The Amazing and Wondrous Biography of the Great and Glorious Rendawa

@ 0024 *, ,DPAL LDAN RED MDA' BA CHEN PO'I RNAM THAR NGO MTSAR RMAD BYUNG ZHES BYA BA BZHUGS SO, , GU RU KU MA RA MA TI LA NA MO, BDEN GNYIS GNAS LUGS DON RTOGS MKHYEN PA RGYAS, ,BYANG CHUB THUG GNYIS 'BYONGS PA'I THUGS RJE CAN, ,MKHYEN RAB THUGS RJE 'GRAN ZLA MA MCHIS PA'I, ,DPAL LDAN BLA MA'I ZHABS LA PHYAG 'TSAL LO, , 'OD SRUNGS NYE BAR 'KHOR DANG KUN DGA' BOS, ,DGRA BCOM LNGA BRGYA'I BLA GOS KHRI STENG NAS, ,NYAM THAG DBYANGS KYIS 'DI SKAD BDAG THOS ZHES, ,STON PA'I MDZAD TSUL GUS PAS BRJOD PA BZHIN, ,BKA' DRIN 'KHOR MED CHOS RJE RIN PO CHE, , MTHONG BA'I SKABS MED DRAN PA'I YUL DU GYUR, ,NYIN MTSAN BSAMS KYANG YON TAN MTHA' MA RTOGS, ,CHA YI CHA TZAM GUS PAS BRJOD BGYIS NA, ,THUB BSTAN NUB KHAR DAR ZHES GSUNG PA'I DON, ,BSTAN PA'I 'JUG 'DIR SKYES CHEN KHYOD BYON NAS, , LTA SPYOD NYAMS LEN RNAM DAG SPEL LA DGONGS, ,RGYAL BAS LUNG BSTAN KHYOD LA PHYAG 'TSAL LO, ,BSAMS BZHIN SRID BZHES CHOS LDAN RIGS SU 'KHRUNGS, , @025 BSTAN PA'I SGOR ZHUGS YONGS 'DZIN MKHAS MANG BSTEN, ,SDOM PA GSUM BLANGS SROG PAS GCES PAR BZUNG, ,THUB PA'I RING LUGS KHYOD LA PHYAG 'TSAL LO, , MDO RGYUD BSTAN BCOS KUN LA LEGS SBYANGS NAS, ,RTAG CHAD MTHAR LTA'I GRUB MTHA' MA LUS PA, ,RNAM DAG LUNG DANG DNGOS STOBS RIGS PAS BSHIG ,LOG SMRA TSAR GCOD KHYOD LA PHYAG 'TSAL LO, ,LUNG RTOGS YON TAN THABS MKHAS THUGS RJE YIS, ,GDUL BYA'I KHAMS DANG BSAM PA BAG LA NYAL, ,JI BZHIN MKHYEN PA CHOS KYI 'KHOR LO BSKOR, ,SKAL LDAN RJES 'DZIN KHYOD LA PHYAG 'TSAL LO, ,BDAG MED GNAS LUGS RTOGS PA'I SHES RAB KYIS, ,KUN RDZOB RTEN 'BREL SGYU MA LTA BUR GZIGS, ,DON DAM CHOS DBYINGS NAM MKHA' LTA BUR RTOGS, ,LTA BA RNAM DAG KHYOD LA PHYAG 'TSAL LO, ,BSHES GNYEN DUL BA ZHI BA NYER ZHI BA, ,SDOM PA KUN LDAN NYES LTUNG DRI MA BRAL, ,SGO GSUM MA BCOS LHUGS PA'I NGANG LA BZHUGS, ,SPYOD PA RNAM DAG KHYOD LA PHYAG 'TSAL LO, ,TSE 'DI BLOS BTANG SGRUB PA SNYING POR MDZAD, , BDEN BZHI RTEN 'BREL PHYIN DRUG RIM GNYIS SGOM, ,PHYAG RGYA CHEN PO MCHOG GI DNGOS GRUB BRNYES, ,NYAMS LEN RNAM DAG KHYOD LA PHYAG 'TSAL LO, ,THUGS DAM ZAB MO GNAD DU BSNUN PA'I RTAGS, ,BLA MA YI DAM MKHA' 'GRO CHOS SKYONG SOGS, , RGYUN DU GZIGS KYANG RANG RGYAL BRTUL SHUGS BRTEN, ,NGO MTSAR RMAD BYUNG KHYOD LA PHYAG TSAL LO, ,GANGS RI'I KHROD KYI CHE BTZUN 'BYOR LDAN GYIS, ,GUS PAS SPYAN DRANGS RNYED DANG BKUR STIS MCHOD, ,DBANG BSKUR SEMS BSKYED GDAM PA MANG DU @026 ZHUS, ,KUN GYIS MCHOD PA KHYOD LA PHYAG 'TSAL LO, , 'BRUG GI LO LA MYA NGAN 'DAS DGONGS NAS, ,GO RTOGS NYAMS SU MYONG BA'I ZAB DON RNAMS, ,STON PAS BSTAN PA GTOD PA JI BZHIN DU, ,CHOS 'KHOR NAN 'DOMS KHYOD LA PHYAG 'TSAL LO, ,'KHOR 'DAS CHOS KUN SKYE BA MED BSTAN NAS, ,DE NYID NGANG LA MYA NGAN 'DA' BZHED NA'ANG, ,GUS PAS GSOL BTAB NGO RU ZHAG BDUN BAR, ,SKU TSE BYIN RLABS KHYOD LA PHYAG 'TSAL LO, ,'CHI BA 'OD GSAL LUS LA BRTEN MI SRID, ,LUS SEMS BRAL NAS RNAM SHES STONG PAR BZHUGS, , DBYINGS RIG DBYER MED 'OD GSAL YIN NO ZHES, ,YANG YANG GSUNG BA KHYOD LA PHYAG 'TSAL LO, ,SNGAR BSGOMS 'PHO BA'I MAN NGAG GSAL BTAB NAS, ,RTAGS RNAMS MA RJED DGA' SPROS 'OD GSAL 'JUG ,'GOGS LAS LDANG ZHING SNGON GYI 'PHEN PAS 'PHO, ,GSUNG BZHIN MDZAD PA KHYOD LA PHYAG 'TSAL LO, ,SKU TSE 'DI YI DNGOS KYI GDUL BYA LA, ,ZAB RGYAS CHOS KYI 'KHOR LO BSKOR ZIN NAS, ,'CHI BA 'OD GSAL SKABS SU GZHAN DON GSHEGS, ,SKYE 'CHI DBANG THOB KHYOD LA PHYAG 'TSAL LO, ,SGYU LUS KUN RDZOB BDEN PA RNAM PAR DAG ,'OD GSAL DON DAM BDEN PA MNGON DU GYUR, ,ZUNG 'JUG RDO RJE 'CHANG GI GO 'PHANGS BRNYES, ,'PHRIN LAS LHUN GRUB KHYOD LA PHYAG 'TSAL LO, ,ZHING GZHAN GSHEGS TSE SA CHEN RAB TU G-YOS, ,DPA' BO MKHA' 'GRO LHA RNAMS 'DUS GYUR NAS, ,PHYI DANG NANG DANG GSANG BA DE KHO NAS, ,MCHOD NAS SPYAN DRANGS KHYOD LA PHYAG 'TSAL LO, , @027 YE SHES ME YIS KHYOD SKU BZHU BA'I TSE, ,MKHA' LA SPRIN MED BAR SNANG RLUNG YANG ZHI, ,SA LA DROD RGYAS DBYAR BZHIN BYIN GYIS BRLABS, ,RTEN 'BREL DBANG THOB KHYOD LA PHYAG 'TSAL LO, ,STON PA'I SKU GDUNG CHA BRGYAD BGOS PA BZHIN, ,KHYOD GDUNG DAD LDAN LHA MI GRANGS MED KYIS, ,PHYOGS BCUR SPYAN DRANGS MCHOD PA'I RTEN DU GYUR, ,SKU GDUNG RGYAS MDZAD KHYOD LA PHYAG 'TSAL LO, ,MTHONG THOS DRAN REG GTAM DU BRJOD RNAMS KYIS, ,'DI PHYI BAR DO'I MGON SKYABS DPUNG GNYEN MDZAD, , BSLU MED SKYABS GNAS DPAL LDAN RED MDA' BA, ,'DREN MCHOG DAM PA KHYOD LA PHYAG 'TSAL LO, ,KYE MA KYE HUD BSTAN PA'I SROG SHING CHAG ,BSTAN 'DZIN DGE 'DUN PHYOGS BCUR MTHOR LAGS SO, ,KYE MA KYE HUD THAR PA'I RGYAL MTSAN 'GYEL, , THAR 'DOD RNAMS KYI THAR LAM STOR LAGS SO, ,KYE MA KYE HUD LEGS BSHAD DGA' STON NYAMS, ,BLO GSAL RNAMS KYI RE THAG BCAD LAGS SO, ,KYE MA KYE HUD LTA BA'I NYI MA NUB, ,KLU SGRUB YAB SRAS LUGS BZANG SU YIS STON, ,KYE MA KYE HUD DAM CHOS RGYA MTSO SKAM, ,THOG MED SKU MCHED BSHAD SROL SU YIS SKYONG, ,KYE MA KYE HUD LUNG RIGS MCHE SDER MTHOR, ,PHYOGS GLANG CHOS GRAGS RIGS TSUL SU YIS SPEL, ,KYE MA KYE HUD TSUL KHRIMS BUM PA BZHIG ,YON SH'AG RNAM GNYIS SDOM RGYUD SU YIS 'DZIN, ,KYE MA KYE HUD SPANGS RTOGS GO RIM 'CHOL, ,'PHAGS SENG GNYIS KYI LUNG RIGS SU YIS BSGROG ,KYE MA KYE HUD NYAMS RTOGS BYIN RLABS YAL, ,TE LO N'A RO'I MAN NGAG SU LA ZHU, ,KYE MA KYE HUD PHAN BDE PAD TSAL ZUNG, ,BSHAD SGRUB @028 BSTAN PA CIG CHAR NUB LAGS SO, ,KYE MA KYE HUD NYAM THAG YID RE MUG ,KHYED SKU MIG GIS MTHONG BA'I SKAL BAS DBEN, ,KHYOD GSUNG RNA BAS THOS PA'I BSOD NAMS MED, ,KHYOD THUGS GANG NA BZHUGS KYANG BYIN GYIS BRLOB, ,DGE LEGS YON TAN CHU GTER CHEN PO LAS, ,CHU THIGS GCIG TZAM BLANGS LA NYES PA'I TSOGS, , JI SNYED MCHIS PA THAMS CAD MTHOL LO BSHAGS, ,ZHABS 'BRING GNYUG MA'I TSOGS LA BZOD PAR GSOL, ,BLA MA'I RNAM THAR NGO MTSAR SMAD BYUNG 'DI, ,BSHES GNYEN BSOD NAMS GRAGS DON BKAS BSKUL NAS, ,GRANGS MED GDUL BYA'I THA SHAL MNGA' RIS PA, ,MI PHYED DAD THOB SANGS RGYAS RTZE MOS SBYAR, ,DGE BA 'DI DANG DGE BA'I RTZA BA GZHAN, ,MA LUS BLO YIS GCIG TU SDOM BYAS NAS, ,BLA MA MCHOG LA GUS PAS PHUL BA YIS, ,BLA MA DAM PA'I THUGS DGONGS YONGS RDZOGS NAS, , DPAL LDAN BLA MA'I RNAM THAR 'KHYONG PA YI, ,SKU GSUNG THUGS KYIS BYIN GYIS BRLAB TU GSOL, ,BDEN GNYIS GNAS LUGS DON RTOG MKHYEN PA RGYAS, ,BYANG CHUB THUGS GNYIS 'BYONG BA'I THUGS RJE CAN, ,MKHYEN RAB THUGS RJE 'GRAN ZLA MA MCHIS PA'I, ,DPAL LDAN BLA MA'I ZHABS LA PHYAG 'TSAL LO, , CES PA 'DI MI 'PHROG PA'I MKHYEN RAB DANG THUGS RJE DPAG TU MED PA MNGA' BA'I BDAG NYID MKHAS PA'I DBANG PO DPAL LDAN RED MDA' BA ZHES MTSAN YONGS SU GRAGS PA DE NYID KYIS KUN RDZOB KYI BDEN PA GZUGS NAS RNAM MKHYEN GYI BAR GYI CHOS THAMS CAD, SPYI MTSAN RANG GI NGO BOS STONG PAR THUGS SU CHUD CING, @029 RANG MTSAN LAG MTHIL GYI SKYU RU RA LTAR GZIGS PA JI SNYED PA MKHYEN PA DANG, DON DAM BDEN PA 'KHOR 'DAS KYI CHOS THAMS CAD KYI GNAS LUGS SPROS PA'I MTHA' THAMS CAD DANG BRAL BAR THUGS SU CHUD PA JI LTA BA BZHIN MKHYEN PA'I YE SHES MNGA' BAS NA MKHYEN PA'I YE SHES RGYAS PA'O, ,'GRO BA MTHA' DAG 'KHOR BA SDUG BSNGAL GYI RGYA MTSO LAS GROL BAR 'DOD PA'I LHAG BSAM RNAM PAR DAG PA'I GO BGOS SHING SGROL BAR BYED PA'I SBYOR BA PHUN SUM TSOGS PA'I BRTZON 'GRUS DANG LDAN PAS, SMON PA DANG 'JUG PA'I BYANG CHUB KYI THUGS GNYIS 'BYONGS PAS NA THUGS RJE CHEN PO DANG LDAN PA'O, ,DE LTA BU'I MKHYEN RAB DANG THUGS RJE MNYAM PA'I LHAG PA GANGS CAN GYI KHROD NA MED PAS 'GRAN ZLA DANG BRAL BA'O, , BDAG NYID CHEN PO'I ZHAL MNGA' NAS, SRID ZHI 'BYONGS PAR LTA BA'I SHES RAB DANG, ,MKHA' MNYAM 'GRO LA DMIGS PA'I SNYING RJE GNYIS, ,RES 'GA' RES 'JOG RES 'GA' ZUNG 'BREL BSGOM, ,ZHES GSUNG BSTOD PAR, (CHOS RJE BLO BZANG GRAGS PAS) MKHYEN RABS GZHAN DANG SKAL PA MI MNYAM ZHING, (,MKHAN CHEN CHOS RGYAL BAS) ` SNYING PO CHEN PO'I BDE DROD RAB 'BAR NA, ,ZHES SO, ,TSOGS GNYIS KYI DPAL DANG LDAN ZHING, DBANG RGYUD MAN NGAG PHYIN CI MA LOG PA THOB CING, THUGS SU CHUD NAS STON PA BLA MA'I SKU'I CHA THAMS CAD KYI PADMO LA RANG GI YAN LAG KUN GYI MCHOG SPYI BOS 'DUD PAS LUS DANG, GANG GI DRIN GYI BDE CHEN NYID, ,CES SOGS KYI BSTOD PAS NGAG DANG, DAD CING GUS PA BSKYED PAS YID DE, GUS PA'I SGO NAS @030 PHYAG 'TSAL LO, ,'OD SRUNGS NYE BAR 'KHOR DANG KUN DGA' BOS, ,DGRA BCOM LNGA BRGYA'I BLA GOS KHRI STENG NAS, ,NYAM THAG DBYANGS KYIS 'DI SKAD BDAG THOS ZHES, , STON PA'I MDZAD TSUL GUS PAS BRJOD PA BZHIN, , ZHES PA NI, STON PA'I NYAN THOS BRGYAD KHRI BZHI STONG GI NANG NAS SBYANGS PA DANG, 'DUL BA 'DZIN PA DANG, MANG DU THOS PA RNAMS KYI MCHOG TU GYUR PA 'OD SRUNGS DANG, NYE BAR 'KHOR DANG KUN DGA' BOS STON PA MYA NGAN LAS 'DAS PA'I 'OG TU BSTAN PA DAM PA'I CHOS YUN RING DU GNAS PAR BYA BA'I PHYIR, BSTAN 'DZIN DGRA BCOM PA LNGA BRGYAR GCIG GI MA TSANG PA BSDUS NAS, DE DAG GI BLA GOS KYI KHRI STENG NAS STON PA'I YON TAN DRAN NAS, NYAM THAG PA'I DBYANGS KYIS 'DI SKAD BDAG GIS THOS PA'I DUS GCIG NA, BCOM LDAN 'DAS RGYAL PO'I KHAB BYA RGOD PHUNG PO'I RI LA ZHES SOGS KYI SGO NAS, STON PAS DANG POR BYANG CHUB KYI MCHOG TU THUGS BSKYED, BAR DU BSKAL PA GRANGS MED GSUM DU TSOGS BSAGS, THA MAR MDZAD PA BCU GNYIS KYIS 'GRO BA'I DON MDZAD PA'I TSUL MNGON PA, 'DUL BA, MDO SDE'I SDE SNOD RIN PO CHE'I RNAM PA GSUM LEGS PAR BSDUS PA BZHIN DU, BKA' DRIN 'KHOR MED CHOS RJE RIN PO CHE, ,MTHONG BA'I SKABS MED DRAN PA'I YUL DU GYUR, ,NYIN MTSAN BSAMS KYANG YON TAN MTHA' MA RTOGS, ,'CHI BA CHA TZAM GUS PAS BRJOD BGYID NA, ,ZHES PA NI BDAG SOGS GDUL BYA RNAMS LA YANG DAG PA'I LAM BSTAN PA'I BKA' DRIN 'KHOR BA MED PA'I CHOS KYI RJE DE NYID MIG @031 SHES KYIS MNGON SUM DU MTHONG BA'I SKAL BA MED CING, YID SHES KYIS DRAN PA'I YUL 'BA' ZHIG TU GYUR TE, NYIN MTSAN DU GUS PAS BSAMS KYANG LUNG DANG RTOGS PA'I YON TAN GYI PHA MTHA' RTOGS PAR MI NUS TE, BSTOD PAR, BSHES GNYEN MKHA' LDING DBANG PO RNAMS KYIS KYANG, ,KHYOD KYI YON TAN MTHA' MA MTHONG BA NA, , GANG GI BLO GROS PHYE MA LEB LTA BUS, ,DE NI DPOG PAR NUS PA GA LA YOD, ,CES SO, , DE LTA NA'ANG RANG GI SKAL BA DANG 'TSAMS PAR MTHONG ZHING THOS PA'I YON TAN CHA'I CHA TZAM SGRO 'DOGS PA DANG, LCAM BU SPANG NAS GUS PAS BRJOD PAR BGYIS NA THUB BSTAN NUB KHAR DAR ZHES GSUNGS PA'I DON, BSTAN PA'I 'JUG 'DIR SKYES CHEN KHYOD BYON NAS, ,LTA SPYOD NYAMS LEN RNAM DAG SPEL LA DGONGS, , RGYAL BAS LUNG BSTAN KHYOD LA PHYAG 'TSAL LO, ,ZHES PA NI MDO LAS, MAR ME 'CHI KHAR GSAL BA LTAR, ,NGA YI BSTAN PA NUB KHAR DAR, ,ZHES LUNG BSTAN PA'I DGONGS PA YIN, YANG RNYIGS BSTAN PA'I 'JUG 'DIR MKHAS SHING GRUB PA MNYES PA'I SKYES CHEN KHYED BYON NAS, LTA BA DANG SPYOD PA NYAMS LEN RNAM PAR DAG PA'I SGO NAS SANGS RGYAS KYI BSTAN PA DAR ZHING RGYAS PAR MDZAD PA LA DGONGS PA YIN TE, DE'I RGYU MTSAN SNGAR GANGS RI'I KHROD 'DIR MKHAS PA'I DBANG PO MANG DU BYON NA YANG, 'GA' ZHIG GIS LTA BA'I CHA DE KHO NA GSAL BAR MDZAD, 'GA' ZHIG GIS SPYOD PA'I PHYOGS DE KHO NA GSAL BAR MDZAD, 'GA' ZHIG GIS NYAMS LEN GYI CHA KHO NA GSAL BAR MDZAD PA TZAM DU ZAD, BSHAD SGRUB GNYIS KA'I SGO NAS BSTAN PA @032 GSAL BAR MDZAD PA KHYOD LAS GZHAN SNGAR MA BYUNG BAR MTHONG ZHING THOS PAS KHUMS, PHYIS KYANG MI 'BYUNG STE, BDAG NYID CHEN PO'I GSUNG LAS, MANG POS BKUR BAS CHEN POR GRAGS RNAMS KYANG, ,RNYED DANG BKUR STI GRAGS PA LHUR BYED KYI, ,SANGS RGYAS BSTAN PA CHED CHER MI 'DZIN NA, ,'DI NA THUB BSTAN GCES 'DZIN DAM PA SU, ,MKHAS RLOM PHAL CHER SMRA MKHAN NE TZO BZHIN, ,TSIG GI RJES 'BRANG GZHU TZAM KLOG PAR ZAD, ,RIGS DANG MI RIGS 'BYED LA THOM GYUR NA, , 'DI NA RIGS LDAN LEGS BSHAD SMRA BA GANG, ,NYIN DANG MTSAN DU RNAL 'BYOR BSGOMS RNAMS KYANG, ,LHAG SPYOD KYIS NI TING 'DZIN SGOM PA BZHIN, ,YANG DAG LTA BA'I GNAD KYIS DBEN GYUR NA, ,'DI NA YANG DAG LAM ZHUGS SGRUB PO MED, ,LTO PHYIR RAB BYUNG GRAL PHYIR BSNYEN RDZOGS KYANG, ,TSUL LDAN BSLAB LA GUS PA'I DGE SBYONG NYUNG, ,KYE MA KYE HUN SH'AKYA'I BSTAN PA NI, ,MING TZAM LUS PAR KHO BO GCIG PUS MTHONG, , ZHES DANG, (BLO BZANG) BSTOD PAR, KLU SGRUB THOG MED GNYIS NI BZHED PA'I LUGS, ,JI BZHIN THUGS SU CHUD NAS BRTZE BA YIS, ,SKYON BRAL GSUNG GI LEGS BSHAD LEGS 'DOMS PAS, ,BSTAN PA'I GNAD LA NGES PA STER BA 'DI, ,KHYOD KYI RJES SU BSTAN LAS GZHAN SU ZHIG ,CES SO, ,BSAMS BZHIN SRID BZHES CHOS LDAN RIGS SU 'KHRUNGS, ,BSTAN PA'I SGOR ZHUGS YONGS 'DZIN MKHAS MANG BSTEN, , SDOM PA GSUM BLANGS SROG PAS GCES PAR BZUNG, ,THUB PA'I RING LUGS KHYOD LA @033 PHYAG 'TSAL LO, ,ZHES PA 'DI, BDAG NYID CHEN PO 'DI SKU TSE SNGA MAR KHA CHER PAndI TA DON YOD RDO RJE ZHES BYA BAR SKU 'KHRUNGS NAS, CHOS RJE BLO BZANG GRAGS PA PAndI TA MA TI BHA TRAR GYUR PAS GTZO MDZAD GDUL BYA BSAM GYIS MI KHYAB PA LA CHOS SDE SNOD GSUM, RGYUD SDE BZHI'I SPYI DON PHYIN CI MA LOG PAR BSTAN NAS, BSTAN PA DANG SEMS CAN GYI DON RGYA CHEN PO MDZAD TSUL, GSANG BDAG GIS PHYAG RDOR GRUB THOB LA GSUNGS PA YIN, DE NAS BSAMS BZHIN DU GANGS RI'I KHRO 'DIR LTA SPYOD NYAMS LEN PHYIN CI LOG TU SPYOD PA RNAMS TSAR BCAD PA'I PHYIR, BOD KYI RDO RJE GDAN DPAL LDAN SA SKYA DANG NYE BA NA, RED MDA' KHAB SOR GRAGS PA DER, CHOS RGYAL SRONG BTZAN SGOM PO'I NANG BLON, BLON PO MGAR STONGS BTZAN YUL SRUNGS KYI BRGYUD PA, YAB RED MDA'I BLON CHEN BKRA SHIS RGYAL MTSAN DANG, YUM LHAG BSAM RNAM PAR DAG PA BRAM ZE MA GSAL BA'I TSUL KHRIMS DANG TSUL MTSUNGS PA YE SHES KYI MKHA' 'GRO MA ZHES BYA BA GNYIS KYI SRAS SU GYUR TE, LHUMS SU ZHUGS PA'I TSE YUM LA NYI ZLA SHAR BA DANG SGRON ME SPAR BA DANG, GTZUG LAG KHANG BZHENGS PA LA SOGS RMI LTAS BZANG PO MANG PO BYUNG ZHING, LUS SDUG BSNGAL DANG BRAL, SEMS BDE BA DANG LDAN PAR GYUR TO, , BTZAS PA'I TSE NA YANG, YUM SRAS GNYIS KA LA BTZA' BA'I SDUG BSNGAL DANG BRAL BAR GYUR TO, ,BSTOD PAR, KHYOD NI LUM BHA'I NAGS SU RGYAL BA BZHIN, , DRI MED YUM GYI LHUMS NAS BLTAMS PA'I TSE, ,BSOD NAMS PHUN TSOGS KHYOD SKU @034 MA BZUNG PHYIR, ,TSANGS DBANG NYID DU GYUR RAM YANG NA SHI, ,ZHES SO, ,DE NAS 'O MA DANG ZHO DANG, MAR GYI NYING KHU SOGS KYIS BSKYED BSRING STE MTSAN YANG RJE BTZUN ZHES BYA BAR GSOL TO, ,SMRA SHES DON GO TSUN CHAD DKON MCHOG GSUM GYI SGRA THOS PA'AM RTEN MTHONG BA NA DAD CING GUS PA CHER SKYE BAR BYUNG, YAB YUM GNYIS KA GZHON NU'I DUS NAS 'DAS SHING, AA NE MTSAN LDAN GYI MKHA' 'GRO MA BKRA SHIS 'BUM ZHES BYA BAS GZHON NU NYID NAS MKHAS PA'I DBANG PO CHEN POR GYUR GYI BAR DU ZHABS TOG SKYO NGAL MED PAR PHUL BAS, DRIN SHIN TU CHE GSUNGS, BDAG NYID CHEN PO 'DI BYIS PA'I DUS SU, AA NE LA, NGA YANG NA SA SKYA DPON CHEN GYI LAG RTAGS BLANGS NAS BOD KHAMS BDE BA LA 'GOD, YANG NA BSTAN PA'I SGOR ZHUGS NAS BSTAN PA NYI MO LTAR GSAL BAR BYED GSUNGS PAS, AA NE NA RE, RJE BTZUN BLO BO CHE, KHYOD KYIS DE GNYIS GA MI 'GRUB PAR 'DUG GI HAM PA MA CHE ZER, DE DUS MTSAN YANG RJE BTZUN BLO BO CHE GRAGS PA BYUNG, DE DUS 'PHAGS CHEN CHOS BZANG DPAL BA LA, SKYABS 'GRO SEMS BSKYED, BSNYEN GNAS KYI SDOM PA SOGS THUGS RJE CHEN PO'I CHOS BSKOR MANG DU ZHUS, DE NAS BDAG NYID CHEN PO'I THUGS LA, DAL 'BYOR THOB PA DON DANG LDAN PAR BYA BA'I PHYIR BSTAN PA'I SGOR 'JUG DGONGS NAS, GANGS CAN GYI NGUR SMRIG 'DZIN PA RNAMS KYI GTZUG GI RGYAN DAM PAR GYUR PA, SA BZANGS PAn CHEN PA'I DRUNG DU, DGE BSNYEN DANG DGE TSUL GYI SDOM PA DGUNG LO BCO BRGYAD PA LA NOS, MTSAN YANG @035 GZHON NU BLO GROS ZHES GSOL, DE NAS SHES BYA'I GNAS THAMS CAD LA 'JUG PAR BYED PA'I SGO, BKA' SPYI'I DGONGS 'GREL, RGYAS PA'I BSTAN BCOS TSAD MA RNAM 'GREL LA GZIGS PAR DGONGS NAS, MKHAS PA'I DBANG PO NYA DBON KUN DGA' DANG, LUNG RIGS SMRA BA'I DBANG PO MKHAN CHEN SANGS RGYAS 'PHEL GNYIS KYI ZHABS LA BTUG STE, BLO GROS SBYANGS PAS, RNAM 'GREL LA GO BA THO RE BA CHAGS NAS, GRVA BSKOR MDZAD PAS, THUGS RAB CHE BA'I GRAGS PA THOB, DE DUS RGYAL BA'I SRAS PO THOG MED BZANG PO DPAL BA'I MTSAN THOS PA TZAM GYIS BA SPU G-YO ZHING, MIG NAS MCHI MA 'DZAG PA SOGS BYUNG STE, DNGUL CHU'I CHOS RDZONG DU BYON TE, SEMS DPA' CHEN PO'I DRUNG DU SMON 'JUG SEMS BSKYED BLANGS, THEG PA CHEN PO BLO SBYONG LA SOGS PA'I CHOS BSKOR MANG DU ZHUS, DE NAS GDAN SAR BYON NAS, CHOS KHRI THANG DU LAN 'DEBS GCIG MDZAD PAS, GZHUNG LA SBYOR BA BDE SANG BA GCIG MA 'KHOD PA, GRVA BSKOR BAS MA SHES NA'ANG, KHONG PA RANG LA RANG GIS THUGS SHIN TU KHREL BA GCIG BYUNG NAS, RNAM 'GREL GYI GZHUNG KHO RANG CI ZER SHES PA GCIG MA BYUNG NA, SLOB DPON GYI NGAG RGYUN GYIS BSLU BAR 'DUG DGONGS NAS, SA SKYAR DPE MTSAMS BCAD, GZHUNG LA BRGYA CHER BCUG ,SDE BDUN MDO 'GREL PA 'GREL BSHAD DANG BCAS PA GZIGS, MKHYEN RAB DBANG PHYUG SA SKYA PAndI TA DANG, 'U YUG PA RIGS PA'I SENG GE'I LEGS BSHAD RNAMS LA'ANG GZIGS, SLOB DPON CHE CHUNG GNYIS LA CHOS MANG DU GSAN @036 PAS, SDE BDUN DGONGS 'GREL DANG BCAS PA'I DON PHYIN CI MA LOG PA THUGS SU CHUD NAS, MKHAS PA'I GRAGS PAS SA STENG KHYAB PAR GYUR TE, RNAM 'GREL LA 'GREL PA CHE CHUNG GNYIS SPYI DON DANG BCAS PA MDZAD NAS, GANG GI LEGS BSHAD TSA ZER PHRA MOS KYANG, ,MKHAS RLOM ME KHYER BYE BA'I GZI 'PHROGS CING, ,RIGS TSUL 'BUM PHRAG STONG GI ZER 'PHRO BA'I, ,BLO GROS 'DI NI SNGON MED NYI MA YIN, , KUN GZHI'I MNGAL NAS THON PA'I SA BON RNAMS, ,SHES RAB YUM GYI LEGS BSKRUN BRTZON 'GRUS KYI, ,MA MAS RGYUN DU BSKYANGS PAS GANGS CAN 'DI, ,DPAL LDAN GRAGS PA'I GDUNG 'TSOB KHO BO 'KHRUNGS, ,DE LTA NA YANG GANGS RI'I KHROD 'DI RU, , MKHAS RMONGS 'BYED PA'I TSUL LA MI MKHAS PA'I, ,NYA BA'I LAG TU RIN CHEN 'GRIM PA LTAR, ,BLO NGAN 'TSONG BU'I TSOGS DANG MNYAM DU SPEL, ,BSGRUBS DANG SUN 'BYIN RIGS PA'I MCHE SDER GYIS, ,PHAS RGOL GLANG PO'I KLAD PA 'GEMS NUS KYANG, , LEGS NYES 'BYED PA'I GZU BOS DBEN PAS NA, ,SMRA NGAN WA SKYES TSOGS KYANG RTAG TU RGOL, ,CES GSUNGS SHING BSTOD PAR, RIGS TSUL BRGYA PHRAG DU MA'I RO LDAN PA'I, ,BLO CHEN LDAN RNAMS DGA' BA BSKYED BYED PA, ,RNAM 'GREL MDZAD PA'I THUN MONG MIN PA'I LUGS, ,YONGS SU RDZOGS PAR SMRA BA KHYOD DU BAS, ,ZHES DANG, ,SDE BDUN RAL PA 'THUG POS GNYA' KHEBS CING, ,MDO YI STOBS RGYAS 'GREL BSHAD SO SO'I KHYOGS, ,NYID KYI SHES RAB NGAN PA'I GLANG 'PHEN PA, ,TSAD MA RI BO'I SUL NA RGYU BA LAGS, ,ZHES SO, , @037 DE NAS BDAG NYID CHEN PO DES, MNGON PAR RTOG PA'I RIM PA GTZO BOR STON PA, SA BCU'I DBANG PHYUG RGYAL TSAB BYAMS PA MGON PO'I GSUNG MNGON PAR RTOG PA'I RGYAN 'GREL PA DANG BCAS PA LA GZIGS PAR DGONGS NAS, PHAR PHYIN GYI GZHUNG SPAR MA GCIG DBU SNGAS SU BCUG STE GZIM PA'I MTSAN LAM DU RGYA GAR SKAD NAS RDZOGS SO'O BAR GZHUNG MA LUS PA 'BUR DU DOD PA PHYAG GIS GZUNG NYAN PA BYUNG, RE RE NAS BLANGS NAS ZHAL DU GSOL BAS, RO MCHOG DANG LDAN PA 'BYUNG ZHING, MNAL SAD PA DANG SHIN TU DGYES PAR GYUR NAS, DE RING JI TZAM ZIN LTA DGONGS NAS BZUNG BAS, BAM PO CHE BA 'PHYI LA ZIN PA BYUNG GSUNGS, GZHUNG THUGS SU CHUD PA DANG, LUNG CHOS KYI GO BA CHA PE CHAGS PA BYUNG NA YANG, SHIN TU MKHAS PA GCIG BYED DGONGS NAS SKYE DGU'I GTZUG RGYAN CHOS KYI RJE DPAL LDAN BLA MA DAM PA BSOD NAMS RGYAL MTSAN LA SOGS PA YONGS 'DZIN DAM PA RNAMS LAS GSAN CING, KHYAD PAR DU NYI KHRI SNANG BA DANG BRGYAD STONG 'GREL CHEN LA SOGS PA RGYA 'GREL RNAMS DANG, 'GRE AAR GYI 'GREL BSHAD LA SOGS BOD 'GREL RNAMS LA GZIGS PAS, 'PHAGS SENG GNYIS KYI DGONGS PA PHYIN CI MA LOG PAR THUGS SU CHUD NAS PHAR PHYIN GYI t'IKKA SBYOR t'IK DON BDUN CU RNAMS MDZAD DE, TSIG GI RJES 'BRANG BYIS PA'I BLO CAN RNAMS, ,SNGON RABS BSHAD SROL BZLAS PAS MGU NA YANG, , 'BRAS MED SPUN PA 'PHYAR BA NGAL MTHONG NAS, ,GZHAN ZER RNAM GRANGS ZLOS PA KHO BOS SPANGS, ,SPYI DON GZHUNG BRGYA'I TSUL DANG MI 'GAL ZHING, ,TSIG DON DNGOS @038 STOBS RIG PAS BSGRUB PA LA, ,MKHAS RLOM MNGON PA'I NGA RGYAL CAN RNAMS KYIS, , YUN RING BRTAGS KYANG KUN DGA'I SKABS MED DO, ,ZHES GSUNGS, (GON BYO NYI MAS) BSTOD PAR, 'PHAGS PA'I BZHED GZHUNG MA LUS GZHAN DAG KYANG, ,LAN RE TZAM GYIS MA LUS MTHAR PHYIN PHYIR, ,RANG DANG GZHAN GYI GRUB MTHA' RGYA MTSO YI, ,PHA ROL SON PA'I GO 'PHANGS MNYES PA YIN, ,ZHES SO, , DE NAS BDAG NYID CHEN PO DE CHOS THAMS CAD KYI MA MO MNGON PA'I SDE SNOD LA GZIGS PAR DGONGS NAS, GNAS LNGA RIGS PA'I PAndI TA CHEN PO BYANG CHUB RTZE MO'I ZHABS LA BTUG STE, MNGON PA GONG 'OG TSAR MANG DU GSAN CING, RGYAS PA'I BSTAN BCOS SA SDE LNGA, BSDUS PA'I BSTAN BCOS SDOM RNAM GNYIS, PRA KA RA SDE BRGYAD 'GREL PA 'GREL BSHAD DANG BCAS PA LA GZIGS SHING, MKHAS PA'I DBANG PO DPANG LO TZ'A BA BLO GROS BSTAN PA'I 'GREL BSHAD LA GZIGS PAS, THOGS MED SKU MCHED KYI DGONGS PA PHYIN CI MA LOG PA THUGS SU CHUD NAS, MNGON PA GONG 'OG GI t'IKKA BSDUS DON DANG BCAS PA MDZAD DE, MKHA' 'GRO'I DBANG PO MKHA' LA SPYOD PA'I MTSAN MA RJES SU MTHONG GYUR NAS, ,'DAB MA SHIN TU RGYAS PA MIN PA'ANG DE YI RJES SU SLOB PA LTAR, ,BLO GROS STOBS LDAN SNGON RAB MKHAS PA'I RJES SU 'BRANG NAS BSHAD PA LA, ,PHRA DOG SGO NAS SMOD PAR BYED KYANG 'DI LA NYES PA CUNG ZAD MED, ,CES GSUNGS, (BLO BSTOD PAR,) STOBS BCU MNGA' BA THUB PA'I RING LUGS LA, , RNAM RIG SHING RTA'I SROL 'BYED 'DZAM GLING RGYAN, ,GANG PHYIR BDE BAR GSHEGS PA'I @039 GDUNG 'TSOB PA, ,THOGS MED SKU MCHED GNYIS KYI BZHED PA'I LUGS, ,JI BZHIN THUGS SU CHUD PA'ANG KHYOD DU BAS, ,ZHES SO, , DE NAS BDAG NYID CHEN PO DES, BSTAN PA'I BYA BA YONGS SU RDZOGS PA DGE SLONG GI SDOM PA NOD NAS, 'DUL BA'I BSLAB BYA PHYIN CI MA LOG PAR NYAMS SU LEN PA'I SROL BTOD DGONGS NAS, GNAS BRTAN DGRA BCOM PA CHEN PO, LDOG LHOD PA MKHAN CHEN KUN DGA' DPAL BZANG PO'I DRUNG DU BYON NAS MKHAN SLOB DGE 'DUN DANG BCAS PA'I SPYAN SNGAR BSNYEN RDZOGS KYI SDOM PA NOD NAS, 'DUL BA MDO RTZA TSAR GCIG GSAN PAS, MKHAN CHEN PA LA YANG THUGS BSKYED THON PA BYUNG, LTA KHRID KYANG ZHUS, CHOS GROL BA DANG, MKHAN CHEN PAS JA BUR GCIG GNANG NAS, KHYED SKYES STOBS KYI THUGS RAB CHE ZHING, GZHUNG LUGS GZHAN LA SBYANGS PA'I STOBS KYIS 'DUL BA LA YANG NGED PAS KHYED SHIN TU MKHAS PA GCIG BYUNG GDA'O, , CHOS BDAG PO LA 'PHROD LAGS SO, ,'DI LA KHYED KYIS t'IKKA GCIG MDZOD, BSTOD 'DUL GYI SDOM RGYUD 'DI MA CHAD PA GCIG 'TSAL LO, ,ZHES GSUNGS PA'I ZHAL LTA BZANG PO GNANG BA DANG DU BLANG STE 'DUL BA LUNG DANG RGYA 'GREL RNAMS DANG, BYA KHYI SOG GSUM SOGS BOD KYI 'GREL BSHAD RNAMS LA GZIGS PAS, YON SH'AK RNAM GNYIS KYI DGONGS PA PHYIN CI MA LOG PA THUGS SU CHUD CING, MDO RTZA'I t'IKKA DANG LAS TSOGS GNYIS MDZAD NAS, DE PHYIN CHAD 'CHAD NYAN MDZAD DUS KYANG, DBYAR GNAS DANG GSO SBYONG DGAG DBYE SOGS MA CHAG PAR MDZAD DO, ,YON TAN 'OD @040 CES SA GSUM RAB GRAGS PA, ,RGYAL BA'I RANG LUGS 'DZIN PA DES MDZAD PA, , THUB PA'I NANG MDZOD 'DUL BA 'BUM SDE'I DON, ,MA LUS BSDUD BYED LEGS BSHAD 'DI BYAS SO, ,ZHES GSUNGS SO, ,BSTOD PAR, THUB PAS LAN GCIG MIN PAR BSNGAGS PA YI, ,TSUL KHRIMS 'PHAGS PA'I NOR BU GZIGS NAS NI, ,NYER SBAS ZLA BA'I NOR BU YON TAN 'OD, ,THAMS CAD YOD SMRA MKHAS PA'I DGONGS PA BZHIN, ,'DUL BA 'BUM SDE'I DGAG BSGRUB GNANG GSUM GYI, ,BSLAB PA'I GNAS LA MKHAS SHING 'DA' MI BYED, ,CES SO, , DE NAS BDAG NYID CHEN PO DES, SNYING PO'I DON GTZO BOR STON PA 'PHAGS PA KLU SGRUB KYI ZHAL MNGA' NAS MDZAD PA, DBU MA RIG PA'I TSOGS LA GZIGS PAR BZHED NA'ANG, DE DUS SU GANGS RI'I KHROD NA BKA' MA CHAD TZAM MA GTOG PA 'CHAD NYAN GYIS GTAN LA 'BEBS PA DANG, SGOM SGRUB KYIS NYAMS SU LEN PA'I SROL NYAMS PAR GYUR NAS, THUGS SHIN TU CHAD PAR GYUR KYANG, BSHAD PA DPAL LDAN BLA MA DAM PA LA ZHU DGONGS NA'ANG, DBUS NA BZHUGS PAS MA BYUNG PAR, CHOS RJE BYANG SEMS PA LA RIGS TSOGS BZHI BRGYA PA, 'JUG PA SOGS DBU MA'I BSKOR RNAMS GSAN NAS, DKON MCHOG GSUM LA GSOL BA BTAB, THUGS RAB KYIS YANG YANG DPYAD PAS, SNGON GYI SMON LAM DANG, SBYANGS PA'I MTHU DANG, DKON MCHOG GI BYIN RLABS LA BRTEN NAS KLU SGRUB YAB SRAS DPAL LDAN ZLA BA GRAGS PA DANG BCAS PA'I DGONGS PA PHYIN CI MA LOG PAR THUGS SU CHUD CING, MKHAS PA @041 CHEN PO LEGS LDAN 'BYED DANG, RANG RGYUD BSHAD GSUM GYI GZHUNG LUGS RNAMS KYANG MA 'DRES PAR MKHYEN NAS, 'CHAD NYAN GYIS LEGS PAR GTAN LA PHAB, DE DUS SU SLOB MA RNAMS KYIS RTZA 'JUG BZHI GSUM SOGS GAL CHE BA RNAMS LA YIG CHA 'JOG PAR MDZAD PAR ZHU ZHES YANG YANG GSOL BA BTAB PA'I NGOR RTZA 'JUG BZHI GSUM TSIG GSAL GYI STONG THUN GYI 'GREL PA RNAMS MDZAD NAS, SLOB DPON THAMS CAD KYI 'CHAD NYAN MDZAD PAS DBU MA'I 'CHAD NYAN GYI SROL LEGS PAR GTOD PA'I MTHU LA BRTEN NAS, DE'I DUS SU CHOS KYI GRAGS PA RGYAL MTSAN ZHANG DBON, LO TZ'A BA SKYABS MCHOG DPAL KHU DBON, MKHAS PA CHEN PO G-YAG SPRUG PA SANGS RGYAS DPAL DPON SLOB RNAMS KYIS KYANG DBU MA LA 'CHAD NYAN MDZAD PA, GANGS CAN GYI KHROD 'DIR DBU MA'I BSHAD SROL DAR ZHING RGYAS PAR GYUR KYANG PHAL CHER RANG RGYUD KYI LTA BA'I THOG NA GNAS SHING, THAL 'GYUR GYI LTA BA THUGS SU CHUD PA TZAM MA 'BYUNG 'DUG STE, 'DI TZAM YANG DGA' MO YIN, NGA DANG POR SLOB GNYER BYED DUS, SA SKYA SOGS NA DBU MA'I DPE CHA GCIG 'DUG ZER NAS, NOR MI CHER BYED PA 'DUG , DING SANG DBU MA'I DPE CHA LA RTZIS SU BYED PA 'DI YANG KHO BOS BSTAN PA LA BYA BA BYAS PA YIN GSUNGS, KARMA PA DKON GZHON GYI GSUNG GIS DING SANG GANGS RI'I KHROD NA MKHAS PA DANG, BLUN PO KUN DGA', DBU MA SNA, DBU MA KHA ZER BA 'DI RED MDA' BA'I DRIN YIN, DE GONG DU THANG SAG NA DBU MA SHI RO GCIG @042 'DUG ZER, GZHAN YOD PA'I LAB MA TSOR GSUNGS, RGYA GAR BAL PO BOD KYI YUL RNAMS SU, ,MDO DON SMRA BA'I MKHAS PA MANG BYON YANG, ,PHAL CHER RTOG PAS SBYAR BA'I DON TZAM LA, ,MKHAS PAR ZAD KYI DE NYID DON LA MIN, ,THUB PA'I BSTAN LA NYID KYI DGONGS PA BZHIN, ,'KHRUL MED SMRA BA 'PHAGS PA KLU SGRUB YIN, ,DE YI BZHED GZHUNG RAB DKAR KUNDA'I TSAL, ,DE BZHIN 'BYED MKHAS DPAL LDAN ZLA BA YIN, ,SLOB DPON DE DAG DGONGS PA 'DI YIN ZHING, ,MKHAS RLOM MANG YANG SU LA CI CHA YOD, ,RNAM BKRA TSON GYI RI MO GSAL BA YI, ,RNAM DBYE DMUS LONG RNAMS LA YOD DAM CI, ,LONG PAS RIN CHEN GTER KHA PHYED PA LTAR, ,RNAM DAG 'PHAGS PA'I MIG DANG MI LDAN YANG, ,RGYAL DANG RGYAL BA'I SRAS KYI BYIN BRLABS LAS, ,RTEN 'BYUNG ZAB MO'I DON 'DI KHO BOS RNYED, ,CES GSUNGS, BSTOD PAR, STOBS BCU MNGA' BA THUB PA'I RING LUGS PA, ,MTHA' BRAL SHING RTA'I SROL 'BYED 'DZAM GLING RGYAN, ,GANG GIS BDE BAR GSHEGS PA'I GDUNG TSOB PA, ,KLU SGRUB ZLA GRAGS GNYIS KYI BZHED PA'I LUGS, ,JI BZHIN THUGS SU CHUD PA'ANG KHYED DU BAS, ,CES SO, ,MTHAR LTA'I G-YANG SA RING DU SPANGS GYUR LA, , DUS GSUM GSHEGS PA RNAMS KYI BGROD PA'I SHUL, ,GZUNG DANG 'DZIN PA'I 'JIGS PA LAS SGROL BA, ,DBU MA'I LAM NAS KHYOD NI GSHEGS PA LAGS, ,ZHES DANG, RNYIGS MA'I DUS 'DIR NGAN RTOG CHANG GIS MYOS GYUR PAS, ,DE NYID DON LA SKYE BO RNAMS NI 'KHRUG PA'I TSE, ,GANG GIS SPROS KUN GSAL NAS STONG NYID ZAB @043 MO'I DON, ,YANG DAG LEGS RTOG RNAM DPYOD 'DI NI AE MA MTSAR, ,ZHES SO, , DE NA BDAG NYID CHEN PO DES THEG PA THAMS CAD KYI YANG RTZE RDO RJE THEG PA LA 'JUG PAR DGONGS NAS, RNAL 'BYOR GYI DBANG PHYUG CHEN PO BYANG CHUB RTZE MO'I DRUNG DU, DPAL GSANG BA 'DUS PA MI BSKYOD RDO RJE LA SOGS PA'I DBANG 'GA' ZHUS, GSANG MTSAN YANG MI BSKYOD RDO RJER GSOL, RGYUD LO TZ'A BA NEM BZANG PA LA ZHUS, MAN NGAG CHOS KYI RJE GRAGS PA RGYAL MTSAN PA'I DRUNG DU ZHUS, DPAL LDAN BLA MA DAM PA'I DRUNG DU DGYES PA RDO RJE LA SOGS PA'I DBANG 'GA' ZHUS, LO TZ'A BA SKYABS MCHOG DPAL BZANG PO LA RGYUD KYI BSHAD PA ZHUS, BLA MA DPAL LDAN PA'I DRUNG DU LAM 'BRAS MAN NGAG CHOS SKYONG CHE CHUNG GI BSKOR DANG BCAS PA ZHUS, SA BZANGS PAn CHEN PA'I DRUNG DU, BDE MCHOG SOGS DBANG 'GA' ZHUS, CHOS RJE SKYABS MCHOG PA'I DRUNG DU RDO RJE PHRENG BA, GSANG 'DUS 'JAM RDOR, 'JIG RTEN DBANG PHYUG ,SA SKYA PA'I PHA CHOS RDO RJE GZHON NU SOGS MANG DU ZHUS, 'PHAGS PA KLU SGRUB KYIS MDZAD PA'I RIM LNGA MDOR BYAS, 'PHAGS PA LHAS BYAS PA'I SPYOD BSDUS SGROL ME, DPAL LDAN ZLA BAS MDZAD PA'I GSANG 'DUS SGRON GSAL LA SOGS PA 'PHAGS LUGS KYI RGYA 'GREL THAMS CAD DANG, RGYAL PO AINTRA BHO DHI LA SOGS GSANG 'DUS SNGA SROL BA RNAMS KYI DGONGS PA PHYOGS GCIG TU BSDUS PA, SH'ANTI PAS MDZAD PA'I BSHAD BYANG SNYEMS PA'I ME TOG DANG, YE SHES ZHABS KYIS MDZAD PA'I SGRUB THABS KUN TU BZANG PO, MAR ME MDZAD KYI SGRUB THABS DKYIL CHOG ,BZHI @044 BRGYA PA 'GREL PA DANG BCAS PA, THA GA NA'I 'GREL PAR, RGYAL BAS BYIN GYI 'GREL PA LA SOGS PA DPAL GSANG BA 'DUS PA LUGS GSUM GYI RGYA 'GREL RNAMS DANG, BOD KYI RJE 'GOS GDOG KLAN GSUM DANG, SA SKYA PA KHU DBON, RIN PO CHE BU STON PA LA SOGS PA'I LEGS BSHAD RNAMS LA YANG DAG PAR GZIGS RTOG MDZAD PAS, GSANG BA 'DUS PA'I RGYUD 'GREL CHA LAG DANG BCAS PA'I TSIG DON MA LUS PA THUGS SU CHUD NAS RDO RJE 'DZIN PA CHEN POR GYUR TE, GSANG 'DUS RTZA BA'I RGYUD KYI t'IKKA, MNGON RTOGS, BDAG 'JUG ,MCHOD PHRENG, RIM LNGA'I BSDUS DON LA SOGS PA MDZAD NAS, 'PHAGS PA RDO RJE'I MAN NGAG ,BSHAD RGYUD GZHAN GYI RJES 'BRANGS NAS, ,'DUS PA'I RGYUD CHEN RIM PA LNGAR, ,DPAL LDAN ZLA BA GRAGS PAS BSHAD, ,SNGON RABS RGYUD PA'I MAN NGAG DANG, ,PHYI MA'I RGYUD KYI RJES 'BRANGS NAS, , RGYUD DON BSNYEN BSGRUB YAN LAG BZHIR, ,RIN CHEN 'BYUNG LDAN ZHI BAS PHYE, , 'JAM PA'I DBYANGS KYI MAN NGAG GI ,RGYUD DON BSKYED PA'I RIM PA DANG, ,RDZOGS RIM THIG LE RNAM GSUM DU, ,SANGS RGYAS YE SHES ZHABS KYIS BSTAN, ,'PHAGS DANG MKHAS PAS GSAL BYAS PA'I, ,'DUS PA'I RGYUD CHEN SHING RTA'I SROL, ,RIM PA GSUM DU PHYED PA'I DON, ,RNYED PA GANG DE YA MTSAN NO, ,ZHES GSUNGS, BSTOD PAR, THUB PA CHEN PO'I CHOS KYI RNAM GRANGS NI, ,JI SNYED GSUNG PA CHOS KYI RTZER GYUR PA, ,RGYUD SDE'I MTHAR THUG DPAL LDAN 'DUS PA YI, ,MTHA' DRUG TSUL BZHI'I RGYAS BTAB RDO RJE'I TSIG ,JI BZHIN LEGS PAR PHYE NAS RIM GNYIS KYI, , @045 TING 'DZIN MCHOG GI BDE LA ROL BAS NA, ,RDO RJE 'DZIN PA ZHES PA'I SGRA DE YANG, , MGON PO KHYOD LA DON DANG BCAS PAR 'JUG ,CES SO, ,GONG DU BSTAN PA'I BLA MA DE RNAMS GUS PAS BSTEN PA YIN TE, SKYES DGU'I GTZUG RGYAN CHOS RJE BSOD RGYAL DANG, ,RGYAL BA'I SRAS PO THOGS MED BZANG PO'I DPAL, ,MA TI PAn CHEN MKHAN CHEN BYANG RTZE DANG, ,MKHAS PA'I DBANG PO NYA DBON KUN DGA' SOGS, ,BKA' DRIN NOD PA'I BLA MA BCU PHRAG GNYIS, ,YUN RING 'BAD DE GUS PA'I TSUL GYIS BSTEN, ,ZHES SO, , GONG DU BSTAN PA'I SO THAR BYANG SEMS RIG 'DZIN GYI SDOM PA GSUM YAN LAG DANG BCAS PA SKU SROG PAS KYANG GCES PAR BSRUNGS PA YIN TE, KHO BO SANGS RGYAS BSTAN LA RAB BYUNG NAS, ,RIGS DANG MI RIGS 'BYED SHES TSUN CHOD DU, , LUS NGAG YID KYIS SPYOD PA CI BYED KYANG, ,RAB TU BSGRIMS TE THUB PA'I GSUNG BZHIN BSGRUBS, ,THOG MED GOM PA'I NYON MONGS SHUGS DRAG PAS, ,GAL TE MI RIGS CUNG ZAD BYAS NA YANG, ,DE YI MOD LA DUG ZOS DRAN PA BZHIN, ,'GYOD SEMS DRAN PAS SLAR YANG CHOS BZHIN BYAS, ,ZHES GSUNGS SO, ,BSTOD PAR, GZHAN DAG KHAS LEN CHU YI RI MO BZHIN, ,MANG PO NYID KYANG 'PHRAL DU YAL BA BGYID, ('DIR MA DPER TSIG RKANG ZHIG CHAD PA 'DRA,) ,SHI YANG DAM BCA' GZHAN DU BGYID MA LAGS, ,ZHES SO, , BDAG NYID CHEN PO DE NYID NI THUB PA'I RING LUGS PA BLA NA MED PA YIN TE, @046 NYAMS LEN BYIN RLABS KYI RGYUD PAR RDO RJE 'CHANG NAS BZUNG STE, BCU DGU PA LA BYON CING, ZAB MO LTA BA'I RGYUD PAR THUB PA CHEN PO NAS BZUNG STE, NYI SHU RTZA GNYIS PA LA BYON LA, RGYA CHEN SPYOD PA'I RGYUD PAR THUB PA CHEN PO NAS BZUNG STE, NYI SHU RTZA BDUN PA LA BYON, RGYUD PA GSUM KA'I BKA' RGYUD BSGRUB RGYUD DAR RGYAS SU MDZAD PA YIN NO, ,MDO RGYUD BSTAN BCOS KUN LA LEGS SBYANGS NAS, ,RTAG CHAD MTHAR LTA'I GRUB MTHA' MA LUS PA, ,RNAM GZHAG LUNG DANG DNGOS STOBS RIGS PAS BSHIG ,LOG SMRA TSAR GCOD KHYOD LA PHYAG 'TSAL LO, ,ZHES PA NI GONG DU BSHAD PA'I MDO RGYUD BSTAN BCOS DE DAG LA LEGS PAR SBYANGS PA YIN TE, RGYA GAR NAS 'GYUR BSTAN BCOS THAMS DANG, ,MDO DANG RGYUD SDE PHAL CHER LEGS PAR BLTAS, , RANG GZHAN GRUB MTHA'I DE NYID 'BYED PA LA, ,MKHAS MANG MDUN SAR 'JIGS MED SPOBS PA THOB, ,CES GSUNGS, BDAG NYID CHEN PO 'DI, DANG PO NAS THAMS CAD MKHYEN PA BU STON RIN PE CHE LA MOS PA GCIG YOD NA'ANG, SLOB DPON RANG GROGS MCHED SOGS KYI STOBS KYIS KUN MKHYEN CHEN PO'I GRUB MTHA' LA 'DRIS CHE BA GCIG BYUNG NAS, JO NANG GI GRUB MTHA'I RGYAB BRTEN, RGYUD DUS KYI 'KHOR LO, MDO MYA NGAN LAS 'DAS PA CHEN PO, DGONG PA NGES 'GREL, LANG KAR GSHEGS PA, BSTAN BCOS RGYUD BLA, CHOS DBYINGS BSTOD PA SOGS LA BRTEN PAR DGONGS NAS, MDO RGYUD BSTAN BCOS DE DAG GI DGONGS PA PHYIN CI MA LOG PAR BLANGS NAS JO NANG PA'I GRUB MTHA' 'DI TING @047 TSUGS PA GCIG BYED DGONGS NAS, MAN MUN GRAGS KHAR BYON NAS, MDO RGYUD BSTAN BCOS DE DAG LA GZIGS RTOG TSAR GSUM MDZAD PAS, DANG PO LA JO NANG PA'I GRUB MTHA' MDO RGYUD BSTAN BCOS 'DI DAG GI DGONGS PA YIN NGES PAR 'DUG DGONGS PA BYUNG, GNYIS PA LA YIN MIN THE TSOM ZA BA GCIG BYUNG, GSUM PA LA DGONGS PA LAS PHYIN CI LOG TU GO BA GCIG BYUNG GSUNG, DE NAS GDAN SAR MKHAN CHEN SANGS RGYAS 'PHEL BA'I DRUNG DU BYON NAS, JO NANG PA'I GRUB MTHA' 'DI MDO RGYUD BSTAN BCOS 'DI DAG GI DGONGS PA YIN BSAM NAS, LTA RTOG ZHIB TU BGYIS NA, DGONGS PA LAS PHYI ROL DU GYUR GDA' LAGS ZHUS PAS, KHYOD MKHAS DRAG PAS SHIN TU BDEN GSUNGS NAS CA RA MDZAD PA BYUNG, DE DUS DE STON PA LA SPRING YIG MDZAD PAS, MKHAN CHEN PA SHIN TU MA MNYES TE, 'KHON 'DZIN MDZAD PA BYUNG, DE NAS BDAG NYID CHEN PO'I THUGS LA MKHAN CHEN NYA DBON PA 'DI THUGS RAB CHE ZHING, TSAD MA'I RIGS PA LA SHIN TU MKHAS PA'I STOBS KYIS 'DI LA LUNG RIGS KYI DGAG BSGRUB ZHUS NA 'GYUR BAR NGES, KHONG PA 'GYUR NA CHU 'OL KHA NAS 'GYUR NAS DING SANG GI JO NANG PA THAMS CAD 'GYUR BA GCIG 'ONG BAR 'DUG DGONGS, BRTZE CHEN DU NYA DBON PO'I DRUNG DU BYON PAS, SKYO MA SNGA BTZAN DU SONG NAS, DNGOS SU MI SKYON YANG, THUGS MI MNYES PA'I RNAM 'GYUR DU MA STON GYI 'DUG PAS, DA ZHUS KYANG DON DU MI 'GYUR BAR 'DUG DGONGS TE, GDAN SAR LOG BYON NAS, BSTAN 'DZIN RNAMS LA SPRING YIG NOR BU PHRENG BA MDZAD PAS, GANGS RI'I KHROD NA @048 DUS 'KHOR BAR KHAS 'CHES PA RNAMS DANG, KHYAD PAR DU JO NANG PA RJES 'BRANG DANG BCAS PA DNGOS SU RTZOD PAR MI NUS KYANG, LKOG TU RGYUD CHER 'KHRUG PAR GYUR TO, , DE'I DUS SU DRUNG BZHI THOG PAS GTZO MDZAD GDAN SA CHEN PO'I SDE SNOD 'DZIN PA RNAMS 'DZOMS PA'I DRUNG DU, BDAG NYID CHEN POS DUS 'KHOR LA 'GAL 'DU YOD GSUNGS, KARMA PA DKON GZHON PA 'GAL 'DU MED GSUNG NAS RTZOD PA'I SKABS SU, KARMA PA NA RE, SHES BYA CHOS CAN, PADMA DKAR PO BLUN POR THAL, BLUN PO BDAG SPYOD 'DOD CES PA DE SA BCU'I DBANG PHYUG GI GSUNG 'KHRUL MED YIN PA'I PHYIR, GSAL KHYAB KHAS BLANGS, RTAGS GRUB STE, RGYUD 'BREL DRI MED 'OD KYI RANG LUGS KYI TSIG YIN PA'I PHYIR ZER BA LA, BDAG NYID CHEN POS, SHES BYA CHOS CAN, SGRA RTAG MI RTAG RTZOD PA'I SKABS SU, SGRA MI RTAG PA'I SGRUB BYED DU THAL, RGYUD 'GREL DRI MED 'OD NYID SA BCU'I DBANG PHYUG GI GSUNG YIN MIN RTZOD PA'I SKABS SU, RGYUD 'GREL DRI MED 'OD KYI RANG LUGS KYI TSIG YIN PA DE, RGYUD 'GREL DE NYID SA BCU'I DBANG PHYUG GI GSUNG YIN PA'I SGRUB BYED YIN PA'I PHYIR ZHES GSUNG NAS SUN PHYUNG ZHING, GZHAN YANG BLA MA SHAR CHUNG PA LA SOGS PAS YI GER BKOD NAS RTZOD PA 'BYUNG BA RNAMS KYANG, SGRUB BYED BSGRUB BYA DANG MTSUNGS PA LAS MA BYUNG GSUNG, JO NANG PA'I PHYOGS KYI SNGAGS PA GCIG GIS KHYED MKHAS PA CHEN PO YIN PA LA, DUS 'KHOR LA DGAG PA MDZAD PAR MI 'OS ZHUS PAS, DE'I LAN DU, BDE BAR GSHEGS PA'I GSUNG RAB LA, ,DGAG SGRUB MKHAS PA RNAMS KYIS BYED, ,MI RNAMS 'PHYING PA @049 'DRA BA LA, ,PHYI LA COL GNYER CI ZHIG YOD, ,CES GSUNGS, DE'I DUS SU MKHAN CHEN BSTAN RGYAL BAS GTZO MDZAD, JO NANG PA RNAMS GROS BYAS NAS, KHO 'DI ZER NA RANG RE 'DI ZER GYI LUNG RIG MANG DU BRTZAMS NAS, 'JAM DBYANGS CHEN PO LA SLOB DPON GZHON BLO BA 'DI SPYAN DRONGS, BDE GSHEGS SNYING PO DRANG NGES LA RTZOD PA YIN ZHUS PAS, BDAG NYID CHEN PO DPON SLOB RNAMS SA SKYA NAS SPYAN DRANGS RTZOD PA'I SKABS SU, BDAG NYID CHEN POS 'O KOL RTZOD PA BYED NA, YANG NA RGYUD, YANG NA MDO, YANG NA BSTAN BCOS KHO NA'I STENG NAS BYED, BLUN PO MGU BA'I RTZOD PA SRAS TA BSRE TE MI BYED GSUNG ZHING 'JAM DBYANGS PAS KYANG DE BZHIN 'THAD ZHUS PAS, KHONG GIS LKOG GROS BYAS PA'I LUNG RIGS RNAMS ZHIG NAS, DRI BCAS DANG DRI MED KYI DE BZHIN NYID LA KHYAD MED CING, STOBS SOGS 'DUS MA BYAS KYI YON TAN GYIS BRGYAN PA'I BDE GSHEGS SNYING PO DON DAM PAR GRUB PAR KHAS BLANGS PA LA, BDAG NYID CHEN POS, SHES BYA CHOS CAN, RTAG BRTAN GYI BDE GSHEGS SNYING PO BDEN PAR MA GRUB PAR THAL, DE DON DAM PAR GCIG TU'ANG MA GRUB, DU MAR YANG MA GRUB PA'I PHYIR, BSAL BA KHAS BLANGS, RTAGS MA GRUB NA, GCIG TU GRUB NA DU MA LA KHYAB PA BUD, DU MAR GRUB NA GCIG YIN PA BUD, GZHAN YANG, SHES BYA CHOS CAN, BDE GSHEGS SNYING PO BDEN 'DZIN GYI BLO SPANG DU MI RUNG BAR THAL, DE BDEN PAR GRUB PA'I PHYIR GSUNGS PA LA, SLOB @050 DPON BLO GROS RDO RJES, SHES BYA CHOS CAN, SPROS BRAL DU 'DZIN PA'I BLO SPANG DU MI RUNG BAR THAL, SPROS BRAL YIN PA'I PHYIR, 'KHOR GSUM KHAS BLANGS ZER BA LA, DE 'DRA TSIG 'DRA TZAM YIN SNYING PO MED GSUNGS, DE DAG LA SOGS PA'I LUNG RIGS DU MAS JO NANG PA'I GRUB MTHA' LA SNGAR ZHUGS PA LOG PA DANG, THE TSOM ZA BA DANG, PHYIS MI 'JUG PA'I 'PHRIN LAS MDZAD DO, ,BDAG NYID CHEN POS DUS 'KHOR CHOS MIN GSUNG BAR GANGS CAN DU GRAGS NA'ANG, SGRA JI BZHIN PA LA NANG 'GAL YOD GSUNG PA LAS, CHOS MIN ZHES MA GSUNGS TE, RTZOD PAR, 'ON KYANG 'PHAGS PAS MDZAD DAM MIN KYANG SLA, ,LEGS PAR BSHAD PA'ANG MANG DU MTHONG BAS NA, ,THAR 'DOD RNAMS KYI 'JUG NGOG MA YIN ZHES, ,KHO BO 'DI LA MTHA' GCIG BKUR MI 'DEBS, ,ZHES DANG, 'GAL SPONG DU, DING SANG GANGS RI'I KHROD 'DIR MKHAS RLOM RNAMS, ,LDEM PO'I NGAG GIS ZAB MO'I TSUL STON PA, ,DUS KYI 'KHOR LO'I RGYUD 'GREL DANG BCAS PA'I, ,TSIG LA JI BZHIN SMRA RU MNGON ZHEN PAS, , RNAM GZHAG MDO RGYUD TSOGS DANG 'GAL BA YI, ,LOG PA'I CHOS LUGS MANG DU SPEL MTHONG NAS, ,'KHYOG PO'I SHING LA SRONG BA'I TSUL BSTAN NAS, ,RGAL ZHING BRTAG PA'I SGO NAS BDAG GIS BRIS, ,ZHES DANG, NGES DON GSAL BYED DU, 'DI DON 'GREL BYED MKHAS PA GZHAN DAG GIS, ,SNYING PO DOR NAS SPUN PA YANG YANG PHYAR, ,RGYA MTSO SRUBS LAS BDUD RTZI JI BZHIN DU, ,YANG DAG DON GYI SNYING PO KHO BOS BLANGS, ,'DAB BRGYA'I TSAL NAS SBRANG @051 RTZI BUNG BAS LEN, ,CHU DANG 'O MA NGANG PAS SO SOR 'BYED, (SNGON 'JIG RTEN CHAGS PA'I TSE, LHA DANG LHA MA YIN RNAMS KYIS RI RAB LA SRUBS SHING BYAS, KLU'I RGYAL PO NOR RGYAS LA BSRUB THAG BYAS NAS, RGYA MTSO BSRUB PA LA, BDUD RTZI BUM PA GANG DANG, DUG HA LA BUM PA GANG DANG, ZLA BA PHYED PA GCIG DANG GSUM BYUNG, DE'I TSE BDUD RTZI LHA RNAMS KYIS KHYER, DUG DBANG PHYUG GIS MTHUNG PAS MGRIN PA NAG POR SONG, ZLA BA PHYED PA LHA'I DBANG PO'I GTZUG RGYAN BYED CES GRAGS, DE BZHIN DU DUS KYI 'KHOR LO'I RGYA MTSO BSRUBS PA LAS BYUNG BA'I DUG 'GA' ZHIG JO NANG PAS GSOL, DRANG DON GYI ZLA BA PHYED PA MKHAS PA ZHA LU BA GZHAN GYIS BYIS PA RNAMS DGA' BA'I RGYAN DU BYAS, NGES DON GYI BDUD RTZI KHO BOS BLANGS SO,) ,NOR BU 'CHING BU DED DPON MKHAS PAS SHES, ,LEGS BSHAD NYES BSHAD MKHAS PA'I BLO YIS RTOGS, , YOD PA'I LEGS BSHAD PHRAG DOG MUN PAS SGRIB, ,MED PA'I SKYON RNAMS BLO NGAN MIG GIS MTHONG, ,GDUG PA'I SBRUL GYIS 'O MA 'THUNG BA BZHIN, ,LEGS BSHAD BDUD RTZIS NYON MONGS DUG 'PHEL BA'I, ,LOG PA'I RGYUN PHYOGS GZHOL BA'I BLO NGAN RNAMS, ,LEGS BSHAD CHU LON STONG GIS MI LDOG MED, ,GZUR GNAS BLO LDAN 'GA' YIS 'DI MTHONG NA, ,YID LA 'BAB 'GYUR SNYAM NAS NGAS 'DI SBYAR, ,ZHES GSUNGS, DE LTAR MDO RGYUD BSTAN BCOS DE DAG GI DGONGS PA DANG MTHUN NA GA LA 'GEG ,CHOS SKU RTAG BRTAN THER ZUG TU 'DOD PA SNGAR RGYA BOD BAL GSUM GANG DU'ANG MA BYUNG ZHING, DA YANG LTA BA NGAN PA LA 'JUG PA RGYUD BCAD PA'I PHYIR DGAG PA MDZAD DE, DGE LEGS SA BON YON TAN KUN GYI GZHI, ,YANG DAG LTA BA'I NOR MCHOG 'PHROG BYED CING, ,THAR PA'I SROG RTZA GCOD PAR BYED PA YI, ,LTA NGAN LAS @052 LHAG PHUNG BYED DGRA GZHAN MED, ,LTA NGAN DMAN PA'I THAD LA MNGON ZHEN CING, , RTAG CHAD MTHAR LTA'I WA SKAD CHER SGROG PA, ,'DI DAG NGUR SMRIG RGYAL MTSAN 'CHANG NA YANG, ,THUB PA'I BSTAN LA MU STEGS THAN SKYEL YIN, ,ZHES GSUNGS, DE DUS JO NANG PA'I PHO RUS PA GCIG GIS LDOG NA YAR YONGS PAS, MKHAS PA GZHON BLO DPON SLOB RNAMS 'BYON GYI 'DUG ZER BA THOS NAS, JO NANG PA LA NGA MI GCIG LA YOD MED MED, KHO SOD NA JO NANG PA'I DGRA SGO CHOG PA 'DUG BSAMS NAS, DBU LA RDO RDEG PA'I DAM BCA' BYAS YONGS, DRUNG PA DANG 'JAL BAS LUS RENGS, SEMS DRAN PA NYAMS NAS BRDEG PA MA BYUNG, KHO DRAN PA RNYED PA DANG, DGE BSHES GZIL CAN GCIG 'DUG SNYAM PA BYUNG, DUS PHYIS DRUNG PA LA DAD NAS MTHOL BSHAG KYANG PHUL BAR GRAGS SO, ,BZANG LDAN DU KA BCU PA YON TAN GYIS, JO NANG PA LA BKA' SKYON MDZAD PA 'DI LA, SDIG PA CHEN PO YONG PA 'DRA ZHUS PAS, BDAG NYID CHEN PO'I GSUNG NAS, 'DI 'DRA ZER BA SHIN TU MANG STE DE 'DRA GA LA YIN, SNGON 'JIG RTEN DU STON PA BYON PA'I DUS SU LHAS BYIN LA SOGS PA'I BDUD RIGS RNAMS DANG, MU STEGS KYI STON PA DRUG GSUM BCO BRGYAD LA SOGS RNAMS LA ZHE SDANG DANG KHONG KHRO DPAG TU MED PA SKYES PA'I SDIG PA STON PA LA YONG NGAM, DE'I RJES SU RGYAN DRUG MCHOG GNYIS LA SOGS BYON PA LA NAG PHYOGS RNAMS MI DGA' BAR GYUR PA'I SDIG PA'ANG DE DAG LA 'ONG NGAM, KHYAD PAR DU 'PHAGS PA KLU SGRUB BYON NAS THEG PA CHEN PO'I SROL PHYE BA LA, RANG SDE GNYIS KAS @053 THEG CHEN NI BKA' MIN ZHES, SKUR PA BTAB PA'I SDIG PA YANG BDAG NYID CHEN PO LA 'ONG NGAM, NYI MA'I DKYIL 'KHOR SHAR BA'I TSE, 'BYUNG PO'I BYA RNAMS LONG BA RTEN 'BREL GYI CHOS NYID YIN CING, GNAM THIG DRANG POR RGYAB NA SGUR PO RAS SU 'THON PA LUGS YIN, BLUN PO'I LAB DE 'DRA BA MA ZER GSUNGS, SDOM GSUM RAB DBYE LAS, SANGS RGYAS 'JIG RTEN 'BYON PA DANG, ,MKHAS RNAMS BSHAD PA BYED PA LA, , 'BRAS BU RNAM GSUM 'BYUNG BA 'DI, ,SANGS RGYAS BSTAN PA'I SPYI LUGS YIN, , MKHAS PA RNAMS KYIS CHOS BSHAD NA, ,CHOS LOG SPYOD PA PHAM BYED CING, ,BDUD RIGS THAMS CAD YI MUG 'GYUR, ,MKHAS PA THAMS CAD DGA' BAR BYED, ,'DI 'DRAS BSTAN PA 'DZIN PAR BYED, ,CES SO, , LTA TSE CHOS SKU RTAG BRTAN 'DOD, ,SGOM TSE CI SNANG CHOS SKUR SPYOD, ,CHOS SKU RGYUD LDAN LUS CAN KUN, ,LAS KYI 'KHOR BAR 'KHYAM PAR 'TSANG, ,MKHAN CHEN G-YAG PAS, SEMS CAN THAMS CAD SANGS RGYA, 'KHOR BA LA ZAD PA MED GSUNGS PA LA BDAG NYID CHEN POS, SEMS CAN THAMS CAD SANGS RGYA BAR TSAD MAS NGES PAR THAL, DER TSAD MAS GRUB PA'I PHYIR ZHES GSUNGS PAS, G-YAG PAS KHYAB PA MA GRUB GSUNGS NAS TSUR LDOG PAS, RTAGS MA GRUB LA SOGS PA'I 'PHEN LEN MANG DU MDZAD NA'ANG, DON LA STON PA MKHAS PA RNAMS BDAG NYID CHEN PO'I RIG PA LA MNYES SHING, TSIG LA STON PA'I MKHAS PA RNAMS MKHAN CHEN G-YAG PA'I RIG PA LA MNYES PAR GRAGS SO, ,CHOS RJE LO TZ'A BA DANG, KARMA PA DKON GZHON GNYIS @054 KUN RDZOB TU YOD PAS YOD PA'I GO CHOD MI CHOD LA RTZOD PA MDZAD PAS, RTZOD PA 'GREL MO BYUNG, PANG LO TZ'A BA'I GSUNG NAS DON BRTZOD NI MI YONGS BAR 'DUG , TSIG LA SNYING PO MED PAS, DRUNG PA RNAMS 'O BRGYAL, GZHAN RNAMS THUGS DAM CHAGS PAS BZHUD GSUNGS, DE NAS BDAG NYID CHEN POS, DRUNG PA 'O BRGYAL BDAG GIS BRTZOD PAS CHOG GSUNGS NAS THAL 'GYUR 'GA' 'PHANGS PAS, KARMA PA LA ZUG PAR THAMS CAD KYI MTHUN SNANG DU GRUB, DRUNG GI GSUNG NAS, DBUS GTZANG GI DGE BSHES CHEN POR GRAGS PA RNAMS KYANG, DON RGYAB 'GAL SONG YANG TSIG PHYOGS TZAM 'GRIG NA, RANG RE BRTZOD RGYU MED, GRUB MTHA' MTHUN CES SMRA, DON GCIG KYANG TSIG CUNG ZAD MI MTHUN NA MGO BYANG MTHUG TU SONG SONG BRTZOD KYIN 'DUG STE DE 'DRA LA SNYING PO MED, DRUNG LO TZ'A BA YANG, RIGS PAS MA DPYAD PAR KUN RDZOB TU YOD PAS YOD PA'I GO MI CHOD NI MI GSUNG, GSUNGS NA CHAD LTAR 'GYUR, KARMA PA YANG RIGS PAS DPYAD NAS KYANG KUN RDZOB TU YOD NA YOD PAS GO CHOD PAR MI 'DOD, 'DOD NA RTAG LTAR 'GYUR, GZHONG STONG LA KHYI 'THAB MI DGOS PAR GDA' GSUNG, DE DUS NYAN MKHAN RNAMS NA RE, BLA MA'I ZHABS TOG TU 'GRO BA, RANG GI BLO GROS KYI NUS PA THON PA, NGO MTSAR CHE ZHES SHIN TU DAD PAR GYUR TO, , STAG LUNG LO TZ'A BA SH'AKYA BZANG GIS BKA' BZHI PA GCIG BTANG NAS, NGED RGYAN DRUG GI DGONGS PA GCIG TU 'DOD PA YIN, KHYED JI LTAR 'DOD ZHUS PAS, @055 DE LA NGES PA MED, GCIG PA RNAMS NI GCIG ,MI GCIG PA RNAMS NI MI GCIG PAR BYAS PAS 'ONG GSUNG, KHONG NA RE, KHYED MKHAS PA CHEN PO LAGS PAS, THAG CHOD PA'I ZHAL LTA GNANG DGOS ZHES NAN GYIS ZHUS PAS, DGONGS PA AE GCIG MI GCIG 'DI LA SHES MOD, KLU SGRUB YAB SRAS RJES 'BRANG DANG BCAS PAS THOGS MED SKU MCHED RJES 'BRANG DANG BCAS PA'I LUGS 'GEG PAR 'DUG ,THOGS MED SKU MCHED RJES 'BRANG DANG BCAS PAS, KLU SGRUB YAB SRAS RJES 'BRANG DANG BCAS PA'I LUGS 'GEG PAR 'DUG ,DE LA THUGS SAM BTANG PAS SHES, LAR DBU MA PA DANG DNGOS SMRA BA GNYIS GRUB MTHA' GCIG NA, DGONGS PA MI GCIG PA BYA BA SU YOD PA YIN, ZHES GAD MO CHER MDZOD, SLOB DPON BKA' BCU PA DAR MA YID CHES 'BRAS RTAG BLA MA RIN PO CHE PA'I DE DNGOS YIN PAR GDA' LAGS ZHUS PAS, KHYED KYI DE DA DUNG SKYOR DANG GSUNG BSKYAR BAS, GRUB MTHA' DE BZUNG NA, KHA NAG SBABS 'GRO BAR GSUNG, KHONG GI 'GRO BAR GYUR GCIG CES GSUNG NAS, SMON LAM 'DEBS NA SKU DBANG CHE, RIGS PAS LDOG MI BTUB ZHUS PAS, 'O NA DGUG CIG GSUNGS NAS, THAL 'GYUR GCIG 'PHANGS PAS, 'KHOR GSUM DNGOS 'GAL DU SONG, LO ZLA BAR BSAM BSAM PA TSO SKAD CIG RE LA KHUR RGYUGS GSUNG, DE DUS DBUS PA'I DGE BSHES KUN NA RE, BLO BZANG BA 'JAM DBYANGS KYI ZHAL GZIGS GAR GSHEGS SU DPE CHA MDZO RGYAB CHE CHUNG BZHI BKAL NAS NYIN MTSAN MED PAR GZIGS PA'I GRUB MTHA' SKYOR BZANG PO DAR MA LTA BUS SKYAR BA LA SKAD CIG MA LA @056 BSHIGS GTONG PAS, 'JIGS SU RUNG ZHES HA LAS PAR GYUR TO, , RNAL 'BYOR GYI DBANG PHYUG MI LA RAS CHEN LA SOGS PA SNGON GYI PHYAG CHEN PA 'GA' YIS SKU TSE SNGA MA YANG DANG YANG DU SBYANGS SHING, SKU TSE 'DIR YANG RLUNG SEMS DBANG DU 'DUS TE, GANG BYUNG 'DIS CHOG NA CI BYAS KYANG SLA BA RNAL 'BYOR PA'I SPYOD PA MDZAD PA LA 'KHRUL GZHI BYAS TE, DING SANG GI PHYAG CHEN PAR BSGOM PA PHAL MO CHE RNAMS NI LHAG PAR TSUL KHRIMS KYI BSLAB PA LA GCES SPRAS SU MDZAD PA'I DAM PA RNAMS KYI LUGS, NYAN THOS KYI LUGS YIN ZHES KHYAD DU BSAD NAS 'KHOR 'DAS KYI CHOS THAMS CAD STONG ZHING BDAG MED PA YIN ZHES TSIG TU SMRA YANG, DON LA BDAG DANG BDAG GIR 'DZIN PA'I GNYEN POR CUNG ZAD KYANG MI 'GRO BA 'DI DAG NI CHAD PAR LTA BA YIN TE, LTA BAS SPYOD PA KHYAD MED DU BSAD NAS, BAG MED PA'I SPYOD PA LA LHUR LEN PA LAS CHAD PAR LTA BA GZHAN MED, 'DI DAG NI SO SOR RTOG PA'I SHES RAB KYIS DPYAD NAS GNAS LUGS KYI DON BSGOM PA RTOG SGOM SKYON CAN DU BYED CING, YID LA BYED PA THAMS CAD BKAG STE, MI RTOG PA THOM PO SGOM PA LA SKYON MED KYI SGOM DU BYED PAR GNANG STE, LUGS 'DI NI BSTAN PA LAS PHYI ROL DU GYUR PA TING 'DZIN RGYAL PO LAS GSUNGS TE, 'JIG RTEN PA DAG TING 'DZIN SGOM BYED KYANG, ,DE NI BDAG TU 'DZIN PA BZHIG MI NUS, ,DES NI NYON MONGS CHES CHER RAB TU 'KHRUGS, ,LHAG SPYOD KYIS NI TING 'DZIN 'DIR SGOM BZHIN, ,GAL TE CHOS LA BDAG MED SO SOR RTOG ,SO SOR DE RTAG SGOM PAR BYED PA NI, ,DE NI MYA NGAN @057 'DAS THOB 'BRAS BU RGYU, ,RGYU GZHAN GANG YIN DE NI ZHI MI 'GYUR, ,ZHES DANG, GANG DAG DRAN PA DANG YID BYED BKAG NAS, MUN PA LA MIG GCER LTAS BYAS TE HAD SGOM BYED PA DANG, MTSAN MA CI YANG MI BYED PAR, RNAM RTOG THOL SKYES RBAD CHOD BYED PA NI, RGYA NAG HA SHANG GI RING LUGS MA NOR BA 'DZIN PA YIN GSUNG, DING SANG GI SGOM CHEN PA 'GA' ZHIG SHIN TU LAS SLA BAR DO ZIN PA YOD ZER BA MANG STE NYIN PAR GYI SNANG BA 'DI LA AA MTHAS NAS, RMI LAM GYI 'KHRUL PA MI ZIN, RMI LAM ZIN PAR BAR DO'I 'KHRUL SNANG MI ZIN, RO KHA GDANGS LA GROG NAM BABS SU YONG DU RE YANG MI YONGS GSUNGS, DE LA SOGS TE LUNG DANG RIGS PA DU MA'I SGO NAS SUN PHYUNG BAS, SNGAR ZHUGS PA LDOG PA DANG, 'JUG PA THE TSOM ZA BA DANG, PHYIS MI 'JUG PA LA SOGS PA'I 'PHRIN LAS MDZAD DO, ,MTHA' GNYIS SPANG BA'I CHU GTER LA GNAS TE, , GDENGS CAN DBANG PO KLU SGRUB RING LUGS 'DZIN, ,KHO BO'I LTA ZER 'BAR BA'I GZI BRJID LA, ,PHAS RGOL 'DAB STONG GIS NI RGOL MI NUS, ,'JIGS TSOGS LTA RI SPO MTHO 'JOMS BYED PA'I, ,LUNG RIGS RDO RJE'I GNAM LCAGS STONG YOD KYANG, , RMONGS PA'I GO CHA SRA BRTAN CHER DGOS PA'I, ,SKYE BO 'DI LA BDAG GIS CI BYAR YOD, ,CES GSUNGS SO, ,BSTOD PAR, KHYOD NI RTZOD PA MDZAD TSE'ANG DAG PA DANG, , RGYA CHE GZU BOR GNAS PA'I BLO GROS KYIS, ,GZHAN GYI PHYOGS LAS RNAM PAR RGYAL BA STE; ;KHYOD LA G-YO BA NAM YANG MNGA' MA LAGS, ,ZHES DANG, SMRA BA NGAN RNAMS @058 TSAR GCOD PA'I, ,SUN 'BYIN BGYID PA'I GNAS RNAMS LA, ,SKYON YANG YON TAN LTA BU DANG, ,YON TAN SKYON LTAR SNANG BA YI, ,YANG DAG PA DANG LTAR SNANG GI ,RNAM PAR DBYE BA'ANG LEGS PAR BSTAN, ,DE LTAR LOG PAR 'GRO BA BKAG ,CES DANG, STONG NYID SENG GE'I NGA RO CHER SGROGS SHING, ,LUNG DANG RIG PA'I MCHE SDER RAB BSGRAD DE, ,LOG PAR SMRA BA'I WA TSOGS PHAM BYAS NAS, ,THUB MCHOG BSTAN PA GANGS RI LEGS PAR 'DZIN, ,DE PHYIR DA LTA 'DZIN MA'I KHYON 'DI NA, ,CHE BAR RLOM PA MANG DU SNANG MOD KYANG, ,BLO CHEN 'DI NI 'DZAM GLING RGYAN GCIG PUR, ,GZUR GNAS BLO LDAN RNAMS KYI NGES PAR GYIS, ,ZHES SO, , LUNG RTOGS YON TAN THABS MKHAS THUGS RJE YIS, ,GDUL BYA'I KHAMS DANG BSAM PA BAG LA NYAL, ,JI BZHIN MKHYEN NAS CHOS KYI 'KHOR LO BSKOR, , SKAL LDAN RJES 'DZIN KHYOD LA PHYAG 'TSAL LO, ,ZHES PA NI, DE LTAR GONG DU BSTAN PA'I LUNG RIGS KYI YON TAN PHUN SUM TSOGS SHING, GZHAN RJES SU 'DZIN PA'I THABS MKHAS THUGS RJE CHEN PO MNGA' BAS, GDUL BYA'I KHAMS THEG PA CHE CHUNG GI RIGS SO SOR MKHYEN CING, BSAM PA DBANG PO RNO BRTUL DANG, BAG LA NYAL NYON MONGS SHAS CHE CHUNG JI LTA BA BZHIN DU MKHYEN CING, CHOS KYI 'KHOR LO RANG RANG GI SKAL BA JI LTA BA BZHIN DU THEG PA CHE CHUNG CHOS RGYAS 'BRING BSDUS PA SDE SNOD GSUM LA SOGS GANG LA GANG 'OS KYI ZAB CING RGYA CHE BA'I CHOS BSTAN PA, SMIN GROL THAR PA DANG, THAMS CAD MKHYEN PA'I LAM PHYIN CI MA LOG PAR BSTAN NAS, SKAL LDAN @059 GYI GDUL BYA MTHA' YAS PA RJES SU GZUNG BA'I GTZO BOR GYUR PA NI 'DI DAG STE, SBYANGS PA'I MCHOG GYUR KUN MKHYEN SHES 'OD DANG, ,SRAS KYI MCHOG GYUR BLO BZANG GRAGS PA'I DPAL, ,MANG THOS MCHOG GYUR BLO BZANG GRAGS PA'I DPAL, ,'DUL 'DZIN MCHOG GYUR BLO BZANG GRAGS PA'I DPAL, ,'PHRIN LAS MCHOG GYUR BLO BZANG GRAGS PA'I DPAL, ,LTA BA'I MCHOG GYUR DGON GYI NYI MA GRAGS, ,NYAMS LEN MCHOG GYUR KUN DGA' DPAL BZANG PO, ,BRTZE LDAN MCHOG GYUR DPAL 'BYOR SHES RAB DANG, ,'CHAD MKHAS MCHOG GYUR BSOD NAMS SHES RAB DANG, , BRTZOD BZANG MCHOG GYUR DAR MA RIN CHEN TE, ,GZHUNG LUGS RAB 'BYAMS SHES PA'I BSHES GNYEN BDUN, ,BKA' BCU PA CHEN PO NAM MKHA' BYANG CHAD NI, DE DAG DANG NGO MNYAM DU BYED DO, , GZHAN YANG BKA' BCU BA MANG RA BA YON TAN RGYAL MTSAN, BO DONG BKA' BCU PA GRAGS PA'I TSUL KHRIMS, BYANG PA BKA' BCU PA DGE LEGS DPAL, GNAS SNYING BKA' BCU PA MCHOG GRUB LA SOGS PA RNAMS, MDO STOD PA BKA' BZHI 'DZIN PA SPRE BO THANG BZANG, GNYAL GRO GOR BA JO GDAN MTSUNGS MED, LAS STOD PA MKHAN CHEN BUDDHA SHR'I, STA STENG BA CHEN PO BYANG BSOD, CHEN PO BYANG RGYAL, BZANG LDAN PA DON GRUB RIN CHEN, NGAM RINGS PA DKON MCHOG DAR, MNGA' RIS PA YI DAM DPAL LA SOGS PA BKA' BZHI 'DZIN PA BCU PHRAG GCIG GSUNG, YANG DE LAS MANG BA SNANG, LUNG RIGS SMRA BA'I SENG GE SGRA TSAD PA CHOS BZANG, JO GDAN @060 GRAG SHE, SNGO PHYI DBON PO LA SOGS PA PHAR TSAD MKHYEN PA YANG SHIN TU MANG, RIG PA SMRA BA RNAMS KYI NANG NA MCHOG RGYU GYUR PA, RI PHUG MKHAN CHEN BSOD NAMS SKYABS, DGA' LDAN GYI MKHAN CHEN SH'AKYA SHR'I LA SOGS PA RIGS PA SMRA BA'ANG SHIN TU MANG, STOD LUNG PA BSOD BYANG LA SOGS PA LUNG CHOS SMRA BA YANG MANG DU BYON, 'DI DAG NI BDAG NYID CHEN PO'I GSUNG RAB KHO NA LAS RTOG PA 'KHRUNG PA YIN NO, , GZHAN YANG BDAG NYID CHEN PO'I GSUNG RAB LA GZIGS SHING, SDOM PHRUG RNAMS KYI NANG NAS MCHOG TU GYUR PA, BO DONG MKHAN CHEN PHYOGS LAS RNAM PAR RGYAL BA CHOS KYI RGYAL MTSAN PA DANG, GRAGS RAM MKHAN CHEN CHOS RGYAL, NGAM RINGS PA MKHAN CHEN RIN CHEN DPAL BZANG, BZANG LDAN SDE BDAG SLOB DPON CHEN PO NAM MKHA' DPAL, LA STOD NAM MKHA'I RNAL 'BYOR MKHYEN LDAN DHARM'A MGON SENG, STAG TSANG MKHAN PO SENG GE RGYAL MTSAN, GSANG BU GLING STOD MKHAN CHEN 'OD CHEN PA, GLING SMAD MKHAN CHEN BSOD NAMS 'PHEL, BKA' BZHI 'DZIN PA CHEN PO NAG RIG ,SLOB DPON CHEN PO SNYAL PA DANG, RGYAL DBANG LA SOGS PA GSANG PHU'I SLOB DPON CHEN PO PHAL CHE BA DANG, DGA' BA GDONG PA'I MKHAN CHEN, BYA YUL RIN PO CHE, LO MKHAN PO, BYANG RVA BRING GI MKHAN PO GNYIS, GLANG STAG SHER GSUM GYI DBON CHEN, RTA SNA CHOS LUNG GI MKHAN PO, LHA BDUN GYI BLA MA LA SOGS MNGA' RIS KYI SDE SNOD 'DZIN PA RNAMS NI, NYI ZLA LTAR GRAGS PA'I MKHAS PA PAndI TA'I SLOB RIGS YIN, SBAS PA'I RNAL 'BYOR GANG ZAG KU SU LU'I SLOB RIGS RNAMS KYI NANG @061 NAS MCHOG TU GYUR PA, SGRA TSAD LA SOGS THOS PA'I YON TAN DANG LDAN YANG, KU SU LU'I SPYOD PA SKYONG ZHING, GZHAN PHAN BYANG CHUB KYI SEMS KYIS THUGS RGYUD SHIN TU SNUM PAR BYAS PAS, CHOS KYI RJE DZNY'A NA BA DANG, LUNG RIGS YON TAN KHUR GYIS LJI YANG, KU SU LU'I SPYOD PA KHO NA LHUR LEN PA MCHOG BZANG LEGS PA'I BLO GROS DANG, RJE BTZUN 'JAM PA'I DBYANGS KYI ZHAL RGYUN DU GZIGS SHING, KU SU LU'I SPYOD PA NYIN MTSAN 'DA' BA BLA MA RMI LAM PA BRTZON 'GRUS SENG GE DANG, DBUS PA BDAG PO'I BLA MA CHOS RJE RIN BZANG PA DANG, TSE 'DI BLOS BTANG ZHING SGRUB PA SNYING POR MDZAD PA, NE RING PA SGRUB PA DPAL LA SOGS PA GNYUG MA'I 'KHOR BYA BRAL BA RNAMS SO, , RDO RJE 'DZIN PA'I MCHOG TU GYUR PA, SA SKYA GRANG MO CHE'I MKHAN CHEN BZANG PO RGYAL MTSAN PA DANG, CHOS RJE LAM 'BRAS PA BLO BZANG PA DANG, RDO RJE 'DZIN PA CHEN PO CHOS DPAL BZANG PO DANG, RDO RJE 'DZIN PA CHEN PO BLA MA BSOD GRAGS PA, BLA MA RGYAL BZANG PA, SNGAGS 'CHANG KUN DGA' ZLA BA LA SOGS PA RIG PA 'DZIN PA'I SLOB MA SHIN TU MANG, GZHAN YANG RAB TU BYUNG BA'I GDUL BYA MTHA' YAS SO, , RIGS DANG RUS DANG CHO 'PHRANG DANG BSOD NAMS KYI DPAL GYIS MNGON PAR MTHO BA'I SLOB RIGS NI, 'DZAM BU GLING SUM GNYIS KYI BDAG PO, RIGS GSUM MGON PO'I SPRUL PA CHOS RGYAL RNAM PA GSUM GYI DBON SRAS DAM PA, KHRI RGYAL BSOD NAMS LDE YAB YUM SRAS DANG BCAS PA, DAM PA 'BA' ZHIG BYUNG BA'I @062 RIGS SA SKYA 'KHON GYI GDUNG RGYUD, BLA MA DBANG GI SRAS PO, SLOB DPON CHEN PO STOBS KYI 'KHOR LOS BSGYUR BA'I RGYAL POS SE CHEN GAN GYI GDUNG RGYUD GONG MA DGE SBYONG PA 'BYOR LDAN NE'U DPON NAM, DAD LDAN YON TAN RGYA MTSO, RIG LDAN 'U YUG LHA BTZUN, GNAS SNYING STONG DPON RGYAL BZANG, STOBS LDAN RGYA CHOS STAG GSUM PA, KHUNG BTZUN MNGA' RIG ZHANG BLON 'KHOR DANG BCAS PA LA SOGS PA GDUL BYA MTHA' YAS PA LA RGYU MNGON PAR MTHO BA DANG, 'BRAS BU NGES PAR LEGS PA LA SOGS PA THOB PA'I THABS PHYIN CI MA LOG PA BSTAN NO, ,KUN MKHYEN SHER 'OD BLO BZANG GRAGS PA SOGS, ,GZHUNG LUGS LEGS PAR SHES PA'I BSHES GNYEN BDUN, ,BKA' BZHI LEGS PAR SMRA BA BCU PHRAG GCIG ,PHAR TSAD SHES PA'I SLOB MA BRGYA PHRAG RGAL, ,ZHES GSUNGS SO, , DE LTAR DNGOS KYI GDUL BYA RNAMS RJES SU BZUNG NAS MA 'ONGS PA'I GDUL BYA RNAMS RJES SU GZUNG BAR BYA BA'I PHYIR, GONG DU BSHAD PA'I LEGS PAR BSHAD PA'I 'PHRENG BA DE RNAMS MDZAD DE, 'DZAM GLING MKHAS PA'I RGYAN MCHOG BKA' CHEN BZHI, ,RTZA 'JUG BZHI GSUM THEG CHEN RGYUD BLA DANG, ,CHOS MNGON MDZOD DANG DPAL LDAN 'DUS PA SOGS, ,RNAM BSHAD BYAS PA'I GZHUNG LUGS BCU PHRAG GCIG ,CES GSUNGS KYANG, DER MA 'DUS PA LUNG KUN LAS BTUS PA'I t'IKKA, GSANG 'DUS KYI DKYIL CHOG ,BDAG 'JUG ,MCHOD PHRENG, MDO RGYUD BSTAN BCOS THAMS CAD KYI SNYING PO GCIG TU BSDUS PA GO BDE 'JUG PAR SLA BA'I MAN @063 NGAG ,RIN PO CHE BKA' BUM THOR BU BA LA SOGS PA, RJES 'JUG GI GDUL BYA RNAMS KYI STON PA YI GE'I NGOS NA GZHUG PA DPE LNGA BCU RTZA LNGA MDZAD DO, ,MDO LAS, LNGA BRGYA THA MAR GYUR PA'I TSE, ,NGA NI YI GE'I NGOS LA GNAS, ,ZHES GSUNGS, BSTOD PAR, MKHAS PA DGYES PA'I LAM DU 'KHRID, ,MANG THOS CHUD MI ZA YI RGYU, ,DE DON BSGRUB LA'ANG RAB TU SBYOR, ,DE PHYIR KHYOD KYI GDUL BYA LA, ,BGYI BAR 'OS PA MA LUS MDZAD, ,PHAN MDZAD KHYOD LA DUS KUN TU, ,BDAG NI GUS PAS PHYAG 'TSAL LO, ,ZHES SO, , BDAG MED GNAS LUGS RTOGS PA'I SHES RAB KYIS, ,KUN RDZOB RTEN 'BREL SGYU MA LTA BUR GZIGS, ,DON DAM CHOS DBYINGS NAM MKHA' LTA BUR RTOGS, , LTA BA RNAM DAG KHYOD LA PHYAG 'TSAL LO, ,ZHES PA NI, 'KHOR 'DAS KYI CHOS THAMS CAD STONG ZHING BDAG MED PAR RTOGS PA'I SHES RAB ZAB MOS, MA BRTAGS NYAM DGA' BA'I RNAM 'GYUR KUN RDZOB RTEN CING 'BREL PAR 'BYUNG BA THAMS CAD SGYU MA DANG RMI LAM LTA BUR MA 'DRES PAR SO SOR GZIGS SHING, DON DAM BDEN PA CHOS KYI DBYINGS NAM MKHA'I DKYIL LTAR BRJOD DU MED PA'I DON, SO SOR RANG GIS RIG PA'I YE SHES BRNYES PA'I LTA BA RNAM PAR DAG PA DANG LDAN PA YIN TE, KHO BO LA DBU MA'I RTOGS PA SKYES TSUL RIM PA BZHI BYUNG STE, 'DI LTAR DANG PO CHAD STONG, GNYIS PA SNANG STONG, GSUM PA RTEN 'BREL SGYU MAR GO BA, BZHI PA RTEN 'BREL BRTAGS YOD GZHI MED DU GO BA'O, ,DE LA DANG PO NI BUM PA THO BAS BCOM PA LTAR, @064 KUN RDZOB RDZAS YOD RIGS PAS BSHIG PA'I STONG PA NYID DE, 'DIS KYANG RIGS DPYAD KYI BDEN 'DZIN BZLOG CING, STONG NYID LA MOS PA'I RGYU TZAM BYED DO, , GNYIS PA NI, SNANG BA SGYU MA LTA BUR SNANG DUS NYID NAS RANG BZHIN MED PAR RTOGS PA STE, 'DIS PHYIS GZUNG BA LA SGRO BKUR GYI RTOG PA MTHA' DAG BZLOG KYANG, NANG MYONG RIG LA BROD PA'I ZHEN PA MI 'DOR BAS, SEMS TZAM RNAM BRDZUN PA'I LTA BA LAS MA 'DAS, GSUM PA NI, NANG MYONG RIG DANG PHYI GZUNG BA GNYIS KA YANG RGYU RKYEN LA RAG LUS PAS, SGYU MA LTAR KUN RDZOB TU YANG SNANG BA TZAM LAS RANG BZHIN CUNG ZAD KYANG MED PAR RTOGS PA STE, 'DI LA YANG MTHAR 'DZIN GYI ZHEN PA CI YANG MED KYANG, RTEN 'BREL SGRA RTOG LA MA LTOS PA'I DON CHOS SGYU MA TZAM DU 'DZIN PA YOD PAS, RNAL 'BYOR SPYOD PA'I DBU MA PA LAS MA 'DAS, BZHI PA NI, RTEN 'BREL GYI CHOS RNAMS RIGS PAS TSUL BZHIN DU BCAD PA NA, RANG GI NGO BO CUNG ZAD KYANG MI RNYED CING, MA DPYAD PA NA THA SNYAD KYI YUL DU GYUR PA, RTOG PAS BRTAGS SHING, MING GI THA RNYED DU BYAS PA TZAM GYIS BRTAGS YOD DU RTOGS PA'O, , DE LTA BU'I RANG BZHIN GYI RTEN 'BREL RTOGS PA'I BLO DE NYID KYIS, BLO GZHAN LA LTOS MED DU RGYU 'BRAS PHAN TSUN MI 'KHRUL BA DANG, RTEN 'BREL RTAG CHAD SPROS PA'I MTHA' THAMS CAD DANG BRAL BA GCIG 'ONG BA YIN GSUNG, LTA BA 'DI GZHAN GYI THUGS YUL DU MA CHUD PAR CHAD LTA YIN ZER BA MANG NA YANG, KHAS LEN THAMS CAD DANG BRAL BA'I LTA BA 'DI KLU SGRUB YAB SRAS KYI DGONGS PA PHYIN CI MA LOG PA YIN TE, @065 'PHAGS PA KLU SGRUB KYI ZHAL SNGA NAS, GAL TE NGAS DAM BCAS 'GA' YOD, ,DES NA NGA LA SKYON 'DI YOD, ,NGA LA DAM BCA' MED PAS NA, ,NGA NI SKYON MED KHO NA 'O, , ZHES GSUNGS KYANG, 'GA' ZHIG RANG RGYUD KYI DAM BCA' MED, RANG LUGS KYI DAM BCAS YOD CES ZER YANG, MING SPOS PA TZAM MA GTOGS DON LA KHYAD PAR 'GA' YANG MED GSUNG, MKHAS PA GZHAN DAG GI LTA BA BZANG BZANG POR 'DOD PA RNAMS KYANG, BDAG 'DZIN LA GROS DRIS NAS BZHAG PAR KHO NAR ZAD, NGA'I LTA BA 'DI YANG NGA RANG DANG SDONGS NAS 'GRO BA GCIG YONG PAR 'DUG STE, SHIN TU MAD, CHOS RJE BLO BZANG PAS 'JAM DBYANGS KYI ZHAL GZIGS NAS, DBU MA'I LTA BA DGONGS TSUL ZHUS PAS, DA DUNG MA GO GSUNGS, 'O NA KHYED DPON SLOB LA KHYED PAS, SLOB DPON PAS KYANG MA DGONGS ZHUS PAS, KHONG GIS GO YOD, ZHIB CHA 'GA' YAR NI MA GO GSUNG, DE LTAR GRAGS KYANG, CHOS RJE PA'I GDUL BYA PHO RUS CHE ZHING, MKHYEN RAB CHUNG BA 'GA' ZHIG YAB SRAS GNYIS CHOS RJE PA'I LTA BA MCHOG YIN TE, 'JAM DBYANGS KYI ZHAL GZIGS PA'I PHYIR ZER BA NI MI RIGS TE, 'JAM DBYANGS DANG MI DANG MI BZHIN 'GROGS SHING, SANGS RGYAS KYI BSTAN PA LA YANG CHOS RJE PAS CHES CHER LHAG PA'I BYA BA MDZAD PA PAn CHEN ZHI BA 'TSOS KYANG, THAL 'GYUR GYI LTA BA THUGS SU MA CHUD PA RGYA BOD KUN TU GRAGS SHING, DON LA YANG GNAS TE, RANG RGYUD PA'I SHING RTA CHEN PO YIN PA'I PHYIR RO, ,'PHAGS PA DANG DNGOS SU 'JAL BAS LTA BA BZANG LA, MA 'JAL @066 BAS LTA BA NGAN PA'I NGES PA MED DE, SLOB DPON CHEN PO LEGS LDAN 'BYED DANG, DPAL LDAN ZLA BA GRAGS PA BZHIN NO, ,DRUNG PA LA CHAD LTA BA YIN ZER MKHAN BRDA' LAGS ZHUS PAS, YOD NYEN YOD, SNGON STON PA 'JIG RTEN DU BYON PA'I DUS SU DGE SBYONG GO'U TA MA NI CHAD PAR SMRA BA'O, ,ZHES ZER MKHAN BYUNG 'DUG ,DE'I RJES SU KLU SGRUB YAB SRAS DPAL LDAN ZLA BA, KHU BYUG CHE CHUNG LA'ANG DE BZHIN ZER MKHAN BYUNG 'DUG ,BOD DU YANG DBU MA PA CHEN PO GANGS PA SHI'U, KHU MDO SDE, 'BAR PA TSAB NYI MA GRAGS, LCE SGOM ZHIG PO SOGS LA'ANG CHAD LTA BAR GRAGS 'DUG ,'U BU YANG CHAD LTA YIN YANG GROGS BZANG BAR YOD KYI GSUNG, KARMA PA DKON GZHON GYIS KYANG, KHYED CHAD LTA BA YIN BYAS PAS, NGA CHAD LTA BA AE YIN, NGA'I SPYOD PA 'DI LA LTOS GSUNGS PAS, KHYED SHIN TU MAD PAR GDA'O, ,BZOD PAR GSOL CES ZHUS PAR GRAGS, PHYOGS BCUR BZHUGS PA'I RGYAL BA SRAS BCAS RNAMS, ,MNGON SUM BYON NAS DBYANGS DANG MGRIN GCIG GIS, ,'DI LAS GZHAN DU THAR PA'I LAM STON YANG, ,BDAG BLO G-YO BA MED DO GROGS PO DAG ,CES GSUNGS, DE LTAR PHYIR MI LDOG PA'I RTOGS PA BRTAN PO THOB PA YIN NO, ,BSHES GNYEN DUL BA ZHI BA NYER ZHI BA, ,SDOM PA GSUM LDAN NYES LTUNG DRI MA BRAL, ,SGO GSUM MA BCOS LHUG PA'I NGANG DU BZHAG ,SPYOD PA RNAM DAG KHYOD LA PHYAG 'TSAL LO, ,ZHES PA NI, THEG PA CHEN PO'I DGE BA'I BSHES GNYEN 'DI NI, LHAG PA'I TSUL KHRIMS KYI BSLAB PA DANG LDAN @067 PAS, THUGS RGYUD SHIN TU DUL BA LA, LHAG PA'I SHES RAB KYI BSLAB PA DANG LDAN PAS RAB TU ZHI ZHING, LHAG PA SEMS KYI BSLAB PA DANG LDAN PAS NYE BAR ZHI BA YIN NO; ;SO SOR THAR PA BSNYEN GNAS KYI SDOM PA YAN LAG BRGYAD, DGE BSNYEN GYI YAN LAG LNGA, DGE TSUL GYI YAN LAG BCU, DGE SLONG GI KHRIM NYIS BRGYA LNGA BCU RTZA GSUM LA NYES LTUNG GI DRI MA'I SKYON GYIS MA GOS PA YIN TE, GANG ZHIG LEGS GSUNG DAM CHOS 'DUL BA LA, ,RAB TU BYUNG NAS LEGS PAR MI SDOM ZHING, ,THUB PA'I BKA' LUNG TSUL MIN ZLO BYED PA'I, ,DGE SBYONG DE DAG 'JIG RTEN CHOM RKUN YIN, ,'KHYOG POR SMRA LA GZHAN DAG RLING POR SEMS, ,NGAG MI BTZUN PA DGE SBYONG TSUL MIN PAS, ,GYA GYU'I SEMS DANG DE YI TSUL SPANGS TE, ,GSONG POR SMRA LA KHO BO RTAG TU BSTEN, ,'DZAD MED SMRA BA GZHAN DAG SPOBS PAR SEMS, ,NGAG MI SDOM PA DGE SBYONG TSUL MIN PAS, MU COR SMRA BA SMYON PA'I TSUL SPANGS TE, ,ZHI BA'I TSUL LA KHO BO RTAG TU BSTEN, ,PHYI TSUL 'CHOS LA GZHAN DAG BTZUN POR SEMS, ,G-YO RGYU'I SPYOD PA DGE SBYONG TSUL MIN PAS, ,PHA ROL BRID BYED YON PO'I TSUL SPANGS TE, ,DES PA'I TSUL LA KHO BO RTAG TU BSTEN, ,RANG DGA'I SPYOD PA GZHAN DAG DRANG POR SEMS, , DBANG PO MI SDOM DGE SBYONG TSUL MIN PAS, ,BAG DANG MI LDAN HRAL PO'I TSUL SPANGS TE; ;BAG YOD TSUL LA KHO BO RTAG TU BSTEN, ,BYA BYED MANG BA GZHAN DAG GRUNG POR SEMS, ,RNAM G-YENG 'DOD PA DGE SBYONG TSUL MIN PAS, ,'DU 'DZIS BREL BA KHYIM PA'I TSUL SPANGS TE, ,DON NYUNG TSUL LA KHO BO RTAG TU BSTEN, ,LONGS SPYOD 'BYOR PA @068 GZHAN DAG DPAL DU SEMS, ,'DOD ZHEN CHE BA DGE SBYONG TSUL MIN PAS, ,ZANG ZING DANG BCAS GRONG PA'I TSUL SPANGS TE, ,CHOG SHES TSUL LA KHO BO RTAG TU BSTEN, , GRONG 'DAB 'GRIM PA GZHAN DAG GDUL BYAR SEMS, ,RNYED BKUR SGRUB PA DGE SBYONG TSUL MIN PAS, ,KHE SPOGS 'DOD PA TSONG PA'I TSUL SPANGS TE, ,BAS MTHA'I GNAS LA KHO BO RTAG TU BSTEN, ,ZHES GSUNGS SO, , DE LTAR GZHAN GNOD GZHI BCAS SPONG BA SO SOR THAR PA'I TSUL KHRIMS RNAM PAR DAG PA YIN NO, ,GZHAN PHAN MTHA' DAG SGRUB PA BYANG CHUB SEMS DPA'I TSUL KHRIMS KYANG RNAM PAR DAG PA YIN TE, RNYED DANG BKUR STI CHAGS PA YIS, , BDAG BSTOD GZHAN LA SMOD PA DANG, ,ZHES PA'I NYES PAS MA GOS TE, GANG DU GNAS NA SNANG SHAS 'PHEL 'GYUR ZHING, ,RANG RGYUD BRNYED BKUR ZHAG PAS 'CHING BYED PA, ,GZHAN RGYUD PHRAG DOG 'GRAN SEMS KYIS GDUNGS PA'I, ,GNAS DER SKAD CIG TZAM YANG MI GNAS SO, ,GZHAN GYIS NYES PA NAM YANG MI GLENG ZHING, , DON DANG LDAN ZHING CHOS MTHUN LA GTOGS PA, ,DMAG DANG CHOM RKUN RGYAL PO'I GTAM LA SOGS, ,'KHRUL PA'I BKA' MCHID NAM YANG MI BGYID DO, ,ZHES GSUNGS, SDUG BSNGAL MGON MED GYUR PA LA, ,SER SNAS MCHOD GTOR MI GTER DANG, ,ZHES PA'I NYES PAS MA GOS TE, CHOS DON DU GNYER BA'I GDUL BYA MGON MED RNAMS LA DPE MKHYUD SPANGS TE, MDO RGYUD BSTAN BCOS KYI DGONGS PA RANG NAM TSIM GYI BAR DU STON PA'I PHYIR RO, , @069 GDUL BYA RDZAS DON DU GNYER BA MGON MED PA RNAMS LA YANG RDZAS LA SER SNA SPANGS TE, DBUL 'PHONGS KYI RE BA BSKONG BAR MDZAD DO, ,BDAG NYID CHEN PO 'DI MANG YUL GYI GRONG NA BZHUGS PA'I DUS SU, ZHABS TOG PA MED PA LA, 'DZE PHO PHA PHAD GNYIS YONG NAS, BSOD SNYOMS GRAGS PA GCIG GNANG BAR ZHU ZHUS PAS, NANG DU GSHEGS NAS, TZAM SKYAL KOG GE GCIG GNANG PAS, SHA GCIG KYANG THUGS LA THOG ZER BA LA, SHA LAG PA GCIG GNANG, SKU BYUG GI CHAS MAR GCIG KYANG GNANG BAR ZHU ZER NAS BTZAL BAS MAR GONG PHYED BSHAG GCIG RNYED PA'ANG GNANG, RAS LCAGS 'GA' YAR YANG GNANG ZHES GRAGS, DGA' BA GDONG DU KHAMS PA GCIG GIS JA LA GDAN DRANGS BSNGO RTEN, GHANG DKAR PO GCIG PHUL, TSUL BYON PA'I LAM DU SPRANG PO GCIG GIS GNANG SBYIN ZHUS PAS PHYAG PHYIR BTZUN CHUNG GCIG YOD PA LA GOS YUG DE BYIN GSUNGS NAS GNANG, YANG LHA SAR GSHEGS PA'I LAM DU SPRANG PO GNYIS LA DNGUL GYI RDO RJE RE RE GNANG, LHA SAR SPRANG PO MANG PO 'DUS NAS, GNANG SBYIN ZHUS PAS, NYE 'KHOR NA YOD PA'I GROGS THAMS CAD BOS SHIG GSUNGS PAS, KHONG PAS LHA SA SDE BZHI'I SPRANG PO THAMS CAD BSDUS NAS, SPRANG RDZUS DANG BCAS PAS LNGA BRGYA TZAM BYUNG PA LA, DAR KHA DANG GOS KHA 'DRES PA SPUNG NAS SPRANG PO 'PHRANG LA BSHAR NAS, SNA ZIN RE GNANG PAS SPRANG PO RGAN PO GCIG NA RE, LHA SAR BLA MA NGA BZANG ZER BA MANG PO BYUNG STE, 'BAR BA PA DANG 'DI GNYIS LAS DRAG PA MA BYUNG, 'BAR BA PAS RIN RGYAB DAR KHA RE'I THAG SKYE, @070 'DIS RANG RE'I GSOD DE KHA LA DAR KHA GOS KHA GANG ZIN RE BYUNG PA YIN ZER RO, , BUL RONG DU BZHUGS DUS, KO KAR GYIS SHA PHYED GANG ZAG LA BZHAG , MAR GONG GCIG BYA ROG 'GA' YIS GANG MTHOR LA BZHAG PA SOGS, RDZAS LA SER SNA MI 'DA' BA YIN TE, BDAG PO BA LA BDAG GIR 'DZIN PA DANG BRAL BA'I PHYIR, GSER DNGUL GOS DAR SOGS CI PHUL YANG SPYAN GZIGS PA TZAM MA GTOGS GCES SPRAS SU 'DZIN PA'I PHYAG LEN DANG ZHAL LTA SOGS GANG YANG MI MDZAD DO, , GZHAN GYI BSHAGS KYANG MI NYAN PAR, KHROS NAS GZHAN LA 'TSOG PA DANG, CES PA'I NYES PA YANG MI MNGA' STE, BDAG NYID CHEN PO GTZANG DU GSHEGS SHUL DU, CHOS RJE RNAM GNYIS RVA SGRENG DU BYON DUS, NYIN GCIG BYA BRAL DU CHOS RJE LO TZ'A BAS, CHOS RJE BLO BZANG GRAGS PA LA, KHYED YAB SRAS GNYIS KYI 'DIR ZLA BA GNYIS GSUM DU SKU MTSAMS DAM PO MDZAD NAS, CHOS KYI 'BEL GTAM MANG DU MDZAD PA YOD PAR GDA' BA, DRUNG RJE BTZUN PA LA THUN MONG MA YIN PA'I YON TAN CI MNGA' GSUNG GI GDA' ZHUS PAS, BLA MA'I YON TAN MKHAS BTZUN BZANG GSUM PA CHOS MTHUN GYI RNAL 'BYOR BA DANG BRAL BA DER GDA' ZHUS PAS, DE'ANG MIN PA'I THUN MONG MIN PA 'DRA GSUNGS BSDOG PA DA LAN CIS KYANG GSUNG PAR ZHU ZHUS PAS, BLA MA'I YON TAN CHUNG SHOS GDA' LAGS NA'ANG, SA SKYA NAS 'CHAD NYAN BSHOL TE, BUL RONG DU ZHAL GZIGS NAS, THA MA DA LTA'I BAR LA KHONG KHRO TSA 'KHRUG PA GCIG KYANG SKYES MA MYONG GSUNG GIN GDA' LAGS GSUNGS NAS, SPYAN CHAB CHER G-YOS PAS, CHOS RJE @071 LO TZ'A BAS KYANG SPYAN CHAB BTANG NAS GSUNG GTON TE BSHUMS ZHES THOS, THEG PA CHEN PO SPONG BYED CING, ,DAM CHOS 'DRAR SNANG STON PA 'O, , ZHES PA'I NYES PA'I MNGA' STE, THEG PA CHEN PO DBU SEMS GNYIS RDO RJE THEG PA DANG BCAS PA PHYIN CI MA LOG PAR DGONGS PA'I PHYIR RO, ,NYON MONGS LAM DU BSGYUR BA RIG 'DZIN GYI SDOM PA LA'ANG NYES LTUNG GI MA REG STE RTZA BA'I LTUNG BA BCU BZHI, YAN LAG GI BRGYAD RNAMS KYIS PHAL CHER MA GOS SHING, RE RE TZAM BYUNG SRID NA'ANG DUS LAS MA 'DAS PAR BSHAGS SDOM MDZAD PA'I PHYIR, THEG CHEN BSLAB PA'I BSAM SBYOR NYAMS PA MED, ,CES SO, SKU'I SPYOD PA MA BCOS PA YIN TE, TSUL 'CHOS DANG BRAL, GSUNG GI SPYOD PA MA BCOS PAS BZHOGS BLONGS KHA ZAG THOB 'JAB SOGS DANG BRAL, THUGS KYI SPYOD PA MA BCOS PA RNAMS SEMS G-YO RGYU SOGS DANG BRAL, GANG BYUNG GIS CHOG NA CI BYAS KYANG BDE BA KHYAB BRDAL LHUG PA'I SPYOD PA MDZAD DO, ,TSE 'DI BLOS BTANG SGRUB PA SNYING POR MDZAD, ,BDEN GNYIS RTEN 'BREL PHYIN DRUG RIM GNYIS BSGOM, ,PHYAG RGYA CHEN PO MCHOG GI DNGOS GRUB BRNYED, ,NYAMS LEN RNAM DAG KHYOD LA PHYAG 'TSAL LO, ,ZHES PA NI, KHO BO DBEN PA BRTEN PA'I RGYU MTSAN YANG, ,'KHOR DANG GROGS KYIS YID SUN PHYUNG BA 'AM, , RNYED BKUR GRAGS PA 'DOD PHYIR MA YIN GYI, ,GZHAN DU NA 'KHOR BA'I SDUG BSNGAL ME 'OBS LTAR SHIN TU BRNAG DKA' BAR MTHONG BA'I PHYIR, DE YANG 'DI LTAR, SRID PA'I PHUN TSOGS SHIN TU GNOG CHUNG ZHING, ,RAB @072 MANG NYES PA'I TSOGS DANG LDAN RIGS NAS, ,RANG GZHAN SRID PA'I MTSO LAS BSGRAL BYA'I PHYIR, ,MANG THOS BDAG NI DBEN PA'I GNAS SU 'GRO, ,CHAR 'DOD BYI 'US 'BRUG SGRA THOS PA LTAR, ,DBEN PA'I GTAM 'DI KHO BO'I SNYING LA 'BAB, ,THOS PA'I DON RNAMS DON YOD BYA BA'I PHYIR, ,GZHON NU BLO GROS DBEN PA'I GNAS SU 'GRO, ,NGANG PA'I TSOGS KYIS PADMO'I MTSO MTHONG LTAR, ,BAS MTHA'I GNAS LA KHO BO SEMS RAB GA-YO, ,DAL 'BYOR LUS LA SNYING PO BLANG BYA'I PHYIR, ,GZHON NU BLO GROS DBEN PA'I GNAS SU 'GRO, ,BUNG BA GZHON NU 'DAB BRGYA'I TSAL MTHONG LTAR, ,KHO BO'I YID NI DBEN PA'I RO LA CHAGS, ,TING 'DZIN BDUD RTZI'I RO DE MYANG BYA'I PHYIR, , GZHON NU BLO GROS DBEN PA'I GNAS SU 'GRO, ,DPYID DUS BSIL BA'I MA LA YA RLUNG LTAR, ,NAGS KYI SMAN LJONGS KHO BO'I YID LA 'BAB, ,NYON MONGS BDUD KYI SDE DE GZHOM BYA'I PHYIR, ,GZHON NU BLO GROS DBEN PA'I GNAS SU 'GRO, ,GSUNGS NAS, SA SKYA'I BRGYA DPON DANG, BZANG LDAN GYI MKHAN PO SOGS MDZAD PA'I ZHU BA PHUL NAS, MI LO BCO BRGYAD KYI BAR DU BSTAN PA LA BSAM, 'CHAD NYAN BYAS NAS, RGAS KHA 'DIR SDE GOG GCIG LA MI 'JUG GSUNGS TE, SKU TSE 'DI'I PHUN TSOGS THAMS CAD SPANGS NAS, GANGS BU ME DKAR PO'I GANGS MGUL G-YU LUNG RDO RJE RDZONG GI DBEN GNAS SU SGRUB PA LA BYON NAS, LO LNGA'I BAR DU RTZE GCIG TU SGRUB PA MDZAD PA'I TSE, GANG ZAG GI BDAG MED GTAN LA 'BEBS PA NYAN THOS KYI SGOM, BDEN BZHI MI RTAG SOGS SKAD CIG BCU DRUG BSGOMS, GZUNG BA CHOS KYI BDAG @073 MED GTAN LA 'BEBS PA RANG RGYAL GYI SGOM, RTEN 'BREL YAN LAG BCU GNYIS LUGS 'BYUNG LUGS LDOG TU BSGOMS, 'DZIN PA CHOS KYI BDAG MED BSTAN LA 'BEBS PA BYANG SEMS KYI SGOM, PHA ROL TU PHYIN PA DRUG 'KHOR GSUM RNAM DAG TU BSGOMS, NYON MONGS LAM DU 'GYUR BAR RIG 'DZIN GYI SGOM, BSKYED RDZOGS ZUNG 'JUG TU BSGOMS PAS PHYAG RGYA CHEN PO MCHOG GI DNGOS GRUB BRNYED PA YIN TE, RNAL 'BYOR RDO RJE'I SKU LA RTAG BZHUGS PA, ,TING 'DZIN YONGS SU RDZOGS PA'I YAN LAG STE, ,DE NI RDO RJE SEMS DPA' ZHES SU BRJOD, ,BDE GSHEGS RNAMS KYI DBANG MCHOG BZHI PAR GRAGS, ,MI GNAS MYA NGAN 'DAS PA'ANG DE YIN TE, ,PHYAG RGYA CHEN PO'I DNGOS GRUB DAM PA THOB, ,CES GSUNGS, DE DUS SU, GANGS CAN GYI BSHAD SGRUB PA KUN GYIS MA RTOGS PA DANG, LOG PAR RTOG PA DANG, THE TSOM GYI SGRO 'DOGS THAMS CAD GCOD PAR BYED PA'I GNAS DAM PAR GYUR CING, KUN MKHYEN BZHIN DU DRI BA KUN GYI LAN 'DEBS PAR MDZAD DO, ,THUGS DAM ZAB MO GNAD DU SNUN PA'I RTAGS, ,BLA MA YID DAM MKHA' 'GRO CHOS SKYONG SOGS, ,RGYUN DU GZIGS KYANG RANG RGYAL BRTUL SHUGS BRTEN, ,NGO MTSAR SMAD BYUNG KHYOD LA PHYAG 'TSAL LO, ,ZHES PA NI GONG DU BSTAN PA'I THUGS DAM ZAB MO DE DAG GIS NYIN MTSAN KHOR YUG TU 'DA' BA'I TSE DAG PA'I SNANG BA BSAM GYIS MI KHYAB PA GZIGS KYANG RANG RGYAL BZHIN TU MI SMRA BA'I BRTUL ZHUGS BRTEN PAR MDZAD DO, ,'GA' YAR GYIS, DRUNG PAS THUGS DAM MDZAD PA LA RTAGS KHYAD @074 PAR CAN CI BYUNG LAGS ZHUS PAS, MI TSE CHOS LA SKYAL BA LA RTAGS THAN THUN YOD SRID DE, MI BSHAD 'JIG RTEN GYI BYA BA CHUNG NGU LA'ANG BSANGS NAS BSGRUBS NA 'GRUB KYIN 'DUG PA, RTAGS RNAMS BSHAD NA NYAMS PAR 'GYUR ZHING, MKHA' 'GRO'ANG MI MNYES PA 'DUG GSUNGS NAS, CHED DU GNYER NAS ZHUS PA PHAL CHER MI GSUNGS, YENGS MA LAM LA THAL LO GSUNGS PA DANG, DBEN SAR YANG YANG NAN GYI ZHUS PA GSUNGS PA RE RE TZAM BDAG GIS THOS PA 'DI LTAR LAGS, BU LER BLA MA RGYAL BZANG PAS, MKHAN CHEN G-YAG PA'I GSUNGS NAS, SLOB DPON GZHON NU BLO BA'I DBU MA LA'ANG RGYUD PA'I BLA MA MED, NGA YANG SLOB DPON MED RUNG STON GSUNGS PA DANG, LA LA NA RE ZLA GRAGS KYI SKU'I SKYE BA YIN, LA LA NA RE ZLA GRAGS LA DNGOS SU CHOS GSAN ZER BA GANG LAGS ZHUS PAS, DBU MA'I TSIG GI RGYUD PA NI YOD, DON GYI RGYUD PA YONG PA DKA' MOR 'DUG ,DPAL LDAN ZLA BA GRAGS PA'I SKYE BA MIN PAR THAG CHOD, CHOS NYAN MA NYAN DPON SLOB NANG BYAN TSUD CING MI PHYED PA'I DAD PA THOB PAR GRAGS, MIN NA LOG LTA SKYE BA'I RGYUR 'GYUR GSUNGS, BDAG GI DRUNG PA'I SKU GSUNG THUGS KYI SPYOD PA CI STON YANG YON TAN DU MTHONG BA MA GTOGS, SKYON DU MI RTOG PAR MCHIS PAS, CIS KYANG GSUNG BAR ZHU ZHUS PAS, YUD GCIG CI YANG MI GSUNG BAR 'DUG ,YENGS MA NGANG LA DPAL LDAN ZLA BA RIG 'DZIN GYI GO 'PHANG BRNYES NAS, DING SANG YANG RGYA GAR NA BZHUGS YOD PA YIN, SKAL LDAN GYI GDUL BYA RJES SU 'DZIN PA LA, KHONG GI DRUNG @075 RANG DU SNYAG DGOS PA YANG MA YIN GSUNGS PA DANG, BLA MA LHA PAS PHYAG RDOR GRUB THOB TU MI RKANG BTZUGS BTANG NAS, SLOB DPON GZHON BLO DANG, BYANG PA 'JAM DBYANGS KYIS GCIG GIS LTA LOG GI BDAG RKYEN BYAS, GCIG GIS LTA LOG DAR RGYAS SU BYAS PA 'DI, PHYI MA GAR SKYE GSANG BDAG LA ZHU GROGS ZHU BYAS PAS, PHYAG RDOR GRUB THOB KYIS GSANG BDAG LA ZHUS PA'I LAN LA SLOB DPON GZHON BLO BA THEG PA CHEN PO'I GANG ZAG KHYAD PAR CAN YIN, KHONG GI LTA BA DE YANG, ZLA GRAGS KYIS RMI LAM DU BSTAN PA YIN GSUNG, 'JAM DBYANGS PA 'DI SA PAn GYI DNGOS SLOB MI PHYED PA'I DAD PA THOB PA GCIG YIN, DA LTA LONGS SPYOD DANG LDAN PA YANG SA PAn LA TSOGS 'KHOR GCIG ZHUS PA'I RNAM SMIN YIN ZER BA'I LAN KHYER 'ONGS PAS, LHA PA NA RE, DE GA YIN PHYAG RDOR GYI GRUB THOB GCIG YOD NA NGA'I SNA BAR THOS DOGS MED GSUNGS ZER, DE'I LO RGYUS BDAG NYID CHEN PO LA SLONG RTZER ZHUS PAS, KHONG GI YID LA NGA DMYAL BAR SKYE BA 'DUG ZER BA GCIG YONG DU RE BA YIN TE, DE RANG MI YONG MCHIS GSUNGS, YANG BUL RONG DU BZHUGS PA'I DUS, ZHABS BSKOR MDZAD 'PHRO LA KHO DE BA BRAG YA GI NA SGROL MA GCIG ZHUGS KYIN 'DUG GSUNG, GANG NA GDA' LAGS ZHUS PAS, PHYAG MDZUB GTZUG NAS YA GI GSUNGS, MI GDA' LAGS ZHUS PAS DE KA YIN GSUNGS SO, , SMU RDZING DU GSANG 'DUS KYI RGYUD GSUNG DUS SGRUB CHEN MA DPAL MO'I DBON MO SGRUB CHUNG MA YANG NYAN GIN YOD PA CHOS THUN GYI MGO ZUG NAS GROL GROL @076 GYI BAR RGYUN DU RGOD PA 'GA' YAR BYUNG, RJES SU KHYOD RGOD PA CI YIN DRIS PAS, MKHA' 'GRO'I RIGS BSAM GYIS MI KHYAB PA KHA DOG RGYAN DANG GOS DANG SPYOD TSUL MI 'DRA BA DU MA CHOS NYAN DU BYUNG BA LA RGOD PA YIN ZER, CHOS RJE BLO BZANG PA DPON SLOB 'O DE GUNG RGYAL GYI GANGS LA BZHUGS DUS DGONG MO THUN GTOR GCIG LA, TSOGS PAR RTOG LDAN 'JAM DPAL RGYA MTSOS NAM MKHA' LA MKHA' 'GRO'I TSOGS MANG DU 'DUS NAS BSTOD PA 'DI 'DON KYIN 'DUG PA GZIGS, GANGS BU LE DKAR PO'I G-YAS MGUL NA, ,RNAL 'BYOR DBANG PHYUG RED MDA' BA, ,MTHA' BRAL GYI DBU MA THUGS SU CHUD, ,RGYUD SDE MTHAR THUG DPAL GSANG 'DUS, ,THUN MONG MA YIN KLU SGRUB LUGS, ,BUL RONG DU BZHUGS DUS, MI NAG PO CHUNG NGE BA, GDONG PA BZHI YOD PA GCIG GTOR MA LEN DU BYUNG PA LA, KHYED GANG NAS 'ONG BYAS PAS, TE SE NAS 'ONG ZER, ZHAL BZHI PA YIN PAR GRAGS SO, ,NYE GNAS MCHOG LEGS LA MDANG CHOS SKYONG CHUNG PA DE YONG 'DUG PAS, GTOR MA 'BAGS 'DUG , DA MAN CHAD MA 'BAG PA GYIS GSUNGS PAS, MDANG SPU TRA DE 'ONG KHA LHAG LHAG NAS SO BSOD DU MA BCUG GSUNG, SMU RDZINGS DU RGYUD MCHOD BYAS DUS SGRUB CHUNG MAS GZIGS PAS, BDAG NYID CHEN PO'I MGUL NAS 'JIG RTEN DBANG PHYUG MAS 'KHYUD NAS THOD PA SHA LNGA'I BDUD RTZI LNGAS GANG BA DRUNG PA LA YANG ZHUS, KHONG RANG YANG GSOL GYIN 'DUG ZER, BUL RONG DU TSOGS 'KHOR GCIG GI DUS SU BLA MA SGRUB PA DPAL, SLOB DPON SANGS RGYAS DPAL, BDAG DANG GSUM YOD PA LAS, @077 DRUNG GI GSUNG NAS, NGA'I YID LA DA RANG SANGS RGYAS KYI BSTAN PA RNAL MA MED BSAM NA'ANG BU RGYUD MGO 'CHAD NAS MA GROL GYI BAR, 'JIG RTEN DBANG PHYUG MA'I RTA'I RMIG PA ZAD ZAD BSKOR BA BYED PA SGRUB CHUNG MA DES MTHONG ZER GYIN 'DUG ,DA DUNG YANG BSTAN PA LA AA THO YANG YOD PAR 'DUG GSUNGS, BUL RONG DU RTA KHRID KYI GSOL 'DEBS MDZAD DUS MTSAN MO BUD MED DKAR MO GSUM YONG NAS, GSOL 'DEBS DE LA KOG 'DI 'DRA GCIG MDZAD PAR ZHU ZER NAS, KHONG RNAMS KYIS KOG 'DI BYAS NAS BLANGS SO, , YANG BUL RONG DU SGRUB CHUNG MA LA RIM LNGA'I DMIGS PA ZHAG BCU GSUM TZAM NAS RE RE 'BOG KYIN YOD PA LA, DMIGS PA GCIG ZHAG GNYIS TZAM LA, MI GZHON GOS DKAR PO GYON PA GCIG 'ONGS NAS CHU CHU ME THONG, TSOD MA KOL BA SOGS G-YOG GANG DGOS BYED CING, GTAM MI ZER BA GCIG BYUNG, SGRUB CHUNG MAS KYANG YE MA LAB, DMIGS PA ZHU RU PHYIN DUS ZHAG GNYIS TZAM GYI GONG DU MI GZHON DE 'BYUNG BA'I LO RGYUS ZHUS NAS, CI LAGS SAM ZHUS PAS, CI YIN MI SHES KHYED RANG DGE SBYOR LA 'BUNGS, NGAS KYANG DMIGS PA GZUNG GIS GSUNGS, LOG NAS PHYIN PAS MI DE DA DUNG SNGAR BZHIN G-YOG GANG DGOS BYED KYIN 'DUG ,ZHAG BCU TZAM SONG PA DANG, NGA 'GRO 'DOD PA YIN TE, KHYED KYI BLA MAS LUNG PA MES BKANG NAS 'GRO SA MI 'DUG ,BLA MA LA THUGS DAM SLOD ZER BA ZHU GROGS GYIS ZER BA LAN CI YANG MA BYAS, YANG DMIGS PA ZHU RU PHYIN DUS KHYED KYI MI DA DUNG @078 'DUG GAM GSUNGS, KHONG ZER TSUL ZHUS PAS, NGAS THUGS DAM TZAM CHER BYAS PA MED, DA KHONG RANG 'GRO YONG GSUNG, DRUNG NAS SRUNG 'KHOR BSHIG PAS, LOG PHYIN DUS SONG NAS MI 'DUG ,DPE DKAR BAR CHOD LA YONG PAR 'DUG GSUNGS, BRAG DKAR STA SOR BZHUGS DUS KYANG DPE DKAR GYI GZUGS DGON PA'I KHONG KHEB PA GCIG BYUNG NAS, DRUNG PA LA MIG NGAN LTA YIN 'DUG ,THUGS DAM LA BZHUGS PAS RANG YAL LA SONG, YANG BUL RONG DU SLOB DPON NAM MKHA' DPAL BAS ZHU ZHIG PHUL NAS MNGA' RIGS PA'I MNGA' BDAG DE GRONGS SAM ZHES SGROGS KYIN BRDA' LAGS PAS, THUGS DAM LA 'DOGS PAR ZHU ZHUS PAS, DE NUB DMIGS NAS GSANG 'DUS KYI SGRUB MCHOD GCIG MDZAD, NAM LANGS PA DANG, MNGA' BDAG PA GNAS PO CHE'I SKYEL MA LA BYON PA'I CHA LUGS JI LTA BA BZHIN SKU MDUN DU BYUNG PAS DRUNG NAS YENGS MA NGANG LA, KHYED GRONGS 'DUG ZER BA AE BDEN GSUNGS PAS, DBU GUG PA GSUM MDZAD NAS BZHUGS KHRI LA THIM SONG GSUNGS, YANG CHOS RJE DZNY'A NA BA GRONGS DUS KYANG, BLA MA DZNY'A NA BA DE MDANG SANG 'DIR BYON BYUNG STE, SKU GSHEGS PA 'DRA GSUNG, DUS TSOD BSGRIG PAS DE'I NUB DANG 'GRIG PAR BYUNG, SMYUNG GZHI DRAG PO GCIG BYUNG DUS THUGS DAM LA BZHUGS KYANG SMYUNG ZUG CHES PAS SKU SPAR SPAR 'PHAR BA DANG, RGYU CHU LTAR 'GRUG PA BYUNG DUS, GANG GIS RTEN CING 'BREL PAR 'BYUNG, ,'GAG PA MED PA SKYE MED PA, ,CHAD PA MED PA RTAG MED PA, ,'ONGS PA MED PA 'GRO MED PA, ,THA DAD DON MIN DON GCIG MIN, , @079 SPROS PA NYER ZHI ZHI STON PA, ,RDZOGS PA'I SANGS RGYAS SMRA RNAMS KYI, ,DAM PA DE LA PHYAG 'TSAL LO, ,ZHES PA LAN GSUM STON PAS SMYUNG SANGS PA BYUNG, BLA MA SGRUB PA DPAL BAS ZHABS TOG MDZAD DUS, RTUG PA THUG BSHEG PAS 'PHYIS TE, GDAN YOL BAR 'DUG DGONGS, KHONG PA RANG GI BSHOS G-YOS SHING, YOD PA LA BLA MAS PHEBS KYANG NANG DU 'GRO MA NUS PAR SGO GSENG NAS GZIGS PAS, BSHOS DKRUG STE SKU MDUN DU PHOG STE, CHOS THAMS CAD MING TZAM BRDA' TZAM THA SNYAD TZAM BTAGS PA TZAM MO GSUNGS NAS, GSHOS PHRU'I NANG NAS KA GSOL KYIN 'DUG PAS KHONG SHIN TU DAD PAR GYUR TO, , SA SKYAR MANG JA GCIG LA DUNG MA BYUNG PAR BYON TE, GTZO THAB KYI 'GRAM DU BZHUGS NAS KHROM CHU LA SPYAN HA RE GZIGS TE, SPYAN CHAB NA RA RA 'DUG ,JA GSOL RGYAG KYANG MA CHAD, NANG DU LOG BYON KYANG MA CHAD, PHEBS PA DANG, SPRO BO THAR BZANG GIS KHYED KYI SLOB DPON DE ZA BZHIN KYANG NGU, 'GRO YIN KYANG NGU BA CI YIN ZER BAS, BDAG GI SNANG BA LA NYA SRAM GYIS ZA BA GZIGS NAS SPYAN CHAB BYUNG BA YIN NAM SNYAM DE CI LAGS ZHUS PAS, DE YANG MA YIN, KHROM CHU KHRO KHRO LO 'GRO YIN 'DUG PA DE LA, RTEN 'BREL YAN LAG BCU GNYIS GCIG BRTAGS NAS BSGOMS PAS, STONG PA NYID KYI LTA BA RNAL MA GCIG SKYES BYUNG, STONG NYID SNYING RJE'I SNYING PO CAN DU 'DUG PAS MCHI MA BYUNG BA YIN GSUNG, SHANGS SU CHOS BAR LA BYON DUS DRUNG PA LA CHIBS GCIG YOD PA BSHOL NAS BYON, GRVA BA RNAMS SNGON LA BYON @080 NAS RAB LA RGAL, DRUNG NAS RTA GANG 'GRO BA BTANG NAS, 'KHOR MO ZAB MO GCIG LA CHUD 'DUG PA LA, GRVA BA RNAMS KYIS RGYUG ,KU CO BYAS KYANG RTA THAD KA LA BTANG PAS CHU LA THUGS KHA TZAM MAN CHAD NUB PA BYUNG RUNG RTA BTANG KYANG MA SHOR BA 'DUG DE 'DRA'I MDZAD LUGS ZHUS PAS, RTA KHO RKANG LAG GTZUG PA GCIG MI 'GYEL BAR 'DUG GSUNGS, GZHAN YANG CHOS BAR LA GSHEGS DUS SA CHA YANGS PA RNAMS SU THUGS DAM LA YENGS NAS, ZHAL GANG TSUR TSUGS SU GSHEGS TE, SPYAN 'DREN DU 'GRO DGOS MANG DU BYUNG ZER, MNGA' RIS NAS, CHOS RJE GRAGS PA'I PHYAG PHYI MDZAD DE RTZANG PO LA GSHEGS DUS KYANG, THUGS DAM LA 'BYAMS NAS, CHIBS PAS YANG YANG BSKYUR, ZHABS THOG BYA DGOS MANG DU BYUNG PAS, RTA RDZI NA RE, SLOB DPON GZHON BLO'I MI DGOS PA'I SGOM 'DIS, SDUG RIR BSOD PA 'DUG ZER, SHEL DKAR GYI 'DU KHANG DU GZIMS PA MDZAD, SPYI KHANG GI STENG NA GDAN GSOL BA MDZAD KYIN YOD PA LA, NYIN GCIG BDAG GIS SANGS RGYAS KYI DUS MCHOD GCIG ZHUS DUS, MI DRUG BDUN GCIG SPYI KHANG NA YOD PAS, MA MTHONG PAR DRUNG PA STENG NA PHEBS 'DUG KHANG PA DOG MO 'DIR 'U REGS PAS MA MTHONG PAR DRUNG PAS PHEBS PA RDZU 'PHRUL YIN NAM ZHES NGO MTSAR DU GYUR, DRUNG NAS DBUS LA BYON PA'I DUS SU, CHOS RJE DPON SLOB SUM BRGYA TZAM GYIS SER 'PHRENG GIS BSUS, CHOS RJE BAS PHYAG PHUL BA LA PHYAG LAN MDZAD BZHED PA LA, MI MDZAD PAR ZHU ZHUS NAS, DE MAR CHAD PHYAG LAN MA MDZAD PAS, DBUS @081 PA'I DGE BSHES CHEN PO RNAMS KYANG, PHYAG LAN MDZAD PA'I SPRO BA DANG BRAL BAR GYUR KYANG, DRUNG GNAS GSANG SDE'I MKHAN PO, STAN LUNG LO TZ'A BA SOGS LA PHYAG PHAR MDZAD PAS, JO BO BZANG PA'I GRAGS PA YANG CHER THOG GO ,DE NAS DGA' BA GDONG DU CHOS RJE BLO BZANG GRAGS PAS GTZO MDZAD, BKA' BCU PA NAM MKHA' BYANG CHAD, BSOD SHE DAR MA, BKA' BRGYAD PA 'GA' YAR DANG, PHAR TSAD MKHYEN PA LNGA BRGYA TZAM LA DBU MA 'JUG PA DANG, LTA KHRID GSUNGS PAS, ME TOG GI CHAR BABS THAMS CAD SHIN TU GUS PAR GYUR TO, , DE DUS GSANG PHU BA LDAN MA KUN SENG LANGS TE, CHOS RJE YAB SRAS GNYIS LA ZHU BA RE YOD PAS, GSAN DU GSOL, GTZANG NA MKHAS PA RED MDA' BA, DBUS NA MKHAS PA BLO BZANG ZER NAS, KHYED YAB SRAS GNYIS DBUS GTZANG GI BSTAN PA'I BDAG POR GRAGS GDA' BAS, DA ZHAL 'DZOMS DUS 'DIR, THEG PA GSUM GRUB MTHA' BZHI'I BSHAD SROL MDZAD PA RNAMS LKOG TU MI MDZAD PAR, BDAG CAG DBUS GTZANG GI DON GNYER BA RNAMS KYI LOG RTOG DANG THE TSOM BSAL BA'I PHYIR, TSOGS SU 'BEL GTAM MDZAD PAR ZHU BA DANG, LUNG RIGS KYIS DGAG BSGRUB MDZAD NAS KHO THAG CHOD PA'I CHOS 'KHOR YUN RING DU BSKOR DU GSOL, DE NAS RJE BTZUN CHEN PO YANG GANGS BU LE DANG, CHOS RJE RJE BLO BZANG GRAGS PA YANG 'O DE GUNG RGYAL GYI GANGS LA GSHEGS MI GSUNG BAR DBUS GTZANG GI GZHUNG DU BSTAN PA'I BYA BA RGYA CHEN PO MDZAD DU GSOL ZHES ZHUS SO, ,DE DUS @082 DRUNG NAS DGE 'DUN RNAMS LA MANG JA DAR 'GYED DANG BCAS PA MDZAD DO, ,DE NAS SNE'UR BYON DUS, YAB SRAS GNYIS KYI GTZO MDZAD, DGE BSHES BZANG LA RAGS PA BDUN CU TZAM GYIS TSA BRAL DU GSANG PHU BA'I DGE BSHES GCIG LANGS NAS, KHYED YAB SRAS GNYIS LA ZHU BA TSIG RE YOD PAS, MI 'CHAB PAR GSONG POR GSUNG BA ZHU, BLA MA RJE BTZUN PA'I GSUNG NAS, SPYIR BKA' BSTAN BCOS KYI DGONGS PA GZHUNG LUGS MGO 'JUG GI 'GANG GO BA RE DGOS PA YIN, TSIG GI PHRENG BA RE BLTAS TE SHES SHES RANG LA SNYING PO TZAM MED GSUNGS PA AE BDEN ZHUS PAS, NGAS DE 'DRA RANG BYAS SU MA TSOR, LAR DE 'DRA GCIG 'DUG PA GSUNGS PAS BLA MA'I DRUNG NAS DON GYIS ZHAL GYIS BZHES PAR GDA' BAS, MI 'CHAB PAR GSUNGS PA THUGS LA BTAGS ZER, BLA MA RIN PO CHE'I GSUNG NAS, GZHUNG LUGS KYI 'GANGS GSHOG NA NGA'I BLA MA DGOS PA YIN, DKA' GNAS KYI TSIG SPU RIS 'BYED NA, AA BO RGAN CHEN DGOS PA YIN GSUNGS PA AE BDEN ZHUS PAS, CHOS RJE PA ZHAL 'DZUM MDZAD NAS, CANG MI GSUNG PA LA KHONG NA RE, YAB SRAS GNYIS KYANG JO BO BZANG NGAN MCHOD RTEN GYI BANG RIM BZHIN LOG GE 'DUG ZER RO, , YANG SNE'U'I TSA GRAL GCIG TU SLOB DPON SNYAL PA ZER BA GSANG PHU GLING BSTOD KYI GDAN SA BYED RGYU GRVA PA BRGYA TZAM YOD PA GCIG GIS, ZHABS DBANG GNANG PA ZHU ZHUS PAS, KHYED 'DRA BA'I DGE BSHES CHEN PO LA DE 'DRA GAR YONG GSUNGS NAS MA GNANG PAS, NGA YANG TSE 'JUG 'DIR DPAL LDAN RED MDA' BA'I @083 ZHABS KYI PAD MO DRI MA MED PA LA GTUG ZER BA GCIG 'DOD PA YIN, BTZUN RGAN 'JIGS MI DGOS RKANG PA BZHOG ZHUS PAS, 'O NA G-YA' GSUNG NAS ZHABS DBANG MDZAD DO, ,DE NAS LHA SAR BYON NAS, DGE 'DUN BRGYAD BRGYA, MI NAG PA DRUG BRGYA TZAM LA SKYID SDUG LAM KHYER GCIG GSUNGS, DE DUS CHOS RJE BLO BZANG GRAGS PAS JO BO'I DRUNG DU MCHOD PA RGYA CHEN PO BSHAMS TE, BLA MA JO BO'I DRUNG DU BZHUGS TE SMON LAM MDZAD DU GSOL ZHUS NAS, KHONG PA RANG GIS GTZO MDZAD DGE 'DUN LNGA BRGYA TZAM GYIS YAN LAG BDUN PA RGYAS PA GCIG PHUL, GTZO BO BZANG PO SPYOD PA'I SMON LAM DANG, KHONG PA RANG GIS MDZAD PA'I BDE BA CAN GYI SMON LAM RGYA CHER BTAB, KHYAD PAR DU RJE BTZUN THAMS CAD MKHYEN PA KU MA RA MA TIS GTZO MDZAD BSTAN PA'I RTZA LAGS SKYES CHEN ZHAL BZHUGS THAMS CAD BSTAN PA DANG SEMS CAN GYI DON DU ZHABS BRTAN PAR GYUR CIG CES PA LAN GSUM MDZAD DO, , DE DUS DRUNG NAS ZHABS DBANG SU ZHU LA GNANG, CHOS RJE PAS YE MA GNANG PAS, GSANG PHU BA'I GRVA PA RNAMS NA RE, RED MDA' BA KHO 'CHI BAS MI 'JIGS PA'I ZHABS DBANG SU ZHU LA GNANG GIN 'DUG BLO BZANG 'CHI BAS 'JIGS PAS SU LA YANG MI GNANG PA 'DUG ZER BA YANG BYUNG, DE NAS RVA SGRENG LA 'BYON DUS BRAG DKAR MO PA, BYA YUL RIN PO CHE, LO MKHAN PO, 'BRI KHUNG PA'I STAG RTZE RDZO NGAS PA RNAMS KYIS 'BUL SNOD PHUN SUM TSOGS PA MDZAD, DE NAS STAG RTZE PHU LA BYON PAS, DGE 'DUN SUM BRGYA TZAM GYI GDAN CHAD NAS KUN BSOD SNYOMS LA BYON PAS, @084 GDAN THEB TZAM BYUNG, DE NAS LO PA'I TSOGS PA CHOS 'BREL ZHUR BYUNG STE, TZAM PA MDZO RGYAB NYI SHU LHAG PA TZAM GCIG PHUL PAS, SLAR MI THEG PA'I SDUG BSNGAL DU GYUR, CHOS RJE YAB SRAS NAM MKHA' MDZOD LA MNGA' MNYES PA 'DRA ZER BA'I GRAGS PA BYUNG, DE NAS RVA SGRENG DU PHYAG PHEBS, DNGUL GDUGS CAN CHE CHUNG, GSANG 'DUS 'JAM RDOR GYI GTZO MDZAD RTEN GSUM NGO MTSAR CAN RNAMS LA PHYAG DANG MCHOD PA RGYA CHEN PHUL NAS, DGON PA GONG DU YAB SRAS GNYIS SKU MTSAMS BCAD PA'I BU SGO NAS, GZHI BYES KYI TSOGS PA DRUG BRGYA TZAM LA SKAL BA DANG 'TSAMS PA'I CHOS KYI 'KHOR LO BSKOR TSUL NI, BDAG NYID CHEN POS, GSANG 'DUS RIM LNGA'I KHRID, DBU MA'I LTA KHRID, THEG PA CHEN PO'I BLO SBYONG, BZHI BRGYA PA'I BSHAD PA, SKU MTSAMS GROL NAS, RIG PA DRUG BCU PA'I BSHAD PA RGYAS PA GCIG GNANG NAS, GROL DUS KHO BO KLU SGRUB YAB SRAS KYI DGONGS PA 'CHAD NA DE LTA BU 'CHAD, MI RE RE'I RTOG PA DANG BSTUN NAS GZHUNG LUGS 'CHAD PA KUN MKHYEN GYIS KYANG DKA' GSUNGS, CHOS RJE PA 'BRI KHUNG DU BYON SHUL, BKA' BCU PA GNYIS KYIS GTZO MDZAD, GSANG BDE GUNG GSUM RTZE THANG SOGS KYI DGE BA'I BSHES GNYEN YANG DAG PA BDUN CU TZAM LA GSANG 'DUS RGYUD 'GREL CHA LAG DANG BCAS PA, DBU MA RGYAN GYI BSHAD PA RGYAS PA GCIG GNANG PAS, LDAN MA DKON SENG DANG, NAM MKHA' GSHOG RAL LA SOGS PA CUNG MI DAD PA RNAMS KYANG MI PHYED PA'I DAD PA THOB PAR GYUR TO, ,DE NAS YAB @085 SRAS GNYIS STAG LUNG MDOR ZHAL 'DZOMS DUS, 'OL KA STAG RTZE BA'I JO MO CHOS 'BREL ZHUR YONG PA GCIG LA, CHOS SMYO BYUNG PA LA, DRUNG GI GSUNG NAS DGE 'DUN GCIG RGYUGS LA JO MO MA GI'I LAG PA G-YAS PA 'OG TU BZHOG LA, KHYED KYI LAG PA G-YAS PAS STENG NAS RGYOB DANG GSUNG PA LA, DE BZHIN BYAS PAS JO MO SMYO BA SANGS, 'KHOR PHAL MO CHE'I BSAM PA LA, 'DI SDE SNOD LA MKHAS PA MIN PAR, BGEGS SEL SOGS MI MKHYEN SNYAM PA YOD PA LA, KUN NGO MTSAR CHE BAR GYUR TO, , DE NAS STAG LUNG DU SPYAN DRANGS TE, STAG LUNG RIN PO CHES NA BZA' PHYIBS PA, JA TSIG SOGS 'BUL SNOD RGYA CHEN PO MDZAD, TSOGS PAS TSOGS CHOS ZHUS, STAG LUNG PA KUN GUS PAR GYUR TO, , DE NAS GNAM RTZE LDENG GI GTZUG LAG KHANG DU CHOS RJE LO TZ'A BA SKYABS MCHOG DPAL BZANG PO DANG, CHOS RJE YAB SRAS GNYIS KYIS GTZO MDZAD DBYAR GNAS KHAS BLANG PA'I DGE 'DUN LNGA BRGYA, PHYOGS NAS CHOS 'BREL LA 'DUS PA DANG BCAS PA BRGYAD BRGYA TZAM BYUNG PA LA CHOS KYI 'KHOR LO BSKOR TSUL NI, BDAG NYID CHEN POS GUNG CHOS 'DUL BA, DBU MA RTZA 'JUG GNYIS, GSANG 'DUS KYI RGYUD, LTA KHRID RNAMS GNANG, GZHAN YANG PHYOGS NAS BYON PA RNAMS LA CHOS 'BREL CI 'DOD GNANG, DE DUS CHOS RJE BLO BZANG GRAGS PAS DBYAR GNAS RGYAGS GANG BYUNG GI DNGOS PO DRAG PA RNAMS 'BUL BA'I DAM BCA' MDZAD NAS, GSER SRANG RE'I MAndAL THENGS GSUM PHUL, GZHAN YANG DNGOS PO BYUNG RES KYIS SPYAN DRANGS NAS, @086 KHONG PA RANG GIS 'BUL BA 'BUL, SMON LAM 'DEBS, BSNGO BA ZHU BA SOGS MDZAD CING, DE'I GONG DU YANG GSER GAR LUG DANG, LI SKU'I 'JAM DPAL ZHAL GNYIS KYIS GTZO MDZAD, GSER DNGUL GOS DAR SOGS 'BUL SNOD RGYA CHEN PO MDZAD CING, RJES SU YANG DNGUL BRE CHEN NA BZA' CHA TSANG THANG 'GA' YAR, GSOL JA RGYUN MA CHAD PAR PHUL NAS, RTAG TU NGUS CHOS 'PHAGS BSTEN PA BZHIN MDZAD DO, , DBYAR GNAS GROL BA DANG, GTZANG DU BYON NAS SA SKYAR PHYAG PHEBS TE, 'JAM DBYANGS KYI DRUNG DU, TA HUN GYI SNAM SBYAR BZANG PO GCIG BLA RE GCIG TSOGS PA STONG BSKOR BRGYAD BRGYA TZAM LA MANG JA 'GYED DANG BCAS PA MDZAD, DE NAS BUL RONG TU SKU MTSAMS DAM PO LA LO GSUM BZHUGS DUS BU LE RGYUN DU GTOR MA LEN DU YONG GIN YOD PA, NYIN GCIG SGRUB CHUNG MAS KYANG MTHONG NAS, RGOD PAS CI 'DUG GSUNG, KHO BU LE GTOR MA LEN DU YONG GI GDA' ZHUS ZER, DANG PO SMU RDZING DU CHOS BAR MDZAD DUS NAM LANGS PA DANG, GZHI BDAG MO KHYUNG LUNG MA SKU MDUN NA YAR RDOL NAS, RGYAN CHA LUGS BSAM GYIS MI KHYAB PA DANG LDAN PA, PHYAG 'TSAL, BYIN BRLABS ZHUS NAS SA LA THIM SONG, SNGA DRO TSA DUS SU GZHI BDAG MO'I GZUGS GYANG NGOS LA BRIS PA GCIG GZIGS NAS, MO 'DI 'DRA BA GCIG MI 'DUG 'DI BAS BRGYA 'GYUR GYIS MDZES PA GCIG 'DUG GSUNGS, DE'I DUS BUD MED GCIG LA GZHI BDAG MO BABS NAS, SNGON GYI DGE SLONG DE TSO PHEBS PAS, ZHABS TOG YANG DAG PA PHUL ZER NAS, SNGON GYI DGE SLONG NI BYANG SEMS ZLA BA RGYAL MTSAN, DE @087 DUS MKHAN CHEN DPAL 'BYOR, SLOB DPON DAR MA SOGS LNGA LA MDZOD KYI RANG 'GREL GYI STENG NAS MDZUB KHRID MDZAD PAS LNGA KAS MDZOD DGA' MO SHES PA RE BYUNG, 'DI 'DRA BA'I 'CHAD NYAN BROD PO YIN ZHES MNYES TSOR CHEN PO MDZAD DO, , NGAM RINGS RTZE MOR BLO BZANG SOGS DPON SLOB BCU DRUG GIS CHOS BAR MDZAD DUS NGAM RINGS SHOD NA MKHAN CHEN BSTAN RGYAL BA DPON SLOB BDUN BRGYA TZAM 'CHAD NYAN MDZAD KYIN 'DUG PAS, DRUNG PA'I THUGS DGONGS LA KHONG DPON SLOB BDUN BRGYA PO DANG NGED DPON SLOB BCU DRUG PO BSTAN PA LA SU PHAN CHE'AM DGONGS PA GCIG BYUNG, DUS PHYIS KHONG BDUN BRGYA POS BLO BZANG GRAGS PA GCIG PO YANG MI DO BAR 'DUG GSUNG, DANG PO BU STON RIN PO CHE'I SRAS KYI THU BO MKHAN CHEN DHARM'A SHR'I DPON SLOB LNGA BCU TZAM BKA' BZHI LA 'CHAD NYAN YANG DAG MDZAD PA GZIGS PAS, NGAS KYANG BSTAN PA DANG SEMS CAN LA PHAN THOGS 'DI TZAM YONG PA GCIG BYUNG NA DGONGS PA BYUNG BA LA, DUS PHYIS BSTAN PA DANG SEMS CAN LA KHONG PAS NGA DNGOS SU PHAN CHE BA GCIG BYUNG 'DUG GSUNGS, KHRI RGYAL BSOD NAMS LDE PAS, 'PHAGS PA THOGS MED SANGS RGYAS KYIS LUNG BSTAN PA'I SKYES BU CHEN POR 'DUG PA LA, RJE BTZUN BYAMS PAS DBU MA MI STON PA CI LAGS ZHUS PAS, 'O NA AA MA TSOS BU TSA LA DANG POR SGRUB GONG RDZI SA NAS MI STER BA BAR ZLA KHA GTER BA CI YIN GSUNGS, LAN ZHU BA'I SPOB PA DANG BRAL LO, ,YANG LONGS SPRUL SANGS RGYAS MIN ZER BA MANG PO GDA' LAGS PA, JI LTAR LAGS ZHUS PAS, DING @088 SANG GI MKHAS PA 'DI TSO LA NGES PA TZAM MI 'DUG NGAS DUS 'KHOR RGYUD 'GREL LA 'GAL 'DU YOD BYAS PA LA, CHOS SPONG GI LAS YIN ZER 'DUG LONGS SPRUL SANGS RGYAS MIN ZER MKHAN BYUNG RUNG, DE 'DRA'I LUGS KYANG YOD ZER NAS CI RU YANG MI SGOM PAR 'DUG STE, LONGS SPRUL SANGS RGYAS MIN NA, MDO RGYUD THAMS CAD BKA' MIN PAR 'GYUR BA LA SOGS PA NYES PA SHIN TU CHE GSUNGS, GNAS BRTAN DNGOS GRUB NA RE, 'U BA'I BLA MA 'DI'I KUN SPYOD BSAM GYIS MI KHYAB PAR 'DUG BLUN PO GCIG DANG SDONGS KYANG DE BAS DRAG TZAM, PHAR TSAD SHES PA GCIG DANG SDONGS KYANG DE BAS DRAG TZAM, BKA' BZHI MKHYEN PA GCIG DANG SDONGS KYANG DE BAS DRAG TZAM, MKHAN CHEN GCIG DANG SDONGS KYANG DE BAS CHES MNGON PAR MTHO BAR MDZAD KYIN 'DUG NGA NI LHAG PAR DE RANG LA MOS PA GCIG BYUNG ZER, BKA' BCU PA YON TAN NA RE, NGAS BLA MA 'DI BAS DKON MCHOG LA DAD GUS CHE BA MA MTHONG GI GRONG JO BO LA 'JAL DU BYON RES KYIS JO BO'I PHYAG LA 'JUS NAS, SPYAN RAS GZIGS MGON KHYED SKU CI 'DRA DANG, ,ZHES SOGS KYI SHLOO KA 'DON KYIN SPYAN CHAB PHROL PHROL YONG GIN 'DUG ZER, DE AE BDEN NAM SNYAM NAS DUS PHYIS CHED DU GNYER NAS BDAG GIS KYANG BLTAS PAS, BDEN PAR GDA'O, ,GSANG BU BA'I SLOB DPON RGYAL DBANG NA RE, NGAS BLA MA SU BYA BA'I RTZAR BSDAD DE, SDUG BSNGAL RANG 'GAG PA 'GRO BA RED MDA' BA MIN PA MA MTHONG ZER, 'JAM DBYANGS PA NA RE, 'GA' ZHIG DA LTA BOD NA SLOB DPON PAS MKHAS PA MED ZER NA'ANG, @089 NGA'I LUGS KYI RGYA GAR SHAR NUB RGYA NAG BAL PO RNAMS NA BSTAN PA RNAL MA MED PAR 'DUG PAS DA LTA 'DZAM BU GLING NA SLOB DPON MKHAS PA BAS MKHAS PA MED PAR GO GSUNGS, DRUNG NAS KHRI BSKOR GZHAN DU GSHEGS TZA NA, ZHAL DU MI 'DON YANG THUGS KHRAL CHER MDZAD, BYANG DU PHEBS ZER BA GSAN MA KHAD SHIN TU GTAM SNYAN RTEN GSUM BYIN BRLABS CAN RE YOD NA'ANG YOD ZER BA LA, DE 'DRA DANG MNYAM PO MIN, GZHUNG LUGS PA CHEN PO PHYAG PHEBS PA TZAM GYIS PHYOGS BKRA SHIS PA YIN ZER NAS MNYES TSOR CHEN PO MDZAD DO, , MKHAN CHEN BSOD NAMS SKYABS PA NA RE, NGA'I BLA MA'I YON TAN CHUNG SHOS GZHAN GYIS MI DO, BLA MA RI PHUG TU BZHUGS KYANG, GOS DAR GYI NA ZA 'PHANG MED LA BSGOM, GZHAN SDE BDAG TU BSGOM PA RNAMS KYANG, NANG DU HRUL CHAS GYON SHING, PHYIR 'GRO DUS BZO PAR 'DUG STE GSUNG SHIN TU MOD, SMU RDZING NA BZHUGS DUS BKA' BCU PA DON SENG GIS 'JAL DU PHYIN PAS CHOS ZHUS, GROL BA DANG 'GRO BA'I GRABS BYAS PAS, KHYED DE RING 'GRO NA RTA ZUR GYI ZAM PA THON TZAM DER RGYUGS GSUNGS, BDAG CAG DE PHYOGS LA MI 'GRO LAGS ZHUS PAS, AA HA NGA NI BUL RONG NA YOD PA'I BSAM PA GCIG BYUNG 'DUG GSUNGS, BDAG GIS DRUNG DU PHYIN NAS, BKA' BCU PA LA DE LTAR GSUNGS LAGS SAM ZHUS PAS, DE BYUNG, NGA LA BUL RONG GI LUNG PA YA GI PHA YUL GYI SNANG BA CIG 'CHAR GYIN 'DUG STE BAG CHAG BRTAS PA YIN GSUNGS, RI KHROD DGA' MO YA GI RNYED PA 'PHAGS CHEN CHOS BZANG DPAL GYI @090 BKA' DRIN YIN GSUNGS, 'PHAGS CHEN CHOS BZANG DPAL LA 'JAL DU BYON DUS KHYED BSTAN PA RIN PO CHE'I BDAG PO YIN PAS, DE LTAR THUGS KHUR BZHES SHIG SANGS RGYAS KYI BSTAN PA RIN PO CHE 'DI KHYED KYI PHYAG NA YOD DO, ,BSTAN PA RIN PO CHE 'DI LA KHYED SHES SO, ,ZHES GSUNG NAS, PHYAG NAS BZUNG ZHING ZHAL LTA MANG PO GNANG BA'I MTHAR, KHYED KYIS BSTAN PA RIN PO CHE LA SNGAR PHYAG BZHES MDZAD PA'I BRTZOM PA MDZAD PA RNAMS KYI DKAR CHAG KYANG 'DIR 'KHOD GSUNGS NAS, GONG DU BSTAN PA'I GSUNG SGROS RNAMS DGUNG LO NYI SHU RTZA BDUN PA YAR BCAD LO 'DI LA 'DI MDZAD KYI DKAR CHAG KYANG MDZAD DO, , DRUNG NAS GROD CHUNG DU BZHUGS DUS, KYI RONG JO BO LA PHYAG ZHABS KYI GDU BU RNAMS TSOD KYIS BRDUNG NAS 'BUL DU BTANG PAS, KRIG RAN PAR BYUNG, DRUNG NAS PHYAG TSAD MDZAD PA LAGS SAM ZHUS PAS, MA BYAS CHE CHUNG MTSAMS PA JO BO RANG GI THUGS RJE YIN GSUNGS, BDAG GIS MKHAN CHEN G-YAG PA LA 'JAL DU PHYIN DUS KHONG PA LA CHOS RJE LO TZ'A BA, RJE BTZUN PA BLO BZANG GRAGS PA GSUM GANG LHAG ZHUS, SLOB DPON GZHON BLO BA LTA BU'I DGE BA'I BSHES GNYEN DING SANG DKA' MOR GTAD YONG GSUNG ZHING, KHONG PAS PHAR PHYIN GYI t'IKKA DE LA BLTAS PAS NANG 'GAL 'GA' YAR 'DUG KHONG BYAMS CHOS SEMS TZAM YIN GSUNG NA'ANG, NGA BKA' RU DE 'DOD DE, BYAMS PA SANGS RGYAS YIN PA'I PHYIR, KHONG GSANG 'DUS PA CHEN PO YIN PAS, 'JAM DBYANGS DKYIL 'KHOR GYI GTZO BOR MDZAD KYIN YOD KYANG, @091 'JAM DBYANGS DANG BYAMS PA GNYIS SANGS RGYAS YIN NA YIN SNYAM, MIN NA MIN SNYAM YIN NGA ZER KYIN 'DUG SLOB DPON LA ZHUS SHIG GSUNGS NAS ZHUS PAS, NANG 'GAL THAN THUN YOD SRID, 'KHRUL MED SMRA BA'I 'PHAGS PAR NGAS KHAS BLANG PA MED, KHONG GIS NANG 'GAL DU BZUNG BA RNAMS NANG 'GAL AE YIN MI SHES, BSTAN PA 'DI GZHIR BZHAG LA BYAMS PA BYANG SEMS DANG, BYAMS CHOS LNGA BSTAN BCOS SU BSHAD 'DUG KHONG RANG SANGS RGYAS PAS LHAG GSUNGS NA'ANG DBANG CHE, RDO RJE THEG PA'I RGYA PHAR PHYIN THEG PA LA BKAB RUNG ZHVA DPE LHAM LA BKAB PA BYA BA MKHAS PA'I LUGS MA YIN GSUNGS, MKHAN CHEN CHOS DPAL BA'I GSUNG NAS 'U RANG MTHONG LAM THOB THOB LTA BA'I LAB MA ZER, DE NAS SHES YONG GSUNG ZER PA DRUNG DU BSKYAR PAS, MTHONG LAM LTA BA'I RIGS RNAM PAR DAG PA'I 'BRAS BU YIN PA LA LTA BA MA SHES PAR MTHONG LAM GCIG THOB NGOS SHES, KHA PHYE NA ZONG ZAD PA'I LAB YIN GSUNG, CHOS RJE LO TZ'A BA DANG BLA MA DBANG PAS GDAN 'DREN BTANG PAS, KHAMS BZANG ZHING RTEN 'BREL 'GRIG YONG PAR ZHU ZHUS PAS, LO TZ'A BAS DGON PA BRTZIGS NAS KHAL NYIS STONG TZAM BSAGS, DE'I RGYAB CHA SHA MAR GOS STAN ME SHING SOGS BSGRUBS NAS DA NAM PHEBS PA GCIG YONG NA ZHES YID SMON DU MDZAD CING GDAN 'DREN PA BTANG PAS, NGED NA SO RGAS, SHA LUS LCIS PAS, 'GRUL MI PHER BA 'DUG GSUNGS NAS, THUGS DAM GYI GTZO BOR 'JAM DBYANGS KYI LI SKU MTSAR MO GCIG ZHU RTEN LA PHUL @092 NAS MA BYON, DRUNG NAS THUGS SHES KYIS MKHYEN NAS STAG TSANG DU DUS GZING CHEN PO YONG PA DANG, YON MCHOD GNYIS KA'I SKU TSE THUNG NGU LAS MI YONG BA MKHYEN NAS MA BYON PAR GRAGS, BUL RONG DU SNGA RTING LA LO BCU GNYIS BZHUGS PA LA, LO LNGA DRUNG PA RANG GIS THUGS DAM RTZE GCIG TU, LO BDUN LA CHOS 'KHOR CI RIGS SU BSKOR CING BUL RONG SHOD DU BZHUGS DUS MKHAN CHEN DPAL 'BYOR BA CHOS RJE MCHOG BZANG PAS GTZO MDZAD CHOS KHO NA DON DU GNYER BA'I DGE 'DUN SHA STAG BRGYA BCU TZAM LA GSANG 'DUS KYI RGYUD, RTZA 'JUG BZHI GSUM LTA KHRID SOGS ZHIB RGYAS SU GNANG, GSAN MKHAN RNAMS LA YANG BYA RGYU CHOS LAS MED PAS, NYIN MTSAN CHOS KHO NAS 'DA' BA BYUNG, SA CHA BGROD DKA' MO DER YANG, SA SKYA TSUN THAMS CAD SNYAGS NAS, BSNYEN BKUR BZANG LA MANG BA BYUNG, BUL RONG DU BSTAN PA RNYED DANG BKUR STIR BCAS PA DE BAS LHAG PA DUS GSUM DU KHYAB ZER RO, , DE'I PHYI LO SMU RDZING DU SLOB DPON CHEN PO NAM MKHA' DPA' BAS GTZO MDZAD, BRAG RAM MKHAN CHEN, SLOB DPON LAS STON, 'DAR PA MGON SENG, SGRUB CHEN MA DPAL MO YON BDAG DPON PO RTOG LDAN SOGS BRGYA BRGYAD BCU TZAM LA GSANG 'DUS KYI RGYUD, RTZA 'JUG GNYIS, LTA KHRID DANG BCAS PA GNANG NGO, , CHOS SUM GNYIS TZAM SONG PA DANG, SGRUB CHEN MA DPAL MO LA, NAM SMAD MI MA YIN CHEN PO GCIG DNGOS SU YONG NAS KHYOD NAM LANGS PA DANG, BLA MA'I DRUNG DU RGYUGS LA PHYAG GSUM PHUL, DRUNG NAS BSTAN PA DANG SEMS CAN GYI DON LA YUN RING DU @093 BZHUGS SU GSOL ZHES LAN GSUM GSOL, BAR CHAD CHEN PO BYUNG DOGS 'DUG GO ZER BA DE THOS PAS SGRUB CHEN MA DE LANGS TE THUGS MA BDE BA BYUNG, NAM LANGS PA DANG, DRUNG DU ZHU BA GAL CAN GCIG YOD PAS, CIS KYANG YONG PA ZHU ZHUS PAS SHOGS GSUNGS NAS, GONG DU ZER BA BZHIN PHYAG PHUL GSOL BA BTAB NAS 'DI BDAG LA GYIS ZER MKHAN GCIG BYUNG PA MA GTOGS BDAG GIS RDZUN NAM ZOG YIN NA DRUNG GI BKA' SRUNG RNAMS KYIS CHAD PA CHOD BYAS PAS, MNA' SKYEL GYIN KHYED LA RDZUN YIN ZER BA'I GAL MED 'CHI, NGED SA SKYAR 'CHAD NYAN BYED DUS, LO GRANGS 'DI TZAM NA 'CHI ZER BA'I SGRA CHEN PO 'BYUNG BA YIN TE, DE DUS BRTAGS PAS, RE GCIG PA LA 'CHI BA 'DUG SNYAM PA BYUNG, DA LO MI 'CHI YANG SANG PHOD SKYAS CHEN YIN PAS SNYAM GYIN 'DUG GSUNG, DRUNG PA LA SKEG CHEN PAS BSU SKEG SKYON CHE BA GCIG GDA' LAGS, DE DUS KYI LO DE GANG YIN BRTZI BAR ZHU DANG ZHUS PAS, RTZIS PAS SGRUB CHEN MA DANG GCIG PAR BYUNG, DE NAS CHOS GROL BA DANG, BUL RONG DU BYON PAS SKU MTSAMS DAM PO GCIG MDZAD PAR ZHU, BDAG GIS KYANG GDAN BZHUGS GCIG LA 'ONGS ZHUS NAS RJES SU GDAN BZHUGS ZAB PO GCIG PHUL BAS LO 'GA' YAR SKU KHAMS BZANG PO YONG PA'I LTAS BYUNG GSUNGS, DE'I PHYI LO MNGA' RIS PHYOGS SA CHA BZANG ZHING, MI BLO LAS SU RUNG BA 'DUG PAS, 'GRO GSUNGS NAS, 'JAM DBYANGS PAS RGYA MKHAR PAR BRDAS PAS MA NON, CHEN PO DPAL LDAN PAS CUNG THUGS BRDAS NAS, ZHU BA PHUL YANG MA GSAN PAR MNGA' @094 RIS SU BYON, YAR RE RES NE RING PA'I DBON PO GNYIS LA DGE TSUL GYI BSLAB BYA RNAMS GNANG, DPON PO RTOG LDAN PA LA DGE SLONG GI SDOM PA RNAMS GNANG, KHONG RNAM PAS KYANG, 'BUL 'DEGS PHUN SUM TSOGS PA MDZAD NAS, STAG RTZE BAS GRAGS NA PHAR BSKYAL, DE NAS MNGA' RIS PAS BSU STE, RDZONG KHAR DU PHYAG PHEBS, GUNG THANG KHAB PAS SHANG LEN PHUN SUM TSOGS MDZAD DO, , DE NAS MANG YUL DU BYON TE, RANG BYON 'PHAGS PA'I DRUNG DU PHYAG DANG MCHOD PA RGYA CHEN PO PHUL, THANG SHER PA DPON PO LA RAB BYUNG GI SDOM PA GNANG NAS, ME TOG MDANG CAN GYI NAGS KHROD DU SGRUB PA LA BYON NO, ,DE DUS GZHI BDAG BTZAN RJE ZER BA, CHOS LA DKAR BA GCIG YOD PA YONG NAS, NGA LA CHANG GCIG 'DREN GYIN 'DUG CHANG MI 'THUNG PA LA SNYAM PAS MAR KHUR SONG NAS DUM PA GCIG 'THUNG NAS BZHAG 'BUL BA BZANG ZING MANG PO BYED KYIN 'DUG DE NAS ZHAG BZHI LNGA NAS, RGYA'I 'BUL BA DE SLEBS BYUNG, DE GZHI BDAG GIS TSOR BA 'DRA SNYAM PA GCIG BYUNG GSUNGS, DE NAS SKU MTSAMS GROL BA DANG, BDAG CHEN MAS BOD DU SPYAN DRANGS, DPON SLOB RNAMS RA 'DABS SU DBYAR RGYAGS BTEG 'BUL BA YANG PHUN SUM TSOGS PAR PHUL, DE DUS DRUNG SLOB DPON MAS GTZO MDZAD, CHEN PO CHOS DPAL BA, SLOB DPON YI DAM DPAL, BKA' BCU BA DON YOD SENG GE BA LA SOGS BRGYA BRGYAD BCU TZAM LA, GSANG 'DUS RIM LNGA, LTA KHRID BLO SBYONG, RTZA 'JUG GNYIS, GSANG 'DUS KYI RGYUD KYI BSHAD PA LA SOGS ZAB RGYAS SU GNANG ZHING, MNGA' @095 BDAG SKU MCHED, BDAG MO MCHED, ZHANG BLON 'GA' YAR LA YANG GSANG 'DUS KYI DBANG GNANG, DPON ZHANG NAM MKHA' STOBS RGYAL BA KHU DBON LA BSNYEN RDZOGS DANG RAB BYUNG GI SDOM PA GNANG, DE DUS MNGA' BDAG YUM SRAS RNAMS LA BSTAN 'GYUR BZHONGS GSUNGS ZHAL LTA GNANG PAS, BDAG CHEN MA'I GSUNG NAS, DRUNG NAS THUGS RJES BZUNG BA'I ZHAL LTA YIN, BDAG CAG DANG CI 'BYOR BYED PAR ZHU ZHUS PAS, DE SHIN TU LEGS GSUNGS NAS MNYES TSOR CHER MDZAD DO, , KHONG TSOS BLOS MA BLANGS NA, PAn CHEN SH'AKYA SHR'IS KYANG BOD YUL GYI 'BUL SNOD THAMS CAD KHRO PHU'I BYAMS PA BZHENGS PA LA BTANG GSUNGS, NGAS KYANG SPU RANGS MAN CHAD 'DI 'GRIMS NAS BSTAN 'GYUR GRUB TZAM GYI DNGOS CHA 'GRUB BSAMS PA GCIG BYUNG NA'ANG, SDE PAS BZHENGS PA SHIN TU LEGS GSUNGS NAS, BDAG CHEN MA LA, BKA' RU MA DNGUL BRE CHEN GCIG GOS PHYI NANG BZANG PO LNGA, BER THUL THONG RIS RE RE, RGYA'I RDOR DRIL GCIG GDAN DKAR RNAMS GNANG NAS, BDAG CHEN MAS KYANG, THUGS KHUR CHER BZHES 'BAD RTZOL BTON PAS, LO GCIG GI KHONGS SU BAR CHAD MED PAR GRUB PAS BLA MA BYIN RLABS CHE ZHING, YON BDAG MO SKU BSOD DANG BLO STOBS CHE BA'I GRAGS PA BYUNG NGO, ,DE NAS RAB GNAS LA RDZONG KHAR SPYAN DRANGS TE, DPAL GSANG BA 'DUS PA'I DKYIL 'KHOR ZHAL PHYE NAS SGRUB MCHOD RGYAS PAR MDZAD PAS, GSUNG RAB ZHAL DRO ZHING BYIN BRLABS CHE BA, MCHOD GNAS NGO DRO YON BDAG BKRA SHIS PA PHYOGS BYIN CHAGS PA'I RAB GNAS MDZAD DO, , @096 DRUNG DU GSER NGON PO SRANG BDUN, GOS TA HUN GYI SNAM BEM GCIG GIS MGO BYAS 'BUL SNOD RGYA CHEN PO MDZAD DUS, DRUNG GI ZHAL LTAS BDAG MO, MI LUS THOB PA DON YOD PA BYA BA DE LTA BU LA ZER BA YIN, CHOS LA BYA BA BYAS PA RANG SANGS RGYAS SU SKYE BAR MDO SDE DU MA NAS GSUNGS, DING SANG YANG DBUS GTZANG GI SDE PA SU STOBS CHE YANG, SNAG SHOG GLEGS SHING, BLO BU DGOS NA 'BYOR PA SHIN TU DKA', DE LTAR BSGRUBS PA'I DGE RTZA BLA MED RDZOGS PA'I BYANG CHUB TU BSNGO BA YANG RGYA CHEN PO MDZAD DO, , BSTAN 'GYUR BZHENGS PA'I MGO TSUGS PA TZAM LA, DRUNG NAS BLA MA SGRUB PA DPAL LA BSTAN 'GYUR 'DI BAR CHAD MED PAR 'GRUB PAR 'DUG NGA'I RMI LAM DU DBUS GTZANG THAMS CAD DU THOS PA'I DUNG THENG BDUN 'BUS PA RMIS GSUNGS, RVA SGRENG DU BZHUGS DUS MTSAN LAM DU, CHOS RJE BLO BZANG PA DANG GNYIS GZHUNG LAM CHEN PO GCIG LA SANGS RGYA RU 'GRO BA ZER 'GRO YIN 'DUG PAS, BLO BZANG PA 'GYOG TZAM 'GRO YI 'DUG KHONG LAM NA MCHOD RTEN GCIG 'DUG PA LA BSKOR BA BYED CING 'DUG NGAS MA BYAS PAR PHYIN PAS, SANGS RGYAS PA YIN ZER BA'I KHRI CHEN PO GCIG 'DUG PA DER NGAS SNGON LA 'DZEGS, KHONG GIS KYANG DE MA KHAD PHEBS BYON, KHONG LAS KHYED SANGS RGYA BAR ZHU BYAS PAS, KHONG NA RE, BLA MA BYANG CHUB SNGON LA MDZAD PAR ZHU ZER NAS NGAS SNGON LA SANGS RGYAS PA RMIS, KHONG BAR SKABS SU BSKOR BA BYED PA DE, RANG DON YID BYED GCIG BYUNG BA YIN NAM SNYAM PA BYUNG GSUNGS, DE LA SOGS PA'I NGO MTSAR RMAD DU BYUNG BA'I YON TAN MTHA' YAS SO, , @097 GANGS RI'I KHROD KYI CHE BTZUN 'BYOR LDAN GYIS, ,GUS PAS SPYAN DANG RNYED DANG BKUR STIS MCHOD, ,DBANG BSKUR SEMS BSKYED GDAMS PA MANG DU ZHUS, , KUN GYI MCHOD 'OS KHYED LA PHYAG 'TSAL LO, ,ZHES PA'I RIGS DANG GTONG PA LA SOGS PA MTHO RIS KYI YON TAN BDUN GYI MNGON PAR MTHO BA 'JAM DBYANGS NAM MKHA' RIN CHEN PAS, BDAG NYID CHEN PO MKHAS PA'I GRAGS PA THOB NAS SU 'CHAD NYAN MDZAD PA'I DUS SU DPON SLOB RNAMS YANG YANG BTEGS, GSUNG SGROS MANG PO BZHENGS NAS, BLO GSAL RNAMS LA GNANG, BZHENGS MKHAN RNAMS LA YANG SNAG SHOG SOGS CHAS KHA MANG PO GNANG, GSUNG SGROS LA 'CHAD NYAN MDZAD PA RNAMS KYI BDAG RKYEN YANG DAG PA MDZAD, BUL RONG DU PHYAG PHEBS MAR BCAD KYANG, PHYOGS NAS 'DUS PA'I BYA BRAL BA GANG BYUNG RNAMS BTEGS, BKREN PA RNAMS LA CI 'DOD KYI GSUNG SGROS RNAMS BRIS NAS GNANG BA SOGS BSHAD SGRUB MDZAD PA'I ZHABS TOG YANG DAG PA MDZAD PAS NA, SBYIN BDAG RNAMS KYI GTZO BO YIN NO, , RIGS DANG RUS DANG, CHO 'PHRANG GIS MNGON PAR MTHO BA KHRI RGYAL BSOD NAMS LDE PA YAB YUM GYIS DPON SLOB GANG YOD LO GNYIS KYI BAR DU BTEGS, MNGA' RIS SU CHOS KYI 'KHOR LO BSKOR BA'I BDAG RKYEN YANG MDZAD CING, DPON SLOB RNAMS LA 'BUL SNOD PHUN SUM TSOGS PA MDZAD NAS, MI PHYED PA'I DAD PA THOB PAS SBYIN BDAG GI MCHOG YIN NO, ,SNEL PAS, DPON SLOB 'KHOR BCAS DGA' BA GDONG DANG, RVA SGRENG DU NAM BZHUGS BAR BTEG CING, 'BUL SNOD RGYA CHEN PO YANG MDZAD, @098 DPON YON TAN RGYA MTSOS GNAM RTZE LDENG DU BZHUGS DUS, RGYAG 'KHOR MAR BTEG CING, 'BUL SNOD PHUN SUM TSOGS PA YANG MDZAD, GLING DKAR BAS YAR MAR GYI ZHABS TOG 'BUL SNOD BCAS PA YANG BSGRUBS, GNAS SNYING STONG DPON RGYAL MTSAN BZANG POS 'CHAD NYAN MDZAD DUS, DPON SLOB RNAMS KYI BSHAD NYAN GYI BDAG RKYEN YANG DAG PA MDZAD, 'BRI KHUNG CHEN PO SHES RAB DPAL BAS, NA BZA' JA DKAR TSIG CHEN LA SOGS 'BUL SNOD RGYA CHEN PO BSGRUBS, SLOB DPON SENG GE BZANG POS NAS KHAL BRGYA PHUL NAS, SLOB DPON RNAMS BTEG CHU 'DUS PAS SPYAN DRANGS NAS, CHOS 'KHOR BSKOR BA'I BDAG RKYEN 'BUL SNOD YANG DAG PAR MDZAD, SHRI RI 'DZAM BU GLING DU BSOD NAMS 'OD ZER BAS, DPON SLOB RNAMS KYI DBYAR RGYAG BTEG NAS CHOS 'KHOR BSKOR, MANG YUL SENG GE MKHAR DU DBON PO BSOD NAMS GRUB KYIS DPON SLOB 'KHOR BCAS ZLA GCIG BTEG NAS CHOS 'KHOR BSKOR, LAN 'DE GUNG STINGS SU BLA MA 'JAM DPAL GLING PA LCAM SRING GIS DPON SLOB SUM BRGYA TZAM ZLA BA GSUM GYI BAR DU BTEGS, DRUNG DU YANG NA BZA' LA SOGS 'BUL SNOD PHUN SUM TSOGS PA DANG, BYA BRAL BA RNAMS LA'ANG NA BZA' RE PHUL, STAG RTZE BAS SMU RDZING DU CHOS 'KHOR BSKOR BA'I BDAG RKYEN DANG YAR MAR GYI DPON SLOB RNAMS KYI ZHABS TOG 'BUL SNOD DANG BCAS PA MDZAD, KHYAD PAR KHONG RANG GRONGS DUS, THUGS DAM 'DOG THIG PO ZHO DRUG BCU RTZA DRUG 'GOR BA GCIG PHUL, BYA BRAL BA @099 RNAMS LA'ANG 'GYED DANG BCAS PA BSGRUBS, DRUNG AA PHYI BA DANG, DPON ZHANG KUN SPANGS PAS 'BUL 'DEGS BZANG PO MDZAD, KHYAD PAR DRUNG SLOB DPON MAS ZHABS TOG GI 'THIL DU ZHUGS NAS YANG DAG PA MDZAD, SHES RAB PA SKU MCHED PAS KYANG ZHABS TOG PHUN SUM TSOGS PA MDZAD, GZHAN YANG MNGA' RIS KYI DPON RIG 'BYOR LDAN DAD PA CAN RNAMS KYIS ZHABS TOG YANG DAG PA BSGRUBS, DRUNG NAS KYANG DBUS GTZANG GI SBYIN BDAG DE RNAMS THAMS CAD LA DBANG BSKUR, SEMS BSKYED LUNG KHRID LA SOGS GANG LA GANG 'OS KYI CHOS KYI 'BREL PA GNANG NAS, DAL 'BYOR THOB PA DON DANG LDAN PA MDZAD PAS, SANGS RGYAS DNGOS LTA BUR MI PHYED PA'I DAD PA THOB NAS GANGS CAN GYI SKYE BO PHAL MO CHE'I 'DREN PA DAM PAR GYUR TO, , KUN MKHYEN SHES 'OD LA SOGS PA MDO KHAMS KYI BU SLOB RNAMS DANG, BKA' BCU PA KUN DGA' DPAL LA SOGS PA DBUS GTZANG GI BU SLOB RNAMS KYIS KYANG 'BYOR PA DANG BTUN NAS GUS PAS MCHOD DO, ,GZHAN YANG GNAM GYI MTHA' MA RGYA NAG PO'I YUL NAS, TA MING RGYAL POS RGYAN GOS BZANG PO PHYI NANG LNGA, SNAM SBYAR BZANG PO, SKU 'GAG BER THUL, THONG RINGS, DBU THEB, LHAM, SKU SKYEG PHYAG PHRENG, RDOR DRIL CHA GNYIS, TING SHAG CHA GNYIS, RTEN KHEBS GNYIS, GDAN DKAR GNYIS, GSOL KHEBS GCIG MAndAL GYI RGYAN GSUM, TZANDAN DKAR PO GDUM GCIG JA DKAR RGYA MA LNGA BCU RNAMS PHUL, GU GE RGYAL POS, KHA CHE GUR GUM ZHO LNGA @100 BCU'I MGO BYAS 'BUL SNOD MANG DU BYUNG NGO, ,'BRUG GI LO LA MYA NGAN 'DA' DGONGS NAS, ,GO RTOG NYAMS SU MYONG BA'I ZAB DON RNAMS, ,STON PAS BSTAN PA GTOD PA JI BZHIN DU, ,CHOS 'KHOR NAN 'DOMS KHYOD LA PHYAG 'TSAL LO, ,ZHES PA NI MANG GUNG GI MTSAMS GLING RTZE DPAL GYI DBEN GNAS SU, 'BRUG GI LO LA DGE 'DUN BRGYA PHRAG GCIG LA CHOS KYI 'KHOR LO BSKOR BA'I DUS SU, DE'I LO MYA NGAN LAS 'DA' BA MKHYEN NAS, GUNG LO DRUG CU RTZA LNGA'I BAR DU THOS BSAM BSGOM GSUM GYIS RGYAL BA SRAS DANG SLOB MAR BCAS PA THAMS CAD KYI DGONGS PA ZAB MO PHYIN CI MA LOG PA RTOGS SHING, THUGS NYAMS SU BZHES PA'I DON RNAMS STON PA BCOM LDAN 'DAS KYIS 'OD SRUNGS CHEN PO DANG, KUN DGA' BO LA SOGS LA NGA'I MDO SDE RIN PO CHE 'DI KHYED LA GTAD DO, , KHYED RNAMS KYIS ZUNGS SHIG CHONGS SHIG LHOGS SHIG KUN CHUB PAR GYIS SHIG GZHAN LA YANG RGYA CHER STON CIG CES YANG DANG YANG DU GSUNGS PA BZHIN DU, BDAG NYID CHEN PO 'DIS KYANG, GDUL BYA'I THA MA RNAMS LA GSANG 'DUS RIM LNGA'I KHRID, LTA KHRID TSAR GNYIS, 'JUG PA TSAR GSUM BTUD NAS GSUNGS, RTZA BA TSAR GCIG RGYAS PAR GSUNGS, SMON 'JUG GI SEMS BSKYED LAN GNYIS NYIN GCIG LA GSUNGS, GSANG 'DUS KYI DBANG THENGS GNYIS GNANG, LCE BSGOM RDZONG PA'I MAN NGAG RIN SPUNGS KYI LUNG GNANG, BYA BRAL BA RNAMS KYIS LO MANG PO'I BAR DU GSOL BA BTAB KYANG MA GNANG PA'I GSUNG RAB THAMS CAD KYI SNYING PO BSDUS PA @101 BKA' 'BUM THOR BU BA'I LUNG RNAMS GNANG, SNGAR NAS GSUNGS PA DANG MI 'DRA BAR DKA' BA'I GNAS RNAMS LAN GSUM GSUM BSKYAR NAS GSUNGS, DE LTAR NGES PAR GYIS SHIG CES YANG YANG GSUNGS ZHING, KHYAD PAR DU 'PHAGS PA KLU SGRUB KYI LUGS KHA NA MA THO BA MED PA 'DI LA MA BRTEN PAR SANGS RGYA MI NUS PAR KHAS LEN AE NUS, ZHES CHOS MGO GZHUG LA LAN GNYIS GSUM GSUNGS KYANG, LAN ZHU MKHAN MA BYUNG 'DUG BDAG NYID CHEN PO'I BZHED PAS SANGS RGYA BA'I THABS RDO RJE THEG PA DANG, PHAR PHYIN THEG PA GNYIS LAS MA GSUNGS SHING, DE GNYIS KYI LAM GYI GTZO BO YANG RDZOGS RIM DANG LTA BA RNAM GNYIS YIN LA, DE GNYIS MING THA DAD KYIS BSTAN PA TZAM MA GTOGS NGO BO BDAG MED PA'I SHES RAB KHO NA YIN, DES STON PA'I GNAS KYI DON DE LAS GNAS LUGS KYI DON GZHAN DUS GSUM GYI SANGS RGYAS KYIS MA GSUNGS SHING, DE PHYIN CI MA LOG PAR 'PHAGS PA KLU SGRUB KYIS BSTAN PA 'DI KHO NA YIN SNYAM DU DGONGS PA YIN, 'PHAGS PA KLU SGRUB ZHABS KYI LUGS LAS NI, ,PHYI ROL GYUR LA ZHI BA'I THABS MED DO, ,ZHES PAS GZHUNG 'JUG PAR MDZAD PA YIN NO, , DBANG GNANG DUS DANG, DBU MA'I SKABS 'GA' YAR DU SPYAN CHAB YANG YANG GTONG BA'I RGYU MTSAN NI CHOS DANG CHOS SMRA BA'I GANG ZAG LA DAD CING GUS PA SKYES PA'I, NGAS KLU SGRUB KYI LTA BA BZANG PO 'DI BSTAN KYANG, DAD PA TZAM MA GTOGS PHYIN CI LOG PAR GO BA MA BYUNG PAR, GDUL BYA THUGS CHAD NAS ZER LO @102 GYIS DANG, GO BA MI GO GSUNG PA DANG, YE GSANG CHEN MOR 'DUG GI GSUNG ZHING, ZAB MO LTA BA'I BSTAN PA NUB 'GRO BAR GZIGS TE, THUGS MUG NAS BSHUMS PAR GO'O, ,'KHOR 'DAS CHOS KUN SKYE BA MED DRAN NAS, ,DE NYID NGANG LA MYA NGAN 'DA' BZHED NA'ANG, ,GUS PAS GSOL BTAB NGO RU ZHAG BDUN BAR, ,SKU TSE BYIN BRLABS KHYOD LA PHYAG 'TSAL LO, ,ZHES DANG, GANG TSE DE NYID SKYE MED YIN ZHING BLO DANG SKYE BA DANG BRAL BA, ,ZHES PA'I SKABS SU YUL CAN GYIS BSDUS PA, 'KHOR 'DAS KYI CHOS THAMS CAD SKYE BA MED PAR BSTAN TO, ,RANG NYID KYANG CHOS KYI DBYINGS SU MYA NGAN LAS 'DA' BAR BZHED NAS BSNYUNG BA'I TSUL BSTAN NA YANG, GDUL BYA RNAMS KYI MYA NGAN LAS MI 'DA' BAR GSOL BA BTAB PA'I NGOR ZHAG BDUN GYI BAR, SKU TSE BYIN GYIS BRLABS NAS SKU KHAMS DANGS TE, DA LO'I CHOS 'DI BAR CHAD KYANG MANG PA GCIG BYUNG BAS, GROL BA'I RIGS MI 'DUG GSUNGS NAS, DMIGS PA SPUNGS NAS GNANG, 'JUG PA'I BSHAD PA YANG GROL BAR MDZAD DO, , 'CHI BA 'OD GSAL LUS LA BRTEN MI SRID, ,LUS SEMS BRAL NAS RNAMS SHES STONG PAR ZHUGS, ,DBYINGS RIG DBYER MED 'OD GSAL YIN NO ZHES, , YANG YANG GSUNG PA KHYOD LA PHYAG 'TSAL LO, ,ZHES PA 'DI DING SANG GI MAN NGAG PA PHAL CHER NYER THOB MUN CHEN GYI GNAS SKABS SU ZHI GNAS KYI MTHUS SEMS LUS LA YUN RING DU GNAS PA LA, 'CHI BA 'OD GSAL DU 'DOD NA'ANG DE 'DRA MDO RGYUD KYI DGONGS PA MA YIN, LUS SEMS BRAL NAS STONG CHEN CHOS KYI DBYINGS SU ZHUGS @103 NAS, DBYINGS RIG DBYER MED DU GYUR PA LA 'CHI BA 'OD GSAL ZHES ZER BA YIN, 'DI LTAR BSHAD NA MANG PO GCIG DGRA RU 'GRO STE, 'DI MI ZER KHA MED YIN PAS, THAMS CAD KYI YID LA ZUNGS SHIG CES MANG DU GSUNGS SO, ,SNGAR BSGOMS 'PHO BA'I MAN NGAG GSAL BTAB NAS, ,RTAGS RNAMS MA BRJED DGA' SPROS 'OD GSAL 'JUG ,'GOG LA LDANG ZHING SNGON GYIS 'PHEN PAS 'PHO, ,GSUNG ZHING MDZAD PA KHYOD LA PHYAG 'TSAL LO, ,ZHES PA 'DI DENG SANG GI 'CHI TZA NA 'PHO BA 'DEBS ZER BA'I LAG LEN GCIG DAR 'DUG NA'ANG, PHYI DBUG MA CHAD PA LA 'DEBS PA YIN, PHYI DBUGS CHAD NAS BTAB KYANG THOS PA'I GO SKABS MED, DE'ANG, SNGAR 'PHO BA'I GNAD MAN NGAG SGOM MYONG NA, MI GSAL BA GSAL BAR BYED PA LA GZHAN GYIS 'PHO BA 'DEBS PA YIN, MAN NGAG MA THOB PA'I SKYE BO THA MAL PA LA 'PHO BA'I MAN NGAG BSTAN KYANG KHO LA CI YANG MI PHAN, DE BAS MTSAN DANG, GZUNGS BYIN RLABS CAN BRJOD PA DON CHE, MAN NGAG DANG LDAN PA 'CHI BA'I TSE, SNGAR RANG GIS BSGOMS PA'I 'PHO BA'I MAN NGAG RNAMS LEGS PAR GSAL BTAB NAS, NGA 'DI 'DRA GCIG TU SKYES NA SNYAM PA'I 'PHEN PA DRAG TU SNGON DU BTANG NAS, 'BYUNG BA BZHI THIM PA'I RTAGS DANG, SNANG BA GSUM SHAR BA'I RTAGS RNAMS MA BRJED PAR BYAS NAS, RTAGS RNAMS RDZOGS PA DANG, DA NGA 'OD GSAL DON DAM PA'I BDEN PA MNGON SUM DU BYED PA 'DUG SNYAM PA'I DGA' SPRO CHER SKYE ZHING, PHA KHYIM DU BU 'GRO BA LTAR BROD PA DANG BCAS NAS CHOS KYI DBYINGS LA ZHUGS PA LA 'CHI BA 'OD GSAL @104 MNGON DU BYAS PA ZER BA YIN, DE'I NGANG LA 'PHO BA'I RNAM RTOG MED KYANG, MNGON GYI 'PHEN PA'I DBANG GIS GANG 'DOD PA'I SKYES GNAS SU 'PHEN NUS PA LA 'PHO BA THEBS PA ZER BA YIN, NYAN THOS RNAMS 'GOGS PA LA SNYOMS PAR 'JUG PA'I TSE, ZHAG DANG ZLA BA DANG LO 'DI TZAM GYI BAR DU SNYOMS PAR 'JUG CING, SNYOMS 'JUG GI NGANG LAS LDANG BA'I 'DU SHES MED KYANG SNGON GYI 'PHEN PA'I DBANG GIS DUS LAS MI 'DA' BAR LDANG BA YIN, DPER NA GNYID LOG PA'I SNGON LA NANG PAR SNGA MOR LDANG MNYAM PA'I 'PHEN PA BTANG NAS NYAL BAS, GNYID KYI NGANG LA LDANG BA'I BLO MED KYANG, 'PHEN PAS SNGA MOR GNYID SAD PA BZHIN NO, ,ZHES GSUNG ZHING, JI LTAR GSUNG BA BZHIN DU MYA NGAN LAS 'DA' BA'I DUS SU YANG MNGON DU MDZAD DO, , SKU TSE 'DI YI DNGOS KYI GDUL BYA LA, ,ZAB RGYAS CHOS KYI 'KHOR LO BSKOR ZIN NAS, ,'CHI BA 'OD GSAL SKABS SU GZHAN DON GSHEGS, ,SKYE 'CHI DBANG THOB KHYOD LA PHYAG 'TSAL LO, ,ZHES PA NI, GONG DU BSTAN PA DE LTAR GYI GDUL BYA'I TSOGS RNAMS LA, RANG RANG GI SKAL BA DANG 'TSAMS PAR ZAB PA DON DAM BDEN PA DANG, RGYA CHE BA KUN RDZOB KYI BDEN PA GNYIS KYI SGO NAS THAR PA DANG THAMS CAD MKHYEN PA THOB PA'I THABS CHOS KYI 'KHOR LO MA LUS PA BSKOR ZIN NAS, RANG NYID MYA NGAN LAS 'DA' BA LA 'JIGS PA DANG, YA NGA BA DANG, BAG TSA BA MI MNGA' BA YIN TE, SLOB DPON SANGS RGYAS DPAL GYI SGRUB CHEN MA NA RE, TSE SGRUB MA MDZAD NA SKU TSE THUNG ZER GDA' LAGS, TSE SGRUB MDZAD NA ZHUS PAS, DRUG CU KHA RAL GYIS @105 DUS SU, DRUG CU RTZA LNGA SONG 'DUG DA TSE RING BA'I RTEN 'BREL MI SGRIGS GSUNG BA DANG, SNYUNG PA LDOG PA'I SNGA DRO BLA MA RGYAL BZANG GIS PHYAG PHUL NAS, DRUNG NAS BSTAN PA DANG, SEMS CAN GYI DON LA ZHABS BRTAN PAR BZHUGS SU GSOL, ZHES ZHUS PAS, DA NA BA YUN THUNG BA DANG, 'CHI BA ZUG CHUNG BA BYUNG NA BSAM PA MA GTOGS BYA BA 'DI RANG MA 'GRUB SNYAM PA'I BLO'I LHAG MA LUS PA MED GSUNGS NAS, GANG LA SKYABS NA BSLU MED DKON MCHOG GSUM, ,'BRAL MED SPYI GTZUG RGYAN DU BZHUGS SU GSOL, ,SNANG STONG SGYU MA'I RNAL 'BYOR RI KHROD PA, ,SEMS SNONG MED KYI GLU SKAD 'DI BZHIN LEN, ,SHUL NA 'PHRENG BA'I ZAS NOR LUS PA MED, , GDONG NA 'TSER BA'I LAS NGAN BSAGS PA MED, ,THEG CHEN BSLAB PA'I BSAM SBYOR NYAMS PA MED, ,DA SGYU MA'I LUS SEMS BRAL YANG 'GYOD PA MED, ,CI SNANG SGYU MAR RTOGS PA'I SHES RAB YOD, ,'GRO DRUG PHA MAR SHES PA'I LHAG BSAM YOD, , THABS SHES ZUNG DU 'BREL BA'I NYAMS LEN YOD, ,DA SGYU MA'I LUS SEMS BRAL YANG 'GYOD PA MED, ,THOG MAR GSUNG RAB DGONGS DON TSUL BZHIN BTZAL, , BAR DU BLO GSAL GDUL BYA'I TSOGS LA BSHAD, ,THA MAR 'DRIS PA'I DON LA RTZE GCIG BSGOMS, ,DA SGYU MA'I LUS SEMS BRAL YANG 'GYOD PA MED, ,RGYAL BA'I BSTAN PA SROG LAS GCES PAR BZUNG, ,RIGS DANG MI RIGS TSUL BZHIN RNAM PAR PHYE, ,'CHAD RTZOD RTZOM PAS DAL 'BYOR DON YOD BYAS, ,DA SGYU MA'I LUS SEMS BRAL YANG 'GYOD PA MED, ,'GYOD MED BDE DROD KYI MGUR MA 'DI, ,GANGS BU LE'I @106 'GUL DU BLANGS PA YIN, ,MI KHO BO'I RJES 'JUG BSKAL LDAN RNAMS, ,MI NGA BZHIN BYED NA 'DI BZHIN MDZOD, ,GSUNG BA BZHIN GONG DU BSTAN PA DE LTAR 'CHI BA 'OD GSAL GYI DMIGS PA RGYAS PAR GSUNGS NAS, CHOS NANG PAR GYI GROL BAR GDA'O, , ZHES GSUNGS ZHING, NANG PAR CHOS GSUNG BA'I DUS MAR BCAD BSNYUNG BA'I TSUL BSTAN NAS, GSUNG MI GNANG ZHING, GSOL MI DGONGS TZAM MA GTOGS SNYUNG ZUG MED PAS, THUGS DAM GYI RIM PA RNAMS MA CHAG CING, JI LTAR BZHED PA BZHIN 'PHO BA MDZAD NAS, 'BRUG LO ZLA BA BCU PA'I NYER DGU'I NYI SHAR LA, SKU LUS GZUGS KYI SKU 'OD GSAL CHOS KYI SKUR MYA NGAN LAS 'DAS PA'I TSUL BSTAN TO, , SKYE 'CHI LA DBANG THOB PA YIN TE, BSAM BZHIN DU SRID PA BZHES ZHING BZHED PA SHIN TU MYA NGAN LAS 'DAS PA'I PHYIR RO, ,SGYU LUS KUN RDZOB BDEN PA RNAM PAR DAG , 'OD GSAL DON DAM BDEN PA MNGON DU GYUR, ,ZUNG 'JUG RDO RJE 'CHANG GI GO 'PHANG BRNYES, ,PHRIN LAS LHUN GRUB KHYOD LA PHYAG 'TSAL LO, ,ZHES PA NI SNGON GYI 'PHEN PA'I DBANG GIS 'CHI BA 'OD GSAL LAS BAR DU SGYU LUS SU BZHENGS NAS, KUN RDZOB BDEN PA RNAM PAR DAG PA MTSAN DANG DPE BYAD YONGS SU RDZOGS PA LONGS SKU MNYES TE, RTEN DE NYID LA 'OD GSAL DON DAM PA'I BDEN PA RNAM PAR DAG PA CHOS KYI SKU MNGON SUM DU MNGON DU MDZAD PA NI, DBANG PHYUG BRGYAD LDAN ZUNG 'JUG RDO RJE 'CHANG GI GO 'PHANG BRNYED PAR 'GYUR TE, ZHI RGYAS DBANG DRAG PHRIN LAS RNAM PA @107 BZHIS 'BAD MED LHUN GRUB RGYUN MI 'CHAD DU GZHAN DON MDZAD PAS 'KHOR BA SDUG BSNGAL GYI RGYA MTSO SKEMS PAR MDZAD DO, , ZHING GZHAN GSHEGS TSE SA CHEN RAB TU GA-YOS, ,DPA' BO MKHA' 'GRO LHA RNAMS 'DUS GYUR TE, ,PHYI DANG NANG DANG GSANG BA DE KHO NAS, ,MCHOD NAS SPYAN DRANGS KHYOD LA PHYAG 'TSAL LO, ,ZHES PA NI, SKYES BU DAM PA RNAMS BLTAMS PA DANG, CHOS KYI 'KHOR LO BSKOR BA DANG, MYA NGAN LAS 'DAS PA'I DUS SU, 'JIG RTEN LA GNOD PAR MI 'GYUR BA'I SA G-YO BAR, ,MDO LAS GSUNGS PA LTAR BYUNG BA KUN LA GSAL LO, ,DPA' BO MKHA' 'GRO DKAR PHYOGS LA DGA' BA'I LHA KLU SOGS NAM MKHA' LA 'DUS PAR GYUR TE, PHYI'I MCHOD PA 'DOD YON LNGA, NANG MCHOD PA SHA LNGA BDUD RTZI LNGA, GSANG BA'I MCHOD PA DGA' BZHI'I BDE BA, DE KHO NA NYID KYI MCHOD PA GNAS LUGS RTOGS PA'I LTA BAS RANG RANG GIS JI LTAR NUS PA LTAR MCHOD NAS, BDAG NYID CHEN PO GAR GSHEGS PA'I GNAS SU SPYAN DRANGS PA YIN NO, ,KUN GYIS THOS PA'I DUNG DANG RNGA BO CHE'I SGRA SKAD BSAM GYIS MI KHYAB PA BYUNG ZHING, SNGAR SNAM MA MYONG BA'I DRI BZANG PO KUN GYIS TSOR BA YANG YANG BYUNG, BLA MA BSOD NAMS GRAGS PA SOGS 'GA' YAR GYI MTSAN MO BLA BRANG KUN 'OD KYIS KHENGS PA GZIGS, DE LA SOGS PA DGE BA'I LTAS BSAM GYIS MI KHYAB PA BYUNG NGO, , YE SHES ME YIS KHYOD SKU BZHU BA'I TSE, ,MKHA' LA SPRIN MED BAR SNANG RLUNG YANG ZHI, ,SA LA DROD RGYAS DBYAR BZHIN BYIN GYIS BRLABS, ,RTEN 'BREL DBANG @108 THOB KHYOD LA PHYAG 'TSAL LO, ,ZHES PA NI, DPAL GSANG BA 'DUS PA'I DKYIL 'KHOR GYI ZHAL PHYE NAS, SGRUB PA'I MCHOD PA RGYAS PAR PHUL TE, YE SHES LNGA'I MES RNAM PAR SMIN PA'I SKU SBYANG BA'I TSE, SKAD CIG DE NYID LA RGYAN NAM MKHA' SPRIN SOGS SGRIB G-YOGS KUN DANG BRAL ZHING BEE d'URYA'I RANG MDOG YONGS SU RDZOGS PAR BSTAN, BAR SNANG LA RLUNG DANG TSUB MA SOGS KYI RDUL DANG BRAL BAR GYUR, SA GZHI LA GLO BUR DROD CHER RGYAS TE, GRANG PAS NYEN DANG BRAL BA, DBYAR BZHIN DU BYIN GYIS BRLABS PA NI, RTEN CING 'BREL BAR 'BYUNG BA LA DBANG THOB, LTA BA RNAM PAR DAG PA'I MTHU YIN PAR KUN GYIS GO'O, ,STON PA'I SKU GDUNG CHA BRGYAD BGOS PA BZHIN, ,KHYOD GDUNG DAD LDAN LHA MI GRANGS MED KYIS, ,PHYOGS BCUR SPYAN DRANGS MCHOD PA'I RTEN DU GYUR, ,SKU GDUNG RGYAS MDZAD KHYOD LA PHYAG 'TSAL LO, ,ZHES PA NI, SNGON GYI GYAD KYIS YUL SHING SA LA ZUNG GI DRUNG DU, BCOM LDAN 'DAS MYA NGAN LAS 'DAS PA'I DUS DU, SKU GDUNG RING BSREL RNAMS LHA DANG KLU DANG MI RNAMS KYI CHA BRGYAD DU BGOS PA BZHIN DU, BDAG NYID CHEN PO 'DI'I SKU GDUNG BYIN BRLABS KYI SNYING PO CAN RNAMS KYI SKAL BA, LHA KLU SOGS MI MA YIN GYIS KYANG SPYAN DRANGS PAR GRAGS TE, GDUNG KHANG ZHAL PHYE DUS PHYAG ZHABS KYI RKANG 'GA' YAR MA TSANG PAR MTHUN SNANG DU GRUB BO, , LHAG MA RNAMS NANG RTEN PHYI RTEN SKU 'DRA'I NANG DU GZHUG RGYU DANG, BU SLOB KYI MCHOG CHOS RJE BLO BZANG GRAGS PAS GTZO MDZAD RAB TU BYUNG BA'I GDUL BYA @109 RNAMS DANG, SBYIN BDAG GI MCHOG TU GYUR PA KHRI BSOD NAMS RGYAL MTSAN LDE PA SKU MCHED KYIS THOG DRANGS KHYIM PA'I GDUL BYA RNAMS LA BKYE NAS LHA KLU'I GNAS DANG, BOD GANGS CAN GYI KHROD THAMS CAD DU MCHOD PA'I RTEN DU GYUR TO, ,MTHONG THOS DRAN REG GTAM DU BRJOD RNAMS KYI, ,'DI PHYI BAR DO'I MGON SKYABS DPUNG GNYEN MDZAD, ,BSLU MED SKYABS GNAS DPAL LDAN RED MDA' BA, ,'DREN MCHOG DAM PA KHYOD LA PHYAG 'TSAL LO, ,ZHES PA NI, DPAL LDAN BLA MA DE'I SKU MTHONG BA'AM, GSUNG THOS PA'I YON TAN DRAN PA'AM, PHRIN LAS KYIS REG PA'AM, MTSAN BRJOD PA'I GDUL BYA RNAMS KYI TSE 'DI'I SKU DRIN MGON, PHYI MA'I SKYABS, BAR DO'I DPUNG GNYEN DAM PAR GYUR PA GNAS SKABS DANG, MTHAR THUG KUN TU BSLU BA MED PA'I SKYABS GNAS 'DREN MCHOG DAM PA DE LA BDAG SOGS GDUL BYA THAMS CAD SGO GSUM GUS PAS SKYABS SU MCHI ZHING PHYAG 'TSAL LO, ,MCHOD DO, ,BSTOD DO, , RNAM PA KUN TU RJES SU GZUNG DU GSOL, KYE MA KYE HUD BSTAN PA'I SROG SHING CHAG ,BSTAN 'DZIN DGE 'DUN PHYOGS BCUR 'THOR LAGS SO, ,KYE MA KYE HUD THAR PA'I RGYAL MTSAN 'GYEL, ,THAR 'DOD RNAMS KYI THAR LAM STOR LAGS SO, ,KYE MA KYE HUD LEGS BSHAD DGA' STON NYAMS, ,BLO GSAL RNAMS KYI RE THAG BCAD LAGS SO, ,KYE MA KYE HUD LTA BA'I NYI MA NUB, ,KLU SGRUB YAB SRAS LUGS BZANG SU YIS SKYONG, ,KYE MA KYE HUD DAM CHOS RGYA MTSO SKAMS, ,THOGS MED SKU MCHED BSHAD SROL SU YIS STON, ,KYE MA KYE HUD @110 LUNG RIGS MCHE SDER 'THOR, ,PHYOGS GLANG CHOS GRAGS RIGS TSUL SU YIS SPEL, , KYE MA KYE HUD TSUL KHRIMS BUM PA ZHIG ,YON SHAG RNAM GNYIS SDOM RGYUN SU YIS 'DZIN, ,KYE MA KYE HUD SPANGS RTOGS GO RIM 'CHOL, ,'PHAGS SENG GNYIS KYI LEGS BSHAD SU YIS BSGROG ,KYE MA KYE HUD NYAMS RTOGS BYIN BRLABS YAL, ,TE LO N'A RO'I MAN NGAG SU LA ZHU, ,KYE MA KYE HUD PHAN BDE'I PAD TSAL ZUM, ,BSHAD SGRUB BSTAN PA GCIG CAR NUB LAGS SO, ,KYE MA KYE HUD NYAM THAG YI RE MUG , KHYOD SKU MIG GIS MTHONG BA'I SKAL BAS DBEN, ,KHYOD GSUNG RNA BAS THOS PA'I BSOD NAMS MED, ,KHYED THUGS GANG NA BZHUGS KYANG BYIN GYIS BRLOBS, , RJES SU MCHOD PA PHUL BA'I TSUL NI, BLA MA BSOD NAMS GRAGS PAS GTZO MDZAD, BU SLOB BRGYA PHRAG GCIG LHAG TZAM GYIS ZHAG BCO BRGYAD KYI BAR DU PHYI NANG GI DKYIL 'KHOR CHEN PO 'DI DAG GIS ZHAL PHYE NAS GUS PAS GSOL BA BTAB PA NI, BLA MA BSOD NAMS GRAGS PA DANG, CHEN PO CHOS DPAL BA GNYIS KYIS GTZO MDZAD KYIS, KYEE RDO RJE SLOB DPON YI DAM DPAL BA DANG, BLA MA YON TAN RGYAL BAS GTZO MDZAD RNAMS KYIS KUN RIG BLA MA RGYAL BZANG PAS GTZO MDZAD, BYA BRAL BA RNAMS KYIS CHOS RJE'I THUGS DAM GYI GTZO BO DPAL GSANG BA 'DUS PA DANG, BCOM LDAN 'DAS 'KHOR LO BDE MCHOG SLOB DPON BKA' BZHI PAS GTZO MDZAD DGE 'DUN BYING GIS BDE GSHEGS BRGYAD LA MCHOD PA, BDAG GIS BLA MA MCHOD PA LA SOGS PA'I SGRUB MCHOD PHUL TE GSOL BA BTAB, DE DUS NANG SO RANG GI PHYAG RDZAS GANG @111 YOD KYIS CI LDANG BYAS PA'I LHAG MA, KHAB NANG SOS ZHAG GSUM, BDAG CHEN MAS ZHAG GNYIS, DRUNG DPON SLOB MAS GTZO MDZAD RNAMS KYIS ZHAG GSUM BTEGS NAS, GDUNG GI DRUNG NAS GTZO MDZAD DGE 'DUN RNAMS LA BSNYEN BSKUR 'BUL 'DEGS PHUN SUM TSOGS PA MDZAD DO, , RTEN RANG BYON 'PHAGS PA'I SKU TSAD MNYAM PA'I RJE BTZUN 'JAM PA'I DBYANGS KHRI RGYAB DANG BCAS PA BZHENGS PA'I ZANGS GSER, BZO GNAS PA'I YON RGYAGS SOGS KYI SBYIN BDAG GIS THIL, DRUNG BDAG PO PAS MDZAD CING, GZHAN YANG BDAG CHEN MAS GTZO MDZAD, BU SLOB RNAMS KYIS DAD CING GUS PAS PHUL BA DANG, NANG SO RANG GI THIG PO SOGS PHYAG RDZAS KYI BZHUGS GANG YOD BTANG NAS, MANG YUL 'PHAGS PA'I GTZUG LAG KHANG DU BZHUGS SU GSOL CING, SKU 'DRA'I SBYIN BDAG CHEN PO CHOS DPAL BAS MDZAD NAS, GTZUG LAG KHANG DE NYID NA BZHUGS PA'I SPYAN MNGAR BDAG NYID CHEN PO RANG GIS, JO BO'I DRUNG DU PHUL BA'I SKONG BU LA DNGUL DAM GCIG MNAN NAS, SKONG RKYEN BZANG PO BRTZEGS TE PHUL BA'O, ,RTEN GNYER CHEN PO DANG, SLOB DPON YON RIN PAS MDZAD, THIL BZHUGS BLA MA RGYAL BZANG PA DANG, NYE GNAS MCHOG LEGS KYIS MDZAD DO, ,DGE LEGS YON TAN CHU GTER CHEN PO LAS, ,CHU THIG TZAM ZHIG BLANGS LA NYES PA'I TSOGS, ,JI SNYED MCHIS PA THAMS CAD MTHOL LO BSHAGS, ,ZHABS 'BRING GNYUG MA'I TSOGS LA BZOD PAR GSOL, ,BLA MA'I RNAM THAR NGO MTSAR RMAD BYUNG BA'I, ,BSHES GNYEN @112 BSOD NAMS GRAGS SOGS BKAS BSKUL NAS, ,GRANGS MED GDUL BYA'I THA SHAL MNGA' RIS PA, ,MI PHYED DAD THOB SANGS RGYAS RTZE MOS SBYAR, ,DGE BA 'DI DANG DGE BA'I RTZA BA GZHAN, ,MA LUS BLO YIS GCIG TU BSDOMS BYAS NAS, ,BLA MA MCHOG LA GUS PAS PHUL BA YIS, ,BLA MA DAM PA'I THUGS DGONGS RDZOGS PA DANG, ,SKU GSUNG THUGS KYI BYIN BRLABS 'JUG PAR SHOG , RNAM THAR ZHIB RGYAS SU BRJOD PA BLO'I YUL MA YIN ZHING, DRUNG RANG NAS KYANG NGAS 'DI LTAR BYAS, 'DI BZHIN BYUNG SOGS CHER MI GSUNG PA DANG, RGYUN DU ZHABS TOG PHUL BA'I RGYUS CAN LA 'DRIS MED PA'I STOBS KYIS, GO RIM GONG 'OG NOR BA SOGS NYES PA'I TSOGS THAMS CAD BZOD PAR MDZAD DU GSOL, 'DIS PHYOGS DUS GNAS SKABS THAMS CAD DU DAR ZHING RGYAS PAR GYUR CIG ,CES PA 'DI DBANG PHYUG MI LA RAS CHEN GYI BSTI GNAS RKANG TSUGS PHUG GI RI KHROD DU SBYAR BA'O,, ,,DGE LEGS SU GYUR CIG ,GA {?} RJE BTZUN CHEN PO RED MDA' BA'I GSUNG SGROS MDOR BSDUS PA'O, , MANGGA LAm, BHA WANTU,, ,,