Deathless Nectar that Feeds the Sprouts of Helping Others, Notes taken on the Occasion when the Lord of

@001 *, ,BOD KYI NANG BSTAN DPE TSOGS LTE GNAS,, Tibetan Buddhist Resource Center Text Scan Input Form-Title Page Work: W3CN555 Image Group: I3CN3979 LCCN: n/a ISBN: n/a Title: blo+o SBYONG MTSON CHA 'KHOR LO'I 'GREL PA DANG 'JAM DPAL ZHAL LUNG LHO RGYUD, blo+o sbyong mtshon cha 'khor lo'i 'grel pa dang 'jam dpal zhal lung lho rgyud/ Author: n/a Descriptor: n/a Original Publication: n/a;n/a Place: n/a Publisher: mtshur dgon nang bstan slob gling nas bsgrigs/ Date: n/a Volume: 1 Total Volumes: 1 TBRC Pages: 2 Introductory Pages: n/a Text Pages: n/a Scanning Information: Scanned at Tibetan Buddhist Resource Center, 1430 Massachusetts Ave, 5th Floor, Cambridge, Mass. 02138. Comments: 11/2016 @002 *, ,BLO SBYONG MTSON CHA 'KHOR LO'I 'GREL PA DANG 'JAM DPAL ZHAL LUNG LHO BRGYUD, MDZAD PA PO, KHRI CHEN BSTAN PA RAB RGYAS SOGS, MTSUR DGON NANG BSTAN SLOB GLING NAS BSGRIGS, @003 DE YANG BYANG CHUB SEMS KYI MNGA' BDAG BLA MA DHARMA RAKshI TAS MDZAD PA'I BLO SBYONG MTSON CHA'I 'KHOR LO NI TSIG DON GANG GI CHA NAS BYAS KYANG 'GRAN ZLA BRAL BA'I BSTAN BCOS ZHIG STE 'DI NI RKYEN DU MA LA BRTEN NAS 'GRO BA MI PHAL MO CHE LA YID MUG PA'I BRO NAD KYIS ZIN NAS BDE BA'I GO SKABS SKAD CIG TZAM YANG DKON PA'I DUS 'DIR NAD BRGYA SEL BA'I SMAN MCHOG TU NGES LA, 'DI'I 'GREL BA LA YANG KHRI BSTAN PA RAB RGYAS MCHOG GIS MDZAD PA'I TSIG 'GREL 'DI RMAD BYUNG GI LEGS BSHAD ZHIG TU SNANG BAS BAN SGAR SGRUB GRVA BA RDO RJE DBANG GRAGS KYIS RGYU YON SBYAR TE BLO SBYONG MTSON CHA'I 'KHOR LO'I RTZA 'GREL 'DI DEB GRANGS CHIG STONG SPAR DU BSKRUN PA LAGS NA MKHA' KHYAB KYI 'GRO RNAMS RIN CHEN BYANG CHUB SEMS KYIS RGYUD PHYUG TE SKU BZHI'I GO 'PHANG MCHOG LA REG PA'I RGYUR GYUR CIG AA STOBS KYIS, @001 DKAR CHAG , KHYAB BDAG RDO RJE 'CHANG CHEN PO NAS BLO SBYONG MTSON CHA 'KHOR LO'I BSHAD LUNG STZAL SKABS KYI GSUNG BSHAD ZIN BRIS GZHAN PHAN MYU GU BSKYED PA'I BDUD RTZI ZHES BYA BA BZHUGS SO,, ...(1) CHOS THUN DANG PO, ...(2) CHOS THUN GNYIS PA, ...(12) CHOS THUN GSUM PA, ...(20) CHOS THUN BZHI PA, ...(27) CHOS THUN LNGA PA, ...(45) CHOS THUN DRUG PA, ...(58) CHOS THUN BDUN PA, ...(81) CHOS THUN BRGYAD PA, ...(92) CHOS THUN DGU PA, ...(112) CHOS THUN BCU PA, ...(142) CHOS THUN BCU GCIG PA, ...(178) @002 BYANG CHUB LAM GYI RIM PA'I DMAR 'KHRID 'JAM DPAL ZHAL LUNG GI 'KHRID RGYUN BSDUS PA LHO BRGYUD DU GRAGS PA BZHUGS SO,, ...(212) DNGOS GZHI LA BRTEN NAS BLO JI LTAR SBYANG BA'I RIM PA, ...(224) SNYING PO JI LTAR LEN PA'I TSUL BSHAD PA, ...(229) SKYES BU CHUNG NGU DANG THUN MONG BA'I LAM GYI RIM PA LA BLO SBYONG BA, ...(230) SKYES BU 'BRING DANG THUN MONG BA'I LAM GYI RIM PA LA BLO SBYONG BA, ...(258) SKYES BU GSUM GYI LAM GYI RIM PA BSHAD PA, ...(274) MJUG BYANG, ...(297) @001 *, KHYAB BDAG RDO RJE 'CHANG CHEN PO NAS BLO SBYONG MTSON CHA 'KHOR LO'I BSHAD LUNG STZAL SKABS KYI GSUNG BSHAD ZIN BRIS GZHAN PHAN MYU GU BSKYED PA'I BDUD RTZI ZHES BYA BA BZHUGS SO,, GANG MTSAN MTHONG THOS DRAN (1 NA) PA'I MOD NYID LA, , BDAG TU 'DZIN PA'I SA BON DRUNG PHYUNG NAS, ,BDAG MED RTOGS PA'I SHES RAB RGYAS MDZAD PA, ,BKA' DRIN MTSUNGS MED RDO RJE 'CHANG LA 'DUD, ,MGON DES SNYIGS DUS 'GRO LA RJES BRTZE BAS, ,THEG CHEN CHOS KYI NYING KHU MA LUS PA, , 'GAG MED GSUNG GI GSANG BA LAS DRANGS TE, ,SKAL BZANG GDUL BYA'I TSOGS LA BGO BSHAR 'GYED, ,DE LAS CHA TZAM BDAG BLO'I YOL GO RU, ,'KHYIL BA'I LEGS BSHAD BDUD RTZI'I THIGS PA RNAMS, ,RANG DANG SKAL MNYAM RNAMS LA SMAN PHYIR DU, ,DENG 'DIR RI MO'I LAM DU 'GOD PAR BYA, ,DE LA 'DIR SNYIGS DUS KYI 'GRO BA YONGS KYI MGON SKYABS GCIG @002 PU KHYAB BDAG RDO RJE 'CHANG CHEN PO BLO BZANG YE SHES BSTAN PA RAB RGYAS DPAL BZANG PO NAS BZHI SDE DGA' LDAN BSAM GTAN GLING DU BSTAN 'DZIN GYI BDAG NYID CHEN PO RNAMS KYIS GTZO MDZAD PA'I DGE 'DUN 'DUS SDE RNAMS LA BLO SBYONG MTSON CHA 'KHOR LO'I BSHAD LUNG ZAB MO TSOGS CHOS SU STZAL SKABS KYI GSUNG BSHAD ZAB GNAD RAGS RIM TSIG 'GREL DANG BCAS PAR BLOS JI LTAR DPOGS PA RNAMS ZIN (2 NA) BRIS SU 'GOD PAR, CHOS THUN DANG PO, ` CHOS THUN DANG PO'I SPYI BSHAD KYI SKABS SU, BDAG NYID CHEN PO SHANTA DE WA'I ZHAL NAS, DAL 'BYOR 'DI NI RNYED PAR SHIN TU DKA', ,SKYES BU'I DON GRUB THOB PAR GYUR PA LA; ,ZHES SOGS KYI TSIG 'GREL SKABS DAL 'BYOR RNYED DKA' DON CHE TSUL DANG, LHAG TU SKYES BU'I DON GRUB THOB CES PA LA, SKYES BU CHE 'BRING CHUNG GSUM GYI DON GRUB THOB TSUL MI 'DRA BA GSUM YOD TSUL SOGS KYI MTHAR, DE BAS NA RANG CAG RNAMS KYIS RNYED PAR DKA' BA'I DAL 'BYOR GYI @003 RTEN RNAM PAR DAG PA THOB, MJAL BAR DKA' BA SANGS RGYAS KYI BSTAN PA RIN PO CHE TSANG LA MA NOR BA KHAMS GSUM 'GRO BA'I BLA MA TZONG KHA PA CHEN PO'I MDO SNGAGS ZUNG DU 'JUG PA'I BSTAN PA DANG MJAL ZHES SOGS GSUNGS SKABS DA LTA'I GNAS SKABS SU SANGS RGYAS KYI BSTAN PA TSANG LA MA NOR BA RANG RE 'JAM MGON CHOS KYI RGYAL PO TZONG KHA PA CHEN PO'I BSTAN PA 'DI NYID YIN TSUL SOGS RGYAS PAR BKA' BSTZAL BA'I RJES SU, GANG GSAN PAR BYA BA'I CHOS KYI TSUL NI DA RES KYI GNAS SKABS SU BLO SBYONG MTSON CHA 'KHOR LOR GRAGS PA 'DI NYID (2 BA) YIN LA, 'DI YANG SNGA DUS PHUR BU LCOG BLA MA RIN PO CHES LAN KHA YAR GNANG ZHING; DE RJES YONGS 'DZIN RDO RJE 'CHANG GIS KYANG SKYID GRONG DU LAN KHA SHAS GNANG YOD 'DUG PA DANG, DE NAS BAR SKABS SU 'CHAD NYAN CHER MA BYUNG BAS DA LTA'I GNAS SKABS SU SHIN TU DKON PA LTA BUR 'DUG CING, RGYUN MI NYAMS PAR BYA PHYIR 'BUL BA YIN LA, DE YANG KHO BOS NI SNGAR GRVA SAR SDOD DUS LO NYI SHU'I SKABS SU KE'U TSANG RDO RJE 'CHANG BYAMS PA SMON LAM DE NYID LA CHOS RA'I BAR GSENG @004 RNAMS SU ZHUS PA YIN CING, KE'U TSANG RDO RJE 'CHANG GIS NI BLA MA BYAMS PA RIN PO CHER GSAN ZHING, DE YAN CHAD KYI BRGYUD RIM BLA BRGYUD DU GSAL BA LTAR DANG, YANG BYAMS PA RIN PO CHE NAS KHRI CHEN NGAG DBANG MCHOG LDAN DANG, DE NAS RGYAL MCHOG BSKAL BZANG RGYA MTSOR BRGYUD PA'I RIM PA ZHIG KYANG YOD LA, DE YANG BLO SBYONG ZHES PA 'DI 'GA' RE ZHIG LAM RIM SOGS LAS LOGS SU GYUR PA KHO NA YIN PAR SEMS KYANG, BLO SBYONG YIN NA LAM RIM BLO SBYONG GNYIS SU PHYE BA'I BLO SBYONG YIN MI DGOS LA, SPYIR NA BSHES GNYEN BSTEN TSUL NAS BZUNG STE LAM GYI RIM PA THAMS CAD BLO SBYONG YIN TE; RANG RGYUD KYI BLO 'DI NYID SBYONG BAR BYED PA'I THABS YIN PA'I PHYIR, DE GNYIS SU PHYE BA'I BLO SBYONG NI THOG MA'I BLO SBYONG STE; DE LA'ANG SKYES BU CHE 'BRING CHUNG GSUM GYI BLO SBYONG GSUM YOD PA'I THOG MA'I BLO SBYONG LTA BU SKYES BU CHUNG NGU'I BLO SBYONG YIN CING, DE BZHIN DU 'BRING GI BLO SBYONG YANG YOD LA, DA RES KYI 'DI NI SKYES BU CHEN PO'I BLO SBYONG STE, 'DI'I MTSAN LA'ANG, RTZA BA, DHARMA RAKshI TAS AA TI SHA LA GNANG BA'I BLO SBYONG @005 MTSON CHA 'KHOR LO ZHES BYA BA BZHUGS SO, , ZHES BDAG GCES (3 NA) 'DZIN GYI DGRA BO GZHOM PA LA MTSON CHA'I 'KHOR LO DANG 'DRA BAR SHIN TU NUS PA DANG LDAN PAS NA DE LTAR BSHAD, DE LA YANG THOG MAR, RTZA BA, DGRA BO GNAD LA DBAB PA'I MTSON CHA'I 'KHOR LO ZHES BYA BA, ZHES GSUNGS TE, 'JIG RTEN NA GZUGS CAN GYI DGRA DANG, GZUGS MED KYI BGEGS ZHES BSHAD PA GNYIS KYI NANG NAS GZUGS MED KYI BGEGS DES SEMS RGYUD LA ZHUGS NAS GNOD PAR BYED PA LAS DNGOS SU GNOD PAR MI BYED LA, GZUGS CAN GYI DGRA DES DNGOS SU LUS SEMS LA GNOD PAR BYED PAS NA DE NYID DGRA'I DVANGS MAR 'DZIN PA BZHIN DU, 'DIR YANG RANG CAG RNAMS THOG MA MED PA NAS SDUG TU 'JUG MKHAN GYI DGRA'I GTZO BO SDUG SHOS RANG DE BDAG GCES 'DZIN YIN PAS DE LA DGRAR BLTAS PA'I SGO NAS DE NYID GNAD LA 'BEBS DGOS TE, 'JIG RTEN NA YANG DGRA BO ZHIG LA MDA' GRI MDUNG SOGS BSNUN PA NA, GNAD DU MA PHOG NA DE TZAM GNOD MI NUS @006 PAS NGES PAR GNAD DU PHOG PA ZHIG DGOS PA LTAR YIN LA, GZHAN YANG SNGON GYIS SA SKYA BA 'GA' ZHIG GI GSUNG LAS, SHING MKHAN SHING GI GNAD LA MKHAS PA, BSHAN PA SROG GI GNAD LA MKHAS PA, 'PHRUL 'KHOR MKHAN 'PHRUL 'KHOR GYI GNAD LA MKHAS PA, ,ZHES GSUNGS PA LTAR TE, SHING MKHAN SHING GI GNAD LA MKHAS PA NI, RGYA GAR DU SHING TA LA'I SDONG PO GCOD PA'I TSE, SHING GI GNAD LA MKHAS PA DAG GIS DE LA CHU 'JUG YUL GYI BUG PA CHUNG NGU ZHIG YOD PA DE NYID RTZAD BCAD NAS LEGS PAR BKAG NAS GCAD NA TSEGS MED PAR 'GYEL 'GRO BA YIN GYI, DE MIN JI TZAM BCAD KYANG TA LA (3 BA) DE NI SLAR 'THUD PAR 'GYUR BAS GCOD MI THUB PA DANG, BSHAN PA SROG GI GNAD LA MKHAS PA NI, LUG GSOD MI SOGS KYIS SROG RTZA RTZAD BCAD NAS GTZAG BU CHUNG NGU ZHIG BSNUN PA TZAM GYIS SHI 'GRO BA LTAR DANG, 'PHRUL 'KHOR GYI GNAD LA MKHAS PA DAG GIS LDE MIG CHUNG NGU ZHIG BSKOR BA TZAM GYIS RANG SAR SDOD PA DANG 'KHOR BA DA LTA'I CHU TSOD 'KHOR LO SOGS DANG MTSUNGS PA YIN LA, DE BZHIN DU 'OG NAS 'BYUNG BA'I BLO SBYONG TSUL 'DI DAG RE RE @007 BZHIN GYIS KYANG BDAG GCES 'DZIN GYI DGRA BO GNAD LA SHIN TU PHOG PAR 'GYUR BAS NA MTSON CHA'I 'KHOR LO ZHES BYA'O,, RTZA BA, KHRO BO CHEN PO GSHIN RJE'I GSHED LA PHYAG 'TSAL LO, , ZHES PA NI, YUL KHYAD PAR CAN LA MCHOD PAR BRJOD PA STE; DE YANG GANG LA KHRO NA SEMS CAN RNAMS KYI RGYUD KYI BDAG GCES 'DZIN 'DI NYID LA KHROS PA YIN PAS, 'DI 'DRA BA'I KHRO BO LA NI BYANG CHUB SEMS DPA' MTHA' DAG BZHAG CHOG STE, BDAG GCES 'DZIN LA DGRAR BLTA BA'I SGO NAS KHRO BA STE MI 'DOD PA SHA STAG YIN PA'I PHYIR, 'ON KYANG BYANG SEMS TSOGS LAM CHUNG NGU BA LAS DANG PO PA LTA BU RANG RGYUD KYI BDAG GCES 'DZIN 'BA' ZHIG TZAM LA KHROS PA NI KHRO BO YIN KYANG KHRO BO CHEN PO MA YIN NO, , SKABS 'DI'I GSHIN RJE GSHED LTA BU NI KHRO CHEN MTHAR THUG PA STE, DE LA'ANG DRANG NGES GNYIS LAS NGES DON GYI GSHIN RJE'I GSHED NI BDE STONG GNYIS SU MED PA'I YE SHES DANG, DRANG DON GYI GSHIN RJE'I GSHED NI DE NYID BZHIN LAG @008 GI RNAM PAR SHAR BA'I KHRO BO GSHIN RJE GSHED DO, ,DE LA PHYAG 'TSAL BA'I PHYAG NI GNYIS SU MED PA'I YE (4 NA) SHES DANG; 'TSAL BA NI DE NYID LA MOS PA'O, ,'DI DAG GI SKABS SU GCES 'DZIN LA BDAG GCES 'DZIN GYIS MA KHYAB STE; GZHAN GCES 'DZIN KYANG GCES 'DZIN YIN TSUL SOGS BKA' BSTZAL, DE NAS, RTZA BA, BTZAN DUG NAGS SU RMA BYA RGYU BA NA, , SMAN GYI LDUM RA LEGS PAR MDZES GYUR KYANG, , RMA BYA'I TSOGS RNAMS DGA' BAR MI 'GYUR GYI, , BTZAN DUG BCUD KYIS RMA BYA 'TSO BA LTAR, , DPA' BO 'KHOR BA'I NAGS SU 'JUG PA NA, , BDE SKYID DPAL GYI LDUM RA MDZES GYUR KYANG, , DPA' BO DAG NI CHAGS PAR MI 'GYUR GYI, , SDUG BSNGAL NAGS SU SEMS DPA' 'TSO BA YIN, , ZHES PA'I BAR GYI LUNG BSTZAL NAS, DE YANG RMA BYA RNAMS BTZAN DUG GI NAGS SU RGYU BA'I TSE, SMAN GYI LDUM RA ME TOG DANG SDONG BU 'BRAS BU SOGS KYIS MDZES PA JI TZAM YOD KYANG DE DAG LA DGA' BAR MI 'GYUR BAR, BTZAN DUG GI BCUD @009 KYIS RMA BYA RANG GI LUS KYI BKRAG MDANGS SOGS RGYAS PAR BYED PAS NA DE NYID 'DOD PA'I SGO NAS 'TSOL ZHING 'TSO BAR BYED PA BZHIN DU, RANG NYID YAL BAR DOR NAS CI BYED SEMS CAN GYI DON KHO NAR SPYOD PA'I SKYES BU RNAMS NI DPA' BO YIN LA, DE RNAMS 'KHOR BA'I NAGS SU STE, 'KHOR BA 'DI NYID 'DOD CHAGS ZHE SDANG GTI MUG GSUM GYIS NAGS TSANG TSING 'KHRIGS PA GNAM MI MTHONG BA TSOD LTA BUR YOD PA DER DPA' BO BDAG NYID CHEN PO RNAMS 'JUG PA'I TSE BDE SKYID RNYED BKUR SNYAN GRAGS SOGS KYI DPAL PHUN SUM TSOGS PA ME TOG GI LDUM RA MDZES PA DANG 'DRA BA JI TZAM ZHIG MTHONG YANG, DE DAG GI NYES DMIGS DANG 'BRAS BU SDUG BSNGAL 'BYUNG TSUL SOGS KHONG DU CHUD PAS RMA BYA SMAN GYI LDUM RA LA MI DGA' BA LTAR DE DAG LA CUNG ZAD KYANG CHAGS PAR MI 'GYUR ZHING, 'KHOR BA NA SDUG BSNGAL JI TZAM YOD PA RNAMS RMA BYAS BTZAN DUG LA LONGS SPYOD PA BZHIN DU BYANG CHUB KYI SPYOD PA YONGS SU RDZOGS PA'I GROGS SU 'KHYER ZHING, DANG DU LEN PA'I SGO NAS SEMS DPA' BDAG NYID CHEN PO RNAMS 'TSO BAR BYED PA YIN NO, , @010 ZHES PA'O, , 'DI DAG GI SKABS SU BYANG SEMS BDAG NYID CHEN PO 'KHOR BA'I GNAS SU GNAS KYANG 'KHOR BA PA MA YIN PA'I TSUL DANG, RANG RE MTSAN NYID PA RNAMS KYIS 'KHOR BA LA THOG MA'I MTHA' MI 'JOG CING, MTHA' MA'I MTHA' 'JOG PA YIN TSUL DANG, RNYING MA BA 'GA' ZHIG GIS THOG MA'I SANGS RGYAS KUN TU BZANG PO DE NYID DANG PO 'KHRUL RGYUS MA BSLAD PA ZHIG YIN PA LA, JI ZHIG NA 'KHRUL RGYU BSLAD PAS 'KHOR BAR 'KHYAMS PA YIN ZHES THOG MA'I MTHA' ZHIG DON GYIS KHAS BLANGS YOD KYANG, RANG LUGS LA THOG MA'I MTHA' NI NAM DU YANG BZHAG MI RUNG TSUL SOGS RGYAS PAR BKA' BSTZAL, 'DI'I MTSAMS NAS BSHES GNYEN BSTEN TSUL DANG, DAL 'BYOR DANG MI RTAG PA'I CHOS SKOR SOGS RAGS RIM ZHU BAR BYA BAS, DE LA THUN GYI NGO BO DANG, THUN MTSAMS GNYIS KYI DANG PO LA GNAS KHANG BYI DOR BYED TSUL SOGS SBYOR CHOS DRUG GI NYAMS LEN BDE LAM LTAR DANG, DE RJES TSOGS ZHING RANG LA BSTIM NAS MDUN GYI NAM MKHAR RANG @011 GI BLA MA RNAMS SKU MDOG CHA LUGS, BZHUGS STANGS SOGS RGYUN GYI GNAS SKABS LTAR NGES PAR GSAL BTAB NAS DE DAG LA (5 NA) SKYON RTOG GI BLO 'GOG TSUL SOGS DANG, DE RJES DAL 'BYOR LA BLO SBYONG TSUL SOGS PHAL CHE BA SNGAR BDE LAM GYI ZIN BRIS SU GSAL BA LTAR BKA' BSTZAL BAS 'DIR ZHIB TU 'GOD MA DGOS SHING, DAL 'BYOR GYI RGYU'I TSUL KHRIMS RNAM PAR DAG PAS GZHI BZUNG ZHES PA'I TSUL KHRIMS DANG, MNGON MTHO'I RGYU NI TSUL KHRIMS LAS GZHAN MED, ,CES PA'I TSUL KHRIMS GNYIS LA KHYAD PAR YOD DE, PHYI MA LA NI SO THAR GYI SDOM PA MA MTHA' NYIN ZHAG GCIG PA'I TSUL KHRIMS RNAM PAR DAG PA TZAM GYIS KYANG CHOG LA, DAL 'BYOR GYI RGYU'I TSUL KHRIMS LA NI, SO THAR, BYANG SEMS, RIG PA 'DZIN PA SNGAGS KYI TSUL KHRIMS DANG BCAS PA GSUM CHAR RNAM PAR DAG PA DGOS ZHES GSUNGS, 'BYOR PA BCU'I NANG GI GZHAN PHYIR SNYING NAS BRTZE BA ZHES PA NI, RANG NYID TSANG LA MA NOR BA'I LAM TSUL BZHIN DU 'DOMS PAR MDZAD PA'I BSHES GNYEN RNAM PAR DAG PA YOD PA LA BYED PA YIN GSUNGS,, @012 CHOS THUN GNYIS PA, ` CHOS THUN GNYIS PA'I SKABS SU, SPYOD 'JUG GI NANG TSAN, SHIN TU RNYED DKA' PHAN PA'I SA, ,ZHES PA NAS, BDAG GI KHONG NA CI ZHIG YOD, ,CES PA'I BAR GYI TSIG 'GREL GYI SKABS SU, BDAG GI KHONG NA CI ZHIG YOD PA STE RANG NYID KYI KHONG NA GNAS PA'I NYON MONGS PA DANG SHES BYA'I SGRIB PA SPYI DANG, KHYAD PAR DU YANG BDAG GCES 'DZIN LA BYED DGOS TE; BDAG BDE BA DANG SKYID PA ZHIG BYUNG NA GZHAN JI LTAR BYAS KYANG SLA'O SNYAM PA'I BLO NGAN 'DI NYID KHO NAS RANG CAG RNAMS 'PHUNG DU 'JUG PA YIN PAS 'DI NYID YUL NAS 'DON DGOS SHING, DE NI THA MAL PA'I DGRA BO GZHAN YUL NAS BTON PA DANG MI 'DRA STE, JI SKAD DU, THA MAL DGRA BO YUL NAS PHYUNG YANG NI, ,YUL GZHAN DAG TU GNAS SHING YONGS BZUNG NAS, ,NUS PA BRTAS NAS DE NAS PHYIR LDOG GI, NYON MONGS DGRA TSUL DE DANG 'DRA MA YIN, ,ZHES DGRA BO THA MAL PA GZHAN DAG RE ZHIG TZAM YUL NAS PHYUNG YANG, JI ZHIG NUS PA BRTAS PA STE STOBS RGYAS NAS SLAR LDANG BAR @013 'GYUR BA SRID LA BDAG GCES 'DZIN GYI DGRA BO 'DI NI LAN CIG BCOM ZIN RJES SLAR NAM DU YANG LDANG BAR MI SRID PAR MA ZAD, DE LA BRTEN NAS GZHAN GCES PAR 'DZIN PA'I BLO NGAM NGAM SHUGS KYIS 'BYUNG LA, GZHAN GCES 'DZIN GYI BLO RNAM PAR DAG PA ZHIG SKYES PHYIN CHAD SANGS MI RGYA BA'I THABS MED DE, DUS GSUM GYI SANGS RGYAS THAMS CAD KYANG DE LA BRTEN NAS SANGS RGYAS PA DANG, RGYAS PAR 'GYUR BA SHA STAG YIN PAS, TSUL 'DI NI SANGS RGYAS RNAMS KYI THUGS KYI GSANG MDZOD LTA BU YIN TSUL SOGS RGYAS PAR BKA' STZAL BA'I MTHAR, DNGOS GZHI GSAN BYA'I CHOS LA KHA SANG DAL 'BYOR GYI SKOR RNAMS RAGS RIM ZHUS PA LTAR DAL 'BYOR RNYED DKA' DON CHE TSUL SOGS LA BLO LEGS PAR SBYANGS SHING, DE'I RJES SU MI RTAG PA'I CHOS SKOR LA BLO SBYONG BA'I TSE YANG BKA' GDAMS GONG MA RNAMS KYIS GSUNGS PA BZHIN, RTZA BA GSUM, RGYU MTSAN DGU, THAG BCAD PA GSUM DANG BCAS PA'I SGO NAS BSAM DGOS TSUL, KHYAD PAR DU TSE 'DI BLOS MA THONGS NA CHOS PA RNAM DAG YONG PA'I THABS MED PAS TSE 'DI BLOS BTANG NAS, BUD @014 BSNYEGS THOB GSUM DANG, GTAD PA BZHI DANG, RDO RJE GSUM SOGS LA GNAS PA ZHIG DGOS (6 NA) TSUL SOGS LAM RIM GYI GSUNG BSHAD SPYI LTAR STZAL, DE NAS LAS 'BRAS 'KHOR BA'I NYES DMIGS BSAM TSUL GYI SKABS MI DGE BCU'I BSNGO BGRANG SHES PA TZAM LA CHA MA BZHAG PAR, SDIG PA MI DGE BA'I LAS GANG YIN DANG, DGE BA'I LAS JI LTAR YIN PA MTHA' DAG SHES PAR BYED DGOS TSUL DANG, 'DI'I SKABS SU DENG SANG PHAL MO CHES PHYI ROL PA RNAMS LA MI DGE BCU'I NANG NAS LUS NGAG GI BDUN SPONG BA YOD KYANG, YID KYI GSUM SPONG BA MED PAR 'DOD PAS KHYAB PAR 'DOD PA MANG YANG, KHYAB PA MED DE PHYI ROL PA 'GA' ZHIG LA BRNAB SEMS DANG, GNOD SEMS SPONG BA NGES PAR YOD CING, LOG LTA YANG NANG PA SANGS RGYAS PAS LOG LTAR 'DOD PA NI SPONG BA MED KYANG GZHAN KHO RANG RNAMS KYIS 'DOD PA'I THAR PA DANG MI MTHUN PA'I BLO NGAN 'GA' ZHIG LOG LTAR BYAS NAS SPONG BA YOD PAS MI DGE BCU CHAR SPANG BYAR KHAS LEN PA'I PHYI ROL PA YOD PAS 'DI DAG KYANG MKHYEN PAR MDZAD DGOS GSUNGS, DE NAS @015 MI DGE BA SPYOD PA'I LAS KYI 'BRAS BU NGAN SONG GSUM GYI SDUG BSNGAL BSAMS TSUL RNAMS KYANG RAGS BSDUS GSUNGS NAS DE DAG LA 'JIGS SHING SKRAG PA'I BLO BCOS MA MA YIN PA KUN DGA' BO'I TSA BO GNYIS LTA BU ZHIG SKYE THUB PAR BYAS, DE BYUNG TSE DE LAS THAR 'DOD KYI BLO DANG, SDUG BSNGAL LAS SKYOB PHYIR DKON MCHOG LA SKYABS SU 'GRO 'DOD KYI BLO SKYE ZHING; DE YANG SKYABS 'GRO'I NGO BO LA DENG SANG SLOB GNYER MA BYAS PA 'GA' ZHIG GI BSAM PAR, BLA MA LA SKYABS SU MCHI'O, ,ZHES SOGS (6 BA) SKYABS 'GRO'I TSIG BRJOD PA TZAM SKYABS 'GRO YIN PAR RLOMS KYANG, DE NI MA YIN TE, PAn CHEN BLO BZANG CHOS KYI RGYAL MTSAN GYIS, SKYABS 'GRO'I NGO BO AI THI BA, ,RANG NYID LHAG PAR 'JIGS PA DANG, , DKON MCHOG SKYOB PA'I NUS LDAN DU, ,SHES LAS BYUNG BA'I DAD PA'O, ,ZHES GSUNGS PA LTAR, RANG NYID SDUG BSNGAL GYIS SHIN TU 'JIGS SHING, DE LAS SKYOB PA'I NUS PA DKON MCHOG KHO NA LA YOD PAR YID CHES PA'I SGO NAS BLA MA SANGS RGYAS GNYIS SKYABS STON PA PO DANG, CHOS SKYABS DNGOS DANG, DGE 'DUN SKYABS SGRUB PA'I ZLA GROGS SU SHES PAR BYAS @016 NAS; SKYID SDUG LEGS NYES CI BYUNG YANG KHYOD SHES KYI BLO LINGS KYIS 'GEL BA'I DAD PA DANG BCAS PA'I SGO NAS SKYABS SU 'GRO BA ZHIG DGOS LA, DE LA YANG RANG NYID NGAN SONG GI SDUG BSNGAL TZAM GYIS 'JIGS NAS SKYABS SU 'GRO BA SKYES BU CHUNG NGU'I SKYABS 'GRO DANG, RANG NYID 'KHOR BA'I SDUG BSNGAL GYIS 'JIGS NAS DE LAS SKYOB PHYIR SKYABS SU 'GRO BA 'BRING GI SKYABS 'GRO, SEMS CAN THAMS CAD SDUG BSNGAL GYIS MNAR BA LA MI BZOD PA'I SGO NAS DE LAS BSKYAB PHYIR SKYABS SU 'GRO BA SKYES BU CHEN PO THUN MONG BA'I SKYABS 'GRO, THUN MONG MA YIN PA LA'ANG, BYA SPYOD KYI SKABS SU ZAB GSAL DBYER MED KYI YE SHES SKYABS YUL GYI RNAM PAR SHAR BAR SHES PA'I SGO NAS SKYABS SU 'GRO, RNAL 'BYOR RGYUD KYI SKABS SU BDE BA CHEN PO'I YE SHES SKYABS YUL GYI RNAM PAR SHAR BA DANG, BLA MED KYI SKABS SU BDE STONG DBYER MED KYI YE SHES SKYABS YUL GYI RNAM PAR (7 NA) SHAR BA SHES PA'I SGO NAS SKYABS SU 'GRO BA YIN LA, DE LTAR SKYABS SU SONG BA'I LAG RJES LAS MTHAR SKYABS SU 'GRO YUL GYI GO 'PHANG DER NAM SLEB PA NA SKYABS 'GRO MTHAR @017 PHYIN PA YIN PAS 'DI DAG GI GNAD KYANG MKHYEN PA'I SGO NAS SKYABS SU 'GRO BA DANG, DE'I BSLAB BYA RNAMS LA'ANG LEGS PAR BSLAB DGOS TSUL GSUNGS, DE YANG DAL 'BYOR DANG MI RTAG PA DANG, SKYABS 'GRO LAS 'BRAS DANG BCAS PA 'DI RNAMS SKYES BU CHUNG NGU'I LAM GYI RTZA BA DANG, STOBS BZHI'I BSHAGS SDOM SOGS LAM GYI YAN LAG YIN, DER MA ZAD SKYES BU 'BRING DANG, CHEN PO'I LAM RGYUD LA SKYE BA LA'ANG DAL 'BYOR DANG, MI RTAG PA SOGS SKYES BU CHUNG NGU DANG THUN MONG BA'I CHOS SKOR LA BLO MA SBYANGS PAR SKYE BA'I THABS GTAN NAS MED PAS 'DI DAG LA SNANG CHUNG DU BYAS NA, KA DAG YE GROL LHUN GRUB CHEN PO SOGS DANG, GNYUG MA LHAN CIG SKYES PA SOGS RBAD KHAM MANG PO BSHAD KYANG, DE DAG GI PHYOGS TZAM YANG RTOGS PAR MI NUS TE, DPER NA MA BCOS GNYUG MA ZHES PA'I DON, RGYAL MCHOG BSKAL BZANG RGYA MTSOS, MA BCOS GNYUG MA'I GSHIS LUGS DVANGS PA'I 'OD, ,GSAL RDZOGS GRUB PA'I TSOGS RNAMS PHYAG GI YUL, ,ZHES GSUNGS PA LTAR, DE'I DON MA BCOS GNYUG MA'I GSHIS LUGS ZHES PA SEMS KYI @018 DON DAM PA'I GNAS LUGS SAM, NGO BO MA BCOS PA DE LA ZER BA YIN, DE NI RANG RE MTSAN NYID PA RNAMS KYIS, SEMS KYI RANG BZHIN 'OD GSAL BA, ,DRI MA RNAMS NI BLO BUR BA, ,(7 BA) ZHES RANG GI NGO BO LA DRI MA'I BSLAD PA CUNG ZAD KYANG MA ZHUGS PAR 'DOD PA DANG MTSUNGS SHING, DE'I STENG GI NYON SGRIB KYI CHA RNAMS DAG PA'I TSE DVANGS PA YIN KYANG HA CANG GSAL BA MA YIN PAS NA DVANGS PA'I 'OD CES BYA LA, SHES SGRIB RNAMS KYANG DAG PA'I TSE GSAL BA 'BYUNG ZHING, DE'I TSE YON TAN GYI CHA THAMS CAD RDZOGS PA DANG, GRUB PA RNAMS 'BYUNG BA'I DON YIN PAS DE 'DRA BA 'BYUNG BA LA YANG, SNGON DU SKYES BU CHUNG 'BRING DANG THUN MONG BA'I LAM LA BLO MA SBYANGS PAR 'BYUNG MI SRID GSUNGS, DE NAS 'BRING DANG THUN MONG BA'I LAM LA BLO SBYONG DGOS PAR 'KHOR BA SPYI'I SDUG BSNGAL BSAMS SHING, DE LAS THAR PHYIR LAM BSLAB PA GSUM GYI NYAMS LEN LA 'BAD DGOS TSUL SOGS KYANG LAM RIM SPYI LTAR RAGS BSDUS SU BSTZAL, 'DI'I SKABS SU TSUL KHRIMS KYI BSLAB PA'I GSUNG BSHAD LAS 'PHROS NAS, GDAN SA GSUM GYIS MTSON PA'I 'DUS @019 SDE MTHA' DAG GIS 'DUL KHRIMS NYIS BRGYA LNGA BCU DANG, BYANG SEMS KYI BSLAB BYA, SNGAGS SDOM GYI DAM TSIG PHRA RAGS SOGS LEGS PAR SHES PAR BYAS NAS SPANG BLANGS DANG, LHAG PAR DA DUS GRVA PA 'GA' ZHIG GI PHYI'I KUN SPYOD CUNG ZAD RTZING BA LA BRTEN NAS SKYE BO MANG POS DGE 'DUN LA BRTEN PA'I LAS NGAN GSOG PA SNANG BAS GRVA SA, RI KHROD GZHIS DGON PA SOGS THAMS CAD KYIS 'GRO 'DUG SPYOD LAM SOGS PHYI'I KUN SPYOD TSUN CHAD KYIS KYANG GZHAN DANG BA 'DREN ZHING DAD RKYEN DU 'GYUR BA ZHIG DGOS TSUL RGYAS PAR BKA' BSTZAL ZHING, GZHAN YANG BSTAN PA'I SNYING PO RJE BLA MA TZONG KHA PA CHEN PO'I (8 NA) BSTAN PA 'DI NYID YIN PAS THAMS CAD KYIS 'DI NYID DAR RGYAS SU 'GYUR BA'I THABS LA 'BAD DGOS TSUL, 'DI DANG 'DRA BA NI DENG SANG GRUB MTHA' GZHAN DAG PHAL MO CHE LA DKON TE, DPER MTSON NA GZHAN DAG LA CHOS KYI RTZA BA GANG YIN DRIS NA, CHOS KYI RTZA BA BYANG CHUB KYI SEMS YIN ZHES PA TZAM ZER MOD KYANG, BYANG CHUB KYI SEMS DE GANG YIN DRIS PA'I TSE, MA SEMS CAN THAMS CAD KYI DON DU SANGS RGYAS THOB PAR @020 BYA'O SNYAM PA DE TZAM ZHIG TU NGOS 'DZIN PA LAS LHAG PA'I PHO KHYAD 'DON RGYU MED, RANG CAG RNAMS KYI BKA' BRGYUD 'DI LA BRTEN NA, CHOS KYI RTZA BA BYANG CHUB KYI SEMS DE LA YANG KUN RDZOB DANG, DON DAM PA'I DBANG DU BYAS PA GNYIS DANG, DE RE RE LA YANG PHAR PHYIN THEG PA DANG THUN MONG BA'I BYANG CHUB KYI SEMS DANG, BYA SPYOD RNAL 'BYOR, RNAL 'BYOR BLA MED DANG BCAS PA RNAMS DANG, BLA MED LA'ANG PHA RGYUD MA RGYUD KYI KHYAD PAR BCAS RE RE BZHIN DU'ANG MI 'DRA BA'I PHO KHYAD 'DON RGYU YOD KYANG MTHA' DAG ZHU BAR MI LANG BAS RNAM PAR DPYOD PA'I SGO TZAM ZHIG BSTAN PA YIN ZHES BKA' BSTZAL TO, , CHOS THUN GSUM PA, ` CHOS THUN GSUM PA'I SPYI BSHAD DU, SHIN TU RNYED SLA'I RTZVA KHAM 'GA' LTA PHYUGS KYANG RANG NYID ZA, ,ZHES PA NAS, DE 'DI'I BRJID BAG YIN TE DE BDE'I SKYES BU'I RTZAL DE 'PHAGS, ,ZHES PA'I BAR GYI TSIG 'GREL BSTZAL ZHING, 'DI SKABS DE BDE SKYES BU'I RTZAL ZHES BRJOD PA NI RANG @021 DON YAL BA DOR NAS CI BYED SEMS CAN GYI DON DU SPYOD PA'I SEMS DPA' BDAG NYID CHEN PO DE DAG NI TSE 'DIR YANG BDE BAR MA ZAD, PHYI MA PHAN CHAD DU'ANG BDE BA NAS BDE BAR 'GRO BAS (8 BA) NA DE ZHES PA TSE 'DI DANG, BDE ZHES PA TSE PHYI MA PHAN CHAD LA BYED PA YIN GSUNGS, GZHAN YANG BDAG GCES 'DZIN ZHES PA 'DI LA'ANG SPU RIS PHYE NA PHRA RAGS GNYIS YOD PAS THUN MONG BA LTAR NA YID SHES RAGS PA SOGS KYI STENG DU BZHAG PA'I BDAG GCES PAR 'DZIN PA LA BYED PA YIN KYANG, SNGAGS DANG 'BREL BAR BYED NA GCES PAR 'DZIN YUL GYI BDAG DE YID SHES SHIN TU PHRA BA RLUNG SEMS DBYER MED KYI STENG NAS 'JOG DGOS PA SOGS KYI KHYAD PAR YOD MOD KYANG, DE TZAM MA BYUNG RUNG NYON MONGS PA'I BDAG GCES 'DZIN 'DI KHA 'GOG THUB PA ZHIG BYUNG NA'ANG LHA DANG BCAS PA'I 'JIG RTEN THAMS CAD KYI PHYAG BYA BA'I 'OS SU GYUR PA YIN TSUL SOGS BKA' BSTZAL MTHAR, GSAN PAR BYA BA'I CHOS KYI TSUL NI, SKYES BU CHUNG 'BRING GI CHOS SKOR RNAMS RAGS BSDUS ZHUS ZIN NAS, DA NI SKYES BU CHEN PO'I CHOS SKOR @022 RNAMS ZHU BAR BYED PA LA, THOG MAR SEMS CAN THAMS CAD LA SEMS SNYOMS PAR SGRUB PA'I BTANG SNYOMS DANG DE'I RJES SU RNAM 'GREL NAS BSHAD PA'I MA'I THUG MTHA' THUG MED DU SGRUB PA'I RIGS PA SOGS LA BRTEN NAS SEMS CAN THAMS CAD KYIS RANG GI MA BYAS PA YIN TSUL LA NGES PA RNYED PAR BYED CING, DE THAMS CAD KYIS KYANG MA BYAS RES BZHIN DU TSE 'DI'I MAS JI LTAR BSKYANGS PA BZHIN DU DRIN GYIS BSKYANGS TSUL BSAM PA'I DRIN DRAN PA DANG, DE BYUNG TSE DRIN DU GZO 'DOD KYI BLO RANG SHUGS KYIS 'BYUNG TSUL SOGS SPYI LTAR RAGS BSDUS SU GSUNGS, 'DI'I MTSAMS NAS RGYU 'BRAS MAN NGAG BDUN GYI SGO NAS SBYANGS PA'I (9 NA) TSE, BYAMS PA DANG SNYING RJE CHEN PO GNYIS RIM CAN DU NGES PA BSGOM DGOS KYANG DA RES NI BDAG GZHAN MNYAM BRJE'I SGO NAS SBYONG TSUL YIN PAS RIM CAN GYI NGES PA CHER MED KYANG SBYONG TSUL 'DI LA BYAMS PA DANG SNYING RJE GNYIS CAR GYI DMIGS RNAM NGES PAR TSANG BA YIN, DE NAS GTONG LEN YANG DANG YANG DU BSGOM PAS GTONG LEN GYI NUS PA JE CHER SONG BA'I TSE LHAG BSAM RNAM DAG RGYUD LA SKYE ZHING, LHAG @023 BSAM MTHU CAN DU SONG BA NA SEMS CAN THAMS CAD KYI SDUG BSNGAL SEL BA DANG BDE BA SGRUB PA BDAG NYID GCIG PUS BYA'O SNYAM DU GZHAN DON KHUR DU 'KHYER NUS PA'I BLO RANG SHUGS KYIS SKYE BA STE, DE LTAR NYAMS SU LEN TSUL RNAMS BLO SBYONG 'DI'I 'OG NAS RIM PAR 'BYUNG BA LTAR YIN PAS DE'I SLAD DU KHA SANG GI BSHAD LUNG GI 'PHROS NAS 'BUL BA LA, DE PHYIR BDE SKYID DANG DU LEN LEN PA'I, ,SDAR MA'I DBANG GI SDUG LA SKYEL BA YIN, ,ZHES GSUNGS TE, DE'I PHYIR ZHES PA SNGAR BSHAD PA'I RGYU MTSAN DE LTA BAS NA SDUG BSNGAL DANG DU LEN PA ZHIG DGOS PA YIN PA LA, DE LAS LDOG STE RANG GCES 'DZIN GYI DBANG GIS THOG MA MED PA NAS BDE SKYID SOGS DANG DU LEN PAR BYED PA LA BRTZON PA'I BLO SDAR MA'I DBANG GIS SNGAR YANG SDUG BSNGAL 'BA' ZHIG LA SBYOR ZHING, DA DUNG KYANG DE LAS MA LDOG NA PHYI MA'I MTHA'I BAR DU YANG SDUG BSNGAL 'BA' ZHIG LA SKYES PA YIN, DE YANG SDAR MA ZHES PA 'DI LA 'GA' ZHIG GIS SNGAR MA ZER BA 'DUG KYANG DE NI MA YIN TE, SDAR MA ZHES PA NI 'JIG RTEN (9 BA) NA YANG BLO DPA' BA MA YIN PAR SDUG BSNGAL CUNG ZAD ZHIG @024 BYUNG YANG MI BZOD PAR YID ZHUM ZHING, LEGS PA CUNG ZAD GCIG BYUNG NA DGA' BROD KYIS SDOD MI TSUGS PA LTAR BYED PA RNAMS LA BLO SDAR PO ZHES ZER BA LTAR SKABS 'DIR YANG SDUG BSNGAL DANG DU LEN MI NUS PA'I SKYE BO RNAMS LA SDAR MA ZHES ZER BA YIN GSUNGS, RTZA BA, SDUG BSNGAL DANG DU LEN PA'I SEMS DPA' DE, , DPA' BA'I STOBS KYIS RTAG TU BDE BA YIN, , ZHES PA NI, SDAR MA DE LAS BLO KHYAD PAR DU GYUR PA SEMS CAN THAMS CAD KYI SDUG BSNGAL DANG DU LEN PA'I BLO STOBS DANG LDAN PA'I SEMS DPA' CHEN PO DE DAG NI SHIN TU NAS DPA' BA YIN LA, DE'I STOBS KYIS SKYE BA 'DI TZAM DU MA ZAD PHYI MA'I TSE RABS KYI 'PHRENG BA THAMS CAD DU'ANG BDE BA NAS BDE BAR RGYUN MI CHAD DU 'GRO BAS NA RTAG TU BDE BA YIN, ZHES BYA, RTZA BA, DE 'DIR 'DOD CHAGS BCAN DUG NAGS DANG 'DRA, , DPA' BO RMA BYA LTA BUS 'CHUN PAR 'GYUR, , @025 SNGAR MA BYA ROG LTA BU'I SROG LA 'CHI, , ZHES GSUNGS TE, DE 'DIR ZHES GNYIS GSUNGS PA'I DE ZHES PA NI SDUG BSNGAL DANG NYON MONGS LAM 'KHYER SOGS SKYES BU CHEN PO'I SKOR 'DI DAG KYANG, CHUNG 'BRING THUN MONG BA'I LAM GYIS BLO SBYONG RJES SU NYAMS SU LEN PA YIN GYI, DE'I GONG DU NI BLOS MI 'CHUN ZHING LAM DU 'KHYER MI NUS PAS NYAMS SU LEN MA RAN PA YIN LA, DE DAG LA BLO 'BYONGS NAS SKYES BU CHEN PO'I NYAMS LEN GYI SKABS SU SLEBS PA NAS BZUNG DE LTAR NYAMS SU LEN DGOS SO ZHES STON PHYIR DU DE ZHES GSUNGS LA, 'DIR ZHES PA NI SNGAGS (10 NA) DANG 'BREL BA STE, NYAMS LEN DE YANG THUN MONG BA LTAR YUN RING POR 'GOR BA MA YIN PAR SEMS CAN THAMS CAD KYI DON DU MYUR DU SANGS RGYAS THOB 'DOD KYI BLO SHUGS DRAG POS GSANG SNGAGS RDO RJE THEG PA'I LAM LA BRTEN NAS BDE BA CHEN PO LAM GYI SROG TU BYAS TE SNYIGS DUS KYI TSE THUNG 'DI NYID LA 'TSANG RGYA THUB PA ZHIG BYED DGOS SO ZHES BSTAN 'DOD NAS 'DIR ZHES GSUNGS PA YIN, DE LA NYON MONGS LAM DU 'KHYER BA LA THOG MAR 'DOD CHAGS @026 SMOS PA NI 'DI NYID SKYE SLA ZHING RIG PAR SHIN TU DKA' BA'I DBANG GI YIN TE PHYI ROL GYI DNGOS PO YID DU 'ONG BA THA NA JA ZHIM PA TSUN CHOD LA'ANG 'DOD CHAGS MI 'DRA BA DU MA SKYE BA SOGS YUL SEMS CAN DANG SEMS CAN MA YIN PA LA DMIGS PA'I 'DOD CHAGS MTHA' KLAS PA BTZAN DUG GI NAGS DANG 'DRA BA SHIN TU MANG BA YIN LA, DE DAG KYANG DPA' BO BDAG NYID CHEN PO RMA BYA DANG 'DRA BA RNAMS KYIS NI 'CHUN PA STE LAM DU 'KHYER NUS PA YIN GYI, SNGAR MA BYA ROG LTA BUS SPYAD NA NI LAM DU 'KHYER MI NUS PA'I KHAR THAR PA'I SROG LA RGOL BAR 'GYUR TE, DPER NA BTZAN DUG DE YANG RMA BYAS ZOS NA 'CHUN PAR 'GYUR BA YIN MOD KYANG DE RGYU MTSAN DU BYAS NAS BYA ROG GIS ZOS NA NI 'CHI BAR 'GYUR BA DANG MTSUNGS PA YIN GSUNGS, GZHAN YANG 'DI DAG LAS 'PHROS NAS BDE STONG LA SBYAR TE LAM DU 'KHYER LUGS DANG, DE LA'ANG LTA BA RNAM PAR DAG PA ZHIG NGES PAR DGOS PAS DBU SEMS GNYIS KYI NANG NAS DBU MA PA DANG, DE LA YANG THAL RANG GNYIS YOD PA'I NANG TSAN THAL 'GYUR BAS 'DOD PA LTAR GYI STONG PA @027 (10 BA) NYID KYI LTA BA RNAM PAR DAG PA ZHIG BSKYED NAS DE DANG BDE BA CHEN PO ZUNG 'BREL DU NYAMS SU LEN TSUL SOGS KYANG ZUR TZAM ZHIG BKA' BSTZAL TO, , CHOS THUN BZHI PA, ` CHOS THUN BZHI PA'I SKABS SU, NYI MA RLABS CHEN RTA BZHON RGYU BA SNANG BYED GANG YIN DANG, ,ZHES PA NAS, DE DAG 'JIG RTEN PHAN DANG BDE BA'I RO LA GCIG TU GZHOL, , ZHES PA'I BAR GYI TSIG 'GREL STZAL SKABS, BYANG CHUB SEMS DPA' RNAMS GZHAN DON BYED PA LA SKYO NGAL MED PA NYI MA DANG SA CHEN PO DANG MTSUNGS TSUL, BYANG CHUB SEMS DPA' YIN PHYIN RANG YAL BAR DOR BA DANG, GZHAN BDE BAR 'DOD PA SHA STAG YIN KYANG NANG SEMS LA SNYING STOBS CHE CHUNG GI KHYAD PAR DU MA YOD PA NI, SNGON BCOM LDAN 'DAS RANG NYID KYIS KYANG 'KHOR BYANG CHUB SEMS DPA' SUM KHRI DRUG STONG GI NANG NAS DPE BRAL GYI SEMS DPA' BCU DRUG MCHOG TU BSNGAGS TSUL, BYANG CHUB KYI SEMS DANG LDAN PA'I GANG ZAG DE LA 'KHOR LOS BSGYUR BA'I BSRUNG MA NYIS @028 'GYUR GYIS BSRUNG BAR 'GYUR TSUL, DES NA SNGAR BSHAD PA LTAR BDAG GCES 'DZIN LA DGRAR BLTA BA DANG GZHAN GCES 'DZIN LA YON TAN DU BLTA BA LAS LHAG PA'I NYAMS LEN GZHAN MED TSUL, DE'I RGYAB SKYOR DU BLA MA BYAMS PA'I RNAL 'BYOR PA'I RNAM THAR DANG, DE BZHIN DU BLA MA DHARMA RAKshI TAS KYANG NYAMS LEN GYI GNAD MTHAR THUG PA 'DI NYID AA TI SHA LA GNANG TSUL AA TI SHAS KYANG BOD DU BSNAMS TSUL SOGS RGYAS PAR BKA' STZAL MOD KYANG MTHA' DAG 'GOD PAR MI NUS PAS MGO TZAM RE SMOS NAS BSHAD LUNG DNGOS GZHI KHA SANG GI 'PHROS NAS, RTZA BA, RANG 'DOD CAN GYIS DUG 'DI GA NA 'CHUN, , NYON MONGS GZHAN LA'ANG DE BZHIN SBYAR BA NA, , BYA ROG LTA BU'I THAR PA'I SROG LA 'BAB, , CES TE, 'DOD CHAGS SOGS KYI DUG (11 NA) 'DI GZHAN DON SGRUB PA'I THABS SU 'GYUR BA LA'ANG RANG 'DOD KYI 'KHRI BA GTAN NAS MED PA ZHIG DGOS KYI RANG BDE BAR 'DOD PA DAG GIS NI DE LTAR MI NUS PAS NA DUG DE MA @029 'CHUN PA YIN, DE BZHIN DU NYON MONGS PA GZHAN ZHE SDANG DANG, GTI MUG ,SER SNA PHRAG DOG SOGS LA'ANG SBYAR BA YIN TE, DE DAG KYANG DPA' BO RNAMS KYIS LAM SGRUB PA'I THABS SU BSGYUR NUS SHING NYAN RANG SOGS KYIS MTSON PA'I SNGAR MA BYA ROG LTA BU RNAMS KYIS NI DE DAG LA SPYAD NA THABS SU BSGYUR MI NUS PA'I KHAR SNGAR BSHAD PA LTAR THAR PA'I SROG LA 'BAB PA STE SROG RTZA GCOD PAR 'GYUR ZHES PA'I DON YIN, DE YANG SNGAGS DANG MTHUN PAR BYAS NA NI 'DOD CHAGS LAM DU 'KHYER BA YIN TE, DE LA ZHE SDANG SOGS KYANG LAM DU 'KHYER RGYU NI YOD MOD KYANG GTZO BO NI 'DOD CHAGS YIN TE, DE NYID BDE CHEN 'BAR BA'I GROGS SU BSGYUR NAS LAM DU 'KHYER BA YIN, THUN MONG BA'I BSHAD PA BYED NA DE DAG LAM DU 'KHYER BA ZHES ZER MI RUNG KYANG, GZHAN DON SGRUB PA'I THABS SU BSGYUR SHES PA ZHIG DGOS PA'I DON YIN PAS LAM DU 'KHYER BA DANG THABS SU BSGYUR BA GNYIS LA'ANG MI 'DRA BA'I KHYAD PAR YOD DO, , RTZA BA, DE'I PHYIR SEMS DPA' RMA BYA LTA BU YIS, , @030 DUG GI NAGS DANG 'DRA BA'I NYON MONGS RNAMS, , BCUD DU SBYAR LA 'KHOR BA'I NAGS SU 'JUG , CES PA NI, RGYU MTSAN DE'I PHYIR NA SEMS DPA' CHEN PO RMA BYA LTA BU DAG GIS NI, NYON MONGS PA SHIN TU CHES MANG BA BTZAN DUG GI NAGS TSAL DANG 'DRA BA (11 BA) RNAMS BCUD DU SBYAR BA STE GZHAN DON GYI THABS SU BSGYUR BA'I SGO NAS 'KHOR BA'I NAGS SU 'JUG PAR BYED LA, BCUD DU SBYAR TSUL YANG, DPER NA 'DOD CHAGS LA MTSON NA RANG NYID SDOD GNAS PHUN SUM TSOGS PA LTA BU ZHIG BYUNG BA'I TSE DE LA DGA' BAS SPYOD 'DOD KYI 'DOD CHAGS SKYE BAR 'GYUR LA, DE'I TSE 'DI SNYAM DU, GA RE KHYOD RE ZHAN SNGAR PHAN CHAD KYANG 'DI 'DRA BA'I BLO NGAN GYI DBANG GIS 'KHOR BAR 'KHYAMS PA YIN SNYAM DU MGO 'PHANGS SMAD RJES, KHO BOS PHYIN CHAD GNAS KHANG 'DI NYID RANG DU SEMS CAN THAMS CAD KYI DON DU SANGS RGYAS KYI GO 'PHANG THOB PA ZHIG MA BYUNG BAR GZHAN GANG DU'ANG MI 'GRO BAR 'DI NYID KHO NAR BSDAD NAS LAM SGRUB PAR BGYI'O SNYAM PA'I SGO NAS LONGS SPYOD PA LTA BU STE, DES MTSON NAS GZHAN LA'ANG BCUD DU @031 SBYAR TSUL SHES PAR BYA, SKABS 'DIR BYANG CHUB SEMS DPA' RMA BYA DANG CHOS MTHUN DU SBYAR BA'ANG RMA BYA DUG ZA NUS PA KHO NA TZAM DANG CHOS MTHUN DU SBYAR BA MA YIN TE, RMA BYAS DUG ZOS PA LA BRTEN NAS LUS KYI BKRAG MDANGS DANG SPYI BO'I GTZUG PHUD LNGA SOGS RGYAS PAR BYED PAS DE'I GTZUG PHUD LNGAS BYANG CHUB SEMS DPA'I LAM LNGA RIM GYIS THOB PA MTSON PA DANG, MDUN GYI RI MO SNGO DMAR SOGS KYIS NI DE NYID MTHONG BAS 'GRO BA GZHAN DGA' BAR BYED PA BZHIN DU BYANG CHUB SEMS DPA' DE YANG SUS MTHONG YANG 'GRO BA RNAMS DGA' BAR 'GYUR BA MTSON PA DANG, RMA BYA DES DUG MA GTOGS GZHAN SROG CHAGS SOGS CHER ZA BAR MI BYED PA BZHIN DU BYANG SEMS KYIS KYANG GZHAN SEMS CAN YONGS LA CUNG ZAD KYANG GNOD PAR MI BYED PA (12 NA) MTSON PA SOGS YIN LA, YANG RNAM PA GCIG TU NA RMA BYAS DUG ZOS PAS LUS KYI BKRAG MDANGS SOGS JE RGYAS SU GYUR PA BZHIN DU BYANG CHUB SEMS DPAS 'DOD CHAGS SOGS BDE CHEN SGRUB PA'I GROGS SU BYAS NAS NYAMS SU BLANGS PA LAS NYAMS RTOGS KYI YON TAN GONG NAS GONG @032 DU RGYAS PAR 'GYUR BA MTSON PHYIR DU BYAS KYANG RUNG NGO, , RTZA BA, DANG DU BLANGS LA DUG 'DI GZHOM PAR BYA, , ZHES PA'I DANG DU BLANGS TSUL DANG GZHOM TSUL NI, DPER NA SNGAR RJE THAMS CAD MKHYEN PAS KYANG, KHO BO NI GZHAN GYI KHRI STAN CHEN PO LA 'DUG PA SOGS KYI TSE SNYING DMAR PO MTHONG BA LTA BU'I 'JIGS SNANG ZHIG YOD CES BKA' STZAL BA LTAR, GZHAN DON DU 'DOD YON SOGS LA LONGS SPYOD PA'I TSE NA YANG RANG 'DOD DANG RLOM SEMS SOGS MED PAR NANG DU DE DAG GI NYES DMIGS SOGS KHONG DU CHUD PA'I 'JIGS PA DANG BCAS PA'I SGO NAS, PHYI ROL DU GZHAN GYI TSOGS RDZOGS PAR BYA PHYIR SPRO BA'I TSUL GYIS DANG DU BLANGS DGOS TE, DE LTAR BYAS NA NYES DMIGS BSAM PA'I DBANG GIS 'DOD YON SOGS KYIS GNOD PAR MI NUS PAR MA ZAD DE'I NUS PA GZHOM PAR 'GYUR BAS NA DE LTAR BSHAD PA YIN, RTZA BA, DA NI RANG DBANG MED PAR 'KHOR BA YI, , @033 ZHES PA NI, DE YAN CHAD KYIS SPYI BSHAD RNAMS SONG ZIN NAS DNGOS GZHI'I NYAMS LEN GYI RIM PA RNAMS 'CHAD PAR BYED DO, ,ZHES STON PHYIR DA NI ZHES GSUNGS PA YIN, RANG DBANG MED PA LA 'KHOR BA ZHES PA'I SKABS KYI 'KHOR BA 'DI NI SPYIR BTANG GI 'KHOR BA DANG, 'KHOR BA RTZA BA BDAG 'DZIN LTA BU LA MI (12 BA) ZER TE, DE DAG NI NYAN RANG SOGS KYIS KYANG SPANGS PA YIN LA, 'DI'I SKABS KYI DE NI NYAN RANG SOGS KYIS MTSON PA'I SEMS CAN THAMS CAD SANGS RGYAS SU MI 'JUG PAR 'KHOR BAR 'KHOR DU 'JUG MKHAN GYI GTZO BO BDAG GCES 'DZIN YIN PAS DE LA BYED DGOS SHING, DES NA BDAG 'DZIN DANG BDAG GCES 'DZIN GNYIS LA KHYAD PAR DE TZAM YOD PAS, BDAG 'DZIN SPANGS NAS BDAG GCES 'DZIN SPANGS PAS KYANG MA KHYAB PAS DE DAG KYANG MKHYEN PAR MDZAD DGOS LA, RTZA BA, BDAG TU 'DZIN PA BDUD KYI PHO NYA 'DI, , ZHES PA 'DI NI BDAG GCES 'DZIN LA BYED PA YIN TE, BDAG GCES 'DZIN DE NYID BDUD YIN LA, DE'I PHO NYA NI @034 BDAG TU 'DZIN PA DE YIN PAS DE GNYIS DPON G-YOG GI TSUL DU YOD DE, RTZA BA, RANG 'DOD SKYID 'DOD RO DANG PHAR 'PHRAL LA, , ZHES DE 'DRA BA'I BDAG 'DZIN DPON G-YOG GNYIS CHAR RANG 'DOD KYI RO DANG SKYID 'DOD KYI RO SOGS DANG PHAR 'PHRAL NAS DE GNYIS KYI 'DOD PA'I DBANG DU MI GTONG BA'O, , RTZA BA, GZHAN DON DKA' SPYAD DANG DU BLANGS PAR BYA, , ZHES PA NI, RANG 'DOD SOGS LAS LDOG STE GZHAN DON SPYI DANG, DE'I NANG NAS KYANG JI TZAM DKA' BA'I GZHAN DON RNAMS DANG DU BLANGS PA STE, DPER NA DA LTA KHO BOS KYANG LUS KYI 'KHRUG SOGS LA MA BLTAS PAR CHOS BSHAD PA 'DI YANG NOR LONGS SPYOD SOGS KYI PHYIR DU MIN PAR KHYED RNAMS LA PHAN PA ZHIG BYUNG NA SNYAM NAS DKA' BA DANG DU BLANGS NAS ZHUS PA 'DI LTA BUS KYANG SHES PAR NUS GSUNGS, RTZA BA, @035 LAS KYI BDAS SHING NYON MONGS GOMS PA YI, , RIGS MTHUN SKYE RGU YONGS KYI SDUG BSNGAL RNAMS, , SKYID 'DOD BDAG GI STENG DU SPUNG PAR BYA, , ZHES TE 'DI LA 'GA' ZHIG GIS LAS KYIS BSNGAS SHING ZER KYANG DE NI MA YIN PAS LAS KYI BDAS SHING ZER DGOS TE; (13 NA) RANG CAG RNAMS 'KHOR BA'I GNAS SU RANG DBANG MED PAR 'KHYAMS SHING SDUG BSNGAL 'BA' ZHIG MYONG BA NI BDAG GCES 'DZIN GYI DBANG GIS BSAGS PA'I LAS NGAN PAS BDAS SHING, NYON MONGS PA BSTEN GOMS LAN MANG DU BYAS PA'I DBANG GIS YIN LA, DE'I PHYIR DE PHYIN CHAD RANG DANG RIGS MTHUN PA'I SKYE RGU YONGS KYI SDUG BSNGAL MA LUS PA THAMS CAD RANG BDE BA DANG SKYID PAR 'DOD MKHAN BDAG KHO NA'I STENG DU SPUNG BAR BYA'O, ,ZHES PA'I DON NO, , RTZA BA, GAL TE RANG 'DOD 'KHRI BA ZHUGS PA'I TSE, , LDOG LA RANG GI BDE SKYID 'GRO LA SBYIN, , ZHES PA NI, GAL TE ZHES RTAG PA MTHA' BZUNG BA STE, , @036 BYANG CHUB SEMS DPA' RNAMS PHAL CHER LA NI RANG 'DOD KYI 'KHRI BA ZHUGS PA NI NAM DU YANG MI SRID MOD, ,RGYA LA GAL TE 'GA' ZHIG LA SNGON GOMS PA'I DBANG GIS BYUNG SRID NA DE'I TSE KHYOD RE ZHAN ZHES RANG LA SMAD PA'I SGO NAS LDOG PAR BYAS NAS RANG GI BDE SKYID SOGS LEGS PA'I CHA JI TZAM YOD PA THAMS CAD 'GRO BA SEMS CAN LA SBYIN PAR BYA DGOS SO, ,ZHES PA'I DON NO, , RTZA BA, JI LTAR BDAG LA 'KHOR GYIS LOG SGRUB TSE, , RANG GIS G-YENG BAS LAN ZHES SNYING TSIM BSGRENGS, , ZHES TE, JI LTAR RANG GI 'KHOR G-YOG THA NA DGE PHRUG TSUN CHAD LA RANG GI PHAN JI TZAM BTAGS KYANG, TSUR DE'I LAN DU GNOD PA SKYEL BA STE MI SNYAN PAR SMRA BA DANG, SKUR BA 'DEBS PA SOGS DRIN LAN LOG (13 BA) PAR BSGRUB PAR BYUNG BA'I TSE, GZHAN DU MI SEMS PAR RANG GIS G-YENG BAS LAN PA STE, 'DI'I SKABS KYI G-YENG BA NI BDAG GCES 'DZIN YIN TE, DES GZHAN GYI DON LAS G-YENGS PAR BYED PAS NA GZHAN DU DE LTAR BSHAD LA, DE BAS NA SNGAR RANG @037 GIS BDAG GCES PAR BZUNG ZHING GZHAN LA GNOD PA 'BA' ZHIG BSKYAL BAS LAN PA YIN PAS DA KHYOD NYID PHAN PO AE BYUNG ZHES RANG GIS RANG LA SNYING TSIM BSGRENG DGOS PA'I DON NO, , RTZA BA, LUS LA MI 'DOD NA TSA BYUNG BA'I TSE, , 'GRO BA'I LUS LA GNOD PA BSKYAL BA YIS, , LAS NGAN MTSON CHA RANG LA 'KHOR BA YIN, , ZHES TE, LUS LA NA TSA ZUG GZER SOGS BYUNG BA'I TSE NA'ANG 'DI SNYAM DU, DE YONG BA BDAG GIS SKYE BA SNGON MA RNAMS DANG TSE 'DI NYID BCAS LA 'GRO BA'I LUS LA BRDUNGS PA DANG, BRDEG PA DANG, BRTZON RAR 'JUG PA SOGS GNOD PA MANG DU BSKYAL BA'I LAS NGAN GYI MTSON CHA RANG LA 'KHOR BA YIN SNYAM DU BSAM DGOS TE, 'DIR LAS NGAN LA MTSON CHAR BSHAD PA NI LAS NGAN BDE SKYID SOGS GCOD PAR BYED PA LA MTSON CHA DANG 'DRA BAS NA DE LTAR BSHAD PA'O, , RTZA BA, @038 DA NI NA TSA MA LUS RANG LA BLANGS, , ZHES GSUNGS TE, RGYU MTSAN DE LTA BAS NA DA NI THABS GZHAN MI 'TSOL BAR, SPYI BO'AM MDUN GYI NAM MKHAR BLA MA LHA SOGS GSAL BTAB NAS BDAG GI NAD 'DIS GTZO BYAS PA'I SEMS CAN THAMS CAD KYI LUS KYI NA TSA JI TZAM MCHIS PA THAMS CAD BDAG GI STENG DU SMIN PAR BYIN GYIS BRLAB TU GSOL ZHES SNYING THAG PA NAS GSOL BA BTAB, DE RJES RANG GI SNA BUG NAS 'OD ZER SPROS TE SEMS CAN RNAMS LA PHOG PAS DE DAG GI NA (14 NA) TSA LA SOGS PA SDUG BSNGAL MA LUS PA 'OD NAG PO'I RNAM PAR SNA BUG NAS TSUR RNGUB STE SNYING NANG DU BSTIM PA'O, ,YANG NA LUS KYI NA TSA GANG DU YOD PA DE'I STENG DU BSTIM NAS BDAG GCES 'DZIN GTAN MED DU BRLAG PAR BYAS PA'I MOS PA DANG, RANG GI BDE SKYID LA SOGS PA THAMS CAD 'OD DKAR PO'I SNA BUG NAS PHAR SPROS TE SEMS CAN THAMS CAD LA SBYIN PA'I MOS PA BYED PA STE GTONG LEN RNAM PAR DAG PA SGOM PA'O, , RTZA BA, RANG GI SEMS LA SDUG BSNGAL BYUNG BA'I TSE, , @039 NGES PAR GZHAN GYI SEMS RGYUD DKRUGS PA YIS, , LAS NGAN MTSON CHA RANG LA 'KHOR BA YIN, , ZHES GSUNGS TE, DE BZHIN DU RANG GI SEMS LA RKYEN NGAN PA'I DBANG GIS SAM, DE MIN KYANG 'GA' ZHIG LA DON MED DU YANG SEMS LA SDUG BSNGAL SNA TSOGS BYUNG BA'I TSE, GA RE 'DI CI YIN SNYAM DU BSAM PA NA, DE NI NGES PAR SKYE BA SNGON MA RNAMS SU, BLA MA DANG, PHA MA GROGS MCHED SOGS KYIS MTSON PA'I GZHAN GYI SEMS RGYUD DKRUGS PA'I LAS NGAN GYI MTSON CHA RANG LA 'KHOR BA YIN 'DUG SNYAM DU BSAMS SHING, RTZA BA, DA NI DU KHA: MA LUS DANG DU BLANGS, , ZHES TE, DES NA DA NI DU KHA: STE GZHAN GYI SDUG BSNGAL THAMS CAD BDAG GI SEMS STENG DU LEN PAR BGYI'O SNYAM PA'I SGO NAS SNGAR BZHIN BLA MAR GSAL BTAB DANG, GTONG LEN GYI DMIGS PA BYA, RTZA BA, RANG NYID BKRES SKOM DRAG POS GZIR BA NA, , @040 KHRAM DANG RKU 'PHROG SER SNA BYAS PA YIS, , LAS NGAN MTSON CHA RANG LA 'KHOR BA YIN, , ZHES TE RANG NYID LA BKRES PA DANG SKOM PA'I GDUNG BA DRAG PO BYUNG BA'I TSE, DE NI SNGAR SKYE BA (14 BA) SNGON MA RNAMS SU GZHAN LA NOR GYI PHYIR DU KHRAM BYAS PA DANG, GZHAN GYI NOR BRKU BA DANG, DBANG GIS 'PHROG PA DANG, RANG GI NOR LA SER SNA BYAS PA SOGS KYI LAS NGAN GYI 'BRAS BU YIN PAR 'DUG SNYAM DU BSAMS SHING, DE'I RJES SU, RTZA BA, DA NI BKRES SKOM MA LUS DANG DU BLANGS, , ZHES BDAG GI BKRES SKOM GYI SDUG BSNGAL 'DI'I STENG DU SEMS CAN GZHAN GYI BKRES SKOM GYI SDUG BSNGAL JI TZAM YOD PA THAMS CAD BLANGS PAR BYA SNYAM DU SNGAR BZHIN GSOL BTAB DANG GTONG LEN SGOM, GZHAN YANG BKRES SKOM DANG DU LEN TSUL YOD DE, DPER NA RANG RE SMYUNG GNAS SOGS GTONG BA'I TSE BKRES SKOM GYI GDUNG BA BYUNG BA NA, GO BCAD, 'DI NI SNGAR RANG GIS RKU 'PHROG SER SNA SOGS BYAS PA DE DA RES CHOS KYI STOBS KYIS SMIN NAS DAG PAR 'GYUR @041 BA YIN 'DUG PAS BLA MA DKON MCHOG GI BKA' DRIN YIN SNYAM DU BSAM PA SOGS KYANG BYA DGOS GSUNGS, RTZA BA, DBANG MED GZHAN GYIS 'KHOL ZHING MNAR BA'I TSE, , DMAN LA SDANG ZHING BRAN DU BKOL BA YIS, , LAS NGAN MTSON CHA RANG LA 'KHOR BA YIN, , ZHES TE, DBANG MED DU GZHAN GYIS 'KHOL BA NI, DPER NA DPON PO SOGS KYI BKAS CUNG ZAD KYANG SDOD LONG MED PAR DBANG MED DU MI 'DOD BZHIN DU YANG LAS LA 'JUG DGOS PA SOGS KYIS LUS SEMS LA SDUG BSNGAL GYIS MNAR BA BYUNG BA'I TSE 'DI NI NGES PAR SNGAR RANG GIS DMAN PA'I SEMS CAN RNAMS LA SDANG SHUGS DANG, MI 'DOD BZHIN DU BRAN DU BKOL BA SOGS KYI RNAM SMIN DU BSAM DGOS TE, DPER NA DA LTA RANG CAG GIS KYANG GTZANG PA'I 'UL MI RNAMS LA SDANG SHUGS KYIS THA NA MIG LOG TSUN CHAD BLTA BA (15 NA) DANG, DBANG MED DU LAS LA BAR MED DU BSKUL BA SOGS BYED KYI 'DUG PA DE LTA BU RNAMS KYI LAS NGAN GYI 'BRAS BU YIN LA, DA NI LUS SROG GZHAN DU BKOL BAR BYA, , @042 ZHES TE, 'DI LA DPE CHA 'GA' ZHIG TU, RTZA BA, LUS SROG BRAN DU BKOL BAR BYA, , ZHES KYANG 'BYUNG BAS DE'I DBANG DU BYAS NA PHYIN CHAD RANG GI LUS SROG RNAMS RANG DON DU MI BKOL BAR GZHAN GYI BRAN DU BKOL BAR BYA ZHES PA YIN LA, YANG GZHAN DU BKOL BAR BYA ZHES ZER NA YANG 'GAL BA NI MED DE GZHAN GYI DON DU BKOL BAR BYA ZHES PA'I DON YIN GSUNGS, RTZA BA, MI SNYAN TSIG RNAMS RNA BAR BYUNG BA DANG, , PHRA MA LA SOGS NGAG GI NYES PA YIS, , LAS NGAN MTSON CHA RANG LA 'KHOR BA YIN, , ZHES TE, GZHAN GYIS RANG LA MA NYES KHA G-YOGS PA LTA BUS MI SNYAN PA'I TSIG SMRA BA STE, SKUR PA 'DEBS PA DANG, PHAN TSUN 'GRAS PAR BYED PA DANG DPON PO SOGS KYIS KYANG DON MED DU BKA' BKYON SOGS BYUNG BA'I TSE CI DRAG SNYAM DU MI SEMS PAR, DE NI SNGAR RANG GIS GZHAN LA PHRA MA BYAS TE PHAN TSUN 'GRAS SU BCUG PA DANG, TSIG RTZUB SMRAS PA @043 DANG; SKUR PA BTAB PA SOGS KYI NGAG GI NYES PA'I 'BRAS BU YIN 'DUG SNYAM DU BSAMS NAS, RTZA BA, DA NI BDAG GI SKYON LA SMAD PAR BYA, , ZHES TE, 'DI LA YANG DPE 'GA' ZHIG NAS, NGAG GI SKYON LA SMAD PAR BYA, ,ZHES 'BYUNG BAS DE LTAR BYAS NA GO BA NI 'BREL CHAGS TE, DA PHYIN CHAD NAS BZUNGS TE RANG GI NGAG GI SKYON PHRA MA TSIG RTZUB SOGS LA SMAD PA'I SGO NAS MI 'JUG PAR BYA DGOS PA'I DON DANG, YANG BDAG GI SKYON (15 BA) LA SMAD PAR BYA ZHES BRJOD NA'ANG SKYON NI MED DE, PHYIN CHAD GZHAN GYI SKYON MI BRJOD PAR RANG GI SKYON 'BA' ZHIG LA SMAD PAR BYED DGOS PA'I DON YIN, RTZA BA, GANG YANG MA DAG YUL DU SKYES PA NA, , MA DAG SNANG BA RTAG PAR BSGOM PA YIS, , LAS NGAN MTSON CHA RANG LA 'KHOR BA YIN, , ZHES PA STE GANG YANG MA DAG PA'I YUL NI DA LTA RANG CAG GIS MA DAG PA'I YUL DU NGOS 'DZIN PA DPER NA RANG SDOD @044 PA'I GNAS DER GROGS KYIS GNOD PA SKYEL MI MANG BA DANG, YID DU MI 'ONG BA LA SOGS PA 'DI DAG GAM, YANG SNGAGS KYI DBANG DU BYAS NA NI THA MAL GYI SNANG BA DANG DES BSKYED PA'I ZHEN PAS MA DAG PA LA BYED PA STE, MA DAG PAR BYED MKHAN GYI GTZO BO NI DE YIN LA, GANG LTAR YANG DE 'DRA BA'I MA DAG PA'I YUL DU SKYES PA'I TSE, 'DI SNYAM DU RANG GIS SKYE BA SNGON MA RNAMS GZHAN LA MA DAG PA'I SNANG BA 'BA' ZHIG RTAG PAR TE RGYUN MI CHAD DU SGOM BSGOMS PA'I LAS NGAN GYI 'BRAS BU YIN 'DUG SNYAM DU BSAMS NA, RTZA BA, DA NI DAG SNANG 'BA' ZHIG BSGOM PAR BYA, , ZHES TE, DA NI PHYIN CHAD KUN LA DAG SNANG 'BA' ZHIG BSGOM PAR BYA STE, DE'I TSUL YANG, DPER NA RANG LA GNOD PA SKYEL MKHAN LTA BU ZHIG BYUNG BA'I TSE, 'DI NI BDAG GIS LAS NGAN 'DZAD PAR BYA BA'I SLAD DU SANGS RGYAS DANG BYANG CHUB SEMS DPA' RNAMS KYIS 'DI 'DRA BA'I RNAM PAR BSTAN PA YIN 'DUG PAS BKA' DRIN CHE SNYAM PA'I SGO NAS DAG SNANG SBYANG BA DANG, GZHAN DAG LA YANG DE LTA BU'I SGO @045 NAS DAG SNANG SBYONG BA YIN LA, SNGAGS KYI DBANG DU BYAS NA NI GANG SHAR THAMS CAD BDE STONG GNYIS SU MED PA'I YE (16 NA) SHES GCIG PU'I RNAM 'GYUR RDO RJE 'CHANG GI RNAM ROL TU SHAR BA ZHIG BYUNG NA NI MA DAG PA'I SNANG BA YANG 'ONG DON MED PAS DE 'DRA BA'I TSUL GYIS KUN LA DAG SNANG SBYONG DGOS ZHES BKA' BSTZAL TO, , CHOS THUN LNGA PA, ` CHOS THUN LNGA PA'I SKABS SU, JI SKAD DU, NYE DU 'KHOR BA'I RGYA MTSO'I NANG DU CHUD GYUR PA, ,ZHES PA NAS, GAL TE GCIG THAR BYED NA DE LAS KHREL BOR MED, ,CES PA'I LUNG 'GREL RGYAL PAR STZAL MTHAR, BSHAD LUNG DNGOS GZHI'I SKABS SU GANG ZHU BAR BYA BA'I CHOS NI BYANG CHUB LAM GYI RIM PA'I NYAMS LEN GYI GNAD MTHAR THUG PA SKYES BU CHEN POR BYED PA'I BYED CHOS BLA NA MED PA BDAG GZHAN MNYAM BRJE'I NYAMS LEN GYI TSUL SOGS BSTAN PA LA KHA SANG ZHUS PA'I BSHAD LUNG GI MJUG TU, GANG YANG MA DAG YUL DU SKYES PA NA, ,ZHES PA'I MA DAG PA'I YUL DE YANG YUL RANG GI NGOS @046 'BA' ZHIG NAS 'DZIN PA MA YIN PAR GANG ZAG SO SO'I BYED SPYOD KYI DBANG GIS MA DAG PAR SONG BA YIN TE, DPER NA LHA SA LTA BUR MTSON NA SNGAR CHOS KYI RGYAL PO SRONG BTZAN SGAM PO SOGS BZHUGS PA'I DUS SU DAG PA'I YUL YIN KYANG, DA LTA RANG CAG RNAMS KYI BYED SPYOD NGAN PA'I DBANG GIS MA DAG PA'I YUL DU SNANG BA LTA BU YIN, DE BZHIN DU DAG PA'I YUL KYANG SO SO'I BYED SPYOD KYI DBANG GIS YIN TE, RANG DON YAL BAR DOR NAS CI BYED SEMS CAN THAMS CAD KYI DON DU SPYOD PA'I BYANG CHUB SEMS DPA' CHEN PO LTA BU RNAMS LA NI GANG DU GNAS PA'I GNAS KHANG DE DAG PA'I YUL YIN (16 BA) TE, DPER NA SNGAGS KYI DBANG DU BYAS NA BYANG SEMS DE DAG GI LUS 'DOM GANG GRU BZHI PA DE NYID GZHAL YAS KHANG DANG, DE'I NANG GI RTZA KHAMS DANG THIG LE SOGS LHA DANG LHA MO'I RANG BZHIN DU YOD PAR GSUNGS NA, DE NYID GANG DU GNAS PA'I GNAS KHANG DE YANG DAG PA'I YUL DU NGES PAR 'GYUR BA YIN GSUNGS, RTZA BA, PHAN ZHING MDZA' BA'I GROGS DANG BRAL BA'I TSE, , @047 GZHAN GYI 'KHOR RNAMS BDAG GIS KHA DRANGS PA'I, , LAS NGAN MTSON CHA RANG LA 'KHOR BA YIN, , ZHES TE, DE YANG PHAN ZHING MDZA' BA ZHES PA'I PHAN PA YIN NA MDZA' BA YIN PAS MA KHYAB CING, MDZA' BA YIN NA'ANG PHAN PA YIN PAS KYANG MA KHYAB STE, PHAN PA LA NI RANG DANG HA CANG SNYING NYE BA MA YIN KYANG BZA' BTUNG LONGS SPYOD SOGS KYIS PHAN 'DOGS PAR BYED PA DAG KYANG BZHAG CHOG LA, MDZA' BA LA NI DNGOS SU PHAN 'DOGS PAR MI BYED KYANG SNYING SHIN TU NYE BAR GYUR PA DAG DANG, DER MA ZAD DNGOS SU SHIN TU SNYING NYE BA LTAR BYAS NAS RGYAB TU GNOD PAR BYED MKHAN RNAMS KYANG MDZA' BA YIN KYANG PHAN PA MA YIN PAS DE DAG KYANG MKHYEN PAR MDZAD DGOS SHING, DES NA RANG LA PHAN 'DOGS PA DANG SHIN TU SNYING NYE BA'I GROGS RNAMS THAG RING DU SONG BA'AM SHI BA SOGS KYIS BRAL BAR GYUR TE SDUG BSNGAL BYUNG BA'I TSE 'DI SNYAM DU, BDAG LA 'DI LTAR YONG BA NI SKYE BA SNGON MA RNAMS SU BLA MA'I SLOB MA DANG, GZHAN GYI 'KHOR G-YOG DANG DGE PHRUG SOGS DE DAG DANG THABS KYIS PHRAL NAS RANG GI PHYOGS SU KHA DRANGS PAR BYAS @048 PA'I LAS NGAN GYI 'BRAS BU SMIN PA YIN 'DUG SNYAM DU (17 NA) BSAMS NAS SNGAR BZHIN GTONG LEN SGOM PA DANG, RTZA BA, DA NI GZHAN DAG 'KHOR DANG BRAL MI BYA, , ZHES DA PHYIN CHAD GZHAN DAG GI SLOB MA DANG, 'KHOR G-YOG ,DGE PHRUG SOGS THAD KAR 'JOG PA LAS DE DAG DANG NAM DU YANG DBRAL BA STE PHRAL NAS RANG GI PHYOGS SU KHA DRANGS PA NAM DU YANG MI BYA SNYAM DU BSAM DGOS ZHES PA'I DON NO, , RTZA BA, DAM PA THAMS CAD BDAG LA MI DGA' NA, , DAM PA BOR NAS GROGS NGAN BSTEN PA YIS, , LAS NGAN MTSON CHA RANG LA 'KHOR BA YIN, , ZHES GSUNGS TE, DAM PA NI SKYES BU DAM PA BLA MA LA SOGS PA RNAMS YIN LA, DE DAG LA PHAR GUS 'DUD LA SOGS PA JI TZAM BYAS KYANG TSUR MI MNYES PA LTA BU BYUNG BA'I TSE BLA MA LA GUS PA DANG LOG LTA SOGS MI BYED PAR, RANG @049 NYID LA TSUR MDZUB MO BTZUGS NAS DE BDEN, KHYOD KYIS SKYE BA SNGA MA RNAMS DANG MJAL YANG MA MJAL LA, GAL TE MJAL KYANG DE DAG GI RJES SU MI 'JUG PAR YAL BAR BOR NAS GROGS NGAN BSTEN PA STE, DE YANG 'DI'I SKABS KYI GROGS NGAN NI GTZO BOR RANG DON YID BYED 'BA' ZHIG GI DBANG DU SONG BA'I GROGS NGAN PA RNAMS YIN LA, GZHAN YANG CHOS KYI PHYOGS SU MI SBYOR BAR CHOS MIN GYI PHYOGS 'BA' ZHIG TU 'KHRID PAR BYED PA'I SKYE BO NGAN PA RNAMS BSTAN CING, DE DAG GI RJES SU 'BRANGS NAS PHYIN PA'I LAS NGAN GYI MTSON CHA RANG LA 'KHOR BA YIN 'DUG SNYAM DU BSAM PA DANG, RTZA BA, DA NI NGAN PA'I GROGS RNAMS SPANG BAR BYA, , ZHES, DA PHYIN CHAD DE 'DRA BA'I GROGS RNAMS BLO'I (17 BA) SGO NAS BRTZE BAS GTONG MI RIGS KYANG DNGOS SU DE DAG DANG 'GROGS 'DRIS MI BYA ZHING DE DAG GI DBANG DU NAM DU YANG GTONG BAR MI BYA ZHES PA'I DON NO, ,DE YANG 'DI DAG GI DMIGS SKOR RE RE'I MJUG TU GTONG LEN GYI DMIGS PA RE DANG, DE'I RJES SU DE DANG DE MI BYED SNYAM @050 PA'I DAM BCA' RE DANG BCAS PA NGES PAR BYED DGOS GSUNGS, RTZA BA, SGRO SKUR GZHAN GYIS SDIG SOGS BYUNG BA'I TSE, , GZHAN GYI MKHO BA KHYAD DU GSAD PA YIS, , LAS NGAN MTSON CHA RANG LA 'KHOR BA YIN, , ZHES RANG GIS NYES PA'I BYA BA GANG YANG MA BYAS NA YANG GZHAN GYIS 'DI DANG 'DI 'DRA BA BYAS SO ZHES DON MED DU SGRO 'DOGS PA DANG, SKUR BA 'DEBS PA SOGS BYUNG BA'I TSE, DE YONG STE, KHYOD KYIS SKYE BA SNGON MA RNAMS SU, GZHAN GYI MKHO BA KHYAD DU GSAD PA STE, ,GZHAN GYI NOR LONGS SPYOD 'KHOR G-YOG SOGS DANG DBRAL NAS RANG NYID KYIS DBANG DU BYED PA DANG, LEGS PA CI MCHIS PA BDAG NYID LA BYUNG NA GZHAN LA MA BYUNG YANG KHYAD MI 'DUG SNYAM DU KHYAD GSOD BYAS PA'I LAS NGAN RANG LA 'KHOR BA YIN PAR BSAMS NAS, DA NI GZHAN GYI MKHO BA BSGRUB PAR BYA, ,ZHES DANG PHYIN CHAD LEGS PA THAMS CAD BDAG LA BYUNG NA SNYAM PA'I BLO NGAN SPANGS TE GZHAN LA MKHO BA'I DNGOS PO JI LTAR DGOS @051 PA THAMS CAD DNGOS SU SGRUB PA DANG YID KYI SGO NAS KYANG SGRUB PA'I ZHE DAM DANG BCAS PA BYED DGOS PA'I DON NO, , RTZA BA, SEMS MI DGA' ZHING SNYING MI GSAL BA'I TSE, , SKYE BA GZHAN LA SDIG PA BSAGS PA YIS, , LAS NGAN MTSON CHA RANG LA 'KHOR BA YIN, , ZHES DON MED DU SEMS MI DGA' BAR SEMS LA SDUG (18 NA) BSNGAL DRAG PO BYUNG BA DANG SNYING MI GSAL BA NI, DPER NA LHA BSGOM PA LTA BU'I TSE JI LTAR BYAS KYANG YID LA GSAL BAR 'CHAR MI THUB PA NAG THOM ME 'GRO BA LTA BU STE, DE 'DRA BA BYUNG BA'I TSE, DE YANG GDUG 'DRES GNOD PA DANG, CHOS SKYONG GI 'KHU LDOG SOGS YIN 'DUG CES ZER MOD, 'ON KYANG GDUG 'DRES GNOD PA NI YIN TE GDUG 'DRE'I GTZO BO BDAG GCES 'DZIN GYI GNOD PA YIN LA, DE'I DBANG GIS SDIG PA'I LAS 'BA' ZHIG BSAGS PAS CHOS SKYONG SOGS KYANG MNYES PAR MI 'GYUR BAS NA CHOS SKYONG GI 'KHU LDOG KYANG YIN 'DUG CING, 'ON KYANG DE LTAR YIN 'DUG CES GZHAN DU RGYUG MI DGOS TE, 'DI SNYAM DU, @052 DE NI BDEN TE, BDAG GIS SKYE BA SNGA MA RNAMS SU BDAG GCES 'DZIN GYI DBANG GIS DGE BA'I LAS MA BYAS PAR SDIG PA'I LAS 'BA' ZHIG BSAGS PA'I LAS NGAN MTSON CHA RANG LA 'KHOR BA YIN PAS, RTZA BA, DA NI GZHAN GYI SDIG RKYEN SPANG BAR BYA, , ZHES DA PHYIN CHAD GZHAN GYI SDIG PA'I RKYEN DU 'GYUR BA NAM DU YANG MI BYA BAR SPANG BAR BYA DGOS TE, DE YANG GZHAN GYI SDIG RKYEN DU 'GYUR TSUL NI, DPER NA GRVA SA LTA BUR MTSON NA RANG NYID KYIS GRVA SA GRVA TSANG GI SGRIG LAM SOGS DANG 'GAL BA'I BYA BA MA YIN PA BYAS PA LA BRTEN NAS DGE BSKOS SOGS KYI RGYUD 'KHRUGS TE BRDUNGS PA DANG; BRDEG PA LA SOGS PA BYAS PAS DE DAG GI RGYUD LA SDIG PA GSOG PAR 'GYUR BA LTA BU YIN PAS, DES MTSON NAS RANG LA BRTEN NAS GZHAN SDIG PA'I LAS LA 'JUG PA NAM DU (18 BA) YANG MI BYED SNYAM DU BSAM DGOS GSUNGS, RTZA BA, @053 BYA BA MA GRUB SEMS RTZA DKRUGS PA'I TSE, , DAM PA'I LAS LA BAR CHAD BYAS PA YIS, , LAS NGAN MTSON CHA RANG LA 'KHOR BA YIN, , ZHES GSUNGS TE, BYA BA MA GRUB PA NI, CHOS LA MTSON NA, DPER NA, PHA MA SOGS KYIS BYIS PA ZHIG CHUNG NGU'I DUS NAS GRVA SA SOGS SU BCUG STE, BSLAB PA SLOB GNYER MTHAR PHYIN DGE BSHES LTA BU ZHIG YONG BAR RE BA'I THABS RNAM PA DU MA BYAS KYANG, DES DE LAS LDOG STE BYA BA MA YIN PA SHA STAG LA 'JUG CING, SDUG SHOS RNAMS KYIS NI MTHAR CHOS 'GO YANG MI THON PA RDZAB DONG DU LHUNG BA'ANG 'BYUNG BAS, DE'I TSE RANG GZHAN THAMS CAD BSAM PA'I BYA BA MA 'GRUB PAS SEMS RTZA 'KHRUG PAR 'GYUR BA LTA BU DANG, 'JIG RTEN LA YANG MTSON NA, TSONG PA RNAMS TSONG BYAS NAS NOR CHEN PO ZHIG 'DOD DE TSONG LA PHYIN KYANG TSONG NYES BYUNG NAS SEMS RTZA 'KHRUG PAR 'GYUR BA SOGS MTHA' KLAS PAS DE 'DRA BA BYUNG BA'I TSE, 'DI NI NGES PAR BDAG GIS SKYE BA SNGON MA RNAMS SU DAM PA'I LAS LA BAR CHAD BYAS PA STE, SKYES BU DAM PA RNAMS KYIS CHOS GSUNGS PA SOGS DANG, GZHAN @054 YANG GANG ZAG GZHAN KHA 'DON BYED PA DANG, SLOB GNYER BYED PA, SGOM BYED PA SOGS LA BAR CHAD BYAS TE DE DAG BYED DU MI 'JUG PAR CHOS MIN GYI PHYOGS SU KHA DRANGS PA'I LAS NGAN GYI 'BRAS BU RANG LA 'KHOR BA YIN PAR BSAMS NAS, RTZA BA, DA NI BAR CHAD THAMS CAD SPANG BAR BYA, , ZHES DA PHYIN CHAD GZHAN DAG DGE BA'I LAS BYED PA LA BAR CHAD CUNG ZAD KYANG MI BYED PA'I STENG DU RJES SU YI RANG BA DANG BSNGAGS PA BRJOD PA (19 NA) SOGS KYI SGO NAS GONG 'PHEL DU GTONG BA LA 'BAD PAR BYED DGOS GSUNGS, RTZA BA, GANG LTAR BYAS KYANG BLA MA MA MNYES TSE, , DAM PA'I CHOS LA NGOS LKOG BYAS PA YIS, , LAS NGAN MTSON CHA RANG LA 'KHOR BA YIN, , ZHES RANG NYID KYIS BLA MA LA MNYES PA'I THABS JI LTAR BYAS KYANG BYED SPYAD MI MKHAS PA SOGS KYIS BLA MA MNYES PAR MA GYUR PA'I TSE BLA MA LA RE 'KHANG MI BYED PAR, DE NI @055 NGES PAR BDAG GIS SKYE BA SNGON MA RNAMS SU DAM PA'I CHOS LA NGOS LKOG BYAS PAS LAN PA YIN TE, DE'I TSUL NI, CHU SKYAR DANG BYI LA'I SPYOD PA BZHIN DU PHYI ROL TU DUL BA LTAR BYAS NAS LKOG TU BYA BA MA YIN PA'I SPYOD PA SHA STAG LA 'JUG PA DANG; LHAG PAR BLA MA SOGS KYIS CHOS MIN GYI BYA BA SPONGS SHIG CHOS DANG MTHUN PA'I LAS 'DI DANG 'DRA BA GYIS SHIG GSUNGS PA'I TSE DNGOS SU BYED PAR KHAS BLANGS NAS LKOG TU DE LAS LDOG STE CHOS MIN GYI LAS KHO NA BYED PA SOGS YIN TE, DE LTAR BYAS PA'I LAS NGAN GYI MTSON CHA THOG TU BABS PAR 'DUG SNYAM PA'I SGO NAS, RTZA BA, DA NI CHOS LA NGO LKOG CHUNG BAR BYA, , ZHES PHYIN CHAD CHOS LA NGO LKOG MI BYED PAR PHYI NANG MTHUN PA ZHIG NGES PAR BYED DGOS TE, DE YANG PHYI SMIN LA NANG MA SMIN PA DANG, NANG SMIN LA PHYI MA SMIN PA DANG PHYI NANG GNYIS KA SMIN PA GSUM LAS PHYI MA LTAR BYUNG NA NI MCHOG TU GYUR PA YIN LA, DE LTAR MIN KYANG NANG SMIN LA PHYI MA SMIN PA DE LEGS PA YIN GYI PHYI SMIN LA NANG MA SMIN PA NI SDUG SHOS @056 YIN PAS DE LTAR DU MA SONG BA ZHIG BYED DGOS SHING, 'ON KYANG SNGAR (19 BA) BSHAD PA LTAR DENG DUS SNYIGS MAR SONG BA'I DBANG GIS SKYE BO RNAMS KYIS DGE 'DUN LA BRTEN NAS SDIG PA GSOG PA SHIN TU MANG BAS GRVA SA DANG GZHIS DGON, RI KHROD PA SOGS KUN GYIS PHYI'I SPYOD LAM KYANG BAG YOD TSUL MTHUN LA GNAS PA ZHIG CI NAS KYANG MDZAD DGOS GSUNGS, RTZA BA, SKYE BO YONGS KYIS KHA LOG BYUNG BA'I TSE, , NGO TSA KHREL YOD KHYAD DU GSAD PA YIS, , LAS NGAN MTSON CHA RANG LA 'KHOR BA YIN, , ZHES SKYE BO THAMS CAD KYIS RANG LA KHA LOG PA STE, RANG GIS SPYOD NGAN MA BYAS KYANG KUN GYIS MI SNYAN PAR SMRA BA DANG; SKUR PA 'DEBS PA SOGS BYUNG BA'I TSE GZHAN DU MI SEMS PAR, DE NI SKYE BA SNGON MA RNAMS SU BLA MA DANG, PHA MA GROGS MCHED LA SOGS KUN LA NGO TSA BAR MI BYED PAR NGO TSA KHYAD DU GSAD PA DANG, DE DAG KHREL NAS YANG KHREL SNYAM DU KHYAD GSOD BYED PA NI KHREL YOD KHYAD DU GSAD PA YIN PAS, @057 DE 'DRA BA'I KHYAD GSOD KYI SGO NAS MI DGE BA SNA TSOGS BYAS PA'I LAS NGAN RANG LA 'KHOR BAR SHES PA'I SGO NAS, RTZA BA, DA NI MI RUNG BA LA 'DZEM PAR BYA, , ZHES PHYIN CHAD CHOS DANG MI MTHUN PA'I BYA BA MTHA' DAG MI RUNG BA YIN PAS DE DAG LA NAM DU YANG MI 'JUG PAR NGO TSA KHREL YOD DANG LDAN PAS 'DZEM PAR BYED DGOS PA'I DON NO, , RTZA BA, 'KHOR TSOGS 'DUS MA THAG TU 'GRAS PA'I TSE, , SDUG GSHIS NGAN PA PHYOGS SU BTZONGS PA YIS, , LAS NGAN MTSON CHA RANG LA 'KHOR BA YIN, , ZHES 'DI NI DPON PO SOGS SKU CHE BA RNAMS LA YIN TE, DANG POR RANG LA 'KHOR G-YOG SOGS 'GA' ZHIG 'DUS NA'ANG RING POR MA LON PAR, DE DAG ZHE 'GRAS PAR GYUR PA'I TSE, DE NI RANG GIS SNGAR SDUG GSHIS NGAN PA PHYOGS KUN DU BTZONGS NAS KUN ZHE (20 NA) 'GRAS PAR BYAS PA'I RNAM SMIN YIN 'DUG SNYAM PA'I SGO NAS, @058 RTZA BA, DA NI GANG LA'ANG MI GZHI LEGS PAR BYA, , ZHES PHYIN CHAD SU LA'ANG GSHIS NGAN MI BYED PAR ZHI ZHING 'DZUM PA DANG LDAN PA'I MI GZHI LEGS PAR BYED DGOS SO ZHES PA'I DON YIN CES BKA' BSTZAL TO, , CHOS THUN DRUG PA, ` CHOS THUN DRUG PA'I SKABS SU, JI SKAD DU, DAL 'BYOR 'DI NI SHIN TU G-YO BA STE, ZHES PA NAS, YID LA BYED PA'I MCHOG 'DI SGRUB PAR GYIS, ,ZHES PA'I TSIG 'GREL SKABS SU, SHES RAB THABS LA GZHOL BA NI SNGAGS KYI DBANG DU BYAS NA SHES RAB STONG PA NYID DANG THABS BDE BA CHEN PO DBYER MED PA'I YE SHES DANG, THUN MONG BA LTAR NA KUN RDZOB DANG DON DAM PA'I BYANG CHUB KYI SEMS ZUNG 'BREL DU NYAMS SU LEN PA LA GZHOL DGOS TSUL, YID LA BYED PA'I MCHOG CES PA'I YID LA BYED PA NI RANG GCES 'DZIN LA DGRAR BLTA BA'I SGO NAS CI BYED GZHAN DON KHO NA YID LA BYED PA DANG, DE LA BRTEN NAS MCHOG SANGS RGYAS BCOM @059 LDAN 'DAS KYI GO 'PHANG THOB TSUL, DE DAG LAS 'PHROS NAS SNGAGS LAM DU 'JUG PA'I TSE YANG SEMS CAN RNAMS SDUG BSNGAL GYIS MNAR BA LA MI BZOD PA'I SNYING RJE SHUGS DRAG PO THUN MONG BA'I SNYING RJE LAS CHES LHAG PA BSKYED NAS SEMS CAN DE RNAMS KYI DON DU MYUR DU SANGS RGYAS THOB PHYIR DU 'JUG PA ZHIG DGOS TSUL, SANGS RGYAS SGRUB PA LA SNYING RJE CHEN PO MED DU MI RUNG TSUL DBU MA 'JUG PA'I LUNG DANG BCAS TE BKA' BSTZAL NAS, BSHAD LUNG DNGOS GZHI KHA SANG GI 'PHROS (20 BA) NAS, RTZA BA, NYE TSAD THAMS CAD DGRA BOR LANGS PA'I TSE, , BSAM PA NGAN PA NANG DU BCUG PA YIS, , LAS NGAN MTSON CHA RANG LA 'KHOR BA YIN, , ZHES PA NI, RANG LA NYE BA'I BLA MA SOGS KYIS KYANG MI MNYES PA DANG, SNGAR SNYING NYE BA'I GROGS LA SOGS PA THAMS CAD DGRA BOR LANGS TE SDUG BSNGAL BA'I TSE, DE NI SKYE BA SNGON MA RNAMS SU GZHAN LA BSAM PA NGAN PA'I SGO NAS DNGOS SU GNOD PA SKYEL BA'AM, DE LTAR MA THUB KYANG GNOD @060 THUB PA ZHIG BYUNG NA SNYAM PA'I BSAM PA NGAN PA 'BA' ZHIG NANG DU BCUG PA'I LAS NGAN RANG LA 'KHOR BA YIN 'DUG SNYAM NAS GTONG LEN SGOM ZHING, PHYIN CHAD JI LTAR BYA BA NI, RTZA BA, DA NI MUG SKYO GYU NAM CHUNG BAR BYA, , ZHES MUG SKYO NI G-YO DANG, GYU NAM NI SGYU LA ZER BA STE SNGAR GYI BRDA RNYING YIN PAR KHO BO'I BLA MAS GSUNGS PAS, PHYIN CHAD G-YO SGYU'I LAS NAM DU YANG MI BYED PA ZHIG BYA DGOS PA'I DON YIN GSUNGS, 'DI LAS 'PHROS NAS KHA SANG 'GA' ZHIG NAS BLO SBYONG GI DPE BRIS MA ZHIG LA 'DUG TSUL GYIS SHO LO KA LHAG PO ZHIG 'DUG PAS CHAD PA YIN NAM SNYAM DU DOGS PA BYED KYANG, BRIS MA RNAMS LA NI DAG MIN KYANG SNA TSOGS YONG 'DUG PAR MA ZAD, DA RANG GIS SNGAR BLA MAR ZHU SKABS SU DA LTA YOD PA'I PHUR BU LCOG GI PAR MA 'DI KHA'I STENG NAS ZHUS PA YIN PAS DA RES KYANG 'DI KHA RANG LA CHA GNAS KYIS ZHU RGYU YIN TSUL GSUNGS, RTZA BA, BAR GCOD NAD DANG SMU CHUS NA BA'I TSE, , @061 KHRIMS MED DKOR LA BAG MED 'BAGS PA YIS, , LAS NGAN MTSON CHA RANG LA 'KHOR BA YIN, , ZHES BAR GCOD ZHES PA NI NAD MA YIN PA'I GNOD PAS BAR DU GCOD PA ZHES PA'I DON YIN CING GZHAN YANG (21 NA) RANG CAG RNAMS CHOS BYED PA SOGS LA BAR DU GCOD PA'I NAD SPYI DANG, SMU CHU NI GCONG NAD TSABS PO CHE, DA LTA PHYI CHU NANG CHU SOGS SU GRAGS PA 'DI DAG STE, DE LTA BU'I NAD KYIS NA BA'I TSE, DE NI RANG GIS SKYE BA SNGON MA RNAMS SU KHRIMS MED DKOR LA BAG MED DU 'BAGS PA STE, DE YANG KHRIMS MED KYIS DKOR LA 'BAGS PA DANG, BAG MED KYIS 'BAGS PA GNYIS LA'ANG KHYAD PAR YOD DE, DPER MTSON NA GRVA SA SOGS SU'ANG GRVA RIGS 'GA' ZHIG RANG NYID LA PHAM PA SOGS KYI SKYON GYIS GOS NA KHRIMS MED YIN MOD, DES DGE 'DUN GYI 'GYED MANG JA SOGS DKOR LA 'BAGS PA'I TSE RANG NYID KHRIMS MED DU SHES PA'I 'JIGS PA DANG BCAS PA'I SGO NAS 'BAGS NA KHRIMS MED KYIS 'BAGS PA YIN KYANG BAG MED KYIS 'BAGS PA MIN LA, RANG NYID KHRIMS MED NA'ANG DA DUNG JI MI SNYAM PAR BZA' @062 'OS 'THUNG 'OS YIN SNYAM PA'I SGO NAS LONGS SPYOD NA BAG MED KYI SGO NAS KYANG 'BAGS PA YIN PAS DE RNAMS KYANG SHES PAR MDZAD NAS, DE LTAR 'BAGS PA'I LAS NGAN GYI MTSON CHA RANG LA 'KHOR BAR BSAMS NAS GTONG LEN SGOM PA DANG, DA NI DKOR 'PHROG LA SOGS SPANG BAR BYA, ,ZHES DKOR 'PHROG TSUL NI GONG DU BSHAD PA'I KHRIMS MED KYIS DKOR LA 'BAGS PA DE YANG MI 'OS BZHIN DU SPYOD PAS NA 'PHROG PA YIN LA, GZHAN YANG BLA MA DANG DGE 'DUN GYI DKOR 'PHROG TSUL SHIN TU MANG BAS DA PHYIN CHAD DE DAG NAM DU YANG SPANG BAR BYED DGOS PA'I DON YIN GSUNGS, RTZA BA, GLO BUR 'GO NAD LUS LA THEBS PA'I TSE, , DAM TSIG NYAMS PA'I BYA BA BYAS PA YIS, , LAS NGAN MTSON CHA RANG LA 'KHOR BA YIN, , ZHES RANG CAG LA GLO BUR DU NAD DRAG PO SPYI DANG, NANG TSAN 'GO BA'I NAD TSAD PA LA SOGS PA LUS LA THEBS PA'I TSE, GO RE BCAD, DE NI RANG GI TSE 'DI DANG SKYE BA SNGON MA RNAMS SU DAM TSIG NYAMS PA'I BYA BA BYAS PA'I LAS NGAN GYI @063 MTSON CHA RANG LA 'KHOR BA YIN 'DUG SNYAM DU BSAM DGOS TE, 'DI'I SKABS KYI DAM TSIG LA NI NGES PAR RDO RJE SPYI BOR BZHAG PA DANG, MNA' CHU BLUD PA LTA BU ZHIG MI DGOS TE, GANG BSRUNG BAR BYA BA DE NYID DAM PAR BSRUNG NA LEGS PA DANG, MA BSRUNG NA DMYAL BA'I MES TSIG PAR BYED PA LA DAM TSIG TU BYED PAS DGE BSNYEN LA SOGS PA LA'ANG DAM TSIG YOD CING, MDOR NA RANG GIS JI LTAR KHAS BLANGS PA DE NYID DAM PAR BSRUNG DGOS PA YIN PA LA DE LTAR MA BSRUNGS PA DANG, LHAG PAR DU BLA MA LA DAM TSIG NYAMS PA'I LAS NGAN RANG LA 'KHOR BAR BSAMS NAS GTONG LEN SGOM PA DANG, RTZA BA, DA NI MI DGE'I LAS RNAMS SPANG BAR BYA, , ZHES PHYIN CHAD MI DGE BA'I LAS SPYI DANG KHYAD PAR DU YANG DAM TSIG NYAMS 'GYUR GYI LAS RNAMS YONGS SU SPANG BAR BYA LA, GZHAN YANG SNGAR BKA' GDAMS GONG MA RNAMS KYI DUS SU NI GONG DU BSHAD PA'I 'GO NAD NGAN PA THEBS PA'I GANG ZAG GI RIGS BYUNG TSE DE NI DAM TSIG LA SKYON BYUNG @064 BA YIN 'DUG CES DAM NYAMS SU BRTZIS NAS DE DAG LA 'GROGS 'DRIS SOGS MI BYED PA YIN TSUL KYANG GSUNGS, RTZA BA, SHES BYA KUN LA BLO GROS RMONGS PA'I TSE, , BZHAG TU 'OS PA CHOS LA BYAS PA YIS, , LAS NGAN MTSON CHA RANG LA 'KHOR BA YIN, , ZHES PA (22 NA) NI, DPER NA GRVA SAR SLOB GNYER SOGS BYED PA NA'ANG KHA DOG DKAR DMAR NAS BZUNG MDZOD KYI BAR DU JI 'DRA ZHIG LA THOS BSAM MA BYAS KYANG NYAN NA TSIG MI ZIN, BSAM NA DON MI GO BA BONG BU'I MGO LA RGYUG PA BTANG BA LTAR GYUR PA'I BLO GROS SHIN TU RMONGS PA DANG, PHA MA GCIG GI SPUN YIN KYANG GZHAN GYIS SHES PA LTAR RANG GIS MI SHES PA DANG, 'DZIN GRVA GCIG PA RANG DANG RANG MNYAM YIN KYANG GZHAN DAG LTAR DU MI SHES PA DANG, SGOM BYED NA YANG DMIGS RNAM SOGS GTAN NAS GSAL MI THUB PA NAG THOM MER GYUR PA LTA BU RNAMS YIN PAS DE DAG BYUNG BA'I TSE, DE NI BDEN TE KHYOD RANG GIS SKYE BA SNGON MA RNAMS SU CHOS MIN GYI LAS LA 'JUG PA GTZO BOR @065 BYAS NAS CHOS KYI LAS RNAMS MA BYUNG YANG SKYON MED CES 'JOG 'OS SU BYAS PA'I LAS NGAN MTSON CHA RANG LA 'KHOR BAS BSAM NAS PHYIN CHAD, RTZA BA, DA NI THOS SOGS SHES RAB BSGOM PAR BYA, , ZHES DAM PA'I CHOS LA THOS PA BYAS PA'I THOS BYUNG GI SHES RAB DANG, SOGS KHONG NAS BSAM BYUNG DANG, SGOM BYUNG GI SHES RAB RNAMS BSGOM PAR BYA DGOS TE, TSE 'DIR GANG YANG MI SHES PA DE SKYE BA SNGON MAR THOS BSAM SOGS MA BYAS PAS LAN PAR 'DUG ,DA DUNG TSE 'DIR YANG THOS BSAM MA BYAS NA SKYE BA PHYI MAR DE LAS KYANG SDUG TU 'GYUR BA LAS MA 'DAS PAS GANG YANG MI SHES PAR 'DUG CES BSKYUR NAS MI 'JOG PAR 'BAD 'BAD DUNG DUNG BYED DGOS PA YIN LA, (22 BA) DPER NA DA LTA GRVA SA SOGS LA'ANG KHO BOS SNGAR YANG ZHUS PA'I STOBS KYIS SNGAR SLOB GNYER MA BYUNG BA DAG GIS KYANG 'DZIN GRVA BABS NAS YANG BSKYAR SLOB GNYER MDZAD MI MANG TZAM BYUNG BA RNAMS KYANG TSUL 'DI DANG MTHUN PA YIN 'DUG PAS DE LTAR DU 'BAD @066 DGOS GSUNGS, RTZA BA, CHOS LA SPYOD TSE GNYID KYIS NON PA'I TSE, , DAM PA'I CHOS LA SGRIB PA BSAGS PA YIS, , LAS NGAN MTSON CHA RANG LA 'KHOR BA YIN, , ZHES PA NI, DPER NA CHOS RAR 'DON PA BTON PA SOGS KYI TSE'AM, GZHAN YANG KHA 'DON DGE SBYOR BYED PA, DA RES LTA BU CHOS NYAN PA SOGS KYI TSE GNYID KYIS NON PAR GYUR PA MANG DU MCHIS MOD, DE 'DRA BA BYUNG BA'I TSE, DE NI RANG GI SKYE BA SNGON MA RNAMS SU DPE CHA SOGS LA'ANG SNANG DAG CUNG ZAD KYANG MI GTONG BAR 'GOMS PA DANG, BRDZIS PA DANG, DE DAG GI STENG DU SNABS PHYIS SOGS 'JOG PAS MTSON LUNG GI CHOS LA BRTEN PA'I SGRIB PA DANG, RTOGS PA'I CHOS LA BRTEN PA'I SGRIB PA NI RTOGS PA'I YON TAN RGYUD LA LDAN PA'I GRVA PA CHOS RA BA DANG, BKA' RAB 'BYAMS DGE BA'I BSHES GNYEN SOGS DGE 'DUN PA RNAMS LA 'BAR GOG DAM NYAMS ZHES SOGS SMAD PAR BYED PA RNAMS TE, DE 'DRA BA'I DAM PA'I CHOS LA BRTEN PA'I SGRIB PA BSAGS @067 PAS LAN PAR 'DUG SNYAM PA'I SGO NAS GTONG LEN DANG, RTZA BA, DA NI CHOS PHYIR DKA' BA SPYAD PAR BYA, , ZHES DA PHYIN CHAD CHOS LA MA GUS PA SOGS CUNG ZAD KYANG MI BYED PA'I KHAR CHOS KYI PHYIR DU DKA' BA DANG DU LEN PA'I SGO NAS SPYAD PAR BYA DGOS TE, DPER NA SNGAR BKA' GDAMS GONG MA'I DUS SU GNAS BRTAN BGRES PO RNAMS KYANG CHOS SHIG 'BYON PA MTHONG BA'I TSE, NGA YAR SLONG DANG ZHES BZHENGS MI THUB BZHIN DU BZHENGS NAS BKUR STI (23 NA) MDZAD PAR GRAGS PA RNAMS DANG MTSUNGS PA'I DON YIN, RTZA BA, NYON MONGS LA DGA' RNAM G-YENG CHES PA'I TSE, , MI RTAG 'KHOR BA'I NYES DMIGS MA SGOM PAS, , LAS NGAN MTSON CHA RANG LA 'KHOR BA YIN, , ZHES TE, NYON MONGS LA DGA' BA NI, DPER NA, GZHAN LA NOR LEGS PA DANG, BZA' BTUNG LEGS PA, GOS LEGS PA LA SOGS MTHONG BA'I TSE 'DI NGES PAR NGA LA BYUNG @068 NA SNYAM DU 'DOD CHAGS LA DGA' BA DANG DE BZHIN DU KHONG KHRO LA DGA' BA DANG, GTI MUG NI GTZO BO MA RIG PA SOGS LA BYED MOD, 'ON KYANG DA LTAR 'JIG RTEN NA GNYID LA GTI MUG TU GRAGS PA LA BYED NA'ANG, DE LA SHIN TU DGA' BAS NYAL BA LA BRTZON PA RNAMS DANG, RNAM G-YENG CHE BA NI CHOS BYED LONG MED PAR TSONG LA SOGS PA'I RNAM G-YENG KHO NA LA ZAD PA LTA BU STE, DE LTAR BYUNG BA'I TSE 'DI NI RANG GIS SNGAR MI RTAG PA DANG 'KHOR BA'I NYES DMIGS SOGS MA SGOM PAS LAN PA YIN SNYAM DU BSAMS NAS GTONG LEN DANG, RTZA BA, DA NI 'KHOR BA'I YID 'BYUNG CHE BAR BYA, , ZHES PHYIN CHAD MI RTAG PA LA SOGS PA YANG DANG YANG DU BSGOMS NAS 'KHOR BA'I GNAS 'DI LAS NGES PAR YID 'BYUNG BA ZHIG BYED DGOS TE, MI RTAG PA SGOM PA 'DI NI SNGAR ZHUS PA LTAR SKYES BU CHUNG NGU'I CHOS SKOR YIN SNYAM DU SNANG CHUNG MI BYED PAR SKYES BU CHUNG NGU NAS BZUNGS TE SNGAGS KYI BAR DU LAM GANG GI GNAS SKABS SU YANG MED DU MI RUNG BA YIN TSUL GSUNGS, @069 RTZA BA, JI LTAR BYAS KYANG MAR 'GROR SHOR BA'I TSE, , LAS DANG RGYU 'BRAS KHYAD DU BSAD PA YIS, , LAS NGAN MTSON CHA RANG LA 'KHOR BA YIN, , (23 BA) ZHES PA NI, DPER NA CHOS BYAS TE THOS BSAM SLOB GNYER LTA BU ZHIG BGYIS NA'ANG YAR BSKYED MED PAR SDUG TU SDUG TU 'GRO BA DANG SGOM BYAS KYANG DE BZHIN DU 'GRO BA DANG, GZHAN YANG 'JIG RTEN LA MTSON NA TSONG DANG SO NAM SOGS JI LTAR BYAS KYANG MAR 'GRO 'BA' ZHIG TU SHOR BA'I TSE, 'DI NI NGES PAR BDAG GIS SKYE BA SNGON MA RNAMS SU LAS RGYU 'BRAS LA RTZIS GRUB CUNG ZAD KYANG MA BTANG BAR KHYAD DU BSAD NAS GSOD BRDUNGS DANG, MA BYIN LEN SOGS MI DGE BA'I LAS 'BA' ZHIG BYAS PA'I LAS NGAN RANG LA 'KHOR BAR BSAMS NAS GTONG LEN DANG, RTZA BA, DA NI BZOD LAS SOGS LA 'BAD PAR BYA, , ZHES PA 'DI LA 'GA' ZHIG GIS BZANG LAS ZER BA SNANG YANG DE NI MIN TE BZOD LAS ZER BA YIN, 'ON KYANG @070 'DI TSIG SNGA MA DANG CUNG ZAD SBREL MA BDE BAS SNGAR NGA RANG GIS KYANG BLA MA LA DOGS PA ZHUS PAR, DE NI CHOS SGRUB PA'I LAS LA DKA' SPYAD SOGS BZOD PAR BYED DGOS PA'I DON YIN GSUNGS PAS, DA PHYIN CHAD LAS 'BRAS SOGS KHYAD DU MA BSAD PAR CHOS BZHIN DU BYED PA LA DKA' BA JI TZAM BYUNG YANG DANG DU LEN PA SOGS BZOD PA'I LAS LA 'BAD PAR BYED DGOS PA'I DON YIN PAR 'DUG , RTZA BA, RIM GRO BYAS TSAD LOG PAR SONG BA'I TSE, , NAG PO'I PHYOGS LA RE LTOS BYAS PA YIS, , LAS NGAN MTSON CHA RANG LA 'KHOR BA YIN, , ZHES PA NI, DENG SANG LUS LA NA TSA SOGS BYUNG BA'I TSE RNGA DANG dA DRIL 'KHROL MI SOGS NAS BZUNG, DMA' MTHA' BTZUN MA 'GA' ZHIG GIS TZAKRA DZVA LA'I BZLOG PA BYED PA TSUN CHAD KYI RIM GRO BYED MI SHIN TU MANG BAR MCHIS MOD, DE DAG JI TZAM BYAS KYANG (24 NA) DRAG SKYED MED PAR JE SDUG JE SDUG DU SONG BA'I TSE, BYAS PA'I RIM GRO SOGS LA LOG LTA MI BYA STE, DE DAG LA PHAN YON YOD MOD KYANG RANG GI @071 LAS NGAN GYI DBANG GIS KYANG SKABS THOB KHO NAR PHAN PA MA NUS PA YIN PAS DE'I TSE 'DI SNYAM DU, 'DI LTAR BYUNG BA NI SKYE BA SNGON MA RNAMS SU NAG PO'I PHYOGS LA RE LTOS 'CHA' BA STE, CHOS DANG MI MTHUN PA'I GANG ZAG DANG BYA BA MTHA' DAG NAG PO'I PHYOGS YIN PAS DE 'DRA BA LA RE LTOS BYAS NAS CHOS LA CUNG ZAD KYANG SEMS PAR MA BYAS PA'I LAS NGAN GYI MTSON CHA RANG LA 'KHOR BA YIN BSAMS NAS GTONG LEN DANG, RTZA BA, DA NI NAG PO'I PHYOGS LAS LDOG PAR BYA, , ZHES PHYIN CHAD NAG PO'I PHYOGS CHOS MIN GYI BYA BA MTHA' DAG LAS LDOG NAS CHOS 'BA' ZHIG BYED DGOS PA'I DON YIN, RTZA BA, DKON MCHOG GSUM LA GSOL BA MA THEBS TSE, , SANGS RGYAS PA LA YID CHES MA BYAS PAS, , LAS NGAN MTSON CHA RANG LA 'KHOR BA YIN, , ZHES PA NI, RANG CAG RNAMS NOR DANG GOS SOGS @072 LEGS PA ZHIG 'DOD NAS DE'I PHYIR DU DKON MCHOG LA GSOL BA 'DEBS PA SOGS BYAS KYANG DON MA 'GRUB PA NI GSOL BA MA THEBS PA YIN LA, DE'I TSE DKON MCHOG LA LOG LTA MI BYA BAR, 'DI NI SNGAR RANG GIS NANG PA SANGS RGYAS PA'I CHOS DANG, DKON MCHOG LA YID CHES MA BYAS PAR, CHOS NAS DE DANG DE GSUNGS KYANG DE 'DRA MI BDEN SNYAM DU YID MA CHES PA BYAS PA'I LAS NGAN RANG LA 'KHOR BAR SHES PA'I SGO NAS, RTZA BA, DA NI DKON MCHOG KHO NA BSTEN PAR BYA, , (24 BA) ZHES DA PHYIN CHAD SKYID SDUG CI BYUNG YANG SKYABS GZHAN MI 'TSOL BAR SANGS RGYAS SKYABS STON PA PO DANG; CHOS SKYABS DNGOS DGE 'DUN SKYABS SGRUB PA'I ZLA GROGS SU YID CHES PA'I SGO NAS DE DAG KHO NA LA BSTEN PAR BYA DGOS ZHES PA'I DON YIN, RTZA BA, NYAMS SDIG GRIB DANG GDON DU LANGS PA'I TSE, , LHA DANG SNGAGS LA SDIG PA BSAGS PA YIS, , @073 LAS NGAN MTSON CHA RANG LA 'KHOR BA YIN, , ZHES TE NYAMS SDIG ZHES PA NI DAM TSIG NYAMS PA'I SDIG PA STE, DE NYID RANG GI LAS NGAN GYI DBANG GIS STENG GDON SOGS KYI GRIB DANG, PHYI ROL GDON GZUGS SOGS KYI RNAM PAR SHAR NAS GNOD PA SKYEL BA DA LTA RGYAL BTZAN SOGS KYIS GNON PAR GRAGS PA 'DI DAG STE, DE LTA BU BYUNG BA'I TSE, 'DI NI SKYE BA SNGA MA RNAMS SU LHA DANG SNGAGS LA SDIG PA BSAGS PA STE, LHA NI DA LTA 'JIG RTEN PA RNAMS KYI PHO LHAR GRAGS PA RNAMS LTA BU 'JIG RTEN LAS MA 'DAS PA'I LHA DANG, 'JIG RTEN LAS 'DAS PA'I LHA DPAL MGON PHYAG BZHI DRUG LTA BU RNAMS TE DE DAG LA BRNYAS DMOD SOGS KYI SDIG PA BSAGS PA DANG, 'DI'I SKABS KYI SNGAGS NI SPYIR BTANG GI SNGAGS TZAM LA MI BYED DE, SNGAGS KYI SKAD DOD MANDRA ZHES PA YID SKYOB PA LA 'JUG PAS NA YID MI DGE BA'I PHYOGS LAS SKYOB PAR BYED PA'I CHOS MTHA' DAG STE SKYES BU CHUNG NGU'I CHOS SKOR YAN CHAD THAMS CAD 'DI'I SKABS KYI SNGAGS LA 'JOG CHOG PAS DE DAG LA KHYAD GSOD SOGS KYIS SDIG PA BSAGS PA'I RNAM SMIN YIN PAR BSAMS NAS @074 GTONG LEN SGOM PA DANG, RTZA BA, DA NI RNAM RTOG THAMS CAD GZHOM PAR BYA, , (25 NA) ZHES PA NI DA LTA SGRUB PA BA RNAMS KYIS ZER BA'I RNAM RTOG DANG BRAL BA ZHES PA LTA BU YIN TE, 'DI NI SNGAGS DANG 'BREL BAR BYED NA THA MAL GYI SNANG ZHEN DANG, THUN MONG BA LTAR NA YANG CHOS DANG MI MTHUN PA'I RNAM RTOG NGAN PA THAMS CAD LA ZER BA YIN PAS DE DAG GTAN DU GZHOM PAR BYA DGOS PA'I DON NO, , RTZA BA, DBANG MI THOB PAR BYES SU 'KHYAMS PA'I TSE, , BLA MA LA SOGS GNAS NAS BSKRAD PA YIS, , LAS NGAN MTSON CHA RANG LA 'KHOR BA YIN, , ZHES PA 'DI NI BRAN G-YOG LTA BU RNAMS LA DPON PO SOGS KYI BKAS DBANG MED DU MI 'DOD BZHIN DU THAG RING PO'I BYES SU 'KHYAMS DGOS PA SOGS KYI SDUG BSNGAL BYUNG BA'I TSE, DE NI SKYE BA SNGON MA DBANG SHIN TU CHE BAR BYAS NAS RANG GI BLA MA SOGS KYANG RANG GNAS SU BZHUGS MI @075 'JUG PAR GZHAN DU BSKROD PA SOGS DANG, GZHAN YANG THA NA GNAM GRANG BA'I TSE GZHAN NYI MAR SDOD MI 'JUG PAR BSKRAD PA LTA BUS MTSON GZHAN GNAS NAS DBYUNG BAS LAN PAR SNANG BAS PHYIN CHAD, RTZA BA, DA NI GANG YANG YUL NAS DBYUNG MI BYA, , ZHES GANG ZAG JI 'DRA ZHIG YIN KYANG GNAS NAS DBYUNG BAR MI BYA ZHING, 'ON KYANG GRVA SA SOGS SU BLA MA DGE BSKOS SOGS KYIS GNAS DBYUNG GI LAS BYED DGOS BYUNG BA'I TSE NA BSAM PA'I NGOS NAS, GANG ZAG 'DI BZHAG NA 'DI'I SPYOD PA NGAN PA 'DI GZHAN DAG LA YANG 'GOS NAS GANG ZAG MANG PO CHUD ZOS SHING BSTAN PA LA GNOD PAR 'GYUR PAR 'DUG PAS GNAS NAS MA DBYUNG BA'I THABS MI 'DUG SNYAM PA LTA BU GZHAN MANG PO DANG BSTAN PA LA PHAN SEMS KYIS KUN NAS BSLANG DGOS KYI, DE LTA MA YIN PAR RANG (25 BA) NYID LA DBANG YOD PA TZAM RGYU MTSAN DU BYAS NAS GNAS NAS BSKRAD PA NI NAM DU YANG BYAR MI RUNG NGO, , RTZA BA, @076 SAD SER LA SOGS MI 'DOD BYUNG BA'I TSE, , DAM TSIG TSUL KHRIMS TSUL BZHIN MA BSRUNGS PAS, , LAS NGAN MTSON CHA RANG LA 'KHOR BA YIN, , ZHES PA NI, SAD DANG SER BA DANG SOGS KHONGS NAS BTZA' DANG 'BU DANG THAN PA LA SOGS PA MI 'DOD BZHIN DU BYUNG NAS LO TOG SOGS BSDU MED DU BTANG BA'I TSE, 'DI SNYAM DU, DE NI SNGAR RANG GIS DAM TSIG DANG TSUL KHRIMS TSUL BZHIN DU MA BSRUNGS PA STE, DE YANG DAM TSIG NI SNGAR BSHAD PA LTAR RAM, YANG NA GTZO BOR 'DI'I SKABS KYI DAM TSIG NI BLA MA'I DAM TSIG LA BYA STE BLA MA LA DAM TSIG NYAMS PA DANG, KHAS BLANGS PA'I TSUL KHRIMS KHA RAL SNA ZAGS SU BTANG NAS MA BSRUNG BA'I DBANG GIS LAS NGAN GYI 'BRAS BU RNAMS RANG NYID KYIS BDAG TU BZUNG BA'I PHYI ROL GYI YUL GYI STENG DU SMIN PA YIN 'DUG SNYAM DU BSAMS NAS GTONG LEN SGOM PA DANG, RTZA BA, DA NI DAM TSIG LA SOGS GTZANG BAR BYA, , ZHES PHYIN CHAD GTZO BO BLA MA'I DAM TSIG DANG SOGS @077 KHONGS NAS KHAS BLANGS PA'I TSUL KHRIMS RNAMS SROG GI PHYIR DU YANG MI GTONG BAR GTZANG SING NGE BAR BYED DGOS PA'I DON YIN, RTZA BA, 'DOD PA CAN LA 'BYOR PAS PHONGS PA'I TSE, , SBYIN DANG DKON MCHOG MCHOD PA MA BYAS PAS, , LAS NGAN MTSON CHA RANG LA 'KHOR BA YIN, , ZHES 'DOD PA CAN LA 'BYOR PAS PHONGS PA NI, DPER NA, 'GA' ZHIG RANG NYID NOR LONGS SPYOD SOGS CHE BAR 'DOD NAS TSONG KHE SPOGS KYI LAS SOGS LA JI TZAM 'BAD KYANG TSONG NYES 'BA' ZHIG BYUNG NAS (26 NA) MTHAR CI YANG MED PAR 'BYOR PAS PHONGS PAR GYUR PA MANG DU MCHIS MOD, DE LTAR BYUNG BA'I TSE, DE NI RANG GI SKYE BA SNGON MA RNAMS SU SER SNA'I DBANG DU GYUR TE NGAN SONG LA SBYIN PA DANG; DKON MCHOG LA MCHOD PA SOGS GTAN NAS MI BYED PAR SHI SBAR 'THAM NAS BSDAD PA'I LAS NGAN GYI MTSON CHA RANG LA 'KHOR BAR BSAMS NAS GTONG LEN SGOM PA DANG, RTZA BA, @078 DA NI MCHOD SBYIN LAS LA BRTZON PAR BYA, , ZHES DA PHYIN CHAD DKON MCHOG LA MCHOD PA DANG, DGE 'DUN LA BSNYEN BKUR, NGAN SLONG LA SBYIN GTONG SOGS LA PHANGS MED DU BRTZON PAR BYA DGOS GSUNGS, DE DAG LAS 'PHROS NAS DENG SANG DKON MCHOG LA MCHOD PA DANG, DGE 'DUN LA BSNYEN BKUR SOGS BYED MI MANG TZAM MCHIS RUNG PHAL CHE BA GTAM 'DOD KYI DBANG DU SONG BA MANG ZHING, STONG MCHOD LTA BU PHUL NA'ANG MAR SOGS GANG SDUG TSAD NAS NYOS TE PHUL BA DANG, DE DAG KYANG PHYOGS RIS DANG CHAGS SDANG GI DBANG DU GYUR PA MANG BAS DE LTAR BYAS NA RNAM PAR MA DAG PAR 'GYUR BAS DE 'DRA BAS MA GOS PAR BYED DGOS TSUL SOGS RGYAS PAR GSUNGS, RTZA BA, SKYE GZUGS NGAN TE 'KHOR GYIS BRNYAS PA'I TSE, , SKU GZUGS NGAN TE KHONG KHROS BSREGS PA YIS, , LAS NGAN MTSON CHA RANG LA 'KHOR BA YIN, , ZHES PA NI, GZHAN DON BYED PA LA GZUGS BZANG BA'ANG NGES PAR DGOS TE RNAM SMIN GYI YON TAN GYI NANG @079 TSAN DU'ANG GSUNGS PAR MA ZAD, GDUL BYA GZHAN DAG GIS KYANG MTHONG BA TZAM GYIS DAD CING 'DUN PAR 'GYUR BA DANG, BLA MA SOGS (26 BA) KYIS KYANG MNYES BZHIN DU RJES SU 'DZIN PA SOGS KYI DGOS PA YOD DE SNGAR JO BO RJES KYANG; KHO BO GZUGS MDZES PAS BLA MA BRGYA DANG LNGA BCU RTZA GCIG GI THUGS LA BTAGS ZHES GSUNGS PA YIN CING, DE LTAR DGOS PA LA, DE LAS LDOG STE SKYE GZUGS SHIN TU NGAN PA SGUR PO DANG, ZHAR BA DANG, LONG BA DANG, MDOG NGAN PA SOGS SU GYUR PAS RANG GI 'KHOR TSUN CHAD KYIS KYANG BRNYAS PAR GYUR PA'I TSE, 'DI SNYAM DU DE NI BDEN TE, RANG GIS SKYE BA SNGON MA RNAMS SU SKU GZUGS NGAN TE ZHES PA, SANGS RGYAS KYI SKU GZUGS BZHENGS PAR YANG MI BYED LA, GAL TE BZHENGS KYANG LEGS PAR MA BZHENGS PAR SPYAN MED PA DANG, ZHAL KYOG PA SOGS NGAN PAR BZHENGS PA DANG, KHONG KHROS BSREGS PA NI SANGS RGYAS KYI SKU GZUGS DANG, DPE CHA SOGS LA KHONG KHROS KUN NAS SLANGS TE MA GUS PAR BYED PA DANG, BSREGS PA ZHES PA KHONG KHRO'I MES BSREGS PA DE NYID DAM, YANG NA DNGOS SU SKU GSUNG THUGS KYI RTEN @080 RNAMS ME LA BSREGS PAR BYAS PA SOGS KYI LAS NGAN MTSON CHA RANG LA 'KHOR BAR BSAMS NAS GTONG LEN SGOM PA DANG, RTZA BA, DA NI LHA BZHENGS NGANG RGYUD RING BAR BYA, , ZHES PHYIN CHAD BLA MA DANG SANGS RGYAS RNAMS KYI SKU GZUGS DANG, GZHAN YANG GSUNG RAB KYI CHOS BZHENGS PA DANG; DE YANG NGAN PA MA YIN PAR RGYU TSOGS DANG BKOD PA SOGS SHIN TU MDZES SHING LEGS PAR BZHENGS PA DANG, SKYE BO GZHAN LA GSHIS NGAN MI BYED PAR NGANG RGYUD SHIN TU RING BAR BYED DGOS PA'I DON YIN, RTZA BA, GANG LTAR BYAS KYANG CHAGS SDANG 'KHRUNGS PA'I TSE, , MA RUNGS RGYUD NGAN RENGS SU BCUG PA YIS, , LAS NGAN MTSON CHA RANG LA 'KHOR BA YIN, , ZHES PA NI, RANG RGYUD NYON MONGS PA'I (27 NA) GZHAN DBANG DU GYUR PAS RANG PHYOGS LA CHAGS PA DANG GZHAN PHYOGS LA SDANG BA SOGS KYI BLO NGAN JI LTAR BYAS KYANG 'GOG @081 MI THUB PAR SKYE BA'I TSE, DE NI SNGAR PHAN CHAD RANG RGYUD BDAG GCES 'DZIN GYIS MA RUNGS PAR BYAS PA DE NYID JI LTAR 'DOD 'DOD DU BTANG NAS RENGS SU BCUG PAS LAN PAR SNANG BAS, PHYIN CHAD, RTZA BA, DA NI RENGS KHYOD DRUNG NAS DBYUNG BAR BYA, , ZHES RANG RGYUD RENGS SU 'JUG PA'I BDAG GCES 'DZIN GYI DGRA BO 'DI NYID DRUNG NAS DBYUNG BA STE, RTZA BA NAS 'DON PAR BYA DGOS SO ZHES PA'I DON YIN CES BKA' BSTZAL TO,, CHOS THUN BDUN PA, ` CHOS THUN BDUN PA'I SKABS SU, JI SKAD DU, BYANG CHUB SEMS BSKYED GYUR NA SKAD CIG GIS, ,ZHES PA NAS 'JIG RTEN LHA MIR BCAS PAS PHYAG BYAR 'GYUR, ,ZHES PA'I TSIG 'GREL RAGS BSDUS BSTZAL NAS DNGOS GZHI'I BSHAD LUNG KHA SANG GI 'PHROS NAS, RTZA BA, @082 SGRUB PA GANG BYAS DMIGS SU MA SONG TSE, , LTA BA DMAN PA KHONG DU ZHUGS PA YIS, , LAS NGAN MTSON CHA RANG LA 'KHOR BA YIN, , ZHES PA NI, BSKYED RDZOGS LTA BU SGOM PA'AM BYANG CHUB LAM RIM LTA BU'I SGRUB PA NYAMS LEN BYAS KYANG DMIGS SU MA SONG BA STE GNAD DU NAM YANG MI 'GRO BA'I TSE, 'DI NI BDAG GI TSE 'DI DANG SKYE BA SNGA MA RNAMS SU LTA BA DMAN PA KHONG DU ZHUGS PA STE, SPYIR LTA BA LA 'JIG RTEN LAS 'DAS MA 'DAS KYI LTA BA DU MA YOD MOD KYANG, 'DI'I SKABS KYI LTA BA NI RANG GCES PAR BLTAS NAS GZHAN YAL BAR DOR (27 BA) BA'I LTA BA DMAN PA BDAG GCES 'DZIN GYI LTA BA KHONG DU ZHUGS PA'I LAS NGAN RANG LA 'KHOR BAR BSAMS NAS GTONG LEN SGOM PA DANG, RTZA BA, DA NI CI BYED GZHAN DON NYID DU BYA, , ZHES DA PHYIN CHAD DGE BA'I BYA BA CI DANG CI BYED KYANG RANG 'DOD KYI 'KHRI BAS GTAN NAS MA BSLAD PAR GZHAN DON 'BA' ZHIG GI PHYIR DU BYED DGOS PA'I DON NO, , @083 RTZA BA, DGE SBYOR BYAS KYANG RANG RGYUD MA THUL TSE, , TSE 'DI'I CHE THABS DANG DU BLANGS PA YIS, , LAS NGAN MTSON CHA RANG LA 'KHOR BA YIN, , ZHES DGE SBYOR ZHES PA NI RANG RGYUD DGE BA LA 'BYOR BYED KYI THABS RNAMS LA ZER BA YIN LA, DE'I PHYIR DGE SBYONG BYAS NA DGE BA LA 'BYOR PAS MA KHYAB STE, DGE SBYOR MANG DU BYAS KYANG RANG RGYUD GTAN NAS MA THUL BA 'JIG RTEN PA DANG KHYAD PAR MED PA RNAMS NI DGE BA LA MA 'BYOR BA YIN PAS, DE 'DRA BA BYUNG BA'I TSE 'DI NI RANG GIS TSE 'DI DANG SKYE BA SNGON MA RNAMS SU DGE SBYOR LA SOGS PA JI 'DRA ZHIG BYAS KYANG, TSE 'DIR BDE BA DANG SKYID PA DANG, GTAM SNYAN GRAGS DANG GO SA SOGS BYUNG NA SNYAM DU TSE 'DI'I CHE THABS KHO NA ZHE PHUGS SU BCUG PA'I DBANG GIS BLO LA YAR BSKYED CUNG ZAD KYANG THON RGYU MED PA 'DI BYUNG 'DUG SNYAM PA'I SGO NAS GTONG LEN SGOM PA DANG, RTZA BA, DA NI THAR PA 'DOD LA SGRIL BAR BYA, , @084 ZHES DA PHYIN CHAD TSE 'DI'I CHE THABS KYI DBANG DU CUNG ZAD KYANG MI GTONG BAR DGE BA CI BYED THAMS CAD NYON MONGS PA DANG SHES BYA'I SGRIB PA'I GNAS NGAN LEN GYI 'CHING BA LAS THAR PA'I THAR PA MCHOG MI GNAS PA'I MYANG 'DAS KHO NA THOB PHYIR DU BLO RTZE CIG (28 NA) SGRIL GYIS BYED DGOS PA'I DON NO, , RTZA BA, 'DUG MA THAG LA BRTAGS SHING 'GYOD PA'I TSE, , KHREL MED GSAR 'GROGS MTHO KHA 'GRIM PA YIS, , LAS NGAN MTSON CHA RANG LA 'KHOR BA YIN, , ZHES PA NI, DPER NA, MTSAMS LTA BUR BSDAD NAS SGOM SGRUB SOGS BGYIS PA'I TSE RANG RGYUD LA BRTAGS PA NA GNAD DU GCIG KYANG MA SONG BAR MTHONG NAS DA RES DAM BCA' DE MA BYAS NA LEGS PA 'DUG STE SNYAM PA LTA BUS 'GYOD PAR GYUR PA'I TSE, DE NI SKYE BA SNGON MA RNAMS SU KHREL MED GSAR 'GROGS BYAS PA STE, BLA MA LTA BUR MTSON NA THOG MAR GSAR 'GROGS BYAS TE CHOS SOGS ZHUS SHING, RING POR MA LON PAR KHREL MED BYAS TE KHA GTONG BA SOGS DANG, MTHO KHA @085 'GRIM PA ZHES PA NI 'DI LA DPE 'GA' ZHIG NAS NGO DGA' 'GRIM PA ZHES KYANG 'BYUNG BAS DE LTAR NA NYAMS LEN SOGS RANG GI BLO TSOD DANG BSTUN NAS GNAD DU 'KHEL BA MI BYED PAR GZHAN GYI NGO LA DGA' BAR BYAS NAS, DPER NA STONG PA NYID STON MKHAN LTA BU ZHIG BYUNG NA DE LA DGA' BAR BYED PA DANG, YANG BYANG CHUB KYI SEMS LTA BU STON MKHAN BYUNG BA NA SNGA MA DE BSKYUR NAS DE LA DGA' BAR BYED PA LTA BU YIN LA, YANG MTHO KHA 'GRIM PA ZHES PA'I DBANG DU BGYIS NA, SKYES BU CHUNG 'BRING SOGS THUN MONG BA'I LAM LA BLO MA SBYANGS PAR DANG PO NYID NAS, STONG STONG PO, MED MED PO SOGS MTHON PO'I CHOS LA DGA' BAR BYED PA STE, DE LTA BU'I MTHO KHA'AM, NGO DGA' 'GRIM PA SOGS KYI LAS NGAN RANG LA 'KHOR BAR BSAMS NAS GTONG LEN DANG, RTZA BA, DA NI YONGS LA 'GROGS LUGS GZAB PAR BYA, , ZHES DA PHYIN CHAD KUN LA (28 BA) 'GROGS LUGS GZAB PAR BYA STE, DPER NA RANG NYID SKYES BU CHUNG NGU'I NYAMS LEN LTA BU BYED PA'I TSE, BLA MAS STONG PA NYID LTA BU @086 SGOMS SHIG GSUNGS NA RANG GI NYAMS LEN GYI GTZO BO BLO TSOD DANG BSTUN PA'I SKABS SU GANG BAB PA DE NYID LA BYAS NAS BLA MA'I DGONGS PA DANG MI 'GAL ZHING BKA' SGRUB PHYIR GANG SGOMS SHIG GSUNGS PA DE'I NYAMS LEN KYANG CUNG ZAD BYED PA LTA BU'I SGO NAS THUGS DANG MI 'GAL BAR BYA BA DANG; DES MTSON TE KUN LA GSAR 'GROGS NGO DGA' SOGS KYI DBANG DU MA SONG BAR 'GROGS LUGS GZAB PAR BYED DGOS PA'I DON NO, , RTZA BA, GZHAN GYI MUG SKYOS RANG NYID BSLUS PA'I TSE, , RANG NYID NGA RGYAL LTOGS 'DOD CHES PAS LAN, , LAS NGAN MTSON CHA RANG LA 'KHOR BA YIN, , ZHES PA'I MUG SKYO NI G-YO SGYU STE, DE YANG GONG DU MUG SKYO DANG GYU NAM ZHES PA GNYIS BYUNG BA'I DANG PO G-YO DANG GNYIS PA SGYU LA BYED CING, SKABS 'DIR NI MUG SKYO ZHES PAS G-YO SGYU GNYIS CAR BSDUS NAS BSTAN PA YIN LA, DE LA GZHAN GYIS G-YO SGYU DE LTA BU'I SGO NAS RANG NYID BSLU BAR BYED PA'I TSE 'DI SNYAM DU, DE NI RANG NYID KYIS SKYE BA SNGON MA @087 RNAMS SU AA PO NGA YIN, DBYUG PA MDUNG YIN SNYAM PA LTA BU'I NGA RGYAL SHIN TU CHE BAR BYAS PA DANG, GZHAN GYI NOR LA CHOG SHES MED PAR LEN GANG THUB BYED PA RNAMS LA 'JIG RTEN NA LTOGS 'DOD CAN DU GRAGS PA LTAR, DE 'DRA BA'I NGA RGYAL DANG LTOGS 'DOD CHE BAR BYAS PA'I LAS NGAN RANG LA 'KHOR BAR BSAMS NAS GTONG LEN SGOM PA DANG, RTZA BA, DA NI GANG LA'ANG 'DOD PA CHUNG BAR BYA, , ZHES DA PHYIN CHAD 'KHOR BA'I PHUN TSOGS GANG LA YANG (29 NA) 'DOD PA CHUNG ZHING CHOG SHES PAR BYED DGOS PA'I DON NO, , RTZA BA, NYAN BSHAD CHAGS SDANG GROGS SU SONG BA'I TSE, , BDUD KYI SKYON RNAMS SNYING LA MA BSAM PAS, , LAS NGAN MTSON CHA RANG LA 'KHOR BA YIN, , ZHES PA NI, CHOS 'CHAD NYAN LTA BU LA MTSON NA KHOS KYANG CHOS 'CHAD KYIN 'DUG PAS NGAS KYANG CHOS 'CHAD SNYAM PA LTA BU'I CHAGS SDANG 'GRAN SEMS KYIS KUN NAS BSLANGS @088 TE 'CHAD PA DANG, NYAN PA'I TSE NA'ANG DE BZHIN DU BYED PA SOGS NYAN BSHAD CHAGS SDANG GI GNYEN POR MA SONG BAR GROGS SU SONG BA'I TSE, 'DI NI BDAG GIS TSE 'DI DANG SKYE BA SNGON MA RNAMS SU, BRGYAD STONG PA SOGS NAS MANG DU BSHAD PA'I BDUD KYI SKYON RNAMS SNYING LA MA BSAM PA DANG, LHAG PAR 'DI'I SKABS KYI BDUD SDUG SHOS NI SNGAR BSHAD PA LTAR BDAG GCES 'DZIN YIN PAS DE'I SKYON RNAMS LEGS PAR BSAM PAR DE KHO NA'I DBANG DU BTANG BA'I LAS NGAN MTSON CHA RANG LA 'KHOR BAR BSAMS NAS GTONG LEN SGOM PA DANG, RTZA BA, DA NI 'GAL RKYEN BRTAGS NAS SPANG BAR BYA, , ZHES DA PHYIN CHAD GONG DU BSHAD PA'I BDUD KYI SKYON SPYI DANG KHYAD PAR DU YANG 'GAL RKYEN GYI GTZO BO BDAG GCES 'DZIN GYI SKYON RNAMS LEGS PAR BRTAGS PA'I SGO NAS SPANG BA LA 'BAD PAR BYA DGOS PA'I DON NO, , RTZA BA, BZANG BYAS THAMS CAD NGAN DU LOG PA'I TSE, , @089 DRIN LAN THAMS CAD LOG PAR GZHAL BA YIS, , LAS NGAN MTSON CHA RANG LA 'KHOR BA YIN, , ZHES PA NI, RANG NYID KYIS GZHAN LA PHAN SEMS KYIS KUN NAS BSLANGS TE BZANG PO JI TZAM BYAS (29 BA) KYANG DE THAMS CAD NGAN DU LOG PA STE, DPER NA GRVA SA'I MKHAN PO SOGS KYIS KYANG RANG GIS GZHAN LA SHA TSA'I SGO NAS BSLAB BYA DANG TSOGS GTAM GTONG BA SOGS BYAS PA NA GZHAN DAG GIS KHOS NGA LA 'DI DANG 'DI LTA BU ZER ZHES 'KHON DU 'DZIN PA DANG, KHA GTONG BA SOGS BYUNG BA RNAMS KYANG BZANG BYAS NGAN DU LOG PA YIN PAS, DE 'DRA BA BYUNG BA'I TSE 'DI NI RANG GIS SNGAR GZHAN LA DRIN LAN LOG PAR GZHAL BA STE, DE YANG PHA MA LA SOGS PA TZAM MA YIN PAR RANG LA SHA TSA'I SGO NAS PHAN 'DOGS PAR BYED MI THAMS CAD DANG, DER MA ZAD SEMS CAN THAMS CAD KYANG RANG GI MA BYAS PA'I DRIN CAN SHA STAG YIN PA LA DE THAMS CAD LA RANG GCES PAR 'DZIN PA'I BSAM PAS KUN NAS BSLANGS TE GNOD PA SKYEL BA SOGS DRIN LAN THAMS CAD LOG PAR 'JAL BA'I LAS NGAN RANG LA 'KHOR BAR BSAMS NAS @090 GTONG LEN SGOM PA DANG, RTZA BA, DA NI DRIN CHEN SPYI BOS BLANG BAR BYA, , ZHES PA 'DI LA YANG DRIN CHEN SPYI BOS KHUR BA DANG, DRIN CHEN GYI BKA' SPYI BOR KHUR BA GNYIS YOD DE, DANG PO NI RANG LA PHAN SEMS DANG SHA TSAS KUN NAS BSLANGS TE CHOS DANG MTHUN PAR PHAN 'DOGS PA'I DRIN CAN DE DAG GIS 'JAM RTZUB JI 'DRA BA ZHIG MDZAD NA'ANG DE DAG LA MA GUS PA DANG LOG PAR LTA BA SOGS CUNG ZAD KYANG MI BYED PAR GUS PAS SPYI BOS KHUR BAR BYED PA DANG, PHYI MA NI DRIN CAN DES RANG LA BKA' JI LTA BU ZHIG BSTZAL NA'ANG DE LAS 'DA' BA MED PAR RGYAL PO CHEN PO'I BKA' BZHIN SPYI BOS NOD PAR BYA BA STE PHYIN CHAD DE LTA BU ZHIG DGOS PA'I DON NO; ;(30 NA) RTZA BA, 'DOD DANG MI 'DOD THOG TU BAB PA RNAMS, , MGAR BA RANG GI RAL GRIS BSAD PA LTAR, , LAS NGAN MTSON CHA RANG LA 'KHOR BA YIN, , @091 ZHES TE GONG GI DE DAG GIS PHAL CHE BA SNGON GYI LAS LA BYUNG BA RNAMS BSTAN NAS, DA NI TSE 'DIR 'PHRAL GYI RKYEN GYIS JI LTAR BYUNG TSUL RNAMS BSTAN PA YIN PAS, DE LA TSE 'DIR 'DOD PA MI 'BYUNG BA DANG MI 'DOD PA BYUNG BA SOGS KYI SDUG BSNGAL THOG TU BAB PA RNAMS NA MGAR BA DAG RANG GIS LEGS PAR BZOS PA'I RAL GRIS RANG NYID BSAD PA BZHIN DU RANG GIS SKYE BA SNGON MA RNAMS SU BYAS SHING BSAGS PA'I LAS NGAN GYI MTSON CHA RANG LA 'KHOR BA SHA STAG YIN PA LAS GZHAN GYIS BYAS PA'I LAS NGAN GYI 'BRAS BU RANG LA SMIN PA NI NAM DU YANG MI SRID PAS NA DE 'DRA BA'I LAS NGAN GYI 'BRAS BU BSAM PA'I SGO NAS GTONG LEN SGOM PA DANG, RTZA BA, DA NI SDIG PA'I LAS LA BAG YOD BYA, , ZHES DA PHYIN CHAD SDIG PA MI DGE BA'I LAS LA NAM DU YANG MI 'JUG PAR RNAM PA KUN TU BAG YOD PAR BYA DGOS PA'I DON YIN CES BKA' BSTZAL TO, , @092 CHOS THUN BRGYAD PA, ` CHOS THUN BRGYAD PA'I SKABS SU, JI SKAD DU, DAL BA'I RTEN 'DI YID BZHIN NOR LAS LHAG ,CES PA NAS, RNAL 'BYOR NGAS KYANG NYAMS LEN DE LTAR BYAS, ,THAR 'DOD KHYED KYANG DE BZHIN BSTEN 'TSAL LO, ,ZHES PA'I TSIG 'GREL GYI SKABS SU DAL 'BYOR RNYED DKA' DON CHE GNYIS KYI NANG NAS DON CHE BA DANG POR BSTAN PA 'DI MKHAS PA'I LUGS YIN TSUL, DE NYID YID BZHIN GYI NOR BU LAS KYANG LHAG PA NI DE LA BRTEN NAS GRUB PA MCHOG SANGS RGYAS BCOM LDAN (30 BA) 'DAS KYI GO 'PHANG THOB PAR 'GYUR BA'I DBANG GIS YIN TSUL, DE DAG LAS 'PHROS NAS GRUB THOB LA SKYES BU CHUNG 'BRING SO SO LA'ANG DE DANG DE'I GRUB THOB 'JOG RGYU YOD MOD KYANG SPYIR BTANG GTZO CHE BAR BYED NA THUN MONG BA LTAR NA MTHONG LAM RNAM PAR MI RTOG PA'I YE SHES NAM THOB PA NAS DANG, SNGAGS KYI DBANG DU BYAS NA'ANG BSKYED RIM RKYANG PA'I GRUB THOB SOGS KYANG YOD RUNG GTZO CHE BA MTHONG LAM DON GYI 'OD GSAL THOB PA NAS 'JOG DGOS TSUL @093 SOGS BKA' STZAL NAS DNGOS GZHI'I BSHAD LUNG KHA SANG GI 'PHROS NAS, RTZA BA, NGAN SONG RNAMS SU DU:KHA MYONG BA RNAMS, , MDA' MKHAN RANG GI MDA' YIS BSAD PA LTAR, , LAS NGAN MTSON CHA RANG LA 'KHOR BA YIN, , ZHES PA NI, SKYE BA SNGON MA RNAMS SU'ANG NGAN SONG GI GNAS RNAMS SU DU:KHA STE SDUG BSNGAL SNA TSOGS MYONG ZHING DA DUNG YANG LAS NGAN PA'I DBANG GIS MYONG BAR 'GYUR BA THAMS CAD KYANG, MDA' MKHAN RANG GI MDA' YIS BSAD PA LTAR TE, 'DI LA SNGON BYUNG GI LO RGYUS KYANG YOD DE, SNGAR MDA' MKHAN ZHIG GIS GZHAN LA GNOD PA'I PHYIR DU MDA' SHIN TU RNO BA DUG BYUGS PA PHOG TSAD 'CHI BAR 'GYUR BA ZHIG BZOS PA LAS RJES SOR KHO RANG RGYAL PO'I G-YUL DU SONG BA'I TSE SNGAR KHO RANG GIS BZOS PA'I MDA' DE PHOG NAS 'CHI BA'I LO RGYUS YOD PA LTAR RANG GIS SDIG LAS MANG DU BSAGS PA'I LAS NGAN MTSON CHA RANG LA 'KHOR BA YIN PAR BSAMS NAS, @094 RTZA BA, DA NI SDIG PA'I LAS LA BAG YOD BYA, , ZHES DA PHYIN CHAD NGAN SONG DU SKYE 'GYUR GYI SDIG PA MI DGE BA'I LAS RNAMS (31 NA) BAG DANG LDAN PA'I SGO NAS SPANG BAR BYA DGOS PA'I DON NO, , RTZA BA, KHYIM GYI SDUG BSNGAL THOG TU BAB PA YANG, , BSKYANGS PA'I BU TSAS PHA MA GSOD PA LTAR, , LAS NGAN MTSON CHA RANG LA 'KHOR BA YIN, , ZHES PA NI, 'DI LA'ANG KHYIM CHEN DANG KHYIM CHUNG GNYIS LAS; DANG PO NI, DA LTA GZHIS BUD MED SOGS DANG 'BREL BA YONGS GRAGS KYI KHYIM PAR GRAGS PA 'DI DANG, KHYIM CHUNG NI KHYIM CHEN DE LAS THAR TE CHOS LTA BU ZHIG BYED NA'ANG GRVA SA GRVA TSANG GI LAS SNE SOGS SU TSUD DE SO NAM DANG TSONG KHE SPOGS SOGS KHYIM CHEN PA RNAMS DANG KHYAD MED LTA BUR SHA THANG THANG DU 'BAD DGOS PA RNAMS YIN LA, 'ON KYANG DA RES KYI 'DI NI GTZO BOR KHYIM CHEN GYI DBANG DU BYAS PA STE, DGRA DANG 'PHRAD PA DANG GZHIS BUD MED LA 'KHYONGS PA @095 SOGS KYI SDUG BSNGAL THOG TU BAB PA'I TSE 'DI SNYAM DU, DE NI DPER NA, BU TSA 'GA' ZHIG CHUNG NGU'I DUS NAS PHA MA'I DRIN GYIS BSKYANGS KYANG NYON MONGS PA'I GZHAN DBANG DU GYUR PAS GNAS SKABS SU 'DOD MI 'DOD KYI GTAM CUNG ZAD TZAM ZHIG GIS KYANG KHONG KHRO 'BAR TE SNGAR GYI DRIN DE BRJED NAS GNOD PAR BYED PA DE, SDUG SHOS KYIS NI SROG DANG BRAL BAR BYED PA DAG KYANG 'BYUNG BA DE DAG JI LTA BA BZHIN DU, RANG GIS KYANG SKYE BA SNGON MA BDAG GCES 'DZIN GYI DBANG GIS GZHAN DAG LA DRIN LAN LOG PAR GZHAL BA'I LAS NGAN MTSON CHA RANG LA 'KHOR BAR BSAMS NAS GTONG LEN SGOM PA DANG, RTZA BA, DA NI RTAG PAR RAB TU 'BYUNG BAR RIGS, , ZHES DA PHYIN CHAD DUS RTAG PAR (31 BA) KHYIM GYI GNAS LAS RAB TU BYUNG STE NGES PAR 'BYUNG NAS CHOS RNAM PAR DAG PA ZHIG BYED DGOS PA'I DON NO, ,'DI'I MTSAMS NAS KHA SANG GONG DU ZHU RGYU LUS 'DUG PAS, GONG GI ,BAR GCOD NAD DANG SMU CHUS NA BA'I TSE, ,ZHES PA LA, DPE 'GA' @096 ZHIG NAS BAD GCONG NAD DANG ZHES 'BYUNG BAS, DE'I DBANG DU BYAS NA BAD CES PA BAD KAN GYI NAD DANG, GCONG ZHES PA BAD KAN LAS GZHAN PA'I GCONG CHEN GYI NAD GZHAN KHONG DU ZHUGS PAS SKABS SKABS SU GRAGS PA LTAR GYUR KYANG ZAS DANG SPYOD LAM PHRAN BU ZHIG LOG NA DE MA THAG TU LDANG BAR 'GYUR BA RNAMS LA ZER BA YIN GSUNGS, YANG DA LTA GONG DU RAL GRI DANG MDA' GNYIS LA DPE SBYAR NAS GSUNGS PA DE LA ZHU RGYU 'DI YOD DE, SPYIR MTSON CHA LA ME MDA' DANG MDUNG LA SOGS PA DU MA YOD MOD KYANG, DE'I NANG NAS ME MDA' NI RGYA GAR SOGS LA MA DAR TE, DUS PHYIS KLA KLO'I LUGS LAS DAR BA YIN LA, DE'I DBANG GIS YI DAM CHOS SKYONG SOGS KYI PHYAG MTSAN DU'ANG ME MDA' YOD PA MI 'BYUNG ZHING, DUS 'KHOR NAS ME'I 'KHRUL 'KHOR ZHES 'BYUNG BA'ANG 'DI DANG GCIG MIN BRTAGS DGOS SO,, DE LAS GZHAN MDUNG LA SOGS PA YOD KYANG DE DAG DANG MI SBYOR BAR, RAL GRI DANG MDA' GNYIS KHO NA LA SBYOR BA NI, DNGOS SU LAS NGAN GYI MTSON CHA RANG LA 'KHOR BA'I DPER BSTAN NAS SHUGS LA RAL GRIS MTSON PA'I DON DAM BYANG @097 CHUB KYI SEMS DE NI BDAG GCES 'DZIN GYI 'CHING BA GCOD PA LA SHIN TU MYUR BA DANG, DE BZHIN DU MDA' DE SNYING SOGS LA GNAD DU PHOGS NA 'CHI BAR 'GYUR BA BZHIN (32 NA) KUN RDZOB BYANG CHUB KYI SEMS DE NI BDAG GCES 'DZIN GYI GNAD DU PHOG PA STE, DE'I 'DZIN TSUL LA SHIN TU GNOD PAS DE NYID DRUNG NAS 'BYIN PAR BYED PA MTSON PHYIR DE GNYIS SMOS PA YIN GSUNGS, DE NAS, RTZA BA, DE LTAR LAGS PAS DGRA BO BDAG GIS ZIN, , CES SNGAR GONG DU BDAG GCES 'DZIN GYI SKYON MANG DU BRJOD PA DE THAMS CAD SGRO 'DOGS DANG SKUR 'DEBS SOGS MIN PAR YIN NGES SU MTHONG BAS NA DE LTAR LAGS PAS ZHES BYA LA, DE 'DRA BA'I DGRA BO BDAG GCES 'DZIN 'DI NYID DA BAR DGRA YIN PAR NGOS MA ZIN PA LA, DA RES CHOS DANG BLA MA'I THUGS RJES DGRA BO LA DGRA BO YIN PAR BDAG GIS NGOS ZIN BYUNG ZHES DANG, RTZA BA, 'JABS NAS BSLU BA'I CHOM RKUN BDAG GIS ZIN, , @098 CES RKUN MA RNAMS KYIS 'JABS NAS NOR RKU BAR BYED PA BZHIN 'DIS KYANG MI MNGON PAR 'JABS PA'I SGO NAS BDAG BSLUS TE DGE BA'I NOR RKU BA'I CHOM RKUN SDUG SHOS YIN PAR NGOS ZIN BYUNG ZHES DANG, RTZA BA, RANG DU BRDZUS NAS BSLU BA BDAG GIS ZIN, , CES DGRA LAS RKUN MA NGOS 'DZIN DKA' ZHING, DE GNYIS LAS KYANG RANG DU BRDZUS PA NI SHIN TU NGOS 'DZIN DKA' STE, RANG YIN PA LTAR BYAS NAS GCES PAR BZUNG PA'I SGO NAS PHAN 'DOGS PA YIN KHUL GYIS BSLU BAR BYED KYANG; SNGAR PHAN DE LTAR DU MA SHES PAR NGES PAR PHAN 'DOGS MKHAN ZHIG YIN PAR 'KHRUL NAS DE'I DBANG DU SONG LA, DA RES RANG DU BRDZUS NAS BSLU BAR BYED PA PO YIN PAR NGOS ZIN BYUNG ZHES DANG, RTZA BA, AE MA BDAG 'DZIN 'DI YIN THE TSOM GCOD, , CES (32 BA) AE MA ZHES PAS NA NGO MTSAR BA'I TSIG STE, SNGAR PHAN CHAD DE NYID DGRA BO YIN PAR PHAL CHER GYIS @099 GTAN NAS MA SHES LA, 'GA' ZHIG GIS CUNG ZAD SHES KYANG DA DUNG YIN MIN THE TSOM MA CHOD PA SHIN TU MANG BA LA DA RES THAG CHOD DU NGOS ZIN PAS NA CHOS DANG BLA MA LA NGO MTSAR CHE BAR MTHONG NAS AE MA ZHES BRJOD PA DANG, DA STE DGRA'I GTZO BO RANG 'DI NYID YIN PAR THAG CHOD PAS NA YIN MIN GYI THE TSOM GCOD CIG CES DANG, RTZA BA, DA NI LAS KYI MTSON CHA KLAD LA BSKOR, , RGYU MTSAN DE LTA BAS NA LAS NGAN GYI MTSON CHA RNAMS KLAD LA BSKOR TE BDAG GCES 'DZIN GYI DGRA BO GTAN MED DU GZHOM PAR MDZOD CIG ,CES KHRO BO CHEN PO GSHIN RJE GSHED LA BSKUL MA MDZAD PA STE, DE YANG BLA MA DHARMA RAKshI TA 'DI NYID GSHIN RJE GSHED KYI RNAL 'BYOR PA YIN PAS KHONG GI THUGS DAM GYI RTEN DU GYUR PA'I GSHIN RJE GSHED KYI THANG KA ZHIG DA LTA RVA SGRENG DU YOD PAS SNGAR RGYA GAR DU KLA KLO'I DMAG BYUNG BA'I TSE THANG KA DE LA THAL BCAG BSNUN PAS KLA KLO 'BUM PHRAG MANG PO GANGG'A'I CHU LA BTAB NAS SANGS RGYAS KYI BSTAN PA RGYAS PAR MDZAD PA'I LO RGYUS LTAR DA LTA YANG @100 THANG KA DE LA THAL BCAG BSNUN PA'I RJES YOD PAS NUS PA'I DBANG DU BYAS NA DE LTAR MNGA' BA ZHIG YIN LA, KHONG GIS KYANG BDAG GZHAN MNYAM BRJE LA THUGS DAM GYI MTHIL DU MDZAD PAS BDAG GCES 'DZIN GZHOM PAR BYA PHYIR RANG GI YI DAM GSHIN RJE GSHED LA BSKUL BAR MDZAD PA YIN TE, RIM PA BZHIN DU, RTZA BA, KHROS PA'I TSUL GYIS LAN GSUM KLAD LA BSKOR, , ZHES KHRO BYA (33 NA) MTHAR THUG PA DE LA KHROS PA'I SGO NAS PHYAG MTSAN GYI MTSON CHA RNAMS LAN GSUM KLAD LA BSKOR BA NI KUN RDZOB DANG DON DAM PA'I BYANG CHUB KYI SEMS RNAM PA GNYIS DANG, DE GNYIS ZUNG DU 'JUG PA DANG GSUM GYIS DGRA BO DE BRLAG PAR BYED PA MTSON PHYIR DANG, RTZA BA, BDEN GNYIS ZHABS BGRAD THABS SHES SPYAN MIG GDANGS, , ZHES KUN RDZOB BYANG CHUB KYI SEMS MTSON PAS ZHABS G-YAS BSKUMS PA DANG, DON DAM BYANG CHUB KYI SEMS MTSON PA'I ZHABS G-YON BRKYANG PA DANG BCAS TE ZHABS @101 GNYIS BGRAD PA DANG, DE BZHIN DU THABS KUN RDZOB BYANG CHUB KYI SEMS DANG SHES RAB DON DAM BYANG CHUB KYI SEMS GNYIS CHA MNYAM DU DGOS PA MTSON PHYIR SPYAN GNYIS MNYAM PAR GDANGS PA DANG, RTZA BA, STOBS BZHI'I MCHE BA GTZIGS PA DGRA LA BSNUN, , ZHES STOBS BZHI MTSON PA'I MCHE BA BZHI GTZIGS PA'I SGO NAS MTSON CHA LA SOGS PA RNAMS BDAG GCES 'DZIN GYI DGRA 'DI NYID LA BSNUN ZHIG ,CES DANG, RTZA BA, DGRA BO GZIR BA'I RIG SNGAGS RGYAL PO YANG, , ZHES PA NI SNGAGS KYI CHO GA RNAMS LAS DGRA BO GZIR BA'I RIGS SNGAGS MANG DU 'BYUNG BA RNAMS JI LTA BAR RANG YAL BAR DOR NAS GZHAN GCES PAR 'DZIN PA DE BDAG GCES 'DZIN GYI DGRA BO GZHOM PAR BYED PA'I RIG SNGAGS KYI RGYAL PO YIN PA'I DON DANG, RIG SNGAGS DES KYANG GANG GZIR BAR BYED CE NA, RTZA BA, @102 'KHOR BA'I NAGS SU RANG DBANG MA MCHIS PAR, , LAS KYI MTSON CHA THOGS NAS RGYUG PA YI, , BDAG 'DZIN 'GONG PO ZHES PA'I GDUG RTZUB CAN, , ZHES PA DE NYID GZIR BAR BYED PA STE, (33 BA) DGRA BO DES NI 'KHOR BA SDUG BSNGAL GYI NAGS TSANG TSING 'KHRIGS PA'I GNAS DER RANG CAG RNAMS RANG DBANG CUNG ZAD KYANG MED PAR DPON PO CHEN PO'I BKA' SGRUB PA BZHIN DU KHOS GANG ZER LA NYAN NAS RGYUG TU 'JUG PA DANG, DE'I TSE NA YANG RAL GRI LAG TU THOGS NAS RGYUG PA LTAR GCES 'DZIN DES BSKYED PA'I LAS NGAN GYI MTSON CHA KHYER NAS SRID RTZE NAS MNAR MED KYI BAR DU RGYUG TU 'JUG PAR BYED LA, DE 'DRA BA'I BDAG 'DZIN 'GONG PO ZHES PA NYAN RANG SOGS KYIS SPANGS PA'I BDAG TU 'DZIN PA'I BDAG 'DZIN DE DANG, LHAG PAR BDAG GCES PAR 'DZIN PA'I 'GONG PO GDUG RTZUB CAN 'DI GNYIS NI, RTZA BA, RANG GZHAN PHUNG DU 'JUG PA'I DAM NYAMS KHUG, CES RANG GZHAN PHUNG BYED KYI RTZA BA YIN TE, RANG NYID @103 GTAN BRLAG TU BYAS NAS PHUNG DU 'JUG PA MA ZAD, KHO'I DBANG GIS GZHAN DON BYED PA YANG DKON LA, 'GA' ZHIG BYED KHUL BGYIS KYANG ZHAR DANG ZHOR LA RANG NYID LEGS PA ZHIG BYUNG NA SNYAM PA KHO NAS GZHAN DON JI BZHIN DU GTAN NAS MI 'GRUB PAS NA GZHAN PHUNG DU 'JUG PA'ANG YIN PAS; DE 'DRA BA'I DAM NYAMS KYI DGRA BO DE NYID YAN POR MA GTONG BAR 'GUG PAR MDZOD CIG ,CES DANG, RTZA BA, KHUG CIG KHUG CIG KHRO BO GSHIN RJE GSHED, , CES SKABS 'DIR KHUG CIG LAN GNYIS BRJOD PA YANG DANG PO KUN RDZOB KYI DBANG DU BYAS PA DANG, PHYI MA DON DAM GYI DBANG DU BYAS PA STE KUN RDZOB DANG DON DAM PA'I BYANG CHUB KYI SEMS GNYIS KYIS BSGRAL BAR BYA PHYIR KHRO BO GSHIN RJE GSHED KYIS GCES 'DZIN GYI DGRA BO DE 'DIR 'GUG PAR MDZOD (34 NA) CIG CES DANG, DE BZHIN DU, RTZA BA, RGYOB CIG RGYOB CIG DGRA BDAG SNYING LA BSNUN, , ZHES RGYOB CIG LAN GNYIS BRJOD PA YANG GONG DANG @104 MTSUNGS SHING, DGRA BDAG CES PA 'DI'I SKABS KYI DGRA BO NI BDAG GCES 'DZIN DANG, BDAG CES PA BDAG 'DZIN LA BYA STE, DE GNYIS SNGAR ZHUS PA LTAR DPON G-YOG GAM, DPON PO DANG DPON MO LTAR RANG CAG PHUNG BAR BYED PA LA BKA' GROS GCIG PA YIN PAS DE GNYIS KYI SNYING LA SNUN ZHIG ,CES DANG, RTZA BA, PHUNG BYED RTOG PA'I MGO LA CHEM SE CHEM, , ZHES PA NI GONG DU BSHAD PA LTAR RANG GZHAN PHUNG BAR BYED PA'I BDAG GCES 'DZIN GYI RTOG PA NGAN PA DE'I MGO LA CHEM SE CHEM ZHES BRO BRDUNGS PA STE CHEM GNYIS SMOS PA'I RGYU MTSAN YANG GONG DANG 'DRA, RTZA BA, DGRA BDAG GSHED MA'I SNYING LA M'A RA YA, , ZHES PA 'DI'I DGRA BDAG NI BDAG TU 'DZIN PA'I DGRA BO DANG, GSHED MA NI DGRA BOS BTANG BA'I GSHED MA RAL GRI THOGS PA DANG MTSUNGS PA'I BDAG GCES 'DZIN LA BYAS NAS DE GNYIS KYI SNYING LA MA RA YA STE, DE GNYIS KYI 'DZIN @105 TSUL THUN MONG MA YIN PA SNYING DANG 'DRA BA DE LA GNAD DU PHOG PA'I SGO NAS GSOD PAR BYED PA'O, ,YANG NA DE GNYIS RANG GZHAN RNAMS KYI SNYING DKYIL DU ZHUGS NAS YOD PAS SNYING LA PHOG PA LA BRTEN NAS M'A RA YA STE DE GNYIS BSAD DE MED PAR BYED PA'I DON NO, , RTZA BA, H'Um H'Um YI DAM CHEN PO RDZU 'PHRUL BSKYED, , CES PA'I H'Um GNYIS KYIS MTSON TSUL NI GONG DANG 'DRA LA; YI DAM CHEN PO GSHIN RJE GSHED KYIS RDZU 'PHRUL GYI RNAM PA MTHA' KLAS PA BSKYED PA'I SGO NAS (34 BA) DGRA BO 'DI NYID 'DUL DU GSOL, CES DANG, RTZA BA, DZA: DZA: DGRA BO 'DI NI DAM LA THOGS, , ZHES DZA NI 'GUGS PA'I DON TE, DE YANG GNYIS BRJOD PA'I DGOS PA NI GONG DANG 'DRA BAS DGRA BO 'DI BKUG NAS YAN POR MA GTONG BAR DAM LA THOGS SHIG CES DANG, RTZA BA, PHAt PHAt 'CHI BDAG CHEN POS BSGRAL TU GSOL, , @106 ZHES PHAt PHAt NI 'KHOS 'KHOS ZHES PA STE, DE YANG LAN GNYIS BRJOD PA NI GONG LTAR DANG, 'CHI BDAG CHEN PO NI GSHIN RJE GSHED DE, GSHIN RJE NI GCES 'DZIN GYI BDUD DE YIN LA, DE'I GSHED DU GYUR PAS NA GSHIN RJE GSHED CES GRAGS PA'I 'CHI BDAG CHEN PO KHYOD KYIS DGRA BO 'DI NYID MYUR DU BSGRAL BAR MDZAD DU GSOL, CES DANG, RTZA BA, SHIG SHIG 'DZIN PA'I MDUD PA BCAD DU GSOL, , CES PA'I SHIG SHIG GNYIS KYI DON NI SNGAR LTAR DANG, 'DZIN PA'I MDUD PA NI BDAG 'DZIN DANG BDAG GCES 'DZIN GYI MDUD PA LA BYED PA STE DE GNYIS RTZA BA NAS GCOD PAR MDZAD DU GSOL, CES DANG, RTZA BA, TSUR BYON YI DAM CHEN PO GSHIN RJE GSHED, , CES DA DUNG YANG YI DAM GSHIN RJE GSHED LA TSUR BYON ZHES GSOL NAS ZHU BA 'GA' ZHIG 'BUL RGYU YOD PA STE, GANG ZHE NA, RTZA BA, @107 'KHOR BA'I LAS KYI 'DAM RDZAB SBYAR BA YI, , LAS DANG NYON MONGS DUG LNGA'I RKYAL BU 'DI, , DA LTA NYID DU SHAG SHAG DBRAL DU GSOL, , ZHES 'KHOR BA'I GNAS 'DI NI LAS DANG NYON MONGS PA'I 'DAM RDZAB KYIS YONGS SU GANG BAS NA RKYAL BU YIN LA, 'DAM RDZAB DE LA SBYAR MKHAN NI BDAG GCES 'DZIN DE YIN PAS, DE 'DRA BA'I LAS NGAN PA DANG NYON MONGS DUG LNGAS YONGS (35 NA) SU GANG BA'I GCES 'DZIN GYI RKYAL PA 'DI NYID DBRAL BAR MDZAD DU GSOL, DE YANG RIM GYIS DBRAL BA LTA BU MA YIN PAR DA LTA NYID DU MYUR BAR BSHAGS TE DBRAL DU GSOL, ZHES DANG, SHAG SHAG GNYIS SMOS PA'I RGYU MTSAN NI GONG DANG 'DRA, RTZA BA, NGAN SONG GSUM DU SDUG LA BSKYAL GYUR KYANG, , BRED MI SHES PAR RGYU LA RGYUG PA YI, , ZHES PA 'DI RNAMS NI TSE 'DI'I BYED SPYOD KYI DBANG DU BYAS PA STE SNGAR PHAN CHAD RANG CAG RNAMS YANG DANG YANG DU NGAN SONG GSUM GYI GNAS SU SKYES NAS SDUG BSNGAL 'BA' @108 ZHIG LA BSKYAL BAR GYUR NA'ANG, DA DUNG BRED MI SHES PA STE DE LA 'JIGS MI SHES PAR SLAR YANG DE'I RGYU 'BA' ZHIG SGRUB PHYIR DU RGYUG PAR BYED PA DANG, DE LTAR RGYUGS 'JUG MKHAN YANG SU YIN NA BDAG GCES 'DZIN YIN PAR MTHONG NAS SNGAR BZHIN, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, 'DOD THAG NYE LA SGRUB PA'I BRTZON 'GRUS CHUNG, , BYA BYED MANG LA GANG YANG MTHAR MI PHYIN, , CES TE, 'DOD THAG NYE BA NI BYANG CHUB LAM RIM LTA BU'I NYAMS LEN NAM, MTSAMS BSNYEN SGRUB SOGS BYED NA'ANG ZHAG GNYIS GSUM MA SONG GONG NAS MNGON SHES DANG ZHAL GZIGS SOGS 'DOD PA DANG, SLOB GNYER ZHIG BYED NA'ANG MYUR DU MING BTAGS SOGS BYUNG NA SNYAM PA LTA BU'I 'DOD THAG SHIN TU NYE BA YIN PA LA, DE DANG DE SGRUB PA LA @109 BRTZON 'GRUS GTAN NAS MED PA ZLA BA DANG LO TZAM LON PA NA THANG CHAD NAS 'JOG PAR BYED PA DANG, DE BZHIN DU BYA BYED MANG BA STE SLOB GNYER BYED PA'I TSE (35 BA) DE MTHAR MA PHYIN PAR SNGAGS GRVA RNAMS SU ZHUGS PA DANG, DE LA ZHUGS NAS KYANG SNGAGS CHOG SOGS MTHAR MA PHYIN PAR RI KHROD LTA BUR 'GRO BA DANG, DE YANG MTHAR MA PHYIN PAR GZHAN ZHIG BYED PA LTA BU RNAMS TE, DE LTAR BYED 'JUG MKHAN YANG BDAG GCES 'DZIN DU MTHONG NAS SNGAR BZHIN, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, SKYID 'DOD CHE LA DE RGYU TSOGS MI GSOGS, , SDUG SRAN CHUNG LA 'DOD NAG RNGAMS SEMS CHE, , ZHES PA NI, RANG CAG PHAL CHE BA DANG, DE'I NANG NAS KYANG SPRUL PA'I SKU RNAMS DANG, SKU DRAG RNAMS KYI SRAS LTA BU RNAMS TE CHUNG NGU NAS SKYID LA SHOR BAS SKYID 'DOD CHE BA @110 YIN PA LA, DE'I RGYU, SBYIN PAS LONGS SPYOD KHRIMS KYIS BDE, , ZHES SOGS PHYIN DRUG GI SGO NAS TSOGS GSOG PA ZHIG DGOS PA LA DE MI GSOGS PA DANG, SDUG SRAN CHUNG BA NI SLOB GNYER SOGS GANG BYAS KYANG SDUG SRAN GTAN NAS MED PAR DKA' LAS CUNG ZAD CIG BYUNG NA PHYI BSHOL BYED PA DANG, 'DOD NAG CHE BA NI DA LTA 'DOD LA SRED PA'I 'DOD PAR GRAGS PA SPYIR BTANG 'DI NYID DAM, YANG NA 'DOD NAG CES RANG NYID KYIS JI LTAR 'DOD PA'I TSE 'DI'I BDE 'BYOR SOGS PA SHIN TU MNAG PAS 'GRUB NA MI 'GRUB BYED PA LTA BU LA ZER BA YIN, RNGAMS SEMS CHE ZHES PA DPER NA SLOB GNYER LTA BU ZHIG BYED PA'I TSE SDUG BSRAN MED PAS THOS BSAM MI NUS PA YIN PA LA ZHE PHUGS NAS DGE BSHES DANG BLA MA MKHAN PO LTA BU AE YONG SNYAM PA DANG, 'JIG RTEN PA'I DBANG DU BYAS NA YANG BYA BA GANG YANG SGRUB (36 NA) PAR MI NUS PA YIN PA LA GO SA SHIN TU MTHO BA BKA'I GUNG BLON LTA BU AE YONG SNYAM PA'I RNGAMS SEMS BYED PA LA ZER BA YIN PAS DE DAG BYED DU 'JUG MKHAN KYANG BDAG GCES 'DZIN YIN PAR MTHONG NAS, @111 RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, 'DI'I SKABS SU GONG GI SKYID 'DOD CES PA LAS 'PHROS NAS SKYABS MGON RDO RJE 'CHANG NYID NI SNGAR GRVA SAR BZHUGS SKABS GSOL CHAS SOGS SHIN TU BKREN PA'I SGO NAS DKA' SPYAD KYIS THUGS GNYER MDZAD TSUL KYANG GSUNGS, RTZA BA, GSAR 'GROGS CHE LA KHREL GZHUNG PHYI THAG THUNG, , LTO DUNG CHE LA RKU 'PHROG 'TSOL 'GRO REM, , ZHES PA NI BLA MA DANG GROGS SOGS GANG LA'ANG THOG MAR BRTAG DPYAD TZAM YANG BYED LONG MED PAR CHOS ZHU BA DANG 'GROGS 'DRIS BYED PA SOGS GSAR 'GROGS CHE BAR BYED PA YIN PA LA, KHREL GZHUNG PHYI THAG THUNG BA STE RING POR MA LON PA DE NYID LA KHA GTONG BAR DANG MIG TZAM YANG MI BLTA BA SOGS BYED PA RNAMS DANG, LTO DANG DE BZHIN DU GOS DANG NOR SOGS LA DUNG SEMS CHE BA STE 'DOD PA SHIN @112 TU CHE BA YIN PA LA, DE'I RGYUR DKON MCHOG MCHOD PA DANG SBYIN PA GTONG BA SOGS MI BYED PAR GZHAN GYI NOR RKU BA DANG 'PHROG PA DANG, NOR 'TSOL PHYIR DU RGYA GAR RGYA NAG TU TSONG LA 'GRO BA SOGS LA REM PAR BYED PA RNAMS TE, DE LTAR BYED PA YANG GANG GIS LAN NA BDAG GCES 'DZIN GYIS LAN PAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, DE BAS NA BDAG GCES (36 BA) 'DZIN SKYON KUN GYI RTZA BA DANG, GZHAN GCES 'DZIN YON TAN KUN GYI RTZA BAR BLTAS NAS NYAMS LEN SNYING POR BYED DGOS TSUL SOGS BKA' BSTZAL TO, , CHOS THUN DGU PA, ` CHOS THUN DGU PA'I SKABS SU, JI SKAD DU, MI YI GRU LA BRTEN NAS NI, ,ZHES PA NAS, RMONGS PA DUS SU GNYID MA LOG ,CES PA'I BAR GYI TSIG 'GREL DANG, DAL 'BYOR BCO @113 BRGYAD 'KHOR LO BZHI DANG LDAN PA'I RTEN BZANG ZHES PA'I SKABS SU MGON PO KLU SGRUB KYIS, MTHUN PAR GYUR PA'I YUL NA GNAS PA DANG, ,ZHES PA NAS, 'KHOR LO CHEN PO BZHI NI KHYOD LA MNGA', ,ZHES PA'I BAR GYIS 'KHOR LO BZHI PO RE RE'I GSUNG BSHAD BCAS RGYAS PAR BSTZAL MOD KYANG YI GES 'JIGS PAS BTANG SNYOMS SU BZHAG NAS, DNGOS GZHI'I BSHAD LUNG KHA SANG GI 'PHROS NAS, RTZA BA, KHA GSAG GZHOGS SLONG MKHAS LA ZHE MUG CHE, , BSDU SOGS REM LA YOD KYANG SER SNAS BCINGS, , ZHES PA NI, 'DUL BA NAS LOG 'TSO LNGA BSHAD PA LTAR GZHAN LA NOR PHYIR DU KHA GSAG STE MDZES CHOS BYED PA DANG, GZHOGS SLONG NI DNGOS SU NOR SOGS MA SLONG YANG KHOS GZHAN DANG GZHAN DAG LA RIM GRO 'DI DANG 'DI LTA BU BYAS PAS PHAN TSUL, CHOS 'DI DANG 'DI LTA BU BSHAD PAS YON 'DI DANG 'DI 'DRA BA BYUNG TSUL SOGS BSHAD DE GZHAN DAG GIS KYANG DE 'DRA BA'I BSNYEN BKUR SOGS BYED DU RE BA THABS KYIS SLONG BAR BYED PA DANG, DE GNYIS KYIS MTSON @114 TE GZHAN YANG THOB KYIS 'JAL BA DANG, RNYED PAS RNYED PA 'TSOL BA SOGS LOG 'TSO GZHAN RNAMS KYANG 'TSOL BA LA MKHAS PA DANG, ZHE MUG CES PA NI, (37 NA) ZHE PHUG NAS NGA LA THA NA JA MAR SOGS KYANG 'DI DANG 'DI TZAM LAS MED PAS DE LAS LHAG PA BYUNG NA SNYAM DU ZHE NAS MU GE BYUNG BA LA ZER BA YIN, DE BZHIN DU DNGOS PO SOGS BYUNG BA'I TSE DE MA THAG KHANG PA DANG SGAM SOGS KYI NANG DU BCUG NAS SGO LCAGS DANG GZHAN LA'ANG GNYER GTAM TSUN CHAD BYED PA'I BSDU GSOG LA REM PA DANG, NOR PHRAN BU YOD KYANG SER SNAS BCINGS PAS DKON MCHOG LA MCHOD PA DANG NGAN SLONG LA SBYIN GTONG SOGS CUNG ZAD KYANG MI NUS PA RNAMS TE DE DAG KYANG GANG GIS BYAS NA BDAG GCES 'DZIN GYIS BYAS PAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, @115 KUN LA BYAS PA CHUNG ZHING SDUG YUS CHE, , RANG LA KHYER KHA MED LA RNGAMS PO CHE, , ZHES PA NI, BLA MA DANG DGE 'DUN SOGS LA RANG GIS BYAS PA CUNG ZAD TZAM LAS MA BYAS KYANG NGAS 'DI DANG 'DI 'DRA BA BYAS SO ZHES SDUG YUS CHE BA DANG, RANG LA CHOS 'JIG RTEN GANG GI NGOS NAS KYANG KHYER KHA SHIN TU CHUNG BAS MDZUB MO 'DZUGS RGYU MED NA YANG BZANG PO'AM CHEN PO ZHIG YIN SNYAM DU RNGAMS SEMS CHE BAR BYED PA'I DON YIN PAS NA RNGAMS PO CHE ZER DGOS PA 'DUG GSUNGS, DE LTAR BYED MKHAN KYANG BDAG GCES 'DZIN DU MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, 'DI'I SKABS SU KUN LA BYAS PA CHE BAR BYED NA BDAG GCES 'DZIN LA DGRAR BLTAS NAS GZHAN LA PHAN 'DOGS PA ZHIG BYUNG NA BYAS PA (37 BA) KUN GYI NANG NAS MCHOG YIN TSUL SOGS KYANG BKA' BSTZAL, RTZA BA, @116 SLOB DPON MANG LA DAM TSIG KHUR BSHES CHUNG, , SLOB MA MANG LA PHAN THOGS SKYONG RAN NGAN, , ZHES SLOB MAS BLA MA BSTEN PA'I TSE NA YANG DBANG RTUL RNAMS KYIS NI BLA MA MANG DU MI BSTEN PAR GCIG GNYIS TZAM LA BSTEN TSUL RNAM PAR DAG PA'I SGO NAS BSTEN PA LA 'BAD DGOS LA GAL TE BLA MA MANG PO ZHIG LA CHOS ZHUS TSAR NAS DE DAG THAMS CAD LA DAM TSIG RNAM PAR DAG PA BSRUNG PA DANG, KHUR ZHES PA NI SGOM PA SOGS KYI TSE NA YANG SPYI BOR KHUR TE SGOM PA DANG, DE DAG GIS JI LTAR GSUNGS PA'I BKA' RNAMS KYANG SPYI BOS KHUR BA DANG, BSHES ZHES PA NI GNYEN BSHES KYI BSHES DE YIN PAS BLA MA DE BSHES THAMS CAD KYI MCHOG TU BLTA BA SOGS DGOS PA LA, DE LAS LDOG STE BLA MA MANG PO LA CHOS SOGS ZHUS NAS DE DAG LA DAM TSIG KHUR BSHES SOGS GTAN NAS MED PAR SKUR 'DEBS BRNYAS SMOD SOGS BYED PA DANG, DE BZHIN DU BLA MAS SLOB MA BSTEN PA'I TSE NA YANG BSTEN SLA BAR MI BYED PAR BRTAG DPYAD SOGS LEGS PAR BYED PA DANG, LAN CIG BSTEN RJES SU DE NYID LA BLO TSOD DANG BSTUN PA'I CHOS DANG, ZANG @117 ZING GI SGO NAS KYANG PHAN THOGS PAR BYAS TE SKYONG TSUL RAN PA STE MKHAS PAR DGOS PA YIN PA LA, DE LAS LDOG STE RANG NYID GTAM SNYAN GRAGS SOGS 'DOD PAS SLOB MA MANG DU 'DU BA LA DGA' BAR BYED PA DANG, 'DUS RJES SU'ANG DE DAG LA CHOS DANG ZANG ZING GIS SKYONG TSUL MKHAS PAR MI BYED PAR GANG 'DOD BYED DU (38 NA) 'JUG PA SOGS NI SKYONG RAN NGAN PA STE, DE DAG BYED MKHAN KYANG BDAG GCES 'DZIN DU MTHONG NAS SNGAR BZHIN, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, 'DI'I SKABS SU BKA' GDAMS GONG MA RNAMS KYI DUS SU NI SLOB MAR ZHU BA LA YANG NGO CHEN NGO BRGYUD SOGS SHIN TU DKA' BA DANG BCAS TE ZHU DGOS TSUL SOGS KYANG BKA' BSTZAL, RTZA BA, KHAS BLANGS CHE LA PHAN PA'I NYAMS LEN CHUNG, , SNYAN PA CHE LA BRTAGS NA LHA 'DRES KHREL, , @118 ZHES PA NI, RANG CAG RNAMS SO THAR BYANG SEMS SNGAGS KYI SDOM PA DANG BCAS PA SANGS RGYAS BYANG SEMS DPANG POR BZHAG NAS BSLANGS TE, DE DAG GI BSLAB BYA PHRA RAGS THAMS CAD BSRUNG BAR KHAS BLANGS SHING, SEMS CAN THAMS CAD KYI DON DU SANGS RGYAS SGRUB PAR DAM BCA' BA SOGS KHAS BLANGS SHIN TU CHE BA YIN PA LA, BSRUNG RGYU'I DAM TSIG THAMS CAD KHA RAL SNA ZAG TU SONG STE RANG GZHAN LA PHAN NGES PA'I NYAMS LEN CUNG ZAD KYANG STON RGYU MED PA DANG; DE BZHIN DU PHYI ROL TU BLA MA DANG, SPRUL SKU, DGE BSHES SOGS SNYAN PA CHE NA YANG LKOG TU RANG RGYUD DANG SPYOD LAM LA BRTAGS NA 'JIG RTEN LAS 'DAS MA 'DAS KYI LHA RNAMS LTA CI SMOS, THA NA GDUG 'DRES KYANG KHREL BAR 'GYUR BA RNAMS LA BYED PA STE, DE YANG BDAG GCES 'DZIN GYIS LAN PAR MTHONG NAS SNGAR BZHIN, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, @119 RTZA BA, (38 BA) THOS RGYA CHUNG LA STONG SKAD RBAD KHAM CHE, , LUNG RGYA CHUNG LA MI RTOGS DGU LA RTOGS, , ZHES PA NI, DPER NA THOS BSAM DANG LDAN PA'I GANG ZAG RNAMS LA KHYIM PA SOGS KYIS CHOS KYI DRI BA SOGS BYAS NA DRI BA PO DES DON JI BZHIN DU SHES PAR NI MI 'GYUR SNYAM NAS GANG 'TSAMS LAS LAN 'DEBS PAR MI BYED MOD, DE LAS GZHAN ZOG RDZU MKHAN DENG DUS KYI SGRUB PA BA LTA BU RNAMS LA DRI BA BYAS TSE GNAS LUGS KYI NGANG DU CI YANG MI BYED PAR 'JOG DGOS TSUL DANG, SEMS RTOG NA SANGS RGYAS YIN PAS SANGS RGYAS GZHAN NAS 'TSOL MI DGOS TSUL SOGS STONG SKAD KYI RBAD KHAM CHE BAR BYED PA MNGON SUM DU MTHONG BA DE DAG RNAMS KYANG THOS RGYA CHUNG BAS LAN PA YIN ZHING; DE BZHIN DU THOS BSAM PHUL DU PHYIN PA ZHIG BYUNG NA LUNG RIGS KYIS PHONGS PAR 'GYUR BA MI SRID KYANG, DE MED PA'I DBANG GIS LUNG RIGS KYIS PHONGS PAR GYUR NAS, GZHAN LA CHOS 'CHAD PA SOGS KYI TSE MI RTOGS DGU RTOGS TE RDZUN SNA TSOGS KYIS GZHAN MGO BSKOR BAR BYED PA RNAMS @120 SAM, YANG RNAM PA GCIG TU NA, MI RTOGS DGU RTOGS ZHES PA; DPER NA, RANG LA SA DGE RNYING GSUM GYI CHOS GANG GI THAD NAS KYANG LEGS PAR SHES PA GCIG KYANG MED PA LA GZHAN NGOR THAMS CAD LA MKHAS PA YIN KHUL GYIS LUGS THAMS CAD NAS CUNG ZAD RE BLTAS TE ZUR TZAM ZUR TZAM BSHAD PA LTA BU LA ZER BA YIN, DE DAG BYED MKHAN KYANG RANG GCES 'DZIN DU MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, 'KHOR G-YOG MANG LA KHUR MKHAN SU YANG MED, , DPON PO MANG LA RGYAB RTEN MGON DANG BRAL, , ZHES PA NI, BLA (39 NA) DPON CHEN PO RNAMS LTA BU 'KHOR G-YOG SHIN TU MANG YANG, DE DAG LA LTO GOS SOGS KYIS SKYONG RGYU DANG BZANG NGAN GYI LAS LA DBYE 'BYED SOGS MED PAR GANG 'DOD DU BZHAG NA NAM ZHIG NA SUS KYANG @121 'DUD MKHAN MED PAR KHA MNYAM LAG MNYAM DU GYUR PA DANG, DE BZHIN DU 'GA' ZHIG RGYAB RTEN DANG MGON MANG PO YONG RES SPYI DPON SGER DPON SOGS MANG PO ZHIG LA MGO BDE 'DOGS KYIS 'BYAR KHUL BYAS KYANG RANG LA DGOS PA'I TSE NA KHO DANG KHOS BYAS 'GRO SNYAM PA'I BAR LAG TU LUS NAS RGYAB RTEN DANG MGON BYED MI GCIG KYANG MED PA LTA BU STE, DE LTAR YONG BA YANG RANG GCES 'DZIN GYIS LAN PAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, GO SA CHE LA YON TAN 'DRE BAS CHUNG, , BLA MA CHE LA CHAGS SDANG BDUD BAS RTZUB, , CES PA NI, DPER NA KHO BO LTA BU YANG SNGAR RVA SGRENG SPRUL SKU'I GO SAR BSDAD NAS SLOB GNYER SOGS GANG YANG MA BYAS PAR BSDAD NA DA TSOD YON TAN GTAN NAS MED PA @122 ZHIG YONG BA LAS MA 'DAS KYANG, DE LTAR MA BYAS PAR SLOB GNYER SGOM SGRUB BLA MA BSTEN TSUL SOGS TSUL BZHIN DU BYAS PA LA BRTEN NAS DA LTA'I DUS SU THAMS CAD KYIS RDO RJE 'CHANG ZHES GCIG BTUD GNYIS BTUD KYI TSUL DU YONG BA DANG, KHYED RNAMS LA ZHU BA'I TSE NA YANG LAG MA THOGS TZAM ZHU RGYU 'DI LTAR BYUNG BA YIN PAS DE LTAR KUN GYI THUGS LA BZHUGS DGOS SO, ,GO SA JI TZAM CHE YANG YON TAN MED PAS NI GAR YANG MI PHYIN ZHING, DE BZHIN DU BLA MA DGE BSHES SOGS CHEN PO'I MING 'DZIN (39 BA) NAS CHAGS SDANG BDUD BAS KYANG RTZUB PA STE, 'DI'I SKABS KYI BDUD NI DGA' RAB DBANG PHYUG LA BYA STE, DE NYID NYON MONGS PA'I RKYAL GOG YIN PA LA DE LAS KYANG CHAGS SDANG GTI MUG SOGS CHE ZHING RTZUB PA LA ZER BA YIN PAS, DE LTAR 'BYUNG BA YANG BDAG GCES 'DZIN DU MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, LTA BA MTHO LA SPYOD PA KHYI LAS NGAN, ,YON @123 TAN GZHI MA THAMS CAD RLUNG LA SHOR, ,ZHES PA NI, DENG DUS MANG DU MCHIS TE LTA BA'I RBAD KHAM MTHON PO MED MED PO STONG STONG PO SOGS BSHAD PA YIN PA LA, SPYOD PA'I NGOS NAS DAM TSIG DANG SDOM PA LAS 'BRAS SOGS MTHA' DAG KHYAD DU BSAD NAS BUD MED BSTEN PA, CHANG 'THUNG BA, SKYUG PA SHOR BA SOGS KHYI PHAG LAS KYANG NGAN PA DANG, DE'I DBANG GIS YON TAN GYI GZHI MA TSUL KHRIMS SNA GCIG KYANG MED PAR RLUNG LA BSKUR ZHING, DE'I ZHOR LA 'DI PHYI'I BDE SKYID THAMS CAD KYANG RLUNG LA SHOR BA RNAMS TE, DE YANG RANG GCES 'DZIN GYIS LAN PAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, 'DI DAG LAS 'PHROS NAS RGYAL MCHOG LNGA PA CHEN POS, CHES ZAB GSANG BA SNGAGS ZHES RAB GRAGS KYANG,, THUN MONG LAM GYIS RGYUD SBYANGS MA SONG BA, ,MA DUL GLANG PO ZHON LTAR RANG NYID PHUNG, ,ZHES GSUNGS PA LTAR CHOS KYI NANG NAS ZAB PA'I MTHAR THUG GSANG SNGAGS YIN MOD KYANG @124 THUN MONG LAM GYIS RGYUD SBYANGS PA SNGON DU MA SONG BAR DANG PO NAS GSANG SNGAGS LA DMAR 'JUS BYAS NAS GLANG PO CHE MA DUL BAR ZHON PA LTAR RANG NYID PHUNG BAR 'GYUR ZHING, (40 NA) LHAG PAR GSANG SNGAGS LA ZHUGS PA'I TSE NA SO THAR BYANG SEMS SOGS KYI SDOM PA SNGON MA RNAMS MI NYAMS PA'I STENG DU SNGAGS KYI DAM TSIG YAR LDAN DU BSRUNG DGOS PA LAS SNGAGS LA BSLAB PA DANG SDOM PA SNGA MA RNAMS KHYAD DU BSAD NAS CHANG DANG BUD MED LA BYUNG RGYAL DU LONGS SPYAD CHOG PA SNGAGS GZHUNG GANG NAS KYANG MA BSHAD PAR MA ZAD, DE LTAR BYAS NA BDE BAR GSHEGS PA'I BCAS PA LAS 'GAL BA'I DBANG GIS BLA MED LTAR NA BDE GSHEGS BKA' 'DAS KYI RTZA LTUNG YANG 'BYUNG BA YIN, CI STE, DE DAG NI KHYED RANG DGE LUGS PA RNAMS KYI LUGS YIN GYI, BDAG CAG RNYING MA BA SOGS LA DE LTAR MA YIN NO, ,ZHE NA, DE NI MI 'THAD DE, RI BO DGE LUGS PA'I GSANG SNGAGS KYI SPYOD TSUL 'DI DAG NI RGYUD THAMS CAD KYI NANG NAS MTHAR THUG PA DPAL GSANG BA 'DUS PA NAS BSHAD PA LTAR YIN NA, DE NAS GSUNGS PA DE KHYED CAG GIS KYANG CI'I PHYIR KHAS LEN @125 MI DGOS, DER MA ZAD DPAL DUS KYI 'KHOR LO'I RGYUD NAS KYANG DGE SLONG RDO RJE 'DZIN PA LA DBANG BSKUR BA'I TSE, SENG GE'I KHRI DANG, GDUGS DANG, RGYAL MTSAN SOGS BKUR STI BSAM GYIS MI KHYAB PA DANG BCAS TE BSKUR BA DANG, DGE TSUL DANG RAB BYUNG SOGS LA DE LAS DMAN PA DANG, KHYIM PA LA DE 'DRA BA'I BKUR STI GAR YANG MI BYED PAR BSKUR BAR GSUNGS PA SOGS SO THAR GYI SDOM LDAN GYI DGE SLONG RDO RJE 'DZIN PA NI SNGAGS SPYOD PA'I RTEN GYI NANG NAS MCHOG TU BSNGAGS PA SOGS MTHA' KLAS PAS MDOR NA SANGS RGYAS (40 BA) BCOM LDAN 'DAS KYIS JI LTAR GSUNGS PA DE NI SA RNYING SOGS KUN GYIS KHAS LEN DGOS PA YIN LA, DE LTA NA'ANG DENG DUS NI BSOD NAMS SHIN TU DMAN PA'I DBANG GIS TSUL KHRIMS RNAM PAR DAG CING MDO SNGAGS KYI THOS PAS RGYUD PHYUG PA'I BKA' RAB 'BYAMS DGE BA'I BSHES GNYEN LTA BU RNAMS LA NI DRAG ZHAN SUS KYANG SNANG DAG CUNG ZAD KYANG MI GTONG BA'I KHAS BRNYAS SMOD SOGS BYED PA DANG, ZOG PO CI YANG MI SHES PA'I BLUN PO SNYING KHAMS CAN RAL LCOG KHYI RO TZAM BCINGS SHING, CHANG GI SKYUR DRIS 'TSUB @126 'GRO BA RNAMS LA NI SKYABS SU MCHI ZHES THE TSOM MED PAR DE'I RJES SU RGYUG PA SHIN TU MANG BAS DE DAG KYANG MKHYEN PAR MDZAD NAS GO MA LOG PA ZHIG GAL CHE TSUL SOGS BSTAN PA'I GAD BDAR DU 'GYUR BA'I BKA' MCHID RGYAS PAR BSTZAL, RTZA BA, ZHE 'DOD THAMS CAD RANG GI PHUGS SU BCUG , GYOGS SKOR THAMS CAD DON MED GZHAN LA BYED, , CES PA NI, RANG CAG RNAMS CHOS RNAM DAG CIG BYED NA, KHE DANG RGYAL KHA GZHAN LA SBYIN, GYONG DANG BUB KHA RANG GIS LEN PA ZHIG DGOS PA LA, DE LAS LDOG STE KHE DANG RGYAL KHA SOGS 'DOD PA THAMS CAD RANG LA BYUNG NA SNYAM NAS ZHE PHUGS SU BCUG PA DANG, GYOGS SKOR ZHES PA GYOD KYI MING STE THA NA RANG GIS BYA BA MA YIN PA BYAS PA'I GTAM NGAN TSUN CHAD KYANG DON MED GZHAN GYI THOG TU 'GEL GANG THUB BYED PA RNAMS TE, DE YANG BDAG GCES 'DZIN GYIS LAN PAR MTHONG NAS SNGAR BZHIN, RTZA BA, @127 PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, NGUR SMRIG GYON NAS BSRUNG SKYOB 'DRE LA ZHU, , SDOM PA BLANGS NAS BSLAB BYA BDUD DANG BSTUN, , ZHES PA NI, DGE TSUL SLONG SOGS ZHUS NAS LUS LA (41 NA) GOS NGUR SMRIG GYON TE CHOS PAR KHAS BLANGS NAS DKON MCHOG LA BLO MI 'GEL BAR GDUG 'DRE SOGS LA BSRUNG SKYOB ZHU BA DANG, SO THAR BYANG SEMS SNGAGS SDOM RNAMS BLANGS NAS DE DAG GI BSLAB BYA LA MI SLOB PAR BDUD DGA' RAB DBANG PHYUG GI SPYOD PA DANG BSTUN PA'AM, YANG NA BDUD CES PA SNGAR BZHIN BDAG GCES 'DZIN LA BYA STE, DE LA BSTUN NAS SDIG PA MI DGE BA 'BA' ZHIG BYED LA, DE BYED DU 'JUG MKHAN KYANG SNGAR BZHIN DU MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, @128 RTZA BA, RTAG TU DGON PAR BSDAD NAS G-YENG BAS KHYER, , DAM CHOS GTZUG LAG ZHUS NAS MO BON SKYONG, , ZHES PA NI, RI KHROD LTA BUR PHYIN NAS KYANG DGE SBYOR MI BYED PAR YANG YANG GRONG YUL DU GRONG CHOG SOGS KYI G-YENG BA 'BA' ZHIG BYED PA DANG, GRVA SA SOGS SU BSDAD KYANG THOS BSAM SLOB GNYER MI BYED PAR RNAM G-YENG DANG, DON MED DU GRONG YUL DU 'KHYAMS PA SOGS DANG, DE BZHIN DU DAM PA'I CHOS BYANG CHUB LAM RIM LTA BU ZHUS PA'AM, GZHUNG LUGS LA THOS BSAM SOGS BYAS NAS DE DAG GI DON NYAMS SU LEN PA LA BRTZON PAR MI BYED PAR GZHAN MGO SKOR PHYIR MO RTZIS SOGS LA 'BAD PA DANG, BON ZHES PA YAS GTONG BA, MDOS BYED PA SOGS KYIS MTSON MDOR NA GRONG CHOG KHO NA LA BRTZON PA'I DON YIN LA, DE YANG RANG GCES 'DZIN GYIS LAN PAR MTHONG (41 BA) NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , @129 ZHES DANG, RTZA BA, TSUL KHRIMS THAR PA BOR NAS KHANG KHYIM 'DZIN, , BDE SKYID CHU LA PHO NAS SDUG LA SNYEG , CES PA NI, RGYU TSUL KHRIMS RNAM PAR DAG PA BSRUNGS NA DE'I 'BRAS BU THAR PA MI GNAS PA'I MYANG 'DAS THOB PAR 'GYUR PA YIN PA LA, DE 'DRA BA'I RGYU 'BRAS GNYIS CHAR BOR NAS KHANG KHYIM 'DZIN PA ZHES SNGAR BSHAD PA'I KHYIM CHEN KHYIM CHUNG GNYIS CHAR LA YANG BYED DU RUNG MOD, GTZO CHE BA NI KHYIM CHEN 'DZIN PA STE CHOS BYAS NAS BSLAB PA SOGS 'GO MI THON PAR SLAR YANG KHYIM DU BABS PA DANG, DE'I DBANG GIS 'DOD RGYU BDE BA ZHIG 'DOD KYANG BYED RGYU NI SDUG BSNGAL 'BA' ZHIG HAB THOB KYI TSUL DU SNYEG CING, 'DI PHYI'I BDE SKYID THAMS CAD GTAN MED DU CHU LA 'BO BAR BYED PA RNAMS TE, DE YANG GANG GIS LAN NA RANG GCES 'DZIN GYIS LAN PAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , @130 DGRA BDAG GSHED MA'I SNYING LA M'A RA YA, , ZHES DANG, RTZA BA, THAR PA'I 'JUG NGOGS BOR NAS TSONG KHE SGRUB, , BLA MA'I CHOS RA BOR NAS GRONG YUL 'GRIM, , ZHES PA NI, DPER NA CHU 'GRO BA'I LAM DANG MTSUNGS PAR THAR PAR 'JUG PA'I 'JUG NGOGS BLA NA MED PA NI DAM PA'I CHOS YIN PA LA, DE MI BYED PAR TSONG KHE SPOG SOGS SDIG LTUNG GTAM NGAN KHYAD DU BSAD NAS NGAN SONG GI RGYU 'BA' ZHIG SGRUB PA DANG, BLA MA LAS CHOS NYAN PA DANG, TSOGS CHOS RA 'GRIM PA SOGS MI BYED PAR NYIN RE BZHIN YANG GRONG YUL 'GRIM PA LA BRTZON PA RNAMS TE, DE YANG GCES 'DZIN GYIS LAN PAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, @131 RANG GI 'TSO BA BZHAG NAS 'DU SGO 'PHROG , RANG GI KHA ZAS BZHAG NAS GZHAN LA RKU, , ZHES PA NI, RANG GI (42 NA) 'TSO BA'I YO BYAD SOGS LONGS SPYOD MI NUS PAR BZHAG NAS DGE 'DUN GYI ZHAL DU 'DU BA'I SGO 'PHROG PA STE, 'DI NI DENG SANG GTONG SGO GTONG MI SOGS LA SHIN TU 'BYUNG NYEN CHE ZHING, NYES PA SHIN TU CHE BA YIN TE, DPER NA GZHAN GYIS DGE 'DUN LA DMIGS PA'I JA SBAR BA GANG YOD PA'I NANG NAS 'BRU RDOG GCIG BLANGS NAS RANG NYID KYIS SPYAD NA YANG, 'DU BA'I SGO 'PHROG DMYAL BA CHEN POR SKYE, ,ZHES 'GRO SA DMYAL BA MA GTOGS MED PAS DE 'DRA BA'I 'DU BA'I SGO CHE CHUNG GANG YANG RUNG BA 'PHROG PA DANG, DE BZHIN DU RANG GI ZAS NOR SOGS LA LONGS SPYOD MI NUS PAR GZHAN GYI NOR RKU BA DANG 'PHROG PA SOGS BYED PA STE, DE DAG KYANG BDAG GCES 'DZIN GYIS BYAS PAR SHES NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , @132 ZHES DANG, RTZA BA, AE MA SGOM SRAN CHUNG LA MNGON SHES RNO, , LAM SNA MA ZIN DON MED RKANG PA MGYOGS, , ZHES PA NI, MNGON SHES SOGS RNAM PAR DAG PA 'BYUNG BA LA YUN RING POR SGOM SGRUB BYED DGOS KYANG, LO GCIG DANG ZLA BA GCIG TZAM LA YANG SGOM SGRUB MI NUS PA'I SGOM SRAN SHIN TU CHUNG BA DANG, DE LTAR YIN KYANG GZHAN MGO SKOR PHYIR MNGON SHES RNO 'DOGS KHA BAR BYAS TE RDZUN SNA TSOGS LAB PA'AM, YANG NA BDUD SOGS KYI BAR CHAD KYI DBANG LAS BLO LA NYAMS SNANG GI 'CHAR SGO SNA TSOGS BYUNG BA'I TSE, BYUNG TSAD GZHAN LA BSHAD GANG THUB BYED PA RNAMS TE; DE LTAR BYED MI RNAMS LA BLA MA DHARMA RAKshI TA YANG SHIN TU NGO (42 BA) MTSAR BAR GYUR NAS AE MA ZHES GSUNGS PA YIN GSUNGS, 'DI LAS 'PHROS NAS RANG CAG RI BO DGE LUGS PA RNAMS KYI NI MNGON SHES YOD KYANG YOD PA LTAR GTAN NAS MI BYED PAR BRTAG PA SOGS LA'ANG MO ZHIG NGES PAR BYED DGOS PA DANG, DER MA ZAD RNYING MA DANG, @133 SA SKYA PA SOGS GZHAN GYI LUGS LA'ANG NYAMS SNANG SNGA PHYI SOGS BYUNG TSAD THAMS CAD BSHAD MI CHOG TSUL DANG, DENG SANG DE LTAR LAB MI RNAMS LA 'GA' ZHIG BDEN, 'GA' ZHIG MI BDEN PA BYUNG BA'I TSE ZHU BA PO'I KHYAD YIN PAR GLENG YANG; MNGON SHES RNAM PAR DAG PA ZHIG YIN NA NGES PAR BDEN PA SHA STAG LAS ZHU BA PO LA MI LTOS TSUL STON PA THUGS RJE CAN GYIS GNAS BRTAN ME SKYES LUNG BSTAN PA'I LO RGYUS DANG BCAS TE BKA' BSTZAL, DE BZHIN DU RANG CAG RNAMS MGYOGS PAR BYED RGYU YOD NA SANGS RGYAS KYI SAR 'GRO BA LA BYED DGOS KYANG DE'I LAM SNA CUNG ZAD KYANG MA ZIN ZHING, DON MED DU RGYA GAR, RGYA NAG SOGS THAMS CAD DU SLEBS THUB PA'I RKANG PA SHIN TU MGYOGS PA STE, DE DAG BYED MKHAN KYANG RANG GCES 'DZIN KHO NAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, @134 PHAN PAR SMRAS NA SDANG SEMS DGRA RU 'DZIN, , MGO SKOR BSLUS NA SNYING MED DRIN DU 'DZIN, , CES PA NI, DENG DUS PHAL CHE BA RNAMS TE, BLA MA DANG, PHA MA SOGS RANG LA SHA TSA BA RNAMS KYIS RANG GI SKYON NAS BRJOD DE PHAN SEMS KYIS GTAM DRANG POR SMRAS PA NA, 'DI NI NGES PAR BDAG KHO NA LA GCIG ZER RO ZHE SDANG SEMS KYIS DGRA RU 'DZIN PA DANG, GZHAN DAG GIS G-YO SGYUS (43 NA) KUN NAS BSLANG STE, KHYOD KYIS JI LTAR BYAS PA THAMS CAD NI NGES PA DE KHO NA YIN NO, ,ZHES MGO BSKOR TE BSLU BAR BYED PA NA, 'DI NI BDAG LA NGES PAR PHAN 'DOGS MKHAN YIN NO SNYAM DRIN CAN DU 'DZIN PA STE, DE LTAR BYED MKHAN RNAMS NI PHAN GNOD NGO MI SHES PA'I SNYING MED PO ZHES BYA BA YIN LA, DE YONG BA YANG BDAG GCES 'DZIN GYI SKYON DU MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, @135 RTZA BA, NANG MIR BRTEN NA SNYING GTAM DGRA LA 'CHAD, , PHEBS PAR 'GROGS NA KHREL MED BLO SNYING RKU, , ZHES PA NI, DPER NA DPON PO SOGS KYIS MI ZHIG G-YOG THAMS CAD KYI KHROD NAS NANG MI DRAG SHOS SU BZUNGS TE RANG GI GSANG GTAM THAMS CAD KYANG BSHAD PA'I TSE, BLO MI THUB PAR SNYING GTAM THAMS CAD DGRA'I PHYOGS SU SKYEL BA DANG; DE BZHIN DU BLO PHEBS PAR 'GROGS PA STE SHIN TU SNYING NYE BAR BYAS NAS 'GROGS PA NA NGO TSA KHREL YOD MI BYED PA DE'I SKYON SOGS BRTAGS GANG THUB BYAS NAS MTHAR BSLU BAR BYED PA STE, 'JIG RTEN NA YANG DE LTAR BYED PA LA BLO SNYING RKU BAR GRAGS PA BZHIN YIN LA, DE LTAR BYED MKHAN KYANG BDAG GCES 'DZIN DU MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, @136 KO LONG DAM LA RNAM RTOG SU BAS RAGS, , 'GROGS PAR DKA' ZHING GSHIS NGAN RGYUN DU SLONG, , ZHES PA NI, KO LONG GTZANG BTZAN PA LAS DAM ZHES PA LTAR TE, DE YANG KHOG ZHUGS BYED PA'I GTZANG BTZAN RDOR LEGS SU GRAGS PA 'DI DAG CUNG ZAD TZAM (43 BA) LA GNOD PA SKYEL BA'I KO LONG SHIN TU DAM PA DE BZHIN DU, GZHAN GYIS MIG BLTA LEGS NYES TSUN CHAD LA YANG NGA LA GCIG BYED DAM SNYAM PA'I KO LONG DAM PA DANG, RNAM RTOG RAGS PA NI BYA BA GANG BYED KYANG DE DANG DE LA'ANG SKYON ZHIG MED DAM SNYAM PA LTA BU'I RNAM RTOG 'BA' ZHIG GIS BSGUL BSGUL KYANG MI NUS PA LTA BU SNGAR NAG PA SOM NYI CAN GYI LO RGYUS DANG MTSUNGS PA'AM, YANG NA SNGAR BSHAD PA LTAR CHOS DANG MI MTHUN PA'I RNAM RTOG NGAN PA SHIN TU RAGS PA LA YANG BYED CING DE BZHIN DU, GROGS SU DANG YANG 'GROGS PAR DKA' ZHING GSHIS NGAN RGYUN MI CHAD DU SLONG BAR BYED PA DE DAG KYANG BDAG GCES 'DZIN GYIS LAN PAR MTHONG NAS, RTZA BA, @137 PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, BCOL BA MI NYAN LDOG NAS GNOD PA SKYEL, , BTUD NA MI 'DUD RGYANG NAS RTZOD PA 'TSOL, , ZHES PA NI, BCOL BA MI NYAN PA STE, DPER NA BLA MA SOGS KYIS CHOS 'DI DANG 'DI LTA BU BGYI ZHES CHOS BCOL NA DE LA MI NYAN PAR LDOG STE, BYA BA MA YIN PA GZHAN ZHIG BYAS PA'I SGO NAS GNOD PA SKYEL BA DANG, GANG ZAG GZHAN GYIS TSUR BTUD NA RANG GIS PHAR YANG 'DUD PA ZHIG BYED DGOS PA LA, DE LTAR MI BYED PA'I KHAR, RGYANG NAS RTZOD PA 'TSOL BA STE GZHAN ZHIG NAS SKOR TE MTHAR BLA DPON LA ZHU BA SOGS RTZOD PA 'TSOL BAR BYED PA STE, DE DAG KYANG RANG GCES 'DZIN GYIS LAN PAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, @138 RTZA BA, BKA' BLO MI BDE 'GROGS PAR RTAG TU DKA', , PHOG DUG MANG LA RTAG TU 'DZIN PA DAM, , ZHES PA NI, DPER NA PHA BONG RANG RONG ZHIG GI RTZA BAR SDOD PA LTAR, GANG ZAG GZHAN GYIS SPYOD LAM JI 'DRA ZHIG GIS SGO NAS KYANG 'GROGS PAR RTAG TU DKA' BA'I BKA' BLO MI BDE BA DANG, DE BZHIN DU RKYEN CUNG ZAD TZAM RES KYANG BLO LA PHOG DUG TU 'GYUR BA DANG, PHOG PAR MA ZAD NAM DU YANG BRJED MI 'JUG PA'I BSAM NGAN GYI 'DZIN PA DAM PA STE, DE LTAR BYED MKHAN KYANG BDAG GCES 'DZIN DU MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, MTHO GNON CHE ZHING DAM PA DGRA RU 'DZIN, , 'DOD CHAGS CHE BAS GZHON NU DANG DU LEN, , ZHES PA NI, GZHAN GYIS SLOB GNYER BYED PA DANG, SGOM @139 SGRUB DANG, CHOS 'CHAD PA SOGS BYED PA'I TSE RJES SU YI RANG MI BYED PAR MTHO GNON GYI BSAM PAS KUN NAS BLANGS TE SKYON BRJOD CING SMOD PAR BYED PA DANG, SKYES BU DAM PA RNAMS LA GUS PAR MI BYED PAR DGRA RU BZUNGS NAS SKUR BA 'DEBS PA DANG, 'DOD CHAGS CHE BAS GZHON NU DANG BUD MED SOGS DANG DU LEN PAR BYED PA STE, DE YANG RANG GCES 'DZIN GYI SKYON DU MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, 'DI'I SKABS KYI GSUNG BSHAD LAS 'PHROS NAS; SKYABS MGON RDO RJE 'CHANG NYID KYIS NI SNGAR THUGS GNYER SOGS MDZAD SKABS SU KHYAMS RA SOGS SU GZHAN GYIS LAN DANG, RIGS LUNG SOGS PHUL DU PHYIN PA GZIGS PA'I TSE RJES SU YI RANG GI BSAM PAS BDAG KYANG 'DI 'DRA BA ZHIG BYUNG NA CI MA RUNG SNYAM PA LTA BU NGES PAR DU YOD CING, RJES SOR CHOS 'CHAD PA SOGS KYI GNAS SKABS SU (44 NA) YANG SNGAR RGYAL SRAS RDO RJE 'CHANG CHEN PO SOGS @140 LA'ANG BKA' CHOS YANG YANG DU GNANG DGOS ZHES GSOL BA BTAB PA DANG, DA LTA'I GNAS SKABS SU YANG RANG NYID MIG MI GSAL BA SOGS KYIS HA CANG MA THUB CING, DGA' LDAN KHRI RIN PO CHE SOGS LA'ANG BKA' CHOS SOGS GANG THUB GNANG DGOS YANG YANG DU ZHUS SHING, GZHAN YANG CHOS 'CHAD NYAN MDZAD MI SOGS BYUNG TSE THAMS CAD LA YAG PO RED SNYAM PA LTA BU LAS MTHO GNON GYI BSAM PA SOGS NI RMI LAM TZAM DU YANG SKYE MA MYONG THAG CHOD YIN PAS GZHAN DAG GIS KYANG DE LTAR MDZAD DGOS TSUL SOGS BKA' STZAL, RTZA BA, PHYI THAG THUNG BAS SNGAR 'DRIS RGYAB DU BSKYUR, , GSAR 'GROGS CHE BAS KUN LA KHA BROD 'DINGS, , ZHES PA NI, SNGAR GZHAN DAG DANG SNYING NYE BA'I SGO NAS 'DRIS PAR BYAS PA YIN PA LA RJES SOR GANG ZAG DE CUNG ZAD MGO 'PHANGS DMA' BA LTA BUR GYUR PA'AM, DE LA SDUG BSNGAL GYI NYAM THAG PA SOGS BYUNG BA'I TSE, PHAN THOGS CUNG ZAD KYANG MI BYED PAR SNGAR 'DRIS RGYAB TU BSKYUR BA'I PHYI THAG THUNG BA DANG, GSAR 'GROGS CHE BA STE GZHAN DAG DANG @141 THUG LONG MED PAR 'GROGS 'DRIS BYED PA DANG, KHA BROD 'DINGS BA ZHES PA DNGOS SU GZHAN LA PHAN MI THOGS PAR KHA NAS ZAS NOR LONGS SPYOD YONG TSUL SOGS KYIS MGO SKOR BA STE 'JIG RTEN NA YANG KHA BU RAM SBYIN PA ZHES ZER BA DANG MTSUNGS PA STE, DE LTAR BYED PA YANG RANG GCES 'DZIN GYIS LAN PAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, MNGON SHES MED PAS RDZUN SKUR DANG DU LEN, , SNYING RJE MED PAS BLO GTAD SNYING LA BRAB, , CES PA NI, RANG NYID LA (45 NA) MNGON SHES MED NA'ANG GZHAN GYIS BRTAGS PA LA SOGS ZHUS PA'I TSE YOD RGYU'I KHUL GYIS RDZUN BSHAD CING, DE'I DBANG GIS RJES SOR MI BDEN PA BYUNG BA'I TSE GZHAN GYIS RDZUN YIN 'DUG CES SKUR BA 'DEBS PA YANG DANG DU LEN DGOS PA DANG, DE @142 BZHIN DU SNYING RJE ZHIG YOD NA RANG LA BLO GTAD PA'I GANG ZAG DE'I SEMS LA GNOD PAR 'GYUR BA NAM DU YANG MI BYED MOD KYANG, DE MED PA'I DBANG GIS RANG LA MI 'DOD PA CUNG ZAD CIG BYUNG NA GANG ZAG DE LA GNOD GCIG BYED PA'I SGO NAS SNYING LA BRAB PA STE, SEMS PHAM DU 'JUG PA'I DON YIN LA, DE YANG RANG GCES 'DZIN GYIS LAN PAR MTHONG NAS SNGAR BZHIN, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, DE BAS NA BDAG GCES 'DZIN 'DI NYID DGRA'I DVANGS MAR BZUNGS NAS 'GOG GANG THUB LA 'BAD DGOS TSUL SOGS BKA' BSTZAL TO, , CHOS THUN BCU PA, ` CHOS THUN BCU PA'I SKABS SU, SKYES RABS LAS, KYE MA'O 'JIG RTEN NYON MONGS TE, ,GNAS PA MI BRTAN DGA' MI 'GYUR, ,KU MU TA YI DPAL 'DI YANG, ,DRAN PAR BYA BA @143 NYID DU 'GYUR, ,ZHES PA'I TSIG 'GREL MDOR BSDUS SHIG BSTZAL NAS, DNGOS GZHI'I BSHAD LUNG KHA SANG GI 'PHROS NAS, RTZA BA, THOS PA CHUNG BAS KUN LA SBAR TSOD BYED, , LUNG RGYA CHUNG BAS YONGS LA LOG LTA SKYE, , ZHES PA NI, SNGAR ZHUS PA LTAR GZHUNG LUGS LA THOS BSAM SOGS BYED PA'I TSE SNYOM LAS SOGS KYI DBANG DU MA SONG BAR BRTZON 'GRUS BSKYED NAS THOS PA RGYA CHE BA ZHIG BYAS NA GZHAN NA 'CHAD PA'I TSE TSOD TSOD BYED MI DGOS PAR 'DI'I DON 'DI'O ZHES STON NUS PA ZHIG YOD MOD KYANG; DE LAS LDOG STE THOS BSAM BYED PA'I TSE PHA MA DANG, DGE RGAN SOGS KYI NGO MA LDOG PA LTA BUS YAM ME BA ZHIG LAS JI BZHIN PHU THAG CHOD PAR MA BYAS SHING, DE'I DBANG GIS SLAR 'GRO RES PUS MOR BAB NA PUS MOS MI 'GRO DGU 'GRO ZHES PA LTAR GZHAN LA 'CHAD DGOS PA SOGS BYUNG BA'I TSE 'DI DANG 'DI YIN PA 'DRA ZHES THAMS CAD LA SBYAR TSOD DE TSOD TSOD BYAS NAS SHOD DGOS BYUNG NA MKHAS PA RNAMS @144 KHREL BAR 'GYUR BA DANG, DE BZHIN DU LUNG RGYA CHUNG BA STE THOS BSAM RGYA CHE BA ZHIG BYAS NA DA LTA MTSAN NYID KYI GZHUNG NAS 'BYUNG BA LTAR, RTEN 'BREL DANG, GCIG DU BRAL LA SOGS PA'I LUNG DANG RIGS PA'I RNAM GRANGS MTHA' YAS PA RNAMS SHES PAR 'GYUR MOD KYANG, THOS PA MA BYAS PAS KHONG DU MA CHUD PA'I DBANG GIS DE DAG MTHONG BA DANG THOS PA SOGS KYI TSE RANG NYID KYIS MA MTHONG BA RGYU MTSAN DU BYAS NAS; DE NI MI 'THAD DE, GZHUNG GANG NAS KYANG MA BSHAD DO SNYAM PA SOGS YOD LA LOG LTA SKYE BAR 'GYUR BA STE, DE DAG KYANG BDAG GCES 'DZIN GYIS LAN PAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, 'DI'I SKABS KYI GSUNG BSHAD LAS 'PHROS NAS RGYU THOS BSAM RNAM PAR DAG PA ZHIG MA BYAS PAR 'BRAS BU SANGS RGYAS KYI GO 'PHANG MI THOB TSUL DANG, DA LTA'I GNAS SKABS SU THOS BSAM PHUL DU PHYIN PA DE GANG DU YOD NA GDAN SA SER 'BRAS DGE GSUM KHO NA LA YOD TSUL, @145 DGON PA GZHAN DAG LA'ANG THOS BSAM 'CHAD NYAN YOD MOD KYANG (46 NA) SER 'BRAS DGE GSUM LTA BU'I MTHA' CHOD PA DANG, PHU THAG CHOD PA MED TSUL, DE'I PHYIR KUN GYI CHOS RNAM PAR DAG PA ZHIG BYED NA DANG POR GDAN SA DE DAG TU THOS BSAM BYED DGOS TSUL, DE YANG KHO BOS BSTAN PAR BSAMS NAS ZHUS PA LAS RANG NYID SE RA BA YIN PA RGYU MTSAN DU BYAS NAS ZHEN GOG GIS ZHUS PA MIN TSUL SOGS KYANG RGYAS PAR BKA' BSTZAL TO, , RTZA BA, CHAGS SDANG GOMS PAS GZHAN PHYOGS YONGS LA SMOD, , PHRAG DOG GOMS PAS GZHAN LA SGRO SKUR 'DEBS, , ZHES PA NI, RANG NYID SKYE BA DU MAR CHAGS SDANG LA GOMS PA'I DBANG GIS, SE RA DANG, 'BRAS SPUNGS, DGE LUGS PA DANG, RNYING MA BA ZHES SOGS SDE RIS SU BCAD NAS RANG PHYOGS LA BSTOD CING GZHAN PHYOGS MTHA' DAG LA SMOD PAR BYED PA DANG, DE BZHIN DU PHRAG DOG LA GOMS PA'I DBANG GIS GZHAN LEGS PA ZHIG MTHONG NA DE LA MI BZOD PAR MA BYAS PA LA BYAS SO ZHES SGRO 'DOGS PA DANG, @146 YON TAN YOD KYANG MI 'DUG CES SKUR BA 'DEBS PA STE, DE DAG KYANG BDAG GCES 'DZIN GYIS BYAS PAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, 'DI'I SKABS KYI GSUNG BSHAD LAS 'PHROS NAS, DENG DUS RNYING MA BAR RLOMS PA DAG GIS MTSAN NYID PA'I CHOS LA SKUR PA 'DEBS PA SOGS LA DGAG SGRUB CUNG ZAD MDZAD CING, YANG 'GA' ZHIG GIS GANG ZAG GZHAN LEGS PA ZHIG MTHONG NA, DE MI BDEN TE, KHOS SNGAR 'DI DANG 'DI 'DRA BYAS ZHES SKUR BA 'DEBS PA MCHIS MOD KYANG, DA LTA'I GNAS SKABS SU LEGS NYES JI LTAR YOD PA (46 BA) LA CHA 'JOG DGOS KYI SNGAR BYAS TSAD LA CHA GZHOG DGOS NA STON PA THUGS RJE CAN SOGS SANGS RGYAS THAMS CAD KYANG DANG POR SEMS CAN GYI NANG NAS KYANG THA SHAL BA MDZAD MYONG BA SHA STAG YIN PAS DE DAG LA YANG SKUR PA 'DEBS DGOS PAR THAL TSUL SOGS KYANG BKA' BSTZAL TO,, RTZA BA, @147 SLOB GNYER MA BYAS RGYA CHEN KHYAD DU GSOD, , BLA MA MA BSTEN LUNG LA SMOD PAR BYED, , CES PA NI SNGAR ZHUS PA LTAR TE, DPER NA SLOB GNYER BYED MA MYONG BA'I RGAN CHOS PA LTA BU RNAMS KYIS CHOS BYED 'DOGS KHA YANG NYUNG NGU ZHIG LA BLO RTZE GTOD PA LAS RGYA CHEN PO'I CHOS RNAMS BLOR MA CHUD PAS DE DAG GIS PHAN MI THOGS SNYAM DU KHYAD DU GSOD 'DOD KYI BLO SKYE BA DANG, DE BZHIN DU NGES PAR BLA MA LA MA BSTEN PAR RANG NYID LA SHES RAB YOD PA TZAM RGYU MTSAN DU BYAS NAS CHOS 'DI 'DRA BA LA NI KHRID LUNG SOGS MI DGOS TE, NGA RANG GI SHES RAB KYIS 'CHAD THUB PA 'DUG CES RANG TSOD KYIS 'CHAD PAR BYED PA RNAMS NI LUNG LA SMOD PA STE, DE 'DRA BA NI NAM DU YANG MI RUNG BAS KHRID DANG LUNG RGYUN SOGS GAL PO CHER 'DZIN DGOS SHING, DE LTAR LUNG LA SMOD PA SOGS BYED PA YANG RANG GCES 'DZIN GYIS LAN PAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , @148 ZHES DANG, RTZA BA, SDE SNOD MI 'CHAD RANG BZO RDZUN DU BSGRIGS, , DAG SNANG MA 'BYONGS LAB TSAD 'BAR SHA MANG, , ZHES PA NI, CHOS SOGS 'CHAD PA NA YANG SANGS RGYAS BCOM LDAN 'DAS KYIS GSUNGS PA'I LUNG SDE SNOD RNAMS DANG MI 'GAL BAR 'CHAD DGOS PA LA, DE LAS LDOG STE RANG NYID KYIS NYAMS SNANG DANG RMI LAM DU BYUNG TSUL BRAG 'OG (47 NA) ZHIG NAS GTER BTON TSUL, GNAM YIG BYUNG TSUL SOGS RANG BZO SNA TSOGS PA ZHIG RDZUN DU BSGRIGS NAS BSHAD PA DENG SANG MANG DU YOD PA RNAMS DANG, DE BZHIN DU DAG SNANG MA 'BYONGS PA'I DBANG GIS DGOS RGYU'I CHOS KYI DON SOGS 'DI YIN 'CHAD RGYU MED PAR LAB TSAD GZHAN LA ZUR ZA DANG SUN 'BYIN SHA DAG GIS 'BAR SHA MANG BAS TE, DE YANG RANG GCES 'DZIN GYIS LAN PAR MTHONG NAS, RTZA BA, PHUNG BYED RTOG PA'I MGO LA CHEM SE CHEM, , @149 DGRA BDAG GSHED MA'I SNYING LA M'A RA YA, , ZHES DANG, RTZA BA, CHOS MIN LAS LA SMOD PAR MI BYED PAR, , LEGS BSHAD YONGS LA SUN 'BYIN SNA TSOGS GTONG, , ZHES PA NI, SMAD PAR 'OS PA DE GANG YIN NA CHOS DANG MI MTHUN PA'I SDIG PA'I LAS RNAMS YIN KYANG SMOD PAR MI BYED PA'I STENG NAS DANG DU LEN PA DANG, SANGS RGYAS BCOM LDAN 'DAS KYI DGONGS PA PHYIN CI MA LOG PAR STON PA'I MKHAS PA'I LEGS BSHAD RNAMS LA GUS PAR MI BYED PAR SUN 'BYIN SNA TSOGS GTONG BA STE, DENG DUS RNYING MA BAR RLOMS PA DAG GIS MTSAN NYID PA'I CHOS NI BYA NAM MKHA' 'PHUR BA LTAR, LHEB LHEB KYI NGANG DU MI TSE ZAD PA LAS SA LA 'BAB MI THUB TSUL SOGS RGYU MTSAN MED PA'I SUN 'BYIN GYI TSIG GIS LAS NGAN BSAGS PA LTA BU STE, DE DAG KYANG BYED MKHAN RANG GCES 'DZIN DU MTHONG NAS, RTZA BA, PHUNG BYED RTOG PA'I MGO LA CHEM SE CHEM, , @150 DGRA BDAG GSHED MA'I SNYING LA M'A RA YA, , ZHES DANG, RTZA BA, NGO TSA'I GNAS LA NGO TSAR MI 'DZIN PAR, , NGO MI TSA LA NGO TSA'I CHOS LOG 'DZIN, , CES PA NI, CHOS MIN SDIG PA MI DGE BA'I LAS LA 'JUG PA NI SHIN TU NGO TSA ZHING SMAD PAR BYA BA'I GNAS YIN (47 BA) MOD KYANG, DE DAG LA NGO TSA BAR MI 'DZIN PA'I KHAR DA DUNG NGO SOR KHYER NAS 'JUG PA DANG, GZHAN DAG TSE 'DI BLOS BTANG NAS PHYI MA PHAN CHAD KYI DON SGRUB PHYIR GO SA DANG NOR LONGS SPYOD SOGS BZHAG STE CHOS RNAM PAR DAG PA BYED MI RNAMS LA NI NGO TSA BA'I GNAS SU 'DZIN MI RUNG BA'I KHAR SHIN TU RJES SU YI RANG BAR BYED DGOS NA'ANG, DE LAS LDOG STE 'DIS NI GO SA DANG LONGS SPYOD DE DANG DE 'DRA BA MTHA' DAG BZHAG NAS SPRANG PO LTA BU 'DI LTAR BYED PA THA CHAD DO, ,ZHES NGO TSA BA'I CHOS SU SEMS NAS LOG PAR 'DZIN PA STE, DE YANG RANG GCES 'DZIN GYIS BSKYED PAR MTHONG NAS, @151 RTZA BA, PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, RTZA BA, BYAS NA RUNG BA GCIG KYANG MI BYED PAR, , MI RIGS BYA BA THAMS CAD BYED PA YI, , ZHES PA NI, GZHAN YANG BDAG GCES 'DZIN GYIS BSKYED PA'I NYES PA'I RNAM GRANGS NI CHES CHER MANG BA BRJOD KYIS MI LANG BAR GZIGS PAS DA NI BSDUS NAS BSTAN PAR BZHED DE, MDOR BSDU NA, BYAS NA RUNG BA THAR PA DANG THAMS CAD MKHYEN PA THOB BYED KYI THABS RNAM PAR DAG PA SNA GCIG KYANG MA BYED CING, THOG MA MED PA NAS DA LTA'I BAR DU MI RIGS PA'I BYA BA SDIG PA MI DGE BA'I LAS THAMS CAD LA NGAM NGAM SHUGS KYIS 'JUG PAR BYED LA, DE LTAR BYED MKHAN THAMS CAD KYANG BDAG GCES 'DZIN GYIS DGRA BO LAS GZHAN DU MED PAR MTHONG NAS SNGAR BZHIN, RTZA BA, @152 PHUNG BYED RTOG PA'I MGO LA CHEM SE CHEM, , DGRA BDAG GSHED MA'I SNYING LA M'A RA YA, , ZHES DANG, DE LTAR GONG NAS 'DI'I BAR DU BDAG GCES 'DZIN GYI SKYON GYI RIM PA MTHA' YAS PA RGYAS PAR (48 NA) BSTAN NAS 'DI NYID NGES PAR 'JOMS DGOS PAR MTHONG NAS SLAR YANG KHRO BO CHEN PO GSHIN RJE'I GSHED LA BSKUL BAR MDZAD PA NI, RTZA BA, AE MA BDAG LTA'I 'GONG PO 'JOMS PA YI, , BDE GSHEGS CHOS KYI SKU MNGA' MTHU STOBS CAN, , ZHES TE AE MA ZHES PA NI SNGAR BSHAD PA'I BDAG GCES 'DZIN GYI SKYON DE DAG MTHONG BA'I SGO NAS SAM, YANG NA DE NYID 'JOMS BYED KYI KHRO BO CHEN PO GSHIN RJE GSHED KYI SKU GSUNG THUGS KYI YON TAN RNAMS LA NGO MTSAR BA'I SGO NAS DE LTAR BRJOD PA'O, ,BDAG LTA'I 'GONG PO ZHES PA 'DI NI BDAG TU 'DZIN PA LA BYAS TE, DE NYID 'JOMS DGOS PA'I RGYU MTSAN BDAG TU 'DZIN PA LA BRTEN NAS BDAG LA GCES PAR 'DZIN PA BYUNG BAS NA GCES 'DZIN GYI GZHI RTZA @153 YIN PA'I DBANG GIS YIN CING, DE 'DRA BA'I BDAG LTA'I 'GONG PO 'JOMS PAR BYED PA PO NI, RNAM 'GREL LAS, RGYU SPANGS YON TAN GSUM BDE GSHEGS, ,ZHES PA LTAR GYI BDE BAR GSHEGS PA SANGS RGYAS BCOM LDAN 'DAS TE, DE LA YANG KUN RDZOB DANG DON DAM GNYIS YOD PA'I BDE BAR GSHEGS PA ZHES PAS DRANG DON BZHIN LAG GI RNAM PAR SHAR BA'I GSHIN RJE GSHED BSTAN PA YIN LA, DE YANG DRANG DON GYI DBANG DU BYAS PA DE KHO NAS BDAG 'DZIN 'JOMS PAR MI NUS NA YANG, CHOS KYI SKU MNGA' BA STE NGES DON GYI GSHIN RJE GSHED BDE STONG GNYIS SU MED PA'I YE SHES THUGS RGYUD LA MNGA' BA'I DBANG GIS BDAG 'DZIN DRUNG NAS 'BYIN PA'I MTHU STOBS NUS PA PHUL DU PHYIN PA DANG LDAN PAS NA MTHU STOBS CAN ZHES BYA, RTZA BA, BDAG MED YE SHES MTSON CHA DBYUG THO CAN, , THE TSOM MED PAR LAN GSUM KLAD LA SKOR, , (48 BA) ZHES BDAG 'DZIN DE GANG GIS 'JOMS PA BYED NA BDAG MED RTOGS PA'I YE SHES KYIS 'JOMS PAS, @154 DE YANG BDAG CES PAS PHAR PHYIN THEG PA DANG THUN MONG BA'I BDAG MED RTOGS PA'I SHES RAB BSTAN CING, YE SHES ZHES PAS DE YANG THABS BDE BA CHEN PO DANG DBYER MED DU SBYOR BA'I BDE STONG GNYIS SU MED PA'I YE SHES BSTAN PA STE, DES NI BDAG GCES 'DZIN PHYE MAR 'THAG PAR BYED PA MTSON PHYIR MTSON CHA'I NANG NAS DBYUG THO'I RNAM PAR SHAR BA'AM, DE DANG CHOS MTSUNGS SU SBYAR NAS BSTAN PA DANG, DE NYID THE TSOM MED PAR LAN GSUM DU KLAD LA SKOR BA NI, GZHOM BYA BDAG 'DZIN DANG, DES BSKYED PA'I BDAG GCES 'DZIN, DE GNYIS CHAR GYIS BSKYED BA'I GZUGS PHUNG DANG BCAS PA GSUM LA SKOR BA'AM, YANG NA 'JOMS BYED SGYU LUS 'OD GSAL ZUNG 'JUG GSUM MTSON PHYIR DU BYAS KYANG RUNG NGO, , RTZA BA, RNGAMS STABS CHEN POS DGRA 'DI BSGRAL DU GSOL, , ZHES DE LTAR PHYAG MTSAN RNAMS 'PHYAR BA DANG, MCHE BA GTZIGS PA DANG ZHABS BRKYANG BSKUMS LA SOGS PA'I RNGAMS STABS CHEN PO'I SGO NAS BDAG GCES 'DZIN GYI DGRA @155 BO 'DI NYID BSGRAL BAR MDZAD DU GSOL, ,ZHES DANG, RTZA BA, SNYING RJE CHEN POS LAS LAS BSKYAB TU GSOL, , ZHES PA 'DI LA NI LAS LAS BSKYAB TU GSOL ZER DGOS PA 'DRA STE, THUGS SNYING RJE CHEN POS KUN NAS BSLANGS TE BDAG DANG SEMS CAN THAMS CAD RANG GCES 'DZIN GYIS BSKYED PA'I LAS NGAN PA'I 'JIGS PA LAS BSKYAB TU GSOL ZHES PA'I DON YIN (49 NA) PA'I PHYIR, RTZA BA, NGES PAR BDAG 'DI BRLAG PAR MDZAD DU GSOL, , ZHES PA NI, DA NI BDAG GCES 'DZIN 'DI NYID DGRA'I GTZO BO YIN PAR KHONG DU CHUD PAS NA NGES PAR TE THE TSOM MED PAR BRLAG PAR MDZAD DU GSOL CES PA'O, , RTZA BA, 'KHOR BA'I SA LA DU KHA: MCHIS PA KUN, , BDAG 'DZIN 'DI LA NGES PAR SPUNG DU GSOL, , ZHES PA NI, DE LTA BAS NA 'KHOR BA'I SA 'DI'I 'GRO BA SEMS CAN RNAMS KYI DU KHA: STE SDUG BSNGAL CI MCHIS PA @156 MTHA' DAG BDAG GCES 'DZIN 'DI'I THOG TU NGES PAR SPUNG DU GSOL ZHES PA'I DON TE, 'DI'I SKABS SU SNGAR BZHIN GTONG LEN GYI DMIGS PA BSGOM STE, RANG GI SNA BUG NAS 'OD ZER SPROS TE SEMS CAN RNAMS KYI SDUG BSNGAL MTHA' DAG ,DUG DANG, MTSON DANG, THOG DANG, NAD LA SOGS PA'I RNAM PAR DRANGS TE SNYING NANG GI BDAG GCES 'DZIN GYI THOG TU SPUNGS PAS DE NYID GTAN MED DU BRLAG PA'I MOS PA DANG, DE BZHIN DU, RTZA BA, GANG LA NYON MONGS DUG LNGA CI MCHIS PA, , RIGS MTHUN 'DI LA NGES PAR SPUNG DU GSOL, , ZHES TE, GANG ZHES PA SPYI SGRA YIN PA LAS SKABS 'DIR NI SDUG BSNGAL DANG NYON MONGS PA GANG LA MCHIS PA'I SEMS CAN RNAMS LA 'JUG PAS, DE DAG GI RGYUD KYI CHAGS SOGS NYON MONGS PA DUG LNGA DANG DES BSKYED PA'I LAS LA SOGS PA CI MCHIS PA THAMS CAD RIGS MTHUN GYI BDAG GCES 'DZIN 'DI'I THOG TU NGES PAR SPUNG DU GSOL SNYAM PA'I SGO NAS SNGAR BZHIN GTONG LEN SGOM PA YIN LA, DE YANG @157 'DIR RIGS MTHUN ZHES SMOS DGOS PA NI, RANG DANG RIGS MI MTHUN (49 BA) PA'I SANGS RGYAS DANG, BYANG SEMS BDAG NYID CHEN PO SOGS LA NI LEN BYA'I SDUG BSNGAL DANG NYON MONGS PA SOGS MED LA, DE DAG GANG LA YOD PA'I SEMS CAN RNAMS NI RANG NYID DANG PHAN TSUN DU RIGS MTHUN PA YIN PAS, DE'I PHYIR RIGS MTHUN SKYE RGU THAMS CAD KYI SDUG BSNGAL LA SOGS PA RNAMS RIGS MTHUN BDAG NYID KYI STENG DU NGES PAR BLANGS DGOS PA'I DON YIN GSUNGS, RTZA BA, 'DI LTAR NYES PA'I RTZA BA MA LUS PA, , THE TSOM MED PAR RIG PAS NGOS ZIN YANG, , DA DUNG 'DI YI KHA 'DZIN GSHAGS 'DEBS NA, , 'DZIN MKHAN 'DI YANG BRLAG PAR MDZAD DU GSOL, , ZHES PA NI 'DI LTAR NYES PA MA LUS PA THAMS CAD KYI RTZA BA NI BDAG GCES 'DZIN 'DI NYID YIN PAR BLA MA DANG CHOS KYI BKA' DRIN LA BRTEN NAS THE TSOM MED PAR RIG PAS LEGS PAR NGOS ZIN PAR GYUR NA'ANG, DA DUNG 'DI'I @158 KHA 'DZIN GSHAGS 'DEBS PA STE, 'DI NYID KYI PHYOGS 'DZIN CING RGYAB LA LANGS PAR BYED NA NI 'DZIN MKHAN 'DI YANG NGES PAR BRLAG PAR MDZAD DU GSOL, ,ZHES PA STE, DE YANG 'DZIN MKHAN GYI GANG ZAG DE'I SEMS BRLAG PAR BYED PA'I DON MA YIN KYANG, DE LTAR 'DZIN PA'I 'DZIN STANGS KYI TSUL DANG, 'DZIN MKHAN GYI GANG ZAG DE'I GZUGS PHUNG DANG BCAS PA RNAMS BRLAG PAR MDZAD DU GSOL, , ZHES PA'I DON YIN GSUNGS, RTZA BA, DA NI LE LAN THAMS CAD GCIG LA GDA', , SKYE 'GRO GZHAN LA BKA' DRIN CHE BAR SGOM, , ZHES DA NI LE LAN THAMS CAD RANG RGYUD KYI BDAG GCES 'DZIN 'DI NYID GCIG PU LA GDA' BAR BYA YI GZHAN SU LA YANG GDA' BAR MI BYA (50 NA) ZHING, SKYE 'GRO GZHAN THAMS CAD NI BKA' DRIN CHE BA YIN TE, DA LTA MI LUS THOB PA YANG SKYE BA SNGON MA DGE BA SPYAD PA LA BRTEN NAS BYUNG BA YIN LA, DGE BA DE NI NGES PAR SKYE 'GRO GZHAN LA BRTEN NAS BYUNG BA STE, DES MTSON PA'I BKA' DRIN SHIN @159 TU CHE TSUL RNAMS BSAMS NAS DRIN SGOM PA DANG, RTZA BA, GZHAN GYIS MI 'DOD BDAG GI RGYUD LA LEN, , BDAG GI DGE BA 'GRO BA YONGS LA BSNGO, , ZHES TE, RGYU MTSAN DE LTA BAS NA GZHAN SEMS CAN RNAMS KYI SDUG BSNGAL DANG NYON MONGS PA THAMS CAD BDAG GI RGYUD STENG DU LEN PA DANG, BDAG GI DUS GSUM GYI DGE BA CI MCHIS PA THAMS CAD 'GRO BA SEMS CAN YONGS LA PHAN PA DANG BDE BA'I RGYUR BSNGO DGOS PAR MTHONG NAS SNGAR BZHIN GTONG LEN SGOM PA DANG, RTZA BA, DE LTAR 'GRO BA GZHAN GYI SGO GSUM GYIS, , DUS GSUM BGYIS PA BDAG GIS BLANGS PA YIS, , RMA BYA DUG GI MDANGS DANG LDAN PA LTAR, , NYON MONGS BYANG CHUB GROGS SU 'GYUR BAR SHOG , CES PA NI, DE LTA BU'I TSUL GYIS 'GRO BA SEMS CAN GZHAN GYIS LUS NGAG YID GSUM GYI SGO NAS 'DAS PA DANG, DA LTAR BA DANG, MA 'ONGS PA STE DUS GSUM DU BGYIS PA'I @160 LAS DANG NYON MONGS PA LA SOGS PA CI MCHIS PA THAMS CAD BDAG GIS RGYUD STENG DU BLANGS PA LA BRTEN NAS, JI LTAR RMA BYAS BTZAN DUG ZOS PA NA LUS LA GNOD PAR MI 'GYUR BA'I KHAR SGRO MDONGS DANG BKRAG MDANGS LA SOGS PA RGYAS PAR 'GYUR BA LTAR, LAS DANG NYON MONGS PA DE DAG THAMS CAD DGE BA'I BAR CHAD DU MI 'GYUR BA GROGS SU (50 BA) 'GYUR BA DANG, DE YANG RANG GCIG PU'I CHED TZAM MA YIN PAR SEMS CAN THAMS CAD KYI DON DU BLA NA MED PA'I BYANG CHUB THOB PAR SHOG CIG CES SMON LAM RLABS PO CHE BTAB PA'O, , RTZA BA, BDAG GI DGE RTZA 'GRO LA SBYIN PA YIS, , BYA ROG DUG ZOS SMAN GYIS GSOS LTAR SHOG , CES PA NI, DE BZHIN DU BDAG GIS DGE BA'I RTZA BA THAMS CAD 'GRO BA SEMS CAN RNAMS LA SBYIN ZHING BSNGOS PA LA BRTEN NAS, JI LTAR BYA ROG DAG GIS DUG ZOS TE SHI BA LA NYE BAR GYUR PA RNAMS CHU DANG SMAN SOGS KYIS GSOS PAR 'GYUR BA JI LTA BA DE BZHIN DU, 'GRO BA DE DAG LAS @161 DANG NYON MONGS PA'I GZHAN DBANG DU GYUR CING SDUG BSNGAL GYIS YONGS SU MNAR BAS DGE BA'I SROG RTZA CHAD PAR NYE BA LAS GSOS TE KUN RDZOB DANG DON DAM PA'I BYANG CHUB KYI SEMS KYI LUS STOBS RAB TU RGYAS PAR 'GYUR BAR SHOG CIG ,CES DANG, RTZA BA, SKYE BO YONGS KYI THAR PA'I SROG BZUNG NAS, , BDE BAR GSHEGS PA'I SANGS RGYAS THOB PAR SHOG , CES TE, TSUL DE LA BRTEN NAS LUS CAN SKYE BO YONGS KYI THAR PA'I SROG CHAD DU NYE BA RNAMS BDAG GIS BZUNGS BAR BYAS NAS DE DAG THAMS CAD RING POR MA LON PAR BDE BAR GSHEGS PA SANGS RGYAS BCOM LDAN 'DAS KYI GO 'PHANG MYUR DU THOB PAR SHOG CIG CES PA STE 'DI 'DRA BA RNAMS LAS LHAG PA'I SMON LAM 'DEBS RGYU GANG YANG MED GSUNGS, RTZA BA, NAM ZHIG BDAG DANG PHA MAR GYUR PA RNAMS, , 'OG MIN GNAS SU BYANG CHUB MA THOB BAR, , @162 'GRO BA DRUG TU LAS KYIS 'KHYAMS PA RNAMS, , PHAN TSUN GCIG SEMS GCIG GIS 'DZIN PAR SHOG , CES PA NI, DE LTA BU'I SGO NAS BYANG (51 NA) CHUB KYI SPYOD PA LA BRTEN NAS DUS NAM ZHIG NA BDAG DANG PHA MAR GYUR PA'I SEMS CAN MA LUS PA 'OG MIN GYI GNAS SU CHABS CIG TU BLA NA MED PA'I BYANG CHUB THOB PAR 'GYUR BAR SHOG CIG CES SMON LA, DE MA THOB PA'I BAR DU YANG LHA DANG MI LHA MA YIN SOGS 'GRO BA DRUG TU LAS KYIS 'KHYAMS PA'I SEMS CAN THAMS CAD PHAN TSUN SDANG BA LA SOGS PA'I BSAM PA ZHI NAS GCIG SEMS GCIG GIS 'DZIN PA'I SNYING NYE BAR 'GYUR BA DANG, GCIG LA GCIG PHAN TSUN DU BYANG CHUB KYI SPYOD PA RLABS PO CHE MYUR DU RDZOGS PA'I GROGS BYED PAR SHOG CIG CES SMON PA'O, ,'DI'I SKABS KYI 'OG MIN DE DA LTA YONGS SU GRAGS PA'I GNAS 'OG MIN DE LA BYED PA'AM, YANG NA THOB BYA MTHAR THUG PA MI SLOB PA'I ZUNG 'JUG GI GO 'PHANG DE LA BYA STE, DE'I GONG NA THOB BYA GZHAN MED PAS NA 'OG MIN ZHES ZER BA YIN GSUNGS, GZHAN YANG BDAG DANG PHA MA ZHES PA'I GSUNG BSHAD LAS 'PHROS @163 NAS, SEMS CAN THAMS CAD KYI DON DU BDAG NYID 'KHOR BA'I GNAS SU JI TZAM GNAS DGOS KYANG BZOD SNYAM PA'I SEMS NGES PAR BSKYED DGOS LA, DE LTAR BYAS PAS RANG NYID 'KHOR BAR LUS PAR 'GYUR RAM SNYAM PA'I DOGS PA MI DGOS TE, DE LA BRTEN NAS RANG NYID MI 'DOD BZHIN DU YANG MYUR DU SANGS RGYAS THOB PAR 'GYUR BA CHOS NYID YIN TSUL SOGS KYANG BKA' STZAL, RTZA BA, DE TSE 'GRO BA GCIG GI DON DU YANG, , NGAN SONG GSUM DU BDAG GIS YONGS ZHUGS NAS, , SEMS DPA' CHEN PO'I SPYOD PA MA NYAMS PAR, , NGAN SONG SDUG BSNGAL BDAG GIS 'DRONGS PAR SHOG , CES PA NI, DE 'DRA BA'I (51 BA) BYANG CHUB SEMS DPA'I SPYOD PA RLABS PO CHE SPYAD PA'I TSE 'GRO BA SEMS CAN THA NA RANG GI LUS LA YOD PA'I SHIG GCIG KHO NA'I DON DU YANG NGAN SONG GSUM GYI GNAS SU 'DOD LDAN MTHO RIS KYI DGA' TSAL DU 'JUG PA LTAR DGA' BZHIN SPRO BZHIN DU YONGS SU 'JUG PA DANG, ZHUGS NAS KYANG SEMS DPA' @164 CHEN PO'I SPYOD PA NI GZHAN GYIS DON KHO NA YIN PAS DE NYID SPYAD PA LAS CUNG ZAD KYANG NYAMS PA MED PA'I SGO NAS 'GRO BA DE DAG NGAN SONG GSUM GYI SDUG BSNGAL RGYU DANG BCAS PA LAS DRANGS PA LA SU LA YANG ROGS MI 'TSOL BAR BDAG NYID GCIG PUS NGES PAR 'DRONGS PAR SHOG CIG ,CES SMON PA'O, , RTZA BA, DE MA THAG TU DMYAL BA'I SRUNG MA RNAMS, , BDAG LA BLA MA'I 'DU SHES SKYES GYUR TE, , MTSON CHA RNAMS KYANG ME TOG CHAR DU GYUR, , GNOD PA MED PAR ZHI BDES BSIL BAR SHOG , CES PA NI GONG DU BSHAD MA THAG PA LTAR SEMS CAN RNAMS KYI PHYIR DU DMYAL BA'I LCAGS BSREGS KYI SA GZHI ME 'BAR BA'I NANG DU TSAM TSOM MED PAR ZHUGS PA NA, DE MA THAG TU DMYAL BA'I SRUNG MA MI BSRUNG PA DE DAG RNAMS KYANG GNOD 'TSE'I BSAM PA ZHI NAS BDAG NYID LA BLA MA'I 'DU SHES SKYES PAR GYUR TE DVANGS BA DANG GUS PA'I SEMS KYIS, KYE MA SKYES BU CHEN PO KHYOD NYID 'DI 'DRA BA'I GNAS NGAN PA @165 RNAMS SU BYON TE CI ZHIG MDZAD CES GSOL BA NA, DES KYANG BDAG NI DMYAL BA'I SEMS CAN SDUG BSNGAL GYIS MNAR BA 'DI DAG DRANGS PHYIR DU 'DIR LHAGS PA YIN NO ZHES SMRAS PAS; DE DAG GIS KYANG SEMS CAN BZUNG BA DANG BCINGS PA RNAMS RANG SHUGS KYIS LHOD PA DANG, DE BZHIN DU DA LTA SPYOD 'JUG GI (52 NA) SMON LAM GSUNGS PA LAS 'BYUNG BA LTAR, DMYAL BSRUNGS DE DAG GIS MTSON CHA'I CHAR PHAB PA RNAMS KYANG ME TOG GI CHAR DU GYUR TE, SEMS CAN DE DAG GI LUS LA GNOD PA CUNG ZAD KYANG MED PA'I KHAR BSIL BA'I BDE BA BRNYED CING KHYAD PAR DU YANG BSIL BA MTHAR THUG PA ZHI BA BLA NA MED PA BYANG CHUB KYI SEMS KYI BDE BAS RGYUD YONGS SU BSIL BAR 'GYUR BAR SHOG CIG , CES SMON PA DANG, RTZA BA, NGAN SONG BA YANG MNGON SHES GZUNGS THOB NAS, , LHA MI'I LUS BLANGS BYANG CHUB SEMS BSKYED DE, , BDAG GI DRIN LAN CHOS KYIS GSOB GYUR CING, , BDAG LA BLA MAR BZUNG NAS BSTEN PAR SHOG , @166 CES PA NI, GZHAN YANG BDAG GI MTHU LAS NGAN SONG GI SEMS CAN DE DAG NGAN SONG NA 'DUG BZHIN PA DE NYID KYI MOD LA YANG GZUNGS DANG MNGON PAR SHES PA LA SOGS PA'I YON TAN DU MA THOB PA DANG, MYUR DU DE NAS TSE 'PHOS MA THAG TU YANG MNGON MTHO LHA MI'I LUS RTEN RNAM PAR DAG PA THOB CING, RTEN DE LA YANG NYAN RANG GI BYANG CHUB SOGS DON DU MI GNYER BAR BLA NA MED PA'I BYANG CHUB MCHOG TU SEMS BSKYED, SPYOD PA PHAR PHYIN DRUG DANG BSDU BZHI'I NYAMS LEN LA TSUL BZHIN DU 'BAD PA LA BRTEN NAS SNGAR BDAG GIS NGAN SONG GI GNAS LAS DRANGS PA'I DRIN LAN MTHA' DAG KYANG RGYAL SRAS KYI SPYOD PA RLABS PO CHE'I CHOS KYIS GSOB PAR 'GYUR BA DANG, BDAG GIS KYANG DE DAG LA LAM PHYIN CI MA LOG PAR BSTAN PA'I SGO NAS BLA MA BYED PA DANG, DE DAG GIS KYANG BDAG (52 BA) LA BLA MAR BZUNG NAS BSTEN TSUL PHYIN CI MA LOG PAR BYAS TE RING MIN SA LAM GYI BGROD PA MTHAR PHYIN PAR SHOG CIG CES SMON PA'O, , RTZA BA, DE'I TSE MTHO RIS 'GRO BA THAMS CAD KYANG, , @167 BDAG DANG MTSUNGS PAR BDAG MED RAB BSGOMS NAS, , SRID DANG ZHI BA RNAM PAR MI RTOG PAR, , MNYAM PA NYID DU RANG NGO 'PHROD PAR SHOG , CES TE, DE LTAR NGAN SONG GI 'GRO BA RNAMS SU MA ZAD MTHO RIS SU GTOGS PA'I 'GRO BA RNAMS KYIS KYANG BDAG GIS 'GRO BA'I DON BYED PA DE'I TSE NA, BDAG GIS JI LTAR SPYOD PA DANG MTSUNGS PAR BDAG MED RTOGS PA'I SHES RAB RNAM PAR DAG PA RAB TU BSGOMS PAR BYAS NAS, SRID PA'I BDE BA DANG ZHI BA PHYOGS GCIG PA'I BDE BA GANG LA'ANG RNAM PAR MI RTOG PA STE, DE DAG GANG LA'ANG MA CHAGS PAR RNAM PAR MI RTOG PA BDAG MED RTOGS PA'I YE SHES KYIS DE THAMS CAD SNANG TZAM MA GTOGS RANG NGOS NAS MA GRUB PA'I SRID ZHI MNYAM PA NYID DU RANG NGO 'PHROD PA STE YIN PA LA YIN PAR NGO SHES PAR SHOG CIG CES PA'O, ,'DI LA DPE 'GA' ZHIG LA BDE DANG ZHI BDE ZHES 'DUG KYANG RDO RJE 'CHANG NYID KYIS SRID DANG ZHI BA ZHES GSUNGS PA MA TSAD DPE GZHAN LA'ANG DE LTAR 'DUG PAS GSUNG BSHAD DANG MTHUN PAR BKOD PA YIN, @168 RTZA BA, DE LTAR BYAS NA DGRA 'DI CHOMS PAR 'GYUR, , ZHES PA NI SNGAR GONG DU LAN DU MAR BSHAD PA'I BDAG GCES 'DZIN LA DGRAR BLTAS NAS 'GOG PA'I THABS TSUL 'DI DAG TSUL BZHIN DU NYAMS SU BLANGS NA DGRA DE CHOMS PAR 'GYUR RO, ,ZHES DNGOS SU BSTAN NAS SHUGS LA DE LTAR (53 NA) MA BYAS NA CHOMS PAR MI 'GYUR RO ZHES BSTAN PA'O,, RTZA BA, DE LTAR BYAS NA RNAM RTOG CHOMS PAR 'GYUR, , ZHES PA YANG GONG DU BSHAD PA LTAR NYAMS SU BLANGS NA RNAM RTOG CHOMS PAR 'GYUR BA STE, 'DI YANG RNAM RTOG YIN TSAD LA MI BYED PAR BDAG GCES 'DZIN DANG DES BSKYED PA'I RTOG PA NGAN PA RNAMS LA BYED PA'O, , RTZA BA, MI RTOG YE SHES BDAG MED GOMS GYUR NAS, , GZUGS SKU'I RGYU 'BRAS CI STE THOB MI 'GYUR, , ZHES PA NI, DE LTAR THABS BDE BA CHEN PO RNAM PAR MI @169 RTOG PA'I YE SHES DANG, SHES RAB BDAG MED RTOGS PA'I YE SHES ZUNG 'BREL DU NYAMS SU BLANGS NA, GZUGS SKU 'GRUB BYED KYI RGYU THUN MONG MA YIN PA DANG, DE'I 'BRAS BU GZUGS KYI SKU DANG BCAS PA CI'I PHYIR THOB PAR MI 'GYUR TE; RGYU THAMS CAD TSANG NA 'BRAS BU 'BYUNG BA 'GOG PAR MI NUS PAS NA NGES PAR THOB PAR 'GYUR RO, ,ZHES PA'O, ,DE YAN CHAD KYIS BDAG GCES 'DZIN SKYON KUN GYI RTZA BA DANG, GZHAN GCES 'DZIN YON TAN KUN GYI RTZA BAR BLTAS TE BDAG GZHAN MNYAM BRJE'I NYAMS LEN LA RDO RUS THUG PAR 'BAD CING, DE NYID GOMS PA GONG 'PHEL DU SONG NAS BYANG CHUB MCHOG TU SEMS BSKYED DE CI BYED GZHAN DON KHO NAR 'GYUR BA LA 'BAD DGOS PA'I TSUL RNAMS LEGS PAR BSTAN ZIN NAS, DE'I RJES SU DE LTAR KUN RDZOB BYANG CHUB KYI SEMS RNAM PAR DAG PA ZHIG YOD NA'ANG, DA DUNG BYA NAM MKHA' LA 'PHUR BA'I TSE GSHOG PA YA GCIG GIS 'PHUR BAR MI NUS PAS (53 BA) GSHOG PA GNYIS LDAN DGOS PA DE BZHIN DU, DON DAM BYANG CHUB KYI SEMS DANG ZUNG DU MA 'BREL NA 'KHOR BA LAS 'PHAGS PAR MI NUS LA, DE'I @170 DBANG GIS BLA MA DHARMA RAKshI TA CHEN PO YANG DANG POR LTA BA SEMS TZAM PA YIN PA LA, KHONG GIS BYAMS SNYING RJE BYANG CHUB KYI SEMS 'BA' ZHIG THUGS DAM GYI MTHIL DU MDZAD CING, DNGOS SU YANG RANG GI SKU LUS KYI BRLA SHA GRIS BCAD DE GZHAN LA SBYIN PAR MDZAD PAS DE MA THAG TU STONG NYID MNGON SUM DU RTOGS TE SA DANG PO BRNYES PAR GRAGS PAS DBU MA PA CHEN POR GYUR PA ZHIG YIN LA, KHONG GIS GZIGS PA'I TSE NA'ANG SANGS RGYA BA LA BYANG CHUB KYI SEMS GNYIS ZUNG 'BREL DU MED DU MI RUNG BAR GZIGS NAS 'DI MAN CHAD KYIS DON DAM BYANG CHUB KYI SEMS SBYONGS TSUL RNAMS BSTAN PA STE, DE LA, RTZA BA, KA YE DE DAG THAMS CAD RTEN 'BREL YIN, , ZHES TE, KA YE ZHES RANG CAG LA BOS NAS, GONG DU BSHAD PA'I BDAG 'DZIN DANG, BDAG GCES 'DZIN DANG, 'DZIN YUL GYI BDAG CES PA LA SOGS PA DE DAG THAMS CAD KYANG RTEN 'BREL YIN TE, RGYU RKYEN TSOGS TZAM LA BRTEN NAS GRUB PA'I PHYIR, ,ZHES PA STE, DE YANG RTEN 'BREL YIN @171 CES PA'I TSIG 'DI NYID KYIS SNANG TZAM MA GTOGS RANG NGOS NAS MA GRUB PA RANG SHUGS KYIS 'DREN PA YIN LA, DE LTA NA'ANG DNGOS SU STONG PA YIN ZHES MI BRJOD PAR RTEN 'BREL YIN ZHES BRJOD PA LA DGOS PA YOD DE, RTEN 'BREL GYI GNAS TSUL LEGS PAR MI SHES PAR STONG PA NYID YIN, CIR YANG MA GRUB PA YIN ZHES KHA STONG TZAM DU SHOR DOGS NAS RTEN (54 NA) 'BREL GYI GNAD LA GAL PO CHER 'DZIN PA'I SLAD DU DE LTAR BRJOD PA YIN LA, RTEN 'BREL YIN PA'I TSUL 'DI LEGS PAR GTAN LA 'BEBS THUB NA STONG PA NYID KYI DON RTOGS PA LA DKA' TSEGS MI DGOS PAR SHUGS KYIS 'BYUNG BAS DNGOS SU STONG PA YIN ZHES MA GSUNGS PA YIN, RTZA BA, RTEN 'BREL LTOS PA RANG TSUGS MED PA YIN, , ZHES PA NI, CHOS THAMS CAD RTEN 'BREL YIN PA'I RGYU MTSAN YANG RGYU RKYEN DANG CHA SHAS SOGS GANG YANG RUNG BA ZHIG LA LTOS NAS GRUB PA LAS RANG TSUGS MA THUB PA'I DBANG GIS YIN LA, RANG TSUGS MA THUB PA'I TSUL NI, DPER NA DA @172 LTA KHO BO RANG YANG MIG GSAL PO ZHIG YOD NA GZHAN LA LTOS MI DGOS MOD KYANG, DE MI GSAL BA'I DBANG GIS RANG TSUGS MA THUB PAR GZHAN LA BRTEN DGOS PA LTA BU YIN, DA DUNG KYANG KUN GYIS GO BDE BAR BRJOD NA, DPER NA DA LTA BZHI SDE'I SGO 'PHYOR ZHES PA 'DI YANG, KA BA 'DI RNAMS DANG; RTZIG PA DANG, GDUNG MA DANG, SBUG GI 'DU KHANG SOGS LA LTOS NAS DE RNAMS TSOGS TZAM GYI STENG DU GRUB PA LAS; DE DAG GANG LA'ANG MA LTOS PA'I BZHI SDE'I SGO 'PHYOR ZHIG TSUGS THUB TU 'JOG MI SHES PA LTA BU STE, DES MTSON NAS CHOS THAMS CAD LA SHES PAR BYA GSUNGS, RTZA BA, PHAR BSGYUR TSUR BSGYUR RDZUN SNANG SGYU MA YIN, , ZHES PA NI, DE LTAR TSUGS THUB TU MA GRUB PA'I DBANG GIS PHAR BSGYUR TSUR BSGYUR CI YANG NUS PA YIN TE, DPER NA DA LTA RANG CAG GI MDUN GYI NAM MKHA' 'DI YANG SNGA MA SPRIN GYIS SGRIB PA'I TSE 'THIB PA LTAR SNANG ZHING, RANG RES (54 BA) KYANG 'THIB PAR NGOS 'DZIN MOD, DE'I RJES SU SPRIN RNAMS SO SOR DENGS PA'I TSE SNGAR GYI DE LAS LDOG STE @173 SPRIN DANG BRAL BA'I NGO BOR TSUR BSGYUR NUS PA LTAR GNAS SKABS DE DANG DER MING DANG RTOG PAS BTAGS TZAM MA GTOGS DON STENG NAS MA GRUB PA RDZUN PA'I SNANG BA SGYU MA DANG 'DRA BA'I DON YIN, MGAL ME BZHIN DU SNANG BA'I GZUGS BRNYAN YIN, ,ZHES PA NI, SHING MGAL DUM GYI ME ZHIG BAR SNANG LA MYUR BAR SKOR BA'I TSE, SKAD CIG SNGA MA'I RJES SU PHYI MA BAR MED DU 'THUD PA'I DBANG GIS MIG GI YUL DU ME DMAR PO SGOR RE BA ZHIG DON LA MED BZHIN DU SNANG BA LTAR, RGYU 'BRAS KYI CHOS THAMS CAD KYANG DON STENG NAS MA GRUB BZHIN DU SNANG BA MGAL ME'I GZUGS BRNYAN DANG MTSUNGS PA'I DON DANG, RTZA BA, CHU SHING BZHIN DU SROG LA SNYING PO MED, , CES PA NI, CHU NANG DU YOD PA'I SHING GI SDONG PO NI JI LTAR CHE YANG NANG CHUS ZOS PA'I DBANG GIS RKYEN CUNG ZAD TZAM GYIS 'GYEL 'GRO BA'I SNYING PO GTAN NAS MA MCHIS PA BZHIN DU, RANG CAG RNAMS KYI SROG KYANG DE DANG 'DRA BAR RKYEN CUNG ZAD TZAM GYIS 'JIG PAR 'GYUR BAS SNYING PO @174 MED PA DANG, RTZA BA, LBU BA BZHIN DU TSE LA SNYING PO MED, , CES PA NI, DPER NA CHU'I LBU BA NI PHRAL DU SDOD PA LTAR SNANG NA YANG MDZUB MO SOGS KYIS THUG TZAM BYAS NA ZHIG 'GRO BA LTAR, RANG CAG GI TSE YANG RKYEN DANG MA 'PHRAD PA'I SKABS SU SDOD PA LTAR MCHIS KYANG 'CHI RKYEN CUNG ZAD TZAM ZHIG GIS NI 'JIG PAR 'GYUR BAS NA YUN DU GNAS PAR MI NUS PA'I PHYIR RANG NGOS NAS MA GRUB PA'I SNYING PO MED PA (55 NA) DANG, RTZA BA, KHUG SNA BZHIN DU BTUD NA 'JIG PA YIN, , ZHES PA NI, KHUG SNA DE RGYANG RING PO NAS MTHONG BA'I TSE YOD PA LTAR SNANG YANG DRUNG DU BTUD NA MED PAR 'GYUR BA BZHIN DU, DNGOS PO RNAMS KYANG MA BRTAGS MA DPYAD PA'I TSE YOD YOD 'DRA YANG DRUNG DU BTUD PA DANG 'DRA BAR BRTAGS SHING DPYAD NA 'JIG PAR 'GYUR BA'I DON DANG, RTZA BA, @175 SMIG RGYU BZHIN DU RGYANG NAS MDZES PA YIN, , ZHES PA YANG, DPER NA DBYAR DUS NYI MA SHIN TU TSA BA DANG, BYE MA SKYA BO DANG, SKYE BO'I MIG SHES GSUM TSOGS PA LAS SMIG RGYUR GRAGS PA CHU DNGOS SU RGYU BA LTA BU ZHIG MTHONG MOD KYANG DE'I DRUNG DU SLEBS NA CHU THIGS GCIG KYANG MED CING, 'ON KYANG RGYANG NAS BLTAS NA CHU KLUNG CHEN PO ZHIG RGYUG GAM SNYAM PA'I MDZES MDZES LTAR SNANG BA DE BZHIN DU, RGYU RKYEN SOGS KYIS CHOS RNAMS KYANG DPYAD NA NGO BOS GRUB PA MA MCHIS KYANG MA DPYAD PAR SNANG TZAM DU BZHAG NA BDEN BDEN LTA BU'I MDZES PAR SNANG BA'I DON YIN GSUNGS, RTZA BA, ME LONG GZUGS BRNYAN LTA BUR BDEN BDEN 'DRA, , ZHES PA YANG, ME LONG G-YA' DAG PA DANG, SKYES BU'I BYAD BZHIN GNYIS TSOGS KYI BAR DU SGRIB BYED SOGS KYIS MA SGRIB PA DE'I TSE NA, BYAD BZHIN GYI GZUGS BRNYAN ME LONG GI NANG DU 'PHOGS PAS DE'I NANG DU BYAD BZHIN DNGOS GNAS PA ZHIG YOD YOD LTAR SNANG YANG DON LA MED PA JI LTA @176 BA BZHIN DU, CHOS RNAMS KYANG BDEN BDEN LTAR SNANG YANG DON STENG NAS GRUB PA RTA RNGA BRGYA STONG DU BSHAGS PA'I CHA TZAM YANG MED PA DANG, RTZA BA, SPRIN DANG NA BUN BZHIN DU SDOD SDOD 'DRA, , ZHES PA NI, DPER NA BAR SNANG DU SPRIN LING PA CHEN PO DAG BYUNG BA'AM, RI'I SKED PA LA NA BUN STUG PO 'KHRIGS PA RNAMS LA SKABS THOB DER BLTAS NA RE ZHIG SDOD SDOD 'DRA BAR SNANG YANG SKAD CIG LA GAR SONG CHA MED DU 'GRO BA DE BZHIN DU, 'DUS BYAS RNAMS KYANG MA BRTAGS MA DPYAD NA SDOD PA LTAR MCHIS KYANG BRTAGS NA SKAD CIG RE RE BZHIN YANG MI SDOD PAR MYUR DU 'JIG 'GRO BA'I DON NO, , RTZA BA, DGRA BDAG GSHED MA 'DI YANG DE BZHIN DU, , YOD YOD 'DRA STE NAM YANG YOD MA MYONG, , ZHES TE, GONG DU BSHAD PA'I DPE DE RNAMS JI LTA BA BZHIN DU DGRA BDAG TU 'DZIN PA'I 'DZIN PA DANG, DES BSKOS PA'I GSHED MA LTA BU BDAG GCES 'DZIN DANG, @177 SHUGS LA 'DZIN YUL GYI BDAG DANG BCAS PA BSTAN NAS DE RNAMS KYANG DA LTA 'KHRUL BA'I SNANG NGOR BDEN GRUB TU YOD YOD 'DRA NA YANG DON LA BDEN PAR GRUB PA RDUL TZAM ZHIG DUS NAM DU'ANG YOD MA MYONG BA DANG, RTZA BA, BDEN BDEN 'DRA STE GANG DU'ANG BDEN MA MYONG, , ZHES PA YANG GONG DANG MTSUNGS TE, DE DAG THAMS CAD BDEN BDEN RTAG RTAG TU YOD PAR SNANG YANG DON DAM PAR YUL DUS GNAS SKABS GANG GI SKABS SU YANG BDEN PAR YOD MA MYONG ZHING, RTZA BA, SNANG SNANG 'DRA STE SGRO SKUR YUL LAS 'DAS, , ZHES, BDAG GO CES DANG BDAG TU 'DZIN PA ZHES SOGS RANG NGOS NAS TSUGS THUB TU GRUB PA 'DRA BAR SNANG NA YANG BLO 'KHRUL BA'I GZHAN DBANG DU GYUR PAS DE LTAR SNANG BA LAS NGO BOS GRUB PA CUNG ZAD KYANG YOD MA MYONG ZHING DE'I PHYIR DON (56 NA) DAM PAR CHOS THAMS CAD SGRO 'DOGS DANG SKUR 'DEBS KYI YUL LAS 'DAS PAS NA SGRO 'DOGS @178 BYA 'DOGS BYED SOGS DANG BRAL BA'I DON NO, , RTZA BA, DE LA LAS KYI 'KHOR LO GANG ZHIG YOD, , CES TE, DE LTA BAS NA 'KHOR BAR 'KHOR BA'I RGYU'I GTZO BO BDAG 'DZIN DANG BDAG GCES 'DZIN LA SOGS PA RNAMS BDEN PAR MA GRUB PAS NA DE GNYIS KYIS BSKYED PA'I LAS DANG NYON MONGS PA DANG, DE'I DBANG GIS SRID PA'I GNAS SU 'KHOR LO LTAR 'KHOR TE SDUG BSNGAL MYONG BA SOGS KYANG SNANG TZAM MA GTOGS RANG NGOS NAS GRUB PA GANG ZHIG YOD DE MED DO, ,CES PA STE, DPE DANG RIGS PA'I RNAM GRANGS MTHA' YAS PA'I SGO NAS DON DAM PA GTAN LA 'BEBS PAR MDZAD PA YIN ZHES BKA' BSTZAL TO, , CHOS THUN BCU GCIG PA, ` CHOS THUN BCU GCIG PA'I SKABS SU, RJE'I NYAMS MGUR LAS, DE LTAR RGYU DANG 'BRAS BU'I THEG CHEN GYI, ,ZHES PA NAS, DAL 'BYOR THOB PA DON DANG LDAN PAR BYAS, ,RNAL 'BYOR NGAS KYANG NYAMS LEN DE LTAR BYAS, ,THAR 'DOD KHYED @179 KYANG DE BZHIN BSTEN 'TSAL LO, ,ZHES PA'I TSIG 'GREL RAGS BSDUS BSTZAL NAS DNGOS GZHI'I BSHAD LUNG KHA SANG GI 'PHROS NAS, RTZA BA, 'DI NA DE LTAR RANG BZHIN MED NA YANG, , CHU NANG ZLA BA'I DKYIL 'KHOR SHAR BA LTAR, , LAS 'BRAS 'DI NI RDZUN PA SNA TSOGS BKRA, , SNANG BA TZAM DU BLANG DOR BYA'O YANG, , ZHES GSUNGS TE, KHA SANG ZHUS PA DE YAN CHAD KYIS CHOS THAMS CAD RANG BZHIN GYIS GRUB PA MED PAR RNAM GRANGS DU MA'I SGO NAS GTAN LA PHAB PA NA, (56 BA) 'O NA THA SNYAD TZAM DU'ANG LAS 'BRAS SOGS KYI RNAM GZHAG MI 'THAD DAM ZHE NA, DE NI MA YIN TE SNANG TZAM DU BYA BYED THAMS CAD 'THAD PA YIN NO ZHES STON PA'I SLAD DU 'DI MAN CHAD RNAMS GSUNGS PA YIN LA, DE YANG 'DI NA STE BDAG DANG BDAG 'DZIN DANG, RGYU DANG 'BRAS BU ZHES SOGS DU MAR SNANG BA 'DI DAG LA RANG GI MTSAN NYID KYIS GRUB PA'I RANG BZHIN DE LTA BU MED NA YANG, DPER NA CHU DVANGS PA DANG, @180 BAR SNANG GI ZLA BA'I DKYIL 'KHOR GNYIS TSOGS PA'I DBANG GIS CHU NANG DU ZLA BA'I RANG GZUGS DNGOS GNAS LA MED KYANG YOD PA LTA BU'I GZUGS BRNYAN BSNYON MED DU SHAR BA 'GOG PAR MI NUS PA DE BZHIN DU, RGYU DGE MI DGE SPYAD PA LAS 'BRAS BU BDE SDUG 'DI DANG 'DI 'BYUNG ZHES PA'I LAS 'BRAS KYI TSUL 'DI NI DON LA BDEN PAR MA GRUB KYANG KUN RDZOB RDZUN PA TZAM DU SNA TSOGS SU BKRA BA STE, CIR YANG 'CHAR BA'I 'GOG PAR MI NUS PA YIN LA, DE'I PHYIR SNANG TZAM DU LAS 'BRAS MI BSLU BAS NA BLANG DOR GYI GNAS RNAMS MA 'CHOL BAR BSLAB PA LA NGES PAR DU 'BAD PAR BYA'O, ,AANG ZHES RANG CAG RNAMS LA BRTZE BAS 'DOMS PAR MDZAD PA YIN NO, , RTZA BA, RMI LAM YUL DU LA MA'I ME 'BAR TSE, , RANG BZHIN MED KYANG TSA BAS 'JIGS PA LTAR, , DMYAL KHAMS LA SOGS RANG BZHIN MED NA YANG, , BTZO BSREGS TSOGS LA 'JIGS PAS SPANG BAR BYA, , ZHES PA NI, DPER NA SKYES BU 'GA' ZHIG GNYID KYIS @181 BSLAD PA'I SKYON GYIS RMI LAM GYI YUL DU LA MA'I ME RAB TU 'BAR TE RANG GI LUS LA SOGS PA (57 NA) TSIG PA'I SNANG BA BYUNG STE DNGOS SU YANG SKAD 'BYIN PA DANG LUS LA RNGUL BA SOGS BYUNG BA'I TSE GNYID KYIS MA BSLAD PA'I GANG ZAG RNAMS KYIS BLTAS PA NA ME'I CHA SHAS TZAM YANG MTHONG BA MI SRID PAS DON LA RANG BZHIN MED PA YIN MOD, DE LTA NA'ANG GNYID KYIS BSLAD PA'I GANG ZAG KHO RANG GI NGOR LUS LA TSA BA'I SNANG BA DANG, SEMS LA 'JIGS SNANG CHEN PO BSKYED PA SOGS BSNYON MED DU YOD PA DE BZHIN DU DMYAL KHAMS DANG; SOGS KHONG NAS YI DVAGS DUD 'GRO SOGS KYANG BSTAN PA STE, DE YANG DMYAL BA'I ME DANG LCAGS BSREGS KYI SA GZHI DANG, MTSON CHA LA SOGS PA RNAMS KYANG DON LA RANG BZHIN GYIS GRUB PA RDUL TZAM YANG MA MCHIS MOD KYANG, LAS NGAN PA BSAGS PA'I GANG ZAG DE'I NGOR 'GOG MI NUS PAR MA ZAD, BTZO BSREGS LA SOGS PA'I SDUG BSNGAL KYANG BSNYON MED DU MYONG RGYU YOD PAS NA 'BRAS BU SDUG BSNGAL MI BZAD PA'I TSOGS DE DAG LA 'JIGS SHING SKRAG PA'I SGO NAS DE'I RGYU SDIG PA MI DGE BA'I LAS RNAMS LA MI @182 'JUG PAR NGES PAR SPANG BAR BYA DGOS SO, ,ZHES PA'O, , GZHAN YANG 'DI'I GSUNG BSHAD LAS 'PHROS NAS DMYAL KHAMS LA SOGS PA BDE DAG SDIG PA'I LAS SNANG TZAM LAS RANG BZHIN GYIS MED PA'I RGYAB SKYOR DU, SPYOD 'JUG LAS, LCAGS BSREGS SA GZHI SU YIS BYAS, ,ME TSOGS DE DAG GANG LAS BYUNG, ,DE 'DRA DE DAG THAMS CAD KYANG, ,SDIG SEMS YIN PA THUB PAS GSUNGS, ,ZHES GSUNGS PA'I LUNG 'GREL DANG SNANG TZAM DU BYA BYED (57 BA) THAMS CAD 'THAD PAR MA ZAD LAS NGAN PA'I DBANG DANG, SEMS 'KHRUL BA'I GZHAN DBANG DU GYUR PA SOGS KYI NGOR CIR YANG SNANG BA 'GOG PAR MI NUS PA'I RGYAB SKYOR DU, SNGON GYI LUNG, SOL BA'I BYA KHYUNG DKAR PO LA, ,DUNG GI MI MO NAG MOS ZHON, , ZHES SOGS KYI LUNG 'GREL KYANG MDZAD LA, DE YANG SOL BA'I BYA KHYUNG DKAR PO DANG, DUNG GI MI MO NAG MO DNGOS GNAS LA YOD MA MYONG NA'ANG 'KHRUL PAS BSLAD PA DAG GI NGOR DE LTAR SNANG SRID DE, MKHRIS NAD CAN LA DUNG DKAR SER PO SNANG SRID NA GONG DU BSHAD PA DE DAG KYANG CI'I PHYIR MI SRID, DE LTA NA YANG BRTAGS SHING DPYAD PAR BYAS NA, SOL BA'I BYA @183 KHYUNG DKAR PO SOGS NAM DU'ANG MI SRID PA DE BZHIN DU CHOS RNAMS LA'ANG SBYAR TE SHES DGOS TSUL SOGS RGYAS PAR BKA' BSTZAL TO, , RTZA BA, TSAD PAS 'KHRUL TSE MUN NAG YONGS MED KYANG, , GTING RING PHUGS SU RGYU ZHING 'TSUB PA LTAR, , MA RIG TSOGS LA RANG BZHIN MED NA YANG, , SHES RAB GSUM GYIS 'KHRUL BA BSAL BAR BYA, , ZHES PA YANG, DPER NA TSAD PA'I NAD SOGS KYIS MNAR BA'I GANG ZAG 'GA' ZHIG NAD KYI DBANG GIS 'KHRUL PAR GYUR PA'I TSE, NAD MED KYI GANG ZAG RNAMS KYIS BLTAS NA MUN NAG CUNG ZAD TZAM YANG MED NA YANG, NAD PA DE'I NGOR MUN PA SHIN TU NAG PA'I DONG GTING RING GI PHUGS SU RGYU ZHING MUN NAG SHIN TU 'TSUB PA'I SNANG BA 'BYUNG BA DANG, DE BZHIN DU KHO BO LTA BU MIG 'GRIB YOD PA'I GANG ZAG RNAMS LA'ANG 'GRIB THOG MAR BYUNG BA'I TSE DNGOS GNAS LA DU BA (58 NA) CUNG ZAD KYANG MED RUNG, RANG GI SNANG NGOR DU BA SHIN TU MANG PO 'TSUB PA'I SNANG BA 'BYUNG BA LTAR, MA @184 RIG PA LA SOGS PA'I NYON MONGS PA'I TSIGS SPYI DANG, LHAG PAR BDAG TU 'DZIN PA'I 'KHRUL BA LA SOGS PA RNAMS DON LA RANG BZHIN GYIS GRUB PA MED NA YANG, THA SNYAD TZAM DU DE DAG GIS LAS NGAN PA DANG SDUG BSNGAL LA SOGS PA JI SNYED CIG SKYED PAR BYED LA, DE'I PHYIR SNANG TZAM DU SHES RAB GSUM GYIS 'KHRUL BA'I GTZO BO BDAG TU 'DZIN PA BAG CHAGS DANG BCAS PA BSAL BA LA 'BAD PAR BYA DGOS SHING; SHES RAB GSUM NI STONG PA NYID RTOGS PA'I THOS BYUNG GI SHES RAB DANG, STONG NYID RTOGS PA'I RJES DPAG , MNGON SUM DANG BCAS PA GSUM MAM, YANG NA STONG NYID RTOGS PA'I THOS BYUNG DANG, BSAM BYUNG SGOM BYUNG GSUM GYI SHES RAB GSUM LA BYA STE, THOG MAR STONG PA NYID KYI DON RNAMS THOS BSAM GYIS LEGS PAR GTAN LA PHAB STE THOS BYUNG DANG BSAM BYUNG GI SHES RAB BSKYED, DE'I RJES SU JI LTAR GTAN LA PHAB PA RNAMS SGOM PAS NYAMS SU BLANGS PA LAS SGOM BYUNG GI SHES RAB BSKYED DE BDAG 'DZIN 'KHRUL PA DRUNG NAS 'BYIN PAR NUS TSUL DANG, SHES RAB DE GSUM GYI SNGON DU'ANG THOS PA RNAM PAR DAG PA ZHIG MED DU MI RUNG @185 TSUL SOGS KYANG RGYAS PAR GSUNGS SO, , RTZA BA, ROL MO MKHAN GYIS PI WANG GLU BLANGS TSE, , DPYAD NA SGRA DE RANG BZHIN MA MCHIS MOD, , MA DPYAD TSOGS PAS SNYAN PA'I SGRA 'BYUNG BAS, , SKYE BO'I SEMS KYI GDUNG BA SEL BA LTAR, , ZHES PA NI, RGYA GAR SOGS (58 BA) SU ROL MO MKHAN SHIN TU MKHAS PA DAG GIS PI WANG GI SGRA DANG SBYAR TE GLU BLANGS PA DE'I TSE NA, BRTAGS SHING DPYAD PAR BYAS NA SGRA DE PI WANG GI KHOG PA KHO NA LAS KYANG MA BYUNG, DE BZHIN DU RGYUD DANG; PAGS PA DANG, SKYES BU'I STZOL BA SOGS RE RE KHO NA LAS NAM DU YANG MA BYUNG ZHING, SGRA DE DAG RE RE'I STENG DU GNAS PA YANG MA YIN PAS RANG BZHIN GYIS GRUB PA MA MCHIS PA YIN MOD KYANG MA BRTAGS MA DPYAD NA RGYU RKYEN RNAMS TSOGS PA LA BRTEN NAS SNYAN PA'I SGRA YID DU 'ONG BA 'BYUNG BAS SKYE BO RNAMS KYI SEMS KYI GDUNG BA STE SDUG BSNGAL SEL ZHING DGA' BA BSKYED PAR BYED PA JI LTA BAR ZHES PA'O, , @186 RTZA BA, LAS DANG RGYU 'BRAS YONGS LA DPYAD PA NA, , GCIG DANG THA DAD RANG BZHIN MED NA YANG, , SNANG SNANG LTA BUR CHOS RNAMS SKYE 'JIG BYED, , YOD YOD LTA BUR BDE SDUG SNA TSOGS MYONG, , ZHES GONG DU PI WANG GI DPE BRJOD MA THAG PA LTAR, DGE MI DGE SOGS KYI LAS KYI RGYU LAS 'BRAS BU BDE SDUG BZANG NGAN SNA TSOGS 'BYUNG BA'I RGYU 'BRAS KYI TSUL YONGS LA BRTAGS SHING DPYAD PAR BYED PA NA GCIG TU RANG BZHIN GYIS GRUB PA DANG, THA DAD DU RANG BZHIN GYIS GRUB PA SOGS NAM DU YANG MED MOD KYANG, SNANG TZAM DU 'DUS BYAS KYI CHOS RNAMS SKYE BA DANG 'JIG PA LA SOGS PA'I THA SNYAD BYED CING, DE YANG 'DIR SNANG SNANG ZHES GNYIS SMOS PA NI; RGYU RKYEN DE LTA BU SNANG BA LAS 'BRAS BU DE LTA BU ZHIG 'BYUNG BAR SNANG BA ZHES RGYU 'BRAS GNYIS STON PA'I SLAD DU DE LTAR BRJOD LA, DE BZHIN DU RGYU DE DAG (59 NA) LA SPYAD PA LAS 'BRAS BU BDE SDUG SNA TSOGS PA'ANG RANG BZHIN MED KYANG YOD YOD LTA BUR MYONG BA NI 'GOG PAR MI NUS SO @187 ZHES PA'I DON NO, , RTZA BA, CHU YI THIGS PAS BUM PA 'GENGS PA NA, , CHU THIGS DANG POS BUM PA MI KHENGS SHING, , THA MA LA SOGS RE RES MA YIN MOD, , RTEN 'BREL TSOGS PAS BUM PA GANG BA LTAR, , ZHES PA YANG, DPER NA BUM PA ZHIG CHU YI THIGS PA DU MAS YONGS SU 'GENGS PAR BYED PA NA YANG, CHU'I THIGS PA DANG PO KHO NAS BUM PA KHENGS PAR MI NUS SHING, DE BZHIN DU GNYIS PA DANG GSUM PA LA SOGS PA NAS THA MA'I BAR GYI CHU THIGS RE RE BA KHO NAS KYANG KHENGS PA MA YIN MOD KYANG, CHU THIGS DANG PO NAS THA MA'I BAR GYI RTEN 'BREL MTHA' DAG TSOGS PA NA BUM PA DE CHUS GANG BAR 'GYUR BA JI LTAR ZHES PA'O, , RTZA BA, BDE SDUG 'BRAS BU GANG GIS MYONG BA NA, , RGYU YI SKAD CIG DANG POS MA YIN ZHING, , THA MA'I SKAD CIG SOGS KYIS MA YIN KYANG, , RTEN 'BREL TSOGS PAS BDE SDUG MYONG BAR 'GYUR, , @188 ZHES TE BUM PA DANG CHU THIGS GI DPE BZHIN DU, LAS DGE SDIG GI 'BRAS BU BDE SDUG RNAMS KYANG GANG ZAG GANG GIS MYONG BAR GYUR PA NA YANG, MYONG BYED KYI RGYU SKAD CIG DANG PO KHO NAS KYANG MYONG DU 'JUG PA MA YIN ZHING, DE BZHIN DU SKAD CIG GNYIS PA SOGS NAS THA MA'I SKAD CIG GI BAR GYI RE RE KHO NA GANG GIS KYANG MA YIN RUNG RGYU RKYEN RTEN 'BREL SKAD CIG SNGA PHYIR DE DAG THAMS CAD TSOGS PA'I DBANG GIS 'BRAS BU BDE BA DANG SDUG BSNGAL KYANG BSNYON MED DU MYONG BAR 'GYUR BA'I DON YIN LA, DE NI DPER MTSON NA DA (59 BA) LTA RANG CAG RNAMS KYIS MNGON SUM DU GRANG BA'I SDUG BSNGAL LTA BU ZHIG NYAMS SU MYONG BA NA'ANG, RLUNG BSIR BU SKAD CIG DANG PO KHO NA LUS LA PHOG PA'I DBANG GIS MA YIN TE, DE YIN NA RLUNG BSIR BU ZHIG LUS LA PHOG MA THAG NAS GRANG BA MI BZOD PA SKYE DGOS PA LAS DE MI SKYE BA'I PHYIR, DE BZHIN DU SKAD CIG THA MA KHO NAS KYANG MA YIN ZHING, GNYIS PA GSUM PA SOGS BAR GYI SKAD CIG RNAMS RE RE KHO NAS KYANG MA YIN RUNG DE DAG THAMS CAD TSOGS PA NA LUS LA GRANG BA'I SDUG BSNGAL @189 MI BZOD PA MYONG BAR 'GYUR BA LTA BU YIN LA, DES MTSON TE GZHAN LA YANG SHES PAR BYA GSUNGS, RTZA BA, AE MA MA BRTAGS GCIG POR NYAMS DGA' BA'I, , SNANG BA 'DI LA SNYING PO MA MCHIS MOD, , 'ON KYANG YOD PA LTA BUR SNANG BA YI, , CHOS 'DI ZAB STE DMAN PAS MTHONG BAR DKA', , ZHES PA NI RGYU MTSAN DE LTA BAS NA SNANG STONG GNYIS 'GAL MED DU 'CHAR BA'I TSUL 'DI NI SHIN TU NGO MTSAR CHE BA'I GNAS SU GZIGS NAS AE MA ZHES BRJOD PAR MDZAD NA; MA BRTAGS GCIG POR NYAMS DGA' BA STE 'DI YANG RNYING MA BA 'GA' ZHIG GI 'DOD PA LTAR RANG NYID GROGS MED GCIG PUR MA BRTAGS PAR BSDAD NA NYAMS DGA' BA YIN ZHES PA LTA BU MA YIN TE, RTEN 'BREL GYI CHOS 'DI RNAMS MA BRTAGS MA DPYAD PAR GCIG POR TE RANG SOR BZHAG NA SNA TSOGS CIR YANG 'CHAR BAR NUS PAS NA NYAMS DGA' BA STE NYAMS 'CHAR BA'I DON YIN LA, DE LTAR SNANG BA 'DI DAG LA RANG BZHIN GIS GRUB PA'I SNYING PO NI RTA RNGA @190 'BUM PHRAG BRGYAR BSHAGS PA'I CHA TZAM YANG MA MCHIS MOD, DA (60 NA) LTAR NA'ANG BDEN 'DZIN GYIS BSLAD PA DAG GI NGOR RANG BZHIN GYIS YOD PA LTAR SNANG BA YIN PAR YANG KHONG DU CHUD PAR BYED DGOS SHING, DE 'DRA BA'I STONG PA DANG RTEN 'BREL GNYIS GCIG GROGS SU GCIG 'KHYER SHES PA'I CHOS 'DI NI ZAB PA LAS KYANG CHES ZAB PA YIN MOD KYANG DMAN PA DAG GIS MTHONG BA STE RTOGS PAR DKA' BA YIN LA, 'DI'I SKABS KYI DMAN PA NI THEG PA DMAN PA TZAM LA MI BYA STE, RANG RGYUD PA DANG SEMS TZAM PA MAN CHAD KYI RANG SDE'I GRUB MTHA' SMRA BA RNAMS DANG, PHYI ROL PA DANG, GRUB MTHA' LA MA ZHUGS PA'I 'JIG RTEN RANG GA BA DANG BCAS PA RNAMS LA BYED PA YIN NO, , RTZA BA, DA NI TING 'DZIN MNYAM PAR 'JOG PA NA, , NGES PAR SNANG BA TZAM YANG CI ZHIG YOD, , YOD PA CI YOD MED PA'ANG CI ZHIG YOD, , YIN MIN DAM BCA' GANG DU SU ZHIG YOD, , CES PA NI, DE LTAR STONG PA NYID KYI DON LEGS PAR @191 GTAN LA PHAB ZIN RJES DA NI DON NYID LAS SEMS TING NGE 'DZIN TE RTZE GCIG TU 'DZIN PA'I SGO NAS MNYAM PAR 'JOG DGOS LA, DE'I TSE NA MNYAM BZHAG DE'I SNANG NGOR KUN RDZOB KYI SNANG BA MTHA' DAG LOG PAR 'GYUR BAS NGES PAR SNANG BA TZAM YANG MED DO, ,CES PA STE, 'DI DAG LA DGONGS NAS RJE THAMS CAD MKHYEN PA CHEN POS RNAM MKHYEN GYIS JI LTA BA GZIGS PA'I GZIGS NGOR JI SNYED PA MA GZIGS PAR GSUNGS PA LA SOGS PA RNAMS SNGON GYI MKHAS PA DAG GIS THUGS SU MA CHUD PAR DGAG PA MDZAD PA YIN TSUL DANG, DENG DUS MTSAN NYID KYI THUGS GNYER MDZAD PA RNAMS LA NI MANG DU MA ZHUS KYANG (60 BA) MKHYEN PAR 'GYUR LA, GZHAN DAG LA NI JI TZAM ZHUS KYANG DE BAS MANG DU SPRO BAR MI BYA GSUNGS, YOD PA CI YOD CES SOGS KYANG GONG GI STONG NYID LA MNYAM PAR BZHAG PA'I MNYAM BZHAG DE'I DBANG DU BYAS NA YOD PA CI ZHIG YOD CES MNYAM BZHAG DE'I GZIGS NGOR KUN RDZOB KYI SNANG BA CI ZHIG YOD DE MED CES DANG, MED PA'ANG CI ZHIG YOD CES PAS NI DE'I NGOR DON DAM PA'I STONG PA NYID NI MED PA'ANG MA YIN @192 PA'I DON DANG, DE BZHIN DU DE'I NGOR BDEN GRUB YIN MIN LA SOGS PA'I DAM BCA' BA'ANG GANG DUS SU ZHIG YOD DE CUNG ZAD KYANG MED CES PA'O, ,YANG SPYIR BTANG GI DBANG DU BYAS NA YOD PA CI YOD CES PAS DON DAM PA'AM RANG GI MTSAN NYID KYIS GRUB PA'I YOD PA NI NAM DU'ANG MED PA'I DON DANG, MED PA'ANG CI ZHIG YOD CES PA NI THA SNYAD TZAM DU'ANG MA GRUB PA'I MED PA YANG MA YIN PA'I DON DANG, YIN MIN DAM BCA' ZHES PA YANG, RGYU MTSAN DE'I PHYIR RANG BZHIN GYIS GRUB PA'I YOD PA YIN PAR RAM, THA SNYAD TZAM DU'ANG YOD PA MIN PAR DAM BCA' BA'I DBU MA PA CHEN PO NI GANG DU SU ZHIG YOD DE MED DO CES PA'I DON DU BYAS KYANG RUNG GSUNGS, RTZA BA, YUL DANG YUL GYI CHOS NYID MA MCHIS SHING, , BLANG DOR KUN BRAL SPROS DANG BRAL BA YI, , GNYUG MA'I NGANG DU BLO GROS MA BCOS PAR, , LHAN NER GNAS NA SKYES BU CHEN POR 'GYUR, , ZHES PA NI, DE LTAR YUL RNAMS BDEN PAR MA GRUB PA @193 BZHIN DU YUL GYI CHOS NYID STONG PA NYID KYANG MING DANG RTOG PAS PHAR BTAGS TZAM LAS RANG NGOS NAS GRUB PA MA MCHIS SHING, DE'I PHYIR DON DAM PAR 'DI NI BLANG BYA'O, , (61 NA) 'DI NI DOR BYA'O ZHES SOGS KYI THA SNYAD KUN DANG BRAL BA YIN LA, SPROS DANG BRAL BA ZHES PA NI CHOS NYID STONG PA NYID DE YUL DU BYED PA'I BLO DE'I NGOR GONG DU BSHAD PA LTAR KUN RDZOB KYI SPROS PA MTHA' DAG DANG YONGS SU BRAL BA BSTAN PA STE, DE LTA BU'I GNAS LUGS GNYUG MA DE'I NGANG DU BLO GROS MA BCOS PA STE MA YENGS PAR LHAN NER GNAS PA LA; YANG DANG YANG DU 'BAD PAR BYAS NA RING POR MI THOGS PAR STONG PA NYID MNGON SUM DU RTOGS PA'I SKYES BU CHEN POR 'GYUR RO ZHES PA'O, , RTZA BA, DE LTAR KUN RDZOB BYANG CHUB SEMS DANG NI, , DON DAM BYANG CHUB SEMS LA SPYAD PA YIS, , TSOGS GNYIS BAR CHAD MED PAR MTHAR PHYIN NAS, , RANG GZHAN DON GNYIS PHUN SUM TSOGS PAR SHOG , CES PA NI, DE LTAR SNGAR BSHAD PA DE DAG GI DON @194 BZHIN DU BDAG GCES 'DZIN SKYONG KUN GYI RTZA BA DANG GZHAN GCES 'DZIN YON TAN KUN GYI RTZA BAR BLTAS NAS BDAG GZHAN MNYAM BRJE'I NYAMS LEN LA 'BAD PA'I SGO NAS KUN RDZOB BYANG CHUB KYI SEMS SGOM PA DANG, DE'I RJES SU STONG NYID KYI DON LUNG DANG RIGS PA DANG DPE DANG GTAN TSIGS DU MA'I SGO NAS GTAN LA PHAB STE GNAS LUGS RTOGS PA'I THOS BSAM SGOM GSUM GYI SHES RAB GSUM RIM PA BZHIN DU BSKYED PA'I DON DAM BYANG CHUB KYI SEMS SGOM PA STE DE GNYIS ZUNG 'BREL DU NYAMS SU LEN PA LA 'BAD PAR BYAS PA'I MTHU LAS, BSOD NAMS YE SHES TSOGS RDZOGS SHING, ,BSOD NAMS YE SHES LAS BYUNG BA'I, , DAM PA SKU GNYIS THOB PAR SHOG ,CES PA LTAR MYUR DU BSOD NAMS DANG (61 BA) YE SHES KYI TSOGS GNYIS BAR CHAD MED PA MTHAR PHYIN NAS CHOS GZUGS KYI SKU GNYIS MNGON DU GYUR TE RANG DANG GZHAN GYI DON GNYIS KYI DPAL PHUN SUM TSOGS PA BDE BLAG TU THOB PAR 'GYUR BAR SHOG CIG , CES PA STE, SMON LAM RNAM PAR DAG PAS MJUG BSDU BAR MDZAD PA'O, , @195 RTZA BA, DGRA BO GNAD LA DBAB PA MTSON CHA'I 'KHOR LO ZHES BYA BA, ZHES PA'I DON NI SNGAR BSHAD PA LTAR YIN LA, RTZA BA, 'JIGS PA'I GCAN GZAN SNA TSOGS RGYU BA'I NAGS KHROD DU, ZHES PA NI, BLA MA DHARMA RAKshI TA CHEN PO NYID KYIS SGRUB PA MDZAD PA'I GNAS, STAG DANG, SENG GE LA SOGS PA'I 'JIGS PA'I GCAN GZAN GTUM PO SNA TSOGS RGYU BA'I NAGS KHROD DE NYID LA BYED PA'O, ,YANG NA STAG DANG SENG GE LA SOGS PA'I GCAN GZAN GTUM PO RNAMS DANG 'DRA BAR NYON MONGS PA SHAS CHER SPYOD PA LA GOMS PA'I MA RUNGS PA'I SKYE BO MI BSRUNG PA DU MAS YONGS SU GANG ZHING, SDIG PA DANG SDUG BSNGAL LA SOGS PA'I NAGS TSANG TSING 'KHRIGS PA'I KHROD DANG 'DRA BA'I SNYIGS MA LNGA BDO BA'I DUS NGAN 'DI NYID LA BYED NA'ANG RUNG NGO, , RTZA BA, LUNG RIGS RTOGS PA'I RNAL 'BYOR PA DHARMA RAKshI TA CHEN PO DES, ZHES PA NI, RANG DANG GZHAN GYI GRUB PA'I MTHA' SPYI DANG @196 KHYAD PAR DU YANG THEG CHEN THUN MONG DANG THUN MONG MA YIN PA'I LUNG DANG RIGS PA'I GNAS KUN LA SBYANGS PA PHUL PHYIN DU MDZAD PA LAS DE DAG GI DON MA LUS PA RTOGS SHING THUGS SU CHUD CING, JI LTAR RTOGS PA BZHIN DU NYAMS SU BZHES PA LAS RANG GI SEMS CHOS NYID RNAL MA LA MNGON SUM DU 'BYOR PA'I RNAL 'BYOR BA (62 NA) MTSAN DHARMA RAKshI TA CHEN PO STE CHOS BSRUNG BA ZHES PA'O, ,YANG NA 'GA' ZHIG NAS SH'I LA RAKshI TA ZHES KYANG 'BYUNG BAS DE LTAR NA TSUL KHRIMS BSRUNG BA ZHES PA STE GANG LTAR BYAS KYANG 'GAL BA MED CING, DE'I NANG NAS KYANG CHOS BSRUNG BA ZHES PA'I DBANG DU BYAS NA DE'I DON NI, CHOS ZHES PA NI MTSAN NYID PA'I LUGS LA GZHI GRUB TSAD CHOS SU 'DOD PA LTAR GYI DON MIN TE, RANG RGYUD NYON MONGS PA LAS 'CHOS SHING SKYOB PAR BYED PA LA CHOS SU GRAGS PA SKYES BU CHUNG NGU NAS BZUNG STE MI SLOB PA'I ZUNG 'JUG GI BAR GYI LAM NYAMS SU LEN PA'I RIM PA RNAMS TE DE DAG NAM DU YANG NYAMS PA MED PAR BSRUNG BAR MDZAD PAS NA CHOS BSRUNG BA ZHES BYA LA, YANG TSUL KHRIMS BSRUNG BA ZHES PA'I DBANG DU BYAS NA YANG CHOS @197 KYI RTZA BA TSUL KHRIMS RNAM PAR DAG PA BSRUNG BA LA RAG LAS PAS NA SO THAR BYANG SEMS, SNGAGS DANG BCAS PA'I TSUL KHRIMS MTHA' DAG LA KHA NA MA THO BA CUNG ZAD KYIS KYANG MA GOS PAR BSRUNG BAR MDZAD PAS NA DE LTAR DU GRAGS PA'O, , RTZA BA, BLA MA DAM PA'I GSUNG LTAR BSDEBS NAS, DUS KYI SNYIGS MA LA 'JIGS PA DANG BCAS PA'I NAGS KHROD DU NYAMS SU BLANGS PA'O, , ZHES PA NI DE 'DRA BA'I BDAG NYID CHEN PO DES RANG GI BLA MA MANG DU MCHIS PA DE DAG GIS GSUNG GI NYING KHU RNAMS PHYOGS GCIG TU TSIGS SU BCAD PA'I RIM PAR SDEBS NAS, DUS KYI SNYIGS MA LA BABS PA'I TSE 'JIGS PA DANG BCAS PA'I NAGS KHROD CES PA NI GONG DU (62 BA) BSHAD PA LTAR GYI SGRUB GNAS GCAN GZAN GTUM PO RGYU BA'I NAGS KHROD DE NYID DAM, YANG NA GTZO CHE BA NI DUS KYI SNYIGS MA LA BABS PA'I TSE SEMS CAN RNAMS PHA LA PHAR MI BRTZI, MA LA MAR MI BRTZI BA SOGS KYI LAS NGAN PA SNA TSOGS LA SPYOD CING NYON MONGS PA SHIN TU MANG BA SOGS NAGS KHROD STUG PO RAB TU 'JIGS PA DANG MTSUNGS PA'I DUS NGAN 'DI 'DRA BA'I @198 GNAS SKABS SU SEMS CAN GYI SPYOD PA NGAN PAS MI SKYO BAR 'GRO BA RMU RGOD MA RUNGS PA DE RNAMS 'DUL BA'I SLAD DU DANG; LHAG PAR DU YANG TSUL 'DI LTA BU LA THUGS DAM GYI MTHIL DU MDZAD PA'I SGO NAS RTZE GCIG TU NYAMS SU BLANGS PA'I DON NO, , RTZA BA, DES AA TI SHA LA GNANG NAS, AA TI SHAS KYANG GDUL DKA' BA'I SEMS CAN MANG PO 'DUL BA'I PHYIR, PHYOGS MTSAMS MED PAR NYAMS SU BLANGS PAS RTOGS PA 'KHRUNGS PA'O, , ZHES PA NI, BLA MA DHARMA RAKshI TA CHEN PO DES KYANG RANG NYID LA SLOB MA DPAG TU MED PA YOD PA RNAMS KYI NANG NAS MCHOG TU GYUR PA JO BO RJE DPAL AA TI SHA LA GNANG ZHING, AA TI SHAS KYANG SNYIGS MA'I DUS KYI SEMS CAN 'DUL DKA' BA RNAMS CHOS ZAB ZAB MOR GRAGS PA DANG LTA BA MTHON PO RLOMS PA'I CHOS SOGS KYIS 'DUL DKA' ZHING, 'DI 'DRA BA'I TSUL LA BRTEN NAS 'DUL DGOS PAR GZIGS TE DE'I PHYIR DU RANG NYID KYIS KYANG RGYA GAR DANG BOD LA SOGS PA PHYOGS DANG PHYOGS MTSAMS GANG DU BYON KYANG RGYUN CHAD MED @199 PAR THUGS NYAMS SU BZHES PA LAS BYANG CHUB KYI SEMS RNAM PA GNYIS (63 NA) KYIS MTSON PA'I NYAMS RTOGS BSAM LAS 'DAS PA 'KHRUNGS PA'O, , RTZA BA, TSIGS SU BCAD PA 'DI GSUNGS SO, , ZHES PA NI, DE LTAR RTOGS PA RMAD DU BYUNG BA THUGS RGYUD LA 'KHRUNGS PA NA RANG NYID KYI TSUL DE GZHAN DAG LA'ANG 'DOMS PAR MDZAD PA'I SLAD DU TSIGS SU BCAD PA 'DI DAG GSUNGS PA STE, GANG ZHE NA, RTZA BA, KHO BOS RGYAL SRID SPANGS NAS DKA' BA SPYAD PA'I TSE, , BSOD NAMS BSAGS PAS BLA MA MCHOG DANG MJAL, , ZHES TE, DE YANG DPAL LHA GCIG D'I PAm KA RA 'DI NYID ZA HOR GYI RGYAL PO'I RIGS SU 'KHRUNGS PAS RGYAL SRID KYI STOBS 'BYOR 'KHOR LOS BSGYUR BA DANG MTSUNGS PA LTA BU'I DPAL PHUN SUM TSOGS PA MNGA' NA'ANG DE DAG LA MA CHAGS PAR MCHIL BA'I THAL BA BZHIN DU DOR NAS BSTAN PA RIN PO CHER ZHUGS TE RI NAG PO'I DUR KHROD LA SOGS PA @200 DU MAR CHOS PHYIR DKA' BA DPAG TU MED PA SPYOD PAR MDZAD PA'I TSE, BSOD NAMS BSAGS PAS BLA MA MCHOG DHARMA RAKshI TA DANG MJAL ZHES GSUNGS PA STE, JO BO RJE LA BLA MA BSAM GYIS MI KHYAB PA YOD PA'I NANG NAS GSANG SNGAGS ZAB MO'I DBANG DANG MAN NGAG SOGS STON PAR MDZAD PA'I BLA MA'ANG MANG DU YOD MOD KYANG, DE DAG LAS KYANG DA DUNG BLA MA DHARMA RAKshI TA CHEN PO MCHOG TU GSUNGS PA NI 'TSANG RGYA BA'I THABS THAMS CAD KYI NANG NAS MCHOG TU GYUR PA BYANG CHUB KYI SEMS RNAM PA GNYIS NYAMS SU LEN PA'I TSUL 'DI NYID STON PAR MDZAD PAS NA, 'DI LAS LHAG PA'I GDAMS PA GZHAN MED PAR GZIGS (63 BA) NAS BLA MA THAMS CAD KYI NANG NAS BKA' DRIN CAN GYI MCHOG TU 'DZIN PAR MDZAD PA YIN TE DE LTAR YIN PA'I RGYU MTSAN DU, RTZA BA, DAM CHOS BDUD RTZI 'DI BSTAN CHOS DBANG BSKUL, , DING SANG GNYEN PO THOB NAS TSIG KYANG BZUNG, , ZHES GSUNGS PA STE, MDO SNGAGS KYI CHOS ZAB PA DANG RGYA CHE BA MTHA' KLAS PA DU MA ZHIG YOD PA'I NANG NAS RAB DANG @201 PHUL DU GYUR PA NYON MONGS PA'I GDUNG BA SEL BA LA BDUD RTZI DANG MTSUNGS PA SANGS RGYAS THAMS CAD KYI THUGS KYI NYING KHU PHYUNG BA LTA BU 'DI NYID BSTAN CING CHOS DBANG YANG BSKUR TE, DE'I TSUL YANG RNYING MA BA RNAMS KYIS CHOS DBANG SEMS LA BSKUR BA ZHES GSUNGS PA LTAR RANG CAG RNAMS SNGAR PHAN CHAD BDAG GCES 'DZIN 'BA' ZHIG GI DBANG DU SONG BAS SEMS LA DBANG CUNG ZAD KYANG MA THOB PA YIN PA LA; DA RES BLA MA DANG CHOS KYI BKA' DRIN LA BRTEN NAS PHYIN CHAD BDAG GCES 'DZIN LA DGRAR BLTAS SHING GZHAN GCES 'DZIN LA YON TAN DU BLTA BA'I BDAG GZHAN MNYAM BRJE'I NYAMS LEN LA 'BAD PAS RANG GCES 'DZIN GYI DBANG DU MI 'GRO BAR RANG SEMS LA DBANG THOB PA'AM DBANG BSGYUR NUS PA 'BYUNG BAS NA CHOS DBANG BSKUR BA ZHES BYA, DE'I PHYIR JO BO RJE RANG NYID KYIS KYANG BLA MA GZHAN LAS GSANG SNGAGS KYI DBANG LA SOGS PA JI SNYED CIG GSAN MOD KYANG DE DAG GI DBANG THOB CES MA GSUNGS PAR GDAMS PA 'DI NYID BSTAN PA LA CHOS DBANG BSKUR ZHES DMIGS KYIS BKAR NAS GSUNGS PA'ANG GSANG SNGAGS @202 KYI DBANG LA SOGS PA RNAMS MI ZAB PA GA LA YIN KYANG, (64 NA) DBANG BSKUR THAMS CAD KYI NANG NAS MCHOG TU GYUR PA NI SEMS LA DBANG THOB BYED KYI CHOS 'DI DAG YIN NO ZHES STON PAR MDZAD PA'I SLAD DU YIN, DE 'DRA BA'I GDAMS PA DE NYID THOB PA TZAM DU MA ZAD RTZE GCIG TU THUGS NYAMS SU BZHES PA LAS DING SANG GI DUS SU BDAG GCES 'DZIN GYI GNYEN PO THOB PA STE SNGAR GONG DU BSHAD PA LTAR BYANG CHUB KYI SEMS RNAM PA GNYIS LA SOGS PA'I NYAMS RTOGS BSAM LAS 'DAS PA 'KHRUNGS SHING, LHAG PAR DU PHYI RABS KYI GDUL BYA RNAMS LA BRTZE BA CHEN POS KUN NAS BSLANG STE GDAMS PA 'DI'I TSIG RNAMS KYANG MA BRJED PAR THUGS LA BZUNG NAS 'PHAGS PA'I YUL DANG BOD GANGS CAN GYI LJONGS KUN TU SPEL BAR MDZAD PA YIN, CES PA'O, , RTZA BA, GRUB PA'I MTHA' LA PHYOGS RIS MA MCHIS PAS, , BLO GROS BKRAM NAS KUN LA BSLAB PA'I TSE, , YA MTSAN DPAG MED BDAG GIS MTHONG MOD KYI, , @203 SNYIGS MA'I DUS 'DIR CHOS 'DIS PHAN PAR 'BYUNG, , ZHES GSUNGS PA NI, RANG GZHAN GYI GRUB PA'I MTHA' KUN DANG, KHYAD PAR DU YANG THEG PA CHE CHUNG GI GRUB MTHA' MDO DANG RGYUD SDE SOGS KUN LA PHYOGS DANG RIS SU MA PHYE BAR BLO GROS RGYA CHER BKRAM NAS KUN LA THOS BSAM RNAM PAR DAG PA'I SGO NAS SLOB PAR MDZAD PA'I TSE NA, DE DAG THAMS CAD LA YON TAN GYI KHYAD PAR DU MA GZIGS SHING, LHAG PAR DU YANG THEG CHEN THUN MONG BA DANG, THUN MONG MA YIN PA GSANG CHEN RDO RJE THEG PA'I GRUB MTHA' RNAMS NAS 'TSANG RGYA BA'I LAM (64 BA) NYAMS LEN GYI RIM PA ZAB CING RGYA CHE BA'I YA MTSAN GYI KHYAD PAR DPAG TU MED PA DU MA ZHIG BSTAN PA'ANG BDAG GIS MTHONG MOD KYI, DE LTA NA'ANG SNYIGS MA LNGA BDO BA'I DUS NGAN 'DI 'DRA BA'I GNAS SKABS SU NI GDUL BYA RNAMS DBANG PO RTUL ZHING NYON MONGS MANG BA SOGS KYI DBANG GIS, GSANG SNGAGS KYI CHOS ZAB ZAB MO RNAMS BSTAN KYANG BYA ROG GIS BTZAN DUG ZOS PA LTAR MA CHUN PA'I KHAR GNOD PAR 'GYUR BAS NA DE DAG GIS PHAN PA MI 'GYUR LA, DE BAS 'DI 'DRA BA'I @204 GDAMS PA RNAMS BSTAN NA SNGAR BSHAD PA LTAR 'TSANG RGYA BA'I THABS THAMS CAD KYI NANG NAS NI CHES MCHOG TU GYUR PA YIN PAR MA ZAD GANG ZAG DBANG PO RNO RTUL JI 'DRA ZHIG GIS NYAMS SU BLANGS KYANG DUG TU 'GYUR BA NAM DU YANG MI SRID PAS NA DENG SANG GI DUS SU NI CHOS 'DI KHO NAS SEMS CAN RNAMS LA PHAN PAR 'BYUNG NGO ZHES GSUNGS PA YIN LA, DES NA DENG DUS PHAL MO CHE ZHIG CHOS KYI MTHAR THUG 'DI 'DRA BA LA CIR YANG MI BRTZI ZHING MI PHAN PAR BZUNG NAS CHOS ZAB MO DANG, BZANG BZANG MOR GRAGS PA RNAMS LA DGA' BAR BYED PA DANG, LHAG PAR DU YANG THUN MONG LAM GYIS RGYUD CUNG ZAD TZAM YANG MA SBYANGS PAR DBANG RNON RIN PO CHE LTA BU'I SPYOD YUL DU GYUR PA'I GSANG SNGAGS KYI CHOS ZAB MO RNAMS LA DMAR 'JUS SU BYED PA'I BRTZIS BGYIS PA RNAMS NI JO BO RJE'I GSUNG DANG RGYAB 'GAL DU GYUR PA YIN TSUL DANG, 'DI DAG GI GSUNG BSHAD LAS 'PHROS NAS SNGAR MI LA RAS PA LA BLA MA RONG STON LHA DAGS (65 NA) RDZOGS CHEN GYI CHOS KYI RBAD KHAM MANG PO BSHAD PA'I LO RGYUS KYANG BKA' BSTZAL BAR MDZAD DO, ,ZHES @205 GSUNGS NAS RGYA BOD NA SLOB MA BSAM GYIS MI KHYAB PA'I NANG NAS BCOM LDAN 'DAS RJE BTZUN SGROL MA LA SOGS PA'I YI DAM GYI LHA DPAG TU MA MCHIS PAS LUNG BSTAN PA'I SLOB MA SNOD DANG LDAN PA AU PA SI KA LA MTHA' 'KHOB KYI GDUL BYA MA RUNGS PA 'DUL BA'I CHOS SU GNANG BA STE, , ZHES PA NI, DE LTAR JO BO RJES TSIGS SU BCAD PA DE DAG GSUNGS NAS RANG NYID LA RGYA GAR DANG BOD SOGS SU SLOB MA MKHAS PA DANG GRUB PA BRNYES PA BSAM GYIS MI KHYAB PA YOD PA'I NANG NAS BCOM LDAN 'DAS RJE BTZUN SGROL MAS JO BO RJE LA KHYED BOD DU SONG NA SPYIR BSTAN 'GRO MANG PO LA PHAN THOGS SHING, KHYAD PAR DU YANG AU PA SI KA LA PHAN THOGS PAR 'GYUR RO, ,ZHES LUNG BSTAN PA DANG, GZHAN YANG YI DAM GYI LHA DPAG TU MED PAS LUNG BSTAN PA'I SLOB MA SNOD DANG LDAN PA STE, SRAS KYI THU BO 'GRAN ZLA MA MCHIS PA AU PA SI KA ZHES DGE BSNYEN DU GRAGS PA 'BROM CHOS KYI RGYAL PO LA BRNOGS CHOS SU BSTZAL BAR MDZAD LA, DE'I TSE 'BROM GYIS JO BO LA KHYED KYIS SLOB MA GZHAN RNAMS LA GSANG SNGAGS KYI DBANG DANG, RJES GNANG DANG, MAN NGAG LA @206 SOGS PA DU MA ZHIG STZOL BAR MDZAD NAS, BYANG CHUB KYI SEMS KYI GDAMS PA 'DI KHO BO 'BA' ZHIG LA GNANG BA JI LTAR LAGS ZHES ZHUS PA NA, 'DI KHYOD MIN PA GZHAN LA STON SA MA RNYED CES GSUNGS PA DANG, KHYAD PAR DU BOD MTHA' 'KHOB KYI GDUL BYA MA RUNGS PA RNAMS GONG (65 BA) DU BSHAD PA LTAR CHOS ZAB ZAB MO SOGS KYIS 'DUL BAR DKA' BAS NA, MCHOG DMAN KUN GYI SKAL BA DANG 'TSAMS PA'I GDAMS PA 'DI 'DRA BA BSTAN NA 'GRO PHAN CHE BAR 'GYUR RO ZHES MTHA' 'KHOB KYI GDUL BYA 'DUL BA'I CHOS SU GNANG BA YIN LA, 'BROM CHOS KYI RGYAL POS KYANG JO BO'I BKA' BZHIN DU BYANG CHUB KYI SEMS KYI GDAMS PA 'DI DAG LA THUGS DAM GYI MTHIL DU MDZAD CING, SRAS KYI THU BO RNAMS KYIS GTZO MDZAD PA'I SNOD LDAN GYI SLOB MA BGRANG BA LAS BRGAL BA LA RGYA CHER BSTAN CING SPEL BA DANG, DE'I RJES SU BKA' GDAMS SKU MCHED GSUM LA SOGS PA'I BKA' GDAMS KYI SEMS DPA' CHEN PO RNAMS DANG, DUS PHYIS 'JAM MGON CHOS KYI RGYAL PO TZONG KHA PA YAB SRAS SOGS MDOR NA BKA' GDAMS GSAR RNYING GI SKYES CHEN DU @207 MAS RTZAL DU BTON NAS DAR RGYAS YUN RING DU SPEL BAR MDZAD PA YIN NO, ,LO PAn KYANG RGYAL BA YAB SRAS NYID KYIS MDZAD DO, ,ZHES PA NI, BKA' BSTAN BOD DU BSGYUR BA RNAMS KYI MJUG TU BSGYUR BYED LO PAn GYI MTSAN 'GOD SROL LTAR, SKABS 'DIR NI LO PAn KYANG GZHAN LA MA BLTOS PAR JO BO CHEN PO DANG 'BROM CHOS KYI RGYAL PO YAB SRAS RNAM GNYIS RANG NAS MDZAD PA'O, , DE LTAR BLO SBYONG MTSON CHA 'KHOR LO'I BSHAD LUNG 'DI NYID GONG DU ZHUS PA LTAR SNGAR DUS BLA MA BYAMS PA RIN PO CHES STZAL BA NAS DA LTA'I BAR DU SHIN TU NYAG PHRA BA LTA BUR GYUR 'DUG PAS DA RES KHO BOS NYAMS GSOS KYI TSUL DU RGYAS PAR ZHUS PA YIN PAS 'DIS MTSON TE, KHO BOS JI LTAR ZHUS PA THAMS CAD LA MCHOG DMAN KUN (66 NA) GYIS SNGAR PHAN KYANG GSAN DGONGS NYAMS BZHES PHUL PHYIN DU BYUNG BAS BKA' DRIN CHE ZHING, DA DUNG GTZO BOR GDAN SA CHEN PO GSUM GYI 'CHAD NYAN SGRIG LAM GYIS MTSON KHO BOS GANG ZHUS KUN LA TSANG MAS GSAN BZHES SNGAR MUS GONG 'PHEL DU YOD PA ZHIG DANG, DE LTAR BYUNG TSE BDAG KYANG @208 YUN RING PO'I BAR DU 'TSO ZHING LO LO BZHIN DU CHOS KYI RIM PA CI NUS SU 'BUL BAR BGYI BAS DE LTAR THUGS YUL DU BZHAG PA DANG, KHYAD PAR DU YANG 'JAM MGON CHOS KYI RGYAL PO TZONG KHA PA CHEN PO'I BSTAN PA 'DI YANG DUS MTHAR MI NYAMS SHING YUN RING DU 'PHEL BA'I THABS TSUL LA 'BAD PA ZHIG MCHOG DMAN KUN GYIS CIS KYANG NAS BKA' DRIN SKYONG BAR ZHU, ,ZHES GDUL BYA'I TSOGS RNAMS BRTZE BAS MI BSKYUD PA'I BKA' SLOB RGYA CHE 'BYAMS KLAS SU STZAL BAR MDZAD DO, ,DE YAN CHAD KYIS BLO SBYONG MTSON CHA 'KHOR LO'I GSUNG BSHAD RAGS RIM ZIN BRIS SU BKOD ZIN TO,, ,, ` SMRAS PA, RGYAL GSUNG MDO SNGAGS DAM PA'I RAB DANG PHUL, ,'PHAGS BOD MKHAS GRUB DU MA'I THUGS KYI BCUD, , SKAL LDAN THAR PAR BGROD PA'I LAM PO CHE, ,RNAM DAG SEMS GNYIS SBYONG BA'I TSUL LAS CI, ,DE SLAD SRAS BCAS RGYAL BA'I YE SHES SPYI, ,SNYIGS DUS BSTAN 'GRO'I NYIN BYED 'JIG RTEN MIG ,RDO RJE 'CHANG DBANG GRAGS PA DON LDAN PA'I, ,MGON PO MCHOG DE'I THUGS RJE'I KLONG CHEN NAS, ,BYANG CHUB SEMS KYI CHOS TSUL LAM GSUM 'GRO ,(66 BA) NANG GI DRI MA @209 'KHRUD PA'I DAG BYED RGYUN, ,LUNG RIGS GSER GYI BYE MA 'DREN BZHIN PAR, ,GDUL BYA'I YID KYI MTSO LA RTAG TU 'BAB; ,DE LAS CHA SHAS ZEGS MA CUNG ZAD TZAM, ,BDAG BLO'I BUM PAR 'KHYIL 'DI'ANG 'GRO TSOGS KYI, ,GCES 'DZIN TSA BA'I GDUNG BA SEL BA'I PHYIR, ,REG ZIG BRGYAD LDAN MCHOD YON NYID DU BSGRENGS, ,'DI NI DUG LNGA'I NAD SEL SMAN CHEN TE, ,BDAG 'DZIN DRI MA 'KHRUD PA'I CHU KLUNG DANG; ,BYANG CHUB SEMS MCHOG BSKYED PA'I MA MA STE, ,KUN MKHYEN THAR PAR BGROD PA'I STEGS KYANG YIN, ,GZHAN DAG MTHON PO'I CHOS KYI STONG 'UR DANG, ,ZAB ZAB GZHAN MGO BSKOR BA'I 'KHOR LO DANG, ,NGAN SPYOD NGO SOR 'KHYER BA'I GSANG SNGAGS RNAMS, ,RANG GZHAN NGAN 'GROR 'KHRID PA'I LAM CHEN YIN, ,DE BAS THAMS CAD MKHYEN PA'I GO 'PHANG ZHES; ,GTAN DU BDE BA'I SA DER BGROD 'DOD NA, ,LAM GYI GNAD KUN 'DUS PA'I GDAMS PA 'DI, ,NYAMS SU BLANGS NA RANG GZHAN DON GNYIS 'GRUB, ,TSUL 'DIR 'BAD PA'I DGE BA GANG MCHIS DES, ,RJE BTZUN BLA MA SUM LDAN RDO RJE 'CHANG; ,ZHABS ZUNG SRID MTHAR BRTAN CING MDZAD 'PHRIN @210 GYI; ,BA DAN PHYOGS KYI 'KHOR LO 'GENGS PAR SHOG ,BSTAN PA'I SNYING PO 'JAM MGON BLA MA'I SROL, ,MI NYAMS YUN DU GNAS SHING 'GRO BA KUN, ,BSLAB GSUM RNAM PAR DAG PAS RGYUD SBYANGS TE, ,RING MIN SKU BZHI'I SA LA REG GYUR CIG , CES KHYAB BDAG RDO RJE 'CHANG BLO BZANG YE SHES BSTAN PA RAB RGYAS DPAL BZANG PO NAS CHU BYA LO BZHI SDE DGA' LDAN BSAM GTAN GLING DU 'DUS PA RGYA MTSOR BLO SBYONG MTSON CHA 'KHOR (67 NA) LO'I BSHAD LUNG STZAL SKABS KYI GSUNG BSHAD ZIN BRIS 'DI NI, GTZO BOR RDO RJE 'CHANG CHEN PO NYID LA SNGAR DUS AO HAN THON BLO BZANG DNGOS GRUB SOGS NAS BLO SBYONG 'DI NYID KYI 'GREL PA ZHIG DGOS TSUL ZHUS PA DANG, DUS PHYIS KYANG DON GNYER CAN MANG POS GSOL BA BTAB KYANG ^MGON PO MCHOG NYID THA MAL GDUL BYA'I SNANG NGOR 'DREN BYED MI GSAL BA'I TSUL BSTAN GYI 'PHRAL DU STZAL THUB MIN LA, DA RES BKA' CHOS CHEN MOR GNANG BA'I DUS 'DIR ZIN BRIS 'GREL PA'I GO CHOD PA ZHIG BGYID DGOS ZHES RDO RJE'I BKA' LUNG SPYI BOR BSTZAL BA DANG, GZHAN YANG DON GNYER BA DU MAS BKA' PHEBS BZHIN DANG DU BLANGS @211 TE RDO RJE 'CHANG NYID LA GSOL BA 'DEBS BZHIN PAR RANG BLOR GANG NGES RAGS BSDUS ZIN BRIS SU SPEL BA PO NI MGON PO NYID KYI SLOB BU'I THA SHAL SER STOD MKHAN PO SPRUL MING 'DZIN PA BLO BZANG 'PHRIN LAS RNAM RGYAL TE 'DIS KYANG 'GRO KUN BYANG CHUB KYI SEMS RNAM PA GNYIS KYIS RGYUD YONGS SU SBYANGS TE MYUR DU MI SLOB PA'I ZUNG 'JUG LA REG PA'I RGYUR GYUR CIG ,SARBA MANGG'A LAm,, ,, @212 *, ,BYANG CHUB LAM GYI RIM PA'I DMAR 'KHRID 'JAM DPAL ZHAL LUNG GI 'KHRID RGYUN BSDUS PA LHO BRGYUD DU GRAGS PA BZHUGS SO, ,SHU BHAm,, SVASTI, THABS SHES ZUNG (1 NA) 'JUG TSOGS GNYIS RGYA MTSO LAS, ,LEGS 'KHRUNGS MTSAN DPE'I YAL 'DAB RAB RGYAS RTZER, ,CHOS KUN MKHYEN BYED BYANG CHEN 'BRAS SMIN PA, , 'GRO MGON YONGS 'DU'I DBANG POS DGE LEGS STZOL, , 'JAM MGON NGAG GI DBANG PHYUG MKHYEN PA'I LHA, ,MKHAS BTZUN BZANG PO'I RNAM ROL TZONG KHA PA'I, ,BSHAD SGRUB BSTAN PA DAR ZHING RGYAS BYED PA'I, ,YONGS 'DZIN BSHES GNYEN MCHOG LA GUS PAS 'DUD, , DE LA 'DIR SKAL BA DANG LDAN PA'I GANG ZAG SANGS RGYAS KYI SAR 'KHRID PAR BYED PA'I SKYES BU GSUM GYI LAM GYI RIM PA'I 'KHRID 'DI (2 NA) NYID NYAMS SU LEN PAR BYED PA LA, SNGON 'GRO DNGOS GZHI RJES KYI RIM PA DANG GSUM, @213 DANG PO SNGON 'GRO LA SKYABS SEMS DANG, BSHES GNYEN BSTEN PA'I TSUL GNYIS, DANG PO NI BSNGAGS 'OS BSNGAGS BSTOD LAS, KHYOD KYI GANG LAS 'GRO BA DAG ,MA DRANGS RGUD PA DE GANG MCHIS, GANG DANG 'JIG RTEN MA SPRAD PA'I, ,PHUN TSOGS DE YANG GANG ZHIG MCHIS, ,ZHES SANGS RGYAS KYI MTHU LAS MA BYUNG BA'I RGYU GZHAN GYIS 'GRO BA RNAMS SRID ZHI'I RGUD PA LAS THAR BA DANG, GNAS SKABS DANG MTHAR THUG GI BDE BA LA LONGS SPYAD DU YOD PA NI CUNG ZAD TZAM YANG MED CING; YON TAN KHYAD PAR CAN DANG LDAN PA'I SANGS RGYAS DE NYID; DAM PA'I CHOS 'GOG PA DANG LAM GYI BDEN PA LAS BYUNG LA, DE TSUL BZHIN DU SGRUB PAR BYED PA (2 BA) YANG, SLOB PA DANG MI SLOB PA'I DGE 'DUN RNAMS LA RAG LUS PA'I PHYIR NA, SKYABS YUL DAM PA DE RNAMS LA BDAG DUS DENG NAS BZUNG STE SANGS RGYAS MA THOB KYI BAR DU MGON SKYABS DANG DPUNG GNYEN ZHU SNYAM PA'I MOS PA DUNG DUNG BA ZHIG BYAS PA'I MTHUS, SKYABS GNAS DE DAG LA MKHYEN BRTZE NUS GSUM GYI YON TAN KHYAD PAR CAN MNGA' BAS BYA NAM MKHA' LA 'PHUR BA LTAR BYON TE MDUN GYI NAM MKHAR SPRIN @214 GYI PHUNG PO'I DBUS SU BZHUGS PAR GSAL BTAB, DE NAS RANG GI G-YAS G-YON DU TSE 'DI'I PHA MAS THOG DRANGS PA'I KHAMS GSUM GYI SEMS CAN THAMS CAD 'KHOD PAR BSAMS NAS BDAG SOGS SEMS CAN THAMS CAD LAS DANG NYON MONGS PA'I DBANG GIS MTHA' MED CING GTING ZAB PA'I 'KHOR BA SDUG BSNGAL GYI RGYA MTSO CHEN PO 'DIR CHUD NAS SDUG BSNGAL GYIS MNAR BA'I TSUL LA, DGRA MI SHA BOS DA LTA RANG GSOD DU CHA TZAM GYIS 'JIGS SKRAG DANG, 'JIGS PA DE LAS SKYOB PA'I NUS PA DKON MCHOG GSUM LA YOD PAR YID CHES PA'I DAD PA DANG, YON TAN KHYAD PAR CAN DE RANG RGYUD LA MNGON DU BYA 'DOD DANG, SKYID SDUG LEGS NYES CI BYUNG YANG KHYED SHES SNYAM PA'I YID CHES (3 NA) KYI BLO LINGS BSKYUR DANG, SEMS CAN LA DMIGS PA'I SNYING RJE'I DBANG GIS, 'DI RNAMS SDUG BSNGAL LAS SGROL BA'I NUS PA DA LTA RANG LA MED KYANG DKON MCHOG LA GSOL BA BTAB STE RGYAB RTEN BCOL NA YOD PAR NGES PA'I SGO NAS 'DI LTAR, BDAG DANG 'GRO BA NAM MKHA'I MTHA' DANG MNYAM PA'I SEMS CAN THAMS CAD DUS 'DI NAS @215 BZUNG STE BYANG CHUB SNYING PO LA MCHIS KYI BAR DU DPAL LDAN BLA MA DAM PA RNAMS LA SKYABS SU MCHI'O, ,SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,ZHES MANG NYUNG CI RIGS PA BRJOD, SKYABS 'GRO'I NYAMS LEN ZIN PA'I MJUG TU, BLA MA DANG DKON MCHOG RIN PO CHE RNAM PA GSUM LA SKYABS SU MCHI'O, KHYED RNAMS KYIS BDAG GI RGYUD BYIN GYIS BRLAB TU GSOL, KHYAD PAR DU YANG SKYES BU GSUM GYI LAM GYI RIM PA MYUR DU RGYUD LA SKYE BAR BYIN GYIS BRLAB TU GSOL ZHES GSOL BA 'DEBS, ` SEMS BSKYED PA NI, BDAG GIS SEMS CAN THAMS CAD KYI DON DU (3 BA) RDZOGS PA'I SANGS RGYAS KYI GO 'PHANG THOB PAR BYA, DE'I CHED DU SKYES BU GSUM GYI LAM GYI RIM PA NYAMS SU BLANG BAR BYA'O ZHES SEMS BSKYED, GNYIS PA BSHES GNYEN BSTEN PA'I TSUL NI, MDO SDE RGYAN LAS, BSHES GNYEN DUL BA ZHI BA NYER ZHI BA, ,YON TAN LHAG PA BRTZON BCAS LUNG GIS PHYUG ,DE NYID RAB TU RTOGS @216 LA SMRA MKHAS LDAN, ,BRTZE BA'I BDAG NYID SKYO BA SPANGS LA BSTEN, ,ZHES BSTEN BYA DGE BA'I BSHES GNYEN GYI MTSAN NYID DANG, SLOB MA YANG, BZHI BRGYA PA LAS, GZUR GNAS BLO LDAN DON GNYER BA, ,NYAN PO SNOD CES BYA BAR BSHAD, , CES RANG PHYOGS LA CHAGS SHING GZHAN PHYOGS LA ZHE SDANG BA'I PHYOGS LHUNG DANG BRAL ZHING, NYES BSHAD DANG LEGS BSHAD KYI BLANG DOR 'BYED NUS PA'I BLO GROS CAN, DAM PA'I CHOS LA DON GNYER CHEN PO DANG LDAN PA, CHOS SMRA BA PO LA GUS SHING YID LEGS PAR GTOD PA STE YON TAN LNGA DANG LDAN PA'I SLOB MA ZHIG DGOS LA, DE LTA BU'I SLOB DPON DANG SLOB MA ZUNG DU 'BREL NA GSHOG PA GNYIS LDAN GYI BYA NAM MKHA' LA 'PHUR BA LA TSEGS MED PA BZHIN RNAM GROL SGRUB LA DE TZAM GYIS DKA' BA RANG MI 'DUG PAS, MTSAN NYID DE LDAN GYI SLOB MA DES KYANG BSHES GNYEN BSTEN PA'I TSUL LA; BSAM PAS BSTEN PA'I TSUL DANG, SBYOR BAS BSTEN (4 NA) PA'I TSUL GNYIS, DANG PO NI DKON MCHOG TA LA'I GZUNGS LAS, DAD PA SNGON 'GRO MA LTAR BSKYED PA STE, ,YON TAN THAMS CAD BSRUNG SHING 'PHEL BAR BYED, ,CES DGE @217 BA'I BSHES GNYEN LA MI PHYED PA'I DAD PA ZHIG NGES PAR SNGON TU 'GRO BA GAL CHE LA, BSHES GNYEN DE YANG SKYON KUN ZAD YON TAN KUN LDAN ZHIG TU MTHONG DGOS PA LA, RTZOD LDAN DBANG GIS BLA MA SKYON DANG YON TAN 'DRES, ,ZHES 'O SKOL LAS MA DAG PA'I GDUL BYA'I SNANG NGOR SKYON YON 'DRES MAR 'ONG BAS SKYON RTOG GI BLO DE DGAG DGOS, SKYON RTOG GI BLO SEL BA LA YANG DPER NA DBANG SHES 'KHRUL BA'I NGOR SHIN TU DKAR BA'I GANGS RI SNGON PO 'CHAR BA DANG, MKHRIS PA'I NAD KYIS GTZES PA'I MIG SHES KYIS DUNG SER POR MTHONG BA DANG KHYAD PAR GA LA YOD, YANG DAG PAR RDZOGS PA'I SANGS RGYAS SKYON KUN ZAD YON TAN THAMS CAD DANG LDAN PA DE LA'ANG LEGS SKAR LHAS SBYIN MU STEGS BYED LA SOGS PA RNAMS KYIS SKYON DANG NYES PA'I GONG BUR MTHONG ZHING, 'PHAGS PA THOGS MED KYIS RJE BTZUN BYAMS PA KHYI MO KHOG SMAD 'BUS G-YENGS PAR GZIGS PA DANG; SLOB DPON SANGS RGYAS YE SHES ZHABS KYIS SLOB DPON 'JAM DPAL BSHES GNYEN KHYIM BTZUN RGAD PO CHOS GOS KYIS THOD BYAS NAS RMO RMOD CING ROL NANG GI SEMS @218 CAN (4 BA) MANG PO CHU NANG DU 'TSOD PAR GZIGS PA DANG; N'A RO PAS TE LO PA NYA GSON SREG BYED PAR GZIGS PA DANG, DGE TSUL TSEM BU PAS RDO RJE PHAG MO MDZE MOR MTHONG BA DANG, YAB SRAS MJAL BA'I MDO LAS, DE BZHIN GSHEGS PAS BDUD DU SPRUL NAS SEMS CAN GYI DON MDZAD PAR YANG BSHAD PAS, RGYU MTSAN DE DAG DANG RANG GI MTHONG TSUL LA KHYAD PAR MED SNYAM DU BSAM, SKYON GYI CHA PHRA MO YANG DGAG GANG THUB DANG YON TAN CHUNG NGU LA YANG DAD PA CI 'PHEL DU BYA BA NI RANG LA LEGS TSOGS DNGOS GRUB THAMS CAD KYI RTZA BAR YOD PAS GNAD SHIN TU CHE, GUS PA CHEN PO SKYED PAR BYED PA LA BKA' DRIN RJES SU DRAN PA GAL CHE BAS, BDAG GI BLA MA DAM PA 'DIS DMU RGOD GDUL DKA' BA'I 'GRO BA RNAMS 'DREN PA'I SLAD DU, DUS GSUM BDE GSHEGS KUN GYI RANG GZUGS THA MAL PA'I RNAM PAR SPRUL NAS BYON PA YIN PAS SKYON KUN ZAD CING YON TAN THAMS CAD LDAN PA'I CHA NAS SANGS RGYAS RNAMS DANG KHYAD PAR MA MCHIS KYANG, RANG NGOS NAS SANGS RGYAS @219 LAS KYANG LHAG STE SANGS RGYAS DNGOS SU MJAL YANG DE PHAN CHAD LAS 'GRO RGYU MED PA'I ZAB PA DANG RGYA CHE BA'I CHOS NI DGE BA'I BSHES GNYEN GYIS LEGS PAR BSTAN CING THOS, RANG GIS NYAMS SU LEN PAR NUS NA THAR PA DANG THAMS CAD MKHYEN PA THOB PAR NI THE MI TSOM, TSE 'DIR NAD DANG DGRA SOGS (5 NA) KYI 'JIGS PA LAS SKYOB CING ZAS GOS 'BYOR BA STER BAR BYED PA LA YANG DRIN CHE BAR BYED NA, 'KHOR BA SPYI DANG BYE BRAG GI SDUG BSNGAL LAS SKYOB CING GTAN GYI BDE BA BLA NA MED PA STER BAR MDZAD PA'I BKA' DRIN 'DI NI STONG GSUM GSER GYIS BKANG YANG GZHAL BAR GA LA NUS, RANG NGOS NAS DUS GSUM GYI SANGS RGYAS THAMS CAD LAS BLA MA DAM PA 'DI NYID BKA' DRIN CHE ZHING LHAG PAR GDON MI ZA SNYAM PA'I DAD PA DANG GUS PA SNYING KHONG RUS PA'I GTING NAS BSAM ZHING LUS KYI BA SPU G-YO BA MIG NAS MCHI MA MA BYUNG GI BAR DU BSGOM, GNYIS PA SBYOR BAS BSTEN PA'I TSUL NI, BLA MA LNGA BCU PA LAS, 'DIR MANG SMOS PA CI ZHIG DGOS, ,BLA MA DGYES BYED GANG YIN BYA, ,MI MNYES BYED KUN SPANG BA NI, ,DE DANG @220 DE LA 'BAD DE BRTAG ,CES SNGON BDAG CAG GI STON PAS CHOS TSIGS BCAD GCIG THOS PA'I DON DU SKU LUS LA MAR ME STONG BTZUGS PA, LCAGS GZER STONG BTAB PA, BU DANG BTZUN MO MNGA' 'BANGS LONGS SPYOD THAMS CAD PHUL BA, RTAG TU NGUS CHOS 'PHAGS, N'A ROS TE LO, JO BOS GSER GLING PA, BSES 'BROG MI, MI LAS MAR PA BSTEN PA SOGS DAM PA GONG MA RNAMS KYI RNAM THAR LA CHOS PHYIR LUS SROG LA BLTOS PA MED PAR DKA' BA SPYAD PA BSAM GYIS MI KHYAB, BLA MA DE ZANG ZING GI DNGOS PO SOGS LA (5 BA) GZIGS PA MIN NA'ANG GNAS SKABS DE DAG LA BLTOS PA LTAR MDZAD PA NI GDUL BYA TSOGS RDZOGS PA LA DGONGS PA YIN PAS, DE BYIN SANGS RGYAS THAMS CAD LA, ,RTAG TU PHUL BA NYID DU 'GYUR; ,DE PHUL BSOD NAMS TSOGS YIN TE, ,TSOGS LAS DNGOS GRUB MCHOG TU 'GYUR, ,ZHES RANG NYID KYI GCES NOR YOD RGU MTHA' DAG DBUL ZHING, BYA BAR DKA' BA'AM BYED DU MI RUNG BA 'DRA ZHIG GYIS GSUNGS, 'DI BDAG LA PHAN PA ZHIG YOD PAR GOR MA CHAG SNYAM DU TSAM TSOM MED PAR 'JUG PA'AM YE NAS MI 'GRUB CING MI RUNG BA ZHIG 'DUG @221 NA; RIGS PA YIS NI MI NUS NA, ,MI NUS DE LA TSIG GIS SBYANG; ,ZHES BSHAD SBYANG LEGS PAR BYED PA ZHIG DGOS KYI JI MI SNYAM PAR 'JOG PA YE MI RUNG, GTZO BO NI SGRUB PA'I MCHOD PAS MNYES PAR GSUNGS PAS JI LTAR BSTAN PA'I CHOS RNAMS THOS BSAM SGOM GSUM GYIS GTAN LA 'BEBS DGOS PAR GDA', DE YANG MGON PO GSER GLING PA'I RNAM THAR YIN PAS, GNAS KHANG BYI DOR BYAS LA DKON MCHOG GSUM GYI SKU GSUNG THUGS KYI RTEN BKRAM, CI 'BYOR BA'I MCHOD PA G-YO MED CING BKOD PAS MDZES PAR BSHAMS, RANG NYID BDE BA'I STAN LA BAG MED PA'I 'DUG TSUL MIN PA'I SKYIL KRUNG NGAM SKYIL KRUNG PHYED PA SOGS SPYOD LAM GANG YANG RUNG BAS 'KHOD DE, 'DIR BLA MA'I RNAL 'BYOR LA BRTEN PA'I (6 NA) TSOGS ZHING RNAMS SMAN BLA'I MDO CHOG LAS BYUNG BA BZHIN MGRON THABS SU SPYAN 'DREN PA YIN PAS; SA GZHI DANG KHRI SOGS BYIN GYIS BRLAB PA'I TSUL NI, THAMS CAD DU NI SA GZHI DAG ,CES SOGS BRJOD CING RIN PO CHE'I SA GZHI LAG MTHIL LTAR KHOD SNYOMS PA'I STENG DU, RIN CHEN DU MA LAS GRUB SENG GE'I KHRI, ,YID 'ONG SNA TSOGS @222 GOS KYIS BKAB PA 'DI, ,ZHES SOGS SENG GES BTEGS PA'I RIN PO CHE'I KHRI YID DU 'ONG BA DE'I G-YAS G-YON RNAMS SU RIN PO CHE'I KHRI RTZA BRGYUD KYI BLA MA'I GRANGS DANG MNYAM PA RGYAB MDUN DANG MTHO DMA'I RNAM PAS BANG RIM GYI DBYIBS LTA BU BKOD PAS MDZES PA ZHIG GSAL BTAB, RNAM DAG CHOS KYI DBYINGS LAS MA G-YOS KYANG, ,THUGS RJES TSAD MED 'GRO LA PHYOGS BCUR GZIGS, ,RGYAL BA KUN GYI 'PHRIN LAS RGYAS MDZAD PA'I, ,DUS GSUM BLA MA 'KHOR BCAS GNAS 'DIR GSHEGS, ,MA LUS SEMS CAN KUN GYI MGON GYUR CING, ,ZHES SOGS KYIS SPYAN DRANGS PAS CHOS 'DI STON PA'I DRIN CAN RTZA BA'I BLA MA DANG GNYIS SU MED PA'I STON PA MNYAM MED SH'AKYA'I RGYAL PO LA RGYA CHEN SPYOD BRGYUD DANG ZAB MO LTA BRGYUD KYI BLA MA RNAMS KYIS BSKOR BA, DE'I MTHAR THEG PA GSUM GYI SLOB PA DANG MI SLOB PA'I DGE 'DUN SPRIN GYI PHUNG PO 'KHRIGS PA LTA BUS BSKOR TE MA GADHA (6 BA) BZANG MO'I GTAM RGYUD LAS JI LTAR BYUNG BA BZHIN BYON NAS STAN BSHAMS PA RNAMS LA BZHUGS PAR MOS, KHRUS KYI KHANG PA SHIN TU DRI ZHIM PA, ,SOGS KYIS KHRUS @223 KHANG BSKYED, RANG GI LUS BRGYA STONG KHRI 'BUM SOGS BLOS GANG LCOGS SU SPRUL NAS DRI BZANG GI CHUS BKANG BA'I RIN PO CHE'I BUM PA THOGS TE, JI LTAR BLTAMS PA TZAM GYIS NI, , ZHES SOGS KYIS KHRUS GSOL, STONG GSUM KUN TU DRI NGAD ZHES SOGS KYIS DRI PHUL, SRAB 'JAM YANG BA LHA YI GOS, , ZHES SOGS KYIS NA BZA' PHUL, BDAG DANG 'GRO LA ZHES SOGS KYIS BZHUGS SU GSOL, BSAG SBYANG GI GNAD BSDUS PA YAN LAG BDUN PA'I THOG MAR PHYAG 'TSAL BA NI, 'DREN PA MNYAM MED CES SOGS LAM RIM GSOL 'DEBS PHYAG 'TSAL DU 'DON PA BSGYUR, JI SNYED SU DAG CES PA NAS, BDE BAR GSHEGS PA THAMS CAD BDAG GIS BSTOD, ,CES PA'I BAR GYIS PHYAG BYA, MCHOD PA'I THOG MAR MAndAL TSOM BU SO BDUN MAS SNA DRANGS MANG KHYAD TSOM BU BDUN MA GTZO BOR BYAS TE GRANGS NYER GCIG SOGS DBUL, ME TOG DAM PA ZHES PA NAS, RGYAL BA KUN LA PHYAG 'TSAL MCHOD PAR BGYIS; ,ZHES PA'I BAR GYIS MCHOD PA DBUL, 'DOD CHAGS ZHES PA NAS, THAMS CAD BDAG GIS BYANG CHUB PHYIR BSNGO'O, , ZHES PA'I BAR GYIS YAN LAG LHAG MA RNAMS BYA'O, , @224 DNGOS GZHI LA BRTEN NAS BLO JI LTAR SBYANG BA'I RIM PA, GNYIS PA (7 NA) DNGOS GZHI BSTEN NAS BLO JI LTAR SBYANG BA'I RIM PA LA, DAL BA'I RTEN LA SNYING PO BLANG BA'I PHYIR DU BSKUL BA DANG, SNYING PO JI LTAR LEN PA'I TSUL GNYIS; DAL 'BYOR NGOS BZUNG BA, DON CHE BAR BSAM PA, RNYED DKA' BAR BSAM PA DANG GSUM, DANG PO NI LOG LTA CAN; NGAN 'GRO GSUM, SANGS RGYAS MA BYUNG BA, YUL MTHA' 'KHOB; GLEN LKUGS, LHA TSE RING PO STE MI KHOM PA'I GNAS BRGYAD DANG BRAL BA'I DAL BA BRGYAD DANG LDAN ZHING, SPYIR MI LUS THOB PA, DE'I NANG NAS CHOS TSIGS KYIS PHYE BA'I YUL DBUS SU SKYES PA, DBANG PO'I SGO LNGA TSANG BA, MTSAMS MED LNGA MA BYAS PA, SDE SNOD GSUM LA DAD PA STE RANG 'BYOR LNGA DANG; GZHAN 'BYOR LNGA, SANGS RGYAS 'JIG RTEN DU BYON PA, DES DAM PA'I CHOS GSUNGS PA, GSUNGS PA'I BSTAN PA MA NYAMS PAR GNAS PA, BSTAN PA DE LA RANG NYID BZHUGS PA, SBYIN BDAG SOGS KYIS ZAS GOS KYIS MTSON PA'I MTHUN @225 RKYEN STER BAR BYED PA STE 'BYOR PA BCU DANG BCAS PA'I DAL 'BYOR GYI CHOS BCO BRGYAD PO DA LTAR RANG GIS THOB PA'I MI LUS 'DI LA TSANG NGAM MA TSANG SNYAM DU BSAMS NAS, TSANG 'DUG NA YID DGA' BA LHANG BA ZHIG MA SKYES KYI BAR DU BSGOM DGOS PA YIN TE, DA LTA DAL 'BYOR DANG LDAN PA'I MIR RLOM PA MTHA' DAG BRTAGS SHING DPYAD NA MA TSANG BA SHIN TU MANG GSUNGS, GNYIS PA DON CHE BAR BSAM PA NI, (7 BA) SLOB SPRINGS LAS; BDE GSHEGS LAM RTEN 'GRO BA 'DREN PAR CHAS GYUR CING; ,SEMS KYI STOBS CHEN MI YIS RNYED PA GANG YIN PA, , LAM DE LHA DANG KLU YIS RNYED MIN LHA MIN DANG, ,MKHA' LDING RIG 'DZIN MI'AM CI DANG LTO 'PHYES MIN, ,ZHES NGAN SONG GSUM NI MI DGE BA'I RNAM SMIN LA GTZO BOR SPYOD PAS, RTEN DE LA LAS GSOG PA'I NUS PA HA CANG MI CHE, LHA RNAMS NI DGE BA'I RNAM SMIN LA LONGS SPYOD KYANG LAS GSOG PA'I MTHU CHUNG, MI RNAMS NI LAS DGE SDIG GSOG PA'I NUS PA STOBS CHE ZHING, KHYAD PAR RANG CAG 'DZAM BU GLING PA RNAMS LAS KYI SA PA YIN PAS BLANG DOR MA NOR BA'I MDUN MA ZHIG @226 BYAS TSE MNGON MTHO LHA MI'I RTEN, NYAN RANG GI MYANG 'DAS, 'GRO BA RNAMS BDE BAR GSHEGS PA'I SAR 'KHRID PA'I SEMS BSKYED, SANGS RGYAS KYI GO 'PHANG RNAMS PHUL DU BYUNG BA SGRUB PAS BDAG GIS THOB PA 'DI YID BZHIN GYI NOR BU LAS KYANG CHES LHAG PA ZHIG 'DUG GO SNYAM DU DBUL POS GTER RNYED PA LTA BU'I DGA' BA LHANG GIS MA BYUNG GI BAR DU BSGOM MO, , GSUM PA RNYED DKA' BAR BSAM PA LA, DPE, RGYU, NGO BO'I SGO NAS RNYED DKA' TSUL GSUM, DANG PO NI SPYOD 'JUG LAS; RGYA MTSO CHER G-YENGS GNYA' SHING GI ,BU GAR RUS SBAL MGRIN CHUD LTAR, ,ZHES RGYA MTSO CHEN POR GSER GYI GNYA' SHING BU GA GCIG PA ZHIG RLUNG GIS BSKUL TE PHYOGS KUN TU G-YENGS PA'I TSE, LO BRGYA BRGYA TZAM NA RUS SBAL (8 NA) LONG BA ZHIG MTSO'I STENG DU 'ONG BA NA MGRIN PA BUG PA DER CHUD PA SRID PA TZAM DU GSUNGS SHING, DE LAS GSAL BA'I DPE GYANG NGOS SU SRAN MA SBAR GANG GTOR NA DER CHAGS PA SHIN TU DKON, DAL 'BYOR GYI MI LUS NI GYANG LOGS LA CHAGS PA'I SRAN MA DANG TSUL MTSUNGS PAR 'DUG @227 GO SNYAM NAS DPE DON RGYUD THOG TU 'PHROD NGES SHIG SBYAR TE BSGOM, GNYIS PA RGYU'I SGO NAS RNYED DKA' TSUL NI, SPYIR BDE 'GRO TZAM THOB PA LA TSUL KHRIMS SNA GCIG YAN CHAD BSRUNG DGOS; KHYAD PAR DAL 'BYOR GYI MI LUS 'THOB PA LA, SBYIN PAS LONGS SPYOD KHRIMS KYIS BDE, ,ZHES TSUL KHRIMS RNAM PAR DAG PAS GZHI BZUNG, SBYIN SOGS KYIS GROGS BYAS, SMON LAM DRI MA MED PAS MTSAMS SBYOR DGOS PA LA, DENG SANG RGYU DE LTA BU SGRUB MKHAN SHIN TU DKON PAS NA, 'BRAS BU DAL 'BYOR TSANG BA'I MI LUS DKON PA YANG CHOS NYID YIN; DER MA ZAD NGAN SONG GSUM NI MI DGE BA'I RNAM SMIN LA LONGS SPYOD PAS DGE BA'I SEMS MNGON GYUR TZAM YANG SKYE DKA', LHA RNAMS KYANG TING NGE 'DZIN DANG 'DOD PA'I BDE BAS G-YEL, MI LA YANG CHOS MA DAR BA'I YUL DU DGE BA'I SGRA TZAM YANG THOS PA MIN ZHING, YUL DE NAS KYI PHUNG PO TZAM DU BYAS PA'I CHOS DAR BA'I YUL NI NAS 'BRU GCIG TZAM GYI TSOD DU SNANG, DA LTA SKYE BO KHRI PHRAG MANG PO TSOGS PA'I KHROD DU TSUL KHRIMS SRUNG BAR KHAS 'CHE BA NI SHIN TU NYUNG, @228 DE'I NANG NAS KYANG GOS KYI PHUN SUM TSOGS PA'I RGYU GSUM GA TSANG BA NI NYIN MO'I SKAR MA TZAM DU 'DUG ,DE LTAR KHA PHYIR BLTAS KYI SHES PA DE KHA NANG DU LOG STE RANG LA BLTAS PA NA, CHOS BYED SNYAM PA'I BLO YAM ME PA ZHIG LAS BLO BDE NGES PA'I DGE BA'I GRANGS 'DREN RGYU SHIN TU NYUNG, SDIG PA MI DGE BA NI ZHAR DANG ZHOR LA BSAGS PA'I RGYU 'DIS, DA RES KYI TSE ZHABS 'DI LA BTZAN SA ZIN PA ZHIG MA BYUNG NA, SLAD NAS MI LUS THOB PA MI 'DUG THOB TU RE BA'I BLO 'DI DPYID KA YUNGS KAR BTAB NAS STON NAS BSDU RTZIS BYED PA DANG 'DRA BAS COL RE CHUNG SNYAM DU MYONG BA THON NGES KYI BAR DU BSGOM, GSUM PA NGO BO'I SGO NAS RNYED DKA' BA NI, DBYAR DUS KYI SRIN BU SHIN TU MANG BA'I SA PHYAR BA TZAM GYI STENG DU RANG NYID DNGOS SU YOD PA LTA BU'I 'DU SHES DANG BCAS TE, 'GA' RE DUD 'GRO LAS YI DVAGS KYI 'GRO BA MANG, DE LAS DMYAL BA'I 'GRO BA MANG, DUD 'GRO LA YANG BYINGS DANG KHA 'THOR BA GNYIS LAS KHA 'THOR BA'I DUD 'GRO NI CHES NYUNG MOD; 'ON KYANG SA 'PHYAR BA TZAM GYI STENG NA, DUD 'GRO CHUNG @229 DU BGRANG GIS MI LANG BA LTA BU YOD NA'ANG MI BCU SKOR TZAM LAS MI SHONG BA DANG, YUL GRONG RE LA MI JI LTAR MANG YANG 'BUM PHRAG BRGAL BA CHER MI 'ONG LA, SROG CHAGS PHRA MO BGRANG BAR MI NUS PA SOGS RJES SU DPAG PA'I TSAD MAS GZHAL MI DGOS PAR MKHAS BLUN KUN LA MNGON SUM DU GRUB PA DANG, BDE 'GRO'I LUS RTEN LA BLTOS TE YANG MI LUS; DE'I NANG NAS KYANG CHOS DANG MJAL BA'I MI LUS DKON; MJAL DU ZIN KYANG NYAN NA TSIG MI ZIN, BSAM NA DON MI GO ,BSGOMS NA RGYUD LA MI SKYE BA'I GANG ZAG HA CANG MANG; THOS BSAM SGOM GSUM GYI BLO GROS DANG LDAN YANG TSE 'DI'I MDUN MA KHO NA SGRUB PA CHES MANG BA SOGS NAS CHOS SGRUB PA'I MTHUN RKYEN MTHA' DAG TSANG BA'I DAL 'BYOR GYI RTEN 'DI LA 'DOD PA CAN LA 'JIG RTEN NA 'BYUNG BAR DKON PA'I KHYAD NOR RNYED PA'I BLO SKYES PA LTA BU'I MYONG BA THON THON GYI BAR DU BSGOM MO, , SNYING PO JI LTAR LEN PA'I TSUL BSHAD PA, GNYIS PA SNYING PO JI LTAR LEN PA'I TSUL LA, SKYES BU @230 CHUNG NGU DANG THUN MONG BA'I LAM GYI RIM PA LA BLO SBYANG BA, SKYES BU 'BRING DANG THUN MONG BA'I LAM GYI RIM PA LA BLO SBYANG BA; SKYES BU CHEN PO'I LAM GYI RIM PA LA BLO SBYANG BA DANG GSUM, SKYES BU CHUNG NGU DANG THUN MONG BA'I LAM GYI RIM PA LA BLO SBYONG BA, DANG PO NI LAM SGRON LAS, GANG ZHIG THABS NI GANG DAG GIS; ,'KHOR BA'I BDE BA TZAM DAG LA, ,RANG NYID DON DU GNYER BYED PA, ,SKYES BU DE NI THA MAR SHES, ,ZHES GSUNGS, 'DI LA 'JIG RTEN PHYI MA DON GNYER GYI BLO BSKYED PA DANG, 'JIG RTEN PHYI MAR BDE BA'I THABS BSTAN PA GNYIS, DANG PO LA 'CHI BA MI RTAG PA BSAM PA DANG, NGAN 'GRO'I SDUG BSNGAL BSAM PA GNYIS, DANG PO NI, MI BLUN RMONGS LA LA 'CHI BA 'ONG MI 'ONG GI RTOG DPYOD (9 BA) TZAM YANG MI BYED LA, PHAL CHER NI NAM ZHIG 'CHI BA 'ONG SNYAM PA YOD KYANG MA RGAS KYI BAR DANG LO ZLA ZHAG GRANGS RE RE BZHIN NAS MI 'CHI SNYAM PA'I DBANG GIS 'CHI NAD KYIS THEBS PA'AM @231 LO BRGYA PHRAG LON KYANG RE ZHIG GSON DU RE BA'I BSAM PA MNGON GYUR PA DES TSE 'DI'I MDUN MA 'BA' ZHIG GI DBANG DU 'GRO LA, BSAM PA DE LAS LOG STE SANG TZAM YANG MI 'CHI BA'I NGES PA MED, ZLA BA RTING MA'I BRGYAGS GRABS BYAS KYANG DE'I DUS SU RANG NYID LUS RTEN 'DI DANG DBYIBS MI 'DRA BA RVA CO ZING NGE BA ZHIG TU MI SKYE BA'I NGES PA CI YOD SNYAM PA'I BLO ZHIG NGUR RE BA YOD TSE, BLO DES 'DI SNANG GI BYA BA LA MI BRTZON PAR TSE PHYI MA'I BDE THABS NGAM NGAM SHUGS KYIS SGRUB PA CHOS NYID YIN PAS, 'DI LA GSUM, NGES PAR 'CHI BA BSAM PA, NAM 'CHI NGES MED BSAM PA, 'CHI BA'I TSE CHOS MA GTOGS PA GZHAN GANG GIS KYANG MI PHAN PAR BSAMS PA'O, , DANG PO NI RANG CAG RNAMS NI NGES PAR 'CHI STE, TSOMS LAS; GANG YANG SANGS RGYAS RANG SANGS RGYAS, ,SANGS RGYAS RNAMS KYI NYAN THOS KYANG, ,SKU LUS 'DI NI SPONG MDZAD NA, , SKYE BO PHAL PA SMOS CI DGOS, ,ZHES DANG, YANG TSOMS LAS, GANG DU GNAS NA'ANG 'CHI BAS MI TSUGS PA'I, ,SA PHYOGS DE NI YOD PA MA YIN TE, ,BAR SNANG LA MED RGYA MTSO'I GTING @232 NA'ANG MED, ,RI BO RNAMS KYI GSEB TU ZHUGS NA'ANG MIN, , (10 NA) ZHES SNGON BYON PA'I YANG DAG PAR RDZOGS PA'I SANGS RGYAS SKYE 'CHI LA DBANG THOB PA RNAMS KYANG MYA NGAN LAS 'DAS ZIN, DE BZHIN DU RGYA BOD KYI PAn GRUB RGYAL BLON BYANG CHUB SEMS DPA' SOGS MCHOG DMAN BAR MA'I GANG ZAG GRANGS MED BYON PA CHOS 'BYUNG DEB THER GTAM RGYUD SOGS LAS BSHAD PA MTHA' DAG MA BRTAGS PA'I GNAS SKABS SU DA LTA YOD YOD 'DRA BA ZHIG 'ONG NA'ANG, LEGS PAR DPYAD NA SNGAR BYUNG BA'I GTAM TZAM MA GTOGS YUL DUS GNAS SKABS GANG DU'ANG BZHUGS MED PAR MYA NGAN LAS 'DAS PA'I TSUL BSTAN ZIN, RANG GI MNGON SUM GYI SPYOD YUL CAN MKHAN SLOB PHA MA MCHED GROGS MDZA' BSHES SOGS DGRA GNYEN BAR MA'I 'GRO BA MTHA' YAS PA ZHIG 'JIG RTEN PHA ROL TU SONG, SNGAR BYUNG BA'I MI 'DI ZHES BYA BA MA SHI BAR TSE THAR ZHES PA MED NA, BDAG GCIG PU LA DMIGS KYIS BSAL TE 'CHI MI DGOS PA GA LA 'ONG, TSE TSAD DRUG CU KHA RAL DU BSHAD PA BZHIN THUB NA'ANG TSE ZAD NAS MI 'GRO BA'I DBANG MED DE DBUGS 'BYUNG RNGUB NYI KHRI @233 CHIG STONG GIS ZHAG RE 'DZAD, ZHAG SUM CUS ZLA BA RE 'DZAD, ZLA BA BCU GNYIS KYIS LO RE 'DZAD, LO DE 'DRA BCU GNYIS LA LO SKOR DU MING BTAGS PA LNGA TZAM SONG BA NA, TSE'I TSAD LA YANG GTUG PAS, RGYA CHER ROL BA LAS, SRID GSUM MI RTAG STON KA'I SPRIN DANG 'DRA, ,(10 BA) 'GRO BA'I SKYE 'CHI GAR LA BLTA DANG MTSUNGS, ,'GRO BA'I TSE 'GRO NAM MKHA'I GLOG 'DRA STE, ,RI GZAR 'BAB CHU BZHIN DU MYUR MGYOGS 'GRO ,ZHES SKAD CIG KYANG MI SDOD LA ZAS NOR LTA BU SNGA MA RNAMS RIM GYIS ZAD KYANG, SLAR GSAR PA BSNAN DU YOD PA LTA BU MA YIN PAR TSE ZAD PA LA GSAR DU BSNAN RGYU MED PAS; SPYOD 'JUG LAS, NYIN MTSAN SDOD PA YOD MED PAR, , TSE 'DI RTAG TU GOD 'GYUR ZHING, ,SNON PA'ANG GUD NAS 'ONG MED NA, ,BDAG LTA 'CHI BAR CIS MI 'GYUR, ,ZHES DPE DANG GTAN TSIGS KYI SGO NAS LEGS PAR BSAMS TE NGES PAR 'CHI BA 'ONG BA THAG MA CHOD KYI BAR DU BSGOM, GNYIS PA NI, DE LTAR BSGOMS PAS MTHAR 'CHI BA LAS MA 'DAS MOD RE ZHIG DGRA 'DUL GNYEN SKYONG GI BYA BA DANG, CHOS SGRUB PA'I MTHUN RKYEN SOGS RTZOL BA BYAS TE MTHAR CHOS @234 SHIG BYA'O SNYAM NA, SNGAR RANG LAS GZHON PA SHIN TU MANG PO ZHIG SHI SONG ZHING, DA LTA RANG LAS RGAN PA MANG PO ZHIG 'DUG PAS, DE DAG GI SNGON DU RANG NYID MI 'CHI BA'I NGES PA MED DE, TSOMS LAS, SANG DANG 'JIG RTEN PHYI MA GNYIS, , SNGON DU GANG 'ONG GTOL MED PAS, ,SANG GI TSES LA MI 'BAD PAR, ,PHYI MA'I DON LA 'BAD PAR RIGS, ,ZHES SANG GI TSES GRANGS DANG, PHYI MA'I BAR SRID GNYIS SNGON LA GANG 'GRUB KHA TSON MI CHOD, LA LA DAG ZAS BCOS SMAN DPYAD SOGS THABS MANG PO'I SGO NAS GSON PA'I (11 NA) RKYEN MANG NGO SNYAM NA, RIN CHEN PHRENG BA LAS, 'CHI BA'I RKYEN NI MANG BA STE, ,GSON PA YI NI CUNG ZAD CIG ,DE DAG RNAMS KYANG 'CHI BA'I YANG, ,DE BAS RTAG TU CHOS MDZOD CIG ,CES ZAS MA 'PHROD PA, SMAN LOG PA, GNAS KHANG RDIB PA, GRU SHAN ZHIG PA, MDZA' BOS BSLUS PA SOGS GSON RKYEN 'CHI RKYEN DU GYUR PA SHIN TU MANG, DER MA ZAD STENG GDON GYI GNOD PA ZHIG GIS DA LTA RANG YANG 'CHI BA ZHIG MI 'ONG BA'I NGES PA CI YOD SNYAM DU NAM 'CHI CHA MED LA MYONG BA THON NGES KYI BAR DU BSGOM, @235 GSUM PA NI, SPYOD 'JUG LAS, GSHIN RJE'I PHO NYAS ZIN PA LA, ,GNYEN GYIS CI PHAN BSHES CI PHAN, ,DE TSE BSOD NAMS GCIG SKYABS NA, ,DE YANG BDAG GIS MA BSTEN TO, , ZHES 'CHI BA MI RTAG PAR GRAGS PA'I LAM PO CHE RI GZAR GYI RBAB 'DRA BA DE NGES PAR 'ONG BA'I DUS LA BABS PA'I TSE RDZAS SNGAGS TING 'DZIN DANG, DPA' BO'I MTSON GYIS MI BZLOG ,PHYUG PO'I NOR GYIS BSLU BA DANG SMRA MKHAS GTAM GYIS 'BRID DU MED, GNYEN BSHES MANG POS MTHA' NAS BSKOR STOBS DANG LONGS SPYOD 'KHOR LOS BSGYUR RGYAL LA 'GRAN DU BZOD PA RNAMS KYANG 'KHRID PA DANG 'KHYER BA'I DBANG LTA CI SMOS, MA'I MNGAL NAS LHAN CIG TU 'GROGS PA'I LUS 'DI YANG CAM GYIS BZHAG STE RNAM PAR SHES PA GCIG PU MAR GYI DKYIL NAS SPU BTON PA BZHIN 'GRO BA'I TSE; RJES SU 'BRANG ZHING PHAN (11 BA) THOGS PA NI SNGON BSAGS KYI DGE BA SOGS DAM PA'I CHOS KHO NA LAS MI 'DUG SNYAM DU MYONG BA THON THON GYI BAR DU BSGOM, GNYIS PA NGAN 'GRO'I SDUG BSNGAL BSAM PA LA, DMYAL BA; DUD 'GRO, YI DVAGS KYI SDUG BSNGAL BSAM PA DANG @236 GSUM; DANG PO LA, TSA DMYAL DANG, GRANG DMYAL GNYIS, DANG PO NI, DE YANG GONG DU 'CHI BA MI RTAG PA'I CHOS SKOR BSGOMS PA'I RGYU MTSAN, DE LTAR 'CHI BA'I 'OG TU MAR ME SHI BA'AM; RTZVA PHUNG MES BSREGS PA LTAR RIGS 'DRA PHYI MA RGYUN CHAD PA ZHIG NI MI 'ONG, NGES PAR SKYE BA ZHIG LEN PA LAS 'OS MED, SKYE BA DE YANG BDE 'GRO DANG NGAN 'GRO GANG RUNG ZHIG TU SKYE BA LAS MA 'DAS PAS, BDE 'GROR SKYE BA'I RGYU DGE BA NI SNGAR RANG NYID KYIS BLO BDE SING NGE BA BSAGS PA NI MI DRAN, TSE RABS SNGA MA RNAMS SU BSAGS MA BSAGS KYANG CHA MED, MI DGE BA NI RGYAL PO'I GAN MDZOD BZHIN DU GANG LA BLTAS BLTAS NA'ANG SOGS 'DUG ,DE'I 'BRAS BU NGAN SONG GI SDUG BSNGAL MYONG DGOS BYUNG NA, LUS 'DI LA BYUNG BA DANG, LUS GZHAN DU 'PHOS NAS BYUNG BAR KHYAD MED, DE RING LHA MI'I DPAL 'BYOR MYONG BZHIN PA'I SEMS 'DI'I THOG TU SANG NAS MNAR MED KYI SDUG BSNGAL MI MYONG BA'I NGES PA MED DE, MGON PO KLU SGRUB KYIS, RAB TU TSA ZHING GRANG BA YI, ,DMYAL BA NYI MA GCIG BZHIN DRAN, ,ZHES GSUNGS PA LTAR DMYAL BA'I SDUG BSNGAL BSAM DGOS SO, ,(12 NA) DE @237 YANG ZHE SDANG GI MTHUS BSAGS PA'I MI DGE BA'I 'BRAS BU DMYAL BA'I BAR SRID 'GRUB PA'I TSE LUS LA BSIL BA'I SNANG BA SHAR TE, TSA BA DON TU GNYER NA BAR SRID 'GAGS NAS TSA DMYAL DU SKYE BAR BSHAD PAS, SPYI KHYAB TU 'OG THAMS CAD LCAGS BSREGS KYI SA GZHI KHOR YUG TU LCAGS BSREGS KYI RA BA, STENG 'OG ME LCE KUN TU 'BAR ZHING 'KHRUGS PA, BYE BRAG TU YANG SOS NI, BSHAD MA THAG PA'I GNAS DE 'DRA ZHIG TU RANG NYID MNGON SUM DU SKYES 'DUG SNYAM DU 'BAD NAS BSGOMS PAS, LUS RTZED YAM YAM PA, SEMS 'JIGS ZHUM ZHUM PA 'ONG, DE LTA BU BYUNG BA NA DER SKYES PA'I SEMS CAN TSOGS TE, PHAN TSUN GCIG GIS GCIG LA MTSON CHA SNA TSOGS KYIS RDEG PAS LUS TSAL PA BRGYA STONG DU SONG BA DANG BRGYAL THABS SU 'GYEL BA SOGS KYI RNAM PA DNGOS SU MYONG RGYU YOD PA LTA BU MA BYUNG GI BAR GSAL GDAB, DE NAS NAM MKHA' NAS, KHYOD RNAMS YANG SOS PAR GYUR CIG PA'I SGRA BYUNG BA DANG GSOS TE SNGAR LTAR MTSON BSNUN PA SOGS KYIS SDUG BSNGAL 'KHOR MO YUG TU BSGOM, THIG NAG NI, DMYAL SRUNG RNAMS KYIS LUS LA THIG @238 BRGYAD BTAB STE MTSON CHAS GSHEG PAR BYED DO, , BSDUS 'JOMS NI, SNGAR GYI SDUG BSNGAL DE LAS BROS PA'I SNANG BA SHAR TE PHYIN PA NA RIR LUG GLANG SENG GI GDONG PA CAN LTA BU'I BAR DU CHUD DE (12 BA) BTZIR BA NA SGO THAMS CAD NAS KHRAG GI RGYUN BABS PA'O, , NGU 'BOD NI, YANG BROS PAS LCAGS KYI KHANG PA'I NANG DU SLEBS PA NA SGO DBYER MED DU 'GRIG STE, PHYOGS KUN NAS ME 'BAR STE BSREGS PAS DA BROS SA YANG MI 'DUG SNYAM NAS NGU 'BOD LHANG LHANG BA BYED DO, , NGU 'BOD CHEN PO NI, LCAGS KHANG NYIS RIM DU CHUD DE SDUG BSNGAL SNGON MA LAS NYIS 'GYUR GYIS CHE BA NI, BSAM PA'I KHYAD PAR LCAGS KHANG NANG MA NAS THON SRID KYANG PHYI MA NAS MI THON SNYAM DU NGU 'BOD CHEN PO BYED DO, , TSA BA NI, LCAGS KYI GSAL SHING ME 'BAR BAS 'PHONGS DANG SPYI BO'I BAR TAL MAR PHUG STE SGO THAMS CAD NAS ME LCE 'BAR BA DANG, LUS RIL PO KHRO CHU'I NANG DU 'TSED PA'O, , RAB TU TSA BA NI, GSAL SHING RTZE GSUM GYIS DBUS MA SPYI BO DANG G-YAS G-YON PHRAG PA NAS THON PA DANG, LCAGS @239 BSREGS LEB MOS LUS LA SNAM BU LTAR DKRI BA DANG, KHRO CHU'I NANG DU 'TSOD PA NA SHA KHRAG RNAMS ZHIG STE KENG RUS LTAR 'GRO BA'O, , MNAR MED NI, PHYOGS MTSAMS KUN NAS ME 'BAR BAS LUS DANG ME DBYER MED PA LTA BU'I TSUL GYIS NGU BA'I SKAD THOS PA TZAM MO, ,SDUG BSNGAL DE DAG KYANG YUN THUNG TZAM ZHIG MYONG BAS MI CHOG STE, DMYAL BA BRGYAD PO'I NANG GI TSE THUNG SHOS YANG SOS PA'I TSE TSAD MI LO KHRAG KHRIG CHEN PO GCIG DANG KHRAG KHRIG DRUG THER 'BUM CHEN PO GNYIS YIN PAS; GZHAN (13 NA) RNAMS RIM GYIS LOG PAR 'PHAR TSUL BSAM NA SNYING 'GAS PA LA THUG PA LAS 'OS CI YOD, BSHES SPRING DU, JI SRID MI DGE DE ZAD MA GYUR PA, ,DE SRID SROG DANG 'BRAL BAR MI 'GYUR RO, ,ZHES PA LTAR NA DA LTA'I RANG CAG RNAMS KYI SPYOD TSUL DANG BCAS TE DE LAS YUN RING BA ZHIG MI 'ONG BA'I NGES PA CI YOD SNYAM DU BSAM, ZHAR BYUNG NYE TSE NYE 'KHOR BA'I SDUG BSNGAL BSAM PA NI, MDZOD LAS, BRGYAD PO KUN LA LHAG BCU DRUG ,ME MAR MUR DANG RO MYAG 'DAM, ,SPU GRI'I LAM SOGS CHU BO BZHIN, ,ZHES @240 GSUNGS PA LTAR BSGOM, GNYIS PA NI, DMYAL BA'I BAR SRID PA DE'I LUS LA TSA BA'I RNAM PA SHAR BAS GRANG BA LA DGA' BA'I BSAM PAS RKYEN BYAS TE BAR SRID 'GAGS NAS GRANG DMYAL DU SKYE BAR BSHAD PAS MTHA' THAMS CAD GANGS RI'I PHRENG BAS BSKOR BA, 'OG KHA BA'I THANG DANG 'KHYAG ROM GYI GCONG RONG ZAB MO, STENG KHA CHAR BU YUG 'TSUB CING MUN PAS GTIBS PA'I GNAS DER, SKYE TSUL SOGS NI SNGAR LTAR LA, BYE BRAG TU CHU BUR CAN NI LUS LA KHA BA'I BU YUG CHEN PO RLUNG GIS PHYOGS BZHI NAS BTAB STE LUS 'KHUMS SHING CHU BUR BYUNG BA'O, , CHU BUR RDOL BA NI, DE LAS RNAG KHRAG 'DZAG PA'O, ,AA CHU ZER BA NI, SDUG BSNGAL CHER SONG BAS SKAD KYI GDANGS DRAG POR 'DON PA'O, ,KYI HUD ZER BA NI, SDUG BSNGAL JE CHER SONG BAS SKAD KYI GDANGS CHAG STE RKAN GYI (13 BA) PHUG NAS 'DON PA'O, ,SO THAM THAM PA NI, SDUG BSNGAL SNGAR LAS JE CHER 'PHEL BAS SKAD 'DON MA NUS PAR SO THAM THAM BYED PA'O, ,AUTPAL LTAR GAS PA NI, RLUNG CHEN POS BTAB PAS KHA DOG SNGO ZHING SER CHUNG PHRA MO KHA DRUG TU GAS PA'O, , @241 PADMA LTAR GAS PA NI, PAGS PA SNGON PO RNAMS ZHUS TE SHA'U DMAR HU RE BA TSAL BA BCUR GAS PA'O, ,PADMA CHER GAS PA NI; MDOG SNGON MA LTAR LA SER KHA BRGYA'AM DE BAS KYANG MANG BA STE, SKYES RABS LAS, MED PAR LTA BA TSE RABS PHYI MA LA, , GNAS PA DE NA MUN NAG RLUNG GRANG LDANG, ,DE NI RUS PA 'ANG 'JIG PA'I NAD SLONG NA, ,BDAG LA PHAN 'DOD SU ZHIG DE RU 'JUG ,CES SO, ,SDUG BSNGAL DE DAG KYANG YUN THUNG NGU TZAM ZHIG MYONG BAS MI CHOG STE, GRANG DMYAL BRGYAD PO'I NANG GI TSE THUNG SHOS CHU BUR CAN GYI TSE'I TSAD NI MA GA DHA'I BRE PO CHE'I KHAL BRGYAD CU 'GRO BA'I TIL GYI BANG BA NAS LO BRGYA BRGYA NA TIL RE PHYUNG BAS DE ZAD PA'I TSE CHU BUR CAN GYI TSE TSAD DANG GZHAN RNAMS NYI SHU 'GYUR DU 'PHAR TSUL BSAM STE NGES 'BYUNG GI SKYO SHAS DRAG PO MA SKYES KYI BAR DU BSGOM, , GNYIS PA DUD 'GRO'I SDUG BSNGAL BSAM PA NI, DUD 'GRO LA BYINGS DANG KHA 'THOR BA GNYIS SU SA SDE LAS BSHAD PA'I BYINGS NA GNAS PA NI, RI RAB KYI CHU MTSAMS MAN CHAD KYI KHONGS SU YOD DE, CHE CHUNG SOGS MDOG DBYIBS MA NGES PA SNA TSOGS 'BRU'I PHUNG PO LTAR SPUNGS PA RNAMS NI CHE BAS @242 CHUNG BA (14 NA) 'KHYUR MID DANG, CHUNG BAS CHE BA'I LUS 'BUG PA DANG, GZHAN DAG KYANG MUN PA SHIN TU GNAG PAS LAG PA BRKYANG BSKUMS TZAM YANG MI MTHONG BA DANG, KHA 'THOR BA'I DUD 'GRO RNAMS NI LINGS PA DANG, KHYI DANG GCAN GZAN SOGS KYIS DBANG MED DU DED PA, BDAG TU BZUNG BA RNAMS NI GSOD RDEG BKOL BAS SDUG BSNGAL BA'O, , GZHAN YANG KLU'I RIGS RNAMS NI BYE TSAN DANG MKHA' LDING GIS 'JIGS PA DANG, SROG CHAGS PHRA MO RNAMS NI RKYEN CUNG ZAD TZAM GYIS 'CHI BA SOGS MTHA' DAG KYANG BLANG DOR MI SHES PA'I RANG BZHIN CAN, TSE'I TSAD NI RING BA BSKAL PA TZAM NAS THUNG BA NYIN ZHAG KYANG YOD PAS MTHA' GCIG TU MA NGES SO, , GSUM PA YI DVAGS KYI SDUG BSNGAL NI, YI DVAGS LA RIGS GSUM YOD PA'I PHYI'I SGRIB PA CAN NI, LJON SHING GI 'BRAS BU DANG CHU KLUNG SOGS MTHONG STE LONGS SPYAD PAR PHYIN PA NA, MTSON CHA THOGS PAS BSRUNG BA'AM, RNAG KHRAG SOGS SU MTHONG BAS SDUG BSNGAL BA'O, ,NANG GI SGRIB PA CAN @243 NI; GRONG KHYER SER SKYA ZHES BYA BA CHU DANG RTZI SHING SOGS 'DOD PA'I DNGOS PO CI YANG MED PA DER ZAS SKOM MI RNYED PA DANG CUNG ZAD RNYED KYANG KHA KHAB MIG ,MGRIN PA RTA RNGA, LTO BA RI RAB, YAN LAG 'JAG MA LTA BUR GYUR PA'I DBANG GIS ZAS KHAR MI SHONG NYUNG ZAD SONG BA RNAMS MGRIN PA NAS MI THAR, THAR KYANG LTO BA MA KHENGS PAS SDUG BSNGAL BA'O, ,ZAS SKOM GYI SGRIB PA CAN NI, ZAS SKOM (14 BA) RNAMS KYANG ME 'BAR NAS LUS 'TSIG PA DANG, BSHANG GCI DANG, RANG SHA ZA BAS NYAMS THAG PA'O, , GZHAN YANG SO GA ZLA BA'I REG BYA TSA ZHING DGUN NYI MA'ANG GRANG BA DANG, BLTAS PA TZAM GYIS CHU KLUNG BSKAMS TE NGAM GROG TU 'CHAR BA SOGS BKRES SKOM GYI SDUG BSNGAL BZOD PAR DKA' ZHING, TSE TSAD NI MI LO CHIG KHRI LNGA STONG DU BSHAD PA SOGS LA NGES 'BYUNG GI SKYO SHAS DRAG PO MA BYUNG GI BAR DU BSGOM MO, ,DON HRIL GYIS DRIL NA, RANG RE RNAMS JA PHOR BA GANG 'THUNG BA'I YUN TZAM ZHIG LAG PA ME DONG DU 'JUG PA, DGUN GRANG SGANG LA ZHAG GCIG TZAM GCER BU BYED PA DANG, ZHAG GSUM BZHI TZAM BZA' BTUNG YE MED PA, @244 SA RDO MANG PO SPUNGS PA'I 'OG TU 'GUL SKYOD MI NUS PAR GNAS DGOS PA LTA BU BYUNG NA BZOD BSRAN MI THUB PA MNGON SUM GYIS GRUB PA DE LTAR NA NGAN SONG GSUM GYI SDUG BSNGAL BZOD GA LA NUS, MGON PO KLU SGRUB KYIS, THOB DKA' 'DZAM GLING MI YI LUS, ,DE THOB DUS SU NGAN SONG RGYU, , RAB TU BSGRIMS TE BCAD PAR BYA, ,ZHES DA RES MI DANG DUD 'GRO'I KHYAD PAR 'BYED PA'I DUS 'DIR SNYING RUS BSKYED DGOS SNYAM PA'I RANG LA YANG YANG LCAG GIS BRAB PAR BYA'O, , GNYIS PA 'JIG RTEN PHYI MAR BDE BA'I THABS BSTAN PA LA GNYIS, BSTAN PA LA 'JUG PA'I SGO SKYABS SU 'GRO BA, BDE LEGS THAMS CAD KYI RTZA BA LAS 'BRAS BSGOM PA GNYIS, DANG PO LA DNGOS DANG BSLAB BYA GNYIS, DANG PO NI SPYOD 'JUG LAS, JI LTAR MTSAN MO (15 NA) MUN NAG SPRIN RUM NA, ,GLOG 'GYU SKAD CIG RAB SNANG STON PA LTAR, ,DE BZHIN SANGS RGYAS MTHU YIS BRGYA LAM NA, ,'JIG RTEN BSOD NAMS BLO GROS THANG 'GA' 'BYUNG, ,DE LTAS DGE BA NYAMS CHUNG NYID LA BRTAG ,SDIG PA STOBS CHEN SHIN TU MI @245 ZAD PA, ,ZHES NYES DMIGS LA 'JIGS PA, YON TAN LA DAD PA, RANG 'DRA'I 'GRO BA LA SNYING RJE GSUM GYI SGO NAS BSAM PA LA, SNGON CHAD SDIG PA RGYA MTSO CHEN PO TZAM NAS DGE BA KU SHA'I RTZES BLANGS PA'I CHU THIGS LTAR STOBS SHIN TU CHUNG BA'I STENG DU TSE 'DIR YANG CHOS PA'I MING GZUGS KYI BLO BRID KYIS GZHAN MGO BSKOR BA LAS GSUNG RAB DANG RANG SEMS SPYOD TSUL LA ZHU DAG BTANG NA MI DGE BA'I PHYOGS CHES MANG BAR GDA', DE YANG DGRA NGAN SONG GI SDUG BSNGAL ZER BA DE LO BRGYA TSUN LA 'ONG BAR NGES PAS, DE LAS SKYOB PA'I SKYABS GNAS SHIG 'TSOL BA LAS 'OS MI 'DUG ,SKYABS SU GANG 'OS NA, SKYABS 'GRO BDUN CU PAR, SANGS RGYAS CHOS DANG DGE 'DUN NI, ,THAR PA 'DOD PA RNAMS KYI SKYABS, ,ZHES DKON MCHOG GSUM SKYABS SU 'GRO DGOS PAS JI LTAR SKYABS SU 'GRO BA'I TSUL NI, DPE LA BSTOD PA LAS, KHYOD SKU MTSAN GYIS SPRAS GYUR PA, ,MDZES GYUR MIG GI BDUD RTZI NI, ,SPRIN MED STON GYI NAM MKHA' LA, , SKAR MA'I TSOGS KYIS SPRAS PA 'DRA, ,ZHES DE BZHIN GSHEGS PA DE SKU MDOG GSER BTZO MA LTA BU NA BZA' CHOS GOS @246 (15 BA) GSUM DANG LDAN PA, MTSAN DANG DPE BYAD KYIS SPRAS PA, LTA BAS CHOG MI SHES PA, MTHONG NA MI MTHUN PA MED PA ZHIG YOD PAR 'DUG GO SNYAM DU DAD GDUNG SPRO GSUM GYI SGO NAS BSGOM PAR BYA'O, , GSUNG GI YON TAN NI, SANGS RGYAS DE'I MGUR LAS 'ONGS PA'I GSUNG GI SGRA SNYAN PA YAN LAG DRUG CU RTZA BZHI'I DBYANGS CAN, KHAMS GSUM GYI SEMS CAN THAMS CAD KYIS DRI BA DUS GCIG TU ZHUS NA, LEGS SBYAR GYI SKAD LTA BU GCIG GI SGO NAS BSTAN PA'I DRI LAN DE 'GRO BA SO SO'I SKAD DU SHAR TE THE TSOM THAMS CAD CIG CAR DU SEL, THUGS KYI YON TAN NI, MKHYEN PA'I YON TAN RNAM PA THAMS CAD MKHYEN PA'I YE SHES KYIS GDUL BYA'I DBANG PO DANG 'TSAMS PAR RJES SU 'DZIN PA LA MKHAS, BRTZE BA'I YON TAN G-YAS NAS TZAN DAN GYI LDE GU BYUG PA DANG, G-YON NAS STA GRIS BZHOG PA LA YANG NYE RING MI MNGA' BA'I PHYIR NA SEMS CAN KUN LA MA RANG GI BU GCIG BU LA BRTZE BA LTA BU MNGA', 'PHRIN LAS KYI YON TAN GZHAN PHAN DU GYUR NA DMYAL BA'I ME DONG DU YANG 'DOD LDAN MTHO RIS KYI DGA' TSAL DU @247 'JUG PA LTAR SPRO BA DANG BCAS TE SEMS CAN GYI DON MDZAD TSUL RNAMS BSAM, DE LTA BU'I YON TAN DE RGYU MED DANG MI MTHUN PA'I RGYU LAS BYUNG BA MA YIN TE, 'GOG PA DANG LAM GYI BDEN PA BRJOD BYA'I GTZO BOR BYAS NAS STON PA'I LUNG GI CHOS DKON MCHOG LA THOS BSAM (16 NA) BYAS PAS RTOGS PA'I CHOS DKON MCHOG SPANG RTOGS KYI YON TAN BDEN PA GNYIS MNGON DU MDZAD PA LA NGES SHES RNYED NAS, CHOS DKON MCHOG LA DMIGS PA'I DAD PA BCOS MIN MA BYUNG BAR DU BSGOM, DGE 'DUN DKON MCHOG NI, BYAMS 'JAM DBYANGS SPYAN RAS GZIGS LA SOGS PA BYANG CHUB SEMS DPA' RNAMS DANG, 'OD SRUNG CHEN PO MCHOG ZUNG GNYIS LA SOGS PA NYAN THOS KYI DGE 'DUN TE, 'DI DAG RNAMS KYIS SANGS RGYAS KYI YON TAN DNGOS MA THOB KYANG BDEN PA GNYIS NYAMS SU LEN CING SKYABS SGRUB PA'I ZLA GROGS MDZAD PAR 'DUG SNYAM DU YID CHES KYI BLO LINGS SKYUR DANG BCAS TE, RKANG GNYIS RNAMS KYI MCHOG SANGS RGYAS LA SKYABS SU @248 MCHI'O, ,BDAG 'KHOR BA DANG NGAN SONG GI 'JIGS PA LAS SGROL BA'I STON PA MDZAD DU GSOL, 'DOD CHAGS DANG BRAL BA RNAMS KYI MCHOG CHOS LA SKYABS SU MCHI'O, ,BDAG 'KHOR BA DANG NGAN SONG GI 'JIGS PA LAS GROL BA'I SKYABS DNGOS MDZAD DU GSOL, TSOGS RNAMS KYI MCHOG DGE 'DUN LA SKYABS SU MCHI'O, ,BDAG 'KHOR BA DANG NGAN SONG GI 'JIGS PA LAS SGROL BA'I GROGS MDZAD DU GSOL, ,ZHES PA'I TSIG PHRENG BA LTA BUR GRANGS SU BCUG STE BRGYA SOGS JI LTAR NUS PA BRJOD, GNYIS PA NI, SANGS RGYAS LA SKYABS SU SONG BAS 'JIG RTEN GYI LHA MTHU BO CHE LA GTAN GYI SKYABS MI 'TSOL, CHOS LA (16 BA) SKYABS SU SONG BAS SEMS CAN LA GNOD 'TSE SPANG; DGE 'DUN LA SKYABS SU SONG BAS DKON MCHOG GSUM LA YID MI CHES PA'I MI LA GTAN GYI GROGS MI 'TSOL BA STE DGAG PA'I BSLAB BYA GSUM, SGRUB PA'I BSLAB BYA GSUM NI, SANGS RGYAS KYI SKU GZUGS BZO DANG RGYU NGAN PA LA'ANG SANGS RGYAS DKON MCHOG TU MOS, GSUNG RAB KYI YI GE TSIG BZHI PA YAN CHAD LA YANG CHOS DKON MCHOG TU MOS, @249 RAB TU BYUNG BA'I RTAGS TZAM 'DZIN PA YAN CHAD LA'ANG DGE 'DUN DKON MCHOG TU MOS PA'I SGO NAS MCHOD BSTOD BKUR BAR BYED PA NI 'DI PHYI'I PHAN BDE LEGS TSOGS KUN GYI 'BYUNG GNAS DAM PAR GYUR PA LAGS SO, , GNYIS PA BDE LEGS THAMS CAD KYI RTZA BA LAS 'BRAS BSGOM PA NI, DAL 'BYOR RNYED DKA' DANG 'CHI BA MI RTAG PA NGAN SONG GI SDUG BSNGAL GSUM DRAN PAS, CHOS BYED SNYAM PA'I BLO TZAB TZUB CIG YOD KYANG, CHOS BYED LUGS KYI GNAD CIG MA GO NA CHOS BYED PA'I MTHUN RKYEN DU MING GIS BTAGS PA'I ZAS GOS LONGS SPYOD LA CHOG MI SHES, DE'I CHED DU SDIG PA SNA TSOGS BSAGS TE CHOS BRGYAD KHRA BO 'BA' ZHIG GIS DUS 'DA', 'GA' ZHIG LTO GOS GTAM GSUM LA GYONG BKUR BAS LUS KYI MI DGE BA GSUM CUNG ZAD MGO NON NA'ANG, GZHAN BDUN PO KHO NA'I DBANG DU SONG STE CHOS BRGYAD DKAR PO 'BA' ZHIG GIS DUS 'DAS TE SGO GSUM SDIG LTUNG GIS MA SBAGS PA ZHIG MI 'BYUNG, DE LA BRTEN NAS (17 NA) SHI BA'I 'OG TU LAS DKAR NAG LUS KYI GRIB MA BZHIN DU 'BRANG BAS, RIN CHEN PHRENG BA LAS, MI DGE BA @250 LAS SDUG BSNGAL KUN, ,DE BZHIN NGAN 'GRO THAMS CAD DO, , DGE LAS BDE 'GRO THAMS CAD DANG, ,SKYE BA KUN TU BDE BA DAG ,CES DKAR NAG GI LAS 'BRAS MI BSLU BAR GSUNGS SHING; GSUNG BA PO SANGS RGYAS KYIS GSUNGS PAS, TING NGE 'DZIN RGYAL PO LAS, ZLA BA SKAR MAR BCAS PA GNAS LHUNG ZHING; ,RI DANG GRONG DU BCAS PA'I SA ZHIG LA, ,NAM MKHA'I KHAMS NI RNAM PA GZHAN GYUR KYANG, KHYOD NI MI BDEN PA YI TSIG MI GSUNG, ,ZHES BRDZUN GSUNG BA NI RNAM PA THAMS CAD DU MED SNYAM PA'I LAS 'BRAS LA YID MI PHYED PA'I DAD PA ZHIG MA BYUNG GI BAR DU BSAM, RANG NYID LA DNGOS SU LUS LA NAD DANG SEMS LA SDUG BSNGAL MED CING, DGRA GDON GYIS 'TSE BA DANG BRAL BA MTHUN RKYEN 'DZOM PA SOGS YOD PA'I SKABS SAM, YANG NA DE'I BZLOG PHYOGS SAM, DE GNYIS SPEL BA LTA BU GSUM PO GANG RUNG LAS MA 'DAS PAS, RANG LA SNANG TSUL JI LTAR YOD PA DE NYID GSAL BTAB NAS BDE SDUG GI SNANG BA LHANG LHANG MA SHAR GYI BAR DU BSGOM, DE NAS MDO LAS, LUS CAN DAG GI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, , @251 'BRAS BU NYID DU SMIN PAR 'GYUR, ,ZHES DA LTA TSA BAS GDUNGS PA NA RLUNG BSIL PO LUS LA (17 BA) PHOG PA YAN CHAD KYI BDE BA DANG, TSER MA PHRA MOS RMA PHYUNG BA YAN CHAD KYI SDUG BSNGAL NI, SNGAR BYAS PA'I DGE SDIG GI 'BRAS BU KHO NAR 'DUG PAS, MDZOD LAS, DE LAS CHE LONG BSDUS NAS NI, , DGE DANG MI DGE CI RIGS PAR, ,LAS KYI LAM NI BCUR GSUNGS SO, ,ZHES PA LTAR SDIG PA MI DGE BA BCUR 'DU BA YIN PAS, LUS KYI LAS SROG GCOD, MA BYIN LEN, LOG GA-YEM; NGAG GI LAS BRDZUN, PHRA MA, TSIG RTZUB, NGAG BKYAL, YID KYI LAS BRNAB SEMS, GNOD SEMS, LOG LTA RNAMS LAS; SEMS CAN GYI RIGS GANG BSAD KYANG SROG GCOD KYI MI DGE BA YIN NA'ANG, DPER MTSON NA, GZHI LHAS BYIN LTA BU LA BSAM PA'I KHYAD PAR DER 'DU SHES SHING, NYON MONGS DUG GSUM GANG RUNG GI SGO NAS KUN SLONG GSOD PAR 'DOD DE, SBYOR BA MTSON LTA BU BSNUN NAS MTHAR THUG PHA ROL PO SHI BA NA SROG GCOD KYI MI DGE BA RDZOGS PAR 'GYUR, 'DU SHES 'KHRUL BA DANG GSOD SEMS MED PAR RKANG 'OG TU SHI BA SOGS LA BSHAD MA THAG PA'I GZHI BSAM SBYOR @252 MTHAR THUG TSANG BA'I MI DGE BAR MA SONG YANG SROG GCOD KYI MI DGE BA'I KHONGS SU GTOGS SO, , MA BYIN LEN NI, GZHI GZHAN GYIS BDAG TU BZUNG BA'I GSER LTA BU LA DER 'DU SHES SHING NYON MONGS GANG RUNG GI SGO NAS KUN SLONG DBRAL BAR 'DOD DE SBYOR BA THABS SNA TSOGS KYIS BLANGS PAS MTHAR THUG THOB BLO SKYES PA'O, , LOG G-YEM NI, GZHI (18 NA) GZHAN GYIS BDAG TU BZUNG BA'I BUD MED LTA BU LA DER 'DU SHES TE, NYON MONGS GANG RUNG GI SGO NAS KUN SLONG MI TSANGS PAR SPYAD 'DOD KYIS SBYOR BA DE'I DON LA BRTZON PAS MTHAR THUG DBANG PO GNYIS SBYOR BA SOGS SO, , RDZUN SMRA BA NI, GZHI SMRA BA'I YUL LA 'DU SHES BSGYUR TE, NYON MONGS GANG RUNG GI SGO NAS KUN SLONG TSUL DE SMRA BAR 'DOD DE, SBYOR BA LUS NGAG GANG RUNG GI RNAM 'GYUR BSTAN PAS MTHAR THUG DON GO BA'O, , PHRA MA NI, GZHI GANG ZAG GNYIS LTA BU LA DER 'DU SHES SHING; NYON MONGS GANG RUNG GI SGO NAS KUN SLONG DBYE BAR 'DOD DE, SBYOR BA DBYE NUS KYI TSIG SMRAS PAS MTHAR THUG @253 DON GO BA'O, , TSIG RTZUB NI, GZHI YID DU MI 'ONG BA'I 'GRO BA LA DER 'DU SHES SHING, NYON MONGS GANG RUNG GI SGO NAS KUN SLONG NGAG RTZUB PO SMRA BAR 'DOD DE, SBYOR BA PHA ROL PO'I SNYING LA BSNUN PA'I MI SNYAN PA BRJOD PAS MTHAR THUG DON GO BA'O, , NGAG BKYAL NI, GZHI SNGON MA GSUM PO GANG RUNG DU MI GTOGS PA'I DON MED DANG LDAN PA'I DON LA DER 'DU SHES SHING, NYON MONGS GANG RUNG GI SGO NAS KUN SLONG BYUNG RGYAL SMRA BAR 'DOD PAS, SBYOR BA RGYAL BLON DMAG RKUN PO SOGS 'DU 'DZI'I GTAM SMRA BA, CHAGS SEMS KYI GLU DANG ZLOS GAR GYI TSIG BRJOD PA, DGE SBYONG DAG RNYED PA BTZAL BA'I PHYIR GZHAN LA KHA GSAG SMRA BAR BRTZAMS NAS MTHAR THUG SMRAS ZIN PA'O, , BRNAB (18 BA) SEMS NI, GZHI GZHAN GYI NOR LA DER 'DU SHES SHING, RANG NOR LA CHAGS SEMS DANG GSOG SEMS, GZHAN NOR LA RO MYANG SEMS DANG 'KHU SEMS, NGO TSA DANG NYES DMIGS ZIL GYIS GNON PA'I CHOS LNGA LDAN GYI NYON MONGS GANG RUNG GI SGO NAS KUN SLONG RANG LA BYUNG NA @254 SNYAM PA'I RNGAM SEMS KYIS SBYOR BA DE'I DON LA RTZOL BAS MTHAR THUG DER SMON PA'O, , GNOD SEMS NI, GZHI YID DU MI 'ONG BA'I SEMS CAN LA DER 'DU SHES SHING, GNOD BYED KYI RGYU LA MTSAN MAR 'DZIN PA'I ZHE SDANG GI SEMS, GNOD BYED LA MI BZOD PA'I SEMS, TSUL MIN YID BYED YANG YANG DRAN PAS 'KHON 'DZIN GYI SEMS, BRDEG PA DANG BSAD NA CI MA RUNG SNYAM PA'I 'KHU SEMS, NGO TSA DANG NYES DMIGS ZIL GYIS GNON PA'I SEMS LNGA LDAN GYI NYON MONGS GANG RUNG GI SGO NAS KUN SLONG GSOD BCING SOGS BYA 'DOD PA'I BLOS, SBYOR BA DE BYED PAR RTZOL ZHING MTHAR THUG DNGOS SU NUS NA BYED PAR THAG BCAD PA'O, , LOG LTA NI, GZHI LAS 'BRAS LTA BU LA DE MED PAR 'DU SHES SHING, NYON MONGS GANG RUNG GI SGO NAS KUN SLONG SKUR BA 'DEBS PAR 'DOD PAS, SBYOR BA BSAMS PA LTAR DU MED PAS BSAMS TE MTHAR THUG THAG BCAD PA'O, ,DE YANG SDIG PA SHIN TU LCI BAS RNAM SMIN GYI 'BRAS BU DMYAL BA, 'BRING GIS YI DVAGS, CHUNG NGUS DUD 'GROR SKYE, RGYU MTHUN @255 GYI 'BRAS BU SROG GCOD KYIS TSE THUNG, MA BYIN LEN GYIS LONGS SPYOD (19 NA) DBUL, LOG G-YEM GYIS CHUNG MA BSRUNG DU MI BTUB, RDZUN GYIS MI KHA SDANG, PHRA MAS MDZA' BSHES NYUNG, TSIG RTZUB KYIS MI SNYAN PA MANG DU THOS, NGAG BKYAL GYIS TSIG MI BTZAN, BRNAB SEMS KYIS YID KYI RE BA MI 'GRUB, GNOD SEMS KYI 'JIGS SKRAG CHE, LOG LTAS YANG DAG PA'I LTA BA LA RMONGS PAR 'GYUR, DE YANG SNGON CHAD SHES BZHIN GYIS MA ZIN PA'I SDIG PA MANG DU BSAGS YOD 'DUG KYANG BSAGS PA LA BSAGS PAR NGO MA 'PHROD, DA RES ZIN PAS KHO NAM BYUNG TZA NA GNYEN PO BSTEN THUB PA ZHIG BYED, DE TZAM GYIS MI CHOG PAR DGE BA BCU SGRUB PA LA BRTZON PAR BYED, DE LA YANG NGOS ZIN DGOS PAS MI DGE BA BCU GO LDOG PA DE DGE BA BCU YIN LA, KHYAD PAR DU YANG RNAM MKHYEN SGRUB PA'I RTEN BZANG PO ZHIG THOB PAR BYED PA LA MI DGE BA DE DAG GIS MA GOS SHING, GSAR DU MI GSOG PA ZHIG NGES PAR DGOS 'DUG KYANG, TSE 'DIR YANG SDIG PA DE TZAM ZHIG BSAGS, DES CHA TZAM DU YANG 'GRAN MI NUS PA'I TSE RABS MANG POR RANG GCIG PU'I CHED TZAM DU MA @256 ZAD DPON GROGS BU SPUN ZLA BUD MED G-YOG 'KHOR SDE DGON SOGS KYI DON DU SDIG PA GRANGS MED BSAGS PA DE RNAMS RNAM SMIN MYONG TSE YUL DE DAG DANG BGO BSHA' BYAR MED PAR RANG GCIG PU'I THOG TU 'ONG ZHING, MYONG NGES KYI LAS NI BZLOG TU MED PAR CHOS MNGON PA (19 BA) LAS BSHAD 'DUG PAS, JI LTAR BYAS KYANG 'KHOR BA LAS THAR MI NUS PA 'DRA SNYAM DU YID BLONG BLONG POR GYUR PA NA, GA RE BDAG CAG GI STON PA THABS MKHAS THUGS RJE CAN DES DRANG NGES KYI CHOS MANG DU BKA' STZAL BA'I THEG PA 'OG MAR DE LTAR BSHAD KYANG NGES DON DU MTSAMS MED BYAS PA'I SDIG PA RNGAMS CHEN YANG BSHAGS SDOM BYAS PAS 'DAG NUS PAR GSUNGS PAS, BSHES SPRING LAS, GANG ZHIG SNGON CHAD BAG MED GYUR PA LAS, ,PHYI NAS BAG DANG LDAN PAR GYUR DE YANG, ,ZLA BA SPRIN BRAL LTA BUR RNAM MDZES TE, ,DGA' BO SOR PHRENG MTHONG LDAN BDE BYED BZHIN, ,ZHES GCUNG DGA' BO CHUNG MA LA HA CANG CHAGS PA DANG, SOR PHRENG GIS MI GCIG GIS MA LONGS PA'I MI STONG BSAD PA, MA SKYES DGRAS YAB GZUGS CAN SNYING PO BSAD PA RNAMS BSHAGS SDOM @257 BYAS PAS DAG CING SNGA MA GNYIS KYIS DGRA BCOM THOB, BDE BYED KYIS MA BSAD KYANG 'GYOD SEMS KYIS BLANG DOR TSUL BZHIN BYAS PAS DMYAL BAR DAR GYI PHO LONG BRDABS PA TZAM ZHIG SKYES NAS BCOM LDAN 'DAS KYI DRUNG DU RGYUN ZHUGS KYI 'BRAS BU THOB PAR BSHAD PAS, BDAG GIS DE TZAM ZHIG MA THOB KYANG NGAN 'GRO'I SGO KHEGS PA ZHIG BYED SNYAM STE SDIG PA BSHAGS PA'I YUL SNGAR GYI SKYABS YUL DANG, BLA MA'I RNAL 'BYOR GYI TSOGS ZHING RNAMS DRAN PAR BYAS NAS, SNGAR BYAS KYI SDIG PA LA DUG KHONG DU SONG BA LTA BU'I 'GYOD SEMS (20 NA) DRAG PO DANG, PHYIN CHAD SROG LA BABS KYANG MI BYED SNYAM PA'I SDOM SEMS SNGON TU BTANG NAS SDOM GSUM SO SO'I PHYIR BCOS DANG, LTUNG BSHAGS 'DON PA DANG BCAS PHYAG 'TSAL BA NI LAG LEN DNGOS GZHI YIN NO, ,DE KHO NA NYID KYI RGYAS 'DEBS KYANG BYA'O, , SMRAS PA, DAL 'BYOR DON LDAN BYA 'DOD SHES LDAN RNAMS, , LONG MED 'CHI DANG NGAN 'GRO'I SDUG BSNGAL RNAMS, ,LEGS PAR BSAM DANG 'DI SNANG BYA BA LA, ,ZHEN PA LOG NAS BDE 'BRAS DON GNYER SKYES, ,ZHES BYA BA NI BAR SKABS KYI TSIGS @258 SU BCAD PA'O, , SKYES BU 'BRING DANG THUN MONG BA'I LAM GYI RIM PA LA BLO SBYANG BA, GNYIS PA SKYES BU 'BRING DANG THUN MONG BA'I LAM GYI RIM PA LA BLO SBYANG BA NI, LAM SGRON LAS, SRID PA'I BDE LA RGYAB PHYOGS SHING, ,SDIG PA'I LAS LAS LDOG BDAG NYID, , GANG ZHIG RANG ZHI TZAM DON GNYER, ,SKYES BU DE NI 'BRING ZHES BYA, ,ZHES 'DI LA 'KHOR BA'I SDUG BSNGAL BSAM PA, DE LAS THAR BAR BYED PA'I LAM NYAMS LEN GYI RIM PA BSHAD PA GNYIS, DANG PO LA SDUG BSNGAL DANG KUN 'BYUNG GI SGO NAS BSAM PA, RTEN 'BREL BCU GNYIS KYI SGO NAS BSAM PA GNYIS, DANG PO LA SDUG BSNGAL 'KHOR BA'I NYES DMIGS DANG, KUN 'BYUNG 'KHOR BA'I 'JUG RIM GNYIS, DANG PO NI, MDO LAS, DGE SLONG DAG 'DI NI SDUG BSNGAL 'PHAGS PA'I BDEN PA'O, ,'DI NI KUN 'BYUNG 'PHAGS PA'I BDEN PA'O; ,ZHES 'BRAS BU SDUG BSNGAL BDEN PA (20 BA) DANG PO DANG, RGYU KUN 'BYUNG BDEN PA RJES SU GSUNGS PA 'DI @259 RGYU 'BRAS GO LDOG PA LTA BUR SNANG YANG DGOS PA KHYAD PAR CAN LA DGONGS PA'I TSUL NI BZHI BRGYA PA LAS, SDUG BSNGAL RGYA MTSO 'DI LA MTHA', ,RNAM PA KUN TU YOD MIN NA, ,BYIS KHYOD 'DIR NI BYING BA LA, ,'JIGS PA CIS NI SKYE MI 'GYUR, , ZHES DANG, RGYUD BLA MA LAS, NAD NI SHES BYA NAD KYI RGYU NI SPANG BYA LA, ,BDER GNAS THOB BYA SMAN NI BSTEN PAR BYA BA LTAR, ,SDUG BSNGAL RGYU DANG DE 'GOG PA DANG DE BZHIN LAM, , SHES BYA SPANG BYA RIG PAR BYA ZHING BSTEN PAR BYA, ,ZHES BDE SDUG GANG GI YANG 'BRAS BU NGOS ZIN PAR BYAS NAS, DE SKYED BYED KYI RGYU LA 'DOR LEN BYED PA NI GNAD SHIN TU CHE BAS, DNGOS DON BDE 'GRO'I SDUG BSNGAL LA GTZO CHER SBYAR TE BSAM PA LA, MI, BDE 'GRO GZHAN GNYIS, ZHAR BYUNG RIGS DRUG THUN MONG GI SDUG BSNGAL SGOM PA DANG GSUM, DANG PO NI, SKYE GNAS BZHIR GSUNGS KYANG GTZO CHER MNGAL SKYES KYI DBANG DU BYAS PA LA, PHO BA'I 'OG LONG KA'I STENG NA KHA SGAL TSIGS LA BLTAS NAS DRI NGA ZHING MI GTZANG BA'I LJAN LJIN GYI KHROD DU YOD PA LAS, RIM GYIS MER MER PO NAS RKANG LAG 'GYUS PA'I BAR RNAMS SU MAS BZA' BTUNG TSA BA BSTEN @260 NA ME DONG DU TSUD PA, GRANG BA BSTEN NA 'KHYAG SBUGS SU GNAS PA, MCHONG BA DANG RGYUG PA SOGS KYI TSE G-YANG LA LHUNG BA LTA BU'I NYAMS 'CHAR BA SOGS MAS SPYOD LAM MI GZOB MTHA' DAG LA BRTEN PA'I SDUG BSNGAL THOG TU 'BAB BZHIN (21 NA) PA NAS ZHAG NYIS BRGYA DRUG CU RTZA DRUG SONG BA NA, LAS KYI RLUNG GIS MGO BO THUR DU BSTAN TE MNGAL SGO'I RUS PA SHIN TU DOG PA NAS PHYIR 'BYUNG BA'I TSE SHA LPAGS RNAMS CHAD 'GRO BA LTA BU'I SDUG BSNGAL MYONG BZHIN DU SKYES SHING BTZAS NAS KYANG STAN 'JAM PA LA BZHAG KYANG TSER DONG DU BCUG PA LTA BU'I SDUG BSNGAL, 'PHRU MA 'PHYIS PA'I TSE PAGS PA DMAR BSHUS BYAS PA LTA BU'I SDUG BSNGAL, LTE BA BCAD PA'I TSE SROG BCAD PA LTA BU'I SDUG BSNGAL, MAS PANG DU BLANGS PA'I TSE BYI'U KHRAS 'KHYER BA LTA BU'I SDUG BSNGAL, GOS KYIS GTUM STE MAL DU BCUG PA'I TSE BKYIGS TE BTZON DONG BCUG PA LTA BU'I SDUG BSNGAL SOGS BZOD PAR DKA' BA'I TSUL RNAMS BSAM, RGA BA'I SDUG BSNGAL YANG SKRA DKAR ZHING LUS GUG PA, DPRAL BA GNYER MAS KHEBS PA SOGS LUS KYI MTHU NYAMS PA'I TSUL LA MTSON NA, DA LTA LUS MA @261 'PHOS KYANG 'PHOS PA DANG KHYAD MED PA 'DI BZHIN SONG 'DUG SNYAM DU BSAM, NYAMS LEN BYED PA PO NA TSOD GZHON NU ZHIG YIN NA MI RGAS SHING 'KHOG PA ZHIG LA PHAR BLTAS LA BDAG KYANG RGA BA'I SDUG BSNGAL 'DI LTA BU LAS MA 'DAS SNYAM DU BSAM, NA BA'I SDUG BSNGAL NI SNGAR RANG NYID NAD DRAG POS 'DEBS MYONG BA'AM MIN NA GZHAN LA DPAGS TE YUN RING PO NAS NAD KYIS THEBS PA'AM, GLO BUR DU GDON DANG MTSON GYIS GTZES PA'I NAD PA ZHIG LA PHAR BLTAS TE, (21 BA) BDAG KYANG NA BA'I SDUG BSNGAL 'DI LTA BU LAS MA 'DAS SNYAM DU BSAM, 'CHI BA'I SDUG BSNGAL NI NAD JE CHER SONG STE SMAN PAS BOR, MO BON GYIS BSLUS, GNYEN BSHES RNAMS KYIS MTHA' BSKOR NAS SMRE SNGAGS 'DON, SHI DGE DANG DUR 'DEBS KYI GSHOM RA 'DING, RANG NYID KYANG BKRAG MDANGS NYAMS, KHA BSKAMS, MCHU BRDZES, SNA ZHOM, MIG KONG MOR SONG, DBUGS BRTZEGS, SNGAR BYAS KYI SDIG PA LA 'GYOD GNYEN BSHES 'KHOR G-YOG RDZAS NOR PHUN TSOGS KUN DANG BRAL, GCES PAR BSKYANGS PA'I LUS KYANG MAL DU BZHAG STE, CHAGS ZHEN DRAG PO'I DBANG GIS 'JIG @262 RTEN PHA ROL TU 'GRO DGOS PA'I TSUL RNAMS BSAM MO, , GZHAN YANG DGRA SDANG BA DANG 'PHRAD KYIS DOGS PA'I SDUG BSNGAL, GNYEN SDUG PA DANG BRAL GYIS DOGS PA'I SDUG BSNGAL, TSONG PA DANG ZHING PA TSONG ZOG STOR BA DANG LO TOG SER BAS BCOM PA, DBU GTZO DANG ZHANG BLON RNAMS KYIS DGRA MA THUL ZHING GNYEN MA 'KHYONGS PA, RAB TU BYUNG BA LA LA GNYEN PO ZHAN PAS TSUL KHRIMS 'GO MI THON PA, SHES RAB DMAN PAS THOS BSAM GYI BYA BA MA 'GRUB PA SOGS 'DOD PA BTZAL GYIS MI RNYED PA'I SDUG BSNGAL, GZHAN YANG KHA DRAG PO ZHAN POR SONG BA, PHYUG PO SPRANG POR SONG BA, MI MANG PO GCIG PUR SONG BAS MTSON TE RGYAL KHAMS LA BRTAGS NA SNGAR GYI SA NA MI 'DUG PA SOGS MDOR NA BKRES SKOM TSA GRANG MI 'DOD PA SNA TSOGS PAS MI'I LUS RTEN 'DI NYID KYANG SDUG BSNGAL GYI RANG BZHIN CAN YIN PAR SNYING THAG PA NAS MYONG BA MA SKYES KYI BAR DU BSGOM, GNYIS PA NI, 'DOD PA'I LHA RNAMS LA MI LTA BU'I SKYE RGA SOGS KYI SDUG BSNGAL MED NA'ANG, 'CHI BAR NYE BA'I TSE BLO BUR DU LUS KYI BKRAG MDANGS NYAMS SHING BDE BA'I STAN @263 LA 'DUG SNYING MI 'DOD PA, ME TOG GI PHRENG BA RNYINGS PA, GOS LA DRI MA NAG NOG CHAGS PA, SNGON MED PA'I LUS RDUL 'BYUNG BA RNAMS 'CHI LTAS LNGA, LUS KYI 'OD CHUNG DU SONG BA, KHRUS CHU LUS LA CHAGS PA, GOS RGYAN LAS SGRA MI SNYAN PA 'BYUNG BA, MIG GI RDZI MA 'KHRAB PA, YUL GCIG LA CHAGS PA LNGA PO NYE BA'I 'CHI LTAS TE BCU PO DE RNAMS 'CHI LTAS SU RIG NAS SDUG BSNGAL ZHING, KHYAD PAR SKABS GSUM PA ZHES BYA BA GANG DU SKYE 'GYUR GYI GNAS KYANG BRTAGS NA SHES PA YIN PAS DE MA THAG DMYAL BAR SKYE NGES LTA BU ZHIG YIN NA, DMYAL BAR SKYES ZIN PA DANG KHYAD PAR MED PA'I SDUG BSNGAL DRAG PO MI BZOD PA YOD PAS MI LTA BU LA NGAN SONG DU SKYE DOGS PA TZAM LAS RTAG BRTAN THER ZUG DE 'DRA MED PAS LHA'I SDUG BSNGAL LHAG PAR CHE BA YIN GSUNG, GZHAN YANG BSOD NAMS CHEN PO'I LHA RNAMS MTHONG BA'I TSE CHUNG BA RNAMS SPA BKONG BA DANG, STOBS CHE BAS CHUNG BA GNAS GZHAN DU BSKROD PA DANG, LHA MA YIN DANG 'THAB PA'I TSE PHAN TSUN (22 BA) GCIG GIS GCIG GSOD CING LUS DANG YAN LAG GTUB CING GCOD PA'I SDUG @264 BSNGAL SNA TSOGS PA, GZUGS GZUGS MED KYI LHA RNAMS NI MNGON GYUR GYI SDUG BSNGAL DE DAG DANG MI LDAN YANG RGYA MTSO'I GZINGS KYI PHUG RON SLAR YANG GZINGS LA 'KHOR BA LTAR TING NGE 'DZIN GYI 'PHEN PA ZAD DE SHI BA'I RJES SU 'DOD KHAMS KYI SDUG BSNGAL MNGON GYUR SPYOD DGOS TSUL LEGS PAR BSGOM MO, , GSUM PA ZHAR BYUNG RIGS DRUG THUN MONG GI SDUG BSNGAL BSAM PA NI, 'KHOR BA LAS MA GROL PHYIN CHAD BSOD NAMS KYI MTHUS 'KHOR LOS BSGYUR BA'I RGYAL PO DANG, TSANGS PAR GYUR KYANG SLAR BRAN DU 'GYUR BA LTA BU NI 'GYUB BA'I SDUG BSNGAL; TSE 'DI'I SKYE RGA NA 'CHI'I SDUG BSNGAL NI GRUB ZIN PA'I SDUG BSNGAL, 'BRAS TSA BA'I STENG DU TSVA BTAB PA'I 'GYUR BYED KYI REG PA DANG 'PHRAD PAS SDUG BSNGAL CHER SONG BA NI SDUG BSNGAL GYI SDUG BSNGAL, PHYIN PAS NGAL BA NA BSDAD PAS BDE BAR SNANG LA NAM ZHIG NA YAN LAG DANG SKED PA NA BA DE 'GYUR BA'I SDUG BSNGAL, 'KHYAGS PA'I SPUBS SU CHUD PA ZHIG DE LAS MA THAR GYI BAR DU DRO BA'I SKABS MED PA LTA BU KHYAB PA 'DU BYED KYI SDUG BSNGAL YIN @265 PAS; DON HRIL GYIS DRIL NA ZAG BCAS NYER LEN GYI PHUNG PO 'DI BLANGS PHYIN CHAD DA LTA'I PHUNG PO LA BRTEN PA'I SDUG BSNGAL MYONG ZHING, PHYI MA'I SDUG BSNGAL 'DREN PA LAS 'OS MED; NYER LEN GYI DON 'DUN PA DANG 'DOD CHAGS YIN PAS (23 NA) DPER NA BYA DANG SGO NGA BZHIN DU 'KHOR BAR 'KHOR TSUL RNAMS BSAM MO, , DER MA ZAD YID BRTAN DU MI RUNG BA NI PHA MA GNYEN BSHES DGRA GNYEN MANG PO GO LDOG PA SKYE BA RIM BRGYUD LA 'ONG BAR MA ZAD TSE 'DI LA YANG TSE STOD LA SHIN TU MDZA' BA DAG TSE SMAD LA DGRAR GYUR PA DANG, LO SNGON MA GCIG GIS GCIG GSOD DU CHA BA'I MI ZHIG LO RTING MA GNYEN GYI DVANGS MAR 'GRO BA SOGS DGRA GNYEN LA NGES PA MED PA'I SDUG BSNGAL BSAM, CHOG MI SHES PA NI, SNGON CHAD PHUN SUM TSOGS PA'I LHA'I BDUD RTZI, BAR MA MA'I NU ZHO, MTHA' MA MI GTZANG BA'I KHU BA DANG KHRO CHU KHOL MA BTUNGS PA'ANG RGYA MTSO CHEN PO GRANGS MED PA LAS CHES MANG MOD, DES KYANG NGOMS SU MED PA MDZE CAN ME LA BRTEN PA'I DPE LTAR 'DOD PA'I LONGS SPYOD LA @266 NGOMS MI SHES PAR BSAM, LUS RTEN BGRANG MI NUS PA NI, NAD SNA TSOGS KYI SGO NAS LUS DOR BA, GZHAN RNAMS PHAR ZHOG MTSON GYIS BTUBS TE SHI BA'I MGO BO RNAMS SPUNGS NA TSANGS PA'I 'JIG RTEN LAS MTHO BAR GYUR PAS, DA DUNG 'KHOR BA LAS MA THAR NA LUS YANG YANG 'DOR BA'I SNANG TSUL DE LAS MA 'DAS SNYAM DU BSAM, MNGAL SGO GRANGS MED 'GRIMS PA NI, MA YI THUG MTHA' RGYA SHUG TSI GU TZAM, ,RI LUR BGRANGS KYANG SA YIS LANGS MI 'GYUR; ,ZHES RANG CAG GI RTZA BA'I MA, DE'I MA, DE'I YANG MA ZHES BGRANG BA'I CHED DU SA CHEN PO 'DI RI LU CHUNG NGUR DRIL NAS (23 BA) BGRANGS KYANG 'DREN PAR MI THUB PA NI THUG MTHA' ZHES PA'I NUS PAS BSTAN NAS, DON GYIS RANG GI MA YANG BGRANG BAR MI NUS PA'O, , MTHO DMA' MA NGES PA NI, BRGYA BYIN 'JIG RTEN MCHOD 'OS GYUR NAS NI, ,LAS KYI DBANG GIS PHYIR YANG SA STENG LHUNG, ,'KHOR LOS BSGYUR BA NYID DU GYUR NAS KYANG, , 'KHOR BA DAG TU YANG BRAN NYID DU 'GYUR, ,ZHES BRGYA BYIN @267 DANG 'KHOR LOS BSGYUR BA'I RGYAL PO YANG YANG BRAN DANG NGAN SONG SOGS DMAN PA'I GNAS SU SKYE BAR 'GYUR ZHING RANG 'OD KYIS 'JIG RTEN SNANG BAR BYED PA'I NYI ZLA YANG MUN PA'I SMAG RUM DU SKYE BA'I TSUL RNAMS BSAM, GNYIS PA KUN 'BYUNG 'KHOR BA'I 'JUG RIM BSGOM PA NI; BSHAD MA THAG PA'I SRID PA 'KHOR BA'I SDUG BSNGAL GYI GNAS TSUL SHES PAR BYAS NAS, DE MI 'DOD NA DE'I RGYU SPONG DGOS; SPONG BA LA RGYU NGOS ZIN DGOS PAS, DE LA LAS NYON GNYIS YOD PA'I GTZO BO NI NYON MONGS PA STE, DPER NA ZHING SA SKAM PO LA SA BON BTAB KYANG CHU LUD DROD GSHER SOGS DANG MA 'PHRAD NA 'BRAS BU MI 'BYIN PA LTAR, RNAM 'GREL LAS; SRID PA'I SRED LAS RNAM BRGAL BA'I, ,LAS GZHAN 'PHEN NUS MA YIN TE, ,LHAN CIG BYED PA ZAD PHYIR RO, , ZHES DUD 'GROR SKYE BA'I LAS BSAGS PA ZHIG LAS DE DANG MA 'PHRAD PA'I SNGON DU ZHI BA THOB NA LAS DE STONG ZAD DU SONG NAS 'BRAS BU MI 'BYIN LA, NYON MONGS DE NGOS BZUNG NA RANG RE RNAMS KYI RGYUD LA NYON MONGS PA BAG LA NYAL BA'I TSUL GYIS YOD PA (24 NA) NI, SHOG BU LA SNUM PHOG PA @268 BZHIN DBYE DKA' BA, MI NAD RO YOD PA ZHIG 'PHRAL DU LUS THANG PO YOD PA 'DRA BA LA NAD SLONG BYED KYI ZAS ZOS PAS ZUG GZER BSKYED PA BZHIN YID DU 'ONG BA'I BU PHO MO RTA PHYUGS GOS DAR RIN PO CHE SOGS DNGOS PO MTHONG BA NA DES GSOS BTAB PAS 'DOD CHAGS BAG LA NYAL BA DE MNGON GYUR GYI TSUL DU LANGS TE, DE DAG LA BLTA BA DANG REG PA SOGS LONGS SPYOD 'DOD KYI BLO DUNG DUNG YOD PA'I NYON MONGS DE 'DOD CHAGS, DGRA'AM MI MDZA' BA ZHIG MTHONG BA'I TSE MNAR SEMS RTZUB MOS 'DI LA THABS GANG 'DRA ZHIG GI SGO NAS GNOD PA BYA NA SNYAM PA'I ZHE SDANG DRAG PO SOL ME RLUNG GIS SPAR BA LTA BU'I DMAR LAM LAM SKYES PA'I NYON MONGS DE KHONG KHRO, BDAG 'DZIN GYI DBANG GIS RIGS MTHO BA, NOR GYIS PHYUG PA, THOS PA'I YON TAN, LUS KYI SGYU RTZAL SOGS LA BRTEN NAS GANG ZAG CHE GE MO 'DI DAG GIS BDAG GI BA SPU'I KHUNG BU GCIG TZAM LA YANG MI BSDO SNYAM PA'I RANG NYID LA MCHOG TU 'DZIN PA'I KHENGS PA'I RNAM PA CAN GYI NYON MONGS DE NGA RGYAL, SKAR KHUNG MED PA'I KHANG PA'I NANG DU DNGOS PO KHA DOG DANG DBYIBS MI 'DRA BA @269 MANG PO YOD KYANG MUN PA'I DBANG GIS DKAR NAG DANG LEGS NYES SOGS MI SHES PA BZHIN DU, LAS 'BRAS DANG BDEN BZHI SOGS JI LTA JI SNYED KYI GNAS LUGS MTHA' DAG BSGRIBS TE MI GSAL BAR BYED PA'I NYON MONGS DE MA RIG PA, DKON MCHOG GSUM SOGS GSUNG RAB NAS BSHAD PA 'DI DAG BDEN NAM MI BDEN SNYAM PA'I YUL LA NGES SHES BSKYED PA LA GEGS BYED PA'I NYON MONGS DE THE TSOM, MI RTAG PA YIN PAS RANG DUS KYI SKAD CIG GNYIS PA LA 'JIG CING, GCIG MA YIN PAR DU MA TSOGS PA'I PHUNG PO LNGA LTA BU'I NGA'I GDAGS GZHI'I STENG NAS NGA DANG NGA'I ZHES BDAG TU 'DZIN PA'I SHES RAB NYON MONGS CAN DE 'JIG TSOGS LA LTA BA, PHUNG PO NGAR BZUNG BA DE RTAG PA THER ZUG GAM 'DI NAS PHYI MAR NYING MTSAMS SBYOR BA MED PAR CHAD PAR LTA BA'I SHES RAB NYON MONGS CAN DE MTHAR 'DZIN GYI LTA BA, 'JIG LTA MTHAR LTA LOG LTA GSUM PO GANG RUNG DANG, DE DAG GANG LA BRTEN NAS BYUNG BA'I PHUNG PO LA DMIGS NAS MCHOG TU 'DZIN PA'I SHES RAB NYON MONGS CAN DE LTA BA MCHOG 'DZIN, RANG GI BLO NGOR 'CHAL TSUL SPANGS PA'I TSUL @270 KHRIMS DANG, SKRA BREG PA LTA BU'I BRTUL ZHUGS DANG, DE DAG GANG LA BRTEN NAS BYUNG BA'I PHUNG PO LA DMIGS NAS GROL BA THOB PAR 'DOD PA'I SHES RAB NYON MONGS CAN DE TSUL KHRIMS DANG BRTUL ZHUGS MCHOG 'DZIN, LAS 'BRAS DANG TSE SNGA PHYI MED CES SKUR BA 'DEBS SHING 'JIG RTEN CHAGS 'JIG TSANGS PA SOGS KYIS BYAS PAR 'DOD PA'I SHES RAB NYON MONGS DE LOG LTA YIN LA DE LTAR NYON MONGS CAN DE LOG LTA YIN PA DE LTAR NYON MONGS PA THAMS CAD KYI RTZA BA MA RIG PA DANG 'JIG LTA GNYIS GCIG TU BYAS KYANG 'GAL BA MED MOD, SPU RIS 'BYED TSE SO SOR BYA, DPER NA THAG PA'I GNAS LUGS MI GSAL BAR BYED PA'I MUN PA DE MA RIG PA DANG, DE LA BRTEN NAS THAG PA SPRUL DU 'DZIN PA'I BLO DE 'JIG LTA LTA BU YIN PAS, 'DI GNYIS KYIS NYON MONGS PA THAMS CAD KYI RTZA BA BYAS (25 NA) NAS CHAGS SDANG GI DBANG GIS NYES PA THAMS CAD BSKYED PA'I PHYIR, NYON MONGS PA DA LTA CUNG ZAD MGO GNON PA'I LUGS SU BYAS KYANG RTZA BA NAS DRUNG 'BYIN PAR MI NUS NA, ME LONG LA 'CHAR BA'I GZUGS BRNYAN LTAR BAG LA NYAL BA DES NYON @271 MONGS PA 'PHEL BA'I RTEN BYED, ME LONG DANG BYAD BZHIN 'PHRAD PA NA DE MA THAG TU GZUGS BRNYAN 'CHAR BA BZHIN DGRA GNYEN SOGS YUL SNA TSOGS LA BRTEN NAS MNGON GYUR DU SKYE BA'I DMIGS PA'I SGO NAS NYON MONGS PA 'PHEL BAR BYED; DGE BA'I BSHES GNYEN DANG GROGS CHOS BYED LAS RING DU GYUR ZHING NYON MONGS SHIN TU CHE BA'I GROGS NGAN PA'I GTAM DANG KUN SPYOD SOGS KYI 'DU 'DZI LA BRTEN NAS NYON MONGS PA 'PHEL BAR BYED, MI DGE BA'I BSHES GNYEN SOGS KYIS NYON MONGS MA SPANGS BZHIN DU THAR PA THOB PA SKAD KYI BSHAD PA'I DBANG GIS NYON MONGS PA 'PHEL BAR BYED, KHA TON SHIN TU BYANG BA ZHIG SEMS RGYA YAN DU BTANG YANG NGAG NAS THOGS MED DU 'GRO BA BZHIN SNGAR NAS 'DRIS PA DANG GOMS PA'I DBANG GIS NYON MONGS PA 'PHEL BAR BYED, GANG ZAG 'DIS PHAN GNOD 'DI LTAR BYAS SNYAM PA LTA BU'I CHAGS SDANG GIS SGRO SNA TSOGS 'DOGS PA DANG, MI 'DIS SDIG PA CHEN PO BYAS SONG YANG DA LTA SKYID PAR 'DUG PAS LAS 'BRAS MI BDEN SNYAM PA LTA BU'I TSUL MIN YID BYED KYI SGO NAS NYON MONGS PA 'PHEL BAR BYED @272 PAS RGYU DRUG PO 'DI DAG NGOS ZIN PAR BYAS NAS 'PHRANG DAM SAR DGRA LA BSGUGS BRGYAG PA LTA BU'I NYAMS LEN RDO RUS THUG PA ZHIG BYA'O, , GNYIS PA RTEN 'BREL YAN LAG BCU GNYIS KYI SGO NAS BSAM PA NI, SA LU LJANG PA'I MDO LAS, RTEN CING 'BREL BAR 'BYUNG BA GANG ZHE NA, RTEN CING 'BREL BAR 'BYUNG BA ZHES BYA BA NI 'DI LTA STE, 'DI YOD PAS 'DI 'BYUNG, 'DI SKYES PA'I PHYIR 'DI SKYE BA STE, GANG 'DI MA RIG PA'I RKYEN GYIS 'DU BYED RNAMS, 'DU BYED KYI RKYEN GYIS RNAM PAR SHES PA; ,ZHES PA NAS, SKYE BA'I RKYEN GYIS RGA SHI DANG, MYA NGAN DANG; SMRE SNGAGS 'DON PA DANG, SDUG BSNGAL DANG, YID MI BDE BA DANG 'KHRUGS PA RNAMS 'BYUNG STE, DE LTAR SDUG BSNGAL GYI PHUNG PO CHEN PO 'BA' ZHIG PO 'DI 'BYUNG BAR 'GYUR RO, ,DE LA MA RIG PA 'GAGS PAS 'DU BYED 'GAG CES PA NAS, SKYE BA 'GAGS PAS RGA SHI 'GAGS, MYA NGAN DANG; SMRE SNGAGS 'DON PA DANG, SDUG BSNGAL DANG YID MI BDE DANG 'KHRUGS PA RNAMS 'GAG PAR 'GYUR TE, DE LTAR SDUG BSNGAL GYI PHUNG PO CHEN PO 'BA' ZHIG PO 'DI 'GAG @273 PAR 'GYUR TO, ,ZHES GSUNGS PA LTAR RTEN 'BREL YAN LAG BCU GNYIS LA BRTEN NAS BDE 'GRO DANG NGAN 'GROR 'KHOR TSUL LEGS PAR BSGOM, GNYIS PA DE LAS THAR BAR BYED PA'I LAM NYAMS LEN GYI RIM PA NI, SEMS RNAM PAR G-YENG BA MED PAR BYED PA TSUL KHRIMS KYI BSLAB PAS NYON MONGS PA MNGON GYUR SUN PHYUNG; SEMS MNYAM PAR MA BZHAG PA MNYAM PAR 'JOG PAR BYED PA TING NGE 'DZIN GYI BSLAB PAS NYON MONGS PA MNGON GYUR MGO GNON, SEMS MA GROL BA GROL BAR BYED PA SHES RAB KYI BSLAB PAS NYON MONGS PA'I SA BON RTZA BA NAS BCAD DE 'BRAS BU MYA NGAN LAS 'DAS PA 'THOB PAR BYED, DE LTAR NA TSUL KHRIMS RNAM PAR DAG PA NI 'PHRAL YUN THAMS CAD KYI BDE LEGS (26 NA) KYI RTZA BA YIN ZHING, LHAG TU SNYIGS MA LNGA BDO BA'I DUS 'DIR PHAN YON LHAG PAR CHE BA TING NGE 'DZIN RGYAL PO'I MDO SDE LAS GSUNGS SHING; KHYAD PAR JO BO BKA' GDAMS PA RNAMS TSUL KHRIMS GTZANG BA LA GTZO BOR MDZAD PAS SHA RA BA'I ZHAL NAS SPYIR LEGS NYES CI BYUNG YANG CHOS LA BRTEN PA, DE'I NANG NAS @274 KYANG 'DUL BA NAS JI LTAR 'BYUNG BA LA BRTEN NA BLDAB KYANG MI DGOS PA ZHE GTZANG BA BRTAG THUB PA NYAMS DGA' BA; MTHA' BZANG BA YIN GSUNG BA THUGS SHIN TU MAD PAR SNANG BAS, RTZA BA MED PA'I YAL GA 'TSOL BA BZHAG NAS, LAM 'DI NYID LA NYAMS LEN SNYING POR MDZAD PAR 'TSAL LO; ,SMRAS PA, BYANG GROL DON DU GNYER BA'I SKYES BU RNAMS, , 'KHOR BA'I SDUG BSNGAL BSAM LA 'KHOR BA LAS, ,GROL PHYIR BSLAB PA GSUM LA BSLABS BYAS TE, ,THEG CHEN SEMS BSKYED YANG DAG LTA BAR 'BAD, ,CES PA'ANG BAR SKABS KYI TSIGS SU BCAD PA'O,, ,, SKYES BU GSUM GYI LAM GYI RIM PA BSHAD PA, GSUM PA SKYES BU CHEN PO'I LAM GYI RIM PA LA BLO SBYONG BA NI; LAM SGRON LAS, RANG RGYUD GTOGS PA'I SDUG BSNGAL GYIS; ,GANG ZHIG GZHAN GYI SDUG BSNGAL KUN, ,YANG DAG ZAD PAR KUN NAS 'DOD, ,SKYES BU DE NI MCHOG YIN NO, ,ZHES GSUNGS, 'DI LA BYANG CHUB KYI SEMS JI LTAR BSKYED PA'I TSUL @275 DANG; SEMS BSKYED NAS SPYOD PA LA SLOB PA'I TSUL GNYIS, DANG PO LA, BYANG CHUB KYI SEMS SBYONG BA'I RIM PA DANG, SEMS (26 BA) BSKYED CHO GAS 'DZIN PA'I TSUL GNYIS, DANG PO NI, SEMS SKYED PAR BYED PA'I RKYEN NI, SANGS RGYAS BYANG SEMS RNAMS KYI YON TAN DNGOS SU MTHONG BA 'AM, MA MTHONG YANG BYANG CHUB SEMS DPA'I SDE SNOD THOS PA DANG, DE DAG PHRA ZHING ZHIB PAR THOS PA MIN NA'ANG, SANGS RGYA BA LA CHOS 'DI MED DU MI RUNG BA SOGS KYI RGYU MTSAN 'OL SPYI TZAM NGES PA'I SGO NAS DENG SANG PHYAG LEN GYI SNYING POR JO BO CHEN PO DPAL LDAN AA TI SHA'I LUGS KYI RGYU 'BRAS MAN NGAG BDUN GYI SGO NAS BLO SBYONG BA DANG, RGYAL BA'I SRAS PO ZHI BA LHA'I LUGS KYI GTONG LEN GYI SGO NAS BLO SBYONG BA GNYIS, DANG PO NI, JO BO CHEN PO DPAL LDAN AA TI SHA'I LUGS KYI RGYU 'BRAS MAN NGAG BDUN GYI SGO NAS BLO SBYONG DGOS PA'I RGYU MTSAN, SANGS RGYAS KYI GO 'PHANG NI BYANG CHUB KYI SEMS LAS 'BYUNG, DE LHAG BSAM LAS 'BYUNG, DE SNYING RJE LAS 'BYUNG; DE BYAMS PA LAS 'BYUNG, DE DRIN DU GZO BA LAS 'BYUNG; DE DRIN DRAN PA LAS 'BYUNG, DE SEMS CAN THAMS @276 CAD MAR SHES PA LAS 'BYUNG BA'I GO RIM GYI GNAD DE LTAR YOD PAS, 'DI LTAR BSAM STE 'KHOR BA LA MTHA' MED PA BZHIN DU BDAG GI SKYE BA LA YANG MTHA' MED PAS SEMS CAN THAMS CAD KYI MNGAL DU NYING MTSAMS SBYAR NAS SKYE BA MA BLANG BA GA LA YOD SNYAM DU BSAM PA NA, SEMS CAN THAMS CAD MAR SHES PA'I BLO RANG GIS PHAR BCOS PA MA YIN PAR, TSE 'DI'I MA DANG 'DRA BA'I SNANG BA 'CHAR BA ZHIG 'ONG; DE LA MYONG BA THON NAS DRIN DRAN PA NI, TSE 'DI'I MA 'DIS BDAG ZLA BA BCU'I BAR DU MNGAL DU BZUNG, MA RANG GI BDE BA DANG LTOGS SKOM KHYAD DU (27 NA) BSAD, PHAN GNOD KYI SPYOD LAM THAMS CAD BU'I CHED DU BYAS TE DAL 'BYOR GYI LUS SROG 'DI NYID BYIN PA YIN PAS THOG MAR DRIN CHE, BTZAS ZIN NAS KYANG 'JAM PA'I GOS STAN LA BZHAG ,BRTZE BA'I SEMS KYIS BSKYANGS, BYAMS PA'I MIG GIS BLTAS, DGA' BA'I 'DZUM GYIS BSUS, SNYAN PA'I MING NAS BOS, MNGAR BA'I NU ZHO BSNUN, ZAS LCES BSNYOD, SNABS KHAS PHYIS, MI GTZANG BA LAG PAS PHYIS, SHA'I DROD LA BCAR, ME CHU G-YANG SA'I 'JIGS PA LAS BSKYABS, BU NA @277 BA LAS RANG NA BA DANG, BU SHI BA LAS RANG SHI BA SNYING THAG PA NAS 'DAM PA SOGS KYI SGO NAS BSKYANGS PAS BAR DU DRIN CHE, NAR SON NAS ZA LUGS SOGS KYIS MTHA' BRTEN PA'I YON TAN RANG GIS BSLAB PA DANG GZHAN LA SLOB TU 'JUG PA DANG, SDIG SDUG GTAM NGAN THAMS CAD KHYAD DU BSAD DE SHA THANG THANG DU 'BAD PAS BTZAL BA'I SA KHANG NOR RDZAS SNYING LTAR GCES PA MTHA' DAG BYIN PAS THA MAR DRIN CHE TSUL RNAMS BSAM PAS MIG NAS MCHI MA 'KHRUG PA DANG; LUS KYI BA SPU LDANG BA SEMS RTZED YAM YAM BA DANG, YID BLONG BLONG BA MA BYUNG GI BAR DU BSGOM, DRIN GZO BA NI, MAR GYUR SEMS CAN RNAMS NYON MONGS PA'I GDON GYIS RGYUD DKRUGS, BLANG DOR LA BLTA BA'I MIG GTI MUG GIS LDONGS; ZAB MO DAM PA'I CHOS KYI 'KHAR BA DANG BRAL, DGE BA'I BSHES GNYEN GYI DMIGS BUS BOR, MTHO RIS DANG THAR PA'I NGAL STEGS LA BRDEG 'CHOS TE NGAN SONG GSUM GYI G-YANG DU LHUNG, SDUG BSNGAL GSUM GYI (27 BA) BTZON RAR 'KHYAMS PA'I MA DE RNAMS KYIS BU BDAG LA MI RE NA SU LA RE, BU BDAG LA MA 'DI RNAMS SKYOB PA'I KHUR MA BABS @278 NA GZHAN SU LA BABS, 'O NA PHAN JI LTA BU'I TSUL GYIS 'DOGS NA, BKRES PA LA ZAS, SKOM PA LA BTUNG BA, NAD KYIS MNAR BA LA SMAN, 'PHONGS PA LA ZANG ZING GI NOR SOGS KYIS BSKYANGS NA GNAS SKABS SO SO'I SDUG BSNGAL SEL BAR BYED MOD, GTZO BO NI, SEMS CAN THAMS CAD THAR PA DANG THAMS CAD MKHYEN PA'I GO 'PHANG GANG RUNG LA DGOD PAR BYA SNYAM PA'I YID 'KHUL NGES SU BSAM, BLO DNGOS SKYE BA LA BYAMS SNYING RJE LHAG BSAM GSUM SGOM DGOS PA'I BYAMS PA DANG SNYING RJE GNYIS LA RGYU 'BRAS KYI GO RIM NGES CAN MED KYANG PHYAG LEN DU BYAMS PA SNGON DU MDZAD PAS, RIN CHEN PHRENG BA LAS, RDZI'U TSOS SUM BRGYA'I KHA ZAS DAG ,NYIN RE DUS GSUM BYIN PAS KYANG, ,BYAMS PA YUD TZAM THANG GCIG GI ,BSOD NAMS DAG LA CHAR MI PHOD, CES PHAN YON MTHA' YAS PA DANG LDAN PA'I BYAMS PA BSGOM PA NI, BDE BA DANG MI LDAN PA'I MA RGAN SEMS CAN 'DI RNAMS BDE BA DANG PHRAD NA CI MA RUNG BDE BA DANG LDAN PAR GYUR CIG ,CI NAS KYANG BDE BA DANG LDAN PAR BYA'O SNYAM DU BSAM ZHING NGAG TU BRJOD, SNYING RJE NI SDUG BSNGAL GYIS @279 MNAR BA'I MA RGAN SEMS CAN 'DI RNAMS SDUG BSNGAL DANG BRAL NA CI MA RUNG SDUG BSNGAL DANG BRAL BAR GYUR CIG ,CI NAS KYANG SDUG BSNGAL DANG BRAL BAR BYA'O SNYAM DU YID KYIS BSAM ZHING NGAG TU YANG BRJOD, LHAG BSAM RNAM DAG NI BDE BA DANG MI LDAN PA'I MA RGAN SEMS CAN 'DI RNAMS BDE BA DANG LDAN PA ZHIG BDAG GIS BYA'O SDUG BSNGAL GYIS (28 NA) MNAR BA'I MA RGAN 'DI RNAMS SDUG BSNGAL DANG BRAL BA ZHIG BDAG GIS BYA'O SNYAM DU YID KYIS LHAG BSAM RNAM DAG BSKYED DE SMON PA BYANG CHUB MCHOG TU SEMS BSKYED DO, , GNYIS PA RGYAL BA'I SRAS PO ZHI BA LHA'I LUGS KYI GTONG LEN GYI SGO NAS BLO SBYONG BA NI, SPYOD 'JUG LAS, GANG ZHIG BDAG DANG GZHAN RNAMS NI, ,MYUR DU BSKYAB PAR 'DOD PA DES; ,BDAG DANG GZHAN DU BRJE BYA BA, ,GSANG BA'I DAM PA SPYAD PAR BYA, ,ZHES DANG, 'JIG RTEN BDE BA JI SNYED PA, ,DE KUN GZHAN BDE 'DOD LAS BYUNG, ,'JIG RTEN SDUG BSNGAL JI SNYED PA, ,DE KUN BDAG BDE 'DOD LAS BYUNG, ,MANG DU BSHAD LTA CI DGOS TE, ,BYIS PA RANG GI DON BYED DANG, , @280 THUB PA GZHAN GYI DON MDZAD PA, ,'DI GNYIS KYI NI KHYAD PAR LTOS, ,BDAG BDE GZHAN GYI SDUG BSNGAL DAG ,YANG DAG BRJE BAR MA BYAS NA, ,SANGS RGYAS NYID DU MI 'GRUB CING; ,'KHOR BA NA YANG BDE BA MED, ,CES SNGAR PHAN CHAD RANG NYID LA GCES PAR BZUNG STE RANG DON BSGRUBS PAS SDUG BSNGAL GYI RGYU KHO NAR SONG 'DUG PAS, DA PHYIN CHAD GZHAN YAL BAR 'DOR BA'I BLO DE RANG NYID LA SPOS NAS SBYANGS; RANG NYID GCES 'DZIN GYI BLO DE GZHAN LA BKAB NAS SBYANGS PAS GOMS PA'I DBANG GIS GO SA 'PHO THUB PA ZHIG 'ONG GSUNGS, GTONG LEN GYI DMIGS SKOR DNGOS NI RIN CHEN PHRENG BA LAS; BDAG LA DE DAG SDIG SMIN ZHING, ,BDAG DGE MA LUS DER SMIN SHOG ,CES RANG GI SNA BUG NAS RLUNG SANGS KYIS BUS PA DANG MNYAM DU RANG RGYUD LA YOD PA'I ZAG BCAS KYI DGE BA DANG BDE BA THAMS CAD RLUNG GI RTA LA ZHON TE MA SEMS CAN THAMS CAD KYI SNA BUG NAS ZHUGS MA SEMS CAN THAMS CAD BDE BA DANG LDAN PAR BYAS SONG SNYAM DU BSGOM, RLUNG TSUR RNGUB PA DANG MNYAM DU MA SEMS CAN @281 THAMS CAD KYI SDIG SGRIB DANG SDUG BSNGAL THAMS CAD RLUNG GIS DRANGS TE, RANG GI SNYING KHA'I NANG DU NAG PHUNG NGE BYUNG BA DANG, MA SEMS CAN THAMS CAD SDUG BSNGAL DANG BRAL BAR BYAS SONG SNYAM DU BSAM, DE LTAR GTONG LEN SPEL MA'I TSUL DU YANG YANG BSGOM PA NI 'TSANG RGYA BA'I LAM GYI SROG SHING NGAM GZHUNG SHING LTA BU YIN PAS NYAMS LEN GYI MTHIL DU MDZAD PAR 'TSAL, GNYIS PA SEMS BSKYED CHO GAS BZUNG BA NI, SNGAR BSHAD PA'I DON GNYER GNYIS KYI BLO LEGS PAR SBYANGS PAS CHO GA LA MA LTOS PAS SEMS BSKYED PA'I NGO BO TZAM ZHIG SKYE YANG; YANG DAG PA'I LAM DU TSUD PA LA CHO GA PHUN SUM TSOGS PA GAL CHE BAS DE'I LAG LEN SBYOR BA SKYABS 'GRO TSOGS BSAG SEMS SBYONG BA, DNGOS GZHI SMON SEMS CHO GAS 'DZIN PA, MJUG TSE 'DI DANG SKYE BA GZHAN DU SEMS BSKYED MI NYAMS PA'I SLAD DU BSLAB PA BRJOD PA RNAMS LAM GYI RIM PA CHE CHUNG LAS SHES DGOS SHING, ZHIB CHA'I PHYAG LEN MTHA' DAG MTHONG BA BRGYUD PA LA RAG LUS PAS RANG BZO DANG SLA CHOS SU MA SONG BAR BYA'O, , @282 DE YANG BYAMS PA'I RNAM PAR THAR PA'I MDO LAS, RGYAL SRAS KYI SPYOD PA LA SLOB MI NUS KYANG SEMS BSKYED PA TZAM LA PHAN YON CHEN PO 'BYUNG BAR GSUNGS MOD, 'ON KYANG RNAM 'GREL LAS, BRTZE LDAN SDUG BSNGAL GZHOM PA'I PHYIR, ,THABS RNAMS LA NI MNGON SBYOR MDZAD, ,THABS BYUNG DE RGYU LKOG GYUR BA; ,DE 'CHAD PA NI DKA' BA YIN, ,ZHES SNYING RJE CHEN PO DRANGS PA'I LHAG BSAM GYI SGO NAS SMON SEMS BSKYED PA'I (29 NA) DGOS PA SEMS CAN SDUG BSNGAL DANG BRAL NA SNYAM PA'I SEMS BZANG BA TZAM MA YIN PAR THABS LA 'JUG DGOS, DE LA RANG NYID THOG MAR SANGS RGYAS GYI GO 'PHANG 'THOB PA'I THABS SU BYANG CHUB SEMS DPA'I BSLAB BYA RNAMS LA SGRUB PA SNYING POR BYED DGOS PAS, SMON SEMS LA LEGS PAR SBYANGS PA'I MYONG BA SNA ZIN RGYUD LA SKYES PA NA BYANG SDOM GYI BSLAB BYA RNAMS NYAN TE PHYIN DRUG SOGS LA BSLABS PA'I PHAN YON MA BSLABS PA'I NYES DMIGS RTZA LTUNG DANG NYES BYAS SOGS LEGS PAR SHES NAS BLANG DOR DE LA SPRO BA SHUGS DRAG PO BCOS MA MA YIN PA SKYES PA DANG, SHING RTA CHEN PO GNYIS KYI LUGS SROL GCIG TU 'DRES PA'I @283 RGYAL SRAS KYI SDOM PA CHO GA'I SGO NAS PHOG STE RTZA LTUNG DANG NYES BYAS SRUNG TSUL PHYIR BCOS DANG BCAS PA'I LAG LEN RJE BDAG NYID CHEN POS TSUL KHRIMS LE'U'I RNAM BSHAD DU RGYAS PAR BKA' BSTZAL PA LAM RIM CHE CHUNG DU ZHAL 'PHANGS MDZAD CING GSER ZHUN DU YANG BYUNG MOD, DENG SANG PHYAG LEN DU 'JUG SDOM LEN PA'I SKOR 'DI BZHAG NAS PHYIN DRUG SOGS KYI NYAMS 'KHRID MDZAD PA YIN NO, , GNYIS PA BYANG CHUB MCHOG TU SEMS BSKYED NAS RGYAL SRAS KYI SPYOD PA LA BSLAB PA'I TSUL LA RANG RGYUD SMIN PAR BYED PA PHAR PHYIN DRUG LA BSLAB PA, GZHAN RGYUD SMIN PAR BYED PAR BSDU BA'I DNGOS PO BZHI LA BSLAB PA'I TSUL GNYIS, DANG PO LA SBYIN PA, TSUL KHRIMS, BZOD PA, BRTZON 'GRUS; BSAM GTAN, SHES RAB DANG DRUG GO ,DANG PO NI, RANG GI LONGS SPYOD DANG DGE RTZA THAMS CAD LA SER SNA MED PAR SNYING THAG PA NAS BTANG BA'I 'BRAS BU DANG BCAS PA GZHAN LA GTONG BA'I BLO'I GOMS PA YONGS SU RDZOGS PA SBYIN PA'I PHAR PHYIN TE, SPYOD 'JUG LAS, BDOG PA THAMS CAD 'BRAS BCAS TE, ,SKYE BO KUN LA BTANG SEMS KYIS, , @284 SBYIN PA'I PHA ROL (29 BA) PHYIN GSUNGS TE, ,ZHES SO, ,DE LTA BU'I SBYIN PA'I PHAR PHYIN NYAMS SU LEN PAR BYED PA LA, DGE BA'I BSHES GNYEN SHA RA BA'I ZHAL NAS, NGA NI KHYED LA GTONG BA'I PHAN YON MI BRJOD KYI 'DZIN PA'I NYES DMIGS BRJOD PA YIN ZHES RAB BYUNG RNAMS KYIS THOS BSAM SGOM GSUM GYI BAR CHAD DU 'GYUR BZHIN DU SHA THANG THANG DU 'BAD PAS BTZAL BA'I ZANG ZING GI DNGOS PO TZAM GYI SBYIN PA BYA MI RIGS PAS CHOS KYI SBYIN PA NYID GTZO BOR BYA DGOS SHING; 'BAD MED LHUN GRUB TU BYUNG BA RNAMS NI CHAGS PA MED PAR GTONG DGOS NA'ANG GTZO BOR ZANG ZING GI SBYIN PA NI KHYIM PA'I BYANG SEMS RNAMS KYIS BYA DGOS PA'I PHYIR, RTEN GYI SGO NAS SBYIN PA GTONG TSUL SPYIR BTANG DMIGS BSAL LEGS PAR PHYED PAR BYAS TE CHOS KYI TSIG DON BZANG PO 'DI LTA BU DANG, SEMS 'DI TZAM GYI SROG BSKYABS PA DANG, DNGOS PO KHYAD PAR CAN 'DI TZAM BDAG MIN PA GZHAN GYIS BYAR MED DO SNYAM PA'I KHENGS SEMS DANG, SBYIN PA GSUM PO 'DI LTAR BYA ZHES SNYAN GRAGS 'ONG DU RE BA DANG; SBYIN PA 'DI TZAM BYAR MI NUS SNYAM PA'I ZHUM PA DANG, @285 BYAS PA LA 'GYOD PA'I SEMS DANG, GZHAN RNAMS LA SBYIN PA GSUM PO GANG 'GRUB BYED CING DGRA SOGS LA MI BYED PA'I PHYOGS RIS CAN DANG, PHAR DNGUL SBYIN NA TSUR GSER 'ONG DU RE BA LTA BU DANG, GZHAN YANG SBYIN PA BTANG BA DANG, CHOS BSHAD PA DANG, SROG BSKYABS PA SOGS KYI RNAM SMIN GYI 'BRAS BUS LONGS SPYOD CHE BA, RANG MKHAS PA TSE RING BA SOGS LAN DANG RNAM SMIN GYI 'BRAS BU RE BA'I BSAM PA MTHA' DAG SPANG DGOS PA YIN TE, PHAR PHYIN BSDUS PA LAS, SLONG BA (30 NA) MNGON DU 'ONG NA RGYAL SRAS DES, ,RDZOGS PA'I BYANG CHUB TSOGS NI SPEL BA'I PHYIR, ,DES GZHAN 'DU SHES BDAG LA BZHAG BYAS SHING, ,DGE BA'I BSHES GNYEN 'DU SHES DE LA BSKYED, ,CES SO, , SBYIN PA GSUM PO DNGOS SU CI 'GRUB BYA DGOS TE, DE YANG SNGAR MCHOD SBYIN GRANGS MED BYAS PA LA BRTEN NAS TSANGS PA DANG, 'KHOR LOS BSGYUR RGYAL SOGS KYI LUS RTEN GRANGS MED PA ZHIG BLANGS 'DUG KYANG, DE THAMS CAD BYANG CHUB KYI SEMS KYIS MA ZIN PA'I DBANG GIS 'KHOR BA'I RGYU KHO NAR SONG 'DUG PAS, DA PHYIN CHAD SEMS CAN GCIG @286 TZAM LA YANG ZAS KHAM GCIG STER BA YAN CHAD BYANG CHUB KYI SEMS KYIS RTZIS ZIN PA'I SGO NAS BTANG BYA'I DNGOS PO 'DI RNAMS KYIS KYANG BDAG 'DOR, BDAG GIS KYANG 'DI RNAMS 'DOR BAS GANG LA YANG SNYING PO MED SNYAM DU SBYIN PA GSUM PO DNGOS SU CI 'GRUB BYED CING, MI NUS PA RNAMS YID KYIS BSGOM PA LA 'BAD PAR BYA'O, , GNYIS PA TSUL KHRIMS KYI PHAR PHYIN NI, SPYOD 'JUG LAS, SPONG BA'I SEMS NI THOB PA LAS, ,TSUL KHRIMS PHA ROL PHYIN PAR BSHAD, ,CES GZHAN LA GNOD PA GZHI DANG BCAS PA LAS YID PHYIR LOG PA'I SPONG SEMS NI TSUL KHRIMS YIN ZHING; DE LA SEMS KYI GOMS PA GONG NAS GONG DU YONGS SU RDZOGS PA TSUL KHRIMS KYI PHAR PHYIN YIN PAS, DE YANG NYES SPYOD SDOM PA'I TSUL KHRIMS NI SNGAR BSHAD ZIN, DGE BA CHOS SDUD KYI TSUL KHRIMS NI BYANG SEMS KYI TSUL KHRIMS DANG LDAN PAS LUS NGAG GI DGE BA GANG BYAS PA RNAMS YIN LA, SEMS CAN (30 BA) DON BYED KYI TSUL KHRIMS NI, BYANG CHUB SEMS DPA' SEMS CAN LA PHAN 'DOGS PA STE, DON HRIL GYIS BSGRIL NA RANG GIS KHAS BLANGS PA'I TSUL KHRIMS GSUM PO @287 NYES LTUNG GIS MA GOS PAR PHYIR BCOS SOGS KYIS DAG PA LA 'BAD PAR BYA'O, , GSUM PA BZOD PA'I PHAR PHYIN NI, SPYOD 'JUG LAS, SEMS CAN MI SRUN NAM MKHA' BZHIN, ,DE DAG GZHOM GYIS YONGS MI LANGS, KHRO BA'I SEMS 'DI GCIG BCOM NA, , DGRA DE THAMS CAD CHOMS DANG 'DRA, ,SA STENG 'DI DAG KOS G-YOG TU, ,DE SNYED KO BAS GA LA LANGS, ,LHAM MTHIL TZAM GYI KO BAS NI, ,SA STENG THAMS CAD G-YOGS DANG 'DRA, ,ZHES RANG GIS 'GRO BA RNAMS LA KHONG KHRO BA LA SOGS PA 'GOG PA'I SEMS KYI GOMS PA GONG NAS GONG DU YONGS SU RDZOGS PA DE BZOD PA'I PHAR PHYIN YIN LA, ZHI BA LHAS, BSKAL PA STONG DU BSAGS PA YI, ,SBYIN DANG BDE GSHEGS MCHOD LA SOGS; ,LEGS SPYAD GANG YIN DE KUN KYANG, KHONG KHRO GCIG GIS 'JOMS PAR BYED, ,CES DANG, DMIGS BSAL DBU MA LA 'JUG PAR, GANG PHYIR RGYAL SRAS RNAMS LA KHROS PA YIS; ,SBYIN DANG KHRIMS BYUNG DGE BA BSKAL BA BRGYAR, , BSAGS PA SKAD CIG GIS 'JOMS DE YI PHYIR, ,MI BZOD LAS GZHAN SDIG PA YOD MA YIN, ,ZHES KHONG KHRO BYAS NA SDIG @288 PA SHIN TU LCI BAR GSUNG ZHING, ZHI BA LHAS, GANG ZHIG SGRIMS TE KHRO 'JOMS PA, ,DE NI 'DI DANG GZHAN DU BDE, ,ZHES KHONG KHRO SPANGS NAS GNAS SKABS SU LUS SEMS MI MNAR BAR MA ZAD TSE RABS THAMS CAD DU BDE BA'I RGYUR 'GYUR BAS, BZOD PA BSGOM PA (31 NA) LA NAN TAN DU BYA'O, , GZHAN YANG 'GRO BA KHO RANG GI RANG BZHIN LA GNOD PA DE GRUB NA ME TSA ZHING BSREGS PA DANG 'DRA LA, GAL TE GLO BUR DU BYUNG BA ZHIG YIN NA NYI MA SPRIN GYIS BSGRIBS PAR NAM MKHA' LA KHRO MI RIGS PA LTA BU, DE BZHIN DNGOS SU NAD SKYED PA NI DBYUG PA LTA BU'I MTSON DANG, BRGYUD NAS ZHE SDANG GIS RBAD PAS GANG ZAG DES BYAS PA CI ZHIG YOD, GNOD PA BYED PA'I RTZA BA'I RGYU LA KHRO NA SPYOD 'JUG LAS, BDAG GIS SNGON CHAD SEMS CAN LA, ,'DI 'DRA BA YI GNOD PA BYAS, ,DE BAS SEMS CAN 'TSE BYED PA, ,BDAG LA GNOD PA 'DI 'BYUNG RIGS, ,ZHES KHRO NA RANG NYID LA KHRO BAR RIGS SO SNYAM DU BZOD PA BSGOM PA LA NAN TAN DU BYA'O, , DE LTAR THUN DNGOS GZHI LA MYONG BA THON PAR BYAS NAS THUN MTSAMS SU GOS PHYAG DAR KHROD PA SOGS TSANGS SPYOD @289 'PHEL BA'I GNAS LA BRTEN PA'I SDUG BSNGAL DANG LEN, BSTOD SMAD SOGS 'JIG RTEN PA'I CHOS LA BRTEN PA'I SDUG BSNGAL DANG LEN, STAN LA BLO MI 'BEBS PA SOGS SPYOD LAM LA BRTEN PA'I SDUG BSNGAL DANG LEN, DKON MCHOG MCHOD PA SOGS CHOS YONGS SU 'DZIN PA LA BRTEN PA'I SDUG BSNGAL DANG LEN, SLONG MOS 'TSO BA SOGS DKA' THUB LA BRTEN PA'I SDUG BSNGAL DANG LEN, DGE BA'I PHYOGS LA MNGON PAR BRTZON PAS DUB PA LA BRTEN PA'I SDUG BSNGAL DANG LEN, GZHAN GYI SROG BSKYABS PA SOGS SEMS CAN DON BYED LA BRTEN PA'I SDUG BSNGAL DANG LEN, TSONG SOGS SPANGS PA 'PHRAL GYI BYA BA (31 BA) LA BRTEN PA'I SDUG BSNGAL RNAMS DNGOS SU DANG DU LEN, DNGOS SU LEN MI NUS PA RNAMS YID KYIS GOMS PA LA 'BAD PAR BYA'O, , BZHI PA BRTZON 'GRUS KYI PHAR PHYIN NI, SPYOD 'JUG LAS, BRTZON GANG DGE LA SPRO BA'O, ,ZHES 'JIG RTEN DANG 'JIG RTEN LAS 'DAS PA'I PHAN BDE THAMS CAD KYI 'BYUNG GNAS NI BRTZON 'GRUS YIN PAS, THOG MAR GO CHA'I BRTZON 'GRUS NI, BSKAL PA CHEN PO STONG PHRAG RE LA ZHAG GCIG ,DE SUM CU @290 LA ZLA BA, DE BCU GNYIS LA LOR BYAS PA'I BSKAL BA CHEN PO GRANGS MED PA GSUM BYE BA PHRAG 'BUM 'GYUR GYI BAR DU DMYAL BA KHO NAR GNAS NAS SANGS RGYAS BSGRUB DGOS PA BYUNG YANG BRTZON 'GRUS MI GTONG, DE LAS YUN THUNG BA LTA CI SMOS SNYAM PA'I GO CHA'I BRTZON 'GRUS YIN LA, MDOR NA DGE BA'I PHYOGS MTHA' DAG MNGON PAR SGRUB PA LA BRTZON PAR BYA'O, , LNGA PA BSAM GTAN GYI PHAR PHYIN NI, MDO SDE RGYAN LAS, BLO LDAN GANG DU SGRUB PA'I YUL, ,LEGS PAR RNYED DANG GNAS BZANG DANG, ,SA BZANG BA DANG GROGS BZANG BA, ,RNAL 'BYOR BDE BA'I YO BYAD LDAN, ,ZHES GNAS DE LTA BU DANG LDAN PAR RANG NYID STAN BDE BA LA LUS RNAM SNANG GI CHOS BDUN DU BYAS TE DBUGS PHYI NANG DU DAL BUS RGYU BA LA DMIGS NAS, SEMS NANG DU 'JOG PA, RGYUN DU 'JOG PA, GLAN TE 'JOG PA, NYE BAR 'JOG PA, DUL BAR BYED PA, ZHI BAR BYED PA, RNAM PAR ZHI BAR BYED PA, RTZE GCIG TU BYED PA, MNYAM PAR 'JOG PA STE DGU'AM, YID BYED BZHIS BSKYANGS PA'I SEMS SHIN SBYANGS SKYE, (32 NA) DE LA BRTEN NAS LUS @291 SHIN SBYANGS SKYE, DE'I RJES SU SHIN SBYANGS MI G-YO BA THOB PA DANG DUS MNYAM DU ZHI GNAS 'GRUB LA, DA DUNG LAM LA BSLAB PAS ZHI GNAS KYI 'BRAS BU MNGON SHES RDZU 'PHRUL LA SOGS PA THOB PA'O, , DRUG PA SHES RAB KYI PHAR PHYIN NI, RJE BLA MAS, GNAS LUGS RTOGS PA'I SHES RAB MI LDAN NA, ,NGES 'BYUNG BYANG CHUB SEMS LA GOMS BYAS KYANG, ,SRID PA'I RTZA BA GCOD PAR MI NUS PAS, ,DE PHYIR RTEN 'BREL RTOGS PA'I THABS LA 'BAD, ,CES GSUNGS PA LTAR, RGYA GAR 'PHAGS PA'I YUL DU GRUB MTHA' SMRA BA RNAMS KYI BZHED TSUL MANG YANG, RGYAL BAS NGES DON 'GREL BAR LUNG BSTAN PA'I DPAL MGON KLU SGRUB KYI DGONGS PA BOD GANGS CAN GYI LJONGS 'DIR 'KHRUL BA MED PAR THUGS SU CHUD PA CHOS KYI RGYAL PO TZONG KHA PA CHEN PO YIN LA, DE DAG GI RJES SU 'BRANGS NAS NYAMS SU LEN PA LA, MNYAM GZHAG NAM MKHA' LTA BU'I SKYONG TSUL DANG, RJES THOB SGYU MA LTA BU'I SKYONG TSUL GNYIS, DANG PO LA, GANG ZAG GI BDAG MED GTAN LA 'BEBS PA DANG, CHOS KYI BDAG MED GTAN LA 'BEBS PA GNYIS, DANG PO LA, DGAG @292 BYA NGOS BZUNG BA DANG, DE 'GOG PA'I THABS BSTAN PA GNYIS LAS, DANG PO NI, RANG GI SPYI GTZUG NAS RKANG MTHIL GYI BAR GYI PHUNG PO LNGA LTOS MED TSUGS THUB YOR MO 'DI LA, DER SNANG ZHING ZHEN PA'I NGA'O SNYAM PA'I BLO LHAN SKYES DANG DE'I ZHEN YUL GNYIS KA RIGS PA'I DGAG BYAR 'JOG DGOS LA, GNYIS PA NI, DPER NA THO YOR ZHIG LA MIR SNANG ZHEN GNYIS KA BYUNG STE BLTAR PHYIN PA NA, 'DI NI DUG TSAL LO, ,'DI NI SA PHAG GO ,'DI NI RDO'O ZHES MIR SNANG ZHEN GNYIS KA LDOG PA DE BZHIN DU NGA'O SNYAM PA'I BLO LHAN SKYES 'DI LA CER GYIS BLTAS TE, RANG GI LUS KYI CHA SHAS SO SO NAS RUS PA LA SOGS PA'I SA KHAMS RNAMS KYANG NGA MIN, KHRAG CHU SER SOGS CHU'I KHAMS RNAMS KYANG NGA MIN, LUS KYI DROD KYI CHA SHAS SOGS ME'I KHAMS RNAMS KYANG NGA MIN, DBUGS 'BYUNG RNGUB SOGS RLUNG GI KHAMS RNAMS KYANG NGA MIN; RTZA'I BUG STONG SOGS NAM MKHA'I KHAMS RNAMS KYANG NGA MIN, RNAM PAR SHES PA'I KHAMS RNAMS KYANG MIN TE, RIN CHEN PHRENG BA LAS, SKYES BU SA MIN CHU MA YIN, ,ME MIN RLUNG MIN NAM MKHA' MIN, ,RNAM SHES MA YIN, ,ZHES @293 GSUNGS, 'O NA TSOGS PA DE YIN NAM ZHE NA, DE YANG MA YIN TE, KUN MIN ZHES GSUNGS, 'O NA DE LAS GZHAN PA'I SKYES BU ZHIG YOD DAM ZHE NA, DE YANG MED DE, DE LAS GZHAN PA'I SKYES BU GANG, ,ZHES GSUNGS, 'O NA SKYES BU DE JI LTA BU ZHE NA, KHAMS 'DUS PA'AM TSOGS PA'I STENG NAS MING GIS BTAGS PA'I SKYES BU ZHIG LAS, YANG DAG PAR GRUB PA'I SKYES BU BDEN PAR MED PAR LHANG GIS NGES PA'I NGES SHES KYI RGYUN SKYONG BA NI GANG ZAG GI BDAG MED PA'I SKYONG TSUL YIN NO, , GNYIS PA CHOS KYI BDAG MED NYAMS SU LEN TSUL NI, DE LTAR NGA'O SNYAM PA'I BLO'I ZHEN YUL SUN PHYUNG NAS YUL CAN BLO LHAN SKYES KHO RANG GI NGO BO LA BLTAS PA'I TSE, YOD CES BYAS NA KHA DOG DBYIBS DANG BRAL, ,DKAR NAG DAG GIS GOS MED 'GYUR BA MED, ,DE PHYIR RANG SEMS KHA DOG DBYIBS DANG BRAL, ,DGE SDIG DKAR NAG CHOS KYI GOS MI (33 NA) 'GYUR; ,ZHES DANG, RANG RIG YE SHES 'OD GSAL 'DI, ,YOD DE MTHA' LAS 'DAS PA ZHIG ,RTAG CHAD GNYIS @294 DANG BRAL BA ZHIG ,NGOS BZUNG MED PAR GSAL BA ZHIG ,YE SHES YIN PHYIR SKYE 'JIG BRAL, ,ZHES DANG, DPAL LDAN SHA BA RIS KYANG, SEMS DANG CHOS SU SNANG BA THAMS CAD NI, , BTZAL NA MI RNYED 'TSOL MKHAN GANG NA'ANG MED, ,MED PA DUS GSUM MA SKYES MI 'GAG PA, ,RANG BZHIN BDE BA CHEN PO'I GNAS LUGS YIN, ,ZHES GSUNGS, DES GZHAN RNAMS LA RIGS 'GRE BA YIN TE, GCIG GI LTA BO GANG YIN PA, ,DE NI KUN GYI LTA BO YIN, ,GCIG GI STONG NYID GANG YIN PA, ,DE NI KUN GYI STONG NYID YIN, ,ZHES GZHAN LA SBYAR BAR BYA'O, , CHOS THAMS CAD RANG BZHIN MED PAR NGES PA'I NGES SHES RGYUN SKYONG BA NI MNYAM GZHAG NAM MKHA' LTA BU'I SKYONG TSUL YIN NO, , GNYIS PA RJES THOB SGYU MA LTA BU'I SKYONG TSUL NI, TING NGE 'DZIN RGYAL PO LAS, JI LTAR SMIG RGYU DRI ZA'I GRONG KHYER DANG, , SGYU MA JI BZHIN RMI LAM JI LTA BUR, ,MTSAN MA SGOM PA NGO BO NYID KYIS STONG, ,CHOS RNAMS THAMS CAD DE BZHIN SHES PAR GYIS; ,ZHES SGYU MAS SPRUL PA'I SENGGE DON LA MED PAR SHES BZHIN DU SENGGE DES SGYU MA'I GLANG PO GSOD PA SOGS MNGON @295 SUM DU MTHONG BA LA NGES SHES SKYE BA LTAR, GANG ZAG RANG BZHIN MA GRUB PA SGYU MA LTA BUR SNANG BA DES KYANG DKAR NAG GI LAS BSOG CING RNAM SMIN MYONG BA LA NGES PA GTING NAS 'DRONGS PA NI CHOS 'DI BA'I KHYAD CHOS YIN ZHES BDAG GI BLA MAS GSUNGS PAS, CHOS THAMS CAD SNANG LA RANG BZHIN MED PA SGYU MA RMI LAM LTA BUR BLTA BAR BYA'O, , GNYIS PA NI BYANG CHUB SEMS DPAS RANG RGYUD SMIN PAR BYED PA PHA ROL TU PHYIN PA DRUG LA BSLABS NAS, BSDU BA'I DNGOS PO BZHI LA BRTEN NAS GZHAN RGYUD SMIN PAR BYED TSUL NI, MDO SDE RGYAN LAS, SBYIN MTSUNGS DE STON LEN 'JUG DANG, ,BDAG NYID RJES SU 'JUG RNAMS KYIS, ,SNYAN PAR SMRA DANG DON SPYOD DANG, ,DON MTHUN NYID DU 'DOD PA YIN; ,ZHES BSDU BA'I DNGOS PO BZHI LA BRTEN NAS GZHAN RGYUD SMIN PAR BYED PA LA, GDUL BYA SO SO'I KHAMS DANG 'TSAMS PAR ZANG ZING MI 'JIGS CHOS KYI SBYIN PAS 'KHOR RNAMS BSDUS, 'DUS PA DE DAG LA BZHIN MDANGS GSAL ZHING 'DZUM PA'I SGO NAS KHAMS 'DRIS PA SOGS 'JIG RTEN GYI TSUL DANG MTHUN PAR SNYAN PAR SMRA BA DANG, DE NYID GANG @296 LA MOS PA'I CHOS KYI PHAN YON BRJOD CING KHYAD PAR DBANG PO RTUL PO DANG, SDIG PA SNA TSOGS BYED PA, TSE 'DI 'BA' ZHIG DON TU GNYER BA, RAB TU BYUNG BA BAG MED CAN SOGS LA'ANG, YANG DAG PA'I LAM LA BKRI BA'I CHED DU CHOS KYI 'BEL GTAM SNYAN PAR SMRA BA'O, , TSE RING BA DANG NAD MED PA DGE BA 'DI LTA BU SGRUB DGOS ZHES PAS MTSON PA'I DGE BA PHRA MO NAS RIM GYIS BYUNG BA BYAS TE, MTHAR MYA NGAN LAS 'DAS PA'I PHYOGS SU BKRI BA NI DON SPYOD PA DANG, DE GZHAN GYIS SPYOD DU 'JUG PA LA YANG RANG NYID KYIS DON DE LA 'JUG (34 NA) PAR MA BYAS NA NGED RNAMS KYI RGYUD 'DUL BA LA, THOG MAR KHYOD RANG 'DUL DGOS ZER BA LTA BU 'ONGS PAS, GZHAN GYIS JI LTAR SPYOD PA DE LAS LHAG PA'AM MA MTHA' MTSUNGS PA TZAM ZHIG NYAMS SU LEN PA NI DON MTHUN PA YIN NO, , GSUM PA RJES KYI RIM PA NI, GTZO CHER NYAMS LEN RDO RUS THUG PAR BYAS RJES RGYUN DU SNYING POR DRIL NAS JI LTAR BYA SNYAM NAS, SKYABS SEMS DUS SKYES BU CHUNG 'BRING GI SDUG BSNGAL BSAM, DE RJES BLA MA'I RNAL 'BYOR DANG 'BREL BA'I @297 SDIG BSHAGS, TSOGS BSAGS LA NAN TAN BYAS NAS DNGOS GZHI GTONG LEN SPEL BA'I BYANG CHUB KYI SEMS DANG, ZHI LHAG ZUNG 'BREL GYI DMIGS RNAM SKYONG BA YIN NO, ,BSNGO SMON GYIS RGYAS 'DEBS PA'ANG DER GTOGS SO,, ,, SMRAS PA, THUB PA'I LEGS BSHAD KUN GYI SNYING PO'I BCUD; ,SHING RTA CHEN PO GNYIS KYIS LEGS PHYUNG BAS, , DPAL LDAN AA TI SHA YIS NYAMS LEN DU, ,LEGS PAR DRIL BA'I GDAMS PA ZAB MO 'DI, ,GDAMS NGAG BYIN RLABS LDAN PA'I SGRUB BRGYUD KYI, ,MAN NGAG MDZOD 'DZIN NGES 'BYUNG BYANG SEMS DANG, ,LTA BAS LEGS PHYUG RIM GNYIS MTHAR SON PA, ,BDE GSHEGS KUN LAS BKA' DRIN CHER LHAG PA'I, ,GRUB CHEN NGAG GI DBANG PO'I THUGS NYAMS SU, , JI LTAR BSTAR BZHIN SKAL LDAN GDUL BYA LA, ,NYAMS KHRID GNANG SKABS SLOB MA'I YANG MTHA' BA, ,DGE 'DUN 'JAM DBYANGS ZHES BYA'I 'DU GSUM DES, ,CUNG ZAD NOD RNAMS SLAR YANG SLOB BU 'GAR, ,'KHRID KYI MING BTAGS BLA MA'I GSUNG RGYUN RNAMS, ,SKYONG BZLOS BYED SKABS ZIN BRIS DGOS GSUNGS PA'I, ,RE BA SKONG PHYIR LHAG BSAM DAG PAS @298 BRIS; ,'DI BGYIS DGE BAS TSE RABS THAMS CAD DU, ,MAR GYUR DON DU BYANG CHUB LAM RIM LA, ,THOS BSAM SGOM PA'I NYAMS LEN MTHAR PHYIN TE, ,THUB BSTAN RGYAL MTSAN 'DZIN PA'I RGYUR GYUR CIG, ,, (CES BYANG CHUB LAM GYI RIM PA'I DMAR KHRID GZHAN DANG MI 'DRA BA'I GDAMS NGAG ZAB MO 'DI NYID BLA MA GRUB PA'I DBANG PHYUG NGAG DBANG BLO BZANG BSTAN PA DAR RGYAS DPAL BZANG PO'I GSUNG RGYUN JI LTA BA BZHIN SLOB BU 'GA' LA 'KHRID DU BGYIS SKABS ZIN BRIS DGOS GSUNGS PA BZHIN SBYAR TE, BYANG CHUB KYI SEMS DANG, ZHI LHAG SKOR BLA MA'I ZHAL LAS SHES DGOS PA RNAMS GUD DU SBAS TE 'DU GSUM PA DGE 'DUN 'JAM DBYANGS KYIS BRIS,,) ,,DGE LEGS 'PHEL,, DUS MKHYEN DPE TSOGS, POD PHRENG SO GCIG PA,