—

, ,'DUL BA RGYA MTSO'I SNYING PO BSDUS PA'I TSIG 'GREL RIN CHEN PHRENG BA ZHES BYA BA BZHUGS SO,, SARBA MANGGA LAm,,

, ,GZUGS SKU'I LHUN POR MTSAN DPE'I BANG RIM MDZES, ,CHOS SKU'I MKHYEN BRTZE NYI ZLA'I 'OD ZER SPRO, ,PHAN DANG BDE BA'I RIN CHEN GTER GYUR PA, ,THUB DBANG RGYA MTSO CHE LA GUS PHYAG 'TSAL, ,'DUL GZHUNG 'BUM SDE 'CHAD MKHAS BLO GROS 'OD, ,BZANG PO'I GRAGS SNYAN KHOR YUG KUN GSAL MA'I, , KHONG BA LAS BRGAL SMRA BA'I NYI MA CHE, ,'JAM MGON TZONG KHA BA DE SPYI BOS MCHOD, ,RGYA BOD MKHAS PA'I CHOS 'DUL KUN BZUNG NAS, ,LEGS BSHAD RIN CHEN DBYIG GI CHAR 'BEBS SHING, ,GTAN BDE THAR PA'I LAM STON BKA' DRIN CAN, ,KUN MKHYEN BZHAD PA'I RDO RJER PHYAG BYAS TE, ,GANGS CAN MKHAS KUN MGO SKYES LAN BU'I RTZER, ,

, ,ZHABS SEN RIN CHEN NGAL GSO TZONG KHA PAS, ,LEGS GSUNG 'DUL BA RGYA MTSO'I SNYING PO YI, ,TSIG 'GREL RIN CHEN PHRENG BA DENG 'DIR 'CHAD, ` ,DE LA 'DIR RJE THAMS CAD MKHYEN PA MTSAN BRJOD PAR DKA' BA BLO BZANG GRAGS PA'I DPAL ZHES MTSAN SNYAN RNGA PO CHE'I SGRA DBYANGS KHAMS GSUM GYI 'GRO BA'I RNA BA'I RGYAN DU GYUR PA DE NYID KYIS BSTAN PA'I RTZA BA DAM PA'I CHOS 'DUL BA'I GSUNG RAB THAMS CAD KYI BRJOD BYA YONGS SU RDZOGS PA'I SNYING PO BSDUS TE STON PA TSIG DON PHUN SUM TSOGS PA'I BSTAN BCOS 'DUL BA RGYA MTSO'I SNYING PO BSDUS PA ZHES BYA BA MDZAD PA GANG YIN PA DE NI GANG BSHAD PAR BYA BA'I CHOS SO, ,DES NA 'DI LA GSUM, SHIS BRJOD SNGON DU

BTANG NAS MCHOD PAR BRJOD PA, GZHUNG DNGOS BSHAD PA, BRTZAMS PA MTHAR PHYIN PA'I BYA BA'O, ,DANG PO LA GNYIS, GNAS SKABS DANG MTHAR THUG GI DON LA SHIS PA BRJOD PA DANG, SNGON GYI BKAS BCAD DANG MTHUN PAR MCHOD PAR BRJOD PA'O, ,DANG PO NI, AOm BDE LEGS SU GYUR CIG ,CES GSUNGS TE DON NI AOm NI BKRA SHIS PA'I TSIG YIN NO, JI SKAD DU, AOm NI CI ZHIG YIN PAR BRJOD, ,MCHOG DANG NOR STER DPAL DANG G-YANG, ,DAM BCA' BA DANG BKRA SHIS DON, ,NOR BU 'DZIN PA'I SNGAGS SU BRJOD, ,CES GSUNGS PA'I PHYIR RO, ,BDE LEGS SU GYUR CIG CES PA GNAS SKABS DANG MTHAR THUG GI 'DOD DON THAMS CAD BDE LEGS SU STE BDE BLAG NYID DU 'GRUNG BAR GYUR CIG CES SHIS PAR BRJOD PA'O,, GNYIS PA NI, THAMS CAD MKHYEN PA LA PHYAG 'TSAL LO ZHES PA STE BSLAB PA'I GNAS RNAMS LA BCAS PA MDZAD PA PO THAMS CAD MKHYEN PA SANGS RGYAS NYAG GCIG YIN GYIS GZHAN DAG NI BLANG DOR GYI GNAS CHES PHRA BA LA MNGON SUM GYIS GZIGS PA MI 'JUG PA'I PHYIR BCAS PA MDZAD PA POR MI RUNG BAS NA JI LTA JI SNYED KYI RNAM PA MA LUS PAR MKHYEN PA DE LA PHYAG 'TSAL LO ZHES PA STE, DE NI SNGON GYI CHOS RGYAL LO PAn DAG GI BKAS BCAD DANG MTHUN PAR MDZAD PA'O, ,GNYIS PA GZHUNG DNGOS BSHAD PA LA GNYIS, LUS MDOR BSTAN GYI SGO NAS BSHAD PAR DAM BCA' BA DANG, YAN LAG RGYAS PAR BSHAD PA'O, ,DANG PO LA GSUM, BRJOD BYA SO THAR GYI SDOM PA'I CHE BA BSTAN PA DANG, CHE BA

, ,DE DANG LDAN PA'I SO THAR GYI SDOM PA'I LUS RNAM PAR BZHAG PA, DAM BCA' BA DNGOS SO, ,DANG PO NI, GANG LA BRTEN NAS BDE BLAG TU, ,THAR PA'I GRONG DU BGROD PA'I THABS, ,BDE GSHEGS BSTAN PA'I SNYING PO MCHOG ,SO SOR THAR CES GRAGS PA GANG, ,ZHES GSUNGS TE THABS GANG LA BRTEN NAS BDE BLAG TU'AM TSEG CHUNG NGU'I SGO NAS LAS NYON GYIS 'KHOR BAR DBANG MED DU 'CHING BA LAS GROL BA'I THAR PA'I GRONG KHYER DU BGROD PAR BYED PA'I THABS ZAB MO DANG, RGYU MTSAN DE NYID KYI PHYIR BDE BAR GSHEGS PA'I BSTAN PA'I SNYING PO MCHOG TU GYUR PA NI, SO SOR THAR PA'I SDOM PA ZHES YONGS SU GRAGS PA GANG YIN PA DE NYID YIN TE RGYU MTSAN GANG GIS ZHEN 'DI LTAR SRID PA'I RTZA BA BDAG 'DZIN DRUNG NAS 'BYIN PA'I SHES RAB LHAG MTHONG RGYUD LA SKYE BA LA SEMS BYING RGOD KYI NYES PAS BSKYOD PAR MI NUS PA'I TING NGE 'DZIN ZHI GNAS SNGON DU 'GRO DGOS SHING DE'I RTZA BA NYON MONGS PA'I MGO GNON PA'I GNYEN POR LUS NGAG GI NYES SBYONG LAS LDOG PA'I TSUL KHRIMS YONGS SU DAG PA MED MI RUNG DU DGOS PA'I PHYIR RO, ,DES PHYIR RGYAL BA'I LUNG GI BSTAN PA SDE SNOD GSUM DANG, RTOGS PA'I BSTAN PA BSLAB PA GSUM DU 'DU TSUL LEGS PAR KHONG DU CHUD NA SO SOR THAR PA'I SDOM PA SANGS RGYAS KYI BSTAN PA'I SNYING PO MCHOG TU NGES PA RNYED PAR 'GYUR RO, ` ,GNYIS PA CHE BA DE DANG LDAN PA'I SO THAR GYI SDOM PA'I LUS RNAM PAR BZHAG PA NI, NGO BO DANG NI RAB DBYE DANG, SO SO'I NGOS 'DZIN SKYE BA'I RTEN, GTONG

BA'I CHA DANG PHAN YON TE, ,RNAM PA DRUG ,CES GSUNGS TE, SO THAR GYI SDOM PA'I NGO BO JI LTAR YIN PA DANG NI, DE'I RAB TU DBYE BA CI TZAM YIN PA DANG, PHYE BA SO SO'I NGOS 'DZIN TSUL DANG, SDOM PA DE DAG 'GRO BA GANG DANG GANG ZAG JI LTA LTA BU LA SKYE BAR 'GYUR BA SKYE BA'I RTEN DANG, GANG BYUNG NA SDOM PA DE DAG GTONG BAR 'GYUR BA'I GTONG BA'I CHA DANG, PHAN YON GANG ZHIG 'BYUNG BA'I TSUL TE, DON RNAM PA DRUG GO ZHES SO, ,'DI NI GZHUNG GI BRJOD BYA'I LUS YONGS SU RDZOGS PA'I SDOM MO, GSUM PA DAM BCA' BA NI DRUG GIS JI BZHIN BSHAD CES GSUNGS TE DE LTAR DON TSAN DRUG GIS SO THAR GYI SDOM PA'I RNAM BZHAG 'DUL BA'I MDO DANG DGONGS 'GREL TSAD LDAN DAG GI DGONGS PA JI LTA BA BZHIN DU BLO BZANG GRAGS PA BDAG GIS BSHAD PAR BYA'O, ,ZHES PA'O, ,GNYIS PA YAN LAG RGYAS PAR BSHAD PA LA SNGAR LTAR DRUG LAS DANG PO SDOM PA'I NGO BO LA, MDO SDE BA DANG BYE BRAG SMRA BA GNYIS KA'I THUN MONG GI 'DOD PA DANG, SO SO'I THUN MONG MA YIN PA'I 'DOD PA BRJOD PA GNYIS LAS, DANG PO NI, NGES 'BYUNG BSAM BAS RGYU BYAS NAS, GZHAN GNOD GZHI DANG BCAS PA LAS, LDOG PA ZHES GSUNGS TE, SO THAR GYI SDOM PA'I NGO BO NI, SDUG BSNGAL GYIS YID SUN TE DE LAS GROL BA'I THAR PA DON DU GNYER BA'I NGES 'BYUNG GI BSAM PA BCOS MA YAN CHAD KYIS RGYU BYAS PA TE DES KUN NAS BSLANGS TE, SEMS CAN GZHAN LA GNOD PA GZHI DANG BCAS PA LAS LDOG PA'I DGE BA'I LAS ZHIG GO ,DE NI SDE BA GONG 'OG GNYIS

, ,KA 'DOD DO, ,'DIR GZHAN LA GNOD PA GZHI DANG BCAS PA ZHES GSUNGS PA'I GNOD PA NI TSANGS SPYOD LA GNOD PA MI TSANGS SPYOD, LONGS SPYOD LA GNOD PA MA BYIN LEN, SROG LA GNOD PA SROG GCOD, DON 'GRUB PA LA GNOD PA RDZUN DU SMRA BA STE 'DI BZHI GNOD PA'I RGYU DNGOS DANG, PHYI DRO'I KHA ZAS SOGS YAN LAG GZHAN RNAMS GNOD PA DE DAG 'BYUNG BA'I GZHI YIN PA'I PHYIR GZHI ZHES BSHAD DO, ,GNYIS PA NI, DE YANG LUS GA LAS, GZUGS CAN YIN ZHES 'DOD PA DANG, ,SPONG BA'I SEMS PA RGYUN CHAGS PA, ,SA BON DANG BCAS YIN NO ZHES, ,'DOD PA'I TSUL NI RNAM PA GNYIS, ,RANG GI SDE PA GONG 'OG SMRA, ,ZHES GSUNGS TE, BSHAD MA THAG PA'I SO THAR GYI SDOM PA'I NGO BO NI DGE BA'I LAS TE, DE YANG LUS NGAG GI LAS SU GYUR PA RNAM PAR RIG BYED DANG RNAM PAR RIG BYED MA YIN PA'I GZUGS KYIS BSDUS PA'I GZUGS CAN YIN ZHES 'DOD PA DANG, YANG LUS NGAG GI LAS SU GYUR PA RANG GI MI MTHUN PHYOGS SPANGS PA'I SEMS PA RGYUN CHAGS PA SA BON DANG BCAS PA YIN NO ZHES 'DOD PA'I TSUL NI RNAM PA GNYIS YOD CING, PHYI MA NI MDO SDE PA DANG SNGA MA NI BYE BRAG SMRA BA'I BZHED PA STE RANG GI SDE PA GONG 'OG GNYIS KYIS DE LTAR SMRA'O, ,ZHES PA'O, ,GNYIS PA DE'I RAB TU DBYE BA LA GNYIS, DBYE BA DNGOS DANG, BSDU TSUL LO, ,DANG PO NI, BSNYEN GNAS DGE BSNYEN PHA MA DANG, DGE TSUL PHA MA DGE SLOB MA, DGE SLONG MA DANG DGE SLONG

STE; SO SOR THAR PA RIGS BRGYAD DO, ,ZHES GSUNGS TE, BSNYEN GNAS DANG DGE BSNYEN PHA MA GNYIS DANG, DGE TSUL PHA MA GNYIS DANG DGE SLOB MA DANG, DGE SLONG MA DANG, DGE SLONG PHA STE SO SOR THAR PA'I SDOM PA LA RIGS BRGYAD YOD DO ZHES SO, ,GNYIS PA BSDU TSUL NI, KHYIM PA'I SDOM PA DANG PO GSUM, ,RAB BYUNG SDOM PA THA MA LNGA, ,ZHES GSUNGS TE RIGS BRGYAD PO DE DAG BSDU NA, KHYIM PA'I PHYOGS KYI SDOM PA'I NANG DU BSNYEN GNAS DGE BSNYEN PHA MA'I SDOM PA STE SDOM PA DANG PO GSUM 'DU ZHING, RAB BYUNG GI PHYOGS KYI SDOM PA'I NANG DU DGE TSUL PHA MA GNYIS DANG, DGE SLOB MA DANG, DGE SLONG PHA MA'I SDOM PA GNYIS TE SDOM PA THA MA LNGA 'DU'O, ,GZHAN YANG RDZAS RIGS KYI SGO NAS BSDU NA DGE BSNYEN PHA MA'I SDOM PA RDZAS GCIG ,DGE TSUL PHA MA GNYIS DANG, DGE SLOB MA'I SDOM PA GSUM RDZAS GCIG ,DGE SLONG PHA MA'I SDOM PA RDZAS GCIG ,BSNYEN GNAS KYI SDOM PA LOGS SU RDZAS GCIG STE RDZAS KYI SGO NAS BZHIR 'DU'O, ` ,DUS KYI SGO NAS BSDU NA BSNYEN GNAS KYI SDOM PA NYIN ZHAG GI MTHA' CAN DANG, GZHAN BDUN JI SRID 'TSO'I MTHA' CAN YIN PAS GNYIS SU 'DU'O, ,YAN LAG GI SGO NAS DGE SLONG PHA MA'I SDOM PA NI LUS NGAG GI MI DGE BDUN PO SDER GTOGS DANG BCAS PA THAMS CAD LAS LOG PA YIN LA, DE LAS GZHAN PA'I DRUG PO RNAMS LA NI LUS KYIS SROG GCOD SOGS GSUM DANG NGAG GIS RDZUN SMRA BA DANG BZHI SDER GTOGS DANG

, ,BCAS PA LAS LOG PA STE GNYIS SU 'DU'O, ,GSUM PA PHYE BA SO SO'I NGOS 'DZIN LA LNGA LAS, DANG PO BSNYEN GNAS KYI SDOM PA NI, ,RTZA BA BZHI DANG YAN LAG BZHI, ,BRGYAD SPONG BSNYEN GNAS SDOM PA'O, ZHES GSUNGS TE, SPANG BYA RTZA BA BZHI DANG YAN LAG BZHI STE BRGYAD SPONG ZHING LUS NGAG GIS SLAR LDOG PA'I RAB TU PHYE BAS NYIN ZHAG GI MTHA' CAN GYI SDOM PA DE NI BSNYEN GNAS KYI SDOM PA'O, ,SPANG BYA BRGYAD PO DE LAS RTZA BA BZHI STON PA'I PHYIR; MI TSANGS SPYOD DANG MA BYIN LEN, SROG GCOD RDZUN TU SMRA BA RNAMS, RTZA BA BZHI YIN, ZHES GSUNGS TE, BDE BA MYONG 'DOD KYIS KUN NAS BSLANGS STE RANG GZHAN GYIS RMA'I SGO GSUM GANG RUNG DU RANG NYID KYIS NOR BU BCUG PAS BDE BA NYAMS SU MYONG BA MI TSANGS SPYOD DANG, RDZAS THOB 'DOD KYIS KUN NAS BSLANGS TE GZHAN GYIS BDAG TU BZUNG BA'I RDZAS RIN THANG LONGS PA BRKUS PA DANG 'PHROG PA RDZAS SNGAGS KYI NUS PAS 'GUG PA SOGS THABS GANG YANG RUNG BA'I SGO NAS RDZAS TE PHA ROL PO DANG 'BRAL BAR BYAS TE RANG GIS THOB BLO SKYES PA MA BYIN LEN DANG, SROG GCOD 'DOD KYIS KUN NAS BSLANGS TE MI'I 'GRO BA DNGOS DANG THA NA MNGAL GYI GNAS SKABS KYANG RUNG DE DANG DE'I SROG DBANG 'GAG PA'I THABS GANG YANG RUNG BA'I SGO NAS RANG GI SNGA ROL TU GANG ZAG TE SHI BAR BYAS PA SROG GCOD DANG, RDZUN SMRA 'DOD KYIS KUN NAS BSLANGS TE BSAM GTAN GZUGS MED KYI TING NGE 'DZIN DANG MNGON SHES RDZU 'PHRUL SOGS RANG NYID KYIS MA THOB

BZHIN DU THOB PAR KHAS LEN PA DANG, LHA LA SOGS PA'I 'GRO BA GZHAN MA MTHONG BZHIN DU MTHONG BAR KHAS LEN PA SOGS MI GZHAN DAG LAS CHES KHYAD PAR DU 'PHAGS PA'I CHOS RANG LA MED BZHIN DU YOD PAR SMRA BAS RDZUN TU SMRA BA STE 'DI DAG RNAMS NI RTZA BA BZHI YIN NO ZHES SO, ,'DI LAS GZHAN PA'I SROG CHAGS GZHAN GSOD PA DANG, RDZAS PHRA MO RKU BA DANG, DON MED PAR RDZUN TSIG SMRA BA DE DAG KYANG KHA NA MA THO BA YIN PAS SPANGS DGOS SO, ,YAN LAG BZHI NI, MAL CHE MTHO, CHANG 'THUNG GAR SOGS PHRENG SOGS DANG, ,PHYI DRO'I KHA ZAS YAN LAG BZHI, ,ZHES GSUNGS TE MAL GYI KHRI STAN GNYIS NI RIN THANG CHE BA DANG KHRU GANG LAS LHAG PA'I MTHO BA YAN LAG DANG PO DANG, 'BRAS DANG NAS LA SOGS PA'I 'BRU'I RIGS LAS BYUNG BA'I CHANG DANG RGUN 'BRUM SOGS 'BRAS BU'I RIGS LAS BYUNG BA BCOS PA'I CHANG SOGS BAG MED THAMS CAD KYI RTZA BA MYOS 'GYUR 'THUNG BA YAN LAG GNYIS PA, LUS KYI YAN LAG BSKYOD PAS GAR DANG SOGS SGRAS BSDUS PA BLU DANG ROL MO BYA BA DANG, RIN PO CHE SOGS RGYAN GYI PHRENG BA DANG SOGS SGRAS BSDUS PA DRI ZHIM PO'I SPOS LUS LA BYUGS PA DANG KHA DOG MDZES PAS LUS BSGYUR BA SOGS YAN LG GSUM PA DANG, NYIN GUNG YOL BA'I PHYI DRO'I DUS NAS SANG GI SKYA RENGS MA SHAR GYI BAR KHA ZAS BZA' BA'I YAN LAG STE YAN LAG BZHI'O, ,GZHAN YANG RTZANG BZHI SPONG NGA NI TSUL KHRIMS KYI YAN LAG DANG, CHANG SPONG BA BAG YOD KYI YAN LAG DANG, YAN LAG GZHAN GSUM SPONG BA BRTUL ZHUGS KYI YAN

, ,LAG YIN TE MDZOD LAS, TSUL KHRIMS YAN LAG BAG YOD PA'I, ,YAN LAG BRTUL ZHUGS YAN LAG TE, ,BZHI GCIG DE BZHIN GSUM RIM BZHIN, ,ZHES GSUNGS PA'I PHYIR RO, ,DE LTA BU'I SDOM PA NOD PA'I KUN SPYOD NI, GNAS DMA' BAR 'DUG CING RGYAN CHA SOGS SPANGS TE SLOB DPON GYI RJES SU BZLOS PA'I TSIG LAN GSUM DU BZLOS TE SDOM PA NOD PAR BYA STE, MDZOD LAS, DMA' BAR 'DUG SMRAS BZLAS PA YIS, ,MI BRGYAN NAM NI LANGS BAR DU, ,BSNYEN GNAS YAN LAG TSANGS PAR NI, ,NANG BAR GZHAN LAS NOD PAR BYA, ,ZHES GSUNGS PA'I PHYIR RO, ,GNYIS PA DGE BSNYEN GYI SDOM PA LA GNYIS, SDOM PA'I NGO BO BSHAD PA DANG, DBYE BA'O, , DANG PO NI, GSOD RKU SMRA DANG LOG PAR GA-YEM, ,MYOS 'GYUR 'THUNG BA LNGA SPONG PA, ,DGE BSNYEN GYI NI SDOM PA'O, ,ZHES GSUNGS TE YAN LAG DANG PO GANG ZAG GZHAN GSOD BA STE SROG GCOD PA DANG, GNYIS PA GZHAN GYI RDZAS RKU BA STE MA BYIN PAR LEN PA DANG, GSUM PA RDZUN SMRA BA DANG, BZHI PA GANG ZAG GZHAN GYI CHUNG MA DANG, TSANGS SPYOD LA GNAS PA DANG, SBRUM MA DANG, NAD KYIS NYEN PA DANG, NYIN MO DANG, DKON MCHOG GI RTEN DANG SLOB DPON GYI DRUNG LA SOGS PAR 'DOD PA SPYOD PA'I LOG PAR G-YEM PA DANG, LNGA PA MYOS 'GYUR TE CHANG 'THUNG BA DANG LNGA SPONG BAS RAB TU PHYE BA DE NI DGE BSNYEN GYI NI SDOM PA'O, ,ZHES SO, ,GNYIS PA DBYE BA LA GNYIS, DBYE BA DNGOS DANG, SO SOR NGOS

BZUNG BA'O, ,DANG PO NI, SNA GCIG SNA 'GA' PHAL CHER SPYOD, ,YONGS RDZOGS SPYOD DANG TSANGS SPYOD DANG, ,SKYABS 'GRO'I DGE BSNYEN RNAM PA DRUG ,CES GSUNGS TE DGE BSNYEN GYI SDOM PA LA DBYE NA SGRAS BRJOD RIGS KYI SGO NAS, SNA GCIG SPYOD PA'I DGE BSNYEN, SNA 'GA' SPYOD PA'I DGE BSNYEN, PHAL CHER SPYOD PA'I DGE BSNYEN YONGS RDZOGS SPYOD PA'I DGE BSNYEN DANG, TSANGS SPYOD DGE BSNYEN DANG, SKYABS 'GRO TZAM GYI DGE BSNYEN TE RNAM PA DRUG GO ,ZHES SO, ,GNYIS PA SO SOR NGOS BZUNG BA NI, RTZA BA BZHI LAS GCIG GNYIS GSUM, ,'DOD LOG MI TSANGS SPYOD SPONG DANG, ,SKYABS 'GRO TZAM GYI DGE BSNYEN DU, ,KHAS LEN RNAMS DANG GO RIM BZHIN, ,ZHES GSUNGS TE RTZA BA BZHI LAS LOG G-YEM MA GTOGS PA SROG GCOD LTA BU GANG YANG RUNG BA SNA GCIG SPONG BA DANG, LOG G-YEM MA GTOGS PA SNA GNYIS SPONG BA DANG, DE MA GTOGS PA SNA GSUM SPONG BA DANG, SNA GSUM GYI STENG DU 'DOD PAS LOG PAR G-YEM PA SPONG BA DANG, SNA GSUM GYI STENG DU MI TSANGS SPYOD SPONG BA DANG, SPANG BYA LNGA PO GANG YANG MI SPONGS BAR SKYABS SU 'GRO BA TZAM GYI SGO NAS DGE BSNYEN DU KHAS LEN PA STE DRUG PO DE RNAMS DANG SNGAR GYI DBYE BA DRUG PO GO RIM BZHIN DU SBYAR NAS BZUNG BAR BYA'O, ,ZHES SO, ,GSUM PA DGE TSUL GYI SDOM PA NI, RTZA BA BZHI DANG YAN LAG DRUG ,BCU SPONG DGE TSUL SDOM PA'O, ,ZHES GSUNGS TE SNGAR BSHAD PA'I RTZA BA BZHI DANG YAN LAG DRUG STE SPANG BYA BCU SPONG BAS RAB TU PHYE BA'I SDOM PA DGE TSUL GYI SDOM PA'O, ,YAN LAG DRUG STON PA'I PHYIR GAR SOGS PHRENG BA

, ,SOGS RNAM PA GNYIS DANG, GSER DNGUL LEN DANG RNAM GSUM, ,PHYE BAS YAN LAG DRUG DU 'GYUR, ,ZHES GSUNGS TE BSNYEN GNAS KYI SKABS KYI YAN LAG BZHI PA'I YAN LAG GSUM PA DE LA GAR SOGS KYI YAN LAG DANG, PHRENG SOGS KYI YAN LAG RNAM PA GNYIS DANG, GSER DNGUL LEN PA'I YAN LAG DANG RNAM PA GSUM DU PHYE BA DE, MAL STAN CHE MTHO DANG CHANG DANG PHYI DRO'I KHA ZAS BCAS GSUM GYI STENG DU BSNAN PAS YAN LAG DRUG TU 'GYUR RO, , ZHES SO, ,SPANG BYA BCU GSUM DU 'GYUR TSUL BSTAN PA'I PHYIR, MKHAN POR GSOL BA GDAB PA DANG, ,KHYIM PA'I RTAGS NI SPANGS PA DANG, ,RAB BYUNG RTAGS NI LEN PA LAS, ,NYAMS PA RNAM GSUM BSNAN PA YIS, ,SPANG BYA BCU GSUM DAG TU 'GYUR, ,ZHES GSUNGS TE, RTZA BA BZHI DANG YAN LAG DRUG GI STENG DU MKHAN POR GSOL BA GDAB PA LAS NYAMS PA DANG, KHYIM PA'I RTAGS NI SPANGS PA LAS NYAMS PA DANG NI RAB TU BYUNG BA'I RTAGS NI LEN PA LAS NYAMS PA STE, NYAMS PA RNAM GSUM BSNAN PA YIS NI SKABS 'DI'I SPANG BYA BCU GSUM DAG TU 'GYUR RO ZHES SO, ,GSER DNGUL LEN PA MTSON PA TZAM STE RIN PO CHE'I RIGS GANG YANG RUNG, DE DANG DE LA NGO BO'I SGOS MI RUNG BA'I BLO MA BZHAG PAR NOR GYI 'DU SHES BZHAG STE BDAG GIR BYED PA'O, ,NYAMS PA RNAM GSUM LAS MKHAN POR GSOL BA GDAB PA LAS NYAMS PA NI, MKHAN PO LA MA GUS PA NYID DANG, CHOS LDAN GYI BKA' SGRUB NUS BZHIN DU MI SGRUB PA SOGS YIN LA, KHYIM PA'I RTAGS SPANGS PA LAS

NYAMS PA NI, KHA TSAR DANG PHUN TSAR MA BCAD PA'I SKA RAGS DANG, GOS DKAR PO SOGS KHYIM PA'I RTAGS BGOS SHING 'CHANG BA SOGS YIN, RAB BYUNG GI RTOGS BLANGS PA LAS NYAMS PA NI, BLA GOS DANG THANG GOS SOGS MED PA DANG, MU STEGS CAN GYI RTAGS DANG CHA LUGS 'CHANG BA SOGS YIN NO, ,DGE TSUL DU SGRUB PA'I SLOB DPON NI KHA SKONG GI CHOS BCU GSUM DANG, BRTAN MKHAS KYI YON TAN GNYIS DANG LDAN PA ZHIG DGOS PAR GSAL ZHING, DE DAG JI LTAR YIN PA NI DGE SLONG GI SKABS SU 'CHAD DO,, 'DI LA YANG THOG MAR RAB TU BYUNG DGOS LA, DE YANG SDOM PA SKYE BA DANG GNAS PA DANG MDZES PA DANG KHYAD PAR DU 'GYUR BA'I BAR CHAD DU MI 'GYUR BA ZHIG DGOS PAS, BSGRUB BYA DE LA MKHAN POS BAR CHAD 'DRI BA DANG 'KHOR BA'I NYES DMIGS DANG THAR PA'I PHAN YON LEGS PAR BRDA' SPRAD PA'I SGO NAS, NGES 'BYUNG GI BSAM PA SKYED DU 'JUG PA DANG MKHAN POR GSOL BA GDAB PA DANG, GTZUG PHUD BREGS TE KHRUS BYED PA DANG, MKHAN PO'I ZHABS LA GTUGS TE PHYAG 'TSAL TU 'JUG PA DANG, BLA GOS THANG GOS GDING BA LHUNG BZED CHU TSAG DANG BCAS PA'I YO BYAD RNAMS GTAD PA DANG, SKYABS SU 'GRO BA SNGON DU 'GRO BAS RAB BYUNG GI TSUL KHRIMS NOD PA DANG, NYAMS PA RNAM GSUM SPONG BAR KHAS LEN PA DANG, BSAM PA DANG RTAGS DANG MING BRDZE BA STE BRJE BA GSUM GYI DON LA BRDA' LEGS PAR SPROD PA SOGS RAB BYUNG GI CHOG 'DUL BA'I MDO DANG DGONGS 'GREL TSAD LDAN DAG LAS GSUNGS PA LTAR MA NOR BAR BYA LA, DGE TSUL MA'I SDOM PA LEN PA'I TSUL, BSGYUR PHRAN BU RE MA GTOGS CHOG DANG KUN SPYOD DGE TSUL

, ,JI LTA BA BZHIN DU BYA'O, ,'DUL BA LUNG LAS DGE TSUL GYI SDOM PA'I MI MTHUN PHYOGS BCU GSUNGS PA LTAR CHO GA'I SKABS SU DGE TSUL GYI SDOM PA THOB PA'I MJUG TU SPANG BYA BCU PO KHAS LEN DU 'JUG PA'I SGO NAS GDAMS NGAG BRJOD LA, SPANG BYA BCU PO DE DAG BLANGS 'DAS SO DRUG TU 'GYUR TSUL NI, GDAMS NGAG GI SKABS SU SROG GCOD SPONG BAR KHAS BLANGS PA, DE NI DGE SLONG LA SROG GCOD KYI PHAM PA DANG DUD 'GRO 'DEBS SPYOD GCOD GSUM GYI LTUNG BYED GSUM STE LTUNG BA BZHIR MDZAD PA DANG MTHUN PAR 'DIR SROG GCOD BZHI DANG, YANG DE'I TSE RDZUN SMRA BA SPONG BAR KHAS BLANGS LA, DE NI DGE SLONG GI SKABS RDZUN GYI PHAM PA DANG, GZHI MED, BAG TZAM, DGE 'DUN DBYE NA, DE RJES PHYOGS, KHYIM SUN 'BYIN PA STE LHAG MA'I LTUNG BA LNGA DANG, SHES BZHIN GYI RDZUN SMRA BA DANG, BSHES NGOR BYED PA DANG, 'PHYA BA'I SKUR BA DANG, BZA' BTUNG SOGS ZAS CUNG ZAD TZAM GYI PHYIR CHOS STON TO ZHES SKUR BA DANG, LHAG MAS SKUR BA DANG, PHYI DRO'I KHA ZAS SOGS SPONGS SHIG CES GZHAN GYIS BSKUL BA NA YID CHES BZHIN DU YID MI CHES PA LTAR BCOS NAS NGES BSLAB PA SPONG BA STE LTUNG BYED DANG, BZA' BTUNG BDAG PO LEN PA'I PHYIR SNGAR THOB PA'I 'BRAS CHAN 'GEBS PA'I NYES BYAS GCIG STE RDZUN GYI LTUNG BA BCU GSUM BCAS PA DANG MTHUN PAR 'DIR YANG BCU GSUM DANG, YANG DE'I TSE GAR SOGS PHRENG SOGS SPONG BAR KHAS BLANGS LA DE NI DGE SLONG GI SKABS GLU LEN PA DANG, BRO GAR BYED PA DANG, ROL MO 'BUD DKROL

SOGS DANG, LUS LA RGYAN 'DOGS PA DANG, BYAD BZHIN SOGS LA TSON GYIS KHA DOG BSGYUR BA DANG, LUS LA DRI ZHIM PO'I SPOS KYIS BYUGS SHING REG BYA NYUG PA DANG, ME TOG LA SOGS PA'I PHRENG BA 'CHANG BA STE NYES BYAS THA DAD PA BDUN GSUNGS PA BZHIN DU 'DIR YANG BDUN DANG, DE'I TSE KHRI STAN CHE MTHO SPONG BAR KHAS BLANGS LA, DE NI DGE SLONG GI SKABS KHRI RKANG 'TSOS PA'I LTUNG BYED GCIG TU MDZAD KYANG, 'DIR KHRI CHE BA DANG MTHO BA GNYIS DANG STAN CHE MTHO GNYIS TE BZHIR BYAS, DE'I TSE MA BYIN LEN MI TSANGS SPYOD CHANG 'THUNG BA PHYI DRO'I KHA ZAS GSER DNGUL LEN PA SOGS SO SOR SPONG BAR KHAS BLANGS PA, DE NI DGE SLONG GI SKABS SU MA BYIN LEN DANG, MI TSANGS SPYOD KYI PHAM PA GNYIS DANG, CHANG 'THUNG BA DANG, PHYI DRO'I KHA ZAS DANG, GSER DNGUL LEN PA'I LTUNG BYED GSUM DU BCAS PA MDZAD PA BZHIN TU 'DIR YANG GRANGS DE BZHIN DU MDZAD LA, DE DAG GI STENG DU SNGAR BSHAD PA'I NYAMS PA RNAM GSUM BSNAN TE DE LTAR BLANGS 'DAS SO DRUG TU 'GYUR RO, ,'CHANG BA DANG NI 'BRAL BA DANG ZHES SOGS KYIS BSTAN PA'I LTUNG MED PHYED DANG BCO BRGYAD NI DGE SLONG LA LTUNG BA DANG DGE TSUL LA LTUNG MED DU GSAL LA, BLANGS 'DAS SO DRUG DANG LTUNG MED PHYED DANG BCU BDUN DU MA GTOGS PA'I NYES PA DGE SLONG GI LTUNG BAR 'GRO RGYU'I LTUNG BA GNYIS BRGYA PHYED DANG BCO LNGA GZHI BCU BDUN GYIS BSDUS PA'I NYES BYAS RNAMS NI DGE TSUL GYI SKABS 'DIR BSDAM BYA'I NYES BYAS SO, ` ,BZHI BA DGE SLOB MA'I SDOM PA NI, DGE TSUL

, ,SDOM PA THOB RJES SU, RTZA BA'I CHOS DRUG RJES MTHUN GYI, ,CHOS DRUG SPONG BA'I SDOM PA NI, ,DGE SLOB MA YI SDOM PA YIN, ,ZHES GSUNGS TE, DGE TSUL MA'I SDOM PA THOB RJES SU RTZA BA'I CHOS DRUG DANG RJES MTHUN GYI CHOS DRUG SPONG BAR KHAS BLANGS PAS RAB TU PHYE BA'I SDOM PA DE NI DGE SLOB MA'I SDOM PA YIN NO, ,ZHES SO, ,RTZA BA'I CHOS DRUG STON PA'I PHYIR, GCIG PU LAM DU 'GRO MI BYA, ,CHU BO'I PHA ROL RKYAL MI BYA, ,SKYES BA LA NI REG MI BYA, ,SKYES BA DANG NI 'DUG MI BYA, ,GNYEN DU 'GYUR BA MI BYA ZHING, ,KHA NA MA THO 'CHAB MI BYA, ,DE DAG RTZA BA'I CHOS DRUG SPONGS, ,ZHES GSUNGS TE, KHYIM GROGS MED PAR GCIG PU RGYANG GRAG PHAN GYI LAM DU 'GRO BAR MI BYA BA DANG, CHU BO'I TSUR ROL NAS PHA ROL TU RKYAL TE 'GRO BAR MI BYA BA DANG, NYE DU MA YIN PA'I SKYES PA DAG GI LUS LA NI RANG GI LUS KYIS REG PAR MI BYA BA DANG, DE 'DRA'I SKYES BA DANG NI LHAN CIG TU 'DUG BAR MI BYA BA DANG, SKYES PA DANG BUD MED GYI BAR DU 'PHRIN GYIS MTSAMS SBYAR NAS GNYEN DU 'GYUR BA MI BYA ZHING, RANG GI KHA NA MA THO BA SDIG PA'I LAS BYAS PA DAG 'CHAB BA STE GSANG BAR MI BYA BA DANG BCAS 'DI LTAR KHAS BLANGS TE SPANG BYA DE DAG SPONG BA NI RTZA BA'I CHOS DRUG SPONG BA'O, ,ZHES SO, ,RJES MTHUN GYI CHOS DRUG STON PA'I PHYIR, GSER LA BZUNG BAR MI BYA ZHING, ,'DOM KYI SPU NI 'BREG MI BYA, ,BYIN LEN MA BYAS ZA MI BYA, ,GSOG 'JOG BYAS PA BZA' MI BYA, ,RTZA SNGON MI GTZANG 'DOR MI BYA, ,SA NI RKO BAR MI BYA BA, ,RJES MTHUN CHOS NI RNAM DRUG SPONG, ,ZHES GSUNGS TE, GSER

LA SOGS PA RIN PO CHE BZUNG BAR MI BYA ZHING LAG PAS REG PAR MI BYA BA DANG, 'DOM KYI SPU STE MTSAN GYI NYE 'KHOR DU SKYES PA'I SPU NI MTSON GYIS 'BREG PA STE 'THOG PAR MI BYA BA DANG, KHA ZAS LA SOGS PA GZHAN GYIS TSUL BZHIN DU BSTABS PA NI BYIN LEN MA BYAS PAR ZA BAR MI BYA BA DANG, BZA' BTUNG DAG NYIN ZHAG SNGA MA NAS BSREL TE BZHAG PA'I GSOG 'JOG BYAS PA BZA' BAR MI BYA BA DANG, RTZA SNGON PO SKYES PA KHA DOG MA NYAMS PA'I SAR BA SHANG GCI SOGS MI GTZANG BA 'DOR BAR MI BYA BA DANG, DON MED DUS NI RKO BA DANG RLOG PA DANG 'BRU BAR MI BYA BA STE, DE LTAR MI BYA BAR KHAS BLANGS TE SPONG BA NI RJES MTHUN GYI CHOS NI RNAM PA DRUG PO SPONG BA YIN NO, ,ZHES SO, ,DGE SLOB MA'I SDOM PA 'DI BLANGS TE LO GNYIS KYI BAR DU DE LA GNAS PAR GSUNGS KYANG LO GNYIS MTHA' CAN MA YIN TE, DE'I SPANG BYA DE DAG DGE SLOB MA'I SDOM PA BLANGS NAS KYANG SPONG DGOS PA'I PHYIR DANG, GONG DU BSNYEN GNAS KYI SDOM PA MA GTOGS GZHAN BDUN PO JI SRID 'TSO'I MTHA' CAN DU BSHAD PA LTAR YIN PA'I PHYIR RO, ,LEN PA'I DUS NA KHYIM SOM BZUNG NA LO BCO BRGYAD LON NAS LEN PA DANG, KHYIM SO BZUNG BA YIN NA LO BCU LON PA NAS BLANGS PAS CHOG STE, MDO RTZA BA LAS, BSNYEN PAR RDZOGS PA'I DUS KYI DANG POR DES MA LON PAS DANG PO LA SKYE'O, ,ZHES GSUNGS SHING; DE'I DON 'CHAD PA NA RGYA CHER 'BREL BA LAS, DES MA LON PA'I LO DANG PO BCO BRGYAD DANG BCU LON PA LA DGE SLOB MA'I SDOM PA SKYE'O, ,ZHES GSUNGS PA'I PHYIR DANG, 'DI DGE SLONG MA'I SDOM PA LAS LO GNYIS KYI GONG DU LEN DGOS LA,

, ,DGE SLONG MA'I SDOM PA KHYIM SO BZUNG BAS LO BCU GNYIS DANG, MA BZUNG BAS LO NYI SHU NAS BLANGS CHOG PAR GSUNGS PA'I PHYIR RO, ,DE LTAR YANG MDO RTZA BA LAS, LO BCU GNYIS KYI MDUN ROL TU BSNYEN PAR RDZOGS PA BYED PA LA'O, ,ZHES DANG, GZHAN NI LO NYI SHU MA LON PA BSNYEN PAR RDZOGS PAR BYED PA'I LTUNG BYED DO, ,ZHES GSUNGS SO, ,SDOM PA 'DI DGE SLONG MA'I DGE 'DUN GYIS SBYIN PAR BYED LA BYIN PA'I 'OG TU LAS BYED PA'I DGE SLONG MA DES RTZA BA'I CHOS DRUG DANG RJES MTHUN GYI CHOS DRUG BCAS SPONG BA'I BSLAB PA BRJOD PAR BYA ZHING, DE NAS DGE SLOB MA DE LA LO GNYIS KYI 'OG TU TSANGS SPYOD LA NYER GNAS KYI SDOM PA SBYIN PAR BYA'O, ,'DI LA YANG LKOG TU GSANG STON DANG, TSOGS KYI DBUS SU LAS BYED PA'I DGE SLONG MAS BAR CHAD DRIS TE MA'I DGE 'DUN LA GSOL BA LAN GSUM BTAB NAS SBYIN LA, CHO GA'I TSIG RNAMS SLOB DPON YON TAN 'OD KYIS MDZAD PA'I LAS BRGYA RTZA GCIG GI CHOG LAS SHES PAR BYA'O; ;'DI LA DGOS KYI SPANG BYA MI MTHUN PHYOGS KHYAD PAR BA MED PAS SO THAR RIS BRGYAD LAS GZHAN MA YIN NO, ,LNGA PA DGE SLONG PHA MA'I SDOM PA 'CHAD PA LA GNYIS, DGE SLONG MA'I SDOM PA DANG, DGE SLONG PA'I SDOM PA'O, , DANG PO LA GNYIS, TSIG GI DON DANG, SPYI'I DON NO, DANG PO NI, PHAM BRGYAD LHAG MA NYI SHU DANG, ,SPANG BA'I LTUNG BYED SUM BCU GSUM, ,LTUNG BYED 'BA' ZHIG BRGYA BRGYAD CU, ,SO SOR BSHAGS PA BCU GCIG DANG, ,NYES BYAS

BRGYA DANG BCU GNYIS TE, ,SUM BRGYA DRUG CU RTZA BZHI RNAMS, ,SPONG BAR BYED PA DGE SLONG MA, ,ZHES GSUNGS TE, PHAM PA BRGYAD DANG, LHAG MA NYI SHU DANG, SPANG BA'I LTUNG BYED SUM CU RTZA GSUM DANG, LTUNG BYED 'BA' ZHIG BA BRGYA DANG BRGYAD CU, SO SOR BSHAGS PA BCU GCIG DANG, NYES BYAS BRGYA DANG BCU GNYIS TE BSDOMS NA SPANG BYA MI MTHUN PHYOGS SUM BRGYA DANG DRUG CU RTZA BZHI PO RNAMS SPONG BAR BYED PAS RAB TU PHYE BA DE NI DGE SLONG MA'I SDOM PA'O, ,ZHES SO, , GNYIS PA SPYI'I DON LA, DGE SLONG MA'I LTUNG BA SDE LNGA SO SO'I DNGOS 'DZIN MDOR BSDUS TZAM 'CHAD PA LA LNGA LAS, DANG PO PHAM PA'I SDE TSAN NI, DGE SLONG MAS SKYES BA LA REG PA'I PHAM PA DANG, LUS BKAN TE NYAL BA'I PHAM PA DANG, SROG GCOD KYI NYES PA BYAS PA 'CHAB BA'I PHAM PA DANG, BZOD PA GSOL BAR 'OS PA'I DGE SLONG GIS BZOD PAR GSOL YANG DANG DU MI LEN PA LA GZHAN GYIS TSUL BZHIN DU BSGOS KYANG MI NYAN PA'I BZLOG PA'I PHAM PA STE, DGE SLONG MA'I THUN MONG MA YIN PA'I PHAM PA BZHI DANG, THUN MONG BA DGE SLONG GI SKABS SU 'CHAD 'GYUR GYI PHAM PA BZHI STE PHAM BRGYAD DO, ,GNYIS PA LHAG MA'I SDE TSAN NI, KHYIM THABS KYI PHYIR SMYAN BYED PA'I LHAG MA DANG, DGE SLONG MA GZHAN LA GZHI MED PAR PHAM PA'I SKUR BA 'DEBS PA'I GZHI MED KYI LHAG MA DANG, GZHI MED PAR DON DE ZUR GYIS GO BAR BYED PA'I BAG TZAM KYI LHAG MA DANG, SKYES PA LAS GLU LEN PA'I BSAM PAS RDZAS CI YANG RUNG BA LEN PA'I LHAG MA DANG, DE LTAR

, ,LEN DU 'JUG PA'I LHAG MA DANG, KHRIMS GROGS MED PAR MTSAN MO DGE SLONG MA RNAMS LAS PHYI ROL TU GNAS PA MTSAN MO 'BRAL BA'I LHAG MA DANG, DE LTAR NYIN MO 'BRAL BA'I LHAG MA DANG, KHRIMS GROGS MED BAR GRONG GI NYE 'KHOR LAS 'DAS TE 'GRO BA LAM DU 'JUG PA'I LHAG MA DANG, KHRIMS GROGS MED PAR CHU BRGAL BA'I LHAG MA DANG, KHRIMS KYIS GSAD PAR 'OS PA RAB TU 'BYIN PA'I LHAG MA DANG, NYE DU MA YIN PA'I KHYIM PA RIGS RGYUD CHAD PA SHI BA'I NOR LEN PA'I LHAG MA DANG, BSDIG PA SOGS CHAD PA'I LAS BYAS PA'I DGE SLONG MA LA RANG GI DRUNG DU BZOD PAR GSOL DU 'JUG PA'I LHAG MA DANG, ,KHRO BA'I SEMS KYIS TSIG TU DKON MCHOG GTONG BA SOGS BRJOD PA LA BZLOG CING MI NYAN PA SPONG BA'I LHAG MA DANG, DGE SLONG MA GZHAN LA 'THAB DKROL BYED PA BZLOG KYANG MI NYAN PA 'THAB DKROL BYED PA'I LHAG MA DANG, RAB BYUNG ME DANG KHYIM PA MO GANG YANG RUNG BA DANG LHAN CIG TU BAG MED SPYOD PAS GNAS PA BUD MED BRTEN PA'I LHAG MA DANG, DE LTAR GNAS SU 'JUG PA LA BZLOG KYANG MI NYAN PA BRTEN DU 'JUG PA'I LHAG MA STE DGE SLONG MA'I THUN MONG MA YIN PA BCU DRUG DANG, DGE 'DUN GYI DBYEN BYED PA'I LHAG MA, DES RJES SU PHYOGS PA'I LHAG MA, KHYIM SUN 'BYIN PA'I LHAG MA, BKA' BLO MI BDE BA'I LHAG MA STE BZHI NI DGE SLONG GI SKABS JI LTA BA BZHIN TE, DE LTAR LHAG MA NYI SHU RNAMS SO, ,GSUM PA LTUNG BYED KYI SDE TSAN LA GNYIS, ZHAG GI CHAG LAS DANG 'BREL BA SPANG LTUNG GI SDE DANG,

DE DANG MA 'BREL BA LTUNG BYED 'BA' ZHIG PA'I SDE'O, ,DANG PO NI, 'CHANG BA 'BRAL BA 'JOG PA SOGS BCU TSAN DANG PO DANG, GSER DNGUL LA REG PA DANG, MNGON MTSAN CAN GYI SPYOD PA DANG, NYO TSONG BYED PA DANG, LHUNG BZED TSOL BA DANG, 'THAG PA BSKYED PA DANG, 'PHROG PA DANG, BSNGOS PA LAS GYUR PA DANG DGU STE BCU DGU PO NI DGE SLONG GI SKABS BZHIN YIN LA, DE DAG GI NGOS 'DZIN MDO TZAM NI DGE SLONG GI SKABS SU 'CHAD PAR 'GYUR RO, ,'ON KYANG DGE SLONG GI SKABS SU DGE SLONG MA LA GOS 'KHRUR 'JUG PA DANG, DGE SLONG MA LAS GOS LEN PA SOGS LA 'DIR NI DGE SLONG LA GOS 'KHRUR 'JUG PA DGE SLONG LAS LEN PA SOGS 'DON PA BSGYUR BA'I TSUL SKABS DANG BSTUN TE SHES PAR BYA DGOS SO, ,DGE SLONG MA'I THUN MONG MA YIN PA'I SPANG LTUNG LA, LHUNG BZED LHAG PO ZHAG GCIG 'DA' BAR 'CHANG BA LHUNG BZED 'CHANG BA'I SPANG LTUNG DANG, CHOS GOS LNGA PO MED PAS DE LNGA RNYED PA'I NYI MA DANG POR BYIN GYIS MA RLABS PA DANG, BRLABS KYANG ZHAG BCO LNGA'I MTHAR YANG BYIN GYIS MA RLABS PA BYIN GYIS MA RLABS PA'I SPANG LTUNG DANG, DGOS PA YANG DAG PA MED PAR DPYID ZLAR BA'I TSES BCO LNGA'I SNGON NAS SRA RKYANG 'BYIN PA SRA RKYANG 'BYIN PA'I SPANG LTUNG DANG; DUS SU SLEB YANG SRA RKYANG MI 'BYIN PA'I SPANG LTUNG DANG, SRED PA'I KUN NAS BSLANGS TE RIN PO CHE SLONGS SHING LON PA'I SPANG LTUNG DANG, GLEGS BAM SOGS KYI NA BZA' LA SOGS PA'I CHED DU GZHAN GYIS BYIN PA'I GOS RANG

, ,GI ZAS KYI RGYUR BYED PA GOS ZA BA'I SPANG LTUNG DANG, GOS KYI CHED DU RNYED PA'I YO BYAD ZAS KYI RGYUR BYED PA GOS KYI RGYU ZA BA LAS GYUR PA'I SPANG LTUNG DANG, MAL CHE'I RGYU ZA BA'I SPANG LTUNG DANG, DBYAR KHANG GI RGYU ZA BA'I SPANG LTUNG GSUM DANG, DGE SLONG MA BZHI YAN CHAD LA BSNGOS PA'I YO BYAD RANG LA BSGYUR BA STE MANG PO LA BSDOS PA BYIN GYIS RLOBS PA'I SPANG LTUNG DANG, DGE SLONG MA'I DGE 'DUN DU MA LA BSDOS PA'I YO BYAD RANG LA BSGYUR BA DGE 'DUN LA BSNGOS PA BYIN GYIS RLOB PA'I SPANG LTUNG DANG, RANG GI RDZAS SNOD DU BCINGS PA DAG CHAGS SEMS KYIS SKYES BA GZHAN LA 'GROL DU 'JUG PA BCINGS PA'I GROL DU 'JUG PA'I SPANG LTUNG DANG, GOS LCID CHE BA DANG RIN THANG CHE BA BDAG GIR BYED PA GOS LCI BA BRTEN PA'I SPANG LTUNG DANG, GOS YANG BA SRANG LNGA NAS SRANG GIS GZHAL RGYUR MI LONG BA'I BAR BDAG GIR BYED PA GOS YANG BA BRTEN PA'I SPANG LTUNG STE, THUN MONG MA YIN PA'I SPANG LTUNG BCU BZHI DANG, SNGAR BSHAD PA'I DGE SLONG DANG THUN MONG BA'I SPANG LTUNG BCU DGU BCAS BSDOMS PAS SPANG LTUNG SUM CU RTZA GSUM MO, ,GNYIS PA ZHAG GI CHAD LAS DANG MA 'BREL BAR BSHAGS PA TZAM DANG, 'BREL BA LTUNG BYED 'BA' ZHIG PA DGU BCU LAS, MA BSKOS NYI MA NUB PA DANG, ZHES SOGS SDOM GYIS BSTAN PA BCU DANG, SKROD PA DANG, YANG YANG ZA BA DANG, ZAS BSOD PA SLONG BA DANG, 'DUG PA DANG 'GRENG PA DANG, PHYIR MA BLANGS PAR SPYOD PA DANG, MA LON PA DANG, DBYAR GYI RAS

CHEN LAS GYUR PA STE BCO BRGYAD PO MA GTOGS PA'I 'BA' ZHIG PA BDUN CU RTZA GNYIS DGE SLONG GI SKABS DANG THUN MONG BA YIN LA, THUN MONG MA YIN PA NI, BRTUL ZHUGS LAS DANG YAL 'DOR DANG, ,TSANGS SPYOD RTZED MO YO LANG DANG, ,STAN DANG LAG LAS ZA BA DANG, ,GOS DANG SER SNA GNAS KHANG DANG, ,SDOM DANG RGYU BA SGRUB PA'I TSUL, ,ZHES PA'I DANG PO BRTUL ZHUGS LAS GYUR PA BCU BDUN NI, RANG NYID BSNYEN PAR RDZOGS NAS LO BCU GNYIS MA LON PAR GANG ZAG GZHAN RAB TU BYUNG BA DANG BSNYEN PAR RDZOGS PAR BYED PA MA LON PA NYE BAR 'JOG PA'I LTUNG BYED DANG, DGE SLONG MA'I DGE 'DUN GYIS GNANG BA MA BYIN PAR GANG ZAG GSUM MAN CHAD RAB TU BYUNG BA DANG BSNYEN PAR RDZOGS PAR BYED PA DANG DGE SLOB MAR BSGRUBS PA DANG GNAS SBYIN PA 'KHOR NYE BAR 'JOG PA'I LTUNG BYED DANG, GANG ZAG GSUM LAS LHAG DE LTAR BYED PA 'KHOR MANG NYE BAR 'JOG PA'I LTUNG BYED DANG, BUD MED KHYIM SO BZUNG BA LO BCU GNYIS MA LON PAR BSNYEN PAR RDZOGS PA'I LTUNG BYED DANG, BUD MED KHYIM SO MA BZUNG BA LO NYI SHU MA LON PAR BSNYEN PAR RDZOGS PA'I LTUNG BYED DANG, KHYIM SO BZUNG ZHING BSNYEN PAR RDZOGS 'DOD PA LA DGE SLOB MA'I BSLAB PA SNGON DU MA SONG BAR BSNYEN PAR RDZOGS PAR BYED PA DANG, KHYIM SO MA BZUNG BA DE LTAR BSNYEN RDZOGS BYED PA STE TSIG LAS 'DAS PA'I LTUNG BYED GNYIS DANG, DGE SLOB MA'I SDOM PA BLANGS KYANG DE'I BSLAB PA LA MA BSLABS PA'I BSGRUB BYA BSNYEN PAR RDZOGS PA'I LTUNG BYED DANG, SDOM PA BLANGS TE BSLAB PA LA BSLABS KYANG DE BSNYEN

, ,PAR RDZOGS PAR MI BYED PA'I LTUNG BYED DANG, GZHAN BSNYEN PAR RDZOGS PHYIR 'ONGS PA NA DE LA YO BYAD BSLANG STE BSNYEN PAR RDZOGS PAR KHAS LEN PA CHOS 'TSONG BA'I LTUNG BYED DANG, BUD MED LA KHYIM GYI BYA BA THONG ZHIG DANG RAB TU BYUNG BAR BYA'O ZHES SOGS KYI TSIG GIS BRID NAS BUD MED DES DE LTAR BYAS PA NA RAB BYUNG MI BYED PA 'BRID PA'I LTUNG BYED DANG, DGE SLONG MAS GZHAN RAB TU BYUNG BA'I LO GANG YIN PA DE LA 'AM DE'I PHYI ROL YANG GZHAN ZHAG RAB TU 'BYIN PA MONG GSOG PA'I LTUNG BYED DANG, GZHAN GYI KHYIM THAB TU GYUR PA'I BUD MED LA BDAG POS GNANG BA MA BYIN PAR RAB TU 'BYIN PA MA GNANG BSDUD PA'I LTUNG BYED DANG, BUD MED PA BDAG PO LAS 'KHRUL PA MA LOG PAR GCOD PA DANG, SPRUM MA DANG MYA NGAN GYIS GZIR BA DANG, TZAB HRAL CAN MA RUNGS PA STE BZHI PO BSNYEN PAR RDZOGS SU MI RUNG BA LA, DE DAG SO SO NAS BSNYEN PAR RDZOGS PA SKYON CAN SDUD PA LAS GYUR PA'I LTUNG BYED BZHI'O, ,GNYIS PA YAL BAR 'DOR BA'I LTUNG BYED BZHI NI, RANG NYID KYIS RAB BYUNG DANG BSNYEN PAR RDZOGS PA DAG LA GDAMS NGAG SOGS KYIS PHAN MI 'DOGS PA DANG, DE TSANGS SPYOD KYI BAR CHAD 'ONG BA MTHONG NA MI SEL BA DANG, DGE SLONG MA'I BSLAB PA LA MI SLOBS PA DANG, SLOB BU NAD PA DAG LA NAD G-YOG MI BYED PA STE, BRTUL ZHUGS LEN DU BCUG PA YAL PAR 'DOR BA'I LTUNG BYED DANG BZHI'O, ,GNAS SBYIN PA'I SLOB DPON MAS RANG LA GNAS PA'I SLOB MA NAD PA DAG GI NAD G-YOG MI BYED NA YANG

YAL BAR 'DOR BA LAS GYUR PA'I LTUNG BYED DU 'GYUR RO, ` ,GSUM PA TSANGS SPYOD BSRUNG BA LAS GYUR PA SO LNGA NI, RANG GI SKYE GNAS SOGS BRTEN BYA GANG YANG RUNG PA'I NANG DU RGYA SKYEGS KYI TSIG MAS BSKUS PA'I CHANG BU RANG NYID KYI 'JUG PA 'DOD PA BRTEN PA'I LTUNG BYED DANG, RANG GI SOR MO TSIGS GNYIS LHAG GIS RANG GI SKYE GNAS KYI NANG DU 'BRU 'DOD PA BSTEN PA LTAR BCOS PA'I LTUNG BYED DANG, RANG GI SKYE GNAS LA THAL MO BSNUN PA 'DOD PA BSTEN PA LTAR GNOD PA'I LTUNG BYED DANG, DE'I MTHA' SKOR GYI SPU 'THOG TU 'JUG PA BSTEN BYA BCOS PA'I LTUNG BYED DANG, GNAS DBEN PAR SKYABS YOD NA KHYIM PA DANG LHAN CIG 'GRENG BA DANG, DE NA DGE SLONG DANG LHAN CIG 'GRENG BA DANG, BLA GAB MED PA NA SNGA MA LTAR 'GRENG BA DANG, DE NA PHYI MA LTAR 'GRENG BA DANG, DGE SLONG MAS KHYIM PA'I LUS LA MA REG TZAM DU BSNYEN TE DE'I RNA BAR BSHUB CING SMRA BA DANG, KHYIM PAS TSUR LA DE LTAR BSHUB CING SMRA BA LA NYAN PA DANG, DGE SLONG GI LUS MA REG TZAM DU BSNYEN TE DE'I RNA BAR BSHUB CING SMRA BA DANG, DGE SLONG GI TSUR LA DE LTAR BSHUB CING SMRA BA LA NYAN PA DANG, KHYIM PA LAS RIG PA GANG YANG RUNG BA LEN PA DANG, DE LAS KLOG PA DANG, DGE SLONG MAR RANG GI LUS KYI RMA RANG NYID KYIS SGYU THABS KYIS BCINGS SHING SKYES PA GZHAN LA DE DGROL DU 'JUG PA DANG DE LTAR BYAS TE BCINGS PA PHYED 'GROL DU 'JUG PA STE, REG PAR BYA BA MIN PA DANG BSTEN PA LAS GYUR PA'I LTUNG BYED BCU GCIG DANG, GZHAN GYI BU DANG BU MO MA NING GANG YANG RUNG BA RTZA BA SOGS

, ,KYIS 'TSO SKYONG BYED PA BU 'TSO BA'I LTUNG BYED DANG, GZHAN GYI KHYIM DU DE'I KHYIM BDAG LA MA DRIS PAR MTSAN MOR 'DA' BA DANG, SKYABS YOD PA'I GNAS SU SKYES PA YONG MED MA BRTAGS PAR MTSAN MO 'DA' BA DANG, DGE SLONG MA GZHAN PA'I GNAS KHANG STENG G-YOGS PA'I NANG DU MTSAN MO 'DA' BA STE GNOD PAR GYUR PA'I SGOM BCAD PA'I LTUNG BYED GSUM DANG, DGE SLONG MA GZHAN DANG LHAN CIG LUS KYI SHA REG BA DANG BCAS SHING MTSAN MO NYAL BA LONGS SPYOD CING GNAS PA BTANG BA'I LTUNG BYED DANG, DGE SLONG MA GZHAN DAG LA RANG GI LUS LA 'DAG RDZAS DANG 'BRU MAR LAS GZHAN PA'I RDZAS KYIS DRIS PHYIS BYED DU 'JUG PA DANG, DE BZHIN DU DGE SLOB MA LA DE LTAR BYED DU 'JUG PA DANG, DGE TSUL MA LA DE LTAR BYED DU 'JUG PA DANG, KHYIM PA MO LA DE LTAR BYED DU 'JUG PA DANG, BUD MED GZHAN RANG GI LUS LA CHU 'BA' ZHIG GIS KHRUS BYED DU 'JUG PA DANG, RDZAS DRI ZHIM PO RANG GI LUS LA BSKUS PA DANG, RANG GI LUS LA 'BRU MAR GYI TSIG MAS RANG NYID KYIS RKU BA DANG, GZHAN RKUD DU 'JUG PA STE BYI DOR BYED PA LAS GYUR PA'I LTUNG BYED BRGYAD DANG, BUD MED DANG LAG PA SBREL TE LTE BA MAN CHAD CHU LA NUB BZHIN DU KHRUS BYED PA DANG, SKRA BCOS PA'I PHYIR BU SHEL RTZI 'AM DRES MA'I RTZA BAS SKRA SHAD PA DANG, SO MA NGAS KYIS SHAD PA DANG, SMYUGS SHAD KYIS SHAD PA DANG, DE GSUM CHAR GYIS SHAD PA DANG, SKRA BRNYAN MGO LA GAB PA DANG, KHYIM PA'I RGYAN 'CHAD BA STE 'CHOS PA LAS GYUR PA'I LTUNG

BYED DRUG GO ,BZHI PA RTZED MO LAS GYUR PA GSUM NI, YAN LAG BSKYOD PA BRO BRDUNG BA DANG SKAD GDANGS GANG YANG RUNG BAS MGRIN PA BSGYUR TE BLU LEN PA DANG, BI WANG LA SOGS PA'I ROL MO DGROL BA STE RGYAGS PA LAS GYUR PA'I LTUNG BYED GSUM MO, ,LNGA BA YO LANG LAS GYUR PA GSUM NI, LONGS SPYOD DU GYUR BA'I GDUGS THOGS PA DANG, DE 'DRA'I MCHIL LHAM GYON PA DANG, ,BRI'U LA 'DUG TU BCUG PA'I BSNYEN BKUR NYAMS SU MYONG BAR BYED PA STE LONGS SPYOD 'CHOS PA NYID LAS GYUR PA'I LTUNG BYED GSUM MO, ,DRUG BSTAN LAS GYUR PA GNYIS NI, KHYIM GZHAN DU DE'I KHYIM GYI BDAG PO'I BSTAN LA 'DUG PA'I PHYIS GNON BYED PA DANG, KHYIM PA MOS RANG LA CHOS NYAN PA'I MTHAR RANG NYID KYIS KHYIM PA LA MA SPRAN PAR 'GRO BA LOG THABS BYED PA STE STAN LAS GYUR PA'I LTUNG BYED GNYIS SO, ,BDUN PA LAG LAS GYUR PA'I LTUNG BYED LNGA NI, SKA RAGS KYI DON MIN PAR BAL LA SOGS PA'I RGUD BA 'KHAL BA DANG, KHYIM GZHAN DU BZA' BTUNG LA SOGS PA'I G-YOS DANG PHYAG DAR SOGS BYED PA DANG, 'BRU LA SOGS PA RJEN PA BTZO BA STE KHYIM GYI BZO STON PA GSUM DANG, DGE SLONG MA'I DGE 'DUN GYI GOS BDAG GIS BYED PA DANG, 'BRAS CHAN DANG MAR DANG SNUM KHUR LA SOGS PA'I ZAS 'TSOR BA'O, ,BRGYAD PA BZA' BA LAS GYUR PA GNYIS NI, ZAS ZOS NAS STAN LAS LANGS TE BSOD SNYOMS BLANGS NAS YANG 'DUG STE ZA BAR BYED CING DE LTAR BYED PA YANG YANG ZA BA'I LTUNG BYED DANG,

, ,SGOG SKYA ZA BA LA SOGS PA TSOGS PAR DBYUNG DU MI 'OS PA BSTEN PA'I LTUNG BYED GNYIS SO, ,DGU PA GOS LAS GYUR PA LNGA NI, ZLA MTSAN 'DZAG PA NA SMEG PA MI 'CHANG BA DANG, KHRUS DANG CHAR CHU SOGS KYI TSE CHU GOS MI 'CHANG BA DANG, RANG GI GOS BKRU BSHAL MKHAN LA 'KHUR 'JUG PA STE GSU 'BEL BA LAS GYUR PA'I LTUNG BYED GSUM DANG, RNAM SBYAR DANG BLA GOS SOGS KHYIM PA LA GOS SU BYIN PA CHOS KYI RGYAL MTSAN LA MA GUS PA'I LTUNG BYED DANG, CHAGS PA'I DGE SLONG PHA MA'I RNAM SBYAR BA RJES TE BYON PA RGYAL MTSAN BRJE BA'I LTUNG BYED DANG LNGA'O, ,BCU PA SER SNA LAS GYUR PA LNGA NI, GANG ZAG GZHAN DAG DGE SLONG MA GZHAN GYI BSNGAGS PA BRJOD PA NA DGE SLONG MA DE LA SMOD PA'I TSIG BRJOD PA DANG, DGE SLONG MA GZHAN GYI SBYIN BDAG GI KHYIM GA GE MO LA MA 'GRO ZHES TSIG GIS 'GOG PA DANG, GNAS KHANG GA GE MOR MA 'DUG CIG CES 'GOG PA DANG, RNYED PA RNYED DU MI 'JUG PA'I RGYU THABS KYI TSIG SMRAS TE 'GOG PA DANG, SER SNA BYAS TE CHOS MI STON PA'O, ,BCU GCIG PA GNAS KHANG LAS GYUR PA GNYIS NI, RANG NGAM GZHAN LA BCOL BAS KYANG RUNG DGE SLONG MA GZHAN DBYAR KHANG NAS SKROD PA DANG, DGE SLONG MA GZHAN KHYIM PA GZHAN GYIS KHYIM NA GNAS PA THABS KYIS SKROD PA STE SKROD PA LAS GYUR PA'I LTUNG BYED GNYIS DANG, BCU GNYIS PA SDOM PA LAS GYUR PA BCU DRUG NI, DGE SLONG MA GZHAN LA LTUNG BA'I GZHI LEGS PAR MA MTHONG BA DANG MA THOS PA DANG MA DOGS KYANG MTHO

'TSAM BO'I BSAM PAS LTUNG BA GLENG PA DANG STON PAR BYED PA DANG, GZHAN YID CHES PAR BYA BA'I SLAD DU MNA' 'DOR BA DANG, ZHE SDANG GIS RANG GI LUS LA GNOD PA'I KHU TSUR SOGS SDIG PA DANG, DGE SLONG MA'I DGE 'DUN LA BRNYAS THABS KYIS 'PHYA ZHING SMOD PA DANG, DE DAG LA LTO PHYIR RAB TU BYUNG BA DANG TSUL KHRIMS 'CHAL BA ZHES SOGS NGAG SHIN TU RTZUB MOS SMOD PA PAS SBYOR BA'I LTUNG BYED DANG, DGE SLONG GI LUS LA CHU THIG PA YAN CHAD KYIS 'THOR BA DANG, 'TSAMS 'DIR MOD RTZA LAS, DGE SLONG LA THU ZHES MI BYA'O, ,ZHES MCHIL MA'I THU ZHES MI BYA BAR GSUNGS SHING, YANG DGE SLONG GI MDUN DU SPYOD YUL DU RGYU BAR MI BYA'O, ,ZHES BSOD SNYOMS LA DGE SLONG GI SNGON DU MI RGYU BAR GSUNGS PA DANG, ZAB PA MI BRTAN PAR DGE SLONG DANG LHAN CIG 'GRO BAR MI BYA'O, ,ZHES PA NAS, MI BYED NA 'DUG PA'I PHYIR ZHUS TE DE LA 'DUG PAR BYA'O, ,ZHES GSUNGS SO, ,RANG LA DGE SLONG RNAMS KYI RTZOD PA ZHI BAR BYED PA'I MTHU YOD BSHIN DU ZHI BAR MI BYED PA DANG, DGE SLONG MA'I TSOGS KYI LAS BYED PA LA RANG NYID KYIS 'DUN PA PHUL ZHING TSOGS KYI LAS DE NYIN DER MA GRUB PAR NYIN PHYI MA SOGS LA BYA BA'I SKABS SU DGE 'DUN GYIS SLAR YANG RANG NYID LA 'DUN PA LEN PA NA KHO MOS SNGAR 'DUN PA PHUL ZIN PA DE NYID PHYIR MA BLANGS PAS DA 'DUN PA PHUL MI DGOS ZHES ZHAG LON PA'I 'DUN PA MI SBYIN PA DANG, ZLA BA PHYED BYED CING GSO SBYONG GI TSE DGE SLONG RNAMS LAS GDAMS NGAG NYAMS SU MYONG BAR MI BYED PA

, ,DANG, DGE SLONG RNAMS LA SDANG 'DUN PA'I GSO SBYONG BLANGS PA MED PAR DGE SLONG MA'I TSOGS KYIS GSO SBYONG BYED BA DANG, DGE SLONG BZHI YAN CHAD GNAS NAS LAS BRGYA RTZA GCIG PO GANG RUNG BYED PA MED PA'I GNAS SU DGE SLONG MA'I DGE 'DUN GYIS DBYAR GNAS PAR KHAS LEN PA DANG, DGE SLONG MA DBYAR GNAS PA DES DGE 'DUN SDE GNYIS KA LA MTHONG THOS DOGS PA'I GNAS GSUM GYIS DGAG DBYE MI BYED PA STE LCI BA'I CHOS LAS 'DAS PA BZHI DANG, DBUL BO LA SRA RKYANG GI RGYU DNGOS BSLANG BA SOGS YO BYAD SBYOR DU 'JUG PA DANG, DGE SLONG MA'I DGE 'DUN RNAMS DUS KYI SNGA ROL TU SRA RKYANG DBYUNG BA'I PHYIR BAG YANGS SU BYA BA LA 'DUN PA MI 'BUL BA SOGS KYI LAS LA MI 'DUB DANG, DGE SLONG MA'I DGE 'DUN CHOS LDAN GYI RNYED PA BGO BA LA YANG SNGAR LTAR LAS MI 'DUB DANG, DGE SLONG MA'I DGE 'DUN NAM GANG ZAG GI GNAS KYI MTSAN NYID DU GRUB PA'I DBYAR KHANG GI LDE MIG KHYIM PA MAN CHAD KYI GANG ZAG LAM GTANG PAR 'GRO BA STE BCU DRUG GO ,BCU GSUM PA RGYU BA LAS GYUR PA DRUG NI, DBYAR GYI NANG DU RGYANGS GRAGS LAS 'DAS PA'I BAR GYI NAGS LJONGS RGYU BA DANG, DGAG DBYE BYAS PA'I RJES DE NYID DU LJONGS RGYUR MI 'GRO BA DANG, YUL CHOM RKUN GYIS BCOM PA'I DOGS PA DANG BCAS BZHIN DU LJONGS RGYU BA DANG, YUL 'KHOR GANG NA DGRA BO DANG BCAS PA'I SAR LJONGS RGYU BA DANG, 'JIG RTEN PA'I LHA'I GNAS DANG, RGYAL

BO'I PHO BRANG SOGS DANG, MU STEGS CAN LA SOGS PA'I GNAS SU SONG STE 'THAB KROL BYED PA DANG, RAB BYUNG SDE LNGA MTSAN NYID PA LA PHA ROL BOS 'DRI BA'I SKABS MA PHYE BAR NANG RIG PA'I CHOS KYI TSIG 'DRI BA SDE DRUG GO ,BCU BZHI PA BSGRUB PA'I TSUL LAS GYUR PA GSUM LAS, DBYAR KHANG GI NYE 'KHOR 'DOM GANG LAS LOGS NAS CHAB KHUNG CAN GYI PHYI BA'I GNAS SU GCIG PUR 'GRO BA DANG, RTZA SNGON PO MA NYAMS PA'I STENG DU BSHAD GCI DANG SNABS SOGS 'DOR BA RTZIG PA'I PHAR LOGS SU SKYE BO YOD MED MA BRTAGS PAR BSHAD BA SOGS RTZIG PA'I THOG NAS SKUR THABS SU 'DOR BA STE, BSHANG BA LAS GYUR PA'I LHUNG BYED GSUM STE DE LTUNG BYED 'BA' ZHIG PA BRGYA DANG BRGYAD CU RNAMS SO, , SOR BSHAGS KYI SDE TSAN NI DGE SLONG MA MIN PAR NYE DU MA YIN PA'I GANG ZAG GZHAN GYI KHYIM NAS 'O MA BLANGS TE 'THUNG BA'I SOR BSHAGS DANG, KHYIM DE 'DRA BA NAS RANG DON DU ZHO DANG MAR DANG ZHUN MAR DANG 'BRU MAR DANG SBRANG RTZI DANG BU RAM GYI KHU BA DANG NYA SHA DANG SHA DANG SHA SKAMS SOGS BLANGS TE ZOS SHING 'THUNG BA'I SOR BSHAGS DGU DANG, KHYIM BDAG CHE GE MO'I KHYIM DU 'JUG PAR MI BYA'O, ,ZHES SOGS KYIS KHRIMS BCAS PA LA BSLAB PA BRAL TE KHYIM DER 'JUG PA'I SOR BSHAGS GCIG STE SO SOR BSHAGS PA BCU GCIG GO ,THA MA 'DI DGE SLONG DANG THUN MONG BA'O, ,NYES BYAS KYI SDE NI, KHYIM DU MA BSGOS PAR STAN LA 'DUG PA DANG, RTZA SNGON LA MI GTZANG BA 'DOR BA GNYIS

, ,'DIR LTUNG BYED DU BGRANG PAS DE GNYIS MA GTOGS PA'I DGE SLONG GI NYES BYAS BRGYA DANG BCU PO DANG, DGE SLONG MA'I THUN MONG MA YIN PA SHAM THABS LUS KYI RNYED PA SNANG BAR BGO BA DANG, 'KHRIGS PA'I 'DONG CHAGS KYIS CHAGS SHING KHYIM GZHAN DU 'GRO BA GNYIS TE BSLAB BYA'I NYES BYAS BRGYA DANG BCU GNYIS SO, ` ,GNYIS PA DGE SLONG PHA'I SDOM PA LA GNYIS, TSIG GI DON DANG, SPYI'I DON NO, ,DANG PO NI, PHAM PA BZHI DANG LHAG MA NI, ,BCU GSUM SPANG LTUNG SUM CU DANG, ,LTUNG BYED 'BA' ZHIG DGU BCU DANG, ,SOR BSHAGS BZHI DANG NYES BYAS NI, ,BRGYA RTZA BCU GNYIS BSDOMS PA YIS, ,NYIS BRGYA LNGA BCU RTZA GSUM RNAMS, ,SPONGS PAR BYED PA DGE SLONG NGO, ,ZHES GSUNGS TE, PHAM PA BZHI DANG, LHAG MA DAG NI BCU GSUM DANG, SPANGS LTUNG SUM CU DANG, LTUNG BYED 'BA' ZHIG BA DGU BCU DANG, SOR BSHAGS BZHI DANG DA NYES BYAS NI BRGYA RTZA GCIG DANG BCU GNYIS TE DE BSDOMS PAS SPANG BYA MI MTHUN PHYOGS NYIS BRGYA DANG LNGA BCU RTZA GSUM PO RNAMS NI SPONGS PAR BYED PA'I RAB TU PHYE BA DE NI DGE SLONG GI SDOM PA'O, ,ZHES SO, ,LTUNG BA SDE LNGA PO SPYI DON GYI SKABS SU 'CHAD PAR 'GYUR RO, ,GNYIS PA SPYI DON LA GSUM, SDOM PA MA THOB PA THOB PAR BYED PA'I THABS, THOB PA MI NYAMS PA SRUNG BA'I THABS, NYAMS NA PHYIR BCOS PA'I THABS SO, ,DANG PO

LA, SNGON CHOG GI SGOS BSNYEN RDZOGS BYED TSUL RE ZHIG 'DIR MI BRJOD LA, DA LTAR GYI CHO GAS BSNYEN RDZOGS BYED TSUL NI, BSNYEN RDZOGS SU BSGRUB PA'I BSGRUB BYA TE SDOM PA SKYES PA'I 'GAL RKYEN NGES PA LNGA BRAL DANG, MTHUN RKYEN PHUN SUM TSOGS PA LA BRTEN NAS SDOM PA THOB DGOS SHING, NGES PA LNGA NI, SROG GCOD LTA BU GCIG LA MTSON NA SEMS CAN CHE GE'I SROG GCOD PA SPONG GI DE LAS GZHAN PA'I SROG GCOD PA MI SPONG NGO SNYAM PA LTA BU SEMS CAN NGES PA DANG, SROG GCOD GCIG PU SPONG GI ,YAN LAG GZHAN MI SPONG NGAM SNYAM PA LTA BU YAN LAG NGES PA DANG, YUL GA GA MO ZHIG TU SPONG GI ,YUL GZHAN DU MI SPONG NGO SNYAM PA LTA BU YUL NGES PA DANG, LO DANG ZLA BA 'DI DANG 'DI'I BAR DU SPONG GI DE PHAN MI SPONG BO LTA BU DUS NGES PA DANG, MU GE YUL 'KHRUGS SOGS MA YIN PA'I DUS DANG, DUS CHEN DANG DGE SBYOR LA BRTZON PA SOGS KYI DUS SU SPONG GI ,SKABS GZHAN DU MI SPONG NGO SNYAM PA LTA BU TSE NGES PA STE SDOM PA LEN PA'I SKABS DER BSAM PA 'DI LTA BU YOD NA SDOM PA SKYE MI SRID PAR GSUNGS SO, ,MTHUN RKYEN TSAD BA LA MKHAN PO DANG, LAS KYI SLOB DPON DANG, GSANG STE STON PA'I SLOB DPON RNAMS MTSAN NYID DANG LDAN PA DGOS SHING KHA SKONG DU 'OS PA'I DGE SLONG YANG MTSAN NYID DANG LDAN ZHING GRANGS TSANGS PA MI MTHUN PA GNYIS DANG BRAL BA ZHIG DGOS LA, BSGRUB BYA YANG 'DIR BSHAD A'I BAR CHAD DANG MI LDAN ZHING YONGS SU DAG PA ZHIG DGOS

, ,SO; DES SDOM PA LEN PA'I KUN SLONG GI BSAM PA YANG 'KHOR BA LA SKYON TU MTHONG SHING, DE LAS THAR 'DOD KYI NGES 'BYUNG GI BSAM PA BRTAN PO ZHIG GAL CHE BA DANG, YO BYAD KYANG GOS DANG SNOD SBYANG SOGS RUNG BA TSAD DANG LDAN PA DGE 'DUN GYIS GNANG BA BYIN PA MKHAN POS BYIN GYIS BRLABS NAS GNANG BA DGOS SHING, CHO GA YANG GSOL BZHI'I LAS MTSAN NYID DANG LDAN PA BYAS PA LA BRTEN NAS DA CHOG NYES MED PHUN TSOGS KYI SGOS BSNYEN RDZOGS KYI SDOM PA THOB PAR 'GYUR BA YIN NO, ,DE LA MKHAN PO MTSAN NYID DANG LDAN PA NI, BSNYEN PAR RDZOGS NAS SDOM RGYUN BAR MA CHAD PAR LO BCU LON PA, LNGA PHRUG DANG LDAN PA, KHA SKONG GI CHOS 'GRENG BA MA YIN PA, GANG LA BYA BA'I YUL MA YIN PA, 'DUN PA DANG YONGS SU MA DAG PA'I CHO GA LAS MA YIN PA, BSNYEN PAR MA RDZOGS PA MA YIN PA, SDOM PA NYAMS PA MA YIN PA, MTSAMS MED BYAS PA MA YIN PA, SA GZHAN NA GNAS PA MA YIN PA, 'KHRUL BCAS MA YIN PA, 'TSAMS GZHAN GNAS PA MA YIN PA, DKON MCHOG GZHAN MA YIN PA, SHES PA RANG BZHIN DU MI GNAS PA MIN PA, MTSAN MTHUN PA STE BCU GSUM DANG LDAN PA BSGRUB BYAS MKHAN POR GSOL BA BTAB CING KHAS BLANGS PA'O, ,SLOB DPON MTSAN NYID DANG LDAN PA NI, KHA SKONG DU 'OS PA, DGE 'DUN GYI DBUS SU LAS KYI CHO GA TSIG PHYED KYANG MA NOR BAR BLO LA THON PA MKHAN POS GSOL

BA BTAB PA CIG DGOS SO, ,GSANG STON MTSAN NYID DANG LDAN PA NI, KHA SKONG TU 'OS PA, MKHAN POS GSANG STON DU GSOL BA BTAB PA, GSANG STON DU 'OS PA'I CHOS LNGA DANG LDAN PA, DGE 'DUN GYI GSANG STON DU LAS KYIS BSKOS SHING CHAGS PA CIG DGOS SO, ,KHA SKONG GI DGE SLONG YANG SNGAR BSHAD PA LTAR KHA SKONG GI CHOS BCU GSUM DANG LDAN PA GRANGS KYANG YUL DBUS SU BCU TSOGS DANG MTHA' 'KHOB TU LNGA TSOGS TSANG BA DGOS SHING, LAS KYI NYE 'KHOR DU YOD PA'I DGE SLONG LNGAS GRAL NGER MA 'DUS PAR MA ZAD 'DUN PA YANG MA PHUL BA MA 'DUS PA'I MI MTHUN PA DANG, LAS GRAL DU 'DUS KYANG DGE SLONG GI CHOS DRUG LDAN GYIS LAS 'DI LTA BU BYA BAR MI 'OS ZHES BZLOG PA 'DUN PA PHYIR BZLOG GI MI MTHUN PA STE MI MTHUN PA GNYIS DANG BRAL BA ZHIG DGOS SO, ,YUL DBUS DANG MTHA' 'KHOB KYI KHYAD PAR LA, SA TSIG GI DBANG DU BYAS PA DANG, CHOS TSIG GI DBANG DU BYAS PA'I DBUS DANG MTHA' 'KHOB 'JOG TSUL GNYIS YOD PAS, ZHIB PAR NI GZHUNG CHEN MO DAG LAS SHES PAR BYA'O, ,'DIR BSNYEN PAR RDZOGS PA'I CHO GA SA BCAD KYI RIM PA TZAM ZHIG BRJOD NA, DANG POR BSGRUB BYA LO NYI SHU LON PA BSNYEN PAR RDZOGS 'DOD PA DES CHOS GOS GSUM DANG LHUNG BZED GDING BA CHU TSAGS RNAMS TSAGS SU CHUD PAR BYAS LA, GAL TE MA RNYED NA CHOS GOS GSUM GYI RGYU RUNG BA BTZAL ZHING GZHAN RNAMS G-YAR BA TSUN CHAD KYIS SGO NAS YO BYAD TSANG BAR BYA'O, ,DE NAS

, ,MKHAN POS LAS SLOB DANG GSANG STON DANG DGE SLONG RNAMS LA GSOL BA GDABS, DE DAG GIS KYANG RANG RGYUD LA LTUNG BA DAG GIS GOS MA GOS BRTAGS NAS BSHAGS PA DANG BSDAMS PA DANG BYIN GYIS RLABS PA'I SGOS RGYUD DAG PAR BYAS TE LAS GRAL DU 'DU BAR BYA'O, ,DA NAS GNAS MAL BSHAMS PA LA GRAL GYI GONG DU STON PA'I SKU GZUGS BZHUGS SU GSOL ZHING CI 'BYOR PA'I MCHOD PA BSHAMS, BSGRUB BYAS CHOS GOS GSUM MGO 'JUG DANG PHYI NANG MA LOG PAR BZHI BLTAB TU BYAS TE MKHAN PO DANG NYE PA'I SAR BRKYANGS LA BZHAG ,LHUNG GZED DANG GDING BA CHU TSAGS RNAMS KYANG DE'I NYE LOGS SU BZHAG ,MKHAN PO'I MDUN DU ME TOG DANG, BSGRUB BYA'I STAN DU RTZA DANG PHA GU STA GON BYA'O, ,DE NAS BSGRUB BYA RGAN PA'I MTHA' LOGS SU BZHAG ,MKHAN PO SA THAMS CAD KYI PHYAG TU ME TOG PHUL NAS 'GRENG STE 'DUD PA DANG BCAS PA'I SGOS, DGE 'DUN BTZUN PA RNAMS DGONGS SU GSOL NAS, G-YAR NGO 'BYAR ZHING MCHIS LAGS, ZHES PA'I BAR BRJOD NAS GSOL BA GDABS, BSGRUB BYA LA STON PA DANG DGE SLONG RE RE LA PHYAG GSUM GSUM 'TSAL TU BCUG ,DE'I TSE DGE SLONG RE RE NAS KYANG SMON LAM GDAB PO, ,'DI YAN CHAD DKON MCHOG GSUM DANG SLOB DPON MNGON TU 'GYUR BAR BYA BA'I CHED DU'O, ,MKHAN PO MNGON TU 'GYUR BAR BYA BA NI, BSGRUB BYA RTZA'I STENG NAS MKHAN PO LA PHYAG

GSUM BTZAL ZHING, RTZA DANG PHA GU'I STENG DU TZOG TZOG BUR 'DUG THAL MO SNYING GAR SBYOR DU BCUG LA, KHYOD BSNYEN PAR RDZOGS PA DGE SLONG GI DNGOS PO DON DU GNYER BA SHIN TU LEGS ZHES SOGS KYI BSGRUB BYA LA SPRO BA BSKYED, BTZUN PA DGONGS SU GSOL, ZHES SOGS KYIS MKHAN POR GSOL BA 'DEBS PA'I TSIG GI RJES BZLOS LAN GSUM BYED DU GZHUG CING, MJUG TU THABS LEGS BYA'O, ,YO BYAD MNGON DU 'GYUR BAR BYA BA NI, BSGRUB BYA LA PHYAG GSUM BTZAL DU BCUG GROGS BYED PA POS BSGRUB BYA'I CHOS GOS GSUM PHRAG PA G-YON PA LA BKAL NAS, 'DI LA DNGOS KYI BYIN RLABS 'CHAGS, 'DI LA RGYU'I BYIN RLABS 'CHAGS, ZHES BRDA' SPRAD, SKABS 'DIR MKHAN POS KYANG DGE SLONG GZHAN ZHIG DGE 'DUN LA LHUNG BZED STON ZHIG CES BSKO, DE NAS MKHAN SLOB GNYI GA 'GRENG STE RNAM SBYAR BZUNG NAS 'DI DGE SLONG GI 'TSO BA'I YO BYAD RNAM SBYAR DU BYIN GYIS RLABS SNYAM PA GYIS ZHES BRDA' SPRAD LA, MKHAN PO DGONGS SU GSOL, ZHES SOGS KYIS RJES BZLOS LAN GSUM BYED DU BCUG ,THABS LEGS BYAS TE RNAM SBYAR PHRAG PA G-YAS SU SPO, YANG SNGAR LTAR BLA GOS BZUNG NAS BRDA' SPRAD CING RJES BZLOS THABS LEGS BYAS NAS PHRAG PA G-YAS SU SPO, YANG SNGAR LTAR MTHANG GOS BZUNG NAS BRDA' SPRAD CING RJES ZLOS THABS LEGS DANG BCAS PA BYA, DE NAS BLA GOS RNAM SBYAR SGRAGS LA MKHAN POS BSGRUB BYA LA BSKON ZHING, SKABS DER

, ,LAS GRAL BA THAMS CAD KYIS THAR PA'I RGYAL MTSAN BSTAN PAR GYUR CIG CES SOGS SMON LAM BZHI PO GDAB, DE MA THAG TU GDING BA'I STENG NAS BSGRUB BYAS DGE 'DUN SPYI LA PHYAG GSUM BYA'O, ,GAL TE DNGOS KYI BYIN RLABS 'CHAGS PA MED NA DE'I RGYUR RUNG BA'I DAR RAS SOGS SO SOR BLTAB STE BSGRUB BYA'I PHRAG PA G-YON LA BKAL, SNGAR LTAR GNYIS KAS DE BZUNG LA 'DI SNAM SBYAR LA SOGS PA DANG DE DANG DE'I RGYUR BYIN GYIS BRLABS SNYAM PA GYIS ZHES BRDA' SPRAD MKHAN PO DGONGS SU GSOL ZHES SOGS KYIS RJES ZLOS LAN GSUM BYED DU BCUG CING, THABS LEGS BYA'O, ,CHOS GOS GSUM PO'I RGYU'I BYIN RLABS KYI TSIG BSGYUR DGOS PA DAG KYANG MA 'KHRUL BAR GDON PAR BYA'O, ,DE NAS LHUNG BZED STON PA'I DGE SLONG GIS LHUNG BZED BCUD DANG BCAS PA BZUNG STE DGE SLONG RE RE'I MDUN DU 'GRENG STE 'DUD PA DANG BCAS PAS DGONGS GSOL BYAS TE TSE DANG LDAN PA 'DI'I LHUNG BZED MI CHE 'AM ZHES SOGS TSIG GIS DRIS SHING SO SO NAS LHUNG BZED BZANG NGO ZHES BRJOD, MKHAN SLOB GNYI GA 'GRENG STE LHUNG BZED BZUNG NAS MKHAN PO DGONGS SU GSOL, ZHES SOGS KYI RJES ZLOS LAN GSUM DANG THABS LEGS BYAS TE BYIN GYIS RLABS, YANG SPYOD LAM DE NYID KYIS GDING BA BZUNG STE 'DI GDING BA ZHES BYA BA SOGS KYI TSIG GIS GTAD, 'DI NI DGE 'DUN SPYI DANG GANG ZAG GZHAN GYI GNAS MAL LA

SOGS PA'I YO BYAD LA MI GNOD PAR GCES BAR BSKYANGS DGOS PA'I DON TO, ,YANG SPYOD LAM DE NYID KYIS CHU TSAGS BZUNG STE, 'DI CHU TSAGS ZHES BYA BA CES SOGS KYI TSIG GIS GTAD, 'DI NI YO BYAD GANG LONGS SPYOD KYANG SROG CHAGS LA MI GNOD PA BYED DGOS PA'I DON TO, ,DE NAS GSANG STON DANG YONGS SU DAG PA MNGON DU 'GYUR BA'I PHYIR, THOG MAR GNAS LA BLO MTHUN DANG, LTUNG MTHUN BYIN RLABS BYA DGOS PAS, LAS SLOB KYIS LAS THAMS CAD KYI SNGON DU 'GRO BA GNYIS LAS ZHES SOGS KYIS LTUNG BA THUN MONG BA BYIN RLABS, GNAS LA BLO MTHUN GYI GSOL GNYIS KYI LAS BGYI BA'I ZHES SOGS KYIS GNAS LA BLO MTHUN BYA, DE NAS LAS SLOB KYIS MKHAN POS GSANG STON DU GSOL BA BTAB PA DE GANG YIN DRIS, GSANG STON DES KYANG LAN GDAB, YANG GSANG STON LA SPRO BA 'DRI ZHING DES KYANG SPRO'O ZHES BRJOD DO, ,DE NAS SLOB DPON GYIS GSANG STE STON PAS LKOG TU BAR CHAD 'DRI BA'I PHYIR GSANG STE STON PA BSKO BA LA THUGS BSTUN PA GSOL BA'I LAS LA THUGS GTANG BAR ZHU, ZHES SOGS KYIS GSANG STON BSKO, DE NAS GSANG STON DES BSGRUB BYA LKOG TU LAS MI THOS PA'I SAR KHRID LA PHYAG GSUM 'TSOL, TZOG TZOG BUR SDOD, THAL MO SNYING KHAR SBYOR, ZHES DE LTAR BYED DU BCUG LA, KHYOD BSNYEN PAR RDZOGS PA MNGON GYUR BCU TSANG DGOS SHING, ZHES PA NAS, NGAS DGE 'DUN LA ZHUS DE 'ONG GIS DE'I BAR RE ZHIG 'DIR

, ,BSDOD CIG CES PA'I BAR GYIS BAR CHAD 'DRI BA DANG SKABS SO SO'I LAN 'DEBS TSUL CHO GA JI LTA BA BZHIN BYA, GSANG STON PHYIR 'ONG STE RGAN PA'I MTHAR 'GRENG STE 'DUD PA DANG BCAS PAS, DGE 'DUN BTZUN PA RNAMS DGONGS SU GSOL ZHES SOGS KYI DRI TSIG BRJOD CING LAS GRAL BA THAMS CAD KYIS GAL TE YONGS SU DAG NA'O, ,ZHES BRJOD DO, ,DE NAS BSGRUB BYA LA NANG DU SHOG CIG CES BRJOD LA, DGE 'DUN GYI NANG DU GDING BA'I STENG NAS PHYAG GSUM 'TSAL DU BCUG LA, RANG NYID GRAL DU 'KHOD DO, ,BSNYEN PAR RDZOGS PAR 'DOD PA MNGON DU 'GYUR PA DANG, GSOL BA MNGON DU 'GYUR BAR BYA BA NI, LAS SLOB KYIS BSGRUB BYA LA DANG POR STON PA LA PHYAG GSUM DANG DE NAS DGE 'DUN SPYI LA PHYAG GSUM 'TSAL DU BCUG LA, SNGON DU BRDA' SPROD DGOS PA RNAMS TSIG GIS SPROD, DGE 'DUN BTZUN PA RNAMS GSAN DU GSOL, ZHES SOGS RJES ZLOS LAN GSUM GYIS GSOL BA 'DEBS SU BCUG DE NAS YONGS SU DAG PAR DGE 'DUN THUGS YID CHES PA'I SLAD DU TSOGS SU BAR CHAD DRI BAR BYA BA'I DON DU LAS SLOB KYIS, DGE 'DUN BTZUN PA RNAMS SPYOD LAM BSTUN NAS GSOL BA'I LAS DAG LA THUGS GTAD PAR ZHU, ZHES SOGS KYIS, LAS BRJOD, DE NAS LAS SLOB KYIS, BSGRUB BYA RANG LA PHYAG GSUM BTZAL DU BCUG CING PHA GU'I STENG DU 'DUG TU BCUG LA, KHYOD BSNYEN PAR RDZOGS PAR BYED PA LA

RGYUR BAR CHAD KYI CHOS DANG MI LDAN PAS YONGS SU DAG PA ZHIG DGOS, ZHES PA NAS, 'DI LTA BU GZHAN DAG KYANG KHYOD KYI LUS LA MED DAM ZHES PA'I BAR 'DRI ZHING, DES KYANG DRI BA DANG MTHUN PA'I LAN SO SOR GDABS SU BZHUG GO DNGOS GZHI'I CHO GA LA YANG LAS SLEB KYIS BSNYEN PAR RDZOGS PA LA MNGON 'GYUR BCU PO TSANG DGOS TSUL GYI BSHAD PA RGYAS BSDUS GANG YANG RUNG BA'I SGOS BSGRUB BYA LA BRDA' LEGS PAR SPRAD LA, MDOR NA MKHAN SLOB DGE 'DUN DANG BCAS PA LA SEMS DANG BA'I SGO NAS SEMS CAN THAMS CAD KYI DON DU SANGS RGYAS THOB PAR BYA, DE'I DON DU BSNYEN RDZOGS KYI SDOMS PA BLANGS LA MA SHI'I BAR DU BSRUNG SNYAM PA GYIS ZHES BRJOD DO, 'DIR GNAS LA BLO MTHUN GYI LAS NI 'CHAD PAR 'GYUR BA'I DNGOS BZHI'I LAS 'DI'I BAR LAS SLOB KYIS BYED PA'I DBANG DU BYAS LA, DE LTAR MI BYED NA MKHAN PO NYID KYIS LAS BYA STE LAS SLOB SGRAGS MA ZHES BYA'O, ,LAS MNGON DU 'GYUR BAR BYA BA NI LAS SLOB KYIS SNGAR GYI TSIG DE'I MJUG KHO NAR DGE 'DUN RNAMS SPYOD LAM BSTUN, MKHAN SLOB DGE 'DUN DANG BCAS PA DE MIN PA'I 'DU SHES MA 'KHRUL BA DANG, GSOL BZHI'I LAS LA DE YIN PA'I 'DU SHES MA 'KHRUL BA DANG, BSGRUB BYA LA SNYING BRTZE BA'I KUN SLONG STE, THUGS DGONGS GSUM PO GSAL BTAB NAS, GSOL BA'I LAS LA THUGS GTAD PAR ZHU ZHING, LHAG CHANG BYUNG NA GSO BAR ZHU, DGE 'DUN BTZUN PA RNAMS GSAN DU GSOL, MING 'DI ZHES BYA BA 'DI MKHAN

, ,PO MING 'DI ZHES BYA BAS DGE 'DUN LAS BSNYEN PAR RDZOGS PAR 'TSAL NA ZHES PA NAS, 'DI NI GSOL BA'O ZHES PA'I BAR GSOL BA'I LAS DANG, YANG GSOL BA'I LAS THAL, BRJOD PA'I LAS LA THUGS GTAD PAR ZHU, GANG DAG MI BZOD PA DE DAG NI GSUNG ZHIG CES BRJOD PA DANG, YANG BRJOD PA GNYIS PA LA THUGS GTAD PAR ZHU, ZHES BRJOD NAS, SNGA MA BZHIN DU BRJOD PA GNYIS PA BYA, DE NAS BRJOD PA GSUM PA LA NGO BO BRJOD PA DANG BYA BA BRJOD PA DANG BYED PA BRJOD PA'I TSIG 'TSAMS 'DI LTAR YIN ZHES DANG, BYA BA BRJOD PA'I TSIG RDZOGS 'TSAMS SU SDOM PA SKYE TSUL SOGS KYI BRDA' LEGS PAR SPRAD DE SNGAR BZHIN BRJOD PA GSUM PA BYA'O, DE'I 'OG TU LAS KYI MJUG BSDU LA THUGS GTANG BAR ZHU, BYAS LA DGE 'DUN GYIS BZOD CING GNANG NA ZHES PA NAS DE BZHIN DU 'DZIN TO ZHES PA'I BAR BRJOD DO, ,DE LTAR GSOL BZHI'I LAS KYI TSIG GIS SPRO PA BSKYED DE; DES BSNYEN RDZOGS KYI CHOG DNGOS GZHI GRUB PA YIN NO, ,SKABS 'DIR GAL CHE BA LAS BYED PA POS LAS BRJOD PA'I TSIG RE RE LA BSGRUB BYA'I MING NGAM MKHAN PO'I MING NGAM DGE 'DUN GYI MING 'DI ZHES GANG YANG RUNG BA CHAD PA DANG, GSOL BA 'AM BRJOD PA'I LAS GANG RUNG CHAD PA DANG, BSGRUB BYA BSNYEN RDZOGS KYI SDOM PA SKYE BA'I DUS MI SHES NA SDOM PA MI SKYE BAR GSAL BA'I MKHAN SLOB DGE 'DUN DANG BCAS PA DANG BSGRUB BYAS TSUL 'DI LA 'BAD DE BSGRIMS PAR

BYA'O; ;MJUG GI CHO GA LA GNYIS YOD DE, BSNYEN BKUR GYI GNAS DANG GNAS MA YIN PA SHES PA'I DON DU DUS GO BRJOD PA DANG, SDOM PA THOB PA MI NYAMS SHING 'PHEL BA'I DON DU GDAMS NGAG BRJOD PA'O, ,DANG PO NI, NYI GRIB RDZOGS PAR 'CHAR BA'I SAR THUR MA SOR BZHI'AM GRIB TSOD BTZAL NYIN MO'I CHA GANG YIN DE NGES PAR BYAS, MTSAN MO YIN NA MIG SKAR SHES PA DAG GIS, ZLA BA GANG LA RGYU SKAR GANG GIS MTSAN SKYEL BA'I RGYU SKAR DE'I SKANG KHONGS LA DPAG STE, MTSAN MO'I THUN TSOD NGES PAR BYA, 'DI YANG NAM MKHA' DVANGS PA DANG SKAR KHONGS SHES PA SOGS KYI DBANG DU BYAS KYI DE LTAR MIN PA'I TSE DUS TSOD RAGS PA TZAM GYI STENG NAS SDOM PA THOB PA'I DUS GO BAR BYA'O, ,DPYID LA SOGS PA'I DUS TSIGS LNGA DANG, NYIN MTSAN GYI CHA NYER GNYIS DANG, DUS GO BRJOD PA'I CHO GA LA SOGS PA ZHIB PAR GZHUNG CHEN MO RNAMS LAS SHES PAR BYA'O, ,MJUG CHOG GNYIS PA GDAMS NGAG BRJOD PA NI, DGE SLONG GI 'TSO BA'I GNAS GOS DANG ZAS DANG GNAS MAL DANG SMAN RNAMS MTHA' GNYIS SU MA LHUNG BA LA SPYOD PAR GDAMS PA DANG, DGE SLONG GI NGO BO ZHIG PAR 'GYUR BA'I CHOS PHAM PA BZHI CHAR GTOGS DANG BCAS PA SPONG BA LA GDAMS PA DANG, GSHE YANG SLAR MI GSHE ,KHROS KYANG SLAR MI KHRO, BRDEG KYANG SLAR MI BRDEG ,MTSANG BRUS KYANG SLAR MTSANG MI 'BRU BA STE, DGE SBYONG DU BYED PA'I CHOS BZHI LA GDAMS PA DANG, YUN RING PO NAS SMON PA'I DON GRUB PA YIN PAS GNYEN

, ,PO BSKYED LA BSRUNG DGOS ZHES MCHOG TU 'DOD PA'I DON 'GRUB BAR GDAMS PA DANG, GNAS BRTAN RNAMS DANG TSUL KHRIMS MNYAM PAR 'GYUR BA'I DGE BA LA BSKUL ZHING GDAMS PA DANG, MKHAN PO LA PHA'I 'DU SHES NYE BAR 'JOG PA SOGS 'JIG RTEN PA'I TSUL DANG 'BREL BA'I GZUGS BRNYAN LA NGES PAR SBYAR ZHING GDAMS PA DANG, GROGS TSANGS PA MTSUNGS PAR SBYONG BA DANG GNAS BRTAN DANG BAR MA DANG GSAR DU DANG BCAS PA LA GUS PA DANG ZHES DANG 'JIGS PA DANG BCAS PAS GNAS PAR BYED DGOS ZHES GROGS LA GUS SHING DU LA BAR GNAS PA LA NGES PAR SBYAR ZHING GDAMS PA DANG, BSNYEN PAR RDZOGS PHYIN CHAD NAS PHUNG PO DANG, KHAMS DANG SKYE MCHED LA MKHAS PA DANG, RTEN 'BREL LA MKHAS PA DANG, GNAS DANG GNAS MA YIN PA LA MKHAS PA DANG, RTOGS PA GONG NAS GONG DU 'GYUR BAR BYA BA'I PHYIR BRTZON PAR BYA DGOS ZHES SPONG BA DANG KLOG PA GNYIS KYI DGOS PA RJES SU SGRUB PA LA NGES PAR SBYAR ZHING GDAMS PA DANG, 'DI DAG NI RAGS PA TZAM YIN LA, BSLAB PA'I GNAS ZHIB PAR NI ZLA BA PHYED PHYED DU SO SOR THAR PA'I MDO 'DON PA'I TSE THOS PAR 'GYUR ZHING MKHAN SLOB GROGS BSHES SOGS LAS THOS PAR 'GYUR ZHES BRJOD PA YANG DAG PAR BLANGS PA LA GDAMS PA DANG, DAL 'BYOR RNYED PAR DKA' BAS BRTZON PA BSKYED CIG CES BSLAB PA

LA GUS PAR GDAMS PA DANG, DE THAMS CAD KYI RTZA BA BAG YOD LA GDAMS PA STE GDAMS NGAG BCU GCIG BRJOD PAR BYA'O, ,DE NAS BSGRUB BYA LA PHYAG 'TSAL TU BCUG TE BKA' DRIN CHE ZHES BRJOD DU GZHUG GO ,BSNYEN PAR RDZOGS ZIN NAS SNGAR BSHAD PA'I GDAMS NGAG BCU GCIG NYAMS SU LEN PA SKABS KYI GTZO BO YIN PAS DE LA 'BAD DGOS TE, MGON PO KLU SGRUB KYIS RIN CHEN PHRENG BA LAS, DE NAS RAB TU BYUNG BA YIS, ,DANG POR BSLAB LA RAB GUS BYA, ,SO SOR THAR PA 'DUL BCAS DANG, ,MANG THOS DON GTAN DBAB LA BSGRIMS, ,ZHES DANG, RJE'I ZHAL NAS, RGYAL BA'I GSUNG RAB MA LUS SDE SNOD GSUM, ,DE PHYIR BSTAN PA'I SNYING PO BSLAB PA GSUM, ,DE DAG THOG MA TSUL KHRIMS BSLAB PA STE, ,DE YI GNAS NI 'DUL BA YIN PAR GSUNGS, ,DE PHYIR LEGS PAR GSUNGS PA'I DAM PA'I CHOS, ,'DUL BA'I TSUL LA MANG PO BKOD PA LA, ,BSTAN PA'I GO RIM SHES NAS MKHAS PA RNAMS, ,CI YI PHYIR NA DGA' BA SKYE MI 'GYUR, ,ZHES GSUNGS SO, ,DGE TSUL SLONG DANG BYANG SEMS DANG SNGAGS KYI SDOM PA RNAMS KHAS LEN PA LA DPA' PA TZAM GYIS MI CHOG GI ,JI LTAR KHAS BLANGS PA LTAR BSRUNG DGOS TE, RJE BDAG NYID CHEN PO'I ZHAL NAS, KHAS LEN TZAM LA RAB TU DPA' BA YI, ,DAM BCA' RAB TU 'DOR BA PHAL BA'I PHAL, ,RANG GI CI TZAM KHAS LEN BYAS PA YI, ,TSUL KHRIMS BSRUNG LA BRTZON PA DAM PA'I TSUL, ,ZHES GSUNGS PA'I PHYIR RO, ,GNYIS PA THOB PA MI NYAMS PAR BSRUNG BA'I THABS LA LNGA, PHYI'I RKYEN DGE

, ,BA'I BSHES GNYEN BRTEN NAS BSRUNG BA MI MTHUN PHYOGS NGO SHES PA'I SGO NAS BSRUNG BA, BSLAB PA YONGS SU SBYONGS PA'I SGO NAS BSRUNG BA, BDE BAR GNAS PA'I RKYEN BSTEN PA'I SGO NAS BSRUNG BA, RANG GI BSAM SBYOR PHUN TSOGS LA BSTEN NAS BSRUNG BA'O, ,DANG PO NI SPYIR DGE BA'I BSHES GNYEN GYI RNAM GRANGS MANG YANG 'DUL BA'I SKABS 'DIR BSNYEN PAR RDZOGS PA DES GNAS KYI BLA MA BRTEN DGOS SHING, DE YANG BSNYEN PAR RDZOGS NAS SDOM RGYUN BAR MA CHAD PAR LO BCU LON ZHING TSUL KHRIMS RNAM PAR DAG PA DANG LDAN PA'I BTZUN PA BRTAN PA'I YON TAN DANG, SNYING RJE DANG BZOD PA DANG LDAN ZHING NANG 'KHOR DAG NGA CHOS DANG ZANG ZING GIS PHAN 'DOGS LA BRTZON PA PHAN 'DOGS KYI YON TAN DANG, GNAS PA SLOB MA DANG, LTA BA DANG MTSAN MTHUN PA THA SNYAD GSUM DANG LDAN PA, LUS THA MAL DU GNAS SHING SA RANG BZHIN DU GNAS PA, GNAS DE'I GNAS KYI BLA MAR SNGAR MA GYUR PA ZHIG STE, KHYAD PAR DE DAG TSANG BA'I DGE BA'I BSHES GNYEN ZHIG BSTEN DGOS PAR GSUNGS SO, ,'DUL BA'I SKABS MANG POR LTA BA MTHUN PA NI SDIG PA'I LTA BA CAN MA YIN PA LA ZER ZHING SKABS 'DIR SDIG PA'I LTA BA CAN NI SANGS RGYAS KYI BCAS PA PHRA RAGS RNAMS DANG 'GAL BA LA SDIG PA MED PAR SEMS PA'I GANG ZAG GO ,THA SNYAD GSUM NI MI YIN PA, SMRA SHES PA, DON GO BA'O, ,LUS THA MAL DU GNAS PA NI SPRUL PA SOGS

MA YIN PA DANG, SA RANG BZHIN DU GNAS ZHES PA NI PHAM LHAG GI CHAD LAS BLANGS TE SPO MGU SPYOD PA SOGS KYI SKABS MIN PA'O, ,GNYIS PA MI MTHUN PHYOGS NGO SHES PA'I SGO NAS BSRUNG THABS NI 'DIR DGE SLONG PHA'I RNAM 'BYED LAS GSUNGS PA'I LTUNG BA SDE LNGA DANG, MA'I RNAM 'BYED LAS DGE SLONG LA NYES BYAS SU GSUNGS PA'I LTUNG BA DANG, GZHI NAS 'BYUNG BA'I NYES BYAS RNAMS LEGS PAR KHONG DU CHUD PA'I SGO NAS, LTUNG BA DE DAG NGO SHES PAR BYAS TE BSRUNG DGOS TE, LTUNG BA NGO MA SHES PAR BSRUNG RGYU MI 'ONG BA'I PHYIR RO, ,DES NA 'DI LA GSUM LAS DANG PO LA LNGA, PHAM PA'I SDE DANG, LHAG MA'I SDE DANG, LTUNG BYED KYI SDE DANG, SOR BSHAGS KYI SDE DANG, NYES BYAS KYI SDE'O, ,DANG PO NI, KHA DANG BSHANG LAM MO'I ZAG BYED DE RMA'I SGO GSUM GANG RUNG DU RANG GI NOR BU BCUG CING REGS PAS BDE BA NYAMS SU MYONG BA NI MI TSANGS SPYOD KYI PHAM PA DANG, GZHAN GYIS BDAG TU BZUNG BA'I YUL DUS DER RIN TSANG BA'I DNGOS PO MTHUS 'PHROG PA DANG, 'JAB BUS RKU BA DANG, RDZAS SNGAGS KYIS BKUG PA SOGS KYI SGO NAS RANG NYID KYIS BDAG GIR BYAS NA MA BYIN LEN GYI PHAM PA DANG, MA'I MNGAL DU CHAGS PA'I MER MER PO'I GNAS SKABS NAS MA SHI TSUN CHAD KYI GNAS SKABS GANG YANG RUNG BA'I MI'I 'GRO BA GZHAN DU KA MA TSON DAN SNGAGS SOGS SGYU THABS KYIS 'CHI BAR 'JUG PAS GANG ZAG GZHAN GYIS GSOD PA'I GNANG BA ZHU BA LA STER BA

, ,SOGS THABS GANG YANG RUNG BA'I SGO NAS PHA ROL PO DE RANG GI SNGA ROL TU SHIR BCUG PA SROG GCOD KYI PHAM PA DANG, RANG NYID KYIS LHA LA SOGS PA MA MTHONG BZHIN DU MTHONG ZHES DANG, MNGON SHES SOGS YON TAN GONG MDAG MTHOB BZHIN DU THOB CIS SOGS KYI RDZUN DNGOS SU SMRA BA 'AM, DON GYIS DE LTAR GO BAR BYAS NAS GANG ZAG PHA ROL POS DON TE GO BA NA RDZUN SMRA BA'I PHAM PA BYUNG BA YIN NO, ,'DI DAG LA YANG SPYI'I YAN LAG DANG SO SO'I YAN LAG ,LTUNG BA DNGOS GZHI, SBYOR BA'I LTUNG BA, SBYOR BA'I SBYOR BA'I LTUNG BA, DE DAG DANG 'BREL BA'I BSLAB BYA, DE DAG LA SEMS BSRUNG TSUL SOGS KYI RNAM BZHAG LEGS PAR SHES DGOS SHING, 'DI NAS BZUNG STE NYES BYAS KYI BAR THAMS CAD LA LTUNG BA SO SO'I YAN LAG DANG BSLAB BYA RNAMS SHES PA GAL CHE BAS, DGE SLONG GI BSLAB BYA LA BRTZON PA CHEN POS YANG YANG BLTA BAR BYA'O, ,KHYAD PAR DU SROG GCOD MA GTOGS PA'I PADMA GZHAN GSUM YUL DUS KYI DBANG GIS 'BYUNG SHIN TU NYE BAR SNANG BAS, RANG LA PHAM PA BYUNG BAR SHES BZHIN DU MA BYUNG BA LTAR BRDZUS PA YANG MANG MOD, DE LAS KYANG PHAM PA BYUNG BAR MA SHES PAR DGE SLONG RNAM DAG GI GRAL DU 'DUG PA LHAG PAR MANG BAS GNAS 'DI DAG LA GZAB PAR BYA'O, ,DE DAG GIS KYANG RANG LA PHAM PA PHYUNG MA BYUNG 'DUL BA SHES PA'I GANG ZAG GZHAN LA DRIS NAS BYUNG 'DUG NA RANG DAG MI 'JOG PAR

BSHAGS PA LA 'BAD BAR BYA'O, ,MA BYIN LEN GYI SKABS RIN THANG LONGS PA'I RDZAS ZHES PA'I RIN THANG NI, DAM PA DAG GIS DA LTA'I RIN THANG LA RTZIS NA, MU GE MED TSE NAS KHAL GCIG DANG, YOD TSE KHAL PHYED TZAM LA RIN THANG TSANG BAR GSUNGS PA'I PHYIR, DA LTA YUL 'DI'I RTZIS LA DNGUL ZHO GANG LHAG TZAM BLANGS NA PHAM PA 'BYUNG BAR SNANG STE GSER ZHO GANG GI BRGYAD CHA BRKUS NA PHAM PA BYUNG BAR GSUNGS PA'I PHYIR RO, ,GNYIS PA LHAG MA'I SDE LA BCU GSUM STE, RANG GZHAN GYI RMA'I SGO GSUM LAS GZHAN PA'I YAN LAG GANG YANG RUNG BA LA RANG GI ZAG BYED KYIS REG CING RTZOL BA LA BSTEN NAS KHUB 'BYIN PA'I LHAG MA DANG, BUD MED KYI LUS LA ZAG BYED LAS GZHAN PA'I LUS KYI CHA GANG YANG RUNG BAS REG PA'I LHAG MA DANG, BUD MED LA 'KHRIG PA'I TSIG SMRA PA'I LHAG MA DANG, BUD MED LA 'KHRIG PA'I BSNYEN BKUR GYI BSNGAGS PA BRJOD PA'I LHAG MA DANG, SKYES PA DANG BUD MED KHYIM THAB BYED PA'I DON TU 'PHRIN BYAS TE DON DE BSGRUBS PA SMYAN BYED PA'I LHAG MA DANG, SROG CHAGS MANG BAS MI RUNG BA DANG, GZHAN GYIS RTZOD PAS MI RUNG BA DANG, CHU KLUNG DANG GROG MO SOGS MYUR DU 'JIG PA'I RKYEN DANG LDAN PAS MI RUNG BA STE GZHI MA DAG PA DE GSUM GANG RUNG DU DGE 'DUN LAS GNANG BA MA THOB PAR SPYOD LAM BZHI SHONG GI KHANG PA TSAD LAS LHAG PAR BRTZIGS PA KHANG PA'I LHAG MA DANG, DNGOS KYI BDAG PO DGE SLONG BZHI YAN CHAD KYI DON TU SNGAR GYI GNAS MA DAG PA

, ,GSUM CHAR TSANG BA'I GNAS SU DGE 'DUN LAS GNANG BA MA THOB BAR CHA CHUNG GANG YANG RUNG BA'I KHANG CHEN GYI LHAG MA DANG, YUL DGE SLONG PHA MA GANG YANG RUNG BA LA PHAM PA 'BYUNG BA'I MTHONG THOS DOGS GSUM GYI GZHI GANG YANG MED PAR MI TSANGS SPYOD BYAS PA LTA BU PHAM PA'I SGO NAS SKUR BA 'DEBS PA GZHI MED KYI LHAG MA DANG, YUL DE LA MTHONG THOS DOGS GSUM GYI GZHI MED PAR TSIG GSAL PO MA YIN PA'I G-YO THABS KYIS PHAM PA BYUNG BAR SKUR BA 'DEBS PA BAG TZAM GYI LHAG MA DANG, DGE SLONG BRGYAD YAN CHAD LONGS PA'I DGE 'DUN LA ZHE THAG PA NAS CHOS DANG CHOS MA YIN PA'I PHYOGS SU 'BYED PAR 'DOD CING DE LA GZHAN GYIS CHOS LDAN GYI NGAG GIS BZLOG KYANG SBYOR BA DE NYID MI GTONG BAR DGE 'DUN SDE GNYIS SU GYES TE RANG NYID CHOS MA YIN PA'I PHYOGS SU SONG NA DGE 'DUN DBYEN GYI LHAG MA DANG, GZHAN GYIS DGE 'DUN DBYE NA DE LTA BU BYA BA LA RANG NYID KYIS DE'I GROGS BYAS SHING GZHAN GYIS BZLOG CING MI NYAN PAR DA DUNG DER BRTZON PA DE RJES PHYOGS KYI LHAG MA DANG, RANG NYID KYI SPYOD PA NGAN PAS KHYIM PA MA DAD PAR BYAS PA LA DGE 'DUN GYI BSKRAD PA NAN TUR BYAS PA NA SLAR 'KHON 'DZIN GYI BSAM PAS DGE 'DUN LA SKUR BA 'DEBS PA KHYIM SUN 'BYIN PA'I LHAG MA DANG, RANG NYID LA LTUNG BA BYUNG BA LA DGE 'DUN GYIS KHYOD LA LTUNG BA 'DI LTA BU BYUNG BAS PHYIR BCOS KYIS SHIG CES TSUL BZHIN GLENG BA NA DANG DU MI LEN PAR PHYIR BZLOG PA BKA' BLO MI BDE BA'I DGE

'DUN LHAG MA STE DE LTAR LHAG MA BCU GSUM MO, GONG DU BSHAD PA'I KHANG PA KHANG CHEN GYI LHAG MA'I SKABS KYI SPYOD LAM BZHI SHONG NI, SKYIL KRUNG BYAS TE 'DUG PA DANG LUS DRANG POR 'GRENGS TE 'CHAG PA DANG, GOM PA GSUM DU 'GRO BA DANG, RKANG LAG BSKYANGS TE NYAL BA STE SPYOD LAM BZHI SHONG BYED LA, KHANG PA'I TSAD NI SRID DU KHRU BCO BRGYAD DANG, ZHENG DU BCU GCIG YIN ZHING, KHANG CHEN LA TSAD MED DO, ,GSUM PA LTUNG BYED KYI SDE TSAN BSHAD PA LA GNYIS, ZHAG GI CHAD LAS DANG 'BREL BA'I SPANG LTUNG BSHAD PA, LTUNG BYED 'BA' ZHIG PA BSHAD PA'O, ,DANG PO LA BCU TSAN GSUM LAS, BCU TSAN DANG PO ZHAG BCU'I 'CHANG SPANG GI LTUNG BA NI CHOS GOS KYI RGYUR MA BSDOS PA GOS KHRU GANG YAN CHAD RANG NYID LA DBANG BA BYIN GYIS MA BRLABS PAR ZHAG BCU 'DAS KYI BAR DU 'CHAR BA'O, ,'BRAL BA'I SPANG LTUNG NI BYIN GYIS BRLABS PA'I CHOS GOS GSUM PO GANG YANG RUNG BA SHES BZHIN DU RANG GNAS PA'I NYE 'KHOR GYI 'TSAMS LAS PHYIR ROL DU SANG GI SKYA RENGS SHAR GYI BAR DU BRAL BA'O, ,ZLA 'JOG GIS SDANG BA NI, RANG LA CHOS GOS GSUM GANG YANG RUNG BA ZHIG MED PAR, DE'I RGYUR BSNGOS PA'I GOS KHRU GANG YAN CHAD PUS MO GNYIS LTE BA STE 'KHOR GSUM MI KHENG PA RANG NYID LA DBANG BA BYIN GYIS MA RLABS PAR ZHAG SUM CU 'DAS KYI BAR DU 'CHANG BA'O, ,'KHRUR 'JUG GI SPANG BA NI, NYE RU MA YIN PA'I DGE SLONG MA LA GOS RNYING PA 'KHRUR 'JUG PA'O,,

, ,?YIN PA'I SPANG BA NI, RANG LA CHOS GOS GSUM LA YOD BZHIN DU NYE DU MA YIN PA'I DGE SLONG MA LAS GOS RUNG BA TSAD LDAN BSLANGS PA'O, ,SLONG BA'I SPANG BA NI, NYE DU MA YIN PA'I KHYIM PA LAS GOS RUNG BA TSAD LDAN BSLANGS PA'O, ,RIGS PA SLONG BA'I SPANG BA NI, NYE DU MA YIN PA'I KHYIM PA LAS STOD G-YOGS SMAD G-YOGS ZUNG GCIG LAS LHAG PAR BSLANGS PA'O, ,SPAGS PA SLONG BA'I LHAG MA NI SBYIN BDAG GIS GOS GCIG TZAM STER 'DOD PA LA RANG NYID DE LTA BU'I GOS KYIS MA PHONGS BZHIN DU PHA ROL POS MA PHUL GONG NAS BSLANGS PA'O, ,SO SO NAS SPAGS PA SLONG BA'I SPANG BA NI KHYIM BDAG PHO MO SO SO NAS RANG LA GOS GNYIS BSDOD PA LA RANG NYID DES MA PHONGS BZHIN DU DE LAS LHAG PA BSLANGS PA'O, ,BSKUR BA'I SPANG BA NI SBYIN BDAG GIS GOS RTOG RI RIN RIN PO CHE CHAD ?ZHOG ? ? NA CHAD RANG LA BSDOS NAS ZHAL TA BA LA GTAD CING DES RANG LA MA BYIN PA'I BAR DER RANG GIS LAN GSUM GYI BAR DU BSGUL BA DANG MTHONG SAR LAN GSUM GYI BAR DU BSDAD PA LAS LHAG PA'I SBYOR BAS DNGOS PO DE BLANGS PA'O, ,BCU TSAN GNYIS PA LA, SRIN BAL GYI SPANG BA NI, SRIN BAL SOGS YUL DER RIN CHE BA'I BAL GYI RIGS LA SNYAN BYAS PA'O, BAL NAG PO 'BA' ZHIG GI SPANG BA NI BAL NAG PO 'BA' ZHIG LA STAN BYAS PA'O, ,'DIR STAN GYI TSAD NI, TSE TSAD LA SRID DU KHRU PHYED DANG LNGA, CHUNG TSAD LA PHYED DANG GSUM, 'BRING TSAD LA DE GNYIS KYI BAR DANG

DE GSUM KA'ANG ZHONG GI TSAD KHRU RO SOR DRUG GO ,CHA GNYIS KYI SPANG BA NI, NGAL DKAR NAG GNYIS BSRES SHING NAG PO LTAG PAR BYAS TE BSTAN BYAS PA'O, ,LO DRUG GI SPANG BA NI, STAN SNGA MA BYAS NAS LO DRUG MA LON ZHING YOD BZHI DGE 'DUN LAS GNANG BA MA THOB PAR STAN BYAS PA'O, ,MTHO GANG GI SPANG BA NI, GDING BA GSAR BA ZLA BA BZHIR LONGS MA SPYAD CING MA NYAMS PA LA GDING BA RNYING PA NAS MCHU ZHANG GNYIS KAR BDE BAR GSHEGS PA'I MTHO GANG GI MA GLAN PAR LONGS SPYOD PA'O, ,BAL 'KHUR BA'I SPANG BA NI, KHYIM PA'I KHUR TSAD DU LONGS PA'I BAL DGE TSUL LA SOGS PA 'KHUR BA PO YOD BZHIN DU RGYANG GRAGS GCIG TZAM DU KHUR BA'O, ,BAL RME LA DU 'JUG PA'I SPANG BA NI, NYE DU MA YIN PA'I DGE SLONG MA LA RANG DON DU BAL RMEL DU 'JUG PA'O, ,GSER DNGUL LEN PA'I SPANG BA NI, RANG DBANG BA'I GSER DNGUL SOGS RIN PO CHE LA DNGOS PO'I SGO NAS MI RUNG BA'I BLO MA BZHAG CHUD ZA BA'I NYES PA MED PAR REG PA'O, ,MNGON MTSAN GYI SPANG BA NI, RIN PO CHE DANG 'BRU DANG GOS LA SOGS PA RANG DON DU SKYED DU BYIN NAS REG BZHIN GYI SKYED BLANGS PA'O, ,NYO TSONG GI SPANG BANI, RANG DON DU RIN PO CHE LA SOGS PA MOD CING NYO MI DKON TSE TSONG GI KHE SPOGS BSGRUBS SHING THOB PA'O, ,BCU TSAN THA MA LA, LHUNG BZED ZHAG BCU'I 'CHANG SPANG NI, RANG NYID LA DBANG BA'I LHUNG BZED BYIN GYIS MA BRLAB BZHIN DU ZHAG BCU 'DAS KYI BAR DU

, ,BA'O; ;LHUNG BZED TSOL BA'I SPANG BA NI, RANG LA BYIN GYIS BRLAB RUNG GI LHUNG BZED YOD BZHIN DU KHYIM PA LAS LHUNG BZED RUNG BA TSAD LDAN BSLANGS TE BLANGS PA'O, ,'THAG TU 'JUG PA'I SPANG BA NI; KHYIM PA THAG GI GLA CI BDER MI LEN PA'I GANG ZAG LA RANG DGAR GLA MA BYIN PAR THAG 'THAG TU BCUG PA'O, ,'THAG PA BSKYED PA'I SPANG BA NI, KHYIM BDAG GIS RANG RANG LA BSDOS RGYU'I GOS 'THAG TU BCUG CING DE DANG 'TSAMS PA'I GLA RNGAN STER DGOS PA LA, RANG NYID SBYIN BDAG GI TSIG MED BZHIN DU THAG MKHAN LA KHYIM BDAG GIS SMRA BA'I TSAD LAS LHAG PAR 'THAG PA BSKYED DU BCUG CING DE'I GLA RNGAR MI STER BA'O, ,BYIN 'PHROG GI SPANG BA NI, RANG GZHAN GANG RUNG GIS DGE SLONG GZHAN LA GOS SAM LHUNG ZED RUNG BA TSAD LDAN BYIN PA LA RANG NYID KYI RKU SEMS DANG YID GCUG GI BSAM PA MA YIN PAR RANG NGAM GZHAN GYI DON DU 'PHROG PA'O, ,GTANG BA LAS BYUNG BA'I SPANG BA NI, DBYAR GYI NANG DU ZAS LAS GZHAN PA'I RNYED PA BYUNG BA DGAG DBYE MA BYAS GONG NAS SBYIN BDAG SOGS KYI DBANG MED DU BCUG PA MA YIN PAR RANG NYID KYI BDAG GIR BYED PA DANG, DBYAR GYI RNYED PA DE DGOS PA KHYAD PAR CAN MED BZHIN DU GZHAN GYIS DBANG MED DU BYED BCUG PA MA YIN PAR DGAG DBYE MA BYAS GONG DU BGOS TE RANG GI SKAL BA THOB PA DANG, DGAG DBYE SRA BRKYANG DBYUNG BA GANG RUNG GI PHYI DE NYIN LTA BU MA YIN PA'I TSE GZHAN GYIS DBANG MED DU 'JOG

TU BCUG PA DANG, DBYAR GYI RNYED PA SBED PA PO BGO BA LA GTAD PA MA YIN PAR DBYAR GYI RNYED PA RANG DGAR MI DGO BAR BZHAG PA'O, ,DGON PA'I 'BRAL SPANG NI, CHOM RKUN SOGS KYI 'JIGS PA DANG BCAS PA MA YIN PA DANG, SNAM SBYAR DANG 'BRAL BA'I GNANG BA MA THOB CING, BAR CHAD KYI RKYEN DANG MI LDAN PA SRA BRKYANG MA BTING BA'I TSE GNAS GZHAN DU SNAM SBYAR BZHAG STE ZHAG BDUN 'DAS PA'O, RAS CHEN GYI SPANG BA NI, DBYAR GYI GOS RUNG BA TSAD LDAN MA RNYING ZHING CHAR SKYOB NUS PA SBYIN BDAG GI YIN PA LA DBYAR KHAS LEN GYI SNGON DU ZLA BA GCIG GI GONG NAS BLANGS PA DANG, GONG DU BSHAD PA'I RAS CHEN DE LTA BU DGAG DBYE'I PHYI ZLA BA PHYED LHAG GI BAR DU BCANG PA'O, , BSDOS PA GZHAN BSGYUR GYI SPANG PA NI, KHYIM BDAG GIS YUL GZHAN DGE SLONG MANG NYUNG GANG YANG RUNG BA LA BSAM PA THAG PA NAS BSDOS ZIN PA'I RDZAS RKU SEMS LAS GZHAN PA'I SEMS KYIS BDAG NYID LA BSGYUR 'DOD KYIS BSLANGS PA'O, ,GSOG 'JOG GI SPANG BA NI, SMAN BZHI PO GANG YANG RUNG BA LONGS SPYOD DU RUNG BA BYIN LEN BYAS NAS RANG RANG GI GSOG 'JOG GI DUS LAS 'DAS KYANG BYIN LEN RA BSHIG PAR BZHAG PA'O, ,SMAN BZHI NI, DUS RUNG GI SMAN DANG, THUN TSOD DU RUNG BA'I SMAN DANG, ZHAG BDUN PA'I SMAN DANG, JI SRID 'TSO 'CHANG GI SMAN RNAMS SO, ,'BRAS CHAN ZAN SHA PHYE KHUR BA STE BZA' BA LNGA DANG, RTZ BA SDONG BU ME TOG

, ,'BRAS BU YAL 'DAB STE BCA' BA LNGA STE 'DI DAG DANG 'DI DAG GI RIGS SU GTOGS PA NI DUS RUNG GI SMAN DANG, RTZAM THANG DANG BU RAM GYI KHU BA SKYU RU RA'I KHU BA LA SOGS PA BYAD BZHIN SNANG BA DANG, JAL SOGS PA NI THUN TSOD DU RUNG BA'I SMAN DANG, ZHUN MAR 'BRU MAR SBRANG BU RAM BSKOL ZHING BTZAGS PA RNAMS NI ZHAG BDUN PA'I SMAN DANG, GSO RIG LAS BYUNG BA'I SMAN RNAMS NI, JI SRID 'TSO 'CHANG GI SMAN NO, ,DUS RUNG GI SMAN NI NYIN GUNG YAN CHAD LA LONGS SPYOD RUNG BA'O, ,THUN TSOD DU RUNG BA'I SMAN NI, MTSAN MO'I THUN DANG PO TSUN CHAD DU RUNG BA'O, ,ZHAG BDUN PA'I SMAN NI, ZHAG BDUN GYI BAR LONGS SPYOD DU RUNG BA'O, ,JI SRID 'TSO 'CHANG GI SMAN NI NAD JI SRID 'TSO'I BAR DU BSTEN DU RUNG BA'O, ,GNYIS PA LTUNG BYED 'BA' ZHIG PA LA BCU TSAN DGU LAS, BCU TSAN DANG PO LA, RDZUN GYI LTUNG BYED NI, GANG ZAG GZHAN LA PHAM LHAG SGOM PO'I SKUR 'DEBS SU 'GRO BA'I TSIG MA YIN PA'I RDZUN GZHAN SMRAS PA'O, ,SKYON NAS SMRAS PA'I LTUNG BYED NI, DGE SLONG GZHAN GYI SKYON NAS SMRAS PA'O, ,PHRA MA BYED PA'I LTUNG BYED NI, DGE SLONG GNYIS YAN CHAD MTHUN PAR GNAS PA LA PHRA MA'I TSIG GIS SO SOR PHYE BA'O, ,SKYO SNGOGS BYED PA'I LTUNG BYED NI, DGE SLONG DANG PHAN TSUN RTZOD PA BYUNG TSE DGE 'DUN GYIS ZHI BAR BYED PA LA SKYON BRJOD PA'I SGO NAS SLAR YANG RTZOD PA SLONG BA'O, ,BUD MED LA CHOS STON PA'I LTUNG BYED NI, SKYES

BA GZHAN MED PA'I SAR BU MED LA TSIG LNGA DRUG LAS LHAG PA'I CHOS STON PA'O, BSNYEN PAR MA RDZOGS PA DANG LHAN CIG TU 'DON PA'I LTUNG BYED NI, DE DAG DANG LHAN CIG TU MDO SDE LA SOGS PA'I CHOS KYI TSIG DRUG LAS LHAG PA BTON PA'O,, GNAS NGAN LEN BRJOD PA'I LTUNG BYED NI, GANG ZAG GZHAN LA PHAM LHAG GI RIGS BYUNG BA LA, SPO MGU LTA BU SPYOD PA NA RANG NYID MA BSKOS BZHIN DU DE'I LTUNG BA GLENG BAR BYED PA'O, ,MI CHOS BLA MA BDEN SMRA BA'I LTUNG BYED NI, RANG GIS THOB PA'I YON TAN KHYAD PAR CAN KHO GRAGS SOGS KYI DON DU GZHAN LA SMRAS PA'O, SKUR 'DEBS KYI LTUNG BYED NI, DGE SLONG GIS DGE SLONG GZHAN 'OS PA LA ZAS LAS GZHAN PA'I GOS SOGS KYI RNYED PA BSTABS PA NA YUL MI 'OS PA LA RNYED PA BYIN ZHES SMOD PA'O, ,DGE 'DUN GYI ZAS RNYED PA DANG, GANG ZAG GI RNYED PA MI RIGS PAR GZHAN LA BSNGOS SO ZHES DANG, DGE 'DUN GYI ZAS LAS GZHAN PA'I RNYED PA DGE 'DUN LA MI RIGS BZHIN DU BSNGOS PAR SMRA BA DANG, RANG GI RNYED PA GANG ZAG NOR MI GCIG PA LA MI RIGS PAR BSNGOS PAR SMRA NA NYAS BYAS SO, ,KHYAD DU GSOD PA'I LTUNG BYED NI GSO SBYONG GI MDO 'DON PA NA 'DI LTA BU BTON PAS CI BYA ZHES PA LTA BU'I SGOS KHYAD DU GSOD PA'O, ,'DUL BA'I BSLAB GZHI MA YIN PA'I MDO SDE DANG MNGON PA'I TSIG GANG RUNG SMRA BA LA KHYAD DU GSOD NA NYES BYAS SO, ,BCU TSAN GNYIS PA LA, SA BON DANG SKYES PA 'JOMS PA'I LTUNG BYED NI, NAS LA SOGS PA'I SA BON DANG, MYU GU DANG RTZA

, ,SOGS RKYEN GYIS MA NYAMS PAR YOD PA LA GCOD BSREG SOGS NYAMS PAR BYAS PA'O, ,'PHYA BA'I LTUNG BYED NI ZHAL TA PA SOGS KYI BGO SKAL 'GYED PA LTA BU'I TSER NGA LA ZAS GOS NGAN PA MA BSTABS KYANG BSTABS PO ZHES 'GYED PA PO DE NYID KYI DRUNG DU 'PHYA BA'O, ,BSGO BA RNAL GZON PA'I LTUNG BYED NI, DGE SLONG GZHAN GYIS BSAM PA DRANG POS TSUL KHRIMS KYI GTAM GLENG BA'AM 'DRI BA LA TSUL BZHIN DU LAN MI SMRA BAR LAN GZHAN SMRA BA'O; ;GNAS MAL GYI LTUNG BYED NI, RANG GIS BSGOS PA'I GANG ZAG GI LONGS SPYOD DE CHUD MI ZA PHYIR MA BSDUS PAR 'DOM BZHI BCU RTZA DGU'I BAR DU PHYIN PA'AM GNAS MAL DE BAN BUN DU GYUR PA'O, ,GDING BA'I LTUNG BYED NI, MAL STAN GYI GNAS SU LO MA'AM RTZA'I GDING BA GTING NAS LONGS SPYAD PA SNGAR BZHIN MA BSDUS PAR BAN BUN DU GYUR PA'O, ,SKROD PA'I LTUNG BYED NI, RANG GIS SAM GZHAN BSKOS NAS DGE SLONG DE NYID LA PHAN PA'I DGOS PA KHYAD PAR CAN MED PAR DGE 'DUN GYI GNAS NAS BSKRAD PA'O, ,DGE SLONG LAS GZHAN PA'I 'GRO BA GANG YANG RUNG BA DGOS PA KHYAD PAR CAN MED BZHIN RANG GI GNAS NAS BSKAD PA LA NYES BYAS SO, ,PHYIS GNON GYI LTUNG BYED NI, DGE SLONG GZHAN LA LUS SAM DNGOS PO GZHAN GYIS LCID KYIS GNON PA DANG MI NUS PA'I BYA BA BYED DU BCUG PA'O, ,RTZA BA 'BYUNG BA LA 'DUG PA'I LTUNG BYED NI, DGE 'DUN GYI GNAS KHANG GI THOG RDOL BA'I NYEN YOD PAR KHRI'AM KHRI'U RTZA

BA PHUR BU DANG 'DRA BA'I STENG DU 'DUG GAM NYAL BA'O, ,'DEBS PA'I LTUNG BYED NI SROG CHAGS GNAS PA'I RTZA CHU LA SOGS PA LA SROGS CHAGS YOD PAR NGES PA 'AM, THE TSOM ZA BZHIN DU LONGS SPYAD PA'O, ,RIM PA GNYIS SU BRTZIGS PA'I LTUNG BYED NI, DKON MCHOG GI PHYIR GTZUG LAG KHANG CHAR CHU SKYOBS PA'I G-YOGS MA BYAS PAR NYIN GCIG LA RIM PA BZHI 'KHOR BAR BRTZIGS SHING DE LA RMANGS BTZUGS PA DANG, 'JIM PA MED PA DANG; CHU KHUNG MA BTOGS PA DANG, SGO CHA GONG MA SGO'I YA PHUBS BZHAG PAR MA BYAS PA'O, ,BCU TSAN GSUM PA LA, MA BSKOS PAR CHOS STON PA'I LTUNG BYED NI, RANG LA ZHI GNAS YAN CHAD KYI YON TAN MED CING GZHAN GYIS STON PAR GSOL BA YANG MA YIN LA, CHOS STON PA'I MTSAN NYID YANG MI LDAN PAR DGE SLONG MA LA NANG RIG PA'I CHOS BSTAN NAS DON GO BAR BYAS PA'O, ,NYI MA NUB KYI BAR CHOS BSTAN PA'I LTUNG BYED NI, MTSAN MO CHOS STON PA SKABS SU BAB PA MA YIN PAR 'JIGS PA DANG BCAS PA'I GNAS SU DGE SLONG MA LA CHOS STON PA'O, ,ZAS CUNG ZAD KYI PHYIR CHOS STON PAR SKUR BA 'DEBS PA'I LTUNG BYED NI, DGE SLONG GIS DGE SLONG MA LA DE TZAM GYI PHYIR CHOS STON PA MIN YANG DE LTAR BSTAN TO ZHES SKUR BA 'DEBS PA'O, ,DGE SLONG MA'I GOS BZO BYED PA'I LTUNG BYED NI, NYE DU MA YIN PA'I DGE SLONG MA'I GOS KYI BZO BYAS TE RDZOGS PAR GRUB PA'O,

, ,GOS LAS GZHAN SNOD SPYAD SOGS NYE DU MA YIN PA, MTSAN MI MTHUN PA'I BZO DGOS PA KHYAD PAR CAN MED PAR BYAS PA THAMS CAD LA NYES BYAS SO, ,GOS SBYIN PA'I LTUNG BYED NI, DGE SLONG MA'I DGE 'DUN LA GOS 'BUL BA NA DE KHONGS SU MA GTOGS SHING GOS DES PHONGS PA MA YIN PA, LEGS PAR SMRA BA DANG, BSNYEN RDZOGS BYED PA MIN PAS RANG LAS NOR THA DAD PA LA MDZA' 'O BSHES NGO TZAM GYI PHYIR RANG GI GOS BYIN PA'O, ,LAM DU 'GRO BA'I LTUNG BYED NI, DGE SLONG MA DANG LHAN CIG TU KHRIMS GROGS YOD DAM MED KYANG RUNG RGYANG GRAGS GCIG 'DAS KYI BAR LAM DU 'GRO NA LTUNG BYED DANG, RGYANG GRAGS DU MA 'DAS PA NA DE SNYED KYI LTUNG BYED NGO; GRUR ZHUGS PA'I LTUNG BYED NI, DGE SLONG MA DANG LHAN CIG GRUR ZHUGS TE 'GRO BA'O, ,BUD MED DANG LHAN CIG 'DUG PA'I LTUNG BYED NI, RTZIG PA DANG RIB MA DANG YOL PA DANG THIBS PO DANG MUN PA STE SKYABS LNGA PO GANG RUNG GIS BSKYABS PA'I GNAS DBEN PAR 'DOM GANG TSUN CHAD KYI GNAS SU SHES BZHIN DU BUD MED DANG LHAN CIG BAR 'DUG PA'O, ,'DOM GANG LAS RING BA DANG, GCIG 'DUG CING GCIG 'GRENG BA DANG, GNYIS KA 'GRENG BA RNAMS LA NYES BYAS SO, ,DGE SLONG MA DANG LHAN CIG 'GRENG PA'I LTUNG BYED NI, SNGAR GYI GNAS DE LTA BUR DGE SLONG MA DANG LHAN CIG 'GRENG BA'O, ,DGE SLONG MAR ZAS SBYOR DU BCUG

PA'I LTUNG BYED NI, ZAS SBYOR DU 'JUG PA PO'I DGE SLONG MA DANG ZAS SBYOR BA'I YUL RANG GNYIS PO GANG DANG YANG NOR MI GCIG PA'I KHYIM PA LA DGE SLONG MA DES ZAS SBYOR YUL LA LUNG RTOGS KYI YON TAN GANG YANG MED BZHIN DU, YOD CES RDZUN SMRAS PA'I SGO NAS ZAS SBYAR NGA LA RANG NYID KYIS DE LTAR YIN PA SHES PA'AM, THE TSOM ZA BZHIN PAS DE SBYAR BA'I ZAS ZOS PA'O, ,BCU TSAN BZHI PA YANG YANG ZAS ZA BA'I LTUNG BYED NI, DGE 'DUN DANG LHAN CIG TU SBYIN BDAG SNGA MA NAS ZAS ZOS NAS SLAR YANG SBYIN BDAG PHYI MA NAS ZAS ZOS PA'O, ,NAD LA PHAN PA'I DGOS PA YOD PA DANG MU GE'I DUS DANG DGE 'DUN GYI PHYAG DAR LA SOGS PA'I LAS BYAS PA DANG; LAM DU DPAG TSAD PHYED DU SONG BA DANG SRA RKYANG BTANG BA RNAMS LA LTUNG BA 'DI MI 'BYUNG NGO, ,'DUG GNAS SU ZA BA'I LTUNG BYED NI, ,MU STEGS CAN GYI GNAS SU ZHAG GCIG NAS TE NYIN PHYI MAR ZOS BA'O, ,LHAG PAR LEN PA'I LTUNG BYED NI, ZAS CI BDER STOB PA MA YIN PA'I SBYIN BDAG LAS SNGO TSOD MA YIN PA'I ZAS GANG YANG RUNG BA LHUNG BZED GSUM LAS LHAG PA LEN PA'O, ,SPANGS PA ZA BA'I LTUNG BYED NI, BZA' BA DANG BCA' BA GANG YANG RUNG BA ZHAG DE LA MI ZA BAR SMRAS ZIN NAS SLAR YANG ZOS PA'O, ,LHAG POR BYAS PA DANG, YUL DUS DER DKON PA'I ZAS YIN NA LTUNG BA 'DI MI 'BYUNG NGO, ,

, ,LHAG POR BYA BA'I CHO GA NI DGE SLONG CHOS BRGYAD LDAN ZAS MA BTANG BA SOGS YUL MTSAN NYID DANG LDAN PA'I MDUN DU TZOG BUR 'DUG STE, BTZUN PA DGONGS SU GSOL, BDAG MING 'DI ZHES BYA BA 'TSAL MA 'TSAL LAGS TE, SPANGS SHING 'TSAL BAR BGYI BA LAS, GZA' BA DANG BCA' BRNYED NAS 'TSAL BAR 'TSAL NA, BTZUN PAS LHAG POR BGYIS TE BDAG LA STZAL DU GSOL, ZHES LAN GCIG BRJOD PA'I RJES SU, YUL ZAS SPANGS PA YIN NA ZA MI DGOS, GZHAN DU NA BLANGS NAS KHAM GNYIS GSUM ZOS PA'I 'OG TU KHYOD KYIR GYUR GYI, CI BDER LONGS SPYOD CIG CES SMAS TE GTAD PAR BYA'O, ,SPANGS PA STOB PA'I LTUNG BYED NI, DGE SLONG GZHAN GYIS ZAS PHYI MA SPANGS SHING, LHAG POR YANG MA BYAS PA LA DE LTAR SHES BZHIN DU ZAS STOB BAR BRTZAMS SHING YUL DES DON GO PA'O, ,'DUS SHING ZA BA'I LTUNG BYED NI, MTSAMS KYI NANG DU DGE 'DUN SPYI'I ZAS ZA BA'I GNAS LAS LOGS SU DGE SLONG BZHI YAN CHAD 'DUS TE ZAS ZOS PA'O, ,DUS MA YIN PAR ZA BA'I LTUNG BYED NI, NYIN PHYED YOL NAS SANG GI SKYA RENGS MA SHAR GYI BAR DU 'BRAS CHAN KHUR BA SHA LA SOGS PA'I BZA' BA DANG, BU RAM KHAM STAR SOGS BCA' BA DANG, ZHO THUG SOGS DUS RUNG GI LDE GU'AM,

BTUNG BA RUNG BA TSANG LDAN LA NGER 'DU SHES PAS ZOS PA DANG 'THUNG BA'O, ,GSOGS 'JOG SPYOD PA'I LTUNG BYED NI, SMAN RNAM PA BZHI PO GANG YANG RUNG BA NYID DANG, THUN TSOD 'DAS PA SOGS RANG RANG GI LONGS SPYOD PA'I DUS 'TSAMS LAS 'DAS KYI BAR DU GSOG 'JOG BYAS PA ZOS PA'O, ,SKABS 'DIR GSOG 'JOG GI CHA LA BRTEN PA BZHI LAS, DANG PO LAG NYA NI SNGAR ZAS ZOS TE STAN LAS MA LANGS PA ZAS TE BYIN LEN BYA BAR 'OS PAS LUS DNGOS SAM DE'I BZUNG BA'I THAG PA SOGS DANG 'BREL BA, ZA BAR NYE BA'I STA GON LA GNAS PA, BYIN LEN MA BYAS PA'I SMAN BZHI PO GANG RUNG LA SRED PA'I SGOS REG PA'O, ,GNYIS PA 'TSAMS BTZOS NI, RANG DAM RANG DANG 'DRA BA'I GANG ZAG RANG DBANG BA KHYIM PA MED CING, RUNG KHANG MA BYAS PA'I NANG DU SHA DANG 'BRAS BU SOGS SKAM PO RNAMS SU MA CHA BA NGAS PA LO MA SOGS KHA DOG 'GYUR PA, JA SOGS KHU BAR SBYONG 'OS RNAMS LAN GNYIS KHOL BA STE DE LTAR 'TSOD PA'O, ,GSUM PA RJEN BTZOS NI, RUNG KHANG GI NANG DU DGE SLONG GI ,LAG BSTAR TE ZAS KYI RIGS ME DANG RLANGS BAS 'TSOD PA'O, ,BZHI PA ZHAG 'O NA NI SNGAR BSHAD PA'I 'TSAMS BTZOS KYI GNAS DER SMAN BZHI PO ZHAG GCIG 'DAS PAR BZHAG PA'O, ,'DI BZHI PO GSOG 'JOG GI LTUNG BYED DE

, ,NYID DU GTOGS PA YIN GYI LTUNG BYED 'BA' ZHIG PA'I GRANGS LA 'DREN PA MIN NO, ,KHA NAS MID PA'I LTUNG BYED NI, SMAN BZHI PO GANG YANG RUNG BA BYIN LEN MA BYAS PAR ZOS PA'O, ,BYIN LEN CHAGS MI CHAGS KYANG, ZAS STOB PA PO DANG STOB YUL DGE SLONG GNYIS KYI BAR DU ME DANG CHU GROG MO SOGS KYIS MCHOD PA LA DGE SLONG MTHO BA'I PHYOGS NAS SA LA 'DUG STE TSUL BZHIN DU LAG PA BKAN TE LEN LA, STOB PA PO DMA' PHYOGS NAS LAG PA BKAN TE STOB PAR BYED NA BYIN LEN CHAGS LA, DE LAS GZHAN DU NA MI CHAG GO, BYIN LEN STOB PA PO MED NA NYIN DANG POR ZAN BCAD, GNYIS PAR SPAR GANG, GSUM PA SPAR DO, ,BZHI PA PHAN CHAD DU CI TZAM ZA BAR 'DOD PA DE NYID BZA' 'O, ,ZAS BSOD PA SLONG BA'I LTUNG BYED NI, KHYIM PA LAS ZAS BZANG PO BSLANGS TE ZOS PA'O, ,BCU TSAN LNGA PA LA, SROG CHAGS DANG BCAS PA'I CHU LA SPYOD PA'I LTUNG BYED NI, SROG CHAGS DANG BCAS PA'I CHU BSKOL BA DANG, DE DANG BCAS PA'I RTZA SHING SOGS GCOD PA DANG, MER 'BUD PA DANG, DE DANG BCAS PA'I SA BRGO BA DANG, GNAS BRTZIGS PA SOGS DANG, DE LTAR BYED DU BCUG STE SROG CHAGS SHI BAR BYAS PA'O, ,NYAL PO BYED PAR SHOM PA'I KHYIM NA 'DUG PA'I LTUNG BYED NI, KHYIM PA NYAL PO BYED PA'I KHYIM DER SHES BZHIN DU 'DUG PA'O, ,KHYIM DER 'GRENG BA'I LTUNG BYED NI, DE LTAR SHOM PA'I KHYIM DU

'GRENG BA'O, ,GCER BU PA LA ZAS SBYIN PA'I LTUNG BYED NI, NAD PA MA YIN ZHING CHOS LDAN GYI DGOS PA KHYAD PAR CAN MED PAR MU STEGS CAN LA DUS RUNG GI ZAS SBYIN PA'O, ,DMAG LA LTA BA'I LTUNG BYED NI, SKYES PA BRGYAD LONGS PA YAN CHAD KYI DMAG CHAS TE GNAS PA LA DGE SLONG RANG GI NYE 'KHOR LAS 'DAS PAR 'BYIN TE BLTAS PA'O, ,DMAG GI NANG DU ZHAG GNYIS GNAS PA'I LTUNG BYED NI, DE LTA BU'I DMAG GI NANG DU NYIN PHYI MA'I BAR GNAS PA'O, ,BSHAMS DKRUG GI LTUNG BYED NI, DE LTA'I DMAG BSHAMS PHA'I NANG NYUL ZHING MTSON LA REG PA 'AM, G-YUL BSHAMS PA'I GO RIM DKRUG PA'O, ,BRDEG PA'I LTUNG BYED NI, KHROS PA'I SEMS KYIS DGE SLONG LA BRDEG PAR BRTZAMS TE, RDEG BYED JI SNYED KYIS PHA ROL PO'I LUS LA REG PA NA GRANGS DE SNYED KYI LTUNG BYED DO, ,BRDEG PAR GZAS PA'I LTUNG BYAD NI, KHRO SEMS KYIS DGE SLONG LA BRDEG PAR GZAS PA'O, ,GNAS NGAN LEN BCABS PA'I LTUNG BYED NI, DGE SLONG GZHAN LA PHAM LHAG GANG RUNG BYUNG BA LA, DE LTAR SHES PA'AM THE TSOM YOD PA'I TSE, MTHOL YUL YOD BZHIN DU BCABS TE MTSAN MO 'DAS PA'O, ` ,BCU TSAN DRUG PA LA, ZAS GCOD DU 'DUG PA'I LTUNG BYED NI, KHYIM PAS DGE SLONG LA DUS RUNG GI ZAS 'DREN PA NA DE BKAG PA'O, ,ME LA REG PA'I LTUNG BYED NI, RGOD BAG GIS ME SPUNGS PA DANG, 'BRU BA DANG, ME NANG DU BUD SHING 'BYIN 'JUG BYED PA'O, ,'DUN PA PHYIR BSGYUR BA'I LTUNG BYED NI,

, ,DGE 'DUN GYIS CHOS LDAN GYI LAS BYED PA'I TSE DANG PO 'DUN PA PHUL NAS SLAR YANG LAS DE LA BDAG MI 'DUN ZHES PA 'DUN PA PHYIR BSGYUR PA'I TSIG SMRAS PA'O, ,BSNYEN PAR MA RDZOGS PA DANG LHAN CIG TU NYAL BA'I LTUNG BYED NI, BSNYEN BAR MA RDZOGS PA DANG LHAN CIG TU ZHAG GSUM PAR MA CHAD DU NYAL DE GNYID LOG PA'O, ,SDIG LTA MI GTONG BA'I LTUNG BYED NI, PHYI DRO'I KHA ZAS ZA BA SOGS LTUNG BA PHRA MO RNAMS MNGON MTHO DANG NGES LEGS THOB PA LA CI ZHIG GNOD CES PA LTA BU SDIG LTA CAN GYI TSIG SMRA ZHING DE LAS DGE 'DUN GYIS BZLOG KYANG MI NYAN PA'O, ,SPANGS PA RJES PHYOGS KYI LTUNG BYED NI, DGE 'DUN GYIS CHOS BZHIN DU GNAS DBYUNG BYAS PA'I DGE SLONG 'ONG BA LA DE'I SEMS 'DUL BA'I DGOS PA KHYAD PAR CAN MED PAR RANG DANG GNAS GCIG TU GNAS TE MTSAN MO 'DIS SAM DE DANG LHAN CIG TU RDZAS PHRA MO LA LONGS SPYOD PA'O, ,BSNYIL BA SDUD PA'I LTUNG BYED NI, GNAS DBYUNG BYAS PA'I DGE TSUL LA SNGAR LTAR GNAS SHING RDZAS PHRA MO YAN CHAD LA LHAN CIG TU LONGS SPYOD PA'O, ,KHA MA BSGYUR BA'I GOS GYON PA'I LTUNG BYED NI, RKANG DBRIS YAN CHAD KHA DOG DKAR PO LA LONGS SPYOD PA'O, ,LONGS PA GZHIR GTOGS KYI LTUNG BYED NI, GZHAN GYIS BDAG TU BZUNG BA'I GSER SOGS RIN PO CHE DANG ROL CHA DANG MTSON CHA REG PA'O, ,KHRUS BYED PA'I LTUNG BYED NI, ,DBYAR ZLA RA BA NAS THA CHUNG GI BCO LNGA'I BAR MA GTOGS PA SKABS GZHAN DU CHU'I NANG DU

LUS KYI PHYED YAN CHAD BKRUS PA'O, ,SKABS 'DIR DBYAR ZLA RA BA NI HOR ZLA LNGA PA YIN NO, ,BCU MTSAN BDUN PA LA, DUD 'GRO GSOD PA'I LTUNG BYED NI, RANG NGAM GZHAN LA BSKOS NAS DUD 'GRO GSOD PA'O, ,GNOD SEMS MED PAR DUD 'GRO'I YAN LAG GTZOD PA DANG, SGO GLEGS KYIS 'TSIR BA DANG, 'GRO MI NUS PA LAM DU KHRID PA DANG, MI THEG BZHIN DU KHAL 'GAL BA DANG, RIN GYI PHYIR 'TSONG BA DANG, DUD 'GRO'I GZUGS BSHIG PA RNAMS LA NYES BYAS SO, ,'GYOD PA BSKYED PA'I LTUNG BYED NI, DGE SLONG GZHAN YID MI BDE BA BSKYED PA'I SLAD DU DE'I DGE SLONG GI SDOM PA MA SKYES ZHES PA'AM SKYES KYANG NYAMS SO ZHES PA LTA BU DGE SLONG DE NYID LA SMRAS PA'O, ,GA GA TSIL BYED PA'I LTUNG BYED NI, SKYI G-YA' BAR 'DOD PAS DGE SLONG GZHAN GYI LUS LA GA GA TSIL BYED PA'O, ,CHU LA RTZE BA'I LTUNG BYED NI, RTZED MO LA CHAGS PA'I YID KYIS LUS PHYED CHU LA NUB PA'I SGO NAS RTZE BA'AM DE LTAR RTZE BAR 'JUG PA'O, , BUD MED DANG LHAN CIG NYAL BA'I LTUNG BYED NI, KHRIMS GROGS MED PAR MTSAN MO BUD MED DANG LHAN CIG TU 'DOM GANG TSUN CHAD DU NYAL BA'O, GNAS GCIG GI NANG YIN YANG 'DOM DGUS BAR DU CHOD PA LA NYES PA MED LA, 'DOM GANG LAS RING ZHING DGUR MA LONG BA TSUN DU NYAL BA DANG, DUD 'GRO MO SOGS DANG LHAN CIG NYAL BA LA NYES BYAS SO, ,DANGS PAR BYED PA'I LTUNG BYED NI, DGE SLONG GZHAN LA LUS NGAG GANG RUNG GI RNAM 'GYUR MI SDUG PA'I SGOS

, ,NGANGS PAR BYED DAM BYED DU BCUG PA'O, ,SBED PA'I LTUNG BYED NI, SDOM LDAN GZHAN GYI GDONG PHYIS SOGS DNGOS PO GANG RUNG BRKU SEMS MA YIN PAR SBED PA 'AM SBED DU BCUG PA'O, ,GDENGS MED PA'I LTUNG BYED NI, DGE SLONG RANG DANG NOR MI GCIG PA'I GOS DES SPYOD DU BCUG PA MA YIN ZHING PHAN TSUN YID GCUG PA YANG MA YIN BZHIN DU LONGS SPYAD PA'O, ,GZHI MED PAR SKUR 'DEBS KYI LTUNG BYED NI, DGE SLONG GZHAN LA MTHONG THOS DOGS GSUM GYI GZHI MED PAR LHAG MA'I SGOS SKUR BA 'DEBS PA'O, ,BUD MED DANG LHAN CIG LAM DU 'GRO BA'I LTUNG BYED NI, KHRIMS GROGS MED PAR BUD MED DANG LHAN GCIG TU RGYANG GRAGS 'DAS PAR LAM DU 'GRO BA'O, ,RGYANG GRAGS DU MA 'DAS NA DE SNYED KYI LTUNG BYED DO, ,RGYANG GRAGS KYI TSAD NI GZHU 'DOM LNGA BRGYA'I BAR DO, ,BCU TSAN BRGYAD PA LA, SHES BZHIN DU RKUN MA DANG LHAN CIG LAM DU 'GRO BA'I LTUNG BYED NI, DE DANG LHAN CIG RGYANG GRAGS 'DAS KYI BAR LAM DU PHYIN PA'O, ,RAB BYUNG DANG BUD MED KYI RKUN MA SOGS DANG LHAN CIG DGOS MED DU LAM DU 'GRO BA LA RGYANG GRAGS RE RE LA NYES BYAS SO, ,NYI SHU MA LON PAR BSNYEN PAR RDZOGS PAR BYED PA'I LTUNG BYED NI, RANG NYID BSNYEN RDZOGS KYI MKHAN PO BYAS NAS BSGRUB BYA LO NYI SHU MA LON PA DE LTAR SHES BZHIN DU BSNYEN RDZOGS BYAS PA'O, ,SA RKO BA'I LTUNG BYED NI, SA SBAR GANG YAN CHAD RKO BA DANG, 'JIM PA DANG BCAS PA'I RTZIG PA GZHIG PA GANG RUNG RANG NGAM RANG GI MIG SNGAR GZHAN LA BYED

BCUG PA'O, ,MGRON GNYER RING 'DUG GI LTUNG BYED NI, KHYIM PAS NANG DU MGRON DU BOS PA'I BAR MGRON GYI BYA BA RDZOGS KYANG DA DUNG KHYIM DER DUS RUNG GI ZAS ZA BA'O, ,BSLAB PA LA NYE BAR 'JOG PA SPANGS PA'I LTUNG BYED NI, GZHAN GYIS RANG LA BSLANG BA LA SLOB TSUL LEGS PAR BSGO BA NA DE LA KHYAD GSOD PA'O, ,NYAN RNA BYED PA'I LTUNG BYED NI, RANG DANG DGE SLONG GZHAN RTZOD PA BYUNG STE RTZOD ZLA DES GZHAN DANG GROS BYED PA NA RANG NYID KYIS RTZOD PA CHER GTONG 'DOD KYI BSAM PAS DER LKOG NYAN BYED PA'O, ,MI SMRA BAR 'GRO BA'I LTUNG BYED NI, DGE 'DUN GRANGS TSANG BA LAS LA 'DUS NAS GSOL BA TZAM YANG MA BYAS PA'I TSE RANG NYID KYI 'DUN PA YANG MA PHUL 'GRO BA'I BRDA' YANG MA SBYAR BAR LAS GRAL DE NAS PHYI ROL TU 'GRO BA'O, ,MA GUS PAR 'GRO BA'I LTUNG BYED NI, SANGS RGYAS SAM DGE 'DUN NAM DGE SLONG ZHAL TA BAS RANG LA CHOS LDAN GYI BYA BA BSGRUB BAR BSKO BA NI, RANG NYID KYIS DE SGRUB NUS BZHIN DU MI SGRUB PA'O, ,CHANG 'THUNG BA'I LTUNG BYED NI; NAS 'BRAS LA SOGS PA LAS BYUNG BA 'BRU'I CHANG, RGUN 'BRUM LA SOGS PA NAS BYUNG BA DANG, DE LAS GZHAN PA'I BCUD LAS BYUNG BA BCOS PA'I CHANG DANG, DE LAS GZHAN PA'I MYOS 'GYUR GYI NUS PA YOD PA'I BAG MED KYI BTUNG BA 'THUNG BA'O, ,DUS MIN PAR 'GRO BA'I LTUNG BYED NI, NYI MA PHYED YOL NAS RKYA RENGS MA SHAR GYI BAR DUS GANG YANG RUNG BAR KHYIM PA'I GNAS SU 'GRO BA'O, ,BCU TSAN DGU PA LA, SNA DRO GRONG DU RGYU BA'I

, ,LTUNG BYED NI, RANG NYID KYI TSIG GIS DGE 'DUN SBYIN BDAG GI KHYIM DU SPYAN DRANGS NAS SBYIN BDAG LA DUS LA SLEB PA NA GDUGS TSOD DRONGS ZHES MA SMRA BAR RANG NYID KHYIM GZHAN DU RGYU BA'O, ,PHYI DRO GRONG DU RGYU BA'I LTUNG BYED NI, DUS MIN DU KHYIM BZHI YAN CHAD DU 'GRO 'DOD KYIS KUN NAS BSLANG TE 'GRO BAR BRTZAMS NAS KHYIM BZHI PA'I SGO'I THEM PA'AM, NYE 'KHOR SOGS 'DAS PA NA SNGAR BZHIN LTUNG BYED DO, ,GNYIS PA RGYAL PO'I PHO BRANG DU NUB MO 'GRO BA'I LTUNG BYED NI, DER NYI MA NUB PA NAS SKYA RENGS MA SHAR GYI BAR GYI DUS GANG YANG RUNG BAR RGYAL PO'I PHO BRANG DU 'GRO BA'O, ,RDZU 'PHRUL GYIS SONG TE DAD PA LA BKOD PA RNAMS LA LTUNG BA MED DO, ,BSLAB PA KHYAD DU GSOD PA'I LTUNG BYED NI, GSO SBYONG GI SKABS SU GNAS BRTAN GYIS SO THAR GYI MDO SOGS 'DON PA NA BRNYAS SEMS KYIS 'DI LA TSIG DON 'DI LTA BU YOD PA DAG DOD GO'O ZHES PA LTA BU KHYAD GSOD KYI TSIG SMRAS PA'O, ,ZHE SDANG GIS SAM 'DU SHES BSGYUR TE KHYAD DU BSAD NA MA GUS PA'I TSUL GYI LTUNG BYED DANG, RDZUN DU SMRA BA'I LTUNG BYED DU 'ANG 'GYUR RO, ,KHAB RAL 'CHOS PA'I LTUNG BYED NI, YUL DER DKON ZHING RIN CHE BA DAG LA KHAB RAL RANG NYID KYIS BZOS SAM GZHAN LA BZOD BCUG PA'O, KHRI RKANG 'CHOS PA'I LTUNG BYED NI, DGE 'DUN GYI KHRI DANG KHRI LTA BU KHRU GANG LAS LHAG PAR BZOS PA'AM BZOR BCUG PA'O, ,SHING BAL GYIS GOS PA'I LTUNG BYED NI, DGE 'DUN GYI BAL STAN LA SHING BAL SBAR BA GANG YAN CHAD SOGS

KYIS GOS PAR BYED DAM BYED DU BCUG PA'O, ,GDING BA DANG, G-YAN PA DGAB PA DANG, DBYAR GYI GOS RAS CHEN RNAMS TSAD LAS LHAG PAR BYED PA'I LTUNG BYED NI, RANG NYID KYI GDING BA SRID DU KHRU GSUM DANG ZHING DU KHRU DO SOR DRUG LAS LHAG PAR BYAS PA DANG, G-YAN PA DGAB PA SRID DU KHRU DRUG DANG ZHENG DU KHRU GSUM LAS LHAG PAR BYAS PA DANG, DBYAR GOS RAS CHEN SRID DU KHRU DGU DANG ZHING DU KHRU GSUM SOR BCO BRGYAD LAS LHAG PAR BYAS PA GSUM MO, ,BDE GSHEGS CHOS GOS KYI TSAD LAS GYUR PA'I LTUNG BYED NI, RANG LA BDE BAR GSHEGS PA'I SKU TSAD MED BZHIN DU CHOS GOS RNAM GSUM GYI TSAD BDE BAR GSHEGS PA'I CHOS GOS KYI TSAD DU BYAS PA'AM, DE LAS KYANG LHAG PAR BYAS PA DANG; DE LTAR BYED DU BCUG PA'O, ,BDE BAR GSHEGS PA'I CHOS GOS KYI TSAD NI SRID DU BDE BAR GSHEGS PA'I KHRU LNGA DANG ZHENG DE'I KHRU GSUM YIN LA, BDE BAR GSHEGS PA'I KHRU GANG NI GANG ZAG THA MAL PA'I KHRU GSUM KYI TSAD DO, ` , BZHI PA SOR BSHAGS KYI SDE LA BZHI LAS, DANG PO DGE SLONG MA LAS ZAS LEN PA'I SOR BSHAGS NI, NYE DU MA YIN PA'I DGE SLONG MAS RANG DON DU BSGRUBS PA DE, DGE SLONG GIS SPANGS NAS GRONG NGAM LAM DU 'DUG STE ZA BA'O, ,GRAL RIM MA BEB PAR ZAS BRIM DU BCUG PA MA BZLOG PA'I SOR BSHAGS NI, SBYIN BDAG GIS GNAS SU DGE 'DUN LA ZAS 'GRIM PA NA DGE SLONG MAS BSLAB BA RGAN PA BZHAG NAS RANG LA DANG POR BRIM BA'AM, DE DAG LAS RANG LA ZAS LHAG PAR BRIM

, ,BAR ZOS PA'O, ,KHYIM DU 'JUG PA'I SOR BSHAGS NI, RANG DANG NOR MI GCIG PA'I KHYIM PA LA DGE 'DUN SPYIS ZAS MI BLANGS BAR KHRIMS BYAS TSE RANG NYID KYIS KHYIM DE NAS DUS RUNG GI ZAS BLANGS TE ZOS PA'O, ,NAGS MA BRTAGS PAR ZOS PA'I SOR BSHAGS NI, NAGS LA SOGS PA 'JIGS BCAS KYI SAR KHYIM PAS DGE 'DUN LA BSNYEN BKUR BYED PA'I TSE NAGS NYUL BA PO'I GANG ZAG GIS NAGS MA NYUL BAR RANG GIS ZAS ZOS PA'O, ,LNGA PA NYES BYAS ?TSE SDE NI, SHAM THABS ZLUM POR MA BGOS PA DANG, BUS MO LA MA SLEB PAR BRJES PA DANG, LONG BU LAS THAL NAS 'JOL BA DANG, GRA BZHI NAR BA DANG, SHAM THABS KYI MGO NANG DU LTEB PA DANG, PHYIR 'PHYANG BA DANG, SKA RAGS BAR DU THUM BUR BYAS PA STE SHAM THABS KYI RNAM PA BDUN DANG, BLA GOS DANG RNAM SBYAR RTZINGS PA DANG, 'JOL BA DANG, ZLUM POR MA BGOS PA STE STOD G-YOGS LA RNAM PA GSUM STE GOS KYI SDE TSAN LA BCU DANG, ` DRAN SHES MA BSDAMS PAR 'GRO BA DANG, BLA GOS DANG THANG GOS MNYAM PAR G-YOGS TE BGOS PA DANG, CA COM BSKYUNGS PA DANG, MIG PHYOGS PHAN TSUN DU G-YENG BA DANG, MIG GNYA' SHING GANG PHAN CHAD DU BLTA ZHING 'GRO BA STE KHYIM DU 'GRO BA'I SDE TSAN LNGA DANG, GOS BRJES PA DANG, MGO GOS KYIS G-YOGS PA DANG, CHOS GOS PHRAG PA GNYIS KAR GZAR BA DANG, LAG PA GNYIS GNYA' GONG DU BSNOL BA DANG, LAG PA GNYIS RGYAB TU BSNOL BA STE LNGA DANG,

MCHONG ZHING 'GRO BA DANG, TZOG BUS 'GRO BA DANG, RTING BA BTEGS NAS 'GRO BA DANG, BRANG GIS 'GRO BA DANG, GRU MO BRGYANG NAS 'GRO BA STE LNGA DANG, LUS BSGYUR NAS 'GRO BA DANG, LAG PA G-YO BAS SHING 'GRO BA DANG, MGO BO SGRIL NAS 'GRO BA DANG, GZHAN DANG LAG PA SPREL NAS 'GRO BA DANG, GZHAN DANG PHRAG PA SPRAD NAS 'GRO BA DANG LNGA STE, KHYIM DU 'GRO BA'I SDE TSAN LA NYI SHU DANG, KHYIM DU 'DUG PA'I SDE TSAN LA, KHYIM PA'I NANG DU GZHAN GYIS MA BSKOS PAR 'DUG PA DANG, MA BRTAGS PAR 'DUG PA DANG, LCID PHAB NAS 'DUG PA DANG, RKANG PA'I STENG DU RKANG PA DANG, BRLA'I STENG BRLA DANG, LONG BU'I STENG DU LONG BU BZHAG NAS DANG, RKANG PA GDAN GYI 'OG TU BKUGS NAS DANG, BRLA GNYIS GSHIBS TE DANG, BYIN PA DANG RKANG PA PHRAL TE DANG, 'DOM SNANG BAR DANG, LAG PA 'GRAM PA LA BSTEN NAS 'DUG PA STE, KHYIM DU 'DUG PA'I SDE TSAN LA BCU GCIG DANG, ZAS SLONG BA'I SDE TSAN LA, GZA' BTUNG 'DUL BA DANG MA 'GAL BAR LEGS PAR MA BLANGS PA DANG, PHOR BA SOGS KYI KHA DA CHAD DU BLANGS PA DANG, ZAS KYI SPOR ZAS DANG MNYAM PA'AM DE LAS LHAG PAR BLANGS PA DANG, GRAL MGO NAS MTHAR CHAGS KYIS MA BLANGS PA DANG, LHUNG BZED LA YID GTAD DE MA BLANGS PA DANG, ZAS MA SLEB GONG NAS SNOD BZED PA DANG, LHAG PO LEN PA'I PHYIR ZAS SNGA MA SPED PA DANG, SNOD KYI STENG DU SNOD BZUNG BA STE ZAS SLONG BA'I SDE TSAN LA BRGYAD DANG, ZAS ZA BA'I SDE TSAN LA ZAS LEGS

, ,PAR MA ZOS PA DANG, KHAM HA CANG CHE BA DANG, HA CANG CHUNG BA DANG, 'JIG RTEN DANG MTHUN PAR MA ZOS PA DANG, ZAS MA SLEB GONG NAS KHA GDANGS PA DANG, KHA NANG ZAS KYIS BKANG STE SMRA BA STE DRUG DANG, TZUG TZUG CES PA'I SGRA DANG BCAS PAR ZA BA DANG, DE BZHIN DU CAG CAG DANG, HU HU DANG, PHU PHU ZHES PA'I SGRA DANG BCAS PA DANG, LCE PHYIR PHYUNG STE ZA BA STE LNGA DANG, NAS YOS LA SOGS PA 'BRU RE RE NAS BLANGS TE ZA BA DANG, ZAS LA 'PHYA BA DANG, ZAS 'KHUR BA PHAN TSUN DU SPO BA DANG, RKAN SGRA GTOGS PA DANG, ZAS LA SOGS PA'I KHAM TSAD LAG PAS MI BYED PAR KHAR BCUG NAS KHAM 'PHRO GCOD PA STE LNGA DANG, LAG PA LDAG PA DANG, SNOD LA KHA DANG LAG PAS BYABS TE ZA BA DANG, LAG PAS ZAS SPRUGS CING CHAGS PA SPRUGS PA DANG, ZAS DANG BCAS PA'I SNOD SKYOM PA DANG, ZAS KYI LCI YANG LAG PAS 'JAL BA DANG, ZAS LA MCHOD RTEN GYI DBYIBS SU BYAS STE ZA BA DANG LNGA STE ZA BA'I SDE TSAN LA NYER GCIG DANG, LHUNG BZED DU SBYANG BA'I SDE TSAN LA, GZHAN GYI LHUNG BZED LA 'PHYA BA DANG, LAG PA ZAS KYIS SPAGS BZHIN DU CHU SNOD 'DZIN PA DANG; GZHAN LA ZAS KYIS SBAGS PA'I CHU GTOR BA DANG, LHUNG BZED BKRUS PA'I CHU SOGS GANG DU 'DOR BA MA DRIS BA STE BZHI DANG, ZAS KYI LHAG ROL LHUNG BZED KYIS 'PHO BA DANG, LHUNG BZED STEGS MED PAR 'JOG

PA DANG, GROG MO'I KHA DANG, G-YANG KHA DANG, BANG RIM GZHOL BOR 'JOG PA GSUM DANG, LHUNG BZED 'GRANG STE 'KHRUD PA DANG, GROG MO'I KHA DANG, G-YANG KHA DANG, BANG RIM GZHOL BOR 'KHRUD PA STE GSUM DANG, 'BAB CHU DRAG PO'I BZLOG PHYOGS SU CHU BCU BA DANG BCU STE LHUNG BZED DU SPYAD PA'I SDE TSAN BCU BZHI DANG, CHOS STON PA'I DE TSAN LA, NYAN PA PO 'DUG PA LA 'CHAD PA PO LANG STE STON PA DANG, DE BZHIN DU NYAL BA LA 'DUG PAS 'CHAD PA DANG, MTHO BA LA DMA' BAS 'CHAD PA DANG, STAN BZANG POR 'DUG PA LA NGAN PAR 'DUG PAS 'CHAD PA DANG, LAM DU ZHUGS PA LA LAM GYI 'GRAM NAS 'CHAD PA DANG, NYAN PA PO'I RGYAB NAS 'CHAD PA STE LNGA DANG, CHOS NYAN PA'I TSE MGO GOS KYIS G-YOGS PA DANG, GOS BRDZES PA DANG, CHOS GOS PHRAG PA GNYIS KAR GZAR BA DANG, LAG PA GNYA' GONG DU BSNOL BA DANG, RGYAB TU BSNOL BA STE LNGA DANG, THOR COG DANG ZHVA GYON PA DANG, THOD DKRIS PA DANG, COD PAN 'CHANG BA DANG, PHRENG BA THOGS PA DANG, GLANG PO CHE ZHON PA DANG, RTA ZHON PA DANG, DE LAS GZHAN PA'I BZHON PA ZHON PA DANG, KHYOGS LA 'DUG PA DANG, MCHIL LHAM GYON PA STE LNGA DANG, LAG NA MKHAR BA DANG, GDUGS DANG, MTSON CHA DANG, RAL GRI DANG, DGRA CHA THOGS PA DANG, GO CHA GYON PA DANG DRUG LA CHOS STON PA DANG BCAS CHOS STON PA'I SDE TSAN LA NYER DRUG DANG, SGRUB PA'I

, ,SDE TSAN LA, 'GRENG STE BSHANG GCI 'DOR BA, BSHANG GCI MCHIL SNABS RNAMS RTZA SNGON YOD SAR 'DOR BA DANG, BSHANG GCI CHU NANG DU BYED PA'AM BYAS ZIN CHU NANG DU 'DOR BA DANG, SHING LA MI GANG YAN CHAD DU 'DZEG PA DANG BZHI STE SGRUB PA'I SDE TSAN LA BZHI'O, ,DE LTAR PHA'I RNAM 'BYED LAS GSUNGS PA'I LTUNG BA SDE LNGA'I RNAM BZHAG MDOR BSDUS TZAM BSHAD ZIN LA, 'DI DAG LA YANG LTUNG BA SO SO'I GZHI BSAM PA SBYOR BA MTHAR THUG GI RNAM BZHAG DANG, SO SO'I SDER GTOGS KYI SPOM PO DANG, NYES BYAS LA SOGS PA'I RNAM BZHAG SO SO'I SKABS KYI BSLAB BYA RNAMS LAS SHES PA GAL SHIN TU CHE NA YANG YI GE MANG BAS 'JIGS NAS MA BRIS LA LEGS PAR SHES 'DOD NA RDZE THAMS CAD MKHYEN PAS MDZAD PA'I BSLAB BYA GNAM RTZE LDING MA DANG, 'DUL 'DZIN PA'I BSLAB BYA CHEN MO SOGS LA RING DU 'DRIS PAR BYAS TE SHES PAR BYA'O, ,GNYIS PA MA'I RNAM 'BYED NAS DGE SLONG LA NYES BYAS SU GSUNGS PA'I BSLAB BYA RNAMS NI, GLEGS BAM DANG GOS DANG MAL CHA DANG GNAS KHANG GI CHED DU RNYED PA'I NOR GYIS GZA' BTUNG BSGRUBS TE LONGS SPYAD PA DANG, BUD MED RAB TU BYUNG BA DANG, BSNYEN PAR RDZOGS PA'I MKHAN PO BYAS PA DANG, GZHAN GYI MKHAN PO BYAS NAS DE LA CHOS DANG ZANG ZING GIS PHAN MI 'DOGS PA DANG, BUD MED KYI RNA BAR SHUB CING SMRAS PA DANG, BU CHUNG BAR DU LEN PA DANG, DE 'TSO ZHING RTZE GROGS

BYED PA DANG, KHYIM PA'I NANG DU PHYAG DAR DANG GZA' BTUNG GI G-YOS BYED PA SOGS KHYIM GYI BYA BAR GTOGS PA'I RIGS BYED PA DANG, CHOS GOS KHYIM PA LA SKON PA DANG, GANG ZAG GZHAN GYI YON TAN BRJOD PA LA MI DGA' BAR STON PA DANG, KHYIM DANG GNAS DANG RNYED PA DANG CHOS LA SER SNA BYED PA DANG, GZHAN LA BRNYAS THABS KYIS LTA BA TSUL KHRIMS CHO GA 'TSONG BA RNAMS MA DAG PAR GLENG BA DANG, MCHIL MA GTOR BA DANG, CO 'DRI BA DANG, DGAG DBYE BYAS NAS GNAS LA CHAGS PA SPANG BA'I PHYIR RGYANG GRAGS YAN CHAD MI RGYU BA DANG, 'JIGS PA DANG BCAS PAR DOGS PA'I GNAS SU LJONG RGYU BA DANG, GZHAN DAG ZIL GYIS GNON PA'I PHYIR RTZOD PA DANG, PHA ROL POS CHOS KYI TSIG DON 'DRI BA'I SKABS MA DBYE BAR DE LA 'DRI BA DANG, DBYAR GNAS PAR KHAS BLANGS TE BYIN GYIS MA BRLAB PAR MTSAMS KYI PHYI ROL TU 'GRO BA RNAMS SO, ` ,GSUM PA GZHI NAS 'BYUNG BA'I MDOR BSDUS LA, GSO SBYONG GI SKABS KYI NYES BYAS NI, GNAS LA BLO MTHUN MA BYAS PA DANG, LAS DE BYED PAR DGE 'DUN BZHED PA LA GNAS BRTAN GYIS MA BYAS PA DANG, LAS LA 'DU BA'I TSE RANG RGYUD LA LTUNG BA YOD MED MA BRTAGS PA DANG, YOD PAR SHES NAS BSHAGS PAR 'OS PA MA BSHAGS PA, BSDAMS PAR 'OS PA MA BSDAMS PA, BYIN GYI RLAB PAR 'OS PA BYIN GYIS MA BRLAB PAR 'DUS PA DANG, 'DUS ZIN NAS BLOS DRAN NAM THE TSOM ZAN SEMS KYIS BYIN

, ,GYIS MA BRLAB PA DANG, LTUNG BA DE GNAS DER THAMS CAD LA YOD PAR SHES SAM THE TSOM ZA NA DE DAG DGE SLONG GCIG GIS GZHAN DU PHYIR BCOS BYANG BAR MA BTANG BA DANG, DE SLAR 'KHOR TSE DE'I DRUNG DU LTUNG BA BSHAGS PA LAM 'DUS PA DANG, DE LTAR MA GRUB NA BYIN GYIS MA BRLABS PA DANG, ZLA BA PHYED PHYED DU GSO SBYONG MA BYAS PA DANG, GNAS DER DGE 'DUN MA 'ONG NA KHA SKONG GI DGE 'DUN MA BTZAL BA'AM, DGE 'DUN GRANGS TSANG BA'I BAR MA BYIN PA DANG, DE LTAR MA GRUB NA BYIN GYIS MA BRLAB PA DANG, LAS BRGYA RTZA GCIG GI PHYAG LEN YOD PA'I GNAS NAS GZHAN DU 'GRO BA DANG, GSO SBYONG GI MDO 'DON PA PO MED TSE GZHAN NAS MA BTZAL BA DANG; MDO 'DON PA'I DGE SLONG RDO RJE 'DZIN PA 'ONG TSE DE LA LUS NGAG GIS MA BYAS PA DANG, MDO 'DON PA'I TSE NYAN SAR MA PHYIN PA DANG, GZHAN GYIS PHRAG DOG GIS RNAM 'GYUR STON PA LA TSIG GIS MA BZLOG PA DANG, DGE BA'I BSHES GNYEN DOR NAS SDIG PA'I GROGS PO'I GAM DU 'GRO BA DANG, NYIN MO NYAL BA DANG, MTSAN MO NYAL BA'I KUN SPYOD 'DUL BA NAS GSUNGS PA DANG MI THUN PAR NYAL BA DUS BZANG LA CHOS MA MNYAN PA DANG, CHOS SMRA BA PO MED PA'I TSE, CHOS TSIGS SU BCAD PA GCIG TZAM YANG MA BRJOD PA DANG, NYIN RE BZHIN DU DGE 'DUN LA TSES GRANGS MA BRJOD PA DANG, LHA'I PHYIR DU MDO LAS GSUNGS PA'I TSIG BCAD GSAL BAR MA BSKUL BA DANG,

LAS DANG SNGAGS KYI TSIG RNAMS TSIG PHYED YAN CHAD KYANG MA 'KHRUL BAR BLOR MA BTON PA RNAMS SO, ,DBYAR GYI GZHI'I SKABS NAS 'BYUNG BA'I NYES BYAS NI, DBYAR SNGA MA YIN NA DBYAR ZLA 'BRING PO DANG, DBYER PHYI MA YIN NA DBYAR ZLA THA CHUNG GI TSES BCO LNGA LA DBYAR GYI SBYOR BA DANG, TSES BCU DRUG LA DBYAR KHAS LEN MA BYAS PA DANG, GNAS DER DBYAR KHAS BLANGS TSE DER GNAS PA'I 'TSO BA DANG MI LDAN PA'AM SROG GAM TSABS SPYOD KYI BAR CHAD DU 'GYUR BA'AM SDIG PA CAN GYI TSIG PHYUNG NA DBYAR DRAL TE GZHAN DU MA PHYIN PA RNAMS SO, ,DGAG DBYE'I SKABS 'BYUNG BA'I NYES BYAS NI, DBYAR ZIN NAS DGAG DBYE MA BYAS PA DANG, SKABS DER 'KHON 'DZIN GYIS TSUR GSHE PA LA BZOD PAR MA GSOL BA DANG, GYA TSOM DU BZOD PAR GSOL BA LEN MI 'DOD PA LA LEN PA'I THABS LA MI 'BAD PA DANG, BZOD GSOL HA CANG SNGAS PA DANG, HA CANG 'PHYIS PA DANG BCAS PA RNAMS SO, ,GOS GZHI NAS 'BYUNG BA'I NYES BYAS NI, CHOS GOS BYIN GYIS MA BRLAB PAR ZHAG 'DAS PA DANG, STAN LA MI GTZANG BAS GOS MA THAG TU BYI DOR MA BYAS PA DANG, DGE 'DUN GYI STAN LA GDING BA MED PAR LONGS SPYOD PA DANG, GANG ZAG GIS STAN MNYAMS PA LA GDING BA MED PAR LONGS SPYAD PA DANG, GDING BA DRI MA CAN GYIS LONGS SPYAD PA DANG, BGOD RDZAS LA GCIG PUS 'DAB MA TZAM YAN CHAD KYI ZAS DANG MAR ME'I SNYING PO'I RAS BAL TZAM YAN CHAD KYI GOS

, ,SNYOMS PAR MA BGOS PA DANG, DGE 'DUN SPYI LA PHUL BA'I DAR RAS GTUBS TSE CHUNG ZA BAR SNA NGAN RI LA BOR MA BTZONGS PA DANG, RNYED PA NOD PAR KHAS BLANGS NAS MA MNOS PAR SBYIN PA BSAB DGOS BA'I TSEM BSAB PA DANG, MA BCOL BAR GZHAN GYI SKAL BA LEN PA DANG, RAB BYUNG SHI BA'I YO BYAD BGO BA NA DE DANG LTA MTSAN MTHUN ZHING GNAS NAS MA DBYUNG BA DAG DER YOD TSE DE LA SKAL BA MA BYIN PA DANG, DE DANG LTA MTSAN MI MTHUN PA DANG, SDOM PA NYAMS PA DANG, BGOD SA DER MED PA LA SKAL PA BYIN PA DANG, TSUL KHRIMS DANG LDAN YANG DGE PHYOGS LAM BRTZON PAS DAD ZAS LA LONGS SPYAD PA DANG, CHOS GOS CHE TSAD KYI TSAL BU'I ZHENG SOR BZHI DANG, CHUNG TSAD KYI ZHENG SOR GSUM DANG, 'BRING LA DE GNYIS KYI BAR STE TSAD DE LAS GZHAN DU BYAS PA DANG, MDOG SHIN TU GSAL BA'I GOS CHU SA 'KHRU BA SOGS KHA DOG NYAMS PAR BYAS TE MA BGOS PA DANG, SA RJEN SAR CHOS GOS GYON PA DANG, CHOS GOS MI GTZANG BA'I SAR BZHAG PA DANG, KHUR 'KHYER BA NA GZHAN YOD BZHIN DU RANG GI CHOS GOS KYI STENG DU KHUR LCI BAS MNAN TE KHUR BA DANG, CHOS GOS STAN DU BTING BA DANG, GNAS KHANG BYI DOR DANG, BSHANG GCI BYED PA LA SOGS PA'I TSE CHOS GOS GYON PA DANG, KHYIM DU 'GRO BA DANG BSOD SNYOMS KYI DUS SNAM SBYAR MA GYON PA DANG, SNAM SBYAR GYI STENG DU NYAL

BA DANG, SNAM SBYAR LA LUS RJEN POS REG PA DANG, GAR BAB TU BZHAG PA DANG, 'GRO BA'I TSE BLA MAR MA ZHUS PA DANG, ZHUS KYANG MA GNANG BAR 'GRO BA DANG, 'GRO BA'I TSE GNAS KHANG MA PHYAGS PA DANG, LAM DU 'GRO BA'I TSE CHOS DANG MI LDAN PA'I LONG GTAM SMRA BZHIN DU 'GRO BA DANG, DKON MCHOG GI DON DU ZHAL BYAS PA DANG PHYAG DAR BYAS PA'I 'JIM PA DANG RDUL SOGS 'GOM PA DANG, 'JIG RTEN PA'I LHA'I GNAS SU PHYIN TSE; SKAR MA RAB RIB MAR ME DANG, ZHES SOGS MDO LAS BYUNG BA'I MI RTAG PA'I TSIGS BCAD MA BRJOD PA DANG, NGAL GSO BA'I GNAS NAS 'GRO BA'I SKABS DANG, CHU BCU PA'I TSE DANG, ZAS ZOS TE GTZANG KHANG DU DANG POR 'JUG PA'I TSE, BYANG CHUB SEMS DPA'I SBYIN PAS YI DVAGS 'GRO BA GCOD, CES SOGS MDO LAS BYUNG BA'I SBYIN PA'I TSIGS BCAD MA BRJOD PA DANG, LAM GYI ZHAG SAR RGYUD CHAGS GSUM PA MA BYAS PA DANG, GTZUG LAG KHANG GI NYE 'KHOR DU BYIN PA'I TSE RKANG LAG BKRUS TE LHAM PHYIS SHING CHOS GOS TSUL BZHIN DU BGOS TE SPYOD LAM ZHI BAS MA ZHUGS PA DANG, GZHAN GYI RDZAS G-YAR TE CHUD ZOS PA NA 'BAD PAS RDZAS BDAG GI SEMS MA GU BAR MA BYAS PA DANG, SPU CAN GYI GOS BYIN GYIS MA RLABS PA DANG, SPU PHYIR BSTAN TE GYON PA DANG, 'TSO BA'I YO BYAD LA RANG GI YIN PA'I 'DU SHES DANG, LHAG PA'I YO BYAD GZHAN GYIS DANG 'KHO BA'I

, ,YO BYAD RANG GZHAN GNYIS KA'I YIN PA'I 'DU SHES MA BZHAG PAR BCANG BA DANG, ZAS BRIM PA'I TSE SNYOMS PAR BRIM ZHES MA BSGOS PA DANG, 'BRIM PA POS RGAN PA'I MTHAR SAM PRA BA TA ZHES MA BRJOD PAR DANG POR ZAS BLANGS PA DANG, SAM PRA BA TA NI MNYAM PAR GYUR CIG CES PA STE ZAS 'GRIM PA POS SNGAGS 'DI RJOD NA ZAS DUG CAN YANG DUG MED PAR 'GYUR ZHES MDO RTZA'I tIKKA LAS BSHAD DO, ,NA BA DANG MI NA PA'I DGE SLONG LA CHOS GOS GZHAN LA SBYIN DU BCUG PA DANG, NAD PA'I CHOS GOS DGE 'DUN NAM GANG ZAG KYANG RUNG DE DANG DER BYIN PA LA NAD SOS TSE SLAR SBYIN PAR BYA'O SNYAM PA'I SEMS MA BZHAG PAR BLANGS PA DANG, SKA RAGS DKRIS GCIG LAS LHAG PAR MA BCANG PAR GRONG DU 'GRO BA RNAMS SO, ,KO PAGS KYI GZHI NAS BYUNG BA'I NYES BYAS NI, YUL MTHA' 'KHOB TU MCHIL LHAM BCANG DGOS TSE MA BCANG BA DANG, RDUL SPRUG PA SOGS KYI TSE MCHIL LHAM SA LA BRDABS PA DANG, 'GRO BA'I TSE GROG GROG ZER BA SOGS SGRA 'BYIN PA DANG, SGEG PA'I RDZAS SU GYUR PA'I GOS DANG GNAS KHANG BSTEN PA DANG, STON PA DANG BLA MA'I DRUNG DU MCHIL LHAM GYON PA SOGS DANG, CHU LA CHAB ROM CHAGS PA'I YUL DU ZHVA LHAM SGRO GU CAN BCANG NAS GRANG LHAG DANG BRAL TSEM BZHAG PA DANG, STAG DANG GUNG LA SOGS PA'I SROG CHAGS SDER MO CAN DANG

MCHE BA CAN GYI KO LPAGS MI RUNG BA BCANG PA DANG, STAN GZHAN YOD BZHIN DU KO PAGS KYI STAN LA 'DUG PA RNAMS SO, ,SMAN GYI GZHI'I SKABS KYI NYES BYAS NI, THUN TSOD DU RUNG BA'I SMAN DANG, JI SRID 'TSO 'CHANG GI SMAN RNAMS BYIN GYIS RLABS DGOS TSE MA BRLAB PA DANG, SMAN KHU DANG MIG SMAN LA SOGS PA RANG GI NAD SOS PA'I TSE SLONG BA PO LAM BYIN PA DANG, DUS RUNG GI SMAN DANG DUS RUNG MA YIN PA'I SMAN 'DRES MAR DUS MA YIN PAR SPYOD DGOS TSE KHYIM PA'I MIG SNGAR SPYOD PA DANG, RMIG PA GCIG PA DANG, SRIN BU DANG, MI SHA ZA BA'I SROG CHAGS DANG, GCAN GZAN RNAMS KYI SHA DANG, BZAR RUNG BA'I SHA YIN YANG RANG LA DMIGS NAS LUG SOGS BSAD PAR SHES SAM MTHONG NGAM DE LTAR THOS PA'AM DOGS PA STE RNAM GSUM MA DAG PA'I SHA RNAMS ZOS PA DANG, SBYIN BDAG GIS RUNG BA'I SHA STABS PA NA SNGAR GYI MI RUNG BA DE DAG YIN NAM ZHES MA DRIS PA DANG; DUS MA YIN PAR RUNG BA'I BTUNG BA DUS RUNG GI ZAS 'DRES PA LA DNGOS SU REG PA MA BSRUNG BA DANG, SGOG SKYA DANG, KUN DONG DANG, KE'U NAD PAS DBEN PAR MA BSTEN PA DANG, SGOG SKYA ZOS NAS ZHAG BDUN DANG; KUN DONG LA ZHAG GSUM, KE'U LA ZHAG GCIG MA LON PAR MCHOD RTEN GYI DRUNG DANG DGE 'DUN GYI KUN DGA' RVA BA DANG, SGOG SKYA'I SMAN BSTEN PA'I 'OG TU YAN LAG MA BKRUS PA DANG, RUNG KHANG RNAM BZHI BSGRUB

, ,DGOS PA'I TSE MA BSGRUB PA DANG, BA LANG BZHOS SHIG KHOL CIG CES PA LTA BU'I MI RIGS PA'I TSIG BRJOD PA DANG, RANG DON DU GRONG DANG ZHING DANG BA GLANG DANG RTA DANG BONG BU SOGS SBYIN BDAG LAS BLANGS TE BCANG PA DANG, RANG DON DU KHA GZAR DANG, TSVA KHUG DANG, SMAN PHOR LAS GZHAN PA'I SNOD BCANG PA DANG, G-YOGS 'KHOR SOGS ZANG ZING GI BLOS BSKYANGS PA DANG, DE LTAR BSKYANGS PA'I 'OG TU GLA RNGAN MI STER BA'AM BDAS PA DANG, BSHANG BA DANG GCI BA DANG CHANG GI BUM PA LA SOGS PA BCANG BA DANG, RNYED BKUR GYI PHYIR DU CHOS NYAN PA LA BSHAD PA DANG, ZAS RKANG BAS BRDZI BA DANG, 'GOM PA DANG, SBYIN BDAG LAS ZAS LEN PA'I TSE 'DI NI STER BA PO DANG BDAG NI LEN PA PO'O SNYAM DU SEMS MA BSKYED PA DANG, G-YENG BZHIN DU ZA BA DANG, CHOS KYI PHYIR DANG LUS GNAS PA'I DON DU MA YIN PAR RGYAGS PA LA SOGS PA'I DON DU ZAS LA LONGS SPYOD PA DANG, ZAS PHAN TSUN BSRES SHING BSLANG NAS ZOS PA DANG, SBYIN BDAG GIS SKYES BU DAM PAR BSAM STE ZAS SBYIN PA RANG GIS SHES BZHIN DU ZA BA DANG, DE 'DRA'I ZAS TSUL KHRIMS NYAMS PA LA BYIN PA DANG, ZAS ZA BA'I SNGON DANG 'JUG TU KHAM RE RE MA BZHAG PA DANG, ZAS KYI BYA BA MA RDZOGS PAR PHYIN PA DANG, GNYUG MAR GNAS PA'I 'BYUNG PO LA CHO GA BZHIN DU DUS DUS SU

GTOR MA MA BYIN PA DANG, SNOD GZHAN YOD BZHIN DU GZHAN DANG SNOD GCIG TU ZOS PA DANG, LHAM MA PHUD PAR ZOS PA DANG, PHUD PA'I STENG NAS 'DUG STE ZOS PA DANG, BLA GOS DANG THANG GOS MA BGOS PAR ZOS PA DANG, NAD PA YIN YANG RUNG LUS KYIS LCOG BZHIN DU DE GNYIS MA BGOS PAR ZOS PA DANG, RANG LA NAD PA DANG, ZAS LA SMAN DANG, LUD SOGS MI GTZANG BA LAS BYUNG BA DANG, 'BRAS CHAN SRIN BU DANG, PHYE SOGS RUS PHYE DANG 'DRA BA DANG, ZOS NAS RNAG KHRAG SOGS SU 'GYUR BA DANG, RTZOD PA 'BYUNG BA'I GZHI DANG, BSHANG GCI SOGS SHIN TU SMAD PA DANG RGYU MTHUN PA DANG; TSEGS CHEN PO LA RAGS LAS PA DANG, LOG PAR ZHU BAS NAD BSKYED PA DANG, LEGS PAR ZHU YANG CHA GCIG LUS KYI MES BSREG, CHA GCIG SRIN BUS ZA, CHA GCIG BZA' BTUNG DU 'GYUR BA'I SO SOR 'GRO BA STE 'DU SHES BCU NYE BAR BZHAG NAS MA SPYAD PA DANG, KHA NANG DU HUB SGRA DANG BCAS PAR ZOS PA DANG, SBYIN BDAG GIS ZAS ZOS RJES SBYIN PA'I PHAN YON BRJOD PA'I CHOS BSHAD MA BYAS PA DANG, DGE RTZA BSNGO ZHING SMON LAM 'DEBS PA'I CHOS BSHAD MA BYAS PA DANG, KLU'I RGYAL PO DGA' BO DANG NYER DGA' BO GNYIS KYI MING NAS POS TE SMON LAM MA BYAS PA DANG, BYI DOR BYAS PA'I GTZANG SAR MCHIL MA 'DOR BA

, ,DANG; SNAB 'BUD BA MCHIL MA 'DOR BA LUD PA LU BA'I SGRA RNAMS BZA' BTUNG GI SA DANG, DKON MCHOG GI RTEN GYI DRUNG DANG, BLA MA DANG GNAS BRTAN GYI MDUN DU BYED PA DANG, GAL TE SGRA DE DAG 'GOG MA NUS TSE DBEN PAR SONG STE SGRA MA BYAS PA DANG, GNYID KYI TSE RDUR SGRA DANG BCAS PAR NYAL BA LA SOGS PA KUN SPYOD MI MDZES PA RNAMS MA SPANGS PA DANG, 'OG RLUNG SGRA DANG BCAS PAR BTANG BA DANG, BLA MA DANG DKON MCHOG GI RTEN GYI DRUNG DU TSUL DE LTAR MA BSDAMS PA DANG, GZHAN GYI MDUN DU YANG MA 'DZEM PA DANG, RTEN DRUNG DANG LAM DU BSHANG GCI BYAS PA DANG, KHRUS CHU SOGS 'PHO BA'I STOR KHUNG DANG, BSHANG GCI 'DOR BA'I CHAB KHUNG GNAS KHANG DANG 'BREL BAR BYED PA'I TSE GNAS KHANG GI SGO SHAR DU BYAS PA'I SHAR DANG, SHAR LHO GANG RUNG DU BYAS PA DANG, STOR KHUNG SONG NAS 'OG TU DOR BA GZHAN GYIS MTHONG BAR BYAS PA DANG, BSHANG GCI'I KHANG BAR 'JUG 'DOD PA 'GOG PA DANG, ZHUGS PA'I GANG ZAG GI MGUL GSAL BA SOGS KYI SGRA MA BYAS PA RNAMS SO, ,LAS KYI GZHI'I SKABS NAS 'BYUNG BA'I NYES BYAS NI, DBEN SAR RANG DANG 'KHON YOD PA'I MI DANG LHAN CIG 'DUG GAM 'GRENG BA DANG, DBANG MED DU LHAN CIG 'DUG DGOS TSE LUS KYIS BCAR NAS GNAS PA DANG, GNAS SBYIN PA POS GNAS KHANG SBYIN PA NA MI MTHUN PA GNYIS

LA GNAS KHANG GZHAN GYIS BAR MA BCAD PA SBYIN PA DANG, DE GNYIS KYIS KYANG DE LTAR BLANGS PA DANG, SNGON BKA' BSDU GNYIS PA'I SKABS SU MI RUNG BA'I GZHI BCU BYUNG BA LTA BU SANGS RGYAS KYIS GSUNGS PA'I CHOS DANG 'DUL BA DANG MI MTHUN PA'I LUGS SROL NGAN PA GSAR DU BYUNG BA DANG, DGE 'DUN LA MI BDE BA DANG, YAMS DANG SER BA DANG, CHOM RKUN DANG, DMAG LA SOGS PA PHYI ROL GYI BKRA MI SHIS PA BYUNG BA NA BKRA SHIS GSO SBYONG MA BYAS PA DANG, DGE 'DUN NANG MI MTHUN PA'I DBYEN DANG 'KHRUG LONG BYUNG BA ZHI BA'I TSE 'DUM PA'I GSO SBYONG MA BYAS PA DANG, RIMS NYIN BZHI PA SOGS BYUNG BA NA GNOD PA BZLOG PA'I GSO SBYONG MA BYAS PA RNAMS SO, ,GNAS MAL GYI GZHI LAS BYUNG BA'I NYES BYAS NI, PHYAG 'TSAL BA'I YUL TE SDOM PA MA SKYES PA DANG, SDOM PA NYAMS PA DANG, DGE 'DUN GYI DBYEN BYUNG STE CHOS MA YIN PA'I PHYOGS SU GNAS PA DANG, MAL SOGS SU NYAL BA DANG, TING NGE 'DZIN LA SNYOMS PAR ZHUGS PA DANG, BYA BAS BREL BA DANG, SEMS G-YENGS PA DANG, RANG LA RGYAB BSTAN PA DANG, BZA' BTUNG GI BYIN LEN BLANGS TE 'DUG PA DANG, BZA' BTUNG LONGS SPYOD BZHIN PA DANG, GCER BUR GNAS PA DANG, GOS GCIG KHO NAS GNAS PA DANG, MUN PAR GNAS PA DANG, SPO MGU SPYOD PA SOGS SA GZHAN NYER LNGA GANG RUNG GI SKABS SU GNAS DE DAG GANG YANG RUNG BA

, ,LA PHYAG 'TSAL BA DANG, GZHAN ZAS KYIS SPAGS PA DANG, GOS GCIG PA DANG, GCER BUR GNAS PAS RANG LA PHYAG BYED PA DANG, RANG NYID DE LTAR GNAS PA'I TSE GZHAN GYIS PHYAG BYAS PA BDAG GIR BYAS PA DANG, PHYAG BYA 'OS SU GYUR PA MUN PAR GNAS PA LA BDAG GIS PHYAG 'TSAL LO ZHES MA BRJOD PA DANG, RANG LA PHYAG BYED PAR 'OS PA'I GANG ZAG GIS RANG LA PHYAG 'TSAL BA NA AA ROG KHYA ZHES MA BRJOD PA DANG, PHA ROL DE LTAR PHYAG GIS 'OS MIN YANG SNGON PHYAG GI GNAS SU GYUR PA DE LTA BU LA PHYAG 'TSAL BA'I TSE SNGON GYI GNAS SKABS DER MNGON SUM DU STAN PAR MA BYAS PA DANG, DGE SLONG RGAN ZHUGS DANG, KHYIM PA LA SPRID PA BYUNG NA SOS PAR GYUR CIG CES PA DANG, GSAR BU LA SPRID PA BYUNG NA AA ROG KHYA ZHES PA DANG, RANG GI PHYAG BYA BA'I 'OS DANG RANG LA SPRID BYUNG TSE PHYAG 'TSAL LO ZHES MA BRJOD PA DANG, RANG LAS GRIB MA SOR GANG YAN CHAD KYI BSNYEN PAR RDZOGS SNGA BA'I DGE SLONG LA PHYAG DANG SNGON DU LDANG PA SOGS GUS PA'I LAS BYAS PA DANG, STON PA LA BCOM LDAN 'DAS ZHES PA LTA BU MA BRJOD PAR MTSAN NAS BRJOD PA DANG, DGE SLONG RNAMS LA GNAS BRTAN NAM BTZUN PA ZHES MA BRJOD PAR MTSAN RKYANG BA NAS BRJOD PA DANG, GTZUG LAG KHANG DANG GNAS KHANG 'CHOS DGOS TSE MA BCOS PAR YAL BAR 'DOR BA DANG, GSAR BU BAS BLA MA LA

CHOS NYAN PA'I TSE BSNYUN MA DRIS PAR NYAN PA DANG, NYAN PA'I TSE THAL MO BSNOL TE 'DUD PA DANG BCAS PAR MA BYAS PA LA SOGS PA MA GUS PA'I SPYOD LAM MA SPANGS PA DANG, SKU GZUGS KYI RI MO YOD PA'I GNAS KHANG DU DU BAM SPANGS PA DANG, GNAS KHANG DU CHUS CHAG CHAG NGANG PHYAG BDAR MA BYAS PA DANG, LUS LA RDUL GYIS GOS PA MA SPRUGS PA DANG, MAL STAN RDUL GYIS GOS PA MA SPRUGS PA DANG, KHRI DANG MAL GZHAN YOD BZHIN DU DGE SLONG DU MA KHRI STAN GCIG TU NYAL BA DANG, ROL MO MKHAN DANG SMAD 'TSONG DANG, RGYAL PO'I PHO BRANG DU CI DGAR ZHUGS PA DANG, GZHAN LA GNOD PA'I NGAN SNGAGS 'DZIN PA DANG, MCHOD RTEN SOGS LA 'DZEG DGOS TSE DUS DRAN TE RKANG BA DRIS BSKUS PA'AM RAS GSAR BA SOGS KYIS MA DKRIS BAR 'DZEGS PA STE GNAS MAL GYI GZHI'I SKABS KYI NYES BYAS RNAMS SO, ,LUR GZHI NAS GSUNGS PA 'DI DAG KYANG SPYAN SNGA BLO GROS RGYAL MTSAN PAS BSLAB BYA GZHAN PHAN SNYING POR GSUNGS PA LTAR CHE LONG TZAM ZHIG MDOR BSDUS TE BKOD PA YIN GYI ZHIB TU NI RJE 'DUL BA 'DZIN PA'I BSLAB BYA CHEN MO LAS SHES PAR BYA'O, ,MI MTHUN PA'I PHYOGS NGO SHES PA'I SGO NAS BSRUNG BA'I TSUL BSHAD ZIN TO, ,GSUM PA BSLAB PA YONGS SU SBYONG BA'I SGO NAS BSRUNG BA NI, GSO SBYONG DANG, DBYAR GNAS PAR KHAS LEN PA DANG, DGAG DBYE

, ,GSUM GYIS RANG RGYUD KYI TSUL KHRIMS KYI BSLAB PA'I MI MTHUN PHYOGS NYES PA'I DRI MA RNAMS SBYONG BA'O, ,BZHI PA DE BAR GNAS PA'I RKYEN BSTEN PA'I SGO NAS BSRUNG BA NI, 'TSO BA'I YO BYAD BCU GSUM DANG, MKHO BA'I YO BYAD SOGS GOS MTHA' GNYIS SU MA LHUNGS PA DANG, SMAN BZHI SOGS ZAS BZA' GNYIS SU MA LHUNGS PA DANG, GNAS KHANG BRAG PHUG SPYIL BU SOGS GNAS MAL MTHA' GNYIS SU MA LHUNGS PA STE, DE DAG KYANG 'DUL BA NAS GSUNGS PA LTAR SPYOD PA'O, ,LNGA PA RANG GI BSAM SBYOR RNAM PAR DAG PAS BSRUNG TSUL NI, TSUL KHRIMS BSRUNGS PA'I PHAN YON MA BSRUNGS PA'I NYES DMIGS YANG YANG BSAMS NAS NGO TSA SHES PA KHREL YOD PA DRAN SHES BAG YOD SOGS KYIS TSUL KHRIMS LA GCES SPRAS BYED PA'O, ,GSUM PA NYAMS PA PHYIR BCOS PA'I THABS NI, PHAM PA 'CHAB MED DANG, LHAG MA'I SBOM PO NI DGE 'DUN GYI MDUN DU BSHAGS, LHAG MA'I PHYIR BCOS NI ZHAG GRANGS CI TZAM BCAB PA'I GRANGS KYI SBE PA SPYAD, 'DIR SPO BA NI, RANG GI GRAL GYI 'OG TU SPO BA'O, ,DE'I RJES MGU BA ZHAG DRUG SPYAD;; MGU BA NI DGE 'DUN THUGS MA GU BA'O, ,MTHAR DGE SLONG NYI SHU 'DUS TE GSOL BA'I LAS BYAS TE BSHAGS SO, ,SPANG LTUNG PHYIR BCOS NI, 'BRAL SPANG BYUNG BA'I GOS DGE SLONG GZHAN ZHIG GI SAR ZHAG GCIG

SPANGS LA BSHAGS PA BYA, LTUNG BYED 'BA' ZHIG PA NI GANG ZAG GCIG GI MDUN DU BSHAGS SO, ,NYES BYAS NI YID KYIS BSDAMS PAS BDAG GO, DE'I RJES SU DNGOS GZHI'I BSHAGS PA BYA'O, ` ,RTZA BA'I SA BCAD BZHI PA SDOM PA'I ZHAG SKYE BA'I RTEN BSHAD PA NI, ,DE LTAR SO THAR RIGS BRGYAD PO, ,SGRA MI SNYAN PA MA GTOGS PA'I, ,GLING GSUM SKYES PA BUD MED KYI, ,STEN LA SKYE LA ZA MA DANG, MA NING MTSAN GNYIS SOGS LA MIN,, ZHES GSUNGS TE, DE LTAR BSHAD MA THAG PA'I SO THAR GYI SDOM PA RIGS BRGYAD PO DE MI MA YIN PA'I 'GRO BA LTA CI SMOS MI'I 'GRO BA LA YANG SGRA MI SNYAN PA RNAMS SDOM PA 'DI SKYE BA'I RTEN DU MA GTOGS SHING DE MA YIN PA'I 'DZAM BU GLING DANG LUS 'PHAGS PO DANG BA GLANG SPYOD DE GLING GSUM SKYES PA DANG BUD MED KYI RTEN LA SKYE YI, GRONG BA'I CHOS KYI NUS PA MED PA'I ZA MA DANG MA NING MTSAN GNYIS PA DANG, SOGS KYI SGRAS BSDUS PA ZLA PHYED MA NING DANG 'KHYUD PA MA NING DANG PHRAG DOG MA NING DANG NAD KYIS DBANG PO NYAMS PA RNAMS LA SKYE BA MIN NO, ,LNGA PA SDOM PA GTONG BA'I TSAD LA GNYIS, RANG LUGS KYI SDOM PA'I GTONG RGYU DANG, SDE BA GZHAN GYI 'DOD PA BKOD PA'O, ,DANG PO LA GNYIS, SO THAR RIGS BRGYAD PO THAMS CAD KYI THUN MONG GI GTONG RGYU DANG, DGE SLONG DANG, DGE SLOB MA DANG, BSNYEN GNAS KYI SDOM PA SO SO'I THUN MONG MA YIN PA'I GTONG RGYU BSHAD

, ,PA'O; ;DANG PO THUN MONG GI GTONG RGYU NI, SDOM PA GTONG BA'I RGYU LA GNYIS, BSLAB PA PHUL DANG SHI 'PHOS DANG, ,MTSAN GNYIS BYUNG DANG LAN SUM 'GYUR, ,DGE RTZA CHAD RNAMS THUN MONG NGO, ,ZHES GSUNGS TE, SO THAR RIGS BRGYAD PO GANG YIN YANG RUNG MKHAN SLOB KYI DRUNG DU KHAS BLANGS PA'I BSLAB PA STE SDOM PA PHUL BA DAG DANG, SHI 'PHOS PA DANG, PHO MO'I MTSAN MA GCIG CHAR DU BYUNG BA DANG, MTSAN LAN GSUM DU 'GYUR BA DANG, SKYABS 'GRO LAS 'BRAS SOGS MED PAR 'DZIN PA'I LOG LTA SKYES TE DGE BA'I RTZA BA CHAD PA RNAMS LAS GANG YANG RUNG BYUNG NA SDOM PA DE DAG GTONG BAR 'GYUR BAS THAMS CAD KYI GTONG RGYU THUN MONG BA YIN NO, ,GNYIS PA THUN MONG MA YIN PA'I GTONG RGYU NI, NYI SHU MA LON DER SHES DANG, ,BSTEN PHYIR KHAS BLANGS NYIN ZHAG 'DAS, ,RIM BZHIN DGE SLONG DGE SLOB MA, ,BSNYEN GNAS RNAMS KYI THUN MONG MIN, ,ZHES GSUNGS TE, LO NYI SHU MA LON PAR BSNYEN PAR RDZOGS PA'I GONG DU RANG NYID NYI SHU MA LON PAR SHES PA DANG, SKYES BA GZHAN DANG 'KHRIG PA BSTEN PAR KHAS BLANGS PA DANG, SDOM PA BLANGS TE NYIN ZHAG 'DAS PA GSUM PO RIM BZHIN DU SBYAR TE DANG PO DGE SLONG GI SDOM PA'I GTONG RGYU THUN MONG MIN PA DANG, GNYIS PA DGE SLOB MA'I SDOM PA'I GTONG RGYU THUN MONG MA YIN PA DANG, GSUM PA

BSNYEN GNAS KYI SDOM PA'I GTONG RGYU THUN MONG MIN PA'O, ,GNYIS PA SDE BA GZHAN GNYIS KYI 'DOD PA BKOD PA NI, RTZA BA'I LTUNG BA BYUNG BA DANG, DAM PA'I CHOS NI NUB PA LAS, ,SDOM PA GTONG ZHES 'DOD PA'ANG YOD, ,KHA CHE BYE BRAG SMRA BA RNAMS, ,SDOM LDAN RTZA LTUNG BYUNG BA LA, ,BU LON NOR CAN BZHIN DU 'DOD, ,ZHES GSUNGS TE, MDO SDE BA RNAMS NI, RTZA BA'I BZHI PO GANG RUNG BYUNG BA NA SDOM PA GTONG ZHES 'DOD CING; BYE BRAG SMRA BA'I NANG TSAN GOS DMAR PA'I SDE BA RNAMS 'JIG RTEN DU LUNG GI DAM CHOS NUB PA NA SDOM PA GTONG ZHES 'DOD LA, KHA CHE BYE BRAG SMRA BA RNAMS GANG ZAG GCIG LA MA BYIN LEN LTA BU'I RTZA LTUNG BYUNG BA NA GANG ZAG DE LA DE'I CHA NAS SDOM PA NYAMS PA DANG RTZA LTUNG GZHAN GSUM MA BYUNG BAS SDOM PA DANG LDAN PAR 'DOD DE, DPER NA RANG LA NOR YOD PA'I GANG ZAG GIS GZHAN LAS BU LON BLANGS PA NA, GANG ZAG TE NOR CAN DANG BU LEN CAN GNYI GA YIN PA BZHIN NO, ZHES 'DOD DO, ,DRUG PA PHAN YON NI, SDOM PA DE DAG BSRUNGS BA LAS, GNAS SKABS 'BRAS BU LHA MI DANG, ,MTHAR THUG 'BRAS BU BYANG CHUB GSUM, ,THOB PAR 'GYUR ZHES GSUNGS PA'I PHYIR, ,SDOM BRTZON RNAMS KYIS SO SOR THOR, ,RTAG TU GUS PAS 'BAD DE SRUNGS, ,ZHES GSUNGS TE, GONG DU JI SKAD BSHAD PA'I BSNYEN GNAS DANG, DGE BSNYEN PHA MA DANG, DGE TSUL PHA MA DANG, DGE SLOB MA DANG,

, ,DGE SLONG PHA MA'I SDOM PA STE, SO SOR THAR PA'I SDOM PA RIGS BRGYAD PO DE DAG BSRUNGS PA LAS, GNAS SKABS KYI 'BRAS BU LHA DANG MI'I NANG DU SKYES NAS MNGON MTHO'I DPAL PHUN SUM TSOGS PA LA YUN RING POR LONG SPYOD PA DANG, MTHAR THUG GI 'BRAS BU NYAN THOS KYI BYANG CHUB DANG, RANG SANGS RGYAS KYI BYANG CHUB DANG, BLA NA MED PA'I SANGS RGYAS KYI BYANG CHUB GSUM PO GANG DON DU GNYER BA DE BDE BLAG TU THOB PAR 'GYUR ZHES SANGS RGYAS BCOM LDAN 'DAS BDEN PA GSUNGS PA DES LAN GCIG MA YIN PAR GSUNGS PA'I PHYIR, SDOM PA BSRUNG BA LA BRTZON PA RNAMS KYIS DUS RTAG TU PHAN YON DE DAG DANG LDAN PA'I LHAG PA TSUL KHRIMS KYI BSLAB PA RIN PO CHE LA GUS PA CHEN PO'I SGO NAS 'BAD DE SRUNGS SHIG CES BSKUL BA'O, ,'DIR PHAN YON MDOR BSDUS NAS GSUNGS PA STE, RGYAS PAR NI 'DUL BA LUNG LAS PHAN YON BCU GSUNGS TE, SANGS RGYAS KYIS BSTOD CING LTA RNAMS DANG RANG GI GROGS DANG GNYEN BSHES RNAMS KYIS BSTOD PAR 'GYUR ZHING RANG NYID KYANG NANG DU DGA' BA 'PHEL BAR 'GYUR LA CHOS NYID KYIS KYANG BSTOD PA'I 'OS SU 'GYUR BA DANG, SNYAN PA'I GRAGS PAS PHYOGS KUN DU KHYAB PA DANG, DGE BA'I BSHES GNYEN DAG LA DAM PA'I CHOS MANG DU THOS PA'I TSIG DON RNAMS MI BRJED PA DANG, SA DANG LAM GYI RTOGS

PA RNAMS BDE BLAG TU SKYE BAR 'GYUR BA DANG, 'CHI BA'I TSE DGA' BZHIN DU 'CHI ZHING BDE 'GROR SKYE BA DANG, GNYID DU SONG BA NA RMI LAM NGAN PA MI MTHONG SHING BDE BAR SAD PAR 'GYUR BA DANG, DUS RTAG TU DKAR PHYOGS KYI LHA RNAMS DGA' BAS BSRUNG BAR 'GYUR BA DANG, SKYES BU DAM PA RNAMS KYI DRUNG DU 'DUG PA'I TSE BAG MI TSA BA DANG, MI DANG MI MA YIN PA DAG GI GLAGS PA LTA BAR MI NUS PA DANG, LONGS SPYOD TSEGS MED PAR RNYED PA DANG, 'DOD PA'I DON LA SMON PA RNAMS YID BZHIN DU 'GRUB PAR 'GYUR BA RNAMS SO, ,BSRUNGS PA'I PHAN YON DE LTAR YOD PAR MA ZAD, MA BSRUNGS PA'I NYES DMIGS KYANG BSHAD MA THAG PA DE DAG GI BZLOG PHYOGS RNAMS DANG KHYAD PAR TU SANGS RGYAS KYI BCAS PA PHRA MA RI LA YANG 'DI LA SKYON CI YOD SNYAM DU BCAS 'TSAMS LAS 'DAS PAR BYED NA RNAM SMIN MI BZAD PA NYAMS SU MYONG DGOS PA NI DPER NA SANGS RGYAS 'OD SRUNG GI BSTAN PA LA ZHUGS PA'I DGE SLONG ZHIG GIS RANG NYID GNAS SA'I PHUG PA'I SGO 'GRAM NA SHING SDONG CHUNG NGU ZHIG SKYES YOD PA DE LA SGO PHYI NANG DU 'BYUNG 'JUG GI TSE CHOS GOS KYI GRVA YANG YANG THOG PAS DGE SLONG DES 'DI BCAD PAS NYES PA CI YOD CES SMRAS SHING BCAD PAS, LAS DE'I RNAM PAR SMIN PAS SKYE BA PHYI MAR SPYI BOR SHING AE LA'I 'DAB MA SKYES PA'I KLU ZHIG GI SKYE BA BLANGS TE GNAS

, ,TSE SHING DE RLUNG GIS BSKYOD PA NA KLANG BA ZUG GZOR MI BZOD BYUNG BAS SDUG BSNGAL DRAG PO YUN RING GI BAR DU MYONG BAR 'DUL BA LUNG LAS GSUNGS PA LTAR TE, JI SKAD DU, THUB PA'I BKA' LUNG TSUL MIN 'DA' BYED PA, ,DUD 'GROR 'GRO 'GYUR AE LA'I 'DAB KLU BZHIN, ZHES GSUNGS PA'I PHYIR RO, ,KHYAD PAR DU PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS MDZAD PA'I TSUL KHRIMS BSRUNG BA'I MAN NGAG LA YANG YANG BLTA BAR BYA ZHING, RANG NYID 'PHRAL DANG PHUGS SU LEGS PAR 'DOD PA DAG GIS NI SKYES BU DAM PA BSTEN NAS SPYIR BSTAN PA'I GO RIM LA BSLAB PA DANG, KHYAD PAR DAM PA'I CHOS 'DUL BA LA LEGS PAR BSLAB STE BSRUNG SDOM TSUL BZHIN DU BYA BA LA 'BAD PAR BYA'O, ,GSUM PA BRTZAMS PA MTHAR PHYIN PA'I TSUL LA GNYIS, BSTAN BCOS BRTZAMS PA'I DGE BA BSNGO BA DANG, MDZAD PA PO GANG GIS SBYAR BA'I TSUL LO, ,DANG PO NI, DGE DES SKYE GANG LUS CAN RNAMS, ,RTAG TU TSANGS SPYOD LA GNAS SHOG ,CES GSUNGS TE, SO SOR THAR PA'I SDOM PA GTAN LA 'BEB PA'I BSTAN BCOS 'DI LEGS PAR SBYAR BA'I DGE BA'I MTHU DES, JI SRID 'KHOR BA'I GNAS 'DIR LAS NYON GYI DBANG GIS SKYES PAR 'GYUR BA'I GNAS SKABS THAMS CAD DU LUS CAN 'DI RNAMS RTAG TU SGO GSUM TSUL KHRIMS 'CHAL BA'I RNYOG PA THAMS CAD

DANG BRAL BA'I TSANGS SPYOD KYI SDOM PA MCHOG SO SOR THAR PA'I BRTUL ZHUGS RMAD DU BYUNG BA DUS GSUM GYI SANGS RGYAS SRAS DANG BCAS PA THAMS CAD KYIS BSNGAGS PA'I GNAS SU GYUR PA DE NYID LA YANG DAG PAR GNAS PAR GYUR CIG ,CES RJE THAMS CAD MKHYEN PA DE NYID GYIS THUGS LA RING MO ZHIG NAS BRNAGS PA'I DON DE LA SMON LAM MDZAD PA'O, ,GNYIS PA MDZAD PA PO NI, CES SO SOR THAR PA'I SDOM PA GTAN LA DBAB PA 'DUL BA RGYA MTSO'I SNYING PO BSDUS PA ZHES BYA BA 'DI NI YUL GANGS CAN GYI MTHAR SKYES PA'I SNYAN DNGAGS MKHAN SHAR TZONG KHA BA BLO BZANG GRAGS PA'I DPAL GYIS SBYAR BA'O, ,ZHES GSUNGS TE, YUL GANGS CAN NI DBUS GTZANG MNGA' RIS DANG BCAS PA'I YUL TE 'DI DAG GI MTHA' GANGS RIS BSKOR NAS GNAS PAS SO, ,DE'I MTHA' NI MDO KHAMS STOD SMAD KYI YUL GNYIS LAS 'DIR MDO KHAMS SMAD KYI SA'I CHA'O, ,SNYAN DNGAGS MKHAN NI TSIG RGYAN GYI BSTAN BCOS SNYAN DNGAGS ME LONG LAS BYUNG BA LTAR SGRA RGYAN DANG GAB TSIG GI RGYAN RNAMS KYIS SBYOR TSUL LA MKHAS PA LA SNYAN DNGAGS MKHAN ZHES BYA LA, 'DIR NI SNYAN DNGAGS THAMS CAD KYI SPYI LA KHYAB PA RANG BZHIN BRJOD PA'I RGYAN GTZO BOR MDZAD CING, DER MA ZAD GZHUNG GONG 'OG GO RIM MDOR BSTAN RGYAS BSHAD RNAM DBYE DANG TSIG PHRAD KYI NUS PA 'DON LUGS TSIG RKANG SO SO NAS SDE BAS LEGS SHING RNA BAR SNYAN

, ,LA YID DU 'BAB BA TSIG NYUNG LA DON RGYAS PA 'DI LTA BU'I TZOM PA MDZAD PAS RJE RANG NYID KYANG THUGS MGU STE CHED DU BRJOD PA'O, ,TZONG CHU ZHES PA'I CHU KLUNG GI 'GRAM DU GNAS PAS TZONG KHA BA ZHES BYA'O, ,SBYAR BA NI SNGAR BSHAD PA LTAR TSIG GIS SBYOR BA PHUN SUM TSOGS PA'I DON TO, ,SMRAS PA, SDE BZHI'I CHU GTER CHE LAS LEGS 'ONGS PA'I, ,LEGS BSHAD RIN CHEN PHRENG BA'I DO SHAL 'DIS, ,BLO GSAL RNAMS DBYE BA'I MGRIN MDZES SHING, ,GTAN BDE BSAM PA'I RE BA BSKONG GYUR CIG ,BDAG CAG DENG NAS TSE RABS THAMS CAD DU, ,BSHES GNYEN DAM PA'I DED DPON LA BSTEN NAS, ,'DUL BA RGYA MTSO'I GZHUNG GI MTHAR SON TE, ,BSLAB GSUM NOR BU'I MDZOD LA DBANG 'BYOR SHOG, DE LTAR BSGRUB PA'I GNAS SKABS THAMS CAD DU, ,DBUL BA KUN SEL RGYAL CHEN 'KHOR BCAS KYIS, ,NYIN MTSAN DUS DRUG 'BRAL MED LEGS BSRUNGS TE, ,DNGOS GRUB RIN CHEN MDZOD KYI CHAR PHOBS SHIG (,CES 'DUL BA RGYA MTSO'I SNYING PO BSDUS PA'I TSIG 'GREL RIN PO CHE'I PHRENG BA CES BYA BA 'DI NI, DAD BRTZON SHES RAB PHUN SUM TSOGS PA RAB 'BYAMS PA DKON MCHOG BRTZON 'GRUS SOGS DON GNYER BA DU MAS NAN TAN DU BSKUL BA'I NGOR, ^ DUS GSUM SANGS RGYAS THAMS CAD KYI NGO BO RIGS KUN KHYAB BDAG BDAG GIS MKHAN PO RIN PO CHE RJE BTZUN DKON MCHOG 'JIGS MED DBANG PO YAB SRAS RNAMS KYI ZHABS RDUL SPYI BOR BSTEN PA RGYAL MKHAN PO GRAGS PA RGYAL MTSAN GYIS DAM PA GONG MA RNAMS KYI GSUNGS LAS BSDUS TE, GNYAN CHEN SKU BLA'I LHA ZHOL DBEN GNAS DGUNG LDAN RAB RGYAS GLING DU BKOD PA'I YI GE PA NI DGE TSUL BLO BZANG DAR RGYAS SO,,)