@130 *, ,'PHRIN YIG NOR BU'I PHRENG BA'I RANG LAN, (DE NYID LAS 'PHROS PA'I LAN TSIG DON LA 'GAL BA SPONG BA'I DRIS LAN,) PHYOGS BCU'I RGYAL BA SRAS DANG BCAS PA THAMS CAD LA PHYAG 'TSAL LO, ,RMAD BYUNG YON TAN TSOGS KYI GTER GYUR PA, ,TSANGS DANG LHA DBANG GRUB PA'I COD PAN GYIS, ,GANG GI ZHABS RNGUL RNYOG PA MED BSTEN PA, ,STON PA GO'U TAM DE LA PHYAG 'TSAL LO, , DENG SANG GANGS RI'I KHYOD KYI MKHAS RLOM RNAMS, ,LDEM PO'I NGAG GIS ZAB MO'I TSUL STON PA, ,DUS KYI 'KHOR LO 'GREL PA DANG BCAS PA'I, ,TSIG LA JI BZHIN SGRA RU MNGON ZHEN NAS, ,RNAM DAG MDO RGYUD TSOGS DANG 'GAL BA YI, ,LOG PA'I THA SNYAD MANG DU SPEL MTHONG NAS, ,'KHYOG PO'I SHING LA SRONG BA'I TSUL BZHIN DU, , BRGAL ZHING BRTAG PA'I SGO NAS BDAG GIS DRIS, ,GZHAN GYIS LEGS BSHAD 'O MA'I RGYA MTSO LA'ANG, ,GANG GI PHRAG DOG MIG DUG CHER 'PHEL BA'I, ,BSHES GNYEN GDUG PA'I SBRUL LTAR G-YO RNAMS KYIS, ,TSIG RTZUB DUG MDA' 'PHEN PA LHUR BYED CING, ,SMRA PO'I DE NYID GSAL BAR SGROGS BYED PA'I,, LAN RNAMS PHAL @131 CHER CHU SHING BZHIN DU MTHONG, ,JI LTAR SNA TSOGS NAD KYIS THEBS PA YI, ,NAD PA RNAMS LA SMAN PAS JI BZHIN DU, ,SNA TSOGS KHAMS LDAN 'GRO BA'I SEMS MKHYEN NAS, ,SNA TSOGS TSIG GIS DAM CHOS THUB PAS BSTAN, ,DE PHYIR 'DZAG BDE 'KHOR BA'I RGYU YIN SOGS, ,'DIR BSHAD PHAL CHE DRANG BA'I DON DU SHES, ,GZHAN DU RNAM DAG LUNG RIGS DANG 'GAL BA'I, ,SKYON DE KUN MKHYEN GYIS KYANG ZLOG PAR DKA', ,(SA CHU ME RLUNG NAM MKHA' YE SHES KYI) KHAMS DRUG LDAN PA'I SKYES BU'I DBANG BYAS NAS, ,BLA MED RDO RJE THEG PA'I LAM 'DI BSTAN, ,MNGAL SKYES MIN LA KHAMS DRUG LDAN PA MED, ,'KHRIG PA'I 'DOD CHAGS DBANG GIS MNGAL SKYES RNAMS, ,SKYE GNAS DAG TU NYING MTSAMS SBYOR BAR (MNGON PAR BAR DO'I SRID PA NA GNAS PA NI SKYE BA'I GNAS LA 'DOD CHAGS SKYE MCHED CES PA) BSHAD, ,DE YI SPONG BYED NAM MKHA'I YE SHES KYI, ,(GNYEN POR MI 'GYUR BA'I) BDE CHEN NYID YIN DE LA GUS BYA'I PHYIR, ,'DZAG BDE 'KHOR BA'I RGYU YI GTZO BO ZHES, ,RGYUD DANG DE 'GREL DAG LAS BSHAD PAR MNGON, ,BLA MED RDO RJE THEG PA'I BYANG CHUB CHE, ,MCHOG TU MI 'GYUR BDE BA CHEN PO YIN, ,DE DON GNYER BA RIG 'DZIN BYANG CHUB SEMS, ,DE YI GEGS KYI GTZO BO KHAMS 'DZAG PA, , YIN PHYIR DE SPONG RTZA BA'I LTUNG BAR BSHAD, ,GSANG DBANG TSE NA BYANG SEMS GTONG BA SOGS, ,MI 'GYUR BDE CHEN THOB PA'I GEGS MIN TE, ,SLOB MA RJES SU 'DZIN PA'I THABS YIN PHYIR, ,DE DAG LAS NI LTUNG BAR 'GYUR BA MIN, ,GZHAN LA 'TSE BA RTAG TU BYANG SEMS KYI, ,SPANGS BYA YIN MOD SNYING RJES GDUG PA CAN, ,SROG @132 DANG BRAL BAR BYED LA NYES MED BZHIN, ,PHYI ROL DRANG SRONG RJES SU BZUNG BA'I PHYIR, ,DE DAG NYID LA GRAGS PA'I 'JIG RTEN GYI, ,TSAD SOGS SGO NAS NANG GI DE NYID DON, ,BSTAN PHYIR RI GLING SOGS KYI DBYIBS DANG TSAD, ,(DUS KYI 'KHOR LO'I 'JIG RTEN KHAMS KYI RNAM GZHAG RGYAS PA'I BHA RA TA DANG MTHUN PAR MAN NGAG SNYE MA SNGA 'GYUR LAS BSHAD,) RGYAS PA'I BHA RA TA LAS 'BYUNG BA MED, ,RJES SU MTHUN PAR THUB PAS RGYUD 'DIR GSUNGS, , LHA MIN KLA KLOS SA STENG KHYAB PA NA, ,STOBS LDAN KHYAB 'JUG RIGS LDAN TSUL BZUNG NAS, ,DE DAG 'JOM ZHES (DE NYID LA RIGS LDAN GYI 'JUG PA ZHES KHYAB 'JUG GI 'JUG PA DANG GCIG TU 'DOD) PHYIR ROL PA RNAMS SMRA, ,DE DAG RJES SU BZUNG PHYIR THUB PA YIS, , RO RKYANG RTZA LA 'PHO CHEN BCU GNYIS RLUNG, ,RGYU BA SROG RTZOL LA SOGS TING 'DZIN GYIS, ,'GOG PA'I NANG GI DE NYID LA DGONGS NAS, ,DUM BU BCU GNYIS SA LA KLA KLO YI, ,CHOS 'JUG 'KHOR LO CAN GYIS DE 'JOMS ZHES, ,GDUL BYA GZHUG PHYIR LDEM PO'I NGAG 'DI GSUNGS, ,TSANGS PA'I KHA SOGS DAG LAS BRAM ZE SOGS, , MI RIGS BZHI RNAMS 'BYUNG BAR DRANG SRONG SMRA, ,DE DAG THEG PA MCHOG LA GZHUG PA'I PHYIR, ,GNAS SKABS RIGS BZHI'I SGRIB PAS 'KHOR BA YI, ,CHOS KUN SKYED PA'I NGANG TSUL LA DGONGS NAS, ,MI RIGS BZHI SOGS DUS KYI 'KHOR LO YI, , ZHAL MCHOG BZHI LAS 'BYUNG BAR STON PAS GSUNGS, ,JI LTAR THUB PAS (SOR PHRENG GI MDO SOGS LNGAR) STONG NYID LA DGONGS NAS, ,BDAG TU LTA BA'I MU STEGS DRANG BA'I PHYIR, ,MTSAN SOGS YON TAN GYIS BRGYAN BDE GSHEGS NI, ,SEMS CAN KUN @133 LA YOD PAR GSUNGS PA BZHIN, ,RIGS CAN GSUM GYIS THEG PA GSUM GYI LAM, , SO SOR NYAMS SU BLANGS PA LA DGONGS NAS, ,NYAN THOS RANG RGYAL BYANG CHUB SEMS RNAMS KYIS, ,DE DAG DE YI THEG PA BSDUS ZHES BYA, ,LEGS SBYAR SKAD LA MNGON ZHEN SPONG BA'I PHYIR, (,DRI MED 'OD DU, YUL GYI SKAD RNAMS KYIS NI DON GO NA,, BSTAN BCOS SGRA RNAMS KYIS NI CI ZHIG BYA, ,ZHES BSHAD PAS) BOD DU BOD KYI SKAD KYIS 'BRI 'GYUR ZHES, ,BSTAN BYA YIN YANG BRIS ZHES 'DAS PA'I PHYIR, ,SBYAR BA SGRA NYAMS YIN PHYIR NYES PA MED, , RANG GI SDE PA DNGOS POR SMRA BA RNAMS, ,DBUGS DBYUNG PHYIR DANG GDUG PA'I DRANG SRONG RNAMS, ,DE DAG RNAMS LA NYES PA SPONG BA'I PHYIR, ,GDUL BYA'I BSAM PA'I DBANG GIS GRUB MTHA' BZHI, ,THUB PAS GSUNGS ZHES RGYUD 'GREL CHE LAS BSHAD, , (SKYES BU NYI SHU RTZA LNGA'I BDAG NYID, 'GRO BA 'BYUNG BA'I SKYE GNAS CAN DU BSHAD PA SOGS,) KHA CIG SNGAR BSHAD RIGS PAS (DRANG DON DU) MTSON PHYIR DANG, ,GZHAN DAG (BYED PA) CHUNG PHYIR (AE WAm MI SMOS PA'I RGYU MTSAN) BTANG SNYOMS BZHAG (,RNAL 'BYOR YAN LAG DRUG SOGS KYI) RIM PA GNYIS DANG 'BREL BA'I DON 'GA' ZHIG ,SHIN TU ZAB PHYIR RE ZHIG 'DIR MA BKOD, , MDOR NA MANG DU SMOS PAS CI ZHIG BYA, (,DUS KYI 'KHOR LO) 'DIR BSHAD MDO RGYUD GZHAN DANG 'GAL BA LTAR, ,SNANG BA'I THA SNYAD JI SNYED YOD PA RNAMS, ,DON LA RTON PA'I BLO LDAN MKHAS RNAMS KYIS, ,DGONGS PA BTZAL TE GNOD MED TSUL DU BSHAD, ,RIGS DANG MI RIGS 'BYED LA 'THOMS GYUR KYANG, ,RANG RGYUD DREGS PA'I KHUR GYIS CHER NON PA'I, ,SMRA MKHAS NE TZO 'DRA BA MANG NA YANG, ,GZUR @134 GNAS BLO LDAN BSTAN LA GCES 'DZIN DKON, ,DE PHYIR BDAG 'DRAS LEGS PAR BSHAD NA YANG, ,MANG PO ZHIG GI KHRO BA 'PHEL 'GYUR MOD, ,'ON KYANG MNGON MTHO'I DPAL GYIS LEGS 'BYOR ZHING, ,GCIG TU BSTAN LA DGONGS PA'I LHAG BSAM CAN, ,'JAM DBYANGS NAM MKHA' RIN CHEN RGYAN MTSAN DPAL, ,BZANG PO'I GSUNG GIS BSKUL TE NGAS 'DI SBYAR, ,RMA LA DUG GIS STER BZHIN MKHAS RNAMS KYIS, ,'DI TZAM GYIS KYANG MA LUS MTHAR PHYIN 'GYUR, ,'DI YI SGRUB BYED LUNG RIGS DANG BCAS PA, ,RGYAS PA KHO BOS GZHAN DU 'CHAD PAR 'DOD, ,DE LAS BYUNG BA'I DGE BAS 'GRO BA KUN, ,TSOGS GNYIS ZUNG DU 'JUG PA'I LAM BSGRUBS TE, ,DON GNYIS MTHAR PHYIN RDZOGS PA'I SANGS RGYAS KYI; ;SKU GNYIS GO 'PHANG BDE BLAG THOB PAR SHOG , DPAL DUS KYI 'KHOR LO'I TSIG DON LA 'GAL BA SPONG BA'I DRIS LAN MDOR BSDUS PA 'DI NI, RIGS GZUGS SOGS MTHO RIS KYI YON TAN GYIS 'BYOR ZHING, GCIG TU DGE BA'I THUGS MNGA' BA 'JAM DBYANGS NAM MKHA' RIN CHEN RGYAL MTSAN DPAL BZANG PO'I BKAS BSKUL TE, SH'AKYA'I DGE SLONG GZHON NU BLO GROS KYIS DPAL SA SKYA'I CHOS GRVA CHEN POR SBYAR BA'O, ,'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, ,, YANG JO NANG PA'I BANDE GCIG GIS DUS 'KHOR RGYUD 'GREL RNAM DAG YIN PA LA DGAG PA MDZAD PA MI 'OS ZHUS PAS, BDE BAR GSHEGS PA'I GSUNG RAB @135 LA; ;DGAG SGRUB MKHAS PA RNAMS KYIS BYED, ,MI RNAMS PHYING PA DRA BA LA, KHYI LA BCOL GNYER CI ZHIG YOD, ,CES GSUNGS SO,, ,,