S25241 · GMLW-006443

The String of Precious Jewels- A Correspondence Offered to Keepers of the Teaching, Beginning with an Examination of the Wheel of Time (Kalachakra)

DUS KYI 'KHOR LO'I DPYAD PA LAS BRTZAMS TE BSTAN 'DZIN RNAMS LA 'PHRIN DU GSOL BA NOR BU'I PHRENG BA

מחברauthor

RENDAWA SHUNNU LODRURED MDA' BA GZHON NU BLO GROS1349-1412

נמצא בfound inEPISTLES

מהדורהrecensionnot applicable - a collected works, not a canon edition

כניעה לhomage toPHYOGS BCU'I RGYAL BA SRAS DANG BCAS PA THAMS CAD

צורהformverse

מצב תרגוםtranslationno English of the text

כיסוי המילון לכותרתdictionary coverage of the title100%

הקבציםThe files

S25241_DUS KYI 'KHOR LO'I DPYAD PA LAS BRTZAMS TE BSTAN 'DZIN RNAMS LA 'PHRIN DU GSOL BA NOR BU'I PHRENG BA_The String of Precious Jewels- A Correspondence Offered to Keepers of the Teaching, Beginning with an Examination of the Wheel of Time (Kalach+.txt/'PHRIN YIG_EPISTLES/RED MDA' BA GZHON NU BLO GROS_RENDAWA SHUNNU LODRU (1349-1412)

S25241_DUS KYI 'KHOR LO'I DPYAD PA LAS BRTZAMS TE BSTAN 'DZIN RNAMS LA 'PHRIN DU GSOL BA NOR BU'I PHRENG BA_The String of Precious Jewels- A Correspondence Offered to Keepers of the Teaching, Beginning with an Examination of the Wheel of Time (Kalach+.txt/RGYUD_SECRET TEACHINGS (TANTRA)/DUS 'KHOR_WHEEL OF TIME (KALACHAKRA)/'GREL PA_COMMENTARIES

הטקסטThe text

טיבטיתTibetanS25241_DUS KYI 'KHOR LO'I DPYAD PA LAS BRTZAMS TE BSTAN 'DZIN RNAMS LA 'PHRIN DU GSOL BA NOR BU'I PHRENG BA_The String of Precious Jewels- A Correspondence Offered to Keepers of the Teaching, Beginning with an Examination of the Wheel of Time (Kalach+.txt24,893 תוויםcharacters

@113 *, ,DUS KYI 'KHOR LO'I DPYAD PA LAS BRTZAMS TE BSTAN 'DZIN RNAMS LA 'PHRIN DU GSOL BA NOR BU'I PHRENG BA ZHES BYA BA BZHUGS SO, , PHYOGS BCU'I RGYAL BA SRAS DANG BCAS PA THAMS CAD LA PHYAG 'TSAL LO, , GANG GIS SHES BYA'I DE NYID KUN, ,MA LUS THUGS SU CHUD GYUR CING, ,GZHAN LA'ANG BRTZE BAS RJES STON PA, ,SANGS RGYAS DE LA BDAG CAG DAD, ,MI SHES MUN PA SEL BA'I SNANG BYED MCHOG ,LUNG DANG RTOGS PA'I BDAG NYID DAM CHOS DANG, ,JI LTA JI SNYED GZIGS PA'I SPYAN MNGA' BA, ,'PHAGS MCHOG DGE 'DUN TSOGS LA'ANG BDAG GUS SO, ,SANGS RGYAS BSTAN LA CHED CHER MI 'DZIN CING, ,DAM CHOS RIN CHEN 'TSONG BA'I DON MTHUN PA, ,'DOD PA'I KHOL PO SRED PA'I RJES 'BRANG MI, , MKHAS PAR RLOMS GZHAN DE DAG MING TZAM YIN, ,(DE DAG LA 'PHRIN 'DI SPRING PA MA YIN, 'O NA GANG LA SPRINGS SHE NA,) THUB BSTAN 'GRO BA'I DMIGS BU LTAR MTHONG ZHING, ,GSUNG RAB DE NYID 'BYED LA RTAG TU BRTZON, ,LUNG RIGS BDUD RTZIS BLO GROS LUS RGYAS @114 PA'I, ,BSTAN 'DZIN RNAMS KYI SNYAN DU 'DI SPRING NGO, ,PHAN BDE'I 'BYUNG GNAS THUB BSTAN YID BZHIN NOR, ,SGRO SKUR DRI MA'I 'DAM RDZAB KYIS GOS PA, LUNG RIGS RNAM DAG GANGG'A'I CHU RGYUN GYIS, ,RTAG TU BYI DOR BYED LA BRTZON 'TSAL LO, , 'PHAGS PA'I YUL (GZHAN DU'ANG GSUNG MOD) NA THUB PA'I DBANG PO YIS, ,DMAN (TSIGS SU BCAD PA GNYIS PO 'DI'I DON 'PHAGS PA LHAS SPYOD BSDUS SU BSHAD) DANG RGYA CHE'I CHOS LA MOS RNAMS LA, ,BRGYAD KHRI BZHI STONG CHOS KYI 'KHOR LO NI, ,'DOD CHAGS BRAL BA'I GZUGS KYIS THOG MAR BSKOR, ,GCIG TU ZAB MO'I CHOS LA MOS RNAMS LA, , 'KHOR LOS BSGYUR BA'I GZUGS SU SPRUL NAS KYANG, ,CHAGS CAN SKYES BU 'DUL BA'I DON GYI PHYIR, ,RNAM MANG RGYUD SDE'I CHOS 'KHOR (AU RGYAN SOGS) GZHAN DU BSKOR, , THUB PA NONGS 'OG RGYAL PO'I KHAB NYID DU, ,'OD SRUNGS NYE BAR 'KHOR DANG KUN DGA' BOS, ,THEG PA DMAN PA'I SDE SNOD RIN CHEN GSUM,, SGRO SKUR MED PAR BSDUS ZHES ('DUL BA) LUNG LAS 'BYUNG, ,DE NAS BRGYA PHRAG GCIG DANG BCU 'DAS TSE; ;YANGS PA CAN GYI GRONG KHYER CHEN PO RU, ,GRAGS PA LA SOGS 'PHAGS PA (DGRA BCOM) BDUN BRGYA YIS, ,BSDU BA GNYIS PA BYAS ZHES (PHRAN TSEGS LAS) GSAL BAR THOS, ,DE NAS RIM GYIS BDUD KYI LAS G-YOS (TSIGS SU BCAD PA 'DI'I PHYED DANG PO'I DON RTOG GE 'BAR BAR YOD, PHYI MA'I DON MKHAS PA RNAMS LA GRAGS) TE, ,THUB PA'I BSTAN PA SDE PA BCO BRGYAD GYES, ,(RGYAL PO) KRI KRI'I RMI LAM LUNG BSTAN MDO SDE YI, ,RJES 'BRANG BSDU BA GSUM PA BYAS ZHES GRAGS, ,(THEG CHEN) SHIN TU RGYAS nPA'I MDO SDE RNAM MANG @115 RNAMS, ,BYAMS PA SPYAN RAS GZIGS DANG 'JAM DBYANGS SOGS, ,RGYAL SRAS RNAMS KYIS LEGS PAR BSDUS SO ZHES, ,TSAD LDAN MKHAS PA'I GZHUNG DU (RTOG GE 'BAR BAR) GSAL BAR BKOD, ,NYI MA GUNG PA SHVA NA'I GOS CAN SOGS, ,NYAN THOS BSTAN PA 'DZIN PAR THUB PAS ('DUL BA LUNG DU) GSUNGS, ,THEG CHEN BSTAN LA RGYAL BA'I RGYAL TSAB TU, ,KLU SGRUB KLU YI DBANG PO LUNG (LANG GSHEGS SOGS NAS) BSTAN TE, , BSDU BA GNYIS PA'I 'OG TU GSUNG RAB KYI, ,DGONGS 'GREL GRUB MTHA' BZHI YI DBYE BA BYUNG, ,MNGON PA SDE BDUN BYE BRAG BSHAD MTSO SOGS, ,BYE BRAG SMRA BA'I GZHUNG BYED THOR MAR DAR, (,MNGON PA SDE BDUN THUB PA BZHUGS PA'I DUS NA MO'U 'GAL BU LA SOGS DGRA BCOM PA RNAMS KYIS BSDUS ZHES BYE BRAG SMRA BA 'DOD KYANG BSDU BA GNYIS PA'I 'OG TU SO SO SKYE BO RNAMS KYIS BYAS PAR MDO SDE PA DANG DBYIG GNYEN SOGS BZHED DE, MDZOD 'GREL DU, STON PA 'JIG RTEN MIG NI ZUM GYUR CING, ,DPANG GYUR SKYE BO PHAL CHER 'DAS PA NA, ,DE NYID MA MTHONG RANG DGAR GYUR PA YI, ,RTOG GE NGAN PA RNAMS KYIS BSTAN 'DI DKRUGS, ,ZHES 'BYUNG BAS SO,) ,BSTAN BCOS (MNGON PA SDE BDUN SOGS,) DON LA YID BRTAN MA MTHONG NAS, ,MDO SDE'I DON LA RIGS PAS RNAM DPYAD DE, , DON RNAMS 'JOG PHYIR MDO SDE PA ZHES GRAGS, ,STON PA 'DAS NAS BZHI BRGYA'I LO 'DAS TSE, ,BE DHA'I YUL DU LI TZ'A BYI GZHON NU, ,KLU SGRUB CES BYA'I DGE SLONG DU GYUR NAS, ,THUB BSTAN RGYAS PAR MDO SDE'I TSOGS (LANG GSHEGS, SPRIN CHEN, RNGA BO CHE, 'JAM DPAL RTZA RGYUD CHE BA SOGS) LAS GSUNGS, ,KLU YI YUL SOGS (RTOG GE 'BAR BAR YOD,) 'JIG RTEN GZHAN DAG NAS, ,ZAB CING RGYA CHE'I MDO SDE RNAM MANG BLANGS, ,RTAG @116 CHAD MTHAR LTA'I MUN PA STUG PO BCOM, ,MTHA' BRAL DBU MA'I SGRON ME DE YIS SPAR, ,DE 'OG THUB PAS ('JAM DPAL RTZA RGYUD NAS) LUNG BSTAN THOGS MED KYIS, ,MI PHAM MGON LAS BKA' DRIN RJES THOB NAS, ,RNAM RIG SMRA BA'I GRUB MTHA' GSAL BYAS ZHES, ,RGYA BOD SHING RTA CHEN PO (LEGS LDAN 'BYED, ZLA GRAGS SOGS DANG, BOD KYI LO TZ'A BA MCHOG YE SHES SDE SOGS PA) RNAMS LA GRAGS, ,'DI DAG THEG MCHOG SHING RTA'I SROL 'BYED DE, ,THEG CHEN MDO DANG RGYUD SDE'I DGONGS PA RNAMS, ,GNYIS PO 'DI YI LUGS DANG MI MTHUN PAR, ,GANG GIS BKRAL DE LOG PA'I LAM DU SHES, ,DE LTAR DGONGS 'GREL SHING RTA'I SROL CHEN BZHI, ,THUB PA'I BSTAN PA 'PHAGS PA'I YUL DU BYUNG, ,LUGS DE DAG DANG MI MTHUN GANG YIN PA, ,DE NI BDE GSHEGS GRUB MTHA'I KHONGS SU MIN, ,DE PHYIR BDAG NYID LEGS PAR 'DOD RNAMS KYIS, ,TSUL 'DI DAG LA LEGS PAR 'DRIS BYAS NAS, ,CHOS LUGS GZHUNG LUGS GRUB PA'I MTHA' RNAMS LA, ,RNAM PAR DPYAD NA MDZES KYI GZHAN DU MIN, ,GANGS RI'I KHROD 'DIR RMONGS RNAMS GTZOR BYED PA'I, ,LOG PA'I GZHUNG DANG CHOS LUGS BSAM MI KHYAB, ,MKHAS PA RNAMS LA TSAD MAR GRAGS PA YI, ,GZHUNG LUGS 'GA' LA'ANG YID BRTAN MED PA MTHONG, ,DUS KYI 'KHOR LO (RTZA 'GREL, RDOR SNYING 'GREL PA, BDE MCHOG BSTOD 'GREL SOGS SHAMBHA LA NAS 'ONGS PAR GRAGS) LA SOGS SA BCU YI, ,DBANG PHYUG RNAMS KYIS MDZAD PAR GRAGS NA YANG, ,RIGS DANG MI RIGS RNAM 'BYED BLO LDAN GYIS, ,RNAM PAR DPYAD NA 'THAD PA'I TSUL MA MTHONG, (,DUS 'KHOR) RTZA BA'I RGYUD @117 LA AE WAm YIG GNYIS MED, ,BSDUS PA'I RGYUD LA (NANG) 'GAL BA DU MA MTHONG, ,GANG GIS BLANGS PA'I KHUNGS KYANG MI SNANG NA, (,DUS 'KHOR RGYA GAR DU BYUNG DUS NA THAMS CAD MKHYEN PA GNYIS PA LTAR GRAGS PA SLOB DPON SH'ANTI PA SOGS TSAD MAR MI BZHED PAR GRAGS SHING, DE'I RGYU MTSAN GYIS SLOB DPON AA BHA YAS MAN NGAG SNYE MAR, 'O NA DUS KYI 'KHOR LO LA SOGS PA DANG, DE'I RJES SU 'BRANGS PA'I GZHUNG NAS, THEG PA GSUM DANG 'GAL BAR RNAM PAR BZHAG PA DES NA DE'I GZHUNG BYED PA'I GRAGS PA DANG, PADMA DKAR PO DANG, RDO RJE SNYING PO DANG, PHYAG NA RDO RJE'I MING CAN NI BYANG CHUB SEMS DPA' MA YIN NO, ,ZHES MANG DU MKHYEN PA RNAMS SMRA LA, DES NA 'GAL BA THAMS CAD MI SPONGS PA LA 'GAL BA 'GA' TZAM YANG SPONG BAR RTZOL BA BYED DO, ,ZHES GSUNGS SO, ,RDO RJE 'DZIN PA CHEN PO GRAGS PA RGYAL MTSAN GYIS KYANG RTZA LTUNG 'KHRUL SPONG LA SOGS SU BKAG MKHAS PA CHEN PO BCOM LDAN RAL GRIS KYANG PHYI NANG 'DRES PA'I RGYUD YIN PAR GSUNGS NAS PHYI NANG GI CHOS SKAD SHAN 'BYED PA'I BSTAN BCOS KYANG MDZAD DO,,) 'PHYON MA'I BU BZHIN 'DI LA SU YID RTON, ,DE PHYIR 'DI LA YID BRTAN MA MTHONG NAS, , 'PHAGS PA'I YUL DANG GANGS RI'I KHROD 'DIR YANG, ,DPYOD LDAN CHEN PO 'GA' YIS RNAM PAR DPYAD, ,GZHUNG TZAM KLOG PA'I MKHAS RNAMS 'DI YIS TSIM, (,THUN MONG MA YIN PA BSHAD PA'I RGYUD DANG MTSAN BRJOD GSANG 'DUS KYI RGYUD PHYI MA LA SOGS PA DANG MDO LA YANG SDUD PA SOGS DBYANGS SNYAD KYIS SDUD PA) RTZA BA'I RGYUD KYI YAN LAG 'GA' ZHIG LA, ,AE WAm YIG GNYIS MED PAR RIGS NA YANG, ,GZHAN LA JI LTAR RIGS ZHES THE TSOM 'GYUR, ,BRGYAD KHRI BZHI STONG CHOS KYI GZHI YIN PHYIR, ,THUB PAS THOG MAR AE WAm SMOS SO ZHES, ,LHA YI DBANG POS ZHUS PA'I RGYUD LAS GSUNGS, (,ZHES SGRON GSAL DU @118 DRANGS) DE DANG 'DI YI 'GAL BA'ANG SPONG BAR GYIS, ,THOG MAR 'DI SKAD BDAG GIS THOS PA ZHES, ,GYIS LA NGA YI MDO RNAMS SDUS SHIG CES, ,STON PAS DGE SLONG RNAMS LA (CHOS YANG DAG PAR SDUD PA SOGS SU) BKA' BSTZAL PA, (,CI PHYIR 'DI SKAD CES BYA 'DI, ,GANG PHYIR DANG POR RAB TU SBYAR, ,CI 'DI BDE GSHEGS GSUNG YIN NAM, ,NYAN THOS KYIS BSHAD YIN NAM CI, ,BDAG GI SOM NYI 'DI KUN NAS, ,SRID MTHAR PHYIN PAS BSAL DU GSOL, ,DAM CHOS YON TAN SMRA BA YIS, ,LHA YI DBANG PO'I TSIG GSAN NAS, ,DE NAS LEGS SO ZHES BYIN TE, ,BCOM LDAN 'DAS KYIS 'DI SKAD GSUNGS, , GANG PHYIR THAMS CAD GZIGS PA YIS, ,DANG POR 'DI SKAD CES GSUNGS PA, ,DE NI GO RIM JI BZHIN DU, , LHA YI DBANG PO GNYAN PAR GYIS, ,CHOS KYI PHUNG PO BRGYAD KHRI DANG, ,BZHI STONG GI NI GRANGS SNYED KYI, ,KUN GYI GZHI DANG PHA MA NI, ,YI GE GNYIS SU JI BZHIN BSTAN, ,YI GE AE NI MAR GYUR LA, ,WA NI PHA ZHES BYA BAR GRAGS, ,THIG LE DER NI SBYOR BA STE, ,SBYOR DE SHIN TU RMAD BYUNG BA'O, ,AE WAm YIG GNYIS SGYU MA LA, ,THAMS CAD MKHYEN PA 'DIR BZHUGS PAS, ,DAM CHOS BSTAN PA'I THOG MAR NI, ,AE WAm DE PHYIR RAB TU BSHAD, , CES DANG, SGRON GSAL DU; 'DIR GSOL BA, DGONGS PA GANG GIS SDUD PAR BYED PAS DE BZHIN GSHEGS PA THAMS CAD KYI GSUNG RAB RNAMS LA 'DI SKAD BDAG GIS THOS ZHES STON PAR BYED, 'DI SKAD BDAG GI ZHE'AM, 'DI SKAD BDAG GIS ZHES BYA BA LA SOGS PAS KYANG STON PAR NUS PA NYID YIN NO ZHE NA, SMRAS PA, DE BZHIN GSHEGS PA THAMS CAD KYI RGYUR GYUR PA SHES RAB DANG THABS STON PA NYID KYIS NA GSUNG RAB THAMS CAD KYI DANG POR NGES PAR BRJOD DGOS SO ZHES GSUNGS LA, SAM PU tI'I RGYUD LAS KYANG, RIGS KYI BU 'DI SKAD BDAG GIS THOS PA ZHES BYA BA'I YIG 'BRU NI, CHOS KYI THOG MAR RTAG TU YANG DAG PAR GNAS PA STE, DAG PA DANG YANG DAG PAR RDZOGS PA'I SANGS RGYAS KYI DNGOS GRUB BSKYED PAR BYED PA'O, ,ZHES GSUNGS SO, ,) @119 DES KYANG 'DI LA JI LTAR GNOD MI 'GYUR, (,DUS 'KHOR RTZA RGYUD DU) 'DI SKAD BDAG GIS THOS PA ZHES BYA BAS, ,GAL TE DRANG SRONG RNAMS LA CHOS BSTAN NA, ,GZHAN LAS THOS PHYIR 'DI NI KUN MKHYEN MIN, ,ZHES PA'I RTZOD PA 'BYUNG PHYIR MA BKOD LO, , BLA MED RGYUD KYIS AE WAm LA SOGS PA, ,GZHUG PA'I GNAS SKABS STON PA'I YI GE RNAMS, ,BSHAD TSUL BZHI YI SGO NAS 'CHAD BYED PA, (,GSANG 'DUS KYI BSHAD RGYUD) 'DI NI RDO RJE 'CHANG GI MAN NGAG YIN, ,RDO RJE PHRENG BA'I RGYUD KYIS DE LTAR BSHAD, ,GANG TSE YI GE'I DON DU 'CHAD PA (YI GE'I DON GO SLA BAS MA GSUNGS) NA, ,'DI NI SDUD PA PO YI TSIG YIN PHYIR, ,STON PAS GZHAN LAS THOS ZHES THE TSOM NI, ,BLUN PO LA YANG SKYE BA'I SKABS YOD MIN, ,GAL TE SPYI YI DON DU (SPYI DON GSUM GYIS) 'CHAD BYED PA, ,DE TSE BSKYED RIM DON DU SBYOR PHYIR DANG, ,SBAS DANG MTHAR THUG DON DU STON PA NA,, RDZOGS RIM DON LA SBYOR BAR (STON PAS GZHAN LAS THOS PA'I) THE TSOM MED, ,DON LA RTON PA'I MKHAS PA DOGS MED KYANG, ,TSIG LA RTON PA'I BLUN PO DOGS SHE NA, ,MDO RGYUD GZHAN DU'ANG 'GOD PA MI RIGS 'GYUR, ,BLUN PO DOGS PA SKYE BA MA BKAG PHYIR, (,KUN MKHYEN MIN ZHES RTZOD PA'I) DOGS PAS 'JIGS PAS AE WAm MI 'GOD NA, , (MDO RGYUD) GZHAN LA AE WAm YIG GNYIS MTHONG BA'I PHYIR, ,'DI LA MED PAS STON PAS MA GSUNGS ZHES, ,RTZOD PA 'BYUNG BAS SHIN TU BKOD PAR RIGS, ,RTZA RGYUD NYID NAS DE YI DOGS SPONG PHYIR, ,SKYON MED CE NA AE WAm BKOD NA YANG, ,DOGS SPONG RTZA RGYUD NYID DU BKOD PAS CHOG ,RIGS PA MTSUNGS LA CIG SHOS JI LTAR SPONG,, @120 (DRI MED 'OD DANG RDO RJE SNYING 'GREL DU) MNGON SHES MED PAS RGYUD KYI 'GREL BYED PA, ,MI RIGS ZHES PA 'DI YANG DPYAD PAR BYA, ,DE LTA YIN NA MNGON SHES MED PA YIS, , RGYUD 'CHAD PA YANG MI RIGS MTSUNGS PHYIR RO, , GAL TE MNGON SHES LDAN PA'I 'GREL PA LA, ,BRTEN NAS 'CHAD NA NYES PA MED CE NA, ,MNGON SHES MED PAR MNGON SHES LDAN PA YIS, ,BYAS PA'I 'GREL PA GANG GIS SHES PAR 'GYUR, ,GAL TE SHES NA MNGON SHES MED PAR YANG, , MNGON SHES LDAN PA'I BLA MA'I MAN NGAG LA, ,BRTEN NAS RGYUD KYI 'GREL PA'ANG CIS MI NUS, ,RDO RJE 'CHANG NAS BRGYUD PA'I MAN NGAG DAG ,YOD NA MNGON SHES MED KYANG RGYUD DON SHES, ,MAN NGAG MED NA MNGON SHES LNGA YOD KYANG, ,RGYUD DON SHES PAR MI 'GYUR (PHYI ROL PA'I) DRANG SRONG ('GA' LA BSKAL PA 'JIG CHAGS DRUG CU RTZA DRUG GI BAR GYI 'DAS MA 'ONGS SHES PA'I MNGON SHES YOD PA) BZHIN, ,DE PHYIR 'DI NI 'PHAGS YUL MKHAS RNAMS KYI, ,RGYUD 'GREL RNAMS LA SDANG SMRAS BYED PAR ZAD, ,RGYUD DON SHES LA MNGON PAR SHES PA LNGA, ,GDON MI ZA BAR DGOS PA MA YIN NO, (,RTZA RGYUD BSDUS PA'I) RGYUD KYI THOG MAR ZLA BA BZANG PO YIS, (,GRANGS CAN GYI) SKYES BU (LA SOGS SHES BYA) NYI SHU RTZA LNGA'I (DBYE BA'I) BDAG NYID DRIS, (,KHYAD GZHI MED PA'I KHYAD CHOS DPYOD PA 'DI MI 'THAD PAS THUB PAS LUNG STON PAR MI 'GYUR BA) 'DI NI LUNG MA BSTAN PA'I DRI BA YIN, (,DPER NA BDAG DANG) 'JIG RTEN MTHA' (DANG) LDAN SOGS DANG MTSUNGS PHYIR RO, ,'GRO BA 'BYUNG BA'I (MNGAL SKYES MED, SGONG SKYES RLUNG, DROD GSHER SKYES CHU, RDZUS SKYES SA, RDZUS SKYES CHEN PO RO'I RDUL GYI) SKYE GNAS CAN DU @121 BSHAD, ,'DI NI TSU ROL MDZES PA'I GZHUNG LUGS YIN, ,LJON SHING (KHA CIG SHING GI RNAM PA CAN GYI SEMS CAN YOD PAR BSHAD PAS DE YIN ZHES PA MI RIGS TE, LUNG DU KA BA SOGS KYI RNAM PA CAN GYI SEMS CAN YOD PAR BSHAD PA NI, NYI TSE BA'I DMYAL BA YIN GYI DUD 'GRO MIN, KHA CIG LJON PA RTA MGO CAN YIN ZHES PA'ANG MI'AM CI'I GLING SOGS MI'I GLING DU BSHAD PA DANG SNGA PHYI 'GAL LO,) ,LA SOGS DUD 'GRO'I SKYE BAR BSDUS, ,'DI NI GCER BU PA (SROG LDAN GYI SDE TSAN DGU'I NANG NAS SHING DBANG PO GCIG PA CAN DU 'DOD PA) YI LUGS BZANG YIN, ,STONG PA ZHES BYA'I RDUL GYIS 'JIG RTEN RTZOM, ,'DI NI BYE BRAG PA YI GZHUNG MCHOG YIN, ,GLING DANG RI RAB SOGS KYI TSAD DANG DBYIBS, ,MNGON PA'I SDE SNOD DAG DANG MTHUN PA MED, ,SEMS CAN BSAM PA'I DBANG GIS MI 'GAL NA, ,TSANGS PA'I YUL LA DPAG TSAD BYE BA'I KHYON, ,LDAN PAR SMRA BA'I (RIG BYED PA'I) GZHUNG LUGS CI PHYIR 'GOG ,DE NI THA SNYAD DU YANG MA GRUB NA; (;DPAG TSAD) 'BUM PHRAG BZHI PA'I 'JIG RTEN (MNGON PA DANG DUS 'KHOR NAS BSHAD PA SEMS CAN SO SO'I SNANG BA YIN NA,) GANG GIS 'BA, (MNGON PA DANG DUS 'KHOR GYI) GANG ZAG GANG LA 'JIG RTEN GANG SNANG BA'I, ,RNAM PAR DBYE BA 'DI YANG SMRA DGOS SO, , RIGS MI MTHUN PA'I 'GRO LA DNGOS GCIG KYANG, (,CHU LA RNAG KHRAG TU MTHONG BA SOGS) THA DAD SNANG BAR STON PAS LUNG LAS GSUNGS, ,RIGS MTHUN 'GRO LA PHYIR ROL DNGOS PO GCIG ,TSAD DANG DBYIBS SOGS 'GAL BA JI LTAR SNANG, (,PHUG KHRU GANG BAR 'KHOR LO SGYUR BA SDE DANG BCAS PA STON PA) 'JIG RTEN YUNGS 'BRUR 'DZUD SOGS (THA SNYAD DU 'GRO BA RIS MTHUN LA 'JIG RTEN MI 'DRA BAR SNANG BA'I) DPER MI RUNG, ,DE DAG MTHU LDAN RNAMS @122 KYI RNAM THAR YIN, ,THA SNYAD BDEN PA'I NGO NA DE YOD MIN, ,DE PHYIR ZHVA DPE LHAM LA MA BKAB CIG ,DUM BU BCU GNYIS SA LA KLA KLO YI, ,CHOS 'JUG 'KHOR LO CAN GYIS DE 'JOMS LO, ,SGRA MI SNYAN DU KLA KLO'I CHOS 'JUG NA, ,MI DGE BCU PO SPYOD PA YOD PAR 'GYUR, ,'KHOR LO CAN GYI BSTAN PA DER 'JUG NA, ,SANGS RGYAS BSTAN PA'I SNOD DU RUNG BAR 'GYUR, ,SGRA MI SNYAN NA (NGAG 'KHYAL GYI CHA GLU LEN PA TZAM LAS) MI DGE BCU MED CING, (,BSLAB PA GSUM GYI SNOD MA YIN PAS) SANGS RGYAS BSTAN PA'I SNOD DU MI RUNG ZHES, ,'DUL BA MNGON PA'I SDE SNOD DAG LAS BSHAD, ,DE DANG 'DI YI 'GAL BA'ANG SPONG BAR GYIS, (,DRI MED 'OD DU) 'DZAG BDE 'KHOR BA'I RGYU YI GTZO BO RU, , BSHAD PA 'DI YANG SHIN TU MI RIGS TE, ,RTAG TU BZOD DKA'I SDUG BSNGAL GYIS NON PHYIR, ,TSA DMYAL SOGS NA 'KHRIG PA'I 'DOD CHAGS MED, ,GZUGS DANG GZUGS MED SKYES PA'I LHA RNAMS KYANG, ,'KHRIG PA'I 'DOD CHAGS BRAL PHYIR (LHA RNAMS) THAR BAR 'GYUR, KHAMS GONG DAG NA (KHU BA 'PHO BA YOD PAR BSHAD PAS 'KHRIG PA'I 'DOD CHAGS YOD DGOS NA) 'KHRIG PA'I 'DOD CHAGS NI, ,YOD CES SMRA BA (GRUB MTHA' SMRA BA SU YANG MI 'DOD PAS) SNGON MED GZHUNG LUGS YIN, ,GZHAN DU 'DOD PA'I KHAMS DANG KHYAD CI YOD, ,'DI LA LUNG GI GNOD BYED MTHA' YAS SO, (,DRI MED 'OD DU) DGA' THUB PA DANG 'DOD LDAN GNYIS LA YANG, ,BYANG SEMS 'DZAG PAR MTSUNGS PHYIR THAR MED LO, ,DGE SLONG 'CHAR KAS KHU BA 'BYIN PA YI, ,DGE 'DUN LHAG MA'I LTUNG BA YANG YANG SPYAD, ,DE LTA NA YANG NYON MONGS KUN BCOM STE, ,DGRA BCOM THOB PAR @123 'DUL BA'I LUNG LAS GSUNGS, ,GSANG DBANG TSE NA BYANG SEMS LTUNG BA'I PHYIR, , RDO RJE 'DZIN PA DAG LA'ANG THAR PA MED, ,KUNDA BYANG CHUB SEMS NI SPONG BYED PA, , RTZA BA'I LTUNG BAR BSHAD PA'ANG MI RIGS TE, ,KHYIM PA'I RDO RJE 'DZIN PA MI SRID 'GYUR, ,GAL TE CHOS KYI 'DU SHES KYIS SPONG BA, ,RTZA BA'I LTUNG BA YIN PHYIR MI 'GAL NA, ,RDO RJE PADMOR SNYOMS PAR NAM SBYOR BA, ,DE TSE 'DU SHES (LHA SNGAGS CHOS) GSUM GYIS 'JUG PA 'DI, ,RDO RJE THEG PA'I KHYAD CHOS MA YIN NAM, ,GROGS DAG RANG GI DE NYID MA STON CIG (,DRI MED 'OD DU) ZAD PAR NAM MKHAS GZUGS MED SKYE MCHED BZHIR, ,SKYE BA 'PHEN LO ZAD PAR LHAG MA DANG, ,TSUL KHRIMS KYIS NI GZUGS KYI KHAMS 'GRUB LO, ,ZAD PAR ZIL GNON RNAM THAR LA SOGS KYI, , MAN NGAG SANGS RGYAS BSTAN PA'I KHYAD CHOS YIN, ,BSTAN LA MA ZHUGS PA LA 'DI DAG MED, ,PHYI ROL PA RNAMS (KHAMS) GONG MAR MI SKYE'AM, (,ZAD PAR SOGS KYIS SKYE BA 'PHEN NA YANG) ZAD PAR NAM MKHAS NAM MKHA' MTHAR YAS SU, ,SKYE BAR RIGS MOD RNAM SHES SOGS SU MIN, ,GZHAN DU 'PHEN BYED RNAM SMIN G-YOS PA'I PHYIR, ,MI G-YO BA YI LAS SU (GZUGS MED DAG TU SKYE BA'I LAS) 'DI MI 'GYUR, ,GRUB MTHA' BZHI DANG RIG BYED BZHI LA SOGS, ,DUS KYI 'KHOR LO'I ZHAL NAS GSUNGS ZHES PA'ANG, , DGONGS PA YOD NA (GRUB MTHA' BZHI'I LUGS RNAMS GSUNG RAB KYI DGONGS PA) DE NYID BTZAL BAR GYIS, ,MED NA GNOD BYED RIGS PA 'DI DAG SOMS, ,GRUB MTHA' BZHI YI BYUNG TSUL SNGAR BSHAD ZIN, ,GSUNG RAB DGONGS PA GRUB MTHA' BZHIR MI GNAS, , @124 GZHAN DU BKA' LA (RDUL PHRAN BDEN PAR YOD MED SOGS) NANG 'GAL JI LTAR SPONG, ,GRUB MTHA' SMRA BA (BZHI PO) SO SO'ANG (THAMS CAD GSUNG RAB KYI DGONGS PA YIN PA) 'DI MI BZHED, , 'DIS NI BSAM PA'I DBANG GIS GRUB MTHA' BZHI, (,MCHOG MI 'GYUR GYI) STON PAS GSUNGS ZHES SMRA BA DE YANG BSAL, ,RIG BYED RNAMS NI (SANGS RGYAS PAS) DRANG SRONG RGYAS PA (MI'U THUNG DANG MI'U THUNG GI LHA SOGS) DANG, (,BYE BRAG PA) DBYIG GI SNYING PO SOGS KYIS BYAS PAR BSHAD, ,DPYOD PA PO SOGS BYED PO MED PAR 'DOD, ,THUB PAS GSUNGS ZHES ZER BA SNGON (PHYI NANG GI GRUB MTHA' SMRA BA SU YANG) MA BYUNG, ,GZHAN DU RIG BYED RJES 'BRANGS MU STEGS CAN, ,SANGS RGYAS BSTAN PA'I RJES 'BRANGS CIS MA YIN, ,MI RIGS BZHI PO DUS 'KHOR LAS BYUNG NA, ,TSANGS PA BYED POR SMRA DANG KHYAD CI YOD, ,GNAS SKABS RIGS BZHI'I SGRIB PA SBYANG BA'I PHYIR, ,STON PAS BZHI TSAN 'DI DAG GSUNGS SHE NA, ,DE LA 'BREL BA (BZHI TSAN GSUNGS PAS RIGS BZHI'I SGRIB PA 'DAG PA LA PHAN PA) CI YOD SHES LDAN DAG ,SE'U BCU PA'I NGAG BZHIN MI 'GYUR RAM, ,RIG BYED SMRA SOGS DRANG PHYIR GSUNGS SHE NA, ,KLA KLO DRANG PHYIR KLA KLO'I CHOS RNAMS KYANG, ,THUB PAS GSUNGS ZHES STON PAR RIGS PAR 'GYUR, ,DE PHYIR 'DI NI RIG BYED LA SOGS KYI; ;CHOS SKAD SANGS RGYAS BSTAN LA BSRE BA'I SNYAD, ,GZHUNG TZAM KLOG PA RNAMS KYIS 'DI YI MTSANG, ,BSKAL PAR BSAMS KYANG RIG PAR 'GYUR MI SRID, ,BYE BRAG SMRA BAS BRJOD DU MED PA YI, ,GANG ZAG 'DOD CES SMRA BA'ANG SHIN TU BRDZUN, , BRJOD DU MED PA'I GANG ZAG GNAS MA YI, ,BU PA LA SOGS (BZANG PO'I LAM PA DANG, KUN @125 GYIS BKUR BA DANG, CHOS SBAS PA DANG, BLA MA RNAMS) SDE PA LNGA YIS 'DOD, ,BYE BRAG SMRA BA (GZHI) THAMS CAD YOD SMRA BA'I, ,SDE PA NYID YIN (THAMS CAD YOD PAR SMRA BA SOGS SDE PA BCU GSUM BDAG MED 'DOD PAR RTOG GE 'BAR BA LAS BSHAD) BDAG MED KHAS LEN NO, ,DE LTA MIN NA CHOS MNGON MDZOD LAS KYANG, ,BDAG MED PHUNG PO TZAM ZHES JI LTAR GSUNGS,, BYE BRAG SMRA BA'I 'DOD PA 'CHAD PA NA, ,'DUS BYAS SKAD CIG BDAG MED BYED PO MED, (,BDE GSHEGS GZHUNG GI RAB BYED KYI, ,'DUS BYAS THAMS CAD SKAD CIG MA, ,BDAG GIS STONG ZHING BYED PO MED,, CES PA'I) LUNG 'DI KHYED RANG GIS KYANG (DRI MED 'OD DU) MA DRANGS SAM, KHAS BLANGS SNGA PHYI 'GAL BA JI LTAR YIN, ,DE MA THAG TU NANG 'GAL SMRA BA YI, ,SA BCU PA YI BSTAN BCOS AE MA MTSAR, ,MDO SDE PA LA SUN 'BYIN SMRA BA NI, ,GAL TE THOGS PA MED PA'I GZUGS MED NA, ,THAMS CAD MKHYEN SKU THOGS PA MED MI 'GYUR, ,ZHES PA'I THAL BA 'BREL BA MED PA STE, ,'DO SDE PA LA KHAS LEN MED PHYIR RO, , THOGS PA MED PA'I GZUGS MED DE MI 'DOD, ,RNAM RIG MIN PA'I GZUGS KYIS DBANG BYAS NAS, ,THOGS PA MED PA'I GZUGS YOD MIN ZHES SMRAS, KHAS LEN MED PA'I THAL BA 'PHEN PA YI, ,'PHAGS CHEN RNAMS KYI RIGS PA 'DI LA GZIGS, ,SDUD PO RNAMS KYIS SDE SNOD RNAM PA GSUM, ,GLEGS BAM DAG LA BKOD CES SMRAS PA'ANG MIN, ,'DUL BA'I SDE SNOD GLEGS BAM LA 'GOD PA; ;DGE SLONG RNAMS LA THUB PAS GNANG BA MED, (,BLO MI GSAL BA 'GA' ZHIG DMIGS @126 KYIS BSAL BA MA GTOGS 'DUL BA GLEGS BAM LA BRIS NA DGE SLONG LA LTUNG BA 'BYUNG STE, ZHU BA LAS, BCOM LDAN 'DAS KYIS, LNGA PO MI 'BRI STE, LNGA GANG ZHE NA, SO SOR THAR PA THAMS CAD DANG, SO SOR THAR PA DANG LDAN PA THAMS CAD DANG, 'DUL BA DANG 'DUL BA DANG LDAN PA THAMS CAD GANG SO SO'I ZHES BKA' BSTZAL NAS ZHES GSUNGS SO,,) 'BREL DANG MTSAMS SBYOR 'DI SKAD BDAG THOS SOGS,, BCUG NAS 'PHAGS PA'I DBUS SU GSUNG RAB RNAMS, ,'OD SRUNGS SOGS KYIS TSAR RE BTON PA LA, ,RTZA BA'I BKA' BSDU DANG POR GRAGS PA YIN, ,YANGS PA CAN GYI GRONG KHYER CHEN PO RU,, RUNG BA MIN PA'I GZHI BCU SUN PHYUNG NAS, ,DGRA BCOM RNAMS KYIS BKRA SHIS GSO SBYONG MDZAD, ,DE LA BSDU BA GNYIS PAR GRAGS PA YIN, ,SDE PA BCO BRGYAD PHAN TSUN RTZOD PA NA, ,KRI KRI'I RMI LAM LUNG BSTAN MDO BLTAS NAS, ,KUN KYANG SANGS RGYAS BSTAN PAR BSDUS PA LA, ,BSDU BA GSUM PA BYAS ZHES MKHAS LA GRAGS, ,GSUNG RAB GLEGS BAM NGOS LA BKOD PA TZAM,, BSDU BA'I DON DU MKHAS PA RNAMS MI BZHED, ,THEG PA GSUM GYI GANG ZAG SO SO YIS, ,THEG PA GSUM GYI SDE SNOD BSDUS ZHES PA'ANG, ,NYAN THOS SDE SNOD LAS GZHAN RANG RGYAL GYI, ,SDE SNOD LOG PA MED (PAR SA'I DNGOS GZHI SOGS NAS BSHAD) NA RANG RGYAL GYI, ,SDUD POS BSDU RGYU'I SDE SNOD GANG YIN SMROS, ,SANGS RGYAS BSTAN LA RANG RGYAL 'BYUNG BA MED, (,DBU MA RTZA BAR, SANGS RGYAS RNAMS NI MA BYUNG ZHING, ,NYAN THOS RNAMS KYANG ZAD PA NA, ,RANG SANGS RGYAS KYI YE SHES NI, ,BRTEN PA MED LAS RAB TU SKYE, ,ZHES GSUNGS SO,) ,BOD DU BOD KYI SKAD KYIS BRIS ZHES PA'ANG, ,PADMA DKAR POS 'GREL PA RTZOM PA'I SNGAR, ,BOD @127 DU BSTAN PA YOD NA (BRIS SO ZHES 'DAS PA LA 'JUG PA'I) TSIG 'DI RIGS, ,GZHAN DU 'BRI BAR 'GYUR ZHES SMRA BAR RIGS, KHYOD KYI RGYUD LAS BSHAD PA'I LHA GRANGS KYI,, BSNYEN PA TSE LO BRGYA PAS 'KHYOL BAR DKA', (,BU STON RIN PO CHES ZHIB TU RTZIS PAS, MTHUN RKYEN 'DZOM PA GCIG GIS BYA BA GZHAN MED PAR BZLAS KYANG GRANGS BSNYEN LO BRGYA PAS 'KHYOL TZAM LAS MI 'ONG BAR 'DUG GSUNGS ZER BA'ANG MAD PAR SNANG,) BSKYED RIM TZAM YANG SGRUB PAR MI NUS NA,, TSE 'DI NYID LA SANGS RGYAS JI LTAR 'BYIN, ,RJES 'JUG THABS DANG MI LDAN BSTAN BCOS NI, ,'JOG PO'I GTZUG RGYAN LEN PA'I MAN NGAG LTAR, ,MKHAS PA RNAMS KYIS DOR BYA'I GNAS SU BSHAD, ,DE LA 'JUG PA RANG NYID BLUN PO YIN, ,RNAL 'BYOR YAN LAG DRUG GI DON RNAMS KYANG, ,GSANG BA 'DUS PA'I RGYUD (PHYI MA NAS BSHAD PA) DANG 'GAL BAR SNANG, (,SBYOR DRUG SOGS) DE DON NYAMS SU LEN PA'I RIM PA YANG, ,KLU SGRUB YAB SRAS LUGS (RIM LNGA SPYOD BSDUS SOGS) LAS PHYI ROL GYUR, , 'DUS PA DGES RDOR BDE MCHOG LA SOGS PA, ,SA RA HA SOGS GRUB CHEN RNAMS KYIS BLANGS, ,KLU SGRUB YAB SRAS LA SOGS MKHAS RNAMS KYIS, ,BSHAD CING DE DON NYAMS SU BLANGS PAS GROL, KHYED KYI 'DI LA LEN BYED TSAD LDAN GANG, ,DE DON NYAMS SU BLANGS PAS SU ZHIG GROL, ,CHEN PO RNAMS LA TSAD MAR MA GRAGS PHYIR, ,DUS ZHABS LA SOGS TSAD MA'I SKYES BU MIN, ,SHAMBHA LA YI RIGS LDAN (TSANGS PA'I DRANG SRONG) LA SOGS PA, (,DE LTA BU YOD PA LUNG RIGS GZHAN GYIS) BSGRUB BYA YIN PHYIR KHYED KYI SGRUB BYED MIN, ,DE LTAR NYES PA'I TSOGS KUN MTHONG GYUR KYANG, ,DA DUNG 'DI LA @128 MNGON ZHEN MI LDOG NA, ,'DI YI SGRUB BYED DON DU MNA' CHU 'THUNGS, ,DE LAS GZHAN PA'I SGRUB BYED YOD RE SKAN, ,'DI DAG 'DI YI NYES PA PHYOGS TZAM YIN, , ZHIB MOR DPYAD NA GNOD BYED MTHA' YAS SO, ,GANG DAG 'DI LA MNGON ZHEN YOD RNAMS KYIS, ,RNAM PAR DPYOD LA 'DI YI LAN THOB CIG ,'DUN DANG ZHE SDANG 'JIGS DANG RMONGS PA YI, (,RANG PHYOGS LA CHAGS PA DANG, GZHAN PHYOGS LA SDANG BA'I LAN 'DEBS PA'I BDUN PA DANG, ZHE SDANG GIS 'GRO BA, MI SHES RMONGS PAS 'JIGS PA DANG MI SHES BZHIN DU LAN 'DEBS NA 'JIGS PA DANG RMONGS PAS 'GRO BA'O,) ,'GRO BA BZHI YIS 'DI LA LAN 'DEBS NA, ,BLUN PO RANG GI DE NYID STON PAR ZAD, KHYI PHAG MI GTZANG ZA BA SU YIS KHEGS, ,TSIG RTZUB DUG MDA'I RTZE MO MI STON CING, KHRO GNYER LDAN PA'I BZHIN RAS MI BSDUD PAR, ,GAL TE RTZOD PAR BZOD PA YOD NA YANG, ,RTZOD PAR BGYI'O RTZOD PA'I SKABS PHYE ZHIG , 'ON KYANG 'PHAGS PAS MDZAD DAM MIN KYANG BLA, ,LEGS PAR BSHAD PA'ANG (SPYOD PA'I CHA SOGS) MANG DU MTHONG BAS NA, ,THAR 'DOD RNAMS KYI 'JUG NGOGS MA YIN ZHES, KHO BO 'DI LA GCIG TU SKUR MI 'DEBS, , DE LTA NA YANG BLO CHUNG THOS MED 'GA', (,ZLA NYI GZAS ZIN DANG RTZA CHAD 'CHI LTAS, DUS 'KHOR LAS GZHAN PA'I SNGAGS KYIS NGES DON MA BSTAN LA 'PHAGS PA'I YUL DU GRUB CHEN DU GRAGS PA RNAMS KYIS KYANG SEMS 'GREL SKOR GSUM MA MTHONG BAS SNGAGS KYI SNYING PO'I DON MA RTOGS ZHES,) 'DI YI TSIG PHRENG LBU BAS RAB NGOMS TE, ,CHEN PO RNAMS LA'ANG BRNYAS PAR BYED MTHONG NAS, ,DE DAG NGAN RTOG ZLOG PHYIR NGAS 'DI BYAS, ,DE LTAR BDAG GIS CUNG ZAD @129 DPYAD PA 'DI, ,GCIG DU BSTAN LA BSAM PA MA GTOGS PA, ,GRAGS PA 'DOD PA'AM GZHAN LA PHRAG DOG GIS, ,SMRAS NA BSTAN SRUNG RNAMS KYI BKA' YIS CHOD,, THUB PAS JI LTAR GSUNGS BZHIN SMRAS NA SKYE BO PHAL CHER BDAG LA GSHE ,GZHAN DANG RJES SU MTHUN PAR SMRAS NA KHO BO G-YANG SAR LHUNG DU DOGS, ,DE LTAR BDAG DANG GZHAN GYI PHYOGS LA GZU BOR GNAS PA'I DPANG PO GZHAN, ,MA RNYED PHYIR NA DON 'DI RNAMS LA RGYAL BA SRAS BCAS DPANG MDZOD CIG ,BSTAN PA 'DZIN PA RNAMS LA 'PHRIN DU GSOL BA NOR BU'I PHRENG BA ZHES BYA BA 'DI NI, SH'AKYA'I DGE SLONG GZHON NU BLO GROS KYIS DPAL SA SKYA'I GTZUG LAG KHANG DU SBYAR BA'O, ,'DIS KYANG BSTAN PA 'PHEL BAR GYUR CIG ,MANGGA LAm BHA WANTU, (BLA MA DUS 'KHOR BA RNAMS LA BYANG CHUB BSOD NAMS KYIS GSOL BA, KHYED RNAMS GZHUNG LUGS CHEN PO LA YUN RING 'DRIS PAR MDZAD PA YIN PAS, RIGS PA 'DI RNAMS GZIGS LA LAN DU, 'DI SMRA BA PO NI CHOS SPONG GI LAS GSOG PAS BDUD KYIS BYIN GYIS BRLABS PA'O, ,MKHAS GRUB BLA MA RNAMS LA RGOL BA'O, ,ZHES PA TZAM GYI LAN DE MIN PAR LUNG RIGS RNAM DAG GSUNG RGYU GDA' NA GSUNGS DANG, KHO BO'ANG RJES SU YID RANG 'BUL GYIS, HE HE,, ,,)