GCIG DRUNG STE, DE DAG LAS GANG YANG RUNG BA GCIG GAM, ZHI GNAS TE GDOL BA LA SOGS PA'I BUD MED CI LTAR RNYED PA DAG DANG LHAN CIG TU BSGRUB PAR BYA'O, ,THABS GANG GIS BSGRUB CE NA, DE DAG DANG SNYOMS PAR ZHUGS TE, RDO RJE YE SHES SEMS GSUM DGUG PA'I THABS KHYAD PAR CAN GYIS BSGRUB STE, DE LAS GZHAN PA NI, DNGOS GRUB BSGRUB PA LA 'JUG PA BUL BA YIN PA'I PHYIR RO, ,GDUL BYA 'DUN PA'I SBYOR BA RGYAS BTAB DANG BCAS PA LA GSUM LAS, SA GSUM GYI BDAG PO PAndI TA DGUG PA NI, DE YANG @443 BSNYEN PA LAS SU RUNG BA'I RNAL 'BYOR PAS, PAndI TA LA SOGS PA GANG ZAG SKAL LDAN DGUG PAR 'DOD NA, RANG RIGS KYI PHYAG RGYA BZHI'AM GCIG GANG RUNG DANG LHAN CIG GNAS NAS, SRUNG BA'I 'KHOR LO SNGON DU 'GRO BA CAN GYI GZHAL YAS KHANG GDAN DANG BCAS PA BSKYED DE, DER LHAG MOS MDZAD PA DANG BCAS PA BSGOMS SHING BSDUS NAS, RANG GI LHAG PA'I LHA GANG YIN PA RNAL 'BYOR BZHI'I SGO NAS, SBYOR GSUM RDO RJE CAN TE SEMS DPA' GSUM GYI BDAG NYID CAN GYI SBYOR GSUM STE, RDO RJE GSUM GYI RANG BZHIN GYI SNGAGS KYI SKYES BUR BDAG NYID BSAM ZHING BSKYED PA NI DANG PO SBYOR BA'O, ,DE NAS RANG RIGS KYI PHYAG RGYA DANG SNYOMS PAR ZHUGS PA LAS, DKYIL 'KHOR RGYAL MCHOG BSKYED NAS LAS RGYAL MCHOG NI, GANG DGUG PAR 'DOD PA'I SANGS RGYAS TE RIN PO CHE LTA BU'I GANG ZAG GNYIS SU MED PA'I YE SHES 'DOD PA'I BLO DANG LDAN PA DE NYID G-YO BA'I RANG BZHIN GYI RLUNG GI DKYIL 'KHOR MCHOG LA GNAS PA STE BZHAG NAS DE'I SKU GSUNG THUGS LA BDAG NYID KYI TING NGE 'DZIN SEMS DPA'I 'OD ZER GYI KYO BA BTANG BAS, SNYING LCAGS KYUS PHUG MGRIN PA ZHAGS PAS BCINGS NAS, RIM GYIS BDAG GI GAN DU 'ONG STE, RLUNG GI DKYIL 'KHOR LA BABS NAS, LAm LAS BYUNG BA'I SA'I DKYIL 'KHOR LA 'DUG STE BDAG GI CI BGYI ZER ZHING 'DUD PAR BSAM MO, ,DE NAS RDO RJE 'CHANG GI NGA RGYAL GYIS, DE'I LAG PA NAS BZUNG NAS, AOm A'A: H'Um CHE GE MO M'A MA WA SHAm KU RU AA ZHES PAS RGYAS BTAB NA, LAS DE 'CHUG MED DU 'GRUB PAR 'GYUR RO, ,'DI NI SANGS @444 RGYAS TE SKYE BO SKAL LDAN GYI SEMS DGUG PA'I CHO GA THUN MONG MA YIN PA DAM PA YIN NO, ,JI SKAD BSHAD PA'I SBYOR BA 'DIS DAM TSIG LAS BYUNG PHYOGS BCU NA GNAS PA'I LHA MO RNAMS KYANG BKUG LA, NYE BAR LONGS SPYOD CING, RANG GI LUNG BSGO BA LA GZUD PAR BYA'O, ,NAM MKHA'I DBYINGS KYI DAM TSIG NI LHA MO RNAMS SO, ,DE'I RDO RJE DGUG PA NI, MI PHYED PA'I DGUG PA'O, ,GNOD SBYIN MO LA SOGS PA DGUG PA NI, RNAM SNANG GI RNAL 'BYOR PAS LHA MO GTI MUG CAN DGUG PAR 'DOD NA, RNAM PAR SNANG MDZAD KYI DANG PO'I SBYOR BA DANG DKYIL 'KHOR RGYAL MCHOG LA GNAS NAS, LAS RGYAL MCHOG NI, DAM TSIG DGUG MCHOG KYO BAS BYA, ,ZHES PA, RNAM PAR SNANG MDZAD KYI PHYAG G-YAS KYI DANG PO'I 'KHOR LO DE NYID RGYAL GNAS LCAGS KYUR BSAM NAS TE, DE LAS 'OD ZER 'PHROS PAS BSGRUB BYA'I SNYING LCAGS KYUS PHUG ,MGRIN PA ZHAGS PAS BCINGS NAS RLUNG GI DKYIL 'KHOR LA BSKYON NAS, BDAG GI GAN DU 'ONG STE 'DUD PAR BSAM LA, SNGAR BZHIN RGYAS BTAB NA BDAG NYID KYI DBANG DU 'GYUR RO, ,DE BZHIN DU MI BSKYOD PA'I RNAL 'BYOR PAS LHA MO ZHE SDANG CAN 'GUG PA NA, MI BSKYOD PA'I PHYAG MTSAN RDO RJE DANG, 'OD DPAG TU MED PA'I RNAL 'BYOR PAS LHA MO 'DOD CHAGS CAN 'GUG PAR 'DOD NA, 'OD DPAG TU MED PA'I PHYAG MTSAN PAD MO DANG, SOGS PAS RIN 'BYUNG DANG, DON GRUB KYI RNAL 'BYOR PAS, LHA MO SER SNA CAN DANG, PHRAG DOG CAN 'GUG PAR 'DOD NA, RANG GI LHA'I PHYAG MTSAN RIN PO CHE DANG, RAL GRI RNAMS JI SKAD BSHAD PA'I TSUL @445 GYIS LCAGS KYUR BSAMS NAS, LHA MO DE DANG DE 'GUG PAR BYA'O, KHAMS GSUM GYI DAM TSIG NI GNOD SBYIN MO LA SOGS PA STE, DE DAG DGUG PA'I CHO GA'O, ,RGYAS BTAB PA'I CHO GA PHAN YON DANG BCAS PA STON PA NI, SGRUB PA PO BDAG NYID RNAM PA'I MCHOG RNAMS KUN LDAN PA STE, RNAM PAR SNANG MDZAD LA SOGS PA'I RNAM PAR BSKYED PA'I SANGS RGYAS TE, RDO RJE 'CHANG CHEN PO'I SKUR BSGOMS LA, BSGRUB BYA'I SKU GSUNG THUGS KYO BA DANG, ZHAGS PA LA SOGS PAS DRANGS NAS BKUG STE, RANG GI MDUN DU 'DUG PAR RAB TU BSGOM MO, ,DE NAS DE'I LAG PA NAS BZUNG STE, AOm A'A: H'Um, CHE GE MO M'A MA WA SHAm KU RU AA ZHES PA'I RGYAS BTAB BO, ,RGYAS BTAB PA DE LTA BU'I SBYOR BA YIS SGRUB PA PO DE NI RDO RJE 'CHANG CHEN PO'I GO 'PHANG LA GNAS PA'I LAS DAG BSGRUB BYA DE DAG GIS BYED PAR 'GYUR RO, ,PAndI TAS GDAMS NGAG STON PA DANG, LHA MO GNOD SBYIN MO SOGS KYIS PHYAG RGYA DANG, MNGAG GZHUG BSGRUB PA'I TSUL GYIS SO, ,DE LTAR PAndI TA LA SOGS PA BKUG PAS KHUGS TE, RGYAS 'DEBS PA'I DUS SU RNAM PA'I MCHOG RNAMS KUN LDAN PA'I RDO RJE'I SKU STE, RDO RJE 'CHANG CHEN POR BSGOMS PAS, LUS RNAM PAR SNANG MDZAD KYI BDAG NYID DU BYED CING, RDO RJE LCE'I SBYOR BAS SNGAGS 'DON PAS NI NGAG RDO RJE GSUNG STE, 'OD DPAG MED DANG 'DRA BAR 'GYUR ZHING, LHA'I NGA RGYAL DANG LDAN PAS ZHAG TU GNAS PA'I BSGRUB BYA RGYAS BTAB PAR BYA'O SNYAM PA DANG, SNGAGS KYI DON BSAMS PAS NI SEMS RDO RJE STE, MI BSKYOD PA DANG 'DRA BAR 'GYUR RO, , @446 DE LTAR RGYAS 'DEBS PA'I DUS SU, LUS RDO RJE 'CHANG DU BSGOM PA DANG, NGAG SNGAGS 'DON PA DANG, YID SNGAGS KYI DON SEMS PA'I RNAM PA 'DI DAG GIS, GSANG BA GSUM NI SKU GSUNG THUGS TE, DE'I DAM TSIG NI SKU LA SOGS PA'I NGO BOR GYUR PAS, RNAM SNANG LA SOGS PA'O, ,DE RNAMS KYIS MCHOD PA'I MCHOG NI, RANG GI NGO BO NYID JI LTA BA BZHIN YONGS SU SHES PA'I MTSAN NYID DE, DE LTA BU'I MCHOD PAS MCHOD NAS, BSHAD MA THAG PA'I SBYOR BA DES BSGRUB PAR BYA'O, , BSHAD MA THAG PA'I RGYAL 'DEBS PA'I CHO GA 'DI NI, SANGS RGYAS THAMS CAD 'BREL BA'I SBAS SHING MCHOG TU GYUR PA'I CHO GA RNAMS, GANG DU BSAGS SHING BSDUS PAS NA, GSANG BA'I SNYING PO BSDUS PA YIN NO, ,GSANG BA CHEN PO'I DAM TSIG NI RDO RJE 'CHANG CHEN PO'O, ,LAS KYI DBYE BAS ZAS LA NYE BAR LONGS SPYOD PA NI, DE LTAR DNGOS GRUB BSGRUB PA'I TSE KHA ZAS KYI KHYAD PAR JI LTA BU LA LONGS SPYAD PAR BYA ZHING, RIGS SO SO'I RNAL 'BYOR PAS, DNGOS GRUB GANG DANG GANG BSGRUB PA LA SHES PA'I ZAS LA LONGS SPYOD PAR BYA'O ZHES STON PA NI, KHA NA MA THO BA MED PAR RNYED PA'I SHA CHEN STE MI'I SHA DAM TSIG MCHOG GIS TE, BDAG NYID BZA' BA DANG, LHA RNAMS LA DBUL BA DANG, 'BYUNG PO RNAMS LA GTOR MA BYIN PAS, RDO RJE GSUM MCHOG STE RANG GI LUS NAM MKHA' LA GNAS PA'I MKHA' LA SPYOD PA BSGRUB PAR BYA'O, ,SHA CHEN PO DANG LDAN PA'I BSHANG GCI GTOR MA SOGS SU SBYIN PA'I DAM TSIG MCHOG GIS NI, 'KHOR LO'I RIG PA 'DZIN PA LA SOGS PA BSGRUB PAR BYA'O, ,GLANG PO @447 RANG SHI BA'I SHA LAS GTOR MA SOGS SBYIN PA'I DAM TSIG GIS MNGON SHES LNGA BSGRUB PAR BYA'O, ,KHA NA MA THOB PA MED PA'I RTA'I SHA GTOR MA SOGS SBYIN PA'I DAM TSIG GIS MI SNANG BA BSGRUB PAR BYA'O, ,LAS DANG MTHUN PA'I SHA MA RNYED NA JI LTAR BYA ZHE NA, RNYED SLA BA'I PHYIR KHYI'I SHA DAG LAS GTOR MA SOGS SBYIN PA'I DAM TSIG GIS, GONG DU BSHAD PA'I DNGOS GRUB THAMS CAD 'GRUB PAR 'GYUR RO, KHA NA MA THO BA MED PA'I BA LANG GI SHA LAS GTOR MA SOGS SBYIN PA'I DAM TSIG GIS RDO RJE DGUG PA'I MCHOG TE BSGRUB PAR DKA' BA RGYAL PO LA SOGS PA DGUG PA BSGRUB PAR BYA'O, KHA NA MA THO BA MED PA'I JI SKAD BSHAD PA'I SHA RNAMS MA RNYED NA JI LTAR BYA ZHE NA, JI SKAD BSHAD PA'I SHA THAMS CAD MED NA YANG, SHA GANG YANG RUNG BA LA MI'I SHA LA SOGS PAR BSAMS PAS BRTAGS SHING BSKYED NAS BSGRUB PAR BYA'O, , GANG YANG RUNG BA'I SHA MA RNYED NA BAG PHYE LAS, MI LA SOGS PA SEMS CAN DE DANG DE'I GZUGS BRNYAN BYAS NAS, DE DAG RANG BZHIN GYIS SROG DANG BRAL BAR BSAMS NAS, DE'I YAN LAG GIS BSGRUB PAR BYA'O, ,PHAN YON CI ZHIG THOB CE NA, RDO RJE SBYOR BA STE MI SHIGS PA'I KHA ZAS KYI CHO GA BSHAD MA THAG PA 'DI BYAS NA, SGRUB PA PO LA SANGS RGYAS THAMS CAD KYIS BYIN GYIS RLOB CING, MNGON PAR 'DOD PA'I DNGOS GRUB 'THOB BO, ,LHA RNAMS RGYAS PAR BYA BA'I CHO GA LA GNYIS TE, DBU RGYAN GYI BDUD RTZIS TSIM PAR BYA BA SPYIR BSTAN PA NI, BSNYEN PA DANG, SGRUB PA'I DUS SU, ZAS LA LONGS SPYOD PA'I TSE, BDAG NYID MTSAN BZANG PO LA SOGS PA RNAM PA @448 MCHOG RNAMS KUN DANG LDAN PA'I SKU GSUNG THUGS KYI RDO RJE CAN TE, RDO RJE 'CHANG CHEN PO LHAG PA'I LHA GANG YIN PA'I RNAM PAR BSKYED LA, DE'I SNYING KHAR PAD MA DANG ZLA BA'I STENG DU YE SHES DAM TSIG STE, YE SHES SEMS DPA' BSGOM ZHING DE'I SNYING KHAR YANG TING NGE 'DZIN SEMS DPA' BSAMS TE, DBU RGYAN TE SPYI GTZUG GI GNAS SU RDO RJE MCHOG 'DZIN PAS TE, RDO RJE 'CHANG CHEN PO YAB YUM SNYOMS PAR ZHUGS PAS ZLA BA'I 'OD ZER GYI TSOGS DANG 'DRA BA'I BYANG CHUB KYI SEMS KYI BDUD RTZI DKAR LA BSIL BA, SDUG BSNGAL THAMS CAD SEL BAR BYED PA SPYI BO TSANGS PA'I BU GA NAS ZHUGS TE, ZAS DANG LHAN CIG SANGS RGYAS THAMS CAD DE SEMS DPA' GSUM MNYES SHING TSIM PAR 'GYUR BAR BSAM MO, ,BSHAD MA THAG PA 'DI NI, DAM TSIG THAMS CAD NI SGRUB PA PO, YE SHES RDO RJE NI BYANG CHUB KYI SEMS KYI ZAS TE, DES TSIM PAR GYUR PA'I TING NGE 'DZIN LA DE SKAD CES BYA'O, ,BDUD RTZI'I SBYOR BAS TSIM PAR BYA BA'I RIGS KYI DBYE BAS SO SOR BSTAN PA NI, DE YANG BSNYEN PA DANG BSGRUB PA'I DUS SU KHA ZAS LA LONGS SPYOD PA'I TSE, LKOG MA SBYANG BA DANG, KHA ZAS SBYANG BA'I CHO GA STON TE, DE LA KHA ZAS KYI BYE BRAG CI YOD PA DE DAG BDUD RTZI LNGA'I SBYOR BA YIS TE, BDUD RTZI LNGAR BYAS NAS, H'Um GIS SBYANGS, A'A: YIS RTOGS, AOm GYIS SBAR BAR BYAS PAS, KHA ZAS SBYANGS TE, DE NAS BSNYEN SGRUB KYI DUS KYI, ZLOS PA PO SUM CU RTZA GNYIS KYANG BSDU NA DAM TSIG RDO RJE STE RIGS LNGAR 'DU LA, DE RNAMS KYI MCHOG MI BSKYOD PA'I RNAL 'BYOR PAS, LCE LA RDO RJE CAN GYI H'Um STE, H'Um @449 GYUR PA LAS RDO RJER BSGOMS TE, ZAS LA NYE BAR SPYOD CING ZOS NA, RDO RJE GSUM STE SKU GSUNG THUGS SHIN TU SBYANGS PA THOB PAR 'GYUR RO, ,BSHAD MA THAG PA'I KHA ZAS DANG, LKOG MA SBYONG BA'I TSUL 'DI NI RDO RJE TSUL MCHOG STE, YI GE A'A DANG, YI GE AOm GYI DAM TSIG DAG LA YANG BYA STE, 'OD DPAG TU MED PA DANG, DE'I RIGS CAN GYI RNAL 'BYOR PAS LCE LA AA YONGS SU GYUR PA LAS PAD MAR BSAM ZHING, RNAM SNANG DANG DE'I RIGS CAN GYI RNAL 'BYOR PAS, LCE LA AOm YONGS SU GYUR PA LAS 'KHOR LOR BSAMS TE, KHA ZAS LA LONGS SPYAD PAR BYA'O, ,'DI DAG NI SGRUB PA'I DUS KYI DBYE BA YIN GYI, BSNYEN PA'I DUS SU NI DE LTA BU'I KHYAD PAR MED DE, RIGS GANG ZLOS PA PO YIN YANG, MDOR BYAS SU BSHAD PA LTAR, LCE H'Um LAS RDO RJE KHO NAR BYA'O ZHES, BLA MA KHA CIG BZHED KYANG, 'DI NI BSNYEN BSGRUB GNYIS KA'I SPYI 'GRO'I DBANG DU BYAS PA YIN LA, MDOR BYAS SU BSHAD PA NI, MI BSKYOD PA'I ZLOS PA PO'I DBANG DU BYAS PA YIN NO, , RDO RJE'I DAM TSIG NI, BDUD RTZIR BYED PA'I BSAM GTAN YIN LA, BDUD RTZI'I PHRENG BA NI BDUD RTZI'I TSOGS TE, DE BSKYED PA'I TING NGE 'DZIN LA YANG DE SKAD CES BYA'O, ,DE LTAR BSKYED RIM PA'I DNGOS GRUB SGRUB PA'I CHO GA BSTAN NAS, RDZOGS RIM PA'I DNGOS GRUB SGRUB PA'I CHO GA LA GNYIS KYI, DNGOS GRUB SGRUB PA'I CHO GA DNGOS BSTAN PA NI, RDO RJE GSUM NI, SGYU LUS PA'I SKU GSUNG THUGS SO, DAM TSIG NI DE DAG GANG DU MNYAM PAR THIM PA DON DAM PA'I BDEN PA'O, ,DE NYID DU @450 GRUB MCHOG GO ,DE LAS, CHOS DANG LONGS SPYOD RDZOGS PA DANG, SPRUL PA'I MTSAN NYID CAN GYI, SKU GSUM PO GANG LA MNGA' BA'I RDO RJE CAN TE, RDO RJE 'CHANG CHEN PO 'BYUNG BAR 'GYUR RO, ,DON NI 'DI YIN TE, DBEN GSUM SNGON DU 'GRO BA'I SGYU LUS BSAM GTAN GNYIS KYI 'OD GSAL DU BCUG STE, 'OD GSAL 'DZIN PA'I YAN LAG DE LAS, ZUNG 'JUG LONGS SPYOD RDZOGS PA'I SKUR BZHENGS TE, SPRUL SKU RNAM SNANG LA SOGS PAR BSGYUR NAS, 'KHOR BA JI SRID PAR SEMS CAN GYI DON BYED PA NI, SKU GSUM DBYER MED RDO RJE 'CHANG CHEN PO ZHES BYA STE, ZUNG 'JUG DE NYID MTHA' GANG LA'ANG MI RTOG PAS DON DAM PA'I BDEN PA LA MA G-YOS PA'I PHYIR CHOS KYI SKU YIN LA, PHYIR MI LDOG PA KHO NA'I SPYOD YUL DU GYUR PA'I DAG PA'I SGYU LUS MNGA' BAS LONGS SPYOD RDZOGS PA'I SKU YIN ZHING, SEMS CAN THA MAL PA'I YUL DU GYUR PA'I RIGS LNGA'I RNAM PAR SNANG BA NI SPRUL PA'I SKU ZHES BRJOD DO, , DE LTA BU'I SKU GSUM DBYER MED RDO RJE 'CHANG CHEN PO DE NYID KYI CHO 'PHRUL BSTAN PA LA GSUM GYI, RANG GZHAN GYI DON PHUN SUM TSOGS PA 'GRUB PA BSTAN PA NI, ZUNG 'JUG MTHAR PHYIN PA'I RNAL 'BYOR PA NI, PHYOGS BCU'I SEMS CAN THAMS CAD KYI MNGON PAR 'DOD PA'I DON RDZOGS PAR BYED PAS NA, YID BZHIN GYI NOR BU'I 'BYUNG GNAS SU GYUR PA'I RGYA MTSO CHEN PO DANG 'DRA BAR 'GYUR RO, , DAG PA DANG MA DAG PA'I 'JIG RTEN GYI KHAMS THAMS CAD DU YANG DAG PAR RDZOGS PA'I SANGS RGYAS RNAMS MCHOD PA DANG, SEMS CAN GYI DON BYA BA'I PHYIR RDO RJE'I @451 BDAG NYID KYI SKU RGYU ZHING SNANG BAR BYED PAR 'GYUR RO, ,'KHOR LO'I DAM TSIG GRUB PAS TE, RNAM SNANG DANG 'BREL BA'I DNGOS GRUB MCHOG SGRUB PA LA, SANGS RGYAS SKU STE SKU RDO RJE 'DZIN PA DANG 'DRA BAR 'GYUR ZHING, DES NYE BAR MTSON NAS MI BSKYOD PA LA SOGS PA DANG 'BREL BA'I DNGOS GRUB SGRUB PAR BYED PA LA YANG THUGS RDO RJE LA SOGS PA DANG 'DRA BAR 'GYUR RO, ,GANGG'A'I BYE MA SNYED KYI 'JIG RTEN GYI KHAMS THAMS CAD DU BSHAD PA MA THAG PA'I GRUB PAS TE DNGOS GRUB RNAMS RNAM PA KUN TU SPYOD CING, RNAM PAR RGYU BAR 'GYUR RO, ,MKHA' 'GRO DANG MKHA' 'GRO MA'I DAM TSIG THAMS CAD KYI RIG PA DAM PA NI, SGRUB PAR BYED PA'I SNGAGS YIN LA, DE 'DZIN PAR BYED PA'I RIG 'DZIN RNAMS KYI YANG GTZO BOR 'GYUR RO, ,RDO RJE SKU STE PHYAG RGYA CHEN PO BSGOMS PAS BSHAD MA THAG PA'I MKHA' 'GRO DANG, MKHA' 'GRO THAMS CAD KYI DAM TSIG GI MCHOG KYANG 'GRUB PAR 'GYUR RO, ,NGAG GI BYA BA DANG LUS KYI YAN LAG THAMS CAD MI SNANG BA LA GNAS NAS, STONG GSUM GYI STONG CHEN PO'I 'JIG RTEN GYI KHAMS THAMS CAD BDAG NYID GCIG PUS SNANG BAR BYED PAS KYANG SANGS RGYAS KUN TE, GRUB THOB RNAMS KYIS DNGOS GRUB THAMS CAD DANG 'BREL BA'I PHUN SUM TSOGS PA THAMS CAD 'PHROG CING LEN PA DANG, LHA'I MCHOG BRGYA BYIN LA SOGS PA'I BU MO BKUG NAS, NYE BAR LONGS SPYOD PA RJES SU MYONG BAR 'GYUR RO, ,MNGON PAR SHES PA LNGA 'GRUB PA BSTAN PA NI, GANGG'A'I BYE MA SNYED KYI TSAD DANG MNYAM PA'I SANGS RGYAS RNAMS RDO RJE GSUM STE, RDO RJE 'CHANG CHEN PO'I GNAS @452 'JIG RTEN GYI KHAMS MTHA' YAS MU MED PA NA BZHUGS SHING GNAS PA NA, RANG GI LAG PA'I MTHIL DU BZHAG PA'I SKYU RU RA BZHIN DU, RDO RJE'I MIG GI STE, LHA'I MIG SHIN TU PHRA ZHING RNAM PAR DAG PAS MTHONG BAR 'GYUR RO, ,GANGG'A'I BYE SNYED KYI TSAD DANG MNYAM PA'I ZHING RNAMS NA, ZIN PA DANG MA ZIN PA DANG, GNYIS KA'I 'BYUNG BA CHEN PO'I RGYU LAS BYUNG BA'I SGRA GRAG PA CI SNYED PA KUN, RNA BA'I DRUNG NA 'KHOD PA BZHIN DU MNGON SHES RNA BAS TE, LHA'I RNA BA'I MNGON SHES RNAM PAR DAG PA THOS PAR 'GYUR RO, ,GANGG'A'I BYE SNYED KYI TSAD DANG MNYAM PA'I ZHING DAG NA GNAS PA'I SEMS CAN KUN GYI SEMS SKU GSUNG THUGS KYIS MTSAN PA STE, SNANG MCHED THOB GSUM GYI NGO BO ROL MO LTAR 'BYUNG BA STE, GAR MKHAN DANG 'DRA BAR RANG BZHIN BRGYA DRUG CU'I RGYUR GYUR PA SNA TSOGS PA'I SEMS, GZHAN SEMS SHES PA'I MNGON SHES KYIS RIG PAR 'GYUR RO, ,BSKAL PA GANGG'A'I BYE SNYED DU DGE BA DANG MI DGE BA'I LAS KYI DBANG GIS 'GRO BA LNGA'I 'KHOR BA NA GNAS PA'I SNGON GYI GNAS KYI GTAN TSIGS TE, LUS KYI KHYAD PAR ZHAG GSUM LON PA BZHIN DU, SNGON GNAS RJES DRAN GYI MNGON SHES KYIS DRAN PAR 'GYUR RO, ,GANGGA'I BYE MA SNYED KYI TSAD KYI BDAG NYID KYI LUS LA SANGS RGYAS SPRIN TE, RNAM SNANG LA SOGS PA RIGS LNGA'I LHA'I 'KHOR LOS BRGYAN NAS BSKAL PA GANGG'A'I BYE MA SNYED DU GNAS TE, 'OD GSAL BAS SBYANGS PA'I RDO RJE'I RDZU 'PHRUL MCHOG GIS 'JIG RTEN GYI KHAMS THAMS CAD SPRUL PA LAS 'GENGS SHING SPRO BAR BYED DO, ,DAM TSIG MNGON PAR MKHYEN PA NI, @453 RDO RJE 'CHANG CHEN PO'O, ,DE LA RDO RJE CAN ZHES SOGS NI, RDO RJE NI ZUNG 'JUG RDO RJE 'CHANG CHEN PO'O, ,SPYAN LA SOGS PA NI, 'OD GSAL BAS SBYANGS PA'I LHA'I MIG LA SOGS PA'O, ,'OD GSAL GYIS SBYANGS PAS NI, 'JIG RTEN PA'I MNGON SHES LAS KHYAD PAR DU 'PHAGS LA, RDO RJE 'CHANG CHEN PO LA MNGA' BAS NI, NYAN RANG SOGS KYI MNGON SHES LAS KHYAD PAR DU 'PHAGS SO, ,MNGON SHES LNGA PO 'DI DAG GIS GZHAN GYI DON JI LTAR 'GYUR ZHE NA, JI LTAR SANGS RGYAS KYI SKU MTHA' YAS SHING DPAG TU MED PA DANG 'DRA BAR, SANGS RGYAS MNGON SHES TE LHA'I MIG LA SOGS PA'I MNGON SHES LNGAS GZHAN GYI DON PHUN SUM TSOGS PA 'GRUB PA YANG MTHA' YAS SHING DPAG TU MED DO, ,DE LTA BU'I RDO RJE 'CHANG CHEN PO DE MNGON SHES LNGA'I SGO NAS, SEMS CAN GYI DON MDZAD NAS, RANG DON DU JI LTAR GNAS PAR 'GYUR ZHE NA, MYA NGAN LAS 'DAS PA'I MTHA' LA GNAS PA'AM, BAR BAR DU RGYUN CHAD PA'AM, GCIG PUR GNAS PA'AM, TSOR BA BTANG SNYOMS SU GNAS PA MA YIN GYI, YAN LAG BDUN DANG LDAN PAS 'KHOR BA JI SRID PAR BZHUGS PAR BSTAN PA NI, GANGG'A'I KLUNG GI BYE MA SNYED KYI GRANGS MED PA'I MI PHYED PA'I 'KHOR G-YOG LHA DANG MI LAS PHUL DU BYUNG BA'I MCHOD PA'I TSOGS DANG BCAS SHING, LHA'I BZHON PA MCHOG LA ZHON PA RNAMS KYIS YONGS SU BSKOR NAS 'KHOR BA JI SRID PA, MI 'JIG PA'I RDO RJE'I SKU GSUNG THUGS KYIS 'JIG RTEN GYI KHAMS THAMS CAD DU RNAM PAR RGYU ZHING, GNAS PAR 'GYUR RO, ,SNGON DU 'GRO BA'I BSNYEN PA'I CHO GA LA BZHI STE, @454 THUN MONG GI BSNYEN PA DANG, MCHOG GI BSNYEN PA DANG, BSNYEN PA GNYIS KYI GNAS DANG, SGRUB PA'I THABS MDOR BSDUS PA'O, ,DANG PO LA GNYIS KYI, MDOR BSTAN PA NI, GANGG'A'I BYE SNYED GRANGS MED PA'I, ,'KHOR GYIS YONGS SU BSKOR NAS SU, , ZHES PA 'BRAS BU'I PHYOGS GCIG LONGS SPRUL GNYIS KYIS 'KHOR BA JI SRID PAR BZHUGS PAR BSTAN PA'I TSIG YAN CHAD KYIS, CI RIGS PA MCHOG DANG, THA MAL PA'I SGRUB PA NYE BAR BSTAN NAS, BSKYED PA'I RIM PA'I SGRUB PA'I YAN LAG GSAL BAR BYA BA'I PHYIR, BSNYEN SGRUB YAN LAG BZHI STON PA NI, BSNYEN CING DMIGS PAR BYA BA YIN PAS NA BSNYEN PA STE, DE BZHIN NYID KYI RANG BZHIN YE SHES KYI SA SBYANG BA'O, ,DE NYID 'DA' BAR MI BYA BAS NA DAM TSIG GO ,DE DANG SBYOR BA NI, RDO RJE'I SA BSKYED PA SNGON DU 'GRO BA CAN GYI GZHAL YAS KHANG GDAN DANG BCAS PA BSKYED NAS, DER LHAG MOS MDZAD PA DANG BCAS PA BSGOM PA STE, DE DAG NI YAN LAG DANG PO BSNYEN PA'I YAN LAG GO ,DE NAS LHAG MOS BSDU BA SNGON DU 'GRO BA CAN GYI DE BZHIN NYID LAS BYANG CHUB PA LA SOGS PA, MNGON BYANG LNGA'I GTZO BO BSKYED DE, SPRUL SKUR BSGYUR NAS SA BON NYI SHU RTZA BDUN LUS LA 'GOD PA'I MTHAR THUG PA NI, NYE BAR SGRUB PA 'BYUNG BA STE YAN LAG GNYIS PA'O, ,DE NAS LUS NGAG YID GSUM LHA'I BDAG NYID DU SGRUB PAS NA, SGRUB PA'I DON NI SKU GSUNG THUGS BYIN GYIS BRLAB PA YIN LA, SEMS DPA' SUM BRTZEG TU BSGOM PA NI, GSUM KA YANG LHA'I BDAG NYID DU MNYAM PAS NA DAM TSIG CES BYA STE YAN LAG GSUM @455 PA'O, ,DE DAG NI DANG PO SBYOR BA'O, ,LHAG MA DKYIL 'KHOR RGYAL MCHOG DANG, LAS RGYAL MCHOG GI MTHAR THUG PA NI, GZHAN GYI DON CHEN PO SGRUB PAS NA SGRUB PA CHEN PO STE, YAN LAG BZHI PA'O, ,DE LTAR YAN LAG BZHI'I SGO NAS BSNYEN PA LAS SU RUNG BA BYAS PA DES RDO RJE'I BYE BRAG STE, ZLOS PA PO'I RIGS KYI BYE BRAG SHES PAR BYAS NAS, DE NAS LE'U BCU GSUM PA DANG, BCU BZHI PA LA SOGS PA NAS BSHAD PA'I LAS RNAMS BSGRUB PAR BYA STE, DE YANG RNAM SNANG GI RIGS KYIS ZHI BA'I LAS SGRUB PA DANG, MI BSKYOD PA'I RIGS KYIS MNGON SPYOD SGRUB PA LA SOGS PA CI RIGS PAR SHES PAR BYA'O, , THUN MONG GI SGRUB PA DE NYID RGYAS PAR BSHAD PA NI, BSNYEN PA'I TING NGE 'DZIN NI, SRUNG 'KHOR SNGON DU 'GRO BA CAN DU YE SHES KYI SA BSGOM PA'O, D,E LA RAB TU SBYOR BA NI RDO RJE SA BSKYED PA NAS LHAG MOS BSGOM PA'I BAR TE, YAN LAG DANG PO'I BSHAD PA'O, ,DE NAS LHAG MOS DON DAM PA'I DKYIL 'KHOR DU BCUG STE, SH'U N+YA TA'I SNGAGS KYIS BRTAN PAR BYAS PA'I BYANG CHUB MCHOG STE DE KHO NA NYID KYI MTSAN NYID DE BZHIN NYID LAS BYANG CHUB PA DANG, ZLA BA DANG, YIG 'BRU DANG, PHYAG MTSAN DANG, SKU RDZOGS PAR BYANG CHUB PA RNAMS NI, GAN DU SGRUB CING BSKYED PAS NA NYE BAR SGRUB PA'O, ,DE LTA BU'I NYE BAR SGRUB PA DE LA, GRUB PA LA MCHOG RNAM PAR SPYAD LA, MCHOG LA RDO RJE SKYE MCHED RNAM PAR SPYAD ZHES SBYAR RO, , GRUB PA LA MCHOG RNAM PAR SPYAD PA NI, GRUB PA NI MNGON BYANG LNGAS BSKYED PA'I @456 PHYAG RGYA CHEN PO YIN LA, MCHOG NI DE LA AOm LA SOGS PA'I SA BON NYI SHU RTZA BDUN 'GOD PA'O, ,MCHOG LA RDO RJE SKYE MCHED RNAM PAR SPYAD PA NI, SA BON DE RNAMS LA LHA DE DANG DE'I NGO BOR SHES PAR BYED PA'O, ,'GREL BAR RIM PA GSUM PA'I GO RIM NGES PAR BYAS LA, RGYU DANG 'BRAS BU YONGS SU SHES PAS RNAM PAR SPYAD CES PA'I DON LA, RIM PA GSUM GYI GO RIM NI, SA BON 'GOD PA'I GZHI GNAS NYI SHU RTZA BDUN DANG, GNAS DE DAG TU 'GOD PA'I SA BON NYI SHU RTZA BDUN DANG, SA BON DE DAG RANG RANG GI LHA'I RANG BZHIN DU SHES PAR BYA'O, ,YIG 'BRU NYI SHU RTZA BDUN LHA'I RANG BZHIN DU BKOD PA NI, RGYU YONGS SU SHES PA YIN LA, DES SKU'I DBANG PHYUG SOGS DANG, MIG GI MNGON SHES LA SOGS PA 'THOB PA NI 'BRAS BU YONGS SU SHES PA YIN NO, ,YAN LAG GNYIS PA'I BSHAD PA'O, ,LUS NGAG YID GSUM SKU GSUNG THUGS RDO RJE BDAG NYID DU BSGRUB CING BYIN GYIS RLOB PA'I TSE, SANGS RGYAS KUN 'DZIN DPAL DANG LDAN, ,ZHES SOGS TSIGS SU BCAD PA GNYIS GNYIS KYIS, RDO RJE GSUM GYI LHA TSOGS LA BSKUL ZHING GSOL BA 'DEBS PAR GSUNGS PA DANG, SNGAGS TE AOm LA SOGS PA'I TING NGE 'DZIN SEMS DPA' DANG, BDAG PO'I YE SHES SEMS DPA' RNAMS RIGS KYI DBYE BAS CI RIGS PAR BSGOM PA NI, SNGAGS KYI BDAG PO BSGOM PA STE, YAN LAG GSUM PA'I BSHAD PA'O, ,SGRUB PA CHEN PO BSKYED PA DE'I TSE, RANG GI LHAG PA'I LHA'I TING 'DZIN DANG LDAN PA'I RNAL 'BYOR PAS, RDO RJE PAD MA 'DU BYAS TE SNYOMS PAR ZHUGS PA LAS, BADZRA DHRi KA ZHES SOGS, @457 RANG GI SNGAGS LAS BYUNG BA'I RDO RJE CAN TE MI BSKYOD PA LA SOGS PA'I PHYAG RGYA CHEN PO'I GZUGS BSGOM LA, DE BZHIN GSHEGS PA LNGA'I RAL PA'I DBU RGYAN LA NI BDAG PO RDO RJE 'CHANG CHEN PO BSAM SHING, LHAG MA RNAMS KYIS DBU RGYAN LA NI, RNAM PAR SNANG MDZAD LA SOGS PA BSAM NA, YE SHES RDO RJE STE DNGOS GRUB 'GRUB PAR 'GYUR RO, ,YAN LAG BZHI PA'I BSHAD PA'O, ,'DIR DE BZHIN GSHEGS PA LNGA'I DBU RGYAN DU RDO RJE 'CHANG CHEN PO 'JOG PAR BSHAD PA DANG, MDOR BYAS SU, MI BSKYOD PA RIGS LNGA'I DBU RGYAN DU BSHAD PA 'GAL LAM SNYAM NA, MI 'GAL TE MI BSKYOD PA DKYIL 'KHOR GYI GTZO BOR BYED PA NA RDO RJE 'CHANG CHEN PO NYI MI BSKYOD PA DANG DBYER MED PA'I PHYIR, MDOR BYAS SU MI BSKYOD PA RIGS LNGA'I DBU RGYAN DU BZHAG PA YIN LA, 'DI BSHAD PA NI, LHA GZHAN GANG GIS GTZO BO BYED KYANG RDO RJE 'CHANG CHEN PO NYID RIGS LNGA'I DBU RGYAN DU 'GRO BA DGONGS PA YIN NO, , MCHOG BSNYEN PA LA GSUM STE, RTZA BA'I RGYUD KYI MDOR BSTAN PA DANG, RGYUD PHYI MA LA DE NYID RGYAS PAR BSHAD PA DANG, BSNYEN PA GNYIS KYI LHA'I RNAL 'BYOR LUNG GIS GSAL BAR BSTAN PA'O, ,RTZA BA'I RGYUD KYI YAN LAG DRUG MDOR BSTAN PA NI, RGYUD PHYI MA LAS, THUN MONG MCHOG GI DBYE BA YIS, ,BSNYEN PA RNAM PA GNYIS SU 'GYUR, ,THA MAL PA NI RDO RJE BZHIS, ,MCHOG NI YAN LAG DRUG GIS SO, , ZHES GSUNGS TE, DE LA THUN MONG BA NI, RGYUD DANG, RGYU DANG, 'BRAS BU THUN MONG YIN PAS NA, DE SKAD CES BYA STE, DE LA RGYUD THUN MONG BA NI, DE NYID 'DUS PA @458 SOGS RGYUD GZHAN LAS KYANG BSHAD PAS SO, ,RGYU THUN MONG BA NI BSKYED PA'I RIM PA STE, THUN MONG GI DNGOS GRUB KYI RGYU YIN LA, BRGYUD NAS MCHOG GI DNGOS GRUB KYI YANG RGYU YIN PA'I PHYIR RO, ,'BRAS BU THUN MONG BA PHRIN LAS BZHI DANG, NAM MKHAR 'GRO BA SOGS 'JIG RTEN PA DANG THUN MONG DU GYUR PA'I 'BRAS BU YIN PA'I PHYIR RO, ,MCHOG GIS ZHES PA NI, RGYUD DANG, RGYU DANG, 'BRAS BU THUN MONG MA YIN PAS NA DE SKAD CES BYA STE, RGYUD THUN MONG MA YIN PA NI, GSANG BA 'DUS PA LA SOGS PA BLA MED KYI RGYUD KHO NA NAS BSHAD PAS SO, ,RGYU THUN MONG MA YIN PA NI, YAN LAG LA DRUG GI SBYOR BA STE, DE NI 'JIG RTEN PA'I DNGOS GRUB KYI DOD DU MI SGRUB KYI, PHYAG RGYA CHEN PO'I DNGOS GRUB KHO NA'I DON DU BSGRUB PA'I PHYIR RO, ,'BRAS BU THUN MONG BA YIN PA NI, THEG PA GZHAN DANG THUN MONG DU MA 'BYOR BA'I DBANG PHYUG BRGYAD LDAN GYI RDO RJE 'CHANG CHEN PO'O, ,DE LTA BU'I BSNYEN PA RNAM PA GNYIS LA, THA MAL PA STE THUN MONG BA NI, DANG PO STONG NYID BYANG CHUB SEMS, ZHES PA LA SOGS PA'AM, YANG NA, BSNYEN PA'I DAM TSIG SBYOR BA DANG, ZHES SOGS RDO RJE BZHIS SHES PAR BYA LA, DE NI SNGAR BSTAN ZIN TO, ,MCHOG NI, SO SOR SDUD LA SOGS PA YAN LAG DRUG GIS SHES PAR BYA STE, DE NYID 'DIR STON PA NI, THAR PA 'DOD PA RNAMS KYIS, BSNYEN CING BSLAB PAR BYA BA YIN PAS NA BSNYEN PA STE, YONGS SU DAG PA'I LHA'I SKU DE NYID, THAMS CAD DU STE RNAM PA THAMS CAD KYI BDAG NYID DANG, RTAG TU STE DUS DANG SPYOD LAM THAMS CAD DU BSKYED PAR BYA'O ZHES SBYAR, RGYU GANG @459 GIS NA, YE SHES BDUD RTZI STE YAN LAG DRUG GI SBYOR BAS SO, ,CI'I PHYIR YAN LAG DRUG KHO NAS BSGRUB PAR BYA ZHE NA, SO SOR SDUD PA LA SOGS PA YAN LAG DRUG PO 'DI NI, SNGAGS TE MI BSKYOD PA LA SOGS PA'I DE BZHIN GSHEGS PA THAMS CAD KYI ZLOS PA PO RNAMS KYI SPRUL LA SOGS PA'I SNGAGS DANG, LHA'I DE KHO NA NYID DANG, DE DAG GI DON TE 'BRAS BU ZUNG 'JUG GI TING NGE 'DZIN BSGRUB CING BSKYED PAR BYED PA YIN GYI, GZHAN DAG NI MA YIN TE, JI SKAD DU, BSNYEN PA'I YAN LAG DRUG TU NI, ,BYAS NAS MCHOG TU BSGRUB PAR BYA, ,GZHAN DAG TU NI BSGRUB GYUR NA, , DNGOS GRUB MCHOG TU MI 'GYUR RO, ,ZHES GSUNGS SO, ,DE NYID KYI PHYIR, YAN LAG DRUG PO 'DI NYID KYIS BSNYEN PA BYA'O, ,DE NYID RGYUD PHYI MAS RGYAS PAR BSHAD PA LA GNYIS KYI, MDOR BSTAN PA NI, SO SOR SDUD DANG BSAM GTAN DANG, , SROG RTZOL DE BZHIN 'DZIN PA DANG, ,RJES SU DRAN DANG TING 'DZIN RNAMS, ,SBYOR BA YAN LAG DRUG CES BYA, ,ZHES GSUNGS TE, YAN LAG DRUG PO 'DIS NI PHYAG RGYA CHEN PO MCHOG GI DNGOS GRUB SGRUB PAR BYED PA'I RGYU THUN MONG MA YIN PA RDZOGS RIM DE KHO NA NYID KYI TING NGE 'DZIN DANG, DE'I GROGS SPYOD PA DANG BCAS PA BSTAN TO, ,DE LAS SOR SDUD BSAM GTAN GNYIS KYIS NI SPYOD PA BSTAN TE, DE YANG SO SOR SDUD PAS NI, 'DOD YON LNGA LA CI DGAR LONGS SPYOD PA'I MTSAN NYID CAN GYI SPYOD PA GSUM GYI NGO BO BSTAN LA, BSAM GTAN GYI NGO BO DANG RTOG SPYOD KYI YAN LAG GNYIS KYIS SOR SDUD SBYONG BYED BSGOM BSAM BSTAN LA, DBA', BDE, SEMS @460 RTZE GCIG PA DANG BCAS PA'I YAN LAG PHYI MA GSUM GYIS SPYOD PA'I PHAN YON BSTAN TO, ,RDZOGS RIM DE KHO NA NYID KYI TING NGE 'DZIN LA, SPYIR LUS DBEN NAS ZUNG 'JUG GI BAR DRUG YOD KYANG, DBEN PA GSUM GYI DANG THA GNYIS DANG, SGYU LUS RNAMS NI BLA MA'I MAN NGAG LA LTOS PAR BSTAN PA'I PHYIR, DNGOS SU MA BSTAN LA, 'DI SOGS SU BSTAN PA GSUM STE, SROG RTZOL GYIS NGAG DBEN DANG, 'DZIN PAS 'OD GSAL DANG, TING NGE 'DZIN GYIS ZUNG 'JUG RNAMS BSTAN TE, RJES DRAN NI LUGS BZLOG GI SNANG BA GSUM YIN LA, DE YANG 'OD GSAL MNGON SUM DU BYAS PA'I STOBS KYIS MNGON DU BYED NUS PAS, DE'I PHYIR 'PHAGS PA YAB SRAS KYIS BSGOM PA'I RIM PAR BSDUS SO, ,DE BAS NA YAN LAG DRUG PO 'DI DAG RNAL 'BYOR PAS NYAMS SU LEN PA NA, BSKYED PA'I RIM PA MTHAR PHYIN NAS, LUS DBEN NAS BRTZAMS TE, DBEN GSUM SGYU LUS DANG BCAS PA SNGON DU 'GRO BA CAN GYI, 'DZIN PA'I YAN LAG 'OD GSAL MNGON DU BYAS NAS, DE'I SKABS SU, SOR SDUD BSAM GTAN GNYIS KYIS, RIG PA BRTUL ZHUGS KYI SPYOD PA GSUM GANG RUNG LA BSLABS TE, MTHAR PHYIN PA NA, RJES DRAN GYI YAN LAG LUGS LDOG GI SNANG BA GSUM RLUNG DANG BCAS PA LAS, TING NGE 'DZIN GYI RANG BZHIN ZUNG 'JUG LONGS SPYOD RDZOGS PA'I SKUR BZHENGS NA, SPRUL SKUR BSGYUR TE, 'KHOR BA JI SRID PAR SEMS CAN GYI DON BYED PA'I RDO RJE 'CHANG CHEN POR 'GYUR BA YIN NO, ,DE LTAR NA 'PHAGS PA YAB SRAS KYI LUGS KYI RNAL 'BYOR YAN LAG DRUG NYAMS SU LEN PA'I 461 GO RIM NI DE LTAR YIN NO, ,GANG DAG SOR SDUD BSAM GTAN GNYIS KYIS SGYU LUS BSTAN ZHES SMRA BA NI, SOR BSAM DANG, SGYU LUS GNYIS KA'I DON MA GO BAR ZAD DO, ,'DIR SNGA RABS KYI BLA MA DAG 'DI LTAR BZHED DE, DE LA SOR SDUD LA SOGS PA YAN LAG DRUG GIS NI, MYA NGAN LAS 'DA' BA'I LAM GNYIS STON TE, BRTZON 'GRUS CAN MTHONG BA'I CHOS LA MYA NGAN LAS 'DA' BA'I LAM DANG, LE LO CAN BAR DOR MYA NGAN LAS 'DA' BA'I LAM MO, ,BRTZON 'GRUS CAN MTHONG BA'I CHOS LA MYA NGAN LAS 'DA' BA'I LAM LA GNYIS TE, DE KHO NA NYID KYI TING NGE 'DZIN DANG, DE DANG RJES SU MTHUN PA'I SPYOD PA'O, ,DE LA SOR SDUD KYIS NI KUN RDZOB SGYU MA LTA BU'I SKABS KYI SPYOD PA BSTAN TO, ,SPYOD PA DE YANG, DE KHO NA NYID KYI TING NGE 'DZIN DANG MI LDAN NA GROL BA'I RGYUR MI 'GYUR BAS NA, DE KHO NA NYID KYI TING NGE 'DZIN STON PA NI, BSAM GTAN LA SOGS PA YAN LAG PHYI MA LNGA'O, ,DE LA BSAM GTAN LA LNGA LAS, RTOG DPYOD KYIS LUS DBEN BSTAN TO, ,DGA' BAS NI LUS DBEN GYI PHAN YON NO, ,YAN LAG GSUM PA SROG RTZOL NI NGAG DBEN NO, ,BDE BA NI NGAG DBEN GYI PHAN YON NO, ,SEMS RTZE GCIG PA NI SEMS RNAM PAR DBEN PA'O, ,BSAM GTAN GYI PHAN YON SANGS RGYAS KUN DNGOS KYIS NI, KUN RDZOB BDEN PA SGYU MA LTA BU STON NO, ,ZHI BA NI DON DAM BDEN PA ZHAR LA STON PA'O, ,DE DAG GIS NI DBEN GSUM SNGON DU 'GRO BA CAN GYI SGYU LUS STON NO, ,YAN LAG BZHI PA 'DZIN PAS NI 'OD GSAL STON NO, ,YAN LAG LNGA PA RJES DRAN NI, 'OD GSAL 'DZIN PA'I YAN @462 LAG DE LAS, RJES DRAN GYI YAN LAG LUGS LDOG GI SNANG BA GSUM KHAMS PHRA BA DANG BCAS PA 'BYUNG BA'O, ,YAN LAG DRUG PA TING NGE 'DZIN NI, RJES DRAN GYI YAN LAG DE NYID LAS, TING NGE 'DZIN GYI YAN LAG ZUNG 'JUG LONGS SPYOD RDZOGS PA'I SKUR BZHENGS PA'O, ,DE NYID SPRUL SKU DKYIL 'KHOR RGYAL MCHOG LA GNAS PAS, LAS RGYAL MCHOG ZUNG 'JUG SKU GSUM DBYER MED MTSAN NYID GSUM LDAN LA BSLABS PAS, MTHAR MI SLOB PA'I RDO RJE 'CHANG CHEN PO THOB PAR 'GYUR RO, , GNYIS PA LE LO CAN BAR DOR MYA NGAN LAS 'DA' BA'I LAM GYI DBANG DU BYAS NA, RTOG DPYOD, DGA' BDE SEMS RTZE GCIG PA DANG, DE'I PHAN YON SANGS RGYAS KUN DNGOS KYIS, KUN RDZOB BDEN PA'I MTHAR THUG PA'I BAR DU BSTAN TE SNGA MA BZHIN NO, ,SO SOR SDUD PA NI KUN RDZOB BDEN PA'I SKABS KYI SPYOD PA BSTAN TO, , DE LTAR KUN RDZOB SPYOD PA DANG BCAS PA MTHAR PHYIN YANG, LE LO CHE BA'I STOBS KYIS 'OD GSAL MNGON SUM DU MA BYAS PAS, 'CHI BA'I RTAGS BYUNG STE 'CHI BAR 'GYUR NA, DE'I TSE 'PHEN PA 'DI LTAR BTANG STE, BDAG GIS 'CHI BA DANG 'OD GSAL GCIG TU BYAS LA, BAR DOR LHUN GYIS GRUB PA'I ZUNG 'JUG TU LANGS TE, DE NYID DU SANGS RGYA BAR BYA'O SNYAM DU BLO BSKYED LA, DE NAS PHUNG PO LA SOGS PA RIM GYIS THIM STE, KHYAB BYED KYI RLUNG DGU BRGYA PA PHRAG GCIG RGYU BA'I DUS SU, RDO RJE BZLAS PA BYED PA NI, YAN LAG GSUM PA SROG RTZOL GYI DON NO, ,DE NAS KHYAB BYED KYI RLUNG RNAM SHES LA THIM, RNAM SHES 'OD GSAL DU THIM PA NI YAN LAG BZHI @463 PA 'DZIN PA'I YAN LAG GO ,DE LAS LUGS BZLOG GI SNANG BA GSUM RLUNG DANG BCAS PA 'BYUNG BA NI RJES DRAN GYI YAN LAG GO ,RJES DRAN GYI YAN LAG DE LAS TING NGE 'DZIN GYI YAN LAG BAR DOR LONGS SPYOD RDZOGS PA'I SKUR BZHENGS TE, SPRUL SKUR BSGYUR NAS, SKU GSUM DBYER MED MTSAN NYID GSUM LDAN LA BSLABS PAS, BAR DO DE NYID DU MI SLOB PA'I RDO RJE 'CHANG CHEN PO THOB PAR 'GYUR BA'O ZHES BLA MA SNGA RABS PA DAG 'CHAD DO, ,YAN LAG DRUG PO DE NYID RGYAS PAR BSHAD PA LA DRUG YOD PA'I, YAN LAG DANG PO SOR SDUD PA BSHAD PA NI, DBANG PO BCU PO RNAMS KYI YANG, , RANG GI 'JUG GNAS THAMS CAD DU, ,'DOD PA SO SOR SDUD PAS NA, ,SO SOR SDUD PA ZHES BSHAD DO, ,ZHES TE, DE LA, 'OD GSAL MTHAR PHYIN TE SLOB PA'I ZUNG 'JUG GI GNAS SKABS SU, SPYOD PA GSUM LA SLOB PA NA, 'DOD YON LNGA LA RANG BZHIN SHES PA'I SGO NAS CI DGAR LONGS SPYOD PA STON PA YIN TE, DE LA DBANG PO BCU NI DBANG PO LNGA DANG YUL LNGA'O, ,DE DAG GI RANG GI 'JUG GNAS NI, MIG GI DBANG PO RANG GI YUL GZUGS LA 'JUG PA LA SOGS PA'O, ,THAMS CAD DU STE DMAN PA DANG, 'BRING DANG, MCHOG GI DBYE BA'I GZUGS LA SOGS PA 'DOD PA'I YON TAN LNGA LA, RANG RANG GI YUL CAN GYI DBANG PO RNAMS, YANG DANG YANG DU SOR SOR SDUD CING LEN PAS NA, SO SOR SDUD PA ZHES BSHAD DO, ,DE NYID RNAM PAR SBYAR BAR BYA BA'I DON, YAN LAG GNYIS PA BSAM GTAN STON PA NI, 'DOD PA LNGA NI MDOR BSDUS NAS, ,SANGS RGYAS LNGA RU SBYOR BA YIS, ,BRTAG PA BSAM @464 GTAN ZHES BSHAD DO, ,ZHES TE, 'DIS NI YUL DANG DBANG PO LNGA DE BZHIN GSHEGS PA LNGA'I RANG BZHIN DU BSGOM PA'I SPROS BCAS KYI SGOM BSAM BSTAN TE, DE LA GZUGS LA SOGS PA'I 'DOD PA LNGA NI, RNAM SNANG LA SOGS PA'I SANGS RGYAS LNGA'I RANG BZHIN MIG LA SOGS PA'I DBANG PO LNGA DANG, MDOR BSDUS PAS TE, GCIG TU SBYOR BA YI YONGS SU DAG PA'I BRTAG PA STE, RNAL 'BYOR DE NI BSAM GTAN ZHES BSHAD DO, ,BSAM GTAN DE'I DBYE BA NI RNAM PA LNGAR 'GYUR TE, RTOG DANG DPYOD DANG DGA' BA DANG, ,DE BZHIN BDE BA NYID DANG YANG, ,SEMS CAN RTZE GCIG NYID DAG STE, ,LNGA PO DER NI BSAM GTAN BSDU, ,ZHES TE, DE YANG CHOS MNGON PA'I MDO LAS, BSAM GTAN DANG PO RTOG DPYOD LA SOGS PA'I YAN LAG LNGA LDAN DU BSHAD PAS, DE DANG THA SNYAD SGO BSTUN PA'I PHYIR, 'DIR YANG BSAM GTAN YAN LAG LNGA LDAN DU BSHAD KYI, DON MTHUN PA NI MA YIN NO, ,YAN LAG DE DAG RE RE NAS BSHAD PA NI, GSANG BA'I RGYUD RNAMS THAMS CAD DU, ,RNAM PA DU MA YONGS BSHAD PA, ,GSANG BA GSUM BYUNG RTOG PA STE, ,DE YI LONGS SPYOD DPYOD PA'O, ,ZHES TE, GSANG BA GSUM NI, YUL DANG DBANG PO DANG RNAM PAR SHES PA STE, DBANG PO DANG RNAM PAR SHES PA'I YUL GZUGS LA SOGS PA LNGA PO DE DAG DE BZHIN GSHEGS PA LNGA'I BDAG NYID YIN NO, ,ZHES GANG RTOG PA DE NI RTOG PA YIN LA, GZUGS LA SOGS PA DE DAG DE BZHIN GSHEGS PA LNGA'I LONGS SPYOD REG BYA RDO RJE MA LA SOGS PA YUM BZHI'AM GZUGS RDO RJE MA LA SOGS PA LHA MO LNGA'I RANG @465 BZHIN DU RNAM PAR DPYOD PA NI DPYOD PA'O, ,YUL LNGA DE BZHIN GSHEGS PA LNGA DANG LHA MO LNGA LA SOGS PA'I RANG BZHIN DU BSGOM PA DE'ANG, 'DUS PA LA SOGS PA GSANG BA'I RGYUD THAMS CAD DU, LAN CIG MA YIN PAR RNAM PAR DU MAR YONGS SU BSHAD DE, SNGAR LE'U BDUN PAR YANG, GZUGS LA RNAM GSUM SHES BYA STE, ,LHA RNAMS LA NI DBUL BAR BYA, ,DE NYID BCOM LDAN SNA TSOGS PA, ,SANGS RGYAS RNAM PAR SNANG MDZAD GZHI, ,ZHES SOGS DANG, GZUGS SGRA RO SOGS SNGAGS PA YI, ,LHA NYID DU NI RNAM PAR BSGOM, ,ZHES SOGS GSUNGS PA'I PHYIR RO, ,BSAM GTAN GYI YAN LAG LHA MA RNAMS KYIS, SPYOD PA'I PHAN YON STON PA NI, DGA' LA REG PA GSUM PA STE, ,BDE BAS BSDUS PA BZHI PA'O, ,SHES DANG SHES BYA 'BYUNG ZAD PA'I, , RANG SEMS LNGA PAR SHES PAR BYA, ,SANGS RGYAS KUN DNGOS ZHI BA NI, ,'DOD PA KUN LA RAB TU GNAS, ,ZHES TE, DE LTAR SPYOD PA'I SKABS SU 'DOD YON LNGA'I NGO BO DANG, KHYAD PAR LA RNAM PAR DPYAD NAS BSGOMS PAS, DE KHO NA NYID ZUNG 'JUG GI YE SHES SKYE BA LA MNGON PAR PHYOGS PAS GANG YID BDE BA'I MTSAN NYID CAN DE NI DGA' BA LA REG PA STE YAN LAG GSUM PA'O, ,'OD GSAL GYI DE KHO NA NYID LA MNGON PAR ZHUGS PAS, LUS SHIN TU SBYANGS PA LA SOGS PA'I MTSAN NYID CAN GYI BDE BA GANG THOB PA DE NI, BDE BAS BSDUS PA STE BSAM GTAN GYI YAN LAG BZHI PA'O, ,DE DAG NI GNAS SKABS KYI PHAN YON NO, ,MTHAR THUG GI PHAN YON NI, DE LTAR SPYOD PA LA SBYANGS PA LAS, RAB KYI MTHAR THUG PAR SON PA'I @466 PHYIR RNAM SHES DRUG GI RANG BZHIN GYI SHES PA DANG, GZUGS SOGS YUL DRUG GI RANG BZHIN GYI SHES BYA DANG, DE GNYIS 'BYUNG BA ZAD PA NI GZUNG 'DZIN GNYIS KYIS STONG PA STE, GZUNG 'DZIN GNYIS KYIS DBEN PA'I GNYIS SU MED PA'I YE SHES KYI MTSAN NYID SEMS RTZE GCIG PA ZHES PA YAN LAG LNGA PAR SHES PAR BYA'O, ,DE LTA BU'I GZUNG 'DZIN GNYIS KYIS STONG PA'I YE SHES KYI RANG BZHIN GYI SEMS RTZE GCIG PA DE NI, SANGS RGYAS KUN GYI RANG BZHIN SPROS PA'I MTSAN MA NYE BAR ZHI BA KUN RDZOB SNANG BA TZAM DANG, THAMS CAD STONG PA 'OD GSAL DBYER MED DU GYUR PA'I ZUNG 'JUG STE, THAMS CAD STONG PA 'OD GSAL BA LA MI GNAS PA'I TSUL GYIS RAB TU GNAS PA YIN NO, ,SANGS RGYAS KUN GYI RANG BZHIN ZHI, ,THAMS CAD NAM MKHA' LA RAB GNAS, ,ZHES TSIG BSGYUR RO, ,DE LTAR NA, BSAM GTAN GYI YAN LAG LNGA PA SEMS RTZE GCIG PA NI, SPYOD PA'I MTHAR THUG GIS 'BRAS BU ZUNG 'JUG GI YE SHES YIN TE, SPYOD PA MTHAR PHYIN PA NA ZUNG 'JUG THOB PAR 'GYUR BA'I PHYIR RO, , SNGA RABS PA RNAMS 'DI LTAR 'CHAD DE, 'DOD PA LNGA NI MDOR BSDUS NA, ,SANGS RGYAS LNGA RU SBYAR BA YIS, ,ZHES 'DOD YON LNGA PO SANGS RGYAS LNGAR BSGOM PA NI, YUL GYI LUS DBEN NO, ,GSANG BA GSUM BYUNG RTOG PA STE, ,ZHES PA YUL DANG DBANG PO DANG RNAM SHES GSUM DE BZHIN GSHEGS PA LNGAR BSGOM PA NI, BSKYED RIM PA DANG THUN MONG GI LUS DBEN NO, ,DE YI LONGS SPYOD DPYOD PA'O, ,ZHES PA RIGS BRGYA DANG LNGA DANG GSUM DANG, GCIG GI BAR DU ZHIB TU DPYOD PA NI, RDZOGS @467 RIM PA'I THUN MONG MA YIN PA'I LUS DBEN NO, ,DGA' LA REG PA NI LUS DBEN GYI PHAN YON TE, RDO RJE BZLAS PA'I RLUNG DANG SNGAGS DANG SGRA'I DE KHO NA NYID LA 'JUG PA MNGON DU PHYOGS PAS, YID BDE BA'I MTSAN NYID CAN NO, ,DE NAS YAN LAG GSUM PA SROG RTZOL GYI BZLAS PA NGAG DBEN LA MTHAR PHYIN PAR BSLAB PA'I PHAN YON NI BDE BAS BSDUS PA STE, DE YANG BEM PO'I RLUNG RAGS PA LA BSLAB PA MTHAR PHYIN PAS, KHAMS SNYOMS PA DANG, RLUNG RGYU BA GSAL BA 'BYUNG NGO, ,BEM PO'I RLUNG PHRA BA LA BSLAB PA MTHAR PHYIN PAS, REG PA BDE BA DANG RLUNG G-YAS G-YON DU YOD NUS PA 'BYUNG NGO, ,SHES PA'I RLUNG GSAL BA DANG 'DRES PA LA BSLAB PA MTHAR PHYIN PAS, RLUNG PHYI NANG BSRE NUS PA DANG, RLUNG GNOD MED DU BSDOM NUS PA 'BYUNG NGO, ,DE LTAR NGAG DBEN MTHAR PHYIN PA LAS SEMS DBEN 'BYUNG BA NI, SHES DANG SHES BYA 'BYUNG ZAD PA, ,ZHES SOGS KYIS SEMS DBEN BSTAN TO, , DE'I PHAN YON SANGS RGYAS KUN DNGOS NI, SGYU LUS BSTAN LA, ZHI BAS NI DON DAM BDEN PA BSTAN TO, ,ZHES 'CHAD DO, ,YAN LAG GSUM PA SROG RTZOL NI, YE SHES LNGA YI RANG BZHIN DBUGS, ,'BYUNG BA LNGA YI NGO BO NYID, ,GONG BU'I GZUGS KYIS PHYUNG NAS NI, ,PAD MA'I SNA RTZER RAB TU BRTAG ,RIN CHEN KHA DOG SNA LNGA DANG, , SROG DANG RTZOL BA ZHES BYAR BSHAD, ,RANG SNGAGS SNYING KHAR BSAMS NAS NI, , SROG NI THIG LER GYUR PAR BZHAG ,CES TE, RAB TU BRTAG PA STE BSGOM MO, , GNAS GANG DU ZHE NA, RNAL 'BYOR PAS RDO RJE'I SNA RTZE DANG, RNAL 'BYOR MAS PAD @468 MA'I SNA RTZER RO, ,GANG ZHIG BSGOM ZHE NA, ME LONG LTA BU LA SOGS PA'I YE SHES LNGA'I RANG BZHIN GYI DBUGS TE, RLUNG, SA LA SOGS PA 'BYUNG BA LNGA'I RANG BZHIN GANG YIN PA DE'O, ,THABS GANG GIS BSGOM ZHE NA, YE SHES LNGA LA SOGS PA'I RANG BZHIN GYI RLUNG DE NYID, YAB YUM SNYOMS PAR ZHUGS PAS 'DOD CHAGS CHEN PO'I MES BZHU STE, GONG BU'I GZUGS KYIS TE BYANG CHUB KYI SEMS THIG LE'I RANG BZHIN DU PHYUNG NAS SO, ,TSUL JI LTAR BSGOM NAS, THIG LE'AM RANG GI LHA'I MTSAN MA PHRA MOR BSGOM MO, ,'DIS NI BSKYED RIM PA'I 'OG SGO LA BRTEN PA'I PHRA MO'I RNAL 'BYOR BSTAN GYI, SKABS 'DI'I SROG RTZOL DNGOS BSTAN PA NI MA YIN NO, ,BSAM NAS TE BSGOM MO, ,GANG DU NA, SNYING KHAR TE SNYING KHA'I PAD MAR RO, ,GANG ZHIG BSGOM ZHE NA, 'TSO BAR BYED PAS NA SROG NGAG KUN NAS SLONG ZHING RING DU RGYAS PAR BYED PAS NA RTZOL BA STE RLUNG NGO, ,DE'I KHYAD PAR NI SANGS RGYAS KYI RIN PO CHE BSKYED PA NA RIN CHEN, DE BZHIN GSHEGS PA LNGA'I BDAG NYID YIN PAS, DKAR PO LA SOGS PA'I 'OD ZER LNGA DANG LDAN PAS NA KHA DOG LNGA PA'O, ,DE NYID TSUL JI LTAR BSGOM ZHE NA, RLUNG 'OD ZER LNGA PO DE NYID GYEN DU SONG STE, KUN RDZOB KYI SNA SGOR RGYU BA NA, 'JUG GNAS LDANG YI GE GSUM GYI NGO BO NYID KYIS, NYIN DANG MTSAN DU ZLOS PAR 'GYUR BA'I PHYIR RANG SNGAGS ZHES BYA LA, DE LTA BU'I RANG SNGAGS ZLOS PA'I TSUL GYIS SO, ,SROG NI RLUNG NGO, ,THIG LE NI RLUNG GI 'BYUNG GNAS MI SHIGS PA'O, ,DE BZHAG PA NI RLUNG DE NYID STONG PA NYID LAS BYUNG ZHIG, STONG PA NYID LA @469 THIM PAR SHES PA'I TSUL GYIS RDO RJE BZLAS PA BYA ZHES PA'O, ,YAN LAG BZHI PA 'DZIN PA'I YAN LAG BSHAD PA NI, RANG DBANG RIN CHEN DGAG PA YI, ,GZUNG BA 'DZIN PA YIN PAR BSHAD, ,CES TE, RANG NI GZUGS LA SOGS PA'O, ,DBANG PO NI MIG LA SOGS PA STE, YUL DANG DBANG PO DE GNYIS BSAM GTAN GNYIS KYIS BSHIG STE, DGAG CING THIM PAR GYUR PA NA, DE'I 'OG TU YUL DANG DBANG PO'I RTEN DU GYUR PA'I SEMS, SEMS KYI RIN PO CHE RLUNG DANG BCAS PA DGAG CING NUB PAR GYUR PA'I GZUNG BA GANG YIN PA DE NI 'DZIN PA YIN PAR BSHAD DE, DE GANG ZHE NA, YANG DAG PA'I MTHA' THAMS CAD STONG PA 'OD GSAL BA'O, ,SGYU LUS 'OD GSAL DU BCUG PA NA, 'OD GSAL MNGON DU 'GYUR BA'I RTAGS 'BYUNG BA STON PA NI, SEMS NYID 'GOG PA RDO RJER GYUR, ,MTSAN MA NYER 'DZIN 'BYUNG BAR 'GYUR, ,ZHES PA STE, SGYU LUS 'OD GSAL DU BCUG STE, SEMS 'GOG PA'I RDO RJE STE 'OD GSAL BAR THIM PA NA, DE'I SNGON ROL DU 'OD GSAL MNGON DU GYUR PA'I MTSAN MA NYER 'DZIN TE RTAGS RNAMS 'BYUNG ZHING SKYE BAR 'GYUR BA'I RTAGS DU ZHIG YOD, RANG BZHIN JI LTA BU ZHE NA, MTSAN MA'I KHAMS NI RNAM PA LNGAR, ,BYANG CHUB RDO RJES GSUNGS PA YIN, ,SMIG SGYU 'DRA BA DANG PO STE, ,DU BA LTA BU GNYIS PA YIN, ,MKHA' DANG 'DRA BA GSUM PA STE, ,MAR ME LTA 'BAR BZHI PA'O, ,SPRIN MED NAM MKHA' LTA BUR NI, ,RTAG TU SNANG BA LNGA PA'O, ,ZHES GSUNGS TE, 'BYUNG BA BZHI RNAM SHES DANG BCAS PA MA LUS PAR MA 'GAGS PAR 'OD GSAL MNGON DU MI 'GYUR ZHING, DE @470 DAG 'GAG PA NI, JI LTAR RAGS PA'I RIM PAS 'GAG STE, LAS KYI MTHA' RNAM 'BYED LAS, DANG PO SA NI CHU LA THIM, ,CHU YANG ME LA THIM PAR 'GYUR, ,ME NI RLUNG LA THIM 'GYUR ZHING, ,RLUNG YANG RNAM PAR SHES LA 'JUG, RNAM SHES GZUNG BA DE NYID NI, ,'OD GSAL BAR YANG 'JUG PA YIN, ,ZHES GSUNGS SO, ,DE'I PHYIR RNAL 'BYOR PAS SGYU LUS 'OD GSAL DU BCUG PA DANG, LUS CAN RNAMS 'CHI BA'I TSE NA, SA NYID RAGS PAS THOG MAR 'GAG CING, RNAM SHES PHRA BAS THA MAR 'GAG GO, DE LA DANG PO NYID DU, SA CHU LA THIM STE 'GAG PA NA, SMIG SGYU 'DRA BA SNGON PO RAB RIB G-YO BA'I RNAM PA CAN GYI SNANG BA 'BYUNG STE, DE NI MTSAN MA DANG PO'O, ,DE'I 'OG TU CHU ME LA THIM PA NA, DU BA LTA BU SNGO LA 'PHYUR BA'I SNANG BA 'BYUNG STE, MTSAN MA GNYIS PA'O, ,DE'I 'OG TU ME RLUNG LA THIM PA NA, MKHA' SNANG 'DRA BA STE ME KHYER LTA BUR DMAR TZEG TZEG PA'I SNANG BA 'BYUNG STE, DE NI MTSAN MA GSUM PA'O, ,DE'I 'OG TU RLUNG RNAM SHES LA THIM PA NA MAR ME 'BAR BA LTA BU DMAR LHAM LHAM PA'I SNANG BA 'BYUNG STE, MTSAN MA BZHI PA'O, ,DE DAG NI 'OD GSAL MYUR DU MNGON DU 'GYUR BA'I RTAGS YIN GYI, 'OD GSAL DNGOS MA YIN NO, ,DE'I 'OG TU RNAM PAR SHES PA GSUM RIM GYIS 'OD GSAL DU 'JUG STE, DANG PO NYID DU, 'DOD CHAGS LAS GYUR PA'I RANG BZHIN SUM CU RTZA GSUM 'GAG PAS, SNANG BA'I YE SHES MNGON DU GYUR PA NA, MTSAN MO ZLA BA'I 'OD ZER SHAR BA LTA BU'I SNANG BA 'BYUNG NGO, ,DE'I 'OG TU SNANG BA'I YE SHES THIM ZHING, ZHE SDANG LAS GYUR PA'I RANG BZHIN BZHI BCU @471 'GAGS PAS SNANG BA MCHED PA'I YE SHES MNGON DU GYUR PA NA, NYIN MO NYI MA'I 'OD ZER SHAR BA LTA BU'I SNANG BA 'BYUNG NGO, ,DE'I 'OG TU SNANG MCHED KYI YE SHES THIM ZHING, GTI MUG LAS GYUR PA'I RANG BZHIN BDUN 'GAGS PAS, SNANG BA NYER THOB KYI YE SHES MNGON DU GYUR PAS NA NYI MA'I 'OD ZER NUB CING ZLA BA'I 'OD ZER MA SHAR BA'I MTSAMS KYI MUN PA LTA BU'I SNANG BA 'BYUNG STE, 'DI NI STONG PA CHEN PO MA RIG PA'I GNAS SKABS ZHES BYA'O, ,SNANG BA GSUM PO 'DI DAG KYANG RGYU'I RGYUD BYANG CHUB KYI SEMS KUN TU BZANG PO'I RANG BZHIN JI LTAR BA BZHIN DU MNGON SUM DU BYAS PA YIN GYI, THAMS CAD STONG PA 'OD GSAL DON DAM PA'I BDEN PA MNGON DU BYAS PA NI MA YIN NO, ,DE'I 'OG TU SNANG BA NYER THOB KYI YE SHES KYANG NUB STE, SHES BYA DANG SHES PA LA SOGS PA SPROS PA'I MTSAN MA THAMS CAD DANG BRAL BAS, DPER NA MTSAMS KYI MUN PA 'GAGS SHING, ZLA BA'I 'OD ZER NUB LA, NYI MA'I 'OD ZER MA SHAR BAS, THO RANGS KYI SPRIN MED PA'I NAM MKHA' NI, SNANG MUN GYI SGRIB BYED THAMS CAD DANG BRAL BAS, NAM MKHA'I RANG MDOG JI LTAR BA BZHIN MTHONG BA DE BZHIN DU, SNANG BA GSUM PO NYE BAR NUB PA NA, SPROS PA'I MTSAN MA THAMS CAD DANG BRAL ZHING MTHA' GANG DU'ANG BRJOD PAR MI NUS PA'I THAMS CAD STONG PA 'OD GSAL MNGON DU BYAS PA ZHES THA SNYAD BYA'O, ,SNGA MA RNAMS NI RTAGS KHO NA YIN LA, 'DI NI RTAGS DANG RTAGS CAN GNYIS KA YIN NO, ,DE LA 'OD GSAL MNGON DU 'GYUR BA'I RTAGS NI LNGA PO 'DI NYID KHO NAR GRANGS NGES PA YIN TE, PHUNG @472 PO KHAMS DANG SKYE MCHED MA LUS PA MA 'GAGS PAR 'OD GSAL MNGON DU MI 'GYUR ZHING, PHUNG PO LA SOGS PA THAMS CAD KYANG 'BYUNG BA BZHI DANG, RNAM PAR SHES PA STE CHEN PO LNGAR 'DUS LA, RTAGS LNGA PO 'DI DAG KYANG CHEN PO LNGA 'GAGS PA'I MTSAN MA YIN PA'I PHYIR RO, ,GO RIM NGES PA YANG YOD DO, ,CHEN PO LNGA PO 'DI DAG 'GAG PA NA RAGS RIM GYIS 'GAG CING, SKYE BA NA PHRA RIM GYIS SKYE BAS, THOG MAR SA 'GAG CING, RNAM SHES THA MAR 'GAG PA RIGS PAS GRUB PA'I PHYIR DANG, LUNG GIS KYANG GRUB STE, LAS MTHA' RNAM 'BYED LAS, DANG PO SA NI CHU LA THIM, ,ZHES SOGS GSUNGS PA'I PHYIR RO, ,DE'I PHYIR 'DI DANG MI MTHUN PA'I GRANGS DANG GO RIM GZHAN DU SMRA BA DAG LA YID BRTAN DU MED DO, ,GANG DAG LAS DANG PO PA'I MTHONG SNANG SNA TSOGS PA RNAMS LA, 'OD GSAL MNGON DU 'GYUR BA'I DU SOGS KYI RTAGS SU 'CHAD PA NI, NYA PHYIS LA DNGUL DANG, 'CHING BU LA NOR BUR 'DZIN PA LTAR CHES 'KHRUL BA YIN NO, , MA RA SENG GE RGYAL MTSAN NA RE, RIGS KYI RIM PA 'DI DAG KYANG, 'DIR SLOB DPON ZLA GRAGS KYIS BRTZON 'GRUS CAN MTHONG BA'I CHOS LA MYA NGAN LAS 'DA' BA'I RTAGS SU BSHAD PA YIN LA, SPYOD BSDUS SU BSHAD PA NI, LE LO CAN BAR DOR MYA NGAN LAS 'DA' BA'I DBANG DU BYAS PA YIN ZHING, RNAM GZHAG TU BSHAD PA NI, THA MAL BA'I SEMS CAN 'CHI BA 'OD GSAL MNGON DU BYED PA'I RTAGS SU BSHAD PA YIN ZHES GSUNGS SO, ,SDOG NA RE, 'DI NI BAR DOR MYA NGAN LAS 'DA' @473 BA'I RTAGS CAN SHES PA BRTAN G-YO'I TSAD BSHAD PA YIN LA, SPYOD BSDUS KYIS NI, BRTZON 'GRUS CAN MTHONG BA'I CHOS LA MYA NGAN LAS 'DA' BA'I RTAGS SU BSHAD PA YIN ZHES GSUNGS YANG, GNYIS KA YANG RNAL 'BYOR PAS, SGYU LUS 'OD GSAL DU BCUG PA'I DUS KYI RTAGS YIN LA, 'CHI BA 'OD GSAL MNGON DU BYED PA'I DUS DANG RTAGS KYI NGO BO KHYAD PAR MED DO, ,BRTAN GYUR RDO RJE'I LAM NAS NI, ,NAM MKHA'I KHAMS SU SPRO BAR BYA, ,ZHES TE, RDO RJE'I LAM STE, 'DA' BAR MI BYA BA'I MTSAN MA LNGA RIM GYIS 'OD GSAL BAR 'JUG PAS, BRTAN CING RNAM PAR DAG PAR GYUR PAS, CHOS KYI SKU'I TSUL GYIS SPROS SHING KHYAB PAR BYA'O, ,ZHES PA 'OD GSAL MNGON SUM DU GYUR PA NA, BRTAN G-YO THAMS CAD LA KHYAB PA'I CHOS KYI SKU'I NGO BO NYID DU GNAS SO ZHES PA'O, ,DE DAG NI 'DZIN PA'I YAN LAG GO ,YAN LAG LNGA PA RJES DRAN GYI YAN LAG BSHAD PA NI, RJES DRAN GANG ZHIG RNAM BSGOMS PA, ,DE DANG 'DRA BAR SPRO BAR BYA, ,RJES DRAN ZHES NI SHES BYA STE, ,YANG DAG RIG PA DE LAS SKYES, ,ZHES TE, DE LTAR BDAG NYID 'OD GSAL BAR BDE BAR RNAM PAR BSGOM ZHING MNGON SUM DU BYAS NAS GANG ZHIG SNGON 'OD GSAL LA 'JUG PA'I DUS SU, RJES SU DRAN PA'I SMIG SGYU DANG 'DRA BA LA SOGS PA'I RNAM PAS, YANG DAG PA'I MTHA' THOB PA DE DANG 'DRA BAR, LUGS LDOG GI RIM PA NYID KYIS SPRO BAR BYA ZHING, BSKYED PAR BYA STE, BSHAD MA THAG PA DE DAG NI, RJES SU DRAN PA ZHES SHES PAR BYA'O, ,YANG DAG RIM PA STE, 'OD GSAL MNGON SUM DU BYAS PA DE @474 LAS, RJES DRAN GYI YAN LAG SKYE BAR 'GYUR GYI, GZHAN DU MA YIN NO, ,YAN LAG DRUG PA TING NGE 'DZIN GYI YAN LAG BSHAD PA NI, THABS DANG SHES RAB SNYOMS 'JUG PAS, ,DNGOS PO THAMS CAD MDOR BSDUS PA, ,GONG BU'I TSUL GYIS BSDUS NAS NI, ,DBUS SU GZUGS NI RNAM PAR BSGOM, ,YUD KYIS YE SHES RDZOGS BYED PA, ,TING NGE 'DZIN ZHES BRTAGS PA YIN, ,ZHES TE, RJES DRAN GYI YAN LAG LUGS LDOG GI SNANG BA GSUM RLUNG DANG BCAS PA LAS, THABS KUN RDZOB KYI BDEN PA DANG, SHES RAB DON DAM PA'I BDEN PA GNYIS DBYER MI PHYED PAR SNYOMS PAR 'JUG PAS, RGYU BA DANG MI RGYU BA'I DNGOS PO THAMS CAD GONG BU'I TSUL GYIS TE, PHYAG RGYA CHEN PO'I GZUGS GCIG TU BSDUS NAS RGYU BA DANG MI RGYU BA'I DNGOS PO RNAMS KYI DBUS SU ZUNG 'JUG GI BDAG NYID RDO RJE 'CHANG CHEN PO'I GZUGS SU RNAM PAR BSGOM PAR SHES PAR BYA'O, ,RIM PA 'DI NYID KYIS YUD KYIS TE SKAD CIG TZAM GYIS YE SHES KYI SKU RDZOGS PAR BYED PA NI TING NGE 'DZIN ZHES BYA STE, YAN LAG DRUG PA'O, ,BSNYEN PA GNYIS KYIS LHA BSKYED PA LUNG GIS GSAL BAR BSTAN PA LA GNYIS TE, SGYU 'PHRUL DRA BA'I LUNG GIS BSHAD PA DANG, RNAM SNANG MNGON BYANG GI LUNG GIS BSHAD PA'O, ,DANG PO LA YANG GNYIS KYI MDOR BSTAN PA NI, BSKYED RDZOGS GNYIS KYIS LHA'I RNAL 'BYOR GONG DU JI SKAD BSHAD PA 'DI NYID, SGYU 'PHRUL DRA BA LAS KYANG GSAL BAR GSUNGS TE, JI SKAD DU, RNAL 'BYOR RNAM GSUM SHES BYA STE, ,BYIN GYIS BRLABS DANG YONGS BRTAGS DANG, ,GZUGS NYID YONGS SU @475 RDZOGS PA STE, ,RNAL 'BYOR SANGS RGYAS RNAMS KYIS BSNGAGS, ,ZHES TE, BYIN BRLABS ZHES PAS NI BSKYED RIM PA'I DANG PO'I SBYOR BA DANG, YONGS BRTAGS ZHES PAS DE NYID KYIS DKYIL 'KHOR RGYAL MCHOG MDOR BSTAN, GZUGS NYID YONGS SU RDZOGS PA STE, ,ZHES PAS RDZOGS RIM PA'I LHA BSKYED PA MDOR BSTAN TO, , DE NYID RGYAS PAR BSHAD PA LA GSUM GYI DANG PO'I SBYOR BA RGYAS PAR BSHAD PA NI, SNGAGS KYIS BYIN BRLABS NGA RGYAL BSKYED, ,RNAL 'BYOR BYIN RLABS YIN PAR GSUNGS, ,ZHES TE, 'DIS RTEN GZHI SGRUB PA SNGON DU 'GRO BA'I RNAL 'BYOR BZHIS GTZO BO'I SKU BSKYED PA STON TE, DE YANG SRUNG BA'I 'KHOR LO DANG, YE SHES KYI SA BSKYED PA'I RJES LA, 'BYUNG BA RIM BRTZEG GI SA BON YAm RAm LA SOGS PA DANG, GZHAL YAS KHANG GI SA BON BHR'Um NI SNGAGS KYIS ZHES PA'O, ,DE DAG YONGS SU GYUR PA LAS, RDO RJE'I SA'I CHA DANG, GZHAL YAS KHANG BSKYED PA NI BYIN RLABS NGA RGYAL BSKYED CES PA'O, ,DER LHAG MOS BSGOMS TE, DON DAM PA'I DKYIL 'KHOR DU BCUG NAS, SH'U N+YA TA'I SNGAGS BRJOD PA DANG, ZLA BA LAS BYANG CHUB PA'I SA BON AOm LA SOGS PA BSGOM PA NI SNGAGS KYI ZHES PA'O, ,DE BZHIN NYID LAS BYANG CHUB PA DANG, ZLA BA RDZOGS PAR BSKYED PA NI, BYIN RLABS NGA RGYAL BSKYED CES PA'O, , DE NAS ZLA BA'I STENG DU 'BRU GSUM BKOD PA DANG, SHIN TU RNAL 'BYOR GYI AOm LA SOGS PA'I SA BON NYI SHU RTZA BDUN 'GOD PA DANG, RNAL 'BYOR CHEN PO'I @476 YI GE 'BRU GSUM 'GOD PA DANG, SNGAGS GSUM BRJOD PA NI SNGAGS KYI ZHES PA'O, , 'BRU GSUM LAS PHYAG MTSAN DU GYUR PA DANG, DE LAS LHA'I SKUR BSKYED PA DANG, SA BON NYER BDUN LHA NYER BDUN DU NGA RGYAL BYA BA DANG SKU GSUNG THUGS KYI RDO RJER NGA RGYAL BYA BA NI, BYIN RLABS NGA RGYAL BSKYED CES PA'O, ,DKYIL 'KHOR RGYAL MCHOG RGYAS PAR BSHAD PA NI, BYANG CHUB SEMS NI DAG PA DANG, ,GSANG SNGAGS SA BON SKYE BO CHE, ,PHYAG RGYA'I TSOGS SU BRTAGS PA YIS, ,RIM GYIS GZUGS NI RDZOGS BYAS PA, ,DE NI BRTAGS PAR BRJOD PA STE, ,RNAL 'BYOR CHO GA YIN PAR GSUNGS, ,ZHES TE, RDO RJE PAD MA BYIN GYIS BRLAB PA SNGON DU 'GRO BAS, PHYAG RGYA DANG SNYOMS PAR ZHUGS TE, CHOS 'BYUNG DU THIG LE PHAB PA NI, BYANG CHUB SEMS NI DAG PA DANG, ,ZHES PA'O, ,THIG LE SUM CU SO GNYIS BADZRA DHRiKA LA SOGS PA'I MTSAN SNGAGS DANG, 'BRU GSUM DU GYUR PA NI, GSANG SNGAGS SA BON SKYE BA CHE, , ZHES PA'O, ,DE LAS RDO RJE LA SOGS PA PHYAG MTSAN SUM CU RTZA GNYIS SU GYUR PA NI, PHYAG RGYA'I TSOGS SU BRTAGS PA YI, ,ZHES SO, ,DE LAS LHA SUM CU RTZA GNYIS SU GYUR TE, RANG GNAS SU 'GOD PA NI, RIM GYIS GZUGS NI RDZOGS BYAS PA, , ZHES SO, ,RDZOGS RIM PA'I LHA BSKYED PA RGYAS PAR BSHAD PA NI, BSDU DANG SPRO BAR BYAS PA LAS, ,RNAM PA'I MCHOG KUN LDAN PA DAG ,SKAD CIG YE SHES KYIS RDZOGS PA, ,RDZOGS PA'I RNAL 'BYOR ZHES BRJOD DO, ,ZHES TE, DBEN GSUM SNGON DU 'GRO BA CAN GYI SGYU LUS 'OD GSAL DU BCUG PA NI, BSDU BA DANG, LUGS LDOG GI @477 SNANG BA GSUM RLUNG DANG BCAS PA SPRO BAR BYAS PA LAS, SKAD CIG TZAM GYI YE SHES KYIS TE, RLUNG SEMS TZAM LAS GRUB PA'I RNAM PA'I MCHOG KUN DANG LDAN PA YID, YE SHES KYI SKU RDZOGS PAR BYED PA NI, RDZOGS PA'I RNAL 'BYOR ZHES BRJOD DO, , RNAM SNANG MNGON BYANG GI LUNG GIS BSHAD PA NI, RNAM SNANG MNGON BYANG LAS KYANG, LHA'I RNAL 'BYOR RNAM PA GNYIS PO STON TE, GSANG BA'I BDAG PO LHA'I GZUGS KYANG RNAM PA GNYIS TE, YONGS SU DAG PA DANG, YONGS SU MA DAG PA'O, ,DE LA YONGS SU DAG PA NI, RTOGS PA'I NGO BO STE, MTSAN MA THAMS CAD DANG BRAL BA'O, , YONGS SU MA DAG PA NI, MTSAN MA DANG BCAS PA'I GZUGS TE, KHA DOG DANG DBYIBS SO, ,DE LA LHA'I GZUGS RNAM PAR GNYIS KYIS BYA BA RNAM PA GNYIS BSGRUB PAR 'GYUR TE, MTSAN MA DANG BCAS PAS NI, MTSAN MA DANG BCAS PA'O, , MTSAN MA MED PAS NI, MTSAN MA DANG BCAS PA'I DNGOS GRUB KYANG 'GRUB PAR 'GYUR RO, ,ZHES TE, YONGS SU MA DAG PA NI SNGAGS KYI SKU'O, ,YONGS SU DAG PA NI YE SHES KYI SKU'O, ,DE LA BSKYED SNGAGS KYI SKU LA BRTEN NAS, MTSAN MA DANG BCAS PA'I DNGOS GRUB GRUB PA CHEN PO BRGYAD LA SOGS PA 'GRUB PAR 'GYUR RO, , RDZOGS RIM YE SHES KYI SKU LA BRTEN NAS PHYAG RGYA CHEN PO MCHOG GI DNGOS GRUB DANG, MTSAN MA DANG BCAS PA'ANG 'GRUB PAR 'GYUR RO, ,DE DAG GI DON BSDU BA NI, MTSAN MAR BCAS PAS MTSAN BCAS KYI, ,DNGOS GRUB RGYAL BA DAM PA BZHED, , MTSAN MA MED LA GNAS PAS NI, ,MTSAN MA CAN YANG 'GRUB TU RUNG, ,DE BAS @478 RNAM PA THAMS CAD DU, ,MTSAN MA MED LA BRTEN PAR BYA, ,ZHES GSUNGS SO, , BSNYEN PA GNYIS KYI GNAS BSTAN PA LA GNYIS KYI, DRANG DON DU BSHAD PA NI, DGON PA CHEN PO'I SA PHYOGS DANG, ,ZHES SOGS TE GO SLA'O, ,NGES DON DU BSHAD PA NI, BSHAD RGYUD LAS, ME LONG ZHES BYA DGON PA CHE, ,MNYAM NYID CES BYA SA PHYOGS SO, ,SO SO RTOGS BYA RAB TU DBEN, ,RNAM PAR DAG PA'I RI BOR GNAS, , BYA BA GRUB PA CHU NGOGS SU, ,DRUG PA NYID NI BDE 'THOB PA'O, ,ZHES TE, YE SHES LNGA LA GNAS NAS RDO RJE 'CHANG CHEN PO 'GRUB PAR STON NO, ,SGRUB PA'I THABS MDOR BSDUS PA NI, YANG NA RDO RJE BZHI DAG GIS, ,ZHES PA TSIGS SU BCAD PA GCIG PO DE NYID DRANG DON NGES DON GNYIS SU BSHAD PAS RIM PA GNYIS KYI LHA'I SKU BSKYED PA STON TE, DE LA DRANG DON DU BSHAD PA NI, RGYUD PHYI MA LAS, DANG POR STONG NYID BYANG CHUB STE, ,GNYIS PA SA BON BSDUS PA'O, ,GSUM PA GZUGS NYID RDZOGS PA STE, ,BZHI PA YI GE BGOD PA'O, ,ZHES GSUNGS TE, 'DI LA RJE 'GOS BSHAD YAMS GSUM BYAS NAS, DKYIL 'KHOR 'KHOR LO BSGOMS PA LA SBYOR, MA RA BSHAD YAMS BZHI BYAS NAS, DKYIL 'KHOR 'KHOR LO DANG, DPA' BO GCIG PA BSGOM PA'I DON, GNYIS KA STON PAR BZHED, SDOG NA RE, DE LTAR YANG BSHAD DU RUNG MOD, 'ON KYANG DKYIL 'KHOR 'KHOR LO BSGOM PA, SNGAR BSNYEN SGRUB YAN LAG BZHI'I SKABS SU BSHAD PAS, 'DIS DPA' BO GCIG PA JI LTAR BSGOM PA'I DON KHO NA BSHAD CES GSUNGS SO, ,DE LA DKYIL 'KHOR 'KHOR LO DANG SBYAR TE @479 BSHAD PA LA GSUM GYI, DANG PO SBYOR BA RNAL 'BYOR BZHI DANG SBYAR TE BSHAD NA, YE SHES KYI SA'I CHA NAS, DE BZHIN NYID LAS BYANG CHUB PA NI, STONG NYID BYANG CHUB BO, , ZLA BA DANG, YIG 'BRU DANG, PHYAG MTSAN LAS BYANG CHUB PA NI, SA BON BSDUS PA'O, ,SKU RDZOGS PA LAS BYANG CHUB PA NI, GZUGS NYID RDZOGS PA'O, ,SHIN TU RNAL 'BYOR DANG, RNAL 'BYOR CHEN PO'I SA BON RNAMS 'GOD PA DANG, SNGAGS BRJOD PAS NI YI GE 'GOD PA'O, ,GNYIS PA DKYIL 'KHOR RGYAL MCHOG DANG SBYAR NA, PHYAG RGYA DANG SNYOMS PAR ZHUGS PA'I THIG LE SO GNYIS NI, STONG NYID BYANG CHUB BO, , 'BRU GSUM SO GNYIS SU GYUR PA LAS, PHYAG MTSAN SO GNYIS SU GYUR PA NI, SA BON BSDUS PA'O, ,DE DAG LAS LHA SO GNYIS SU GYUR PA NI, GZUGS NYID RDZOGS PA'O, ,BADZRA DHRiKA LA SOGS PA'I MTSAN SNGAGS KYIS LHA RNAMS SPROS, BSDUS NAS RANG GNAS SU 'GOD PA NI, YI GE 'GOD PA'O, ,GSUM PA TING NGE 'DZIN RNAM PA GSUM DANG SBYAR NA, YE SHES KYI SA NAS DE BZHIN NYID LA BYANG CHUB PA'I BAR NI, STONG NYID BYANG CHUB BO, ,RNAL 'BYOR BZHIS GTZO BO'I SKU BSKYED PA NI, SA BON BSDU BA'O, ,SNGAR BSHAD PA'I TSUL GYIS, DKYIL 'KHOR RGYAL MCHOG NI, GZUGS NYID RDZOGS PA'O, ,SNGAGS LA MCHOG TU GZHOL BA'I BZLAS PA BYED PA'I LAS RGYAL MCHOG NI YE GE 'GOD PA'O, ,DPA' BO GCIG PA BSGOM PA DANG SBYAR NA, SPYIR DPA' BO GCIG PA BSGOM LUGS GSUM STE, DBANG PO RAB RNAL 'BYOR BZHIS BSKYED PA DANG, 'BRING MNGON BYANG LNGAS BSKYED PA DANG, THA MA RDO RJE BZHIS BSKYED @480 PA LAS, 'DIR RDO RJE BZHIS BSKYED PA STON TE, STONG PA NYID DE BZHIN NYID BSGOM PA NI, STONG NYID BYANG CHUB BO, ,SA BON LAS PHYAG MTSAN DU GYUR PA NI, SA BON BSDUS PA'O, ,PHYAG MTSAN LAS RANG GI LHA'I SKU RDZOGS PAR BSKYED PA NI, GZUGS NYID RDZOGS PA'O, ,GNAS GSUM DU 'BRU GSUM 'GOD PA NI YI GE 'GOD PA'O, , NGES DON DU BSHAD PA NI, BSNYEN PAR BYA'O, ,SU ZHIG GIS NA, BRTUL ZHUGS BRTAN PAS TE, BRTZON 'GRUS BRTUL BA CAN GYI RNAL 'BYOR PAS SO, ,THABS GANG GIS BSNYEN PAR BYA ZHE NA, DBEN GSUM SNGON DU 'GOR BA CAN GYI SGYU LUS 'OD GSAL DU BCUG PA'I RDO RJE BZHI DAG STE, STONG PA NYID RNAM PA BZHI DAG GIS SO, , CI'I PHYIR DU ZHE NA, SKU GSUM DBYER MED RDO RJE 'CHANG CHEN PO DANG BDAG NYID MNYAM PAR 'GYUR PA'I PHYIR DU'O, ,DE LTAR BSHAD MA THAG PA'I RDO RJE BZHI DAG GIS BSGOM ZHING NGO BO NYID YONGS SU SHES PAS BSLABS NA, PHYAG RGYA CHEN PO'I DNGOS GRUB THOB PAR 'GYUR RO, ,DE LTA BU'I BSNYEN PA RNAM PA GNYIS PO DE'ANG, SPYOD PA DANG BRAL NA 'BRAS BU MYUR DU MI 'GRUB PAS, DE DANG MTHUN PA'I SPYOD PA BDE BA CHEN PO LA BSLAB PA NI SDOM PA STE BDE BA DAM PA SBYIN PAR BYA'O, ,GANG LA SBYIN ZHE NA, DUS BZHI DAG TU STE, SPYAN LA SOGS PA LHA MO BZHIR BYIN GYIS BRLABS PA'I RANG RIGS KYI PHYAG RGYA GNAS LNGA STE GZUGS LA SOGS PA'I YUL KHYAD PAR CAN MNGON DU GYUR PA RNAMS LA'O, ,SU ZHIG GIS NA, BLO DANG LDAN PA STE SHIN TU DGA' BA SHES PA'I RNAL 'BYOR PAS SO, ,THABS GANG GIS NA YE SHES RDO RJE STE RANG GI RDO RJE'I RTZE MOR @481 YI GE AOm BSGOM ZHING BYIN GYIS BRLABS NAS, 'KHYUD PA DANG 'O BYA BA LA SOGS PA'I RAB TU SBYOR BAS PHYAG RGYA DE MNYES PAR BYAS NAS SO, ,BSKYED RDZOGS GNYIS KYI DNGOS GRUB SGRUB PA'I DUS NGES PA BSTAN PA LA GNYIS KYI, BSKYED RIM PA'I DNGOS GRUB SGRUB PA'I DUS KYI NGES PA BSTAN PA NI, DE LTA BU'I MTSAN BCAS BSKYED RIM GYI BSNYEN PA DE LAS SU RUNG BAS, DUS JI SRID GCIG TU SGRUB PAR BYAS NA 'JIG RTEN PA'I DNGOS GRUB 'GRUB PAR 'GYUR ZHE NA, DBANG PO RAB KYIS DNGOS GRUB KYI DUS NI ZHAG BDUN NO, ,'BRING GIS NI ZLA BA PHYED DO, ,DBANG PO THA MAS KYANG ZLA BA GCIG GAM, ZLA BA PHYED DANG GNYIS NAS 'GRUB PAR 'GYUR RO, ,THABS GANG GIS 'GRUB CE NA, RDO RJE'I DAM TSIG STE RDO RJE 'CHANG CHEN POR BDAG NYID BSGRUBS SHING BSKYED NA PHYAG RGYA CHEN PO'I DNGOS GRUB MYUR DU THOB PAR 'GYUR RO, , RDZOGS PA'I RIM PAS DNGOS GRUB SGRUB PA'I DUS KYI NGES PA NI, GONG DU BSHAD PA'I DNGOS GRUB KYI DUS DE SGRUB PA PO THAMS CAD LA NGES SAM ZHE NA, LAS DANG PO PA'I SEMS CAN RNAMS LA ZHAG BDUN LA SOGS PA'I ZHAG GRANGS KYI BYE BRAG GIS RAB TU BSKUL NAS NGA YIS SNGON RGYAS PAR SPROS TE BSTAN CING, TING NGE 'DZIN MCHOG LA GNAS PA LA NI NGES PA MED DE, ZLA BA PHYED NI DKAR PHYOGS DANG, NAG PO'I PHYOGS GNYIS DANG LDAN ZHIG DE LA DKAR PHYOGS NI KUN RDZOB KYI BDEN PA DANG, NAG PHYOGS NI DON DAM PA'I BDEN PA STE, GANG GI TSE BDEN PA GNYIS DBYER MED PAR RTOGS PA DE'I TSE, RDO RJE 'CHANG CHEN PO'I DNGOS GRUB 'GRUB PAR @482 GSUNGS SO, ,GANG GIS GSUNGS SHE NA, GSANG BA MCHOG STE 'OD GSAL LAS BYUNG BA'I DUS GSUM GYI DE BZHIN GSHEGS PA RNAMS KYIS SO, ,SKU GSUNG THUGS BYIN GYIS BRLAB PA LA GNYIS KYI, GSOL BA GDAB PA NI, SGRUB PA CHEN PO'I TSE, SPYI BO'I AOm LAS SPYAN MA'I TSOGS SPROS NAS, SKU RDO RJE'I LHA TSOGS MDUN DU SPYAN DRANGS TE, GSOL BA GDAB PA NI, SANGS RGYAS KUN 'DZIN ZHES SOGS KYI TSIGS BCAD 'DI NI, NYE BAR BSGRUB PA'I SDOM PA NI RNAM PAR SNANG MDZAD DE, DE'I YUL NI, DE LA GSOL BA 'DEBS PA'O, ,SANGS RGYAS KUN 'DZIN DPAL DANG LDAN, RDO RJE GSUM DANG MI PHYED DNGOS, ,BDAG LA BYIN GYIS BRLABS GNAS DENG, ,SKU YI RDO RJES MDZAD DU GSOL, ,DUS GSUM GYI SANGS RGYAS KUN GYI SKU RDO RJE NGO BO NYID KYIS 'DZIN PAR MDZAD PAS NA, SANGS RGYAS KUN 'DZIN NI RNAM PAR SNANG MDZAD DO, , SPYAN MA DANG LDAN PAS NA DPAL LDAN NO, , DES NA, SANGS RGYAS KUN 'DZIN DPAL DANG LDAN, ,ZHES RNAM SNANG LA BOS NAS, RDO RJE GSUM DANG MI PHYED PA RDO RJE 'CHANG CHEN PO'I SKU'I DNGOS PO'I RANG BZHIN DU SGRUB PA PO BDAG GI LUS BYIN GYIS BRLAB KYIS GNAS PAR MDZAD DU GSOL, ZHES SBYAR RO, ,NAM GYI TSE NA, DENG STE DA LTA NYID DU'O, ,SU ZHIG GIS NA, SKU YI RDO RJE STE RNAM PAR SNANG MDZAD KYIS SO, ,'KHOR LA GSOL BA GDAB PA NI, PHYOGS BCUR BZHUGS PA'I SANGS RGYAS RNAMS, ,RDO RJE GSUM DANG MI PHYED DNGOS, ,BDAG LA BYIN GYIS BRLABS GNAS DENG, ,SKU YI RDO RJES MDZAD DU GSOL, ,ZHES TE, @483 PHYOGS BCUR BZHUGS PA'I SANGS RGYAS RNAMS, ,ZHES 'KHOR RNAMS LA BOS NAS, LHAG MA RNAMS SNGA MA BZHIN DU BSHAD DO, ,MGRIN PA'I AA LAS GOS DKAR MO'I LHA TSOGS SPROS NAS, GSUNG RDO RJE'I LHA TSOGS SPYAN DRANGS NAS GSOL BA 'DEBS PA NI, CHOS NYID GSUNG LAM ZHES PA'I TSIGS BCAD 'DI NI, SGRUB PA'I SDOM PA NI 'OD DPAG MED PA'I YIN LA, DE'I YUL NI DE LA GSOL BA 'DEBS PA'O, ,CHOS NYID GSUNG LAM DPAL DANG LDAN, ,RDO RJE GSUM DANG MI PHYED DNGOS, ,BDAG LA BYIN GYIS BRLABS GNAS DENG, ,GSUNG GI RDO RJES MDZAD DU GSOL, ,ZHES TE, CHOS NYID NI 'OD DPAG TU MED PA'O, ,GOS DKAR MO DANG LDAN PAS NA DPAL LDAN ZHES BOS NAS, RDO RJE GSUM DANG MI PHYED PA RDO RJE 'CHANG CHEN PO'I GSUNG GI DNGOS PO'I RANG BZHIN DU, SGRUB PA PO BDAG GI NGAG BYIN GYIS BRLABS KYIS GNAS PAR MDZAD DU GSOL, ,ZHES SBYAR RO, ,NAM GYI TSE NA DENG STE DA LTA NYID DU'O, ,SU ZHIG GIS NA, GSUNG GI RDO RJE STE 'OD DPAG MED KYIS SO, ,'KHOR LA GSOL BA GDAB PA NI, PHYOGS BCUR BZHUGS PA'I SANGS RGYAS RNAMS, ,RDO RJE GSUM DANG MI PHYED DNGOS, ,BDAG LA BYIN GYIS BRLABS GNAS DENG, ,GSUNG GI RDO RJES MDZAD DU GSOL, ,ZHES TE SNGA MA BZHIN DU BSHAD PAR BYA'O, ,SNYING KHA'I H'Um LAS M'A MA KI'I TSOGS SPROS NAS, THUGS RDO RJE'I LHA TSOGS SPYAN DRANGS TE GSOL BA 'DEBS PA NI, DE LA RDO RJE THUGS 'DZIN ZHES SOGS KYI TSIGS SU BCAD PA 'DI NI, THUGS CHEN PO LA GNAS NAS, SGRUB PA PO SEMS LA DBANG THOB PAR SBYOR BAS NA, @484 SGRUB PA CHEN PO'O, ,DER BSDU BA NA SDOM PA STE, MI BSKYOD PA'O, ,DE'I YUL NI DE LA GSOL BA 'DEBS PA'O, ,RDO RJE THUGS 'DZIN DPAL DANG LDAN, ,RDO RJE GSUM DANG MI PHYED DNGOS, ,BDAG LA BYIN GYIS BRLABS GNAS DENG, ,THUGS KYI RDO RJES MDZAD DU GSOL, ,ZHES TE, 'KHOR 'DAS KYI MTHA' LA MA CHAGS PA NI, RDO RJE THUGS SO, ,DE 'DZIN PAR MDZAD PAS NA RDO RJE THUGS 'DZIN TE MI BSKYOD PA'O,, M'A MA KI DANG LDAN PAS NA DPAL LDA NO, ,DES NA, RDO RJE THUGS 'DZIN DPAL DANG LDAN, ,ZHES MI BSKYOD PA LA BOS NAS, MDZAD DU GSOL ZHES SBYAR RO, ,GANG LA NA, SGRUB PA PO BDAG LA'O, ,GANG ZHIG NA, RDO RJE GSUM DANG MI PHYED PA RDO RJE 'CHANG CHEN PO'I THUGS KYI DNGOS PO'I RANG BZHIN DU BDAG GI SEMS KYANG BYIN GYIS BRLABS KYIS GNAS PAR MDZOD CIG ,DUS NAM GYI TSE NA DENG STE DA LTA NYID DU'O, ,SU ZHIG GIS NA THUGS KYI RDO RJES SO, ,'KHOR LA GSOL BA 'DEBS PA NI, PHYOGS BCUR BZHUGS PA'I SANGS RGYAS RNAMS, ,RDO RJE GSUM DANG MI PHYED DNGOS, , BDAG LA BYIN GYIS BRLABS NAS DENG, ,THUGS KYI RDO RJES MDZAD DU GSOL, , ZHES TE, BSHAD PA SNGA MA BZHIN DU SHES PAR BYA'O, ,'GYUR RNYING PA 'KHRUGS PAS, CHAG GI 'GYUR 'DI BZHIN DU BSHAD NA BDE BAR SNANG BAS DE BZHIN DU BSHAD DO, , SKU GSUNG THUGS BYIN GYIS BRLAB PA DANG BRAL BA'I SKYON BSTAN PA NI, SANGS RGYAS RNAM PAR SNANG MDZAD DANG, RDO RJE SEMS DPA' MI BSKYOD PA DANG, CHOS KYI SEMS DPA' 'OD DPAG TU MED PA'I RNAL 'BYOR PA RNAMS KYIS, GAL TE SKU @485 GSUNG THUGS BYIN GYIS RLOB PA'I MAN NGAG MA THOB PAS, RMONGS PAS ZIL GYIS MNAN NAS, JI SKAD BSHAD PA'I SKU GSUNG THUGS BYIN GYIS RLOB PA LAS 'DAS PAR GYUR CING, RANG GI SKU GSUNG THUGS DANG RDO RJE GSUM THA DAD PA'I THUL DU RTOG NA, TSAL PAR GAS SHING BSKYED PA'I RIM PA LAS RING DU GYUR PAR GDON MI ZA BAS 'DIR NGA'I TSIG LA YID GNYIS DANG SOM NYI MA BYED CIG CES RDO RJE 'CHANG GIS GSUNGS PA'O, ,LE'U YI MTSAN DON NI, DE BZHIN GSHEGS PA THAMS CAD NI SKU RDO RJE LA SOGS PA'O, ,DE RNAMS KYI MI PHYED PA'I NGO BO NYID KYI SBYOR BA BZHI NI RDO RJE'I SBYOR BA'O, ,DE 'DIS MNYAM PAR BYAS PAS NA DAM TSIG GO ,BSGRUB PAR BYA BAS NA BSGRUB PA'O, ,RDZOGS RIM THOB PAR BYED PAS NA MCHOG GO ,DE STON PA'I GZHUNG GI TSOGS LA YANG DE SKAD CES BYA STE, LE'U BCU GNYIS PA'I RNAM BSHAD DO,, ,, ` RIM PA GNYIS LA SLOB PA'I RNAL 'BYOR PA RNAMS KYIS GDUL BYA'I SKYE BO RNAMS MOS PAR BYA BA'I PHYIR, LAS KYI TSOGS RNAMS KYANG NYAMS SU BLANG BAR BYA'O ZHES BSTAN PA'I PHYIR, LE'U BCU GSUM PA 'CHAD PA LA GNYIS KYI, BSDUS PA'I DON NI, LE'U 'DIS NANG LA MCHOG TU GZHOL BA'I LAS TSOGS STON TE, DE'ANG LE'U YI STOD NAS BZLAS PA'I TSOGS STON, RKED NAS LAS KYI TSOGS STON, SMAD NAS LAS TSOGS DANG 'BREL BA'I LHA'I RNAL 'BYOR STON NO, ,YAN LAG GI DON NI GNYIS TE, 'KHOR GYIS BSTOD PA SNGON DU 'GRO BAS GSOL BA BTAB PA DANG, LE'U YI GZHUNG RGYAS PAR BSHAD PA'O, ,DANG PO LA GSUM GYI, SDUD PA PO'I TSIGS KYIS @486 MTSAMS SBYAR BA NI, LE'U BCU GNYIS PA GSUNGS PA'I RJES DE NAS, GSUNGS SO ZHES SBYAR, GANG NA, LAS KYI TSOGS LA GSOL BA 'DEBS PA'I RDO RJE'I DBYANGS ZHES SBYAR, GANG NA, LAS KYI TSOGS LA GSOL BA 'DEBS PA'I RDO RJE'I DBYANGS 'OG NAS 'BYUNG BA 'DI'O, ,SU ZHIG GIS GSUNGS ZHE NA, MI BSKYOD PA LA SOGS PA BCOM LDAN 'DAS ZHES DE BZHIN GSHEGS PA RIGS LNGA PO KUN DANG, SA'I SNYING PO LA SOGS PA BYANG CHUB SEMS DPA' BLO LDAN TE RANG GI PHYAG RGYA DANG LDAN PA RNAMS KYIS SO, ,DE LA DE BZHIN GSHEGS PA RNAMS KYI KHYAD PAR NI, GNYIS SU MED PA'I YE SHES 'DZIN PAS NA YE SHES RDO RJE MCHOG 'DZIN PA'O, ,BYANG CHUB SEMS DPA' RNAMS KYI KHYAD PAR NI, ZHI BA LA SOGS PA SEMS CAN KUN GYI DGOS PA'I DON YANG DAG 'BYUNG BA STE SGRUB PA LA BRTZON PA'O, ,CI ZHIG MDZAD NAS SHE NA, PHYAG 'TSAL NAS PHYI DANG NANG GI MCHOD PAS MCHOD DE'O, ,GANG LA ZHE NA, DE BZHIN GSHEGS PA THAMS CAD KYI THUGS LA BZHUGS PAS NA THUB PA'O, ,'JIG RTEN DANG 'JIG RTEN LAS 'DAS PA'I DNGOS GRUB RNAMS SBYIN PA'I NUS PA DANG LDAN PAS NA DON KUN RDO RJE CAN NO, ,SANGS RGYAS DANG BYANG CHUB SEMS DPA' RNAMS LA RJES SU STON PAS NA STON PA CHEN PO'O, ,BDEN PA GNYIS YONGS SU MKHYEN PAS NA DAM TSIG DE NYID MKHYEN PA STE RDO RJE 'CHANG CHEN PO LA'O, ,BSTOD PA BSTAN PA LA GSUM GYI, BSNYEN PA YAN LAG DRUG LA BSNGAGS PA NI, AE MA HO ZHES PA NGO MTSAR BA'O, ,SANGS RGYAS NI BDEN GNYIS DBYER MED ZUNG 'JUG GO ,TSUL NI DE THOB PAR BYED PA'I THABS SO SOR BSDUS PA LA SOGS PA YAN LAG DRUG GI SBYOR BA'O,, @487 STONG PA BZHI'I RANG BZHIN GYI RDO RJE BZHI NI 'DA' BAR MI BYA BAS BZANG PO'O, SGRUB PA BDEN GNYIS DBYER MED ZUNG 'JUG LA BSTOD PA NI, BYANG CHUB NI SBYOR BA DRUG GO , DE'I TSUL NI BDEN PA GNYIS DBYER MED PA'I ZUNG 'JUG GO ,DE NYID NI PHUL DU BYUNG BAS MCHOG STE, DE BZHIN GSHEGS PA THAMS CAD KYI GSUNG GI DON BSDUS PA YIN PA'I PHYIR RO, ,GZHAN YANG CHOS NI BDEN PA GNYIS SO, ,TSUL NI DE GNYIS GCIG TU GYUR PA'I ZUNG 'JUG GO ,ZHI BA NI SPROS PA DANG BRAL BA'O, ,BSTOD PA NYE BAR BSDU BA NI, SNGAGS NI DE BZHIN GSHEGS PA RNAMS SO, ,DE'I TSUL NI BYANG CHUB THOB PAR BYED PA'I THABS SO SOR SDUD PA LA SOGS PA STE, DE BSTAN PA NI NYAN THOS LA SOGS PAS MI SHIGS SHING KHONG DU MI CHUD PA'I PHYIR RO, ,GZOD MA NAS MA SKYES PA'I CHOS PHUNG PO LA SOGS PA RNAMS, THABS KHYAD PAR CAN LA BRTEN NAS BYANG CHUB THOB PAR BYED PA NYID KYIS NGO BO NYID PHUL DU BYUNG BA'I KHYAD PAR CAN YIN PA DANG, RNAM PAR MI RTOG PA STE DON DAM PAR BRTAG PA DANG BRAL ZHING, MA BRTAGS NA YANG DAG PA STE NYAMS DGA' BA TZAM DU BDEN PA'I CHOS RNAMS LAS, SBYOR BA YAN LAG DRUG GI THABS KYI GNYIS SU MED PA'I YE SHES ZUNG 'JUG GI SKU 'BYUNG BA, BCOM LDAN 'DAS KYIS LAN DU MAR BSHAD CING BKA' BSTZAL PA DE NI NGO MTSAR CHE'O, ,DE LTAR BSTOD PAS BCOM LDAN 'DAS MNYES PAR BYAS NAS, MNGON PAR 'DOD PA'I DON LA GSOL BA 'DEBS PA BSTAN PA NI, BSHAD PA GSOL ZHES DRANG, SU ZHIG GIS SHE NA, BCOM LDAN 'DAS KYIS SO, ,GANG ZHIG CE NA, SKU @488 GSUM MI PHYED DKYIL 'KHOR ZHES TE, SKU GSUM DBYER MI PHYED PA RDO RJE 'CHANG CHEN PO'I DKYIL 'KHOR TE BSHAD DU GSOL ZHES PA'O, ,DE NYID GANG YIN ZHE NA, YID 'ONG SNGAGS RNAMS KUN BSDUS PA, ,RDO RJE BZLAS PA YE SHES CHE, ZHES TE, A'A Li K'A Li LAS BYUNG BA'I SNGAGS RNAMS KUN GANG DU BSDUS SHING BSAGS PA'I 'BRU GSUM DANG DBYER MED PA'I 'JUG GNAS LDANG GSUM GYI RANG BZHIN GYI RDO RJE BZLAS PA'O, ,DE NYID NI BLA NA MED PA'I YE SHES THOB PAR BYED PA'I PHYIR YE SHES CHE'O, ,RDO RJE BZLAS PA DE'I KHYAD PA NI, SANGS RGYAS YE SHES THOB 'GYUR BA, ,RDO RJE MI PHYED GSUM BSGOMS PA'I, ,ZHES TE, RDO RJE GSUM DBYER MI PHYED PAR BSGOMS PA'I SGRUB PA PO GANG GIS STOBS DANG MI 'JIGS PA LA SOGS PA, SANGS RGYAS KYI YE SHES THOB PAR 'GYUR BA'O, ,DE'I KHYAD PAR GZHAN YANG, RDO RJE BZLAS PA DE'I SBYOR BA 'JUG GNAS LDANG GSUM GYI TSUL DU BZLAS PA YIS, SANGS RGYAS KUN GYIS BYIN GYIS RLOB PA DANG, SBRUL LA SOGS PA'I GSANG SNGAGS THAMS CAD KYI RIGS TE TSOGS, SKU GSUNG THUGS KYI RDO RJE GSUM GYIS MTSON PA'I, GSANG SNGAGS RNAMS ZLOS PAR 'GYUR BA'I RDO RJE BZLAS PA DE DE RING GSUNGS ZHES PA'O, , DGOS PA CI'I PHYIR DU ZHE NA, YE SHES RGYA MTSO STE, RIN PO CHE LTA BU'I GANG ZAG RNAMS KYI GSAN PA STE, SHES PAR BYA BA DANG, SKU GSUNG THUGS KYI RDO RJE CAN TE SLOB BZHIN PA RNAMS DANG SANGS RGYAS DUS GSUM LAS BYUNG BA STE, 'JUG GNAS LDANG GSUM GYI RDO RJE BZLAS PA RDZOGS PA'I RNAL 'BYOR PA RNAMS KYIS, RDO RJE SNGAGS @489 TE RDO RJE'I BZLAS PA RAB TU BSGOMS PAS, YE SHES MNYAM MED DE, GNYIS SU MED PA'I YE SHES THOB PAR 'GYUR BA'I PHYIR DU'O, ,LE'U YI GZHUNG RGYAS PAR BSHAD PA LA GSUM STE, BZLAS PA'I TSOGS BSTAN PA DANG, LAS KYI TSOGS BSTAN PA DANG, LAS TSOGS DANG 'BREL BA'I LHA'I RNAL 'BYOR BSTAN PA'O, ,BZLAS PA'I TSOGS BSTAN PA LA LNGA STE, RDO RJE 'CHANG GI BZLAS PA DANG, BSKYED RDZOGS GNYIS KYI MCHOD PA'I LHA'I 'KHOR LO BSGOM PA DANG, BZLAS PA'I RAB TU DBYE BA DANG, 'DOD CHAGS KYI DON BSGOM PA DANG, NYON MONGS PA GNYIS LAS SKYES PA'I DON BSGOM PA'O, ,RDO RJE 'CHANG GI BZLAS PA LA GNYIS KYI SDUD PA PO'I TSIG GIS MTSAMS SBYAR BA NI, GSOL BA BTAB PA'I RJES THOG DE NAS GSUNGS SO ZHES SBYAR, GANG ZHE NA RDO RJE BZLAS PA 'DI'O, ,SU ZHIG GIS NA NAM MKHA' RDO RJE NI DON DAM PA'I BDEN PA'O, ,YE SHES NI KUN RDZOB KYI BDEN PA STE, DE GNYIS LAS BYUNG BAS NA NAM MKHA' RDO RJE YE SHES 'BYUNG STE, RDO RJE 'CHANG CHEN POS SO, ,DE'I KHYAD PAR NI, ZHI BA LA SOGS PA'I BYA BA SKYED PAS NA BYED PA, DBANG DU MA GYUR PA RNAMS KYI MNGON SPYOD LA SOGS PA'I LAS GCOD PAR BYED PAS NA BSKYED PA'O, ,DAM PA NI TSANGS PA LA SOGS PA'O, ,DE LAS KYANG PHUL DU BYUNG BAS NA MCHOG GI GTZO BO'O, , BZLAS PA DNGOS BSTAN PA NI, RDO RJE 'CHANG CHEN PO'I BZLAS PA ZHES PA NI, 'OD GSAL LAS ZUNG 'JUG LONGS SKUR BZHENGS NAS SPRUL SKU'I DKYIL 'KHOR RGYAL MCHOG BSKYED DE, RDO RJE BZLAS PA'I SGO NAS ZHI SOGS KYI LAS SGRUB PA ZHIG @490 STON NO, ,DE GZHUNG DANG SBYAR NA, RDO RJE DBYE BA GSUM GYI MTHAR, ,ZHES PA RKANG PA GNYIS KYIS LONGS SKUR BZHENGS PA BSTAN TO, ,SKU GSUNG THUGS KYI GNAS RNAMS SU, ,ZHES PAS SPRUL SKUR BSGYUR BA BSTAN LA, SPRO BA RNAM PA GSUM DAG BYA, , ZHES PAS RDO RJE BZLAS PA BSTAN TE, DE NYID GSAL BAR BYED PA NI, SNGAGS KYI DON KUN ZHES PA RKANG PA GNYIS SO, ,TSIG GI DON NI SBRUL LA SOGS PA'I SNGAGS RNAMS KYIS DON NI YI GE GSUM MO, ,DE'I BZLAS PA NI 'JUG GNAS LDANG GSUM STE, DE GANG LA YOD PA DE NI, RDO RJE MI PHYED GSUM GYIS MTSAN PA STE, DE'I NGO BO NYID KYI RDO RJE BZLAS PA BYA'O, ,RTEN GANG LA GNAS NAS RDO RJE BZLAS PA BYA ZHE NA, RDO RJE DA BYE BA GSUM NI, SKU RDO RJE LA SOGS PA GSUM MO, DE DAG KYANG RDO RJE 'CHANG CHEN PO GCIG PU'I MTHAR THUG PAS, ZUNG 'JUG PA'I RNAL 'BYOR PAS SGYU LUS 'OD GSAL DU BCUG STE, ZUNG 'JUG LONGS SKUR BZHENGS NAS, DE'I 'OG TU BKOD PA RDO RJE GSUM STE, 'JUG GNAS LDANG GSUM GYI RANG GI NGO BO YONGS SU SHES PA'I RDO RJE BZLAS PA BYA'O, ,TSUL JI LTAR BYA ZHE NA, ZUNG 'JUG LONGS SKU DE NYID SKU GSUNG THUGS TE 'JUG GNAS LDANG GSUM GYI RANG BZHIN GYI RDO RJE BZLAS PA'I GNAS TE, BRTEN DU RUNG BA'I SPRUL SKUR BSGYUR NAS, DKYIL 'KHOR RGYAL MCHOG BSKYED DE, DE LA GNAS NAS LAS RGYAL MCHOG 'JUG GNAS LDANG GSUM GYI SPRO BA RNAM PA GSUM GYI RANG BZHIN RDO RJE BZLAS PA BYA STE, ZHI BA LA SOGS PA'I LAS RNAMS RDZOGS PAR BYA'O, ,PHAN YON CI 'THOB CE NA, BSHAD MA THAG PA'I RDO RJE BZLAS PA 'DIS NI, @491 RDO RJE GSUM GYI THUGS TE YE SHES KYI SKU'I NGO BO NYID RDO RJE 'CHANG CHEN PO DANG 'DRA BAR 'GYUR RO, ,RIM PA GNYIS KYI MCHOD PA'I CHO GA LA GNYIS KYI, RDZOGS RIM PA'I MCHOD PA NI, PHYOGS BCU'I 'JIG RTEN GYI KHAMS NA BZHUGS PA'I SANGS RGYAS RNAMS LA MCHOD PA'I MCHOG BRTAG CING BSKYED PAR BYA'O, ZHES SBYAR, GANG GIS SHE NA, YE SHES RDO RJE STE RDZOGS PA'I RIM PA LA GNAS PA'I RNAL 'BYOR PAS SO, ,TSUL JI LTAR ZHE NA, ZUNG 'JUG LONGS SKU DE NYID SEMS CAN GYI DON BYA BA'I PHYIR, SKU GSUNG THUGS KYI RDO RJE GSUM GYI RANG BZHIN GYI SPRUL PA'I SKUS 'DZIN PA BSGOM ZHING BSKYED NAS SO, ,DE'I PHAN YON NI RDO RJE GSUM GYIS ZHES SO, ,DE NI BLA NA MED PA'I MCHOD PA'O, ,PHYI ROL GYI MCHOD PA LA MNGON PAR ZHEN PA SPANG BA'I PHYIR, BLA NA YOD PA DANG BCAS PA'I MCHOD PA BSTAN PA NI, PHYOGS BCU'I 'JIG RTEN GYI KHAMS NA BZHUGS PA'I SANGS RGYAS RNAMS KYI SKU GSUNG THUGS LA, LHA DANG MI LAS PHUL DU BYUNG BA'I 'DOD PA'I YON TAN LNGA LA SOGS PA MCHOD PA'I MCHOG BSAMS PAS TE BSGOMS PA NA, BRTAG PA STE BSKYED PAR BYA'O, ,SU ZHIG GIS NA, YE SHES RDO RJE STE RDZOGS PA'I RIM PA LA GNAS PA'I SGRUB PA POS SO, ,PHAN YON NI 'DI NI ZHES SO, ,'DI DANG GONG MA GNYIS KAS RDZOGS RIM PA'I DKYIL 'KHOR RGYAL MCHOG SPRUL PA BSTAN LA, DE LA BDAG GZHAN GYI DON SGRUB PA'I MCHOD PA ZHES BYA ZHING, GTZO 'KHOR THA DAD MED PAR SHES PA'I CHA NAS, SNGA MA LA BLA NA MED PA ZHES BYA LA, GTZO 'KHOR THA DAD LTA BUR SNANG BA'I CHA NAS, PHYI MA LA BLA NA YOD @492 PA'I MCHOD PA ZHES BYA, ZHES MA RA GSUNG LO, ,RNGOG NA RE, ZUNG 'JUG GI LHA'I 'KHOR LO DE NYID KYI GONG NA MCHOD PA GZHAN MED PAS BLA NA MED PA ZHES BYA LA, MCHOD PA THAMS CAD KYI LTAG NA YOD PAS BLA NA YOD PA ZHES BYA'O, ,ZHES GSUNGS KYANG, GNYIS KA YANG GZHUNG GI DON DU MI MNGON NO, ,DES NA DON NI 'DI YIN TE, SNGA MA NI, ZUNG 'JUG SPRUL SKUR BSGYUR NAS, SEMS CAN GYI DON BYED PA YIN LA, SEMS CAN GYI DON BYED PA DE NYID KYI GONG NA SANGS RGYAS MNYES PA BYED PA DANG, SEMS CAN MGU BAR BYED PA'I MCHOD PA GZHAN MED PAS BLA NA MED PA ZHES BYA LA, PHYI MA NI, RDZOGS RIM PAS KUN TU BZANG PO'I MCHOD SPRIN LTA BU'I MCHOD PA'I TSOGS BSAM GYIS MI KHYAB PA BSAM GTAN GYI STOBS KYIS SPRUL NAS, PHYOGS BCU'I SANGS RGYAS THAMS CAD LA MCHOD PA YIN LA, DE NYID PHYI ROL RDZAS LAS BYUNG BA'I MCHOD PA MA YIN PAS, PHYI ROL GYI MCHOD PA LA ZHEN PA SPONG ZHING, DE'I GONG NA SEMS CAN GYI DON BYED PA'I MCHOD PA YOD PAS BLA NA YOD PA'I MCHOD PA ZHES BYA'O, , DE LTAR DBANG PO RAB RDZOGS RIM PA RNAMS KYI MCHOD PA BSTAN NAS, DBANG PO THA MA BSKYED RIM PA'I MCHOD PA BSTAN PA NI, BSKYED RIM PA'I LHA'I DKYIL 'KHOR BSGOMS PA NYID LA MCHOD PA ZHES BYA STE, DE YANG DANG PO SBYOR BA SNGON DU SONG NAS, PHYAG RGYA DANG SNYOMS PAR ZHUGS PA'I 'DOD CHAGS CHEN PO'I MES, BDAG GI LUS KYI KHAMS BZHUS PA LAS SKU'I RIGS KYI LHA SPRO BA DANG, NGAG GI KHAMS @493 BZHUS PA LAS GSUNG GI RIGS KYI LHA SPRO BA DANG, SEMS KYI KHAMS BZHUS PA LAS THUGS KYI RIGS KYI LHA SPRO BA'I SGO NAS, LHA RE RE'I SPRUL PA YANG SKU GSUNG THUGS KYI DBYE BA RNAM PA GSUM GYIS SO SO THA DAD PAR SPROS SHING DKYIL 'KHOR RGYAL MCHOG BSKYED LA, SPRUL PA'I DKYIL 'KHOR PA RNAMS LA MNGON PAR ZHEN PA DGAG PA'I PHYIR, MOS PA LAS BYUNG BA'I MI DMIGS PAS ZIN PAR BYA BA NI, LHA DE RNAMS KYI SKU GSUNG THUGS KYI NGO BO BDAG MED PAR SO SOR RTOG PA'I BDAG NYID CAN GYI YE SHES KYI KHYAD PAR GYIS YANG DAG PAR SPROS SHING GSAL BAR BYA'O, DE LA MI DMIGS PAS ZIN PA'I DKYIL 'KHOR RGYAL MCHOG BSKYED NAS, THUN MONG MA YIN PA'I LAS RGYAL MCHOG BSKYED RIM PA'I ZHI SOGS KYI LAS BYA STE, THUN THA MA LA DKYIL 'KHOR BSDU BA NI, RDO RJE STE SPRUL BA'I LHA RNAMS BRJOD PA STE GNAS NAS BSKYOD NAS, SPRO BA STE RANG GI PHUNG PO LA SOGS PA'I NGO BOR BZHAG STE, RDZOGS PA STE KHA SBYAR BA'I GNAS SKABS SU, RAB TU BSDUS PA STE RING NGE 'DZIN SEMS DPA' LA GZHUG PAR BYA'O, ,BSHAD MA THAG PA 'DI NI, YE SHES KYI SPYAN PHYE BA'I SANGS RGYAS TE RIN PO CHE LTA BU'I GANG ZAG RNAMS KYI MCHOD PA'I CHO GA YIN NO, ,BZLAS PA'I RAB TU DBYE BA LA'ANG LNGA STE, SKU GSUNG THUGS KYI BZLAS PA DANG, RIN CHEN DANG THOGS MED KYI BZLAS PA DANG, KHRO BO'I BZLAS PA DANG, GTI MUG LA SOGS PA'I BZLAS PA DANG, MA NING GI BZLAS PA'O, , DE LA SKU GSUNG THUGS KYI BZLAS PA NI, SKU RDO RJE NI RNAM PAR SNANG MDZAD @494 DO, ,DE GANG GIS MNGON PAR RDZOGS PAR BYANG CHUB PAR BYED PA DE NI SKU YI RDO RJE RDZOGS BYANG CHUB STE RLUNG 'JUG PA'I BDAG NYID YI GE AOm MO, ,DE NYID SKU SKYED PAR BYED PAS SANGS RGYAS KYI SKU ZHES BYA LA, DE'I NGO BO DNGOS PO DANG, DNGOS PO MED PAR MA GRUB PAR RNAM PAR DPYOD PA NI SKU'I BZLAS PA'O, ,GSUNG GI DAM TSIG NI, 'OD DPAG TU MED PA'O, ,DE MNGON PAR BYANG CHUB PA NI RLUNG GNAS PA'I BDAG NYID KYI YI GE AA'O, ,DE NI GSUNG GI RDO RJE ZHES BSHAD DE, DE'I NGO BO RNA BAS ZIN PA'I SGRA DANG, DE LAS BZLOG PA'I SGRA MIN PA GANG DU YANG MA GRUB PAR RNAM PAR DPYOD PA NI GSUNG GI BZLAS PA'O, ,THUGS KYI DAM TSIG NI MI BSKYOD PA, DE MNGON PAR BYANG CHUB PA NI RLUNG LDANG BA'I BDAG NYID YI GE H'Um STE, DE NI THUGS KYI RDO RJE ZHES BYA LA, GNAS PA'I RDO RJE STE THUGS KYI NGO BO DE NYID RANG BZHIN MED PAR RNAM PAR DPYOD PA NI, THUGS KYI BZLAS PAR BSHAD DO, ,SKU GSUNG THUGS KYI BZLAS PA 'DI DAG GIS LUS NGAG YID GSUM RANG BZHIN MED PAR BSTAN PA'I SGO NAS, DBEN GSUM GYI SHES BYA BSTAN TO ZHES SNGA RABS PA DAG 'CHAD KYANG, 'DI DAG GIS NI YI GE GSUM GYI RANG BZHIN RLUNG 'JUG GNAS LDANG GSUM RANG BZHIN MED PAR SHES PA NYID, SKU GSUNG THUGS KYI BZLAS PA ZHES BSHAD PA YIN NO, ,THOGS MED DANG RIN PO CHE'I BZLAS PA NI, RTZA BA DANG YAN LAG GI RLUNG LA RDO RJE'I BZLAS PA BYED PA LA, GO RIM BZHIN DU RIN PO CHE DANG THOGS MED KYI BZLAS PA ZHES BSHAD DO, ,DE LA RIN PO CHE BZLAS PA NI, AOm LA SOGS PA'I DON 'JUG @495 GNAS LDANG GSUM GYI RANG BZHIN RTOGS NAS BZLAS PA BYED PA GANG YIN PA DE NI, DON GYI RJES 'GRO'I BZLAS PA STE, DE NYID NI NGO BO NYID DE MI SHIGS PA LAS BYUNG ZHING, BZANG PO YIS TE NYIN DANG MTSAN DU RGYUN MI CHAD PAR 'PHRO BA'I TSUL GYIS DUS GSUM GYI SANGS RGYAS RNAMS KYIS RANG BZHIN MED PAR RNAM PAR DPYAD DE, MI SHIGS PA'I TSUL GYIS RTOGS PA DE NI RIN CHEN BZLAS PAR BSHAD DO, ,NGO BO NYID BYUNG BZANG PO YIS, ZHES CHAG GIS BSGYUR TO, ,YANG NA MI SHIGS PA LAS BYUNG BAS NA NGO BO NYID MED CES SBYAR RO, ,THOGS PA MED PA'I BZLAS PA NI, SANGS RGYAS ZHING STE SNYING KHA'I PAD MA LAS, MIG LA SOGS PA'I SKYE MCHED THAMS CAD DU SKU'I SPRIN RNAMS TE MI SHIGS PAR MTHAR BZHUD CING, DANG PO YANG DE LAS BYON PA RDO RJE'I DON TE 'JUG GNAS LDANG GSUM GYI BDAG NYID SPRO BA GANG YIN PA DE, THOGS MED BZLAS PAR BSHAD DO, KHRO BO'I BZLAS PA NI, GSHIN RJE GSHED LA SOGS PA'I PHRENG SNGAGS GSANG MTHON PO'I TSIG GIS BZLAS PA STE, DE YANG KHRO BO GSHIN RJE GSHED LA SOGS PA'I SNGAGS KYI, DAM TSIG STE BSKRAD PA LA SOGS PA'I CHO GA YONGS SU SHES PA'I RNAL 'BYOR PAS, SBRUL LA SOGS PA'I SNGAGS KYI YI GE'I TSIG AOm LA SOGS PA RANG GI LCE'I RDO RJES SGRA BSGRAGS SHING RANG GI LUS KYI DKYIL 'KHOR DU RANG DANG GZHAN LA GRAGS SHING, THOS PAR BZLAS PA DE NI KHRO BO'I BZLAS PAR BSHAD DO, ,GTI MUG LA SOGS PA NYON MONGS PA GSUM GYI BZLAS PA'I SGO NAS, GTI MUG LA SOGS PA STONG PAR BSGOM PA NI, 'DOD PA'I DON GYIS MYOS @496 PAR GYUR PA STE, GZUGS LA SOGS PA'I 'DOD YON TSOL BA LHUR LEN CING, BDAG NYID GCIG PU SDUG BSNGAL LAS KUN TU SKYOB CING, BDE BA DANG PHRAD PA'I PHAN PAR DGA' BA'I SEMS CAN GTI MUG CAN DE LTA BU MTHONG BA NA GTI MUG STONG PA NYID DU BSGOM PA'I SGO NAS, SEMS CAN DE DAG GTI MUG RNAM PAR DAG PA'I GNAS RNAM PAR SNANG MDZAD KYI GO 'PHANG LA 'JOG PAR SEMS PA DE NI, GTI MUG BZLAS PAR BSHAD DO, ,SKYES PA DANG BUD MED PHAN TSUN CHAGS PA'I 'DOD CHAGS DE NYID BRTAN PAS NA RDO RJE STE, DE LAS BYUNG BA STE DES KUN NAS BSLANG BA'I TSIG GANG, LUS NGAG SEMS LA GNAS PA STE SKYES PA'AM BUD MED KYI LUS LA SOGS PA YID DU 'ONG BA BRJOD PA THOB PA LAS CHAGS PA SKYE BA'I SEMS CAN 'DOD CHAGS CAN MTHONG BA NA, 'DOD CHAGS STONG PA NYID DU BSGOM PA'I SGO NAS, 'DOD CHAGS RGYA MTSO NI 'OD DPAG MED YIN LA, DE'I GNAS NI 'DOD CHAGS RNAM PAR DAG PA STE, SEMS CAN DE DAG DER 'JOG PAR SEMS PA DE NI 'DOD CHAGS BZLAS PAR BSHAD DO, ,ZHE SDANG NI SEMS CAN LA MNGON PAR 'KHU BA STE, DE NYID BRTAN PAS NA RDO RJE'O, DE LAS BYUNG BA'I SEMS, SEMS CAN GANG GI LUS LA SOGS PA LA GNAS PAR GTAN TSIGS LAS SHES PA'I SEMS CAN DE NI ZHE SDANG CAN YIN LA, DE LTA BU MTHONG BA NA, ZHE SDANG STONG PA NYID DU BSGOMS TE, SEMS CAN DE DAG ZHE SDANG RNAM PAR DAG PA'I GNAS MI BSKYOD PA'I GO 'PHANG LA 'JOG PAR SEMS PA DE NI, ZHE SDANG BZLAS PAR BSHAD DO, ,YANG NA 'DOD CHAGS LA SOGS PA RNAMS @497 PAR DAG PA NI 'OD GSAL YIN LA, DER SEMS CAN DE DANG DE 'JOG PA LA, 'DOD CHAGS LA SOGS PA'I BZLAS PA ZHES BSHAD DO, , MA NING GI BZLAS PA NI, DAM TSIG RDO RJE GSUM NI RDO RJE 'CHANG CHEN PO'O, , DE'I DE NYID NI 'OD GSAL BA STE, 'OD GSAL DE NYID AM TSIG RDO RJE CAN TE, DE BZHIN GSHEGS PA RNAMS KYI DBU MA STE SNYING POR GYUR PA YIN LA, DE NYID DAM TSIG RDO RJE SGRUB PA PO THAMS CAD KYI BZLAS PA MA NING ZHES BYA STE, MA NING SKYES PA DANG BUD MED KYI MTSAN NUB PA LTAR, 'OD GSAL LA SPROS PA'I MTSAN MA THAMS CAD NUB PAS MA NING ZHES BYA'O, ,'DOD CHAGS KYI DON BSGOMS PA, 'DOD YON LNGA BSTEN PAS GROL BA NI, RDZOGS PAR MDZAD PA STE MTHAR PHYIN PAR MDZAD DO, , GANG ZHIG CE NA, SEMS CAN KUN LA PHAN PAR 'DOD PA STE, SEMS CAN THAMS CAD LA PHAN PAR BYED PA'I BYANG CHUB RDO RJE 'CHANG CHEN PO'O, ,DE NYID NI 'DOD CHAGS TE GZUGS LA SOGS PA 'DOD PA'I YON TAN LNGA CI DGAR BSTEN PAS 'THOB PAS NA 'DOD CHAGS BYANG CHUB BO, ,GANG GIS SHE NA, RDO RJE BDAG PO STE RDO RJE 'CHANG CHEN PO BDAG POR GYUR PA'I SKYES PA DANG BUD MED KYI SGRUB PA PO THAMS CAD KYIS SO, ,THABS GANG LA BRTEN NAS SHE NA, 'DOD CHAGS MA YIN CHAGS BRAL MIN, ,DBU MAR DMIGS PAR MI 'GYUR RO, ZHES BYA BA, SNANG BA GSUM RNAM PAR DAG PA'I GNAS 'OD GSAL BA NYID 'DOD CHAGS KYI DE KHO NA NYID YANG DAG PA YIN LA, DE'I DON YONGS SU SHES SHING BSGOMS PAS SO, ,'DOD CHAGS LAS @498 SKYES PA'I BYANG CHUB NI, SKYES PA 'BA' ZHIG TU MA ZAD BUD MED KYIS KYANG 'GRUB BO ZHES BSTAN PA NI, 'GRUB PAR 'GYUR RO ZHES DRANG, GANG ZHIG NA, 'DOD CHAGS LAS SKYES PA'I BYANG CHUB RDO RJE 'CHANG CHEN PO'O, ,GANG GIS NA, RIG MA CHEN PO STE LEGS PAR BSLAB PA'I PHYAG RGYA SPYAN LA SOGS PA STE PAD MA CAN LA SOGS PA, RTAG TU GZUGS SOGS 'DOD PA'I YON TAN RNAM PAR DAG PA'I DON BSGOM PA LA BRTZON PA LHUR LEN PA RNAMS KYIS KYANG NGO, ,THABS GANG LA BRTEN ZHE NA, GZUGS SOGS 'DOD PA'I LONGS SPYOD DAG RANG BZHIN YONGS SU SHES PA'I SGO NAS, JI LTAR 'DOD PAR BSTEN CING BSLABS NA'O, ,GTI MUG DANG ZHE SDANG GNYIS LAS SKYES PA'I DON BSGOMS PA LA GNYIS KYI, DRANG DON DU BSHAD PA NI, GTI MUG GI DON NI, GTI MUG DAM TSIG NI RNAM PAR SNANG MDZAD DO, ,DE'I RIGS LAS BYUNG BA RIG PA'I RGYAL PO GTZUG TOR LA SOGS PA, RDO RJE CAN PA'I SNYING PO DANG, GZUGS RDO RJE LA SOGS PA PHRENG SNGAGS MED PA RNAMS KYIS, ZHI SOGS KYI LAS BSGRUB PA NA, MA NING DAG GIS GNAS TE YI GE AOm LA SOGS PA 'BRU GSUM BZLAS PAS, ZHI BA LA SOGS PA'I DNGOS GRUB DAM PAR RAB TU STER BAR 'GYUR RO, , ZHE SDANG GI DON NI, GSHIN RJE GSHED LA SOGS PA KHRO BO BCU DANG, ZHE SDANG RDO RJE LA SOGS PA ZHE SDANG GNAS TE YI GE H'Um LAS SKYES PA, GSOD LA RTAG TU BRTZON PA STE GDUG PA 'DUL BA'I LAS CAN DAG GI TING NGE 'DZIN LA GNAS NAS, SGRUB PA MCHOG GI CHOS CAN TE BRTZON 'GRUS SHIN TU BRTUL BA CAN GYI SGRUB PA PO @499 LA GSOD PA'I DON GYI STE MNGON SPYOD LA SOGS PA DRAG PO'I LAS 'GRUB PAR 'GYUR RO, ,KHRO BO BCU ZHE SDANG RDO RJE DANG BCAS PA'I TING NGE 'DZIN LA GNAS NAS DRAG PO'I LAS SGRUB CES PA'O, ,NGES DON DU BSHAD PA NI, PHYAG RGYA CHEN PO'I DNGOS GRUB RAB TU STER BAR 'GYUR RO, ,ZHES SBYAR RO, ,GANG LA NA, GTI MUG DAM TSIG STE MA RIG PA LAS BYUNG BA'I NYE BAR LEN PA'I PHUNG PO'I RANG BZHIN GYI SGYU LUS GRUB PA'I RIG PA'I RGYAL PO RDO RJE CAN TE SKYES PA DANG BUD MED KYI SGRUB PA PO RNAMS LA'O, ,THABS GANG GIS NA, MA NING NI MA RIG PA'O, ,DE'I GNAS NI 'OD GSAL BA STE, DE MNGON SUM DU BYAS TE, GRUB CING RDZOGS PAS SO, ,ZHE SDANG GI DON NGES DON DU BSHAD PA NI, 'GRUB PAR 'GYUR RO, ,ZHES DRANG GANG ZHIG CE NA, GSOD PA NI PHUNG PO LA SOGS PA 'OD GSAL DU BCUG STE DNGOS PO MED PAR BYAS PA YIN LA, DE'I DON NI BDEN PA GNYIS, GNYIS SU MED PA RDO RJE 'CHANG CHEN PO'I SKU STE DE'O, , SU ZHIG LA 'GRUB CE NA, MCHOG GI CHOS NI RDO RJE LTA BU'I TING NGE 'DZIN NO, ,DE GANG LA YOD PA NI MCHOG GI CHOS CAN TE, RDZOGS RIM LA GNAS PA RIN PO CHE LTA BU'I GANG ZAG GO ,THABS GANG LA BRTEN NAS SHE NA, KHRO BO NI THABS KYI YE SHES SO, , ZHE SDANG GI GNAS NI SNANG BA'I YE SHES SO, ,DE LAS SKYES PA NI SGYU MA LTA BU'I SKU STE, DE NYID GSOD LA RTAG TU BRTZON PA NI, BSAM GTAN GNYIS KYIS 'OD GSAL DU BCUG PA'I THABS LA BRTEN NAS SO, ,LAS KYI TSOGS BSHAD PA LA GNYIS TE, MDOR BSTAN PA DANG, RGYAS PAR BSHAD PA'O, ,LAS TSOGS MDOR BSTAN PA LA GNYIS KYI, @500 BSKYED RIM PA'I LAS TSOGS MDOR BSTAN PA NI, DE YANG BSNYEN PA LAS SU RUNG ZHING, RIG PA'I BRTUL ZHUGS LA BYANG BA'I RNAL 'BYOR PA ZHI BA'I LAS BSGRUB PAR 'DOD NA, RNAM PAR SNANG MDZAD KYI DANG PO SBYOR BA DANG DKYIL 'KHOR RGYAL MCHOG LA GNAS NAS, LAS RGYAL MCHOG YE SHES 'KHOR LO CAN TE YE SHES SEMS DPA'I SNYING KHA'I DBUS SU, 'KHOR LO RNAM PAR SNANG MDZAD KYI MTSAN MA BSGOM MO, ,JI LTAR ZHE NA, GSAL BA'I DKYIL 'KHOR TE ZLA BA'I DKYIL 'KHOR GYI DBUS SU GNAS PAR BSAM MO, ,'KHOR LO'I DBUS SU 'KHOR LO'I DON TE BSGRUB BYA BSGOM LA, 'OG NAS 'BYUNG BA'I ZHI BA'I LAS BYA'O, ,MNGON SPYOD KYI LAS BSGRUB PAR 'DOD NA, MI BSKYOD PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG YE SHES RDO RJE CAN TE YE SHES SEMS DPA'I SNYING KHA'I DBUS SU, MI BSKYOD PA'I MTSAN MA RDO RJE BSGOM MO, ,CI LTA BU ZHE NA, RDO RJE'I DKYIL 'KHOR TE NYI MA'I DKYIL 'KHOR GYI DBUS SU GNAS PAR RO, ,RDO RJE DE LA RDO RJE'I SNGAGS NI, YI GE H'Um YIN LA, DES DON GNYER ZHING GZER BAR BYED PAS NA, RDO RJE'I SNGAGS DON TE BSGRUB BYA BSGOM LA MNGON SPYOD KYI LAS BYA'O, ,RGYAS PA'I LAS BSGRUB PAR 'DOD NA, RIN CHEN 'BYUNG LDAN GYI DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG RIN CHEN YE SHES TE YE SHES SEMS DPA'I SNYING KHAR, RIN 'BYUNG GI MTSAN MA RIN PO CHE BSGOM MO, ,JI LTA BU NA RIN PO CHE'I DKYIL 'KHOR GYI DBUS SU GNAS PAR RO, ,RIN PO CHE DE LA RIN CHEN @501 SNGAGS NI YI GE SOGS YIN LA, DES DON DU GNYER ZHING RGYAS PAR GYUR PAS NA, RIN CHEN SNGAGS DON NI BSGRUB BYA STE, DE BSGOM LA RGYAS PA'I LAS BYA'O, ,DBANG GI LAS SGRUB PAR 'DOD NA, 'OD DPAG TU MED PA'I DANG PO SBYOR BA DANG, DKYIL 'KHOR RGYAL MCHOG BSKYED NAS, LAS RGYAL MCHOG YE SHES PAD MO CAN TE, YE SHES SEMS DPA'I SNYING KHAR CHOS KYI DKYIL 'KHOR TE PAD MA'I DBUS SU GNAS PA'I PAD MO BSAM LA, DE LA PAD MO'I SNGAGS NI YI GES AA'O, ,DES DON DU GNYER ZHING DBANG DU BYED PAS NA, PAD MO'I SNGAGS DON NI BSGRUB BYA STE, DE BSGOM LA DBANG GI LAS BYA'O, ,GZI BRJID BSKYED PA LA SOGS PA PHRIN LAS SNA TSOGS BSGRUB PAR 'DOD NA, DON YOD GRUB PA'I DANG PO SBYOR BA DANG DKYIL 'KHOR RGYAL MCHOG LA GNAS NAS, LAS RGYAL MCHOG RAL GRI YE SHES CAN TE YE SHES SEMS DPA'I SNYING KHAR DBUS SU DAM TSIG DKYIL 'KHOR TE SNA TSOGS RDO RJE'I DBUS SU GNAS PA'I RAL GRI BSAM PAR BYA'O, ,DER RAL GRI'I SNGAGS NI YI GE HA'O, ,DES DON DU GNYER ZHING RNAM PA THAMS CAD KYIS BSGRUB PAR BYA BAS NA, SNGAGS DON NI BSGRUB BYA STE DE BSGOM LA LAS BYA'O, ,DE DAG GI CHO GA'I LHAG MA BSTAN PA NI, 'KHOR LO'I DKYIL 'KHOR LA SOGS PA DKYIL 'KHOR LNGA PO KUN GYI SHAR LA SOGS PA'I NGOS RNAMS SU RNAM SNANG LA SOGS PA'I SANGS RGYAS LNGA RNAMS GO RIM JI BZHIN DU DGOD PAR BYA'O, ,ZHI BA LA SOGS PA'I LAS DANG RJES SU MTHUN PA'I DKAR PO LA SOGS PA'I 'OD ZER LNGA'I BYE BRAG GIS, LHA THAMS CAD @502 GTZO BO DANG MTHUN PAR KHA DOG SPRO BA NI, ZHI BA'I LAS LA RNAM SNANG GIS GTZO BYAS PA'I LHA THAMS CAD KHA DOG DKAR POR BYA'O, ,DE BZHIN DU RGYAS PA'I LAS LA RIN 'BYUNG GIS GTZO BYAS PA'I LHA THAMS CAD KHA DOG SER PO SOGS CI RIGS PAR SHES PAR BYA'O, ,DES CI 'GYUR ZHE NA, BYANG CHUB NI MNGON PAR 'DOD PA'I 'BRAS BU STE DE THOB PAR 'GYUR BA'O, , DA NI RIM GNYIS KYI DBYE BAS LHA SPRO BA'I TSUL BSTAN PA NI, SNGAGS RNAMS TE SGRUB PA PO THAMS CAD KYIS, LHA RNAMS SPRO BA STE SPRUL PA NI, RDZOGS PA DANG MA RDZOGS PA'I BYE BRAG GIS RNAM PA GNYIS SU BSGRAGS SO, ,DE LA BSKYED PA'I RIM PA LA GNAS PA'I BSTAN PA NI, SKU GSUNG STE SKU RDO RJE LA SOGS PA'I BYE BRAG GIS SPRO BA DANG BSDU BA'I BGOD PAS LHA RNAMS SPRO BA DANG BSDU BAR BYA'O, ,DE NYID GSAL BAR BYED PA NI, SGRUB PA PO'I LUS LAS SKU RDO RJE RNAM SNANG GI NGO BO NYID KYI LHA RNAMS SPRO BA DANG BSDU BAR BYA ZHING, DE BZHIN DU SEMS LAS THUGS RDO RJE MI BSKYOD PA'I NGO BO NYID DANG, NGAG LAS GSUNG RDO RJE 'OD DPAG TU MED PA'I LHA RNAMS SPRO BA DANG, BSDU BA'I TSUL SHES PAS MCHOD NA, MCHOD PA'I GNAS TE 'DOD PA'I DON YANG DAG PAR 'GRUB PAR 'GYUR RO, ,DE DAG GIS DKYIL 'KHOR RGYAL MCHOG BSTAN NAS, DE'I SNGON DU 'GRO BA RNAL 'BYOR BZHIS GTZO BO'I SKU BSKYED PA DANG PO SBYOR BA STON PA NI, SKU GSUNG THUGS KYI DKYIL 'KHOR DER, RDO RJE LNGA STE RDO RJE 'CHANG CHEN PO RNAM PAR BSGOM PAR BYA'O, ,JI LTA BU ZHE NA, BDAG NYID DAM TSIG @503 SEMS DPA'I SNYING KHA'I DBUS SU, BDAG PO STE YE SHES SEMS DPA' RANG GI GZUGS TE RANG DANG 'DRA BA BSAMS NAS, DE'I YE SHES SEMS DPA'I THUGS KHAR YANG, RANG SNGAGS RDO RJE STE TING NGE 'DZIN SEMS DPA'I GZUGS TE SKU BSAM PAR BYA'O, ,'DIS MA MTHA' SEMS DPA' SUM RTZEG YAN CHOD BSTAN PAS, RNAL 'BYOR BZHIS GTZO BO'I SKU BSKYED PA DANG PO SBYOR BA BSTAN TE, RDZOGS RIM PA'I LAS TSOGS MDOR BSTAN PA NI, RTEN ZUNG 'JUG PAS DANG PO SBYOR BA DANG DKYIL 'KHOR RGYAL MCHOG LA GNAS NAS, LAS RGYAL MCHOG CHU LA SOGS PA'I DKYIL 'KHOR BZHI PO DAG DKAR PO LA SOGS PA'I KHA DOG RNAM PA BZHIR KUN BTAGS SHING BSAMS LA, SNYING KHAR TE CHU LA SOGS PA'I DKYIL 'KHOR DE RNAMS STENG GI SNA SGO NAS RGYU BA'I TSE AOm LA SOGS PA'I SNGAGS KYI DON, 'JUG GNAS LDANG GSUM GYI TSUL DU BSGOM ZHING YONGS SU SHES PAR BYA'O, ,DE LAS CIR 'GYUR ZHE NA, RDO RJE RNAM PA BZHI NI DKYIL 'KHOR BZHI STE, DE DAG GI LAS ZHI BA LA SOGS PA BSAM GTAN RDO RJE CAN TE RNAL 'BYOR PA RNAMS LA RDZOGS PAR BYED PAR 'GYUR RO, , DE'I PHAN YON NI, CHO GA 'DI NI, SNGAGS RNAMS TE RNAL 'BYOR GYI DBANG PHYUG THAMS CAD KYI RAB TU BZANG ZHING BRTAG PA STE, DE BZHIN GSHEGS PA THAMS CAD KYI LUNG LAS BRGYUD DE 'ONG BA YIN NO, ,DE BAS NA LAS DANG PO PA RNAMS DANG THUN MONG MA YIN PA'I DE KHO NA NYID YIN PAS GSANG BA'O, ,DKYIL 'KHOR BZHI PO DE DAG LAS KYI BYE BRAG GIS JI LTAR BSGOM PA'I TSUL BSTAN NAS, SPYAN GYI TSUL TE, @504 CHU'I DKYIL 'KHOR KHA DOG DKAR PO DAL BA'I RANG BZHIN CAN DGU BRGYA BA PHRAG GCIG RGYU BA'I DUS SU RIMS LA SOGS PA SEL BA'I MTSAN NYID CAN GYI ZHI BA'I LAS BYA'O, ,RGYAS LA RNAM PAR SNANG MDZAD GNAS, ,ZHES PA GSER ZHUN MA LTAR MDZES SHING 'BAR BAS NA RNAM PAR SNANG MDZAD RIN CHEN 'BYUNG LDAN NO, ,DE'I GNAS NI DBANG CHEN DKYIL 'KHOR GNYIS KA NAS 'BYUNG BA KHA DOG SER PO DGU BRGYA PA PHRAG GCIG 'BYUNG BA STE, DE'I DUS SU TSE DANG NOR LA SOGS PA RGYAS PA'I LAS BYA'O, ,DBANG LA RDO RJE PAD MO CAN ZHES PA RDO RJE PAD MA CAN NI ME'I DKYIL 'KHOR KHA DOG DMAR PO G-YAS PA NAS DGU BRGYA BA PHRAG GCIG RGYU BA STE, DE'I DUS SU MA CHAGS PA CHAGS PAR BYA BA'I PHYIR DBANG GI LAS BYA'O, ,RDO RJE KHRO BO MNGON SPYOD LA, ,ZHES PA RDO RJE KHRO BO NI RLUNG GI DKYIL 'KHOR KHA DOG NAG PO G-YON PA NAS DGU BRGYA BA PHRAG GCIG RGYU BA STE, DE'I DUS SU MNGON SPYOD DE GSAD PA LA SOGS PA DRAG PO'I LAS BYA'O, ,DKYIL 'KHOR BZHI PO 'DI DAG NI, RDO RJE STE SGRUB PA PO THAMS CAD KYI GSANG BA CHEN PO SKU GSUM LAS BYUNG STE RDO RJE 'CHANG CHEN POS BSTAN PA'O, SNGAGS TE LHA RNAMS KUN DANG 'BREL BA'I BYA BA ROL MO STE ZHI BA LA SOGS PA'I LAS KYI TSOGS RNAMS KYI MTSAN PA'I GSANG BA'O, ,LAS KYI TSOGS RGYAS PAR BSHAD PA LA BDUN TE, DRAG PO'I LAS DANG, GRONG KHYER LA SOGS PA'I NAD ZHI BAR BYA BA DANG, SRUNG BA'I 'KHOR LO DANG, SNGAR GYI ZHI BA'I LAS DANG, RGYAS PA DANG DBANG GI LAS TSIG GCIG GIS BSTAN PA DANG, GZI BRJID BSKYED PA @505 DANG, MI BSKYOD PAS GSAD PA'I CHO GA LHAG MA BSTAN PA'O, ,DRAG PO'I LAS LA GNYIS TE, GSAD PA'I CHO GA DANG, MNAN PA'I CHO GA'O, ,GSAD PA'I CHO GA LA GNYIS TE, GSAD PA'I SBYOR BA DANG, GSAD PA'I CHO GA DNGOS SO, ,GSAD PA'I SBYOR BA LA, GSAD PA'I YUL BSTAN PA NI, MA DAD SMRA BA NI DKON MCHOG GSUM LA SOGS PA LA SMOD PAR SMRA BA'I SEMS CAN LOG PAR LTA BA'O, ,RDO RJE SLOB DPON SMOD PA NI BLA MAR GYUR PA LA BSNGAGS PA MA YIN PA SMRA BA'O, ,GDUG PA'I SEMS CAN NI MTSAMS MED PA LA SOGS PA'I LAS BYED PA'O, ,RAB TU BSKUL BA NI CHE GE MO SOD CIG CES BSKUL BA'I MTSAN NYID CAN GYI LAS 'OG NAS 'BYUNG BA'O, , YE SHES CHEN PO'I 'KHOR LO'I RDO RJE NI, RDO RJE 'CHANG CHEN PO'O, ,GSAD PA'I CHO GA DNGOS LA GNYIS KYI, BSKYED RIM PA'I GSAD PA'I CHO GA LA, THUN MONG BA'I KHA SBYOR DBYE BA'I CHO GA NI, SNGAR BSHAD PA BZHIN DU 'DOD PA LA SOGS PA KHAMS GSUM NA GNAS PA'I SGO NGA LAS SKYES PA LA SOGS PA'I SEMS CAN RNAMS SANGS RGYAS KYI SKUR TE DE BZHIN GSHEGS PA'I SNYING PO CAN DU SGRUB PA POS RAB TU BSGOM LA, DE THAMS CAD DGRA BO RDO RJE GNOD SBYIN SRIN POR BSGYUR PAS BSAD PAS 'GYOD CING LUS 'DAR NUS THEBS TE SKYABS MED CING SROG BYE PAR BSAMS NAS, DE NAS 'OG NAS 'BYUNG BA'I LAS RNAMS BRTZAM PAR BYA'O, ,KHA SBYAR DBYE BA ZHES PA NI, DE BZHIN GSHEGS PA LA SOGS PA GSAD PAR BSAMS SHING, NYES PA BSGRAGS PAS RLUNG SEMS DANG LUS KHA SBYAR BA BYE BA LA BYA ZHES SDOG LA SOGS PA BZHED DO, , @506 RJE 'GOS NI LUS KYI KHA SBYAR DBYE BA DANG, SHA KHRAG GI KHA SBYAR DBYE BA DANG, YE SHES KYI KHA SBYAR DBYE BA DANG, LHAN CIG SKYES PA'I LHA KHA SBYAR DBYE BA BZHIR BZHED DO, ,CHO GA DNGOS LA LNGA STE, MI BSKYOD PAS GSAD PA'I CHO GA DANG, RNAM SNANG LA SOGS PA'I DANG, 'KHOR GYI KHRO BO RNAMS KYI DANG, LHA THAMS CAD KYIS GSAD PA'I CHO GA DANG, BKA'I 'KHOR LO'I DGOS PA GZHAN BSTAN PA'O, ,MI BSKYOD PAS BSAD PA'I CHO GA NI, LE'U DGU PAR BSHAD PA LTAR, KHYAD PAR BRGYAD DANG LDAN PA'I SGO NAS BYA STE, DE YANG CHO GA'I KHYAD PAR NI, SRUNG BA'I 'KHOR LO SNGON DU 'GRO BAS, GZHAN YAS KHANG GDAN DANG BCAS BSKYED NAS, DE LA LHAG MOS MDZAD PA DANG BCAS PA BSGOMS TE, LHAG MOS DON DAM PA'I DKYIL 'KHOR DU BCUG NAS, DE BZHIN NYID LAS BYANG CHUB PA NI, NAM MKHA'I DBYINGS KYI DBUS GNAS PAR, , ZHES SO, KHYAD PAR DU BYANG CHUB GNYIS PA NYI MA LAS BYANG CHUB PAR BYA STE, ZLA BA PAD MA 'BRU GSUM DANG BCAS PA NYI MA LA THIM PAR BSGOM PA'O, ,YIG 'BRU LAS BYANG CHUB PA H'Um RING PO'O, ,DE YONGS SU GYUR PA LAS, RDO RJE RTZE LNGA PA KHA GYES PAR BSAMS LA, DE YONGS SU GYUR PA LAS BDAG NYID RDO RJE SEMS DPA' ZHAL BZHI PA, MCHE BA GTZIGS PA, AINdA NI LA'I MDOG CAN, PHYAG DRUG PA, KHRO BO YI RNAM PA'I MCHOG RNAMS KUN DANG LDAN PA, DKYIL 'KHOR GYI DBUS SU G-YON BRKYANG GIS BZHUGS PA, MAN NGAG JI LTA BA BZHIN DU BSGOM MO, ,DE NI DANG PO SBYOR BA'O, ,DE NAS DUS GSUM DAM TSIG STE, BSHAD MA THAG PA'I RDO RJE 'CHANG CHEN PO, RANG @507 RIGS KYI YUM DANG SNYOMS PAR ZHUGS PA LAS BYUNG BA'I RNAM SNANG LA SOGS PA'I SANGS RGYAS 'KHOR LO STE LHA'I TSOGS RNAMS, YUM GYI MNGAL DU CHO GA GSUM GYIS BSKYED CING BSGOM LA, PHYI ROL DU 'BYIN PA'I DUS SU, SANGS RGYAS 'KHOR LO STOBS PO CHE STE, LHA PHO'I TSOGS RNAMS LAG PA G-YAS PA'I 'DI BYA'O ZHES PA, DKYIL 'KHOR GYI G-YAS KYI PHYOGS SU 'GOD CING, DON GYI SHUGS KYIS LHA MO'I TSOGS RNAMS G-YON GYI PHYOGS SU 'GOD DO ZHES PA MAN NGAG GO ,DE DAG NI DKYIL 'KHOR RGYAL MCHOG GO ,DANG PO'I SBYOR BA'I CHO GA'I KHYAD PAR STON PA NI, RNAL 'BYOR BZHIS GTZO BO'I SKU BSKYED PA'I RJES DE NAS, GTZO BO'I TING NGE 'DZIN SEMS DPA' LA 'OD ZER 'PHROS PAS PHYOGS BCU NAS BYUNG SEMS CAN RNAMS TE, PHYOGS BCU NA BZHUGS PA'I SANGS RGYAS RNAMS, SANGS RGYAS SKU YI BYE BRAG STE RNAM SNANG LA SOGS PA'I RIGS KYI BYE BRAG GIS, GONG BU'I TSUL GYIS TE RANG GI PHYAG RGYA CHEN PO'I GZUGS JI LTA BA BZHIN DU GCIG TU BSDUS TE, RANG GI LUS LA DE DAG GZUGS KYI PHUNG PO LA SOGS PA'I TSUL GYIS GZUNG BAR BYA'O, ,DON NI TING NGE 'DZIN SEMS DPA'I 'OD ZER GYIS PHYOGS BCU'I SANGS RGYAS THAMS CAD KYI THUGS MA RUNG PA 'DUL BA'I NUS PA BKUG STE BDAG LA BCUG PA'O, ,DKYIL 'KHOR RGYAL MCHOG GI KHYAD PAR NI, DE'I 'OG TU SANGS RGYAS YE SHES RDO RJE CAN TE, RANG GI YE SHES KYI LUS LA SNGAR BCUG PA'I SANGS RGYAS DE RNAMS YUM GYI MNGAL DU CHO GA GSUM GYI 'OG NAS 'BYUNG BA'I KHRO BO'I RNAM PAR BSKYED NAS, SLAR YANG PHYI ROL DU SPRO BA STE @508 'BYIN PA'I BYA BA BYA'O, ,JI LTA BU ZHE NA, KHRO BAS 'KHRUGS PA'I KHRO BO'I RNAM PAR SPRO BAR BYA'O, ,DE LA MI SDUG PA NI SMIN MA BSKYOD PA DANG, SPYAN DMAR BA DANG, ZHAL MCHE BA GTZIGS PA DANG LDAN PA'I PHYIR RO, , 'JIGS SU RUNG BA'I GZUGS NI, SKU CHE ZHING SBRUL SKE RAGS SU BCINGS PA LA SOGS PAS BRGYAN PA'I PHYIR RO, ,MTSON CHA SNA TSOGS MCHOG 'DZIN PA NI, DGRA STVA DANG THO BA LA SOGS PA PHYAG NA BSNAMS PA'I PHYIR RO, ,DKON MCHOG GSUM LA GNOD PA BYED CING, SUN 'BYIN PA'I GDUG PA RNAMS GSOD CING 'JOMS PAS NA GSOD PA'I DON GYIS DON SEMS PA'O, ,GAL TE RDO RJE SEMS DPA'ANG DKON MCHOG GSUM LA GNOD PA SOGS 'DI LTA BU'I MA RUNG PAR 'GYUR NAS DE'ANG GSOD PAR BYED NA, GZHAN RNAMS LTA SMOS KYANG CI DGOS PA DE LTA BU'I RNAM PAR LHA RNAMS BSAMS NAS SPRO BAR BYA'O, ,DE LTAR DKYIL 'KHOR RGYAL MCHOG SKYES NAS, LAS RGYAL MCHOG GNOD MDZES LA LUNG BSGO BAS, DES MGRIN PA ZHAGS PAS BCINGS NAS, LCAGS KYUS DRANGS PAR GYUR BZHIN DU RLUNG GI DKYIL 'KHOR GYI DBUS NA GNAS PA'I ME'I DKYIL 'KHOR LA BSGRUB BYA SKRA GROL ZHING, LUS TIL MAR GYIS BSKUS PA SROG BYE BA SKYABS MED PA 'GYOD PA SKYES PA MDUN DU BSAM LA, KHRO BO'I LHA RNAMS KYIS MTSON CHA LA SOGS PAS GCOD PAR BYED CING, SROG DANG BRAL NAS SANGS RGYAS KYI ZHING DU SKYE BAR BSGOM MO, ,DNGOS GRUB MI 'GRUB PA'AM SNYAM PA'I THE TSOM BZLOG PA NI, SANGS RGYAS DNGOS GRUB STE MNGON @509 PAR 'DOD PA'I DON STER BAR 'GYUR RO, ,GANG LA NA SGRUB PA PO LA'O, ,SU ZHIG GIS NA, SANGS RGYAS TE RDO RJE 'CHANG CHEN PO CHOS KYI SKU LA SOGS PAS SKU GSUM MCHOG GI LUNG STZOL ZHING STON PAR MDZAD PAS SO, ,GANG DU NA, RDO RJE GSUM NI SEMS CAN RNAMS YIN LA, DE'I DKYIL 'KHOR GYI GNAS KHAMS GSUM DU'O, , THABS GANG GIS NA, GONG DU BSHAD PA'I CHO GA 'DI NYID ZHAG BDUN GYI BAR DU BYAS NA'O, ,DE LAS GZHAN DU NYIN ZHAG BDUN TSUN CHAD KYIS NI SANGS RGYAS KYIS KYANG 'GRUB PAR MI 'GYUR RO, ,RMONGS PAS TE MI DMIGS PA'I MOS PAS MA ZIN PAR, BDAG DANG LHA THA DAD DU RTOG NA DNGOS GRUB MI STER BA'AM, 'CHI BAR 'GYUR BAR THE TSOM MED DO, ,RDO RJE'I DAM TSIG NI, KHRO BO RNAMS SO, ,DE RNAMS KYI YE SHES NI, 'DI LTAR RNAM PAR BRTZES SHIG CES KHONG DU CHUD PAR BYED PA'O, ,DE NYID NI BKA'I 'KHOR LO STE, RNAM PAR 'TSE BA'I PHYIR RO, ,DE SKAD CES BYA BA'I TING NGE 'DZIN TO, , RNAM SNANG LA SOGS PA'I GSAD PA'I CHO GA NI, RNAM SNANG GI RNAL 'BYOR PA BSNYEN PA MTHAR PHYIN PAS, GSAD PA'I LAS BSGRUB NA, LHAG MOS BSDU BA YAN CHOD SNGON DU SONG BAS, DE BZHIN NYID LAS BYANG CHUB PA NI, NAM MKHA'I DBYINGS KYI DBUS SU NI, ZHES PA'O, NYI MA LAS BYANG CHUB PA SNGAR DANG 'DRA LA, YIG 'BRU LAS BYANG CHUB PA AOm MO, ,DE LA 'KHOR LO RDO RJE 'BAR BAS BRGYAN PA BSAM MO, ,DE YONGS SU GYUR PA LAS, RNAM PA'I MCHOG KUN DANG LDAN PA'I RNAM PAR SNANG MDZAD DU BDAG NYID RAB TU BSGOM MO, DE'I 'OG TU THUGS KHA'I 'OD ZER GYIS MI BSKYOD PA BKUG STE, @510 RNAM SNANG LA BCUG PAS, DUS GSUM DAM TSIG LAS BYUNG BA'I RNAM PAR SNANG MDZAD YONGS SU GYUR PAS, RDO RJE SEMS DPA' GRAGS PA CHEN PO SHIN TU KHROS PA, PHYAG G-YAS KYI DANG PO NA 'KHOR LO RDO RJE ME STAG 'PHRO BAS MTSAN MA BSNAMS PAR BSGOM MO, ,DE NAS PHYOGS BCU NAS BYUNG SEMS CAN TE, PHYOGS BCU NA BZHUGS PA'I DE BZHIN GSHEGS PA RNAMS RDO RJE SKU'I KHYAD PAR GYIS TE, SKYES PA DANG BUD MED KYI BYE BRAG GIS BYUNG BA RNAMS, RANG GI TING NGE 'DZIN SEMS PA'I 'OD ZER GYIS GCIG TU BYAS SHING BSDUS NAS, DE BZHIN GSHEGS PAS DE DAG RANG GI LUS LA GZUD PA NI DANG PO SBYOR BA'O, ,DE NAS PHYAG RGYA M'A MA KIR BSKYED PA DANG SNYOMS PAR BZHUGS TE, RANG GI LUS LA GNAS PA'I RDO RJE THAMS CAD DE DE BZHIN GSHEGS PA DE RNAMS YUM GYI MNGAL DU, SNGAR JI SKAD BSHAD PA'I RNAM PA CAN GYI KHRO BOR BSKYED NAS PHYI ROL DU SPRO BA NI, YE SHES MCHOG GI BSNYEN GYIS TE, SGRUB PA POS BYA'O, ,DKYIL 'KHOR RGYAL MCHOG GO ,LAS RGYAL MCHOG BYA BA'I PHYIR, DKYIL 'KHOR PA RNAMS LA BKA' BSGO BA NI, SKU GSUNG THUGS ZHES SOGS TE, BKA'I 'KHOR LO RAB TU SBYOR ZHING NGES PAR RDZOGS PA BYED PA NI BDAG YIN NO, ,GAL TE 'GA' ZHIG BDAG GI BSGO BA BZHIN MI BYED CING, DAM TSIG LAS 'DA' BAR BYED NA, RANG GI LAG NA GNAS PA'I RDO RJE KUN TU 'BAR BA SKU GSUM LAS BYUNG BA STE SKU GSUM GCIG TU GYUR PA 'DIS, BAGS PAS TE PHYE MAR BRLAG PAR BGYI'O, ,DES NA ZHIG PAR 'GYUR BAR GDON MI 'TSAL LO, ,ZHES PA BDAG NYID BDAG POR @511 BSTAN PA'O, ,'KHOR LO'I DAM TSIG NI RNAM SNANG NGO, ,DE LAS BYUNG BA'I YE SHES RDO RJE NI RDO RJE SEMS DPA' STE, DE SKAD CES BYA'I TING NGE 'DZIN NO, ,DE BZHIN DU RIN CHEN 'BYUNG LDAN DANG, 'OD DPAG MED DANG, DON YOD GRUB PA'I RNAL 'BYOR PAS, GSAD PA'I LAS BSGRUB NA, RANG RANG GI LHA'I SKUR BSKYED LA, SNYING KHA'I SA BON GYI 'OD ZER GYIS MI BSKYOD PA SPYAN DRANGS TE BCUG PAS, RIGS GSUM PO MI BSKYOD PAR BSGYUR, DE NAS PHYAG RGYA DANG SNYOMS PAR ZHUGS PA LAS, DKYIL 'KHOR RGYAL MCHOG BSKYED PA SOGS THAMS CAD SNGAR DANG 'DRA'O, ,DE'I 'KHOR GYIS GSAD PA'I CHO GA BSTAN PA NI, GSHIN RJE GSHED KYI RNAL 'BYOR PAS GSAD PA'I LAS BSGRUB NA, SRUNG BA'I 'KHOR LO SNGON DU 'GRO BA'I GZHAL YAS KHANG GDAN DANG BCAS PA BSKYED NAS, DER LHAG MOS MDZAD PA DANG BCAS PA BSGOM PA NI, SANGS RGYAS DKYIL 'KHOR RDO RJE CAN, ,ZHES PA'O, ,LHAG MOS DON DAM PA'I DKYIL 'KHOR DU BCUG PA'I DE BZHIN NYID LAS BYANG CHUB PA BSGOM PA NI, NAM MKHA' RDO RJE'I DBUS SU BSAM, ,ZHES PA'O, ,RNAL 'BYOR BZHIS BDAG NYID GSHIN RJE GSHED DU BSGOM PA NI, GSHIN RJE GSHED KYI ZHES PA RKANG PA GNYIS SO, ,DE NAS TING NGE 'DZIN SEMS DPA'I 'OD ZER GYIS DE BZHIN GSHEGS PA THAMS CAD KYI MA RUNGS PA 'DUL BA'I THUGS KYI NUS PA BKUG STE, BDAG LA BCUG PA NI DUS GSUM SANGS RGYAS ZHES PA RKANG PA GNYIS SO, ,DE NAS DKYIL 'KHOR RGYAL MCHOG BSKYED PA'I PHYIR, PHYAG RGYA M'A MA KI'AM RO LANGS MAR BSKYED NAS, SNYOMS PAR @512 ZHUGS PA LAS, DKYIL 'KHOR PA THAMS CAD GSHIN RJE GSHED DANG 'DRA BA KHRO BO'I RNAM PAR BSKYED NAS PHYI ROL TU SPRO BA NI GSHIN RJE GSHED KYI ZHES SOGS SO, ,DUS GSUM LAS BYUNG SEMS CAN TE SKU GSUM GYI BDAG NYID CAN GYI RNAM SNANG LA SOGS PA'I LHA RNAMS KYANG LAS SBYOR GYI SKABS 'DIR, MA RUNGS PAR BYED PA'I GDUG PA'I DGRA BO RNAMS KHROS PAS GSAD PAR BSGOM MO, ,DES NYE BAR MTSON NAS KHRO BO DGU PO RNAMS KYI RANG RANG GIS GTZO BYAS PA'I DANG PO SBYOR BA DANG DKYIL 'KHOR RGYAL MCHOG LA GNAS NAS GSOD PA'I LAS BYA'O, ,RDO RJE NI DE BZHIN GSHEGS PA RNAMS SO, ,DE'I BKA'I GDUG PA RNAMS GZHOM PA'I PHYIR BSKUL BA'O, , DE NYID SNYING PO LEN PAS NA DKYIL 'KHOR RO, ,DAM TSIG THAMS CAD RDO RJE 'CHANG CHEN PO'O, ,DE LAS BYUNG BA NI GSHIN RJE GSHED DO, ,DE DANG MNYAM ZHING GZUGS GCIG PA NI SKU GSUM YE SHES RDO RJE STE 'KHOR GYI KHRO BO RNAMS SO, ,DE GANG DU BYUNG BA'I TING NGE 'DZIN DE LA DE SKAD CES BYA'O, , LHA RNAMS KYI THUN MONG GI GSAD PA'I CHO GA STON PA NI, SKU GSUNG THUGS KYI RDO RJE STE RNAM SNANG LA SOGS PA DE BZHIN GSHEGS PA LNGA RNAMS DANG, SPYAN MA LA SOGS PA'I LHA MO RNAMS DANG RANG SNGAGS TE RANG GI RIGS DANG 'BREL BA'I BYANG CHUB SEMS DPA' BRGYAD RNAMS KYIS KYANG, BKA'I 'KHOR LO SBYAR BAR BYA BA STE GSANG BA'I LAS SO, ,JI LTAR BYA ZHE NA, DE BZHIN GSHEGS PA LNGA'I LAS NI BSTAN ZIN TO, ,SPYAN MA LA SOGS PA BZHI DANG, GZUGS RDO RJE MA SOGS PA LNGA @513 DANG, BYAMS PA LA SOGS PA BYANG CHUB SEMS DPA' BRGYAD KYIS JI LTAR BYA BA NI, DON GYIS TE RNAL 'BYOR BZHI'I SGO NAS, RANG RANG GI PHYAG RGYA CHEN PO'I GZUGS SU BSKYED NAS DE LA MI BSKYOD PA BCUG PAS, YON TAN TE DE YONGS SU GYUR PA LAS ZHE SDANG RDO RJER BSGYUR BA'AM, YANG NA GTZUG TOR DAM TSIG GIS TE, GTZUG TOR 'KHOR LOS SGYUR BA LA SOGS PA RANG RANG GI PHYOGS KYI KHRO BO GANG YANG RUNG BAR BSGYUR BAR BYA'O, ,CHO GA LHAG MA NI MI BSKYOD PA'I SKABS DANG 'DRA'O, ,BKA'I 'KHOR LO'I DGOS PA GZHAN SRUNG BA'I 'KHOR LO BSTAN PA NI, DRAN PA GCIG PA LA SOGS PA BSGOM PA'I TSE, SNGAGS KUN TE DBANG PO LA SOGS PA PHYOGS SKYONG BA GEGS BYED PA RNAMS BSRUNG BA'I PHYIR, ZHE SDANG RDO RJE'I TING NGE 'DZIN LA GNAS NAS PHYOGS BCUR KHRO BO BCU 'GOD PA'I BKA'I 'KHOR LO SBYAR BAR BYA'O, ,SU ZHIG GIS NA, YE SHES MCHOG RDO RJE CAN SGRUB PA PO THAMS CAD KYIS SO, ,DGOS PA CI YOD CE NA, BGEGS GZHIG PA'I SRUNG BA'I 'KHOR LO 'DI NI, RDO RJE STE SGRUB PA PO THAMS CAD KYI, BYANG CHUB STE SEMS RNAM PAR G-YENG BA BSRUNG BA'I DON CHEN BYED DO, ,RDZOGS RIM PAS GSAD PA'I CHO GA NI, ZUNG 'JUG LA GNAS PA'I RNAL 'BYOR PAS BSAD PA'I LAS BSGRUB NA RLUNG SEMS TZAM LAS GRUB PA'I SGYU MA'I SKUR BSKYED NAS, DE BSAM GTAN GNYIS GANG RUNG GIS BSHIGS NAS, 'OD GSAL DU BCUG STE, LUGS LDOG GI SNANG BA GSUM RLUNG DANG BCAS PA LAS, LONGS SKUR BZHENGS NAS, SPRUL SKU ZHE SDANG RDO RJER BSGYUR BA NI, DANG PO SBYOR BA'O, ,DE @514 NAS PHYAG RGYA DANG SNYOMS PAR ZHUGS PA LAS, BDE BA'I SNANG BA TZAM LAS, LHA RNAMS BSKYED DE RANG GI GNAS SU 'GOD PA NI DKYIL 'KHOR RGYAL MCHOG GO ,LAS RGYAL MCHOG NI, G-YON RLUNG GI DKYIL 'KHOR DGU BRGYA BA PHRAG GCIG RGYU BA'I DUS SU RDO RJE'I BZLAS PA BYAS NAS, DE'I 'OG TU GDUG PA'I BSAM PA 'BAR ZHING SNANG BAS NA, CHOS KYI SNANG MDZAD NI BSGRUB BYA YIN LA, DE'I SKU MCHOG LAS BYUNG BA'I SKU GSUM DAM TSIG GI BSGRUB BYA'I LUS NGAG YID GSUM STE, DE BSAM GTAN GNYIS GANG RUNG GIS BSHIG STE, NAM MKHA' RDO RJE'I DBUS TE 'OD GSAL BAR BCUG PAR BSAMS NA, BSGRUB BYA'I GZUGS RANG GI GDAN GYI GZHIR BRTAG PAR BYA ZHING, SEMS NAM MKHA'I DBYINGS DE NYID SANGS RGYAS TE 'OD ZER LNGAS GANG BAR BSGOM MO, ,BDAG NYID KYI YANG RANG SNGAGS YI GE STE NGAG DANG, GNAS LUS DANG, YE SHES SEMS TE GSUM PO DE DAG THUGS KYI RNAM PA SGYU MA LTA BUR BSGOM PAR BYA'O, ,DE'I 'OG TU BSGRUB BYA GROL BAR BYA BA'I BSAM PAS, BSGRUB BYA'I SEMS SANGS RGYAS TE 'OD ZER LNGA'I RANG BZHIN SEMS TZAM DU BSGOMS NAS, SLAR YANG RANG GI PHYAG RGYA CHEN POR BSDU ZHING GZHUG PAR BYA'O, ,DE DAG THAMS CAD THUGS KYI RDO RJES BYAS PA STE SEMS TZAM MO ZHES SHES PAR BYAS NAS, SKU GSUM STE RANG GI LUS NGAG YID GSUM LA DE DAG GZUD CING GZHUG PA 'DIS, MNGON PAR 'DOD PA'I DON RDZOGS PAR 'GYUR RO, ,RDO RJE NI GZHUG PAR DKA' BAS BSGRUB BYA'O, ,DE 'JIG PAR BYED PA NI, SNGAGS RIN PO CHE STE SBYOR BA'I KHYAD @515 PAR RO, ,DE GSAL BAR BYED PA'I TING NGE 'DZIN LA DE SKAD CES BYA'O, ,MNAN PA'I CHO GA LA GNYIS TE, SNOD MNAN PA DANG, BCUD MNAN PA'O, ,DANG PO LA GNYIS KYI BSKYED RIM PA'I MNAN PA NI, DE YANG NANG LA MCHOG TU GZHOL BA BSNYEN PA LAS SU RUNG BAS, RANG GI LHAG PA'I LHA GANG YIN PA'I DANG PO SBYOR BA DANG, DKYIL 'KHOR RGYAL MCHOG BSGOM PA NI, RNAM PA'I MCHOG KUN ZHES PA RKANG PA GNYIS SO, ,LAS RGYAL MCHOG NI, SANGS RGYAS RIM PAR ZHES PA RKANG PA GNYIS SO, , DE YANG RGYA MTSO LA SOGS PA'I CHU DE NYID MI BSKYOD PA'I RANG BZHIN NAM MKHAR BYAS NAS DE, YAm LAS RLUNG GI DKYIL 'KHOR DON YOD GRUB PA'I RANG BZHIN DU BSGOM, DE'I STENG DU RAm LAS ME'I DKYIL 'KHOR 'OD DPAG TU MED PA'I RANG BZHIN DU BSGOM, DE'I STENG DU BAm LAS CHU'I DKYIL 'KHOR RIN CHEN 'BYUNG LDAN GYI RANG BZHIN DU BSGOM, DE'I STENG DU LAm LAS SA'I DKYIL 'KHOR RNAM SNANG GI RANG BZHIN DU BSGOM STE, JI SRID SRA ZHING 'THAS PA'I BAR DU BSGOM LA, DE NAS CHU'I STENG DU BCAGS NA 'BYING BAR MI 'GYUR RO, , RDZOGS RIM PA'I SNOD MNAN PA NI, SGYU LUS 'OD GSAL DU BCUG NAS, ZUNG 'JUG LONGS SKUR BZHENGS TE, RKANG PA MNYAM GZHAG SBYOR BA YIS, ,ZHES PA BDEN PA GNYIS DBYER MED PA YE SHES KYI SKU DE NYID, SPYI BO'I STENG DU RKANG PA BSGOM, ,ZHES PA CHU'I STENG DU BCAGS NA 'BYING BAR MI 'GYUR RO, ,NGO BO NYID DAG PA NI DRUG PA RDO RJE 'CHANG NGO, ,RDO RJE NI RIM GNYIS KYI RNAL 'BYOR PA GNYIS SO, , @516 BCUD MNAN PA LA GSUM GYI, NGAG DANG LUS MNAN PA'I SBYOR BA NI, RANG GI LHAG PA'I LHA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG MU STEGS LA SOGS PA DANG RTZOD PA BYED PA'I DUS SU, BSGRUB BYA PHAS KYI RGOL BA GANG YIN PA DE'I KHAR, LAm LAS BYUNG BA'I DBANG CHEN GYI DKYIL 'KHOR KHA DOG SER PO, RDO RJE GNYIS KYIS MTSAN PA BSAMS NAS, DE'I DBUS SU, KHRO BO STE H'Um RING PO LAS BYUNG BA'I RDO RJE 'BAR BA BZHAG STE, DES KHA BKAG PAR BSAMS NAS, SMRA MI SHES PAR 'GYUR RO, ,GAL TE LUS MNAN PAR 'DOD NA, BSGRUB BYA DE'I SPYI BOR, LAS KYI RDO RJE STE SNA TSOGS RDO RJE BSAMS LA, DE RKANG PAS MNAN PA'I KHRO BO BDUD RTZI 'KHYIL BA BSGOMS NA, LUS 'GUL MI SHES PAR 'GYUR RO, 'PHRUL 'KHOR NI LUS DANG NGAG LA SOGS PA'O, ,DPUNG MNAN PA'I SBYOR BA NI, KHRO BO GANG YANG RUNG BA'I DANG PO'I SBYOR BA BSGOMS NAS, DKYIL 'KHOR RGYAL MCHOG GI DUS SU, RDO RJE GSUM MCHOG STE, DKYIL 'KHOR PA THAMS CAD KHRO BO'I TSUL STE KHRO BO'I RNAM PA CAN, PAD MA'I GE SAR SER PO'I MDOG 'DRA BA RI'I RGYAL PO'I TSAD TZAM DU BSAMS NAS, YAN LAG BZHI'I DPUNG RNAMS KYI SPYI BOR BSGOMS NAS DPUNG THAMS CAD 'OG TU SONG BAR BSAMS NA, SANGS RGYAS TE RENGS PAR BYED PA LA MKHAS PA RNAMS KYI DPUNG YANG GNON PAR BYED NA, MI DBANG RGYAL PO LA SOGS PA'I DPUNG RNAMS LA DOGS PA MED DO, ,SKU GSUNG THUGS LAS BYUNG BA NI DRUG PA RDO RJE 'CHANG NGO, ,SEMS MNAN PA'I SBYOR BA NI, DAM PA'I CHOS SPONG BA @517 LA SOGS PA'I DGRA BO SKRAG PA'I DAM TSIG STE, 'JIGS PAR BYED PA'I DUS SU, 'OG NAS 'BYUNG BA'I BSAM GTAN 'DIS RAB TU BRTAG PAR BYA'O, ,SANGS RGYAS TE LAS DANG PO PA DAG GIS KYANG SBYOR BA 'DI 'DAS SHING BZLAS NA, 'GAS PA STE 'JIG RTEN DU SNANG BAR 'GYUR BA 'DI LA THE TSOM MED DO, ,ZHES PA SBYOR BA'I PHAN YON BSTAN PA'O, ,LAS SBYOR DNGOS NI MI BSKYOD PA'I DANG PO'I SBYOR BA DANG DKYIL 'KHOR RGYAL MCHOG LA GNAS NAS, LAS RGYAL MCHOG H'Um LAS PHUR BU, TSAD DE DBYIBS STOD RDO RJE RTZE LNGA PA KHA GYES PA, MIG LA SOGS PA'I DBANG PO LNGA DANG LDAN PA, SMAD PHUR BU'I DBYIBS RTZE GCIG PA, BDUD RTZI THABS SBYOR GYI NGO BOR BSAMS NAS, RDO RJE PHUR BU DE YIS, BSGRUB BYA'I SNYING KHAR BTAB CING BTUBS PAR BSGOMS NA, KHROS PAS TE PHYIR RGOL BA SANGS RGYAS TE SNGAGS DANG RGYUD LA MKHAS PA'I DPUNG STE, TSOGS DAG KYANG 'JIG CING 'DU BAR 'GYUR RO, ,DAG PA'I BSAM PAS KYANG YID DANG MI MTHUN PA LA 'JUG PA'I DGRA BO RMONGS PA'O, ,DE LA GNOD PAR BYED PA NI 'JIG PAR BYED PA'O, ,DE STON PAR BYED PA'I TING NGE 'DZIN LA DE SKAD CES BYA'O, ,GRONG KHYER LA SOGS PA'I NAD ZHI BA'I SBYOR BA LA GSUM GYI, SBYOR BA'I NUS PA BSTAN PA NI, RTAG TU SBYAR BAR BYA'O, ,GANG ZHIG CE NA, RIMS LA SOGS PA'I NAD KUN SPONG ZHING SEL BAR BYED PA'I ZHI BA'I LAS 'OG NAS 'BYUNG BA 'DI'O, ,GANG DU NA, GRONG KHYER NI RGYAL PO'I PHO BRANG YOD PA'O, ,GRONG NI SKYE BO RNAMS GNAS PA'I PHYOGS GCIG GO ,LJONGS NI SKYE BO MANG PO GNAS PA STE DE DAG @518 TU'O, ,SU ZHIG GIS NA, BSNYEN PA LAS SU RUNG BA'I RNAL 'BYOR PAS SO, ,LAS SBYOR DNGOS NI, NANG LA MCHOG TU GZHOL BA BSNYEN PA LAS SU RUNG BA'I RNAL 'BYOR PAS, ZHI BA'I LAS SGRUB PAR 'DOD NA DON BRGYAD LAS, GNAS KYI KHYAD PAR NI SHING GCIG LA SOGS PA'O, ,YUL GYI KHYAD PAR NI GRONG KHYER SOGS SU NAD DANG RIMS LA SOGS NYE BAR 'TSE BA BYUNG BA LA'O, KHA ZAS KYI KHYAD PAR NI BDUD RTZI LNGA LA SOGS PA'O, ,DUS KYI KHYAD PAR NI GNYIS TE, ZLA BA'I DUS NI YAR NGO'O, ,NYIN ZHAG GI DUS NI SROD LA'O, ,PHYOGS KYI KHYAD PAR NI BYANG DU KHA BLTA'O, KHA DOG GI KHYAD PAR NI LHA DANG MCHOD RDZAS LA SOGS PA DKAR POR BYA'O, ,BSAM PA'I KHYAD PAR NI BYAMS PA'I SEMS KYIS SO, ,CHO GA'I KHYAD PAR NI SRUNG BA'I 'KHOR LO DANG, YE SHES KYIS SBYANG BA SNGON DU 'GRO BAS RNAM PAR SNANG MDZAD KYI DANG PO SBYOR BA DANG, DKYIL 'KHOR RGYAL MCHOG LA GNAS PAS LAS RGYAL MCHOG GRONG KHYER LA SOGS PA'I BAR SNANG LA SHING TA LA'I TSAD TZAM GYI STENG DU, AOm LAS ZLA BA'I DKYIL 'KHOR, DE'I STENG DU H'Um LAS RDO RJE CHEN PO RTZE LNGA PA SHING RTA'I TSAD TZAM 'OD ZER LNGA DANG LDAN PA BSGOM LA, DE LAS BYUNG BA'I 'OD ZER BSKAL BA BSREGS PA'I ME LTA BU DES, GRONG KHYER PA'I NAD LA SOGS PA THAMS CAD BSREG PAR BSAMS NAS, SLAR YANG 'OD ZER DES GRONG KHYER GYI SEMS CAN THAMS CAD RDO RJE'I NANG DU BSDU BAR BYA ZHING, DE'I 'OG TU RDO RJE DE LAS, NAD PA DE DAG PHYI ROL TU SPROS NAS, RANG RANG GI GNAS SU BKOD LA, CHOS KYI SPRIN TE, JI SKAD BSHAD MA THAG PA'I RIM PAS @519 SBYANGS PA'I SEMS CAN RNAMS KYI LUS, PAD MA R'A GA LA SOGS PA'I RIN PO CHE DANG, YID LA RE BA SKONG BA'I YID BZHIN GYI NOR BU DANG, 'OD DE NOR BU SHEL LTAR SHIN TU DVANGS SHING NAD THAMS CAD DANG BRAL BAR BSGOMS NAS, DE'I 'OG TU DBANG BSKUR BA NI YANG DAG BYA ZHES PA, RANG GI SNYING KHA'I SA BON GYI 'OD ZER GYIS RNAM SNANG GI TSOGS SPYAN DRANGS LA, DE DAG RANG GI PHYAG RGYA DANG SNYOMS PAR ZHUGS PA LAS BYUNG BA'I BYANG CHUB KYI SEMS KYI CHU RGYUN GYIS NAD PA RNAMS LA DBANG BSKUR BAS, LUS KYI NYAMS STOBS ZAD PA RNAMS SHIN TU RGYAS PAR GYUR PAR BSAM MO, ,DE NAS NAD PA RNAMS KYI GNAS GSUM DU YI GE GSUM GYIS BYIN GYIS BRLAB PAR BYA'O, ,DE LTAR ZHAG BDUN LA SOGS PAR BYAS NA, GRONG KHYER GYI NAD THAMS CAD ZHI BAR 'GYUR RO, , PHAN YON DANG GZHUNG NYE BAR BSDU BA NI, ZHI BA'I DON DU BSTAN PA'I RDO RJE BSAM GTAN BSHAD MA THAG PA 'DI YIS NI, DGANG DKA' BA STE LUS KYI NYAMS STOBS ZAD PA YANG RAB TU 'GENGS SHING YAN LAG RGYAS PAR 'GYUR RO, ,DE LTA BU'I BSAM GTAN GYI STOBS KYIS LUS RGYAS PAR BYED PA DE, SBYIN PA'I RDO RJE STE SBYIN PA PHUL DU BYUNG BA RAB TU SNANG BAR BYED CING MNGON PAR BYED PA'O, ,DE LTAR NAD ZHI BAR BYAS PA'I GRONG KHYER LA SOGS PA'I SA PHYOGS DER, YID BZHIN NOR BU STE RIN CHEN 'BYUNG LDAN DANG, SANGS RGYAS SPRIN TE RNAM PAR SNANG MDZAD DANG, CHOS CHEN TE 'OD DPAG TU MED PA DANG, RDO RJE SEMS DPA' STE MI BSKYOD PA'I @520 TSOGS SPRO BAR BYA STE, DE DAG GIS LEGS PAR BYIN GYIS BRLABS PAR BSAM ZHING BSGOM PAR BYA'O, ,DE LAS CIR 'GYUR ZHE NA, BSKAL PA GRANGS MED PA GSUM GYI DUS SU YANG, GRONG KHYER LA SOGS PA'I GNAS DE, SANGS RGYAS THAMS CAD KYIS BYIN GYIS RLOB CING YONGS SU SKYONG BAR MDZAD PAR 'GYUR RO, ,BSHAD MA THAG PA 'DI NI, SANGS RGYAS THAMS CAD KYI GSANG BA'I SKU STE SKU'I GSANG BA SKYON MED PA LUS BSRUNG BA'O, ,RIMS LA SOGS PA ZHI BAR BYED PAS NA NAD THAMS CAD MED PAR BYED PA'O, DE'I 'OG TU RDO RJE LTA BU'I LUS 'BYUNG BAS, RDO RJE 'BYUNG BA STE, DE SKAD CES BYA BA'I TING NGE 'DZIN TO, ,SRUNG BA'I 'KHOR LO LA GNYIS KYI, PHAN YON NI, BSAM GTAN LAS BYUNG STE, 'OG NAS 'BYUNG BA'I GDUG PA PHUR BUS GDABS PA 'DI, DAM BCAS PA STE, THUN BZHIR NYAMS SU BLANGS PAS, GNAS GANG DU STE YID DANG MTHUN PA'I GNAS GANG YANG RUNG BAR, YANG DAG PAR SPYAD CING BRTZAM PAR BYA'O, ,PHAN YON CI 'THOB CE NA, BSAM GTAN TE BSRUNG BA'I CHO GA SNGON DU 'GRO BA'I SBYOR BA STE, TING NGE 'DZIN 'DI YIS GNAS NA, RDO RJE SEMS DPA' LA SOGS PA'I RNAL 'BYOR LA SLOB PA NA, SANGS RGYAS TE RANG GI LHA RNAMS KYIS BYIN GYIS RLOB PAR 'GYUR RO, , BSAM GTAN GYI PHUR BU DNGOS NI, GDAB PAR BYA'O, ,GANG LA ZHE NA, SHAR LA SOGS PA'I PHYOGS BCU'I DKYIL 'KHOR GYI MCHOG STE GTZO BO PHYOGS SKYONG BA BCU 'KHOR DANG BCAS PA'I BGEGS RNAMS KYI MGO BO LA'O, ,GANG GIS NA, @521 RDO RJE BDUD RTZI RGYAL PO CHE STE, KHRO BO BDUD RTZI THABS SBYOR, RDO RJE PHUR BU STE LTE BA YAN CHAD KHRO BO'I GZUGS CAN, MAN CHAD MDUNG RTZE GCIG PA'I RNAM PA CAN ME STAG RAB TU 'BAR BA 'DRA BA BSGOMS LA DE YIS SO, ,DUS NAM GYI TSE NA, BSAM GTAN GYI LAS DANG PO PA DRAN PA GCIG PA LA SOGS PA BSGOM PA'I TSE KHRO BO'I BSRUNG BA SNGON DU SONG NAS DE'I 'OG TU BSAM GTAN GYI PHUR BUS GDAB PA 'DI BYA'O, ,SGRUB PA PO LA SOGS PA LOG PAR BSGYUR ZHING SEMS G-YENG BA LA SOGS PAS 'KHRID CING 'DREN PAR BYED PAS NA 'GRO BA 'DUL BA STE BGEGS RNAMS YIN LA, DE BZLOG PAS NA ZHI BA, MI PHYED PAS NA RDO RJE STE DE SKAD CES BYA BA'I TING NGE 'DZIN TO, ,SNGAR GYI ZHI BA'I LAS RGYAS PAR BSHAD PA LA GNYIS KYI, LAS SBYOR DNGOS NI, DE'ANG BSNYEN PA LAS SU RUNG BAS ZHI BA'I LAS BYED NA, KHYAD PAR BRGYAD DANG LDAN PA LAS GZHAN SNGAR DANG 'DRA, CHO GA'I KHYAD PAR SRUNG BA'I 'KHOR LO NAS, GZHAL YAS KHANG GI BAR BSGOMS NAS, GZHAL YAS KHANG GI NANG DU THUN MONG DANG THUN MONG MA YIN PA'I GDAN SO GNYIS KYI STENG DU, WAm YONGS SU GYUR PA LAS CHU'I DKYIL 'KHOR GYI GDAN BSGOM PA NI, ZHI BA'I DKYIL 'KHOR DAM PA NI, ,NAM MKHA' DBYINGS KYI DBUS SU BSAM, ,ZHES PA'O, ,DE NAS GZHAN RNAMS SNGAR DANG 'DRA LA, YIG 'BRU LAS BYANG CHUB PA AOm GYIS BYA STE, RNAL 'BYOR BZHIS RNAM PAR SNANG MDZAD KYI DANG PO SBYOR BA DANG, DKYIL 'KHOR RGYAL MCHOG BSKYED LA, LHA THAMS CAD KHA DOG DKAR POR BYA BA NI, RNAM PAR SNANG MDZAD GZUGS BSAMS NAS, ,ZHES @522 PA'O, ,LAS RGYAL MCHOG NI, TING NGE 'DZIN SEMS DPA' AOm LAS 'OD ZER 'PHROS PAS, BSGRUB BYA NAD PA LTA BU BKUGS LA, SNA BUG G-YON PA NAS ZHUGS TE, YE SHES SEMS DPA'I THUGS KA'I 'KHOR LO'I STENG DU BZHAG PA NI, RANG GI THUGS KAR 'DOD PA BZHAG CES PA'O, ,DE NAS TING NGE 'DZIN SEMS DPA'I 'OD ZER GYIS, LHUN GYIS GRUB PA'I RNAM SNANG YAB YUM 'KHOR DANG BCAS PA MDUN GYI NAM MKHA' LA SPYAN DRANGS LA, DE YAB YUM SNYOMS 'JUG BYAS PA'I BYANG CHUB KYI SEMS KYI CHU RGYUN DKAR PO DAM TSIG SEMS DPA'I SPYI BO NAS, NAD PA'I LUS LA PHAB PAS NAD DANG SDIG PA THAMS CAD BKRUS TE, NAD PA DE RNAM PAR DAG PA SHEL LTA BUR BSAM PA NI, SPYAN LA SOGS PA ZHES SOGS TSIGS SU BCAD PA GCIG STE, SPYAN LA SOGS PA MCHOG RNAMS NI RNAM PAR SNANG MDZAD KYI TSOGS TE, DE DAG YAB YUM SNYOMS PAR ZHUGS PAS, NAM MKHA'I DBYINGS YONGS SU GANG BAR BSGOM ZHING, SNYOMS PAR ZHUGS PA DE THAMS CAD GCIG TU BSDUS NAS, 'OD KYI GONG BU STE BDUD RTZI'I TSOGS RNAMS NAD PA'I SPYI BO LA DBAB PAR BYA ZHING, NAD DANG SDIG PA THAMS CAD GZHOM PAR BYA'O, ,DE NAS NAD PA DE SNA BUG G-YAS PA NAS PHYUNG STE, AOm LAS BSKYED PA'I ZLA BA'I STENG DU BZHAG LA, BDAG NYID PHYAG RGYA DANG SNYOMS PAR ZHUGS PA LAS, RNAM SNANG YAB YUM 'KHOR DANG BCAS PA CHO GA GSUM GYIS BSKYED LA, RANG RANG GI SNGAGS KYIS NAD PA'I STENG GI BAR SNANG LA SPROS LA, DE DAG RANG RANG GI PHYAG RGYA DANG SNYOMS 'JUG BYAS PAS, BYANG CHUB KYI SEMS KYI CHU RGYUN DKAR @523 POS NAD PA'I LUS LA DBANG BSKUR BA NI, BA SPU'I BU GA NAS ZHES PA TSIGS SU BCAD PA GCIG STE, SPROS SHING DBYUNG BAR BYA'O, ,GANG ZHIG NA, SANGS RGYAS SPRIN RNAMS TE, RNAM SNANG YAB YUM 'KHOR DANG BCAS PA'O, ,SU ZHIG GIS NA, BRTUL ZHUGS CAN GYIS TE RNAL 'BYOR PAS SO, ,GANG NAS SHE NA, BA SPU'I BU GA NAS TE PHYAG RGYA DANG SNYOMS PAR ZHUGS PA LAS RANG GI RDO RJE'I BU GA NAS SO, ,PHYUNG BA DE DAG GIS CI ZHIG BYA ZHE NA, DE'I TSE SANGS RGYAS SPRIN RNAMS TE, RNAM SNANG YAB YUM 'KHOR DANG BCAS PA SNYOMS 'JUG BYAS PA'I BYANG CHUB KYI SEMS KYIS NAD PA DE LA DBANG BSKUR BAR RAB TU STZOL LO, ,DE LTAR ZHAG BDUN LA SOGS PAR BYAS NA, NAD PA NAD LA SOGS PA LAS THAR PAR 'GYUR RO, ,PHAN YON NI, BSAM GTAN GYI KHYAD PAR 'DIS, SKAD CIG GIS TE RING PO MI THOGS PAR, DPAL LDAN TE DGE BA'I YAN LAG TU GYUR PAS LUS RGYAS PAR 'GYUR RO, ,SU ZHIG CE NA, MI PHYED CING GZHIG PAR DKA' BA'I SDUG BSNGAL GYI TSOGS GANG LA YOD PAR DE NI, DAM TSIG RDO RJE STE NAD PA DE'O, ,SANGS RGYAS KYI DAM TSIG SPRIN NI RNAM SNANG DANG SPYAN GYI TSOGS SO, ,DE RNAMS KYI BKOD PA NI SNYOMS PAR 'JUG PA'O, ,TING NGE 'DZIN DE GANG DU STON PA DE LA DE SKAD CES BYA'O, ,RGYAS PA DANG DBANG GI LAS TSIG GCIG GIS BSTAN PA LA GNYIS TE, LAS SBYOR DNGOS DANG, DE'I PHAN YON NO, ,LAS SBYOR DNGOS LA YANG GNYIS KYI, RGYAS PA'I LAS LA KHYAD PAR BRGYAD DE, YUL NI DBUL PO LA SOGS PA'O, ,GNAS NI LHA KHANG LA SOGS PA'O, ,KHA ZAS NI BDUD RTZI LNGA LA @524 SOGS PA'O, ,DUS NI GNYIS TE ZLA BA'I DUS NI YAR NGO'O, ,NYIN ZHAG GI DUS NI SNGA DRO'O, ,PHYOGS NI SHAR DU'O, KHA DOG NI MCHOD RDZAS DANG LHA THAMS CAD KHA DOG SER PO'O, ,BSAM PA NI DGA' BA'I SEMS KYIS SO, ,CHO GA'I KHYAD PAR NI, GZHAL YAS KHANG GI NANG DU LAm LAS DBANG CHEN SA'I DKYIL 'KHOR BSKYED LA, BYANG CHUB GSUM SA SOGS TZAM LAS BYA STE, RNAL 'BYOR BZHIS RIN 'BYUNG GIS GTZO BYAS PA'I DANG PO SBYOR BA DANG, DKYIL 'KHOR RGYAL MCHOG BSKYED PA NI, ZLA BA'I DKYIL 'KHOR DBUS SU NI, ,DBANG CHEN DKYIL 'KHOR DAM PA BSAM, ,ZHES PA'O, , LAS RGYAL MCHOG NI, BSGRUB BYA DBUL PO RANG GI SNYING KHAR BZHAG PA NI, SNYING KHAR 'DOD PA BZHAG PAR BYA, ,ZHES PA'O, ,DE NAS TING NGE 'DZIN SEMS DPA'I 'OD ZER GYIS, RIN CHEN 'BYUNG LDAN GYI LHA TSOGS SPYAN DRANGS NAS, M'A MA KI DANG SNYOMS PAR ZHUGS PA'I BYANG CHUB KYI SEMS KYI CHU RGYUN SER POS DAM TSIG SEMS DPA'I SPYI BO NAS BSGRUB BYA LA DBANG BSKUR BAS, BSGRUB BYA'I SER SNA DANG DBUL BA'I SGRIB PA THAMS CAD DANG BRAL BA'I BSGOM PA NI, NAM MKHA'I DBYINGS ZHES PA NAS, DE LA DBAB PAR BYA ZHES PA'I BAR TE, DKAR MO ZHES PA, SER MO ZHES BYAS RAB TU DGANG, ,ZHES BSGYUR RO, ,SER MO NI M'A MA KI STE, DE'I MDUN NA 'DUG PA'I RIN CHEN 'BYUNG LDAN GYI LHA TSOGS NYAMS DGA' BAS TE, RANG GI PHYAG RGYA DANG SNYOMS PAR ZHUGS PA LAS, NAM MKHA'I DBYINGS RAB TU DGANG BA STE GANG BAR BSGOM, SNYOMS PAR ZHUGS PA LAS BYUNG BA'I 'OD KYI GONG BU STE BYANG CHUB KYI SEMS @525 RIN CHEN 'OD DE GSER GYI MDOG LTA BU GCIG TU BSDUS NAS, 'DOD PAS TE, BSGRUB BYA'I LUS NGAG SEMS KYI GNAS TE LUS LA DBAB PAR BYA ZHING, SER SNA DANG DBUL BA'I SDIG SGRIB RNAMS GZHOM PAR BYA'O, ,DE NAS BSGRUB BYA PHYUNG STE MDUN DU BZHUGS NAS, RANG PHYAG RGYA DANG SNYOMS PA ZHUGS TE, RIN 'BYUNG GI HA TSOGS BSKYED NAS, BSGRUB BYA'I STENG GI NAM MKHAR SPROS TE, DE DAG SNYOMS PAR ZHUGS TE, BYANG CHUB SEMS KYIS BSGRUB BYA LA DBANG BSKUR BA NI, BA SPU'I BU GA NAS ZHES SOGS TE, CHOS KYI SPRIN ZHES PA RIN CHEN SPRIN ZHES PAR BSGYUR RO, ,SPROS SHING DBYUNG NGO, ,GANG NA, RIN CHEN SPRIN RNAMS TE RIN 'BYUNG BA'I LHA TSOGS RNAMS SO, , SU ZHIG GIS NA, BRTUL ZHUGS CAN GYIS SO, ,GANG NAS NA, RDO RJE'I BA SPU'I BU GA NAS SO, ,THABS GANG GIS NA, PHYAG RGYA DANG SNYOMS PAR ZHUGS TE'O, PHYUNG BA DE DAG GIS CI ZHIG BYA ZHE NA, RIN CHEN SPRIN TE RIN 'BYUNG GI LHA TSOGS SNYOMS PAR ZHUGS PAR BSGOMS NAS, BYANG CHUB KYI SEMS KYIS BSGRUB BYA DBANG BSKUR BAR BYA'O, ,DE LTAR RGYAS PA'I LAS LA SBYAR NAS, DBANG GI LAS LA SBYAR NA KHYAD PAR BRGYAD DE, GNAS NI SNGA MA DANG 'DRA'O, ,YUL NI RGYAL PO LA SOGS PA'O, KHA ZAS NI BA LANG GI SHA LA SOGS PA'O, ,DUS LA GNYIS TE, ZLA BA'I DUS NI YAR NGO'O, , NYIN ZHAG GI DUS NI NYI MA DGUNG DANG MTSAN PHYED DO, ,PHYOGS NI NUB TU'O, KHA DOG NI KUN DMAR POR BYA'O, ,BSAM PA NI CHAGS PA'I SEMS KYIS SO, CHO GA'I KHYAD PAR NI GZHAL YAS KHANG GI NANG DU RAm LAS ME'I DKYIL 'KHOR GYI STENG DU, BYANG @526 CHUB GSUM PA AA LAS BYA STE, RNAL 'BYOR BZHIS SNANG MTHAS GTZO BYAS PA'I DANG PO SBYOR BA DANG, DKYIL 'KHOR RGYAL MCHOG BSKYED PA NI, ZLA BA'I DKYIL 'KHOR DBUS SU NI, ,CHOS 'DZIN PA YI GZUGS BSAMS NAS, ,ZHES PA'O, ,LAS RGYAL MCHOG NI TING NGE 'DZIN SEMS DPA'I 'OD ZER GYIS, BSGRUB BYA GANG YIN BKUG NAS RANG GI SNYING KHAR BZHAG PA NI, SNYING KHAR 'DOD PA BZHAG PAR BYA, ,ZHES PA'O, , DE NAS SNANG MTHA'I SNA TSOGS GOS DKAR MO DANG BCAS PA SNYOMS PAR 'JUG PAS NAM MKHA' BKANG STE, DE DAG GI BYANG CHUB KYI SEMS PAD MA R'A GA'I MDOG LTA BU DMAR POS, RANG GI SPYI GTZUG NAS BSGRUB BYA LA DBANG BSKUR BAS, BSGRUB BYA RANG LA MA DAD PA SOGS KYI DRI MA DAG PAR BSAM PA NI, NAM MKHA'I DBYINGS ZHES SOGS TE, DKAR MO NI GOS DMAR MO'O, ,YID BZHIN NOR BU NI PAD MA R'A GA'O, ,GZHAN NI SNGAR BZHIN BSHAD PAR BYA'O, ,DE NAS BSGRUB BYA PHYUNG STE, MDUN DU BZHAG LA, RANG PHYAG RGYA DANG SNYOMS PAR ZHUGS TE, SNANG MTHA'I LHA TSOGS BSKYED NAS, SNGA MA BZHIN DU BSGRUB BYA LA DBANG BSKUR BA NI, PA SPU'I BU GA NAS ZHES SOGS TE, RIN CHEN ZHES PA, CHOS KYI ZHES PAR BSGYUR NAS SNGAR BZHIN BSHAD DO, ,PHAN YON NI, BSHAD MA THAG PA'I RDO RJE'I BSAM GTAN RGYAS PA'I LAS 'DI YIS NI, BSGRUB BYA DGANG DKA' BA DBUL PO LA SOGS PA YANG NOR LA SOGS PAS RAB TU 'GENGS SHING RGYAS PAR 'GYUR RO, ,RGYAS PA'I PHAN YON NO, ,DBANG GI PHAN YON NI, SBYIN PA'I RDO RJE NI RGYUN MI 'CHAD PA'I SBYIN PA STE, DE RAB TU SNANG @527 ZHING GSAL BAR BYED PAS NA, SBYIN PA'I RDO RJES RAB TU SNANG BA NI SGRUB PA PO'O, , DE LTA BU'I SGRUB PA PO DE LA BSGRUB BYA RGYAL PO LA SOGS PA DE, MNGON PAR 'DOD PA'I DON SBYIN PAR BYED PAS, YID BZHIN GYI NOR BU DANG 'DRA BA DANG, RGYAL SRID KYI DBANG PHYUG SOGS DANG LDAN PAS, DPAL DANG LDAN PAR 'GYUR RO, ,CHOS KYI SPRIN NI, 'OD DPAG MED KYI TSOGS SO, ,DAM TSIG BKOD PA NI DE DAG SNYOMS PAR 'JUG PA STE, GANG DU TING NGE 'DZIN DE STON PA LA DE SKAD CES BYA'O, ,DE NI 'OD DPAG MED LA LTOS PA STE, RIN 'BYUNG LA LTOS NAS, RIN PO CHE'I SPRIN ZHES SOGS SBYAR RO, GZI BRJID BSKYED PA'I CHO GA LA GNYIS KYI, LAS SBYOR DNGOS NI, NOR BU RGYAL SAR GDON PA LA KHYAD PAR BRGYAD KYI, GZHAN RNAMS RGYAS PA DANG 'DRA LA, YUL GYI KHYAD PAR, NOR BU LA SOGS PA RGYAL SRID 'DOD KYANG MA THOB PA'O, KHA DOG GI KHYAD PAR, SNA TSOGS PA'I MDOG CAN NO, ,CHO GA'I KHYAD PAR NI, GZHAL YAS KHANG GI NANG DU RLUNG GI DKYIL 'KHOR ZLA GAM GYI STENG DU, YI GE LAS BYANG CHUB PA HA'O, ,DE LTAR RNAL 'BYOR BZHI YIS DON YOD GRUB PA'I DANG PO'I SBYOR BA DANG, DKYIL 'KHOR RGYAL MCHOG BSKYED PA NI, NAM MKHA'I DBYINGS KYI DBUS SU NI, ,RDO RJE ZLA GAM DKYIL 'KHOR BSAM, ,RDO RJE NAM MKHA' CHOS MDUN GZUGS, ,ZHES TE, RDO RJE NAM MKHA' NI MI BSKYOD PA'O, ,CHOS NI 'OD DPAG MED DO, ,DE'I MDUN TE THAD KAR GNAS PAR NI, CHOS MDUN TE DON YOD GRUB PA'O, ,GZUGS NI DE DAG GI PHYAG RGYA CHEN PO'O, ,DE LA CHOS MDUN TE DON YOD GRUB PA'I PHYAG RGYA CHEN POR @528 BSGOM LA, DKYIL 'KHOR RGYAL MCHOG BSKYED NAS, LAS RGYAL MCHOG NI, TING NGE 'DZIN SEMS DPA'I 'OD ZER GYIS, BSGRUB BYA NOR BU LTA BU DE BKUG STE, YE SHES SEMS DPA'I THUGS KHAR BZHAG PA NI, 'DOD PA SNYING KHAR BZHAG PAR BYA, , ZHES SO, ,DE NAS YANG TING NGE 'DZIN SEMS DPA'I 'OD ZER GYIS, RNAM SNANG LA SOGS PA'I SANGS RGYAS DANG BYAMS PA LA SOGS PA'I BYANG CHUB SEMS DPA' RNAMS RANG GI PHYAG RGYA DANG BCAS PA SPYAN DRANGS TE, NAM MKHA'I DBYINGS YONGS SU GANG BAR BSAM LA, DE DAG SNYOMS PAR ZHUGS PAS, 'OD ZER LNGA'I SBYOR BA STE, DE BZHIN GSHEGS PA LNGA'I KHA DOG DANG 'DRA BA'I GZI BRJID DE BYANG CHUB KYI SEMS LNGA'I RGYUN DER TE, BSGRUB BYA DE'I SPYI BOR DBAB PAR BYA ZHING DBANG BSKUR BAS, RGYAL SRID THOB PA'I GEGS BYED PA'I DRI MA THAMS CAD DKRUS PAR BSAM MO, ,DE LTA BU'I BSGRUB BYA DE NI, DE MA THAG TU STE RING PO MI THOGS PAR SANGS RGYAS TE DE BZHIN GSHEGS PA RNAMS KYIS THUGS SU BYON PAR 'GYUR ZHING, YANG DAG PAR SNANG ZHING 'BAR BAS NA 'JAM DPAL GYI MDOG DANG 'DRA BAR 'GYUR ZHING, GNAS TE RGYAL PO LA SOGS PA'I LAS TE BYA BA BYED PA DER 'GYUR RO, ,DE NAS BSGRUB BYA DE PHYUNG STE MDUN DU BZHAG LA, RANG PHYAG RGYA DANG SNYOMS PAR ZHUGS TE, RIGS LNGA'I SANGS RGYAS DANG BYANG CHUB SEMS DPA'I TSOGS BSKYED DE SPROS PAS, DE DAG DGES PA'I BDAG NYID CAN GYI THUGS KYIS SNGA MA BZHIN DU BSGRUB BYA LA BYANG CHUB KYI SEMS KYIS DBANG BSKUR BA'I DGA' STON CHEN POR STZOL PAR MDZAD @529 DO, ,DE LAS CIR 'GYUR ZHE NA, DE LTA BU ZHAG BDUN LA SOGS PAR BYAS NA, BSGRUB BYA DES DE TZAM BSKYED PAS KYANG, 'GRO BA THAMS CAD DBANG DU BYED PAR 'GYUR RO, ,RIN PO CHE DANG MNYAM PAR GYUR PAS NA RIN CHEN DAM TSIG STE, RGYAL PO DANG BLON PO LA SOGS PA'O, ,DE RNAMS KYI SPRIN NI TSOGS SO, ,DES BKOD PA BYAS PA NI BSNYEN BKUR GYI DON DU 'ONGS NAS, RIM GRO BYED PA STE, TING NGE 'DZIN DE GANG DU STON PA DE LA DE SKAD CES BYA'O, ,MI BSKYOD PAS GSAD PA'I CHO GA BSTAN PA LA GNYIS KYI, LAS SBYOR DNGOS NI, SNGAR, RDO RJE NAM MKHA' CHOS MDUN GZUGS, ,ZHES PAR BZHAG PA'I RDO RJE NAM MKHA' MI BSKYOD PA'I TING NGE 'DZIN GYI, LAS KYI LHAG MA STON PA NI, MNGON SPYOD KYI LAS KYI SKABS SU, ,'JIG RTEN LAS 'DAS PA'I DKYIL 'KHOR RGYAL MCHOG BSKYED PA'I RJES LA, GZHAL YAS KHANG GI PHYI ROL TU 'JIG RTEN PA'I 'KHOR SNA TSOGS BSGOM PA NI, NAM MKHA' RDO RJE ZHES SOGS TSIGS BCAD GCIG STE, GZHAN GSOD PA LA DGA' BAS NA DRAG CING, KHRO BO'I DBANG DU GYUR PAS NA KHRO LA, PHA ROL GNOD PA LA THOGS PA MED PAS NA GTUM PA'O, ,LAS RGYAL GYI SKABS SU KHA SBYAR DBYE BA'I RJES LA, GNOD MDZES KYI BSGRUB BYA BKUG STE, ME'I DKYIL 'KHOR MDUN DU BSGYUR BYA 'DUG PAR BSAMS PA NI, ME YI DKYIL 'KHOR ZHES SOGS TSIGS BCAD GCIG GO ,DE NAS 'JIG RTEN LAS 'DAS PA'I 'KHOR RNAMS LA, GONG DU GSUNGS PA'I SKU GSUNG THUGS KYI SBYOR BA CAN ZHES SOGS KYI BKA' BSGO BAS, 'DAS PA'I KHRO BO RNAMS KYIS, BSGRUB @530 BYA PHYI'I DUR KHRO DU KHYER NAS MTSON CHA RNAMS KYIS BCAD CING GTUBS PA DANG, SRIN PO LA SOGS PA 'JIG RTEN PA'I 'KHOR RNAMS KYIS RGYU MA LA SOGS PA DRANGS SHING ZOS PAR BSAM PA NI, MTSON CHA SNA TSOGS ZHES SOGS TSIGS BCAD GCIG GO ,PHAN YON NI, GSANG SNGAGS KYI THEG PA DANG, RDO RJE 'DZIN PA STE LAS DANG PO PA DAG GIS KYANG, GAL TE SBYOR BA 'DI DE LTAR BSGOM ZHING RAB TU SEMS NA, ZLA BA PHYED DAM ZLA BA PHYED KYI PHYED TSUN CHAD KYIS, BSGRUB BYA (SER LHAG) 'CHI BAR 'GYUR BAR GDON MI ZA'O, ,RDO RJE'I SPRIN NI MI BSKYOD PA'O, ,DE'I DAM TSIG NI SRIN PO LA SOGS PA'O, ,DE RNAMS KYI BKOD PA NI RNAM 'PHRUL TE, DE STON PA'I TING NGE 'DZIN LA DE SKAD CES BYA'O, ,LAS TSOGS DANG 'BREL BA'I LHA'I RNAL 'BYOR LA GNYIS TE, SNGAGS KYI SKU BSKYED PA DANG, YE SHES KYI SKU BSKYED PA'O, ,SNGAGS KYI SKU BSKYED PA LA BZHI LAS, RNAM SNANG LA SOGS PA GSUM GYI SKU MDOG ZHAL PHYAG SOGS STON PA NI, DE YANG SNGAR ZHI SOGS KYI LAS BSGRUB PA'I DUS SU, SNGAGS KYI SKU BSKYED PA'I LHA RNAMS KYI SKU MDOG SOGS GSAL BAR MA GSUNGS PA 'DIR STON PA STE, DE LA RNAM PAR SNANG MDZAD NI, STON KA'I SPRIN GYI MDOG 'DRA BA KHA DOG DKAR POR BSAM ZHES PA'O, ,RDO RJE CAN NI MI BSKYOD PA STE, KHA DOG NAG PO 'JIG RTEN KHAMS RNAMS 'KHRUG BYED PA ZHES PA NI, NYI MA'I DKYIL 'KHOR GYI 'OD KYIS YONGS SU BSKOR BA'O, ,'DOD CHAGS CAN NI 'OD DPAG TU MED PA STE KHA DOG DMAR PO'O, , RNAM SNANG LA SOGS PA'I DANG PO'I PHYAG MTSAN NI, 'KHOR LO ZHES SOGS SO, ,RD @531 RJE NI PHYAG RGYA CHEN PO'I GZUGS TE, PHYAG DRUG PAR BSGOM MO, ,MTSON CHA SNA TSOGS NI, SGRUB THABS LAS JI SKAD BSHAD PA BZHIN NO, ,DE BZHIN DU RIN 'BYUNG KHA DOG SER PO DANG, DON GRUB KYI LJANG KHU SOGS SHES PAR BYA'O, , SPYAN LA SOGS PA'I ZHAL PHYAG SOGS KYI NGES PA NI, SEMS CAN KUN GYI SDUG BSNGAL ZHI BAR MDZAD PAS NA, SEMS CAN KUN LA PHAN BZHED MA, SPYAN NI RNAM SNANG GI PHYAG RGYA YIN PAS DE DANG 'DRA BAR BSGOM MO, ,MDZES PA'I GZUGS NI ZHING SGEG PA'I NYAMS DANG LDAN PA'O, ,MKHA' SKYES NI MI BSKYOD PA'O, ,DE BDAG GI GAN DU 'DRES PAS NA SPYAN TE M'A MA KI'O, ,BTZUN MO'I MCHOG YIN PAS RGYAL MO CHE'O, ,DE NI MI BSKYOD PA 'DRA BAR BSGOM MO, ,GSUNG RDO RJE NI 'OD DPAG TU MED PA STE, DE 'DREN PAR BYED PAS NA CHU SKYES SPYAN TE GOS DKAR MO'O, ,DE NI 'OD DPAG MED DANG 'DRA BA BSGOM MO, ,RIG MA RDO RJE NI DON YOD GRUB PA'I PHYAG RGYA SGROL MA STE, DE NI DON YOD GRUB PA DANG 'DRA BAR BSGOM, KHRO BO RNAMS KYI ZHAL PHYAG DANG SKU MDOG SOGS NI, KHRO BO CHEN PO GSHIN RJE GSHED CES PA NAS, BSAM GTAN DKYIL 'KHOR BSGOM PAR ZHES PA'I BAR YAN CHAD GO SLA'O, ,LHA RNAMS KYI TING NGE 'DZIN 'JUG BSDU BA'I TSUL GYIS GRANGS MED PAR BSTAN PA NI, GZI BRJID PHUNG PO NI GTZUG TOR RGYAL PO LA SOGS PA'I KHRO BO RNAMS SO, ,GANG GZHAN SNGAGS KYI 'KHOR LO CAN NI BYAMS PA LA SOGS PA RNAMS SO, ,DAM TSIG LONGS SPYOD NI RDO RJE DANG DGRA STVA LA SOGS PA'I PHYAG GI MTSAN MA RNAMS TE, DE RNAMS KYIS KHRO BO @532 BCU DANG BYAMS PA LA SOGS PA RNAMS SO SO THA DAD PAR BSGOM PAR BYA'O, ,DE LTAR PHYAG MTSAN DANG, KHA DOG LA SOGS PA THA DAD PAS LHA RNAMS SO SO THA DAD DU BSGOM PAR BYA BA YIN PA DE BAS NA, SNGAGS KYI LHA RNAMS KYIS TING NGE 'DZIN DPAG TU MED CING TSAD MED PA BSHAD CING BSTAN PA YIN TE, DE BAS NA GSHIN RJE GSHED LA SOGS PA KHRO BO RE RE ZHING YANG BRAN DANG BRAN MO DANG, PHO NYA DANG PHO NYA MO LA SOGS PA'I RNAM PAS, TING NGE 'DZIN RNAMS NI, NAM MKHA'I STENG DU SHIN TU 'PHAGS PA STE, NAM MKHA'I KHAMS PAS KYANG LHAG PAR 'GYUR RO, ,ZHES TING NGE 'DZIN GRANGS MED PAR BSTAN PA YIN NO, ,YE SHES KYI LHA'I SKU BSKYED PA LA GSUM LAS, RNAM PAR SNANG MDZAD LA SOGS PA'I YE SHES KYI SKU BSKYED PA NI, DE YANG RDZOGS RIM PAS ZHI BA LA SOGS PA'I LAS BYED PA'I TSE RANG RANG GI LHAG PA'I LHAS GTZO BYAS PA'I ZUNG 'JUG GI DANG PO SBYOR BA DANG, DKYIL 'KHOR RGYAL MCHOG LA GNAS NAS BYA ZHES STON PA YIN NO, ,DE LA RNAM SNANG GI ZLOS PA PO ZUNG 'JUG GI RNAL 'BYOR PAS, SGYU LUS BSAM GTAN GNYIS KYIS BSHIG STE, 'OD GSAL DU BCUG PA NI, NAM MKHA'I DBYINGS KYI DBUS ZHES SO, ,DE LAS BYUNG BA'I LUGS LDOG GI SNANG BA GSUM NI GSAL BAR DKYIL 'KHOR RO, ,DE NYID ZLA BA RDO RJE SOGS MNGON BYANG LA LTOS PA MED PAR YE SHES KYI SKU BSKYED PAS NA DAM PA'O, ,DE LAS ZUNG 'JUG TU BZHENGS PA NI, SANGS RGYAS GZUGS TE RDO RJE 'CHANG CHEN POR RAB TU BSGOM ZHING BSKYED PA'O, ,DE NYID SPRUL SKU RNAM SNANG DU BSGYUR BA NI, RNAM PAR SNANG @533 MDZAD RNAM PAR BSAM ZHING SPRO BAR BYA'O, ,ZHES SO, ,JI LTA BU ZHE NA, GSAL BAS TE KHUG SNA SOGS KYI SKYON DANG BRAL BA'I ZLA BA'I GZUGS DANG 'DRA BAS NA ZLA BA BZHIN NO, ,ZHI BA'I NYAMS DANG LDAN PAS NA ZHI BA'O, ,'OD ZER RNAM PA LNGAS 'OD KYI DKYIL 'KHOR DU BYAS PAS NA 'OD ZER SNA TSOGS SO, ,ME LONG LTA BU'I YE SHES LAS BYUNG BAS NA ME LONG LTA BUR YANG DAG 'BYUNG BA'O, ,SKYES BU CHEN PO'I MTSAN RNAMS DANG LDAN PAS RGYAN RNAMS KUN GYIS BRGYAN PA STE, DE LTA BU'I SPRUL SKU RNAM SNANG DU BDAG NYID BSAMS NAS, PHYAG RGYA DANG SNYOMS PAR ZHUGS NAS, BDE BA'I SNANG BA TZAM LAS DKYIL 'KHOR RGYAL MCHOG BSKYED DE, LAS RGYAL MCHOG RDO RJE BZLAS PA'I SGO NAS ZHI SOGS KYI LAS BYA'O ZHES 'BREL LO, ,PHAN YON CI 'THOB ZHE NA, DE LTA BU'I SBYOR BA DE YIS BYANG CHUB STE MI GNAS PA'I MYA NGAN LAS 'DAS PA 'THOB BO, ,DE NYID RGYAS PAR BSTAN PA NI, ZUNG 'JUG PA'I BSAM GTAN RDO RJE RAB TU BSGOM PA 'DI YIS SANGS RGYAS CHE BDAG NYID DE, SANGS RGYAS KUN GYI DBANG PHYUG DANG, NYAN THOS LA SOGS PA'I 'JIG RTEN THAMS CAD 'DUD CING DBANG DU BYED PA TSE 'DI NYID KYIS TE LUS 'DI LA GNAS NAS THOB PAR 'GYUR RO, ,RNAM PAR SNANG MDZAD KYI DAM TSIG NI RDZOGS PA'I RIM PA'O, ,DE LAS 'BYUNG BA MDZES PA'I RDO RJE NI, YE SHES KYI SKU'I RANG BZHIN RNAM SNANG STE, TING NGE 'DZIN DE GANG DU STON PA DE LA DE SKAD CES BYA'O, ,MI BSKYOD PA'I RNAL 'BYOR PAS, SGYU LUS 'OD GSAL DU BCUG PA NI, NAM MKHA'I DBYINGS KYI ZHES SO, ,DE LAS LUGS LDOG GI @534 SNANG BA GSUM 'BYUNG BA NI, RDO RJE'I DKYIL 'KHOR ZHES SO, ,DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU MI BSKYOD PAR BSGYUR BA NI, RDO RJE SEMS DPA' ZHES SO, ,DE JI LTA BU ZHE NA, MCHE BA CUNG ZAD GTZIGS PAS NA KHROS PA'O, ,GSAL BA'I LUS NI DRUG PA RDO RJE 'CHANG STE DE DANG 'DRA BA'O, ,GZHAN SNGAR BZHIN NO, ,DAM TSIG THAMS CAD NI DKYIL 'KHOR PA RNAMS SO, ,DE GANG LAS BYUNG BA DE NI, DAM TSIG THAMS CAD 'BYUNG BA MDZES PA'I RDO RJE STE MI BSKYOD PA'O, ,'OD DPAG TU MED PA'I RNAL 'BYOR PAS SGYU LUS 'OD GSAL DU BCUG PA NI, NAM MKHA' RDO RJE ZHES SO, ,DE LAS LUGS LDOG GI SNANG BA GSUM 'BYUNG BA NI, CHOS KYI DKYIL 'KHOR ZHES SO, , DE LAS ZANG 'JUG LONGS SKUR BZHENGS PA NI, SANGS RGYAS GZUGS NI ZHES SO, ,DE NYID SPRUL SKU 'OD DPAG TU MED PAR BSGYUR BA NI CHOS KYI SEMS DPA' ZHES SO, ,DE JI LTA BU ZHE NA GSAL BA'I LUS 'DZIN ZHES SOGS SO, ,PHAN YON CI 'THOB CE NA, 'DI YIS CHOS KYI BDAG NYID CHE STE NGAG GI DBANG PHYUG THOB PAR 'GYUR RO, ,DE JI LTA BU ZHE NA, SKU GSUM MI PHYED PA RDO RJE 'CHANG CHEN PO LAS BYUNG ZHING SKYES PA, YE SHES RGYA MTSO STE ZUNG 'JUG GI RDZOGS PA'I RIM PA LA GNAS PA'I RNAM PAR BRGYAN PA'O, ,CHOS KYI SEMS DPA' NI 'OD DPAG MED DO, ,DE 'BYUNG BA NI, RDO RJE 'CHANG CHEN PO STE DE'I DAM TSIG RDO RJE NI RDZOGS PA'I RIM PA'O, , TING NGE 'DZIN DE STON PA LA DE SKAD CES BYA'O, ,SPYAN LA SOGS PA'I YE SHES KYI SKU @535 BSKYED PA NI, SPYIR REG RDO RJE LA SOGS PA LHA MO DGU'I ZLOS PA PO YIN NA, LUGS GNYIS LAS, DANG PO LTAR NA, SANGS RGYAS SPYAN GYI ZLOS PA PO YIN NA, ZUNG 'JUG LONGS SKUR BZHENGS NAS, YE SHES KYI PHYAG RGYA DANG SNYOMS PAR ZHUGS PA LAS, BDE BA'I SNANG BA TZAM LAS SANGS RGYAS SPYAN BSKYED, SPROS, BSDUS NAS LONGS SKU LA BCUG PAS SPRUL SKU SPYAN MAR BSGYUR BA DANG, RNAM SNANG SNYOMS PAR ZHUGS PA LAS, CHOS 'BYUNG DU BDE BA'I SNANG BA TZAM LAS, LHA THAMS CAD SKAD CIG GIS BSKYED NAS, SPYAN MA RANG GI THUGS KA NAS SPROS, BSDUS NAS RANG RANG RANG GI GNAS SU 'GOD DO, ,LUGS GNYIS PA LTAR NA, M'A MA KI'I ZLOS PA POS ZUNG 'JUG RDO RJE 'CHANG DU BZHENGS NAS, SPRUL SKU MI BSKYOD PA BSKYED DE, SPROS BSDUS BDAG LA BCUG PAS MI BSKYOD PAR BSGYUR BA LA, DE NYID KYIS GTZO BYAS PA'I DKYIL 'KHOR SNGA MA LTAR SPRUL LO, ,DE LTAR NA LHA MO RNAMS KYIS RANG RANG GI YAB KYIS GTZO BO BYED PA'O, ,ZHES SNGA RABS PA DAG BZHED DO, ,SPYAN MA'I ZLOS PA POS SGYU LUS 'OD GSAL DU BCUG PA NI, NAM MKHA' RDO RJE'I ZHES SO, ,DE LAS LUGS LDOG GI SNANG BA GSUM 'BYUNG BA NI, ZLA BA'I DKYIL 'KHOR ZHES SO, ,DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU SPYAN MAR BSGYUR BA NI, SPYAN GYI MCHOG CES SO, ,'KHOR LO NI SGRUB PA PO STE, DE LA YID BZHIN GYI NOR BU DANG 'DRA BAR 'DOD PA STER BAR BYED PA'O, ,PHYAG G-YAS KYI DANG PO NA RIN PO CHE'I 'KHOR LO BSGOM MO, ,SPYAN GYI DAM TSIG NI SPYAN GYI PHYAG RGYA CHEN @536 PO'O, ,DE'I PHYAG GI MCHOG NA, PHYAG GI SNYING PO 'KHOR LO STE, DE DANG LDAN PA'I TING NGE 'DZIN LA DE SKAD CES BYA'O, ,M'A MA KI'I ZLOS PA POS SGYU LUS 'OD GSAL DU BCUG PA NI, NAM MKHA'I DBYINGS ZHES SO, ,DE LAS LUGS LDOG GI SNANG BA GSUM 'BYUNG BA NI, RDO RJE'I DKYIL 'KHOR ZHES SO, ,DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU M'A MA KIR BSGYUR BA NI NAM MKHA'I ZHES TE, NAM MKHA'I RDO RJE NI MI BSKYOD PA'O, ,DE'I BTZUN MO'I MCHOG M'A MA KI BSGOM MO, ,JI LTA BU ZHE NA, ZHAL YANGS ZHES SOGS PA'O, ,DNGOS GRUB RDO RJE CAN NI SGRUB PO RNAMS TE, DE RNAMS KYI THUN MONG MA YIN PA'I GSANG BA'O, , AUTPAL SNGON PO RTZA BA DMAR BA PHYAG NA BSNAMS PA'O, ,NAM MKHA'I DBYINGS NI MI BSKYOD PA'O, ,RIN PO CHE'I SPRIN RDO RJE NI RIN CHEN 'BYUNG LDAN NO, , DE DAG TSIM PAR BYED PA NI, M'A MA KI STE, TING NGE 'DZIN DE STON PAR BYED PA LA DE SKAD CES BYA'O, ,GOS DKAR MO'I ZLOS PA POS SGYU LUS 'OD GSAL DU BCUG PA NI, NAM MKHA' RDO RJE ZHES SO, ,DE LA LUGS LDOG GI SNANG BA GSUM 'BYUNG BA NI, CHOS KYI DKYIL 'KHOR ZHES SO, ,DE LA ZUNG 'JUG TU BZHENGS PA NI, SANGS RGYAS GSUNG NI ZHES SO, ,DE NYID SPRUL SKU GOS DKAR MOR BSGYUR BA NI, RDO RJE CHOS MA STE GOS DKAR MO RAB TU BSGOM MO, ,JI LTA BU ZHE NA, ZHAL BZANG ZHES SOGS SO, ,SGYU MAS MTSAN PA NI 'OD GSAL LO, ,DE NYID PHUL DU BYUNG BAS NA MCHOG DE LAS BYUNG BA'O, ,'DOD CHAGS CHAGS PA 'DZIN PA NI, 'OD DPAG MED DE, DE'I @537 YID DU 'ONG BAS NA SDUG PA'O, ,CHOS KYI DAM TSIG NI, 'OD DPAG MED DO, ,DE KHO NA NYID MNGON PAR BYANG CHUB PA NI 'OD GSAL LO, ,DE KUN TU STON PA'I RDO RJE NI GOS DKAR MO STE, TING NGE 'DZIN DE STON PA LA DE SKAD CES BYA'O, ,SGROL MA'I ZLOS PA POS SGYU LUS 'OD GSAL DU BCUG PA NI, NAM MKHA' RDO RJE ZHES SO, ,DE NYID LA LUGS LDOG GI SNANG BA GSUM 'BYUNG BA NI, DNGOS GRUB DKYIL 'KHOR ZHES SO, , DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU SGROL MAR BSGYUR BA NI, NAM MKHA' RDO RJE ZHES SO, ,DE NYID LA LUGS LDOG GI SNANG BA GSUM 'BYUNG BA NI, DNGOS GRUB DKYIL 'KHOR ZHES SO, ,DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU SGROL MAR BSGYUR BA NI, SGROL MA'I ZHES SO, ,RDO RJE'I TING NGE 'DZIN NI 'OD GSAL BA STE, DE LAS BYUNG BA'O, ,DAM TSIG NI DON YOD GRUB PA'O, ,SGROL MA NI DE'I BTZUN MO STE, YON TAN DANG LDAN PAS NA MCHOG GO ,TING NGE 'DZIN DE STON PA LA DE SKAD CES BYA'O, KHRO BO RNAMS KYIS YE SHES KYI SKU BSKYED PA STON PA NI, GSHIN RJE GSHED KYI ZLOS PA POS SGYU LUS 'OD GSAL DU BCUG PA NI, NAM MKHA' RDO RJE ZHES SO, ,DE LAS LUGS LDOG GI SNANG BA GSUM 'BYUNG BA NI, NYI MA'I DKYIL 'KHOR ZHES TE, NYI MA'I DKYIL 'KHOR NI SNANG BA MCHED PA YIN LA, DES GZHAN GNYIS MTSON PA'O, ,DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU GSHIN RJE GSHED DU SGYUR BA NI, GSHED RJE GSHED CES SO, , @538 DE JI LTA BU ZHE NA, 'BAR BA'I 'OD ZER ZHES SOGS SO, ,RDO RJE CAN NI SGRUB PA PO'O, ,DGES PAR 'GYUR BA NI MNGON PAR 'DOD PA'I DON BSGRUB PAR 'GYUR BA'O, ,GSHIN RJE GSHED KYI RNAL 'BYOR 'DI NI YE SHES RDO RJE CAN TE SGRUB PA PO RNAMS KYI BSTAN PA LA GNOD PAR BYED PA LA SOGS PA'I KHRO BO KUN TE KHRO BO GANG YIN PA 'DUL BAR BYED PA'I DAM TSIG GO ,GSHIN RJE GSHED SPRO BA'I SNANG BA NI GSHIN RJE GSHED DO, ,DE'I BKOD PA BSGOM ZHING SEMS PA'I TING NGE 'DZIN LA DE SKAD CES BYA'O, KHRO BO GZHAN GYIS MI THUB PA'I ZLOS PA POS, SGYU LUS 'OD GSAL DU BCUG PA NI, NAM MKHA' RDO RJE'I ZHES SO, ,DE NYID LA LUGS LDOG GI SNANG BA GSUM 'BYUNG BA NI, NYI MA'I DKYIL 'KHOR ZHES SO, ,DE NYID LAS ZUNG 'JUG TU BZHENGS PA TE, SANGS RGYAS GZUGS NI ZHES SO, ,DE NYID SPRUL SKU GZHAN GYIS MI THUB PAR BSGYUR BA NI, GZHAN GYIS MI THUB CES SOGS SO, ,RTA MGRIN GYI ZLOS PA POS SGYU LUS 'OD GSAL DU BCUG PA NI, NAM MKHA' RDO RJE ZHES SO, ,DE NYID LAS LUGS LDOG GI SNANG BA GSUM 'BYUNG BA NI, NYI MA'I DKYIL ZHES SO, ,DE NYID LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU RTA MGRIN DU BSGYUR PA NI, RDO RJE RTA NI ZHES SOGS SO, ,BDUD RTZI THABS SBYOR GYI ZLOS PA POS SGYU LUS 'OD GSAL DU BCUG PA NI, NAM MKHA' RDO RJE ZHES PA'O, ,DE NYID LAS LUGS LDOG GI SNANG BA GSUM 'BYUNG BA NI, NYI MA'I DKYIL 'KHOR ZHES SO, , DE LAS ZUNG 'JUG TU BZHENGS PA NI, SANGS RGYAS GZUGS NI ZHES PA'O, ,DE NYID @539 SPRUL SKU RTA MGRIN DU BSGYUR BA NI, RDO RJE RTA NI ZHES SOGS SO, ,BDUD RTZI THABS SBYOR GYI ZLOS PA POS SGYU LUS 'OD GSAL DU BCUG PA NI, NAM MKHA' RDO RJE ZHES SO, ,DE NYID LAS LUGS LDOG GI SNANG BA GSUM 'BYUNG BA NI, NYI MA'I DKYIL 'KHOR ZHES SO, ,DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU BDUD RTZI THABS SBYOR DU BSGYUR BA NI, RDO RJE MI 'CHI ZHES SOGS SO, KHRO 'DZIN ZHES PA DANG, KHRO BO THAMS CAD KYI ZHES PA NI SGRUB PA PO RNAMS SO, ,'DOD PA'I RGYAL PO'I ZLOS PA POS SGYU LUS 'OD GSAL DU BCUG PA NI, RDO RJE NAM MKHA'I ZHES SO, ,DE LAS LUGS LDOG GI SNANG BA GSUM 'BYUNG BA NI, NYI MA'I DKYIL 'KHOR ZHES SO, ,DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU 'DOD PA'I RGYAL POR BSGYUR BA NI, tA KI RGYAL PO ZHES SOGS SO, ,BSAM GTAN MNGON PAR RDZOGS PAR BYANG CHUB PA NI MI BSKYOD PA'O, ,DE LA DGA' BA NI DBU RGYAN DU 'JOG PA STE, DE STON PA'I TING NGE 'DZIN LA DE SKAD CES BYA'O, ,STOBS PO CHE'I ZLOS PA POS SGYU LUS 'OD GSAL DU BCUG PA NI, NAM MKHA' RDO RJE ZHES SO, ,DE LAS LUGS LDOG GI SNANG BA GSUM 'BYUNG BA NI, NYI MA'I DKYIL 'KHOR ZHES SO, ,DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU STOBS PO CHER BSGYUR BA NI, STOBS PO CHE NI ZHES SOGS SO, ,RDO RJE GSUM GYI GNAS NI 'OD GSAL BA'O, ,DE NYID SNYING PO LEN PAS NA DKYIL 'KHOR TE, DE LAS BYUNG BA'O, ,RDO RJE GSUM GYI @540 STOBS NI RDO RJE SPYAN GSUM PA STE, DE STON PA'I TING NGE 'DZIN LA DE SKAD CES BYA'O, DBYUG SNGON CAN GYI ZLOS PA POS SGYU LUS 'OD GSAL DU BCUG PA NI, NAM MKHA' RDO RJE'I ZHES SO, ,DE NYID LAS LUGS LDOG GI SNANG BA GSUM 'BYUNG BA NI, NYI MA'I DKYIL 'KHOR ZHES SO, ,DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU DBYUG SNGON CAN DU BSGYUR BA NI, RDO RJE SNGON PO ZHES SOGS SO, ,RDO RJES MTSAN PA'I DBYUG PA NI RDO RJE DBYUG PA STE, DE NYID 'DA' BAR MI BYA BAS NA DAM TSIG GO ,DE STON PAR BYED PA'I TING NGE 'DZIN LA DE SKAD CES BYA'O, ,MI G-YO BA'I ZLOS PA POS SGYU LUS 'OD GSAL DU BCUG PA NI, NAM MKHA' RDO RJE ZHES SO, DE LAS LUGS LDOG GI SNANG BA GSUM 'BYUNG BA NI, NYI MA'I DKYIL 'KHOR ZHES SO, ,DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU MI G-YO BAR BSGYUR BA NI, MI G-YO MCHOG NI ZHES SO, , RDO RJE NAM MKHA' NI KUN TU SNANG BA GSUM MO, ,DE'I DBYINGS NI 'OD GSAL BA'O, , DE NYID KYI DAM TSIG ZHABS KYIS GNON PA STE, 'OD GSAL LAS ZUNG 'JUG TU LDANG BA'O, ,TING NGE 'DZIN STON PA LA DE SKAD CES BYA'O, ,GTZUG TOR 'KHOR LOS SGYUR BA'I ZLOS PA POS SGYU LUS 'OD GSAL DU BCUG PA NI, NAM MKHA' RDO RJE'I RTZE MO'O, , DE LAS LUGS LDOG GI SNANG BA GSUM 'BYUNG BA NI, NYI MA'I DKYIL 'KHOR ZHES SO, , DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU GTZUG TOR DU BSGYUR BA NI, RIG PA'I 'KHOR LO ZHES SOGS SO, ,GTZU @541 TOR GYI DAM TSIG NI RIG PA 'DZIN PA'I DAM TSIG GO ,DE DANG LDAN PA'I STOBS KYIS 'KHOR LO CAN GYI TING NGE 'DZIN DE LA DE SKAD CES BYA'O, ,GNOD MDZES KYI ZLOS PA POS SGYU LUS 'OD GSAL DU BCUG PA NI, NAM MKHA' RDO RJE ZHES SO, ,DE NYID LAS LUGS LDOG GI SNANG BA GSUM 'BYUNG BA NI, NYI MA'I DKYIL 'KHOR ZHES SO, ,DE LAS ZUNG 'JUG TU BZHENGS PA NI, SANGS RGYAS GZUGS NI ZHES SO, ,DE NYID SPRUL SKU GNOD MDZES SU BSGYUR BA NI, RDO RJE SUm BHA ZHES SOGS SO, ,RDO RJE'I DAM TSIG SUm BHA NI GNOD MDZES SO, ,DE RAB TU 'BYUNG ZHING BSKYED PA'I TING NGE 'DZIN GANG YIN PA DE LA DE SKAD CES BYA'O, ,TING NGE 'DZIN GNYIS PO NYE BAR BSDU BA LA GNYIS KYI, DRANG DON DU BSHAD PAS SNGAGS KYI SKU BSKYED PA BSDU BA NI, RDO RJE'I DKYIL 'KHOR TE BKA'I 'KHOR LO 'GRUB PAR 'GYUR RO, BKA'I 'KHOR LO JI LTA BU ZHE NA, 'GOG PA STE GSOD PA LA SOGS PA MNGON SPYOD KYI LAS SO, TING NGE 'DZIN GANG GIS 'GRUB CE NA, GSHIN RJE GSHED LA SOGS PA'I KHRO BO'I 'KHOR LO STE TING NGE 'DZIN GYIS 'GRUB PAR 'GYUR RO, ,DE JI LTA BU ZHE NA, SANGS RGYAS TE LHA RNAMS KYI 'KHOR LO BSTEN PA STE BSGOM PA'O, ,DE YANG JI LTA BU ZHE NA, TING NGE 'DZIN YE SHES RDO RJE RNAMS ZHES TE, SRUNG BA'I 'KHOR LO SNGON DU 'GRO BA CAN GYI, GZHAL YAS KHANG GDAN DANG BCAS PA BSKYED NAS, DER LHAG MOS MDZAD PA DANG BCAS PA BSGOMS TE, DON DAM DKYIL 'KHOR DU BCUG NAS, DE BZHIN NYID LAS BYANG CHUB PA SNGON DU 'GRO BA CAN GYI ZLA BA LAS BYANG CHUB PA BSGOM PA NI, TING @542 NGE 'DZIN ZHES PA'O, ,ZLA BA'I STENG DU SA BON 'GOD PA SNGON DU 'GRO BA CAN GYI RDO RJE LA SOGS PA'I PHYAG MTSAN DMIGS PA DANG DE YONGS SU GYUR PA LAS, RDO RJE 'CHANG CHEN PO LA SOGS PA DE LTAR BSKYED DE SHIN TU RNAL 'BYOR DANG, RNAL 'BYOR CHEN PO'I BAR BSGOM PA NI, RDO RJE YE SHES RNAMS ZHES PA'O, ,DE LTAR DANG PO SBYOR BA'I 'OG TU PHYAG RGYA 'DU BYAS TE SNYOMS PAR ZHUGS PA LAS, DKYIL 'KHOR RGYAL MCHOG BSKYED NAS, LAS RGYAL MCHOG SNGAR BSHAD PA'I ZHI SOGS KYI LAS BYA BAR 'BREL LO, ,NGES DON DU BSHAD PA YE SHES KYI SKU BSKYED PA NYE BAR BSDU BA NI, SANGS RGYAS KYI 'KHOR LO STE RNAM SNANG LA SOGS PA'I TSOGS RNAMS KYIS BSTEN PA'I GZUGS LA SOGS PA'I PHUNG PO RNAMS BSAM GTAN GNYIS KYIS 'OD GSAL DU BCUG PA NI, 'GOG PA STE DON DAM PA'I BDEN PA'O, ,DE NYID RANG BZHIN GYI LUS LA RGYAB KYIS PHYOGS PA'I KHRO BO DANG, THA MAL PA'I LUS 'JOMS PAS MTSON CHA DANG 'DRA BAS NA 'KHOR LO'O, ,'OD GSAL LAS LDANG BA'I RIM PA STON PA NI, RDO RJE'I DKYIL 'KHOR NI 'OD GSAL YIN LA, DE LAS ZUNG 'JUG TU LDANG BA 'GRUB PAR 'GYUR RO, ,THABS GANG LAS BRTEN NAS SHE NA, TING NGE 'DZIN RDO RJE NI 'OD GSAL BA'O, ,YE SHES RNAMS NI DE LAS BYUNG BA'I LUGS LDOG GI SNANG BA GSUM RLUNG DANG BCAS PA RNAMS TE, DE RNAMS LA BRTEN NAS SO, ,DE NAS SPRUL SKUR BSGYUR TE, ZUNG 'JUG GI DKYIL 'KHOR RGYAL MCHOG LA GNAS NAS, LAS RGYAL MCHOG RDO RJE BZLAS PA'I SGO NAS ZHI SOGS KYI LAS BYA BAR 'BREL LO, ,LE'U YI @543 MTSAN DON NI, RDO RJE NI DE BZHIN GSHEGS PA RNAMS SO, ,DAM TSIG NI SPYAN LA SOGS PA'O, ,BKOD PA NI KHRO BO RNAMS TE, DE RNAMS BSKYED PAR BYA BA'I PHYIR, DE KHO NA NYID KYI DON BSGOM PA NI 'OD GSAL LA GNAS PA'O, ,DE SNGON DU 'GRO BA CAN GYI MNGON PAR BYANG CHUB PA NI PHYAG RGYA CHEN PO RDZOGS PA STE, DE STON PA'I GZHUNG GI TSOGS NI DE SKAD CES BYA BA'I LE'U'O, ,LE'U BCU GSUM PA'I RNAM BSHAD DO,, ,, ` SNGAGS SMRA BA RNAM PA BZHI'I SNGAGS KYI MING DANG, SNGAGS KYI DON DANG, SNGAGS SPEL BA DANG, SGRA YANGS PA SHUB BU'I BZLAS PA'O, ,RJES SU GZHOL BA RNAMS LA, ZHI BA LA SOGS PA'I LAS KYI TSOGS NYAMS SU BLANG BAR BYA'O ZHES BSTAN PA'I PHYIR, LE'U BCU BZHI PA 'CHAD PA LA GNYIS KYI, BSDUS PA'I DON NI, LE'U 'DIS GTZOR SNGAGS KYI LAS SGRUB PA STON TE, DE'ANG STOD NAS SNGAGS KYI RIG PAS LAS BSGRUB PA STON, RKED NAS BSAM GTAN GYI LAS SGRUB PA DANG, SNGAGS KYI RIG PA GZHAN STON, SMAD NAS GDUG PA 'DUL BA'I RIM PA DANG, PHAR BUS GDAB PA'I CHO GA STON NO, , YAN LAG GI DON LA LNGA STE, SNGAGS KYI LAS DANG, BSAM GTAN GYI LAS DANG, SNGAGS KYI RIG PA GZHAN DANG, GDUG PA 'DUL BA'I CHO GA DANG, GZHUNG NYE BAR BSDU BA'O, ,DANG PO LA GNYIS TE, LAS TSOGS KYI GO RIM BSTAN PA DANG, SNGAGS KYI LAS BSGRUB PA DNGOS SO, ,LAS TSOGS KYI GO RIM BSTAN PA LA GNYIS KYI, BSKYED RIM PA'I LAS BSGRUB PA'I GO RIM NI BSHAD PA'I RGYUD LAS, ZHI BA DANG NI RGYAS PA DAG ,ZLA BA YAR GYI NGO LA BYA, ,DBANG DANG MNGON SPYOD LA SOGS PA, ,ZLA BA MAR @544 GYI NGO LA BRTZAM, ,BYANG DU KHA BLTAS ZHI BA LA, ,DE BZHIN RGYAS LA SHAR DU BLTA, , DRAG PO'I LAS LA LHO PHYOGS SU, ,DBANG GI LAS LA NUB TU BLTA, ,GSOD PA NYID LA ME YI PHYOGS, ,SDANG 'BYED BAR BYED LA BDEN BRAL DU, ,GNAS LAS BSKRAD PA RLUNG GI PHYOGS, ,GNON PA LA NI DBANG LDAN PHYOGS, ,ZHI LA KHA DOG DKAR PO STE, , RGYAS PA LA NI SER PO BYA, ,DBANG DANG DGUG PA DAG LA DMAR, KHA DOG NAG PO GSOD PA LA, ,DGA' BA'I SEMS KYIS RGYAS PA LA, ,CHAGS PA'I SEMS KYIS DBANG DAG LA, KHROS PA'I SEMS KYIS GSOD PA LA'O, ,ZHI BA PHAL CHER SROD LA BYA, ,DE BZHIN RGYAS PA SNGA DRO BYA, ,DBANG DANG MNGON SPYOD DAG GI LAS, ,NYI MA DGUNG DANG MTSAN PHYED LA'O, ,ZHES DUS KYI KHYAD PAR DANG, PHYOGS KYI KHYAD PAR DANG, KHA DOG GI KHYAD PAR DANG, BSAM PA'I KHYAD PAR DANG BZHI DGONGS PA LUNG STON NAS BSHAD LA, GNAS KYI KHYAD PAR DANG, YUL GYI KHYAD PAR DANG, KHA ZAS KYI KHYAD PAR DANG, CHO GA'I KHYAD PAR DANG BZHI NI RGYUD 'DI NYID NAS BSHAD DE, GNAS KYI KHYAD PAR NI, DGON PA CHEN PO'I SA PHYOGS NI, ,ME TOG 'BRAS BU RNAMS KYIS RBRGYAN, ,ZHES SOGS BSHAD DO, ,YUL GYI KHYAD PAR NI, MA DAD SMRA BA'I SEMS CAN DANG, ZHES SOGS MNGON SPYOD KYI YUL BSHAD PAS MTSON NAS GZHAN YANG SHES PAR BYA'O, KHA ZAS KYI KHYAD PAR NI, SHA CHEN DAM TSIG DAG GI NI, ,ZHES SOGS BSHAD CING, CHO GA'I KHYAD PAR NI, ZHI BA LA SOGS PA'I LAS THA DAD PA LA CHO GA YANG MI 'DRA BA THA DAD PA BSHAD DO, ,DE LTAR NA BSKYED RIM PAS JI SKAD @545 BSHAD PA'I KHYAD PAR BRGYAD KYI SGO NAS ZHI SOGS KYI LAS BSGRUB PAR BYA'O, ,RDZOGS RIM PA'I LAS SGRUB PA'I GO RIM NI, BSHAD PA'I RGYUD LAS, PHYAG NA RDO RJES GSOL PA, BCOM LDAN 'DAS NANG GI BDAG NYID CAN GYI DUS ZHES GANG LA BGYI, BCOM LDAN 'DAS KYIS BKA' BSTZAL PA, PHYAG NA RDO RJE NANG GI BDAG NYID KYI DUS NI, GSANG BA CHEN PO SHIN TU GSANG BA SHIN TU PHRA BA BYANG CHUB KYI SEMS KYIS BYIN GYIS BRLABS PA YIN TE, SEMS CAN BSGRAL PHYIR YE SHES YIN, ,SNGAGS RNAMS SGRUB PA DNGOS GRUB YIN, ,ZHI DANG RGYAS PA'I LAS DAG DANG, DE BZHIN DBANG DANG MNGON SPYOD LA, ,BCOM LDAN GZUNG MIN ZHI BA STE, ,SEMS DBYINGS DE BZHIN GSHEGS PA YIN, ,ME TOG LA DRI JI LTA BAR, ,DE BZHIN 'GRO BA'I SNYING LA GNAS, ,RIM NI GO RIM JI BZHIN DU, ,THUN PHYED KYI NI DUS SU GNAS, ,ME DANG RLUNG DANG DBANG CHEN DANG, ,CHU STE SO SO'I DKYIL 'KHOR TE, ,NAG DANG SER DANG DMAR PO STE, ,DKAR PO NYID DE MDOR BSDUS PA'O, ,ZHES GSUNGS SO, ,DE LA NANG GI BDAG NYID KYI DUS NI RLUNG GI DE KHO NA NYID DE, DE NI NYAN THOS LA SOGS PA'I SPYOD YUL MA YIN PAS GSANG BA CHEN PO'O, ,BSKYED RIM PA'I YUL MA YIN PAS SHIN TU GSANG BA RTOGS PAR DKA' BAS NA SHIN TU PHRA BA'O, ,SEMS SNANG BA GSUM DANG 'GROGS TE 'KHOR 'DAS KUN GYI RGYU BYED PAS NA, BYANG CHUB KYI SEMS KYIS ZHES SO, ,MCHOG GI DNGOS GRUB KYI RGYU BYED PAS NA, SEMS CAN SGROL PHYIR ZHES SO, ,THUN MONG GI DNGOS GRUB KYI RGYU BYED PAS NA SNGAGS RNAMS ZHES SO, ,DE @546 BZHIN GSHEGS PA LNGA'I NGO BO YIN PAS NA BCOM LDAN 'DAS SO, ,PHRA BAS NA GZUNG BA MIN PA'O, ,DE NYID KYIS NA ZHI BA'O, ,SEMS DBYINGS NI 'OD GSAL TE, DE LAS BYUNG ZHING DER THIM PAS NA DE BZHIN GSHEGS PA'O, ,ME TOG DANG DRI JI BZHIN DU RLUNG SEMS DBYER MED 'BRAL MI RUNG DU GNAS PAS NA ME TOG LA DRI ZHES SO, , GO RIM DANG YUN JI TZAM DU RGYU BA NI, RIM NI ZHES SOGS TE, CHU'I DKYIL 'KHOR KHA DOG DKAR PO DGU BRGYA PA PHRAG GCIG RGYU BA'I DUS SU, ZHI BA CHEN PO'I LAS BYED PA SOGS NI GO SLA'O, ,SNGAGS KYI LAS SGRUB PA DNGOS LA GNYIS TE, LHA MO'I RIG PAS SGRUB PA DANG, KHRO BO'I RIG PAS SGRUB PA'O, ,LHA MO'I RIG PAS SGRUB PA LA BZHI STE, SANGS RGYAS SPYAN GYIS NAD ZHI BAR BYA BA DANG, M'A MA KIS BGEG BSAL BA DANG, GOS DKAR MOS LUS LA SOGS PA RGYAS PAR BYA BA DANG, SGROL MAS RGYAL PO LA SOGS PA DBANG DU BYA'O, ,DANG PO NI, LE'U BCU GSUM PA RDZOGS PA'I RJES DE NAS, BCOM LDAN 'DAS TING NGE 'DZIN LA SNYOMS PAR ZHUGS NAS PHYUNG NGO ZHES SBYAR, BCOM LDAN 'DAS JI LTA BU ZHE NA, MI BSKYOD PA LA SOGS PA DE BZHIN GSHEGS PA THAMS CAD DANG, DAM TSIG STE LHA MO RNAMS KYI BDAG PO RDO RJE 'DZIN PA CHEN PO'O, ,TING NGE 'DZIN JI LTA BU ZHE NA, RIMS LA SOGS PA ZHI BA'I DAM TSIG MCHOG CES BYA BA LA'O, ,GANG ZHIG ZHE NA, DE BZHIN GSHEGS PA STE SGRUB PA PO THAMS CAD KYIS GZUNG BAR BYA BAS NA BTZUN MO STE, 'OG NAS 'BYUNG BA'I GZUNGS 'DI NYID DO, ,GANG LAS NA, SKU LA SOGS PA LAS SO, ,GZUNGS NI AOm @547 ZHES SOGS TE, 'DI LA SNGAGS KYI MING DANG DON DANG SNGAGS SPEL BA GSUM GYIS SHES PAR BYA BA STE, MING NI SBRUL ZHES BYA STE, RDO RJE GTZUG TOR GYI RGYUD LAS, THOG MAR AOm LDAN THA MAR NI, ,SV'A DH'A YANG DAG LDAN PA NI, ,SBRUL TE ZHI BA'I LAS CAN DU, , SNGAGS STON RNAMS KYIS SHES PAR BYA, ,ZHES GSUNGS PAS SO, ,SNGAGS KYI DON NI, SNGAGS RNAMS KYI BRJOD BYA'I DON JI LTA BA BZHIN DU SHES PAR BYA STE, 'DI DANG 'OG NAS 'BYUNG BA'I SNGAGS THAMS CAD KYI DON 'GREL PAR GSAL BAR BSHAD PAS, DE NYID DU SHES PAR BYA'O, ,SNGAGS SPEL BA NI, 'DI ZHI BA'I LAS YIN PAS SV'ADH'I SNGON DU 'GRO BA'I CHE GE MO SHANTIm KU RU ZHES BYA'O, ,LAS SBYOR DNGOS NI, BSNYEN PA LAS SU RUNG ZHING RIG PA'I BRTUL ZHUGS LA SBYANG BAR BYAS PA, RANG GI LHA'I MTSAN SNGAGS SAM, RU RU SPU RU'I PHRENG SNGAGS 'BUM PHRAG GCIG BZLAS PAS LHA MNYES PAR BYA ZHING, SNGAGS DES SBYIN SREG KHRI PHRAG TU BYAS PAS LHA TSIMS PAR BYAS PA'I RNAL 'BYOR PAS, SANGS RGYAS SPYAN GYI RIG PA LA BRTEN NAS ZHI BA'I LAS BSGRUB PAR 'DOD NA, SNGAR BSHAD PA'I ZHI BA'I LAS KYI KHYAD PAR BRGYAD DANG LDAN PA'I SGO NAS BYA STE, DE LA CHO GA'I KHYAD PAR RNAM PAR SNANG MDZAD KYI DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG NI, RANG GI SNYING KHA'I YE SHES SEMS DPA'I THUGS KHAR, ZLA BA'I DKYIL 'KHOR GYI STENG GI 'KHOR LO LA TING NGE 'DZIN SEMS DPA' AOm BSAM LA, DE LA RU RU SPU RU LA SOGS PA'I SNGAGS PHYUNG STE, SBRUL 'KHYIL BA LTAR G-YAS SKOR DU MGO GYEN LA BSTAN PA KHA DOG DKAR @548 PO BKOD PA, MDUN DU SGRUB BYA ZLA BA'I STENG DU BSAM LA, SNGAGS KYI PHRENG BA MU TIG STAR LA BRGYUS PA BZHIN DU, RANG GI SNA BUG G-YON PA NAS PHYUNG STE BSGRUB BYA'I SNA BUG G-YAS PA NAS BTZUGS LA, SNYING KHAR BKOD PA'I 'OD KYIS BSGRUB BYA'I LUS KYI NAD DANG, SEMS KYI SGRIB PA LA SOGS PA SHA ZA'I GZUGS SU SNA BUG G-YON PA NAS PHYIR BYUNG BAR BSAMS TE, ZHAG BDUN GYI BAR DU BZLAS NA, NAD DANG RIMS PA SOGS PA LAS THAR PAR 'GYUR RO, ,PHAN YON BSTAN PA NI, DE NAS GZUNGS 'DI GSUNGS PA TZAM GYIS 'BYOR PA KUN LA DGES PA STE, SEMS CAN THAMS CAD NAD MED PAR BZHED PA RNAMS SANGS RGYAS RDO RJE STE, RNAM SNANG RJES SU DRAN PAS MNYES SHING RAB TU DGES NAS RTZE GCIG PA THOB PAR 'GYUR RO, , SNGAGS KYI NUS PA CI ZHE NA, ZHI BA LA SOGS PA'I LAS 'DOD PA'I SANGS RGYAS TE SGRUB PO RNAMS KYI, NAD SOGS KYI ZHI BA'I LAS 'BYUNG ZHING, DER MA ZAD BSKUL BA DANG, KHA DOG DANG, BSAM PA'I BYE BRAG THA DAD PAS BZLAS NA, DBANG LA SOGS PA LAS THAMS CAD RAB TU 'GRUB PAR 'GYUR RO, ,RDO RJE DAM TSIG STE, RNAM PAR SNANG MDZAD BSKUL BAR MDZAD PA, GZUNGS 'DI NI SHI BA SLONG BAR BYED PAS NA, SHI BA SOS PAR BYED PAR RDO RJE 'CHANG CHEN POS GSUNGS SO, ,M'A MA KI'I RIGS PAS BGEGS BSAL BA'I SBYOR BA NI, DE NAS BCOM LDAN 'DAS SKU GSUM GYI DAM TSIG RDO RJE KHRO BO STE RDO RJE 'CHANG CHEN PO TING NGE 'DZIN LA SNYOMS PAR ZHUGS NAS PHYUNG NGO ZHES SBYAR RO, ,TING NGE 'DZIN GANG LA NA, DNGOS PO NI BGEGS RNAMS YIN LA, @549 DNGOS PO MED PA NI DE MED PAR BYED PA'I DAM TSIG RDO RJE ZHES BYA BA LA'O, ,GANG ZHIG NA, GDUG PA RNAMS 'JIGS PAR MDZAD PA'I RDO RJE 'DZIN PA THAMS CAD KYI BTZUN MO'I MCHOG DANG 'DRA BAR GZUNGS THAMS CAD KYI GTZO BOR GYUR PA'I GZUNGS DE'O, ,GANG LAS NA, NYID KYI SKU LA SOGS PA LAS SO, ,SNGAGS NI AOm ZHES SOGS SO, ,MING NI SBRUL LO, ,SPEL BA NI, SV'A DH'I SNGON DU 'GRO BAS CHE GE MO RAKshA RAKshA ZHES BYA'O, ,DE'ANG BSNYEN PA LAS SU RUNG ZHING, M'A MA KI'I SNGAGS DANG, SBYIN SREG TSAD LDAN BYAS PA'I RNAL 'BYOR PA M'A MA KI'I RIG PAS BGEGS BSAL BAR 'DOD NA, MI BSKYOD PA'I DANG PO SBYOR BA DANG, DKYIL 'KHOR RGYAL MCHOG LA GNAS TE, LAS RGYAL MCHOG RANG GI YE SHES SEMS DPA'I THUGS KHA'I NYI MA'I STENG GI RDO RJE'I LTE BA LA GNAS PA'I TING NGE 'DZIN SEMS DPA' H'Um LAS AOm SHAm KA RA'I SNGAGS PHYUNG LA, DE NYID LA SBRUL 'KHYIL BA'I TSUL DU BKOD DE, SNGAGS DE MING DANG SPEL TE BZLAS PAS, SNGAGS MU TIG STAR LA BRGYUS PA LTA BU RANG GI SNA BUG G-YAS PA NAS BYUNG NAS, BSGRUB BYA'I SNA BUG G-YON PA NAS ZHUGS TE, SNYING KHAR NYI MA'I DKYIL 'KHOR LA BKOD LA, SNGAGS KYI 'OD ZER GYIS BSGRUB BYA'I LUS LA 'TSE BA'I BGEGS DANG LOG 'DREN THAMS CAD BSREG SHING THAL BAR BYAS PAR BSAM, SLAR SNGAGS KYI 'OD ZER BA SPU'I BU GA THAMS CAD NAS PHYI RU 'PHROS PAS, PHYI ROL GYI BGEGS THAMS CAD TSAR BCAD DE, SLAR 'OD ZER 'DUS TE BDAG GI LUS LA BCUG PAS, RDO RJE'I GO CHAR GYUR ZHING, RDO RJE'I GO @550 CHA'I BAR RNAMS KHRO CHUNG GIS GANG BAR BSAM MO, ,DE LTAR ZHAG BDUN LA SOGS PA BYAS NA, BGEGS THAMS CAD KYIS MI TSUGS SHING NUS PA CHEN PO DANG LDAN PAR 'GYUR RO, ,PHAN YON NI, DE NAS GZUNGS 'DI GSUNGS PA TZAM GYIS, SEMS CAN RNAMS KYIS MI PHYED PA'I RDO RJE'I LUS LA LDAN PAS NA, SKU GSUM DBYER MED RDO RJE CAN TE, SGRUB PA PO RNAMS MNYES PA'I SPYAN GDANGS NAS, RDO RJE THUGS TE MI BSKYOD PA RJES SU DRAN NO, ,SNGAGS KYI NUS PA CI ZHE NA, RDO RJE BSRUNG BA STE, BDUD LA SOGS PA BSRUNG BA'I SBYOR BA LA MNGON PAR 'DOD PA'I LAS RNAMS THAMS CAD DUS RTAG TU BSGRUB PA BYED PAR 'GYUR RO, ,GZHAN YANG RDO RJE CHEN PO STE BGEGS DANG LOG 'DREN RNAMS KYIS 'JIGS SHING NYEN PA RNAMS LA RTAG TU BGEGS GZHAN GYIS MI THUB PA'I STOBS NI BYED PAR BSHAD DO, ,GOS DKAR MO'I RIG PAS LUS LA SOGS PA RGYAS PAR BYA BA'I SBYOR BA NI, DE NAS BCOM LDAN 'DAS RDO RJE 'CHANG CHEN PO 'DOD CHAGS CHEN PO'I DAM TSIG NI 'OD DPAG TU MED PA STE, TING NGE 'DZIN GANG GIS DE GZIGS SHING YUL DU BYAS PA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR RO, ,GANG ZHIG NA CHOS KYI SKU'I BTZUN MO NI, PAD MA'I RIGS KYI LHA MO RNAMS TE, DE RNAMS KYI MCHOG TU GYUR PA'I GZUNGS 'DI'O, ,GANG LAS NA, NYID KYI SKU LA SOGS PA LAS SO, ,SNGAGS NI AOm ZHES SOGS SO, ,MING NI SBRUL LO, ,SPEL BA NI, SV'A DH'I SNGON DU 'GRO BAS, CHE GE MO PUshtIm KU RU BO shAt ZHES BYA'O, ,DE YANG GOS DMAR MO'I RIG PAS LUS RGYAS PA SOGS BYAR 'DOD NA, RGYAS @551 PA'I LAS KYI KHYAD PAR BRGYAD DANG LDAN PA'I SGO NAS BYA STE, DE LA CHO GA'I KHYAD PAR NI, 'OD DPAG TU MED PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG YE SHES SEMS DPA'I THUGS KHA'I PAD MA'I STENG GI TING NGE 'DZIN SEMS DPA' LA AA LAS AOm GA TE ZHES PA PHYUNG STE, SBRUL 'KHYIL BA'I TSUL DU BKOD LA, SGRUB BYA MDUN DU PAD MA'I STENG DU BSAMS TE, SNGAGS MING DANG SPEL NAS BZLAS PAS, BDAG GI TING NGE 'DZIN SEMS DPA' LAS 'OD ZER GYI PHRENG BA SER PO SNA BUG G-YAS PA NAS GOS DKAR MO'I RANG BZHIN SPROS LA, SGRUB BYA'I SNA BUG G-YON PA NAS ZHUGS TE, SNYING KHAR ZLA BA SER PO'I STENG DU BKOD LA, SNGAGS KYI PHRENG BA LA 'OD ZER SER PO 'PHROS PAS, SGRUB BYA'I DBUL BA DANG, SER SNA LA SOGS PA'I DRI MA THAMS CAD BSREG PAR BSAM ZHING, LUS 'OD ZER SER POS BKANG NAS, SNGAGS KYI 'OD ZER SER PO PHYI ROL DU SPROS PAS, 'OD ZER DE LAS NOR DANG 'BRU LA SOGS PA CHAR BZHIN 'BAB PAR BSAM MO, ,DE LTAR ZHAG BDUN LA SOGS PA BYAS PAS, NOR LA SOGS PA 'PHEL BAR 'GYUR RO, ,YANG SGRUB BYA GSUNG RAB KYI DON SHES PA'I YE SHES SPEL BAR 'DOD NA, RANG GI TING NGE 'DZIN SEMS DPA' LAS SPROS PA'I A'A Li K'A Li'I SNGAGS PHRENG BSGRUB BYA'I SNYING KHAR BKOD LA, DES GSUNG RAB LA RMONGS PA'I SDIG PA'I DRI MA THAMS CAD BSREGS TE, LUS THAMS CAD A'A LI K'A LIS BKANG LA, DE LAS PHYI RO DU A'A Li K'A Li'I 'OD ZER SPROS PAS, PHYOGS BCU'I DE BZHIN GSHEGS PA THAMS CAD KYI THUGS DANG @552 GSUNG THAMS CAD A'A Li K'A Li'I RANG BZHIN DU BSDUS NAS, SGRUB BYA LA BCUG PAS BSGRUB BYA'I SHES RAB 'PHEL BAR 'GYUR RO, ,PHAN YON NI, DE NAS GZUNGS 'DI GSUNGS PA TZAM GYIS, RDO RJE CHOS MCHOG 'DZIN PA STE, PAD MA'I RIGS LA MOS PA RNAMS MNYES SHING RTZE GCIG PA'I BSAM GTAN THOB NAS, RDO RJE CHOS TE 'OD DPAG TU MED PA RJES SU DRAN PAR 'GYUR RO, ,SNGAGS KYI NUS PA CI ZHE NA, RTAG TU GSUNG RAB YAN LAG DGU'I CHOS DANG, LUS RGYAS SHING STOBS TE BYA BA RNAMS LA SPRO BA DANG, NOR DANG 'BRU LA SOGS PA'I MDZOD CHEN PO DANG LDAN PAR 'DOD PA RNAMS KYIS, RDO RJE GSUNG GI BKA' BZHIN DU GZUNGS 'DI BZLAS SHING BTON PA TZAM GYIS MNGON PAR 'DOD PA BYED PAR 'GYUR RO, ,SGROL MA'I RIGS LAS RGYAL PO LA SOGS PA DBANG DU BYA BA'I SBYOR BA NI, DE NAS BCOM LDAN 'DAS DAM TSIG KUN NAS 'BYUNG BA NI DON YOD GRUB PA STE, DE GANG DU 'BYUNG BA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR RO, ,GANG ZHIG NA, DAM TSIG SEMS DPA'I BTZUN MO NI, DON YOD GRUB PA'I RIGS KYI LHA MO RNAMS TE, DE RNAMS KYI NANG NAS MCHOG TU GYUR PA SGROL MA'I GZUNGS 'DI'O, ,GANG LAS NA, NYID KYI SKU SOGS PA LAS SO, ,GZUNGS NI AOm ZHES SOGS TE, MING NI SBRUL LO, ,SPEL BA NI, SV'A DH'I SNGON DU 'GRO BAS CHE GE MO BA SHA MA NA YA ZHES BYA'O, ,DE YANG BSNYEN PA LAS SU RUNG BAS DBANG GI KHYAD PAR BRGYAD DANG LDAN PAS BSGRUB STE, CHO GA'I KHYAD PAR DON YOD GRUB PA'I DANG PO SBYOR BA DANG, DKYIL 'KHOR RGYAL MCHOG LA GNAS @553 NAS, LAS RGYAL MCHOG NI, RANG GI YE SHES SEMS DPA'I THUGS KHA'I SNA TSOGS RDO RJE'I LTE BA LA GNAS PA'I RAL GRI'I LTE BA LA TING NGE 'DZIN SEMS DPA' HA LAS AOm TA RE'I SNGAGS PHYUNG STE, SBRUL 'KHYIL BA'I TSUL DU G-YAS BSKOR DU KHA DOG DMAR PO BKOD LA, BSGRUB BYA MDUN DU SNA TSOGS RDO RJE LA 'DUG PAR BSAMS TE, SNGAGS SPEL TSIG DANG BCAS PA ZLOS SHING, TING NGE 'DZIN SEMS DPA' LAS, BDAG GI SNA BUG G-YAS PA NAS, SNGAGS KYI PHRENG BA DMAR PO SGROL MA'I RANG BZHIN CAN BYUNG STE, BSGRUB BYA'I SNA BUG G-YON PAR ZHUGS NAS, SNYING KHAR ZLA BA DMAR PO'I STENG DU BKOD LA DE LA 'OD ZER DMAR PO 'PHROS PAS, BDAG LA MA DAD PA'I SDIG PA DANG DRI MA DAG PAR BYAS TE, LUS 'OD ZER DMAR POS GANG BAR BSAMS LA, BYANG CHUB KYI SEMS 'OD ZER DMAR PO DES, MYOS SHING DRAN PA MED PAR BYAS TE RIM GYIS BDAG GI GAN DU 'ONG BAR BSAMS NA, ZHAG BDUN LA SOGS PAS DBANG DU 'GYUR RO, ,PHAN YON NI, DE NAS GZUNGS 'DI GSUNGS PA TZAM GYIS, SANGS RGYAS KUN NI DON YOD GRUB PA'O, ,DE'I BDAG NYID CHE LAS SKYES PA NI, DE LA LHAG PAR MOS PA RNAMS TE, DE DAG MNYES SHING RTZE GCIG PA'I YE SHES THOB PAR GYUR NAS, RDO RJE'I SKU STE DON YOD GRUB PA RJES SU DRAN ZHING BSGOM MO, ,SNGAGS KYI NUS PA CI ZHE NA, SANGS RGYAS RDO RJE STE SKYES BU'I GTZO BO SNYING SRA BA RNAMS DANG, SDE CHEN STE RGYAL PO DANG, SEMS CAN KHAMS TE 'JIG RTEN THA MAL PA RNAMS, SKAD CIG GIS TE 'PHRAL DU BRAN BZHIN DU THAMS CAD G-YO BA MED PAR, SGRUB PA POS DBANG @554 DU BYED PAR 'GYUR RO, ,KHRO BO'I RIG PAS LAS BSGRUB PA LA DGU YOD PA'I, GSHIN RJE GSHED KYI RIG PAS SKYES PA DANG BUD MED DGUG PA'I SBYOR BA NI, DE NAS BCOM LDAN 'DAS RDO RJE 'CHANG CHEN PO, DE BZHIN GSHEGS PA DRI MA MED PA'I 'OD ZER GYI SPRIN RDO RJE NI, RNAM PAR SNANG MDZAD DE, DE BSKYED PA'I TING NGE 'DZIN LA SNYOMS PAR ZHUGS NAS, PHYUNG NGO ZHES SBYAR, GANG ZHIG NA, RDO RJE GSHIN RJE GSHED PO CHEN PO, RDO RJE KHRO BO'I BDAG NYID KYI SNGAGS 'DI'O, ,GANG LAS NA, NYID KYI SKU LA SOGS PA LAS SO, ,SNGAGS NI NA MA ZHES SOGS TE, MING NI SBRUL LO, ,SPEL BA NI, SV'A DH'I SNGON DU 'GRO BAS, CHE GE MO AA KAR SHA YA HRI ZHES BYA'O, ,DE NAS SNGAGS KYI RGYAL PO 'DI GSUNGS PA TZAM GYIS BSGRUB PAR BYA BA NYID DANG, BSGRUB BYAR BYA BA NYID DU SHES PAS NA SANGS RGYAS TE, BRGYA BYIN LA SOGS PA 'JIG RTEN SKYONG BA GRAGS PA CHEN PO KUN 'KHRUL PAS 'JIGS SHING, SEMS 'KHRUGS PAS KUN TU SKRAG NAS, RDO RJE SEMS DPA' STE RDO RJE 'CHANG CHEN PO LA RJES SU DRAN ZHING SKYABS SU 'GRO'O, ,DE YANG BSNYEN PA LAS SU RUNG ZHING GSHIN RJE GSHED KYI SNGAGS DANG, SBYIN SREG TSAD DU SONG BA'I RNAL 'BYOR PAS, SKYES PA DANG BUD MED DGUG PAR 'DOD NA, RNAM SNANG GI DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG NI, THOD PA MA CHAG MA GAS PA, ,GZUGS MDZES YID 'ONG RNYED PA LA, , ZHES TE, BUD MED KYI THOD PA MA CHAG MA GAS PA GZUGS MDZES PA BLANGS LA, THOD PA DE'I DBUS SU, RO'I SEN RTZI DANG, RGYA SKYEGS KYI KHU BAS BUD MED KYI GZUGS @555 BRNYAN BRIS LA, SNYING KHAR MING GI YI GE SNGAGS DANG SPEL BA BKOD LA, RKANG PAS MNAN PA'I TSUL DU BYAS NAS, SNGAGS 'DI RJES SU DRAN PAR BYA, ZHES PA, MING LA RNAM PAR SHES PA BKUG LA, DON DU MNGON PAR ZHEN PAS, RNAM PAR SNANG MDZAD KYI SBYOR BA DANG LDAN PAS, BDUD RTZI 'KHYIL BA'I SNGAGS BZLAS SHING DE NAS GSHIN RJE GSHED DU BSGYUR LA, DE'I RKANG PA G-YAS BRKYANG PAS GZUGS BRNYAN GYI SNYING KHAR MNAN LA, PHYAG NA GNAS PA'I LCAGS KYU DES, BU MO'I SNYING KHAR PHUG NAS 'GUGS PAR BSAMS TE, SNGAGS 'DI KHROS PAS 'DON PAR BYA'O, ,DES CIR 'GYUR ZHE NA, M'A MA KI STE RGYAS RIGS MO DANG, SPYAN TE BRAM ZE MO DANG, RDO RJE RIGS CHEN TE RGYAL PO DANG BLON PO LA SOGS PA RIGS MTHON PO LAS BUD MED RNAMS LAN GSUM STE DUS GSUM DU PHRENG SNGAGS CI NUS SU BRJOD NA, DE MA THAG TU ZHAG BDUN LA SOGS PA NGES PAR 'GUG PAR 'GYUR RO, ,SKYES PA DGUG PAR 'DOD NA, GZHAN RNAMS SNGAR DANG 'DRA LA, SKYES BA'I THOD PA BSHAD MA THAG PA'I CHO GAS GZUGS BRNYAN BRIS NAS G-YON BRKYANG BA'I GNAS PAS MNAN NAS DGUG PAR BYA'O, , BDUD RTZI 'KHYIL BA'I RIG PAS, GNAS NAS BSKRAD PA'I SBYOR BA NI, DE NAS BCOM LDAN 'DAS DE BZHIN GSHEGS PA RNAM PAR SNANG MDZAD DE, RDO RJE 'CHANG CHEN PO TING NGE 'DZIN LA SNYOMS PAR ZHUGS NAS PHYUNG NGO ZHES SBYAR RO, ,TING NGE 'DZIN JI LTA BU ZHE NA, DAM TSIG NI DON YOD GRUB PA'O, ,DE'I 'OD ZER STUG PO MCHOG NI, MRGAD KYI MDOG LTA BU'I 'OD DE DE LTA BU'I 'OD DANG LDAN PA'I BDUD RTZI 'KHYIL BA @556 BSKYED PA'I TING NGE 'DZIN LA'O, ,GANG ZHIG CE NA, MI 'CHI BA'I DAM TSIG NI DON YOD GRUB PA STE, DE LAS BYUNG BA'I KHRO BO BDUD RTZI 'KHYIL BA'I SNGAGS 'DI'O, ,SNGAGS NI NA MA ZHES SOGS TE MING NI SBRUL LO, ,SPEL BA NI SV'A DH'I SNGON DU 'GRO BAS CHE GE MO LUD TSA tA YA H'Um ZHES PA'O, ,'DI NI GSUNGS MA THAG TU ZHES PA, TSIGS BCAD CIG GI DON BSHAD ZIN TO, ,SNGAGS KYI NUS PA CI ZHE NA, SKROD PA LA SOGS PA'I SNGAGS KUN GYI SBYOR BA SHES PA DANG, RDO RJE STE BSKRAD PAR BKA' BA RNAMS KYANG, RTOG PA NAS 'BYUNG BA'I LAS KYI CHO GA RNAMS DANG, DON YOD GRUB PA'I SBYOR BA DANG LDAN PAS TSUL BZHIN BYAS NA SANGS RGYAS KYI DPUNG STE TSOGS DAG KYANG SPROD PAR 'GYUR NA, GZHAN DAG LTA CI SMOS ZHES PA'O, ,DE'ANG DON YOD GRUB PA'I DRAN PA GCIG PA'I TING NGE 'DZIN MTHAR PHYIN PA DANG, SNGAGS 'DI 'BUM DU BZLAS SHING SBYIN SREG KHRI KHRAG TU BYAS PA'I RNAL 'BYOR PAS, BSKRAD PA'I LAS BYED PAR 'DOD NA, DON YOD GRUB PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG NI, SKYE TSE DANG, LAN TSVA DANG, TIL DANG, DUG DANG, DA DU RA'I KHU BA DANG, MDZUB MO'I KHRAG GCIG TU BYAS LA, DER DUR KHROD KYI RAS LA, RLUNG GI DKYIL 'KHOR ZLA GAM NGOS GNYIS SU RDO RJE GNYIS KYIS MTSAN PA BRIS LA, DE'I DBUS SU BSGRUB BYA'I MING GI YI GE SNGAGS DANG SPEL BA BRIS LA, DE LA RNAM SHES DGUG PA SNGON DU 'GRO BAS, DON DU MNGON PAR ZHEN PAS MNAN LA, SNGA MA BZHIN DU BZLAS NAS DUR KHROD DU SBAS NA NGES PAR SKROD PAR 'GYUR RO, ,GZHAN @557 GYIS MI THUB PA'I RIG PAS SRIN POS GZUNG BA BSAL BA NI DE NAS BCOM LDAN SNYOMS PAR ZHUGS NAS PHYUNG NGO ZHES SBYAR, BCOM LDAN 'DAS JI LTA BU ZHE NA, DE KHO NA NYID KYI RIN PO CHE'I RGYAL MTSAN GANG LA YOD PA DE NI, RIN CHEN TOG STE RDO RJE 'CHANG CHEN PO'O, ,TING NGE 'DZIN JI LTA BU ZHE NA, SANGS RGYAS KYI 'OD ZER RDO RJE NI RIN CHEN 'BYUNG LDAN TE, DE BSKYED PA'I TING NGE 'DZIN LA'O, ,GANG ZHIG CE NA, RDO RJE KHRO BO GZHAN GYIS MI THUB PA'I SNGAGS 'DI'O, ,GANG LAS NA NYID KYI SKU LA SOGS PA LAS SO, ,SNGAGS NI NA MA ZHES SOGS TE, MING NI SBRUL LO, ,SPEL BA NI SV'A DH'I SNGON DU 'GRO BAS CHE GE MO RAKshA SA TI BYO BI MO TZA YA HRI BYA'O, ,DE NAS SNGAGS 'DI GSUNGS PA TZAM GYIS SANGS RGYAS TE SGRUB PA PO BDAG NYID CHES SKYES TE BRTZON 'GRUS DANG LDAN PA KUN 'JIGS SHING KUN TU SKRAG PAR GYUR NAS, BYANG CHUB SEMS TE RIN CHEN 'BYUNG LDAN RJES SU DRAN ZHING BSGOM PAR 'GYUR RO, ,SNGAGS KYI NUS PA CI ZHE NA, SRIN PO STE SHA ZA DANG, SENG GE LA SOGS PA MA RUNGS PA DANG, GTUM PO PHYIR RGOL BA GNOD PA BYED PA RNAMS DANG, ME DANG SBRUL LA SOGS PA 'JIGS PA CHEN POS 'KHRUGS PA LAS RDO RJE 'CHANG CHEN POS RAB TU SBYAR ZHING GTOR BAS NA, RDO RJE SEMS KYIS RAB SBYOR NAS TE, RIN CHEN 'BYUNG LDAN GYI TING NGE 'DZIN LA DMIGS NAS, KHRO BO GZHAN GYIS MI THUB PA LA BKA' BSGO'O, ,DES CI ZHIG BYED CE NA, BSRUNG BA LA SOGS PA'I LAS RNAMS RTOG PA LAS BYUNG BA'I CHO GA BZHIN DU BYED PAR 'GYUR RO, ,CHO GA NI 'DI YIN TE, BSNYEN PA LAS SU RUNG BAS RIN CHEN 'BYUNG @558 LDAN GYI DANG PO SBYOR BA DANG, DKYIL 'KHOR RGYAL MCHOG GI BAR DU BSKYED LA, LAS RGYAL MCHOG NI, RIN CHEN 'BYUNG LDAN GYI LAG MTHIL GNYIS SU YI GE H'Um GYUR PA LAS NYI MA'I DKYIL 'KHOR GNYIS BSAMS LA, DE NAS KHRO BO GZHAN GYIS MI THUB PA LA BKA' BSGOS TE, DES SRIN PO LA SOGS PAS GZUNG BA'I BSGRUB BYA DE'I SPYI BO NAS SPRUGS PAS, BSGRUB BYA'I LUS LA SRIN PO SOGS PHYIR BYUNG BAR BSAMS LA, DE NAS SRIN PO LA SOGS PA KHRO BO GZHAN GYIS MI THUB PAS BLANGS NAS, RIN CHEN 'BYUNG LDAN LA PHUL BAS, RIN CHEN 'BYUNG LDAN GYIS LAG MTHIL GYI NYI MA'I DKYIL 'KHOR GYI BAR DU BCUG NAS, NYI MA'I 'OD ZER GYIS BSREGS TE THAL BAR GYUR PAR BSAM ZHING, GZHAN GYIS MI THUB PA'I SNGAGS BRJOD NA, BDE BAR GNAS PAR 'GYUR RO, ,RTA MGRIN GYI RIG PAS DUG GSAL BA NI, DE NAS BCOM LDAN 'DAS DE BZHIN GSHEGS PA TSE DPAG TU MED PA STE RDO RJE 'CHANG CHEN PO'O, ,DPAG TU MED PA'I RDO RJE STE, 'OD DPAG TU MED PA 'BYUNG ZHING BSKYED PA'I TING NGE 'DZIN LA SNYOMS PAR ZHUGS NAS, PHYUNG NGO ZHES SBYAR, GANG ZHIG NA, PAD MO STE 'OD DPAG TU MED PA LAS BYUNG BA'I RDO RJE KHRO BO CHEN PO RTA MGRIN 'DI SNGAGS KYI BDAG NYID DU'O, ,GANG LAS NA, NYID KYI SKU LA SOGS PA LAS SO, ,SNGAGS NI NA MA ZHES SOGS TE, MING NI SBRUL LO, ,SPEL BA NI, CHE GE MO BI SHA DI KAM AA PA HA RA H'Um ZHES BYA'O, ,DE NAS SNGAGS 'DI GSUNGS PA TZAM GYIS, CHOS KYI RDO RJE STE 'OD DPAG TU MED PA'O, ,DE'I TSE MCHOG SKYES NI, DE LAS SKYES PA'I GTZO BO RTA MGRIN @559 LA SOGS PA STE, DES 'DUL BA'I BGEGS RNAMS 'JIGS SHING RAB TU BRGYAL BAR 'GYUR NAS, YE SHES RGYAL PO 'OD DPAG TU MED PA RJES SU DRAN ZHING BSGOM PAR 'GYUR RO, ,SNGAGS KYI NUS PA CI ZHE NA, MKHA' DBYINGS TE, NAM MKHA'I DBYINGS THAMS CAD DUG GIS YONGS SU GANG BA'I DUG RNAMS THAMS CAD MED PAR BYED DO ZHES SBYAR, DUG JI LTA BU ZHE NA, MI PHYED PAS NA RDO RJE, HA LA HA LA ZHES PA'I DUG GI KHYAD PAR GYIS SO, ,GANG GIS NA, KHRA BO'I RGYAL PO RTA MGRIN BSKUL BAR BYED PA'I SNGAGS 'DI YIS SO, ,MAN NGAG NI 'DI YIN TE, BSNYEN PA LAS SU RUNG BA'I RNAL 'BYOR PAS, 'OD DPAG TU MED PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG NI, SGRUB BYA DUG GIS ZIN PA LTA BU DE, RTA MGRIN SEMS DPA' SUM RTZEG TU SKAD CIG GIS BSKYED LA, DE'I TING NGE 'DZIN SEMS DPA' LAS 'OD ZER 'PHROS PAS, DES LUS THAMS CAD GANG BAR BSAM MO, ,DE NAS BDAG NYID KYI LAG PA G-YAS PA'I MTHIL DU AA LAS ZLA BA BSAMS LA, ZLA BA'I STENG DU HAm DKAR PO 'OD ZER 'PHRO BA DANG BCAS PA BSAMS LA, LAG PA'I SOR TSIGS RNAMS LA, AOm DZRIm HRIm KHRIm SVAm: ZHES PA'I YI GE LNGA BKOD DE, RTA MGRIN GYI SNGAGS BRJOD PA SNGON DU 'GRO BAS, LAG PA LA BKOD PA'I SNGAGS DANG BCAS PAS, BSGRUB BYA LA BYABS PAS, SNGAGS KYI 'OD ZER DKAR POS BSGRUB BYA'I LUS THAMS CAD GANG BAS, DUG GI RGYUN KHA DOG SNGON PO'I RNAM PA LTA BUR GDAS NAS, RKANG PA'I MTHIL NAS BTON LA, LUS SHEL LTA BUR GYUR PAR @560 BSAM PA DE ZHAG BDUN LA SOGS PA BYAS NA DUG ZHI BAR 'GYUR RO, ,DBYUG SNGON CAN GYI RIG PAS GSAD PA NI, DE NAS BCOM LDAN 'DAS DE BZHIN GSHEGS PA GDON MI ZA BAR 'GRUB PA STE, RDO RJE 'CHANG CHEN PO SNYOMS PAR ZHUGS NAS PHYUNG NGO ZHES SBYAR, GANG LA NA, GDON MI ZA BA'I DAM TSIG NI DON YOD GRU PA STE, DE 'BYUNG BA'I DPAL RDO RJE ZHES BYA BA'I TING NGE 'DZIN LA'O, ,GANG ZHIG NA, RDO RJE BE CON SNGON PO KHRO BO'I RGYAL PO 'DI SNGAGS KYI BDAG NYID DU'O, ,GANG LAS NA NYID KYI SKU LA SOGS PA LAS SO, ,SNGAGS NI NA MA, ZHES SOGS SO, ,MING NI SBRUL LO, ,SPEL BA NI, SV'A DH'I SNGON DU 'GRO BAS, CHE GE MO MA RA YA PHAt PHAt CES BYA'O, , DE NAS SNGAGS 'DI GSUNGS PA TZAM GYIS GDUG PA'I MCHOG LAS BYUNG BA NI, BGEGS KYI MCHOG RNAMS SO, ,SNGAGS KYI NUS PA CI ZHE NA, KHRO BO'I RGYAL PO GRAGS CHEN DBYUG SNGON CAN GYI SNGAGS 'DI BRGYA RTZA BRGYAD DU BZLAS PA DANG, RTOGS PA LAS 'BYUNG ZHING CHO GA TSUL BZHIN DU BYAS TE, SNGAGS KYI DON YONGS SU SHES PA LA SOGS PAS LHA RNAMS BSKUL BA YIS, DKON MCHOG GSUM LA GNOD PA BYED PA LA SOGS PA'I GDUG PA THAMS CAD GSOD PAR 'GYUR RO, ,DE LA CHO GA NI 'DI YIN TE, BSNYEN PA LAS SU RUNG BA'I RNAL 'BYOR PAS, DON YOD GRUB PA'I DANG PO SBYOR BA DANG DKYIL 'KHOR RGYAL MCHOG LA GNAS NAS, LAS RGYAL MCHOG DUR KHROD KYI RAS LA 'KHOR LO BRTZIBS BCU DRUG PA BRIS TE, DE'I STENG DU SNA TSOGS RDO RJE BRI, DE'I LTE BA LA ME'I DKYIL 'KHOR LA SKYE TSE LA SOGS PA MNGON SPYOD KYI RDZAS @561 KYIS BSGRUB BYA'I MING GI YI GE DANG SNGAGS SU SPEL TE BRIS LA, DE NAS CHU PHA 'GRAM TSUR 'GRAM GYI SA DANG, BSGRUB BYA'I RKANG RJES KYI SA DANG, BDUD RTZI LNGA DANG BSRES LA, DGRA'I GZUGS BRNYAN BYAS LA, GZUGS BRNYAN DE'I SNYING KHAR 'KHOR LO DE BCUG LA, MING LA RNAM SHES BKUG STE, DPA' BO G-YUL DU BSAD PA'I THOD PA KHA SBYAR DU BCUG LA, NYI MA PHYED DAM NAM PHYED NA, DBYUG SNGON CAN GYI NGA RGYAL LDAN PAS, RKANG PA G-YON PAS MNAN TE SNGAGS ZLOS PA'I DUS SU, DON YOD GRUB PA'I NGA RGYAL DANG LDAN PAS, SNGAGS BRGYA RTZA BRGYAD BZLAS PA DE LTA BU ZHAG BDUN LA SOGS PA'I BAR DU BYAS NA, GDUG PA CAN DE 'CHI BAR 'GYUR RO, DES SHI BAR MA GYUR NA, DPA' BO GRI BSAD PA'I THOD PA GSUM GYI SGYED BU BYAS LA, ,DE'I STENG DU GZUGS BRNYAN BZHAG LA, GRIR BSAD PA'I RO BSREGS PA'I MES GZUGS BRNYAN DE GDUNG BAR BYAS NA, GDUG PA CAN DE DANG POR TSA BA'I RIMS KYIS 'DZIN PAR 'GYUR RO, ,DE NAS GZUGS BRNYAN DE'ANG MER BCUG NAS BSREGS NA 'PHRAL DU 'CHI BAR 'GYUR RO, ,STOBS PO CHE'I RIG PAS CHAR DBAB PA NI, DE NAS BCOM LDAN 'DAS DE BZHIN GSHEGS PA MI BSKYOD PA RDO RJE 'CHANG CHEN POS KUN NAS SPRIN GYI DPAL TE, STOBS PO CHE BSKYED PA'I TING NGE 'DZIN LA SNYOMS PAR ZHUGS NAS, PHYUNG NGO ZHES SBYAR, GANG NA RDO RJE STOBS PO CHE 'DI SNGAGS KYI BDAG NYID DU'O, , GANG LAS NA, NYID KYI SKU LA SOGS PA LAS SO, ,SNGAGS NI NA MA ZHES SOGS SO, , MING NI SBRUL LO, ,SPEL BA NI, SV'A DH'I SNGON DU 'GRO BAS BAR shA DA RAM TA PA YA HRI @562 CES BYA'O, ,'DI NI ZHES SOGS GO SLA'O, ,SNGAGS KYI NUS PA CI ZHE NA, SNGAGS 'DI LAN BRGYA RTZA BRGYAD BZLAS PA'I SBYOR BA YI ZHES SO, ,DE YANG BSNYEN PA LAS SU RUNG BA'I RNAL 'BYOR PAS, MI BSKYOD PA'I DANG PO SBYOR BA DANG, DKYIL 'KHOR RGYAL MCHOG LA GNAS TE, LAS RGYAL MCHOG NI, DUG DANG KHRAG LA SOGS PA'I MNGON SPYOD KYI RDZAS RNAMS KYIS, DUR KHROD KYI RAS LA PAD MA 'DAB MA BRGYAD PA BRIS LA, PAD MA'I 'DAB MA RNAMS LA KLU BRGYAD BRIS LA, DE NAS KLU DE RNAMS KYI SNYING KHA DANG SPYI BOR H'Um NAm H'Um ZHES BYA BA DANG SNGAGS SPEL BA BRIS LA LTE BA'I DBUS SU YANG, AOm A'A: H'Um BADZRA DA RO AAD NYA PA YA STE SARBA NA GA BAR shA RA MUD TZA RE DZAN TI HRI SV'A H'A, ZHES BYA BA BKOD NAS, YANG 'KHOR LO GNYIS PA GCIG DE BZHIN DU G-YON BSKOR DU BRIS LA, 'KHOR LO GNYIS KHA SBYAR TE, DE NAS MING LA RNAM PAR SHES PA BKUG PA SNGON DU 'GRO BAS GZUGS BRNYAN GYI SNYING KHAR BZHUGS SO, ,DE LA GZUGS BRNYAN GYI RGYU NI, CHU PHA 'GRAM TSUR 'GRAM GYI SA DANG, BDUD RTZI LNGA DANG BSRES LA BYA STE, DE NAS DUG DANG KHRAG LA SOGS PA'I MNGON SPYOD KYI RDZAS RNAMS KYIS NYE BAR BYUGS TE, SNGAGS BRJOD CING DUR KHROD KYI ME LA GDUNG BAR BYAS NA, ZHAG BDUN LA SOGS PAS KLU RNAMS KYIS CHAR 'BEBS PAR 'GYUR RO, ,'DOD PA'I RGYAL PO'I RIG PAS, RGYAL PO LA SOGS PA DGUG PA NI, DE NAS BCOM LDAN 'DAS KUN TU SGROGS RDO RJE STE, 'DOD PA'I RGYAL PO BSKYED PA'I TING NGE 'DZIN LA SNYOMS PAR ZHUGS NAS, PHYUNG NGO ZHES SBYAR, GANG NA tA KI RGYAL PO KHRO BO CHEN PO 'DI @563 SNGAGS KYI BDAG NYID DU'O, ,GANG LAS NA, NYID KYI SKU LA SOGS PA LAS SO, , SNGAGS NI NA MA ZHES SOGS TE, MGO NA AOm MED CING, MJUG NA SV'A H'A MED PAS MING NI BTUS PA'O, ,SPEL BA NI, CHE GE MO AA KAR SHA HRI, ZHES PA'O, ,DE NAS SNGAGS 'DI GSUNGS PA TZAM GYIS BSGRUB PAR BYA BA NYID DU SHES PAS SANGS RGYAS TE, BGEGS RDZU 'PHRUL DANG LDAN PA'I BDAG NYID CHEN PO KUN 'JIGS SHING, DAM TSIG LDAN PA STE 'DOD PA'I RGYAL PO BLOS DMIGS NAS, RDO RJE SKU GSUM STE RDO RJE 'CHANG CHEN PO RJES SU DRAN ZHING BSGOM PAR 'GYUR RO, ,SNGAGS KYI NUS PA NI, RDO RJE SEMS DPA'I SBYOR BA STE, RDO RJE SEMS DPA'I TING NGE 'DZIN LA GNAS PA'I RNAL 'BYOR PAS, LINGGA STE BSGRUB BYA'I GZUGS BRNYAN BTZAG GIS SA LA BRIS TE, SNYING KHA'I PHYOGS SU SNGAGS DANG, DE GNYIS SPEL BAR BRIS LA, DE NAS BSGRUB BYA'I RNAM SHES BDAG GI TING NGE 'DZIN SEMS DPA'I 'OD ZER GYIS BKUG LA, GZUGS BRNYAN LA BSTIM MO, ,DE NAS 'DOD PA'I RGYAL PO'I NGA RGYAL DANG LDAN PAS, RDO RJE LCAGS KYUS BYIN GYIS BRLABS PA'I RKANG PA G-YAS PAS GZUGS BRNYAN DE MNAN NAS, MI BSKYOD PA'I NGA RGYAL GYIS, RDO RJE GSUM STE 'DOD PA'I RGYAL PO NI SNGAGS LAN BRGYA RTZA BRGYAD LA SOGS PAR BZLAS PA ZHAG BDUN GYI BAR DU BYAS NA, SNGAGS RNAMS TE RGYAL PO LA SOGS PA GANG 'GUGS PAR 'DOD PA THAMS CAD 'GUGS PAR BYED PAR 'GYUR RO, ,MI G-YO BA'I RIG PAS TSANGS PA LA SOGS PA'I LHA DGUG PA NI, DE NAS, BCOM LDAN 'DAS RDO RJE 'CHANG CHEN PO YE SHES KYI @564 PHRENG BA'I CHU'I RDO RJE NI MI G-YO BA STE, DE BSKYED PA'I TING NGE 'DZIN LA SNYOMS PAR ZHUGS NAS, PHYUNG NGO ZHES SBYAR RO, ,GANG ZHIG NA, MI G-YO BA RDO RJE GTUM PO'I DAM TSIG SNGAGS KYI BDAG NYID CAN 'DI'O, ,GANG LAS NA, NYID KYI SKU LA SOGS PA LAS SO, ,SNGAGS NI NA MA ZHES SOGS TE, MING MGO MED CES BYA'O, ,DE SKAD DU YANG, SV'A H'AR LDAN ZHING AOm MED DANG, ,MING NI MGO MED CES BYA STE, ,'DI NI LAS KUN CHO GA LA, ,RDO RJE GTZUG TOR GYIS GSUNGS SO, ,ZHES 'BYUNG BAS SO, , DE NAS SPEL BA NI, GSHIN RJE GSHED KYI SKABS DANG 'DRA'O, ,LHA RNAMS NI TSANGS PA LA SOGS PA'O, ,RDO RJE SKU NI RDO RJE 'CHANG CHEN PO'O, ,SNGAGS KYI NUS PA CI ZHE NA, KHRO BO CHEN PO MI G-YO BA'I PHRENG SNGAGS 'DIS LHA CHEN DAG STE DBANG PHYUG CHEN PO LA SOGS PA'I LHA MTHU CHEN DAG KYANG DAM TSIG LAS 'DAS PA'I 'JIGS PAS SKRAG PAR GYUR NAS, KHA SBYAR LUS SU STE, 'PHRUL 'KHOR KHA SBYAR BAS 'GUGS PAR 'GYUR RO, ,DE YANG MI BSKYOD PA'I DANG PO SBYOR BA DANG, DKYIL 'KHOR RGYAL MCHOG LA GNAS PAS, LAS RGYAL MCHOG NI, GRO GA DANG, SHOG BU LA SOGS PA LA, GI WANG DANG, GUR GUM LA SOGS PAS BSGRUB BYA TSANGS PA LA SOGS PA'I GZUGS BRIS LA, DE NAS YANG 'KHOR LO GNYIS PA SNGAGS DANG MING G-YON SKOR DU BRIS PA GCIG BYAS LA, DE GNYIS KHA SBYAR LA, SNGAGS DANG SNGAGS PHRAD PAR BYAS LA, DE NAS MING LA RNAM SHES BKUG STE, MI G-YO BA'I NGA RGYAL GYIS, RDO RJE LCAGS KYUS MTSAN PA'I RKANG PA G-YON BRKYANGS PAS MNAN LA, DE NAS SNGAGS ZLOS PA'I DUS SU, @565 MI BSKYOD PA'I NGA RGYAL GYIS, SNGAGS DUS GSUM DU BZLAS NA, ZHAG BDUN LA SOGS PAS TSANGS PA LA SOGS PA'I LHA KHUG PAR 'GYUR RO, ,GNOD MDZES KYI RIG PAS BU MO DGUG PA'I SBYOR BA NI, DE NAS BCOM LDAN 'DAS DAM TSIG RNAM PAR 'PHRUL PA RDO RJE STE, RDO RJE 'CHANG CHEN PO'I BKA' RAB TU 'JUG PA ZHES BYA BA'I TING NGE 'DZIN LA SNYOMS PAR ZHUGS NAS, RDO RJE 'DZIN PA THAMS CAD KYI DAM TSIG STE, BKA'I NGO BO GDUG PA RNAM PAR 'DUL BA'I KHRO BO CHEN PO GNOD MDZES 'DI, SNGAGS KYI BDAG NYID DU NYID KYI SKU LA SOGS PA LAS PHYUNG NGO, ,SNGAGS NI AOm ZHES SOGS SO, ,MING NI MTHA' MED CES BYA STE, GANG LA AOm YOD SV'A H'A MED, , DE NI MTHA' MED CES BYAR BRJOD, ,ZHES GSUNGS PAS SO, ,DE NAS SNGAGS 'DI GSUNGS PA TZAM GYIS, LHA MO KLU MO LA SOGS PA'I BU MO MTHU CHEN RNAMS CHAGS PA'I DBANG GIS SKRA BSHIG GOS DANG BRAL BAR GYUR NAS, RDO RJE SEMS DPA' STE RDO RJE 'CHANG CHEN PO RJES SU DRAN NO, ,SNGAGS KYI NUS PA CI ZHE NA, RDO RJE SEMS DPA' NI RANG GI YE SHES SEMS DPA'O, ,ZHABS KYIS MNAN PA NI, DE'I 'OD ZER GYIS BSGRUB BYA BSKUL BA'O, ,DE BZHIN GSHEGS PA KUN GYI BDAG PO NI BSGRUB BYA'I YE SHES SEMS DPA' STE, DE LCAGS KYU DANG ZHAGS PAS BCINGS NAS BU MO LA SOGS PA DGUG PAR BYA'O, ,DE YANG MI BSKYOD PA'I DANG PO SBYOR BA DANG, DKYIL 'KHOR RGYAL MCHOG LA GNAS PAS, LAS RGYAL MCHOG GONG GI SKYES PA LA SOGS PA DGUG PA'I SBYOR BA DANG 'DRA BAR BLTA BAR BYA'O, ,BSAM GTAN GYIS LAS @566 SGRUB PA LA GNYIS KYI, MDO BSTAN PA NI, DE NAS RDO RJE 'CHANG CHEN PO, TING NGE 'DZIN LA SNYOMS PAR ZHUGS NAS, PHYUNG NGO ZHES SBYAR, TING NGE 'DZIN JI LTA BU ZHE NA, DAM TSIG CHEN PO STE SGRUB PA PO RNAMS KYI DGUG PA LA SOGS PA'I SEMS CAN GYI DON BYED PA'I DE KHO NA NYID 'BYUNG BA RDO RJE ZHES BYA BA LA'O, ,GANG ZHIG CE NA, DAM TSIG CHEN PO STE SLOB BZHIN PA RNAMS KYI SKU GSUNG THUGS KYI RDO RJE GSUM GYI GSANG BA GSUNG GI DAM TSIG DE KHO NA NYID KYI GNAS TE GZHIR GYUR PA DGUG PA LA SOGS PA'I LAS 'DI'O, ,GANG LAS NA NYID KYI SKU LA SOGS PA LAS SO, ,RGYAS PAR BSHAD PA LA BZHI STE, SKU GSUNG THUGS DGUG PA DANG, RANG GI MTSAN MA LA BSKYON TE DGUG PA DANG, DE DAG KYANG SNGAGS DANG PHYAG RGYA 'DZOMS PAS SGRUB PA DANG, SBYOR BA GANG LA YANG RDO RJE SEMS DPAR BSGOM PA'O, ,DANG PO NI, BSAM GTAN GYI KHYAD PAR RNAM PAR BSGOM MO, ,SU ZHIG GIS ZHE NA, RDO RJE SEMS DPA' STE SGRUB PA PO SEMS GTAN PAR GYUR PAS SO, ,YUL GANG LA BSGOM ZHE NA, SANGS RGYAS TE BSGRUB BYA DKA' BA SA GSUM GYI BDAG PO PAndI TA LA SOGS PA'I RDO RJE'I SKU GSUM STE LUS NGAG YID GSUM LA'O, ,TSUL JI LTAR ZHE NA, BSGRUB BYA'I LUS LA, RANG GI PHYAG MTSAN LAS 'PHROS PA'I 'OD ZER GYI TSOGS ZHAGS PA'AM, RDO RJE KYO BA LTA BU'I RNAM PA GZHUG PAR RNAM PAR BSGOM MO, ,DE LAS CIR 'GYUR ZHE NA, DE NI SANGS RGYAS GDUG PA STE SKU DGUG PA DAM PA YIN NO, ,THUGS DGUG PA NI, SANGS RGYAS GSUNG SKU SBYOR BA YIS, ,'KHOR LO CHEN PO SBYOR BA LAS, ,RDO RJE @567 SEMS PA RGYAL PO CHE, ,RTAG TU NGES PAR KHUGS PAR 'GYUR, ,ZHES TE, NGES PAR KHUGS PAR 'GYUR RO ZHES DRANG, NAM GYI TSE NA, RTAG TU STE 'PHRAL DU'O, ,GANG ZHIG NA, RDO RJE SEMS DPA' RGYAL PO CHE STE THUGS RDO RJE'O, ,GANG GI THUGS ZHE NA, 'KHOR LO CHEN PO STE DKYIL 'KHOR PA RNAMS KYI BDAG PO YIN NO, ,DKYIL 'KHOR JI LTA BU'I ZHE NA, SANGS RGYAS TE STON PA PO SLOB DPON GYI GSUNG SKU STE, TSIG GI TSOGS KYI SBYOR BA YIS, 'KHOR DU 'DUS PA'I SLOB MA'I TSOGS KYI DKYIL 'KHOR PA RNAMS KYI'O, ,THABS GANG GIS KHUG PAR 'GYUR ZHE NA, THUGS DGUG PAR BYA BA'I PHYIR 'OD ZER GYI TSOGS RDO RJE LCAGS KYU'I RNAM PAR GTONG BA'I SBYOR BA LAS SO, , SU ZHIG GIS 'GUGS PAR 'GYUR ZHE NA, MI PHYED RDO RJE GSUM BSGOM PA STE, RNAM SNANG LA SOGS PA RIGS GSUM GYI RNAL 'BYOR PA RNAMS KYIS KHUG PAR 'GYUR RO, , DE DAG GIS THABS GANG GIS 'GUGS PAR BYED CE NA, 'KHOR LO, PAD MO, RDO RJE CHES RDO RJE KYO BA'I DBYE BA YIS ZHES SBYAR TE, GTI MUG LA SPYOD PA RNAM SNANG DANG, 'DOD CHAGS LA SPYOD PA 'OD DPAG TU MED PA DANG, ZHE SDANG LA SPYOD PA MI BSKYOD PA'I RNAL 'BYOR PA RNAMS KYI RANG GI PHYAG MTSAN GYI DANG PO 'KHOR LO DANG, PAD MA DANG, RDO RJE RNAMS LAS 'PHROS PA'I 'OD ZER GYI TSOMS, 'KHOR LO LCAGS KYU DANG, PAD MO LCAGS KYU DANG, RDO RJE LCAGS KYU'I DBYE BA'I KHYAD PAR GYIS, SNGAGS RNAMS TE BSGRUB BYA SA GSUM GYI BDAG PO PAndI TA LA SOGS PA THAMS CAD KYI SEMS DGUG PA'I MCHOG YIN NO, ,NANG LA MCHOG TU GZHOL BA'I RNAL 'BYOR PA BSNYEN @568 PA LAS SU RUNG BA DES, SA GSUM GYI BDAG PO PAndI TA DGUG PAR 'DOD NA, RNAL 'BYOR PA GTI MUG CAN YIN NA RNAM SNANG DANG, 'DOD CHAGS CAN YIN NA 'OD DPAG TU MED PA DANG, ZHE SDANG CAN YIN NA MI BSKYOD PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG NI, DE DAG GI PHYAG G-YAS KYI 'KHOR LO DANG, PAD MO DANG, RDO RJE RNAMS LAS LCAGS KYU DANG, ZHAGS PA'I RNAM PA CAN GYI 'OD ZER SPROS PAS, BSGRUB BYA RLUNG GI DKYIL 'KHOR LA BSKYON, MGRIN PA ZHABS PAS BCINGS, SNYING LCAGS KYUS PHUG NAS, 'KHOR DANG BCAS PA RIM GYIS BDAG GI GAN DU 'ONG BAR BSAMS NA ZHAG BDUN LA SOGS PAS KHUGS PAR 'GYUR RO, ,MTSAN MA LA BSKYON TE DGUG PA LA DRUG LAS, MI'I BU MO DGUG PA NI, NANG LA MCHOG TU GZHOL BA BSNYEN PA LAS SU RUNG BA'I RNAL 'BYOR PAS RANG SNGAGS SKYES BU STE, RANG GI LHAG PA'I LHA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG NI, BU MO'I MDUN DU SKAD CIG GIS, RDO RJE SEMS DPA' GZUGS GCIG BSKYED LA, DE YONGS SU GYUR PA LAS, THAMS CAD RDO RJE'I DNGOS ZHI BA, ,ZHES PA SNA TSOGS RDO RJE MDZES PA GCIG TU BSAMS LA, RLUNG GI DKYIL 'KHOR SBYOR BA YIS, ,ZHES PA DE'I 'OG TU YAm LAS RLUNG GI DKYIL 'KHOR BSKYED LA, DE NAS MI'I BU MO MCHOG RNAMS KYI SNYING KHAR RDO RJE KYO BA SBYAR ZHES PA, BDAG GI TING NGE 'DZIN SEMS DPA' LAS 'OD ZER LCAGS KYU DANG ZHAGS PA'I RNAM PA CAN 'PHROS PAS, BU MO'I SNYING LCAGS KYUS PHUG MGRIN @569 PA ZHAGS PAS BCINGS NAS, BDAG GI GAN DU 'ONG BAR BSAMS NA, NGES PAR RTAG TU STE ZHAG BDUN LA SOGS PAS 'GUGS PAR 'GYUR RO, ,SHA TZI DGUG PA NI, DE YANG NANG LA MCHOG TU GZHOL BA BSNYEN PA LAS SU RUNG BA'I RNAL 'BYOR PAS, BRGYA BYIN GYIS CHUNG MA BDE SOGS MA DGUG PAR 'DOD NA, RNAM SNANG GI DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG NI, ZLA BA'I DKYIL 'KHOR DAG LA NI, ,RNAM PAR SNANG MDZAD GZUGS CHEN BSGOM, , ZHES PA SHA TZI'I MDUN DU RNAM PAR SNANG MDZAD KYI GZUGS CHEN PO GCIG BSGOM LA, DE YONGS SU GYUR PA LAS ZLA BA'I DKYIL 'KHOR DU BSAMS NAS, DE LA SHA TZI GNAS PAR BSAM LA, DE'I 'OG TU YAm LAS RLUNG GI DKYIL 'KHOR BSKYED DE, BDAG GI TING NGE 'DZIN SEMS DPA' LAS 'OD ZER 'PHROS PAS, SHA TZI'I SNYING LCAGS KYUS PHUG MGRIN PA ZHAGS PAS BCINGS NAS, BDAG GI GAN DU RIM GYIS 'ONG BAR BSAM ZHING, DE NAS RDO RJE MI 'CHI'I SBYOR BA STE, BDUD RTZI 'KHYIL BA'I NGA RGYAL DANG LDAN PAS DE'I SNGAGS LAS GRANGS LNGA BCU BRJOD NA, NGES PAR RTAG TU STE ZHAG BDUN LA SOGS PAS SHA RTZI 'GUGS PAR 'GYUR RO, ,LHA'I BU MO 'GUGS PA NI, 'DOD PA'I RGYAL PO DANG PO SBYOR BA DANG, DKYIL 'KHOR RGYAL MCHOG LA GNAS NAS LAS RGYAL MCHOG LHA'I BU MO'I MDUN DU, RDO RJE DKYIL 'KHOR TE, 'DOD PA'I RGYAL PO'I GZUGS CHEN PO ZHIG BSGOM LA, DE YONGS SU GYUR PA LAS, RDO RJE KYO BA GZUGS PO CHE, ,'BAR BA RDO RJE 'DRA BA'I 'OD, ,CES PA RDO RJE LCAGS @570 KYUR BSAM LA, DE LA LHA'I BU MO BSKYON TE, 'OG TU RLUNG GI DKYIL 'KHOR BSGOM LA, RANG GI TING NGE 'DZIN SEMS DPA' LAS 'PHROS PA'I 'OD ZER GYIS, SNYING LCAGS KYUS PHUG MGRIN PA ZHAGS PAS BCINGS NAS, BDAG GI GAN DU 'ONG BAR BSAM ZHING, 'DOD RGYAL GYI SNGAGS BRGYA RTZA BRGYAD LA SOGS PA BZLAS NA, ZHAG BDUN LA SOGS PAS NAM MKHA'I BU MO STE LHA'I BU MO 'GUGS PAR 'GYUR RO, ,LHA MA YIN GYI BU MO DGUG PA NI, RANG GI KHRO BO RDO RJE STE, MI BSKYOD PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG DE'I DAM TSIG STE BKA', RDO RJE SA 'OG GNAS PA STE, GNOD MDZES RGYAL PO LA H'Um BZHI'I SNGAGS KYIS CHE GE MO KHUG LA SHOG CIG CES BSGO'O, ,DE NAS GNOD MDZES KYIS BSGRUB BYA STE, SHU LA RDO RJE KYO BA'I GNAS TE, MDUNG GIS SNYING PHUG LA DE'I BU GA NAS RDO RJE LCAGS KYUS DRANGS TE, MGRIN PA ZHAGS PAS BCINGS NAS, RLUNG GI DKYIL 'KHOR LA BSKYON LA, GNOD MDZES KYI SNGAGS BRGYA RTZA BRGYAD LA SOGS PA BZLAS NA LHA MA YIN GYI BU MO DGUG PAR 'GYUR RO, ,LHA DGUG PA NI, RANG GI LHAG MA'I LHA GANG YIN PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG BTZAG GAM, RDO RGYUS DAG LAS, RDO RJE'I KYO BA'I SBYOR BA STE RDO RJE LCAGS KYU'I GZUGS BYAS LA, ZLA BA GZAS ZIN PA'I TSE, KHAR BCUG NAS NI BSGRUB PAR BYA, ZHES PA RDO RJE LCAGS KYU'I GZUGS DE YUM GYI CHOS 'BYUNG DU BCUG NAS SNYOMS 'JUG BYA ZHING, NAM ZLA BA ZAS ZIN MTHONG BA NA DE BTON NAS, 'BRU @571 GSUM BZLAS PA'I SNGAGS KYIS BSRUNGS TE, DE NAS DE'I SNAG TSA BYAS NAS, TSANGS PA DANG, DRAG PO LA SOGS PA'I LHA GANG 'GUGS PAR 'DOD PA'I MING RNAMS BRIS NAS BOS NA, RDO RJE GSUM STE RDO RJE 'CHANG CHEN PO'I BKA' BZHIN DU 'JIGS SHING SKRAG NAS 'ONG BAR 'GYUR RO, ,GNOD SBYIN MO DGUG PA NI, RNAM PA'I MCHOG RNAMS KUN LDAN PA'I, ,RDO RJE 'JAM DPAL RAB TU BSGOM, ,ZHES PA, 'JAM DPAL LAM, GSHIN RJE GSHED KYI DANG PO SBYOR BA DANG, DKYIL 'KHOR RGYAL MCHOG LA GNAS TE, LAS RGYAL MCHOG GNOD SBYIN MO'I MDUN DU, KHRO BO CHEN PO GSHIN RJE GSHED SPROS LA, DE YONGS SU GYUR PA LAS, RDO RJE KYO BAR BSAMS LA, DE LA BSKAL PA BSREG PA'I ME'I 'KHOR LO LTA BU 'OD 'PHRO BAR BSAMS NAS, DE LA GNOD SBYIN MO BSKYON TE, 'OG TU RLUNG GI DKYIL 'KHOR BSGOM LA, RANG GI TING NGE 'DZIN SEMS DPA' LA 'OD ZER 'PHROS PAS, SNYING LCAGS KYUS PHUG MGRIN PA ZHAGS PAS BCINGS NAS, BDAG GI GAN DU 'ONG BAR BSAM LA, SNGAGS BRGYA RTZA BRGYAD LA SOGS PA BZLAS PAR BYAS NA, ZHAG BDUN LA SOGS PAS GNOD SBYIN MO KHUG PAR 'GYUR BAS LONGS SPYAD PAR BYA'O, ,SNGAGS DANG PHYAG RGYAS BSGRUB PA NI, TING NGE 'DZIN DANG LDAN PAR BZLAS PA BYA BA NI, DE LTA BU'I DGUG PA LA SOGS PA'I LAS KYANG, RANG GI LHA'I TING NGE 'DZIN DANG, BZLAS PA GANG RUNG CIG TZAM GYIS 'GRUB BAM ZHE NA, MA YIN GYI, SNGAGS KYI SGO NAS LAS BSGRUB PA LA TING NGE 'DZIN DANG SNGAGS GNYIS KA DANG LDAN DGOS SO ZHES STON PA NI, YE SHES KYI SKU @572 DANG SNGAGS KYI SKU'I DBYE BAS, PHYAG RGYA CHEN PO'I KHYAD PAR RNAM PA GNYIS DANG, NGAG GI BZLAS PA DANG, RDO RJE'I BZLAS PA'I DBYE BA YIS SNGAGS KYI BZLAS PA'I KHYAD PAR GNYIS TE, DE LTAR NA PHYAG RGYA DANG BCAS PA'I KHYAD PAR THAMS CAD DGUG PA LA SOGS PA'I LAS BSGRUB PA'I THABS SU GSUNGS PA YIN NO, ,GAL TE SNGAGS DANG PHYAG RGYA'I KHYAD PAR GNYIS KYIS SGRUB PA LAS GZHAN DU MA BSGRUBS NA, LAS DE 'JIG PAR 'GYUR BA STE 'GRUB PAR MI 'GYUR RO, ,SBYOR BA GANG LA'ANG RDO RJE SEMS DPA' BSGOM PA NI, RDO RJE SEMS DPA' NI DRUG PA STE DE NYID LNGA PO RNAMS KYI RTEN DU GYUR PA'I PHYIR, RGYAL PO CHE'O, ,DE NI LAS THAMS CAD DANG GNAS SKABS THAMS CAD DU YANG DANG YANG DU BSKUL BAR BYA ZHING DMIGS PAR BYA'O, ,DE CI'I PHYIR ZHE NA, DE NYID NI SNGAGS RNAMS TE, DE BZHIN GSHEGS PA THAMS CAD KYI RGYAL PO STE GSAL BAR BYED PA DANG, MCHOG TU BRTAG PA YIN PAS SO, 'DIS NI DON GNYIS STON TE, SBYOR BA THAMS CAD KYI SNGON DU RDO RJE 'CHANG GI LHAG MOS KYI DKYIL 'KHOR BSGOM PA'AM, YANG NA SNGAGS LA GZHOL BA'I LAS TSOGS KYIS ZHI BA LA SOGS PA'I LAS GRUB PAR MA GYUR NA, DE'I TSE RGYAL PO GSUM GYI SGO NAS SNYING PO BSKUL BA LAS, 'DI NI PHYAG RGYA'I RGYAL PO RDO RJE 'CHANG DU BSGOM PA STE STON PA YIN ZHES SDOG GSUNG NGO, ,SNGAGS KYI RIG PA GZHAN BSTAN PA LA GSUM LAS, RAL GCIG MA'I RIG PAS KLU DGUG PA NI, DE NAS BCOM LDAN 'DAS RDO RJE 'CHANG CHEN PO TING NGE 'DZIN LA SNYOMS PAR ZHUGS NAS PHYUNG NGO ZHES SBYAR RO, ,TING NGE 'DZIN JI LTA @573 BU ZHE NA, NAM MKHA' KUN TU RNAM PAR 'PHRUL PA'I YE SHES RDO RJE NI DON YOD GRUB PA STE, DE BSKYED PA'I TING NGE 'DZIN LA'O, , GANG ZHIG CE NA, RDO RJE'I RANG BZHIN THOR GTZUG STE RAL PA GCIG MA CAN, DAM TSIG CHEN PO GZHAN GYIS MI THUB PA'I GZUNGS DON YOD GRUB PA'I RDO RJE STE DKYIL 'KHOR PA RNAMS KYI MCHOG 'DI SNGAGS KYI BDAG NYID DU'O, ,GANG LAS NA, NYID KYI SKU LA SOGS PA LAS SO, ,SNGAGS NI AOm ZHES SO, ,SHU LI NI MDUNG CAN MA ZHES BOD PA'O, ,DE NAS 'DI GSUNGS PA TZAM GYIS KLU'I BU MO MTHU CHEN RNAMS 'DOD PAS MES TSIG PAR GYUR CING, GOS DANG BRAL NAS GZHAN DBANG DU GYUR TE, SANGS RGYAS BYANG CHUB STE DON YOD GRUB PA RJES SU DRAN ZHING BSGOM PAR 'GYUR RO, , SNGAGS KYI RIG PA 'DI DANG CHO GA SBYOR BA YIS KLU RNAMS 'GUGS PAR 'GYUR RO, , CHO GA NI, DON YOD GRUB PA'I DKYIL 'KHOR RGYAL MCHOG YAN CHAD BSKYED NAS, LAS RGYAL MCHOG SKYES PA'I THOD PA LA BTZAG GIS RLUNG GI DKYIL 'KHOR BRIS LA, DE'I SNYING KHAR MING BRIS LA RNAM SHES BKUG STE, DON DU MNGON PAR ZHEN PAS, RDO RJE LCAGS KYUS BYIN GYIS BRLAB PA'I RKANG PA G-YON PAS MNAN LA, AOm SHU LI NI CHE GE MO AA KAR SHA YA HRI, ZHES SPEL TSIG DANG BCAS PAS, SNGAGS BZLAS NA ZHAG BDUN LA SOGS PAS KLU RNAMS KHUG PAR 'GYUR RO, ,CHO GA 'DI NYID KYIS BUD MED THOD PA'I NANG DU KLU'I BU MO'I GZUGS BRIS NA DE NYID KHUG PAR 'GYUR RO, ,RIG PA 'DZIN PA'I BU MO DGUG PA NI, DE NAS BCOM LDAN RDO RJE 'CHANG CHEN PO NAM @574 MKHA'I DAM TSIG NI 'OD DPAG TU MED PA'O, ,DE LAS BYUNG BA'I RDO RJE NI, KHRO GNYER CAN STE, DE BSKYED PA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR, GANG NA CHOS CHEN PO STE 'OD DPAG TU MED PA'I DAM TSIG STE RIG DANG LDAN PA'I RDO RJE KHRO GNYER MA 'DI, SNGAGS KYI BDAG NYID DU'O, ,GANG LAS NA NYID KYI SKU LA SOGS PA LAS SO, ,SNGAGS NI AOm CES SOGS SO, ,YE SHES RDO RJE NI 'OD DPAG TU MED PA'O, ,RIG PA 'DZIN PA'I BU MO GZUGS SOGS KYI YON TAN DANG LDAN PAS MCHOG TU GYUR PA GSER GYI RNA CHA G-YO BA RNAMS SNGAGS KYI RIG PA 'DI DANG, DAM TSIG LA SOGS PA CHO GA'I KHYAD PAR GYIS DGUG PAR BYA'O, ,DE LA CHO GA NI, 'OD DPAG MED KYI DKYIL 'KHOR RGYAL MCHOG YAN CHAD BSKYED DE, DE LA GNAS NAS LAS RGYAL MCHOG BUD MED KYI THOD PA LA BTZAG GIS RLUNG GI DKYIL 'KHOR BRIS TE, DE'I DBUS SU RIG PA 'DZIN PA'I BU MO'I GZUGS BRIS LA, DE'I SNYING KHAR MING BRIS LA, DE LA RNAM SHES BKUG STE, DON DU MNGON PAR ZHEN PAS, RDO RJE LCAGS KYUS BYIN GYIS BRLABS PA'I RKANG PA G-YON PAS MNAN LA, SNGAGS LA CHE GE MO AA KAR SHA YA HRI ZHES PA DANG SPEL TE BZLAS NA, ZHAG BDUN LA SOGS PAS 'GUGS PAR 'GYUR RO, ,'BRU GSUM BZLAS PA PHAN YON DANG BCAS PA NI, DE MA THAG TU STE RING PO MI THOGS PAR 'GUGS SHING 'GRUB PAR 'GYUR RO, ,ZHES DRANG, GANG ZHIG NA, YE SHES RDO RJE GSUM STE, MI BSKYOD PA LA SOGS PA'I RIGS LAS BYUNG BA'I SPYAN MA LA SOGS PA'I LHA RNAMS DANG GSHIN RJE GSHED LA SOGS PA'I KHRO BO @575 RNAMS KYI PHRENG SNGAGS SNGAR BSHAD PA DE RNAMS KUN NO, ,GANG GIS ZHE NA, SBRUL LA SOGS PA'I SNGAGS RNAMS SKYES PA DANG, BUD MED DANG, MA NING GI DBYE BAS, GANG DU 'GOG CING GZUNG BAR GYUR BA NI, 'GOG PA RDO RJE RGYAL PO STE, YI GE 'BRU GSUM GYI SNGAGS KYIS SO, ,'BRU GSUM PO DE NI, 'JUG GNAS LDANG GSUM GYI TSUL GYIS RGYUN MI 'CHAD PAR RGYU BAR GYUR PAS NA, YONGS SU RDZOGS PAR MDZES MCHOG CES BYA STE, 'DOD PA'I DON SGRUB PAS MDZES PA'I PHYIR RO, ,DON NI 'DI YIN TE, SNGAR BSHAD PA'I PHRENG SNGAGS BCO LNGA PO DE DAG GI LAS JI SNYED CIG 'GRUB PA DE DAG THAMS CAD 'BRU GSUM NGAG TU BZLAS PA KHO NAS 'GRUB CES STON PA STE, DE YANG BSNYEN PA LAS SU RUNG ZHING, 'BRU GSUM 'BUM PHRAG GCIG BZLAS PA DANG, DE'I SBYIN SREG KHRI PHRAG GCIG BYAS SHING, RIG PA'I BRTUL ZHUGS LA BYA BA BYAS PAS, LAS SBYOR GYI DUS SU, PHRENG SNGAGS BCO LNGA POS, LAS GANG DANG GANG GRUB PA'I LAS DE THAMS CAD 'BRU GSUM BZLAS PAS 'GRUB PAR 'GYUR RO, , GDUGS PA TSAR BCAD PA LA LNGA LAS, DGUG PA LA SOGS PA'I GNAS DANG, BSNYEN PA PHAN YON DANG BCAS PA NI, BSNYEN PA LAS SU RUNG BA'I RNAL 'BYOR PAS, SNGAR JI SKAD BSHAD PA'I LAS DE DANG DE SGRUB PA'I SNGON DU SKYE BAS DBEN PA'I GNAS RI BO CHEN PO LA SOGS PA RU, GSHIN RJE GSHED LA SOGS PA'I KHRO BO THAMS CAD DANG, SPYAN MA LA SOGS PA'I LHA MO RNAMS KYI PHRENG SNGAGS SNGAR BSHAD PA DE RNAMS 'BUM DU BZLAS SHING, SBYIN SREG KHRI PHRAG GCIG BYAS TE, DE NAS GDUG @576 PA LA SOGS PA'I LAS THAMS CAD BYED PAR BSHAD DO, ,GSAD PA'I YUL BSTAN PA NI, RDO RJE SLOB DPON ZHES SOGS TE GO SLA'O, ,BSAD PA'I CHO GA LA GNYIS LAS, KHA SBYAR DBYE BA NI, PHYOGS BCU'I SEMS CAN ZHES SOGS TE GO BAR ZAD DO, , GSAD PA'I SBYOR BA LNGA BSTAN PA NI, ZHE SDANG RDO RJE'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG KHRAG DANG CHU DRON DANG, BSHANG BA DANG, GCI BA DAG GCIG TU BYAS PAS, GSHER BAR BYAS PA'I GOS BGOS NAS, DUG DANG SKYE TSE LA SOGS PAS MNGON SPYOD KYI RDZAS LAS SGRUB BYA'I GZUGS BYAS LA, DE'I SNYING KHAR SNGAGS DANG SPEL BA'I MING BCUG LA, MING LA RNAM SHES BKUG STE DON DU ZHEN PAS, SNA TSOGS RDO RJES MTSAN PA'I RKANG PA G-YAS PAS LINGGA MNAN LA MI BSKYOD PA'I SBYOR BA DANG LDAN PAS, GSHIN RJE GSHED LA SOGS PA'I KHRO BO'I RGYAL PO GANG YANG RUNG BA'I SNGAGS BRGYA RTZA BRGYAD YONGS SU BZLAS NA, SANGS RGYAS TE LAS KYI TSOGS LA MKHAS PA DAG KYANG NGES PAR BAR 'GYUR RO, ,YANG CHU 'BA' ZHIG GIS GSHER BAR BYAS PA'I GOS BAR 'GYUR RO, ,YANG CHU 'BA' ZHIG GIS GSHER BAR BYAS PA'I GOS BGOS TE, YANG SNGAR BZHIN CHO GA BRTZAM PAR BYA'O, ,DE BZHIN DU BSHANG GCIS GSHER BAR BYAS PA DANG, THAL SKYOS GSHER BAR BYAS PA'I GOS BGOS PA DANG, GOS MED PA GCER BUR SKRA BSHIG STE SNGAR BZHIN SBYOR BA RTZOM PAR BYA'O, ,SBYOR MA LNGA PO 'DI DAG LA CHAS GOS MI 'DRA BA'I KHYAD PAR MA GTOGS CHO GA'I DNGOS GZHI LA KHYAD PAR MED CING, CHAS GOS GANG MOS PA BYA'O, ,ZHES PA'O, ,GSAD PA'I GNAS NI, @577 DRAG PO'I LAS DE DAG GNAS GANG DU BRTZAM ZHE NA, TSANGS PA MO DANG, KHYAB 'JUG MO DANG, DRAG MO DANG, DBANG MO DANG, GZHON NU MO DANG, PHAG MO DANG, RGAN BYAD MO STE, 'JIG RTEN GYI MA MO BDUN PO DE RNAMS KYI GNAS SAM, DUR KHROD LA SOGS PA DAG TU BRTZAM PAR BYA'O, ,GSAD PA DANG, BSKRAD PA'I SBYOR BA GZHAN GSUM BSTAN PA NI, NANG LA MCHOG TU GZHOL BA BSNYEN PA LAS SU RUNG BAS, ZHE SDANG RDO RJE'I DKYIL 'KHOR RGYAL MCHOG YAN CHOD LA GNAS NAS, LAS RGYAL MCHOG DUR KHROD KYI RAS LA DUG LA SOGS PA MNGON SPYOD KYI RDZAS SU SNA TSOGS RDO RJE BRIS TE, DE'I LTE BA LA BSGRUB BYA'I MING DANG SNGAGS BRIS TE, MING LA RNAM SHES BKUG STE DON DU ZHEN PAS, 'KHOR LO DE MI'I RJE NGAR GYI RUS PA LAS BYAS PA'I PHUR BU SOR BRGYAD PA'I TSAD TZAM GYI KHONG STONG GI NANG DU BCUG LA, BSGRUB BYA'I RKANG RJES KYI SAS BKAB STE, KHRO BO'I SNGAGS LAN BRGYA RTZA BRGYAD DU BZLAS PA BYAS TE, DGRA BO'I SGO GAR SBA BAR BYA'O, ,DES CIR 'GYUR ZHE NA, ZLA BA PHYED KYI NANG TSUN CHAD DAM ZLA BA PHYED RDZOGS PAS GNAS NAS NYAMS PA'AM, YANG NA 'CHI BAR 'GYUR RO, , SU ZHIG ZHE NA, SANGS RGYAS TE SEMS CAN SHES RAB CAN DANG, SKU GSUM STE DMAN 'BRING BAR MA'I SEMS CAN RNAMS LA MCHOG SBYIN PA DANG, SHES PA STE DRIN LA LAN GYIS LDON PA'I SEMS DANG LDAN PA DANG, MI SHES PA STE BYAS PA MI BZO BA RNAM PAR SPANGS PA YIN YANG, RDO RJE SLOB DPON LA SMOD PA LA SOGS MA RUNGS PA BYED NA MNGON SPYOD KYI YUL YIN PAS DE DAG GO ,SBYOR BA GNYIS PA SKROD PA NI, LHA'I @578 RNAL 'BYOR SNGAR DANG 'DRA LA, LAS RGYAL MCHOG THOD PA GANG BA RMA MED PA DAG BTZAL LA, BYE BRAG SHES PA'I MKHAS PAS, THOD PA DER, KHRO BO GANG RUNG BA'I SNGAGS BSGRUB BYA'I MING DANG BCAS PA BRIS TE, KHRO BO'I SNGAGS RDO RJE'I TSIG GIS RANG GZHAN GYIS THOS PAR BZLAS NAS, THOD PA DE DGRA'I SGO'AM GRONG DAG DU SBAS NA NGES PAR SKROD PAR 'GYUR RO, ,SBYOR BA GSUM PA GSAD PA NI, LHA'I RNAL 'BYOR SNGA MA DANG 'DRA LA, LAS RGYAL MCHOG NI, TA LA'I LO MA'AM RAS GZHAN GANG YANG RUNG BA LA, KHRO BO GANG YANG RUNG BA'I SNGAGS DANG DGRA BO'I MING SPEL TE BRIS LA, DGRA'I SGO'AM GRONG DAG TU SBAS NAS, SNGAGS DE NYID THUN BZHIR BZLAS NA, RIMS KYIS THEBS NAS, DANG POR SKAM PAR 'GYUR ZHING PHYIS 'CHI BAR 'GYUR RO, ,DAM TSIG CHEN PO'I DPAL RDO RJE NI, RDO RJE 'CHANG CHEN PO'O, ,PHUR BUS GDAB PA LA GNYIS TE, THUN MONG GI PHUR BUS GDAB PA DANG, THUN MONG MA YIN PA'I PHUR BUS GDAB PA'O, ,THUN MONG GI PHUR BUS GDAB PA LA GSUM GYI THUN MONG GI SNGAGS NI, DE NAS BCOM LDAN 'DAS RDO RJE 'CHANG CHEN PO DE BZHIN GSHEGS PA STE, BSGRUB BYA GDUG PA THAMS CAD KYI SKU GSUNG THUGS NGES PAR 'CHING ZHING MI G-YO BAR BYED PA'I RDO RJE ZHES BYA BA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR, GANG ZHIG NA, RDO RJE KHAMS GSUM STE, RAB 'BRING THA MA'I BSGRUB BYA THAMS CAD KYI SKU GSUNG THUGS GNOD CING GZIR BAR BYED PA'I SNGAGS 'DI'O, ,GANG LAS NA NYID KYI SKU LA SOGS PA LAS SO, ,SNGAGS NI AOm ZHES SOGS SO, ,DE NAS SNGAGS @579 'DI GSUNGS MA THAG TU BSGRUB PAR DKA' BAS NA SANGS RGYAS, MTHU CHEN PO DAG LDAN PAS NA RDZU 'PHRUL CHEN PO BRGYA BYIN LA SOGS PA KUN SNGAGS KYIS REG PAS DANG POR BRGYAL ZHING, PHYIS DRAN PA RNYED NAS SKRAG PAS 'JIGS PAR 'GYUR TE, NAM MKHA' RDO RJE'I THUGS TE RDO RJE 'CHANG CHEN PO DRAN PA STE DE LA SKYABS SU SONG BA'O, ,RDZAS KYI PHUR BUS GDAB PA NI, ZHE SDANG RDO RJE'I DKYIL 'KHOR RGYAL MCHOG YAN CHAD LA GNAS NAS, LAS RGYAL MCHOG MNGON SPYOD KYI RDZAS LA DGRA BO'I GZUGS BRNYAN BYAS LA DUR KHROD KYI RAS LA DUG LA SOGS PAS KHRO BO GANG YANG RUNG BA'I SNGAGS DANG DGRA BO'I MING SPEL TE BRIS LA, GZUGS BRNYAN GYI SNYING KHAR BCUG STE, RNAM SHES BKUG LA, MI RUS SAM, SENG LDENG NGAM LCAGS LAS BYAS PA'I PHUR BU STOD KHRO BO'I GZUGS CAN SMAD MDUNG RTZE GCIG PA'I RNAM PA BYAS LA, GSANG SNGAGS 'DON SHING GZUGS BRNYAN GYI SPYI GTZUG NAS RKANG MTHIL GYI BAR DU RDO RJE THO BAS BRDUNGS NA, RDO RJE SKU GSUM STE DGRA BO'I LUS NGAG YID GSUM 'JIG PAR BYED PAR 'GYUR RO, ,BSAM GTAN GYI PHUR BUS GDAB PA NI, 'OD 'PHRO 'KHRUG CING MDANGS BZANG BA'I, ,RDO RJE SEMS DPAR MNYAM GZHAG LA, ,ZHES PA SGRUB THABS LAS 'BYUNG BA'I TSUL GYIS, RDO RJE 'CHANG CHEN PO'I SBYOR BA DANG LDAN PAS, BSGRUB PA CHEN PO'I DUS SU MI BSKYOD PA PHYUNG ZHING, RJES SU ZHUGS PAS, BDAG NYID ZHE SDANG RDO RJE MCHE BA CUNG ZAD GTZIGS PA, 'OD KYI DKYIL 'KHOR DMAR PO'I DBUS SU CHUD PAR BSGOM LA, DE'I 'OG TU KHRA BO BCU PHYUNG STE, PHYOGS @580 DANG MTSAMS RNAMS SU BZHAG NAS, DE NAS GNOD MDZES LA BKA' BSGO BA NI, RDO RJE'I SKU NI GSUM GYI MTHAR STE, SKU GSUM GYI BDAG NYID CAN GYI GZUGS BRNYAN GNOD MDZES KYI GZUGS SU BSAMS LA, DE NYID LA H'Um BZHI'I SNGAGS KYIS BSGRUB BYA CHE GE MO KHUG CIG CES BKA' BSGOS LA, DE NAS BSHAD MA THAG PA'I PHUR BA'I CHO GA BSAM GTAN GYIS SBYAR BAR BYA'O, ,MI BSKYOD PA 'BA' ZHIG DU MA ZAD KYI, RNAM PAR SNANG MDZAD KYI PHYAG RGYA CHEN PO DANG, 'DOD CHAGS RDO RJE CAN STE 'OD DPAG TU MED PA DANG, GSHIN RJE GSHED KYI PHYAG RGYA CHEN PO DAG KYANG BSAMS NAS, PHUR BU'I CHO GA 'DI SBYAR BAR BYA STE, DE LTAR BYAS NA RDO RJE GSUM YANG RNAM PAR GNON NO, ,DE LTAR GNOD MDZES LA BKA' BSGO BA, GNOD MDZES KYIS BSGRUB BYA'I SNYING LCAGS KYUS PHUG MGRIN PA ZHAGS PAS BCINGS TE KHRO BO BCU LA GTAD PAR BSAM MO, ,DE NAS RDO RJE BDUD RTZI 'KHYIL BA PHUR BA'I GZUGS SU GYUR PAS, GDUG CING KHRO BA'I BSGRUB BYA RNAMS KYIS, RKANG MTHIL NAS SPYI GTZUG GI BAR DU BTAB PAS TSAR GCAD CING BRTZE BA MED PAR GZHOM PAR BYA'O, ,BSHAD MA THAG PA'I CHO GA 'DI NI, RDO RJE SBYOR BA STE MI BSKYOD PA'I RNAL 'BYOR PAS BYA BA YIN ZHING, SANGS RGYAS TE RNAM SNANG DANG, 'OD DPAG TU MED PA DANG, BDAG NYID CHEN PO GSHIN RJE GSHED KYI RNAL 'BYOR PA'I YANG CHO GA 'DI NYID YIN NO, ,PHUR BU'I DBYIBS JI LTA BU ZHE NA, BDUD RTZI 'KHYIL BA'I SNYING KHA NAS, RKANG PA'I MTHAR RDO RJE PHUR BU'I RNAM PAR BSGOM ZHING, PHUR BU DE NYID LTE BA'I GONG YAN CHAD DU DAM TSIG STE, @581 BDUD RTZI 'KHYIL BA DE NYID KYI GZUGS SU BSAM MO, ,BSHAD MA THAG PA 'DI NI PHUR BU'I RNAM 'PHRUL LAM DBYIBS YIN NO, ,BSHAD MA THAG PA'I PHUR BU'I DBYIBS DANG BSAM GTAN RDO RJE'I SBYOR BA YIS, SANGS RGYAS TE PHUR BU'I CHO GA SHES PA'I SGRUB PA POS NGES PAR 'DEBS SHING MI 'GYUR BAR BYED DO, ,PHUR BUS BTAB PA DE LA CIR 'GYUR ZHE NA, RDO RJE SEMS DPA' RGYAL PO CHES, ,PHUR BUS BTAB NA MYUR DU 'CHI, ,ZHES TE, BRTZON 'GRUS BRTAN PAS NA RDO RJE SEMS DPA'O, KHAMS GSUM GYI CHOS KYI RGYAL POR DBANG BSKUR BAS NA, RGYAL PO CHEN PO STE, DE LTA BU'I SGRUB PA POS JI SKAD BSHAD PA'I CHO GAS BSGRUB BYA LA PHUR BUS 'DEBS NA, DE'I TSE BSGRUB BYA MYUR ZHING RINGS PAR 'CHI BAR 'GYUR RO, ,THUN MONG MA YIN PA'I PHUR BUS GDAB PA LA GSUM GYI, LUS LA GDAB PA NI, DE NAS BCOM LDAN 'DAS RDO RJE 'CHANG CHEN PO RNAM PAR SNANG MDZAD CHEN PO SKU STE BSGRUB BYA'I LUS RNAM PAR 'PHRUL ZHING PHUR BU'I GNAS SU RNAM PAR ROL PA'I RDO RJE ZHES BYA BA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR, GANG ZHIG NA, BSGRUB BYA'I SKU'I DAM TSIG STE LUS KYI STOBS TSAM NGAM GYIS GNON CING TSAR GCOD PA'I RDO RJE PHUR BU'I SNGAGS 'DI'O, ,GANG LAS NA NYID KYI SKU LA SOGS PA LAS SO, ,SNGAGS NI AOm ZHES SOGS TE MING NI MTHA' MED DO, ,SPEL BA NI MA RA YA PHAt CES BYA'O, , PHYAG RGYA M'A MA KIR BSKYED LA, PHAN TSUN DKRI BA'I TSUL TE 'KHYUD PA LA SOGS PA BYAS LA, MTHE BO RANG GI RDO RJE DANG, GZHI PHYAG RGYA'I PAD MA GNYIS RAB TU BSDAMS PA @582 STE, GCIG TU 'DUS PAR BYAS NAS, RNAM PAR SNANG MDZAD KYI TSUL TE, SGRUB BYA'I LUS DE'I GNAS SPYI BO LA, RDO RJE PHUR BU NGES PAR GDAB PAS MNAN PAR BYA'O, , DES CIR 'GYUR ZHE NA, BTAB MA THAG TU, SEMS DPA' CHE STE STOBS CHEN PO DANG LDAN PA DANG, RDO RJE SKU GSUM LAS BYUNG BA STE, SKU GSUM GYI BDAG NYID CAN YANG GNAS NAS SKROD PA'AM MCHI BAR 'GYUR RO, ,DE YANG MI BSKYOD PA'I DANG PO SBYOR BA DANG, DKYIL 'KHOR RGYAL MCHOG LA GNAS PAS, LAS RGYAL MCHOG NI, PHYAG RGYA M'A MA KIR BSKYED PA DANG SNYOMS PAR 'JUG PA'I DUS SU, DE'I CHOS 'BYUNG DU ME'I DKYIL 'KHOR BSAMS LA, DE'I STENG DU MA DAD PAR SMRA BA LA SOGS PA'I BSGRUB BYA BSAM LA, DE'I SPYI BOR SGRUB PA PO'I LAG PA'I RDO RJE PHUR BUR BSKYED PA DES BTAB PAR BSAM ZHING, SNGAGS DANG CHE GE MO MA RA YA PHAt CES SPEL BA BZLAS SHING SNYOMS 'JUG BYA'O, ,NGAG LA GDAB PA NI, DE NAS BCOM LDAN 'DAS RDO RJE 'CHANG CHEN PO 'JIG RTEN DBANG PHYUG GIS GSUNGS TE, BSGRUB BYA'I TSIG PHUR BU 'DEBS PA'I RNAM PAR 'PHRUL BA RDO RJE ZHES BYA BA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR, GANG ZHIG NA, GSUNG GI DAM TSIG STE, BSGRUB BYA'I NGAG GI STOBS GNON CING RENGS PAR BYED PA'I RDO RJE ZHES BYA BA PHUR BUS GDAB PA'I SNGAGS 'DI'O, ,GANG LAS NA NYID KYI SKU LA SOGS PA LAS SO, , SNGAGS NI AOm ZHES TE, MING DANG SPEL BA SNGAR DANG 'DRA'O, ,MI BSKYOD PA'AM 'OD DPAG TU MED PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, @583 LAS RGYAL MCHOG PHYAG RGYA M'A MA KI'AM, GOS DKAR MOR BSKYED PA'I CHOS 'BYUNG DU ME'I DKYIL 'KHOR LA BSGRUB BYA BSAM LA, YE SHES GSUM 'BYUNG BA'I PAD MA NI YUM GYI BHA GA YIN LA, DE KHA PHYE BA DER BSGRUB PA PO'I RDO RJE SER MO NGES PA GZHUG CING, 'DOD CHAGS RDO RJE'I TSUL NI BSGRUB BYA'I TSIG GI RGYUN TE DE'I GNAS LCE'I RTZE MO LA, RDO RJE PHUR BU NGES PAR GDAB CING, SNGAGS DANG CHE GE MO MA RA YA PHAt CES PA SPEL NAS, BZLAS TE SNYOMS 'JUG BYA'O, ,BTAB MA THAG TU STE CHOS 'BYUNG DU CHUD PA'I BSGRUB BYA'I LCE LA RDO RJE REG PA TZAM GYIS, RDO RJE CHE STE 'OD DPAG MED KYI RANG BZHIN GYI BSGRUB BYA'I NGAG GI SPROS PA SKU GSUM DRI MED STE NAM MKHA'I RANG BZHIN LAS 'BYUNG BA BTAB PA TZAM GYIS TE SBYOR BA'I KHYAD PAR GYIS, LDANG BAR 'GYUR BA STE NGAG GNON PA'AM, YANG NA BSGRUB BYA 'CHI BAR 'GYUR RO, ,SEMS LA GDAB PA NI, DE NAS BCOM LDAN 'DAS RDO RJE 'CHANG CHEN PO RDO RJE 'DZIN PA CHEN PO'I THUGS NI BSGRUB BYA'I SEMS TE, DE LA PHUR BUS GDAB PA'I RNAM PAR 'PHRUL BA RDO RJE ZHES BYA BA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR RO, , GANG ZHIG NA THUGS KYI DAM TSIG STE, BSGRUB BYA'I SEMS KYI SO BA TZAM NGAM GYIS GNON CING 'JOMS PA'I SNGAGS 'DI'O, ,GANG LAS NA NYID KYI SKU LA SOGS PA LAS SO, ,SNGAGS NI AOm ZHES TE, MING DANG SPEL BA SNGA MA BZHIN NO, ,MI BSKYOD PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG PHYAG RGYA M'A MA KIR BSKYED PA'I CHOS 'BYUNG DU, ME'I DKYIL 'KHOR LA BSGRUB @584 BYA BSAMS NAS, RANG GI RDO RJE RTZE MO LNGA PA'I ME 'OD 'PHRO BA MANG PO 'KHRIGS PA'I RANG BZHIN DU BSGOM ZHING, RDO RJE'I THUGS KYI TSUL NI BSGRUB BYA'I SEMS TE, DE'I GNAS SNYING LA RDO RJE PHUR BU NGES PAR GDAB CING, SNGAGS DANG MING SPEL NAS BZLAS SHING SNYOMS 'JUG BYA'O, ,DE LAS CIR 'GYUR ZHE NA, RANG GI PHYAG RGYA'I CHOS 'BYUNG DU ME'I DKYIL 'KHOR LA GNAS PA'I SGRUB BYA'I SNYING GI PAD MO LA, 'BAR BA'I RDO RJES BTAB CING BRDUNGS PA TZAM GYIS, RDO RJE CHE STE BSGRUB BYA'I SEMS SKU GSUM DRI MED STE 'OD GSAL LAS BYUNG BA, BTAB PA TZAM GYIS TE BSHAD MA THAG PA'I SPYO BA'I KHYAD PAR GYIS, LDANG BAR 'GYUR BA STE SEMS MYOS PAR 'GYUR BA'AM, YANG NA 'CHI BAR 'GYUR RO, ,CHO GA'I PHAN YON STON PA NI, SKU GSUNG THUGS KYI SBYOR BA YI, ,ZHES PA TSIGS BCAD GCIG STE, 'GREL PAR BSHAD PA MI SNANG YANG GO SLA'O, ,BCOM LDAN 'DAS RDO RJE PHUR BU CHEN PO NI, RDO RJE 'CHANG CHEN PO'O, ,CHO GA LA'O MTSAR BA'I SGO NAS NYE BAR BSDU BA NI, DE LTAR LAS KYI TSOGS GSUNGS PA'I RJES THOGS DE NAS, SANGS RGYAS TE RDZOGS PA'I RIM PA LA GNAS PA'I BYANG CHUB SEMS DPA' CHEN POS SKU GSUM STE THEG PA GSAR PA LA GNAS PA'I LAS DANG PO PA RNAMS KYI MCHOG ,SEMS CAN GYI DON BYED NUS PAS, SEMS CAN KHAMS LA PHAN PAR MDZAD PA RNAMS DANG POR THOS PAS MNYES SHING, PHYIS DON RTOGS PAR GYUR PAS RAB TU DGES PAR GYUR NAS RANG GI RJES SU MYONG BA GSAL BAR BYED PA'I GSUNG 'OG NAS 'BYUNG BA 'DI SKAD BKA' BSTZAL TO, ,AE @585 MA HO ZHES PA NGO MTSAR BA'O, ,GANG ZHIG NGO MTSAR ZHE NA, GSANG BA'I GNAS NI SNGAGS KYI GNAS TE DE NI MCHOG GO ,SNYING PO KUN BTUS PA NI, SNGAGS RNAMS KYI RAB TU SBYOR BA'I BYE BRAG GO ,CHOS KYI GNAS ZHI BA NI, RAB TU SBYOR BA DE NYID BSAM GTAN GYIS RDZOGS PAR BYAS PA'O, ,DE LA RKANG PA DANG PO NI, LAS SBYOR SPYI LA CHED DU BRJOD PA'O, ,GNYIS PA NI SNGAGS KYI LAS SBYOR LA'O, ,GSUM PA NI BSAM GTAN GYI LAS SBYOR LA CHED DU BRJOD PA'O, ,DE DAG GI NANG NAS RAG PO'I LAS SBYOR LA CHED DU BRJOD PA NI, RDO RJE RNAM PAR 'JOMS PA STE, GDUG PA TSAR GCOD PA YANG NGO MTSAR CHE'O ZHES PA'O, ,'DI MAN CHAD PHUR GDAB LA CHED DU BRJOD PA STE, SANGS RGYAS THAMS CAD STE LAS KYI TSOGS LA NUS PA DANG LDAN PA RNAMS PHUR BUS 'DEBS PA DE YANG NGO MTSAR CHE'O, ,BYANG CHUB SEMS DPA' STE SKYE BO THA MAL PA RNAMS DANG GRAGS CHEN PHYOGS SKYONG RNAMS PHUR BUS GNON PA DE YANG NGO MTSAR CHE'O, ,SKU GSUNG THUGS KYI RDO RJE RNAMS PHUR BUS GDAB PA'I BSAM GTAN SO SOR GSUNGS PA DE YANG NGO MTSAR CHE'O ZHES RIN PO CHE LTA BU'I GANG ZAG RNAMS 'DIR BSHAD PA YIN NO, ,BSHAD MA THAG PA 'DI NI, SNGAGS RNAMS THAMS CAD STE RIM PA GNYIS KYI SGRUB PA PO RNAMS DANG NYE BAR MTSAMS PA'O, ,GANG ZHE NA, PHUR BUS GDAB CING MI G-YO BAR BYAS PA GONG DU BSHAD PA 'DI'O, ,DE SU ZHIG GIS BSTAN CE NA, DE NYID LAS BYUNG BA STE, RDO RJE 'CHANG CHEN POS BSTAN PA'O, ,SKU GSUNG THUGS TE SGRUB PA PO RNAMS KYI MCHOG SBYIN PA STE, 'DOD PA'I DON STER BAR @586 BYED PA'I SPRUL LA SOGS PA'I SNGAGS RNAMS KYI DON YONGS SU SHES PA LA SOGS PA'I DE KHO NA NYID BSDUS NAS BSTAN PA YIN NO, ,LE'U YI MTSAN DON SKU DANG GSUNG PA'I DE KHO NA NYID BSDUS NAS BSTAN PA YIN NO, ,LE'U YI MTSAN DON SKU DANG GSUNG DANG THUGS RMAD DU BYUNG BA STE, GCIG TU GYUR PAS KYANG, RANG GZHAN GYI CHO GA DMIGS NAS TSAR GCOD PAR BYED PA'I SNGAGS KYIS TE A'A LI K'A LI LAS BYUNG BA'I MTSAN MA GSUM GYI NGO BO NYID KYI YI GE GSUM LA RAB TU 'JUG PAS DE 'GUGS SHING, DES RNAM PAR 'PHRUL PA YONGS SU ROL BAS, ZHI BA LA SOGS PA'I LAS KYI TSOGS SGRUB LA, DE NYID KYIS RGYAL POR 'GYUR ZHING, 'BAR BA'I DON GYIS NA, DE SKAD CES BYA BA'I TING NGE 'DZIN TE, DE STON PA'I GZHUNG GI TSOGS LA YANG DE SKAD CES BYA'O, ,LE'U BCU BZHI PA'I RNAM BSHAD DO,, ,, ` BSHAD PA DANG MA BSHAD PA'I ZHI BA LA SOGS PA'I LAS RNAMS KYI DNGOS GRUB NI, SGYU MA LTA BU'I TING NGE 'DZIN YONGS SU SHES PA DANG BRAL BAS 'GRUB PAR MI 'GYUR RO ZHES BSTAN PA'I PHYIR, LE'U BCO LNGA PA 'CHAD PA LA GNYIS KYI BSDUS PA'I DON NI, LE'U 'DIS BRJOD BYA DON GYI GTZO BO SGYU MA LTA BU'I TING NGE 'DZIN LE'U YI SMAD NAS STON, STOD NAS RNAL 'BYOR GYI SPYOD PA DANG, DNGOS GRUB SGRUB PA'I CHO GA STON, SKED NAS RIGS KYI DBYEBS LHA LA DBANG BSKUR BA DANG, DNGOS GRUB KYI CHO GA LA GTOGS PA'I LAS TSOGS DU MA STON NO, ,YAN LAG GI DON LA GNYIS KYI, SDUD PA PO'I TSIG GIS MTSAMS SBYAR BA NI, LE'U BCU BZHI PA RDZOGS PA'I RJES DE NAS, BKA' BSTZAL TO ZHES SBYAR, DBANG BSKUR BA THAMS @587 CAD KYIS DBANG BSKUR BAS NA THAMS CAD DBANG BSKUR RO, ,RIGS THAMS CAD KYI BDAG POR GYUR PAS NA KUN MKHYEN NO, ,GANG ZHIG CE NA, RDO RJE STE MI PHYED PA'I GSUNG 'OG NAS 'BYUNG BA 'DI'O, ,STON PA'I GSUNG GIS LE'U LA 'JUG PA LA DON BRGYAD DE, RIM PA GNYIS KYIS SPROS MED KYI SPYOD PA BSTAN PA DANG, MCHOG THUN MONG GI DNGOS GRUB SGRUB PA'I CHO GA DANG, RDZOGS RIM PA'I SPYOD PA GSAL BAR BSHAD PA DANG, RIGS KYI DBYE BAS LHA DBANG BSKUR BA DANG, PRA SE NA DBAB PA DANG LAS KYI TSOGS DU MA BSTAN PA DANG, SGYU MA LTA BU'I TING NGE 'DZIN BSTAN PA DANG, GZHUNG NYE BAR BSDU BA'O, ,RIM PA GNYIS KYI SPYOD PA BSTAN PA LA GNYIS TE, BSKYED RIM PA'I SPYOD PA DANG, RDZOGS RIM PA'I SPYOD PA'O, BSKYED RIM PA'I SPYOD PA LA YANG GNYIS TE, RDO RJE 'CHANG GI SPYOD PA DANG, RIGS GZHAN LNGA'I SPYOD PA'O, , DANG PO LA GNYIS TE, RNAL 'BYOR GYI RIM PA DANG, MCHOD PA'I CHO GA'O, ,DANG PO LA GSUM GYI, RIGS KYI BU MO SBYANG BA NI RTAG TU STE DUS THAMS CAD DU BSGRUB PA STE SNGAGS DANG RGYU LA LEGS PAR BYANG BAR BSLAB PAR BYA'O, ,SU ZHIG NA, SME NA CAN TE RIGS NGAN GYI BU MO, BDAG NYID CHE STE DAD PA LA SOGS PA'I YON TAN DANG LDAN PA, NA TSOD LO GRANGS BCU GNYIS LON PA'O, ,GANG DU NA SKYE BO 'DUS PA DANG BRAL BA'I DBEN PA'I GNAS SU'O, ,SU ZHIG GIS NA SGRUB PA POS SO, ,'DIS NI BSKYED RIM PA'I RNAL 'BYOR PA BSDUS PA'AM GZUNGS KYI DKYIL 'KHOR DU, PHYAG RGYA GCIG DANG LHAN CIG TU SPROS MED KYI SPROD PA BYED PAR 'DOD PAS, MTSAN @588 NYID DANG LDAN PA'I PHYAG RGYA ZHIG LA, RJES SU CHAGS PA'I SBYOR BA BSLAB PAR BYA BA STON NO, ,GNAS SBYANG BA NI, DKYIL 'KHOR BYA'O ZHES DRANG, GANG DU NA, SO PHAG LAS BYAS PA'I KHANG PA RIM PA GSUM LA SOGS PA TSOGS KYI KHANG PA DE RU'O, ,JI LTAR NA DKYIL 'KHOR GYI CHO GA LAS BYUNG BA BZHIN DU, GRU BZHI LHAM PA DANG, SGO BZHI LA SOGS PA DANG LDAN PA'O, ,GANG GIS SHE NA, BSGRUB PA'I YAN LAG TU GYUR PAS NA BSHANG GCI'I DAM TSIG STE, BA SER SKYA'I LCI BA DANG, GCIN DANG, SOGS PAS TZAN DAN LA SOGS PA DRI YID DU 'ONG BA DAG GIS BYUGS PAS SO, ,DES MTSON NAS NYER SPYOD LNGA DANG, 'DOD YON LNGA LA SOGS PA MCHOD PA'I YO BYAD RNAMS KYANG BGOD PAR BYA'O, ,DKYIL 'KHOR BA'I LHA BSKYED PA SNGON DU 'GRO BAS, BU MO DANG BDE BA SGRUB PA NI, DE YANG LHA MO DANG BYANG CHUB SEMS LA SOGS PA RIGS SU'I ZLOS PA PO YIN YANG, SPYOD PA'I SKABS SU DE DAG GI LHAG PA'I LHAS GTZO BYAS PA'I DKYIL 'KHOR BSGOM PA MED DE, 'DIR DE BZHIN GSHEGS PA DRUG GIS GTZO BYAS PA LAS GZHAN MA BSHAD PA'I PHYIR RO, ,DES NA SPYOD PA'I SKABS SU RIGS KYI BYE BRAG GIS DE BZHIN GSHEGS PA KHO NAS GTZO BO BYED DO, ,DE LA RDO RJE 'CHANG CHEN POS GTZO BO BYED PA'I DBANG DU BYAS NAS, RDO RJE'I DKYIL 'KHOR BSGOM PA YIS, ,ZHES TE, RDO RJE NI MI BSKYOD PA STE, DE'I DKYIL 'KHOR GYI LHA RNAMS BSGOM PA YIS DKYIL 'KHOR BRGYAN PAR BYA'O, ,LHA JI LTA BUS SHE NA, ZHABS LA SOGS PA NAS DBU SKRA'I BAR GYI MTSAN NYID THAMS CAD YONGS SU DAG CING 'BAR BA YIS @589 SO, ,DE DAG GIS NI RDO RJE 'CHANG GI DANG PO SBYOR BA DANG, DKYIL 'KHOR RGYAL MCHOG BSHAD LA, DES NYE BAR MTSON NAS, LAS RGYAL MCHOG KYANG SHES PAR BYA STE, RNAL 'BYOR GYI RIM PA'O, ,MCHOD PA'I CHO GA NI, PHYI DANG NANG GI MCHOD PA SNGON DU SONG NAS REG BYA LA LONGS SPYOD PA'I GSANG MCHOD NI, SME SHA CAN GYI BU MO LEGS PAR BSLABS PA, GZHAN LA MA CHAGS PAS NA RAB TU BZANG ZHING SGRUB PA PO LA NYE BAR BLTA BAS NA BZHIN RAS MDZES PA, CHAGS PA'I SBYOR BA THAMS CAD LA MKHAS PAS NA, RGYAN RNAMS THAMS CAD YONGS SU RDZOGS PAS MA TSANG BA MED PA, DE LTA BU BDAG DANG LHAN CIG DKYIL 'KHOR GYI DBUS SU PANG BAR BZHAG NAS, RNAM PAR BSGOM PA STE 'DOD CHAGS DANG, 'DOD CHAGS DANG BRAL BA DANG, 'DOD CHAGS BAR MA'I RIM PAS, RNAM PAR DAG PA'I GNAS MNGON SUM DU BYA'O, ,RIGS GZHAN LNGA'I SPYOD PA BSTAN PA NI, RDO RJE 'CHANG CHEN PO'I RNAL 'BYOR KHO NAS SPYOD PA BYA'AM ZHE NA, MA YIN GYIS, RIGS GZHAN LNGA'I RNAL 'BYOR GYIS KYANG BYA'O ZHES STON PA NI, MI BSKYOD PA LA SOGS PA DKYIL 'KHOR LNGA STE RIGS LNGA'I LHA'I 'KHOR LO YIS SANGS RGYAS GZUGS SKU SGRUB PA PO'I LUS RNAM PAR BSGOM ZHING BSKYED NAS, SNGAGS KYI 'KHOR LO CAN TE SGRUB PA PO RNAMS KYI GSANG BA'I MCHOD PA'I GNAS NYAMS DGA' ZHING BLA NA MED PA 'DIS BSGOM PAR BYA'O, ,DE LTAR MDOR BSTAN NAS, RGYAS PAR BSHAD PA LA, RNAM SNANG DANG DE'I RIGS KYI RNAL 'BYOR PAS RNAM SNANG GTZOR BYAS PA'I PHYAG RGYA GCIG DANG LHAN CIG SPYOD PA BYA BA STON PA NI, SGRUB @590 PA PO SKU GSUNG THUGS KYI RDO RJE CAN RNAM PAR SNANG MDZAD CHEN PO'I SKU'I DKYIL 'KHOR GYI DBUS SU BSGOM PAR BYA'O, ,TSUL JI LTAR ZHE NA, BSAM GTAN SNGAGS TE MI BSKYOD PA LA SOGS PA DE BZHIN GSHEGS PA BZHI DANG, DE'I RIGS KYI LHA RNAMS SHAR LA SOGS PA'I GNAS JI LTA BA BZHIN DU BZHAG PA'I SBYOR BA YIS SO, , JI SKAD BSHAD PA'I TSUL DES, SANGS RGYAS KYI NI 'OD 'DRAR 'GYUR BA STE, SGRUB PA PO RNAM PAR SNANG MDZAD KYI BDAG NYID DU BSKYED NAS, DE'I 'OG TU GZHAN RNAMS SNGAR DANG 'DRA BA LA, GSANG MCHOD KYI SKABS SU BTZO BLAG MKHAN GYI BU MO KHA DOG DKAR MO DAD SOGS KYI YON TAN DANG LDAN PAS BDAG NYID CHE BA, PANG PAR BZHAG NAS BLA NA MED PA'I MCHOD PA BYA'O, ,MI BSKYOD PA DANG, DE'I RIGS CAN GYI RNAL 'BYOR PAS, MI BSKYOD PA GTZOR BYAS PA'I PHYAG RGYA GCIG DANG LHAN CIG SPYOD PA BYA BA NI, RDO RJE SEMS DPA' STE MI BSKYOD PA'I SBYOR BA STE DANG PO SBYOR BA DANG DKYIL 'KHOR RGYAL MCHOG GI TING NGE 'DZIN LA GNAS NAS, DE'I 'OG TU LAS RGYAL MCHOG DANG, PHYI MCHOD, NANG MCHOD SNGAR DANG 'DRA BA LA, GSANG MCHOD KYI SKABS SU, SME SHA CAN GYI BU MO AUTPAL MTHING KA'I MDOG 'DRA BA RTAG TU BSGRUB PA STE SNGAGS DANG RGYUD LEGS PAR BSLABS PA PANG PAR BZHAG NAS, RDO RJE SEMS DPA'I SBYOR BA'I CHO GA DE NYID SNGON DU BYAS NAS, DE DANG LHAN CIG JI LTAR 'DOD DPA'I LAS RNAMS BRTZAM PAR BYA'O, ,RIGS GZHAN GSUM GYI SPYOD PA BSTAN PA NI, BSHAD MA THAG PA 'DI NI SNGAGS RNAMS THAMS CAD DE RIN CHEN 'BYUNG LDAN DANG @591 'OD DPAG MED DANG, DON YOD GRUB PA'I RNAL 'BYOR PA RNAMS KYIS KYANG, DAM TSIG STE BSGRUB PA'I CHO GA 'DA' BAR BYA BA MA YIN PAS SHIN TU 'DA' DKA' BA'O, , RIN PO CHE'I RIGS KYI RNAL 'BYOR PA SBYOR BA DE DANG LDAN PA DE NI, DE MA THAG TU RIN CHEN 'BYUNG LDAN DANG 'DRA BAR 'GYUR BAS, RDO RJE SEMS DPA'I 'OD 'DRA BAR 'GYUR BA STE, DE'I RNAL 'BYOR DANG LDAN PA DANG, PAD MA'I RIGS KYI RNAL 'BYOR PA SBYOR BA DE DANG LDAN PA NI, RGYAL PO CHOS RNAMS KUN DANG MTSUNGS PA STE, 'OD DPAG MED DANG 'DRA BAR 'GYUR ZHING, DE'I RNAL 'BYOR DANG LDAN PA DANG, LAS KYI RIGS KYI RNAL 'BYOR PA SBYOR BA DE DANG LDAN PA NI, 'DOD DANG THAR PA RAB TU SGRUB PAR BYED PA DON YOD GRUB PA DANG 'DRA BAR 'GYUR ZHING DE'I RNAL 'BYOR DANG LDAN PA'O, ,DE LA 'OD DPAG MED DANG DE'I RIGS CAN GYI RNAL 'BYOR PAS, 'OD DPAG MED KYIS GTZO BYAS PA'I PHYAG RGYA ZHIG DANG LDAN CIG SPYOD PA BYA BA NI, RDO RJE CHOS TE 'OD DPAG MED KYI DANG PO SBYOR BA DANG, DKYIL 'KHOR RGYAL MCHOG BSGOMS NAS, DE'I 'OG TU GZHAN RNAMS SNGAR DANG 'DRA BA LA, GSANG MCHOD KYI SKABS SU GAR MKHAN GYI BU MO KHA DOG DMAR SKYAR 'DUG PAS RAB TU MDZES SHING, SGRUB PA PO LA LTA BAS BZHIN BZANG BA, SHES RAB YANGS PAS MIG DKYUS RING BA, SGRUB PA POS RTAG TU BSGRUB PA STE, SNGAGS DANG RGYUD LA LEGS PAR BSLABS PA PANG PAR BZHAG NAS BLA NA MED PA'I MCHOD PA BRTZAM PAR BYA'O, ,DE LTAR ZHUGS PA'I SGRUB PA PO DE NI RDO RJE CHOS BDAG STE, 'OD DPAG TU MED PA'I BDAG NYID SA @592 BCU LA GNAS PAR 'GYUR ZHING, RGYAL PO GSUNG GI DAM TSIG STE NGAG GI DBANG PHYUG 'DZIN PA DANG, MNGA' BDAG DAM PA KUN GYI MCHOG NI, 'KHOR LOS SGYUR BA'I RGYAL POR 'GYUR BA STE, RTOG PA'I RNAL 'BYOR YIN PA'I PHYIR RO, ,'DIS MTSON NAS RIGS GZHAN GNYIS KYI YANG SHES PAR BYA'O, ,RDZOGS RIM PA'I SPYOD PA BSTAN PA NI, BSGRUB PAR BYA'O ZHES DRANG, SU ZHIG GIS NA, RDO RJE DANG 'DRA BAR MI PHYED PA'I CHOS 'DI NI, RDZOGS PA'I RNAL 'BYOR TE DE'I BDAG STE DE RTOGS PA DANG LDAN PA'I RNAL 'BYOR PAS SO, ,GANG ZHIG NA, BRAM ZE LA SOGS PA'I RIGS BZHI LAS BYUNG BA'I BUD MED GANG YANG RUNG BA'O, ,TSUL JI LTAR NA, BSKYED RIM PA NI, RANG GI RIGS DANG MTHUN PA'I PHYAG RGYA DANG LHAN CIG SPYOD PA BYED LA, RDZOGS RIM PA LA RIGS KYI NGES PA MED PAS, RIGS BZHI GANG YANG RUNG BA'I BU MO BLANGS NAS, DE DANG LHAN CIG 'DOD CHAGS DANG, 'DOD CHAGS DANG BRAL BA LA SOGS PA'I RIM GYIS RNAM PA DAG PA'I GNAS MNGON SUM DU BYED PA'I TSUL GYIS SO, , DUS NAM GYI TSE NA, SPROS MED PHYAG RGYA ZHIG DANG LHAN CIG SPYOD PA BYED PA'I GSANG MCHOD DANG DBANG GSUM PA'I DUS SU, MCHOG THUN MONG GI DNGOS GRUB BSGRUB PA'I CHO GA LA LNGA LAS, RDO RJE 'CHANG GI SGRUB PA NI, GONG DU BSHAD PA DE LTA BU'I CHO GA 'DI NI GSANG BA STE RDO RJE 'CHANG CHEN PO THOB PAR BYED PA YIN LA, DE YANG MNGON PAR BYANG CHUB PA'I RIM PAS RDZOGS PAR BYA STE, DE LA PHYI'I MNGON PAR BYANG CHUB PA NI, RDO RJE NYI MA NI NYIN MO STE SNANG BA MCHED PA MTSON PA'O, ,NUB PA NI DMAR @593 THAG CHAD PA MTSAMS KYI MUN PA STE NYER THOB MTSON PA'O, ,DE'I 'OG TU MTSAN MO ZLA BA'I 'OD DANG BCAS PA NI, SNANG BA MTSON PA'O, ,DE'I 'OG TU YO BYAD JI SNYED PAS BLA MA MNYES PAR BYAS LA, MTSAN PHYED KYI DUS SU BLA MA'I DRIN GYI DBANG BSKUR BA THOB NAS, SKYA RENGS 'CHAR BA'I DUS SU STE MTSAN MO'I CHA 'DAS NAS NYI MA MA SHAR BA'I DUS SU, BSGOM PA'I MCHOG STE MNGON PAR BYANG CHUB PA'I RIM PA LUNG PHOG NAS, 'GRUB PAR 'GYUR ZHING RNAM PAR DAG PAR 'GYUR RO, ,NANG GI MNGON PAR BYANG CHUB PA'I RIM PA BSTAN PA NI, DE NAS PHYAG RGYA DANG SNYOMS PAR ZHUGS PA LAS, RDO RJE NYI MA STE THABS KYI YE SHES SNYOMS PAR 'JUG PA'I MTSAN NYID BYUNG ZHING NUB PAS TE, SHES RAB KYI NGO BO 'GAGS SHING, 'OD GSAL SGRUB PAR BYED PAS NA BSGRUB PA STE, KUN TU SNANG BA NYER THOB KUN TU BRTZAM PA STE 'BYUNG BAR 'GYUR RO, ,DE NAS SKYA RENGS 'CHAR BA NI MA RIG PA STE, DE 'DAS SHING SONG BAR GYUR PA'I DUS SU, SGRUB PA POS BSGOM PA MCHOG GI STE STONG PA DANG, SHIN TU STONG PA DANG, CHEN PO STONG PA NYID KYI RGYU RKYEN GYIS, 'OD GSAL MNGON SUM DU BYAS PAS, PHYAG RGYA CHEN PO 'GRUB PAR 'GYUR RO, ,STONG PA GSUM RIM GYIS THIM PA'I NANG GI MNGON PAR BYANG CHUB PA MNGON DU BYAS PA LAS RJES DRAN GYI YAN LAG LUGS LDOG GI SNANG BA GSUM RLUNG DANG BYAS PA LAS, ZUNG 'JUG TU BZHENGS PA'I PHYAG RGYA CHEN PO DE'I MTSAN NYID JI LTA BU ZHE NA, MTSAN BZANG PO SUM CU RTZA GNYIS KYIS BRGYAN PAS NA, RGYAN RNAMS THAMS CAD YONGS SU RDZOGS SHING, STOBS BCU @594 DANG MI 'JIGS PA LA SOGS PA SANGS RGYAS KYI YON TAN THAMS CAD DANG LDAN PAS, SPOS DANG ME TOG RNAMS KYIS BRGYAN PA ZHIG STE, RDO RJE SEMS DPA' STE SGRUB PA PO RNAMS KYI, MCHOG STE STONG PA GSUM RIM GYIS THIM PA'I NANG GI MNGON PAR BYANG CHUB PA BSGOMS PAS, DE LTA BU'I GRUB PAS TE PHYAG RGYA CHEN PO MYUR DU 'GRUB PAR 'GYUR RO, ,DE LTA BU'I PHYAG RGYA CHEN PO GRUB PA 'DI NI SKU GSUM MCHOG SBYIN PAS TE, KHAMS GSUM MNGON PAR 'DOD PA'I 'BRAS BU STER BA DANG, RAB TU GRAGS PA'I SANGS RGYAS KYI MTSAN RNAMS KYIS MTSAN PAR 'GYUR BA DANG, DPAG TSAD BRGYA YIS MTSON PAS STONG GSUM GYI STONG CHEN PO'I 'JIG RTEN GYI KHAMS RNAMS RANG GI 'OD KYIS SNANG BAR BYED PAR 'GYUR RO, ,RDZOGS RIM PAS RTEN ZUNG 'JUG LA GNAS NAS ZHI SOGS KYI LAS BSGRUB PAR BYA'O ZHES STON PA NI, DBANG PO GNYIS TE BDEN PA GNYIS, GNYIS SU MED PAR SBYOR BA'I RDO RJE 'CHANG CHEN POR BSKYED DE, ZHI SOGS KYI LAS KYI SBYOR BA THAMS CAD BRTZAM PAR BYA STE, BSHAD MA THAG PA'I ZUNG 'JUG GI TING NGE 'DZIN 'DI NI, 'JIG RTEN DANG 'JIG RTEN LAS 'DAS PA'I DNGOS GRUB THAMS CAD KYI DAM TSIG STE RDZOGS PAR BYED PA DANG, SHIN TU 'DA' DKA' ZHING 'DA' BAR MI RUNG BA YIN NO, ,'DOD YON LNGA LA LONGS SPYAD TSUL BSTAN PA'I SGO NAS ZUNG 'JUG PA'I SPYOD PA BYED PA GSAL BAR BSHAD PA NI, RDO RJE CAN TE SGRUB PA PO GRUB PAS TE, PHYAG RGYA CHEN PO'I DNGOS GRUB 'DOD NA, BSHANG BA GZUGS LA SOGS PA'I YUL RNAMS DANG, GCI BA MIG LA SOGS PA'I DBANG @595 PO RNAMS YUL DANG YUL CAN DU 'DUS PAR GYUR PA'I DAM TSIG SOR SDUD BSAM GTAN GYI RIM GYIS BZA' BAR BYA BA STE, NYAMS SU MYONG BA 'DI NI, DNGOS GRUB THAMS CAD KYI DAM TSIG SHIN TU 'DA' BAR DKA' BA'I LAM YIN NO, ,DE LTAR SPYOD PA BYAS PA'I PHAN YON STON PA NI, SGRUB PA POS BSHANG GCI DAM TSIG STE, BSHAD MA THAG PA'I YUL DANG DBANG PO, SOR SDUD BSAM GTAN GNYIS KYIS LONGS SPYOD PA SNGON DU 'GRO BAS, DBANG PO GNYIS TE BDEN PA GNYIS, GNYIS SU MED PAR BYAS PA'I SBYOR BAS, SANGS RGYAS BYANG CHUB STE MI GNAS PA'I MYA NGAN LAS 'DAS PA, DGES SHING ZHI BA MI SLU BAS NA DE KHO NA NYID, DNGOS GRUB THAMS CAD LAS PHUL DU BYUNG BAS, BLA NA MED PA 'GRUB PAR 'GYUR RO, ,'DOD PA NI 'KHOR BA'O, ,THAR PA NI MYA NGAN LAS 'DAS PA STE, DE DAG MNYAM ZHING GNYIS SU MED PA BYAS PA MKHYEN PAS NA, 'DOD PA DANG THAR PA'I DAM TSIG RDO RJE NI RDO RJE 'CHANG CHEN PO'O, ,DRAG PO'I LAS KYI SGRUB PA LA DRUG STE, SNGAGS DANG BCAS PA'I SBYIN SREG GIS DGUGS PA'I SBYOR BA DANG SNGAGS DE NYID KYIS NOR BLANG BA DANG, GSAD PA'I SBYOR BA BSTAN PA DANG, GSANG SNGAGS PHAt LA BRTEN PA'I THO BA SGRUB PA DANG, RDO RJE DANG STA RE'I SGRUB PA PHAN YON DANG BCAS PA DANG, CHAR LA SOGS PA'I NYER 'TSE BZLOG PA BSTAN PA'O, ,DANG PO NI, DE NAS BCOM LDAN 'DAS RDO RJE 'CHANG CHEN PO DAM TSIG CHEN PO'I RDO RJE KHRO BO GSHIN RJE GSHED BSKYED PA'I TING NGE 'DZIN LA SNYOMS PAR ZHUGS NAS, PHYUNG NGO ZHES SBYAR, GANG ZHIG NA, DE BZHIN GSHEGS PA STE BSGRUB BYA @596 THAMS CAD KYI SKU GSUNG THUGS KYI RDO RJE KUN TU SKRAG PAR BYED PA'I RDO RJE KHRO BO GSHIN RJE GSHED 'DI SNGAGS KYI BDAG NYID DU'O, ,GANG LAS NA NYID KYI SKU LA SOGS PA LAS SO, ,SNGAGS NI AOm ZHES SOGS TE, MING NI SBRUL LO, ,SPEL BA NI SNGAR BZHIN NO, ,DE YANG DRAN PA GCIG PA'I BSNYEN PA LAS SU RUNG ZHING, HR'I shtI'I SNGAGS 'BUM PHRAG GCIG BZLAS SHING, SBYIN SREG KHRI PHRAG GCIG BYAS PA'I RNAL 'BYOR PAS, BU MO DGUG PA'AM, GZHAN GYI DPUNG MNAN PAR 'DOD NA, DRAG PO'I KHYAD PAR BRGYAD DANG LDAN PAS BYAS TE, GZHAN RNAMS SNGAR DANG 'DRA ZHING CHO GA'I KHYAD PAR, ZHE SDANG RDO RJE'I DANG PO'I SBYOR BA SNGON DU 'GRO BAS, KHRO BO BCU GCIG GI DKYIL 'KHOR RGYAL MCHOG LA GNAS NAS, LAS RGYAL MCHOG SHES RAB CAN GYIS GRU GSUM DU, ,ZHES PAS, THAB KHUNG GRU GSUM BYAS LA, NYI MA'I DGUNG NGAM NAM PHYED NA, ,'DI NI YONG YE RAB TU SHIS, ,ZHES PAS, NAM PHYED DAM NYI MA DGUNG GI DUS SU, KHRO SHING TSER MA'I ME LA BSREG ,CES PA PO SO CHA LA SOGS PA TSER MA CAN GYI SHING LA ME SBAR TE, ME LHA'I CHO GA YAN CHAD RDZOGS PA'I RJES LA, THAB KHUNG DER, DAM TSIG CHEN PO'I RDO RJE KHRO BO ZHAL GDANGS PA MCHE BA GTZIGS SHING LJAGS BSKYOD PA BSGOM LA, DE DANG 'DRA BA'I YE SHES PA SPYAN DRANGS TE BSTIM LA, BU MO'I MING DANG TSIG TU BCAS, ,ZHES PA, BU MO DGUG PAR 'DOD NA, CHE GE MO AA KAR SHA YA HRI ZHES DANG SPEL, DPUNG GNON NA, CHE GE MO NA SHA YA STAm BA YA ZHES PA DANG SPEL NAS, DUG NI KHRAG DANG KUN TU SBYAR, ,LAN TSVA SKYE TSE DE BZHIN TE, ,STONG @597 RTZA BRGYAD NI TSUL BZHIN BSREG ,CES PA DUG LA SOGS PA MNGON SPYOD KYI RDZAS STONG RTZA BRGYAD DU SBYIN SREG TU PHUL NA DPUNG GNON PA'AM, BU MO DBANG DU 'GYUR RO, ,DUS JI TZAM DU BYA ZHE NA, BU MO DAG GI DON GYIS PHYIR, ,'DI NI NYI MA GSUM DU BYA, ,ZHES SO, ,DUS JI SRID GCIG TU BU MO DBANG DU 'GYUR ZHE NA, BSKAL PA GRANGS MED GSUM DU STE BYIS PA DANG, LANG TSO DANG, DAR MA DE DAG 'DAS TE, JI SRID GRANGS MED PA NYID DE, RGAS 'KHOGS PA DE SRID DU, SBYOR BA DE YIS RTAG TU GNON CING DBANG DU 'GYUR RO, ,SBYOR BA DE GZHAN GYI RIGS LAS BZLOG MI NUS PAR BSTAN PA NI, SANGS RGYAS TE RNAM PAR SNANG MDZAD DANG, CHOS 'DZIN TE 'OD DPAG TU MED PA DANG, RDO RJE SEMS DPA' STE MI BSKYOD PA'I RNAL 'BYOR PA'AM, GZHAN YANG RIN PO CHE'I RIGS SAM, LAS KYI RIGS KYI RNAL 'BYOR GANG YANG RUNG BA DAG GAL TE RMONGS PAS 'DAS NAS TE, GNON PA 'DI GCOD PAR 'DOD NA SGRUB PA PO DE'I TSE NI, LAS DE BRTZAMS PA NAS GZUNG STE, ZAD CING MTHAR THUG PAR 'GYUR RO, ,SNGAGS DE NYID KYI SBYOR BAS NOR BLANG BA DANG, GSAD PA GNYIS BSTAN PA NI, SNGA MA'I DKYIL 'KHOR RGYAL MCHOG YAN CHOD LA GNAS NAS LAS RGYAL MCHOG MAR NGO'I TSES BCU BZHI'AM BRGYAD LA, MTSON GYIS BSAD PA'I SKYES BU'I RO BSREGS PA'I DUR KHROD KYI SOL BA BLANGS NAS, THOD PA KHA SBYOR GYI NANG DU BZHAG STE, SNGAGS STONG RTZA BRGYAD BZLAS BRJOD BYAS TE, DUR KHROD KYI RAS LA GSHIN RJE GSHED KYI GZUGS BRIS NAS, DE LA YE SHES PA BCUG STE, SNYING KHAR @598 LAG PAS BYUGS NAS, CHO GA BZHIN DU SNGAGS BTAB NA ZHES PA, PHAt KYI 'OG TU CHE GE MO AI DAm DA PA YA HRI ZHES PA SPEL NAS, MTSAN PHYED DAM NYI MA DGUNG NA STONG RTZA BRGYAD BZLAS NA, SGRUB PA PO LA SEMS CAN RNAMS KYIS MNGON PAR 'DOD PA'I 'BRAS BU RTAG TU STER BAR 'GYUR RO, ,GSAD PA'I SBYOR BA NI, SNGAGS SHES PA YIS TE, RNAL 'BYOR PAS SNGA MA BZHIN DU BZLAS PA'I SOL BAS DUR KHROD KYI RAS LA, DGRA GANG YANG RUNG BA'I GZUGS BRNYAN BRIS LA, SNYING KHAR SNGAGS DANG SPEL BAS MING BRIS LA, DE LA RNAM SHES BKUG STE, DON DU ZHEN PAS, ZLA BA MAR NGO'I MNGON SPYOD KYI DUS SU KHRO BO GANG YANG RUNG BA'I DKYIL 'KHOR RGYAL MCHOG LA GNAS NAS, SNGAGS SPEL TSIG DANG BCAS PA BZLAS TE, BSAM GTAN DAG GIS TE, DGRA BO BSAD PA'I BSAM PAS, SOL BA DE MTSON CHAR BSAMS NAS GZUGS BRNYAN GYIS PHYI ROL NAS BRTZAMS TE DBUS SU RI MO BRIS NA BRIS PA TZAM GYI MOD LA SNYING GAS NAS 'CHI BAR 'GYUR BAR GDON MI ZA'O, ,GSANG SNGAGS PHAt KYIS THO BA SGRUB PA NI, THO BA ZHES PA RKANG PA GNYIS TE, GSHIN RJE GSHED KYI DKYIL 'KHOR RGYAL MCHOG LA GNAS NAS, LAS RGYAL MCHOG CHU NGOGS KYI SA BSGRUB BYA'I RKANG RJES KYI SA DANG BCAS PA LAS DGRA BO'I GZUGS BRNYAN BYAS LA, RNAM SHES BKUG STE DE'I NANG DU BCUG NAS, KHROS PAS PHAt CES BRJOD CING, RDO RJE THO BAS SPYI BOR BSNUN TE BRDUNG BA LTAR BYAS NA, NGES PAR LHUNG ZHES PA BSGRUB BYA'I MGO BO LA THO BA MNGON SUM DU 'BAB PAR 'GYUR RO, ,RDO RJE'I BSGRUB PA NI, GNOD MDZES KYI @599 DKYIL 'KHOR RGYAL MCHOG YAN CHOD LA GNAS NAS, LAS RGYAL MCHOG BSHAD MA THAG PA'I CHO GAS DGRA BO'I GZUGS BRNYAN BYAS LA, DE LA RNAM SHES BKUG STE BCUG NAS, RANG GI LAG NA GNAS PA'I RDO RJE KHA GYES SHING RAB TU 'BAR BA DANG BCAS PA'I, YI GE H'Um LAS BYUNG BA'I 'OD ZER NAG POS KUN TU KHYAB PAR BSAMS LA, DE DGRA BO'I MGO LA LTUNG BAR GYUR PAR RAB TU BSGOM MO, SGRUB PA POS DE LTAR BYAS NA, GDUG PA THAMS CAD 'JIG PAR BYED CING LTUNG BAR BYED PAR 'GYUR RO, ,RNAL 'BYOR GANG LA GNAS NAS LAS 'DI BYA ZHE NA, PHYAG NA RDO RJE STE RDO RJE'I RIGS KHRO BO GNOD MDZES YIN PAS, DE RJES SU DRAN PA STE DE'I SBYOR BA DANG LDAN PAS LAS 'DI BYA'O, ,STA RE'I SGRUB PA NI GSHIN RJE GSHED KYI DKYIL 'KHOR RGYAL MCHOG MAN CHOD LA GNAS NAS, LAS RGYAL MCHOG RDO RGYUS SAM SOL BA LA SOGS PA TSON RTZI GANG YANG RUNG BAS, BSGRUB BYA SKYES PA'AM BUD MED GANG YIN PA'I GZUGS DUR KHROD KYI RAS LA BRIS LA, DE LA RNAM SHES BCUG STE, RANG GI LAG PAR YI GE H'Um GYUR PA LAS BYUNG BA'I STA RE BSAMS NAS, PHAt CES BRJOD NAS, DES MID PA BCAD PAR RNAM PAR BSGOMS NA, SANGS RGYAS TE BSGRUB BYA NYID DU SHES PA DANG, SKU GSUM RIN CHEN MCHOG STE KHYAD PAR CAN GYI LUS DANG NGAG DANG YID KYI BDAG NYID CAN DANG, MCHOG DANG, THA MA DANG, 'BRING GI SEMS CAN THAMS CAD LA PHAN PA YANG DAG PAR 'DOD PA'I BSGRUB BYA RNAMS KYANG SBYOR BA 'DI YIS BSNAN PAR 'GYUR BA'AM, YANG NA 'CHI BAR 'GYUR BA GDON MI ZA'O, ,CHAR LA SOGS @600 PA'I NYE BAR 'TSE BA BZLOG PA NI, BDUD RTZI THABS SBYOR RAM, RTA MGRIN GYI DKYIL 'KHOR RGYAL MCHOG YAN CHOD LA GNAS NAS, LAS RGYAL MCHOG NI LAS KYI RDO RJE STE SNA TSOGS RDO RJE RAB TU 'BAR BA CHEN PO CHAR GANG 'BAB PA'I PHYOGS SU BSAMS LA, DE'I DBUS SU BSKAL PA'I ME LTA BU'I ME STAG MANG PO 'KHRIGS PA CAN GYI RDO RJE RTZE MO GYEN DU BLTAS PA BSGOMS NAS, DE'I 'OD ZER GYI TSOGS RNAMS KYIS CHAR GYI RGYUR GYI TSOGS THAMS CAD RENGS PAR BSAM PA NI, CHU STE CHAR RNAMS GNON PA LA MCHOG STE, KHYAD PAR DU 'PHAGS PA YIN NO, ,RDO RJE DBYINGS KYI DKYIL 'KHOR CHEN PO LA SOGS PA DAG 'BRI BA NA, RLUNG DANG CHAR DANG THOG 'BAB PA DANG, DKYIL 'KHOR GYI 'OG TU CHU DANG SBRUL 'BYUNG BA LA SOGS PA GZHAN GYIS SBYAR BA'AM, DUS KYI DBANG GIS BYUNG BAR 'GYUR, DE'I TSE MCHE BA'I PHYAG RGYA STE, NOR RGYAS LA SOGS PA'I KLU RNAMS TSAR GCOD PA'I PHYAG RGYA BCINGS NAS, GDUG PA STE BGEGS RNAMS KYI DGRA RTA MGRIN YID LA DRAN ZHING BSGOMS PA STE, RANG GI LAG GI MTSON CHAS BGEGS RNAMS BZLOG PAR BYA'O, ,DE LTAR BYAS NA SANGS RGYAS TE RANG GI SDE PA DANG, BYANG CHUB SEMS DPA' TE GZHAN GYI SDE PA'I SNGAGS PA DAG GIS, GANG ZHIG SPRUL ZHING SBYAR BA'I BGEGS KYI RIGS BYUNG NA, PHYAG RGYA MTHONG BA TZAM GYIS 'GAG PA STE MI SNANG BAR 'GYUR RO, ,DKYIL 'KHOR LA SOGS PA 'BRI BA'I TSE JI SKAD BSHAD PA'I 'TSE BA BYUNG NA, GZHAN DU BYAS NAS TE RANG BZHIN DE LTAR MI BYED NA, 'JIG PAR 'GYUR ZHING BRTZAMS PA'I LAS 'GRUB PAR MI 'GYUR RO, , @601 PHAt KYIS GSANG SNGAGS KYI NUS PA STON PA NI, SANGS RGYAS BYANG CHUB SEMS DPA' STE, RANG GZHAN GYI SDE PA'I BSNGAGS PA DANG, SKYE BO GDUG PA SEMS CAN THA MAL GZHAN DAG KYANG, PHAt CES PA'I SNGAGS 'DIS SKRAG CING, BSDIGS PAR BYAS NA 'CHI BAR 'GYUR BAR GDON MI ZA'O, ,DRAG PO'I LAS RNAMS LA, 'OG NAS BSHAD PA 'DI NI, SNGAGS TE DE BZHIN GSHEGS PA THAMS CAD KYI SBA BAR BYA BAS NA GSANG BA, SNYING PO NI GDUG PA'I SNGAGS TE CHE GE MO NI SROG PHROGS SHIG PA'O, ,GANG YIN ZHE NA, PHAt CES PA STE GSOD PA'O, ,SNGAR BSHAD PA'I RDZOGS RIM PA'I SPYOD PA GSAL BAR BSTAN PA LA GSUM STE, PHYAG RGYA LNGA DANG SPYOD PA BYA BA DANG, GCIG DANG SPYOD PA BYA BA DANG, DE DAG GI DUS KYI KHA ZAS KYI KHYAD PAR BSTAN PA'O, ,DANG PO NI, 'DIR 'BYUNG BA BZHI DAG PA'I SANGS RGYAS SPYAN LA SOGS PA BZHI DANG, RNAM SHES RNAM PAR DAG PA'I CHOS KYI DBYINGS KYI RDO RJE MA STE, GZUNGS KYI LHA MO LNGA DANG SPROS MED KYI SPYOD PA BYA BA STON NO, ,DE YANG KHANG PA MNGON PAR 'DU BYA BA DANG, SPYOD PA'I YO BYAD BGOD PA NI GZHAN DANG 'DRA LA, TSOGS KYI DKYIL 'KHOR 'DU BYA BA'I RIM PA LA, KHANG PA GSUM PAR, SNA TSOGS PAD MA RAS KYIS G-YOGS PA LNGA BSHAM PA DANG, RIGS GANG YANG RUNG BA'I BU MO BZHI SANGS RGYAS SPYAN LA SOGS PAR CHA LUGS BSGYUR TE, MTSAMS BZHIR BZHAG PA DANG, BDAG NYID DBUS SU DBUGS DBYUNG GI GTZO BO GANG YIN PA'I CHA LUGS SU BSGYUR BA DANG, PHYAG RGYA CHOS DBYINGS RDO RJE MA'I CHA LUGS BSGYUR BA DANG LHAN @602 CIG GNAS PA NI KHYAD PAR RO, ,RNAL 'BYOR GYI RIM PA NI, TSOGS KYI KHANG PA DE NYID SKAD CIG TZAM GYIS GZHAL YAS KHANG DU BSKYED LA, RLUNG SEMS TZAM LAS SGYU MA LTA BU'I SKUR BSKYED DE, DE BSAM GTAN GNYIS GANG RUNG GIS BSHIG NAS, 'OD GSAL MNGON SUM DU BYAS TE, LUGS LDOG GI SNANG BA GSUM RLUNG BCAS PA LAS, ZUNG 'JUG GI SKUR BZHENGS TE, SPRUL SKUR BSGYUR BA'I DANG PO SBYOR BA NI, YE SHES SEMS DPA'I ZHES SOGS KYIS STON TE, DE LA YE SHES KYI RIM PA BSKYED PA'I SEMS DPA' NI YE SHES SEMS DPA' STE, DE'I SBYOR BA NI LUGS LDOG GI SNANG BA GSUM RLUNG DANG BCAS PA LAS SKAD CIG TZAM GYIS, GDAN RNAM PA BZHI'I DBUS KYI GDAN LA GZUGS TE RDO RJE 'CHANG CHEN PO'I SKUR BDAG NYID BSGOM PAR BYA'O ZHES PA'O, ,DKYIL 'KHOR RGYAL MCHOG NI, PHYAG RGYA DANG SNYOMS PAR ZHUGS PA LAS, BDE BA'I SNANG BA TZAM LAS LHA SO GNYIS BSKYED NAS, NGES DON GYI 'BYIN SNGAGS KYIS PHYUNG NAS, SPROS, BSDUS NAS TSOGS YOD PA NI RANG GI TSOGS LA BSTIM, MED PA NI RANG RANG GI GNAS SU 'GOD PA MA RA'I BZHED PA YIN LA, TSOGS DANG GRANGS MNYAM PA'I LHA BSKYED DE, RANG RANG GI TSOGS LA BSTIM PA NI, SDOG GONG MA'I (YE SHES SENG GE) BZHED PA'O, ,DE DAG GI SNGAGS SHES PA'I ZHES SOGS KYIS STON TE, SNGAGS DE LHA'I DE KHO NA NYID SHES PA'I RNAL 'BYOR PAS SPYAN LA SOGS PA'I GNAS BZHI RU, SNGAGS DANG PHYAG RGYA LEGS PAR BSLABS PA'I BUD MED BZHI, SPYAN LA SOGS PA'I DNGOS POR CHA LUGS BSGYUR NAS, RTAG TU STE NYIN DANG MTSAN @603 DU BZHAG PAR BYA'O, ,JI LTA BU ZHE NA, KA RA NA'I SBYOR BA THAMS CAD LA MKHAS PAS NA RGYAN RNAMS THAMS CAD YONGS SU RDZOGS PA DANG GZUGS BZANG ZHING MDZES PA LA SOGS PA BUD MED KYI MTSAN RNAMS THAMS CAD KYIS MTSAN PA'O, ,DE DAG GIS NI DKYIL 'KHOR RGYAL MCHOG BSTAN TE, DES MTSON NAS LAS RGYAL MCHOG KYANG SHES PAR BYA'O, ,MCHOD PA'I CHO GA NI, PHYI'I MCHOD PA SNGON DU SONG NAS, YUL LNGA LA NYE BAR LONGS SPYOD PA'I NANG GI MCHOD PA NI, MIG LA SOGS PA DBANG PO LNGA'I SGO NAS 'BYUNG BA'I RGYU BA LA SOGS PA'I RLUNG LNGA POS GZUGS LA SOGS PA'I YUL LNGA'I RNAM PAR BSGOM ZHING, DE'ANG SEMS SNANG BA GSUM DU SHES PAR BYA BA DANG, DE'ANG RANG BZHIN MED PA STONG PA NYID DU SHES PAR BYAS LA, LONGS SPYOD PAR BYA BA NI SGOM BSAM SHIN TU SPROS MED DO, ,DE NI, PAD MO RAB TU RGYAS BYAS NAS, ,ZHES PA TSIGS BCAD GCIG GIS STON TE, BSGOM PAR BYA BA STE, SHES PAR BYA'O, ,GANG ZHE NA, SNYING KHA'I PAD MA DANG, BZHIN GYI PAD MO RAB TU RGYAS SHING KHA BYE BAR BYAS NAS 'BYUNG BA'I 'KHOR LO'I SNGAGS, YAN LAG GI RLUNG LNGA, PHYIR LDANG BA'I BDAG NYID YI GE H'Um 'DI'O, ,TSUL JI LTAR BSGOM PAR BYA ZHE NA, YAN LAG GI RLUNG LNGA PHYIR LDANG BA'I BDAG NYID KYI H'Um DE NYID THA SNYAD DU GZUGS LA SOGS PA YUL LNGA'I NGO BO DANG, CUNG ZAD DPYAD NA RNAM SHES GSUM GYI RANG BZHIN DANG, DON DAM PAR STONG PA NYID KYI RANG BZHIN DU BSGOM ZHING SHES PAR BYA'O, , TSUL DE LTAR SHES PAR BYAS NAS, BSGOM ZHING BSLAB PAR BYA'O, ,GANG LA ZHE NA, RDO @604 RJE CAN GYI SBYOR BA NI, RNAM SHES GSUM MAM STONG BA NYID KYI RANG BZHIN GYI RDO RJE 'CHANG CHEN PO GZUGS SOGS YUL LNGA'I RNAM PAR SNANG BA YIN LA, 'OD ZER LNGA NI MIG LA SOGS PA'I DBANG PO LNGA STE, RAB TU 'BAR BA NI DBANG PO LNGA RAB TU GSAL BA'AM NYAMS SU MYONG BA'O, ,DE LTAR NA BSHAD MA THAG PA'I SGOM BSAM SPROS MED DANG, SHIN TU SPROS MED KYIS ZIN PA'I SGO NAS, MIG SOGS DBANG PO LNGA GZUGS SOGS YUL LNGA LA LONGS SPYAD PAR BYA'O ZHES PA'I DON TO, ,GSANG BA'I MCHOD PA NI, DE LTAR YUL LNGA LA LONGS SPYOD PA NANG GI MCHOD PA BYAS PA'I 'OG TU PHYAG RGYA DANG SNYOMS PAR ZHUGS TE, RANG GI LUS NGAG SEMS KYI RDO RJE LA KUN RDZOB BYANG CHUB KYI SEMS PHAB STE, 'DOD CHAGS DANG, 'DOD CHAGS DANG BRAL BA LA SOGS PA'I RIM GYIS BYANG CHUB STE RNAM PAR DAG PA'I GNAS 'OD GSAL BA RTOGS SHING THOB PAR 'GYUR RO, ,SPYOD PA'I PHAN YON BSTAN PA NI, DE LTAR SPYOD PA'I RNAL 'BYOR PA DE NI, DE MA THAG TU STE RING PO MI THOGS PAR RNAM PAR SNANG MDZAD 'DRA BA STE, SKU RDO RJE 'DRA BA DANG, DE BZHIN DU RDO RJE SEMS DPA' MI BSKYOD PA DANG, RGYAL PO CHE RIN CHEN 'BYUNG LDAN DANG, SANGS RGYAS 'OD DPAG TU MED PA DANG, SKU GSUM RDO RJE 'DZIN PA DON YOD GRUB PA DANG MNYAM PAR 'GYUR RO, , SEMS DPA' THAMS CAD NI RNAM PAR SNANG MDZAD LA SOGS PA DE BZHIN GSHEGS PA RNAMS TE, DE DAG BSKYED CING 'BYUNG BA'I RDO RJE ZHES BYA BA'I TING NGE 'DZIN NO, , PHYAG RGYA GCIG PA'I DKYIL 'KHOR DANG SPYOD PA BYA BA NI, DE'ANG RNAL 'BYOR PHO MO CHA @605 LUGS BSGYUR BA NI, BDAG NYID DBUGS DBYUNG GI GTZO BO GANG RUNG GI CHA LUGS BSGYUR BA DANG, BRAM ZE LA SOGS PA RIGS BZHI GANG YANG RUNG BA'I BU MO RANG GI RIGS KYI YUM DU CHA LUGS BSGYUR BA DANG LHAN CIG TU SNA TSOGS PAD MA RAS KYIS G-YOGS PA'I GDAN LA, TSOGS KYI KHANG PA 'DU BYAS PA'I NANG DU 'DUG PAR BYA'O, , RNAL 'BYOR GYI RIM PA NI SNGA MA BZHIN DU SHES PAR BYA'O, ,MCHOD PA'I CHO GA LA, PHYI MCHOD DANG, NANG MCHOD SNGON DU SONG NAS, GSANG BA'I MCHOD PA NI, BZHIN RAB TU DVANGS PAS BZHIN BZANG ZHING, SGRUB PA PO LA PHAN PAR 'DOD PA'I BUD MED RIGS BZHI LAS GANG YANG RUNG BA RNYED NAS, 'DI LAS 'BYUNG BA'I CHO GA BZHIN DU SKYE BO 'DUS PA DANG BRAL BA'I DBEN PAR SNYOMS 'JUG GI MCHOD PA BRTZAM PAR BYA'O, ,DES CI ZHIG BYA ZHE NA, GSANG BA BLANGS NAS TE, CHAGS PA LA SOGS PA GSUM GYI RIM PA NGES PAR BYAS NAS, BZA' BAR BYA BA STE 'OD GSAL BAS RNAM PAR SBYAR BAR BYA'O, , DE LTAR SPYOD PA BYAS PAS PHAN YON CI 'THOB CE NA, DE LTAR SBYANGS PA'I RNAL 'BYOR PA DE NI, DE MA THAG TU STE RING PO MI THOGS PAR 'JAM DPAL TE RDO RJE 'CHANG CHEN PO DANG, GZI BRJID DE MTHU MNYAM PAR 'GYUR ZHING, MI SNANG BA STE THA MAL PA'I RANG BZHIN GYI LUS SPANGS NAS, DE'I 'OG TU BDAG PO STE RDO RJE'I LUS MNGA' BA'I GTZO BOR 'GYUR ZHING, PHYAG RGYA DANG BCAS PA'I DNGOS GRUB THOB PA'I DPAL DANG LDAN PA DANG, 'DZAM BU GSER GYI MDANGS 'DRA BA STE RIN CHEN TOG @606 DANG MNYAM PAR 'GYUR ZHING, NAM MKHA' MDZOD KYI TING NGE 'DZIN GYIS SEMS CAN GYI DON RDZOGS PAR BYED PAR 'GYUR RO, ,SPYOD PA'I DUS KYI ZAS KYI BYA BA BSTAN PA NI, SPYOD PA BYED PA'I DUS SU, KHA ZAS BSGRUB PA'I RTZOL BAS SEMS G-YENGS PAR GYUR PA DGAG PA'I PHYIR, KHA ZAS GANG DANG GANG RNYED PA BYIN GYIS BRLABS TE, LONGS SPYAD PAR BYA'O ZHES STON PA NI, BA LANG GI LCI BA LA SOGS PA'I BSHANG BA'AM, 'JIG RTEN DANG THUN MONG DU GYUR PA'I ZAN DANG 'BRAS CHAN LA SOGS PA'I BZA' BA'AM, CI RIGS PAR RNYED PA'I SHA DAG KYANG CHO GA SHES PA'I MKHAS PAS CHO GA BZHIN DU BSNGAGS NAS TE, SBYANG BA LA SOGS PA'I RIM PAS MNGON PAR 'DU BYAS SHING, SNYING KHA DANG LKOG MA YANG SBYANGS NAS KHAR GZHUG PAR BYAS SHING ZOS NA, SANGS RGYAS TE MKHAS PA RNAMS SAM, SKAL BA NGAN PA GZHAN DAG GIS KYANG MI MTHONG BA STE SHES PAR MI 'GYUR RO, ,RIL BU SGRUB PA'I BYE BRAG BCU BSTAN PA NI, DE YANG NANG LA MCHOG TU GZHOL BA THUN MONG GI BSNYEN PA LAS SU RUNG BA'I RNAL 'BYOR PAS, RIL BU'I SBYOR BA LA BSTEN NAS MI SNANG BA'I DNGOS GRUB BSGRUB PAR 'DOD NA, RANG GI LHAG PA'I LHA GANG YIN GYI DANG PO'I SBYOR BA DANG, DKYIL 'KHOR RGYAL MCHOG LA GNAS PAS, LAS RGYAL MCHOG NI, RGYU MI 'DRA BA BCU PO GANG YANG RUNG BA LAS RIL BU BYAS TE, GSER DANG DNGUL DANG ZANGS KYI LJANG PA GSUM GYIS BKRA SHIS PA'I RIL BU DE ZLA BA GZAS ZIN PA'I DUS SU, YUM GYI CHOS 'BYUNG GI NANG DU BCUG LA, ZLA BA GZAS BTANG GI BAR DU SNYOMS 'JUG BYA'O, ,DE NAS BTON LA @607 MTSAN MA LA BLTAS TE, DU BA LA SOGS PA BYUNG NA GRUB PA YIN PAR SHES PAR BYA STE, KHAR BCUG NA DE'I TSE SANGS RGYAS THAMS CAD KYIS KYANG MI MTHONG NGO, SBYOR BA SNGA MA GNYIS LA CHOS 'BYUNG DU GZHUG PA MED KYANG, 'OG MA RNAMS KYIS NYE BAR MTSON NAS SHES PAR BYA'O, ,DE BAS NA RGYU'I 'DRA BA MA GTOGS CHO GA GZHAN KHYAD PAR MED DO, ,TSIG DON NI, NYIN ZHAG DE NYID LA SKYES PA'I BU CHUNG GI BSHANG BA DANG, CHO GA BZHIN DU STE SA LA MA REG PAR BLANGS NAS, KHAM PHOR TE THOD PA KHA SBYAR GYI NANG DU BZHAG LA, YI GE GSUM BRGYA RTZA BRGYAD KYI BAR DU BZLAS SHING, YANG DAG PAR BSKUL NAS RIL BU BYAS LA, LCAGS GSUM GYIS DKRIS TE, CHOS 'BYUNG DU BCUG NAS ZLA BA GZAS ZIN GYI DUS SU SNYOMS 'JUG BYAS PAS RTAGS GSUM GANG RUNG BYUNG BA NA, KHAR BCUG NA SGRUB PA PO SANGS RGYAS NYI MA STE RIG PA 'DZIN PA RNAMS KYIS KYANG MI MTHONG NGO, ,DE BZHIN DU KHYI'I SHA LA SOGS PA CHO GA BZHIN DU STE, SA MA LA REG PAR BLANGS NAS, SBYOR BA'I THABS KYIS TE THOD PA KHA SBYAR GYI NANG DU BZHUGS LA, SNGA MA BZHI NA DU BZLAS TE, RIL BU BYAS NAS ZOS SHING KHAR BCUG NA GRUB PA LA SOGS PA RNAMS KYIS KYANG MI MTHONG NGO, ,BSHANG PA DANG LHAN CIG BDUD RTZI BZHI PO SBYAR NAS RIL BU BYAS LA, GSER LA SOGS PA LCAGS GSUM GYIS DKRIS TE, CHOS 'BYUNG DU BCUG NAS, ZLA BA GZAS ZIN GYI DUS SU DBANG PO GNYIS KYI SBYOR BA YIS SNYOMS 'JUG BYAS PAS, DU BA LA SOGS PA'I RTAGS BYUNG BA'I TSE, KHAR BCUG NA SANGS RGYAS THAMS CAD KYIS KYANG MI MTHONG NGO, ,SHA CHEN @608 BDUD RTZI LNGA DANG SBYAR BA YI RIL BU LCAGS GSUM GYIS DKRIS PA, BSHAD MA THAG PA'I DBANG PO GNYIS KYI SBYOR BA YIS BSGRUBS NA YANG SNGA MA BZHIN DU 'GYUR RO, , DE BZHIN DU BA LANG GI SHA DANG, BDUD RTZI LNGA LHAN CIG SBYAR BA'I RIL BU DANG, BSHANG BA DANG LHAN CIG BYUNG BA'I SROG CHAGS BDUD RTZI LNGA LNGA DANG LHAN CIG SBYAR BA'I RIL BU DANG, TZAN DAN DMAR PO DANG, GA BUR GNYIS BDUD RTZI LNGA DANG LHAN CIG SBYAR BA'I RIL BU DANG, GI WANG DANG AA KA RU NAG PO GNYIS BDUD RTZI LNGA DANG SBYAR BA'I RIL BU DANG, GA BUR GUR GUM GNYIS BDUD RTZI LNGA DANG SBYAR BA'I RIL BU RNAMS LCAGS GSUM GYIS DKRIS TE, SNGAR BSHAD PA'I TSUL GYIS DBANG PO GNYIS KYI SBYOR BA YIS BSGRUBS NAS KHAR BCUG NA, SGRUB PA PO SANGS RGYAS KUN GYIS KYANG MI MTHONG NGO, ,RDZOGS RIM PAS ZHI BA LA SOGS PA'I LAS BSGRUB PA PHAN YON DANG BCAS PA NI ZUNG 'JUG PA'I RNAL 'BYOR PAS, SGYU LUS 'OD GSAL DU BCUG STE ZUNG 'JUG LONGS SKUR BZHENGS NAS, DE'I 'OG TU ZHI BA'AM DRAG PO'I RDO RJE 'DZIN PA STE, RANG GI LHAG PA'I LHA GANG YANG RUNG BA'I SPRUL SKU PHYAG RGYA CHEN POR BYIN GYIS BRLABS SHING BSKYED PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, GDUL BYA'I SKYE BO RNAMS DAD PAR BYA BA'I PHYIR, MGON PO BZHI'I RLUNG DGU BRGYA PA PHRAG RE RE RGYU BA'I TSE, RDO RJE BZLAS PA BYAS TE, ZHI SOGS KYI LAS BSGRUBS NA 'GRUB PAR 'GYUR ZHING, DER MA ZAD RNAL 'BYOR PA DE NI, RDO RJE 'CHANG CHEN PO CI 'DRA BA DE 'DRA BA'I YON TAN GYI DBANG PHYUG BRGYAD DANG LDAN @609 PA'I DPAL DANG LDAN PAR 'GYUR ZHING, KHAMS GSUM 'DUL BAS STOBS CHEN PHA ROL GNON PAR 'GYUR RO, ,GZHAN YANG SKAD CIG MA GCIG GIS DPAG TSAD BYE BA RDZOGS PA'I TSAD TZAM GYI SA'I STENG DU 'GRO BAR 'GYUR ZHING, DE SRID KYI TSAD TZAM GYI SA 'OG TU YANG RDO RJE GNAM LCAGS LTA BUR 'GRO BA DANG, DE BZHIN DU SHAR LA SOGS PA'I PHYOGS DANG MTSAMS RNAMS DANG, SKAD CIG GIS STONG GSUM GYI 'JIG RTEN GYI KHAMS RNAMS SU THOGS PA MED PAR BGROD PAR 'GYUR LA, PHYAG RGYA'I TSOGS DPAG TU MED PA LDAN PAS NA DPAL DANG LDAN PA DANG, STOBS BCU DANG MI 'JIGS PA BZHI LA SOGS PA'I YON TAN DANG LDAN PAS NA, SANGS RGYAS DANG 'OD DE GZI BRJID 'DRA BAR 'GYUR RO, ,DE LTAR THOGS PA MED PAR 'GRO BAS JI LTAR DGA' BAR 'GRO BA'I PHYIR, RGYAL CHEN RIGS BZHI NAS, GZHAN 'PHRUL DBANG BYED KYI BAR GYI 'DOD PA'I KHAMS NA GNAS PA'I LHA MO RNAMS DANG, LHA MO DANG 'DRA BAS NA LHA'I LONGS SPYOD 'KHOR LOS BSGYUR BA LA SOGS PA'I BU MOR GRAGS PA DGUG PA DANG, KLU DANG LHA MA YIN LA SOGS PA'I RIGS KYI BRTUL ZHUGS TE, DE DANG 'BREL BA'I BU MO RNAMS LA YANG STOBS CHEN GYIS 'DOD PA LA SPYOD PAR BYED DO, ,'DOD PA'I KHAMS NA GNAS PA 'BA' ZHIG LA 'DOD PA SPYOD PAR MA ZAD KYI, GAL TE GZUGS KYI KHAMS NA BUD MED YOD NA YANG, DE LA YANG SPYOD PAR BYED DO, ,ZHES PHUL DU BYUNG BA'I KHYAD PAR STON PA NI, YANG NA ZHES SO, DAM TSIG NI THA MAL PA'I LUS TE, SEMS DPA' GANG GIS DE MI SNANG BAR BYAS PA NI, @610 DAM TSIG MI SNANG BA'I RDO RJE CHEN PO STE RDO RJE 'CHANG CHEN PO'O, ,'CHAD PA PO LA DAD PAS CHO GA LA NGO MTSAR SKYES PA'I SGO NAS GZHUNG BSDU PA NI, DE NAS BKA' BSTZAL TO ZHES SBYAR, SU ZHIG GIS NA, SANGS RGYAS TE RIN PO CHE LTA BU'I GANG ZAG DAG DANG PO THOS PA TZAM GYIS SEMS 'KHRUL PA STE, SHIN TU YANG NGO MTSAR DU GYUR PA'I PHYIR RO, ,PHYIS NAS BSAM PA DANG BSGOM PA'I NGO BO NYID KYIS RTOGS PAR 'GYUR BA'I PHYIR, YID LA DBANG BA STE, YE SHES SHAR BA'O, ,DE'I 'OG TU STON PA LA DAD PAS RAB TU DGES NAS, DE NYID KYIS NGO MTSAR DU GYUR ZHING SPYAN GDANGS NAS SO, , GANG ZHIG CE NA, MNYES PA STON PA'I GSUNG 'OG NAS 'BYUNG BA 'DI'O, ,AE MA HO ZHES PA NI NGO MTSAR SKYES PA STE SNGAGS GCIG PU NYID KYIS LAS DPAG TU MED PA SGRUB PA GANG YIN PA 'DI NI, RAB TU NGO MTSAR CHE ZHING RMAD DU BYUNG BA DANG, BUD MED DANG LHAN CIG ROL PAS KYANG, 'JIG RTEN DANG 'JIG RTEN LAS 'DAS PA'I DNGOS GRUB BSGRUB PAR BYA'O ZHES PA'I GSANG GNAS MI 'GYUR BA GANG YIN PA DE YANG NGO MTSAR CHE BA DANG, BDUD RTZI LNGA DANG SHA LNGA LA SOGS PA'I RIL BU RNAMS KYIS KYANG, GANG GI PHYIR DNGOS GRUB PHUN SUM TSOGS PA DE NI CHOS RNAMS KYI NGO BO NYID KYIS DAG PAS TE, 'DI YANG NGO MTSAR CHE BA DANG GANG YANG RUNG BA'I PHYAG RGYA CHEN PO LA DMIGS NAS, RDO RJE 'CHANG GI GO 'PHANG THOB PAR 'GYUR PA DE LA, GOS PA MED CING SHIN TU DRI MA MED PA'I CHOS DE YANG NGO MTSAR CHE'O, ,RIGS KYI DBYE BAS LHA DBANG BSKUR BA LA GSUM STE, SDUD PA PO'I TSIG GIS STON PA'I KHYAD PAR BSTAN PA @611 DANG, DBANG BSKUR BA DNGOS DANG, DE'I PHAN YON BSTAN PA'O, ,DANG PO NI, DE NAS BKA' BRTZAL TO ZHES SBYAR, SU ZHIG GIS NA, STON PA RDO RJE 'DZIN TE, RDO RJE 'CHANG CHEN POS SO, ,DE'I KHYAD PAR NI, GDUG PA RNAMS 'DUL BAS NA STON PA, RNAM PAR SNANG MDZAD LA SOGS PA 'BYIN PAS NA BSKYED PA, 'JIG RTEN PA LA SOGS PA'I DNGOS GRUB BSKYED PAR MDZAD PAS NA BYED PA, DRUG PA'I NGO BO NYID DU GYUR PAS NA MI 'GYUR CHE, SANGS RGYAS RNAM PAR SNANG MDZAD DANG, RDO RJE MI BSKYOD PA DANG, CHOS CHEN PO 'OD DPAG TU MED PA STE, RDO RJE GSUM GYI BDAG NYID CAN GYIS SO, ,GANG ZHIG NA, RDO RJE'I GSUNG 'OG NAS 'BYUNG BA 'DI'O, ,DBANG BSKUR BA DNGOS NI, LUGS GZHAN LTAR, DKYIL 'KHOR BA'I LHA LA LHA MO RNAMS KYIS BUM PA'I CHUS DBANG BSKUR BAS RIGS KYI BDAG PO GRUB PA NI MA YIN TE, 'DIR DKYIL 'KHOR PA'I LHA GANG DANG GANG GRUB PA DE'I DBU LA RIGS KYI BDAG PO DE DANG DE RANG CHAS SU GRUB PAR BSGOM PA YIN NO, ,DE'I DGOS PA NI, RANG RANG GI RIGS SU MA 'DRES PAR SHES PAR 'GYUR BA'O, ,DE LTAR GYUR PAS RNAM SNANG GI RIGS KYIS ZHI BA'I LAS 'GRUB PA SOGS 'JIG RTEN PA'I DNGOS GRUB MYUR DU 'GRUB PAR 'GYUR TE, LAS GANG LA LHA GANG SHIS PA'I BYE BRAG BSHAD PA'I PHYIR RO, , DE LA RDO RJE SEMS DPA' STE MI BSKYOD PA YAB YUM SPYI BOR 'JOG PA'I SBYOR BA YIS, RDO RJE 'DZIN PA STE MI BSKYOD PA'I RIGS DANG LDAN PA RNAMS, MNYES PA STE DBANG BSKUR BAR BYA'O, ,SANGS RGYAS BYANG CHUB STE RNAM PAR SNANG MDZAD YAB YUM, @612 RAB DBYE STE RANG GI RIGS DANG LDAN PA RNAMS KYI SPYI BOR SO SOR BZHUGS PAS SANGS RGYAS RDO RJE CAN TE, RNAM SNANG GI RIGS DANG LDAN PA RNAMS MNYES PA STE DBANG BSKUR BAR BYA'O, ,RDO RJE SPYAN LA SOGS PA RNAMS LA, GZUGS LA SOGS PA STE RNAM PAR SNANG MDZAD, LA SOGS PA GTZUG TOR TE DBU RGYAN DU 'JOG PAS MNYES SHING GSAL BAR BYA'O, ,RNAM SNANG LA SOGS PA'I RIGS DANG 'BREL BA'I KHRO BO RNAMS LA'ANG, SANGS RGYAS RDO RJE STE RNAM PAR SNANG MDZAD LA SOGS PAS DBU BRGYAN PAR RAB TU BSGOM MO, ,RIG PA NI M'A MA KI STE DE'I RGYAL PO NI RIN CHEN 'BYUNG LDAN NO, ,DE RNAMS GTZO BOR GYUR PA GANG YIN PA DE NI, RIG PA'I RGYAL PO CHOS MCHOG STE, RIN PO CHE'I RIGS RNAMS YIN LA, DE RNAMS LA NI DKON MCHOG DPAL GYIS DBU BRGYAN PAR BSGOM MO, ,RIGS PA'I RGYAL MO NI, GOS DKAR MO STE DE'I SBYOR BA NI DE DANG 'BREL BA'I PAD MA'I RIGS RNAMS TE, DE RNAMS LA NI TSE DPAG MED PA DBU BRGYAN DU BSGOM MO, ,THAMS CAD LAS BYED SNGAGS RNAMS NI LAS KYI RIGS RNAMS TE, DE RNAMS LA NI GDON MI ZA BA'I YE SHES DON YOD GRUB PA DBU RGYAN DU BSGOM MO, ,SNGAGS RNAMS THAMS CAD DE RNAM SNANG LA SOGS PA'I DE BZHIN GSHEGS PA BZHIN LA NI, RDO RJE SEMS DPA' STE MI BSKYOD PAS DBU BRGYAN PAR RNAM PAR BSGOM MO, ,GZHAN DAG NA RE, DE'I DGOS PA NI, MI BSKYOD PA NI RNAM SHES PHUNG PO'I NGO BO YIN LA, RNAM SNANG LA SOGS PA NI GZUGS LA SOGS PA PHUNG PO BZHI'I NGO BO YIN PAS, RNAM SHES LAS GZUGS LA @613 SOGS PA'I PHUNG PO LOGS PA MED DO, ,ZHES BSTAN PA'I DON DU, MI BSKYOD PAS DE BZHIN GSHEGS PA BZHI LA DBU BRGYAN PA YIN LA, MI BSKYOD PA LA RDO RJE 'CHANG GIS DBU BRGYAN PA NI, RDO RJE 'CHANG STONG PA NYID KYI NGO BO YIN PAS, RNAM PAR SHES PA DE'ANG STONG PA'I NGO BO YIN NO ZHES RTOGS PAR BYA BA'I DON DU'O, ,RDO RJE 'CHANG LA MI BSKYOD PAS DBU BRGYAN PA NI, STONG PA DE'ANG RANG RIG PA'I NGO BO YIN NO ZHES RTOGS PA'I DON DU 'CHAD DO, ,RDO RJE MKHA' 'GRO MA LA SOGS PA'I GNOD SBYIN MO RNAMS KYI SNGAGS TE, RANG GI SA BON LAS BYUNG BA'I RGYUD DE, PHYAG RGYA CHEN PO'I GZUGS LA DBANG BSKUR BA'I DUS SU, GSHIN RJE GSHED NYID SPYI BOR BRTAG PA STE BZHAG PAR BYA'O, ,BSHAD MA THAG PA'I SNGAGS TE, LHA RNAMS BDE STONG DU DBANG SKUR BA'I TSE, SPYI BO NA GNAS PA'I RANG GI RIGS KYI BDAG PO PHYAG RGYA DANG BCAS PA BDE BA CHEN PO RJES SU MYONG BAS BYANG CHUB KYI SEMS KYIS BSKUL BA SHIS PA STE TSIM PAR BYED PAR BSAM MO, ,DE'I PHAN YON NI, DBANG BSKUR BA'I BSAM GTAN RGYAS PAR BSHAD PA 'DI YIS NI, SNGAGS TE LHA RNAMS MNYES PAR BYED PA DANG, SNYING PO LEN PAR BYED PA'I DKYIL 'KHOR LA DAM TSIG CHEN PO STE, PHYAG RGYA CHEN PO BSGRUB CING SKYED PAR BYED PA DANG, SGRUB PA PO LA PHAN PA SKYED PAR BYED PAR GSUNGS SO, ,PRA SE NA DBAB PA LA GSUM LAS, SDUD PA PO'I TSIG GIS STON PA'I KHYAD PAR BSTAN PA NI, DE NAS BKA' BSTZAL TO ZHES SBYAR, SU ZHIG GIS NA, STON PA RDO RJE 'DZIN GYIS SO, ,DE'I KHYAD PAR NI, BGEGS RNAMS ZHI BAR MDZAD @614 PAS NA STON PA, KHAMS GSUM GYI BDAG POR GYUR PAS GTZO BO, GZUGS KYI PHUNG PO LA SOGS PA'I GTZO BO YIN PAS NA CHOS KYI DBANG PHYUG RDO RJE GSUM MI PHYED PA'I NGO BO YIN PAS NA SKU GSUNG THUGS YONGS SU DAG PA'O, ,GANG ZHIG CE NA, YE SHES RDO RJE STE 'DAS PA LA SOGS PA YONGS SU MKHYEN PA'I CHO GA MI PHYED PA 'OG NAS 'BYUNG BA 'DI'O, ,GNAS DANG BCAS PA'I MNGON DU BYA BA'I CHO GA NI, RI RTZE DANG 'DRA BA'I KHANG PA RTZEG MA CHEN PO'I STENG GI SA PHYOGS DANG, DE LAS GZHAN PA'I NYAMS DGA' BA'I GNAS RNAMS SU DANG, NAGS TSAL TE SKYED MOS TSAL LA SOGS PA SKYE BO'I 'DU 'DZI DANG BRAL BA'I DBEN PA'I GNAS RNAMS SU RIM PA GNYIS KYI RNAL 'BYOR PA BSNYEN PA LAS SU RUNG BAS BYIN GYIS BRLAB PAR BYA BA'I PHYIR, BSAM GTAN RDO RJE STE SNGAGS KYI SKU DANG, YE SHES KYI SKU'I DBYE BAS PHYAG RGYA CHEN PO RNAM PA GNYIS LA DMIGS NAS, SNGAGS TE NGAG GI BZLAS PA DANG, BZLAS PA STE RDO RJE'I BZLAS PA RNAMS KYI SBYOR BA NYAMS SU BLANG BAR BYA'O, ,DON NI, BSKYED RIM PAS SNGAGS KYI SKU LA DMIGS NAS, H'Um, HA, AA, DZ'EE ZHES PA'I SNGAGS 'BUM PHRAG GCIG TU BZLAS SHING, DE DANG 'BREL BA'I SBYIN SREG KHRI PHRAG GCIG GIS LHA TSIM PAR BYAS TE, BSNYEN PA LAS SU RUNG BA DANG, RDZOGS RIM PAS YE SHES KYI SKU LA DMIGS TE, RLUNG SNGAGS MNYAM PAR SBYOR BA'I RDO RJE BZLAS PA BYAS NAS, BSNYEN PA LAS SU RUNG BAR BYA'O ZHES PA'O, ,CI'I PHYIR 'DI LTAR BYA ZHE NA, RDO RJE SEMS DPA' STE MI BSKYOD PA DANG, RNAM SNANG LA SOGS PA'I DE BZHIN GSHEGS @615 KUN, RANG GI SNGAGS DANG, RANG GI PHYAG RGYA LA DMIGS PA'I BSAM GTAN GYIS BSKUL BAS, GSUNG GI LAS TE, GSUNG GI RDO RJE 'OD DPAG TU MED PA'I BKA' BZHIN DU LAS KYI LAM SNA TSOGS PA SGRUB PAR BYED PAR 'GYUR BAS SO, ,SNOD SBYANG BA NI, DE LTAR SNGON DU BSNYEN PA LAS SU RUNG BAR BYAS PA'I SGRUB PA POS, BDAG NYID MI BSKYOD PA'I DKYIL 'KHOR RGYAL MCHOG YAN CHOD LA GNAS NAS, SNOD KHYE'U'AM BU MO GTZANG MA MNGON PAR BYANG CHUB PA LNGA'I RIM GYIS, RDO RJE CHOS TE 'OD DPAG TU MED PA'I GZUGS CHEN PO PAD MA R'A GA'I 'OD 'DRA BA BSAM LA, DE'I MGO DANG, LKOG MA DANG, SNYING KHA GSUM DU YI GE GSUM BKOD LA, SKU GSUNG THUGS KYI RDO RJE LA ZHES PA BGOD PA GSUM NANG DU BSTIM MO, ,DE NI GNAS GSUM DU NI RIGS BRTAG GO ZHES PA'O, ,DBAB PA'I CHO GA DNGOS LA GNYIS KYI, MDOR BSTAN PA NI, DE LTAR SNOD SBYANG BAR BYAS NAS, DBAB PA'I CHO GA 'OG NAS 'BYUNG BA THAMS CAD BYAS SHING BSGRUBS NA, GDON MI ZA BAR 'GRUB PAR 'GYUR RO, , LHA'I BKAS, DANG PO SNOD KYI THA MAL PA'I NGA RGYAL BSAL NAS, SHING LTAR MI G-YO BAR BYAS PA'I GNAS SKABS NI RENGS PA'O, ,TING NGE 'DZIN GYI DBANG GIS LUS 'GUL BA DANG, G-YO BA BSKYED PA NI BSKUL BA'O, ,RDO RJE SEMS DPA' LA SOGS PA 'JIG RTEN LAS 'DAS PA'I LHA RNAMS RAB TU ZHUGS NAS, BABS PA'I SKAD CIG LA ZHUGS PA NI LHA CHEN PO'O, ,LHA CHEN PO DES 'DAS PA LA SOGS PA'I DON JI LTA BA BZHIN DU STON PA NI 'PHAGS PA'I LAM STE, GNAS SKABS BZHI PO DE DAG @616 NI RDO RJE GRUB PA'I NGO BO YIN PAS, DE LTAR BYAS NA SNOD LA DBAB PA'I CHO GA RTAG TU 'GRUB PAR 'GYUR RO, SNOD KYI MTSAN NYID JI LTA BU ZHE NA, BU MO NA TSOD LA GRANGS BCU GNYIS MA, GZHON NU MA'I TSUL MA NYAMS PA'AM, KHYE'U LO GRANGS BCU GNYIS LON PA BUD MED KYI YUL DANG MA 'PHRAD PA, YAN LAG DANG NYING LAG MA TSANG BA MED PAS MTSAN NYID THAMS CAD YONGS SU RDZOGS PA BZUNG NAS, SNGAR BSHAD PA'I RIM PAS MNGON PAR SBYANG BAR BYAS NAS, DBAB PA BZHI PO RAB TU BRTAG PAR BYA'O, ,MNGON PAR SBYANG BA LA SOGS PA DANG POR BYA BA'I CHO GA THAMS CAD RDZOGS PAR BYAS NAS DE'I 'OG TU DBAB PA'I LAS RAB TU BSGRUB PAR BYA'O, ,DE LAS RNAM PA GZHAN DU CHO GA MA TSANG BAR BYAS NA, KHAMS GSUM STE THA MA DANG 'BRING DANG MCHOG GI SKYE BOS SPYAS SHING SMAD PAR 'GYUR RO, DBAB PA'I CHO GA RGYAS PAR BSHAD PA LA GNYIS KYI, MDOR BSDUS PA'I DON BSTAN PA NI, DE YANG SNGAR BSHAD PA'I TSUL GYIS, BSNYEN PA LAS SU RUNG PAS, RIGS GANG GI THOS PA PO YIN YANG, MI BSKYOD PA'I DKYIL 'KHOR RGYAL MCHOG GI BAR BSKYED LA, MTSAN NYID DANG LDAN PA'I SNOD KHYE'U'AM, BU MO GTZANG MA KHRUS DANG GOS GTZANG MA BGO BA DANG, DKAR GSUM BZAR GZHUG PA DANG, GSUM LA SKYABS SU 'GRO BA LA SOGS PA LHAG PAR GNAS PA BYAS LA, DE NAS DBAB PA NI, SNOD 'OD DPAG TU MED PAR MNGON BYANG LNGAS BSKYED PA'I SPYI BOR ZLA BA'I STENG DU YI GE HA, LKOG MAR PAD MA'I STENG DU AA, SNYING KHAR NYI MA LA H'Um BKOD PA LAS, SNOD KYI THA MAL PA'I NGA @617 RGYAL BSAL NAS, SHING LTAR MI G-YO BAR BYAS PA LA RENGS PA ZHES BYA'O, ,DE NAS RKANG PA'I 'OG TU RLUNG DANG, ME'I DKYIL 'KHOR GYI STENG DU DZ'EE DMAR PO BSAM, RLUNG GIS ME SBAR BAS DZ'EE BSKUL NAS, 'OD ZER DMAR PO RKANG PO'I MTHIL NAS ZHUGS TE SPYI BO'I BAR DU GANG BAS, LUS KYI GSHIS THAMS CAD SBYANGS PAS, 'GUL BA DANG G-YO BA 'BYUNG BA NI BSKUL BA ZHES BYA'O, ,DE NAS SNOD KYI SNYING KHA'I H'Um YONGS SU GYUR PA LAS, MI BSKYOD PA YAB YUM MGO BO'I HA GYUR PA LAS SKU RDO RJE YAB YUM, LKOG MA'I AA GYUR PA LAS 'OD DPAG TU MED PA YAB YUM DU BSGOM LA DZ'EE 'OD DMAR POS SKU GSUNG THUGS KYI RDO RJE YAB YUM BSKUL BAS, DE DAG SNYOMS PAR ZHUGS PA'I THABS KYI YE SHES BYANG CHUB KYI SEMS DMAR PO BYUNG BA LAS LUS THAMS CAD GANG BAR BSAMS SHING, SA BON BZHI PO DRIL BU DKROL BA DANG BCAS PA BRJOD CING BSKUL BAS, YE SHES PHEBS PA'I RTAGS SNGAR BSHAD PA LTA BU GANG YANG RUNG BA BYUNG BA NI, LHA CHEN PO'I GNAS SKABS SO, ,DE NAS BHRU HI BADZRA ZHES BRJOD NAS, 'DAS MA 'ONGS LA SOGS PA'I DON BDEN PA STON PAR 'GYUR BA NI BRJOD NAS, 'DAS MA 'ONGS LA SOGS PA'I DON BDEN PA STON PAR 'GYUR BA NI 'PHAGS PA'I LAM GYI GNAS SKABS SO, ,DE NAS H'Um AA MU ZHES PA YE SHES PHAB PA DE GSHEGS SU GSOL BAR BYA'O, ,'DI NI SLOB MA LA DBANG BSKUR BA'I DUS SU YE SHES 'BEBS PA'I CHO GA DANG, 'DAS MA 'ONGS LA SOGS PA SHES PAR BYA BA'I DON DU PRA DBAB PA'I CHO GA YANG YIN NO, ,TSIG GI DON NI DBAB PA'I CHO GA DE THUGS LAS BYUNG BA'I PHYIR SNYING PO GSANG BA YIN PAS NA SNGAGS, SNGAGS KYI TSIG @618 NI H'Um ZHES PA YI GE BZHI PO 'DI YIN TE, SGRUB PA POS RIM PA 'DIS DBAB PAR BYA'O, , BSGOM PA'I CHE BA'I BDAG NYID STON PA NI, NAM MKHA'I KHAMS LTAR STONG PAR 'GYUR LA, SHI BA'I LUS LTA BU RNAM SHES DANG BRAL BA'I SEMS MED CING, RTOG PA THAMS CAD RNAM PAR SPANGS PA YIN YANG, JI SKAD BSHAD PA'I CHO GA BZHIN DU BYAS NA, RDO RJE SEMS DPA' BDAG NYID KYANG MNGON SUM DU 'BAB NA, SEMS DANG LDAN PA GZHAN PA LTA CI SMOS ZHES PA'O, ,YI GE BZHI'I DGOS PA BSTAN PA NI, H'Um LA NI RDO RJE SEMS DPA'I BDAG STE THUGS RDO RJE BZHUGS SO, ,HA LA NI SKU'I RDO RJE CAN BZHUGS SO, ,AA LA NI CHOS 'DZIN RGYAL PO STE 'OD DPAG TU MED PA BZHUGS TE, GSUNG RDO RJE 'DI NI GSANG TSIG BSTAN PA STE, GANG DBAB PAR BYA BA'I YUL YIN NO, , YI GE DZ'EE NI BSKUL BA BSKYED PAR BYED PA YIN TE, 'KHOR LO BZHIN DU 'GUL BA DANG, G-YO ZHING SKYOD PAR BYED PA LA YANG DZ'EE YIN NO, ,DZ'EE ZHES PA 'DI NI, BSKUL BA THAMS CAD DE, RENGS PA LA SOGS PA GSUM LA YANG, GSANG BA STE, SNYING PO YIN PAR BSHAD DO, ,RDO RJE RGYAL PO STE, MI BSKYOD PA'I TING NGE 'DZIN DANG, YI GE H'Um GIS RAB TU BSKUL ZHING GSAL BAR BYAS PAS, RDO RJE SEMS DPA'I BKA' LAS 'DAS PAS 'JIGS SHING SKRAG LA 'KHRUL NAS 'PHAR BAR 'GYUR RO, ,JI TZAM DU ZHE NA SA GZHI LAS KHRU GANG LA SOGS PAR RO, ,SNGA MA BZHIN DU STE SA BON THA MA DZ'EE 'DI GSANG BA THOB PA STE, 'BEBS PAR BYED PA YIN PA DE BZHIN DU, SA @619 BON LHAG MA GSUM PO THAMS CAD KYANG THA MA NAS BRTZAMS TE, SA BON DANG PO'I BAR DU DE DANG 'DRA BAR 'BEBS PAR BYED PAR 'GYUR RO, ,DE BAS NA, A'A NI SKUL BAR BYED PAR BSHAD, ,CES SOGS H'Um GI BAR LA SBYAR BAR BYA'O, ,DNGOS GRUB KYI PHYOGS LA GTOGS PA'I LAS TSOGS DU MA BSTAN PA LA GNYIS TE, GDUG PA 'DUL BA'I SBYOR BA DANG, ZHI BA'I SBYOR BA BSTAN PA'O, ,DANG PO LA GSUM GYI, SDUD PA PO'I TSIG GIS STON PA'I KHYAD PAR BSTAN PA NI, DE NAS BKA' BSTZAL TO ZHES SBYAR, SU ZHIG GIS NA, RGYAL PO RDO RJE 'DZIN GYIS SO, ,DE'I KHYAD PAR NI DE BZHIN GSHEGS PA KUN NI SPYAN MA LA SOGS PA STE DE'I BDAG PO DANG, SKU GSUM NI SKU GSUNG THUGS SO, ,DE'I GNAS NI 'OD GSAL BA STE, DE YONGS SU DAG PAS GANG ZHIG NA 'OG NAS 'BYUNG BA'I GSUNG 'DI'O, ,SGRUB PA PO'I MTSAN NYID RNAL 'BYOR DANG BCAS PA NI, SNGAR DRAN PA GCIG PA'I TING NGE 'DZIN MTHAR PHYIN CING, RIG PA'I BRTUL ZHUGS LA BYANG BAR BYAS NAS, PHYIS ZHING DANG TSONG DANG, BSNYEN BSKUR BA LA SOGS PA LA ZHUGS PA, RTZE GCIG TU MA GYUR PA'I SGRUB PA PO YIS KYANG, BRTUL ZHUGS BRTAN PA STE DGRA BO TSAR GCOD PA LA BRTZON PAS, 'OG NAS 'BYUNG BA 'DI DAG BYA'O, ,SBYOR BA GANG GIS BYA ZHE NA, SBYOR BA GZHAN NI RNAM SNANG LA SOGS PA NAS, GNOD MDZES LA THUG PA'I BAR GYI SBYOR BAS TE, DE DAG MIN PA MI BSKYOD PA'I DKYIL 'KHOR RGYAL MCHOG LA GNAS PA'I SBYOR BAS GDUG PA RNAMS GZHIG PA'I LAS 'DI BYA'O, ,GDUG PA 'DUL BA'I LAS SBYOR DNGOS LA BRGYAD DE, SNGAGS @620 DANG BCAS PA'I RDZAS DANG, SBYIN SREG GIS SGRUB PA DANG, BSAM GTAN GYIS SGRUB PA DANG, RDZAS KYI SBYOR BAS GSAD PA DANG, KHA SBYOR DBYE BA'I CHO GA LHAG MA DANG, BSAM GTAN GYIS BSAD PA'I CHO GA LHAG MA DANG, GZHAN GYI RIG PA BZLOG PA'I SBYOR BA DANG, RDZOGS RIM PAS GSAD PA'I CHO GA DANG, LAS PHRAN TSEGS KYI SGO NAS BSGRUB PA'O, ,DANG PO LA BZHI YOD PA'I RDZAS KYI SBYOR BAS GSANG BA'I CHO GA GNYIS BSTAN PA NI, DE YANG DRAN PA GCIG PA'I TING NGE 'DZIN MTHAR PHYIN CING, KHRO BO GANG YANG RUNG BA'I SNGAGS 'BUM BZLAS SHING, SBYIN SREG KHRI PHRAG GCIG GIS LHA TSIM PAR BYAS, RIG PA'I BRTUL ZHUGS LA BYANG BAR BYAS PA'I RNAL 'BYOR PAS, MI BSKYOD PA'I DKYIL 'KHOR RGYAL MCHOG LA GNAS NAS, LAS RGYAL MCHOG DUR KHROD SOL BA DANG, PHUB MA DANG DUG DANG, DA DU RA DANG SKE TSE DANG, LAN TSA DANG, YUNGS MAR LA SOGS PA LA DGRA BO'I GZUGS BRNYAN BYAS LA, MNGON SPYOD KYI RDZAS KYIS DUR KHROD KYI RAS LA, BSGRUB BYA'I MING DANG SPEL BA'I SNGAGS BRIS LA, GZUGS BRNYAN GYI SNYING KHAR RNAM SHES BKUG PA SNGON DU 'GRO BAS BCUG STE, LHO PHYOGS SU KHA BLTAS LA SKRA BSHIG GCER BUR PHYUNG NAS, NAM PHYED DAM NYI MA PHYED NA GSHIN RJE GSHED LA SOGS PA KHRO BO GANG YANG RUNG BA'I SNGAGS STONG BRGYA RTZA BRGYAD BTON NA, KHAMS GSUM DAG KYANG 'JIG PAR BYED NA, BSGRUB BYA LTA SMOS KYANG CI DGOS ZHES PA'O, ,DE BZHIN DU RO BSREGS PA'I THAL BA YUNGS MAR DANG SBRUS PA LAS, DGRA BO'I GZUGS BRNYAN BYAS LA, SNGA MA BZHIN DU MING LA RNAM @621 SHES BKUG NAS NANG DU BCUG STE, MI BSKYOD PA'I RNAL 'BYOR LA GNAS NAS, KHRO BO'I SNGAGS STONG NGAM BRGYA RTZA BRGYAD BZLAS NA, BSGRUB BYA NGES PAR 'CHI BAR 'GYUR RO, ,SBYIN SREG GIS GSAD PA'I CHO GA LNGA BSTAN PA NI, LHA'I RNAL 'BYOR SNGA MA DANG 'DRA LA, LAS RGYAL MCHOG RO BSREGS PA'I THAL BA LAS, DKYIL 'KHOR TE THAB KHUNG GRU GSUM BYAS LA, DER TSER MA CAN GYI SHING LA ME SBAR LA, THAB KYI NANG DU MI BSKYOD PA ZHE SDANG RDO RJE BSKYED, BA LANG GI SHA LA SOGS PA LAS DGRA BO'I GZUGS BRNYAN BYAS TE, DUR KHROD KYI RAS LA SNGAGS DANG MING SPEL BA BRIS TE, RNAM SHES DGUG PA SNGON DU 'GRO BAS, GZUGS BRNYAN GYI SNYING KHAR BCUG LA, SGRUB PA PO SKRA BSHIG GCER BUR PHYUNG NAS, MNGON SPYOD KYI DUS SU KHRO BO'I SNGAGS BZLAS TE, GZUGS BRNYAN GTUB CING GTUB CING SBYIN SREG BYA'O, ,DE LTAR BYAS NA, RDO RJE'ANG GDON MI ZA BAR 'JIG CES PA LAS KYI CHE BA BSTAN TO, ,YANG SHA CHEN LAS DGRA BO'I GZUGS BRNYAN BYAS NAS, SNGAR BZHIN DU SBYIN SREG BYAS NA, SHA LAS BYAS PA'I SBYOR BA THAMS CAD KYI NANG NA, RDO RJE LAS BYUNG BA NI SHIN TU MI ZAD PAR BSHAD DO, ,DE NYID KYI PHYIR 'DI NI, DGRA THAMS CAD KYI 'JIGS PA SHIN TU MI BZAD PA YIN NO, ,CHOS MCHOG CAN TE SME SHA CAN LA SOGS PA'I BSHANG GCI DAG LA DGRA BO'I GZUGS BRNYAN BYAS LA, MING LA RNAM SHES BKUG PA SNGON DU 'GRO BAS SNGAGS BZLAS TE THAB KHUNG GRU GSUM PA'I NANG DU TSER MA'I ME LA KHROS PAS GTUB CING GTUB CING BSREG NA, SANGS RGYAS DAG KYANG NGES PAR 'JIG GO, @622 NUB PHYOGS RGYA MTSOR 'BAB PA'I CHU BO'I 'GRAM GNYIS KYI SA BLANGS LA, DGRA BO'I GZUGS BRNYAN BYAS TE, SHRING GI BTZAN DUG GO, LA SOGS PA DUG DANG, PO SO 'CHA'I TSER MA DANG, SA KO TZA LA SOGS PA'I DUG GAM, SARBA KAn dA KA'I DUG TIL GYI 'BRAS BU TZAM GYIS YAN LAG KUN BKANG LA, MING LA RNAM SHES BKUG PA SNGON DU 'GRO BAS CHE GE MO MA RA YA PHAt CES BYA BA'I SPEL TSIG DANG BCAS PAS SBYIN SREG BYAS NA SANGS RGYAS DAG KYANG NGES PAR 'JIG PAR 'GYUR RO, ,KE TSE DANG LAN TSVA LA SOGS PA MNGON SPYOD KYI RDZAS LA DGRA BO'I GZUGS BRNYAN BYAS TE, TSER MA CAN GYI ME LA SBYIN SREG BYAS NA, SANGS RGYAS THAMS CAD DE BSGRUB BYA THAMS CAD GSAD PAR BYA BA LA 'DI NI MCHOG TU GYUR PAR BSHAD DO, ,RDZAS KYI SBYOR BAS GSAD PA GSUM BSTAN PA NI, BSNYEN PA LAS SU RUNG BA'I RNAL 'BYOR PAS, MI BSKYOD PA'I DKYIL 'KHOR RGYAL MCHOG YAN CHOD LA GNAS NAS, LAS RGYAL MCHOG MI RUS KYI PHYE MA DANG, KHRAG DANG, DUG RNAMS LAS DGRA BO'I GZUGS BRNYAN BYAS LA, DE LA RNAM SHES BKUG LA SNGON DU 'GRO BAS, SGRUB PA POS SOL KHUS GSHER BA'I GOS GYON TE, KHROS TE RKANG PAS GZUGS BRNYAN GYI LINGGA MNAN LA, CHE GE MO SRIN POS KHYER DU CHUG CIG CES, BSKUL TSIG DANG BCAS PAR GNOD MDZES KYI SNGAGS BZLAS NA, SRIN POS KHYER BAR GNOD MI ZA'O, ,SBYOR BA'I CHE BA'I MTHU BSTAN PA NI, RDO RJE SEMS DPA' DRAG PO YANG, ,ZHES SO, ,YANG LHA'I RNAL 'BYOR SNGA MA LA GNAS NAS, SKE TSE DANG BSHANG GCI SOGS NAS BSGRUB @623 BYA'I GZUGS BRNYAN BYAS LA, DE LA RNAM SHES BKUG PA SNGON DU 'GRO BAS, LINGGA DE RKANG PAS MNAN NAS, CHE GE MO RAB TU TSA BAS 'KHYER DU CHUG CIG CES BSKUL BA DANG BCAS PAR, BDUD RTZI THABS SBYOR GYI SNGAGS BRJOD NA, BSGRUB BYA TSA BA CHEN POS BTAB PAR 'GYUR RO, ,DE DAG THAMS CAD DANG 'BREL BA'I SNGAGS MJUG BSDU DANG BCAS PA BSTAN PA NI, BSHAD MA THAG PA'I DRAG PO'I LAS 'DI DAG THAMS CAD LA, 'OG NAS BSHAD PA 'DI NI, DE BZHIN GSHEGS PA THAMS CAD KYI DAM TSIG CHEN PO'I KHRO BO NI, BDUD RTZI THABS SBYOR TE, DE'I SNYING PO NI GSOD PA'I YUL LA PHRENG SNGAGS THAMS CAD KYI SHIN TU DAM PAR GYUR PA YIN NO, ,SNGAGS NI NA MA ZHES SOGS SO, ,BSHAD MA THAG PA'I SBYIN SREG GI LAS DANG, 'OG NAS 'CHAD PA'I BSAM GTAN 'DI DAG NI, DGRA BO'I LUS LA SOGS PA 'JIGS PAR BYED PA YIN TE, DE'I PHYIR MA YENGS PA STE, RTZE GCIG PA'I SEMS KYIS DKON MCHOG GSUM LA GNOD PA BYED PA LA SOGS PA'I DGRA BO RNAMS GSOD PA'I LAS KYI MCHOG 'DI BYA'O, ,BSAM GTAN GYI SGRUB PA LA GNYIS LAS, THUN MONG GI KHA SBYAR DBYE BA'I CHO GA NI, MNGON SPYOD KYI SKABS SU RANG NYID ZHE SDANG RDO RJER BSKYED PA'I PHYAG G-YAS KYI DANG PO'I RDO RJE LAS 'OD ZER 'PHROS PAS, SEMS CAN THAMS CAD KYI ZHE SDANG GI DUM BU RNAMS 'OD ZER NAG PO'I RNAM PAR DRANGS NAS, DE YONGS SU GYUR PA LAS, 'OD ZER NAG PO'I GZUGS SU BSAMS TE, DE BSGRUB BYA LA BSTIMS PAS, BSGRUB BYA DE RDO RJE SEMS DPA' STOBS CHE ZHING PHA ROL GNON LA @624 RNAM PAR BGRAD PA SMIN MA BSKYOD PA SOGS PA DANG LDAN ZHING 'TSE BA LA BRTZON PAS 'JIGS 'JIGS LTA BU STA RE THO BA PHYAG NA BSNAMS PA BSAMS LA, 'OG NAS BSHAD PA'I BSAM GTAN 'DIS RAB TU BRTAG PAR BYA'O, ,BSAM GTAN JI LTA BU ZHE NA, GSOD PA'I LAS DE LA 'OG NAS 'BYUNG BA 'DI NI, DRAG PO CHEN PO'I KHRO BO NI MI BSKYOD PA STE, DE'I DAM TSIG STE 'DA' BAR MI BYA BA'I GSUNG NGO, ,NAM MKHA'I DBYINGS THAMS CAD NYAN THOS DANG RANG SANGS RGYAS DANG, YANG DAG PAR RDZOGS PA'I SANGS RGYAS RNAMS KYIS YONGS SU GANG BAR BSGOMS LA, DE THAMS CAD GDUG PA STE GNOD SBYIN SRIN POR GYUR PA DE YIS THO BAS BSNUN CING STA RES BCAD NAS GSAD PAR BSAMS LA, DE NAS 'DAS MA 'ONGS KYI LAS RNAMS BYA STE, DE LTAR BYAS NA DE MA THAG TU BSGRUB BYA 'CHI BAR 'GYUR RO, ,SANGS RGYAS NI BSTAN PA LA GNAS SHING, TSUL KHRIMS LA SOGS PA'I YON TAN DANG LDAN PA RNAMS DANG, BYANG CHUB SEMS DPA' NI DE DANG RJES SU 'BREL BA'I BSLAB PA LNGA LA SOGS PA DANG LDAN PA STE, MI'I 'JIG RTEN DE DAG GIS YONGS SU GANG BAR BSGOMS NAS, GDUG PAS GSAD PAR BSAMS NAS LAS BYA STE, DE LTAR NA RDO RJE 'DZIN PA NYID KYANG 'CHI ZHES PA SBYOR BA'I PHUL DU BYUNG BA'I KHYAD PAR GSUNGS PA'O, ,BSHAD MA THAG PA'I RNAM PAS SANGS RGYAS RNAMS LA GNOD PA BYED PA'I DGRA BO RNAMS SDIG PA BSAGS PAR GYUR PA LA 'GYOD PAS SKRAG CING, DE NYID KYIS PHYIR 'JIGS PAS DKRUGS LA, SKYABS MED PAR BSAMS NAS LAS BYAS NA 'CHI BAR 'GYUR @625 RO, ,GSAD PA'I SBYOR PA BSTAN PA NI, BSGRUB BYA RDO RJE GNOD SBYIN SRIN POS SANGS RGYAS LA SOGS PA THAMS CAD BSAD PAS 'GYOD CING SKRAG STE, SKYABS MED PAR GYUR PA LA, GNOD MDZES LA BKA' BSGO BAS, DES BKUG STE MDUN NA GNAS PA LA LE'U BCU GSUM PA NAS 'BYUNG BA'I TSIGS BCAD KYIS BKA' BSGO BAS, PHYI ROL GYI DUR KHROD DU KHYER NAS, 'JIG RTEN DANG 'JIG RTEN LAS 'DAS PA'I 'KHOR RNAMS KYIS MTSON CHA SNA TSOGS PAS BCAD CING GTUBS TE BSAD NAS SHA RNAMS ZOS PAR BSGOM PA NI SRIN PO LA SOGS PA KHROS SHING 'TSE BA'I BDAG NYID CAN, SHA DANG KHRAG DANG TSIL DANG ZHAG LA SOGS PA RNAMS ZA BA RNAM PA SNA TSOGS PAS GTUM ZHING 'JIGS SU RUNG BA DANG, KHRO BO MI BZAD PA STE KHRO BO'I ME DANG DU BA BLTA BAR DKA' BA RNAMS KYIS BSGRUB BYA DE MTSON SNA TSOGS PAS BCAD CING GTUBS PA LA SOGS PAS SKRAG PAR BYAS PAR BSAMS NA, BSAM GTAN DES RDO RJE 'DZIN PA NYID KYANG 'CHI ZHES PA PHUL DU BYUNG BA'I KHYAD PAR GSUNGS PA'O, ,DE NAS DE'I SHA DANG RGYU MA LA SOGS PA 'UG PA DANG KHRA LA SOGS PA RNAMS KYIS ZOS PAR BSAMS NA, SANGS RGYAS NYID KYANG NGES PAR 'JIG NA, BSGRUB BYA NYID LTA CI SMOS ZHES PA'O, ,RDZAS KYI SBYOR BAS BSAD PA NI, NANG LA MCHOG TU GZHOL BA BSNYEN PA LAS SU RUNG BA'I RNAL 'BYOR PAS MI BSKYOD PA'I DKYIL 'KHOR RGYAL MCHOG MAN CHAD LA GNAS NAS, LAS RGYAL MCHOG MI BZAD PA DUG GIS KHYAB PA'I SBRUL NAG PO RAB TU KHRO BA 'JIGS PA DAG KYANG 'JIGS PAR BYED PA'I @626 GDENGS KA LNGA DANG LCE GNYIS YOD CING, MCHE BA GTZIGS PA BRIS PA'AM, GZUGS BRNYAN BYAS LA, RANG GI TING NGE 'DZIN SEMS DPA' HRI LAS 'OD ZER 'PHROS PAS, DUG GI MCHOG GI DAM TSIG 'DI STE RGYU BA DANG MI RGYU BA'I DUG RNAMS KHA DOG NAG POR DRANGS TE, SBRUL GYI DPRAL BAR KHAm BSAMS TE DE LA GZHUG PA'AM, SBRUL GYI KHAR GZHUG PAR BSAM MO, ,DE NAS NOR RGYAS LA SOGS PA'I KLU GANG YANG RUNG BA'I RNAM SHES HRI'I 'OD ZER GYIS BKUG NAS, GZUGS BRNYAN DE LA BCUG PAS, GZUGS BRNYAN DE KHYAD PAR DU 'PHAGS PA STE, 'GRO BA'AM RGYUG PAR 'GYUR RO, , DE NAS DE LA, CHE GE MO ZO ZHIG CES BSKUL NAS, DE ZOS PAR BSAMS NA, ZA BAR 'GYUR ZHING DE'ANG NGES PAR 'CHI BAR 'GYUR RO, ,SDIG PA DANG RUS SBAL LA SOGS PA SBAD PA LA YANG CHO GA DE BZHIN BYA STE, DE DAG GI GZUGS BRNYAN BYAS PA'AM BRIS LA, HRI'I 'OD ZER GYIS DUG BSDU BA DANG, RNAM SHES DGUG PA DANG, DE NAS 'GRO BAR 'GYUR BA DANG, CHE GE MO ZO ZHIG CES PAS BSKUL NA ZA BAR 'GYUR RO, KHA SBYAR DBYE BA'I CHO GA LHAG MA NI, PHYOGS BCU'I 'JIG RTEN GYI KHAMS THAMS CAD NA GNAS PA'I SEMS CAN DANG 'BREL BA'I 'TSE BA STE, SBRUL DANG DUG LA SOGS PA LAS BYAS PA'I 'JIGS PA KHAMS 'KHRUG PA SKYED PAR BYED PA'I DUG GI 'GYUR BA RNAMS PHYAG MTSAN GYI 'OD ZER GYIS DRANGS TE, 'BYUNG PO NAG PO'I GZUGS SU BSAMS LA, DGRA BO LA NGES PAR DBAB PAR BYAS TE, BSHAD MA THAG PA 'DI NI SKUL BA'I MCHOG STE, GDUG PA 'DUL BA LA SHIN TU STOBS DANG @627 LDAN PA YIN NO, ,BSAM GTAN GYIS GSAD PA'I CHO GA LHAG MA NI DE LTAR SDIG PA'I DRI MA BSAGS PA'I BSGRUB BYA MDUN DU BSAM LA, RANG NYID ZHE SDANG RDO RJE'I DKYIL 'KHOR RGYAL MCHOG MAN CHOD LA GNAS NAS, THO BAS BSGRUB BYA'I SNYING KHAR BRDEG PAR BSAMS NA, RDO RJE 'DZIN PA CHEN PO'I BKA' BZHIN DU DGRA BO'I SROG MED PAR BYED PAR 'GYUR RO, ,DE BZHIN DU RDO RJE CAN TE SGRUB PA POS BSGRUB BYA DE LA STA RE DANG THAG MDUNG LA SOGS PAS, GSHAG CING GTUBS PAR BSAMS NA, SKU GSUM STE DMAN PA DANG, 'BRING DANG, BAR MA'I SEMS CAN RNAMS LA MCHOG SBYIN PAS TE, YID DU 'ONG BA'I 'BRAS BU STER BA DANG, RDO RJE SEMS DPA' STE RDZU 'PHRUL BRTUL BA CAN GYI, DRAG PO STE SDIG PA'I DRI MA BSAGS PA'I BSGRUB BYA 'CHI BAR 'GYUR RO, ,GZHAN GYI RIG PA BZLOG PA'I SBYOR BA NI, NANG LA MCHOG TU GZHOL BA BSNYEN PA LAS SU RUNG BAS, MI BSKYOD PA'I DKYIL 'KHOR RGYAL MCHOG GI BAR DU BSKYED PA'I RTEN DE LA GNAS TE, MA DAD PAR SMRA BA LA SOGS PA'I BSGRUB BYA DE LA, GNOD PA ZLOG PAR BYED PA'I PHUR BZLOG MKHAN GYI BZLAS BRJOD DANG, SBYIN SREG LA SOGS PA DE LA PHAN PAR 'DOD PAS BYED BZHIN PA DANG, BSGRUB BYA BSRUNG BAR BYED PA'I PHRENG SNGAGS LA SOGS PA RNAMS DANG, BSGRUB BYA MNYES PAR BYAS PA'I LHA RNAMS KYANG SNGAR JI SKAD BSHAD PA'I TSUL GYI BSAM GTAN GYI PHUR BUS GDAB PAR BYA'O, ,BSHAD MA THAG PA'I RIM PA 'DI NI GZHAN GYIS RIG PA GCOD PAR BYED PA DANG, GSOD PAR BYED PA'I YUL LA MCHOG TU GYUR CING KHYAD @628 PAR DU 'PHAGS PA DANG, DAM TSIG SHIN TU 'DA' DKAR BA YIN PAR RDO RJE 'CHANG CHEN POS GSUNGS SO, ,RDZOGS RIM PAS GSAD PA'I CHO GA BSHAD PA NI, BDAG NYID ZUNG 'JUG GI DKYIL 'KHOR RGYAL MCHOG LA GNAS NAS, LAS RGYAL MCHOG RDO RJE PHUNG PO STE PHUNG PO LNGA'I BDAG NYID KYI, 'JIG RTEN GSUM PO 'DI DAG GI NANG GI DKYIL 'KHOR DU SEMS CAN SGONG NGA LAS SKYES PA LA SOGS PA'I NANG NA, MA DAD PAR SMRA BA LA SOGS PA GSAD PAR BYA BA'I YUL JI TZAM GNAS PA DE DAG BSAM GTAN GNYIS GANG RUNG GIS BSHIG STE, 'OD GSAL DU BCUG NAS GSAD CING GZHOM PAR BYAS PA DE'I 'OG TU, DE'I RNAM PAR SHES PA 'OD KYI GONG BU'I TSUL DU BYUNG BA DE, RANG GI SEMS TZAM DU RTOGS PAR BYAS NAS, RANG LA BSDUS TE, BDAG NYID DU RTOGS PA STE MI BSKYOD PA'I ZHING DU RDO RJE SEMS DPAR 'GYUR BAR BSAMS NA, MNYES PAR 'GYUR BA STE GSAD PAR 'GYUR BA'I SEMS CAN DE RNAMS MI BSKYOD PA'I 'JIG RTEN GYI KHAMS SU ROL PAR 'GYUR GYI, DE LAS GZHAN DU MTSON CHA LA SOGS PAS BCOM STE GSAD PA NI DE LTAR 'GYUR BA MIN NO, ,YANG DAG PA DE NYID GSAL BAR BSTAN PA NI, ZUNG 'JUG PAS LOGS SU STON PA SANGS RGYAS TE SKU RDO RJE DANG, RDO RJE 'DZIN TE THUGS RDO RJE DANG, RDO RJE CHOS TE GSUNG RDO RJE DANG GSUM GYI RANG BZHIN GYI SPRUL SKUR BSGYUR BA'I RDO RJE CAN TE SGRUB PA PO RANG NYID, RDO RJE THUGS TE RDO RJE 'CHANG CHEN PO'I BKA' BZHIN DU RIL 'DZIN DANG RJES GZHIG GI BSAM GTAN GNYIS GANG RUNG GI SBYOR BAS BSHIG STE, DE BZHIN NYID @629 LA DMIGS PA NA, BDAG GI RGYUD DU GTOGS PA'I PHUNG PO RNAMS 'JIGS PAR SNANG BA DE BZHIN DU, BSGRUB BYA MA DAD PAR SMRA BA LA SOGS PA'I PHUNG PO RNAMS KYANG GSAD PA'I BSAM PAS, BSAM GTAN GNYIS GANG RUNG GIS BSHIG PAS, 'OD GSAL DU BCUG PA NA 'CHI BAR 'GYUR BA YIN NO, ,GSAD PA'I CHO GA 'DI NI RDZOGS RIM LA GNAS PA RNAMS KYI YIN TE, 'DI NI RDO RJE 'CHANG CHEN PO'I BKA'O, KHRO BO CHEN PO'I DAM TSIG NI RDO RJE 'CHANG CHEN PO'O, ,DE LAS BYUNG BA NI DE DANG GCIG TU GYUR PA ZHE SDANG RDO RJE NI, RDO RJE KHRO BO STE DES DE SKAD CES BKA' BSTZAL TO, ,LAS PHRAN TSEGS BSTAN PA LA GSUM GYI BSDU BA PO'I TSIG GIS STON PA'I KHYAD PAR BSTAN PA NI, DE NAS BKA' BSTZAL TO ZHES SBYAR, SU ZHIG GIS NA, RGYAL PO RDO RJE 'DZIN TE, ZHE SDANG RDO RJE SO, DE'I KHYAD PAR NI, THAM CAD STONG PA'I BDAG NYID YIN PAS NA THAMS CAD NAM MKHA', DE NYID KYIS NA THUB PA CHEN PO, THAMS CAD DBANG BSKUR BA NI DER ZAD CING 'JIG PA STE, DE LAS 'DAS PAS NA RDZOGS SANGS RGYAS SO, ,YID BZHIN GYI NOR BU RIN PO CHE DANG 'DRA BAR, 'DOD PA'I 'BRAS BU STER BA'I YE SHES RDO RJES SO, ,GANG ZHIG NA, 'OG NAS BYUNG BA'I CHED DU BRJOD PA 'DI'O, ,STON PA'I GSUNG GIS CHED DU BRJOD PA NI, AE MA HO STE NGO MTSAR BA'O, , GANG ZHIG NGO MTSAR ZHE NA, RGYU DANG BRAL BA'I PHYIR, GDOD MA NAS MA SKYES PA'I CHOS ZIN PA DANG MA ZIN PA'I PHUNG PO SOGS LA, DUS GSUM GYI RGYAL BA RNAMS ZHI BA LA SOGS PA'I LAS KYI TSOGS NYAMS SU BLANGS PAS, DE'I 'BRAS BU SKYE BAR BSTAN @630 PA GANG YIN PA DE'O, ,THABS GANG LAS SHES NA, RNAM RTOG THAMS CAD DANG BRAL BA'I PHYIR NGO BO NYID KYIS DAG PA'I RDO RJE THEG PA STE 'OD GSAL BA BLA NA MED PAR GANG ZHIG BSGOM PA LAS SO, ,LAS SBYOR DNGOS BSTAN PA LA GNYIS KYI, DUG DRANG BA'I CHO GA NI, CHOS BDAG MED PAR GNAS PA DE LA, 'OG NAS BSHAD PA 'DI NI, YO BYAD NYUNG NGU TZAM GYIS BSGRUB PAR BYA BA YIN PAS NA LAS PHRAN TSEGS, SNYING POR GYUR PAS NA RDO RJE, DE NYID KYIS SBA BAR BYA BAS NA GSANG BA'O, ,DE LA BSNYEN PA LAS SU RUNG BA'I RNAL 'BYOR PAS, ZHE SDANG RDO RJE'I DKYIL 'KHOR RGYAL MCHOG YAN CHOD LA GNAS NAS, LAS RGYAL MCHOG SBRUL GDENGS KA GCIG PA'AM, GDENGS KA GSUM LA SOGS PA DANG LDAN PAS, MI SDUG CING GZUGS NGAN PA DANG, 'JIGS PAR BYED PA RNAM PAR 'GYUR BA, 'OD NAG PO 'BAR BA 'KHRUG CING KHRO LA, LCE GNYIS KUN TU BSKYOD PA, KHA RE RE ZHING MCHE BA'I PHRENG BAS GTAMS PA, RDO RGYUS SAM SOL BAS BRIS SHING BSAMS LA, DE LA 'DI NI STE 'OG NAS BSHAD PA'I KLU'I KHRO BO BSKUL BA'I SNYING PO STE, SA BON BSAL BAR BYA'O, ,DE NI KHAm ZHES PA STE, KLU'I KHA'I NANG DU KHAm NAG PO BKOD LA, DE YONGS SU GYUR PA LAS BYUNG BA'I MI BZAD PA'I DUG HA LA HA LA DANG 'DRA BAR GNAG PA, ME LTAR BSREG PA BZOD PAR DKA' BA BSGOM LA, NOR RGYAS LA SOGS PA KLU GANG RUNG GI RNAM SHES RANG GI TING NGE 'DZIN SEMS DPA' HRI LAS BYUNG BA'I 'OD ZER GYI LCAGS KYUS DRANGS NAS BCUG PAS, SBRUL RNAM PAR G-YO BAR BSGOMS NA 'GUG PAR 'GYUR BAR GDON MI ZA'O, ,DE @631 NAS CHE GE MO ZO ZHIG CES BSKUL BAS ZA BAR 'GYUR RO, ,SBRUL DE LA 'OG NAS 'BYUNG BA 'DI NI, RGYU BA DANG, MI RGYU BA RNAMS LAS, DUG RNAMS THAMS CAD 'BYIN PA'I SNYING PO STE, GANG ZHE NA, HRI ZHES PA'O, ,RGYU BA DANG MI RGYU BA RNAM PA SNA TSOGS PA LAS BYUNG BA'I DUG KHAMS GSUM STE MCHOG DANG 'BRING DANG THA MA'I SNOD LA GNAS PA MA LUS PA KUN, HRI DES KHYER SHING DRANGS PAR BSGOM LA, DE NAS SBRUL GYI LUS LA 'BAB PAR GYUR PAR BSAMS NA, SBRUL DE DE MA THAG TU STE BSAM PA TZAM GYIS DUG GI RGYA MTSO LTAR SHIN TU MI BZAD PAR 'GYUR RO, ,DE NAS HRI ZHES PA'I SNGAGS 'DIS BSKUL BAS, SBRUL DES REG MA THAG TU STE ZIN PA TZAM GYIS SKYE BO KUN DUG GIS PHOG STE 'JIG CING 'CHI BAR THE TSOM MED DO, ,DE BZHIN DU SDIG PA DANG, SBAL PA LA SOGS PA SROG CHAGS KYI BYE BRAG SNA TSOGS PA DAG LA YANG, DUG DBAB PA'I CHO GA BSHAD MA THAG PA 'DI BZHIN DU RAB TU SBYAR BAR BYA'O, , GANG GIS SHE NA, SBYOR BA 'BYUNG BA'I MTSAN NYID KYIS ZHES TE, SBYOR BA NI DUG GO DE SDIG PA LA SOGS PA 'BYUNG BA'I MTSAN NYID LA MKHAS PAS SO, ,'DI DAG GI DON NI, SNGAR RDZAS KYIS GSAD PA'I SKABS DANG 'DRA BAR SHES PAR BYA'O, ,DUG SPO BA'I CHO GA NI, DE YANG LHAS SBYIN DUG DANG LDAN PA LTA BU'I DUG DE, MA DAD PAR SMRA BA MCHOG SBYIN LTA BU LA SOGS PA'AM, KLU LA SOGS PA GDUG PA CAN LA YOD PA'I DUG STE, MA DAD PAR SMRA BA LA SOGS PA'I BSGRUB BYA LA SPO BAR BYED NA, BSNYEN PA DANG LHA'I RNAL 'BYOR SNGA MA DANG 'DRA LA, LAS RGYAL MCHOG LTA BA RDO RJE'I DUG @632 DANG, MCHE BA'I DUG LA SOGS PA DANG, SEMS CAN GZHAN YANG MI BZAD PA'I DUG DANG LDAN PA DE DAG GI SPYI BOR AOm LAS 'KHOR LO BRTZIB BCU GNYIS KYI LTE BAR AOm GYIS MTSAN PA BSAM, RKANG PA'I 'OG TU YANG DE LTAR BSAMS, DE NAS SPYI BO'I AOm DKAR PO'I 'OD KYIS DUG THAMS CAD PHUL TE RKANG PA'I 'OG GI AOm LA NAG PHUNGS KYIS BYUNG BAR BSAM LA, DE NAS NAM MKHA' RDO RJE'I DKYIL 'KHOR TE, BSGRUB BYA MA DAD PAR SMRA BA'I SNYING KHAR YI GE KHAm BSAMS TE, YE SHES RDO RJE STE TING NGE 'DZIN SEMS DPA'I HRI'I 'OD ZER GYIS, RKANG PA 'OG GI AOm LA BSDUS PA'I DUG RNAMS DRANGS TE, BSGRUB BYA'I SNYING KHA'I KHAm LA BCUG PAS, DE NYID DUG DANG LDAN PAR 'GYUR RO, ,DUG GI DAM TSIG CHEN PO'I RDO RJE NI, RDO RJE 'CHANG CHEN PO'O, ,DE LTAR DRAG PO'I LAS SBYOR BSTAN NAS, ZHI BA'I LAS SBYOR LA GNYIS TE, DUG BSAL BA DANG, NAD BSAL BA'O, ,DANG PO DUG BSAL BA'I SBYOR BA GNYIS BSTAN PA NI, NANG LA MCHOG TU GZHOL BA BSNYEN PA LAS SU RUNG BAS, RNAM SNANG GI DKYIL 'KHOR RGYAL MCHOG GI BAR LA GNAS NAS LAS RGYAL MCHOG H'Um RDO RJE CHEN PO'I SNYING PO 'DI, ,ZHES PA DUG DANG LDAN PA'I BSGRUB BYA'I RKANG PA'I 'OG TU DUG GSO BA'I SNYING PO YI GE HAm 'DI YONGS SU GYUR PA LAS, SNA TSOGS RDO RJE CHEN PO KHA DOG DKAR PO 'OD KYI SPRIN TE, TSOGS SHIN TU 'BAR BA ZLA BA'I 'OD ZER BZHIN DU SHIN TU BSIL BA LTE BA H'Um GIS MTSAN PA BSAM, GNAS BZHI DAG TU SBYOR BA YIS, DE MA THAG TU SDUD PAS LDANG, ,ZHES PA H'Um GI 'OD KYIS DUG THAMS CAD MDOMS KYI PAD MO'I @633 BAR DU GYEN DU PHUL BAS, DE MAN CHAD DKAR SANGS KYIS SONG BAR BSAM, YANG 'OD DES LTE BA'I PAD MAR NAG PHUNGS KYIS PHUL BAS, DE MAN CHAD DKAR SANGS KYIS SONG BAS BSAM, DE NAS SNYING KHA'I BAR DU PHUL, DE NAS YANG LKOG MA'I BAR DU PHUL TE, DE LTAR SDUG PA'I SBYOR BAS, LTAR BA STE DE MA THAG TU DUG STENG DU 'GRO'O, ,DE BZHIN DU LAN GSUM LA SOGS PA YANG DANG YANG DU BSGOMS NAS, KHA NAS MAR LA DUG THAMS CAD NAG PHUNGS KYI SKYUG PAR RNAM PAR BSAMS NA, NAM MKHA'I KHAMS KUN DUG GIS GANG BA YANG DUG MED PAR BYED PAR 'GYUR CING, BDE BAR GNAS PAR 'GYUR RO, ,DUG BSAL BA'I SBYOR BA GNYIS PA NI, DE LA 'OG NAS 'BYUNG BA 'DI NI, DA DU RA DANG, LANG KU LA SOGS PA DANG, SBYAR BA'I DUG LA SOGS PA NYE BA'I DUG THAMS CAD GSO BA'I SNYING PO'O, ,GANG ZHE NA A'A ZHES PA'O, ,NYE BA'I DUG 'BA' ZHIG GI GNYEN POR 'GYUR BAR MA ZAD KYI, BYA LA DANG, GAR DA BA LA SOGS PA'I 'BRAS DANG, 'BRUM PHRAN LA SOGS PA'I PHOL MIG DANG, AE NI PA TI TA LA SOGS PA 'BRUM BU RNAMS DANG, GANG GZHAN NAD DU BSHAD PA RIMS DANG, 'GO BA'I NAD LA SOGS PA RNAMS KYANG, PHYAG NA RDO RJE'I BKAS BSTAN PA JI BZHIN DU BSAMS PA TZAM GYIS TE, 'OG NAS BSHAD PA'I BSAM GTAN GYIS MED PAR 'GYUR RO, ,DE YANG RNAM SNANG GI DKYIL 'KHOR RGYAL MCHOG LA GNAS PAS LAS RGYAL MCHOG NI RANG GI LAG PA G-YON PA'I MTHIL DU PAD MA 'DAB MA BRGYAD PA ZLA BA'I 'OD BZHIN DU DRI MA MED PA DKAR PO DE'I @634 DBUS NA 'DUG PA'I YI GE AA DKAR PO 'OD ZER LNGA RDZOGS PA BSAMS SHING, 'DAB MA BRGYAD PA YANG HRI BRGYAD BSGOM LA, YI GE HRI 'DON CING LAG PAS NAD PA LA BYABS PAS, HRI'I 'OD ZER GYIS NAD PA'I DUG RNAMS DRANGS TE, YI GE AA BCUG PAS AA NAG POR SONG BAR BSAMS PA NI, BSKUL BA NA NI DAM TSIG GNAG, CES TE, BSKUL BA NI NAD BLANGS PA'O, ,DE NAS DUG SA LA PHO BAS AA DE DKAR POR SONG BAR BSAM PA NI, SDUD PA NA NI DAM TSIG DKAR, ,ZHES TE, SDUD PA NI DUG BSAL BA'O, ,DE LTAR BYABS PA BYAS NA DUG MED PAR 'GYUR RO, , SNGAR BSHAD PA'I BSAM GTAN GYI GNAS LA SA BON GYI RNAM PA 'DI NI, SKAL PA NGAN PA RNAMS LA SBA BAR BYA BAS GSANG BA DANG, 'OD GSAL GYIS SBYANG BA'I PHYIR YE SHES DRI MA MED PA DANG, GSANG CHEN STE SANGS RGYAS RNAMS KYI GSANG BA'O, ,GNYIS PA NAD BSAL BA'I SBYOR BA LA GNYIS KYI, BSKYED RIM PA'I SNGAGS GSUM GYI SGO NAS NAD BSAL BA LA, MDOR BSDUS PA'I DON NI, SKU GSUNG THUGS KYI RDO RJE'I DRAN PA GCIG PA MTHAR PHYIN CING, SNGAGS GSUM LA 'BUM PHRAG RE BZLAS PA DANG, SNGAGS DE DAG GI SBYIN SREG GI KHRI PHRAG RES LHA MNYES PAR BYAS PA'I SKU GSUNG THUGS KYI RDO RJE'I RNAL 'BYOR PA GSUM GYIS, NAD BSAL BAR 'DOD NA, RNAM PAR SNANG MDZAD LA SOGS PA'I RIGS GSUM GYI DANG PO SBYOR BA DANG, DKYIL 'KHOR RGYAL MCHOG LA GNAS PAS, LAS RGYAL MCHOG NI, RANG RANG GI TING NGE 'DZIN SEMS DPA' AOm LA SOGS PA LA, RANG RANG GI SNGAGS AOm DZI NA @635 DZIG LA SOGS PA'I SNGAGS KYIS SBRUL 'KHYIL BA LTAR BSKOR BA'I TING NGE 'DZIN SEMS DPA' LAS, RANG RANG GI SNGAGS KYI PHRENG BA MU TIG STAR LA BRGYUS PA BZHIN BDAG GI SNA BUG G-YAS PA NAS BYUNG STE, BDAG GI MDUN DU ZLA BA'I STENG NA GNAS PA'I NAD PA'I SNA BUG G-YON PA NAS ZHUGS NAS, SNYING KHA'I ZLA BA LA SBRUL 'KHYIL BA'I TSUL DU GNAS PAR BSAM ZHING RANG RANG GI SNGAGS BZLAS PAS, SNGAGS KYI 'OD ZER GYIS NAD PA'I LUS LA YOD PA'I NAD KYI DNGOS PO THAMS CAD SPRE'U'AM KHYI'I DNGOS POR BSDUS NAS, NAD PA'I SNA BUG G-YAS PA NAS PHYUNG STE, BDAG GI MDUN NA GNAS PA LA RNAM SNANG GIS 'KHOR LO DANG, MI BSKYOD PAS RDO RJE DANG, 'OD DPAG MED KYIS PAD MA BRGYAB PAS, THAL BAR BYAS PAR BSAM PAR BYA'O, , DE NAS YANG RANG RANG GI YUM DANG SNYOMS PAR ZHUGS PA LAS, SBYOR MTSAMS NAS RNAM SNANG LA SOGS PAS GTZO BYAS PA'I RANG RANG GI DKYIL 'KHOR MDUN GYI NAD PA'I STENG GI BAR SNANG LA SPROS LA, DE DAG RANG GI YUM DANG SNYOMS PAR ZHUGS PA LAS, BYANG CHUB KYI SEMS KYI CHU RGYUN GYIS, NAD PA LA DBANG BSKUR BAR BSAM PAR BYA'O, ,DE LTAR ZHAG BDUN LA SOGS BYAS NA NAD LAS THAR PAR 'GYUR RO, , TSIG GI DON NI, DE LA 'OG NAS 'BYUNG BA 'DI NI, MTSON CHA LA SOGS PA GLO BUR GYI RGYU LAS BYUNG BA DANG, MNGON SPYOD KYI RGYU LAS BYUNG BA PHYI'I DANG, NAD GZHI DANG KHAMS MA SNYOMS PA DANG, KHA ZAS MI MTHUN PA'I RGYU LAS BYUNG BA NANG GI NAD RNAMS BSAL BA'I SNGAGS NI, DZI NA DZIG CES SOGS SO, ,DE LA SKU GSUNG THUGS KYI RDO @636 RJE'I RNAL 'BYOR PA GSUM GYIS NAD KYI RDO RJE STE GSO BAR DKA' BA'I NAD BSKUL BA STE BSAL BAR 'DOD PA'I BSAM PAS, BSHAD MA THAG PA'I SNGAGS KYI YI GE'I TSIG 'DI DAG LAS, GANG 'DOD CING GANG LA DGA' BAS, DAD PAS TE MOS PAS BSTEN NA, NAD ZHI BA'I YON TAN THOB PAR 'GYUR RO, ,LHA'I RNAL 'BYOR JI LTA BU LA BRTEN CE NA, SNGAGS DE DANG 'DRA BAS TE, RJES SU MTHUN PA'I RNAM SNANG LA SOGS PA'I GZUGS TE LHA'I SKU BSGOM ZHING BSAM PAR BYA'O, ,RNAM SNANG LA SOGS PA GANG RUNG GI DKYIL 'KHOR RGYAL MCHOG YAN CHAD LA GNAS NAS, LAS RGYAL MCHOG NAD PA RANG GI LUS NGAG SEMS LA GNAS PA'I DAM TSIG STE NAD SPRE'U'AM KHYI LAS BYUNG BA STE, KHYI LTA BU'I RNAM PA CAN NAD PA LAS PHYIR BYUNG BAR BSAMS NAS, 'KHOR LO'AM RDO RJE KHA GYES PA RDO RJE'I GO 'PHANG STE RANG GI LAG PA G-YAS PA NA GNAS PAR BSAM LA, NAD PA'I LUS NGAG SEMS LA GNAS PA'I DAM TSIG STE NAD RNAMS DES BSNUN PAS, NAD RNAMS PHYE MAR BRLAG CING THAL PAR 'GYUR BAR BSGOM PAR BYA'O, ,DUS DE NAS BRTZAMS TE MI BSKYOD PA LA SOGS PA RDZOGS PA'I SANGS RGYAS RNAMS DANG, BYAMS PA LA SOGS PA BYANG CHUB SEMS DPA' RANG GI LUS LA GNAS PA GRAGS CHEN RNAMS, NAD PA DE LA NAD LAS NGES PAR RGYAL BA'I BYIN BRLABS GO 'PHANG DAM PA DAG RAB TU STZOL BAR MDZAD DO, ,JI LTAR ZHE NA, 'OG NAS 'BYUNG BA 'DI SKAD CES KYANG BKA' BSTZAL TO, ,SANGS RGYAS SPRIN TE SPYAN MA DANG SNYOMS PAR ZHUGS PA'I RNAM SNANG GI TSOGS DANG, RDO RJE RGYAL PO SPRIN TE MI @637 BSKYOD PA'I TSOGS DANG, 'OD DPAG TU MED PA'I TSOGS RANG RANG GI PHYAG RGYA DANG SNYOMS PAR ZHUGS PA LAS BYUNG BA'I BYANG CHUB KYI SEMS KYI CHU RGYUN GYIS, NAD PA'I RANG LUS NGAG SEMS RDO RJE LA DBANG BSKUR BAS NAD LAS THAR PAR BSGOM PAR BYA'O, ,RDZOGS RIM PAS NAD ZHI BA'I SBYOR BA NI, ZUNG 'JUG PAS RANG RANG GI LHAG PA'I LHAS GTZO BYAS PA'I DKYIL 'KHOR RGYAL MCHOG YAN CHAD LA GNAS NAS, LAS RGYAL MCHOG NAD ZHI BA'I SBYOR BA GSUM YOD PA LAS, 'OD GSAL GYIS ZHI BAR BYA BA NI, PHYOGS BCU'I SANGS RGYAS THAMS CAD NI NAD PA'I GZUGS LA SOGS PA'I PHUNG PO RNAMS SO, ,BLO LDAN NI RANG GI RNAM SHES DANG LDAN PA'O, ,BYANG CHUB SEMS DPA' NI MIG LA SOGS PA'I DBANG PO RNAMS TE, DE DAG NAD PA DE LA NAD KYIS BSKYOD PAS KHROS PAR BSAMS NAS, 'CHI BAR BYED PA DAM PA STE NAD BSAL BAR 'DOD PA'I BSAM PAS, NAD PA'I GZUGS LA SOGS PA'I PHUNG PO RNAMS BSAM GTAN GNYIS GANG RUNG GIS 'OD GSAL DU BCUG NA, 'OD GSAL LA DMIGS PA'I BSAM GTAN GYI SBYOR BA 'DI DAG GIS, NAD KYI RIGS GANG YIN PA LAS LAS SKYES PA LA SOGS PAR GRAGS PA DE DAG NYI MA BDUN GYIS 'JIG CING MED PAR 'GYUR RO, ,GNYIS PA RDO RJE'I BZLAS PAS ZHI BAR BYA BA NI, YANG NA CHU'I DKYIL 'KHOR DKAR PO DAL ZHING RGYU BA DE'I TSE, RLUNG SNGAGS MNYAM PAR SBYAR NAS, BRGYA RTZA BRGYAD DE DGU BRGYA BA PHRAG CIG BZLAS PA'I SBYOR BA YIS NAD RNAMS 'JIG PAR 'GYUR RO, ,GSUM PA BDAG BYIN BRLABS KYI ZHI BA'I SBYOR BA NI, YANG NA @638 BDAG GI SNGAGS RGYAL TE, BDAG BYIN GYIS BRLAB PA'I SBYOR BAS RDO RJE STE NAD RNAMS 'JIG PA'I BSAM GTAN GYI CHO GA BSAM MO, ,DE YANG NAD PA MI DMIGS PA LAS, RLUNG SEMS TZAM LAS GRUB PA'I RDO RJE SEMS DPA'I SKU SGYU MA LTA BU'I SKUR BSAMS PAS NAD LAS THAR PAR 'GYUR RO, ,BSHAD MA THAG PA'I CHO GA 'DI RNAMS NI, PHYI NANG GI NAD THAMS CAD KYI GNYEN POR DAM TSIG STE RDO RJE 'CHANG CHEN POS GSUNGS PA SHIN TU 'DA' BAR DKA' BA'O, ,SGYU MA LTA BU'I TING NGE 'DZIN LA BZHI STE, DNGOS GRUB KYI MTSAN MA'I RMI LAM BSTAN PA DANG, SGYU MA LTA BU MDOR BSTAN PA DANG, RGYAS PAR BSHAD PA DANG, GZHUNG BSDU BA'O, ,DANG PO LA BZHI STE, SDUD PA PO'I TSIG GIS STON PA'I KHYAD PAR BSTAN PA DANG, RMI LAM GYI DPE'I DGOS PA DANG, DNGOS GRUB THOB PA'I RMI LAM MJUG SDUD DANG BCAS PA DANG, DNGOS GRUB MI THOB PA'I RMI LAM BSTAN PA'O, ,DANG PO NI, DE NAS BKA' BSTZAL TO ZHES SBYAR, SU ZHIG GIS NA, RGYAL PO RDO RJE 'DZIN GYIS SO, ,DE'I KHYAD PAR NI, YE SHES KYO BA NI RNAM SNANG LA SOGS PA STE, DE'I NANG NA 'OD PO CHE NI GTZO BOR GYUR PA'O, ,'DOD PA SPYAD PAS THAR PA RTZOL BAR MDZAD PAS NA, 'DOD DANG THAR PA RDO RJE CHE STE RDO RJE 'CHANG CHEN POS SO, ,GANG ZHIG NA 'OG NAS 'BYUNG BA'I GSUNG 'DI'O, ,RMI LAM GI DPE'I DGOS PA BSTAN PA NI, DE YANG RMI LAM GYI DPES, CHOS THAMS CAD YANG DAG PAR YOD PA'AM, MED PAR BLTA BA BKAG NAS, SGYU MA LTA BU'I TING NGE 'DZIN STON PA NI, RAB TU GSUNG NGO ZHES DRANGS, GANG ZHIG NA, 'KHRUL PAS TE SEMS RMONGS PAS @639 RTAG PA'AM CHAD PA'I MTHAR ZHEN PA DE NYID 'JOMS PAR BYED PA'I RDO RJE RTAG CHAD KYI MTHA' DANG BRAL BA'I SGYU MA LTA BU'I TING NGE 'DZIN NO, ,SU ZHIG GIS NA, RDO RJE 'CHANG CHEN POS SO, ,DPE GANG GI SGO NAS ZHE NA, PHYI NANG GI CHOS RNAMS MED BZHIN DU SNANG BA RMI LAM LTA BU'I DPE'I SGO NAS SO, ,DON GANG ZHIG GSUNG NA, SKYE BA'I RGYU MED PAS DNGOS PO RNAMS NGO BO NYID KYIS TE, GDOD MA NAS MA SKYES PAR RMI LAM LTA BUR BSTAN PA'I SGO NAS RANG BZHIN TE 'OD GSAL BAS RNAM PAR DAG PA'I DE KHO NA NYID LHA'I SKU SGYU MA LTA BU DE NYID DO, ,DNGOS GRUB THOB PA'I RMI LAM MJUG SDUD DANG BCAS PA BSTAN PA NI, RIM PA GNYIS KYIS BSAM GTAN DANG, BZLAS PA LA RTAG TU BRTZON PA'I SGRUB PA PO RNAM PA GNYIS KYIS, RTAG TU STE RGYUN DU BSLABS NA MTSAN BCAS DANG, MTSAN MED KYI DBYE BA RNAMS GNYIS KYIS RMI LAM RNAM PA GNYIS SNANG ZHING MTHONG BAR 'GYUR RO, ,GANG GIS GANG ZHIG MTHONG ZHE NA, SANGS RGYAS TE NANG LA MCHOG TU GZHOL BA RNAMS KYIS MTSAN MA MED PA PHYAG RGYA CHEN PO MCHOG GI DNGOS GRUB THOB PA'I RMI LAM DANG, BYANG CHUB SEMS DPA' SNGAGS LA MCHOG TU GZHOL BA RNAMS LA ZHI SOGS KYI DNGOS GRUB 'GRUB PA'I MTSAN MA DANG BCAS PA'I RMI LAM MTHONG BAR 'GYUR RO, ,DE LA 'OG NAS 'BYUNG BA 'DI NI, SGRUB PA PO RNAM PA GNYIS LA 'BRAS BU CHEN PO STON PA'I RMI LAM YIN PAS NA RMI LAM CHEN PO STE, DE NYID MI SLU BAS NA DAM TSIG GI GNAS SO, ,BYANG CHUB YE SHES MCHOG NI 'OD GSAL BA STE, DE THOB CING DER ZHUGS PAR BDAG NYID MTHONG BA DANG, RDZOGS @640 PA'I SANGS RGYAS 'OD BZANG PO STE, YE SHES KYI SKUR MTHONG BA DANG, RGYA LAM NA SANGS RGYAS LONGS SPYOD RDZOGS PA'I SKU THOB PAR RNAL 'BYOR PA DES BDAG NYID MTHONG NA MYUR DU STE RING PO MI THOG PAR DE DAG MNGON SUM DU BYED PAR 'GYUR RO, SEMS DPA' CHEN PO KHAMS GSUM PA STE, TSANGS PA DANG, BRGYA BYIN LA SOGS PA MTHU CHEN PO DANG LDAN PA RNAMS KYIS BSGRUB PA PO DAG LA MCHOD PA BYED PAR MTHONG BA DANG, RANG GI LUS YE SHES CHEN PO STE RDO RJE 'CHANG CHEN PO'I 'OD DANG 'DRA BA'I GZUGS SU MTHONG BA DANG, SANGS RGYAS BYANG CHUB SEMS DPA' KHYAD PAR CAN RNAMS KYIS, GZUGS LA SOGS PA 'DOD PA'I YON TAN LNGA RNAMS KYIS RTAG TU BDAG LA MCHOD PA BYED BZHIN PAR MTHONG NA, RING PO MI THOGS PAR SGRUB PA PO PHYAG RGYA CHEN PO'I DNGOS GRUB MNGON DU BYED PAR 'GYUR RO, ,RDO RJE SEMS DPA' STE MI BSKYOD PA'I SKU DANG, GZUGS CHEN RNAM PAR SNANG MDZAD KYI SKU DANG, GRAGS PA CHEN PO RIN CHEN 'BYUNG LDAN GYI SKU DANG, RDO RJE CHOS 'OD DPAG TU MED PA'I SKU DANG GSANG BA'I RDO RJE DON YOD GRUB PA'I SKU SGRUB PA PO RANG GI GZUGS MTHONG BA DANG, BYANG CHUB SEMS DPA' STE YE SHES RTOGS PA RNAMS DANG, RDO RJE CAN TE SLOB BZHIN PA'I RNAL 'BYOR PA RNAMS DANG, SANGS RGYAS CHEN PO STE NYAN THOS DANG RANG SANGS RGYAS RNAMS PHYAG 'TSAL BA'I RMI LAM 'DI 'DRA BA MTHONG BAR 'GYUR NA'ANG, SGRUB PA POS 'DI LTA BU'I RDO RJE SEMS DPA' LA SOGS PA'I GZUGS RNAMS LA SKU GSUNG THUGS KYI DNGOS GRUB STE PHYAG RGYA CHEN PO'I DNGOS GRUB STER BA @641 RING PO MI THOGS PAR MTHONG BAR 'GYUR RO, ,'DI DAG NI MTSAN MA MED PA'I RMI LAM MO, ,MTSAN MA DANG BCAS PA'I RMI LAM NI, RGYAN RNAMS THAMS CAD YONGS SU RDZOGS PA'I LHA'I DBANG PO LA SOGS PA'I LHA'I BU MO YID DU 'ONG BA MTHONG BA DANG, MTSAN THAMS CAD DANG LDAN PA'I MI'I KHYE'U DANG BU MO SGRUB PA PO GANG GI RMI LAM DU MTHONG BA DE NI ZHI BA LA SOGS PA'I 'JIG RTEN PA'I DNGOS GRUB THOB PAR 'GYUR RO, ,PHYOGS BCU NA BZHUGS PA'I DE BZHIN GSHEGS PA THAMS CAD RANG GI SANGS RGYAS KYI ZHING NA BZHUGS PA'I SANGS RGYAS RNAMS SGRUB PA PO GANG GIS MTHONG BA DANG, DE BZHIN DU DE BZHIN GSHEGS PA RNAMS THUGS DGES PAR GYUR NAS, CHOS MDZAD DE, DAM PA'I CHOS KYI RGYAL PO GLEGS BAM DU CHUD PA YID DU 'ONG ZHING DGA' BAR BYED PA STZOL BA DANG, GANG CHOS KYI 'KHOR LO BSKOR BA STE CHOS KYI BSTAN LA BZHUGS PAR BDAG GI LUS SEMS CAN KUN GYIS TE SANGS RGYAS DANG BYANG CHUB SEMS DPA' RNAMS KYIS YONGS SU BSKOR BA, BSAM GTAN RDO RJE STE RDZOGS PA'I RIM PA LA GNAS PA'I DAM TSIG SBYOR BA STE SGRUB PA POS MTHONG BAR GYUR NA DE NI 'JIG RTEN LAS 'DAS PA'I DNGOS GRUB 'GRUB PAR 'GYUR RO, ,KUN DGA' RA BA DANG, SKYED MOS TSAL LA SOGS PA YID NYAMS DGA' BA'I SA PHYOGS RNAM PA SNA TSOGS PA LA, LHA DANG MI LA SOGS PA'I BU MOS BRGYAN PAR BSAM GTAN DAM TSIG CAN STE, RTOG PA'I RNAL 'BYOR LA GNAS PA GANG GIS MTHONG BA DE NI, SANGS RGYAS KUN GYIS BYIN GYIS BRLABS PA STE, DE BZHIN GSHEGS PA RNAMS KYI YID DU @642 'ONG BA'I DNGOS GRUB 'JIG RTEN PA'I BDE BA DANG YID 'DOD PA YANG 'THOB PAR 'GYUR RO, ,BDAG NYID LA SANGS RGYAS DANG BYANG CHUB SEMS DPA' RNAMS KYIS DBANG BSKUR BAR, GANG GI RMI LAM DU MTHONG BA DE NI, RIG PA 'DZIN PA'I RGYAL PO CHEN PO YIS TE, RIG PA 'DZIN PA'I GTZO BO RNAMS KYIS BDAG NYID LA MCHOD PA BYED PAR MTHONG ZHING, THOB PA NI RMI LAM GYI 'BRAS BU'O, ,ZHES KYANG GSUNGS SO, , MNGON PAR 'DOD PA'I RMI LAM NYE BAR BSDU BA NI, RDO RJE LAS BYUNG BA STE DE BZHIN GSHEGS PAS BSTAN PA'I SNA TSOGS PA STE, DE LTAR GSUNGS PA RNAMS DANG MA GSUNGS PA'I DRI MA MED PA STE, DAG PA'I RMI LAM BZANG PO GANG GIS MTHONG BA DES NI SKU GSUNG THUGS KYI RDO RJE LAS SKYES PA STE, THA MAL BA'I LUS DANG NGAG DANG YID LA BYUNG ZHING RDZOGS PA BLA NA MED PA'I DE KHO NA NYID YONGS SU DAG PA'I LHA'I SKU 'GRUB CING THOB PAR 'GYUR RO, ,DNGOS GRUB MI 'GRUB PA'I RMI LAM BSTAN PA NI, GDOL PA DANG, KHYI DANG, SOGS PAS SPRE'U DANG YI DVAGS LA SOGS PA GZUGS NGAN PA GZHAN YANG GAL TE RDO RJE'I BLOS TE SGRUB PA POS RMI LAM DU MTHONG NA, DAM TSIG NYAMS PA'I MTSAN MA YIN PAS, BLO LDAN TE BDEN PA MTHONG ZHING, RDO RJE SEMS DPA' YIS TE BRTZON 'GRUS BRTAN PA YIN YANG TSE DE NYID LA PHYAG RGYA CHEN PO'I DNGOS GRUB MI 'THOB KYI, YA NGA BA MA SPANGS PAR DUS BYAS NAS, SEMS KYI GNAS TE LUS 'GRUB PAR 'GYUR RO, , SGYU MA LTA BU'I TING NGE 'DZIN MDOR BSTAN PA NI, DE KHO NA NYID BSGRUB PA @643 DE LA 'OG NAS BSHAD PA 'DI NI RMI LAM RNAM PAR DPYAD PA'I DAM TSIG STE RMI LAM GYI RANG BZHIN RNAM PAR DPYOD PA DUS DE'I TSE, SNYING POR GYUR CING CHOS RNAMS SEMS LAS PHYI ROL DU MED DAM SNYAM PA'I THE TSOM GCOD PAR BYED PAS NA SNYING PO'I TSIG GO ,DE LA 'DIR DANG POR RMI LAM GYI SNANG BA SEMS NYID DU BSGRUB PA NI, RMI LAM MTHONG BA'I DUS SU, RI KHANG KHYIM LA SOGS PA SNA TSOGS SU SNANG BA'I CHOS RNAMS THAMS CAD SEMS DMIGS PA STE SEMS KYI SNANG BA TZAM DU RAB TU GNAS KYI, RMI LAM GYI SKABS SU, MIG YOR TZAM DU SNANG BA GANG YIN PA DE THAMS CAD RANG GI SEMS NYID LAS GZHAN NA CI YANG MED DO, ,JI LTAR RMI LAM SEMS LAS GZHAN MA YIN PA DE BZHIN DU, ZAD PA'I GNAS SKABS KYI 'KHOR 'DAS KYI SNANG BA THAMS CAD KYANG SEMS LAS GZHAN DU MED DE, SAD PA DANG RMI LAM GYI GNAS SKABS GNYIS KA YANG SEMS 'KHRUL BA'I SNANG BA TZAM DU MTSUNGS PA'I PHYIR RO, ,SEMS LAS LOGS PA'I PHYI ROL GYI DON MED NA, SEMS DE NYID GANG NA GNAS ZHE NA, SEMS 'DI NI NAM MKHA' RDO RJE STE 'OD GSAL STONG PA NYID KYI NGO BO LA GNAS SO, ,SEMS STONG PA NYID YIN MOD, SEMS LAS THA DAD PA'I DNGOS PO 'GA' ZHIG YOD DAM ZHE NA, SEMS LAS THA DAD PAR GYUR PA'I CHOS TE, DNGOS PO 'GA' YANG MED DE, 'KHOR 'DAS KYI CHOS THAMS CAD SEMS KYI SNANG BA TZAM DU ZAD PA'I PHYIR RO, ,'O NA CHOS THAMS CAD SEMS LAS GZHAN MIN ZHING, SEMS STONG PA YIN PAS CHOS CAN MED MOD, CHOS NYID 'GA' ZHIG YOD DAM ZHE NA, SEMS KYI GNAS LUGS MTHA' GANG @644 DU YANG MI GNAS PA DE LAS GZHAN PA'I CHOS NYID KYANG MED DE, CHOS CAN MED PA'I PHYIR DANG, CHOS NYID CHOS CAN LA LTOS PA'I PHYIR, SAD PA DANG, RMI LAM GYI GNAS SKABS KHYAD PAR MED PA DE NYID, 'PHAGS PA LHA'I LUNG GIS BSGRUB PA NI, SPYOD BSDUS SU, PHUNG PO KHAMS DANG SKYE MCHED DBANG SOGS RNAMS, ,SHES PA GNYIS PO DE 'DIR LEGS 'DUS NAS, ,STONG CHEN NYID GYUR GANG ZHIG GNYID LOG PA, ,RLUNG LA BRTEN PAS RMI LAM NGES PAR MTHONG, ,RMI LAM 'BRAS BU 'DOD PAS KUN BRTAGS PA, ,GNYID LOG SAD PAR BYED PA YOD MA YIN, ,CHOS RNAMS DE KUN RMI LAM LTA BU STE, ,RDZUN DANG BDEN PA DAG KYANG YOD MA YIN, ,ZHES TE, GNYID LOG PA'I DUS SU, PHUNG PO KHAMS DANG SKYE MCHED LA SOGS PA'I RNAM PAR RTOG PA RNAMS, RNAM PAR SHES PA GNYIS PO SNANG BA DANG, SNANG BA MCHED PA GNYIS LA 'DUS SHIG THIM PAR 'GYUR BA SHES PA GNYIS PO YANG STONG CHEN MA RIG PA NYID LA THIM PAR 'GYUR, GANG ZHIG STONG CHEN MA RIG PA'I GNAS SKABS LA GNAS PA DE NYID GNYID MTHUG PO LOG PA ZHES BYA STE, DE'I TSE RMI LAM GYI SNANG BA MI 'BYUNG NGO, , 'O NA JI LTAR RMI LAM MTHONG BAR 'GYUR ZHE NA, RLUNG LA BRTEN PA STE RLUNG GIS RNAM SHES BSLANG NAS RMI LAM NGES PAR MTHONG BAR 'GYUR RO, ,DE LA DGE MI DGE'I 'BRAS BU JI LTAR 'BYUNG ZHE NA, RMI LAM 'KHRUL PA'I SNANG BA DE NYID LA, DGE MI DGE'I 'BRAS BU 'BYUNG BA NI 'DOD PAS KUN BRTAGS PA STE, RMI LAM GYI SNANG BA LA DGE MI DGE'I MTSAN MAR ZHEN PA'I DBANG GIS YIN GYI, RMI LAM LA NGO BO @645 NYID KYIS 'BRAS BU 'BYIN PA'I NUS PA MED DO, ,'O NA RMI LAM GYI SNANG BA DANG SAD PA'I GNAS SKABS LA BYE BRAG CI YOD CE NA, GNYID LOG PA'I GNAS SKABS KYI RMI LAM DANG, SAD PA'I GNAS SKABS LA DBYE BA CUNG ZAD KYANG YOD PA MA YIN TE, SAD PA'I GNAS SKABS KYI 'KHOR 'DAS KYI CHOS RNAMS DE KUN KYANG, RLUNG SEMS 'DUS PA LAS BYUNG BA 'KHRUL PA'I SNANG BA RMI LAM LTA BU YIN PA'I PHYIR DE'I RMI LAM RDZUN PA DANG, SAD PA BDEN PA'I KHYAD PAR YOD PA MA YIN TE, JI SRID GNYID MA SAD KYI BAR DU RMI LAM GYI SNANG BA YANG BDEN CING, MA RIG PA'I GNYIS DANG BRAL BA NA SAD PA'I GNAS SKABS KYANG RDZUN PA YIN PA'I PHYIR RO ,DE'I PHYID CHOS THAMS CAD RMI LAM DANG MTSUNGS PAS SNANG LA RANG BZHIN MED PA SGYU MA LTA BUR BSGOM PAR BYA'O, ,SGYU MA LTA BU'I TING NGE 'DZIN RGYAS PAR BSHAD PA LA GNYIS TE, SGYU MA LTA BUS KHYAB PA DANG, RANG GI NGO BO BSTAN PA'O, ,DANG PO LA GSUM GYI NGO MTSAR BA'I SGO NAS 'KHOR GYIS ZHUS PA NI, DE NAS MI BSKYOD PA LA SOGS PA'I DE BZHIN GSHEGS PA THAMS CAD RMI LAM BSTAN PAS NGO MTSAR DU GYUR, RMI LAM GYI 'BRAS BU THOB PA RMAD DU GYUR NAS, ZHUS SO ZHES SBYAR RO, ,GANG LA ZHE NA, DE BZHIN GSHEGS PA ZHES SOGS TE, SKU GSUNG THUGS KYI DAM TSIG NI, RDO RJE SEMS DPA'I TING NGE 'DZIN TO, ,DE'I THE TSOM GCOD PA'I RDO RJE SEMS DPA' NI, RDO RJE 'CHANG CHEN PO'O, , BCOM LDAN 'DAS ZHES BOS NAS, 'DI CI ZHIG LAGS TE SHIN TU DKA'O, ,GANG ZHE NA, RMI LAM DANG RMI LAM 'DRA BA'I CHOS RNAMS LA NGO BO CUNG ZAD KYANG MED LA, DE DAG @646 GI CHOS TE 'BRAS BU THOB PA'I DE KHO NYID KUN TU BSHAD PA 'DI NI, AE MA HO SHIN TU NGO MTSAR BA ZHIG STE, DPER NA NAM MKHA' RTEN GZHIR BYAS NAS, DE LA BRTEN PA'I NAM MKHA' BSGOM PAR MI RIGS TE, NAM MKHA' GNYIS KA DNGOS POR MED PA'I PHYIR RO, ,DE BZHIN DU RMI LAM DANG, RMI LAM DANG 'DRA BA'I CHOS RNAMS NGO BO MED PA LA 'BRAS BU 'BYUNG BAR MI RIGS SO SNYAM PA'O, ,STON PAS DE'I LAN GSUNGS PA NI, DE NAS 'DI SKAD CES GSUNGS SO, ,BCOM LDAN 'DAS DE BZHIN GSHEGS PA THAMS CAD CES MI BSKYOD PA LA SOGS PA'I DE BZHIN GSHEGS PA RNAMS LA BOD NAS, NAM MKHA' NI BUM PA DANG SNAM BU LA SOGS PA'I CHOS GANG DANG YANG MI LDAN TE, DE DAG LAS THA DAD PAR MI SNANG BA'I PHYIR RO, ,MI LDAN PA YANG MA YIN TE, DNGOS PO THAMS CAD DON DAM PA LA NAM MKHA'I BDAG NYID YIN PA'I PHYIR RO, , NAM MKHA' DE NI YOD PA'I CHOS THAMS CAD LA KHYAB PAS CHOS THAMS CAD DU RTOGS PA YANG YIN LA, CHOS THAMS CAD KYI NGO BO NYID LA GNAS SO ZHES MNGON PA'I NGA RGYAL YANG MED PAS NA, THAMS CAD KYI RJES SU BLTA'O SNYAM DU YANG MI SEMS SO, , JI LTAR NAM MKHA' CHOS THAMS CAD DANG LDAN PA MA YIN TE DE BZHIN DU RMI LAM DANG RMI LAM GYI DAM TSIG LAS BYUNG BA STE, RMI LAM GYI 'BRAS BU GNYIS KA RANG BZHIN MED PAS NA, DE DAG LDAN PA MA YIN PAR RJES SU RTOGS PAR BYA'O, ,JI LTAR NAM MKHA' NI CHOS THAMS CAD DU RTOGS LA, CHOS THAMS CAD KYI RJES SU BLTA'O SNYAM PA'I NGA RGYAL MED KYANG CHOS THAMS CAD LA KHYAB PA DE BZHIN DU, SEMS CAN RNAMS @647 KYIS RMI LAM MTHONG BAR BYA'O, ,RMI LAM GYI 'BRAS BU THOB PAR BYA'O SNYAM DU SEMS PA MED KYANG, KUN RDZOB TZAM DU RMI LAM DANG, RMI LAM GYI DAM TSIG LAS BYUNG BA STE, RMI LAM GYI 'BRAS BU GNYIS KA GRUB PAS, RMI LAM DANG, RMI LAM GYI 'BRAS BU MI LDAN PA YANG MA YIN PAR RJES SU RTOGS PAR BYA'O, ,DPER NA NAM MKHA' LA NI NGO BO NYID GANG DU YANG BRTAG TU MED CING, RTZIG PA LA SOGS PA LA THOGS PA MED PA DANG, MIG GI DBANG PO LA BLTA BAR MI SNANG BA BDE BZHIN DU RMI LAM DANG RMI LAM GYI 'BRAS BU'I CHOS DAG KYANG NAM MKHA' DANG 'DRA BAR SHES PAR BYA'O, ,DE LTAR NAM MKHA'I DPES RMI LAM GYI CHOS RANG BZHIN MED PAR GTAN LA PHAB NAS, RMI LAM GYI DPES CHOS THAMS CAD SGYU MA LTA BUR GTAN LA DBAB PA NI, JI LTAR RMI LAM DANG, RMI LAM GYI 'BRAS BU THA SNYAD TZAM DU MI LDAN PA MA YIN PA DE BZHIN DU, 'KHOR 'DAS KYI CHOS THAMS CAD KYANG THA SNYAD TZAM DU YOD PAR RJES SU RTOGS PAR BYA'O, ,RMI LAM DANG RMI LAM GYI 'BRAS BU DAG DPYAD NA RANG BZHIN MED PAS LDAN PA MA YIN PA DE BZHIN DU, 'KHOR 'DAS KYI CHOS THAMS CAD KYANG DPYAD NA RANG BZHIN MED PAS BDEN PAR MA GRUB PAR RJES SU RTOGS PAR BYA'O, , DE BAS NA CHOS THAMS CAD RMI LAM DANG 'DRA BA'I PHYIR SNANG LA RANG BZHIN MED PAR SGYU MA'I TSUL DU SHES PAR BYA'O, ,SGYU MA LTA BU'I BDAG NYID CAN GYI CHOS DE DAG RGYU MED PA LAS BYUNG BA'AM, BYED PA PO 'GA' ZHIG GIS BYAS SAM ZHE NA, MA YIN GYIS THA SNYAD DU SEMS LAS BYUNG ZHING SEMS KYI RANG BZHIN YIN NO ZHES STON PA NI, @648 DPER NA LUS DANG NGAG DANG SEMS TE SEMS CAN GYI 'JIG RTEN DANG, CHOS THAMS CAD DE SNOD KYI 'JIG RTEN DANG, RDO RJE GNAS KYI DAM TSIG STE NGAG GI RANG BZHIN MA LUS PA RNAMS 'JIG RTEN GYI KHAMS MTHA' YAS PA THAMS CAD KYI RJES SU SONG ZHING KHYAB PA DANG, NGO BO NYID DE MTSAN NYID GCIG PAR SHES PAR BYA'O, ,GANG DU MTSAN NYID GCIG PAR ZHE NA, SEMS KYI NGO BO NYID DE RANG BZHIN DU'O, ,CHOS NGANG LA SOGS PA LA SOGS PA CHOS RNAMS KYI RANG BZHIN SEMS KYI KHAMS GANG YIN PA DANG, NAM MKHA'I KHAMS DAG NI NGO BO GNYIS SU MED CING BLOS GNYIS SU DBYER MED DO, ,DON DE NYID RNAM PAR 'GREL PA NI, CHOS THAMS CAD KYI RANG BZHIN SEMS DE NAM MKHA' DANG DBYER MED PA'I RGYU MTSAN 'DI LTA STE, MKHA' LA RLUNG BRTEN DE LA CHU YI PHUNG PO BRTEN, , DE LA SA CHEN 'DI BRTEN 'DI LA 'GRO BA BRTEN, ,ZHES PA LTAR, SKYE GNAS BZHIS BSDUS PA'I SEMS CAN THAMS CAD NI, NAM MKHA'I KHAMS LA GNAS LA, NAM MKHA' GANG LA GNAS PA'I DON 'DI BRTAGS PAR GYIS ZHES PA'I TSUL GYIS, NAM MKHA'I KHAMS DE YANG 'DOD PA'I KHAMS LA SOGS PA GANG NA YANG GNAS PA MA YIN TE, DE BAS NA CHOS GANG KHAMS GSUM NA MI GNAS PA DE NI SKYE BA MED DO, , GANG LA SKYE BA MED PA DE NI RGYU BA DANG 'BRAS BU'I CHOS GANG GIS KYANG 'DI'O ZHES DE'I RANG BZHIN MTHA' GANG DU YANG BRTAG PAR MI NUS SO, ,GANG GI PHYIR CHOS THAMS CAD NAM MKHA' LA GNAS SHING, NAM MKHA'I RANG BZHIN MTHA' GANG DU YANG BRTAG @649 PAR MI NUS PA DE BAS NA PHYI NANG GI CHOS THAMS CAD NGO BO NYID MED PA THAMS CAD STONG PA 'OD GSAL BA'I NGO BO NYID DO, ,CHOS THAMS CAD RANG BZHIN MED NA YE SHES KYI SKU GANG LAS 'BYUNG ZHE NA, BYANG CHUB KYI SEMS KUN TU BZANG PO DE NYID KUN RDZOB TU DE BZHIN GSHEGS PA THAMS CAD KYI SEMS KYI SKU 'BYUNG BA RDO RJE'I GNAS BYED PA'I RGYU YIN TE, LUGS BZLOG GI SNANG BA GSUM RLUNG DANG BCAS PA TZAM LAS, YE SHES KYI SKU 'BYUNG BA'I PHYIR RO, ,BYANG CHUB KYI SEMS DE YOD DAM ZHE NA, BYANG CHUB SEMS KYI SEMS KUN TU BZANG PO DE YANG LUS TE 'DOD PA'I KHAMS DANG, NGAG STE GZUGS KYI KHAMS DANG, SEMS TE GZUGS MED PA'I KHAMS GANG NA YANG MI GNAS SO, ,CHOS GANG KHAMS GSUM NA MI GNAS PA DE LA SKYE BA MED CING GANG SKYE BA MED PA DE NI 'OD GSAL BA'I RANG BZHIN NO, ,YANG DAG PAR NA 'OD GSAL BA 'DI NI YE SHES KYI SKU 'BYUNG BA RDO RJE'I GNAS TE MI PHYED CING MI SLU BA'I 'BYUNG GNAS YIN NO, ,MJUG BSDU BA'I TSUL GYIS RMI LAM LA DMIGS PA NI, RMI LAM NI, BDAG GIS KHAMS GSUM STE DMAN PA DANG, 'BRING DANG MCHOG GI SEMS CAN RNAMS LA, RMI LAM GYI 'BRAS BU DGE MI DGE MTHONG ZHING THOB PAR BYA'O SNYAM DU MI SEMS SHING, MI YANG BDAG GIS DGE BA DANG, MI DGE BA'I RMI LAM GYI 'BRAS BU MTHONG ZHING THOS PAR MDZAD DU GSOL SNYAM DU MI SEMS SHING GSOL BA MI 'DEBS MOD, DE LTA NA YANG RMI LAM DANG RMI LAM GYI 'BRAS BU GNYIS KA SNANG ZHING, GNYIS KA YANG RANG BZHIN MED PA DE BZHIN DU KHAMS GSUM STE TSOGS GSUM GYI SEMS @650 CAN RNAMS KYI DGE BA DANG MI DGE BA'I BYA BA RNAMS KYANG RMI LAM LTA BUR MI BDEN PA DANG, RMI LAM DANG 'DRA BAR SNA TSOGS PA NYID DANG, RMI LAM LAS BYUNG BA STE RANG BZHIN MED BZHIN DU SNANG BA YIN PA DE BZHIN DU, PHYOGS BCU'I 'JIG RTEN GYI KHAMS KYI YONGS SU RDZOGS PA'I SANGS RGYAS RNAMS DANG, RAB TU DGA' BA LA SOGS PA'I SA THOB PA'I BYANG CHUB SEMS DPA' JI SNYED PA DANG, SKYE GNAS BZHIS BSDUS PA'I SEMS CAN JI SNYED PA THAMS CAD KYANG, RMI LAM LA BDAG MED PA'I GNAS SU RJES SU RTOG PAR BYAS TE, RMI LAM DANG 'DRA BAR SGYU MA LTA BU'I RANG BZHIN DU KHONG DU CHUD PAR BYA'O, ,DE LTAR SGYU MAS KHYAB PAR BSTAN NAS, SGYU MA RANG GI NGO BO LA BZHI YOD PA'I YON TAN THAMS CAD KYI RTEN DU GYUR PAR BSTAN PA NI, DPER NA YID BZHIN GYI NOR BU RIN PO CHE NI, 'JIG RTEN PA'I RIN PO CHE THAMS CAD KYI NANG NA GTZO BO STE KHYAD PAR DU 'PHAGS PA STE, MNGON PAR 'DOD PA STER BA'I PHYIR LHA DANG MI DANG LHA MA YIN GYI YON TAN THAMS CAD DANG LDAN ZHING, SEMS CAN GYIS GSOL BA BTAB, GSER LA SOGS PA BSAM PA TZAM GYIS TE, GANG 'DOD PA DE NYIR 'BYOR PAR BYED DE, GSER LA SOGS PA'I RIN PO CHE DE DAG KYANG SLONG BA PO SEMS CAN GYI SEMS LA MI GNAS SHING MA BYUNG LA, YID BZHIN GYI NOR BU LA GNAS PA YANG MA YIN PA DE BZHIN DU SGYU MA LTA BU'I MTSAN NYID KYI CHOS THAMS CAD DANG, SANGS RGYAS TE RDZOGS PA DANG MA RDZOGS PA'I SEMS CAN GYI TSOGS RNAMS KYI CHOS TE, RGYUR GYUR PA'I DRUG PA RDO RJE 'CHANG CHEN PO LAS KYANG 'JIG RTEN @651 DANG 'JIG RTEN LAS 'DAS PA'I DNGOS GRUB THAMS CAD 'BYUNG BAR RJES SU RTOGS PAR BYA'O, ,JI LTAR YID BZHIN GYI NOR BU RIN PO CHE RTOG PA MED BZHIN DU, SEMS CAN GYI DGOS 'DOD 'BYUNG BA DE BZHIN DU, DAG PA'I SGYU LUS LAS KYANG RTOG PA MED BZHIN DU DNGOS GRUB THAMS CAD 'BYUNG ZHES PA'O, ,DE LA SPRO BA BSKYED CING ZHUS PA NI, MI BSKYOD PA LA SOGS PA'I DE BZHIN GSHEGS PA THAMS CAD KYIS 'DI SKAD CES GSOL TO, ,NAM MKHA'I RJES SU 'BRANG BA STE NAM MKHA' LTAR RANG BZHIN MED PA'I CHOS THAMS CAD LA SANGS RGYAS KYI CHOS TE SGYU MA LTA BU'I SKU MTSAN NYID KYIS KHYAB PA'I SGO NAS RJES SU 'BRANG BA DE NGO MTSAR ZHING RMAD DU BYUNG BA'O ZHES SPRO BA BSKYED NAS, DE'I 'OG TU CI ZHIG BYA ZHE NA, DE NAS SANGS RGYAS DANG BYANG CHUB SEMS DPA' DE DAG GIS 'DI SKAD CES GSOL TO, ,BCOM LDAN 'DAS ZHES BOD NAS, KHYED KYIS SNGAGS THAMS CAD DE, PHRENG SNGAGS LA SOGS PA DANG, RDO RJE STE BSAM GTAN RNAMS KYIS BSKYED PA'I 'JIG RTEN DANG 'JIG RTEN LAS 'DAS PA'I DNGOS GRUB MDO BTUS TE GSUNGS PA YI DNGOS GRUB DE DAG GANG LA GNAS ZHES ZHUS PA'O, ,DE'I YAN LAG BSTAN PA NI, DON DAM PAR GANG LA YANG MI GNAS SHING, THA SNYAD DU SGRUB PA PO'I LUS NGAG YID LA GNAS SO, ,ZHES STON PA NI, BCOM LDAN DE BZHIN GSHEGS PA THAMS CAD CES MI BSKYOD PA LA SOGS PA LA BOD NAS, SNGAGS THAMS CAD KYI RDO RJE'I DNGOS GRUB MDOR BSDUS PA NI, SNGAGS THAMS CAD DE, SGRUB PA PO RNAMS KYI SKU GSUNG THUGS LA MI GNAS SO, ,DE @652 CI'I PHYIR ZHE NA, LUS LA SOGS PA DANG, SNGAGS LA SOGS PA'I DNGOS GRUB RNAMS DON DAM PAR NGO BO NYID MED PA'I PHYIR RO, ,ZHES PA TSIG GI LHAG MA'O, ,'ON KYANG KUN RDZOB TU NI, 'JIG RTEN DANG 'JIG RTEN LAS 'DAS PA'I DNGOS GRUB THAMS CAD DANG STOBS DANG MI 'JIGS PA LA SOGS PA SANGS RGYAS KYI CHOS THAMS CAD SGRUB PA PO BDAG GI LUS NGAG SEMS KYI RDO RJE LA GNAS SHING, LUS NGAG SEMS KYI RDO RJE DAG KYANG THA SNYAD TZAM DU YOD DO, ,DE LTAR NA LUS LA SOGS PA YOD PA NYID KYIS DE LA BRTEN PA'I DNGOS GRUB DAG KYANG DMIGS SU YOD DO ZHE NA, DE LOG PA NI, LUS NGAG SEMS KYI RDO RJE DE DAG KYANG RNAM PAR DPYAD NA, 'DOD PA LA SOGS PA'I KHAMS GSUM NA MI GNAS SHING, PHAN TSUN RTEN DANG BRTEN PAR YANG MED DE, SEMS KYANG LUS LA BRTEN PA'I TSUL GYIS MI GNAS, LUS KYANG SEMS LA BRTEN PA'I TSUL GYIS MI GNAS, NGAG KYANG SEMS LA BRTEN PA'I TSUL GYIS MI GNAS, SEMS KYANG NGAG LA BRTEN PA'I TSUL GYIS MI GNAS, DE BZHIN DU NGAG KYANG LUS LA MI GNAS, LUS KYANG NGAG LA MI GNAS SO, ,DE'I CI'I PHYIR ZHE NA, GSUM PO DE DAG NAM MKHA' LTAR NGO BO NYID DAG CING RANG BZHIN MI DMIGS PA'I PHYIR RO, ,ZHUS LAN GYI SGO NAS DE NYID BSTAN PA NI, DE NAS DE BZHIN GSHEGS PA THAMS CAD KYIS 'DI SKAD CES GSOL TO, ,DE BZHIN GSHEGS PA RIGS PA LNGA PO THAMS CAD KYI CHOS TE RGYUR GYUR PA DRUG PA RDO RJE 'CHANG CHEN PO GANG NA GNAS, GANG NAS BYUNG ZHES ZHUS PA'O, ,LAN NI RNAL 'BYOR PA RANG GI LUS NGAG SEMS @653 LAS RDO RJE 'CHANG CHEN PO BYUNG ZHING DE NYID LA GNAS SO, ,DE BZHIN GSHEGS PA THAMS CAD KYI SEMS GANG NA GNAS ZHES ZHUS PA'O, ,NAM MKHA' STE 'OD GSAL BA LA GNAS SO ZHES PA LAN NO, ,NAM MKHA' STE 'OD GSAL GANG NA GNAS ZHES ZHUS PA'O, ,'OD GSAL NI GANG NA YANG MI GNAS SHING, NAM MKHA' LTAR MTHA' GANG DU YANG BRTAG PAR MI NUS SO ZHES PA LAN NO, ,SDUD PA PO'I TSIG GIS GZHUNG BSDU BA NI, DE NAS MI BSKYOD PA LA SOGS PA'I SANGS RGYAS RNAMS DANG, BYAMS PA LA SOGS PA'I BYANG CHUB SEMS DPA' RNAMS RANG BZHIN MED KYANG THA SNYAD TZAM DU 'BRAS BU BSKYED PAS, RGYU LA NGO MTSAR DU GYUR, RANG BZHIN MED KYANG THA SNYAD DU RGYU LAS 'BYUNG BAS 'BRAS BU LA RMAD DU GYUR NAS, RANG GI SEMS KYI CHOS NYID DE SEMS KYI ROL PA LA GNAS NAS, RGYU DANG 'BRAS BU'I DE KHO NA NYID LA SEMS SHING THE TSOM CHOD PAS CANG MI SMRA BAR 'KHOD PAR 'GYUR RO, ,LE'U YI MTSAN DON DU RGYU BA DANG MI RGYU BA'I BDAG NYID CAN GYI SEMS NI SEMS CAN THAMS CAD DO, ,DE'I DAM TSIG NI RDO RJE 'CHANG CHEN PO'O, ,DE'I SNYING PO NI 'JIG RTEN DANG 'JIG RTEN LAS 'DAS PA'I DNGOS GRUB RNAMS SO, ,DE NYID RGYUN MI 'CHAD PAS NA RDO RJE'O, , DE GANG DU 'BYUNG ZHING GSAL BAR BYED PA'I GZHUNG GI TSOGS LA'ANG DE SKAD CES BYA STE, LE'U BCO LNGA PA'I RNAM BSHAD DO,, ,, ` SNGAR BSHAD PA'I MTSAN NYID CAN GYI DNGOS GRUB THAMS CAD NI DKYIL 'KHOR DU DBANG BSKUR BA LAS 'GRUB PAR 'GYUR RO ZHES BSTAN PA'I PHYIR, SLOB @654 MA SNOD DU RUNG BAR BYA BA'I DON DU DKYIL 'KHOR GYI SGRUB PA'I THABS BSTAN PA'I PHYIR, LE'U BCU DRUG PA 'CHAD PA LA GNYIS KYI BSDUS PA'I DON NI, LE'U 'DIS BRJOD BYA DON GYI GTZO BO DKYIL 'KHOR GYI CHO GA LE'U'I STOD NAS STON, RKED NAS DNGOS GRUB BSGRUB PA'I CHO GA STON, SMAD NAS RNAL 'BYOR GYI SPYOD PA STON TO, , YAN LAG GI DON LA YANG GSUM GYI, DKYIL 'KHOR GYI CHO GA LA GNYIS TE, 'KHOR GYI DKYIL 'KHOR GYI CHO GA DNGOS BSHAD PA'O, ,DANG PO NI, LE'U BCO LNGA PA RDZOGS DKYIL 'KHOR GYI CHO GA DNGOS BSHAD PA'O, ,DANG PO NI, LE'U BCO LNGA PA RDZOGS PA'I RJES DE NAS, MI BSKYOD PA LA SOGS PA'I DE BZHIN GSHEGS PA THAMS CAD KYANG 'DUS PA STE DGONGS PA GCIG TU GYUR NAS BCOM LDAN 'DAS RDO RJE 'CHANG CHEN PO LA 'JIG RTEN GYI KHAMS DPAG TU MED PA NA BZHUGS PA'I DE BZHIN GSHEGS PA THAMS CAD KYI SKU GSUNG THUGS KYI RDO RJE LA GNAS PA'I BSTOD PA'I TSIG DE BZHIN GSHEGS PA KUN ZHI BA ZHES SOGS KYIS GSOL BA BTAB NAS DKYIL 'KHOR GYI CHO GA NYAN PA'I BSAM PAS MCHOD PA BYAS SO ZHES SBYAR, MCHOD PA JI LTA BU ZHE NA, DE BZHIN GSHEGS PA THAMS CAD KYI RDO RJE RIN CHEN GYI MCHOD PA STE, LHA YUL PAR GYUR PA'I MCHOD PA'I SPRIN GYI TSOGS KYIS SO, ,STON PA'I GSUNG GIS DKYIL 'KHOR GYI CHO GA DNGOS BSTAN PA LA BZHI STE, SKU'I DKYIL 'KHOR DANG, GSUNG GI DKYIL 'KHOR DANG, LHA LHAG MA RNAMS KYI DKYIL 'KHOR DANG, DE DAG RDZOGS PAR BYED PA'I CHO GA THUN MONG BA BSTAN PA'O, ,DANG PO LA GSUM GYI, TING @655 NGE 'DZIN LA DMIGS PA SNGON DU 'GRO BAS DKYIL 'KHOR GYI MTSAN NYID BSTAN PA NI, GSOL BA BTAB PA'I RJES DE NAS, BCOM LDAN 'DAS PHYAG NA RDO RJE STE RDO RJE 'CHANG CHEN PO RDO RJE STE DE BZHIN GSHEGS PA THAMS CAD KYI DKYIL 'KHOR NYON MONGS PA'I RI DVAGS 'JOMS PAS NA SENG GE'I DAM TSIG RGYAL PO ZHES BYA BA BSKYED PA LA THUGS RTZE GCIG TU MDZAD PA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR, GANG ZHIG NA RDO RJE'I SKU STE SKU'I DKYIL 'KHOR 'DI'O, ,CI PHYIR ZHE NA, SANGS RGYAS TE SGRUB PA PO THAMS CAD KYI DGOS PA SGRUB PA'I DON DU'O, ,GANG LAS NA NYID KYI SKU LA SOGS PA LAS SO, ,DE NAS SKU'I DKYIL 'KHOR TE, RNAM SNANG GI DKYIL 'KHOR DNGOS GRUB THAMS CAD STZOL BAS MCHOG TU GYUR PA LEGS PAR RAB TU BSHAD PAR BYA'O, ,JI LTA BU ZHE NA, THUGS TE MI BSKYOD PA'I DKYIL 'KHOR DANG 'DRA BA GRU BZHI PA LA SOGS PA'I YON TAN DANG LDAN PA NYID KYIS DKYIL 'KHOR KUN GYI MCHOG TU GYUR PA'O, ,BRIS SHING LHA BKOD DU GYUR PA LEGS PAR RAB TU BSHAD PAR BYA'O, ,JI LTA BU ZHE NA, THUGS TE MI BSKYOD PA'I DKYIL 'KHOR DANG 'DRA BA, GRU BZHI LA SOGS PA'I YON TAN DANG LDAN PA NYID KYIS DKYIL 'KHOR DANG 'DRA BA, GRU BZHI LA SOGS PA'I YON TAN DANG LDAN PA NYID KYIS DKYIL 'KHOR KUN GYI MCHOG TU GYUR PA'O, ,BRIS SHING LHA DGOD PA NI, TSAD NI NGOS RE RE LA KHRU BZHI YOD PAS NA KHRU BCU DRUG GI TSAD DU BYA'O, ,DBYIBS NI ZLUM PO LA SOGS PA MA YIN PAR GRU BZHI LHAM PA STE, DES MTSON PAS SGO BZHI LA SOGS PA DANG LDAN PAR BYA'O, ,JI LTA BU ZHE NA, DRI MA MED PA'I TSON GYIS BRIS PAS NA RAB TU MDZES PA, @656 SANGS RGYAS KUN GYIS BSNGAGS PAS NA SANGS RGYAS KUN GYI DKYIL 'KHOR RO, ,SKU RDO RJE RNAM PAR SNANG MDZAD BDAG PO NYID DU RAB TU GNAS PAS MDZES PAR BYAS PA'O, ,PHYI'I DKYIL 'KHOR GRU BZHI PA DE'I NANG DU, 'KHOR LO STE NANG GI DKYIL 'KHOR ZLUM PO 'KHOR LOS BRGYAN PA BRI BAR BYA'O, ,CHO GA GANG GIS BRI ZHE NA, DE KHO NA NYID BSDUS PA LAS BSHAD PA'I DKYIL 'KHOR GYI THIG GDAB PA'I CHO GA DE NYID RDO RJE STE SHIN TU NGES PA GANG GIS SHES PA DES 'BRI BAR BYA'O, ,DE LTAR DKYIL 'KHOR BRIS NAS LHA DGOD PA NI, SNGAGS TE LHA RNAMS KYI DBUS SU RNAM PAR SNANG MDZAD GNAS PA STE, 'GOD PAR BYA LA DE PHYAG RGYA RDO RJE'I GNAS SU BYA ZHES PA RANG GI PHYAG RGYA DANG LDAN PA'I LHA'I GZUGS SU BYA'O, ,MI BSKYOD PA LA SOGS PA DE BZHIN GSHEGS PA GZHAN BZHI DANG, SHAR LA SOGS PA'I PHYOGS BZHIR YUM DANG BRAL BA GCIG RKYANG DU BRIS SHING GZHUG PAR BYA'O, ,SKU GSUNG THUGS KYI RDO RJE MCHOG STE M'A MA KI LA SOGS PA RNAMS SHAR LHO LA SOGS PA GRVA RNAMS KUN TU CI RIGS PAR BRI BAR BYA'O, ,GSHIN RJE GSHED DANG, GZHAN GYIS MI THUB PA DANG, RTA MGRIN DANG, BDUD RTZI 'KHYIL BA STE, KHRO BO BZHI PO 'DI RNAMS SHAR LA SOGS PA'I SGO BZHIR BRI BAR BYA'O, ,STOBS CHEN PHA ROL GNON PA STE MI G-YO BA LA SOGS PA'I KHRO BO RNAMS MTSAMS RNAMS SU GZHAG PAR BYA ZHING, GZUGS RDO RJE MA LA SOGS PA DANG, BYAMS PA LA SOGS PA YANG GNAS JI LTA BA BZHIN DU 'GOD PAR BYA'O, KHYAD PAR GYI MCHOD PA'I CHO GA NI, DE LTAR DKYIL 'KHOR BRIS SHING LHA BKOD @657 NAS, 'OG NAS 'BYUNG BA LTAR GYI CHO GAS DKYIL 'KHOR SGRUB STE, MCHOD DANG NANG MCHOD SNGON DU SONG BAS, GSANG MCHOD KYI SKABS SU SNGAGS SHES PAS TE SLOB DPON GYIS RANG GI RDO RJE DANG, PHYAG RGYA'I GSANG BA STE PAD MA MNGON PAR 'DU BYAS PA RAB TU BSGOMS PAS, DKYIL 'KHOR GYI DBUS SU GSANG BA'I MCHOD PA BRTZAM PAR BYA'O, ,BSHAD MA THAG PA'I GSANG MCHOD 'DI NI SNGAGS RNAMS TE SGRUB PA PO THAMS CAD KYI RNAL 'BYOR RGYUD LA GNAS PA'I DAM TSIG SHIN TU 'DA' DKA' BA'O, , ZAS KYI MCHOD PA NI, BSHANG BA GTZO BOR BYAS PA'I BSHANG GCI LA SOGS PA'I BDUD RTZI LNGA BYE BRAG TU STE SKU'I DKYIL 'KHOR 'DIR LHA RNAMS LA NGES PAR DBUL BA DANG, BDAG NYID BZA' BA DANG, 'BYUNG PO RNAMS LA GTOR MAR YANG SBYIN PAR BYA'O, ,BSHANG BA GTZO BOR BYAS PA'I BDUD RTZI LNGA BZA' BA 'DI NI, SKU YI RDO RJE CAN TE RNAM SNANG GI DKYIL 'KHOR DANG LDAN PA'I SNGAGS TE, SGRUB PA PO RNAMS KYI 'DA' BAR MI BYA BA'I DAM TSIG GO ,DE BZHIN GSHEGS PA THAMS CAD MNGON PAR DGES PA'I SKU'I DKYIL 'KHOR RO, , GSUNG GI DKYIL 'KHOR LA GSUM GYI, DKYIL 'KHOR GYI MTSAN NYID BSTAN PA NI, SKU YI DKYIL 'KHOR BSTAN PA'I RKES DE NAS, BCOM LDAN 'DAS PHYAG NA RDO RJE STE RDO RJE 'CHANG CHEN PO, GSUNG RDO RJE'I DAM TSIG STE, 'OD DPAG TU MED PA'I DKYIL 'KHOR PA RNAMS KYI SPRIN TE TSOGS GNAS JI LTA BA BZHIN DU BKOD PA LA, THUGS RTZE GCIG TU MDZAD PA'I TING NGE 'DZIN LA SNYOMS PAR ZHUGS @658 NAS PHYUNG NGO ZHES SBYAR, GANG ZHIG NA, GSUNG RDO RJE 'OD DPAG TU MED PA'I DKYIL 'KHOR 'DI'O, ,GANG LAS NA, NYID KYI SKU LA SOGS PA LAS SO, ,DE NAS GSUNG STE 'OD DPAG TU MED PA'I DKYIL 'KHOR DNGOS GRUB THAMS CAD MCHOG TU GYUR PA LEGS PAR RAB TU BSHAD DO, ,ZHES BYA, CI LTA BU ZHE NA, THUGS TE MI BSKYOD PA'I DKYIL 'KHOR DANG 'DRA BA GRU BZHI LA SOGS PA'I YON TAN DANG LDAN PA NYID KYI DKYIL 'KHOR KUN GYI MCHOG TU GYUR PA'O, ,BRI ZHING LHA DGOD PA NI, CHE CHUNG GI TSAD NI NGOS RE RE LA KHRU LNGA LNGA STE, KHRU NYI SHU'I TSAD DU THIG GDAB PAR BYA'O, ,DBYIBS NI DKYIL 'KHOR GYI CHO GA BZHIN DU GRU BZHI LHAM PA SGO BZHI DANG RTA BABS BZHI LA SOGS PA DANG LDAN PAR BYA'O, ,THIG SKUD JI LTA BU ZHE NA, RDO RJE BSGOM PA STE DE BZHIN GSHEGS PA LNGA'I KHA DOG CAN GYI SRAD BUS THIG GDAB PAR BYA'O, ,PHYI'I DKYIL 'KHOR GRU BZHI PA DE'I DBUS SU NANG GI 'KHOR LO CHEN PO ZLUM PO LA PAD MA'I PHRENG BAS KUN TU BRGYAN PA BRIS LA, DER PHYAG RGYA THAMS CAD YONGS SU RDZOGS PAR CHO GA BZHIN TE CHO GA LA MKHAS PAS BRI BAR BYA STE, DE YANG TSE DPAG MED PA'I PHYAG RGYA CHEN PO RANG GI PHYAG RGYA DANG, YANG DAG PAR LDAN PA'I DKYIL 'KHOR DE'I DBUS SU GZHUG PAR BYA'O, RDO RJE'I GNAS MCHOG STE SKU GSUNG THUGS KYI DKYIL 'KHOR DE DAG TU DE BZHIN GSHEGS PA LNGA PO THAMS CAD KYANG GNAS JI LTA BA BZHIN DU YONGS SU BRTAG PAR BYA ZHING 'GOD PAR BYA STE, DE YANG GSUNG GI DKYIL 'KHOR LA 'OD DPAG MED DANG, GOS DKAR MO DBUS SU 'GRO BA NA NUB KYI LE TSE @659 LA MI BSKYOD PA, NUB BYANG GI LE TSE LA REG RDO RJE MA GZHAG PAR BYA'O, KHYAD PAR GYI MCHOD PA GZHUNG BSDU BA DANG BCAS PA NI, DE LTAR RGYUD NAS BSHAD PA'I CHO GAS DKYIL 'KHOR DAM PA YONGS SU GSAL BAR BYAS NAS, DE'I 'OG TU DKYIL 'KHOR BSGRUBS TE, PHYI MCHOD NANG MCHOD SNGON DU 'GRO BAS, DBANG PO GNYIS MNYAM PAR SBYOR BA'I MTSAN NYID CAN GYI GSANG BA'I MCHOD PAS DE BZHIN GSHEGS PA RNAMS LA MCHOD PAR BYA'O, ,DES CIR 'GYUR ZHE NA, DE LTAR BYAS NA RDO RJE CAN TE PHYOGS BCU'I 'JIG RTEN GYI KHAMS NA GNAS PA'I SANGS RGYAS RNAMS SGRUB PA PO LA MNYES PAR 'GYUR RO, ,KHA ZAS KYI MCHOD PA NI, BSHANG GCI KHU BA'I DAM TSIG STE KHU BA GTZOR BYAS PA'I BDUD RTZI LNGAS BDAG DANG SLOB MA LA MCHOD NA, MNGON PAR 'DOD PA'I DNGOS GRUB THOB PAR 'GYUR RO, ,BSHAD MA THAG PA 'DI NI SANGS RGYAS TE SGRUB PA PO THAMS CAD KYI RNAL 'BYOR RGYUD LA GNAS PA'I DAM TSIG SHIN TU 'DA' DKA' BA YIN NO, ,DE BZHIN GSHEGS PA RNAMS KYIS RAB TU BSNGAGS PA'I GSUNG GI DKYIL 'KHOR RO, ,LHA LHAG MA RNAMS KYI DKYIL 'KHOR BSTAN PA NI, DE NAS BCOM LDAN 'DAS PHYAG NA RDO RJE STE RDO RJE 'CHANG CHEN PO TING NGE 'DZIN LA SNYOMS PAR ZHUGS NAS PHYUNG NGO ZHES SBYAR, TING NGE 'DZIN JI LTA BU ZHE NA, SGO SNA TSOGS NAS DON THAMS CAD CHAR DU 'BEBS PAR BYED PAS NA, KUN NAS SPRIN TE DE BZHIN GSHEGS PA RNAMS YIN LA, DE RNAMS KYI TSOGS RDO RJE NI SO SO'I DKYIL 'KHOR TE, DE BSKYED PA LA THUGS RTZE GCIG TU MDZAD PA'I TING NGE 'DZIN LA'O, ,GANG ZHIG ZHE NA, @660 GSANG ZHING SHIN TU SBA BAR BYA BA'I DKYIL 'KHOR GSANG CHEN TE, MNGON DU MI BYA BAR BLOS BZHAG PA 'DI'O, ,GANG LAS NA NYID KYI SKU LA SOGS PA LA'O, ,RDO RJE 'DZIN MCHOG STE RDO RJE 'DZIN PA LA SOGS PA DKYIL 'KHOR PA'I LHA RNAMS GANG YIN PA'I GZUGS DKYIL 'KHOR GYI DBUS SU BRIS SHING BZHAG PAR GYUR PA'I DKYIL 'KHOR DE NI, LHA'I KHYAD PAR DE'I DKYIL 'KHOR GYI 'KHOR LOS 'GYUR RO, , DE BAS NA RTEN GZHAL YAS KHANG JI LTA BA BZHIN DU BRIS PA'I RJES LA LHA LHAG MA NYI SHU RTZA DGU PO GANG DANG GANG YIN PA DBUS SU BRIS TE, DE DANG DE'I GNAS SU MI BSKYOD PA BRIS PAS DKYIL 'KHOR NYER DGUR 'GYUR LA, DE LTAR NA DKYIL 'KHOR SO GNYIS PO THAMS CAD KYANG SKU GSUNG THUGS KYI GSANG BA LAS BYUNG BA STE, GSANG BA GSUM GYI BDAG NYID CAN DU 'DUS TE, RIN PO CHE'I RIGS NI SKU RDO RJER 'DUS LA, LAS KYI RIGS NI GSUNG RDO RJE'I NANG DU 'DUS PA'I PHYIR RO, ,DE BZHIN GSHEGS PA THAMS CAD NI MI BSKYOD PA LA SOGS PA STE, DE RNAMS KYI SKU GSUNG THUGS RDO RJE'I GNAS NI, SKU LA SOGS PA'I DKYIL 'KHOR RO, ,DE LA YE SHES NI THIG GDAB PA LA SOGS PA'I CHO GA'O, ,DE'I GSANG BA NI DKYIL 'KHOR DE YONGS SU GYUR PA'I MTSAN NYID CAN NO, ,RAB TU GSANG BA NI MAN NGAG GI MCHOG GO ,DON NI, GONG DU BSHAD PA 'DI NI SKU GSUNG THUGS KYI DKYIL 'KHOR GYI THIG GDAB PA LA SOGS PA'I CHO GA DANG, LHA DGOD PA DANG, DKYIL 'KHOR MCHOD PA LA SOGS PA'I MAN NGAG YIN ZHES PA'O, ,DE DAG RDZOGS PAR BYED PA'I CHO GA THUN MONG BA LA GNYIS TE, @661 SLOB DPON GYI LUS SU BYA BA'I CHO GA DANG, SLOB MA GZHUG PA LA SOGS PA'I CHO GA'O, ,DANG PO LA LNGA STE, PHYAG RGYA DANG LHAN CIG BYA BA'I CHO GA DANG, PHYAG RGYA MED PAR BYA BA'I CHO GA DANG, DE GNYIS KA'I BYA BA BGEGS BSAL BA'I SBYOR BA DANG, BUM PA'I CHO GA DANG, SBYIN SREG GI CHO GA'O, ,DANG PO LA LNGA LAS, TING NGE 'DZIN LA DMIGS SHING THIG GDAB PA NI, DE NAS PHYAG NA RDO RJE 'CHANG CHEN PO MI BSKYOD PA LA SOGS PA'I DKYIL 'KHOR THAMS CAD KYI 'KHOR LO 'BYUNG BA ZHES BYA BA'I TING NGE 'DZIN LA SNYOMS PAR ZHUGS NAS PHYUNG NGO ZHES SBYAR, GANG ZHIG NA, DKYIL 'KHOR ZHES SOGS SO, ,GANG LAS NA, NYID KYI ZHES SOGS SO, ,SKU RDO RJE LA SOGS PA'I GSANG BA DE LA 'OG NAS BSHAD PA 'DI NI RDO RJE STE DE BZHIN GSHEGS PA'I DKYIL 'KHOR GYI SNGAGS KYI SNYING PO THIG GDAB PA NYE BAR 'TSAM PA'I YI GE GNAS RNAMS SO, ,GANG ZHE NA, AOm ZHES SOGS SO, ,DKYIL 'KHOR SO GNYIS PO GANG 'BRI YANG RUNG STE, DE'I TSE THIG 'DEBS PA DANG, TSON BRI BA'I DUS SU YI GE GSUM ZLOS SHING BYA'O, ,ZHES STON PA NI, DE BZHIN GSHEGS PA LNGA'I KHA DOG TU BCOS PA'I THIG SKUD NI RDO RJE'I THIG STE, DES DKYIL 'KHOR GYI THIG GDAB PA DANG, TSON RTZI SNA LNGA DAG BKYE BA'I TSE, AOm LA SOGS PA'I SNGAGS KYIS BYA'O, ,ZHES PA TSIG GI LHAG MA'O, ,SLOB DPON DANG GROGS MCHOG 'DU BYA BA SPYIR BSTAN PA NI, SNGAGS KYI SEMS DPA' STE, SNGAGS LA MCHOG TU GZHOL BA, BSNYEN PA LAS SU RUNG BA'I RNAL 'BYOR PAS NI, GROGS PHYAG RGYA MED PAR DE KHO NA NYID BSDUS PA SOGS LAS @662 BSHAD PA BZHIN DU RNAL 'BYOR PA LAS KYI RDO RJE'I GZUGS CAN DANG LHAN CIG DKYIL 'KHOR 'BRI BAR MI BYA STE, GAL TE BYAS NA, BYANG CHUB STE RDO RJE 'CHANG CHEN PO NYID RNYED PAR DKA' ZHING RING BAR 'GYUR RO, ,'O NA GROGS GANG DANG LHAN CIG BYA ZHE NA, DE BAS NA RDZOGS PA'I RIM PA LA GNAS PA DANG, BSKYED PA'I RIM PA LA GNAS PA RIG PA'I BRTUL ZHUGS LA YANG DAG PAR SPYOD PA'I RNAL 'BYOR PAS DKYIL 'KHOR BRI BAR BYAS NA, DE'I TSE SNGAGS KYI LHA RNAMS TE, RANG GI PHYAG RGYA MDUN DU PHAB CING BZHAG NAS DE NYID DAM TSIG STE RIGS KYI DBYE BA SPYAN MA LA SOGS PA'I NGO BO NYID DU DE'I TSUL SHES PA STE 'DUS PA LAS GSUNGS PA'I TSUL GYIS BSKYED LA, BDAG NYID RNAM SNANG LA SOGS PA RANG GI LHAG PA'I LHA GANG YIN PA'I RIGS LNGA'I NGO BOR BYIN GYIS BRLABS KYI GNAS TE GZHIR BSGOM ZHING BSKYED NAS, SKU LA SOGS PA'I DKYIL 'KHOR RNAMS KYI THIG GDAB PA LA SOGS PA RIM GYIS RNAM PAR BRTAG CING BSGRUB PAR BYA'O, ,RIGS KYI BYE BRAG GIS SLOB DPON DANG PHYAG RGYA DANG 'DU BYA BA BYE BRAG TU BSTAN PA NI, DE LA SKU'I DKYIL 'KHOR 'BRI BAR 'DOD PA'I SNGAGS PAS, BDAG NYID RNAM PAR SNANG MDZAD KYI SBYOR BA DANG LDAN PAS, RANG GI PHYAG RGYA SPYAN MA BZHIN DU MNGON SUM DU DBAB PA STE BSKYED LA, DE DANG LHAN CIG DKYIL 'KHOR GYI THIG GDAB PA LA SOGS PA'O, ,DE'I PHAN YON NI, SKU STE RNAM PAR SNANG MDZAD KYI DKYIL 'KHOR 'DOD PA'I 'BRAS BU STER BA'I YID DU 'ONG BA DE NYID BSKYED PAR BYAS PAS, RDO RJE'I SKU STE SKU RDO RJE'I YON TAN 'JIG RTEN @663 GYI KHAMS MTHA' YAS MU MED PAR SEMS CAN RNAMS LA SNA TSOGS PA'I GZUGS KYIS CHO GA STON PA LA RAB TU 'JUG PA SGRUB PA POS THOB PAR 'GYUR RO, ,GSUNG GI DKYIL 'KHOR 'BRI BAR 'DOD NA, SGRUB PA PO BDAG NYID RDO RJE CHOS TE, 'OD DPAG MED DU SGOMS LA, RANG GI CHOS MA STE RANG GI RIG MA GOS DKAR MO MNGON SUM PA BZHIN DU BSGOMS NAS, THIG GDAB PA LA SOGS PA'I DKYIL 'KHOR BRI BAR BYA STE, RIM PA 'DI NI SNGAGS RNAMS TE PAD MA'I RIGS DANG LDAN PA THAMS CAD KYI GSANG ZHING SBA BAR BYA BA DANG, RAB TU BRTAG PA STE, THOG MA MED PA'I DUS CAN GYI DE BZHIN GSHEGS PA RNAMS KYI YIN NO, ,BDAG NYID RDO RJE SEMS DPA' STE MI BSKYOD PAR BSGOM LA, RANG GI PHYAG RGYA M'A MA KIR BSKYED LA, MDUN DU DBAB PAR BYAS NAS THUGS KYI DKYIL 'KHOR BRI BAR BYA'O, ,'DI NI SNGAGS RNAMS TE, RDO RJE'I RIGS DANG LDAN PA'I SGRUB PA PO RNAMS KYI GONG NAS GONG DU GSANG BA RMAD DU BYUNG BA'O, ,DKYIL 'KHOR GYI CHO GA DE LTAR BYAS NA, YID LA DBANG BA'I SANGS RGYAS DANG, BYANG CHUB SEMS DPA' RNAMS SHIN TU DANG BAS DRUNG DU GSHEGS SHING DGONGS PAR MDZAD NAS, RAB TU DGES PAR GYUR CING SHIN TU THUGS RANGS NAS SGRUB PA PO PHYAG RGYA DANG BCAS PA'I LUS DANG NGAG DANG YID BYIN GYIS RLOB PAR MDZAD CING, DE GNYIS KYIS GSANG BA MCHOG TU GYUR PA'I DKYIL 'KHOR 'DUS SHING RDZOGS PAR MDZAD DO, ,DKYIL 'KHOR SGRUB PA NI, 'DI SKAD CES KYANG GSUNGS SO ZHES PA SDUD PA PO'I TSIG GO, SNGAR BSHAD MA THAG PA'I CHO GAS THUGS KYI DKYIL @664 'KHOR RDZOGS PAR BYAS PA'I SNGAGS KYI SEMS DPA' STE SNGAGS PAS, RDO RJE STE DE BZHIN GSHEGS PA'I GSANG BA RMAD PO CHE STE MCHOG TU GYUR PA KHRO BO'I RGYAL PO GNOD MDZES KYI NAM MKHA'I DKYIL 'KHOR NA BZHUGS PA'I SANGS RGYAS THAMS CAD DE, YE SHES KYI 'KHOR LO RDZOGS PA BKUG NA RDUL TSON GYI DKYIL 'KHOR LA GNAS JI LTA BA BZHIN DU BZHUGS PA DANG, BSTIMS LA MCHOD PAR BYA'O, ,DKYIL 'KHOR LA MCHOD PA NI, RDO RJE DRI MED GSUM NI DKYIL 'KHOR PA RNAMS YIN LA, DE RNAMS LA DAM TSIG NI, GZUGS RDO RJE LA SOGS PA RNAMS TE, DE RNAMS KYIS BYAS PA'I MCHOD PA DUS TSIGS GSUM DU MCHOD PAR BYA'O, ,JI LTAR BYA ZHE NA, RDO RJE GSUM NI DUS GSUM GYI DE BZHIN GSHEGS PA RNAMS TE DE'I SBYOR BA NI, DUS GSUM GYI DE BZHIN GSHEGS PA RNAMS DANG, DKYIL 'KHOR PA RNAMS GCIG TU BYA BAS MCHOD DO, ,ZHES PA'O, ,MCHOD PA'I CHO GA 'DIS PHAN YON CI 'THOB CE NA, SNGAGS RNAMS TE DE BZHIN GSHEGS PA RNAMS KYIS 'JIG RTEN DANG 'JIG RTEN LAS 'DAS PA'I DNGOS GRUB THOB CING RDZOGS PAR BYED DO, ,DE LTAR PHYI'I MCHOD PA BSTAN NAS NANG GI MCHOD PA BSTAN PA NI, YANG DAG PAR 'DUS PA'I SNGAGS RNAMS TE, DKYIL 'KHOR PA THAMS CAD NYID LA, RMAD BYUNG CHEN PO STE SHIN TU RGYA CHE BA'I NANG GI BDAG NYID KYI GTOR MAS TSIM PAR BYA BA'I PHYIR DBUL BAR BYA'O, , NANG GI BDAG NYID KYI GTOR MA DE NYID JI LTA BU ZHE NA, BSHANG GCI ZHES SOGS TE, 'DI DAG GIS NI GZUGS LA SOGS PA'I YUL LNGA SGRA JI BZHIN PA MA YIN PAS @665 BSTAN PA'O, ,YUL LNGA MA 'BYOR NA DE'I TSE JI LTAR BYA ZHE NA, CHANG TZAM GYIS KYANG MCHOD PAR BYA'O ZHES STON PA NI, KHU BA DAG GIS ZHES TE, KHU BA NI SHU KRA ZHES PA STE, MYA NGAN SOG LE LTAR GCOD CING 'JOMS PAR BYED PAS NA SHU KRA STE KHU BA NI CHANG NGO, , DES SNGAGS RNAMS TE SGRUB PA PO RNAMS TSIM PAR 'GYUR BAR BSHAD DO, ,'DI NI 'DA' BAR MI BYA BAS NA DAM TSIG GTZO BOR GYUR PAS NA MCHOG YIN TE SANGS RGYAS TE SNGAGS PA RNAMS KYI BYANG CHUB STE SEMS RDZOGS PAR BYED CING TSIM PAR BYED PA YIN LA, SNGAGS PA TSIM PAR BYED PA DE BZHIN GSHEGS PA RNAMS KYANG YANG DAG PAR TSIM PAR BYED PA YIN NO, ,PHYAG RGYA MED PAR BYA BA'I CHO GA LA GNYIS LAS, SLOB DPON DANG GROGS MCHOG 'DU BYA BA NI DKYIL 'KHOR GYI THIG GDAB PA'I CHO GA 'DI GANG GI TSE SHES RAB MED PAR BDAG NYID GCIG PU SPYOD PA DE'I TSE, RNAM SNANG GI RNAL 'BYOR PAS BDAG NYID RNAM PAR SNANG MDZAD DU BSGOM LA, SLOB MA RDO RJE SEMS DPAR BSGOM PA'AM, YANG NA SLOB MA RDO RJE 'OD PO CHE STE BDUD RTZI THABS SBYOR DU BSGOM ZHING BRTAG PAR BYA STE, BSHAD MA THAG PA'I LAS KYI GO 'PHANG DKYIL 'KHOR GYI BYA BA 'DI NI, SANGS RGYAS THAMS CAD KYI NGES PAR BRTEN CING BSNGAGS PA'O, ,DE BZHIN DU THUGS KYI DKYIL 'KHOR DU NI BDAG NYID MI BSKYOD PAR BSGOM LA, SLOB MA RNAM PAR SNANG MDZAD DAM BDUD RTZI THABS SBYOR DU RAB TU BRTAG PAR BYA'O, ,DE BZHIN DU GSUNG GI DKYIL 'KHOR YANG CI RIGS PAR SHES PAR BYA'O, ,THIG SKUD DANG TSON RTZI 'DU BYA BA'I CHO GA NI, MI BSKYOD PA LA SOGS @666 PA'I SANGS RGYAS RGYAL CHEN RIGS LNGA PO RNAMS RDO RJE'I THIG SKUD NAG PO LA SOGS PA DAG LA, H'Um LA SOGS PA RANG RANG GI SA BON GYI GZUGS KYIS ZHUGS SHING DGOD PAR BSAMS TE, THIG GDAB PA'I CHO GA 'DI NI, SANGS RGYAS TE SGRUB PA PO RNAMS KYI GSANG BA RMAD DU BYUNG BA'O, ,DE BZHIN DU SNGON PO LA SOGS PA'I TSON RTZI RE RE LA YANG, TSON GZHAN CUNG ZAD BSRES PAS RNAM PA NYI SHU LNGA'I BDAG NYID KYI TSON RTZI'I PHUNG PO LNGA PO DAG LA DE BZHIN GSHEGS PA LNGA H'Um LA SOGS PA RANG RANG GI SA BON GYI RNAM PAR RJES SU ZHUGS PAR BSGOMS TE TSON BGYE BAR BYA'O, ,TSON BYIN GYIS BRLAB PA 'DI NI, SANGS RGYAS TE DE BZHIN GSHEGS PA RNAMS KYI GSANG BA STE, MCHOG TU GYUR PA DANG, BYANG CHUB STE BGROD PAR BYA BA DAM PA YIN NO, ,DE GNYIS KA'I SNGON DU 'GRO BA'I BGEGS BSAL BA NI, DKYIL 'KHOR BRI BAR BYED PA'I DUS SU, SNGAGS RNAMS THAMS CAD DE, DKYIL 'KHOR PA RNAMS PHYI ROL GYI NYE BAR 'TSE BA LAS BSRUNG BA'I PHYIR, SGRUB PA PO BDAG NYID RNAL 'BYOR BZHI'I SGO NAS RDO RJE H'Um STE GSHIN RJE GSHED DU BSGOM PAR BYA'O, ,JI LTAR ZHE NA, PHUL DU BYUNG ZHING THUN MONG MA YIN PA'I SKU GSUNG THUGS KYI DAM TSIG MCHOG STE RNAM 'PHRUL DANG LDAN PAR BSGOM STE, DE YANG G-YAS BRKYANG LA SOGS PA BGEGS PHYE MAR RLOG PA NI, SKU'I RNAM 'PHRUL LO, ,BSKAL PA 'JIG PA'I DUS KYI 'BRUG SGRA SGROGS PA LTA BUR SNGAGS 'DON PA NI GSUNG GI RNAM 'PHRUL LO, ,BGEGS THAMS CAD STONG PA NYID DU DMIGS PA NI THUGS KYI RNAM 'PHRUL LO, ,GNAS SKABS GANG GI TSE DE LTA @667 BUR BSGOM ZHE NA, SHING DANG BONG BA LA SOGS PAS SKRAG PAR BYED PA SA'I GNOD PA DANG, CHU RLABS G-YO BA DANG CHAR 'BAB PA LA SOGS PA CHU LAS BYUNG BA'I GNOD PA DANG, THA MAL PA'I ME DANG THOG LA SOGS PA MED GNOD PA DANG, RLUNG LAS BYUNG BA RLUNG GI GNOD PA DANG, DBANG PO LAS 'DAS PAS BYAS PA NAM MKHA'I NYE BAR 'TSE BAS TE, GNAS LNGA PO DE DA TU RDO RJE H'Um MDZAD BSGOM PAR BYA'O, ,DE LTAR BYAS NA BGEGS RNAMS RANG NYID 'JIG PAS 'JIGS SHING SKRAG NAS, RDO RJE MI PHYED GSUM RDO RJE 'CHANG CHEN PO LAS SKYES SHING BYUNG BA'I RDO RJE SEMS DPA' BLO LDAN TE YE SHES DANG LDAN PA'I SGUB PA PO'I DKYIL 'KHOR DU NYE BAR MI 'GRO ZHING, BGEGS BYED MI NUS SO, ,BUM PA'I CHO GA NI, BRTAG PAR BYA STE GNAS JI LTA BA BZHIN DU BZHAG PAR BYA'O, ,GANG ZHIG CE NA, RDO RJE BUM PA STE GSANG RDOR BYA BA DANG, RNAM RGYAL BUM PA LA SOGS PA'O, ,BUM PA KHYAD PAR JI LTA BU ZHE NA, DE KHO NA NYID BSDUS PA LA SOGS PA SNGAGS BSDUS PAS RGYUD RNAMS BSLABS SHING BRTZON PAR BYAS PA DE NI SNGAGS RGYUD BDAG PO STE, DES SHES PAR BYA BA NI, DE KHO NA NYID BSDUS PA'I RGYUD LA SOGS PA LAS BSHAD PA'I GNAS DANG SMAN DANG, SA BON DANG, MTSAN MA LA SOGS PA BKOD PAS BRTAGS SHING SPRAS PAR BYA BA'I BUM PA'O, ,SU ZHIG GIS SHE NA, RDO RJE SEMS DPA'I TING NGE 'DZIN GNAS TE, DKYIL 'KHOR GYI SLOB DPON BRTAN PA'I BLOS TE DRAN PA'I G-YENG BAS SO, ,SBYIN SREG GI CHO GA BSTAN PA NI, SNGAR BSHAD PA'I TSUL GYIS, DKYIL 'KHOR YONGS SU RDZOGS PAR BYAS NAS, @668 'JIG RTEN DANG 'JIG RTEN LAS 'DAS PA'I DNGOS GRUB KUN GYI 'BRAS BU 'DOD PA'I SNGAGS SHES PA STE, SGRUB PA POS GNYIS KA'I RGYUD LAS BYUNG BA'I CHO GAS SBYIN SREG DBUL BAR BYA'O, ,NANG GI SBYIN SREG BSTAN PA NI, DE'I 'OG TU TSOGS KYI 'KHOR LO'I DUS SU BSHANG BA ZAN DANG, GCI BA TSOD MA DANG 'BRU MAR CHANG DANG SHA BZA' BA DANG DE LA SOGS PA'I BTUNG BA RNAMS SGRUB THABS LAS BYUNG BA'I CHO GAS LUS KYI DKYIL 'KHOR GNAS PA'I LHA RNAMS LA SBYIN SREG TU DBUL ZHING BSTAN PAR BYA'O, ,DE'I 'OG TU RDO RJE MI PHYED GSUM 'KHOR LO NI, RNAL 'BYOR PAS ZOS PA'I LHAG MA RNAMS GCIG TU BYAS PAS, ZHI BA LA SOGS PA'I LAS KYI DBYE BAS, CI RIGS PAR THAB KHUNG DU BUD SHING GI ME LA RDO RJE GSANG BA'I SBYIN SREG GI DGANG BLUGS DBUL BAR BYA'O, ,CI LTA BU ZHE NA, THAB KYI DBUS SU ZHI BA LA SOGS PA'I RNAM PAS PHYE BA'I RANG GI LHA YI GZUGS BSAM LA, DE'I ZHAL DU DGANG BLUGS DBUL ZHING DBAB PAR BYA'O, ,DE LTAR TSOGS KYI 'KHOR LO LA GNAS PA'I SBYIN SREG RDZOGS NAS, YANG DBANG PO GNYIS KYI SBYOR BA (KHA CIG SBYIN SREG NI LHA SNYOMS PAR 'JUG PA LA ZER TE TSOGS 'KHOR GYI TSIM PA DRUG NGOS YIN NAM GSUNG,) STE LHA MO DANG SNYOMS PAR 'JUG PA LA GNAS PAS KYANG KHA ZAS KYI LHAG MA RNAMS LA ZHI BA SOGS PA'I LAS KYI DBYE BA LAS, SBYIN SREG BRGYA RTZA BRGYAD DBUL BAR BYA'O, ,BSHAD MA THAG PA 'DI NI SANGS RGYAS TE SGRUB PA PO NYID KYI RNAL 'BYOR CHEN PO'I RGYUD LA GNAS PA'I DAM TSIG SHIN TU 'DA' BAR DKA' BA'O, ,SLOB MA GZHUG PA'I CHO GA @669 BZHI LAS, DBAB PA SNGON DU 'GRO BAS DKYIL 'KHOR DU GZHUG PA'I CHO GA NI, SLOB MA LA YE SHES PA'I 'BEBS PA'I DUS SU, SLOB MA DE NYID RDO RJE GSUM NI AOm LA SOGS PA GSUM YIN LA, DES MTSON NAS MNGON BYANG LNGA LAS BYUNG BA'I RNAM PAR SNANG MDZAD DE, RDO RJE 'CHANG CHEN POR BSKYED DE, DE'I SBYOR BAS TE, DE YONGS SU GYUR PA LAS ZHI SDANG RDO RJER BSAM LA, YI GE AA 'OD ZER DMAR PO DANG BCAS PA LUS NGAG SEMS TE YAN LAG KUN LA BSGOMS NAS DBAB PA'I CHO GA BZHIN DU BYAS NA, DBAB PA'I RDO RJES 'DZIN PAR BYED PA SDE BDAG GIS BYED PAR 'GYUR RO, ,JI LTAR ZHE NA RGYAL CHEN 'OD DPAG TU MED PA DANG, RDO RJE SEMS DPA' MI BSKYOD PA DANG, GRAGS CHEN RNAM PAR SNANG MDZAD DANG SKU GSUNG THUGS KYI DAM TSIG STE, SLOB MA'I LUS LA SOGS PA'I YUL RNAMS LA RJES SU 'JUG PAR MDZAD PA'I SGO NAS BYIN GYIS BRLAB PAR RAB TU STZOL LO, ,DBAB PA BYAS PA DE LA 'DI NI DE'I YAN LAG TU GYUR PA DKYIL 'KHOR CHEN POR 'JUG PAR BYA BA'I PHYIR RDO RJE'I TSIG YIN NO, , DE GANG ZHE NA, AA KHAm ZHES SOGS TE, AA KHAm WI RA H'Um YA MAN TA KRID CES BRJOD PAS, DKYIL 'KHOR GYI SGO BZHI NAS SLOB MA BCUG STE YE SHES DBAB PAR BYA'O, SNGAGS KYI RGYAL PO 'DI NI, DAM TSIG STE DE BZHIN GSHEGS PA THAMS CAD KYI LUS NGAG SEMS KYI SNYING PO STON PAR BYED PA'I YI GE'O, ,DBANG BSKUR BA'I CHO GA GSOL GDAB DANG BCAS PA NI, DKYIL 'KHOR GYI CHO GA DE LA, 'OG NAS 'BYUNG BA 'DI NI RDO RJE CHEN PO SDE DBANG BSKUR BYA'I SLOB MA, DBANG BSKUR BAR BYED PA'I GSANG @670 BA'I YE SHES SBA BAR BYA BAS NA GSANG BA'O, ,DE YANG DKYIL 'KHOR SGRUB PA'I DUS SU GNOD MDZES KYIS BKUG PA'I SANGS RGYAS KUN GYIS TE, RNAM SNANG LA SOGS PA'I YE SHES KYI 'KHOR LO YIS NAM MKHA'I KHAMS YONGS SU GANG BAR BGOM LA, RDO RJE'I RIGS TE SLOB DPON GYIS SIL SNYAN TE SGRA DANG DRI LA SOGS PA 'DOD YON LNGAS DE DAG LA MCHOD NAS, DE'I 'OG TU BDAG NYID KYIS BRIS PA'I RDUL TSON GYI DKYIL 'KHOR LA RIM PA JI LTA BA BZHIN DU BSTIM PAR BYA'O, ,'DIS NI RDUL TSON GYI DKYIL 'KHOR DANG, YE SHES KYI 'KHOR LO BSRE BA BSTAN NO, ,RDUL TSON GYI DKYIL 'KHOR DANG, 'BYIN PA'I DKYIL 'KHOR BSRE BA STON PA NI, BRDEG PA STE BSKUL BAR BYA'O, ,SU ZHIG GIS NA, BRTUL ZHUGS CAN GYI SLOB DPON GYIS SO, , GANG GI PHYIR ZHE NA, SLOB MA LA DBANG BSKUR BAR BYA BA'I PHYIR DU'O, ,THABS GANG GIS SHE NA, RDO RJE GSUM SNGAGS KYI DE BDAG NYID RANG GI PHYAG RGYA DANG LHAN CIG SNYOMS PAR ZHUGS PA LAS BYUNG BA'I YUNGS DKAR TE BYANG CHUB KYI SEMS KYI THEG LE RNAMS KYIS SO, ,TSUL JI LTAR NA, PHYAG RGYA'I CHOS 'BYUNG DU BYANG CHUB KYI SEMS LAS LHA SUM CU RTZA GNYIS BSKYED DE, SPROS BSDUS NAS, RDUL TSON GYI DKYIL 'KHOR LA GNAS JI LTA BA BZHIN DU BSTIM PA'I TSUL GYIS SO, ,DE LTAR BSKUL BA DES CI ZHIG BYED CE NA, DUS DE'I TSE DE BZHIN GSHEGS PA RNAMS BSKUL BA NA BDAG NYID NYE BAR BYON NAS, SLOB MA DE LA DBANG BSKUR ZHING BYIN GYIS RLOB PA STZOL BAR 'GYUR RO, ,'DI LA RJES DGOS, GSANG BA'I DBANG BSKUR BAR BZHED LA, @671 MA RA RDO RJE SLON DPON GYI DBANG BSKUR BAR BZHED CING, KHA CIG (STE BU STON PA,) SLOB MA SNOD DU RUNG BAR BYA BA'I PHYIR NANG GI DBANG BSKUR BA BSTAN CES 'CHAD KYANG, DE DAG GZHUNG GI DON DU MI MNGON NO, ,DBANG BSKUR BA'I CHO GA DNGOS BSTAN PA NI, THUGS KYI DKYIL 'KHOR DU DBANG BSKUR BA'I DBANG DU BYAS NAS, SLOB DPON BDAG NYID RDO RJE SEMS DPA'I STE MI BSKYOD PA'I TING NGE 'DZIN LA GNAS NAS, CHU'I DBANG BSKUR BA LA SOGS PA'I DUS SU BUM PA'I NANG DU CHUD PA'I SANGS RGYAS TE, RNAM SNANG LA SOGS PA'I DE BZHIN GSHEGS PA RIGS LNGA BSGOM PAR BYA ZHING, DE LTAR BSGOMS NAS, DE DAG ZHU BA LAS BYUNG BA'I CHUS GANG BA'I BUM PA SPYAN MA LA SOGS PA LHA MO RNAMS KYIS GZUNG BAR MKHAS PAS TE RDO RJE SLOB DPON GYIS BSGOM PAR BYA'O, ,DE'I 'OG TU CI ZHIG BYA ZHE NA, THOG MAR CHU'I DBANG BSKUR BA NA SLOB MA RNAM SNANG DU BSKYED PA STON PA NI, SLOB MA BLO BRTAN PAS TE, SEMS RTZE GCIG LA RDO RJE RNAM PAR SNANG MDZAD DU GYUR PAR BSAM LA, LUS DANG NGAG SEMS RDO RJE CAN TE SLOB MA'I LUS KYI DKYIL 'KHOR LA, SNGAGS TE LHA BSKYED PA'I SA BON SHES PAS, SA BON SUM CU RTZA GNYIS GNAS JI LTA BA BZHIN DU 'GOD PAR BYA'O, , DE NAS CI ZHIG BYA ZHE NA, DE LA 'OG NAS BSHAD PA 'DI NI DKYIL 'KHOR THAMS CAD DU DBANG BSKUR BA THAMS CAD KYIS SBA BAR BYA BAS NA GSANG BA, THUGS KYI DKYIL 'KHOR LA SOGS PAR DBANG BSKUR BA STZOL BA'I SLOB DPON THAMS CAD KYI SLOB MA'I DON DU RDO RJE TSIG TU SMRA BAR BYA BA'O, ,DE GANG ZHE NA, SANGS RGYAS ZHES @672 SOGS TE, 'DI TSIG TU BRJOD PAS SLOB MA LA DBANG BSKUR BAR BYA'O, ,ZHES PA'O, , SANGS RGYAS TE DE BZHIN GSHEGS PA THAMS CAD KYI SPYAN SNGAR, RDO RJE STE DOR BYA MA YIN PA'I DBANG BSKUR CHEN PO STE, KHAMS GSUM GYI RGYAL POR BZHAG PAS TE, DE NGAS DENG SBYIN PAR BYA YI KHYOD KYIS KYANG 'DI LA NAN TAN DU BYA'O, ,ZHES SLOB MA DBUGS DBYUNG BA'O, ,DBANG BSKUR BA DE KHYAD PAR JI LTA BU ZHE NA, KHAMS GSUM DAG GIS PHYAG BYAS PA'I RDO RJE GSANG BA GSUM NI, RDO RJE 'CHANG CHEN PO STE, DE LAS BYUNG BA'I DE'I RIGS SU SKYES PA STE RDO RJE 'CHANG CHEN PO'I RGYAL TSAB TU BZHAG PA'O, ,DE LA 'OG NAS 'BYUNG BA 'DI NI RIGS KYI DBYE BAS GNAS PA'I SLOB MA THAMS CAD KYIS DE SKAD GSUNG BA CAN GYI RDO RJE CHEN PO STE, RDO RJE SLOB DPON LA GSOL BA GDAB PAR BYA BA'I CHO GA GSANG BA'O, ,DE GANG ZHE NA, BYANG CHUB RDO RJE ZHES SOGS SO, ,DBANG GI SNGON ROL TU RDO RJE SLOB DPON LA TSIG 'DI NYID KYIS GSOL BA GDAB CES PA'O, , BYANG CHUB RDO RJE STE RDO RJE 'CHANG CHEN POS SANGS RGYAS TE, MI BSKYOD PA LA SOGS PA'I DE BZHIN GSHEGS PA RNAMS LA MCHOD CHEN TE DBANG BSKUR CHEN PO RNAM PA GANG GIS JI LTAR BSTZAL BA DE BZHIN DU, BDAG KYANG 'KHOR BA'I RGYA MTSO LAS BSGRAL BA'I PHYIR NAM MKHA'I RDO RJE STE RDO RJE 'CHANG CHEN PO DANG MNYAM PA'I DBANG BSKUR BA DENG STE, DA LTA BDAG KHYED LA SKYABS SU MCHI BA LA STZOL ZHING GNANG BAR ZHU ZHES PA'O, ,DE LTAR GSOL BA BTAB PA DE'I TSE, SLOB MA DE LA GSOL BA @673 BTAB PAS YI RANGS PAR GYUR PA'I BLA MAS, DBANG BSKUR BAR DGES NAS STZOL ZHING 'BYIN PAR MDZAD DO, ,DKYIL 'KHOR BSTAN PA SNGON DU 'GRO BAS DAM TSIG BSGRAG PA NI, DE LTAR CHU LA SOGS PA'I THUN MONG GI DBANG DGU BSKUR TE, DE'I 'OG TU LHA'I GZUGS TE, PHYI ROL GYI DKYIL 'KHOR GYI SBYOR BA YIS TE, PHYI ROL GYI DKYIL 'KHOR JI LTA BA BZHIN DU SLOB MA'I LUS KYI DKYIL 'KHOR LA 'GOD PAR BYA'O, ,RGYU DES NA SNYING KHAR DKYIL 'KHOR GYI BDAG PO BZHAG PAR BYA ZHING, SPYI BO LA SOGS PA'I GNAS RNAMS SU LHA GZHAN DANG GZHAN 'GOD PAR BYA'O, ,DE LTAR DKYIL 'KHOR GYI BDAG NYID DU BYAS PA'I RDO RJE SLOB MA BLO LDAN LA, DKYIL 'KHOR GYI DE KHO NA NYID DANG, LHA'I DE KHO NA NYID BSTAN PAR BYA ZHING, DE'I 'OG TU SANGS RGYAS KUN GYIS GSUNGS PA'I 'DA' BAR MI BYA BA'I DAM TSIG NYAN THOS LA SOGS PA'I SPYOD YUL MA YIN PA'I GSANG BA BSGRAG PAR BYA'O, ,DE GANG ZHE NA, KHYOD KYIS SROG CHAGS GSAD PAR BYA, ,ZHES SOGS TE, DAM TSIG BZHI PO 'DI DAG NI LE'U DGU PA LAS BSHAD PA LTAR DRANG DON DANG NGES DON GNYIS KYIS SHES PAR BYA STE, DE LA DRANG DON DU SROG CHAGS GSAD PA NI, ZHE SDANG RDO RJE'I TING NGE 'DZIN GYIS, MA DAD PAR SMRA BA LA SOGS PA DKON MCHOG GSUM LA GNOD PA BYED PA GSOD PA'O, , NGES DON GYI GSAD PA NI SGYU LUS BSAM GTAN GNYIS KYIS 'OD GSAL DU BCUG PA'O, ,DRANG DON DU RDZUN TSIG SMRA BA NI, DON YOD GRUB PA'I TING NGE 'DZIN GYIS GZHAN MI DGE BA LAS BZLOG CING, DGE BA LA 'JUG PA'I DON DU RDZUN SMRA BA'O, , @674 NGES DON DU RDZUN SMRA BA NI, SGYU MA LTA BU'I TING NGE 'DZIN LA GNAS NAS, CHOS THAMS CAD RDZUN PA SLU BA SGYU MA LTA BUR BSTAN PA'O, ,DRANG DON DU MA BYIN PAR LEN PA NI, RNAM PAR SNANG MDZAD KYI TING NGE 'DZIN LA GNAS NAS, SER SNA CAN GYI NOR 'PHROG PA'O, ,NGES DON DU MA BYIN PAR LEN PA NI, SGYU LUS 'OD GSAL DU BCUG STE, STOBS LA SOGS PA SANGS RGYAS KYI YON TAN RANG STOBS KYIS LEN PA'O, ,DRANG DON GYIS PHA ROL GYI BUD MED BSTEN PA NI 'OD DPAG TU MED PA'I TING NGE 'DZIN GYIS 'DOD PA SPYAD PAS 'DUL BA'I BUD MED LA 'DOD PA SPYOD PA'O, ,NGES DON GYI 'DOD PA SPYOD PA NI, KUN RDZOB DANG DON DAM PA'I BDEN PA GNYIS, GNYIS SU MED PAR SBYOR BA'O, ,DE LA DRANG DON GYI DAM TSIG BZHI NI BUM DBANG GI DAM TSIG YIN LA, NGES DON GYI DAM TSIG BZHI NI, GSANG DBANG GI DAM TSIG YIN NO, ,DE LTAR BSHAD MA THAG PA'I RDO RJE'I LAM STE MI PHYED PA'I TING NGE 'DZIN 'DI DAG GIS, SEMS CAN THAMS CAD DE RDO RJE SLOB MA RNAMS BSKUL BAR BYA STE, LAM 'DI NI SANGS RGYAS THAMS CAD KYI 'DA' BAR DKA' BA'I DAM TSIG DANG SDOM PA'O, ,JI LTA BU ZHE NA, MCHOG TU BRTAG PA STE THOG MA DANG THA MA MED PA'I DUS CAN NO ZHES KYANG GSUNGS SO, ,SNGAGS DANG GSANG DBANG SBYIN PA SNGON DU 'GRO BA'I SPYOD PA'I DAM TSIG LUNG 'BOG PA NI, DAM TSIG DANG SDOM PA 'DZIN PA'I SLOB MA LA BLA MAS KHYOD DNGOS GRUB CI 'DOD CES DRI BAR BYA'O, ,BDAG MCHOG GAM THUN MONG GI DNGOS GRUB 'DI DANG 'DI 'TSAL LO ZHES SNGAGS KYI DON DU DER BSKUL BAR SMRA BA'I SLOB @675 MA DE LA, SLOB DPON GYIS DE'I BSAM PA SHES PAR BYAS NAS, DNGOS GRUB DE DANG DE SGRUB PAR BYED PA'I SNGAGS KYANG SBYIN PAR BYA ZHING SNGAGS KYI RGYAL PO'I TING NGE 'DZIN TE, SNGAGS DE DANG RJES SU MTHUN PA'I RNAL 'BYOR KYANG SBYIN PAR BYA'O, , BUM PA'I DBANG BSKUR BA RDZOGS PA'I RJES DE NAS, GSANG BA'I DBANG BSKUR BA SKABS SU BAB PA NA DNGOS GRUB KYI DON DU SBYIN PA BSTZAL PAR BYA'O, ,DE NYID BSTAN PA NI, KHU BA'AM YANG NA BSHANG BA'ANG RUNG, ,ZHES PA'AM ZHES PAS BDUD RTZI LHA MA GSUM BZUNG STE, SLOB DPON PHYAG RGYA DANG SNYOMS PAR ZHUGS PA LAS BYUNG BA'I KHU BA BDUD RTZI GZHAN RNAMS DANG BSRES PA CHO GA BZHIN DU SBYANG BA LA SOGS PA'I CHO GAS BDUD RTZIR BYAS NAS, YI GE GSUM GYI SNGAGS TE RDO RJE'I BLOS TE, RDO RJE SLOB DPON GYIS SLOB MA BZAR GZHUG CING SBYIN PAR BYA'O, ,DE LAS CIR 'GYUR ZHE NA, 'ON KYANG MNGON PAR 'DOD PA'I DNGOS GRUB RNYED PAR MI DKA'O, ,DRAN PA GCIG PA'I TING NGE 'DZIN MTHAR PHYIN PA NA, SPYOD PA'I CHO GA 'DI LTAR GYIS SHIG CES GNANG BA SBYIN PA NI, SA DANG CHU DANG ME DANG RLUNG STE ('DIS GSANG DBANG BSTAN GSUNG) RNAM PA 'DI BZHI GSANG BA CHEN PO STE, GANG GIS ZHE NA, RDO RJE CAN TE THEG PA GSAR PA LA ZHUGS PA'I SNGAGS PA KUN GYIS GZHAN LA BSTAN PAR MI BYA BA'I GSANG BA'O, ,DE DAG GANG ZHE NA, SNGAGS KYI 'KHOR LO STE DE BZHIN GSHEGS PA RNAMS SPYAN MA LA SOGS PA BUD MED KYI GZUGS GZUNG BA'O, ,CI'I PHYIR DU ZHE NA, SEMS CAN RNAMS KYI ZHI BA LA SOGS PA'I DON SPYOD PA'I PHYIR, RNAM SNANG LA SOGS @676 PA'I DE BZHIN GSHEGS PA RNAMS SKYES PA'I GZUGS MI SNANG BAR MDZAD NAS, SA LA SOGS PA'I RANG BZHIN GYI SPYAN MA LA SOGS PA'I GZUGS SU GNAS PA'O, ,DE BAS NA SPYAN MA LA SOGS PAR BYIN GYIS BRLABS PA'I PHYAG RGYA RNAMS NI, DE BZHIN GSHEGS PA RNAMS BUD MED KYI GZUGS BZUNG BA YIN PAS DE DAG LA LONGS SPYOD CIG PA'O, ,BDUD RTZI LNGA LA LONGS SPYOD CIG PA'I RJES GNANG SBYIN PA NI, DE LAS TE DAM TSIG SBYIN PA'I DUS SU 'OG NAS BSHAD PA 'DI NI, RDO RJE STE THUGS KYI DKYIL 'KHOR BA THAMS CAD KYI SNGAGS TE LHA RNAMS MNYES PAR BYA BA'I GSANG BA'O, ,DE GANG ZHE NA, GLANG PO'I SHA ZHES SOGS TE, SHA 'DI DAG BDAG NYID KYANG BZA' BAR BYA ZHING SNGAGS TE LHA RNAMS LA SBYIN SREG DANG GTOR MA'I TSUL GYIS DBUL BAR BYA'O, , DE LAS PHAN YON CI 'THOB CE NA, DE LTAR BYAS NA MGON POS TE, LHA RNAMS MNYES SHING MNGON PAR 'DOD PA'I 'BRAS BU STZOL BAR 'GYUR RO, ,RTAG TU TSOGS KYI 'KHOR LO BYA'O ZHES GNANG BA SBYIN PA NI, DBANG BSKUR BA THOB PA'I RDO RJE SLOB MA LA, MKHAS PAS TE RDO RJE SLOB DPON GYIS, DKYIL 'KHOR TE TSOGS KYI 'KHOR LO RAB NYIN RE'AM, 'BRING ZLA BA RE, THA MA LO RE LA BYA BA'I TSUL BSTAN CING LUNG DBOG PAR BYA'O, ,TSOGS KYI 'KHOR LO JI LTA BU ZHE NA, BSHANG GCI LA SOGS PA BDUD RTZI LNGA DANG, GLANG PO LA SOGS PA'I SHA LNGA DANG, BYA BA STE 'JIG RTEN PA'I BZA' BYA DANG, BTUNG BYA MA YIN PAR GRAGS PA DAG DANG, RDO RJE GSANG @677 BA'I DAM TSIG STE, DBANG PO GNYIS MNYAM PAR SBYOR BA DANG, GLU DANG GAR LA SOGS PA 'DI DAG GIS RNAL 'BYOR PHO MO SDUG PA RNAMS LHAN CIG TU 'DUS TE LONGS SPYOD PA 'DI NI TSOGS KYI 'KHOR LO'O, ,BDUD RTZI LA SOGS PA'I BZA' BA LA NYE BAR LONGS SPYOD PA'I DUS SU, SNGAGS RNAMS KUN GYI DANG PO YIG GE AOm GYIS SBYANG BA DANG, SBAR BAR BYA BAR BSGOMS NA DE MA THAG TU MNGON SUM DU 'BAR BAR 'GYUR RO, ,ZHES BCOM LDAN 'DAS RIG PA'I SKYES BU CHEN PO STE RDO RJE 'CHANG CHEN PO DE SKAD CES BKA' BSTZAL TO, ,DNGOS GRUB KYI CHO GA LA GNYIS LAS, DBANG BSKUR BA'I PHAN YON GYI TSUL GYIS DNGOS GRUB KYI MTSAN NYID MDOR BSTAN PA NI, , 'JIG RTEN DANG 'JIG RTEN LAS 'DAS PA'I DNGOS GRUB BSGRUB PAR BYA BA LA, DBANG BSKUR LAS GZHAN PA'I THABS 'GA' ZHIG KYANG YOD DAM ZHE NA, ZHI BA LA SOGS PA'I DNGOS GRUB PHRA MO THAMS CAD SGRUB PA DANG, DAM TSIG CHEN PO STE RIL BU LA SOGS DNGOS GRUB CHEN PO BRGYAD SGRUB PA LA YANG, DBANG BSKUR SNGON DU SONG BA'I THABS KYIS BSGRUB PAR BYA'I GZHAN GYIS MA YIN LA, NAN TAN DU STE BRTZON 'GRUS KYI PHA ROL TU PHYIN PA'I TSUL GYIS 'BAD PAS BSGRUB PAR BYA BA, SANGS RGYAS BYANG CHUB STE PHYAG RGYA CHEN PO'I DNGOS GRUB DAG KYANG DBANG BSKUR SNGON DU SONG BA'I THABS KYIS BSGRUB PAR BYA'I, THABS GZHAN GYIS MA YIN NO, ,DE NYID GSAL BAR BYED PA NI, MI SNANG BA DANG, STOBS DANG, BRTZON 'GRUS DANG, RDO RJE DGUG PA STE RGYAL PO LA SOGS PA BSGRUB BYA DKA' BA 'GUGS PA DAG KYANG DBANG BSKUR @678 SNGON DU SONG BA'I THABS KYIS BSGRUBS NA, RDO RJE SKU STE RDO RJE 'CHANG CHEN PO'I BKA' BZHIN DU DKYIL 'KHOR DE DAG GIS TE SGRUB PA PO RNAMS KYIS THAMS CAD 'GRUB PAR 'GYUR GYI, GZHAN GYIS MA YIN NO, ,DNGOS GRUB KYI CHO GA RGYAS PAR BSHAD PA LA BCU YOD PA'I RIL BU'I SGRUB PA NI, 'DI NI SPYOD PA'I DAM TSIG TU BSTAN PA YIN TE, DE YANG BSHANG GCI LA SOGS PA'I BDUD RTZI LNGA DANG, SHA CHEN LA SOGS PA'I SHA LNGA DANG CHA MNYAM PAR BYAS NAS, PHYE MAR BYAS TE, MAR NGO'I TSES BRGYAD DAM BCU BZHI LA, RIL BU BYAS LA GRIB MA LA BSKAM LA, KHAM PHOR SBYAR MA STE THOD PA KHA SBYAR GYI NANG DU BZHAG LA, NYI MA RE RE ZHING SKYA RENGS 'CHAR BA'I DUS SU RIL BUR RE ZOS NA, SANGS RGYAS KUN TE GRUB THOB RNAMS DANG LHAN CIG 'KHOD PA STE DE DAG DANG 'DRA BAR MKHA' LA 'PHUR BA DANG, TSE BSKAL PAR THUB PA LA SOGS PA'I YON TAN THOB PAR 'GYUR RO, ,MNGAG GZHUG PA BSGRUB PA LA GNYIS KYI, BSDUS PA'I DON NI, 'DI'I DGOS PA NI, MNGAG GZHUG PA BSGRUBS PAS 'GRUB NA, 'JIG RTEN PA'I DNGOS GRUB ZHI BA LA SOGS PA'I PHRIN LAS GANG DANG GANG BSGO BA BYED PAR 'GYUR BA DANG, 'DAS PA'I DNGOS GRUB SGRUB PA LA, MNGAG GZHUG PA 'KHOR DANG BCAS PA DE DAG GIS, BDAG SANGS RGYAS KYI ZHING KHAMS SU KHRID NAS SANGS RGYAS KYI GDAM NGAG BSTAN PA TZAM GYIS MYUR DU SANGS RGYAS KYI GO 'PHANG MNGON DU BYED PA'O, ,DE YANG DRAN PA GCIG PA MTHAR PHYIN, PHRA MO'I RNAL 'BYOR GYIS SEMS SBYANGS, RIG PA'I BRTUL ZHUGS KYI SPYOD PA LA BYANG BAR ZLA BA DRUG TU BSLABS @679 PA'I BSNYEN PA LAS SU RUNG BAS, MNGA' GZHUG PA BSGRUB NA, NYAMS DGA' BA'I RI LA SOGS PA'I GNAS SU, LHA SO GNYIS PO THAMS CAD RIGS GSUM DU 'DUS PAS NA, MI BSKYOD PA DANG MI BSKYOD PA'I RIGS KYI RNAL 'BYOR PAS MNGA' GZHUG PA GNOD MDZES SGRUB PA DANG, 'OD DPAG MED DANG DE'I RIGS KYI RNAL 'BYOR PAS RTA MGRIN DANG, RNAM SNANG DANG DE'I RIGS KYI RNAL 'BYOR PAS GSHIN RJE GSHED BSGRUB PAR BYA BA YIN NO, ,RIGS GSUM PAS GTZO BYAS PA'I RANG GI DKYIL 'KHOR RGYAL MCHOG GI BAR DU BSKYED PA'I RTEN DE DAG LA GNAS TE, LAS RGYAL MCHOG NI, RANG RANG GI GZHAL YAS KHANG GI NANG GI BAR SNANG LA, RNAM SNANG GI RNAL 'BYOR PAS RIGS KYI GDAN ZLA BA'I STENG DU KHRO BO'I GDAN NYI MA LA HRI BSGOM, 'OD DPAG MED KYI RNAL 'BYOR PAS RIGS KYI GDAN PAD MA LA, KHRO BO'I GDAN NYI MA'I STENG DU HRI BSGOM, MI BSKYOD PA'I RNAL 'BYOR PAS RIGS KYI GDAN NYI MA LA KHRO BO'I GDAN NYI MA'I STENG DU HRI BSGOM PAR BYA'O, ,DE NAS RANG RANG GI TING NGE 'DZIN SEMS DPA' LAS 'OD 'PHROS PAS, RANG RANG GI SKU GSUNG THUGS KYI DKYIL 'KHOR GSUM SPYAN DRANGS LA, RNAM SNANG GIS GTZO BYAS PA'I DKYIL 'KHOR HRI LA BSTIMS PAS DE KHAm DU GYUR PA LAS GSHIN RJE GSHED BSKYED, 'OD DPAG MED KYIS GTZO BYAS PA'I DKYIL 'KHOR HRI LA BSTIMS PAS AA RU GYUR PA LAS RTA MGRIN BSKYED, MI BSKYOD PAS GTZO BYAS PA'I DKYIL 'KHOR HRI LA BSTIMS PAS DHI RU GYUR PA LAS GNOD MDZES BSKYED LA, DE DAG GI SPYI BO DANG, LKOG MA DANG, SNYING KHAR H'Um A'A: H'Um BKOD @680 LA, DE DAG 'KHOR DANG BCAS PA LA DAM TSIG BZHIS BKA' BSGO NA GANG DANG GANG 'DOD PA DE DBANG BYED PAR 'GYUR RO, ,DE YANG RNAM SNANG GI RNAL 'BYOR PAS, GSHIN RJE GSHED BSGRUBS NAS SANGS RGYAS KYI ZHING KHAMS SU 'KHRID PA LA MTSON NA, DAM TSIG BSKUL BA NI AOm A'A: H'Um ZLOS PA'O, ,DE YANG DAM TSIG BOD PA NI AOm A'A: H'Um YA MAN TA KRID CES MING DANG SBYAR NAS ZLOS PA'O, ,DAM TSIG GTONG BA NI, AOm A'A: H'Um YA MAN TA KRID MA H'A YAKshA SE NA PA TA YE BUDDHA KHRE TA NA YA TI, ZHES PA NI, SANGS RGYAS KYI ZHING KHAMS SU KHRID CIG CES PA STE, BSKUL TSIG BTAGS NAS BZLAS PA'O, ,DAM TSIG BCING PA NI, 'BRU GSUM DANG, GTZO 'KHOR GNYIS DANG, MING DANG SKUL TSIG GI MTHAR A'Am BTAGS NAS ZLOS PA STE, DE LAS GANG BSGRUB DE 'CHUG MED DU BYED DU GZHUG PA'O, ,DE LTAR BYAS PAS MNGAG GZHUG PA GSHIN RJE GSHED 'KHOR DPAG TU MED PA DANG BCAS PAS SGRUB PA PO SANGS RGYAS KYI ZHING KHAMS SU KHRID NAS SANGS RGYAS LA RDZOGS PA'I RIM PAS GDAMS NGAG ZHUS NAS RDO RJE 'CHANG CHEN PO THOB PAR 'GYUR RO, ,'OD DPAG MED PA'I RNAL 'BYOR PAS ZHI BA'I PHRIN LAS SGRUB PA LA NYE BAR MTSON NA, DAM TSIG BSKUL BA SNGA MA DANG 'DRA'O, , DAM TSIG BOD PA NI AOm A'A: H'Um PAD MA TA KRID CES PA'O, ,DAM TSIG GTONG BA NI, AOm A'A: H'Um PAD MA TA KRID MA H'A YAKshA SE NA PA TA YE SHANTIm KU RU SV'A H'A ZHES ZLOS PA'O, , DAM TSIG BCINGS PA NI, SKUL TSIG YAN CHOD KYI MTHAR AA BTAGS NAS ZLOS PA'O, ,DE LTAR BYAS PAS NAD DANG GDON LA SOGS PA ZHI BA'I PHRIN LAS 'GRUB @681 PAR 'GYUR RO, ,MI BSKYOD PA'I RNAL 'BYOR PAS GSAD PA'I LAS SGRUB PA LA, NYE BAR MTSON NAS GZHAN SNGA MA DANG 'DRA BA LAS, MING SUm BHA RA DZ'A ZHES PA DANG, SKUL TSIG MA RA YA PHAt CES PAR BSGYUR NAS, DAM TSIG BZHIS BKA' BSGOS NA GSAD PA'I LAS 'GRUB PAR 'GYUR RO, ,TSIG GI DON LA BZHI LAS, MNGAG GZHUG PA BSKYED PA DANG BSKUL BA'I CHO GA BSTAN PA NI, DNGOS GRUB KYI GNAS SKABS DE LA, 'OG NAS BSHAD PA 'DI NI, GSANG BA THAMS CAD KYI RDO RJE NI GNOD SBYIN GYI GTZO BO RNAMS TE, DE NYID BKA' NOD PAS NA MNGAG GZHUG PA'O, ,DE RNAMS RAB TU BSGRUB PA'I TSIG STE THABS KYI MCHOG GO ,DE YANG SKU GSUNG THUGS KYI RDO RJE GSUM GANG RUNG GI DKYIL 'KHOR RGYAL MCHOG YAN CHOD LA GNAS NAS LAS RGYAL MCHOG YI GE HRI 'BAR BA'I 'OD BZANG PO STE 'OD ZER LNGAS KUN TU 'KHRIGS PA LA, NAM MKHA' RDO RJE STE NAM MKHA'I DBUS SU CHUD PAR BSAM MO, ,DE NAS RANG GI TING NGE 'DZIN SEMS DPA'I 'OD ZER GYIS SANGS RGYAS KUN TE MI BSKYOD PA LA SOGS PA SKU GSUNG THUGS KYI DKYIL 'KHOR PA RNAMS KYIS NAM MKHA'I KHAMS YONGS SU GANG BAR BSGOMS NAS, SANGS RGYAS DE RNAMS SKU GSUNG THUGS KYI GNAS TE, SKU LA SOGS PA'I SA BON AA KHAm DHI ZHES PA, YI GE GSUM GYI NGO BO DER NI SNGAGS KYIS TE YI GE HRI LA DBAB PAR BYA'O, ,MNGAG GZHUG PA BSKYED PA DE LA 'OG NAS BSHAD PA 'DI NI, SKU GSUNG THUGS KYI SNGAGS RDO RJE'I GSANG BAR GYUR PA BYIN GYIS RLOB PA'I GNAS TE BSKYED PA'I GZHI YIN NO, ,DE GANG ZHE NA, AA KHAm DHI ZHES PA STE DE LA @682 GSUNG RDO RJE'I DKYIL 'KHOR HRI LA BSTIMS PAS AAR GYUR PA LAS RTA MGRIN DANG, SKU RDO RJE'I DKYIL 'KHOR HRI LA BSTIMS PAS KHAm DU GYUR PA LAS GSHIN RJE GSHED DANG, THUGS RDO RJE'I DKYIL 'KHOR HRI LA BSTIMS TE DHIR GYUR PA LAS GNOD MDZES RNAMS BSKYED DE, DE DAG 'KHOR DANG BCAS PA LA, DAM TSIG BZHIS BKA' BSGOS NAS, ZHI SOGS KYI LAS SGRUB PA'AM, SANGS RGYAS KYI ZHING DU 'KHRID PA SOGS JI LTAR 'DOD PA'I LAS LA SBYAR BAR BYA'O, ,ZLOS PA PO GANG GI MNGAG GZHUG PA GANG BSGRUB CE NA, MI BSKYOD PA DANG DE'I RIGS CAN GYI RNAL 'BYOR PAS, PHYAG NA RDO RJE NI MI BSKYOD PA STE, DE DANG MTSUNGS PA'I GZUGS CHEN PO GNOD MDZES RGYAL PO BSGOM MO, ,'OD DPAG TU MED PA DANG DE'I RIGS CAN GYIS NI, PHYAG NA PAD MO NI 'OD DPAG TU MED PA STE, DE DANG MTSUNGS PA'I 'OD CHEN PO DANG LDAN PA RTA MGRIN BSGOM MO, ,RNAM SNANG DANG DE'I RIGS CAN GYIS NI, 'OD KYI TSOGS KYIS MI MNYAM PAS, GZHAN GYIS MI THUB PA NI RNAM PAR SNANG MDZAD DE, DE LAS BYUNG BA'I GZUGS CHEN PO NI GSHIN RJE GSHED BSGOM MO, ,DE LTAR RIGS KYI DBYE BAS MNGAG GZHUG PA BSGOMS NAS, DE RNAMS KYIS GSANG BA'I GNAS MCHOG LA BZHAG CING 'GOD PAR BYA'O, ,TSUL JI LTAR ZHE NA, DE LA 'OG NAS BSHAD PA 'DI NI, RDO RJE GSANG BA STE KHRO BO RNAMS KYI GNAS TE BKA' BSGO BA LA NGES PAR SBYAR BA'O, ,DE GANG ZHE NA MI G-YO BA'I PHYIR DANG, RDO RJE 'CHANG GIS SPRUL PA'I PHYIR, MI BSKYOD PA NI, GNOD MDZES RGYAL PO STE, DE NI NYI MA'I DKYIL 'KHOR LA GNAS PAR BYAS TE, RDO RJE @683 GSANG BA'I GNAS BKA' BSGO BAS RAB TU BRTAG PAR BYA'O, ,TSE DPAG MED KYI 'KHOR LO CHE NI RTA MGRIN TE, DE NI PAD MA DANG NYI MA'I DKYIL 'KHOR LA GNAS PAR BYA STE, BKA' BSGO BA LA SBYAR BAR BYA'O, ,RDO RJE SNANG MDZAD DE BZHIN TE ZHES PA, RNAM SNANG GI MNGAG GZHUG PA GSHIN RJE GSHED DO, ,DE NI ZLA BA DANG NYI MA'I DKYIL 'KHOR LA GNAS PAR BYA STE, BKA' BSGO BA LA SBYAR BAR BYA'O, ,'OD CHEN TE MTHU CHEN PO'AM 'OD ZER CHEN PO DANG LDAN PA'I RDO RJE MNGAG GZHUG YID THAMS CAD LA 'GRO BA 'DON PA'I SDUG BSNGAL GYIS SDUG BSNGAL BAR GYUR PAS NA, SDUG BSNGAL CHEN PO NI MI BSKYOD PA LA SOGS PA STE, DE DAG GI SNYING POS DNGOS GRUB STZOL BAR BYA BA'I PHYIR YANG DAG PAR BSKUL BAR BYA'O, ,BSKUL BAR BYED PA'I SNYING PO DE GANG ZHE NA, DE LA 'OG NAS 'BYUNG BA 'DI NI, RDO RJE THAMS CAD DE RNAM SNANG LA SOGS PA'I DE BZHIN GSHEGS PA RNAMS KYI SNYING PO STE THUGS KHRO BO LA BKA' BSGO BAR BYA BA'I PHYIR, BSKUL ZHING SO SOR SBOD PA'O, ,DE GANG ZHE NA A'A: ZHES PA'O, , DE LTAR KHRO BO RNAMS KYIS BDAG PO YANG DAG PAR BSKUL NAS, DE'I 'KHOR RNAMS LA BKA' BSGO BA NI, MDUNG RTZE CHE NI MDUNG RTZE 'DZIN PA'O, ,RDO RJE CHE NI RDO RJE 'DZIN PA'O, ,DE BZHIN DU LCAGS KYU DANG, MTSON CHA GZHAN DANG GZHAN SNA TSOGS PA THOGS PA MCHOG RNAMS KYIS TE MI PHYED PA'I 'KHOR GYI TSOGS RNAMS LA, RDO RJE CHO GA BZHIN TE JI SKAD BSHAD PA'I RIM PAS BSKUL BAR BYA'O, ,DE LAS CIR 'GYUR ZHE NA, SANGS RGYAS TE SGRUB PA PO RNAMS KYI BYANG CHUB 'DOD PA'I DON 'GRUB @684 CING MTHAR THUG PAR 'GYUR RO, ,MNGAG GZHUG PA SGRUB PA'I GNAS BSTAN PA NI, NYAMS DGA'I ZHES SOGS TE GO SLA'O, ,PHAN YON BSTAN PA NI, DE LTAR MNGAG GZHUG PA 'GRUB PA'I SGRUB PA PO NI RI'I RGYAL PO RI RAB SUM CU RTZA DRUG GI RDUL PHRAN JI SNYED YOD PA DE SNYED KYI TSAD KYI, BRAN PHO LA SOGS PA'I DBYE BAS PHYE BA RDO RJE SEMS DPA' LA SOGS PA'I MNGAG GZHUG GANG 'GYUR BA DE THAMS CAD BYANG CHUB RDO RJE CAN TE SGRUB PA PO'I 'KHOR GYI TSUL DU BKA' NOD CING GNAS PA 'GRUB PAR 'GYUR RO, ,PHAN YON GZHAN YANG BSTAN PA NI, SHAR LA SOGS PA PHYOGS BCU'I SANGS RGYAS THAMS CAD KYI SANGS RGYAS KYI ZHING BDE BA CAN DANG MNGON DGA' LA SOGS PA RANG GANG 'DOD PAR MNGAG GZHUG PAS KHRID NAS 'GRO BAR 'GYUR ZHING, DER SONG NAS KYANG RDO RJE 'CHANG CHEN PO THOB PA'I RGYUR GYUR PA'I ZAB MO'I CHOS RNAMS KYANG DE BZHIN GSHEGS PA RNAMS LA THOS PAR 'GYUR ZHING, DE LAS KYANG SANGS RGYAS TE, RDO RJE 'CHANG CHEN PO'I GO 'PHANG TSE 'DI NYID LA THOB PAR 'GYUR RO, ,DAM TSIG RDO RJE'I BZHAD PA CHEN PO NI, RDO RJE 'CHANG CHEN PO STE, DES DE SKAD CES BKA' STZAL TO, ,MNGAG GZHUG PA LA BKA' BSGO BA'I DAM TSIG BZHI PHAN YON DANG BCAS PA MJUG BSDUS TE BSTAN PA NI, DE LA 'OG NAS BSHAD PA 'DI NI, 'JIG RTEN DANG 'JIG RTEN LAS 'DAS PA'I MNGAG GZHUG PA THAMS CAD KYI SBA BAR BYA BAS NA GSANG BA, DE RNAMS BSGRUB PAR BYA BA'I PHYIR RDO RJE GSANG BA STE, RDO RJE SEMS DPAS NYE BAR BSTAN PAR GYUR PA'I GSANG CHEN NO, ,RDO RJE SEMS @685 DPA' NI MI BSKYOD PA'O, ,DE'I YE SHES CHEN PO NI THUGS KYI NGO BO NYID YI GE H'Um NGO, , GSUNG GI RDO RJE NI 'OD DPAG TU MED PA'O, ,DE 'DZIN CING SKYED PAR BYED PAS NA, GSUNG GI RDO RJE 'DZIN TE YI GE AA'O, ,RDO RJE'I SKU NI RNAM PAR SNANG MDZAD DO, ,DE'I BGOD PA CHEN PO NI SKYED PAR BYED PA'I YI GE AOm YIN TE, DE DAG GIS MNGAG GZHUG PA RNAMS BSKYED PA NAS BRTZAMS TE, DUS THAMS CAD DU RTAG TU BSKUL BAR BYA ZHING, BYIN GYIS BRLAB PAR BYA'O, ,MNGAG GZHUG PA BSGRUB PA'I YUL DE LA 'OG NAS BSHAD PA 'DI NI, RDO RJE YE SHES NI DE BZHIN GSHEGS PA'O, ,DE'I 'KHOR LO NI TSOGS SO, ,DE RNAMS KYIS BYAS PA'I SNGAGS RNAMS KYI 'DA' BAR MI BYA BA'I DAM TSIG GI GNAS SKABS SO, ,DE YANG DAM TSIG BSKUL BA LA SOGS PA'I DBYE BAS RNAM PA BZHI'O, ,DE DAG GI DON NI SNGAR BSHAD ZIN TO, ,JI SKAD BSHAD PA'I TSUL GYIS MNGAG GZHUG PA BSGRUBS TE, GRUB PA DES CI ZHIG BYED CE NA, NAM MKHA'I DBYINGS RGYA CHE ZHING MTHA' MED PA, DAG CING SGRIB PA MED PA DANG, GZUGS LA SOGS PA'I CHOS THAMS CAD RNAM PAR SPANGS TE, MTHONG BA LAS 'DAS PA 'DI LTA BU YANG GONG BU'I TSUL GYIS TE, GZUGS CAN GYI NGO BOS RDO RJE LTAR SRA BA'I GZUGS SU'ANG SGRUB POS BSKUL NAS, MNGAG GZHUG PA RNAMS BYED PAR 'GYUR NA, GZHAN SGRUB PAR BYED PA LTA SMOS KYANG CI DGOS ZHES PHUL DU BYUNG BA'I KHYAD PAR GSUNGS PA'O, ,RGYAL PO LA SOGS PA DBANG DU BYA BA'I SBYOR BA BSTAN PA NI, SANGS RGYAS TE SHES RAB DANG LDAN ZHING, BSTAN 'CHOS SHES PA PAndI TA LA SOGS PA DANG, RDO RJE @686 SEMS DPA' STE BRTAN PA RGYAL PO LA SOGS PA DBANG DU BYA BAR 'DOD NA, BSNYEN PA LAS SU RUNG BA'I RNAL 'BYOR PAS, RNAL 'BYOR BZHIS 'JAM DPAL DU BSKYED PA'AM, YANG NA LHAG PA'I LHA GANG YIN DU RNAL 'BYOR BZHIS BSKYED LA, DE LA 'JAM DPAL BCUG PAS, 'JAM DPAL DU GYUR PA DANG PO'I SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG TING NGE 'DZIN SEMS DPA' LAS 'OD ZER SPROS PA'I SGO NAS RGYAL PO LA SOGS PA DBANG DU BYA BAR 'DOD PA'I BSGRUB BYA'I GNAS LNGAR BSNUN PAR BYAS TE, DE YANG RKANG PA GNYIS LA DREGS BYED KYI MDA' HA SPROS PAS BSGRUB BYA'I DREGS PA GZHOM PAR BYA, GSANG GNAS SU RMONGS BYED KYI MDA' AA SPROS PAS RMONGS SU GZHUG PAR BYA, LTE BAR KUN TU RMONGS BYED KYI MDA' SVA SPROS PAS KUN TU RMONGS PAR BYA, SPYI BOR BRGYAL BAR BYED PA'I MDA' AOm SPROS PAS BRGYAL DU GZHUG PAR BYA, SNYING KHAR SEMS MED PAR BYED PA'I MDA' H'Um SPROS PAS SEMS MED PAR BYAS PAS SNGAGS SHING SKYABS MED PA, BRGYAL ZHING RMONGS PAR BSGOMS NA, ZLA BA PHYED LA SOGS PAS DBANG DU 'GYUR RO, ,TSIG GI DON NI RDO RJE GSUM MCHOG 'DZIN PA CHE STE, SKU LA SOGS PA'I NGO BO NYID 'JAM DPAL CHEN PO'I SKU SBA BAR BYA BAS NA GSANG BA CHEN PO'O, ,'OG NAS BSHAD PA 'DI BSAM ZHING GOMS PAR BYA'O, ,JI LTAR ZHE NA, RDO RJE NAM MKHA'I DBUS TE 'OD GSAL BA LAS BYUNG BA'I RDO RJE 'JAM PA STOBS CHE ZHING BSGRUB PAR DKA' BA SKAD CIG TZAM GYIS BSAM ZHING BSGOM PAR BYA'O, ,DE'I TING NGE 'DZIN SEMS DPA'I @687 'OD ZER LAS DE BZHIN GSHEGS PA LNGA'I BON GYI RANG BZHIN, DREGS BYED DANG, RMONGS BYED DANG, KUN TU RMONGS BYED DANG, BRGYAL BYED DANG, SEMS MED PAR BYED PA STE MDA' LNGA PO GTONG ZHING 'PHEN PA'I SBYOR BA DAG GIS, DBU RGYAN RTZE MOR TE BSGRUB BYA LA YANG DAG PAR SPRO ZHING 'PHANG NGO, ,TSUL JI LTAR ZHE NA, BSGRUB BYA'I SNYING KHA DANG, SPYI BO DANG, LTE BA DANG, GSANG BA DANG, RKANG PA STE GNAS LNGA DAG TU CI RIGS PAR MDA' LNGA RAB TU DBAB PAR BSGOM PAR BYA'O, ,SU ZHIG GIS NA SA BON LNGA MDA' LNGA'I RANG BZHIN DU SHES PA'I SNGAGS PAS SO, ,BSAM PA JI LTA BUS SHE NA, RDO RJE KHRO BOS TE BSGRUB BYA DBANG DU BYA BAR 'DOD PA'I LHAG PA'I BSAM PA BRTAN POS SO, ,DE LTAR DREGS BYED LA SOGS PA'I MDA' LNGA PHABS PAS, BSGRUB BYA RNGAMS SHING SKYABS MED LA, BRGYAL ZHING RMONGS PAR BSGOM PAR BYA'O, ,SU ZHIG GI ZHE NA, BYIS PA NI 'JAM PA'I DBYANGS TE DES SEMS PA'I BLO GANG LA YOD PA DE NI, BYIS PA'I BLO CAN TE, SGRUB PA PO MTHU CHEN PO DANG LDAN PAS NA, GRAGS CHEN GYIS SO, ,SBYOR BA 'DI DUS JI TZAM DU BSGOM ZHE NA, DBANG DU BYA BA'I BSAM GTAN 'DI NI ZLA BA PHYED DU GSANG BA BSKUL BA STE, NANG LA MCHOG TU GZHOL BAS BSGOM PAR BYA BA 'DI NI, SNGAGS RNAMS KUN GYIS TE, DE BZHIN GSHEGS PA THAMS CAD KYI RAB TU GSANG BA YIN PAR, RDO RJE'I DON GYI BLOS TE RDO RJE 'CHANG CHEN POS GSUNGS SO, ,GDUL BYA 'DUN PA'I SBYOR BA NI, NANG LA MCHOG TU GZHOL BA BSNYEN PA LAS SU RUNG BAS, GDUL BYA SANGS RGYAS KYI BSTAN PA LA MA MOS SHING, MA DAD PA @688 RNAMS DAD PAR BYA BAR 'DOD NA, 'JAM DPAL LAM RANG GI LHAG PA'I LHAS GTZO BYAS PA'I DANG PO SBYOR BA DANG, DKYIL 'KHOR RGYAL MCHOG LA GNAS NAS, LAS RGYAL MCHOG NAM MKHA' RDO RJE'I DBUS SU STE NAM MKHA'I DBYINGS SU YI GE H'Um YONGS SU GYUR PA LAS, 'JAM DPAL LAM RANG GI LHAG PA'I LHAS GTZO BYAS PA'I SANGS RGYAS KYI DKYIL 'KHOR MTSAN DPE 'BAR BA MCHOG TU GYUR PA BSGOM LA, SNGAGS KYI RDO RJE H'Um LA SOGS, ,RDO RJE GSUM LA SOGS PAS BSGOM, ,BSGRUB BYA'I GNAS GSUM DU YI GE GSUM BKOD DE, SKU GSUM THUGS BYIN GYIS BRLAB PA DANG, GNAS LNGAR SA BON LNGA BKOD DE, PHUNG PO SOGS DE BZHIN GSHEGS PA LNGAR BYIN GYIS BRLAB PA DANG, DE DAG GI MIG GI DBUS SU YI GE AOm 'OD ZER 'PHRO BA BSGOM LA, SANGS RGYAS DANG CHOS DANG, DGE 'DUN GYIS BYIN GYIS BRLABS KYIS NAM MKHA'I KHONG NA BZHUGS PA'I SANGS RGYAS KYI DKYIL 'KHOR 'DI DAG GIS MTHONG BAR GYUR CIG CES, BYIN GYIS BRLAB PA'I CHO GA BSTAN PAR BYA'O, , DE LTAR BYAS NA SNGAGS RNAMS KUN GYIS TE, DE BZHIN GSHEGS PA THAMS CAD KYI PHYAG RGYA CHEN PO'I GZUGS SKU GSUM RDO RJE CAN DAG BSGRUB BYAS MTHONG BAR 'GYUR ZHING, SANGS RGYAS KYI BSTAN PA LA DAD PAR YANG 'GYUR RO, ,BKRES PA LA SOGS PA ZHI BA'I SBYOR BA NI, BKRES SKOM LA SOGS PA NYON MONGS PAS CHES GDUNG BA'I SGRUB PA POS, SBYOR BA 'DI BSAMS NA RDO RJE THUGS TE RDO RJE 'CHANG CHEN PO'I BKA' BZHIN DU LUS NGAG YID GSUM GYI SDUG BSNGAL THAMS CAD BYANG @689 BAR 'GYUR RO, ,DE DANG BDAG NYID RNAM PAR SNANG MDZAD KYI GZUGS CHEN PO DON THAMS CAD 'BYOR PAR BSAM LA, YI GE BAm YONGS SU GYUR PA LAS ZLA BA'I DKYIL 'KHOR YONGS SU RDZOGS PA BDUD RTZI'I THIGS PA 'BAB PA, KHA'I NANG DU STE RKAN GYI DBUS SU CHUD PAR BSGOM LA, DE'I 'OG TU, YI GE AOm DKAR PO LCE LA 'DUG PA BAm GYI BDUD RTZI 'DZAG PA'I NANG DU CHUD PAR BSAMS TE, BSAM GTAN DE NI BZA' BAR BYA BA KUN TE, KHA ZAS 'PHROD PA DANG MI 'PHROD PA THAMS CAD KYI GNAS SHES PA STE NAD MED PA'I GZHI DANG, LANG TSO DANG, NAD MED PA DANG, BDE BA DAM PA STER PAS YID BZHIN NOR BUS BRGYAN PA STE, YID BZHIN NOR BU LTAR MCHOD PAR BYA BA DANG, NYON MONGS THAMS CAD ZHI BAR BYED PA DANG, DUG DANG, SBYAR BA'I DUG DANG, 'BYUNG PO LA SOGS PA'I 'TSE BA BZLOG PAS, SDUG BSNGAL THAMS CAD SEL BA DANG, YE SHES RDO RJE LAS BYUNG BA STE RDO RJE 'CHANG CHEN PO NYID SKYED PAR BYED PA'O, ,YID BZHIN GYI NOR BU STE DKON MCHOG DPAL GYI RANG BZHIN RDO RJE 'CHANG CHEN POS DE SKAD CES BKA' BSTZAL TO, , DPA' BO RDO RJE'I TING NGE 'DZIN GYIS LAS THAMS CAD BSGRUB PA NI, DE NAS BCOM LDAN 'DAS PHYAG NA RDO RJE STE RDO RJE 'CHANG CHEN POS, RDO RJE BSGOM PA'I TSIG GI MCHOG STE, SA BON GYI KHYAD PAR 'OG NAS 'BYUNG BA 'DI RDO RJE GSUNG LAS PHYUNG NGO, ,GANG ZHE NA B'I ZHES PA'O, ,NANG LA MCHOG TU GZHOL BA'I RNAL 'BYOR PAS, DPA' BO RDO RJE'I TING NGE 'DZIN GYIS ZHI BA LA SOGS PA'I LA GANG YANG RUNG BA @690 BSGRUB PAR 'DOD NA, GZHAL YAS KHANG GDAN DANG BCAS PA BSKYED DE, DE LA LHAG MOS MDZAD PA DANG BCAS PA BSGOM PA SNGON DU 'GRO BA CAN GYI, DE BZHIN NYID LAS BYANG CHUB PA NI NAM MKHA' RDO RJE'I DBUS SU ZHES PA'O, ,ZLA BA LAS BYANG CHUB PA SNGAR DANG 'DRA LA, YIG 'BRU LAS BYANG CHUB PA'I MTSAN MA LAS BYANG CHUB PA DE GYUR PA LAS BYUNG BA'I RIN PO CHE, DE GYUR PA LAS DPA' BO RDO RJE ZHAL PHYAG KHA DOG SOGS RIN CHEN 'BYUNG LDAN LTA BU RNAL 'BYOR BZHIS BSKYED PA NI, RDO RJE SKU GSUM SBYOR BA YIS, ,BSKYED DE 'DI NI RNAM PAR BSAM, ,ZHES PA'O, ,DE NAS PHYAG RGYA M'A MA KIR BYIN GYIS BRLABS NAS, DKYIL 'KHOR RGYAL MCHOG BSKYED PA NI, SANGS RGYAS DKYIL 'KHOR 'OD BZANG PO, ,ZHES PA STE, MI BSKYOD PA LA SOGS PA SANGS RGYAS KYI 'KHOR LOS YONGS SU BSKOR BA BSGOM PA STE, DE YANG RIN CHEN 'BYU NGA LDAN DBU RGYAN DU 'GRO LA, RIN 'BYUNG GI SHUL DU MI BSKYOD PA 'GRO BA NI KHYAD PAR TE GZHAN NI SNGAR DANG 'DRA'O, ,GTZO BO DE NYID KYI KHYAD PAR NI, SKYES BU CHEN PO'I MTSAN RNAMS DANG LDAN PAS NA, RGYAN RNAMS THAMS CAD YONGS SU RDZOGS PA'O, ,CUNG ZAD SER BA NI RIN CHEN 'BYUNG LDAN TE, DE'I DBU RGYAN DU ROL CING 'GYINGS PAS NA RDO RJE 'GYINGS PA'O, ,ZHI BA'I NYAMS DANG LDAN PAS NA ZHI BA, THOR TSUGS DBU RGYAN CAN DU BSAMS NAS DE'I 'OG TU LAS RGYAL MCHOG PHYAG G-YAS KYI DANG PO'I RIN PO CHE LAS, LAS KYI KHA DOG DANG MTHUN PA'I 'OD ZER SPROS NAS, ZHI BA LA SOGS PA'I LAS THAMS CAD BRTZAM PAR BYA'O, ,ZHES PA'O, ,RDO RJE DPA' @691 BO NI, RDO RJE 'CHANG CHEN PO'O, ,DES SPRO BA'I PHRENG BA NI RLABS KYI PHRENG BA NI, DE SKAD CES BYA BA'I TING NGE 'DZIN NO, ,SKUL BYED MA'I SGRUB PA NI, DE NAS BCOM LDAN 'DAS RDO RJE 'CHANG CHEN PO KUN NAS SANGS RGYAS THAMS CAD KYIS RNAM PAR BSGRAGS SHING BSTOD PA'I SKUL BYED MA'I GZUGS BSKYED PA'I TING NGE 'DZIN GANG YIN PA DE LA, SNYOMS PAR ZHUGS NAS PHYUNG NGO ZHES SBYAR, GANG ZHIG NA, RDO RJE CHEN PO BSGOM PA NI SKUL BYED MA STE, DE'I TSIG NI DE BSKYED PA'I SA BON 'OG NAS 'BYUNG BA 'DI'O, ,GANG LAS NA NYID KYI SKU LA SOGS PA LAS SO, ,DE GANG ZHE NA, TZUm ZHES PA'O, ,DE YANG MI BSKYOD PA'I DKYIL 'KHOR RGYAL MCHOG LA GNAS NAS, LAS RGYAL MCHOG RDO RJE NAM MKHA'I DBUS SU STE MDUN GYI NAM MKHAR NYI MA'I DKYIL 'KHOR GYI STENG DU TZUm BKOD LA, RANG GI TING NGE 'DZIN SEMS DPA'I 'OD ZER GYIS SANGS RGYAS PHRIN LAS SKUL BYED MA RANG GI DKYIL 'KHOR GYI DBUS SU GNAS PA SPYAN DRANGS LA SPRO BA DANG 'DU BA'I CHO GA YIS SA BON LA BSTIMS TE DE YONGS SU GYUR PA LAS RDO RJE GSUM STE SKU RDO RJE LA SOGS PAS BYIN GYIS BRLABS PA, SDUG BSNGAL THAMS CAD NGES PAR SEL BAS GRAGS PA CHEN PO THOB PA, SKU GSUNG THUGS LA DBAB PA STE, GDUG PA RNAMS KYI SKU GSUNG THUGS KYI RDO RJE 'JOMS PAR BYED PA, SKUL BYED RDO RJE MA BSGOM PAR BYA'O, ,JI LTA BU ZHE NA, MTSAN THAMS CAD DANG LDAN PAS RGYAN RNAMS YONGS SU RDZOGS PA, KHA DOG DKAR MO ZHAL GSUM PHYAG DRUG MAR RAB TU BSGOM PA'O, ,DE LTAR BSGOMS PAS BRTAN PAR GYUR PA NA BDAG @692 NYID RDO RJE SEMS DPA' RGYAL PO CHE STE, RDO RJE 'CHANG CHEN POR BSAMS LA SKUL BYED MA'I GNAS LNGAR BSNGAGS TE, DE BZHIN GSHEGS PA LNGA'I TSIG STE SA BON DGOD CING, RDO RJE PAD MA 'DU BYAS NA, SKUL BYED MA DANG SNYOMS PAR ZHUGS PAS, SKUL BYED MA DBANG DU GYUR NAS, BDAG GI 'DOD PA THAMS CAD 'GRUB PAR 'GYUR RO, ,RDO RJE NI MI BSKYOD PA STE, DE DANG MNYAM PAR BYED CING, MTSAN MAS RJES SU BYED PAS NA RDO RJE'I DAM TSIG NI SKUL BYED MA'I GZUGS SO, ,YE SHES KYI 'OD ZER NI, YE SHES KYI SNANG BA STE, DE LA DMIGS PA'I TING NGE 'DZIN LA DE SKAD CES BYA'O, ,GNOD GNAS KYIS BSKUL BA NI, DE NAS BCOM LDAN 'DAS PHYAG NA RDO RJE STE, RDO RJE 'CHANG CHEN PO NOR DANG 'BRU THAMS CAD LA SEMS PA'I THAMS CAD RDO RJE DANG 'DRA BAR LONGS SPYAD CING DMIGS PAR BYED PAS NA, RDO RJE LONGS SPYOD CES BYA BA'I TING NGE 'DZIN LA SNYOMS PAR ZHUGS NAS, TING NGE 'DZIN 'KHOR LO'I TSUL TE RMUGS 'DZIN GYI TING NGE 'DZIN GYI KHYAD PAR SA BON GANG GIS BSKYED PA 'DI NYID KYI SKU LA SOGS PA LAS PHYUNG NGO, ,GANG ZHE NA, DZAm ZHES PA'O, ,NAM MKHA'I DBYINGS KYI DBUS SU GNAS PAR, SANGS RGYAS DKYIL 'KHOR DAM PA STE, RMUGS 'DZIN GYI SA BON DZAm BSAM MO, ,DE LA 'OD ZER 'PHROS PAS, RIN PO CHE'I RIGS KYI SANGS RGYAS KUN SPRO BA DANG, BSDU BA'I CHO GA YIS, RDO RJE BSGOM PA STE BSGRUB PA POS DBAB CING BSTIM PAR BYA'O, ,DE YONGS SU GYUR PA LAS, SHING THOG BI DZA PU RA BSKYED, DE YONGS SU GYUR PA LAS BDAG NYID DZAM BHA LA NI NOR BSGRUB PA, GNOD @693 SBYIN CHEN PO BSKYED PAR BYA'O, ,JI LTA BU ZHE NA, ZHI BA GNOD SBYIN GYI GZUGS 'DZIN PA, GSER GYI MDOG CAN GSUS PA CHE BA MI'U THUNG GI GZUGS CAN ZHAL GSUM PHYAG DRUG PA, PHYAG G-YAS PA RNAMS KYIS BI DZA PU RA DANG, LCAGS KYU DANG, MDA' THOGS PA, G-YON PA RNAMS LAS GCIG GIS RANG DANG 'DRA BA'I RIG MA LA 'KHYUD PA, GZHAN GNYIS KYIS ZHAGS PA DANG BCAS PA'I NE'U LE DANG, GZHU 'DZIN PA, THOR TSUGS DANG DBU RGYAN 'CHANG BA 'DI LTA BU'I TSUL DU BDAG NYID BSGOM LA, RNAM SNANG LA SOGS PA'I SANGS RGYAS LNGA'I CHO GA YIS TE, AOm LA SOGS PA'I SA BON LNGA MGO LA SOGS PA'I GNAS LNGA DAG TU BKOD CING BSGOM PAR BYA'O, ,DE'I NAS RANG GI SNYING LAS, RANG DANG 'DRA BA'I GNOD GNAS GNYIS PA PHYUNG LA, DE'I GNAS LNGA DAG TU SA BON LNGA BYIN GYIS BRLABS TE, DE'I SPYI BOR GNOD GNAS YAB YUM BSAMS TE, DE DAG SNYOMS PAR ZHUGS PA'I BYANG CHUB KYI SEMS KYI CHU RGYUN GYIS DBANG BSKUR BAR BSAM LA, AOm DZAm BHA LA DZA LEN DRA YE SV'A H'A, ZHES PA'I SNGAGS 'DON PA SNGON DU 'GRO BAS, DE'I MGOR RDO RJE BDUD RTZI'I CHU SBYIN CING DBUL BAR BYA'O, ,DE LTAR BSGOM PA DE NI, RDO RJE SEMS DPA'I CHO GA YIS, ,DBU RGYAN DE LA RNAM PAR BSAM, ,ZHES PA'I DON TO, ,PHAN YON CI YOD CE NA, DE LTAR BYAS NA, GNOD SBYIN DBANG PO GNOD GNAS 'OD CHEN MNYES SHING SGRUB PA PO'I BSAM PA YONGS SU RDZOGS PAR BYED DO, ,RDO RJE'I PHYAG RGYA NI MI PHYED PA'I RMUGS 'DZIN GYI PHYAG RGYA'O, ,DE NYID 'DA' BAR MI BYA BAS NA DAM TSIG GO ,DES RDZAS BSKYED PAS @694 NA RDZAS BSGRUB PA'O, ,DE NYID TOG LTAR MTHO ZHING NUS PA DANG LDAN PAS DBAL TE DE LTA BU'I TING NGE 'DZIN GANG YIN PA DE LA DE SKAD CES BYA'O, ,GNOD SBYIN MO SGRUB PA NI, DE NAS BCOM LDAN 'DAS PHYAG NA RDO RJE STE RDO RJE 'CHANG CHEN PO, GZUGS LA SOGS PA'I 'DOD PA'I YON TAN RNAMS LA NYE BAR SPYOD PA'I DPAL ZHES BYA BA'I TING NGE 'DZIN LA SNYOMS PAR ZHUGS NAS, GNOD SBYIN MO THAMS CAD KYI DAM TSIG RDO RJE'I TSIG STE SA BON 'OG NAS 'CHAD PA 'DI NYID KYI SKU LA SOGS PA LAS PHYUNG NGO, ,DE NI KshIm ZHES PA'O, ,NAM MKHA'I DBYINGS KYI DBUS SU, KshIm YONGS SU GYUR PA LAS, THAMS CAD RIN PO CHE'I GZHI LAS BYAS PA'I GZHAL YAS KHANG PA GRU BZHI SGO BZHI LA SOGS PA DANG LDAN PA, ME TOG DANG SPOS LA SOGS PA PHYI'I MCHOD PA DANG, GZUGS RDO RJE MA LA SOGS PA NANG GI MCHOD PA RNAMS KYIS, KUN TU 'KHRIGS PA BSGOM LA, DE'I NANG DU RDO RJE 'JAM PA'I TING NGE 'DZIN GNAS ZHES PA SGRUB PA PO GANG NYID 'JAM DPAL GYI DKYIL 'KHOR RGYAL MCHOG GI BAR DU GNAS NAS, LAS RGYAL MCHOG RANG GI TING NGE 'DZIN SEMS DPA'I 'OD ZER GYIS BKUG PA'I GNOD SBYIN MO THAMS CAD KYI NAM MKHA'I DBYINGS GANG BAR BSAM LA, RDO RJE GSUM GYI SBYOR BAS TE DE THAMS CAD GZHAL YAS KHANG GI NANG DU DBAB CING GZHUG PAR BYA'O, ,DE'I 'OG TU GNOD SBYIN MO'I GZUGS KYI SPRIN TE TSOGS THAMS CAD GNOD SBYIN MO GCIG GI GZUGS SU BSAM MO, ,DE NAS RDO RJE GSUM LAS BYE BRAG GIS TE, GNAS GSUM DU YI GE GSUM BKOD DE, SKU GSUNG THUGS BYIN @695 GYIS BRLAB PA DANG, GNAS LNGAR SA BON LNGA BKOD DE GNOD SBYIN MO DE'I GZUGS BSAM GTAN GYIS RIGS LNGAR BYA BAR BSGOM MO, ,DE'I DBU RGYAN LA NI KHRO BO GSHIN RJE GSHED BSGOM ZHING SNYING KHA'I PAD MO LA SNGAGS KYI TSIG KshIm BSGOM LA, BSGOM PA BRTAN PAR GYUR PA NA, RDO RJE'I SBYOR BA STE DE DANG SNYOMS PAR 'JUG PA BRTZAM PAR BYA'O, ,DE LAS CIR 'GYUR ZHE NA, GNOD SBYIN MO SGRUB PA PO LA MNYES TE, MNGON PAR 'DOD PA'I DON THAMS CAD STER BAR 'GYUR RO, ,GNOD SBYIN MO THAMS CAD DANG MNYAM PA NI DE DAG GCIG TU BYAS PA'O, ,DE NYID GNAS PAS TE ROL BA'O, ,DE BSGOM PA NI YANG DANG YANG DU SLOB PAR BYED PA STE DE NYID RDO RJE LTAR MI PHYED PA'I TING NGE 'DZIN GANG YIN PA DE LA DE SKAD CES BYA'O, ,MKHA' 'GRO MA'I SGRUB PA LA GSUM LAS, RDO RJE LANG 'GRO MA DANG, 'JIG RTEN PA'I MKHA' 'GRO MA'I MTSAN NYID NI, DE NAS BCOM LDAN 'DAS PHYAG NA RDO RJE STE RDO RJE 'CHANG CHEN PO, RDO RJE'I SNGAGS TE DE BZHIN GSHEGS PA THAMS CAD KYI DNGOS GRUB KYI RNAM PAR 'PHRUL BAS TE, LHA MO RNAMS DANG SNYOMS PAR 'JUG PA'I BYA BA MANG DU STON PA'I TING NGE 'DZIN LA SNYOMS PAR ZHUGS NAS, DNGOS GRUB PHRA MO STE 'JIG RTEN PA'I MKHA' 'GRO MA DE RNAMS KYI DNGOS GRUB THOB PA'I THABS 'DI NYID KYI SKU LA SOGS PA LAS PHYUNG NGO, ,DNGOS GRUB JI LTA BU ZHE NA, DE YANG RDO RJE MKHA' 'GRO MA GRUB PAS, GZUGS SNA TSOGS LEN PAS SKU YANG DAG PAR GRUB PA DANG, SGRA SNA TSOGS KYI GSUNG 'GRUB PA DANG, JI LTAR MNGON PAR 'DOD PAS THUGS YANG DAG PAR @696 'GRUB PAS RDO RJE MKHA' 'GRO MAR BSHAD DE, SGRUB PA PO YANG SANGS RGYAS TE RDO RJE MKHA' 'GRO MA DANG 'DRA BA'I GZUGS 'DZIN PAR 'GYUR RO, ,JI LTA BU ZHE NA, SHIN TU GSAL BAS 'OD CHAGS PA DANG, 'DZAM BU CHU BO'I GSER GYI 'OD DANG 'DRA BA'I LUS CAN DU 'GYUR RO, ,'JIG RTEN PA'I MKHA' 'GRO MA GRUB PA NI RANG GI NGO BO YONGS SU BSGYUR BA LA SOGS PA'I DNGOS GRUB PHRA MO LA GNAS SO, ,DE YANG BSNYEN PA LAS SU RUNG BAS 'JIG RTEN DANG 'JIG RTEN LAS 'DAS PA'I MKHA' 'GRO MA BSGRUB PAR 'DOD NA, LHAG PA'I LHA GANG YIN PA'I DKYIL 'KHOR RGYAL MCHOG BAR DU BSKYED DE, LAS RGYAL MCHOG NI, SROG GI SNYING PO RNYED NA, DE KLAGS PA TZAM GYIS 'DIR BSHAD PA'I MTSAN NYID CAN GYI MKHA' 'GRO MA GNYIS PO 'GRUB LA, DE MA RNYED NA GTZUG TOR 'KHOR LOS BSGYUR PA'I DKYIL 'KHOR RGYAL MCHOG LA GNAS PAS, LAS RGYAL MCHOG GTZUG TOR 'KHOR LOS BSGYUR BA'I PHRENG SNGAGS GUR NAS GSUNGS PA DE BLANGS TE, BZLAS PAS BSGRUBS TE SNYOMS 'JUG BYA'O, ,DE YANG 'DAS PA'I MKHA' 'GRO MA DANG SNYOMS 'JUG BYAS PAS, DES SGRUB PA PO LA RDZOGS RIM GYI GDAMS NGAG STER LA, DE BSGOMS PAS MCHOG GI DNGOS GRUB THOB PA'O, ,'JIG RTEN PA'I MKHA' 'GRO MA DANG SNYOMS 'JUG BYAS PAS RIL BU LA SOGS PA'I RDZAS KYI DNGOS GRUB STER TE, DES RIG PA 'DZIN PA'I DBANG POR 'GYUR RO, ,DE GNYIS DANG SNYOMS 'JUG GIS 'BRAS BU'I DBYE BA NI, MI SNANG BA NI GDUG PA CAN TSAR GCOD CING DNGOS PO MED PAR BYED PA'O, ,SOGS PA NI RJES @697 SU 'DZIN PAS LDANG ZHING SOS PAR BYED PA STE, DE LTA BU'I MI SNANG BA LA SOGS PA'I NUS PA DANG LDAN PA'I RDO RJE MKHA' 'GRO MA RNAMS DANG GRUB PAS TE SNYOMS 'JUG BYAS PAS, SGRUB PA PO 'JAM PA'I 'OD DANG 'DRA BAS STE RDO RJE 'CHANG THOB PAR 'GYUR RO, ,GNOD SBYIN RGYAL MO NI 'JIG RTEN GYI MKHA' 'GRO MA RNAMS TE, DE RNAMS DANG SNYOMS PAR 'JUG PAS NI, SNGAGS LA MCHOG TU GZHOL BA RIG PA 'DZIN PA'I DBANG POR 'GYUR RO, , DE GNYIS BSGRUB PA'I DBYE BA GNYIS BSTAN PA NI, DE LA 'OG NAS 'BYUNG BA 'DI NI, RDO RJE DNGOS GRUB STE LHA MO THAMS CAD KYI GZUGS GSANG BA STE, GZUGS PHUN SUM TSOGS PA DANG, SNGAGS KYI DNGOS GRUB RNAMS SO, ,DE LA SNGAGS KYI DNGOS GRUB NI, GANG ZHIG BKLAGS PAS 'GRUB PA'I SNGAGS KYI TSIG RNAMS TE, DE RNAMS KYI SROG GI SNYING PO'O, ,GZUGS JI LTA BU ZHE NA, MDZES SHING YID DU 'ONG BA'I GZUGS 'JIG RTEN GYI KHAMS THAMS CAD MTHONG BA NYID KYIS TSIM ZHING KUN TU DGA' BAR GYUR PAS TE, DE SGRUB PA POS MTHONG BAR 'GYUR RO, ,THABS GANG GIS 'GRUB CE NA, GTZUG TOR 'KHOR LOS BSGYUR BA'I PHRENG SNGAGS NI, 'JIG RTEN PA'I MKHA' 'GRO MA RNAMS 'GRUB PAS TE BSGRUB PA LA YID BZHIN NOR BU'I BDAG PO STE, YID BZHIN GYI NOR BU DANG 'DRA BAR MYUR DU 'DOD PA'I DON 'GRUB PAR 'GYUR RO, ,CI 'JIG RTEN PA'I MKHA' 'GRO MA DAG KHO NA BSGRUB PAR BYED DAM ZHE NA, MA YIN GYI SANGS RGYAS BYANG CHUB STE RDO RJE MKHA' 'GRO MA RNAMS SGRUB @698 PAR BYED PA'I MCHOG KYANG YIN NO, ,'DI DAG 'BA' ZHIG BYED PAR MA ZAD KYI SANGS RGYAS NYID DANG, RDO RJE 'CHANG NYID RAB TU BSGOM PA STE BSGRUB BO ZHES BCOM LDAN 'DAS BSAM PA THAMS CAD YONGS SU RDZOGS PA'I RDO RJE 'CHANG CHEN POS DE SKAD BKA' BSTZAL TO, ,SPYOD PA BSTAN PA LA BZHI STE, SPROS MED KYI SPYOD PA DANG, SHIN TU SPROS MED KYI SPYOD PA DANG, SPYOD PA LA BSLAB PA'I 'BRAS BU DANG, PHYAG RGYA'I KHYAD PAR PHAN YON DANG BCAS PA BSTAN PA'O, ,DANG PO LA BZHI'I MDOR BSTAN PA NI, DE NAS PHYAG NA RDO RJE ZHES SOGS GSUNGS TE, DE BZHIN GSHEGS PA THAMS CAD NI SKU RDO RJE LA SOGS PA'O, ,RIG PA'I BRTUL ZHUGS NI CHA LUGS KYI KHYAD PAR RO, ,SKU GSUM THUGS KYI RDO RJE STE RNAM SNANG LA SOGS PA'I RNAL 'BYOR PA RNAMS KYIS SPYOD PA BYED PA'I DUS SU LUS LA SOGS PA BSGOM PA NI, RANG TSUL NYID KYIS LAM STE, LHAG PA'I LHA GANG YIN PA DE DANG DE'I RNAM PAR CHA LUGS BSGYUR BAR BYA'I, BSGOM PA TZAM GYIS MA YIN TE, DE LTAR BYAS NA PHYAG RGYA CHEN PO'I DNGOS GRUB THOB PAR 'GYUR RO, ,RIGS KYI DBYE BAS RGYAS PAR BSHAD PA NI, DE LA 'OG NAS 'BYUNG BA 'DI NI SKU GSUNG THUGS KYI RDO RJE RNAL 'BYOR PA RNAMS KYI RIG PA'I BRTUL ZHUGS SO, ,DE LA DANG PO RNAM SNANG GI RNAL 'BYOR PAS CHA LUGS BSGYUR BA BSTAN PA NI, SNGAGS TE SKU RDO RJE'I RNAL 'BYOR PA, 'OG NAS BSHAD PA'I SDOM PAS KUN TU BSDAMS PA YIS, THOR TSUGS DBU RGYAN CAN GYI RNAM SNANG GI GZUGS TE SKU CHEN PO MTHONG NA YID DU 'ONG BA KHA DOG DKAR PO 'DRA BA, SHING NGAM BA SO SOGS @699 LA CHO GA BZHIN DU 'DRA 'BAG BYAS LA, DES RANG NYID RNAM PAR SNANG MDZAD DU CHA LUGS BSGYUR TE, PHYAG RGYA LO GRANGS BCU DRUG LON PA SOGS KYI YON TAN DANG LDAN PA RNYED NAS, DE DANG LHAN CIG RIG PA'I BRTUL ZHUGS SPYAD PAR BYA'O, ,PHYAG RGYA'I CHA LUGS BSGYUR PA NI, SPYAN GYI GO 'PHANG LONGS SPYOD CING ZHES PA SPYAN MA DANG 'DRA BA'I GDONG DANG, MDOG DANG, PHYAG MTSAN DANG LDAN PAR BYA'O, ,MI BSKYOD PA'I RNAL 'BYOR PAS CHA LUGS BSGYUR PA NI, MI BSKYOD PA'I RNAL 'BYOR PAS RDO RJE NI MI BSKYOD PA STE, DE'I MTSAN MAS TE DE'I ZHAL DANG SKU MDOG DANG, PHYAG MTSAN DANG LDAN PA'I SGO NAS BSGOM PAR BYA BA STE, RIG PA'I BRTUL ZHUGS SPYAD DO, , GANG DANG LHAN CIG CE NA, PHYAG RGYA M'A MA KI'I GZUGS 'DZIN PA'I RIG MA SNGAGS KYI CHO GA STE RNAL 'BYOR PA'I BYA BA SHES PA, SNGAGS KYI RGYUD LEGS PAR BSLABS PA STE, LAS RAB 'BYAMS LA MKHAS PA DANG LHAN CIG TU'O, ,'OD DPAG MED PA'I RNAL 'BYOR PAS SPYOD PA BYA BA BSTAN PA NI, DE BZHIN GSHEGS PA STE 'OD DPAG TU MED PA'I SKU MDOG DANG PHYAG MTSAN SOGS SU RANG NYID CHA LUGS BSGYUR TE, DE'I BTZUN MO SANGS RGYAS BYANG CHUB CES PA PHYAG RGYA GOS DKAR MOR CHA LUGS BSGYUR BA DANG, LHAN CIG SPYOD PA BYA BA BSTAN TO, ,DE LTAR RIGS GSUM GYI DAM TSIG GI SDOM PAS BSDAMS PA'I RIG PA'I BRTUL ZHUGS CHEN POS PHYAG RGYA DE DAG DANG LHAN CIG TU DUS BZHI GSANG BA'I MCHOD PA BYA'O, KHAMS KYI KHYAD PAR PHAN YON DANG BCAS PA NI, SPYOD PA BYED PA'I DUS SU TSOGS KYIS BSGRUBS PA'I KHA @700 ZAS SPANGS NAS, JI LTAR RNYED PA'I KHA ZAS LONGS SPYAD DO ZHES STON PA NI, SDONG BU RTZA BA ZHES SOGS TE GO SLA'O, , BSRUNG BA'I DAM TSIG PHYAG RGYA'I KHYAD PAR DANG BCAS PA BSTAN PA NI, RTAG TU GZHAN GYI NOR RKU ZHES SOGS TE, DE DAG GI DON NI LE'U LNGA PAR DGONGS PAS BSHAD PA LTAR SHES PAR BYA'O, ,'DOD CHAGS RDO RJE ZHES SOGS RKANG PA GNYIS NI M'A MA KI'I KHYAD PAR STON PA STE, M'A MA KI NI GSUNG GI RDO RJE 'OD DPAG MED DANG, THUGS MCHOG MI BSKYOD PA DANG, RNAM PAR SNANG MDZAD KYI RNAL 'BYOR PAS KYANG RNAM PA KUN TU PHYAG RGYAR BSTEN PA RIGS PA YIN NO, ,SHIN TU SPROS MED KYI SPYOD PA BSTAN PA NI, BSAM GTAN STE YE SHES KYI PHYAG RGYA NI, YIG GSUM RDO RJE CAN STE, RNAM SNANG LA SOGS PA'I RNAL 'BYOR PA PHYI ROL GYI BUD MED LA LTOS PA MED PAR SPYOD PA BYED PAR DAG LA SBYIN NO, ,DE YANG BSKYED RIM PAS NI RANG GI PHYAG RGYA CHOS KYI DBYINGS KYI DBANG PHYUG MA LHA MO'I RNAM PAR SEMS KYIS BSAMS NAS, DE DANG SNYOMS PAR 'JUG LA, RDZOGS RIM PAS NI STONG PA NYID LA SNYOMS PAR 'JUG PA'O, ,DE LTAR BYAS NA SANGS RGYAS KUN MKHYEN PA STE SGRUB PA PO MNYES PAR 'GYUR BA STE, DNGOS GRUB THOB PAR GDON MI ZA'O, ,SHIN TU SPROS MED KYI SPYOD PA BYED PA'I TSE, SGRUB PA PO BLO BRTAN PA BRTZON 'GRUS DRAG PO DANG LDAN PAS NAGS TSAL DU, LHA LA SOGS PA LA BSOD SNYOMS TSOL ZHING SPYOD PA NA, DE DAG GI KHA ZAS BZANG PO MI DANG THUN MONG MA YIN LA, LHA'I ZHAL ZAS BSTAR BA DAG STER BAR 'GYUR RO, , @701 RGYU GANG GIS ZHE NA, GAL TE MA BYIN NA RNAL 'BYOR PA MTHU DANG LDAN PAS GNOD PA BYAS KYIS DOGS PAS SKRAG NAS SO, ,SPYOD PA LA BSLABS PA'I 'BRAS BU NI, DE LTAR SPYOD PA LA BSLABS PAS 'BRAS BU CI 'THOB CE NA, SPYOD PA MTHAR PHYIN PA NI, RDO RJE'I BDAG NYID GSUM GYI RNAL 'BYOR PAS, MI'I DNGOS PO LAS 'DAS SHING SPANGS TE, THA MAL PA'I LUS 'JIG CING MED PAR GYUR NAS, RDO RJE'I YI GE STE 'GYUR BA MED PA RDO RJE'I SKU 'THOB PAR 'GYUR RO, ,PHYAG RGYA'I KHYAD PAR PHAN YON DANG BCAS PA NI, LHA MO KLU MO ZHES SOGS TE GO SLA'O, ,RDO RJE GSUM GYI YE SHES NI RNAL 'BYOR PA RNAMS TE DE RNAMS KYIS BSTEN PA'I SPYOD PA'I CHO GA BSHAD MA THAG PA 'DI NI, SNGAGS TE SGRUB PA PO THAMS CAD DAD KYI DE KHO NA NYID GSANG BA DANG, DON CHEN PO 'THOB PAR BYED PAS TSUL CHEN DANG, SKU RDO RJE LA SOGS PA BSKYED PAR BYED PAS NA RDO RJE GSUM GYI YE SHES 'BYUNG BA SANGS RGYAS BYANG CHUB STE, DON DAM PA'I BDEN PAR RAB TU 'JUG CING 'OD GSAL GYI RNAM PAR DAG PA'I YE SHES KYI SKU 'THOB PAR BYED PA'O, ,SDUD PA PO'I TSIG GIS GZHUNG NYE BAR BSDU BA NI, BCOM LDAN 'DAS ZHES SOGS SO, ,LE'U YI MTSAN DON NI, DNGOS GRUB THAMS CAD KYI ZHES SOGS TE, DE STON PA'I GZHUNG GI TSOGS LA YANG DE SKAD CES BYA'O, ,LE'U BCU DRUG PA'I RNAM BSHAD DO,, ,, ` RIM PA GNYIS KHONG DU CHUD PAS KYANG, DAM TSIG DANG STOBS NYAMS SU MA BLANGS NA, DNGOS GRUB RING BAR 'GYUR RO ZHES DE BSTAN PAR BYA BA'I PHYIR, @702 LE'U BCU BDUN PA 'CHAD PA LA GNYIS KYI, BSDUS PA'I DON NI, LE'U 'DI'I BRJO BYA DON GYI GTZO BO DAM TSIG DANG SDOM PA LE'U YI STOD NAS STON, SKED NAS RGYUD PA'I CHE BA DANG, THOS BSAM GYI 'BRAS BU STON, SMAD NAS RGYUD GTAD PA DANG, NYE BAR BSDU BA STON NO, ,YAN LAG GI DON LA YANG LNGA LAS, DANG PO DAM TSIG SDOM PA BSTAN PA LA BCO LNGA STE, BSTOD PA SNGON DU 'GRO BAS GSOL BA GDAB PA DANG, DAM TSIG DANG SDOM PA DNGOS BSTAN PA DANG, LAS KYI LAS RNAM PAR DAG PA DANG, PHYAG BYA BA'I TSUL BSTAN PA DANG, DE KHO NA NYID RTOGS PA'I THABS DANG LUS BRTAS PA'I CHO GA DANG, DE KHO NA NYID KYI TING NGE 'DZIN DANG, RNAL 'BYOR GYI SPYOD PA DANG, YE SHES KYI SPYOD PA DANG, YE SHES KYI DKYIL 'KHOR SPRUL PA DANG, SNYOMS PAR 'JUG CING DBANG BSKUR BA PHAN YON DANG BCAS PA DANG, DRAG PO'I LAS DANG, ZAS KYI BYA BA MCHOD PA'I BYE BRAG DANG BCAS PA DANG, BSKYED RIM PA'I LUS BRTAS PA'I CHO GA DANG, RDZOGS RIM PA'I BYA BA DANG BYA BA MA YIN PA DANG, DNGOS GRUB GYI CHO GA BSTAN PA'O, ,DE LA DANG PO NI, LE'U BCU DRUG PA RDZOGS PA'I RJES DE NAS, MI BSKYOD PA LA SOGS PA'I DE BZHIN GSHEGS PA THAMS CAD YANG DGONGS PA GCIG TU 'DUS NAS, BCOM LDAN 'DAS RDO RJE 'CHANG CHEN PO LA GSOL BA BTAB PA, MI BSKYOD CES SOGS TE, 'DIS DNGOS SU DE BZHIN GSHEGS PA LNGA DANG, YE SHES LNGA'I SGO NAS BSTOD NAS, SHUGS LA DAM TSIG DANG SDOM PA LA GSOL BA GDAB PA STON NO, ,DE LA MI BSKYOD PA DANG CHOS DBYINGS YE SHES KYI SGO NAS BSTOD PA NI, @703 PHYAG 'TSAL LO ZHES DRANGS, GANG LA NA, NYON MONGS PA'I TSOGS THAMS CAD KYIS MI G-YO BAS NA MI BSKYOD RDO RJE STE, THUGS RDO RJE LA'O, ,DE'I KHYAD PAR NI, STONG PA NYID BZHI'I BDAG NYID YIN PAS NA YE SHES CHE'O, ,RDO RJE NI MI BSKYOD PA LA SOGS PA STE, DE DAG 'DZIN PAS NA DBYINGS SO, ,BDEN PA GNYIS KYI TSUL SHES PAS NA MKHAS PA CHE'O, ,SKU RDO RJE LA SOGS PA'I NANG NAS GTZO BOR GYUR PAS NA RDO RJE GSUM MCHOG GO ,DON DAM PA DANG SKU DANG PHYUNG BA'I DKYIL 'KHOR GSUM GYI NGO BO YIN PAS NA DKYIL 'KHOR GSUM STE, DE LTA BU'I BCOM LDAN 'DAS KHYED KYI GSANG BA'I DAM TSIG GI DE KHO NA NYID KYI DBYANGS DE BSHAD DU GSOL ZHES PA'O, ,RNAM SNANG DANG ME LONG YE SHES KYI SGO NAS BSTOD PA NI, PHYAG 'TSAL LO ZHES DRANG, GANG LA NA, 'OD GSAL BA'I MES 'BAR BAR GYUR PAS NA RNAM PAR SNANG MDZAD DE SKU RDO RJE LA SOGS PA'O, ,DE'I KHYAD PAR NI, 'OD GSAL GYIS SBYANGS PAS NA DAG PA CHE'O, , RDO RJE NI BZHIN GSHEGS PA LNGA STE, DE RNAMS THIM PA'I GZHIR GYUR PA'I DRUG PA'I NGO BO YIN PAS NA ZHI BA'O, ,MCHOG TU DGA' BA'I BDAG NYID CAN YIN PAS NA DGA' BA CHE'O, ,NGO BO NYID KYI DAG PAS NA RANG BZHIN GYIS 'OD GSAL BA'I MCHOG STE, DE LTA BU'I MTSAN NYID CAN GYI RDO RJE ZHES BOS NAS, STON PA STE CHOS RNAMS BSHAD PAR MDZAD CIG CES PA'O, ,RIN CHEN 'BYUNG LDAN DANG MNYAM NYID YE SHES KYI SGO NAS BSTOD PA NI, PHYAG 'TSAL ZHES DRANG NGO, ,GANG LA NA, RIN PO CHE'I RIGS DANG LDAN PA RNAMS DAG CING GSAL BAR MDZAD PAS NA RIN CHEN RGYAL PO STE DE LA'O, , @704 DE'I KHYAD PAR NI, MNYAM NYID YE SHES KYI BDAG NYID YIN PAS NA RAB TU ZAB PA'O, , DE NYID KYI PHYIR RDO RJE NAM MKHA' DRI MA MED DO, ,GZOD MA NAS DAG PAS NA RANG BZHIN DAG PA'O, ,DE LTA BU'I BCOM LDAN 'DAS KHYOD KYIS CHOS THAMS CAD KYIS MA GOS PAS NA GOS PA MED PA'I GSANG BA GSUNGS SHIG PA'O, ,'OD DPAG MED DANG SO SOR RTOG PA'I YE SHES KYI SGO NAS BSTOD PA NI, PHYAG 'TSAL LO ZHES DRANG, GANG LA NA, PAD MA'I RIGS DANG LDAN PA RNAMS KYI BDAG POR GYUR PAS NA RDO RJE DPAG MED RGYAL PO CHE STE, 'OD DPAG MED DO, ,DE'I KHYAD PAR NI, SO SOR RTOG PA'I YE SHES KYI BDAG NYID YIN PAS MI RTOG PA'O, ,DE NYID KYI PHYIR NAM MKHA'I RDO RJE 'DZIN NO, ,'DOD CHAGS NI 'KHOR BA LA ZHEN PA'I MTSAN NYID DE, DE'I PHA ROL TU PHYIN PA'I SHES RAB BRNYES PA NA DE SKAD CES BYA'O, ,DON YOD GRUB PA DANG BYA BA GRUB PA'I YE SHES KYI SGO NAS BSTOD PA NI, DON YOD PA'I RIGS RNAMS KYIS RDZOGS PA'I SANGS RGYAS MDUN DU BYAS PAS NA DON YOD RDO RJE RDZOGS SANGS RGYAS SO, ,ZHI BA LA SOGS PA'I LAS RNAMS KYIS SGRUB PA POS 'GRO BA RNAMS KYI MNGON PAR 'DOD PA'I DON THAMS CAD RDZOGS PAR MDZAD PAS NA BSAM PA THAMS CAD RDZOGS PAR MDZAD PA'O, ,DAG PA'I NGO BO NYID NI 'OD GSAL BAS TE, DE LAS BYUNG BAS NA DE SKAD CES BYA STE, DE LTA BU'I RDO RJE'I SEMS DPA' KHYED LA PHYAG 'TSAL LO ZHES BSTOD PA NYE BAR BSDU BA'O, ,BSTOD PA'I PHAN YON NI, DUS GSUM GYI SANGS RGYAS KUN GYIS BSKUL BA STE, GSUNGS PA'I DE BZHIN GSHEGS PA LNGA'I NGO BO NYID DU STON @705 PA'I BSTOD TSIG YONGS SU DAG CING ZHI BA BSHAD MA THAG PA 'DI RNAMS KYIS, RDO RJE LONGS SPYOD RDO RJE 'CHANG CHEN PO LA BSTOD CING MCHOD NA, GANG BSTOD PAR BYED PA DE YANG SANGS RGYAS TE RDO RJE 'CHANG CHEN PO DANG 'DRA BAR 'GYUR RO, , DE LTAR BSTOD PAS RDO RJE 'CHANG CHEN PO MNYES TE DAM TSIG GSUNG PA LA MNGON PAR PHYOGS PAR BSTAN PA NI, DE LTAR BSTOD PA DE NAS BKA' BSTZAL TO ZHES SBYAR, SU ZHIG GIS NA NYON MONGS PA DANG NYE BA'I NYON MONGS PA'I TSOGS RNAMS ZHI BAR MDZAD PAS NA STON PA RDO RJE 'DZIN STE RDO RJE 'CHANG CHEN POS SO, ,DE NYID NI SANGS RGYAS KUN TE PHUNG PO LNGA'I RANG BZHIN GYIS SEMS CAN RNAMS LA MTHO RIS DANG THAR PA THOB PAR MDZAD PAS NA RJES BRTZE BA'O, ,GANG ZHIG CE NA, RDO RJE GSANG BA NI BSRUNG BA'I DAM TSIG BZHI STE DE DAG GI GNAS TE GZHI DAG CING RNYOG PA MED PA, 'OG NAS 'BYUNG BA'I RDO RJE'I GSUNG 'DI'O, ,AE MA NGO MTSAR CHE'O, ,GANG ZHIG CE NA, MI BSKYOD PA LA SOGS PA'I SANGS RGYAS THAMS CAD KYI CHOS KYI DBYINGS KYI NGO BO NYID KYI YI GE CHEN PO STE CHOS KYI RGYUN NO, ,CI'I PHYIR ZHE NA, RANG BZHIN 'OD GSAL ZHES SO, ,DAM TSIG DANG SDOM PA DNGOS BSTAN PA LA GNYIS TE, 'JIG RTEN LAS 'DAS PA'I DAM TSIG DANG, 'JIG RTEN PA'I DAM TSIG GO ,DANG PO LA GSUM GYI SKU GSUNG THUGS KYI DAM TSIG DANG, RANG SANGS RGYAS KYI DAM TSIG DANG, NYAN THOS KYI DAM TSIG GO ,DANG PO NI, DE NAS PHYAG NA RDO RJE, RDO RJE 'CHANG CHEN POS SANGS RGYAS TE RNAM SNANG LA SOGS PA'I RNAL 'BYOR PA THAMS CAD KYI NANG NAS, SKU @706 RDO RJE RNAM PAR SNANG MDZAD DANG DE'I RIGS CAN GYI RNAL 'BYOR PA'I BSRUNG BA DANG LONGS SPYOD PA'I DAM TSIG 'OG NAS 'BYUNG BA 'DI NYID KYI SKU LA SOGS PA LAS PHYUNG NGO, ,SANGS RGYAS YE SHES RGYA MTSO STE RNAM SNANG DE'I RIGS CAN GYI RNAL 'BYOR PAS, BSRUNG BAR BYA BA'I DAM TSIG BZHI NI, SROG GCOD PA LA SOGS PA BZHI STE DE DAG NI SNGAR LE'U LNGA PAR DGONGS PAS BSHAD PA LTAR SHES PAR BYA'O, ,LONGS SPYOD PA'I DAM TSIG NI, SHA CHEN GTZOR BYAS PA'I BDUD RTZI LNGA RTAG TU BZA' BAR BYA'O, ,GSUNG RDO RJE NI 'OD DPAG MED DANG, DE'I RIGS CAN GYI RNAL 'BYOR PA RNAMS TE, DE DAG GI DAM TSIG NI BSRUNG BA DANG BZA' BA'I DAM TSIG GO, DE LA BSRUNG BA'I DAM TSIG BZHI NI SNGA MA DANG 'DRA LA, BZA' BA'I DAM TSIG NI BSHANG GCI GTZOR BYAS PA'I BDUD RTZI LNGA RTAG TU BZA' BAR BYA'O, ,RDO RJE 'DZIN PA NI, MI BSKYOD PA DANG DE'I RIGS CAN GYI RNAL 'BYOR PA'O, ,DE DAG GI BSRUNG BA'I DAM TSIG 'DRA LA, BZA' BA'I DAM TSIG KHRAG DANG KHU BA DAG GTZOR SBYAR BA'I BDUD RTZI LNGA BRTUL ZHUGS BRTAN PAS RTAG TU BZA' BAR BYA'O, ,SKU GSUNG THUGS KYI RDO RJE'I RNAL 'BYOR RNAMS KYI BZA' BA DANG BSRUNG BA'I DAM TSIG RMAD DU BYUNG BA BSHAD MA THAG PA 'DI DAG NI, SANGS RGYAS TE RNAL 'BYOR PA KUN GYI RTAG TU STE, DUS THAMS CAD DU RDO RJE 'DZIN GYIS TE RDO RJE 'DZIN PA CHEN PO THOB PAR BYA BA'I PHYIR BSRUNG ZHING BSKYANG PAR BYA BA YIN NO, ,DAM TSIG 'DI DAG NI, RNAM SNANG LA SOGS PA'I RNAL 'BYOR PA RNAMS KYIS YIN PAR MA ZAD, RDO RJE 'CHANG CHEN PO'I RNAL 'BYOR PA @707 RNAMS KYI YANG YIN NO ZHES STON PA NI, RDO RJE 'CHANG CHEN PO'I RNAL 'BYOR PA GANG ZHIG GONG DU BSTAN PA'I BSRUNG BA DANG, BZA' BA'I DAM TSIG DE DAG BSRUNG BA ZHES SOGS TE GO SLA'O, ,RANG SANGS RGYAS KYI DAM TSIG BSTAN PA NI, DE NAS PHYAG NA RDO RJE STE RDO RJE 'CHANG CHEN POS RANG SANGS RGYAS KYI BYANG CHUB LA LHAG PAR MOS PA RNAMS LA, RANG SANGS RGYAS KYI DAM TSIG 'OG NAS 'BYUNG BA 'DI NYID SKU LA SOGS PA LAS PHYUNG NGO, ,LUS NGAG GI DKON MCHOG GSUM LA, DAD PA SKYED PAS 'GRO BA'I DON BYED PA NI STON PA STE, DE YANG RANG SANGS RGYAS RNAMS GTZO BOR LUS KYIS BYED KYI NGAG GIS MA YIN TE, GZHAN GYI LUS LA BRTEN PA MED PA'I PHYIR RO, ,DE BAS NA CHO 'PHRUL YA MA ZUNG LA SOGS PA RMAD DU BYUNG BA STON PAS, GDUL BYA RNAMS DAD PAR BYED DE, DE'I PHYIR RANG SANGS RGYAS RNAMS NI LUS KYIS CHOS STON TO, , DE BAS NA DE DAG GI PHRIN LAS NI, NGAG GI 'JUG PA MED PAR RDO RJE'I SKU LA RAB TU GNAS NAS SEMS CAN RNAMS YANG DAG PA'I LAM LA 'JUG PA'I NGANG TSUL CAN YIN LA, SEMS CAN 'JUG PA'I RGYUR GYUR PA'I LUS KYI DAM TSIG STE SDOM PA GANG YIN PA DE'ANG MCHOG TU BRTAG PA STE THOG MA MED PA'I DUS CAN NO, ,'DIR DAM TSIG DANG SDOM PA YONGS SU LEN PA'I RTEN GYI GANG ZAG NI, BSNYEN PA LAS SU RUNG ZHING RIG PA'I BRTUL ZHUGS LA BYANG BAR BSLABS PA DES, MA RIG PA LA SOGS PA'I RTEN 'BREL YAN LAG BCU GNYIS LUGS DANG MTHUN PA DANG LUGS LAS BZLOG PAR NYAMS SU LEN PA STE, DE LTAR NYAMS SU LEN PA'I DGOS PA NI, RANG @708 SANGS RGYAS KYI RIGS CAN GYI GDUL BYA RNAMS LA DE DAG DANG RJES SU MTHUN PA'I LAM BSTAN PAR BYA BA'I PHYIR DANG, 'BRAS BU LHUN GYIS GRUB PA'I DUS SU RANG RGYAL GYIS 'DUL BA'I GDUL BYA RNAMS LA RANG RGYAL DU SPRUL NAS SEMS CAN GYI DON BYED PA'O, ,NYAN THOS KYI DAM TSIG DANG SDOM PA BSTAN PA NI, DE NAS PHYAG NA RDO RJE RDO RJE 'CHANG CHEN POS GANG ZAG GI BDAG MED PA RTOGS PAS DGRA BCOM PA'I 'BRAS BU THOB PA NI NYAN THOS TE, DE THOB PAR BYA BA'I PHYIR, LAM LA BSLAB PA'I DAM TSIG 'OG NAS 'BYUNG BA 'DI NYID THOS LA LHAG PAR MOS PA'I RNAL 'BYOR PA RNAMS KYI PHYIR NYID KYI SKU LA SOGS PA LAS PHYUNG NGO, ,DE GANG ZHE NA, YE SHES TE MI GNAS PA'I MYA NGAN LAS 'DAS PA LA RGYAB KYI PHYOGS SHING SPANGS LA, RANG DON DU GANG ZAG GI BDAG MED KYI SGO NAS DGRA BCOM PA'I 'BRAS BU TZAM THOB PA'I PHYIR DU, SROG GCOD PA SPONG BA LA SOGS PA'I DGE BA BCU'I LAS KYI LAM BYED PA STE, DMAN PAR MOS PA STE BDAG CIG PU MYANG 'DAS LA GZHOL BA NYAN THOS KYI THEG PA BA THAMS CAD KYI DAM TSIG BSHAD MA THAG PA 'DI NI RMAD DU BYUNG BA CHEN PO'O, ,RTEN GYI GANG ZAG SNGAR DANG 'DRA BAS GANG ZAG GI BDAG MED DANG DGE BA BCU NYAMS SU LEN PA'O, ,DGOS PA SNGA MA BZHIN NO, ,'JIG RTEN PA'I DAM TSIG LA BZHI LAS, LHA'I GTZO BO GSUM GYI DAM TSIG 'KHRUL PA BSAL BA DANG BCAS PA NI, TSANGS PA'I SA LA MOS PA RNAMS TSANGS PA'I DAM TSIG BSTAN PAR BYA BA'I PHYIR TSANGS PA'I DAM TSIG 'OG NAS 'BYUNG BA 'DI NYID KYI SKU LA @709 SOGS PA LAS PHYUNG NGO, ,TSANGS PAR GYUR PAS GROL BAR SEMS PA NI GTI MUG STE, DE'I LAM GYIS LAS NI BSNYUNG BAR GNAS PA DANG, ME LNGA BSTEN PA LA SOGS PA GANG BDAG NYID NYON MONGS PAR BYED PA BDE BAR 'KHOD PA RNAMS 'JIGS PAR BYED CING YID DU MI 'ONG BAS MI SDUG PA STE, SANGS RGYAS TE TSANGS PA LA LHAG PAR MOS PA RNAMS KYI, BYANG CHUB STE YE SHES STON PAS TE THOS PAR BYED PA'I DAM TSIG NGAL SHING DUB PAR BYED PA'I MTSAN NYID CAN DE NI TSANGS PA LA LHAG PAR MOS PA RNAMS LA STON NO, ,DE LTAR BSTAN PAS CI ZHIG BYA ZHE NA, TSANGS PA LA MOS PA RNAMS LA THOG MAR RANG DANG RJES SU MTHUN PA'I LAM BSTAN NAS, RIM GYIS SANGS RGYAS KYI BSTAN PA LA BCUG PAS, GTI MUG LA SPYOD PA DE DAG GIS MTHAR SKU'I RDO RJE NYID THOB PAR 'GYUR RO, ,DBANG PHYUG GI GZUGS KYIS 'DUL BA RNAMS LA DRAG PO'I DAM TSIG 'OG NAS 'BYUNG BA 'DI NYID KYI SKU LA SOGS PA LAS PHYUNG NGO, KHAMS GSUM STE SA 'OG SA STENG, SA BLA NA GNAS PA'I BUD MED SNA TSOGS PA DAG LHA MO DBU MA'I GZUGS SU BYAS NAS, DBANG PO GNYIS MNYAM PAR SBYOR BAS SPYOD PA NI, DBANG PHYUG GI DAM TSIG RMAD DU BYUNG BA STE, DE NI DBANG PHYUG GIS 'DUL BA RNAMS LA BSTAN NAS, RIM GYIS SANGS RGYAS KYI BSTAN PA LA BCUG PAS, 'DOD CHAGS LA SPYOD PA DAG GIS MTHAR GSUNG GI RDO RJE NYID 'THOB PAR 'GYUR RO, ,KHYAB 'JUG LA MOS PA RNAMS LA KHYAB 'JUG GI DAM TSIG 'OG NAS 'BYUNG BA 'DI NYID KYI SKU LA SOGS PA LAS PHYUNG NGO, ,KHYAB 'JUG NI GDUG PA CAN @710 BSAD PAS GROL BAR 'DOD PAS, ZHE SDANG CAN YIN PAS DE LA MOS PA RNAMS LA SGONG NGA LAS SKYES PA LA SOGS PA SEMS CAN JI SNYED PA THAMS CAD DANG, RDO RJE MKHA' DBYINGS TE SNOD KYI 'JIG RTEN DANG BDAG NYID KYANG, BSAM GTAN RDO RJES STONG PA NYID DU BCUG NAS, GSAD PAR BYA'O ZHES BSTAN PAR BYA'O, ,DE LTAR BSTAN PAS SANGS RGYAS KYI BSTAN PA LA RIM GYIS ZHUGS TE, ZHE SDANG LA SPYOD PA DE DAG MTHAR THUG GI RDO RJE NYID 'THOB PAR 'GYUR RO, ,CI'I PHYIR TSANGS PA LA SOGS PA PHYI ROL PA'I DAM TSIG DAG STON ZHE NA, TSANGS PA LA SOGS PA YANG SKU RDO RJE LA SOGS PA'I NANG DU 'DUS PAS DE DAG GI DAM TSIG KYANG RIM GYIS RDO RJE GSUM 'THOB PAR BYED PA'I LAM YIN PAS, 'KHRUL PAR MI BLTA'O ZHES BSTAN PA'I PHYIR, DE NAS ZHES SOGS GSUNGS SO, ,TSANGS PA DANG DE LA MOS PA RNAMS NI GTI MUG LA SPYOD PA NYID KYIS SKU RDO RJE RNAM SNANG GI RIGS SO, ,DBANG PHYUG CHEN PO DANG DE LA MOS PA RNAMS NI 'DOD CHAGS LA SPYOD PA NYID KYIS GSUNG RDO RJE 'OD DPAG TU MED PA'I RIGS SO, KHYAB 'JUG NI 'JUG PA DGU STON PAR GRAGS PAS KHYAB 'JUG RDZU 'PHRUL CHE ZHES TE, DE DANG DE LA MOS PA RNAMS NI, ZHE SDANG LA SPYOD PA NYID KYIS THUGS KYI RGYAL PO RDO RJE 'DZIN TE, THUGS RDO RJE MI BSKYOD PA'I RIGS CAN YIN NO, ,DE BAS NA LHA'I GTZO BO GSUM LA MOS PA DE DAG KYANG SKU GSUNG THUGS KYI RDO RJE'I RIGS CAN YIN PAS DE DAG SPANG BAR MI BYA'O, ,THOG MAR DE DAG DANG RJES SU MTHUN PA'I LAM BSTAN NAS, RIM GYIS BSTAN PA LA BCUG PAS @711 MTHAR SKU GSUNG THUGS KYI RDO RJE 'THOB PAR 'GYUR ZHES BSTAN PA YIN NO, , GNOD SBYIN MO LA SOGS PA'I DAM TSIG LNGA BSTAN PA NI, GONG DU BSHAD PA'I CHO GAS GNOD SBYIN MO LA SOGS PA BKUG NAS LONGS SPYAD PAR 'DOD NA, DE DAG TU MNYES PAR BYED PA'I DAM TSIG GZHUNG NAS BSHAD PA 'DI DAG GIS BSTEN PAR BYA'O, ,ZHES STON PA NI, SHA DANG KHRAG DANG CHANG LA SOGS PA ZA BA'I GNOD SBYIN MO 'KHRIG PA LA MCHOG TU GZHOL BA DE NI RDO RJE CHEN MO STE, DE NYID NI RANG SHA DANG KHRAG LA SOGS PA ZA ZHING DE LA YANG SBYIN PA DANG, RTAG TU 'DOD PA SPYOD PA LA SOGS PA DAM TSIG BKA' BA 'DI RNAMS KYIS MNYES PAR BYA'O, ,KLU'I BU MO'I DAM TSIG BSTAN PA NI KLU'I RGYAL PO NOR RGYAL LA SOGS PA'I CHUNG MA LA SOGS KLU MO RNAMS BCUG NAS DBANG DU BYA BAR 'DOD NA, DE DAG NI 'O MA 'THUNG ZHING PHA ROL DBYE BA'I TSIG SMRA BA PHRA MA CAN DANG, 'DOD PA DANG DRI LA 'BAD CING DGA' BA YIN PAS DAM TSIG 'DI DAG NYAMS SU BLANGS PAS DE DAG BSGRUB PAR BYA ZHING DBANG DU BYA'I, GZHAN DU NGES PAR NYON MONGS PAR 'GYUR BA STE DBANG DU MI 'GYUR RO, ,LHA MA YIN GYI BU MO DANG LHAN CIG SPYOD PAR 'DOD NA, DE DAG NI KHRO ZHING RNAM PAR 'TSE BA DANG, NGA RGYAL GYI KHUR GYIS NON PA DANG, SPOS DANG ME TOG LA SOGS PA NYE BAR SPYOD PA LA KUN TU CHAGS PA NI DE DAG GI DAM TSIG PHYOGS GCIG GO ,DAM TSIG RGYAS PA NI, GDUL DKA' BA STE NYAMS SU BLANG DKA'O, ,DE'I PHYIR RDO RJE 'JIGS BYED DANG, RDO RJE SA 'OG GI RGYUD LAS GSUNGS TE, DAM TSIG @712 DE DAG GIS LHA MA YIN GYI BU MO BSTEN PAR BYA'O, ,SRIN MO DBANG DU BYA BAR 'DOD NA, DE'I DAM TSIG NI THOD RUS KYI PHYE MA DANG, 'BRU MAR DANG SHA DANG ZHAG LA SOGS PA DAG GDUG PA DE DAG LA SBYIN PAR BYA STE, DAM TSIG 'DI DAG GIS SRIN MO DAG DGA' BAR 'GYUR RO, ,BSHAD MA THAG PA'I DAM TSIG 'DI NI, SHA ZA LA SOGS PA 'BYUNG PO KUN GYI'ANG DAM TSIG YIN ZHING, DAG BYED DE, BGEGS RNAMS 'JIGS PAR BYED PA DANG, DON TE SGRUB PA PO RNAMS KYI DON CHEN PO BYED PA STE BSAM PA'I DON THAMS CAD BSGRUB PA YIN NO, ,DKAR SHAM MA LA SOGS PA'I RDO RJE MKHA' 'GRO MNYES PA'I DAM TSIG NI, BSHANG GCI DANG KHRAG LA SOGS PA SNGAGS KYIS BYIN GYIS BRLABS NAS BZA' BA DANG, SBYAR BA'I CHANG LA SOGS PA RTAG TU BTUNG ZHING DE RNAMS LA BYIN NAS, RDO RJE MKHA' 'GRO DKAR SHAM MA LA SOGS PA'I SBYOR BA YIS, GNAS KYI MTSAN NYID KYIS TE GDUG PA RNAMS RGYAS BTAB PA KHRAG DRANG BA LA SOGS PA'I SBYOR BAS GSAD PAR BYA BA 'DI NI, RDO RJE MKHA' 'GRO'I DAM TSIG GO, DE LTAR TSANGS PA LA SOGS PA NAS, RDO RJE MKHA' 'GRO'I MTHAR THUG PA'I DAM TSIG BSTAN NAS, DE DAG NGES PAR NYAMS SU BLANG BAR BYA BA NI, TSANGS PA LA SOGS PA 'DI DAG NI, SNOD KYI 'JIG RTEN BZHIN DU RANG GI NGO BO NYID KYIS TE, RANG DBANG GIS THOG MA MED PA'I DUS NAS KUN TU 'BYUNG BA, RDZU 'PHRUL CHEN PO DANG LDAN PA SEMS CAN RNAMS LA PHAN 'DOGS PA DANG, TSAR GCOD PAR BYED CING CHA LUGS SNA TSOGS PA'I GZUGS DANG RGYAN RNAMS KYIS RNAM PAR SPYOD PA'O, ,DE @713 BAS NA DE RNAMS KYI DAM TSIG DNGOS GRUB KUN LA PHAN ZHING THOB PAR BYED PA LA 'DUS PA PAS SPYAD PAR BYA'O, ,GZHAN DU YANG, PHA ROL RGOL BA GANG YANG RUNG, , MTSAN MA'I DBYE BAS GNAS PA RNAMS, ,DE 'DIR BRNYAS PAR MI BYA STE, ,RDO RJE SEMS DPA'I RNAM 'PHRUL YIN, ,ZHES GSUNGS PAS SO, ,GZHUNG NYE BAR BSDU BA NI, KHAMS GSUM THAMS CAD NI TSANGS PA LA SOGS PA'I SEMS CAN RNAMS SO, ,DE RNAMS KYI RDO RJE'I DAM TSIG NI, MI 'DA' BAR NYAMS SU BLANG BA'I RDO RJE 'CHANG GI BKA' STE, DE'I RJES SU 'BRANG BA'I TING NGE 'DZIN STON PA LA DE SKAD CES BYA'O, , LAS KYI LAM RNAM PAR DAG PA NI, LUS KYI DNGOS GRUB NI LUS KYI BYA BA RNAMS SO, , RDZOGS RIM LA GNAS PA'I RNAL 'BYOR PAS, SROG GCOD PA DANG, MA BYIN PAR LEN PA DANG, 'DOD PA LA LOGS PAR G-YEM PA STE LUS KYI LAS RNAM PA GSUM NI, RDO RJE LAS BYUNG BA STE 'OD GSAL LAS BYUNG ZHING DER THIM PAR SHES PAR BYAS NAS, SPYOD LAM THAMS CAD DU CHOS DANG CHOS MA YIN PA LA LTOS PA MED CING BLANG DOR MED PAR STONG PA NYID KYI NGANG NAS NYAMS SU BLANG BA'I KUN TU SPYOD PA BYA'O, ,DE LTAR BYAS PAS DGE MI DGE'I LAS RNAM PAR DAG CING MED PAS, 'BRAS BU BDE 'GRO DANG NGAN 'GRO YANG 'BYIN PAR MI 'GYUR BAS, SEMS CAN KHAMS TE KHAMS GSUM PA RNAMS SANGS RGYAS KYI SKU BYED PA STE MI 'JIG PA RDO RJE'I SKU BYED CING BSKYED PAR 'GYUR RO, ,DE BZHIN DU NGAG GI DNGOS GRUB NI, NGAG GI BYA BA RNAMS TE, RDZUN DU SMRA BA DANG, PHRA MA DANG, TSIG RTZUB PO DANG, NGAG 'KHYAL PAR SMRA BA'I MTSAN @714 NYID CAN GYI, TSIG GI LAS KYI LAM MA LUS PA, KHAMS GSUM DRI MED NI RDO RJE 'CHANG CHEN PO'O, ,DE'I DKYIL 'KHOR NI 'OD GSAL BA STE 'OD GSAL GYIS RNAM PAR DAG PA'I TSIG GI LAM NYAMS SU BLANG BAR BYA'O, ,DES CIR 'GYUR ZHE NA, TSIG GI DNGOS GRUB STE NGAG GI DBANG PHYUG NYAMS DGA' ZHING YID DU 'ONG BA THOB PAS, 'DI NI DAM TSIG SHIN TU 'DA' DKA' BA'O, ,SEMS KYI RDO RJE'I DAM TSIG DNGOS GRUB NI, SEMS KYI BYA BA RNAMS TE, BRNAB SEMS DANG, GNOD SEMS DANG, LOG PAR LTA BA'I MTSAN NYID CAN GYIS YID KYI RDO RJE'I RANG BZHIN KUN RDO RJE BRTAN PA'I BLOS TE, 'OD GSAL LA GZHOL BA'I BLO GROS KYIS SO SOR BRTAG BZHIN PAS BSGOM PAR BYA'O, ,GZHUNG NYE BAR BSDU BA NI, RDO RJE MI PHYED GSUM LDAN GYIS TE, RDZOGS PA'I RIM PA'I TING NGE 'DZIN LA GNAS PA RNAMS KYIS, DAM TSIG BSHAD MA THAG PA GSUM PO 'DI YIN GYI, GZHAN GYI MA YIN NO ZHES, BCOM LDAN 'DAS KUN TU MDZES DGA' RDO RJE SEMS DPAS DE SKAD BKA' BSTZAL TO, ,PHYAG BYA BA'I TSUL LA GNYIS KYI, BSKYED RIM PA'I PHYAG BYA BA'I TSUL NI, SNGAGS THAMS CAD KYI RDO RJE NI SNGAGS LA MCHOG TU GZHOL BA RNAMS TE, DE RNAMS KYI DAM TSIG 'OG NAS 'BYUNG BA 'DI NYID KYI SKU LA SOGS PA LAS PHYUNG NGO, ,BSKYED PA'I RIM PA LA GNAS PAS KYANG SANGS RGYAS LA SOGS PA GZHAN DAG LA, 'JIG RTEN MA DAD PA SPANG BA LA SOGS PA DGOS PA'I DBANG GIS LUS SAM NGAG GANG RUNG NGAM, GNYIS KA PHYAG BYED PA LA NYES PA MED KYI, SKU GSUNG THUGS SU SBYOR BAS TE YID GUS PA DANG BCAS @715 PAS LUS NGAG GNYIS KYIS PHYAG 'TSAL NA, MA RUNGS PA STE MNGON PAR 'DOD PA'I DNGOS GRUB NYAMS PAR 'GYUR TE, BDAG NYID HE RU KA'I NGA RGYAL LAS NYAMS NAS DMAN PA'I 'DU SHES SKYES PA'I PHYIR RO, ,RDZOGS RIM PA'I PHYAG BYA BA NI, DE BZHIN GSHEGS PAS TE SEMS CAN THAMS CAD KYI SKU LA SOGS PA'I BSAM GTAN GYI DAM TSIG NI YE SHES KYI SKU SGYU MA LTA BUR DMIGS PA'I RNAM PA STE NYID KYI SKU LA SOGS PA LAS PHYUNG NGO, ,BSAM GTAN BSGOM PAR BYA'O ZHES DRANG, SU ZHIG GIS NA, SNGAGS ZLOS PAS TE RDO RJE'I BZLAS PA LA DGA' BA NANG LA MCHOG TU GZHOL BA'I RNAL 'BYOR PAS SO, ,YUL GANG LA ZHE NA, KUN TU STE SEMS CAN THAMS CAD KYI SKU LA SOGS PA'I DKYIL 'KHOR LA'O, ,TSUL JI LTAR NA, RDO RJE SEMS DPA' STE RDO RJE 'CHANG CHEN PO BSAM GTAN RDO RJE GSUM SBYOR BAS TE RDO RJE GSUM MI PHYED PA'I RANG BZHIN GYI YE SHES KYI SKU SGYU MA LTA BUR DMIGS PAS SO, ,RDZOGS RIM PAS PHYAG BYA BA JI LTA BU ZHE NA, SNGAGS THAMS CAD KYI SGRUB PA'I RDO RJE NI ZUNG 'JUG GI RIM PA GNAS PA STE, DE RNAMS KYI DAM TSIG DANG SDOM PA NYID KYI SKU LA SOGS PA LAS PHYUNG NGO, ,MCHOG STE SHIN TU KHYAD PAR DU 'PHAGS SO ZHES DRANG, GANG ZHIG NA, RDO RJE GSUM STE DE BZHIN GSHEGS PA LA SOGS PA'I SKU LA SOGS PA LA DGOS PA'I DBANG GIS PHYAG 'TSAL BA'O, ,SU ZHIG GIS NA, RDZOGS PA'I RIM PA LA GNAS PA'I RNAL 'BYOR PAS SO, , TSUL JI LTAR PHYAG 'TSAL ZHE NA, RDZOGS PA DANG MA RDZOGS PA'I SEMS @716 CAN GYI KHAMS RNAMS MDOR NAS TE GCIG TU BYAS NAS YE SHES KYI SKU SGYU MA LTA BU DMIGS PA'I BSAM GTAN RDO RJES BSKUL ZHING BSLAB PAR BYA BA'I TSUL GYIS SO, ,DON NI, RDZOGS RIM PAS GZHAN GANG LA'ANG PHYAG MI BYA ZHING, GAL TE DGOS PA'I DBANG GIS PHYAG BYED NA, SEMS CAN THAMS CAD RDO RJE 'CHANG CHEN PO SGYU MA LTA BU'I SKU DMIGS TE PHYAG BYA'O, ,ZHES PA'O, ,RDZOGS RIM PA'I PHYAG 'DI NI RDO RJE STE RDZOGS PA'I RNAL 'BYOR RDO RJE 'CHANG CHEN PO 'BYUNG ZHING BSKYED PAR BYED PA'I SPYOD PA ZHES BYA'O, ,DE KHO NA NYID RTOGS PA'I THABS LA GNYIS LAS, BSKYED RIM SGOM PA POS YUL DANG DBANG PO THABS SHES RAB TU BSGOM PA NI, BSNYEN PA LA SOGS PA RNAL 'BYOR BZHI LA ZHUGS PA RNAMS KYIS SGRUB PA'I DUS SU SDOM PA BSTAN PA NI, DE NAS ZHES SOGS TE, BSNYEN PA LA SOGS PA NI BSHAD ZIN TO, , RDO RJE BSHANG GCI STE MIG LA SOGS PA'I DBANG PO LNGA DANG, GZUGS LA SOGS PA'I YUL LNGA THABS DANG SHES RAB KYI RANG BZHIN GYIS, NAM MKHA'I DBYINGS YONGS SU GANG BAR BSAMS NAS, DUS GSUM DAG TU RDO RJE STE SKU GSUM LA DBUL ZHING BSTEN PAR BYA'O, ,DE LA GZUGS LA SOGS PA'I YUL LNGA DE BZHIN GSHEGS PA LNGAR BSGOM STE, LONGS SPYOD PA LONGS SKU LA DBUL BA DANG, SPYAN MA LA SOGS PA BZHI DANG, CHOS DBYINGS RDO RJE MA DANG LNGA BSGOM PA CHOS SKU LA DBUL BA DANG, GZUGS RDO RJE MA LA SOGS PA LNGAR BSGOM PA SPRUL SKU LA DBUL BA'O, ,ZHES BLA MA SNGA RABS PA DAG 'CHAD DO, ,RDZOGS RIM SGOM PA POS 'OD GSAL LAS ZUNG 'JUG GI SKUR @717 BSGOM PA NI, DE NAS ZHES SOGS TE, RDO RJE THAMS CAD NI THUN MONG BA'I SKU GSUNG THUGS TE DE MI SNANG BA NI 'OD GSAL DU 'JUG PA'O, ,'DI LAS RDO RJE'I SKU DANG MNYAM PAS NA DAM TSIG STE, GNYIS PO 'DI DAG NYID KYI SKU LA SOGS PA LAS PHYUNG NGO, ,DUS BZHI STE, STONG PA NYID BZHI'I MCHOG STE BLA NA MED PA DE NYID NYIN RE STE RTAG TU SPYAD CING BSGOM PAR BYA'O, ,ZHES PAS RTAG TU 'OD GSAL LA 'JUG PA BSTAN NAS, DGOS PA'I DBANG GIS LDANG BAR YANG BYA'O ZHES STON PA NI, YANG NA RDZAS KYANG RTAG TU DBROG ZHES TE, RDZAS NI YE SHES KYI SKU'O, ,DBROG PA NI LEN PA ST LUGS BZLOG GI SNANG BA GSUM RLUNG DANG BCAS PA LAS YE SHES KYI SKUR LDANG NGO ZHES PA'O, ,DAM TSIG RDO RJE RDZOGS BYED ZHES PA DE BZHIN GSHEGS PA RNAMS MNYES PAR BYED PA'I DAM TSIG GO LUS BRTAS PA'I SBYOR BA LA GNYIS KYI, GANG LA GZHOL BA'I LUS BRTAS PA'I SBYOR BA NI, DE NAS ZHES SOGS TE, NAM MKHA'I RIG PA NI DE BZHIN NYID DE, DE 'DZIN CING DMIGS PAR BYED PAS NA, NAM MKHA'I RIG PA 'DZIN PA NI RNAL 'BYOR PA'O, ,DE'I MNYAM PA 'DIS BYED CING LUS RGYAS PAR BYED PAS NA DAM TSIG STE, LUS BRTAS PA'I CHO GA 'DI NYID KYI SKU LA SOGS PA LAS PHYUNG NGO, ,SGRUB PA PO BDAG NYID KYI SKU GSUNG THUGS KYI RDO RJE BDE BAR GNAS PAR BYA BA'I PHYIR, DBU RGYAN DAG LA BSAM GTAN BSAM, ,ZHES PA, KLAD RGYAS KYI BDUD RTZI CHA BCU DRUG TU GNAS PA ZLA BA PHYED KYI BAR DU NYIN ZHAG RE LA CHA RE 'BAB PA STE, MANG DU PHAB PAS LUS BRTAS PAR 'GYUR TE, RGYAS PAR LE'U BCU GNYIS @718 PAR BSHAD PA BZHIN SHES PAR BYA'O, ,DE'I PHAN YON NI RDO RJE GSUM NI LUS, DE SKYES PA NAS BRTZAMS NAS MNYAM PAR 'GRO ZHING RJES SU 'JUG PAS NA, RDO RJE'I DAM TSIG GI RLUNG LA SOGS PA'I NAD RNAMS TE, DE RNAMS KHROS SHING 'KHRUGS PAS LUS MI THUB CING ZIL GYIS GNON MI NUS SO, ,DE SKAD DU YANG MA RGYUD LAS, GANG ZHIG BDUD RTZI'I RANG BZHIN DU, ,SPYI BOR RTAG TU NGES 'BAB PA, ,RNAL 'BYOR DBANG POS DE 'THUNG NA, ,RGA DANG 'CHI BA RNAM PAR 'JIG ,JI LTAR PAD MA'I STONG PO LAS, MI YIS CHU NI 'DREN PAR BYED, ,DE BZHIN NYE BAR 'THUNG PA YIS, ,RNAL 'BYOR DBANG PO STOBS CHEN 'TSO, ,ZHES DANG, RTZA BA'I RGYUD LAS KYANG, LCE NI SKAN LA SBYAR BYA ZHING, SNA YI RTZE MOR BSAM PAR BYA, ,RDO RJE PHRA MO DE REG PAS, , SEMS NI MNYAM PAR BZHAG PAR 'GYUR, ,ZHES GSUNGS PA'I PHYIR RO, ,SNGAGS LA MCHOG TU GZHOL BA'I LUS BRTAS PA'I CHO GA NI, SNGAGS 'CHANG LAS DANG PO PA NI, RNAM SNANG LA SOGS PA'I ZLOS PA PO RNAMS SO, KHA ZAS LA LONGS SPYOD PA'I DUS SU, SKU'I RDO RJE BYIN GYIS BRLAB PAR BYA'O, ,ZAS LAS GZHAN PA'I PHYI ROL GYI YUL RNAMS LA NI RDO RJE 'DZIN PAR BYIN GYIS BRLAB BO, ,MDO NI GSUNG RAB BO, , 'DON PA NI KLOG PA'O, ,CHO GA'I BYA BA NI, SPYAN 'DREN DANG, GSHEGS GSOL LA SOGS PA STE, CHOS THAMS CAD TSIG TU 'DON PA DANG, DBYANGS SU LEN PA LA SOGS PA LA, RTAG PAR RDO RJE CHOS TE 'OD DPAG TU MED PAR BYIN GYIS BRLAB BO, ,DE KHO NA NYID KYI TING NGE 'DZIN LA GNYIS TE, GNYIS SU MED PA'I YE SHES BSTAN PA DANG, @719 RTOGS PA'I THABS BSKYED RIM GYI LHA BSGOM PA'O, ,DANG PO LA BDUN GYI, LAS LA SOGS PA RNAM PAR DAG PA'I SGO NAS GNYIS SU MED PA'I YE SHES BSTAN PA NI, GANG SNGAR 'DAS PA DANG 'OG NAS 'CHAD PA'I LAS KYI TSOGS LA SOGS PA BYED PA NA, SOGS PA BYED PA NA, RNAM PAR DAG PA LA SBYAR BA DE BSHAD PA'I DON DU 'OD GSAL GYI TING NGE 'DZIN MNGON SUM DU MDZAD PAR BSTAN PA'I PHYIR, DE NAS ZHES SOGS TE, RDO RJE 'DZIN PA THAMS CAD NI MI BSKYOD PA LA SOGS PA'I DE BZHIN GSHEGS PA RNAMS SO, ,SKU GSUNG THUGS KYI RDO RJE NI, MA RDZOGS PA'I SEMS CAN RNAMS TE, DE RNAMS MNYAM PA NYID NI 'OD GSAL LA GCIG TU GZHOL BAR RNAM PAR DGONGS PAR TE BSGOMS NAS CANG MI SMRA BAR 'GYUR TO, ,'KHOR GYI DRIS LAN GYI TSUL GYIS GNYIS SU MED PA'I YE SHES BSTAN PA NI, BCOM LDAN 'DAS CANG MI GSUNG BAR BZHUGS PA DE NAS, BYAMS PA LA SOGS PA BYANG CHUB SEMS DPA' RNAMS KYIS MI BSKYOD PA LA SOGS PA'I DE BZHIN GSHEGS PA RNAMS LA PHYAG 'TSAL NAS, BCOM LDAN 'DAS 'KHOR GYI NANG DU CANG MI GSUNG BA'I RGYU ZHUS PA'O, ,RIGS KYI BU ZHES BYANG CHUB SEMS DPA' DE DAG LA BOS NAS, RDO RJE 'CHANG CHEN PO NI SKU GSUNG THUGS KYI NGO BO NYID DMIGS SU MED PA NI, 'OD GSAL BA YIN LA, DE YI YI GE'I TSIG NI, DE KHO NYID LAS MI 'GYUR BA'I GNAS TE, NGO BO NYID MED PA'I YI GE'I TSIG STE BRJOD DU MED CING RNAM PAR MI 'JIG PA'I GNAS 'OD GSAL LA RNAM PAR DPYOD CING DE MNGON SUM DU MDZAD NAS, BDAG CAG RNAMS LA 'OD GSAL DE BSTAN PA'I PHYIR CANG MI @720 GSUNG BAR 'GYUR RO, ,DE NYID RNAM PAR 'GREL PA NI, RIGS KYI BU ZHES BSO NAS, DE BZHIN GSHEGS PA THAMS CAD KYI BDAG PO 'DI 'OD GSAL LA ZHUGS NAS, GNAS LUGS LA SEMS PA NA 'DI SNYAM DU 'GYUR RO, ,KHAMS GSUM PA RNAMS KYI SKU DANG, GSUM DANG THUGS DAG NI SKYE BA'I RGYU MED PAS NA GDOD MA NAS MA SKYES SHING MI 'GYUR BA, KHA DOG DANG DBYIBS LA SOGS PA'I MTSAN MA MED PA'I BDAG NYID CAN, NAM MKHA' RDO RJE'I TOG STE DE BZHIN NYID LAS BYUNG BA, THAMS CAD STONG PA 'OD GSAL GYI NGO BO NYID YIN NO, ,'O NA LHA'I 'KHOR LOR JI LTAR 'GYUR ZHE NA, LOG PAR GZUNG BA NI SGYU MA LTA BU'I SKU STE, DES ZIN PA NI KHAMS GSUM PA RNAMS THAMS CAD DON DAM PAR STONG PA NYID YIN YANG, THA SNYAD DU SGYU MA TZAM DU GNAS PAS LHA'I 'KHOR LO MI 'GAL ZHES PA'O, ,DE BZHIN GSHEGS PA RNAMS PHAN TSUN BSKUL BA'I SGO NAS DE NYID GSAL BAR BSTAN PA NI, DE NAS 'JAM DPAL LA SOGS PA'I BYANG CHUB SEMS DPA' CHEN PO RNAMS KYIS LOG PAR GZUNG BAS, ZHES PA'I RDO RJE'I TSIG 'DI'I DGONGS PA MI SHES PA LTA BUR BCOS NAS, MA 'ONGS PA'I GDUL BYA LA PHAN GDAGS PA'I PHYIR, DE GSAL BAR BYA BA'I BSAM PAS, MI BSKYOD PA LA SOGS PA'I DE BZHIN GSHEGS PA DAG LA 'DI SKAD CES GSOL TO, ,DE BZHIN GSHEGS PA THAMS CAD CES BOS NAS, LOG PAR GZUNG BAS ZIN PA YIN ZHES, GSUNG RDO RJE, RDO RJE 'CHANG CHEN POS CHOS STON PA'I TSIG LA, PHYIN CI LOG STE RDZUN KUN TU 'BYUNG BA'I RGYU, STON PA CANG MI GSUNG BAR BZHUGS @721 PA DE, 'OD GSAL MA RTOGS PA'AM MI SHES PA YIN NAM SNYAM DU MI BRTAG TU GSOL, DE CI'I SLAD DU ZHE NA, DE BZHIN GSHEGS PA THAMS CAD KYI BDAG PO RDO RJE 'CHANG CHEN PO 'DI 'DAS PA'I DE BZHIN GSHEGS PA THAMS CAD KYI RDO RJE'I DBYINGS TE MYA NGAN LAS 'DAS PA'I NGO BO NYID THAMS CAD STONG PAS 'OD GSAL LA, LUGS 'BYUNG GI SNANG BA GSUM GYIS RIM GYIS GSHEGS SHING, LUGS LDOG GI SNANG BA GSUM GYIS SLAR YANG ZUNG 'JUG TU BYON PA'I RJES SU 'GRO ZHING SPYOD PAR GYUR PA'I PHYIR, 'OD GSAL MA RTOGS PA MA YIN NO, ,DE CI'I SLAD DU ZHE NA ZHES PAS, DGOS PA CI'I PHYIR DU STON PA 'OD GSAL LA ZHUGS PA DANG BZHENGS PA STON CE NA, TSANGS PA DANG SKYE RGU'I BDAG PO LA SOGS PA NYON MONGS PA CAN MA YIN PA'I MA RIG PA'I SEMS DANG LDAN PAS NA, BYANG CHUB SEMS DPA' CHEN PO PHRA BA DANG YANG BA LA SOGS PA'I MNGON PAR SHES PA DANG, 'JIG RTEN PA'I THAMS CAD MKHYEN PA'I YE SHES THOB PA YIN KYANG, GZUGS LA SOGS PA'I CHOS THAMS CAD KYI MTSAN NYID KUN RDZOB KYI BDEN PA DANG, NGO BO NYID 'OD GSAL LA DON DAM PA'I BDEN PA DAG GI RNAM DBYE MI SHES NAS, 'DI SNYAM DU RTOGS TE, CI RDO RJE'I BDAG NYID DE STON PA RDO RJE 'CHANG CHEN PO 'DI RGYU BA DANG, MI RGYU BA'I CHOS THAMS CAD KYI RDO RJE'I DE KHO NA NYID MTHAR THUG PA'I NGO BO NYID DE, MNGON PAR MI SHES SHING MA RTOGS KYANG, GSANG BA'I YI GE SEMS CAN THAMS CAD DANG THUN MONG MA YIN PA'I GSANG BA 'CHAD DAM, YANG NA SHES NAS STON SNYAM DU SOM NYIR GYUR TE, DE RNAMS KYI SOM NYI BZLOG PAR @722 BYA BA'I PHYIR DANG, BDAG NYID KYIS BDEN PA GNYIS THUGS SU CHUD PAR BSTAN PAR BYA BA'I PHYIR, 'OD GSAL BAR ZHUGS PA DANG BZHENGS PA STON PA YIN NO, , DE LTAR STON PA'I DE KHO NA NYID BRNYES PAR BSTAN PAS TSANGS PA LA SOGS PA 'DI SNYAM DU SEMS PAR GYUR TE, BDAG CAG KHO NAS ZUNG 'JUG MA RTOGS PA CI'I PHYIR SNYAM DU SEMS PA DANG, DE BZLOG PA'I PHYIR, DE NAS MI BSKYOD PA LA SOGS PA DE BZHIN GSHEGS PA THAMS CAD KYIS, 'JAM DPAL LA SOGS PA'I BYANG CHUB SEMS DPA' DE DAG LA 'DI SKAD CES BKA' BSTZAL TO, ,TSANGS PA LA SOGS PA BYANG CHUB SEMS DPA' CHEN PO RNAMS KYIS ZUNG 'JUG GI YE SHES RTOGS PA LTA CI SMOS, NGED DE BZHIN GSHEGS PA RNAMS KYIS SKU GSUNG THUGS KYI GSANG BA STON PA'I YI GE'I RDO RJE'I TSIG JI SNYED CIG RDO RJE 'CHANG CHEN PO LA MNGON SUM DU THOS KYANG, SKU GSUNG THUGS TE RDO RJE 'CHANG CHEN PO'I BYANG CHUB 'BRAS BU'I MNGON PAR RTOGS PA NI, NGED KYIS KYANG DON DAM PAR MI SHES SHING MA RTOGS SO, ,DE CI'I PHYIR ZHE NA, SKYE BA MED PA'I RDO RJE, RDO RJE 'CHANG CHEN PO'I MNGON PAR BYANG CHUB PA RGYU DANG 'BRAS BU GNYIS SU MED PA NI, RTOG PA THAMS CAD KYI NGO BO NYID DANG NGES PAR BRAL BAS NA NGO BO NYID MED PA DE NYID KYIS NA MI 'GYUR BA STE, DON DAM PA'I BDEN PA LAS BYUNG ZHING SKYES PA'I PHYIR, RTOGS BYA'AM 'THOB BYAR MED DO SNYAM DU DGONGS SO, , DE LTAR RDO RJE 'CHANG CHEN PO'I BYANG CHUB RNYED PAR DKA' BA BSTAN PA NA, TSANGS PA LA SOGS PA 'DI SNYAM DU SEMS TE, KHYED DE BZHIN GSHEGS PA RNAMS KYIS KYANG @723 MA RTOGS NA, NGED SEMS CAN RNAMS KYIS RNAM PA THAMS CAD DU MI RTOGS SO SNYAM DU SEMS PA NA, DE DAG GI SGYID LUG PA BSAL BA'I PHYIR, KUN RDZOB TZAM DU THOS BSAM SGOM GSUM LA 'BAD NA, SEMS CAN THAMS CAD KYI DE KHO NA NYID RTOGS SHING THOB PAR 'GYUR RO ZHES STON PA NI, RIGS KYI BU ZHES BYANG CHUB SEMS DPA' RNAMS LA BOS NAS, SGO NGA LAS SKYES PA LA SOGS PA SEMS CAN CHEN PO'I KHONGS SU GTOGS PA'I SEMS CAN JI SNYED PA DE DAG THAMS CAD THOS BSAM SGOM PA'I RIM GYIS ZHUGS PAR GYUR NA DE KHO NA NYID KHONG DU CHUD PA'I BYANG CHUB LA GNAS PA SANGS RGYAS RDO RJE STE DE BZHIN GSHEGS PA NYID YIN NO, ,DE CI'I PHYIR ZHE NA, KYE MA ZHES PA NI NGES PAR RO, ,KHAMS GSUM DU GTOGS PA'I SEMS CAN 'DI DAG NI, CHOS KYI SKU LA SOGS PA SKU GSUM RDO RJE 'DZIN PA DRUG PA RDO RJE 'CHANG CHEN PO'I NGO BO NYID YIN PA'I PHYIR, THOS BSAM SGOM GSUM LA RIM GYIS ZHUGS NAS, SKU GSUNG THUGS RDO RJE, RDO RJE 'CHANG CHEN PO'I GNYIS SU MED PA'I YE SHES GDON MI ZA BAR THOB PAR 'GYUR BA SHA STAG YIN NO, ,DE LTAR BYANG CHUB SEMS DPA' DANG DE BZHIN GSHEGS PA RNAMS PHAN TSUN RNAM PAR SMRA BAS, BCOM LDAN 'DAS MNYES PAR MDZAD NAS, DON DE NYID STON PA RANG GI GSUNG GIS BSTAN PA NI, DE NAS ZHES SOGS SO, ,RANG BZHIN GYIS DAG PA'I RGYU BA DANG MI RGYU BA'I DNGOS PO RNAMS KYI BDAG MED PA NI 'OD GSAL BAS TE, DE LAS BYUNG BA'I CHOS KYI DBYINGS NI BYANG CHUB KYI SEMS RDO RJE, RDO RJE 'CHANG CHEN PO DE NI GNAS MED PA YIN YANG DKYIL 'KHOR @724 BA MA LUS PA BSKYED PA'I GNAS SU GYUR PAS, SKU GSUNG THUGS KYI RDO RJE YANG DAG PAR BYUNG BAS DE BSKYED PA DANG, RTOGS PAS TE, SANGS RGYAS KYI RNAM PAR 'PHRUL PA'I BYA BA RNAMS 'BYUNG ZHING 'JA' TSON LTAR SNANG BAS SMRA BA DANG, RNAM PAR BRTAGS NA MI RNYED PA'I PHYIR SMRA BA MA YIN PA'O, ,RNAL 'BYOR PAS SANGS RGYAS 'GRUB PA'I RGYU ZHUS LAN GYI SGO NAS BSTAN PA NI, DE BZHIN GSHEGS PA STE SANGS RGYAS THAMS CAD KYI SKU LA SOGS PA'I DNGOS GRUB DANG POR GANG LAS YANG DAG PAR BYUNG, BAR DU GANG DU GNAS, MTHAR GANG DU THIM PAR 'GYUR ZHES ZHUS PA'O, ,RDO RJE 'CHANG CHEN POS LAN GSUNGS PA NI, DNGOS GRUB THAMS CAD NI RANG GI SKU GSUNG THUGS GCIG NAS GCIG TU BRGYUD PA'I RGYUN DE NYID MI BSKYOD PAS NA RDO RJE STE, 'OD GSAL BAR ZHUGS PA DE NYID LA THA SNYAD DU GNAS SO, ,'JIG RTEN PA'I DNGOS GRUB 'BA' ZHIG TU MA ZAD KYI, STOBS DANG MI 'JIGS PA LA SOGS PA THAMS CAD MKHYEN PA'I YON TAN DANG, KHAMS GSUM JI SNYED PA DAG KYANG THA SNYAD DU SKU GSUNG THUGS LAS BYUNG ZHING DE NYID LA GNAS SO, ,DE BZHIN GSHEGS PA THAMS CAD KYI SKU DANG GSUNG DANG THUGS KYI DNGOS GRUB KYI RGYU SKU GSUNG THUGS DANG, SA LA SOGS PA'I KHAMS GSUM PA RNAMS DON DAM PAR GANG NA GNAS ZHES ZHUS PA'O, ,DE DAG NI NAM MKHA' STE YANG DAG PA'I MTHA' LA GNAS SO ZHES PA LAN NO, ,NAM MKHA' STE YANG DAG PA'I MTHA' GANG NA GNAS ZHES ZHUS PA'O, ,GANG DU YANG GNAS PA MA YIN NO ZHES PA LAN NO, ,DE BZHIN GSHEGS PA RNAMS KYIS NGO MTSAR BA'I SGO NAS KYANG @725 GNYIS SU MED PA'I YE SHES GSAL BAR BSTAN PA NI, RNAM PAR DAG PA 'OD GSAL BA LA NGO MTSAR DU GYUR, LTA BA LA RMAD DU GYUR NAS, AE MA HO RDO RJE ZHES RAB TU DANG BAS LAN GNYIS BZLAS PA'O, ,AE MA HO RDO RJE YIS BSHAD PA, ZHES PA BSHAD PA RNYED PAR DKA' BA NYID KYIS NGO MTSAR BAR GYUR PA STE, AE MA'O STE NGO MTSAR RO, , GANG LA ZHE NA, RDO RJE STE KUN RDZOB DANG DON DAM PA'I BDEN PA BSHAD CING BSTAN PA LA'O, ,GANG DU ZHE NA, DON DAM PA'I BDEN PA GANG DU LUS DANG NGAG DANG SEMS MED PA DE RU STE, DE LA RNAM PA THAMS CAD KYI MCHOG DANG LDAN PA'I BDAG NYID CAN GYI GZUGS TE LHA'I SKUR RNAM PAR BSGOM ZHING SKYED PAR BYED PA DE NGO MTSAR RO ZHES PA'O, DE'I THABS BSKYED RIM PA'I LHA'I SKU BSKYED PA LA GSUM LAS, SDUD PA PO'I TSIG GIS STON PA'I KHYAD PAR BSTAN PA NI, DE NAS BSHAD PAR MDZAD CES SBYAR RO, ,GANG GIS NA STON PA RDO RJE 'DZIN TE, DE NI SANGS RGYAS TE DE BZHIN GSHEGS PA KUN GYIS PHYAG BYAS PA DANG, RDO RJE GSUM NI SEMS CAN THAMS CAD DO, ,DE RNAMS KYI MCHOG NI LHA CHEN PO DANG KHYAB 'JUG DANG TSANGS PA RNAMS SO, ,DE RNAMS KYI MCHOG NI NYAN THOS DANG RANG RGYAL RNAMS SO, ,DE RNAMS KYI MCHOG NI RDO RJE 'CHANG CHEN PO STE, DE NI SKU DPAG TU MED PA SPRUL NAS 'GRO BA'I DON MDZAD PA, SKU YI DBANG PHYUG GSUNG DBYANGS DRUG CU DANG LDAN PAS CHOS STON PA GSUNG GI DBANG PHYUG DANG, DE BZHIN DU NI SHES BYA JI LTA BA DANG JI SNYED PA MKHYED PA THUGS KYI DBANG PHYUG DANG, STOD NAS ME 'BAR SMAD NAS CHU 'KHRUG SOGS RDZU 'PHRUL, ZLA BA CHU NANG DU 'CHAR BA LTAR GDUL BYA GANG NA YOD PAR KUN TU 'GRO BA'I DBANG @726 PHYUG DANG, CI 'DOD STER BA DANG SEMS BSKYED DANG STOBS SOGS KYI YON TAN BRGYAD PA'O, , ZHES GSUNGS PA LTAR, DBANG PHYUG GI YON TAN BRGYAD DANG LDAN PAS NA SKU RDO RJE LA SOGS PA'I RDO RJE GSUM LA, MCHOG STE KHYAD PAR DU DBANG BSGYUR BAR MDZAD PAS NA, RDO RJE GSUM GYI DBANG PHYUG MCHOG GO ,DES CI ZHIG BSHAD CE NA, 'JIG RTEN DANG 'JIG RTEN LAS 'DAS PA'I DNGOS GRUB KUN SGRUB PAR GYUR PA'I RIG PA'I SKYES BU NI SNGAGS KYI SKU STE, DE BSGOM ZHING SKYED PAR BYED PA BSKYED PA'I RIM PA'O, ,STON PA'I GSUNG GIS MI BSKYOD PA'I DKYIL 'KHOR BSKYED PA'I TING NGE 'DZIN BSTAN PA NI, SANGS RGYAS KYI DKYIL 'KHOR TE RDZOGS PA DANG MA RDZOGS PA'I SEMS CAN GYI KHAMS RNAMS MKHA' DBYINGS RDO RJE'I DBUS SU GNAS PA STE, 'OD GSAL BAR CHUD PAR BSGOM ZHES PA GZHAL YAS KHANG GDAN DANG BCAS PA BSKYED NAS, LHAG MOS BSDU BA SNGON DU 'GRO BA CAN GYI DE BZHIN NYID LA BYANG CHUB PA BSTAN TO, ,DE NAS SEMS CAN GYI TSOGS THAMS CAD RDO RJE'I SKU STE SKU RDO RJE'I RGYUR GYUR PA ZLA BA'I GZUGS SU RAB TU BSGOMS NAS ZHES PAR ZLA BA LAS BYANG CHUB PA'O, ,ZLA BA'I SPYI BOR TE STENG DU 'BRU GSUM YONGS SU GYUR PA LAS RDO RJE RTZE MO LNGA PA BSGOM PA PHYAG MTSAN LAS BYANG CHUB PA'O, ,DE YONGS SU GYUR PA LAS MI BSKYOD PA ZHAL GSUM PA SKU GSUM LAS BYUNG BA STE SKU GSUM GYI BDAG NYID CAN 'OD ZER LNGA RNAM PAR 'PHRO BA RNAM PAR BSAM ZHES PA DANG PO SBYOR BA'O, ,RDO RJE 'KHOR LO 'DZIN BSAMS NA, ,ZHES PA, PHYAG RGYA DANG SNYOMS PAR ZHUGS PAS DKYIL 'KHOR PA @727 RNAMS BSKYED DE, SPROS, BSDUS RANG GNAS SU BKOD PA DKYIL 'KHOR RGYAL MCHOG GO ,LHA'I SKU DE LTA BU BSAMS NA, RNAL 'BYOR PAS BYANG CHUB STE, MI BSKYOD PA NYID MYUR DU THOB PAR 'GYUR RO, ,RNAM SNANG LA SOGS PA'I TING NGE 'DZIN GYI DBYE BAS BSGOM PA NI, JI SKAD BSHAD PA'I RIM PA 'DI NYID KYIS RNAM SNANG LA SOGS PA'I RNAL 'BYOR PAS, 'KHOR LO LA SOGS PA YONGS SU GYUR PA LAS, THAMS CAD DE, RNAM PAR SNANG MDZAD LA SOGS PA'I GSANG BA 'DI NI, RIGS KYI BYE BRAG GIS LHA'I GZUGS 'DZIN PA'I GSANG BA RNAM PAR BSAM MO, ,GZHAN DU STE RNAM PA GZHAN GYIS BSGOM NA, RNAM SNANG LA SOGS PA DE DAG GI DNGOS GRUB MCHOG GI RGYUR MI 'GYUR RO, ,RNAL 'BYOR GYI SPYOD PA BSTAN PA LA LNGA LAS, YE SHES KYI PHYAG RGYA DANG SNYOMS PAR 'JUG PA BSTAN PA NI, DE LTAR BDAG NYID LHA'I SKUR BSKYED NAS DE'I 'OG TU CI ZHIG BYA ZHE NA, MNYES PAR BYED PA STE DGA' BA'I BDE BA SKYED PAR BYED PAR RNAM PAR BSAM, SU ZHIG MNYES PAR BYED CE NA, KHAMS GSUM NI RNAL 'BYOR PA RANG GI LUS TE, DE LAS BYUNG BA DE NI DE LA GNAS PA'I RGYAL PO CHE STE RDO RJE DBYINGS KYI DBANG PHYUG MA'O, ,THABS GANG GIS SHE NA, RDO RJE'I SKU STE SKYES PA DANG BUD MED KYI DBANG PO GNYIS KYIS MTSAN PA'I CHAGS PA DANG, CHAGS PA DANG BRAL BA DANG, CHAGS PA BAR MA GSUM NYAMS SU MYONG BA NYID KYIS SO, ,JI SKAD BSHAD PA'I TSUL DES NI, KHYU MCHOG STE ZUNG 'JUG LA GNAS PA'I RNAL 'BYOR PA MNYES PAR 'GYUR RO, ,PHAN YON BSTAN PA NI, BDEN PA MTHONG BA GANG LA LA @728 ZHIG BYANG CHUB STE YE SHES KYI PHYAG RGYA LA SEMS PAS NA, BYANG CHUB SEMS DPA' BSKYED PA'I RIM PA MTHAR PHYIN NAS, RDZOGS PA'I RIM PA LA GNAS PAS NA GRAGS CHEN, BRTZON 'GRUS BRTUL BA CAN YIN PAS NA, GZI CHE BA RNAMS KYIS YE SHES KYI PHYAG RGYA DANG SNYOMS PAR 'JUG PAS NI, ZHAG BDUN GYIS TE RING PO MI THOG PAR SKU GSUM DBYER MED RDO RJE 'CHANG CHEN PO'I DNGOS GRUB THOB PAR 'GYUR RO, ,PHYI ROL GYI PHYAG RGYA DANG SNYOMS PAR ZHUGS NAS BDE BA LA BSLAB PAR BYA BA NI, DE NAS BCOM LDAN 'DAS RDO RJE 'CHANG CHEN PO SKU GSUNG THUGS RDO RJE 'DOD CHAGS CHEN PO'I MES ZHU BAR GYUR PA RNAMS, THIG LE'I GZUGS GCIG TU GYUR PA DE NI SKU GSUNG THUGS RDO RJE BSDUS PA'O, ,DE GANG ZHE NA, GSANG BA STE CHOS 'BYUNG NGO, ,DE BSGRUB PA'I YAN LAG GI CHO GA NI, GSANG BA STE DE NYID KYI SKU LA SOGS PA LAS PHYUNG NGO, , PHYAG RGYA CHEN PO NI SGRUB PA PO'O, ,DE'I DON NI KUN TU DGA' BA'O, ,DE 'KHYUD PA LA SOGS PAS BRTAGS SHING RDZOGS PAR BYED PAS NA, PHYAG RGYA CHEN PO'I DON BRTAG PA'O, ,DE GANG ZHE NA, MNYAM PAR RJES SU 'GRO BAS NA SKU GSUNG THUGS KYI DAM TSIG STE, PHYAG RGYA DANG SNYOMS PAR ZHUGS PA LAS BYUNG BA'I 'DOD CHAGS DANG, 'DOD CHAGS DANG BRAL BA DANG, 'DOD CHAGS BAR MA'I MTSAN NYID CAN GYI YE SHES GSUM STE, DE DAG YONGS SU SHES PA'I RGYUR CHO GA BZHIN DU STE, PHYAG RGYA 'DU BYAS PA'I CHO GA SNGON DU 'GRO BAS BSGOM ZHING NYE BAR SPYAD NA, SANGS RGYAS NYID THOB PAR 'GYUR RO, ,MNYAM PAR BZHAG PA'I RNAL 'BYOR PAS PHYI ROL GYI LHAR DMIGS PA DGAG @729 PA NI, DE NAS PHYAG NA RDO RJE, RDO RJE 'CHANG CHEN POS, RTOG PA'I RNAL 'BYOR LA GNAS PA'I SGRUB PA PO THAMS CAD KYI LUS LA SOGS PA'I YUL MA YIN PAS GSANG BA, RDZOGS RIM PA'I RNAL 'BYOR PA NYID KYI SPYOD PA 'DI NYID KYI SKU LA SOGS PA LAS PHYUNG NGO, ,RDZOGS RIM LA GNAS PA'I RNAL 'BYOR PA BYANG CHUB MCHOG STE RDO RJE 'CHANG CHEN PO'I NGO BO NYID DU GYUR PAR 'DOD CING BSGOM NA, LAG PA'I PHYAG RGYA STE RANG LAS THA DAD PA'I PHYI ROL GYI LHA LA MNGON PAR ZHEN PA MI BCING STE, BDAG NYID RDO RJE SEMS DPA' MNGON SUM YIN NA, DE LAS GZHAN PA'I LHA GZHAN CI TSOL ZHES GSUNGS SO, ,DON THAMS CAD 'GRUB PAR BYED PA'I GSANG BA'I SNGAGS RNAMS NI, SNGAGS RNAMS KUN TE, DE LTA BU'I GSANG BA 'DUS PA'I RNAL 'BYOR PA RNAMS KYI DAM TSIG LAG PA'I PHYAG RGYA MI BCING NGO ZHES PA 'DI NI, RGYAL BA KUN KYANG STE DE BZHIN GSHEGS PA THAMS CAD KYIS KYANG 'DA' BAR MI MDZAD DO, ,SKU GSUNG THUGS KYI DAM TSIG GSAL BAR BSTAN PA NI, SANGS RGYAS TE SKU RDO RJE'I RIGS SU RTOGS PA RNAMS KYIS NYAMS SU BLANG BAR BYA BA'I DAM TSIG NI, BSHANG GCI LA SOGS PA DAG LA SMAD CING GSHUNG BA NYID DU BSNGAGS PAS MI BYA'O, ,DE BAS NA CHO GA BZHIN DU STE 'KHYUD PA LA SOGS PA'I SBYOR BA BSKYED PA'I BDUD RTZI KHU BA DANG, KHRAG LA SOGS PA BZA' BAR BYA ZHING NYE BAR SPYAD PAR BYA'O, ,DE CI'I PHYIR ZHE NA, BSHAD MA THAG PA'I GSANG BA 'DI RDO RJE GSUM BYUNG STE LUS NGAG YID GSUM BDE BAR GNAS PAR BYED PA'I BCUD LEN YIN NO, ,GSUNG RDO RJE'I RIGS SU GTOGS PA'I @730 NYAMS SU BLANG BAR BYA BA'I DAM TSIG NI THA MA DANG, 'BRING DANG, MCHOG GI BUD MED JI SNYED PA YOD PA RNAMS KYIS KHAMS GSUM DAG GI LAM MCHOG NA ZHES PA, KHAMS GSUM NI SEMS CAN RNAMS TE DE DAG GI BSGRUB PAR BYA BA'I LAM MCHOG NI PADMA STE DE LA YOD PA'I 'DOD PA'I GDUGS DANG, ZLA BA GANG BA DANG RUS SBAL ZHES BYA LA SOGS PA'I RTZA SBUBS THAMS CAD CHO GA BZHIN DU STE, RJES SU MNYES PAR BYED PA LA SOGS PA'I CHO GA DANG BCAS PAS, NGAG GI RDO RJE STE RO 'DZIN GYI BYA BAS BSKYOD LA, KUN TU LONGS SPYOD CING DGA' BAR BYA'O, ,DE LAS BYUNG BA RNAMS SMAD PAR MI BYA ZHING MYANG BAR BYA'O, ,THUGS KYI RDO RJE'I RIGS SU RTOGS PA'I NYAMS SU BLANG BAR BYA BA'I DAM TSIG NI, RDO RJE SKU GSUM LA GNAS PA STE RNAM SNANG LA SOGS PA'I NGO BO NYID, DAM TSIG JI SNYED YOD PA STE PAD MA CAN LA SOGS PA'I BUD MED KUN RDO RJE GSUM GYI DAM TSIG GIS TE BDAG NYID KYI LUS DANG NGAG DANG YID KYI BYA BA RNAMS KYIS MGU ZHING TSIM PA DAG TU BYA'I, DE DAG GI THUGS KYI RDO RJES SMAD CING THUGS DBYUNG BAR MI BYA STE, SEMS KYI RTZA BA LUS YIN PA'I PHYIR DANG, LUS KYI RTZA BA SEMS YIN PA'I PHYIR ZHES BYA BAR DGONGS SO, ,RDO RJE DAM TSIG GSUM NI SKU GSUNG THUGS KYI DAM TSIG GO ,THUN MONG MA YIN PAS NA CHEN PO STE, DE STON PAR MDZAD PA RDO RJE 'CHANG CHEN POS DE SKAD CES BKA' BSTZAL TO, SPYOD PA GSUM LA GNAS PA'I RNAL 'BYOR PAS PHYI ROL GYI LHAR ZHEN PA SPANG ZHING, RANG NYID LHAR BSGRUB PAR BSTAN PA NI, DUS GSUM GYI DE BZHIN GSHEGS PA THAMS CAD KYIS BSTAN @731 PA NYAN THOS LA SOGS PA DMAN PA RNAMS LA SBA BAR BYA BA YIN PAS NA GSANG BA'I RDO RJE STE, DE NYID KYI SKU LA SOGS PA LAS PHYUNG NGO, ,SNGAR LAG PA'I PHYAG RGYA MI BCING NGO ZHES, RANG LAS THA DAD PA'I PHYI ROL GYI LHA LA ZHEN PA SPANG BA DE GSAL BAR BYED PA NI, RIGS BRGYA MDOR BSDUS NA RNAM SNANG LA SOGS PA SANGS RGYAS LNGAR NI RAB TU BSGRAGS SHING, DE DAG KYANG RANG GI GZUGS LA SOGS PA PHUNG PO LNGA'I BDAG NYID YIN GYI, DE LAS GZHAN PA MED DO, ,DE BZHIN DU RANG GI PHUNG PO LAS MA GTOGS PA'I BYANG CHUB SEMS DPA' YANG YOD PA MA YIN TE YUL 'DZIN PA LA GTZO BOR GYUR PAS NA RDO RJE STE MIG LA SOGS PA'I SKYE MCHED DAG PA'I SNYING PO LA SOGS PA'I BYANG CHUB SEMS DPA'I DKYIL 'KHOR YIN GYI, DE LAS GZHAN NA BYANG CHUB SEMS DPA'I DKYIL 'KHOR MED DO, ,SPYAN LA SOGS PA'I RIG MA RNAMS KYANG RANG GI PHUNG PO LA RDZOGS PA'I THABS BSTAN PA NI, DE NAS PHYAG NA RDO RJES SNOD DANG BCUD KYIS BSDUS PA'I KHAMS GSUM PO GANG GIS KUN TU BSAGS SHING BSKYED PA DE NI, KHAMS GSUM BSAGS PA STE SA LA SOGS PA'O, ,DE NYID 'OD GSAL LA 'JUG CING GNAS PAS NA RDO RJE STE, DE NYID KYI SKU LA SOGS PA LAS PHYUNG NGO, ,SPYAN LA SOGS PA LHA MOR YONGS SU BRTAGS PA RNAMS NI, ZIN PA DANG MA ZIN PA'I SA DANG CHU DANG ME DANG RLUNG DAG LAS GUD NA MED KYI SA LA SOGS PA DE DAG NYID LA SPYAN LA SOGS PA'I LHA MOR RAB TU BSGRAGS SO, ,NAM MKHA'I RDO RJE NI 'OD GSAL BA'O, ,DE NYID NI RGYU BA DANG MI RGYU BA THAMS CAD LA MNYAM @732 PAR KHYAB CING RJES SU 'GRO BAS NA DAM TSIG STE, DE NYID NI DRUG PA RDO RJE 'DZIN PA YIN NO, ,DE BZHIN GSHEGS PA THAMS CAD NI PHUNG PO LNGA YI NGO BO NYID RNAM SNANG LA SOGS PA'O, ,DE'I GNAS NI SA LA SOGS PA'I NGO BO NYID LHA MO RNAMS TE, DE DAG GI DBANG PHYUG RDO RJE 'CHANG CHEN POS DE SKAD BKA' BSTZAL TO, ,BLA MA LA JI LTAR BLTA ZHING BSNYEN BKUR DANG BYA BA'I TSUL LA BDUN GYI, 'KHOR RNAMS DRI BA'I SKABS DBYE BA'I PHYIR 'OD GSAL LA ZHUGS PA NI, DE NAS BCOM LDAN 'DAS RDO RJE 'CHANG CHEN PO, RNAM SNANG LA SOGS PA DANG, SA'I SNYING PO LA SOGS PA DANG, SPYAN MA LA SOGS PA DE BZHIN GSHEGS PA THAMS CAD KYI MNYAM PA NYID PHUNG PO LNGA LA SOGS PA DANG, GNYIS SU MED PA LA SPYOD PA ZHES BYA BA'I TING NGE 'DZIN LA SNYOMS PAR ZHUGS NAS, DE BZHIN GSHEGS PA THAMS CAD KYI 'KHOR GYI DKYIL 'KHOR BSDUS LA, PHUNG PO LNGA LA SOGS PA'I NGO BO NYID, RNAM SNANG LA SOGS PA GNAS JI LTA BA BZHIN DU GNAS PA LA GZIGS NAS CANG MI GSUNG BAR GYUR TO, ,'KHOR RNAMS PHAN TSUN DRI BA'I TSUL GYIS JI LTAR BLTA BAR BYA BA LA BYAMS PAS ZHUS PA NI, DE NAS ZHES SOGS TE BCOM LDAN 'DAS ZHES BOS NAS, RDZOGS PA DANG MA RDZOGS PA'I DE BZHIN GSHEGS PA THAMS CAD KYI SKU LA SOGS PA'I GSANG BA NI DE KHO NYID DE, DE STON PA'I GZHUNG GI TSOGS NI GSANG BA 'DUS PA'O, ,DER DBANG BSKUR BA NI DE BZHIN GSHEGS PA THAMS CAD KYIS RJES SU GNANG ZHING BDAG POR MDZAD PA'O, , 'JIG RTEN DANG 'JIG RTEN LAS 'DAS PA'I SPYOD PA STON PAS NA SLOB DPON TE, @733 DE LA KHYED DE BZHIN GSHEGS PA RNAMS DANG, BDAG CAG BYANG CHUB SEMS DPA' RNAMS KYIS RNAM PA GANG GIS JI LTAR BLTA BAR BGYI, ZHES ZHUS PA'O, ,DE BZHIN GSHEGS PA RNAMS KYIS LAN GSUNGS PA NI, BYANG CHUB KYI SEMS RDO RJE, RDO RJE 'CHANG CHEN PO DANG 'DRA BAR LTA BAR BYA'O, ,DE CI'I PHYIR ZHE NA, BYANG CHUB KYI SEMS DANG STE, RDO RJE 'CHANG CHEN PO DANG, SLOB DPON DANG, MI BSKYOD PA DAG GNYIS SU DBYER MED DE, RGYU DANG 'BRAS BU THA MI DAD CING, RGYU DANG 'BRAS BU'I NGO BO NYID KYIS DBYER MED PA'I PHYIR RO, ,DE MCHOD CING BKUR BA SOGS LA, THE TSOM DANG BRAL BAR BSTAN PA NI, RIGS KYI BU ZHES BYAMS PA LA BOS NAS, BLA MA LA BSNYEN BKUR BYA BA'I TSUL SHIN TU MDOR BSDUS TE BSTAN NA, SHAR LA SOGS PA'I PHYOGS BCU'I 'JIG RTEN GYI KHAMS GRANGS MED PA DAG NA, SANGS RGYAS DANG BYANG CHUB SEMS DPA' GRANGS MED PA JI SNYED CIG CHOS KYI SKUS MI G-YO BAS NA 'KHOD CING, LONGS SPYOD RDZOGS PA'I SKUS 'OG MIN DU RGYUN MI 'CHAD PAR STON PAR MDZAD PAS NA 'TSO LA, SPRUL PA'I SKUS SEMS CAN RNAMS LA MTHO RIS DANG THAR PA THOB PAR MDZAD PAS NA SKYONG BA DE DAG DUS GSUM DU LHAGS NAS, GSANG BA 'DUS PA STON PA'I SLOB DPON DE LA DE BZHIN GSHEGS PA THAMS CAD KYI SKU GSUNG THUGS KYI MCHOD PAS YANG DAG PAR MCHOD NAS RANG GI SANGS RGYAS KYI ZHING DER 'GRO ZHING, 'DI SKAD DU, BDAG CAG GI PHA'O, ,BDAG CAG GI MA'O, ,BDAG CAG GI STON PA'O ZHES SOGS TSIG GI TSOGS 'BYIN PAR BYED DO, ,SLOB DPON LA BSNYEN BKUR @734 BYAS PA'I BSOD NAMS KYI PHUNG PO JI SNYED CIG 'BYUNG BA STON PA NI, PHYOGS BCU'I 'JIG RTEN GYI KHAMS KYI SKU GSUNG THUGS KYI RDO RJE'I RANG BZHIN DE BZHIN GSHEGS PA JI SNYED PA DAG LA MCHOD PA BYAS PA LAS BYUNG BA'I BSOD NAMS KYIS PHUNG PO BAS KYANG, SLOB DPON GYI BA SPU'I BU GA GCIG LA MCHOD PA BYAS PA'I BSOD NAMS KHYAD PAR DU 'PHAGS SO, ,DE'I RGYU MTSAN BYANG CHUB KYI SEMS BSKYED PAS NA, BYANG CHUB KYI SEMS NI SLOB DPON TE, DE NI STOBS DANG MI 'JIGS PA LA SOGS PA THAMS CAD MKHYEN PA'I YE SHES KYI 'BYUNG GNAS YIN PA'I PHYIR ZHES PA'I DON NO, , DE NAS BYANG CHUB SEMS DPA' BYAMS PA SLOB DPON LA JI LTAR BLTA BAR BGYI ZHES PA THE TSOM GYI TSIG TU MCHOD PA'I GNAS LA SOM NYI SKYES PA NYES PA CHEN PO YOD PAS 'JIGS SHING SKRAG NAS CANG MI SMRA BAR GYUR TO, ,DE LTAR BYAMS PA CANG MI SMRA BAR GYUR PAS LAN MA THOB PA DANG, YANG DON DE BSKUL BAR BYA BA'I PHYIR DE NAS ZHES PA LA SOGS PA GSUNGS SO, ,RDO RJE 'DZIN PA NI DKYIL 'KHOR GYI BDAG PO'O, ,DNGOS GRUB KYI DAM TSIG NI SPRUL PA'I SKU STE, DE LA DMIGS PA RDO RJE ZHES BYA BA'I TING NGE 'DZIN LA SNYOMS PAR ZHUGS NAS, 'KHOR GYI BYANG CHUB SEMS DPA' DE RNAMS LA MI BSKYOD PA LA SOGS PA DE BZHIN GSHEGS PA RNAMS KYIS BKA' BSTZAL PA, BYANG CHUB SEMS DPA' KHYED RNAMS ZHES SOGS SO, ,DE BZHIN GSHEGS PA RNAMS KYIS GSUNG THOS NAS, 'KHOR GYI BYANG CHUB SEMS DPA' RNAMS KYI ZHUS PA NI, DE NAS BYANG CHUB SEMS DPA' CHEN PO RNAMS KYIS ZHES SO, ,DE BZHIN @735 GSHEGS PA THAMS CAD KYI SKU DANG GSUNG DANG THUGS KYI DNGOS GRUB STE, DE BZHIN GSHEGS PA THAMS CAD KYI BDAG NYID CAN GYI SPRUL PA'I SKU GANG NA BZHUGS ZHES PA'O, ,RDO RJE SLOB DPON TE MI BSKYOD PA'I SKU DANG GSUNG DANG THUGS RDO RJE LA GNAS SO ZHES PA LAN NO, ,SKU GSUNG THUGS RDO RJE GANG LA GNAS ZHES ZHUS PA'O, ,DE NI BYANG CHUB KYI SEMS RDO RJE LONGS SPYOD RDZOGS PA'I SKU LA GNAS SO ZHES PA LAN NO, , LONGS SKU GANG LA GNAS SHE NA, CHOS KYI SKU LA GNAS SO, ,CHOS KYI SKU GANG LA GNAS ZHE NA, DE NI GANG LA YANG MI GNAS TE, DE'I RANG BZHIN JI LTA BU YIN PA NI, BLA MA'I MAN NGAG LAS SHES PAR BYA'O ZHES PA'O, ,DE NAS BYANG CHUB SEMS DPA' DE DAG THE TSOM DANG BRAL BA GYUR TE, STON PA PO LA NGO MTSAR DU GYUR, DE'I RGYU LA RMAD DU GYUR NAS CANG MI SMRA BAR 'KHOD DO, ,DE'I DON BSDU BA NI, DE NAS BYANG CHUB SEMS DPA' BYAMS PA ZHES BYA BA NAS BRTZAMS TE, GANG NA'ANG MI GNAS SO ZHES BYA BA'I BAR GYI GZHUNG GI TSOGS KYIS, JI LTAR RDZOGS PAR 'GYUR BA'I SANGS RGYAS DANG BYANG CHUB SEMS DPA' RNAMS KYIS DKYIL 'KHOR GYI BDAG PO MI BSKYOD PA GSANG BA 'DUS PA'I STON PA POR GYUR PAS MCHOD PAR BYA BA DANG, BLA MAR BYA BA YIN PAS BDAG CAG RNAMS KYI PHA'O, ,ZHES BYA BA LA SOGS PA'I TSIG SNYAN PAS MNGON PAR BSTOD DE, PHYI DANG NANG GI MCHOD PA RNAMS KYIS JI LTA BA BZHIN DU YANG DAG PAR MCHOD PA DE BZHIN DU, RIM PA GNYIS LA YANG DAG PAR BRTEN TE, RGYAN RNAM PA BDUN DANG, BSHAD PA'I TSUL RNAMS KYIS GANG GSANG BA 'DUS PA RNAM @736 PAR DBYE BA DE YANG MA 'ONGS PA'I LAG NA RDO RJE, RDO RJE 'CHANG CHEN PO MNGON SUM PA BZHIN GUS PA BSKYED NAS MCHOD PA BYA'O, ,ZHES PA 'DI'I DON STON PA YIN NO, , DE NYID LUNG GIS BSGRUB PA NI, DON 'DI NYID GSAL BAR BYA BA'I PHYIR, DPAL SGYU 'PHRUL DRVA BA ZHES BYA BA'I RGYUD CHEN PO LAS, SLOB DPON CI 'DRA BAR BLTA BAR BYA ZHE NA, BLA MA SANGS RGYAS KUN DANG MNYAM, ,DE NYID RTAG TU RDO RJE 'CHANG, ,DE BZHIN GSHEGS PA RIN CHEN TOG ,DE NI YE SHES RGYA MTSO CHE, ,YID BZHIN NOR BU RIN CHEN SBYIN, ,SLOB DPON GYI NI YON TAN GZUNG, ,SKYON RNAMS NAM YANG MA YIN NO, ,YON TAN GYIS NI DNGOS GRUB CING, ,SKYON RNAMS KYIS NI DNGOS GRUB NYAMS, ,DE PHYIR KUN NAS RAB BSGRIMS TE, ,BSAM YAS 'BRAS BU SBYIN BYED LA, , SANGS RGYAS 'BRAS BU 'DOD PA YI, ,SEMS CAN DAD PAS DE MCHOD CIG ,CES GSUNGS PA DANG, DE BZHIN DU RIN CHEN RGYAL PO ZHES BYA BA'I THEG PA CHEN PO'I MDO CHEN PO LAS, BCOM LDAN 'DAS PHYAG NA RDO RJE AU RGYAN GYI RI LA BZHUGS NAS RDO RJE THEG PA LA SLOB PAR BYED PA THAMS CAD LA BKA' BSTZAL PA, RDO RJE THEG PA MA LUS PA LA SLOB PAR BYED PA RNAMS NYON CIG DE BZHIN GSHEGS PA STON PA YONGS SU MYA NGAN LAS 'DAS TE MI MTHONG NA YANG, RDO RJE SLOB DPON, RDO RJE BLA MA DE 'DIR STON PAR 'GYUR ZHES GSUNGS PA DANG, DE BZHIN DU STONG PHRAG BRGYA PA LAS KYANG, SANGS RGYAS KYI BYANG CHUB NI DGE BA'I BSHES GNYEN LA NYE BAR BSTEN PAS SO, ,ZHES GSUNGS PA'I PHYIR RO, ,YANG DAG PA'I MTHA'I LAM YE SHES KYI DKYIL @737 'KHOR GSAL BAR MDZAD PA NI, BYANG CHUB SEMS DPA' RNAMS KYIS ZHU BA'I DUS SU, 'OD GSAL LA ZHUGS PA DE NAS, PHYAG NA RDO RJE DE BZHIN GSHEGS PA NI MI BSKYOD PA'O, ,GSANG BA'I RDO RJE NI DE BZHIN GSHEGS PA RNAMS TE, DE TING NGE 'DZIN GANG DU GNAS SHING THIM PAR GUR PA DE NI GSANG BA'I RDO RJE'I TING NGE 'DZIN TE, YANG DAG PA'I MTHA' LA BZHENGS NAS, SNGA MA BZHIN DU ZHE SDANG RDO RJER GYUR NAS, RNAM SNANG LA SOGS PA'I DE BZHIN GSHEGS PA DANG, 'JAM DPAL LA SOGS PA'I BYANG CHUB SEMS DPA' KHYED THAMS CAD, DE BZHIN GSHEGS PA STE RDZOGS PA'I RIM PA LA GNAS PA'I RNAL 'BYOR PA CHEN PO THAMS CAD KYI SEMS KUN TU 'BYUNG ZHING BSKYED PA'I GNAS, RNAM PAR MI 'JIGS PA'I TING NGE 'DZIN GYI DKYIL 'KHOR NYON CIG CES BOS PAR GYUR PA DANG, DE NAS SANGS RGYAS DANG BYANG CHUB SEMS DPA' DE RNAMS BCOM LDAN 'DAS KYI GSUNG GIS YANG DAG PAR DGA' BAR GYUR NAS, BCOM LDAN 'DAS KYI GSUNG JI LTA BA BZHIN DU GSOL BA 'DEBS PAR GYUR PA NI DE NAS ZHES SOGS SO, ,ZUNG 'JUG PA'I RNAL 'BYOR PAS, SGYU LUS BSAM GTAN GNYIS GANG RUNG GIS BSHIG STE, NAM MKHA'I DBYINGS KYI DBUS TE, 'OD GSAL DU CHUD PAR BSAM ZHING BSGOM MO, ,DE'I 'OG TU LUGS LDOG GI SNANG BA GSUM RLUNG DANG BCAS PA LAS ZUNG 'JUG GI SKUR BSKYED PA NI, GRU BZHI LHAM PA RAB TU MDZES, ,ZHES TE, SA LA SOGS PA'I NGO BO NYID KYI SPYAN LA SOGS PA'I RANG BZHIN GYI THA MAL PA'I LUS NI GRUB BZHI LHAM PA'O, ,DE SPANGS TE THA MAL PA MA YIN @738 PA'I YE SHES KYI SKU BSKYED PA NI RAB TU MDZES PA'O, ,DE NYID SPRUL PA'I SKUR BSGYUR BA NI, SANGS RGYAS DKYIL 'KHOR NI 'BYUNG BA BZHI DANG RNAM SHES TE GSANG BA LNGA'I DE KHO NA NYID CAN GYIS THA MAL PA'I LUS TE, DE SPANGS PA'I YE SHES KYI SKUR RAB TU SBYOR BA'I TING NGE 'DZIN GYIS RNAL 'BYOR PA RNAMS KYIS BSGOM ZHING BSAM PAR BYA BAS NA, BSAM GTAN TE MI BSKYOD PA'O, ,DE NYID DRUG PA DANG DBYER MED PAR SBYOR BAS NA RDO RJE STE, DE RAB TU BSKUL BA NI SPROS PA DANG, BSDU BAS BDAG NYID DANG CHU DANG 'O MA BZHIN DU GCIG TU BYA BA'O, ,'DIS ZUNG 'JUG MI BSKYOD PA'I SPRUL SKUR BSGYUR BA BSTAN TO, ,SPRUL SKU DE NYID LA LUS KYI DKYIL 'KHOR 'GOD PA NI, RDO RJE'I DKYIL 'KHOR TE MI BSKYOD PA'I SPRUL SKU DE LA RDO RJE'I DKYIL 'KHOR BSGOM PA'I BSAM GTAN GYIS 'KHOR LO CAN KUN TE DKYIL 'KHOR BA'I LHA RNAMS KYI SPYI BO DANG, LKOG MA LA SOGS PA GNAS JI LTA BA BZHIN DU BZHUGS PAR BYA BA STE DGOD PAR BYA'O, ,SNYOMS PAR 'JUG PAS DBANG BSKUR BA PHAN YON DANG BCAS PA NI, DE LTAR THUN MONG GI SKU'I DKYIL 'KHOR BSGOMS NAS, CI ZHIG BYA ZHE NA, THUGS KYI DKYIL 'KHOR BSGOM PA'I CHO GA BSHAD MA THAG PA 'DI NYID KYIS, BLO DANG LDAN PA STE RANG GI PHYAG RGYA DANG LHAN CIG TU SNYOMS PAR 'JUG PA'I MTSAN NYID CAN GYI MCHOD PA BRTAG PAR BYA ZHING NYAMS SU BLANG BAR BYA'O, ,DES CI ZHIG BYA ZHE NA, SLOB MA LA DBANG BSKUR RO ZHES BSTAN PA NI, RANG GI SPYOD PA SPYAD PAS RANG GI GNAS THOB PAR BYED CING REG PAR MDZAD PAS NA, SLOB DPON TE RDO RJE 'CHANG @739 CHEN PO'O, ,DE SNYING KHA'I PAD MA LA JI LTA BA BZHIN DU BSGOMS NAS, YID KYI DBANG BSKUR BA BRTZAM PAR BYA'O, ,TSUL JI LTAR ZHE NA, SANGS RGYAS KUN GYIS TE, THUGS KYI DKYIL 'KHOR DANG 'DRA BAR YANG DAG PAR BZHUGS PA RNAMS KYIS NAM MKHA'I DBYINGS YONGS SU GANG BAR BSGOMS NAS, DE DAG DANG MGRIN GCIG TU SLOB MA LA DBANG BSKUR BAR BSAM MO, ,DNGOS PO GANG GIS DBANG BSKUR BAR BYA ZHE NA, LUS KYI DKYIL 'KHOR GYI RNAM SNANG LA SOGS PA'I SANGS RGYAS DANG BYANG CHUB SEMS DPA' THAMS CAD DBANG BSKUR BA'I GNAS GSUM GYIS TE, 'BRU GSUM GYI BDAG NYID SROG DANG RTZOL BA'I RANG BZHIN NYID RNAMS 'DOD CHAGS CHEN PO'I MES BZHU BA LAS BYUNG BA'I BYANG CHUB KYI SEMS KYI THIG LE CHO GA BZHIN DU SLOB MA'I MGO LA DBAB PAR BYA ZHING DBANG BSKUR BAR BYA'O, ,'DIS DBANG PO DMAN PA'I GSANG DBANG BSTAN NANG DBANG BSKUR BA DNGOS BSTAN YIN GSUNG ,ZHES BLA MA DAG BZHED DO, ,SNGAR LE'U BRGYAD PAR, BSKYED RDZOGS GNYIS KA'I GSANG BA'I DBANG BSKUR BA'I CHO GA THUN MONG BA BSTAN LA, 'DIR RDZOGS RIM PA'I GSANG BA'I DBANG BSKUR BA'I CHO GA THUN MONG MA YIN PA BSTAN SNYAM DU SEMS SO, , DBANG BSKUR BA'I PHAN YON NI, DBANG BSKUR BA'I CHO GA 'DIS SLOB MA LA DBANG BSKUR NA, SEMS CAN KUN LA PHAN PAR 'DOD CING RJES SU 'DZIN PAR NUS PA'I BYANG CHUB MI GNAS PA'I MYA NGAN LAS 'DAS PA THOB PA NI, GZHAN DON PHUN SUM TSOGS PA'O, ,MTHONG BA'I CHOS LA STOBS BCU DANG MI 'JIGS PA LA SOGS @740 PA SANGS RGYAS KYI YON TAN GYI RANG BZHIN GYI DNGOS GRUB NGO MTSAR CHE ZHING RMAD DU BYUNG BA THOB PA SKU GSUNG THUGS KYI DNGOS GRUB THOB PAR 'GYUR BA NI BDAG GI DON PHUN SUM TSOGS PA'O, ,RNAM SNANG LA SOGS PA DANG, SA'I SNYING PO LA SOGS PA NI SANGS RGYAS DANG BYANG CHUB SEMS DPA' THAMS CAD DO, ,DE RNAMS JI LTA BA BZHIN DU MNYAM ZHING GCIG TU GYUR PAR GANG DU BSAM GTAN GYIS RTOGS PA'I SKYE BO DBANG BSKUR BA'I DON DU GANG BSKYED PAR BYA BA DE NI MI PHYED PA'I BSAM GTAN GYI DKYIL 'KHOR RO, ,ZHES BYA'O, ,GDUG PA TSAR GCAD PA'I SBYOR BA LA GNYIS KYI, KHRAG DRANG BA'I SBYOR BA NI, DE NAS ZHES SOGS TE, DE BZHIN GSHEGS PA THAMS CAD NI, GDUG PA'I SEMS DANG LDAN PA RNAMS SO, ,DE RNAMS KYI RDO RJE'I SBYOR BA NI TSAR GCAD PA'I THABS TE, DE NI SKU DANG GSUNG DANG THUGS KYI GSANG BA STE, SKU LA SOGS PA GSUM BSKYED PA'I YI GE GSUM STE, DE RANG GI SKU LA SOGS PA LAS PHYUNG NGO, ,GANG ZHE NA, H'Um HRI KHAm ZHES PA'O, ,DE YANG BSNYEN PA LAS SU RUNG BAS GZHAN GYI KHRAG DRANG BAR 'DOD NA, SGRUB PA PO RANG GI LUS KYI DKYIL 'KHOR SHA RUS DANG KHRAG DANG RTZA RGYUS LA SOGS PA'I RANG BZHIN DU BLTAS LA, DE DAG NAM MKHA'I DBYINGS KYI DBUS SU STE 'OD GSAL BAR BCUG PAR BSAM MO, ,DE NAS SKU GSUNG THUGS KYI SNYING PO STE SA BON H'Um HRI KHAm ZHES PA YONGS SU GYUR CES PAS PHYAG MTSAN MDUNG DANG, DE YONGS SU GYUR PA LAS RDO RJE SEMS DPA' STE STOBS CHE ZHING PHA ROL GNON PA'I RDO RJE MKHA' 'GRO BSKYED CING BSGOM PAR BYA'O, ,JI LTAR ZHE @741 NA, GDUG PA RNAMS KYI SHA KHRAG ZA BAR BRTZON PAS DRAG PO MI SDUG PA KHROS PA AUTPAL SNGON PO'I KHA DOG 'DRA BA, PHYAG BZHI PA 'OG NAS 'BYUNG BA'I MTSON CHA'I CHO GA YIS TE, PHYAG G-YAS KYI DANG PO NA MDUNG RTZE GSUM PA, GNYIS PA NA RDO RJE, G-YON GYI DANG PO NA THOD PA, GNYIS PA NA RDO RJE RTZE GCIG PA BSNAMS PA BSGOM MO, ,DE LTAR BSGOMS PAS CI ZHIG BYA ZHE NA, LAS RGYAL MCHOG NI, RANG GI LCE RDO RJE RTZE LNGA PA LAS BYUNG BA RTZE LNGA PA YI GE YA RA LA WA HA NAG PO LA SOGS PA'I 'OD ZER LNGA DANG LDAN PA BRTUL ZHUGS CAN GYIS BSGOM PAR BYA'O, ,DE'I 'OG TU BSHAD MA THAG PA'I RIM PAS, BSGOM PA'I LCE'I RDO RJE DE NI BSAM GTAN RDO RJE STE, DE SBYOR BA NI YA RA LA WA HA CHE GE MO RU TI RA AA KAR SHA YA HRI ZHES 'DOD CING, YI 'BRU LNGA LA 'OD ZER LNGA SPROS NAS, BSGRUB BYA'I SNYING LA BCUG PAS, SRIN BU PAD MA LTAR YAN LAG MA LUS PA NAS KHRAG DRANGS PAS DE NYID RUS PA DANG LPAGS PA'I LHAG MA TZAM LUS PAR BSAMS LA, 'OD ZER BSDUS TE RANG BA BCUG PAS BRLAN PAR BSAM PA NI KHRAG DRANG BA'I MCHOG YIN NO, ,DE LTAR BYAS NA BDAG NYID NYAMS STOBS DANG LDAN ZHING BSGRUB BYA 'CHI BAR 'GYUR RO, , PHUR BU LA SOGS PA MTSON CHAS GDAB PA NI, RDO RJE'I SBYOR BAS GDAB CES PA, BSHAD MA THAG PA'I RDO RJE MKHA' 'GRO'I TING NGE 'DZIN LA GNAS NAS, LAS RGYAL MCHOG BSGRUB BYA MDUN DU BSAMS TE, PHYAG MTSAN MDUNG RTZE GSUM PA DANG, RDO RJE DANG PHUR BU DRAG PO'I MCHOG STE SHIN TU DRAG PO'I PHUR BU RDO RJE RTZE GCIG PA @742 DAG GIS BSNUN CING BTAB NA SANGS RGYAS NYID KYI SKU DAG KYANG 'JIG NA, THA MAL PA'I LUS LTA CI SMOS ZHES PA'O, ,ZAS KYI TING NGE 'DZIN MCHOD PA'I CHO GA DANG BCAS PA LA GSUM GYI, ZAS KYI TING NGE 'DZIN NANG GI SBYIN SREG NI, DE NAS ZHES SOGS TE, RDO RJE STE SGRUB PA PO'I ZAS KYI DUS SU, NYAMS SU BLANG BAR BYA BA'I KHA ZAS KYI DAM TSIG GI BYA BA NYID KYI SKU LA SOGS PA LAS PHYUNG NGO, ,BRTUL ZHUGS CAN TE RIGS GSUM GYI RNAL 'BYOR PAS, BZA' BA DANG BTUNG BA LA SOGS PA CI 'BYOR BA RNAMS, BSHANG GCI SHA YI SBYOR BA YIS TE, ,BSHANG GCI LA SOGS PA BDUD RTZI LNGA DANG, SHA LNGA'I RANG BZHIN DU BSAMS LA, ,LKOG MA DANG, SNYING KHA SBYAR BA SNGON DU 'GRO BAS NANG GI SBYIN SREG TU 'BUL BAR BYA'O, ,MCHOD PA'I BYE BRAG LA GSUM LAS, THUN MONG GI MCHOD PA YUL LNGA LA LONGS SPYOD PA NI, 'GRO BA 'DI DAG SANGS RGYAS LNGA BDAG NYID, ,CES GSUNGS PA LTAR, DE BZHIN GSHEGS PA THAMS CAD NI RNAM SNANG LA SOGS PA'I NGO BO NYID KYIS SEMS CAN THAMS CAD DE, DE RNAMS KYI SKU GSUNG THUGS KYI RDO RJE'I MCHOD PA'I MCHOG NI, MCHOD PA'I KHYAD PAR TE DE NYID KYI SKU LA SOGS PA LAS PHYUNG NGO, ,MCHOD PA'I YO BYAD RNAMS NI YUL LNGA'O, ,DE RNAMS KYI MCHOG NI YID DU 'ONG BA'I YUL RNAMS TE, MCHOD PA DES BDAG DANG GZHAN LA MCHOD PAR BYA BA'I CHO GA 'DI NI SNGAGS RNAMS THAMS CAD DE, SGRUB PA PO THAMS CAD KYI DAM TSIG SHIN TU 'DA' BAR DKA' BA'O, KHYAD PAR GYI CHO GA BU DANG TSA BO GSO BA NI, DE BZHIN GSHEGS PA THAMS CAD NI SEMS CAN @743 RNAMS TE, DE RNAMS KYI SKU GSUNG THUGS KYI MCHOD PA SBAS SHING GSANG BAR BYA BA NI SKU LA SOGS LAS PHYUNG NGO, ,GANG GI TSE SGRUB PA POS LAS KYI PHYAG RGYA BSTEN PAS BU LA SOGS PA BYUNG NA, MI 'DOR BAR BSRUNG BA DANG GSO BA LA SOGS PA BYA'O ZHES STON PA NI, SGRUB PA PO DANG PHYAG RGYA'I RDO RJE DANG, PAD MO'I DBANG PO GNYIS SBYOR BA YIS, BDAG GI KHU BA DANG PHYAG RGYA'I RDUL TSON CHEN PO MER MER PO LA SOGS BAR GYUR PA LAS, BU LA SOGS PA BYUNG NA MI 'DOR PAR BSRUNG BA DANG GSO BA LA SOGS PA'I CHO GAS MCHOD PA BYA'O, ,DE LTAR BYAS NA SANGS RGYAS BYANG CHUB THOB PAR 'GYUR RO, ,SEMS CAN MA LUS PA LA MCHOD PA NI, DE BZHIN GSHEGS PA THAMS CAD NI SEMS CAN RNAMS TE, DE DAG LA LUS LA SOGS PA PHAN 'DOGS PA'I SGO NAS RJES SU 'DZIN PA'I RNAL 'BYOR BA'I SDOM PA NYID KYI SKU LA SOGS PA LAS PHYUNG NGO, ,SGONG NGA LAS SKYES PA LA SOGS PA'I SEMS CAN GYI KHAMS MTHA' YAS PA RNAMS KYI DAM TSIG STE, SKYE BA DANG, 'JIG PA DANG, GNAS PA'I GNAS SKABS GSUM 'DZIN PAR BYED PA'I MA NI SPYAN GYI RANG BZHIN GYI SA'O, ,SKYE 'JIG GNAS PA'I SGO NAS SA CHEN PO LA BRTEN PA'I SEMS CAN GYI KHAMS MA LUS PA LA DAM TSIG GSUM GYI RDO RJE STE RNAL 'BYOR PA BDAG NYID KYI LUS NGAG YID GSUM GYI BYA BA DGE BA PHAN ZHING BDE BA DANG LDAN PAS SPYAD PAR BYA ZHING, RJES SU GZUNG BAR BYA'O, ,BSHAD MA THAG PA'I SDOM PA 'DI NI, GSANG BA 'DUS PA BA RNAMS KYI SEMS CAN GYI TSOGS CHEN PO RJES SU 'DZIN PA'I PHYIR RMAD PO CHE STE PHUL DU BYUNG BA @744 YIN NO, ,MCHOD PA'I CHO GA DE DAG RNAM PAR DAG PAR BSTAN PA NI, BSHAD MA THAG PA'I MCHOD PA'I CHO GA THAMS CAD BYANG CHUB KYI TSOGS SU 'GYUR BA LA THUN MONG DU RJES SU 'GRO BAS NA DE RNAMS YANG DAG PAR RJES SU 'DZIN PA NI SDOM PA'O, , DE SNYING PO GYUR PAS NA RDO RJE STE NYID KYI SKU LA SOGS PA LAS PHYUNG NGO, ,MCHOD PA'I CHO GA RNAMS LA LUS NGAG SEMS KYI LONGS SPYOD STE BYA BA RNAMS GSANG BA GSUM GNAS RDO RJE STE 'OD GSAL BA LAS BYUNG ZHING STONG PA NYID KYI NGO BOR LHAG PAR MOS PAR BYA'O, ,DE LTAR LHAG PAR MOS NAS CI ZHIG BYA ZHE NA, MCHOD PA'I CHO GA RNAMS STONG PA NYID KYI MOS PAS ZIN PAR BYAS NAS, BZANG PO STE RDO RJE 'DZIN PA'AM, SANGS RGYAS NYID RNAL 'BYOR PA BDAG GIS BSGRUB PAR BYA'O, ,GAL TE DE LTAR MA BYAS NA NYES PA CIR 'GYUR ZHE NA, SGO GSUM GYI BYA BA MI DMIGS PA'I SHES RAB KYIS MA ZIN NA, BYANG CHUB KYI CHED DU BSGRUBS PA'I TSOGS THAMS CAD YONG YE 'JIG PAR 'GYUR BA STE 'BRAS BU MED PAR 'GYUR TE, DMIGS PA DANG BCAS PA'I PHYIR DANG, MTSAN BCAS KYI DGE BA BYANG CHUB KYI RGYUR MI 'GYUR BA'I PHYIR RO, ,LUS BRTAS PA'I SBYOR BA GZHAN BSTAN PA NI, SANGS RGYAS NYID 'DIS BSGRUB PAR BYED PAS NA, SGRUB PA PO THAMS CAD STE RANG GI LUS SO, ,DE'I RDO RJE SEMS DPA'I SDOM PA NI, RDO RJE SEMS DPA'I SDOM PA GANG GIS RDO RJE SEMS DPA' BSKYED PAR BYED PA STE, DE SKU LA SOGS PA LAS PHYUNG NGO, ,SGRUB PA PO RANG GI MGO BO'I SPYI BOR STE, STENG GI MTHO GANG TZAM GYIS 'PHAGS PAR BAm YONGS SU GYUR PA LAS ZLA BA'I DKYIL @745 'KHOR BRTAG CING BSGOM PAR BYA'O, ,DE'I 'OG TU YI GE AOm 'JUG PA'I BDAG NYID CAN ZLA BA'I DKYIL 'KHOR GYI DBUS SU GNAS PAR BSAMS NAS, DE LAS DE BZHIN GSHEGS PA LNGA'I RANG BZHIN BDUD RTZI LNGA PO BABS PAS SPYI BO NAS RKANG PA'I MTHAR THUG PAR DBANG BSKUR BAR BYA'O, ,BSHAD MA THAG PA'I RDO RJE'I SBYOR BA DE BZHIN GSHEGS PA LA DMIGS PA 'DI YIS SKAD CIG GIS TE, RING PO MI THOGS PAR LUS GZI MDANGS DANG LDAN ZHING, LUS LA SOGS PA BDE BAR GNAS PA THOB PAR 'GYUR BA LA DOGS PA MED DO ZHES PA PHAN YON NO, ,RDZOGS RIM PA'I BYA BA DANG, BYA BA MA YIN PA BSTAN PA NI, SNGAGS 'DZIN PA THAMS CAD NI GSANG BA 'DUS PA'I RNAL 'BYOR PA CHEN PO'O, ,DE'I LUS NGAG SEMS KYI GSANG BA NI, LUS LA SOGS PA'I 'JUG PA STE, DE NYID KYI SKU LA SOGS PA LAS PHYUNG NGO, ,RDZOGS RIM RTOGS SHING MCHOG SGRUB PA LA ZHUGS PA'I RNAL 'BYOR PAS SA DANG BYE MA SOGS LAS MCHOD RTEN BSGRUB CING MCHOD PA'I LAS MI BYA STE, BDAG NYID DE BZHIN GSHEGS PA THAMS CAD KYI BDAG NYID CAN MCHOD RTEN GYI MCHOD PA LA MNGON PAR ZHEN PA MI RIGS PA'I PHYIR RO, ,GLEGS BAM BKLAG PA'ANG MI BYA STE LHUN GYIS GRUB PA'I RDO RJE BZLAS PA LA RTAG TU 'JUG PAS GZHAN DON LA SOGS PA 'JUG PA MI RIGS PA'I PHYIR RO, ,PHYI'I DKYIL 'KHOR 'BRI BA DAG SPONG MI BYA STE RANG GI LUS DKYIL 'KHOR NYID DU BSHAD PAS PHYI'I DKYIL 'KHOR DE KHO NA NYID DU MED PA'I PHYIR RO, , RDO RJE GSUM MCHOG STE NYAN THOS DANG RANG SANGS RGYAS DANG, YANG DAG PAR RDZOGS @746 PA'I SANGS RGYAS RNAMS LA LUS LA SOGS PA 'DUD PA DANG BCAS PAS PHYAG MI BYA STE, BDAG NYID DE BZHIN GSHEGS PA THAMS CAD DU GYUR PA DANG 'GAL BA'I PHYIR RO, , DE DAG THAMS CAD 'JIG RTEN GYI THA SNYAD LA BRTEN NAS MNGON PAR ZHEN PA MED PAR BYED PA LA NI 'GAL BA MED DO, ,DNGOS GRUB KYI CHO GA LA GSUM LAS, LAS PHRAN TSEGS KYI LHAG MA DUG BSAL BA SOGS NI, ZIN PA DANG MA ZIN PA'I DUG THAMS CAD 'BYIN PA LA SOGS PA'I GSANG BA NYID KYI SKU LA SOGS PA LAS PHYUNG NGO, ,RANG GI LHAG PA'I LHA'I DKYIL 'KHOR RGYAL MCHOG GI BAR DU BSKYED LA, LAS RGYAL MCHOG AOm LAS BYUNG BA'I 'KHOR LO DKAR PO BRTZIBS BRGYAD PA AOm GYIS MTSAN PAS LTE BA LA BSGRUB BYA BZHAG PA NI, 'OD ZER DKAR PO'I PHRENG BA NI 'KHOR LO'I DBUS SU CHUD PAR BZHAG CES SO, ,BSGRUB BYA'I SPYI BOR AOm LAS BYUNG BA'I 'KHOR LO BRTZIBS BRGYAD PA AOm GYIS MTSAN PA BSKYED DE, SPYI BO'I AOm DANG 'KHOR LO'I 'OD ZER DKAR PO'I TSOGS KYIS DE'I LUS KYI DUG THAMS CAD KHA DOG SER PO'I TSUL DU THUR DU PHUL BAS, 'OG GI 'KHOR LO'I AOm LA THIM PAS, DU BA LTA BU'I NAG POR BSAM LA, DUG MED PA MCHOD SBYIN LTA BU'I SNYING KHAR KHAm BSAM LA, BDAG GI TING NGE 'DZIN SEMS DPA'I 'OD ZER GYIS AOm LA BSDUS PA'I DUG DE DRANGS TE, KHAm LA BCUG PAS DE DUG DANG LDAN PAR 'GYUR BA NI, 'OD ZER SER PO 'KHRIGS PA NI, ,SER PO LTA BUR BSGOM PAR BYA, ,ZHES PA'O, ,RDOR GSUM 'OD ZER DAM TSIG GIS, ,ZHES PA RDOR GSUM 'OD ZER NI DKAR PO DANG SER PO DANG DUD KA'I 'OD ZER TE, @747 GSUM PO DE DAG GI DAM TSIG STE SBYOR BA YIS GO RIM BZHIN DU DUG 'BYIN PA DANG, DUG GNON PA DANG, DUG 'DREN PA'I CHO GA BSHAD PA YIN NO, ,SA BON GYI YI GE AOm 'DI NI GSANG GSUM LAS BYUNG STE DUG 'BYIN PA LA SOGS PA'I DE KHO NA NYID LA GNAS PA YIN PAR SHES PAR BYA'O, ,LUS BSRUNG BA'I CHO GA NI, LUS LA SOGS PA'I BSRUNG BA'I 'KHOR LO'I SNGAGS RDO RJE DANG LDAN PA NI SNGAGS KYI SNYING PO STE DE NYID KYI SKU LA SOGS PA LAS PHYUNG NGO, ,DE GANG ZHE NA, AOm ZHES SOGS TE MING NI MTHA' MED DO, ,DE YANG RANG GI LHAG PA'I LHA'I DKYIL 'KHOR RGYAL MCHOG GI BAR DU BSKYED LA, LAS RGYAL MCHOG SNGAGS 'DI 'GRO GA'AM RAS LA SOGS PA LA 'KHOR LO BRTZIBS BRGYAD PA LAS KYI RDO RJE STE SNA TSOGS RDO RJE'I LTE BA LA GNAS PAR BRI'O, , JI LTAR NA, HAm 'KHOR LO'I DBUS SU BZHAG LA, BSRUNG BYA'I MING SPEL TSIG DANG BCAS PA DBUS SU BRI'O, ,DE NAS AOm LA SOGS PA SNGAGS KYI TSIG RNAMS KYIS RIM BZHIN DU 'KHOR LO'I BRTZIBS KYI MTSAMS RNAMS SU BRGYAN NAS, RTAG TU STE DUS THAMS CAD DU ZA MA TOG LA SOGS PA'I NANG DU LEGS PAR BZHAG NAS, ME TOG LA SOGS PAS MCHOD PAR BYA'O, ,SNGAGS KYI TSIG RNAMS KYIS 'KHOR LO JI LTAR BRGYAN CE NA, BRTZIBS DANG PO LA NI AOm, GNYIS PA LA HU LU HU LU, GSUM PA LA TIshthA TIshthA, BZHI PA LA BAN DHA BAN DHA, LNGA PA LA HA NA HA NA, DRUG PA LA DA HA DA HA, BDUN PA LA AA MRi TE, BRTZIBS BRGYAD PA LA H'Um PHAt, ZHES PA BRI BAS TE, 'DI NI SNGAGS KYI YI GE 'GOD PA'O, ,SNGAGS KYI YI GE 'GOD PA 'DI NI, SNGAGS RNAMS @748 THAMS CAD STE SGRUB PA PO RNAMS KYI GSANG BA GSUM STE, SKU GSUNG THUGS GNAS TE BSRUNG BA BSDUS PA YIN NO, ,JI SKAD BSHAD PA'I TSUL GYIS 'KHOR LO BRIS TE, ZA MA TOG LA SOGS PAR BCUG STE, ZHAG BDUN LA SOGS PAR MCHOD PA BYAS NAS, RAB GNAS BYAS TE, LA CHA LA SOGS PAS DRIL TE, LUS LA BTAGS NA DUG LA SOGS PAS MI TSUGS PA'I BSRUNG BA CHEN POR 'GYUR RO, ,LAS KYI MTHA' RDO RJE AAN DZA NA'I SBYOR BA NI, BSGRUB PA'I GNAS NI LAM GYI ZHES SOGS TE, DE'ANG LAM GYI BZHI MDO LA SOGS PAR, 'BYUNG PO'I NYIN ZHAG GI NAM PHYED NA THOD PA'I STAN LA 'DUG STE, LHAG PA'I LHA'I DKYIL 'KHOR RGYAL MCHOG GI BAR DU BSKYED LA, LAS RGYAL MCHOG DE RU RDO RJE AAN DZA NA, ,THOD PAR RTAG TU DBAB PAR BYA, ,ZHES PA, THOD PA GSUM GYI SGYED PU BYAS PA'I STENG DU TSIL CHEN GYI ZHAG GIS BKANG BA'I THOD PA BZHAG PA'I NANG DU, KHRAG DANG BSHANG BA LA SOGS PA BDUD RTZI LNGAS SBANGS PA'I PADMA'AM, AAR KA'I SKUD PAS MAR ME'I SNYING PO BYAS LA, ME SBAR TE DE'I STENG DU CHANG GIS BKANG BA'I THOD PA BZHAG STE, 'KHOR LO'I SNGAGS BRGYA RTZA BRGYAD BZLAS SHING KHRO BO DANG PHUR BU DANG ME'I SBYOR BAS SRUNG BA BYAS LA, TSES NYI SHU DGU'I NAM PHYED NA, CHANG GIS BKANG BA'I THOD PA'I ZHABS LA DUD PA DBAB PAR BYA STE, 'DI NI RDO RJE AAN DZA NA'I CHO GA'O, , DE NAS DU BA BLANGS LA ZA MA TOG TU LEGS PAR BZHAG STE, DU BA DE NYID LA 'KHOR LO'I SNGAGS BRGYA RTZA BRGYAD KYIS BTAB NAS MIG LA BSKUS NA, DNGOS @749 GRUB RAB 'BRING THA MA GSUM 'GRUB PAR 'GYUR TE, MI SNANG BA NI MCHOG GO ,SA 'OG GI GTER MTHONG BA NI 'BRING NGO, ,DBANG DU BYED PA NI THA MA'O, ,'DI NI GRUB CHEN BRGYAD DU GTOGS PA'I MIG SMAN GYI SGRUB PA YIN NO ZHES 'CHAD DO, ,GNYIS PA RGYUD KYI CHE BA BSTAN PA LA BZHI LAS, 'BRAS BU BZANG BAS RGYUD KYI CHE BA BSTAN PA NI, DE NAS BCOM LDAN 'DAS ZHES PA NAS, 'DI LA DAD CING BSGOM PAR 'GYUR RO ZHES PA'I BAR GYIS, RGYUD 'DI LA THOS BSAM SOGS KYIS ZHUGS PA LAS, 'BRAS BU NYING DGOS CI ZHIG MTHONG NAS DE BZHIN GSHEGS PA DANG BYANG CHUB SEMS DPA' RNAMS 'DI LA DAD CING 'JUG PA LAGS, ZHES ZHUS PA'O, ,DE NAS PHYAG NA RDO RJES ZHES PA NAS, DAD PAS BSGOM PAR 'GYUR RO ZHES PA'I BAR GYIS, 'DI LA NYING DGOS KYI 'BRAS BU BZANG PO GSUM MTHONG NAS DAD CING 'JUG PA YIN NO ZHES PA LAN NO, ,DE BZHIN GSHEGS PA RNAMS KYIS GSUM PO GANG ZHIG LAGS ZHES YANG ZHUS PA'O, ,RDO RJE 'DZIN PAS BKA' BSTZAL PA ZHES SOGS LAN TE, DBANG PHYUG BRGYAD KYI GTZO BO SKU GSUNG THUGS KYI DBANG PHYUG GRUB PAR STON TE, DBANG PHYUG GZHAN RNAMS DER 'DUS PA YIN PA'I PHYIR RO, ,DE NAS DE BZHIN GSHEGS PA RNAMS THE TSOM DANG BRAL BAR 'GYUR NAS CANG MI GSUNG BAR 'GYUR RO, ,RGYUD RNYED PAR DKA' BAS CHE BA BSTAN PA NI, DE NAS PHYAG NA RDO RJE DE BZHIN GSHEGS PA THAMS CAD KYI BDAG POS, ZHES PA NAS, THUB PA CHEN PO 'OD SRUNG MNGON PAR SANGS RGYAS PA'I BAR GYIS KYANG MA GSUNGS SO, ,ZHES PAS, 'DAS PA'I SANGS @750 RGYAS MANG POS MA GSUNGS PAS, RIN PO CHE LTAR RGYUD RNYED PAR DKA' BA BSTAN PA YIN NO, ,CI'I PHYIR MAR ME MDZAD NAS, THUB PA CHEN PO 'OD SRUNG GI BAR GYI SANGS RGYAS RNAMS KYIS GSANG BA CHEN PO'I DON MA BSHAD CE NA, DE'I TSE DE'I DUS KYI SEMS CAN RNAMS GSANG BA CHEN PO'I DON BSHAD PA'I SKAL BA MED PA'I PHYIR TE, DUS DE SRID KYI BAR DU NI SEMS CAN RNAMS DMAN LA LHAG PAR MOS SHING, SBYIN PA DANG TSUL KHRIMS LA SOGS PA 'DOD CHAGS DANG BRAL BA'I CHOS KYIS 'DUL BA ZAB MO BSTAN PAS SKRAG PA'I YID DANG LDAN PA YIN PA'I PHYIR RO, ,BCOM LDAN 'DAS SH'AKYA THUB PA NI, SNYIGS MA LNGA BDO BA DA LTA'I DUS 'DIR BYON PAS, SEMS CAN 'DOD CHAGS LA SPYOD CING, CHAGS BRAL GYI LAM GYIS MI 'DU BA RNAMS KYI MOS PA MKHYEN NAS, THUGS RJE'I DBANG GIS DE BZHIN GSHEGS PA 'BA' ZHIG GANG GIS GSANG BA CHEN PO'I DON GSUNGS PA YIN NO, ,'DI LA KHA CIG YE SHES ZHABS LUGS PA NA RE, MAR ME MDZAD NAS, 'OD SRUNG GI BAR GYIS MA GSUNGS ZHES PA GSANG BA 'DUS PA KHO NA'I DBANG DU BYAS PA YIN GYI, GSANG SNGAGS SPYI'I DBANG DU BYAS PA NI MA YIN TE, MTSAN BRJOD LAS, 'DAS PA'I SANGS RGYAS RNAMS KYIS GSUNGS, ,MA 'ONGS RNAMS KYANG GSUNG 'GYUR LA, ,DA LTAR BYUNG BA'I RDZOGS SANGS RGYAS, ,YANG DANG YANG DU GSUNG BA GANG, ,ZHES BSHAD PA'I PHYIR RO, ,ZHES ZER RO, ,GZHAN DAG NA RE, 'DIR GSUNGS PA NI SPRUL SKU'I DBANG DU BYAS PA YIN LA, MTSAN BRJOD LAS GSUNGS PA NI, LONGS SKU THAMS CAD KYI GSANG SNGAGS GSUNG @751 BA'I DBANG DU BYAS PA YIN NO ZHES 'CHAD DO, ,YANG DUS 'KHOR BA GZHAN DAG NA RE, MAR ME MDZAD NAS 'OD SRUNG GI BAR DU MA GSUNGS ZHES PA, YUL DBUS SU MA GSUNGS PA YIN TE, DE'I TSE DE'I DUS NA YUL DBUS KYI SEMS CAN RNAMS RIGS BZHI'I MNGON PA'I NGA RGYAL DANG LDAN PAS GSANG BA CHEN PO'I SKAL BA MED PA'I PHYIR RO, , YUL GZHAN DU MA GSUNGS PA NI MA YIN TE, DUS GSUM GYI SANGS RGYAS THAMS CAD KYI GSANG SNGAGS GSUNG BAR MTSAN BRJOD LAS BSHAD PA'I PHYIR ZHES ZER RO, , DE LA PHYOGS DANG PO NI DE'I TSE SEMS CAN RNAMS SKAL BA MED PA'I PHYIR RO ZHES 'OD SRUNG YAN CHOD KYI GDUL BYA RNAMS GSANG BA CHEN PO'I SNOD DU MI RUNG BAR GSUNGS PA DANG 'GAL BA'I PHYIR MI RIGS SO, ,PHYOGS GNYIS PA'ANG MI RIGS TE, RNAL 'BYOR BLA NA MED PA SKYES BU CHAGS CAN GYI DON DU MA DAG PA'I ZHING DU SNYIGS MA LNGA BDO BA'I DUS SU BYON GYI SPRUL SKU'I SANGS RGYAS SH'AKYA THUB PA LTA BU KHO NAS GSUNGS PA YIN GYI, LONGS SKUS GSUNGS PA MA YIN TE, LONGS SKU'I 'KHOR NA GDUL BYA CHAGS CAN MED PA'I PHYIR RO, ,'DIS NI BLA MA GONG MA DAG RGYUD SDE PHAL CHE BA 'OG MIN DU LONGS SKUS GSUNGS PAR BZHED PA YANG SUN PHYUNG NGO, ,PHYOGS GSUM PA YANG MI RIGS TE, MAR ME MDZAD NAS 'OD SRUNG GI BAR GYIS YUL DBUS SU MA GSUNGS ZHES PA, RDO RJE'I TSIG 'DI'I DGONGS PA YIN NA, SHUGS KYIS SH'AKYA THUB PAS YUL DBUS SU GSUNGS ZHES BSTAN PAR 'GYUR LA, DE NI KHYED RANG GI LUGS LA'ANG MI RIGS TE THUB PA'I DUS NA YANG YUL DBUS NA RIGS BZHI'I NGA @752 RGYAL YOD PA'I PHYIR DANG, THUB PAS KYANG DPAL LDAN 'BRAS SPUNGS KYI MCHOD RTEN SOGS YUL GZHAN DU RDO RJE THEG PA GSUNGS PAR KHYED RANG YANG 'DOD PA'I PHYIR RO, ,DUS GSUM GYI SANGS RGYAS THAMS CAD KYIS GSANG SNGAGS GSUNGS ZHES PA YANG MI 'THAD DE, BDE BA CAN LA SOGS PA GANG NA BUD MED KYI MING YANG MED PA'I DAG PA'I 'JIG RTEN GYI KHAMS DE DAG NA, 'KHRIG PA'I 'DOD CHAGS LA ZHEN PA'I RDO RJE THEG PA'I GDUL BYA MED PA'I PHYIR RO, ,DE BAS NA PHYOGS 'DI NI BRTAG MI BZOD DO, ,'O NA 'DIR GSUNGS PA DANG, MTSAN BRJOD DU GSUNGS PA DGONGS PA CI ZHE NA, 'DIR GSUNGS PA NI 'JIG RTEN GYI KHAMS 'DI'I DBANG DU MDZAD NAS, MAR ME MDZAD NAS, 'OD SRUNG GI BAR GYIS RDO RJE THEG PA MA GSUNGS ZHES BSTAN PA YIN LA, MTSAN BRJOD PAS GSUNGS PA NI, MA DAG PA'I 'JIG RTEN GYI KHAMS GZHAN DANG GZHAN DU GDUL BYA CHAGS CAN GYI DON DU SANGS RGYAS RNAMS KYIS RDO RJE THEG PA GSUNGS PA DANG, GSUNG BAR 'GYUR BA LA DGONGS PAS MI 'GAL LO, ,'BRAS BU MYUR DU THOB PAS CHE BA BSTAN PA NI, DE LTAR RGYUD RNYED PAR DKA' BA BDEN MOD, 'DIS SANGS RGYAS NYID THOB PAR 'GYUR RAM ZHE NA, DE BZHIN GSHEGS PA THAMS CAD KYI GSANG BA 'DUS PA 'DI LA THOS BSAM SGOM GSUM GYIS ZHUGS PA'I RIN PO CHE LTA BU'I GANG ZAG NI, BSKYED PA'I RIM PA MTHAR PHYIN NAS, DBEN GSUM SNGON DU 'GRO BA CAN GYI SGYU LUS 'OD GSAL DU BCUG NAS, RNYOG PA'I DRI MA THAMS CAD DKRUGS TE, LUGS BZLOG GI SNANG BA GSUM @753 RLUNG DANG BCAS PA LAS SKAD CIG THANG CIG YUD TZAM GYIS BDAG LA BYIN GYIS BRLABS PA'I RIM PAS LANGS NAS, STOBS DANG MI 'JIGS PA LA SOGS PA SANGS RGYAS KYI BYANG CHUB RDZOGS PAR BYED DO, ,DE BAS NA PHA ROL TU PHYIN PA'I THEG PA LAS CHES KHYAD PAR DU 'PHAGS SO ZHES STON PA NI, GANGG'A'I BYE MA DU MA SNYED KYI ZHES SOGS SO, ,RGYUD ZAB PA'I, CHE BA BSTAN PA NI, DE NAS BYANG CHUB SEMS DPA' STE, TZAN DAN LTA BU LA SOGS PA'I GANG ZAG DE DAG GI GSUNG RDO RJE'I TSIG GSANG BA 'DUS PA 'DI LA SKAD CIG THANG CIG YUD TZAM GYIS SANGS RGYAS KYI BYANG CHUB TSE 'DI NYID LA RDZOGS PAR BYED DO ZHES PA 'DI THOS SHING, RGYUD KYI GZHUNG MA LUS PA THOS KYANG, MTHA' DRUG GI TSIG GI DBYE BAS RGYUD KYI DON LA RMONGS PA DANG MA BRAL BAS, SEMS JI LTA BA BZHIN DU RANGS PA MA THOB NAS, RAB TU NGUS SO, ,DE LTAR NGU BAR GZIGS NAS, RIN PO CHE LTA BU'I GANG ZAG PHYOGS GNYIS KA LA 'JIGS PA MED PA RNAMS KYIS DBUGS 'BYIN PAR BYED PA NI, DE NAS ZHES SOGS TE, DE BZHIN GSHEGS PA THAMS CAD NI RIN PO CHE LTA BU'I GANG ZAG RNAMS SO, ,BYANG CHUB SEMS DPA' NI TZANDAN LTA BU LA SOGS PA'I GANG ZAG GO ,DE LTAR RIN PO CHE LTA BU'I GANG ZAG GIS DBUS PHYUNG BA NA, BDAG NYID SDUG BSNGAL BA'I RGYU JI LTA BA BZHIN DU GSOL BA NI, DE NAS DE BZHIN GSHEGS PA DE DAG THAMS CAD LA ZHES SOGS SO, ,SKU GSUNG THUGS NI GSANG BA'I YI GE GSUM STE YI GE'I DON NO, ,AOm LA SOGS PA GSUM NI SPYI'I DON NO, ,'JUG GNAS LDANG GSUM NI SBAS PA'O, , @754 SHES RAB DANG THABS DANG NYER THOB GSUM NI MTHAR THUG GO ,GSANG BA'I YI GE GSUM PO RNAM PAR DAG PAR BSTAN PA NI, DE BZHIN GSHEGS PA RNAMS KYI BKA' BSTZAL PA ZHES SOGS TE, GSANG BA'I YI GE NI KHYED RNAMS KYIS JI LTAR MI SHES PA DANG, MA MTHONG BA DE BZHIN DU, NGED DE BZHIN GSHEGS PA STE RIN PO CHE LTA BU'I GANG ZAG RNAMS KYIS KYANG, GSANG BA'I YI GE 'DI DAG DON DAM PAR GZUNG BYAR MED PAS MA THOB CING, 'DZIN PA PO MED PAS MNGON PAR SANGS MA RGYAS SO, , DE CI'I PHYIR ZHE NA, GSANG BA'I YI GE NI 'OD GSAL GYIS SBYANGS PAS RNAM PAR DAG PA'I PHYIR RO, ,ZHES MGO SMOS PAS GO BA RIN PO CHE LTA BU'I GANG ZAG RNAMS KYIS, DE BZHIN GSHEGS PA THAMS CAD KYI DE KHO NA NYID GSAL BAR MDZAD PA NA, DE NAS BYANG CHUB SEMS DPA' STE TZAN DAN LTA BU LA SOGS PA'I GANG ZAG RNAMS SOM NYI DANG BRAL NAS, DE KHO NA NYID RTOGS PAS CANG MI SMRA BAR GYUR TO, ,GSUM PA THOS BSAM GYI 'BRAS BU'I GNAS SKABS LA DRUG GIS, STON PA 'OD GSAL LA BZHUGS PA NI, DE LTAR DE BZHIN GSHEGS PA'I GSUNG GIS THE TSOM DANG BRAL BAR GYUR PA DE'I 'BRAS BU BSTAN PAR BYA BA'I PHYIR DANG, DE BZHIN GSHEGS PA LNGA DRUG PA'I BDAG NYID DU JI LTAR 'GYUR BA DE BSHAD PA NI, DE NAS BCOM LDAN 'DAS ZHES SOGS TE, SNGAR GLENG GZHI'I SKABS SU TSUL BZHIN BSHAD PA'I MTHAR THUG GI SKABS BZHIN DU 'DIR YANG SHES PAR BYA'O, ,DE LA LHA MO'I DBYANGS KYIS BSKUL BA NI, DE LTAR RDO RJE 'CHANG CHEN PO 'OD GSAL LA ZHUGS PA NA, BTZUN MO @755 BZHI PO BDAG PO DANG BRAL BAS GDUNG BA'I YID KYIS, BLTA BAR 'DOD PA'I SNYING RJE DANG BCAS PAS, JI LTAR SMRA BA DE BSTAN PA'I PHYIR, DE NAS DE BZHIN GSHEGS PA ZHES GSUNGS SO, ,DE'I SKU GSUNG THUGS KYI BTZUN MO NI SPYAN MA STE, DES DRUG LDAN LA SOGS PA SGEG CING SNYAN PA'I SNA GLU'I DBYINGS KYIS BSTOD PA SNGON DU 'GRO BAS BSKUL BAR BYED PA NI, SEMS CAN THAMS CAD KYI BDAG NYID DU GYUR PAS NA SEMS CAN KHAMS KYI'O, KHAMS GSUM GYI RGYAL SRID MNYES PAS NA GNAS KYI DBANG PHYUG KHYOD NI'O, ,THUGS KYI DBANG PHYUG BRNYES PA NA RDO RJE THUGS SO, ,DGA' BA NI ROL PA'O, ,DE NYID YID TSIM PAR BYED PAS NA YID DU 'ONG BA'O, ,DON CHEN PO NI MCHOG TU DGA' BAS TE, DE 'DOD CING BSKYED PAS NA, DGA' BA YID 'ONG DON CHEN 'DOD PA 'KHYUD PA LA SOGS PAS SPYAN MA BDAG LA SKYAB CING ROL PAR MDZAD DU GSOL, MGON PO ZHES SOGS NAS, GAL TE DE RING SPYAN MA BDAG GSON ZHING 'TSO BAR MCHIS PAR BZHED NA, SEMS CAN THAMS CAD BSKYED PA'I RGYUR GYUR PA'I YAB CHEN, SEMS CAN RNAMS LA PHAN BDE BYED PAS GNYEN GYI MCHOG CHEN POS BDAG LA ROL ZHING DGYES PAR MDZAD DU GSOL, DE BZHIN GSHEGS PA THAMS CAD KYI THUGS NI MI BSKYOD PA'O, ,DE'I BTZUN MO M'A MA KIS, RDO RJE'I 'DOD PA DGA' BA'I MCHOD PA'I MCHOG NI, THA MAL PA MA YIN PA'I DGA' BA'I KHYAD PAR LA ZHUGS PA STE, DE STON PA'I YI GE'I TSIG GIS YANG DAG PAR BSTOD PA NI, 'KHOR BA JI SRID PAR MI 'JIG PAS NA RDO RJE'I SKU KHYOD DO, ,SEMS CAN MANG PO LA RJES @756 SU PHAN PA'I CHOS STON PAS NA BKA'I 'KHOR LOS SEMS CAN KUN LA PHAN NO, , SANGS RGYAS NI PHUNG PO LNGA'O, ,DON NI KUN RDZOB KYI BDEN PA'O, ,BYANG CHUB NI DON DAM PA'O, ,MCHOG SGRUB PA NI ZUNG 'JUG GO, DES SEMS CAN RNAMS LA PHAN PA'I PHYIR, DGONGS PA'I GSUNG STON PAS NA RAB TU PHAN PAR GZIGS ZHES BYA'O, , MGON PO ZHES SOGS SNGA MA BZHIN NO, ,'DOD CHAGS NI THA MAL PA'I 'DOD CHAGS TE, DE SBYONG BA'I PHYIR DAM TSIG CHAGS PAS TE, YANG DAG PA'I 'DOD CHAGS KYIS M'A MA KI BDAG LA DGYES SHING ROL PAR MDZAD DU GSOL, 'JIG RTEN DBANG PHYUG NI 'OD GSAL BA'O, ,DE'I SKU GSUNG THUGS RDO RJE'I SPYAN NI GOS DKAR MO'O, , DES YANG DAG PAR BSTOD PA NI, GSUNG GI DBANG PHYUG BRNYES PAS NI KHYOD NI RDO RJE'I GSUNG NGO, ,DE LTA BU DES SEMS CAN KUN LA PHAN ZHING THUGS BRTZE BA'O, , TSAD MED BZHIS SEMS CAN THAMS CAD LA PHAN 'DOGS PA NA, 'JIG RTEN DAG GI DGOS PA'I DON MDZAD PA LA RAB TU BRTZON PA'O, ,MGON PO ZHES SOGS SNGA MA BZHIN NO, ,SPYOD PA NI SHIN TU DGA' BA'O, ,DE NYID GLO BUR GYI DRI MAS MA GOS PAS NA DRI MA MED PA'O, ,DE NYID KUN TU BZANG ZHING DGE BAS NA KUN TU BZANG PO'O, ,DE LTA BU DES, GOS DKAR MO BDAG LA DGES SHING ROL PAR MDZAD DU GSOL, SKU GSUNG THUGS KYI DAM TSIG RDO RJE NI DON YOD GRUB PA'O, ,DE'I BTZUN MO NI SGROL MA STE, DES BSTOD PA NI, RDO RJE PADMA SBYOR BA LAS BYUNG BA'I DKYIL 'KHOR GYI LHA RNAMS KYI ZHE SDANG LA SPYOD PA SOGS KYI SEMS CAN GYI KHAMS SBYONG BAS NA RDO RJE @757 'DOD PA'O, ,LAS KYI RIGS KYIS MCHOG TU GYUR PAS NA DAM TSIG MCHOG GO , GDUL BYA 'DOD CHAGS CAN LA 'DOD CHAGS RNAM PAR DAG PA'I THABS KYIS BYANG CHUB STZOL BAR MDZAD PAS NA PHAN YON CHE'O, ,SH'AKYA'I RIGS LAS BYUNG BA RNAMS KYI MCHOG TU GYUR PAS NA RDZOGS SANGS RGYAS KYI GDUNG MCHOG GO ,YANG NA BYA BA GRUB PA'I YE SHES KYI SGO NAS SEMS CAN GYI DON MDZAD PAS NA RDZOGS SANGS RGYAS KYI GDUNG MCHOG GO ,RANG DANG GZHAN DU DMIGS PA DANG BRAL BA YIN YANG SEMS CAN KUN LA RJES SU THUGS BRTZE BAR MDZAD PAS NA, MNYAM PA NYID GCIG PA'O, , MGON PO ZHES SOGS SNGA MA BZHIN NO, ,DE LTA BU'I KHYAD PAR GYI YON TAN DANG LDAN PA'I YON TAN RIN PO CHE'I GTER MNGA' BAS SGROL MA BDAG LA MNYES SHING ROL PAR MDZOD CIG ROL PA LAS KYANG 'DOD CHAGS DANG, 'DOD CHAGS DANG BRAL BA DANG 'DOD CHAGS BAR MA DANG, 'OD GSAL BA'I YE SHES BSKYED PAR BYED PA MIN NO ZHES BDAG LA BSTOD PAR BYED PA'O, ,'OD GSAL BAS BZHENGS NAS 'DOD PA LA LONGS SPYOD PA NI, DE LTAR TSANGS PA'I GNAS BZHI'I RANG BZHIN LHA MO RNAMS KYIS YANG DAG PAR BSKUL BA DANG, SNGON GYI SMON LAM GYI RGYUN GYI SHUGS KYIS STONG PA NYID KYI RNAL 'BYOR LAS BZHENGS NAS, DPAL SHIN TU DGA' BA'I BDE BAS 'DOD CHAGS LA SPYOD PA BSTAN PA NI, 'KHYUD PA DANG, 'O BYED PA DANG, 'JIBS PA DANG, THAL MOS GDAB PA DANG, SO DANG SEN MO 'DEBS PA DANG, NYED PA DANG, KHYUNG LDING BA DANG, RAB TU BRKYANG BA DANG, GRONG GI BYA BAS MU TIG GI PHRENG BA DANG, @758 GDUB BU DANG, 'KHOR GDUB DANG, RKANG GDUB KYI SGRA DANG, YUL DANG DBANG PO STE RDO RJE DANG PADMA MNYAM PAR SBYOR ZHING, SHES RAB DANG THABS KYI SNYOMS PAR ZHUGS PAS A'A Li K'A Li DANG, 'DOD PA'I GDUGS DANG, RUS SBAL DANG, ZLA BA GANG BAS TE, RTZA SBUBS GSUM SOR MO GSUM GYIS BSKYOD CING, RAB TU BSKUL BAS DGA' BA 'BYUNG BA'I SGRAS MCHOG TU DGA' BA'I BDE BA NYAMS SU MYONG BAS, DBANG PO DANG, KHAMS DANG, SKYE MCHED KYI NGO BO NYID SPYI BO NAS BRTZAMS TE DRI MA MED PA'I CHU RGYUN BZHIN DU BZHUS LA, BYANG CHUB KYI SEMS KYI NGO BO NYID DU 'DZAG PAS, CHOS 'BYUNG GI NANG DU YANG DAG PAR BZHAG STE, DES 'DOD CHAGS LA SOGS PA LA SPYOD PA'I SEMS CAN RNAM PAR SBYONG BAR BYA BA'I PHYIR, DKYIL 'KHOR GYI 'KHOR LO PHYUNG STE, SLAR YANG 'OD GSAL LA ZHUGS NAS RNAM PAR RTOG PA MED PAR GYUR TO, ,DON DE NYID BSTAN PA'I PHYIR, DE NAS BCOM LDAN 'DAS ZHES SOGS TE, 'DOD CING CHAGS PAR BYA BAS NA 'DOD CHAGS TE, GZUGS LA SOGS PA'I YUL THAMS CAD LA NGO BO NYID SHES PA'I SGO NAS, YUL DANG DBANG PO MNYAM PAR SBYOR BA'I SGO NAS LONGS SPYOD RDO RJE'I DPAL TE, SHIN TU BDE BA'I GNAS SKABS KYI TING NGE 'DZIN LA SNYOMS PAR ZHUGS NAS, DE BZHIN GSHEGS PA'I BDAG PO DE BZHIN GSHEGS PA RNAMS KYI BTZUN MO, SPYAN MA LA SOGS PA'I NGO BO NYID LA DAM TSIG GI 'KHOR LO STE RNAM SNANG LA SOGS PA'I NGO BO NYID KYIS 'DOD PA SPYOD CING CANG MI GSUNG BAR GYUR TO, ,ZHES PA RDO RJE 'CHANG CHEN PO CHOS STON PA LA SOGS @759 PA'I BYA BA DANG BRAL BAS, YE SHES KYI PHYAG RGYA DANG SNYOMS PAR ZHUGS NAS, BZHUGS SO ZHES PA'I DON NO, ,BCOM LDAN 'DAS YE SHES KYI PHYAG RGYA DANG SNYOMS PAR ZHUGS PA'I 'OG DE NAS, NAM MKHA'I DBYINGS 'DI THAMS CAD RDO RJE 'CHANG CHEN PO'I NGO BO DE BZHIN GSHEGS PA THAMS CAD KYI SKU DANG GSUNG DANG THUGS KYI RDO RJE'I DAM TSIG GI KHU BA STE, DAM TSIG GI 'KHOR LO RNAM PAR SNANG MDZAD LA SOGS PAS DE BZHIN GSHEGS PA'I TSOGS KYIS TIL GYI GONG BU BZHIN DU BAR DANG MTSAMS MED PAR YONGS SU GANG BAR GYUR PA NI, BUM PA RDO RJE'I CHUS GANG BA LTAR GNAS PAR GYUR TO, ,DES DBANG BSKUR BA'I SEMS CAN RNAMS BDE BA THOB PAR BSTAN PA NI, DE NAS RDO RJE NAM MKHA'I DBYINGS TE KHAMS GSUM NA GNAS PA'I SEMS CAN SKU GSUM GYI DAM TSIG LAS YANG DAG PAR BYUNG BAS TE, RDO RJE GSUM GYI NGO BOR GYUR PA DE RNAMS RDO RJE'I DPAL GYIS TE RDO RJE 'CHANG CHEN PO'I SNYOMS PAR 'JUG PA'I BDE BAS REG CING DBANG BSKUR BAS, THAMS CAD DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RDO RJE GSUM STE RDO RJE 'CHANG CHEN PO STOBS DANG MI 'JIGS PA LA SOGS PA'I YE SHES CAN DU GYUR TO, , DE LA RJE 'GOS NA RE, RDO RJE 'CHANG CHEN PO YE SHES KYI PHYAG RGYA DANG SNYOMS PAR ZHUGS PA'I THIG LE LAS NAM MKHA'I KHAMS GANG BAR GYUR PA DES, SEMS CAN THAMS CAD LA REG CING DBANG BSKUR BAS, SEMS CAN THAMS CAD RDO RJE GSUM GYI YE SHES CAN DU GYUR PA'O ZHES BZHED LA, MA RA, THIG LE GYUR PA LAS, RNAM @760 SNANG LA SOGS PA DE BZHIN GSHEGS PA NAM MKHA'I KHAMS GANG BAR GYUR PA DE DAG GIS, GSUNG BAR 'OS PA'I SEMS CAN THAMS CAD LA CHOS BSHAD PAS, SEMS CAN DE DAG SKU GSUM GYI YE SHES CAN DU GYUR PA'O, ,ZHES BZHED DO, , DE LTAR RDO RJE 'OD ZER GYI DBANG BSKUR BA DE NAS BRTZAMS TE SEMS CAN THAMS CAD DE BZHIN GSHEGS PA THAMS CAD KYI SKU GSUNG THUGS KYI DBANG BSKUR BAR GYUR NAS, KUN TU BZANG PO KUN TU BZANG PO ZHES, SNGON MA BYUNG BA'I DON GYIS MING CAN DU GYUR TO, ,DE LTAR SEMS CAN THAMS CAD YE SHES KYI DBANG BSKUR BAS DBANG BSKUR NAS, SEMS CAN MNYAM PA NYID DU BSTAN PAS, JI LTAR SMRA BAR GYUR PA DE NYID BSTAN PA'I PHYIR, DE NAS PHYAG NA RDO RJE ZHES SOGS SO, BCOM LDAN 'DAS DE BZHIN GSHEGS PA LA THAMS CAD CES BOS NAS, CHOS THAMS CAD MNYAM PA NYID RDO RJE YE SHES KYI SPYOD PA MTHONG NGAM ZHES DRIS PA'O, , BCOM LDAN 'DAS ZHES STON PA LA BOS NAS, DE BZHIN GSHEGS PA THAMS CAD NI RDO RJE 'CHANG CHEN PO, DE'I RDO RJE YE SHES SPYOD PA NI RANG GI SNYOMS PAR 'JUG PA'I BDE BA NYAMS SU MYONG BA NYID KYIS SEMS CAN THAMS CAD KYI SNYOMS PAR 'JUG PA'I BDE BA BDAG GIR MDZAD PA STE, DE MTHONG LAGS SO ZHES LAN ZHUS PA'O, , 'DOD PA LA LONGS SPYOD PAS BDE BA THOB PA LA NGO MTSAR BAR GYUR PA NI, DE NAS BCOM LDAN 'DAS ZHES SOGS TE, 'DOD CHAGS KYI YI GE'I TSIG STE, 'DOD CHAGS KYI KUN TU SPYOD PA NI 'KHOR BA'I RGYU YIN LA, DE LAS SANGS RGYAS KYI BYANG @761 CHUB RDO RJE 'CHANG CHEN PO RTOGS SHING THABS GANG YIN PA DE NGO MTSAR CHE'O, ,ZHES 'KHOR RNAMS KYIS ZHUS PA'O, ,'DOD CHAGS RNAM PAR DAG PAR BSTAN PAS THE TSOM DANG BRAL BA NI, THA MAL PA'I 'DOD CHAGS DNGOS POR MNGON PAR ZHEN PAS GROL NA NGO MTSAR BA LAS, 'DI NI YANG DAG PA'I 'DOD CHAGS NYON MONGS PA MED PA 'OD GSAL BA'I BDAG NYID YIN PAS, DE LAS RDO RJE GSUM GYI YE SHES 'BYUNG BA NGO MTSAR MI CHE'O ZHES STON PA NI, DE NAS PHYAG NA RDO RJE ZHES SOGS SO, ,BCOM LDAN DE BZHIN GSHEGS PA THAMS CAD CES BOS NAS, 'DOD CHAGS KYI SPYOD PAS BYANG CHUB THOB PA NGO MTSAR CHE'O, ZHES DE SKAD MA ZER CIG DE CI'I PHYIR ZHE NA, 'DOD CHAGS LA SOGS PA'I CHOS THAMS CAD NI NAM MKHA'I RDO RJE'I DAM TSIG STE DE BZHIN GSHEGS PA DRUG PA DANG, MTSUNGS PAR 'OD GSAL BA'I NGO BO NYID YIN PA'I PHYIR, DON DAM PAR GZUGS LA SOGS PA'I PHUNG PO MA YIN, MIG LA SOGS PA KHAMS DANG SKYE MCHED MA YIN, 'DOD CHAGS LA SOGS PA NYON MONGS PA MA YIN, SROG GCOD SPONG BA LA SOGS PA CHOS MA YIN, SROG GCOD PA LA SOGS PA CHOS MA YIN PA MA YIN NO, ,ZHES DE BZHIN GSHEGS PAS CHOS THAMS CAD 'OD GSAL BA NYID DU GSUNG BA'I RJES THOGS DE NAS, 'OD GSAL MNGON SUM DU BYAS NAS DE BZHIN GSHEGS PA THAMS CAD BRJOD DU MED PA'I CHOS NYID DE NYID LA BSGOM ZHING CANG MI GSUNG BAR BZHUGS PAR GYUR TO, ,DE LTAR SNGON BYUNG LA STON PA 'OD GSAL DU ZHUGS PA MAN CHOD KYIS NI RJES 'JUG GI MNGON RTOGS KYI DON 'DI SKAD BSTAN TE, @762 DANG PO SBYOR BA DANG DKYIL 'KHOR RGYAL MCHOG SNGON DU SONG NAS, THUN MONG MA YIN PA'I LAS RGYAL MCHOG NI, DRAN PA GCIG PA'AM, RTOG PA'I RNAL 'BYOR RAM, DNGOS GRUB SGRUB PA'I CHO GA GANG YANG RUNG BA BYAS NAS, THUN THA MA LA, THUN MONG GI LAS RGYAL MCHOG NI, GTZO BO YAB YUM 'OD GSAL DU ZHUGS PA DANG, LHA MO'I GLUS BSKUL BA DANG, BZHENGS PA LA SNGAR GSUNGS PA'I BSTOD PA BYAS NAS, MCHOD PA BYA BAS TE, PHYI MCHOD SNGON DU SONG NAS NANG MCHOD DANG GSANG MCHOD BYA BA BSTAN PA YIN NO, ,BZHI PA RGYUD GTAD PA LA BZHI LAS, SKAL BA DANG LDAN PA LA SPYIR PA YIN NI, ,BZHI PA RGYUD GTAD PA LA BZHI LAS, SKAL BA DANG LDAN PA LA SPYIR GTAD PA NI, DE LTAR GSANG BSTAN PA YONGS SU RDZOGS NAS, DES 'DUL BA'I SEMS CAN RNAMS KYI PHYIR, DE BZHIN GSHEGS PA RNAMS LA JI LTAR YONGS SU GTAD PAR MDZAD PA DE BRTAN PAR BYA BA'I PHYIR, DE NAS BCOM LDAN 'DAS ZHES SOGS GSUNGS TE, PHYOGS BCU NA GNAS PA'I BYANG CHUB SEMS DPA' RNAMS NI, YUL LA CHAGS PA'I SEMS CAN 'DOD CHAGS LAS BYUNG BA'I BYANG CHUB KYI GNAS THOB PA'I SNOD DU GYUR PA RNAMS TE, DE DAG RDO RJE 'DZIN PA CHEN PO'I TING NGE 'DZIN RNAM PA GNYIS STON PAR BYED PA'I RGYUD KYI RGYAL PO CHOS KYI RNAM GRANGS 'DI LA SKAL BA YOD PA'I PHYIR RO, ,ZHES BYA BAR DGONGS SO, ,RDO RJE CHOS LA KHYAD PAR DU GTAD PA NI, DE NAS PHYAG NA RDO RJE DE BZHIN GSHEGS PA ZHES SOGS TE, RIGS KYI BU ZHES RDO RJE CHOS LA BOS NAS, DE BZHIN GSHEGS PA THAMS CAD KYIS GCIG NAS GCIG TU BRGYUD DE 'ONG PA, 'DA' BAR MI BYA BA'I DAM TSIG GI DE KHO NA NYID SKU @763 GSUNG THUGS KYI GSANG CHEN GSANG BA 'DUS PA'I TSUL 'DI, DA LTAR NGAS BSHAD PA KHYOD KYIS YID LA ZHOGS LA ZUNGS SHIG GANG GI PHYIR KHYOD KYANG RNAM SNANG LA SOGS PA DE BZHIN GSHEGS PA THAMS CAD KYI GZHUNG DU BSTAN PA'I CHOS THAMS CAD LA SPOBS PA THOGS PA MED PA DANG LDAN PAS, CHOS THAMS CAD KYI DBANG PHYUG RDO RJE ZHES BYA BAR DBANG BSGYUR ZHING RJES SU GNANG STE, BSTAN PA 'DI LA GSUNG GI RDO RJE GTZO BO YIN PA'I PHYIR RO SNYAM DU DGONGS SO, ,DE NAS ZHES SOGS GO SLA'O, , DE NAS SEMS CAN THAMS CAD SKU DANG GSUNG DANG THUGS KYI BDAG PO THOB PAR BSTAN PA NI, RGYUD GTAD PA'I MJUG THOGS SU BRJOD KYI MI LANG BA'I SANGS RGYAS KYI ZHING GI RDUL PHRA RAB DANG MNYAM PA'I DE BZHIN GSHEGS PA DE RNAMS KYIS CI ZHIG MDZAD CE NA, RGYUD GTAD PA'I RJES THOGS DE NAS, GLENG GZHI'I SKABS KYIS, 'KHOR DU RTOGS PA'I BCOM LDAN 'DAS DE BZHIN GSHEGS PA THAMS CAD DE, RIGS LNGA DANG LDAN PA'I SPRUL PA'I SKU DPAG TU MED CING, MTHA' YAS PA'I SANGS RGYAS DANG BYANG CHUB SEMS DPA' RNAMS DANG, KHRO BO'I RGYAL PO LA SOGS PA THAMS CAD RNAM PAR SNANG MDZAD DANG, 'OD DPAG MED DANG, MI BSKYOD PAR 'DUS PAR GYUR TE, RDO RJE SEMS DPA' STE RDO RJE 'CHANG CHEN PO'I SPYI BO DANG, LKOG MA DANG, SNYING KHA'I AOm LA SOGS PA'I YI GE GSUM LA, RANG RANG GI SKU GSUNG THUGS ZHUGS PAR GYUR TO, ,'DIS SNGON BYUNG LA, RGYUD GSUNG BA RDZOGS PA'I RJES SU, GLENG GZHI'I SPRUL PA'I 'KHOR THAMS CAD RIGS GSUM DU 'DUS NAS, RDO RJE 'CHANG @764 CHEN PO'I SKU GSUNG THUGS LA THIM PA GCIG BSTAN LA, RJES 'JUG GI MNGON RTOGS LTAR NA MDOR BYAS SU, DE NAS 'KHOR LO SANGS RGYAS KYIS BSTOD GSOL, , MCHOG TU GSANG BA JI BZHIN DON BSHAD NAS, ,RANG GI 'KHOR LO PA NI 'KHOR LO GZHUG ,MGON PO BDE BA CHEN PO'I GCIG PU BZHUGS, ,ZHES PA LTAR, GTZO BO 'OD GSAL LAS BZHENGS PA LA, 'KHOR RNAMS KYIS BSTOD DE, DE'I 'OG TU GTZO BO'I TING NGE 'DZIN SEMS DPA'I 'OD ZER GYI LCAGS KYUS DKYIL 'KHOR PA THAMS CAD DRANGS TE, TING NGE 'DZIN SEMS DPA' LA BCUG PA'I DKYIL 'KHOR GYI 'KHOR LO BSDU BA BSTAN TO, ,RDO RJE GSUM PO KHAMS GSUM GYI LUS NGAG YID GSUM GYI NGO BOR BSTAN PA NI, DE NAS DE BZHIN GSHEGS PA SKU RDO RJE RNAM PAR SNANG MDZAD KHAMS GSUM PA THAMS CAD KYI, LUS RDO RJE LA GNAS SHING ZHES PA 'DIS NI SRID PA GSUM GYI GNAS 'DI NI, SGONG NGA LAS SKYES PA SOGS SEMS CAN MCHOG DANG, 'BRING DANG, THA MA'I TSOGS RNAMS KYI, LUS GANG YIN PA DE NI RNAM PAR SNANG MDZAD DO ZHES PA'I DON 'DI BSTAN TO, ,DE BZHIN GSHEGS PA THAMS CAD KYI SKU MNYAM PA NYID SGYU MA LTA BU LA DMIGS NAS, CANG MI GSUNG BAR GYUR TO, ,ZHES PA NI, LUS DANG RNAM PAR SNANG MDZAD NI RTEN DANG BRTEN PA NYID DU DBYER MED CING, DE BZHIN DU RDZOGS PA DANG, MA RDZOGS PA'I LUS DAG NI DBYER MED PA ZHES PA'I DON 'DI BSTAN TO, ,DE NAS DE BZHIN GSHEGS PA GSUNG RDO RJE, KHAMS GSUM PA THAMS CAD KYI NGAG RDO RJE LA GNAS SHING ZHES PA NI, KHAMS GSUM PA'I SEMS @765 CAN THAMS CAD KYI NGAG GANG YIN PA DE NI, 'OD DPAG TU MED PA'O, ,ZHES PA'I DON 'DI BSTAN TO, ,DE BZHIN GSHEGS PA THAMS CAD KYI GSUNG MNYAM PA NYID LA GNAS NAS, CANG MI GSUNG BAR GYUR TO ZHES PA NI, DE BZHIN GSHEGS PA RNAMS KYI GSUNG GANG YIN PA DANG, SEMS CAN RNAMS KYI NGAG GNYIS SU MED DO ZHES BSTAN TO, ,DE NAS DE BZHIN GSHEGS PA PHYAG NA RDO RJE, KHAMS GSUM PA THAMS CAD KYI SEMS RDO RJE LA GNAS SHING ZHES PAS NI, SEMS CAN THAMS CAD KYI SEMS GANG YIN PA DE NI MI BSKYOD PA'I ZHES PA'I DON 'DI BSTAN TO, ,DE BZHIN GSHEGS PA RNAMS KYI THUGS DANG SEMS CAN RNAMS KYI SEMS GCIG NYID DU BSTAN PA'I PHYIR, DE BZHIN GSHEGS PA THAMS CAD KYI THUGS MNYAM PA NYID DU GYUR PAS BDEN PA GNYIS, GNYIS SU MED CING GCIG PA NYID LA DMIGS PAR MDZAD NAS, CANG MI GSUNG BAR GYUR TO, ,CES MTHAR THUG PAR GSUNGS SO, , 'DIS RJES 'JUG MNGON RTOGS KYI DON NI, MDOR BYAS LAS, H'Um GI SNYING POR 'JIG RTEN RAB TU BSGOM, ,DE BYUNG 'GRO KUN RDO RJE SEMS DPAR BSAM, ,LANGS NAS 'GRO LA BLTAS TE JI BZHIN SPYAD, ,ZHES GSUNGS LTAR, THUN MTSAMS SU SNOD BCUD THAMS CAD RDO RJE GSUM GYI RANG BZHIN GYI RDO RJE 'CHANG CHEN POR MOS PA YID LA BYED PA'I TSUL GYIS BSGOM PA BSTAN TO, ,MA 'ONGS PA'I DUS SU RGYUD DON GANG GIS GSAL BAR BYED PA NI, SLOB DPON GYI ZHAL SNGA NAS BKA' DRIN GYIS, RGYUD KYI DON DANG, TSUL DANG, CHOS NYID LA SOM NYI DANG BRAL MOD, SOM NYI GZHAN @766 'GA' ZHIG MCHIS TE, MTHA' DRUG GI BSHAD PA LA RGYAB KYIS PHYOGS PA'I SNGAGS PA RNAMS, SGRA JI BZHIN DU GSUNGS PA'I TSIG LA BRTEN NAS, RANG RANG GI SLOB DPON GYI MAN NGAG GIS, ZLA BA DANG RDO RJE LA SOGS PA MNGON PAR BYANG CHUB PA RNAM PA LNGA'I RIM PAS, SRID PA SKYE BA'I RIM PA LTAR, YONGS SU BRTAGS PA'I LHA'I RNAL 'BYOR TZAM LA SLOB KYANG, YONGS SU DAG PA'I LHA'I RNAL 'BYOR RTOG PA THAMS CAD LAS 'DAS PA, DNGOS PO RANG GI RIGS PA SANGS RGYAS RNAMS KYI SPYOD YUL PHUNG PO RIN PO CHE'I ZA MA TOG GI NANG NA GNAS PA, YOD PA DANG MED PA'I PHYOGS DANG BRAL BA, YI GE'I RJES SU 'BRANG BA RNAMS DANG, RTOG GE PA RNAMS KYI YUL MA YIN PA, BLA MA'I MAN NGAG 'BA' ZHIG LAS SHES PAR BYA BA, 'DI LTA BU'I LHA'I DE KHO NA NYID SHES PAR MI NUS PAS, YONGS SU DAG PA'I LHA'I DE KHO NA NYID 'DI LTA BU, DE BZHIN GSHEGS PA YONGS SU MYA NGAN LAS 'DAS SHING, PHYAG NA RDO RJE LA SOGS PA'I SDUD PA PO RNAMS KYANG MED PAR GYUR PA PHYI MA'I DUS NA, SANGS RGYAS KYIS YANG DAG PAR 'GRO BA DE'I, RGYUN MI 'CHAD PAR SU ZHIG STON PAR 'GYUR, GDUL BYA SEMS CAN RNAMS KYI RGYUD LA JI LTAR 'JUG PAR 'GYUR ZHES ZHUS PA'O, ,DE'I LAN SLOB DPON GYIS SMRAS PA, DE BZHIN GSHEGS PA YONGS SU MYA NGAN LAS 'DAS NAS KYANG, JI SRID 'JIG RTEN DU DAM PA'I CHOS GNAS PA DE SRID KYI BAR DU, RDO RJE THEG PA LA RTZA BA'I RGYUD MTHA' DRUG TSUL BZHIS BCINGS KYANG, DE'I DGONGS PA RNAL 'BYOR CHEN PO'I RGYUD RDO RJE PHRENG BA LA SOGS PA, BSHAD PA'I RGYUD KYIS BKRAL @767 BA LA BRTEN NAS, BSKYED PA'I GO RIM GYIS RDZOGS PA'I RIM PA RTOGS TE, TSE 'DI NYID LA SANGS RGYAS NYID DU 'GYUR BA'I MAN NGAG SLOB DPON CHEN PO KLU SGRUB KYI ZHAL SNGA NAS BRTZAMS TE, GTER GYI KHA BYANG DANG 'DRA BAR, SLOB DPON RNAMS BRGYUD PA RIM GYIS, BLA MA'I ZHAL NAS, GSANG PA 'DUS PA BA RNAMS KYI RGYUD LA 'JUG CING 'PHO'O, ,SLOB DPON KLU SGRUB NYID RGYUD KYI DON LA 'KHRUL PA MED PAR CIS SHES SNYAM NA, DE LA GNYIS TE, BDE BAR GSHEGS PAS LUNG BSTAN PA DANG, RANG NYID KYIS YE SHES BRNYES PAR BSTAN PA'O, ,DANG PO NI, LANG KAR GSHEGS PA LAS, RTOG GE RNAMS KYI YUL MIN PA, ,SO SO RANG GI YE SHES NI, PHYI MA'I DUS SU GYUR PA NA, ,MGON PO SU ZHIG 'DZIN 'GYUR GSUNGS, ,BDE GSHEGS MYA NGAN 'DAS 'OG TU, ,DUS DGA' NAS 'BYUNG BA NI, ,GANG ZHIG BSTAN PA 'DZIN GYUR TE, ,BLO GROS CHEN PO KHYOD SHES BYOS, ,LHO PHYOGS BE TA'I YUL DU NI, ,DGE SLONG DPAL LDAN ZHES BYA BA, ,DE MING KLU ZHES BOD PA STE, YOD DANG MED PA'I PHYOGS 'JIG PA, ,NGA YI BSTAN PA 'JIG RTEN 'DIR, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, , ZHES GSUNGS PAS SO, ,RANG NYID KYIS YE SHES BRNYES PAR BSTAN PA NI, SLOB DPON CHEN PO DPAL KLU SGRUB KYI ZHAL SNGA (MDOR BYAS DANG RIM LNGA) NAS KYIS, NYID KYIS DON RJES SU BRNYES NAS, SO SO RANG RIG PA'I RDO RJE 'DZIN PA CHEN PO'I TING NGE 'DZIN 'JIG RTEN DU BSTAN NAS, LHA DANG MI'I BDE BA LAS 'DAS SHING, MU STEGS DANG, @768 NYAN THOS DANG, RANG SANGS RGYAS KYI BSAM GTAN DANG SNYOMS PAR 'JUG PA'I BDE BA LAS 'DAS NAS, SKYE BA DANG, 'GAG PA DANG BRAL BA'I DE BZHIN GSHEGS PA'I SKU RNAM PA THAMS CAD KYI MCHOG DANG LDAN PA, LTA BAS CHOG MI SHES PA STOBS BCU DANG, MI 'JIGS PA BZHI LA SOGS PA, SANGS RGYAS KYI YON TAN THAMS CAD KYIS BRGYAN PA BRNYES NAS, BDE BA CAN DU GSHEGS PA STE, YON TAN GYI DBANG PHYUG BRGYAD DANG LDAN PAR BZHUGS SO, ,DE'I PHYIR SLOB DPON CHEN PO KLU SGRUB KYI ZHAL SNGA NAS BRGYUD PA'I MAN NGAG NI, RDO RJE 'CHANG GI DGONGS PA LA 'KHRUL PA MED PAR SHES PAR BYA'O, ,LNGA PA GZHUNG NYE BAR BSDU BA NI, 'DI SKAD BDAG GI THOS PA ZHES PA LA SOGS PA, RGYUD MA LUS PAR RGYAN RNAM PA BDUN DANG, BSHAD PA'I TSUL RNAMS KYIS THOS NAS, DON DANG, TSUL DANG, CHOS NYID KHONG DU CHUD DE, RIM PA GNYIS KYIS MAN NGAG SBYIN PA SNGON DU 'GRO BAS, NYAN PA PO RNAMS LA YANG DAG PAR BSHAD PAS, BRTZAMS PA'I DON DANG, BDAG NYID KYIS DAM BCAS PA'I BSAM PA YONGS SU RDZOGS PAR STON PA NI, SDUD PAR BYED PAS DE SKAD CES BKA' BSTZAL TO, ,ZHES SMRAS TE, GSANG BA 'DUS PA'I RGYUD 'DI GONG DU JI SKAD BSTAN PA DE SKAD CES, RDO RJE 'CHANG CHEN POS BKA' BSTZAL ZHING BSTAN TO ZHES PA'O, ,LE'U YI MTSAN DON NI, DE BZHIN GSHEGS PA THAMS CAD NI, RNAM SNANG LA SOGS PA'O, , DE RNAMS KYI DAM TSIG NI NYAMS SU BLANG BAR BYA BA'I DON TE, BSRUNG BAR BYA BA LA SOGS PA LNGA'O, ,SDOM PA NI NAN TAN GYIS BSGRUB PAR BYA BAS TE, DE BZHIN @769 GSHEGS PA'I RIGS KYI SDOM PA LA SOGS PA LNGA'O, ,DE NYID LA GNYIS SU MED CING 'DA' BAR BYA BA MA YIN PAS NA RDO RJE'O, ,DE YIS BYIN GYIS BRLABS PA'I RGYAL PO NI, RDO RJE 'CHANG CHEN PO'O, ,RIGS THAMS CAD KYI BDAG NYID CAN, THOG MA DANG, THA MA MED PA DANG, DANG PO'I SANGS RGYAS, RIG PA CHEN PO SKYES BU'I GZUGS, YE SHES KYI SKU, RANG BZHIN GYIS 'OD GSAL BA'I BDAG NYID CAN, 'JIG RTEN GSUM GYI BDAG NYID CAN, THEG PA GSUM GYI BDAG NYID CAN, DUS GSUM GYI BDAG NYID CAN, RDO RJE GSUM GYI BDAG NYID CAN, BDEN PA GNYIS KYI BDAG NYID CAN, ZHES SOGS DE BZHIN GSHEGS PA DRUG PA'I MTSAN GYI RNAM GRANGS MTHA' YAS TE, DE STON PA'I GZHUNG GI TSOGS NI GOS DANG 'DRA BAR, KUN NAS NYON MONGS LA GSUM MAM, SGRIB GNYIS KYI NYE BAR 'TSE BA BZLOG PA'I PHYIR LE'U ZHES BYA'O, ,LE'U BCU BDUN PA'I RNAM BSHAD DO,, ,, DE LTAR RGYUD MA LUS PA'I DON BSHAD NAS, GSUM PA BYA BA MTHAR PHYIN PA'I YAN LAG LA GNYIS KYI, MTHA' DRUG DANG BRAL BAS RGYUD DON MI RTOGS PAR BSTAN PA NI, BDE BAR GSHEGS GSUNG SHIN TU PHRA BA'I RNAL 'BYOR RGYUD, ,MTHA' DRUG BRAL BAS NGES PAR RTOGS ZHES GANG SMRA BA, ,DE NI DE NYID MTHONG MIN YI GE TZAM BLTAS TE, ZLA BA LTA 'DOD SO MO'I RTZE LA LTA DANG MTSUNGS, ,ZHES TE, BDE BAR GSHEGS PA STE RDO RJE 'CHANG CHEN PO'I GSUNG RTOGS PAR DKA' BAS SHIN TU PHRA BA, RNAL 'BYOR CHEN PO'I RGYUD DPAL GSANG BA 'DUS PA'I DON MTHA' DRUG @770 TSUL BZHI DANG BRAL TE, SGRA JI BZHIN PA LA BRTEN NAS, NGES PAR RTOGS ZHES GANG SMRA BA DE NI, RJOD BYED YI GE TZAM LTA BAR ZAD KYI, BRJOD BYA'I DE KHO NA NYID MTHONG ZHING RTOGS PA MA YIN TE, DPER NA NAM MKHA'I DKYIL 'KHOR NA GNAS PA'I ZLA BA LTA BAR 'DOD PA NA, DE STON BYED SOR MO'I RTZE MO LA LTA BA DANG MTSUNGS SO, , MTHA' DRUG GI SGO NAS RGYUD DON LEGS PAR BSHAD PA'I DGE BA BSNGO BA NI, GZHAN YANG RGYAL BA SKYES MCHOG RNAMS KYIS RNAM PAR BSHAD PA'I MTHA' DRUG LAM GANG YIN, ,GANG ZHIG 'DI DANG RGYUD TSUL MA LUS RNAM 'BYED RGYU KYI MTHAR THUG MA LUS BSHAD BYAS PA, ,BDAG GI DGE BA GANG THOB DES NI SGRON 'BAR RGYA CHER BSHAD 'DI RING GNAS SHING, ,BDE BA DAM PA'I GNAS MCHOG ZLA BA'I BLO DANG 'GRO BA RNAMS NI LDAN PAR SHOG ,ZHES SO, ,RGYUD MA LUS PA'I DON MTHAR THUG PAR BSHAD PAR BYAS SO, ,ZHES DRANGS, SU ZHIG GIS NA, ZLA BA GRAGS PA BDAG GIS SO, ,RGYUD DON MTHAR THUG PA DE GANG ZHE NA, DUS GSUM GYI RGYAL BA SKYES MCHOG RNAMS KYIS RTZA BA'I RGYUD DU RNAM PAR BSHAD PA'I MTHA' DRUG GI LAM GANG YIN PA'O, ,MTHA' DRUG PO DE NI, GSANG BA 'DUS PA 'DI DANG, DE LAS GZHAN PA'I RTZA BA'I RGYUD TSUL MA LUS PA RNAM PAR 'BYED PAR BYED PA YIN PAS, DE BSHAD PAS RGYUD MA LUS PA'I DON BSHAD PAR 'GYUR RO, ,DE LTAR RGYUD DON MA LUS PA MTHAR THUG PAR BSHAD PAR BYAS PA LAS, ZLA BA GRAGS PA BDAG GIS DGE BA GANG THOB PA DES NI, SGRON 'BAR RGYA CHER BSHAD 'DI JI SRID BSTAN PA GNAS KYI @771 BAR DU MI NUB CING 'JIG RTEN DU YUN RING DU GNAS PA DANG, BDE BA DAM PA'I GNAS MCHOG ZLA BA'I BLO NI THAMS CAD MKHYEN PA'I YE SHES TE, DE DANG 'GRO BA RNAMS LDAN PAR SHOG CIG CES PA'O, ,THUB PA'I CHOS PHUNG BRGYAD KHRI BZHI STONG DANG, ,RNAM MANG RGYUD SDE'I RTZA BA 'DUS PA LTA'I, THAR 'DOD RNAMS KYI 'JUG NGOGS GZHAN MED DE, ,'DZAM GLING 'DI NA RIN CHEN GCIG PUR ZAD, ,DE DON 'GREL BYED DPAL LDAN ZLA BA'I GZHUNG, ,ZAB RGYAS DGONGS PA GSAL BA'I SGRON MA MCHOG , 'DZAM GLING MKHAS PA'I RGYAN CHEN SGRON GSAL TE, ,DE MTSUNGS RNAMS BSHAD 'JIG RTEN 'DI NA MED, ,JI LTAR SGRON GLOG NYI ZLA LA BRTEN NAS, ,MIG LDAN GZUGS KYI YUL LA LTA BA BZHIN, ,SGRON MA GSAL BYED SGRON MA LA BRTEN NAS, ,DPAL LDAN 'DUS PA'I BSHAD SBYAR NGAS BYAS SO, ,RI BONG RKYANG GYIS RGYA MTSO'I MTHA' TSOR LTAR, ,RGYAL BA'I DGONGS ZAB BYIN GYIS BLO'I SPYOD YUL MIN, ,DE PHYIR BDAG GIS 'DIR NONGS CI MCHIS RNAMS, ,RGYAL DANG DE SRAS RNAMS KYIS BZOD PAR MDZOD, ,LHAG BSAM DAG PAS 'DIR 'BAD LAS BYUNG BA'I, ,RNAM DKAR DGE BA DRI MED STON ZLA'I 'OD, ,THOG MED DUS KYI DRIN CAN MA RNAMS KYI, ,PHAN BDE'I KU MUD RGYAS PA'I RGYU RU BSNGO, ,DPAL GSANG BA 'DUS PA'I 'GREL PA SGRON MA GSAL PA DANG BCAS PA'I BSHAD SBYAR YID KYI MUN SEL ZHES BYA BA 'DI NI, DGE SLONG GZHON NU BLO GROS KYIS 'PHAGS PA YAB SRAS KYIS MDZAD PA'I RGYUD 'GREL CHA LAG DANG BCAS PA LA LEGS PAR 'DRIS PAR BYAS SHING, RJE 'GOS DANG, MKHAS PA @772 SDOG DANG, GLAN LA SOGS PA SNGA RABS KYI BLA MA MKHAS PA DAG GIS LEGS PAR BSHAD PA'I SROL LA YANG BRTEN NAS, RJES 'JUG GI 'DUL BYA RNAMS KYIS 'JUG BDE BAR BYA BA'I PHYIR, GANGS BU LE'I DBEN GNAS SU LEGS PAR SBYAR BA'I YI GE'I MTSAMS SBYOR NE PO BA SGRUB PA DPAL GYIS GUS PAS BGYIS PA 'DI RE ZHIG RDZOGS SO, ,'DIS BSTAN PA DANG SEMS CAN MANG PO LA PHAN PAR GYUR CIG , DGE'O,, ,,