Opening the Eyes of the Fortunate: A Classical Commentary which Clarifies, Totally, the Suchness of Profound Emptiness

, ,ZAB MO STONG PA NYID KYI DE KHO NA NYID RAB TU GSAL BAR BYED PA'I BSTAN BCOS SKAL BZANG MIG 'BYED CES BYA BA BZHUGS SO, ,

[DD1] !, (,RJE RIN PO CHE THAMS CAD MKHYEN PA BLO BZANG GRAGS PA'I DPAL LAN MO, ,) #, ,ZAB MO STONG PA NYID KYI DE KHO NA NYID RAB TU GSAL BAR BYED PA'I BSTAN BCOS SKAL BZANG MIG 'BYED CES BYA BA, RGYAL BA KUN GYI SRAS KYI THU BO RJE BTZUN 'JAM PA'I DBYANGS DANG GNYIS SU MA MCHIS PA'I DPAL LDAN BLA MA DAM PA DMIGS PA MED PA'I THUGS RJE CHEN PO DANG LDAN PA DE'I ZHABS LA GUS PA CHEN POS PHYAG 'TSAL LO, ,GANG ZHIG STONG NYID ZAB MO'I RNGA SGRA DBYAR DUS KYI NI SPRIN GYI DBYANGS, ,RTEN CING 'BREL 'BYUNG NAM MKHA'I SGO LAS RGYUN CHAD MED PAR SGROGS PA YIS, ,BDAG TU LTA BA'I TSA GDUNG KUN SEL CHU CHAR DUS SU 'BEBS MKHAS PA, ,ZLA MED STON PA SNYING RJE'I CHU 'DZIN G-YO BA DE LA PHYAG 'TSAL LO; ;RGYAL BA KUN GYI CHOS KYI MDUN SA CHE, ,GRANGS MED SEMS DPA'I DBUS SU ZAB MO'I GTAM, ,SENG GE'I SGRA DBYANGS SGROG LA ZLA MED PA, ,'JAM DBYANGS MKHYEN PA'I GTER GYIS BDAG SKYONGS SHIG ,THUB DBANG BSTAN PA'I SNYING PO STONG PA NYID, ,TSUL BZHIN 'GREL LA RGYAL BA GNYIS PAR NI, ,RGYAL BAS LUNG BSTAN 'PHAGS MCHOG KLU SGRUB ZHABS, ,SRAS DANG BCAS LA SNYING NAS BDAG PHYAG 'TSAL, ,SMRA BA'I [DD2] !, (,MKHAS GRUB CHOS KYI RGYAL PO ZHABS LA GUS PAR PHYAG 'TSAL LO,,)

, ,KHYU MCHOG KHYOD LA MNGON SUM DU, ,'JAM PA'I DBYANGS KYIS RGYAL BA'I CHOS CHUL KUN, ,LAGS PAR 'DOMS MDZAD SA GSUM 'GRO BA'I MIG ,MTSUNGS MED BLA MA DE LA MGOS PHYAG 'TSAL, ,'DI NA GANG DAG MANG DU THOS DANG TING 'DZIN LHUR LEN ZAB MO'I BZLAS BRJOD LA BRTZON PA, ,DE DAG KUN KYANG RANG NYID 'CHING BYED 'KHOR BA'I RTZA BA GANG NA 'DUG PA MA SHES NAS, ,BDAG TU 'DZIN PA'I LJON SHING RGYA CHEN SLAR ZHING 'PHEL BAS NGAL BA DON MED 'GYUR MTHONG STE, ,'DI DAG RNAMS LA BRTZE BA'I BSAM PAS ZAB MO'I LAM 'DI BLA MA'I DRIN LAS 'DIR BSHAD BYA, ,DE YANG, SHES LDAN GANG DAG RANG DANG GZHAN GYI DON CHEN PO'I GNAS LA DPYOD PA ZHUGS NAS, SROG 'DI JI SRID 'TSO BA DE SRID KYI BDE BA BSGRUB PA DANG, SDUG BSNGAL SEL BA'I THABS TZAM GYIS CHOG PAR MI 'DZIN PAR, 'JIG RTEN PHYI MA PHAN CHAD KYI GONG MA'I KHYAD PAR TSOL BA RNAMS KYI 'JUG DOGS NI, 'JIG RTEN THAMS CAD KYI MA 'DRIS PA'I MDZA' BSHES CHEN PO SANGS RGYAS BCOM LDAN 'DAS ZHES SNYAN PA'I BDAN SA GSUM NA G-YO BA DE'I BSTAN PA KHO NA YIN TE, JI SKAD DU, SPEL BAR BSTONG PA LAS, GTING MTHA' MED PA'I 'KHOR BA NI, ,RGYA MTSO'I NANG NA RNAM PAR GNAS, ,'DOD CHAGS LA SOGS MI ZAD PA'I, ,CHU SRIN GYIS NI LUS ZOS PAS, ,DE RING GANG LA SKYABS SU MCHI, ,GANG LA NYES PA THAMS CAD KUN, ,GTAN NAS YONG YE MI MNGA' ZHING, ,GANG ZHIG LA NI YON TAN KUN, ,RNAM PA KUN TU GNAS GYUR PA, ,GAL TE SEMS SHIG YOD NA NI, ,DE NYID LA NI SKYABS 'GRO ZHING, ,DE BSTOD DE NI BKUR BA DANG, ,DE

YI BSTAN LA GNAS PA'I RIGS, ZHES 'BYUNG BA LTAR RO, ,STON PA'I BSTAN BA LA YANG ZAB MO 'GREL BAR RGYAL BA RANG NYID KYIS YANG DANG YANG DU LUNG BSTAN PA'I TSAD MAR GYUR PA'I SKYES BU NI DPAL MGON 'PHAGS BA KLU SGRUB NYID YIN TE, JI SKAD DU, LANG KAR GSHEGS PA LAS, LHO PHYOGS BI TA'I YUL DU NI, , DGE SLONG DPAL LDAN ZHES GRAGS PA, ,DE MID KLU ZHES BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ZHES DANG, MDO SDE SBRIN CHEN PO LAS, GZHON NU 'DI NGA MYA NGAN LAS 'DAS NAS LO BZHI BRGYA LON PA NI, KLU ZHES BYA BA'I DGE SLONG DU GYUR NAS, NGA YI BSTAN PA RGYAS PAR BYAS TE, MTHAR GYIS DANG BA'I 'OD CES BYA BA'I 'JIG RTEN GYI KHAMS SU, DE BZHIN GSHEGS PA YE SHES 'BYUNG GNAS 'OD CES BYA BA'I RGYAL BAR 'GYUR RO, ZHES GSUNGS SHING, 'JAM DPAL GYI RTZA BA'I RTOG BA LAS KYANG, 'BYUNG BA'I DUS DANG MTSAN DE DANG 'DRA ZHING, LO DRUG BRGYA BZHUGS PAR BSHAD DO, ,RNGA BO CHE'I MDO LAS KYANG, LI TZA BYI GZHON NU 'JIG RTEN THAMS CAD KYIS MTHONG NA DGA' BA 'DI, STON PA 'DAS NAS LO BRGYAD CU PA LA BSTAN BTAMS PA'I TSE, STONG PA'I MTSAN 'CHANG BA'I DGE SLONG DU GYUR NAS, BSTAN PA RGYAS PAR BYAS TE, LO BRGYA LON PA'I 'OG TU 'DAS NAS BDE BA CAN DU SKYE BAR GSUNGS LA, 'DI JO BO CHEN PO DANG GNAS BRTAN BYANG BZANG LA SOGS PA, SLOB DPON GYI LUNG BSTAN DU BZHED DE, DE YANG GSER 'OD LAS GSUNGS PA'I LI TZA BYI GZHON NU KLU SGRUB DANG RGYUD GCIG TU BSHAD PA LA BRTEN PA'O, ,RNGA BO CHE'I MDO LAS SLOB DPON 'DIS BDUN PA BAR BSHAD CIG GZHAN YANG, DPAL DUS KYI 'KHOR LO'I RGYUD PHYI MA LA SOGS PA DU MA ZHIG NAS NGES DON 'GREL BAR LUNG BSTAN PA YIN NO, ,SGRON GSAL LAS, SLOB DPON 'DI SNGAGS KYI LAM GYIS SKU TSE DE LA RDO RJE 'CHANG CHEN PO MNGON DU MDZAD PAR BSHAD DE, JI SKAD DU, DE LTAR SLOB DPON CHEN PO DPAL KLU SGRUB KYI ZHAL SNGA NAS KYIS NYID KYI DON RJES SU BRNYES NAS, SO SO RANG RIG PA RDO RJE 'DZIN PA CHEN PO'I TING NGE 'DZIN 'JIG RTEN DU BSTAN NAS, LHA DANG MI'I BDE BA LAS 'DAS SHING, MU STEGS DANG NYAN THOS DANG RANG SANGS RGYAS KYI BSAM GTAN DANG, SNYOMS PAR 'JUG PA'I BDE BA LAS

, ,'DAS NAS, SKYE BA DANG 'GAG PA DANG BRAL BA'I DE BZHIN GSHEGS PA'I SKU, RNAM PA THAMS CAD KYI MCHOG DANG LDAN PA, SKU BLTA BAS CHOG MI SHES PA, STABS BCU DANG MA 'JIGS PA LA SOGS PA SANGS RGYAS KYI YON TAN RNAMS KYIS BRGYAN PA BRNYES NAS, BDE BA CAN DU GSHEGS TE YON TAN GYI DBANG PHYUG BRGYAD DANG LDAN PAS BZHUGS SO, ZHES GSUNGS PA LTAR RO, ,DES NA RDO RJE 'CHAD BRNYES PA NI LONGS SKU'I DBANG DU MDZAD LA, BDE BA CAN DU 'BYON PA DANG, RGYAL BA YE SHES 'BYUNG GNAS 'OD CES BYA BAR 'TSANG RGYA BAR BSHAD PA RNAMS NI SPRUL SKU'I MDZAD PA STON PA'I DBANG DU BYAS PA STE, DPER NA STON PA SH'AKYA THUB PA 'DI SNGON BSKAL PA DU MA'I GONG DU SANGS RGYAS PAR BSHAD PA DANG, BRGYA PA'I DUS 'DIR 'DZAM BU'I GLING DU 'TSANG RGYA PA'I MDZAD PA BSTAN PA MI 'GAL BA BZHIN NO, ,DES NA SLOB DPON DE NYID KYI RJES SU 'BRANGS TE 'DIR ZAB MO STONG PA NYID 'CHAD PA LA, DE KHO NA NYID 'TSOL BAR RIGS PA'I RGYU MTSAN, ZAB MO STONG PA NYID LA MOS PA'I PHAN YON, CHOS DE NYAN PA PO GANG LA BSHAD PA'I SNOD, BSHAD PAR BYA BA'I CHOS DNGOS SO, ,DANG PO NI, DE YANG 'KHOR BA LAS GROL BA DON DU GNYER PA'I SKYES BU DAG GIS NI, BDAG MED PA'I DE KHO NA NYID JI LTAR YIN PA LEGS PAR BTZAL NAS, BDAG MED RTOGS PA'I SHES RAB BSGOM PA LA GTZO BOR 'BAD PAR BYA BA YIN TE, DE MED NA, BYING RGOD DANG BRAL ZHING GSAL ZHING MI RTOG PA'I TING NGE 'DZIN SHIN TU BRTAN PA DANG, DE'I MTHU LAS BYUNG BA'I MNGON PAR SHES PA DANG RDZU 'PHRUL LA SOGS PA DAG NI MU STEGS BYED DAG LA'ANG DPAG TU MED PA YOD PAS, DE TZAM GYIS 'KHOR BA'I RTZA BA LA CI'ANG MI GNOD PA'I PHYIR RO, ,DE LTAR YANG MKHAS PA'I DBANG PO KA MA LA SH'I LAS SGOM RIM DANG PO LAS, DE LTAR DMIGS PA LA SAMS BRTAN PAR BYAS NAS SHES RAB KYIS RNAM PAR DPYAD PAR BYA STE, 'DI LTAR SHES PA'I SNANG BA BYUNG BAS KUN NAS NYON MONGS PA'I SA BON SPONG BAR 'GYUR RO, ,DE LTA MA YIN NA MU STEGS CAN RNAMS BZHIN DU, TING NGE 'DZIN TZAM GYIS NYON MONGS PA SPONG BAR MI 'GYUR RO, ,MDO SDE LAS JI SKAD DU, 'JIG RTEN PA DAG TING 'DZIN SGOM BYED KYANG, ,DE NI BDAG TU 'DU SHES 'JIG MI BYED, ,DE NI NYON MONGS PHYIR ZHING RAB 'KHRUGS TE, ,LHAG SPYOD KYIS NI TING

'DZIN 'DIR BSGOMS BZHIN, ZHES GSUNGS PA LTA BU'O, ZHES GSUNGS SO, ,'O NA THABS GANG GIS 'KHOR BA LAS GROL ZHE NA, SGOM RIM DU DRANGS MA THAG GI MDO DE'I MJUG TU, GAL TE CHOS LA BDAG MED SO SOR RTOG ,SO SOR DE BRTAGS GAL TE SGOM BYED NA, ,DE NI MYA NGAN 'DAS THOB 'BRAS BU'I RGYU RGYU GZHAN GANG YIN DES NI ZHE MI 'GYUR, CES GSUNGS PA LTAR, BDAG MED RTOGS PA'I SHES RAB GOMS PAR BYAS PAS 'KHOR BA LAS GROL BAR 'GYUR TE, 'KHOR BAR 'CHING BA'I RTZA BA BDAG 'DZIN YIN PA'I PHYIR RO, ,DE'I PHYIR RGYAL BA'I GSUNG RAB MTHA' DAG KYANG DE BZHIN NYID LA GZHOL ZHING DE BZHIN NYID LA 'BAB PA SHA STAG YIN PAS, BSAM GTAN TZAM GYIS CHOG SHES MI BYA BAR DE KHO NA NYID RTOGS PA'I SHES RAB BCAL NAS SGOM PA LA GCIG TU 'GRUS PAR BYA'O, ,DE LTAR YANG, SGOM RIM BAR PA LAS, BCOM LDAN 'DAS KYI BKA' THAMS CAD NI LEGS PAR GSUNGS PA STE, MNGON SUM DU'AM BRGYUD PAS DE KHO NA MNGON SUM DU GSAL BAR BYED PA DANG, DE KHO NA LA GZHOL BA NYID DO, ,DE KHO NA SHES NA SNANG BA BYUNG BAS MUN PA BSAL BA BZHIN DU LTA BA'I DRA BA THAMS CAD DANG BRAL BAR 'GYUR RO, ,ZHI GNAS TZAM GYIS NI YE SHES DAG PAR MI 'GYUR ZHING SGRIB PA'I MUN PA YANG SEL BAR MI 'GYUR GYI, SHES RAB KYIS DE KHO NA LEGS PAR BSGOMS NA YE SHES RNAM PAR DAG PAR 'GYUR DE KHO NA RTOGS PAR 'GYUR, SHES RAB KHO NAS SGRIB PA YANG DAG PAR SPONG BAR 'GYUR TE, DE LTA BAS NA, BDAG GIS ZHI GNAS LA GNAS TE SHES RAB KYIS DE KHO NA YONGS SU BTZAL BAR BYA'O, ,ZHI GNAS TZAM GYIS NI CHOG PAR 'DZIN PAR MI BYA'O,, DE KHO NA JI LTA BU ZHE NA, DON DAM PAR DNGOS PO THAMS CAD GANG ZAG DANG, CHOS KYI BDAG GIS STONG PA NYID DE, ZHES GSUNGS PA LTAR RO, ,DER MA ZAD KYI THAMS CAD MKHYEN PA THOB PAR BYED PA'I LAM RNAMS KYI GTZO BO'ANG DE KHO NA NYID RTOGS PA'I SHES RAB YIN TE, SHES RAB DES MA ZIN PA'I SBYIN SOGS GZHAN RNAMS NI LONG BA LTA BU DANG, DE NYID DMIGS BU LTA BUR GSUNGS PA'I PHYIR TE, RDO RJE GCOD PA LAS, DPER NA MIG DANG LDAN PA'I MI ZHIG MUN PAR ZHUGS NAS, CI YANG MI MTHONG BA BZHIN DU, GANG DNGOS POR LHUNG BAS SBYIN PA YONGS SU GTONG BA'I BYANG CHUB SEMS DPAR BLTA PAR BYA'O, ,RAB 'BYOR

, ,'DI LTA STE DPER NA NAM LANGS TE NYI MA SHAR NAS MIG DANG LDAN PA'I MIS GZUGS RNAM PA SNA TSOGS NGAG MTHONG BA DE BZHIN DU, GANG DNGOS POR MA LHUNG BAS SBYIN PA YONGS SU GTONG BA'I BYANG CHUB SEMS DPAR BLTA BAR BYA'O, ZHES DANG, 'PHAGS PA SDUD PA LAS KYANG, DMUS LONG DMIGS BU MED PA BYE BA KHRAG KHRIG RNAMS, ,LAM YANG MI SHES GRONG KHYER 'JUG PAR GA LA 'GYUR, ,SHES RAB MED NA MIG MED PHA ROL PHYIN LNGA 'DI, ,DMIGS BU MED PAS BYANG CHUB REG PAR NUS MA YIN, ZHES GSUNGS PA LTAR RO, ,'DIR MTSON PA TZAM ZHIG BRJOD PA YIN LA, DE YANG PHA ROL TU PHYIN PA'I THEG PA CHEN PO KHO NAR MA ZAD KYI, RDO RJE'I THEG PAS 'GRO BA RNAMS KYIS KYANG, THABS MKHAS PA'I KHYAD PAR MTHA' YAS PA DAG GIS ZIN PA'I SGO NAS BSGOM PAR BYA BA'I DE KHO NA NYID NI, DBU MA RIGS PA'I TSOGS KYIS GTAN LA PHAB PA'I STONG PA NYID KHO NA YIN GYI 'DI LAS KHYAD PAR DU GYUR PA CI'ANG MED PAS THEG PA GSUM GYI GANG ZAG MCHOG DMAN THAMS CAD KYI BSGOM BYA'I DE KHO NA NYID NI GCIG PU 'DIR ZAD PA YIN LA, DE YANG, DPAL GSANG BA 'DUS PA LA SOGS PA'I RGYUD DANG, GRUB CHEN GYI GZHUNG DU MAS BSGRUB TU YOD MOD KYI MANGS PAR 'GYUR BA DANG SKABS MA YIN PAS MA SPROS SO, ,'O NA DUS KYI 'KHOR LO'I RGYUD KYI DGONGS PA NI; RANG GI LTA BA'I 'DOD PA MDOR BSTAN PA LAS, PHUNG PO RNAM DPYAD STONG PA NYID, ,CHU SHING BZHIN DU SNYING PO MED, CES GSUNGS PAS, RIGS PAS DPYAD PA'I STONG NYID SNYING PO MED PAR GSUNGS PA MA YIN NAM ZHE NA, LUNG DE'I DON NI, RIGS PAS DPYAD PA'I RNYED DON LA ZER BA MA YIN GYI, PHUNG PO RIGS PAS DPYAD NAS BDEN MED DU GTAN LA PHAB PA MA YIN PAR, PHUNG PO RIGS PAS DPYAD NAS CAD MED DU GZUNG BA'I CHAD STONG 'GOG PA YIN TE, DE'I PHYIR 'GRAL CHEN DRI MED 'OD LAS, PHUNG PO RNAM PAR DPYAD PA'I STONG PA NYID, ,CHAD PA'I STONG PA NYID LAS RING DU BYAS, ZHES GSUNGS PA YIN NO, ,GZHAN DU NA, GCIG DANG DU BRAL GYI RTAGS DANG NAM MKHA'I ME TOG GI DPAS, RNAM SHES KYI PHUNG PO RANG BZHIN MED PAR DPYAD PA'I SGO NAS DBUM PAS DE KHO NA NYID RIG PAR, LE'U GNYIS PA'I MDOR BSDUS BDUN PAR GSUNGS PA DANG 'GAL LO, ,GZHAN YANG MCHOG MI 'GYUR GYI MDOR BSDUS LAS, CI YANG YID LA MI

BYED PA DE KHO NA NYID BSGOM PA YIN PA 'GOG PA'I SKABS SU, 'DIR DE BZHIN GSHEGS PA'I YE SHES NI CHOS THAMS CAD KYI RANG BZHIN MED PA NYID RTOGS PAR BYED PA STE, DNGOS PO MED PA'I MTSAN NYID SHIN TU GNYID LOG PA'I SEMS NI MA YIN NO, ZHES RANG BZHIN MED PA CHOS THAMS CAD KYI DE KHO NAR GSUNGS LA, LE'U GNYIS PAR, SGYU MAS RMONGS PAR BYAS PA'I MTHA' DAG 'GRO BA 'DI NI SDUG BSNGAL DAG LAS SDUG BSNGAL 'DZIN PAR BYED, CES PA'I 'GREL PAR, 'DIR 'KHOR BA'I SGYU MA NGAR 'DZIN PA DANG NGA YIR 'DZIN PA'I BDAG NYID CAN GYIS RMONGS PAR BYAS PA NI, DMYAL BA DANG YI DVAGS DANG DUD 'GRO'O SDUG BSNGAL DAG LAS SDUG BSNGAL 'DZIN PAR BYED PA'O, ZHES NGA DANG NGA YIR 'DZIN PA 'KHOR BA'I SDUG BSNGAL GYI RTZA BAR BSHAD PAS, 'KHOR BA'I RTZA BA GCOD BYED KYI GNYEN PO NI BDAG MED RTOGS PA'I SHES RAB NYID YIN PAR BZHED PA LA PHA ROL TU PHYIN PA'I DBU MA PA DANG MI MTHUN PA CUNG ZAD KYANG MED DO ZHES SHES PAR BYA'O, ,DE'I PHYIR LE'U GNYIS PA'I 'GRAL CHEN LAS, DE'I PHYIR 'BRAS BU NI RANG LAS MA YIN GZHAN LAS MA YIN GNYI GA LAS MA YIN RGYU MED PA CAN DU YANG MA YIN NO, CES SOGS KYIS MTHA' BZHI 'GOG PA'I RIGS PA SOGS GSUNGS NAS, RGYAS PAR DBU MA SOGS KYI LUNG RGYA CHEN PO RNAMS LAS SHES PAR BYA BAR GSUNGS SO, ,'ON RGYUD DE LAS, STONG PA NYID DMIGS BCAS SU BSHAD PA MA YIN NAM ZHE NA, BSHAD MOD KYI, DE NI DGAG BYA RDUL PHRA RAB BSAGS PA'I BEM POS STONG PA LA STONG PA NYID, CES THA SNYAD MDZAD PA, RNAM PA THAMS CAD PA'I GZUGS KUN RDZOB PA STE, DGAG BYA BDEN GRUB BKAG PA'I CHA NAS BZHAG PA'I DE KHO NA NYID NI MA YIN LA, DE LTA BU'I GZUGS LAS SKYES PA'I BDE BA CHEN PO'I YE SHES NI DE KHO NA NYID LA DMIGS PA'I PHYIR BDE BA DMIGS MED DU LAN GCIG MA YIN PAR BSHAD DO, ,'DI DAG LA BRJOD PAR BYA BA CHES MANG DU YOD MOD KYI, THUN MONG DU BSNYAD PAR BYA BAM YIN PA'I PHYIR DANG, SKABS MA YIN PA'I PHYIR 'DIR MA BRJOD LA, 'ON KYANG, TSUL 'DI LTA BU'I LOG PA'I LAM LA 'TSAL NAS, ZAB MO STONG PA NYID LA MOS PA'I GEGS CHER BYAS TE, RANG GZHAN THAMS CAD PHUNG BAR BYED PA CHES MANG DU MTHONG BAS SGO TZAM ZHIG SMOS PA YIN NO, ,GNYIS PA NI, ZAB MO STONG

, ,PA NYID STON PA'I GSUNG RAB DANG, DE'I DGONGS 'GREL RNAM PAR DAG PA LA GZHI BYAS TE, 'CHAD PA DANG NYAN PA NI DPAG PAR DKA' BA'I BSOD NAMS KYI 'BYUNG KHUNGS YIN TE, MDO KUN LAS BTUS PA LAS, CHOS ZAB MO LA MOS PAS BSOD NAMS THAMS CAD SDUD PA YIN TE, SANGS RGYAS SUM GRUB KYI BAR DU 'JIG RTEN PA DANG 'JIG RTEN LAS 'DAS PA'I PHUN SUM TSOGS PA THAMS CAD 'GRUB BAR 'GYUR TE, KHYE'U RIN PO CHES BYIN PA'I MDO LAS 'BYUNG BA, 'JAM DPAL BYANG CHUB SEMS DPA' THABS LA MKHAS PA DANG BRAL BAS, BSKAL PA BRGYA STONG DU PHA ROL TU PHYIN PA DRUG LA DPYAD PA BAS, GANG GIS CHOS KYI RNAM GRANGS 'DI THE TSOM DANG BCAS PAS NYAN PA 'DI, BSOD NAMS DE BAS CHES MANG DU BSKYED NA, GANG THE TSOM MED PAR NYAN PA LTA CI SMOS, GANG YI GER BRIS NAS LUNG 'BOGS PA DANG 'CHAD PA DANG, GZHAN DAG LA YANG RGYA CHER RAB TU STON PA LTA CI SMOS, ZHES GSUNGS SO, ,RDO RJE GCOD PA LAS KYANG, BCOM LDAN 'DAS KYIS BKA' STZAL TE, RAB 'BYOR 'DI JI SNYAM DU SEMS, GANGG'A'I KLUNG GI BYE MA SNYED GANG JI SNYED PAR GANGG'A'I KLUNG YANG DE SNYED DU GYUR NA, GANG DE DAG GI BYE MAR GYUR PA DE MANG BA YIN NAM, RAB 'BYOR GYIS GSOL PA, BCOM LDAN 'DAS GANGG'A'I BYE MA SNYED DU GYUR PA DE DAG KYANG MANG BA LAGS NA, DE DAG GI BYE MAR GYUR PA LTA SMOS KYANG CI 'TSAL, BCOM LDAN 'DAS KYIS BKA' STZAL PA, RAB 'BYOR KHYOD LA BSGO'O, ,KHYOD KYIS KHONG DU CHUD PAR BYA'O, ,GANGG'A'I KLUNG DE DAG GI BYE MA JI SNYED PA DE SNYED KYI 'JIG RTEN GYI KHAMS, SKYES PA'AM BUD MED LA LAS RIN PO CHE SNA BDUN GYIS BKA' STE; DE BZHIN GSHEGS PA LA SBYIN PA BYIN NA, SKYES PA'AM BUD MED DE GZHI DE LAS BSOD NAMS MANG DU SKYED DAM, RAB 'BYOR GYIS GSOL BA, BCOM LDAN 'DAS MANG LAGS SO, ,BDE BAR GSHEGS PA MANG LAGS SO, ,BCOM LDAN 'DAS KYIS BKA' STZAL PA, GANG ZHIG CHOS KYI RNAM GRANGS 'DI LAS THAN TSIG BZHI'I TSIGS SU BCAD PA TZAM BZUNG STE, GZHAN DAG LA YANG BSTAN NA DE BAS BSOD NAMS CHES MANG DU BSKYED DO, ZHES GSUNGS SO, ZHES DANG, DE BZHIN GSHEGS PA'I MDZOD KYI MDO LAS, MI DGE BA BCU'I CHE SHOS RNAMS SMOS NAS, DE DAG DANG LDAN PAS BDAG MED PA'I

CHOS LA 'JUG CING, CHOS THAMS CAD GDOD MA NAS DAG PAR DAD PA DANG MOS PA'I SEMS CAN DE NGAN SONG DU MI 'GRO'O, ZHES GSUNGS PA DANG, BDUD 'DUL BA'I LE'U LAS, DGE SLONG GANG GIS CHOS THAMS CAD SHIN TU DU LA BAR SHES SHING, NYES PA RNAMS KYI THOG MA'I MTHA' YANG RANG BZHIN GYIS DBEN PAR SHES TE, NYES PA BYUNG BA'I 'GYOD BSEL ZHING BRTAN POR MI BYED PAS MTSAMS MED PA YANG GNON NA, CHO GA DANG TSUL KHRIMS LA LOG BAR ZHUGS PA PHRAN TSOGS LTA CI SMOS, ZHES DANG, MA SKYES DGRA'I MDO LAS, MTSAMS MED BYED PAS DAM PA'I CHOS 'DI THOS NAS 'JUG CING MOS NA, DE'I LAS DE LAS KYI SGRIB PA YIN ZHES NGA MI SMRA'O ZHES GSUNGS PAS SDEG PA DAG PAR BYED PA LA YANG STONG PA NYID LA MOS PA LAS STOBS CHE BA'I SBYONG BYED MA GSUNGS SO, ,DE YANG CHOS ZAB MO BSHAD PAS JI SKAD GSUNGS PA'I PHAN YON 'THOB PA LA YANG CHOS GNYIS TSANG BA DGOS TE, RNYED BKUR DANG GRAGS PA SOGS LA MI LTA BA'I KUN SLONG DAG PA CIG DANG, BSHAD RGYU'I CHOS DE'I DON LOG PAR MA BZUNG BAR PHYIN CI MA LOG PAR BSHAD PA CIG DGOS TE, SKYON GNYIS KA'AM GANG RUNG GCIG DANG LDAN NA, BSOD NAMS GSAR BA MI 'THOB CING SNGAR YOD NYAMS PA'I RGYUR 'GYUR BA'I PHYIR RO, ,DE LTAR YANG SLOB DPON DBYIG GNYEN GYIS; DE'I PHYIR GANG DAG CHOS LOG PAR 'CHAD PAR BYED PA DANG, SEMS NYON MONGS PA CAN RNYED PA DANG BKUR STI DANG GRAGS PA 'DOD PAS 'CHAD PA DE DAG NI, BDAG NYID KYI BSOD NAMS CHEN PO NYAMS PAR BYED PA YIN NO, ZHES GSUNGS PA LTAR RO, ,GSUM PA NI, ZAB MO'I DON DE YANG SNGON LAN GCIG MA YIN PAR RGYUD LA STONG PA NYID RTAGS PA'I SA BON BZHAG PA RNAMS NYID LA BSTAN PAR BYA'I, GZHAN DAG LA NI MA YIN TE, DE DAG GIS STONG NYID STON PA'I GZHUNG NYAN DU ZIN KYANG, STONG NYID LA LOG PAR ZHUGS PA'I BSAM PA DANG LDAN PAS, DON MA YIN PA CHEN PO DANG LDAN PAR 'GYUR BA'I PHYIR RO, ,DON MA YIN PA CHEN POR 'GYUR TSUL NI, RES 'GA' NI MI MKHAS PAS STONG NYID SPANGS NAS NGAN 'GROR 'GRO'O, ,RES 'GA' NI RANG BZHIN GYIS MA GRUB PA'I STONG PA'I DON NI CHOS 'DI RNAMS MED PA'I DON NO SNYAM DU GZUNG NAS, RGYU 'BRAS LA SKUR BA 'DEBS PA'I LOG LTA DANG POR SKYED NAS, DE NAS MI GTOD

, ,BAR GONG NAS GONG DU 'PHEL BAR BYED CING, DE'I 'BRAS BU MNAR MED PA'I DMYAL BA DAG TU LTUNG BAR 'GYUR RO, ,DE LA MED PAR LTA BA DANG YOD PA MA YIN PAR LTA BA LA NI TSIG GI BRJOD BA TZAM THA DAD PAR ZAD KYI, BLO'I 'DZIN TSUL LA NI YUL GYI SPYI 'CHAR TSUL KHYAD PAR CUNG ZAD KYANG MED DE, GNYI GA LA YANG YOD PA BKAG BA TZAM ZHIG 'CHAR BA'I PHYIR RO, ,DE LTAR YANG, STONG PA NYID LA LTA NYES NA, SHES RAB CHUNG RNAMS PHUNG BAR 'GYUR, ZHES PA'I 'GREL PA TSIG GSAL LAS, RE SHIG GAL TE THAMS CAD STONG PA STE THAMS CAD YOD PA MA YIN NO ZHES BYA BAR RTOG NA, DE'I TSE 'DI LOG PAR LTA BAR 'GYUR TE, JI SKAD DU, CHOS 'DI LOG PAR GZUNG GYUR NA, ,MI MKHAS RNAMS NI CHUNG KYANG ZA, ,'DI LTAR MED PAR LTA BA YI, ,MI GTZANG DER NI BYING BAR 'GYUR, ZHES BSHAD DO, ,CI STE YANG THAMS CAD LA SKUR PA 'DEBS BAR MI 'DOD NA NI DE'I TSE JI LTAR DNGOS PO 'DI DAG DMIGS SU ZIN KYANG STONG PA NYID DU 'GYUR TE, DE'I PHYIR RANG BZHIN MED BA'I DON NI STONG PA NYID KYI DON MA YIN NO ZHES 'DI NGES BAR STONG PA NYID SPONG BAR 'GYUR TE, DE LTAR SPANGS NA CHOS KYIS PHONGS [?] PAR 'GYUR BA'I LAS KYIS NGES PAR NGAN 'GROR 'GRO BAR 'GYUR RO, ,JI SKAD DU, RIN PO CHE'I PHRENG BA LAS, GZHAN YANG 'DI NI LOG GZUNG NA, ,BLUN PO MKHAS PA'I NGA RGYAL CAN, ,SPONG BAS MA RUNGS BDAG NYID CAN, ,MNAR MED PAR NI SPYI'U TSUGS 'GRO, ZHES BSHAD DO, ZHES GSUNGS PA LTAR RO, ,DE LA STONG NYID LA SKUR PA BTAB PAS MNAR MED DU 'GRO BAR MA ZAD, LAS 'BRAS LA SKUR PA BTAB PAS KYANG 'GRO LA, LAS 'BRAS YOD PA MA YIN PAR LTA BA NI DGE RTZA THAMS CAD GCOD PA DANG SDOM PA GTONG BA'I RGYUR YANG MDO DANG BSTAN BCOS RNAM DAG DU MA ZHIG NAS MTHUN PAR GSUNGS LA, KHO BO CAG MED MI ZER GYI, YOD PA MA YIN ZER BA YIN NO, ZHES PA'I 'GYUR 'CHOS LA NI DGOS NUS MED BAR GONG DU DRANGS PA'I TSIG GSAL GYI LUNG 'DIS GSAL BAR BSHAD DO; ;DE'I PHYIR BZHI BRGYA PA LAS, GCIG NI NGAN 'GRO NYID 'GRO LA, ,THA MAL MA YIN ZHI NYID DU'O, ZHES PA'I 'GREL PA LAS KYANG, DAM PA MA YIN PA GANG ZHIG BDAG MED PA'I CHOS NYAN PA DE NI SPANGS PA DANG PHYIN CI LOG TU RTOG PAS NGAN 'GRO KHO NAR 'GRO LA, ZHES STONG NYID SPANGS PA DANG, STONG NYID KYI DON

NI YOD PA MA YIN PA'I DON NO SNYAM DU PHYIN CI LOG TU RTOG PA GNYI GA NGAN SONG KHO NAR 'GRO BAR GSUNGS SO, ,'ON STONG PA NYID 'DI GDUL BYA 'DI 'DRA BA LA BSTAN PAR BYA LA, 'DI 'DRA BA LA BSTAN PAR MI BYA'O, ZHES BYA BA'I KHYAD PAR NI GANG LAS SHES PAR BYA ZHE NA, DE YANG 'JUG PA LAS, SO SO SKYE BO'I DUS NA'ANG STONG PA NYID THOS NAS, ,NANG DU RAB TU DGA' BA YANG DANG YANG DU 'BYUNG, ,RAB TU DGA' BA LAS BYUNG MCHI MAS MIG BRLAN ZHING, ,LUS KYI BA SPU LDANG BAR 'GYUR BA GANG YIN PA, ,DE LA RDZOGS PA'I SANGS RGYAS BLO YI SA BON YOD, ,DE NYID NYE BAR BSTAN PA'I SNOD NI DE YIN TE, ,DE LA DAM PA'I DON GYI BDEN PA BSTAN PAR BYA ZHES GSUNGS PA LTAR RO, ,DE YANG STONG PA NYID PHYIN CI MA LOG PAR BSHAD PA THOS PA DANG, DE'I DON GO BA DANG, GO BA LA BRTEN NAS NGO MTSAR BA'I BSAM PAS DRANGS PA'I MCHI MA G-YO BA SOGS RTAGS MI 'KHRUL BA YIN GYI, LOG CHOS LA MOS PA LTAR SNANG SKYES PA'I BLUN PO'I MCHI MA 'KHRUG PA LA YID BRTAN MED DO; ;DE 'DRA BA'I NYAN PA PO SNOD LDAN LA BSHAD NA STONG NYID KYI GO BA GNAD DU SONG PA'I PHAN YON 'PHRAL DU JI LTAR 'BYUNG ZHE NA, DE YANG 'JUG PA LAS, DE LA DE YI RJES SU 'GRO BA'I YON TAN 'BYUNG, ,RTAG TU TSUL KHRIMS YANG DAG BLANGS NAS GNAS PAR 'GYUR, ,SBYIN PA GTONG BAR 'GYUR ZHING SNYING RJE BSTEN PAR BYED; ;BZOD PA SGOM BYED DE YI DGE BA BYANG CHUB TU, ,'GRO BA SGOL BAR BYA PHYIR YONGS SU BSNGO BYED CING, ,RDZOGS PA'I BYANG CHUB SEMS DPA' RNAMS LA GUS PAR BYED, CAS GSUNGS PA LTAR, STONG PA NYID LA NGES BA CHER JI TZAM SONG BDE TZAM DU SBYIN PA DANG TSUL KHRIMS LA SOGS PA'I BSOD NAMS KYI TSOGS LA CHES GUS PAR 'GYUR BA YIN TE, BYANG CHUB SEMS 'GREL LAS KYANG, CHOS RNAMS STONG PA NYID SHES NAS, ,LAS DANG 'BRAS BU BSTEN PA GANG, ,NGO MTSAR BAS KYANG 'DI NGO MTSAR, ,RMAD BYUNG BAS KYANG 'DI RMAD BYUNG, CES SHIN TU BSNGAGS PA'I GNAS SU GSUNGS SO, ,DE'I PHYIR STONG NYID LA NGES PA SKYES BAR SGOM PHYIN CHAD, TSUL KHRIMS LA SOGS PA RNAMS LA, DE DAG NI NGES DON MGO BA RNAMS LA YIN GYI, NGES DON GO BA LA SBROS BCAS DE DAG GIS CI ZHIG BYA, ZHES ZER BA DANG, RE SHIG GZHAN NGOR LAS 'BRAS LA SLOB BA SKAD ZER BA GNYI GA YANG, RANG STENGS NAS DE BSGRUB MI DGOS PAR 'DOD PA LA

, ,KHYAD MED PAS RANG GZHAN THAMS CAD PHUNG BAR BYED BA'I LAM CHEN PO LA GNAS NAS, NGAN 'GRO'I SGO 'BYED PAR BYAD CING, STONG PA NYID KYI GO BA PHYIN CI LOG TU SONG BA'I 'BRAS RTAGS YANG DAG TU SHES BAR GYIS SHIG, DE 'DRA BA'I SNOD DANG MI LDAN PA'I GANG ZAG LA STONG NYID ZAB MO BSHAD PA LA NI; 'CHAD PA BO BYANG SEMS KYI SDOM LDAN ZHIG YIN NA NI, BSLAB BTUS LAS, BLO SBYANG MA BYAS SEMS CAN LA, ,STONG PA NYID NI BRJOD PA DANG, ZHES KUN DKRIS CHAD NA PHAM PA 'BYUNG BAR YANG GSUNGS SO, ,DE LA STONG BA NYID PHYIN TZI MA LOG PAR BSHAD PA THOS NAS, MTHA' GNYIS SU MA LHUNG BA'I GO BA RNAM DAG SKYES KYANG, NGO MTSAR BA SKYES PAS DRANGS PA'I MCHI MA 'KHRUG PA DANG, BA SPU G-YO BA SOGS GANG YANG MED NA, DA LTA ZAB MO'I SNOD DU NGES BA MA YIN KYANG, BLA MA DAM BA'I NGAG GI BKA' LAS MI 'DA' NA STONG NYID RTOGS PA'I RIGS NUS MANG PO GSAR DU 'JOG PA'I SNOD DU RUNG NGO, ,DE YANG BZHI BRGYA PA'I 'GREL PA LAS, RANG BZHIN STONG PA NYID KYI GTAM LA GUS BAR NA, DE DE DANG MTHUN BA'I RKYEN NYE BAR BSGRUBS PA'I SGO NAS, JI LTAR STONG PA NYID LA DANG BA 'PHEL BAR 'GYUR BA DE LTAR BYA ZHING, SNYING RJE CHE BA DANG, BCOM LDAN 'DAS DE BZHIN GSHEGS PA LA BYAS PA GZO ZHING, BDAG NYID KYI DAM BA'I CHOS KYI BAR CHAD KYI RGYU MTSAN G-YANG SA CHEN PO'I RGYU YONGS SU SBANG BAR 'DOD BAS, YANG BA LA BRTEN PA DANG, SBYIN DKA' BA YANG SBYIN PA DANG, BSDU BA'I DNGOS PO BZHIS KYANG, BSDU BAR BYA STE, DAM PA'I CHOS 'DI 'BAD PA THAMS CAD KYIS SKYE BO DAM PA'I CHOS KYI SNOD DU GYUR PA LA NYE BAR BSTAN PAR BYA'O, ZHES GSUNGS PA LTAR, PHYIN CI MA LOG PAR STON PA'I NUS PA YOD PA DAG GIS NI, 'BAD PA CHEN POS BSHAD DGOS PAR GSUNGS LA, GZHUNG GZHAN GANG YANG RUNG BA GCIG GNYIS LA SBYANGS PA LTAR SNANG CUNG ZAD RE BYAS NA, DE'I RLOM BAS, GTING DBAG DKA' BA'I ZAB MO'I GNAS STON BA'I DBU MA'I GZHUNG [?] LUGS DAG LA RANG DGAR ZHUGS NAS MA BSLABS PAR GZHAN LA 'DOMS PA LA BRTZON BA DANG, DRI MA MED PA'I RIGS PA'I GNAS LAM SBYANGS PAR, KHRID DAM, MAN NGAG CHUNG CHUNG RE'I NANG DU'ANG ZAB MO'I NGES DON 'CHAD PA SKAD ZER BA'I SNYING KHAMS CAN, RANG GI TSOD KYANG MI SHES PA DAG GIS ZAB,,

DON 'CHAD PA'I NGAL BA BYAS PA LA NI, GONG DU BSHAD PA'I NGAN SONG GI RGYU GNYIS PO DE GDON MI ZA BAR 'BYUNG BA YIN PAS, RNYAD BKUR DANG GRAGS BCUNG ZAD TZAM GYIS G-YEN BCOS PAS SNYING KHAMS GANG CHI 'GRAN PA LHUR MA BYED CIG ,BZHI BA BSHAD PAR BYA BA'I CHOS DNGOS LA, DRANG DON DANG NGES DON GYI GSUNG RAB NGOS GZUNG BA, 'PHAGS PA KLU SGRUB KYI GZHUNG DANG DE'I DGONGS 'GREL JI LTAR BYUNG BA, DE'I RJES SU 'BRANGS TE STONG PA NYID GTAN LA DBAB PA'O, ,DANG PO NI, DE KHO NA NYID RTOGS PAR 'DOD BA RNAMS KYIS NI RGYAL BA'I GSUNG RAB LA BRTEN DGOS LA, GSUNG RAB KYANG GDUL BYA SNA TSOGS KYI BSAM PA'I DBANG GIS SNA TSOGS PA YIN PAS NA, JI 'DRA BA ZHIG LA BRTEN NAS ZAB MO'I DON BCAL BAR BYA SNYAM NA, NGES PA'I DON GYI GSUNG RAB LA BRTEN NAS BCAL BAR BYA'O, ,'O NA JI 'DRA BA ZHIG NGES PA'I DON YIN LA, JI 'DRA BA ZHIG DRANG BA'I DON YIN ZHE NA, 'DI LA NYAN THOS SDE BA KHA CIG NI RGYAL BA'I GSUNG RAB THAMS CAD NGES DON KHO NA YIN GYI, DRANG BA'I DON NI MI SRID BAR 'DOD LA, KHA CIG DRANG NGES GNYI GA YOD PAR 'DOD DO ZHES RTOG GE 'BAR BA LAS BSHAD LA, DE DAG THAMS CAD KYANG, DRANG NGES KYI DON NI SGRA JI BZHIN DU GZUNG DU RUNG MI RUNG NYID LA 'DOD CING, THEG PA CHEN PO'I SDE SNOD NI SANGS RGYAS KYI BKA' MA YIN PAR 'DOD LA, DE YANG, SDE BA BCO BRGYAD DU GYES PA'I RJES NAS, BYE BRAG SMRA BA DANG, MDO SDE PA LA SOGS PA'I RANG SDE, NYAN THOS KYI SDE SNOD TZAM ZHIG TSAD MAR KHAS LEN PAS NYAN THOS PA ZHES THA SNYANG BYAS PA DAG THEG CHEN BKAR MI 'DOD PA YIN GYI, NYAN THOS KYI BYANG CHUB DON DU GNYER BAS NYAN THOS PAR BZHAG PA, THOS SGROGS KYI SGRA 'JUG PA'I GZHIR GYUR PA'I NYAN THOS KYI THEG PA PA DAG THEG CHEN BKA' MA YIN NO ZHES SKUR PA 'DEBS PAR GA LA 'GYUR TE, GAL TE DE DAG KYANG DE LTAR SKUR PA 'DEBS NA, DGRA BCOM PA NYON MONGS BA MA LUS PAR SPANGS PA DAG KYANG, NYON MONGS PA CAN GYI MI SHES BAS KUN NAS BSLANG BA'I CHOS SPONG GI LAS SOG PA YOD PAR THAL LO, ,DE BAS NA BOD DAG GIS, NYAN THOS KYI THEG PA PA DANG GRUB MTHA' SMRA BA MA PHYED PAR NOR PA SHIN TU MANG POR BYAS SNANG NGO, ,GSUNG RAB KYI DRANG NGES 'BYED PA'I TSUL LA THEG PA CHEN PO'I SHING RTA'I SROL NI GNYIS TE, 'DI LTAR, MDO SDE DGONGS PA NGES PAR 'GREL BA'I MDO'I RJES

, ,SU 'BRANGS TE 'PHAGS PA THOGS MED SKU MCHED KYIS JI LTAR PHYE BA DANG, 'PHAGS PA BLO GROS MI ZAD PA BSTAN PA LA SOGS PA'I MDO'I RJES SU 'BRANGS TE, 'PHAGS PA KLU SGRUB YAB SRAS KYIS JI LTAR PHYE BA'I TSUL LO, ,DANG PO NI, MDO DGONGS 'GREL LAS, DON DAM YANG DAG 'PHAGS KYIS ZHUS PA'I LE'U LAS, BCOM LDAN 'DAS GYIS DANG BOR YUL BAR NA SER DRANG SRONG SMRA BA RI DVAGS KYI NAGS SU, NYAN THOS KYI THEG BA LA YANG DAG BAR ZHUGS PA RNAMS LA 'PHAGS PA'I BDEN PA BZHI BSTAN PA'I RNAM PAS, CHOS KYI 'KHOR LO NGO MTSAR RMAD DU BYUNG BA, SNGON LHAR GYUR PA'AM MING GYUR BSUS KYANG CHOS DANG MTHUN PAR 'JIG RTEN DU MA SKOR BA CIG RAB TU BSKOR TE, BCOM LDAN 'DAS KYIS CHOS KYI 'KHOR LO BSKOR BA DE YANG, BLA NA MCHIS PA, SKABS MCHIS PA, DRANG BA'I DON, RTZOD BA'I GZHI'I GNAS SU GYUR PA LAGS LA, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS BA DANG, 'GAG PA MA MCHIS BA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS, THEG BA CHEN PO LA YANG DAG PAR ZHUGS PA RNAMS LA STONG PA NYID SMOS PA'I RNAM BAS, CHES NGO MTSAR RMAD DU BYUNG BA'I CHOS KYI 'KHOR LO GNYIS PA BSKOR TE, BCOM LDAN 'DAS KYIS CHOS KYI 'KHOR LO BSKOR BA DE YANG BLA NA MCHIS BA SKABS MCHIS PA, DRANG BA'I DON, RTZOD BA'I GZHI'I GNAS SU GYUR PA LAGS KYI, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS PA DANG, 'GAG PA MA MCHIS BA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS BA NYID LAS BRTZAMS NAS, THEG BA THAMS CAD LA YANG DAG BAR ZHUGS PA RNAMS LA LEGS PAR RNAM PAR PHYIR DANG LDAN BA, NGO MTSAR RMAD DU BYUNG BA'I CHOS KYI 'KHOR LO GSUM PA BSKOR TE, BCOM LDAN 'DAS KYIS CHOS KYI 'KHOR LO BSKOR BA 'DI NI, BLA NA MA MCHIS BA, SKABS MA MCHIS PA, NGES PA'I DON LAGS TE, RTZOD PA'I GZHI'I GNAS SU GYUR PA MA LAGS SO, ZHES GSUNGS PA LTAR, 'KHOR LO DANG PO DANG BAR BA GNYIS DRANG DON DANG, THA MA NGES DON DU GSUNGS LA, THOGS MED SKU MCHED KYIS KYANG SA SDE, THEG BSDUS,

KUN LAS BTUS, RNAM BSHAD RIGS PA, NYI SHU PA, SUM CU BA, DE DAG GI 'GREL BA DANG BCAS PA RNAMS SU DGONGS BA NGES 'GREL JI LTA BA BZHIN DU 'KHOR LO BAR PA DANG DANG BO DRANG DON DANG, THA MA NGES DON DU 'GREL BA'I LUGS GSAL BAR MDZAD LA, KHYAD PAR DU GTAN LA DBAB PA BSDU BA LAS, DGONGS PA NGES 'GREL GYI GLENG GZHI'I LE'U TZAM MA GTOGS PA, GZHAN LE'U THAMS CAD KYI MDO TSIG PHAL CHE BA RDZOGS PAR DRANGS NAS, RGYAS PAR BSHAD CING, DE DANG MTHUN PAR BDAG MED GTAN LA 'BEBS PA'I TSUL NI BYANG SA'I DE KHO NA NYID KYI LE'U LAS RGYAS PAR STON LA, KUN GZHI'I RNAM GZHAG DANG, PHYI DON BKAG N'A GZHAN DBANG DANG YONGS GRUB BDEN PAR GRUB PA'I NGO BO NYID GSUM GYI RNAM GZHAG LA SOGS BA BYE BRAG TU RGYAS PAR THEG BSDUS LAS 'CHAD CING, DE LTAR RGYA CHER BSHAD PA THAMS CAD KYI DON GYI GTZO BO RNAMS SNA TSANG BA TZAM ZHIG MDOR BSDUS NAS MNGON BA KUN LAS BTUS LAS STON LA, SLOB DPON DBYIG GNYEN GYI GZHUNG GONG DU SMOS PA DE DAG KYANG DE DAG GI RJES SU 'BRANGS PA YIN ZHING, SKU MCHED GNYI GA'I GZHUNG DE DAG GIS MDO DGONGS 'GREL GYI DON DE LTAR GTAN LA 'BEBS PA'I SROL 'BYED PA'I RTZA BA NI, RJE BTZUN GYI GZHUNG, MDO SDE RGYAN DANG, 'BYED GNYIS LA BRTEN PA'O, ,DE LTAR PHYE BA'I LUGS KYI DRANG NGES KYI DON NI, MDO DE'I DGONGS PA MDO GZHAN GYIS BSHAD PA LA LTOS NAS, DE'I DON BZUNG DGOS KYI, DE LA MA LTOS PAR MDO DE RANG GI DNGOS KYI BSTAN TSONG LTAR BZUNG DU MI RUNG BA NI DRANG DON GYI MDO DANG, DE LAS BZLOG PA NI NGES DON GYI MDO YIN NO ZHES 'CHAD LA, DE YANG 'KHOR LO DANG POR PHUNG SOGS RANG GI MTSAN NYID KYIS YOD MNYAM DANG, BAR PA LAS THAMS CAD RANG BZHIN MED MNYAM DU GSUNGS KYI, RANG BZHIN YOD MED DNGOS SU PHYE NAS MA GSUNGS PAS DRANG DON DANG, THA MA LAS NI, KUN BRTAGS RANG BZHIN MED PA DANG, GZHAN DBANG DANG YONGS GRUB RANG BZHIN GYIS YOD PAR GSUNGS PAS, LEGS PAR PHYE NAS GSUNGS PA'I PHYIR NGES DON DU BZHED DO, ,DE YANG MDO DGONGS 'GREL GYIS, 'KHOR LO BAR PA'I MDE'I DGONGS PA 'CHAD TSUL NI, 'KHOR LO BAR PA'I [?] SHER PHYIN SOGS KYI MDO LAS, CHOS THAMS CAD NGO BO NYID MED PAR GSUNGS PA DE KUN BRTAGS MTSAN NYID NGO BO NYID MED

, ,DANG, GZHAN DBANG SKYE BA NGO BO NYID MED PA DANG, YONGS GRUB DON DAM PA NGO BO NYID MED PA LA DGONGS NAS GSUNGS PA YIN NO, ZHES 'CHANG PA YIN TE, BYANG CHUB SEMS DPA' DON DAM YANG DAG 'PHAGS KYIS, BCOM LDAN 'DAS KYIS MDO KHA CIG TU PHUNG SOGS RANG BZHIN GYIS YONG PAR GSUNGS KHA CIG TU RANG BZHIN MED PAR GSUNGS PA 'DI LA, NGO BO MED PAR GSUNGS PA'I DON GANG LA DGONGS PA LAGS, ZHES ZHUS PA'I LAN DU, DGONGS 'GREL LAS, DON DAM YANG DAG 'PHAGS, NGAS CHOS RNAMS KYI NGO BO NYID MED PA RNAM PA GSUM PO 'DI LTA STE, MTSAN NYING NGO BO NYID MED PA DANG, SKYE BA NGO BO NYID MED PA NYID DANG DON DAM PA NGO BO NYID MED PA LA DGONGS NAS CHOS THAMS CAD NGO BO NYID MED PA'O ZHES BSTAN TO, ZHES GSUNGS LA, GTAN LA DBAB PA BSDU BA LAS, GANG LA DGONGS NAS, BCOM LDAN 'DAS KYIS CHOS THAMS CAD NGO BO NYID MED PA GSUNGS ZHE NA, SMRAS PA, 'DUL BA'I DBANG GIS DE DANG DER NGO BO NYID MED PA RNAM PA GSUM LA DGONGS NAS GSUNGS TE, ZHES GSUNGS SHING, SUM CU PA LAS KYANG, NGO BO NYID NI RNAM GSUM GYI, ,NGO BO NYID MED RNAM GSUM LA, ,DGONGS NAS CHOS RNAMS THAMS CAD NI, ,NGO BO NYID MED BSTAN PA YIN, ZHES GSUNGS PAS SO, ,DE'I PHYIR GANG NGAG SHER PHYIN GYI MDO LAS CHOS THAMS CAD NGO BO NYID MED PAR GSUNGS PA NI, KUN RDZOB KYI CHOS THAMS CAD LA DGONGS PA'O, ZHES ZER BA NI, MDO DGONGS 'GREL DANG, THOGS MED SKU MCHED GNYI GA'I GZHUNG LAS PHYI ROL DU GYUR PA YIN LA, SHER PHYIN GYI MDO LAS, GZUGS DANG GZUGS KYI DE BZHIN NYID NAS, RNAM MKHYEN DANG, RNAM MKHYEN GYI DE BZHIN NYID KYI BAR 'DRES RKANG SBYAR NAS NGO BO NYID MED PAR GSUNGS SHING, MYA NGAN LAS 'DAS PA DANG, DE LAS KYANG CHES MCHOG TU GYUR PA ZHIG YOD NA'ANG RANG BZHIN MED BAR GSUNGS PA LA, DE'I NANG NA DON DAM MA CHUNG PAR KUN RDZOB 'BA' ZHIG RANG BZHIN MED PAR BSTAN BA'O, ZHES SMRA BA NI, KHO BO'I TSIG 'DI LA YID RTON PA GANG ZHIG BYUNG BA DE NI YID KYI DBANG PO RANG BZHIN DU MI GNAS PAR SHES PAR GYIS SHIG CES SGROGS PA'I CHO DE'O, ,'ON MTSAN NYID NGO BO NYID MED PA LA SOGS PA GSUM GYI DON GANG ZHE NA, MING DANG BRNGAS BZHAG PA TZAM YIN GYI RANG

GI MTSAN NYID KYIS MA GRUB PA'I PHYIR KUN BRTAGS LA MTSAN NYID NGO BO NYID MED PA ZHES BYA LA, RGYU RKYEN GZHAN LA RAG LAS NAS SKYE DGOS KYI RANG GI NGO BO NYID LAS SKYE BA'AM, RANG GI BDAG NYID LAS SKYE BA MED PA'I PHYIR GZHAN DBANG LA SKYE BA NGO BO NYID MED PA ZHES BYA ZHING, DON DAM PA YANG YIN LA BDAG GNYIS KYI NGO BO MED PA YANG YIN PA'I PHYIR YONGS GRUB LA DON DAM PA NGO BO NYID MED PA ZHES BYA'O, ,DE LTAR YANG DGONGS PA NGES 'GREL LAS, DE LA CHOS RNAMS KYI MTSAN NYID NGO BO NYID MED PA GANG ZHAN, KUN BRTAGS PA'I MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI MING DANG BRNGAS BZHAG PA'I MTSAN NYID YIN GYI RANG GI MTSAN NYID KYIS RNAM PAR GNAS PA NI MA YIN PAS, DE'I PHYIR DE NI MTSAN NYID NGO BO NYID MED PA NYID CES BYA'O, ZHES DANG, CHOS RNAMS KYI SKYE BA NGO BO MED PA NYID GANG ZHE NA, CHOS RNAMS KYI GZHAN GYI DBANG GI MTSAN NYID GANG YIN PA'O, ,DE CI'I PHYIR ZHE NA 'DI LTAR DE NI RKYEN GZHAN GYI STOBS KYIS BYUNG BA YIN GYI, BDAG NYID KYIS MA YIN PAS, DE'I PHYIR DE NI SKYE BA NGO BO NYID MED PA NYID CES BYA'O, ZHES DANG, GZHAN YANG CHOS RNAMS KYI YONGS SU GRUB PA'I MTSAN NYID GANG YIN PA DE YANG DON DAM PA NGO BO NYID MED PA NYID CES BYA'O, ,DE CI'I PHYIR ZHE NA, DON DAM YANG DAG 'PHAGS, CHOS RNAMS KYI CHOS BDAG MED PA GANG YIN PA DE NI DE DAG GI NGO BO NYID MED PA NYID CES BYA STE, DE NI DON DAM PA YIN LA DON DAM PA NI CHOS THAMS CAD KYI NGO BO NYID MED PA NYID KYIS RAB TU PHYE BA YIN PAS DE'I PHYIR DON DAM PA NGO BO NYID MED PA NYID CES BYA'O, ZHES GSUNGS PAS SO, ,DON DAM PA NGO BO NYID MED PA'I 'JAG TSUL GNYIS BA ZHIG KYANG BKA' STZAL PA NI, GZHAN DBANG LA DON DAM PA NGO BO NYID MED MANG PA ZHES GSUNGS PA STE, DE YANG CHOS KYI BDAG MED MNGON SUM DU RTOGS PA'I 'PHAGS PA'I YE SHES DAS GANG LA DMIGS NAS BSGOMS NA SGIB PA RNAM PAR DAG PAR 'GYUR BA'I DMIGS PA'I NGO BOR MED PA'I PHYIR DON DAM PA NGO BO NYID MED PA ZHES GSUNGS PA YIN NO, ,DE LTAR YANG DGONGS PA NGES 'GREL LAS, CHOS RNAMS KYI DON DAM PA NGO BO NYID MED PA GANG ZHE NA, RTEN CING 'BREL PAR 'BYUNG BA'I CHAS GANG DAG SKYE BA NGO BO NYID MED PA DE DAG NI, DON DAM PA NGO BO NYID MED PA NYID KYIS NGO BO NYID MED PA NYID KYANG YIN NO, ,DE CI'I

, ,PHYIR ZHEN, DON DAM YANG DAG 'PHAGS, CHOS RNAMS LA RNAM PAR DAG PA'I DMIGS PA GANG YIN PA DE NI DON DAM PA YIN PAR YONGS SU BSTAN LA, GZHAN GYI DBANG GI MTSAN NYID DE RNAM PAR DAG PA'I DMIGS PA MA YIN PAS DE'I PHYIR DON DAM PA NGO BO NYID MED PA NYID CES BYA'O, ZHES GSUNGS PAS SO, ,DE LA KUN BRTAGS RANG GI MTSAN NYID KYIS MED CES PA'I DON NI BDEN PAR MED CES PA'I DON YIN TE, DE MA YIN NA GTAN NAS MED PA'I DON DU 'CHAD DOGS LA, DE LTA NA KUN BRTAGS SHES BYA LA MI SRID PAS, GZHI GRUB NA RDZAS YOD YIN PAS KHYAB PAR THAL LO, ,DE'I PHYIR GZHAN DBANG RANG GI MTSAN NYID KYIS YOD PAR BSHAD PA'ANG BDEN PAR YOD PA'I DON YIN TE, GZHAN DU NA KUN BRTAGS RANG GI MTSAN NYID KYIS MED CING GZHAN DBANG RANG GI MTSAN NYID KYIS YOD PAR BSHAD PA'I KHYAD PAR MI 'THAD DE, DE GNYI GA BDEN PAR MED MNYAM DANG THA SNYAD DU YOD MNYAM DU MTSUNGS PA'I PHYIR RO, ,GAL TE RANG GI MTSAN NYID KYI YOD MED NI, DON BYED NUS PA'I DNGOS POR YONG MED LA BYED DO SNYAM NA, DE YANG MI 'THAD DE, YONGS GRUB KYANG RANG GI MCHAN NYID KYIS YOD PAR BSHAD PAS DE YANG DNGOS POR THAL BA'I PHYIR RO, ,GZHAN DBANG DANG YONGS GRUB RANG GI MTSAN NYID KYIS YOD PAR JI LTAR BSHAD SNYAM NA, GZHAN DBANG RANG GI MTSAN NYID KYIS MED BAR LTAS NA, GZHAN DBANG LA SKUR BA BTAB PAR 'GYUR ZHING, DE LA SKUR PA BTAB PAS KUN BRTAGS DANG YONGS GRUB LA YANG SKUR BA BTAB PAR 'GYUR TE, DE'I PHYIR MED PAR LTA BA NYID DU 'GYUR RO ZHES GSUNGS SHING, DE YANG GZHAN DBANG KUN BRTAGS KYI GDAGS GZHI DANG, YONGS GRUB KYI CHAS CAN YIN PAS DE LA SKUR PA BTAB NA DE GNYIS LA YANG BTAB PAR 'GYUR RO SNYAM DU DGONGS PA'O, ,DE LTAR YANG DGONGS PA DES 'GREL LAS, DON DAM YANG DAG 'PHAGS, 'DI LTAR GZHAN GYI DBANG GI MTSAN NYID DANG YONGS SU GRUB PA'I MTSAN NYID YOD NA NI, KUN BRTAGS PA'I MTSAN NYID KYANG RAB TU SHES PAR 'GYUR NA, DE LA GANG DAG GZHAN GYI DBANG GI MTSAN NYID DANG, YONGS SU GRUB PA'I MTSAN NYID LA MCHAN NYID MED PAR MTHONG BA DE DAG GIS NI, KUN BRTAGS PA'I MTSAN NYID LA YANG SKUR PA BTAB PA YIN PA'I PHYIR TE, DE LTA BAS NA [?] DE DAG NI MTSAN NYID RNAM PA

GSUM CAR LA YANG SKUR PA 'DEBS PA ZHES BYA'O, ZHES DANG, BYANG SA LAS, BTAGS PA'I TSIG GI MTSAN MA'I GZHI, BTAGS PA'I TSIG GI MTSAN MA'I RTEN DU GYUR PA, BRJOD DU MED PA'I BDAG NYID KYIS DON DAM PAR YOD PA YANG DAG PA'I DNGOS PO LA THAMS CAD KYIS THAMS CAD DU MED DO ZHES SKUR BA 'DEBS SHING CHUD GZON PAR BYED PA GANG YIN PA 'DI GNYIS NI CHOS 'DUL BA 'DI LAS RAB TU NYAMS PA YIN PAR RIG BAR BYA'O, ZHES DANG, YANG BYANG SA LAS, DBAS [?] NA GANG ZAG KHA CIG SHAS PAR DKA' BA'I MDO SDE THEG PA CHEN PO DANG LDAN PA, ZAB MO STONG PA NYID DANG LDAN PA'I DGONGS PA'I DON BSTEN PA DAG THOS NAS, BSHAD PA'I DON YANG DAG PA JI LTA BA BZHIN DU MA SHES NAS TSUL BZHIN MA YIN PAR RNAM PAR BTAGS TE, RIGS PA MA YIN PAS SKYED PA'I RTOG PA TZAM GYIS 'DI THAMS CAD NI BTAGS PA TZAM DU ZAD DE, 'DI NI DE KHO NA YIN NO, ,SU 'DI LTAR LTA BA DE NI YANG DAG PAR LTA BA YIN NO ZHES DE LTAR LTA ZHING DE SKAD SMRA'O; ;DE'I LTAR NA 'DOGS PA'I GZHI'I DNGOS PO TZAM YANG MED PAS 'DOGS PA NYID KYANG THAMS CAD KYIS THAMS CAD DU MED BAR 'GYUR NA, GDAGS PA TZAM GYI DE KHO NA YOD PAR LTA GA LA 'GYUR TE, DE BAS NA [?] RNAM GRANGS DES NA DE DAG GIS NI DE KHO NA DANG BTAGS PA DE GNYI GA LA YANG SKUR BA BTAB PAR 'GYUR TE; BTAGS PA DANG NGO KHO NA LA SKUR PA BTAB PA NA, MED PAR LTA BA'I GTZO BO YIN PAR RIG PAR BYA'O, ZHES DBU MA PA CHOS THAMS CAD BTAGS PA TZAM DU SMRA BA LA MED PAR LTA BAR 'GYUR BA'I GNOD PA BSTAN LA, BYANG SA'I LUNG GONG MA'I, DON DAM PAR YOD PA YANG DAG PA'I DNGOS PO, ZHES PAS DNGOS PO BDEN GRUB GSAL BAR BSTAN CING, GZHAN DBANG GI DNGOS PO BDEN PAR MED NA, 'BRAS BU SKYED NUS KYI RDZAS SU MED DGOS BAS GTAN NAS MED DGOS LA, DE LTAN KUN BRTAGS DANG YONGS GRUB KYANG MED PAR 'GYUR RO, ZHES BYA BAR DGONGS BA STE, DNGOS PO BDEN PAR MED NA GTAN MED DU 'GYUR DGOS SNYAM PA NI DNGOS SMRA BA SPYI'I GRUB BA'I MTHA' YIN NO, ,GZHAN YANG GTAN LA DBAB PA BSDU BA LAS, THEG PA CHEN PO LA RANG GIS NYES PAR GZUNG BAS 'DI SKAD CES, KUN RDZOB TU NI THAMS CAD YANG LA DON DAM PAR NI MED DO ZHES ZER RO, ,DE LA 'DI SKAD CES, TSE DANG LDAN PA DON RAM PAR YOD PA NI GANG YIN, KUN RDZOB NI GANG YIN

, ,ZHES BRJOD PAR BYA'O, ,DE SKAD DRIS PA NA, GAL TE 'DI SKAD CES CHAS THAMS CAD KYI NGO BO NYID MED PA GANG YIN PA DE NI DON DAM PA YIN LA, NGO BO NYID MED PA'I CHOS DE DAG LA NGO BO NYID DU DMIGS PA GANG YIN PA DE NI KUN RDZOB YIN NO, CES PA NAS, ZHES LAN 'DEBS PAR 'GYUR NA, CES PA'I BAR GYIS, DBU MA PA BDEN MED DON DAM DANG, BDAN PAR SNANG BA'I CHOS JI SNYED PA KUN RDZOB TU SMRA BA PHYOGS SNGAR BKOD NAS DGAG PA RGYAS PAR BSTAN PA YIN LA, DGONGS 'GREL DANG BSDU BA SOGS LAS GONG DU DRANGS PA LTAR, GZHAN DBANG RANG NYID RANG LAS MI SKYE BA SKYE BA NGO BO NYID MED PA'I DON DU BSHAD PA DE YANG SKYE BA BDEN PAR MED PAR, MI 'DOD PA YIN GYI, SKYE BA BDEN PAR MED PAR KHAS LEN NA NGO BO MED TSUL DE LTAR 'CHAD PA'I DON MED DO, ,GZHAN YANG MDO SNGA RGYAN LAS, THOG MA DANG NI DE NYID GZHAN NYID DANG, ,RANG GI MTSAN NYID RANG DANG GZHAN DU 'GYUR, ,KUN NAS NYON MONGS PA DANG KHYAD PAR LA, ,SKYE BA MED PA'I CHOS LA BZOD PAR BSHAD, CES GSUNGS PAS KYANG, CHOS THAMS CAD SKYE BA MED PA LA BZOD PAR BSHAD PA'I DGONGS PA BSHAD DE, DE YANG, THOG MA DANG NI, CES PAS 'KHOR BA'I THOG MA MED PA DANG, DE NYID, CES PA SNGAR SKYES PA DE NYID SLAR YANG RANG GI NGO BOR SKYE BA MED PA DANG; GZHAN NYID, CES BA RGYU LAS MI MTHUN PA'I 'BRAS BU MI SKYE BA DANG, RANG GI MTSAN NYID, CES PA KUN NGA RTAGS RANG GI MTSAN NYID KYIS MI SKYE BA DANG, RANG DANG, CES PA GZHAN DBANG RANG LAS MI SKYE BA DANG, GZHAN DU 'GYUR, CES PA YONGS GRUB LA GZHAN 'GYUR GYI SKYE BA MED PA DANG, KUN NAS NYON MONGS PA DANG, CES PA ZAD PA SHES PA'I RGYUD LA NYON MONGS PA MI SKYE BA DANG, KHYAD PAR LA, CES PA SANGS RGYAS KYI DAG PA GNYIS LDAN GYI CHOS KYI SKU LA SKYE BA MED PA STE, TSUL 'DI LTA BU LA DGONGS NAS SKYE BA MED PA'I CHOS LA BZOD PAR GSUNGS PAR 'GREL BAS BSHAD DE, DE LTAR 'CHAD PA NI, BDEN PA'I SKYE BA MED PA LA BZOD PA KHAS MI LEN PA'I LUGS SO, ,DBUS MTHA' LAS, YANG DAG MA YIN KUN RTOG YOD, ,DE LA GNYIS PO YOD MA YIN, ,STONG PA NYID NI 'DI LA YOD, ,DE LA YANG NI DE YOD DO, ZHES GSUNGS TE, DE LA RKANG PA DANG POS STONG GZHI GZHAN DBANG RANG BZHIN GYIS YOD PAR

BSTAN, RKANG PA GNYIS PAS, DE NYID GZUNG 'DZIN RDZAS THA DAD PA GNYIS POS STONG PAR BSTAN, RKANG PA GSUM PAS, GZHAN DBANG DE LA, KUN BRTAGS KYIS STONG BA'I STONG PA NYID YONGS GRUB KYANG RANG BZHIN GYIS YOD PAR BSTAN TE, 'DI NYID GANG NA GANG MED PA DE NI DES STONG PA DANG, 'DI LA LHAG MA YOD PA NI 'DIR YANG DAG PAR YOD PA'O, ZHES SHES PA'I SGO NAS STONG PA NYID LA 'JUG PA PHYIN CI MA LOG PAR 'GREL PAR GSUNGS LA, DE'I PHYIR LHAG MA YOD PA NI, ,YANG DAG MA YIN KUN RTOG YOD, CES BSTAN PA DE YIN PAS, KUN BRTAGS KYIS STONG PA'I LHAG MA GZHAN DBANG YOD, CES PA'I DON YIN ZHING, DE YANG YOD TZAM LA BYED NA NI, KUN BRTAGS KYANG YOD PA TZAM YIN PAS KHYAD PAR DBYE MI NUS PA'I PHYIR BDEN BAR YOD PA LA BYED DGOS LA, 'DIR YANG DAG PAR YOD PA'O, ZHES PAS KYANG BSHAD DO, ,DBUS MTHA'I 'GREL BSHAD LAS KYANG GSAL BAR BSHAD DE, JI SKAD DU, LA LA DAG CHOS THAMS CAD RI BONG GI RVA LTAR RANG BZHIN YE MED DE SNYAM DU SEMS PA DE'I PHYIR, THAMS CAD LA SKUR PA DGAG PA'I DON DU, YANG DAG MA YIN KUN RTOG YOD, CES BYA BA GSUNGS TE, RANG BZHIN GYIS ZHES BYA BA TSIG GI LHAG MA'O, ZHES GSUNGS PAS SO, ,DE BZHIN DU SUM CU PA'I 'GREL PA LAS KYANG, YANG NA RNAM PAR SHES PA BZHIN DU SHES BYA YANG RDZAS NYID DU KHA CIG SEMS PA DANG, GZHAN DAG SHES BYA BZHIN DU RNAM PAR SHES PA YANG KUN RDZOB NYID DU YOD KYI DON DAM PAR YOD PA MA YIN NO SNYAM DU SEMS PA MTHA' GCIG TU SMRA BA 'DI RNAM PA GNYIS DGAG PAR BYA BA'I PHYIR RAB TU BYED PA 'DI BRTZAMS SO, ZHES PHYI DON MED PA DANG, RNAM SHES NGAN DAM DU YOD PA GSAL BAR BSHAD DE, MNGON PA KUN LAS BTUS LAS, GANG LA GANG MANG PA DE NI DES STONG PAR YANG DAG PAR RJES SU MTHONG STE, 'DI LA LHAG MA GANG YIN PA DE NI 'DIR YOD PA'O ZHES YANG DAG PA JI LTA BA BZHIN DU RAB TU SHES SO, ZHES GSUNGS PA'I DON YANG GONG DU BSHAD PA LTAR KUN BRTAGS BDEN PAR MED CING DES STONG PA'I LHAG MA GZHAN DBANG BDEN PAR GRUB PA LA BSHAD DGOS TE, TSUL 'DI NI SA SDE RNAMS NA'ANG SHIN TU GSAL LO, ,DER MA ZAD KUN LAS BTUS SU TSOL BA BZHI DANG YONGS SU SHES PA BZHI MDO TZAM BSHAD PA DANG, BYANG SA'I DE KHO

, ,NA NYID KYI LE'U LAS RGYAS PAR BSHAD PA'I SKABS SU GZHAN DBANG GI DNGOS PO RANG GI MTSAN NYID KYIS GRUB BA LA GRUB PAR SHES PA DNGOS PO TSOL BAR GTOGS PA YONGS SU SHES PA DANG, NGO BO DANG KHYAD PAR KUN BRTAGS PA LA BTAGS PA TZAM DU SHES PA GNYIS NGO BO NYID DU 'DOGS PA DANG KHYAD PAR DU 'DOGS PA TSOL BAR GTOGS PA YONGS SU SHES PA'I DON DU GSUNGS LA, KUN LAS BTUS LAS, SHIN TU RGYAS PA LAS CHOS THAMS CAD NGO BO NYID MED NGO ZHES GSUNGS PA DE LA DGONGS PA GANG YIN ZHE NA, CES PA NAS, YANG KUN BRTAGS PA'I NGO BO NYID MTSAN NYID NGO BO NYID MED PA NYID DANG GZHAN GYI DBANG LA SKYE BA NGO BO NYID MED PA DANG, YONGS SU GRUB PA DON DAM PA NGO BO NYID MED PA'I PHYIR RO, CES SHIN TU RGYAS PA'I SDE SNOD YUM RGYAS PA SOGS LAS CHOS THAMS CAD NGO BO NYID MED PAR GSUNGS PA DGONGS PA CAN DU GSUNGS NAS, DGONGS GZHI NGO BO NYID MED CHUL GSUM LA DGONGS PA MDO DGONGS 'GREL SOGS LAS JI LTAR GSUNGS PA GONG DU BSHAD PA DA LTAR BSHAD PAS, MA BSLABS PA KHA CIG, KUN LAS BTUS DBU MA RIGS PA'I TSOGS DANG MTHUN PAR SMRA BA NI, CHA MED BZHIN DU BYUNG RGYAL SMRA BA'O, ,GZHAN YANG MDO DGONGS 'GREL DANG, GTAN LA DBAB PA BSDUD DANG, BYAD [?] SA DANG; THEG BSDUS DANG, KUN LAS BTUS RNAMS LAS, MDO LAS, TSES THAMS CAD MA SKYES PA MA 'GAGS PA GZOD MA NAS ZHI BA RANG BZHIN GYIS YONGS SU MYA NGAN LAS 'DAS PA ZHES GSUNGS PA DGONGS PA CAN DANG LEM PO'I NGAG TU GSUNGS PA'I PHYIR, NGO BO NYID MED PAR SMRA BA'I DBU MA'I LUGS SU JI LTAR 'GYUR, GZHAN YANG MDO DGONGS 'GREL LAS, NYAN THOS ZHI BA BGROD PA PHYOGS GCIG PA RNAMS NA SANGS RGYAS THAMS CAD BRTZON PA DANG LDAN YANG BYANG CHUB KYI SNYING PO LA BZHAG PAR MI NUS PAR GSUNGS SHING, GTAN LA DBAB PA BSDU BA LAS KYANG, DE LA ZHI BA BGROD PA'I NYAN THOS NI, DANG PO NYID NAS SNYING RJE SHIN TU CHUNG BA'I RIGS CAN YIN PA'I PHYIR DANG, GCIG TU SEMS CAN GYI DON LA MI PHYOGS PA'I PHYIR DANG, SDUG BSNGAL GYIS 'JAGS PA'I PHYIR MYA NGAN LAS 'DAS PA LA GNAS PA'I BSAM PA CAN KHO NAR 'GYUR ZHING BYANG CHUB CHEN PO MNGON PAR BSGRUB PA'I SKAL BA MED PA

GANG YIN PA'O, ZHES BSHAD PAS DE DAG GI LUGS LA MTHAR THUG GI THEG PA GSUM DU 'DOD PA LA BSNYON DU MED LA, YANG DGONGS 'GREL LAS, 'JAM DPAL RNAM PAR GROL BA'I LUS KYIS NI DE BZHIN GSHEGS PA RNAMS DANG NYAN THOS RNAMS KYANG MCHUNGS SHING MNYAM MO, ZHES SOGS GSUNGS PA'I DON BSDUS NAS; MDO SDE RGYAN LAS, CHOS DANG BDAG MED GROL BDAG, MTSUNGS PHYIR RIGS NI THA DAD PHYIR, ,BSAM GNYIS THOB PHYIR SPRUL PA'I PHYIR, ,MTHAR THUG PHYIR NA THEG GCIG NYID, CES PAS MTHAR THUG THEG PA GCIG TU GSUNGS PA'I DGONGS GZHI BSTAN LA, DE'I PHYIR 'DI DAG DBU MA CHEN PO DANG, NGES DON SGRA JI BZHIN PA'I LUGS SU KHAS BLANGS NAS, MTHAR THUG THEG PA GCIG TU SMRA BA NI RIG PA RNAL DU MA BZHAG PA'O, ,YANG DGONGS 'GREL LAS, BLO GROS YANGS PA LEN PA'I RNAM PAR SHES PA DE LA BRTEN CING GNAS NAS, RNAM PAR SHES PA'I TSOGS DRUG PO 'DI LTA STE, MIG GI RNAM PAR SHES PA DANG, RNA BA DANG, SNA DANG, LCE DANG; LUS DANG, YID KYI RNAM PAR SHES PA DAG 'BYUNG NGO, CES SOGS KYIS RGYAS PAR BSHAD NAS, LEN PA'I RNAM PAR SHES PA ZAB CING PHRA, CES SOGS KYIS DON BSDUS TE, KUN GZHI RNAM PAR SHES PA SA BON THAMS CAD PA, KUN NAS NYON MONGS KYI CHOS KUN GYI RGYU RKYEN DU GSAL BAR BSHAD CING, DE NYID SHES BYED DU DRANGS TE, BSDU BA DANG THEG BSDUS SU YANG DE LTAR RGYAS PAR BSHAD PA LA, GANG DAG BDE BAR GSHEGS PA'I SNYING PO RTAG BRTAN GZHUNG DE DAG NAS BSTAN PA'I KUN GZHIR SMRA BA DANG, MDO DGONGS 'GREL SGRA JI BZHIN PA'I NGES DON DU SMRA BA NI, KHO BOS DE DAG GI YI GE CAM LA YANG MA BLTAS PAR BYUNG RGYAL DU SMRAS SO, ZHES SGROG PA'O, ,GZHAN YANG GONG DU JI SKAD BSHAD PA LTAR, MDO DGONGS 'GREL DANG, THOGS MED SKU MCHED KYI GZHUNG DANG, MDO SDE RGYAN DANG, DBUS MTHA' RNAMS KYIS, STONG GZHI GZHAN DBANG DNGOS PO BDEN GRUB DE NYID, KUN BRTAGS DNGOS MED DES STONG PA GZHAN STONG GI DON DU CHOS GSAL BAR YANG YANG BSHAD PA LA, STONG GZHI BDE GSHEGS SNYING PO DNGOS MED DE NYID, GZHAN DBANG DNGOS PO 'DU BYAS KYI TSOGS KYIS STONG PA'I GZHAN STONG GZHUNG DE DAG GIS BSTAN NO SNYAM DU BZUNG NAS DE DAG NGES DON DU BSGRUB PA NI BLO GROS SMYOS PAS RANG GI GSHED MA LA PHAR 'DZIN PA'O, ,DE'I PHYIR MDO

, ,DGONGS 'GREL RJES 'BRANG DANG BCAS PA NAS GZHAN DBANG DON DAM PAR GRUB PA'I DNGOS PO DANG YANG DAG PAR YOD PA'I DNGOS POR LAN GCIG MA YIN PAR BSHAD CING, DE BSGRUB PA'I RIGS PA DANG, GZHAN DBANG BDEN MED DU BLTAS NA, SKUR 'DEBS KYI LTA BAR LAN GCIG MA YIN PAR BSHAD PA LA, DNGOS PO THAMS CAD THA SNYAD BLO 'KHRUL PA'I DON YOD PA TZAM NA GTOGS, KHO RANG GIS KHO RANG STONG BA'I RANG STONG YIN PAS, GO CHOD KYI CHOS SU CUNG ZAD KYANG MED PAR 'DOD PA DE, MDO DGONGS 'GREL DANG THOGS MED SKU MCHED KYI GZHUNG GI SGRA JI BZHIN PA'I DGONGS BA DANG NGES DON DU SMRA BA DANG, DE LA'ANG RJES SU BRJOD PA NI KYE MA PHONGS PA'I RGYU NYID YIN NO, ,GZHAN YANG KHO RANG GIS KHO RANG STONG BA RANG STONG GI DON YIN NA, RGYU DANG 'BRAS BU MTHA' DAG RGYU DANG 'BRAS BU MTHA' DAG GIS STONG DGOS PAS, LAS 'BRAS RI BONG GI RVA BZHIN DU 'GYUR BA'I PHYIR, 'DI LAS THA CHAD PA CI ZHEG 'BYUNG BAR 'GYUR, DE BAS NA CHOS THAMS CAD RANG STONG DU 'DOD PA KHA CIG DANG, KUN RDZOB TZAM RANG STONG DU SMRA BA GNYI GA'ANG RANG STONG GI DON 'DI LTAR KHAS LEN PA NI, THEG PA CHE CHUNG GI CHA GANG GIS KYANG MA BSTAN CING, DRANG DON DANG NGES DON GYI MDO GANG GI 'ANG DON MA YIN LA, SANGS RGYAS PA'I GRUB MTHA' SMRA BA SU'ANG DE LTAR 'DOD PA 'PHAGS PA'I YUL DU MA BYUNG NGO, ,'O NA MDO DGONGS 'GREL LAS GZHAN DBANG SGYU MA LTA BUR GSUNGS SHING, BDEN PAR GRUB PA NI SGYU MA LTA BUR MI 'THAD PAS CI'I PHYIR GZHAN DBANG BDEN PAR GRUB PA MDO DE'I DON DU SMRA ZHE NA, SGYU MA DPER BYED TSUL LA RAG STE, DBU MA PA LTAR GZHAN DBANG MI BDEN BZHIN DU BDEN PAR SNANG BA'I CHA NAS DPER BYED PA MA YIN GYI, 'ON CI ZHE NA, 'DI PA'I LUGS KYIS SGYU MA GZHAN DBANG GI DPER BYED LUGS NI RGYAN DANG THEG BSDUS DANG BSDU BA SOGS LAS GSAL BAR GSUNGS TE, 'DI LTAR MDO SDE RGYAN LAS, JI LTAR SGYU MA DE BZHIN DU, ,YANG DAG MA YIN KUN RTOG 'DOD, ,SGYU MA'I RNAM PA JI LTA BAR, ,DE BZHIN GNYIS SU 'KHRUL PA BRJOD, CES GSUNGS SHING, DE'I DON NI 'KHRUL GZHI BONG BA DANG SHING LA SOGS PA SGYU MA'I SNGAGS KYIS BTAB PA NI GZHAN DBANG YANG DAG PA MA YIN PA'I KUN RTOG GNYIS SNANG 'KHRUL PA'I BAG CHAGS KYIS BSRANG

PA DANG 'DRA LA, BONG BA SOGS DE DAG RTA GLANG SOGS SU SNANG BA NI, GZHAN DBANG DE LA GZUNG 'DZIN RGYANGS CHAD GNYIS SU SNANG BA DANG 'DRA BAR 'GREL PAS BSHAD DO, ,THEG BSDUS LAS KYANG, YUM GYI MDOR GSUNGS PA'I SGYU MA LA SOGS PA'I DPES GZHAN DBANG STON PA'I DPE DON SBYOR BA NA, PHYI ROL GYI DON MED NA YUL DU JI LTAR DMIGS SNYAM PA BZLOG BA'I PHYIR SGYU MA'I DPE DANG, DON MED NA SEMS DANG SEMS BYUNG JI LTAR SKYE SNYAM PA BZLOG PA'I PHYIR SMIG RGYU DANG, DON MED NA YID DU 'ONG MI 'ONG LA JI LTAR SPYOD SNYAM PA BZLOG PA'I PHYIR RMI LAM LA SOGS PA DPER BSHAD PAS NA DBU MA PA DANG KHYAD SHIN TU CHE'O, ,'O NA GAL TE DE DAG GI LUGS LA GZHAN DBANG BDEN PAR GRUB NA DGONGS 'GREL DANG MDO SDE RGYAN LAS, DON DAM PA MTSAN NYID LNGA LDAN BSHAD PA'I THAD DU SKYE 'JIG MED PAR BSHAD PA DANG, BSDU BA LAS KYANG, RNAM PAR RTOG PA KUN RDZOB TU YOD PAR BRJOD PAR BYA'AM, DON DAM PAR BRJOD PAR BYA ZHE NA, SMRAS PA, KUN RDZOB TU YOD PAR BRJOD PAR BYA'O, ZHES BSHAD PA RNAMS DANG JI LTAR MI 'GAL ZHE NA, MI 'GAL TE, 'DI LTAR, KUN RDZOB DANG DON DAM PA'I BDEN PA ZHES BA NI, BDEN PAR GRUB MA GRUB TZAM GYIS 'JOG PA MA YIN GYI, 'ON CI ZHE NA, GANG LA DMIGS NAS SHES BYA'I SGRIB PA RNAM PAR DAG PAR 'GYUR BA'I DMIGS PA LA NI DON DAM PA'I BDEN PA ZHES BYA LA, GANG LA DMIGS NAS KUN NAS NYON MONGS PA SKYE BA'I DMIGS PA LA KUN RDZOB KYI BDEN PA ZHES BYA ZHING, GZHAN DBANG NI BDEN PAR GRUB KYANG RNAM PAR DAG PA'I DMIGS PA MA YIN PAS DE'I PHYIR KUN RDZOB BDEN PAR GSUNGS PA YIN NO, ,GZHAN DBANG BDEN PAR GRUB PA NI MING DANG BRDAS BZHAG PA TZAM MIN PAR RANG GI MTSAN NYID KYIS GRUB PA LA BRJOD DE, DES NA DON DAM BDEN PA DANG DON DAM PAR YOD PA TZAM LA KHYAD SHIN TU CHE BA DANG, KUN RDZOB BDEN PA YIN KYANG RDZUN PA CAM YIN MI DGOS PA LA SOGS PA GRUB PA'I MTHA' 'DI'I LUGS YIN ZHING, DE'I PHYIR, YE SHES SNYING PO KUN LAS BTUS LAS, GZUNG DANG 'DZIN PA LAS GROL BA'I, ,RNAM PAR SHES PA DON DAM YOD, ,BLO MTSO'I PHA ROL PHYIN PA YI, ,RNAL 'BYOR SPYOD PA'I GZHUNG DU GRAGS, ZHES GSUNGS PA YIN NO, ,DE LTAR SEMS TZAM PAS 'KHOR LO BAR PA'I MDO LAS CHOS THAMS

, ,CAD NGO BE [?] NYID MED PAR GSUNGS BA SGRA JI BZHIN DU GZUNG DU MI RUNG BAR 'BANG NAS BSGRUBS SHING, DGONGS 'GREL LAS GSUNGS PA'I NGO BO NYID GSUM LA RANG GI MTSAN NYID KYIS GRUB MA GRUB LEGS PAR PHYE BA'I TSUL SGRA JI BZHIN PAR BYAS PA'I RNAM GZHAG JI SNYED CIG BYAS PA THAMS CAD KYI SKABS DON GYI GTZO BO NI, LUGS 'DI'I BDAG MED GTAN LA 'BABS PA GANG KHEGS PA LA RAG LAS PA'I SGRO 'DOGS DANG SKUR 'DEBS KYI PHYOGS LEGS PAR NGOS ZIN NAS, DE DAG TSUL JI LTAR BKAG PA'I SGO NAS BDAG MED GNYIS JI LTAR RNAM PAR 'JOG BA DANG, DE 'DRA BA'I BDAG MED GNYIS GOMS PAR BYAS PAS SGRIB PA GANG SPANGS TE 'BRAS BU BYANG CHUB GANG MNGON DU BYED PA SHES PA NYID YIN NO, ,DE LA SKUR 'DEBS NI GRUB MTHAS BZHAG PA KHO NA DANG, DE YANG RANG SDE NGO BO NYID MED PAR SMRA BA'I LUGS SU SNGAR BSHAD PA DE LTA BU RNAMS TE, SKUR 'DEBS KYI PHYOGS DE NYID LA DGAG PA STON PA'I SGO JI LTA BU YIN PA SOGS NI SNGAR BSHAD PA'I PHYOGS CAM GO BAR NUS SO, ,SGRO 'DOGS LA KUN BRTAGS DANG LHAN SKYES GNYIS YOD LA, KUN BRTAGS NI GZHAN SDE DANG RANG SDE DON SMRA GNYIS KYI LUGS SO, ,LHAN SKYES LA GANG ZAG DANG CHOS KYI BDAG TU SGRO 'DOGS PA GNYIS LAS, DANG PO JI LTA BU YIN PA DANG, DE BKAG PA'I GANG ZAG GI BDAG MED JI LTA BU YIN PA NI LUGS 'DI DANG DBU MA RANG RGYUD BDAG BZHED PA LA MI 'DRA BA CHER MED DE DE YANG PHYOGS TZAM 'OG TU 'CHAD PA LAS SHES PAR 'GYUR RO, ,CHOS KYI BDAG TU SGRO 'DOGS PA LUGS 'DIS JI LTA BU ZHIG LA BYED PA DANG DE RDZOGS PAR KHEGS PA'I CHOS KYI BDAG MED JI LTA BU ZHIG LA 'DOD PA NI SHIN TU RTOGS PAR DKA' BA'I GNAS MTHAR THUG PA YIN LA, DE LTA NA YANG GANGS RI'I KHROD 'DIR BDAG CAG GI RJE THAMS CAD MKHYEN PA GCIG PUS GSAL BAR MDZAD DU ZAD KYI, MKHAS PAR KHAS 'CHE BA GZHAN MTHA' DAG GIS NI DBANG SHES RANG GI SNANG YUL SNGON PO LA SOGS PA DANG RDZAS THA DAD PA BKAG PA TZAM GYI PHYOGS GCIG BU LAS GZHAN PA NGO BO DANG KHYAD PAR DU KUN BRTAGS PA'I KUN BRTAGS DANG, DE RANG GI MTSAN NYID KYIS GRUB PA BKAG PA'I CHOS KYI BDAG MED 'JOG PA'I TSUL GYI THA SNYAD TZAM YANG SMRA BAR MI NUS TE, RNAM PAR RIG PA TZAM GYI GRUB BA'I MTHA'

RGYA MTSO'I NANG DU RNAM PAR DPYOD PA'I SKYA BA 'DZIN PA LA BLO GROS KYI DED DPON PHYOGS BSLAD PAR GYUR NAS, LUGS 'DI'I GZHUNG LUGS CHEN PO DAG GI GRU BO CHE LA 'DZEG PAR BZOD PA RNGO MA THOGS PA NYID DU 'DUG PA SHA STAG GO ,DE LTA MOD KYI KHO BO CAG GI RJE THAMS CAD MKHYEN PAS DRANG BA DANG NGES PA'I DON RNAM PAR 'BYAD PA LEGS PAR BSHAD PA'I SNYING POR SHING RTA CHEN PO'I LUGS YONGS SU RDZOGS PA NYID DU GSAL BA'I BKA' DRIN MDZAD DU ZIN KYANG, DA LTA'I SKYE BO BLO GROS KYI NYAMS STOBS SHIN TU ZHAN PAS BYIS PA SHED MA BYE BA LTA BU'I GNAS SKABS LA BRTEN PA 'DI MTHA' DAG GIS RDO RJE'I TSIG LTAR PHYOGS TZAM YANG DBYE BAR MA NUS [?] GTOL MED PAR GYUR PA NYID DU RIG NAS, KHO BOS SHIN TU NYUNG DU'I TSIG GIS SA 'OG GI GTER LTAR GYUR PA'I DON DE NYID LAG MTHIL NA GNAS PA'I SKYU RU RA LTAR NYAN PA BO DAG LA BSTAN PAR BYA YIS RNA BA BLAGS TE 'DUG SHIG ,DE YANG RNAM 'GREL NGES GNYIS SU DBANG SHES LA LTOS PA'I GZUNG 'DZIN RDZAS GZHAN DU 'DZIN PA CHOS KYI BDAG 'DZIN DU BSHAD PA MA GTOGS NGO BO DANG KHYAD PAR DU KUN BRTAGS PA RANG GI MTSAN NYID KYIS GRUB PAR 'DZIN PA CHOS KYI BDAG 'DZIN DU BYAS NAS DES GZUNG BA LTAR GRUB PA 'GOG PA'I TSUL GSAL BAR MA BSHAD KYANG, DE CAM ZHIG MTHONG BA RGYU MTSAN DU BYAS TE, NGO BO DANG KHYAD PAR DU KUN BRTAGS PA RANG GI MTSAN NYID KYIS GRUB PA BKAG PA'I CHOS KYI BDAG MED THOGS MED KYI LUGS DANG, DBANG SHES LA LTOS BA'I GZUNG 'DZIN RDZAS GZHAN BKAG PA'I CHOS KYI BDAG MED PHYOGS GLANG CHOS GRAGS KYI LUGS ZHES 'DZIN PA NI MTHONG RGYA CHUNG BA'I GTAM STE, SLOB DPON 'PHAGS PA THOGS MED KYIS THEG BSDUS SU, DE LA KUN BRTAGS PA'I MTSAN NYID GANG ZHE NA, GANG DON MED KYANG RNAM PAR RIG PA TZAM DON NYID DU SNANG BA GANG YIN PA'O, ZHES SOGS KYIS DBANG SHES LA PHYI ROL DON DU SNANG BA LTAR PHYI ROL DON DU MED PAR DAM BCAS NAS, DE SGRUB PA LA SA BCU PA'I MDO DANG DGONGS 'GREL LA SOGS PA'I LUNG DANG, YI DVAGS DUD 'GRO MI RNAMS DANG, ,LHA RNAMS JI LTAR RIGS RIGS SU, ,DNGOS GCIG YID NI THA DAD PHYIR, ,DON MA GRUB PAR 'DOD PA YIN, ZHES SOGS RIGS PA'I RNAM GRANGS DU MA DANG, YUL PHYI DON MED KYANG

, ,YUL CAN GYI SHES PA BDEN PAR GRUB PA'I DPE RMI LAM DANG RAB RIB CAN GYI MIG SHES DANG, SMIG RGYU SNANG BA'I SHES PA DANG, SGYU MA'I RTA GLANG SOGS SU SNANG BA'I SHES PA DANG, MI SDUG PA SGOM PA'I TING NGE 'DZIN GYI SNANG BA SOGS DU MA BKOD NAS RGYAS PAR BSGRUBS PA'I SGO NAS DBANG SHES LA LTOS PA'I GZUNG 'DZIN RDZAS GZHAN DANG PHYI DON 'GOG PA LUNG RIGS GNYI GA'I DBANG DU BYAS NA RNAM 'GREL NGES LAS KYANG RGYAS PA'I PHYIR DANG, PHYOGS KYI GLANG POS BRGYAD STONG DON BSDUR NGO BO DANG KHYAD PAR DU BTAGS PA RANG GI MTSAN NYID KYIS GRUB PA BKAG PA'I CHOS KYI BDAG MED SHER PHYIN GYI MDA' DON DU 'GREL TSUL THEG BSDUS JI LTA BA BZHIN DU GSAL BAR BSHAD PA'I PHYIR RO, ,DE LTA NA YANG GZHAN DBANG GANG LA 'DOGS PA'I GNAS SU BYAS NAS NGO BO DANG KHYAD PAR DU BTAGS PA'I TSUL DANG, BTAGS PA DE LTAR RANG GI MTSAN NYID KYIS GRUB PA 'GOG TSUL DANG, BKAG PA'I CHOS KYI BDAG MED 'JOG TSUL RNAMS MA SHES NA LUGS 'DI'I CHOS KYI BDAG MED 'JOG TSUL RDZOGS PA DANG, YONGS SU SHES PA BZHI DANG TSOL BA BZHI DANG, DE DAG GE SGO NAS RNAM PAR RIG PA TZAM LA 'JUG PA'I TSUL DANG, SHER PHYIN GYI MDO RNAM G-YENG GI RNAM RTOG BCU'I GNYEN POR BSTAN PA'I CHUL RGYAS PAR 'CHAD PA DAG GI RNAM GZHAG CHA TZAM YANG SHES BAR NUS PA MA YIN NO, ,DE YANG MDO SDE DGONGS 'GREL LAS GZHAN DBANG NGO BO DANG KHYAD PAR DU KUN BRTAGS PA'I NGO BOR RANG GI MCHAN NYID KYIS GRUB PA MED PAS MTSAN NYID NGO BO NYID MED PA CHOS KYI BDAG MED DU BSHAD PA'I SHUGS KYIS GZHAN DBANG LANG BA DANG KHYAD PAR DU BTAGS PA RANG GI MTSAN NYID KYIS GRUB PAR 'DZIN PA CHOS KYI BDAG 'DZIN DU BSTAN LA, BYANG SA DANG BSDU BA DANG THEG BSDUS LAS KYANG, DES JI LTAR BZUNG BAS STONG PA'I STONG NYID DBU MA'I DAN MTHAR THUG PA DANG, CHOS KYI BDAG MED KYI YONGS GRUB TU 'BAD PA DU MAS BSGRUBS SHING GZHAN DBANG LA NGO BO DANG KHYAD PAR DU KUN BRTAGS PA LTAR RANG GI MTSAN NYID KYIS GRUB PAS STONG BA DE YONGS GRUB DANG, CHAS BDAG BKAG PA'I CHOS NYID DANG, GANG LA DMIGS NAS BSGOMS NA SHES SGRIB DAG PAR BYED PA'I DMIGS PAR BYANG SA SOGS LAS BSHAD PAS, NYAN THOS SDE GNYIS KYIS NGO BO DANG KHYAD

PAR DU KUN BRTAGS PA RANG GI MTSAN NYID KYIS STONG BAR MA GRUB CING, DE GNYIS KYI LUGS LA DE RANG GI MTSAN NYID KYIS GRUB BAR 'DZIN PAR YANG BYA DGOS SO, ,DE 'DRA BA'I KUN BRTAGS NI PHUNG PO LA SOGS PA LA 'DI GZUGS SO ZHES NGO BO DANG 'DI GZUGS KYI SKYE BA'O ZHES SOGS KHYAD PAR DU MING DANG BRDAR BTAGS PA'I NGO BO YIN LA, PHUNG SAGS RNAMS NGO BO DA CAM DU YOD PA DGAG MI NUS PAS DER RANG GI MTSAN NYID KYIS YONG PA 'GOG STE, DGAG BYA GANG BKAG NAS BDAG MED RNAM PAR 'JOG PA'I DGAG BYA'I BDAG THA SNYAD DU YANG GZHI MA GRUB PAS KHYAB PAR 'DOD PA LA BDAG MED KHAS LEN PA'I NANG PA'I GRUB MTHA' SMRA BA MTHA' DAG MTHUN NO, ;GZUGS SOGS NGO BO DANG SKYE BA SAGS KHYAD PAR DU MING DANG BRDAR BTAGS PA CAM RANG GI MTSAN NYID KYIS GRUB PA DANG, GZUGS SOGS RNAMS NGO BO DANG KHYAD PAR DU 'DOGS PA'I RTOG PA'I ZHEN GZHI YIN PA RANG GI MTSAN NYID KYIS GRUB PA 'GOG PA NI MDO SDE PAS GZUGS SOGS SGRA'I BRJOD BYA YIN BA DANG; GZUGS SOGS RTAG PA'I ZHEN YUL YIN PA RANG GI MTSAN NYID KYIS GRUB PA BKAG NAS SPYI MTSAN DU 'DOD PA DANG MI 'DRA BA'I KHYAD PAR LEGS PAR PHYE NAS NGO BO DANG KHYAD PAR DU MING DANG BRDAS BZHAG TSUL DANG, DE RANG GI MTSAN NYID KYIS GRUB PAR SNANG TSUL DANG, RTOG PA'I ZHEN GZHI'I DON JI LTAR YIN PA SOGS TSIG TZAM DU MA LUS PAR MTSAN GZHI LEGS PAR NGOS ZIN PA ZHIG DGOS SO, ,DE YANG GZUGS SOGS NGO BO DANG KHYAD PAR GYI THA SNYAD KYI GZHI'AM GNAS YIN PA NI MING DANG BRDAS BA ZHAG PA TZAM YIN LA, GZUGS SOGS NGO BO DANG KHYAD PAR GYI THA SNYAD KYI GZHI YIN PAR TSANG MAS BYANG GRUB MOD KYI GZAGS SOGS NGO BO DANG KHYAD PAR GYI THA SNYAD KYI GZHIR RANG GI MTSAN NYID KYIS GRUB PA THA SNYAD DU YANG MED PAS DE LTAR GRUB PAR SNANG BA DAG SNANG BA LTAR THA SNYAD DU YANG GRUB PA KHEGS PA DANG, DE LTAR GRUB PAR ZHEN PA'I ZHEN TSUL LTAR THA SNYAD DU'ANG GRUB PA KHEGS DGOS SO, ,DE LA GZUGS SOGS NGO BO DANG KHYAD PAR GYI THA SNYAD KYI GZHIR RANG GI MTSAN NYID KYIS GRUB PAR RTOG PA LA SNANG BA'I SNANG BA TZAM NI RANG GI MTSAN NYID KYIS MA GRUB PA'I SGRO BTAGS SU MDO SDE PAS KYANG GRUB ZIN CING, RTOG PA DE SNANG BA DE LA 'KHRUL SHES SU'ANG NGES GRUB ZIN PAS, RTOG PA'I SNANG BAR RTOG PA LA SNANG DE LTAR RANG GI MTSAN NYID KYIS GRUB PAS STONG PAR RTOGS

, ,PA CHOS KYI BDAG MED RTOGS PAR 'ONG DON MED DO, ,DES NA 'DIR NI MDO SDE PAS SNANG YUL LA MA 'KHRUL BAR 'DOD PA'I BAG CHAGS BRTAN BYUNG GI DBANG SHES LA YUL GZUGS SOGS RNAMS NGO BO DANG KHYAD PAR GYI THA SNYAD KYI GZHIR RANG GI MTSAN NYID KYIS GRUB PAR SNANG NGA NYID SNANG BA LTAR THA SNYAD DU YANG GRUB PA BKAG NAS, DE CHOS BDAG BKAG PA'I YONGS GRUB DANG, DE RTOGS PA CHOS KYI BDAG MED RTOGS PAR 'JOG GO ,GZUGS SOGS NGO BO DANG KHYAD PAR DU 'DOGS PA'I THA SNYAD KYI GZHIR RANG GI MTSAN NYID KYIS GRUB PAR RTOG PAS ZHEN PA LTAR GRUB PA BKAG NAS CHOS BDAG KHEGS BAR 'GYUR BA LA, RTOG PA'I ZHEN TSUL LAS DBANG SHES KYI SNANG TSUL DGAG BYA BLO YUL DU 'CHAR DKA' BAS, THOG MAR SNANG TSUL DE NGOS ZIN NA DE LTAR DU GRUB PAR ZHEN PA'I RTOG PA'I ZHEN TSUL LTAR GRUB PA 'GOG PA'I TSUL SHES PA LA KHYAD CHE LA, MING GI SNGA ROL BLO MED PHYIR LA SOGS PAS NI DBANG SHES KYI SNANG TSUL LTAR ZHEN PA 'GOG PA GTZO BOR MDZAD DO, ,CI RTOG MED DBANG SHES LA RTOG PAS BTAGS PA TZAM GYI SNANG BA JI LTAR 'CHAR ZHEN, DE 'CHAR BA 'GAL NA NI DBANG SHES LA SGYU MA'I RTA GLANG GI SNANG BA 'CHAR MI SRID PAR THAL, SGYU MA'I RTA GLANG RTOG PAS BTAGS PA TZAM YIN PA'I PHYIR RO, ,'O NA DBANG SHES LA GZUGS SOGS NGO BO DANG KHYAD PAR GYI THA SNYAD KYI GZHIR SNANG BA DANG, DE YANG RANG GI MTSAN NYID KYIS GRUB PAR SNANG BA DANG, DE MING DANG BRDAS JI LTAR BZHAG PA DANG, DE RTOG PA'I ZHEN GZHIR 'JOG PA'I TSUL RNAMS BRJOD PAR BYA DGOS SO ZHES ZER NA, BSHAD PAR BYA STE 'DI LTAR, THEG BSDUS LAS, DE LA GZHAN GYI DBANG GI MTSAN NYID GANG ZHE NA, GANG KUN GZHI RNAM PAR SHES PA LA SA BON CAN, YOD PA YANG DAG MA YIN PA KUN TU RTOG PAS BSDUS PA'I RNAM PAR RIG PA'O, ZHES KUN GZHI RNAM SHES LA YOD PA'I BAG CHAGS KYI DBANG GIS YUL YANG DAG PA MA YIN PA STE, PHYIN CI LOG GI SNANG TSUL YOD PA'I YANG DAG MA YIN KUN RTOG GI RNAM RIG GZHAN DBANG GI GTZO BOR BSTAN NAS DE LTA BU'I RNAM RIG GI DBYE BA 'CHAD PA NA, MNGON PAR BRJOD PA'I BAG CHAGS KYI DBANG GIS YUL SNANG BA'I RNAM RIG DANG, BDAG TU LTA BA'I BAG CHAGS KYI DBANG GIS SNANG PA'I RNAM RIG DANG, SRID PA'I YAN LAG GI

BAG CHAGS KYI DBANG GIS SNANG BA'I RNAM RIG GSUM DU GSUNGS NAS DE DAG KYANG JI LTA BU YIN PA NI, THEG BSDUS LAS, DE YANG GANG ZHE NA, LUS DANG, LUS CAN DANG, ZA BA PO'I RNAM PAR RIG PA DANG, DES NYE BAR SPYAD PAR BYA BA'I RNAM PAR RIG PA DANG, DE LA NYE BAR SPYOD PA'I RNAM PAR RIG PA DANG, DUS KYI RNAM PAR RIG PA DANG, GRANGS KYI RNAM PAR RIG PA DANG, YUL GYI RNAM PAR RIG PA DANG, THA SNYAD KYI RNAM PAR RIG PA DANG, BDAG DANG GZHAN GYI BYE BRAG GI RNAM PAR RIG PA DANG, BDE 'GRO DANG, NGAN 'GRO DANG, 'CHI 'PHO DANG, SKYE BA'I RNAM PAR RIG PA'O, ,DE LA LUS DANG, LUS CAN DANG, ZA BA PO'I RNAM PAR RIG PA GANG YIN PA DANG, DES NYE BAR SPYAD PAR BYA BA'I RNAM PAR RIG PA GANG YIN PA DANG, DE LA NYE BAR SPYOD PA'I RNAM PAR RIG PA GANG YIN PA DANG, DUS DANG GRANGS DANG YUL DANG THA SNYAD KYI RNAM PAR RIG PA GANG YIN PA DE NI MNGON PAR BRJOD PA'I BAG CHAGS KYI SA BON LAS BYUNG BA'I PHYIR RO, ZHES SOGS GSUNGS SHING, YANG DE NYID LAS, DES NYE BAR SPYAD PAR BYA BA'I RNAM PAR RIG PA NI GZUGS LA SOGS PA PHYI'I KHAMS DRUG TU RIG PAR BYA'O, ,DE LA NYE BAR SPYOD PA'I RNAM PAR RIG PA NI MIG GI RNAM PAR SHES PA LA SOGS PA'I KHAMS DRUG TU RIG PAR BYA'O, ZHES GSUNGS PAS MIG GI RNAM PAR SHES PA SOGS LA RANG GI YUL GZUGS SOGS SNANG BDE LA MNGON PAR BRJOD PA'I BAG CHAGS KYI DBANG GIS SNANG BA'I SNANG TSUL YOD PAR GSUNGS PAS SNANG TSUL DE YOD LUGS SHES DGOS LA, DE YANG MDO SDE BDAG GI LUGS LA SNGON PO GZUGS YIN PAR RANG GI MTSAN NYID KYIS GRUB CING, SNGON PO GZUGS YIN PA DE NYID SNGON PO GZUGS SO SNYAM DU ZHEN PA'I RTOG PA'I ZHEN YUL YIN KYANG, DE DE 'DRA BA'I RTOG PA'I ZHEN YUL YIN PA RANG GI MTSAN NYID KYIS MA GRUB CING SGRO BTAGS YIN LA, DER MA ZAD SNGON PO GZUGS YIN PAR ZHEN PA'I RTOG PA'I ZHEN YUL RANG GI MTSAN NYID KYIS MA GRUB KYANG, SNGON PO 'DI GZUGS SO SNYAM DU 'DZIN PA'I RTEG PA'I ZHEN YUL DU GYUR PA'I SNGON PO RANG GI MTSAN NYID KYIS GRUB PAS, MDO SDE PA'I LUGS LA RTOG PA DE'I ZHEN YUL GYI RANG LDOG SGRO BTAGS YIN KYANG DE'I GZHI LDOG SGRO BTAGS SU MI 'GYUR BA'I KHYAD PAR DE LTA BU YOD DO, ,RNAM RIG PA'I SKABS 'DIR BRDA LA BYANG BA'I SKYES BUS

, ,YID GTAD PA'I TSUL GYIS SNGON PO MTHONG BA'I MIG SHES LA SNGON PO SNANG BA'I TSO NA SNGON PO SNGON POR SNANG BA DANG SNGON PO PHYI ROL DU SNANG BAR MA ZAD, SNGON PO DE NYID 'DI SNGON PO'O ZHES PA DANG, SNGON PO 'DI GZUGS KYI NGO BO'O ZHES PA DANG, 'DI SNGON PO'I SKYE BA'O ZHES SOGS KYI THA SNYAD KYI GZHI'AM GNAS SU GYUR PA'I SNGON POR SNANG BA'I SNANG TSUL YOD DO, ,DE YOD PAR GANG GIS SHES NA, MIG SHES DE LA SNGON BO TSUL JI LTAR SNANG BA'I SNANG BA DE NYID DRAN PA'I YUL DU BYAS NAS DE LA ZHEN TE 'DI SNGON PO'O ZHES THA SNYAD BYED PA'I RTOG PA MIG SHES DES RANG STOBS KYIS 'DREN PA'I PHYIR DANG, SNGON PO'I ZHES BRJOD PA'I DON DE'I NGO BO GANG YIN ZHES DRIS NA'ANG MIG SHES DE LA SNGON PO LTAR SNANG BA'I SNANG BA DE NYID LA ZHEN NAS DE'I NGO BO GZUGS YIN NO ZHES LAN 'DEBS PA'I KUN SLONG RTOG PA'AM MIG SHES DE'I STOBS KYIS 'DREN PAR NUS PA'I PHYIR RO, ,RGYU MTSAN DE NYID KYI PHYIR MIG SHES DE LA SNGON PO'I THA SNYAD KYI GZHIR GYUR BA'I SNGON POR SNANG BA'I TSON SNGON PO RANG GI DNGOS PO'I GNAS TSUL GYI NGOS NAS SNGON PO'I THA SNYAD KYI GZHIR SNANG BA'I SNANG TSUL YOD PAR YANG GRUB LA, SNGON PO'I THA SNYAD KYI GZHIR GYUR PA'I SNGON POR RANG GI MTSAN NYID KYIS GRUB PAR SNANG BA'I DON NI DE YIN NO, ,DE BZHIN DU SNGON PO 'DI GZUGS KYI NGO BO'O 'DI 'DI'I SKYE BA'O ZHES SOGS KYI THA SNYAD KYI GZHIR GYUR PA'I GZUGS SOGS SU RANG GI MTSAN NYID KYIS GRUB PAR SNANG BA'I DON YANG DE DANG 'DRA'O, ,MIG SHES LA DE LTAR SNANG BA DE NI SNGON PO'I GNAS TSOD KYI DBANG GIS SHAR BA'I SNANG BA YANG MA YIN LA, MIG SHES DE LA SNANG BA'I SNGON PO LTAR RANG GI RIGS MTHUN PA'I BAG CHAGS KYI SA BON RGYUR BYAS PA LAS SKYES PA'ANG MA YIN GYI, THOG MA MED PA NAS 'DI SNGON PO'O 'DI GZUGS SO 'DI GZUGS KYI SKYE BA'O, ZHES SOGS NGO BO DANG KHYAD BAR GYI THA SNYAD RTOG PAS LAN MANG DU BYAS PA GOMS PAS BZHAG PA'I BAG CHAGS KYI DBANG GIS SHAR BA'I SNANG BA TZAM YIN LA, BAG CHAGS DE LA NI MNGON PAR BRJOD PA'I BAG CHAGS ZHES BYA'O, ,RTOG BAS THA SNYAD SBYAR BA GOMS PAS BZHAG PA'I BAG CHAGS KYI DBANG GIS SHAR BA'I SNANG BA TZAM YIN PAS SNANG BA DE LA MING DANG BRDAS BZHAG BA TZAM GYI SNANG BA DANG RTOG

PA'I DBANG GIS BZHAG BA'I SNANG BA ZHES BYA LA, DBANG SHES LA GZUGS SOGS NGO BO DANG KHYAD PAR GYI THA SNYAD KYI GZHIR SNANG BA LTAR GZUGS SOGS NGO BO DANG THA SNYAD KYI KHYAD PAR GYI GZHIR THA SNYAD DU YOD CING DE YANG MING DANG RTOG PAS BZHAG PA TZAM YIN TSUL BSHAD MA THAG PA DANG 'DRAL, DBANG SHES LA GZUGS SOGS NGO BO DANG KHYAD PAR GYI THA SNYAD KYI GZHIR RANG GI MTSAN NYID KYIS GRUB PAR SNANG BA DANG SNANG BA LTAR DU GZUGS THA SNYAD KYI GZHIR RANG GI MTSAN NYID KYIS GRUB PA GNYI GA'ANG MING DANG RTOG BAS BTAGS PA YIN TSUL SNGA MA DANG 'DRA YANG BTAGS PA LTAR THA SNYAD TZAM DU YANG GZHI MA GRUB BAS, GZUGS SOGS NGO BO DANG KHYAD PAR GYI THA SNYAD KYI GZHI YIN PA GZHI GRUB PA'I KUN BRTAGS DANG, GZUGS SOGS NGO BO DANG KHYAD PAR GYI THA SNYAD KYI GZHIR RANG GI MTSAN NYID KYIS GRUB PA GZHI MA GRUB PA'I KUN BRTAGS YIN LA, DBANG SHES LA GZUGS SOGS SNANG BA'I TSE 'DI GZUGS SO ZHES SOGS KYI THA SNYAD 'JUG PA'I GNAS LTA BUR SNANG BA YOD PA DANG, DE'I SNANG TSUL LTAR RANG GI MTSAN NYID KYIS GRUB BAR MDO SDE PAS KHAS LEN NO, ,DE YANG MDO SEMS GNYI GAS KYANG DBANG SHES LA GZUGS SNANG BA'I TSE GZUGS KYI THA SNYAD KYI RANG LDOG YANG SNANG BA'I SGO NAS DE'I GZHIR SNANG BAR 'DOD PA MIN GYI, 'ON KYANG DBANG SHES LA GZUGS SNANG BA'I TSE 'DI GZUGS ZHES PA'I MING GANG LA 'JUG PA'I GZHI'I SNANG TSUL YOD PAS DBANG SHES LA GZUGS SNANG BDE LA ZHEN TE RTOG PAS 'DI GZUGS SO ZHES THA SNYAD BYED PA YIN PAR GNYI GA 'DOD CING SNANG TSUL DE LTAR RANG GI MTSAN NYID KYIS GRUB MA GRUB KYI 'DOD BA MI MTHUN PA YIN NO, ,DES NA DBANG SHES LA 'DI GZUGS SO ZHES SOGS KYI MING GANG LA 'JUG PA'I GZHIR DNGOS PO RANG GI GNAS TSUL LA GRUB PA'I GZUGS SOGS SU SNANG BA DE LA RJES KYI RTOG PAS ZHEN NAS 'DI GZUGS SO ZHES SOGS KYI THA SNYAD BYED CING, DBANG SHES LA SNANG TSUL DE LTAR DU GRUB PAR YANG RTOG BAS ZHEN PA'I SGO NAS SNGAR RANG RGYUD LA YOD PA'I MNGON PAR BRJOD PA'I BAG CHAGS YANG DANG YANG DU GSO BAR BYED BAS DE'I PHYIR DBANG SHES LA TSUL DE LTAR SNANG BA'I GZUGS SOGS DE LA RTOG PA'I ZHEN GZHI ZHES BYA STE, 'DIR GZUGS SOGS RTOG PA'I ZHEN GZHI ZHES YANG YANG 'BYUNG BA'I

, ,DON NI DE YIN GYI, GZUGS RTOG PA'I ZHEN YUL YIN PA ZHES PA TZAM DANG MI 'DRA LA, DE YANG 'DIR GZUGS SOGS RTOG PA'I ZHEN GZHIR RANG GI MTSAN NYID KYIS MA GRUB PAR 'JOG PA DANG MDO SDE PAS GZUGS SOGS RTOG PA'I ZHEN YUL YIN PA RANG GI MTSAN NYID KYIS MA GRUB PAR 'JOG PA'I TSUL GNYIS MI MTSUNGS PA'I RGYU MTSAN GO BDE BAR BSDUS TE BSTAN NA 'DI YIN TE, DE GNYIS MI MTSUNGS PAR THAL, 'DIR GZUGS SOGS RTOG PA'I ZHEN GZHIR RANG GI MTSAN NYID KYIS MA GRUB PA NI RTOG PA'I ZHEN GZHI'I RANG LDOG TZAM LA MI ZER GYI DE'I GZHI LDOG TU GYUR PA BAG CHAGS BRTAN BYUNG GI DBANG SHES LA GZUGS SOGS RNAMS 'DI GZUGS SO ZHES SOGS KYI THA SNYAD GANG LA 'JUG PA'I GZHIR SNANG BA'I SNANG TSUL LTAR GYI DON LA 'DOD LA, MDO SDE PA'I LUGS LA DBANG SHES DE DAG SNANG YUL LAM 'KHRUL BAS DE DAG GI SNANG TSUL LTAR GYI DON RANG GI MTSAN NYID KYIS GRUB PAS KHYAB PAR 'DOD PA'I PHYIR RO, ,DES NA MDO SDE PAS NI DBANG SHES DE DAG LA DE LTAR SNANG BA'I SNANG TSUL LTAR DU RANG GI MTSAN NYID KYIS GRUB PAR 'DZIN PA'I RTOG PA'I 'DZIN STANGS KYANG DON MTHUN DU 'DOD LA, 'DIR NI DBANG SHES KYI SNANG TSUL DE LTAR RANG GI MTSAN NYID KYIS GRUB PAR 'DZIN PA CHOS KYI BDAG 'DZIN DU 'DOD PAS KHYAD SHIN TU CHE BA YIN NO, ,DE LTAR NA DBANG SHES LA GZUGS SOGS NGO BO DANG KHYAD PAR GYI THA SNYAD 'JUG PA'I GZHIR DNGOS PO'I GNAS TSUL LA GRUB PAR SNANG BDE MA RIG PA'I BAG CHAGS KYI DBANG GIS SHAR BA'I SNANG TSUL PHYIN CI LOG YIN KYANG DBANG SHES DE SHES SGRIB DANG CHOS KYI BDAG 'DZIN DU MI SMRA'I, DBANG SHES LA SNANG TSUL DE LTAR GRUB PAR 'DZIN PA'I RTOG PA NI SGRO 'DOGS DANG, CHOS KYI BDAG 'DZIN DANG SHES SGRIB MNGON GYUR DU 'DOD PA YIN CING, RTOG PA DES ZHEN TSUL LTAR THA SNYAD DU'ANG GRUB PA 'GOG PA DANG, DBANG SHES LA GZUGS SOGS KYI THA SNYAD KYI GZHIR SNANG BA'I SNANG TSUL LTAR RANG GI MTSAN NYID KYIS GRUB PA THA SNYAD DU'ANG YOD PA 'GOG PA GNAD GCIG LA, DE BAS NA DRANG BA DANG NGES PA'I DON RNAM PAR 'BYED PA LEGS PAR BSHAD PA'I SNYING BO ZHES BYA BA'I GSUNG RAB LAS, DE'I PHYIR GZUGS ZHES THA SNYAD BTAGS PA'I TSE

SNGON PO GZUGS KYI THA SNYAD 'DOGS PA'I GZHI YIN PA DE JI LTAR SNANG BA BLTAS PA NA MING DANG BRDAS BZHAG PA MIN PAR RANG GI GNAS LUGS KYI DBANG GIS GRUB BA BZHIN DU SNANG NGO, ,SNGON PO DE JI LTAR SNANG BA BZHIN DU GRUB PAR 'DZIN PA NI SNGON PO LA GZUGS SO ZHES MING DU BTAGS PA LA RANG GI MTSAN NYID KYIS GRUB PAR 'DZIN PA'I SGRO 'DOGS YIN LA, DE BYIS PA RNAMS LA YOD PAR SNGAR BSHAD PA DES 'GRUB CING DE 'DRA BA'I 'DZIN STANGS DE 'THAD LDAN DU DON SMRA SDE GNYIS KYANG 'DOD PAS SGRA'I BRJOD BYA'I RANG LDOG RTOG BTAGS YIN KYANG DE'I GZHI LDOG TU RANG MTSAN 'ONG BA'I LUGS DANG GA LA MTSUNGS, ZHES GSUNGS PA'I DON NI DE LTAR SHES PAR BYA'O, ,DES NA DBANG SHES LA GZUGS SOGS NGO BO DANG KHYAD PAR GYE THA SNYAD DE DAG GANG LA 'JUG PA'I GZHIR SNANG BA'I SNANG TSUL LTAR ZHEN NAS, 'DI GZUGS SO ZHES SOGS KYI THA SNYAD BYED PA'I RTOG PA NI LOG SHES MA YIN ZHING, DES ZHEN TSUL LTAR GYI DON NI THA SNYAD TZAM DU YOD PA'I KUN BRTAGS YIN LA, DBANG SHES LA GZUGS SOGS NGO BO DANG KHYAD PAR GYI THA SNYAD DE DAG GI GZHIR RANG GI MTSAN NYID KYIS GRUB PAR SNANG BA'I SNANG TSUL LTAR DU ZHEN PA'I RTOG PA NI ZHEN TSUL LTAR GYI DON THA SNYAD DU'ANG MA GRUB PA'I LOG SHES YIN PAS RTOG PA THAMS CAD GCIG TU MI GZUNG NGO, , SNGON PO SNGON PO'I THA SNYAD KYI GZHIR RANG GI MTSAN NYID KYIS MA GRUB KYANG SNGON PO SNGON PO SNGON POR RANG GI MTSAN NYID KYIS GRUB PA LTAR, DBANG SHES LA SNGON PO SNGON PO'I THA SNYAD 'JUG PA'I GZHI'I SNANG TSUL LTAR RANG GI MTSAN NYID KYIS MA GRUB KYANG SNGON PO SNGON POR SNANG BA'I SNANG TSUL LTAR RANG GI MTSAN NYID KYIS GRUB LA, SNANG TSUL DE LTAR 'DZIN PA'I RTOG PAS ZHEN PA LTAR YANG RANG GI MTSAN NYID KYIS GRUB BO, ,DE YANG MIG SHES LA SNGON PO SNGON PO'I THA SNYAD 'JUG PA'I GZHI'I SNANG TSUL NI MNGON PAR BRJOD PA'I BAG CHAGS KYI LAG RJES YIN PAS DE 'DRA'I SNANG TSUL LTAR GYI DON MING DANG RTOG PAS BTAGS PA TZAM GYI DON YIN PA'I PHYIR DNGOS PO MA YIN KYANG, MIG SHES LA SNGON BO SNGON POR SNANG BA NI MNGON PAR BRJOD PA'I BAG CHAGS KYI LAG RJES MA YIN GYI, RIGS MTHUN PA'I BAG CHAGS KYIS BSKYED PA'I 'BRAS BU YIN LA, SNANG TSUL LTAR GYI DON YANG SKAD CIG RE RE ZHING 'JIG PA'I MI RTAG PA YIN PA'I PHYIR

, ,RDZAS SU GRUB PA DANG GZHAN DBANG YIN GYI KUN BRTAGS MA YIN NO, ,DE'I PHYIR MIG SHES GCIG GI SNANG TSUL LA YANG RANG RANG GI BAG CHAGS KYI LAG RJES SO SOR SHES PAR BYA STE, DBANG SHES GCIG NYID LA YANG RANG GI SKYEN GSUM GYI LAG RJES SO SOR GNAS PA BZHIN NO, ,DON 'DI LA DGONGS NAS THEG BSDUS LAS KYANG, GAL TE RNAM PAR RIG PA TZAM DON DU SNANG BA'I GNAS GZHAN GYI DBANG GI NGO BO NYID YIN NA DE JI LTAR NA GZHAN GYI DBANG YIN LA CI'I PHYIR NA GZHAN GYI DBANG ZHES BYA ZHE NA, RANG GI BAG CHAGS KYI SA BON LAS SKYES PA YIN PAS DE LTA BAS NA RKYEN GZHAN GYIS DBANG BYED DO, ,SKYES NAS KYANG SKAD CIG LAS LHAG PAR BDAG NYID GNAS PAR MI NUS PAS NA GZHAN GYI DBANG ZHES BYA'O, ZHES GSUNGS TE, RANG GI BAG CHAGS NI RIGS MTHUN PA'I BAG CHAGS SO, ,RIGS MTHUN PA'I BAG CHAGS ZHES BYA BA 'DI YANG CI ZHIG CE NA, SHES PA SNGA MA SNGA MAS RANG 'DRA'I SHES PA PHYI MA PHYI MA SKYED PA'I NUS PA RANG 'GAG PA NA KUN GZHI RNAM PAR SHES PA LA BSGOS NAS BZHAG PA GANG YIN PA'O, ,DE BAS NA MIG SHES PHYI MA LA SNGON POR SNANG BA NI SNGOR SNANG MIG SHES SNGA MAS BZHAG PA'I BAG CHAGS KYI LAG RJES YIN GYI RTOG PAS BZHAG PA'I BAG CHAGS KYI LAG RJES MA YIN NO, ,GAL TE MIG SHES LA SNGON PO NGO BO DANG KHYAD PAR GYI THA SNYAD KYI GZHI YIN PAR YANG MNGON PAR BRJOD PA'I BAG CHAGS KYI DBANG GIS SNANG BA'I PHYIR BAG CHAGS DE'I 'BRAS BU YIN DGOS LA DE LTAR NA DNGOS POR MI 'GYUR RAM SNYAM NA, 'ON RTOGS PA LA BUM PAR SNANG BA'ANG CHOS CAN MNGON PAR BRJOD PA'I BAG CHAGS KYI 'BRAS BUR THAL, DE'I DBANG GIS RTOGS PA LA SHAR BA'I SNANG BA YIN PA'I PHYIR RO, ,DES NA BAG CHAGS KYIS BSLAD PA'I DPANG GIS SHAR BA DANG BAG CHAGS SA BON DU BYAS NAS SKYES PA MI 'DRA'O, ,RIGS MTHUN PA'I BAG CHAGS DE NYID THOGS MED SKU MCHED NI RKYEN BZHI'I NANG NAS RGYU'I RKYEN DU BZHED DO, ,DE LTAR NA BAG CHAGS BRTAN BYUNG GI DBANG SHES GCIG GI SNANG BA LA YANG SNANG TSUL LTAR GYI DON RANG GI MTSAN NYID KYIS GRUB PA'I GZHAN DBANG YIN PA DANG, SNANG TSUL LTAR GYI DON THA SNYAD DU MING DANG BRDAS BZHAG PA TZAM GYI KUN BRTAGS SU YOD PA DANG, SNANG TSUL LTAR GYI DON THA SNYAD DU YANG MING DANG BRDA'I SGO NAS KYANG YOD PAR

BZHAG MI NUS PA'I RTOG BTAGS 'BA' ZHIG PA GSUM GSUM GYI CHA DBYER YOD LA, DE LA SNANG BA'I DON LA ZHEN PA'I RTOG PA'I ZHEN TSUL YANG RIGS GSUM DU YOD CING, DE NI RTOG PA'ANG SO SO BA YIN GYI RTOG PA GCIG GI ZHEN TSUL GSUM DU 'BYED PA MIN NO, ,DE YANG SNGAR BSHAD PA DAG GIS SHES NUS MED KYI BLO GROS SHIN TU BRTUL BA'I NGOR SLAR YANG BSDUS NAS SMRAS SO, ,BRDA LA MA BYANG BA'I RGYUD KYI DBANG SHES LA'ANG SNANG TSUL BRDA LA BYANG BA DANG KHYAD PAR MED MOD KYI, DE LTA NA'ANG RJES KYI RTOG PA LA SNANG TSUL LTAR GYI DON SPYI SHAR YANG DE'I THA SNYAD KYI SGRA SPYI MA SHAR BAS SNANG TSUL GYI BRDA SBYOR MA SHES PA TZAM ZHIG KHYAD PAR RO, ,DE LA DBANG SHES LA GZUGS SOGS NGO BO DANG KHYAD PAR GYI THA SNYAD KYI GZHIR RANG GI MTSAN NYID KYIS GRUB PAR SNANG BA'I SNANG TSUL LTAR DU ZHEN PA'I RTOG PAS BZUNG BA LTAR GRUB PA 'GOG PA'I RIGS PA NI THEG BSDUS LAS, MING GI SNGA ROL BLO MED PHYIR, ,MANG BA'I PHYIR DANG MA 'DRES PHYIR, ,DE YI BDAG NYID BDAG MANG DANG, ,BDAG 'DRES 'GAL BAS GRUB PAR 'GYUR, ZHES GSUNGS PAS BSTAN TE, DE'I RIGS PA DANG PO NI, LTO LDIR BA BUM PA'I THA SNYAD KYI GZHIR 'JOG PA BRDA LA GTAN MI LTOS PAR THAL, DE DER LTO LDIR BA RANG GI DNGOS PO'I GNAS TSOD KYI NGOS NAS RANG GI MTSAN NYID KYIS GRUB PA'I PHYIR, 'DOD NA LTO LDIR BA LA BUM PA'O SNYAM PA'I BLO SKYE BA BRDA LA MI LTOS PAR SKYE BAR THAL, 'DOD BA DE'I PHYIR, 'DOD NA, LTO LDIR BA LA BUM PA ZHES MING MA BTAGS PA'I SNGA ROL DU'ANG LTO LDIR BA MTHONG BA TZAM NAS 'DI BUM PA'O SNYAM PA'I BLO SKYE BAR THAL LO, ,DE LTAR THAL BA LAS DE'I GONG DU DE 'DRA'I BLO SKYE BA MED PA'I PHYIR DE DE'I THA SNYAD KYI GZHIR RANG GI MTSAN NYID KYIS MA GRUB BO, ,RIGS PA GNYIS PA NI, SKYES BU GCIG LA DBANG PO DANG BRGYA BYIN DANG GRONG 'JOMS LA SOGS PA'I MING DU MA 'JUG PA DE LA MING DE DAG SKYES BU DE LA DNGOS PO'I DBANG GIS 'JUG PAR THAL, SKYES BU DE MING DE DAG GI 'JUG PA'I GZHIR DNGOS PO'I DBANG GIS GNAS PA'I PHYIR, 'DOD NA SKYES BU GCIG PU DE MING DU MA LTAR DON YANG DU MAR GNAS PAR THAL LO, ,'DIS KYANG SNGAR LTAR SGRUB BYED 'PHEN NO, ,RIGS PA GSUM PA NI, SKYES BU GNYIS LA MING GCIG THUN MONG DU 'JUG PA'I TSE'ANG DE GNYIS LA MING DE DNGOS DBANG GIS 'JUG PAR THAL DE GNYIS

, ,MING GCIG GI 'JUG GZHING DNGOS PO'I GNAS TSOD KYIS GRUB PA'I PHYIR RO, ,'DOD NA DE GNYIS MING GCIG PA LTAR DE GANG LA 'JUG PA'I DON YANG GCIG TU THAL BAS SKYES BU DE GNYIS RGYUD 'DRES PAR THAL LO, ,MDO SDE PA LTAR NA BUM PA ZHES PA'I SGRA'I DNGOS KYI BRJOD BYA RANG MTSAN GYIS GRUB NA BRDA 'DREL BYAS PA LA MI LTOS PAR MED GI BLO SKYE BA'I SKYON YOD KYANG DBANG SHES LA LTO LDIR BA BUM PA'I MING 'JUG PA'I GZHIR SNANG TSUL LTAR RANG GI MTSAN NYID KYIS GRUB PA LA DE'I SKYON MED CES SMRA YANG, RNAM RIG PAS DE 'DRA'I KHYAD PAR DBYE MI NUS PAR RIGS PA DE DAG GIS 'PHUL BA YIN NO, ,RNAM SHES BDEN PAR GRUB KYANG RNAM SHES 'DI RNAM SHES SO ZHES PA'I THA SNYAD GANG LA 'JUG PA'I GZHIR BDEN PAR MA GRUB CING, DE DE 'DRA'I THA SNYAD KYI GZHI'AM GNAS SU GRUB PA KUN BRTAGS YIN LA, 'ON KYANG DBANG SHES LA SNGON PO SNANG BA NA SNGON PO DE NYID 'DI SNGON PO'O ZHES SOGS NGO BO DANG KHYAD PAR GYI THA SNYAD KYI GZHIR RANG GI MTSAN NYID KYIS GRUB PAR SNANG BA LTAR RNAM SHES MYONG BA'I RANG RIG LA RNAM SHES SNANG BA NA RNAM SHES DE NYID NGO BO DANG KHYAD PAR GYI THA SNYAD KYI GZHIR SNANG BA YOD PA MA YIN TE, DBANG SHES LA SNGO SOGS SNANG BA NA GNYIS SNANG DANG BCAS PAS SNANG YANG RNAM SHES MYONG BA'I RANG RIG RNAM SHES LA GNYIS SNANG NUB PA'I SGO NAS MYONG BYED YIN PA'I PHYIR RO, ,NYAN THOS SDE GNYIS KYIS MA 'KHRUL BAR 'DOD PA'I DBANG SHES KYI SNANG YUL RANG GI MTSAN NYID KYIS MA GRUB NA YOD PAR 'JOG MI SHES LA, RNAM RIG PAS BAG CHAGS BRTAN BYUNG GI DBANG SHES LA SNANG BA'I DON YANG YIN, RANG GI MTSAN NYID KYIS MA GRUB PAR MING DANG BRDAS BZHAG PA TZAM YANG YIN PA'I GZHI MTHUN 'JOG SHES KYANG MING DANG BRDAS BZHAG PA TZAM LA RGYU 'BRAS 'JOG MI SHES PAS DE DANG DNGOS PO'I GZHI MTHUN MI 'DOD DO, ,DBU MA THAL 'GYUR BAS NI MING TZAM GYIS BZHAG PA LA RGYU 'BRAS 'JOG SHES PAS PHUL DU BYUNG BA YIN NO, DE'I PHYIR DRANG DES RNAM 'BYED LAS, 'ON KYANG MING DANG BRDAS BZHAG PA TZAM YIN PHYIN CHAD DE LA RGYU 'BRAS MI RUNG BAR 'DI PA 'DOD DO, ,DON SMRA GNYIS KYIS GZUGS SOGS RTOG PA'I ZHEN GZHI DANG BRDA 'DOGS PA'I GNAS SU RANG MTSAN GYIS GRUB PA KHEGS NA DE DAG YOD PAR 'JOG MI SHES TE, TSAD MA

PA LA GRAGS PA'I RANG MTSAN NI MIN NO, ZHES GSUNGS PA'I DON YANG DE LTAR SHES PAR BYA'O, ,TSAD MA PA LA GRAGS PA'I RANG MTSAN NI MIN NO ZHES PA'ANG DON SMRA GNYIS DBANG SHES MA 'KHRUL BA LA GZUGS SOGS THA SNYAD KYI GZHIR SNANG BA'I DON DE NYID, GZHAL BYA GNYIS PHYED TSAD MA GNYIS, ZHES SOGS KYI SKABS SU GRAGS PA'I RANG MTSAN DU ME 'DOD PAR STON PA MIN TE, GZHUNG DE'I SKABS SU DON BYED NUS PA LA RANG MTSAN GYIS KHYAB PAR BSTAN PA DANG DBANG SHES MA 'KHRUL BA'I DNGOS KYI SNANG YUL YANG YIN DON BYED MI NAS PA YANG YIN PA'I GZHI MTHUN KHAS LEN PA'I MDO SDE PA MI SRID PHAR BDAG NYID CHEN PO 'DIS BZHED PA'I PHYIR RO, ,SEMS TZAM PA DBANG SHES LA DE LTAR SNANG BA'I DON DE NYID CHAD MA PA LA SKABS DER GRAGS PA'I RANG MTSAN DU 'DOD PAR STON PA'ANG MIN TE, DE LTA NA RNAM RIG PAS DON DE NYID MING DANG BRDAS BZHAG PA TZAM DANG DEN BYED NUS PA GNYI GAR 'DOD DO ZHES BZHED DGOS KYANG, RNAM RIG PAS MING DANG BRDAS BZHAG PA TZAM LA RGYU 'BRAS 'JOG MI SHES PAR GSUNGS MA THAG PA YIN PA'I PHYIR RO, ,DES NA GSUNG DE'I DON DE GNYIS GANG DU'ANG DOGS PAR MI BYA'O, ,'O NA CI ZHE NA, 'DIR MDO SDE PA SOGS KYIS BRDA 'DOGS PA'I GNAS SU RANG MTSAN GYIS GRUB PA KHEGS NA YOD PAR 'JOG MI SHES ZHES PA NI GZHAL BYA GNYIS PHYIR SOGS KYI SKABS DER MANG SDE PA RANG LA GRAGS PA'I RANG MTSAN DE LA MI BYED DE, MDO SDE PAS NAM MKHA' NAM MKHA'I MING 'JUG PA'I GZHI YAN PA DNGOS POR MI 'DOD PAS, DE GZHAL BYA GNYIS PHYIR SOGS KYI SKABS KYI RANG MTSAN MIN KYANG YOD PAR 'JOG LA, 'ON KYANG NAM MKHA' NAM MKHA'I MING 'JUG PA'I GZHIR NAM MKHA' RANG GI GNAS TSOD KYI DBANG GIS GRUB PAR 'DOD CING, DE LTAR MA GRUB NA NAM MKHA' YOD PAR 'JOG MI SHES SO, ,NAM MKHA' DANG MYANG 'DAS SOGS NAM MKHA' DANG ZAG PA ZAD PA SOGS KYI MING GANG LA 'JUG PA'I GNAS SU NAM MKHA' DANG MYANG 'DAS SOGS RANG GI GNAS TSOD KYI DBANG GIS GRUB PAR MDO SDE PA 'DOD PA DE LA MDO SDE PA RANG GIS RANG MTSAN GYI MING MA BTAGS KYANG SEMS TZAM PA LTAR NA MDO SDE PAS DE LA RANG MTSAN GYI DON KHAS BLANGS PAR SONG BA'I DON TE 'DI RTOGS PA SHIN TU GNAD CHE BAR YOD DO, ,JI SKAD

, ,BSHAD PA'I SGRO 'DOGS PA'I MTHA' 'GOG PA'I TSUL 'DIS RNAM PAR RIG PA TZAM LA JI LTAR 'JUG PA NI, GZUGS NAS RNAM MKHYEN GYI BAR GYI CHOS RNAMS MING GI THA SNYAD 'DOGS PA'I GNAS DANG RNAM RTOG GI ZHEN PA'I GZHI YIN PA DE DON DAM PAR GRUB PA KHEGS PA NA, RJOD BYED KYI MING DANG BRJOD BYA'I DON DANG MING DON 'BREL BA LA BRTEN NAS BRJOD BYA'I DON GYI NGO BO DANG KHYAD PAR DU DON DE DANG DE'I GNAS TSUL GYI NGOS NAS GRUB PA LTA BUR SNANG NAS ZHEN PA'I YID KYI RTOG PA NI JI LTAR SNANG BA LTAR DU ZHEN PA'I DON MED PAS DE LTAR 'DZIN PA'I 'DZIN STANGS MA 'KHRUL BA YANG MED DO SNYAM NAS GZUNG 'DZIN GNYIS MED PA'I RNAM PAR RIG PA TZAM LA 'JUG PAR THEG BSDUS LAS GSUNGS PA LTAR YIN LA, SGRO 'DOGS 'DI KHEGS PA NYID KYIS PHYI ROL DON LA LTOS PA'I GZUNG 'DZIN RDZAS GZHAN YANG 'BAD MED DU KHEGS PAR 'GYUR TE, GZUGS SOGS NGO BO DANG KHYAD PAR GYI THA SNYAD 'JUG PA'I GZHI'AM GNAS SU RANG GI MTSAN NYID KYIS GRUB PAR ZHEN PA'I ZHEN CHUL LTAR YOD PA RIGS PAS KHEGS PA NA DE LTAR SNANG BA'I DBANG SHES KYI SNANG TSUL LTAR YOD PA'ANG KHAGS PAS DBANG SHES RNAMS SNANG TSUL LA 'KHRUL BAR 'GRUB LA, DE GRUB PA NA GZUNG DON PHYI ROL GYI STOBS LAS SKYES PA KHEGS PAS SNGO SOGS RNAMS RANG SNANG MKHAN GYI DBANG SHES LAS RDZAS GZHAN DU YOD PA'ANG KHEGS SO, ,'DI 'DRA BA'I SGRO 'DOGS KYI MTHA' 'GOG TSUL MA SHES NA, YUM GYI MDO LAS MED CES GSUNGS PA RNAMS KUN BRTAGS LA DGONGS PAR THEG BSDUS SOGS LAS GSUNGS PA'I DON LA RNAM RIG PA RANG LUGS LA'ANG HA CANG THAL BA MANG DU SMRA DGOS PA 'BYUNG STE, 'DUS MA BYAS KYI NAM MKHA' MED PAR GSUNGS PA'ANG NAM MKHA' PHYI ROL DON DU MED PA LA DGONGS SO, ZHES SOGS RTOG LDAN LA SKYE MI SRID PA'I LOG RTOG 'GOG PA 'BA' ZHIG LA SBYAR TE 'CHAD DGOS PA MANG BAR 'BYUNG BA'I PHYIR RO, ,'DI SHES NA NAM MKHA' NAM MKHA'I ZHES PA'I MING GI GNAS SU RANG GI MTSAN NYID KYIS GRUB PAR MED PA LA DGONGS NAS NAM MKHA' YANG MA MTHONG NAM MKHA'I MING YANG MA MTHONG BA LA SOGS PAR GSUNGS SO, ZHES 'CHANG TSUL LA MKHAS PAR 'GYUR TE, NAM MKHA' DE 'DRA'I THA

SNYAD KYI GNAS SU NAM MKHA' RANG GI GNAS TSUL GYI DBANG GIS YOD PAR 'DZIN PA NI SO SKYE LA YANG LHAN SKYES KYI TSUL DU YOD CING, DE NI 'DI PA'I LUGS KYI CHOS KYI BDAG 'DZIN YANG YIN LA, NAM MKHA' PHYI ROL GYI BEM POR 'DZIN PA'I BLO LHAN SKYES MI SRID DO, ,DE BZHIN DU 'DI SHES NA YUM GYI MDO LAS, BYANG CHUB SEMS DPA' YANG DAG PAR RJES SU MA MTHONG, BYANG CHUB SEMS DPA'I MING YANG YANG DAG PAR RJES SU MA MTHONG ZHES SOGS KYI MDO'I DON THEG BSDUS DANG BRGYAD STONG DON BSDUR TSUL 'DI'I SGO NAS 'CHAD PA RNAMS KYI TSUL LA MKHAS PAR 'GYUR GYI, GZHAN DU NA SHING RTA CHEN PO'I MDO DON 'CHAD TSUL GYI PHYOGS KYANG MTHONG BA MA YIN NO, ,DE LA GZHAN GYI DBANG NI KUN BRTAGS KYI 'DOGS PA'I GZHI DANG YONGS GRUB KYI CHOS CAN YIN LA, MTSAN GZHI NI DNGOS PO THAMS CAD DO, ,MTSAN NYID NI RGYU RKYEN GZHAN LA RAG LAS PA'I DBANG GIS BYUNG BA, DBYE NA THEG CHEN 'BAGS PA'I RJES THOB DAG PA 'JIG RTEN PA'I YE SHES LTA BU DAG PA GZHAN DBANG DANG, SO SKYE'I YANG DAG MA YIN KUN RTOG LTA BU MA DAG GZHAN DBANG GNYIS SO, ,KUN BRTAGS NI GDAGS GZHI GTZO BOR GZHAN DBANG GI STENG DU RTOG PAS BTAGS PA TZAM STE, MTSAN GZHI NI SPYI MTSAN THAMS CAD YIN LA, DRANG NGES RNAM 'BYED LAS, DE DAG GI MANG PO ZHIG MING DANG BRDAS 'JOG MI NUS PA'I YOD PA YIN YANG RANG GI MTSAN NYID KYIS GRUB PA MIN TE RTOG PAS BTAGS PA TZAM YIN PA'I PHYIR, ZHES GSUNGS PA NI SGRA RTAG PAS STONG PA LTA BU NI SGRA RTAG PA MED DO ZHES SOGS BRJOD PA GOMS PA'I BAG CHAGS KYI DBANG TZAM GYIS BLO YUL DU 'GYUR BA'ANG MA YIN LA, SGRA LA RTAG PA MED DO ZHES BRJOD PA'I THA SNYAD TZAM GYIS KYANG 'JOG MI NUS KYANG RTOG PAS BTAGS PA'I SPYI MTSAN YIN PAS KUN BRTAGS KYI MTSAN GZHIR BYA DGOS PA LTA BU RNAMS SO, ,MTSAN NYID NI, RTOG PAS BTAGS PA TZAM GANG ZHIG BLO 'KHRUL BA'I DON GRUB PA, DBYE NA GZUGS SOGS NGO BO DANG KHYAD PAR GYI THA SNYAD KYI GZHI YIN PA LTA BU RNAM GRANGS BA'I KUN BRTAGS DANG, BDAG GNYIS LTA BU MTSAN NYID YONGS SU CHAD PA'I KUN BRTAGS SO, ,YONGS GRUB NI GZHAN DBANG GI STENG DU BDAG 'DZIN GNYIS KYIS KUN BRTAGS PA LTAR GRUB PAS STONG

, ,BA'I DE BZHIN NYID DE, MTSAN NYID KYANG DE NYID DO, ,DBYE NA THEG CHEN 'PHAGS PA'I CHOS KYI BDAG MED RTOGS PA'I MNYAM GZHAG YE SHES LTA BU PHYIN CI MA LOG PA'I YONGS GRUB DANG, CHOS NYID 'GYUR MED YONGS GRUB GNYIS TE, SNGA MA NI YONGS GRUB BTAGS PA BA DANG GZHAN DBANG MTSAN NYID PA YIN LA, RNAM RIG PA'I LUGS LA'ANG CHOS KYI BDAG MED MNGON SUM DU RTOGS PA'I 'PHAGS PA SLOB PA'I MNYAM GZHAG YE SHES LA GZHAN DBANG SNANG MI SRID PAR BZHED PA LA SOGS PA RNAM RIG PA'I GRUB PA'I MTHA' LAS BRTZAMS TE BSHAD PAR BYA BA CHES MANG MOD KYI HA CANG YI GE MANGS BAS 'JIGS TE 'DIR MA BRIS SO, ,SU ZHIG GIS KYANG GANG DU'ANG, ,LUNG BSTAN MA NUS ZAB BA'I GNAS, ,DGONGS DON RIN CHEN GTER PHYE NAS, ,'DI LTAS DGYES PA BSKYED PA BYAS, ,DGONGS DON LOG BSHAD DE 'GOG DANG, ,YID GNYIS GNAS SU BSGRUBS PA LAS, ,DE NYID DGONGS PA YONGS RDZOGS PAR, ,LOG PA'I SMON PA MKHAS PAS SPANGS, ,BAR SKABS KYI TSIGS SU BCAD PA'O, ,DE YANG 'DI PA'I RANG LUGS LA KUN BRTAGS RANG GI MTSAN NYID KYIS MA GRUB PAR 'DOD KYANG, DBU MA THAL 'GYUR BA'I DGAG BYA'I RANG GI MTSAN NYID KYIS GRUB PA'I DON SEMS TZAM PAS KUN BRTAGS LA YANG 'DOD PAS RANG GI MTSAN NYID KYIS GRUB BA CES PA'I MING TZAM MTSUNGS KYANG DON SHIN TU KHYAD CHE LA, DE BZHIN DU RTOG PA'I SNANG YUL DANG, SPYI MTSAN RANG GI MTSAN NYID KYIS MA GRUB PAR GZHUNG GZHAN LAS BSHAD PA DAG GI LUGS LA'ANG, THAL 'GYUR BA'I DGAG BYA'I RANG MTSAN GYIS GRUB PA'I DON TSANG YOD DO, ,DE BZHIN DU DBU MA THAL RANG SEMS TZAM PA RNAMS KYI BDEN PAR GRUB PA'I TSAD LA'ANG 'JOG MTSAMS PHRA RAGS KYI KHYAD CHEN PO YOD PAS, RANG GI MTSAN NYID KYIS GRUB PA DANG BDEN PAR GRUB PA ZHES SOGS KYI MING TZAM LA 'KHRUL BAR MI BYA'O, ,DGONGS 'GREL LAS 'KHOR LO RIM PA GSUM GSUNGS PA NI 'KHOR GYI 'DU THEBS DANG, STON PA'I SKU TSE'I TSIGS LA SOGS PAS 'JOG PA MIN GYI BRJOD BYA'I NGOS NAS YIN LA, DE YANG BDAG MED PA'I DON GTAN LA 'BEBS PA'I 'BEBS TSUL GYI DBANG DU BYAS PA STE, SHAS CHER BDEN YOD MA BKAG PA DANG, CHOS THAMS CAD LA BDEN MED DU BSHAD PA DANG, NGO BO

NYID GSUM LA BDEN PAR YOD MED LEGS PAR PHYE BA STE, 'KHOR LO GSUM GYIS RIM BZHIN DE LTAR BSTAN PA'I DBANG DU BYAS PA'O, ,TSUL DE LTAR BSTAN PA'I MDO LAS GZHAN BA'I LNGA SDE LA SHAM THABS ZLUM POR BGO BAR GSUNGS PA LTA BU RNAMS BDAG MED GTAN LA 'BEBS TSUL MI 'DRA BA GSUM GYI SGO NAS DRANG NGES SO SOR 'BYED PA 'DI 'DRA BA'I DRANG NGES DPYOD BA'I GZHIR 'ONG DON MED DE, SHAM THABS ZLUM POR BGO BAR GSUNGS PA'I STON TSUL NI BDAG MED STON TSUL GSUM PO GANG YANG MA YIN PA'I PHYIR RO, ,DE'I PHYIR GSUNG RAB YIN PA LA 'KHOR LO GSUM GANG RUNG GI MDO YIN PAS MA KHYAB KYI, GSUM DU PHYE BA NI GTZO BO'I DBANG DU BYAS PA'I DBYE BA'O, ,YANG KHA CIG 'PHAGS BA GZUNGS KYI DBANG PHYUG RGYAL POS ZHUS PA'I MDO LAS, RIGS KYI BU DPER NA 'DI LTA STE, NOR BU MKHAN MKHAS PA NOR BU SBYONG BA'I TSUL LEGS PAR SHES PA DES, NOR BU RIN PO CHE'I RIGS NAS YONGS SU MA DAG PA'I NOR BU RIN PO CHE BLANGS TE LAN TSVA'I CHU RNON POS SBANGS TE SKRA'I RE BAS YONGS SU SBYONG BAS SBYONG BAR BYED DO, ,DE TZAM GYIS BRTZON PA 'DOR BA YANG MA YIN TE, DE'I 'OG TU ZAS KYI KHU BA RNON POS SPANGS NAS BAL GYIS BAS YONGS SU SBYONG BAS SBYONG BAR BYED DO, ,DE TZAM GYIS BRTZON PA 'DOR BA YANG MA YIN TE, DE'I 'OG TU SMAN CHEN PO'I KHU BA LA SPANGS NAS RAS SRAB MOS YONGS SU SBYONG BAS SBYONG BAR BYED DO, ,YONGS SU BYANG STE DRI MA DANG BRAL BA NI BEEd'URYA'I RIGS CHEN PO ZHES BYA'O, ,RIGS KYI BU DE BZHIN DU DE BZHIN GSHEGS PA YANG YONGS SU MA DAG PA'I SEMS CAN GYI KHAMS MKHYEN NAS, MI RTAG PA DANG, SDUG BSNGAL BA DANG, BDAG MED PA DANG, MI GTZANG BA YID 'BYUNG BA'I GTAM GYIS 'KHOR BA LA DGA' BA'I SEMS CAN SKYOB SKYED BA MDZAD DE, 'PHAGS PA'I CHOS 'DUL BA LA 'DZUD PAR MDZAD DO, ,DE TZAM GYIS DE BZHIN GSHEGS PA BRTZON PA 'DOR BA YANG MA YIN TE, DE'I 'OG TU STONG PA NYID DANG, MTSAN MA MED PA DANG, SMON PA MED PA'I GTAM GYIS DE BZHIN GSHEGS PA'I TSUL RTOGS PAR MDZAD DO, ,DE TZAM GYIS DE BZHIN GSHEGS PA BRTZON BA 'DOR BA YANG MA YIN TE, DE'I 'OG TU PHYIR MI LDOG PA 'KHOR LO'I GTAM, 'KHOR GSUM YONGS SU DAG PA'I GTAM GYIS RANG BZHIN SNA TSOGS KYI RGYU CAN GYI SEMS CAN DE DAG DE BZHIN GSHEGS PA'I YUL LA 'JUG

, ,PAR MDZAD DO, ,ZHUGS PAR GYUR CING DE BZHIN GSHEGS PA'I CHOS NYID RTOGS PA NA NI BLA NA MED PA'I YON GNAS ZHES BRJOD DO, ZHES GSUNGS PA 'DIS, 'KHOR LO RIM PA GSUM GYIS RIM PA BZHIN BDE BAR GSHEGS PA'I SNYING PO LA SGRIB PA'I DRI MA RAGS PA DANG PHRA BA DANG SHIN TU PHRA BA DAG SBYONG BAR BSTAN PA YIN LA, DE'I PHYIR 'KHOR LO THA MA NYID NGES PA'I DON NO ZHES SMRA'O, ,DE NI RNAM PAR MA BRTAGS PA DANG KHAS BLANGS 'GAL BA YANG YIN NO, ,JI LTAR ZHE NA, DE LTAR NA DPE DON CHOS MTHUN SBYOR BA NA, NOR BU GCIG NYID SBYONG BYED GSUM GYIS RIM CAN DU SBYONG BA LTAR, GDUL BYA GCIG NYID KYI RGYUD KYI DRI MA PHRA RAGS GSUM SBYONG BYED 'KHOR LO GSUM GYIS RIM CAN DU SBYONG BAR KHAS LEN DGOS LA, DE LTA NA DGONGS 'GREL LAS 'KHOR LO GSUM GYI GDUL BYA'I RIGS THA DAD PAR BSHAD PA DANG 'GAL BA'I PHYIR DANG, RANG GIS KYANG GDUL BYA'I RIGS THA DAD DU SMRAS PA DANG KHAS BLANGS 'GAL ZHING, BCOM LDAN 'DAS KYIS CHOS KYI 'KHOR LO BSKOR BA'I CHED DU BYA BA'I GDUL BYA YIN NA THEG PA GSUM LA RIM CAN DU 'JUG PAS KHYAB PAR THAL BA'I PHYIR RO, ,GZHAN YANG PHYIR MI LDOG PA'I CHOS KYI 'KHOR LO'I GTAM ZHES PA NI MTHAR THUG THEG PA GCIG TU STON PA LA ZER BA YIN LA, 'KHOR LO THA MA LAS MTHAR THUG THEG PA GSUM DU BSTAN PAR GONG DU BSHAD ZIN PA LTAR YIN PAS 'BREL MED DO, ,DES NA MDO DE NI KHAMS SBYONG BA LA DANG POR SMIN BYED KYI LAS MI RTAG SDUG BSNGAL SOGS BSTAN CING, DE NAS CHOS KYI BDAG MED PHRA RAGS GNYIS KYI GROL BYED KYI LAM RIM CAN DU BSTAN NAS DRI MA SBYONG BAR BSTAN PA TZAM YIN NO; ;YANG KHA CIG DGONGS 'GREL LAS, 'KHOR LO THA MA NGES DON DU GSUNGS PAS 'KHOR LO THA MA NGES DON YIN ZHING NGES NA SHES RAB KYI PHA ROL TU PHYIN PA RGYAS 'BRING BSDUS GSUM SOGS 'KHOR LO THA MA'I MDO YIN NO ZHES ZER RO, ,CHES MI 'THAD DE, YUM RGYAS PA LAS, DE'I TSE, LHA'I BU BRGYA STONG TSAD MED PA NAM MKHA' LA ME TOG GTOR NAS SKAD MTHUN PAR 'DI SKAD DU, KYE BDAG LA SOGS PAS NI DENG 'DZAM BU'I GLING DU CHOS KYI 'KHOR LO GNYIS PA BSKOR BA MTHONG NGO, ZHES SMRAS SO, ZHES 'BYUNG BA'I PHYIR DANG, DGONGS 'GREL YANG NGES DON DU THAL, DE LAS NGES DON DU BSHAD PA'I PHYIR, KHYAB PA KHAS

BLANGS SO ,'DOD NA SHER PHYIN NGES DON DU BSHAD PA DANG 'GAL TE 'DI LTAR, 'GAL BA LA MI 'KHRUL BA'I TSAD MA YOD PAR THAL, CHOS THAMS CAD BDEN MED DU STON PA DANG, GZHAN DBANG BDEN GRUB TU STON PA'I MDO GNYIG NGES DON YIN PA'I PHYIR RO, ,YANG KHA CIG MDO DES TSIG GIS ZIN PAR BSTAN TSOD LTAR GYI DON DE DE LTAR DU GRUB PA NGES PA'I DON DANG DE LAS BZLOG PA DRANG BA'I DON DU KHAS BLANGS NAS, 'KHOR LO THA MA MDO DGONGS 'GREL LA SOGS PA RNAMS NGES PA'I DON DANG, 'KHOR LO BAR PA SHER PHYIN GYI MDO LA SOGS PA RNAMS DRANG DON YIN ZHING, BDE BAR GSHEGS PA'I SNYING PO'I MDO DANG, YE SHES SNANG BA RGYAN GYI MDO DANG, RNGA BO CHE CHEN PO'I MDO DANG, SOR MO'I PHRENG BA LA PHAN PA'I MDO DANG, 'PHAGS PA GZUNGS KYI DBANG PHYUG RGYAL POS ZHUS PA'I MDO DANG, 'PHEL BA DANG 'GRIB PA MED PAR BSTAN PA'I MDO DANG, MYA NGAN LAS 'DAS PA CHEN PO'I MDO LA SOGS BDAG NI 'KHOR LO THA MA'I MDO NGES PA'I DON TE ZHES SMRA BAR BYED DO, ,'DI NI RNAM PAR MA BRTAGS PA YIN TE, MDO PHYI MA 'DI DAG GIS BSTAN PA DANG MDO DGONGS 'GREL GYIS BSTAN PA'I TSUL RNAM PA THAMS CAD DU MI MTSUNGS PA'I PHYIR RO, ,JI LTAR MI MTSUNGS ZHE NA, MDO DGONGS 'GREL LAS NI GONG DU DRANGS PA LTAR MTHAR THUG GI THEG BA GSUM DU BSHAD LA, PHYI MA 'DI DAG GIS NI MTHAR THUG GI THEG PA GCIG TU BSHAD PA'I PHYIR TE, 'PHAGS PA DBAL PHRENG GI MDO LAS, NYAN THOS DGRA BCOM PA MA RIG BAG CHAGS KYIS DANG ZAG PA MED PA'I LAS KYI RKYEN GYIS YID KYI RANG BZHIN GYI LUS LEN PAR BSHAD LA, DE YANG LHAG BCAS KYI SKABS LA BYAR MI RUNG STE, DGRA BCOM LHAG BCAS KYI LUS NI SKYE BA SNGA MA'I LAS NYON GYIS 'PHANGS PA'I SDUG BSNGAL GYI PHUNG PO YIN PA'I PHYIR RO, ,DE BAS NA LHAG MED KYI MYANG 'DAS MNGON DU BYAS PA'I DGRA BCOM PA LA BYA DGOS LA, LHAG MED THOB PA'I DGRA BCOM LUS LEN PA NI MTHAR THUG THEG PA GSUM GYI TSUL LA SHIN TU 'GAL BA'I PHYIR RO, ,DE BAS NA MDO DGONGS PA NGES 'GREL GYI DON 'GREL BA'I TSE BSDU BA SOGS LAS GONG DU DRANGS PA LTAR MTHAR THUG THEG PA GSUM DU GSAL BAR BSHAD LA, RJE BTZUN GYIS KYANG MDO SDE'I RGYAN LAS DE LTAR BSHAD CING, SNYING PO'I MDO LA SAGS PA RNAM

, ,KYI DGONGS PA 'GREL BA'I TSE NI, RGYUD BLA RTZA 'GREL DU MTHAR THUG GI THEG PA GCIG TU BSHAD PA YIN NO, ,GZHAN YANG DGONGS 'GREL GYIS BSHAD PA'I RJES SU 'BRANGS PA NA SNGAR BSHAD PA LTAR GYI DRANG DON DANG NGES DON GYI RNAM GZHAG KHAS LEN DGOS KYI, KUN RDZOB STON PA DRANG DON DANG DON DAM STON PA NGES DON DU BYAR MI RUNG STE, GAL TE DE LTAR BYAS NA YUM RGYAS 'BRING BSDUS GSUM LAS MTSAN NYID MED PAR BSHAD PA THAMS CAD KUN BRTAGS LA DGONGS BAR BSHAD LA, KUN BRTAGS KYIS STONG BA YONGS GRUB YIN PAS, 'KHOR LO BAR PA'I MDO YANG NGES DON DU THAL BA'I PHYIR RO, ,YE SHES SNANG BA RGYAN GYI MDO LAS NI DON DAM STON PA NGES DON DU BSHAD PAS 'PHAGS PA BLO GROS MI ZAD PA BSTAN PA'I MDO DANG MTHUN PA YIN TE, MDO DE LAS JI SKAD DU, NGES PA'I DON GANG YIN PA DE NI DON DAM PA'O, ZHES GSUNGS PAS SO, ,MDO SDE DGONGS PA NGES 'GREL GYI RJES SU 'BRANGS TE 'PHAGS PA THOGS MED SKU MCHED KYIS DRANG NGES KYI RNAM GZHAG JI LTAR MDZAD PA'I TSUL MDO TZAM BRJOD ZIN TO, ,GNYIS PA 'PHAGS PA BLO GROS MI ZAD PA BSTAN PA'I MDO LA SOGS PA'I RJES SU 'BRANGS TE 'PHAGS PA KLU SGRUB YAB SRAS KYIS DRANG NGES KYI RNAM GZHAG JI LTAR MDZAD PA NI, TSIG GSAL DANG, SHES RAB SGRON MA'I 'GREL BSHAD DANG, DBU MA SNANG BA RNAMS LAS, BLO GROS MI ZAD PA BSTAN PA'I MDO KHUNGS SU DRANGS NAS DE BZHIN DU DRANG NGES 'JOG PAR GSUNGS LA, MDO DE NYID LAS, NGES PA'I DON GYI MDO SDE NI GANG, DRANG BA'I DON GYI MDO SDE NI GANG ZHE NA, MDO SDE GANG DAG KUN RDZOB BSGRUB PA BSTAN PA DE DAG NI DRANG BA'I DON ZHES BYA'O, ,MDO SDE GANG DAG DON DAM PA BSGRUB PA BSTAN PA DE DAG NI NGES PA'I DON ZHES BYA'O, ZHES SOGS GSUNGS LA, DE DANG MTHUN PAR MDO TING NGE 'DZIN RGYAL PO LAS KYANG, STONG PA BDE BAR GSHEGS PAS BSTAN PA LTAR, ,NGES DON MDO SDE DAG GI BYE BRAG SHES, ,GANG LAS SEMS CAN GANG ZAG SKYES BU BSTAN,, CHOS DE THAMS CAD DRANG BA'I DON DU SHES, ZHES GSUNGS SO, ,DE DAG GIS BSHAD PA DANG MTHUN PAR DRANG NGES RNAM PAR 'JOG PA NA, GANG ZHIG KUN RDZOB SNA TSOGS PA TZAM ZHIG BRJOD BYA'I GTZO BOR DNGOS SU STON PA'I MDO NI DRANG DON GYI MDO ZHES BYA STE, MDO DES BRJOD BYA'I GTZO BOR BSTAN PA DE NYID GNAS

LUGS SUM NGES PAR DE LAS GONG DU DRANGS NAS GNAS LUGS GZHAN TSOL DGOS BA'I PHYIR RO, ,SPROS BA RNAM PAR BCAD PA TZAM GYI STONG PA NYID DANG, SKYE BA MED PA SOGS DNGOS SU BRJOD BYA'I GTZO BOR STON PA NI NGES DON GYI MDO ZHES BYA STE, RGYU MTSAN SNGA MA LAS BZLOG PA'I PHYIR RO, ,MDO DE'I DON GZHAN DU DRANG DGOS PA 'DI LA TSUL GNYIS TE, GNAS LUGS SEMS PA NA MDO DES DNGOS SU BSTAN TSOD DE NYID GNAS LUGS SU BZUNG DU MI RUNG BAR DE LAS GONG DU DRANGS NAS GNAS LUGS TSOL DGOS PA SBYIN PA LAS LONGS SPYOD 'BYUNG BAR STON PA'I MDO LTA BU DANG, KUN RDZOB SEMS PA NA YANG MDO DES DNGOS SU BSTAN TSOD LTAR GZUNG DU MI RUNG BAR DON GZHAN DU DRANG DGOS PA, PHA DANG MA NI BSAD BYA ZHING, ZHES PA LTA BU'O, ,DES NA DBU MA SNANG BA LAS, NGES PA'I DON KYANG GANG LA BYA ZHE NA, TSAD MA DANG BCAS PA DANG DON DAM PA'I DNGANG DU MDZAD NAS BSHAD PA GANG YIN PA STE, DE NI DE LAS LOGS SHIG TU GZHAN GYIS GANG DU YANG DRANG BAR MI NUS PA'I PHYIR RO, ZHES GSUNGS TE, DRANG NGES KYA TSUL 'DI LTAR BZHED PA LA NI 'PHAGS PA KLU SGRUB KYI RJES SU 'BRANG BA'I DBU MA PA DAG LA MI MTHUN PA MED DO, ,GNYIS PA 'PHAGS PA KLU SGRUB KYI GZHUNG DANG DE'I DGONGS PA 'GREL BA'I RIM PA JI LTAR BYUNG BA LA, 'PHAGS PA'I GZHUNG MDZAD TSUL DANG, DE'I DGONGS PA 'GREL BA SO SO'I RIM PA JI LTAR BYUNG BA BSHAD PA'O, ,DANG PO NI, 'PHAGS PA 'DIS RGYAL BAS LUNG BSTAN PA LTAR MDO SNGAGS KYI BSTAN PA'I SNYING PO GSAL BAR BYED PA'I GZHUNG SNGAGS DANG PHA ROL TU PHYIN PA GNYI GA LA MANG DU MDZAD CING, SBYOR BA BRGYA PA LA SOGS PA GSO SPYAD KYI GZHUNG DANG, SHES RAB BRGYA PA LA SOGS PA LUGS KYI BSTAN BCOS KYANG MANG DU MDZAD CING, KHYAD PAR ZAB MO DBU MA'I LAM GSAL BAR BYED PA LA, DE KHO NA NYID NGES DON GYI LUNG DANG SBYAR NAS STON BA MDO KUN LAS BTUS DANG, RIGS PAS STON PA LA RIGS TSOGS KYI GZHUNG, RTZA BA SHES RAB, RIGS PA DRUG CU PA, STONG NYID BDUN CU PA, RTZOD BZLOG, ZHIB MO RNAM 'THAG ,RIN CHEN PHRENG BA RNAMS MDZAD CING, DE YANG BSGRUB BYA BDEN DNGOS 'GOG PA'I RIGS PA RGYAS PAR STON BRTZA BA SHES RAB DANG, BDEN DNGOS SGRUB PA'I SGRUB BYED GZHAN GYIS BTAGS PA'I RTOG GE'I TSIG DON BCU DRUG LA SOGS PA 'GOG PA ZHIB MO RNAM

, ,'THAG MDZAD LA RTZOD BZLOG NI RTZA SHE'I RAB BYED DANG PO LAS 'PHROS PA STE, DNGOS PO RNAMS KYI RANG BZHIN NI, ,RKYEN LA SOGS LA YOD MA YIN, ZHES GSUNGS PA LA, GAL TE DNGOS PO THAMS CAD KYI, ,RANG BZHIN KUN LA YONG MIN NA, ,KHYOD KYI TSIG KYANG RANG BZHIN MED, ,RANG BZHIN BZLOG PAR MI NUS SO; ZHES GAL TE DNGOS PO THAMS CAD RANG BZHIN MED PA YIN NA KHYOD KYI TSIG LA'ANG RANG BZHIN MED LA DE LTA NA, TSIG DES GZHAN GYIS RANG BZHIN YOD PAR DAM BCAS PA 'GOG PA DANG, RANG BZHIN MED PA'I RANG LUGS SGRUB PA SOGS DGAG SGRUB KYI BYA BYED MI 'THAD PAR 'GYUR RO, ZHES RTZOD PA LA, DE BZLOG PA'I PHYIR DU RANG BZHIN MED PA'I TSIG GIS GZHAN LUGS 'GOG PA DANG RANG LUGS SGRUB PA 'THAD PA'I TSUL RGYAS PAR STON PA LA RTZOD BZLOG GI GZHUNG LHAG MA RNAMS GSUNGS PA YIN PAS SO, ,STONG NYID BDUN CU PA YANG RTZA SHE'I RAB BYED BDUN PA LAS 'PHROS PA STE, RAB BYED DER, RMI LAM JI BZHIN SGYU MA BZHIN, ,DRA ZA'I GRONG KHYER JI BZHIN DU, ,DE BZHIN SKYE DANG DE BZHIN GNAS, ,DE BZHIN DU NI 'JIG PAR GSUNGS, ZHES PA LA BRGAL BA'I LAN DU GZHUNG DE MDZAD PA YIN LA, DE YANG SKYE GNAS 'JIG PA LA RANG BZHIN MED NA MDO LAS DE DAG MANG DU GSUNGS PA DANG 'GAL LO, ZHAS RGOL BA LA MDO LAS GSUNGS PA NI RANG BZHIN GYIS GRUB PA'I SKYE GNAS 'JIG PA'I DBANG DU BYAS PA MA YIN GYI THA SNYAD TZAM YIN PAS MI 'GAL LO ZHES SHES PAR BYA BA'I PHYIR DU, MING TZAM LA SKYE 'GAG LA SOGS PA'I BYA BYED THAMS CAD 'JOG PA'I TSUL NYID DMIGS KYIS BKAR NAS RGYAS PAR STON PA LA GZHUNG 'DI NYID MDZAD DO, ,GZHUNG GZHAN GNYIS NI YOD MED KYI MTHAR LTA BA'I LAM GYIS THAMS CAD MKHYEN PA THOB PAR NUS PA LTA CI SMOS, 'KHOR BA LAS GROL BAR YANG MI NUS PAS, 'KHOR BA LAS GROL BAR 'DOD NA YANG MTHAR 'DZIN SPANGS PA'I DE KHO NA NYID JI LTA BA BZHIN DU RTOGS PA DGOS PA'I TSUL GTZO BOR STON PA YIN TE, DE YANG RIGS PA DRUG CU PA LAS, YOD PAS RNAM PAR MI GROL TE, ,MED PAS SRID PA 'DI LAS MIN, ZHES YOD MED KYI MTHAR 'DZIN PAS SRID PA LAS MI GROL BAR BSTAN NAS, DNGOS DANG DNGOS MED YONGS SHES PAS, ,BDAG NYID CHEN PO RNAM PAR GROL,

ZHES DNGOS PO 'KHOR BA DANG DNGOS MED MYA NGAN LAS 'DAS PA GNYIS KYI DE KHO NA NYID YONGS SU SHES PAS BDAG NYID CHEN PO 'PHAGS PA RNAMS 'KHOR BA LAS GROL BAR GSUNGS SHING, DE YANG SRID PA 'KHOR BA RANG BZHIN GYIS SKYE BA MED PAR YONGS SU SHES PA'I YE SHES KYIS 'BRAS BU'I TSE 'GOG PA MNGON DU BYAS PA LA MYANG 'DAS THOB PA ZHES BZHAG GI, DE LTA MIN PAR RANG GI MTSAN NYID KYIS GRUB PA'I NYON MONGS ZAD PA DANG PHUNG PO PHYI MA MI SKYE BAS 'JOG NA 'GOG PA MNGON DU BYAS PA DANG PHUNG PO DANG NYON MONGS ZAD PA GANG YANG MI 'THAD CES 'GOG CING, DE NYID THEG DMAN GYI MYANG 'DAS STON PA'I LUNG GI DON DU YANG 'CHAD PAS DE SGRUB PA'I YAN LAG TU GZHUNG LHAG MA RNAMS GSUNGS SO, ,RIN CHEN PHRENG BA LAS, MNGON MTHO'I SGRUB BYED LAS 'BRAS LA YID CHES PA'I DAD PA YIN LA, DE SNGON DU SONG BA LAS NGES LEGS KYI LAM SGOM PA'I SNOD RUNG DU 'GYUR RO, ,DE YANG BDAG DANG BDAG GI BA GNYIS DON DAM PAR MED PA'I STONG PA NYID RTOGS PA'I SHES RAB LA BRTEN NAS PHUNG BO BDEN MED DU SHES PA GOMS PAR BYAS PAS NGAR 'DZIN ZAD PAR 'GYUR BA DANG, PHUNG PO'I BDEN 'DZIN MA ZAD PAR DU 'KHOR BA MI LDOG CING, YOD MED KYI MTHAR MI LTA BA'I YANG DAG PA'I DON SHES PA 'KHOR BA LAS GROL BA LA YANG DGOS PA DANG, DE 'DRA BA'I DON SHES PA'I SGO NAS 'KHOR BA LAS GROL BA DANG, THAMS CAD MKHYEN PA'I GO 'PHANG 'THOB PAR BYED PA'I LAM GYI RIM PA NYID RGYAS PAR 'CHAD DO, ,DE BAS NA 'PHAGS PA'I GZHUNG 'DI DAG GIS DGAG SGRUB LA SOGS PA'I BYA BYED THAMS CAD KUN RDZOB MED DU BTAGS PA TZAM LA 'JOG GI RANG GI MTSAN NYID KYIS GRUB PA LA BZHAG TU MI RUNG BA DANG, CHOS GANG LA YANG RANG BZHIN CUNG ZAD KYANG MED PA'I DE KHO NA NYID KYI DON DAM PA'I BDEN PA GNYIS RGYAS PAR GTAN LA PHAB CING, TSUL DE LTAR RTOGS PA NI SANGS RGYAS 'THOB PA LTA CI SMOS 'KHOR BA LAS GROL BA LA YANG MED DU MI RUNG NGO ZHES LUNG DANG RIGS PA MTHA' YAS PA'I SGO NAS BSTAN PAS, BDAG NYID CHEN PO 'DIS SKAL BA DANG LDAN PA RNAMS LA THAR PA DANG THAMS CAD MKHYEN PA'I LAM RGYAL BA'I DGONGS PA BZHIN DU GSAL BAR MDZAD PA'I SHING RTA'I SROL LEGS PAR PHYE BA YIN NO, ,GNYIS PA DE'I DGONGS PA 'GREL BA SO SO'I RIM

, ,PA JI LTAR BYUNG BA BSHAD PA NI, 'PHAGS PA'I DGONGS PA 'GREL BA'I MDO SNGAGS KYI GZHUNG MANG DU BYUNG MOD, 'DIR YANG DAG PA'I LTA BA GTAN LA 'BEBS PA'I DGONGS 'GREL JI LTAR BYUNG BA MDO CAM BRJOD NA, SLOB DPON 'PHAGS PA LHAS 'PHAGS PA'I DGONGS PA LTAR ZAB MO STONG PA NYID GTAN LA 'BEBS PA RNAL 'BYOR SPYOD PA BZHI BRGYA PA MDZAD CING, SLOB DPON 'DI 'PHAGS PA NYID DANG KHYAD PAR MED PAR YID CHES KYI GNAS SU RJES 'JUG GZHAN THAMS CAD KYIS KHAS LEN PAS, BOD KYI BLA MA SNGA MA DAG YAB SRAS 'DI GNYIS LA GZHUNG PHYI MO'I DBU MA PA ZHES ZER RO, ,'PHAGS PA LHA'I DGONGS PA THAL 'GYUR DU GNAS MOD KYI DNGOS SU RANG RGYUD DANG THAL 'GYUR PHYE NAS RANG RGYUD 'GOG PA SOGS KYI RNAM GZHAG MA MDZAD LA, DE'I RJES SU SLOB DPON SANGS RGYAS BSKYANGS KYIS RTZA SHE'I 'GREL PA MDZAD NAS 'PHAGS PA YAB SRAS KYI DGONGS PA THAL 'GYUR DU BKRAL ZHING, DE'I RJES SU SLOB DPON LEGS LDAN 'BYED KYIS RTZA SHE'I 'GREL PA MDZAD NAS, SANGS RGYAS BSKYANGS KYIS THAL 'GYUR DU BKRAL BA LA DGAG PA MANG DU MDZAD DE, RANG RGYUD KYI SROL THOG MAR PHYE BA YIN LA, DE'I PHYIR 'DI GNYIS SO SO'I RJES 'BRANG DANG BCAS PA RNAMS LA BOD SNGA MA DAG PHYOGS 'DZIN PA'I DBU MA PA ZHES ZER RO; ;LEGS LDAN GYIS RANG DGAR BRTZAMS PA'I GZHUNG RTZA BA DBU MA SNYING PO DANG RANG 'GREL RTOG GE 'BAR BA DANG BCAS PA YANG MDZAD DE RANG RGYUD PA'I LTA BA DANG BYANG CHUB SEMS DPA'I THABS KYI CHA DAG KYANG RGYAS PAR 'CHAD DO, ,DE'I RJES SU SLOB DPON YE SHES SNYING POS RANG RGYUD KYI GZHUNG DBU MA BDEN GNYIS MDZAD DE, 'DIR DANG LEGS LDAN GNYI GA YANG THA SNYAD DU PHYI DON ZHAL GYIS BZHES SHING RANG RIG ZHAL GYIS MI BZHES PA'I LUGS SO, ,DE NAS SLOB DPON ZHI BA 'TSOS THA SNYAD DU PHYI DON MED CING RANG RIG YOD PA DANG SHES PA BDEN PAR MA GRUB PA'I DBU MA'I LUGS KYI SROL THOG MAR PHYE NAS DBU MA RGYAN MDZAD CING, KA MA LA SH'I LA'I DBU MA SNANG BA DANG SGOM RIM GSUM DANG, 'PHAGS SENG DANG, SANGS RGYAS YE SHES ZHABS DANG, AA BHY'A KA RA LA SOGS PA'I GZHUNG RNAMS KYANG LTA BA GTAN LA 'BEBS PA'I TSUL ZHI BA 'TSO'I LUGS KYI RJES SU 'BRANG BA'O, ,DPAL LDAN ZLA BA GRAGS PAS NI LEGS LDAN

'BYED KYIS SANGS RGYAS BSKYANGS LA SKYON BRJOD PA RNAMS LEGS PAR SPANGS SHING, RANG RGYUD KYI PHYOGS LA DMIGS PHUG PA'I DGAG PA RGYAS PAR MDZAD DE THAL 'GYUR DU 'GREL BA'I PHYOGS GZHUNG BTZUGS NAS, RTZA SHE'I 'GREL PA TSIG GSAL, RIGS PA DRUG CU PA'I 'GREL PA, BZHI BRGYA PA'I 'GREL PA, RANG DGAR BRTZAMS PA DBU MA LA 'JUG PA RTZA 'GREL DANG BCAS PA MDZAD CING, 'PHAGS BA ZHI BA LHAS KYANG 'PHAGS PA'I DGONGS PA THAL 'GYUR DU 'GREL BA'I GZHUNG BYANG CHUB SAMS DPA'I SPYOD PA LA 'JUG PA LA SOGS PA MDZAD DO, ,DE YANG RGYA GAR NA RTZA SHE LA 'GREL PA BRGYAD YOD PAR GRAGS TE, GA LAS 'JIGS MED DANG, NGA BA SHAR MA; GU NA MA TI, GU NA SHR'I, STHIR MA TI, SANGS RGYAS BSKYANGS, LEGS LDAN 'BYED, ZLA BA GRAGS PA RNAMS KYIS MDZAD PA'I 'GREL PA'O, ,LEGS LDAN 'BYED KYIS MDZAD PA'I 'GREL PA SHES RAB SGRON ME'I PHRENG BA NI DE BA SHAR MAS MDZAD PA'I 'GREL PA DKAR PO RNAM PAR 'CHAR BA ZHES BYA BA'I RJES SU 'BRANG BA YIN PAR SPYAN RAS GZIGS BRTUL SHUGS KYIS BSHAD DO, ,GA LAS 'JIGS MED 'PHAGS PAS MDZAD PA'I RANG 'GREL YIN NO ZHES BOD MANG PO SMRA BA NI RNAM PAR MA BRTAGS PA STE, RAB BYED NYER BDUN PA'I 'GREL PA GA LAS 'JIGS MED LAS, BTZUN PA 'PHAGS PA LHAS KYANG, NYAN PA PO DANG MNYAN BYA DANG, ,SMRA PO 'BYUNG BA SHIN TU DKON, ,DE PHYIR MDOR NA 'KHOR BA NI, ,MTHA' YOD MA YIN MTHA' MED MIN, ZHES BSHAD DO, CES BZHI BRGYA PA'I LUNG SHES BYED DU DRANGS PA'I PHYIR RO, ,'DI LA YANG KHA CIG NA RE DE MI 'THAD DE SPYAN RAS GZIGS BRTUL SHUGS KYIS RANG 'GREL DU BYAS PA'I PHYIR RO, ZHES ZER RO, ,RJE THAMS CAD MKHYEN PAS 'GREL BSHAD DE MA GZIGS SO SNYAM DU DOGS NA NI RANG NYID SHIN TU GLEN PA GO BAR BYED DO, ,DE LAS DE LTAR BSHAD MOD KYI 'ON KYANG DE NYID RANG 'GREL YIN NA NI DRANGS MA THAG PA'I GNOD BYED DU MA ZAD KYI, SANGS RGYAS BSKYANGS DANG ZLA BA GRAGS PA DANG LEGS LDAN 'BYED GSUM KA'I 'GREL PAS RTZA SHE'I GZHUNG GI CHA DU MA ZHIG SLOB DPON DANG MI MTHUN PA'I LOG PAR BSHAD PAR BYA DGOS TE, DPER NA 'GREL PA DER NI MCHOD BRJOD KYI SKABS SU 'GAG PA MED DE SKYE BA MED PA'I PHYIR ZHES BKOD NAS, DE'I RTAGS SGRUB PA LA, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG

, ,GANG NA YANG, ,SKYE BA NAM YANG YOD PA MA YIN PA'I PHYIR ZHES BKOD DE, DE'I RTAGS SGRUB PA LA, DNGOS PO RNAMS KYI RANG BZHIN NI, ,RKYEN LA SOGS LA YOD MA YIN, ZHES PAS BDAG SKYE MED PAR SGRUB LA, BDAG GI DNGOS PO YOD MIN NA, ,GZHAN GYI DNGOS PO YOD MA YIN, ZHES PAS GZHAN SKYE MED BAR SGRUB CING, DE GNYIS KYIS GNYIS KA LAS SKYE BA'ANG MED PAR GRUB PAR BSHAD NAS, DE LA RTZOD PA SPONG BA'I RTZOD PA, RKYEN RNAMS BZHI STE RGYU DANG NI, CES SOGS RKANG PA BZHI DANG, DE'I LAN DU, BYA BA RKYEN DANG LDAN PA MED, CES SOGS RKANG BA DANG PO GNYIS KYIS RKYEN BZHI PO DES DNGOS PO LA BYED PA'I BYA BA LA RKYEN LDAN PA DANG MI LDAN PA BKAG CING RKANG PA PHYI MA GNYIS KYIS RKYEN LA'ANG BYA BA LDAN PA DANG MI LDAN PA DANG GNYIS KA YIN PA DANG GNYIS KA MIN PA BKAG PAR BYAS PA SOGS GZHUNG GONG 'OG GI 'BREL GO RIMS 'CHAD TSUL 'GREL PA GZHAN GSUM KA DANG PHYOGS TZAM YANG MI 'DRA BA LTA BU STE, 'DI LTAR ZHIB TU BRTAGS NA CHES MANG ZHING, GZHUNG RIGS PA PHRAL RTOGS DKA' BA DU MA ZHIG NI TSIGS BCAD LHUG PAR BTANG TZAM LAS CI'ANG MA BSHAD PA'ANG MANG BAR SNANG NGO, ,'DI RANG 'GREL YIN NA NI ZLA BAS LEGS LDAN 'BYED KYI LEGS PAR BSHAD PA'I CHA'ANG BLANGS PA TSUN CHAD YI GER BKOD CING 'PHAGS PA'I GZHUNG RTZOD BZLOG GI RANG 'GREL SOGS THAMS CAD NAS LUNG YANG DRANGS PA MANG BA LA RANG 'GREL GYI TSIG ZUR TZAM YANG MA SMOS PAS RANG 'GREL DU MI BZHED PAR SHIN TU GSAL LA, 'DI NI 'PHAGS PA LA KHA G-YAR BA'I GZHUNG DANG 'GREL PA SOGS SNGAGS KYI SKOR LA'ANG SHIN TU MANG ZHING, DE 'DRA 'PHAGS PAS MDZAD PAR 'DOD PA'I RGYA GAR BA'I 'GREL BYED KYANG BYUNG 'DUG BA LTAR 'DI'ANG DE DAG DANG 'DRA STE, TSIG DON GANG LA YANG RNAM PAR MI DPYOD PAR 'GREL BSHAD GANG YANG RUNG BA RE'I TSIG TZAM RE MTHONG BAS YID RTON PAR BYED PA NI DBANG PO RTUL PO LAS KYANG RTUL POR MTSON PA LAS GZHAN DU BRTAG TU CI ZHIG YOD, 'O NA ZLA BA GRAGS PA 'PHAGS PA KLU SGRUB KYI DNGOS SLOB YIN NAM MA YIN JI LTA BU ZHES ZER NA, BOD KYI DBU MA PA SNGA MA KHA CIG LA GRAGS PA'I GTAM RGYUD LAS DNGOS SLOB MA YIN PA'I LUGS SU BRJOD PA YOD LA, DE'I RJES SU 'BRANG BDAG DE LTAR 'DOD MOD KYI, RJE RIN PO

CHE 'GOS LA SOGS PA 'DUS PA'I BLA MA DAG 'PHAGS PA'I DNGOS KYI SLOB MAR BZHED PA SHIN TU LEGS TE, JO BO CHEN PO DPAL LDAN AA TI SHES, KLU SGRUB SLOB MA ZLA GRAGS YIN, ,DE LAS BRGYUD PA'I MAN NGAG LA, ,SANGS RGYAS YOD KYI GZHAN DU MIN, CES DANG, SGRON GSAL LAS, SANGS RGYAS KUN GYI RIM GNYIS GNAS KYI RGYAS BTAB DE NI KLU SGRUB LAS RNYED PA, ,KHYAB BDAG DPAL LDAN RDO RJE SEMS DPA' BTUD DE ZLA BA GRAGS PAS RIM BZHIN BSHAD, CES DANG, PAndI TA SKAL LDAN GRAGS PAS KYANG, DE NI DPAL LDAN KLU SGRUB LAS RNYED BA ZHES BYA BA SMOS TE, DE NI DPAL LDAN KLU SGRUB KYI ZHEL SNGA NAS GYI DNGOS KYI SLOB MA NYID DU SO SOR BSTAN GYI BRGYUD PAS NI MA YIN NO, CES DANG, BRAM ZE SGRA GCAN 'DZIN BZANG PO ZHES PA S'A RA HA PAS KLU SGRUB LA BSHAD PA DANG, DES ZLA BA GRAGS PA LA BSHAD PA'I TSUL YANG SGRAN MA RAB GSAL LAS, KONG KA NA'I GRONG KHYER DU, ,DPAL GYI RI BO'I RTZE MOR NI, ,SKYE BOS DBEN PA'I GNAS NYID DU, ,DANG POR DE LA GNAS BYAS NAS, ,MI DANG LHA YI BDAG POR MTSUNGS, ,MCHOG TU GYUR PA'I CHOS GSUNGS PA, ,SGRA GCAN ZIN GYI ZHAL SNGA NAS, ,SA STENG SA 'DI LA RGYAL GYUR CIG ,BRNYES PA DE LAS DE NYID NI, ,THEG CHEN RNAL 'BYOR PAS THOS PAS, ,SA THOB GZHAN GYI DON LA BRTZON, ,DPAL LDAN KLU SGRUB RGYAL GYAR CIG, DE LAS DE NYID RIN CHEN NI, ,THOB PAS 'JIG RTEN GSUM DU GRAGS, ,'DUS PA'I RGYA MTSO'I PHA ROL PHYIN, ,ZLA GRAGS GSAL BYED RGYAL GYUR CIG, CES GSUNGS LA, MKHAS PA BIKshAm GA RA'I SLOB MA PAndI TA KU MA RAS KYANG, 'DI DAG GIS NI KLU SGRUB KYI ZHAL SNGA NAS KYI SLOB MA YIN PA NYID KYIS MAN NGAG DANG LDAN PA NYID DU RAB TU BSTAN TO, ZHES BSHAD DO, ,DES NA GRUB CHEN NAG PO SPYOD PA PA DANG, N'A RO BA DANG, MNGA' BDAG MEE TRI PA DANG, AA BHY'A KA RA DANG, THUGS RJE DPAL ZHABS DANG, KHA CHE LAG SMI DANG, THUB PA DPAL BZANG PO DANG, SKAL LDAN GRAGS PA DANG, KU M'A RA DANG, KU LA DHA RA DANG, TA TH'A GA TA RAKshI TA DANG, LI LA BADZRA SOGS KUN GYIS KYANG ZLA BA'I ZHABS LA 'PHAGS PA DANG 'DRA BAR YID CHES PA'I GNAS SU 'DZIN LA, AA BHY'A SOGS LTA BA THAL 'GYUR DU MI BZHED KYANG, ZLA BA'I ZHABS LA MI MTHUN PA'I BSAM PAS 'GOG PA SOGS CUNG ZAD KYANG MI MDZAD CING, LTA

, ,BA GTAN LA 'BEBS PA'I TSE YANG 'JUG PA'I GZHUNG CI RIGS BA KHUNGS SU 'DREN PAR SNANG LA, MEE TRI PA'I DE KHO NA NYID BCU PA RTZA 'GREL LAS NI KLU SGRUB DANG ZLA BA'I LUGS LAS GZHAN GYIS DE KHO NA NYID KHONG DU MI CHUD PAR BSHAD DO, ,DE BAS NA ZLA BA'I RJES 'BRANG KHA CIG LA RGOL BA'I SPOBS BA CHA TZAM YANG MI NUS BAR GRUB CHEN DANG YID CHES KYI GNAS SU GZUNG NAS, DE DAG GANG GI RJES SU 'BRANG BA'I ZLA BA GRAGS PA 'GOG PAR SMRA BA'I BLUN PO 'JIG RTEN PHA ROL SPANGS PA, MDO RGYUD KYI GZHUNG LUGS RGYA CHEN PO DAG KLOG PA TZAM YANG MA BYAS PAR PHRAG DOG GI GDON GYIS BSLAD BA'I BRDOL GTAM BYUNG RGYAL DU SMRA BA, BSTAN PA'I SNYING PO LA MI MTHUN PAR 'DZIN BA'I NAG PO'I PHYOGS KYI BDUD KYI RIS KYI LHAS YID BSGYUR BA'I GZHAN DBANG DU SONG BA DAG GI GTAM LA BLO GROS DANG LDAN PA BDAG NYID LEGS SU 'DOD PA DAG GIS RNA BA DGAB [?] PAR BYOS SHIG ,BLUN PO KHA CIG ZLA BA GRAGS PA BOD KYI MKHAS PA SNGA MA KHA CIG GIS KYANG BKAG PAS ZLA BGRAGS PA BKAG PA LA DE TZAM DU MTSAR CHE RGYU MED DO ZHES SMRA BA NI, MA BSAD PA DANG PHA BSAD BA SNGAR YANG MANG DU BYUNG BAS DA LTA LAS NGAN PA DE LTA BU BYED PA LA'ANG MTSAR CHE RGYU CI'ANG MED DO ZHES SMROS LA DAM PAS SMAD BA MTHA' DAG NYAMS SU LONGS SHIG ,SNGAR BYUNG BA LA SNA TSOGS PA ZHIG YOD DE, BOD LA GRUB THOB RTZOD MED LTA BUR GRAGS PA'I MAN LUNG GU RUS KYANG 'PHAGS PA KLU SGRUB LEGS PAR BKAG CING, BCOM LDAN RAL GRIS TSAD MA KUN LAS BTUS KYI t'IKKRA, RANG GIS RNAM 'GREL DANG MTHUN PAR 'CHAD MA SHES PA GANG BYUNG DU CHOS GRAGS KYIS KUN LAS, BTUS KYI DON NOR PAR BSHAD DO ZHES DGAG PA BYAS LA, BOD SNGA MA MKHAS PAR GRAGS PA KHA CIG GIS PHAR PHYIN 'CHAD PA NA RJE BTZUN BYAMS MGON LA YANG MDO DANG MA MTHUN PA'I SKYON BRJOD KYI TSIG ZUR BRIS PA SNANG STE, DE 'DRA BA'I BAB CHOL BLOS MI 'KHYUD PA THAMS CAD GRAGS PA CHEN PO DAG GIS SMRAS PA RGYU MTSAN DU BYAS NAS RANG NYID SPYI BRDOL SMRA BA'I ZLA GROGS SU BTZAL BAR BYA BA GA LA YIN, LKUGS BA'I RIGS PA NGO SOR MA BYED CIG, KHA CIG ZLA BA GRAGS PA RTZONG LDAN GYI PAndI TAR BYAS NAS N'A RO BRDZOGS LDAN GYI PAndI TA'O, ZHES SMRA BA NI, N'A RO PAS, SGRON MA GSAL BA'I RJES 'BRANGS NAS, ,KLU SGRUB

MAN NGAG BSHAD PA YIN, ZHES DANG, SLOB DPON KLU SGRUB 'PHAGS PA LHA, ,KLU'I BYANG CHUB SH'AKYA BSHES, ,ZLA BA GRAGS PA LA SOGS PA'I, ,MAN NGAG RIM PA LA BRTEN NAS, ,BDAG GIS BGYIS, ZHES N'A RO BA RANG GIS ZLA BA'I RJES 'BRANG DU KHAS BLANGS PA RNAMS MA MTHONG BZHIN DU BYUNG RGYAL DU SMRAS PA'O, ,ZLA BA GRAGS PA SNGAGS LAM ZHUGS GONG NGES DON MGO BAR SNGAGS LA ZHUGS NAS NGES DON GO BA YIN NO ZHES SMRA BA NI CHA MED PA'I RGYUS GTAM GYIS MKHAS PA DAG NGO TSA BAR BYED PA'I TSIG YIN TE, GSANG 'DUS KYI 'GREL PA SGON GSAL LAS, SEMS LAS DNGOS PO THA DAD PAR GNAS PA YOD DAM ZHE NA, CHOS MED CES BYA BA GSUNGS TE, DNGOS PO RNAMS KYI NGO BO NYID MED PA'O, ,CHOS NYID 'GA' ZHIG YOD DAM ZHE NA, CHOS NYID MED PA'O, ZHES BYA BA GSUNGS SO, ,'DIR GSUNGS PA, PHUNG PO KHAMS DANG SKYE MCHED DBANG SOGS RNAMS, ZHES PA NAS, CHOS RNAMS DE KUN RMI LAM LTA BU STE, ,RDZUN DANG BDEN PA DAG KYANG YOD MA YIN, ZHES PA'O; CES CHOS CAN DANG CHOS NYID THAMS CAD RMI LAM DANG 'DRA BAR BDEN PA'I RANG BZHIN MED PAR RGYAS PAR GSUNGS SHING, DE LTAR RANG BZHIN MED PA LA BYA BYED THAMS CAD 'JOG PA MI 'GAL BA'I TSUL LA SOGS PA RGYAS BAR DBU MA'I SKABS SU BSHAD PA JI LTA BAR YANG YANG BSHAD PA THAMS CAD KYI YI GE TZAM LA YANG MA BRTAGS PAR, RANG NYID CI'ANG MI SHES BA'I NGANG TSUL RANG NYID KYIS MA RIG BZHIN DU SHING RTA CHEN BO DAG GI BZHED PA JI LTAR YIN SMRA BA LA 'DZEM MED DU ZHUGS PA'I PHYIR RO, ,RGYA GAR 'PHAGS PA'I YUL GYI MKHAS PA DAG NI DGAG YUL DANG DGAG YUL MA YIN PA'I RNAM DBYE LA SHIN TU MKHAS SHING, BLO GROS CHES CHER GZU BA DANG, RANG DANG GZHAN GYI BLO'I TSOD ZIN PAS, RANG DANG MI MTHUN BTZAM RGYU MTSAN DU BYAS NAS CHEN PO DAG DNGOS SU 'GOG PA LA RINGS PAR MI BYED LA, DE YANG SH'ANTI PAS RANG GI LTA BA SEMS TZAM YIN KYANG 'PHAGS PA KLU SGRUB DBU MA BAR BYAS NAS MI 'GOG GI, KLU SGRUB DANG THOGS MED GNYIS GA LTA BA SEMS TZAM DU MTHUN PAR SEMS TZAM RGYAN DU BSHAD LA, SNGON GYI GNAS BRTAN CHOS SKYONG LTA BU'I CHEN PO DAG GIS KYANG 'PHAGS PA KLU SGRUB DANG 'PHAGS PA LHA GNYI GA'I DGONGS PA SEMS TZAM DU BYAS NAS BZHI BRGYA PA YANG SEMS TZAM DU BKRAL BAR ZLA BA'I ZHABS KYIS BZHI BRGYA BA'I

, ,'GREL PA LAS GSUNGS SO, ,'ON KYANG SH'ANTI BAS, 'PHAGS SENG SOGS NI DNGOS SU MING NAS SMOS TE 'GOG LA, AA BHY'A KA RA LA SOGS PAS NI SENG BZANG DNGOS SU MING NAS SMOS TE 'GOG KYANG 'PHAGS GROL LA CUNG ZAD KYANG RGOL BAR MI NUS SHING, LTA BA GTAN LA 'BEBS PA'I SKABS SU YANG ZLA BA'I LUNG KHUNGS SU 'DREN PAR SNANG NGO, ,DE LTAR RIM PA MANG DU YOD KYANG, ZLA BA GRAGS PA DANG ZHI BA LHA GNYIS LA NI MTSAN NAS DNGOS SU SMOS NAS 'GOG PA'I RGYA GAR BA SU'ANG MED CING, RGYA GAR MKHAS PA'I GZHUNG GANG NA'ANG DE LTAR BYAS NAS BKAG PA MED DO, ,'ON KYANG BOD BLUN PO DGAG GI DGAG YUL NI DA LTA RANG NYID KYI RNYED BKUR DANG 'KHOR 'DU BA SOGS NYAMS PAR MI 'GYUR ZHING, DA LTA LUS LA DBYUG BA SOGS KYI 'GOG BYED MI 'BYUNG NA SANGS RGYAS NYID KYANG MTSAN NAS SMOS TE 'GOG PAR BYED PA LA YA MING BAR SNANG LA, DGAG BYA DE DAG 'BYUNG BAR MTHONG NA KHYIM PA DAG GI RING LUGS 'DZIN PA LA YANG NGO MI TSA BAR SNANG BAS, BDAG LEGS SU 'DOD PA DAG GIS MI DGE BA'I BSHES GNYEN RING DU SBANG BA LA 'BAD PAR RIGS SO, ,DE LA BOD KYI BLA MA SNGA MA KHA CIG NA RE, DON DAM 'DOD TSUL GYI SGO NAS MING BTAGS PA'I DBU MA BA NI GNYIS TE, RAB TU MI GNAS PA DANG, SGYU MA RIGS GRUB PA'I DBU MA PA'O, ,DANG PO NA, SNANG BA LA BDEN PA BKAG PA'I MED DGAG DON DAM BDEN PAR 'DOD PA ZLA BA GRAGS PA LA SOGS PA'O, ,GNYIS PA NI SNANG STONG TSOGS PA SGYU MA LTA BU DON DAM BDEN PAR 'DOD PA ZHI BA 'TSO DANG 'PHAGS SENG LA SOGS PA'O ZHES SMRA'O, ,DE LA RDOG LO'I SPRING YIG BDUD RTZI'I THIG LE LAS, DE 'DRA BA'I DBYE BA NI RMONGS PA NGO MTSAR BSKYED PA'I RNAM GZHAG GO ZHES BSHAD PA SHIN TU MED DE, SNANG STONG TSOGS PA SGYU MA LTA BU NI KUN RDZOB BDEN PA YIN PAS, DE DON DAM BDEN PAR 'DOD PA'I DBU MA PA CHEN PO SU YANG MED LA, DE DON DAM BDEN PA YIN NA GZHI GRUB NA DON DAM BDEN PA YIN PAS KHYAB [?] PAR THAL TE, BDEN PAS MI STONG BA'I CHOS MI SRID BA'I PHYIR RO, ,DE LTAR SMRA BA NI RIGS SHES RJES DPAG GI DNGOS KYI GZHAL BYA TZAM LA DON DAM BDEN PAR 'DOD PAR SNANG LA, RIGS SHES RJES DPAG GI DNGOS KYI GZHAL BYA CHOS CAN MYU GU SOGS DANG BSGRUB BYA'I CHOS BDEN

MED TSOGS PA'I SGYU MA LTA BU NI, DGAG BYA BDEN GRUB BKAG PA'I CHA NAS DON DAM PA DANG MTHUN PAS, DON DAM PA ZHES BTAGS PA YIN PAR DBU MA RGYAN DANG DBU MA SNANG BA GNYIS LAS BSHAD PA'I PHYIR ZHI 'TSO RJES 'BRANG DANG BCAS PA YANG DE LTA BU DON DAM BDEN PAR MI BZHED DO, ,PHYIS KYI BOD KHA CIG NA RE, LEGS LDAN DANG YE SHES SNYING PO LA SOGS PA NI MDO SDE SPYOD PA'I DBU MA PA ZHES BYA STE, THA SNYAD DU PHYI DON KHAS LEN CING BLO RNAM BCAS SU 'DOD PA'I DBU MA BA YIN BA'I PHYIR RO, ,ZHI 'TSO YAB SRAS SOGS RNAL 'BYOR SPYOD PA'I DBU MA LA ZHES BYA STE, THA SNYAD DU'ANG PHYI DON MED CING RANG RIG RDZAS SU GRUB PAR 'DOD PAS THA SNYAD KYI RNAM GZHAG SEMS TZAM KHA DANG MTHUN PA'I DBU MA PA YIN PA'I PHYIR RO, ,ZLA BA GRAGS PA SOGS LA NI 'JIG RTEN GRAGS SNGA SPYOD PA'I DBU MA BZHES BYA STE, THA SNYAD KYI RNAM GZHAG GRUB MTHA'I [?] SMRA BSU DANG YANG MI BSTUN GYI, 'JIG RTEN PA DANG SGO BSTUN NAS 'JOG PA'I PHYIR RO, ZHES ZER RO, ,DE YANG 'THAD PA MA YIN TE, ZLA GRAGS SOGS CHOS CAN, THA SNYAD KYI RNAM GZHAG BYE BRAG SMRA BA RANG MTHUN PAR 'JOG PA'I DBU MA PA YIN PAR THAL, THA SNYAD DU PHYI DON KHAS LEN CING RANG RIG MI 'DOD PA'I DBU MA PA YIN PA'I PHYIR, 'KHOR GSUM KHAS SO, ,LEGS LDAN 'BYED DANG YE SHES SNYING PO GNYI GA YANG THA SNYAD KYI RNAM GZHAG MDO SDE PA DANG MTHUN PA MA YIN TE, RANG RIG THA SNYAD DU YANG KHAS MI LEN PA SOGS CHES MI MTHUN PA DU MA YOD PA'I PHYIR DANG, PHYOGS GCIG MTHUN PAS MTHUN PAR 'JOG NA, THAMS CAD THAMS CAD DANG GRUB MTHA' MTHUN PAR THAL BA'I PHYIR RO, ,THAL 'GYUR BA 'JIG RTEN PA DANG BSTUN BAR SMRA BA'I 'JIG RTEN PA DE GANG LA 'DOD, SO SKYE TZAM LA 'JIG RTEN PAR BYAS, 'PHAGS BA LA 'JIG RTEN LAS 'DAS PAR BYAS PA'AM, 'ON TE GRUB MTHA' LA BLA LAM PHYOGS PA'I SKYE BO RANG DGA' BA LA 'JIG RTEN PAR BYAS PA GANG YIN, DANG PO LTAR NA SO SKYE'I SNANG TSUL DANG ZHEN TSUL GANG DANG YANG MI BSTUN TE, SO SKYE'I SHES PA LA BDEN SNANG MED PA MI SRID BAR BZHED PA'I PHYIR RO, ,GAL TE SO SO SKYE BO DAG CHOS DANG GANG ZAG GI THA SNYAD GANG BYED KYANG THA SNYAD BTAGS PA'I BTAGS DON RIGS PAS BTZAL BA'I SGO NAS MI BYED PA LTAR, THAL 'GYUR BA YANG THA SNYAD MA BRTAGS MA DPYAD PAR 'JOG PAS DE'I PHYIR SO SKYE DANG MTHUN PAR SMRA'O ZHE NA, TSUL DE TZAM ZHIG NI KHO BO CAG KYANG 'DOD MOD KYI, 'ON KYANG DE NI SO SKYE KHO NA'I MA YIN TE, 'PHAGS PA SLOB PA DAG GI THA SNYAD DPYOD PA'I BLO LHAN

, ,SKYES KYIS THA SNYAD KYI RNAM GZHAG MDZAD PA THAMS CAD KYANG TSUL DE NYID YIN PA'I PHYIR RO, ,'ON TE GRUB MTHA' LA BLO KHAM PHYOGS PA DANG BSTUN PAR SMRA NA NI SHIN TU MI RIGS TE, RANG MTSAN THA SNYAD DU YANG GRUB PA BKAG PA'I SGO NAS BYA BYED 'JOG PA DANG, RANG RIG THA SNYAD DU YANG MED PA LA SOGS PA DBU MA THAL 'GYUR BA'I THA SNYAD 'JOG TSUL THUN MONG MA YIN PA 'DI DAG PHAL CHE BA GRUB MTHA' LA BLO KHA MA PHYOGS PA SUS KYANG KHAS MI LEN PA'I PHYIR RO, ,BOD KHA CIG DBU MA THAL 'GYUR BA THA SNYAD KYI RNAM GZHAG BYE BRAG SMRA BA DANG SGO BSTUN NAS 'JOG GO ZHES SMRA BA NI SHIN TU MI RIGS TE, BYE BRAG SMRA BAS THA SNYAD KYI RNAM GZHAG TU KHAS BLANGS PA DE DAG DBU MA THAL 'GYUR BAS THA SNYAD DU'ANG GZHI MA GRUB PAR 'DOD PA'I PHYIR TE, DNGOS SMRA BA RNAMS KYIS BDEN GNYIS KYI RNAM GZHAG GANG BYED THAMS CAD RANG GI MTSAN NYID KYIS GRUB PA'I DBANG DU BYAS PA'I RNAM GZHAG TU SNANG LA, THAL 'GYUR BA NI RANG GI MTSAN NYID KYIS GRUB PA'I CHOS THA SNYAD DU'ANG GZHI MA GRUB PAR BZHED PA'I PHYIR DANG, BYE BRAG SMRA BA DANG PHYI DON KHAS LEN PA TZAM DU MTSUNGS KYANG THAL 'GYUR BA PHYI DON RDZAS SU MA GRUB PAR BZHED CING, RDUL PHRAN PHYOGS KYI CHA MED THA SNYAD DU YANG KHAS MI LEN LA, RANG RIG KHAS MI LEN ZER BA TZAM ZHIG MTSUNGS KYANG, THAL 'GYUR BA RANG RIG KHAS MI LEN PA'I RGYU MTSAN RANG MTSAN THA SNYAD DU YANG KHAS MI LEN PA LA THUG LA, THAL 'GYUR BA BLO RNAM BCAS SU KHAS LEN CING BYE BRAG SMRA BA BLO YUL GYI RNAM MED DU KHAS LEN PA'I PHYIR RO, ,DE BAS NA BOD KHA CIG GRUB MTHA' 'OG MA 'OG MAS DON DAM DU GANG 'DOD PA DE GRUB MTHA' GONG MA GONG MAS KUN RDZOB TU KHAS LEN NO ZHES SMRA BA YANG DPAL LDAN ZLA BA GRAGS PA'I LUGS LA BLO KHAM PHYOGS PA'I GTAM YIN TE, 'JUG PA'I RANG 'GREL LAS, DE'I PHYIR KHA CIG GIS MDO SDE BA RNAMS KYI LUGS GANG ZHIG DON DAM PAR SMRAS PA DE NYID DBU MA PA RNAMS KYI KUN RDZOB TU 'DOD DO ZHES SMRAS PA GANG YIN BA DE NI DBU MA'I BSTAN BCOS KYI DE KHO NA NYID MNGON PAR MI SHES PA KHO NAS SMRAS PA YIN NO ZHES SHES PAR BYA'O, ,YANG GANG DAG BYE BRAG TU SMRA BA RNAMS KYIS GANG DON DAM PAR SMRAS PA DE DBU MA PA RNAMS KYI KUN RDZOB TU YIN NO SNYAM DU SEMS PA DE DAG GIS

KYANG BSTAN BCOS KYI DON GYI DE NYID YONGS SU MA SHES PA KHO NA STE, 'DI LTAR 'JIG RTEN LAS 'DAS PA'I CHOS NI 'JIG RTEN PA'I CHOS DANG CHOS MTSUNGS PAR MI RIGS PA'I PHYIR TE, LUGS 'DI NI GZHAN DANG THUN MONG MA YIN PA'O ZHES MKHAS PA RNAMS KYIS NGES PAR BYA'O, ZHES GSUNGS PA'I PHYIR RO GSUM PA DE'I RJES SU 'BRANGS TE STONG PA NYID GTAN LA DBAB PA LA, DON DAM DPYOD PA'I RTAGS KYI DGAG BYA NGOS BZUNG BA, DE 'GOG BYED THAL RANG GI KHYAD PAR BSHAD PA, DGAG BYA DE 'GOG PA'I RIGS PA BSHAD PA, STONG NYID GTAN LA PHEBS NAS JI LTAR SGOM TSUL, SGOM PA MTHAR PHYIN PA'I 'BRAS BU GTAN LA DBAB PA DANG LNGA'O, ,DANG PO LA, DGAG BYA NGOS ZIN DGOS PA'I RGYU MTSAN, NGOS MA ZIN PAR 'GOG PA'I GZHAN LUGS DGAG PA, RANG LUGS KYI DGAG BYA'I TSAD BSHAD PA'O, ,DANG PO NI, DGAG BYA GANG RNAM PAR BCAD PA'I SGO NAS DE KHO NA NYID NGES PAR BYA DGOS PA'I DGAG BYA JI 'DRA ZHIG LA BYED PA THOG MAR NGES DGOS TE, DGAG BYA'I SPYI MA SHAR BAR DE DGAG PA'I DGAG PA'I SPYI MI 'CHANG BA'I PHYIR TE, SPYOD 'JUG LAS, BTAGS PA'I DNGOS LA MA REG PAR, ,DE YI DNGOS MED 'DZIN MA YIN, ZHES BSHAD PA LTAR RO, ,DE YANG DGAG BYA'I TSAD LEGS PAR MA ZIN NA, YANG NA DGAG MI DGOS PA YANG BKAG PAS SKUR PA 'DEBS PA'I MTHAR LTUNG BAR 'GYUR LA, YANG NA DGAG DGOS PA 'GA' ZHIG KYANG PHRA MO NAS MA KHEGS PAS, BDEN 'DZIN 'GA' ZHIG GI 'DZIN STANGS LA GNOD PA MA MTHONG BA LHAG MA LUS TE SGRO 'DOGS PA'I MTHAR LTUNG BAR 'GYUR BA'I PHYIR RO, ,GNYIS PA LA, DGAG BYA NGOS 'DZIN KHYAB CHES PA DGAG PA DANG, KHYAB TSUNGS PA DGAG PA'O, ,DANG PO LA 'DOD PA BRJOD PA DANG, DE DGAG PA'O, ,DANG PO NI, DA LTA'I DBU MA PAR KHAS 'CHE BA PHAL CHE BA DAG NA RE, DBU MA PA'I STONG NYID GTAN LA 'BEBS PA'I RIGS PAS NI, GZUGS NAS RNAM MKHYEN GYI BAR GYI CHOS THAMS CAD 'GOG PA YIN TE 'DI LTAR; RIGS PAS BRTAGS NA DPYAD BZOD PA'I CHOS YOD DAM MED, YOD NA BDEN GRUB TU THAL LO, ,MED NA RIGS PAS MI KHEGS PA NYAMS SO, ,GZHAN YANG, YOD MIN MED MIN GNYI GA MIN, ,GNYI GA'I BDAG NYID MIN PA MIN, ,MTHA' BZHI RNAM PAR GROL BA YI, ,DE NYID DBU MA PA YIS RIG,

, ,CES GSUNGS PA LTAR, NGES DON GYI GZHUNG PHAL CHE BA NAS YOD MED GNYI GA GNYI GA MIN PA'I MU BZHI KA BKAG PA'I PHYIR DANG, DE BZHIR MA 'DUS PA MI SRID PA'I PHYIR YANG CHOS THAMS CAD RIGS PA'I DGAG BYA YIN NO, ,DES NA, YOD PAS RNAM PAR MI GROL TE, ,MED PAS SRID PA 'DI LAS MIN; CES PA DANG, YOD PA PA NI BDE 'GROR 'GRO, MED PA BA NI NGAN 'GROR 'GRO, GNYIS LA MI BRTEN THAR PAR 'GYUR, ZHES PA DANG, YOD CES BYA BA RTAG PAR 'DZIN, ,MED CES BYA BA CHANG PAR LTA, ,DE PHYIR YOD DANG MED BA LA, ,MKHAS PAS GNAS PAR MI BYA'O, ZHES DANG, 'PHAGS PA DKON MCHOG BRTZEGS PA'I MDO LAS, 'OD SRUNG YOD CES BYA BA 'DI NI MTHA' GCIG GO, MED CES BYA BA 'DI NI MTHA' GNYIS SO, CES SOGS KYIS RGYAS PAR GSUNGS PA'I MTHAR, YOD DANG MED PA 'DI YANG MTHA' YIN TE, ,GTZANG DANG MI GTZANG 'DI YANG MTHA' NYID YIN, ,DE PHYIR GNYIS GA'I MTHA' NI YONGS SPANGS NAS, ,MKHAS PAS DBUS LA'ANG GNAS PAR YOD MI BYED, CES GSUNGS PA RNAMS KYIS YOD PA DANG MED PA DANG DE GNYIS SPANGS PA'I DBUS GANG DU YANG GZUNG DU MI RUNG BAR GSUNGS PA'I PHYIR DANG, RTZA SHE LAS, GAL TE MI STONG CUNG ZAD YOD, ,STONG BA'ANG CUNG ZAD YOD PAR 'GYUR, ,STONG MIN YOD PA MA YIN NA, ,STONG PA YOD PAR GA LA 'GYUR, CES STONG PA NYID KYANG YOD PA MA YIN PAR GSUNGS PAS, GANG DU GZUNG YANG DGAG PAR BYA BA YIN PA'I PHYIR CHOS GANG YANG YOD PA MA YIN NO, ,GZHAN YANG SKYE BA LA SOGS PA RNAMS YOD PAR KHAS LEN NA TSAD MAS MA GRUB BZHIN DU KHAS LEN NAM, TSAD MAS GRUB NAS YOD BAR SMRA, DANG PO LTAR NA RIGS PA'I TSUL LAS 'DAS SO, ,GNYIS PA LTAR MA 'PHAGS PA'I YE SHES KYIS GRUB PA'AM, 'ON TE MIG SHES LA SOGS PA THA SNYAD PA'I TSAD MAS GRUB NAS KHAS LEN PA GANG YIN, DANG PO MI RIGS TE, 'PHAGS PA'I YE SHES KYIS SKYE BA LA SOGS PA MED PAR GZIGS PA'I PHYIR RO, ,GNYIS PA YANG MI RIGS TE, MIG SHES LA SOGS PA TSAD MA MA YIN PA'I PHYIR TE, TING NGE 'DZIN RGYAL PO LAS, MIG DANG RNA BA SNA YANG TSAD MA MIN, ,LCE DANG LUS DANG YID KYANG TSAD MA MIN, ,GAL TE DBANG PO 'DI DAG TSAD YIN NA, ,'PHAGS PA'I LAM GYIS SU LA CI ZHIG BYA, ZHES GSUNGS PA'I PHYIR RO, ,GZHAN

YANG DNGOS PO RNAMS SKYE BA'I TSUL BDAG GZHAN GNYI GA RGYU MED LAS SKYE BA'I CHUL BZHI PO 'DIR KHA TSON CHOD DAM MCHOD, MA CHOD NA DNGOS SMRA BA RNAMS 'GOG PA NA BZHI PO 'DIR KHA TSON BCAD NAS 'GOG PA 'GAL ZHING, CHOD NA BZHI PO GANG YANG THA SNYAD DU YANG MI 'THAD PA'I PHYIR SKYE BA MED DE, GZHAN LAS SKYE BA 'JIG RTEN LAS KYANG MAD, CES SOGS GSUNGS PA'I PHYIR DANG, 'JUG PA LAS, DE NYID SKABS SU RIGS PA GANG ZHIG GIS, ,BDAG DANG GZHAN LAS SKYE BAR RIGS MIN PA'I, ,RIGS DES THA SNYAD DU YANG RIGS MIN NA, KHYOD KYI SKYE BA GANG GI YIN PAR 'GYUR, CES MTHA' BZHI LAS, SKYE BA 'GOG PA'I RIGS PA DES DE KHO NAR SKYE BA LEGS PA LTAR THA SNYAD DU YANG SKYE BA KHEGS PAR BSHAD PA'I PHYIR RO, ,DE BAS NA KLU'I RGYAL PO RGYA MTSOS ZHUS PA'I MDO LAS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE BAG YOD YIN, ZHES GSUNGS PAS SKYE BA YOD PA MA YIN NO, ,GZHAN YANG DON DAM PAR MED BAS MED PA'I GO MI CHOD THA SNYAD DU YOD PAS YOD PA'I GO CHOD PAR THAL, CHOS THAMS CAD DON DAM PAR MED KYANG CHOS THAMS CAD MED PAR KHAS LEN MI RIGS SHING YOD PAR KHAS LEN RIGS PA'I PHYIR, 'DOD NA, BCOM LDAN 'DAS KYIS BLO GROS MI ZAD PA'I MDO LAS GANG ZAG LA MI BRTON CHOS LA BRTON PA DANG, TSIG LA MI BRTON DON LA BRTON PA DANG, DRANG DON LA MI BRTON NGES DON LA BRTON PA DANG, RNAM SHES LA MI BRTON YE SHES LA BRTON PA ZHES BYA BA STE BRTON PA BZHI GSUNGS PA 'DI BZLOG STE SMRA RIGS BAR 'GYUR TE, DRANG DON KUN RDZOB TU YOD PAS YOD PA'I GO CHOD, DON DAM NGES DON LA MED PAS MED PA'I GO MCHOD PA'I PHYIR, NGES DON LA MI BRTON DRANG DON LA BRTON RIGS BAR THAL LO, ,DE BZHIN DU RNAM SHES 'KHRUL PA'I NGOR YOD PAS YOD PA'I GO CHOD, YE SHES MA 'KHRUL BA'I NGOR MED BAS MED PA'I GO MI CHOD PA'I PHYIR, YE SHES LA MI BRTON RNAM SHES LA BRTON RIGS PAR THAL LO, ZHES RGYA CHER SMRA BAR BYED CING, DE LA YANG KHA CIG NI CHOS GANG YANG THA SNYAD DU YANG YOD PA MA YIN NO ZHES SMRA BAR BYED LA, KHA CIG NI THA SNYAD DU YOD PAR SMRA ZHING, DE LA THA SNYAD DU YOD PAS YOD PA'I GO CHOD DAM MI CHOD CES DRIS PA NA THA SNYAD DU YOD PAS THA SNYAD DU YOD BA'I

, ,GO CHOD; DON DAM DU YOD PA'I GO MI CHOD, THA SNYAD DANG DON DAM GANG GI'ANG KHYAD PAR MA SBYAR BAR 'DRIN, BDEN GNYIS SU MA 'DUS PA'I YOD PA PHUNG GSUM PA MI SRID CES LAN 'DEBS PAR BYED DO, ,GNYIS PA DE DGAG PA LA, DBU MA THAL 'GYUR BA'I THUN MONG MA YIN PA'I KHYAD CHOS KYI GTZO BO BKAG BAR BSTAN PA DANG, RIGS PA DE DAG LTAR SNANG DU BSTAN PA'O, ,DANG PO LA KHYAD CHOS KYI GTZO BO NGOS GZUNG BA DANG, DE LUGS DES JI LTAR BKAG PA'O, ,DANG PO NI, RIGS PA DRUG CU PA LAS, DGE BA 'DI YIS SKYE BO KUN, ,BSOD NAMS YE SHES TSOGS BSAGS SHING, ,BSOD NAMS YE SHES LAS BYUNG BA,, DAM PA GNYIS NI THOB PAR SHOG, CES GSUNGS PA LTAR, THEG CHEN GYI RIGS CAN RNAMS KYI DON DU GNYER BYA MTHAR THUG PA NI CHOS SKU DANG GZUGS SKU GNYIS ZUNG DU CHUD PA DE YIN LA, DE THOB PAR BYED PA NI BSOD NAMS DANG YE SHES KYI TSOGS GNYIS ZUNG 'JUG TU GSOG BA'I THABS SHES YA MA BRAL BA LA RAG LAS SHING, DE LTAR TSOGS GNYIS ZUNG 'JUG TU GSOG PA LA NI, GZHI'I LTA BA GTAN LA 'BEBS PA NA BDEN GNYIS ZUNG 'JUG TU GTAN LA 'BEBS TSUL PHYIN CI MA LOG BA ZHIG LA NGES BRNYED PA LA RAG LAS TE, DE YANG 'DI LTAR, RGYU SO SO BA LAS 'BRAS BU SO SO BAM 'CHOL BAR 'BYUNG BA'I RTEN 'BREL GYI TSUL LA NGES PA GTING NAS RNYED PA ZHIG MED NA BSOD NAMS KYI TSOGS GSOG PA LA SNYING NAS GUS BAR MI 'GYUR TE, BSOD NAMS KYI TSOGS LAS 'DOD BYA'I 'BRAS BU 'BYUNG BA LA GTING NAS NGES PA MA SKYES PA'I PHYIR RO, ,CHOS GANG LA'ANG RANG BZHIN GYIS GRUB PA THA SNYAD DU'ANG RDUL TZAM MED PAR NGES PA RNYED PA MED NA YE SHES KYI TSOGS MTSAN NYID TSANG BA SOGS 'DOD KYANG GSOG MI NUS TE, STONG PA NYID PHYIN CI MA LOG PA MA NGES PAR YE SHES KYI TSOGS MTSAN NYID TSANG BA GSOG BA'I THABS MED PA'I PHYIR RO, ,DES NA RGYU 'BRAS DANG BYA BYED THAMS CAD 'THAD LDAN DU KHAS BLANG DU RUNG BA DANG RANG BZHIN GYIS GRUB PA THA SNYAD DU YANG KHEGS PA GNYIS 'GAL MED DU NGES PA MA RNYED NA TSOGS GNYIS ZUNG 'JUG TU SOG PAR NUS PA'I GO SKABS MED CING, RANG LUGS LA RGYU 'BRAS GANG YANG KHAS BLANGS MED PAR RE SHIG GZHAN DOR KHAS LEN PA SKAD BYED KYI RING LA TSOGS GSOG TSUL YANG DE 'DRA BA

ZHIG 'BYUNG BA YIN NO, ,DE LTAR RGYU 'BRAS KYI TSUL LA GTING NAS YID CHES PA'I NGES BRNYED PA DE LA NI MDO SDE RNAMS LAS 'JIG RTEN PA'I YANG DAG PA'I LTA BA ZHES GSUNGS LA, STONG PA NYID PHYIN CI MA LOG PAR NGES PA LA NI 'JIG RTEN LAS 'DAS PA'I YANG DAG PA'I LTA BA ZHES GSUNGS TE, 'JIG RTEN ZHES PA NI SKABS 'DIR, 'JIG RTEN KUN RDZOB BDEN PA DANG, ZHES GSUNGS BA LTAR, KUN RDZOB KYI BDEN PA'I DBANG DU BYAS PA'I YANG DAG PA'I LTA BA YIN PAS DE SKAD CES GSUNGS PA YIN NO, ,DE LA DNGOS SMRA BA THAMS CAD KYIS NI DE GNYIS MI 'GAL BAR 'JOG MA SHES PAR, DNGOS PO RNAMS LA RANG GI NGO BO CUNG ZAD KYANG MED NA DE NAS LHAG MA LAS BA CI ZHIG YOD SNYAM DU BSAMS NAS, DNGOS PO RANG BZHIN GYIS MA GRUB NA GTAN NAS MA GRUB DGOS BAS RGYU 'BRAS KYI RNAM GZHAG THAMS CAD CHAD PAR 'GYUR LA, 'ON TE 'BRAS BU RANG RGYU LAS SKYES NA NI YUL RANG STENGS NAS GRUB DGOS PAS RANG GI MTSAN NYID KYIS GRUB PA LAS GZHAN DU BSTAN DU CI ZHIG YOD, DE'I PHYIR DNGOS PO RNAMS RANG BZHIN GYIS GRUB BA'O ZHES SMRA BAR BYED LA, DE'I PHYIR BDEN PA GNYIG LAS NYAMS PAS LTA BA DE MA BOR BZHIN DU THAMS CAD MKHYEN PA LTA ZHOG THAR PA'ANG THOB PA'I THABS MED PAS, 'PHAGS PA KLU SGRUB KYI LAM LAS NI, PHYI ROL GYUR LA ZHI BA'I THABS MED DE; ;DE DAG KUN RDZOB DE NYID BDEN LAS NYAMS, ,BDEN GNYIS NYAMS LA THAR BA GRUB YOD MIN, ZHES BYA BA GSUNGS SO, ,DBU MA RANG RGYUD PA DAG KYANG BDEN PAR GRUB PA THA SNYAD DU YANG MI BZHED KYANG, THA SNYAD DU YANG RANG GI MTSAN NYID KYIS GRUB PAS STONG PA DANG BYA BYED 'THAD PA 'GAL MED DU 'JOG MA SHES PAS RANG GI MTSAN NYID KYIS GRUB PA THA SNYAD DU KHAS LEN PAR BYED DE, LTA BA DE MA BOR BZHIN DU THEG PA GSUM GANG GI'ANG 'PHAGS LAM RGYUD LA SKYE BA'I THABS MED DO, ,DE LTA MOD KYI DBU MA THAL 'GYUR BA ZHES BSNYAD PA PHRA ZHING YANGS LA ZHIB PA'I RNAM DPYOD DANG LDAN PA 'DI DAG GIS NI, THA SNYAD DU YANG BDEN 'DZIN GYI DMIGS GTAD THAMS CAD BSHIG NAS RANG BZHIN GYIS GRUB PA CUNG ZAD KYANG MED PAR GTAN LA PHAB CING, TSUL DE LA BYA BYED KYI RNAM GZHAG 'JOG PA MI 'GAL BAR MA ZAD KYI, BYA BYED 'THAD PA NYID KYI RGYU MTSAN GYIS RANG BZHIN MED PA DANG, RANG BZHIN GYIS GRUB PA MED PA'I RGYU MTSAN

, ,GYIS BYA BYED BZHAG TU RUNG BAR NGES PA DRANGS TE, RGEL BA GZHAN DAG STONG PA NYID MI 'THAD PA'I RGYU MTSAN DU BYED PA'I RGYU 'BRAS KYI 'BREL PA MI BSLU BA'I TSUL DE THAL 'GYUR BAS STONG PA NYID 'CHAD PA'I RGYU MTSAN GYIS GTZO BOR BYAS NAS NGES PA DRANGS PAS, BDEN GNYIS MI 'GAL BAR MA ZAD KYI BDEN GNYIS PHAN TSUN NGES PA 'DREN PA'I GROGS SU SONG NAS, NGES PA BLA NA MED PA DE 'DRA BA'I RLUNG SHUGS KYIS BSKYOD PA'I TSOGS GNYIS MA TSANG BA MED PA'I GZINGS LA ZHON TE, SKU GSUM RIN PO CHE'I GLING DU BDE BLAG TU PHYIN PAR BYED PA'I TSUL 'DIS THUGS SHIN TU RANGS PAR GYUR TE, RANG GI STON PA LA YANG YON TAN GZHAN GANG LAS KYANG RMAD DU BYUNG BA, STONG PA NYID DANG RTEN 'BREL MI 'GAL BAR GSUNG BA NYID KYI SGO NAS SMRA BA GZHAN THAMS CAD LAS MCHOG TU GYUR PAR BSNGAGS PA MDZAD DE, JI SKAD DU, STONG PA NYID DANG RTEN 'BYUNG DAG ,DBU MA'I LAM DU DON GCIG PAR, ,GSUNG MCHOG MTSUNGS PA MED PA YI, ,SANGS RGYAS DE LA PHYAG 'TSAL LO, ZHES GSUNGS PA LTAR RO, ,DE LTAR NA TSUL 'DI NI DBU MA THAL 'GYUR BA'I THUN MONG MA YIN PA'I KHYAD CHOS KYI GTZO BO YIN NO ZHES BYA BAR NGES SO, ,GNYIS PA DE LUGS DES JI LTAR BKAG BA NI, DE 'DRA BA'I KHYAD CHOS KYI GTZO BO DE YANG KHYOD KYIS LEGS PAR BKAG PA YIN TE 'DI LTAR, GONG DU JI SKAD BRJOD PA'I TSUL GYIS RANG BZHIN GYIS MA GRUB PA'I RGYU MTSAN GYIS DNGOS PO RNAMS LA RGYU 'BRAS SOGS KYI BYA BYED 'JOG PA 'THAD PA DE KHYAD CHOS KYI GTZO BO YIN PA LA, KHYED KYIS NI RANG BZHIN GYIS GRUB PAS STONG BA'I RGYU MTSAN GYIS RGYU 'BRAS SOGS YOD BA MIN PAR SMRAS PA'I PHYIR RO, ,DE'I PHYIR KHYED LTAR NA, RTEN CING 'BREL 'BYUNG RIGS PA DI [?] YIS NI, ,LTA NGAN DRA BA MTHA' DAG GCOD PAR BYED, CES PA BZLOG NAS SMRA DGOS PAR 'GYUR TE, LTA NGAN DRA BA MTHA' DAG GCOD PA LA RTEN CING 'BREL 'BYUNG DGAG DGOS PA'I PHYIR RO, ,RTEN 'BREL GYI RTAGS KYIS MYU GU BDEN MED DU BSGRUB PA NI KHYAB PA 'GAL BAR 'GYUR TE, RTEN 'BREL YIN NA STONG NYID MIN ZHING STONG YIN NA RTEN 'BREL MIN DGOS PA'I PHYIR RO, ,DNGOS SMRA BAS STONG NYID YIN NA BYA BYED MI 'THAD PAR BSAMS TE, GAL TE 'DI DAG KUN STONG NA, ,'BYUNG BA MED CING 'JIG PA MED, ,'PHAGS PA'I BDEN

BA BZHI PO RNAMS, ,KHYOD LA MED PAR THAL BAR 'GYUR, ZHES SOGS KYI THAL BA BRGYUD MA RNAMS 'PHANGS PA LA KHYED LTAR NA 'DOD LAN GDAB PAR RIGS PA LA, 'PHAGS PA KLU SGRUB KYIS NI, GAL TE 'DI KUN MI STONG NA, ,'BYUNG BA MED CING 'JIG PA MED, ,'PHAGS PA'I BDEN BA BZHI PO RNAMS, ,KHYED LA MED PAR THAL BAR 'GYUR, ZHES SOGS KYIS THAL BA RNAMS PAR LA BZLOG STE 'PHANGS NAS KHYAB PA'I GAL BA'I LAN BTAB LA, PHYOGS GNYI GAS KYANG GRUB MTHA' GANG LA BDEN BZHI LA SOGS PA KUN BYANG GI CHOS GANG YANG BZHAGS MED PA DE NI BZOD PAR DKA' BA'I SKYON CHEN POR BSAMS TE PHAN TSUN GNYI GAS DE LTAR 'PHEN PA YIN PA LA, KHYED CAG GZHAN GYIS NYES PA MA BRJOD PA'I GONG NAS RANG NYID KYIS BYA BYED GANG YANG BZHAG TU MED PAR MA SMRA SHIG ,DE'I PHYIR 'PHAGS PAS, GANG LA STONG PA NYID RUNG BA, ,DE LA THAMS CAD RUNG BA YIN, ZHES RGOL BA GANG GI LUGS LA STONG PA NYID RUNG BA DE LA CHOS THAMS CAD RUNG LA, RGOL BA [?] GANG [?] GI LUGS LA STONG BA NYID MI RUNG BA DE LA CHOS THAMS CAD MI RUNG BAR GSUNGS PA DE LA, KHYED CAG LTAR NA, GANG LA STONG PA NYID RUNG PA, ,DE LA THAMS CAD RUNG MA YIN, ZHES BZLOG NAS SMRA DGOS PAR THAL LO, ,THAMS CAD RUNG CES PA YANG THAMS CAD YOD PA'I DON YIN PAS, RANG BZHIN GYIS GRUB BAS STONG BAR SMRA BA'I DBU MA PA'I LUGS LA BDEN BZHI LA SOGS PA THAMS CAD YOD CES BYA BA YIN TE, GANG LA STONG PA NYID RUNG BA, ZHES SOGS KYI 'GREL PA TSIG GSAL LAS, GANG LA DNGOS PO THAMS CAD RANG BZHIN GYIS STONG PA NYID 'DI RUNG BA DE LA, JI SKAD SMRAS PA DE DAG THAMS CAD RUNG BAR 'GYUR RO JI LTA BU ZHE NA, GANG GI PHYIR KHO BO CAG NI RTEN CING 'BREL BAR 'BYUNG BA LA STONG PA NYID CES SMRA STE, DE'I PHYIR GANG LA STONG BA NYID 'DI RUNG BA DE LA RTEN CING 'BREL PAR 'BYUNG BA RUNG LA, GANG LA RTEN CING 'BREL PAR 'BYUNG BA RUNG BA DE LA 'PHAGS PA'I BDEN PA BZHI RNAMS RIGS PAR 'GYUR RO, ,JI LTAR ZHE NA, GANG GI PHYIR RTEN CING 'BREL PAR 'BYUNG BA NYID SDUG BSNGAL DU 'GYUR GYI, RTEN CING 'BREL BAR MI 'BYUNG BA NI MIN NO, ,DE NI RANG BZHIN MED PAS STONG BAR 'GYUR RO, ,SDUG BSNGAL YOD NA NI SDUG BSNGAL KUN 'BYUNG BA DANG SDUG BSNGAL 'GOG PA DANG SDUG BSNGAL 'GOG PAR 'GRO BA'I LAM RUNG BAR 'GYUR RO, ,DE'I PHYIR SDUG BSNGAL

, ,YONGS SU SHES PA DANG KUN 'BYUNG SPANGS BA DANG 'GOG PA MNGON DU BYA BA DANG LAM SGOM PA YANG RUNG NGO, ,SDUG BSNGAL LA SOGS PA'I BDEN PA YONGS SU SHES PA LA SOGS PA YOD NA NI 'BRAS BU RNAMS RUNG BAR 'GYUR RO, ,'BRAS BU RNAMS YOD NA 'BRAS BU LA GNAS PA DAG RUNG DE, 'BRAS BU LA GNAS PA DAG YOD NA NI ZHUGS PA DAG RUNG BAR 'GYUR RO, ,'BRAS BU LA GNAS PA DANG, ZHUGS PA DAG YOD NA NI DGE 'DUN RUNG NGO, ,'PHAGS PA'I BDEN PA RNAMS YOD NA DAM PA'I CHOS KYANG RUNG BAR 'GYUR RO, ,DAM PA'I CHOS DANG DGE 'DUN YOD NA NI SANGS RGYAS KYANG RUNG BAR 'GYUR RO, ,'JIG RTEN PA DANG 'JIG RTEN LAS 'DAS PA'I DANGS PO THAMS CAD KHYAD PAR DU RTOGS PA THAMS CAD KYANG RUNG LA, CHOS DANG CHOS MA YIN PA DAG DANG DE'I 'BRAS BU DANG 'JIG RTEN BA'I THA SNYAD THAMS CAD KYANG RUNG BAR 'GYUR RO, ,DE'I PHYIR DE LTAR NA GANG LA STONG PA NYID RUNG BA DE LA THAMS CAD RUNG BAR 'GYUR RO,, GANG LA STONG PA NYID NI RUNG BA DE LA RTEN CING 'BREL PAR 'BYUNG BA MED PAS THAMS CAD MI RUNG BAR 'GYUR RO, ZHES GSUNGS PA LTAR RO, ,GZHAN YANG TSIG GSAL LAS, KHO BO CAG LA 'BYUNG 'JIG SOGS MI 'THAD PA'I SKYON MED PAR MA ZAD BDEN PA BZHI LA SOGS PA 'THAD PA YIN NO, ZHES DANG, 'JUG PA LAS, DNGOS PO STONG PA GZUGS BRNYAN LA SOGS PA, ,TSOGS LA LTOS RNAMS MA GRAGS PA YANG MIN, ,JI LTAR DER NI GZUGS BRNYAN SOGS STONG LAS, ,SHES PA DE YI RNAM PA SKYE 'GYUR LTAR, ,DE BZHIN DNGOS PO THAMS CAD STONG NA YANG, ,STONG PA NYID LAS RAB TU SKYE BAR 'GYUR, ZHES BYA BA LA SOGS PA CHES MANG DU GSUNGS PA DAG BZLOG STE SMRA BA LA ZHUGS NAS KHO BO CAG DBU MAR YANG MI SMRA BA'I DBU MA PA'O ZHES RANG LA CO 'DRI BAR MA BYED CIG ,GNYIS PA RIGS PA DE DAG LTAR SNANG DU BSTAN PA LA LNGA LAS, DANG PO RIGS PAS DPYAD BZOD MI BZOD BRTAGS PA LTAR SNANG DU BSTAN BA NI, CHOS DE DON DAM DPYOD BYED KYI RIGS PAS DPYAD MA BZOD PA LA CHOS DE DON DAM DPYOD BYED KYI RIGS PAS KHEGS MI DGOS TE, CHOS DE DON DAM DPYOD BYED KYI TSAD MAS MA RNYED PA LA DON DAM DPYOD BYED KYI TSAD MAS CHOS DE MED BAR RNYED MI DGOS PA'I PHYIR, DER THAL, CHOS DE TSAD MA [?] DE NYID KYIS MA GZHAL BA

LA TSAD MA DES CHOS DE MED PAR GZHAL BSAM KHYAB PA'I PHYIR, MA GRUB NA, SGRA CHOS CAN, MIG SHES TSAD MAS KHYOD MED PAR GZHAL BAR THAL, KHYOD MIG SHES TSAD MAS MA GZHAL BA'I PHYIR, 'DOD NA, SGRA CHOS CAN, GZHI MA GRUB PAR THAL, TSAD MAS MED PAR GZHAL BA'I PHYIR, 'DOD NA MNGON SUM LA SMYON PAR THAL ZHING, CHOS GANG YANG YOD MED GANG DU'ANG GZUNG DU MI RUNG BAR SMRAS PA DANG KHAS BLANGS 'GAL LO, ,DE BAS NA RIGS PAS MA RNYED PA RANG MED BAR RNYED PA LA KHYAD SHIN TU CHE LA, DE YANG DON DAM DPYOD BYED KYI RIGS PAS DPYOD PA LA ZHUGS PA DANG, DPYAD PAS RNYED MA RNYED LA SOGS BA'I TSUL NI, BUM PA SNAM BU SOGS DANG, LHAS SBYIN MCHOD SBYIN SOGS CHOS DANG GANG ZAG GI THA SNYAD SNA TSOGS BA 'DI RNAMS LA, MING GI THA SNYAD BTAGS PA TZAM GYIS MA TSIM [?] PAR MING DE GANG LA BTAGS PA'I DON DE KHO RANG GI YAN LAG RNAMS DANG RDZAS GCIG DANG THA DAD LA SOGS PA JI 'DRA BA ZHIG TU GRUB TSOL BA LA ZHUGS PA NA RANG BZHIN SEMS PA LA ZHUGS PA'AM, DON DAM DPYOD PA LA ZHUGS PA ZHES BYA LA, DE LTAR DPYAD PA NA RANG GI YAN LAG RNAMS DANG NGO BO GCIG PA'AM THA DAD PA LA SOGS PA YUL GYI SDOD LUGS GANG RUNG GCIG TU DPYOD PA PO'I BLO NGOR RNYED BYUNG NA DPYOD BYED KYI RIGS PA DE YANG DAG TU MA SONG ZHING RIGS BDE LA BRTEN PA'I BLO DE YANG LEG SHES SU SONG LA BLO NGO DER RIGS PA DES RNYED PA LTAR DON STENGS NA GRUB NA MING BDEN GRUB TU MA BTAGS KYANG DON LA BDEN GRUB TU 'GYUR BA YIN NO, ,GAL TE RIGS PA YANG DAG GCIG DU BRAL LTA BU'AM, SHING RTA'I DPYAD PA RNAM PA BDUN GYIS BTZAL BA LTA BU'I TSE RANG GI YAN LAG RNAMS DANG GCIG THA DAD LA SOGS PA GANG DU YANG MA GRUB PAR RNYED NA, DE NI BUM PA SOGS DON DAM DPYOD BYED KYI RIGS PAS BTZAL BA NA MA RNYED PA'I DON DU SONG BA YIN GYI, BUM PA SOGS MED PAR DON DAM DPYOD BYED KYI TSAD MAS RNYED PA'I DON MA YIN LA, BUM PA SOGS DON DAM DPYOD BYED KYI TSAD MAS BTZAL BA NAM RNYED PA DE BUM PA SOGS DON DAM PAR MED PA'I DON DU SONG BA YIN GYI BUM PA SOGS MED PA'I DON DU SONG BA GA LA YIN, DE LTAR BTZAL BA NA GANG DU'ANG MA GRUB PAR RNYED PA DE LA NI BUM PA'I GNAS LUGS RNYED PA DANG RANG BZHIN RNYED PA DANG DON DAM RNYED PA ZHES BYA STE, DON DAM DPYOD

, ,BYED KYI RIGS BAS BTZAL BA NA BUM PA CES PA'I THA SNYAD BTAGS PA'I DON DE NYID GANG DU YANG MA GRUB BA DE BUM PA DON DAM PAR MA GRUB PAR RNYED PA YIN LA, BUM PA DON DAM PAR MA GRUB BA DE, BUM PA'I DON DAM DANG, BUM PA'I RANG BZHIN DANG BUM PA'I GNAS LUGS YIN NO ZHES SHES PAR BYA'O; ;GNYIS PA YOD MED SOGS MU BZHIR BRTAGS PA LTAR SNANG DU BSTAN PA NI, MYU GU DE YOD PA MA YIN ZHES SMRAS PAS MED PAR SMRAS SHING, MED PA MA YIN NO ZHES SMRAS PAS YOD PAR SMRAS BA KHAS BLANGS DNGOS SU 'GAL LA, DE BZHIN DU YOD MED GNYI GA MIN PAR SMRAS NAS, SLAR YANG GNYI GA MIN PA MIN, ZHES SMRAS PAS GNYI GA YIN PAR SMRAS PA DNGOS SU 'GAL LO, ,GAL TE DE DAG DNGOS 'GAL MA YIN TE, RANG RGYUD BA MAN CHAD KYI LUGS LA DGAG PA GNYIS KYIS RNAL MGO BA YIN GYI THAL 'GYUR BA'I LUGS LA DGAG PA GNYIS KYIS RNAL MA MI GO BAS SKYON MED DE ZHE NA, 'O NA PHAN TSUN SPANGS PA'I DNGOS 'GAL MI SRID PAR THAL, YOD PA RNAM PAR BCAD PAS MED PA YIN PAR GO MI NUS PA'I PHYIR, MA GRUB NA DGAG PA GNYIS KYIS RNAL MA MI GO BA BUD, 'DOD NA THAL 'GYUR BAS DNGOS SMRA BA LA KHAS BLANGS NANG 'GAL BSTAN NAS 'GOG PA BUD, THAL 'GYUR BA DANG DNGOS SMRA BA SU'I DAM BCA' YIN KYANG DAM BCA' YANG DAG DANG LTAR SNANG GI KHYAD PAR YE MED PAR THAL, DAM BCA' GANG GI YANG DON LA TSAD MAS GNOD PA YANG MI SRID TSAD MAS GRUB PA YANG MI SRID PA'I PHYIR, ZUR SNGA MA MA GRUB NA 'GAL BA MI SRID PA BUD, ZUR GNYIS PA MA GRUB NA TSAD MAS GRUB PA'I DON GANG YANG KHAS LEN MI RIGS PA BUD, KHYOD LTAR NA YOD PA DANG MED PA YANG DNGOS 'GAL MA YIN PAR THAL TE, CHOS THAMS CAD YOD MED GNYIS KA MA YIN PA'I PHUNG GSUM YIN PA'I PHYIR RO, ,GZHAN YANG CHOS GANG LA YANG YIN MIN GANG DU YANG MTHA' GCIG TU SMRA MI RIGS PAR THAL, CHOS GANG LA YANG YOD MED GANG DU YANG MTHA' GCIG TU SMRA MI RIGS PA'I PHYIR, ZHES BRJOD NA LAN CI YOD, 'DOD NA CHOS THAMS CAD SPROS BRAL YIN ZHES PA DANG, YOD MED SOGS BZHI PO GANG YANG MIN ZHES KYANG MTHA' GCIG TU SMRA MI RIGS PAR THAL LO, ,CHOS THAMS CAD MYU GU YOD MED GNYI GA MA YIN PA'I PHUNG GSUM YIN NA MYU GU YIN MIN GNYI GA MA

YIN PA DANG, SKYES MA SKYES GNYI GA MA YIN PA DANG, DNGOS PO DANG DNGOS MED GNYI GA MA YIN PA'I PHUNG GSUM SOGS SU YANG RIGS PA KUN NAS MTSUNGS PAS, CHOS GANG LA YANG MTHA' GCIG BA'I NGES PA DRANGS SA GTAN NAS MED PAR GANG LA'ANG THE TSOM ZAB 'BA' ZHIG SNYING POR 'DZIN RIGS PAR THAL LO, ,DE LTAR MTSUNGS PA'I RGYU MTSAN YANG, YOD PAR GZUNG NA RTAG LTAR 'GYUR NA, DNGOS POR GZUNG BA DANG MYU GU YIN PAR GZUNG BA SOGS KYIS KYANG SGRO 'DOGS PA'I MTHAR 'GYUR BA SOGS MTSUNGS PA'I PHYIR DANG, LUNG LAS KYANG BSTAN MA BSTAN MTSUNGS DGOS TE, YOD DANG MED PA 'DI YANG MTHA' GCIG STE, ZHES GSUNGS BA LTAR, GTZANG DANG MI GTZANG 'DI YANG MTHA' NYID YIN, ZHES GSUNGS PA'I PHYIR RO, ,GZHAN YANG GZHI GANG YANG RUNG BA GCIG LA RANG BZHIN YOD DAM MED CES BRTAG PA BYED PAS NI DE GNYIS SU KHO TSON CHOD PAR 'DOD DGOS TE, DE GNYIS GANG YANG MA YIN PA'I PHUNG GSUM YOD KYANG DE LTAR BRTAG PA BYED RIGS NA, MYU GU DNGOS PO YIN NA, MYU GU BUM PA DANG KA BA GANG YIN ZHES BRTAG PA BYED PA LA MI RIGS PA CI'ANG MED PAR THAL LO, ,DES NA DBU MA THAL 'GYUR BA LA SHES BYA LA BDEN PA GNYIS SU NGES PA SOGS KYI GRANGS NGES GANG YANG BYAS MED PAR THAL, PHUNG GSUM LDOG PA'I 'GAL BA MI SRID PA'I PHYIR RO, ,BDEN MED RTOGS PA'I SHES RAB CHAD LTAR THAL, BDEN MED DU GZUNG NA CHAD LTAR 'GYUR BA'I PHYIR, 'DOD NA, BDEN MED RIGS PAS KHEGS PA DANG, 'PHAGS PA'I YE SHES CHAD LTAR SMRA BA, SNGON MED PA'I DBU MA PA KHYOD BDEN MED RIGS PA JI 'DRA BA ZHIG GIS 'GOG PA SMROS SHIG; DGAG PA GNYIS KYIS RNAL MA GO BA DANG RANG BZHIN MED PA BKAG NA RANG BZHIN YOD PAR 'GYUR BA NI 'PHAGS PA KLU SGRUB KYIS GSAL BAR GSUNGS TE, RTZOD BZLOG LAS, RANG BZHIN MED PA NYID BZLOG NA, ,RANG BZHIN NYID DU RAB GRUB 'GYUR, ZHES DANG, DE'I RANG 'GRO LAS, GAL TE TSIG RANG BZHIN MED PA NYID KYIS DNGOS PO RNAMS KYI RANG BZHIN MED PA NYID 'GOG PAR BYED NA NI, RANG BZHIN MED PA NYID BKAG PA NYID KYI PHYIR, DNGOS PO RNAMS RANG BZHIN DANG BCAS PAR 'GYUR LA, RANG BZHIN DANG BCAS PA'I PHYIR STONG PA MA YIN PAR 'GYUR RO, ZHES GSUNGS PA'I PHYIR RO, ,DES NA SH'A RI'I BUS SPYAN RAS

, ,GZIGS LA SHES RAB KYI PHA ROL TU PHYIN PA ZAB MO LA JI LTAR BSLAB BAR BYA BA DRIS PA'I LAN DU, PHUNG PO LNGA PO DE DAG KYANG RANG BZHIN GYIS STONG BAR RNAM PAR YANG DAG BAR RJES SU BLTA'O, ZHES GSUNGS PA DANG, SDUD PA LAS KYANG, CHOS RNAMS RANG BZHIN MED PAR YONGS SU SHES GYUR PA, ,'DI NI SHES RAB PHA ROL PHYIN MCHOG SPYOD PA YIN, ZHES DANG, 'JUG PA LAS KYANG, DE PHYIR BDAG DANG BDAG GIR STONG LTA BAS, ,RNAL 'BYOR BA DE RNAM PAR GROL BAR 'GYUR, ZHES SOGS MTHA' YAS PA CIG GSUNGS PA LA, KHYED CAG RANG BZHIN MED PAR YANG LTAR MI RUNG NGO ZHES BZLOG STE MA SMRA SHIG ,'ON MI STONG CUNG ZAD YOD MIN NA, ,STONG PA YOD PAR GA LA 'GYUR, ZHES PA DANG, RIN CHEN PHRENG BA LAS KYANG, BDAG DANG BDAG MED BLTA BA DAG ,DE PHYIR THUB BA CHEN POS BZLOG ,CES DANG, BZHI BRGYA PA LAS, STONG MIN MED PAR STONG PA NI, ,GANG LAS 'BYUNG BA NYID DU 'GYUR, ZHES SOGS GSUNGS PA JI LTAR DRANG ZHE NA, LUNG GI TSIG TZAM ZHIG 'DOD PA KUN GYI SKYABS SU GYUR PA, LUNG DON RIGS PAS 'BYED PA LA BLO KHA CHA TZAM YANG MA PHYOGS PA KHYED LA DE LTA BU'I DOGS PA 'BYUNG BA NI BDEN GYIS, 'ON KYANG BDEN PAR GRUB PA MED PA'I PHYIR BDEN PAR GRUB PAS STONG PA'ANG MED DO ZHES LUNG DON DE LTAR 'CHAD BA NI CHES SHIN TU BZHAD GANG KYI GNAS YIN TE, RI BONG RVA MED MED DE, RI BONG GI RVA MED PA'I PHYIR, ZHES SMRA BA BZHIN NO, ,DES NA BDEN GRUB MED NA BDEN MED YOD DGOS PA YIN PAS KHYAB PA SHIN TU 'GAL BA YIN NO, ,DE'I PHYIR GZHUNG DE DAG GI DON NI BDEN PAR GRUB PAS STONG PA'I STONG PA NYID LA BDEN PAR 'DZIN PA DGAG PA'I PHYIR DU, STONG PA NYID BDEN BAR MA GRUB STE, BDEN PAR GRUB PA'I CHOS CUNG ZAD KYANG MED PA'I PHYIR, ZHES BYA BA YIN NO, ,DES NA KHYAB BYED BDEN GRUB TZAM KHEGS PA'I RTAGS KYIS KHYAB BYA STONG NYID BDEN GRUB 'GOG BA YIN GYI, DGAG BYA BDEN GRUB KHEGS PA'I RTAGS KYIS DE BKAG PA'I BDEN MED MED PAR STON PA GA LA YIN, DE LTAR YANG BZHI BRGYA PA'I 'GREL BA LAS, GAL TE STONG PA NYID CES BYA BA RANG GI NGO BOS GRUB PA 'GA' ZHIG YOD NA NI DNGOS PO RNAMS RANG BZHIN DANG BCAS PAR 'GYUR NA YOD PA NI MA YIN NO ZHES BSTAN PA'I PHYIR BSHAD PA, STONG MIN MED PAR STONG PA NI, ,GANG

LAS 'BYUNG BA NYID DU 'GYUR, ,JI LTA BUR NA CIG SHOS NI, ,MED PAR GNYEN PO 'BYUNG BAR 'GYUR, ZHES GSUNGS LA, STONG PA YOD PAR GA LA 'GYUR, ZHES PA'I DE MA THAG TU RTZA SHE LAS, RGYAL BA RNAMS KYIS STONG PA NYID, ,LTA KUN NGES PAR 'BYIN PAR GSUNGS, ,GANG DAG STONG PA NYID LTA BA, ,DE DAG SGRUB TU MED PAR GSUNGS ZHES GSUNGS PA'I 'GREL PA BUDDH'A B'A LI TA LAS, GANG DAG DNGOS PO RNAMS RANG GI NGO BO NYID KYIS YOD PA YIN NO ZHES MNGON PAR ZHEN PA DE DAG LA STONG PA NYID CES BRJOD PA RTEN CING 'BREL BAR 'BYUNG BA 'DI RGYU DANG RKYEN GYI DBANG GIS DNGOS POR GDAGS PA YIN GYI, DNGOS PO RNAMS NGO BO NYID KYIS YONG PA MA YIN NO ZHES DNGOS PO RNAMS KYI NGO BO NYID STONG PA NYID DU RAB TU BSTAN PA NA MNGON PAR ZHEN PA DE BZLAG NUS KYI, GANG DAG STONG PA NYID LA DNGOS PO NYID DU MNGON PAR ZHEN PA DE DAG LA NI GZHAN GANG GIS KYANG MNGON PAR ZHEN PA DE BZLOG MA NUS TE, DPER NA CI YANG MED DO ZHES SMRAS PA NA, CI YANG MED PA DE NYID BYIN CIG CES ZER BA GANG YIN PA DE LA MED PA NYID 'DZIN DU GZHUG PAR JI LTAR NUS PA BZHIN TE, ZHES GSUNGS PA LTAR RO, ,KHYED LTAR NA DPE [?] DON 'DI YANG MI 'GRIG STE, 'GA' ZHIG GIS KHA CIG LA NOR BLANG CES BYAS PA LA, NOR CI YANG MED DO ZHES SMRAS PA NA, NOR CI'ANG MED PAR 'DZIN PA'I BLO SKYES PA SKYON MIN GYI CI'ANG MED PA DE NOR DU GZUNG NA GANG ZAG DES NOR MED PAR NGES SU GZHUG PA'I THABS MED PA LTAR, DNGOS PO BDEN 'DZIN STONG PA NYID BSTAN NAS ZLOG PAR BYED PA YIN PA LA, STONG PA NYID KYANG BDEN PAR 'DZIN NA DE'I BDEN 'DZIN BZLOG DKA' BAR GSUNGS PA YIN PA LA, KHYED LTAR NA, NOR CI'ANG MED PA NOR DU 'DZIN PA DANG, BDEN MED DU 'DZIN PA GNYI GA SKYON YIN PAR MTSUNGS ZHES DPE DON SBYAR DGOS PA'I PHYIR RO, ,DE LTAR KHYOD KYIS KHO BO CAG LA LTOS PA MED PAR MANG DU SMRAS KYIS, KHYOD RANG YOD PA DANG MED PA DANG GNYI GA DANG GNYI GA MA YIN PA'I PHYOGS BZHI KA BKAG PA'I NGES DON GYI LUNG RNAMS KYI DON JI LTAR 'CHAD CAN, SNGAR LTAR DNGOS 'GAL SMRAS BA'I NYES PAS 'JIGS TE, KHA CIG DON DAM PAR YOD PA'ANG MIN, DON DAM PAR MED PA'ANG MIN ,DON DAM PAR YOD MED GNYI GA'ANG MA YIN, DON DAM PAR YOD MED GNYI GA MIN PA'ANG MIN, ZHES SMRA BA LA NI DNGOS 'GAL GYI NYES PA SO NAG NAS PE [?] DON DAM PAR GNYI GA MAN PAR SMRAS PA'I

, ,RJES SU DON DAM PAR GNYI GA MIN PA MIN ZHES SMRAS PAS DON DAM PAR GNYI GA YIN PAR SMRAS PA'I PHYIR RO, ,DE BAS NA YOD PA YANG BDEN PAR GRUB BA MA YIN, MED PA YANG BDEN PAR GRUB PA MA YIN, GNYI GA YIN PA'I PHUNG GSUM BDEN PAR GRUB BA MA YIN, GNYI GA MA YIN PA'I PHUNG GSUM BDEN PAR GRUB PA MA YIN, ZHES BYA BA'I DON YIN PAS, KHO BO CAG LA RGUD PA CI'ANG MED KYI MNGON PAR MTHO BA 'BA' ZHIG 'BYUNG BAR 'GYUR RO, ,'DI 'DRA BA'I 'KHRUL PA RNAMS NI, YOD CES BYA BA RTAG PAR BLTA, ZHES BYA BA LA SOGS BA'I LUNG DON MA GO BA'I DBANG GIS BYUNG BA YIN PAS BSHAD PAR BYA STE, DE YANG YOD PA DANG YOD PA'I MTHA' DANG, MED PA DANG MED PA'I MTHA'I KHYAD PAR CHEN PO MA RIG BAR, YOD PA GANG YIN YOD MTHAR GZUNG BAS SHIN TU 'KHYAMS PA YIN NO, ,'O NA DE DAG GI KHYAD PAR GANG YIN ZHE NA, DE YANG SPYIR MTHA' ZHES BYA BA NI, 'JIG RTEN NA SA'I PHYOGS GANG DU GOM PA 'PHYAN NA SKYES BU LHUNG NAS NYAMS NYES PAR 'GYUR BA'I G-YANG KHA LA MTHA' ZHES BRJOD PA LTAR, 'DIR YANG GANG DU GZUNG NA 'DZIN PA PO LTA BA NGAN PA'I G-YANG DU LHUNG NAS PHUNG BAR 'GYUR BA'I GNAS LA MTHA' ZHES BRJOD DE, DE LA YOD MTHA' DANG MED MTHA' GNYIS SO, ,DANG PO NI, PHYI ROL PA DAG GIS BDAG RTAG PAR 'DZIN PA DANG, SPYI GTZO BO DANG DBANG PHYUG LA SOGS PA RTAG DNGOS SU 'DZIN PA LTA BU DANG, BYE BRAG SMRA BAS NAM MKHA' RTAG RDZAS SU KHAS LEN PA SOGS KYANG RTAG PA'I MTHAR LHUNG BA'I LTA BA YIN MOD KYI, DNGOS SMRA BA DAG GIS DNGOS PO RANG BZHIN GYIS YOD PAR LTA BA NI DNGOS SU DNGOS PO RTAG PAR MI SMRA ZHING, BLO DE DAG GI 'DZIN STANGS LA DNGOS PO RTAG PAR 'DZIN PA MED KYANG RTAG PA'I MTHAR LTUNG BA YIN TE, BUM PA RANG BZHIN GYIS YOD NA BUM PA RTAG PA YIN DGOS PA'I PHYIR RO, ,JI LTAR DGOS NA, BUM PA CHOS CAN, KHYOD KYI YOD PA DE KHYOD KYI RANG BZHIN DU GRUB PAR THAL, KHYOD RANG BZHIN GYIS YOD PA'I PHYIR, 'DOD NA KHYOD DUS NAM YANG MED PA MI SRID PAR THAL, 'DOD PA DE'I PHYIR, DE LA KHYAB PA YOD PAR THAL, RANG GI RANG BZHIN SPANGS BA'I CHOS MI SRID PA'I PHYIR, DUS NAM YANG MED PA MI SRID PA 'DOD NA, RTAG TU YOD PAR THAL LO, ,'DOD NA RTAG PAR THAL LO, ,DE'I PHYIR RTZA SHE LAS, GANG ZHIG RANG BZHIN GYIS YOD PA, ,DE NI MED PA MIN PAS BRTAG ,CES GSUNGS PA

YIN NO, ,GNYIS PA MED MTHA' NI, PHYI ROL BA DAG GIS, THAR PA DANG THAMS CAD MKHYEN PA MED PA DANG, DNGOS PO RNAMS LA RGYU MED PAR LTA BA LA SOGS PA DANG, RANG SDE KHA CIG GIS BAR SRID MED PAR LTA BA SOGS MED PAR LTA BA YIN PAR MA ZAD, DNGOS SMRA BA DAG GIS DNGOS PO RANG BZHIN GYIS GRUB BSKRAD CIG GNYIS PAR RGYUN CHAD PAR LTA BA YANG CHAD LTA YIN TE, BUM PA RANG BZHIN GYIS YOD NA YOD BA DE BUM PA'I GNAS LUGS SU GRUB DGOS SHING, DE DUS GNYIS PAR RGYUN CHAD NA GNAS LUGS LA SKUR 'DEBS SU 'GYUR BA'I PHYIR DANG, GONG DU BSHAD PA LTAR RANG BZHIN GYIS YOD NA RTAG PA YIN DGOS LA; DE SKAD CIG GNYIS PAR ZHIG PAR SMRAS PA NA RTAG PA RGYUN 'CHAD PAR SMRA DGOS PA'I PHYIR RO, ,DE'I PHYIR RTZA SHE LAS, SNGON BYUNG DA LTA MED CES PA, ,DES NA CHAD PAR THAL BAR 'GYUR, CES GSUNGS SO, ,DES NA RTAG PA DANG CHAD PA'I MTHAR LTUNG BA'I TSUL NI DE LTAR YIN GYI, YOD PAR GZUNG BA TZAM GYIS RTAG LTA DANG MED PAR GZUNG BA TZAM GYIS CHAD LTAR 'GYUR BA MA YIN PAS, BUM PA YOD PAR GZUNG BA DANG, RI BONG GI RVA MED PAR GZUNG BA DANG, NAM MKHA' RTAG PAR GZUNG BA DANG, DNGOS PO SKAD CIG GNYIS PAR 'JIG PA SOGS SU GZUNG BA LA RTAG CHAD KYI MTHAR LTUNG NA, SANGS RGYAS LA SGRIB PA MED PA TZAM DANG, DBU MA THAL 'GYUR BA'I LTA BRTAG CHAD KYI MTHAR LHUNG BA MED DO ZHES GZUNG BA'ANG CHAD LTAR HA CANG THAL CHES SO, ,DE LTAR YANG, GANG ZHIG RANG BZHIN GYIS YOD PA, ,DE NI MED PA MIN PAS BRTAG, CES SOGS KYI 'GREL PA TSIG GSAL LAS, GANG ZHIG RANG BZHIN GYIS YOD PAR BRJOD PA DON RANG BZHIN LDOG PA MED PAS NAM YANG MED PA MA YIN TE, DE LTAR NA RANG BZHIN YOD PA NYID DU KHAS BLANGS PAS RTAG PAR LTA BAR 'GYUR LA, SNGON GNAS PA'I GNAS SKABS SU DNGOS PO'I RANG BZHIN KHAS BLANGS NAS, DA LTA PHYIS DE ZHIG PAS MED DO ZHES KHAS BLANGS PAS 'CHAD PAR LTA BAR THAL BAR 'GYUR RO, ZHES GSUNGS LA, GANG ZHIG RANG BZHIN GYIS YOD PA, CES SOGS KYI SHLO KA NI, YOD CES BYA BRTAG PAR 'DZIN, CES SOGS KYI RGYU MTSAN 'CHAD PA'I GZHUNG DU SBYAR NAS TSIG GSAL LAS GSUNGS PA'I PHYIR NA, YOD CES BYA BA RTAG PAR 'DZIN, CES SOGS KYANG YOD MED TZAM LA MI BYED PAR, RANG BZHIN

, ,GYIS YOD PA DANG, DE NYID RGYUN CHAD PA'I MED PAR GZUNG BA LA BYED PA YIN PAR SHIN TU GSAL LO, ,DE LTAR NA DNGOS PO RANG BZHIN GYIS YOD NA YOD PA GNAS LUGS SU GRUB DGOS PAS, DNGOS PO'I YOD BA RGYU RKYEN LA RAG MA LAS BA NYID DU 'GYUR BA'I PHYIR, RTZA SHE LAS, GAL TE DNGOS RNAMS RANG BZHIN LAS, ,YOD PAR RJES SU BLTA BYED NA, ,DE LTA YIN NA DNGOS PO KUN, ,RGYU RKYEN MED PAR KHYOD BLTA'O, ZHES BYA BA LA SOGS PA DU MA ZHIG GSUNGS TE, DE'I PHYIR DNGOS PO RNAMS RANG BZHIN GYIS STONG PA'I RGYU MTSAN GYIS BYA BYED 'THAD PA LEGS PAR GRUB PA YIN LA, YOD PA DANG RANG BZHIN GYIS YOD BA, MED PA DANG RANG GI NGO BOS MED PA SOGS KYI KHYAD PHYE NAS SLOB DPON GYIS GSAL BAR GSUNGS PA NI DU MA ZHIG YOD DE, TSIG GSAL LAS, GAL TE DE LTAR KHYOD KYIS DNGOS PO RNAMS RANG BZHIN MED PAR RNAM PAR BZHAG NA, 'O NA NI BCOM LDAN 'DAS KYIS, RANG GIS BYAS PA'I LAS KYI RNAM PAR SMIN PA NI RANG NYID KYIS MYONG BAR 'GYUR BA YIN NO, ZHES GSUNGS PA DE THAMS CAD TSUL 'DIS BSAL BAR 'GYUR LA, LAS DANG 'BRAS BU LA SKUR BA BTAB PA'I PHYIR NA KHYOD MED PA PA'I GTZO BOR GYUR BA YIN NO, ,BRJOD PAR BYA STE, KHO BO CAG MED PA BA MIN TE, KHO BO CAG NI YOD PA DANG MED PA GNYIS SU SMRA BA BKAG NAS, GNYIS SU MED PA'I LAM MYA NGAN LAS 'DAS PA'I GRONG KHYER DU 'GRO BA GSAL BAR BYED PA YIN NO, ,KHO BO CAG NI LAS DANG BYED PA PO DANG 'BRAS BU LA SOGS PA MED DO ZHES SMRA BA YANG MIN TE, 'O NA CI ZHE NA, 'DI DAG RANG BZHIN MED DO ZHES RNAM PAR 'JOG PA YIN NO, ,CI STE RANG BZHIN MED PA RNAMS LA BYA BA BYED PA MI 'THAD PA'I PHYIR NYES PA SON 'DUG PA NYID DO SNYAM NA, DE YANG YOD PA MA YIN TE, RANG BZHIN DANG BCAS PA RNAMS KHO NAL BYA BA MA MTHONG BA'I PHYIR DANG, RANG BZHIN MED PA RNAMS KHON LA BYA BA MTHONG BA'I PHYIR RO, ZHES DANG, BZHI BRGYA PA'I 'GREL PA LAS BDAG NI DNGOS PO MED BAR SMRA BA MIN TE RTEN CING 'BREL BAR 'BYUNG BA SMRA BA YIN PA'I PHYIR RO, CI KHYOD DNGOS POR SMRA BA ZHIG GAM ZHE NA, MIN TE RTEN CING 'BREL PAR 'BYUNG BA SMRA BA YIN PA NYID KYI PHYIR RO, ,KHYOD CI SMRA BA ZHIG YIN CE NA, RTEN CING 'BREL PAR 'BYUNG BA SMRA BA'O, ,YANG RTEN CING 'BREL PAR 'BYUNG BA'I DON GANG ZHIG CE NA, RANG BZHIN MED PA'I DON TE, RANG BZHIN GYIS MA SKYES

PA'I DON DANG, SGYU MA DANG SMIG RGYU DANG GZUGS BRNYAN DANG DRI ZA'I GRONG KHYER DANG SPRUL PA DANG RMI LAM DANG MTSUNGS PA'I RANG BZHIN CAN GYI 'BRAS BU 'BYUNG BA'I DON DANG STONG PA NYID DANG BDAG MED PA'I DON NO, ,ZHES DANG, BZHI BRGYA BA'I 'GREL PA LAS, YANG CI 'DAS PA'I YUL CAN GYI DRAN PA MED DAM, MED DO ZHES DE SKAD DU SMRA, KHO BO CAG NI RTEN CING 'BREL PAR 'BYUNG BA SEL BA MIN NO, ,DE JI LTAR YOD PA DE LTAR NI, DES NA DRAN PA ZHES BYA LOG PA YI, ,DON LA LOG PA KHO NA 'BYUNG, ZHES SLOB DPON NYID RNAM PAR 'JOG PAR MDZAD DO, ,DE'I PHYIR DRAN PA'I DMIGS PA NI 'DAS PA'I DMIGS PA YIN NO, ,GAL TE RANG GI NGO BOS YOD NA NI, DE'I DRAN BA DE YONG PA'I DON LA DMIGS PA'I PHYIR RANG GI NGO BOS GRUB BA ZHIG NA, GANG GI TSE 'DAS PA'I DNGOS PO DE RANG BZHIN MED PA DE'I TSE DE LA DMIGS PA'I DRAN PA YANG RANG BZHIN MED PA YIN TE, DE'I PHYIR LOG PA YIN NO ZHES BYA BAR GRUB PA'O, ,LOG PA ZHES BYA BA NI RANG BZHIN MED PA DANG RTEN CING 'BREL BAR 'BYUNG BA ZHES BYA BA DANG DON GZHAN MIN PA SDE, DNGOS PO MED PA'I DON NI LOG PA'I DON MIN NO, ,'DAS PA'I DNGOS PO RNAM PA THAMS CAD DU MED BA NI MIN TE, DRAN PAR BYA BA YIN PA'I PHYIR DANG, DE'I 'BRAS BU MTHONG BA'I PHYIR RO, ,RANG GI NGO BOS YOD PA YANG MIN TE, RTAG PA NYID DU THAL BA'I PHYIR DANG, DNGOS SU 'DZIN PAR THAL BA'I PHYIR RO, ZHES GTAN NAS MED PA DANG RANG GI NGO BOS MED PA'I KHYAD PAR RGYAS BAR PHYE NAS GSUNGS SO, ,YANG BZHI BRGYA PA'I 'GREL PA LAS, DNGOS POR SMRA BA'I LTA BA NI, JI SRID DU DNGOS PO DE'I YOD PA NYID YIN PA DE SRID DU RANG GI NGO BO YANG YIN BA NYID LA [?] GANG GI TSE RANG GI NGO BO DANG BRAL BA DE'I TSE DE LA DNGOS PO DE RNAM PA THAMS CAD DU MED PA'I PHYIR BONG BU'I RVA DANG 'DRA BAS GNYIS SU SMRA BA LAS MA 'DAS PA'I PHYIR 'DI YI MNGON PAR 'DOD PA THAMS CAD 'GRIG DKA' BAR 'GYUR RO, ZHES DNGOS SMRA BAS DNGOS PO RANG GI NGO BOS MED NA GTAN MED DU 'GRO DGOS BAR GZUNG BAS RNAM PAR 'KHYAMS PAR GSUNGS LA, [?] RING [?] SANG GI DBU MA PA MANG PO ZHIG KYANG DNGOS SMRA BA LTAR DNGOS PO RANG BZHIN MED NA MED DGOS BAR 'DOD PAR SNANG LA, 'ON KYANG DNGOS SMRA BA NI MKHAS PAS LAS 'BRAS LA SKUR BA MI 'DEBS BAR DNGOS PO RANG BZHIN GYIS YOD PAR KHAS [?]

, ,LEN CING, DING SANG GI DBU MA PA DE DAG NI LAS 'BRAS YOD PA MA YIN PAR SMRA LA, BLUN PO DAG DE NYID LTA BA MTHO BAR BYED DE, RTEN 'BREL DANG STONG NYID 'GAL MED DU 'JOG MA SHES PAR MTSUNGS PA LA LAS 'BRAS LA SKUR PA 'DEBS MI 'DEBS KYI KHYAD PAR DE TZAM ZHIG YOD DO, ,DE YANG DNGOS SMRA BAS DBU MA BA LA MED PA BA DANG MTSUNGS PAR RGOL BA LA, DPAL LDAN ZLA BAS, MED PAL KHAS LEN YOD PAS SKYON CHAGS LA, NGED LA KHAS LEN MED PAS SKYON MED DO ZHES MA GSUNGS LA, MED PA PA MED PAR SMRA LA, KHO BO CAG MED PAR MI SMRA'I YOD PA MA YIN PAR SMRA BAS SKYON MED DO ZHES KYANG MA GSUNGS KYI, DBU MA PA NI SKYE BA SNGA PHYI SOGS RTEN 'BREL YIN BA'I RGYU MTSAN GYIS RANG BZHIN MED PAR SMRA'I MED PAR MI SMRA LA, MED PA PA NI DE LTAR MI SMRA'I, SKYE BA SNGA MA NAS 'DIR 'ONG BA DANG, 'DI NAS PHYI MAR 'GRO BA MA MTHONG BAS MED PAR SMRA'O, ,DE'I PHYIR MI MTSUNGS SO, ZHES GSUNGS TE, TSIG GSAL LAS 'DIR KHA CIG DBU MA PA NI MED PA PA DANG KHYAD PAR MED BA YIN TE, GANG GI PHYIR DGE BA DANG MI DGE BA'I LAS BYED PA PO DANG 'BRAS BU DANG 'JIG RTEN THAMS CAD RANG BZHIN GYIS STONG PAR SMRA BA YIN LA, MED PA PA DAG KYANG DE DAG MED DO ZHES SMRA BAR BYED PA YIN PA DE'I PHYIR DBU MA PA, MED PA BA DANG KHYAD PAR MED DO ZHES RGOL BAR BYED DO, ,DE LTAR YANG MIN TE DBU MA PA DAG NI RTEN CING 'BREL PAR 'BYUNG BA SMRA BA YIN LA, RTEN CING 'BREL PAR 'BYUNG BA YIN PA'I PHYIR 'JIG RTEN 'DI DANG 'JIG RTEN PHA ROL LA SOGS PA THAMS CAD RANG BZHIN MED PAR SMRA BAR BYED DO, ,MED PA BDAG GIS NI DE LTAR RTEN CING 'BREL PAR 'BYUNG BA YIN PA'I PHYIR RANG BZHIN GYIS STONG PA NYID KYI SGO NAS 'JIG RTEN PHA ROL LA SOGS PA DNGOS PO MED PAR RTOGS PA MIN TE, 'O NA CI ZHE NA, 'JIG RTEN 'DI'I DNGOS PO'I RNAM PA RANG BZHIN GYIS DMIGS NAS, DE 'JIG RTEN PHA ROL NAS 'DIR 'ONG BA DANG, 'JIG RTEN 'DI NAS PHA ROL TU 'GRO BA MA MTHONG NAS, 'JIG RTEN 'DIR DMIGS PA'I DNGOS PO DANG 'DRA BA'I DNGOS PO GZHAN DAG LA SKUR PA 'DEBS BAR BYED PA YIN NO, ZHES GSUNGS SO, ,DE LTA NA YANG DNGOS PO RANG BZHIN MED PAR LTA BA'I CHA DE DBU MA PA DANG MED PA PA MTSUNGS SO ZHE NA, DE YANG MI MTSUNGS PA'I

RGYU MTSAN DU, RGYANG BAN GYIS NI RANG BZHIN MED PA DE GTAN MED KYI DON DU GZUNG LA, DBU MA PAS RANG BZHIN GYIS MED KYANG KUN RDZOB TU YOD PAR 'DOD DO ZHES GSUNGS TE, TSIG GSAL LAS, GAL TE DE LTA NA YANG DE DAG GIS DNGOS PO'I RANG GI NGO BO YOD PA MIN PA NYID LA MED PA NYID DU RTOGS PA'I PHYIR RE SHIG LTA BA 'DI'I SGO NAS MTSUNGS PA YOD DO ZHEN, MED DE DBU MA PA DAG GIS KUN RDZOB TU YOD PAR KHAS BLANGS PA'I PHYIR LA, DE DAG GIS KHAS MA BLANGS PA'I PHYIR MI MTSUNGS PA NYID DO, ZHES GSUNGS SO, ,'DIS NI THA SNYAD DU'ANG CHOS THAMS CAD YOD PA MIN PA DANG, THA SNYAD DU YOD KYANG DES YOD PA'I GO MI CHOD PAR 'DOD PA'I DBU MA BDAG RGYAD PA NA DANG KHYAD PAR MED PA NYID DU GSAL BAR BSTAN TO, ,DE BAS NA BYANG CHUB SEMS 'GREL LAS, CHOS RNAMS STONG PA 'DI SHES NAS, ,LAS DANG 'BRAS BU BSTAN PA GANG, ,NGO MTSAR LAS KYANG 'DI NGO MTSAR, ,RMAD BYUNG LAS KYANG 'DI RMAD BYUNG, ZHES GSUNGS PA LTAR, LAS 'BRAS DANG STONG NYID MI 'GAL BAR 'JOG SHES PA 'DI YA MTSAN PA'I GNAS YIN ZHING, 'DI NYID SHIN TU RTOGS DKA' BA'I DON GYIS THUB PA NYID KYANG SANGS RGYAS BA'I MDZAD PA BSTAN PA'I RJES SU, DE KHO NA NYID RTOGS DKA' BAS CHOS KYI 'KHOR LO BSKOR BAR ZHAL GYIS BZHES PA DKA' DKA' LTAR MDZAD PA YIN PAR GSUNGS TE, RIN CHEN 'PHRENG BA LAS, CHOS 'DI ZAB PHYIR SKYE BO YIS, ,SHES PAR DKA' BAR THUGS CHUD DO, ,DES NA THUB PA SANGS RGYAS NAS, ,CHOS BSTAN PA LAS LOG PAR GYUR, ZHES GSUNGS PA LTAR RO, ,DE LTA MIN PAR SHES PA KHA DOG DANG DBYIBS GANG DU GRUB DPYOD PA LTA BU'I RIGS PA LTAR SNANG 'GA' ZHIG GIS BTZAL BA NA CHOS GANG LA'ANG 'DI YIN MA RNYED PA NA, DPYOD MKHAN GYI BLO DE LA BLTAS PAS DE LA'ANG NGOS GZUNG CI'ANG MA RNYED PAS, CHOS GANG LA'ANG 'DI YIN 'DI MIN GYI DOS GZUNG CI'ANG MED PA'I NGANG LA, BLOS GANG DU'ANG MI 'DZIN PAR 'JOG PA 'DRA BA NI CHES SHIN TU SLABS DE 'DRA BA LA SANGS RGYAS KYIS MCHOG TU RTOGS DKA' BAR GA LA GSUNG, TSUL DE CHES RTOGS PAR SLA BA'I RGYU MTSAN GYIS, GANGS RI'I KHROD 'DIR YANG DON 'DI RTOGS PA SHIN TU MANG BAR BYUNG SNANG STE, RE RE NAS BRJOD KYIS GAL LANG, MDO SNGAGS KYI GZHUNG LUGS MANG DU THOS PA, RIGS PA'I TSUL LA SGYANGS PAR RLOM PA, ZAB GNAS

, ,KHYAD PAR CAN GYI MAN NGAG JI 'DRA BA ZHIG YOD PAR 'DOD PA, 'CHAD PA'I TSE GRUB MTHA' MI MTHUN PA CHES CHER CHEG RANG STONG DANG GZHAN STONG DANG, CHOS NYID BDEN PAR GRUB MA GRUB LA SOGS PA JI 'DRA BA'I RTZOD PA CHEN PO BYED PA THAMS CAD KYANG ZAB DON NYAMS SU LEN PA'I TSE MI 'DRA BA CUNG ZAD KYANG MED BAR; MA GI CI'ANG MA BSLABS BA'I BLUN SGOM NYAMS SU LEN PA DANG, MKHAS PA SDE SNOD 'DZIN PA CHEN PO'I NYAMS LEN DANG, SNGAGS BLA MED KYI RDZOGS RIM ZAB MO NYAMS SU LEN BAR 'DOD PA PHYIN CHAD THAMS CAD, YUL CIR YANG MA GRUB PA LA BLOS CIR YANG MI 'DZIN PAR 'JOG ZER BA 'DIR KHA 'CHAMS NAS 'ONG BA 'DI, DBANG PO RNON POS BLTAS NA SHIN TU 'TSANG CHE BA YIN, BOD KYI KHRID DU GRAGS PA MANG PO GCIG LA YANG, SNGON 'GRO'I DMIGS PA DANG LUS GNANG DANG 'KHRUL 'KHOR SOGS 'DRA MIN MANG PO BCOS NAS KHRID RIGS MANG POR PHYE BA MA GTOGS NGES DON SGOM LUGS LA KHYAD CI'ANG MI SNANG ZHING, MKHAS PAR GRAGS PA DAG GI GRUB MTHA' MI 'DRA BA'I KHYAD CI TZAM PHYE YANG, LTA BA GTAN LA 'BEBS PA'I DUS KHYAD PHYE BA LTAR MI SGOM PAR, SGOM DUS CI'ANG YID LA MI BYED PAR SGOM PA LA KHYAD PAR MED PAS THAMS CAD KYANG RGYA NAG HRA SHANG GI LUGS GRA MCHAG PAR 'ONGS PA SHA STAG TU SNANG NGO, ,DE'I PHYIR CI'ANG YID LA MI BYED PA GNAS LUGS SGOM PAR GZUNG BAS NI, BDAG MED PAR YANG SGOM DU MI RUNG BAR 'KHRUL NAS, 'KHOR BA'I RTZA BA BDAG 'DZIN DANG 'DZIN STANGS DNGOS SU 'GAL BA'I LAM NYAMS SU LEN PA BKAG STE BDAG 'DZIN GYI 'DZIN STANGS LA CI'ANG MI GNOD BA'I NYAMS LEN 'DI LTA BU LA 'BAD BAS, RANG CAG BOD KYI NYAMS LEN PA MANG PO ZHIG GIS, TSE RIL PO 'BAD NAS GNAS LUGS BSGOMS PAR RLOMS KYANG, BDAG 'DZIN KHO BRI BTZAM YANG MI 'ONG BA 'DI NYAMS SU LEN TSUL PHYIN CI LOG TU SONG BA'I 'BRAS RTAGS YANG DAG YIN PAR SHES PAR GYIS SHIG ,THOS PA'I TSE LTA BA GTAN LA 'BEBS PA NA DGAG SGRUB CI TZAM GYI MKHAS BDAG KYANG, ZAB DON NYAMS SU LEN PA'I TSE CI'ANG YID LAM BYED CIG ,GANG LA'ANG NGOS GZUNG 'DUG GAM LTOS DANG, CES SGOM PA BLUN PO ZHIG GIS BSTAN PA LA, SEMS KYI GNAS LUGS 'DI KHO NA'O SNYAM DU YID CHES DE MA THAG RNYED NAS RIG

PA'I GNAS LA DPYOD PA DE MA THAG 'DOR BAR 'GYUR BA 'DI YANG, GRUB MTHA'I RNAM DBYE DANG THOS PA LA JI TZAM SBYANGS KYANG GNAS LUGS GTAN LA 'BEBS TSUL PHYIN CI LOG TU SONG BA'I 'BRAS RTAGS YANG DAG YIN PAR SHES PAR GYIS SHIG GNAS LUGS SGOM PA'I TSE CI'ANG YID LA BYAR MI RUNG BAR 'DOD BAS NI, GNAS LUGS GTAN LA 'BEBS PA'I TSE BDAG MED DU'ANG GTAN LA DBAB TU MI RUNG BAR 'DOD DGOS LA, DE LTA NA GNAS LUGS GTAN LA DBAB TU YANG MI RUNG BAR KHAS BLANG DGOS SHING, NYES PA MTHA' YAS BA'I 'BYUNG KHUNGS YIN MOD KYI, 'DIR MANGS PAS 'JIGS TE MA BRIS LA, 'DI LTAR GZUNG BAS SBYIN PA TSUL KHRIMS PHYAG DANG MCHOD PA SOGS THAMS CAD RTOG PAS BYA DGOS PAS SPANG BYAR 'DZIN PA DANG SNGAGS KYI SKABS SU BSKYED RIM SANGS RGYAS KYI RGYU MA YIN PAR BLTA BA SOGS THABS KYI CHA THAMS CAD LA SKUR BA 'DEBS PA RNAMS BYUNG BA YIN BAS, GANG DU YANG GZUNG DU MI RUNG BAR LTA BA 'DI LAS THA CHAD PA'I GNAS GZHAN YONG PA MA YIN NO, ,DES NA BLO LA MU GSUM YOD DE, BDAG YOD PAR 'DZIN BA DANG, BDAG MED PAR 'DZIN PA DANG, DE GNYIS GANG DU'ANG MI 'DZIN PA'O, ,DANG PO NI 'KHOR BA'I RTZA BA YIN PAS DE'I GNYEN POR BLO GNYIS PA DE RGYUD LA BSKYED NAS BSGOM DGOS PA YIN LA, DE RGYUD LA BSKYED PA LA NI BDAG 'DZIN GYI 'DZIN STANGS KYIS JI LTAR GZUNG BA LTAR GYI YUL YOD PA LA RIGS PAS GNOD BYED MTHONG BA'I SGO NAS NGES PA 'DEN DGOS PA YIN ZHING, DE'I PHYIR, NYON MONGS SKYON RNAMS MA LUS 'JIG 'TSOGS LA, ,LTA LAS BYUNG BAR BLO YIS MTHONG GYUR CING, ,BDAG NI 'DI'I YUL DU RTOGS BYAS NAS, ,RNAL 'BYOR PA YIS BDAG NI 'GOG PAR BYED, CES GSUNGS SO, ,DE LTA MIN PAR BDAG 'DZIN GYIS 'KHOR BAR 'KHYAMS PA LA BDAG YOD MED GNYI GA LA BLO 'GROR MA BCUG PA TZAM GYIS CI'ANG MI GNOD DE, DPER NA LAM DU CHAS PA'I MI ZHIG CHOM RKUN GYIS 'JIGS PA LA, CHOM RKUN MED PA'I RGYU MTSAN YID CHES PA LA BRTEN NAS CHOM RKUN MED PAR DES BA'I SHES PA SKYES NA, CHOM RKUN GYIS 'JIGS PA'I BLO DE SEL BAR NUS KYI, CHOM RKUN YOD MED GANG DU'ANG MA GZUNG BA TZAM GYIS 'DZIGS BA'I BLO DE SEL [?] MI NUS PA BZHIN NO, ,BLO MU GSUM PA 'DI RGYUD LA SKYED PA LA NI LTA BA GTAN LA PHEBS PA SNGON DU 'GRO MI DGOS TE DA LTA [?]

, ,LTA BCI'ANG MI SHES PA'I BLUN PO LA, CI'ANG YID LA MI BYED PAR GSAL LE HRIG GE ZHOG CIG CES BSTAN BAS LEGS PAR SGOM SHES PA MTHONG BA BZHIN NO, ,GZHAN YANG BDAG YOD MED GANG DU'ANG MI 'DZIN PA DANG, GANG DU GZUNG YANG SPANG BYAR 'DOD PA 'DI 'DRA BA NI 'DU SHES MED PA'I SGOM DANG KHYAD CI'ANG MED PAS, SNGON CHAD RGYUD LA SKYE MA MYONG BA'I SEMS CAN SU'ANG MI SRID DO, ,DE'I PHYIR BDAG MA BSGOMS PA DANG BDAG MED BSGOMS PA'I KHYAD LEGS PAR PHYED PAR GYIS SHIG ,'O NA BDAG MED DO SNYAM DU 'DZIN PA LA YANG LTA BA RIGS PAS GTAN LA PHEBS MI DGOS TE, LTA BA RIGS BAS GTAN LAM PHEBS KYANG BDAG MED DO SNYAM DU GZUNG BAS CHOG PA MYONG BAS GRUB BO ZHEN, BDAG MED PAR NGES PA'I NGES SHES RIGS PA LA BRTEN NAS SKYE DGOS PAR 'DOD KYI, BDAG MED DU 'DZIN PA TZAM RIGS PA LAS SKYE DGOS PAR MI 'DOD LA, BDAG 'DZIN GYI SGRO 'DOGS NI DES SHES KYIS GCOD DGOS KYI NGES SHES MA SKYES BAR MOS NOS TZAM GYIS SGRO 'DOGS SEL BA MA YIN TE, NGES PA DANG NI SGRO 'DOGS YID, ,GNOD BYA GNOD BYED NGO BO'I PHYIR, ,'DI NI SGRO 'DOGS DBEN PA LA, ,'JUG CES BYA BAR SHES PA YIN, CES PA LTAR RO, ,'O NA BLA MA DAM PA'I GSUNG LA YID CHES BA'I DBANG GIS, 'DI NYID 'DI LTAR GSUNG BA LAS NA, GDON MI ZA BAR CHOS THAMS CAD BDAG MED PA'O SNYAM DU SGOM PA JI LTA BU ZHE NA, DE LA LTA BA RIGS PAS GTAN LA PHEBS PA SNGON DU 'GRO MI DGOS PA BDEN KYANG, DE NI DAD PAS 'JUG BA'I YID DBYOD TZAM YIN GYI NGES SHES KYI DON MED LA, GAL TE DES SHES YIN NA TSANG MA RNAM PA GNYIS GANG LAS SKYES PA SMRA DGOS SO, ,GAL TE BLA MA'I TSIG LAS SKYES PA'I NGES SHES YIN NA, DNGOS STOBS KYI YUL LA TSIG TSAD MA NYID DU 'GYUR RO, ,DE BAS NA DE TSAD MAS DRANGS PA'I NGES SHES YIN NA DE'I DMIGS RNAM MA BRJOD KYI BAR DU DE DANG 'DZIN STANGS 'GAL BA'I BZLOG PHYOGS SU DAM 'CHA' BAR MI 'GYUR DGOS PA LA, BLA MA GZHAN DE DANG GRUB PA'I MTHA' MI MTHUN PA ZHIG LA DAD PA SKYES PA NA, YANG DE'I TSIG TZAM GYI DBANG GIS NGES BA LTAR SNANG SNGA MA DE 'DOR BAR 'GYUR BA'I PHYIR RO, ,DE'I PHYIR BLA MA'I CHOG TZAM LA YID CHES BAS DRANGS PA'I CHOS THAMS CAD BDAG MED PA'O SNYAM PA'I BLO

DE LEGS PAR GOMS NA, 'DOD CHAGS LA SOGS PA'I DBAL CUNG ZANG BRI BA TZAM SRID [?] KYI, BDAG 'DZIN GYI SA BON LA GNOD PA CI'ANG MI BYED DO, ,DE BAS NI BDAG LAGS SU 'DOD PA DAG GIS CHOS THAMS CAD KYI GNAS LUGS BDAG MED PA RIGS PAS GTAN LA PHAB BA'I NGES BA DRANGS NAS, KHA PHYIR LTA'I GSHAGS SPYOD BA LHUR LEN PA 'BA' ZHIG TU MA SONG BAR BYAS TE, SGOM PA'I YAN LAG PHYIN CI MA LOG PAS LEGS PAR BSGOMS NAS BDAG RGYAD KYI NYON MONGS PA GZHOM PA LA 'BAD PAR BYA'O, ,DES NA CHOS GANG LA'ANG RANG GI NGO BOS GRUB BA'I RANG BZHIN YOD BA RIGS PAS 'GOG GI ,CHOS RNAMS YOD PA MI 'GOG PA'I KHYAD PAR 'DI MA SHES NA GDON MI ZA BAR LTA BA NGAN PA'I G-YANG DU LTUNG BAR 'GYUR BAS 'PHAGS PA YAB SRAS KYIS GSAL BAR GSUNGS BA LTAR KHYAD PHYED PAR BYA DGOS TE, BZHI BRGYA PA'I 'GREL PA LAS DE'I PHYIR DE LTAR RIGS PAS RNAM PAR DPYAD PA NA DBANG PO DANG YUL DANG RNAM PAR SHES PA RNAMS LA YOD PA'I NGO BO MED PAS RANG GI NGO BOS GRUB PA MED DO, ,GAL TE 'DI RNAMS RANG GI NGO BOS GRUB PAR GYUR NA NI DE'I CHOS 'THAD PAS RNAM PAR DPYAD PA NA CHES GSAL BAR JI LTAR GNAS BA'I RANG GI NGO BOS YOD PA NYID DU DMIGS PAR 'GYUR NA, DMIGS PA YANG MA YIN TE DE'I PHYIR RANG BZHIN GYIS STOD DO ZHES BYA BAR GRUB BO, CES DANG, YANG BZHI BRGYA BA'I 'GREL PA LAS, GAL TE MIG LA SOGS PA RNAMS MI SRID NA DE'I PHYIR JI LTAR MIG LA SOGS PA'I DBANG PO NI LAS KYI RNAM PAR SMIN PA'I NGO BOR RNAM PAR GZHAG CE NA, CI KHO BO CAG GIS 'DI RNAMS KYI RNAM PAR SMIN PA'I NGO BO NYID BKAG GAM, GAL TE MIG LA SOGS PAR BKAG PA BSGRUBS PAS DE JI LTAR MA BKAG CEN, KHO BO CAG GI RNAM PAR DPYAD PA NI RANG BZHIN TSOL BA LHUR BYED PA NYID KYI PHYIR RO, ,KHO BO CAG NI 'DIR DNGOS PO RNAMS RANG GI NGO BOS GRUB PA 'GOG GI, MIG LA SOGS PA BYAS SHING RTEN CING 'BREL PAR 'BYUNG BA'I LAS GYI RNAM PAR SMIN PA NYID NI MI 'GOG GO, DE'I PHYIR DE YOD BAS GANG ZHIG GI RNAM PAR SMIN PA NYID DU BSNYAD PA MIG LA SOGS PA YOD PA NYID DO, ZHES DANG, SLOB DPON SANGS RGYAS BSKYANGS KYIS KYANG, RTZA SHE'I RAB BYED NYI SHU PA'I 'GREL BA LAS, SMRAS PA, GAL TE DUS KYANG MED RGYU DANG 'BRAS BU DANG TSOGS PA YANG MED NA GZHAN CI ZHIG YOD DE LTA BAS NA DE NI MED PA BAR [?]

, ,SMRA BA NYID YIN NO, ,BSHAD PA, MIN TE JI LTAR KHYED DUS LA SOGS PA DAG NGO BO NYID LAS YONG BAR RTOG PAR BYED PA DE LTAR MI 'THAD PAR ZAD KYI, DE DAG BRTEN NAS BTAGS PAR NI GRUB BO, ZHES GSUNGS PA LTAR RO, ,YOD PA MA YIN ZHES SMRA'I MED PAR MI SMRA'O ZHES 'GYUR 'CHOS PA LA NAN [?] TAN BSKYED KYANG SNYING PO MED PA NYID DU TSIG GSAL GYI LUNG DANG RIGS BA DANG BCAS TE SNGAR BSHAD ZIN TO, ,GSUM PA TSAD MAS GRUB MA GRUB BRTAGS NAS 'GOG PA LTAR SNANG DU BSTAN PA NI, KHO BO CAG SKYE BA LA SOGS PA YOD PAR KHAS LEN PA NI TSAD MAS GRUB NAS YOD PAR KHAS LEN LA, DE YANG MIG GI SHES PA LA SOGS PA THA SNYAD PA'I TSAD MAS GRUB PA'I RGYU MTSAN GYIS SKYE BA LA SOGS PA YOD PAR KHAS LEN CING, DON DAM DPYOD PA'I TSAD MAS GRUB PA'I CHA NAS DON DAM BDEN PA YOD PAR 'DOD DO, ,'O NA, MIG DANG RNA BA SNA YANG TSAD MA MIN, ZHES SOGS JI LTAR DRANG ZHE NA, DE DAG GI DON NI KHYED 'CHAD PA LTAR BYAS NA KHYAB PA CHES 'GAL BA NYID DU 'GYUR TE, MIG SHES DANG NYAN SHES SOGS GZUGS DANG SGRA LA SOGS PA LA TSAD MA YIN NA, 'PHAGS LAM DON MED DU 'GYUR ZHES BSHAD PAR SONG LA, DE LTA NA THA SNYAD DPYOD BYED KYI TSAD MA KUN RDZOB LA TSAD MA YIN NA DON DAM DPYOD BYED KYI TSAD MA DON DAM 'JAL BYED DU DON MED PAR 'GYUR, ZHES ZER DOGS PAS 'GAL KHYAB MDO'I DGONGS PAR MA 'CHAD SHIG, DES NA MDO DE'I DON NI MIG SHES SOGS DE KHO NA NYID LA TSAD MA YIN NA, SEMS CAN THAMS CAD KYIS THOG MA MED PA NAS DE KHO NA NYID MNGON SUM DU RTOGS PAR THAL ZHING, DE LTA NA 'PHAGS LAM DE KHO NA NYID 'JAL BYED DU DON MED PAR 'GYUR RO, ZHES BYA BA YIN LA, RNAM KUN 'JIG RTEN TSAD MIN DE'I PHYIR, ZHES BYA BA'ANG DE DANG 'DRA STE, GZHUNG DE'I DE MA THAG TU, DE NYID SKABS SU 'JIG RTEN GNOD PA MED, CES GSUNGS SHING, 'JUG PA'I RANG 'GREL LAS, NGA LTAR NA DE KHO NA NYID BSAM PA LA 'PHAGS PA RNAMS KHO NA TSAD MA YIN GYI, 'PHAGS PA MA YIN BDAG NI MA YIN NO, ,CI STE 'JIG RTEN GYI GNOD PA BRJOD PAR 'DOD PAS DE KHO NA NYID RNAM PAR DPYOD PA LA 'JIG RTEN GYI MTHONG BA YANG TSAD MAR KHAS LEN NA DE LTA YIN DANG, GAL TE 'JIG RTEN TSANG MA YIN NA NI, ZHES SOGS GSUNG

NAS; DE'I PHYI 'GREL DU, MIG LA SOGS PA DAG KHO NAS DE KHO NA NYID NGES PA'I PHYIR 'PHAGS PA'I LAM KHONG DU CHUD PAR BYA BA'I PHYIR TSUL KHRIMS DANG THOS PA DANG BSAM PA DANG SGOM PA LA SOGS PA LA SGRIM PA 'BRAS BU DANG BCAS PA MA YIN PAR 'GYUR BA ZHIG NA, DE NI DE LTAR YANG MA YIN NO, ,DE'I PHYIR, RNAM KUN 'JIG RTEN TSAD MIN DE YI PHYIR, ,DE NYID SKABS SU 'JIG RTEN GNOD PA MED, CES GSUNGS PAS SO, ,DES NA TSIG GSAL LAS, DE'I PHYIR DE LTAR TSAD MA BZHI LAS 'JIG RTEN GYIS DON RTOGS PAR 'JOG PA YIN NO, ZHES MNGON SUM DANG RJES DPAG DANG LUNG DANG NYER 'JAL GYI TSAD MA BZHI LAS KUN RDZOB RNAM PAR 'JOG PAR GSUNGS PA YIN NO, ,'O NA BZHI BRGYA PA'I 'GREL PA LAS, GANG YANG 'DIS DBANG PO'I RNAM PAR SHES PA 'DI MNGON SUM NYID DU SGRO BTAGS NAS GZHAL BYA LA TSAD MA NYID DU RTOG PAR BYED PA DE YANG CHES SHIN TU MA 'BREL BZHIG GO ,MI BSLU BA'I SHES PA NI 'JIG RTEN NA TSAD MA NYID DU MTHONG NA; RNAM PAR SHES PA YANG BCOM LDAN 'DAS KYIS, 'DU BYAS PA'I PHYIR RDZUN PA SLU BA'I CHOS CAN DANG SGYU MA LTAR BUR GSUNGS SO, ,GANG ZHIG RDZUN PA SLU BA'I CHOS CAN DANG SGYU MA LTA BU YIN PA DE NI MI BSLUB MA YIN TE, RNAM PA GZHAN DU GNAS PA'I DNGOS PO LA RNAM PA GZHAN DU SNANG BA'I PHYIR RO, ,DE LTAR GYUR BA NI TSAD MA NYID DU BRTAG PAR RIGS PA MA YIN TE, RNAM PAR SHES PA THAMS CAD KYANG TSAD MA NYID DU THAL BAR 'GYUR BA'I PHYIR RO, ZHES GSUNGS PA JI LTAR DRANG ZHE NA, 'DI NI SNGA MA LAS RTOGS DKA' BA'I GNAS YIN TE, 'DI'I DON NI PHYOGS SNGA MA BRJOD PA NA BZHI BRGYA PA'I 'GREL PA LAS, RTOG GE PA 'DI NI 'JIG RTEN PA'I DON LA GTAN MA BYAD BA'I PHYIR, BYIS PA GZHON NU LTAR JE DANG PO KHO NA NAS SBYANG BAR BYA BAR GYUR PA YIN PAS DE BSTAN PAR BYA BA'I PHYIR KHYOD KYI MNGON SUM GANG ZHIG CES BRGAL ZHING BRTAG PAR BYA'O, ,SMRAS PA SHES PA MNGON SUM YIN NO, ,SHES PA JI 'DRA ZHIG, GANG RTOG PA DANG BRAL BA'O, ,RTOG PA YANG CI ZHIG, GANG DON LA MING DANG RIGS SU LHAG PAR SGRO 'DOGS PAR ZHUGS PA'I 'DU SHES G-YER PO STE, DE DANG BRAL BA'I PHYIR DBANG PO'I RNAM PAR SHES PA LNGA NI YUL GYI RANG GI MTSAN NYID BRJOD DU MED PA TZAM ZHIG LA 'JUG PA'I PHYIR MNGON SUM GYI SGRAS BRJOD PAR BYA STE, ZHES GSUNGS PA LTAR, TSAD MA SDE

, ,BDUN SOGS NAS 'BYUNG BA'I TSAD MA'I RNAM GZHAG DE 'GOG PA YIN GYI TSAD MA SHES BYA LA SRID PA 'GOG PA MA YIN LA, DE YANG TSIG RE RE NAS BSHAD NA CHES MANGS PAR 'GYUR BAS, SKABS DON MDOR BSDUS NAS BRJOD NA, DNGOS SMRA BA NGAG CHAD MA YIN NA GANG LA TSAD MAR SONG BA'I YUL DE LA MA 'KHRUL BA'I SHES PAR KHAS LEN CING, TSUR MTHONG GI TSAD MA LA NI RANG GI GZHAL BYA DE YUL RANG NGOS NAS GRUB PAR SNANG BAS, DNGOS SMRA BA DAG TSAD MA YIN NA GZHAL BYA'I RANG GI MTSAN NYID KYIS GRUB PA'I CHA LA TSAD MAR SONG BAS KHYAB PAR KHAS LEN PA YIN LA, DE NYID 'GOG PA NI, MIG SHES CHOS CAN KHYOD GZUGS KYI RANG BZHIN LA MI BSLU BA'I SHES PA YIN PAR THAL, DE LA TSAD MA YIN PA'I PHYIR, RTAGS KHAS BLANGS, KHYAB PA YANG KHAS BLANGS TE, TSAD MA'I MTSAN NYID DU MI BSLU BA SMOS PA'I PHYIR RO, ,'DOD NA MIG SHES CHOS CAN, KHYOD GZUGS KYI RANG BZHIN LA BSLU BAR THAL, KHYOD LA GZUGS RANG GI MTSAN NYID KYIS GRUB PAR SNANG BA GANG ZHIG, RANG GI MTSAN NYID KYIS GRUB PAS STONG BA DE GZUGS KYI RANG BZHIN YIN PA'I PHYIR, ZHES BYA BA YIN NO, ,DES NA RANG LUGS LA NI, GZHAL BYA BDEN PAR GRUB PA LA TSAD MA MA 'KHRUL BA DGOS KYANG, GZHAL BYA RDZUN PA NI TSAD MA 'KHRUL PAS KYANG 'JOG NUS PA MI 'GAL BAS, DE LA TSAD MA YIN PA LA DE LA MA 'KHRUL PA'I SHES PA YIN PAS MA KHYAB BO, ,RANG LUGS KYI TSAD MA DANG GZHAL BYA YANG RANG GI NGO BOS GRUB PA MA YIN GYI, PHAN TSUN LTOS NAS GRUB PA'I BTAGS YOD TZAM DU KHAS LEN PA YIN TE, BZHI BRGYA PA'I 'GREL PA LAS, DE DAG KYANG PHAN TSUN LTOS PAS 'GRUB PAR 'GYUR TE, TSAD MA DAG YOD NA GZHAL BYA'I DON DAG TU 'GYUR LA, GZHAL BYA'I DON DAG YOD NA TSAD MA DAG TU 'GYUR GYI, TSAD MA DANG GZHAL BYA GNYIS NGO BO NYID KYIS GRUB PA NI MA YIN NO, ZHES GSUNGS PA LTAR RO, ,GZHAN YANG TSIG GSAL DU DNGOS SMRA BA'I LUGS KYI TSAD MA DGAG PA RGYAS PAR GSUNGS PA NI SHIN TU RTOGS DKA' ZHING 'GREL BA'I TSIG BRLING BA DANG GZHUNG HA CANG MANGS PAS 'DIR BSHAD NA YI GE HA CANG MANGS PAR 'GYUR BAS MA BRIS SHING, TSIG GSAL STONG THUN GYI 'BRU ZHIB TU BSHAD PA'I 'GREL BSHAD RTZOM PAR 'DOD PAS DER BLTA BAR BYA'O, ,RANG LUGS KYI TSAD MA'I

RNAM PAR BZHAG PA LHAG MA DAG NI 'OG TU 'CHAD PAR 'GYUR RO, ,BZHI PA BDAG SKYE SOGS BZHING NGES MA NGES BRTAGS PA LTAR SNANG DU BSTAN PA NI, DNGOS SMRA BA DANG THAL 'GYUR BA GNYI GAS SKYE BA KHAS LEN PAR 'DRA YANG, BDAG SKYE SOGS BZHIR BRTAGS NAS DGAG NUS MI NUS MI MTSUNGS TE 'DI LTAR, SHES BYA CHOS CAN; DNGOS SMRA BAS SKYE BA KHAS BLANGS PA LA BDAG SKYE SOGS MU BZHIR BRTAG PA BYA RIGS TE, DNGOS SMRA BAS SKYE BA DE BDEN SKYER KHAS BLANGS SHING, BDEN SKYE YIN NA SKYE TSUL RIGS PAS DPYAD NA MU BZHI PO DE GANG RUNG DU YOD DGOS PA'I PHYIR, PHYI MA DER THAL, RIGS PAS DPYAD BZOD KYI SKYE BA YIN NA RGYU YOD MED GNYIS SU NGES RGYU LA 'BRAS BU DANG DON GZHAN YIN MIN GNYIS SU NGES PA'I PHYIR, CHOS CAN, DBU MA THAL 'GYUR BAS KHAS BLANGS PA'I SKYE BA DE MU BZHI PO DER BRTAGS NAS DGAG TU MED DE, THAL 'GYUR BAS MA BRTAGS MA DPYAD THA SNYAD TZAM GYI SKYE BAR KHAS BLANGS SHING, MA BRTAGS MA DPYAD PA'I SKYE BA DE RIGS PAS BRTAGS NA MU BZHI GANG DU'ANG GRUB MI DGOS PA'I PHYIR TE, MA BRTAGS PAR GRUB NA BRTAGS PA NA GRUB MI DGOS PA'I PHYIR RO, ,GZHAN YANG DBU MA THAL 'GYUR BA NI BRTEN NAS SKYE BA NYID KYIS MU BZHI LAS SKYE BA 'GOG PA YIN TE, 'JUG PA LAS, GANG PHYIR DNGOS PO BRTEN NAS RAB 'BYUNG BAS, ,RTOG PA 'DI DAG BRTAG PAR MI NUS PA, ,DA PHYIR RTEN 'BYUNG RIGS PA 'DI YIS NI, ,LTA NGAN DRA BA MTHA' DAG GCOD PAR BYED, CES GSUNGS LA, GANG PHYIR RGYU MED PA DANG DBANG PHYUG GI, RGYU LA SOGS DANG BDAG GZHAN GNYI GA LAS, ,DNGOS RNAMS SKYE BAR 'GYUR BA MA YIN PA, ,DE PHYIR BRTEN NAS RAB TU SKYE BAR 'GYUR, ZHES DNGOS PO RNAMS MTHA' BZHI LAS MI SKYE BA'I RGYU MTSAN GYIS BRTEN NAS SKYE BAR GSUNGS PA LA, KHYED CAG ZLA BA GRAGS PAS GANG BSHAD DE LAS BZLOG STE SMRAS NAS, MTHA' DANG BRAL BA'I SKYE BA DE MTHA' BZHI'I SKYE BA GANG YIN ZHES MA SMRA SHIG ,DE NYID SKABS SU RIGS PA GANG ZHIG GIS, CES SOGS KYI DON NI SKYE BA THA SNYAD PA MED PAR STON PA MA YIN GYI, RANG GI MTSAN NYID KYIS SKYE BA THA SNYAD DU'ANG MED DE, DE KHO NA NYID DPYOD PA'I SKABS SU MTHA' BZHI LAS SKYE BA 'GOG PA'I RIGS PA DES THA SNYAD DU'ANG MTHA' BZHI LAS SKYE BA KHEGS PA'I PHYIR ZHES BYA BA YIN TE, DES NA DE NYID KYI RANG 'GREL LAS, DE'I PHYIR RANG GI MTSAN NYID KYIS SKYE BA NI

, ,BDEN PA GNYIS CHAR DU YANG YOD PA MA YIN NO ZHES MI 'DOD BZHIN DU KHAS BLANG BAR BYA'O, ZHES GSUNGS PA YIN NO, ,DE'I PHYIR 'JUG PA LAS, MOG SHAM BU LA RANG GI BDAG NYID KYIS, ,SKYE BA DE NYID DU MED 'JIG RTEN DU'ANG, ,YOD MIN DE BZHIN DNGOS 'DI KUN NGE BO, ,NYID KYIS 'JIG RTEN DE NYID DU MA SKYES ZHES GSUNGS PA LTAR, RANG BZHIN GYIS SKYE BA BDEN PA GNYIS CHAR DU YANG MED LA, MA BRTAGS MA DPYAD PAR GRUB PA BRTEN NAS BTAGS PA TZAM GYI SKYE BA NI YOD DO ZHES SHES PAR BYA ZHING, SKYE BA TZAM DANG RANG BZHIN GYIS SKYE BA'I KHYAD PAR MA PHYED PA NI SHIN TU BLUN PAR DPAL LDAN ZLA BAS GSUNGS TE, RIGS PA DRUG CU PA LAS, BRTEN NAS SKYES PA MA SKYES BAR, ,DE NYID MKHYEN PA'I MCHOG GIS GSUNGS, ZHES PA'I 'GREL PA LAS, GAL TE BRTEN NAS SKYES BA GANG YIN PA DE NI SKYES PA KHO NA MA YIN NAM, DE JI LTAR MA SKYES PA'I SGRAS BRJOD PAR BYA BAR 'GYUR, CE STE MA SKYES SO ZHES BRJOD NA, 'ON TE BRTEN NAS SKYES SO ZHES BRJOD BAR MI BYA'O, ,DE'I PHYIR PHAN TSUN 'GAL BA NYID KYI PHYIR 'DI MI RIGS SO ZHE NA, KYE MA KYI HUD, RNA BA DANG SNYING MED PAS KYANG BRGAL BAR 'GYUR BA 'DI NI KHO BO CAG LA DKA' BA ZHIG BAB BO, ,GANG GI TSE KHO BO CAG GIS GANG BRTEN NAS SKYE BA DE GZUGS BRNYAN BZHIN DU RANG BZHIN GYIS MA SKYES SO ZHES SMRAS PA DE'I TSE RGOL BA'I GO SKABS GA LA YOD, CES RANG BZHIN GYIS MA SKYES PAR SNGAR LAN MANG DU SMRAS BA'I RANG BZHIN GYIS ZHES PA'I TSIG MA THOS SHING DON MA GO BAS RNA BA DANG SNYING MED PA ZHES GSUNGS SO, ,KLU'I RGYAL PO MA DROS PAS ZHUS PA'I MDE'I DON YANG, GANG ZHIG RKYEN LAS SKYES PA DE MA SKYES, ZHES GSUNGS NAS MA SKYES TSUL STON PA MI DE LA SKYE BA'I RANG BZHIN YOD MA YIN, ZHES MA SKYES PA'I DON RANG BZHIN GYIS MA SKYES PA LA BSHAD DO, ,LANG KAR GSHEGS PA'I MDO TSIG GSAL DU DRANGS PA LAS KYANG, BLO GROS CHEN PO RANG BZHIN GYIS MA SKYES PA LA DGONGS NAS NGAS CHOS THAMS CAD MA SKYES PA'O, ZHES GSUNGS SO, CES GSUNGS PAS, DE 'DRA'I RNAM DBYE GANG YANG MI SHES PAR, SKYES BA KHO NAS MA SKYES BA YIN NO, ,BRTEN PA KHO NAS MA BRTEN PA YIN NO, ,MA MTHONG BA KA MTHONG BA YIN NO, ZHES 'GAL 'DU 'BA' ZHIG DAM 'CHA' BA'I SMRA KHAM GANG CHE LA LTA BA MTHO BAR MA SMRA SHIG, LNGA PA BRTON PA BZHI BZLOG STE SMRA

RIGS PAR THAL BA LTAR SNANG DU BSTAN PA NI, GZUGS SOGS RNAMS THA SNYAD PA'I SHES PAS YOD PAR GZHAL BA DANG, 'PHAGS PA'I YE SHES KYIS MED PAR GZIGS PA GNYIS GANG DBANG BTZAN ZHES BYA BA NI KHO BO CAG LA DRI BAR BYA BA MA YIN TE, 'PHAGS PA RNAMS KYIS JI LTA BA MKHYEN PA'I YE SHES KYIS GZUGS SOGS KUN RDZOB PA'I CHOS RNAMS MA GZIGS PA YIN GYI MED PAR GZIGS PA MA YIN LA, MA GZIGS PA YANG MED NAS MA GZIGS PA MA YIN GYI, YOD KYANG YE SHES DE'I YUL MA YIN NAS MA GZIGS PA YIN NO, ,YUL MA YIN PA'I RGYU MTSAN YANG, GZUGS SOGS NI KUN RDZOB BA YIN LA, 'PHAGS PA'I JI LTA BA MKHYEN PA'I YE SHES NI DON DAM DPYOD BYED KYI TSAD MA YIN PA'I PHYIR RO, ,DES NA DON DAM DPYOD PA LA 'PHAGS PA'I YE SHES DBANG BTZAN ZHING, THA SNYAD DPYOD PA LA 'JIG RTEN PA'I SHES PA DBANG BTZAN LA, THA SNYAD DPYOD PA'I TSAD MAS GRUB PA'I DON LA 'PHAGS PA'I GZIGS PAS MI GNOD CING, 'PHAGS PA'I YE SHES KYIS GRUB PA'I DON LA THA SNYAD PA'I SHES PAS GRUB PA'I DON GYIS MI GNOD DE, GZHAN DU NA DON DAM GYIS KUN RDZOB 'GOG PA DANG CHOS NYID KYIS CHOS CAN 'GOG PA SOGS SU 'GYUR BAS, BDEN GNYIS ZUNG 'JUG BYAR MI RUNG BAR THAL LO, ,KHYOD LTAR NA DRANG DON LA MI BRTON NGES DON LA BRTON PA SOGS KYI RNAM DBYE MI 'THAD PAR THAL, DRANG NGES GNYI GA RIGS PA'I DGAG BYA YIN PA'I PHYIR, MA KHYAB NA, GANG ZAG GI BDAG LA MI BRTON CHOS KYI BDAG LA BRTON PA SOGS KYI RNAM DBYE BYA RIGS PAR THAL LO, ,CHOS THAMS CAD YOD PA MA YIN PA CHOS CAN, KHYOD YOD PAR THAL, KHYOD TSAD MAS GZHAL BA'I PHYIR, MA GRUB NA 'PHAGS PA'I NI [?] RTOG YE SHES KYIS GZHAL BAR BUD, 'DOD NA GANG YANG YOD PA MIN PAR SMRAS PA DANG 'GAL ZHING, MED NGES YOD NGES YIN PA DANG, GZHI MA GRUB PA GZHI GRUB PA SOGS SU THAL LO, ,RNAM SHES LA MI BRTON YE SHES LA BRTON PA'I RNAM DBYE MI 'THAD PAR THAL, RNAM SHES DANG YE SHES GANG YIN KYANG TSAD MAR 'GAL BA'I PHYIR, MA GRUB NA, TSAD MA MI SRID PA NYAMS SO, ,TSAD MA SRID NA YOD PA MI SRID PA NYAMS SO, ,DE YANG YOD PA ZHES BYA BAR ZENG NGE BA CIG MED DE, GANG TSAD MAS DMIGS PA DE LA YOD PA ZHES THA SNYAD BYAS PA YIN PAS, TSAD MAS GRUB PA KHAS LEN NA NI YOD PA KHAS MI LEN NO ZHES BYA BA MING LA SDANG BA TZAM DU ZAD LA, TSAD MAS

, ,GRUB PA KHAS MI LEN NA 'PHAGS PA'I YE SHES KYANG TSAD MA MA YIN PAR MI 'DOD BZHIN DU'ANG KHAS BLANG DGOS SO, ,DE'I PHYIR KHYED CAG LTA BU'I BOD MKHAS PA MA GTOGS, RGYA GAR 'PHAGS PA'I YUL GYI SANGS RGYAS PA'I GRUB MTHA' SMRA BA SU YANG KHO'I BDEN GNYIS KYI RNAM GZHAG LA GRUB MTHA' SMRA BA GZHAN GYIS 'GAL 'DU BRJOD PA YOD KYI, RANG GIS BZHAG PA'I BDEN GNYIS KYI RNAM GZHAG LA 'GAL 'DU YOD PAR RANG GIS KHAS BLANGS NAS, DON DAM DPYOD PA'I TSAD MAS KUN RDZOB 'GOG PAR SMRA BA NI SU'ANG MED DO, ,KHO BO CAG GI LUGS LA NI BRTON PA BZHI'I RNAM PAR BZHAG PA YANG CHES GNAS PA NYID DU 'GYUR TE, 'DI LTAR KUN RDZOB SNA TSOGS SU SNANG BA 'DI GNAS LUGS SU KHAS MI LEN GYI, SNANG BA 'DI LTAR DU BDEN PAS STONG PA'I DON DAM GNAS LUGS SU KHAS LEN PA NI DRANG DON LA MI BRTON NGES DON LA BRTON PA DANG, KUN RDZOB LA MI BRTON DON DAM LA BRTON PA'I DON YIN LA, SO SO SKYE BO'I SHES PA'I SNANG TSUL 'DI GNAS LUGS MA YIN GYI, 'PHAGS PA'I MI RTOG YE SHES KYIS GZIGS TSUL DE NYID GNAS LUGS SU KHAS LEN PA NI RNAM SHES LA MI BRTON YE SHES LA BRTON PA'I DON YIN NO ZHES SMRA BAR BYED DO, ,GNYIS PA DGAG BYA NGOS 'DZIN KHYAB CHUNGS PA DGAG TSUL NI, KHA CIG NA RE, GANG RNAM PAR BCAD PA DE NA DBU MA PA'I LTA BA MTHAR THUG PA DE NGES PAR 'GYUR BA'I DGAG BYA NI RANG BZHIN KHYAD PAR GSUM DANG LDAN PA STE, NGO BO RGYU DANG RKYEN GYIS MA BSKYED PA DANG, GNAS SKABS GZHAN DU MI 'GYUR BA DANG, RNAM PAR 'JOG BYED GZHAN LA MI LTOS PA'O, ,DE LTAR YANG RTZA BA LAS, RANG BZHIN RGYU DANG RKYEN LAS NI, ,'BYUNG BAR RIGS PA MA YIN NO, ,RGYU DANG RKYEN LAS BYUNG BA YI, ,RANG BZHIN BYAS PA CAN DU 'GYUR, ,RANG BZHIN BYAS PA CAN ZHES BYAR, ,JI LTA BUR NA RUNG BAR 'GYUR, ,RANG BZHIN DAG NI BCOS MIN DANG, ,GZHAN LA LTOS PA MED PA YIN, ZHES GSUNGS PA'I PHYIR RO, ZHES ZER RO, ,'O NA SEMS TZAM PAS DNGOS PO THAMS CAD BDEN MED DU NGES PAR THAL, SEMS TZAM PAS DNGOS PO THAMS CAD KHYAD PAR GSUM LDAN GYI RANG BZHIN DE 'DRAS STONG PAR NGES PA'I PHYIR, DER THAL, DES DNGOS PO THAMS CAD RGYU RKYEN LAS SKYE BA DANG, GNAS SKABS GZHAN DANG GZHAN DU 'GYUR BA'I MI RTAG PAR NGES PA'I PHYIR, GZHAN YANG SHES BYA CHOS CAN, DE

'DRA'I RANG BZHIN KHYAD PAR GSUM LDAN GYIS STONG PAR NGES PA TZAM DE NYID DBU MA'I LTA BA MTHAR THUG PA NGES PAR BZHAG MI NUS PAR THAL, RANG BZHIN KHYAD PAR GSUM LDAN GYIS STONG PAR NGES PA DE, BDEN 'DZIN LHAN SKYES KYI 'DZIN STANGS KYI BZLOG PHYOGS DNGOS MA YIN PA'I PHYIR, DER THAL, GROG SPUR SOGS KYI RGYUD LA KHYAD PAR GSUM LDAN GYI RANG BZHIN DU 'DZIN PA'I DON GYI 'DZIN STANGS MI SRAD PA'I PHYIR RO, ,RANG BZHIN KHYAD PAR GSUM LDAN GYIS STONG PA DES NA BDEN MED MTSAN NYID RDZOGS PAR DES DGOS PAR THAL, BDEN PAR GRUB NA KHYAD PAR GSUM LDAN GYI RANG BZHIN DU GRUB DGOS PA'I PHYIR ZHE NA, 'O NA RTAG DNGOS KYIS STONG PAR NGES NA BDEN MED MTSAN NYID RDZOGS PAR NGES DGOS PAR THAL, BDEN PAR GRUB NA RTAG DNGOS YIN DGOS PA'I PHYIR RO, ,DES NA BDEN PAR GRUB NA CHA MED DU GRUB DGOS NA YANG, CHA MED DU GRUB PA THAL 'GYUR BA DGAG BYA'I GTZO BOR MI 'DOD DE, DE NI GRUB MTHA' SMRA BAS BTAGS PA'I THUN MONG MA YIN PA'I 'DZIN PA YIN PAS, LAS CAN 'KHOR BAR 'CHING BA'I RTZA BA MA YIN PA'I PHYIR RO, ,'O NA SNGAR DRANGS PA'I RTZA SHE'I GZHUNG DE DAG GI DON GANG YIN ZHE NA, DE NI DGAG BYAR GYUR PA'I RANG BZHIN NGOS GZUNG BA MA YIN GYI, RANG LUGS LA NGES PAR KHAS BLANG DGOS PA CHOS RNAMS KYI CHOS NYID LA RANG BZHIN ZHES BSHAD PA DE BSTAN PA YIN LA, CHOS NYID LA RANG BZHIN DU 'JOG PA YANG, RTZA SHE LAS, RANG BZHIN DAG NI BCOS MIN DANG, ,GZHAN LA LTOS PA MED PA YIN, ZHES KHYAD PAR GNYIS DANG LDAN PAR GSUNGS PA'I MA BCOS PA NI RGYU RKYEN GYIS GSAR DU BCOS PA CHU'I TSA BA LTA BU MA YIN PAR CHOS DE LA DUS NAM YANG MI 'KHRUL BA'I RANG BZHIN DU GRUB PA LA, ,KHYAD PAR GNYIS PA NI RGYU RKYEN LA LTOS PA MED PA CES PA RGYUS MA SKYED PA LA BYED PA MIN TE, SNGA MA DANG BZLOS PAR 'GYUR BA'I PHYIR RO, ,CHOS GZHAN LA LTOS NAS BZHAG MI DGOS PA TZAM LA YANG MI BYA STE, CHOS NYID RTEN 'BREL MA YIN PAR THAL BA'I PHYIR RO, ,DES NA RING THUNG DU 'JOG PA NI, THAG PA KHRU GANG PA ZHIG RING POR 'JOG PA NA MTHO GANG PA GCIG LTA BU LA LTOS NAS RING BOR 'JOG DGOS KYI, DE LTA BU LAM LTOS PAR MTHA' DAG GCIG TU RING POR NGES PA MA YIN TE, THAG PA 'DOM GANG BA LA LTOS NAS RING PO'I BLO 'DOR ZHING THUNG NGUR BZHAG NUS PA'I PHYIR RO, ,PHA RI TSU RI SOGS LA'ANG DE DANG 'DRA LA, ME'I TSA BA NI CHU'I TSA BA LA LTOS NAS ME'I RANG BZHIN DU GRAGS

, ,PA LTAR BZHAG KYANG, BDEN MED ME'I RANG BZHIN DU TSAD MAS RNYED PA NA TSA BA ME'I RANG BZHIN DU 'DZIN PA 'DOR LA, BDEN MED ME'I RANG BZHIN DU 'JOG BA NI ME'I CHOS GZHAN ZHIG LA LTOS NAS 'JOG PA MIN PA MTHA' GCIG TU ME'I RANG BZHIN DU 'JOG MI NUS PA MIN GYI, LTOS SA DE 'DRA CIG LA LTOS NAS 'JOG PA TZAM MIN PAR MTHA' GCIG TU ME'I GSHIS YIN PAR GRUB PAS ME'I RANG BZHIN YIN NO ZHES BYA BA'I DON TE, GZHAN LA G-YAR BA'I KHOL PO LTA BU MA YIN PAR GSUNGS PA'I DON YANG GZHAN GYIS G-YAR BA LA LTOS BA MIN PAR MTHA' GCIG TU 'DI 'DI'I KHOL PO YIN NO ZHES BZHAG TU MED PA DE LTA BU MA YIN PAR MTHA' GCIG TU RANG BZHIN DU 'JOG NUS PA ZHIG DGOS PA'I DON NO, ,DE LTAR YANG 'JUG PA'I RANG 'GREL LAS, KHYAD PAR DU MDZAD PA RNAM PA DE LTA BU'I RANG BZHIN SLOB DPON GYI ZHAL GYIS BZHES PA ZHIG YOD DAM ZHE NA, GANG GI DBANG DU MDZAD NAS, BCOM LDAN 'DAS KYIS DE BZHIN GSHEGS PA RNAMS BYUNG YANG RUNG MA BYUNG YANG RUNG CHOS RNAMS KYI CHOS NYID 'DI NI GNAS PA NYID DO ZHES RGYAS PAR GSUNGS PA CHOS NYID CES BYA BA NI YOD DO, ,CHOS NYID CES BYA BA 'DI YANG CI ZHIG, MIG LA SOGS PA 'DI DAG GI RANG BZHIN NO, ,DE DAG GI RANG BZHIN YANG GANG ZHIG CE NA, DE DAG GI BCOS MA MA YIN PA NYID DANG, GZHAN LA LTOS PA MED PA GANG YIN PA STE, MA RIG PA'I RAB RIB DANG BRAL BA'I SHES BAS RTOGS PAR BYA BA'I RANG GI NGO BO'O, ,CI DE YOD DAM, MED DO ZHES DE SKAD DU SMRA GAL TE MED NA NI CI'I DON DU BYANG CHUB SEMS DPA' RNAMS PHA ROL TU PHYIN PA'I LAM SGOM PAR 'GYUR TE, GANG GI PHYIR CHOS NYID RTOGS PAR BYA BA'I PHYIR BYANG CHUB SEMS DPA' RNAMS DE LTAR DKA' BA BRGYA PHRAG RTZOM PA YIN NO, ZHES GSUNGS SO, ,DE YANG CHOS NYID DE CHOS RNAMS KYI RANG BZHIN DU YOD PA YIN KYANG, CHOS NYID NI DON DAM DPYOD PA'I TSAD MAS 'JOG GI THA SNYAD PA'I TSAD MAS MI 'JOG LA, CHOS NYID YOD BA DANG CHOS RNAMS KYI RANG BZHIN YIN PAR NI THA SNYAD PA'I TSAD MAS 'JOG GI DON DAM DPYOD PA'I TSAD MAS 'JOG PA MA YIN ZHING, CHOS NYID DON DAM YIN KYANG CHOS NYID YOD PA KUN RDZOB YIN PAR SHES PAR BYA LA, CHOS NYID DE CHOS THAMS CAD DANG CHOS CHOS CAN YIN PA YANG CHOS NYID RTOGS PA'I YE SHES KYIS MI 'JAL GYI THA SNYAD PA'I TSAD MA

GZHAN GYIS 'JAL BA YIN NO, ,DE LTAR YANG TSIG GSAL LAS, DUS GSUM DU YANG ME LA MI 'KHRUL BA GNYUG MA'I NGO BO MA BCOS PA GANG ZHIG ,SNGAR MA BYUNG BA LAS PHYIS 'BYUNG BA MA YIN PA, GANG ZHIG CHU'I TSA BA'AM, TSU ROL DANG PHA ROL LAM, RING PO DANG THUNG DU LTAR RGYU DANG RKYEN LA LTOS PA DANG BCAS PAR MA GYUR PA GANG YIN PA DE RANG BZHIN YIN PAR BRJOD DO, ,CI ME'I RANG GI NGO BOR GYUR PA DE YOD DAM ZHE NA, DE NI RANG GI NGO BOS YOD PA YANG MA YIN NO, ,DE LTA YIN MOD KYANG NYAN PA PO RNAMS KYI SKRAG BA SPANG BAR BYA BA'I PHYIR SGRO BTAGS NAS KUN RDZOB TU DE YOD DO ZHES BRJOD PAR BYA'O, ZHES GSUNGS LA, SGRO BTAGS NAS YOD PAR GSUNGS PAS RANG LUGS LA YOD PAR MI BZHED DO SNYAM NA, BTAGS YOD MING RKYANG TZAM LA CHOS THAMS CAD GNOD MED 'JOG MA SHES BAS NONGS PA YIN TE, DE'I 'JOG TSUL 'OG TU BSTAN PAR BYA'O, ,'JUG PA'I RANG 'GREL LAS KYANG, DE YANG BDAG GIS KUN RDZOB KYI BDEN PA LA LTOS NAS BCOS MAM YIN PA DANG GZHAN LA MI LTOS PA NYID BRJOD DO, ZHES GSUNGS SO, ,GSUM PA RANG LUGS KYI DGAG BYA'I TSAD BSHAD PA LA, DGAG BYA'I RNAM GZHAG SPYIR BSHAD PA, RANG RGYUD PA'I DGAG BYA'I CHED BSHAD PA, THAL 'GYUR BA'I DGAG BYA'I TSAD BSHAD PA, DE LA LOG PAR RTOG PA DGAG PA, DE LAS 'PHROS PA'I DON BSHAD PA DANG LNGA'O, ,DANG PO NI, SPYIR DGAG BYA LA LAM GYI DGAG BYA DANG, RIGS PA'I DGAG BYA GNYIS YOD LA, DANG PO NI, NYON MONGS PA'I SGRIB PA DANG SHES BYA'I SGRIB PA GNYIS TE, DE LAM GYIS 'GOG PA'I TSUL NI SHES BYA LA YOD PA 'GAG PA MA YIN GYI, RANG RGYUD LA SLAR SKYED MI RUNG DU BYED PA'I TSUL GYIS 'GOG PA YIN LA, DE LA NI DGAG BYA DE SPYIR SHES BYA LA SRID PA CIG DGOS TE, MI SRID NA LAM SGOM MI DGOS PA'I PHYIR RO, ,RIGS PA'I DGAG BYA YANG, THA SNYAD DPYOD BYED KYI RIGS PA'I DGAG BYA GANG YIN 'DIR DPYOD BA MA YIN GYI, DON DAM DPYOD PA'I RIGS PA'I DGAG BYA NGOS 'DZIN PA YIN LA, DE LA YANG CHOS RNAMS KYI DE KHO NA NYID LA PHYIN CI LOG TU SGRO 'DOGS PA'I LOG RTOG DANG, LOG RTOG DES JI LTAR GZUNG BA LTAR DU GRUB PA GNYI GA DGAG BYA YIN TE, RTZOD BZLOG GI RANG 'GREL LAS, SKYES BU KHA CIG SPRUL PA'I BUD MED RANG BZHIN GYIS STONG PA YIN PA LA, DON DAM PAR BUD MED YOD DO SNYAM DU LOG PAR 'DZIN PAR 'GYUR RO, ,DE'I PHYIR DE LOG PAR 'DZIN

, ,PA LA, DE BZHIN GSHEGS PA'AM, DE'I NYAN THOS KYIS SPRUL PA ZHIG SPRUL LA, DES DE'I LOG PAR 'DZIN PA DE ZLOG PAR BYED DO, ,DE BZHIN DU NGA'I TSIG STONG BA SPRUL PA LTA BUS, DNGOS PO THAMS CAD LA RANG BZHIN MED PA DANG STONG PA SPRUL BA'I BUD MED DANG 'DRA BA DAG LA RANG BZHIN YOD BAR 'DZIN PA GANG YIN PAR ZLOG PAR BYED DO, ZHES GSUNGS PA LTAR RO, ,DE LTAR NA YANG DE GNYIS LAS DGAG BYA'I GTZO BO NI YUL YIN GYI YUL CAN MA YIN TE, LOG RTOG GIS JI LTAR GZUNG BA LTAR GRUB PA LA GNOD BYED MA MTHONG NA LOG RTOG DE NYID GZHAN THABS GANG GIS KYANG DGAG MI NUS PA'I PHYIR DANG; DE LA GNOD BYED MTHONG NAS LOG RTOG GIS JI LTAR GZUNG BA LTAR MED PAR NGES NA, DE'I RGYUN GOMS PAR BYAS PA'I STOBS KYIS LOG RTOG GI SA BON YANG RTZA BA NAS 'BYIN PAR NUS PA'I PHYIR RO, ,LOG RTOG LA KUN BRTAGS DANG LHAN SKYES GNYIS YOD DE, KUN BRTAGS NI GRUB MTHA' SMRA BAS DNGOS PO RANG BZHIN GYIS GRUB PA'I RGYU MTSAN MANG DU SGRO BTAGS NAS, RANG BZHIN GYIS GRUB TSUL 'DI 'DRA BA ZHIG TU YOD DO ZHES 'DOD PA MI 'DRA BA SNA TSOGS PA DAM 'CHA' BA RNAMS YIN LA, LHAN SKYES NI SEMS CAN THAMS CAD LA THOG MA MED PA NAS KHYAD MED DU RJES SU 'BREL BA, RANG GI BLO YUL DU GANG SONG BA'I CHOS THAMS CAD LA RGYU MTSAN CHED DU BSAM MI DGOS PAR YUL GYI RANG NGOS NAS GRUB PAR 'DZIN BA'I BLO RANG GI DANG GIS SKYE BA STE, DE GNYIS KYI 'DZIN STANGS KYI YUL GNYI GA YANG DGAG PAR BYA BA YIN MOD KYI, GTZO BO NI LHAN SKYES KYIS GZUNG BA LTAR DU GRUB PA DGAG BYA YIN ZHING, DE 'GOG PA'I YAN LAG TU KUN BRTAGS KYIS GZUNG BA LTAR GRUB PA DAG 'GOG PA YIN LA, KUN BRTAGS KHO NA 'GOG PA LA 'BAD NAS LHAN SKYES KYES GZUNG BA LTAR GRUB PA LA DGAG PA CI'ANG MA BSTAN NA 'KHOR BA LAS GROL BA MI SRID DE, THOS BSAM GYI TSE RIGS PAS LTA BA GTAN LA 'BEBS PA NA KUN BRTAGS KYIS GZUNG BA LTAR DU GRUB PA KHO NA 'GOG NA, SGOM PA'I TSE NA YANG KUN BRTAGS KYIS GZUNG BA LTAR DU GRUB PA BKAG PA TZAM ZHIG SGOM DGOS LA, KUN BRTAGS KYIS JI LTAR GZUNG BA LTAR DU GRUB PA BKAG PA TZAM ZHIG MNGON SUM DU RTOGS NAS DE JI TZAM BSGOMS KYANG LHAN SKYES MNGON GYUR TZAM YANG MGO GNON MI NUS NA SA BON SPONG BA LTA

SMOS KYANG CI DGOS PA'I PHYIR TE, GZHAN DU NA RDUL PHRAN PHYOGS KYI CHA MED MI SRID PA MNGON SUM DU RTOGS NAS GO MAS PAR BYAS PA TZAM GYIS BEM PO BDEN 'DZIN LHAN SKYES KYI SA BON MA LUS PAR SPONG NUS PAR THAL BA'I PHYIR RO, ,DE BAS NA SLOB DPON GYIS KYANG 'JUG PAR, GANG ZAG GI BDAG MED GTAN LA 'BEBS PA NA RTAG GCIG RANG DBANG CAN GYI GANG ZAG TZAM 'GOG PA MI 'THAD PAR GSUNGS PA YIN TE, MI 'THAD PA'I RGYU MTSAN, SHES BYA CHOS CAN, NYAN THOS DGRA BCOM GYIS GANG ZAG GI BDAG LTA MA LUS PAR MA SPANGS PAR THAL, DGRA BCOM DES GANG ZAG GI BDAG MED RTOGS PA MTHAR THUG PA'I DON RTAG GCIG RANG DBANG CAN GYI GANG ZAG MED PAR RTOGS PA MTHAR PHYIN PA TZAM YIN PA ZHIG, DE TZAM GYIS GANG ZAG GI BDAG LTA LHAN SKYES MA LUS PAR SPONG MI NUS PA'I PHYIR, PHYI MA DER THAL, DUD 'GROR BSKAL PA MANG POR SKYE BA BAR MCHAD DU BLANGS PA LA YANG KHYAD MED DU YOD PA'I GANG ZAG GI BDAG 'DZIN LHAN SKYES KYI 'DZIN STANGS LA GANG ZAG RTAG GCIG RANG DBANG CAN DU 'DZIN PA'I 'DZIN STANGS MED PA'I PHYIR, GANG ZAG GI BDAG 'DZIN LHAN SKYES KYI 'DZIN STANGS LA GANG ZAG RTAG GCIG RANG DBANG CAN DU 'DZIN PA MED KYANG LHAN SKYES DES GZUNG BA LTAR GRUB NA RTAG GCIG RANG DBANG CAN DU GRUB DGOS BA'I RGYU MTSAN GYIS RTAG GCIG RANG DBANG CAN GYI GANG ZAG MED PAR RTOGS PA TZAM GOMS PAR BYAS PAS GANG ZAG GI BDAG 'DZIN LHAN SKYES MA LUS PAR SPONG NGO ZHE NA, 'O NA DNGOS PO MI RTAG PAR RTOGS NAS GOMS PAR BYAS PA TZAM GYIS BDEN 'DZIN LHAN SKYES MA LUS PAR SPONG NUS PAR THAL, DNGOS PO BDEN 'DZIN LHAN SKYES KYIS GZUNG BA LTAR GRUB NA RTAG PAR GRUB DGOS PA'I PHYIR RO, ,RTZA BA'I RTAGS ZUR DANG PO NI, DNGOS SMRA BAS KHAS BLANGS TE, RTAG GCIG RANG DBANG CAN GYI GANG ZAG BKAG PA GANG ZAG GI BDAG MED TZAM GYI DON DU 'DOD BAS NI, DE TZAM ZHIG RTOGS PA GOMS PAR BYAS PAS GANG ZAG GI BDAG 'DZIN LHAN SKYES MA LUS PAR SPONG BAR 'DOD KYANG DGOS LA KHAS YANG LEN NO, ,DES NA 'JUG PA LAS, BDAG MED RTOGS TSE RTAG PA'I BDAG SPONG ZHING, ,'DIR NI NGAR 'DZIN RTEN DU'ANG MI 'DOD PA, ,DE PHYIR BDAG MED SHES PAS BDAG LTA BA, ,DPYIS KYANG 'BYIN ZHES SMRA BA SHIN TU MTSAR, ,RANG KHYIM RTZIG PHUG SPRUL GNAS MTHONG BZHIN DU, ,'DI NA GLANG

, ,CHEN MED CES DOG BSAL TE, ,SBRUL GYI 'JIGS PA'ANG SPONG BAR BYED BA NI, ,KYE MA GZHAN GYI RNAM POR GYUR NYID DO, CES SOGS GSUNGS PA YIN PAS, 'JUG PA'I GZHUNG DE DAG DANG, GANG DAG DUD 'GROR BSKAL MANG BRKYAL GYUR PA, ,DES KYANG MA SKYES RTAG 'DI MA MTHONG LA, ZHES SOGS KYI DON NI, RANG SDE KHA CIG RTAG GCIG RANG DBANG CAN GYI GANG ZAG TU 'DZIN PA GANG ZAG GI BDAG LTA LHAN SKYES SU 'DOD PA DANG, KHA CIG DE KUN BRTAGS YIN KYANG DES GZUNG BA LTAR MED PAR RTOGS PA MTHAR PHYIN PA'I STOBS KYIS GANG ZAG GI BDAG LTA LHAN SKYES KYANG SPONG BAR 'DOD PA LA, RIM PA BZHIN DU LHAN SKYES KYI 'DZIN STANGS LA DE 'DRA MED PA DANG, GLANG PO MED PAS SBRUL GYI 'JIGS PA SEL BAR BYED PA DANG CHOS MTHUN PA SOGS KYI GNOD PA STON PA YIN GYI, KUN BRTAGS KYI BDAG BKAG PAS LHAN SKYES KYI BDAG KHEGS PA LA MI PHAN PAR 'JUG PA RTZA 'GREL GANG DU'ANG MA BSHAD PAS, ZLA BA GRAGS PA DE LTAR 'DOD PA MI 'THAD DE, DE LTA NA MTHA' BZHI'I SKYE BA BKAG PAS KYANG BDEN SKYE MI KHEGS PAR 'GYUR RO ZHES PA'I GNOD BYED GZHUNG DE DAG LA STON PAR BYED PA NI, SHING RTA CHEN PO'I BZHED PA RAGS PA TZAM YANG MA GO BAR, KHAS LEN MED PA'I 'BREL MED KYI THAL BA 'PHAGS PAS BLUN PO RANG GI DE NYID GSAL BAR BSGRAGS PA YIN MOD KYI, DE LTA NA YANG 'DI LA'ANG RJES SU BRJOD PA YOD PA NI BLO GROS DANG BRAL BA SDIG PA'I GROGS LA BRTEN PA'I DBANG GIS SO, ,MTHA' BZHI'I SKYE BA 'GOG PA'I RIGS PA DANG CHOS MTSUNGS PA'I SGO NAS BRJOD PA'I NYES PA NI KHYOD NYID LA 'BYUNG GI KHO BO CAG LA MA YIN TE, 'DI LTAR, KHYOD ZLA BA'I GZHUNG DE DAG 'GOG PAR 'DOD PAS NI, RTAG GCIG RANG DBANG CAN GYI GANG ZAG MED PAR RTOGS PA TZAM GYIS GANG ZAG GI BDAG MED RDZOGS PAR RTOGS PAR 'DOD KYANG DGOS LA, KHAS KYANG BLANGS TE, KUN RTAGS KYI BDAG 'DZIN GYIS GZUNG BA LTAR GYI RTAG GCIG RANG DBANG CAN GSUM KHEGS NA, LHAN SKYES KYIS BTAGS PA'I BDAG GI MTSAN NYID KHEGS PA'I TSUL GYIS LHAN SKYES KYIS BTAGS PA'I BDAG SPYI LDOG NAS KHEGS PAR KHYOD RANG NYID KYIS DAM BCA' BA YI GER BRIS BA'I PHYIR RO, ,RTAG GCIG RANG DBANG CAN KHEGS NA BDAG SPYI'I MTSAN NYID KHEGS PA YANG,

BDAG YOD MED KYI DGAG SGRUB KYANG GRUB MTHA' SMRA BA'I DOR BYED KYI GRUB MTHA' LA BLO KHA MA PHYOGS PA'I DOR MI BYED LA, RTAG GCIG RANG DBANG CAN GYI BDAG KHAS LEN PA DAG GIS KYANG RTAG GCIG RANG DBANG CAN GYI CHOS GSUM PO BDAG GI MTSAN NYID DU KHAS BLANGS PA'I PHYIR RO ZHES KHYOD KYIS SMAS SO, ,DE LTA NA BDAG SKYE MED PAR NGES NA SKYE BA MED PAR NGES PAS KHYAB PAR THAL, SKYE BA YOD MED KYI DGAG SGRUB KYANG GRUB MTHA' SMRA BA'I NGOR BYED KYI GRUB MTHA' LA BLO MA PHYOGS PA'I DOR MI BYED LA, BDAG SKYE KHAS LEN PA DAG GIS BDAG SKYE SKYE BA TZAM GYI KHYAB BYID DU KHAS BLANGS PA'I PHYIR, KHYAB RTAGS THAMS CAD KHAS BLANGS SO; ;'DOD NA RANG SDE DNGOS SMRA BA THAMS CAD KYIS SKYE BA MED PAR NGES PAR THAL LO, ,GZHAN YANG, BDAG SKYE MED PAR NGES PA TZAM GYIS BDEN MED MTSAN NYID RDZOGS PAR NGES PAR THAL, RTAG GCIG RANG DBANG CAN GYI GANG ZAG MED PAR NGES PA CAM GYIS GANG ZAG GI BDAG MED MTSAN NYID RDZOGS PAR NGES PA GANG ZHIG ,BDAG LAS SKYE BAR 'DZIN PA CHOS KYI SGRO 'DOGS KUN BRTAGS YIN PA LTAR, RTAG GCIG RANG DBANG CAN GYI GANG ZAG TU 'DZIN PA YANG GANG ZAG GI BDAG LTA KUN BRTAGS YIN PAR MTSUNGS, BDAG LAS SKYE BAR 'DZIN PA MA YIN PA'I CHOS KYI SGRO 'DOGS KUN BRTAGS YOD PA LTAR DU GANG ZAG RTAG GCIG RANG DBANG CAN DU 'DZIN PA MA YIN PA'I GANG ZAG GI BDAG LTA KUN BRTAGS KYANG YOD, GANG ZAG GI BDAG 'DZIN LHAN SKYES KYIS GZUNG BA LTAR GRUB NA GANG ZAG RTAG GCIG RANG DBANG CAN DU GRUB DGOS PA LTAR DU, DNGOS PO BDEN 'DZIN LHAN SKYES KYIS GZUNG BA LTAR GRUB NA YANG DNGOS PO RNAMS BDAG NYID LAS SKYE DGOS PA'I PHYIR RO, ,RTAGS ZUR BAR PA DER THAL, GANG ZAG RTAG MI RTAG GANG DU YANG BRJOD DU MED PA'I BDAG TU LTA BA YANG YOD PA'I PHYIR RO, ,DES NA RNAM PA KUN TU 'DI GNYIS MTSUNGS SO, ,BDAG YOD MED KYI DGAG SGRUB GRUB MTHA' LA BLO KHAM PHYOGS PA'I NGOR MI BYED PAS, DUD 'GRO'I RGYUD KYI BDAG 'DZIN LHAN SKYES KYI 'DZIN STANGS LA MED PA'I KUN BRTAGS BKAG PA TZAM GYIS LHAN SKYES LA MI GNOD PAR SMRA BA MI 'THAD DO ZHES ZER BA YANG BAB CHOL YIN TE, GANG ZAG RTAG GCIG RANG DBANG CAN DU SMRA BA'I GRUB MTHA' KHAS LEN PA DAG KYANG, KHO RANG GI GRUB MTHA' RNAM PAR 'JOG PA'I

, ,TSE; GRUB MTHAS BLO BCOS NAS GANG ZAG RTAG GCIG RANG DBANG CAN DU 'DZIN KYANG, BLO RANG DGA' BA MA BCOS PA'I TSE NANG RANG NGOS NAS GRUB PA LTA BUR 'DZIN PA'I SGO NAS NGA'O SNYAM DU 'DZIN GYI, NGA RTAG GCIG RANG DBANG CAN NO SNYAM DU GRUB MTHA' SMRA PA DES KYANG GA LA 'DZIN, GRUB MTHA' SMRA BA DE NYID KYI DE 'DRA BA'I BLO RANG DGA' BA GRUB MTHA' DPYOD PA LAM ZHUGS BA'I GNAS SKABS KYI NGAR 'DZIN PA DE LA NGAR 'DZIN LHAN SKYES ZHES BYA ZHING, DE DANG DUD 'GRO'I RGYUD KYI NGAR 'DZIN LHAN SKYES LA 'DZIN STANGS RIGS MI 'DRA BA CUNG ZAD KYANG MED PAS, GRUB MTHA' SMRA BA DE'I NGAR 'DZIN LHAN SKYES DE LA RTAG GCIG RANG DBANG CAN GYIS KHYAD PAR DU BYAS PA'I 'DZIN STANGS YOD NA DUD 'GROR BSKAL PA MANG PO BRGYUD NAS SKYES PA'I DUD 'GRO'I NGAR 'DZIN LHAN SKYES LA YANG RTAG GCIG RANG DBANG CAN GYIS KHYAD PAR DU BYAS PA'I 'DZIN PA YOD PAR THAL BA 'PHEN PA YIN NI, ,DE BZHIN DU GZHAN SKYE DANG BDAG SKYE SOGS KHAS LEN PA DAG GIS KYANG, GRUB MTHA' DPYOD PA LA MA ZHUGS PAR BZA' BTUNG SOGS LA ZHUGS PA'I GNAS SKABS KYI BLO RANG DGA' BA'I BDEN 'DZIN LA NANG YUL DU GYUR PA'I DNGOS PO DE DANG DE YUL KHO RANG TSUGS THUB TU GRUB PA LTA BUR 'DZIN PA TZAM YOD KYI, DNGOS PO 'DI GZHAN LAS SKYES PA'O SNYAM PA SOGS SU 'DZIN PA GA LA YOD, 'JIG RTEN GYI BLO LHAN SKYES KYI 'DZIN STANGS LA GZHAN LAS SKYE BAR 'DZIN PA SOGS MED PA LA DGONGS NAS, DPAL LDAN ZLA BAS, GZHAN LAS SKYE BA 'JIG RTEN LAS KYANG MED, CAS SOGS GSUNGS PA YIN NO, ,DAS NA GRUB MTHA' LA ZHUGS PA RNAMS LA YANG GRUB MTHA' DPYOD PA LA ZHUGS PA'I GNAS SKABS KYI GRUB MTHAS BCOS PA'I BLO'I 'DZIN CHUL RE DANG, GRUB MTHA' DPYOD PA LA DNGOS SU MA ZHUGS PA'I GNAS SKABS KYI BLO RANG DGA' BA'I 'DZIN TSUL RE 'ONG ZHING, BLO PHYI MA 'DI NI GRUB MTHA' LA MA ZHUGS PA RNAMS KYI BLO'I 'DZIN TSUL DANG KHYAD PAR CI'ANG MED PA ZHIG 'ONG BA RANG GI MYONG BAS GRUB BZHIN DU; GRUB MTHA' SMRA BA'I RGYUD KYI RTOG PA GANG YIN GYIS GANG ZAG DE RANG GI GRUB MTHAS JI LTAR BZHAG PA LTAR 'DZIN DGOS BAR GO BA'I BLUN PO KHYOD KYIS ZHIB TU PHYE BA'I RNAM GZHAG DAG CHA TZAM YANG GO BAR GA LA 'GYUR, DES NA BLO LDAN DAG GIS NI 'DI LTAR SHES PAR BYA STE, DNGOS PO RNAMS MTHA'

BZHI GANG LAS KYANG MI SKYE BAR NGES PA DANG BDEN PA'I SKYE BA YIN NA MTHA' BZHIR KHA TSON CHOD DGOS PAR NGES PA'I BYED LAS LA BRTEN NAS, DNGOS PO RNAMS BDEN PA'I SKYE BA MED PAR NGES PA'I SHES PA SKYE LA, DNGOS PO RNAMS BDEN PA'I SKYE BA MED PAR NGES PA DE BDEN 'DZIN LHAN SKYES DANG 'DZIN STANGS 'GAL YANG BLO DE GANG LA BRTEN NAS SKYES PA'I DNGOS PO RNAMS BDAG LAS SKYE BA MED PA DANG GZHAN LAS SKYE BA MED PAR NGES PA SOGS NI BDEN 'DZIN LHAN SKYES DANG 'DZIN STANGS 'GAL BA MA YIN NO, ,DE'I PHYIR DNGOS PO RNAMS BDEN PA'I SKYE BA MED PAR BSGOMS PAS BDEN 'DZIN LHAN SKYES KYI DNGOS GNYEN BYED KYI GZHAN SKYE MED PAR SGOM PA SOGS KYIS MI BYED DO, ,DE BZHIN DU GANG ZAG RTAG GCIG RANG DBANG CAN DANG, GANG ZAG PHUNG PO DANG RDZAS GCIG THA DAD SOGS GANG DU'ANG MED PAR RTOGS PA LA BRTEN NAS, GANG ZAG RANG BZHIN MED PAR NGES PA'I BLO SKYE LA, BLO DE SGOM PA GANG ZAG GI BDAG 'DZIN LHAN SKYAS DANG 'DZIN STANGS 'GAL BA'I GNYEN PO YIN KYANG, BLO DE GANG LA BRTEN NAS SKYES PA'I GANG ZAG PHUNG PO DANG RDZAS GCIG TU MA GRUB PA DANG THA DAD DU MA GRUB PAR NGES PA SOGS BDAG LTA LHAN SKYES DANG 'DZIN STANGS 'GAL BA'I GNYEN PHOM YIN TE, DPER NA SGRA BYAS PAR NGES PA LAS SGRA MI RTAG PAR NGES PA SKYE ZHING; SGRA MI RTAG PAR NGES PA DE SGRA RTAG 'DZIN DANG 'DZIN STANGS 'GAL BA'I GNYEN PO YIN KYANG, SGRA BYAS PAR NGES PA DE SGRA RTAG 'DZIN DANG 'DZIN STANGS DNGOS SU 'GAL BA'I GNYEN PO MA YIN PA BZHIN NO, ,DES NA BDAG 'DZIN KUN BRTAGS KYIS GZUNG BA LTAR MA GRUB PAR NGES PA DE BDAG 'DZIN LHAN SKYES DANG 'DZIN STANGS 'GAL BA'I GNYEN PO YIN PA DPAL LDAN ZLA BAS BKAG PA YIN GYI, KUN BRTAGS KYI BDAG 'GOG PA LHAN SKYES KYI BDAG 'GOG PA'I YAN LAG MA YIN PAR DPAL LDAN ZLA BAS SKABS GANG DU YANG MA BSHAD CING, BDAG CAG GI DPAL LDAN BLA MA DAM PA YANG DE LTAR BZHED PA MA YIN TE; DE'I PHYIR RJE BTZUN NYID KYI ZHAL SNGA NAS LHAG MTHONG GI YI GE CHEN MO LAS, DES NA LTA BA GTAN LA 'BEBS DUS SU LHAN SKYES KYI MA RIG PAS JI LTAR GZUNG BA'I DON DE MED PAR GTAN LA 'BEBS PA GTZO BOR BZUNG NAS DE'I YAN LAG TU KUN BRTAGS KYIS 'DZIN PA'I YUL RNAMS SUN 'BYIN PA MA SHES

, ,PAR; LHAN SKYES KYI MA RIG PA'I 'DZIN STANGS SUN 'BYIN PA DOR NAS GANG ZAG GI BDAG 'GOG PA NA RTAG GCIG RANG DBANG CAN GYI GANG ZAG GI BDAG DANG, CHOS KYI BDAG 'GOG PA NA GZUNG BA RDUL PHRAN CHA MED DANG, 'DZIN PA SKAD CIG CHA MED DANG, RANG BZHIN KHYAD PAR GSUM LDAN SOGS GRUB MTHA' SMRA BA KHO NAS BTAGS PA RNAMS 'GOG PA NI RNAM PA THAMS CAD DU MI RUNG STE, ZHES SOGS GSUNGS SO, ,DE BAS NA KUN BRTAGS BKAG PA LHAN SKYES 'GOG PA'I YAN LAG YIN PAR DNGOS SU SMRAS BZHIN DU, KUN BRTAGS BKAG PAS LHAN SKYES KHEGS PA LA MI PHAN NA ZHES KHAS LEN MED PA'I THAL 'GYUR GYIS BSNYON PA GSAL BAR MA BYED CIG ,DES NA RANG NYID THOG MA MED PA NAS GANG GI DBANG GIS 'KHOR BAR BCINGS PA'I BDAG 'DZIN LHAN SKYES KYI 'DZIN STANGS DANG 'GAL BA'I GNYEN PO MI SGOM PAR, DE'I 'DZIN STANGS DANG MI MTHUN PA CI'ANG MED BAS GRUB MTHA' SMRA BAS BTAGS PA'I DGAG BYA 'GA' ZHIG BKAG PA TZAM GTAN LA PHAB NAS DE NYID 'BA' ZHIG SGOM PAR BYED PA NI NGAL BA DON MED YIN LA, BANG BLUN PO KHA CIG ,KUN RDZOB 'KHRUL PA'I DBANG GIS 'KHOR BAR 'KHYAMS PAR 'DOD BZHIN DU, KUN RDZOB SNANG BA LTAR BDEN PAS STONG PAR SGOM PA BKAG NAS, DON DAM BDEN PA RTAG BRTAN DU BSGOMS PAS 'KHOR BA LAS GROL BAR 'DOD PA NI, SHAR NA SBRUL MED BZHIN DU YOD PAR GZUNG NAS SKRAG PA'I SDUG BSNGAL SEL BA LA, SHAR PHYOGS NA SBRUL MED DO SNYAM DU GZUNG BYA MA YIN GYI, NUB PHYAGS NA SHING SDONG YOD DO SNYAM DU GZUNG BAS SDUG BSNGAL DE SEL BA YIN NO ZHES ZER BA DANG 'DRA BAR 'BREL MED CING MKHAS PA'I BZHAD GANG KYI GNAS YIN PAS, THEG PA CHE CHUNG GANG GI'ANG LUGS LAS PHYI ROL TU GYUR PA 'DI BDAG LEGS SU 'DOD BDAG GIS RGYANG RING DU SPANG BAR BYA'O, ,DE LTAR NA SGRO 'DOGS KUN BRTAGS LHAN SKYES GNYIS KYI NANG NAS LHAN SKYES KYIS GZUNG BA LTAR GRUB PA 'GOG PA GTZO BO YIN PAR GRUB BO, ,GNYIS PA RANG RGYUD PA'I RTAGS KYI DGAG BYA'I TSAD BSHAD PA NI, DBUM THAL RANG GI DGAG BYA'I TSAD KYI KHYAD PAR MA SHES NA THAL RANG GI LTA PA'I KHYAD PAR CI'ANG MI SHES PAS DE'I PHYIR THOG MAR DBU MA RANG RGYUD PA'I DGAG BYA'I TSAD MDOR BSDUS PA

ZHIG BRJOD PAR BYA'O, ,DE YANG DBU MA' LTA BA GTAN LA 'BEBS PA'I SKABS SU CHOS THAMS CAD BDEN MED DU SGYU MA'I DPE LA BRTEN NAS NGES PAR BYED PA BSNGAGS PAS, 'DI YANG SGYU MA'I DPE DANG SBYAR NAS BSHAD NA, SGYU MA MKHAN GYIS SBRUL GZHI RDE'U DANG SHING BU SOGS RTA GLANG SOGS SU SPRUL PA'I TSE NA; SGYU MA MKHAN RANG NYID DANG, SGYU MA'I SNGAGS RDZAS KYIS MIG BSLANG PA'I LTAD MO BA DANG, SNGAGS RDZAS KYIS MIG MA BSLAD PA GNAS DER PHYIS SLEB PA'I GANG ZAG DANG GSUM LAS, DANG PO LA RTA GLANG DU SNANG BA YOD KYANG RTA GLANG DU ZHEN PA MED LA, GANG ZAG GNYIS PA LA DER SNANG DANG DER ZHEN GNYI GA YOD CING GANG ZAG GSUM PA LA DER SNANG DANG DER ZHEN GNYI GA MED DO, ,DE YANG SGYU MA'I SPRUL GZHI DE SHES PA 'KHRUL PA'I NGOR RTA GLANG DU SNANG BA YIN GYI SPYIR SGYU MA'I SPRUL GZHI RTA GLANG DU SNANG BA MIN ZHES BYAR MI RUNG STE, DE LTA NA SNANG YUL LA 'KHRUL PA MI SRID PAR THAL BA'I PHYIR RO, ,DES NA SGYU MA'I SPRUL GZHI RTA GLANG DU SNANG BA YIN KYANG, SGYU MA MKHAN LTAR NA, SGYU MA'I SPRUL GZHI DE SNGAGS RDZAS KYIS BSLAD PA'I BLO LA MA LTOS PAR YUL GYI SPONG LUGS KHO NA'I DBANG GIS RTA GLANG DU SNANG BA MA YIN ZHING, SNGAGS RDZAS KYIS MIG BSLAD PA'I LHAD MO BA LTAR NA NANG GI BLOS BZHAG PA MA YIN PAR YUL RANG GI SDOD LUGS LA RTA GLANG DU YOD PA YIN NO, ,DPE DE DAG DON LA SBYAR NA, SGYU MA'I LTAD MO BA MIG BSLAD PA BZHIN DU THA MAL GYI SEMS CAN RANG DGA' BA RNAMS LA CHOS 'DI YONG PAR SNANG BA NA, BLO LA SNANG BA'I DBANG GIS BZHAG PA MIN PAR CHOS DE RNAMS RANG GI SDOD LUGS SU YOD PAR 'DZIN PA NI THOG MA MED PA NAS ZHUGS BA'I BDEN 'DZIN LHAN SKYES ZHES BYA LA, 'ON KYANG RANG RGYUD PAS 'DI LTAR BZHAG PA YANG THAL 'GYUR BA'I DGAG BYA 'DZIN BA'I BLO LA LTOS NA SHIN TU DAGS [?] BAS, PHRA BA'I BDEN 'DZIN LHAN SKYES NI MIN NO, ,NAM ZHIG BDEN 'DZIN LHAN SKYES NGES GZUNG BA'I BDEN GRUB RIGS BAS KHEGS PA'I LTA BRNYED PA NA SGYU MA MKHAN BZHIN DU PHYI NANG GI CHOS RNAMS LA NANG GI BLO'I DBANG GIS BZHAG PA MA YIN PA'I SDOD LUGS YOD PAR MI 'DZIN PAR BLO'I DBANG GIS BZHAG PA'I SDOD LUGS SU SHES PAR 'GYUR RO, ,DE YANG TSAD MAS MI GNOD PA'I BLO'I DBANG GIS BZHAG PA RNAMS THA SNYAD DU YOD PAR 'DOD KYI BLO'I DBANG

, ,GIS GANG BZHAG THAMS CAD THA SNYAD DU YOD PAR MI 'DOD DO, ,MYU GU SA BON LAS SKYE BA BLO'I DBANG GIS BZHAG PA YIN KYANG MYU GU RANG NGOS NAS KYANG SA BON LAS SKYE BA MI 'GAL BA NI, SBRUL GZHI RANG NGOS NAS KYANG RTA GLANG DU SNANG BA DANG 'DRA'O, ,CHOS NYID KYANG RANG GANG LA SNANG BA'I BLO'I DBANG GIS YOD PAR 'JOG LA, CHOS NYID JI LTA BA GZIGS PA'I YE SHES LA SNANG BA'I DBANG GIS YOD PAR 'JOG KYANG JI LTA BA GZIGS PA'I YE SHES KYIS CHOS NYID YOD PAR 'JOG PA MIN GYI CHOS NYID 'PHAGS PA'I YE SHES LA SNANG BA'I DBANG GIS YOD PA YIN NO ZHES THA SNYAD PA'I BLO GZHAN GYIS 'JOG PA YIN NO,, MIG MA BSLAD PA'I SKYES BU GZHAN LA RTA GLANG DU SNANG ZHEN GNYI GA MED PA LTAR DU MA RIG PAS MA BSLAD PA'I 'PHAGS BA'I JI LTA BA MKHYEN PA'I YE SHES DE NYID GANG LA JI LTA BA MKHYEN PAR SONG BA'I DON KUN RDZOB 'DI RNAMS SNANG BA YANG MED CING BLOS BZHAG PA MA YIN PA'I SDOD LUGS SU GRUB PAR 'DZIN PA LTA CI SMOS, DE LTA NA CHOS THAMS CAD SGYU MA DANG DPE DON SBYOR BA'I TSUL DE LTAR YIN GYI, SGYU MA RTA GLANG DU SNANG YANG RTA GLANG GIS STONG PA LTAR DU, BUM SOGS RNAMS BUM SOGS SU SNANG YANG BUM SOGS KYIS STONG BA CHOS THAMS CAD SGYU MA LTA BU'I DON DANG RANG STONG GI DON DU BYAS NAS, KHA CIG CHOS THAMS CAD RANG STONG NGO ZHES SMRA LA, KHA CIG KUN RDZOB 'DUS BYAS RNAMS RANG STONG NGO ZHES SMRA BA GNYI GA YANG CHAD PAR LTA BA CHEN PO YIN TE, DE LTA NA CHOS GANG LA YANG KHO YIN PA MI SRID PAR THAL ZHING, DE 'DOD NA CHOS THAMS CAD MI SRID PAR THAL LA, 'DUS BYAS LA'ANG DE LTAR MTSUNGS SHING, RANG STONG YANG CHOS CAN, KHYOD RANG MIN PAR THAL, RANG STONG YIN PA'I PHYIR, 'KHOR GSUM KA DNGOS SO, ,DES NA RANG RGYUD PA'I LUGS LA, MYU GU LA SOGS PA RNAMS YUL RANG GI SDOD LUGS SU GRUB PA DANG, BLOS BZHAG PA LA LTOS PA GNYI GA YIN LA, BLO'I DBANG GIS BZHAG PA MIN PAR YUL RANG GI SDOD LUGS SU GRUB PA NI RTAGS KYI DGAG BYA MTHAR THUG PA'O, ,DE LA DBU MA SNANG BA LAS KUN RDZOB TU YOD PAR 'JOG TSUL DNGOS SU GSAL BAR GSUNGS PA LAS BZLOG NA BDEN YOD DU 'GYUR CHUL DON GYIS 'PHANGS PA LAS DGAG BYA'I TSAD JI SKAD BSHAD PA 'DI LTAR YIN PA NYID DU NGES TE, SNANG BA LAS, DNGOS PO YANG DAG PAR

NGO BO NYID MED PA DAG LA YANG DE LAS BZLOG PA'I RNAM PAR SGRO 'DOGS BA'I 'KHRUL BA'I BLO GANG YIN PA DI NI KUN RDZOB CES BYA STE, 'DI'AM 'DIS DE KHO NA NYID BSGRIB PA LTA BUR BYED 'GEBS PA LTA BUR BYED PA'I PHYIR RO, ,DE SKAD DU MDO LAS KYANG, DNGOS RNAMS SKYE BA KUN RDZOB TU, ,DAM PA'I DON DU RANG BZHIN MED, ,RANG BZHIN MED LA 'KHRUL BA GANG, ,DE NI YANG DAG KUN RDZOB 'DOD, CES GSUNGS LA, DE LAS BYUNG BA'I PHYIR, DES NYE BAR BSTAN PA MTHONG BA'I DNGOS PO RDZUN PA THAMS CAD NI KUN RDZOB PA KHO NA YIN ZHES BYA'O, ,DE YANG THOG MA MED PA'I 'KHRUL PA'I BAG CHAGS YONGS SU SMIN PA'I DBANG GIS BYUNG LA, DES KYANG SROG CHAGS THAMS CAD LA YANG DAG PAR DNGOS PO'I BDAG NYID LTA BUR NYE BAR BSTAN PA MTHONG BAR 'GYUR TE, DE'I PHYIR DE DAG GI BSAM PA'I DBANG GIS DNGOS PO RDZUN PA'I NGO BO THAMS CAD NI KUN RDZOB TU YOD BA KHO NA'O ZHES BYA'O, ZHES GSUNGS TE, 'DIS DNGOS PO RNAMS BSAM PA'I DBANG GIS YOD PA DANG, SROG CHAGS THAMS CAD LA DNGOS PO RNAMS BSAM PA'I DBANG GIS YOD PA MIN PA'I YANG DAG PA'I DNGOS PO'I BDAG NYID DU YOD PAR THOG MA MED PA'I 'KHRUL PA'I BAG CHAGS YONGS SU SMIN PA'I MA RIG PA'I DBANG GIS SNANG BAR GSUNGS PA YIN NO, ,'O NA DBU MA SNANG BA LAS, DON DAM PAR SKYE BA MED DO ZHES BYA BA NI; 'DI DAG YANG DAG PA'I SHES PAS SKYE BAR MA GRUB BO ZHES BSHAD PAR 'GYUR RO, CES GSUNGS PAS, DON DAM PAR YOD PA'I TSAD DE KHO NA NYID 'JAL BA'I RIG SHES KYIS YOD PAR GRUB PA LA BSHAD PA MA YIN NAM ZHE NA, DON DAM PAR MED CES BA'I DON DAM LA 'JOG MTSAMS GNYIS YOD BA THAL [?] RANG GNYI GA'I SKABS SU SHES PA GNANG DU CHE STE, DE KHO NA NYID DPYOD PA'I THOS BSAM SGOM GSUM GYI RIG SHES LA DON DAM DU BYAS NAS DE'I DOR MED PA LA DON DAM DU MED CES BZHAG PA CIG DANG, BDEN PA LA DON DAM DU BYAS NAS BDEN PAR MED PA LA DON DAM DU MED CES BZHAG PA DANG GNYIS SO,, DE LA 'JOG MTSAMS DANG PO'I DBANG DU BYAS PA'I DON DAM YANG SRID LA, DE'I NGOR GRUB PA'ANG SRID CING, PHYI MA'I DBANG DU BYAS PA'I DON DAM DANG DON DAM DER GRUB PA GNYI GA MI SRID DO, ,DE YANG BDEN BAR GRUB NA DE KHO NA NYID DPYOD BA'I RIG SHES KYI NGOR GRUB DGOS TE, BDEN PAR GRUB NA GNAS LUGS SU GRUB

, ,DGOS PA'I PHYIR RO, ,GNAS LUGS SU GRUB KYANG BDEN PAR GRUB MI DGOS BAS DE KHO NA NYID DPYOD PA'I RIG SHES KYI NGOR GRUB KYANG BDEN BAR GRUB MI DGOS SO, ,DES NA RIG SHES LA DON DAM DU BYAS NAS MYU GU RIG SHES DE'I NGOR MED PAS MYU GU DON DAM DU MED PAR BZHAG NUS KYANG, CHOS NYID RIG SHES DE'I NGOR YOD PAS CHOS NYID DON DAM DU GRUB PAR BZHAG MI NUS TE, MYU GU RIG SHES DE'I DON MED NA GNAS LUGS SU MA GRUB DGOS LA, GNAS LUGS SU MA GRUB NA BDEN PAR MA GRUB DGOS SHING, CHOS NYID RIG SHES KYI DON YOD PAS GNAS LUGS SU GRUB PAR SONG YANG, GNAS LUGS SU GRUB PA TZAM GYIS BDEN GRUB TU 'GRO MI DGOS PA'I PHYIR RO, ,'DI 'DRA BA'I KHYAD PAR MA PHYED PA LA BRTEN NAS, DGAG BYA'I CHAD RIGS PAS DPYAD BZOD LA 'DOD PA LA SOGS PA'I 'KHRUL PA RNAMS BYUNG LA, DE KHO NA NYID DPYOD PA'I RIGS PAS DPYAD BZOD DANG RIGS PAS GRUB PA GNYIS MA PHYED PA'I DBANG GIS SNGON DUS KYI MKHAS PA CHEN PO RDOG LO LTA BU YANG DON DAM BDEN PA SHES BYA MA YIN PAR BZHED PA DANG, PHYA PA LTA BU YANG BDEN MED BDEN GRUB TU SMRA BA LA SOGS PA'I NOR BA CHEN PO RNAMS BYUNG BA YIN NO, ,DA NI RANG RGYUD PA RANG GI MTSAN NYID KYIS GRUB BA THA SNYAD DU KHAS LEN MI LEN JI LTAR YIN BAR BSHAD PAR BYA STE, DE YANG SLOB DPON LEGS LDAN 'BYED NI THA SNYAD DU DNGOS PO RANG GI MTSAN NYID KYIS GRUB PAR BZHED PA SHIN TU GSAL TE, MDO DGONGS 'GREL LAS, KUN BRTAGS MTSAN NYID NGO BO NYID MED PA DANG, GZHAN DBANG SKYE BA NGO BO NYID MED PA DANG YONGS GRUB DON DAM PA NGO BO NYID MED PA'I DON, RNAM RIG PAS KUN BRTAGS RANG GI MTSAN NYID KYIS MA GRUB PA SOGS SU SMRAS PA 'GOG PA NA, KUN BRTAGS LA 'DOGS BYED DANG DES BTAGS PA GNYIS SU BRTAG BA BYAS NAS, 'DOGS BYED KYI SGRA RTOG RANG GI MTSAN NYID KYIS MA GRUB PAR 'DOD NA SKUR 'DABS SU 'GYUR BAR BSHAD BA'I PHYIR TE, RTZA SHE'I RAB BYED NYER LNGA PA'I 'GREL BA SHES RAB SGRON ME LAS, 'DIR GAL TE GZUGS ZHES BYA BAR YID LA BRJOD BA DANG TSIG TU BRJOD PA'I KUN BRTAGS PA'I NGO BO NYID GANG YIN BDE MED DO ZHE NA NI DNGOS PO LA SKUR PA 'DEBS PA YIN TE, YID LA

BRJOD PA DANG TSIG TU BRJOD PA LA SKUR PA 'DEBS PA'I PHYIR RO, ZHES GSUNGS ZHING, DE'I 'GEL BSHAD DU SPYAN RAS GZIGS BRTUL SHUGS KYIS, 'DI NI RNAL 'BYOR DPYOD PA PA DAG KUN BRTAGS PA'I NGO BO CING NI MTSAN NYID NGO BO NYID MED PA NYID KYIS NGO BO NYID MED DO ZHES ZER BA STE, GAL TE GZUGS ZHES BYA BAR NGO BO NYID DANG KHYAD PAR DU YID LA BRJOD PA, RNAM PAR RTOG PA DANG TSIG TU BRJOD PA THA SNYAD 'DOGS PA'I NGO BO NYID GANG YIN PA DE MTSAN NYID NGO BO NYID MED PA NYID KYIS NGO BO NYID MED DO ZHE NA NI KUN RDZOB TU GZHAN GYI DBANG GI DNGOS PO LA SKUR PA 'DEBS PA YIN PAS MI RUNG BAR STON TE, ZHES BSHAD PA LTAR, KUN RDZOB TU DNGOS PO LA MTSAN NYID NGO BO NYID YOD PAR GSAL BAR BSHAD PA'I PHYIR RO, ,GZHAN YANG LEGS LDAN 'BYED KYI LUGS LA DNGOS PO RNAMS THA SNYAD DU RANG GI MTSAN NYID KYIS MED PA DANG, RANG BZHIN MED PA DANG, RANG GI NGO BOS MA GRUB BAR BZHED NA, THA SNYAD DU YANG DNGOS PO RNAMS RDZAS SU MA GRUB PAR BZHED DGOS TE, GZHAN DU NA RDZAS YOD DANG BTAGS YOD MI 'GAL BAR THAL BA'I PHYIR DANG, RDZAS GRUB LA NGO BO MED PAR 'DOD PA'I PHYI NANG GI GRUB MTHA' SMRA BA SU YANG MI SRID PA'I PHYIR RO, ,LEGS LDAN 'BYED DNGOS PO RNAMS RDZAS SU MA GRUB PAR BZHED PA YANG MA YIN TE, RTOG GE 'BAR BA LAS CI STE RDUL PHRA RAB KYI RIGS MTHUN PA BSAGS PA'I GZUGS PHYOGS SU BYAS NAS, DE LA RDZAS SU YOD PA MA YIN PA NYID GTAN TSIGS SU BRJOD NA NI, DE LTAR NA GTAN TSIGS GANG YANG RUNG BA LA MA GRUB PA NYID DU 'GYUR TE, CI'I PHYIR ZHE NA, 'DI LTAR RDUL PHRA RAB RIGS MTHUN PA'I GZUGS GZHAN DAG GIS DE LA BSAGS SHING KUN NAS SBYAR BA NA DE YUL GYI DNGOS POR KHAS BLANGS SHING, DER SNANG BA'I BLO RDUL PHRA RAB 'DUS PA'I RNAM PAR SKYE BA'I PHYIR RO, ,KHO BO CAG NI RDUL PHRA RAB RIGS MTHUN PA'I BSAGS PA BUM PA LA SOGS PA NYID DANG, PHRA RAB KYANG KUN RDZOB TU RDZAS SU 'DOD DE, 'DI LTAR RDUL PHRA RAB NI RDZAS BRGYAD 'DUS BA'I BDAG NYID YIN PAS DE YANG RDZAS NYID YIN PAR 'DOD LA, DE BZHIN DU BUM PA LA SOGS PA 'DUS PA'I BDAG NYID KYANG RDZAS NYID YIN TE, ZHES GSUNGS PA'I PHYIR RO, ,DE'I PHYIR SLOB DPON ZLA BA GRAGS PAS NI THA SNYAD DU YANG RANG GI MTSAN NYID KYIS GRUB PA DANG, RANG GI NGO BOS GRUB PA'I DNGOS PO MI BZHED PAS,

, ,DE NYID SKABS SU RIGS BA GANG ZHIG GIS, ZHES BA'I 'GREL PAR RDZAS SU GRUB PA'I SKYE BA 'GOG PA YIN PAR GSUNGS SHING, GZHAN YANG RDZAS GRUB THA SNYAD DU YANG BKAG PA SHIN TU MANG BA'I TSUL 'OG TU'ANG 'CHAD BAR 'GYUR RO, ,GZHAN YANG LEGS LDAN 'BYED KYIS, MNGON SUM GYI SHES PA DNGOS PO'I RANG GI MTSAN NYID TZAM LA DMIGS PA RTOG PA DANG RJES SU DRAN PA'I RNAM PAR RTOG PA DANG BRAL BAS, ZHES MNGON SUM LA DNGOS PO'I RANG GI MTSAN NYID SNANG BAR GSUNGS SHING, MNGON SUM TSAD MA MA 'KHRUL BA'I SHES PAR YANG YANG BSHAD PA'I PHYIR, THA SNYAD DU DNGOS PO RANG GI MTSAN NYID KYIS GRUB PAR BZHED BA LA BSNYON DU MED LA, SLOB DPON KA MA LA SH'I LA YANG THA SNYAD DU DNGOS PO RANG GI MTSAN NYID KYIS GRUB PAR BZHED DE, MDO DGONGS 'GREL GYI DON 'CHAD PA NA, GZHAN DBANG LA DON DAM BAR NGO BO YOD PA KUN BRTAGS YIN PAS DON DAM PAR NGO BO MED PA DANG, THA SNYAD DU GZHAN DBANG LA RANG GI MTSAN NYID YOD PAS DES SKUR 'DEBS SEL BA DGONGS 'GREL GYI DON YIN ZHING, 'DIS YUM RGYAS 'BRING SOGS NAS CHOS THAMS CAD SKYE BA MED PAR GSUNGS PA SOGS LA SGRA JI BZHIN DU GZUNG DU MI RUNG BAR DON DAM BAR SKYE BA MED PA SOGS SU GZUNG DGOS PA YIN PAR BSTAN PAS MDO DGONGS 'GREL GYIS YUM RGYAS 'BRING BSDUS GSUM NGES DON YIN PAR GTAN LA PHAB PAR DBU MA SNANG BA LAS RGYAS BAR BSHAD PA'I PHYIR TE, KHUNGS KYI TSIG MANGS PAR 'GYUR BAS MA BRIS SO, ,DER MA ZAD ZHI 'TSO YAB SRAS KYIS TSAD MA SDE BDUN GYI RANG LUGS KYI RIGS PA PHAL CHE BA DBU SEMS GNYIS KYI THUN MONG BA YIN PAR TSAD CHEN DANG DBU MA SNANG BA LAS BSHAD PAS KYANG DNGOS PO RANG GI MTSAN NYID KYIS GRUB PA BZHED PAR NGES SO, ,SLOB DPON YE SHES SNYING POS KYANG BDEN GNYIS LAS, DNGOS PO TZAM GANG YIN PA NI JI LTAR SNANG BA BZHIN DU DON BYED NUS PA'I PHYIR RO, ,RGYU DANG RKYEN RNAMS LA BRTEN NAS SKYES PA DE NI YANG DAG PA'I KUN RDZEB [?] KYI BDEN PA YIN PAR SHES PAR BYA STE, 'DI LTAR BYIS PA YAN CHAD KYI SHES PA LA MTHUN PAR DON JI SNYED RGYU LAS SNANG BA DE NI YANG DAG PA'I KUN RDZOB YIN PAR RIG STE, SHES PA LA SNANG BA DANG MTHUN PAR DNGOS PO LA GNAS PA'I PHYIR RO, ZHES BSHAD LA, DE YANG MIG SHES

SOGS LA GZUGS SOGS RNAMS YUL KHO RANG GI NGOS NAS KYI SDOD LUGS SU GRUB PAR GNAS PA LTA BUR SNANG BA 'DI LA BSNYON DU MED BAS SNANG TSUL 'DI MED BAR SHING RTA CHEN PO SU ZHIG SMRA, 'DI LTAR SNANG BA'I MNGON SUM GYI SNANG TSUL LTAR DNGOS PO LA GNAS PAR BSHAD PA'I PHYIR DANG, JI LTAR SNANG BA LTAR DON BYED NUS BAR BSHAD PA'I PHYIR NA, DNGOS PO RNAMS BLOS BTAGS PA KHO NA'I DBANG GIS DON BYED PA MA YIN PAR YUL RANG NGOS NAS KYANG DON BYED NUS PA YIN PAR BZHED PA SHIN TU GSAL LO, ,DE'I PHYIR DNGOS PO LA NGO BO MED PAR BSHAD PA YANG DON DAM BA'I DBANG DU BYAS BAR SKABS STOBS LAS SHES SO, ,DE'I PHYIR DNGOS SMRA BA DNGOS PO'I RANG GI MTSAN NYID DON DAM DU 'DOD LA, SLOB DPON 'DI DNGOS PO'I RANG GI MTSAN NYID KYIS GRUB PA KUN RDZOB YIN PAR BZHED PAS, DNGOS SMRA BA'I DON DAM DBU MA BA'I KUN RDZOB TU 'DOD PAR BSHAD DE, BDEN GNYIS LAS, 'GA' ZHIG GIS NI DON DAM PA NYID DU 'DOD LA GZHAN DAG GIS NI YANG DAG PA KHO NAR 'DOD DE, DE LTAR NA YANG MDO'I TSIG 'DI LEGS BAR DRANGS PA KHO NA YIN NO, ,'DI LTAR, GZHAN GYIS DON DAM BYAS GANG YIN, ,DE NI GZHAN GYI KUN RDZOB STE, ,GZHAN GYI MAR 'DOD GANG YIN DE, ,GZHAN GYI CHUNG MAR YANG 'DOD BZHIN, ZHES BSHAD DE, CES GSUNGS PA'I PHYIR RO, ,YANG DAG PA KHO NAR CES PA NI YANG DAG KUN RDZOB KHO NAR CES PA'I DON TO, ,ZLA BA GRAGS PA NI THA SNYAD DU YANG RANG GI MTSAN NYID KYIS GRUB BA MI BZHED PAS DNGOS SMRA BA'I KUN RDZOB DBU MA BA'I DON DAM DU 'DOD PA 'GOG PA GONG DU BSHAD PA LTAR YIN NO, ,GZHAN YANG BDEN GNYIS LAS, SNANG DU 'DRA YANG DON BYED DAG, NUS PA'I PHYIR DANG MI NUS PHYIR, ,YANG DAG YANG DAG MA YIN PA'I, ,KUN RDZOB KYI NI DBYE BA BYAS, ZHES PA'I RANG 'GREL LAS, SHES PA LA GSAL BA'I RNAM PA SNANG BA CAN DU 'DRA YANG, JI LTAR SNANG BA BZHIN DU DON BYED PA LA MI SLU BA DANG BSLU BA YIN PAR NGES PAR BYAS NAS, CHU LA SOGS PA DANG SMIG RGYU LA SOGS PA DAG YANG DAG PA DANG YANG DAG BAM YIN PAR RTOGS SO; ;DNGOS SUN 'DI GNYIS NI NGO BO NYID MED PA NYID DU NGO BO NYID MTSUNGS PA KHO NA'O, ZHES BSHAD CING, DNGOS SU NA CES PA NI DON DAM PAR NA CES PA'I DON YIN PAS, DON DAM PAR NGO BO MED PAR MTSUNGS KYANG KUN RDZOB TU BSLU MI SLU'I SGO NAS NGO BO YOD MED KYI KHYAD YOD PAS YANG DAG PA DANG YANG DAG BA MA

, ,YIN PA'I DBYE BA BYAS PAR SHIN TU GSAL LO, ,GZHAN YANG DBU MA RANG RGYUD BA MTHA' DAG YANG DAG KUN RDZOB KHAS LEN PA NYID KYIS DNGOS PO RNAMS THA SNYAD DU RANG GI MTSAN NYID KYIS GRUB PA DANG RANG GI NGO BOS GRUB PAR KHAS LEN PA CHES GSAL BA NYID DU GO BAR BYED PA YIN TE, LOG PA'I KUN RDZOB CES PA'I LOG PA NI PHYIN CI LOG LA ZER BA YIN PAS, DE NYID KYI BZLAS DRANGS PA'I YANG DAG PA YANG PHYIN CI MA LOG PA LA BYED DGOS SHING, DE'I PHYIR KUN RDZOB LA YANG LOG GNYIS SU 'BYED PAS NI KUN RDZOB LA PHYIN CI LOG MA LOG GNYIS SU SMRA BA YIN ZHING, KUN RDZOB THAMS CAD LA YUL RANG NGES NAS GRUB PA'I NGO BO CUNG ZAD KYANG MED PAR 'DOD NA KUN RDZOB THAMS CAD THA SNYAD DU YANG RTOG BTAGS 'BA' ZHIG BAR KHAS LEN PA LAS 'OS MED CING, RTOG BTAGS 'BA' ZHIG PA'I KUN RDZOB TU MTSUNGS PA LA PHYIN CI LOG MA LOG DANG YANG DAG PA YIN MA YIN GYI KHYAD PAR YOD PA RIGS PA LA BLO KHA PHYOGS PA SU'ANG KHAS MI LEN PA'I PHYIR RO, ,DES NA YANG DAG KUN RDZOB DANG RDZAS GRUB KYI DNGOS PO KHAS BLANGS PHYIN CHAD RGOL BA RTOGS LDAN YIN NA THA SNYAD DU DNGOS PO RANG GI NGO BOS GRUB PAR KHAS LEN PA LAS 'OS MED DO, ,DE LTAR RANG RGYUD PA'I LUGS KYI RTAGS KYI DGAG BYA BSHAD ZIN NAS, RANG RGYUD PA DAG DGAG BYA DE 'GOG PA'I RIGS PA'I GTZO BO GANG LA BYED PA'I RIGS PA GAL CHE BA MDO TZAM ZHIG BRJOD PAR BYA STE, DE YANG YAB SRAS MJAL BA DANG LANG KAR GSHEGS PA'I MDO LAS GSUNGS PA DANG, 'PHAGS PA LHAS, TSIGS LAS SOR MO GZHAN MED DE, ZHES SOGS GSUNGS PA LA BRTEN NAS, ZHI 'TSO YAB SRAS KYIS GCIG DANG DU BRAL GYI RTAGS LA BTZAL DU BTON NAS 'CHANG LA, 'ON KYANG SNANG BA LAS RIGS PA GZHAN YANG MANG DU BSHAD MOD, BOD DAG LA'ANG GRAGS CHE BAR SNANG BAS RTAGS 'DI'I RNAM PAR BZHAG PA CUNG ZAD BRJOD NA, RTAGS DGOD PA DANG, TSUL SGRUB PA'O, ,DANG PO NI, GANG ZAG CHOS CAN, BDEN PAR MED DE, BDEN PA'I GCIG DANG DU MA DANG BRAL BA'I PHYIN, DPER NA ME LONG LA SHAR BA'I BYAD BZHIN GYI GZUGS BRNYAN BZHIN ZHES PA'O, ,TSUL SGRUB PA LA KHYAB BA TSAD MA GANG GIS GRUB PA NI, RTAGS DE MTHUN PHYOGS KHO NA LA YOD PA DANG MI MTHUN PHYOGS LA MED PAR NGES PA LA TSAD MA GSUM DGOS TE, BDEN PA'I

GCIG DANG DU BRAL NGES PA'I TSAD MA DANG, RTAGS DE DANG MI MTHUN PHYOGS KYI GZHI MTHUN MI SRID PAR NGES PA'I TSAD MA DANG, ,BDEN PAR YOD MED DNGOS 'GAL DU NGES PA'I TSAD MA'O, ,DE YANG YOD MED GNYIS GCIG RNAM PAR BCAD PA TZAM GYIS CIG SHOS YONGS SU GCOD PA'I DNGOS 'GAL DU NGES PAS BDEN PAR YOD MED LA PHUNG GSUM SRID PA'I SGRO 'DOGS BCAD NAS BLO KHA PHYOGS PA CAM GYIS DNGOS 'GAL DU NGES PAR BYED NUS SO, ,BDEN YOD DE BDEN PA'I GCIG DANG DU BRAL YIN PAS RTAGS MI MTHUN PHYOGS LA ZHUGS PAR MI 'GYUR RAM SNYAM NA, DE TZAM GYIS RTAGS MI MTHUN PHYOGS LA ZHUGS PA MI 'GYUR GYI, RTAGS MI MTHUN PHYOGS LA ZHUGS PA LA NI DGAG BYA'I CHOS DE YANG YIN RTAGS DE YANG YIN PA'I GZHI MTHUN SRID PA DGOS SHING, BDEN YOD YANG YIN BDEN PA'I GCIG DANG DU BRAL YANG YIN PA'I GZHI MTHUN MI SRID PA'I PHYIR SKYON MED DO, ,DE GNYIS GZHI MTHUN MI SRID PAR TSAD MAS NGES PA NI, GCIG DANG DU MA GCIG RNAM PAR BCAD PA TZAM GYIS CIG SHOS YONGS SU GCOD PA'I DNGOS 'GAL DU NGES PA'I TSAD MAS YOD PA TZAM LA GCIG DANG DU MA'I GNYIS YIN DANG GNYIS MA YIN GYI PHUNG GSUM SRID PA'I SGRO 'DOGS BCAD PA NYID KYIS BDEN PAR YOD PA LA'ANG BDEN PA'I GCIG DANG DU MA GNYIS YIN DANG GNYIS MA YIN GYI PHUNG GSUM SRID PA'I SGRO 'DOGS CHOD NAS BLO KHA PHYOGS PA TZAM GYIS BDEN PA'I GCIG DANG DU BRAL DANG BDEN YOD LA GZHI MTHUN MI SRID PAR NGES NUS SO, ,GNYIS PA PHYOGS CHOS SGRUB PA LA, BDEN PA'I GCIG BRAL SGRUB PA DANG, BDEN PA'I DU MA DANG BRAL BA SGRUB PA'O, ,DANG PO NI, BDEN PA'I GCIG YIN NA CHA MED YIN DGOS PAS, CHA MED BKAG PA NYID KYIS BDEN PA'I GCIG KHEGS LA, CHA MED 'GOG PA LA GNYIS TE, 'DUS BYAS KYI CHA MED DGAG PA DANG, 'DUS MA BYAS KYI CHA MED DGAG PA'O, ,DANG PO LA 'DUS BYAS GZUGS CAN RNAMS LA PHYOGS KYI CHA MED DANG, GZUGS CAN MA YIN PA RNAMS LA DUS KYI CHA MED DGAG BAR BYA STE, DANG PO NA CHA MED DU 'DAD [?] PA'I GSHEBS [?] NAS GNAS PA'I RDUL PHRAN BAR MED GNYIS CHOS CAN, PHRAD PAR THAL, YUL GOS GNON PA'I GZUGS CAN GYI DNGOS PO THA DAD GANG ZHIG BAR MED PA'I PHYIR, 'DOD NA BDAG NYID THAMS CAD KYIS PHRAD DAM PHYOGS GCIG

, ,GIS PHRAD, DANG PO LTAR NA GOS 'DRES PAR THAL LO, ,'DOD NA RDUL PHRAN JI TZAM BSAGS KYANG BONGS TSONG CHER 'GRO MI SRID PAR THAL LO, ,PHYOGS GCIG GIS PHRAD PHYOGS GCIG GIS MA PHRAD NA CHA MED YIN PA MA NYAMS SO, ,GNYIS PA SHES PA SOGS LA DUS CHA DGAG PA NI, DNGOS RGYU DNGOS 'BRAS SU 'DOD PA'I MIG SHES SKAD CIG DANG PO DANG GNYIS PA'I BAR DU SKAD CIG GZHAN GYIS CHOD DAM MCHOD, DANG PO LTAR NA DNGOS RGYU DNGOS 'BRAS YIN PA NYAMS SO, ,GNYIS PA LTAR NA BDAG NYID THAMS CAD KYIS THAMS CAD DU CHOD DAM, PHYOGS GCIG GIS CHOD GCIG GIS MCHOD PA DANG PO LTAR NA DUS 'DRES PAR 'GYUR ZHING, 'DOD NA RGYU DUS NA 'BRAS BU YOD PAR 'GYUR RO, ,GNYIS PA LTAR NA CHA MED YIN PA NYAMS SO, ,'DUS MA BYAS KYI CHA MED DGAG PA NI, NAM MKHAS NUB PHYOGS KYI BUM PA'I NANG GI KHONG STONG LA KHYAB PA'I CHA DES SHAR PHYOGS KYI BUM PA'I NANG GI KHONG STONG LA KHYAB BAM MA KHYAB, KHYAB NA SHAR NUB KYI BUM PA'I KHONG STONG THA DAD MED PAR 'GYUR LA, DE LTAR NA SHAR GYI BUM PAR CHU NAM BLUG PA NA NUB KYI BUM PA CHUS GANG BAR 'GYUR RO, ,MA KHYAB NA NAM MKHA' CHA MED YIN PA NYAMS TE, NAM MKHAS SHAR NUB KYI BUM PA'I KHONG STONG LA KHYAB PA'I CHA SO SOR YOD PA'I PHYIR RO, ,DE BZHIN DU RIGS PA 'DIS CHOS NYID KYANG CHA BCAS SU BDE BLAG TU 'GRUB STE, CHOS NYID KA BA'I RANG BZHIN DU SONG BA'I CHA DES BUM PA'I RANG BZHIN DU SONG DAM MA SONG, SONG NA KA BA'I RANG BZHIN DANG BUM PA'I RANG BZHIN THA DAD MED PAR 'GYUR PAS KA BUM YANG GCIG TU 'GYUR RO, ,MA SONG NA CHOS NYID CHA MED NYAMS SO, ,GZHAN YANG CHOS NYID SANGS RGYAS KYI YE SHES KYI YUL DU SONG BA'I CHA DES THEG CHEN MTHONG LAM GYI YUL DU SONG DAM MA SONG, SONG NA THEG CHEN MTHONG LAM GYIS DAG PA GNYIS LDAN GYI NGO BO NYID SKU MNGON SUM DU RTOGS PAR THAL LO, ,DE 'DOD NAS BCU'I YE SHES KYIS CHOS NYID LA GLO BUR DRI BRAL GYI MTHONG TSUL MI 'DRA BA BCU RJE BTZUN BYAMS MGON GYIS BSHAD PA MI 'THAD PAR THAL LO, ,MA SONG NA CHOS NYID LA CHA SHAS MED PA NYAMS SO, ,KHA CIG CHOS NYID KYI NGO BO LA CHA SHAS MED RTEN LA SOGS PAS PHYE BA'I CHA SHAS YOD CES ZER RO, ,NGO BO'I CHA SHAS MED PA'I DON

CI ZHIG YIN, RANG GI NGO BOS GRUB PA'I CHA SHAS MED PA LA BYED DAM, GANG GI SGO NAS CHOS NYID DU 'JOG PA'I CHA DE LA RIGS MI 'DRA BA'I DBYE BA MED PA LA BYED DAM, CHOS NYID KYI RANG BZHIN YIN NA THA DAD MED PA LA BYED, DANG PO LTAR NA CHOS THAMS CAD KYI NGO BO LA CHA SHAS MED PAR THAL LO, ,GNYIS PA LTAR NA SHES BYA THAMS CAD KYI NGO BO LA CHA SHAS MED PAR THAL, GANG GI SGO NAS SHES BYAR 'JOG BA'I CHA DE LA RIGS MI 'DRA BA'I DBYE BA MED PA'I PHYIR TE, THAMS CAD BLO YUL DU BYAR RUNG YIN PAR RIGS GCIG PA'I PHYIR RO, ,GSUM PA LTAR NA BDEN PA'I SKYE BA MED PA DANG, BDEN PA'I 'GAG PA MED PA GNYIS CHA THA DAD MED PAR THAL, CHOS NYID KYI RANG BZHIN YIN NA CHA THA DAD MED DGOS PA'I PHYIR, 'DOD NA SKYE MED 'GAG MED GNYIS KYANG THA DAD MED PAR THAL LO, ,'DOD NA DNGOS MED BUM MED GNYIS KYANG THA DAD MED PAR THAL ZHING, DGAG PA YIN NA GCIG YIN PAS KHYAB PAR THAL LO, ,NYAN THOS DGRA BCOM GYI RGYUD KYI 'GOG BDEN DANG NGO BO NYID SKU YANG THA DAD MED PAR THAL, CHOS NYID KYI NGO BO LA DBYE BA MED PA'I PHYIR, 'DOD NA CHAD PA MYANG 'DAS YIN NA MI GNAS PA'I MYANG 'DAS YIN PAS KHYAB PAR THAL LO, ,CHOS NYID KYI NGO BOS KA BA LA KHYAB PA'I CHA YIN NA BUM PA LA KHYAB PA'I CHA YIN DGOS PAR THAL, CHOS NYID KYI NGO BOS KA BUM GNYIS KA LA KHYAB PA GANG ZHIG ,DE LA CHA SHAS MED PA'I PHYIR, 'DOD NA KA BUM GCIG TU THAL BA BZLOG TU MED DO, ,'DI DAG NI MTSON BA TZAM STE RIGS PA'I RNAM GZHAG LEGS PAR CHAGS NA CHOS NYID CHA MED YIN PA SOGS GNYID KYI RMI LAM DU'ANG KHAS LEN PA'I GO SKABS MED DO, ,BDEN PA'I DUM DANG BRAL BA SGRUB PA NI, GANG ZAG CHOS CAN, BDEN PA'I DU MAR MA GRUB STE, BDEN PA'I GCIG MED PA'I PHYIR, KHYAB STE, DU MA NI GCIG BSAGS PA LAS BZHAG DGOS PA'I PHYIR, RTAGS NI SNGAR CHA MED BKAG PAS 'GRUB BO, ,DE LTAR CHOS THAMS CAD CHA BCAS SU GRUB PAN CHOS RE RE LA'ANG CHA DANG CHA CAN GNYIS YOD PAS KHYAB LA, SPYIR CHA DANG CHA CAN GNYIS NGO BO GCIG YIN KYANG BLO LA SMAD BA'I TSE [?] NGO BO THA DAD DU SNANG LA, DE LTAR SNANG TSUL DANG GNAS TSUL MI MTHUN PA NI CHOS RDZUN PA LA 'THAD KYANG, BLO LA SNANG BA'I DBANG GIS BZHAG PA MIN PAR YUL GYI SDOD LUGS SU GRUB PA'I CHOS YIN NA TSUL DE 'GAL BA YIN TE, GNAS TSUL GZHAN DU GNAS NAS

, ,SNANG TSUL GZHAN DU SNANG BRDZUN PA'I DON YIN ZHING, BDEN PAR GRUB NA RNAM PA THAMS CAD DU RDZUN PA SPANGS TE GNAS DGOS PA'I PHYIR DANG, CHA BCAS BDEN PAR GRUB NA CHA CHA CAN NGO BO THA DAD DU SNANG BA'I BLO MA 'KHRUL BAR 'GYUR ZHING, 'DOD NA BUM PA DANG BUM PA'I MCHU LA SOGS PA RNAMS NGO BO THA DAD PAR THAL BAR 'GYUR RO, ,RIGS PA 'DIS CHOS NYID KYANG BDEN PAR GRUB PA BDE BLAG TU KHEGS PA YIN PAS CHOS NYID BDEN PAR GRUB PAR KHAS LEN PA NI GCIG DANG DU BRAL SOGS KYI RIGS PA'I MONG TZAM YANG RNA LAM DU MA GRAGS PA'I BLUN PO'I TSOD 'JOG YIN BAS SNYING PO CI'ANG MED DO, ,KHYAD BZHIN GYI GZUGS BRNYAN DPER BYED BA NI BYAD BZHIN GYI GZUGS BRNYAN LA DNGOS SMRA BAS BDEN MED TSANG MAS NGES ZIN PA'I RGYU MTSAN GYIS MTHUN DPER BYED PA MA YIN TE, GZHI GCIG GI STENG DU DBU MA'I LTA BA TSAD MAS GTAN LA PHEBS NA TSAD MA DE'I BYED PAS TSAD MA GZHAN LA LTOS MED DU BLO KHA PHYOGS PA TZAM GYIS CHOS THAMS CAD KYI STENG DU BDEN MED NGES PAR 'GYUR BA'I PHYIR RO, ,'O NA MTHUN DPER BYED PA CI SNYAM NA, MYU GU SOGS BDEN PAR KHAS LEN PAS NI MYU GU SOGS BDEN PAR SNANG BA 'DI SNANG BA LTAR DU GRUB PAR KHAS LEN PA YIN ZHING, BYANG BZHIN GYI GZUGS BRNYAN JI LTAR SNANG BA LTAR DU MI BDEN BAR DBU MA'I LTA BA MA GO BDAG GIS KYANG NGES ZIN PAS DE NYID DPER BYED PA YIN NO, ,DE JI LTAR NGES NA BYAD BZHIN GYI GZUGS BRNYAN DBU MA PA 'DOD PA LTAR GYI BDEN MED DU NGES NA GZUGS BRNYAN DU YANG MI BDEN PAR NGES DGOS PAS DE 'DRA BA'I BDEN MED DU DNGOS SMRA BA MAN CHAD KYIS MA NGES KYANG, GZUGS BRNYAN DE BYAD BZHIN DU SNANG YANG BYAD BZHIN DU MI BDEN PAR BRDA LA BYANG BA'I 'JIG RTEN PHAL BA YAN CHAD THAMS CAD KYIS NGES ZIN PAS, BYAD BZHIN GYI GZUGS BRNYAN DE JI LTAR SNANG BA BZHIN DU MI BDEN PAR NGES ZIN LA, MYU GU DANG BUM PA SOGS LA NI JI LTAR SNANG BA BZHIN DU MI BDEN PA'I CHA DE TZAM YANG MA NGES PAS DE'I PHYIR MYU GU SOGS DANG BYAD BZHIN GYI GZUGS BRNYAN LA BDEN MED DU NGES DKA' SLA KHYAD SHIN TU CHE BAS GZUGS BRNYAN DPER BYED PA YIN LA, 'DI TZAM YANG MA SHES PAR BLUN PO SHES RAB BRAL BDAG MTHUN DPE SGRUB PAS SHIN TU TSEGS CHE BAR SNANG NGO, ,GZUGS BRNYAN JI LTAR SNANG BA LTAR MI BDEN PAR NGES NA BDEN GRUB TU SNANG BA LTAR YANG MI BDEN PAR NGES

MI DGOS TE, DE DGOS NA 'JIG RTEN LA LTOS NAS YANG LOG GI DBYE BA BZHAG TU MED PAR 'GYUR BA'I PHYIR RO, ,GCIG DANG DU BRAL GYI RTAGS 'DI RGYAN LAS KHYAB BYED MA DMIGS PAR BSHAD CING, CHOS GANG LA'ANG BDEN PA'I GCIG DANG DU MA GANG GI'ANG DON SGRO MI 'DOGS PAR, BDEN PA'I DON SGRO 'DOGS PA PHUNG PO GSUM PA'I DON GYI SGRO 'DOGS SKYE SA MED PAS THA SNYAD 'BA' ZHIG SGRUB PA YIN LA, DE'I PHYIR THA SNYAD 'BA' ZHIG SGRUB LA RANG BZHIN MA DMIGS PA'I RTAGS KYIS KHYAB PA MA YIN NO, ,RTZA SHES LAS, BDAG LAS MA YIN GZHAN LAS MIN, CES SOGS GSUNGS PA'I RJES SU 'BRANGS NAS DBU MA SNANG BA SOGS RANG RGYUD PA'I GZHUNG LAS KYANG MTHA' BZHI SKYE 'GOG GI RIGS PA BSHAD PA LA RDO RJE GZIGS MA'I GTAN TSIGS ZHES GRAGS PAS, DE LA RANG RGYUD PA'I THUN MONG MA YIN PA CUNG ZAD BSHAD NA, MYU GU CHOS CAN, BDEN PA'I SKYE BA MED DE, DON DAM PAR BDAG DANG GZHAN DANG GNYI GA DANG RGYU MED GANG LAS KYANG MI SKYE BA'I PHYIR, CES PA 'DI RTZA SHE'I, BDAG LAS MA YIN GZHAN LAS MIN, CES SOGS KYI TSIG DON DU RANG RGYUD PA DAG 'CHANG LA, TSIG GSAL LAS RTAGS SBYOR DE LTAR 'GOD PA GZHUNG DE'I TSIG DON YIN PA BKAG PA YIN GYI, SPYIR BDEN PA'I SKYE BA MED DE, BDAG GZHAN GNYI GA RGYU MED LAS MI SKYE BA'I PHYIR, ZHES PA'I RTAGS 'GOD DU MI RUNG BAR ZLA BA GRAGS PA YANG MI BZHED DO, ,'ON KYANG BDAG SKYE SOGS GSUM THA SNYAD DU YANG MI SRID PAR THAL RANG GNYI GA MTHUN YANG, GZHAN SKYE THAL 'GYUR BA THA SNYAD DU YANG MI SRID PAR 'DOD CING, RANG RGYUD PA THA SNYAD DU GZHAN SKYE KHAS LEN PAS, GZHAN SKYE 'GOG PA LA NGES PAR DON DAM GYI KHYAD PAR SBYOR GYI THA SNYAD DU YANG GZHAN SKYE MED PA RANG RGYUD PA'I GZHUNG GANG LAS KYANG MA BSHAD CING, ZHI 'TSO YAB SRAS DANG 'PHAGS SENG SOGS RGYU 'BRAS RDZAS GZHAN BZHED PAR DE DAG GI GZHUNG LAS SHIN TU GSAL LO, ,DE'I PHYIR YANG THAL RANG LA RANG BZHIN GYIS GRUB BA THA SNYAD DU'ANG 'DOD MI 'DOD KYI KHYAD PAR YOD PAR BLA MIG PHRAG DOG GI DUG CHUS MA BSLANG PA DAG GIS GSAL BAR RTOGS PAR 'GYUR RO, ,SBYOR BA 'GOD PA'I TSUL 'DI YANG DBU MA SNANG BA LAS, GANG DAG DON DAM PAR RANG DANG GZHAN DANG GNYI GA LAS SKYE BA DANG RGYU MED PA LAS SKYE BA DANG BRAL BA DE DAG NI

, ,YANG DAG BAR NA NGO BO NYID MED PA YIN TE, DPER NA NAM MKHA'I PADMO LA SOGS PA LTA BU'O, ,RANG DANG GZHAN GYIS YANG DAG PAR YOD PAR SMRAS PA'I DNGOS PO THAMS CAD KYANG DE DANG 'DRA BA KHO NA YIN NO, ZHES GSUNGS SO, ,DE LA PHYOGS GZHAN GSUM 'GOG BA SHES SLA ZHING BDAG SKYE 'GOG BA LA DON DAM GYI KHYAD PAR SBYAR BA MI 'THAD PAR 'OG TU STON PAS, 'DIR DBU MA SNANG BA LAS BSHAD PA'I GZHAN SKYE 'GOG PA'I RIGS PA BRJOD NA, DNGOS PO RNAMS DON DAM PAR GZHAN LAS SKYE NA RTAG PA'I RGYU LAS SKYE'AM MI RTAG PA'I RGYU LAS SKYE, DANG PO LTAR NA DNGOS PO RNAMS RIM CAN DU SKYE MI SRID PAR DNGOS PO RIL CIG CHAR DU SKYE BA DANG, DNGOS PO GCIG KYANG DUS THAMS CAD DU SKYE BA'AM YANG NA LAN GCIG KYANG MI SKYE BAR 'GYUR RO, ,MI RTAG PA'I RGYU LAS SKYE NA 'BRAS BU'I DUS NA ZHIG PA'I RGYU LAS SKYE'AM, 'BRAS DUS NA MA ZHIG PA LAS SKYE, DANG PO LTAR NA ZHIG PA DNGOS MED YIN PAS RGYUR MI 'THAD PA'I PHYIR 'BRAS BU RGYU MED DU SKYE BAR 'GYUR ZHING, GNYIS PA LTAR NA RGYU 'BRAS DUS MNYAM DU 'GYUR BAS BSKYED BYA SKYED BYED DU 'GAL LO, ,'ON TE, MIG SHES SKAD CIG DANG PO DA LTAR BA'I DNGOS PO YIN ZHING, DE LAS MIG SHES SKAD CIG GNYIS PA DUS GNYIS PAR SKYE BA YIN PAS 'BRAS DUS NA RGYU ZHIG KYANG RGYU DNGOS MED DU THAL BA'I SKYON MED DO ZHE NA, 'O NA SKAD CIG SNGA PHYI DE GNYIS BAR MCHAD DU SKYE BA DE BDAG NYID THAMS CAD KYIS MCHOD DAM PHYOGS GCIG GIS MA CHOD, DANG PO LTAR NA DUS MNYAM DU THAL BA SON GNAS SO, ,GNYIS PA LTAR NA DUS MNYAM GYI CHA BCAS SU SONG BAS CHA MED NYAMS LA, DE'I PHYIR BDEN PAR GRUB PA NYAMS PAS RGYU 'BRAS DON DAM PAR GZHAN YIN PA KHEGS SO, ZHES RGYAS PAR BSHAD PA'I DON DRIL NAS BRJOD PA'O, ,DE LTAR YANG SNANG BA LAS GZHAN SKYE 'GOG PA'I SKABS SU, DNGOS PO CHA SHAS MED PA DUS GZHAN GYIS MCHOD PA GNYIS LA NI DUS GCIG PA NYID MA GTOGS PAR RNAM PA GZHAN YOD PA MA YIN TE, DE GNYIS BDAG NYID THAMS CAD KYIS MCHOD PA'I PHYIR RO, CES DANG, 'ON TE PHYOGS GCIG GIS MCHOD PA YIN GYI BDAG NYID THAMS CAD KYI MA YIN NO ZHES BYA BAR RTOG NA DE'I TSE SKAD CIG MA CHA SHAS DANG BCAS PA NYID DU THAL BA YIN TE, DES NA DUS MTHA'I MTSAN NYID MNYAMS PAR 'GYUR

RO; ZHES SOGS RGYAS PAR GSUNGS PA'I MTHAR, DE LTAR NA DON DAM PAR GZHAN LAS KYANG SKYE BAR RIGS PA MA YIN NO, CES GZHAN SKYE DON DAM PAR GRUB PA BKAG LA, YANG SNANG BA LAS, DE'I PHYIR SLOB DPON KHA CIG GIS DON DAM BAR NANG GI SKYE MCHED GZHAN LAS MI SKYE STE, GZHAN YIN PA'I PHYIR ZHES BYA BA LA SOGS PA BSHAD PA'I GTAN TSIGS GANG YIN PA DE YANG LDOG PA LA THE TSOM ZA BA NYID MA YIN TE, MI MTHUN PA'I PHYOGS LA JI SKAD BSHAD PA'I GNOD PA CAN GYI TSAD MA SRID PA'I PHYIR YOD PAS MI RTAG PA NYID SGRUB PA DANG 'DRA'O, ,BLUN PA NYID LA SOGS PAR SGRUB PA LA NI GZHAN NYID MI MTHUN PA'I PHYOGS LA GNOD PA CAN GYI TSAD MA CUNG ZAD KYANG MED PAS, DE LA 'DI MA NGES PA NYID DU 'GYUR GYI, SKYE BA DGAG PA SGRUB PAR BYA BA MI MTHUN PA'I PHYOGS LA GNOD PA CAN GYI TSAD MA YOD PA LA NI MA YIN NO, ,THA SNYAD DU NI GZHAN NYID TZAM GRUB PA'I PHYIR GTAN TSIGS MA GRUB PA NYID KYANG MA YIN TE, GTAN TSIGS LA SOGS PA YANG DAG PA PA'I DNGOS BOR GYUR PAS THA SNYAD GDAGS PAR NI GANG DU'ANG MA GRUB BO ZHES SNGAR BSTAN ZIN TO, ,DE'I PHYIR KHA CIG 'DI LAM NGES PA DANG MA GRUB PA NYID RJOD PAR BYED PA GANG YIN PA DE 'BREL PA MED PA NYID YIN NO, ,MU STEGS CAN RNAMS RGYU GZHAN LA SOGS PA'I THA SNYAD KYI RGYU DNGOS SU GZHAN NYID LA SOGS PA'I DNGOS PO DE LTA YIN PA KHO NAR BRJOD PA DE DAG LA SLOB DPON GYIS, DNGOS PO RNAMS KYI RANG BZHIN NI, ,RKYEN LA SOGS PA YOD MA YIN, ZHES BYA BA LA SOGS PA SUN DBYUNG BA BSHAD DE, DE'I PHYIR DE'I GZHUNG LUGS KYIS GZHAN NYID MA GRUB BAS GZHAN LAS MI SKYE'O ZHES BSTAN PAR 'GYUR RO, CES THA SNYAD DU GZHAN SKYE YOD PA DANG, MU STEGS LA SOGS PA'I GZHUNG LUGS KYIS BTAGS PA LTAR GYI GZHAN SKYE MED PAS GZHAN LAS MI SKYE BAR BSHAD PA YIN NO ZHES GSAL BAR BSHAD CING, SLOB DPON KHA CIG GIS CES PA NI LEGS LDAN 'BYED DANG, DE'I PHYIR KHA CIG 'DI LAM NGES PA DANG MA GRUB PA NYID RJOD PAR BYED PA GANG YIN PA DE NI, CES PA ZLA BAS LEGS LDAN GYI RTAGS SKYOR DE LA TSIG GSAL DU SKYON BRJOD PA LA BSAMS PAR MNGON NO, ,'DI LTAR GZHAN SKYE THA SNYAD DU KHAS LEN MI LEN GYI KHYAD BYUNG BA NI RTAGS KYI DGAG BYA'I NGOS 'DZIN PHRA RAGS KYIS KHYAD PAR KHO NA LA RAG LAS PA YIN NO, ,YANG DBU MA BDEN

, ,GNYIS LAS, DU MAS DNGOS PO GCIG MI BYED, ,DU MAS DU MA BYED MA YIN, ,GCIG GIS DU MA'I DNGOS MI BYED, ,GCIG GIS GCIG BYED PA'ANG MIN, ZHES GSUNGS PA LTAR, RANG RGYUD PA'I MU BZHI SKYE 'GOG GI RIGS PA ZHES GRAGS PA'I DON BSHAD NA, RTAGS 'GOD PA NI MYU GU CHOS CAN, DON DAM PAR SKYE BA MED DE, DON DAM PAR RGYU GCIG KHO NA LAS 'BRAS BU GCIG KHO NA MI SKYE, RGYU GCIG KHO NA LAS 'BRAS BU DU MA MI SKYE, DON DAM PAR RGYU DU MA LAS KYANG 'BRAS BU GCAG KHO NA MI SKYE, DON DAM PAR RGYU DU MA LAS 'BRAS BU DUM MI SKYE BA'I PHYIR, TSUL SGRUB PA LA, KHYAB PA SGRUB PA GCIG DANG DU BRAL GYI RTAGS KYI KHYAB PA SGRUB TSUL DANG RIGS 'DRA LA, PHYOGS CHOS SGRUB PA LA, MU DANG PO GNYIS 'GOG PA RKYEN GSUM LA SBYAR TE BSHAD NA, MIG DBANG GIS MIG DBANG GNYIS PA KHO NA SKYED DAM MIG SHES GCIG PU KHO NA SKYED, DANG PO LTAR NA 'GRO BA THAMS CAD LONG BAR THAL, MIG DBANG LAS MIG SHES SKYE MI SRID PA'I PHYIR, GNYIS PA LTAR NA'ANG 'GRO BA THAMS CAD LONG BAR THAL, MIG DBANG SKAD CIG GNYIS 'THUD NAS SKYE MI SRID PA'I PHYIR, MU GSUM PA 'GOG PA NI, RGYU DU MAS 'BRAS BU GCIG KHO NA SKYED NA MIG SHES KYI MYONG BA'I CHA DANG YUL GYI RNAM PA SHAR BA'I CHA DANG YUL RIS SU CHAD PA 'DZIN NUS KYI CHA GSUM PO'I NANG NAS GANG RUNG GCIG KHO NA MIG SHES KYI RKYEN GSUM KA'I LAG RJES SU THAL BAS, MIG SHES KYI KHYAD CHOS GZHAN GNYIS MI SRID PA'AM RGYU MED DU SKYES PAR THAL LO, ,MU BZHI PA DGAG PA NI, BSHAD MA THAG PA LTAR GYI MIG SHES KYI STENG GI RKYEN GSUM GYIS BZHAG PA'I KHYAD PAR GSUM PO DE DON DAM BAR RKYEN GSUM TSOGS PAS SKYED PA YIN NA, MIG SHES KYI RKYEN GSUM GYIS BZHAG PA'I LAG RJES GSUM PO DE DON DAM PAR THA DAD MED KYANG BLO LA THA DAD PAR SNANG BA TZAM YIN NAM, BLO GANG LA'ANG THA DAD PAR MI SNANG BA YIN NAM, DON DAM PAR THA DAD PA YIN, DANG PO LTAR NA GNAS TSUL GZHAN DU GNAS NAS SNANG TSUL GZHAN DU SNANG BA'I PHYIR RDZUN PAR 'GYUR GYI BDEN PAR GRUB PA NYAMS SO, ,GNYIS PA LTAR NA RKYEN GSUM GYI LAG RJES GSUM PO GCIG TU SONG BAS RGYU DU MAS 'BRAS BU DU MA BYED PA YIN PA NYAMS SO, ,GSUM PA LTAR NA MIG SHES DANG MIG SHES KYI KHYAD CHOS GSUM PO

YANG DON DAM PAR THA DANG DU THAL LO, ,'DOD NA MIG SHES DANG DE'I KHYAD CHOS GSUM PO CHOS CAN, DON DAM PAR THA DAD MED DE, DON DAM PAR THA DAD DU YOD NA 'PHAGS PA'I JI LTA BA MKHYEN PA'I YE SHES KYIS THA DAD DU GZIGS DGOS PA GANG ZHIG, DES THA DAD DU MA GZIGS PA'I PHYIR, ZUR DANG PO GRUB STE, DON DAM PAR GRUB NA GNAS LUGS SU GRUB DGOS PA'I PHYIR RO, CES PA'I RTAGS KYIS DE DAG DON DAM PAR THA DAD KHEGS LA DE KHEGS PAS DON DAM PAR DU MA YIN PA KHAGS PA'I PHYIR DON DAM PAR RGYU DU MAS 'BRAS BU DU MA BYED PA KHEGS SO, ,YOD PA SKYE BAR MI RIGS TE, ,MED PA NAM MKHA'I PADMO BZHIN, ZHES GSUNGS PA'I RJES SU 'BRANGS PA YOD MED SKYE DGAG GI RIGS PA ZHES GRAGS PA'I DON BSHAD NA, KHA CIG YOD BA YANG MI SKYE, MED PA YANG MI SKYE, ZHES SBYOR BA SHIN TU MI RIGS TE, RANG SDE DNGOS SMRA BA THAMS CAD KYIS YOD PA YANG MI SKYE MED PA YANG MI SKYE BAR TSAD MAS GRUB ZIN PA'I PHYIR TE, SHES BYA DANG MED NGES RGYU LAS SKYE BAR KHAS LEN PA'I RGOL BA SU YANG MED DO, ,NYES PA DE SPANG BAR 'DOD NAS KHA CIG RGYU DUS NA YOD PA SKYE'AM MED BA SKYE ZHES BRTAG PA BYED PA DE DANG 'DRA STE, DE GNYIS SKYE BAR KHAS LEN PA'I RANG SDE SU YANG MED DO, ,NGES NA YOD PA'I MYU GU SKYE'AM MED BA'I MYU GU SKYE ZHES DPYOD NA, SPYIR YOD PA'I MYU GU SKYE LA SA BON GYI DUS NA MED PA'I MYU GU SKYE'O, ZHES RANG SDE DNGOS SMRA BA DANG DBU MA PA GNYI GA KHAS LEN PA KHYAD PAR MED PA YIN KYANG, MYU GU BDEN PAR GRUB NA DE MI 'THAD DE, MYU GU DE BDEN PAR YOD NA DUS THAMS CAD DU YOD DGOS PAS RANG GI RGYU DUS NA'ANG YOD DGOS PA'I PHYIR RGYUS SKYED MI DGOS PAR 'GYUR RO, , GAL TE RGYU DUS NA MED PAR BDEN NA DUS THAMS CAD DU MED DGOS PAS NAM MKHA'I PADMO BZHIN DU RGYUS SKYED MI NUS PA'I SKYON DU 'GYUR RO, ,DE'I PHYIR BDEN PA'I SKYE BA MED DO, ZHES BSHAD PAR BYA'O, ,RTEN 'BREL GYI RIGS PA NI THAL 'GYUR BA'I SKABS SU BSHAD PAR BYA'O, ,THAL RANG GRUB MTHA'I RNAM DBYA GANG LA YANG; ;DMUS LONG DU MAS GLANG CHEN BRTAGS PA DANG, ,MTSUNGS KYANG DA DUNG DBU MAR KHAS 'CHE BA, ,PHYUGS KYI BLO LDAN MKHAS PA'I GZUGS BRNYAN MTSAR, ,BAR SKABS KYI TSIGS SU BCAD PA'O, ,GNYIS PA THAL 'GYUR BA'I DGAG BYA'I TSAD BSHAD BA NI, THAL 'GYUR BA'I LUGS LA CHOS THAMS CAD RTOG PAS

, ,BTAGS PA TZAM DU JI LTAR 'JOG PA'I TSUL SHES NA RTOG PAS BTAGS PA TZAM MA YIN PA'I YOD LUGS SU 'DZIN TSUL SHES PAR 'GYUR LA, DES JI LTAR GZUNG BA LTAR DU GRUB PA'I RTAGS KYI DGAG BYA'I TSAD MTHAR THUG PA YIN PAS THOG PAR CHOS RNAMS RTOG PA'I DBANG GIS 'JOG TSUL BSHAD PAR BYA'O; ;DE YANG BZHI BRGYA PA LAS, RTOG PA MED PAR 'DOD CHAGS LA, ,SOGS LA YOD NYID YOD MIN NA, ,YANG DAG DON DANG RTOG PA ZHES, ,BLO DANG LDAN PA SU ZHIG 'DZIN, ZHES PA'I 'GREL PA LAS, RTOG PA YOD PA KHO NAS YOD PA NYID DANG, RTOG PA MED PAR YOD PA NYID MED PA DE DAG NI, GOR MA CHAG PAR THAG PA BSNGOGS PA LA BTAGS PA'I SBRUL LTAR RANG GI NGO BOS MA GRUB PAR NGES SO, ZHES GSUNGS TE, CHAGS SOGS NI MTSON PA TZAM YIN PAS, CHOS THAMS CAD RTOG PAS BTAGS PA TZAM DU 'CHAD PA DGONGS PA YIN LA, DE YANG KHRA BO'I KHA DOG DANG 'KHYIL LUGS SBRUL DANG 'AD ZHING YUL MI GSAL BA NA GNAS PA'I TSE THAG BA LA 'DI SBRUL LO SNYAM PA'I RTOG BSKYE'O, ,DE'I TSE THAG PA'I KHA DOG DANG DBYIBS DANG THAG PA'I CHA SHAS DANG TSOGS PA GANG YANG SBRUL GYI MCHAN GZHIR GZUNG RGYU CUNG ZAD KYANG MED PAS THAG PA LA SBRUL RTOG PAS BTAGS PA 'BA' ZHIG YIN NO, ,DE BZHIN DU PHUNG PO LA BRTEN NAS NGA'O SNYAM PA'I BLO SKYE BA NA PHUNG PO'I SKAD CIG SNGA PHYI'I RGYUN GYI TSOGS PA DANG SKAD CIG SNGA PHYI DUS GCIG TU TSOGS PA DANG SKAD CIG RE RE BA DANG YAN LAG GI CHA SHAS DANG PHUNG PO'I DBYIBS SOGS GANG YANG NGA'I MTSAN GZHIR 'JOG PA LA RIGS PAS GNOD BA 'BAB TSUL 'OG TU 'CHAD PAR 'GYUR RO, ,PHUNG PO'I CHA DANG CHA CAN GANG LAS KYANG NGO BO THA DAD PA'I NGA'I MTSAN GZHI YANG MED PAS, MA BRTAGS PA NANG ZHES PA'I THA SNYAD BYED PA 'DI LA, NGA ZHES PA'I THA SNYAD 'JUG PA'I GZHI DE GANG ZHIG YIN BRTAGS NA CUNG ZAD KYANG MI RNYED PAS, DE'I PHYIR NGA ZHES PA NI RTOG PAS BTAGS PA TZAM DU ZAD DO, ,DON 'DI NI DBU MA RIN CHEN PHRENG BA LAS, SKYES BUS MIN CHU MA YIN, ,ME MIN RLUNG MIN NAM MKHA' MIN, ,RNAM SHES MA YIN KUN MIN NA, ,DE LAS GZHAN SKYES BU GANG, ZHES GSUNGS PAS KYANG BSTAN TE, DE LA SKYES BU NI GANG ZAG DANG NGA'O, ,SA MIN NAS RNAM SHES MIN GYI BAR GYIS SEMS CAN GYI KHAMS DRUG GI CHA SHAS DANG, KUN

MIN CES PAS KHAMS DRUG GI TSOGS PA GANG ZAG TU 'JOG PA BKAG CING, RKANG PA THA MAS KHAMS DRUG LAS NGO BO THA DAD PA GANG ZAG TU 'JOG PA BKAG GO ,GANG ZAG RTOG PAS BZHAG LUGS DE LTAR SHES NA CHOS GZHAN THAMS CAD KYANG RTOG PAS BZHAG LUGS DE DANG 'DRA STE, TING NGE 'DZIN RGYAL PO LAS, JI LTAR KHYOD KYIS BDAG GI 'DU SHES NI, SHES PA DE LTAR KUN LA BLOS SBYAR BYA, ZHES DANG, 'PHAGS BSDUD PA LAS KYANG, BDAG CI 'DRA BA DE 'DRAR SEMS CAN THAMS CAD SHES, ,SEMS CAN THAMS CAD CI 'DRA DE 'DRAR CHOS KUN SHES, ,SKYE BA MED DANG SKYE BA GNYI GAR MI RTOG PA, ,'DI NI SHES RAB PHA ROL PHYIN MCHOG SPYOD PA YIN, ZHES GSUNGS SO, ,NGA CES PA'I THA SNYAD BTAGS PA'I DON DE JI 'DRA ZHIG TU GRUB BTZAL NA NGA'I MTSAN GZHI MI RNYED PA LTAR BUM PA DANG KA BA SOGS KYI THA SNYAD BTAGS PA'I DON DE JI 'DRA ZHIG TU GRUB DPYAD NA'ANG BUM PA'I CHA SHAS RE RE BA DANG TSOGS PA SOGS GANG YANG BUM PA'I MTSAN GZHIR MI RNYED PAR KUN NAS MTSUNGS SO, ,'ON CHOS NYID KYANG RTOG PAS BTAGS PA TZAM DU SMRA'AM ZHE NA, SHIN TU'ANG 'DOD DE, CHOS NYID DON DAM PAR GRUB CING CHOS CAN DON DAM PAR MA GRUB NA CHOS CAN KUN RDZOB RNAMS RTOG PAS BTAGS PA TZAM YIN LA CHOS NYID DE LTA MA YIN NO ZHES SMRA RU 'DU CHU GA NA'ANG, CHOS CAN DANG CHOS NYID LA BDEN PAR GRUB MA GRUB KYI KHYAD PAR CUNG ZAD KYANG MED PA'I PHYIR RO, ,JI LTAR MED CE NA, BUM PA LTA BU CIG GCIG DU BRAL GYI RTAGS KYIS BDEN MED DU SGRUB PA'I RIGS PA DE CHOS NYID DANG RNAM MKHYEN SOGS THAMS CAD KYI STENG DU TSUL GSUM TSAD MAS 'GRUB MI 'GRUB KUN NAS MTSUNGS PA'I PHYIR TE, BUM PA CHA BCAS SU SGRUB PA DANG CHOS NYID CHA BCAS SU SGRUB PA LA 'GRUB DKA' SLA CI'ANG MED PAR GONG DU BSHAD ZIN PA'I PHYIR RO, ,DE BZHIN DU RTEN 'BREL GYI RTAGS KYIS BDEN MED DU SGRUB PA SOGS PHAL CHE BA KHYAD PAR CI'ANG MED DO, ,GZHAN YANG CHOS NYID KUN RDZOB KYI CHOS NYID YIN PA BDEN PAR GRUB PAR THAL, CHOS NYID BDEN PAR GRUB PA'I PHYIR, 'DOD NA CHOS NYID DANG KUN RDZOB CHOS CAN, DUS THAMS CAD DU RTEN DANG BRTEN PA YIN PAR THAL, BDEN PAR GRUB PA'I RTEN DANG BRTEN PA YIN PA'I PHYIR, RTAGS KHAS, KHYAB STE, BDEN PAR YOD NA DUS THAMS CAD DU YOD DGOS PA'I PHYIR, DER THAL, RES 'GA' YOD RES 'GA' MED NA GLO BUR

, ,BA YIN DGOS, GLO BUR BA YIN NA GNAS LUGS YIN PAR 'GAL BA'I PHYIR, 'DOD NA DON DAM DPYOD PA'I RIGS PAS DPYAD PA'I TSE NA'ANG RTEN DANG BRTEN PA YIN PAR THAL, DUS THAMS CAD DU RTEN DANG BRTEN PA YIN PA'I PHYIR, 'DED NA KUN RDZOB CHOS CAN, KHYOD DON DAM PAR GRUB PAR THAL, KHYOD DON DAM PAR CHOS NYID DANG RTEN DANG BRTEN PA YIN PA'I PHYIR, TSUL 'DI NI RTZA SHE LAS, BYA BA RKYEN DANG LDAN PA MED, CES SOGS DANG, 'JUG PA LAS, SKYE BA 'DI NI BYED PO MED PAR RIGS PA'I NGO BO'ANG MIN, ZHES BYA BA LA SOGS PAS BSTAN PA'I RIGS PA YIN NO, ,GZHAN YANG CHOS NYID CHOS CAN, DON DAM PAR KHYOD 'JAL BA'I TSAD MA YOD PAR THAL, DON DAM PAR KHYOD YOD PA'I PHYIR, MA KHYAB NA TSAD MAS MA GRUB KYANG YOD PAR 'DOD PA MKHAS PA'I BZHAD GAD KYI GNAS YIN NO, ,'DOD NA DON DAM PAR DNGOS PO MA GRUB PA DANG DON DAM PAR KUN RDZOB MA GRUB PA SOGS SU SMRAS PA THAMS CAD NYAMS SO, ,GAL TE DEN DAM PAR 'DUS BYAS KYI SHES PA MED KYANG 'DUS MA BYAS KYI SHES PA YOD PAS 'DUS MA BYAS KYI TSAD MAS DON DAM PAR CHOS NYID 'JAL LE ZHE NA, 'DUS MA BYAS KYI TSAD MA CES PA CHOS NYID MNGON SUM DU RTOGS PA'I 'PHAGS PA'I MNYAM GZHAG YE SHES LA 'DOD DAM CHOS NYID RANG LA 'DOD, SKABS STOBS KYIS DE GNYIS LAS 'OS GZHAN MED DO, ,DANG PO LTAR NA LAM BDEN 'DUS MA BYAS SU THAL BAS MDO RGYUD DGONGS 'GREL DANG BCAS PA THAMS CAD LA YONGS SU GRAGS PA'I BRDA TZAM LA'ANG BLO KHA MA PHYOGS PA GSAL BAR BYAS SO, ,GNYIS PA LTAR NA CHOS NYID GCIG CHAD MA YIN NA KUN TSAD MA YIN PAR MCHUNGS PA'I PHYIR, CHOS NYID YIN NA RANG NYID RANG GI 'JAL BYED TSAD MA YIN PAS KHYAB PAR THAL LO, ,'DOD NA SEMS CAN YIN NA RDZOGS PA'I SANGS RGYAS YIN PAS KHYAB PAR THAL, SEMS CAN YIN NA DUS THAMS CAD DU RANG RGYUD KYI TSAD MAS CHOS NYID MNGON SUM DU RTOGS PAS KHYAB BA'I PHYIR, CHOS NYID YIN NA NGO BO NYID SKU YIN PAS KHYAB, NGO BO NYID SKU YIN NA CHOS NYID MNGON SUM DU RTOGS PA'I 'DUS MA BYAS KYI TSAD MA YIN PAS KHYAB CES SMRA BA THAMS CAD RIGS PA 'DIS DBUGS KYI RGYU BA BRAL BAR BYED DO, ,CI STE SEMS CAN GYI RGYUD KYIS MA BSDUS PAS SKYON MED DO CE NA, 'O NA NGO BO NYID SKU SANGS RGYAS KYI THUGS RGYUD

KYIS MA BSDUS PAR THAL, SEMS CAN GYI SEMS KYI CHOS NYID SEMS CAN GYI RGYUD KYIS MA BSDUS PA'I PHYIR, 'DOD NA RDZOGS PA'I SANGS RGYAS KYI RGYUD LA SPANGS PA MTHAR THUG MI SRID PAR THAL LO, ,GZHAN YANG RGYUD KYIS MA BSDUS PA'I RGYU MTSAN CI ZHIG YOD, SEMS CAN GYI RGYUD KYIS MA BSDUS TE, SANGS RGYAS YIN PA'I PHYIR ZER RAM, 'DUS MA BYAS YIN PA'I PHYIR ZER, DANG PO LTAR NA SEMS CAN GYI SEMS KYI CHOS NYID NGO BO NYID SKUR 'GRUB PA SEMS CAN GYI RGYUD KYIS MA BSDUS PAR 'GRUB PA LA RAG LAS, DE 'GRUB PA NGO BO NYID SKUR GRUB PA LA RAG LAS PAS RTOGS PA PHAN TSUN BRTEN TO, ,GNYIS PA LTAR NA BYANG SEMS MTHONG LAM PA'I RGYUD KYI SPANGS PA MI SRID PAR THAL ZHING, GZHAN YANG, NGO BO NYID SKU CHOS CAN, LAM SGOM STOBS KYIS GSAR DU SGRUB MI DGOS PAR THAL, GDOD MA NAS GRUB PA'I PHYIR, MA GRUB NA BDEN PAR GRUB PA BUD, 'DOD NA LAM SGOM PA'I 'BAD RTZOL BYED PA DON MED PAR THAL LO, ,GZHAN YANG CHOS NYID CHA BCAS YIN NA BDEN PAR GRUB PA NYAMS SO, ,CHA MED YIN NA STONG NYID NYI SHUR YANG DBYER MI RUNG BAR THAL LO, ,DE DAG CHOS CAN KUN RDZOB LA NYI SHUR YOD PA'I LDOG PAS PHYE BA YIN LA CHOS NYID KYI NGO BO LA DBYE BA MED PAR 'DOD PA YIN PAS SKYON MED DO CE NA, DON DAM PA STONG PA NYID DANG RANG BZHIN STONG PA NYID DANG STONG PA NYID STONG PA NYID LA SOGS PA RNAMS STONG GZHI CHOS CAN KUN RDZOB PA'I DBANG GIS PHYE BA JI LTAR YIN SMROS SHIG ,GZHAN YANG DON DAM PAR DNGOS MED TZAM GRUB BAM MA GRUB, GRUB NA DAN DAM PAR KUN RDZOB TZAM KHEGS PA NYAMS SE, ,GNYIS PA LTAR NA DON DAM PAR CHOS CAN, CHOS NYID KHEGS PAR THAL, DNGES MED CAM KHEGS PA'I PHYIR, RTAGS BSAL DNGOS, MA KHYAB NA KHYAB BYED BKAG KYANG KHYAB BYA MI KHEGS PAR THAL LO, ,DE LTAR CHOS NYID BDEN PAR GRUB PA LA GNOD BYED GTUGS PA MED PAR BRJOD PAR BYA BA YOD MOD KYI YI GE MANGS PAR 'GYUR BAS DE TZAM LAS MA SPROS SO, ,DE LTAR CHOS GANG YANG RUNG BA BUM PA LTA BU GCIG GI STENG DU BDEN MED RIGS PAS GRUB NA RIGS PA DES KUN RDZOB DANG DON DAM GYI CHOS THAMS CAD KYI STENG DU BDEN MED 'GRUB PAR 'GYUR BA LA DGONGS NAS JI SKAD DU, DNGOS PO GCIG GI LTA PO GANG, ,DE NI KUN GYI LTA POR BRJOD, ,GCIG GI STONG NYID GANG YIN PA, ,DE NI KUN GYI STONG PA NYID, CES

, ,DANG; 'PHAGS PA NAM MKHA' MDZOD KYI TING NGE 'DZIN GYI MDO LAS KYANG, CHOS GCIG GIS NI CHOS RNAMS THAMS CAD SGYU MA DANG, ,SMIG RGYU DANG 'DRA GZUNG BYAR MED CING GSOG DANG NI, ,BRDZUN ZHING THEG ZUR MIN PAR RJES SU RTOGS GYUR PA, ,DE NI RING POR MI THOGS BYANG CHUB SNYING POR 'GRO ,CES DANG, TING NGE 'DZIN RGYAL PO LAS, JI LTAR KHYOD KYIS BDAG GI 'DU SHES NA, ,SHAS PA DE LTAR KUN LA BLOS SBYAR BYA, ,CHOS RNAMS THAMS CAD DE YI NGO BO NYID, ,RNAM PAR DAG PA NAM MKHA' LTA BU YIN, ,GCIG GIS KYANG NI THAMS CAD SHES, ,GCIG GIS KYANG NI THAMS CAD MTHONG, ,JI SNYED MANG PO BSHAD BYAS KYANG, ,DE LA DREGS PA SKYE BA MED, CAS DANG, DNGOS GCIG DANGS PO KUN GYI NGO BO NYID, ,DNGOS KUN DNGOS PO GCIG GI NGO BO NYID, ,GANG GIS DNGOS GCIG DE BZHIN NYID MTHONG BA, ,DE YIS DNGOS KUN DE BZHIN NYID DU MTHONG, CES GSUNGS SO, ,DE'I PHYIR CHOS NYID KYANG BDEN PAR MED PA LA DGONGS NAS MDO LAS, RAB 'BYOR GYIS SMRAS PA, LHA'I BU DAG MYA NGAN LAS 'DAS PA YANG SGYU MA LTA BU RMI LAM LTA BUR SMRA NA CHOS GZHAN LTA CI SMOS, LHA'I BU DAG GIS SMRAS PA, 'PHAGS PA RAB 'BYOR MYA NGAN LAS 'DAS PA YANG SGYU MA LTA BU RMI LAM LTA BU'O ZHES SMRA'AM, RAB 'BYOR GYIS SMRAS PA, LHA'I BU DAG KHO BO NI GAL TE MYA NGAN LAS 'DAS PA BAS CHOS KHYAD PAR DU 'PHAGS PA'I CHOS 'GA' ZHIG YOD NA YANG, DE YANG BDAG SGYU MA LTA BU RMI LAM LTA BU'O ZHES SMRA'O, ZHES GSUNGS LA, 'PHAGS PA KLU SGRUB KYIS KYANG, 'DUS BYAS RAB TU MA GRUB PAS, ,'DUS MA BYAS NI JI LTAR 'GRUB, CES 'DUS BYAS BDEN GRUB MI SRID NA 'DUS MA BYAS BDEN GRUB SRID PA'I GO SKABS MED PAR GSUNGS SHING DA LTA SKYES BU'I DGOS PA SGRUB PA LA PHAN PA NYE BAR SBYOR BA'I DNGOS PO THAMS CAD YOD PA GO CHOD DU GRUB PA CUNG ZAD KYANG MED PAR KHAS BLANGS NAS SKYES BU'I DGOS PA SGRUB PA LA PHAN GNOD CI'ANG MI BYED PA'I 'DUS MA BYAS SHIG BDEN GRUB TU NAN GYIS SGRUB PAR BYED PA NI DBANG PO CHES SHIN TU RDUL PO RIGS PA DANG MI RIGS PA'I RNAM DBYE LA LUG LTAR LKUGS PAR GYUR KYANG CHOS NYID BDEN PAR GRUB BYAS NA BZANG BZANG 'DRA BA CIG DANG, BDEN PAR MA GRUB PAR SMRAS NA DAN DAN 'DRA BA CIG TU 'GRO BAR GO BA'I 'JIG RTEN BLUN PO'I RJES SU 'JUG PA, THOG MA MED PA'I BDEN 'DZIN GOMS PA'I

BAG CHAGS KYI SRAD BU SHIN TU DAM POS RANG GI RGYUD YONGS SU BCINGS PAR GYUR BA, MA NING GZUGS BZANG MI BZANG ZHES RTOG PAR BYED PA'I 'DOD LDAN DANG MTSUNGS PA DAG GI LUGS NGAN YIN GYI, RGYA GAR 'PHAGS PA'I YUL DU DNGOS PO THAMS CAD BDEN MED DU KHAS BLANGS NAS DNGOS MED KYI NANG TSAN ZHIG BDEN GRUB TU KHAS LEN PA'I PHYI NANG GI GRUB MTHA' SMRA BA SU YANG MA BYUNG ZHING DE'I PHYIR 'DI NI KUN TU MU STEGS KYI 'DOD PA LAS KYANG THA CHAD PA YIN NO, ,DE LTAR NA CHOS NYID BDEN PAR MED PA'I PHYIR RTOG PAS BTAGS PA TZAM DU NGES PAR 'DOD PAR RIGS TE 'DI LTAR, CHOS NYID CES PA'I THA SNYAD TZAM ZHIG GNOD MED DU YOD LA CHOS NYID CAS PA'I THA SNYAD 'DI SBYOR BA PO MED PAR RANG 'KHRUNGS SU BYUNG BA YANG MA YIN LA, RTOG MED SHES PAS BRDA SBYAR BA YANG MA YIN PA'I PHYIR 'DI NI RTOG PAS BRDA SBYAR BA TZAM DU GRUB BO, ,CHOS NYID CES PA'I THA SNYAD RTOG PAS BRDA SBYAR BA 'DI TZAM GYI RJES SU 'BRANGS NAS RIGS PAS MA DPYAD PAR ZHUGS NA CHOS NYID BZHAG PAR NUS KYI CHOS NYID CES PA'I THA SNYAD RTOG PAS BTAGS PA 'DI TZAM GYIS MTSIM PAR THA SNYAD DE GANG LA 'JUG PA'I GZHI JI 'DRA ZHIG TU GRUB PA RIGS PAS BTZAL NA CUNG ZAD KYANG MI RNYED PAS, DE LTAR BTZAL NA CHOS NYID KYANG BZHAG PAR MI NUS PA'I PHYIR CHOS NYID 'JOG PA NI CHOS NYID CES PA'I THA SNYAD RTOG PAS BTAGS PA DE TZAM GYI RJES SU RIGS PAS MA DPYAD PAR 'JUG PA LA RAG LAS PAS CHOS NYID KYANG RTOG PAS BTAGS PA TZAM MO ZHES BYA BAR GRUB BO, ,DE LTAR CHOS THAMS CAD RTOG PAS BTAGS PA TZAM YIN PAS CHOS THAMS CAD MING TZAM ZHES GSUNGS TE, MING TZAM ZHES BYA BA'I DON NI, GANG ZAG DANG CHOS KYI THA SNYAD SNA TSOGS PA ZHIG DMIGS PA 'DI LA, BUM PA CES SOGS DANG LHAS BYIN CES SOGS KYI MING BTAGS PA 'DI TZAM LA BRTEN NAS BLANG DOR LA ZHUGS PAS KUN RDZOB TU MI BSLU BA YIN GYI, MING DE DAG GANG LA BTAGS PA'I DON BTZAL NAS 'JUG DGOS NA BLANG DOR GYI RNAM GZHAG THAMS CAD RGYUN 'CHAD PAR 'GYUR TE, DPER NA LHAS BYIN DANG 'PHRAD PAR 'DOD PA ZHIG GIS KHANG PA GANG NA BYA ROG SGRA SGROGS PA 'DI NA LHAS BYIN YOD DO CES PA'I MING TZAM GYI RJES SU 'BRANGS NAS KHANG PA DE'I NANG DU ZHUGS NA LHAS BYIN DANG PHRAD PAR NUS KYI, 'DI'I NANG NAS YOD PA'I LHAS BYIN ZHES BYA BA'I MING

, ,DE GANG LA 'JUG PA'I GZHI KHO RANG GI PHUNG PO RNAMS DANG RDZAS GCIG THA DAD JI LTA BU ZHIG YOD CES SOGS SU BRTAGS PA NA 'DI 'DRA ZHIG TU YOD CES RNYED NAS DE DANG 'PHRAD DGOS NA LHAS BYIN DANG 'PHRAD PA MI SRID PAR 'GYUR TE, DE LTAR BTZAL NA GANG DU'ANG MI RNYED PA'I PHYIR RO, ,BUM PAR CHU 'ON CIG CES SOGS LA'ANG DE LTAR SHES PAR BYA STE, DE LTAR NA CHOS GANG LA'ANG BUM PA CES SOGS KYI MING CAM ZHIG BLOS SBYAR BA'I RJES SU 'BRANGS NAS MA DPYAD PAR 'JUG PA MA GTOGS DPYAD NA MING DE GANG LA 'JUG PA'I GZHI CI'ANG MI RNYED PAS DE'I PHYIR CHOS THAMS CAD MING TZAM ZHES BYA'O, ,THAL 'GYUR BAS KUN RDZOB RNAM PAR 'JOG PA 'JIG RTEN DANG BSTUN NAS 'JOG GO ZHES BYA BA'I DON YANG SO SKYE DANG 'PHAGS PA SLOB PA THAMS CAD LA YOD PA'I 'JIG RTEN GYI BLO LHAN SKYES MING TZAM GYI RJES SU 'BRANGS NAS MA DPYAD PAR BLANG DOR LA 'JUG PA 'DI BZHIN DU DBUM THAL 'GYUR BA YANG MING TZAM GYI RJES SU 'BRANGS NAS MA DPYAD PAR KUN RDZOB RNAM PAR 'JOG PA LA BYA'I, GRUB MTHA' LA BLO KHAM PHYOGS PA'I 'JIG RTEN BLUN PO DAG YOD PAR SMRA NA NGED KYANG YOD PAR SMRA LA, DE DAG MED PAR SMRA NA NGED KYANG MED PAR SMRA'O ZHES BYA BA 'JIG RTEN DANG SGO BSTUN NAS 'JOG PA'I DON DU BZUNG NA CHES RNAM PAR 'KHYAMS PAR 'GYUR RO, ,DE 'DRA BA'I RTOG PAS BZHAG PA DANG MING TZAM GYIS BZHAG PA LA LAS 'BRAS DANG 'KHOR 'DAS KYI RNAM GZHAG THAMS CAD 'THAD LDAN DU 'JOG PA MI 'GAL BAR SHES PA NI DBU MA THAL 'GYUR BA'I THUN MONG MA YIN PA'I KHYAD CHOS DANG LTA BA'I GNAD MTHAR THUG PA YIN PAS 'DI NYID BLO YUL DU 'GAL MED DU 'JOG SHES PA LA 'BAD PAR BYA ZHING, DE LTAR CHOS THAMS CAD RTOG PAS BTAGS TSUL THAG PA LA SPRUL DU BTAGS BA DANG MTSUNGS KYANG BTAGS PA LTAR THA SNYAD DU GRUB MA GRUB GTAN MI MTSUNGS TE, RTOG PAS BTAGS PA LTAR KHAS BLANGS PA LA, THA SNYAD PA'I TSAD MAS GNOD MI GNOD KYI KHYAD PAR YOD PA'I PHYIR RO, ,SA LAM DANG 'BRAS BU'I SKABS KYI THA SNYAD 'JIG RTEN LA MA GRAGS PA DAG KYANG DANG POR 'JIG RTEN THA MAL PA'I RTOG PAS BRDA SBYAR BA MA YIN KYANG, SANGS RGYAS KYIS 'JIG RTEN 'KHRUL PA'I GNYIS SNANG DANG BCAS PA'I RTOG PAS BRDA JI LTAR SBYOR BA DANG CHOS

MTSUNGS PAR 'JIG RTEN GZHUG PA'I PHYIR DU BA BDZAD NAS, DE'I RJES SU RJES 'JUG GI GDUL BYA RNAMS KYIS SA LAM SOGS KYI MING CAM GYI RJES SU 'BRANG BA'I RTOG PAS MA DPYAD PAR BLANG DOR GYI THA SNYAD LA 'JUG PA YIN ZHING, MING BTAGS PA'I DON BTZAL NA MI RNYED PA SA LAM SOGS LA'ANG MTSUNGS PAS MING CAM GYIS MA BZHAG PA'I SKYON MED LA, SA LAM SOGS BRDA SBYOR BA PO SANGS RGYAS KYI THUGS RGYUD LA RTOG PA MED KYANG SANGS RGYAS KYI SA LAM SOGS KYI BRDA MDZAD PA DE GDUL BYA'I RTOG NGO LA LTOS PA'I DBANG GIS MDZAD PA YIN PAS RTOG PA'I DBANG GIS MA BZHAG PA'I NYES PA MED DO, ,DE LTAR CHOS THAMS CAD RTOG PAS BTAGS PA TZAM DANG MI MING TZAM GYIS BZHAG PA YIN PAR NGES DON GYI GSUNG RAB DGONGS 'GREL DANG BCAS PA LAS DU MA ZHIG GSUNGS TE, JI SKAD DU NYE BA 'KHOR GYIS ZHUS PA'I MDO LAS, SEMS DMYAL 'JIGS PAR YIS BSTAN BYAS TE, ,SEMS CAN STONG PHRAG DU MA SKYO BYAS KYANG, GANG DAG SHI 'BOS NGAN SONG DRAG 'GRO BA'I, ,'GRO BA DE DAG NAM YANG YOD MA YIN, ,GANG DAG RAL GRI MNGA' CHEN MTSON 'BYIN PA'I, ,GNOD PA BYED PA YOD PA MA YIN TE, ,RTOG PA'I DBANG GIS NGAN SONG DE DAG NA, ,LUS LA 'BAB MTHONG DE NA MTSON CHA MED, ,SNA TSOGS YID DGA' ME TOG KHA BYA ZHING GSER GYI KHANG MCHOG 'BAR BA YID 'ONG GA, 'DI NA DE LA'ANG BYED PO 'GA' MED DE, ,DE DAG RTOG PA'I DBANG GIS BZHAG PA YIN, ,RTOG PA'I DBANG GIS 'JIG RTEN RNAM BTAGS TE, ,'DU SHES 'DZIN PAS BYIS PA RNAM PAR PHYE, ,'DZIN DANG 'DZIN MED DE YANG 'BYUNG BA MIN, ,YONGS SU RTOG PA RMI LAM SGYU MA BZHIN, CES DANG, YANG MDO LAS, GANG DAG 'DOD CHAGS ZHE SDANG RGYAGS DANG GTI MUG GI ,NGO BO KUN RTOG GIS BSKYED LOG PAR ZHUGS SHES NAS, ,RNAM PAR RTOG PAR MI BYED CHAGS BRAL MI 'GYUR BA'I, ,SGOM PA DE DAG GNAS NI DNGOS PO THAMS CAD YIN, CES DANG, YANG MDO LAS, CHOS 'DI SNGA NAS BDAG MED SEMS CAN MED, ,DE DAG RAB TU STON KYANG ZAD MI 'GYUR, ,BTAGS PA TZAM DU BRTAGS NAS BRJOD PA YIN, ZHES DANG, GANG DAG ZHI ZHING RAB ZHI'I CHOS SEMS PA'I, ,BYIS PA DE DAG LAM NGAN ZHUGS PA YIN, ,CHOS RNAMS STONG PA YI GES BRJOD PA YIN, ,DE DAG YI GE MED PAR YI GES BSTAN,

, ,GANG DAG ZHI ZHING RAB ZHI'I CHOS SEMS PA'I, ,SEMS DPA' DE YANG NAM YANG 'BYUNG MA YIN, ,SPROS KUN SEMS KYI RNAM PAR RTOG BA STE, ,DE PHYIR CHOS RNAMS BSAM PAR SHES PAR GYIS, ZHES DANG, MDO TING NGE 'DZIN RGYAL PO LAS, MYA NGAN 'DAS PA ZAB BAR YANG, ,SGRA YIS RAB TU BSTAN PA LTAR, ,MYA NGAN 'DAS PA MI RNYED DE, ,DE YI SGRA YANG MI RNYED DO, ,SGRA DANG MYA NGAN 'DAS PA NI, ,GNYI GA'ANG RNYED BAR MI 'GYUR TE, ,DE BZHIN STONG PA'I CHOS RNAMS LA, ,MYA NGAN 'DAS PA RAB TU BSTAN, CES DANG, YAB SRAS MJAL BA LAS, DRI ZA'I GRONG KHYER JI LTAR SNANG GYUR KYANG, ,GRONG KHYER PHYOGS BCUR YOD MIN GZHAN NA'ANG MED, ,GRONG KHYER MING TZAM ZHIG GIS RAB TU BZHAG, DE BZHIN BDE BAR GSHEGS PAS 'GRO 'DI GZIGS, ZHES DANG, SHES RAB KYI PHA ROL TU PHYIN PA'I MDO LAS, 'DI LTAR 'DI LTA STE, BYANG CHUB SEMS DPA' ZHES BYA BA 'DI NI MING TZAM MO, ,'DI LTA STE SHES RAB KYI PHA ROL TU PHYIN PA ZHES BYA BA 'DI NI MING TZAM MO, ,'DI LTA STE GZUGS DANG TSOR BA DANG 'DU SHES DANG 'DU BYED RNAMS DANG RNAM BAR SHES PA ZHES BYA BA 'DI NI MING TZAM MO, ,'DI LTA STE GZUGS NI SGYU MA LTA BU'O, ,TSOR BA DANG 'DU SHES DANG 'DU BYED RNAMS DANG RNAM PAR SHES PA NI SGYU MA LTA BU'O, ,SGYU MA YANG MING TZAM STE YUL NA GNAS PA MA YIN; PHYOGS NA GNAS PA MA YIN NO, CES BA NAS, DE CI'I PHYIR ZHE NA, 'DI LTAR MING NI CHOS SO SO LA BCOS MA YIN ZHING DE DAG BTAGS PA YIN TE, MING GLO BUR LAS THA SNYAD BYED PA YIN NO, ,MING DE DAG THAMS CAD NI THA SNYAD DU BYED PA YIN NO, ,BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA DPYOD PA'I TSE MING YANG DAG PAR RJES SU MI MTHONG NGO, ,YANG DAG PAR RJES SU MA MTHONG BAS NA MNGON PAR MA ZHEN NO, ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE 'DI LTAR YONGS SU RTOG STE, 'DI LTA STE BYANG CHUB SEMS DPA' ZHES BYA BA 'DI NI MING CAM MO, ,'DI LTA STE BYANG CHUB CES BYA BA 'DI NI MING TZAM MO, ,'DI LTA STE SHES RAB KYI PHA ROL TU PHYIN PA ZHES BYA BA 'DI NI MING CAM MO, ,'DI LTA STE GZUGS ZHES BYA BA 'DI NI MING TZAM MO, ,'DI LTA STE TSOR BA DANG 'DU SHES DANG 'DU BYED RNAMS DANG, RNAM PAR SHES

PA ZHES BYA BA 'DI NI MING TZAM MO, ,SH'A RI'I BU 'DI LTA STE DPER NA, BDAG BDAG CES BYA BA 'DI SKAD DU BRJOD MOD KYI BDAG DMIGS SU MED DO, CES SOGS RGYAS PAR GSUNGS LA, RIGS PA DRUG CU PA LAS, 'JIG RTEN MA RIG RKYEN CAN DU, ,GANG PHYIR RDZOGS PA'I SANGS RGYAS GSUNG, ,DE'I PHYIR NA 'JIG RTEN 'DI, ,RNAM RTOG YIN ZHES CIS MI 'THAD, CES GSUNGS PA'I DON 'GREL PAR 'JIG RTEN RNAMS RTOG PAS BTAGS PA TZAM DU BSHAD CING, RIN CHEN PHRENG BA LAS, GZUGS KYI DNGOS PO MING TZAM PHYIR, ,NAM MKHA' YANG NI MING TZAM MO, ,'BYUNG MED GZUGS LTA GA LA YOD, ,DE PHYIR MING TZAM NYID KYANG MED, ,TSOR DPA' DU SHES 'DU BYED DANG, ,RNAM SHES 'BYUNG BA LTA BU DANG, ,BDAG BZHIN DU NI BSAM BYA STE, ,DE PHYIR KHAMS DRUG BDAG MED DO, CES DANG, THA SNYAD GDAGS PA MA GTOGS PAR, ,GANG ZHIG YOD DAM MED 'GYUR BA'I, ,'JIG RTEN DON DU CI ZHIG YOD, CES DON DAM PAR MING YANG MED PA DANG THA SNYAD DU MING GIS BZHAG PA TZAM MA GTOGS PA CI YANG MED PA GSUNGS SO, ,DE LTAR JI SKAD BSHAD PA'I CHOS THAMS CAD MANG DANG RTOG BTZAM GYIS BZHAG PA DE LTA BU MA YIN PA'I YOD PAR 'DZIN PA NI BDEN 'DZIN LHAN SKYES TE, DES JI LTAR GZUNG BA LTAR GRUB NA BDEN PAR GRUB PA DANG, DON DAM PAR SGRUB PA DANG, YANG DAG PAR GRUB PA DANG, RANG BZHIN GYIS GRUB PA DANG, RANG GI NGO BOS GRUB PA DANG, RANG GI MTSAN NYID KYIS GRUB PA DANG, RANG DBANG DU GRUB PA DANG, RDZAS SU GRUB PA ZHES BYA LA, DE DAG SKABS 'DIR BRTAG PA MTHA' BZUNG GI SGO NAS RTAGS KYI DGAG BYA'I TSAD YIN NO, ,BZHI BRGYA PA LAS, 'DI KUN RANG DBANG MED PA STE, ,DES NA BDAG NYID YOD MA YIN, ZHES PA'I 'GREL PAR, 'DI NA GANG RANG GI NGO BO DANG, RANG BZHAN DANG, RANG DBANG DANG, GZHAN LA RAG MA LAS PA YIN PA DE LA NI, ZHES DE DAG RNAM GRANGS PAR GSUNGS TE, GZHAN LA RAG MA LAS PA CES PA NI RGYU RKYEN GZHAN LA RAG MA LAS PA LA MI ZER GYI, SHES PA GZHAN GYI DBANG GIS BZHAG PA MA YIN PAR RANG NGOS NAS YOD PA LA BZHED PA YIN NO, ,DE LA RANG RGYUD PA LTAR NA, DON DAM PAR GRUB PA DANG, BDEN PAR GRUB PA THA SNYAD DU YANG MED PAR 'DOD LA, RANG BZHIN GYIS GRUB PA DANG RANG GI MCHAN NYID KYIS GRUB PA THA SNYAD DU YOD PAR BZHED PAS, RANG GI MTSAN NYID KYIS GRUB PA LA BDEN PAR GRUB

, ,MI DGOS PAR BZHED PA YIN TE, DE'I PHYIR RTAGS KYI DGAG BYA LA PHRA RAGS KYI KHYAD SHIN TU CHE'O, ,BZHI PA DE LA LOG PAR RTOG PA DGAG PA NI, KHA CIG NA RE, DBU MTHAL RANG LA THA SNYAD DU RANG GI MTSAN NYID KYIS GRUB BA KHAS LEN MI LEN GYI KHYAD PAR YOD PA SHIN TU MI RIGS TE, RANG GI MTSAN NYID CES PA 'JOG BYED LA 'DOD DAM BDEN PAR GRUB PA LA 'DOD, DANG PO LTAR NA SLOB DPON ZLA BAS KYANG GZUGS NAS RNAM MKHYEN GYI BAR GYI RANG GI MTSAN NYID GSUNGS LA, GNYIS PA MI 'THAD DE, SLOB DPON SENG GE BZANG POS KYANG, BTAGS PA'I BDAG STONG PA DANG SNOD KYI 'JIG RTEN DANG, ZHES SOGS KYIS THAMS CAD BTAGS BCAM DU GSUNGS SHING, YE SHES SNYING POS RIGS PAS DPYAD BZOD KYI SKYE BA THA SNYAD TZAM DU YANG MED PAR GSUNGS PA'I PHYIR TE, GAL TE RIGS PA'I STOBS KYIS NI, KUN RTOB TU YANG MI SKYE ZER, ,DE BDEN DE YI PHYIR NA 'DI, ,JI LTAR SNANG BZHIN YIN PAR GSUNGS, ZHES PA LTAR RO, ,GAL TE YUL RANG NGOS NAS GRUB PAR BZHED DE, SNANG BA LTAR DON BYED NUS PAR BZHED PA'I PHYIR ZER NA, 'O NA SLOB DPON ZLA BAS KYANG, KA BAR SNANG BA LTAR KA BA'I DON BYED NUS PAR BZHED NA YUL RANG NGOS NAS GRUB PAR BZHED PAR 'GYUR LA, MI BZHED NA KUN RDZOB TU YOD PAS YOD PA'I GO CHOD PA GTING NAS NYAMS SO, ,RANG RGYUD PA DANG DNGOS SMRA BA'ANG KHYAD PAR MED PAR 'GYUR TE, DE LTAR NA DBU MA PAR 'DOD PA'ANG NYAMS SO, ,GAL TE DON DAM DANG KUN RDZOB TU 'DOD PA'I KHYAD PAR YOD DO ZHE NA, MI 'THAD DE MING THA DAD PAR ZAD KYI DNGOS SMRA BA SKYANG DON DAM DU YOD PA'I DON 'DI BAS LHAG BA GZHAN MI 'DOD BA'I PHYIR RO, ,RANG RGYUD PA DNGOS PO RANG GI NGO BOS GRUB PAR 'DOD CING RIGS PAS DPYAD MI BZOD DU 'DOD NA DNGOS SMRA BA LAS DMAN PAR 'GYUR TE, BDEN DNGOS 'DOD PAR 'DRA ZHING 'GAL BA LHAG PO KHAS BLANGS PA'I PHYIR, DES NA THAL RANG GNYI GA RANG GI MTSAN NYID KYIS GRUB PA THA SNYAD DU KHAS LEN MI LEN GYI KHYAD PAR MED LA, RANG BZHIN DANG RANG GI NGO BOS GRUB PA THA SNYAD DU KHAS MI LEN PAR 'DRA BAS RTAGS KYI DGAG BYA LA PHRA RAGS KYI KHYAD PAR CI'ANG MED DO ZHES SMRA'O, ,SHIN TU MI 'THAD DE DBU MA RANG RGYUD BA DNGOS PO RNAMS YUL RANG NGOS NAS GRUB PAR 'DOD KYANG RANG RGYUD BDE TZAM LA BDEN GRUB TU MI 'DOD CING, THAL 'GYUR BA DE LTAR GRUB NA

BDEN GRUB TU 'GRO DGOS BAR 'DOD BAS MI 'DRA LA YUL RANG NGOS NAS GRUB PA LA RANG GI MTSAN NYID KYIS GRUB PAR 'DOD PA GNYIG MTHUN NO ZHES YANG YANG SMRAS BZHIN DU RANG GI MTSAN NYID KYIS GRUB PA'I DON 'JOG BYED LA BYED DAM BDEN GRUB BYED CES 'DRI BA NI RANG NYID SHES PA RANG BZHIN DU MI GNAS BA MTSON BAR BYED BA'O, ,KABS YUL GYI RANG NGOS NAS DON BYED NUS PAR THAL, KA BA YUL GYI RANG NGOS NAS DON BYED PAR SNANG BA GANG ZHIG, KA BAS JI LTAR SNANG BA LTAR DON BYED NUS PA'I PHYIR ZHES PA LA, KA BAS JI LTAR SNANG BA LTAR KA BA'I DON BYED NUS PA'I PHYIR ZHES PA 'DI GNOD BYED KYI THAL 'GYUR DU JI LTAR 'GYUR BA SMROS SHIG, ZLA BA GNYIS SNANG GI DBANG SHES CHOS CAN, ZLA BA GCIG GNYIS SU GRUB PAR THAL, KHYOD MA 'KHRUL BA'I SHES PA GANG ZHIG, KHYOD LA ZLA BA GCIG GNYIS SU SNANG BA'I PHYIR CES PA LA, KHYOD MA 'KHRUL BA'I SHES PAR THAL, KHYOD LA ZLA BA DKAR BOR SNANG BA LTAR DKAR POR GRUB PA'I PHYIR ZHES BA'ANG GNOD BYED YANG DAG TU THAL LO, ,YUL RANG NGOS NAS GRUB PAR 'DOD DNGOS SMRA BA DANG KHYAD BAR MED PAR 'GYUR ZHES PA'ANG BAB CHOL TE, SEMS TZAM BA CHOS CAN, DON SMRA BA DANG KHYAD MED PAR THAL, KA BUM SOGS YUL GOS GNON NUS SU 'DOD BA'I PHYIR, KHYAB BSAL KUN TU MTSUNGS TE, YUL RANG NGOS NAS GRUB PAS BDEN GRUB TU RIGS BAS PHUL NA KHAS LEN DGOS PA DANG KA BUM YUL GO SA GNON NUS SU GRUB NA PHYI ROL DON DU RIGS BAS PHUL NA KHAS LEN DGOS PA MTSUNGS BA'I PHYIR RO, ,DNGOS SMRA BA YANG DON DAM DU YOD PA'I DON YUL RANG NGOS NAS GRUB BA 'DI BAS LHAG BA MI 'DOD BA'I PHYIR CES PA'ANG DNGOS SMRA BA'I GZHUNG LA'ANG 'DRIS BAR MA BYAS NA KHO BO CAG LA ZAB MO'I GZHUNG 'DI DAG GI BRDA TZAM YANG GA LA YOD CES THABS KYIS SMRA BA YIN TE, MDO SDE BA'I LUGS LA, SGRA'I BYAS MI RTAG THA DAD PAR DON DAM DU GRUB PAR THAL, SGRA'I BYAS MI RTAG THA DAD PAR RANG NGOS NAS GRUB PA'I PHYIR; DER THAL, SGRA RANG GI NGO BOS MA BYAS RTAG BA SOGS LOGS THA DAD LAS LOGS PAR GNAS PA'I PHYIR TE, GANG PHYIR DNGOS KUN RANG BZHIN GYIS, ,RANG RANG NGO BO LA GNAS PHYIR, ,MTHUN DNGOS GZHAN GYI DNGOS DAG LAS, ,LDOG PA LA NI BRTEN BA CAN, ,CES SOGS KYI GZHUNG JI LTAR 'CHAD, RANG BZHIN

, ,GYIS CES PA'I NUS BA GANG ZHIG YIN SOMS SHIG, DES NA MDO SDE BA'I LUGS LA RANG NGOS NAS GRUB PA TZAM GYIS RANG GI MTSAN NYID KYIS GRUB PAR MI 'GRO'I, RTOG PAS BZHAG PA LA GTAN MA LTOS BAR RANG NGOS NAS GRUB NA RANG GI MTSAN NYID KYIS GRUB BAR 'GRO BAS SPYI MTSAN DANG SGRA BYAS MI RTAG GI THA DAD SOGS RANG GI MTSAN NYID KYIS MA GRUB BO ZHES SMRA YANG, THAL 'GYUR BA LTAR NA YUL GYI RANG NGOS NAS GRUB BA TZAM GYIS RANG MTSAN GYI DON KHAS BLANG DGOS PAR SONG ZHES RIGS PAS 'PHUL BA YIN NO, ,RTOG PAS BZHAG PA CES PA YANG MING 'DRA YANG 'JOG MTSAMS MI 'DRA STE, THAL 'GYUR BA LTAR NA RTOG BAS MING GI THA SNYAD BYAS PA 'DI DAG GI DON BTZAL NA CI'ANG MI RNYED PAS RTOG PA DANG MING TZAM GYIS BZHAG PAR BZHED LA, MDO SDE BA LTAR NA RTOG BA DON MTHUN GYI NGO LA LTOS NAS BZHAG PA LA RTOG PA'I DBANG GIS BZHAG PA ZHES SMRA ZHING, DON MTHUN CES PA YAB YUL GYI DON STENGS NA GRUB TSUL DANG MTHUN PAR ZHUGS PA LA 'DOD CING DE'I PHYIR RTOG PA DON MTHUN NI DON RANG MTSAN LA BRGYUD NAS 'BREL BZHIG NGES PAR DGOS SO ZHES, DNGOS PO THA DAD RTEN CAN PHYIR, CES DANG, RANG BZHIN DE 'DZIN RNAM RTOG BLO, ,DON MED KYANG DE DON CAN 'DRA, ,DE YI 'BRAS CAN MIN DON LAS, ,THA DAD MTHAR THUG SKYE BA GANG, ZHES SOGS KYIS YANG YANG BSHAD DO, ,DES NA RTOG BA LA BUM PA MA YIN PA LAS LOG BAR SNANG BA DE SGRO BTAGS DANG SPYI MTSAN YIN YANG DE NYID BUM PA'I YUL GYI GNAS TSOD DU SONG BA YANG MI 'GAL BAR 'DOD PAS DBU MA THAL 'GYUR BA LTAR NA YUL RANG GI GNAS TSOD DU GRUB PA DANG SGRO BTAGS YIN PA 'GAL BA STON PA YIN NO, ,TSUL 'DIS SEMS TZAM PA SOGS LA'ANG MTSON NAS SHES PAR BYA'O, ,GZHAN YANG SEMS TZAM PA SHES PA BDEN GRUB TU KHAS LEN CING DE NYID 'JIG PAR YANG SMRA NA, SEMS TZAM PA CHOS CAN, GRANGS NA LAS DMAN PAR THAL, SHES PA RTAG PAR 'DOD PA 'DRA ZHING 'GAL BA LHAG PO KHAS BLANGS PA'I PHYIR ZHES BRJOD NA LAN CI YOD, SHES PA BDEN PAR GRUB NA RTAG PAR RIGS PAS 'PHUL BA YIN GYI, DNGOS SU SEMS TZAM BAS SHES PA RTAG PAR KHAS MA BLANGS SO ZHE NA, KHO BO CAG KYANG DBU MA RANG RGYUD BAS DNGOS PO RNAMS YUL RANG NGOS NAS GRUB PAR KHAS BLANGS LA, DE LTAR NA RIGS PAS DPYAD

BZOD DU KHAS LEN DGOS SO ZHES RIGS PAS 'PHUL NUS PAR SMRA'I DBU MA RANG RGYUD PAS DNGOS BO RIGS PAS DPYAD BZOD DU KHAS BLANGS SO ZHES SU ZHIG SMRA, KHAS BLANGS NANG 'GAL GYI SKYON YANG KHAS BLANGS PA LA 'BYUNG GI MA BLANGS PA LA MI 'BYUNG BAS RANG RGYUD PA LA DAG LA BA LHAG PO'I SKYON MED DO, ,DES NA DNGOS PO RANG NGOS NAS GRUB NA RIGS PAS DPYAD BZOD DU KHAS LEN DGOS PAR RIGS PAS 'PHUL NUS PA YIN GYI, DNGOS PO RANG NGOS NAS GRUB PAR SMRAS PA'I SHUGS KYIS RIGS PAS DPYAD BZOD DU KHAS BLANGS PAR 'GRO BA MA YIN TE, GZHAN DU NA BUM PA DNGOS PO YIN ZHES DAM BCAS PA'I SHUGS KYIS BUM PA BEM POR DAM BCAS PAR THAL, BUM PA DNGOS PO YIN NA BUM PA BEMS PO YIN DGOS PA'I PHYIR RO, ,DES NA KHAS BLANGS PA DANG KHAS LEN DGOS PA GNYIS KYI KHYAD PAR MA PHYED PA'I MUN SPRUL LA RIGS PAR MA BYED CIG, DA NI KHYED NYID LA 'DI 'DRI BAR BYA STE, DE NYID SKABS SU RIG PA GANG ZHIG GIS, CES SOGS KYI RANG 'GREL DU, DE'I PHYIR RANG GI MTSAN NYID KYIS SKYE BA NI BDEN PA GNYIS CHAR DU YANG YOD PA MA YIN NO, ZHES BA DANG, GANG PHYIR 'DI DAG GNYIS CHAR YANG NI SGYU MA DANG 'DRA DE YI PHYIR, ,BDAG LA SKYON DU MI 'GYUR 'JIG RTEN PA YI DNGOS PO RNAMS KYANG YOD, CES PA'I RANG 'GREL LAS, GANG GI LTAR NA RANG GI MTSAN NYID BSKYED PAR BYA BA NYID DANG BSKYED BAR BYED PA NYID YIN PA DE LA RNAM BAR DPYAD PA 'DIR 'GYUR GYI, ZHES SOGS DANG, GANG DAG RANG MTSAN NYID KYIS SO SO, ,DE DAG RGYUD GCIG RTOGS PAR RIGS MA YIN, CES SOGS KYIS THA SNYAD DU RANG MED PAR BSHAD PA'I RANG GI MTSAN NYID CES PA 'DI KHYED LTAR NA GANG LA 'DOD, RANG GI MTSAN NYID KYIS GRUB BA LA 'DOD DAM, 'JOG BYED LA 'DOD DAM, BDEN GRUB LA 'DOD, DANG PO LTAR NA ZLA BA GRAGS PA RANG GI MTSAN NYID KYIS GRUB BA THA SNYAD DU'ANG KHAS MI LEN PAR SONG ZHING RANG RGYUD PA THA SNYAD DU RANG GI MTSAN NYID KYIS BA KHAS LEN PA RGYAS PAR BSGRUBS ZIN PAS DE GNYIS LA DE KHAS LEN MI LEN GYI KHYAD PAR MED PA 'GAL LO, ,GNYIS PA LTAR NA'ANG 'JOG BYED ZLA GRAGS KYANG LEN PAR SMRAS PA DANG 'GAL LO, ,GSUM BA LTAR NA THAL RANG GNYI GA BDEN GRUB KHAS MI LEN CES SMRAS PA SHIN TU 'GAL TE RANG GI MTSAN NYID CES PA BDEN GRUB LA ZER BA'I PHYIR RO, ,GZHAN YANG, GAL TE RANG GI MTSAN NYID RTEN

, ,'BYUNG NA, ,DE LA SKUR PAS DNGOS PO 'JIG PA'I PHYIR, ,STONG NYID DNGOS PO 'JIG PA'I RGYUR 'GYUR NA, ,DE NI RIGS MIN DE PHYIR DNGOS YOD MIN, CES BA DANG, DE'I RANG 'GREL LA LAS, GAL TE GZUGS DANG TSOR BA LA SOGS PA DNGOS PO RNAMS KYI RANG GI MTSAN NYID TE RANG GI NGO BO RGYU DANG RKYEN DAG GIS BSKYED NA NI DE GANG GI TSE NA RNAL 'BYOR BA 'DIS DNGOS PO RNAMS RANG BZHIN GYIS STONG BAR MTHONG ZHING CHOS THAMS CAD RANG BZHIN MED PAR RTOGS PA DE'I TSE NGES BAR JI LTAR SKYES PA'I RANG BZHIN LA SKUR BA BTAB BAS STONG PA NYID RTOGS PAR 'GYUR TE JI LTAR THO BA LA SOGS BDAG BUM PA LA SOGS PA RNAMS KYI 'JIG PA'I RGYU YIN PA DE BZHIN DU STONG PA NYID KYANG DNGOS PO'I RANG BZHIN LA SKUR BA'I RGYUR 'GYUR BZHIG NA DE NI RUNG BA MA YIN TE DE'I PHYIR DNGOS PO RNAMS KYI RANG GI MTSAN NYID NI THAMS CAD KYI TSE SKYE BAR KHAS BLANG BAR MI BYA'O, CES PA RTZA 'GREL GYIS, RNAL 'BYOR BAS CHOS THAMS CAD RANG BZHIN MED PAR RTOGS PA'I YE SHES CHOS CAN, DNGOS PO RNAMS KYI RANG BZHIN LA SKUR BA BTAB PA'I TSUL GYIS STONG PA NYID RTOGS BAR THAL, DNGOS PO RANG GI MTSAN NYID KYIS GRUB, KHYOD KYIS DNGOS PO RANG BZHIN MED PAR RTOGS PA'I PHYIR ZHES PA'I THAL 'GYUR 'DI RGOL BSU LA 'PHANGS PA YIN SMROS SHIG, GAL TE DNGOS SMRA BA LA 'PHANGS PA YIN NA DNGOS SMRA BA SU YANG CHOS THAMS CAD RANG BZHIN MED PAR RTOGS PA'I 'PHAGS PA'I YE SHES KHAS MI LEN PAS PHYIR RGOL LA RTZOD GZHI MA GRUB BA'I NYES PAR 'GYUR RO, ,CHOS CAN PHYI RGOL GYIS NAM GRUB PA NA PHYI RGOL GYIS DBU MA'I LTA BA RTOGS TSAR BAS DNGOS SMRA BA'I DON MED DO; ;DES NA THAL BA 'DI DNGOS BOR NGAG MTSAN NYID KYIS GRUB PAR 'DOD CING DNGOS PO BDEN PA'I RANG BZHIN MED PAR 'PHAGS PA'I YE SHES KYIS RTOGS PAR 'DOD PA'I DBUM PA ZHIG GI DOR 'PHANGS PA YIN LA BSNYON DU MED DO, ,DE'I PHYIR RANG RGYUD PA LAS 'OS MED DE THAL RANG GANG YANG MA YIN PA'I DBUM PA MED BAR RANG CAG GNYI GAS MTHUN PAR SMRAS PA'I PHYIR RO, ,DE'I PHYIR THAL RANG LA DNGOS PO RANG GI MTSAN NYID KYIS GRUB PAR 'DOD MI 'DOD KYI KHYAD PAR YOD PA BDE BLAG TU GRUB BO, ,GZHAN YANG, GANG PHYIR DNGOS PO 'DI DAG RNAMS DPYAD NA, CES PA'I GZHUNG GI PHYOGS SNGA MA RANG 'GREL DU BKOD PA NA, 'DIR

SMRAS BA, DON DAM BAR SKYE BA MED PAS BDAG DANG GZHAN LA SKYE BA DGAG LA RAG MOD, GZUGS DANG TSOR BA LA SOGS PA GANG DAG MNGON SUM DANG RJES SU DPAG PA DAG GIS DMIGS BDE DAG GI RANG BZHIN NI GDON MI ZA BAR GZHAN LAS SKYE BAR 'GYUR RO, ,CI STE DE LTAR MI 'DOD NA NI BDEN PA GNYIS ZHES CI STE BRJOD DE BDEN PA GCIG KHO NAR 'GYUR RO, ,DE'I PHYIR GZHAN LAS SKYE BA YOD PAR 'GYUR BA NYID DO, CES GSUNGS PA 'DI LAS NA DON DAM PAR SKYE BA MED PA DANG KUN RDZOB TU RANG BZHIN GYIS GZHAN LAS SKYE BAR 'DOD PA ZHIG PHYOGS SNGA SMRA BA BO YIN PAR SHIN TU GSAL BAR BSHAD LA, DA YANG RANG RGYUD PA LAS GZHAN MED DE, DNGOS SMRA BA SU YANG DON DAM PAR SKYE BA MED PA KHAS MI LEN PA'I PHYIR RO, ,DE'I PHYIR THAL RANG LA RANG BZHIN GYIS SKYE BA DANG RANG GI NGO BOS SKYE BA DANG GZHAN SKYE RNAMS KHA LEN MI LEN GYI KHYAD PAR YOD BA SHIN TU GSAL BAR NGES SO, ,DBU MA RANG RGYUD PA'I GZHUNG KHA CIG PAS RANG BZHIN MED CES PA DANG, NGO BO MED CES PA MANG RAB BYUNG YANG DE TZAM GYIS THA SNYAD DU'ANG RANG BZHIN GYIS GRUB PA MED PAR 'DOD DO ZHES CUNG ZAD KYANG 'JOG MI NUS TE, THAL 'GYUR BAS CHOS THAMS CAD THA SNYAD DU RANG BZHIN MED DO CES YANG YANG SMRAS KYANG, RANG BZHIN THA SNYAD DU'ANG MED PAR 'DOD PA MIN GYI RANG GI NGO POS GRUB BA'I RANG BZHIN THA SNYAD DU'ANG MED PA LA THA SNYAD DU'ANG RANG BZHIN MED CES BRJOD PA YIN PA LTAR, RANG RGYUD PAS KYANG BZHIN GYIS GRUB PA MED PAS RANG BZHIN MED CES BRJOD PA MA YIN GYI BDEN PA'I RANG BZHIN MED PAS RANG BZHIN MED PAR BRJOD PA YIN PA'I PHYIR RO, ,DES NA RANG RGYUD PA'I GZHUNG RNAMS SU DON DAM PAR NGO BO MED CES YANG YANG SBYAR BA BZHIN DU LAN RE LAN GNYIS DNGOS SU DE LTAR MA SBYAR BAR NGO BO MED CES SMOS PA DAG LA'ANG DON DAM BAR CES SBYOR DGOS PAR SKABS STOBS KYIS SHES SO, ,RIGS PAS DPYAD MA DBYAD CES PA LA'ANG 'JOG MTSAMS MI 'DRA BA'I KHYAD PAR DU MA SHES DGOS TE, BUM PA CES PA'I MING DE GANG LA 'JUG BA'I GZHI DE NYID YUL STENGS NA JI 'DRA ZHIG TU GRUB DPYOD PA NI THAL 'GYUR BA'I LUGS LA RANG BZHIN SEMS PA'I RIGS BA YIN PAS DE LTAR BTZAL BA NA 'DI 'DRA ZHIG TU GRUB RNYED NA RIGS PAS DPYAD BZOD DU GRUB DGOS KYANG, RANG RGYUD BA'I LUGS LA

, ,DE TZAM GYIS RIGS PAS DBYAD BZOD DU MI 'GRO BAS, BUM PA ZHES PA LTA BU'I DON 'DI 'DRA ZHIG TU GRUB RIGS PAS BCOS NAS 'JOG STE, GONG DU LUNG GSAL KHA CAN DRANGS ZIN PA LTAR BUM PA SOGS RDZAS SU GRUB PAR NI 'DOD LA, BUM PA RDZAS GRUB TU KHAS BLANGS NAS BUM PA ZHES PA'I MING GANG LA 'JUG PA'I GZHI DE DNGOS STENGS NA BUM PA'I YAN LAG RNAMS DANG RDZAS GCIG THA DAD GANG DU GRUB DPYAD NA GANG DU'ANG MA GRUB CES SMRA BA'I PHYI NANG GI GRUB MTHA' SMRA BA NI BRJOD DU MED PA'I BDAG KHAS LEN BA DAG MIN PA SU'ANG MED PA'I PHYIR RO, ,BUM MED DNGOS MED SOGS LA DNGOS SMRA BA RANG LUGS KYI BDEN MED GRUB KYANG DBU MA PAS BDEN MED DU JI TZAM GYIS 'JOG PA'I BDEN MED DE GZHI BUM MED SOGS KYI STENG DU YANG TSAD MAS MA GRUB PAS GZHI GANG GI STENG DU'ANG BDEN MED TSAD MAS MA GRUB PA YIN NO, ,YANG 'DI SKAD DU CHOS THAMS CAD RTOG PAS BTAGS PA TZAM DU SMRA BA NI SKUR 'DEBS KYI LTA BA DANG SDIG PA'I LAS CHES LCI BA STE, DE LTA NA DON DAM YANG BLOS BZHAG PA TZAM YIN PA'I PHYIR BLOS BCOS PAR SONG BAS RANG BZHIN MA YIN PAR 'GYUR LA, RTEN 'BREL YANG RTOG BTAGS SU THAL LO, ,'DOD NA SPROS PAR THAL LO, ,'DOD NA SPROS BRAL MA YIN PAR THAL LO, ,DES NA RGYU DANG RKYEN LAS SKYES PA TZAM NI BLOS BTAGS PA MA YIN PAS DE NYID BDEN PAR SNANG BA'I CHA DANG SNGA MA LA LTOS NAS 'BRAS BU DANG PHYI MA LA LTOS NAS RGYUR BZHAG PA NI BLOS BTAGS PA YIN NO ZHES ZER RO, ,'O NA; RTEN CING 'BREL PAR 'BYUNG BA GANG, ,DE NI STONG PA NYID DU BSHAD, ,DE NI BRTEN NAS GDAGS PA STE, ZHES GSUNGS PA JI LTAR DRANG ZHE NA, DE NI CHOS THAMS CAD PHAN TSUN LTOS NAS BTAGS PAR BSHAD PA YIN GYI BLOS BTAGS PAR BSHAD PA MA YIN NO ZHES ZER RO, ,'DI SKAD CES KYANG SMRA STE, KUN BRTAGS KYI 'DZIN PAS BTAGS BA DANG LHAN SKYES KYI 'DZIN PAS BTAGS PA DANG, RNAL 'BYOR BA'I BLOS BTAGS PA 'GOG BA'I RIGS PA'O, RIGS PA DANG PO GNYIS KYI DGAG BYA LA LTOS NAS STONG PA NYID DON DAM DU BZHAG LA, RIGS PA GSUM PA, GAL TE STONG MIN CUNG ZAD YOD, CES SOGS KYI RIGS PA LAS NI STONG PA NYID KYANG RDZUN BAR GRUB STE, THA SNYAD DU YOD LA BDEN PAR MED PA'I PHYIR, DPER NA RMI LAM BZHIN, DE LTA BAS NA CHOS NYID

KUN RDZOB YIN PA LA DGONGS NAS RIGS PA DRUG CU PA'I 'GREL PA LAS, 'JIG RTEN GYI THA SNYAD KHO NAS DON DAM PA'I BDEN BAR GSUNGS SO, ZHES DANG, YANG DE NYID LAS, CI MYA NGAN LAS 'DAS BA YANG KUN RDZOB BDEN BA YIN NAM ZHE NA, DE BZHIN TE, CES DANG, MDO LAS KYANG MYA NGAN LAS 'DAS PA RMI LAM LTA BU SGYU MA LTA BUR GSUNGS SO, ,DE YANG STONG NYID RMI LAM LTAR BDEN YOD KHEGS PA NA DE'I SHUGS LA RDZUN PAR GRUB PAS KUN RDZOB YIN NO ZHES SMRA ZHING, 'DI LTAR SMRA BAS KYANG CHOS THAMS CAD BDEN GNYIS SU GRANGS NGES PA DANG, KUN RDZOB KYI MTSAN NYID GNAS LUGS LA MA ZHUGS PA'I BLOS RNYED DON, DON DAM BDEN PA'I MTSAN NYID GNAS TSUL LA ZHUGS PA'I BLOS RNYED DON ZHES SMRA ZHING, BDEN PA'I SGRA DON GNYIS LA 'JUG STE MI SLU BA LA BDEN BA'I SGRAS BRJOD PA DANG [?], GNAS TSUL LA GRUB BA LA BDEN PA'I SGRAS BRJOD PA'O, ,STONG PA NYID LA BDEN PA'I SGRAS BRJOD BA NI DANG PO'I DBANG DU BYAS PAS DGAG BYA MA YIN LA; DGAG BYANG GZUNG BA NI PHYI MA'I DBANG DU BYAS SO, ,KUN RDZOB GANG YIN THAMS CAD KUN RDZOB BDEN PA YIN ZHING KUN RDZOB BDEN PA GZHIR BYAS LA YANG LOG GNYIS SU THAL 'GYUR BA'I LUGS LA YANG 'BYED PA YIN NO, ZHES BYA BA LA SOGS PA BYUNG RGYAL DU RGYA CHER SMRA BA SNANG MOD KYI, NGAN SKYAGS KYIS GANG BA'I BUM PA CHEN PO LHAG MA MED PAR YA RABS DAG GI MDUN DU BLUGS PAR BYAS KYANG SKYUG BRO BA TZAM ZHIG SNYING POR ZAD KYI DGOS PA KHYAD PAR CAN CI ZHIG YOD, DE BAS NA 'GAL 'DU'I PHUNG PO 'DI TZAM ZHIG BRJOD PAS CHOG GO, SMRA BA 'DI DAG THAMS CAD NI RANG GIS RANG NYID SUN 'BYIN PAR BYED PA 'BA' ZHIG YIN TE 'DI LTAR, DON DAM BDEN PA CHOS CAN, KHYED YIN NA GNAS TSUL LA ZHUGS PA'I BLOS RNYED PA'I SGO NAS BZHAG DGOS PAR THAL, DE 'DRA'I BLOS RNYED PA DE KHYOD KYI 'JOG BYED YIN PA'I PHYIR, 'DOD NA, CHOS CAN, KHYOD YIN NA BCOS MAR THAL, KHYOD YIN NA BLOS BZHAG PA'I PHYIR, 'KHOR GSUM KA KHES SO, ,KUN RDZOB BDEN PA CHOS CAN, KHYOD YIN NA GNAS TSUL LAM ZHUGS PA'I BLOS RNYED BA'I SGO NAS BZHAG BAS KHYAB PAR THAL, DE 'DRA'I BLOS RNYED PA'I DON DE KHYOD KYI 'JOG BYED YIN PA'I PHYIR, 'DOD NA, PHYI NANG GI RTEN 'BREL YANG CHOS CAN, BLOS BZHAG PA'I SGO NAS GRUB PAR THAL, KUN RDZOB BDEN BA YIN BA'I PHYIR,

, ,YANG 'KHOR GSUM KHAS SO, ,DE YANG CHOS NYID RTOG BTAGS SU 'JOG TSUL KHO BOS NI GONG DU SMRAS ZIN PA LTAR YIN GYI, DON DE MA YIN BZHIN DU DON DE YIN PAR RTOG PAS BTAGS PAS RTOG BTAGS SU BRJOD BA MA YIN LA, GANG YIN NA RANG BZHIN YIN PAR 'GAL BA'I BCOS MA LA NI, GNAS LUGS SU MA GRUB KYANG GNAS LUGS SU GRUB PA LTA BUR SNANG BA'I BLAS BCOS PA ZHIG DGOS PAS, RANG BZHIN DAG NI BCOS MIN DANG, ZHES GSUNGS PA YANG DE 'DRA BA'I BCOS MA'I DBANG DU BYAS PA YIN ZHING, DE YANG 'JUG PA'I RANG 'GREL LAS, NGO BO NYID GSUM DU JI LTAR 'JOG PA'I TSUL BSHAD PA LTAR SHES DGOS PA YIN TE 'OG TU BSHAD PAR BYA'O, ,CHOS THAMS CAD LTOS NAS BTAGS PA DE 'DOGS BYED YOD PA'AM MED PAR BTAGS PA GANG YIN, MED PAR BTAGS PA YIN NA SHES BYED MED PA'I SHES BYA DANG, SKYED BYED MED PA'I BSKYED BYA SOGS KYANG SRID PAR THAL LO, 'DOGS BYED YOD NA BLO MA YIN PA'I 'DOGS BYED JI 'DRA ZHIG YIN PA SMROS SHIG ,GANG ZAG GIS 'DAGS SO ZHE NA, GANG ZAG GI MIG SHES KYIS MTHONG BA LA GANG ZAG GIS MTHONG BAR 'JOG PA LTAR GANG ZAG GI BLOS BTAGS PA LA GANG ZAG GIS BTAGS PAR BRJOD KYI GZHAN DU NA GANG ZAG GIS JI LTAR 'DOGS SMROS SHIG ,'DOGS BYED BLO YIN PAR SMAN CHOS THAMS CAD BLOS BTAGS PA YANG YIN LA BLOS BTAGS PA MA YIN PA YANG YIN NO ZHES DNGOS 'GAL KHAS BLANGS PA NYID DU JI LTAR MA SONG BA SMROS SHIG, GZHAN YANG SPROS PA CES PA DE CI LA ZER, GNYIS SNANG GI SPROS PA LA ZER RAM SPROS PA'I MTHA' LA ZER, DANG PO LTAR NA RTEN 'BREL GNYIS SNANG GI SPROS BRAL MA YIN PA 'DOD DE GZHAN DU NA GNYIS SNANG GZHI MA GRUB PAR 'GYUR RO, ,GNYIS PA LTAR NA RTOG BTAGS MI SRID PAR THAL, RTOG BTAGS YIN NA SPROS PA'I MTHA' BRAL YIN BAR 'GAL BA GANG ZHIG, GZHI GRUB NA SPROS BA'I MTHA' BRAL YIN PAS KHYAB PA'I PHYIR, ZUR SNGA MA KHAS BLANGS, PHYI MA DER THAL, RTAG CHAD KYI MTHA' GANG YANG GZHI MA GRUB PA'I PHYIR, 'DI LA KHO NA RE SPROS PA NI SGRA RTOG GNYIS LA BYED LA DE YANG RTOG PA NI SPRO BYED DANG SGRA NI RTOG PAS SPROS PA'O ZHES ZER RO, ,SGRA RTOG PAS BTAGS PA YIN PA DANG GZUGS LA SOGS PA'I DNGOS PO GZHAN RNAMS RTOG PAS BZHAG PAR SMRAS NA SKUR

'DEBS KYI LTA BAR SMRA BA NI RIG PA RNAL DU MA BZHAG PA YIN LA, SGRA DANG RTOG PA SPROS PAR SMRA BA DANG RTEN 'BREL SPROS BRAL DU SMRA BA NI SHIN TU 'GAL BA YIN NO, ,STONG NYID CHOS CAN, KUN RDZOB BDEN PA YIN PAR THAL, KUN RDZOB YIN PA'I PHYIR, KHYAB RTAGS DNGOS SU KHAS BLANGS SO, ,'DOD NA CHOS CAN, KHYOD GNAS TSUL LAM ZHUGS PA'I BLOS RNYED DON YIN PAR THAL, 'DOD BA DE'I PHYIR, YANG KHYAB RTAGS DNGOS SO, ,'DOD NA DE CHOS CAN, GNAS TSUL LA ZHUGS PA'I BLOS RNYED PA'I DON YIN PAR THAL, DON DAM YIN PA'I PHYIR, 'KHOR GSUM KA DNGOS SU KHAS BLANGS SO, ,YANG STONG NYID CHOS CAN, KHYOD BSLU BA'I CHOS YIN PAR THAL, KHYOD CHOS GANG ZHIG, KHYOD MI SLU BA MA YIN PA'I PHYIR, DE LA KHYAB PA MED NA THA SNYAD DU YOD CING BDEN PAR MA GRUB PA LA RDZUN PAR GRUB PAS KHYAB PA BUD, 'DOD NA DNGOS SU 'GAL, RTAGS ZUR DANG PO DNGOS, MI SLU BA YIN NA RDZUN PA YIN PA BUD, DE LA KHYAB PA MED NA MDO LAS, DGE SLONG DAG 'DUS BYAS BRDZUN BA BSLU BA'I CHOS CAN GANG YIN PA DE NI RDZUN PA YIN LA, ZHES SOGS DANG, RTZA SHE LAS, BCOM LDAN 'DAS KYIS CHOS GANG ZHIG ,BSLU BA DE NI RDZUN ZHES GSUNGS, ,'DU BYED THAMS CAD BSLU BA'I CHOS, ,DES NA DE DAG RDZUN PA YIN, ZHES DANG, TSIG GSAL LAS KYANG, DE DAG BSLU BA'I CHOS CAN NYID YIN PAS RDZUN PAR 'GYUR RO; ZHES SOGS RGYA CHER GSUNGS PA THAMS CAD DANG 'GAL LO, ,CHOS NYID KUN RDZOB TU SMRAS NAS SLAR YANG STONG NYID RTOGS PA'I 'PHAGS PA'I MNYAM GZHAG SNANG MED DU SMRA BA'ANG DRAN PA RNAL DU MA BZHAG PA YIN NO, ,GZHAN YANG RNAL 'BYOR PA'I BLOS BTAGS PA CES PA'I DON CHOS NYID RNAL 'BYOR PA'I BLOS BTAGS PA LA BYED DAM, CHOS NYID BDEN BAR RNAL 'BYOR PA'I BLOS BTAGS PA LA BYED, DANG PO LTAR NA CHOS NYID BLOS BTAGS MA YIN PAR SMRAS PA DANG DNGOS SU 'GAL LO, ,GNYIS PA LTAR NA 'PHAGS PA'I YE SHES CHOS NYID BDEN GRUB TU 'DOGS PA POR SMRA BA KHYOD LAS NOG SHAL DANG LDAN PA SU ZHIG BTZAL BAR BYA, SMRAS PA, GANG ZHIG ZLA BA 'GOG PA'I ZOL SBYOR GYIS, ,RGYAL BA'I BSTAN PA MA LUS SUN 'BYIN CING, ,RANG LA YID BRTON MTHA' DAG PHUNG BYED PA'I, ,BDUD KYI RGYAL MTSAN 'BYUNG PO'I PHO NYA MTSAR, ,ZAB MO'I GTAM GYIS SNYING LA RDO RJE BZHIN, ,KUN RDZOB BTAGS YOD SMRAS PA'ANG MI BZOD PAR, ,CHOS NYID KUN RDZOB YIN ZHES

, ,SGROGS PA YI, ,BDUD TSIG BSTAN PA'I CHOM RKUN PHYOGS SU RGYU, ,RGYUN DU PHRAG DOG DUG CHUS YID MYOS SHING, ,RTAG TU DAM PA DMOD PA'I BZLAS BRJOD BRTZON, ,NYES BSHAD 'BYUNG KHUNGS DGE BA'I BSHES GNYEN DU, ,'KHRUL PA'I SKYE BO RNAMS KYANG BDUD KYIS BSLUS, ,BAR SKABS KYI TSIGS SU BCAD PA'O; ;LNGA PA DE LAS 'PHROS PA'I DON BSHAD PA LA, DGAG BYA BDAG GNYIS DANG DE BKAG PA'I BDAG MED GNYIS BSHAD PA, NYAN RANG GIS CHOS KYI BDAG MED RTOGS PA YOD MED BSHAD PA, SGRIB PA GNYIS DANG DE DAG LAM GANG DU SPONG BA'I RNAM GZHAG BSHAD PA'O, ,DANG PO LA, GRUB MTHA' SMRA BA GZHAN GYI LUGS MDOR BSDUS BRJOD PA DANG, THAL 'GYUR BA'I LUGS KHYAD PAR DU BRJOD PA'O, ,DANG PO LA, RANG SDE GZHAN DAG GI 'DOD PA'I BDAG LTA LHAN SKYES KYI DMIGS YUL GYI BDAG NGOS GZUNG BA, DE LA DPAL LDAN ZLA BAS SKYON JI LTAR BRJOD PA'I TSUL, RANG SDE GZHAN DAG GIS BDAG LTA GNYIS KYI 'DZIN STANGS KYI YUL DU GYUR PA'I BDAG DANG DE BKAG PA'I BDAG MED JI LTAR 'JOG PA'I TSUL, DE LA DPAL LDAN ZLA BAS DGAG PA JI LTAR BRJOD PA'I TSUL DANG BZHI, DANG PO NI, RANG GI SDE PA GRUB MTHA' SMRA BA BZHI PO SU'I LUGS LA YANG NGAR 'DZIN LHAN SKYES KYI DMIGS PA'I YUL DU GYUR PA'I NGA ZHES BYA BA'ANG BDAG CES BYA BA'AM, GANG ZAG CES BYA BA NI THA SNYAD DU YOD PAR DES PAR KHAS LEN TE, GZHAN DU NA BDAG GIS BYAS PA'I LAS KYI RNAM PAR SMIN PA BDAG GIS NYAMS SU MYONG BA DANG BDAG SKYE BA SNGA MA NAS 'DIR 'ONG ZHING 'DI NAS PHYI MAR 'GRO BA DANG GANG ZAG 'DI NI MCHOG GO GANG ZAG 'DI NI DMAN PA'O ZHES BYA BA LA SOGS PA DANG NGAS GZUGS MTHONG NGO NGAS SGRA THOS SO ZHES BYA BA LA SOGS PA GANG YANG RNAM PAR BZHAG TU MED PAR 'GYUR BA'I PHYIR RO, ,DE BAS NA 'JUG PA'I RANG 'GREL LAS KYANG, YANG GANG LAS BYED PA PO NI MA DMIGS KYI LAS KYANG YOD LA RNAM PAR SMIN PA YANG YOD DO ZHES BRJOD PA DE LAS NI BYED PA PO RANG BZHIN DU GYUR PA BKAG PAR SHES PAR BYA'I, BRTEN NAS GDAGS PAR BYA BA THA SNYAD KYI YAN LAG TU GYUR PA YANG BKAG GO ZHES BYA BAR NI SHES PAR MI BYA'O, ,DE SKAD DU YANG, MA RIG PA DANG RJES SU 'BREL BA'I GANG ZAG 'DI NI BSOD NAMS MNGON PAR 'DU BYA BA YANG MNGON PAR 'DU BYED DO ZHES RGYA CHER

GSUNGS SO, ZHES BSHAD DO, ,DE LTAR NA LAS 'BRAS KYI RTEN DU GYUR PA'I GANG ZAG DANG BDAG DANG SKYES BU SOGS KHAS LEN KYANG GANG ZAG GI BDAG NI THA SNYAD DU KHAS LEN PA MA YIN TE, GANG ZAG DANG CHOS KYI BDAG GNYIS NI SHES BYA LA YOD BA RIGS PAS DGAG PAR BYA BA YIN PA'I PHYIR RO, ,GANG ZAG DANG BDAG THA SNYAD DU KHAS BRANGS PAS GANG ZAG GA BDAG THA SNYAD DU KHAS LAN DGOS NA DON DAM BA DANG, YOD PA THA SNYAD DU KHAS BLANGS PAS DON DAM PAR YOD PA THA SNYAD DU KHAS LEN DGOS PAR RIGS PA KUN TU MTSUNGS SO, ,'O NA BDAG LTA LHAN SKYES KYI DMIGS YUL DU GYUR PA'I BDAG DE NYID KYI MTSAN GZHIR JI LTA BU ZHIG 'JOG CE NA RANG GI SDE PA MANG POS BKUR BA KHA CIG BDAG LTA LHAN SKYES KYI DMIGS PA'I MTSAN GZHI NI RANG GI PHUNG PO LNGA CHAR LA 'DOD DE, JI SKAD DU, BCOM LDAN 'DAS KYIS DGE SLONG DAG DGE SBYONG NGAM BRAM ZE GANG SU DAG CIG BDAG GO SNYAM DU YANG DAG PAR RJES SU LTA BA DE DAG NI NYE BAR LEN PA'I PHUNG PO LNGA PO 'DI KHO NA LA YANG DAG PAR RJES SU LTA'O, ZHES GSUNGS PA'I PHYIR RO SNYAM DU BSAMS LA, MANG POS BKUR BA KHA CIG SEMS GCIG PU BDAG GI MTSAN GZHIR 'DOD DE, MDO LAS, BDAG NYID BDAG GI MGON YIN GYI, ,GZHAN NI SU ZHIG MGON DU 'GYUR, ,BDAG NYID LEGS PAR DUL BAS NI, ,MKHAS PAS MTHO RES [?] THOB BAR 'GYUR, ZHES GSUNGS SHING, MDO GZHAN LAS, SEMS 'DUL BA NI LEGS PA STE, ,SEMS 'DUL BA NI BDE BA 'DREN, ZHES GSUNGS PA'I PHYIR RO SNYAM DU BSAMS SO, ,'DI DAG KYANG MANG POS BKUR BA'I 'DOD PA YIN PAR 'JUG PA'I RANG 'GREL LAS BSHAD DO, ,MDZOD LAS, BDAG YOD NYID DU KHAS BLANGS NA, LTA BA'I MCHE BAS RMAS PAR 'GYUR, CES DANG, BTAGS PA'ANG MED PAR 'GYUR 'ONG BAS, ,MED DO CES KYANG MA GSUNGS SO, CES BDAG RDZAS YOD MED CING BTAGS YOD TZAM CIG YOD PAR BSHAD NAS, BTAGS PAR PHOD PA'I BDAG DE'I MTSAN GZHI GANG YIN SNYAM PA LA, ,PHUNG PO'I RGYUN 'DI DAG LA DGE, MI DGE'I 'BRAS BU YOD PA NYID, CES DANG, MDZOD KYI RANG 'GREL LAS, BDAG TU MNGON PAR BRJOD PA 'DI NI PHUNG PO'I RGYUN KHO NA LA 'JUG GI, BRJOD PAR BYA BA GZHAN LA NI MA YIN NO, CES PHUNG PO'I RGYUN NYID LAS 'BRAS KYI RTEN DU GYUR PA'I BDAG GI MTSAN GZHIR BSHAD DE TSUL 'DI NI KHA CHE BYE BRAG TU SMRA BA DANG

, ,MDO SDE PA KHA CIG GI 'DOD PA YIN LA, TSAD MA SDE BDUN SOGS NAS BSHAD PA'I MDO SDE PA DAG GI 'DOD PA NI YID KYI RNAM PAR SHES PA NYID BDAG GI MTSAN GZHIR 'DOD PAR GSAL ZHING, SLOB DPON LEGS LDAN 'BYED KYANG YID KYI RNAM SHES NYID BDAG GI MTSAN GZHIR BZHED DE RTOG GE 'BAR BA LAS, 'DI LTAR KHO BO CAG KYANG THA SNYAD DU RNAM PAR SHES PA LA BDAG GI SGRA DNGOS SU 'DOGS TE, 'DI LTAR RNAM PAR SHES PA NI YANG SRID PA LEN PA'I PHYIR BDAG YIN NO ZHES LUS DANG DBANG PO'I TSOGS DAG LA NYE BAR 'DOGS PA'I PHYIR TE, ZHES BSHAD LA, DE'I SHES BYED DU, BDAG NYID BDAG GI MGON YIN GYI, ZHES SOGS GONG DU DRANGS PA'I LUNG GNYIS DANG, PHUNG PO LEN PA PO BDAG YIN ZHING RNAM SHES KYIS YANG SRID LEN PA'I PHYIR ZHES PA'I RIGS PA'I SGRUB BYED SMRA STE, SLOB DPON 'DI KUN GZHI MI BZHED PAS LUS LEN PA'I RNAM SHES NI YID KYI RNAM SHES LAS 'OS GZHAN MED DO, ,SEMS TZAM PA PHAL CHE BDAG NI BDAG LTA LHAN SKYES KYI DMIGS YUL DU GYUR PA'I BDAG GI MTSAN GZHI KUN GZHI RNAM PAR SHES PA NYID LA 'DOD DE, NYON YID DANG DE'I 'KHOR DU BYUNG BA'I BDAG LTA DANG BDAG CHAGS LA SOGS PA BZHI PO RNAMS KYI THUN MONG MA YIN PA'I DMIGS PA KUN GZHI DANG, RNAM PA KUN GZHI DE NYID LA NGAR SEMS PA'I RNAM PA CAN DU BSHAD PA'I PHYIR RO, ,DE YANG MDO LAS, LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I RGYUN BZHIN 'BAB, ,BDAG TU RTOG PAR GYUR NA MI RUNG ZHES, ,'DI NI BYIS PA RNAMS LANGS MA BSTAN, ZHES SOGS KYI LUNG DANG RIGS PA DU MA ZHIG LA BRTEN NAS SMRA BAR BYED DO, ,DE LTAR RANG SDE DNGOS POR SMRA BA DAG PHAL CHE BAS BDAG DANG GANG ZAG BTAGS YOD DU KHAS LEN PA DANG, BDAG DANG GANG ZAG GI MTSAN GZHIR PHUNG PO LNGA KA'AM RNAM PAR SHES PA SOGS 'DZIN PA DANG DE LTA NA YANG RNAM SHES SOGS RDZAS YOD DU KHAS LEN PA NI DE DAG GI LUGS LA 'GAL BA MA YIN TE, DE DAG GANG ZAG GI RANG LDOG BTAGS YOD DU KHAS LEN PA YIN GYI GANG ZAG YIN NA BTAGS YOD YIN PAS KHYAB PA SOGS SU KHAS LEN PA MA YIN PA'I PHYIR TE, DPER NA BUM PA RAGS PA'I MTSAN GZHI YIN ZHING RAGS PA RDZAS SU MA GRUB KYANG BUM PA RDZAS SU GRUB PAR 'DOD PA BZHIN NO, ,GZHAN DU NA LDAN MIN 'DU BYED BTAGS YOD DU SMRA BA'I

SDE PA DAG GIS SKYE BA DANG GNAS PA DANG 'JIG PA LA SOGS PA RNAMS LDAN MIN 'DU BYED DU BSHAD PA NA 'DUS BYAS YIN NA BTAGS YOD YIN PAS KHYAB PAR KHAS BLANGS PA NYID DU 'GYUR RO, ,GNYIS PA DE LA DPAL LDAN ZLA BAS SKYON JI LTAR BRJOD PA'I TSUL NI, PHUNG PO RANG BZHIN GYIS GRUB PAR KHAS BLANGS NAS DE DANG BDAG NGO BO GCIG TU KHAS BLANGS PA NA BDAG PHUNG THA DAD GTAN MED KYI GCIG TU KHAS LEN DGOS TE, NGO BO GCIG TU GNAS NAS BLO LA THA DAD DU SNANG NA GNAS TSUL GZHAN DU GNAS NAS SNANG TSUL GZHAN DU SNANG BA'I PHYIR RDZUN PA 'BA' ZHIG TU 'GYUR GYI RANG BZHIN GYIS GRUB PA NYAMS SO, ,RIGS PA 'DIS CHOS GANG LA YANG RANG BZHIN GYIS GRUB PA'I NGO BO GCIG TU KHAS BLANGS NA DBYER MED KYI GCIG TU KHAS LEN DGOS PA SHES PAR BYA'O, ,DE'I PHYIR BDAG PHUNG GCIG YIN NA GANG ZAG GCIG GI RGYUD LA DUS CIG CHAR DU PHUNG PO RDZAS THA DAD PA LNGA YOD PAR 'DOD PA LTAR BDAG KYANG RDZAS THA DAD PA LNGA CIG CAR YOD PAR 'DOD RIGS PAR THAL LO, ,'DI NI PHUNG PO LNGA KA BDAG GI MTSAN GZHIR KHAS BLANGS PA'I SKYON NO, ,PHUNG PO LNGA KA'AM YID KYI RNAM PAR SHES PA KHO NA'AM KUN GZHI RNAM PAR SHES PA KHON BDAG GI MTSAN GZHIR KHAS LEN PA GANG YIN YANG RUNG STE, BDAG LTA LHAN SKYES PHYIN CI MA LOG PA'I BLO YIN PAR THAL DES BDAG RDZAS YOD DU GZUNG BA LTAR BDAG RDZAS YOD DU GRUB PA'I PHYIR, GZHAN YANG BDAG DANG GANG ZAG GI MTSAN GZHIR GANG SONG BA DE NYID RDZAS SU GRUB PAS KHYAB NA, MDO LAS, DGE SLONG DAG LNGA PO 'DI DAG NI MING TZAM THA SNYAD TZAM BTAGS PA TZAM STE, 'DI LTA STE, 'DAS PA'I DUS DANG, MA 'ONGS PA'I DUS DANG, NAM MKHA' DANG, MYA NGAN LAS 'DAS PA DANG, GANG ZAG GO ZHES BYA BA DANG, JI LTAR YAN LAG TSOGS RNAMS LA, ,BRTEN NAS SHING RTAR BRJOD PA LTAR, ,DE BZHIN PHUNG PO RNAMS BRTEN NAS, ,KUN RDZOB SEMS CAN ZHES BYA'O, ZHES BYA BA LA SOGS PA THAMS CAD DANG 'GAL BAR 'GYUR RO, ,GZHAN YANG KHYOD KYI LTAR NA LHAG MED KYI MYA NGAN LAS 'DAS PA'I TSE PHUNG PO LNGA CHAR CHAD PAS NGES PAR BDAG CHAD BAR 'GYUR RO, ,DE'I PHYIR MTHAR 'DZIN GYI CHAD PA'I LTA BAR 'GYUR TE, 'JIG LTAS GANG BDAG TU BZUNG BA'I GZHI DE NYID LA DMIGS NAS RTAG PA'AM CHAD PAR 'DZIN PA MTHAR 'DZIN GYI LTA BA'I DON DU KHYED CAG GIS SMRAS

, ,PA'I PHYIR RO, ,GZHAN YANG MYA NGAN LAS 'DAS PA MTHOB PA'I GONG ROL DU PHUNG PO'AM RNAM PAR SHES PA SKAD CIG SNGA PHYI RNAMS RANG BZHIN GYIS GZHAN YIN PAR KHYED KYIS KHAS BLANGS PA LTAR BDAG SKAD CIG SNGA PHYI RNAMS KYANG RANG BZHIN GYIS GZHAN YIN PAR THAL BAR 'GYUR RO, ,DE 'DOD NA PHAN TSUN LTOS MED KYI GZHAN YIN PA'I PHYIR 'BREL MED DON GZHAN DU 'GYUR RO, ,DE LTAR NA DE'I TSE DE'I DUS NA NGA RGYAL PO NGA LAS NU ZHES BYA BAR GYUR TO ZHES BYA BA LA SOGS PA GSUNG BAR MI 'GYUR ZHING GZHAN GYIS BSAGS PA'I LAS KYI 'BRAS BU GZHAN GYIS LONGS SPYOD PA SOGS SU THAL BAR 'GYUR RO, ,GAL TE SKAD CIG SNGA PHYI RANG BZHIN GYIS GZHAN YIN KYANG RGYUD GCIG TU RTOGS PA'I PHYIR SKYON MED DO SNYAM NA, 'BREL MED DON GZHAN YIN KYANG RGYUD GCIG PA MI 'GAL NA THAMS CAD THAMS CAD DANG RGYUD GCIG PA NYID DU THAL BAR 'GYUR RO, ,DE BAS NA PHUNG PO SKAD CIG SNGA PHYI RNAMS RANG BZHIN GYIS GRUB PA'I DON GZHAN YIN PAR KHAS BLANGS NAS PHUNG PO'I RGYUN GANG ZAG TU 'DOD PA YANG RUS SBAL GYI SPU'I GOS KYIS GRANG BA SKYOB PAR 'DOD PA DANG CHOS MCHUNGS PA'I PHYIR SNYING PO CI'ANG MED DO, ,GZHAN YANG BDAG DANG 'JIG RTEN MTHA' DANG LDAN NAM MI LDAN ZHES SOGS DRIS PA'I TSE, GAL TE 'JIG RTEN GYI SGRAS PHUNG PO RNAMS 'DZIN NA DE'I TSE PHUNG PO RNAMS SKYE 'JIG BYED PA RANG GI LUGS YIN PA'I PHYIR 'JIG RTEN MI RTAG PAR LUNG BSTAN DGOS BA DANG, MYA NGAN LAS 'DAS PA'I 'OG ROL DU KHYED LTAR NA PHUNG PO RNAMS MED PA'I PHYIR 'JIG RTEN MTHA' DANG LDAN PA DANG, DE BZHIN GSHEGS PA GRONGS PHAN CHAD MED PA SOGS SU LUNG STON RIGS PAR 'GYUR BAS LUNG MA BSTAN GYI LTA BA BCU BZHI'I RNAM GZHAG NYAMS SO, ,GZHAN YANG KHYOD KYI LTAR NA RNAL 'BYOR PAS CHOS THAMS CAD BDAG MED PAR MNGON SUM DU MTHONG PA DE'I TSE NGES PAR PHUNG PO'AM RNAM PAR SHES PA'I DNGOS PO RNAMS MED PAR MTHONG BA'I SGO NAS BDAG MED PA MTHONG BAR 'GYUR TE, BDAG DANG DE DAG KHYAD MED DU KHAS BLANGS PA'I PHYIR RO, ,DE LTAR YANG 'JUG PA LAS, GAL TE PHUNG PO BDAG NANG PHYIR DE, ,MANG BAS BDAG DE DAG KYANG MANG PHOR 'GYUR, CES PA NAS, KHYOD KYI RNAL 'BYOR BDAG MED MTHONG BA LA, ,DE TSE NGES PAR DNGOS RNAMS MED PAR 'GYUR, ZHES BYA BA LA SOGS PA'I

BAR DU GSUNGS SO, ,'O NA PHUNG PO'AM RNAM SHES BDAG GI MTSAN GZHIR 'DOD BA'I LUGS LA RNAL 'BYOR PAS BDAG MED MTHONG BA'I TSE PHUNG PO'AM RNAM SHES MED BAR MNGON SUM GYIS MTHONG DGOS NA, KHYED RANG PHUNG PO LA BRTEN NAS BTAGS PA TZAM GYI NGA BDAG GI MTSAN GZHIR KHAS LEN PA LA YANG RNAL 'BYOR BAS BDAG MED MNGON SUM DU MTHONG BA'I TSE BRTEN NAS BTAGS PA'I NGA MED PAR MNGON SUM DU MTHONG DGOS PAR 'GYUR TE RGYU MTSAN MTSUNGS PA'I PHYIR RO ZHE NA, SKYON MED DE PHA ROL POS PHUNG PO DANG RNAM SHES BDAG GI MTSAN GZHIR 'DOD PA NI BDAG DANG GANG ZAG MING GI THA SNYAD TZAM GYIS 'JOG MA SHES PAR THA SNYAD KYI BTAGS DON RIGS PAS BTZAL BA'I SGO NAS BZHAG PA YIN LA, DE LTAR NA PHUNG PO'AM RNAM SHES RANG GI NGO BOS GRUB PA'I BDAG TU 'GYUR DGOS SHING, RNAL 'BYOR PAS BDAG MED MNGON SUM DU MTHONG BA'I TSE RANG GI NGO BOS GRUB BA'I BDAG CUNG ZAD KYANG MED PAR RTOGS DGOS PA'I PHYIR NA PHUNG PO DANG RNAM SHES MED PAR MTHONG DGOS PA'I SKYON 'BYUNG BA YIN LA, RIGS PAS MA BTZAL BAR MI TZAM GYIS BZHAG PA'I GANG ZAG KHAS BLANGS PA LA NI RANG GI NGO BOS GRUB PA'I BDAG MED PAR MTHONG NA MING TZAM GYIS BZHAG PA'I BDAG MED PAR MTHONG DGOS PA'I NYES PA 'BYUNG BA'I GO SKABS GAL YOD, 'ON KYANG GNAS 'DI 'DRA BDAG NI LUGS 'DI'I RIGS LAM PHRA MO ZHIB TU 'BYED PA'I BLO GROS KYI MTHU MED PA DAG GIS CHES RTOGS PAR DKA' BA'I GNAS YIN NO, ,GZHAN YANG PHUNG PO'AM RNAM SHES KHO NA BDAG YIN NA, NYE BAR BLANG BYA DANG NYE BAR LEN PA PO KHYAD BAR MED PAS BYA BYED GCIG TU THAL BA LA SOGS BA'I NYES BA MANG DU YOD MOD KYI 'DIR NI YI GE MANGS PAR 'GYUR BAS MA BRIS LA RTZA 'JUG 'GREL BA DANG BCAS PA DAG LA ZHIB TU SBYANGS PA LAS SHES PAR BYA'O, ,'O NA PHUNG PO BDAG LTA'I DMIGS PA MA YIN NA MDO LAS, DGE SBYONG NGAM BRAM ZE GANG SUNG GCIG BDAG GO SNYAM DU YANG DAG PAR RJES SU LTA BDE DAG NI NYE BAR LEN PA'I PHUNG PO LNGA BO 'DI KHO NA LA YANG DAG PAR RJES SU LTA'O, ZHES GSUNGS PA'I DON JI LTAR DRANG ZHE NA, DE'I DON NI KHO NA ZHES PA'I TSIG GIS PHUNG PO LAS DON GZHAN DU GYUR BA'I BDAG DMIGS YUL YIN PA BKAG PA YIN GYI PHUNG PO BDAG TU STON PA MA YIN TE, DE YIN NA MDO

, ,GZHAN LAS, GZUGS BDAG MA YIN, TSOR BA BDAG MA YIN ZHES SOGS KYIS PHUNG PO RNAMS BDAG YIN PA RGYAS PAR BKAG PA DANG 'GAL BAR 'GYUR BA'I PHYIR RO, ,DES NA MDO SNGAMS PHUNG PO LAS DON GZHAN PA'I BDAG BKAG CING MDO PHYI MAS PHUNG PO RNAMS BDAG YIN PA BKAG NAS NYE BAR LEN PA'I PHUNG PO LNGA PO 'DI DAG LA RJES SU LTA ZHES PA'I TSIG GI NUS PAS PHUNG PO LNGA LA BRTEN NAS BTAGS PA'I BDAG THA SNYAD TZAM GYIS BZHAG PA NYID BDAG LTA LHAN SKYES KYI DMIGS YUL DU GYUR PA'I BDAG YIN NO ZHES MDO SDE RNAMS KYI GUNG LEGS PAR BSGRIGS NAS RANG GI SDE BA GONG 'OG GI SHING RTA'I SROL 'BYED CHEN PO RNAMS KYIS KYANG LEGS PAR 'BAD KYANG GSAL BAR MTHON PA'I MDO'I DGONGS PA LUNG RIGS PHYIN CI MA LOG PA'I STOBS KYIS GSAL BAR PHYE NAS RNAM PAR BZHAG PA'I DPAL LDAN ZLA BA'I LUGS 'DI NYID RMAD DU BYUNG BA YIN NO, ,DE LTAR NA GANG ZAG GI BDAG LTA LHAN SKYES DE NYID 'JIG TSOGS LA LTA BA MA YIN PAR 'GYUR TE, 'JIG TSOGS CES PA NI PHUNG PO LA BRJOD PA YIN LA DE NYID BDAG LTA LHAN SKYES KYI DMIGS YUL MA YIN PA'I PHYIR RO ZHE NA, 'JIG TSOGS LA BRTEN NAS BTAGS PA'I BDAG LA LTA BAS 'JIG TSOGS LA LTA BZHES BRJOD PA YIN PAS SKYON MED DO, KHA CIG NA RE ZLA BA GRAGS PAS BDAG 'DZIN LHAN SKYES KYIS PHUNG PO BDAG TU BZUNG NA PHUNG PO BDAG YIN DGOS SO ZHES BSHAD PA NI SHIN TU MI 'THAD DE, PHUNG PO BDAG MA YIN PA LA BDAG TU BZUNG BAS BDAG 'DZIN LHAN SKYES 'KHRUL PAR 'JOG DGOS PA'I PHYIR TE, GZHAN DU NA KHOS JI LTAR BZUNG BA LTAR GRUB DGOS PA'I PHYIR MA 'KHRUL BAR 'GYUR RO, ,DE'I PHYIR PHUNG PO BZHIN DU BDAG KYANG GRANGS MANG POR THAL BA LA SOGS PA GONG DU GNOD BYED BRJOD PA THAMS CAD 'BREL PA MED DO ZHES ZER RO, ,'DI NI PHYOGS SNGA MA'I 'BEN MA MTHONG BAR GNOD BYED KYI MDA' 'PHEN PAR BYED PA LA RINGS PAR CHAS PA'I BAB CHOL CHEN PO YIN TE, GONG DU BSHAD BA LTAR LAS 'BRAS KYI RTEN DU GYUR BA'I BDAG THA SNYAD PA TZAM ZHIG RANG SDE GONG 'OG KUN GYIS MTHUN PAR KHAS LEN LA DE NYID NGAR 'DZIN LHAN SKYES KYI 'DZIN STANGS KYI YUL DU GYUR PA'I BDAG MA YIN KYANG DMIGS YUL DU GYUR PA'I BDAG YIN NO ZHES 'DOD PA LA GRUB MTHA' SMRA BA BZHI PO SU YANG MI

MTHUN PA MED DO, ,'ON KYANG NGAR 'DZIN LHAN SKYES KYI DMIGS YUL LAS, 'BRAS KYI RTEN DU GYUR PA'I BDAG DE NYID KYI MTSAN GZHI GANG LA BYED MI MTHUN PAS PHUNG PO LNGA KA'AM RNAM PAR SHES PA SOGS DE'I MTSAN GZHIR 'DOD PA 'GOG PA YIN TE, DE LTA NA BDAG LTA LHAN SKYES KYI DMIGS YUL DU GYUR BA'I BDAG THA SNYAD TZAM DU YOD PAR RANG GZHAN GNYIGS KHAS BLANGS PA DE'I MTSAN GZHI PHUNG PO LNGA KA'AM RNAM PAR SHES PA LA BYED NA GONG DU BSHAD PA'I SKYON DE DAG 'BYUNG BAR SMRAS KYI, BDAG LTA LHAN SKYES KYI 'DZIN STANGS KYIS PHUNG PO BDAG TU BZUNG NA PHUNG PO BDAG YIN DOGS SO ZHES LAN GCIG KYANG SMAS PA MED PAS KHAS LEN MED BA'I THAL 'GYUR PA PHEN PA LA SHIN TU SHA THANG BAR BYAS KYANG RANG NYID SDUG BSNGAL BA TZAM ZHIG 'BRAS BUR ZAD DO, ,NGAR 'DZIN LHAN SKYES KYIS PHUNG PO LNGA KA'AM RNAM PAR SHES PA LA BDAG TU 'DZIN PAR SMRA BA NI KHA NANG DU PHYOGS TE ZHIB TU MA BRTAGS PAS MNGON SUM DU NYAMS SU MYONG BA'I DON LA YANG BSNYON PAR BYED PA YIN TE, BYIS PA NAS MKHAS BA'I BAR SU LA YANG NGA'I LUS NGA'I SEMS SNYAM DU 'DZIN PA'I BLO RANG 'KHRUNGS SU SKYE ZHING LUS 'DI NGA'O, ,SEMS 'DI NGA'O SNYAM PA'I BLO RANG GI NGANG GIS LAN GCIG KYANG MI SKYE BAR MYONG BAS GRUB PA'I PHYIR RO, ,LEGS LDAN 'BYED KYIS LAS 'BRAS KYI RTEN DU GYUR BA'I GANG ZAG GI MTSAN GZHIR YID KYI RNAM SHES BZUNG BA 'THAD PAR SKA BDAG GIS 'DU SHES MED PA BAR SKYES PA'I GNAS SKABS DANG 'GOG PA LA SNYOMS PAR ZHUGS PA'I GNAS SKABS NA GANG ZAG GI MTSAN GZHI CUNG ZAD KYANG BZHAG TU MED PAR THAL BA LA LAN JI LTAR GDAB BA SOMS SHIG ,RNAM PAR SHES PA'I RGYUN TZAM ZHIG GANG ZAG GI MTSAN GZHIR 'DZIN PA SHIN TU LAGS PAR SMRA BAS KYANG BSHAD MA THAG BA'I GNAS SKABS GNYIS BO DE'I TSE RNAM PAR SHES PA RGYUN CHAD BA'I PHYIR GANG ZAG RGYUN CHAD PAR THAL BA BZLOG TU MED DO, ,CI STE DE'I TSE GZUGS KYI PHUNG PO 'BA' ZHIG GI RGYUN GANG ZAG GI MTSAN GZHI'I SNYAM NA, SEMS DANG SEMS LAS BYUNG BA THAMS CAD MED PA'I BEMS PO'I RGYUN KHO NA SEMS CAN YIN BAR SMRA BA KHYOD KYI RNAM PAR DPYOD PA NI TSU ROL MDZES PA BDAG LAS KYANG SHIN TU YA MTSAN NO, ,GZHAN YANG RNAM PAR SHES BA'AM RNAM PAR SHES BA'I RGYUN GANG ZAG GI MTSAN GZHIR 'DOD KYANG RUNG STE, CI YANG MED PA'I SKYE

, ,MCHED DU SKYES BA'I NYAN THOS 'PHAGS PA 'DAS LAM MNGON DU BYAS PA'I TSE SNYOMS PAR 'JUG PA PO CI YANG MED PA'I SKYE MCHED KYI SAS BSDUS PA'I GANG ZAG RGYUN CHAD PAR THAL, 'DAS LAN GANG ZAG DE'I MTSAN GZHIR MI RUNG ZHING GZUGS DANG SEMS DANG SEMS LAS BYUNG BA'I CHOS GZHAN GANG YANG DE'I TSE MED PA'I PHYIR RO, ,CI STE DE'I TSE KUN GZHI YOD PAS DE NYID GANG ZAG GI MTSAN GZHI'O SNYAM NA, DE LTA NA MDZOD DANG LEGS LDAN 'BYED KYI LUGS GNYIS LEGS PAR SMRA BA GTING NAS NYAMS TE, DE GNYIS KYI LUGS LA KUN GZHI KHAS LEN PAR SHES RIG DANG LDAN PA SU'ANG MI SMRA PA'I PHYIR RO, ,GSUM PA RANG SDE GZHAN DAG GIS BDAG LTA GNYIS KYI 'DZIN STANGS KYI YUL DU GYUR PA'I BDAG DANG DE BKAG PA'I BDAG MED JI LTAR 'JOG PA'I TSUL NI, BCOM LDAN 'DAS KYIS THEG DMAN GYI MDO SDE RNAMS LAS, BDEN BZHI MI RTAG LA SOGS BCU DRUG MNGON SUM DU MTHONG BA GOMS PAR BYAS PA TZAM GYIS MYA NGAN LAS 'DAS PA THOB PAR GSUNGS SHING, GANG ZAG RANG RGYU THUB PA'I RDZAS YOD TZAM BKAG PA'I GANG ZAG GI BDAG MED LAN MANG DU GSUNGS PA DE LA, RANG SDE BYE BRAG SMRA BA NAS DBU MA RANG RGYUD PA'I BAR THAMS CAD THEG PA CHEN PO'I SDE SNOD LAS KYANG DE BAS LHAG PA'I GANG ZAG GI BDAG MED MA BSTAN PAR 'DOD PAS GANG ZAG GI BDAG MED KYI 'JOG TSUL LA MI MTHUN BA MED DO, ,DE'I PHYIR SLOB DPON SENG GE BZANG POS, DE LA THAMS CAD SHES PA NYID NI GZUGS LA SOGS PA'I CHOS LA MI RTAG PA LA SOGS PA'I RTEN CAN 'BRAS BU BDAG TU RMONGS PA SPANGS PA CAN YIN NO, ZHES DANG, DBU MA SNANG BA LAS, SKYE BA DANG 'JIG PA'I CHOS NYID RTOGS PA'I SGO NAS BDAG MED PA LA 'JUG PA'I PHYIR NYAN THOS RNAMS KYI DBANG DU MDZAD NAS GANG ZAG LA BDAG MED PA LA GZHUG PA'I DGONGS PAS GSUNGS KYI, ZHES SOGS DANG, MNGON PA KUN LAS BTUS LAS, BDAG MED PA'I MTSAN NYID GANG ZHEN, JI LTAR BDAG TU SMRA BA RNAMS KYIS BDAG TU BTAGS PA'I MTSAN NYID DES PHUNG PO DANG KHAMS DANG SKYE MCHED RNAMS MTSAN NYID BRAL LO, ZHES SOGS DANG, RNAM 'GREL LAS, BDEN PA BZHI LA BRTEN PA DANG, ,BDE DANG NGA DANG NGA'I ZHES SOGS, ,YANG DAG MIN PA RNAM BCU DRUG, SGRO BTAGS NAS NI YONGS SU

SRED; ;DE NYID LA NI DE 'GAL DON, ,DE NYID RNAM PA RJES RTOGS CAN, ,LEGS BSGOMS YANG DAG LTA BA YIS, ,SRED PA RJES 'BRANGS BCAS 'JOMS BYED, CES SOGS DANG, RTOG GE 'BAR BA LAS KYANG, 'DI DAG DANG MTHUN PAR BSHAD PA LA SOGS BRGYA CHER YOD MONG KYI, KHUNGS RNAMS RDZOGS PAR BRIS NA MANGS PAR 'GYUR BSAM BKOD DO, ,DES NA BYE BRAG SMRA BA NAS DBU MA RANG RGYUD PA'I BAR THEG PA CHE CHUNG GI RANG SDE SU'I LUGS LA YANG GANG ZAG RANG RKYA THUB PA'I RDZAS YOD DU 'DZIN PA NYID GANG ZAG GI BDAG 'DZIN LHAN SKYES KYI 'DZIN STANGS YIN PAR 'DOD LA, DE'I 'DZIN TSUL NGA ZHES 'DZIN PA'I GZHI'I BDAG 'DI PHUNG PO'I RJE BO LTA BU DANG PHUNG PO RNAMS DE'I KHO LA [?] BO LTA BUR 'DZIN TE, NGA'I GZUGS NGA'I TSOR BZHES SOGS KYI SGO NAS PHUNG PO RNAMS BDAG DES DBANG BSGYUR BYAR 'DZIN PA'I PHYIR RO, ,DES NA RJE KHOL LTAR BDAG PHUNG PO DANG MTSAN NYID MI MTHUN BA'I RANG RGYA BAR SNANG LA, DE LTAR DU YOD PAR ZHEN PA NI BDAG RDZAS YOD DU 'DZIN PA'O, ,DE YANG NGA'O SNYAM PA'I DMIGS YUL DU GYUR PA'I BDAG DE RTAG MI RTAG DANG GCIG DANG DU MA SOGS GANG DU YOD SNYAM DU SEMS PA LA ZHUGS NAS DPYAD BA NA, RGYU MTSAN PHYIN CI LOG LA BRTEN NAS SKYE 'JIG MI BYED PA'I RTAG DNGOS DANG CHA SHAS MED PA'I GCIG PU SOGS SU 'DZIN PA NI BDAG 'DZIN KUN BRTAGS KYI RTAG GCIG RANG DBANG CAN DU 'DZIN TSUL DU 'DOD KYI BDAG 'DZIN LHAN SKYES KYI 'DZIN STANGS LA DE 'DRA BA'I RTAG GCIG RANG DBANG CAN DU 'DZIN TSUL YOD PAR GRUB MTHA' SMRA BA DE DAG SU YANG MI 'DOD DO, ,'ON KYANG BDAG 'DZIN LHAN SKYES KYIS BZUNG BA LTAR GRUB NA DE 'DRA BA'I RTAG GCIG RANG DBANG CAN DU GRUB DGOS PAS, DE 'DRA BA'I RTAG GCIG RANG DBANG CAN DU GRUB PA KHEGS NA GANG ZAG RANG RGYA THUB PA'I RDZAS YOD DU GRUB PA KHEGS PA DANG, GANG ZAG PHUNG PO DANG MTSAN NYID MI MTHUN PA'I RANG RKYA THUB PA'I RDZAS YOD DU GRUB PA RNAM PAR BCAD TZAM DE NYID RTOGS BYA GANG ZAG GI BDAG MED KYI DON YIN PAR 'DOD PA LA KHYAD PAR MED CING, DE'I PHYIR DE TZAM ZHIG RTOGS PAS GANG ZAG GI BDAG MED MTSAN NYID RDZOGS BRTOGS PAR 'DOD PA DANG, DE TZAM ZHIG MNGON SUM DU MTHONG BA GOMS PA'I STOBS KYIS NYON MONGS PA MA LUS PAR BLONG NUS SO ZHES 'DOD PA NI, BYE BRAG SMRA BA DANG, MDO SDE PA

, ,DANG; RNAL 'BYOR DPYOD PA DANG, DBU MA RANG RGYUD PA THAMS CAD KYI MTHUN MONG GI GRUB PA'I MTHA' YIN NO, ,KHA CIG BDEN BZHI MI RTAG LA SOGS BCU DRUG MNGON SUM DU RTOGS PA'I BLO THAMS CAD GANG ZAG GI BDAG MED MNGON SUM DU RTOGS PA'I BLOR 'DOD PA NI RNAM PAR MA BRTAGS PA CHEN PO YIN TE, DE LTAR NA SDUG BSNGAL BDEN PA'I MI RTAG PA'I RNAM PA RTOGS PA'I BLO DE BDAG MED KYI RNAM BRTOGS PA'I BLOR THAL ZHING, DE 'DOD NA PHRA BA'I SKAD CIG MA RTOGS PA'I 'DZIN STANGS DANG GANG ZAG RANG RKYA THUB PA'I RDZAS YOD MED PAR RTOGS PA'I 'DZIN STANGS LA KHYAD PAR MED PAR THAL LO, ,'DOD NA MI RTAG PA'I RNAM PA DANG BDAG MED PA'I RNAM PA LA KHYAD PAR MED PAR THAL LO, ,GZHAN YANG RNAM 'GREL LAS, STONG NYID LTA BAS GROL 'GYUR GYI, ,SGOM PA LHAG MA DE DON YIN, ZHES MI RTAG PA'I RNAM PA DANG SDUG BSNGAL BA'I RNAM PA RTOGS PA'I BLO LA BRTEN NAS BDAG MED PA'I RNAM PA RTOGS PA'I BLO SKYE ZHING, DE NYID GOMS PA LAS 'KHOR BA LAS GROL BAR 'GYUR PAR BSHAD PA'I TSUL KHONG DU MA CHUD PAR ZAD DO, ,DE YANG BYE BRAG SMRA BA DANG MDO SDE PA GNYIS KYI LUGS LA THEG PA CHEN PO BKAR MI 'DOD CING THEG DMAN GYI SDE SNOD LAS CHOS KYI BDAG MED BSTAN PAR YANG KHAS MI LEN PAS, CHOS KYI BDAG MED DANG DE GOMS PA'I STOBS KYIS SHES BYA'I SGRIB PA SPONG BA SOGS KYI RNAM GZHAG MI BYED LA, DE'I PHYIR RNAM 'GREL DANG MDZOD LA SOGS PA'I NYAN THOS SDE GNYIS KYI GRUB MTHA' STON PA'I GZHUNG TSAD LDAN GANG DU'ANG NYAN THOS SDE GNYIS KYI GRUB MTHA' 'CHAD PA NA DE 'DRA BA'I RNAM GZHAG MA BSHAD DO, ,DES NA NYAN THOS SDE GNYIS KYI LUGS LA NYAN THOS SU RIGS DES PA'I GANG ZAG GIS GONG DU BSHAD PA'I GANG ZAG GI BDAG MED DE NYID BSOD NAMS KYI TSOGS RGYA CHUNG DU GSOG PA'I THABS KYIS ZIN PAR BYAS PA'I SGO NAS NYAMS SU BLANGS PAS MYUR NA TSE GSUM GYIS NYAN THOS KYI BYANG CHUB THOB PAR 'GYUR ZHING, RANG SANGS RGYAS SU RIGS NGES PA BSE RU LTA BU'I RIGS CAN GYIS BSOD NAMS KYI TSOGS 'BRING DU GSOG PA'I THABS KYIS ZIN PAR BYAS TE NYAMS SU BLANGS PAS BSKAL BA BRGYA'I DUS KYIS RANG SANGS RGYAS KYI BYANG CHUB THOB PAR 'GYUR LA, DGRA BCOM PA DE GNYI GA YANG NYON MONGS PA MA LUS PAR SPANGS KYANG, SHES BYA THAMS CAD MNGON

SUM DU 'BYED PA LA THUGS RAB TU MI GSAL BA'I CHA NYON MONGS PA CAN MA YIN PA'I MI SHES PA'I BAG CHAGS MA SPANGS SHING, THEG PA CHEN PO'I RIGS CAN GYIS THEG PA CHEN PO'I SEMS BSKYED DANG BSOD NAMS KYI TSOGS KYI RNAM PA MTHA' YAS BA BSKAL PA GRANGS MED PA GSUM DU GSOG PA'I THABS MKHAS KYIS ZIN PA'I SGO NAS GANG ZAG GI BDAG MED DE NYID GOMS PAR BYAS NA, NYON MONGS PA CAN MA YIN PA'I MI SHES PA'I BAG CHAGS KYANG MA LUS PAR SPANGS PA'I SGO NAS RDZOGS PA'I SANGS RGYAS KYI GO 'PHANG THOB PAR 'GYUR RO, ZHES 'DOD LA, DE YANG BSKAL PA GRANGS MED PA GSUM DU TSOGS GSOG PA'I RING GZHAN THAMS CAD NI THAR PA CHA MTHUN LA GNAS PA'I GNAS SKABS KHO NA YIN ZHING, SBYOR LAM DROD NAS BZUNG STE RDZOGS PA'I SANGS RGYAS KYI ZAD MI SKYE SHES PA'I YE SHES KYI BAR THAMS CAD BSAM GTAN BZHI BA'I SEMS LA BRTEN NAS RTEN GCIG LA SKYED PAR BYED DO ZHES SMRA STE MDZOD LAS, STON DANG BSE RU BYANG CHUB PAR, ,BSAM GTAN MTHA' RTEN GCIG LA KUN, ,DE YI SNGON DU THAR CHA MTHUN, ZHES BSHAD PA LTAR RO, ,GZHAN YANG MDZAD PA BCU GNYIS KYI SROD LA BDUD BTUL BA YAN CHAD SO SO SKYE BO MTSAN NYID PA YIN PA DANG, MNGON PAR RDZOGS PAR SANGS RGYAS NAS MYA NGAN LAS 'DA' BA'I MDZAD PA MA BSTAN GYI BAR DU LHAG MA DANG BCAS PA'I MYA NGAN LAS 'DAS PA DANG, SKU TSE'I 'DU BYED BTANG NAS LHAG MA MED PA'I MYANG 'DAS MNGON DU MDZAD CING MAR ME SHI BA LTAR BAM RIG GNYIG RGYUN CHAD PAR SMRA BA DANG, LONGS SPYOD RDZOGS PA'I SKU'I RNAM GZHAG GTAN NAS KHAS MI LEN PA NI NYAN THOS SDE GNYIS KYI THUN MONG GI 'DOD PA YIN LA, 'ON KYANG BYE BRAG TU SMRA BA NI MCHOG GI SPRUL PA'I SKU'I GZUGS SKU SO SO'I YE BO'I PHUNG PO'I RGYUN YIN PAS SDUG BSNGAL GYI BDEN PA YIN PA'I PHYIR RDZOGS PA'I SANGS RGYAS MA YIN PAR SMRA LA, MDO SDE BAS DE LA GNOD BYED BRJOD DO RDZOGS PA'I SANGS RGYAS MTSAN NYID PAR KHAS LEN PA'I TSUL LA SOGS PA BRJOD PAR BYA BA MA NGI DU YOD MOD KYI DKYUS MA 'CHAD PA'I GE GAS SU 'GYUR BA'I PHYIR MA BRIS SO, ,SEMS TZAM PA DANG DBU MA RANG RGYUD PA GNYIS YANG THEG DMAN GYI SDE SNOD LAS CHOS KYI BDAG MED CUNG ZAD KYANG MA BSTAN PAR 'DOD PA LA KHYAD PAR MED CING, GRUB

, ,MTHA' SMA BA DE GNYIS KYIS THEG PA CHEN PO'I MDO SDE GANG GI RJES SU 'BRANGS TE CHOS KYI BDAG MED JI LTAR RNAM PAR 'JOG PA'I TSUL NI RGYAS PAR GONG DU BRJOD ZIN TO, ,BZHI PA DE LA DPAL LDAN ZLA BAS DGAG PA JI LTAR BRJOD PA'I TSUL NI, GANG ZAG GI BDAG 'DZIN LHAN SKYES KYI 'DZIN STANGS LA, GANG ZAG RANG RKYA THUB PA'I RDZAS YOD DU 'DZIN PA MED PA SOGS KYI SKYON BRJOD TSUL NI GONG DU BSHAD ZIN LA KHYOD KYI RNAL 'BYOR BDAG MED MTHONG BA YIS, ,GZUGS SOGS DE NYID RTOGS PAR MI 'GYUR ZHING, ,GZUGS LA DMIGS NAS 'JUG PHYIR 'DOD CHAGS SOGS, ,SKYE 'GYUR DE YI NGO BO RTOGS MED PHYIR CES GSUNGS PA'I DON NI 'OG TU BSHAD BAR BYA'O, ,GNYIS PA THAL 'GYUR BA'I LUGS KHYAD PAR DU BRJOD PA NI, GONG DU BSHAD PA LTAR RNAL 'BYOR DPYOD PA PA DANG DBU MA RANG RGYUD PA RNAMS GANG ZAG DANG CHOS KYI STENG DU GANG BKAG PAS BDAG MED DU 'JOG PA'I BDAG GNYIS DANG DER ZHEN LUGS RIGS MI 'DRA BA KHO NAR 'DOD MOD KYANG, DPAL LDAN ZLA BAS, GZHI CHOS CAN GYI SGO NAS BDAG MED GNYIS SU 'BYED KYI DGAG BYA'I BDAG LA RIGS MI 'DRA BA'I KHYAD PAR MI BZHED DE, 'JUG PA LAS, BDAG MED 'DI NI 'GRO BA RNAM SGROL PHYIR, ,CHOS DANG GANG ZAG DBYE BAS RNAM GNYIS GSUNGS, ZHES PA LTAR RO, ,DES NI DGAG BYA RANG BZHIN GYIS GRUB PA DE NYID GZHI GANG ZAG GI STENG DU BKAG PA NI GANG ZAG GI BDAG MED DANG, GZHI CHOS KYI STENG DU BKAG PA NI CHOS KYI BDAG MED KYI DON DU BZHED DE, BZHI BRGYA PA'I 'GREL PA LAS, DE LA BDAG CES BYA BA NI GANG ZHIG DNGOS PO RNAMS KYI GZHAN LA RAG MA LAS PA'I NGO BO RANG BZHIN TE [?] DE MED PA NI BDAG MED PA'O, ,DE NI CHOS DANG GANG ZAG GI DBYE BAS GNYIS SU RTOGS TE, CHOS KYI BDAG MED BA DANG, GANG ZAG GI BDAG MED PA'O, CES GSUNGS PA LTAR RO, ,SLOB DPON SANGS RGYAS BSKYANGS KYANG DGAG BYA'I BDAG NI RANG GI NGO BOS GRUB PA 'BA' ZHIG LA BZHED DE, THEG DMAN GYI SDE SNOD LAS CHOS KYI BDAG MID GSUNGS PA'I TSUL 'CHAD PA'I SKABS SU 'GREL PA BUDDHA P'A LI TA LAS, BCOM LDAN 'DAS KYIS 'DU BYED RNAMS BDAG MED PA'I DPER, SGYU MA DANG, BRAG CHA DANG, GZUGS BRNYAN DANG, SMIG RGYU DANG, RMI LAM DANG, DBU BA BRDOS PA DANG, CHU YI CHU BUR DANG, CHU SHING GI PHUNG BO DAG BSTAN TE, 'DI LA DE BZHIN NYID

DAM MNOR BA DE BZHIN NYID NI 'GA' YANG MED DE, 'DI DAG NI SPROS PA YANG YIN, 'DI DAG NI RDZUN PA YANG YIN NO, ZHES KYANG GSUNGS SO, ,CHOS THAMS CAD BDAG MED DO ZHES GSUNGS PA LA, BDAG MED PA ZHES BYA BA NI NGO BO NYID MED PA'I DON TE, BDAG CES BYA BA'I SGRA NI NGO BO NYID KYI TSIG YIN PA'I PHYIR RO, ZHES GSUNGS SO; ;DE'I PHYIR SLOB DPON 'DI GNYIS KYI BZHED PA LA MI MTHUN PA CUNG ZAD KYANG MED DO, ,DE LA SPYIR BCOM LDAN 'DAS KYIS CHOS KYI BDAG MED DNGOS SU BSTAN PA'I GDUL BYA'I RIGS NI GNYIS TE, RGYUD YONGS SU MA SMIN PAS CHOS KYI BDAG MED PHRA BAR SHIG DNGOS SU BSTAN PA'I SNOD DU MI RUNG ZHING DA LTA YANG CHOS KYI BDAG MED RAGS PA TZAM DNGOS SU BSTAN PA'I SNOD DU RUNG BA DANG, RGYUD YONGS SU SMIN PAS DE'I TSE NYID NAS CHOS KYI BDAG MED PHRA BA YANG DNGOS SU BSTAN PA'I SNOD DU RUNG BA'I GANG ZAG GO ,DANG PO'I DBANG DU BYAS NAS 'KHOR LO THA MA'I MDO LAS GZUNG 'DZIN RDZAS GZHAN BKAG PA TZAM GYI CHOS KYI BDAG MED BSTAN LA, GNYIS PA'I DBANG DU BYAS NAS SHES RAB KYI PHA ROL TU PHYIN PA SOGS LAS CHOS THAMS CAD RANG BZHIN GYIS GRUB PA BKAG PA'I CHOS KYI BDAG MED PA GSUNGS SO, ,DE LTAR TSUL GNYIS BSTAN KYANG, CHOS KYI BDAG MED PHRA BA GOMS PAR MA BYAS PAR RAGS BA TZAM ZHIG SGOM PA GOMS PAS NI SHES BYA'I SGRIB PA'I SA BON CUNG ZAD KYANG SPANG BAR MI NUS SO, ,DE BZHIN DU THEG DMAN GYI SDE SNOD LAS KYANG RE SHIG GANG ZAG GI BDAG MED PHRA BA DNGOS SU STON PA'I SNOD DU MI RUNG BA GDUL BYA RGYUD YONGS SU MA SMIN PA'I NYAN THOS KYI RIGS CAN GYI DBANG DU MDZAD NAS, BDEN PA BZHI'I RNAM PA MI RTAG LA SOGS BCU DRUG GTZO BOR SMOS PA'I RNAM PAS GANG ZAG RANG RKYA THUB PA'I RDZAS YOD BKAG PA TZAM GYI GANG ZAG GI BDAG MED DANG, NYAN THOS KYI RIGS CAN GYI GDUL BYA RGYUD YONGS SU SMIN PA'I DBANG DU MDZAD NAS, GANG ZAG RANG BZHIN GYIS GRUB PA BKAG PA'I GANG ZAG GI BDAG MED PA GSUNGS TE, DE LTAR GANG ZAG GI BDAG MED PHRA RAGS GNYIS GSUNGS KYANG SNGA MA NI GTZO CHER 'KHOR BA LAS YID 'BYUNG BA SKYED BA'I THABS DANG, 'DOD CHAGS LA SOGS PA'I KUN NAS DKRIS PA MNGON GYUR MGO GNON PA TZAM GYI CHED DU GSUNGS PA SMIN BYED KYI LAM TZAM YIN GYI, NYON MONGS PA'I SA BON LAS DNGOS SU GROL BAR BYED PA'I LAM MA YIN LA, NYAN THOS KYI RIGS CAN DAG GIS

, ,KYANG GANG ZAG RANG BZHIN GYIS GRUB PAS STONG PAR SGOM PA GOMS PA'I STOBS KYIS NYON MONGS PA'I SA BON LAS GROL BAR BYED DGOS SO ZHES SLOB DPON 'DI GNYIS BZHED DO, ,DES NA MKHAS PA NAS BYIS PA'I BAR GYI SEMS CAN THAMS CAD LA THOG MA MED PA NAS KHYAD MED DU YOD PA'I NGA'O SNYAM PA'I BLO 'DI NYID LA, NGA ZHES PA'I THA SNYAD GANG LA 'JUG PA'I GZHIR GYUR PA'I DA DE [?] YUL GYI RANG NGOS NAS GRUB PA LTA BUR SNANG BA DANG, SNANG TSUL DE LTAR DU ZHEN BA NI NGA RANG BZHIN GYIS GRUB PAR 'DZIN PA'I 'DZIN TSUL TE, DE NYID NGAR 'DZIN LHAN SKYES KYI 'DZIN STANGS YIN NO, ,DE'I PHYIR NGA RANG BZHIN GYIS GRUB PA NI NGAR 'DZIN LHAN SKYES KYI 'DZIN STANGS KYI YUL DU GYUR BA GANG ZAG GI BDAG CES THA SNYAD BYAS PA STE, THA SNYAD TZAM DU YANG YOD PA DON DAM DPYOD BYED KYI RIGS PAS DGAG PAR BYA BA YIN ZHING, DE BKAG PA GANG ZAG GI BDAG MED DANG DON DAM BDEN PA YIN LA, SEMS TZAM PA DANG DBU MA RANG RGYUD PA DAG GANG ZAG GI BDAG MED DON DAM BDEN BAR MI 'DOD CING, GANG ZAG GI BDAG 'GOG PA'I RIGS PA YANG KUN RDZOB DPYOD BYED KYI RIGS PAR 'DOD DO, ,DAR 'DZIN LHAN SKYES DE'I DMIGS PA'I YUL DU GYUR PA'I NGA NI THA SNYAD DU LAS 'BRAS KYI RTEN DU YOD LA, DE'I MTSAN GZHI NI PHUNG PO RNAMS TSOGS PA DANG RE RE BA DANG PHUNG PO RNAMS LAS DON GZHAN PA YANG MA YIN GYI PHUNG PO LA BRTEN NAS BTAGS TZAM GYI THA SNYAD PA STE, DPER NA SHING RTA'I YAN LAG RNAMS TSOGS PA TZAM DANG YAN LAG RE RE BA DANG YAN LAG RNAMS LAS DON GZHAN PA YANG SHING RTA MA YIN GYI YAN LAG RNAMS LA BRTEN NAS SHING RTAR 'DOGS PA BZHIN NO SNYAM DU DGONGS SO,, DE'I PHYIR MDO LAS, JI LTAR YAN LAG TSOGS RNAMS LA, ,BRTEN NAS SHING RTAR BRJOD PA LTAR, ,DE BZHIN PHUNG PO RNAMS BRTEN NAS, ,KUN RDZOB SEMS CAN ZHES BYA'O, ZHES DANG, RGYAL PO CHEN PO SKYES BU GANG ZAG DE NI KHAMS DRUG 'DUS PA, REG PA'I GZHI DRUG PA, YID KYI NYE BAR SPYOD PA BCO BRGYAD PA'O, ZHES GSUNGS SO, ,RANG GI PHUNG PO RNAMS DANG MIG DANG RNA BA LA SOGS PA NI GANG ZAG DANG CHOS GNYIS SU PHYE BA'I NANG NAS CHOS YIN ZHING, DE DAG RANG BZHIN GYIS GRUB PAR 'DZIN PA NI CHOS KYI BDAG 'DZIN YIN NO, ,DE LA RANG RGYUD KYIS BSDUS PA'I MIG RNA SOGS NI NGA YI BA'I MTSAN GZHI DANG GANG ZAG DANG CHOS GNYIS

SU PHYE BA'I YA GYAL GYI CHOS KYI MTSAN GZHI GNYI GA YIN LA, DE DAG BLO LHAN SKYES LA YUL GYI RANG NGOS NAS GRUB BA'I NGA YI BAR SNANG ZHING DE 'DRA'I NGA YI BA LA DMIGS NAS RANG GI MTSAN NYID KYIS GRUB PAR ZHEN PA NI NGA YI BAR 'DZIN PA LHAN SKYES YIN LA, RANG RGYUD KYIS BSDUS PA'I MIG SOGS LA DMIGS NAS RANG GI MTSAN NYID KYIS GRUB PAR 'DZIN PA LA NGA YI BAR 'DZIN PA'I 'DZIN STANGS YOD PAS MA KHYAB PA NI BLO KHA NANG DU PHYOGS NAS BLTAS NA MYONG BAS 'GRUB PA SHIN TU GSAL ZHING, DE'I PHYIR MIG SOGS NGA YI BA'I MTSAN GZHI YIN KYANG DE LA DMIGS NAS RANG GI MTSAN NYID KYIS GRUB PAR 'DZIN PA LA NGA YIR 'DZIN PA YIN MI DGOS PA GSAL BAR GRUB PAS, RANG RGYUD KYI MIG SOGS LA DMIGS NAS RANG GI MTSAN NYID KYIS GRUB PAR 'DZIN KYANG NGA YI BAR 'DZIN PA'I 'DZIN STANGS MED PA DAG NI CHOS KYI BDAG 'DZIN YIN GYI NGA YI BAR 'DZIN PA MA YIN LA, DE DAG NGA YI BAR SNANG BA'I NGA YI BA RANG GI MTSAN NYID KYIS GRUB PAR 'DZIN PA NI NGA YI BAR 'DZIN PA YIN GYI CHOS KYI BDAG 'DZIN MA YIN LA, RANG RGYUD KYIS MA BSDUS PA'I YO BYAD DANG YUL LA NGA YI LONGS SPYAD BYAR RANG BZHIN GYIS GRUB PAR 'DZIN PA TZAM GYIS NGA YIR 'DZIN PAR MI 'GYUR RO, ,DE YANG NGAR 'DZIN LHAN SKYES YIN NA GANG ZAG GI BDAG 'DZIN DANG 'JIG LTA YIN PAS KHYAB KYANG, DE GNYIS YIN NA NGAR 'DZIN PAS MA KHYAB STE, GANG ZAG GZHAN LA DMIGS NAS RANG GI MTSAN NYID KYIS GRUB PAR 'DZIN PA DE GANG ZAG GI BDAG 'DZIN YIN KYANG, NGAR 'DZIN DANG NGA YI BAR 'DZIN PA GANG YANG MA YIN PA'I PHYIR DANG, NGA YI BAR 'DZIN PA YANG 'JIG LTA DANG GANG ZAG GI BDAG 'DZIN YIN KYANG NGAR 'DZIN MA YIN PA'I PHYIR RO, ,GNYIS PA NYAN RANG GIS CHOS KYI BDAG MED RTOGS PA YOD MED BSHAD PA LA, DPAL LDAN ZLA BA JI LTAR BSHAD PA'I TSUL DANG, DE NYID MI 'THAD BAR 'DOD PA'I LOG RTOG DGAG PA DANG, NYAN RANG GIS CHOS KYI BDAG MED RTOGS PA YOD PAR BZHED PA'I TSAD LDAN GZHAN GYI'ANG LUGS BRJOD PA DANG, NYAN RANG GIS CHOS KYI BDAG MED RTOGS PA YOD PA 'THAD PA'I SGRUB BYED KYI LUNG RIGS RGYAS PAR BSHAD PA'O, ,DANG PO NI, DPAL LDAN ZLA BAS NYAN RANG GIS CHOS KYI BDAG MED RTOGS PA YOD PAR LUNG DANG RIGS PA GNYIS KYI SGO NAS BSGRUBS PA'I LUNG NI SA BCU PA'I MDO LAS, KYE RGYAL BA'I SRAS

, ,DAG 'DI LTA STE, DPER NA RGYAL PO'I RIGS SU SKYES PA'I RGYAL PO'I BU RGYAL PO'I MTSAN DANG LDAN PA NI SKYES PA TZAM GYIS RGYAL PO'I BYIN GYIS BLON PO'I TSOGS THAMS CAD ZIL GYIS GNON GYI RANG GI BLO'I STOBS KYIS RNAM PAR DPYAD PAS NI MA YIN NO, ,NAM DE NAR SON PAR GYUR PA DE'I TSE RANG GI BLO YI STOBS BSKYED BAS BLON PO'I BYA BA THAMS CAD LAS NI SHIN TU 'DAS PA YIN NO, ,KYE RGYAL BA'I SRAS DAG DE BZHIN DU BYANG CHUB SEMS DPA' YANG SEMS BSKYED MA THAG TU LHAG PA'I BSAM PA'I CHE BA NYID KYIS NYAN THOS DANG RANG SANGS RGYAS THAMS CAD ZIL GYIS GNON GYI RANG GI BLO YI STOBS KYIS RNAM PAR DPYAD PAS NI MA YIN NO, ,BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' NI RANG GI YUL SHES PA'I CHE BA LA GNAS PAS NYAN THOS DANG RANG SANGS RGYAS KYI BYA BA THAMS CAD LAS SHIN TU 'DAS PA YIN NO, CES GSUNGS PA DRANGS NAS, LUNG 'DI LAS NA NYAN THOS DANG RANG SANGS RGYAS RNAMS LA YANG CHOS THAMS CAD RANG BZHIN MED PAR SHES PA YANG YOD DO ZHES BYA BAR GSAL BAR NGES TE, ZHES 'JUG PA'I RANG 'GREL LAS GSUNGS SHING, DE YANG SEMS DANG PO BSKYED PA CES PA NI DON DAM PA'I SEMS DANG PO BSKYED PA SA DANG PO'I GNAS SKABS YIN LA, SKABS DER NYAN RANG RNAMS BLO YI STOBS KYIS ZIL GYIS GNON MI NUS PAR GSUNGS PAS NI NYAN RANG RNAMS LA YANG CHOS KYI BDAG MED RTOGS PA YOD PAR GRUB STE GZHAN DU NA SA DANG POR CHOS KYI BDAG MED MNGON SUM DU RTOGS SHING NYAN RANG DGRA BCOM PAS CHOS KYI BDAG MED MA RTOGS PA'I PHYIR SA DANG PO BAS KYANG NYAN RANG RNAMS BLO YI STOBS KYIS ZIL GYIS GNON PAR 'GYUR RO SNYAM DU DGONGS SO, ,RIGS PA NI 'JUG PA'I RANG 'GREL LAS, DE LTA MA YIN NA DNGOS PO RANG BZHIN MED PAR YONGS SU SHES PA DANG BRAL BA'I PHYIR 'JIG RTEN PA'I 'DOD CHAGS DANG BRAL BA LTAR DE DAG KYANG SEMS DANG PO BSKYED PA'I BYANG CHUB SEMS DPAS KYANG RANG GI BLOS RNAM PAR DPYAD PAS KYANG ZIL GYIS GNON PAR 'GYUR LA, PHYI ROL PA BZHIN DU 'DI DAG GIS KHAMS GSUM NA SPYOD PA'I PHRA RGYAS THAMS CAD SPANGS PAR YANG MI 'GYUR RO, ,GZUGS LA SOGS PA'I RANG GI NGO BO LA DMIGS PAS PHYIN CI LOG TU GYUR PA'I PHYIR GANG ZAG GI BDAG MED PA RTOGS PAR YANG MI 'GYUR

TE BDAG TU GDAGS PA'I RGYU PHUNG PO LA DMIGS PA'I PHYIR RO, ZHES GSUNGS PA RNAMS KYIS RIGS PA GSUM BSTAN TE, RIGS PA DANG PO NI, SA DANG PO LA GNAS PA'I BYANG SEMS CHOS CAN, KHYOD KYIS 'JIG RTEN PA'I CHAGS BRAL RNAMS BLOS ZIL GYIS GNON NUS LA NYAN RANG DGRA BCOM PA BLOS ZIL GYIS GNON MI NUS PA'I KHYAD PAR MI 'THAD PAR THAL, KHYOD KYIS CHOS THAMS CAD KYI GNAS LUGS MNGON SUM DU RTOGS PA GANG ZHIG ,DE GNYI GA'ANG DNGOS PO'I GNAS LUGS GTAN NAS MA RTOGS PAR MTSUNGS PA'I PHYIR, CES PA STE ZIL GYIS GNON PAR 'GYUR LA, ZHES PA YAN CHAD KYI DON TO, ,'DI LA KHA CIG NA RE, 'JIG RTEN BA'I CHAGS BRAL DANG NYAN RANG DGRA BCOM GNYIS CHOS NYID MA RTOGS PAR MTSUNGS KYANG NYON MONGS MA LUS PA SPONG NUS KYI GANG ZAG GI BDAG MED RTOGS PA YOD MED MI MTSUNGS PAS SKYON MED CES LAN GDAB PAR NUS SO ZHES SMRA BA NI MUN SPRUL TE, NYAN THOS DGRA BCOM GYIS CHOS KYI BDAG MED MA RTOGS NA GANG ZAG GI BDAG MED KYANG RTOGS BA MI 'THAD DO CES 'GOG PA'I SKABS YIN PAS SGRUB BYED BSGRUB BYA DANG MTSUNGS PA'I PHYIR RO, ,RIGS PA GNYIS PA NI, NYAN RANG DGRA BCOM 'DI DAG CHOS CAN, KHYOD KYIS KHAMS GSUM GYI NYON MONGS MA LUS BAR SPANGS PA MI 'THAD PAR THAL, NYON MONGS PA THAMS CAD KYI RTZA BA MA RIG PA DANG 'DZIN STANGS DNGOS SU 'GAL BA'I GNYEN PO RGYUD LA MA SKYES PA'I PHYIR, DPER NA PHYI ROL PA'I DRANG SRONG BZHIN, GAL TE 'KHOR BA'I RTZA BAR GYUR BA'I NYON MONGS PA CAN GYI MA RIG PA NI BDEN 'DZIN LA MI BYED KYI GANG ZAG RTAG GCIG RANG DBANG CAN DU 'DZIN PA'I 'JIG LTA LA BYED PA'I SKYON MED DO SNYAM NA, DE LTA NA GRUB MTHAS BLO MA BSGYUR BA'I DUD 'GRO SOGS LA 'KHOR BA'I RTZA BAR GYUR PA'I MA RIG PA MED PAR THAL BA BZLOG TU MED DO, ZHES BYA BA NI PHYI ROL PA BZHIN DU ZHES SOGS KYI DON TO, ,GZHUNG LHAG MAS BSTAN PA'I RIGS PA GSUM PA NI, NYAN THOS DGRA BCOM CHOS CAN, KHYOD KYIS GANG ZAG GI BDAG MED MTSAN NYID RDZOGS PA MA RTOGS PAR THAL, GANG ZAG DANG GANG ZAG TU GDAGS PA'I GZHI PHUNG PO'I NGO BO LA LOG PAR ZHUGS PA'I BLO DANG 'DZIN STANGS DNGOS SU 'GAL BA'I GNYEN PO RGYUD LAM SKYES PA'I PHYIR, 'DIS NI GDAGS GZHI PHUNG PO LA BDEN PAR ZHEN PA'I ZHEN YUL SUN MA PHYIN NA BTAGS CHOS

, ,GANG ZAG LA BDEN PAR 'DZIN PA'I ZHEN YUL YANG SUN MI PHYIN PAS GANG ZAG GI GNAS LUGS MNGON SUM DU MA RTOGS PAR GANG ZAG GI BDAG MED MTSAN NYID RDZOGS PA MNGON SUM DU RTOGS PA MI 'THAD DO ZHES BSTAN TO, ,TSUL 'DI NYID SLOB DPON KLU SGRUB KYI DGONGS PAR SGRUB PA'I PHYIR, RIN CHEN PHRENG BA LAS, JI SRID PHUNG POR 'DZIN YOD PA, ,DE SRID DE LAS NGAR 'DZIN NYID, ,NGAR 'DZIN YOD NA YANG LAS TE, ,DE LAS YANG NI SKYE BA YIN, ,LAM GSUM THOG MTHA' DBUS MED PA, ,'KHOR BA'I DKYIL 'KHOR MGAL ME YI, ,DKYIL 'KHOR LTA BU PHAN TSUN GYI, ,RGYU CAN 'DI NI 'KHOR BAR 'GYUR, ,DE NI RANG GZHAN GNYI GA DANG, ,DUS GSUM NYID DU'ANG MA THOB PHYIR, ,DANG 'DZIN PA NI ZAD PAR 'GYUR, ,DE LAS LAS DANG SKYE BA YANG, ZHES GSUNGS PA RNAMS 'JUG PA'I RANG 'GREL DU DRANGS SO, ,DE'I RKANG PA DANG PO BZHI'I DON NI, PHUNG PO BDEN 'DZIN DANG 'DZIN STANGS DNGOS SU 'GAL BA'I GNYEN PO RGYUD LAM SKYES PAR YOD PA DE SRID DU NGAR 'DZIN LHAN SKYES KYANG RANG DANG 'DZIN STANGS DNGOS SU 'GAL BA'I GNYEN PO MA SKYES PA'I SGO NAS RGYUD LAM NYAMS BAR YOD, DE YOD NA DE'I DBANG GIS LAS BSAGS NAS 'KHOR BAR SKYE BA LEN, CES BSTAN PA YIN ZHING, PHUNG PO BDEN 'DZIN LA BRTEN NAS NGAR 'DZIN SKYE DGOS PAR BSTAN KYANG, GANG ZAG DE'I RGYUD LA PHUNG PO BDEN 'DZIN YONG NA NGAR 'DZIN YOD BAS KHYAB, DE YONG NA LAS BSAGS NAS 'KHOR BAR SKYE BAS KHYAB, CES STON PA MA YIN TE, DPER NA NAS LA BRTEN NAS NAS KYI MYU GU SKYE DGOS PAS KHYAB CES SMRAS NA, DE TZAM GYIS NAS YOD NA NAS KYI MYU GU YOD PAS KHYAB PAR KHAS BLANG MI DGOS PA BZHIN NO, ,SHLOOKA BAR BA'I DON NI, NYON MONGS PA DANG LAS DANG SKYE BA'I KUN NAS NYON MONGS PA STE LAM GSUM PO DE NYID THOG MTHA' DBUS GSUM GYI GO RIM NGES PA MED PAR PHAN TSUN GCIG LA GCIG BRTEN NAS SKYE BA MGAL ME'I 'KHOR LO BZHIN DU 'KHOR BA'O,, SHLOO KA GSUM PA'I DON NI, PHUNG PO DE NI RANG GZHAN GNYI GA DANG DUS GSUM NYID DU'ANG RANG BZHIN GYIS SKYE BA MA THOB PA STE MED PAR MTHONG BA'I PHYIR, DE'I STOBS KYIS NGAR 'DZIN PA NI ZAD PAR 'GYUR LA, DE LAS LAS DANG SKYE BA YANG ZANG PAR 'GYUR RO, ZHES BYA BA'O, ,GZHAN YANG RIN CHEN 'PHRENG BA LAS, JI LTAR MIG NI 'KHRUL PA YIS, CES PA NAS,

DE LTAR YANG DAG JI BZHIN DU, ,'GRO BA DON MED SHES NAS NI, ,RGYU MED PA YI ME BZHIN DU, ,GNAS MED LEN MED MYA NGAN 'DA', ZHES PA'I BAR DU GSUNGS PA RNAMS DRANGS SO, ,CI STE DE DAG BYANG SEMS KHO NA'I DBANG DU MDZAD NAS GSUNGS SO ZHE NA, MA YIN TE, MYA NGAN 'DA', ZHES PA'I MJUG THOGS NYID DU, DE LTAR BYANG CHUB SEMS DPAS KYANG, ,MTHONG NAS BYANG CHUB NGES BAR 'DOD, ,'ON KYANG DE NI SNYING RJE YOS, ,BYANG CHUB BAR DU SRID MTSAMS SBYOR, CES GSUNGS PAS, DE LTAR CES BA DANG KYANG CES PA'I TSIG GI NUS PAS SNGA MA RNAMS NYAN THOS KYI DBANG DU BYAS PAR SHES SO, ,'O NA NYAN THOS KYIS CHOS KYI BDAG MED RTOGS NA, NYAN THOS RNAMS KYIS GANG WA THOS BSAM BYAS NAS BDAG MED GTAN LA 'BEBS BA'I GZHI NYAN THOS KYI SDE SNOD LAS KYANG CHOS KYI BDAG MED BSTAN NA MA ZHE NA, DE NYID BSTAN PAR SGRUB PA NI, 'JUG PA'I RANG 'GREL LAS, NYAN THOS LA BSTAN PA'I MDO DAG LAS KYANG, NYAN THOS RNAMS KYI NYON MONGS PA'I SGRIB PA SPANG BAR BYA BA'I PHYIR; GZUGS NI DBU BA BRDOS PA 'DRA, ,TSOR BA CHU YI CHU BUR BZHIN, ,'DU SHES MIG RGYU LTA BU STE, ,'DU BYED RNAMS NA CHU SHING BZHIN, ,RNAM PAR SHES PA SGYU MA LTAR, ,NYI MA'I GNYEN GYIS BKA' STZAL TO, ZHES BYA BA LA SOGS PAS DBU BA BRDOS PA DANG, CHU YI CHU BUR DANG, SMIG RGYU'I CHU DANG, CHU SHING GI PHUNG PO DANG, SGYU MA LA SOGS PA'I DPE DAG GIS 'DU BYED RNAMS NGES PAR DPYAD PA YIN NO, ,DON 'DI NYID STON PAR MDZAD PA NA SLOB DPON GYI ZHAL SNGA NAS KYIS, THEG PA CHE LAS SKYE MED BSTAN, ,GZHAN GYI ZANG PA STONG PA NYID, ,ZAD DANG MI SKYE'I DON DU NI, ,GCIG PA DE PHYIR BZOD PAR GYIS, ZHES BYA BA DANG, DE BZHIN DU, BCOM LDAN DNGOS DANG DNGOS MED PA, ,MKHYEN PAS KA TA YA NA YI, ,GDAMS DAG LAS NI YOD PA DANG, ,MED PA GNYI GA'ANG DGAG PA MDZAD, CES GSUNGS SO CES BSHAD DO, ,LUNG BAR PA 'DI'I DON RTOGS DKA' BAR YOD NA'ANG 'OG TU BSHAD PAR BYA'O, ,SKABS 'DIR 'GREL PA LAS, GANG ZHIG GAL TE NYAN THOS KYI THEG PA LAS KYANG CHOS LA BDAG MED BA BSTAN NA, DE'I TSE THEG PA CHEN PO BSTAN PA DON MED PAR 'GYUR RO SNYAM DU SEMS PA DE YI LUGS DE YANG 'DI LTAR RIGS PA DANG LUNG DANG 'GAL BAR RTOGS SO, ZHES GSUNGS PA'I PHYOGS SNGA MA SMRA BA PO NI LEGS LDAN 'BYED YIN TE, SANGS RGYAS BSKYANGS KYIS RAB BYED BDUN PA'I

, ,'GREL BAR THEG DMAN GYI MDO LAS CHOS KYI BDAG MED BSTAN PAR BSHAD PA LA, SHES RAB SGRON MAR, DE LTA YIN NA THEG PA CHEN PO BSTAN PA DON MED DU 'GYUR RO, ZHES DGAG PA MDZAD DO, ,DE LA SPYIR THEG CHEN BSTAN PA DON MED DU 'GYUR ZER RAM, THEG CHEN DU CHOS KYI BDAG MED BSTAN PA DON MED DU 'GYUR ZER, DANG PO LTAR NA THAL BA DE LA KHYAB PA YOD NA NI, THEG CHEN GSUNGS PA'I DGOS PA CHOS KYI BDAG MED STON PA KHO NA YIN PAR 'GYUR DGOS LA, DE YANG MA YIN TE THEG CHEN LAS NI BYANG CHUB SEMS DPA'I SA RNAMS DANG, SBYIN SOGS DANG, SMON LAM DANG, BSNGO BA DANG, SNYING RJE LA SOGS PA THABS KYI CHA RMAD DU BYUNG BA DAG DANG, BYANG SEMS KYI MTHU BSAM GYIS MI KHYAD PA DAG KYANG STON PA'I PHYAR TE, RIN CHEN 'PHRENG BA LAS, NYAN THOS THEG PA DE LAS NI, ,BYANG CHUB SEMS DPA'I SMON LAM DANG, ,SPYOD PA YONGS BSNGO MA BSHAD DES, ,BYANG CHUB SEMS DBAR GA LA 'GYUR, ,BYANG CHUB SPYOD LA GNAS PA'I DON; ;MDO SDE LAS NI BKA' MA STZAL, ,THEG PA CHEN LAS BKA' STZAL PA, ,DE PHYIR MKHAS PA RNAMS KYIS BZUNG, ZHES GSUNGS PA'I PHYIR RO, ,GAL TE GNYIS PA LTAR NA DE LA YANG KHYAB PA MED DE, NYAN THOS KYI SDE SNOD LAS NI NYON SGRIB TZAM SPANG BA'I PHYIR DU CHOS KYI BDAG MED PA DOR BSDUS PA TZAM ZHIG BSTAN LA, THEG CHEN LAS NI SHES SGRIB MA LUS PAR SPANG BA'I PHYIR CHOS KYI BDAG MED RGYAS PAR BSTAN PA'I KHYAD YOD PA'I PHYIR TE, 'JIG RTEN LAS 'DAS PAR BSTOD PA LAS, MTSAN MA MED PA MA RTOGS PAR, ,KHYOD KYIS THAR PA MED PAR GSUNGS, ,DE PHYIR KHYOD KYIS THEG CHEN LAS, ,DE NI TSANG BAR BSTAN PA LAGS,, ZHES GSUNGS PA'I PHYIR RO, ,'O NA SLOB DPON 'DI YI LUGS LA, THEG PA CHE CHUNG GI SDE SNOD GNYIS SU CHOS KYI BDAG MED RDZOGS PAR BSTAN MA BSTAN DANG, DE GNYIS KYI LAM DU'ANG CHOS KYI BDAG MED RDZOGS PAR SGOM GYI KHYAD PAR BSHAD PA'I DON GANG YIN SNYAM NA THEG CHEN PAS CHOS THAMS CAD KYI STENG DU BDEN MED GTAN LA PHAB NAS SGOM ZHING, NYAN THOS PAS CHOS NYI CHE BA ZHIG GI STENG DU BDEN MED GTAN LA PHAB NAS SGOM ZHES PA'I DON MA YIN TE, GZHI GRUB PA GCIG GI STENG DU BDEN MED RIGS PA YANG DAG LA BRTEN NAS TSAD MAS NGES NA CHOS GZHAN GANG GI STENG DU'ANG RIGS PA DE NYID LA BRTEN NAS BLO KHA

PHYOGS PA TZAM GYIS BDEN MED NGES NUS PAR GONG DU BSGRUBS ZIN PA'I PHYIR RO, ,DES NA THEG CHEN PAS NI RTZA SHE LAS GSUNGS PA LTAR GZHI RE RE'I STENG DU YANG RIGS PA MI 'DRA BA RE RE LA BRTEN NAS BDEN MED NGES PAR BYED PA DANG, GZHI GCIG GI STENG DU YANG RIGS PA MI 'DRA BA'I SGO DU MA LA BRTEN NAS BDEN MED NGES PAR BYAS PAS DE KHO NA NYID LA BLO SHIN TU RGYAS PAR 'GYUR LA, THEG DMAN LA NI RIGS PA MDOR BSDUS PA GCIG GIS DE KHO NA NYID TSAD MAS GRUB NA, DE NAS RIGS PA'I SGO MI 'DRA BA DU MA LA BRTEN NAS SNGA MA LTAR DE KHO NA NYID LA BLO RGYAS PAR MI BYED PAS, CHOS KYI BDAG MED BSGOM PA RGYAS BSDUS DANG RDZOGS MA RDZOGS KYI KHYAD PAR YOD PAR GSUNGS LA, DE LTA BU'I KHYAD PAR 'BYUNG BA YANG SHES SGRIB SPONG BA LHUR LEN MI LEN GYI DBANG GIS YIN NO, ,DPAL LDAN ZLA BAS JI LTAR BSHAD PA'I TSUL BRJOD ZIN TO, ,GNYIS PA DE NYID MI 'THAD PAR 'DOD PA'I LOG RTOG DGAG PA NI, BRDOL THABS SMRA BA KHA CIG NA RE, ZLA BA GRAGS PAS CHOS KYI BDAG MED MA RTOGS NA GAS [?] ZAG GI BDAG MED RTOGS PA YANG MI 'THAD CES BSHAD PA MI RIGS TE, MDO SDE PAS GANG ZAG GI BDAG MED LUNG RIGS GNYI GAS GTAN LA PHAB PA'I SGO NAS LEGS PAR NGES KYANG PHUNG PO RANG BZHIN MED PAR MA NGES PA'I PHYIR, BTAGS CHOS RANG BZHIN MED PAR NGES PA LA GDAGS GZHI RANG BZHIN MED PAR NGES DGOS PAS KYANG MA KHYAB STE, GNAS MA BU'I SDE PAS BUM PA BTAGS YOD DU RTOGS KYANG BUM PA'I GDAGS GZHIR GYUR PA'I RDUL RDZAS YOD DU SGRO 'DOGS PA'I PHYIR, NYAN THOS DGRA BCOM GYIS CHOS KYI BDAG MED RTOGS PA DANG, BDEN 'DZIN LA NYON MONGS KYIS KHYAB CING NYAN THOS DGRA BCOM GYIS NYON MONGS MA LUS PAR SPANGS PA DANG, SA BDUN PAR NYON MONGS MA LUS PAR MA SPANGS SHING SA BDUN PA NAS NYAN THOS DGRA BCOM CHOS KYI BDAG MED RTOGS PA'I SHES RAB KYIS ZIL GYIS GNON NUS PAR SMRA BA RNAMS NI NANG 'GAL BA YIN TE, DE LTA NAS BDUN PA PAS KYANG NYAN THOS DGRA BCOM BLO YI STOBS KYIS ZIL GYIS GNON MI NUS PAR THAL, SA BDUN PAR SHES RAB KYI STOBS KYIS NYON MONGS MA LUS PAR SPONG BA'I NUS PA MA THOB CING NYAN THOS DGRA BCOM GYIS DE THOB PA'I PHYIR, NYAN THOS DGRA BCOM GYIS MTHONG SPANGS 'JUG PA GZUNG RTOG YANG MA LUS PAR SPANGS PAR THAL, DNGOS PO BDEN

, ,'DZIN MA LUS PAR SPANGS PA'I PHYIR, 'DOD NA MTHONG LAM RTZE SBYOR THOB PAR THAL ZHING, DE YANG 'DOD NA HA CANG THAL LO, ,PHUNG PO BDEN 'DZIN YOD NA NGAR 'DZIN GYI SGO NAS LAS BSAGS NAS 'KHOR BAR SKYE BA LEN PAS KHYAB PAR 'DOD PA MI 'THAD DE, RGYUN ZHUGS MTHONG CHOS ZHI CHOS CAN, LAS KYI DPANG GIS 'KHOR BAR SKYE BAR THAL, PHUNG PO BDEN 'DZIN YOD PA'I PHYIR, SA BCU PA'I MDO'I DON YANG DE LTAR MA YIN GYI, SA DRUG PA MAN CHAD DU BDAG MED RTOGS PA'I SHES RAB KYI STOBS KYIS BAG LA NYAL GYI NYON SGRIB SPONG BA'I NUS PA SHIN TU PHUL DU BYUNG BA MA THOB PAS, NYAN THOS DGRA BCOM BLO YI STOBS KYIS ZIL GYIS GNON MI NUS LA, SA BDUN PAR DE THOB PA'I PHYIR ZIL GYIS GNON NUS SO, ZHES BSHAD PA YIN ZHING, NYAN THOS LA NI DGRA BCOM THOB PA'I DUS SU YANG 'KHOR BAR 'CHING BA'I NYON SGRIB SPANGS KYANG BAG LA NYAL GYI NYON SGRIB SPONG BA'I NUS PA THOB PA MED DO, ,RIN CHEN PHRENG BA'I LUNG GI DON YANG, JI SRID PHUNG PO LA BDEN 'DZIN SHAS CHE BA DE SRID DU NGAR 'DZIN SHAS CHE BAR 'BYUNG BA YIN LA, NGAR 'DZIN SHAS CHE BA DE SRID DU LAS GSOG PA SHAS CHE LA, LAS LA BRTEN NAS SKYE BA 'BYUNG BA SHAS CHE ZHES BYA BA'I DON YIN NO ZHES ZER RO, ,DE LA THAL BA DANG PO NI 'BREL PA MED PA YIN TE, CHOS KYI BDAG MED MA RTOGS NA GANG ZAG GI BDAG MED KYANG MA RTOGS PAS KHYAB PAR 'DOD PA'I DOR, MDO SDE PAS GANG ZAG GI BDAG MED TSAD MAS LEGS PAR GTAN LA PHEBS PA BSGRUB BYA 'BA' ZHIG YIN PAS PHYIR RGOL GYI NGOR BSGRUB BYA GNOD BYED YANG DAG TU SMRAS BA'I PHYIR RIGS PA'I RNAM GZHAG MA CHAGS PA CHES GSAL BAR BYAS SO, KHO BO CAG GIS DBU MA RANG RGYUD PA MAN CHAD RANG SDE MTHA' DAG GIS GANG ZAG GI BDAG MED MTSAN NYID TSANG BA TSAD MAS RTOGS PA LTA ZHOG ,GRUB MTHA' LA BLO KHA MA PHYOGS PA'I SKYE BO THA MAL PA DAG LA YOD PA'I GANG ZAG GI BDAG 'DZIN LHAN SKYES KYI 'DZIN STANGS SUN MA PHYUNG BAR RANG SDE 'DI DAG LA YANG YOD PA'I STENG DU, RANG SDE 'DI DAG GANG ZAG GI BDAG 'DZIN KUN BRTAGS KYIS SGRO BTAGS PA'I GANG ZAG GI BDAG RANG LUGS LA DAM 'CHA' BAS LHAG DANG BCAS PA YIN TE, GANG ZAG GI THA SNYAD BTAGS DON RIGS PAS BTZAL NAS 'JOG PA'I SGO NAS GANG ZAG RANG GI MTSAN NYID KYIS GRUB PAR KHAS LEN PA'I PHYIR,

ZHES RGYA BSKYED DE SMRA BAR BYA YIS, BSGRUB BYA MA YIN PA'I GNOD BYED DANG, RTZOD GZHI MA YIN PA'I MA NGES PA BSTAN RGYU YOD NA SMROS SHIG ,NYAN THOS GNAS MA BU PAS BUM PA BTAGS YOD DU RTOGS SO ZHES BYA BA'I DON CI ZHIG ,BTAGS YOD YIN PAR KHAS BLANGS PA TZAM LA BYED DAM, BTAGS YOD MTSAN NYID TSANG BA TSAD MAS NGES PA LA BYED, DANG PO LTAR NA RGYAD BAN GYIS KYANG SKYE BA SNGA PHYI MED PAR RTOGS PA SOGS SU HA CANG THAL ZHING, RTZA BA'I 'DOD PA'I LAN DU 'BREL PA MED DO, ,GNYIS PA LTAR NA BUM PA'I YAN LAG RE RE BA RNAMS BUM BA MA YIN ZHING, DE RNAMS LAS RDZAS GZHAN DU GYUR BA'I BUM PA YANG MED PA TZAM LA BUM PA BTAGS YOD YIN PA'I DON DU BYAS PA'I NYI CHE BA'I BTAGS YOD TZAM BUM PA'I STENG DU TSAD MAS DES PA LA BYED DAM, BUM PA ZHES MING DU BTAGS PA TZAM GYIS RNAM PAR 'JOG PA MA GTOGS, MING DON RIGS PAS BTZAL NAS CUNG ZAD KYANG BZHAG TU MED PA LA BTAGS YOD KYI DON DU BYAS PA MTSAN NYID YONGS SU RDZOGS PA'I BTAGS YOD BUM PA'I STENG DU TSAD MAS NGES PA LA 'DOD, DANG PO LTAR NA DE TZAM GYIS BUM PA BTAGS YOD DU TSAD MAS NGES PAR 'JOG MI NUS TE, DE LTAR NUS NA, MDO SDE PA CHOS CAN, KHYOD KYIS SPYI MTSAN GYI STENG DU BDEN MED TSAD MAS NGES PAR THAL, KHYOD KYIS SPYI MTSAN GYI STENG DU NYI CHE BA'I BDEN MED TZAM CHAD MAS NGES PA'I PHYIR, MA GRUB NA, GNAS MA BU PAS BUM BA BTAGS YOD DU TSAD MAS GRUB PA BUD, 'DOD NA MDO SDE PA CHOS CAN, KHYOD KYIS SPYI MTSAN GYI STENG DU CHOS KYI BDAG MED TSAD MAS NGES PAR THAL, 'DOD PA DE'I PHYIR, 'DOD NA CHOS KYI BDAG MED MA RTOGS PAR KHAS BLANGS PA DANG 'GAL ZHING, KHYAB RTAGS YANG KHAS BLANGS SO; ;DES NA BTAGS YOD MTSAN NYID TSANG BA TSAD MAS NGAS PA'I DBANG DU BYAS NAS BTAGS CHOS RANG BZHIN MED PAR NGES NA GDAGS GZHI RANG BZHIN MED PAR NGES DGOS SO ZHES SMRA YI, RANG RANG GI GRUB MTHAS BTAGS YOD KYI MTSAN NYID DU BZHAG PA DE 'DRA BA'I BTAGS YOD DU NGES PA LA GDAGS GZHI'ANG DE 'DRA BA'I BTAGS YOD DU NGES DGOS SO ZHES KHAS MI LEN PAS KHO BO CAG LA GNOD PA CUNG ZAD KYANG MED DO, ,DE LTA MA YIN NA, TSAD MA SDE BDUN NAS BSHAD PA'I MED SDE PA DE CHOS CAN, KHYOD NYAN THOS GNAS MA BU PA BAS LTA BA DMAN PAR THAL, DES BUM SOGS BTAGS YOD MTSAN NYID TSANG BAR RTOGS PA GRANG ZHIG KHYAD

, ,BUM SOGS RDZAS GRUB TU SGRO 'DOGS PA'I RGOL BA YIN PA'I PHYIR, ZHES BRJOD NA 'KHOR GSUM KA KHAS BLANGS SO, ,GANG ZAG GI STENG DU RANG BZHIN MED PA MTSAN NYID TSANG BA TSAD MAS NGES NA, PHUNG PO RANG BZHIN GYIS GRUB PAR DAM 'CHA' BA MI SRID DE, RIGS PA GANG LA BRTEN NAS GANG ZAG GI STENG DU DBU MA'I LTA BA MTHAR THUG PA NGES PA'I RIGS PA DES PHUNG SOGS KYI STENG DU'ANG BDEN MED BLO KHA PHYOGS PA TZAM GYIS NGES PAR BYED NUS PA'I PHYIR TE, GZHAN DU NA CHOS THAMS CAD BDEN MED DU RIGS STOBS KYIS NGES BAR BYED PA LA, SHES BYA'I GSAL BA'I DBYE BA SRID CHED RE RE NAS BDEN MED DU RTAGS KYIS SGRUB DGOS PAR 'GYUR ZHING, DE LTA NA SANGS RGYAS MA THOB PAR DU CHOS THAMS CAD BDEN MED DU RIGS STOBS KYIS NGES PA MI SRID PAR 'GYUR RO, ,GONG DU BRJOD PA'I BRTAG PA GNYIS PA LTAR KHAS LEN NA, GNAS MA BU PAS BUM PA'I STENG DU DBU MA'I LTA BA MTHAR THUG PA TSAD MAS NGES BAR THAL LO, ,SA DANG PO BAS KYANG NYAN THOS DGRA BCOM BDAG MED RTOGS PA'I SHES RAB KYI STOBS KYIS ZIL GYIS GNON NUS PAR THAL, SA DANG PO PA'I BDAG MED MNGON SUM DU RTOGS PA'I SHES RAB DE LA MTHONG SPANGS SHES SGRIB MA LUS PAR SPONG BA'I NUS PA YOD CING, NYAN THOS DGRA BCOM LA DE MED PA'I PHYIR DANG, SA DANG PO PA'I RGYUD KYI BDAG MED MNGON SUM DU RTOGS PA'I YE SHES DES YON TAN BRGYA PHRAG BCU GNYIS RJES THOB TU 'DREN PA'I NUS PA YOD CING, NYAN RANG DGRA BCOM LA YANG NUS PA DE MED PA'I PHYIR, ZHES BRJOD NA LAN CI YOD SOMS SHIG ,RTAGS SNGA MA YANG KHAS BLANGS TE, SA DANG PO LA GNAS PAS MTHONG SPANGS SHES SGRIB BRGYA RTZA BRGYAD KYI GNYEN POR CHOS KYI BDAG MED RTOGS PA'I MTHONG LAM RDZOGS PAR THOB LA, NYAN THOS DANG RANG SANGS RGYAS LA DE MED CES RANG GI DAM BCA' YI GER BRIS PA'I PHYIR RO, ,GANG ZAG DE'I RGYUD KYI CHOS KYI BDAG MED RTOGS PA'I SHES RAB KYIS MTHONG SPANGS SPANGS NA, GANG ZAG DE'I RGYUD KYI BDAG MED RTOGS PA'I SHES RAB KYIS SPANGS SO ZHES KYANG NGES PAR KHAS LEN DGOS TE, GZHAN DU NA GANG ZAG DE'I RGYUD KYI SGRA MI RTAG RTOGS KYI RJES DPAG TSAD MAS SGRA RTAG 'DZIN GYI SGRO 'DOGS BSAL NGA [?] NA, GANG ZAG DE'I RGYUD KYI TSAD MAS SGRA RTAG 'DZIN GYI SGRO 'DOGS BSAL LO ZHES KYANG

'JOG MI NUS PAR THAL LO, ,DE'I PHYIR SA DANG PO BAS BDAG MED RTOGS PA'I SHES RAB KYI STOBS KYIS NYAN THOS DGRA BCOM ZIL GYIS GNON MI NUS LA, SA DANG PO BAS KYANG CHOS KYI BDAG MED RTOGS PA'I SHES RAB KYI STOBS KYIS ZIL GYIS GNON NUS SO ZHES KHYAD 'BYED PA NI BZHAD GAD KYI GNAS 'BA' ZHIG YIN NO,, GZHAN YANG, YANG NAS DRUG BA MAN CHAD DU GANG ZAG GI BDAG MED RTOGS PA'I LDOG PA NAS ZIL GYIS GNON MI NUS TE, DE MAN CHAD DU NYON SGRIB BAG LA NYAL SPONG BA'I NUS PA MA THOB PA'I PHYIR, SA BDUN PA NAS GANG ZAG GI BDAG MED RTOGS PA'I CHA NAS KYANG ZIL GYIS GNON NUS TE DER GANG ZAG GI BDAG MED RTOGS PA'I CHA NAS BAG LA NYAL GYI NYON SGRIB SPONG BA'I NUS PA THOB PA'I PHYIR, DE YANG SA BDUN PA'I DUS SU SPONG NUS SHING SA BRGYAD PA'I DUS SU SPANGS PA YIN NO ZHES SMRA BA YANG BAB CHOL YIN TE, SA DANG PO BAS GANG ZAG GI BDAG MED RTOGS PA'I SHES RAB KYI CHA NAS KYANG NYAN THOS DGRA BCOM ZIL GYIS GNON NUS PAR THAL, DE'I RGYUD KYI GANG ZAG GI BDAG MED RTOGS PA'I SHES RAB DE MTSAN 'DZIN GYIS MA BCINGS PA'I SHES RAB YIN, NYAN THOS DGRA BCOM GYI RGYUD KYI GANG ZAG GI BDAG MED RTOGS PA'I SHES RAB DE MTSAN 'DZIN GYIS BCINGS PA'I SHES RAB YIN PA'I PHYIR, ZHES BRJOD NA 'KHOR GSUM KA LA LAN CI YOD, NYAN RANG DGRA BCOM GYIS BDEN 'DZIN CUNG ZAD KYANG MA SPANGS PA DANG, DE'I RGYUD KYI GZHI SHES MTSAN 'DZIN GZHI SHES YIN PAS KHYAB PA SOGS RANG LUGS LA 'THAD LDAN DU KHAS BLANGS SO, ,BAG LA NYAL GYI NYON SGRIB SA BDUN PA'I DUS SU SPONG NUS PA'I RGYU MTSAN CI ZHIG YIN, SA BDUN PA'I YE SHES KYIS BAG LA NYAL GYI NYON SGRIB KYI DNGOS GNYEN BYED PA'I PHYIR ZHES ZER RAM, DE'I DNGOS GNYEN DU GYUR BA'I SA BRGYAD PA'I YE SHES DNGOS SU 'DREN PA'I PHYIR ZER DANG PO LTAR NA SA BRGYAD BA MA THOB BAR DU MA SPANGS PAR 'DOD PA DANG DNGOS SU 'GAL LO, ,GNYIS PA LTAR NA THEG CHEN GYI SBYOR LAM CHOS MCHOG CHEN PO'I DUS SU MTHONG SPANG MA LUS PAR SPONG NUS PAR THAL, DES MTHONG SPANG MA LUS PA DNGOS SU SPONG BA'I THEG CHEN GYI MTHONG LAM DNGOS SU 'DREN PA'I PHYIR, 'DOD NA THEG CHEN GYI SBYOR LAM CHOS MCHOG CHEN PO'I DUS NA CHOS NYID MNGON SUM DU GSAR DU MTHONG NUS PAR THAL, MTHONG SPANGS MA LUS PAR SPONG NUS PA'I PHYIR, 'DOD NA

, ,SO SKYE'I DUS NA 'PHAGS PA YIN PA DANG, RGYU DUS NA 'BRAS BU YOD PA SOGS THAMS CAD 'DOD DGOS PAR 'GYUR RO, ,DES NA RDZUN GYI RIB MA TZAM GYIS RIGS PA'I DPYAD PA MI SHES PA DAG LOG PA'I LAM LA BKRI BAR MA BYED CIG ,NYAN THOS DGRA BCOM GYIS NYON SGRIB MA LUS PAR MA SPANGS SO, ZHES SMRA BA NI THAR PA LA SKUR PA 'DEBS PA STE, SHES BYA CHOS CAN, NYAN THOS MTHONG LAM PAS NYON SGRIB KUN BRTAGS MA LUS PAR MA SPANGS PAR THAL, NYAN THOS DGRA BCOM GYIS NYON SGRIB LHAN SKYES MA LUS PAR MA SPANGS PA'I PHYIR, 'DOD NA NYAN THOS 'PHAGS PA RNAMS DGE 'DUN DKON MCHOG TU BZHAG TU MI RUNG BAR THAL, DE RNAMS KYIS SKYABS GNAS LA YID GNYIS ZA BA'I THE TSOM GYI SA BON ZAD PAR MA SPANGS PA'I PHYIR, MA GRUB NA NYON SGRIB MTHONG SPANGS MA LUS PAR MA SPANGS PA 'GAL LO, ,GZHAN YANG BAG LA NYAL GYI NYON SGRIB DE GTZO BOR THAR PA 'THOB PA LA SGRIB PA YIN NAM, GTZO BOR SHES BYA THAMS CAD MKHYEN PA LA SGRIB PA YIN, DANG PO LTAR NA NYAN THOS DGRA BCOM GYIS THAR PA MA THOB PAR THAL LO, ,'DOD NA 'KHOR BAR 'CHING BYED KYI NYON SGRIB MA LUS PAR SPANGS PA 'GAL LO, ,GNYIS PA LTAR NA BAG LA NYAL GYI NYON SGRIB CHOS CAN, KHYOD SHES SGRIB YIN PAR THAL, KHYOD GTZO BOR SHES BYA THAMS CAD MKHYEN PA LA SGRIB PA'I SGRIB PA YIN PA'I PHYIR, MA KHYAB NA, RGYU RKYEN LAS SKYES PA YIN KYANG BYAS PA MA YIN PA YOD DO ZHES SMRAS NA CIS 'GOG, GTZO BOR SHES BYA THAMS CAD MKHYEN PA LA BAR DU GCOD PA'I SGRIB PA CES PA DE SHES SGRIB KYI SGRA BSHAD YIN GYI MTSAN NYID MA YIN NO ZHE NA, 'O NA RGYU RKYEN LAS SKYES PA YANG BYAS PA'I SGRA BSHAD YIN GYI MTSAN NYID MA YIN NO ZHES BRJOD NA GANG GIS 'BYED CI STE SGRIB PA LA DE GNYIS SU GRANGS MA NGES SO ZHE RA, SHES BYA CHOS CAN, THOB BYA BYANG CHUB LA THAR PA DANG THAMS CAD MKHYEN PA GNYIS SU GRANGS MA NGES PAR THAL, BYANG CHUB 'THOB PA'I GEGS SU GYUR PA'I SPANG BYA SGRIB PA DE GTZO BOR THAR PA LA SGRIB BA DANG, GTZO BOR THAMS CAD MKHYEN PA LA SGRIB PA GNYIS SU GRANGS MA NGES PA'I PHYIR, GZHAN YANG BAG LA NYAL GYI NYON SGRIB CES PA'I MTSAN GZHI GANG LA BYED, MA RIG BAG CHAGS KYIS LA 'DOD DO ZHE NA, DE LTA NA SA BRGYAD PA NAS MA LUS PAR SPANGS PAR 'DOD PA SHIN TU MI RIGS TE, RGYUD BLA RTZA 'GREL LA

MA RIG BAG CHAGS KYI SA DANG ZAG PA MED PA'I LAS KYI RKYEN GYIS YID KYI RANG BZHIN GYI LUS LEN PA SA BCU PA'I BAR DU MA SPANGS PAR BSHAD PA DANG 'GAL BA'I PHYIR DANG, MA RIG BAG CHAGS KYIS SPANGS PA NI BYANG CHUB SEMS DPA' THAMS CAD KYI SPANGS PA LAS KHYAD PAR DU 'PHAGS PA'I RDZOGS PA'I SANGS RGYAS KHO NA'I THUN MONG MA YIN PA'I SPANGS PAR RGYUD BLA RTZA 'GREL SOGS SHING RTA CHEN PO DAG GIS LAN DU MAR BSHAD PA DANG 'GAL BA'I PHYIR DANG, DE SA BRGYAD PAR YANG SPANGS NA 'PHAGS PA DPAL PHRENG GI MDO LAS, DBANG THOB PA'I BYANG CHUB SEMS DPA' YANG, MA RIG BAG CHAGS KYIS DANG ZAG PA MED PA'I LAS KYI RKYEN GYIS YID KYI RANG BZHIN GYI LUS LEN PAR BSHAD PA DANG 'GAL BA'I PHYIR RO, ,GZHAN YANG SA BRGYAD PA LA GNAS PA'I BYANG SEMS CHOS CAN, KHYOD KYIS DE BZHIN GSHEGS PA'I CHOS KYI SKU YI YON TAN GTZANG BA'I PHA ROL TU PHYIN PA THOB PAR THAL, KHYOD KYIS MA RIG BAG CHAGS KYIS MA LUS PAR SPANGS PA'I PHYIR; MA KHYAB NA, DE NI RANG BZHIN DAG PHYIR DANG, ,BAG CHAGS SPANGS PHYIR GTZANG BA YIN, ZHES SOGS KYI RGYUD BLA MA'I GZHUNG RTZA 'GREL LAS GYA TSOMS SU BRGAL BA'O, ,GZHAN YANG MA RIG BAG CHAGS KYI SA NI GNYIS SNANG 'KHRUL BA'AM, BDEN SNANG GI MTSAN MA'I SPROS PA SKYED BA'I RGYUR GYUR PA'I BAG CHAGS LA ZER BA YIN LA, DE MA LUS PAR MA SPANGS PAR GNYIS SNANG GI SPROS PA MA LUS PA NYE BAR ZHI BA'I BDAG GI PHA ROL TU PHYIN PA MI 'THOB PA YIN NO, ,DE LTAR YANG RGYUD BLA MA'I 'GREL PA LAS, MA RIG PA'I BAG CHAGS KYIS DE NYID LA BRTEN NAS MTSAN MA'I SPROS PA KUN TU SPYOD PA PHRA MO DANG LDAN PA'I PHYIR BDAG GI PHA ROL TU PHYIN PA SHIN TU MNGON PAR 'DUS MA BYAS PA MI 'THOB BO, CES GSUNGS SO, ,DE'I PHYIR MA RIG BAG CHAGS KYIS NI SHES BYA'I SGRIB PA KHO NA YIN GYI, MA RIG BAG CHAGS KYIS NYON MONGS PA'I SGRIB PA YIN PAR DBU SEMS KYI SHING RTA CHEN PO SUS KYANG BSHAD PA MED DO, ,DE BZHIN DU NYAN RANG DGRA BCOM GYIS NYON MONGS PA'I SGRIB PA MA SPANGS PAR GRUB MTHA' SMRA BA BZHI'I GZHUNG TSANG LDAN GANG LAS KYANG BSHAD PA MED CING, MNGON PA KUN LAS BTUS LAS THEG DMAN GYI LAM GYI 'BRAS BU 'CHAD PA'I SKABS SU, 'BRAS BU GANG ZHE NA, YONGS SU GCOD PA DANG, GZHAN GO BAR BYED PA DANG, GZHAN YID CHES PAR BYED PA DANG,

, ,NYON MONGS PA'I SGRIB PA RNAM PAR DAG PA DANG, NYE BA'I NYON MONGS PA'I SGRIB PA RNAM BAR DAG BA DANG, YON TAN KHYAD PAR CAN LA SGRIB PA RNAM PAR DAG PA'O, ZHES NYAN RANG GI RGYUD KYI NYON SGRIB RNAM PAR DAG BA THEG DMAN GYI 'PHAGS LAM YAN LAG BRGYAD KYI 'BRAS BUR BSHAD CING, NYAN THOS KYI MNGON PAR RTOGS PAS NYON MONGS PA'I SGRIB PA RNAM PAR DAG PAR BYED LA, BYANG CHUB SEMS DPA'I MNGON PAR RTOGS PAS SHES BYA'I SGRIB PA RNAM PAR DAG PAR BYED PA NYID LAM GNYIS KYIS SGRIB PA RNAM PAR DAG PA'I KHYAD PAR YIN PAR MNGON PA KUN LAS BTUS DANG SA SDE LAS BSHAD CING, NYON MONGS SHES BYA LAM GSUM GYI, ,NYAMS PHYIR SLOB MA BSE RU DANG, ,RGYAL SRAS RNAMS KYI DAG PA STE, ZHES PA'I 'GREL PAR NYI KHRI SNANG BA LAS, DE LA NYAN THOS KYI NYON MONGS PA'I SGRIB BA RNAM PAR DAG BA NI, 'DOD CHAGS DANG, ZHE SDANG DANG, GTI MUG RNAM PAR DAG PA DANG, ZHES BYA BA LA SOGS PA DBU SEMS KYI GZHUNG DU MA ZHIG LAS, NYAN THOS DGRA BCOM PAS NYON SGRIB SPANGS PAR LAN DU MA ZHIG BSHAD LA, NYAN THOS DGRA BCOM PA'I 'GOG PA LA YONGS SU RDZOGS PA'I 'GOG PA DANG, DE'I RGYUD KYI MNGON SHES LA ZAG PA ZAD PA'I MNGON SHES DANG, DE'I RGYUD KYI YE SHES LA DRI MA ZAD PA DANG MI SKYE BA SHES PA'I YE SHES CES BSHAD PA LA SOGS PA THEG BA CHE CHUNG GI GSUNG RAB DGONGS 'GREL DANG BCAS PA THAMS CAD LA YONGS SU GRAGS PA'I THUN MONG GI LAM CHEN PO YONGS SU BTANG STE, 'PHAGS PA'I GANG ZAG LA SKUR BA 'DEBS PAR BYED PA'I NAGS THIBS POR 'JUG PAR MA BYED CIG ,GAL TE 'DI LTAR KHAS LEN PA PO DE BYANG CHUB SEMS DPA'I SDOM LDAN ZHIG YIN NA NI, SLOB PA'I THEG PAS CHAGS LA SOGS, ,SPONG BAR 'GYUR BA MIN ZHES 'DZIN, ZHES BSHAD PA'I RTZA LTUNG 'BYUNG BAS SDOM PA GTONG BAR BYED BA YIN NO, ,GZHAN YANG MNGON RTOGS RGYAN LAS, MTHONG SPANG 'JUG PA GZUNG RTOG DANG LDOG PA GZUNG RTOG LA SOGS PA STON PA'I SKABS RNAMS NI, NYAN RANG LA CHOS KYI BDAG MED RTOGS PA MED PA'I DBANG DU BYAS NAS RE SHIG GDUL BYA'I DOR KHAS BLANGS PA'I RNAM GZHAG TZAM YIN GYI DON LA GNAS PA'I DBANG DU BYAS PA RJE BTZUN GYI RANG LUGS STON PA'I GZHUNG MA YIN PAS, SKABS 'DIR DE DANG 'GAL YANG SKYON MED DO, ,GZHAN DU NA KHYOD RANG CHOS THAMS CAD BDEN MED DU KHAS LEN PA YANG, RJE BTZUN

BYAMS MGON GYIS DBUS MTHA' LAS GZHAN DBANG DANG YONGS GRUB BDEN PAR BSHAD PA DANG 'GAL LO ZHES BRJOD NA SKYON JI LTAR SPONG BA SOMS SHIG ,KHO BO CAG GIS GONG DU BSHAD ZIN PA LTAR PHUNG PO BDEN 'DZIN NGAR 'DZIN GYI RGYU'I GTZO BOR SMRAS KYI, PHUNG PO BDEN 'DZIN YOD NA NGAR 'DZIN YOD PAS KHYAB PAR MA SMRAS PA'I PHYIR, RGYUN ZHUGS MTHONG CHOS ZHI LAS DBANG GIS 'KHOR BAR SKYE BAR THAL BA 'PHEN PA NI KHAS LEN MED PA'I THAL 'GYUR YIN NO, ,SLOB DPON ZLA BAS SA DRUG PAR SHES RAB KYI PHA ROL TU PHYIN PA LHAG PAR BSHAD PA DANG, SA DRUG PA BAS NYAN THOS DGRA BCOM BLO YI STOBS KYIS ZIL GYIS GNON MI NUS PAR BSHAD PA RANG 'GAL LO ZHES ZER BA NI, BCOM LDAN 'DAS NYID LA SGYON 'DZIN PAR SEMS PA STE, SA BCU PA'I MDO LAS, SA DRUG PA MAN CHAD DU NYAN RANG BLOS ZIL GYIS GNON MI NUS PAR BSHAD PA DANG, YANG MDO NYID LAS SA DRUG PAR SHER PHYIN LHAG PAR BSHAD PA GNYIS NANG 'GAL LO ZHES BRJOD NA, MDO LAS DE LTAR MA BSHAD DO ZHES MNGON SUM LA BSNYON PAR BYED DAM, RIN CHEN PHRENG BA'I LUNG GI DON 'CHAD TSUL DE YANG SHIN TU YA MTSAN TE, 'DI LTAR, SNGAR SO SO SKYE BO'I SKABS SU PHUNG PO LA BDEN 'DZIN SHAS CHE BA DE, RGYUN ZHUGS MTHONG CHOS ZHI'I SKABS SU SHAS CHUNG DU SONG NGAM MA SONG, MA SONG NA RGYUN ZHUGS MTHONG CHOS ZHI CHOS CAN, KHYOD LAS DBANG GIS 'KHOR BAR SKYE BA SHAS CHE BAR THAL, KHYOD PHUNG PO LA BDEN 'DZIN SHAS CHE BA'I PHYIR, 'KHOR GSUM KHAS SO, ,SHAS CHUNG DU SONG NA GNYEN PO LA MA LTOS BAR JI ZHIG LTAR LA RANG GI DANG GIS CHUNG DU SONG BA YIN NAM, GNYEN PO'I STOBS KYIS CHUNG DU SONG BA GANG YIN; DANG PO LTAR NA LAM GTAN NAS MA BSGOMS KYANG JI ZHIG LTAR LA SGRIB PA JE CHUNG DU SONG NAS MTHAR SANGS RGYAS PA SRID PAR THAL LO, ,GNYIS PA LTAR NA GNYEN PO BDEN MED BSGOMS PA'I STOBS KYIS CHUNG DU SONG BA YIN NAM, RTAG GCIG RANG DBANG CAN GYI GANG ZAG MED PAR BSGOMS PA'I STOBS KYIS PHUNG PO LA BDEN 'DZIN SHAS CHUNG DU SONG BA GANG YIN, DANG PO LTAR NA NYAN THOS LA BDEN MED RTOGS PA'I SHES RAB MI SRID PAR 'DOD PA'I GRUB MTHA' GZHI NAS NYAMS SO, ,GNYIS PA LTAR NA RTAG GCIG RANG DBANG CAN GYI GANG ZAG MED PA TZAM ZHIG GOMS PAR BYAS BA'I STOBS KYIS BDEN 'DZIN MA LUS BAR SPONG NUS

, ,PAR THAL ZHING, BDEN 'DZIN YIN NA SHES SGRIB YIN PAS KHYAB PAR KHAS BLANGS PA DANG NANG 'GAL LA, NYAN THOS KYI SLOB LAM DU PHUNG PO LA BDEN 'DZIN JE CHUD DU 'GRO BAR KHAS BLANGS NAS, NYAN THOS KYI MI SLOB LAM DU PHUNG PO BDEN 'DZIN SPANGS PA MI SRID PAR 'DOD PA'ANG SHIN TU NANG 'GAL LO, ,SMRAS PA; SKUL BYED PHRAG DOG DRAG POS YID BSKYOD NAS, ,NYIN MTSAN DU MAR 'BAD PAS BSAMS PA'I MTHAR, ,LUNG DON 'CHAD TSUL 'DI 'DRA MTHONG BA'I TSE, ,MKHAS PAS KHREL DANG BRTZE DANG NGO MTSAR SKYE, ,BAR SKABS KYI TSIGS SU BCAD PA'O, ,'O NA RANG LUGS LA SA DRUG PA MAN CHAD DU NYAN RANG BLOS ZIL GYIS GNON MI NUS SHING; SA BDUN PA NAS NUS PA'I DON GANG YIN ZHE NA, CHOS NYID LA SNYOMS PAR 'JUG TSUL GYI SGO NAS YIN TE, SA BDUN PAR THABS MKHAS KYI PHAR PHYIN THOB PAS, RING DU SONG BA 'DIR NI SKAD CIG DANG, ,SKAD CIG LA NI 'GOG PAR 'JUG 'GYUR ZHING, ZHES GSUNGS PA LTAR, SKAD CIG RE RE LA 'GOG PA YANG DAG PA'I MTHA' LA SNYOMS PAR 'JUG PA DANG LDANG BAR NUS SHING, SA DRUG PA MAN CHAD DANG NYAN RANG RNAMS LA DE 'DRA BA'I NUS PA MED PA'I PHYIR RO, ,DES NA SA BCU PA'I MDO LAS, RANG GI YUL SHES PA'I CHE BA LA GNAS PAS, ZHES GSUNGS BA'I DON YANG BYANG SEMS RANG GI YUL 'GOG PA YANG DAG PA'I MTHA' SHES PA'I CHE BA'O; ;GSUM PA NYAN RANG GIS CHOS KYI BDAG MED RTOGS PA YOD PAR BZHED PA'I TSAD LDAN GZHAN GYI'ANG LUGS BRJOD PA LA, RGYAL SRAS ZHIB LHA'I LUGS BRJOD PA DANG, MNGON RTOGS RGYAN DANG RGYUD BLA RTZA 'GREL GYI DON BSHAD PA'O, ,DANG PO NI, SPYOD 'JUG LAS, BDEN PA MTHONG BAS GROL 'GYUR GYI, ,STONG NYID MTHONG BAS CI ZHIG BYA, CES PA'I PHYOGS SNGA MA BKOD DE, DE YI DON NI BDEN PA'I MI RTAG LA SOGS BCU DRUG MNGON SUM DU MTHONG BA GOMS PAR BYAS PAS 'KHOR BA LAS GROL BAR 'GYUR GYI, CHOS THAMS CAD BDEN PAR GRUB PAS STONG PA NYID MTHONG BA'I PHYIR DU 'BAD PAS CI ZHIG BYA CES BA'O, ,DE'I LAN DU, GANG PHYIR LUNG LAS LAM 'DI NI, ,MED PAR BYANG CHUB MED PAR GSUNGS, CES GSUNGS TE RANG BZHIN GYIS GRUB PAS STONG PAR MTHONG BA'I LAM 'DI MED PAR BYANG CHUB GSUM GANG YANG THOB PA MED PAR GSUNGS CES PA'O, ,LUNG LAS GSUNG TSUL NI SPYOD 'JUG 'GREL CHEN LAS, YUM GYI MDO LAS DNGOS PO'I 'DU SHES CAN

LA THAR BA MED PA DANG, DUS GSUM KA'I RGYUN ZHUGS NAS RANG RGYAL GYI BAR RNAMS SHER PHYIN 'DI NYID LA BRTEN NAS THOB PAR GSUNGS PA DRANGS PA LTAR YIN GYI, RDZOGS PA'I BYANG CHUB RKYANG PA LA BYED PA DON MIN NO, ,DE NAS, BSTAN RTZA DGE SLONG NYID YIN NA, ,DGE SLONG NYID KYANG DKA' BAR GNAS, ,SEMS NI DMIGS DANG BCAS RNAMS KYIS, ,MYA NGAN 'DAS PA'ANG DKA' BAR GNAS, CES GSUNGS PA'I DON NI, BDEN MED MA RTOGS NA DON DAM PA'I DGE SLONG 'PHAGS PA'I GANG ZAG BZHAG TU MI RUNG BA DANG, SEMS BDEN 'DZIN GYI DMIGS BA DANG BCAS PA'I LAM GYIS MYANG 'DAS MI 'THOB PAR BSTAN NO, ,DE NAS, NYON MONGS SPANGS PAS GROL NA DE'I, ,DE MA THAG TU DER 'GYUR RO, ZHES GSUNGS PA'I DON NI, BDEN PA'I RNAM PA MI RTAG LA SOGS BCU DRUG BSGOMS PAS NYON MONGS PA SPANGS TE GROL BAR 'GYUR NA, ZHES PHYOGS SNGA MA BRJOD NAS, DE'I GNOD BYED NI, 'O NA MI RTAG SOGS BCU DRUG BSGOMS PA'I STOBS KYIS MNGON PA SOGS NAS BSHAD PA'I CHAGS SOGS RTZA BA DANG NYE BA'I NYON MONGS PA RNAMS LA NYON MONGS SU BYAS BA'I NYON MONGS DE RE SHIG MNGON GYUR MGO MNAN PA TZAM GYI TSE NYON MONGS ZAD PA'I GROL BA THOB PAR 'JOG DGOS TE, LAM DE JI TZAM BSGOMS KYANG DNGOS PO'I GNAS LUGS LAM ZHUGS PAS NYON MONGS BA'I SA BON GANG YANG ZAD PAR BYED MI NUS PA'I PHYIR RO, ,DE 'DOD NA MI RTAG LA SOGS BCU DRUG MNGON SUM DU MTHONG PA'I DE MA THAG TU GROL BA THOB PA DER 'GYUR RO, ,DE 'DOD BAR MI NUS TE DE'I TSE NYON MONGS MNGON GYUR RE SHIG MED KYANG DE DAG LA LAS KYI DBANG GIS YANG SRID PHYI MA 'PHEN PA'I NUS PA MTHONG BA YIN PA'I PHYIR CES STON PA NI, NYON MONGS MED KYANG DE DAG LA, ,LAS KYI NUS PA MTHONG BA YIN, CES PA'O, ,GZHUNG 'DI'I DON MO'U 'GAL GYI BU DANG 'PHAGS PA SOR PHRENG CAN LA SOGS PA LA NYON MONGS MED KYANG SKYE BA SNGA MA'I LAS KYI NUS PA SDUG BSNGAL MTHONG BA YIN CES PA LA 'CHAD PA NI DON MA YIN TE, DE LTAR NA GONG 'OG GI RTZOD LAN RNAMS DANG 'BREL MED DU 'GYUR BA'I PHYIR DANG, NYON MONGS SPANGS PAS GROL NA, CES BA'I LAN DU 'CHAD DGOS PAS MO'U 'GAL GYI BUS GROL BA MA THOB PAR KHAS LEN DGOS PA'I PHYIR RO, ,LAS KYI NUS BA MTHONG BA YIN, CES PA RTAGS MA GRUB STE, MI RTAG SOGS BCU DRUG RTOGS BA'I LAM DES YANG SRID PHYI

, ,MA NYE BAR LEN PA'I RGYU YI GTZO BO SRED PA MED PAR BYED NUS PA'I PHYIR, CES STON PA NI RE SHIG NYER LEN SRED PA NI, ,MED CES NGES PA NYID CE NA, ZHES PA'O, ,DE'I LAN STON PA LA, SRED 'DI NYON MONGS CAN MIN YANG, ,KUN RMONGS BZHIN DU CI STE MED, ,TSOR BA'I RKYEN GYIS SRED PA YIN, ,TSOR BA DE DAG LA YANG YOD, CES GSUNGS PA'I DON NI RKANG PA DANG PO GNYIS KYIS 'DI LTAR STON TE, SRED PA LA MNGON PA NAS BSHAD PA LTAR GYI NYON MONGS KYI DBANG DU BYAS PA'I SRED PA NYON MONGS CAN GCIG DANG, DE 'DRA BA'I NYON MONGS CAN MA YIN PA'I SRED PA GNYIS 'DOD RIGS PAR THAL, SRED PA'I RTZA BAR GYUR PA'I KUN RMONGS MI RIG PA LA DE 'DRA BA'I NYON MONGS CAN DANG NYON MONGS CAN MA YIN PA GNYIS YOD PA'I PHYIR, CES MGO MTSUNGS BYED PA YIN ZHING, RTAGS DNGOS SMRA BAS KHAS BLANGS TE, MA RIG PA LA NYON MONGS CAN DANG NYON MONGS CAN MA YIN PA GNYIS SU 'BYED PA RANG SDE GONG 'OG THAMS CAD KYI GRUB PA'I MTHA' YIN PA'I PHYIR RO; ;'DIS NI MNGON PA PA DANG, DBU MA PA GNYI GA LA THUN MONG DU GRAGS PA'I NYON MONGS KYI DBANG DU BYAS PA'I SRED PA NYON MONGS CAN MA YIN PA YOD BAR STON GYI, BDEN 'DZIN NYON MONGS YIN PA'I DBANG DU BYAS PA'I NYON MONGS CAN MIN PA'I SRED PA YOD PAR STON PA MIN NO, ,SRED PA LA GNYIS SU YOD PAR GRUB PAS CI GRUB CE NA, DE LTAR NA MI RTAG LA SOGS BCU DRUG RTOGS PA'I LAM GYIS NYON MONGS THUN MONG BA'I NANG TSAN GYI SRED PA MNGON GYUR RE SHIG MGO GNON NUS KYANG, BDEN 'DZIN GYIS DRANGS PA'I SRED PA MNGON GYUR MGO GNON PA TZAM YANG MI NUS PAS LAM DES SKYE BA LEN PA'I RGYU'I GTZO BOR GYUR PA'I SRED PA MA LUS PA SPONG BA RTAGS MA GRUB CES PA'O, ,RKANG PA PHYI MA GNYIS KYI DON NI, DE KHO NA NYID RTOGS PA'I LTA BA DANG BRAL NA SRED PA SKYE BA 'GOG MI NUS TE, DE DANG BRAL NA TSOR BA LA BDEN PAR 'DZIN PA'I STOBS KYIS TSOR BA BDE BA LA MI 'BRAL BAR SRED PA DANG TSOR BA SDUG BSNGAL LA 'BRAL 'DOD KYI SRED PA GDON MI ZA BAR SKYE BA'I PHYIR, DER THAL, MTHUN RKYEN TSANG ZHING 'GAL RKYEN MED PA'I RGYU LAS 'BRAS BU SKYE BAR NGES PA'I PHYIR, CES PA'O, ,RANG LUGS KYI TSOR BA LA SRED PA LDOG LUGS NI, 'OG TU, GANG TSE TSOR PO 'GA' MED CING, ,TSOR BA'ANG YOD PA MA YIN PA, ,DE TSE GNAS SKABS 'DI MTHONG NAS, ,SRID PA CI PHYIR BZLOG

MI 'GYUR, ZHES TSOR BA PO DANG TSOR BA RANG BZHIN GYIS GRUB PAS STONG PAR MTHONG BA GOMS PA'I STOBS KYIS SRED PA LDOG DGOS PAR GSUNGS PAS DE'I SHUGS LA CHOS KYI BDAG MED MA MTHONG NA SRED PA MI LDOG BAR BSTAN TO, ,'DI NI RIGS PA DRUG CU PA LAS, GNAS DANG BCAS PA'I SEMS LDAN LA, ,NYON MONGS DUG CHEN CIS MI 'BYUNG, CES GSUNGS PA DANG DON GCIG LA, DE NAS BDEN PAR DMIGS PA'I ZHEN YUL SUN MA PHYUNG NA YUL LA BDEN PAR ZHEN NAS GNAS PA'I DBANG GIS MI RTAG SOGS BCU DRUG BSGOMS PAS RE SHIG MGO MNAN PA'I NYON MONGS MNGON GYUR RNAMS SLAR YANG RGYUD LA SKYE BAR 'GYUR BA DPE DANG BCAS PAS BSTAN PA NI, DMIGS PA DANG NI BCAS PA'I SEMS, ,'GA' ZHIG LA NI GNAS PAR 'GYUR, ,STONG PA NYID DANG BRAL BA'I SEMS SO, ,'GAGS PA SLAR YANG SKYE 'GYUR TE, ,'DU SHES MED PA'I SNYOMS 'JUG BZHIN, ,DE BAS STONG NYID BSGOM PAR BYA, ZHES GSUNGS SO, ,DE'I PHYIR NYAN RANG GIS CHOS KYI BDAG MED RTOGS PA DANG, NYAN MONGS THUN MONG DANG THUN MONG MA YIN PA'I RNAM GZHAG LA SOGS PA THAL 'GYUR BA'I THUN MONG MA YIN PA'I GRUB PA'I MTHA'I KHYAD PAR MTHA' DAG LA RGYAL SRAS ZHI BA LHA DANG, DPAL LDAN ZLA BA GRAGS PA GNYIS DBYANGS GCIG DANG DGONGS PA GCIG GO ZHES SHES PAR BYA'O, ,TSOR BA'I RKYEN GYIS SRED PA YIN; ZHES SOGS LA CHA PA DANG BRTZEGS DBANG PHYUG SENG GES, DE LTAR NA RGYU YOD PA'I RTAGS KYIS 'BRAS BU YOD PAR 'GRUB PAR 'GYUR RO ZHES SPYOD 'JUG 'GOG PA'I THAL BA 'PHEN PA NI, MDO LAS RTEN 'BREL YAN LAG BCU GNYIS GSUNG BA NA, TSOR BA'I RKYEN GYIS SRED PA, ZHES GSUNGS PA LA YANG JI LTA BA BZHIN DU MTSUNGS PAS PHYOGS SNGA MA MGO BA'I BAB CHOL TE, BOD KYI MKHAS PA DAG LA 'DI 'DRA BA'I RNAM 'GYUR SHIN TU MANG NGO, ,GNYIS PA MNGON RTOGS RGYAN DANG RGYUD BLA RTZA 'GREL GYI DON BSHAD PA LA GNYIS LAS, DANG PO MNGON RTOGS RGYAN RTZA 'GREL LAS JI LTAR BSHAD PA'I TSUL NI, CHOS KYI DBYINGS LA DBYER MED PHYIR,, RIGS NI THA DAD RUNG MA YIN, ,BRTEN BA'I CHOS KYI BYE BRAG GIS, ,DE YI DBYE BA YONGS SU BRJOD, CES GSUNGS PA 'DIS NYAN RANG RNAMS LA YANG CHOS NYID RTOGS PA YOD PAR BSTAN TE, SKABS 'DIR DMIGS RTEN LA RTEN GYI SGRAS GSUNGS PA YIN GYI, BSKYED BYA SKYED BYED LTA BU'I RTEN DANG BRTEN PA NI MA YIN NO, ,DE'I PHYIR

, ,THEG PA GSUM GYI 'PHAGS PA'I GANG ZAG RNAMS KYI YE SHES KYI DMIGS RTEN NAM DMIGS YUL CHOS NYID LA RIGS MI 'DRA BA'I DBYE BA MED KYANG, BRTON PA YUL CAN YE SHES GSUM GYIS CHOS NYID DE LA DMIGS NAS BSGOMS PA NA 'PHAGS CHOS KYI RGYUR 'GYUR TSUL RIGS MI 'DRA BA GSUM GYI DBYE BAS CHOS NYID LA THEG PA GSUM GYI RIGS KYI DBYE BA BYED DO, ZHES PA'I DON TE, DE LTAR 'PHAGS SENG GNYIS KYIS KYANG BSHAD PA'I TSUL CUNG ZAD RGYAS PAR BRJOD NA, CHOS KYI DBYINGS ZHES PA NI NYI KHRI SNANG BA LAS DE LA RTOG PA DANG RNAM BAR RTOG PA NI DNGOS PO DANG DE'I MTSAN MA LA MNGON BAR ZHEN PA STE, DE MED PA'I PHYIR CHAGS BA MED PA NYID DU RIG PAR BYA'O, ,YOD PAR MA GYUR PA NYID NI CHOS THAMS CAD KYI DE BZHIN NYID DO, ,DES NA 'DI NI CHOS KYI DBYINGS NYID 'PHAGS PA'I CHOS RNAMS KYI RGYU YIN PA'I PHYIR RANG BZHIN DU GNAS PA'I RIGS SGRUB PA'I RTEN YIN NO ZHES STON PAR BYED DO, ZHES DNGOS PO DANG DE'I MTSAN MA LA BDEN PAR ZHEN PA'I CHAGS PAS GZUNG BA LTAR YOD BA MIN PA'I BDEN STONG LA CHOS DBYINGS SU BSHAD DO, ,DE 'DRA'I CHOS DBYINGS RIGS YIN NA SEMS CAN THAMS CAD RIGS LA GNAS PAR 'GYUR TE, CHOS DBYINGS DE NI THAMS CAD LA SPYIR GNAS PA'I PHYIR RO, ZHES PA'I RTZOD PA BKOD DE, RIGS LA GNAS PAR 'GYUR ZHES PA NI LAM GYI SKABS KYI RIGS LA BSAMS PA'O, ,DE'I LAN DU NYI KHRI SNANG BA LAS, ,JI LTAR DMIGS PA NA 'PHAGS PA'I CHOS RNAMS KYI RGYUR 'GYUR BA DE LTAR RIGS YIN PAR BRJOD PA DES NA 'DIR HA CANG THAL BA CI STE TSOL BAR BYED, CES GSUNGS SHING, DE'I DON DU BYAS NAS SLEB DPON SENG GE BZANG POS KYANG, JI LTAR NYAN THOS KYI THEG PA LA SOGS PA RTOGS PA'I RIM GYIS DMIGS PA DE BZHIN DU, 'PHAGS PA'I CHOS RTOGS PAR BYA BA'I PHYIR CHOS KYI DBYINGS RGYU YI NGO BOR RNAM PAR 'JOG PA'I SGO NAS RIGS NYID DU THA SNYAD 'DOGS SO, ZHES GSUNGS TE, 'DI DAG GIS NI CHOS NYID YOD PA TZAM GYIS LAM GYI SKABS KYI RIGS LA GNAS PA MIN GYI, CHOS NYID LA THEG PA GSUM SO SO'I LAM GYIS DMIGS NAS BSGOM PA NA 'PHAGS CHOS KYI RGYU KHYAD PAR CAN DU GYUR PA'I TSE THEG PA SO SO'I RIGS KHYAD PAR CAN DU 'JOG PAR BSHAD CING, DE'I PHYIR NYAN RANG 'PHAGS PA'I YE SHES KYIS CHOS NYID LA DMIGS

PAR DNGOS SU BSHAD PA 'DI NYID KYIS NYAN RANG GIS CHOS KYI BDAG MED RTOGS PA YOD PAR BZHED PA BSNYON MED PAR GRUB BO, ,GZHAN YANG NYI KHRI SNANG BA DANG BRGYAD STONG 'GREL CHEN GNYIS KAR DU CHOS DBYINGS THEG PA GSUM KA'I RIGS SU 'JOG PA'I SHES BYED DU, DE'I PHYIR 'PHAGS PA'I GANG ZAG THAMS CAD NI 'DUS MA BYAS KYIS RAB TU PHYE BA YIN NO ZHES BRJOD DO, ZHES GSUNGS LA, DE'I DON NI RAB TU PHYE ZHES PA BSHAD PA'I GZHIR BYA'O, ,GANG NA, 'PHAGS PA'I GANG ZAG THAMS CAD NI'O, ,GANG LAS NA, SO SO SKYE BO THAMS CAD LAS SO, ,GANG GIS NA, 'DUS MA BYAS CHOS KYI DBYINGS MNGON SUM DU RTOGS PA'I SGO NAS SO, CES PA STE, DE LTA MA YIN PAR 'DUS MA BYAS CHOS KYI DBYINGS DE YOD PAS RAB TU PHYE BA LA 'CHAD NA, GZHI MA GRUB DAG LAS RAB TU PHYE BAR BYED LA RAG GI, GZHI GRUB GANG LAS KYANG RAB TU DBYE BAR MI NUS SO, ,'DI LTAR GSUNGS PA YANG, RDO RJE GCOD PA LAS, 'PHAGS PA'I GANG ZAG RNAMS NI 'DUS MA BYAS KYIS RAB TU PHYE BA'I SLAD DU'O, CES GSUNGS PA'I DON YIN NO, ,'O NA MNGON RTOGS RGYAN LAS, GZUNG DON RTOG PA SPONG PHYIR DANG, ,'DZIN PA MI SPONG PHYIR DANG NI, ,BRTEN GYIS BSE RU LTA BU'I LAM, ,YANG DAG BSDUS PAR SHES PAR BYA, ZHES RANG RGYAL GYI LAM GYIS GZUNG RTOG SPANGS KYANG 'DZIN RTOG MA SPANGS PAR BSHAD BA JI LTAR DRANG CE NA, GZHUNG 'DI'I DON, RANG RGYAL GYIS PHYI ROL GYI DON SPYIR YOD PAR TSAD MAS GRUB KYANG, PHYI DON BDEN YOD TSAD MAS KHEGS PA'I SGO NAS GZUNG RTOG SPANGS PA LA BYED NA, 'DZIN RTOG MA SPANGS PA SHIN TU MI 'THAD DE, GZHI GRUB PA GCIG GI STENG DU BDEN MED MTHAR THUG PA RIGS PAS NGES NA, CHOS GZHAN GANG GI STENG DU'ANG BLO KHA PHYOGS PA TZAM GYIS BDEN MED DE NYID NGES NUS PAR GONG DU YANG YANG BSGRUBS ZIN PA'I PHYIR RO, ,PHYI DON THA SNYAD DU YANG YOD PA TSAD MAS KHEGS PA'I SGO NAS GZUNG BA BDEN MED DU NGES SHING, 'DZIN PA THA SNYAD DU YOD PA TSAD MAS MA KHEGS PAS 'DZIN RTOG MA SPANGS PA LA 'DOD NA, BYANG SEMS 'PHAGS PAS 'DZIN RTOG SPANGS PA'I DON SHES PA THA SNYAD DU YANG MED PAR TSAD MAS NGES PA LA BYED DGOS PAS SHIN TU THA CHAD DO, ,DE'I PHYIR 'OS GZHAN MED PAS, PHYI DON THA SNYAD DU YANG MED PAR RTOGS PA'I SGO NAS GZUNG RTOG SPANGS LA, SHES PA THA SNYAD DU YOD PAR TSAD MAS GRUB CING BDEN MED DU TSAD MAS

, ,MA NGES PAS 'DZIN RTOG MA SPANGS ZHES PA NYID GZHUNG DE'I DON DU BYA DGOS TE, 'PHAGS SENG GNYIS KYI 'GREL PA'I LUGS KYANG DE YIN NO, ,DE'I PHYIR, 'DZIN PA BDEN SMRA'I RANG RGYAL DANG, ,GZUNG 'DZIN GNYIS MED DON DAM DU, ,SMRA BA'I RNAM RIG GRUB PA'I MTHA', ,MTSUNGS PAR SHES PA'I MKHAS PA MTSAR, ZHES SMRA BA NI GSAL BYED PA'I BZHAD GAD DE, ,DES NA MNGON PAR RTOGS PA'I RGYAN LAS, NYAN RANG GIS CHOS KYI BDAG MED RTOGS PA MED PA'I DBANG DU BYAS NAS, NYAN THOS 'PHAGS PAS BDEN BZHI MI RTAG LA SOGS BCU DRUG TZAM ZHIG RTOGS PA DANG, RANG RGYAL GYIS PHYI DON MED PAR RTOGS SHING, SHES PA BDEN MED DU MA RTOGS PA DANG, BYANG SEMS KYIS SHES PA YANG BDEN MED DU RTOGS PA'I RNAM PAR BZHAG PA YANG MANG DU GSUNGS LA, THEG PA GSUM KA'I 'PHAGS PA'I GANG ZAG THAMS CAD KYIS CHOS KYI BDAG MED RTOGS PAR KHYAD PAR MED PA'I RNAM GZHAG KYANG GSUNGS SO, ,MNGON RTOGS RGYAN DU MA ZAD THEG DMAN GYI MDO SDE DAG LAS KYANG DE 'DRA BA'I TSUL GNYIS BSHAD DE, DE LTAR GSUNGS PA'I DGOS PA NI, NYAN RANG GI RIGS CAN GYI GDUL BYA LA YANG DBANG PO YONGS SU SMIN MA SMIN GNYIS GNYIS YOD PAS, DE DAG GNYIS KA RJES SU GZUNG BA'I PHYIR YIN NO ZHES BSHAD ZIN TO, ,DE LTAR TSUL GNYIS GNYIS BSHAD KYANG, NYAN RANG GIS CHOS KYI BDAG MED MA RTOGS PAR BSHAD PAR SHIG GDUL BYA'I NGO LA LTOS PA'I RNAM GZHAG DANG, RTOGS PAR BSHAD PA 'THAD PA'I PHYOGS SU BYED DGOS TE, DPER NA RNAM 'GREL NGES LAS, PHYI DON YOD PA DANG MED PA GNYI GA BSHAD PA BZHIN NO, ZHES SHES PAR BYA'O, ,DE LTA NA YANG 'PHAGS SENG GI LUGS LA, GANG ZAG PHUNG PO DANG MTSAN NYID MI MTHUN PA'I RANG RKYA THUB PA'I RJAS YOD MED PAR RTOGS PA NYID GANG ZAG GI BDAG MED MTSAN NYID RDZOGS PAR RTOGS PAR 'DOD KYIS, NYAN RANG GIS CHOS KYI BDAG MED RTOGS PA YOD PAR 'DOD KYANG, GANG ZAG GI BDAG MED MTSAN NYID RDZOGS PAR RTOGS PA'I DON, GANG ZAG BDEN PAR GRUB PAS STONG PAR RTOGS PA LA MI 'DOD LA, MNGON RTOGS RGYAN RTZA BA'I DGONGS PA NI, GANG ZAG BDEN PAR GRUB PAS STONG PA NYID GANG ZAG GI BDAG MED PA'I DON DANG, RANG BZHIN GYIS GRUB PA THA SNYAD DU YANG MED PAR

BZHED PA THAL 'GYUR BA'I LUGS SU GNAS SO ZHES SHES PAR BYA STE, DE'I TSUL NI RGYAS PAR GZHAN DU BSHAD PAR BYA'O, ,DE YANG 'JUG PA'I RNAM BSHAD CHEN MOR, DES NA RGYAN GYI 'GREL MDZAD DE DAG GI LUGS LA YANG TSUL GNYIS SHES PAR BYA'O ZHES GSUNGS PA'I DON, 'PHAGS SENG GI LUGS LA'ANG NYAN RANG 'PHAGS PA CHES KYI BDAG MED RTOGS PA DANG MA RTOGS PA GNYIS YOD PAR STON PA MA YIN GYI, DE'I GONG DU DE LTAR GNYIS 'ONG BA NI MNGON RTOGS RGYAN DU NYAN RANG GI LAM SHES PA'I LAM SHES STON PA NI, NYAN RANG GI RIGS CAN RNAMS RJES SU 'DZIN PA'I PHYIR DU YIN PAS, RJES SU GZUNG RGYU'I THEG DMAN LA YANG ZAB MO'I SNOD DU GYUR MA GYUR GNYIS YOD CING, DE GNYIS LA'ANG PHYI MA CHES MANG BAS PHAL CHER DE'I LAM MANG DU GSUNGS SO, ZHES GSUNGS PA LTAR NYAN RANG GI RIGS CAN RGYUD MA SMIN PAS ZAB MO DE'I TSE BSTAN PA'I SNOD DU MA GYUR PA DAG LA SMIN BYED KYI LAM MI RTAG SOGS BCU DRUG DANG GANG ZAG GI BDAG MED RAGS PA TZAM BSTAN PA MANG DU MNGON RTOGS RGYAN NA'ANG YOD CING, NYAN RANG GI RIGS CAN RGYUD SMIN PA DE'I TSE ZAB MO DNGOS SU BSTAN PA'I SNOD DU RUNG BA DAG RJES SU GZUNG BA'I TSAD DU NYAN RANG GIS KYANG BDEN MED RTOGS DGOS PA'I DBANG DU BYAS PA'I RNAM GZHAG KYANG MNGON RTOGS RGYAN DU GSUNGS PA STE DE LTAR STON TSUL GNYIS YOD PAR 'PHAGS SENG YANG BZHENG PAR STON PA YIN NO, ,DE LTAR RGYUD SMIN MA SMIN GNYIS SU 'BYED PA NI SO SKYE LA YIN GYI 'PHAGS BA RGYUD MA SMIN PA KHAS LEN PA'I SHES LDAN SU ZHIG YOD, 'PHAGS SENG GI LUGS LA NYAN RANG 'PHAGS PA CHOS NYID MA RTOGS PA'ANG YOD NA 'PHAGS PA'I GANG ZAG 'GA' ZHIG 'DUS MA BYAS KYIS RAB TU PHYE ZHING 'GA' ZHIG MA PHYE BAR 'DAD DGOS PAS 'PHAGS PA'I GANG ZAG THAMS CAD 'DUS MA BYAS KYIS RAB TU PHYE BAR JI LTAR 'CHAD, GZHAN YANG RNAM BSHAD KYI DGONGS PA DE LTAR 'DZIN PA NI BLO GROS CHUNG DU ZHING PAR MA SBYANGS PA DAG GI GNAS MA YIN PA'I LOG RTOG TU SNANG BAS 'DIR ZHIB PAR MA BSHAD KYI LOGS SU BSHAD PAR BYA'O, ,NYAN RANG DU RIGS NGES PA DANG PO THEG DMAN GYI LAM LA SLOB PA NA CHOS KYI BDAG MED RTOGS MI DGOS SHING DE LTAR LAM GZHAN DU MA ZHUGS PAR RANG LAM GYIS DGRA BCOM THOB PA'I THEG DMAN DGRA BCOM LA

, ,CHOS KYI BDAG MED RTOGS PA MED PAR 'DOD PA'I LEGS LDAN LA SOGS RANG RGYUD PA GZHAN RNAMS KYI LUGS LA'ANG NYAN RANG 'PHAGS PA YIN NA CHOS KYI BDAG MED MA RTOGS PAS KHYAB PAR KHAS BLANG DU MI RUNG STE, DE DAG THAMS CAD KYI LUGS LA'ANG MA NGES PA'I RIGS CAN THEG CHEN LAM DU ZHUGS PA'I BYANG SEMS CHOS KYI BDAG MED THOS BSAM GYIS GTAN LA PHEBS NAS SGOM PAR BYED BZHIN PA RANG LAM LAS LOG NAS NYAN RANG GI LAM DU ZHUGS PA 'DOD PA'I PHYIR DANG, DE'ANG NGES SNGAR RTOGS ZIN GYI BDAG MED BSGOM PA'I RGYUN GOMS PAR BYED PA'ANG SRID PAR 'DOD DGOS PAS MNGON SUM DU RTOGS PA'ANG 'DOD DGOS PA'I PHYIR RO, ,GNYIS PA RGYUD BLA RTZA 'GREL GYI DON BSHAD PA NI, GZHAN DAG NA RE, RGYUD BLA LAS, NYI MA'I DKYIL 'KHOR 'OD 'BAR BA, ,MIG MED PAS NI MTHONG BA MED, CES DANG, DE'I 'GREL PAR, MDOR BSDU NA GANG ZAG BZHI PO 'DI NI DE BZHIN GSHEGS PA'I SNYING PO MTHONG NGA LA MIG DANG MI LDAN PAR RNAM PAR BZHAG PA YIN TE, BZHI GANG ZHE NA, 'DI LTA STE, SO SO'I SKYE BO DANG, NYAN THOS DANG, RANG SANGS RGYAS DANG, THEG PA LA GSAR DU ZHUGS PA'I BYANG CHUB SEMS DPA' STE, JI SKAD DU, BCOM LDAN 'DAS DE BZHIN GSHEGS PA'I SNYING PO 'DI NI, 'JIG TSOGS LA LTA BAR LHUNG BA RNAMS DANG, PHYIN CI LOG LA MNGON PAR DGA' BA RNAMS DANG, STONG PA NYID LA SEMS RNAM PAR G-YENGS PA RNAMS KYI SPYOD YUL MA LAGS SO, ZHES GSUNGS PA YIN NO, CES SOGS KYIS NYAN RANG LA CHOS KYI BDAG MED RTOGS PA MED PAR GSAL BAR BSHAD PA YIN NO ZHES ZER RO, ,DE NI MA YIN TE, DE LTAR BSHAD PAS SO SO SKYE BO DANG THEG PA LA GSAR DU ZHUGS PA'I BYANG CHUB SEMS DPA' YIN NA YANG CHOS KYI BDAG MED MA RTOGS PAS KHYAB PAR BSHAD PAR THAL, DE LTAR BSHAD PA DES NYAN RANG YIN NA CHOS KYI BDAG MED MA RTOGS PAS KHYAB PAR BSHAD DGOS PA'I PHYIR, 'DOD NA THEG CHEN SBYOR LAM BAS KYANG CHOS KYI BDAG MED RTOGS PA MI SRID PAR THAL LO, ,GZHAN YANG DE LTAR NA, RANG BYUNG RNAMS KYI DON DAM DE, ,DAD PA NYID KYIS RTOGS BYA YIN, ZHES PA RTZA 'GREL GYIS NYAN THOS DANG RANG SANGS RGYAS RNAMS KYIS KYANG DE BZHIN GSHEGS PA LA DAD PA'I SGO NAS DE BZHIN GSHEGS PA'I SNYING PO RTOGS PAR BSHAD PA DANG KHAS BLANGS

DNGOS SU 'GAL BA'I SKYON 'BYUNG BAR THAL, GZHUNG CIG SHOS KYIS GTAN NAS MI RTOGS PAR BSHAD PA'I PHYIR, KHYAB STE, DE BZHIN GSHEGS PA LA DAD PA'I SGO NAS RTOGS NA RTOGS DGOS PA'I PHYIR, DES NA GZHUNG 'DI DAG GIS NI 'JIG TSOGS LA LTA BAR LHUNG BA STE, GANG ZAG GI BDAG LTA DANG 'DZIN STANGS 'GAL BA'I TSAD MA RGYUD LAM SKYES PA'I SO SO'I SKYE BO 'GA' ZHIG DANG, PHYIN CI LOG LA MNGON PAR DGA' BA STE MI RTAG SOGS SU BDEN PAR ZHEN BA'I SGO NAS GANG ZAG GI BDAG MED PHRA BA YANG MA RTOGS PA'I NYAN THOS DANG RANG SANGS RGYAS 'GA' ZHIG DANG, CHOS KYI BDAG MED PHRA BA DA LTA RE SHIG RTOGS PA'I SKAL BA DANG MI LDAN PAS STONG PA NYID LA SEMS RNAM PAR G-YENGS PA'I THEG PA LA GSAR DU ZHUGS PA'I BYANG SEMS RNAMS KYI SPYOD YUL MA YIN PAR GSUNGS PA YIN ZHING, SPYOD YUL MA YIN PA'I TSUL YANG MIG DANG MI LDAN PA'I SKYES BU DAG GIS NYI MA'I DKYIL 'KHOR RANG GI MIG GIS BLTAS PA'I SGO NAS RANG STOBS KYIS RTOGS BYA MA YIN YANG, SKYES BU GZHAN GYIS BSHAD PA'I RJES SU 'BRANGS NAS, NYI MA'I DKYIL 'KHOR DE 'DI 'DRA BA ZHIG YOD DO SNYAM DU NGES PAR BYANG YIN PA LTAR, GANG ZAG DE DAG GIS KYANG RANG STOBS KYIS RIGS PA'I RJES SU 'BRANGS NAS DE BZHIN GSHEGS PA'I SNYING PO RTOGS PAR BYA BA MA YIN YANG, DE BZHIN GSHEGS PAS BSTAN PA'I RJES SU 'BRANGS NAS DAD PA'I SGO NAS RIM GYIS RTOGS BYA YIN PAR BSHAD PA YIN GYI, SO SKYE DANG NYAN RANG SOGS YIN NA CHOS NYID GTAN NAS MI RTOG PAR STON PA LA BSHAD NA 'BREL MED DO, ,GZHAN YANG, 'DOD CHEN MU STEGS NYAN THOS DANG, ,RANG BYUNG RNAMS KYI SGRIB RNAM BZHI, ZHES SOGS KYI 'GREL PAR THABS MA YIN PA LA ZHUGS PA RNAM PA GSUM BSHAD PA'I SKABS SU, MNGON PA'I NGA RGYAL CAN STONG PA NYID DU LTA BA STE, 'DI LA STONG PA NYID DU LTA BA GANG DAG DE'I RNAM PAR THAR PA'I SGO LA YANG STONG PA NYID DU LTA BAR 'GYUR BA'O, ,GANG GI DBANG DU MDZAD NAS 'OD SRUNG GANG ZAG TU LTA BA RI RAB TZAM NI SLA YI, MNGON PA'I NGA RGYAL CAN STONG PA NYID DU LTA BA NI DA LTA MA YIN NO, ZHES GSUNGS PA'O, CES PAS STONG PA NYID LA BDEN PAR ZHEN PA YANG THABS MA YIN PA LA ZHUGS PAR GSUNGS NA, DNGOS PO LA BDEN PAR ZHEN PA THABS MA YIN PA LA ZHUGS PAR GSUNGS PA LTA CI SMOS, DE'I PHYIR GZHUNG 'DIS BDEN MED MTSAN NYID TSANG BA MA RTOGS PAR

, ,BDEN PAR ZHEN PA'I SGO NAS THAR LAM TSOL BA MTHA' DAG THABS MA YIN PA LA ZHUGS PAR BSTAN PA YIN TE, NGES NA RANG SDE DNGOS SMRA BA MTHA' DAG KYANG THABS MA YIN PA LA ZHUGS PAR BSTAN PA YIN NO, ,GZHUNG DE'I DE MA THAG TU, DE LA THABS LA ZHUGS PA YANG RNAM PA GNYIS TE, NYAN THOS KYI THEG PA DANG MTHUN PA YANG DAG PA NGES PA NYID DU ZHUGS PA DANG, RANG SANGS RGYAS KYI THEG PA DANG MTHUN PA'O, ZHES GSUNGS LA, DE LTAR NYAN RANG THABS LA ZHUGS PAR BSHAD PA 'DI SNYING RJE DANG SEMS BSKYED SOGS KYI SGO NAS THABS LA ZHUGS PA'I DON MED PAS, BDAG MED RTOGS PA'I SHES RAB KYI SGO NAS YIN LA, DE YANG BDEN MED MTSAN NYID TSANG BA RTOGS PA LA BYED DGOS TE, SKABS 'DIR THABS LA ZHUGS PA DANG, THABS MA YIN PA LA ZHUGS PA GNYIS SU PHYE BA'I NANG NAS, BDEN MED MA RTOGS PA THABS MA YIN PA LA ZHUGS PAR BSHAD BA'I PHYIR RO, ,DE'I PHYIR GZHUNG 'DIS NYAN RANG LA YANG CHOS KYI BDAG MED RTOGS PA YOD PAR CHES GSAL BAR BSTAN PA YIN NO, ,'O NA SKABS 'DI'I 'GREL PAR, DE LA THEG PA CHEN PO LA YANG DAG PAR GNAS PA'I SEMS CAN SGRIB PA MED PA'I RTOGS PA MA GTOGS PAR GZHAN SEMS CAN RNAM PA BZHI PO 'DI DAG STE, 'DI LTA STE 'DOD CHEN PA DANG, MU STEGS PA DANG, NYAN THOS DANG RANG SANGS RGYAS TE, DE DAG LA NI DE BZHIN GSHEGS PA'I KHAMS MI RTOGS PA DANG, MNGON DU BYED PAR MI 'GYUR BA'I SGRIB PA 'DI BZHI YANG DAG PAR GNAS SO, ZHES GSUNGS PA CI ZHE NA, DE NI DRI MA MED PA'I DE BZHIN GSHEGS PA'I KHAMS MI RTOGS PA DANG MNGON DU MI BYED PA'I DBANG DU BYAS PA YIN TE, SGRIB PA BZHI POR SPANGS PA'I STOBS KYIS DE BZHIN GSHEGS PA'I KHAMS MNGON DU BYAS PA'I DON CHOS SKU THOB PA LA BSHAD PA'I PHYIR TE, SKABS 'DI'I 'GREL PA LAS, GANG GI GNYEN POR MOS PA LA SOGS PA'I CHOS 'DI BZHI BSGOMS NAS BYANG CHUB SEMS DPA' RNAMS BLA NA MED PA'I CHOS KYI SKU RNAM PAR DAG PA MTHAR PHYIN PA THOB PAR 'GYUR BA SEMS CAN RNAM PA 'DI BZHI YI SGRIB PA NI RNAM PA BZHI PO 'DI YIN NO, CES GSUNGS PA'I PHYIR RO, ,GZHAN YANG RGYUD BLA'I 'GREL PA LAS, DE LTAR NA BYIS PA BAG LA NYAL DANG LDAN PA MTSAN MAR 'DZIN PA CAN DMIGS PA LA DPYOD BA DE DAG LA TSUL BZHIN MA YIN PA YID LA

BYED BA KUN 'BYUNG BA LAS NYON MONGS BA KUN 'BYUNG NGO, ,NYON MONGS PA KUN 'BYUNG BA LAS NI LAS KUN 'BYUNG NGO, ,LAS KUN 'BYUNG BA LAS NI SKYE BA KUN 'BYUNG BAR 'GYUR TE, BYIS PA RNAMS KYI NYON MONGS PA DANG LAS DANG SKYE BA'I KUN NAS NYON MONGS PA 'DI THAMS CAD KYANG KHAMS GCIG YANG DAG PA JI LTA BA BZHIN MA SHES PA LAS RAB TU 'JUG GO ,ZHES BDEN MED MTHAR THUG PA MA RTOGS PA'I DBANG GIS BYIS PA RNAMS KYI KUN NAS NYON MONGS PA THAMS CAD SKYES PAR BSHAD CING, MTSAN MAR 'DZIN PA CES PA NI BDEN 'DZIN DANG, TSUL BZHIN MA YIN PA YID LA BYED PA CES PA NI BDEN 'DZIN DE'I DBANG GIS YUL SDUG PA DANG MI SDUG PA SOGS SU RANG BZHIN GYIS GRUB PAR 'DZIN PA LA BZHED LA, DE LA BRTEN NAS NYON MONGS KUN SKYE ZHING DE'I DBANG GIS LAS BSAGS NAS 'KHOR BAR SKYE BAR BSHAD PA 'DI NI, SPYOD 'JUG DANG RIN CHEN 'PHRENG BA'I DON GONG DU BSHAD ZIN PA DAG DANG KHYAD PAR CUNG ZAD KYANG MED DO, ,GZHAN YANG SKABS 'DIR 'GREL BAR MDO DRANGS PA LAS, 'JAM DPAL SKYE BA MED CING 'GAG PA MED PA LA NI SEMS DANG YID DANG RNAM PAR SHES PA MI 'JUG GO ,GANG LA SEMS DANG YID DANG RNAM PAR SHES PA MI 'JUG PA DE LA NI KUN TU RTOG PA GANG ZHIG TSUL BZHIN MA YIN PA YID LA BYED PAR 'GYUR BA KUN TU RTOG PA 'GA' YANG MED DO, ,TSUL BZHIN YID LA BYED BA LA RAB TU SBYOR BDEN NI MA RIG PA KUN NAS SLONG BAR MI BYED DO, ,MA RIG PA KUN NAS LDANG BA MED PA GANG YIN PA DE NI SRID PA'I YAN LAG BCU GNYIS KUN NAS LDANG BAR MI BYED DE, ZHES GSUNGS PAS, SEMS DANG YID DANG RNAM PAR SHES PA'I GNYIS SNANG GI SPROS PA MA LUS PA LOG PA'I SGO NAS BDEN PA'I SKYE BA MED PAR MNGON SUM DU RTOGS PA'I TSUL BZHIN YID LA BYED PA DE'I STOBS KYIS TSUL BZHIN MA YIN PA YID LA BYED PA'I KUN RTOG BDEN 'DZIN GYI MA RIG PA SPONG LA, DE SPANGS PAS SRID PA'I YAN LAG BCU GNYIS SPONG BAR GSUNGS TE, DE'I PHYIR BDEN 'DZIN LHAN SKYES NYON MONGS CAN GYI MA RIG PAR BZHED PA DANG, DE NYID BDEN MED RTOGS PA'I SHES RAB KYIS SPANGS PA'I STOBS KYIS 'KHOR BA LAS GROL BAR BYED DGOS PA LA SOGS PA DPAL LDAN ZLA BAS BSHAD PA DANG KHYAD PAR CUNG ZAD KYANG MED DO, ,SLOB DPON 'PHAGS PA THOGS MED KYIS KYANG, SA SDE DANG, KUN LAS BTUS DANG, THEG BSDUS LA SOGS PAR 'KHOR LO THA MA'I MDO'I DGONGS PA

, ,'GREL BA'I DBANG DU MDZAD NAS RNAM PAR RIG PA TZAM GYI TSUL DU BSHAD KYANG, RGYUD BLA MA'I 'GREL BA 'DIR NI DBU MA THAL 'GYUR BA'I GRUB MTHA' JI LTA BA BZHIN DU BSHAD DO ZHES SHES PAR BYA STE, RGYU MTSAN MTHA' DAG PAR BSHAD DU YOD KYANG 'DIR MANGS BAR 'GYUR BAS MA BRIS SO, ,DE'I PHYIR BYAMS CHOS RJES 'BRANGS DANG BCAS PA MTHA' DAG GI LUGS LA NYAN RANG GIS CHOS KYI BDAG MED MA RTOGS PA YIN NO, ZHES SMRA BA DAG NI RANG NYID BLO GROS KYI MIG DANG MI LDAN YANG RGAN PO SNGA MA DAG GI TSIG TZAM GYI RJES SU 'BRANGS NAS 'JUG PA YIN PAS SNYING PO CI YANG MED DO, ,BZHI PA NYAN RANG GI CHOS KYI BDAG MED RTOGS PA YOD PA 'THAD PA'I SGRUB BYED KYI LUNG RIGS RGYAS PAR BSHAD PA LA GNYIS, RIGS PA BRJOD PA DANG, LUNG GI SHES BYED DGOD PA'O, ,DANG PO NI, GAL TE SHING RTA CHEN PO DAG GI BZHED PA LA NYAN RANG GIS CHOS KYI BDAG MED RTOGS PAR BZHED PA DANG MA RTOGS PAR BZHED PA'I SROL CHEN PO GNYIS YOD PA DE LTAR NA KHYED NYID GANG GI RJES SU 'BRANGS TE SMRA BAR BYED CE NA, KHO BO CAG GIS RANG DBANG DU BYAS TE SHING RTA CHEN PO SU ZHIG GI LUGS LA YANG BRGAL BAR NUS PA RNGO MI THOGS MOD KYI, DE LTA NA YANG DPAL LDAN ZLA BA'I RIGS PA'I 'OD ZER DRI MA MED PAR 'PHAGS PA'I DGONGS DON YANG DAG PA'I LAM GSAL BAR MDZAD PA NYID 'KHRUL PA THAMS CAD DANG BRAL BA'I BLA MA DAM PA'I BKA' DRIN GYIS PHYIN CI MA LOG BAR KHONG DU CHUD PA NA, DE'I STOBS KYIS DPAL LDAN ZLA BA'I LUGS LAS GZHAN DU 'PHAGS PA DANG RGYAL BA'I DGONGS PA 'CHAD PA MTHA' DAG TSUL 'DI'I RJES SU 'BRANG BA'I LUNG DANG RIGS PAS RNAM PAR DPYAD NA DRAG PO'I RLUNG DANG PHRAD BAS SHING LO'I PHUNG PO BZHIN DU MTHONG NAS BRGAL ZHING BRTAG PA LA MI 'JIGS PA'I SPOBS PA SKYES SO, ,DE BAS NA GANG ZAG RTAG GCIG RANG DBANG CAN DU GRUB PAS STONG PA DANG BDEN BZHI MI RTAG LA SOGS BCU DRUG MNGON SUM DU MTHONG BA GOMS PAR BYAS PA TZAM GYIS GANG ZAG GI BDAG 'DZIN DANG NYON MONGS BA'I DRI MA MA LUS PAR SPONG NGO ZHES SMRA BA DE LA 'DI DRI BAR BYA STE, KHYED RANG GIS GANG ZAG DANG CHOS GNYIS KYI NANG NAS CHOS KYI MTSAN GZHIR KHAS BLANGS PA'I DNGOS PO RNAMS MI RTAG PAR RTOGS PA'I TSAD MA DE NYID GOMS BYED KYI YAN LAG DANG MA BRAL BAR GOMS PAR BYES PA DNGOS PO DE DAG MI RTAG PAR MNGON

SUM DU RTOGS PA'I SGO NAS GOMS BYA LA GSAL SNANG RAB KYI MTHAR THUG PAR 'GRO'AM MI 'GRO ,MI 'GRO NA BDEN BZHI'I RNAM PA MI RTAG LA SOGS PA BCU DRUG RTOGS NAS GOMS PAR BYAS KYANG DE LTAR 'GRO MI SRID PAR THAL BA MTSUNGS SHING, DE'I PHYIR YANG DAG MIN, ,GANG GANG SHIN TU GOMS GYUR PA, ,SGOM PA YONGS SU RDZOGS PA NI, ,DE GSAL MI RTOG BLO 'BRAS CAN, ZHES SMRAS PA DANG 'GAL LO, ,GAL TE DE LTAR GOMS PAR BYAS PAS GSAL SNANG RAB KYI MTHAR THUG PAR 'GRO NA, DE TZAM GYIS CHOS LA RTAG 'DZIN GYI SGRO 'DOGS KYI SA BON MA LUS PAR SPONG NUS BAR THAL, BDEN BZHI'I RNAM PA MI RTAG LA SOGS MNGON SUM DU MTHONG BA GOMS PAR BYAS PA TZAM GYIS, GANG ZAG LA RTAG 'DZIN GYI SGRO 'DOGS LHAG MA MED PAR SPONG NUS PA'I PHYIR, 'DOD NA CHOS LA RTAG 'DZIN GYI SGRO 'DOGS MA LUS PAR SPANGS PA DE'I STOBS KYIS SHIS SGRIB MA LUS BAR SPONG NUS PAR THAL, GANG ZAG LA RTAG 'DZIN GYI SGRO 'DOGS KYI SA BON MA LUS PAR SPANGS PA'I STOBS KYIS NYON MONGS MA LUS PAR SPONG NUS PA'I PHYIR, 'DOD NA SHES SGRIB KYI GNYEN POR CHOS KYI BDAG MED CUNG ZAD KYANG SGOM MI DGOS PAR THAL LO, ,GAL TE SDUG BSNGAL BDEN PA'I RNAM PA MI RTAG LA SOGS MNGON SUM DU RTOGS PA'I DON NI, SDUG BSNGAL BDEN PA'I MTSAN GZHI NYER LEN GYI PHUNG PO LNGA LA PHRA BA'I MI RTAG PA SOGS MNGON SUM DU RTOGS PA LA BYED LA, DE GOMS PA'I STOBS KYIS PHUNG PO LNGA LA RTAG 'DZIN GYI SGRO 'DOGS KYI SA BON SPONG ZHING, DE'I STOBS KYIS PHUNG PO LNGA LA BRTEN NAS BTAGS PA'I GANG ZAG RTAG GCIG RANG DBANG CAN DU 'DZIN PA'I SA BON SPANGS NAS, NYON MONGS MA LUS PAR SPONG NGO ZHES SMRA BA YIN GYI, GANG ZAG MI RTAG PAR MNGON SUM DU MTHONG BA GOMS PA'I STOBS KYIS GANG ZAG LA RTAG 'DZIN GYI SA BON SPANGS NAS NYON MONGS PA MA LUS PAR SPONG BA YIN NO ZHES MI SMRA BAS SKYON MED DO ZHE NA, 'O NA PHUNG PO LNGA PO DE CHOS DANG GANG ZAG GNYIS SU PHYE BA'I NANG NAS GANG YIN CHOS YIN NA GANG ZAG GI MTSAN GZHI PHUNG PO LNGA KA'AM RNAM PAR SHES PA GANG YANG RUNG BA LA 'DZIN PAR SMRAS PA DANG 'GAL LO, ,GANG ZAG YIN NA GANG ZAG MI RTAG PAR MTHONG BA GOMS PA TZAM GYIS GANG ZAG LA RTAG 'DZIN GYI SA BON SPANGS NAS

, ,DE'I STOBS KYIS NYON MONGS MA LUS PAR SPONG NGO ZHES SMRAS PA YIN PAS GONG DU BRJOD PA'I THAL BDAG ZLOG TU MED DO, ,GZHAN YANG LUNG SOGS CHOS LA BDAG 'DZIN GYI SA BON SPANGS PA'I STOBS KYIS GANG ZAG LA BDAG 'DZIN GYI SA BON SPONG DGOS PAR THAL, PHUNG SOGS CHOS LA RTAG 'DZIN GYI SA BON SPANGS PA'I STOBS KYIS GANG ZAG LA RTAG 'DZIN GYI SA BON SPONG DGOS PA'I PHYIR, RTAGS DNGOS SU KHAS BLANGS SHING, 'DOD NA GANG ZAG GI BDAG 'DZIN GYI SA BON SPONG BA LA CHOS KYI BDAG MED RTOGS MI DGOS PAR 'DOD PAS GRUB PA'I MTHA' NYAMS SO ZHES BRJOD NA LAN CI ZHIG YOD, GZHAN YANG BDEN BZHI MI RTAG LA SOGS RTOGS PA'I LAM GYIS NYON MONGS PA'I SA BON SPONG NUS SHING, 'JIG RTEN PA'I ZHI RAGS KYI RNAM PA CAN GYI LAM GYAS NYON MONGS PA'I SA BON SPONG MI NUS PA'I KHYAD PAR MI 'THAD PAR THAL, LAM DE GNYIS KYIS JI LTAR BZUNG BA'I DON DE YUL GYI DON DAM GYI GNAS LUGS LA MA ZHUGS PAR KHYAD PAR MED CING, YUL GYI KUN RDZOB KYI GNAS TSUL DU GRUB PAR KHYAD PAR MED PA'I PHYIR, ZHES BRJOD NA CI SMRA, GAL TE MDO LAS LAM DE GNYIS LA NYON MONGS PA'I SA BON SPONG NUS MI NUS KYI KHYAD PAR BSHAD DO ZHE NA, MDO LAS DE LTAR DU BSHAD PA MED DO ZHES SU ZHIG SMRA, DE LTAR BSHAD PA DE SGRA JI BZHIN PA'I DES DON YIN PAR RIGS PAS BSGRUBS SHIG ,KHO BO CAG GIS NI GANG ZAG GI BDAG MED PHRA BA YANG DNGOS SU RTOGS PA'I SKAL BA DANG MI LDAN PA'I GDUL BYA LA LTAS NAS DGONGS TE GSUNGS PA'I RNAM GZHAG YIN NO ZHES BRJOD ZIN TO, ,GZHAN YANG 'KHOR LO DANG PO'I MDO LAS, GANG ZAG RTAG GCIG RANG DBANG CAN GYI BDAG DANG BRAL BAR RTOGS PA TZAM GYIS GANG ZAG GI BDAG MED MTSAN NYID TSAD BRTOGS PAR GSUNGS PA DE SGRA JI BZHIN PA'I NGES DON YIN NA, CHOS KYI BDAG MED KYANG 'KHOR LO THA MA'I MDO LAS GSUNGS PA GZUNG 'DZIN RDZAS GZHAN RNAM PAR BCAD PA DE TZAM DU NGES SO ZHES SMRAS NA GANG GIS 'BYED, GAL TE CHOS KYI BDAG MED DE TZAM DU NGES PA LA 'KHOR LO BAR BA'I MDO LAS CHOS THAMS CAD BDEN PAR GRUB PAS STONG PA CHOS KYI GNAS LUGS SU GSUNGS PA LTAR RIGS PAS GRUB PAS GNOD DO ZHE NA, DE LTAR NA GANG ZAG GI BDAG MED KYANG 'KHOR LO DANG PO NAS BSHAD PA DE TZAM ZHIG TU NGES PA LA 'KHOR LO BAR BA'I MDO LAS GANG ZAG

RANG BZHIN GYIS GRUB PAS STONG PA GANG ZAG GI GNAS LUGS SU GSUNGS PA LTAR RIGS PAS GRUB PAS GNOD DO ZHES RNAM PA KUN TU MTSUNGS SO, ,GZHAN YANG CHOS DE LA BDEN 'DZIN YIN NA CHOS DE LA BDAG 'DZIN YIN PAS KHYAB BAM MA KHYAB, MA KHYAB NA, BDEN 'DZIN YIN NA BDAG 'DZIN YIN PAS KHYAB PA NYAMS SO,, KHYAB NA GANG ZAG BDEN 'DZIN GYI BLO CHOS CAN, KHYOD GANG ZAG LA BDAG 'DZIN YIN PAR THAL, KHYOD GANG ZAG LA BDAN 'DZIN YIN PA'I PHYIR, 'KHOR GSUM LA LAN MED DO, ,GZHAN YANG BDEN 'DZIN YIN NA CHOS KYI BDAG 'DZIN YIN PAS KHYAB PA'I RGYU MTSAN GYIS, GZHI GANG ZAG LA DMIGS NAS BDEN PAR 'DZIN PA YANG CHOS KYI BDAG 'DZIN DU KHAS LEN YANG DGOS LA LEN PA YANG YIN NO, ,DE LTAR NA, SHES BYA CHOS CAN, GZHI CHOS TZAM LA DMIGS NAS RTAG GCIG RANG DBANG CAN DU 'DZIN PA'I BLO YIN NA GANG ZAG GI BDAG 'DZIN YIN PAS KHYAB PAR THAL, GZHI GANG ZAG 'BA' ZHIG LA DMIGS NAS BDEN PAR 'DZIN PA'I BLO YIN NA CHOS KYI BDAG 'DZIN YIN PAS KHYAB PA'I PHYIR, 'DOD NA SGRA RTAG 'DZIN RTOG PA DANG GRANGS CAN GYI GTZOR 'DZIN RTOG PA SOGS THAMS CAD KYANG GANG ZAG GI BDAG 'DZIN DU HA CANG THAL LO, ZHES BRJOD NA RTOG GE PA KHYED MTHA' DAG GI SMRA BA'I 'JUG PA DUS CIG CAR DU NYAMS PAR 'GYUR RO, ,GZHAN YANG MNGON PA KUN LAS BTUS LAS, DE BZHIN NYID LA DMIGS NAS GANG DU ZAG PA DANG BCAS PA'I DNGOS PO 'GAGS PA DE 'GOG PA'I MTSAN NYID DO, ZHES GSUNGS PA LTAR, RANG BZHIN RNAM DAG GI STENG DU GLO BUR GYI DRI MA'I SA BON CI RIGS PA GNYEN PO'I STOBS KYIS BRAL BAS KHYAD BAR DU BYAS PA'I DE BZHIN NYID 'GOG BDEN GYI DON DU BYAS NAS, 'GOG BDEN YIN NA DE BZHIN NYID YIN PAS KHYAB PAR 'DOD PA LA DBU SEMS KYI MKHAS PA SU YANG MI MTHUN PA MED DE, ,DE LTAR NA ,NYAN THOS 'PHAGS PA CHOS CAN, KHYOD KYIS CHOS NYID MNGON SUM DU RTOGS PAR THAL, KHYOD KYIS 'GOG BDEN MNGON SUM DU RTOGS PA'I PHYIR ,RTAGS BSAL DNGOS SU KHAS BLANGS SHING, KHYAB PA YANG DON GYIS KHAS LEN PAS MCHOG TU LCI BA'I NANG 'GAL GYI KHUR CHEN PO'O, ,GZHAN YANG SEMS TZAM PAS GZHAN DBANG DANG KUN RDZOB BDEN PA YIN NA, GANG LA DMIGS NAS KUN NAS NYON MONGS PA 'PHEL BAR 'GYUR BA'I DMIGS PA YIN PAS KHYAB PA DANG, GANG LA DMIGS NAS

, ,SGRIB PA RNAM PAR DAG PAR 'GYUR BA'I DMIGS PA YONGS GRUB KHO NA YIN PAR KHAS BLANGS NAS, NYAN RANG RNAMS KYIS NYON MONGS PA MA LUS PAR SPONG BA'I YE SHES KYI DMIGS PA GZHAN DBANG YIN PAS KHYAB CING, YONGS GRUB LA DMIGS PA MI SRID DO ZHES SMRA BA NI GRUB PA'I MTHA'I NANG 'GAL BA CHEN PO'O, ,GZHAN YANG, GANG ZAG RTAG GCIG RANG DBANG CAN DU 'DZIN PA LA BRTEN NAS BDAG GI BAR 'DZIN PA'I BLO DANG, BDAG BDE BAR 'DOD CING SDUG BSNGAL BAR MI 'DOD PA'I SRED BA LA SOGS PA NYON MONGS PA RNAMS SKYE BA LTAR GANG ZAG BDEN 'DZIN LA BRTEN NAS KYANG BDAG GI BAR BDEN PAR ZHEN PA LA SOGS PA THAMS CAD SKYE BAR KUN TU MTSUNGS PA'I PHYIR NYON MONGS PA MA LUS PAR SPONG BA LA GANG ZAG RTAG GCIG RANG DBANG CAN DU 'DZIN PA SPONG DGOS SHING, GANG ZAG BDEN PAR 'DZIN PA SPONG MI DGOS PA'I KHYAD PAR SHIN TU MI 'THAD DO, ,GZHAN YANG BCOM LDAN 'DAS KYIS CHOS THAMS CAD BDEN PAR GRUB PAS STONG PA GSUNGS PA DE'I MTHAR, CHOS KYI RNAM GRANGS 'DI BSHAD PA NA SROG CHAGS BRGYA STONG PHRAG 'DI SNYED CIG GIS RGYUN DU ZHUGS PA'I 'BRAS BU THOB BO, ,'DI SNYED CIG GIS LAN GCIG PHYIR 'ONG BA'I 'BRAS BU THOB BO, ZHES SOGS MDO SDE RNAMS LAS DU MA ZHIG GSUNGS PA THAMS CAD 'BREL MED YIN PAR THAL, NYAN RANG GIS CHOS KYI BDAG MED RTOGS PA MI SRID PA'I PHYIR, SPROS PAS CHOG GO ,GNYIS PA LUNG GI SHES BYED DGOD PA NI, SNGAR BSHAD PA 'JUG PA'I RANG 'GREL DU DRANGS PA RNAMS DANG GZHAN YANG LHAG PA'I BSAM PA BRTAN PAS ZHUS PA TSIG GSAL DU DRANGS PA LAS, DPER NA MI LA LA ZHIG GIS SGYU MA MKHAN GYI ROL MO BYUNG BA'I TSE, SGYU MA MKHAN GYIS SPRUL PA'I BUD MED MTHONG NAS 'DOD CHAGS KYI SEMS BSKYED DE, DE 'DOD CHAGS KYIS SEMS DKRIS NAS 'KHOR GYIS 'JIGS SHING BAG TSA STE, STAN LAS LANGS NAS SONG STE, DE SONG NAS KYANG, BUD MED DE NYID LA MI SDUG PAR YID LA BYED CING, MI RTAG PA DANG, SDUG BSNGAL BA DANG, STONG PA DANG, BDAG MED PAR YID LA BYED NA, RIGS KYI BU DE JI SNYAM DU SEMS MI DE YANG DAG PAR ZHUGS PA YIN NAM 'ON TE LOG PAR ZHUGS PA YIN, GSOL BA, BCOM LDAN 'DAS GANG BUD MED MA MCHIS PA LA MI SDUG PAR YID LA BYED CING, MI RTAG PA DANG, SDUG BSNGAL BA DANG, STONG PA DANG, BDAG MED PAR YID LA

BGYID PA'I MI DE'I MNGON PAR BRTZON PA DE NI LOG PA LAGS SO, ,BCOM LDAN 'DAS KYIS BKA' STZAL PA, RIGS KYI BU 'DI NA DGE SLONG DANG, DGE SLONG MA DANG, DGE BSNYEN DANG, DGE BSNYEN MA KHA CIG ,MA SKYES SHING MA BYUNG BA'I CHOS RNAMS LA MI SDUG PAR YID LA BYED CING, MI RTAG PA DANG, SDUG BSNGAL BA DANG, STONG PA DANG, BDAG MED PAR YID LA BYED PA GANG YIN PA DE DAG KYANG DE DANG 'DRA BAR BLTA BAR BYA'O, ,NGA NI MI BLUN PO DE DAG LA LAM SGOM PA YIN NO ZHES MI SMRA STE, DE DAG NI LOG PAR ZHUGS PA ZHES BYA'O, ZHES DANG, 'PHAGS PA BSAM GTAN PA'I DPE MA KHYUD KYI MDO LAS KYANG, 'JAM DPAL 'PHAGS PA'I BDEN PA RNAMS YANG DAG PA JI LTA BA BZHAN DU MA MTHONG BAS, SEMS CAN PHYIN CI LOG BZHIS SEMS PHYIN CI LOG TU GYUR PA RNAMS 'KHOR BA YANG DAG PA MA YIN PA 'DI LAS 'DA' BAR MI 'GYUR RO, ZHES GSUNGS PA LA, 'JAM DPAL GYIS, BCOM LDAN 'DAS GANG LA NYE BAR DMIGS PAS SEMS CAN RNAMS 'KHOR BA LAS 'DA' BAR MI 'GYUR BA BSTAN DU GSOL, ZHES ZHUS PA'I LAN DU, BDAG NI 'KHOR BA LAS 'DA' BA DANG, MYANG 'DAS THOB PAR 'GYUR RO SNYAM DU BDEN PAR ZHEN PA'I TSUL GYIS MI RTAG PA LA SOGS PA BSGOMS PA NA, BDAG GIS SDUG BSNGAL SHES SO, ,KUN 'BYUNG SPANGS SO, ,'GOG PA MNGON DU BYAS SO, ,LAM BSGOMS SO SNYAM NAS BDAG NI DGRA BCOM PAR GYUR TO SNYAM PA 'BYUNG BAR GSUNGS TE, SNGAR BSHAD PA LTAR GYI NYON MONGS THUN MONG BA MNGON GYUR RE SHIG SPANGS PA ZAG PA THAMS CAD ZAD DO SNYAM PA SKYES PA'O, ,DE 'CHI BA'I DUS KYI CHE RANG NYID SKYE BA LEN PAR MTHONG BA NA, SANGS RGYAS LA THE CHOM ZOS PA'I NYES PAS DMYAL BA CHEN POR LTUNG BAR GSUNGS SO, ,DE NI LAM DE LTA BU LA GNAS PA 'GA' ZHIG LA YIN GYI THAMS CAD LA NGES PA MA YIN NO, ,DE NAS 'JAM DPAL GYIS, 'PHAGS PA'I BDEN PA BZHI PO JI LTAR RTOGS PAR BGYI BA ZHUS PA NI, SNGAR 'KHOR BA LAS GROL BA ZHUS PA LA BDEN PA BZHI YANG DAG PA JI LTA BA BZHIN SHES DGOS PAR GSUNGS PA DE'I DEN NGES PA'O, ,DE'I LAN DU 'JAM DPAL GANG GIS 'DU BYED THAMS CAD MA SKYES PAR MTHONG BA DES NI SDUG BSNGAL YONGS SU SHES PA YIN NO, ,GANG GIS CHOS THAMS CAD 'BYUNG BA MED PAR MTHONG BA DES NI KUN 'BYUNG BA SPANGS PA YIN NO, ,GANG ZHIG CHOS THAMS CAD GTAN MYA NGAN LAS 'DAS PAR MTHONG

, ,BA DES NI 'GOG PA MNGON DU BYAS PA YIN NO, ,GANG GIS CHOS THAMS CAD SHIN TU MA SKYES PAR MTHONG BA DES NI LAM BSGOMS PA YIN NO, ZHES GSUNGS NAS, LAM DES LEN PA MED PAR MYA NGAN LAS 'DAS PAR GSUNGS TE, 'DIS NI BDEN BZHI RANG BZHIN MED PAR MTHONG BA DES 'KHOR BA LAS GROL BAR BYED BA DANG, BDEN 'DZIN DANG MA BRAL BA'I LAM GYIS 'KHOR BA LAS MI GROL BAR GSAL BAR GSUNGS SO, ,RDO RJE GCOD PA LAS KYANG, RAB 'BYOR 'DI JI SNYAM DU SEMS, RGYUN DU ZHUGS PA 'DI SNYAM DU BDAG GIS RGYUN DU ZHUGS PA'I 'BRAS BU THOB BO SNYAM DU SEMS SAM, RAB 'BYOR GYIS GSOL BA; BCOM LDAN 'DAS DE NI MA LAGS SO, ,DE CI'I SLAD DU ZHE NA, BCOM LDAN 'DAS DE NI GANG LA YANG ZHUGS PA MA MCHIS PA'I SLAD DU STE, DES NA RGYUN DU ZHUGS PA ZHES BGYI'O, ZHES DANG, BCOM LDAN 'DAS GAL TE RGYUN DU ZHUGS PA DE 'DI SNYAM DU, BDAG GIS RGYUN DU ZHUGS PA'I 'BRAS BU THOB BO SNYAM DU SEMS BAR GYUR NA DE NYID DE'I BDAG TU 'DZIN PAR 'GYUR BA LAGS SO, ,SEMS CAN DU 'DZIN PA DANG, SROG TU 'DZIN PA DANG, GANG ZAG TU 'DZIN PAR 'GYUR BA LAGS SO, ZHES GSUNGS SHING, 'BRAS GNAS PHYI MA GSUM LA YANG DE BZHIN DU GSUNGS SO, ,DE LTAR RGYUN ZHUGS KYIS THA SNYAD TZAM DU BDAG GIS RGYUN DU ZHUGS PA'I 'BRAS BU THOB BO SNYAM DU GZUNG NA BDAG 'DZIN DU 'GYUR BAR GSUNG BA NI GNAS MED CING GO SKABS MED PAS BDEN PAR ZHEN PA'I SGO NAS BDAG GIS RGYUN DU ZHUGS PA'I 'BRAS BU THOB BO SNYAM DU MI 'DZIN PAR GSUNGS PA YIN TE, DE'I PHYIR NYAN THOS LA BDEN MED RTOGS PA'I SHES RAB YOD PAR GSAL BAR BSTAN NO; ;GZHAN YANG SGRUB PA LA GDAMS PA'I SKABS SU NYI KHRI LAS, 'DZAM BU'I GLING 'DI DGE SLONG SH'A RI'I BU DANG MO'U 'GAL GYI BU LTA BU SHA STAG GIS 'DAM BU'I TSAL LA SOGS PA LTAR GANG BA'I SHES RAB GANG YIN PA DES, BYANG SEMS YUM LA SPYOD PA'I SHES RAB NYIN GCIG BSGOMS PA'I BRGYA'I CHAR YANG MI 'GRO BA SOGS SU GSUNGS BA NA, DE NAS TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS RGYUN DU ZHUGS PA DANG, LAN GCIG PHYIR 'ONG BA DANG, PHYIR MI 'ONG BA DANG, DGRA BCOM PA'I SHES RAB DANG, GANG YANG RANG SANGS RGYAS KYI SHES RAB DANG, BYANG CHUB SEMS DPA'

SEMS DPA' CHEN PO'I SHES RAB DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI SHES RAB GANG LAGS PA'I SHES RAB DE DAG THAMS CAD NI DBYE BA MED PA, DBEN PA, MA SKYES BA, NGO BO MED PA, STONG PA LAGS SHING, BCOM LDAN 'DAS DBYE BA MED PA, DBEN GAM SKYES BA, NGO BO MED PA, STONG PA LA NI THA DAD DU BYA BA'AM, KHYAD PAR DMIGS SU MA MCHIS NA, BCOM LDAN 'DAS JI LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I SHES RAB GDUGS GCIG BSGOMS PA GANG LAGS PA DES, NYAN THOS DANG RANG SANGS RGYAS THAMS CAD KYI SHES RAB ZIL GYIS GNON BAR 'GYUR BA LAGS, ZHES ZHUS PA'I DRI BA 'DI'I DON NI, DE LTA BU'I SHES RAB KYI KHYAD PAR MI 'THAD PAR THAL, THEG PA GSUM GYI 'PHAGS PA GANG ZAG THAMS CAD KYI SHES RAB RNAMS BDEN PAR GRUB PAS STONG PAR DBYE BA MED PA'I PHYIR, ZHES PA'I DON DU MI BZUNG STE, DE LTAR NA DON DAM PAR DBYE BA MED KYANG KUN RDZOB TU DBYE BA BYED PA YIN PAS SKYON MED CES PA'I LAN GDAB PAR RIGS KYI, THABS KYI RNAM PA THAMS CAD DANG LDAN MI LDAN DANG, SEMS BSKYED DANG SNYING RJE SOGS KYIS ZIN MA ZIN GYI SGO NAS KHYAD CHE BA'I LAN BTAB PA 'BREL MED DU 'GYUR BA'I PHYIR RO, ,DES NA THEG PA GSUM GYI 'PHAGS PA'I GANG ZAG THAMS CAD KYIS JI LTA BA MKHYEN PA'I SHES RAB KYI CHA LA MCHOG DMAN GYI KHYAD PAR DE LTA BU MI 'THAD PAR THAL, DE THAMS CAD RANG BZHIN GYIS DBEN PA, RANG BZHIN GYIS MA SKYES PA, RANG GI NGO BOS GRUB PA MED PA'I STONG PA NYID DU CHU LA CHU BZHAG BZHIN DU SONG BA'I CHA LA RIGS MI 'DRA BA'I DBYE BA MED PA'I PHYIR, CES BA NYID DRI BA'I DON YIN NO, ,DE NAS DE 'DRA BA'I SHES RAB KYI CHA LA DBYE BA MED KYANG THABS KYI RNAM PA THAMS CAD KYI MCHOG DANG LDAN MI LDAN DANG, SEMS BSKYED KYIS ZIN MA ZIN SOGS KYI KHYAD PAR GYIS SHES RAB SGOM PA'I MCHOG DMAN GYI KHYAD PAR DE LTA BU 'THAD DO, CES PA'I LAN GSUNGS PA NI, SH'A RI'I BU DE JI SNYAM DU SEMS, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I SHES RAB NYIN GCIG BSGOMS PA RNAM PA THAMS CAD KYI MCHOG DANG LDAN PA'I RNAM PA THAMS CAD MKHYEN PA NYID LA SPYOD PA DANG, BDAG GIS SEMS CAN THAMS CAD KYI DON BYED PA DANG, CHOS THAMS CAD RNAM PA THAMS CAD DU MNGON PAR RDZOGS PAR SANGS RGYAS

, ,BAR BYAS TE, SEMS CAN THAMS CAD YONGS SU MYA NGAN LAS 'DA'O ZHES 'BRAS BU GANG GI DON DU NYE BAR GNAS PA DE'I DON DU NYAN THOS DANG RANG SANGS RGYAS THAMS CAD KYI SHES RAB NYE BAR GNAS SAM CI, SH'A RI'I BUS GSOL BA, BCOM LDAN 'DAS DE LTA MA LAGS SO, BCOM LDAN 'DAS KYIS BKA' STZAL PA, SH'A RI'I BU DE JI SNYAM DU SEMS, JI GNYAN THOS DANG RANG SANGS RGYAS THAMS CAD 'DI SNYAM DU, BDAG GIS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS SEMS CAN THAMS CAD PHUNG PO LHAG PA MED PA'I MYA NGAN LAS 'DAS PA'I DBYANGS SU YONGS SU MYA NGAN LAS 'DA'O SNYAM DU SEMS SAM, SH'A RI'I BUS GSOL PA, BCOM LDAN 'DAS DE LTAR MA LAGS SO, ,BCOM LDAN 'DAS KYIS BKA' STZAL PA, SH'A RI'I BU DES NA RNAM GRANGS 'DIS KHYOD KYIS RIG PAR BYA STE, GANG 'DI NYAN THOS DANG RANG SANGS RGYAS THAMS CAD KYI SHES RAB GANG YIN BA DES NI BYANG CHUB SEMS DPA' SEMS DPA' CHEN PO'I SHES RAB NYIN GCIG BSGOMS PA'I BRGYA'I CHAR YANG NYE BAR MI 'GRO'O, ZHES BYA BA LA SOGS BRGYA CHER GSUNGS PAS, THEG PA CHE CHUNG GI RTOGS PA'I MCHOG DMAN STONG NYID RTOGS MA RTOGS KYI SGO NAS MI 'JOG PAR THABS KHYAD PAR CAN GYIS ZIN GYI SGO NAS 'JOG PA GSAL BAR BSHAD CING, RGYAL BA'I YUM RGYAS PA DANG BSDUS PA LAS KYANG 'DI LTAR GSUNGS PA'I TSUL LA SOGS PA DU MA ZHIG DRANG DU YOD KYANG YI GE MANGS BAS 'JIGS TE MA BRIS SO, ,GZHAN YANG THEG PA CHEN PO'I MDO SDE DU MA ZHIG TU, 'PHAGS PA 'OD SRUNG CHEN PO DANG, SH'A RI'I BU DANG, MO'U 'GAL GYI BU DANG, KUN DGA' BO DANG, MA 'GAGS PA DANG, RAB 'BYOR DANG; NYE BA 'KHOR DANG, MING CHEN DANG, BYAMS MA'I BU GANG BO DANG, KUN SHES KO'U DI N+Y'A DANG, RTA THUL LA SOGS PA NYAN THOS CHEN PO DU MA ZHIG GIS BCOM LDAN 'DAS DANG ZHUS LAN BYAS PA DANG, 'JAM DPAL LA SOGS PA DANG DRIS LAN DANG, NYAN THOS NANG PHAN TSUN DRIS LAN LA SOGS PA'I SGO NAS CHOS THAMS CAD RANG BZHIN MED PAR GTAN LA PHAB PA DANG, SRID ZHI MNYAM PA NYID DU GTAN LA PHAB PA MTHA' YAS PA ZHIG GSUNGS PA LA, NYAN THOS DE DAG GIS CHOS RANG BZHIN MED PAR CUNG ZAD KYANG MA GTOGS SO ZHES SMRA BA NI MNGON SUM LA BSNYON PA DANG KHYAD PAR MED DO, ,GAL TE DE DAG THAMS CAD SPRUL PA'I NYAN THOS YIN

PAS NYAN THOS MTSAN NYID PA MA YIN PA'I PHYIR SKYON MED DO ZHE NA, 'O NA LNGA SDE BZANG PO NYAN THOS KYI RIGS CAN MA YIN PA'I PHYIR, DE DAG CHED DU BYA BA'I GDUL BYA'I GTZO BOR BYAS NAS GSUNGS PA'I 'KHOR LO DANG PO'I MDO THEG DMAN GYI SDE SNOD MA YIN PAR THAL ZHING, BCOM LDAN 'DAS KYI 'KHOR NA NYAN THOS MTSAN NYID PA'I MTSAN GZHI GZUNG RGYU SU ZHIG YOD PA SMROS SHIG ,GZHAN YANG 'PHAGS PA YON TAN RIN PO CHE SDUD PA LAS KYANG, GANG DAG BDE GSHEGS NYAN THOS 'GYUR BAR BYA SNYAM DANG, ,RANG SANGS RGYAS DANG DE BZHIN CHOS RGYAL 'GYUR 'DOD BA, ,BZOD PA 'DI LA MA BRTEN THOB PAR MI NUS TE, CES DANG, NYAN THOS KYIS LA SLOB PAR 'DOD PAS KYANG SHES RAB KYI PHA ROL TU PHYIN PA LA BSLAB PAR BYA'O, ZHES PA LA SOGS PAS KYANG NYAN RANG LA BDEN MED RTOGS PA'I SHES RAB YOD PA GSAL BAR BSTAN PA YIN NO, ,DON 'DI NI SLOB DPON 'PHAGS PA'I DGONGS PA YIN PA LA'ANG BSNYON DU MED DO, ,RIN CHEN 'PHRENG BA'I KHUNGS SNGAR DRANGS PA LTAR DANG, GZHAN YANG CHOS DBYINGS BSTOD PA LAS, ,GANG ZHIG KUN TU MA SHES NA, ,SRID PA GSUM DU RNAM 'KHOR ZHING, ,SEMS CAN KUN LA NGES GNAS PA'I, ,CHOS KYI DBYINGS LA PHYAG 'TSAL LO, ZHES CHOS DBYINGS MA RTOGS NA SRID PA GSUM LAS MI THAR BAR GSUNGS PA DANG, RNAM PAR MI RTOG PAR BSTOD PA LAS, NYAN THOS RNAMS DANG RANG SANGS RGYAS, ,SANGS RGYAS RNAMS KYI NGES BSTEN PA'I, ,THAR LAM KHYOD NYID GCIG PU STE, ,GZHAN ZHES BGYI BA MA MCHIS NGES, ZHES GSUNGS PA DANG, BYANG CHUB SEMS 'GREL LAS KYANG, STONG NYID MA RTOGS NA THAR PA MI 'GRUB PAR GSUNGS PA'I PHYIR RO, ,GZU LUM SMRA BA KHA CIG NA RE; BYANG CHUB SEMS 'GREL LAS BSHAD PA DE NI GANG ZAG GI BDAG GIS STONG PA NYID TZAM MI SHES NA DE DAG THAR BA BRTEN MA YIN ZHES BSHAD PA YIN GYI DON DAM LA STONG PA NYID DU BYAS PA NI MA YIN NO ZHES ZER RO, ,DE LTAR SMRA BAS NI BYANG CHUB SEMS 'GREL GYI GZHUNG MA MTHONG NGO ZHES GSAL BAR BYAS TE, BYANG CHUB SEMS 'GREL LAS, SEMS ZHI BA NI RMONGS MI 'GYUR, ,RMONGS MED DE NYID RTOGS PA STE, ,DE NYID RTOGS PA GROL THOB 'GYUR, ,DE BZHIN NYID DANG YANG DAG MTHA', ,MTSAN MA MED DANG DON DAM NYID, ,BYANG CHUB SEMS MCHOG DE NYID, ,STONG PA NYID DU BSHAD PA YIN, ,GANG DAG STONG NYID MI SHES PA, ,DE DAG THAR BA BRTEN

, ,YIN, ,'GRO DRUG SRID PA'I BTZON RANG NI, ,RMONGS PA DE DAG 'KHOR BAR 'GYUR, CES GSUNGS PA'I GZHUNG SNGA MA RNAMS MA MTHONG BAR, SHLOO KA THA MA 'BA' ZHIG ZUR DU DRANGS PA LA PHO TSOD TZAM GYIS DGONGS PA 'CHAD BAR BYED PA'I PHYIR RO, ,GZHAN YANG RIN CHEN 'PHRENG BA LAS, THEG PA CHE LAS SKYE MED BSTAN, ,GZHAN GYI ZAD PA STONG PA NYID, ,ZAD DANG MI SKYE DON DU NI, ,GCIG PA DE PHYIR BZOD PAR GYIS, ZHES GSUNGS PA'I DON CUNG ZAD BSHAD NA, 'DI GNYIS DON GCIG LUGS LA KHA CIG NA RE, RANG BZHIN YOD NA ZAD PA MI RIGS PAS NYAN THOS BA RNAMS MYA NGAN LAS 'DAS PA'I GNAS SKABS SU 'DUS BYAS ZAD PA KHAS LEN NA DANG PO NAS 'DUS BYAS RANG BZHIN GYIS STONG BAR KHAS LEN DGOS SO, ,DE'I PHYIR THEG DMAN GYI MDO LAS, MYA NGAN LAS 'DAS PA'I GNAS SKABS SU 'DUS BYAS ZAD PAR GSUNGS PA DANG, THEG CHEN GYI MDO LAS 'DUS BYAS STONG PA NYID DU BSHAD PA GNYIS DON GCIG PA YIN NO ZHES ZER RA, ,DE NI SHIN TU MI RIGS TE, DE LTAR NA DNGOS PO DANG STONG NYID DON GCIG PAR THAL, RANG BZHIN GYIS YOD NA DNGOS POR MI RIGS PA'I PHYIR, CES PA'I THAL BA BZLOG TU MED DO, ,DES NA DON NI 'DI YIN TE, THEG DMAN GYI MDO LAS, GANG SDUG BSNGAL 'DI MA LUS PAR SPANGS PA, NGES PAR SPANGS PA, BYANG BAR GYUR PA, ZAD PA, 'DOD CHAGS DANG BRAL BA, 'GOG PA, NYE BAR ZHI BA, NUB PA, SDUG BSNGAL GZHAN GYI MTSAMS MI SBYOR ZHING MI 'BYUNG MI SKYE BA 'DI NI ZHI BA, 'DI NI GYA NOM PA STE, 'DI LTA STE PHUNG PO THAMS CAD NGES PAR SPANGS BA, SRID PA ZAD PA, 'DOD CHAGS DANG BRAL BA, 'GOG PA, MYA NGAN LAS 'DAS PA'O; ZHES GSUNGS PA 'DI'I DON 'GREL PA NA, SDUG BSNGAL 'DI ZHES PA'I NYE TSIG GIS GSUNGS PA'I PHYIR, DA LTAR GYI RANG RGYUD KYI SDUG BSNGAL LAM PHUNG PO'I DBANG DU MDZAD NAS, MA LUS PAR SPANGS PA NAS NUB PA'I BAR DANG, SKYE BA PHYI MA'I SDUG BSNGAL GYI DBANG DU MDZAD NAS, SDUG BSNGAL GZHAN MTSAMS MI SBYOR BA NAS MYA NGAN LAS 'DAS PA'O, CES PA'I BAR DU GSUNGS SO, DE LA DNGOS SMRA BA RNAMS LTAR NA LHAG MED KYI MYANG 'DAS MNGON DU BYAS PA'I TSE PHUNG PO RNAMS MA LUS PAR ZAD PAR GSUNGS PA'I DON PHUNG PO RNAMS RANG BZHIN GYIS GDOD MA NAS ZAD PA LA BYAR MI RUNG STE, PHUNG PO RNAMS RANG

BZHIN GYIS GRUB PAR KHAS BLANGS PA'I PHYIR RO, ,DES NA LAM GYIS MA LUS PAR SPANGS BA'I STOBS KYIS PHUNG PO RNAMS RGYUN CHAD BA LA BSHAD DGOS SHING DE LTAR KHAS KYANG LEN NO, ,DE LTAR NA DNGOS SMRA BA'I LUGS DE LA LHAG MED KYI MYANG 'DAS MNGON DU BYAS PA'I GANG ZAG MI SRID PAR THAL, LHAG MED KYI MYANG 'DAS MNGON DU BYAS PA'I TSE MNGON DU BYED PA PO'I GANG ZAG MED PAS KHYAB CING, GANG ZAG YOD PA'I TSE MYANG 'DAS DE MNGAN DU MA BYAS PAS KHYAB PA'I PHYIR, RTAGS KHAS BLANGS TE, DE MNGON DU BYAS PA'I TSE 'DUS BYAS DANG PHUNG PO THAMS CAD RGYUN CHAD PAS KHYAB PAR KHAS BLANGS PA GANG ZHIG, GANG ZAG YIN NA 'DUS BYAS YIN PAS KHYAB PA'I PHYIR DANG, GANG ZAG YOD NA PHUNG PO YANG DES PAR YOD DGOS PA'I PHYIR RO, ,DE'I PHYIR DNGOS SMRA BAS MDO DE'I DON JI LTA BA BZHIN DU BSHAD PAR MI NUS SO, ,KHO BO CAG LTAR NA NYON MONGS BA MA LUS PAR SPANGS PA'I NYAN RANG GI YE SHES GANG GI DON GNYIS SNANG GI SPROS PA MA LUS PA NYE BAR ZHI BA'I SGO NAS 'DUS BYAS DANG PHUNG PO THAMS CAD GDOD MA NAS RANG BZHIN GYIS ZAD PA'I 'GOG PA MNGAN DU BYAS PA NYID THEG DMAN GYI LHAG MED KYI MYANG 'DAS MNGON DU BYAS PA'I DON YIN PAR MDO DES BSTAN PA YIN LA, THEG DMAN GYI MDO LAS DE 'DRA BA'I SDUG BSNGAL 'GAGS PA'I 'GOG BA MYA NGAN LAS 'DAS PA BSTAN PA DE DANG, THEG CHEN GYI MDO LAS RANG BZHIN GYIS SKYE BA MED PA'I 'GOG PA BSTAN PA GNYIS DON GCIG YIN NO ZHES BYA BA RIN CHEN PHRENG BA'I LUNG DE'I DON YIN NO, ,DE'I PHYIR 'DIS NYAN RANG DGRA BCOM GYIS CHOS KYI BDAG MED MNGON SUM DU BYAS BAR BSTAN PA LA BSNYON DU MED DO, ,DE LTAR NA 'DI PA'I LUGS KYIS LHAG BCAS DANG LHAG MAD KYI MYA NGAN LAS 'DAS PA'I DON, DGRA BCOM PA SKU TSE'I 'DU BYED MA BTANG BA DANG BTANG BA'I GNAS SKABS LA 'JOG PA DANG, LHAG MA DANG BCAS MA BCAS KYI DON SDUG BSNGAL GYI PHUNG PO'I RGYUN CHAD MA CHAD SOGS LA BZHED BA MA YIN GYI, NYON MONGS MA LUS BAR SPANGS PA'I DGRA BCOM PAS PHUNG SOGS GDOD MA NAS RANG BZHIN GYIS ZAD PA'I 'GOG PA MNGON DU BYAS PA'I MNYAM GZHAG GI DON BDEN SNANG GI LHAG MA MANG BAS LHAG MA MED PA'I MYA NGAN LAS 'DAS PA DANG, DA LAS 'DAS [?] PA'I RJES THOB KYI DON PHUNG SOGS BDEN SNANG GI LHAG MA YOD PAS LHAG MA DANG BCAS PA'I MYANG 'DAS ZHES BYA BAR 'JOG CING, DE'I PHYIR LHAG BCAS KYI MYANG 'DAS THOG MAR MNGON DU BYAS NAS DE'I 'OG TU LHAG MED KYI MYANG 'DAS MNGON DU BYED PA'I RIM PA DES PA YANG

, ,MI BZHED DO, ,DE LTA MA YIN PAR GZHAN GYI LUGS LTAR NA, DGRA BCOM PA SKU TSE'I 'DU BYED MA BTANG GI BAR DU MYANG 'DAS MNGON DU MA BYAS BAR 'GYUR TE, GONG DU DRANGS PA'I THEG DMAN GYI MDO DES, MYA NGAN LAS 'DAS PA MNGON DU BYAS PA'I TSE TSE 'DI'I SDUG BSNGAL KYANG MA LUS PAR SPANGS BA DANG ZAD PA SOGS SU GSUNGS PA'I PHYIR ZHES BZHED DE, RIGS PA DRUG CU PA LAS, GZHAN DAG GIS MYA NGAN LAS 'DAS PA'I 'JOG TSUL DE 'GOG PA'I DBANG DU MDZAD NAS, GAL TE PHUNG PO MA 'GAGS NA, ,NYON MONGS ZAD KYANG 'DAS MI 'GYUR, CES GSUNGS SHING, DE'I 'GREL PAR GONG DU DRANGS PA'I THEG DMAN GYI MDO DE NYID DRANGS NAS, DE LA MDO SDE LAS, SDUG BSNGAL 'DI ZHES BYA BA'I TSIG GIS NI DA LTAR NYID KYI SDUG BSNGAL GYI DBANG DU BYAS TE, MA LUS PAR SPANGS PA NAS, NUB PAR GYUR PA'I BAR DU GSUNGS SO, ,MA 'ONGS PA'I SDUG BSNGAL GYI DBANG DU BYAS TE, SDUG BSNGAL GZHAN GYI MTSAMS MI SBYOR ZHES BYA BA NAS, MYA NGAN LAS 'DAS PA'O ZHES PA'I BAR DU BSTAN TO, ,DE BAS NA 'DIR YANG SKYE BA ZAD DO, ZHES BYA BA'I TSIG NI DA LTAR NYID KYI MI SKYE BA BSTAN TO, ,'DI LAS SRID PA GZHAN MI SHES SO ZHES BYA BA'I TSIG NI MA 'ONGS PA'I SDUG BSNGAL DANG SPYAR BAR NGES SO, ,DA LTAR GYI DUS NA YANG DE'I PHUNG PO DE 'GAG BA MED NA NI, DE MYA NGAN LAS 'DAS BAR YANG MI 'THAD DO; ;GAL TE SDUG BSNGAL GYI NGO BO NYID SKYE BA MED PA MTHONG BA DE'I TSE NA, SKYE BA MI DMIGS PAS SDUG BSNGAL ZAD PA NYID DU 'GYUR NA, GZHAN DAG NI DE LTAR YANG MI 'DOD PAS DE'I TSE MYA NGAN 'DAS BAR MI 'GYUR RO, ,CI STE BCOM LDAN 'DAS KYIS MYA NGAN 'DAS PA NI GNYIS SU GSUNGS TE, PHUNG PO LHAG MA DANG BCAS PA DANG; PHUNG PO LHAG MA MED PA YIN TE, DE LA PHUNG PO'I LHAG MA DANG BCAS PA NI PHUNG PO TZAM DU ZAD DE NYON MONGS BAS BCINGS PA LAS GROL BA YIN, PHUNG PO'I LHAG MA MED PA NI PHUNG PO'I RGYUN CHAD PA'I MTSAN NYID YIN PAS PHUNG PO DANG BCAS PA'I MYA NGAN LA 'DOD CHAGS LA SOGS PA'I BCINGS PA SPANGS KYANG MYA NGAN LAS 'DAS PAR MI 'DOD DO SNYAM DU SEMS NA, MDO SDE LAS, SNGON BYAS MYA NGAN 'DAS SO ZHES, ,SH'A RI'I BU YIS BSHAD PA YI, ,RJES SU BZLAS 'DI LEGS BRJOD YIN, ZHES 'BYUNG BA JI LTAR BSHAD, NYON MONGS PA MED PA MNGON SUM DU BYA BA'I DBANG DU BYAS NAS GSUNGS BAR NGES KYI, PHUNG PO DANG BRAL

BA YANG MA YIN NO, ZHES BYA BA YANG 'GAL TE, DE LTA YIN DU ZIN KYANG SDUG BSNGAL 'DI MA LUS PAR SPANGS BA, NGES PAR SPANGS PA, ZHES BYA BA 'DI DAG BSHAD PAR MI 'GYUR GYI, GANG NYON MONGS BA DE DAG MA LUS PAR SPANGS BA NAS NUB PAR GYUR PA ZHES BYA BA'I BAR DU DE SKAD GSUNG BA'I RIGS SO, CES SOGS RGYAS BAR GSUNGS SHING, GZHAN YANG RIGS PA DRUG CU BA LAS, MA RIG RKYEN GYIS BYUNG BA LA, ,YANG DAG SHES PAS RNAM BRTAGS NA, ,SKYE BA DANG NI 'GAG BA'ANG RUNG, ,GANG YANG DMIGS BAR MI 'GYUR RO, ,MTHONG BA'I CHOS LA MYA NGAN 'DAS, ,BYA BA BYAS PA'ANG DE NYID DO, CES DGRA BCOM PAS SDUG BSNGAL RANG BZHIN GYIS SKYE BA MED PA MNGON SUM DU BYAS BA DE NYID, MDO LAS, DGE SLONG MTHONG BA'I CHOS LA MYA NGAN LAS 'DAS PA, ZHES GSUNGS PA DANG, BDAG GI SKYE BA ZAD DA, ,TSANGS PAR SPYOD PA BSTEN TO, ,BYA BA BYAS SO, ,'DI LAS SRID PA GZHAN MI SHES SO, ZHES GSUNGS PA'I DON YIN BAR BSHAD CING, GZHAN YANG RIGS PA DRUG CU PA LAS, SRID PA YONGS SU SHES PA NI, ,MYA NGAN 'DAS ZHES BRJOD PA YIN, ,DNGOS PO SKYES PA ZHIG PA LA, ,JI LTAR 'GOG PA RNAM BTAGS LTAR, ,DE BZHIN DAM PA RNAMS KYIS KYANG, ,SGYU MA BYAS LTA'I 'GOG PA BZHED, ,RNAM PAR 'JIG PAS 'GOG 'GYUR GYI, ,'DUS BYAS SHES BAS MA YIN NA, ,DE NI SU LA MNGON SUM 'GYUR, ,ZHIG CES PA DE JI LTA BU, CES PA LA SOGS PAS KYANG DON 'DI NYID RGYAS PAR 'CHAD DE, DE BAS NA TSUL 'DI GRUB MTHA' SMRA BA GZHAN MTHA' DAG DANG MI MTHUN PA'I MYA NGAN LAS 'DAS PA'I 'JOG TSUL GYI SROL CHEN PO THUN MONG MA YIN PA'O, ,MYA NGAN LAS 'DAS PA'I 'JOG TSUL 'DI LTAR GSUNGS PAS, NYAN RANG LA CHOS KYI BDAG MED RTOGS PA YOD PA YANG SLOB DPON 'PHAGS PA'I BZHED PA DAM PAR 'BAD MED DU GRUB LA, BOD KYI DBU MA THAL 'GYUR BAR RLOM BA GZHAN SNGA PHYI MTHA' DAG LA 'PHAGS PA YAB SRAS KYI LUGS KYIS MYA NGAN LAS 'DAS PA'I 'JOG TSUL LA GRUB MTHA' SMRA BA GZHAN DANG MI MTHUN PA'I ZUR BA YOD SNYAM PA'I THE TSOM TZAM YANG MA ZHUGS SNANG BAS, KHO BOS 'PHAGS PA YAB SRAS KYIS DNGOS SU RJES SU BZUNG PA'I DPAL LDAN BLA MA DAM BA RNAL 'BYOR GYI DBANG PHYUG THAMS CAD MKHYEN PA'I BZHED PA JI LTA BA BZHIN DU GSAL BAR BSHAD PA YIN NO, ,GAL TE DE LTAR NYAN RANG GIS CHOS KYI BDAG MED RTOGS PA YOD PAR LUNG DANG

, ,RIGS PA DU MA'I SGO NAS RGYAS PAR BSGRUBS MOD KYI, DI LTA NA YANG 'DI DRI BAR BYA STE, GANG ZAG RANG RKYA THUB PA'I RDZAS YOD BKAG PA'I BDAG MED DANG, MI RTAG LA SOGS BCU DRUG TSAD MAS GTAN LA PHEBS PA NI YOD PAR 'DOD DGOS LA, DE'I PHYIR DE DAG GANG LA GSUNGS PA'I CHED DU BYA BA'I GDUL BYA'I GTZO BO DE DAG GIS DE LTAR TSAD MAS GTAN LA PHEBS PA'I DON GOMS PAR BYED PA YANG 'DOD DGES LA, DE'I TSE DON DE DAG GOMS PAR BYAS BA'I STOBS KYIS GOMS BYA'I DON MNGON SUM DU RTOGS PA YANG SRID PAR RTEN BRTAN BYAS ZIN 'BAD RTZEL SKYAR MA LA MI LTOS, GOMS PAS KHYAD PAR DU 'GYUR BA'I SEMS RGYUD KYI YON TAN YIN PA'I PHYIR CES PA'I RTAGS KYIS 'GRUB CING, DE LTAR NA DON DE DAG MNGON SUM DU GSAR DU MTHONG BA'I YE SHES DE MTHONG LAM YIN PA'I PHYIR, NYON SGRIB MTHONG SPANG MA LUS PA SPONG NUS PAR 'GYUR RO, ,DE 'DOD NA, DE LTAR MNGON SUM DU MTHONG BA'I DON GOMS PAR BYAS PAS NYON SGRIB SGOM SPANG MA LUS PAR SPONG NUS BAR THAL LO, ,DE 'DOD NA, GANG ZAG RANG RKYA THUB PA'I RDZAS YOD BKAG PA'I BDAG MED DANG MI RTAG LA SOGS BCU DRUG RTOGS PA CI TZAM GOMS PAR BYAS KYANG NYON MONGS PA'I SA BON CUNG ZAD KYANG SPONG MI NUS BAR SMRAS PA NYAMS SO ZHE NA, 'O NA 'KHOR LO THA MA'I MDO LAS, GZUNG 'DZIN RDZAS GZHAN RNAM PAR BCAD PA TZAM GYI CHOS KYI BDAG MED BSTAN PA DE, DE NYID GANG GI CHED DU BSTAN PA'I GDUL BYA'I GTZO BOS TSAD MAS GTAN LA PHEBS NAS SGOM PAR BYED PA DANG, BSGOMS PA'I STOBS KYIS DON DE MNGON SUM DU GSAR DU MTHONG BA YANG 'DOD DGOS LA, DE'I TSE DE NYID THEG PA CHEN PO'I MTHONG LAM DU THAL LO,, DE 'DOD NA, DES SHES SGRIB MTHONG SPANG MA LUS PAR SPONG NUS PAR THAL LO, ,DE 'DOD NA, DON DE MNGON SUM DU GSAR DU MTHONG BA GOMS PAR BYAS PA'I STOBS KYIS SHES SGRIB SGOM SPANG MA LUS PAR SPONG NUS PAR THAL LO, ,DE 'DOD NA, 'TSANG RGYA BA LA DBU MA'I LTA BA GTAN NAS RTOGS MI DGOS PAR THAL LO, ZHES BRJOD NA CI SMRA 'DI GNYIS RNAM PA THAMS CAD DU RIGS PA MTSUNGS SO, ,DE BAS NA DE 'DRA BA'I CHOS KYI BDAG MED TSAD MAS GTAN LA PHEBS NAS BSGOMS NA MNGON SUM DU GSAR DU MTHONG BA SRID PAR RNAL 'BYOR MNGON SUM SGRUB PA'I RIGS PAS 'GRUB BYANG, DE THEG CHEN MTHONG LAM MA YIN ZHING, DE GOMS PAR BYED

PA YANG THEG CHEN GYI 'JIG RTEN LAS 'DAS PA'I SGOM LAM MA YIN GYI, 'ON KYANG DE 'DRA BA'I CHOS KYI BDAG MED MNGON SUM DU MTHONG BA GOMS PAR BYAS PA'I STOBS KYIS SHES SGRIB MA LUS PAR SPANGS NAS 'TSANG RGYA BAR GSUNGS PA DRANG DON DU 'DOD DGOS PA LTAR, MI RTAG LA SOGS BCU DRUG TSAD MAS GTAN LA PHEBS NAS BSGOMS KYANG DE MNGON SUM DU MTHONG BA MI SRID DO ZHES MI SMRA YI, DE LTAR MNGON SUM DU GSAR DU MTHONG BA DE THEG DMAN GYI MTHONG LAM MA YIN ZHING, DE GOMS PAR BYAD PA YANG 'JIG RTEN LAS 'DAS PA'I SGOM LAM MA YIN LA, 'ON KYANG MI RTAG LA SOGS BCU DRUG MNGON SUM DU MTHONG BA GOMS PAR BYAS PA'I STOBS KYIS NYON MONGS PA MA LUS PAR SPANGS NAS DGRA BCOM THOB PAR GSUNGS PAR [?] DRANG DON YIN NO ZHES 'CHAD PA YIN NO, ,DE LTAR NA NYAN RANG GIS CHOS KYI BDAG MED RTOGS PA YOD MED KYI RNAM PAR BZHAG PA RGYAS BAR BSHAD ZIN TO, ,GSUM PA SGRIB PA GNYIS DANG DE DAG LAM GANG DU SPONG BA'I RNAM GZHAG BSHAD PA NI, SLOB DPON 'DI'I BZHED PA'I SGRIB PA GNYIS KYI RNAM PAR BZHAG PA YANG RANG RGYUD BA MAN CHAD KYI GRUB MTHA' SMRA BA SU DANG YANG MI MTHUN LA, DE YANG RANG RGYUD PA'I LUGS LA BDEN 'DZIN NI NYON MONGS PA CAN MA YIN PA'I MA RIG PA YIN ZHING, BDEN 'DZIN MNGON GYUR THAMS CAD SHES BYA'I SGRIB PA MNGON GYUR YIN LA, BDEN 'DZIN SKYAD PAR BYAD PA'I SA BON LA SHES SGRAB KYI SA BON ZHES BYA ZHING, SHES SGRIB KUN BRTAGS SA BON DANG BCAS PA THEG CHEN MTHONG LAM GYIS MA LUS PAR SPONG LA, LHAN SKYES SGOM LAM SA DGU LA RIM CAN DU SPONG ZHIR, [?] MNGON PA BA SOGS DANG THUN MONG DU GRAGS PA'I RTZA BA'I NYON MONGS PA DRUG NYE BA'I NYON MONGS PA, NYI SHU MTSUNGS LDAN DANG BCAS PA MNGON GYUR RNAMS NI NYON MONGS PA'I SGRIB PA MNGON GYUR DANG, DE DAG SKYED PAR BYED PA'I SA BON LA NYON SGRIB KYI SA BON ZHES BZHED DO, ,NYON MONGS PA CAN GYI MA RIG PA YANG DBU SEMS KYI SHING RTA CHEN PO KHA CIG ,GANG ZAG RANG RKYA THUB PA'I RDZAS YOD DU 'DZIN PA'I 'JIG LTA LA BZHED CING, KHA CIG BDEN PA DANG LAS 'BRAS SOGS LA BLO MI GSAL ZHING RMONGS BA 'CHAR GYUR PA'I SEMS BYUNG LA BZHED LA, NYON MONGS PA CAN GYI MA RIG PA DANG 'JIG LTA DON MI GCIG PAR BZHED DO, ,'DIR NYON MONGS CAN GYI MA RIG PA NI BDAG MED PA'I DE KHO NA NYID RTOGS PA'I RIG PA YE

, ,SHES KYI MI MTHUN PHYOGS YIN LA, DE YANG RIG PA DE MED TZAM DANG, DE LAS GZHAN PA TZAM LA MI BYED KYI, DE'I 'GAL ZLA MI MTHUN PHYOGS GANG ZAG DANG CHOS RANG BZHIN GYIS GRUB PAR SGRO 'DOGS PA'I BDEN 'DZIN NO, ,DES NA CHOS KYI BDAG 'DZIN YANG NYON MONGS PA CAN GYI MA RIG PAR BZHED DE, 'JUG PA'I RANG 'GREL LAS, DE LA 'DIS SEMS CAN RNAMS JI LTAR GNAS PA'I DNGOS PO LTA BA LA RMONGS PAR BYED PAS NA GTI MUG STE, MA RIG PA DNGOS PO'I RANG GI NGO BO YOD PA MA YIN PA SGRO 'DOGS PAR BYED PA RANG BZHIN MTHONG BA LA SGRIB PA'I BDAG NYID CAN NI, KUN RDZOB BO, CES DANG, DE LTAR NA RE SHIG SRID PA'I YAN LAG GIS YONGS SU BSDUS PA NYON MONGS PA CAN GYI MA RIG PA'I DBANG GIS KUN RDZOB KYI BDEN PA RNAM PAR BZHAG GO ,CES DANG, BZHI BRGYA PA'I 'GREL PA LAS, RNAM PAR SHES PA DNGOS PO'I NGO BO LHAG PAR SGRO 'DOGS BAR BYED PA NYON MONGS PA CAN GYI MI SHES PA'I DBANG GIS DNGOS PO RNAMS LA CHAGS PA DANG LDAN ZHING, 'KHOR BA 'JUG PA'I SA BAN DU 'GYUR BA RNAM PA THAMS CAD DU 'GAGS PA LAS 'KHOR BA 'GAGS PA RNAM PAR BZHAG GO ZHES BSTAN PA'I PHYIR BSHAD PA, SRID PA'I SA BON RNAM SHES TE, ,YUL RNAMS DE YI SPYOD YUL LO, ,YUL LA BDAG MED MTHONG NA NI, ,SRID PA'I SA BON 'GAG PAR 'GYUR, ,JI SKAD BSHAD PA'I TSUL GYIS, YUL RANG BZHIN MED PAR MTHONG BAS CHAGS PA'I RGYU SRID PA'I SA BON DU GYUR PA RNAM PA THAMS CAD DU LOG PA LAS NYAN THOS DANG RANG SANGS RGYAS DANG MI SKYE BA'I CHOS LA BZOD PA THOB PA'I BYANG CHUB SEMS DPA' RNAMS LA 'KHOR BA LDOG PAR RNAM PAR BZHAG GI ,CES DANG, BZHI BRGYA PA LAS LUS LA LUS DBANG JI BZHIN DU, ,GTI MUG KUN LA GNAS 'GYUR TE, ,DE PHYIR NYON MONGS THAMS CAD KYANG, ,GTI MUG BCOM PAS BCOM PAR 'GYUR, ZHES PA'I 'GREL PA LAS, GTI MUG NI DE RNAMS LA JI LTAR BDEN PAR RTOG PA LAS RMONGS PA NYID KYI PHYIR DNGOS PO BDEN PA'I RANG GI NGO BOR LHAG PAR SGRO 'DOGS PAR RAB TU 'JUG GO ,ZHES GSUNGS PA'I PHYIR RO, ,BDEN 'DZIN DE NYON MONGS CAN GYI MA RIG PAR BZHED PA'I RGYU MTSAN YANG, BDEN MED RTOGS PA'I SHES RAB DANG 'DZIN STANGS DNGOS SU 'GAL BA'I PHYIR DE KHO NA NYID RTOGS PA'I RIG PA YE SHES KYI 'GAL ZLA MI MTHUN PHYOGS SU GYUR PA'I MA RIG PAR GRUB LA, PHUNG

PO LA BDEN 'DZIN MA SPANGS PAR GANG ZAG LA BDEN 'DZIN SPONG MI NUS SHING, DE MA SPANGS PAR DE'I DBANG GIS LAS BSAGS NAS, 'KHOR BA MI LDOG PAR GONG DU BSHAD PA'I RIGS PAS 'GRUB PA'I PHYIR 'KHOR BA'I RTZA BAR GYUR PA'I MA RAG PAR GRUB LA, DE'I PHYIR RTEN 'BREL YAN LAG BCU GNYIS KYI YAN LAG DANG POR GYUR PA'I MA RIG PA YIN PAS NYON MONGS PA CAN GYI MA RIG PAR BZHED PA YIN NO, ,SLOB DPON CHEN PO SANGS RGYAS BSKYANGS KYANG 'DI LTAR BZHED DE, BUDDHA P'A LI TA LAS, DE LTA BAS NA DNGOS PO RNAMS KYI NGO BO NYID MED PA NYID NI DE KHO NA YIN LA, DE MTHONG BA KHO NAS THAR BAR 'GYUR TE, SLOB DPON 'PHAGS PA LHAS KYANG, SRID PA'I SA BON RNAM SHES TE, ,YUL RNAMS DE YI SPYOD YUL LO, ,YUL LA BDAG MED MTHONG NA NI, ,SRID PA'I SA BON 'GAG PAR 'GYUR, ZHES GSUNGS SO, CES DANG, DE LTA BAS NA LAS DANG NYON MONGS PA DAG NI YANG DAG PA MA YIN PA'I RNAM PAR RTOG PA'I RGYU LAS BYUNG BA YIN NO, ,YANG DAG PA MA YIN PA'I RNAM PAR RTOG PA DE DAG NI SPROS PA LAS BYUNG BA YIN TE 'JIG RTEN PA'I SPROS PA LAS BYUNG NGO, ,'JIG RTEN PA'I RNYED PA DANG MA RNYED PA LA SOGS PA'I CHOS RNAMS LA 'DI BDEN NO SNYAM DU MNGON PAR ZHEN PA'I BLO CAN DAG ,DE DANG DE LA RNAM PAR RTOG PAR BYED PAS DE'I PHYIR RNAM PAR RTOG PA DAG NI SPROS PA LAS BYUNG NGO, ,SPROS PA NI STONG PA NYID KYIS 'GAG PAR 'GYUR TE, DE YI RNYED PA DANG MA RNYED PA LA SOGS PA 'JIG RTEN PA'I SPROS PA NI STONG PA NYID KYIS 'GAG PAR 'GYUR RO, DNGOS PO'I NGO BO NYID STONG PA NYID DU RTOGS PAS 'GAG STE, STONG PA NYID RTOGS NAS 'GAG GO ,DE LTA BAS NA STONG PA NYID NI DE KHO NA YIN LA STONG PA NYID SGOM PA KHO NAS NI DE KHO NA NYID RTOGS PAR 'GYUR ZHING, DE KHO NA RTOGS PA NYID NI THAR PA ZHES BYA STE, SLOB DPON 'PHAGS PA LHAS KYANG, MDOR NA CHOS NI MI 'TSO STE, ,MYA NGAN 'DAS PA STONG PA NYID, ,'DI LA DE GNYIS 'BA' ZHIG CES, ,DE BZHIN GSHEGS PA RNAMS KYIS GSUNGS, ZHES GSUNGS SO, CES 'BYUNG BAS SO, ,DON 'DI NYID NI SLOB DPON 'PHAGS PA'I BZHED PA YIN PAR GDON MI ZA STE, RTZA SHE LAS, LAS DANG NYON MONGS ZAD LAS THAR, ,LAS DANG NYON MONGS RNAM RTOG LAS, ,DE DAG SPROS LAS SPROS PA NI, ,STONG PA NYID KYIS 'GAG PAR 'GYUR, ZHES GSUNGS NAS, STONG PA NYID DE YANG JI 'DRA BZHIG RNYAM

, ,PA LA; BRJOD BAR BYA BA LDOG PA STE, ,SEMS KYI SPYOD YUL BZLOG PAS SO, ,MA SKYES PA DANG MA 'GAGS PA'I, ,CHOS NYID MYA NGAN 'DAS DANG MTSUNGS, ZHES BDEN 'DZIN GYI SPROS PA LAS NYON GYI RTZA BA DANG, STONG PA NYID RTOGS PAS DA SPANGS TE THAR PA 'THOB DGOS PAR GSUNGS SHING, STONG PA NYID KYANG SPROS PA MA LUS PA BKAG PA'I CHOS KYI DBYINGS LA BSHAD PA'I PHYIR RO, ,DE BZHIN DU RIGS PA DRUG CU PA LAS KYANG, GANG YANG RUNG BA'I GNAS RNYED NA, ,NYON MONGS SBRUL GDUG G-YO CAN GYIS, ,ZIN PAR 'GYUR RO GANG GI SEMS, ,GNAS MED DE LTAR ZIN MI 'GYUR, CES SEMS LA BDEN 'DZIN GYI DMIGS GTAD GANG YANG RUNG BA'I GNAS SHIG RNYED NA NYON MONGS PA'I SBRUL GYIS NGES BAR ZIN PAR GSUNGS PAS, BDEN 'DZIN NYON MONGS KUN GYI RTZA BAR GYUR BA'I MA RIG PAR BZHED PA LA THE TSOM MI ZA'O, ,DE'I PHYIR YANG NYAN RANG GIS CHOS KYI BDAG MED RTOGS PA SLOB DPON GYI BZHED PAR GRUB BO, ,DE LTAR NYON MONGS CAN GYI MA RIG PA'I 'JOG LUGS MI MTHUN PA'I DBANG GIS NYON MONGS PA GZHAN RNAMS KYI RNAM GZHAG LA YANG MI MTHUN BA'I KHYAD PAR CHEN PO YOD DE 'DI LTAR, GANG ZAG RANG RKYA THUB PA'I RDZAS YOD DU 'DZIN PA'I 'JIG LTA DANG, DE'I DBANG GIS BYUNG BA'I RTZA NYON DRUG DANG NYE NYON NYI SHU LA SOGS PA THEG PA CHE CHUNG GI MNGON PA'I SDE SNOD DAG BSHAD PA'I NYON MONGS PA RNAMS KYANG NYON MONGS MTSAN NYID PAR 'DIR YANG BZHED LA, RANG RGYUD PA MAN CHAD SU'I LUGS LA'ANG NYON MONGS SU MA GRAGS PA'I BDEN 'DZIN LHAN SKYES LA BRTEN NAS, YUL YID DU 'ONG MI 'OD PAR MA SOGS SU RANG BZHIN GYIS GRUB PAR 'DZIN PA'I BLO SKYE LA, DE DAG LA BRTEN NAS RIM PA BZHIN CHAGS SDANG GTI MUG GSUM SKYE ZHING, TSOR BA BDE SDUG BTANG SNYOMS GSUM RANG BZHIN GYIS GRUB PAR ZHEN PA LAS SRED PA SKYE BA LA SOGS PA, GANG ZAG RANG RKYA THUB PA'I RDZAS YOD DU 'DZIN PA LAM LTOS PAR BDEN 'DZIN LA BRTEN NAS SKYES PA'I CHAGS SOGS KYANG NYON MONGS PAR BZHED DO,, DE'I PHYIR 'DOD CHAGS DANG, ZHE SDANG DANG, NGA RGYAL DANG, SRED PA LA SOGS PA NYON MONGS PA RE RE LA YANG, GANG ZAG RANG RKYA THUB PA'I RDZAS YOD DU 'DZIN PA LA BRTEN NAS BYUNG BA DANG, DE LAM LTOS PAR BDEN 'DZIN TZAM GYI DBANG GIS BYUNG BA GNYIS GNYIS YOD PAS, THEG PA CHE CHUNG GI MNGON PA'I SDE SNOD NAS 'BYUNG BA

THUN MONG DU GRAGS BA'I NYON MONGS KYI RNAM GZHAG DANG, LUGS 'DI 'BA' ZHIG LA GRAGS PA'I NYON MONGS KYI RNAM GZHAG THUN MONG MA YIN PA GNYIS YOD PA SHES PAR BYA'O, ,DE LTAR NA THUN MONG DANG THUN MONG MA YIN PA'I NYON MONGS PA DE DAG MTSUNGS LDAN DANG BCAS PA NI NYON SGRIB MNGON GYUR YIN LA, DE DAG SKYED PAR BYED PA'I SA BON RNAMS NI NYON SGRIB BAG LA NYAL ZHES BYA BA DANG, NYON SGRIB SA BON GYI CHA ZHES BYA BA YIN NO, ,'ON SHES BYA'I SGRIB PA GANG LA BZHED CE NA, 'JUG 'GREL LAS, DE LAM RIG BA'I BAG CHAGS NI SHES BYA YONGS SU GCOD PA'I GEGS SU GYUR PA YIN LA, 'DOD CHAGS LA SOGS PA'I BAG CHAGS YOD PA NI LUS DANG DAG DAG GI 'JUG PA DE LTA BU'I RGYU YANG YIN TE, MA RIG BA DANG 'DOD CHAGS LA SOGS PA'I BAG CHAGS DE YANG, RNAM PA THAMS CAD MKHYEN BA DANG, SANGS RGYAS KHO NA LA LDOG PAR 'GYUR GYI, GZHAN DAG LA NI MA YIN NO, ZHES GSUNGS PAS GSAL BAR BSTAN TE, DE LAM RIG PA'I BAG CHAGS NI BDEN 'DZIN GYI BAG CHAGS YIN ZHING, SHES BYA YONGS SU GCOD PA'I GEGS SU GYUR PA CES PAS SHES SGRIB KYI MTSAN NYID BSTAN LA, LUS DANG NGAG DAG GI 'JUG PA CES PA NI, DGRA BCOM PA LA YANG YOD PA SBRE'U LTAR MCHOD PA DANG GZHAN LA RMANGS MO ZHES ZER BA SOGS KYI LUS NGAG GI GNAS NGAN LEN RNAMS YIN NO, ,YANG ZHES PAS; CHAGS SOGS KYI BAG CHAGS DE DAG SHES BYA YONGS SU GCOD PA'I GEGS YIN PAR MA ZAD, LUS NGAG GI GNAS DAN LEN GYI RGYU YANG YIN CES BSTAN PAS, BAG CHAGS DE DAG SHES SGRIB TU BSTAN PA YIN NO, ,SEMS KYI GNAS NGAN LEN NI SHES BYA'I GNAS RTOGS PAR DKA' BA DAG LA BLO MI GSAL BA'I CHA, MO'U 'GAL GYI BUS MA 'JIG RTEN GYI KHAMS 'OD ZER CAN GYI DMYAL BAR SKYES PA MNGON SHES KYIS YUN RING DU BLTAS KYANG MA RTOGS PAR GSUNGS BA LTA BU STE, DE NI SHES BYA YONGS SU GCOD PA'I GEGS SU 'DU BA YIN NO, ,KHA CIG NA RE DGRA BCOM PA LA YOD PA'I LUS NGAG GI GNAS NGAN LEN SKYED PA'I RGYUR GYUR PA'I NYON MONGS PA'I BAG CHAGS DE DAG NYON SGRIB YIN PA'I PHYIR NYAN THOS DGRA BCOM PAS NYON SGRIB MA LUS PAR MA SPANGS PA YIN NO ZHES ZER RO, ,'O NA SEMS KYI GNAS DAN LEN GYI RGYUR GYUR PA'I BAG CHAGS KYANG NYON SGRIB YIN PAR THAL, LUS NGAG GI GNAS NGAN LEN SKYED PAR BYED PA'I BAG CHAGS NYON SGRIB YIN PA'I

, ,PHYIR; 'DOD NA SHES SGRIB YIN NA NYON SGRIB YIN BAS KHYAB PAR THAL, SHES BYA PHRA MO 'BYED PA LA BLO MI GSAL BA'I CHA DANG DE SKYED PAR BYED PA'I BAG CHAGS NYON SGRIB YIN PA'I PHYIR, DES NA DGRA BCOM PA LA YANG YOD PA'I SGO GSUM GYI GNAS NGAN LEN SKYED PA'I BAG CHAGS NI DBU SEMS MTHA' DAG GI LUGS LA SHES SGRIB TU BZHED PA YIN GYI, NYON SGRIB TU BZHED PA'I MKHAS PA SU YANG MED DO, ,DE YANG BDEN 'DZIN DANG DE'I DBANG GIS BYUNG BA'I CHAGS SOGS NYON MONGS PA RNAMS KYIS BAG CHAGS 'JOG BYED BYAS NAS SEMS RGYUD KYI STENG DU BZHAG PA'I BAG CHAGS LA GNYIS YOD DE, BDEN 'DZIN DANG CHAGS SOGS NYON MONGS PA RANG RANG GI RIGS 'DRA PHYI MA SKYED BA'I NGO BOR GYUR PA DANG, 'JUG SHES DRUG LA YUL RANG NGOS NAS GRUB PA LTA BUR SNANG BA'I BDEN SNANG TZAM ZHIG BSKYED PA'I NUS PA'I NGO BOR GYUR BA'O, ,DANG PO NI, NYON SGRIB SA BON GYI CHAR GYUR PA'I NYON MONGS PA'I BAG CHAGS YIN GYI SHES SGRIB MA YIN LA, GNYIS PA NI; SHES SGRIB SA BON GYI CHAR GYUR PA'I NYON MONGS PA'I BAG CHAGS YIN GYI NYON SGRIB MA YIN ZHING, NYON MONGS PA'I SA BON MA YIN PA LA NYON SGRIB YIN PAS KHYAB KYANG NYON MONGS PA'I BAG CHAGS YIN PA LA NYON SGRIB YIN PAS MA KHYAB LA, DE 'DRA BA'I SHES SGRIB SA BON GYI CHA DE LA GNYIS SNANG 'KHRUL PA'I BAG CHAGS ZHES BYA ZHING, BAG CHAGS DE LA BRTEN NAS 'JUG SHES DRUG LA YUL RANG NGOS NAS GRUB PA LTA BUR SNANG BA'I BDEN SNANG GI CHA LA SHES SGRIB MNGON GYUR CES BYA'O, ,DE LTA NA YANG 'JUG SHES DRUG SHES SGRIB YIN MI DGOS TE, DPER NA, MDO SDE PA'I LUGS LA BUM 'DZIN RTOG PA LA RANG GI SNANG BA PHYI ROL GYI BUM PA LTA BUR SNANG BA'I CHA DE NYID SPYI MTSAN DANG SGRO BTAGS YIN KYANG, SNANG MKHAN GYI SHES BA SPYI MTSAN DANG SGRO BTAGS YIN MI DGOS PA BZHIN NO, ,'DI LTA BU'I KHYAD PAR MA PHYED PAR DBU MA THAL 'GYUR BA'I LUGS LA SHES PA YIN NAM RIG PA YIN PAS KHYAB PA DANG, SNANG BA YIN NA SHES SGRIB YIN PAS KHYAB PAR 'DOD PA NI, DRI MA SEMS KYI RANG BZHIN DU 'DOD PA'I MU STEGS DPYOD PA PA DANG KHYAD PAR CUNG ZAD KYANG MED CING, SHES SGRIB MA LUS PAR SPANGS NA SHES BYA GTAN NAS MI MKHYEN PAR 'DOD PA'I GRUB PA'I MTHA' LAS THA CHAD PA GZHAN GANG YANG YOD PA MA YIN NO, ,DE LA NYON SGRIB LA KUN BRTAGS DANG

LHAN SKYES GNYIS YOD DE, BDEN 'DZIN LHAN SKYES DANG DE'I DBANG GIS BYUNG BA'I CHAGS SOGS MTSUNGS LDAN DANG BCAS PA RNAMS NYON SGRIB LHAN SKYES MNGON GYUR DANG, DE DAG GIS BZHAG PA'I RANG RANG GI RIGS 'DRA'AM DE MA THAG 'BRAS NYON MONGS PHYI MA BSKYED PA'I BAG CHAGS RNAMS NYON SGRIB LHAN SKYES SA BON GYI CHA YIN NO, ,GRUB MTHAS BTAGS PA'I BDEN 'DZIN DANG, DE'I DBANG GIS BYUNG BA'I MTHAR 'DZIN DANG MCHOG 'DZIN LA SOGS PA'I NYON MONGS PA RNAMS DANG, GANG ZAG RANG RKYA THUB PA'I RDZAS YOD DU 'DZIN PA DANG, DE'I DBANG GIS BYUNG BA'I NYON MONGS PA RNAMS MTSUNGS LDAN DANG BCAS PA THAMS CAD NYON SGRIB MNGON GYUR KUN BRTAGS YIN LA, DE DAG SKYED PAR BYED PA'I NYON MONGS PA'I BAG CHAGS RNAMS NYON SGRIB KUN BRTAGS SA BON GYI CHA YIN NO, ,'DOD CHAGS DANG MTSUNGS PAR LDAN PA'I GTZO BO YID KYI RNAM PAR SHES PA LTA BU NI NYON SGRIB DANG NYON MONGS CAN DNGOS YIN KYANG, NYON MONGS DNGOS MA YIN BAS MTSUNGS LDAN GYI CHOS GZHAN RNAMS LA YANG DE BZHIN DU CI RIGS BAR SHES PAR BYA'O, ,SHES SGRIB LA NI KUN BRTAGS DANG LHAN SKYES GNYIS SU DBYER YOD PA MA YIN TE, DE LTA YIN NA MTHONG SPANG DANG SGOM SPANG GNYIS SU YANG DBYER YOD BAR 'GYUR ZHING, DE 'DOD NA THEG CHEN MTHONG LAM GYIS GNYIS SNANG 'KHRUL PA'I BAG CHAGS KUN BRTAGS KYI CHA RNAMS SPONG NUS PAR 'DOD DGOS PA LA DE MI NUS PA'I PHYIR DANG, SA BDUN BA MAN CHAD DU SHES SGRIB KYI SA BON CUNG ZAD KYANG SPONG MI NUS PAR KHAS LEN PA DANG 'GAL BA'I PHYIR RO, ,CI STE DBANG SHES LA YUL RANG GI MTSAN NYID KYIS GRUB PAR SNANG BA DE MA 'KHRUL BAR 'THAD BAR 'DZIN PA'I BLO SA BON DANG BCAS PA SHES SGRIB KUN BRTAGS SU BZHAG TU MI RUNG MA SNYAM NA, DBANG SHES LA YUL BDEN PAR SNANG BA 'THAD PAR 'DZIN PA NI BDEN 'DZIN YIN PAS, DE SHES SGRIB KUN BRTAGS SU KHAS LEN PA DANG BDEN 'DZIN GANG YIN NYON MONGS SU KHAS LEN PA NI NANG 'GAL BA'O, ,GZHAN YANG DBANG SHES RANG YUL BDEN PAR SNANG BA'I CHA LA 'KHRUL MA 'KHRUL DPYAD BA ZHUGS PA NA, RGYU MTSAN PHYIN CI LOG LA BRTEN NAS SNANG BA LTAR GRUB PAR 'DZIN PA NI BDEN 'DZIN KUN BRTAGS NYON MONGS CAN YIN GYI GZHAN DU NA RANG NYID KYANG BDEN 'DZIN KUN BRTAGS NYON MONGS CAN KHAS LEN PA DE JI LTA BU ZHIG LA 'DOD PA SMROS SHIG, DBYAD PA MA ZHUGS PAR DBANG

, ,SHES LA BDEN BAR SNANG BA LTAR DU GRUB PA 'THAD DO SNYAM DU 'DZIN PA'I BLO RANG GI DANG GIS SKYE BZHIG GAL TE YOD NA NI, DE BDEN 'DZIN LHAN SKYES SU 'GYUR GYI KUN BRTAGS KYI DON MED DO, ,DES NA NYON SGRIB KYI MTSAN NYID 'KHOR BA'I SDUG BSNGAL SPANGS PA TZAM GYI THAR BA 'THOB PA LA GTZO BOR BAR DU GCOD PA'I SGRIB PA'I RIGS SU GNAS PA, SHES SGRIB KYI MTSAN NYID BLO GCIG GIS DUS GCIG TU SHES BYA BDEN PA GNYI GA MNGON SUM DU YONGS SU GCOD PA LA GTZO BOR BAR DU GCOD PA'I SGRIB PA'I RIGS SU GNAS PA, NYON SGRIB LA DBYE NA KUN BRTAGS DANG LHAN SKYES GNYIS, DANG PO'I MTSAN NYID GRUB MTHAS BSLAD PA'I DBANG GIS BYUNG BA'I NYON MONGS PA MTSUNGS LDAN DANG BCAS PA'AM DE SKYED PA'I SA BON GANG RUNG YIN PA, GNYIS PA'I MTSAN NYID GRUB MTHAS BSLAD PA LA MA LTOS PAR THOG MA MED PA NAS BRGYUD DE 'ONGS PA'I BAG CHAGS TZAM LAS SKYES PA'I NYON MONGS PA MTSUNGS LDAN DANG BCAS PA'AM DE SKYED PA'I SA BON GANG RUNG YIN PA, DE RE RE LA YANG DBYE NA MNGON GYUR DANG, SA BON GNYIS GNYIS SO, ,NYON SGRIB KUN BRTAGS MNGON GYUR GYI MTSAN NYID, NYON SGRIB KUN BRTAGS GANG ZHIG, DMIGS RNAM 'DZIN PA'I BLO, NYON SGRIB KUN BRTAGS SA BON GYI MTSAN NYID, RANG NYID DMIGS RNAM MI 'DZIN KYANG RANG 'BRAS NYON SGRIB KUN BRTAGS SKYED PA'I NYER LEN DU GYUR PA'I NUS PA'I NGO BOR GNAS PA, LHAN SKYES GNYIS KYI MTSAN NYID KYANG DES RIGS BSGRES TE SHES PAR BYA'O, ,SHES SGRIB LA DBYEN, MNGON GYUR DANG SA BON GNYIS, DANG BO'I MTSAN NYID, BDEN 'DZIN MA LUS PAR SPANGS PA'I 'PHAGS PA SLOB PA'I RGYUD LA YANG 'BYUNG BA'I SGRIB PA'I RIGS SU GNAS PA GANG ZHIG, YUL RANG GI MTSAN NYID KYIS GRUB PA LTA BUR SNANG BA'I GNYIS SNANG 'KHRUL PA'I CHA GNYIS PA'I MTSAN NYID, RANG RGYU NYON MONGS PAS BZHAG CING RANG 'BRAS GNYIS SNANG 'KHRUL BA'I NYER LEN DU GYUR PA'I BAG CHAGS GANG ZHIG, NYON MONGS MA LUS PAR SPANGS PA'I 'PHAGS PA SLOB PA'I RGYUD LA YANG 'BYUNG BA'I SGRIB PA'I RIGS SU GNAS PA, MA DAG SA BDUN GYI BYANG CHUB SEMS DPA'I RGYUD KYI GNYIS SNANG 'KHRUL PA SA BON DANG BCAS PA RNAMS NYON MONGS PA DANG BDEN 'DZIN MA LUS PAR SPANGS PA'I 'PHAGS PA SLOB PA'I RGYUD LA YOD PA'I SGRIB PA MA YIN KYANG, DE'I RGYUD LA YOD PA'I SGRIB PA DANG

RIGS GCIG PAS SGRIB PA DE'I RIGS SU GNAS PA ZHES BYA'O, ,NYON SGRIB KUN BRTAGS DANG NYON SGRIB MTHONG SPANG DON GCIG LA, NYON SGRIB LHAN SKYES DANG NYON SGRIB SGOM SPANG DON GCIG CING, SHES SGRIB YIN NA SGOM SPANG YIN PAS KHYAB KYI MTHONG SPANG MI SRID DO, ,SGRIB PA GNYIS KYI RNAM PAR BZHAG PA BSHAD ZIN TO, ,DE NI SGRIB PA GNYIS PO DE DAG THEG PA GSUM GYI LAM GANG DU TSUL JI LTAR SPONG BA'I RNAM PAR BZHAG PA BRJOD PAR BYA STE, 'JUG PA'I RANG 'GREL LAS, DE YANG NYAN THOS DANG RANG SANGS RGYAS DANG, BYANG CHUB SEMS DPA' NYON MONGS PA CAN GYI MA RIG PA SPANGS PA, ZHES GSUNGS PA'I BYANG CHUB SEMS DPA' NI, BZHI BRGYA PA'I 'GREL PA GONG DU DRANGS PAR, MI SKYE BA'I CHOS LA BZOD PA THOB PA'I BYANG CHUB SEMS DPA', ZHES GSUNGS PA LTAR, SA BRGYAD PA THOB PA'I BYANG CHUB SEMS DPA' YIN PAS, NYAN DANG DGRA BCOM DANG, DAGS LA GNAS PA'I BYANG CHUB SEMS DPA' RNAMS KYIS NYON MONGS MA LUS PAR SPANGS PA YIN LA, 'GREL PA GNYI GAR DU DE LTAR BSHAD PA YANG GONG DU DRANGS PA LTAR BDEN 'DZIN LA NYON MONGS CAN GYI MA RIG PAR BSHAD PA'I SKABS YIN PAS GNAS SKABS GSUM PO DER BDEN 'DZIN SA BON DANG BCAS BAM LUS PAR SPANGS PA YIN NO, ,DES NAS BDUN PA MAN CHAD DU SHES BYA'I SGRIB PA'I SA BON CUNG ZAD KYANG MI SPONG STE, BDEN 'DZIN GYI SA BON MA LUS PAR MA SPANGS PA'I PHYIR DANG, DE MA LUS PAR MA SPANGS PAR YANG GNYIS SNANG 'KHRUL PA CUNG ZAD KYANG SPONG BAR MI NUS PA'I PHYIR RO, ,DE'I PHYIR ZHES BYA'I SGRIB PA'I SA BON SPANG BA'I THOG MAS BRGYAD PA NAS 'DZIN PA YIN PAS, RANG RGYUD PA DANG SEMS TZAM PA'I LUGS LA SHES SGRIB GYI SA BON SPONG BA'I THOG MA SA DANG PO NAS 'DZIN PAR 'DOD PA DANG MI 'DRA LA, DE BZHIN DU DNGOS PO BDEN 'DZIN GYI RNAM RTOG SHES SGRIB TU BYAS SHING, DE LA MTHONG SPANG DANG SGOM SPANG GNYIS SU BYAS NAS, MTHONG SPANG DANG POR SPONG BA DANG, SGOM SPANG LA CHUNG 'BRING SOGS DGUNG PHYE NAS DE DAG GNYEN PO SGOM LAM SA DGUS SPONG BA'I RNAM GZHAG MDO LAS GSUNGS PA RNAMS KYANG CHOS KYI BDAG MED PHRA BA RE SHIG DNGOS SU BSTAN DU MI RUNG BA'I GDUL BYA'I NGOR GSUNGS PA'I DRANG DON GYI RNAM PAR GZHAG PA YIN NO ZHES SHES PAR BYA'O, ,'O NA NYAN RANG DGRA BCOM PAS CHOS KYI BDAG MED MNGON SUM DU RTOGS PA YUN RING DU GOMS

, ,PAR BYAS KYANG SHES BYA'I SGRIB PA CUNG ZAD KYANG SPONG BAR MI NUS PA'I RGYU MTSAN CI ZHE NA, SHES BYA'I SGRIB PA SPONG BA NI CHOS KYI BDAG MED RDZOGS BAR SGOM PA'I SHES RAB DANG, THEG PA CHEN PO'I THABS KYI KHYAD PAR BSAM GYIS MI KHYAB PA PHAN TSUN GROGS BYAS BA'I SGO NAS ZUNG DU 'BREL BA DGOS KYI SHES RAB RKYANG PA'I NUS PA MIN LA, NYAN RANG LA YANG THEG PA CHEN PO'I THABS KYI RNAM PA DE DAG MTSANG BA'I PHYIR DANG, CHOS KYI BDAG MED KYANG SNGAR BSHAD PA LTAR MDOR BSDUS PA TZAM DU SGOM GYI RGYAS PAR PHYE BA'I SGO NAS RDZOGS PAR SGOM PA MED PA'I PHYIR SHES BYA'I SGRIB PA CUNG ZAD KYANG MI SPONG BA YIN NO,, SPANG BYED DAG GNYEN POS SPONG BA'I CHUL YANG, MTHONG LAM LA MTSON NA, THEG CHEN GYI MTHONG LAM BAR CHAD MED LAM SKYE BA LA MNGON DU PHYOGS PA DANG, MTHONG SPANG NYON MONGS PA RNAMS 'GAG PA LA MNGON DU PHYOGS PA DUS MNYAM ZHING, MTHONG LAM BAR CHAD MED LAM SKYES PA DANG, MTHONG SPANG NYON MONGS PA RNAMS SLAR RGYUD LA SKYE MI RUNG DU BYAS PA'I TSUL GYIS SPANGS PA DUS MNYAM LA, DE' [?] SKAD CIG GNYIS PA LA SEMS KYI CHOS NYID RANG BZHIN RNAM DAG MTHONG SPANG GLO BUR GYI DRI MAS DAG PAS KHYAD PAR DU BYAS PA'I 'GOG PA MNGON SUM DU RTOGS PA'I YE SHES NI MTHONG LAM RNAM GROL LAM ZHES BYA'O, ,SPANG BYA MNGON GYUR RE SHIG TZAM RGYUD LA MI SKYE BA'I TSUL GYIS SPONG BA LA 'JIG RTEN LAS 'DAS PA'I YE SHES KYIS DE'I SA BON SPANGS PA MI DGOS KYANG, MNGON GYUR SLAR RGYUD LA SKYER MI RUNG GI TSUL GYIS SPONG BA LA 'DAS LAM GYIS DE'I SA BON MA LUS PAR SPANGS PA DGOS SO, ,'DI TZAM ZHIG NI DBU SEMS KYI GRUB MTHA' SMRA BA THAMS CAD MTHUN LA, SEMS TZAM PA KUN GZHI RNAM SHES KHAS LEN PA DAG LTAR NA, MTHONG LAM LA MNYAM PAR BZHAG BZHIN PA'I RGYUD KYI YID KYI RNAM BAR SHES PA ZAG PA MED PA'I YE SHES KYI NGO BOR SKYES KYANG DE'I TSE KUN GZHI RNAM PAR SHES PA'I STENG NA SGOM SPANG GI SA BON YOD PA MI 'GAL BAS 'DAS LAM LA MNYAM PAR BZHAG BZHIN PA'I SLOB BA'I RGYUD LA DE'I TSE YANG SPANG BYA LHAG MA RNAMS KYI YANG SA BON YOD PAR 'DOD DO, ,KUN GZHI KHAS MI LEN PA'I DBU MA RANG RGYUD PA DAG LTAR NA, DE'I TSE KUN GZHI MED CING, RNAM PAR SHES PA MA YIN PA'I GANG ZAG GI MTSAN GZHI YANG KHAS MI LEN LA, YID KYI RNAM PAR SHES PA CHOS NYID MNGON

SUM DU RTOGS PA DE'I STENG NA SPANG BYA LHAG MA RNAMS KYI SA BON YOD NA, YID SHES DE NYID GANG ZAG BCAS SU 'GYUR PAS ZAG MED YE SHES YIN PA 'GAL ZHING, DE'I TSE DE'I RGYUD LA SPANG BYA'I BAG CHAGS CAN GYI YID KYI RNAM SHES GZHAN YOD NA, GANG ZAG DE NYID RGYUD GNYIS SU THAL BAR 'GYUR BAS, MTHONG LAM LA MNYAM PAR BZHAG BZHIN PA'I RGYUD LA SPANG BYA GANG GI YANG SA BON MED CING, DE LTA NA YANG SPANG BYA DE DAG SKYE BA'I RGYU RKYEN MTSANG BA'I STOBS KYIS RE SHIG MA SKYES PA YIN GYI, GNYEN POS SLAR SKYER MI RUNG DU BYAS PA MA YIN PAS, DE'I TSE SPANG BYA DE DAG RGYUD LA MED PA YIN KYANG SPANG BYA DE DAG SPANGS PA MA YIN NO ZHES ZER RO, ,THAL 'GYUR BA'I LUGS LA; KUN GZHI MED KYANG 'OG NAS 'CHAD PAR 'GYUR BA LTAR, PHUNG PO LA BRTEN NAS BTAGS PA'I NGA [?] TZAM ZHIG KUN NAS NYON MONGS KYI CHOS RNAMS KYI BAG CHAGS BGO BA'I GZHIR 'THAD PAS, MTHONG LAM LA MNYAM BAR BZHAG BZHIN PA'I RGYUD LA YANG SGOM SPANG GI SA BON YOD BA MI 'GAL LO, ,SA BCU RGYUN MTHA'I YE SHES NI SHES SGRIB KYI LHAG MA PHRA ZHING PHRA BA SPONG BA'I BAR CHAD MED LAM YIN LA, RNAM MKHYEN SKAD CIG DANG PO DE LA LTOS PA'I RNAM GROL LAM YIN ZHING, GNYEN POS SPANG BYA SPONG BA'I TSUL LAM MTHA' BCAD PA RGYAS PAR GZHAN DU BSHAD PA LAS SHES PAR BYA'O, ,GNYIS PA DE 'GOG BYED THAL RANG GI KHYAD PAR BSHAD PA LA, GZHAN GYI 'DOD PA DGAG PA DANG, RANG GI LUGS BZHAG PA GNYIS, DANG PO NI, PHYIS KYI DBU MA THAL 'GYUR BAR KHAS 'CHE BA DAG MANG PO NA RE, DBU MA THAL 'GYUR BA LA THA SNYAD DU YANG RANG LUGS DANG, DAM BCA' DANG, KHAS LEN CUNG ZAD KYANG MED DE, GAL TE DE 'DRA'I DAM BCA' YOD NA, RANG LUGS KYI DAM BCA' DE'I SGRUB BYED KYI GTAN TSIGS DANG DPEL SOGS PA YANG 'DOD DOGS LA, DE LTAR NA RANG RGYUD PAR 'GYUR RO, ,DE'I PHYIR RTZOD BZLOG LAS, GAL TE NGAS DAM BCAS 'GA' YOD, ,DES NA NGA LA SKYON DE YOD, ,NGA LA DAM BCA' MED PAS NA, ,DA NI SKYON MED KHO NA YIN, ,GAL TE MNGON SUM LA SOGS PA'I, ,DON GYIS 'GA' ZHIG DMIGS NA DE, ,BSGRUB PA'AM BZLOG PAR BYA NA DE, ,MED PHYIR DA LA KLAN KA MED, CES DANG, RIGS PA DRUG CU PA LAS KYANG, ,CHE BA'I BDAG NYID CAN DE DAG ,RNAMS LA PHYOGS MED RTZOD PA MED, ,GANG RNAMS LA NI PHYOGS MED PA, ,DE LA GZHAN PHYOGS LA YOD, CES DANG, BZHI BRGYA PA LAS, YOD DANG MED DANG YOD

, ,MED CES, ,GANG LA PHYOGS NI YOD MIN PA, ,DE LA YUN NI RING PO NA'ANG, ,KLAN KA BRJOD PAR NUS MA YIN, CES DANG, TSIG GSAL LAS, DBU MA PA YIN NA NI RANG GI RGYUD KYI RJES SU DPAG PA BYA BAR RIGS PA MA YIN TE, PHYOGS GZHAN KHAS BLANGS PA MED PA'I PHYIR RO, ZHES DANG, THAL BAR 'GYUR BA BZLOG PA'I DON DANG YANG PHA ROL BO NYID 'BREL BA YIN GYI KHO BO CAG NI MA YIN TE, RANG LA DAM BCA' BA MED PA'I PHYIR RO, ZHES DANG, 'JUG PA LAS, SUN 'BYIN PAS SUN DBYUNG BYA MA PHRAD SUN NI 'BYIN BYED DAM, ,'ON TE PHRAD NAS YIN ZHES SMRAS ZIN NYES PA 'DIR GANG LA, ,NGES PAR PHYOGS YOD DE LA 'GYUR GYIS BDAG LA PHYOGS 'DI NI, ,YOD PA MIN PAS THAL BAR 'GYUR BA 'DI NI SRID MA YIN, CES GSUNGS PA'I PHYIR RO, ,DES NA DBU MA THAL 'GYUR BAS KUN RDZOB DANG DON DAM PA'I RNAM GZHAG JI SNYED CIG BYAS PA THAMS CAD NI GZHAN NGO TZAM DU BYAS PA'I RNAM GZHAG YIN GYI RANG LUGS MA YIN TE, 'JUG PA LAS, JI LTAR KHYOD KYIS GZHAN DBANG DNGOS 'DOD LTAR, ,KUN RDZOB KYANG NI BDAG GIS KHAS MA BLANGS, ,'BRAS PHYIR 'DI DAG MED KYANG YOD DO ZHES, ,'JIG RTEN NGOR BYAS BDAG NI SMRA BAR BYED, CES GSUNGS LA, RTZOD BZLOG LAS, DGAG BYA CI YANG MED BAS NA, ,NGA NI CI YANG MI 'GOG GO, CES GZHAN PHYOGS BKAG PA YANG MED PAR GSUNGS PA'I PHYIR RO, ZHES SMRA BAR BYED DO, ,'DI LTAR SMRA BA NI GONG DU BSHAD PA LTAR RTAGS KYI DGAG BYA'I TSAD MA ZIN PAS DBU MA THAL 'GYUR BA'I RIGS PAS CHOS THAMS CAD 'GOG BAR GO STE BKAG PA NA RIGS PA DE DAG RANG GIS JI 'DRA BA ZHIG KHAS BLANGS PA LA YANG JI LTA BA BZHIN MTSUNGS PA BZLOG TU MED PAR MTHONG NAS; PHAR 'PHANGS PA'I THAL BA MTHA' DAG TSUR BZLOG STE 'PHANGS PA NA SKYON SPONG TSUL GZHAN CUNG ZAD KYANG BYED MA SHES PAR KHO BO CAG CI YANG KHAS MI LEN NO ZHES BSNYON 'DINGS PA 'BA' ZHIG LA RE BA YIN NO, ,DE DAG LA 'DI BRJOD PAR BYA STE DBU MA THAL 'GYUR BA CHOS CAN, GRUB MTHA' SMRA BA MA YIN PAR THAL, GRUB MTHA' GANG YANG KHAS MI LEN PA'I PHYIR, 'DOD NA GRUB MTHA' SMRA BA THAMS CAD KYI MCHOG YIN PA NYAMS SO, ,DE LTAR SMRA BA PO'I GANG ZAG KHYOD CHOS CAN, DAM BCA' YOD PAR THAL, KHAS LEN CI YANG MED DO ZHES BDEN ZHEN GYIS DAM 'CHA' BA PO YIN PA'I PHYIR, KHO NA RE KHAS LEN MED PA DE NYID KHAS LEN YIN NO

ZHES ZER BA NI, ROR BYIN CIG CES ZER BA LA NOR CI YANG MED DO ZHES SMRAS PA NA, CI YANG MED PA ZHES BYA BA'I NOR DE BYIN CIG CES ZER BA DANG MTSUNGS SO ZHES ZER RO, ,DE NI RNAM PAR MA BRTAGS PA CHEN PO STE, KHO BO CAG GIS KHAS LEN MED PAR ZHE BAS SMRAS PA DE NYID KHAS LEN YIN NO ZHES SMRAS KYI, KHAS LEN MED PA KHAS LEN YIN NO ZHES MA SMRAS PA'I PHYIR RO, ,DPER NA SGRA RTAG PA GRUB MTHA' MA YIN KYANG SGRA RTAG PAR ZHE BAS SMRAS PA DAM BCA' YIN PA BZHIN NO, ,THAL 'GYUR MI 'GOG CING RANG RGYUD 'GOG PA'I RNAM DBYE MI RIGS PAR THAL, RANG LUGS LA RANG RGYUD KHAS BLANG DU MI RUNG BA LTAR THAL 'GYUR YANG KHAS BLANG DU MI RUNG ZHING, THAL 'GYUR BA'I LUGS LTAR GDUL BYA 'GA' ZHIG GI GZHAN NGO TZAM DU RANG RGYUD LAS LEN PA LA YANG 'GAL BA MED PA'I PHYIR, 'DOD NA DE 'DRA BA'I RNAM DBYE BYED PA 'GAL LO, ,RANG LUGS LA DBU MA THAL 'GYUR BA'I GRUB MTHA' KHAS MI LEN KYANG GZHAN NGO TZAM DU DE KHAS BLANGS PAS DBU MA THAL 'GYUR BAR 'JOG NUS PAR THAL, ZLA BA GRAGS PAS GZHAN NGO TZAM DU THAL 'GYUR BA'I GRUB MTHA' KHAS BLANGS KYI RANG LUGS LA KHAS MA BLANGS KYANG ZLA BA GRAGS PA DBU MA THAL 'GYUR BA YIN PA'I PHYIR, RTAGS KHAS BLANGS, 'DOD NA RGYAL BA SH'AKYA THUB PA CHOS CAN, SEMS TZAM PA YIN PAR THAL, RANG LUGS LA SEMS TZAM GYI GRUB MTHA' ZHAL GYIS MI BZHES KYANG GDUL BYA'I GZHAN NGO TZAM DU ZHAL GYIS BZHES NAS MDO DGONGS PA NGES 'GREL GSUNGS PA YIN PA'I PHYIR, GZHAN NGO TZAM DU YANG THAL 'GYUR BA'I GRUB MTHA' KHAS LEN MI RIGS PAR THAL, GANG GI DOR KHAS BLANG BAR BYA BA'I GANG ZAG GZHAN DANG DE'I NGOR KHAS LEN PA PO DANG KHAS BLANG BYA'I GRUB MTHA' RNAMS YOD PA MA YIN PA'I PHYIR, RTAGS MA GRUB NA CHOS GANG YANG YOD PAR SMRA MI RIGS PA NYAMS SO, ,TSIG THAMS CAD RDZUN YIN NO ZHES ZHE BAS SMRAS PA'I SHUGS KYIS TSIG DE NYID BDEN PA'I DON CAN DU ZHE BAS KHAS BLANGS PA MA YIN PAR THAL, KHO BO LA KHAS LEN CI YANG MED DO ZHES ZHE BAS SMRAS PA'I SHUGS KYIS KHAS LEN MED PAR DAM BCAS PA MA YIN PA'I PHYIR, DES NA TSIG 'DI GNYIS RANG TSIG 'GAL BA YIN MIN RNAM PA THAMS CAD DU MTSUNGS SO, ,GAL TE NGAS DAM BCAS 'GA' YOD, CES SOGS KYI GZHUNG CHOS CAN, KHYOD GRUB MTHA' SMRA BA SU'I YANG RANG GZHUNG MA YIN PAR THAL, KHYOD RANG RGYUD PA MAN

, ,CHAD SU'I YANG RANG GZHUNG MA YIN PA GANG ZHIG, THAL 'GYUR BA'I YANG RANG GZHUNG MA YIN PA'I PHYIR, 'DOD NA SANGS RGYAS PA'I GZHUNG MA YIN PAR THAL LO, ,GSUNG RAB LA DRANG NGES KYI RNAM DBYE MI 'THAD PAR THAL, SANGS RGYAS KYI RANG LUGS MI SRID PA'I PHYIR, RTAGS MA GRUB NA DBU MA'I LTA BA MTHAR THUG BA RTOGS PA'I GANG ZAG LA RANG LUGS CI YANG MI SRID PA NYAMS SO, ,NYAN THOS GNAS MA'I BU PA LA GANG ZAG PHUNG PO DANG RDZAS GCIG THA DAD BRTAGS NAS SKYON BRJOD DU MED PAR THAL, KHOS GANG ZAG PHUNG PO DANG RDZAS GCIG THA DAD GANG DU YANG BRJOD DU MED PAR SMRAS PA'I PHYIR, MA KHYAB NA DBU MA THAL 'GYUR BAS SUN DBYUNG BYA 'BYIN BYED SOGS GANG YANG RANG LUGS LA KHAS MI LEN PAR SMRAS PA'I RGYU MTSAN GYIS DBU MA THAL 'GYUR BA LA SUN DBYUNG BYA 'BYIN BYED PHRAD MA PHRAD BRTAGS NAS SKYON BRJOD DU MED PAS KHYAB BA BUD, GZHAN YANG 'PHAGS PA KLU SGRUB DANG, DPAL LDAN ZLA BA GRAGS PA LA SOGS PA RNAMS KYIS RANG RANG GIS MDZAD PA'I BSTAN BCOS RNAMS LAS 'DI DANG 'DI YIN NO, ,'DI DANG 'DI MA YIN NO, ,'DI DANG 'DI 'THAD DO, ,'DI DANG 'DI MI 'THAD DO, ZHES MTHA' GCIG TU RNAM PAR BZHAG PA DU MA ZHIG GSUNGS PA DE RNAMS RTZOM PA PO DE DANG DE'I LUGS MA YIN NA GZHAN GANG ZAG SU ZHIG GI LUGS YIN PA SMROS SHIG ,DER MA ZAD BSTAN BCOS DE DAG TU 'DI DANG 'DI 'DOD 'DI DANG 'DI KHAS LEN NO ZHES DNGOS SU SBYAR NAS GSUNGS PA YANG DU MA ZHIG YOD DE, RTZOD BZLOG LAS, THA SNYAD KHAS NI MA BLANGS PAR, ,NGED CAG 'CHAD PAR MI BYED DO, CES DANG, RIGS PA DRUG CU PA LAS, DE PHYIR DAM PA RNAMS KYIS KYANG; ;SGYU MA BYAS LTA'I 'GOG PA BZHED, CES DANG, YANG DE NYID LAS, GANG DANG BRTEN NAS DNGOS PO RNAMS, ,CHU YI ZLA BA LTA BUR NI, ,YANG DAG MA YIN LOG MIN PAR, ,'DOD PA DE DAG LTAS MI 'PHROGS, ZHES DANG, 'JIG RTEN LAS 'DAS PAR BSTOD PA LAS KYANG, GANG DAG RGYU LAS BYUNG BA RNAMS, ,DE MED PAR NI YOD MIN PAS, ,GZUGS BRNYAN NYID DANG MTSUNGS PA RU, ,GSAL BAR CI YI PHYIR MI 'DOD, CES DANG, RTZA SHE LAS, RTEN CING 'BREL 'BYUNG GANG YIN BA, ,DE NI STONG PA NYID DU 'DOD, CES DANG, TSIG GSAL LAS, RKYEN NYID 'DI PA TZAM GYIS KUN RDZOB GRUB PAR KHAS LEN GYI, PHYOGS BZHI KHAS BLANGS PA'I SGO NAS

NI MA YIN TE, DNGOS PO RANG BZHIN DANG BCAS PAR SMRA BAR THAL BAR 'GYUR BA'I PHYIR DANG, DE YANG RIGS PA MA YIN PA'I PHYIR RO, ,RKYEN NYID 'DI PA TZAM ZHIG KHAS BLANGS NA NI RGYU DANG 'BRAS BU GNYIS PHAN TSUN LTOS PA'I PHYIR NGO BO NYID KYIS GRUB PA YOD PA MA YIN PAS DNGOS PO RANG BZHIN DANG BCAS PAR SMRA BAR 'GYUR BA MA YIN NO, CES RKYEN NYID 'DI PA TZAM GYI KUN RDZOB RANG LUGS LA KHAS LEN ZHING, RANG BZHIN GYIS GRUB PA'I DNGOS PO KHAS MI LEN PA'I RNAM DBYE GSAL BAR GSUNGS LA, YANG TSIG GSAL LAS, DE LTAR NA YANG 'DI NI KUN RDZOB TU YOD DE, DES NA SLOB DPON RNAMS KYIS PHAN TSUN LTOS PA TZAM GYIS GRUB PA'I SGO NAS GRUB PAR RNAM PAR BZHAG PAR MDZAD DO, ,'DI NI DE KHO NA LTAR GDON MI ZA BAR KHAS BLANG BAR BYA STE, ZHES PHAN TSUN LTOS PA TZAM GYIS GRUB PA'I KUN RDZOB GDON MI ZA BAR KHAS LEN DGOS PAR GSUNGS SHING, 'JUG 'GREL LAS KYANG, MKHAS BDAG GIS PHYOGS 'DI NI SKYON MED CING PHAN YON DANG BCAS PA'O SNYAM DU BSAMS TE GDON MI ZA BAR KHAS BLANG BAR BYA'O, CES DANG, DE'I PHYIR RTEN CING 'BREL PAR 'BYUNG BA RKYEN NYID 'DI PA TZAM KHAS BLANGS PA LTAR, BRTEN NAS BTAGS PA KHAS BLANGS PA'I PHYIR KHO BO CAG GI PHYOGS LA THA SNYAD THAMS CAD CHAD PAR THAL BAR MI 'GYUR LA, PHA ROL POS KYANG 'DI NYID KHAS BLANG BAR 'OS PA YIN NO, CES DANG, YANG 'JUG 'GREL LAS, KHYAD PAR DU MDZAD PA RNAM PAR DE LTA BU'I RANG BZHIN SLOB DPON GYIS ZHAL GYIS BZHES PA CUNG ZAD CIG YOD DAM ZHE NA, GANG GI DBANG DU MDZAD NAS BCOM LDAN 'DAS KYIS DE BZHIN GSHEGS PA RNAMS BYUNG YANG RUNG MA BYUNG YANG RUNG CHOS RNAMS KYI CHOS NYID 'DI NI GNAS PA NYID DO ZHES RGYAS PAR GSUNGS PA, CHOS NYID CES BYA BA NI YOD DO, CES SOGS DU MA ZHIG GSUNGS SHING, BDAG LAS MA YIN GZHAN LAS MIN, ZHES SOGS KYI 'GREL PA TSIG GSAL LAS, DE'I PHYIR BDAG LAS DNGOS PO GANG DAG GDAN YANG SKYE BA NAM YANG YOD PA MA YIN NO ZHES DE LTAR SPYAR BAR BYA'O, ,DE BZHIN DU DAM BCA' BA GSUM PO LA YANG SBYAR BAR BYA'O, CES DANG, DE NYID DE LAS BYUNG MIN GZHAN DAG LAS LTA GA LA ZHIG ,CES SOGS KYI RANG 'GREL LAS, DAM BCA' BA BZHI BO DE RJES SU BRJOD NAS, DE NYID RIGS PAS SGRUB PA'I PHYIR BSHAD PA, CES BDAG LAS SKYE BA MED PA SOGS BZHI NGO [?] DE RANG

, ,LUGS KYI DAM BCA' YIN BAR GSAL BAR BSHAD PA'I PHYIR RO, ,DE BAS NA 'JUG PA LAS, 'DI LAS GZHAN NA CHOS 'DI NI, ,JI LTAR MED PA DE BZHIN DU, ,'DIR 'BYUNG LUGS KYANG GZHAN NA NI, ,MED CES MKHAS RNAMS NGES PAR MDZOD, CES DANG, DE'I RANG 'GREL LAS, JI LTAR DBU MA'I BSTAN BCOS MA GTOGS PAR BSTAN BCOS GZHAN LAS STONG PA NYID CES BYA BA'I CHOS 'DI PHYIN CI MA LOG PAR MA BRJOD PA DE BZHIN DU, KHO BO CAG GIS 'DIR LUGS GANG ZHIG BRGAL LAN DANG BCAS PAR BSNYAD PA'I LUGS 'DI NAS 'BYUNG BA 'DI YANG STONG PA NYID KYI CHOS LTAR BSTAN BCOS GZHAN NA MED DO ZHES MKHAS PA RNAMS KYIS NGES PAR MDZAD DU GSOL LO, ZHES ZLA BA GRAGS PAS BSHAD PA'I STONG PA NYID GTAN LA 'BEBS TSUL 'DI NYID DNGOS SMRA BAR MA ZAD 'PHAGS PA'I DGONGS PA 'GREL BA'I DBU MA PA GZHAN DANG YANG THUN MONG MA YIN PA'I LUGS KHYAD PAR CAN DU CI NAS KYANG MKHAS PA RNAMS KYIS DES PAR MDZAD DU GSOL, ZHES NAN TAN GYIS GSUNGS PA LA, RANG NYID BLO DANG SKAL BA SHIN TU ZHAN PAS DE 'DRA BA'I LUGS KHYAD PAR CAN DE NYID RIGS PA'I LAM NAS NGES PAR MA NUS KYANG DE 'DRA BA'I LUGS GZHI MA GRUB BO ZHES SKUR BA GDAB PAR MI BYA ZHING, DBU MA THAL RANG GANG GI'ANG LUGS KHO BO CAG KHAS MI LEN NO ZHES RANG NYID DBU MA PA MA YIN PAR GSAL BAR BSGRAGS NAS GRUB MTHA' SMRA BA'I YANG RTZER MNGON PAR RLOM PA'I TSUL LUGS 'GAL BA LHUR BLANG BAR MI BYA'O, ,'O NA KHO BO CAG GIS GONG DU DRANGS PA'I LUNG DE DAG GI DON JI LTAR DU 'CHAD CE NA, RTZOD BZLOG LAS, GAL TE NGAS DAM BCAS 'GA' YOD, CES SOGS GSUNGS PA NI, GAL TE DNGOS PO THAMS CAD KYI, ,RANG BZHIN KUN LA YOD MIN NA, ,KHYOD KYI TSIG KYANG RANG BZHIN MED, ,RANG BZHIN BZLOG PAR MI NUS SO, ZHES PA'I RTZOD PA DE'I LAN YIN LA, RTZOD GZHUNG DE'I DON NI, GAL TE DNGOS PO THAMS CAD LA RANG BZHIN MED NA, DBU MA PAS DNGOS PO THAMS CAD LA RANG BZHIN MED DO ZHES DAM BCAS PA'I TSIG LA YANG RANG BZHIN MED DGOS SHING, DE LTAR NA DAM BCA' DES RANG BZHIN YOD PA GCOD PA DANG RANG BZHIN MED PA GO BAR BYED MI NUS BAR 'GYUR RO, CES PA'O, ,DE'I LAN GYI DON NI, GAL TE NGAS DNGOS PO THAMS CAD RANG BZHIN MED PAR KHAS BLANGS NAS DNGOS PO THAMS CAD RANG BZHIN MED

DO ZHES DAM BCA' PA'I TSIG 'GA' ZHIG RANG BZHIN GYIS YOD BAR KHAS BLANGS NA, DES NA NGA LA SKYON 'DI YOD NA'ANG, NGA'I LUGS LA DE 'DRA BA'I DAM BCA' BA'I TSIG RANG BZHIN GYIS GRUB PA MED BAS NA, NGA NI KHYOD KYIS BRJOD PA'I NA NGA 'GAL GYI SKYON DE 'DRA BA MED PA KHO NA YIN NO, CES BYA BA'I DON YIN GYI, SPYIR DAM BCA' MED PAR STON PA MA YIN LA, GAL TE MNGON SUM LA SOGS PA'I, ZHES SOGS KYI DON NI, SNGAR BSHAD PA LTAR TSAD MA DANG GZHAL BYA LA RANG GI NGO BOS GRUB PA'I DMIGS BYA DANG DMIGS BYED MED PAR STON PA YIN GYI RTEN 'BYUNG GI TSAD MA DANG GZHAL BYA MED PAR STON BA MA YIN NO, ,BZHI BRGYA PA LAS, YOD DANG MED DANG YOD MED CES, ZHES SOGS GSUNGS PA'I 'GREL PA LAS, STONG PA NYID DU SMRA BA LA YUN RING POS KYANG SUN 'BYIN BRJOD MI NUS PAR BSTAN LA, KHYOD NI STONG PA NYID DU'ANG MI 'DOD DO ZHES SMRA BAS NA 'DOD PA GANG YANG MED PA'I KHUNGS SU JI LTAR RUNG, DES NA YOD MED SOGS RANG BZHIN GYIS GRUB PAR KHAS LEN PA'I MTHAR LHUNG GI PHYOGS GANG YANG MED PA'I PHYIR STONG PA NYID SMRA BA LA YUN RING POS KYANG KLAN KA BRJOD PAR NUS PA MA YIN NO ZHES BYA BA'I DON YIN NO, ,RTZOD MED CHE BA'I BDAG NYID YIN, ZHES SOGS KYI DON NI, DE'I GONG DU RIGS PA DRUG CU PA'I 'GREL PA LAS, GANG DAG RTEN CING 'BREL BAR 'BYUNG BA'I CHOS NYID 'DI KHONG DU MA CHUD DE DNGOS PO RNAMS KYI RANG GI MTSAN NYID LA YONGS SU RTOG PA DE DAG NI GDON MI ZA BAR, DNGOS POR KHAS LEN YOD NA NI, ,'DOD CHAGS ZHE SDANG 'BYUNG BA YI, ,LTA BA MI ZAD MA RUNGS 'DZIN, ,DE LAS BYUNG BA'I RTZOD PAR 'GYUR, ZHES GSUNGS PA LTAR, DNGOS PO RANG GI MTSAN NYID KYIS GRUB PAR KHAS LEN PA'I PHYOGS MED PA LA DNGOS POR MNGON PAR ZHEN PA'I DBANG GIS BYUNG BA'I RANG PHYOGS SGRUB PA DANG GZHAN PHYOGS 'GOG PA'I RTZOD BA MED PAR GSUNGS PA YIN GYI RANG LUGS MED PAR STON PA MA YIN LA, DE'I PHYIR TSIG GSAL DU, RTZOD BZLOG DANG, BZHI BRGYA PA'I LUNG DE DAG SHES BYED DU DRANGS NAS; PHYOGS GZHAN KHAS BLANGS PA MED PA'I PHYIR RO, ZHES GSUNGS PA'I DON YANG DE LTAR DU SHES PAR BYA'O, ,DGAG BYA CI YANG MED PAS NA, ,DA NI CI YANG MI 'GOG GO ,ZHES GSUNGS PA'I DON RANG BZHIN GYIS GRUB PA MI 'GOG STE RANG BZHIN GYIS GRUB PA MED PA'I PHYIR, CES PA LA BSHAD NA 'GAL KHYAB TU 'GYUR

, ,BAS; DES NA 'GOG BYED RANG GI MTSAN NYID KYIS MA GRUB STE, DGAG BYA SGRO 'DOGS RANG BZHIN GYIS GRUB PA CI YANG MED PA'I PHYIR, CES PA'I DON YIN LA, DGAG BYA DANG 'GOG BYED GNYIS RDZUN PA SGYU MA LTA BU NI RANG LUGS LA YANG BZHED PA YIN TE, RTZOD BZLOG LAS, SPRUL PA YIS NI SPRUL BA DANG,, SGYU MA YI NI SKYES BU YIS, ,SGYU MAS SGYU MA 'GOG BYED LTAR, ,'GOG PA 'DI YANG DE BZHIN 'GYUR, CES GSUNGS PA'I PHYIR RO, ,TSIG GSAL LAS, RANG LA DAM BCA' BA MED PA'I PHYIR RO, ZHES GSUNGS PA'I DON NI, RANG RGYUD KYI DAM BCA' BA MED PA'I DON YIN GYI, RANG LUGS MED PA'I DON MA YIN TE 'CHAD PAR 'GYUR RO, ,'JUG PA LAS RANG LA PHYOGS MED PAR GSUNGS PA NI, DNGOS SMRA BA LA RGYU 'BRAS PHRAD MA PHRAD BRTAGS NAS SKYON BRJOD PA DE KHO BO CAG LA SUN DBYUNG BYA DANG 'BYIN BYED PHRAD MA PHRAD BRTAGS NAS BRJOD KYANG MI MTSUNGS TE, DNGOS SMRA BAS RGYU 'BRAS RANG BZHIN GYIS GRUB PAR KHAS BLANGS SHING, RANG BZHIN GYIS GRUB NA RIGS BAS BRTAG BZOD DU GRUB DGOS LA, KHO BO CAG GIS SUN DBYUNG BYA DANG 'BYIN BYED SOGS GANG YANG RANG BZHIN GYIS GRUB PA'I PHYOGS KHAS BLANGS PA MED CING, RANG BZHIN GYIS MA GRUB PA'I RDZUN PA LA RIGS PAS BRTAGS NAS GANG DU GRUB BSAM PAR MI RIGS PA'I PHYIR ZHES BYA BA'I DON YIN TE, DE'I RANG 'GREL LAS, KHO BO CAG GI PHYOGS LA MTSUNGS BAR THAL BAR MI 'GYUR TE, GANG GI PHYIR KHO BO CAG GI PHYOGS LA NI SUN 'BYIN PAS SUN DBYUNG BAR BYA BA PHRAD NAS KYANG SUN 'BYIN PAR MI BYED PA NYID LA, SUN 'BYIN PAS SUN DBYUNG BAR BYA BA MA PHRAD PAR SUN 'BYIN PAR MI BYED DE, SUN 'BYIN PA DANG SUN DBYUNG BA GNYI GA YANG RANG BZHIN GYIS MA GRUB PA'I PHYIR RO, ,DE'I PHYIR PHRAD PA DANG MA PHRAD PA'I BSAM PA MI BYED DO, CES GSUNGS PA'I, SUN DBYUNG BA DANG SUN 'BYIN PA GNYI GA YANG RANG BZHIN GYIS MA GRUB PA'I PHYIR RO, CES GSUNGS PA DE NYID, BDAG LA PHYOGS 'DI NI, YOD PA MIN PAS, CES PA'I 'GREL PA YIN PA'I PHYIR RO, ,GZHAN YANG DE'I 'GREL PAR, RIGS PAS PHYOGS GNYIS SU BRTAGS NAS DPYAD NA PHRAD MA PHRAD GANG GI SGO NAS KYANG SUN 'BYIN PA MI 'THAD CING, MA BRTAGS MA DPYAD PAR THA SNYAD TZAM DU SUN 'BYIN PA YOD PA 'THAD PA DANG, DE'I SHES BYED DU DRANGS PA'I NYAN THOS CHEN PO GNYIS KYI DRIS LAN GYI MDOS KYANG, PHYOGS GNYIS SU RIGS

PAS BRTAGS PA'I TSUL GYIS DPYAD NA THOB PA DANG MNGON PAR RTOGS PA MED CING, MA BRTAGS MA DPYAD PAR 'JIG RTEN GYI THA SNYAD TZAM DU THOB PA DANG MNGON PAR RTOGS PA YOD PA 'THAD PA GSAL BAR GSUNGS PA'I PHYIR, GZHUNG RTZA 'GREL DE DAG GIS THA SNYAD DU SUN 'BYIN GYIS SUN DBYUNG BYA SUN 'BYIN PA 'THAD PA DANG THOB PA DANG MNGON PAR RTOG PA YOD PA KHAS LEN DGOS PAR BSTAN GYI KHAS LEN MED PAR MA BSTAN NO, GZHAN YANG RGYU 'BRAS RANG BZHIN GYIS GRUB PA YOD PAR 'DOD PA LA, RGYUS PHRAD NAS SAM MA PHRAD PAR 'BRAS BU SKYED CES BRTAGS NAS BKAG PA'I SKYON RANG LA MTSUNGS PA SPONG BA NA, RANG BZHIN MED PA KHAS LEN PA RGYU MTSAN DU BYAS NAS SPONG BA YIN GYI RANG LUGS MED DO ZHES SMRAS NAS SPONG BA MA YIN TE, 'JUG 'GREL LAS, KHYOD KYIS JI LTAR ZHE NA, GANG PHYIR 'DI DAG GNYIS CHAR YANG NI SGYU MA DANG 'DRA DE YI PHYIR, ,BDAG LA SKYON DU MI 'GYUR 'JIG RTEN PA'I DNGOS PO RNAMS KYANG YOD, GANG GI LTAR NA RANG GI MTSAN NYID BSKYED PAR BYA BA NYID DANG, SKYED PAR BYED PA NYID YIN PA DE LA RNAM PAR DPYAD PA 'DIR 'GYUR GYI, GANG GI LTAR NA DNGOS PO RNAMS LOG PAR KUN BRTAGS PAS SKYED PA NYID KYIS SGYU MA LTAR MA SKYES PA'I RANG BZHIN CAN YIN ZHING RANG BZHIN MED KYANG RAB RIB CAN GYIS DMIGS PA'I SKRA SHAD LA SOGS PA LTAR RNAM PAR RTOG PA'I YUL DU 'GYUR BA DE LA NI BSAM DU MED PA NYID DE, DE'I PHYIR BDAG LA JI SKAD BSHAD PA'I SKYON GYI SKABS YOD PA MA YIN ZHING, 'JIG RTEN BA'I DNGOS PO MA BRTAGS PAR GRUB PA RNAMS KYANG YOD PA YIN BAS THAMS CAD 'GRUB BO, ZHES GSUNGS PA'I PHYIR RO, ,GZHAN YANG KHAS LEN DANG DAM BCA' GANG YANG MED NA, RGYAL BA BYAMS PAS, 'DI NI DE DNGOS 'DOD PAS KHAS LEN DE YANG SNYING BRTZE LAS RIG BYA, ZHES GSUNGS PA LTAR, RANG RGYUD LA MA 'ONGS PA NA 'BYUNG RUNG GI DKON MCHOG GSUM THOB BYAR KHAS LEN PA DANG, SNGAR GZHAN RGYUD LA GRUB ZIN PA'I SANGS RGYAS STON PA DANG, CHOS LA LAM DANG, DGE 'DUN LA LAM GYI GROGS SU KHAS LEN PA LA SOGS PA THUN MONG DANG THUN MONG MA YIN PA'I SKYABS 'GRO GANG YANG BYAR MI RUNG ZHING, SEMS CAN THAMS CAD KYI SDUG BSNGAL SEL BAR DAM 'CHA' BA'I LHAG BSAM DANG, GZHAN DON DU SANGS RGYAS THOB PAR BYA'O ZHES DAM 'CHA' BA'I SMON SEMS DANG, BYANG CHUB SEMS DPA'I SPYOD PA LA SLOB PAR DAM 'CHA' BA'I 'JUG SEMS DANG, DGE SLONG

, ,GI BSLAB PA'I MI MTHUN PHYOGS MTHA' DAG SPONG BAR DAM 'CHA' BA'I SPONG SEMS SOGS GANG YANG BYAR MI RUNG BAS 'GRO BA MTHA' DAG GI GSES SU GYUR PA'I DE BZHIN GSHEGS PA'I SMAN GYI SHING LJON PA CHEN PO MNGON PAR 'GRUB PA'I MYU GU RTZA BA NAS BCAD PA YIN NO, ,GAL TE DE DAG KYANG RANG LUGS LA DAM MI 'CHA' YANG GZHAN NGO TZAM DU KHAS LEN PAS SKYON MED DO ZHE NA, DE NYID KYI PHYIR KHYOD KYI TSUL KHRIMS DANG SEMS BSKYED DANG SKYABS 'GRO LA SOGS PA MTHA' DAG SMRAS CHOS TZAM DU SONG GI ZHE BAS MA YIN NO ZHES BYA BA 'DI CHES GSAL BAR GRUB STE, KHO BO CAG GIS NYES PA GANG BRJOD PA THAMS CAD KHYOD RANG NYID KYIS KYANG DE KHO NA BZHIN NO ZHES 'DZEM PA MED PAR DANG DU BLANGS PA NI CHES YA MTSAN NO, ,GANGS RI'I KHROD KYI BSAM GTAN PAR KHAS 'CHE NGA MANG PO ZHIG GI GTAM LAS, LTA BA KHAS LEN THAMS CAD DANG BRAL BA, SGOM PA YID LA BYED PA THAMS CAD DANG BRAL BA, SPYOD PA DGAG SGRUB THAMS CAD DANG BRAL BA, 'BRAS BU RE DOGS THAMS CAD DANG BRAL BA ZHES SKAD GSANG MTHON POS SMRA BA DE DAG THAMS CAD KYANG, CI YANG YID LA MA BYAS PAR BZHAG PA NA, GANG LA'ANG NGOS GZUNG MED PA 'DRA BA ZHIG SHAR BAS, 'DI YIN DANG 'DI MIN CI'ANG MI 'DUG SNYAM NAS RTOGS BA RGYUD LA SKYE BAR RLOM STE, GANG YANG RANG LUGS LA KHAS BLANG RGYU MED PA'I CHAD PA CHEN PO DANG, CI YANG YID LA BYAR MI RUNG BA'I HVA SHANG GI DAM BCA' DBYANGS SU BSGRAGS PA YIN NO, ,DE LTAR THAL 'GYUR BA'I RANG LUGS LA GANG YANG KHAS BLANG PAR BYA BA MED PAR SMRA BA RGYAS PAR BKAG PA 'DIS NI, GANG DAG RANG LUGS KYI DAM BCA' SGRUB PA'I RTAGS YANG DAG KHAS LEN PA'I DBU MA BA NI RANG RGYUD PA DANG DE 'DRA'I RTAGS YANG DAG KHAS MI LEN PAR THAL 'GYUR GYI SGO NAS DNGOS SMRA BA'I DAM BCA' BA 'GOG PA TZAM ZHIG BYED PA THAL 'GYUR BA'O ZHES THAL RANG GI KHYAD PAR SMRA BAR BYED PA YANG LEGS PAR BKAG PA YIN TE, RANG LUGS LA GANG YANG KHAS MI LEN NA GONG DU BRJOD PA'I SKYON MTHA' DAG 'BYUNG BA'I PHYIR DANG, KHAS LEN NA TSAD MAS MA GRUB BZHIN DU DAM 'CHA' BA RIGS PA SMRA BA'I TSUL LAS 'DAS PA'I PHYIR DANG, RANG GIS KHAS GANG LEN THAMS CAD MNGON SUM TSAD MAS GRUB PA'I SGO NAS KHAS LEN NA CHOS THAMS CAD RANG LA MNGON GYUR DU THAL ZHING, TSAD MA MNGON SUM GCIG PUR SMRA BA'I RGYANG PAN DANG

KHYAD CI'ANG MED LA, RNGES DPAG GIS RTOGS PA KHAS LEN NA RTAGS YANG DAG KHAS MI LEN PA RTZA BA NAS NYAMS SO, ,GZHAN YANG SNGAR BSHAD PA LTAR BDAG LAS SKYE BA MED PA SOGS KYI DAM BCA' BZHI YOD PAR GSUNGS LA, DAM BCA' DE DAG RTAGS LA MA LTES BAR MNGON SUM TZAM GYIS MI 'GRUB PA'I PHYIR DANG, 'JUG PA LAS, GANG PHYIR DNGOS PO BRTEN NAS RAB 'BYUNG BAS, ,RTOG PA 'DI DAG BRTAG PAR MI NUS PA, ,DE PHYIR RTEN 'BYUNG RIGS PA 'DI YIS NI, ,LTA NGAN DRA BA MTHA' DAG GCOD PAR BYED, CES DANG, GANG GI PHYIR NA BDAG DANG GZHAN DANG GNYI GA LAS SKYE DANG, ,RGYU LA MA LTOS YOD PA MIN PAS DNGOS RNAMS RANG BZHIN BRAL, CES DANG; GANG PHYIR BYED PO MED CAN LAS MED PA, ,DE PHYIR BDAG GI BDAG MED PAR YOD MIN, CES PA LA SOGS PA GZHUNG DU MA ZHIG GIS RANG LUGS KYI DAM BCA' SGRUB PA'I GTAN TSIGS BSTAN PA'I PHYIR DANG, JI LTAR KHYOD KYIS NYI MA'I DKYIL 'KHOR LA YOD KHYAD PAR RNAMS, CES SOGS KYI RANG 'GREL LAS, JI LTAR GZUGS BRNYAN ZHES BYA BA CUNG ZAD CIG YAD PA MA YIN PA'I PHYIR NA NYI MA'I DKYIL 'KHOR DANG PHRAD PA'AM MA PHRAD PAR SKYE ZHES BYA BA'I RTOG PA RNAM PA THAMS CAD DU MI SRID KYI, 'ON KYANG RKYEN GZUGS NYE BA LAS GZUGS BRNYAN DU DMIGS PA NA RTOGS PAR 'DOD PA'I DON NGES PAR BYED PA DE BZHIN DU, RANG BZHIN GYIS STONG PA'I SUN 'BYIN PAS SUN DBYUNG BYA SUN 'BYIN PA DANG, RANG BZHIN GYIS STONG ZHING 'THAD PA DANG BRAL BA'I GTAN TSIGS KYIS BSGRUB PAR BYA BA SGRUB PA YIN LA GNYIS SU THAL BAR YANG MI 'GYUR BAS RANG GI TSIG LA'ANG THAL BA MTSUNGS PAR MI RIGS SO ZHES SHES PAR BYA'O, CES RANG BZHIN GYIS GRUB PA'I 'THAD PA DANG BRAL BA'I GTAN TSIGS KYIS BSGRUB BYA SGRUB PA RANG LUGS YIN PAR GSUNGS PA'I PHYIR RO, ,YANG KHA CIG DE KHO NA NYID LA DPYOD PA'I SKABS SU RANG BZHIN MED PA'I SGRUB BYED KHAS BLANGS NAS RANG LUGS LA RANG BZHIN MED PA'I DAM BCA' SGRUB PA NI RANG RGYUD PA DANG, THA SNYAD DU RANG LUGS KYI KHAS LEN YOD KYANG, DE KHO NA NYID DPYOD BA'I SKABS SU RANG LUGS LA RANG BZHIN MED BSGRUB PA'I GTAN TSIGS KYANG KHAS MI LEN ZHING, RANG BZHIN YOD PAR KHAS BLANGS PA'I GZHAN GYI 'DOD PA THAL 'GYUR GYI SGO NAS 'GOG PA TZAM BYAD PA NI THAL 'GYUR BA'O ZHES SMRA BAR BYED DO, ,DE YANG 'THAD PA MA YIN TE, RANG BZHIN YOD PA BKAG PA NYID KYIS RANG BZHIN MED BSGRUB

, ,DGOS PA YIN TE, DE GNYIS RNAM BCAD YONGS GCONG KYI SGO NAS DNGOS SU 'GAL BA'I PHYIR RO, ,GZHAN DU NA KHO BO CAG RANG BZHIN MED PA SGRUB KYI RANG BZHIN YOD PA MI 'GOG GO ZHES BRJOD NA LAN CI YOD SOMS SHIG ,GZHAN YANG DE KHO NA NYID LA DPYOD PA'I SKABS SU DAM BCA' KHAS MI LEN PA'I RGYU MCHEN CI ZHIG YIN, CI STE DE KHO NA NYID DPYOD PA'I SKABS SU GRUB NA DON DAM PAR GRUB DGES PA'I PHYIR RO, ZHE NA, 'O NA DE KHO NA NYID LA DPYOD PA YANG CHOS CAN, KHYOD DE KHO NA NYID LA DPYOD PA'I SKABS SU MA GRUB BAR THAL, DE'I SKABS SU GRUB NA DON DAM PAR GRUB DGOS PA'I PHYIR, 'DOD NA DBU MA'I RIGS BAS DE KHO NA NYID LA DPYOD PA MI SRID PAR THAL, DE KHO NA NYID LA DPYOD PA NA YANG DE MA GRUB, DE KHO NA NYID LA MI DPYOD PA NA YANG DE MA GRUB PA'I PHYIR, TSUL 'DI NYID DE KHO NA NYID DPYOD PA'I RIGS PA DANG GANG GIS DPYOD PA PO SNGA RGOL DANG GANG GI NGOR DPYOD PA'I PHYIR RGOL LA SOGS PA THAMS CAD LA YANG SHES PAR BYA'O, ,THAL 'GYUR TZAM GYIS GZHAN GYI 'DOD PA 'GOG PA YANG CHOS CAN, DE KHO NA NYID DPYOD PA'I SKABS SU BYAR MI RUNG BAR THAL, DON DAM PAR MA GRUB PA'I PHYIR, 'KHOR GSUM KHAS SO, ,DE KHO NA NYID LA DPYOD PA'I SKABS SU KHAS LEN MED CING THA SNYAD DU CHOS THAMS CAD RANG LUGS LA KHAS LEN NO ZHES SMRA BA YANG KHAS BLANGS 'GAL BA YIN TE; DE KHO NA NYID LA DPYOD PA'I SKABS KYANG THA SNYAD TZAM YIN PA'I PHYIR RO, ,CI STE DE KHO NA NYID DPYOD PA'I SKABS SU KHAS LEN MED CES PA NI, DON DAM PAR KHAS LEN MED PA'I DON YIN NO SNYAM NA, DE YANG SHIN TU MI RIGS TE, DON DAM PAR KHAS LEN YOD PAR 'DOD PA'I RANG RGYUD PA YANG MED PAS DE THAL 'GYUR BA'I KHYAD CHOS SU MI RUNG BA'I PHYIR RO, ,PAndI TA DZA YA AA NAN TA'I 'DOD PA LA SOGS PA SNGA MA RNAMS KYI 'DOD PA MI 'DRA BA MANG DU SNANG NA'ANG RE RE NAS BRJOD KYANG KYI GE MANGS PAR 'GYUR BA'I PHYIR DANG, GONG DU BSHAD ZIN PA DE DAG GI SGO NAS PHYOGS GZHAN DE RNAMS KYANG DGAG PA SHES SLA BA'I PHYIR MA BRIS SO, ,YANG KHA CIG NA RE, SKYE 'GAG LA SOGS PA RTAGS KYI DGAG BYAL DON DAM GYI KHYAD PAR MA SPYAR BAR 'GOG PA THAL 'GYUR BA DANG, DON DAM GYI KHYAD PAR SBYAR NAS 'GOG PA RANG RGYUD PA YIN NO ZHES ZER RO, ,DE NI MI 'THAD DE, 'JUG 'GREL DU YUM GYI MDO RGYAS PAR DRANGS PA DE NYID LAS, THA SNYAD DU THOB PA DANG MNGON PAR RTOGS PA YOD CING,

DON DAM PAR THOB PA DANG MDON PAR RTOGS PA MED CES DON DAM GYI KHYAD PAR DNGOS SU SBYAR NAS GSUNGS SHING, DE LTAR RTAGS KYI DGAG BYA LA DON DAM GYI KHYAD PAR SBYAR BA'I NGES DON GYI MDO SDE DU MA ZHIG MTHONG BA'I PHYIR DANG, RIN CHEN PHRENG BA LAS, BDAG DANG DE DAG GIR YOD CES PA, ,'DI NI DAM PA'I DON DU MED, CES DANG, GANG GI SA BON RDZUN PA DE'I, ,SKYE BA BDEN PA GAL ZHIG, CES DANG, DE BZHIN SGYU 'DRA'I 'JIG RTEN LA, ,SKYE DANG 'JIG PA NYID SNANG YANG, ,DAM PA'I DON DU SKYE BA DANG, ,'JIG PA NYID NI YOD MA YIN, ZHES SOGS DON DAM DANG DE KHO NA NYID KYI KHYAD PAR RTAGS KYI DGAG BYA LA SBYAR NAS GSUNGS PA DU MA ZHIG YOD PA'I PHYIR MDO DANG BSTAN BCOS DE DAG THAMS CAD KHYOD LTAR NA RANG RGYUD PA'I GZHUNG YIN PAR HA CANG THAL BAR 'GYUR RO, ,'O NA TSIG GSAL LAS, DGAG BYA LA DON DAM GYI KHYAD PAR SBYOR BA BKAG PA JI LTAR DRANG ZHE NA, DON DE NI 'JUG 'GREL LAS SLOB DPON GYIS KHYAD PAR DU MA MDZAD PAR BDAG LAS MA YIN ZHES SPYIR SKYE BA BKAG BA YIN NO, ,GANG ZHIG DNGOS PO RNAMS NI DON DAM PAR BDAG LAS SKYE BA MA YIN TE, YOD PA'I PHYIR, SEMS DPA' CAN BZHIN NO, ZHES KHYAD PAR DU BYED PA DE'I DON DAM PAR ZHES BYA BA'I KHYAD PAR DON MED DO ZHES BSAM PAR BYA'O, ZHES GSUNGS PA LTAR, BDAG SKYE 'GOG PA LA DON DAM GYI KHYAD PAR SBYOR BA BKAG PA YIN GYI DGAG BYA GZHAN LA DON DAM GYI KHYAD PAR SBYAR BA BKAG PA MA YIN LA, DE'I PHYIR TSIG GSAL LAS, DON DAM GYI KHYAD PAR SBYOR BA MI 'THAD PA'I RGYU MTSAN DU BDAG LAS SKYE BA NI KUN RDZOB DU YANG KHAS MA BLANGS PA'I PHYIR RO, ZHES BYA BA LA SOGS PA GSUNGS PA YIN NO, ,DES NA THA SNYAD DU TSAD MAS GRUB PA'I CHOS RNAMS LA DON DAM PAR CES PA'AM, RANG BZHIN GYIS GRUB PAR CES PA LA SOGS PA'I KHYAD PAR MA SBYAR BAR RNAM PA THAMS CAD DU 'GOG MI NUS SHING, THA SNYAD DU YANG MA GRUB PA RNAMS LA NI KHYAD PAR MA SBYAR BAR DGAG PAR BYA BA YIN LA, 'ON KYANG MIG LA SOGS PA RNAMS LA DON DAM GYI KHYAD PAR SBYAR NAS DGAG DGOS PAR 'DOD PA LA THAL RANG GNYI GA KHYAD PAR MED MOD KYI THAL 'GYUR BA LTAR NA, RANG BZHIN GYIS MED DE, CES PA DANG, DON DAM PAR MED DE, CES PA KHYAD PAR MED LA, RANG RGYUD PA LTAR NA RANG BZHIN GYIS SKYE BA THA SNYAD DU YOD PAS, DON DAM PAR RANG BZHIN GYIS SKYE BA MED DE ZHES PA'I KHYAD PAR SBYAR DGOS PAR 'DOD PA NI RTAGS

, ,KYI DGAG BYA LA PHRA RAGS KYI KHYAD CHEN PO BYUNG BA'I DBANG GIS YIN NO, ,DE BAS NA NGES DON GYI MDO DANG BSTAN BCOS GANG DU RTAGS KYI DGAG BYA LA DON DAM PA CES PA'AM RANG BZHIN GYIS CES SOGS KYI KHYAD PAR DNGOS SU SBYAR NAS DU MA ZHIG GSUNGS PA DE SKABS 'GA' ZHIG TU SKABS STOBS KYIS GO BA LA DGONGS NAS DNGOS SU MA SBYAR BA RNAMS LA YANG SBYOR SHES DGOS BA YIN ZHING, SHES RAB KYI PHA ROL TU PHYIN PA'I SNYING PO'I MDO LAS GZUGS MED SGRA MED CES SOGS GSUNGS PA LA NI, MDOR BSTAN GYI SKABS SU, PHUNG PO LNGA PO DA DAG KYANG RANG BZHIN GYIS STONG PAR RNAM PAR YANG DAG PAR RJES SU BLTA'O ,CES KHYAD PAR SBYAR BA DE NYID THOG MA'I GSAL BYED YIN PAS 'OG MA THAMS CAD LA SBYAR TE GZUGS RANG BZHIN GYIS MED CES SOGS SU BSHAD PAR BYA BA YIN LA, TSUL 'DI LTAR DU GSAL BYED SBYAR NAS BSHAD DGOS PA'I NGES DON GYI MDO SDE DU MA ZHIG YOD DO, ,GZHAN YANG THAL 'GYUR BA'I LUGS LA RTAGS KYI DGAG BYA LA DON DAM GYI KHYAD PAR SBYAR MI DGOS PAR 'DOD PA 'DI NI, THA SNYAD DU YANG CHOS THAMS CAD YOD PA MA YIN PAR 'DOD PA'I LUGS NAN PA DE NYID SLAR YANG 'ONGS PA YIN PAS GONG DU BRJOD PA'I RIGS PA MTHA' DAG GIS DGAG PAR BYA'O, ,YANG MI SHES PA KHA CIG NA RE, THAL 'GYUR BA YANG RANG RGYUD KYI RTAGS KHAS LEN TE, RGOL PHYIR RGOL GNYI GAS TSAD MAS GRUB PA'I CHOS CAN GYI STENG DU KHYAD PAR GYI CHOS SGRUB PA'I TSUL GSUM PA'I RTAGS KHAS LEN PA'I PHYIR, DE TZAM GYIS RANG RGYUD KYI RTAGS KHAS LEN PAR MI 'GYUR NA DNGOS SMRA BA'I RTOG GE PA DAG KYANG RANG RGYUD KYI RTAGS KHAS MI LEN PAR MTSUNGS SO, ,DE BZHIN DU TSAD MAS GRUB PAR 'DOD PA'I CHOS CAN LA YANG KHYAD PAR GYI CHOS 'GA' ZHIG LA DPAG 'DOD ZHUGS NAS DAM 'CHA' BAR BYED PA RANG RGYUD KYI DAM BCA' YIN BAS THAL 'GYUR BA LA'ANG RANG RGYUD KYI DAM BCA' YOD LA, 'ON KYANG THAL 'GYUR BA'I LUGS LA THA SNYAD SEMS PA'I TSE RANG RGYUD KYI RTAGS DANG DAM BCA' KHAS LEN GYI DON DAM DPYOD PA DANG GNAS LUGS SEMS PA'I TSE KHAS MI LEN ZHING, DE'I RGYU MTSAN YANG DON DAM DPYOD PA'I TSE DON DAM DPYOD PA'I RIG SHES KYI RIG NGOR CHOS CAN GYI SNANG BA LDOG PAS THAL 'GYUR BA'I NGOR CHOS CAN TSAD MAS MA GRUB PAR 'DOD PA'I PHYIR RO, ,RANG RGYUD PA LEGS LDAN 'BYED LA SOGS PA'I LUGS LA DON DAM DPYOD PA'I RIG SHES KYI

RIG NGOR YANG CHOS CAN GYI SNANG BA MI LDOG PAS, DE DAG GI LUGS LA DON DAM DPYOD PA'I TSE YANG RANG RGYUD KYI RTAGS KHAS LEN PA DANG, RTZA SHE'I GZHUNG GI TSIG DON 'CHAD PA NA SANGS RGYAS BSKYANGS DANG ZLA BAS PHAL CHE BA THAL BA'I NGAG TU BSHAD LA, LEGS LDAN GYIS PHAL CHE BA RANG RGYUD KYI RTAGS SU BSHAD BA NYID THAL RANG GI KHYAD PAR YIN GYI DE LAS MA GTOGS PA'I KHYAD PAR MED DO ZHES SMRA'O, ,'O NA THAL 'GYUR BA'I GTAN TSIGS RNAMS LA GZHAN LA GRAGS KYI RJES DPAG CES LAN MANG DU GSUNGS PA DE LA, CHOS CAN RGOL BA GNYI GA'I TSAD MAS GRUB PA'I TSUL GSUM PA'I RTAGS YIN NA GZHAN LA GRAGS KYI RJES DPAG YIN NA, DNGOS SMRA BA'I RTOG GE PA RNAMS KYIS BKOD PA'I GTAN TSIGS THAMS CAD KYANG GZHAN LA GRAGS KYI RJES DPAG TU 'GYUR RO ZHES BRJOD NA MTSUNGS PA GANG GIS SPONG, THAL 'GYUR BA DON DAM DPYOD PA'I TSE YANG RANG RGYUD KYI RTAGS KHAS LEN PAR THAL, THAL 'GYUR BAS DNGOS SMRA BA'I NGOR MYU GU BDEN MED DU BSGRUB PA LTA BU'I TSE, CHOS CAN MYU GU DE SNGA RGOL PHYIR RGOL GNYI GA'I TSAD MAS GRUB, THAL 'GYUR BAS CHOS CAN DE'I STENG DU KHYAD PAR GYI CHOS BDEN MED BSGRUB PA'I PHYIR DU TSUL GSUM PA'I RTAGS BKOD PA'I PHYIR RO, ,DE'I TSE CHOS CAN SNGA RGEL GYI LUGS LA TSAD MAS MA GRUB STE, RTAGS DE LA BRTEN PA'I RIG SHES KYI RIG NGOR CHOS CAN GYI SNANG BA LDOG PAR 'DOD PA'I PHYIR ZHE NA 'O NA RTAGS DE'I CHOS CAN 'JAL BA'I TSAD MA YIN NA RTAGS DE LA BRTEN PA'I RIG SHES RJES DPAG YIN DGOS PAR THAL, RTAGS DE LA BRTEN PA'I RIG SHES DE'I NGOR CHOS CAN GYI SNANG BA LOG NA DE'I TSE CHOS CAN TSAD MAS MA GRUB DGOS PA'I PHYIR, 'DOD NA SANGS RGYAS PAS GRANGS CAN PA'I NGOR SGRA MI RTAG BSGRUB LA BYAS PA RTAGS SU BKOD PA'I TSE DE'I CHOS CAN 'JAL BA'I TSAD MA YIN NA SGRA MI RTOGS KYI RJES DPAG TSAD MA YIN PAS KHYAB PAR THAL LO, ,DE LTAR NA RTAGS DE LA BRTEN PA'I RJES DPAG MA SKYES PA'I GONG DU RTAGS DE'I CHOS CAN TSAD MAS GRUB PA ME SRID PAR 'DOD DGOS PAS RIGS PA'I TSUL RNA BA'I LAM DU GRAG MA MYONG BA'I RDO LA GTAM YIN LA, RANG RGYUD PA'I RIG NGOR CHOS CAN GYI SNANG BA MI LDOG PAR 'DOD NA RANG RGYUD PA RIGS PAS DPYAD BZOD KYI CHOS GTAN NAS KHAS MI LEN PAR SMRAS PA DANG CHES NANG 'GAL BA'I GTAM YIN LA, KUN RDZOB DON DAM DPYOD PA'I RIG NGO

, ,NA YOD PAR 'DOD PA'I DBU MA PA DE GANG NA BZHUGS PA KHYOD KYIS STON SHIG ,TSUL 'DI NI THAL RANG LA MCHOG DMAN MED PA BSGRUB PAR 'DOD NAS, RANG RGYUD PA DNGOS SMRA BA LAS KYANG DMAN PAR 'CHAD PA YIN TE, SEMS TZAM PA YANG DON DAM BDEN PA RTOGS PA'I RIG SHES KYIS RIG NGO NA GZHAN DBANG GI SNANG BA MI LDOG PAR 'DOD PA MA YIN NO, ,GZHAN YANG TSUL 'DI LTAR SMRA BA NI TSIG GSAL LAS, DBU MA PA YIN NA NI RANG GI RGYUD KYI RJES SU DPAG PA BYA BAR RIGS PA MA YIN TE, CES DANG, DBU MA'I LTA BA KHAS LEN BZHIN DU YANG RANG RGYUD KYI SBYOR BA'I NGAG BRJOD PA GANG YIN PA DE NI CHES SHIN TU NYES PA DU MA'I GNAS SU RTOGS TE, ZHES DBU MA PA YIN NA RANG RGYUD KHAS LEN MI RIGS PAR GSUNGS PA LA, DE LTAR GSUNG BA PO RANG YANG RANG RGYUD KHAS LEN NO ZHES MNGON SUM LA BSNYON PAR BYED PA YIN NO, ,GAL TE DE DE DAG NI DON DAM DPYOD PA'I TSE RANG RGYUD KYI SBYOR BA BYA BAR MI RIGS SO ZHES BYA BA'I DON YIN NO ZHE NA, DE LTAR NA SMRAS PAS NI RANG NYID SHIN TU BLUN PA GO BAR BYED PA YIN TE, TSIG GSAL DU, SKABS DER BDAG SKYE 'GOG PA LA RANG RGYUD BYA BAR MI RIGS PA'I RGYU MTSAN RGYAS PAR GSUNGS LA, BDAG SKYE MED PAR SGRUB PA'I RTAGS KYANG DON DAM DPYOD PA'I RIGS PA MA YIN ZHING, RTAGS DE LA BRTEN NAS BDAG SKYE MED PAR NGES PA'I TSAD MA YANG DON DAM DPYOD BYED KYI RIG SHES MA YIN GYI THA SNYAD DPYOD PA'I TSAD MA TZAM YIN PA'I PHYIR RO, ,GZHAN DU NA RIGS PA GANG YIN THAMS CAD DON DAM DPYOD PA'I RIGS PA YIN PA BZLOG TU MED DO, ,GNYIS PA RANG GI LUGS BZHAG PA LA, THAL RANG GI DON BSHAD PA, RANG RGYUD KHAS MI LEN PA'I RGYU MTSAN BSHAD PA, DE NYID TSIG GSAL DANG SBYAR TE BSHAD PA'O, ,DANG PO NI, JI SKAD DU, GNYI GA LA RAB TU GRUB PA NI SGRUB PA YIN NO, CES DANG, GANG ZHIG GNYI GA LA NGES BA'I TSUL GSUM DANG MA GRUB PA NYID LA SOGS PA BRJOD PA DE KHO NA SGRUB PA'AM SUN 'BYIN PA YIN GYI GANG YANG RUNG BA LA GRUB PA DANG THE TSOM ZA BA BRJOD PA NI MA YIN TE, YANG SGRUB PAR BYED PA LA LTOS PA NYID KYI PHYIR RO, CES GSUNGS PA LTAR RANG RGYUD KYI DAM BCA' DANG RTAGS SU 'JOG PA LA NI, GZHI GANG GI STENG DU KHYAD PAR GYI CHOS GANG DAM 'CHA' BA'I GZHIR GYUR PA SHES 'DOD CHOS CAN DE NYID SNGA RGOL GYI TSAD MAS KYANG GRUB PHYI RGOL GYI TSAD MAS KYANG GRUB PA CAM GYIS MI CHOG GI, SNGA RGOL PHYI RGOL GNYI GA'I LUGS LA MTHUN

SNANG DU GRUB PA ZHIG NGES PAR DGOS SHING, DAM BCA' DE NYID SGRUB PA'I RTAGS KYI TSUL GSUM YANG SNGA RGOL PHYI RGOL GNYI GA'I LUGS LA MTHUN SNANG DU GRUB PA'I SGO NAS TSAD MAS GRUB PA DGOS SO, ,DE YANG RGOL BA GNYI GA'I LUGS LA CHOS CAN MTHUN SNANG DU 'GRUB PA LA CHOS CAN TSAD MAS GRUB TSUL RGOL BA GNYI GA'I LUGS LA MTHUN SNANG DU GRUB PA DGOS SHING, DNGOS SMRA BA'I LUGS LA GZUGS LA SOGS PA CHOS CAN MNGON GYUR BA RNAMS MNGON SUM TSAD MAS 'GRUB DGOS LA, MNGON SUM TSAD MA YIN NA RANG GI GZHAL BYA RANG MTSAN DNGOS SU 'JAL BA'I TSAD MA YIN PAS KHYAB PAR 'DOD CING, MIG LA SOGS PA LKOG GYUR CHOS CAN DU BZUNG BA'I CHE NA YANG, CHOS CAN DE NYID DNGOS SU 'JAL BA'I TSAD MA RJES DPAG YIN KYANG BRGYUD NAS MNGON SUM LA THUG DGOS SHING, RJES DPAG DE NYID GANG LA TSAD MAR SONG BA'I GZHAL BYA LA RANG MTSAN GYI THA SNYAD 'DOGS SAM MI 'DOGS GANG YIN YANG SLA'I, GZHAL BYA DE MING TZAM GYIS BZHAG PA MA YIN PA'I YUL GYI SDOD LUGS SU GRUB PAR 'DOD PA LA DNGOS SMRA BA THAMS CAD KHYAD PAR MED PAS, DNGOS SMRA PA'I LUGS LA CHOS CAN 'JAL BA'I TSAD MA YIN NA RANG GI MTSAN NYID KYIS GRUB PA'I CHOS CAN LA TSAD MAR SONG BAS KHYAB PAR 'DOD PA YIN ZHING, DNGOS SMRA BA RNAMS KYI LUGS LA TSAD MA YIN NA RANG GANG LA TSAD MAR SONG BA'I GZHAL BYA DE LA MA 'KHRUL BA'I SHES PA YIN PAS KHYAB PA'I PHYIR RTAGS KYI CHOS CAN DE TSAD MAS GRUB NA CHOS CAN DE NYID RANG GI GZHAL BYA LA MA 'KHRUL PA'I TSAD MA'I RNYED DON YIN PA'I KHYAB PAR 'DOD PA YIN NO, ,DES NA THAL 'GYUR BA'I LUGS LA RANG GI MTSAN NYID KYIS GRUB PA THA SNYAD DU YANG MI SRID PA'I PHYIR RANG GI MTSAN NYID KYIS GRUB PA'I GZHAL BYA 'JAL BA'I TSAD MA THA SNYAD DU YANG MED PAS DNGOS SMRA BA DANG GNYI GA'I LUGS LA CHOS CAN CHED MAS GRUB TSUL MTHUN SNANG DU GRUB PA MI SRID PA'I PHYIR GZHAN LA GRAGS KYI RJES DPAG DANG THAL 'GYUR TZAM GYI SGO NAS PHA ROL PO'I RGYUD LA BDEN MED RTOGS PA'I NGES SHES SKYED PAR BYED PA YIN NO, ,DES NA MDOR BSDUS TE GO BDE BAR UBRJOD NA, RANG GI MTSAN NYID KYIS GRUB PA'I GZHAL BYA LA MA 'KHRUL PA'I TSAD MAS RNYED DON YIN PAR SNGA RGOL PHYI RGOL GNYI GA'I LUGS LA MTHUN SNANG DU GRUB PA'I CHOS CAN GYI STENG DU, SNGA RGOL GANG LA DPAG 'DOD ZHUGS PA'I BSGRUB BYA'I CHAS SGRUB BYED

, ,KYI GTAN TSIGS SU BKOD PA, CES PA RANG RGYUD KYI RTAGS KYI DON YIN LA, CHOS CAN DE NYID TSAD MAS 'GRUB TSUL SNGA RGOL PHYI RGOL GNYI GA'I MTHUN SNANG DU GRUB PA MED KYANG SPYIR CHOS CAN DE NYID SNGA RGOL GYI LUGS LA'ANG TSAD MAS GRUB PHYI RGOL GYI LUGS LA'ANG TSAD MAS GRUB CING CHOS CAN DANG PHYOGS CHOS SOGS PHYI RGOL GYI LUGS LA TSAD MAS GRUB PA'I KHAS BLANGS LA 'KHRIS NAS BKOD PA'I GTAN TSIGS NI GZHAN LA GRAGS KYI RJES DPAG CES BYA'O, ,DE YANG PHYI RGOL DNGOS SMRA BA'I MIG GI RNAM PAR SHES PA GZUGS LA TSAD MA YIN PA 'GOG PA MA YIN ZHING, DE RANG GI MTSAN NYID KYIS GRUB PA'I GZUGS LA TSAD MAR SONG BA MA YIN KYANG, DNGOS SMRA BA'I LUGS LA MIG SHES DE RANG GI MTSAN NYID KYIS GRUB PA'I GZUGS LA TSAD MAR SONG BAR RLOM ZHING ZHE BAS KHAS LEN PA YIN PAS, JI SRID DNGOS SMRA BA'I GRUB MTHA' BTANG NAS DBU MA THAL 'GYUR BA'I GRUB MTHA' MA RTOGS KYI BAR DU RANG GI MTSAN NYID KYIS GRUB PA'I GZUGS LA TSAD MAR MA SENG ZHING GZUGS TZAM LA TSAD MAR SONG BA THAL 'GYUR BA DANG DNGOS SMRA BA GNYI GA'I LUGS LA MTHUN SNANG DU GUB BA BSTAN RGYU MI RNYED DO, ,DES NA DNGOS SMRA BA'I LUGS LA RANG GI MTSAN NYID KYIS GRUB PA'I GZUGS LA TSAD MAR MA SONG ZHING GZUGS TZAM LA TSAD MAR SONG BA MED KYANG DNGOS SMRA BA'I RGYUD LA RANG GI MTSAN NYID KYIS GRUB PA'I GZUGS LA TSAD MAR MA SONG KYANG GZUGS TZAM LA TSAD MAR SONG BA'I TSAD MA YOD PA MI 'GAL BA'I TSUL KHONG DU CHUD PAR BYA'O, ,GZHAN LA GRAGS KYI RJES DPAG GI DEN, CHOS CAN DANG TSUL GSUM LA SOGS PA SNGA RGOL RANG GIS KHAS MA BLANGS KYANG PHYI RGOL GYIS KHAS BLANGS PA'AM KHAS BLANGS PA'I MTHAR THUG PA LA 'DOD PA NI DBU MA THAL 'GYUR BA LA RANG LUGS KYI KHAS LEN CUNG ZAD KYANG MED PAR 'DOD PA'I GRUB PA'I MTHA' DE NYID SLAR YANG 'ONGS PA YIN PAS SNYING PO MED DO, ,'O NA GZHAN LA GRAGS KYI SBYOR BA'I DPE JI LTA BU, DE'I TSUL GSUM SGRUB PA DANG, DE LA BRTEN NAS SGRUB BYA LA RTOGS PA SKYE BA'I TSUL YANG JI LTA BU ZHE NA, DE YANG RTZA SHE'I RAB BYED GSUM BA LAS, LTA DE RANG GI BDAG NYID NI, ,DE LA LTA BA MA YIN NYID, ,GANG ZHIG BDAG LA MI LTA PA, ,DE GZHAN DAG LA DI LTAR LTA, ZHES RANG LA MI LTA BA RTAGS SU BKOD NAS MIG GIS SNGON PO SOGS GZHAN LA RANG GI NGO BO NYID KYIS MI LTA BAR

SGRUB PA LTA BU'O, ,SBYOR BA DE'I CHOS CAN DANG RTAGS DANG BSGRUB BYA'I CHOS GSUM KA THAL 'GYUR BA RANG LUGS LA'ANG TSAD MAS GRUB MOD KYANG, PHYI RGOL RANG SDE DNGOS POR SMRA BA DANG GNYIS KA'I LUGS LA TSAD MAS GRUB TSUL MTHUN SNANG DU GRUB PA BSTAN SA MA BYUNG BAS, CHOS CAN DANG RTAGS TSAD MAS GRUB PAR PHYI RGOL KHO RANG GIS KYANG KHAS BLANGS PA'I KHAS BLANGS LA 'KHRIS NAS, GZHAN LA NGO BO NYID KYIS LTA BAR KHAS BLANGS BA 'GEG BA'I PHYIR DU BKOD PAS GZHAN LA GRAGS KYI RJES DPAG CES BYA'O, ,DE LTAR YANG TSIG GSAL LAS, KHO BO CAG NI RANG GI RGYUD KYI RJES SU DPAG PA MI SBYOR TE, RJES SU DPAG BA DAG NI GZHAN GYI DAM BCA' BA 'GOG PA'I 'BRAS BU CAN YIN PA'I PHYIR RO, ,'DI LTAR GZHAN MIG LTA'O ZHES BYA BAR RTOG BDE NI MIG LA RANG GI BDAG NYID MI LTA BA'I CHOS KYANG 'DOD LA, GZHAN LA LTA BA'I CHOS MED NA MI 'BYUNG BA NYID DU YANG KHAS BLANGS PA YIN TE, DE'I PHYIR GANG DANG GANG LA RANG GI BDAG NYID LTA BA MED PA DE DANG DE LA NI GZHAN LTA BA YANG YOD BA MA YIN TE, DPER NA BUM BA BZHIN NO, ,MIG LA YANG RANG GI BDAG NYID MI BLTA BA YOD PA YIN TE, DE'I PHYIR GZHAN LA LTA BA YANG 'DI LA MED DO, ,DE'I PHYIR RANG GI BDAG NYID MI LTA BA DANG 'GAL BA SNGON PO LA SOGS PA GZHAN LA LTA BA RANG LA GRAGS BA'I RJES SU DPAG PA DANG 'GAL BA YIN NO ZHES DE LA GRUB PA'I RJES SU DPAG PAS SEL BAR BYED PA YIN NO, ZHES BSHAD DO, ,DA YANG CHOS CAN MIG DE LA RANG LA MI BLTA BA'I RTAGS NI THA SNYAD DU TSAD MAS GRUB LA, GZHAN GZUGS LA SOGS PA LA RANG GI NGO BOS GRUB PA'I LTA BA NI THA SNYAD DU YANG MED PAS, DE'I PHYIR RTAGS DES DGAG BYA DE 'GOG PAR NAS BA YIN GYI, CHOS CAN DE LA RTAGS DE DANG DGAG BYA'I CHOS DE GNYIS YOD NA YOD MNYAM DANG MED NA MED MNYAM DU SONG NA RTAGS DES DGAG BYA DE 'GOG PAR GA LA NUS, DES NA GZHAN GRAGS KYI SBYOR BA'I CHOS CAN DANG RTAGS GNYIS YOD CING DGAG BYA'I CHOS MED PA'I KHYAD PAR RANG LUGS LA YANG DBYE NUS PA CIG DGOS KYI, RTAGS DANG CHOS CAN SOGS PHA ROL POS KHAS BLANGS PA TZAM GYIS MI CHOG LA, PHYI RGOL RANG LA KRAGS PA'I RJES SU DPAG PA ZHES GSUNGS PA DANG, SNGA RGOL DBU MA BA LA LTOS NAS GZHAN GRAGS KYI RJES DPAG GNYIS DON GCIG BA YIN NO, ,RTAGS DE'I TSUL SGRUB PA LA, CHOS CAN DANG RTAGS DANG DPE RNAMS NI PHYI RGOL RANG NYID

, ,KYIS KHAS BLANGS PAS DE'I NGOR SGRUB MI DGOS LA, KHYAB 'BREL STON TSUL NI, DPER NA CHU LA BSHER BA MTHONG BAS DE DANG LDAN PA'I SA LA YANG BSHER BA DMIGS PA 'THAD KYI, CHU LA BSHER BA MED NA DE DANG LDAN BA'I SA LA YANG BSHER BA DMIGS PAR MI 'GYUR BA LTAR, DNGOS PO RNAMS RANG GI NGO BOS GRUB PA'I RANG BZHIN 'GA' ZHIG YOD NA YANG RANG BZHIN DE RANG LA DMIGS NAS DE DANG LDAN PA GZHAN LA YANG DMIGS DGOS PA YIN NO, ZHES PHYI RGOL RANG LA GRAGS PA'I DPE BSTAN PA'I SGO NAS SPYI KHYAB NGES SU BCUG NAS, DE NAS SKABS KYI DON LA SBYAR BA NI, MIG LA YANG LTA BA RANG BZHIN GYIS YOD NA THOG MAR RANG LA LTA BA DMIGS NAS, DE NAS GZUGS LA SOGS PA DANG YUL RUNG BAR TSOGS PA NA GZUGS LA LTA BA YANG DMIGS PAR 'THAD PA ZHIG NA, MIG LA RANG LA BLTA BA MED PA'I PHYIR GZHAN LA LTA BA YANG RANG BZHIN GYIS MED DO ZHES STON PA YIN NO, ,DE LTAR YANG, LTA DE RANG GI BDAG NYID NI, ZHES SOGS KYI 'GREL BA BUDDHA B'A LI TA LAS, DE LA DNGOS PO RNAMS KYI NGO BO NYID NI RANG GI BDAG NYID LA MTHONG NA DE DANG LDAN PAS GZHAN GYI BDAG NYID LA YANG DMIGS PAR 'GYUR TE, DPER NA CHU LA BRLAN BA MTHONG NA DE DANG LDAN PAS SA LA YANG DMIGS PA DANG, ME LA TSA BA MTHONG NA DE DANG LDAN PAS CHU LA YANG DMIGS PA DANG, SNA MA'I ME TOG LA DRI ZHIM PA NYID MTHONG NA DE DANG LDAN PA GOS LA YANG DMIGS PA LTA BU YIN NA, DNGOS PO GANG RANG GI BDAG NYID LA MI SNANG BA DE GZHAN GYI BDAG NYID LA JI LTAR DMIGS PAR 'GYUR TE, 'DI LTAR SNA MA'I ME TOG LA DRI NGA BA NYID MTHONG NA GOS LA YANG DMIGS PAR MI 'GYUR BA LTA BU'O, ,DE'I PHYIR GAL TE LTA BA RANG GI BDAG NYID LA LTA BAR BYED NA NI DES NA GZUGS LA LTA BAR BYED PAS LTA BA'O ZHES BYA BA DE 'THAD PAR 'GYUR BA ZHIG NA, LTA BA NI RANG GI BDAG NYID LA LTA BAR MI BYED DO, ,DE GANG RANG GI BDAG NYID LA LTA BAR MI BYED PA DE GZHAN DAG LA JI LTAR LTA BAR BYED DE, DE BAS NA GZUGS LA LTA BAR BYED BAS LTA BA'O ZHES BYA BA DE MI 'THAD DO, ,SLOB DPON 'PHAGS PA LHAS KYANG, DNGOS PO KUN GYI DAR BZHIN NA, ,THOG MAR BDAG LA SNANG GYUR NA, ,MIG NYID LA YANG MIG GIS NI, ,CI YI PHYIR NA 'DZIN MI 'GYUR, ZHES GSUNGS SO, CES BSHAD DO, ,DE YANG THA SNYAD DU MIG RANG LA MI LDAN GZUGS LA YANG MI LTA BAS MA KHYAD KYANG

GZUGS LA LTA BAR RANG GI NGO BOS GRUB NA LTA BA DE MIG GI RANG BZHIN DU SONG NAS RKYEN GANG LA YANG LTOS MED DU LTA DGOS LA, DE LTA NA RANG LA MI LTA ZHING GZUGS LA LTA BA'I KHYAD PAR MI 'THAD PAS RANG GZHAN GNYI GA LA LTA DGOS PA YIN NO, ,GAL TE MES RANG MI SREG KYANG GZHAN SREG PA BZHIN DU MIG GIS RANG LA MI LTA YANG GZUGS LA LTA BA MI 'GAL LO SNYAM NA, MIG GIS GZUGS LA LTA BA DANG MES BUD SHING SREG PA TZAM ZHIG 'GOG PA MIN PAS, MES BUD SHING SREG BA RANG GI NGO BOS GRUB PA DPER BYED DGOS LA, DE LTA NA DPE YANG BSGRUB BYA DANG MTSUNGS TE, 'DI LTAR ME DANG BUD SHING RANG GI NGO BOS GRUB PA'I GCIG DANG THA DAD GANG YIN, GCIG YIN NA BUD SHING SREG PA BZHIN DU ME RANG NYID KYANG SREG PAR THAL LO, ,GNYIS PA LTAR NA, ME SKYE BA BUD SHING LA MI LTOS PAR THAL, 'BREL MED DON GZHAN YIN PA'I PHYIR, DPER NA RTA DANG BA LANG BZHIN, MA GRUB NA NGO BO NYID KYIS THA DAD YIN PA NYAMS SO, ,DON 'DI LA DGONGS NAS RTZA SHE LAS, LTA BA RAB TU SGRUB PA'I PHYIR, ,ME YI DBES NI NUS MA YIN, CES GSUNGS SO, ,GNYIS PA RANG RGYUD KHAS MI LEN PA'I RGYU MTSAN BSHAD BA NI, DON 'DI NYID GONG DU BSHAD PA RNAMS KYIS LEGS PAR RTOGS PAR NUS MOD KYANG, BLO DMAN PA'I NGOR GO BDE BAR MDOR BSDUS TE BRJOD NA, SHES BYA CHOS CAN, DBU MA PAS DNGOS SMRA BA'I DOR RANG RGYUD KYI RTAGS 'GOD MI RIGS TE, DBU MA PAS DNGOS SMRA BA'I NGOR RTAGS GANG BKOD KYANG SBYOR BA DE'I CHOS CAN DANG RTAGS DANG DPE GSUM KA TSAD MA JI 'DRA ZHIG GIS 'GRUB TSUL SNGA RGOL PHYI RGOL GNYI GA'I LUGS LA MTHUN SNANG DU GRUB PA MI SRID DGOS PA'I PHYIR CI STE SANGS RGYAS PAS BYE BRAG PA'I DOR SGRA CHOS CAN MI RTAG STE BYAS PA'I PHYIR, DPER NA BUM BA BZHIN ZHES BKOD BA NA SANGS RGYAS PA'I THUN MONG MA YIN PA'I 'DOD BA 'BYUNG BA LAS GYUR PAS KYANG KHYAD PAR DU MA BYAS, BYE BRAG BA'I THUN MONG MA YIN PA'I 'DOD BA NAM MKHA'I YON TAN GYIS KYANG KHYAD PAR DU MA BYAS PA'I SGRA TZAM ZHIG GNYI GAS MTHUN SNANG DU GRUB PA'I CHOS CAN YIN PA LTAR, THAL 'GYUR BAS DNGOS SMRA BA'I DOR, GZUGS CHOS CAN, RANG BZHIN GYIS SKYE BA MED DE, RTEN CING 'BREL PAR 'BYUNG BA YIN PA'I PHYIR, ZHES BKOD PA NA YANG DNGOS SMRA BA'I THUN MONG MA YIN PA'I 'DOD PA RANG GI MTSAN NYID KYIS GRUB PAS KYANG KHYAD PAR DU MA BYAS, THAL 'GYUR BA'I THUN MONG MA YIN PA'I 'DOD PA RANG GI MTSAN NYID

, ,KYIS GRUB PAS STONG PAS KYANG KHYAD PAR DU MA BYAS PA'I GZUGS TZAM ZHIG CHOS CAN DU 'DZIN PAS, CHOS CAN RGOL PHYI RGOL GNYI GA'I MTHUN SNANG DU GRUB PA CI'I PHYIR MI 'DOD CE NA, SHES BYA CHOS CAN, SBYOR BA DE GNYIS KYI CHOS CAN RGOL PHYI RGOL GNYI GA'I LUGS LA MTHUN SNANG DU GRUB MA GRUB MI MTSUNGS PAR THAL, SGRA 'BYUNG 'GYUR YIN PA'I CHA LA YANG TSAD MAR MA SONG SGRA NAM MKHA'I YON TAN YIN PA'I CHA LA YANG TSAD MAR MA SONG KYANG RANG GI MTSAN NYID KYIS GRUB PA'I SGRA LAM 'KHRUL BA'I TSAD MAR SONG BA'I NYAN SHES KYIS RNYED DON DU GYUR PA'I SGRA TZAM ZHIG, RANG SDE DNGOS SMRA BA DANG BYE BRAG PA GNYI GA'I LUGS LA MTHUN SNANG DU GRUB CING, GZUGS DNGOS SMRA BA'I LUGS LA RANG GI MTSAN NYID KYIS GRUB PA'I GZUGS LA MA 'KHRUL BA'I TSAD MAS RNYED DON YIN LA, THAL 'GYUR BA'I LUGS LA GZUGS RANG GI MTSAN NYID KYIS MA GRUB KYANG GRUB PA LTA BUR SNANG BA'I TSAD MA 'KHRUL PAS RNYED PA'I DON TZAM YIN ZHING, SHES BYA LA 'KHRUL PA'I TSAD MAS RNYED PA'I DON DANG MA 'KHRUL BA'I TSAD MAS RNYED PA'I DON GNYIS SU KHA TSON CHOD PA LTAR, TSAD MA LA YANG YUL DE RANG GI MTSAN NYID KYIS GRUB PA LTA BUR SNANG BA'I 'KHRUL PA DANG DE LTAR MI SNANG BA'I MA 'KHRUL BA GNYIS SU KHA TSON CHOD PA'I PHYIR, DON DE 'KHRUL PA'I TSOD MAS RNYED PA'I DON TZAM YIN KYANG KHO 'JAL BA'I MA 'KHRUL PA'I TSAD MA YOD PA MI 'GAL BA'I PHYIR KHO 'KHRUL PA'I TSAD MAS RNYED PA'I DON TZAM YIN KYANG KHO SANGS RGYAS KYI JI SNYED PA MKHYEN PA'I YE SHES KYI GZHAL BYA YIN PA MI 'GAL TE, DPER NA RAB RIB KYIS DBANG PO BSLAD PA'I MIG SHES LA SKRA SHAD 'DZAG PAR SNANG BA DE 'KHRUL SNANG TZAM YIN KYANG DE NYID SANGS RGYAS KYI YE SHES MA 'KHRUL BA LA'ANG SNANG BA MI 'GAL BA BZHIN NO, ,DE BZHIN DU MYU GU BDEN MED DE MYU GU BDEN MED DU 'JAL BA'I RJES DPAG TSAD MA'I RNYED DON YIN ZHING, RJES DPAG TSAD MED 'KHRUL SHES YIN KYANG MYU GU BDEN MED DE 'KHRUL PA'I TSAD MAS RNYED PA'I DON TZAM YIN MI DGOS TE, GZHAN DU NA NYAN SHES KYIS SGRA RNYED PA YIN CING SGRA SGYU MA LTA BU YIN PAS NYAN SHES KYIS SGRA SGYU MA LTA BUR RNYED PAR THAL BA'I PHYIR RO, ,GSUM PA DE NYID TSIG GSAL DANG SBYAR TE BSHAD PA LA, DBU MA PAS RANG RGYUD KYI RTAGS KHAS BLANGS NA GZHI CHOS CAN MA GRUB PA'I PHYOGS KYI SKYON

BSTAN PAR BZHED NAS PHYOGS SNGA MA BKOD PA NI, TSIG GSAL LAS, CI STE JI LTAR SGRA MI RTAG CES BYA BA LA CHOS DANG CHOS CAN GNYIS SPYI NYID BZUNG BA YIN GYI KHYAD BAR NI MA YIN TE, KHYAD PAR 'DZIN NA NI RJES SU DPAG BA DANG RJES SU DPAG PAR BYA BA'I THA SNYAD MED PAR 'GYUR RO, ,'DI LTAR GAL TE 'BYUNG BA CHEN BO BZHI LAS GYUR BA'I SGRA 'DZIN NA NI PHA ROL PO LAM GRUB BO ,'ON TE NAM MKHA'I YON TAN 'DZIN NA NI DE RANG NYID SANGS RGYAS PA LA MA GRUB PA YIN NO, ,DE BZHIN DU BYE BRAG PA SGRA MI RTAG PAR DAM 'CHA' BA NA YANG BYAS PA'I SGRA 'DZIN NA DE GZHAN LA MA GRUB BO, ,'ON TE MNGON BAR GSAL BAR BYA BA YIN NA NI DE RANG LA MA GRUB PA YIN NO, ,DE BZHIN DU CI RIGS PAR 'JIG PA YANG GAL TE RGYU DANG BCAS PA YIN NA NI DE SANGS RGYAS PA RANG LA MA GRUB PA YIN LA, 'ON TE RGYU MED PA YIN NA NI DE PHA ROL PO LA MA GRUB PA YIN NO, ,DE'I PHYIR JI LTAR 'DIR CHOS DANG CHOS CAN SPYI TZAM ZHIG 'DZIN PA DE BZHIN DU, 'DIR YANG KHYAD PAR DOR BA'I CHOS CAN CAM ZHIG 'DZIN PAR 'GYUR RO ZHE NA, CES GSUNGS TE, SANGS RGYAS PAS BYE BRAG BA'I NGOR SGRA MI RTAG PAR SGRUB PA DANG, YANG BYE BRAG PAS GSAL BYED PA'I NGOR SGRA MI RTAG PAR SGRUB PA GNYI GA'I TSE YANG, SNGA RGOL PHYI RGOL GNYI GA'I THUN MONG MA YIN BA'I 'DOD PAS KHYAD PAR DU MA BYAS BA'I SGRA'I SPYI TZAM ZHIG CHOS CAN DU 'DZIN PA DE BZHIN DU, DBU MA PAS DNGOS SMRA BA'I NGOR MIG DANG GZUGS LA SOGS PA BDEN PA'I SKYE BA MED PAR SGRUB PA DANG, GANGS CAN GYI NGOR BDAG LAS SKYE BA MED PAR SGRUB PA SOGS KYI CHO YANG SNGA RGOL PHYI RGOL GNYIS KYI THUN MONG MA YIN PA'I 'DOD PA BDEN RDZUN GANG GIS KYANG KHYAD PAR DU MA BYAS BA'I MIG SOGS SPYI TZAM ZHIG CHOS CAN DU 'DZIN PAS, CHOS CAN MTHUN SNANG DU GRUB PA'I SKYON MED DO ZHES BYA BA'I LEGS LDAN 'BYED KYI 'DOD PA BRJOD PA'O, ,DE LA DGAG PA BRJOD PAR BZHED NAS THOG MAR DON MI 'THAD PAR BSTAN PA NI, TSIG GSAL LAS DE NI DE LTAR MA YIN TE, 'DI LTAR GANG GI TSE 'DIR SKYE BA BKAG BA SGRUB PAR BYA BA'I CHOS SU 'DOD PA DE'I CHE DE KHO NAR DE'I RTEN CHOS CAN PHYIN CI LOG CAM GYIS BDAG GI DNGOS PO RNYED PA NI NYAMS PAR GYUR PA 'DIS RANG NYID KYIS KHAS BLANGS BA NYID DO, ,PHYIN CI LOG DANG PHYIN CI MA LOG PA DAG NI THA DAD PA YIN NO, ,DE'I PHYIR GANG GI TSE RAB RIB CAN GYIS SKRA SHAD LA SOGS PA LTAR PHYIN CI LEG

, ,GIS YOD PA MA YIN PA YOD PA NYID DU 'DZIN PA DE'I TSE NI YOD PAR GYUR PA'I DON CHA TZAM YANG DMIGS BAR GA LA 'GYUR, GANG GI TSE RAB RIB CAN MA YIN PAS SKRA SHAD LA SOGS PA LTAR PHYIN CI MA LOG PAS YANG DAG PA MA YIN BAR SGRO MI 'DOGS PA DE'I TSE NA YANG, GANG GIS NA DE'I CHO KUN RDZOB TU 'GYUR BA YOD PA MA YIN BAR GYUR PA'I DON CHA CAM YANG DMIGS PA GA LA YOD, DE NYID KYI PHYIR SLOB DPON GYI ZHAL SNGA NAS KYANG, GAL TE MNGON SUM LA SOGS PA'I, ,DON GYIS 'GA' ZHIG DMIGS NA NI, ,SGRUB PA'AM BZLOG PAR BYA NA DE, ,MED PHYIR NGA LA KLAN KA MED, CES GSUNGS SO, , GANG GI PHYIR DE LTAR PHYIN CI LOG DANG, PHYIN CI MA LOG BDAG THA DAD PA DE'I PHYIR PHYIN CI MA LOG PA'I GNAS SKABS NA PHYIN CI LOG PA YOD PA MA YIN PA'I PHYIR NA GANG ZHIG CHOS CAN NYID DU 'GYUR BA MIG KUN RDZOB PA GAL YOD, DE'I PHYIR GZHI MA GRUB PA'I PHYOGS KYI SKYON DANG GZHI MA GRUB PA'I GTAN TSIGS KYI SKYAN BZLOG PA MED PA NYID PAS 'DI LAN MA YIN PA NYID DO, CES GSUNGS SO, ,'DI'I DON BSHAD PA LA, DE NI DE LTAR MA YIN TE, CES PA NAS, PHYIN CI LOG DANG PHYIN CI MA LOG PA DAG NI THA DAD PA YIN NO CES PA'I BAR NI MDOR BSTAN PA'O, ,DE'I PHYIR ZHES PA NAS, CES GSUNGS SO CAS PA'I BAR NI, PHYIN CI LOG DANG PHYIN CI MA LOG PA DAG NI THA DAD PA YIN NO CES PA DE NYID RGYAS PAR 'CHAD PA YIN NO, ,GANG GI PHYIR CES PA MAN CHAD NI DON BSDU BA'O, ,DE LA THOG MAR MDOR BSTAN GYI TSIG DON BSHAD NA, DBU MA PAS DNGOS SMRA BA'I DOR MIG SOGS BDEN PA'I SKYE BA MED PAR SGRUB PA'I TSE, BDEN RDZUN GANG GIS KYANG KHYAD PAR DU MA BYAS PA'I MIG SPYA TZAM PA ZHIG CHAS CAN DU 'DZIN PAR 'DOD PA DE NI 'THAD BDE LTA MA YIN TE 'DI LTAR, DE KHO NAR BDEN PA'I SKYE BA MED PA DE'I RTEN CHOS CAN MIG LA SOGS BA NYAMS PAR GYUR PA STE DE KHO NAR MA GRUB PAR LEGS LDAN 'BYED 'DIS RANG NYID KYIS KHAS BLANGS PA NYID DO, ,DE'I RGYU MTSAN NI, GANG GI CHE MIG SOGS CHOS CAN DU BYAS PA 'DIR BDEN PA'I SKYE BA BKAG PA BSGRUB PAR BYA BA'I CHOS SU 'DOD PA DE'I CHE STE DE'I PHYIR RO, ,DE LTAR NA DBU MA PAS MIG SOGS DE NYID MA RIG PAS BSLAD PA'I SHES PA PHYIN CI LOG TZAM GYIS BDAG GI DNGOS PO RNYED PA YIN PAR KHAS LEN DGOS LA, DNGOS SMRA BA NI MIG SAGS

RNAMS 'KHRUL RGYUS MA BSLAD PA'I PHYIN CI MA LOG PA'I SHES PAS RNYED DON YIN BAR KHAS LEN PAS CHOS CAN MIG SOGS MTHUN SNANG DU 'GRUB PA MA YIN TE, PHYIN CI LOG GI SHES PAS RNYED BA'I DON DANG PHYIN CI MA LOG PA'I SHES PAS RNYED PA'I DON DAG NI PHAN TSUN SPANGS PA'I SGO NAS THA DAD PA YIN NO; ;DE NYID RGYAS PAR 'CHAD PA NI, THA DAD PA DE'I PHYIR GANG GI TSE RAB DE BA CAN GYIS SKRA SHAD LA SOGS PA LTAR MA RIG PAS BSLAD BA'I PHYIN CI LOG GIS GZUGS SOGS RANG GI MTSAN NYID KYIS YOD PA MA YIN PA RANG GI MTSAN NYID KYIS YOD PA NYID DU 'DZIN PA STE SNANG BA'I TSAD MAS GZUGS SOGS YOD PAR RNYED PA DE'I TSE NI, GZUGS SOGS RANG GI MTSAN NYID KYIS YOD PA'I DON CHA TZAM YANG DMIGS PAR GA LA 'GYUR TE, TSAD MA NGES GZUGS SOGS RANG GI MTSAN NYID KYIS YOD PAR RNYED PA MA YIN ZHING, GANG GI TSE RAB RIB CAN MA YIN PAS SKRA SHANG LA SOGS PA LTAR GZUGS SOGS DE NYID YANG DAG PA MA YIN PAR SGRO MI 'DOGS PA MA RIG PA'I 'KHRUL RGYUS MA BSLAD PA'I 'PHAGS BA'I YE SHES PHYIN CI MA LOG PAS RNYED PA MA YIN PA DE'I TSE NA YANG GZUGS SOGS DE NYID YOD PAR RNYED PA'I TSAD MA 'KHRUL SHES YIN CING, MA 'KHRUL BA'I TSAD MAS GZUGS SOGS YOD PAR MA RNYED PA'I RGYU MTSAN GANG GIS NA PHYIN CI MA LOG PA'I 'PHAGS BA'I YE SHES SKYES PA DE'I TSE STE DE'I GZIGS DON KUN RDZOB TU 'GYUR BA RANG GI MTSAN NYID KYIS YOD PA MA YIN PAR GYUR PA'I DON GZUGS SOGS CHA TZAM YANG DMIGS PA GA LA YOD, RANG GI MTSAN NYID KYIS GRUB PA'I DON 'JAL BA'I TSAD MA MED PA DE NYID KYI PHYIR SLOB DPON GYI ZHAL SNGA NAS KYANG, GAL TE MNGON SUM LA SOGS PA'I, CES SOGS GSUNGS SO, ,DON BSDU BA NI, GANG GI PHYIR DE LTAR PHYIN CI LAG 'KHRUL BA'I TSAD MAS RNYED BA'I DON DANG, PHYIN CI MA LOG PA MA 'KHRUL BA'I TSAD MAS RNYED PA'I DON DAG PHAN TSUN SPANGS TE GNAS PA'I SGO NAS THA DAD PA DE'I PHYIR, PHYIN CI MA LOG PA'I GNAS SKABS DE KHO NA NYID RTOGS PA'I MA 'KHRUL BA'I CHAD MA'I GZIGS DON, PHYIN CI LOG 'KHRUL BA'I TSAD MAS RNYAD DON YOD PA MA YIN PA'I PHYIR NA, GANG ZHIG RGOL BA GNYI GAL MTHUN SNANG DU 'GRUB PA'I CHOS CAN NYID DU 'GYUR BA MIG KUN RDZOB PA GA LA YOD, DE'I PHYIR GZHI CHOS CAN MA GRUB PA'I PHYOGS KYI SKYON DANG, GZHI CHOS

, ,CAN MA GRUB PA'I GTAN TSIGS KYI SKYON BZLOG PA MED PA NYID PAS 'DI LAN MA YIN PA NYID DO ZHES BYA BA'I DON TO, ,DE YANG DBU MA RANG RGYUD PA DAG GZUGS SOGS THA SNYAD DU YANG BDEN PAR MA GRUB PAR 'DOD CING, TSUR MTHONG GI MIG GI RNAM PAR SHES PA LA SOGS PA RNAMS GZUGS SOGS KYI RANG GI MTSAN NYID LAM 'KHRUL PA'I TSAD MAR 'DOD KYANG, GZUGS SOGS THA SNYAD DU BDEN PAR MA GRUB NA THA SNYAD DU RANG GI MTSAN NYID KYIS KYANG MA GRUB DGOS SHING, DE LTAR NA RANG GI MTSAN NYID KYIS GRUB PAR SNANG BA'I MIG SHES SOGS 'KHRUL PAR KHAS LEN DGOS PAS, GZUGS SOGS RNAMS 'KHRUL PA'I TSAD MAS RNYED DON DU 'DOD DGOS LA, DE LTAR NA DNGOS SMRA BA'I LUGS LA NI GZUGS SOGS RNAMS RANG GI MTSAN NYID KYIS GRUB PA'I GZHAL BYA LA MA 'KHRUL BA'I TSAD MAS RNYED DON YIN PAS KHYAB PA'I PHYIR CHOS CAN MTHUN SNANG DU GRUB PA MI 'THAD PAS, RANG RGYUD KYI RTAGS 'GOD PAR MI RIGS SO ZHES RIGS PAS PHUL NAS, CHOS THAMS CAD BDEN MED DU KHAS LEN PA DANG RANG RGYUD KHAS LEN PA LA 'GAL BA STON PA YIN LA, DBU MA PA YIN NA RANG RGYUD KHAS LEN PAR MI RIGS PA'I RGYU MTSAN KYANG 'DI NYID YIN NO, ,DE'I 'OG TU DPE SMRAS PA DE NYID DANG CHOS MI MTSUNGS PAR BSTAN PAR BZHED NAS TSIG GSAL LA LAS, DPE LA YANG 'DRA BA YOD PA MA YIN TE, DE NI SGRA'I SPYI DANG MI RTAG PA NYID KYI SPYI KHYAD PAR BRJOD PAR MI 'DOD PA GNYIS KA LA YANG YOD NA, DE BZHIN DU MIG GI SPYI NI STONG PA NYID DANG STONG PA NYID MA YIN PAR SMRA BA DAG GIS KUN RDZOB TU YANG KHAS MA BLANGS LA, DON DAM PAR YANG MA YIN PAS DPE LA 'DRA BA YOD PA MA YIN NO, CES GSUNGS TE, DE'I DON NI 'BYUNG 'GYUR DANG NAM MKHA'I YON TAN GANG YANG MA YIN PA'I SGRA RGOL PA DE GNYIS KYI LUGS LA THA SNYAD DU YOD KYANG BDEN RDZUN GANG YANG MA YIN PA'I GZUGS SOGS DNGOS SMRA BA DANG DBU MA PA GNYIS KYI LUGS LA MTHUN SNANG DU GRUB PA MED CES PA'I KHYAD PAR 'BYED PA NI GRUB MTHA'I RNAM DBYE LA BLO KHA CHA TZAM PHYOGS PA YAN CHAD LA 'ONG BA'I SKABS MED DO, ,DES NA 'DI YIN TE, SANGS RGYAS PAS BYE BRAG PA'I NGOR SGRA MI RTAG PAR SGRUB PA'I TSE, SGRA 'BYUNG GYUR YIN PA DANG NAM MKHA'I YON TAN YIN PA GANG GI CHA LA YANG TSAD MAR MA SONG KYANG RANG GI MTSAN NYID KYIS GRUB PA'I SGRA

TZAM LA TSAD MAR SONG BRGOL BA DE GNYI GA'I LUGS LA YOD PAS, TSAD MA DES RNYED DON DU GYUR PA'I SGRA TZAM ZHIG CHOS CAN DU 'DZIN PA RGOL BA DE GNYI GA'I ZHE 'DOD YIN LA, MIG LAM 'KHRUL BA'I TSANG MAR YANG MA SONG 'KHRUL PA'I TSANG MAR YANG MA SONG KYANG MIG TZAM LA TSAD MAR SONG BA DBUM PA DANG DNGOS SMRA BA GNYI GA'I LUGS LA MI SRID PAS, MA 'KHRUL BA'I TSAD MAS RNYED DON YANG MA YIN 'KHRUL PA'I TSAD MAS RNYED DON YANG MA YIN PA'I MIG GI SPYI NI STONG BA NYID DANG STONG PA NYID MA YIN PAR SMRA BA DAG GIS KUN RDZOB TU YANG KHAS MA BLANGS LA DON DAM PAR YANG KHAS BLANGS PA MA YIN PAS DPE LA 'DRA BA YOD PA MA YIN NO ZHES BYA BA'I DON TO, ,TSUL DES DNGOS SMRA BA DANG DBU MA PA LA SBYOR BA'I GTAN TSIGS KYANG MTHUN SNANG DU GRUB PA YOD PA MA YIN PAR STON PA NI, TSIG GSAL LAS, GZHI MA GRUB PA'I PHYOGS KYI NYES PA BRJOD PA'I TSUL GANG YIN PA 'DI NYID MI YOD PA'I PHYIR ZHES BYA BA'I GTAN TSIGS 'DI LA MA GRUB PA'I SKYON BRJOD PA LA YANG SBYAR BAR BYA'O, ZHES GSUNGS TE, RTAGS TSAD MAS GRUB TSUL MTHUN SNANG BA MED PA'I RGYU MTSAN GONG DU BSHAD PA LTAR SBYED BA GO SLA'O, ,DE'I MJUG DE MA THAG TU TSIG GSAL LAS, GANG GI PHYIR JI SKAD BSNYAD PA'I DON 'DI NI RTOG GE PA 'DIS RANG NYID KYIS KHAS BLANGS PA YIN NO, ,JI LTAR ZHE NA, NANG GI SKYE MCHED RNAMS SKYED PAR BYED PA'I RGYU LA SOGS PA NI YOD PA KHO NA YIN TE, DE LTAR DE BZHIN GSHEGS PAS GSUNGS PA'I PHYIR RO, ,GANG DE BZHIN GSHEGS PAS JI SKAD GSUNGS PA DE NI DE BZHIN TE, DPER NA MYA NGAN LAS 'DAS PA NI ZHI BA'O ZHES BYA BA GZHAN GYIS BKOD PA'I SGRUB BYED 'DI LA, 'DIR KHYOD KYIS GTAN TSIGS KYI DON DU 'DOD PA GANG YIN, DE BZHIN GSHEGS PAS KUN RDZOB TU DE SKAD GSUNGS PA'I PHYIR RAM, 'ON TE DON DAM PAR GSUNGS PA'I PHYIR, GAL TE KUN RDZOB TU NA NI RANG LA GTAN TSIGS KYI DON MA GRUB PA NYID DO, ,'ON TE DON DAM PAR NA NI, GANG TSE CHOS NI YOD PA DANG, ,MED DANG YOD MED MI 'GRUB PA DE'I TSE 'BRAS BU YOD PA DANG MED PA DANG GNYI GA'I BDAG NYID KYI RGYEN BSAL BA'I PHYIR, JI LTAR SGRUB BYED RGYU ZHES BYA, ,DA LTAR YIN NA MI RIGS SO, ,DE NI SGRUB PAR BYED PA'I RGYU MA YIN PA KHO NA'O ZHES BYA BA NI DAG GI DON TO, ,DE'I PHYIR DON DAM PAR BSGRUB PAR BYA BA DANG SGRUB PAR BYED PA NYID MA GRUB PA'I PHYIR, GTAN TSIGS MA GRUB PA'I DON NYID DANG 'GAL BA'I DON NYID DO

, ,ZHES 'DIS SKYON 'DI SMRAS PA NYID DO, ,GANG GI PHYIR DE LTAR 'DIS RANG NYID KYI TSUL 'DIS GTAN TSIGS MA GRUB PAR KHAS BLANGS PA DE'I PHYIR DNGOS PO'I CHOS GTAN TSIGS SU BKOD PA'I RJES SU DPAG PA THAMS CAD LA GTAN TSIGS LA SOGS PA RANG LA MA GRUB PA'I PHYIR SGRUB PAR BYED PA THAMS CAD RNAM PAR 'JIG PAR 'GYUR RO, ZHES GSUNGS SHING, 'DI'I DON LA ZLA BA GRAGS PAS RJES SU 'BRANG BAR 'DOD PA'I BOD GZHAN DAG NA RE, LEGS LDAN 'BYED KYIS NI DON DAM PAR SRA BA'I NGO BO MA YIN TE, 'BYUNG BA YIN PA'I PHYIR, RLUNG BZHIN NO, ZHES BKOD PA 'DI LA DON DAM PAR 'BYUNG BA YIN PA'I PHYIR ZHES 'GOD NA RANG LAM GRUB LA, KUN RDZOB TU 'BYUNG BA YIN PA'I PHYIR ZHES 'GOD NA PHYIR RGOL DNGOS POR SMRA BA LA MA GRUB PAS GTAN TSIGS MA GRUB PA'I SKYON DU 'GYUR RO, ,TSUL DES GTAN TSIGS MA GRUB PA'I SKYON DU MI 'GYUR NA, DE LTAR DE BZHIN GSHEGS PAS GSUNGS PA'I PHYIR ZHES GZHAN GYIS BKAD PA'I GTAN TSIGS LA DON DAM PAR DE BZHIN GSHEGS PAS GSUNGS PA'I PHYIR ZHES ZER NA DED DBUM PA LAM GRUB LA, KUN RDZOB TU GSUNGS PA'I PHYIR ZER NA KHYED RANG LA MA GRUB PAS GTAN TSIGS MA GRUB PA'I SKYON DU 'GYUR RO ZHES LEGS LDAN 'BYED RANG NYID KYIS SMRAS PA DANG 'GAL BAR 'GYUR RO CES 'CHAD DO, ,DE 'DRA BA'I BRTAG PA BYED LUGS NI RIGS PA'I RNAM GZHAG MA CHAGS PA'I LTAG CHOD 'BA' ZHIG YIN PAS LEGS LDAN 'BYED KYI DGONGS PA GTAN MA YIN ZHING, DE'I PHYIR TSUL DE NYID STOBS MTSUNGS DE 'DRA BAS 'GOG BA'ANG TSIG GSAL GYI LUNG DE'I DGONGS PA MA YIN NO, ,DES NA GZHUNG DE'I DON NI 'DI YIN TE, LEGS LDAN 'BYED KYIS PHA ROL PO 'GOG PA NA, DE BZHIN GSHEGS PAS GSUNGS PA'I PHYIR ZHES PA'I RTAGS SU SONG TSOD PO'I DON DE DON DAM PAR GRUB PA DANG KUN RDZOB TZAM DU GRUB PA GANG YANG MA YIN PA'I PHUNG GSUM MI SRID PAS DE GNYIS GANG DU 'DOD, DON DAM PAR GRUB PA YIN NA DBU MA PA LA MA GRUB LA, KUN RDZOB TZAM YIN NA PHA ROL PO LA MA GRUB PAS GTAN TSIGS RGOL BA GNYI GA LA MA GRUB PA'I SKYON DU 'GYUR ZHES GSUNGS BA LA, DPAL LDAN ZLA BAS 'O NA LEGS LDAN 'BYED RANG NYID KYIS DNGOS SMRA BA'I NGOR BDEN PA'I SKYE MED SGRUB PA'I RTAGS BKOD PA RNAMS LA YANG CHOS CAN DANG RTAGS

GNYI GA 'KHRUL PA'I TSAD MAS RNYED PA DANG MA 'KHRUL BA'I TSAD MAS RNYED PA GANG YANG MA YIN PA'I PHUNG GSUM MI SRID CING, MA 'KHRUL BA'I TSAD MAS RNYED DON YIN NA DBU MA PA LA MA GRUB PA DANG, 'KHRUL PA'I TSAD MAS RNYED DON YIN NA DNGOS SMRA BA LA MA GRUB PAS CHOS CAN DANG GTAN TSIGS MA GRUB PA'I SKYON DU 'GYUR PAR KHAS LEN DGOS TE, LEGS LDAN 'BYED RANG NYID KYIS PHA ROL PO LA BRTAG BA BYAS NAS GTAN TSIGS MA GRUB PA'I SKYON BSTAN PA DE DANG RIGS PA MTSUNGS PA'I PHYIR RO, ZHES BYA BA'I DON TO, ,'DI LA YANG LEGS LDAN 'BYED LTAR NA, CHOS CAN DANG RTAGS THA SNYAD TZAM DU DBU MA PA'I LUGS LA YANG MA 'KHRUL BA'I TSAD MAS RNYED DON YIN PAS RGOL BA GNYI GA'I LUGS LA MTHUN SNANG DU MA GRUB PA'I SKYON MED CES 'CHAD MOD KYANG, DPAL LDAN ZLA BAS GZUGS SOGS BDEN PAR GRUB BAS STONG BA DANG, MIG SHES SOGS GZUGS SOGS LA MA 'KHRUL BA'I TSAD MA YIN PA NANG 'GAL BSTAN NAS 'GOG PA YIN NO, ,DES NA SHES RAB SGRON MAR, RANG DBANG DU BYAS NAS SAM, SUN 'BYIN PA'I DBANG DU BYAS NAS BRJOD CES BSGYUR BA'I RANG DBANG CES PA 'DI NYID RANG RGYUD DANG DON GCIG YIN PAS PHYI RGOL GYIS KHAS BLANGS PA LA MA 'KHRIS BAR TSAD MAS YUL RANG NGOS NAS GRUB TSUL RANG DBANG DU GZHAL BA'I TSUL RGOL BA GNYI GA'I MTHUN SNANG DU GRUB PA'I SGO NAS CHOS CAN DANG RTAGS DPE SOGS DANG, TSUL GSUM PHYI RGOL GYIS NGES PAR BYAS NAS BSGRUB BYA RTOGS PA'I RJES DPAG SKYED PA RANG RGYUD KYI GTAN TSIGS KYI DON YIN NO, ,DE'I PHYIR THAL 'GYUR BA'I LTA BA LEGS PAR RTOGS PA'I RGOL BA GNYIS KYIS THA SNYAD KYI RNAM GZHAG 'GA' ZHIG GTAN LA DBAB PA'I PHYIR DU NANG PHAN TSUN BKOD PA'I GTAN TSIGS LA CHOS CAN DANG TSUL GSUM RGOL BA GNYI GA'I LUGS LA MTHUN SNANG DU GRUB KYANG RANG RGYUD KYI GTAN TSIGS SU 'GYUR BA MA YIN NO, ,GSUM PA DGAG BYA DE 'GOG PA'I RIGS BA BSHAD PA LA, DGAG BYA DE 'GOG PA'I RIGS PA DNGOS BSHAD BA; RIGS PAS GTAN LA 'BEBS PA'I GZHI BDEN PA GNYIS BSHAD PA, BDEN GNYIS NGES BYED KYI TSAD MA BSHAD PA'O, ,DANG PO LA, GANG ZAG GI BDAG 'GOG PA'I RIGS PA DANG, CHOS KYI BDAG 'GOG PA'I RIGS PA BSHAD PA'O, ,DANG PO NI, 'JUG PA LAS, SHING RTA RANG YAN LAG LAS GZHAN 'DOD MIN

, ,GZHAN MIN MA YIN DE LDAN YANG MIN ZHING, ,YAN LAG LA MIN YAN LAG DAG DER MIN, ,'DUS PA TZAM MIN DBYIBS MIN JI BZHIN NO, CES SHING RTA'I DPYAD PA RNAM PA BDUN GYIS BTZAL BA NA SHING RTA LA RANG BZHIN MED KYANG, MA DPYAD PA NA SHING RTA'I YAN LAG RNAMS LA BRTEN NAS SHING RTAR BTAGS PA TZAM LA SHING RTA'I BYA BYED THAMS CAD GNOD MED DU BZHAG PAS CHOG PA DPER MDZAD NAS, TSUL DE NYID GANG ZAG LA YANG SBYOR BAR MDZAD LA, 'DI NYID GANG ZAG GI BDAG MED GTAN LA 'BEBS PA'I RIGS PA RNAMS KYI NANG NAS MCHOG TU BSNGAGS PAR MDZAD DO, ,DE LA THOG MAR SHING RTA NYID RNAM PA BDUN GYIS BTZAL NAS RANG BZHIN MED PAR GTAN LA 'BEBS PA'I TSUL MDO TZAM BRJOD NA, 'DI LTAR SHING RTA RANG BZHIN GYIS YOD NA RANG GI YAN LAG RNAMS DANG RANG BZHIN GYIS GCIG DANG THA DAD GANG DU YOD, DANG PO LTAR NA, YAN LAG RNAMS DU MA YIN PA LTAR SHING RTA YANG DU MAR 'GYUR RO, ,RANG BZHIN GYIS THA DAD YIN NA NGO BO THA DAD DU 'GYUR ZHING, NGO BO THA DAD DUS MNYAM YIN NA 'BREL MED DON GZHAN YIN DGOS PAS RTA DANG BA LANG BZHIN DU SHING RTA RANG GI YAN LAG RNAMS DANG SO SOR DMIGS PAR 'GYUR RO, ,DE'I PHYIR GCIG DANG THA DAD KYI PHYOGS GNYIS MI 'THAD DO, ,SHING RTA LA RANG GI YAN LAG RNAMS RANG BZHIN GYIS BRTEN PA DANG, SHING RTA RANG GI YAN LAG RNAMS LA RANG BZHIN GYIS BRTEN PA'I PHYOGS GNYIS KYANG MI 'THAD DE, DE GNYIS YIN NA RANG BZHIN GYIS THA DAD DU YOD DGOS LA DE MI 'THAD PAR BSHAD ZIN PA'I PHYIR RO, ,LHAS BYIN BA LANG DANG LDAN PA'AM LHAS BYIN RNA BA DANG LDAN PA LTA BU'I SGO NAS SHING RTA RANG GI YAN LAG DANG LDAN PA'I TSUL YANG RANG BZHIN GYIS GRUB PAR MI 'THAD DE, LDAN TSUL SNGA MA LTAR NA NGO BO THA DAD DANG, LDAN TSUL PHYI MA LTAR NA NGO BO GCIG TU RANG BZHIN GYIS GRUB DGOS LA DE GNYI GA'ANG BKAG ZIN PA'I PHYIR RO, ,SHING RTA'I YAN LAG RNAMS TSOGS TZAM YANG SHING RTAR MI 'THAD DE, DE LTAR NA 'KHOR LO DANG GZANG BU DANG SROG SHING LA SOGS PA PHRAL NAS SIL BUR GNAS PA RNAMS MTSANG BA MED PAR PHYOGS GCIG TU SPUNGS NAS TSOGS PA TZAM LA YANG SHING RTA YOD PAR THAL BA'I PHYIR RO,, SHING RTA'I YAN LAG RNAMS KYI DBYIBS KHYAD PAR BAR YANG SHING RTAR MI RIGS TE, DE LTAR NA YAN LAG SO SO BA'I DBYIBS

SHING RTA YIN NAM, YAN LAG RNAMS TSOGS PA'I DBYIBS SHING RTA YIN, DANG PO LTAR NA, SNGAR MA BSGRIGS PA'I DUS KYI DBYIBS DANG KHYAD PAR MED PA'I DBYIBS YIN NAM, SNGAR DANG MI 'DRA BA'I DBYIBS GZHAN ZHIG YIN, DANG PO LTAR NA, SNGAR MA BSGRIGS PA DANG PHYIS BSGRIGS PA'I DUS KYI 'PHANG LO LA SOGS PA'I DBYIBS LA MI 'DRA BA'I KHYAD PAR MED PAS SNGAR MA BSGRIGS PA'I DUS NA SHING RTA MED PA LTAR PHYIS BSGRIGS PA NA YANG SHVING RTA MED PAR 'GYUR RO, ,GNYIS PA LTAR YANG MI 'THAD DE, SNGAR MA BSGRIGS PA'I DUS KYI 'PHANG LO DANG SROG SHING SOGS LA MED PA'I PHYIS BSGRIGS PA'I GNAS SKABS KYI 'PHANG LO SOGS KYI DBYIBS KYI MI 'DRA BA'I KHYAD PAR GZHAN YOD NA DMIGS DGOS PA LAS MA DMIGS PA'I PHYIR RO, ,YAN LAG RNAMS TSOGS PA'I DBYIBS KYANG SHING RTAR MI 'THAD DE, DNGOS SMRA BA'I LUGS LA CHOGS PA RDZAS SU MA GRUB PAS DE'I DBYIBS RDZAS SU GRUB PAR MI 'THAD CING, SHING RTA YIN NA RDZAS SU GRUB PAR KHAS BLANGS PA'I PHYIR DANG, RANG LUGS LA'ANG TSOGS PA'I DBYIBS SHING RTA'I GDAGS GZHI YIN PA'I PHYIR RO, ,DE LTAR RNAM PA BDUN DU BTZAL NA SHING RTA MI RNYED KYANG MA DPYAD PA NA RANG GI YAN LAG RNAMS LA BRTEN NAS SHING RTAR BTAGS PA JI LTA BAR BUM PA LA SOGS PA CHOS THAMS CAD LA DE BZHIN DU SHES PAR BYA STE, RANG GI YAN LAG RNAMS DANG RANG BZHIN GYIS GCIG THA DAD SOGS BTAGS NAS 'GOG PA'I RIGS PA GONG DU BSHAD PA THAMS CAD JI LTA BA BZHIN DU MTSUNGS PA'I PHYIR RO, ,DE'I PHYIR 'JUG PA LAS, 'DI NI GZUGS SOGS DE LTAR GNAS RNAMS LA, ,BUM BLO ZHES BYA'ANG RIGS PA MA YIN NYID, ,SKYE BA MED PAS GZUGS SOGS KYANG YOD MIN; ;DE YI PHYIR YANG DE DAG DBYIBS MI RIGS, ZHES GSUNGS SO, ,SHING RTA'I TSUL DE NYID GANG ZAG LA SBYAR TE BSHAD NA 'DI LTAR, NGA SNYAM DU GANG LA ZHEN PA'I GZHIR GYUR PA'I NGA ZHES BYA BA'AM GANG ZAG ZHES BYA BA 'DI NYID RANG GI PHUNG PO RNAMS DANG GCIG THA DAD GANG DU YOD BSAM PAR BYA'O, ,GCIG YIN NA PHUNG PO BZHIN DU BDAG KYANG DUS GCIG LA'ANG MANG POR 'GYUR ZHING, DER MA ZAD RTZA SHE LAS, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, CES GSUNGS PA LTAR, MI'I PHUNG PO SNGA MA ZHIG NAS DE DANG RIGS MI 'DRA BA'I LHA'I PHUNG PO GSAR PA SKYES PA NA BDAG KYANG LHA MI'I PHUNG PO BZHIN DU SO SO BAR

, ,'GYUR ZHING, DE LTA NA SKYE BA DRAN PA MI 'THAD PA DANG, LAS BYAS PA CHUD ZOS PA DANG, LAS MA BYAS PA DANG PHRAD PA'I NYES PA GSUM DU 'GYUR RO, ,DE YANG SKYES BA SNGA PHYI'I BDAG RANG GI MTSAN NYID KYIS SO SO BA YIN NA 'BREL MED DON GZHAN DU 'GYUR BA'I RGYU MTSAN GYIS SKYON DE GSUM 'BYUNG BA YIN NO, ,BDAG DANG PHUNG PO THA SNYAD TZAM DU THA DAD YIN PA 'GAL BA MED KYANG RANG BZHIN GYIS THA DAD YIN NA GONG DU BSHAD PA'I RIGS PAS 'BREL MED DON GZHAN DU 'GYUR LA, DE LTAR NA BDAG PHUNG PO SPANGS NAS LOGS SU DMIGS DGOS PA LAS MA DMIGS PA'I PHYIR DANG, RTZA SHE LAS, GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, CES GSUNGS PA LTAR BDAG PHUNG PO'I MTSAN NYID SKYE 'JIG GNAS PA DANG MI LDAN PAR 'GYUR TE, PHUNG PO DANG 'BREL MED DON GZHAN YIN PA'I PHYIR DPER NA RTA LA BA LANG GI MTSAN NYID NOG SOGS DANG MI LDAN PA BZHIN NO, ,DE 'DOD NA, BDAG 'DUS MA BYAS SU 'GYUR BAS LAS GSOG PA PO DANG RNAM SMIN MYONG BA PO MA YIN PAR 'GYUR RO, ,RIGS PA DE NYID KYIS BDAG DANG PHUNG PO RTEN DANG BRTEN PA'I PHYOGS GNYIS DANG, LDAN PA'I PHYOGS SU RANG BZHIN GYIS GRUB PA YANG KHEGS TE, PHYOGS DE GSUM NI NGES PAR THA DAD PA KHO NA LA BZHAG DGOS PA'I PHYIR RO, ,PHUNG PO'I TSOGS PA TZAM BDAG YIN NA; LAS DANG BYED PA PO GCIG TU 'GYUR BA'I SKYON YOD DO, ,PHUNG PO BDAG GI NYE BAR BLANG BYA YIN PA BZHIN DU, PHUNG PO'I TSOGS PA YANG BDAG GI NYE BAR BLANG BYA YIN PA'I PHYIR RO, ,RIGS PA 'DIS PHUNG PO'I RGYUN YANG BDAG GI NYE BAR BLANG BYAR 'DOD DGOS PA'I PHYIR PHUNG PO RGYUN BDAG YIN PA KHEGS SO, ,PHUNG PO'I DBYIBS BDAG YIN PA YANG MI 'THAD DE, DE LTAR NA BDAG BEM POR THAL BA DANG, GZUGS MED KHAMS SU SKYES PA NA BDAG MED PAR THAL BA'I PHYIR RO, ,DE LTAR RNAM PA BDUN DU BTZAL BA NA BDAG GANG DU'ANG MA RNYED PA DE BDAG RANG BZHIN MED PA'I DON YIN LA, DE LTA NA YANG MA DPYAD PA NA GANG ZAG BYA BA BYED NAS SU BSNYON MI NUS PAR THA SNYAD PA'I TSAD MAS GRUB PA'I PHYIR GANG ZAG THA SNYAD DU YOD LA, DE YANG NGA'O SNYAM PA'I BLO SKYE BA NA RANG RGYUD KYI PHUNG PO LNGA'AM BZHI GZHIR BYAS PA LA BRTEN NAS SKYE YI MA BYAS PAR MA YIN PA'I PHYIR PHUNG PO LNGA LA BRTEN NAS BTAGS PA TZAM DU YOD PA YIN NO, ,DE LTAR BDAG RIGS

PAS KHEGS PA NA BDAG GI BA YANG RANG BZHIN MED PAR GRUB STE, BDAG GI BA NI BDAG LA LTOS NAS BZHAG DGOS PA'I PHYIR RO, ,DE'I PHYIR RTZA SHE LAS, BDAG NYID YOD PA MA YIN NA, ,BDAG GI YOD PAR GA LA 'GYUR, ZHES GSUNGS SO, ,GNYIS PA CHOS KYI BDAG 'GOG PA'I RIGS PA BSHAD PA LA, CHOS BDAG 'GOG PA'I RIGS BA DNGOS BSHAD PA DANG, SEMS TZAM PA SOGS DANG THUN MONG MA YIN PA'I KHYAD PAR GZHAN YANG BSHAD PA'O, ,DANG PO NI, CHOS KYI BDAG MED GTAN LA 'BEBS PA'I RIGS PA DU MA ZHIG GSUNGS KYANG, SKYE BA RANG BZHIN GYIS GRUB PA KHEGS NA 'GAG PA RANG BZHIN GYIS GRUB PA LA SOGS PA GZHAN THAMS CAD DGAG SLA BAR TSIG GSAL LAS GSUNGS SHING, BDEN SKYE 'GOG PA LA YANG MU BZHI SKYE 'GOG GI RIGS PA NYID 'JUG PA LAS RTZAL DU BTON NAS GSUNGS BAS 'DIR YANG TSUL DE NYID MDO TZAM RJOD PAR BYA'O, ,DE YANG GRANGS CAN RNAMS KYIS DNGOS PO DAG ,RGYU DUS NA MED PA SKYE BA MI 'THAD PAR MTHONG NAS RANG RANG GI RGYU'I BDAG NYID DU MNGON PAR MI GSAL BA'I TSUL GYIS YOD LA, DE NYID GSAL BAR GYUR PA LA SKYES PA ZHES THA SNYAD DU BYA ZHING GSAL ZIN PA DE NYID SLAR YANG SKYE BA NI MA YIN NO ZHES ZER RO, ,BYE BRAG BA LA SOGS PA RNAMS DANG RANG SDE DNGOS POR SMRA BA MTHA' DAG DANG, DBUM RANG RGYUD BA DANG BCAS PA RNAMS NI DNGOS PO RNAMS RAN RANG GI RGYU DANG RANG GI MTSAN NYID KYIS GRUB PA'I GZHAN DU 'DOD PAS GZHAN SKYE KHAS LEN PA SHA STAG GO ,GCER BU PA RDZA BUM 'DZIM PA'I BDAG NYID DU YOD PA SKYE BAS 'JIM PA LA LTOS NAS BDAG SKYE DANG RDZA MKHAN DANG 'KHOR LO SOGS LA LTOS NAS GZHAN SKYE YIN ZHING, SKYES BU SKYE BA SNGA MA'I SROG GI BDAG NYID DU YOD PA KHO NA SKYA BAS SROG LA LTOS NAS BDAG SKYE DANG, PHA MA DANG SNGON GYI LAS LA LTOS NAS GZHAN SKYE YIN LA, TSUL DE LTA BU'I SGO NAS DNGOS PO RNAMS THAMS CAD BDAG GZHAN GNYI GA LAS SKYE BA YIN NO ZHES ZER RO, ,GRANGS CAN LAS GYES PA'I GRUB PA'I MTHA' MI 'DRA BA NYI SHU RTZA LNGA YOD PA'I NANG NAS DRANG SRONG 'JIG RTEN MIG CES BYA BAS RGYANG 'PHEN GYI GZHUNG LUGS 'BUM PHRAG GCIG BRTZAMS TE, DE DANG DE'I RJES SU 'BRANG BA MTHA' DAG DNGOS PO RNAMS RGYU MED DU SKYE BAR KHAS LEN PA YIN NO, ,BDEN 'DZIN LHAN SKYES KYI 'DZIN STANGS LA SKYE TSUL BZHI PO

, ,'DI GANG DU'ANG 'DZIN PA MED MOD KYI, DE LTA NA'ANG DNGOS PO RNAMS BDEN 'DZIN LHAN SKYES KYIS JI LTAR BZUNG BA LTAR GRUB NA BZHI BO 'DI GANG RUNG ZHIG TU NGES PAR GRUB DGOS PA'I RGYU MTSAN GONG DU BSHAD ZIN LA, DE YANG THOG MAR BDAG SKYE 'GOG PA'I RIGS PA MDO TZAM BRJOD PA NI, 'JUG PA LAS; SA BON DANG MYU GU KHA DOG DANG DBYIBS THA DAD MED PAR THAL BA LA SOGS PA GSUNGS PA RNAMS GO SLA LA, TSIG GSAL LAS, SLOB DPON SANGS RGYAS BSKYANGS KYIS KYANG DNGOS PO RNAMS BDAG LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SHIN TU THAL BAR 'GYUR BA'I PHYIR RO, ,DNGOS PO BDAG GI BDAG NYID DU YOD BA RNAMS LA NI YANG SKYE BA LA DGOS PA MED DO, ,CI STE YOD KYANG SKYE NA NAM YANG MI SKYE BAR MI 'GYUR RO ZHES GSUNGS SO, ZHES SANGS RGYAS BSKYANGS KYIS JI LTAR BSHAD BA BKOD NAS, DE LA LEGS LDAN 'BYED KYIS SUN 'BYIN PA'I TSUL BRJOD PA NI, TSIG GSAL LAS, 'DI LA KHA CIG GIS DE NI RIGS PA MA YIN TE, GTAN TSIGS DANG DPE MA BRJOD PA'I PHYIR DANG, GZHAN GYIS SMRAS PA'I NYES PA MA BSAL BA'I PHYIR RO, ,THAL BAR 'GYUR BA'I TSIG YIN PA'I PHYIR SKABS KYI DON LAS BZLOG PA BSGRUB PAR BYA BA DANG DE'I CHOS BZLOG PA'I DON MNGON PAS DNGOS PO RNAMS GZHAN LAS SKYE BAR 'GYUR BA DANG, SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA YOD PAR 'GYUR BA'I PHYIR GRUB PA'I MTHA' DANG 'GAL BAR 'GYUR RO ZHES SKYON SMRA STE ZHES GSUNGS LA, RTZOD PA 'DI NYID LAN DANG BCAS PA'I DON SHIN TU RTOGS PAR DKA' BA'I GNAS YIN PAS BSHAD PAR BYA'O, ,DE YANG KHA CIG NA RE, SKABS KYI DON LAS BZLOG PAS ZHES SOGS KYI DON, THAL 'GYUR YANG DAG YIN NA SGRUB BYED 'PHEN DGOS PAS SANGS RGYAS BSKYANGS KYIS BRJOD PA'I THAL 'GYUR DES KYANG SGRUB BYED 'PHAN DGOS SO, ,DE LTAR NA THAL 'GYUR GYI RTAGS BZLOG PA BSGRUB BYA'I CHOS DANG, THAL 'GYUR GYI BSGRUB BYA'I CHOS BZLOG PA GTAN TSIGS SU 'GYUR BAS DNGOS PO RNAMS SKYE BA DON BCAS DANG THUG BCAS YIN TE, GZHAN LAS SKYE BA YIN PA'I PHYIR, CES PA GTAN TSIGS YANG DAG TU KHAS LEN DGOS PAS, DE LTAR NA RANG GI GRUB PA'I MTHA' DANG 'GAL BAR 'GYUR RO, ZHES BYA BA YIN LA, DPAL LDAN ZLA BAS SKYON DE NYID SPONG BA'I

TSUL NI, DBU MA PA YIN NA RANG RGYUD KHAS LEN PA MI RIGS PAS THAL 'GYUR GYIS 'PHANGS PA'I SGRUB BYED KHAS MI LEN LA, THAL 'GYUR BKOD PA TZAM GYIS SGRUB BYED 'PHEN BA YANG MA YIN TE, SMRA BA POS SGRUB BYED 'PHEN PAR 'DOD NAS SMRAS PA MA YIN PA'I PHYIR DANG, SGRA RNAMS NI SMRA BA POS BRJOD BAR 'DOD PA'I DON TZAM STON PA YIN GYI SMRA BA PO RANG DBANG MED PAR BYED PA MA YIN PA'I PHYIR RO, ,DES NA PHA ROL PO LA KHAS BLANGS NANG 'GAL STON PA'I THAL BA 'BA' ZHIG PA TZAM YIN PAS SKYON MED DO CES LAN 'DEBS PA YIN NO ZHES ZER RO, ,DE NI SHIN TU MI 'THAD DE, RANG RGYUD KHAS MI LEN KYANG GTAN TSIGS YANG DAG KHAS LEN PA LA 'GAL BA MED PAR GONG DU RGYAS PAR BSHAD ZIN PA'I PHYIR DANG, THAL 'GYUR YANG DAG YIN NA SGRUB BYED MI 'PHEN BAS KHYAB PAR 'DOD PA THAL 'GYUR BA'I LUGS YIN BAR SMRA BA YANG SHIN TU MI RIGS PA'I PHYIR TE, 'JUG PA'I RANG 'GREL LAS, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, 'O NA ME LCE LAS KYANG MUN PA MTHUG PO 'BYUNG 'GYUR ZHING STE GZHAN NYID YIN PA'I PHYIR RO, ,DE NI MTHONG BA'AM RIGS PA YANG MA YIN TE, DE'I PHYIR 'DI NI YOD PA MA YIN NO, ,DE NYID KYI PHYIR RGYU DANG 'BRAS BU GZHAN NYID DU NAM YANG 'THAD PAR MI 'GYUR RO, CES DANG, THAMS CAD LAS KYANG THAMS CAD SKYE BAR 'GYUR TE GANG GI PHYIR, CES PA'I RANG 'GREL LAS KYANG, YANG JI LTAR SA LU'I MYU GU GZHAN DU GYUR BA'I SA LU'I SA BON LAS 'BYUNG BA DE BZHIN DU BUM PA DANG SNAM BU LA SOGS BA RNAMS KYANG 'GYUR BA ZHIG NA, DE NI MTHONG BA YANG MA YIN TE, DE'I PHYIR 'DI YOD PA MA YIN NO, CES RTZA BAS DNGOS SU BSTAN PA'I THAL 'GYUR DE GNYIS KYIS 'PHANGS PA'I SGRUB BYED 'GREL PAS GSAL BAR BSHAD PA'I PHYIR RO, ,GZHAN YANG 'DI 'DRA BA MANG DU SNANG YANG MANGS PAR 'GYUR BAS MA BRIS SO, ,TSIG GSAL GYIS SANGS RGYAS BSKYANGS KYI THAL NGAG DE NYID KYI DON 'CHAD PA NA, DNGOS BO BDAG GI BDAG NYID DU YOD BA RNAMS LA NI CES PA, DE DAG GI CES PA'I RGYAS BSHAD DU BYAS NAS DE NYID RTAGS SU BSHAD CING, YANG SKYE BA LA DGOS PA MED DO CES PA, SKYE BA DON MED PA NYID DU 'GYUR CES PA'I RGYAS BSHAD DANG, CI STE YOD KYANG SKYEN NAM YANG MI SKYE BAR MI 'GYUR RO CES BA, SHIN TU THAL BAR 'GYUR CES PA'I RGYAS BSHAD

, ,DU BYAS NAS DE GNYIS THAL CHOS SU BSHAD KYI, SKYE BA DON MED DANG THUG MED RTAGS SU MA BSHAD PAS RANG LUGS LA YANG DE DAG RTAGS SU KHAS LEN PA NI HA CANG YANG RNAM PAR MA BRTAGS PA YIN LA, THAL 'GYUR YANG DAG YIN NA SGRUB BYED 'PHEN PAS KHYAB PAR RIGS PA LA BLO KHA CUNG ZAD PHYOGS PA YAN CHAD SU'ANG KHAS LEN PA'I GO SKABS MED PAS, LEGS LDAN 'BYED LTA BU YONGS SU RDZOGS PA'I PAndI TA CHEN PO DAG DE LTAR KHAS LEN PA GAL SRID, DE BAS NA PHYOGS SNGA MA'I DON NI 'DI YIN TE, SANGS RGYAS BSKYANGS KYIS BSHAD PA'I SBYOR BA DES BDAG SKYE MED PAR SGRUB PA'I RTAGS DANG DPE GANG YANG MA BRJOD PAS DAM BCAS PA TZAM DU ZAD PA'I PHYIR DANG GRANGS CAN GYIS BDAG LAS ZHES PA'I DON 'BRAS BU GSAL BA'I BDAG NYID LAS YIN NA NI GRUB ZIN BSGRUBS BA DANG, RGYU MI GSAL BA NUS PA'I BDAG NYID LAS YIN NA NI SKYE LDAN THAMS CAD DE LAS SKYE BA KHO NA YIN PAS KHYAB PA 'GAL BAR 'GYUR RO ZHES DAM BCA' LA BRTAGS NAS SKYON BRJOD PA MA BSAL BA'I PHYIR MI 'THAD LA, GZHAN YANG TSIG GSAL LAS THAL BAR 'GYUR BA'I TSIG YIN PA'I PHYIR ZHES BSGYUR BA DE NYID, SHES RAB SGRON MA LAS GLAGS YOD PA'I TSIG YIN PA YI YANG PHYIR TE ZHES BSGYUR LA, DE'I DON NI RGOL BA GZHAN GYI KLAN KA'I GLAGS YOD PA'I TSIG YIN PA'I PHYIR YANG MI RIGS SO, ,GLAGS JI LTAR YOD NA SKABS KYI DON SBYOR BA'I TSIG ZIN LAS BZLOG DGOS PAS GLAGS YOD PAR 'GYUR TE 'DI LTAR, SBYOR BA'I TSIG ZIN LTAR NA DNGOS PO RNAMS BDAG LAS SKYE BA MED PA BSGRUB BYA DANG, SKYE BA DON MED DANG THUG MED GTAN TSIGS YIN NA RTAGS PHYOGS CHOS MA GRUB PAR 'GYUR ZHING, BDAG LAS SKYE NA DON MED DANG THUG MED DU 'GYUR BA GTAN TSIGS YIN NA YANG PHYOGS CHOS GRUB BA NA BSGRUB BYA GRUB BAR 'GYUR BA'I PHYIR DNGOS ZIN LTAR MI 'THAD CING, DES NA 'DIR BZLOG DON GNYIS RTAGS SU SANGS RGYAS BSKYANGS RANG NYID KYIS KYANG 'DOD PAR MNGON NO ZHES LEGS LDAN GYIS SANGS RGYAS BSKYANGS KYI 'DOD PA BLANGS SO, ,BZLOG DON RTAGS SU 'DOD PAR MNGON TSUL NI, 'GYUR BA'I PHYIR ZHES PA'I TSIG SNGA PHYI GNYIS NI BZLOG PA 'PHEN PA'I TSIG TU MNGON TE, JI LTAR MNGON NA, DE LTA NA DE DAG GI SKYE BA DON MED PA NYID DU 'GYUR BA LAS DON YOD PA'I PHYIR DANG, DE LTA NA DE DAG GI SKYE BA

THUG PA MED PA NYID DU 'GYUR BA LAS THUG PA YOD PA'I PHYIR ZHES PA'I TSUL GYIS SO, ,DE LTA NA BDAG LAS SKYE BA MED DE, ZHES SANGS RGYAS BSKYANGS RANG GIS DAM BCA' SNGAR SMOS PA DE'I SGRUB BYED DU SKYE BA DON MED PA DANG THUG PA MED PA ZHES DNGOS SU TSIG GIS ZIN PAR SMOS PA DE TZAM ZHIG RTAGS SU MI 'GOD BAR, DNGOS SU TSIG ZIN LA MA SMOS KYANG 'GYUR BA'I PHYIR ZHES PA'I TSIG GI NUS PAS SHUGS LA 'PHANGS PAR MNGON PA'I BZLOG DON SKYE BA DON BCAS DANG THUG BCAS RTAGS SU 'GOD PA SANGS RGYAS BSKYANGS RANG GI 'DOD PAR GSAL LO ZHES BYA BA'I DON TO, ,'DIR RNAM BSHAD CHEN MO RIGS PA'I RGYA MTSO LAS, DNGOS ZIN GYI RTAGS BZLOG DGOS NA DNGOS ZIN GYI DAM BCA' YANG BZLOG DGOS TE MCHUNGS PA'I PHYIR RO, ZHES GSUNGS PA NI DE GNYIS RGYU MTSAN MTSUNGS PAR STON PA MIN TE, SKYE BA DON MED DANG THUG MED TZAM RTAGS SU BKOD PA LA SKYON 'BYUNG TSUL DANG BDAG SKYE MED PA BSGRUB BYAR BYAS BA LA SKYON 'BYUNG CHUL MCHUNGS PA'AM MTSUNGS PAR DAGS PA'I GNAS TZAM YANG MED PA'I PHYIR DANG, DNGOS ZIN GYI DAM BCA'I BZLOG DON DAM BCAR THAL, DNGOS ZIN GYI RTAGS KYI BZLOG DON RTAGS YIN PA'I PHYIR, ZHES NAN GYIS 'PHUL BA'ANG MA YIN PA'I PHYIR RO, ,'O NA GSUNG DE'I DON GANG YIN SNYAM MTHAL 'GYUR DANG RTAGS GANG YIN THAMS CAD LA SPYIR DE LTAR SMRA BA MA YIN GYI, 'DIR SANGS RGYAS BSKYANGS KYIS BDAG SKYE MED PAR BSGRUB PA'I RTAGS SU SKYE BA DON BCAS THUG BCAS 'GOD NA BDAG SKYE RNAM PAR BCAD TZAM GYI MED DGAG LAS BZLOG PA'I BZLOG DON BSGRUB BYAR KHAS LEN DGOS PAR YANG MTSUNGS ZHES PA STE; DE KHAS LEN DGOS PAR MTSUNGS TSUL NA, GZHAN LAS SKYE STE, ZHES 'GOD DGOS PAR MCHUNGS CES PA'I DON MIN GYI, BDAG SKYE RNAM PAR BCAD TZAM GYI MED DGAG BSGRUB BYAR BYED PA LAS BZLOG PA'I DON MA YIN DGAG BSGRUB BYAR 'GYUR TE, SKYE BA DON BCAS DANG THUG BCAS RTAGS SU BKOD NA DNGOS BO RNAMS BDAG LAS SKYE BA MED DE ZHES PA'I DAM BCA'I TSIG GIS BSGRUB CHOS DNGOS PO RNAMS GZHAN LAS SKYE BA SHUGS LA 'PHEN PA'I PHYIR RO ZHES BYA BA'I DON TE, DE YANG DNGOS PO RNAMS SKYE BA DON BCAS THUG BCAS SU DNGOS SU SMRAS PAS DNGOS PO RNAMS SKYE BAR SMRAS SHING, BDAG LAS SKYE BA MED DE CES

, ,PAS BDAG LAS SKYE BA BKAG LA, SKYE BA GZHIR BYAS LA BDAG SKYE GZHAN SKYE GNYIS SU KHA TSON CHED PAS, DNGOS PO RNAMS SKYE BA YIN ZHING BDAG LAS MI SKYE ZHES SMRAS PA NYID KYIS GZHAN LAS SKYE BAR 'PHEN PA'I PHYIR TE, LHAS BYIN TSON PO DANG NYIN PAR MI ZA BAR SMRAS PA'I SHUGS KYIS MTSAN MO ZA BAR 'PHEN PA BZHIN NO SNYAM DU BSAMS PA STE, LEGS LDAN 'BYED RANG NYID KYANG THA SNYAD DU GZHAN SKYE 'DOD PAS DE GNYIS SU KHA TSEN CHOD PAR SMRA BA'O, ,RNAM BSHAD CHEN MO LAS, DE LA RTAGS BZLOG PA LTAR BYAR MED PAS BDAG SKYE RNAM PAR BCAD TZAM MIN PA BZLEG PA'I DON NO, ZHES DANG, DE'I TSE SKYE BA DON DANG THUG BCAS YIN PA'I PHYIR DNGOS PO RNAMS BDAG SKYE RNAM PAR BCAD PA TZAM MIN NO ZHES PAS GZHAN LAS SKYE BAR 'GYUR RO, ZHES GSUNGS PA'I DON NI DE LTAR SHES PAR BYA'O, ,YANG RNAM BSHAD LAS, 'DI THAL CHOS KYI RTAGS BZLOG PA MIN TE BSGRUB PAR BYA BA BZLOG PAS ZHES BSHAD PA'I PHYIR DANG BDAG SKYE MED PA RTAGS SU MA SMRAS PA'I PHYIR RO ZHES GSUNGS PA MI DA LTA'I ZHIB TU MI DPYOD PA KHA CIG GI RTOG PA LA BDAG SKYE MED PA LAS BZLOG PAS GZHAN LAS SKYE BAR 'GYUR ZHES LEGS LDAN GYIS BRJOD PA 'DI NYID SANGS RGYAS BSKYANGS KYIS BDAG LAS SKYE BA MED PA RTAGS SU BKOD PA'I THAL BA 'PHANGS PA'I THAL CHOS KYI RTAGS BZLOG PA BSGRUB BYA'I CHOS SU BYED DGOS PAS GZHAN LAS SKYE BA BSGRUB BYA'I CHOS SU 'GYUR ZHES BRJOD PA YIN NAM SNYAM DU DOGS PA YOD PAS DE BCAD PA'I PHYIR DU DE LTA BU MA YIN PAR STON PA STE, BDAG SKYE RNAM PAR BCAD TZAM LAS BZLOG PA 'DI SANGS RGYAS BSKYANGS KYIS GRANGS CAN LA 'PHANGS PA'I THAL CHOS KYI RTAGS BZLOG PAR LEGS LDAN 'BYED KYIS BSAMS PA MA YIN TE, LEGS LDAN RANG NYID KYIS BSGRUB PAR BYA BA BZLOG PA'I DON MDON PAS DNGOS PO RNAMS GZHAN LAS SKYE BAR 'GYUR ZHES SMRAS KYI RTAGS BZLOG PAS GZHAN LAS SKYE BAR 'GYUR ZHES MA SMRAS PA'I PHYIR DANG, SANGS RGYAS BSKYANGS KYIS BDAG SKYE MED PA THAL 'GYUR GYI RTAGS SU MA SMRAS SHING MA BKOD PA'I PHYIR RO ZHES BYA BAR DGONGS SO, ,DE LTAR LEGS LDAN 'BYED KYIS BZLOG DON RTAGS DANG BSGRUB BYA'I CHOS SU BYA DGOS PA'I SKYON BSTAN PAS CI ZHIG 'GRUB BAR BSAMS ZHE NA, RANG GI GRUB PA'I MTHA' DANG 'GAL

BA'I SKYON 'BYUNG BAR 'GYUR ZHES BRJOD DE, RANG GI GRUB MTHA' GANG DANG 'GAL BA'I SKYON 'BYUNG NA, SKYE BA DON BCAS THUG BCAS KHAS BLANGS PAS DON MED THUG MED DU SMRAS PA'I GRUB MTHA' DANG 'GAL LA GZHAN SKYE KHAS BLANGS PAS GZHAN SKYE MED PA'I GRUB MTHA' DANG 'GAL ZHES SMRA BA GTAN MA YIN TE, 'PHAGS PA DANG SANGS RGYAS BSKYANGS SUS KYANG SKYE BA DON MED THUG MED MI BZHED PAS DE 'DRA GRUB MTHA' LA MED PA'I PHYIR RO, ,'O NA CI ZHE NA, GONG DU BSHAD MA THAG PA'I TSUL GYIS DNGOS PO RNAMS SKYE BA DEN BCAS YIN ZHING BDAG LAS MI SKYE BAR SMRAS PA'I SHUGS KYIS GZHAN SKYE 'PHANGS PA NA DNGOS PO BDAG SKYE RNAM PAR BCAD TZAM GYI MED DGAG BSGRUB BYAR MA SONG BAR BSGRUB CHOS SHUGS LA 'PHAN PA'I MA YIN DGAG BSGRUB BYAR SONG BAS MED DGAG BSGRUB BYA YIN PA'I RANG GI GRUB PA'I MTHA' DANG 'GAL BAR 'GYUR RO ZHES BYA BAR BSAMS PA STE, MED DGAG BSGRUB BYA YIN PA NI SANGS RGYAS BSKYANGS 'BA' ZHIG GI GRUB MTHA' MA YIN GYI 'PHAGS PA'I DGONGS PA 'GREL BA'I THAL RANG GI SHING RTA CHEN PO MTHA' DAG GI GTING TSUGS PA'I GRUB PA'I MTHA' YIN NO, ,DE'I PHYIR RNAM BSHAD LAS, DE LTA NA BDAG LAS MIN ZHES PA'I DON BDAG SKYE RNAM PAR BCAD TZAM YIN PA'I GRUB PA'I MTHA' DANG 'GAL LO ZHES GSUNGS SO, SHES RAB SGRON MA'I 'GREL BSHAD KYIS, SLOB DPON GYI LUNG LAS GZHAN SKYE DANG SKYE BA DON DANG THUG BCAS MI BZHED PA'I GRUB PA'I MTHA' DANG 'GAL LO, ZHES 'CHAD PA NI CHES MA BRTAGS PA STE, LEGS LDAN 'BYED RANG NYID DNGOS PO RNAMS GZHAN LAS SKYE BA 'PHAGS PA'I DGONGS PAR KHAS LEN PA'I 'DOD PA TZAM YANG KHONG DU MA CHUD PA'I GTAM DU SNANG BA'I PHYIR RO, ,'ON TE DON DAM PAR GZHAN LAS SKYE BA MI BZHED PA'I GRUB MTHA' DANG 'GAL BAR SMRA BA YIN NO ZHE NA, 'O NA BDAG LAS SKYE BA MED PA LAS BZLOG NAS DON DAM PAR GZHAN LAS SKYE BA BSGRUB BYAR 'GYUR ZHES ZER DGOS PAS SHIN TU 'BREL MED SMRA BAR 'GYUR LA, DER DE LTAR MA SMRA BAR BDAG SKYE MED PA LAS BZLOG PA'I DON GZHAN SKYE BSGRUB PAR 'GYUR LA, DES NA DON DAM PAR GZHAN SKYE MI BZHED PA'I GRUB PA'I MTHA' DANG 'GAL BAR 'GYUR RO ZHES ZHES ZER NA NI LEGS LDAN 'BYED BKAG PAR 'GYUR TE, DES GZHAN SKYE

, ,YOD CING DON DAM PAR GZHAN SKYE MED PAR 'DOD PA'I PHYIR RO, ,DE BZHIN DU SKYE BA DON BCAS MI BZHED PA'ANG SKYE BA DON BCAS GTAN MI BZHED PA'AM DON DAM PAR SKYE BA DON BCAS MI BZHED PA GANG LA BSAMS PA BRTAGS PAS MI 'THAD PAR SHES SLA'O, ,SKYE BA DON MED DANG THUG MED TSIG ZIN LA RTAGS SU BKOD KYANG BSAM DON LA BZLOG DON GNYIS RTAGS SU BKOD PAR MNGON PA LEGS LDAN GYIS 'DOD NA GTAN TSIGS MA BRJOD PA'I SKYON STON BAR JI LTAR 'GYUR ZHE NA, DE NI BDAG SKYE MED PA BSGRUB NUS KYI RANG RGYUD KYI RTAGS MA BRJOD PA LA 'DOD PAS SKYON MED DO, ,DE LA DPAL LDAN ZLA BAS LAN JI LTAR BTAB PA NI, TSIG GSAL GYI DON GO BDE BAR BSDUS TE BSTAN NA, BDAG SKYE MED PAR BSGRUB PA'I RANG RGYUD KYI RTAGS LA GZHAN GYIS SMRAS PA'I NYES PA MA BSAL BA'I SKYON MED DE, SPYIR DBU MA PAS RANG RGYUD KYI RTAGS KHAS LEN PAR MI RIGS SHING, 'DIR YANG BDAG SKYE MED PAR BSGRUB PA'I RANG RGYUD KYI RTAGS BKOD PA MA YIN PA'I PHYIR RO, ,RANG RGYUD KHAS LEN MI RIGS PA'I RGYU MTSAN BSHAD ZIN TO, ,DE LTA NA YANG GZHAN LA GRAGS KYI GTAN TSIGS DANG DPE LA SOGS PA SKYON DANG BRAL BA BRJOD DGOS PA MA BRJOD PA'I PHYIR SNGAR BSHAD PA'I SKYON DU 'GYUR RO ZHE NA, RJES DPAG MA BRJOD KYANG 'GAL BA BRJOD PA'I THAL 'GYUR TZAM GYIS PHYI RGOL RANG GI DAM BCA' LA KHAS BLANGS NANG 'GAL GYI SKYON MTHONG NAS DAM BCA' DE 'DOR BAR 'GYUR LA, DE LTAR MTHONG YANG MI 'DOR NA RJES DPAG BSTAN PA'I YANG 'OS MA YIN ZHING SMYON PA DANG LHAN CIG RTZOD PAR MI BYED DO, ,DE'I PHYIR PHYIR RGOL THAMS CAD LA GZHAN GRAGS KYI RJES DPAG NGES PAR BRJOD PAS MA KHYAB LA, 'GA' ZHIG LA BRJOD DGOS NA YANG BRJOD PA YIN TE, SANGS RGYAS BSKYANGS KYIS RANG GI BDAG NYID DU YOD PA LA NI YANG SKYE BA LA DGOS PA MED, CES GSUNGS PA NI DE DAG GI ZHES SOGS KYI RGYAS PAR 'CHAD PA'I DAG YIN PAS YOD PA RTAGS DANG DNGOS PO RNAMS YANG SKYE BA DON MED PA BSGRUB BYA'O, ,DE LTAR NA RGYU DUS NA YANG MNGON PAR MI GSAL BAR YOD PAR 'DOD PA'I DNGOS PO RDZA BUM CHOS CAN SLAR YANG SKYE BA DON MED DE, RANG GI BDAG NYID DU GRUB ZIN NAS YOD PA'I PHYIR, DPER NA MNGON PAR GSAL BAR 'DOD PA'I BUM PA BZHIN, ZHES PA NYID SANGS RGYAS

BSKYANGS KYI NGAG DON CHEN PO CAN NUS PA PHYANG NAS BSHAD PA NA JI LTAR BSTAN PA'I GZHAN LA GRAGS KYI RJES DPAG 'GOD TSUL YIN LA, DE'I PHYIR PHYIR RGOL GZHAN LA GRAGS PA'I RTAGS CHOS GNYIS LDAN GYI MTHUN DPE MA BRJOD PA'I SKYON MED DE, MNGON PAR GSAL BA'I BUM PA NI SLAR YANG SKYE MI DAGS PAR GRANGS CAN RANG NYID KYIS GRUB PA'I PHYIR RO, ,MNGON PAR MI GSAL BAR 'DOD PA'I DNGOS PO SLAR YANG SKYE DGOS PAR GRANGS CAN 'DED PA'I NGOR DE NYID SLAR YANG SKYE BA MED PAR BSGRUB PA YIN PAS GRUB ZIN BSGRUB PA'I SKYON YANG MED PAS JI SKAD BRJOD PA'I SKYON LAS GROL LO, ,THAL BA BZLOG PA'I DON KHAS LEN DGOS PAS RANG GI GRUB MTHA' DANG 'GAL BA'I SKYON MED PA'I TSUL NI, DON 'DI 'DI TSIG GSAL LAS GSUNGS PA'I DON SHIN TU RTOGS DKA' BAR BYUNG BAS MUN PA'I KHROD DU BLO GROS KYI MIG BU BRAL BDAG GIS RANG RANG GI NGANG TSUL GSAL BAR SGROGS PA'I CA CO MI BZAD PA BRGYUD MAR BSGRAGS SO, ,DE LA LEGS LDAN 'BYED KYIS SANGS RGYAS BSKYANGS LA SKABS 'DIR BRGAL ZHING BRTAG BA RNAM PA DU MAR BYED PA'I GZHI NI 'DI YIN TE, BDAG LAS MA YIN GZHAN LAS MIN, ZHES SOGS RKANG PA BZHI'I DON 'CHAD PA NA, SANGS RGYAS BSKYANGS KYIS DNGOS PO RNAMS BDAG LAS SKYE BA MED PA SOGS RANG LUGS KYI DAM BCA' BZHI NYE BAR BKOD NAS, RANG LUGS KYI DAM BCA' DE DAG BSGRUB PA NA SGRUB BYED TSUL GSUM PA'I GTAN TSIGS DNGOS SU MA BKOD PAR RANG LUGS KYI DAM BCA' DE'I BZLOG PHYOGS KHAS LEN PA LA GNOD PA STON PA'I THAL 'GYUR TZAM ZHIG TSIG ZIN LA SMRAS PA DE NYID LEGS LDAN GYIS RGOL BA'I GZHI YIN NA, ,DES NA BDAG CAG GI RJE NYID KYIS KYANG LHAG MTHONG CHEN MO LAS, PHYI NANG GI DNGOS PO GANG DAG BDAG LA SOGS PA GANG NA YANG SKYE BA NAM YANG YOD MA YIN ZHES PA DANG, DE BZHIN DU DAM BCA' GZHAN GSUM LA YANG SBYAR BAR BYA'O, ,DE LTAR BDAG LAS SKYE BA THAL 'GYUR GYIS 'GOG PA NI, DE LTAR DAN BCAS KYANG DE LA SGRUB BYED KYI DPE [?] RTAGS MI BRJOD PAR DAM BCA' DE DAG LAS BZLOG PA LA GNOD PA STON PA'O, ZHES GSUNGS PA LTAR SHES DGOS SO, ,DE LA LEGS LDAN 'BYED KYIS RANG LUGS KYI DAM BCA' DNGOS PO RNAMS BDAG LAS SKYE BA MED DE, ZHES SMRAS NAS DE'I SGRUB BYED 'GOD PA NA DE DAG GI SKYE BA DON MED PAR

, ,'GYUR PA'I PHYIR DANG, THUG PA MED PAR 'GYUR BA'I PHYIR ZHES SMRAS BA 'DI MI RIGS TE, DON MED THUG MED RTAGS SU 'GOD MI RIGS PA SOGS SNGAR BSHAD PA LTAR YIN LA, RANG LUGS KYI DAM BCA' 'GRUB PA DANG DE LA NGES PA BSKYED PA NI GZHAN LA GNOD PA STON PA'I THAL 'GYUR TZAM GYIS MI NUS PAS DAM BCA' DE BSGRUB BYED TSUL GSUM PA'I GTAN TSIGS BRJOD DGOS SO, ,DE YANG DE DAG GI SKYE BA DON MED PAR 'GYUR ZHES PA'I TSIG GIS DNGOS SU SKYES BA DON MED PAR THAL BA 'PHEN PA DANG, THUG PA MED PAR 'GYUR ZHES PAS KYANG THUG PA MED PAR THAL BA 'PHANGS 'DUG CING, GZHAN LA 'PHANGS BA'I THAL 'GYUR TZAM GYIS DNGOS PO RNAMS BDAG LAS SKYE BA MED DE ZHES PA'I RANG GI DAM BCA' DE MI 'GRUB PA'I DON MED PAR THAL BAR 'GYUR BA LAS BZLOG PA'I DON SKYE BA DON YOD PA SOGS 'GOD DGOS PA'I PHYIR SNGAR BRJOD PA'I RANG GI GRUB MTHA' DANG 'GAL BA'I SKYON 'BYUNG SNYAM DU BSAMS NAS SNGAR BSHAD PA LTAR RGOL BA YIN GYI, THAL 'GYUR YANG DAG GIS SGRUB BYED 'PHEN PAS KHYAB PAR BSAMS NAS RGOL BA GA LA YIN, DES NA LEGS LDAN 'BYED KYIS SANGS RGYAS BSKYANGS KYI 'DOD BA BLANGS PA NI, DNGOS PO RNAMS CHOS CAN, SKYE BA DON MED PAR THAL, BDAG LAS SKYE BA'I PHYIR, DE CHOS CAN, THUG MED DU SKYE BAR THAL, BDAG LAS SKYE BA'I PHYIR, ZHES PA'I THAL 'GYUR 'DI GNYIS DE DAG GI SKYE BA DON MED PAR 'GYUR CES PA DANG HA CANG THAL BAR 'GYUR CES PAS DNGOS BSTAN LA SMRAS NAS, THAL BAR 'GYUR BA LAS BZLOG PA'I DON GNYIS DNGOS PO RNAMS BDAG LAS SKYE BA MED DE ZHES PA DE'I SGRUB BYED DU 'DOD PAR MNGON ZHES BSAMS PA'O, ,DE LTAR NA LEGS LDAN 'BYED KYIS SANGS RGYAS BSKYANGS KYI 'GREL PA'I DON, DNGOS PO BDAG GI BDAG NYID DU YOD PA RNAMS LA NI YANG SKYE BA DGOS PA MED DE, ZHES SOGS DE DAG GI SKYE BA DON MED PAR 'GYUR BA'I PHYIR DANG ZHES SOGS KYI RGYAS BSHAD DU BYAS NAS TSIG GONG 'OG THAMS CAD KYI NUS PA GRIL BA NA, ZLA BAS BSKAL BA LTAR GYI THAL 'GYUR 'PHEN TSUL 'BYUNG BA MA DGONGS PAR DE LTAR BRGAL BA LA ZLA BAS NI 'GREL PA'I TSIG GONG 'OG MDOR BSTAN RGYAS BSHAD DU SBYAR NAS DE'I DON, RGYU DUS NA YANG MNGON PAR MI GSAL BA'I TSUL GYIS, YOD PAR

'DOD PA'I DNGOS PO RNAMS CHOS CAN, SLAR YANG SKYE BA DON MED PAR THAL, RANG GI BDAG NYID GRUB ZIN NAS YOD PA'I PHYIR, ZHES PA THAL 'GYUR DANG PO DANG, RANG GI BDAG NYID DU GRUB ZIN NAS YOD KYANG SLAR YANG SKYE DGOS NA, SA BON SKYA BO 'BA' ZHIG PHYI MTHA' THUG MED DU BRGYUD NAS SKYE BAR THAL, RANG GI BDAG NYID DU GRUB ZIN KYANG SLAR YANG BLDABS NAS SKYE BA'I PHYIR, ZHES PA THAL 'GYUR GNYIS PA STE, THAL 'GYUR DE GNYIS 'PHANGS PA'I DON DU BKRAL TE, DE DAG GI SKYE BA DON MED PAR THAL BA LAS BZLOG PA'I DON SKYE BA DON YOD PA DANG THUG PA MED PAR THAL BA LAS BZLOG PA'I DON THUG BCAS BDAG SKYE MED PAR BSGRUB PA'I RTAGS SU MI 'GOD KYI, DNGOS PO BDAG SKYE MED PAR BSGRUB PA LA GZHAN GRAGS KYI GTAN TSIGS 'GOD PA'I TSE RANG GI BDAG NYID GRUB ZIN NAS YOD PA 'GOD PAS SKYE BA DON YOD PA SOGS RTAGS SU BKOD PA RANG GIS KHAS BLANG DGOS PA'I SKYON MED LA, BSHAD MA THAG PA'I THAL 'GYUR GNYIS PO 'DI NI THAL CHOS LAS BZLOG PA DNGOS PO BDAG LAS SKYE BA MED PA'I RTAGS SU BKOD NAS THAL BA BZLOG PA BSGRUB PA'I PHYIR 'PHANGS PA MA YIN GYI, GRANGS CAN DNGOS PO RNAMS RGYU'I DUS NA'ANG GRUB ZIN NAS YOD PAR YANG 'DOD LA, YANG RANG GI BDAG NYID LAS SLAR SKYE DGOS PAR YANG 'DOD PA LA KHAS BLANGS NANG 'GAL BSTAN PA'I PHYIR DU MI 'DOD PA'I CHOS THAL BA 'PHEN PA'I THAL 'GYUR TZAM YIN PAS THAL BA BZLOG PA'I DON SLAR YANG SKYE BA DON YOD PA DANG, SA BON SKYA BO 'BA' ZHIG PHYI MTHA' THUG MED DU BRGYUD NAS SKYE DGOS PA NI, PHA ROL GRANGS CAN GYI KHAS BLANGS DANG 'BREL GYI KHO BO CAG SANGS RGYAS BSKYANGS KYI PHYOGS LA NI BZLOG DON DE GNYIS DAM BCAS PA'I KHAS LEN MED PAS THAL BA'I BZLOG DON KHAS BLANGS PA'I SGO NAS RANG GI GRUB PA'I MTHA' DANG 'GAL BAR 'GYUR BA'I SKYON MED DO ZHES BYA BA NI, TSIG GSAL LAS THAL BA BZLOG PA'I DON DANG YANG PHA ROL PO NYID 'BREL GYI KHO BO CAG NI MA YIN TE RANG LA DAM BCA' BA MED PA'I PHYIR RO, ZHES GSUNGS PA'I DON KHA NA MTHO BA MED PA'O, ,DES NA LEGS LDAN 'BYED KYIS KYANG SANGS RGYAS BSKYANGS KYI 'GREL TSIG SNGA PHYI MDOR BSTAN RGYAS BSHAD DU SBYAR NAS SLAR YANG SKYE BA DON MED PAR MI 'DOD PA'I CHOS THAL BA 'PHEN TSUL DE LTAR BYAS PA MA DGONGS PAR RANG LUG

, ,KYI DAM BCA' DE NYID KYI SGRUB BYED 'GOD RIGS PA LA DNGOS SU BKOD PA MI 'DUG PAS DE DAG GI SKYE BA DON MED PAR 'GYUR BA'I PHYIR DANG HA CANG THAL BAR 'GYUR BA'I PHYIR ZHES PAS DNGOS SU DNGOS PO RNAMS SKYE BA DON MED PAR THAL BA DANG THUG PA MED PAR THAL BA 'PHANGS PA DE'I BZLOG DON RTAGS SU 'GOD PAR BZUNG NAS SKYON BRJOD PA LA DPAL LDAN ZLA BAS LAN GDAB CHUL BSHAD MA THAG PA LTAR MDZAD PA YIN PAS, DE'I PHYIR RNAM BSHAD TSAN MO LAS, LEGS LDAN 'BYED KYIS KYANG SLAR YANG SKYE BA DON DANG THUG MED DU THAL BA 'PHANGS PA MA DGONGS BAR SPYIR SKYE BA DON DANG THUG MED DU THAL BA 'PHANGS PAR BZUNG NAS BZLOG DON KHAS LEN DGOS ZHES SMRAS PAR BSTAN NO, ZHES GSUNGS PA YIN GYI, SLAR YANG ZHES PA'I TSIG GNYIS PO DE KA RANG MA DGONGS PAR NAN GYIS 'TSANG BA'I GNOD PA BRJOD PAR ZUR TZAM YANG MA GSUNGS SO, ,DE LTA MA YIN PAR LEGS LDAN 'BYED KYIS SKYON STON PAN SGRUB BYED MI 'PHEN PA'I THAL 'GYUR CAM GYIS 'GOG MI NUS PAS THAL 'GYUR GYIS SGRUB BYED 'PHEN DGOS SHING, DE LA THAL 'GYUR NI MYU GU CHOS CAN SLAR YANG SKYE BA DON BCAS DANG THUG BCAS MIN PAR THAL, BDAG LAS SKYE BA'I PHYIR, ZHES PA DANG, DES BZLOG PA SGRUB BYED 'PHANGS PA NI MYU GU CHOS CAN; BDAG LAS SKYE BA MED DE, SLAR YANG SKYE BA DON BCAS DANG THUG BCAS YIN PA'I PHYIR, ZHES PAR SONG BAS SLOB DPON GYIS SLAR YANG SKYE BA DON BCAS THUG BCAS MI BZHED PA DANG 'GAL ZHES BRJOD PA YIN NA NI, THAL 'GYUR DE'I KHYAB BA GRANGS CAN LA KHAS LEN LA 'GRO DON MED BA'I PHYIR THEL 'GYUR 'PHEN BA POS TSAD GRUB BYED DGOS PA LA 'GAL KHYAB TU SONG BA'I THAL 'GYUR LTAR SNANG BLA NA MED PA DANG, DES BZLOG PA 'PHANGS PA'I SGRUB BYED KYI RTAGS NI GTAN TSIGS GZHI MA GRUB CING PHYOGS CHOS TSAD MAS BSAL BA DANG KHYAB PA 'GAL KHYAB RANG DU SONG BA'I RTAGS SU 'DUG CING, THAL 'GYUR DANG GTAN TSIGS KYI SKYON LA DE 'DRA LAS CHE BA CI ZHIG BYA RGYU YOD, DE LTA NA YANG SKYON DE DAG BRJOD RGYU GCIG KYANG MI RNYED PAR SLOB DPON SLAR YANG SKYE BA DON BCAS THUG BCAS MI BZHED PA'I GRUB MTHA' DANG 'GAL ZHES PA TZAM ZHIG ZER DGOS PA BYUNG BA'I LEGS LDAN 'BYED LTA BU'I PAndI TA CHEN PO DE BAS SHIN TU YAM TSAN CHE'O

GAL TE GZHAN MI 'DOD BA'I THAL BA 'PHANGS NA THAL CHOS BZLOG PA'I DON 'PHEN MKHAN GYIS NGES PAR KHAS BLANG DGOS PAS ZLA GRAGS RANG GIS SANGS RGYAS BSKYANGS KYI, 'GREL BA'I DON DU SMRAS PA'I THAL 'GYUR GNYIS PO DE'I THAL CHOS BZLOG PA'I DON KHAS MI LEN PA MI 'THAD DO ZHES NA, TSIG GSAL LAS, RANG BZHIN MED PAR SMRA BAS RANG BZHIN DANG BCAS PAR SMRA BA LA THAL BA BSGRUBS PA NA THAL BA LAS BZLOG PA'I DON CAN DU THAL BAR GAL 'GYUR TE, ZHES PA YANG THAL BA SPYI MA YIN GYI BDAG SKYE 'GOG PA'I THAL BA GNYIS SO, ,DE GNYIS KYIS MI 'DOD PA 'PHANGS BAN 'PHEN MKHAN LA BZLOG DON DES PAR KHAS BLANG MI DAGS TE, SGRAS DON STON PA NI SMRA BA PO RANG DBANG MED PAR MI BYED KYI SMRA BA PO'I BRJOD 'DOD KYI RJES SU BYED LA THAL BA 'PHEN PA POS KYANG SLAR YANG SKYE BA DON BCAS THUG BCAS DGAG PA TZAM ZHIG BYED 'DOD NAS 'PHANGS PA'I PHYIR RO, ,'O NA GRANGS CAN GYIS SNGAR YOD RKYEN GYIS GSAL BAR BYAS BA TZAM ZHIG SKYA BA'I DON DU BSTAN PAR 'DOD NAS MYU GU SKYE'O ZHES BRJOD PA'I PHYIR KHOS SMRAS BA'I MYU GU SKYE ZHES PA'I DON YANG DE TZAM DU 'GYUR RO ZHA NA, NUS PA YOD NA ZHES GSUNGS TE TSIG DE LA DON DE STON PA'I NUS PA YOD PA DANG BRJOD 'DOD GNYIS TSOGS PA DGOS PAS SKYON MED DO ZHES BYA BA'I DON YIN LA, RANG RGYUD DGAG PA'I TSIG GSAL GYI DON NI DE NYID KYI SKABS SU BSHAD ZIN CING, 'DI'I LHAG MA CUNG ZAD GO SLA BA'I PHYIR 'DIR MA BSHAD DO, ,GNYIS PA GZHAN SKYE DGAG PA NI, GZHAN SKYE KHAS LEN PA DAG GIS 'BRAS BU RNAMS RANG RANG GI RGYU DANG RANG BZHIN GYIS GZHAN YIN PAR KHAS BLANGS SHING, DE LTAR NA DU BA CHOS CAN MED DANG PHAN TSUN LTOS MED KYI GZHAN DU THAL, RANG BZHIN GYIS GZHAN YIN PA'I PHYIR, KHYAB PA YOD DE, GZHAN LA LTOS PA'I BCOS MA YIN NA RANG BZHIN YIN PAR 'GAL BA'I PHYIR, 'DOD NA 'BREL MED DON GZHAN DU THAL LO, ,'DOD NA ME LAS DU BA 'BYUNG BA BZHIN DU ME LCE LAS MUN PA YANG 'BYUNG BAR THAL 'BREL MED DON GZHAN YIN BAR MTSUNGS PA'I PHYIR, DE BZHIN DU RGYU DANG RGYU MA YIN PA THAMS CAD LAS 'BRAS BU DANG 'BRAS BU MA YIN PA THAMS CAD SKYE BAR 'GYUR RO, ,GAL TE GZHAN YIN PAR MTSUNGS KYANG NAS KYIS BON DANG NAS KYI MYU GU RGYUD GCIG TU GTOGS PA DANG RIS MTHUN BA SOGS YIN LA, NAS

, ,KYIS BON DANG SA LU'I MYU GU DE LTA BU MA YIN PA'I PHYIR THAMS CAD LAS THAMS CAD SKYE BAR THAL BA'I SKYON MED DO ZHES NA, RANG BZHIN GYIS GZHAN YIN NA DE LTA BU'I KHYAD PAR YANG MI 'THAD DE, PHAN TSUN LTOS MED KYI GZHAN YIN KYANG RGYUD GCIG TU GTOGS NA THAMS CAD THAMS CAD DANG RGYUD GCIG TU GTOGS PA SOGS SU THAL BA'I PHYIR RO, ,DON 'DI NYID RTZA SHE'I RAB BYED NYI SHU BA LAS, RGYU DANG 'BRAS BU GZHAN NYID NA, ,RGYU DANG RGYU MI NA MTSUNGS PAR 'GYUR, CES DANG, 'JUG PA LAS, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, ,'O NA ME LCE LAS KYANG MUN PA MTHUG PO 'BYUNG 'GYUR ZHING; ;THAMS CAD LAS KYANG THAMS CAD SKYE BAR 'GYUR TE GANG GI PHYIR, ,SKYE BAR BYED PA MA YIN MA LUS LA'ANG GZHAN NYID MCHUNGS, ZHES SOGS KYIS BSTAN PA'I RIGS PA'O, ,'DIR GZHAN SKYE KHAS BLANGS PA LA HA CANG THAL BA'I SKYON 'JUG PA'I RGYU MTSAN LA, BOD KHA CIG, RGYU 'BRAS LA SNGA PHYI YOD PAS KHYAB CING GZHAN YIN NA DUS MNYAM YIN DGOS PA'I RGYU MTSAN GYIS YIN NO ZHES ZER RO, ,DE NI MI 'THAD DE DE LTAR BYAS NAS BKAG PA'I SKYON THAMS CAD RANG LA'ANG JI LTAR BA BZHIN DU MTSUNGS PAR 'GYUR BA'I PHYIR RO, ,YANG BOD KHA CIG NA RE, RTOG GE PAS DU BA KHYAD PAR BA YOD PA LA ME YOD PAS KHYAB BA DANG BYAS PA LA MI RTAG BAS KHYAB PA SGRUB PA NA YUL DUS THAMS CAD DU MI 'KHRUL BAR SGRUB PA YIN LA, DE SGRUB BA'I TSE NI TSANG MANG DAD BU MA BLTA BU NYI TSE BA GCIG GI STENG DU SGRUBS NAS, DE NAS DE DANG YUL GZHAN GYI KHYAB PA GNYIS RIGS MTSUNGS PA'I RGYU MTSAN GYIS KHYAB PA DE GNYIS YUL DUS THAMS CAD KYI STENG DU MI 'KHRUL BAR SGRUB PAR 'DOD PA LA, DE LTA NA GZHAN TZAM DU MTSUNGS PA'I RTAGS KYIS HA CANG THAL BA 'PHEN TE, DE 'DRA BA'I RIGS PA LA LDOG PA GCIG PA'I DPUNG 'PHUL ZHES ZER RO, ,TSUL 'DI NI GRUB MTHA' GONG 'OG GANG GI'ANG RIGS PA'I RNAM GZHAG MA CHAGS PA'I GTAM YIN TE, ,RTOG GE BA RNAMS KYIS 'BRAS RANG GI GTAN TSIGS 'GOD PA NA TSANG MANG GI DU YOD LA TSAD MANG GI ME YOD KYIS KHYAB PA DANG, BUM PA'I BYAS BA LA BUM PA'I MI RTAG PAS KHYAB PA SGRUB NAS DE DANG YUL DUS GZHAN GYI KHYAB BA RIGS MTSUNGS PAR SGRUB PA MA YIN GYI, DPE TSAD MANG DANG BUM PA'I STENG DU DU YOD

TZAM LA ME YOD TZAM GYIS KHYAB PA DANG BYAS PA TZAM LA MI RTAG PA TZAM GYIS KHYAB BSGRUB PA YIN ZHING, DE LTA BU'I KHYAB PA TSANG MAS NGES PA NA ME LOG KYANG DU BAM LOG PA DANG MI RTAG PA LOG KYANG BYAS PA MA LOG BA SHES BYA LA SRID PA'I DOGS BA TSED BAR 'GYUR ZHING, 'DIR RGYU 'BRAS LA GZHAN KHEGS SU CHUG KYANG RGYU 'BRAS MA YIN PA DU MA ZHIG GI STENG DU GZHAN YIN PA'I DOGS PA MI KHEGS PA'I PHYIR RO, ,YANG KHA CIG NA RE, THAL 'GYUR BA'I RANG LUGS LA YANG THA SNYAD DU GZHAN SKYE KHAS LEN BA YIN TE, THA SNYAD TZAM DU RGYU 'BRAS DON GZHAN YIN PA'I PHYIR RO ZHES ZER RO, ,DE NI SHIN TU MI RIGS TE TSIG GSAL LAS GONG DU DRANGS PA LTAR, RKYEN NYID 'DI BA TZAM GYIS KUN RDZOB GRUB PAR KHAS LEN GYI, PHYOGS BZHI KHAS BLANGS BA'I SGO NAS NI MA YIN TE, DNGOS PO RANG BZHIN DANG BCAS PAR SMRA BAR THAL BAR 'GYUR BA'I PHYIR DANG, DE YANG RIGS PA MA YIN PA'I PHYIR RO, ZHES BDAG SKYE SOGS BZHI PO KUN RDZOB TU KHAS MI LEN ZHING, RTEN 'BREL GYI SKYE BA KUN RDZOB PA KHAS LEN BA'I KHYAD PAR PHYE NAS GSUNGS PA DANG, BZHI PO DE GANG KHAS BLANGS KYANG DNGOS PO RANG BZHIN GYIS GRUB PA KHAS LEN DGOS PAR GSUNGS PA DANG, 'JUG PA LAS, DE NYID SKABS SU RIGS PA GANG ZHIG GIS, ZHES SOGS KYIS MTHA' BZHI'I SKYE BA BDEN PA GNYIS KAR DU YANG MI SRID BAR GSUNGS PA DANG, GZHAN LAS SKYE BA 'JIG RTEN LAS KYANG MED, CES GZHAN SKYE THA SNYAD DU YANG MI SRID PAR DNGOS SU GSUNGS PA THAMS CAD LA DNGOS SU BSNYON BA'I PHYIR RO, ,DES NA 'BRAS BU RNAMS RANG BZHIN GYIS GRUB PA'I DON GZHAN GYI RGYU LAS SKYE BA LA GZHAN SKYE'I DON DU BYED PA GZHUNG DE DAG GI DGONGS PAR SHIN TU GSAL ZHING, DBU MA RANG RGYUD PA MAN CHAD GZHAN SKYE KHAS LEN PA THAMS CAD KYANG RGYU 'BRAS RJAS GZHAN YIN PAR KHAS LEN GYI, RGYU 'BRAS LDOG PA DON GZHAN YIN PA TZAM GYIS GZHAN SKYE YIN PAR KHAS LEN PA SU YANG MED DO, ,DE LTA MA YIN PAR THAL 'GYUR BA'I LUGS LA RGYU 'BRAS DON GZHAN YIN PA TZAM GYIS GZHAN SKYER 'GYUR NA, THAL 'GYUR BA'I LUGS LA RANG GI BDAG NYED DU GYUR PA'I YUL RIG PA'I SHES PA YOD PA'I PHYIR RANG RIG KYANG YOD PAR 'GYUR RO, ,DES NA 'DI LTAR KHAS LEN PA NI GZHAN SKYE'I SGRA BSHAD MA YIN PA LA GZHAN SKYE'I SGRA BSHAD DU 'KHRUL NAS SGRA BSHAD LA KHYAB PA RTZIS PAR 'DUG

, ,PAS SNYING BO CI'ANG MED DO, ,GSUM PA GNYI GA LAS SKYE BAR 'DOD PA'I PHYOGS LA NI, BDAG LAS SKYE BA LA BRJOD PA DANG GZHAN LAS SKYE BA LA BRJOD PA GNYI GA'I SKYON DU 'GYUR RO, ,BZHI PA RGYU MED DU 'DOD PA'I PHYOGS LA NI, 'JUG PA LAS, GAL TE RGYU MED KHO NAR SKYE BAR LTA ZHIG 'GYUR NA NI, ,DE TSE MTHA' DAG RTAG TU THAMS CAD LAS KYANG SKYE 'GYUR ZHENG, ,'BRAS 'BYUNG CHED DU 'JIG RTEN 'DI YI SA BON LA SOGS NI, ,BRGYA PHRAG DAG GI SGO NAS SDUD PAR BYED PAR YANG MI 'GYUR, CES DANG, BZHI BRGYA PA LAS, KHYIM GYI NGON DU KA BA SOGS, ,BRGYAN PA'I DON YANG MED PAR 'GYUR, CES SOGS GSUNGS PA DAG GI NYES PAR 'GYUR BA YIN TE GO SLA'O, ,DE LTAR MTHA' BZHI'I SKYE BA 'GOG PA'I RIGS PA MANG DU GSUNGS PA THAMS CAD KYANG MTHAR GTUGS NA PHYI NANG GI DNGOS PO MTHA' DAG RANG RANG GI RGYU RKYEN LA BRTEN NAS 'BYUNG BA NYID KYI RTAGS KYIS DNGOS PO RNAMS RANG GI MTSAN NYID KYIS GRUB PA 'GOG PA'I RTEN 'BREL GYI GTAN TSIGS NYID LA RAG LAS BA YIN TE, 'JUG BA LAS, GANG PHYIR DNGOS PO BRTEN NAS RAB 'BYUNG BAS, ,RTOG PA 'DI DAG BRTAG PAR MI NUS PA, ,DE PHYIR RTEN 'BYUNG RIGS PA 'DI YIS NI, ,LTA NGAN DRA BA MTHA' DAG GCOD PAR BYED, CES GSUNGS PA LTAR RO, ,DE'I PHYIR RTEN 'BREL GYI RIGS PA NYID RIGS BA MTHA' DAG GI GTZO BO YIN LA, RTEN 'BREL GYI GTAN TSIGS 'DI NYID KYI YANG PHYOGS CHOS NI DNGOS BO RNAMS RGYU MED DU SKYE BAR 'DOD PA MA GTOGS GZHAN RNAMS KYI NGOR GRUB ZIN PAS SGRUB MI DGOS LA, KHYAB PA NI BRTEN NAS SKYE BA DANG RANG BZHIN GYIS GRUB PA LA 'GAL BA BSTAN PA'I SGO NAS SGRUB PA YIN TE, RTEN 'BREL YIN NA LTOS BCAS YIN DGOS SHING, RANG BZHIN GYIS GRUB NA GZHAN LA LTOS MED DU GRUB DGOS PA'I PHYIR RO, ,GNYIS PA SEMS TZAM PA SOGS DANG THUN MONG MA YIN PA'I KHYAD PAR GZHAN YANG BSHAD PA LA, DUS GSUM GYI RNAM GZHAG THUN MONG MA YIN PA BSHAD PA, KUN GZHI KHAS MI LEN ZHING PHYI DON KHAS LEN PA'I KHYAD PAR BSHAD PA, RANG RIG KHAS MI LEN PA'I KHYAD PAR BSHAD BA DANG GSUM MO, ,DANG PO LA, DUS GSUM GYI RNAM GZHAG SPYIR BSHAD PA DANG, 'DAS MA 'ONGS DNGOS PO YIN PA'I SGRUB BYED BSHAD BA'O, ,DANG PO NI, BYE BRAG TU SMRA BA RNAMS MYU GU LA SOGS PA RE RE YANG DUS GSUM DU 'JOG PAS

MYU GU MA 'ONGS PA DANG MYU GU 'DAS PA'I DUS SU YANG MYU GUR YOD PAR 'DOD DE DNGOS PO THAMS CAD LA TSUL DE LTAR KHAS LEN NO, ,DE YANG BTZUN PA CHOS SKYO BA NI, MYU GU MA 'ONGS PA NAS DA LTAR BA DANG DA LTAR BA NAS 'DAS BAR 'JUG PA NAM 'ONGS PA DANG DA LTAR BA'I DNGOS PO 'DOR GYI MA 'ONGS PA DANG DA LTAR BA'I DUS KYI RDZAS MI 'DOR TE, DPER NA GSER GYI SNOD BCOM NAS RGYAN BYED PA DANG 'O MA ZHOR 'GYUR BA NA DBYIBS DANG RO GZHAN DU 'GYUR GYI KHA DOG GZHAN DU MI 'GYUR BZHIN NO ZHES ZER RO, ,BTZUN PA DBYANGS SGROGS NI, DUS RE RE YANG DUS GSUM KA'I MTSAN NYID DANG LDAN MOD KYANG, GANG SHAS CHE BA DE'I SGO NAS 'ANGS PA LA SOGS PAR 'JOG STE, DPER NA SKYES PA GCIG BUD MED GCIG LA CHAGS PA SHAS CHE BAR GYUR PA'I CHE YANG BUD MED GZHAN LA CHAGS BRAL MA YIN PA BZHIN NO ZHES ZER RO, ,BTZUN PA DBYIG SHES NI, MYU GU LA SOGS PA'I DNGOS PO GCIG NYID KYANG MA 'ONGS BA LA SOGS PA'I GNAS SKABS SO SOR PHYIN PA NAM 'DAS PA LA SOGS PAR 'JOG STE, DPER NA RI LU GCIG NYID GCIG DANG BRGYA DANG STONG GI SHOD MIG TU RIM GYIS BZHAG PA NA, GCIG DANG BRGYA DANG STONG GI THA SNYAD BYED PA BZHIN NO ZHES ZER RO, ,BCUN PA SANGS RGYAS LHA NI, BUD MED GCIG NYID LTOS SA SO SO LA LTOS NAS MA DANG BU MOR BRJOD PA BZHIN DU DNGOS PO GCIG NYID KYANG SNGA MA LA LTOS NAS MA 'ONGS PA DANG PHYI MA LA LTOS NAS 'DAS PAR 'JOG GO ZHES ZER RO, ,DE LA LUGS DANG PO NI 'GYUR BA SMRA BAS GRANGS CAN GYI LUGS DANG MTSUNGS PA DANG, GNYIS PA LTAR NA DUS GSUM GYI MTSAN NYID 'CHOL BA DANG, GSUM PA LTAR NA MYU GU LA SOGS PA'I CHOS LAS NGO BO THA DAD PA'I BYA BA 'DOD NA MYU GU SOGS 'DUS MA BYAS SU 'GYUR LA, NGO BO GCIG NA BYA BA BYED MI BYED KYI GNAS SKABS SO SOR MED PA DANG, BZHI PA LTAR NA DUS RE RE'I YANG SNGA PHYI DBUS GSUM DUS GSUM DU SMRA DGOS PAS DUS RE RE LA YANG DUS GSUM GSUM TSANG BAR 'GYUR RO, ,GZHAN YANG 'DAS MA 'ONGS KYI DUS SU YANG MYU GU LA SOGS PA RANG GI NGO BOR YOD NA MYU GU LA SOGS PA ZHIG PA DANG MA SKYES BA ZHES CI'I PHYIR BYA ZHES MDZOD RTZA 'GREL LAS BKAG CING, RANG GI LUGS 'JOG BA NA SPYIR DNGOS PO DE NYID KYI RGYU YOD KYANG, DA LTA DNGOS PO DE LA MA SKYES PA DANG, RGYU LAS SKYES ZIN PA'I DNGOS

, ,PO DE NYID SLAR ZHIG GA DANG, SKYES LA MA 'GAGS PA RNAMS RIM PA BZHIN DU MA 'ONGS PA DANG 'DAS PA DANG DE LTAR BAR BSHAD DO, ,DUS GSUM GYI MTSAN NYID 'DI LTAR DU 'DOD PA DANG, 'DAS MA 'ONGS YIN NA DNGOS POR MED PAS KHYAB PAR KHAS LEN PA LA MDO SDE PA DANG SEMS TZAM PA DANG DNGU MA RANG RGYUD PA GSUM KA KHYAD PAR MED CING DE YANG MYU GU LTA BU'I DNGOS PO GCIG ZHIG PA NA MYU GU'I CHA SHAS KYI DNGOS PO THAMS CAD NI 'GAGS LA, 'GAGS PA DES MYU GU MA YIN PA BUM PA LA SOGS PA'I DNGOS PO GZHAN GANG YANG MA THOB CING, 'DAS MA 'ONGS GNYI GA LA YANG DGAG BYA RNAM PAR BCAD TZAM MA YIN PA'I RANG GI NGO BO CUNG ZAD KYANG GRAB PA MED PAS DE'I PHYIR 'DAS MA 'ONGS YIN NA DNGOS POR MA GRUB PAS KHYAB BO SNYAM DU BSAMS SO, ,DBU MA THAL 'GYUR BA NI DUS GSUM KA DNGOS POR BZHED KYANG MYU GU MA 'ONGS PA DANG MYU GU 'DAS PA'I DUS NA MYU GU YOD PAR KHAS MI LEN PAS BYE BRAG SMRA BA DANG MI 'DRA'O, ,'DI PA'I LUGS KYI DUS GSUM GYI 'JOG LUGS NI BZHI BRGYA PA'I 'GREL PA LAS, DE LA MA 'ONGS PA NI DA LTAR BA'I DUS SUM PHYIN PA'O, ,'DAS PA NI DE NYID LAS 'DAS PA'O, ,DE LTAR BYUNG BA NI SKYES LA MA 'GAGS PA'O, ,DA LTAR BYUNG BA NI DA LTAR DMIGS PA'I PHYIR GTZO BO YIN GYI MA 'ONGS PA DANG RGAL BA DAG GIS MA 'ONGS PA DANG 'DAS PA'I DUS GNYIS RNAM PAR 'JOG PA NI GTZO BO MA YIN NO, ZHES GSUNGS TE, DE YANG MYU GU LA MTSON NA, RGYU RKYEN LAS SKYES ZIN PA'I MYU GU RANG GI DUS GNYIS PAR ZHIG PA NI MYU GU 'DAS PA'I DUS DANG, SPYIR MYU GU SKYE BYED KYI RGYU YOD KYANG DGUN GYI DUS KYI SHAR PHYOGS KYI ZHING LTA BU YUL DUS 'GA' ZHIG TU RGYU RKYEN MTSANG BA'I DBANG GIS YUL DUS DER RE SHIG MYU GUM SKYES PA NI MYU GUM 'DAS PA'I DUS SO, ,MYU GU SKYES LAM 'GAGS PA NI MYU GU DA LTAR BA'I DUS SO, ,MNGON PA'I SDE SNOD DAG LAS RI BONG RVA LA SOGS PA GZHI MA GRUB PA DANG, NAM MKHA' LA SOGS PA DNGOS POR MED PA DAG MA BYUNG BA TZAM YIN KYANG DE DAG GI MA SKYES PA'I CHA MA 'ONGS PAR 'JOG PA GCAD PA'I PHYIR DU RGYU YOD KYANG MA BYUNG BA ZHES GSUNGS TE, SPYIR CHOS DE SKYED PA'I RGYU YOD KYANG YUL DUS DER CHOS DA SKYED PA'I RGYU MA TSANG BA ZHIG GI MA SKYES PA'I CHA MA 'ONGS PAR 'JOG PA YIN GYI, YUL DUS GANG DU YANG CHOS DE SKYED PA'I RGYU MI SRID PA DAG GI

MA SKYES PA'I CHA MA 'ONGS BAR MI 'JOG BA'I DON TO, ,DE'I PHYIR KHA CIG MA BYUNG BA'AM MA SLEB PA TZAM MA 'ONGS PA'I MTSAN NYID DU 'JOG PA NI, RGYU YOD KYANG ZHES GSUNGS PA'I RNAM BCAD MA GO ZHING SHING RTA CHEN PO DAG GI GZHUNG LAS CHOS DE'I 'DAS MA 'ONGS KYI DUS GNYIS CHOS DE'I DA LTAR GYI DUS LA LTOS NAS 'JOG DGOS PAR MANG DU GSUNGS PA DANG 'GAL TE, 'DUS MA BYAS KYI NAM MKHA'I MA 'ONGS PA'I DUS NAM MKHA'I DA LTAR BA'I DUS LA LTOS PA 'GAL BA'I PHYIR TE, DA LTAR BA YIN NA DNGOS PO YIN PAS KHYAB PAR KHYED RANG NYID KYIS KYANG SMRAS PA'I PHYIR RO, ,'DI TZAM ZHIG NI MDO SDE PA NAS THAL 'GYUR BA'I BAR THAMS CAD KHAS LEN PAR MTHUN NO, ,DE LTAR NA YANG 'DAS MA 'ONGS DNGOS PO YIN MIN MI MTHUN PAS THAL 'GYUR BA'I LUGS KYI MYU GU SKAD CIG SNGA MA SNGA MA LAS PHYI MA RNAMS SKYE BA BZHIN DU MYU GU'I ZHIG PA SKAD CAG SNGA MA SNGA MA LAS KYANG ZHIG PA PHYI MA PHYI MA SKYE BA SOGS SU BZHED DO, ,'ON MYU GU'I ZHIG PA DE'I SKAD CIG MA SKYES LAM 'GAGS PA RNAMS DA LTAR BAR 'GYUR LA, DE LTAR NA 'DAS PA DANG DA LTAR BA MI 'GAL BAR 'GYUR RO ZHE NA, SKYON MED DE, MYU GU ZHIG PA SKAD CIG DANG PO NI MYU GU'I ZHIG PA YIN LA DE'I RIGS 'DRA'I ZHIG PA SKAD CIG PHYI MA RNAMS NI RANG RANG GI ZHIG PA SNGA MA SNGA MA RNAMS KYI ZHIG PA YIN ZHING, MYU GU'I ZHIG PA DE NYID RANG DUS NAS GU'I ZHIG BA ZHIG BA MA YIN KYANG MYU GU ZHIG PA YIN PAS SPYIR ZHIG PA YIN PA'I PHYIR 'DAS PA KHO NA YIN GYI DA LTAR BA MA YIN NO, ,DE LTAR 'DAS PA'I RIGS 'DRA JI SNYED CIG BYUNG YANG DNGOS PO GZHAN CIG ZHIG PA'I SGO NAS RANG GI NGO BO BZHAG DGOS LA, DE BZHIN DU MA 'ONGS PA'I RIGS 'DRA JI SNYED CIG BYUNG YANG DNGOS PO GZHAN ZHIG MA SKYES PA'I SGO NAS RANG GI NGO BO BZHAG DGOS SHING, DA LTAR BA NI DNGOS PO GZHAN ZHIG PA DANG MA SKYES PA GANG GI SGO NAS KYANG BZHAG MI DGOS KYI RANG GI NGO BO SKYES LA MA 'GAGS PA MYU GU LTA BU RNAMS YIN PAS DUS GSUM PO 'GAL BA YIN NO, ,DES NA 'DAS PA'I MTSAN GZHI NI MYU GU RANG GI DUS GNYIS PAR ZHIG BA'I CHA LTA BU RNAMS DANG, MA 'ONGS PA'I MTSAN GZHI NI DGUN GYI DUS KYI SHAR PHYOGS KYI ZHING 'DIR RGYU RKYEN MA TSANG BA'I STOBS KYIS MYU GU MA SKYES PA'I CHA LTA BU DANG, DA LTAR BA'I MTSAN GZHI NI MYU GU LTA BU'O, ,DE LA THAL 'GYUR BA'I LUGS KYI 'DAS PA'I MTSAN NYID, KHYOD DUS GANG DU 'JOG BA DNGOS

, ,PO GANG GI RANG DUS LA LTOS NAS BZHAG DGOS BA'I LTOS SAR GYUR PA'I, DNGOS PO'I RANG DUS DE LAS THAL ZIN PA, MA 'ONGS PA'I MTSAN NYID, KHYOD DUS GANG DU 'JOG PA DNGOS PO GANG GI RANG DUS LA LTOS NAS BZHAG DGOS PA'I LTOS SAR GYUR BA'I DNGOS PO'I RANG DUS DER MA SLEB BA'I CHOS, DA LTAR BA'I MTSAN NYID; SKYES LAM 'GAGS PA GANG ZHIG ,KHYOD KYI SPYI 'CHAR BA KHYOD KYI RANG DUS NA THAL ZIN PA DANG MA SLEB PA'I CHOS GZHAN GYI SPYI 'CHAR BA LA MI LTOS PA'O, ,KHA CIG NA RE, BUM PA'I ZHIG BA ZHIG BA YIN NA, BUM PA MA ZHIG PAR THAL, BUM PA'I ZHIG PA ZHIG PA'I PHYIR, MA KHYAB NA DGAG PA GNYIS KYI RNAL MA MI GO BAR 'GYUR RO,, ZHES ZER BA NI BAB CHOL TE, 'ON DGUN GYI DUS KYI CHU LUNG SOGS DANG BRAL BA'I MYU GU'I MA SKYES BA SKYES SAM MA SKYES, SKYES NA MA 'ONGS PA DNGOS PO MIN PAR KHYED RANG GIS SMRAS PA NYAMS SO, ,MA SKYES NA, DE 'DRA BA'I MYU GU SKYES PAR THAL, DE 'DRA BA'I MYU GU MA SKYES BA MA SKYES PA'I PHYIR, CES BRJOD NA 'KHOR GSUM LA LAN MED CING, MA KHYAB NA DGAG PA GNYIS KYIS RNAL MA MI GO BAR 'GYUR RO ZHES BRJOD NA'ANG 'KHAR GSUM LA LAN MED DO, ,GZHAN YANG DE LTAR SMRA BAS NI DGAG PA GNYIS KYI RNAL MA GO BA'I DON GTAN NAS MA RTOGS PAR GSAL TE, SHES BYA CHOS CAN, BUM PA ZHIG PA ZHIG NA BUM PA MA ZHIG BSAM KHYAB NA DGAG PA GNYIS KYI RNAL MA GO BA MI 'THAD MI DGOS PAR THAL, BUM PA'I ZHIG PA DE BUM PA DANG BUM PA'I MA ZHIG PA GANG DANG YANG DANGS 'GAL MA YIN PA'I PHYIR TE, GNYIS MA YIN GYI PHUNG GSUM DU MA ZHIG YOD PA'I PHYIR RO, ,DES NA DGAG PA GNYIS KYI RNAL MA GO BA NI RNAM BCAD YONGS GCOD KYI SGO NAS 'GAL BA KHO NA LA BRTZI BA YIN NO,, YANG DPAL LDAN ZLA BA'I LUGS 'DI LA DA LTAR BA'I MTSAN NYID SKYES LA MA 'GAGS PA ZHES BA DANG, MA 'ONGS PA'I MTSAN NYID KYI ZUR DU SKYE BA LA MNGAN DU PHYOGS PA ZHES SMRAS NA BZHAD GANG DU BYA BAR 'OS TE, MYU GU'I MA SKYES BA CHOS CAN, BYAS PAR THAL, DNGOS PO YIN PA'I PHYIR, RTAGS KHAS BLANGS, 'DOD NA SKYES PAR THAL, BYAS PA'I PHYIR, 'DOD NA DA LTAR BAR THAL, SKYES LA MA 'GAGS PA YIN PA'I PHYIR, 'KHOR GSUM GYI GANG LA LAN 'DEBS PA SOMS SHIG, MYU GU'I MA SKYES PA RANG RGYU LAS SKYES ZIN PA MIN NA DNGOS PO YIN PA NYAMS SHING, DE YIN NA SKYE BA LA MNGON DU PHYOGS PAR 'GAL LO, ,DES NA MYU GU'I MA

SKYES PA SKYE BA LA MNGON DU PHYOGS PA DANG MYU GU SKYE BA LA MNGON DU PHYOGS PA SHAN MA PHYED PAR ZAD DO, ,GZHAN YANG MDO SDE PA NAS THAL 'GYUR BA'I BAR THAMS CAD KYI LUGS LA MYU GU ZHIG PA NI MYU GU'I 'DAS PA'I DUS DANG, MYU GU MA SKYES PA NI MYU GU'I MA 'ONGS PA'I DUS DANG, MYU GU SKYES LA MA 'GAGS PA'I DUS NI MYU GU'I DA LTAR BA'I DUS SU 'DOD PA LA KHYAD PAR MED PAS, MYU GU DA LTAR BA YIN MIN NI MYU GU'I RANG DUS LA LTOS NAS BRTZI DGOS PA YIN GYI, DUS KYI DGAG SGRUB BYED PA PO'I GANG ZAG DE'I NGAG BRJOD BZHIN PA'I DUS NA MYU GU MED PAS MYU GU DA LTAR BA MA YIN PAR 'JOG PA MA YIN TE, GANG ZAG DE'I RANG DUS NA MED PAS MYU GU'I RANG DUS NA MED PAR MI 'GYUR BA'I PHYIR RO, ,KHA CIG 'DAS PA ZHIG PA DANG MA 'ONGS PA MA SKYES PAS KHYAB PAR KHAS LEN CING RGYU SNGAR YOD DANG 'BRAS BU PHYIS 'BYUNG DU 'DOD BZHIN DU, SKAD CIG SNGA MA RNAMS 'DAS PA DANG, SKAD CIG PHYI MA RNAMS MA 'ONGS PAR SMRA BA NI RANG TSIG 'GAL BA NGO MI SHES PAR ZAD DO, ,GNYIS PA 'DAS MA 'ONGS DNGOS PO YIN PA'I SGRUB BYED BSHAD PA NI, DON 'DI NYID SGRUB PA LA TSIG GSAL LAS LUNG DANG RIGS PA GNYIS GSUNGS BA'I LUNG NI, SA BCU BA'I MDO LAS SKYE BA'I RKYEN GYIS RGA SHI ZHES GSUNGS PAS SHI BA NI GANG SHI BA'I SEMS CAN DE ZHIG PA YIN ZHING, DE NYID SKYE BA'I RKYEN GYIS SKYED PAR GSUNGS PA DANG, YANG MDO DE NYID LAS, 'CHI BA YANG BYA BA GNYIS SU NYE BAR GNAS PA YIN TE, 'DU BYED 'JIG PAR YANG BYED PA DANG, YONGS SU MI SHES PA RGYUN MI 'CHAD PA'I RGYU YANG 'BYIN PA'O, ZHES 'CHI BAS BYA BA GNYIS BYED PAR GSUNGS TE, SHI BRGYUS BYED BA DANG SHI BAS MA RIG PA SKYED PAR GSUNGS PAS ZHIG BA LA SKYED PA'I RGYU YOD PA DANG ZHIG PAS 'BRAS BU SKYED NUS PAR BSTAN PA YIN NO, ,'DI LA DGONGS NAS RTZA SHE LAS KYANG, DNGOS DANG DNGOS MED 'DUS BYAS YIN, ZHES BUM PA'I DNGOS PO DANG BUM PA'I DNGOS PO ZHIG NAS MED PA GNYI GA 'DUS BYAS YIN PAR GSUNGS SHING, RIGS PA DRUG CU PA LAS KYANG, RGYU ZAD NYID LAS ZHI BA NI, ,ZAD CES BYA BAR DMIGS PA STE, CES SNUM LTA BU'I RGYU ZAD PA NI MAR ME LTA BU'I 'BRAS BU ZAD PA'I RGYUR GSUNGS PAS SLOB DPON GYI DGONGS PA YIN PAR YANG GDON MI ZA'O, ,RIGS PA NI TSIG GSAL LAS, 'JIG BA RGYU MED DU KHAS BLANGS NAS 'DUS BYAS SKAD CIG

, ,MAR SMRA BA LTAR NA RGYU MED PAS 'JIG PA MED PA'I PHYIR DNGOS PO SKAD CIG DANG 'JIG PA DANG BRAL BA RNAMS 'DUS BYAS SU JI LTAR 'GRUB, DE'I PHYIR DE THAMS CAD MI 'GRIG PAR 'GYUR RO, ZHES GSUNGS TE, DE YANG RANG SDE ZHIG 'JIG THA DAD DU KHAS LEN PA RNAMS KYI LUGS KYIS DNGOS PO RNAMS RANG GRUB DUS LAS DUS GNYIS PAR MI SDOD PA'I 'JIG PA NI DNGOS PO DE DANG DE'I RGYU NYID LAS SKYE BAS RANG RGYU LAS GZHAN PA'I PHYIS 'BYUNG GI RGYU LA MI LTOS BAR 'DOD LA, SKAD CIG GNYIS PAR ZHIG PA NI DNGOS MED YIN PAS RGYU GTAN MED DU 'DOD DO, ,DE LA 'DIR ZHIG MA ZHIG GNYIS RGYUS SKYED MI SKYED MAG MTSUNGS BYAS NAS GNOD PA STON PA YIN TE 'DI LTAR, DUS GNYIS PAR MA BSDAD PA LA RGYU MED NA DUS GNYIS PAR MI SDOD PA LA YANG RGYU MED DGOS PAS SKAD CIG MA MED PAR 'GYUR LA, DE LTAR NA 'DUS BYAS SU YANG MI 'GRUB CING 'DUS BYAS SKAD CIG MAR SMRA BA YANG MI 'THAD DO ZHES BYA BA'I DON TE, MDOR NA MYU GU RGYU LA MA LTOS PAR ZHIG PA YOD DAM MED, YOD NA MYU GU RGYU LA MA LTOS PAR 'JIG PA MED PA 'GAL ZHING, MED NA MYU GU'I ZHIG PA RGYU LA MI LTOS PA 'GAL LA, 'JIG PA CES PA NI ZHIG PA LA MNGON DU PHYOGS PA LA BRJOD PA YIN PAS ZHIG PA LA MNGON DU PHYOGS PA RGYU LA RAG LAS NA ZHIG PA RGYU LA RAG MA LAS PA SHIN TU 'GAL TE, GZHAN DU NA SKYE BA LA MNGON DU PHYOGS PA RGYUS BYAS KYANG SKYES PA RGYUS MA BYAS PAR THAL BA MTSUNGS SO, ,DES NA SKYE BA'I RKYEN GYIS RGA SHI ZHES GSUNGS PA'I RIGS PAS DUS GNYIS PAR ZHIG PA DE DUS DANG POR SKYES PA TZAM LA BLTOS KYI GZHAN LA MI BLTOS PAS DNGOS PO RNAMS DUS GNYIS PAR MI SDOD PA'I SKAD CIG MA YANG PHYOGS 'DI LA SHIN TU 'GRUB SLA BA YIN NO, ,GAL TE MYU GU ZHIG PA NI DNGOS MED YIN LA DE LA RGYUS BYA BA CI ZHIG BYED, DES NA DE LA RGYU MED DO SNYAM NA, 'O NA MYU GU YANG YOD PA YIN LA DE LA RGYUS BYA BA BYED CI ZHIG DGOS TE, SKYES ZIN SLAR YANG SKYED PA DON MED DO ZHES MTSUNGS SO, ,CI STE GRUB ZIN NAS RGYUS BYED MI DGOS KYANG GRUB PA DE NYID RGYUS BYAS PA YIN PAS SKYON MED DO ZHE NA, 'O NA ZHIG ZIN NAS RGYUS BYED MI DGOS KYANG ZHIG PA DE NYID RGYUS BYAS PA YIN NO ZHES MTSUNGS SO, ,GZHAN YANG SNGAR SA BON GYI DUS NA MYU GU'I RANG GI NGO BO MED LA PHYIS YOD PAS MYU GU'I SKYE BA RGYU

DANG BCAS PAR KHAS LEN PA BZHIN DU, MYU GU'I ZHIG PA YANG SNGAR MYU GU'I DUS NA MED LA PHYIS GSAR DU YOD PAS RANG GI NGO BO RES 'GA' BA YIN PA'I PHYIR RGYU LA LTOS PAR GRUB BO, ,GZHAN YANG RIGS PA DRUG CU PA'I 'GREL PA LAS, MAR DANG SNYING PO ZAD PA MAR ME SHI BA'I RGYUR GSUNGS PA LTAR 'DAS PA'I RGYU 'BRAS YOD PAR 'DOD RIGS SO, ,GAL TE MAR DANG SDONG BU ZAD BA MAR ME SHI BA'I RGYU MA YIN GYI, MAR DANG SDONG BU ZAD PA DE NYID MAR ME'I SKAD CIG THA MAS DE'I RIGS 'DRA MA 'ONGS PA BSKYED PA'I RKYEN MA TSANG BA YIN LA, RIGS 'DRA MA 'ONGS PA YANG RKYEN MA TSANG BAS MA SKYES PA YIN NO ZHES ZER NA, ,DE LTAR NA RIGS 'DRA MA 'ONGS PA DE NYID RKYEN CHANG NA NGES PAR SKYE BAS RGYU MA CHANG BA DE NYID 'BRAS BU MA 'ONGS PA MI SKYA BA'I RGYUR KHAS BLANGS PAR SONG LA GNAS PA'I RGYU ZAD PAS GNAS PA ZAD PA BSKYED BA KHAS BLANGS PAR SONG NGO ZHES RIGS PA DRUG CU PA'I 'GREL PAR BSHAD DO, ,DE BZHIN DU DGUN GYI DUS KYI ZHING LA MYU GU RE SHIG MA SKYES PA'I MA 'ONGS PA'I RGYU YANG SNGAR GYI RGYU ZAD CING PHYIS KYI RGYU MA SKYES PA'I SGO NAS RGYU RKYEN MA CHANG BA NYID LA BZHED DO, ,DAS NA SA MYUG LA SOGS PA'I RGYU 'BRAS 'DI DAG NI 'JIG RTEN PAS MTHONG BA LTAR BZHAG DGOS LA, 'JIG RTEN NA NI CHU MED PAS NGA'I 'BRAS NYES SO, ,ZAS MED PAS BA'I BU SHI'O, ZHES SNGA MA MED PAS PHYI MA BRLAG PA BYAS PAR GRAGS SO, DE YANG ZAS DANG CHU MA ZAD PA BU 'TSO BA DANG 'BRAS LEGS PA'I RGYUR 'DAD DGOS PA BZHIN DU DE DAG ZAD PA YANG DE RNAMS ZAD PA'I RGYUR 'DOD DGOS PA LA KHYAD PAR MED DO, ,'DAS MA 'ONGS KYI 'JOG TSUL 'DI NI RGYUS 'BRAS BU SKYED PA'I TSUL RIGS PAS BTZAL BA'I SGO NAS 'JOG BA DNGOS PO RANG GI MTSAN NYID KYIS GRUB PA KHAS LEN PA RNAMS LA MI 'THAD KYANG RGYU 'BRAS DANG BYA BYED LA SOGS PA'I DNGOS PO THAMS CAD MA BRTAGS MA DPYAD BAR MING TZAM GYI SGO NAS 'JOG PA LA SHIN TU 'THAD PA YIN TE, MAR ME SHI BA LAS MUN PA SKYE BA DANG SA BON LAS MYU GU SKYE BA MING TZAM GYIS BZHAG NUS MI NUS RNAM PA KUN TU MTSUNGS PA'I PHYIR RO; ;GNYIS PA KUN GZHI KHAS MI LEN ZHING PHYI DON KHAS LEN PA'I KHYAD PAR BSHAD PA LA, KUN GZHI KHAS MA BLANGS KYANG LAS 'BRAS KYI 'BREL PA 'THAD PA'I TSUL BSHAD PA, YID SHES LAS NGO BO THA DAD PA'I KUN GZHI YOD PA, 'PHAGS PA SOGS KYIS BZHED PAR 'DOD PA DGAG PA, THA SNYAD DU PHYI DON RNAM

, ,PAR 'JOG PA'I TSUL BSHAD PA DANG GSUM MO, ,DANG PO NI, DNGOS PO RANG BZHIN GYIS GRUB PA MED PAR 'DOD PA'I PHYOGS LA KUN GZHI SOGS KHAS MA BLANGS KYANG LAS 'BRAS KYI 'BREL PA 'JOG PA'I TSUL CHES SHIN TU RNAM PAR DAG PA YOD DO, ,DE YANG 'DI LTAR, LAS DANG DE'I 'BRAS BU'I BAR DU TSE RABS DANG BSKAL PA SOGS DU MAS BAR DU CHOD PA'I DGE MI DGE'I LAS LAS KYANG BDE SDUG SOGS KYI 'BRAS BU 'BYUNG BA NI RANG SDE GONG 'OG THAMS CAD 'DOD LA, DE LA LAS DE 'BRAS BU 'BYIN PA'I SNGA LOGS BAR DU GNAS NA NI RTAG PAR 'GYUR LA, RTAG PAS DON BYED PA MI 'THAD PAS LAS DANG 'BRAS BU'I 'BREL BA MI 'THAD DO, ,LAS DE BYAS PA'I SKAD CIG GNYIS PAR ZHIG NA NI DE NAS 'BRAS BU 'BYIN PA'I SNGA LOGS KYI BAR DU LAS DE MED CING LAS ZHIG PA YANG DNGOS POR MED PAS LAS LAS BRAS BU JI LTAR 'BYUNG BAR 'GYUR ZHES BRTZAD PA'I LAN DU, LAS BYAS PA'I SKAD CIG GNYIS PAR 'GAGS ZIN PA'I SNGA LOGS LAS 'GAG PA LA MNGON DU PHYOGS PA'I TSE LAS DES MA 'ONGS PA NA 'BRAS BU 'BYIN PA'I NUS PA BZHAG PAR BYA BA'I PHYIR DU NUS PA DE NYID GANG LA BZHAG PA'I GZHIR, SEMS TZAM PA RNAMS KUN GZHI RNAM PAR SHES PA RTOG PAR BYED LA, KHA CHE BYE BRAG TU SMRA BA LAS GZHAN PA'I BYE BRAG TU SMRA BA 'GA' ZHIG BU LON GYI DPANG RGYA DANG 'DRA BA LAS LAS DON GZHAN DU GYUR PA'I CHUD MI ZAD ZHES BYA BA LDAN MIN 'DU BYED DU GYUR PA'I RDZAS GRUB ZHIG 'DOD DO, ,YANG BYE BRAG TU SMRA BA'I NANG TSAN KHA CIG NI DGE MI DGE'I LAS GNYIS KYI THOB PA ZHES BYA BA LAS GNYIS LAS DON GZHAN DU GYUR PA'I LDAN MIN 'DU BYED RDZAS GRUB CIG 'DOD DO, ,MDO SDE PA DANG KHA CHE BYE BRAG TU SMRA PA LA SOGS PA KHA CIG NI LAS KYI BAG CHAGS KYIS BSGOS PA'I RNAM SHES KYI RGYUN RTOG PAR BYED LA, DE'I PHYIR LAS 'GAGS KYANG LAS KYIS YUN RING PO NAS 'BRAS BU 'BYIN PA MI 'GAL BAR 'DOD DE, LAS KYIS KUN GZHI LA BAG CHAGS 'JOG CING BAG CHAGS DE LAS KYI 'BRAS BU YIN LA, DE'I RIGS 'DRA BRGYUD PAS MTHAR 'BRAS BU 'BYIN PA'I PHYIR SNGAR GYI LAS DES MA 'ONGS PA'I 'BRAS BU SKYED PA MI 'GAL BAR 'DOD PA'O, ,DBU MA THAL 'GYUR BA LTAR NA LAS 'GAGS NAS YUN RING PO LON KYANG LAS 'GAGS PA LAS 'BRAS BU 'BYUNG BA MI 'GAL TE, LAS 'GAGS PA

DNGOS PO YIN PA'I PHYIR TE, 'DAS MA 'ONGS DNGOS POR 'JOG PA'I TSUL RGYAS PAR GONG DU BRJOD ZIN PA'I PHYIR RO, ,LAS ZHIG PA RANG BZHIN MED PA DE LAS RNAM SMIN 'BYUNG NA RNAM SMIN THUG MED DU 'BYIN PAR THAL BA DANG RNAM SMIN 'CHOL BAR 'BYIN PA NYID DU THAL BA'I SKYON YANG YOD PA MA YIN TE, DPER NA YOD PA MA YIN PAR MTSUNGS KYANG RAB RIB CAN GYI MIG SHES LA SKRA SHAD KYI RNAM PA SNANG GO RI BONG GI RVA LA SOGS PA MI SNANG BA LTAR, LAS RANG BZHIN GYIS MA GRUB PAR MTSUNGS KYANG RNAM SMIN PHYUNG MA ZIN PA'I LAS ZHIG PA LAS KYANG 'BRAS BU 'BYUNG LA RNAM SMIN PHYUNG ZIN PA LAS MI 'BYUNG ZHING DGE MI DGE LAS 'BRAS BU BDE SDUG SO SOR MA 'DRES PAR 'BYUNG BAR SHES PAR BYA'O, ,DA NA 'DI DPYAD PAR BYA STE, CI LAS GSOG PA PO'I DUS KYI NGA DE RNAM SMIN MYONG BA'I DUS KYI NGA DE YIN NAM MA YIN, YIN NA LAS GSOG PA PO RTAG PAR 'GYUR LA, MA YIN NA LAS BYAS PAS RNAM SMIN MA MYONG ZHING RNAM SMIN MYONG BAS LAS MA BYAS PAS LAS BYAS PA CHUD ZOS SHING MA BYAS PA DANG PHRAD PAR THAL LO ZHE NA, SKYON MED DE, LAS GSOG PA'I DUS KYI NGAS RNAM SMIN MYONG BA MA YIN KYANG, LAS GSOG PA'I DUS KYI NGA DANG RNAM SMIN MYONG BA'I DUS KYI NGA GNYI GA SPYIR NGA TZAM GYI CHA SHAS SU GYUR BA'I NGA YIN PAS NGAS LAS BYAS SHING NGAS RNAM SMIN MYONG BAR BZHAG NUS PA'I PHYIR LAS MA BYAS PA DANG PHRAD PA DANG BYAS PA CHUD ZOS PAR 'GYUR BA MA YIN NO, ,TSUL 'DI KHYIM PA'I DUS DANG RAB TU BYUNG BA'I DUS LA SOGS PA THAMS CAD LA GO BAR BYA STE, DE LTA NA BCOM LDAN 'DAS KYIS NGA DE'I TSE DE'I DUS NA RI DVAGS KYI RGYAL PO SENG GE YAN LAG MA SMAD PA ZHES BYA BAR GYUR TO, ZHES BYA BA LA SOGS PA GSUNGS PA THAMS CAD LEGS PAR GNAS PAR 'GYUR RO, ,GNYIS PA LA, ZHAL GYIS MI BZHES BA'I RGYU MTSAN DANG, BZHES PAR 'DOD PA DGAG PA GNYIS, DANG PO NI, DPAL LDAN BLA BA YID SHES LAS NGO BO THA DAD PA'I KUN GZHI MI BZHED DE, 'JUG 'GREL LAS, DE'I PHYIR DE LTAR BDEN PA GNYIS KAR YANG RANG BZHIN MED BAS RTAG PA DANG CHAD PAR LTA BA RGYANG RING DU SPANGS PA 'BA' ZHIG TU MA ZAD KYI LAS 'GAGS NAS YUN RING DU LON YANG LAS RNAMS KYI 'BRAS BU DANG 'BREL BA NI, KUN GZHI RNAM PAR SHES PA'I RGYUN DANG CHUD MI ZA BA DANG THOB PA LA SOGS PAR YONGS SU RTOG PA MED PAR YANG 'THAD PA YIN NO, ,JI LTAR ZHE NA, GANG

, ,PHYIR RANG BZHIN GYIS DE MI 'GAG PA, ,DE PHYIR KUN GZHI MED KYANG 'DI NUS PHYIR, ,LA LAR LAS 'GAGS YUN RING LON LAS KYANG, ,'BRAS BU YANG DAG 'BYUNG BAR RIG PAR GYIS, ZHES GSUNGS LA, 'DIS DON DAM PAR KUN GZHI MED PAR STON GYI THA SNYAD DU MED PAR MI STON NA DON DAM PAR KUN GZHI MED KYANG LAS 'BRAS 'THANG CES PAR 'GYUR BAS DON DAM PAR LAS 'BRAS 'THANG PA DPAL LDAN ZLA BA'I BZHED PAR 'GYUR RO, ,GZHAN YANG KUN GZHI KHAS LEN PA DANG DBANG PHYUG 'GRO BA'I BYED PA POR 'DOD PA MTSUNGS PAR BSHAD PA SOGS 'JUG PA RTZA 'GREL LAS LUNG DANG RIGS BA'I SGO NAS RGYAS PAR BKAG PAS SHES RIG DANG LDAN PA SU'ANG BSNYON DU MED DO, ,'O NA KUN GZHI KHAS MA BLANGS KYANG LAS 'BRAS BZHAG TU RUNG CES PA TZAM GYIS YID YONGS SU TSIM PAR MI 'GYUR GYI KHAS BLANGS NA SKYON 'DI YOD CES BRJOD PAR BYA BA GANG ZHIG YOD CE NA RNAM SHES TSOGS BRGYAD DU PHYE BA'I YA GYAL YID SHES LAS NGO BO THA DAD PA'I KUN GZHI KHAS LEN PA DAG GIS MDO DGONGS 'GREL DANG THEG BSDUS DANG GTAN LA DBAB BA BSDUS BA DANG DBUS MTHA' RTZA 'GREL DANG SUM CU PA RTZA 'GREL SOGS NAS JI LTAR 'BYUNG BA LTAR GYI DMIGS BA DANG RNAM PA DANG NGO BO DANG MTSUNGS LDAN SOGS KYI RNAM GZHAG JI LTA BA BZHIN DU KHAS LEN DGOS KYI DE DAG NAS BSHAD PA'I RNAM GZHAG DANG MI MTHUN PA'I NGO BO DMIGS RNAM MTSUNGS LDAN SOGS MDO BSTAN BCOS GANG NAS KYANG ZUR TZAM YANG BSHAD PA MED PAS DE DAG DANG MI MTHUN PA'I DE 'DRA BA'I RNAM GZHAG GANG BYAS KYANG RANG BZO 'BA' ZHIG MA GTOGS DE 'DRA YOD PAR DRANG DON DANG NGES DON GYI LUNG DANG RIGS PA GANG GI SGO NAS KYANG SGRUB PAR MI NUS BA'I PHYIR RO, ,GAL TE DON DAM BAR MI 'DOD KYANG THA SNYAD DU DE DAG DANG MTHUN PAR KHAS LEN NA, DE LTA NA SUM CU BA LAS, DE NI LEN PA DAG DANG GNAS, ,SNANG BA'I RNAM PAR RIG PA NI, SKYE'O; ZHES DANG, DE DANG MTHUN BAR THEG BSDUS DANG BSDU BAR RGYAS PAR GSUNGS PA LTAR PHYI SNOD KYI 'JIG RTEN DANG NANG SEMS CAN GYI LUS SU SNANG BA 'DI THAMS CAD KUN GZHI'I BAG CHAGS YONGS SU 'GYUR BA'I SNANG BA TZAM YIN PAR 'DOD DGOS LA, DE'I PHYIR KUN GZHI LA DMIGS PA YONGS SU MCHAD BZHES KYANG GSUNGS SO, ,DE LTAR 'DOD NA THA SNYAD DU YANG PHYI ROL

GYI DON KHAS LEN PA GNAS MED CING GO SKABS MED LA, 'DI BA'I LUGS KYI THA SNYAD DU PHYI DON YOD PA RIGS PAS LEGS BAR GRUB PA'I PHYIR KUN GZHI KHAS LEN PA GNAS MED PAR LEGS PAR GRUB BO, ,DE'I PHYIR SLOB DPON 'PHAGS PA'ANG MI BZHED PAR GRUB STE, 'JUG PAR PHYI DON MED PA 'GOG PA'I PHYIR DU GSUNGS PA'I DON SHES YOD MED MTSUNGS PA'I RIGS PA SOGS JI LTA BA BZHIN DU BYANG CHUB SEMS 'GREL LAS KYANG GSUNGS PA'I PHYIR TE, 'DI NYID 'OG TU 'CHAD PAR 'GYUR RO, ,GZHAN YANG GONG DU SMOS PA'I GZHUNG DE DAG NAS JI LTAR BSHAD PA LTAR GYI KUN GZHI KHAS LEN NA, MA BRTAGS MA DPYAD PAR 'JUG PA'I THA SNYAD PA'I SHES PA GNOD MED KYIS 'GRUBS MED PAS KUN GZHI ZHES PAS MING BRTAGS DON JI 'DRA ZHIG TU GRUB BTZAL NA RIGS PAS RNYED DGOS LA DE LTAR NA RANG BZHIN GYIS GRUB PA'I DON MI 'DOD BZHIN DU'ANG KHAS LEN DGOS PAR 'GYUR RO, ,DE'I PHYIR DPAL LDAN ZLA BA'I LUGS LA PHYI DON YOD PA DANG RANG BZHIN GYIS GRUB PA MED PA DANG KUN GZHI YOD PAR 'DOD PA DAG NI NANG 'GAL BA'I 'PHRENG BA BRGYUD PAR ZAD DO, ,KUN GZHI KHAS LEN NA DE NYID NYON YID DANG 'JIG LTA DANG NGAR 'DZIN LHAN SKYES SOGS DANG BCAS PA'I DMIGS PAR BSHAD PA LTAR KHAS LEN DGOS PAS, 'JUG PAR RNAM SHES BDAG LTA'I DMIGS PA YIN PAR 'DOD PA'I PHYOGS DAG LA DGAG BA RGYAS PAR BRJOD DON MED DE, RANG NYID KYANG PHYOGS DE KHAS LEN PAR 'DUG PA'I PHYIR RO, ,DE'I PHYIR YANG KUN GZHI DE 'DRA MI BZHED PA 'PHAGS PA'I DGONGS PAR GRUB STE, BDAG LTA'I DMIGS YUL 'JOG TSUL ZLA BAS BSHAD PA JI LTA BA BZHIN DU 'PHAGS PA YANG BZHED PAR GONG DU BSGRUBS ZIN PA'I PHYIR RO, ,GNYIS PA BZHED PAR 'DOD PA DGAG PA NI, KHA CIG NA RE, SLOB DPON ZLA BAS KYANG KUN GZHI RNAM SHES DRANG DON DU 'DOD KYI RI BONG GI RVA LTAR MED PAR MI SMRA STE, 'JUG PA LAS, KUN GZHI YOD CING GANG ZAG NYID YOD LA, ,PHUNG PO 'DI DAG 'BA' ZHIG NYID YOD CES, ,BSTAN PA DE NI DE LTAR CHOS ZAB DON, ,RIG PAR MI 'GYUR GANG YIN DE LA'O, ZHES GSUNGS SO, ,GAL TE DRANG DON DU GSUNGS PAS MI BZHED PAR 'GYUR NA GANG ZAG DANG PHUNG PO NYID KYANG MI BZHED PAR BYA DGOS TE, MNYAM PAR GSUNGS PA'I PHYIR RO, ,'JUG 'GREL LAS, DBANG PHYUG KUN GYI BYED POR SMRA

, ,PA DANG KUN GZHI KUN GYI BYED POR SMRA BA GNYIS LA MI RTAG BA DANG RTAG PAR 'DOD PA'I KHYAD PAR TZAM DU ZAD DO ZHES GSUNGS PA MA YIN NAM ZHE NA, DE NI THAMS CAD KYI BYED PA BOR 'DOD PA MTSUNGS PA TZAM DU STON PA YIN GYI YOD MED KYI KHYAD PAR MED PAR STON PA NI MA YIN TE, GZHAN DU NA MDO'I DON 'GOG DGOS TE RGYAN STUG PO BKOD BA LAS, JI LTAR ZLA BA SKAR TSOGS DANG, ,LHAN CIG MKHA' LA GNAS PA LTAR, ,DE BZHIN KUN GZHI RNAM SHES KYANG, ,RNAM SHES BDUN DANG LHAN CIG GNAS, ZHES GSUNGS PA'I DON KYANG 'GOG DGOS PAR 'GYUR RO, ,GSER 'OD DAM PA LAS RNAM SHES TSOGS BRGYAD KYI GNAS GYUR THA DAD DU GSUNGS PA 'DI'I DON KYANG 'GOG PAR BYED DAM ZHES SOGS SMRA BAR BYED DO, ,'DI LTAR SMRA BA NI SNYING PO MED PA'I BRDOL GTAM YIN TE GZHUNG LUGS SO SO'I BRDA TZAM LA YANG MA BYANG BAR LUGS GZHAN DANG MI MTHUN PA TZAM ZHIG SMRA BA LA RINGS BAR CHAS PA'I PHRAG DOG GI GDON GYIS YID RNAM PAR BSKYOD PAS 'JIG RTEN PHA ROL BTANG BA'I GTAM DU SNANG BA'I PHYIR RO, ,KUN GZHI YOD PAR GSUNGS PA DRANG DON NO ZHES BYA BA'I DON CI, DE SGRA JI BZHIN DU KHAS BLANG DU MI RUNG BA'I DON YIN NAM, 'ON TE SGRA JI BZHIN DU KHAS BLANG DU RUNG YANG KUN GZHI KUN RDZOB TZAM YIN PAS DE'I CHA NAS DRANG DON NO ZHES SMRA, SKABS 'DIR DRANG NGES KYI TSUL 'DI GNYIS LAS 'OS GZHAN MED DO, ,DANG PO LTAR NA, KUN GZHI YOD PAR KHAS BLANG DU MI RUNG BAR THAL, KUN GZHI YOD PAR GSUNGS PA SGRA JI BZHIN DU KHAS BLANG DU MI RUNG BA'I PHYIR, 'DOD NA DNGOS SU NYAMS SO, ,GNYIS PA LTAR NA, DPAL LDAN ZLA BA'I LUGS LA KUN GZHI YOD PAR GSUNGS PA DE DGONGS GZHI GANG LA DGONGS TE GSUNGS PA'I DGONGS GZHI BTZAL NAS DGONGS GZHI DE RNAM SHES TSOGS BRGYAD KYI YA GYAL DU GYUR PA'I KUN GZHI MA YIN KYANG DGONGS GZHIR GYUR PA'I DON DE LA DGOS PA'I DBANG GIS KUN GZHI'I THA SNYAD BTAGS NAS GSUNGS PA MA YIN PAR, KUN GZHI RNAM SHES KYI THA SNYAD KYIS GSUNGS PA'I DON YANG RNAM SHES TSOGS BRGYAD KYI YA GYAL DU GYUR PA'I KUN GZHI RNAM SHES SU BZHED PAR 'GYUR TE, DE 'DRA'I KUN GZHI YOD PAR GSUNGS PA DE RNAM SHES TSOGS BRGYAD KYI YA GYAL DU GYUR BA'I KUN GZHI YOD PAR STON PA'I SGRA JI BZHIN PAR BZHED PA'I PHYIR RO, ,'DOD NA 'JUG PA'I RANG 'GREL

LAS; DNGOS PO THAMS CAD KYI RANG BZHIN RJES SU ZHUGS BA'I PHYIR STONG PA NYID KHO NA KUN GZHI RNAM PAR SHES BA'I SGRAS BSTAN PAR RIG PAR BYA'O, ZHES DON STONG PA NYID LA DGONGS NAS THA SNYAD KUN GZHI RNAM PAR SHES BA'I SGRAS BSTAN PAR GSUNGS PA DANG, DGOS PA MU STEGS KYI LTA BA LA ZHEN NAS STONG NYID ZAB MO DNGOS SU BSTAN NA SKRAG PA SKYE BA DAG DRANG BA'I PHYIR DU GSUNGS PA RNAMS KHYOD KYI SUG LAS KYIS DBYI BAR BYA BA'AM, YANG NA STONG PA NYID RNAM SHES YIN PAR ZLA BA GRAGS PA BZHED DO ZHES 'JEM PA MED PAR SMROS SHIG, ZLA BA GRAGS PA DE 'DRA'I KUN GZHI THA SNYAD TZAM DU YOD PAR BZHED KYI DON DAM PAR YOD PA MI BZHED LA MDO NGES BDEN PAR YOD BA'I KUN GZHI BSTAN PA'I CHA NAS DRANG DON DU BZHED PA YIN NO ZHE NA, 'ON GANG ZAG NYID YOD LA, PHUNG PO 'DI DAG 'BA' ZHIG NYID YOD CES, ZHES PAS KYANG GANG ZAG DANG PHUNG PO RANG BZHIN GYIS YOD PAR GSUNGS PA DRANG DON DU GSUNGS PA YIN PAR SMRA DGOS TE, KUN GZHI DANG DRANG DON DU BSTAN TSUL MTSUNGS PAR SMRAS PA'I PHYIR RO, ,DE LTAR KHAS LEN NA KHO BO CAG LA GONG DU 'PHANGS PA'I KHYOD KYI THAL BA DE NI 'BREL MED 'BA' ZHIG TU 'GYUR TE, GANG ZAG DANG PHUNG PO BDEN BAR GRUB PA MI BZHED BAR THAL, DE LTAR BSTAN PA DRANG DON DU BZHED PA'I PHYIR, ZHES SMRA DGOS PA LA, GANG ZAG DANG PHUNG PO'ANG MI BZHED PAR THAL ZHES SMRAS PAS SO, ,GAL TE DE LTAR SMRA NA NI KHO BA CAG GIS 'DOD LAN BRGYA STONG GI BAR DU GDAB PAR NUS SHING KHYOD RANG GIS ZLA GRAGS BDEN GRUB THA SNYAD DU'ANG MI BZHED PAR SMRAS PA DANG DNGOS SU 'GAL LO, ,DBANG PHYUG 'JIG RTEN GYI BYED PA POR SMRANG DANG SEMS TZAM PAS KUN GZHI BYED PA BOR SMRAS PA MTSUNGS BAR GSUNGS PA NYID KYIS KUN GZHI MI BZHED PAR GRUB STE, BZHED NA THEG BSDUS SOGS LAS JI LTAR BSHAD PA LHAR KUN NAS NYON MONGS KYI CHOS KYI SA BON THAMS CAD PAR KHAS LEN DGOS PAR GONG DU BSGRUBS ZIN PA'I PHYIR RO, ,DE LTA MA YIN PAR MDO DANG DGONGS 'GREL GANG NAS KYANG MA BSHAD KYANG RANG GRA 'DOD PAS BZHAG NAS THEG BSDUS SOGS NAS BSHAD PA DANG MI MTHUN PA'I KUN GZHI'I NGO BO RGYU 'BRAS SOGS KHAS BLANGS NAS DE NYID YID SHES LAS NGO BO THA DAD PA'I KUN GZHIR SMRA NA KHO BO CAG GIS RNAM SHES KYI TSOGS RIGS MI 'DRA BA BRGYA RTZA BRGYAD KHAS

, ,BLANG BAR BYA YIS GANG GIS 'GOG BA LEGS BAR SOMS SHIG ,MDO'I DON BKAG PAR 'GYUR RO ZHES ZER BA NI LTAG CHOD 'BA' ZHIG YIN TE, DBU MA THAL RANG GNYI GAS MDO'I DON 'GOG PAR THAL, MDO DGONGS 'GREL LAS GZHAN DBANG BDEN GRUB TU GSUNGS LA, THAL RANG GNYI GAS BDEN GRUB THA SNYAD DU'ANG 'GOG PA'I PHYIR ZHES BRJOD NA 'KHOR GSUM KA LA LAN CI YOD, KHYOD RANG NYID LA'ANG, RANG BZHIN MED CING RNAM RIG MED, ,KUN GZHI MED CING DNGOS MED NA, ,BYIS PA NGAN PA RTOG GA PA, ,RO DANG 'DRA BAS 'DI DAG BRTAGS, ZHES PA'I DON 'GOG RIGS PAR THAL, KUN GZHI YOD PA'I PHYIR, DE DANG 'DRA BA'I THAL BZANG BA MED DO, ,DE BAS NA KHO BO CAG GIS KUN GZHI YOD PAR GSUNGS PA'I MDO MED DO ZHES MI SMRA YI MOD DE SGRA JI BZHIN PA MA YIN PA'I DGONGS PA CAN YIN NO ZHES SMRA BA YIN NO, ,KHYOD LTAR NA BKA' YIN NA SGRA JI BZHIN PA YIN PAS KHYAB PAR 'GYUR TE, MDO GCIG GI SGRA JI BZHIN GYI DON BKAG NA MDO 'DON BKAG BA'I NYES PA CHEN POR 'GYUR BA'I PHYIR RO, ,MANG DU BRJOD PAR BYA BA YOD MOD KYI MANGS PAR 'GYUR BA DANG DGOS PA CHUNG BA'I PHYIR DE TZAM LAS MA SPROS TE DE BAS NA DPAL LDAN ZLA BA'ANG KUN GZHI BZHED DO ZHES SMRA BA NI GNAS MA YIN BA LA LOG PAR RTOG PA 'TSANG BAR BYED PA'O, ,BYIS PA MKHAS PAR MNGON RLOM PA, ,DE NI SHIN TU BYIS BA STE, ,GANG GI MKHAS PA 'DI 'DRA NA, ,DE YI MI MKHAS GANG ZHIG YIN, CES BRJOD PAR BYA'O, ,KHA CIG NA RE 'PHAGS PA KLU SGRUB KUN GZHI RNAM SHES YID SHES LAS NGO BO THA DAD PA BZHED PA YIN TE, JI LTAR KHAB LEN DANG NYE BAS, ,LCAGS NI MYUR DU YONGS SU 'KHOR, ,DE LA SEMS NI YOD MIN TE, ,SEMS DANG LDAN BZHIN SNANG BAR 'GYUR, ,DE BZHIN KUN GZHI RNAM SHES NI, ,BDEN MIN BDEN PA BZHIN DU NI, ,GANG TSE 'GRO 'ONG G-YO BAR 'GYUR, ,DE TSE SRID PA 'DZIN PAR BYED, ,JI LTAR RGYA MTSO LA NI SHING, ,SEMS NI MED KYANG G-YO BAR 'GYUR, ,DE BZHIN KUN GZHI RNAM SHES NI, ,LUS LA BRTEN NAS G-YO BA YIN, ZHES GSUNGS PA'I PHYIR RO ZHES SMRA'O, ,DE NI DE LTA MA YIN TE, GZHUNG DE YANG SEMS TZAM PA 'GOG PA'I SKABS YIN LA DE YANG SEMS LAS DON GZHAN PA'I PHYI ROL BKAG NAS SEMS TZAM ZHIG RANG BZHIN GYIS GRUB PA MA BKAG PA'I SEMS TZAM GSUNGS PA NI BYIS PA GANG DAG CHOS THAMS CAD RANG BZHIN MED PAR BSTAN PA

LA SKRAG PA SBANG BA'I PHYIR YIN GYI NGES DON GYI DE NYID MA YIN PA DANG, RNAM 'BYOR SPYOD PA PA RNAMS KYIS GNAS GYUR PA'I SEMS KYI DAG PA RANG BZHIN GYIS GRUB PA ZHIG SO SO RANG GIS RIG PA'I YE SHES KYI SPYOD YUL DU GRUB PA BKAG PA'I TSE, SEMS RDZAS SU GRUB PA MED NA 'JIG RTEN SNGA MA NAS 'DIR 'ONG BA DANG 'DI NAS PHYI MAR 'GRO BA'I G-YO BA'I BYA BA MI 'THAD DO SNYAM PA'I RTZOD PA KHONG NA GNAS PA'I LAN DU, LCAGS DANG SHING LA SEMS MED KYANG YOD PA LTAR G-YO BA BZHIN DU KUN GZHI BDEN PAR MED KYANG BDEN PAR YOD BA LTAR 'GRO 'ONG GI G-YO BA DANG BCAS PAR SNANG NGO ZHES STON PA YIN PAS THEG BSDUS SOGS NAS BSHAD PA LTAR GYI KUN GZHI RNAM SHES RANG GI MTSAN NYID KYIS GRUB BAR KHAS LEN PA MA YIN LA, 'ON KYANG TSOGS DRUG LAS NGO BO THA DAD PA'I SGYU MA LTA BU KUN BYANG GI CHOS THAMS CAD KYI SA BON THAMS CAD PA KHAS LEN NO SNYAM NA, DE KHAS LEN NA DE 'DRA'I KUN GZHI'I STENG GI BAG CHAGS SMIN PA LAS GZUGS SPU [?] SOGS SU SNANG BA TZAM DU ZAD KYI PHYI ROL GYI DON MED PAR KHAS LEN DGOS PA LA GZHUNG DE NYID LAS, SHES PAS SHES BYA RTOGS PA STE, ,SHES BYA MED BAR SHES PA MED, ,DE LTA NA NI RIG BYA DANG, ,RIG BYED MED CES CIS MI 'DOD, CES SOGS KYIS DON SHES YOD MED MTSUNGS PA 'JUG PA DANG KHYAD PAR MED BAR GSUNGS PA'I PHYIR SHES PA YOD CING PHYI DON MED PA 'PHAGS PA'I BZHED PA GTAN MA YIN NO, ,DES NA GZHUNG DER KUN GZHI ZHES GSUNGS PA NI YID SHES LA KUN GZHI'I THA SNYAD BTAGS PA YIN TE, SEMS SPYI TZAM RANG BZHIN GYIS GRUB BA BKAG PA LA RTZOD PA'I LAN DU SEMS BDEN BAR MED PA LA BYA BYED RUNG BA'I TSUL STON PA YIN BA'I PHYIR DANG, GZHUNG 'DIR KUN GZHI'I THA SNYAD KYIS BSTAN BA'I SEMS DE SRID PAR NYID MTSAMS SBYOR BA'I SEMS SU, DE TSE SRID PA 'DZIN PAR BYED, CES PAS BSTAN LA, 'PHAGS BA YAB SRAS RNAMS KYIS 'DUS PA'I SKOR GYI GZHUNG GZHAN LAS 'CHI SEMS DANG SKYE SEMS GNYI GA YID SHES YIN PAR YANG YANG GSUNGS PA'I PHYIR DANG, GZHUNG 'DI YANG 'DUS PA'I RTZA RGYUD KYI LE'U GNYIS PAR DE BZHIN GSHEGS PA RNAMS KYI BYANG CHUB KYI SEMS KYI TSIGS SU BCAD PA GSUNGS PA RNAMS KYI NANG NAS RNAM SNANG GIS GSUNGS PA'I BYANG CHUB KYI SEMS KYI TSIGS SU BCAD PA DE'I DON 'GREL BAS BYANG CHUB SEMS 'GREL ZHES MTSAN DU BTAGS PA YIN BAS

, ,GZHUNG 'DI NYID 'DUS PA'I YAN LAG GI ZHUNG YIN PA'I PHYIR RO, ,KHA CIG 'DUS PA'I SKOR NAS KUN GZHI DANG NYON YID SOGS KYI THA SNYAD 'GA' RA BYUNG BA LA BSAMS NAS 'PHAGS BA YAB SRAS RNAMS 'DUS BA'I SKABS SU TSOGS DRUG LAS NGO BO THA DAD PA'I KUN GZHI BZHED PAR SMRA BA NI KUN GZHI STON PA'I GZHUNG LUGS CHEN PO RNAMS DANG 'DUS PA'I SGOR GNYI GA'I BRDA CHAD CUNG ZAD KYANG MA CHAGS PA'I BLUN PO'I CAL COL DU SNANG BAS MKHAS PA'I DGAG SGRUB KYI YUL MA YIN PA'I PHYIR DANG SKABS MA YIN PA'I PHYIR 'DIR DE DAG GI BRGAL LAN RNAM PAR GTAN LA DBAB PA MA BYAS SO, ,DE BAS NA YUM RGYAS 'BRING BSDUS GSUM LA SOGS PA'I MDO SDE DU MAR RNAM SHES KYI GRANGS STON PA NA RNAM SHES TSOGS DRUG KHO NA BSHAD KYI DE LAS MANG BA MA BSHAD CING, MDO DGONGS 'GREL SOGS LAS TSOGS DRUG LAS NGO BO THA DAD PA'I KUN GZHI DANG NYON YID BSHAD PAS MDO SDE LAS KUN GZHI RNAM SHES RNAM PAR BZHAG MA BZHAG GI TSUL GNYIS BKA' STZAL PA BZHIN DU, RJE BTZUN BYAMS MGON GYIS KYANG DE DAG GI DON RNAM PAR 'GREL PA NA DBUS MTHA' RNAM 'BYED DANG MDO SDE RGYAN DANG CHOS CHOS NYID RNAM 'BYED DU KUN GZHI RNAM PAR BZHAG PA DANG PHYI ROL MED PA'I PHYOGS BZHAG LA, MNGON RTOGS RGYAN DANG RGYUD BLA MA LAS KUN GZHI RNAM SHES RNAM PAR MA BZHAG PA DANG PHYI ROL MA BKAG PA'I DBU MA THAL 'GYUR BA'I LUGS RNAM PAR BZHAG CING, SLOB DPON 'PHAGS PA THOGS MED KYIS KYANG RGYUD BLA MA'I DGONGS PA RNAM RIG DANG RANG RGYUD PA'I LUGS SU MA BSHAD PAR DBU MA THAL 'GYUR BA'I LUGS SU BSHAD CING, THEG BSDUS SU KUN GZHI RNAM SHES KYI SGRUB BYED DU DRANGS PA'I CHOS MNGON PA'I LUNG, THOG MA MED PA'I DUS KYI KHAMS, ,CHOS RNAMS KUN GYI GNAS YIN TE, ,DE YOD PAS NA 'GRO KUN DANG, ,MYA NGAN 'DAS PA'ANG THOB BAR 'GYUR, ZHES PA DE NYID RGYUD BLA MA'I 'GREL BAR SEMS CAN THAMS CAD LA BDE BAR GSHEGS PA'I SNYING PO SEMS KYI RANG BZHIN RNAM DAG YOD PA'I SHES BYED DU DRANGS PA'I PHYIR NA KUN GZHI YOD PAR GSUNGS PA DGONGS GZHI STONG PA NYID LA DGONGS NAS GSUNGS PA'I DRANG DON DU BZHED PA DPAL LDAN ZLA BA DANG KHYAD PAR MED PA YIN NO, ,GSUM PA THA SNYAD DU PHYI ROL GYI DON RNAM PAR 'JOG PA'I TSUL BSHAD PA

NI; DBU MA LA 'JUG PAR SEMS TZAM PA'I 'DOD BA RGYAS PAR BKOD PA'I PHYOGS SNGA MA'I DON YANG, SEMS TZAM BAS GZUGS SOGS PHYI ROL GYI DON GZHI MA GRUB CING SHES PA BDEN PAR GRUB BAR KHAS BLANGS PA YIN GYI, SHES PA BDEN PAR GRUB CING GZUGS SOGS GZHI MA GRUB PAR 'DOD BA MA YIN TE, DE LTA YIN NA SEMS CIM [?] PA'I LUGS LA GZUGS PHUNG DANG GZUGS SGRA SOGS DANG KHAMS GSUM DANG SNOD BCUD SOGS KYI THA SNYAD THAMS CAD KHAS MA LEN PAR 'GYUR LA, MNGON SUM DU MTHONG BA'I DON THAMS CAD LA BSNYON 'DINGS DGOS PAR MTHONG BZHIN DU GRUB PA'I MTHA' 'DI NYID MCHOG YIN NO ZHES SMRA BA'I SANGS RGYAS PA LTA ZHOG MU STEGS PA'ANG 'PHAGS PA'I YUL NA MED DE DE'I PHYIR RGYANG PA NA YANG MA MTHONG BA'I DON DAG LA SKUR PA 'DEBS PAR BYED KYI MNGON SUM DU MTHONG BA DAG MED PAR MI SMRA LA, BOD LA BSNYOL 'DINGS PA'I GRUB MTHA' LA MCHOG TU BYED PA MANG BAR SNANG NGO, ,'ON 'JUG BAR, GZUGS MED NI NA SEMS YOD MA 'DZIN CIG ,CES SOGS GSUNGS PA JI LTAR DRANG ZHE NA, PHYI ROL DON DU GYUR BA'I GZUGS SOGS MED NA NI ZHES PA'I DON YIN GYI GZUGS GTAN MED NA NI ZHES BYA BA MA YIN NO, ,DE LTA MA YIN PAR DE 'DRA BA'I TSIG TZAM GYIS DE LTAR KHAS LEN NA SEMS TZAM PAS SHES BYA MED PAR KHAS BLANGS PAR 'GYUR TE, GAL TE SHES BYA MED PAR BLO YOD NA, ZHES GSUNGS PAS SO, ,DE'I PHYIR RANG 'GREL LAS, 'DI NA DBANG PO LAS GYUR RNAM PAR RIG ,CES PA'I MTSAMS SBYAR DU, DE'I PHYIR DE LTAR RNAM BAR SHAS PA LAS THA DAD PA'I MIG GI DBANG PO MED PAR BSTAN NAS GZUGS KYANG RNAM PAR SHES PA LAS THA MI DANG PA NYID DU BSTAN PA'I PHYIR SMRAS PA ZHES PA DANG DE'I PHYI 'GREL DU, SNGON PO LA SOGS PA'I PHYI ROL GYI GZUGS MED PAR RNAM PAR SHES PA SNGON PO LA SOGS PAR SNANG BA 'BYUNG BA YIN LA, ZHES SOGS GSUNGS PA LTAR SHES PAR BYA'O, ,BLUN PO GANG DAG SEMS TZAM PA THA SNYAD DU PHYI ROL GYI DON KHAS LEN NO ZHES SMRA BA DE DAG GI LUGS LA 'JUG PA RTZA 'GREL GYI RTZOD LAN 'DI DAG THAMS CAD GZHI MED DU 'GYUR TE, PHYI DON THA SNYAD DU YOD PAR KHAS LEN MNYAM DANG DON DAM DU MED PAR KHAS LEN MNYAM DU MTSUNGS PA'I PHYIR RO, ,'O NA THAL 'GYUR BA RANG LUGS LA PHYI DON KHAS LEN PA DE RGYU NMTSAN CI 'DRA BA ZHIG GI DBANG GIS KHAS LEN BA DANG PHYI DON

, ,MED PAR GSUNGS BA'I MDO'I DGONGS BA 'CHAD TSUL JI LTAR BYED CE NA, RGYU MTSAN MTHAR THUG PA NI 'DI YIN TE, DBANG SHES LA GZUGS SOGS PHYI ROL LTA BUR RGYANGS CHAD DU SNANG BA 'DI SNANG BA LTAR THA SNYAD TZAM DU'ANG MA GRUB NA 'DI NYID 'GOG PA DON DAM DPYOD BYED KYI TSAD MA LA MA LTOS PAR THA SNYAD DPYOD BYED KYI TSAD MAS KHEGS PA MA YIN TE, PHYI DON 'GOG BYED KYI THA SNYAD DPYOD BYED KYI TSAD MA NI SRID PA'I PHYIR DANG, DON DAM SPYOD BYED KYI TSAD MAS DPYAD NA SHES PA'ANG MA GRUB PA'I PHYIR RO, ,THA SNYAD DPYOD PA'I TSAD MAS KHEGS PAR NI SEMS TZAM PA RANG YANG MI SMRA STE, PHYI DON 'GOG PA LHAN CIG DMIGS DES KYI RTAGS LA SOGS BA'I SEMS TZAM PA RANG LUGS KYI DON DAM DPYOD BYED KYI TSAD MA LA LTOS DGOS PAR 'DOD PA'I PHYIR DANG, PHYI ROL DU SNANG BA LTAR GRUB PAS STONG PA SEMS TZAM PA RANG LUGS KYI DON DAM BDEN PA DANG DE BZHIN NYID YIN PA'I PHYIR RO, ,GZHAN YANG PHYI DON THA SNYAD DU MED NA GZUGS SOGS THA SNYAD DU SHES PA'I DNGOS BOR KHAS LEN DGOS LA, DE LTA NA DE NYID RIGS PAS MA BRTAGS MA DPYAD PAR 'JUG PA'I THA SNYAD PA'I SHES PA RANG DGA' BAS 'GRUB SA MED PAS GZUGS SOGS BEM PO'I RANG BZHIN DU GRUB PA YIN NAM SHES PA'I RANG BZHIN DU GRUB PA YIN DPYOD PA'I RIGS PAS DPYAD PA NA SHES PA'I RANG BZHIN DU RNYED PAR 'GYUR DGOS LA, DE LTA NA GZUGS SOGS RANG GI MTSAN NYID KYIS GRUB PAR 'GYUR DGOS PAS DE'I PHYIR GZUGS SOGS THA SNYAD DU PHYI ROL DON DU KHAS LEN PA MCHOG TU MDZES SO, ,DE'I PHYIR RIGS PA 'DI DAG GIS KYANG KUN GZHI RNAM SHES KHAS MI LEN TE, KUN GZHI YOD PAR THA SNYAD PA'I TSAD MA RANG DGA' BAS DON DAM DPYOD PA'I TSAD MA LAM LTOS PAR 'GRUB PA MI SRID PA'I PHYIR DANG, DON DAM DPYOD PA'I TSAD MAS DPYAD NA MA GRUB PA'I PHYIR RO, ,SEMS TZAM PA YANG KUN GZHI YOD PAR SGRUB PA'I TSAD MA YIN NA DON DAM DPYOD BYED KYI TSAD MA YIN PAS KHYAB PAR KHAS MI LEN KYANG DE 'GRUB PA DON DAM DPYOD PA'I TSAD MA LA LTOS DGOS PAR KHAS LEN TE PHYI DON 'GOG PA'I RIGS PA LA LTOS PAR 'DOD PA'I PHYIR RO, ,SEMS TZAM PAS RDUL PHRAN PHYOGS KYI CHA MED NAS RIM BZHIN 'GOG PA'I RIGS PA, DRUG GIS CIG CAR SBYAR BA NA, ,PHRA RAB RDUL CHA DRUG TU 'GYUR, ,DRUG PO DAG KYANG GO GCIG MA,

GONG BU'ANG RDUL PHRAN TZAM DU 'GYUR, ZHES SOGS KYIS THAL 'GYUR BA PHYI DON KHAS LEN PA LA MI GNOD DE, THAL 'GYUR BAS PHYI DON RIGS PAS BTZAL NA RNYED PAR KHAS MI LEN GYI MA BRTAGS MA DPYAD PA TZAM DU KHAS LEN PA'I PHYIR DANG, PHYI DON KHAS LEN KYANG RDUL PHRAN PHYOGS KYI CHA MED THA SNYAD DU'ANG KHAS MI LEN PA'I PHYIR RO, ,CHA MED KYI DNGOS PO KHAS BLANGS NA BDEN DNGOS KHAS LEN DGOS PAR 'DOD PA LA NI DBU MA PA THAL RANG THAMS CAD KHYAD PAR MED DO, ,DES NA THAL 'GYUR BAS PHYI DON KHAS LEN PA MI 'THAD DE, DE LTA NA SEMS TZAM PA MDO SDE PA LAS DMAN PAR THAL, SHES PA BDEN GRUB KHAS LEN PAR MTSUNGS, PHYI DON MED PAR SMRA BA LAS YOD PAR SMRA BA BZANG BA'I PHYIR, ZHES LOG PAR RTOG PA NI GRUB MTHA' GONG 'OG GANG YANG MI SHES PA GSAL BAR BYED PA STE, MDO SDE PAS RDUL PHRAN CHA MED DANG NGES BRTZAMS PA'I RAGS PA RIGS PAS DPYAD NA KHAS LEN PAR BYED LA, SEMS TZAM PAS DE 'DRA'I PHYI DON 'GOG PA'I RIGS PA RNAMS KYIS DE 'DRA BA'I PHYI DON LEGS PAR KHEGS PA'I PHYIR DANG, 'ON KYANG SEMS TZAM PA THA SNYAD TZAM DU RIGS PAS MA BRTAGS MA DPYAD PAR GRUB PA'I PHYI DON YANG KHAS MI LEN LA, DE LA THAL 'GYUR BAS DON SHES YOD MED MTSUNGS PA'I RIGS BAS GNOD PA'I PHYIR RO, ,DE BAS NA MDO SDE PA DANG THAL 'GYUR BA PHYI DON KHAS LEN ZHES PA TZAM ZHIG MTSUNGS KYANG LEN TSUL GTAN MI 'DRA BA YIN NO, ,DE NI SEMS TZAM GSUNGS PA'I MDO'I DON 'GREL TSUL BRJOD PAR BYA STE, DE YANG SEMS TZAM PAS SA BCU PA'I MDO LAS, KHAMS GSUM PO 'DI NI SEMS TZAM MO ZHES GSUNGS PA'I MDO SHES BYED DU THEG BSDUS SU DRANGS PA LA LEGS LDAN 'BYED DANG DPAL LDAN ZLA BA GNYI GAS MDO DE'I TZAM SGRAS PHYI DON GCOD PA MA YIN GYI, KHAMS GSUM PO MTHA' DAG KYANG, 'JIG RTEN SNA TSOGS LAS LAS SKYES, ZHES PA DANG MTSUNGS PAR LAS KYIS BYAS LA, LAS NI SEMS PA DANG BSAM PA GNYIS SU NGES PAS KHAMS GSUM SEMS KYIS BYAS PA YIN LA DE'I PHYIR SEMS LAS GZHAN DBANG PHYUG SOGS KYI BYED PA PO YOD PA DGAG PA'I PHYIR DU TZAM SGRA SMOS PA YIN NO ZHES LAN BTAB CING, BYED PA PO GZHAN 'GOG PA YIN PA YANG LANG KAR GSHEGS PA LAS, GANG ZAG RGYUN DANG PHUNG PO LAS, ,DE BZHIN RKYEN DANG RDUL DAG DANG, ,GTZO BO DBANG PHYUG BYED PO RNAMS,,

, ,SEMS TZAM DU NI NGAS BSHAD DO, ZHES BAS BSTAN PA DANG, KHAMS GSUM PO SKYED BYED YIN PA'I RGYU MTSAN GYIS GZUGS LAS SEMS GTZO BO YIN PA YANG, MDO LAS, SEMS CAN LAS KYI DBANG GIS RI, ,NAG PO DUS SU SKYES TE DPER, ,SEMS DMYAL MTHO RIS 'JIG RTEN DU, ,TSON DANG RIN CHEN SHEL BZHIN NO, ZHES SOGS KYIS BSTAN BAR GSUNGS SO, ,YANG LANG KAR GSHEGS PA'I MDO LAS, PHYI ROL SNANG BA YOD MED DE, ,SEMS NI SNA TSOGS RNAMS SU SNANG, ,LUS DANG LONGS SPYOD GNAS 'DRA BA, ,SEMS TZAM DU NI NGAS BSHAD DO, ZHES GSUNGS BA 'DI SEMS TZAM PAS 'DREN PA LA LEGS LDAN GYIS LAN 'DEBS BA'I TSUL NI, MDO DES PHYI ROL BKAG NAS SEMS TZAM BSTAN PA MA YIN GYI SHES PAS PHYI ROL RNAM MED DU 'DZIN PA 'GOG PA YIN TE, RNAM MED DU SNANG BA YOD MED DE, SEMS NI RNAM BA SNA TSOGS SU SNANG BA'I SGO NAS LUS DBANG PO SOGS DANG LONGS SPYOD GZUGS SOGS RNAMS DANG 'DRA BAR SEMS SKYES PA TZAM YIN GYI RNAM MED DU MTHONG BA MA YIN NO ZHES 'CHAD LA, DPAL LDAN ZLA BA MDO DES SEMS TZAM MA BSTAN ZHES MI 'CHAD KYI SEMS TZAM GSUNGS PA DRANG DON YIN PAR 'GREL TE, DE YANG MDO DE SGRA JI BZHIN DU BZUNG DU MI RUNG BAR SGRUB PA'I LUNG RIGS GNYIS LAS RIGS PA NI GONG DU BSHAD BA'I DON SHES YOD MED MTSUNGS PAR SGRUB PA'I RIGS PA RNAMS YIN LA, ,LUNG NI 'JUG PA LAS, 'DI NI STON PAS DRANG DON NYID GSUNGS SHING, ZHES PA'I RANG 'GREL DU DRANGS PA LANG GSHEGS LAS, JI LTAR NAD PA NAD PA LA, ,SMAN PAS SMAN RNAMS GTONG BA LTAR, ,SANGS RGYAS DE BZHIN SEMS CAN LA, ,SEMS TZAM DU YANG RAB TU GSUNGS, ZHES PA'O, ,RNAM PA DE LTA'I MDO SDE GZHAN YANG NI, ,DRANG DON NYID DU LUNG 'DIS GSAL BAR BYED, CES PA'I LUNG 'DIS ZHES BA LUNG SNGA MA NYID LA ZER BA MIN GYI RANG 'GREL DU DRANGS PA'I LUNG CHAN BA GSUM YIN LA, SPYIR SKABS 'DIR 'JUG PA RTZA 'GREL DU DRANG DON DU SGRUB DGOS BA LNGA YOD CING SGRUB PA'I LUNG BZHI YOD DO, ,DE LA DRANG DON DU SGRUB DGOS PA LNGA NI, LANG GSHEGS LAS, PHYI ROL MED PA'I SEMS TZAM DU GSUNGS BA DANG MDO GZHAN LAS SEMS CAN THAMS CAD KYI RGYUD LA SANGS RGYAS KYI YON TAN THAMS CAD GDOD MA NAS RANG

CHAS SU YOD PA'I RTAG BRTAN BDEN GRUB KYI BDER GSHEGS SNYING PO YOD BAR GSUNGS PA DANG, DGONGS 'GREL LAS YID KYI RNAM SHES LAS NGO BO THA DAD PA'I KUN GZHI YOD PAR GSUNGS PA DANG, YANG DGONGS 'GREL LAS GZHAN DBANG DANG YONGS GRUB RANG GI MTSAN NYID KYIS GRUB PAR GSUNGS PA DANG, YANG DE LAS MTHAR THUG THEG PA GSUM DU GSUNGS PA RNAMS SO, ,DE LA DANG PO DRANG DON DU BSGRUB PA'I LUNG NI SNGAR DRANGS PA'O, ,PHYI ROL GSUNGS PA'I DGOS PA NI PHYI ROL GYI GZUGS SOGS LA DMIGS NAS CHAGS PA SHAS CHER SKYE BA BZLOG PA DANG, PHYI ROL RANG BZHIN MED PAR NGES PA LA BRTEN NAS SHES PA RANG BZHIN MED PAR NGES PAR BYA BA'I PHYIR RO, ,GNYIS PA DRANG DON DU SGRUB PA'I LUNG NI LANG GSHEGS LAS, DE BZHIN DU BCOM LDAN 'DAS KYI MDO BRJOD PA LAS DE BZHIN GSHEGS PA'I SNYING PO GSUNGS PA DE BCOM LDAN 'DAS KYIS RANG BZHIN GYIS 'OD GSAL BA RNAM PAR DAG PAS THOG MA NAS RNAM PAR DAG PA NYID MTSAN SUM CU RTZA GNYIS DANG LDAN PA SEMS CAN THAMS CAD KYI LUS KYI NANG NA MCHIS PAR BRJOD DE, BCOM LDAN 'DAS KYIS RIN PO CHE RIN THANG CHEN PO GOS DRI MA CAN GYIS YONGS SU DKRIS PA LTAR PHUNG BO DANG KHAMS DANG SKYE MCHED KYI GOS KYIS DKRIS PA, 'DOD CHAGS DANG ZHE SDANG DANG GTI MUG GI ZIL GYIS NON BA, YONGS SU RTOG PA'I DRI MAS DRI MA CAN DU GYUR PA, RTAG PA BRTAN PA THER ZUG PAR NI BRJOD NA, BCOM LDAN 'DAS KYIS DE BZHIN GSHEGS PA'I SNYING PO SMRA BA 'DI NI MU STEGS BYED KYI BDAG TU SMRA BA DANG JI LTAR 'DRA BA MA LAGS, BCOM LDAN 'DAS MU STEGS BYED RNAMS KYANG RTAG PA BYED PO YON TAN MED PA KHYAB BA MI 'JIG PA'O ZHES BDAG TU SMRA BA STON PAR BGYID DO, ,BCOM LDAN 'DAS KYIS BKA' STZAL BA, BLO GROS CHEN PO NGA YIS DE BZHIN GSHEGS PA'I SNYING PO BSTAN BA NI MU STEGS BYED KYI BDAG TU SMRA BA DANG MTSUNGS PA MA YIN TE, BLO GROS CHEN PO DE BZHIN GSHEGS PA DGRA BCOM PA YANG DAG PAR RDZOGS BA'I SANGS RGYAS RNAMS NI STONG PA NYID DANG YANG DAG PA'I MTHA' DANG MYA NGAN LAS 'DAS PA DANG MA SKYES BA DANG MTSAN MA MED PA DANG SMON PA MED PA LA SOGS PA'I TSIG GI DON RNAMS LA DE BZHIN GSHEGS PA'I SNYING POR BSTAN PA BYAS NAS, BYIS PA RNAMS BDAG MED PAS 'JIGS PAR 'GYUR BA'I GNAS RNAM PAR SPANG

, ,BA'I DON DU DE BZHIN GSHEGS PA'I SNYING PO'I SGA BSTAN PAS RNAM PAR MI RTOG PA'I GNAS SNANG BA MED PA'I SPYOD YUL STON TE, BLO GROS CHEN PO MA 'ONGS PA DANG DA LTAR BYUNG BA'I BYANG CHUB SEMS DPA' SEMS DPA' CHEN PO RNAMS KYIS BDAG TU MNGON PAR ZHEN PAR MI BYA'O, ,BLO GROS CHEN PO DPER NA RDZA MKHAN NI 'JIM PA'I RDUL GYI PHUNG PO GCIG LAS LAG PA DANG BZO NGANG LAG ZUNGS DANG CHU DANG SRAD BU DANG NAN TAN DANG LDAN PA LAS SNOD RNAM PA SNA TSOGS BYED DO, ,BLO GROS CHEN PO DE BZHIN DU DE BZHIN GSHEGS PA RNAMS KYANG CHOS LA BDAG MED PA RNAM BAR RTOG PA'I MTSAN NYID THAMS CAD RNAM PAR LOG PA DE NYID SHES RAB DANG THABS LA MKHAS PA DANG LDAN PA RNAM PA SNA TSOGS KYIS DE BZHIN GSHEGS PA'I SNYING POR BSTAN PA'AM BDAG MED PAR BSTAN PAS KYANG RUNG STE RDZA MKHAN BZHIN DU TSIG DANG YI GE'I RNAM PA SNA TSOGS KYIS STON TO, ,DE LTAR DE'I PHYIR BLO GROS CHEN PO DE BZHIN GSHEGS PA'I SNYING PO BSTAN PAS MU STEGS BYED KYI BDAG TU SMRA BA DANG MI 'DRA'O, ,BLO GROS CHEN PO DE LTAR DE BZHIN GSHEGS PA RNAMS KYIS MU STEGS BYED BDAG TU SMRA BA LA MNGON PAR ZHEN PA RNAMS DRANG BA'I PHYIR DE BZHIN GSHEGS PA'I SNYING PO BSTAN PAS DE BZHIN GSHEGS PA'I SNYING PO STON TE, YANG DAG PA'I BDAG TU RNAM PAR RTOG PA'I LTA BAR LHUNG BA'I BSAM PA CAN DAG RNAM PAR THAR PA GSUM GYI SPYOD YUL LA GNAS PA'I BSAM PA DANG LDAN ZHING MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR JI LTAR 'GYUR, ZHES PA RANG 'GREL DU DRANGS PA'O, ,DE YANG DE 'DRA BA'I BDE GSHEGS SNYING PO YOD NA MU STEGS BYED KYI BDAG DANG MTSUNGS PAR 'GYUR BA NI SGRA JI BZHIN GYI DON LA GNOD BYED DO, ,DGONGS GZHI NI SEMS KYI CHOS NYID RANG BZHIN RNAM DAG GO ,DGOS PA NI MU STEGS BYED KYI BDAG LA MNGON PAR ZHEN PA'I BAG CHAGS CHES CHER 'THAS PAR GYUR PA'I STONG PA NYID DNGOS SU BSTAN NA SKRAG PAR 'GYUR PA DAG STONG PA NYID LA SKRAG BA SPANG BA'I PHYIR RO, ,MDO LAS 'DI LTAR GSUNGS PAS NI DA LTA GANG DAG DE 'DRA BA'I BDE GSHEGS SNYING PO BSTAN PA SGRA JI BZHIN GYI NGES DON DU SMRA BDAG KYANG MU STEGS BYED KYI BDAG LA MNGON PAR ZHEN PA YIN PAR SHES PAR BYA'O, ,DE YANG DE 'DRA BA'I BDE GSHEGS SNYING PO BSTAN PA LANG

GSHEGS DANG RANG 'GREL LAS DRANG DON DU GSUNGS PA 'DI NI DA LTA BOD PHYI MA NGAG LA YONGS SU GRAGS PA'I SNYING PO'I MDO BCU ZHES BYA BA'I NANG TSAN BDE BAR GSHEGS PA'I SNYING PO'I MDO ZHES BYA BA THEG PA CHEN PO RGYUD BLA MAS DE'I DON RGYA CHER GTAN LA PHAB PA DE NYID MA YIN TE, MDO DE LAS BDE GSHEGS SNYING PO SEMS KYI CHOS NYID GLO BUR DRI BCAS DE NYID RANG BZHIN RNAM DAG YIN KYANG JI SRID GLO BUR GYI DRI MA DANG BCAS KYI BAR DU SANGS RGYAS KYI CHOS RNAMS MNGON DU MI 'GYUR LA DE NYID GLO BUR GYI DRI MA BSAL BA NA STOBS SOGS SANGS RGYAS KYI CHOS THAMS CAD MNGON DU 'GYUR BA'I TSUL DPE DGU DANG DON DGU'I SGO NAS BSTAN PA TZAM YIN ZHING RGYUD BLA MAS KYANG DE LTAR 'GREL BA YIN GYI, MDO DE LAS BDE GSHEGS SNYING PO BDEN GRUB GLO BUR GYI DRI MA DANG BCAS PA'I CHE NA YANG STOBS SOGS SANGS RGYAS KYI YON TAN THAMS CAD RANG CHAS SU YOD PA SOGS SGRA ZIN LA ZUR TZAM YANG BSTAN PA MED PA'I PHYIR DANG, SEMS KYI CHOS NYID 'DUS MA BYAS YIN PAS DE NYID RTAG BRTAN THOR ZUG YIN PA DANG, DE NYID GLO BUR GYI DRI MA DANG BRAL BA NA STOBS SOGS SANGS RGYAS KYI CHOS RNAMS MNGON DU 'GYUR BA NI SGRA JI BZHIN PA YIN PAS DGONGS PA CAN DU 'GREL DON MED PA'I PHYIR RO, ,GLO BUR GYI DRI MA DANG BRAL BA NA SANGS RGYAS KYI YON TAN THAMS CAD MNGON DU 'GYUR BAS DRI MA DANG BCAS PA'I TSE'ANG STOBS SOGS RANG CHAS SU YOD PAR SMRA BA NI CHOS SHIN TU BLUN PA GO BAR BYED PA YIN NO, ,GSUM PA YID SHES LAS NGO BO THA DAD DU GYUR PA'I KUN GZHI YOD PAR GSUNGS PA DRANG DON YIN PA YANG MDO 'DI NYID KYIS 'GRUB PAR RANG 'GREL LAS GSUNGS SO, ,'O NA DE 'DRA BA'I BDE GSHEGS SNYING PO YOD PA DRANG DON YIN PAS KUN GZHI DRANG DON DU JI LTAR 'GRUB CE NA, RGYAN STUG PO BKOD PA LAS, SA RNAMS SNA TSOGS KUN GZHI STE, ,BDE GSHEGS SNYING PO DGE BA'ANG DE, ,SNYING BO DE LA KUN GZHI'I SGRAS, ,DE BZHIN GSHEGS RNAMS STON PAR MDZAD, ,SNYING PO KUN GZHIR BSGRAGS PA YANG BLO ZHAN RNAMS KYIS MI SHES SO, ZHES GSUNGS SHING, LANG GSHAGS LAS KYANG DE BZHIN GSHEGS PA'I SNYING PO KUN GZHI RNAM PAR SHES PAR BSGRAGS PA RNAM PAR SHES PA BDUN DANG BCAS PA ZHES DE GNYIS MING GI RNAM GRANGS SU LAN DU MAR GSUNGS SO, ,DE YANG KUN GZHI DANG BDE GSHEGS SNYING

, ,PO PHAN TSUN GCIG YIN NA GCIG YIN PAS KHYAB PAS DE LTAR GSUNGS PA MA YIN GYI, DON GANG LA DGONGS NAS KUN GZHI'I SGRAS BSTAN PA'I DON DANG GANG LA DGONGS NAS BDE GSHEGS SNYING PO'I SGRAS BSTAN PA'I DON GNYIS GCIG PAS DE LTAR GSUNGS PA YIN TE, SEMS KYI CHOS NYID STONG PA NYID KHO NA LA DE GNYIS KYI SGRAS BSTAN PA'I PHYIR RO, ,DE'I PHYIR RANG 'GREL LAS, DNGOS PO THAMS CAD KYI RANG BZHIN GYI RJES SU ZHUGS PA'I PHYIR, STONG PA NYID KHO NA KUN GZHI RNAM PAR SHES PA'I SGRAS BSTAN PAR RIG PAR BYA'O, ZHES GSUNGS SO, ,DES NA KUN GZHI DANG DE 'DRA'I SNYING PO BSTAN PA GNYI GA'ANG DGONGS GZHI GCIG LA DGONGS PA DANG, GNYI GA'ANG DGOS PA MU STEGS KYI LTA BA LA ZHEN PA DAG SKRAG PA SPANG BA DANG, SGRAS ZIN LTAR GRUB NA GNYI GA LA'ANG MU STEGS KYI BDAG DANG KHYAD PAR MED PAR THAL BA'I GNOD PA 'BAB PAR MTSUNGS BAS DE'I PHYIR BDE GSHEGS SNYING PO DRANG DON DU STON PA'I LUNG DES KUN GZHI GSUNGS PA'ANG DRANG DON DU 'GRUB PA YIN NO, ,DE YANG BDE GSHEGS SNYING PO BDEN GRUB SGRUB PA RANG DBANG BA'I RTAG BRTAN GDONG MNAS STOBS SOGS SANGS RGYAS KYI YON TAN RANG CHAS SU YOD PAR GSUNGS BA SGRA JI BZHIN DU GZUNG DU MI RUNG YANG, DE NYID GANG LA DGONGS TE GSUNGS PA'I DGONGS GZHI SEMS KYI CHOS NYID DRI BCAS DE BDE GSHEGS SNYING PO MTSAN NYID PA YIN LA, DE NYID KUN GZHI GSUNGS PA'I DGONGS GZHI'I DON YANG YIN PAS DE'I PHYIR THEG BSDUS SU, THOG MA MED PA'I DUS KYI KHAMS, ,CHOS RNAMS KUN GYI GNAS YIN TE, ,DE YOD PAS NA 'GRO KUN DANG, ,MYA NGAN 'DAS PA'ANG THOB PAR 'GYUR, ZHES PA KUN GZHI YOD PA'I SHES BYED DU DRANGS PA DE NYID RGYUD BLA MA'I 'GREL PAR BDE GSHEGS SNYING PO YOD PA'I SHES BYED DU DRANGS PA YIN NO, ,'DI DAG LA BRJOD PAR BYA BA MANG YANG YI GE MANGS PAR 'GYUR BAS RE SHIG 'DIR MA BRIS SO, ,YANG LANG GSHEGS LAS, BLO GROS CHEN PO STONG PA NYID DANG MI SKYE BA DANG MI GNYIS PA DANG RANG BZHIN MED PA'I MTSAN NYID SANGS RGYAS THAMS CAD KYI MDO SDE'I NANG DU CHUD PA 'DI, ZHES PA RANG 'GREL DU DRANGS PA DANG, DE'I MJUG TU MDO LAS, 'DI NI MDO SDE GANG DU YANG RUNG STE DE DAG TU DON 'DI NYID KHONG DU CHUD PAR BYA'O, ZHES GSUNGS PA NI, DGONGS 'GREL LAS GZHAN DBANG RANG GI MTSAN

NYID KYIS GRUB PAR GSUNGS PA DRANG DON DU BSGRUB PA'I LUNG NGO, ,DE NYID DRANG DON DU BSGRUB PA'I RIGS PA NI 'JUG PAR RGYAS PAR GSUNGS PA LTAR RO, ,DGONGS 'GREL LAS MTHAR THUG THEG PA GSUM DU BSHAD PA DRANG DON DU BSGRUB PA'I LUNG NI 'PHAGS PAS MDO KUN LAS BTUS SU DRANGS PA LA DGONGS NAS 'JUG PA'I RANG 'GREL DU MA DRANGS LA, RIGS PA DANG, MTHAR THUG GI THEG PA GSUM MED KYANG THEG PA GSUM GSUNGS PA'I DGOS PA SOGS NI, GANG PHYIR 'DI NA DE NYID SHES LAS DRI MA MTHA' DAG SEL BA NI, ZHES SOGS KYIS STON NO, ,DE LTAR NA PHYI ROL GYI DON KHAS LEN PA DANG KUN GZHI KHAS MI LEN PA GNYI GA YANG RANG BZHIN GYIS GRUB PA THA SNYAD DU YANG KHAS MI LEN PA LA THUG PA YIN NO, ,'JUG PAR SEMS TZAM PAS YUL PHYI ROL MED KYANG PHYI ROL LTA BUR SNANG BA'I YUL CAN GYI SHES PA RANG BZHIN GYIS GRUB PA'I DPER, RMI LAM GYI SHES PA DANG SKRA SHAD 'DZAG SNANG GI DBANG SHES SOGS BKOD PA LA, DE DAG GI TSE PHYI ROL DU GYUR PA'I GLANG PO CHE DANG SKRA SHAD SOGS MED KYANG YOD PA LTA BUR SNANG BAS YUL RDZUN PA YIN PA BZHIN DU YUL CAN GYI SHES PA YANG RDZUN PA YIN GYI RANG GI MTSAN NYID KYIS MA GRUB PAS YUL SHES RANG BZHIN GYIS GRUB MA GRUB KHYAD PAR MED PA'I PHYIR DPER MI 'THAD PA'I LAN MDZAD PA NI PHYI ROL MED CING SHES PA YOD PA 'GOG PA'I RIGS PA SHIN TU STOBS CHE BA YIN TE, TSUL DES DNGOS KYI DPE KHEGS LA SKYE BA SNGA PHYI YOD PAR SGRUB BA LTA BU'I RIGS PA GZHAN GYI SGO NAS SGRUB PA'I DPE YANG MI RNYED PAS TSUL DE SGRUB PA'I RTAGS YANG DAG MI SRID PA'I PHYIR RO, ,DE YANG RANG LUGS LA RMI LAM DU DBANG SHES YOD PAR MI BZHED PAS RMI LAM GYI SHES PA LA GLANG PO CHE'I KHYUR SNANG BA NI YID SHES KHO NA LA SNANG BA YIN PA'I PHYIR GZUGS KYI SKYE MCHED MA YIN ZHING, DE'I TSE GLANG PO CHE'I GZUGS SU GYUR PA'I PHYI ROL MED KYANG GLANG PO CHE'I GZUGS SU SNANG BA'I SNANG BA DE NYID PHYI ROL DU GYUR PA'I GZUGS YIN LA, DE YANG YID SHES KHO NA'I YUL DU GYUR PA'I CHOS KYI SKYE MCHED PA'I GZUGS YIN ZHING, DE'I NANG NAS KYANG KUN BRTAGS PA'I GZUGS YIN LA, MI SDUG PA SGOM PA'I YID LAS GZHI KENG RUS KYIS GNAG BAR SNANG PA'ANG DE DANG 'DRA'O, ,DANG NGA SHES LA SKRA SHAD DU SNANG BA'I SNANG BA DANG MIG RGYU CHUR SNANG GI SNANG BA DANG GZUGS BRNYAN BYAD

, ,BZHIN DU SNANG BA'I SNANG BA RNAMS NI GZUGS KYI SKYE MCHED YIN TE, DBANG SHES KYI SNANG YUL DU GYUR BA'I GZUGS YIN PA'I PHYIR RO, ,DA NI 'DI DPYAD PAR BYA STE, 'O NA YI DVAGS LA CHU KLUNG RNAG KHRAG TU SNANG BA DE NYID SNANG BA LTAR RNAG KHRAG TU GRUB MA GRUB DANG, PHYI ROL GYI DON DU 'DOD MI 'DOD SOGS JI LTAR YIN ZHE NA, 'DI LA THEG BSDUS SU, YI DVAGS DUD 'GRO MI RNAMS DANG, ,LHA RNAMS JI LTAR RIGS RIGS SU, ,DNGOS GCIG YID NI THA DAD PHYIR, ,DON MA GRUB BAR 'DOD PA YIN, ZHES GSUNGS SHING, DE'I BSHAD SBYAR DGE BSNYEN BTZUN PA NGO BO NYID MED PAS MDZAD PAR, CHU KLUNG GI DNGOS PO LA RANG RANG GI LAS KYI RNAM SMIN GYI DBANG GIS YI DVAGS KYIS RNAG LA SOGS PAS GANG BAR MTHONG BA DANG, DE NYID LA DUD 'GRO LA SOGS PA'I GNAS KYI BLOS GNAS BAR BYED PA DANG, MI RNAMS KYIS NI DNGAR BA DANG DVANG BA DANG BSIL BA'I CHUR RTOG CING KHRUS BYED DO 'THUNG NGO DER 'JUG GO ,NAM MKHA' MTHA' YAS SKYE MCHED LA SNYOMS PAR ZHUGS PA'I LHA RNAMS KYIS NI NAM MKHAR MTHONG STE, GZUGS KYI 'DU SHES RNAM PAR BSHIG PA'I PHYIR RO, ZHES GSUNGS LA, 'DI LA GANG DAG RGYU MTSAN DE NYID KYI PHYIR CHOS THAMS CAD RANG RANG GI SEMS KYIS GANG BZO BZO YIN GYI MTHA' GCIG TU 'DI YIN 'DI MIN GANG DU YANG BZHAG TU MED DO ZHES SMRA BA DANG, RANG RANG GI BLO DON THAD KA THAD KAR BDEN PAS BRLAN ZHING GSHER BA'I DNGOS PO GCIG NYID YI DVAGS KYI DON RNAG TU BDEN MI'I DON CHUR BDEN ZHES SOGS SU SMRA BA DE DAG NI GCER BU PA DANG MTSUNGS BAR CHES BLUN PA GO BAR BYED PA STE, BRLAN ZHING GSHER BA'I DNGOS PO GCIG PO DE NYID YI DVAGS KYI MIG SHES LA RNAG KHRAG DANG, MI'I MIG SHES LA CHU DANG, LHA KHA CIG GI MIG SHES LA BDUD RTZIR SNANG BA'I TSE MIG SHES DE DAG THAMS CAD TSAR MAR KHAS LEN NAM KHA CIG TSAD MA YIN LA, KHA CIG TSAD MA MA YIN PAR KHAS LEN, DANG PO LTAR NA DNGOS PO GCIG PO DE RNAG KHRAG DANG CHU DVANG BA DANG BDUD RTZI GSUM GYI GZHI MTHUN DU 'GYUR ZHING 'GAL BA LA MI 'KHRUL BA'I TSAD MA YOD PAR 'GYUR LA, DNGOS PO GCIG PO DE RNAG KHRAG YIN PAR YANG TSAD MAS GRUB BA MA YIN PAR YANG TSAD MAS GRUB PA'I PHYIR TSAD MAS GRUB MA GRUB KYI RNAM DBYE CUNG ZAD KYANG BYAR MED PAR 'GYUR ZHING, DE LTAR KHAS LEN PA DANG RANG RANG GI

BLO DON THAD KA THAD KAR BDEN PAS 'DI YIN 'DI MIN ZHES MTHA' GCIG TU 'JOG MI NUS PAR SMRA BAS NI MU STEGS DANG SANGS RGYAS PA'I GRUB MTHA' LA'ANG MTHA' GCIG TU BZANG NGAN DBYER MI RUNG BAR SMRA DGOS LA, DE'I PHYIR MU STEGS KYI STON PA DANG RANG GI STON PA RDZOGS PA'I SANGS RGYAS LA'ANG BZANG NGAN GYI DBYE BA BYAR MED PAR 'GYUR BAS DKON MCHOG GSUM LA SKUR PA 'DEBS PA 'DI LTA BU LAS THA CHAD PA CI ZHIG BYAR YOD, 'ON TE 'GA' ZHIG TSAD MA YIN LA 'GA' ZHIG TSAD MA MA YIN NO ZHE NA, GANG TSAD MA MA YIN, 'ON TE LHA 'GA' ZHIG GIS BDUD RTZIR MTHONG BA DANG YI DVAGS KYIS RNAG KHRAG TU MTHONG BA NI RANG RANG GI LAS KYIS BSLAD PA'I 'KHRUL SNANG YIN GYI MIG SHES DE DAG TSAD MA MA YIN LA MIS MTHONG BA TSAD MA YIN NO ZHE NA, 'ON MIS CHU BSIL ZHING DVANGS PAR MTHONG BA'ANG LAS KYI 'BRAS BU CI'I PHYIR MA YIN, DES NA DE YANG TSAD MA MA YIN PAR KUN TU MTSUNGS LA, MI'I MIG SHES KHO NA TSAD MA YIN GYI 'GRO BA GZHAN GYI MIG SHES RNAMS TSAD MA MA YIN NA RNA BA'I SHES PA SOGS GZHAN LA'ANG MTSUNGS PAS, MI MA YIN PA'I 'GRO BA GANG GI RGYUD LA'ANG TSAD MA GTAN MI SRID PAR 'GYUR BAS MI MA YIN PA'I 'GRO BA GZHAN GANG GI RGYUD LA'ANG NGES SHES SKYE BA DANG YUL GANG LA'ANG SGRO 'DOGS CHOD PA MI SRID PAR 'GYUR PA'I PHYIR 'GRO BA GZHAN RNAMS LA PHAN TSUN NGO SHES PA TZAM YANG MI SRID PAR 'GYUR BAS TSUL 'DI LTAR SMRA BA NI PHYUGS LAS KYANG PHYUGS SO, ,'O NA JI LTAR DU KHAS BLANG BAR BYA SNYAM NA, LHA MI YI DVAGS GSUM KA'I MIG SHES DE DAG TSAD MAR KHAS LEN LA, DE LTA NA YANG BRLAN ZHING GSHER BA SNOD GANG PO DE NYID CHU DVANG ZHING BSIL BA DANG RNAG KHRAG DANG BDUD RTZI GSUM KA'I GZHI MTHUN DU KHAS LEN PA YANG MA YIN LA, BRLAN ZHING GSHER BA SNOD GANG GI GO SA NA RNAG KHRAG SNOD GANG DANG BDUD RTZI SNOD GANG YOD DO ZHES KYANG MI SMRA YI, BRLAN ZHING GSHER BA PHOR PA GANG PO DE NYID CHA CAN YIN PA LA, DE'I CHA SHAS GCIG RNAG KHRAG DANG, CHA SHAS GCIG CHU DVANG ZHING BSIL BA DANG, CHA SHAS GCIG BDUD RTZIR SKYES BA YIN ZHING, DE YANG DANG PO BRLAN ZHING GSHER BA SNOD GANG PO DE NYID GRUB TZAM NAS DE 'DRA BA'I CHA SHAS GSUM GRUB NAS JI SRID BRLAN ZHING GSHER BA SNOD GANG PO RGYUN MCHAD KYI RING LA CHA SHAS GSUM PO'ANG

, ,RGYUN LDAN DU 'JUG PA NI MA YIN GYI, GANG GI TSE YI DVAGS GZHI DER NYE BAR 'ONGS PA NA BRLAN ZHING GSHER BA SKAD CIG SNGA MAS NYER LEN DANG YI DVAGS KYI LAS KYIS BDAG RKYEN BYAS PA LAS BRLAN ZHING GSHER BA SNOD GANG PO DE'I CHA SHAS GCIG RNAG KHRAG TU SKYE ZHING, DE BZHIN DU GZHI DER LHA NYE BAR 'ONGS PA NA BRLAN ZHING GSHER BA SNGA MAS NYER LEN DANG LHA'I LAS KYIS BDAG RKYEN BYAS BA LAS CHA SHAS GCIG BDUD RTZIR SKYE BA YIN LA, LHA DANG YI DVAGS GZHI DE NAS SONG BA NA LAS KYI BDAG RKYEN MA TSANG BAS RNAG KHRAG DANG BDUD RTZI'I RGYUN PHYI MA MI SKYE ZHING YI DVAGS KYI LAS NGAN PA'I DBANG GIS RNAG KHRAG GI CHA DE MTHONG GI LAS BZANG PO MA BSAGS PAS BDUD RTZI'I CHA DE MI MTHONG LA, LHAS LAS BZANG PO'I DBANG GIS BDUD RTZI'I CHA SHAS DE MTHONG GI RNAG KHRAG GI CHA SHAS DE MI MTHONG BA YIN NO, ,DE YANG BRLAN ZHING GSHER BA PHOR BA GANG PO DE NYID MI DANG YI DVAGS LHA GSUM GYIS THUN MONG DU BLTAS PA'I TSE NA GSUM KA'I BLTA BYA THUN MONG BAR SONG BA'I DBANG GIS CHA SHAS GSUM LHAN DU SKYES PA YIN GYI, DE NAS SNOD DE YI DVAGS KYI LAG TU BLANGS NAS 'THUNG BAR BRTZAMS NA YI DVAGS KYI KHAR SLEB NAS CHA THAMS CAD RNAG KHRAG KHO NAR SKYE STE, YI DVAGS KHO NA'I SPYOD YUL DU GYUR PA'I PHYIR RO, ,TSUL DES GZHAN GNYIS LA'ANG 'DRA'O 'O NA BRLAN [?] ZHING GSHER BA PHOR GANG PO DE NYID LHA MI YI DVAGS GSUM KA GZHI DE NA MED BA'I SNGON ROL NAS CHU DANG RNAG KHRAG SOGS GANG DU YOD CE NA, SA STENGS NAS 'BAB PA'I CHU KLUNG DANG LTENG KA DANG KHRON PA SOGS DANG DE NAS BCUS PA YIN NA DANG PO NAS CHU RANG DGA' BAR YOD DE, ,DANG PO NAS MI'I LAS KYI BDAG RKYEN LAS SKYES BA'I PHYIR RO, ,BDUD RTZI'I RDZING BU SOGS YOD PA'I LHA'I YUL GYI KHYAD PAR 'GA' ZHIG TU NI DANG PO NAS BDUD RTZIR YOD DE, DANG PO NAS BDUD RTZI'I RDZING BU SOGS LA LONGS SPYOD BA'I LAS KYI BDAG RKYEN LAS GRUB PA'I PHYIR RO, ,MDOR NA YI DVAGS SOGS GZHI DER MED BA'I GONG ROL NAS CHU DANG BDUD RTZI SOGS GANG DU YOD NI BRLAN ZHING GSHER BA DE NYID SNOD KYI 'JIG RTEN GANG LAS 'ONGS PA'I SNOD KYI 'JIG RTEN DE MI'I LAS KYI BDAG RKYEN LAS GRUB PA YIN NAM LHA'I LAS KYI BDAG RKYEN LAS GRUB PA YIN PA SOGS LA RAG LAS SO, ,BRLAN ZHING GSHER BA PHOR GANG LA BLTAS PA NA BDUD RTZI'I SNANG BA 'CHAR BA YANG

LHA 'GA' ZHIG LA YIN GYI THAMS CAD LA SNANG BA DE 'CHAR BAS MA KHYAB LA RNAG KHRAG TU SNANG BA'ANG YI DVAGS THAMS CAD LAM YIN NO, ,JI SKAD BSHAD PA'I TSUL 'DI NI DPER NA LCAGS GONG DMAR 'BAR BA LA SNGAGS KYI KHYAD PAR 'GA' ZHIG GIS BTAB PAR LAG PAS REG BAM MI TSAL MI GZHAN GYI LAG PAS REG PA NA TSA ZHING SREG PA'ANG, LCAGS GONG DE LA TSA BA DANG MI TSA BA'I REG BYA'I CHA SHAS GNYIS YOD PA LAS, SNGAGS KYIS BTAB PA'I LAG PAS MI TSA BA'I REG BYA MYONG GI TSA BA MA MYONG LA, MI GZHAN GYI LAG PAS REG PA'I TSE TSA BA'I REG BYA MYONG GI MI TSA BA'I REG BYA MA MYONG BA LTA BU STE, YI DVAGS RNAMS LA SO KA'I DUS SU NI,, ZLA BA'ANG TSA LA DGUN NI NYI MA'ANG GRANG, ZHES GSUNGS PA SOGS LA'ANG CHA SHAS DANG CHA CAN GYI DBYE BA 'DI LTAR SHES PAR BYA'O, ,DE YANG ZLA BA'I 'OD ZER DANG YI DVAGS KYI LAS GNYIS DUS SO KA'I TSE TSOGS PA NA YI DVAGS KYI LUS KYI RNAM PAR SHES PA'I GZUNG YUL DU SONG BA'I ZLA BA'I 'OD ZER GYI CHA GCIG DE'I TSE TSA BA'I REG BYAR SKYES LA, DGUN GYI DUS NYI MA'I 'OD ZER DANG YI DVAGS KYI LAS TSOGS PA NA YI DVAGS KYI LUS SHES KYI GZUNG YUL DU SONG BA'I NYI MA'I 'OD ZER GYI REG BYA'I CHA GCIG BSIL BA'I REG BYAR SKYES PA YIN GYI, YI DVAGS KYI LAS DANG MA TSOGS PA'I DUS THAMS CAD KYI TSE ZLA NYI'I 'OD ZER LA CHA GRANG GI REG BYA GNYIS GNYIS MED PAR KHAS MI LEN LA, NYI MA LA'ANG MUN BA'I RDZAS YOD PAR KHAS LEN PA SU'ANG MED PAS DPE BA LTA BA'I DON YANG MA BYAS PAR DE NYID 'GOG PA LA TSEGS CHE BAS RANG NYID SDUG BSNGAL BAR MA BYED CIG ,'GRO BA SO SO'I LAS KYI DBANG GIS DNGOS PO GCIG LA YANG CHU DVANG BA DANG RNAG KHRAG DANG BDUD RTZI LA SOGS PA'I CHA SO SOR SKYES KYANG, RANG RANG GI LAS KYIS CHA GZHAN MI MTHONG BAR RANG GI LAS KYI 'BRAS BUR GYUR PA'I CHA DE DANG DE MTHONG BAR KHAS BLANGS PA LA, SKYES BU GCIG LA DGRA GNYEN GNYIS KYIS BLTA BA'I DUS SU YID DU 'ONG MI 'ONG CHA GNYIS SU GNAS KYANG GNYI GAS GNYI GA MI MTHONG STE PHAN TSUN LAS GZUGS KYIS BSGRIB PA'I PHYIR RO ZHES SMRA BA CHOS KYI GRAGS PA'I RIGS PAS BKAG GO ZHES SMRA BAS NI CHOS KYI GRAGS PA'I GZHUNG LUGS DANG DGAG YUL GYI 'DOD PA GNYI GA'I RGYUS CI'ANG MED PA GSAL BAR BYAS TE, GAL TE DER YANG MTHONG MOD LA, ,BRTEN NAS GZUGS GZHAN 'BYUNG 'GYUR NA,

, ,ZHES SOGS NI, THAG NYE BA NAS BLTA BA'I TSE YUL DBANG BAR DU LAS GZUGS GSAL BA DANG, THAG RING BA NAS BLTA BA'I TSE YUL DBANG BAR DU LAS GZUGS MI GSAL BA SKYE BAS THAG NYE RING LA SNGO SOGS DBANG SHES LA GSAL MI GSAL GYI KHYAD BYUNG BA YIN GYI SHES PA LA RNAM PA SHAR BA'I DBANG GIS MA YIN PAR SMRA BA'I 'DOD PA BRJOD NAS DE 'GOG PA NA THAG NYE RING NAS BLTA BA'I TSE SNGO 'DZIN MIG SHES DANG SNGON PO'I BAR DU SKYES PA'I LAS GZUGS DE DAG GIS SNGON PO BSGRIB NA SNGO 'DZIN MIG SHES KYIS SNGON PO MI MTHONG BAR THAL ZHING, MA BSGRIB NA THAG NYE BA NAS BLTA BA'I MIG SHES KYIS LAS GZUGS GSAL BA DANG SNGON PO GNYIS CIG CAR SO SOR MTHONG BA DANG THAG RING BA NAS BLTA BA'I MIG SHES KYIS KYANG LAS GZUGS MI GSAL BA DANG SNGON PO GNYIS CIG CAR SO SOR MTHONG BAR THAL BA'I THAL BA 'PHEN PA YIN GYI, SKYES BU GCIG GI GZUGS YID DU 'ONG MI 'ONG CHA GNYIS SU GNAS PAR SUS KYANG GANG DU'ANG KHAS MA BLANGS SHING DE 'DRA 'GOG PA LA GZHUNG DE DAG SBYOR BA LAS 'BREL MED KYI BSHAD PA YA MTSAN PA GZHAN MED LA, 'DIR NI YI DVAGS KYI MIG SHES DANG CHU DVANG BA'I BAR DU RNAG GI LAS GZUGS SKYES PA'I SGO NAS CHU DVANG BA DE MIG SHES DES MTHONG BAR YANG KHAS MA BLANGS LA YI DVAGS KYI MIG SHES DES DE'I TSE CHU DVANG ZHING BSIL BAM MTHENG BAR THAL BA 'PHEN NA NI SHIN TU 'DOD CING KHYOD RANG YANG DES DE MA MTHONG BAR 'DOD PA 'DUG PAS GNYID KYIS BSLAD PA'I THAL BAM YIN NAM SHES PA RNAL DU ZHOG CIG DES NA 'DI LTAR KHAS BLANGS PA LA CHOS KYI GRAGS PA'I RIGS PAS GNOD BA 'BAB PA MA YIN GYI, RLUNG MKHRIS PAD KAN LA SOGS PA'I NANG LNGA DANG SA CHU ME RLUNG NAM MKHA' LNGA DANG GDON LNGA LA SOGS PA RNAMS NYON MONGS PA DUG LNGA'I DNGOS 'BRAS YIN PAR 'DOD PA NI, 'DOD CHAGS DANG PAD KAN ZHE SDANG DANG MKHRIS PA SOGS LA RJES SU 'GRO LDOG MI 'KHRUL BA'I 'BREL PA GRUB PA NYID, 'KHRUL PHYIR RLUNG SOGS CHOS MA YIN, ZHES SOGS KYIS RGYAS PAR BKAG PA'I DPAL LDAN CHOS KYI GRAGS PA'I MU STEGS 'GOG PA'I RIGS PA DE DAG 'DON PA BSGYUR BAS LEGS PAR BKAG PAR SHES PAR BYOS LA, 'DUS MA BYAS GYI NAM MKHA' PHRAG DOG GI DNGOS 'BRAS YIN NO ZHES SOGS SHIN TU BLUN PO'I TSOGS BSLU BAR BYED PA'I BSAM PAS MU STEGS KYI 'DOD PA LAS KYANG KUN TU THA CHAD PA'I 'CHAL GTAM SMRA BA LHUR MA BYED CIG ,DNGOS GCIG YID NI THA DAD PHYIR

CES PAS DON GCIG LA MTHONG TSUL DRUG TU BSHAD PA DANG 'GAL TE, DON DRUG LA MTHONG TSUL SO SO BA DRUG TU 'GYUR RO ZHES SMRA BA NI HA CANG RTZING BA'I GTAM YIN TE, SKYES BU GCIG GI MGO BO LA SOGS PA'I YAN LAG LNGAS BYA BA RIGS MI 'DRA BA LNGA BYAS PA NA BYED PA PO LNGAS BYA BA LNGA BYAS PAR SONG GI SKYES BU GCIG GIS BYA BA LNGA BYAS PAR MA SONG NGO ZHES SMRA NA LAN CI LTAR 'DEBS, YAN LAG LNGA PO DE SKYES BU GCIG BU DE'I CHA SHES SU GYUR PA'I YAN LAG YIN PAS DE DAG GIS BYA BA THA DAD PA LNGA BYAS PA NA SKYES BU GCIG PU DES BYA BA THA DAD PA LNGA BYAS PAR BRJOD PA LA 'GAL BA MED DO ZHE NA, BRLAN ZHING GSHER BA CHA CAN DNGOS PO GCIG LA CHA SHAS KYI MTHONG TSUL MI 'DRA BA DRUG BYUNG BAS DNGOS GCIG YID NI THA DAD PHYIR ZHES GSUNGS PA'ANG 'GAL BA CI ZHIG YOD, 'DIR NI CHA CAN BRLAN ZHING GSHER BA GCIG GI GO SA NA YUL DER LHA MI YI DVAGS LA SOGS PA LAS DE DANG DE'I RKYEN CAN RNAMS TSOGS PA'I DUS 'GA' ZHIG GI TSE CHA CAN DE'I CHA SHES RNAG DANG BDUD RTZI DANG CHU DVANGS ZHING BSIL BA RNAMS DNGOS GNAS LA'ANG YOD PAR KHAS LEN PA YIN LA, DE LTA NA KLUNG GCIG GI GO SAR RDZAS DE DAG DU MA YOD DGOS PAR 'GYUR BAS GZUGS CAN GCIG GIS GZUGS CAN GZHAN GYI GO SA MI 'GOG PAR 'GYUR ZHES SMRA BA NI RIGS PA'I RNAM PA MA CHAGS SHING PHYOGS SNGA MA'I NAM MA LANGS PA LA DGAG PA'I NYI MA SHAR BA STE, CHA CAN GCIG GI GO SAN CHA SHAS DNGOS PO THA DAD PA DU MA YOD PA MI SRID PAR THAL, DE SRID NA GZUGS CAN GCIG GI GO SAR GZUGS CAN GZHAN 'BYUNG PA'I GO MI 'GEGS PAR THAL BA'I SKYON 'BYUNG BA'I PHYIR, 'DOD NA BUM PA GCIG GI GO SAR BUM PA'I MCHU DANG ZHABS DANG LTO BA SOGS DU MA GNAS PA MI SRID PAR THAL ZHING, CHU DVANGS ZHING BSIL BA DANG 'O MA DANG CHANG DANG KHRAG BZHI BSRES NAS PHOR PA GCIG BKAD BA'I TSE'ANG, GZUGS CAN GCIG GI GO SAR GZUGS CAN GZHAN 'BYUNG BA'I GO MI 'GEGS PAR THAL, BRLAN ZHING GSHER BA PHOR GANG GI GOS NA CHU DVANG ZHING BSIL BA 'O MA KHRAG CHANG STE DNGOS PO THA DAD PA BZHI DUS GCIG TU YOD BA'I PHYIR, BDAG GI RJE THAMS CAD MKHYEN PA NI BRLAN ZHING GSHER BA PHOR GANG LA DUS KHYAD PAR BA DE 'DRA'I TSE RNAG DANG BDUD RTZI LA SOGS PAR SKYES PA'I CHA SHAS DU MA DUS GCIG TU YOD PAR BZHED KYI, BRLAN ZHING GSHER BA PHOR GANG GI GO SAN RNAG PHOR GANG BDUD RTZI

, ,PHOR GANG CHU DVANG ZHING BSIL BA PHOR GANG YOD PA SOGS DANG CHU RDUL GCIG GI GO SAN BDUD RTZI'I RDUL GCIG DANG RNAG GI RDUL GCIG DUS GCIG TU YOD PA SOGS GTAN MI BZHED CING DE LTAR ZUR TZAM YANG MA GSUNGS PAS DE LTAR GSUNGS SO SNYAM NAS GNOD PA STON NA NI RANG NYID STON BAR BYED PA TZAM DU ZAD DO, ,'O NA NYI SHU PA'I 'GREL BSHAD DU DUL BA LHAS, DE LA NI RNAG THIGS PA 'GA' YANG MED NA RNAG GIS GANG BA'I KLUNG GA LA YOD DE, LAS KYI RNAM PAR SMIN PA'I DBANG GIS NA DE DAG GIS DE MTHONG NGO, ZHES BSHAD PA JI LTAR DRANG ZHE NA, NYI SHU PA RTZA BA DANG RANG 'GREL DANG 'GREL BSHAD DAG LAS BRGAL ZHING BRTAG PA MANG DU MDZAD PA DE DAG NI PHYI ROL GYI DON DGAG PA 'BA' ZHIG GI CHED DU MDZAD LA, DE YANG MIG SHES LA SNGON PO'I RNAM PA 'CHAR BA SOGS YUL PHYI ROL GYIS GTAD PA'I RNAM PA YIN NA KLUNG GCIG GI DNGOS PO LA MIS CHU DVANG ZHING BSIL BA DANG YI DVAGS KYIS RNAG DANG KHRAG DANG PHYIS LA SOGS PAR MTHONG BA'I CHA SO SO BA RNAMS KYANG PHYI ROL GYI YUL GYI DBANG GIS SHAR BA'I SNANG BAR 'GYUR BAS SNANG BA DE DAG 'CHAR BA LAS KYI BAG CHAGS SAD PA LA GTAN MA LTOS BAR SNANG DGOS PA LA LAS KYI BAG CHAGS RIGS MTHUN DU SAD PA'I YI DVAGS LA SOGS PA KHO NA LA SNANG GI DE LAS GZHAN LA MI SNANG BA'I PHYIR RNAM PAR RIG PA'I BDAG NYID LAS KYI DBANG GIS DE DANG DER SNANG BA YIN GYI DE LA NI SNANG BA LTAR PHYI ROL DON DU GRUB PA'I RNAG THIGS PA 'GA' YANG MED NA PHYI ROL GYI RNAG GIS GANG BA'I KLUNG GA LA YOD DE 'ON KYANG LAS KYI RNAM PAR SMIN BA'I DBANG GIS NA DE DAG GIS DE MTHONG NGO, ZHES GSUNGS PA YIN NO, ,DE LTA MA YIN NA DE DAG GI MJUG TU YI DVAGS LA RNAG KHRAG TU SNANG BA'I RNAG KHRAG GIS BZA' BTUNG SOGS KYIS BYA BA BYED PA MI 'THAD PAR THAL BA'I RTZONG SPONG DU PHYI ROL GYI DON GYIS STONG PA'I RNAM BAR RIG PA TZAM GYI BDAG NYID YIN YANG PHAN GNOD KYI BYA BA BYED PA MI 'GAL BA'I LAN, BYA BYED RMI LAM GNOD PA 'DRA, ZHES SOGS RTZA 'GREL RNAMS KYIS DPE DU MA'I SGO NAS RGYAS PAR BTAB PA THAMS CAD DANG 'GAL BAR 'GYUR TE, NYI SHU PA RANG LUGS LA'ANG YI DVAGS LA DE LTAR SNANG BA'I TSE NA RNAG GI SNANG BA TZAM MA GTOGS BZA' BTUNG GI BYA BA BYED NUS KYI RNAG DNGOS PO LAM GRUB PAR 'DOD PA'I PHYIR RO, ,GZHAN YANG DON GYI 'GROS GANG LA YANG MI

DPYOD BAR TSIG GI DNGOS ZIN TZAM RE 'DOD PA KUN GYI SKYABS SU GYUR PA KHYED CAG NI NYI SHU PA'I RANG 'GREL LAS, DE BZHIN DU BCOM LDAN 'DAS KYIS GZUGS LA SOGS PA'I SKYE MCHED YOD PAR GSUNGS PA YANG DE BSTAN PAS 'DUL BA'I SKYE BO'I CHED DU STE, BKA' DE NI DGONGS PA CAN NO, ZHES GSUNGS PA'I PHYIR MIG SHES LA GZUGS SU SNANG BA TZAM MA GTOGS GZUGS GZHI MA GRUB BO ZHES RGYANG BAN LAS KYANG THAL BAR SKUR PA 'DEBS PA LA ZHUGS SHIG ,DE NI PHYI ROL GYI GZUGS SOGS MED PAR STON PA LA 'DOD NA LUNG SNGA MA'ANG SNGAR BSHAD PA LTAR KHAS BLANGS NA MGOR THOG LTUNG BA'I 'JIGS PAR 'GYUR RAM CI ZHIG NONGS, GAL TE YI DVAGS 'GA' ZHIG LA RNAG GIS GANG BA'I KLUNG DU SNANG BA'I MIG SHES DE DNGOS PO LA RNAG MTSAN NYID PA LA TSAD MAR SONG NA 'O NA BSHES SBRING LAS, LJON SHING 'BRAS BU MED 'GYUR DE DAG GIS, ,BLTAS PA TZAM GYIS RLUNG YANG SKAMS PAR 'GYUR, ZHES GSUNGS PA DE LTAR SNANG BA'I YI DVAGS KYI MIG SHES GANGG'A LA SOGS PA'I CHU KLUNG SKAMS NAS MED BA LA TSAD MA DANG, LJON SHING 'BRAS BU SHIN TU MANG PO CHAGS PA DAG GI 'BRAS BU DE MA THAG MED PAR 'GYUR PA LA TSAD MAR KHAS LEN RIGS PAR 'GYUR ZHING, DE'I PHYIR CHU KLUNG GANGG'A DE'I TSE DNGOS GNAS LA'ANG SKAMS PA SOGS SU KHAS LEN RIGS PAR 'GYUR RO SNYAM NA, SKYON MED DE, DE LTA BU'I YI DVAGS DES DANG PO RGYANG RING PO NAS KYANG CHU KLUNG DE MA MTHONG NA BTUNG BAR 'DOD PA'I BSAM PAS RGYUG PAR YANG MI 'GYUR LA, DE LTAR 'THUNG 'DOD NAS 'GRAM DU PHYIN PA NA LAS KYIS GEGS BYAS PA'I DBANG GIS MIG SHES DES CHU KLUNG MA MTHONG ZHING, DE MA MTHONG BA NA CHU KLUNG GI 'OG GZHI SA DANG GSEG MA SOGS KYIS GANG BA'I GRAM BA MTHONG BAR 'GYUR TE, MI RNAMS KYIS KYANG CHU KLUNG GIS MA SGRIBS NA NI DE DAG MTHONG BAR 'GYUR RO, ,DE LTAR CHU KLUNG GI 'OG GZHI'I SA MNGON SUM DU MTHONG BA LA SGRIB BYED KYI CHU KLUNG MA MTHONG BA'I DBANG GIS CHU KLUNG GI 'OG GZHI GRAM PA MTHONG BA NA RTOG PAS CHU KLUNG SKAMS SO SNYAM DU ZHEN PAR 'GYUR ZHING, DE 'DRA'I RTOG PA NI ZHEN YUL LA 'KHRUL PA'I LOG SHES YIN GYI ZHEN YUL LA TSAD MA MA YIN LA, MIG SHES DE CHU KLUNG GI 'OG GZHI'I GRAM GSEG LA TSAD MA YIN ZHING, DE NI DNGOS GNAS LA YANG YOD LA, MIG SHES DES CHU KLUNG MA MTHONG BA YIN GYI CHU KLUNG

, ,MED PAR GZHAL BA MA YIN NO, ,DE BZHIN DU SHING THOG MTHONG BA LA LAS KYIS GEGS BYAS NAS MA MTHONG ZHING SHING GI YAL GA TZAM ZHIG MTHONG BAS SHING GI YAL GA LA TSAD MA YIN GYI SHING THOG MED PAR GZHAL BAM YIN LA, RTOG PAS SHING THOG MED BAR SONG BAR ZHEN BA NI ZHEN YUL LA 'KHRUL BA'I LOG SHES YIN PAS ZHEN YUL LA TSAD MAR KHAS MI LEN NO, ,DES NA CHU KLUNG DANG DE'I 'OG GZHI'I SA GNYIS LAS MI'I MIG SHES CHU LA TSAD MAR SONG GI 'OG GZHI'I SA LA TSAD MAR MA SONG LA, YI DAGS KYI MIG SHES 'OG GZHI'I SA LA TSAD MAR SONG GI CHU KLUNG LA TSAD MAR MA SONG NGO, ,DE BZHIN DU ZAS 'GA' ZHIG YI DVAGS 'GA' ZHIG GI KHAR MA SLEB GONG ZAS RANG DGA' BAR YOD BA LA DE'I KHAR SLEB PA NA YI DVAGS DE'I LAS KYI DBANG GIS ZAS KYI RIGS 'DRA PHYI MA ME DNGOS SU SKYES PA YIN GYI DE LTA MA YIN BAR BLO LA MAR SNANG BA TZAM MA GTOGS SNANG GZHIR GYUR BA'I ME DNGOS MED NA YI DVAGS DE'I KHA TSIG BA DANG MGRIN PA DANG LTO BSREG PA SOGS KYI BYA BA BYED MI NUS PAR 'GYUR BAS LAS 'BRAS LA SKUR PA BTAB PAR 'GYUR RO, ,DE LTAR BLO LA SNANG BA'I SNANG BA TZAM GYIS SREG BA LA SOGS BA'I BYA BA BYED NUS NA SKRA SHAD DU SNANG BA'I SNANG BA TZAM GYIS SKRA SHAD KYI BYA BA 'CHID BA LA SOGS PA DANG RAB RIB CAN LA SPRANG BUR SNANG BA'I SNANG BA TZAM GYIS SBRANG BU'I BYA BA LUS LA ZAB LA SOGS PA BYED NUS PAR 'GYUR BAS SHES PA GANG LA YANG SNANG GZHI DNGOS POR GRUB MA GRUB SOGS KYI DBYE BA BYAS PA LA DGOS PA CUNG ZAD KYANG MED BAR 'GYUR ZHING, SMIG RGYU CHUR SNANG BA'I SNANG BAS KYANG CHU YI BYA BA BYED NUS PAR THAL LO, ,GZHAN YANG YI DVAGS 'GA' ZHIG LA CHU KLUNG RNAG KHRAG TU SNANG BA DANG LHA LA BDUD RTZI DANG DUD 'GRO 'GA' ZHIG LA GNAS SU SNANG BA SOGS KYI MIG SHES DE DANG DE SNANG CHAL TSAD MA YIN GYI SNANG GZHIR GYUR PA'I DNGOS PO RNAG LA SOGS PA MA GRUB NA, DMYAL BA PA'I SEMS CAN GYI MIG SHES LA ME DANG LCAGS SREGS DANG RAL GRI'I LO MA'I NAGS DANG MTSON CHA LA SOGS PA SNANG BA TZAM MA GTOGS SNANG GZHIR GYUR PA'I DNGOS PO ME DANG MTSON CHAL SOGS PA CUNG ZAD KYANG MED PAR 'GYUR TE RIGS PA MTSUNGS PA'I PHYIR RO, ,DE 'DOD NA SEMS LA DE DANG DE'I SNANG BA SHAR BA TZAM MA GTOGS DNGOS GNAS LA LUS TSIG PA DANG YAN LAG BCAD PA SOGS MI SRID BAR

THAL BAS SEMS CAN DMYAL BA PA DANG YI DVAGS LA SOGS PA RNAMS LA SEMS KYI 'KHRUL SNANG TZAM MA GTOGS LUS KYI TSOR BA SDUG BSNGAL GTAN MED PAR 'GYUR BA'I PHYIR 'DI 'DRA LAS LAS 'BRAS LA SKUR PA BTAB PAR 'GYUR BA GANG ZHIG YOD, MI'I MIG SHES LA ME DANG CHU LA SOGS PAR SNANG BA'ANG SNANG BA TZAM LA CHAD MA YIN GYI SNANG GZHIR GYUR PA'I ME DANG CHU LA SOGS PA'I DNGOS PO CUNG ZAD KYANG MED DO ZHES SMRAS NA CIS 'GOG, DA LTA SREG PA DANG 'CHED PA DANG KHRUS DANG BTUNG BA LA SOGS PA'I BYA BA BYED NUS PAR MI RANG GI MYONG BAS GRUB PA'I PHYIR ME DANG CHU LA SOGS PA DNGOS PO LA YANG YOD DO ZHE NA, 'O NA RNAG KHRAG DANG ME KHAR BABS PA SOGS KYIS KYANG BZA' BTUNG DANG MGRIN PA SREG PA LA SOGS PA'I BYA BA BYED NUS PAR YI DVAGS DE DAG GI MYONG BAS GRUB PA'I PHYIR, DNGOS PO LA YANG RNAG KHRAG LA SOGS PA CI'I PHYIR MED DE NI YI DVAGS DE DAG GI MYONG BAS GRUB BAR 'KHRUL PA'I DBANG GIS RLOMS BA TZAM YIN NO ZHE NA, MI DAG GIS KYANG 'KHRUL PA'I DBANG GIS MYONG BAS GRUB PAR RLOMS PA TZAM DU 'GYUR RO, ,'O NA DNGOS GNAS LA 'CHED PA DANG KHRUS LA SOGS PA'I BYA BA MA BYAS PAR 'GYUR RO ZHE NA, 'O NA DNGOS GNAS LA YI DVAGS DE DAG GI MGRIN PA MA TSIG PA LA SOGS PAR 'GYUR RO ZHES KUN TU MTSUNGS PAS YANG NA DNGOS PO LA BYA BA BYED NUS KYI CHOS GCIG YANG MED PAR 'DOD PA'AM, YANG NA NGAN SONG DANG LHA LA RANG RANG GI LAS KYIS GANG SNANG THAMS CAD LA SNANG GZHIR GYUR PA'I DNGOS PO BDE SDUG SKYED PA'I BYA BA BYED NUS CUNG ZAD KYANG MED PA RAB RIB CAN LA SKRA SHAD SNANG BA DANG KHYAD PAR CUNG ZAD KYANG MED PAR 'GYUR BAS LAS 'BRAS LA SKUR 'DEBS KYI LTA BA LA RIGS PA YANG DAG GIS GTAN LA PHAB PA'I RNAM GZHAG TU 'KHRUL PAS RANG NYID RDZOGS PAR MA STON SHIG ,'JUG PA LAS, RAB RIB DANG LDAN DBANG PO CAN MTSUNGS PA, ,CHU 'BAB KLUNG LA YI DVAGS RNAG BLO YANG, ZHES PA RTZA 'GREL RNAMS KYIS NI CHU KLUNG LA RNAG KHRAG MTHONG BA'I YI DVAGS KYI MIG SHES KYI YUL CAN SHES PA DANG YUL GNYI GA RANG BZHIN GYIS GRUB PA MED MNYAM DANG, MA BRTAGS MA DPYAD PA'I THA SNYAD TZAM DU YUL CAN SHES PA YOD PA LTAR YUL PHYI ROL YANG YOD PA SNGAR RAB RIB CAN GYI MIG SHES DANG DE'I YUL PHYI ROL GNYI GA RANG BZHIN GYIS GRUB PA MED CING THA SNYAD TZAM DU SKRA SHAD 'DZAG SNANG GI MIG

, ,SHES DANG DE'I YUL PHYI ROL GNYI GA YOD PAR BSHAD PA DANG 'DRA BAR STON GYI SKRA SHAD 'JIG [?] SNANG GI SHES PA LA SKRA SHAD DU SNANG BA TZAM MA GTOGS SNANG GZHIR GYUR PA'I SKRA SHAD BYA BA BYED NUS MED PA DANG RNAG KHRAG SOGS SNANG BA'I YI DAGS KYI MIG SHES LA SNANG BA TZAM MA GTOGS SNANG GZHIR GYUR PA'I RNAG KHRAG SOGS DNGOS PO LA MA GRUB PA GNYIS MTSUNGS PAR STON PA GA LA YIN, DBU SEMS DON SHES YOD MED MTSUNGS MI MTSUNGS RTZOD BAM YIN PAR SHES PA 'KHRUL PA'I SNANG BA RNAMS KYI SNANG GZHI GZHI GRUB MA GRUB RTZOD PAR 'GYUR ZHING, RAB RIB MTHU YIS SKRA RNAMS GANG MTHONG BA, CES BA'I MTSAMS SBYAR DU PHYOGS SNGA MAS BKOD PA'I RANG 'GREL YANG MA MTHONG BA GSAL BAR BYAS TE, 'DIS NI DING SANG GI KLOG PA PA SGRA SGROGS PA TZAM GYIS TSIM PA'I 'KHOR GYI NANG NA STON PA LTAR 'CHOS PA PHAL CHE BA'I SMRA BA MTHA' DAG 'DI LTA BU DANG MTSUNGS PA GSAL BAR BYAS SO, ,SPYOD 'JUG LAS, SEMS CAN DMYAL BA'I MTSON CHA RNAMS, ,SU ZHIG GIS NI CHED DU BYAS, ,LCAGS SRAGS SA GZHI SU YIS BYAS, ,ME TSOGS DE DAG CI LAS BYUNG, ,DE 'DRA DE DAG THAMS CAD KYANG, ,SDIG SEMS BYUNG BAR THUB PAS GSUNGS, ZHES PAS DMYAL BA'I MTSON CHA DANG LCAGS SREGS KYIS GZHI LA SOGS PA DNGOS PO LA MED DE YOD NA SUS BYAS, DE DAG NI SEMS KYI 'KHRUL SNANG TZAM YIN NO ZHES BSTAN PAS, CHU 'BAB KLUNG LA YI DVAGS RNAG BLO'ANG DE DANG MTSUNGS PAR SMRA BA NI DGE BA BCU'I LAS KYI LAM LA YANG DAG PAR SLOB PA'I SKYES BU DAM PA LHAR SKYES PA DANG MTSAMS MED PA LNGA BYAS PA'I SDIG CAN DMYAL BAR SKYES PA GNYIS KA LA SEMS KYI 'KHRUL SNANG BZANG NGAN GYI KHYAD MIN PA LUS KYIS BDE SDUG DNGOS SU MYONG MA MYONG GI KHYAD PAR CUNG ZAD KYANG MED PAR SMRA BA STE, CHOS DANG CHOS MA YIN PA KHYAD PAR MED CING SEMS DPA' CHEN PO MTHA' DAG BSOD NAMS MA YIN PA GSOG PA'I YUL DU BYED PA'I NYAMS LEN LA GZHOL BA DAG LA YID KYI SMON BDE TZAM ZHIG 'OS SO, ,'ON KYANG GZHUNG DE'I DON NI, SU ZHIG GIS NI CHED DU BYAS, ZHES PA DANG, SU YIS BYAS ZHES PA'I DMYAL BA'I MTSON CHA DANG LCAGS SREGS SOGS DBANG PHYUG SOGS SUS KYANG BLO SNGON DU BTANG NAS BYED PA PO'I SKYES BU GZHAN MED PAR BSTAN NAS, 'ON DE DAG BYED PA PO SU YIN NA RNAM

SMIN MYONG BA PO'I SEMS CAN DE DAG RANG GI SKYE BA SNGA MA'I LAS GSOG PA'I SDIG SEMS BYED PA PO YIN PAS DA LAS BYUNG BA'I PHYIR SEMS NYID BDE SDUG GI BYED PA PO GTZO BOR STON PA STE, RANG RGYUR GYUR BA'I SEMS LAS BYUNG BA'I PHYIR GZHI MA GRUB PO ZHES MA SMRA SHIG, 'O NA DE LTA BU'I LAS CAN GYI LHA MI YI DVAGS RNAMS TSOGS PA'I TSE, BRLAN ZHING GSHER BA PHOR GANG GI GOS NA BDUD RTZI PHOR GANG LHA LA SNANG BA DANG YI DVAGS LA RNAG PHOR GANG SNANG BA SOGS SU 'DOD MA ZHES ZER NA, GZHI DER YI DVAGS LA RNAG SNANG ZHING DE'I SNANG GZHI RNAG BYA BA BYED NUS DNGOS PO LA YANG YOD LA LHA DE LA BDUD RTZI GZHI DER SNANG ZHING DE'I SNANG GZHI BDUD RTZI BYA BA BYED NUS DNGOS PO LA'ANG YOD PAR KHAS LEN GYI, BDUD RTZI PHOR GANG DANG RNAG PHOR GANG SOGS KYI TSAD MTSUNGS NGES CAN DU SNANG MI DGOS TE, GAL TE DGOS NA DE'I TSE BRLAN ZHING GSHER BA PHOR GANG PO DE'I NANG NA GNAS KYI BLOS GNAS PAR BYED PA THA MAL GYI MIG GIS BZOD PAR MI NUS PA LTA BU'I SRIN BU CHUNG DU LA'ANG PHOR GANG GI TSAD DU SNANG DGOS PAR 'GYUR LA, DE LTA NA RGYA MTSO'I NANG GI NYA CHUNG DU LA'ANG RGYA MTSO'I MTHA' GTING RGYA KHYON GYI TSAD JI TZAM YOD PA SNANG BAR 'GYUR RO, ,DE'I TSE LHA MA YIN 'GA' ZHIG LA MTSON CHAR SNANG BA'I TSE NA'ANG MTSON CHA PHOR GANG DU SNANG DGOS PAR 'GYUR RO, ,GAL TE DE'I TSE RNAG DANG BDUD RTZI SOGS PHOR GANG GI TSAD MTSUNGS SU SNANG DGOS KYANG KHO BO CAG LA GNOD PA CI'ANG MED DO, ,MIG SHES DE DAG BYA BA BYED NUS KYI RNAG TZAM DANG, SNANG GZHI BYA BA BYED NUS KYI BDUD RTZI TZAM LA TSAD MAR SONG GI TSAD JI TZAM DU SNANG BA'I TSAD KYI CHA LA TSAD MAR MA SONG NGO ZHAS SMRAS PAS SUS KYANG DGAG TU MED PA'I PHYIR RO, ,DE LTAR NA DON 'DI NYID BLO GROS CHUNG DU RNAM PAR MI DPYOD PA DAG GI TSIG TZAM GYIS LOG PAR BZUNG STE DAM PA'I LEGS BSHAD LA LEGS BSHAD DU MI SHES PAR, LAS 'BRAS LA YID BRTAN DU MI RUNG BAR BYED PA NYID DU MTHONG NAS CUNG ZAD ZHIB PAR BSHAD DO, ,GSUM PA RANG RIG KHAS MI LEN BA'I KHYAD PAR BSHAD PA LA, KHAS LEN PA'I PHYOGS JI LTAR 'GOG TSUL BSHAD PA DANG, KHAS MI LEN PA'I RANG LUGS JI LTAR 'JOG PA'I TSUL BSHAD PA'O, ,DANG PO LA PHYOGS SNGA MA BSHAD PA DANG, DE 'GOG TSUL BSHAD PA'O, ,DANG PO NI, MDO SDE PA DANG SEMS TZAM BAS KHAS LEN PA'I RANG RIG NI 'DI

, ,LTAR YIN TE, RTOG GE 'BAR BA LAS, SEMS TZAM PAS RNAM SHES NI GNYIS SU SNANG BA STE, RANG SNANG BA DANG, YUL SNANG BA'O, ,YUL DU SNANG BA'I RNAM SHES NI PHYI ROL GYI YUL GYI RNAM PAR GYUR NAS RANG SNANG BA'I RNAM SHES KYI YUL DU 'GYUR RO ZHE NA, ZHES PHYOGS SNGA MA BKOD PA 'DIS GSOL BAR BSTAN LA, DE'I DON YANG, RANG SNANG BCAS PA 'DZIN RNAM DANG, YUL DU SNANG BA CES PA GZUNG RNAM DANG, YUL GYI RNAM PAR GYUR PA'I GZUNG RNAM DE NYID 'DZIN RNAM GYI YUL DU BSHAD BAS 'DZIN RNAM GYIS GZUNG RNAM MYONG BA RANG RIG GI DON DU BSHAD PA YIN NO, ,DES NA MOD SEMS GNYIS KYI LUGS LA SHES PA YIN NA KHO RANG GI NGO BOR GYUR PA'I 'DZIN RNAM DE KHA NANG KHO NA LA LTAS PA GNYIS SNANG THAMS CAD DANG BRAL ZHING, KHO RANG GIS KHO RANG RIG PA YIN LA, DES KHO RANG RIG PA DANG GZUNG RNAM RIG BA GNYI GA YANG YUL GANG GI'ANG RNAM PA 'CHAR BA LA GTAN NAS MI LTOS PA'I 'DZIN RNAM YAN GAR BAR 'DOD PA YIN TE, DON 'DI NI RNAM 'GREL LAS, RTAG TU BDAG LA NANG MNGON PHYOGS, ZHES SOGS DANG, RIG BYA RIG BYED RNAM PA'ANG MED, CES SOGS GZHUNG DUM ZHIG GIS GSAL BAR BSHAD CING, DBU MA BDEN GNYIS KYI RANG 'GREL LAS KYANG, RANG RIG 'GOG PA NA, SHES PA GNYIS KYIS DBEN PA'I NGO BO RIG PAR 'BYUNG BA YIN DANG DE MED PAR SHES PAR 'GYUR GYI DE LTA MA YIN NA MA RIGS PA'I PHYIR RO, ZHES GSUNGS TE, GNYIS SNANG THAMS CAD DANG BRAL BA'I RANG RIG MA GRUB PAS KHYOD KYI GZUNG 'DZIN GNYIS MED KYI GZHAN DBANG MI 'GRUB CES PA'I DON NO, ,DE 'DRA BA'I RANG RIG YOD PA'I SGRUB BYED KYI RIGS PA DNGOS SMRA BAS SMRAS PA RNAMS KYI GTZO BO NI 'DI YIN TE, SNGO 'DZIN MIG SHES LA RANG MYONG BA'I RANG RIG YOD DE, ZHES BKOD NA NI PHYI RGOL GYI NGOR RTAGS CHOS GNYIS LDAN GYI DBE MI RNYED PAS DE LTAR MI SGRUB KYI 'DI LTAR, MIG SHES KYIS SNGON PO MTHONG BA'I RJES SU SNGON PO MTHONG SNYAM DU YUL DRAN PA'I SHES PA DANG, NGAS MTHONG NGO SNYAM DU YUL CAN DRAN PA'I SHES PA SKYE BA 'DI LA, GANG GI TSE YUL SNGON PO MYONG BA SNGON DU MA SONG NA SNGON BO DRAN PA'I SHES PA SKYE BA ME SRID PA BZHIN DU, YUL CAN SNGO 'DZIN MIG SHES MYONG BA SNGON DUM SONG NA YANG SNGO 'DZIN MIG SHES DRAN BA SKYE BA MI 'THAD DGOS PA'I PHYIR SNGO 'DZIN MIG SHES MYONG BA YOD BAR GRUB LA, DE LA RANG MYONG

GZHAN MYONG GNYIS SU KHA TSON CHOD CING, KHO RANG LAS DON GZHAN DU GYUR BA'I SHES PA DUS MNYAM DANG PHYIS BYUNG GANG GIS MYONG YANG DE LA YANG MYONG BYED GZHAN 'DOD DGOS PA SOGS KYIS THUG MED DU 'GYUR BA DANG, SNGO 'DZIN MIG SHES SKAD CIG PHYI MAS SKAD CIG SNGA MA MYONG NA SKAD CIG PHYI MAS YUL 'DZIN PA'I BYA BA SNGON DE LA 'PHO BA MED PAR THAL BAS GZHAN MYONG KHEGS LA, DE'I PHYIR RANG MYONG YOD PAR GRUB CING, RANG NYID LA RANG NYID RGYANGS CHAD DU SNANG BA MI SRID BAS GNYIS SNANG THAMS CAD DANG BRAL BA'I RANG RIG YOD BAR GRUB PO ZHES ZER RO, ,GNYIS PA DE 'GOG TSUL BSHAD PA LA, SGRUB BYED DGAG PA DANG, DAM BCA' DGAG PA GNYIS, DANG PO NI, CI RANG BZHIN GYIS GRUB PA'I DRAN PA'I RTAGS KYIS MYONG BA DPOG GAM DRAN BA TZAM RTAGS SU 'GOD, DANG PO LTAR NA THAL 'GYUR BA'I NGOR RANG RIG DANG MA GRUB PAR KHYAD PAR MED PA'I PHYIR RANG RIG GI SGRUB BYED DU MI RIGS SO, ,GNYIS PA LTAR NA 'BRAS BU DRAN PA TZAM RTAGS SU BKOD NAS RGYU KHYAD PAR [?] RANG MYONG SNGON DU SONG BAR SGRUB PA KHYAB PA 'KHRUL TE, ME TZAM LAS ME SHEL DANG CHU TZAM LAS CHU SHEL DPOG PA BZHIN NO, ,DRAN BA'I RTAGS KYIS MYONG BA TZAM SNGON DU SONG BAR GRUB TU CHUG KYANG MYONG BA LA MDO SEMS GNYIS KYIS SMRAS BA LTAR GYI RANG MYONG DANG GZHAN MYONG GNYIS SU KHA TSON CHOD PA MA YIN TE, SGRON ME RANG GIS RANG GSAL BAR BYED PA DANG RANG LAS DAN GZHAN GYIS GSAL BAR BYED PA GNYI GA KHEGS KYANG MAR ME GSAL BA'I RANG BZHIN DU GNAS PA MI KHEGS PA BZHIN NO, ,CI STE MAR ME RANG GIS RANG GSAL BAR BYED DO ZHE NA, 'O NA MUN BA RANG GIS RANG BSGRIB BAR THAL LO, ,'DOD NA SNANG BA DANG BRAL BA'I MUN KHUNG GI BUM GZUGS GSAL BAR MTHONG BA LA GEGS MED PAR THAL, DE'I TSE MUN PA SGRIB BYED KYIS SGRIBS NAS MTHONG BA MED PA'I PHYIR RO, ,RTZA SHE LAS, MAR ME RANG DANG GZHAN GYI DNGOS, ,GAL TE SNANG BAR BYED GYUR NA, ,MUN BA'ANG RANG DANG GZHAN GYI DNGOS, ,SGRIB PAR 'GYUR BAR THE TSOM MED, CES PA LTAR RO, ,GZHAN YANG BYED LTAR NA SNGAR GYI MYONG BA DANG PHYIS KYI DRAN PA GNYIS RANG BZHIN GYIS GZHAN YIN PA'I PHYIR PHAN TSUN LTOS MED KYI GZHAN DU 'GYUR LA, DE LTAR NA 'BREL MED DON GZHAN DU 'GYUR DGOS PA'I PHYIR PHYIS KYI DRAN BAS SNGAR GYI MYONG BA DRAN PAR MI 'THAD DE, GZHAN DU NA LHAS BYIN GYI RGYUD KYI DRAN SHES KYIS MCHOD BYIN GYI

, ,RGYUD KYI MYONG BA DRAN PAR THAL BA'I PHYIR RO, ,GNYIS BA DAM BCA' DGAG PA NI, GONG DU JI SKAD BSHAD PA'I TSUL GYIS RANG RIG YOD PA'I SGRUB BYED KHEGS BA NYID KYIS RANG RIG YOD PA YANG KHEGS LA, GZHAN YANG RANG LAS THA DAD PA'I YUL GANG GI YANG RNAM BAM SHAR BA'I 'DZIN RNAM DE NYID KYIS 'DZIN RNAM DE NYID 'JAL NA TSAD MA 'GRUB PA GZHAL BYA LA MI LTOS PAR 'GYUR ZHING, DE LTAR NA GZHAL BYA 'GRUB PA'ANG TSAD MA LA MI LTOS PAR 'GYUR RO, ,GZHAN YANG KHA NANG LTAS KYI 'DZIN RNAM YAN GAR BDE LA RTOG PAS JI TZAM YID GTANG KYANG RIG BYA DANG RIG BYED KYI LDOG PA SO SO'I SPYI 'CHAR RGYU CUNG ZAD KYANG MED LA; DE LTA NA YANG RIG BYA DANG RIG BYED GNYIS KYI RNAM GZHAG 'THAD NA MYU GU LTA BU GCIG LA YANG KHO RANG GIS KHO RANG SKYED BA'I BSKYED BYA SKYED BYED GNYIS KYI RNAM GZHAG NGES PAR 'THAD PAR 'GYUR RO, ,DE LTAR NA BYA BYED THAMS CAD GCIG TU THAL BA'I SKYON DU 'GYUR BAS DE'I PHYIR, BYED BO LAS DANG BYA BA GCIG MIN PAS,, DE NYID KYIS DE MYANG BAR RIGS MA YIN, CES GSUNGS SO, ,GNYIS PA KHAS MI LEN BA'I RANG LUGS JI LTAR 'JOG TSUL BSHAD PA NI, KHA CIG 'DZIN RNAM DE NYID KYIS DE NYID MYONG BA'I RANG RIG SLOB DPON ZLA BA GRAGS PA YANG THA SNYAD TZAM DU BZHED DO ZHES ZER BA NI, 'JUG PA'I RANG 'GREL LAS, RDZAS RANG GI MCHAN NYID KYIS GRUB PA'I RANG RIG DANG DRAN PA BKAG PA'I 'OG TU, 'ON TE 'JIG RTEN GYI THA SNYAD KYI DBANG DU BYAS PA YIN NA NI DE LTA NA YANG RANG RIG PA'I RGYU CAN GYI DRAN BA MI SRID PA NYID DO, CES DANG, RANG RIG BA MED PAR DRAN PA JI LTAR BYUNG BA DE LTAR STON PAR 'GYUR RO, CES THA SNYAD DU RANG RIG MED KYANG DRAN BSKYE BAR GSUNGS PA LA DNGOS SU BSNYON BAR ZANG DO, ,'O NA RANG LUGS LA THA SNYAD TZAM DU YANG RANG RIG MED KYANG DRAN PA SKYE BA'I CHUL JI LTA BU ZHE NA, 'JUG BRTZA 'GREL LAS RGYAS PAR GSUNGS PA RNAMS KYI DON GO BDE BAR PHYOGS GCIG TU BRJOD NA, SHES BYA CHOS CAN, KHA NANG LTA LA GNYIS SNANG DANG BRAL BA'I 'DZIN RNAM DE NYID KYIS DE NYID MYONG BA MED KYANG, NGAS SNGAR AUTPA LA SNGON PO 'DI MTHONG NGO SNYAM BA'I DRAN PA SKYE BA'I RGYU MTSAN YOD DE, SNGAR AUTPA LA SNGON PO MTHONG BA'I MIG SHES DANG PHYIS DRAN BA'I SHES PA GNYIS RANG BZHIN GYIS SO SO BA MA YIN ZHING, NGA'I MIG SHES KYIS MTHONG BAS BSANGS MTHONG BAR 'JOG NUS LA, SNGAR MIG SHES DES

MTHONG BA'I DON DANG PHYIS KYI DRAN SHES DES DRAN PA'I DON GNYIS DON GCIG BA'I RGYU MTSAN GYIS DE 'DRA BA'I DRAN SHES SKYES PA YIN PA'I PHYIR, CES PA NYID KYIS LEGS BAR GRUB BO, ,DPAL LDAN ZHI BA LHAS NI TSUL GZHAN DU BSHAD DE, SPYOD 'DUG LAS, GAL TE RANG RIG YOD MIN NA, ,RNAM SHES JI LTAR NGAN PAR 'GYUR, CES PHYOGS SNGA MA SNGAR LTAR BKOD NAS, DE LA KHYAB BA MA NGES PA'I LAN 'DEBS PA YIN LA, DE YANG 'DI LTAR, YUL CAN MYONG BA'I RANG RIG MED KYANG YUL CAN DRAN PA'I SHES BA SKYE BA MI 'THAD PA'I NYES PA MED DE, GANG GI TSE GZUGS DRAN PA SKYE BA NA YUL CAN SPANGS NAS DRAN PA MA YIN GYI NGAS SNGAR GZUGS 'DI MTHONG PO ZHES YUL YUL CAN 'BREL BAR DRAN BA'I PHYIR RO, ,PHYIS YUL YUL CAN 'BREL BAR DRAN PA LA SNGAR YUL MYONG BA'I DUS NA YUL CAN MYONG DGOS PAS MA KHYAB STE, DPER NA DGUN GYI DUS SU BYI BAS LUS LA RMUGS PA NA LUS LA BYI DUG ZHUGS YOD KYANG DE'I TSE RMUGS BA MYONG GI DUG MA MYONG BA, DE LAS DUS PHYIS 'BRUG GI SGRA THOS BA NA SNGAR RMUGS PA DE'I TSE DUG ZHUGS PAR 'DUG SNYAM DU DRAN PA SKYE BA BZHIN NO, ,DES NA SNGAR DUG ZHUGS PA'I TSE DUG MA MYONG YANG PHYIS RMUGS PA DRAN PA NYID KYIS DUG ZHUGS BA DRAN PA BZHIN DU SNGAR YUL MYONG BA'I TSE YUL CAN MA MYONG YANG PHYIS YUL DRAN BA'I STOBS KYIS YUL CAN DRAN BA'ANG 'THAD DO ZHES BZHED DE, SPYOD 'JUG LAS, GZHAN MYONG BA NA 'GREL BA LAS, ,DRAN 'GYUR BYI BA'I DUG BZHIN NO, CES SO, ,DA NI 'DI DPYAD PAR BYA STE, THAL 'GYUR BA'I RANG LUGS LA YANG DBANG SHES DANG YID SHES THAMS CAD YOD PAR 'DOD DGOS LA, SHES PA DE DAG RANG NYID KYIS RANG NYID YOD PAR GRUB NA RANG RIG BKAG PA DANG 'GAL ZHING, SHES BA DON GZHAN GYIS YOD PAR 'GRUB DGOS NA THUG PA MED BA'I SKYON DU 'GYUR BA'I PHYIR, 'DI YI YOD PA GANG GI SHES PAR 'GYUR, ,MA GZUNG BA YANG YOD CES BYAR MI RUNG, CES BA'I NYES PA RANG LA'ANG MTSUNGS PAR 'GYUR BA JI LTAR SPONG ZHE NA, DON 'DI CHES RTOGS PAR DKA' BA'I GNAS YIN MOD KYI, KHO BOS DPAL LDAN BLA MA DAM PA THAMS CAD MKHYEN BA'I BZHED PA DRI MA MED PA BRJOD PAR BYA STE, DE YANG TSIG GSAL LAS, TSAD MA'I GRANGS 'JUG BA GZHAL BYA'I GZHAN GYI DBANG YIN PA'I PHYIR DANG, GZHAL BYA'I RNAM PA'I RJES SU BYED PA TZAM GYIS RANG GI NGO BO YOD PAR RNYED PA'I TSAD MA DAG GI RANG GI NGO BO RNAM PAR 'JOG

, ,BA'I PHYIR, CES GSUNGS PA LTAR, GZHAL BYA'I GRANGS NGES KYIS TSAD MA'I GRANGS NGES 'JOG CING, TSAD MA LA GZHAL BYA'I RNAM PA SHAR BA'I DBANG GIS 'JAL BYED KYI TSAD MA'I RANG GI NGO BO YOD PAR 'JOG PA TZAM GYIS ZHES PA NI DE 'DRA BA'I TSAD MA 'GRUB TSUL LAS ZUNG DU RANG RIG GIS 'GRUB PA 'GOG PA'I TSIG GO, CHAD MAS GZHAL BYA GRUB PA TZAM GYIS TSAD MA YOD PAR 'GRUB BA'I DON YANG JI LTA BU ZHE NA, 'DI LA THOG MAR GZHAN DU SRID PA'I DOGS PA'I MTHA' CUNG ZAD GCOD PAR BYA STE, DE YANG DE LTAR BSHAD PA'I DON NI SNGO 'DZIN MIG SHES KYIS SNGON PO GZHAL BAS SDO 'DZIN MIG SHES YOD PAR GRUB CES PAR SONG BA'I PHYIR SNGO 'DZIN MIG SHES KYIS SDO 'DZIN MIG SHES YOD PAR GRUB PAR 'DOD DGOS LA, DE LTAR NA SNGO 'DZIN MIG SHES KYIS SDO 'DZIN MIG SHES GRUB PAR 'DOD DGOS PA'I PHYIR NGES DA RIG PA DANG RTOGS PAR YANG 'DOD DGOS SO SNYAM DU GZUNG BAR ME BYA STE, DE LTA NA SNGO 'DZIN MIG SHES SNGO 'DZIN MIG SHES DANG RIG BYA RIG BYED DU KHAS LAN DGOS PAS, DNGOS SMRA BA RANG RIG 'DOD PA DAG 'GOG PA NA, SHES PA RANG GI NGO BO LA GNYIS SNANG DANG BRAL BA'I 'DZIN RNAM RANG NYID KYIS RANG NYID MYONG PA MI 'THAD DE, DE LA RTOG PAS JI TZAM YID GTAD KYANG RIG BYA DANG RIG BYED KYI SPYI SO SOR 'CHAR RGYU MED PAS BYA BYED GCIG TU 'GYUR BA'I PHYIR ZHES PA'I PHYOGS NAS GNOD PA BSTAN PA THAMS CAD RANG LA JI LTA BAR MTSUNGS PAR 'GYUR BA'I PHYIR DANG, DES DE RTOGS NA DNGOS RTOGS SHUGS RTOGS GANG RUNG GCIG TU 'DOD DGOS PA LA DE GNYIS GANG YANG 'DOD DU MI RUNG BA'I PHYIR RO, ,SHES PA DE LA YUL GYI RNAM PA SHAR BA'I SHUGS KYIS SHES BA DE DANG DE GRUB CES KHAS BLANGS NA SKYON CI YOD SNYAM NA, 'O NA JI LTA BA MKHYEN PA'I THEG CHEN GYI MTHONG LAM MNYAM GZHAG YE SHES DES CHOS NYID DNGOS SU RTOGS PA'I SHUGS KYIS YUL CAN YE SHES RANG NYID KYANG RTOGS PAR THAL LO, ,DE LA MI 'DOD PA 'PHANGS PA CI ZHIG YOD SNYAM NA; YE SHES DE GANG LA RIG SHES TSAD MAR SONG BA'I GZHAL BYA CHOS NYID DE DGAG BYA BDEN GRUB BCAD TZAM GYI MED DGAG KHO NA MA YIN PAR MA YIN DGAG TU THAL, BDEN GRUB BCAD TZAM DE DNGOS YUL DU BYAS PA'I SHUGS KYIS BSGRUB CHOS YE SHES DE BLO YUL DU 'PHANGS 'DUG PA'I PHYIR RO, ,BDEN PAR MED CES

BRJOD PA'I SGRAS KYANG BDEN MED RTOGS PA'I BLO SHUGS LA BRJOD BYANG 'PHEN PAR THAL LO, ,DE'I PHYIR RTZA SHE'I RNAM BSHAD CHEN MOR, 'ON TE RANG BZHIN MED PA YOD PAR NI SHUGS KYIS RTOGS LA DE YANG RIG SHES KYIS GRUB PAR BYA DGOS SO SNYAM NA, DE LTA NA MYU GU RANG BZHIN MED DO ZHES PA'I SGRAS KYANG RANG BZHIN MED PA YOD PA DE SHUGS LA BSTAN DGOS TE SGRA DE'I RJES SU 'BRANG BA'I BLOS DE YOD PAR SHUGS LA RTOGS PA'I PHYIR RO, ,DE'I PHYIR DGAG BYA BCAD TZAM MIN PA'I CHOS GZHAN SHUGS LA 'PHANGS PA'ANG MA YIN DGAG YIN PAS MED DGAG YIN PA NYAMS SO, ZHES GSUNGS PA DRAN PAR BYOS SHIG, RANG BZHIN MED BAR RTOGS PA'I RIG SHES DES RANG BZHIN MED PA DNGOS SU RTOGS PA'I SHUGS KYIS YUL CAN GYI YE SHES DE YOD PA'ANG 'GRUB NA RANG BZHIN MED PA YOD PA SHUGS LA RTOGS PA LTA CI SMOS, YUL DNGOS SU RTOGS PAS YUL CAN YOD PA SHUGS LA 'GRUB NA YUL KHO RANG YOD PA SHUGS LA MI 'GRUB PA 'GAL BA YIN NO, ,DE 'DOD NA RANG BZHIN MED PA YOD PA THA SNYAD PA'I TSAD MAS 'GRUB KYI RIG SHES KYIS MI 'GRUB PAR RJE NYID KYIS YANG YANG GSUNGS PA LTAR NGES PAR KHAS LEN DGOS PAS DBU MA BA'I RANG LUGS KYI RNAM GZHAG GZHI NAS NYAMS PAR 'GYUR RO, ,YANG SHES BDE DANG DES SHES PA DE DANG DE DNGOS SU RTOGS PAR 'DOD PA NI LUGS 'DI LA GNAS MA YIN PA'I LOG RTOG YIN TE, RIG SHES TSAD MA YIN NA DON DAM DPYOD BYED KYI TSAD MA DANG THA SNYAD DPYOD BYED KYI TSAD MA GNYI GA YIN PAS KHYAB PAR THAL BA'I PHYIR DANG, BDEN GRUB RNAM PAR BCAD PA DNGOS YUL DU BYAS PA'I STOBS KYIS SHES PA RANG NYID YOD PA DNGOS SU RTOGS NA BDEN GRUB BCAD PA BLO YUL DU BYAS PA'I STOBS KYIS BSGRUB CHOS DNGOS SU 'PHANGS PAR SONG BAS MED DGAG KHO NA YIN PA NYAMS LA, RES 'GA' DNGOS RTOGS LA RNAM PA SHAR BAS KHYAB PA KHAS LEN LA, RES 'GA' SHES BA THAMS CAD RANG GIS RANG DNGOS SU RTOGS PAR KHAS LEN PA NI DRAN PA RNAL DU MA BZHAG PA YIN ZHING, 'JUG PA'I RNAM BSHAD CHEN MOR, TSAD MA 'GRUB PA LA GZHAL BYA GRUB PA TZAM GYIS MI CHOG BAR CHAD MA RANG LAS TSAD MA 'GRUB PA GZHAN DAG 'DOD PA LTAR YIN NA GZHAL BYA LA MA LTOS PAR TSAD MA 'GRUB PAR 'GYUR RO, ZHES GSUNGS BZHIN DU SLAR YANG TSAD MA RANG LAS TSAD MA DNGOS SU GRUB PA DANG

, ,SHUGS LA 'GRUB PA SOGS RNAM BSHAD MDZAD PA PO'I BZHED PAR 'CHAD PA NI BZLOG STE SMRA BA YIN NO, ,KHO BO NI 'DI LTAR SMRA STE, SNGO 'DZIN MIG SHES KYIS SNGO 'DZIN MIG SHES YOD PAR GRUB, JI LTAR GRUB NA SNGON PO GZHAL BA'I STOBS KYIS GRUB CES MI SMRA'I, SNGO 'DZIN MIG SHES KYIS SNGON BO GZHA' BA'I STOBS KYIS TSAD MA GZHAN BRGYUD MI DGOS PAR SNGO 'DZIN MIG SHES KYIS SNGON PO GZUNG BA DRAN PA'I SHES PA DNGOS SU 'DREN LA, SNGO 'DZIN MIG SHES KYIS SNGON PO GZUNG BA DRAN PA'I SHES PA DE NYID KYIS SNGON PO MED PA DANG SNGO 'DZIN MIG SHES MED PA GNYI GA'I SGRO 'DOGS BCAD NAS BLO KHA PHYOGS BTZAM GYIS DE DAG YOD PA'I NGES PA 'DREN NUS PA'I TSAD MA YIN PAS DRAN SHES DE NYID MIG SHES YOD PA LA TSAD MA YIN ZHING, RJES KYI DRAN SHES KYIS SNGON PO DRAN PA NA SNGO 'DZIN BLO YUL DU SPANGS NAS DRAN PA MA YIN GYI NGAS SNGON PO MTHONG NGO SNYAM DU SNGO 'DZIN GYIS KHYAD PAR DU BYAS NAS DRAN PA YIN PAS DRAN PA DE NYID KYIS SNGON PO DANG SNGO 'DZIN GNYI GA DRAN PA YIN LA, DES NA SNGO 'DZIN MIG SHES KYIS SNGON BO GZHAL PA LA LTOS NAS SNGO 'DZIN MIG SHES GRUB PA YIN KYANG SNGO 'DZIN MIG SHES KYIS GRUB PA MIN NO, ,DE BZHIN DU SDE 'DZIN MIG SHES KYIS SNGON PO GZHAL YANG SNGO 'DZIN MIG SHES KYIS SNGON BO GZUNG BDE NYID 'DAL [?] BA LA SNGO 'DZIN MIG SHES TSAD MA MA YIN GYI SNGO 'DZIN MIG SHES KYIS SNGON PO GZUNG BA DRAN PA'I SHES PA DE NYID DE LA TSAD MA YIN NO, ,'PHAGS BA SLOB PA'I JI LTA BA MKHYEN PA'I MNYAM GZHAG YE SHES KYIS BDEN PAR GRUB BA RNAM PAR BCAD TZAM GYI MED DGAG DE NYID CHUL CHU BZHAG GI CHUL GYIS GZHAL GYI, BDEN MED YOD PA DANG YE SHES RANG NYID YOD PA GNYIS GANG YANG GZHAL BA MA YIN LA, 'ON KYANG YE SHES DES CHOS NYID RTOGS PA DRAN PA'I RJES KYI DRAN SHES KYIS YE SHES DES CHOS NYID GZHAL BGRUB PAS YE SHES DE YANG GRUB PA YIN LA, DE'I PHYIR RIG SHES DE LA LTOS NAS RIG SHES DE YOD PA DANG CHOS NYID YOD PA GNYI GA GRUB PA YIN KYANG RIG SHES DE YOD PA DANG CHOS NYID YOD PA RIG SHES KYIS GRUB PA MIN NO, ,DE'I PHYIR RTZA SHE'I RNAM BSHAD CHEN MOD, DE LTA NA'ANG BAR DU TSAD MA GZHAN BRGYUD PA LA MI LTOS PAR RIG SHES KYI STOBS LA BRTEN NAS RANG BZHIN MED PA

MED PAR 'DZIN PA'I SGRO 'DOGS DANG 'DZIN STANGS DNGOS SU 'GAL BA'I BLO SKYED NUS SHING DE NYID KYIS DE GCOD PAS RIG SHES LA BRTEN NAS SGRO 'DOGS GCOD MOD KYANG RIS SHES KYIS SGRO 'DOGS DE BCAD PA MIN NO, ZHES SOGS DPE DANG BCAS NAS RJES KYI DRAN SHES TSAD MAR 'JOG TSUL DANG BCAS PA RGYAS PAR GSUNGS PA DANG 'JUG PA'I RNAM BSHAD CHEN MOR TSAD MAS GZHAL BYA GZHAL BAR GRUB PA NYID KYIS TSAD MA GRUB BA'I TSUL GSUNGS PA GNYIS GUNG BSGRIGS NAS 'CHAD SHES DGOS PA YIN LA, 'JUG PA'I RNAM BSHAD DU, SNGON PO GRUB PA NYID KYIS SNGO 'DZIN DE 'GRUB STE, DPER NA YUL DRAN PA NYID KYIS YUL CAN DRAN BA YIN GYI SNGAR YUL CAN KHO RANG GI KHO RANG GZHAN DAG 'DOD PA LTAR MYONG BA'I DBANG GIS DRAN PA DE 'BYUNG BA MIN PA DANG 'DRA'O, ZHES DANG, DE LTAR NA SNGO 'DZIN NI GZHAN LUGS LTAR RANG RIG GIS MI 'GRUB KYI DBANG PO'I MNGON SUM TSAD MAS GRUB PAR BSTAN TE, ZHES GSUNGS PA YANG SNGO 'DZIN GYIS SNGO 'DZIN GZHAL BA DANG, SNGO 'DZIN YOD PA LA SNGO 'DZIN DBANG MNGON TSAD MAR SONG BAR STON BA MIN GYI SNGA MA NI SNGAR BSHAD PA LTAR DANG PHYI MA NI SNGO 'DZIN YOD PA NA SNGO 'DZIN DBANG MNGON TSAD MA LA BRTEN NAS 'GRUB PAR BRTAN TE ZHES BYA BA'I DON TO, ,DE BZHIN DU ZLA BA GNYIS SNANG DANG SKRA SHAD 'JAG SNANG GI DPANG SHES LA SOGS BA RTOG MED LOG SHES RNAMS DANG, SGRA RTAG 'DZIN RTOG BA DANG BDAG 'DZIN GNYIS LA SOGS PA RTOG PA LOG SHES RNAMS KYANG RANG LA ZLA BA GNYIS SU SNANG BA DANG SGRA RTAG PAR SNANG BA SOGS KYI SNANG CHAL CHAD MA YIN PAS SHES PA DE DAG GIS KYANG SNANG BDE DANG DE GZHAL BA NYID KYIS SHES PA DE DANG DE YOD PAR GRUB TSUL SNGAR DANG 'DRA LA, CHOS NYID MNGON SUM DU RTOGS PA'I MNYAM GZHAG YE SHES SLOB LAM RNAMS LA CHOS NYID MNGON SUM DU SNANG YANG YE SHES DE DAG LA CHOS NYID DNGOS SU SNANG BA'I SNANG CHA DE NYID YE SHES DE DAG GI YUL MA YIN TE, SNANG CHA DE SHUGS YUL DU BYED NA CHOS NYID DNGOS SU SNANG BA'ANG 'GAL LA DNGOS YUL DU BYED NA DE LA GNYIS SNANG YOD DGOS TE DE YE SHES DE LAS THA DAD PA'I KUN RDZOB YIN PA'I PHYIR RO, ,DE LTA NA CHOS NYID LA CHU LA CHU BZHAG BZHIN SONG BA 'GAL TE, RDZOGS PA'I SANGS RGYAS LAS GZHAN BA'I BLO GCIG LA DE GNYIS GZHI MTHUN DU 'DU MI SRID PA'I PHYIR RO, ,'ON KYANG YE SHES DE LA CHOS NYID

, ,MNGON SUM DU SNANG BA DRAN BA NYID KYIS YE SHES YOD BA DANG CHOS NYID YOD PA DANG CHOS NYID SNANG BA'I SNANG CHA GSUM KA 'GRUB PA YIN NO, ,RANG RIG KHAS MI LEN PA'I TSUL GYI RNAM PAR BZHAG PA BSHAD ZIN TO, ,GNYIS PA RIGS PAS GTAN LA 'BEBS PA'I GZHI BDEN GNYIS BSHAD PA LA, DBYE GZHI, SGRA DON, GCIG DANG THA DAD BSAM PA, SO SO'I NGO BO DANG BZHI, DANG PO NI, SHES BYA TZAM DBYE GZHIR BYA STE, YAB SRAS MJAL BA'I MDO LAS, 'DI LTAR DE BZHIN GSHEGS PAS KUN RDZOB DANG DON DAM PA GNYIS THUGS SU CHUD DE, SHES PAR BYA BA YANG KUN RDZOB DANG DON DAM PA'I BDEN PA 'DIR ZAD DE; DE YANG BCOM LDAN 'DAS KYIS STONG PA NYID RAB TU GZIGS RAB TU MKHYEN LEGS PAR MNGON DU BYAS PAS DE'I PHYIR THAMS CAD MKHYEN BCES BYA'O ZHES GSUNGS ZHING, LOTZTSA BA CHEN PO SOGS DON DAM BDEN PA SHES BYA MA YIN PA SPYOD 'JUG GI DGONGS PAR 'CHAD PA NI LOG PAR SMRA BA STE BSLAB BTUS SU MDO 'DI NYID DRANGS NAS SHES BYA BDEN BA GNYIS KYI DBYE GZHIR BSHAD PA DANG 'GAL BA'I PHYIR DANG, SANGS RGYAS KYIS DON DAM BDEN PA MA MKHYEN BZHIN DU BSTAN PAR THAL BA'I PHYIR DANG, CHOS RNAMS LA GNAS LUGS SU GYUR PA'I DE BZHIN NYID MED DGOS PAS KA BUM SOGS JI LTAR SNANG BA 'DI NYID GNAS LUGS SU THAL BA'I PHYIR DANG, SO SKYE DANG 'PHAGS PA'I GANG ZAG THAMS CAD KYI SHES PA'I SNANG TSUL LA KHYAD PAR CUNG ZAD KYANG MED PAR THAL BA'I PHYIR RO, ,'ON SPYOD 'JUG LAS, KUN RDZOB DANG NI DON DAM STE, ,'DI NI BDEN BA GNYIS SU 'DOD, ,DON DAM BLO YI SPYOD YUL MIN, ,BLO NI KUN RDZOB YIN PAR 'DOD ,CES GSUNGS PA JI LTAR DRANG ZHE NA, DON DAM BLO YI SPYOD YUL MIN PA'I SGRUB BYED DU, BLO NI KUN RDZOB YIN PA 'GOD PAR GZHAN DAG GIS 'CHAD PA NI CHOS SHIN TU KHYAB PA 'KHRUL BA YIN PAS 'DI LTAR BSHAD PAR BYA STE, RKANG PA DANG PO GNYIS KYIS BDEN GNYIS KYI DBYE BA BSTAN NAS, PHYE BA SO SO'I NGO BO GANG YIN SNYAM NA, DON DAM BDEN PA'I NGO BO NI, GNYIS SNANG 'KHRUL BA'I BLO YI SPYOD YUL MA YIN PA'I GNAS LUGS KYI DON NI DON DAM YIN LA, KUN RDZOB KYI NGO BO NI, BLO THA SNYAD PA'I SHES BA'I YUL NI KUN RDZOB YIN PAR 'DOD, CES 'CHAD DGOS PA YIN TE, YAB SRAS MJAL BA'I MDO BSLAB BTUS SU DRANGS PA LAS, DE LA KUN RDZOB

NI 'JIG RTEN GYI SPYOD PAR DE BZHIN GSHEGS PAS GZIGS SO, ,DON DAM PA GANG YIN PA DE NI BRJOD DU MED PA STE, SHES PAR BYA BA MA YIN PA, RNAM PAR SHES PA BYA BA MA YIN PA YONGS SU SHES PAR BYA BA MA YIN PA, MA BSTAN PA, ZHES SOGS KYI DON SPYOD 'JUG TU BKOD PAR SNANG BA'I PHYIR RO, ,DE YANG SHES BYA LA BDEN PA GNYIS SU PHYE BA NI PHUNG GSUM SEL BA'I GRANGS NGES YIN TE, GZHI GANG ZHIG RDZUN PA BSLU BA'I DON DU YONGS SU DBYAD NA MI BSLU BA'I GNAS LUGS KYI DON DU GRUB PA RNAM PAR BCAD DGOS PA'I PHYIR DANG, BSLU MI SLU PHAN TSUN SPANGS PA'I DNGOS 'BRAL YIN PA'I PHYIR RO, ,DE LTAR YANG DBU MA SNANG BA LAS, PHAN TSUN SPANGS TE GNAS PA'I MTSAN NYID KYI CHOS DAG NI CIG SHOS DGAG PA GZHAN SGRUB PA MED NA MED PA YIN PA'I PHYIR GNYIS KA MA YIN PA'I PHYOGS SU RTOG PA YANG RIGS PA MA YIN NO, ZHES DANG, GANG ZHIG YONGS SU GCOD PA GANG RNAM PAR BCAD PA MED NA MED BDE GNYIS NI PHAN TSUN SPANGS TE GNAS BA'I MTSAN NYID YIN NO, ,GANG DAG PHAN CHUN SPANGS TE GNAS PA'I MTSAN NYID YIN PA DE DAG NI RNAM PA THAMS CAD LA KHYAB PAR BYED PA DAG YIN NO, ,GANG DAG RNAM PA THAMS CAD LA KHYAB PAR BYED PA YIN PA DE DAG NI PHUNG PO GZHAN SEL BAR BYED PA YIN TE, DPER NA LUS CAN DANG LUS CAN MA YIN PA LA SOGS PA'I BYE BRAG LTA BU'O ZHES GSUNGS SO, ,DNGOS 'GAL GCIG YONGS SU BCAD NA CIG SHOS RNAM PAR GCOD DGOS PA NI THAL RANG SU'I LUGS LA YANG KHYAD PAR MED DO, ,DE'I PHYIR YAB SRAS MJAL BA'I MDO LAS KYANG, 'JIG RTEN MKHYEN PAS GZHAN LAM GSAN PAR, ,BDEN BA 'DI GNYIS KYIS NI STON PAR MDZAG ,GANG ZHIG KUN RDZO BDE BZHIN DON DAM STE, ,BDEN PA GSUM PA NAM YANG MA MCHIS SO, ZHES GSUNGS SO, ,'O NA BDEN PA BZHI BDEN PA GNYIS SU JI LTAR BSDU SNYAM NA, 'GOG BDEN DON DAM BDEN PA DANG BDEN PA GZHAN GSUM KUN RDZOB BDEN PA YIN TE, 'JUG PA'I RANG 'GREL LAS DE'I PHYIR BDEN BA GNYIS LAS THA DAD PA'I 'PHAGS PA'I BDEN BA BZHI PO GAL YOD CE NA, ZHES PA'I DRI BA BKOD NAS, LAN 'DEBS PA'I SKABS SU, DE LA SDUG BSNGAL DANG KUN 'BYUNG DANG LAM GYI BDEN PA NI KUN RDZOB KYI BDEN PA'I KHONGS SU GTOGS SO, ,'GOG PA'I BDEN PA NI DON DAM PA'I BDEN PA'I RUNG

, ,GI NGO BO'O, CES GSUNGS SHING, RIGS PA DRUG CU PA'I 'GREL BA LAS KYANG DE BZHIN DU GSUNGS PA'I PHYIR RO, ,KHA CIG 'GOG BDEN CHOS NYID MA YIN TE, DGAG BYA GANG RNAM PAR BCAD PA'I SGO NAS 'GOG BDEN DU 'JOG PA'I DGAG BYA GLO BUR GYI DRU MA SHES BYA LA SRID CING, GANG RNAM PAR BCAD PA'I SGO NAS CHOS NYID RNAM PAR 'JOG PA'I DGAG BYA BDEN PAR GRUB PA SHES BYA LA MI SRID PA'I PHYIR, ZHES SMRA BA NI KHYAB PA CHES 'KHRUL TE, BUM MED RI BONG RVA MED MA YIN PAR THAL, DGAG BYA GANG RNAM PAR BCAD PA'I SGO NAS BUM MED RNAM PAR 'JOG PA'I DGAG BYA BUM PA SHES BYA LA SRID CING, DGAG BYA GANG RNAM PAR BCAD PA'I SGO NAS RI BONG RVA MED RNAM PAR 'JOG PA'I DGAG BYA RI BOD GI RVA SHES BYA LA MI SRID PA'I PHYIR RO, ,'GOG BDEN DON DAM BDEN PAR 'DOD PA NI THAL 'GYUR BA'I KHYAD CHOS MA YIN GYI DBU MA BA THAL RANG GANG GI LUGS LA'ANG KHYAD MED DE, DE LTA MA YIN NA RANG RGYUD BA'I LUGS LA CHOS NYID MNGON SUM DU RTOGS PA'I MTHONG LAM MNYAM GZHAG YE SHES LA BAR CHAD MED LAM DANG RNAM GROL LAM GNYIS SU BYAS PA'I RNAM GROL LAM GYIS MTHONG SPANGS SA BON SPANGS PA'I 'GOG BA MNGON DU BYAS PAR KHAS BLANGS PA DANG 'GAL BA'I PHYIR DANG, NGO BO NYID SKU DANG RDZOGS PA'I SANGS RGYAS KYI 'GOG BDEN MTHAR THUG MING GI RNAM GRANGS DANG DON GCIG TU KHAS BLANGS NAS DE LTAR 'DOD PA NI DAG BA GNYIS LDAN GYI CHOS NYID NGO BO NYID SKUR SMRAS PA DANG CHES 'GAL BA'I PHYIR DANG, LUGS DE LA NGO BO NYID SKU DON DAM PA'I SKU DANG 'DUS BYAS KYI SKU RNAMS KUN SKU RNAMS KUN RDZOB KYI SKUR GSUNGS BA'I RNAM GZHAG KHAS BLANG DU MI RUNG BAR THAL BA'I PHYIR DANG, MNGON RTOGS RGYAN GYI 'PHAGS SENG GI 'GREL BDAG LAS 'GOG BDEN GYI RNAM PA LA STONG NYID BCU DRUG TU PHYA BA 'BREL DU THAL BA'I PHYIR RO, ,DES NA RNGOG LO CHEN PO YAB SRAS SOGS DE LTAR 'DOD BA NI DON DAM BDEN PA SHES BYA MA YIN PAR SMRA ZHING 'GOG BDEN BLO'I YUL MA YIN PAR SMRA MA NUS PA PHUGS SU 'TSANGS PA'I GTAM YIN LA, 'JUG PA'I RNAM BSHAD DU RJE NYID KYIS, 'GOG BDEN KUN RDZOB BDEN PAR SMRA BA NI MTHA' MCHOD PA'O, ZHES GSUNGS PA YANG 'PHAGS YUL GYI SHING RTA CHEN PO RANG RGYUD PA RNAMS LA GSUNGS PA'ANG MA YIN ZHING, SOD DU THAL 'GYUR

PA'I LUGS LA 'GOG BDEN KUN RDZOB BDEN PAR 'DOD PA BYUNG BA'ANG MA YIN GYI, RANG RGYUD KYI GZHUNG 'CHAD PA'I SKABS SU DE LTAR SMRA BA'I MKHAS PA BRJOD MA THAG PA DE DAG LA GSUNGS PA YIN NO, ,GZHAN YANG LUGS DE THAL RANG GI KHYAD PAR DU SMRA NA NI, 'GOG BDEN CHOS NYID MIN PAR THAL, DGAG BYA GANG BCAD PAS CHOS NYID DU 'JOG PA'I DGAG BYA GZHI MA GRUB LA, DGAG BYA GANG BCAD PAS 'GOG BDEN DU 'JOG BA'I DGAG BYA DRI MA GZHI GRUB PA'I PHYIR ZHES PA LA THAL 'GYUR BA LTAR NA KHYAB PA MED KYI RANG RGYUD PA LTAR NA KHYAB PA YOD DO ZHES 'DOD DGOS PAR 'GYUR LA, GZHAN RANG RGYUD PA'I LUGS LA'ANG 'GOG BDEN KUN RDZOB BDEN PA YIN PA'I RGYU MTSAN CI'ANG MED DO, ,GNYIS PA SGRA DON LA, DON DAM BDEN PA'I SGRA DON NI, DBU MA RANG RGYUD PA PHAL CHE BDAG, DAM BCES PA JI LTA BA MKHYEN PA'I MNYAM GZHAG ZAG BA MED PA'I YE SHES DANG, DON CES PA DE'I YUL LA 'CHAD KYANG, 'DIR NI TSIG GSAL LAS, DON YANG DE YIN LA DAM PA YANG YIN PAS DON DAM PA'O, ,DE NYID BDEN PA YIN PAS DON DAM BDEN PA'O, ZHES GSUNGS PAS, DON DE NYID GNAS LUGS DAM BA'AM YANG DAG PA YIN PAS DON DAM DANG, GNAS TSUL GZHAN DU GNAS SHING SNANG TSUL GZHAN DU SNANG BA'I SGO NAS 'JIG RTEN LA BSLU BA MA YIN PAR DE LAS BZLOG PA'I MI SLU BA YIN PA'I PHYIR BDEN PA'O, ,DES NA THA SNYAD DU YANG BDEN PAR GRUB PAS STONG CES PA'I BDEN PA DANG, DON DAM BDEN PA CES PA'I TSIG ZUR GYI BDEN PA GNYIS KHYAD PAR SHIN TU CHE LA, DE'I PHYIR RIGS BA DRUG CU BAR, MYA NGAN LAS 'DAS BA BDEN GCIG BU, CES PA'I 'GREL BA LAS, JI LTAR 'DUS BYAS LOG PAR SNANG PAS BYIS PA RNAMS LA BSLU BAR BYED PA YIN BDEN BZHIN DU, MYA NGAN LAS 'DAS PA NI MA YIN TE, RTAG TU SKYE BA MED PA'I RANG BZHIN GYI NGO BO KHO NAR GNAS PA NYID KYI PHYIR RO, ,DE NI BYIS BA RNAMS LA YANG 'DUS BYAS LTAR SKYE BA'I NGO BOR NAM YANG MI SNANG NGO, ,DE'I PHYIR MYA NGAN LAS 'DAS PA RTAG TU MYA NGAN LAS 'DAS PA NYID DU GNAS BA'I PHYIR 'JIG RTEN GYI THA SNYAD KHO NAS BDEN PA DAM PAR GSUNGS KYI, ZHES GSUNGS SO, ,MYANG 'DAS 'PHAGS PA'I YE SHES KYI RNYED DON DANG, DON DAM BDEN PA 'PHAGS PA'I YE SHES KYI RNYED DON YIN KYANG, MYANG 'DAS DON DAM BDEN PA YIN PAR 'JIG RTEN GYI THA SNYAD KYIS 'JOG DGOS PA NI

, ,'GAL TE, DPER NA SGRA NYAN SHES KYI RNYED DON DANG, MI RTAG PA MNGON SUM GYI RNYED DON YIN KYANG, SGRA MI RTAG PA YIN PAR, RJES DPAG GIS RNYED PA'I SGO NAS BZHAG DGOS PA BZHIN NO, ,KHA CIG DON DANG DAM PA DANG BDEN PA GSUM GZHI MTHUN GYI BSDU BAR KHAS BLANGS NAS, BDEN PA'I SGRA DON GNYIS LA 'JUG STE, MI SLU BA LA BDEN PA'I SGRAS BRJOD PA DANG, GNAS TSUL LA GRUB PA LA BDEN PA'I SGRAS BRJOD PA'O, ,STONG PA NYID LA BDEN PA'I SGRAS BRJOD PA NI DANG PO'I DBANG DU BYAS PA YIN PAS DGAG BYA MA YIN NO, ZHES SMRA ZHING, YANG STONG PA NYAD DANG DON DAM BDEN PA GNYI GA YANG RDZUN PA YIN NO ZHES SMRA BA NI SHIN TU MI BZANG BA'I DNGOS 'GAL GYI PHUNG PO CHEN PO YIN TE, RDZUN PA'I DON BSLU BA YIN PAS DE 'DRA BA'I BDEN RDZUN GNYIS DNGOS SU PHAN TSUN SPANGS TE GNAS BA'I PHYIR RO, ,RTZA SHE LAS, BCOM LDAN 'DAS KYIS CHOS GANG ZHIG ,BSLU BA DE NI RDZUN ZHES GSUNGS, ,'DU BYAD THAMS CAD BSLU BA'I CHOS, ,DES NA DE DAG RDZUN PA YIN, CES DANG, DE'I 'GREL PA TSIG GSAL LAS, 'DU BYED THAMS CAD RDZUN PA STE BSLU BA'I CHOS CAN YIN PA'I PHYIR SMIG RGYU'I CHU BZHIN NO, ,GANG ZHIG BDEN PA DE NI BSLU BA'I CHOS CAN MA YIN TE, DPER NA MYA NGAN LAS 'DAS PA BZHIN NO, ZHES GSUNGS SO, ,KUN RDZOB BDEN PA'I SGRA DON NI, KUN RDZOB CES PA'I SGRA BSHAD PA'I GZHIR GYUR PA YUL RANG GI NGO BOS GRUB PAR 'DZIN PA'I BDEN 'DZIN LHAN SKYES DE'I NGO NA BDEN PAS KUN RDZOB BDEN PA ZHES BYA ZHING SGRA BSHAD PA'I RGYU MTSAN NI, CHOS RNAMS KYI RANG BZHIN JI LTAR GNAS BA LTAR MTHONG BA LA BSGRIB PA'I PHYIR RO, ,DE YANG CHOS DE'I SGRA BSHAD PA'I RGYU MTSAN TSANG NA CHOS DE'I SGRA BSHAD GZHI YIN PAS KHYAB KYANG, CHOS DE'I SGRA BSHAD GZHI YIN PA LA CHOS DE'I SGRA 'JUG GZHI YIN PAS MA KHYAB STE, DPER NA MTSO LAS SKYES PA'I SBAL PA LA MTSO SKYES KYI SGRA BSHAD PA'I RGYU MCHAN TSANG BAS MTSO SKYES KYI SGRA BSHAD GZHI YIN KYANG 'JUG GZHI YIN NA ME TOG YIN DGOS PA BZHIN NO, ,DES NA CHOS NYID MNGON SUM DU RTOGS PA'I YE SHES LTA BU KUN RDZOB KYI SGRA 'JUG GZHI YIN KYANG SGRA BSHAD GZHI MA YIN LA, CHOS NYID LTA BU BDEN 'DZIN LHAN SKYES KYI NGO NA BDEN KYANG KUN RDZOB BDEN PA YIN MI DGOS TE, SGRA BSHAD

LA KHYAB PA MI BYED PA'I PHYIR TE, DPER NA LAG LDAN BZHIN NO, ,KUN RDZOB BDEN PA'I SGRA BSHAD TSUL 'DI NI 'JUG PA LAS, GTI MUG RANG BZHIN SGRIB PHYIR KUN RDZOB STE, ZHES SOGS RTZA 'GREL GYIS BSTAN CING, SKABS DER RANG 'GREL DU, DE LTAR RE SHIG SRID PA'I YAN LAG GIS YONGS SU BSDUS PA NYON MONGS PA CAN GYI MA RIG PA'I DBANG GIS KUN RDZOB BDEN PA RNAM PAR BZHAG GO ,CES GSUNGS PA'I DON NI BSHAD ZIN PA LTAR YIN LA, YANG RANG 'GREL LAS, DE YANG NYAN THOS DANG RANG SANGS RGYAS DANG BYANG CHUB SEMS DPA' NYON MONGS PA CAN GYI MA RIG PA SPANGS PA 'DU BYED GZUGS BRNYAN LA SOGS PA'I YOD PA NYID DANG 'DRA BAR GZIGS PA RNAMS LA NI BCOS MA'I RANG BZHIN YIN GYI BDEN PA NI MA YIN TE, BDEN PAR MNGON PAR RLOM PA MED PA'I PHYIR RO, ,BYIS PA RNAMS LA NI BSLU BAR BYED PA YIN LA, DE LAS GZHAN PA RNAMS LA NI SGYU MA LA SOGS PA LTAR RTEN CING 'BREL PAR 'BYUNG BA NYID KYIS KUN RDZOB TZAM DU 'GYUR RO, CES GSUNGS PA'I DON LA, KHA CIG NA RE GZUGS SOGS RNAMS SO SO SKYE BO'I NGOR KUN RDZOB BDEN PA YIN GYI NYON MONGS PA CAN GYI MA RIG PA SPANGS PA'I 'PHAGS PA RNAMS KYI NGOR KUN RDZOB BDEN PA MIN TE, DE DAG LA BDEN PAR ZHEN PA MED PA'I PHYIR RO, ZHES BSTAN PAR SMRA BA NI BAB CHOL STE, BLO DE'I NGOR KUN RDZOB MA YIN BA'I SHES BYED DU BLO DES BDEN PAR MI 'DZIN PA 'GOD NA 'GAL KHYAB YIN PA'I PHYIR DANG, SO SO SKYE BO'I BLO KUN RDZOB PA'I NGO NA BDEN PAR SNANG BA DE 'PHAGS PA DE DAG GI NGO NA MED PA'I SGRUB BYED DU DE NYID 'GOD NA KHYAB 'BREL GANG YANG MED PA'I PHYIR DANG, KUN RDZOB BDEN PA SANGS RGYAS KYI DON [?] MED NA GZHI MA GRUB PAR THAL BAR 'GYUR BA'I PHYIR RO, ,DES NA 'GREL PA DE'I DON NI, 'PHAGS PA DE DAG GI RGYUD LA BLO GANG GI NGOR BDEN PAS KUN RDZOB BDEN PAR 'JOG PA'I BLO KUN RDZOB PA MED DE, DE DAG GIS BDEN 'DZIN MA LUS PAR SPANGS PAS GZUGS SOGS RNAMS KUN RDZOB TZAM DU GZIGS KYI BDEN PAR NAM YANG MA GZIGS PA'I PHYIR, ZHES BYA BA'I DON YIN LA, BLO DES BDEN PAR MA GZIGS KYANG DE'I NGO NA BLO GZHAN GYIS BDEN PAR MTHONG BA MED MI DGOS SO, ,KA BUM SOGS KUN RDZOB BDEN PA YIN ZHING KA BUM SOGS DBU MA'I LTA BA MA RNYED PA'I SO SO SKYE BO'I TSAD MAS GRUB KYANG DE DAG KUN RDZOB

, ,BDEN PA YIN PAR DBUM PA'I LTA BA MA RNYED PA'I SO SO SKYE BO'I TSAD MAS GRUB PA MA YIN TE, DBUM PA 'DOD PA LTAR GYI KUN RDZOB BDEN PA YIN PAR TSAD MAS GRUB NA, CHOS DE KUN RDZOB YIN PAR TSAD MAS GRUB DGOS, DE GRUB NA RDZUN PA YIN PAR GRUB DGOS, DE GRUB NA BDEN GRUB YIN PA DES KHEGS DGOS PA'I PHYIR RO, ,KUN RDZOB BDEN PA CES PA'I KUN RDZOB DANG, KUN RDZOB TU YOD CES PA'I KUN RDZOB GNYIS DON MI GCIG STE, BLO KUN RDZOB BA BDEN 'DZIN LHAN SKYES KYI NGO NA BDEN PAS KUN RDZOB BDEN PAR BRJOD CING, KUN RDZOB DBYOD BYED KYI TSAD MAS YONG BAR RNYED PAS KUN RDZOB TU YOD PAR BZHAG PA YIN PA'I PHYIR RO, ,DES NA KUN RDZOB DANG PO BDEN 'DZIN LHAN SKYES DANG, KUN RDZOB GNYIS PA KUN RDZOB DPYOD BYED KYI TSAD MA LA GO BAR BYA'O, ,DE LTAR NA BDEN PA GNYIS KYI SGRA BSHAD PA BRJOD ZIN TO, ,GSUM PA GCIG DANG THA DAD BSAM PA NI, 'JUG PA LAS, DNGOS RNYED NGO BO NYID NI 'DZIN PAR 'GYUR, ZHES SOGS RTZA 'GREL GYIS GSUNGS PA LTAR KUN RDZOB DANG DON DAM GYI CHOS THAMS CAD LA NGO BO YOD LA, NGO BO YOD NA NGO BO GCIG DANG THA DAD GANG RUNG YIN DGOS TE, YOD NA GCIG DANG THA DAD GANG RUNG YIN DGOS PA'I PHYIR RO, ,DES NA SNGA MA MANG PO DAG BDEN GNYIS NGO BO GCIG DANG THA DAD GANG YANG MA YIN PAR SMRA BA NI BDEN GNYIS GZHI MA GRUB PAR SMRA BA'O, ,DE LTAR NA BDEN GNYIS NGO BO GCIG THA DAD GANG RUNG YIN LA, NGO BO THA DAD YIN NA 'BREL MED DON GZHAN DU 'GYUR DGOS TE, NGO BO THA DAD LA BDAG GCIG 'BREL MI SRID PA'I PHYIR DANG, CHOS NYID 'DUS MA BYAS YIN PAS DE DANG DE BYUNG DU 'BREL BA MI SRID PA'I PHYIR RO, ,'BREL MED DON GZHAN YIN NA, CHOS NYID CHOS CAN, KUN RDZOB KYI RANG BZHIN MA YIN PAR THAL, KUN RDZOB DANG 'BREL MED DON GZHAN YIN PA'I PHYIR, MA KHYAB NA THAMS CAD THAMS CAD KYI RANG BZHIN DU THAL BA DGAG TU MED DO, ,'DOD NA, DRI MA SEMS RGYUD LA 'BRAL MI RUNG DU THAL, RANG BZHIN GYIS RNAM PAR DAG PA'I CHOS NYID SEMS KYI RANG BZHIN MA YIN PA'I PHYIR RO, ,DE'I PHYIR BDEN GNYIS NGO BO GCIG LA LDOG PA THA DAD CING MED NA MI 'BYUNG BA'I BDAG GCIG 'BREL GRUB PA BYAS MI RTAG LTA BU YIN TE, BYANG CHUB SEMS 'GREL LAS, KUN RDZOB LAS NI THA DAD PAR,

DE NYID DMIGS PA MA YIN TE, ,KUN RDZOB STONG PA NYID DU BSHAD, ,STONG NYID KHO NA KUN RDZOB YIN, ,MED NA MI 'BYUNG NGES PA'I PHYIR, ,BYAS DANG MI RTAG DAG BZHIN NO, ZHES GSUNGS PA LTAR RO, ,KHA CIG NA RE NGO BO GCIG LA LDOG PA THA DAD CES PA YANG RTOG GE'I BRDA YIN GYI GZHUNG LUGS 'DIR MI 'BYUNG LA, NGO BO GCIG PA 'THAD PA YANG MA YIN TE, KUN RDZOB SKYE 'GAG BYED PA NA DON DAM SKYE 'GAG BYED PA NA DON DAM SKYE 'GAG BYED PAR 'GYUR BA'I PHYIR DANG, GNYI GA LA NGO BO MED PA'I PHYIR TE, GNYI GA LA NGO BO YOD NA NGO BO GNYIS SU 'GYUR RO ZHES SMRAS NAS, RANG LUGS NI BDEN GNYIS GCIG PA BKAG PA'I THA DAD YIN NO ZHES ZER RO, ,GCIG PA BKAG PA'I THA DAD CES PA YANG RTOG GE'I BRDA YIN GYI GZHUNG LUGS 'DIR MI 'BYUNG NGO ZHES BRJOD NA LAN CI YOD, THA SNYAD DNGOS SU MED KYANG DON TSANG NGO ZHE NA, CIG SHOS LA YANG RNAM PA KUN TU MTSUNGS SO, ,NGO BO GCIG NA SKYE 'GAG MTSUNGS PAR SMRA BA NI, RNAM 'GREL LAS, THA DAD PA, MED NA CIG CAR SKYE 'JIG 'GYUR, ZHES SOGS GSUNGS PA'I DON PHYIN CI LOG TU GO BA LA BRTEN NAS NGO BO GCIG NA GCIG YIN DGOS SO SNYAM DU 'KHRUL BA'I MUN SPRUL TE, BUM PA SHES BYA DANG NGO BO GCIG GAM THA DAD, THA DAD NA BUM PA SHES BYA MA YIN PAR THAL LO, ,NGO BO GCIG NA BUM PA SKYE 'JIG BYED PA NA SHES BYA'ANG SKYE 'JIG BYED PAR 'GYUR RO ZHES BRJOD NA LAN CI YOD, BDEN PA GNYI GA LA NGO BO MED PAR SMRA BA YANG, RANG BZHIN MTSAN NYID PA NI STONG PA NYID YIN LA, CES SMRAS PA'I RANG GI TSIG LA CO 'DRI BAR BYED PA STE, BDEN PA GNYI GA LA RANG BZHIN MED PAR THAL, GNYI GA LA NGO BO MED PA'I PHYIR, GNYI GA LA RANG BZHIN YOD NA GNAS LUGS GNYIS SU THAL BA'I PHYIR RO, ZHES BRJOD NA LAN CI YOD, RANG BZHIN YIN KYANG RTAGS KYI DGAG BYAR GYUR PA'I RANG BZHIN YIN MI DGOS SO ZHES SMRA NA NI, NGO BO YIN NA RTAGS KYI DGAG BYAR GYUR BA'I NGO BO YIN MI DGOS SO ZHES RNAM PA KUN TU MTSUNGS SO, ,BZHI BA SO SO'I NGO PO LA, MTSAN NYID DANG, DBYE BA GNYIS, DANG PO NI, DON DAM BDEN PA'I MTSAN NYID, KHYOD GANG GIS RNYED BA'I TSAD MA DE KHYOD LA DON DAM DPYOD BYED DU SONG BA, KUN RDZOB BDEN PA'I MTSAN NYID, KHYOD GANG GIS RNYED BA'I TSAD MA DE KHYOD LA THA SNYAD DPYOD BYED DU SONG BA, CES PA THAL RANG GNYI GA'I LUGS KYI MTSAN NYID SKYON

, ,MED YIN NO, ,GNYIS PA DBYE PA LA GNYIS LAS, DANG BO DON DAM BDEN PA'I DBYE BA NI, RGYAS PAR PHYE NA STONG PA NYID BCU DRUG DANG, 'BRING DU PHYE NA DNGOS PO STONG PA NYID, DNGOS PO MED PA STONG PA NYID, RANG GI NGO BO STONG PA NYID, GZHAN GYI NGO BO STONG PA NYID BZHI DANG, MDOR BSDUS NA GANG ZAG DANG CHOS KYI BDAG MED PA GNYIS SU 'JUG PA LAS GSUNGS LA, RANG RGYUD PA'I GZHUNG LAS 'BYUNG BA'I TSUL NI, BDEN GNYIS LAS, SKYE BA LA SOGS BKAG PA YANG, ,YANG DAG PA DANG MTHUN PA'I PHYIR, ,DON DAM YIN PAR KHO BO 'DOD, CES DANG, DBUM SNANG BA LAS, DE LTAR NA SKYE BA MED PA 'DI YANG DON DAM PA DANG MTHUN PA'I PHYIR, DON DAM PA ZHES BYA'I DNGOS SU NI MA YIN TE, DNGOS SU NI DON DAM PA SPROS BA THAMS CAD LAS 'DAS PA'I PHYIR RO, ZHES GSUNGS PA LTAR DON DAM DNGOS DANG, MTHUN PA'I DON DAM GNYIS LAS, GANG GI NGO NA GNYIS SNANG GI SPROS PA MA LUS PA YANG LOG PA'I SGO NAS DE KHO NA NYID MNGON SUM DU RTOGS PA'I RIG SHES RTOG MED NI DON DAM DNGOS YIN LA, DE KHO NA NYID RTOGS PA'I RIG SHES RJES DPAG LTA BU'I RTOG BCAS NI RANG GI BLO NGOR BDEN 'DZIN GYI SPROS PA GCOD NUS KYANG GNYIS SNANG GI SBROS PA GCOD MA NUS PAS SNGA MA LA LTOS NA DE DANG RJES SU MTHUN PA TZAM GYI DON DAM PA YIN TE, 'DI NI RIG SHES LA DON DAM DU BYAS NAS DE LA DNGOS DANG MTHUN PA'I DON DAM GNYIS SU PHYE BA YIN LA, MYU GU BDEN MID DE NYID SPYIR DON DAM DNGOS YIN KYANG DE NYID MNGON SUM DU RTOGS PA'I NGO NA BDEN PA DANG GNYIS SNANG GI SPROS PA GNYI GA BCAD PA'I TSUL GYIS 'CHAR TSUL LA LTOS NA RIG SHES RJES DPAG GI SNANG NGOR SPROS PA DE GNYI GA BCAD PA'I DON DAM DNGOS MA YIN ZHES KYANG 'JOG LA, BDEN MED LTA BU'I MED DGAG DON DAM DNGOS DANG, BDEN MED DANG MYU GU TSOGS PA'I MA YIN DGAG LTA BU NI MTHUN PA'I DON DAM DU 'JOG PAS YUL DANG YUL CAN GNYI GA LA 'BYED TSUL SHES DGOS SO, ,GNYIS PA KUN RDZOB KYI DBYE BA NI, DBU MA RANG RGYUD PA'I LUGS LA, BDEN GNYIS LAS, SNANG DU 'DRA YANG DON BYED DAG, NUS PA'I PHYIR DANG MI NUS PHYIR, ,YANG DAG YANG DAG MA YIN PA'I, ,KUN RDZOB KYI NI DBYE BA BYAS, ZHES GSUNGS PA LTAR YANG DAG KUN RDZOB DANG LOG PA'I KUN RDZOB GNYIS SU BZHED LA, 'DI DAG GI LUGS LA SHES PA YIN NA RANG GI MTSAN

NYID KYIS GRUB BAS KHYAB PAS SHES PA YIN PA'I LOG PA'I KUN RDZOB MI SRID PA'I PHYIR YUL CAN LA YANG LOG GNYIS MI 'BYED KYI YUL KHO NA LA YANG LOG GNYIS SU 'BYED DO, ,THAL 'GYUR BA'I LUGS NI, 'JUG PA LAS, GNOD PA MED PA'I DBANG PO DRUG RNAMS KYIS, ,GZUNG BA GANG ZHIG 'JIG RTEN GYIS RTOGS TE; ;'JIG RTEN NYID LAS BDEN YIN LHAG MA NI, ,'JIG RTEN NYID LAS LOG PAR RNAM PAR BZHAG ,CES GSUNGS PA LTAR, 'JIG RTEN GYI SHES NGO LA LTOS NAS YANG LOG GNYIS SU 'BYED KYI, RANG LUGS LA MI 'BYED LA, DE YANG 'JIG RTEN GYI SHES DON YANG LOG GI DBYE BA GNYIS YOD KYANG, 'JIG RTEN GYI SHES NGO NA YOD PA'I DBYE BA DE THAL 'GYUR BA RANG LUGS LA KHAS MI LEN CES BYA BA'I DON YIN GYI, YANG LOG GNYIS SU DBYE BA BYED PA 'JIG RTEN GYI SHES DO LA LTOS NAS BYED DGOS PA'I RGYU MTSAN GYIS THAL 'GYUR BA RANG LUGS LA KHAS MI LEN ZHES 'CHAD PA GTAN MA YIN TE, DE LTAR NA KUN RDZOB BDEN PA'I RNAM GZHAG KYANG RANG LUGS LA BYAR MI RUNG BAR THAL, DE BYED BA 'JIG RTEN GYI SHES NGO LA LTOS NAS BYED DGOS PA'I PHYIR RO, ,DES NA 'JIG RTEN GYI SHES NGO NA YANG LOG GNYIS KYI DBYE BA YOD CES PA YANG, 'JIG RTEN PA'I BLO LHAN SKYES RANG DGA' BAS YANG LOG GNYIS KYI DBYE BA BYED PA'I DON YIN GYI, 'JIG RTEN PA'I THA SNYAD PA'I TSAD MAS YANG LOG GNYIS SU DBYE BA BYED PA GTAN MA YIN TE, TSAD MAS GRUB PA'I DON DU KHAS BLANGS NAS RANG LUGS LA KHAS MI LEN NO ZHES SMRA BA NI RIGS PA SMRA BA'I TSUL LAS 'DAS PA GO BAR BYED PA'I PHYIR DANG, GZUGS SOGS RNAMS 'JIG RTEN BA'I BLO GANG GI 'DZIN STANGS KYI DON YANG DAG BAR GRUB PA'I BLO NI BDEN 'DZIN YIN PAS TSAD MAR MI RUNG BA'I PHYIR RO, ,'DI'I TSUL GO BDE BAR BRJOD NA 'DI YIN TE, ME LONG NANG GI BYAD BZHIN GYI GZUGS BRNYAN MIG SHES LA BYAD BZHIN LTA BUR SNANG BA'I MIG SHES DANG BYAD BZHIN GYI GZUGS BRNYAN GNYI GA YANG SNANG BA LTAR MA GRUB PAR 'JIG RTEN PA RANG DGA' BA DAG GIS KYANG RTOGS LA, BYAD BZHIN NI CHA GANG GI SGO NAS KYANG SNANG BA LTAR MA GRUB PAR 'JIG RTEN BA RANG DGA' BA DAG GIS RTOGS MI NUS PAS 'JIG RTEN PA RANG DGA' BA'I SHES NGO NA DE GNYIS LA SNANG BA LTAR GRUB MA GRUB KYI KHYAD PAR YOD LA, THAL 'GYUR BA RANG LUGS LA BYAD BZHIN DANG GZUGS BRNYAN LA SNANG BA

, ,LTAR GRUB MA GRUB KYI KHYAD PAR MED DE, GNYI GA'ANG SNANG BA LTAR GRUB PAS STONG PAR MTSUNGS PA'I PHYIR RO, ,DE BZHIN DU 'JIG RTEN PA'I SHES DON ZLA BA GNYIS SNANG GI DBANG SHES DANG ZLA BA GCIG GNYIS SU SNANG BA'I SNANG BA GNYI GA YANG LOG PA YIN TE, DE GNYI GA YANG JI LTAR SNANG BA LTAR DU MA GRUB PAR DON DAM DPYOD BYED KYI TSAD MA LA GTAN NAS MA LTOS PAR GLO BUR GYI 'KHRUL RGYUS MA BSLANG PA'I 'JIG RTEN PA'I BLO RANG DGA' BAS RANG STOBS KYIS RTOGS NUS PA'I PHYIR RO, ,KA BUM SOGS DANG DER SNANG GI MIG SHES GNYI GA 'JIG RTEN PA'I SHES DON YANG DAG PA YIN TE, DE GNYI GA YANG GLO BUR GYI 'KHRUL RGYUS MA BSLAD PA'I 'JIG RTEN PA'I BLO RANG DGA' BA'I DON JI LTAR SNANG BA LTAR GRUB PA'I PHYIR DANG, DE DAG JI LTAR SNANG BA LTAR DU GRUB PAS STONG PAR RTOGS PA DON DAM DPYOD KYI TSAD MA LA NGES PAR RAG LAS PA'I PHYIR RO, ,DES NA 'JIG RTEN PA'I SHES DON YANG DAG DANG LOG PA GNYIS SU DBYE BA YOD DO ZHES GSUNGS KYI, 'JIG RTEN GYI SHES NGO NA YANG DAG KUN RDZOB DANG LOG PA'I KUN RDZOB GNYIS KYI DBYE BA YOD DO ZHES DPAL LDAN ZLA BAS GANG DU YANG MA GSUNGS LA, BDAG GI BLA MA YANG MI BZHED CING, GTAN NAS KHAS BLANG DU MI RUNG STE, 'JIG RTEN PA'I BLO RANG DGA' BA'I NGO NA KA BUM SOGS KUN RDZOB MA YIN PA'I PHYIR DANG, BLO GANG GI NGO LA LTOS NAS BDEN BAR 'JOG PA'I BLO DE'I NGO LA LTOS NAS RDZUN PAR 'JOG PA HA CANG THAL BA'I PHYIR RO, ,THAL 'GYUR BA RANG LUGS LA KUN RDZOB LA YANG LOG GNYIS SU KHAS MI LEN PA'I RGYU MTSAN CI ZHE NA, BRJOD PAR BYA STE, SHES BYA CHOS CAN, KUN RDZOB LA YANG DAG PA DANG LOG PA GNYIS SU DBYER MI RUNG BAR THAL, KUN RDZOB LA JI LTAR SNANG BA LTAR GRUB MA GRUB KYI DBYE BA MI 'THAD PA'I PHYIR, DER THAL, KUN RDZOB YIN NA THA SNYAD TZAM DU YANG GNAS TSUL GZHAN DU GNAS NAS SNANG TSUL GZHAN DU SNANG BAS KHYAB PA'I PHYIR, DER THAL, KUN RDZOB YIN NA THA SNYAD TZAM DU YANG BSLU BA'I CHOS CAN YIN PAS KHYAB PA'I PHYIR, DER THAL, KUN RDZOB YIN NA THA SNYAD TZAM DU YANG RDZUN PA YIN PAS KHYAB PA'I PHYIR, MA GRUB NA, THA SNYAD DU BDEN GRUB YIN PAR THAL LO, ,KHYAB STE, BDEN RDZUN PHAN TSUN SPANGS PA'I DNGOS 'GAL YIN PA'I PHYIR RO, ,GZHAN YANG, SO SO SKYE BO'I SHES PA LA THA SNYAD DU SNANG YUL

LA 'KHRUL MA 'KHRUL GYI DBYE BA YOD PAR THAL, KUN RDZOB LA THA SNYAD DU YANG DAG DANG LOG PA'I DBYE BA YOD PA'I PHYIR, 'DOD NA, THA SNYAD DU RANG BZHIN GYIS GRUB PA'I DNGOS PO YOD PAR THAL, SO SO SKYE BO'I MIG SHES LA GZUGS KYI RNAM PA 'CHAR NA GZUGS RANG NGOS NAS CHUGS THUB TU GRUB PA LTAR SNANG BA GANG ZHIG; MIG SHES SNANG YUL LAM 'KHRUL BA'I PHYIR, ZUR SNGA MA MA GRUB NA MNGON SUM LA BSNYON PA YIN ZHING, ZUR PHYI MA MA GRUB NA THAL BSNGA MA LA 'DOD PA NYAMS SO, ,DE YANG THA SNYAD DU KUN RDZOB LA YANG LOG GNYIS SU PHYE BA'I NANG NAS YANG DAG PA YIN NA PHYIN CI MA LOG PA YIN DGOS PA'I PHYIR YANG LOG GNYIS SU PHYE BA'I NANG NAS YANG DAG PA YIN PA'I SO SO SKYE BO'I SHES PA YOD NA SNANG TSUL PHYIN CI MA LOG PA'I SO SO SKYE BO'I SHES PA YOD PAR GDON MI ZA BAR 'DOD DGOS SHING, DE 'DOD NA THA SNYAD DU RANG BZHIN GYIS GRUB PA MI 'DOD BZHIN DU YANG KHAS LEN DAGS PAS RANG BZHIN GYIS GRUB PA THA SNYAD TZAM DU MI SRID PAR YANG KHAS LEN, RANG LUGS LA YANG LOG GNYIS SU DBYE BA BYED PA 'THAD PAR YANG KHAS LEN PA NI GRUB PA'I MTHA' GANG GI'ANG GTING MA PHYIN PA'I MUN SPRUL LO, ,DE BAS NA THAL RANG GNYIS SO SO SKYE BO'I MA 'KHRUL BA'I SHES PA KHAS LEN MI LEN GYI KHYAD PAR 'BYUNG BA NI KUN RDZOB KYI GZHI LDOG YIN PA'I YANG LOG GNYIS KYI DBYE BA RANG LUGS LA KHAS LEN MA LEN GYI KHYAD PAR LA THUG CING, DE YANG RANG GI MTSAN NYID KYIS GRUB PA THA SNYAD DU 'DOD MI 'DOD LA THUG PAR SHES PAR GYIS SHIG ,DE LTAR NA RANG RGYUD PA'I KUN RDZOB LA YANG LOG GNYIS SU DBYE BA BYED PA'I TSUL DE NI 'JIG RTEN GYI SHES NGO LA GNAS PA DANG, DBU MA PA RANG GI LTA BA LA GNAS PA GANG GI DBANG DU BYAS KYANG LEGS PA MA YIN ZHING, THA SNYAD DU RANG GI MTSAN NYID KYIS GRUB PA KHAS LEN MI LEN DANG, KUN RDZOB LA YANG LOG GNYIS SU 'BYED MI 'BYED KYI KHYAD PAR GYI DBANG GIS RDZAS GRUB KHAS LEN MI LEN GYI KHYAD PAR YANG BYUNG BA YIN LA, GANG DAG THAL 'GYUR BA'I LUGS LA YANG THA SNYAD TZAM DU RDZAS GRUB KHAS LEN NO ZHES SMRA BA NI, LUGS 'DI LA CHOS THAMS CAD THA SNYAD DU YANG BTAGS YOD TZAM LA 'JOG PA'I TSUL LA BLO KHA MA PHYOGS SHING, 'JUG PA'I RANG 'GREL LAS, SA BCU PA'I MDO RGYAS PAR DRANGS BA'I MTHAR; DE'I PHYIR DE LTAR NA SEMS DANG BCAS PA SU ZHIG DE NYID LAS BCAS

, ,PA'I LUD MTHONG NAS RNAM PAR SHES PA RDZAS SU YOD PAR RTOG PAR BYED DE YONGS SU RTOG PAR BYED PA DE NI LTA BAS BYAS PA NYID DU 'GYUR RO, ZHES DANG, SHES RAB MED PAS RDZAS SHES TZAM LA CHAGS PA'I SGO NAS GZHAN GYI DBANG GI BUM BA SO MA BTANG BAR CHU DANG 'DRA BA BLUGS NAS RANG GI BLO GROS KYI TSUL NGAN BA'I PHYIR 'JIG RTEN GYI RNAM PAR BZHAG PA 'JIG RTEN KHO NA LA GRUB BA 'DUG SHIG SONG SHIG BYOS SHIG TSOL SHIG ,CES BYA BA DE LTA BU LA SOGS PA DANG, DE BZHIN DU GZUGS DANG TSOR BA ZHES BYA BA LA SOGS PA GANG YIN PA DE DAG THAMS CAD 'JIG PAR RTOGS TE, DE'I PHYIR 'DI LA RGUD PA NYID 'BA' ZHIG SRID BAR 'GYUR GYI, MNGON PAR MTHO BA NI MA YIN NO ZHES GZHAN DBANG GI DNGOS PO RDZAS GRUB TU KHAS BLANGS NA 'JIG RTEN GYI THA SNYAD THAMS CAD BZHAG TU MI RUNG BAR GSUNGS PA DANG, DE NYID SKABS SU RIGS PA GANG ZHIG GIS, ZHES PA'I 'GREL PAR RDZAS KYI SKYE BA THA SNYAD DU YANG MI SRID BAR DNGOS SU GSUNGS PA DANG; RDZAS LA 'JUG PAS PHYIN CI LOG MI 'GYUR, ZHES PA RTZA 'GREL GYIS YUL RDZAS SU GRUB NA YUL CAN GYI BLO PHYIN CI MA LOG BAR 'GYUR DGOS BAR BSHAD PA DANG, BZHI BRGYA PA'I 'GREL PA LAS, BDEN PAR GRUB PA DANG, RDZAS SU GRUB PA DANG, RANG BZHIN GYIS GRUB PA RNAMS RNAM GRANGS YIN PAR DNGOS SU BSHAD PA SOGS MA NGES BZHIN DU BYUNG RGYAL DU SMRAS PA'O, 'O NA RANG 'GREL LAS, DPER NA KHA CIG GIS NGA'I RDZAS PHROGS SO ZHES SMRAS BA DANG, CIG SHOS KYIS DE LA BRGAL ZHING BRTAG PA, RDZAS CI ZHIG YIN, DE BUM PA'O ZHES SMRAS PA LA, BUM PA NI RDZAS MA YIN TE, GZHAL BYA YIN PA'I PHYIR RMI LAM GYI BUM PA BZHIN NO, ZHES DE DES SUN 'BYIN PAR BYED PA DE LTA BU LA SOGS PA'I YUL LA 'JIG RTEN PA'I DON 'JIG RTEN PA'I GRAGS BA NYID KYIS SEL BAR BYED PA LA 'JIG RTEN GYIS GNOD PAR 'GYUR GYI, ZHES GSUNGS PA JI LTAR DRANG ZHE NA, DE NI 'JIG RTEN NA NOR LA RDZAS ZHES THA SNYAD BYED PA DE'I DBANG DU BYAS NAS SMRAS BA LA, RIGS PAS DPYAD NAS DE 'DRA BA'I 'JIG RTEN GYI THA SNYAD DGAG PA MI 'THAD PAR STON PA YIN ZHING, NOR CHE CHUNG LA RDZAS CHE CHUNG GI THA SNYAD BYED PA YOD BA TZAM GYIS RDZAS GRUB THA SNYAD DU YOD PAR KHAS LEN DGOS NA, THA SNYAD DU RANG RIG KHAS LEN RIGS PAR THAL, 'JIG RTEN NANG RANG GIS NGA RANG MTHONG NGO ZHES THA SNYAD BYED PA YOD

BA'I PHYIR THA SNYAD DU RTAG DNGOS DANG BDEN GRUB YOD BAR THAL, 'JIG RTEN NA CHU RTAG TU 'BAB BO ZHES THA SNYAD BYED PA DANG, 'DI KHO NA BDEN GYI GZHAN NI RDZUN NO ZHES THA SNYAD BYED PA DU MA ZHIG YOD PA'I PHYIR RO, ,DE LTAR BDEN PA GNYIS KYI RNAM PAR BZHAG PA BSHAD ZIN NAS, DA NI DE'I ZHAR LAS BYUNG BCUNG ZHIG BRJOD PAR BYA STE, CI THAL 'GYUR BA RANG LUGS KYI BDEN PA GNYIS KYI RNAM PAR BZHAG PA JI SKAD BSHAD PA BZHIN YIN NA, THAL 'GYUR BA RANG LUGS KYI NGO BO NYID GSUM GYI RNAM PAR BZHAG PA JI LTA BU ZHE NA, 'JUG PA'I RANG 'GREL LAS, DPER NA SBRUL NI THAG PA BSNGOGS PA'I RTEN CING 'BREL PAR 'BYUNG BA LA BTAGS PA YIN TE, DE DE LA YOD PA MA YIN PA'I PHYIR RO, ,DE SPRUL DNGOS LA NI YONGS SU GRUB PA YIN TE, KUN TU MA BRTAGS PA'I PHYIR RO, ,DE BZHIN DU RANG BZHIN YANG GZHAN GYI DBANG BYAS PA CAN LA NI KUN TU BRTAGS PA YIN TE, RANG BZHIN DAG NI BCES MIN DANG, ,GZHAN LA LTOS PA MED PA YIN, ZHES 'BYUNG BAS NGO BO NYID NI BYAS PA CAN MA YIN NO, ,GZUNG BZHIN PA'I RTEN CING 'BREL PAR 'BYUNG BA BYAS BA CAN GZUGS BRNYAN DANG 'DRA BA LA BTAGS BA GANG YIN PA DE NI SANGS RGYAS KYI SPYOD YUL LA NI DNGOS YIN TE, KUN TU MA BRTAGS PA'I PHYIR TE, DNGOS PO BYAS PA CAN LA MA REG BAR RANG BZHIN 'BA' ZHIG MNGON SUM DU MDZAD PAS DE NYID THUGS SU CHUNG PA'I PHYIR SANGS RGYAS ZHES BRJOD DO, ,DE'I PHYIR DE LTAR BTAGS PA DANG, GZHAN GYI DBANG DANG, YONGS SU GRUB PA ZHES BYA BA'I NGO BO NYID GSUM RNAM PAR BZHAG PA RTOGS PAR BYAS NAS MDE'I DGONGS PA RNAM PAR BSHAD BAR BYA'O, CES GSUNGS PA'I DON MDOR BSDUS TE GO BDE BAR BRJOD NA, GSHIS LUGS SU GYUR PA'I RANG BZHIN DE NYID GZHAN DBANG RTEN 'BREL LA KUN BRTAGS DANG, SANGS RGYAS KYI JI LTA BA GZIGS PA'I YE SHES DE NYID GANG LA JI LTA BA MKHYEN PA'I YE SHES SU SONG BA'I YUL LA YONGS GRUB YIN ZHES GSUNGS PAS, JI LTAR SNANG BA LTAR GYI CHOS CAN KUN RDZOB PA 'DI GZHAN DBANG DANG, DE NYID GNAS LUGS SAM YUL GYI GSHIS LUGS SU SGRO BTAGS PA'I CHA KUN BRTAGS DANG, 'DI NYID RANG BZHIN GYIS GRUB PAS STONG PA YONGS GRUB TU BSTAN PA YIN NO, ,DNGOS PO BYAS PA CAN LA MA REG PA ZHES PA'I DON NI, GANG LA JI LTA BA MKHYEN PA'I YE SHES SU SONG BA'I RIG NGO NA RGYU RKYEN GYIS BYAS PA'I DNGOS PO CUNG ZAD KYANG YUL DU

, ,MED PA STE DNGOS PO 'BA' ZHIG TU MA ZAD KYI KUN RDZOB GANG YANG DE'I YUL DU MED DO, ,GSUM PA BDEN PA GNYIS NGES BYED KYI TSAD MA BSHAD BA LA, MTSAN NYID NI, RANG GI 'DZIN STANGS KYI YUL DU GYUR PA'I GZHAL BYA LA MI SLU BA'I SHES PA'O, ,'O NA KUN RDZOB THAMS CAD BSLU BA'I CHOS CAN DU SMRAS PA DANG JI LTAR MI 'GAL ZHE NA, KHO RANG YUL DU BYED PA'I SHES PA LA GNAS TSUL DANG MI MTHUN PA'I BSLU BA'I CHOS CAN YIN PA DANG, GZHAL BYA DE KHOS JI LTAR YONGS SU DPYAD PA LTAR GRUB PA'I SGO NAS GZHAL BYA LAM BSLUS PA MI 'GRAL BA'I PHYIR SKYON MED DO, ,DE YANG RANG RGYUD PA MAN CHAD KYI LUGS LA TSAD MA YIN NA RANG GANG LA TSAD MANG SONG BA'I GZHAL BYA LA MA 'KHRUL BAS KHYAB KYANG, 'DIR NI SO SO SKYE BO'I RGYUD KYI TSAD MA DANG, 'PHAGS PA'I RGYUD KYI YANG GNYIS SNANG 'KHRUL PA'I BAG CHAGS KYIS BSLAD PA'I THA SNYAD DPYOD BYED KYI TSAD MA RNAMS RANG GANG LA TSAD MAR SONG SA'I GZHAL BYA LA YANG 'KHRUL SHES YIN LA, DE YANG MIG SHES LA GZUGS GZUGS SU'ANG SNANG, RANG GI MTSAN NYID KYIS GRUB PAR YANG SNANG KYANG GZUGS GZUGS SU GZHAL GYI, GZUGS RANG GI MTSAN NYID KYIS GRUB PAR GZHAL BA MA YIN LA, GZUGS DANG GZUGS KYI SNANG BA DANG GZUGS RANG GI MTSAN NYID KYIS GRUB PA'I SNANG BA GSUM KA LA TSAD MAR SONG KYANG, GZUGS RANG GI MTSAN NYID KYIS GRUB PA LA TSAD MAR 'GRO MI DGOS SO, ,GNYIS PA DBYE BA NI TSIG GSAL LAS, MNGON RJES GNYIS DANG, LUNG GI TSAD MA DANG, NYER 'JAL GYI TSAD MA STE BZHI BSHAD BA NI RTZOD BZLOG RTZA 'GREL LA LTOS PA YIN ZHING, LUNG GI TSAD MA CES PA YANG SHIN TU LKOG GYUR 'JAL BA'I YID CHES RJES DPAG YIN LA; NYER 'JAL CES PA NI DPE LA LTOS NAS GZHAL BYA LKOG GYUR DPOG PA'I TSAD MA YIN PAS DE GNYIS RJES DPAG TU 'DU BA'I PHYIR SPYIR TSAD MA LA MNGON RJES GNYIS SU GRANGS MA NGES PAR BZHED PA MA YIN NO, ,MNGON SUM TSAD MA LA YANG DANG RIG MNGON SUM NI BKAG ZIN CING, YID KYI MNGON SUM YANG RNAM 'GREL NGES SOGS NAS BSHAD PA LTAR MI BZHED DE, BZHI BRGYA PA'I 'GREL PA LAS, RNAM PAR SHES PA GNYIS KYIS DON GCIG RNAM PAR SHES PA MA YIN TE, GCIG NI YUL GYI RNAM PA DNGOS SU GCOD PAR BYED PA STE GANG DANG POR SKYE BA'O, ,GNYIS PA NI DNGOS SU BYED PA NYID DU RNAM PAR SHES PA MA YIN TE, DBANG PO'I RNAM PAR SHES

PA'I STOBS KYIS DE LTAR RTOG CING SKYE BA NA, DES KYANG DON DE RNAM BAR SHES SO ZHES NYE BAR 'DOGS SO, ZHES DBANG SHES KYIS GZUGS SOGS KYI DON DE DNGOS SU GSAL BAR RIG LA, YID SHES KYIS DBANG SHES KYI STOBS KYIS RIG GI ,DBANG SHES BZHIN DU DNGOS SU GSAL BAR MI RIG BAR GSUNGS SHING, DBANG SHES KYI LTOBS KYIS YUL RIG BA'I YID SHES RNAMS DRAN BA YIN PAR GSUNGS PA'I PHYIR RO, ,'ON KYANG YID KYI MNGON SUM MI BZHED PA MA YIN TE, BZHI BRGYA PA'I 'GREL PA LAS, TSOR BA LA SOGS PA LTAR NYAMS SU MYONG BA'I RNAM PA YANG MA YIN LA, GZUGS DANG SGRA LA SOGS PA BZHIN DBANG PO'I SGO NAS YONGS SU BCAD PAR BYA BA YANG MA YIN NO, ZHES YID SHES 'KHOR GYI TSOR BA BDE SDUG SOGS NYAMS SU MYONG BA'I RNAM BAS RANG GI GZHAL BYA MNGON GYUR 'JAL BA'I TSAD MAR GSUNGS BA'I PHYIR RO, ,DE YANG YID SHES 'KHOR GYI SEMS BYUNG TSOR BA NI TSAD MA DANG, BDE SDUG BTANG SNYOMS GSUM NI GZHAL BYA YIN ZHING, MDO LAS KYANG, NYAMS SU MYONG BA KHYAD BAR CAN TSOR BA'I MTSAN NYID DU GSUNGS PA LA, GANG NYAMS SU MYONG NA BDE SDUG SOGS NYAMS SU MYONG CES 'CHAD DGOS SHING, 'JIG RTEN GYI THA SNYAD LAS KYANG BDE BA DANG SDUG BSNGAL NYAMS SU MYONG NGO ZHES BRJOD PA'I PHYIR MYONG BYA MYONG BYED THA DAD PA NYID DU BLO LA SNANG ZHING LUNG RIGS KYIS GRUB BA'I PHYIR KHA NANG LTA LA RIG BYA RIG BYED THA DAD PAR SNANG BA NUB PA'I 'DZIN RNAM YAN GAR BA BKAG PA DANG MI MTSUNGS PAS RANG RIG KHAS LEN DGOS PAR THAL BA'I SKYON MED DO, ,RANG LUGS LA RNAL 'BYOR MNGON SUM KHAS MI LEN PA'I SANGS RGYAS PA MI SRID PAS DE LTAR NA 'DIR MNGON SUM RIGS GSUM DU GRANGS NGES SO, ,DE YANG TSIG GSAL LAS GAL TE MTSAN GZHI'AM, RANG GI MTSAN NYID DAM, SPYI'I MTSAN NYID KYANG RUNG STE, 'JIG RTEN NA YOD NA NI THAMS CAD MNGON SUM DU DMIGS PAR BYA BA YIN PA'I PHYIR LKOG TU MA GYUR PA YIN TE, DE'I PHYIR DE'I YUL CAN GYI RNAM BAR SHES PA DANG LHAN CIG TU MNGON SUM NYID DU RNAM BAR BZHAG GO, ZHES GSUNGS PA NI MNGON RJES GNYIS SU PHYE BA'I MNGON SUM TSAD MA TZAM NGOS 'DZIN PA'I SKABS YIN PAS GZHI GRUB NA KUN MKHYEN YE SHES LA MNGON SUM DU SNANG BAS KHYAB PAR STON PA MA YIN ZHING, RANG SPYI GANG YIN KYANG MNGON GYUR YIN PAS KHYAB PAR STON PA'ANG MA YIN TE, LUNG DE'I MJUG THOGS SU TSIG GSAL LAS, LKOG

, ,TU GYUR PA'I YUL CAN RTAGS BSGRUB PAR BYA BA LA MI 'KHRUL BA LAS SKYES PA'I SHES BA NI RJES SU DPAG PA'O ZHES GSUNGS PA'I PHYIR RO, ,DES NA TSIG GSAL GYI LUNG SNGA MA DE'I DON NI, DNGOS SMRA BAS RANG SPYI GANG DU KHAS BLANGS PA'I CHOS YIN KYANG CHOS DE DNGOS YUL DU BYED PA'I GNYIS SNANG CAN GYI SHES PA YIN NA SHES BA DE LA YUL DE'I SNANG BA 'CHAR BAB KHAB CING SHES PA GANG LA YUL GANG GI SNANG BA SHAR BA'I SNANG BA DE'I SHES PA DE'I YUL MNGON SUM PA YIN PAS KHYAB LA, DE'I TSE YUL LA MNGON SUM GYI SGRA DNGOS DANG, YUL CAN LA MNGON SUM GYI SGRA BTAGS NAS 'JUG PAR STON PA YIN NO, ,DE LTAR NA YUL DE MNGON SUM PA YIN NA MNGON GYUR YIN PAS KHYAB CING, RANG GI YUL MNGON GYUR LA MI SLU BA'I SHES PA MNGON SUM TSAD MA'I DON DU BZHED LA, GNYIS SNANG CAN GYI SHES PA YIN NA KHO RANG LA SHAR BA'I YUL GYI SNANG BA DE LA MI SLU BAS KHYAB PA'I PHYIR NA GNYIS SNANG CAN GYI SHES PA YIN NA KHO RANG LA SHAR BA'I YUL GYI SNANG BA DE LA MNGON SUM TSAD MA YIN BAS KHYAB PAR KHAS LEN DGOS SO, ,DES NA BDAG 'DZIN GNYIS DANG, ZLA BA GNYIS SNANG GI DBANG SHES SOGS LOG SHES RNAMS KYANG BDAG GNYIS KYI SNANG BA DES ZLA BA GNYIS KYI SNANG BA SOGS LA MNGON SUM TSAD MA YIN TE, DE LA LTOS NAS RANG GI YUL MNGON SUM PA LA MI SLU BA'I SHES PA YIN PA'I PHYIR; ZLA BA GNYIS SNANG GI DBANG SHES CHOS CAN, RANG LA SHAR BA'I ZLA GNYIS KYI SNANG BA LA MI SLU BA'I SHES BA YIN PAR THAL, DE 'DRA'I SNANG BA DE KHYOD KYI DNGOS YUL DU BYAS PA'I SGO NAS SNANG BA DE NGES PA'I NGES SHES TSAD MA GZHAN LA LTOS MED DU RANG STOBS KYIS 'DREN NUS PA'I PHYIR, BDAG 'DZIN GNYIS DANG ZLA BA GNYIS SNANG GI DBANG SHES SOGS RANG LA SHAR BA'I YUL GYI SNANG BA LA TSAD MA YIN KYANG, SPYIR TSAD MA YIN MI DGOS TE, RANG RANG GI 'DZIN STANGS KYI YUL LA TSAD MIN GYI BLO YIN PA'I PHYIR RO, ,DES NA RANG LA SHAR BA'I YUL GYI SNANG BA LA TSAD MA YIN PA TZAM GYIS SPYIR TSAD MA YIN PAR BZHAG MI NUS KYI, 'DZIN STANGS KYI YUL LA TSAD MA YIN MIN GYI DBYE BAS TSAD MA YIN MIN SO SOR 'JOG DGOS TE, DPER NA MDO SDE PA DAG RANG GI SNANG YUL LA LOG SHES YIN PA TZAM GYIS LOG SHES SU MI 'JOG GI 'DZIN STANGS KYI YUL LA LOG SHES SU SONG MA SONG GI DBANG GIS LOG SHES YIN MIN SO SOR 'JOG PA BZHIN NO, ,DE'I PHYIR TSAD MA

DANG CHAD MIN GYI BLO'I DBYE BA MED PAR THAL BA'I SKYON MED DO, ,YANG 'DI SNYAM DU GONG DU BSHAD PA'I TSUL 'DI NYID LAS NI SHES BA THAMS CAD RANG RANG GI SNANG BA LA TSAD MAR KHAS LEN DGOS PA LA, RANG GI SNANG BA LA TSAD MA YIN PA LA TSAD MA YIN PAS KHYAB MI KHYAB JI LTA BU ZHES DPYOD PA NA, SKRA SHAD 'DZAG SNANG GI DBANG SHES SOGS RTOG MED LOG SHES RNAMS TSAD MA YIN PAR RANG GI SNANG BA LA CHAD MA YIN PAS 'JOG NUS TE, RTOG MED SHES PA'I YUL GYI GTZO BO SDANG YUL YIN PA'I PHYIR, SGRA RTAG 'DZIN RTOG PA LTA BU RANG GI SNANG BA LA TSAD MA YIN KYANG TSAD MA YIN MI DGOS TE, ZHEN YUL LA TSAD MA MIN ZHING RTOG BA'I YUL GYI GTZO BO ZHEN YUL YIN PA'I PHYIR, SNYAM DU DOGS PAR MI BYA STE, RGYU MTSAN DE NYID KYI PHYIR RTOG MED LOG SHES RNAMS TSAD MA MIN PAR 'GYUR BA'I PHYIR RO, ,'DI LTAR, RTOG MED SHES PA'I YUL GYI GTZO BO SNANG YUL YIN KYANG SNANG BA TZAM SNANG YUL GYI GTZO BO MA YIN GYI, SNANG BA DE'I SNANG GZHIR GYUR BA'I SNANG YUL NYID SNANG YUL GYI GTZO BO YIN TE, DPER NA SNGON PO'I SNANG BA TZAM SNGO 'DZIN MIG SHES KYI SNANG YUL GTZO BO MA YIN GYI DE'I SNANG GZHIR GYUR BA'I SNGON PO DE'I SNANG YUL GYI GTZO BO YIN PA LTA BU'O, ,DES NA SNANG BA DE LA TSAD MA YIN KYANG SNANG BA DE'I SNANG GZHIR GYUR PA'I DON GANG LA YANG TSAD MAR MA SONG NA TSAD MA MIN TE, TSAD MAR SONG SA'I SNANG YUL GTZO BO GZHI MA GRUB PA'I PHYIR RO, ,DE'I PHYIR SNANG GZHIR GYUR PA'I SNANG YUL GTZO BO LA LTOS NAS LOG SHES YIN MIN GYI KHYAD PAR 'BYED PAS SNGO 'DZIN MIG SHES DANG SKRA SHAD 'DZAG SNANG GI DBANG SHES LA LOG SHES YIN MIN GYI KHYAD PAR 'JOG PA YIN GYI, DE LTA MA YIN NA SO SKYE'I RTOG MED SHES PA YIN NA LOG SHES YIN DGOS BA'AM, YANG NA RTOG MED LOG SHES GZHI MA GRUB PAR 'GYUR RO, ,DE LTA NA SNANG YUL GTZO BO LA LTOS NAS LOG SHES YIN MIN GYI KHYAD PAR 'DAD NA RTOG MED SHES BA RANG GI SNANG YUL GTZO BO LA LTOS NAS, TSAD MA YIN MIN GYI KHYAD PAR YANG NGES PAR 'DOD DGOS BAS DPYAD PA RNAM PAR MA DAG BA'I THAG CHOD MA BYED PAR ZHIB TU BSAM PAR RIGS LA, RJE'I GSUNG RAB GANG NA'ANG RTOG MED LOG SHES TSAD MAR STON PA'I TSIG ZUR TZAM YANG MED PA'ANG SHES PAR BYOS SHIG, RANG GI 'DZIN STANGS KYI YUL DU GYUR BA'I GZHAL BYA LA MI SLU BA TZAM GYIS TSAD MAR 'JOG MI NUS PAR

, ,GSAR DU MI SLU BA DGOS PAR 'DOD PA NI MI 'THAD DE, TSAD MA LA GSAR DU MI SLU BA DGOS PAR THA SNYAD PA'I TSAD MA TZAM GYIS MI 'GRUB CING DON DAM DPYOD BYED KYI TSAD MA CUNG ZAD KYANG MI RNYED PA'I PHYIR RO, ,SNGA MA DER THAL, GLO BUR GYI 'KHRUL RGYUS GNOD PA MED CING MA BRTAGS MA DPYAD PAR 'JUG PA'A 'JIG RTEN PA'I BLO LHAN SKYES RANG DGA' BAS RANG GI GZHAL BA'I DON LA MI SLU BA TZAM LA TSAD MAR THA SNYAD BYED KYI GSAR DU MI SLU BA'I SGO NAS THA SNYAD BYED PA CUNG ZAD KYANG MED PA'I PHYIR DANG, RTOG GE PA DAG GIS TSAD MA'I MTSAN NYID KYI ZUR DU GSAR DU CES PA'I TSIG SMOS DGOS PA'I SGRUB BYED GANG BKOD PA THAMS CAD TSAD MAR SONG CHUL RIGS PAS DPYAD NAS RNYED PA'I DON LA TSAD MAR 'JOG PA'I DBANG DU BYAS PA YIN PA'I PHYIR RO, ,RANG RGYUD PA MAN CHAD KYI LUGS LA RJES DPAG CHANG MA RNAMS SNANG YUL LA 'KHRUL ZHING ZHEN YUL LA MA 'KHRUL BAR 'DOD KYANG 'DIR NI DE KHAS BLANG DU MI RUNG STE, SGRA MI RTAG RTOGS KYI RJES DPAG CHAD MA LA SGRA MI RTAG PA RANG GI MTSAN NYID KYIS GRUB PAR SNANG YANG SNANG BA LTAR MA GRUB PA'I RTAGS KYIS RJES DPAG DE SGRA MI RTAG PA LA 'KHRUL SHES SU MI 'GRUB NA, MIG SHES LA SNGON PO RANG GI MTSAN NYID KYIS GRUB PAR SNANG YANG SNANG BA LTAR MA GRUB PA'I RTAGS KYIS MIG SHES SNGON PO LA 'KHRUL PAR SGRUB NUS PA 'GAL BA'I PHYIR RO, ,DES NA LUGS 'DI LA RANG DANG 'DZIN STANGS DNGOS SU 'GAL BA'I TSAD MA YOD MED KYIS LOG SHES YIN MIN DU 'JOG GI ,ZHEN YUL LA 'KHRUL MA 'KHRUL DANG, RANG DANG SNANG TSUL 'GAL BA'I TSAD MA YOD MED SOGS KYIS LOG SHES YIN MIN DU 'JOG PA MA YIN NO, ,RTOG MED SHES PA'I 'DZIN STANGS MI SRID PAR SGRAB NI MA BSLABS PA'I GTAM YIN TE, SHES PA'I 'DZIN STANGS DANG ZHEN STANGS GCIG TU 'KHRUL BAR SNANG PA'I PHYIR RO, ,TSAD MA'I 'DZIN STANGS CES PA NI TSAD MA DES RANG GI GZHAL BYA YONGS SU GCOD PA'I 'DZIN TSUL LA ZER LA, BDAG 'DZIN DANG BDAG MED RTOGS PA'I SHES RAB LTA BU'I SPANG GNYEN RNAMS DMIGS PA GCIG LA DMIGS NAS 'DZIN STANGS DNGOS SU 'GAL BAR 'DOD PA DANG MNGON SUM TSAD MA LA 'DZIN STANGS MI SRID PAR 'DOD PA NANG 'GAL BA CHEN PO'O, ,MNGON SUM DNGOS BTAGS KYI DON YANG, SPYIR MNGON SUM TSAD MA YIN NA MNGON SUM YIN PAR 'GAL BAR [?]

BZHED BAM YIN GYI, YUL SO SO LA LTOS NAS YIN TE 'DI LTAR KHA SNGON PO DE SNGO 'DZIN MIG SHES LA MNGON SUM MTSAN NYID PA YIN ZHING, SNGO 'DZIN MIG SHES DE SNGON PO LA LTOS NAS MNGON SUM BTAGS PA BA DANG MNGON SUM TSAD MA MTSAN NYID BA YIN LA, SNGO 'DZIN MIG SHES DE SNGO 'DZIN MIG SHES MNGON SUM DU MTHONG BA'I GZHAN SEMS SHES PA'I MNGON SHES LTA BU LA MNGON SUM MTSAN NYID PA YIN ZHING, MNGON SHES DE MIG SHES DE LA LTOS NAS MNGON SUM BTAGS PA BA DANG MNGON SUM TSAD MA MTSAN NYID PA YIN NO ZHES BYA BA LTA BU'I DON DU SHES PAR BYA'O, ,DES NA 'DI PA'I LUGS LA SNGO 'DZIN MIG SHES KYI STOBS KYIS DRANGS PA'I SNGON PO DRAN PA'I SHES PA LTA BU YANG KHO RANG GI 'DZIN STANGS KYI YUL DU GYUR BA'I SNGON PO MNGON GYUR PA DE LA MYONG STOBS KYIS MI SLU BA'I SHES PA YIN PA'I PHYIR MNGON SUM TSAD MAR BZHED PAS BCAD SHES YIN BA DANG TSAD MA YIN PA MI 'GAL LA, MNGON SUM TSAD MA YIN PA DANG SGRA DON 'DZIN PA'I RTOG PA YIN BA YANG MI 'GAL LO; ;DE LTAR YANG TSIG GSAL LAS, GZHAN YANG MNGON SUM GYI SGRA NI LKOG TU MA GYUR PA'I DON GYI RJOD PAR BYED PA YIN PA'I PHYIR DBANG PO MNGON DU PHYOGS PA'I DON NI MNGON SUM YIN NO, ,'DI LA DBANG PO MNGON DU PHYOGS PAS ZHES BYAS NAS BUM PA DANG SNGON PO LA SOGS PA LKOG TU MA GYUR BA RNAMS MNGON SUM NYID DU GRUB PAR 'GYUR LA, DE YONGS SU DPYOD PAR BYED PA'I SHES PA NI RTZVA DANG SOG MA'I ME BZHIN DU MNGON SUM GYI RGYU CAN YIN PA'I PHYIR MNGON SUM NYID DU RJOD PAR BYED DO, ZHES BYA BA LA SOGS PA GSUNGS LA, GZHAN YANG RTOG BRAL MNGON SUM GYI MTSAN NYID KYI ZUR DU SMOS PA 'GOG PA TSIG GSAL DANG, BZHI BRGYA PA'I 'GREL PA GNYI GA LAS RGYAS PAR GSUNGS MOD KYI 'DIR YI GE MANGS PAR 'GYUR BAS MA BRIS SO, ,JI SKAD BSHAD PA'I TSUL DE LTAR NA TSAD MA LA DBYE NA MNGON SUM TSAD MA DANG, RJES DPAG TSAD MA GNYIS DANG PO'I MTSAN NYID, RTAGS LA MA LTOS PAR RANG GI 'DZIN STANGS KYI YUL DU GYUR BA'I GZHAL BYA MNGON SUM BA LA MI SLU BA'I SHES PA, GNYIS PA'I MTSAN NYID, RTAGS LA BRTEN NAS RANG GI 'DZIN STANGS KYI YUL DU GYUR PA'I GZHAL BYA LKOG GYUR LA MI SLU BA'I SHES PA, DE YANG YUL MNGON SUM PA RTOGS PA'I TSAD MA YIN PA LA YUL DE MNGON SUM DU RTOGS PA'I TSAD MA YIN MI DGOS TE, DPER NA SNGON PO DRAN PA'I SHES PA

, ,BZHIN NO, ,DE'I PHYIR MNGON SUM TSAD MA YIN PA LA GZHAL BYA DE MNGON SUM DU RTOGS PAS MA KHYAB STE, DE LTA MA YIN NA SNGO 'DZIN MIG SHES DANG, DE'I RJES SU SKYES PA'I SNGON PO DRAN PA'I SHES PA LA YUL MTHONG TSUL KHYAD PAR MED PAR THAL BA'I PHYIR DANG, DE 'DOD NA LONG BAS KYANG GZUGS MNGON SUM DU MTHONG BAR THAL BA'I PHYIR RO, ,DANG PO LA DBYE NA GSUM LAS, DBANG PO'I MNGON SUM TSAD MA'I MTSAN NYID, RANG GI BDAG RKYEN DBANG PO GZUGS CAN LAS DNGOS SU SKYES PA'I SGO NAS 'DZIN STANGS KYI YUL DU GYUR PA'I GZHAL BYA MNGON SUM PA LA MI SLU BA'I SHES PA, DPER NA MIG SHES LTA BU'O, ,YID KYI MNGON SUM TSAD MA'I MTSAN NYID, RANG GI THUN MONG MA YIN PA'I BDAG RKYEN DU GYUR PA'I YID DBANG LAS DNGOS SU SKYES SHING TING NGE 'DZIN LAM BRTEN PAR RANG GI 'DZIN STANGS KYI YUL DU GYUR PA'I GZHAL BYA MNGON SUM PA LA MI SLU BA'I SHES PA, DPER NA SNGO 'DZIN MIG SHES KYI RJES SU SKYES PA'I SNGON PO DRAN PA'I SHES PA LTA BU'O, ,RNAL 'BYOR MNGON SUM GYI MTSAN NYID, RANG GI THUN MONG MA YIN PA'I BDAG RKYEN DU GYUR PA'I ZHI LHAG ZUNG 'BREL GYI TING NGE 'DZIN LAS DNGOS SU SKYES SHING RANG GI 'DZIN STANGS KYI YUL BDEN PA'I RNAM PA'AM BDAG MED PHRA RAGS GANG YANG RUNG BA LA MNGON SUM DU MTHONG BA'I SGO NAS MI SLU BA'I RTOG BRAL GYI SHES PA, DE YANG DBU MA RANG RGYUD PA DANG, MDO SEMS GNYIS KYI LUGS LA BDEN PA'I RNAM PA MI RTAG LA SOGS BCU DRUG MNGON SUM DU RTOGS PA'I SHES PA YIN NA 'PHAGS PA'I YE SHES YIN PAS KHYAB CING, MI SDUG PA SGOM BA'I TING NGE 'DZIN LAS GZHI KENG RUS SU SNANG BA'I SHES PA SOGS TSAD MA MA YIN LA, SBYOR LAM DU CHOS NYID KYI DON SPYI GSAL BAR SNANG BA'I YE SHES LTA BU SGRA DON 'DZIN PA'I RTOG PA YIN PA'I PHYIR MNGON SUM TSAD MA MA YIN PAS SO SO SKYE BO'I RGYUD LA RNAL 'BYOR MNGON SUM MI SRID PAR 'DOD KYANG, 'DIR NI GONG DU BSHAD ZIN PA LTAR BDAG MED GNYIS PHRA BA MTHAR THUG PA RIGS PAS GTAN LA MA PHEBS PA'I GONG ROL DU BDEN BZHI'I RNAM PA MI RTAG LA SOGS BCU DRUG DANG, GANG ZAG RANG RKYA THUB PA'I RDZAS YOD RNAM PAR BCAD PA TZAM GYI GANG ZAG GI BDAG MED DANG, GZUNG 'DZIN RDZAS GZHAN RNAM PAR BCAD PA TZAM GYI STONG NYID RNAMS RIGS PAS GTAN LA PHEBS NAS SGOM PA 'ONG ZHING DE NYID

GOMS BYED KYI YAN LAG DANG MA BRAL BAR NYAMS SU BLANGS NA DON DE DAG MNGON SUM DU GSAL BAR MTHONG BA 'ONG YANG, DE 'DRA BA'I YE SHES DE DAG 'PHAGS PA'I YE SHES MA YIN ZHING RNAL 'BYOR MNGON SUM TSAD MA YIN PAS SO SO SKYE BO'I RGYUD LA RNAL 'BYOR BA DON SUM TSAD MA YOD PAR BZHED PA YIN NO, ,DE LTAR NA TSAD MA'I RNAM BAR BZHAG PA BSHAD ZIN TO, ,BZHI PA STONG NYID GTAN LA PHEBS NAS JI LTAR SGOM PA'I TSUL NI, BDAG GI DPAL LDAN BLA MA DAM PA'I ZHAL SNGA NAS LAM GYI RIM PAR RGYAS PAR MDZAD PA LA BRTEN NAS SKAL BA DANG LDAN BA DAG GIS RTOGS PAR BYA ZHING GANG DAG GSUNG RAB DGONGS 'GREL DANG BCAS PA DANG, BLA MA SNGA MA DAG GI SO SO'I GZHUNG LAS 'BYUNG BA ZHI GNAS DANG LHAG MTHONG GI SGRUB TSUL YANG DAG BA DANG, YANG DAG BA MA YIN PA MTHA' DAG LA CUNG ZAD MA SBYANGS SHING, NANG DU YANG DAG 'JOG GI BSAM GTAN GYI BDE BA LA MNGON BAR ROL BA'I NYAMS SU LEN BA'I MAN DAG GI GNAD LA SE GOL GTOG PA TZAM DU YANG 'DRIS PAR MA BYAS PAR ZHI GNAS DANG LHAG MTHONG GI MAN NGAG TU THA SNYAD BYAS BA NYES PAR BSHAD PA'I GTAM DU BYA BA RGYA CHER 'GOD PA SNANG MOD KYI, NYAMS SU LEN PA'I MAN NGAG GI BRDA TZAM LA YANG MA BYANG BA DAG THUN MONG DANG THUN MONG MA YIN BA'I TING NGE 'DZIN SGRUB PA'I THABS LA LEGS PAR BYANG BA'I MKHAS PA'I SKYE BO DAG GI DGAG SGRUB KYI YUL MA YIN PA'I PHYIR YI GE RNAM PAR DGOD PA'I DAL BA MA BYAS SO, ,LNGA PA SGOM PA MTHAR PHYIN PA'I 'BRAS BU GTAN LA DBAB PA NI, DE LTA 'GONG DU JI SKAD BSHAD PA'I TSUL GYIS BDAG MED RNAM PA GNYIS PHRA ZHING PHRA BA RIGS PA YANG DAG GIS RGYAS BAR GTAN LA PHAB NAS RTOGS PA'I LTA BA DE NYID GOMS BYED KYI YAN LAG DANG MA BRAL BAR THEG PA CHEN PO'I LAM YONGS SU RDZOGS PAR NYAMS SU LEN PAS MOS PA SPYOD PA'I SA DANG 'PHAGS PA'I SA BCU RIM GYIS 'GROD DE SA BCU RGYUN MTHA'I YE SHES RDO RJE LTA BU'I TING NGE 'DZIN GYIS GNYIS SNANG 'KHRUL BA'I BAG CHAGS LHAG MA MED PAR SPANGS PA'I SKAD CIG GNYIS BA LA THUGS DAG PA GNYIS LDAN GYI CHOS NYID DE BZHIN NYID DANG CHU LA CHU BZHAG PA BZHIN DU SLAR LDANG BA MED PA'I TSUL GYIS RO MNYAM DU GYUR PA'I CHOS KYI SKU MNGON DU MDZAD PA DANG DUS MNYAM DU, SA BCU RGYUN MTHA' BA'I YID KYI RANG BZHIN GYI

, ,LUS MTSAN DPES BRGYAN PA'I RNAM BA CAN DE NYID KYI SKAD CIG GNYIS PA YANG, CHOS KYI SKU'I YE SHES DANG NGO BO THA MI DANG CING NAM MKHA' MA ZAD KYI BAR DU SKAD CIG KYANG RGYUN MI CHAD PA'I LONGS SPYOD RDZOGS PA'I SKUR 'GYUR BA YIN LA, DE'I PHYIR, SEMS 'GAGS PA DE SKU YIS MNGON SUM MDZAD, CES GSUNGS SO, ,DE YANG PHA ROL TU PHYIN BA'I THEG PA CHEN PO'I LUGS KYIS DANG POR 'TSANG RGYA BA'I GNAS NA 'OG MIN KHO NA DANG PHYIS 'TSANG RGYA BA'I TSUL STON PA'I GNAS NI 'DOD KHAMS YIN LA, 'OG MIN GYI NGOS 'DZIN DANG, GZUGS SKU BEM PO YIN PA DGAG PA SOGS DPYAD PAR BYA BA'I GNAS DU MA ZHIG YOD KYANG GZHAN DU 'CHAD PAR 'DOD BAS 'DIR MA BRIS SO, ,'DIR SANGS RGYAS KYI YE SHES KYIS YUL MKHYEN TSUL MDOR BSDUS BA ZHIG BRJOD PAR BYA STE, DE YANG KHA CIG NA RE, SANGS RGYAS RANG SNANG LA CHOS GANG YANG MA GZIGS PA'I PHYIR, SANGS RGYAS RANG RGYUD KYIS BSDUS PA'I YE SHES MED KYI, GDUL BYA'I GZHAN NGOR YE SHES KYI RNAM GZHAG BYAS BA TZAM YIN LA, DE'I PHYIR 'JUG PA'I RANG 'GREL LAS, SANGS RGYAS KYI SAR SEMS DANG SEMS LAS BYUNG BA'I RGYU BA GTAN LOG PAR BSHAD BA YIN NO ZHES ZER RO, ,'DI NI SKYABS GNAS LA SKUR PA 'DEBS PA CHEN PO STE, GANG BSKYAB PAR BYA BA DANG, GANG GIS SKYOB PAR BYED PA'I THABS LA SOGS PA THAMS CAD MI MKHYEN PAR 'DOD DGOS PA'I PHYIR RO, ,GZHAN YANG STOBS BCU DANG, MA 'DRES BA BCO BRGYAD LA SOGS PA SANGS RGYAS KYI RGYUD KYI YON TAN MA YIN PAR 'GYUR BAS DE DAG SU'I RGYUD KYI YON TAN YIN PA SMROS SHIG, 'JUG 'GREL LAS KYANG, RANG BZHIN 'BA' ZHIG MNGON SUM DU MDZAD BAS DE NYID THUGS SU CHUD PA'I PHYIR SANGS RGYAS ZHES BRJOD DO, ZHES DANG, MKHYEN BZANG KHYOD KYIS SKAD CIG GIS NI SHES BYA THUGS SU CHUD, CES GSUNGS PA SOGS DU MA ZHIG DANG DNGOS SU 'GAL ZHING, 'BRAS BU RNAM PA THAMS CAD MKHYEN BA'I YE SHES MED NA BSKAL PA GRANGS MED BA GSUM GYI BAR DU LAM LA 'BAD PA THAMS CAD DON MED PAR 'GYUR BA DANG, MTHAR GTUGS NA SHES BYA GANG YANG GZHI MA GRUB PAR KHAS LEN DGOS PAR 'GYUR RO, ,'DI NI DON DAM BDEN BA GNYIS SU SNANG BA'I SGO NAS MI MKHYEN PA DANG, GNYIS SNANG GI SPROS BA GANG YANG MA GZIGS PA LA DE KHO NA NYID GZIGS PAR BSHAD PA'I LUNG GI DON MA GO BA LA BRTEN NAS DON DAM BDEN PA

SHES BYA MA YIN PAR 'DOD PA'I LUGS SU SNANG LA, TSUL DE NI GONG DU BKAG ZIN CING, SEMS DANG SEMS BYUNG GI RGYU BA LOG PA'I DON NI, TSIG GSAL LAS, MDO LAS DON DAM BA'I BDEN PA GANG ZHE NA, GANG LA SEMS KYI RGYU BA YANG MED NA YI GE RNAMS LTA SMOS KYANG CI DGOS ZHES GSUNGS SO, ,DE LTAR NA RNAM PAR RTOG PA MED PA YIN NO, ZHES SEMS KYI RGYU BA MED PA'I DON RNAM RTOG MED PA LA GSUNGS PA LTAR YIN PAS YE SHES MED PA'I SHES BYED DU 'BREL MED DO, ,'O NA RANG LUGS LA SANGS RGYAS KYI YE SHES KYIS SHES BYA MKHYEN TSUL JI LTAR YIN ZHE NA, SLOB LAM GYI GNAS SKABS SU BDEN GNYIS THA DAD DU 'DZIN BA'I GNYIS SNANG 'KHRUL BA'I BAG CHAGS KYI DRI MA MA SPANGS PAS, BLO GCIG LA DON DAM DANG KUN RDZOB GNYI GCIG CAR MNGON SUM DU SNANG BA MI SRID PA'I PHYIR MNYAM RJES RES 'JOG KHO NA YIN CING, MNYAM RJES NGO BO THA DAD PA YIN NO, ,SANGS RGYAS KYI SAR NI GNYIS SNANG 'KHRUL BA'I BAG CHAGS MA LUS PAR SPANGS PA'I PHYIR YE SHES GCIG GIS BDEN PA GNYIS KYIS BSDUS PA'I CHOS THAMS CAD CIG CAR MNGON SUM DU MKHYEN PA YIN ZHING, JI LTA BA DANG JI SNYED BA MKHYEN BA'I YE SHES GNYIS DANG, MNYAM RJES KYI YE SHES GNYIS KYANG NGO BO GCIG LA LDOG BAS 'BYED PA YIN NO, ,DE YANG 'JI LTAR SANGS RGYAS KYI YE SHES DE DE KHO NA NYID LA CHU LA CHU BZHAG BZHIN SONG BA'I TSE NA, YE SHES DE NYID LA KUN RDZOB KYI CHOS RNAMS RANG LAS RGYANGS CHAD KYI GNYIS SU SNANG BA'I SGO NAS CIG CAR MNGON SUM DU MKHYEN PA YIN ZHING, GNYIS SNANG YOD KYANG GNYIS SNANG 'KHRUL BA YIN MI DGOS SO, ,DES NA YE SHES DE NYID SPYIR JI LTA BA DANG JI SNYED BA MKHYEN BA'I YE SHES GNYI GA YIN KYANG, YE SHES DE CHOS NYID LA JI LTA BA MKHYEN PA YIN GYI JI SNYED PA MKHYEN PA MA YIN LA, KUN RDZOB LA JI SNYED PA MKHYEN PA YIN GYI, JI LTA BA MKHYEN BA MA YIN ZHING GNYIS SNANG NUB PA'I SGO NAS CHOS NYID LA JI LTA BA MKHYEN PAR SONG BA'I CHA DE LA MNYAM GZHAG DANG, GNYIS SNANG DANG BCAS PA'I SGO NAS KUN RDZOB LA JI SNYED PA MKHYEN PAR SONG BA'I CHA DE LA RNGAS THOB CES BYA STE, RGYUD BLA LAS, SHES RAB YE SHES RNAM GROL RNAMS, ,GSAL DANG 'PHRO DANG DAG PHYIR DANG, ,THA DAD MED PHYIR 'OD DANG ZER, ,NYI MA'I DKYIL 'KHOR RNAMS DANG MTSUNGS, ZHES PA'I 'GREL PAR, DE LAS SANGS RGYAS KYI RGYUD LA MNGA' BA'I 'JIG RTEN LAS 'DAS PA RNAM PAR MI RTOG PA'I SHES RAB NI SHES BYA'I

, ,DE KHO NA NYID DAM PA'I MUN PA SEL BAR NYE BAR GNAS PA'I PHYIR 'OD GSAL BA DANG CHOS MTSUNGS SO, ,DE'I RJES LA THOB BA SHES BYA THAMS CAD KYI YE SHES NI SHES BYA'I DNGOS PO MA BUS PA RNAM PA THAMS CAD LA 'JUG BAS NA 'OD ZER GYI DRA BA 'PHRO BA DANG CHOS MTSUNGS SO, ZHES GSUNGS PA LTAR RO, ,DE YANG SLOB LAM GYI GNAS SKABS LTAR MNYAM GZHAG LAS DUS PHYIS BYUNG BA'I RJES THOB MA YIN GYI, MNYAM GZHAG DE'I STOBS LAS THOB PAS RJES THOB CES BYA'O, ,DE YANG, RNAM KUN MKHYEN NYID YE SHES NI, ,MNGON SUM MTSAN NYID CAN DU 'DOD, ,GZHAN NI NYI TSA BA NYID TSA BA NYID KYIS, ,MNGON SUM ZHES BYAR MI 'DOD DO, ZHES GSUNGS PA DANG BDEN GNYIS RANG 'GREL LAS, MKHYEN PA'I SKAD CIG GCIG GIS NI, ,SHES BYA'I DKYIL 'KHOR KUN KHYAB CAN, CES GSUNGS PA LTAR DUS GSUM GYI CHOS THAMS CAD CIG CAR MNGON SUM DU MKHYEN PA YIN ZHING, DE RING GI MYU GU MNGON SUM DU 'JAL BA'I DUS NA DE RING GI DUS KYI MYU GU 'JAL BA'I YE SHES DES LO SNGA MA'I DUS KYI MYU GU DANG, LO PHYI MA'I DUS KYI MYU GU MNGON SUM DU GZHAL YANG LO GNYIS KYI MYU GU DE RING GI DUS KYIS KHYAD PAR DU BYAS NAS 'JAL BA MA YIN LA, YE SHES DE DI RING GI DUS KYI YE SHES YIN NA DES GZHAL BA'I DNGOS PO DE RING GI DUS NA YOD MI DGOS TE, SNGON GYI GNAS RJES SU DRAN PA'I MNGON SHES BZHIN NO, ,'O NA SANGS RGYAS KYI YE SHES KYIS SANGS RGYAS KYI YE SHES MI MKHYEN NA CHOS THAMS CAD MKHYEN PA 'GAL ZHING, SHUGS LA MKHYEN NA SANGS RGYAS KYI YE SHES LA SHUGS RTOGS MED PAR SMRAS PA NYAMS LA, DNGOS SU SNANG NA GNYIS SNANG DANG BCAS PA'AM GNYIS SNANG NUB PA GANG GI SGO NAS MKHYEN, DANG PO LTAR NA RANG NYID RANG LA THA DAD DU MA GRUB BZHIN DU THA DAD DU SNANG BA'I PHYIR 'KHRUL SHES SU THAL LO, ,GNYIS PA LTAR NA RANG GIS RANG NYID GNYIS SNANG NUB PA'I TSUL GYIS MNGON SUM DU RTOGS PA'I PHYIR RANG RIG MNGON SUM KHAS BLANGS PAR 'GYUR RO ZHE NA, SANGS RGYAS KYI YE SHES KYIS SANGS RGYAS KYI YE SHES SHUGS LA RTOGS PA RIGS PA MA YIN TE, CI SANGS RGYAS KYI YE SHES DE SANGS RGYAS KYI YE SHES KYI YUL YIN KYANG DNGOS SU SNANG DU MI RUNG BA'I RGYU MTSAN CI ZHIG YOD, DNGOS SU SNANG NA SANGS RGYAS KYI YE SHES DANG SANGS RGYAS KYI YE SHES RIG BYA RIG BYED DU 'GYUR DGOS SHING, DE LTAR NA BYA BYED GCIG TU 'GYUR RO ZHE NA, SHUGS LA RIG PA LA YANG RNAM PA THAMS

CAD DU MTSUNGS TE, GZHAN DU NA SHUGS LA RIG PAS RIG PA'I GO MI CHOD PAR THAL BA'I PHYIR RO, ,GAL TE RANG GIS RANG NYID DNGOS SU RIG NA RANG LA RANG GIS RNAM PA 'CHAR DGOS LA, DE LTAR NA'ANG NYID RANG DANG 'DRA BAR THAL BA'I SKYON 'BYUNG NGO ZHE NA, RANG GIS RANG NYID DNGOS SU RIG NA RNAM PA MA SHAR BAR RIG DGOS SO ZHES KHO BOS BZLOG LA SMRA YIS GNOD BYED STON SHIG ,YUL GCIG RNAM MED DU DNGOS SU RIG NA YUL THAMS CAD RNAM MED DU DNGOS SU RIG DGOS SO ZHE NA, YUL GCIG GNYIS SNANG NUB PA'I SGO NAS DNGOS SU RIG NA YUL THAMS CAD GNYIS SNANG NUB PA'I SGO NAS RIG DGOS SO ZHES BRJOD NA GANG GIS 'BYED, YUL GCIG DON DAM YIN NA YUL THAMS CAD DON DAM YIN DGOS PAR THAL LO ZHE NA, YUL GCIG RANG LAS THA DAD MED NA YUL THAMS CAD RANG LAS THA DAD MED DGOS PAR THAL LO ZHES BRJOD NA LAN CI YOD, 'O NA SANGS RGYAS KYI YE SHES KYIS SANGS RGYAS KYI YE SHES GNYIS SU SNANG BA'I SGO NAS RTOGS SAM GNYIS SNANG NUB PA'I SGO NAS RTOGS, DANG PO LTAR NA SANGS RGYAS KYI YE SHES CHOS CAN, KHYOD SANGS RGYAS KYI YE SHES LAS THA DAD DU THAL, KHYOD SANGS RGYAS KYI YE SHES LA SANGS RGYAS KYI YE SHES LAS GNYIS SU SNANG BA GANG ZHIG DE SNANG YUL LAM 'KHRUL BA'I YE SHES PA YIN PA'I PHYIR, GNYIS PA LTAR NA, DE CHOS CAN, DON DAM BDEN PAR THAL, SANGS RGYAS KYI YE SHES KYIS GNYIS SNANG NUB PA'I SGO NAS DNGOS SU RTOGS PA'I PHYIR, ZHES RNAM PAR BRTAGS NA DANG PO KHAS MI LEN GYI PHYI MA'I KHYAB PA LA LAN BSTAN PAR BYA STE, DE CHOS CAN, KHYOD SANGS RGYAS KYI YE SHES KYIS GNYIS SNANG NUB PA'I SGO NAS DNGOS SU RTOGS NA KHYOD DON DAM BDEN PA MIN DGOS PAR THAL, KHYOD SANGS RGYAS KYI YE SHES KYIS GNYIS SNANG NUB PA'I SGO NAS DNGOS SU RTOGS NA KHYOD SANGS RGYAS KYI YE SHES DANG GCIG YIN PA'I RGYU MTSAN GYIS SANGS RGYAS KYI YE SHES KHYOD LA GNYIS SNANG NUB PA YIN DGOS SANGS RGYAS KYI YE SHES DANG GCIG YIN NA KUN RDZOB YIN DGOS PA'I PHYIR RO, ,SANGS RGYAS KYI YE SHES LA SANGS RGYAS KYI YE SHES RANG DANG LDOG PA THA DAD PA'I GRUB BDE DBYER MED KYI CHOS MTHA' DAG DNGOS SU SNANG NAS RTOGS PAR KHAS BLANGS NA NI SANGS RGYAS KYI YE SHES RANG NYID KYIS RANG NYID DNGOS SU RTOGS PA'ANG KHAS LEN DGOS PA GDON MI ZA STE, SANGS RGYAS KYI DI SNYED PA MKHYEN PA'I YE SHES KYIS SANGS RGYAS KYI YE SHES KYANG DNGOS SU RTOGS DGOS

, ,BAR THAL, SANGS RGYAS KYI YE SHES DE SANGS RGYAS KYI JI SNYED PA MKHYEN PA'I YE SHES LAS LDOG PA THA DAD DE SANGS RGYAS KYI JI SNYED PA MKHYEN PA'I YE SHES DANG GRUB BDE DBYER MED KYI CHOS YIN PA'I PHYIR, KHYAB PA KHAS LEN [?] TE, SANGS RGYAS KYI JI SNYED PA MKHYEN PA'I YE SHES LAS THA DAD JI SNYED PA MKHYEN PA'I YE SHES DE DANG GRUB BDE DBYER MED KYI CHOS YIN PA LA SANGS RGYAS KYI JI SNYED PA MKHYEN PA'I YE SHES KYIS DE DNGOS SU SNANG NAS RTOGS PAS MA KHYAB NA SANGS RGYAS KYI YE SHES DANG THA DAD SANGS RGYAS KYI YE SHES DANG GRUB BDE DBYER MED KYI CHOS YIN NA SANGS RGYAS KYI YE SHES KYIS DNGOS SU SNANG NAS RTOGS PAS KHYAB PA BUD, 'DOD NA, SANGS RGYAS KYI JI SNYED PA MKHYEN PA'I YE SHES KYIS DNGOS SU RTOGS NA SANGS RGYAS KYI YE SHES KYIS DNGOS SU RTOGS DGOS SAM MI DGOS, MI DGOS NA SANGS RGYAS KYIS JI SNYED PA MKHYEN PA'I YE SHES KYIS DNGOS SU RNYED PA LA SANGS RGYAS KYI YE SHES KYIS DNGOS SU RNYED MI DGOS PAS KUN RDZOB SANGS RGYAS KYI YE SHES KYIS DNGOS SU MA RNYED PAR KHAS BLANGS NA DGAG TU MED PAR 'GYUR RO, ,DGOS NA, SANGS RGYAS KYI YE SHES CHOS CAN, SANGS RGYAS KYI JI SNYED PA MKHYEN PA'I YE SHES KYIS DNGOS SU SNANG NAS RTOGS PAR THAL, SANGS RGYAS KYI JI SNYED PA MKHYEN PA'I YE SHES DANG THA DAD DE DANG GRUB BDE DBYER MED KYI CHOS YIN PA'I PHYIR, KHYAB PA DNGOS SO, ,'DOD NA, SANGS RGYAS KYI YE SHES CHOS CAN, SANGS RGYAS KYI YE SHES KYIS DNGOS SU RTOGS PAR THAL, SANGS RGYAS KYI JI SNYED PA MKHYEN PA'I YE SHES KYI DNGOS SU SNANG NAS RTOGS PA'I PHYIR, 'KHOR GSUM KA DNGOS SO, ,BRJOD PAR BYA BA GZHAN YANG YOD MOD KYI RE SHIG BZHAG GO, DE LTAR NA 'BRAS BU'I SKABS KYI RNAM PAR BZHAG PA BSHAD ZIN TO,, KLU SGRUB KLU DBANG LEGS BSHAD GDENGS KA'I NOR, ,DGOS 'DOD KUN 'BYUNG 'DOD DGUR SPYOD PA NI, ,RIGS PA'I SKYE BA 'DZIN MKHAS DED DPON MCHOG, THUGS RJE LDAN PA'I YAB KYIS BDAG LA SGRUBS, ,SPROS PA'I CHU 'DZIN RGYA LAS RNAM GROL BA, ,DPAL LDAN ZLA BA'I RIGS TSUL 'OD DKAR GYIS, ,BDAG BLE [?] KU MU TA KHA PHYE BA'I CHUS; ;DA LTA SKAL BZANG RE BA YONGS SU SKONG, ,YANG DAG LTA BA'I RIN CHEN MTHAR THUG PA, ,NGAN RTOG DRI MA'I SKYON GYIS MA BSLAD PAR, ,RNAM DPYOD 'GRAN ZLA MED PA'I MKHAS PA LA, ,BSOD NAMS ZONG GIS 'THOB KYI GZHAN DU MIN, ,GSUNG RAB CHU GTER BSRUBS PA LAS 'ONGS PA'I BLA MA'I LEGS BSHAD BDUD RTZI MYANGS

BAN ;MKHAS RLOM NYES BSHAD DUG CHU'I RDZING BU LA, ,PHAN BDE'I SROG 'PHROG MTHONG NAS RING DU SPANGS, ,LTA NGAN MI ZAD SA BON 'DEBS MKHAS PA, ,LOG PA'I GZHUNG LUGS SPEL BA MANG MTHONG NAS, ,CHOS 'DOD SKYE BO RING NAS BGROD RNAMS LA, ,MKHAS PA SU ZHIG BRTZE BA SKYE MI 'GYUR, ,LUGS 'DI DANG NI GZHAN DANG DE LAS GZHAN, ,RIGS PA MCHOG DANG DE BZHIN PHRAG DOG DANG, ,BSNYEN PAR BYED PAS 'DZIN PA DE YI PHYIR, ,LUGS 'DI THUB PA'I GZHUNG BZHIN SHIN TU PHRA, ,SDEB LEGS TSIG GI SBYOR BA MI SHES SHING, ,RIGS PAS GRUB PA'I DON GYIS STONG NA YANG, ,RGYAL POS CHAD PA'I BCA' KHRIMS PHAB PA BZHIN, ,YI GE'I RTZOM PA LHUR LAN AE MA MTSAR, ,GANGS CAN GZHAN STONG SMRA BA RNAMS LA CHOS, ,PHAL CHER BLUN PA GO BAR BYED PA BZHIN, ,'DI LAS GZHAN DU DBU MA'I TSUL SMRA BA, ,PHAL CHER RIGS LAM 'DOR BA BRJOD BA YIN, ,BDAG BLO'I RNAM DPYOD DKYIL 'KHOR LAS 'ONGS PA'I, ,SA GSUM MUN PA SEL BA'I SNANG BYED 'DIS, ,YANG DAG LTA BA'I PADMO KHA PHYEBS, ,BLO GSAL BDUD BA'I TSOGS RNAMS YI RANG BYOS, ,DGE BA 'DI YIS TSE RABS KUN TU BDAG, ,BLA MA'I ZHABS SKYES MCHOD PA MI GTONG ZHING, ,RGYAL BA'I CHOS TSUL MTHA' DAG 'DZIN PA LA, ,MI PHAM 'JAM PA'I DBYANGS DANG MTSUNGS PAR SHOG, CHU GTER BZHI YI SKA RAGS G-YO BA CAN, ,NOR 'DZIN BU MOS LHUN PO'I RKANG BRTEN DANG, ,KLU SGRUB LUGS BZANG MNGAL GYI KHUR 'DZIN PA, ,LHAN CIG SPYOD PAS 'JIG RTEN MDZES GYUR CIG, ZAB MO STONG PA NYID KYI DE KHO NA NYID RAB TU GSAL BAR BYED PA'I BSTAN BCOS SKAL BZANG MIG 'BYED CES BYA BA 'DI NI, DUS GSUM SANGS RGYAS THAMS CAD KYI MKHYEN BA RTZE GCIG TU BSDUS PA'I NGO BO; ;LNGA BRGYA PA RNAMS KYI GTZUG GI NOR BU, MKHAS PA'I DBANG PO MTHA' DAG GI MGO PO'I COD PAN LA ZHABS KYI RDUL GYI PHRENG BA NYE BAR BKOD CING, RNAM PAR DKAR BA'I PHRIN LAS RGYA MTSO'I GOS CAN GYI MTHAS KLAS PAR KHYAB PAS, BDE BAR GSHEGS PA'I BSTAN PA'I RGYAL MTSAN SRID RTZE'I BAR DU SGRENG BA LA 'GRAN PA'I ZLA THAMS CAD DANG BRAL BA'I THAMS CAD MKHYEN PA RJE BTZUN 'JAM PA'I DBYANGS KYI SRAS KYI THU BO CHOS KYI RGYAL PO TZONG [?] KHA PA CHEN PO BLO BZANG GRAGS PA'I DPAL GYI ZHAL SNGA NAS LEGS BSHAD KYI BDUD RTZI DRI MA MED PA STZAL BA DAD PA'I SNYIM PAS BLANGS TE, RNAM DPYOD KYI RO 'DZIN GYIS MYANGS PAS BDE BAR GSHEGS PA'I GSUNG RANG MTHA' DAG

, ,GI DGONGS DON DRI MA MED PA'I RIGS PAS 'BYED PA LA PHAS KYI RGOL BAS MI BRDZI BAS BLO GROS KYI SPOBS PA DGE BA CAN, MANG DU THOS PA'I BTZUN PA DGE LEGS DPAL BZANG POS, RJE BTZUN BLA MAS GSUNG RAB RGYA CHER MDZAD DU ZIN KYANG RAB TU BRLING BAS BLOD MAN PA DAG GIS GSAL BAR RTOGS DKA' ZHING PHYOGS GCIG TU BSDU BAR MI NUS PA DAG KYANG MTHONG NAS, DE DAG LA PHAN PA'I BSAM PAS NYE BAR BZHAG STE, RJE BTZUN BLA MA'I DGONGS PA'I DON DANG CUNG ZAD KYANG MI 'GAL ZHING, GO BDE BAR PHYOGS GCIG TU BSDUS TE GTZANG NYANG STOD KYI RIG PA'I 'BYUNG GNAS KYI SA'I CHA, CHOS GRVA CHEN PO LEGS BSHAD SGROG PA'I TSAL DPAL 'KHOR BDE CHEN GYI GTZUG LAG KHANG CHEN POR SBYAR BA'I YI GE BA NI SDE SNOD DANG RGYUD SDE MTHA' DAG LA SBYANGS SHING, THUB PA'I BRTUL ZHUGS DRI MA MED PA LA GNAS PA'I STAN GCIG PA, BLO GROS CHOS SKYONG GIS BGYIS SO, ,'DIS KYANG BSTAN PA RIN PO CHE PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG, ,, (*, ,DBU MA RTZA BA'I 'GREL PA TSIG GSAL GYI MTHA' BZHI'I SKYE BA 'GOG PA'I STONG THUN ZHANG ZHUNG BA PHYOGS LAS RNAM PAR RGYAL BA CHOS DBANG GRAGS PA'I DPAL GYIS ZIN BRIS SU MDZAD BA BZHUGS SO,) ,'JAM DBYANGS LA 'DUD KLU SGRUB ZHABS RDUL GYIS, ,SPYI GTZUG BKRA SHIS RAB RGYAS SANGS RGYAS BSKYANGS, ,ZLA BA'I 'OD RGYAS BLO BZANG KUNDA'I TSAL, ,BDAG PAS BDAG SNYING BDAG TU DKAR GYUR CIG ,DBU MA RTZA BA'I 'GREL PA TSIG GSAL GYI MTHA' BZHI'I SKYE BA 'GOG PA'I STONG THUN BSHAD PA LA GSUM, BDAG BSKYED DGAG, GZHAN LAS SKYE BA SOGS GSUM DGAG PA, BDEN MED NGES PA'I TSAD MA GTAN LA DBAB PA'O, ,DANG PO LA GSUM, BDAG BSKYED BKAG PA'I DAM BCA' MED DGAG TU BSTAN PA, ZLA BAS BDAG BSKYED DGAG PA 'JUG PAR KHA 'PHANGS PA, DON DE BRGAL LAN GYIS GTAN LA DBAB PA'O, (,ZAD PA GANG GIS,) DE LA BZHI, SLOB DPON SANGS RGYAS BSKYANGS KYI LUGS 'GOD PA DE LA LEGS (DE LA GANG DAG CES BYA BA'I SGRA NI,) LDAN GYIS DGAG PA JI LTAR BRJOD BA ('DI LA KHA CIG DE NI RIGS,) ZLA BAS SKYON SPONGS JI LTAR MDZAD PA, RANG RGYUD BYE BRAG TU BSHAD PA'O, ,GSUM PA LA BZHI, RANG RGYUD MA BRJOD KYANG 'GAL BA BRJOD PA'I THAL 'GYUR GYI BDAG BSKYED KHEGS PAR BSTAN PA, THAL 'GYUR LA (SLOB DPON SANGS RGYAS BSKYANGS KYIS KYANG,)

BSTEN [?] NAS GZHAN GYIS SMRAS BA'I NYES PA GSAL BA'I TSUL, SANGS RGYAS BSKYANGS KYIS GZHAN GRAGS KYI GTAN TSIGS BSTAN TSUL, THAL BA'I BZLOG DON PHA ROL POS KHAS LEN TSUL LO, ,DANG PO LA GNYIS, DNGOS KYI DON DANG, DBU MA PAS RANG RGYUD BYA BAR MI RIGS PAR BSTAN PA'O, ,GSUM PA LA GNYIS, GZHAN GRAGS BRJOD DGOS BAR 'DOD PA'I (GANG GI TSE DE LTAR DBU MA PAS,) GZHAN GYI LUGS 'GOD PA, BRJOD DGOS NA GZHAN GRAGS JI LTAR YIN BSTAN PA'O, ,DE LA GNYIS, PHYIR RGOL LA RIGS BSTON GYI DAM BCA' TZAM BRJOD (ZHES SMRAS TE SKYON DE DAG,) BA DGOS MED DU BSTAN, (DE'I PHYIR SLOB DPON NI GNAS MA YIN,) GZHAN GRAGS RGYAS PAR BSTAN PA'O; ;DE LA GNYIS, RGYU DUS NA YOD KYANG GSAR DU SKYA BA DGAG PA, (SPYI STE DBU MA RNAMS KYI LTAR NA,) SNGAR MI GSAL BA GSAL BAR 'DOD PA DGAG PA'O, ,DANG PO LA GSUM, (BSHAD PAR BYA STE DE NI DE LTAR MA YIN NO,) ,SANGS RGYAS BSKYANGS KYI SBYOR BA'I RTAGS KYI DON DU YOD PA'I GZHAN GRAGS 'GOD TSUL, DE'I DPE BSHAD PA, DPE DE DON LA SBYAR BA'O,, BZHI PA LA GSUM, THAL BA'I RTAGS BZLOG PA'I SLAR RANG SKYE BA DON BCAS THUG BCAS GRANGS CAN GYIS KHAS BLANGS TSUL KLU'I ZHABS KYI GZHUNG RTZA BA RNAMS SHAS CHER THAL 'GYUR MDZAD TSUL, 'GREL BA MDZAD PA (CI STE YANG RANG GI RJES SU DPAG PA 'GAL BA GDON MI ZA BA'I DE LA JI LTAR SMRA MI RTAG STE) NA YANG (ZHES 'DIR NYE BAR SBYAR BAS) GTAN TSIGS BRJOD PAS MA KHYAB PAR (THAL BAR 'GYUR BA'I LDOG PA'I DON,) BSTAN PA'O, ,BZHI PA RANG RGYUD BYE BRAG TU DGAG PA NI LHAG MTHONG CHEN MOR RGYAS PAR GSUNGS PA'I BSDUS (DE LTAR YANG SLOB DPON NAM MKHA'I MTSAN NYID,) DON MA BKOD DO, ,GNYIS PA SNGAR MI GSAL BA GSAL BAR 'DOD PA DGAG PA NI, YANG NA SBYOR BA NI TSUL GZHAN (PHON TE SBYOR BA'I NGAG RGYAS PA,) YIN TE, RANG LAS SKYE BAR SMRA BA'I SKYES BU LAS THA DAD PA'I DON RNAMS NI BDAG NYID LAS SKYE BA MED DE, RANG GI BDAG NYID DU YOD PA'I SKYES BU BZHIN NO, ,DE'I GZHAN GRAGS NI, RANG BZHIN NYER BZHI RGYU DUS NA MI GSAL BA (DNGOS PO RNAMS BDAG GI BDAG NYID LA SKYE BA MED DE ZHES SOGS KYIS, SLAR YANG SKYE BA 'GOG PA LAS,) CHOS CAN, (RGYU DUS SU MI GSAL BA RKYEN GYI GSAL BAR, TE BDAG LAS,) GSAR DU (RANG BZHIN NYER BZHI,) GSAL BA'I (YOD PA'I PHYIR DPER NA,) BDAG LAS SKYE (RKYEN GYI GSAL BAR NAM YANG MI NUS PA,) BA MED DE, YOD PA'I PHYIR, DPER NA, SKYES BU RGYU DUS NA MI GSAL BA GSAR DU GSAL BA'I SKYE BA MED PA BZHIN, DPE NI, YON TAN

, ,RNAMS KYI RANG BZHIN MCHOG, MTHONG BA'I LAM DU 'GRO MA YIN, ZHES NYER LNGA PA SKYES BU'I GROL BA MA THOB PAS NAM DU YANG MI MTHONG BAR 'DOD PAS GRUB BO, ,'GREL PA 'DI DAG GI DON DANG GZHAN GRAGS 'DOD TSUL BSHAD PA BYED PA RNAMS KYIS BSHAD PA MA MTHONG NGO, ,RGYU DUS SU MI GSAL BA RKYEN GYIS MI GSAL BA'I BDAG SKYED 'GOG PA YIN PA YANG, 'DI NYID KYI GZHUNG RGYUN PHYI MA RNAMS ZHIB TU BLTAS PAS SHES PAR NUS SO, ,GNYIS PA GZHAN SKYE SOGS GSUM DGAG PA NI, DKYUS MA NYID BSHAD PAR BYA'O, ZHES SOGS TE, CUNG ZAD SLA BAS RE SHIG BZHAG GO, GSUM PA NI, MTHA' BZHI'I SKYE BA BKAG PA LAS DNGOS PO RANG BZHIN GYIS MA SKYES PA NGES PA'I TSAD MA JI LTA BU ZHIG YIN PA GTAN LA 'BEBS PA'I SKABS 'DI DAG DKA' BAR SNANG BAS BSHAD PAR BYA STE, DE LA GNYIS, RGAL BA DANG LAN NO, ,DE LA GSUM RANG LUGS KYI TSAD MA'I RNAM GZHAG SPYIR BSTAN, GZHAN GYI TSAD MA'I RNAM GZHAG RGYAS PAR DGAG ,GZHAL BYA DANG TSAD MA LTOS GRUB TU 'JOG PA'I TSUL LO, ,DANG PO LA GNYIS, NGES PA RANG BZHIN GYIS MA GRUB PA, DE'I LAN DGAG PA'O, ,DE LA GNYIS, DES PA MA GRUB NA ('DIR 'GA' ZHIG DANG RGOL,) SKYE MED STON PA'I DAG MA GRUB DGOS PA'I RTZOD PA, RANG BZHIN GYIS SKYE BA GRUB PA RDZUN PA DANG SGRUB BYA DANG MTSUNGS PAR BSTAN PA'O, ,GNYIS PA LA GNYIS, TSAD MA'I 'DZEG TSUL SPYIR DGAG PA, MNGON SUM TSAD MA'I 'JOG (GAL TE KHO BO CAG LA NGES PA,) TSUL BYE BRAG TU DGAG PA'O, ,DANG PO LA GNYIS, DGAG PA RGYAS PAR BSHAD PA DANG, MJUG BSDU (GAL TE DE LTAR BYED LA NGES PAR,) PA'O, ,DANG PO LA LNGA, GZHAL BYA DANG BYA BYED KYI (BRJOD BAR BYA STE NGES PAR 'GYUR BA'I DAG,) LAS LA BRTEN PA DGAG PA, RANG RIG GI SGRUB BYED DGAG, MTSAN MTSON LA BRTEN PA DGAG, BYED PO'I SGO NAS 'JOG PA DGAG, KHYAD GZHI KHYAD CHOS LA BRTEN PA DGAG PA'O, ,DANG PO LA GNYIS, RTZOD BZLOG LAS RGYA'I SKYON MA SPANGS PAR BSTAN, GZHAL BYA LA BRTEN PA'I TSAD MA'I GRUB TSUL DGAG PA'O, ,DANG PO NI, GZHAN YANG GAL TE, CES PA NAS, GSAL BAR BYED PA NYID KYANG YOD PA MA YIN PA'I BAR TE, RTZOD BZLOG LAS, GAL TE TSAD MA GZHAN RNAMS KYI, ,TSAD MA GRUB NA THUG PA MED, CES DANG, GAL TE RANG LAS TSAD MA GRUB, ,GZHAL BYA RNAMS LA MA LTOS PAR, ,KHYOD KYI TSAD MA GRUB

'GYUR 'DIR, ,RANG GRUB GZHAN LA LTOS MI 'GYUR, ZHES RTZA 'GREL LAS MANG DU GSUNGS KYANG, MANGS PAR 'GYUR BAS MA BRIS SO, ,GNYIS PA LA GNYIS, RANG SDE'I LUGS DGAG PA'O, ,DANG PO NI, GZHAN YANG GAL TE RANG DANG SPYI'I MTSAN NYID CES PA NAS, 'CHAD PAR 'GYUR RO'I BAR STE, DE DAG GI DON BSDUS NA, GONG GI MTSAN GZHI YOD DAM MED, CES PA'I MTSAN GZHI NI, DBYE GZHI STE, 'OG DE NYID DU, DE'I RTAN MED PAS, ZHES GSUNGS PA'I PHYIR RO, ,DBYE GZHI DANG, DBYE BA'I YA GYAL RANG BZHIN GYI GRUB PA KHAS BLANGS PAS, SKYON DE 'BYUNG BA STE, GTZO CHER MDO SDE PA'I 'DOD PA 'GOG PA'O, ,MTSAN NYID NI, GZHAL BYA RANG SPYI GNYIS TE; MTSAN GZHI LA LTOS NAS BZHAG PA'O, ,RTAGS RANG SPYI GNYIS MED NA, TSAD MA GNYIS MI 'GRUB BO, ,GNYIS PA LA GSUM, MTSAN NYID KYI SGRA BYA BA'I LAS SU 'DOD PA DGAG, BYED PA'I LAS SU 'DOD PA DGAG ,MTSAN MTSON GO LOG TU THAL BA'O, ,DANG PO NI, CI STE YANG TSAD MA 'DIS GZHAL BYA MTSON PA STE, RTOGS PAR BYAS PAS NI TSAD MA'I MTSAN NYID DU 'JOG PA MA YIN GYI, 'O NA CI ZHE NA, BYED PA STE, KRI TA DANG, LHU tA PHAL CHE'O, ZHES BYA BA'I MTSAN NYID KYI SGRA LAS, LHU tA'I RKYEN BYAS NAS 'DI MTSON PAR BYA BA, ZHES BYA BAR 'GYUR LA, DES NA DE'I MTSAN NYID YIN NO SNYAM NA, ZHES BYA BA STE 'DI'I DON TE, BYA BA RKYEN DANG LDAN PA MED, CES BYA BA'I SKABS SU, RKYEN GYIS BYA BA BSKYED, BYA BAS 'BRAS BU BSKYED DO ZHES, DON SMRA GNYIS BRDA SPROD PA'I THAM LAG TU ZHUGS PAR, LAG LEN BZHED KYANG, 'GRIG DKA' BAS BRDA SPROD PA'O, ZHES RNAM BSHAD RIG PA'I RGYA MTSOR GSUNGS PA LTAR RO, ,DE 'GOG PA NI, DE LTA NA MTSAN NYID KYI SGRA LA LHU tA'I RKYEN BYIN BA DE NYID KYIS MTSON BAR BYAS NAS, 'GRUB PA NYID MI SRID PA'I PHYIR, GAL TE SRID NA MTSON PAR BYA DE, MTSON PAR BYED PA'I MTSAN NYID DE DANG, RANG BZHIN GYI LAS THA DAD PA YIN PA'I PHYIR, TSAD MA MI 'GRUB BA'I NYES PA DE NYID DU 'GYUR RO, ,GNYIS PA NI, CI STE YANG TSAD MA'I MTSAN NYID SPYI SGRA LA, KRI TA'I RKYEN BYIN PA LAS, SHES PAR BYED PA NYID KYI LAS SU GRUB PA YIN PA'I PHYIR LA, LAS DE YANG TSAD MA'I RANG GI MTSAN NYID KYI KHONGS SU 'DU BA'I PHYIR LAS DANG BYED PA PO THA DAD DU 'GYUR BA'I YANG NYES PA'ANG MED DO SNYAM NA, CES SMRA BA YANG BRDA SPROD BAR MNGON NO, ,DE 'GOG PA NA BSHAD PAR BYA STE, CES PA NAS, ZHES BYA

, ,BA 'DI SMRA BAR 'GYUR RO, CES PA'I DON BSDUS NA, SA'I MTSAN NYID SRA BA DANG, TSAD MA'I MTSAN NYID MI BSLU BA BKAG NAS, SHES PAR BYED PA'I LAS DES TSAD MA'I RANG GIS MTSAN NYID 'JOG PA YIN NA, LAS DE MI BSLU BA NYID RANG BZHIN GYIS GRUB PA'I THA SNYAD DU 'GYUR, ZHES BYA BA STE, DE 'GOG PA LA GNYIS, LAS DANG MTSAN NYID RANG BZHIN GYIS THA DAD DU THAL BAS DGAG, DE'I LAN DGAG PA'O, ,DANG PO NI, DE LA GAL TE RNAM PAR SHES PA'I, ZHES SOGS TE, MTSAN NYID DE SHES PAR BYED PA'I LAS RANG BZHIN GYIS THA DAD 'GYUR BAS, TSAD MA MI 'GRUB PA'I NYES PAR 'GYUR RO, ZHES PA'O, ,GNYIS PA LA GNYIS, LAS DANG MTSAN NYID DU 'DOD PA DGOD, DE DGAG PA'O, ,DANG PO NI, CI STE SA LAS SOGS PAR, ZHES PA NAS, SNYAM NA, ZHES PA'I DON NI, SA'I MTSAN NYID SRA BA ZHES PA'I DON SRA BA NYID LAS SU 'JOG GO, CES BYA BA'O, ,GNYIS PA NI, NAS, GZHAL BYA YIN PA'I PHYIR, CES PA STE, MTSAN NYID LAS MA YIN PAS, MTSAN NYID GZHAL BYA MA YIN PAR, LAS KHO NA GZHAL BAR 'GYUR LA, DE LTA NA YANG TSAD MA GNYIS MI 'GRUB BO, ZHES PA'O, ,GSUM PA MTSAN MTSON GO LOG TU THAL BA NI, DE'I PHYIR GZHAL BYA NI RNAM PA GNYIS TE, NAS THUG PA MED PA'I SKYON DU 'GYUR RO'I BAR TE, PHYOGS LNGAS BYED PA'I LAS DANG GCIG YIN PA'I RGYU MTSAN GYI MTSAN NYID RANG MTSAN GYIS GRUB PAR KHAS BLANGS PA LA, BYA BA'I LAS DANG GCIG YIN PA'I PHYIR, MTSON BYA RANG MTSAN NYID DU THAL BA 'PHEN PA'O, ,DE 'DOD NA, DE GNYIS LAS SO SO BA RANG MTSAN GYIS GRUB PAS 'JOG PA'I TSE, SA RANG MTSAN YIN NA, SRA BA RANG MTSAN MA YIN PAR 'GYUR LA, DE LA YANG MTSON CHA LA BYED PA DANG, MTSAN NYID LA BYA BA'I LAS 'JOG NA THUG MED DU 'GYUR RO, ZHES BAR MNGON TE, SNGA MA DAG NI, MCHUN CING SHIN TU BRLING BA'I PHYIR PHYOGS MTHONG BA DKA' BAR SNANG NGO, ,RNAM 'GREL LAS, RANG GI LAS NI SO SO LA, ,RNAM DBYE DE BDAG 'GYUR BA YIN, ZHES DANG, DON RTOGS PA YI BDAG NYID KYI, ,BYED PAS RANG GI LAS LA NI; ;BYED DANG BCAS PA LTA BUR SNANG, ZHES RANG GI GZHAL BYA GSAR DU RTOGS PA'I BYAD LAS KYIS, TSAD MAR 'JOG PA TZAM BSHAD CING, BYA BYED KYI LAS RKYEN (GRI TA DANG LHU tA SOGS,) GYI DBANG GI 'JOG TSUL 'GREL PA, 'GREL BSHAD GANG DU YANG MA BYUNG MOD GZHAL BYA GNYIS KYI GRANGS KYIS, CHAD MA GNYIS SGRUB PA DANG,

'BREL BAS, SDE BDUN NA BSHAD PA PHYOGS SNGA MAR SBYAR NA 'GRIG CING, NUS PA 'DON PA'I SGO YANG CHE BAR SNANG NGO, ,GNYIS PA LA GNYIS, PHYOGS SNGA MA DGOD, DE DGAG PA'O, ,DANG PO NI, CI STE TSAD MA SGRUB BYED RANG RIG PA YOD DE, DES NA TSAD MA RANG RIG PAS 'DZIN CING, TSAD MAS GZHAL BYA GRUB PA'I PHYIR, GZHAL BYA GNYIS SU NGES PA LAS YIN KYANG, RANG RIG DE NYID KYANG GZHAL BYA'I KHONGS SU 'DU BA YIN NO, ,SNYAM DU, MDO SEMS LA SOGS PA DAG SEMS MA ZHES PA'O, ,GNYIS PA LA GSUM, RIGS PAS DGAG ,DON BSDU BA'O, ,DANG PO NI, BSHAD PAR BYA STE, DBU MA NAS, GZHAL BYA'I RANG GI MTSAN NYID NI, RANG GI MTSAN NYID DU TSAD MA GZHAN GYIS MTSON PAR BYED LA, DE YANG RANG RIG GIS MTSON PAR BYED DO, ZHES BYA BA NI RIGS PA MA YIN NO, ,LAS BYA BYED GCIG TU THAL BA'I PHYIR RO, ,GZHAN YANG RIGS PA DE DAG GIS LEGS PAS, RANG RIG PA'I SHES PA GCIG PU DE LA YANG, MYONG BYA MYONG BYED THA DAD PA GNYIS MI SRID PA'I PHYIR, RANG RIG DE TSAD MA RANG GI MTSAN NYID LAS THA DAD PAR MA GRUB STE, SHES PA DE NYID KYIS DE NYID RIG PA'I PHYIR RO, ,DES NA, TSAD MA LAS THA SNYAD PA'I MTSAN GZHI, GZHAL BYA MED DGOS SHING, DE YIN NA, RTEN GZHAL BYA MED PA'I MTSAN NYID TSAD MA GNYIS KYI GRANGS NGAS 'JUG PA MED PA'I PHYIR, RNAM PA THAMS CAD YOD PA MA YIN PAS RANG RIG PA GA LA YOD GNYIS PA NI, DE SKAD DU YANG 'PHAGS PA GTZUG NA RIN PO CHES ZHUS PA LAS, ZHES PA NAS, DRAN PA NYE BAR BZHAG PA'I SPYOD PA YONGS SU DAG PA'O, ZHES PA'I BAR STE, MDO 'DIR DMIGS PA DANG SEMS, ZHES GSUNGS PA'I, DMIGS PA NI, MYONG BYA DANG, SEMS NI MYONG BYED RANG RIG STE, DE GNYIS GCIG GAM THA DAD, GCIG NA MIG SHES KYI MIG SHES MYONG BA DANG, THA DAD NA, MIG SHES GCIG NYID, SEMS DON THA DAD PA GNYIS SU 'GYUR BA'I GNOD PA MDZAD DE, GCIG LA GNOD BYED BRJOD PA NI, TSIG GSAL DU YANG, SHES PA DE RANG GI MTSAN NYID LAS THA DAD PAR MA GRUB ZHES PA STE, BYA BYED GCIG TU THAL BA'I SPYOD 'JUG LAS, GANG TSE GZUNG 'DZIN GNYIS BRAL BA, ,DE TSE THAMS CAD DE BZHIN GSHEGS, ZHES SOGS KYIS MA RIG PAS GDOD MNAS MA BSLAD PA'I SHES PA SEMS CAN THAMS CAD LA YOD NA, KUN MKHYEN YE SHES YOD PAR 'GYUR RO, ZHES RANG RIG 'GOG STE, 'DI BSHAD PA BYED PA RNAMS KYIS JI BZHIN DU MTHON NO, ,MDO'I DON GZHAN NI RTOGS

, ,DKA' BAS MA BSHAD DO, ,GSUM PA NI, DE'I PHYIR, DE LTAR, SOGS SO, ,GSUM PA MTSAN MTSON LA BRTEN PA DGAG PA LA GNYIS, MTSAN MTSON RANG BZHIN GYIS GRUB PA'I GCIG DANG THA DAD DGAG, GCIG THA DAD DU MA GRUB PA'I CHOS DGAG PA'O, ,DANG PO NI, GZHAN YANG MTSAN NYID DE MTSAN GZHI LAS, CES PA NAS, DE GNYIS 'GRUB PA JI LTAR YOD CES 'CHAD PAR 'GYUR RO'I BAR STE, SKABS 'DI DAG TU MTSAN GZHI DANG, SGRUB BYED DANG, GZHAL BYA DANG, BRTEN LA SOGS PA DANG, MTSAN NYID DANG, SGRUB BYA DANG, 'JAL BYED DANG, BRTEN LA SOGS PA RNAMS, RNAM GRANGS SO, ,PHYOGS LNGAS, GZHAL BYA DANG; RANG MTSAN DANG, TSAD MAS GSAR RTOGS DANG, RTOG BRAL MA 'KHRUL BA'I MNGON SUM TSAD MA BDEN GRUB SGRUB PAR 'DOD DE, 'OG TU, 'ON TE DON DAM PAR YIN NA NI DE'I TSE MTSAN GZHI MED PAS, ZHES 'BYUNG BAS SO, ,DE LTAR NA, GZHAL BYA RANG MTSAN GNYIS SU NGES PAS, TSAD MA GNYIS DANG, TSAD MAS GSAR RTOGS SOGS BDEN GRUB SGRUB PA'O, ,BDEN PA'I GCIG THA DAD 'GEG TSUL NI, BSTOD PA'I LUNG DRANGS PA LTAR RO, ,GNYIS PA NI, MTSAN MTSON DANG, SGRUB BYA, SGRUB BYED, RTOG BTAGS YIN PAS CI STE DON DAM PAR BRJOD DU MED PA NYID DU GRUB PAR 'GYUR GYI, THA SNYAD TZAM DU GRUB PA'O, ZHE NA, DE NI DE LTAR MA YIN TE, ZHES SOGS TE, RANG RGYUD PA PHYIN CHAD KYIS, GNAS TSOD GRUB PA DANG, RANG MTSAN GYIS GRUB PA DON GCIG TU 'DOD LA, THA SNYAD TZAM DU GRUB NA, RANG MTSAN DU GRUB PA 'GAL ZHING, DER MA GRUB NA, GNAS TSOD GRUB PA MED PAS, MTSAN MTSON GYI RNAM DBYE MED PAR 'GYUR BA'O, ,BZHI PA BYED PA PO LA BRTEN PA DGAG PA LA GNYIS PHYOGS SNGA BLANGS PA DANG, DE DGAG PA'O, ,DANG PO NI, GZHAN YANG GAL TE GZHAL BYA GSAR DU SHES PA, TSAD MA'I BYED PA YIN NA, BYED PA DE'I YUL YONGS SU GCOD PA'I BYED PO, NAS, SEMS KYI 'JIG RTEN BYED PAS BYED PA PO NYID DE, 'JIG RTEN SNA TSOGS LAS SKYES, ZHES 'BYUNG LA, LAS SEMS PA LA 'JOG CING, DE SEMS KYI 'KHOR DU GYUR PAS SO, ,DE'I DON YANG TSAD MAS GZHAL BYA GSAR DU RTOGS PA NI RTEN 'BREL GYI CHOS NYID YIN LA, DE YANG LAS KYI DBANG GIS SO SNYAM DU DOGS NA, GNYIS PA LA GNYIS, SEMS BYED PA PO YIN PA DANG TSAD MA BYED PA PO YIN PA 'GAL BAR BSTAN PA, BYED PA PO BDEN GRUB DAG PA'O, ,DANG PO NI ,DE YANG

RIGS PA MA YIN TE, 'DI LTAR NAS ZHES KHAS BLANGS PA'I PHYIR RO, ZHES KHAS BLANGS BRJOD NAS, DE LA SKYON STON PA NI, BYED PA PO SEMS DANG, LA SOGS PAS SEMS 'BYUNG RNAMS NI BDAG NYID PHYI LTA BU'I YONGS SU GCOD PA'I BYA BA GTZO BO DANG PHAL PA GNYIS SGRUB PA'I SGO NAS SEMS KYI DON GYI GTZO BO DANG KHYAD PAR PHAL PA DANG SEMS 'BYUNG GIS DE LAS BZLOG PA'I BYA BA GCIG STE, GNYIS SGRUB PA'I BYA BA LA, BYED PA PO YAN LAG CAN GNYIS PO DE'I YAN LAG GI NGO BOR GYUR PA, GZHAL BYA GSAR DU RTOGS PA'I LAS BYED PA'I CHAD MA YANG SNGA MA LTAR GNYIS NYID DU 'GYUR NA, DE MI RIGS TE, TSAD MA GCIG NYID SEMS SEMS 'BYUNG GNYIS KAR THAL PA'I PHYIR RO, ,'DI YANG THA SNYAD DU BYED PA PO GCIG LA, BYED PA DU MA MI 'GAL YANG, RANG BZHIN GYIS GRUB NA MI 'THAD PA'O, ,DES NA 'DIR NI SHES PA SEMS 'BYUNG DANG, RNAM PAR SHES PA NYID LA GTZO BOR GYUR PA'I BYA BA GCIG MED DO, ZHES PA NAS, BYED PA PO NYID MA YIN PA DE'I PHYIR, TSAD MA GNYIS MI 'GRUB PA NYES PA DE NYID DU 'GYUR RO'I BAR GZHAN RNAMS GO SLA'O, GNYIS PA NI, CI STE CHOS THAMS CAD BDAG MED PA ZHES BYA BA'I LUNG LAS, ZHES PA NAS, BSTAN ZIN TE'I BAR RO, ,LNGA PA KHYAD GZHI KHYAD CHOS LA BRTEN PA DGAG PA LA GNYIS, PHYOGS SNGA MA BRJOD PA DANG, DE DGAG PA'O, ,DANG PO NI, CI STE YANG DPER NA, MCHI GU'I LUS, ZHES PA NAS, CES BYA BAR 'GYUR RO SNYAM NA, ZHES PA'I BAR TE 'DI'I DON NI, GRANGS NGES RNAM 'BYED LAS, 'DIS NI 'JIG RTEN NA CHI GU'I LUS DANG, SGRA GCAN [?] GYI MGO ZHES THA SNYAD BYED PA LA, LUS DANG MGO LAS THA DAD PA'I KHYAD PAR MED KYANG, RTOG NGOR GZHI CHOS RUNG BA BZHIN DU, SA'I MTSAN NYID SRA BA ZHES PA MANG YANG, SRA BA MA YIN PA'I SA MED KYANG DE LTA BU'I THA SNYAD BYED DO, ZHES GSUNGS LA, DE LTA BU'I THA SNYAD CES PA NI, GZHI CHOS KYI THA SNYAD BYED DO, CES PA'O, ,GNYIS PA LA GNYIS, GZHAN LUGS KYI DPE DON 'JOG PA MI 'THAD PAR BSTAN PA, RANG LUGS KYI MTSAN MTSON KUN RDZOB TU BSHAD PA'O, ,DANG PO LA GSUM, DPE LA GZHI CHOS YOD KYANG, DON LA MED PAS MI MTSUNGS PAR BSTAN PA, MU STEGS KYI MTSAN MTSON KHAS LEN MI RIGS PAR BSTAN PA, DPE'I GZHI CHOS RTOG NGOR THA DAD DU YOD PAS THA DAD MED PA'I DPER MI RIGS PAR BSTAN PA'O, ,DANG PO NI, DE NI DE LTAR MA YIN TE, CES PA NAS, KHYAD PAR DANG KHYAD PAR CAN GYI DNGOS PO MI RIGS PA'I BAR STE, DE'I DON YANG GSUNG RAB DE NYID LAS, LU

, ,DANG MGO ZHES BYA BA'I SGRA LAS, DE GNYIS LAS DMIGS PA'I BLO BSKYED PA NA, KHYAD GZHIR BZUNG NAS, GANG GI LUS DANG, GANG GI MGO YIN SNYAM DU SHES PAR 'DOD BA NA, STON PA POS KYANG, MCHI GU DANG, SGRA GCAN MA YIN PA'I LUS DANG MGO YIN PA GSAL BAR 'DOD NAS, 'JIG RTEN PA'I BRDA'I RJES SU BYED BA, KHYAD PAR GYI CHOS, 'CHI GU DANG SGRA GCAN GYI SGRAS, NYAN PA PO'I DOG PA SEL BA NI CI NAS SRA BAM YIN PA'I SA MED PAS, SA'I RANG GI MTSAN NYID SRA BA'O, ZHES BA LA DOG PA DE 'DRA BSAL RGYU MED PA'I PHYIR, DPE DON MI MTSUNGS SO ZHES PA'I LAN MDZAD NAS, ZHES THUN MONG GZHIR BZUNG NAS, ZHES BA'I KHYAD GZHI NI LUS DANG MGO YIN TE, 'OG TU, KHYAD GZHI MCHI GU DANG, SGRA GCAN, ZHES GSUNGS PAS SO, ,GNYIS PA NI, GAL TE MU STEGS PA DAG GI MTSAN GZHI, CES PA NAS, KHAS BLANG BAR THAL BAR 'GYUR BA'I PHYIR RO'I BAR STE, DE'I DON NI MU STEGS KYI MTSAN MTSON DON GZHAN 'DOD PA LA, GZHI CHOS DON GZHAN DU 'GYUR BA'I SKYON BRJOD PA'I TSE, DNGOS SMRA BA RANG LA YANG, MTSAN NYID CES GONG DU THA SNYAD SBYAR BA'I, GZHAL BYA, RANG SPYI GNYIS LAS GZHAN PA, MTSAN GZHI'I MING CAN GZHAL BYA CI TZAM KHAS BLANG DGOS LA, DE LTA NA MTSAN MTSON DE GNYIS RANG BZHIN GYIS GZHAN YIN PA'I PHYIR, GZHAL BYA GSUM DU 'GYUR BAS, TSAD MA MNGON SHES GNYIS LAS GZHAN KHAS BLANGS DGOS PAR 'GYUR RO, ZHES PA'O, ,GSUM PA NI, GZHAN YANG LUS KYI RTEN CAN KHYAD PAR BYED PA, CES PA NAS, BTAGS PA LTAR YOD PA'I PHYIR DPE 'DI MI RIGS PA YIN NO'I BAR GYI DON YANG, GSUNG DE NYID LAS, DPE MA GRUB PA'I RGYU MTSAN GZHAN ZHIG KYANG STON TE, KHYAD BAR GYI GZHI RTEN LUS DANG, MGO DANG, KHYAD BAR GYI CHOS, BRTEN PA MCHI GU DANG, SGRA GCAN 'JIG RTEN GYI THA SNYAD DU GRUB PAS, THA DAD MED PA'I DPER MA GRUB BO ZHES 'CHAD DO, ,'DI LA THA SNYAD 'DOGS PA'I GZHI GANG YIN BTZAL NA, DON THA DAD PA MI RNYED DO, MGO LA SGRA GCAN DU BRDA BYAS PA'I PHYIR DANG, MCHI GU DANG DE'I LUS ZHES PA'I DON BTZAL NA SO SOR MI RNYED PA'I PHYIR RO, ,DE LA BRGAL LAN MDZAD NAS GSAL BAR GSUNGS TE, LUNG DE'I 'PHRO NYID LAS, GAL TE DE TZAM MI BSAL BAS LUS DANG, ZHES PA NAS, 'JIG RTEN PA'I DNGOS PO RNAMS NI MA BRTAGS PAR YOD PA'I PHYIR RO, ZHES SO, ,NYAN PA BO'I NGOR GZHI CHOS DE TZAM

ZHIG YOD KYANG, THA SNYAD DE'I DON LA BRTAGS PA NA, LUS DANG MGO LAS SO SOR GRUB PA'I MCHE GU DANG SGRA GCAN MI RNYED PAS, DE DAG GZHI CHOS SU MA GRUB BO ZHES RTZOD PA NI, SNGAR BCAD PA'I GZHAN GYI CHOS RNAMS YOD BAR 'JOG LUGS SO, ZHES DRANG NGES RNAM 'BYED KYI GSUNG 'DI'I THA SNYAD, DE'I DON BRTAGS PA ZHES PA'I BRTAGS BA NI, DPER NA, RGYAL BU DON GRUB BRTAGS PA NA, ZAS GTZANG GI SRAS SU RNYED PA, DE GNYIS KYI DON GANG ZAG GCIG TU RNYED PA'O, ,DE BZHIN DU MCHI GU LUS SU RNYED PA DANG, SGRA GCAN MGOR RNYED BA'O, ,GAL TE BTZAL NAS RNYED LUGS DE TZAM ZHIG RANG GIS KYANG 'DOD PA MA YIN NAM ZHE NA, DNGOS SMRA BAS DE LTAR TSOL BA'I GZHI BRTAGS DON BTZAL NAS RNYED PA LA 'DOD BAS, PHYOGS SNGA SNGAR BSHAD PA'I DNGOS SMRA BA GZHAN GYIS CHOS RNAMS YOD PAR 'JOG LUGS, ZHES BZHED DO, ,TSOL GZHI BRTAGS DON BTZAL NAS, MCHI GU DANG SGRA GCAN SO SOR MA RNYED BA DE NI DE LTAR MA YIN TE, DE'I RGYU MTSAN, DRANG NGES RNAM 'BYED KYI LUNG DE'I 'PHRO LAS, YOD BA NI 'JIG RTEN THA SNYAD DU YIN LA, DE LA NI DPYAD PA DE LTAR DU BYAS NAS 'JOG PA MA YIN GYI, MA DPYAD PAR 'JOG GO ,ZHES LAN MDZAD DO, ,DPYAD NAS 'JOG NA 'JOG MI NUS PA DANG, MA DPYAD BAR 'JOG LUGS KYANG, LUNG DE'I 'PHRO NYID LAS, JI LTAR RNAM PAR DPYAD NA GZUGS LA SOGS PA 'DAS, ZHES PA NAS, YIN PAS DPE GRUB PA MED DO, ZHES GANG ZAG 'JOG TSUL GSUNGS SO, ,LHA BYIN GYI GZUGS, LHA BYIN GYI SEMS ZHES BRJOD BA YANG, THA SNYAD GANG LA BTAGS PA'I GZHI, LHA BYIN DANG, DE'I GZUGS DANG, SEMS JI LTAR GRUB DPYAD PA NA, CHOS DE DAG KYANG LHA BYIN MA YIN LA, DE'I GZUGS SEMS LAS DON GZHAN DU YANG, LHA BYIN MI RNYED PAS, DPYAD CING BTZAL NAS RNYED PA'I DON LA, LHA BYIN 'JOG BA MED BA NI BDAG MED MOD KYI, ZHES BA'O, ,DES NI LHAS BYIN RANG GI MTSAN NYID KYIS MA GRUB BA YIN GYI, LHA BYIN MED PA MA YIN PAS, PHUNG PO LA BRTEN NAS KUN RDZOB TU YOD PA BZHIN DU DPE GNYIS KYANG 'JOG CES PA'O, ,GNYIS BA LA GSUM, RANG LUGS KYI MTSAN MTSON PHAN CHUN LTOS NAS GRUB PA, GZHAN GYI GZHAL BYA TSAD MA'I 'DOD TSUL, RANG LUGS KYI BDEN GNYIS RNAM BAR BZHAG PA'O, ,DANG PO NI, DE BZHIN DU RNAM BAR DPYAD PA NAS SA LA SOGS PA, CES PA NAS, GRUB PAR RNAM PAR BZHAG PAR MDZAD DO, ZHES GSUNGS TE, SA DANG SRA BA SOGS, MTSAN MTSON GYI THA SNYAD 'JUG PA'I

, ,GZHI DE, SNGAR LTAR BTZAL NAS RNYED PA'I DON LA 'JOG NA, DE GNYIS 'JOG MI NUS KYANG PHAN TSUN LTOS PA'I SGO NAS DE DAG YOD PAR 'JOG GO ,GANG ZAG DANG CHOS KYI 'JOG TSUL 'DI NGES PA KHO NAR KHAS BLANG DGOS BA RGYU MTSAN DANG BCAS BA NI, LUNG DE'I MJUG NYID LAS, 'DI NI DE KHO NA LTAR GDON MI ZA BAR KHAS BLANG BAR BYA STE, CES PA NAS, DBU MA LA 'JUG PA LAS RGYAS PAR BSTAN PAS DE NYID LAS YONGS SU BTZAL BAR BYA'O, CES PA'I BAR TE, MA DPYAD BAR 'JOG PA DE LTAR MA YIN NA, KUN RDZOB 'THAD PAS TE, DON DAM DPYOD BYED KYI RIGS PAS DPYAD NAS 'DOG PA DANG LDAN PA MA YIN NAM STE; DPYAD BAS 'JOG PA KHYOD KYI 'DOD PA YIN PA DES NA KUN RDZOB 'DI KHO NA NYID DU 'GYUR GYI, KUN RDZOB TU MI 'GYUR RO, ZHES PA'I LHAG MA SLA'O, ,GNYIS PA LA BZHI, GZHAN GYI 'DOD PA 'GOD, RANG GZHAN GYI 'DOD PA'I KHYAD PAR BSHAD, GZHAN 'DOD LA GNOD BYED BRJOD PA, PHYOGS SNGA MA'I 'DOD TSUL GZHAN DGAG BA'O, ,DANG PO NI, CI STE, BTAGS DON BTZAL NAS 'JOG MI 'JOG SOGS KYIS ZHIB MOR DPYAD PA 'DIS CI ZHIG BYA STE, KHO BO CAG CHAD MA DANG, GZHAL BYA'I THA SNYAD THAMS CAD BDEN PA YIN NO, ZHES MI SMRA'I, TSAD MA RANG MTSAN KHON BDEN PAR GRUB LA, 'ON KYANG 'JIG RTEN GYI TSAD MA LA RAB TU BSGRAGS PA'I SGRUB BYED KYI TSUL 'DIS TSAD MA GNYIS LA SOGS PA RNAM BAR 'JOG PAR BYED BAR 'GYUR RO SNYAM NA, CES SPYI MTSAN KUN RDZOB TU 'JOG BA STE, KUN RDZOB DE YANG RANG NGOS NAS MA GRUB NA, RI BONG GI RVA DANG KHYAD MED DU 'GYUR BAS, RANG NGOS NAS GRUB LA, DE YANG BTAGS DON BTZAL NAS 'JOG PA'I DON DU 'GRO'O, ,GNYIS PA NI, BSHAD PAR BYA STE, DPYAD PA ZHIB MOR 'JIG RTEN PA'I THA SNYAD LA, CES PA NAS, KHYOD KHO NA BZLOG PAR BYED PA YIN GYI KUN RDZOB NI MA YIN NO, CES PA'I BAR GYI DON NI, PHYOGS SNGAMS DPYAD PA ZHIB MO RANG GI KUN RDZOB KYI GRUB TSUL DE NYID, RANG MTSAN LAM 'KHRUL BA'I BLOS RNYED PA DES PAR DGOS PAR 'DOD CING, LUGS 'DIS NI KUN RDZOB 'KHRUL BA'I BLO PHYIN CI LOG TZAM GYIS, BDAG GI NGO BO RNYED PAS YOD BA 'GRUB LA, DE 'DRA BA'I KUN RDZOB KYANG RIG NGOR MI 'JOG PA'O, ,KHO BO NI KUN RDZOB KYI BDEN PA RNAM PAR 'JOG BA LA MKHAS PA'I PHYIR, 'JIG RTEN PA'I PHYOGS MA DPYAD PAR

'JOG PA'I TSUL LA GNAS TE, KHYOD KYI BDEN MED KYI PHYOGS GCIG BSAL BA STE, 'GAG PA'I PHYIR BKOD PA'I 'THAD PA NI, KHO BO CAG GIS RTEN 'BREL LA SOGS PA'I 'CHAD PA GZHAN GYIS BZLOG NAS, RANG GI NGO BOS MA GRUB PAR SGRUB PAR BYED CING, KHYOD KHO NA NYAMS PAR BYED KYI, KUN RDZOB NI NYAMS PAR MI BYED DO, ZHES PA'O,, GSUM BA NI, DE'I PHYIR GAL TE NAS, TSAD MA GNYIS SU GA LA 'GYUR, ZHES PA STE, DNGOS SMRA BAS, RANG SPYI THA SNYAD DU 'JOG PA'I TSE, RANG MTSAN GYI RTEN GZHAL BYA SPYI TZAM PA DE, RANG SPYI GNYIS LAS RANG MTSAN DU GRUB PA'I THA DAD DU 'GYUR LA, DE LTA NA GZHAL BYA GSUM DU 'GYUR BAS, TSAD MA GNYIS MI 'GRUB PA'I NYES PAR 'GYUR RO, ZHES BA SNGAR YANG BSHAD DO, ,BZHI PA LA GNYIS, PHYOGS SNGA MA DGOD PA DANG, DE DGAG PA'O, ,DANG PO NI, CI STE BA GLANG ZHES BRJOD PA'I SGRA RNAMS LA, ZHO SKAL SOGS KYI BYA BA BYED PA LA SOGS PA'I 'BREL PA LAS, BRDA DUS SU BRDA SBYAR BA SNGON DU 'GRO BA CAN GYIS, THA SNYAD DUS SU DON GO BA'I BRDA NI GZHAN SEL BA SBYOR GYI, DE LAM LTOS PAR BYE BRAG TU BYED PA, RANG MTSAN LA DE LTA BU KHAS LEN BAR MI BYED DO, ZHE NA, ZHES PA STE, 'DI RNAM 'GREL LAS, SGRA RNAMS KYIS NI BRDAR BTAGS STON, ZHES SOGS KYIS 'DOD PA DANG 'DRA'O, ,GNYIS PA NI, 'DI NI SHIN TU DKA' STE, RTOG GE PA KHYOD TSAD MA GNYIS BYA BA DANG, GZHAL BYA GNYIS BYED PA'I 'BREL PA RAB TU ZHUGS BA'I SGRA DE DAG KHO NAS, MTSAN MTSON LA SOGS PA'I THA SNYAD BYED CING, BYA BA BYED PA LA SOGS PA'I SGRA'I DON YANG, RANG MTSAN LA MI 'DOD BAS, KYE MA KYE HUD, KHYOD NI 'DOD PA BTZAL LA RAG LAS TE 'JUG GI, RIG PA NI MI 'DOD PA NYID DO, ,RANG LUGS LA YANG DE MA YIN RNAM PAR DPYOD PA LA MI LTOS PAR, BRDA SBYOR BA MI 'DOD MOD KYI, GZHAN GYIS, GZHAN SEL YUL RANG NGOS NAS GRUB PAR KHAS BLANGS BA'I SKYON NO, ,GNYIS PA MJUG BSDU BA NI, GANG GI PHYIR DE LTAR GZHAL BYA GNYIS, ZHES SOGS SO, ,SPYIR TSAD MA GNYIS SU GRANGS NGES PA MI 'GOG GI, RANG SPYI GNYIS KYI RTAGS KYIS, TSAD MA GNYIS SU MI 'GRUB LA, YID CHES RJES DPAG RANG SPYA GNYIS KYI YUL CAN MA YIN TE, RANG MTSAN GZHI MA GRUB BAS, DE'I ZLAS SPYI MTSAN YANG DPYAD PA'I TSEM GRUB PA'I PHYIR RO, ,GNYIS PA MNGON SUM TSAD MA'I RNAM GZHAG BYE BRAG TU DGAG BA LA GNYIS, GZHAN GYI MNGON SUM GYI 'DOD TSUL DGAG RANG GZHAN GYI 'DOD PA'I MNGON SUM GYI SGRA DON BSHAD BA'O,,

, ,DANG PO LA GNYIS, YUL LA MNGON SUM GYI SGRA BTAGS MING DU 'DOD PA DGAG, BUM SOGS MNGON SUM BLO SO SO'I NGOR 'JOG TSUL BSTAN PA'O, ,DANG PO LA GSUM, MDOR BSTAN, RGYAS PAR BSHAD, DON BSDU BA'O, ,DANG PO NI, GZHAN YANG RTOG BRAL MA 'KHRUL BA, MNGON SUM TSAD MA'I MTSAN NYID DU BZHAG PA'I TSE, MA KHYAB PA'I SKYON NYID DU 'GYUR TE, MNGON SUM MTSAN NYID PA YUL CAN KHO NA LA BZHAG PAS, BUM PA MNGON SUM DU MTHONG NGO ZHES BYA BA DE LTA BU LA SOGS PA 'JIG RTEN PA'I THA SNYAD DON MTHUN MA BSDUS PA'I PHYIR DANG, BUM PA BDEN SNANG GI DBANG SHES MA 'KHRUL LO, ZHES 'PHAGS PA MA YIN PA'I THA SNYAD KHAS BLANGS PA'I PHYIR, DES NA 'DI NI MI RIGS SO, ,GNYIS PA LA GNYIS, PHYOGS SNGA MA DGONG PA DANG, DE DGAG PA'O, ,DANG PO NI, CI STE DBU MA PA'I NYE BAR LEN PA SNGON PO LA SOGS PA, NAS, MNGON SUM CES BYA BAR BRJOD DO SNYAM NA, CES PA NI, BUM PA MNGON SUM DU MTHONG BA NI, BUM PA'I SNGON PO SOGS BUM GZUGS ('JUG BAR, 'JIG RTEN NYID LA BDEN YIN LHAG MA NI, ZHES PA'I RANG 'GREL DU, DE NI 'JIG RTEN NYID LAS BDEN PA BZHIN GYI, 'PHAGS PA LA LTOS NAS NI MA YIN NO, ZHES PA'I SKABS SU 'PHAGS PA DANG DBUM PA DON GCIG, CES RNAM BSHAD CHEN MOR GSUNGS,) MNGON SUM DU MTHONG BA'I DBANG GIS TE, DE LTAR NA, 'BRAS BU RDZA BUM LA MNGON SUM DU ZHES 'DOGS PA'I RGYU MTSAN YOD DE, RGYU BUM GZUGS MNGON SUM TSAD MAS GZHAL BAS DER BTAGS PA'I PHYIR, DPER NA RGYU SANGS RGYAS 'BYUNG BA LA, 'BRAS BU BDE BA'I MING GIS BTAGS PA BZHIN, BUM PA'I RDUL BRGYAD NYE BAR BLANG BYA DANG, BUM PA NYE BAR LEN PA YIN LA, RDUL BRGYAD DUS MNYAM PA LA NI RGYU'I RGYUN YIN PAS, RGYUR BTAGS BA'O; ZHES ZER DGOS PA 'DRA STE, RGYU 'BRAS KYI SGO NAS GZHAL BYA 'JAL BYED KYI DANGS BTAGS DANG, RTAGS DANG DPE DON GYI RGYU 'BRAS LA DNGOS BTAGS GO BZLOG STE BZHAG PA'I RGYU MTSAN SOGS DKA' BAR SNANG NGO, ,GNYIS PA LA GSUM, DPE DON MI MTSUNGS PAR BSTAN PA, BTAGS DON BTZAL BA'I BUM PA MNGON SUM BTAGS PAR 'DOD PA DGAG ,THA SNYAD DU 'DOGS PA'I BUM PA LA MNGON SUM BTAGS MING DU 'JUG PA THUG MED DU 'GYUR BA'O, ,DANG PO NI, RDZA BUM RNAM BA DE LTA BU'I YUL NI BUM GZUGS MNGON SUM TSAD MAS GZHAL BA'I RGYU MTSAN GYIS, RDZA BUM MNGON SUM BTAGS PA BAR 'JOG PA MI RIGS TE, SANGS

RGYAS 'JIG RTEN DU 'BYUNG BA NI, 'JIG RTEN NA BDE BA LAS DNGOS PO THA DAD PAR DMIGS LA, SANGS RGYAS 'BYUNG BA LAS BDE BA 'BYUNG BA DE YANG 'DUS BYAS KYI RANG BZHIN TE, RTEN 'BREL GYI CHOS NYID YIN PA'I PHYIR DANG, SANGS RGYAS NYID KYANG SHING GCIG GI DRUNG DU MGO STONG GTONG BA SOGS, DKA' BA BRGYA PHRAG DU MA'I RGYU CAN YIN PA'I PHYIR, BDE BA MA YIN PA NYID DO, ,DE LA BDE BA CES BRJOD PA NA, DE DANG SANGS RGYAS 'BYUNG BA GNYIS, BDAG GCIG PA'I 'BREL PA MED KYANG, DE BYUNG DU 'BREL PA NYID LAS, RNAM PA DE LTA BU'I YUL NYE BAR BTAGS PA RIG NAS, BUM PA MNGON SUM ZHES BYA BA 'DIR NI GANG ZHIG BTAGS NA MNGON SUM NYID GYUR PA MNGON SUM MA YIN PA'I BUM PA ZHES BYA BA LOGS SHIG TU DMIGS PA YANG MA YIN NO, ,BSDUS NA, BDE BA MA YIN PA'I SANGS RGYAS 'BYUNG BA YOD KYANG, MNGON SUM YIN PA'I BUM PA PA MED BA'I DON NO, ,GNYIS PA LA GNYIS, PHYOGS SNGA MA DGOD, DE DGAG BA'O, ,DANG PO NI, RANG RGYUD PA PHYIN CHAD KYI 'DOD PA NI, GAL TE BUM BA'I SNGON PO LA SOGS PA RDUL BRGYAD 'DUS PA DANG, RE RE BA, BUM PA GANG ZHIG BTZAL BA NA, RDUL 'DUS PA LAS THA DAD PA'I BUM BA MED PA'I PHYIR, 'DUS PA BUM PA YIN LA, DE BRTAGS PA'I MNGON SUM NYID DU 'GYUR RO, ZHE NA, GNYIS PA NI, DE LTA NA YANG BRTAGS DON BTZAL BAS RNYED PA'I BUM PA MNGON SUM DU CHES SHIN TU BRTAGS PA MI RIGS TE, GZHI GDAGS BYA BTZAL BA'I CHE BUM PA NYID MED PA'I PHYIR RO, ,DPER NA, BONG BU'I RVA LA RNON PO NYE BAR 'DOGS PA NI MA YIN NO, ,'DI NI 'DI MA THAG 'JIG RTEN GYI THA SNYAD KYI YAN LAG TU 'GYUR BA, ZHES PA'I ZLA STOBS KYIS DE LTAR BYA DGOS PAR MNGON TE, SHIN TU BRLING BA ZHIG GO ,GNYIS PA NI, GZHAN YANG GAL TE 'JIG RTEN GYIS, ZHES PA NAS, MA GTOGS GZUGS KYANG YOD MA YIN, ZHES BSHAD DO, ZHES PA'I BAR TE, BUM MANG RDUL 'DUS PA LA 'JOG CING, 'BRAS GZUGS KYI RDUL RNAMS, RGYU GZUGS KYI STENG NAS YIN LA, DE'I RDUL PHRA RAB KYI CHA BCAS, CHA MED GANG YIN YANG, MNGON SUM TSAD MAS MYONG STOBS KYIS MI 'JAL STE, RDUL BSAGS PA'I PHYIR, DON RTAGS KYI GRUB PA'I PHYIR TE, RNAM 'GREL LAS, DBANG YUL DE PHYIR RDUL PHRAN MIN, ZHES DANG, RGYU GZHAN DAG NI YOD NA YANG, ZHES SOGS 'BYUNG BA'I PHYIR RO, ,DES YUL LA MNGON SUM BTAGS PA BAR 'DOD PA NI, RTZA BA DUL PA NYID DO SNYAM DU DGONGS TE, LUNG DON

, ,MGO BAR ZAD DO, ,GSUM PA NI, DE PHYIR DE LTA BU LA SOGS, ZHES SOGS SO, ,GNYIS PA NI, DE KHO NA NYID RIG PA LA LTOS NA NI, CES PA NAS, SO SOR DGAG PAR BYA BA YIN, ZHES BSHAD DO, CES PA'I BAR GYI DON NI, BUM PA DANG, SNGON PO, KUN RDZOB TU MNGON SUM YIN YANG, DE DAG RIG NGOR MI 'JOG PA NI, GONG DU 'PHAGS BA MA YIN PA'I THA SNYAD DANG 'BREL BA STE, DE YANG SLOB LA MTSUN CHAD DU MA 'KHRUL PA'I SHES PA NI CHOS NYID LA RTZE GCIG PA'I 'PHAGS PA'I MNYAM GZHAG KHO NA YIN LA, RANG RGYUD PA PHYIN GYIS, GZHAL BYA RANG BZHIN GYIS GRUB PA 'JOG PA NA, DE LA MA 'KHRUL BAS TSAD MAR 'JOG GO ,DE LTA NA BUM PA, SLOB LAM PHYIN CHAD DU, MA 'KHRUL BA'I SHES PAS MNGON SUM DU RTOGS NA, SLOB PA'I MNYAM GZHAG ZAG MED KYI NGOR YOD DGOS PA'O, ,DE RIG NGO DER MED DE, RIG NGO DAR BUM GZUGS MA MTHONG BAS, BUM PA MTHONG BA MED PA'I PHYIR RO, ZHES PA NI, BZHI BRGYA PA'I RKANG PA DANG PO GNYIS KYI DON TE, LHAG MA GO BAR ZAD LA, 'DIS NI MA 'KHRUL BA, MNGON SUM TSAD MA'I MTSAN NYID KYI ZUR DU SMOS PA YANG DPYOS PHYIN PAR BKAG GO ,GNYIS PA LA GNYIS, GZHAN GYI MNGON SUM GYI SGRA DON DGAG, RANG LUGS LA SHES PA THAMS CAD KYI SNANG YUL MNGON SUM DU SGRUB PA'O, ,DANG PO LA, SGYU MA'I SGRA BSHAD KYI MNGON SUM GYI 'JOG TSUL DGAG, 'JIG RTEN GRAGS PA'I SGO NAS YUL CAN MNGON SUM DU 'JOG PA DGAG ,LUNG GI SGRUB BYED KYI YUL CAN MNGON SUM DU 'DOD PA DGAG PA'O, ,DANG PO LA GNYIS, BDAG RKYEN DBANG PO MNGON SUM DU PHYOGS BA'I SGRA TZAM LA BRTAN NAS MNGON SUM MI 'THAD, DBANG SHES DANG YID SHES KYI THA SNYAD DANG MNGON SUM GYI THA SNYAD MI 'DRA BAR BSTAN PA'O, ,DANG PO LA GNYIS, PHYOGS SNGA MA BRJOD PA DANG, DE DGAG PA'O, ,DANG PO NI, GZHAN YANG MNGON SUM GYI SGRA PRA TRAKshA nI, LKOG TU MA GYUR PA'I DON BRJOD PAR BYED PA YIN BA'I PHYIR, DBANG PO YUL MNGON GYUR LA, MNGON DU PHYOGS NAS, YUL 'DZIN PA'I BDAG RKYEN LAS BYUNG BA'I DON NI, DBANG SHES MNGON SUM DU 'JOG PA'I RGYU MTSAN YIN NO, ,'DI LAS PRA TYA'I SGRA NI, ZLAS PA LA YANG 'GRO BAS, DBANG PO DANG DPANG PO YUL SO SO LA MNGON DU PHYOGS BA, ZHES BYAS NAS, BUM PA DANG SNGON PO LA SOGS PA LKOG TU MA GYUR PA RNAM PA DBANG PO MNGON DU PHYOGS PA STE, DBANG DON BRAD [?]

PA LAS, DBANG PO YUL LA MNGON SUM NYID DU GRUB PAR 'GYUR LA, DBANG PO'I BDAG RKYEN GYIS, BUM SOGS MNGON GYUR DE YONGS SU GCOD PAR BYED PA'I MIG GI RNAM PAR SHES PA NI, BDAG RKYEN DBANG PO YUL LA MNGON DU PHYOGS PA'I MNGON SUM GYI RGYU CAN GYIN PA'I PHYIR, MIG SHES DE MNGON SUM DU BRJOD PAR BYED DO, DPER NA RTZVA DANG SOG MA LAS BYUNG BA'I ME LA RTZVA'I ME DANG SOG MA'I ME ZHES BRJOD PA BZHIN DU'O, ,BSDU NA, MIG SHES CHOS CAN, MNGON SUM YIN TE, BDAG RKYEN DBANG PO LAS SKYES PA'I PHYIR, ZHES PA'O, ,GNYIS PA NI, 'DIR DBANG PO MNGON DU BTAGS PA'I MNGON SUM GYI SGRA BSHAD NI, RANG SDE DANG, GZHAN SDE GNYIS KYI THUN MONG GI 'DOD PA YIN LA, MDO SEMS GNYIS KYI NA, RANG YUL GSAL BAR SNANG BAS RTOG MED DU 'JOG GO ,GANG ZHIG DBANG PO DANG DBANG PO SO SO LA 'JUG PA ZHES BYA NAS, MNGON SUM GYI SGRA BYE BRAG TU 'CHAD PAR BYED PA DE LTAR NA NI, ZHES PHYOGS SNGA MA'I DON KHONG DU CHUD PAR BYA STE, MIG SHES GCAG BSKYED BA LA, MIG DBANG DU MA DGOS PA, 'OG TU 'GOG LA, 'DIR GZHAL BYA 'JAL TSUL GYI SGO NAS GNOD PA STON PA NI, SNGON 'DZIN MIG SHES LTA BU STE, MNGON SUM DU CHAD MAR 'JOG PA, DBANG PO YUL PHYOGS PA TZAM GYIS BZHAG PA MA YIN TE, DE MNGON SUM TSAD MAR 'JOG PA GZHAL BYA 'JAL TSUL GYIS BZHAG PA GANG ZHIG ,SNGON PO 'DZIN PA'I MIG GI SHES PA NI, MIG GI DBANG PO'I YUL CAN MA YIN PA'I PHYIR DANG, YUL SNGON PO NYID KYI YUL CAN YIN PA'I PHYIR, BYE BRAG TU BSHAD PA MI RIG PAR 'GYUR TE, YUL SO SO BA MNGON SUM DU SNANG BA'AM, DON SO SO BA MNGON SUM DU 'JAL BA NYID, CES BYA BA NI, MNGON SUM DU BRJOD RIGS PAR 'GYUR RO, ,'DI NI GTZO BO'I SGO NAS GNAD PA BRJOD PA YIN LA, GZHAN YANG DBANG SHES KYIS DRANGS PA'I RTOGS PA YANG KHYED LA MNGON SUM TSAD MAR 'GYUR, YUL DANG DON GNYIS SMOS PAS NI, TSAD MA DANG TSAD MIN GYI SGO NAS TE, 'OG TU 'CHAD DO, ,GNYIS PA LA GNYIS, PHYOGS SNGA MA BRJOD PA DANG, DE DGAG PA'O, ,DANG PO NI, CI STE JI LTAR RNAM PAR SHES PA 'BYUNG BA NAS, RGYUS STEN PA NI MTHONG BA YIN NO'I BAR GYI DON BSDU NA, GZUGS 'DZIN MIG SHES DANG YID SHES GNYIS, GZUGS 'DZIN PAS YUL GYI THA SNYAD KYIS BSTAN NA, SO SOR MI GO LA, DBANG PO'I SGO NAS MIG SHES DANG, YID SHES SO SOR GO BAR BYED PA BZHIN, RTEN DBANG PO'I

, ,SGO NAS MNGON SUM DU GO BAR BYED DE, RDA'I SGRA, NAS KYI MYU GU ZHES THUN MONG MA YIN PA'I RGYUS STON PA BZHIN, ZHE NA, GNYIS PA NI, 'DI NI SNGA MA DANG MI 'DRA BA YIN TE, NAS, THUN MONG MA YIN PA'I RGYUS STON PA LA, DGOS BA CUNG ZAD KYANG MA MTHONG NGO'I BAR GYI DON BSDU NA, MIG SHES YID SHES BDAG RKYEN GYIS GO BA DANG, DBANG PO MNGON DU PHYOGS BAS MNGON SUM GO BA MI 'DRA STE, MNGON SUM NI RTOG BRAL KYI SHES PA'I DON DU 'DOD LA, DBANG PO MNGON PHYOGS ZHES PA'I SGRAS, RTOG BRAL GYI MNGON SUM GO BAR MI NUS PA'I PHYIR TE, DE TZAM NI YUL GZUGS LA YANG YOD LA, YUL MNGON SUM YIN PA YANG, KHYOD NYID KYI BKAG PA'I PHYIR RO, ,MNGON SUM GYI SGRA BSHAD DANG, RDA'I SGRA DANG, NAS KYI MYU GU SKYE BA LA MNGON DU PHYOGS BA TZAM ZHIG ,DPE GNYIS KYI DON DU 'DOD DGOS BA'I PHYIR RO, ,TSAD MA GNYIS KYI GRANGS NGES 'JUG PA, GZHAL BYA MNGON LKOG GNYIS SU GRANGS NGES PA'I, GZHAN GYI DBANG YIN PA'I PHYIR DANG, GZHAL BYA MNGON LKOG GI RNAM PA'I RJES SU BYED PA TZAM GYIS, MNGON LKOG RANG GI NGO BO YOD PAR RNYED PA'I TSAD MA DAG GI RANG GI NGO BO RNAM PAR 'JOG PA'I PHYIR, CES PA STE, TZAM GYI SGAS, RANG LAS THA DAD PA'I YUL GYI RNAM PA MA SHAR BA'I SHES PAS, RANG NYID GNYIS NUB BA'I SGO NAS MYONG BA'I RANG RIG 'GOG PAR BZHED PA YIN LA, GZHAL BYA'I RNAM PA'I RJES SU BYED PA LA YANG, 'DZIN STANGS KYI YUL MNGON SUM PA LA MI BSLU BAS, MNGON SUM TSAD MAR BZHAG STE, RNAM PA THAMS CAD DU YUL MNGON GYUR MNGON SUM PA LA MI BSLU BA KHO NAS MNGON SUM TSAD MAR BSTAN PAR RIGS PAS SO, ,DES NA DBANG PO MNGON DU PHYOGS PA'I SGRAS BSTAN BA CUNG ZAD KYANG MI 'KHO BAS SO, ,ZHI BA PAR NI DBUM LA 'JUG PA'I RNAM BSHAD SOGS LAS SHES PAR BYA'O, ,'JIG RTEN GRAGS PA'I SGO NAS YUL CAN MNGON SUM DU 'DOD PA DGAG PA LA GSUM, DNGOS KYI DON, PRA TI'I ZLOS SGRA DBANG PO LA 'JUG PA DKA' 'JIG RTEN NA RTOG BRAL GYI SHES BAS MNGON SUM GYI THA SNYAD MI BYED PAR BSTAN PA'O; ;DANG PO LA GNYIS, 'DOD BA BRJOD PA DANG, DE DGAG PA'O, ,DANG PO NI, GAL TE 'JIG RTEN NA, NAS, BSHAD PA LA BRTEN PAR BYED DO ZHE NA'I BAR TE, 'DIS 'DOD PA'I 'JIG RTEN GYI GRAGS PA NI, DBANG PO MNGON DU PHYOGS PA DANG, YUL GSAL BAR SNANG BA DANG, RTOG BRAL GYI SHES PA RNAMS KYI RGYU MTSAN LA BRTEN

NAS; MNGON SUM ZHES GRUB MTHA' SMRA BA RANG RANG LA GRAGS PA STE, DE YANG DON DAM DPYOD BA LA MI LTOS BAS, 'JIG RTEN ZHES BSNYAD PA'O, ,GNYIS PA NI, BSHAD PAR BYA STE, MNGON SUM GYI SGRA 'DI, NAS, MNGON SUM ZHES BYA BDAG MED LTAR MI 'GYUR RO, ZHES BA'I BAR STE, LUGS SNGA MA'I GRAGS PA'I 'JOG TSUL DANG MI 'DRA STE 'DI NI BA LANG RDZI YAN GYI THUN MONG BA'I THA SNYAD PA'I TSAD MA GNOD MED KYIS BZHAG PA'I THA SNYAD PA'I TSAD MA GNOD MED KYIS BZHAG PA'I THA SNYAD STE, THAMS CAD KYIS YANG MNGON SUM DU MTHONG NGO ZHES BRJOD KYIS, BA LANG 'DZIN PA'I MIG SHES THAMS CAD KYIS MNGON SUM DU MTHONG NGO ZHES THA SNYAD MI BYED LA, GRAGS PA BRDA'I RJES SU BYED CING, BRDA RTOG PA DON MTHUN GYIS SBYOR BAR BYED DO, ,THA SNYAD GONG MA GNYIS GO BZLOG TU SBYAR NA, 'JIG RTEN GYI GRAGS PA SPANGS BAR 'GYUR BA'O, ,GNYIS PA NI, PRA TI'I SGRA ZLOS BA NI, DBANG BO SO SO LA 'JUG PA'I DON MED PA'I PHYIR, GZHAN DU NA, MIG SHES PA GCIG SKYE BA LA, MIG DBANG THA DAD PA DU MA'I BDAG RKYEN DGOS SHING DE LTAR DBANG PO'I SKAD CIG GCIG GI RTEN CAN DE BDAG RKYEN LAS, MIG GI RNAM PAR SHES PA GCIG MNGON SUM DU SKYE NUS NYID DU YANG MI 'GYUR LA, MIG DBANG SKAD CIG RE RE LA, MIG SHES MNGON SUM TSAD MA BSKYED PA'I NUS PA NYID MED NA NI, MIG GI DBANG PO MANG PO RNAMS LA YANG, MIG SHES BSKYED PA'I NUS BA YOD PAR MI 'GYUR RO, ,GSUM PA NI, KHYOD KYI DBANG PO MNGON DU PHYOGS PA DANG, RTOG PA DANG BRAL BA'I SHES PA NYID KYI RGYU MTSAN GYIS, MIG SHES MNGON SUM NYID DU KHAS BLANGS PA'I PHYIR DANG, THA SNYAD PA'I TSAD MA NGES KYANG RGYU MTSAN DE 'DRA BAS MIG SHES LA MNGON SUM GYI 'JIG RTEN PA'I THA SNYAD BYED PA MED PA'I PHYIR DANG, KHO BO CAG 'JIG RTEN PA'I TSAD MA DANG GZHAL BYA'I THA SNYAD BSHAD PAR 'DOD PA'I PHYIR NA, YUL CAN MNGON SUM TSAD MAR RTOG PA NI DON MED PA NYID DU 'GYUR RO, ,LUNG GI SGRUB BYED KYI YUL CAN MNGON SUM DU 'DOD PA DGAG PA NI, MIG GI RNAM PAR SHES PA DANG LDAN PAS, NAS, MNGON SUM NYID MA YIN BAS 'DI NI MI RIGS SO'I, BAR STE, LUNG 'DI TSAD MA'I BSTAN BCOS RNAMS SU, MNGON SUM RTOG PA DANG BRAL BA'I SGRUB BYED DU DRANGS MOD KYI, SKABS DANG 'BREL BA MA YIN LA, SNGON PO'O, ,SNYAM DU NGES PA DANG, RTOG MED MI 'GAL BA'I PHYIR DU, RTOG PAS GZHI CHOS SBYAR NAS 'DZIN PA'O, ,LUNG DE'I DON NI,

, ,SGO LNGA'I DBANG SHES LNGA PO NI, BLUN PA STE, DON DANG DON MA YIN BA LA SOGS RGYU MTSAN DANG, RIGS PA DANG MTSAN NYID SOGS LA BRTAGS NAS, RNAM PAR DPYOD CING NGES PAR BYED BA, YID KYI SHES PA LTAR BYED MI NUS PA'O, ,RTZOD BZLOG LAS, GAL TE DNGOS RNAMS MNGON SUM GYI, ,DMIGS NAS BZLOG PAR BYED YIN NA, ,GANG GI DNGOS RNAMS DMIGS 'GYUR BA, ,MNGON SUM DE NI MED PA YIN, ,RJES DPAG LUNG DANG DPES 'JAL BA, ,DPES SGRUB BYA BA'I DON GANG YIN, ,MNGON SUM GYIS NI LAN BTAB BO, ZHES TSAD MA BZHI'I GRANGS DANG, TSAD MAS GZHAL BYA 'JAL TSUL DANG, TSAD MA GANG GIS, GRUB PA SOGS LA BRTAGS NAS, TSAD MA RANG BZHIN GYIS GRUB BA 'GOG TSUL GSUNGS KYI, MTSAN NYID DBYE BA GZHAN MA GSUNGS SO, ,DE DAG GI DON 'DIR MDOR BSDUS 'CHAD PA LA GSUM, MNGON SUM TSAD MA BSHAD PA, RJES DPAG TSAD MA BSHAD PA, TSAD MA DANG GZHAL BYA LTOS GRUB TU BSTAN PA'O, DANG PO NI, YUL MNGON SUM MTSAN NYID PA YIN PA DE'I PHYIR, GAL TE MTSAN GZHI'AM ZHES PA GONG DU BRTEN GZHAL BYA TZAM LA BYAS PA'O, ,RANG GI MTSAN NYID DAM SPYI'I MTSAN NYID KYANG RUNG STE, ZHES PA NI, SNGAR DNGOS SMRA BAS, TSAD MA GNYIS KYI GRANGS NGES KYI SGRUB BYED DU BKOD PA'I GZHAL BYA GNYIS GANG YIN, SNGAR MA BYUNG BA BSHAD PA'O; ;LUGS 'DIS, SA'I RANG GI MTSAN NYID SRA BA TZAM 'DOD KYANG, RANG SPYI GNYIS KYIS RANG MTSAN MI 'DOD DE, DE GNYIS LTOS NAS BZHAG DGOS LA, GZHI GANG LA LTOS NAS RANG MTSAN DU 'JOG PA'I SPYI MTSAN BZHAG PAR MI NUS PA'I PHYIR RO, ,DES NA 'JIG RTEN YOD NA NI, CES PA BRTAG PA MTHA' BZUNG GI DBANG DU BYAS PA'O, ,YUL DE 'JIG RTEN NA YOD NA NI, SHES PA LA YUL DE'I SNANG BA 'CHAR BAS KHYAB LA, SHES PA DES YUL DU SNANG BA DE THAMS CAD MNGON SUM DU DMIGS PAR BYAS PA YIN PA'I PHYIR, SNANG BA SHES PA DE LA LKOG TU MA GYUR PA YIN TE, MNGON SUM PA DANG, MNGON GYUR PA MA YIN PA DE'I PHYIR, YUL DU SNANG BA DE'I YUL CAN GYI SHES PA MNGON SUM TSAD MA YIN PA DANG LHAN CIG TU YUL DU SNANG BA DE, MNGON SUM NYID DU RNAM PAR BZHAG GO ,YUL SNANG DE LA MNGON SUM TSAD MA YIN NA, MNGON SUM TSAD MA YIN PAS MA KHYAB STE, YUL DE SHES PA DE LA MNGON 'GYUR YIN NA, YUL DE MNGON 'GYUR YIN PAS MA KHYAB PA'I PHYIR,

MNGON SUM YANG DE DANG 'DRA'O, ,DE LTAR MNGON SUM BZHAG TU MED PAR 'GYUR RO SNYAM NA, MNGON GYUR DANG 'DRA'O, ,SKAD CIG CHA MED KYI MNGON SUM 'DOD PA DAG GIS, MNGON SUM DANG LKOG GYUR MI 'GAL BAR SMRA DGOS LA, DE LTAR NA, MNGAN GYUR DANG, LKOG GYUR PA YANG MTSUNGS SO, ,YUL DE LA MNGON SUM TSAD MA YIN NA, DE MNGON SUM DU RTOGS PAS MA KHYAB STE, DBANG SHES KYIS DRANGS PA'I DRAN SHES BZHIN NO, ,'DI DAG KYANG YUL 'DZIN GYI SHES PA DANG, GNYIS SNANG CAN GYI SHES PA'I DBANG DU BYAS KYI, SHES PA'I NYER LEN DANG, CHOS NYID LA RTZE GCIG PA'I 'PHAGS PA'I MNYAM GZHAG SOGS LA JI LTAR RIGS PAR SBYAR RO, ,DE DAG GI MNGON SUM CHAD MA'I MTSAN NYID BSHAD NAS, MTSAN GZHI BSHAD PA NI, ZLA BA GNYIS DANG LA SOGS PAS SKRA SHAD DU 'DZAG PAR SNANG BDAG NI PHYI ROL GYI DON DANG, GZUGS KYI SKYE MCHED YIN LA, ZLA GNYIS KYIS SNANG BA DE TZAM MNGON SUM DU GZHAL BAS SHES PA DE MNGON SUM TSAD MAR BZHAG GI, RAB RIB CAN MA YIN PA, SNGOR SNANG DBANG PO'I SHES PA SNGON POR SNANG SNGON PO GNYIS LA LTOS NAS MNGON SUM TSAD MAR 'GRO BA DANG 'DRA BA NYID MA YIN LA, RAB RIB CAN ZLA BA GNYIS SNANG DANG LA SOGS PAS SKRA SHAD 'DZAG SNANG LTA BU LA LTOS NAS NI, SNANG BA DE YUL GYI MNGON SUM DANG, DBANG SHES DE DAG MNGON SUM TSAD MA MTSAN NYID PA KHO NA'O, ZHES BRAL GYI 'KHRUL RGYUS BSLAD MA BSLAD KYIS KHYAD PAR BSHAD DO, ,'DI DAG GIS DBANG SHES 'KHRUL PA DE DAG TSAD MAR BSTAN PAR SEMS TE, 'DI MNGON SUM TSAD MA 'CHAD PA'I SKABS YIN PA'I PHYIR DANG, DE'I SKABS SU MNGON SUM TSAD MA MA YIN PA'I DBANG BLO GZHAN 'CHAD PA MA 'BREL BA'I PHYIR DANG, ZLA GNYIS SU SNANG BA DE DBANG SHES DE LA MNGON SUM DANG, SNGOR SNANG DPANG SHES LTA BU LA MNGON SUM MA YIN PAR BSTAN PA LA DGOS PA MED PA'I PHYIR DANG, 'JUG PA'I RNAM BSHAD DU YANG DBANG SHES 'KHRUL PA DANG, YID SHES 'KHRUL BA'I 'GRUB TSUL SO SOR GSUNGS PA'I PHYIR RO, ,GNYIS BA NI; LKOG TU GYUR PA'I YUL CAN, ZHES SOGS TE, BRTAGS YANG DAG LA BRTEN NAS LKOG GYUR LA MI BSLU BA'I SHES PA, RJES DPAG TSAD MAR STON PA STE GO SLA'O, ,DBANG PO LAS 'DAS BA CES PA NI, RNAM 'GREL NGES SU, MTHONG DANG MA MTHONG DNGOS PO YI, ZHES SOGS KYI SKABS SU, SLOB DPON CHOS MCHAG LA

, ,SOGS PAS, MTHONG BA MNGON LKOG LA BSHAD PA LTAR, DBANG PO STE MTHONG BA MNGON LKOG LAS 'DAS PA SHIN TU LKOG TU GYUR BA'I DON MNGON SUM DU RIG CING, CES PA'I, GTZO BO SANGS RGYAS KYI YE SHES DANG, PHAL BA 'PHAGS RGYUD KYI MNGON SHES SOGS TE, SHES PA DE DAG RGYUD LDAN GYI GANG ZAG GI YID SHES PA STE, SNGA PHYI DANG, DNGOS SHUGS DANG, RANG TSIG 'GAL BA MED PAR GYUR PA DAG GI TSIG GANG YIN PA DPYAD GSUM GYIS DAG BA'I SANGS RGYAS KYI GSUNG LTA BU DE LA BRTEN NAS NI LUNG TSAD MA RNAM PAR BZHAG GO, GLING BZHI'I RI RAB KYI TSAD DANG, DBYIBS DANG, DMYAL BA'I GNAS DANG, TSE TSAD SOGS MA DAG BA DANG, BDE BA CAN GYI TSAD DBYIBS DANG, MGON PO 'OD DPAG MED KYI SKU TSE'I TSAD SOGS DAG BA'I SNOD BCUD NI SHIN TU LKOG GYUR TE, DE DAG RTAGS YANG DAG LA BRTEN NAS RTOGS PA NI, YID CHES RJES DPAG TSAD MA'AM, LUNG TSAD MA'O, ,BA LANG DANG 'DRA BA LAS, BA MEN NYAMS SU MYONG BA STE, SNANG BA'I DON BRTAGS YANG DAG LAS RTOGS PA NI, DPE NYE BAR 'JAL BA STE, DPER NA, NAS RNAM PAR 'JOG PA BZHIN, GSUM PA NI, DE DAG KYANG PHAN TSUN LTOS PAR GRUB PAR 'GYUR TE, NAS, SPROS PAS CHOG GO, GZHAL BYA DANG TSAD MA LTOS GRUB DANG, GZHAL BYA 'GRUB PA NYID KYIS TSAD MA 'GRUB PA DANG, SLOD PA'I TSAD MA PHAL CHER DRAN PAS 'GRUB PA SOGS NI RTZOD BZLOG RTZA 'GREL DANG, SPYOD 'JUG DANG, RJE BTZUN BLA MA YAB SRAS KYI GSUNG RAB RNAMS LAS RTOG PAR BYA STE, MANGS PAR 'GYUR PAS MA BRIS SO, ,'DIR SMRAS BA, TSIG DON RAB GSAL RIN CHEN 'BYUNG GNAS CHER, ,BRTZON PA'I GRU GZINGS RTAG TU BRTEN BYAS KYANG, ,RGYA CHEN GTING ZAB ZAB DON KLONG 'KHOR CAN, ,'DI NI RGYAL BA'I THUGS BZHEN DPAG PAR DKA', ,GANGS RI'I KHROD 'DIR RIGS PA'I BLO MIG DANG, KHRAL BA'I PAndI TAR GRAGS BU DANG BCAS, ,RJES 'BRANG BCAS PA GZHUNG BZANG 'CHAD 'DOD PA'I, ,MUN KHROD RDO 'PHEN YI GE BKOD CES GRAGS, ,'CHAD PO SNGA MA'I RMIG RJES MA MTHONG YANG, ,BLA MA'I LEGS BSHAD BRGYA LA MI 'GOD BA'I, ,STONG THUN RI DVAGS RI DVAGS MIG CAN GANG, ,KHO BO'I RNAM DPYOD LANG TSOS DBANG DU BYED, (,DZA YA, SH'I LAM TI,) DA LTA 'DI NA (ZHANG THANG SAG [?] PA,) GANGS CAN TZONG KHA PA'I, ,LEGS BSHAD BDUD RTZI DOR NAS 'GREL BSHAD MKHAS, (,SPYAN RAS GZIGS BRTUL ZHUGS)

MU COR SMRA BA'I SMIG RGYU 'THUNG 'DOD PA, ,'DI DAG NGES PAR BYED PO'I DMOD PA SBRUL, ,RIN CHEN DOR NAS 'CHING BU LEN RNAMS LA, ,DUS KYI CHAD PA LTA BU'I SKYON BRGYA DANG, ,GRUB MCHOG LUGS BZANG SGRUB PHYIR RIGS TSUL BRGYA, ,'GOD BAR NUS MOD DUS 'DIR NGAL BAR ZAD, ,BDAG GI SROG NI LAN BRGYAR DER YANG SLA'I, ,BLO BZANG RGYAL BA'I DAM CHOS 'DZIN PA DANG, ,SKAD CIG TZAM YANG 'BRAL BAR MA GYUR CES, ,SMON PA'I TSIG 'DI KHA NAS RTAG TU SHOR, ,'DIR 'BAD DGE BA GANGG'A'I ZEGS MA TZAM, ,'PHROS PA YIS KYANG DAM PA'I LUGS BZANG LAS, ,NYAMS PA'I TZA TA KA RNAMS GDUNG BA NI, ,NYER ZHI KUN GYIS KUN MKHYEN MYUR THOB SHOG, CES BYA BA 'DI NI MTHA' BRAL DBU MA'I RNAL 'BYOR PA CHOS DBANG GRAGS PA'I DPAL GYIS BKOD PA'I RE SHIG GI ZIN BRIS SO,, ` ,,NA MA: SHR'I GU RU MANYDZU GHO sh'A YA, RTEN 'BYUNG MKHYEN CING DE GSUNG BAS, ,STON PA NYID DE RGYAL BA'I GSUNG, ,LHAG LHAG BSTOD TSIG PHRENG BA SPEL, ,SANGS RGYAS LAS LHAG BLA MA RGYAL, ,THUB GZHUNG LTAR PHRA RI DBANG RGYAL, ,RAB BRLING MTSO BZHIN ZAB PA YI, ,NGAG 'DIS MKHAS RNAMS RNAM DPYOD NI, ,YANG DANG YANG DU NGAL BA 'DZIN, ,NYIN MOR BYED 'DI'I 'OD DPUNG GIS, ,BLO MIG LDONGS PAR GYUR PA'I BYA, ,SLAR YANG DE GZHUNG 'GREL BRTZON 'DI, ,AE MA BYED PA'I DMOD PAS SPRUL, ,DE DAG RNAMS LA SNYING RJE NI, ,RAB RGYAS ZLA BA'I RAL PA YIS, ,GZHUNG BZANG YAN LAG MCHOG RGYAN NAS, ,SA GSUM DKAR BA BDAG GIS BYA, ,SANGS RGYAS BCOM LDAN 'DAS LA ZAB MO RTEN CING 'BREL PAR 'BYUNG BA'I SGO NAS BSTOD PA LEGS PAR BSHAD PA'I SNYING PO NI BSHAD PAR BYA BA'I CHOS TE, 'DI LA BZHI, RTEN 'BREL MKHYEN CING STON PA'I SGO NAS MCHOD PAR BRJOD PAS GZHUNG DON MDOR BSTAN, DON DE RGYAS PAR BSHAD, RANG GI ZAB MO'I DON DE RTOGS SHING GZHAN GYIS MA RTOGS PA'I TSUL, MJUG GI DON NO, ,GNYIS PA LA GSUM, RTEN 'BYUNG GSUNG BA'I SGO NAS PHYAG 'TSAL BA, GZIGS PA'I SGO NAS BSTOD PA, SLAR YANG GSUNG TSUL GZHAN GYIS BSTOD PA'O, ,DANG PO LA GSUM, BSTAN PA GZHAN (GANG ZHIG GZIGS SHING GSUNGS PA YI,) LAS KHYAD (BSTAN 'DI GZHAN GYIS MA MTHONG BAS,) BAR DU 'PHAGS PA DANG, STON PA KHYAD PAR DU 'PHAGS PA DANG, SNGA MA'I RGYU MTSAN 'GOD PA'O, ,DANG PO

, ,LA GSUM, RTEN 'BYUNG GI LAM RGUD PA KUN BZLOG BYED DU BSTAN PA, DE BLO DANG LDAN PAS BSTAN PA'I SNYING POR RTOGS TSUL, RTEN 'BYUNG BA'I SGO NAS STONG NYID MCHOG TU BSTAN PA'O, DE LA GSUM, DNGOS KYI DON DANG, RTEN 'BREL MTHA' DAG STONG BAR GSUNGS PA LA YA MCHAN PA DANG, RTEN 'BREL GYI 'THAD PAS BDEN PAR BZUNG MA BZUNG GI NYES ('JIG RTEN RGUD PA JI SNYED KUN,) DMIGS DANG YON TAN NO, (,DE TSE BLO DANG LDAN PA YI,) GSUM PA LA GNYIS, RTEN 'BREL STONG PA'I SGRUB BYED DU BSTAN PA DANG, STONG PA RTEN 'BYUNG (DE LTA LAGS NA MGON KHYOD LA,) GI DON DU BSTAN PA'O, ,DANG PO LA GNYIS, (GANG GANG RKYEN LA RAG LAS BA,) RTEN 'BREL STONG BA SGRUB BA'I RTAGS YANG DAG GI GTZO BOR BSTAN BA, ,RTAGS LTAR SNANG DU (GANG DU BZUNG BAS BYIS BA RNAMS,) 'DOD BAS STON PA'I LUGS MI RTOGS PA'O, ,GNYIS PA LA GNYIS, STONG BA RTEN 'BYUNG DU MTHONG BA DES STONG PA LA BYA BYED 'JOG NUS PA, GCIG SHES DE LA BZLOG PA NYAM NGA'I GNAS SU BSTAN (PHAN MTHANG KHYOD KYI 'GRO BA LA, ,) PA'O; ;GNYIS PA GZIGS PA'I SGO NAS BSTOD (RTEN CING 'BREL PAR 'BYUNG BA'I TSUL,) PA LA GNYIS, DNGOS KYI DON DANG, RTEN 'BYUNG GI DON RTEGS DKA' BAR BSTAN PA'O, ,DANG PO LA GSUM, MDOR BSTAN PA, RGYAS PAR BSHAD PA, (KHYOD NI NAM ZHIG STONG BA NYID,) ,DON BSDU BA'O, ,GNYIS PA LA GSUM MED PA RANG (NGAL BA MTHONG [?] BA NI) BZHIN GYIS YOD BA'I MTHAL DANG BRAL BA'I DAM BCA' 'GOD PA, SGRUB BYED BSTAN PA, STONG PA DANG LAS 'BRAS GNYIS GCIG NGES PA CIG SHOS NGES PA'I GROGS SU 'GYUR BA'O, ,GNYIS PA LA GNYIS, (DE PHYIR KHYOD KYI BSTAN PA LA,) DNGOS KYI DON, STONG PA LA BYA BYED 'JOG NUS PA'I STOBS KYIS RTEN 'BREL MTHAR LTA 'GOG BYAD DU GSUNGS PA SMRA BA BLA NA MED PA'I RGYU YIN PA'O, (,DE YANG KUN TU MED BA DANG,) DANG PO LA BZHI, RANG BZHIN GYIS GRUB NA RGYU LA LTAS PAR 'GAL BA, YOD NA RTEN ('DI KUN DNGOS PO STONG PA DANG,) ,'BREL YIN PA'I RGYU MTSAN GYIS YOD PA THAMS CAD STONG PAR 'GRUB PA, RANG BZHIN GYIS GRUB PA YOD NA SPROS PA MI LDOG PA, RANG BZHIN GYIS GRUB PA MED PAR STON PA'I (RANG BZHIN 'GA' YANG MED PA DANG,) ,GSUNG LA CHOS MTHUN GYI RGOL BA MED PA'O, (,DE PHYIR RANG BZHIN RNAM BRAL ZHES, NGO BOS GRUB NA DE GRUB PA,) ,GNYIS PA RTEN 'BYUNG GI DON RTOGS DKA' BA LA GSUM, GZHAN SPES STONG (DE PHYIR BRTAN NAS 'BYUNG BA LAS,) PA KHAS MI LEN (RMANGS BAS BRAN NU BZUNG BA YI,) PA NGO [?] (RANG BZHIN LDOG PA MED BA'I PHYIR,) MTSAR MED, RANG SDE STONG PA BO

'GOG PA NGO MTSAR CHE BA, STONG PA DANG RTEN 'BREL BLO NGOR GZHI MTHUN DU 'DU DKA' BA NYID KYIS RTOGS DKA' BA'O, ,GNYIS PA LA GNYIS, RTEN 'BYUNG KHAS BLANGS NAS STONG BA 'GOG PA MI RIGS PA DANG, RTEN 'BREL MING TZAM DU BSTAN PA NA MING TZAM NYID KYI BDEN BAR 'DZIN BA RJES SU BZUNG DKA' BA'O, ,GSUM PA GSUNG CHUL GZHAN GYI SGO NAS BSTOD BA LA GSUM, STON PA'I (RANG BZHIN BCOS MIN LTOS MED DANG,) ,GSUNG GI YON TAN BSTAN PA, RANG GZHAN GYI STON PA'I RJES SU ZHUGS PA'I PHAN YON DANG (KHYOD KYI GSUNG GI GCES PA'I MDZOD,) ,NYES DMIGS RANG BZHIN GYIS BSTAN PA'I KHYAD PAR MTHONG BAS THUB (RANG BZHIN MED LA BKRI BA'I SGO,) ,PA'I GZHUNG LA GUS PA SKYE BA'I RGYU MTSAN DANG BCAS PA'O, ,DANG PO LA GNYIS, RTEN 'BYUNG SGYU MA LTA BU STON PA'I GSUNG LA CHOS MTHUN GYI RGOL BA MED PA (DON BZHIN GZIGS NAS LEGS GSUNG BA,,) SGRUB BYED DANG BCAS PA, RTEN 'BREL STON PA'I BKA'I DON YID CHES TSAD MAS GRUB PAS GSUNG GZHAN PA NGES BA STER TSUL LO, ,GSUM PA RANG GI ZAB MO'I DE NYID RTOGS SHING (AE MA HO MKHAS PA 'DI NYID KYIS,) ,GZHAN GYIS MA RTOGS BA'I TSUL LA (DE PHYIR RTEN NAS 'BYUNG BA GANG,) ,GSUM, RTZOM PA POS STON PA DANG BSTAN PA'I DE NYID RTOGS PA, GZHAN GYIS MA RTOGS PA, RANG GIS RTOGS PA'I RGYU BSTAN PA'O, ,DANG PO LA GSUM, KHENGS SKYUNGS (KHYOD KYI SGRA BZLA MED PAR,) SHID SPRO BA BSKYED BA RANG GI STON PA'I YON TAN BSNGAGS PA, BSTAN PA'I YON TAN MTHONG BAS PHAN YON JI LTA BU THOB PA'O, ,DE LA BZHI, GUS PA DANG SPRO BA 'PHEL BA, THUB PA'I GSUNG RAB 'GRUB PA'I (DE LTAR RMAD DU BYUNG BA YI,,) RGYU BSHAD PA, STON PA NYID LAS DNGOS SU MA THOB KYANG RTEN 'BYUNG ZAB MOS THUGS 'PHROGS (KYE TU DBANG BSLE [?] RMONGS PAS TSOG [?] ) PA THUB PA'I SKU DANG (STON PA'I NANG NAS RTEN 'BREL STON PA DANG,) ,GSUNG GI YON TAN DRAN PAS THUGS RANGS PA'O, ,DANG PO LA GNYIS, GUS PA 'PHEL BA DANG, KHYAD CHOS GSUM LDAN GYI SPRO [?] [?] [?] BA 'PHEL BA'O, (,'DI YI PHYIR DU KHYOD KYI NI,,) DANG PO LA 'THOB PA DANG, TSIG THOS 'THOB PA DANG, TSIG THOS PA'ANG THAR BA'I RGYUR BSTAN PA'O, (,KYE MA HO KHYOD KYI BSTAN BA NI,,) GSUM PA RANG GI RTOGS PA'I RGYU ('DI LA'ANG KHYOD GSUNG BSAM PA NA,,) MTSAN LA GNYIS, DNGOS KYI DON DANG, DE LAS SANGS RGYAS (PHAS RGOL MTHA' DAG [?] 'JAMS BA DANG,) ,RJES SU DRAN PA SKYES BA'I TSUL LO, ,DANG PO LA GSUM DANG POR SBYANGS (KHYOD KYI JI SNYED BKA' STZAL PA,,)

, ,PA MDZAD PA, BAR DU THE TSOM SKYES PA, MTHAR NGES PA DRANGS PA'O, ,GNYIS PA LA GNYIS, DNGOS KYI DON DANG, RTZOM PA PO RANG NYID CHOS KYI RJES 'BRANG DU BSTAN PA'O, ,BZHI PA MJUG GI DON LA GNYIS, DGE RTZA BSNGO BA DANG, JI LTAR BRTZAMS PA'O, DANG PO LA BZHI, BSHES GNYEN DAM BAS 'DZIN PA'I CHED DU BSNGO BA BSTAN (TSUL 'DI MTHONG NAS BDAG GI NI, ,DE CHO RANG GZHAN SDE PA YI, ,KHYOD KYI BLA MED THEG PA'I TSUL,,) DANG BSTAN 'DZIN (MDZAD PA KUN LAS GSUNG GI NI,,) RGYAS PA'I CHED DU (STON DE'I RJES SU RAB TU BYUNG GYUR CING,,) BSNGO BA, NYID KYI BZHED DGONGS 'GRUB PA'I RGYUR (CES SANGS RGYAS BCOM LDAN 'DAS 'JIG RTEN THAMS CAD KYI,) BSNGO BA, MTHU LDAN GZHAN LA'ANG (STON PA BLA NA MED PA'I BSTAN PA DANG,,) BSNGO BA GDAB PAR BSKUL BA'O, ,GSUM PA LA GNYIS, SKYE BA KUN TU DAM PA'I CHOS 'DZIN PAR SMRA BA DANG, SMON LAM DE NYID KYANG GONG NAS GONG DU 'PHEL, (PHAN MDZAD DE YI BSTAN PA'ANG SRID PA'I MTHAR,,) BAR SMON PA'O,, ` ,,SMRAS PA, RNYED BKUR DON GNYER TIL MAR BZHIN, ,BCIR BA'I 'BRAS BU GRUB PA NA, ,LANG TSO YOL BA'I 'JIG (LHAG BSAM NGAG PAS TSUL 'DIR RTZON PA DANG,) PAS NYEN, ,'DI DAG (RTEN NAS 'BYUNG BA'I DE NYID GSAL,) GCIG TU SNYING RJER ('DREN PA MCHOG DES DKA' BA DPAG MED KYIS,) 'OS, ,BLA MA'I LUGS BZANG 'JUG 'DOD KYANG, ,LAG PA'I G-YANGS GO MAS PA NI, ,KHYOR BAS NYON MONGS NGA RO DANG, ,GSANG THOR SGROG PA'ANG MANG ZHIG GRAG ,DE DAG GTAM LA RNA BA NI, ,MA GTAD NGAL BA 'DRAL MED NI, ,BDUD RTZI TSIM PA'I SKABS GSUM PA, ,KHYI'I KHA ZAS DON GNYER MIN, ,GZHUNG BZANG TSIG DON LANG TSO YI, ,STOBS KYIS DREGS PA'I THIG LE CAN, ,BSDUS DON LCAGS KYU LCI PA 'DIS, ,BTAB STE 'DOD DGUR SPYOD PA NYID,, 'DI NI RIGS GSAL GZHAN YIN CES, ,RNAM PA DPYOD LA 'DI'I YON TAN, ,MTHONG TSE RGYAL BA'I BKA' BZHIN DU, ,RANG GI SROG BZHIN GUS PAS BSTEN, ,'DIR 'BAD DGE BA BDUD RTZI'I ZAS, ,'PHANGS PA MED PAR 'GRO KUN LA, ,SNYING NAS SBYIN BYA DGE DES KYANG, ,SMRA PO'I REE BA KUN SKONG SHOG, CES SANGS RGYAS BCOM LDAN 'DAS LA ZAB MO RTEN CING 'BREL BAR 'BYUNG BA GSUNGS PA'I SGO NAS BSTOD PA LEGS BAR BSHAD PA'I SNYING PO ZHES BYA BA'I BSDUS DON SNYING PO MCHOG CES BYA BA 'DI NI, SNYAN NGAG DANG, SDEB SBYOR DANG, MING GI MNGON BRJOD LA SOGS PA THA SNYAD KYIS GTZUG LAG PHAL MO CHE SHES SHING, MTHA' BRAL

DBU MA MCHOG GI RNAL 'BYOR LA BRTZON PA, ZHANG ZHUNG PA CHOS DBANG GRAGS PA'I DBAL GYIS NAGS SHOD RNAM RGYAL DPAL 'BAR ZHES BYA BA'I DGON PAR SBYAR BA'O,, ` (,,ZHI LHAG DA NYIS KYI DKA' GNAD MKHAS GRUB RJE'I GSUNG BZHIN RDO RJE 'CHANG ZHANG ZHUNG BA CHEN POS ZIN BRIS SU MDZAD PA BZHUGS SO,) ,BSTAN LA STON PA NYID LAS KYANG, ,DUS 'DIR MDZAD PA RGYA CHE BA, ,TZONG KHA PA ZHES SA GSUM NA, ,SNYAN PAR GRAGS TE GTZUG NA MOS, ,GANG ZHIG 'KHOR BA 'DI MTHA' DAG SDUG BSNGAL GYI RANG BZHIN DU MTHONG BA DE DAG GIS NI, THAR BA'I BDE BA GYA NOM PA BTZAL BAR RIGS SHING, DE'I RGYU RNAMS KYI NANG NAS RMAD DU BYUNG PA NI ZAB MO STONG PA NYID RTOGS PA'I BLO YIN TE, DE BSKYED PA'I SNGA ROL DU, ZHI LHAG GI TING NGE 'DZIN SHES SHING GOMS PA DGOS LA, THOG MAR ZHI GNAS GTAN LA 'BEBS TSUL MDO TZAM ZHIG BRJOD PAR BYA BA LA, TING NGE 'DZIN DE NI KHYAD PAR GNYIS DANG LDAN PA ZHIG YIN TE, 'DZIN STANGS GSAL BA'I NGAR DANG LDAN PA DANG, MI RTOG PA'O, ,KHA CIG BDE BA DANG, DANGS PA GNYIS BSNAN NAS BZHI YIN NO, ZHES SMRA BA NI MI RIGS TE, THEG PA GSUM KA'I YON TAN SGRUB PA'I RTEN GYI GTZO BO BSAM GTAN BZHI PA'I TING NGE 'DZIN ZHI GNAS LA BDE BA YAN LAG TU MED PA'I PHYIR DANG, GSAL BA'I DAR CHA THON PA LAS, LHAG PA'I DANGS PA MED PA'I PHYIR RO, ,DE YANG GSAL BA NI DMIGS PA DE'I 'DZIN STANGS KYI RNAM PA GSAL BOR SHAR BA TZAM LA MI BYED KYI, BLO'I 'DZIN STANGS DE NYID GSAL PO SHUGS CAN RGYUN MA CHAD PA SPRENG CHAGS SU 'JUG PA YIN LA, DE GSAL BAR NGES NA, DE GSAL BA'I NGAR DANG LDAN PAR NGES PAR KHYAD PA MA YIN TE, DE 'DZIN STANGS KYI YUL DU BYAS NAS, DE'I 'DZIN STANGS SHUGS DRAG YOD PAS MA KHYAB PA'I PHYIR RO, ,'ON KYANG ZHI GNAS YIN NA GSAL BA'I NGAR DANG LDAN PAS KHYAB PA NI MA YIN TE, GZUGS MED KYI BSAM GTAN 'GA' ZHIG LA GSAL BA MED PA'I PHYIR TE, GSAL BA'I BLON RIGS PA'I SEMS YIN LA, DE'I BSAM GTAN 'GA' ZHIG GI TSO, SEMS SEMS 'BYUNG RAGS PA RNAMS LOG PA'I PHYIR RO, ,'DIR NI DES MI GNOD DE, ZHI GNAS YIN NA, 'DIR SGRUB BYA'I ZHI GNAS YIN MI DGOS LA, DBANG THOB BA'I BYANG SEMS 'GA' ZHIG MNYAM PAR 'JOG BA'I DMIGS BSAL MA GTOGS DE DAG GI ZHI GNAS SGRUB PA'I RTEN DU MI RUNG BA'I PHYIR TE, MDO RGYAN LAS, GZUGS MED SPANGS BA'I BSAM GTAN DANG, ZHES DANG, MNGON RTOGS RGYAN DU'ANG, YAN LAG YONGS SU ZAD BA DANG, ZHES

, ,SOGS 'BYUNG BA PO, ,DES NA 'DI LA GNYIS, SEMS DMIGS PA LA JI LTAR GTAD PA'I TSUL DANG, GTAD BA'I 'OG TU JI LTAR BYA BA'O, ,DANG PO NI, ZHI GNAS KYI DMIGS PA LA SEMS GTOD PAR BYED PA PO NI, DRAN PA KHYAD PAR GSUM LDAN ZHIG STE, DRAN PA YIN NA, NGES SHES YIN BAS MA KHYAB CING, DE LA NGES SHES YIN NA, DE DES BA'I BLO GZHAN ZHIG SNGON DU 'GRO DGOS PA'I PHYIR DANG, GZHAN DAG GCIG DU BRAL GYIS RTAGS LAS, MYU GU BDEN MED DU NGES PA'I NGES PA LHAG GI DRANGS PA LHAG MTHONG YIN NO, ZHES SMRA BA NI ZHI GNAS KYI RNAM GZHAG TZAM YANG CHAGS BA'I GTAM MA YIN NO, ,DE LTA NA DMIGS RTEN BTZAL BAS RNYED BA'I TSE, DE NGES PA'I 'DZIN STANGS SHUGS DRAG GCEG 'PHANGS MTHO BAR BSKYED DE, NGES SHES DE'I DNGAL BSGRIMS TE 'JOG BA'O, ,BOD KYI BSAM GTAN PA DAG DMIGS RTEN MED PA LA DMIGS MED DU 'JOG PA, 'JOG BSGOM ZHES BYA BA, YUL MED PA'I SHES PA KHAS LEN PA NI THA SNYAD LA RMONGS BAS NYES TE, 'DI 'DRA BA'I NOR BA NI SHIN TU MANG NGO, ,GNYIS PA NI, DE LTAR 'JOG BA'I SKABS SU YANG, RTZA BA'I DMIGS PA DE RAGS PA TZAM, YANG DANG YANG DU DRAN PA STE, DE YANG MYUR CHES NA NI [?] PA SKYE LA, BUL CHES NA NI BYING BA SKYE BAS RAN PAR BYA STE, DPER NA, DMIGS RTEN LA SGOM PA LTA BU LA, SNGAR GYI DES SHES SHUGS CAN RGYUN MCHAD PA'I NGANG LA, SLAR RANG KHA DOG DANG DBYIBS SOGS RAGS BA TZAM NGES SU GZHUG PA'I DRAN PA LTA BU DANG, GANG ZAG GI BDAG MED BSGOM PA LTA BU'I TSE, SNGAR RANG BZHIN GYIS GRUB PA MED PAR NGES BA'I NGES SHES SHUGS DRAG DE NYID KYI DNGAL, SLAR RANG BZHIN GYIS GRUB BA'I SPYI LAM PA GCIG 'CHAR DU BCUG LA DER MED DO SNYAM DU DRAN PA LTA BU'O, ,MDOR NA TING NGE 'DZIN SKYON MED GCIG LA MED DU MI RUNG BA'I SEMS BYUNG NI RIGS LNGA YOD DO, ,SNGA ROL DU DE LA SPRO BA'I BRTZON 'GRUS NI SEMS 'BYUNG SPRO BA STE, 'DUN BA LAS BYUNG BA YIN LA, DE'I RGYU YANG DAD BA STE, DAD PAS 'DUN PA'I RTEN BYED PA'I LAS CAN, ZHES 'BYUNG BA LTAR RO, ,DE NAS DRAN PA DANG, SHES BZHIN DANG, SEMS BSTE, PAR DU GSUM DANG, MTHAR BTANG SNYOMS TE DE DAG DGOS PAR SHES NA NI, SEMS SEMS 'BYUNG LOGS PA, SGOM GYI YANG RTZER 'DZIN PA'I LOG RTOG LHAG MA MED PAR LDOG GO, DE DAG GI ZUR PHYIN PAR, RJE NYID KYI LHAG MTHONG

CHE CHUNG DBANG DU GSAL BAR MDZAD ZIN PAS, BTAGS ZIN PA LA THAG PAS CI ZHIG BYA, BYING BA NI RMUGS PHA DANG KHYAD PAR CHE STE, RMUGS PA NI GTI MUG GI CHAR GTOGS PAS MUN PA 'BAB BA LTA BU BYING BA'I RGYUR 'GYUR BA MDO DANG DGONGS 'GREL TSAD LDAN MANG POR DE GNYIS GRANGS THA DAD DU BYAS SHING, DON MI GCIG BAR BSHAD LA, BYING BA NI RGYUR, MANG POR ZHUM BA ZHES BSGYUR BA, RNAM G-YENGS KYI CHAR GTOGS PA STE, DE LA 'DI NI BDAG GIS MI NUS SO, ZHES YI SHI BAR GRAGS PA'I ZHUM PA DANG, SEMS KYI 'PHANGS DMA' BA DANG, SEMS ZHAN BAR BYAS PA'I ZHUM PA GNYIS YOD BA LAS 'DI SPANG BYED GTZO CHER PHYI MA YIN LA, 'DI 'PHAGS PA'I YUL GYI BSHAD BA MDZAD PA RNAMS KYI GSAL BAR MA MDZAD PAS RTOGS BAR DKA' BA ZHIG GO, ZHES RJE'I GSUNG LAS 'BYUNG NGO, ,DES NA BYING BA RMUGS PA LA 'DOD CING, BYING BA PHRA MO SGOM YANG DAG TU 'DOD, BLO MA RIGS MI 'DRA BA MED PA'I GCIG TU 'DOD, TING NGE 'DZIN SGRUB LUGS SKYON MED LA, ZHI GNAS MI SKYE BAR 'DOD PA SOGS YAMS DANG 'DRA BA MANG DU BYUNG BA NI, GZHUNG LUGS CHEN MO RNAMS RGYANGS BSRINGS TE, MAN NGAG CHUNG DUS TSIM SLA BAS NONGS BA YIN NO, ,DE LTAR MING DE DAG TSANGS PA'I TING NGE 'DZIN LA, DBUS MTHA' NAS, NYES PA LNGA'I GNYEN POR, 'DU BYED BRGYAD BSGOM PAR GSUNGS PA DANG, GZHAN YANG SEMS DGU DANG, STOBS DRUG DANG, YID BYED BZHI YOD TSUL SOGS KYANG TSANG NGO, ,SEMS DGU'I RNAM GZHAG GZHAN NI, LHAG MTHONG CHEN MO SOGS SU GSAL ZHING, RTZE GCIG TU BYED PA DANG, MNYAM BAR BZHAG PA'I SEMS GNYIS KYI KHYAD PAR NI; SHES BZHIN GYI BYAR BSTEN DGOS MI DGOS YIN LA, PHYI MA LA YANG GSHIN SBYANGS MA THOB PA'I TSE 'DOD SEMS DANG, THOB NAS BSAM GTAN DANG BO'I NYER BSNGOGS SU 'GRO BA GNYIS YOD DO, ,GANG LA MNYAM PAR BZHAG PA'I MNYAM GZHAG GI STOBS KYIS, SGO LNGA'I DBANG SHES PHYI ROL GYI YUL LA MI 'JUG CING, YID SHES SHIN TU DANGS LA MI RTOG PA, DPER NA, SHEL GYI NANG DU CHU DVANGS PA BLUGS PA NYI MAS KHA PHYE BA LTA BU, BDE BA DANG BCAS PA NI MTSAN MA MED PA'I SEMS ZHES BSHAD LA, SEMS DGU'I BDUN PA, RNAM PAR ZHI BA'I RMAD NAS 'BYUNG STE, DE LA RNAM RIG PA'I GRUB MTHA' LA, RANG RIG

, ,GI RANG ZHAL BSTAN PA ZHES 'DOD DO, ,DE'I PHYIR 'DI 'DRA BA DAG LA SRED PA'I RTZA BA GCOD PA'I LHAG MTHONG DANG, BLA MED KYI RDZOGS RIM ZAB MOR SMRA BA MANG DU BYUNG BA RNAMS KYI DGAG PA NI, RJE NYID KYI GSUNG RAB TU GSAL BAS DER BLTA BAR BYA'O, ,SHIN SBYANGS THOB BA'I TING NGE 'DZIN YIN NA, BSAM GTAN GYI SA'AM, MNYAM PAR BZHAG BA'I SEMS YIN BSAM KHYAB STE, SHIN SBYANGS THOB MA THAG PA'I DGA' BDE YER YER PO DE, DE'I SA'I SEMS SU MI RUNG BAS SO, ,SEMS DGE BA LA BKOL DU RUNG BA'I SEMS 'BYUNG NI, SEMS GSHIN SBYANGS YIN LA, RLUNG SEMS 'JUG PA GCIG PA'I GNAD KYIS, SEMS LAS RUNG GIS DRANGS BA'I LUS KYI NANG GI REG BYA KHYAD PAR CAN ZHIG LUS SHIN SBYANGS YIN TE, DE GZUNG DON DU BYAS PA LAS, YID KYI SHES PA SEMS BA'I NGO BOR SKYES BA NI, MNYAM GZHAG GI SKABS SU 'BYUNG BA YIN NO, ,MDOR NA THEG PA GSUM GYIS SGOM BYUNG GI YON TAN GYI RIGS, TING NGE 'DZIN 'DI MA THOB BAR 'BYUNG BA 'DI GNAS MED PAS, BSAM GTAN DANG PO'I NYER BSDOGS MA THOB PAR, SBYOR LAM RGYUD LA SKYE BAR 'DOD BA NI, GSUNG RAB SPYI'I RNAM GZHAG MA CHAGS SHING, LAM GYI RNAM DBYE LA MGO [?] RMONGS PA YIN NO, ,GAL TE LUS SHIN SBYANGS KYI LUS SHING LTAR YANG BA DANG, SEMS JI LTAR 'DOD PA LA BKRIR RUNG BDE; SHIN SBYANGS THOB PA'I GANG ZAG THAMS CAD LA 'BYUNG BA'I, ,TING NGE 'DZIN LA MNYAM PAR BZHAG PA 'BA' ZHIG GI LUS LA 'BYUNG BA'AM, TING NGE 'DZIN DE THOB LA MA BTANG BA'I LUS LA MNYAM PAR BZHAG MA BZHAG THAMS CAD DU 'BYUNG BA GANG YIN ZHE NA, DANG PO LA NI, SEMS CAN THAMS CAD KYIS MA NGES LA, GNYIS PA LA DOGS PA MED LAS PHYOGS GSUM PA KHAS BLANGS PAR BYA'O, ,DES NA ZAB MO'I LTE BA LA SGOM BYUNG GI MYONG BA SKYE BA LA, ZHI GNAS 'GRUB PA DGOS BA YIN GYI, ZHI GNAS MA GRUB NA LTA BA LA MYONG BA GTAN MI SKYE BA MA YIN TE, DE LTAN MI RTAG PA'I MYONG BA SKYE BA LA YANG ZHI GNAS 'GRUB BA SNGON DU 'GRO DGOS PAR THAL BA MTSUNGS PA'I PHYIR RO, ,GNYIS PA LHAG MTHONG JI LTAR SGOM TSUL LA GNYIS, JI SNYED PA LA DMIGS PA DANG, JI LTA BA LA DMIGS PA'O, ,DANG PO NI, ZHI RAGS KYI RNAM PA CAN GYIS LAM GYI SRID RTZE MAN CHAD LA CHAGS BRAL DU BYED BA'I 'JIG RTEN PA'I LAM STE, DE'I RNAM GZHAG

NI RE ZHIG BZHAG LA, GNYIS PA LA GNYIS, GANG ZAG LA BDAG MED SGOM TSUL DANG, CHOS LA BDAG MED SGOM TSUL LO, ,DANG PO LA GNYIS, NGA RANG BZHIN GYIS MA GRUB PAR BSGOM PA DANG, NGA YI BA RANG BZHIN GYIS MA GRUB PAR BSGOM PA'O, ,DANG PO LA KHYAD CHOS BZHI YOD DE, KHYAD CHOS DANG PO NI, NGA'O SNYAM DU 'DZIN PA'I BLO LA SNANG ZHEN GNYIS YOD BA'I, SNANG BA LA MNGON DU SHES BZHIN GYI BYAR BSDOGS TE, NGA'O SNYAM PA'I BLO 'DI LA SNANG LUGS JI LTAR 'DUG BRTAGS PA'I TSE, THOG MAR NGA'O SNYAM DU SEMS BAR RTZOM PA NA, PHUNG PO RAGS PA DANG BCAS PA'I LUS 'DI LAM GYI 'CHAR BA PHAL CHER LA 'BYUNG MOD KYI, DE DANG NGA'O SNYAM PA'I BLO GNYIS SO, ,DUS SNGA PHYI BA YIN ZHING, NGA'O SNYAM PA'I BLO DE'I RING DUS NA, SNGA MA 'GAGS PA'I TSUL GYIS GNAS PAS, DE GNYIS YUL MI GCIG PA STE, DE GNYIS KHYAD PAR MA PHYED NA DES PAR LTA BA 'CHUG GO, SPYIR NGA'O SNYAM PA'I BLO 'DI'I SNANG TSUL LA, DON LDOG GI DBANG DU BYAS NA, RANG BZHIN GYIS GRUB PA SOGS DGAG BYA'I SNANG BA 'CHAR BAR, SEMS CAN THAMS CAD LA KHYAD PAR MED BA GCIG 'CHAR BAR DGOS LA, RANG BZHIN GYIS GRUB PA SOGS RANG LDOG GI NGOS NAS KHYAD MED DU MI 'CHAR STE, DE GNYIS LDOG PA GZHAN YIN BA'I PHYIR TE, THA DAD KYI 'JOG BYED KYANG DE TZAM DU ZAD PA'I PHYIR RO, ,DES NA NGA'O SNYAM BA'I BLO'I RANG DUS NA BLO DE LA JI LTAR SNANG DBYOD PA YIN GYI BLO NGES JI LTAR BZUNG SNYAM DU RJES SU BSAMS PA NA, TSIG SPYI DANG, RANG YAL DU SONG BA SOGS MANG DU 'ONG YANG, NGA'O SNYAM DU 'DZIN PA'I BLO'I 'CHAR TSUL GTAN MA YIN GYI, DUS THA DAD PA MYONG BAS GRUB CING, PHYI MA'I DUS KYI SNANG TSUL LA RTOG PA GTAN MA YIN PA'I PHYIR RO, ,SO SO SKYE BO'I BLO LA SNANG NA, RANG BZHIN GYIS GRUB PAS KHYAB PAR SNANG BAS KHYAB KYANG, DE YIN NA, BDEN 'DZIN YIN PAS MA KHYAB STE, KHRA 'DZIN LA DKAR PO SNANG YANG, DKAR 'DZIN GYI BLO MA YIN PA BZHIN NO, ,'DI YANG LEGS PAR PHYED PA GCIG MA BYUNG NA, BLO'I 'DZIN PA THAMS CAD BDEN 'DZIN DU GO BA'I NOR PA 'BYUNG NGO, ,DES NA KHYAD PAR DANG PO NI, DGAG BYA'I SPYI 'CHAR DU 'JUG PA STE, DE MA SHAR NA, DE BKAG PA'I BDEN STONG GI GO BA MI 'CHAR BAS SO, ,KHYAD CHOS GNYIS PA NI, NGA'O SNYAM BA'I BLO BA'I RANG DUS KYI SNANG TSUL DER GRUB NA, SNANG TSUL DE'I GCIG DANG, THA DANG GANG RUNG

, ,GCIG TU GRUB BAS KHYAB PAR NGES PA GCIG DGOS TE, 'DI KHYAB PA NGES PA'I BLO YIN NO, ,KHYAD BAR GSUM PA NI, SNANG TSUL DE 'DRA BA'I GCIG DU MA GNYIS GANG RUNG DU GRUB PA LA GNOD PA MTHONG BA STE, 'DI NI PHYOGS CHOS NGES PA'I BLO'O, ,KHYAD PAR BZHI PA NI, GSUM BO DE'I BYED PA LA BSTEN NAS SNANG TSUL DER GRUB PAS STONG BAR NGES PA STE, SGRUB BYA NGES PA'I BLO YIN NO, ,DE LTAR NA DE 'DRA BA'I BLO DE LA SNANG BA LTAR GRUB NA, RANG BZHIN GYI GRUB PAS KHYAB KYANG, DE 'DRA BA'I BLO YIN NA, BDAG 'DZIN LHAN SKYES YIN BSAM KHYAB STE, GZHAN DUN BDEN PAR SNANG BA NA, BDAG 'DZIN LHAN SKYES SU KHAS LEN DGOS PAR 'GYUR LA; DE LTA NA GZUGS 'DZIN MIG SHES CHOS CAN, BDAG 'DZIN LHAN SKYES SU THAL, GZUGS BDEN PAR SNANG BA'I PHYIR, DES NA NGA'O SNYAM PA'I BLO DE LA, JI LTAR SNANG BA LTAR GRUB PO SNYAM DU, RJES KYI SHES PAS ZHEN PA NI BDAG 'DZIN LHAN SKYES YIN NO, ,DA DUNG GNAD BZHI'I PHYI MA GSUM LA MYONG BA 'DON TSUL CUNG ZAD CIG BYA STE, NGA'O SNYAM PA'I BLO DE LA SNANG BA LTAR GRUB PA DANG, DE LA SNANG BA LTAR GRUB PAR ZHEN PA'I BLO'I YUL DU YOD PA GNYIS DON GCIG LA, SNANG ZHEN DE GNYIS GANG GI NGOR SNANG BA LTAR GRUB NA YANG, BRTAG BA MTHA' BZUNG GI SGO NAS RANG BZHIN GYIS GRUB PAR 'JOG PA YIN NO, ,SNANG ZHEN GNYIS PO DE LA SNANG BA DANG, ZHEN TSUL YANG ZLA BCAS SAM ZLA MED GANG RUNG GCIG TU SNANG GI, DE LAS GZHAN PA'I SNANG TSUL GZHAN MI 'BYUNG BA MYONG BA LA BSKOR NAS BLTAS NA SHES LA, GAL TE ZLA MED DANG GCIG TU SNANG ZHING, DER GRUB NA DE 'DRA BA'I DA DE DANG LTA'AM PHUNG PO DANG YANG SNANG TSUL DE NYID KYI GCIG TU GYUR LA, DE YIN NA THA DANG YE MED KYI GCIG TU 'GYUR BAS, NGA DE MANG POR 'GYUR BA DANG, YAN LAG SOGS GCIG MTSANG NA'ANG, NGA DE MTSANG BAR 'GYUR BA DANG, SHI BA'I RJES SU PHUNG PO YOD PAS NGA YANG YOD PAR 'GYUR BA DANG, GZUGS PHUNG GSAR DU GRUB PA LTAR NGA DE YANG SNGAR MED GSAR DU GRUB PAR 'GYUR BA SOGS BLO LA 'CHAR GANG SLA BA RNAMS DANG POR BSGOM PAR BYA STE, RJES SU NI RTZA 'JUG LA SOGS PA DBU MA'I BSTAN BCOS NAS BSHAD PA'I, BDEN PA'I GCIG TU GRUB PA'I 'GOG PA'I RIGS PA MTHA' DAG GIS BSGOM PAR BYA'O, BSGOM BYA'I CHOS NYID LA KHYAD PAR MED KYANG, SNGAGS DANG, PHAR PHYIN GNYIS DANG, ZHI GNAS GRUB MA GRUB DANG, SO SO SKYE BO DANG

'PHAGS BA'I CHOS NYID KYI RTOGS TSUL GYIS KHYAD PAR RNAMS SHIN TU CHE BA PHYED PAR BYA ZHING BA'O SNYAM PA'I BLO DANG, BDAG 'DZIN LHAN SKYES DANG, GANG ZAG GI BDAG 'DZIN DANG, 'JIG LTA LHAN SKYES SOGS KYI KHYAD PAR RNAMS KYANG PHYED PAR BYA'O, ,'DIR NI THUN MONG BA'I ZHIG NAS MA GRUB PA'I SO SKYES LTA BA SKYONG TSUL BRJOD DE, DE YANG GONG LTAR, DAM BCA' NGES PA'I NGES SHES DE NYID LAN DRUG BDUN GYI BAR DU SKYAR NAS, DGAG BYA DE ZHE PHUGS SU BUM PA YOD KYANG, BUM PA ZHES SGRAS YUL DU MA BYAS BAR MED CES BRJOD PA BZHIN NO, ,'DI NI 'DI 'DRA BA'I SKYONG TSUL GYI DBANG DU BYAS PA'I GNAD GCIG GO, DE'I SKABS SU DGAG BYA BKAG BA'I, BKAG BA DE PHAR NGOS SU DMIGS RTEN DU BZHAG NAS, BKAG PA NGES PA'I NGES SHES KYIS PHAR LA LTA BA'I TSUL GYIS BSGOMS NA NI, STONG NYID BDEN GRUB SGOM PAR 'GYUR LA, DE NI BSTAN BA MA YIN ZHING, BLO DE NYID DE'I NGANG DU THIM BA'AM, ZHUGS PA LTAR BYAS NAS SGOM STE, GNAD GNYIS PA'O, ,DE 'DRA BA'I BAR BAR DU YANG CHU YANG CHU MI G-YO BAR, NYA CHUNG G-YO BA LTAR, DGAG BYA BKAG BAS NGES PA'I 'DZIN STANGS DE NYID MA SHOR BAR DE 'DRA BA YOD NA, GTZO BO THA DAD GANG RUNG DU YOD SNYAM DU GCIG TU MA GRUB PA DANG, DU MAR MA GRUB PA TSUL RAGS PA GCIG BSGOMS TE, SLAR YANG SGRUB BYA DES PA'I NGES SHES SHUGS CAN BSKYED PA STE, GNAD GSUM PA'O, ,DE LTAR LTA THOG TU BZHAG PA'I TSE, SNANG NGAR SNA TSOGS 'CHAR YANG, NGES NGOR DGAG BYA BKAG TZAM LAS GZHAN MI 'CHAR BA GCIG 'ONG STE, DPER NA NAM MKHA' NA THOGS PA'I REG BYA BCAD TZAM LAS GZHAN DU MED CING, BLO LA YANG DE LTAR 'CHAR BA BZHIN NO, ,NGA YI BA RANG BZHIN MED PAR SGOM TSUL DANG; CHOS LA BDAG MED JI LTAR BSGOM TSUL YANG, CHOS CAN NAM, STONG GZHI BRJE BA TZAM MA GTOGS, DE LAS DPAGS NAS SHES PAR BYA ZHING, RJES THOB SGYU MA LTA BU'I TING NGE 'DZIN SKYONG TSUL DANG, THA SNYAD 'JOG TSUL SOGS NI 'DIR MA BRIS LA, 'DIR BKOD PA RNAMS NI MKHAS GRUB DAM PA'I GSUNG SGRO SKUR SPANGS TE ZIN BRIS SU BKOD PA YIN BAS, RANG RANG GI BLOS BSRE BSLAD MI BYA'O, ,RE SHIG RDZOGS SO, ,NGAR 'DZIN BYED PA'I LCAGS SGROG RGYA, ,MAN NGAG RAL GRIS NGES PAR BCAD, ,DA NI SRID BA'I BTZON RA NAS, ,KA YE GROGS DAG SU ZHIG GNAS, ZHES BYA BA'I NGAG TSIG KYANG NYE BAR SMRAS TE, ZHANG ZHUNG BA SDE SNOD

, ,'DZIN PA CHOS DBANG GRAGS PA'I DPAL GYIS ZIN BRIS SU BYAS PA'O, ,SVA STI;; PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA MANGGA LAm,, ,,

[BLANK PAGE]

, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI MTHAR THUG PA'I LTA BA THAL 'GYUR DU 'GREL TSUL GNAD DON GSAL BA'I ZLA ZER BZHUGS SO, ,

[DD1] *, (,DUS [?] GSUM [?] RGYAL BA'I [?] [?] MCHOG RGYAL BA GNYIS PA TZONG KHA PA,,) #, ,RGYAL YUM RIN CHEN GSER GYI KHA 'BYED PA, ,MI 'PHAM CHOS RJES LA 'DUD DE NYID NI, ,DUR SMRIG GAR GYI RNAM ROL TZONG KHA PA, ,SRAS BCAS ZHABS RDUL GTZANG MAS YAN LAG MCHOG ,SHIS PAR MDZOD CIG RGYA BOD MTHA' DAG GIS, ,MA RTOGS MA SMRAS RJES SU YI RANG YANG, ,RAB DKA' RGYAN GYIS BLTA BA'I MTHAR THUG NI, ,BLA MA'I GSUNG BZHIN BDAG GIS BSHAD PAR BYA, ,DE YANG BYAMS PA DANG 'BREL BA'I CHOS NYI SHU ZHES GRAGS PA LAS, RGYAN GNYIS DANG, 'BYED GNYIS DANG, RGYUD BLA MA STE LNGA'I NANG NAS; MNGON RTOGS RGYAN DANG, RGYUD BLA MA'I LTA BA MTHAR THUG PA, THAL 'GYUR DU GNAS SO ZHES, RJE BTZUN THAMS CAD MKHYEN PAS MKHAS PA'I TSOGS KYI DBUS SU YANG DANG YANG DU SENGGE'I NGA RO SGROG PAR MDZAD LA, GSUNG YI GER BKOD PA YANG MDZAD DE, DE'I GSUNG RGYUN ZHIB PAR, RGYAL TSAB CHOS RJE DANG, MKHAS GRUB CHOS RJE DANG, KHO BOS YONGS SU [DD2] !, (,RGYAL TSAB [?] [?] [?] [?] 'GON PO CHOS KYI RJE,,) [DD3] *, (, [?] [?] [?] SGRUB PA'I 'KHOR LO [?] [?] CHOS KYI DBANG PHYUG GRAGS PA'I DPAL [?]

, ,'DZIN PA CHEN PO RGYAL MTSAN BZANG PO LA SOGS PA DGONGS PA GCIG DANG DBYANGS GCIG DANG, MGRIN GCIG GIS MTHUN BAR GSUNGS SO, ,DE YANG RE SHIG GIS PHYI ROL PA, GANG ZAG GI BDAG ZHE BAS THA GCIG TU KHAS LEN PA DAG LA NI, STON PAS BDAG DE LAS BRTZAMS TE, RTAG MI RTAG SOGS GANG DU YANG GSUNG BAR MI MDZAD PAS, LUNG MA BSTAN GYI LTA BA BCU BZHI SOGS RNAM PAR BZHAG GO, ,SANGS RGYAS PA LA YANG NYAN THOS SDE PA DAG LA CHOS KYIS BDAG MED BSTAN PA'I SNOD DU MI RUNG BAS, SHAS CHER GANG ZAG RANG SKYA THUB PA'I RDZAS YOD BKAG BA'I BDAG MED GTZO BOR STON CING, CHOS KYI BDAG MED NI, GZUGS NI DBU BA BRDOS PA 'DRA, ZHES SOGS MDOR BSDUS TZAM LAS MA GSUNGS SO, ,THEG PA CHEN PO LA YANG, SEMS TZAM PA RNAMS BDAG MED PRA MO STON PA'I SNOD DU MI RUNG BAS, BZUNG 'DZIN RDZAS THA DAD KYI STONG PA'I STONG NYID DANG, NGO BO DANG KHYAD PAR DU BTAGS PA'I KUN BRTAGS RANG GI MTSAN NYID KYIS GRUB BAS STONG PA'I STONG NYID TZAM GTZO BOR GSUNGS PAS, DE'I SGO NAS DE DAG GI LTA BA RNAM PAR BZHAG GO ,DBUM PA LA YANG, RANG RGYUD PA BDEN PAR GRUB PA TZAM BKAG PA STON PA'I SNOD DU RUNG LA, DE DANG MTHUN PA'I LTA BA DANG DE'I STENG DU THAL 'GYUR BA LA RANG GI MTSAN NYID KYIS GRUB BA BKAG PA'I LTA BA DE GNYIS LAS; SNGA MA SDA MA'I SNOD RUNG GI GDUL BYA MANG LA, PHYI MA'I SNOD RUNG GI GANG ZAG RNAMS NI NYUNG STE, LTA BA ZAB MI ZAB KYI DBANG DANG, GDUL BYA SKAL LDAN MANG NYUNG GI KHYAD PAR RO, ,DE LA MNGON PAR RTOGS PA'I RGYAN 'DIR NI, RANG RGYUD PA'I LTA BAR GRAGS PA DE'I SNOD

RUNG MANG BAS DE DAG GIS CHED DU DE DAG GI LTA BA DANG, SGRIB PA'I RNAM GZHAG DANG, LAM DANG, 'BRAS BU'I RNAM PAR BZHAG PA SPYIR BTANG DU RGYAS PAR GSUNGS LA, RANG BZHIN GYIS GRUB PA BKAG PA'I BDAG MED, CHES PHRA BA NI DE'I SNOD RUNG GI GDUL BYA NYUNG BA DANG MTHUN PAR MDOR BSDUS NAS DMIGS BSAL DU GSUNGS TE 'CHAD PAR 'GYUR LA, DPER NA SDE BDUN GYI LTA BA 'CHAD PA NA, SLOB DPON LHA DBANG BLO RJES 'BRANGS DANG BCAS PA DANG, SLOB DPON CHOS MCHOG GIS MDO SDE PA'I LUGS SPYIR BTANG DU RGYAS PAR GSUNGS PA DANG, SEMS TZAM PA'I LTA BA DMIGS BSAL DU BYAS NAS, NYUNG DU BSHAD CING MTHAR THUG GI LTA BA SEMS TZAM DU BKRAL BA LTA BU'O, ,BKA' BAR BA MTSAN NYID MED PA'I MDO'I GTZO BA RGYAS 'BRING BSDUS GSUM GYI DON LA, SBAS DON MNGON PAR RTOGS PA'I RIM PA DANG, DNGOS BSTAN STONG NYID GNYIS LAS, SNGA MA RJE BTZUN GYIS RGYAN 'DIR BKRAL BA'I LTA BA'I MTHAR THUG RANG RGYUD PA PHYIN GYI LTA BAR MI RUNG STE, DE LTA NA RTZA BSHES RAB KYI LTA BA'I MTHAR THUG RANG RGYUD DU GNAS PAR KUN TU MTSUNGS SO, ,GAL TE MDO DE DAG GI LTA BA MTHAR THUG THAL 'GYUR DU GNAS MOD KYI, RJE BTZUN GYI RGYAN 'DIR DE LTAR MA BKRAL LO SNYAM NA BDEN MOD KYI, JI LTAR BKRAL BA'I TSUL 'DI DE MA THAG TU 'CHAD BAR 'GYUR BAS, DE'I TSE BLO GROS KYI MIG MA LDONGS PAR GYIS LA GUS PAS NYON CIG, DE'I PHYIR MDO DANG RGYAN GYI [?] DED DU LTA BA'I GDUL BYA THAL 'GYUR BA YIN GYI, RANG RGYUD PAR 'JOG PA GNAS MED DO, ,GAL TE NYAN THOS KYI SDE SNOD YIN NA, CHOS KYI BDAG MED MI STON PAS KHYAB BO, ZHES DANG, DES DON GYI MDO YIN NA, DRANG DON MI STON PAS KHYAB PO ZHES DANG, BSTAN BCOS DER PHYI DON YOD PAR STON NA, PHYI DON 'GOG PA'I RIGS PA MI STON PAS KHYAB BO, ZHES DANG, YANG BSTAN BCOS DE RANG RGYUD PA'I LUGS STON NA, THAL 'GYUR BA'I LUGS MI STON PAS KHYAB BO ZHES SMRA BA NI, SHIN TU RTZINGS PA STE, 'PHAGS PA BRGYAD STONG PA CHOS CAN, MTHAR THUG THEG PA GCIG STON PA MA YIN PAR THAL, GANG YANG DAG PA'I SKYON MED PAR ZHUGS PA LA NI, BLA MED RDZOGS BYANG DU SEMS BSKYED PA'I MTHU MED DO, ZHES SOGS KYI MTHAR THUG THEG PA GSUM BSTAN PA'I PHYIR, RGYAN CHOS CAN, THEG CHEN THUN MONG MA YIN PA'I BSTAN BCOS MA YIN PAR THAL, DBANG PO BRTUL DANG RNON PO DAG, CES SOGS THEG

, ,CHEN GYI LUGS BZHAG PA'I PHYIR, KHYAB PA GNYIS KHAS BLANGS, SNGA MA DGONGS PA CAN DANG, PHYI MA BTOGS PA BA'O, ZHEN, 'DI YANG GDUL BYA MANG NYUNG GI DBANG GIS SO ZHES BSHAD CING 'CHAD PAR 'GYUR RO, ZHES SBYIR BSHAD NAS, KHYAD PAR DU 'CHAD PA LA GNYIS, RJE BTZUN BLA MA'I GSUNG LAS JI LTAR 'BYUNG BA, MNGON RTOGS RGYAN NYID LAS JI LTAR BSTAN PA'O, ,DANG PO NI, DE NI RING DU SONG BAR BLOS KYANG LHAG BAR 'GYUR, ZHES BA'I t'IKKAR, 'ON MNGON RTOGS RGYAN LAS, GTZUNG DON RTOG PA SPONG PHYIR DANG, ,'DZIN PA MI SPONG PHYIR DANG NI, ,RTEN GYI BSE RU LTA BU'I LAM, ,YANG DAG BSDUS PAR SHES PAR BYA, ZHES RANG RGYAL GYI LAM GYIS BZUNG BA LA BDEN ZHEN GYI RTOG PA SPONG NUS KYANG, 'DZIN PA'I BDEN ZHEN SPONG MI NUS PAR GSUNGS PA DANG, YANG; NYON MONGS SHES BYA LAM GSUM GYIS, ,NYAMS PHYIR SLOB MA BSE RU DANG, ,RGYAL SRAS RNAMS KYIS DAG PA STE, ZHES BZUNG BA LA BDEN ZHEN SHES SGRIB TU GSUNGS PA, JI LTAR DRANG ZHE NA, DE LA BZUNG BA PHYI ROL ZHEN PA SPONG BA'I DON NI, PHYI ROL GYI TSAD MAS GRUB KYANG, PHYI ROL BDEN GRUB RIGS PAS KHEGS PA DBU MA PA LTAR GTAN LA PHAB PA'I DON BSGOMS NAS BDEN ZHEN SPONG BA DANG, YANG NA SEMS TZAM PA LTAR, PHYI ROL GYI DON RIGS PAS BKAG PA'I DON SGOM PA LA BRTEN NAS PHYI ROL YOD BAR 'DZIN PA SPONG BA GANG RUNG GCIG LAS MI 'DA'O, ,DE LA YANG, DANG PO LTAR NA MI RIGS TE, PHYI DON SPYIR YOD PAR 'JOG THUB PA LA, BDEN PAR YOD PA DE KHO NA NYID LA SPYOD PA'I RIGS PAS KHEGS PA GCIG YIN NA NI, DE NAS 'DZIN PA LA BDEN PA YOD MOD KYI DPYOD PA ZHUGS PA NA, RIGS PA SNGA MA'I MTHU LA BRTEN NAS BDEN MED DU RTOGS PAR NUS TE, 'PHAGS PA LHAS, GANG GI DNGOS GCIG DE BZHIN NYID MTHONG BA, ,DE YID DNGOS KUN DE BZHIN NYID DU MTHONG, ZHES GSUNGS PA'I PHYIR RO, ` ,GNYIS BA LTAR 'DOD PA NI, SLOB DPON SENG GE BZANG PO LA SOGS PA'I LUGS YIN LA, DE LTAR NA PHYI ROL MED PAR TSAD MAS GRUB PA YIN NO, ,PHYI ROL MED PAR GRUB NA, DE 'DZIN PA'I SHES PA BZUNG BA LAS RDZAS THA DAD MED PAR NI, SU DBANG PO BRTUL YANG GRUB PAS, 'DZIN PA LA BDEN ZHEN MI SPONG BA NI, SPYIR SHES PA BDEN GRUB TU KHAS LEN PA LA BYED KYI, GZUNG 'DZIN RDZAS THA DAD KYI PHYED KHEGS SHING, PHYED BDEN PAR 'DZIN PA GTAN MIN BAS, 'DZIN

PA BDEN PAR SMRA BA'I RANG RGYAL DANG, GZUNG 'DZIN GNYIS MAD KYI SHES PA DON DAM DU GRUB PAR SMRA BA'I RNAM RIG PA GNYIS, GRUB MTHA' MTSUNGS PA MTSAR, ZHES PA NI, GSAL BYED BA'I BZHAD GANG DO, ,'DIR, RANG RGYAL GYI LAM THEG PA 'BRING DU BSTAN PA LA, BZUNG BA DANG, 'DZIN PA LA BDEN ZHEN SPONG MI SPONG GI KHYAD PAR GSUNG STE; DE GNYIS KYIS NYAN THOS LAS LHAG PA DANG, THEG CHEN LAS DMAN PA'I PHYIR 'BRANG PO'O, ,'DI NI THEG PA CHE 'BRING CHUNG GSUM GYI GANG ZAG GSUM, DBANG PO RNAm 'BRING BRTUL BA YIN PAS, BDAG MED LAS LTOS TE DBANG PO'I RIM PA BZHAG PA STE, THEG CHEN LA LTA BAR BA DBU MA'I LTA BA DANG, THEG 'BRING LA LTA BA 'BRING SEMS TZAM GYI LTA BA DANG, THEG CHUNG LA LTA BA THA MA GANG ZAG GI BDAG MED THUN MONG PA'I LTA BA BZHAG PA YIN YANG, DER MA NGES SO, ,DE KHO NA NYID KYI LTA BA GSUM KA LA YOD PA LTAR NA'ANG, ,DE KHO NA NYID MYUR DU GTING DPOG MI DPOG SOGS KYI SGO NAS, DBANG PO'I RIM GSUM MI 'GAL LO, ,'DZIN BA SHES PA BDEN NA ZHEN SPONG MI NUS PA DMAN KHYAD LTA BU BSTAN PA'I PHYIR, MNGON RTOGS RGYAN NAS BSHAD PA'I BDAG MED KYI LTA BA NI MDO RGYAN DANG, 'BYED RNAM GNYIS LTAR SEMS TZAM LA BSHAD DU MI RUNG NGO, ,MNGON RTOGS RGYAN LA'ANG, DBU SEMS SU 'BREL TSUL RGYA GAR BA RNAMS LA'ANG YOD PAS, DE DAG GI RGYU MTSAN MANG DU BSHAD DGOS KYANG, TSIG MDAS SU TSOGS NAS RE SHIG LA MA BRIS SO, ZHES SO, ,'DI NI GONG DU BSHAD PA RNAMS KYIS RTZOD PA SPONG BA YIN LA, DE LA YANG 'GRAL PA NAS BSHAD BA'I RTZOD PA SPANG BA DANG, MA BSHAD PA'I RTZOD PA SPANGS PA GNYIS LAS, 'DI PHYI MA'O, ,DE LTAR RTZOD PA SPANG DGOS PA'I RGYU MTSAN NI, 'DI DAG GI SNGON DU t'IKKAR; GANG GDAGS GZHI PHUNG PO LA BDEN PAR DMIGS PA'I ZHAN YUL SUM MA PHYUNG NA, BTAGS CHOS GANG ZAG LA BDEN BAR 'DZIN PA'I ZHEN YUL SUN MA BYIN PAS, GANG ZAG BDEN MED DU MA RTOGS PA'I PHYIR, GANG ZAG GI BDAG MED MTSAN NYID RDZOGS PA MA RTOGS PAR STON NO, ZHES PA DANG, DE KHO NA NYID KYI LTA BA DANG BRAL NA 'KHOR BA LAS MI GROL BA DANG, 'KHOR BA LAS GROL BA LTA BA DE DGOS PAR BSTAN LA, NYAN RANG DGRA BCOM PA 'KHOR BA LAS MA GROL BA NI, MKHAS PA SU YANG MI 'DOD, CES PA DANG, KHYAD BAR DU LUGS 'DI LA BDEN 'DZIN SHES SGRIB TU 'JOG PA'I LUGS KYI, SHES SGRIB CHUNG CHEN PO DGUR BYAS NAS, SA GNYIS PA SOGS BSGOM

, ,LAM DGUS SPONG BA'I RNAM GZHAG KHAS MI LEN TE, ZHES GSUNGS PA RNAMS THAL 'GYUR BA'I LUGS YIN NA, DE LTA NA MNGON RTOGS RGYAN KYANG THAL 'GYUR BA'I LUGS YIN PA'I PHYIR, 'DIR MNGON RTOGS RGYAN DRANGS PA'I SGRIB BA'I 'JOG TSUL 'DI DAG DANG 'GAL LO, ZHES BA'I RTZOD PA SPANGS PA'O,, SHES LDAN DAG 'DI TZAM RE GON YANG, 'JUG PA'I RNAM BSHAD KYIS MNGON RTOGS RGYAN THAL 'GYUR BAR BKRAL BA'I TSUL GO BAR NUS PAS, RMONGS PA'I MA LAN BAG MED PA'I GNYID MA LOG PAR BRTZON PA BSKYED CIG, ` ,,DA NI RJE BLA MA'I GSUNG BRLING BAS GONG DU DRANGS PA DE NGAG BSHAD PAR BYA STE, DGOS PA BLANGS PA'I DON NI BSHAD ZIN PA DES GO BAR NUS LA, LAN LA GNYIS, BSDUS TE BSTAN PA DANG, TSIG DON MDO TZAM BSHAD BA'O, ,DANG PO NI, RANG RGYAL 'PHAGS PAS GZUNG BA BDEN 'DZIN SPONG NUS LA, 'DZIN PA BDEN ZHEN SPONG MI NUS PA, RGYAN GYIS RANG LUGS MA YIN TE, PHYI DON TSAD MAS GRUB MA GRUB GANG YIN KYANG DE MI 'THAD PA'I PHYIR TE, PHYI DON GRUB NA, DE BDEN MED DU RTOGS NA BLO BA PHYOGS PA'I TSE, SHES PA YANG BDEN MED DU RTOGS PA'I PHYIR DANG, PHYI DON MA GRUB NA, 'DZIN PA BDEN 'DZIN MI SPONG BA'I DON, SHES PA BDEN GRUB KHAS LEN PA LA THUG PA'I PHYIR RO, ,DES NA 'DI NI RI ZHIG RNAL 'BYOR SPYOD PA'I DBU MA'I LUGS RTZA BAR BSHAD CING, DE DANG MTHUN PAR 'PHAGS SENG GI BKRAL BA YIN LA, DE'I RGYU MTSAN YANG, LUGS DE TZAM GYI 'DUL BAR BYA BA'I GANG ZAG GI DBANG DU BYAS PA STE, SNGAR YANG BRJOD ZIN TO, ,GNYIS PA LA BZHI, LAN DNGOS BSHAD PA, RANG RGYAL GYI THEG PA 'BRING DU BSHAD PA, RANG RGYAL 'PHAGS PA LA BDEN MED RTOGS KYANG THEG CHEN DANG KHYAD PAR YOD PAR BSTAN PA, RGYAN GYI RANG LUGS DBU MAR BSHAD DGOS PA'O, ,DANG PO NI, DE LA BZUNG BA PHYI ROL LA ZHEN PA SPONG BA'I DON NI, ZHES SOGS TE, THAL 'GYUR PA LA BYA DGOS TE, LEGS LDAN GYI PHYI DON TSAD GRUB BZHED KYANG, PHYI DON BDEN GRUB RIGS PAS MI KHEGS TE, PHYI DON RANG BZHIN GYIS GRUB PA MI KHEGS PA'I PHYIR DANG, DE'I LTA BA TZAM GYIS BDEN ZHEN SPONG MI NUS PA'I PHYIR, BRTAG PA DANG PO'I GSUNG LHAG MA RNAMS GO SLA'O, ,GNYIS PA LTAR 'DOD PA NI, SLOB DPON SENG GE BZANG PO LA SOGS PA'I 'GREL PA'I LUGS YIN PAS, ZHES SOGS TE, 'DIR

SLOB DPON SENG GE BZANG POS PHYI DON MED PAR TSAD MAS GRUB PAR 'DOD PAS, ZHES GSUNGS PAS, RJE BLA MA'I RJES 'BRANG DU RLOMS PA BLUN PO KHA CIG, RGYAN GYI LUGS THAL 'GYUR DU 'GREL ZHES GSUNGS PA LA HA CANG THAL NAS, 'PHAGS SENG GNYIS KYIS KYANG THAL 'GYUR DU BKRAL BAS, DE GNYIS KYANG THAL 'GYUR BAR BZHED DO, ZHES SMRA BA DPYIS PHYIN PA BKAG STE, KA YE COD PA NA DANG, 'DOM DKRIS MA NOR BAR GYIS SHIG, 'DZIN PA BDAG ZHEN MI SPONG BA'I RGYU MTSAN SHES PA, BDEN GRUB TU KHAS LEN PA LA BYED LA, SHES PA BDEN GRUB TU KHAS LEN BA PO NI, RANG RGYAL GYI GRUB MTHA' 'DOD PA'I SO SKYE YIN LA, DE DANG SEMS TZAM PA MTHUN NO ZHES BZHED PA'O, ,'O NA RGYAN RTZA BA DANG, 'PHAGS SENG GNYIS KYANG RGYU MTSAN DE KHAS LEN DGOS ZHE NA, DAM BCA' THUN MONG DU KHAS BLANGS PAS, SGRUB BYED THUN MONG DU 'DOD PAR MA NGES LA, 'DI'I RGYU MTSAN 'PHAGS PAS GSAL BAR MDZAD CING, RGYAN SNANG DU BSAM PA NI 'DI YIN TE, RANG GI MTSAN NYID DNGOS PO YOD NA, DE 'DZIN PAR BYED PA RNAM PAR RTOG PA MED PA'I SHES PA RANG GI MTSAN NYID SKYE ZHING DE MED PAR MA YIN PA, ZHES BYA BA GANG YIN PA 'DI NI DNGOS PO'I CHOS NYID YIN NA, THOG MA MED PA'I DUS CAN GYI GZUGS LA SOGS PA 'DZIN BAR BYED PA'I RNAM PAR RTOG PA NI, SHES PA 'GAG BZHIN PAS 'PHANGS PA'I RANG GI RGYUD KYI BAG CHAGS DA BA LAS SKYES BA'I PHYIR, 'DZIN PA'I RNAM PAR RTOG PA LA NI, GZUNG BA'I RNAM PAR RTOG PA BYOD PA KHO NA LAS SKYE BA YIN NO, ZHES BYA BA'I NGES PA YOD PA MA YIN NO, ZHES DANG, 'DZIN PA'I RNAM PAR RTOG PA'I RNAM PAS ZHES BYA BA NI LHAG MA STE, RNAM RTOG DNGOS MI SNANG PHYIR DANG, NYE BAR BSLANG PA'I BSLU BA'I PHYIR, ZHES BSAMS PA'O, ,TSUL 'DI NI 'DZIN PA'I RNAM PAR RTOG PA MA SPANGS SU ZIN KYANG, RANG SANGS RGYAS RNAMS KYI LAM GYI NGO BO YIN PAR BSHAD DO, ZHES SO, LUNG SNGA MA'I DON, t'IKKA RE RE TZAM 'CHAD PA LEGS PAR MA MTHONG BAS MA BKOD LA, DON NI RANG RGYAL GYI GZUNG BA BDEN MED RTOGS PA, RTEN 'BREL GYI CHOS NYID YIN CING, DE LTA NA YANG 'DZIN PA LA BDEN ZHEN SPONG MI NUS TE, DE NI RANG GI BAG CHAGS LAS SKYE BA'I PHYIR TE, 'DZIN PA BDEN MED GOMS PAR MI BYED PA'I PHYIR CES PAR (GSER PHRENG;) MNGON LA, LUNG PHYI MA'I DON DPYAD PAR BYA'O, ,SLOB DPON SENG GE BZANG PO'I RJES 'BRANG CHOS

, ,SHES NI, GZUGS PHUNG DANG, PHUNG PO PHYI MA BZHI LA RGYUN BRTAN MI BRTAN YOD PA'I RGYU MTSAN GYIS SO, ZHES SMRAS SO, ,BOD 'DIR PHAR t'IKA SKRA'I GRANGS TZAM SNANG BA, BYED PA PO RNAMS NI SKABS 'DI DAG NA, CI YANG MI SMRA BA'I BRTUL ZHUGS MDZAD PA'O, ,CHOS SHES KYI LUGS DE NI SHIN TU MI 'THAD DE; 'DIR BZUNG BA BDAN MED DU RTOGS BA NI, BSHAD MA THAG PA LTAR BZUNG 'DZIN RDZAS THA DAD KYIS STONG BA RTOGS PA YIN GYI, GZUGS PHUNG BDEN MED DU RTOGS PA LA MI BYED LA, GZUGS PHUNG BDEN MED DU RTOGS NAS, SHES PA BDEN PAR YOD MED DBYAD PA NA, SHES BA BDEN MED DU RTOGS NUS PA NI, 'PHAGS SENG GNYIS KYANG SHIN TU'ANG BZHED PA'I PHYIR TE, GANG GI DNGOS GCIG DE BZHIN NYID MTHONG BA, ZHES SOGS GNYIS KAS 'DREN CING, DON YANG DE NYID DU 'JOG PA'I PHYIR RO, ,GZUGS PHUNG DANG PHUNG PO PHYI MA BZHI LA RGYUN BRTAN MI BRTAN YANG MTHA' GCIG TU BZHAG PAR DKA' STE, SRID RTZE BA'I SEMS RGYUN GCIG LA BSKAL CHEN BRGYAD CU'I YUN 'ONG BA SOGS DU MA YOD PA'I PHYIR TE, 'DZIN PA BDEN SMRA'I RANG RGYAL DANG, SEMS TZAM PA GRUB MTHA' MTSUNGS BA MTSAR ZHES SMRA BA PO NI, RIG RAL SOGS BOD SNGA MA RNAMS YIN LA, GSAL BYED PA'I BZHAD GAD NI, RNAM NGES KYI 'GREL BA 'THAD LDAN DU RI BONG RVA MED PAR SMRA BA LA, GSAL BYED KYI BZHAD GANG DU BYAS PA, RI BONG DANG RVA DAG YOD PAR MTHONG BA'I RGYU'I PHYIR, SANGS RGYAS PA RI BONG RVA MED PAR SMRA BA LA, BZHAD GAD BYED BA DE NI MI SHES PAR STON PAS, BDAG NYID CAN LA BZHAD GAD BYED PA YIN NO, ZHES 'BYUNG BA DE YIN PA 'DRA'O, ,MA BSHAD PA LHAG MA DAG GO SLA'O, ,GNYIS PA NI, 'DIR RANG RGYAL GYI LAM THEG PA 'BRING DU STON PA LA, ZHES SOGS TE, DER MA NGES SO ZHES PA NI, RNAL 'BYOR SPYOD PA'I DBUM PA NYID LA YANG, RNAL 'BYOR PA GSUM GYI LTA BA GSUM YOD PA BZHIN TE, GZHAN RNAMS KYANG GO BAR ZAD DO, ,GSUM PA NI, DE KHO NA NYID KYI LTA BA GSUM KA LA, ZHES SOGS TE, MYUR BA'I GTING DPOGS MI DBOGS MI RTOGS PA MYUR BUL YIN LA, LHAG MA YANG GO BAR ZAD DO, ,BZHI PA NI, 'DZIN PA SHES PA LA BDEN ZHEN SPONG MI NUS PA DMAN KHYAD DU BSTAN PA'I PHYIR, DE LA MCHOG TU GYUR PA SHES PA BDEN ZHEN SPONG NUS KYI LAM, RGYAN 'DIR MANG DU GTZO BOR STON PA NA, MNGON RTOGS RGYAN LAS SHES DGOS SO, ,GZHAN 'JUG

PA'I RNAM BSHAD LAS, DE LTAR BYAS NA RANG RGYAL LA DE KHO NA NYID KYI DON RTOGS PA CIG KYANG YOD PAS, RANG RGYAL LA SHES PA BDEN ZHEN SPONG MI NUS PAS MA KHYAB BO, ,NYAN THOS LA YANG DE KHO NA NYID RTOGS PA DANG MA RTOGS PA GNYIS SU DBYE DGOS PA'I PHYIR RO, ,MNGON RTOGS RGYAN DU YANG, THEG DMAN LA TSUL GNYIS GSUNGS PAS, GZUNG 'DZIN RDZAS THA DAD DU BDEN PAR 'DZIN PA LA, SHES SGRIB TU 'JOG MI 'JOG GNYIS NGES PAR BYA DGOS SO, ZHES GSUNGS PA'I PHYIR RTZA BA'I DGONGS PA LA, NYAN RANG LA DE KHO NA NYID RTOGS BA DANG, 'PHAGS SENG GNYIS NYAN RANG LA BDEN STONG RTOGS PA'I 'JOG TSUL MI 'DRA STE, RGYAN RTZA BA'I LUGS LA, RTOGS TSUL NI, NYAN RANG 'PHAGS PA YIN NA BDEN STONG MNGON SUM DU RTOGS PA KHYAB LA, RTOGS MA RTOGS GNYIS 'BYED PA NI, NYAN RANG SO SKYE'I DBANG DU BYAS BA STE, RGYUD BLA MA'I 'GREL BAR, DE BZHIN GSHEGS PA'I SNYING PO LTA BA LA MIG DANG MI LDAN PA'I GANG ZAG BZHI STE, ZHES SOGS DANG 'DRA STE, DE'I DON NI, RGYAL TSAB DAM PA'I BSHAD PA LAS SHES PAR BYA'O, ,'PHAGS SENG GNYIS KYI LUGS LA NI, RNAM BSHAD DU NYI SNANG GI LUNG DRANGS PA DANG, 'PHAGS PA'I GANG ZAG THAMS CAD 'DUS MA BYAS KYIS RAB TU PHYE BA GSUNGS PA'I DON, NYAN RANG 'PHAGS PA LA CHOS NYID RTOGS PA YOD PA'I DON DU MDZAD KYANG, DE GNYIS KYI LUGS LA 'BRAS YUM LA RING BA'I GZHI SHES SGRA DRANG THAD DU KHAS LEN LA, GZHI SHES 'PHAGS PA'I RTOG PAR YANG 'JOG BAS, NYAN THOS 'PHAGS PA LA DES BZUNG DU CHOS NYID RTOGS PAS KHYAB PAR MI 'DOD DO, ,THEG DMAN LA TSUL GNYIS GSUNGS, ZHES PA NI, 'DZIN BA BDEN ZHEN SPONG NUS MI NUS KYI TSUL GNYIS GSUNGS PA'I DON YIN LA, GZUNG 'DZIN RDZAS THA DAD DU BDEN PAR 'DZIN PA NI, BDEN 'DZIN THA DAD DU 'DZIN PA TZAM LA MI BYA STE, DE DANG THEG DMAN LA TSUL GNYIS GSUNGS PA GNYIS MA 'GREL BA'I PHYIR RO, ,DES NA BDEN 'DZIN LA SHES SGRIB DANG, NYON SGRIB GNYIS NGES BAR STE NGES GSUNG DU BYA DGOS SO; ;DE'I DON YANG, MNGON RTOGS RGYAN NAS BDEN 'DZIN SHES SGRIB YIN PA'I LUGS KYANG GSUNGS, BDEN 'DZIN NYON SGRIB YIN PA'I PHYOGS KYANG GSUNGS PA'O, ,DE'I SNGA MA NI MANG ZHING GRAGS CHE LA, PHYI MA NI DE MA THAG TU 'CHAD PAR 'GYUR RO, ,'DI DANG, DES NA RGYAN GYI 'BREL MDZAD DE DAG GI LUGS LA TSUL

, ,GNYIS SHES PAR BYA'O, ZHES BA NYID GCIG TU 'KHRUL BAR MI BYA STE, DE NI NYAN RANG 'PHAGS PA LA BDEN MED RTOGS PA YOD MED GSUNGS PA'I SKABS YIN PA'I PHYIR, 'DI GNYIS GCIG TU 'DOD PA'I RMONGS PA DE DAG NI, ZHVA DPO LHAM LA 'GEBS PA'O, ,YANG RNAM BSHAD PAS, DE PHYIR LUGS 'DI DANG, MNGON RTOGS RGYAN GNYIS 'GAL BA YIN NO, ZHES PA NI 'JUG PA'I LUGS DANG, MNGON RTOGS RGYAN GYI LUGS GNYIS, THAL 'GYUR BA'I LUGS GCIG PAR STON PA STE GO SLA'O, ,'DIR YANG RGYAN GYIS 'GREL MDZAD RNAMS KYI LUGS DANG 'GAL BA MA YIN NO, ZHES MA GSUNGS PAR, NGES BZUNG DU GSUNGS BAS, DE'I PHYIR BLO ZHIB PAR BYA STE, RANG GIS NGES PAR BYA ZHING, GZHAN LA YANG SMRA BAR BYA'I, RANG GI BLO'I DRI MA CHEN PO DAG LA 'GOD PAR MI BYA'O, ,GZHAN YANG, LAM RIM GNYIS KAR, GDAMS NGAG 'DI RJE BTZUN BYAMS PAS MDZAD PA'I MNGON PAR RTOGS PA'I RGYAN GYI GDAMS PA YIN LA, ZHES GSUNGS LA, DE'I SKYES BU CHEN PO'I LAM 'CHAD PA NA, SANGS RGYAS BSKYANGS DANG, ZLA BA GRAGS PA DANG, DPAL AA TI SHA'I LUGS GSUM MTHUN PAR MDZAD NAS, THAL 'GYUR BA'I LTA BA GTAN LA PHAB PAS KYANG, RGYAN GYI RTZA BA'I DGONGS PA, SANGS RGYAS BSKYANGS SOGS DANG MTHUN PAR BZHED PAR GSAL LO, ,YANG BSTAN PA THAMS CAD 'GAL MED DU RTOGS PA'I CHE BA 'CHAD PA NA, BYANG SEMS KYIS 'JIG RTEN GYI BZHED DON SGRUB BA'I DON NI, RIGS CAN GSUM GYIS DON BYED PA YIN LA, DE LA DE DAG GIS LAM LA BSLAB DGOS PAR BYANG CHUB SEMS 'BREL SOGS MDO BSTAN BCOS BZHI DRANGS NAS BSGRUB PAR MDZAD DO, ,DE LTAR NA RGYAN 'DIR YANG RIGS CAN GSUM KA'I LAM BSTAN PAR SHES LA, DE'I TSE RIGS CAN GSUM GYI NANG NAS, THEG PA CHEN PO'I RIGS CAN DBANG PO RNON BOS BDE BLAG TU RTOGS PAR BYA BA, 'KHOR BA'I RTZA BA MA LUS PAR GCOD PA'I LAM DNGOS PO RANG BZHIN GYIS GRUB PA RDUL TZAM YANG MED PA'I LTA BA KHYAD PAR CAN MA BSTAN NA, RGYAN GYI CHED DU BYA BA'I GDUL BYA BYANG SEMS KYI LAM DE RANG NYID KYIS DES NAS, GZHAN LA BSTAN DU MED PAR 'GYUR BAS, BYANG SEMS DBANG RNON GYI BZHED DON SGRUB MI NUS PAR 'GYUR RO, ZHES BYA BA NI RIGS PA YANG DAG STE, 'JUG PA'I RNAM BSHAD LAS KYANG, MNGON RTOGS RGYAN DU NYAN RANG GI LAM SHES

PA'I LAM SHES STON PA NI, NYAN RANG GI RIGS CAN RJES SU BZUNG BA'I PHYIR DU YIN PAS, RJES SU BZUNG RGYU'I THEG DMAN LA YAD ZAB MO'I SNOD DU GYUR MA GYUR GNYIS YOD CING DE GNYIS LA YANG, PHYI MA CHES MANG BAS PHAL CHER DE'I LAM MANG DU GSUNGS SO, ,THEG CHEN LA THOG MAR SAMS TZAM LA MKHRID PA GANG BU MA'I LTA BA MI RNYED PA SNANG BA BZHIN DU, RANG RGYAL LA YANG YOD BA DE NI, NYAN THOS LA YANG YOD PA'I PHYIR ZHES GSUNGS SO, ,DE DAG NI RJE BTZUN BLA MA'I LUGS KYI RJES SU 'BRANG BA DAG LA, MDO TZAM BSTAN NAS, DA NI LUGS GZHAN 'DZIN PA DAG DANG, THUN MONG DU GO BAR BYA BA'I PHYIR, MNGON RTOGS RGYAN NYID NAS THAL 'GYUR BA'I LTA SGOM BSTAN TSUL BRJOD PAR BYA STE, 'DI LA GNYIS, SKABS DANG PO NAS JI LTAR GSUNGS PA DANG, GSUM PA DANG BZHI PA NAS JI LTAR GSUNGS PA'O, ,DANG PO NI, SA BDUN PA'I YONGS SBYONGS SU, SA GZHAN LAS MA GSUNGS PA'I, SPANG GNYEN GNYIS KYI RNAM GZHAG GSUNGS PA NI, LUGS RNAM PAR DAG BA 'DI BSTAN PA'I CHED DU YIN TE, DE LA SPANG BYA NYI SHU 'CHAD PA NA, BDAG DANG SEMS CAN 'DZIN PA DANG, ZHES GSUNGS LA, DE'I GNYEN PO 'CHAD PA NA, RNAM THAR SGO GSUM SHES PA DANG, ZHES GSUNGS SO, ,'DI LA GZHAN GYI BSHAD PA 'GOD PA DANG, RANG GI LUGS BSHAD PA GNYIS KYIS RIG PAR BYA'O, ,DANG PO NI, LEGS BSHAD GSER PHRENG DU, RNAM THAR GYI SGO DANG PO SHES PA LA, MDOR, CHOS THAMS CAD KYI RANG GI MTSAN NYID STONG BA NYID NYE BAR BZUNG NAS RDZOGS PA, ZHES PAS 'DI'I SPANG BYA'I BDAG 'DZIN GYI YUL DE, GANG ZAG GI BDAG 'BA' ZHIG LA MI BYA BAR, SPYIR NGO BO BDEN PAR GRUB TZAM LA BYA'O, ZHES GSUNGS PA 'DI'I BDAG 'DZIN RANG RKYA THUB PA'I RDZAS YOD DU 'DZIN PA 'BA' ZHIG LA BYAR MI RUNG BAR GSUNGS SO, ,'DI'I GNYEN POS SPANG BYA'I GTZO BO BDEN 'DZIN SPONG BA'I SA BDUN PA'I GANG ZAG BDEN MED MNGON SUM DU RTOGS PA'I BAR TSAD MED LAM DE DANG 'DZIN STANGS 'GAL BA'I DNGOS KYI SPANG BYA NI, BDAG STE, GANG ZAG BDEN PAR 'DZIN PA'I GANG ZAG GI BDAG 'DZIN NO, ,'DI NI SEMS CAN 'DZIN PA DANG, ZHES PA'I ZLAS DRANGS BAS, GANG ZAG GI BDAG 'DZIN DU GRUB STE, SLOB DPON CHOS KYI GRAGS PAS KYANG RNAM 'GREL DU, 'JIG LTA LHAN SKYES 'CHAD PA NA, ,SEMS CAN LA LTA LHAN CIG SKYES, ZHES GSUNGS BA LTAR RO, ,DE LTAR

, ,NA; GANG ZAG GI BDAG 'DZIN LHAN SKYES 'DI 'KHOR BA'I RTZA BAR GRUB MTHA' SMRA BA BZHI BKAS 'DOD LA, 'KHOR BA'I RTZA BA YIN PA'I PHYIR NYON MONGS PA'I SGRIB PA'O, ZHES SHES PAR NUS SO, ,'DI DANG, GZHAN YANG, RTOG PA KUN TU 'JOMS PA DANG, ,'DU SHES LTA DANG NYON MONGS SPONGS, ZHES GSUNGS PA DANG, NYES PA NI, NYI SHU GANG LA RNAM BSHAD PA, ,DE YIS NI BDUN PA 'THOG ZHES GSUNGS PAS LEGS PAR BSTAN NO, ,GAL TE 'DIR BSHAD PAS BDUN PA RANG GI NGO SKAL GYI SGRIB PA TZAM MO, ZHES KYANG BYA BAR NUS PA MA YIN TE, BDAG 'DZIN SOGS NI CI SGRA BYE BRAG LA BSHAD PAR MI NUS PA'I PHYIR DANG, 'DIR BSHAD PAR MA 'DUS PA'I BDEN 'DZIN MED PA'I PHYIR RO, ,GZHAN YANG SA BRGYAD PA'I YONGS SBYONGS SU, SGYU MA LTAR GNAS DANG, ZHES GSUNGS PA NI, BDEN 'DZIN SA BON DANG BCAS PA MA LUS PAR SPANGS PA'I DBANG GIS RJES THOB TU YANG, BDEN PAR SNANG BA CAM LAS MED PA'I DON TE, BDEN PAR SNANG YANG BDEN MED KYI RTZIS ZIN PA NI, LTA BA RNAM NGAG GO BA'I LAM MA ZHUGS DANG, TSOGS SBYOR DANG, KHYAD PAR DU 'PHAGS PA'I SA DANG PO NAS, RJES THOB TU YANG DE 'DRA BA'I SGYU MA LTA BU MA GTOGS BA SHAS CHUNG BAS, DE'I PHYIR SA BRGYAD PA YAN GYI SGYU MA LTAR GNAS LUGS MTHUN MONG MA YIN PA SHES DGOS SO, ,GNYIS PA LA GNYIS, SKABS GSUM PA NA JI LTAR GSUNGS PA DANG, SKABS BZHI PA NAS JI LTAR GSUNGS PA'O, ,DANG PO NI, SHES PAS SRID LA MI GNAS SHING, ZHES LUS RNAM GZHAG NAS BSHAD PA'I, SHES PAS SRID LA MI GNAS PA'I YE SHES 'PHAGS SENG GNYIS KYIS SHES RAB KYI 'KHOR BA'I SKYON MTHONG BA LA GSUNGS KYANG DE NI GRUB MTHA'I DBANG YIN NO, ,'DIR NI, TSUR ROL PHA ROL MTHA' LA MIN, ZHES SOGS KYI BSTAN PA'I THEG CHEN SEMS BSKYED KYIS ZIN PA'I DUS GSUM BDEN MED DU MNGON SUM DU RTAGS PA'I BYANG 'PHAGS KYI YE SHES DE SHES PHYIN MTSAN NYID PA YIN LA, DE'I TSUL 'JUG PA'I RNAM BSHAD KYI SEMS BSKYED LNGA PAR GSUNGS PAR LTAR RO, ,YE SHES DE 'BRAS YUM DU NYE BA DANG, MI RTAG SOGS MNGON SUM DU RTAGS PA'I YE SHES, THABS SHES KHYAD PAR CAN GNYIS PO DE DANG BRAL BA NI, 'BRAS YUM LA RING BAR BSTAN NAS, SNGAR BSHAD PA'I BYANG 'PHAGS KYI YE SHES DE SRID PA'I MTHA' 'GOG BYED DU STON PA NI, SBYIN

LA SOGS LA DAR 'DZIN MED, ,GZHAN DAG DE LA SBYOR BYED PA, ,DE NI CHAGS PA'I MTHA' 'GOG PA, ,RGYAL LA SOGS LA CHAGS PA LA, ZHES PA STE, SBYIN PA PO DANG, LA SOGS PAS, LEN PA PO DANG, SBYIN PA LA DAR 'DZIN PA DANG, NGA YIR 'DZIN PA MED PAR MNGON SUM DU RANG GIS RTOGS SHING, GZHAN DAG DE LA SBYOR BAR BYED PA'I YE SHES NI, CHAGS PA'I MTHA' DANG, SRID PA'I MTHA' DANG, 'KHOR BA'I MTHA' 'GOG PAR BYED PA'I LAM YIN NO, ,SBYIN PA PO DANG, LEN PA PO LA NGAR 'DZIN PA NI, GANG ZAG GI BDAG TU 'DZIN PA DANG, SBYIN PA LA NGA YIR 'DZIN PA NI, CHOS KYI BDAG TU 'DZIN PA STE, DE DANG RGYAL BA SOGS LA RANG BZHIN GYIS GRUB PAR 'DZIN PA YANG, CHAGS PA PHRA MO STE, BDEN 'DZIN PHRA MO YIN NO, ,GANG LAS LTOS NAS ZHE NA, GANG ZAG RANG RKYA GRUB PA'I RDZAS YOD DU 'DZIN PA LA LTOS NAS SO, ,'DI 'DI LTAR BSHAD DGOS TE, 'DI'I THAD KYI STONG PHRAG NYI SHU LNGA PAR, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, 'DI SNYAM DU BDAG GIS SBYIN PA ZHIG SBYIN, 'DI LA SBYIN BYIN, SBYIN PA 'DI LTA BU SBYIN NO, ZHE'O; ZHES PA NAS, BDAG GIS NI RNAM MKHYEN THOB PAR BYA'O SNYAM DU RLOM SEMS MED PA STE, ZHES GSUNGS SO, ,SBYIN PA PO LA NGAR 'DZIN BA CHAGS PA PHRA MOR GSUNGS SHING, NGAR 'DZIN LHAN SKYES DANG CHOS KYI BDAG 'DZIN 'GAL BA'I PHYIR, NGAR 'DZIN LHAN SKYES DE GANG ZAG GI BDAG 'DZIN DU BYA DGOS PAS, DE 'KHOR BA'I RTZA BA DANG NYON SGRIB TU YANG GO BAR NUS SO, ,GANG ZAG DANG CHOS RANG BZHIN GYIS GRUB PAR 'DZIN PA, 'KHOR BA'I RTZA BAR BYAS NAS BDEN MED MNGON SUM DU RTOGS PA'I YE SHES, DE'I GNYEN PO YID PA'I RGYU MTSAN GYIS SRID MTHA' 'GOG BYED DU BYA DGOS KYI, GZHAN DU NA, RNAM BYANG GI PHYOGS THAMS CAD SRID MTHA' 'GOG BYED KYI LAM DU HA CANG THAL LO, ,GANG ZAG RANG BZHIN GYIS GRUB PAR 'DZIN PA 'KHOR BA'I RTZA BAR MI 'DOD PA DANG, BDEN MED MNGON SUM DU RTOGS PA'I YE SHES, SRID MTHA' 'GOG BYED DU 'DOD PA NI 'GAL BA MOD KYI, 'ON KYANG DE NI RNAL 'BYOR SPYOD PA'I DBU MA PA'I GRUB MTHA'I DBANG GIS SO, ,'DI'I THAD KYI MDO 'DI DAG ,LTA SGOM LA LTOS PA'I SPANG GNYEN, SPYOD PA LA LTOS PA'I SPANG GNYEN, ZHES SBYAR NAS, 'PHAGS SENG GI 'GREL PA GNYIS DANG MTHUN PAR, t'IKKA SNGA MA RGYAS PA DAG TU 'CHAD MOD, 'DIR NI

, ,MANGS PAR 'GYUR BAS MA BRIS SO, ,DES NA 'JUG PA'I RNAM BSHAD DU, MNGON RTOGS RGYAN GYIS LUGS LA, BDEN 'DZIN LA SHES SGRIB TU 'JOG MI 'JOG GNYIS NGES PAR BYA DGOS SO, ,ZHES GSUNGS PA'I, BDEN 'DZIN SHES SGRIB MA YIN PA'I TSUL JI LTAR GSUNGS PA 'DI DANG, SNGAR BSHAD PA LA BSTEN NAS, BLO DANG LDAN PA YOD NA CI'I PHYIR MI SHES, CHAGS PA PHRA RAGS DE LTAR YIN PA YANG, RGYAN SNANG GI, GZUGS SOGS PHUNG PO STONG NYID DANG, ZHES SOGS KYI SNGA 'GREL DU, STONG PA'O ZHES BYA BA NI MU STEGS KYIS YONG SU BTAGS PA'I BDAG DANG BRAL BA'O SNYAM DU SHES PA NI ZHES 'OG TU 'CHAD PA DANG SBYAR RO, ZHES GSUNGS LA, SBYIN LA SOGS LA NGAR 'DZIN MED, CES SOGS KYI SNGA 'GREL DU, CHAGS PA SHIN TU RAGS PA CHOS NYID DANG MA 'GAL BAR STON PAS LEGS SO LEGS SO ZHES BYA BA BYIN TE, CHAGS PA RAB TU PHRA BA'I DON DU GSUNGS PA NI, RAB 'BYOR DE'I PHYIR ZHES BYA BA LA SOGS PA'O, ,MTSAN MAR YID LA BYAD NA, ZHES BYA BA NI, GZUGS LA SOGS PA DMIGS NAS MNGON DU PHYOGS PAR BYED PA'I PHYIR RO, ZHES BSHAD DO, ,CHAGS PA PHRA MO'I GNYEN PO YANG, ,CHOS KYI LA NI RANG BZHIN GYI, ,DBEN PA'I PHYIR NA DE ZANG NYID, CES PA STE, RANG BZHIN GYIS, ZHES DGAG BYA PHRA MO'I TSIG GIS BSDAN LA, LAM DE ZAB PA DANG, RTOGS DKA' BA DANG, BSAM GYIS MI KHYAB PAR BSTAN TO, ,BLA MA 'DRAN LAS GZHUNG 'DI DAG 'DI LTAR 'CHANG SHES PA NI RGYA BOD DU SNGON CHAD BYUNG RE KAN, GNYIS PA LA GNYIS, SGOM LAM GYI RTZOD LAN GYIS JI LTAR BSTAN PA DANG, SRID ZHI MNYAM NYID KYI SBYOR BAS JI LTAR BSTAN PA'O, ,DANG PO NI, GRANGS MED LA SOGS BSTAN PA RNAMS, ZHES SOGS RKANG PA BZHIS, THEG CHEN SGOM LAM LA RTZOD PA YIN LA, PHYOGS SNGA MA'I BSAM PA NI, MDO LAS SGOM LAM GYI BSOD NAMS GRANGS MED SOGS GSUNGS PA NA, BSOD NAMS DE DAG DANG LDAN PA'I SGOM LAM GYI RDZAS KYANG GRANGS DE SNYED DU 'GYUR PAS SGOM LAM DGU'I GRANGS NGES NYAMS SO SNYAM MO, ,LAN LA, NYI SNANG DU RKANG BA DANG PO GNYIS RTZOD PA DANG, PHYI MA GNYIS LAN DU MDZAD DO, ,SLOB DPON GYI 'GREL BA GNYIS SU DOGS PA KHOD NAS SLAD NAS, BZHI KA LAN DU MDZAD DE, GNYIS KA'I BZHED PA NI, BSOD NAMS KYI GRANGS DOR DAM DU MED KYANG, MED PA MA YIN TE, KUN RDZOB TU SANGS RGYAS KYI THUGS RTZE

PA'I RGYU MTHUN 'BRAS BU GSUNG RAB LAS 'BYUNG BA'I GRANGS JI LTAR BSTAN PA DAG THUB PA BZHED PA'I PHYIR, ZHES PA'O, ,'DI'I DON DAM DANG, KUN RDZOB GNYIS BSHAD PA DE, SPROS PA BRAL MA BRAL DBU MA PA LA GRAGS PA'AM, RTOG GE LA GRAGS PA'I RDZAS RANG MTSAN DANG, LDOG PA SPYI MTSAN LA BYED CE NA, BYANG YES LUGS GNYIS KA MDZAD CING, DE YANG BDAG NYID CHEN PO RDOG LO DANG, KHYUD GI BZHED PA PHYI MA DANG, 'BRE'I BZHED PA SNGA MAR GRAGS SHING, DPAL LDAN CHA PA, RIG NGAL YANG PHYI MAR BZHED DO, ,TSIG GSAL LAS, RDZAS GCIG LA LDOG THA DAD KYI DBYE BAR 'DOD LA, t'IKA DAG KYANG, DE RGYAN SNANG GI DGONGS PA'O, ZHES GSUNGS, RTZOD LAN JI LTAR 'GREL BA'I TSUL DANG, BDEN GANG YIN SOGS DKA' BAR SNANG BAS DPYAD DGOS NA'ANG MANGS PAR 'GYUR BAS MA BRIS SO, ,GRANGS MED LA SOGS, ZHES SOGS KYIS DON DAM DU MED KYANG KUN RDZOB TU YOD PA LAS SKYON MED CES PA LA SLAR (GSER PHRENG,) YANG, DNGOS PO BRJOD DU MED PA LA, ZHES SOGS KYIS, DON DAM DU MED NA KUN RDZOB TU NYAMS 'PHEL MI RUNG NGO, ZHES PA'I RTZOD PA NA, THA CHAD PA'I RTZOD PA YIN PAS, RJE BTZUN GYIS LAN MDZAD PAR MI RIGS TE, LAN BTAB PA DE NYID BZLOG NAS SLAR RTZOD PAR BKOD PA'I PHYIR RO, ,DES NA 'DI'I RTZOD PA BO SU YIN PA DANG, PHYOGS SNGA'I 'DOD PA GANG YIN DPYAD PAR BYA STE, DE YANG SEMS CAM PA PHYIN CHAD 'DI'I RTZOD PA PO MA YIN TE, BYANG CHUB JI LTAR DE BZHIN DU, ZHES SOGS KYIS LAN 'DEBS PA NA, BYANG CHEN GYIS GDUL BYA'I DON GRUB PA DON DAM DU MED KYANG, KUN RDZOB TU YOD PA BZHIN, ZHES PA'I DPE SEMS TZAM PA LA MA GRUB STE, DES BYANG CHEN GYI GDUL BYA'I DON SGRUB PA DON DAM DU GRUB PAR 'DOD PA'I PHYIR DANG; BYANG CHUB DE BZHIN NYID KYI MTSAN NYID CAN YIN PA BZHIN, BSGOM LAM YANG YIN ZHES SMRA BA MI RIGS TE, SEMS TZAM PAS YONGS GRUB DON DAM PAR GRUB PAR 'DOD PA'I PHYIR, DES NA, BYANG CHUB JI LTA DE BZHIN DU, ZHES SAGS KYI MDOR, 'ON KYANG 'DI SNYAM DU 'DI NI MING TZAM YIN TE 'DI LTA STE, SBYIN PA'I PHA ROL TU PHYIN PA NI MING TZAM MO, ZHES PA NAS, SHES RAB KYI PHA ROL TU PHYIN PA 'DI NI MING TZAM MO SNYAM ZHING, DE SBYIN PA'I PHAR PHYIN LA SPYOD PA'I TSE YID LA BYED PA DE DAG DANG, SEMS BSKYED PA DE DAG DANG, DGE BA'I RTZA BA DE DAG BLA MED RDZOGS BYANG DU BSNGO STE, DE YANG BLA MED RDZOGS BYANG JI LTA BA DE BZHIN DU YONGS SU BSNGO'O, ZHES

, ,'BYUNG BAS, BYANG CHEN DON DAM DU MED CING, KUN RDZOB TU YOD PA DANG, MING TZAM GYIS BZHAG PA DANG, YOD PA GNYIS 'GAL BAR 'DOD PA ZHIG STE, DE NI RANG RGYUD PA BZHIN GYIS GRUB PA ZHAL GYIS BZHES PA LAS 'OS MED DO, ,DE BZHIN DU TSIG DON BSHAD PAR BYA STE, DE LA GNYIS, SGOM LAM GYI NGO BO LA RTZOD PA SPANG BA DANG, DES BYANG CHUB LA RTZOD BA SPANGS PA'O, ,DANG PO LA GNYIS LAS, RTZOD PA NI, SGOM LAM GYI DNGOS PO RANG BZHIN GYIS GRUB PA BRJOD DU MED PA'I MID TZAM LA, SPANG BYA NYAMS PA DANG, ZHES SOGS SBYOR, GNYIS PA LA NI, BYANG CHUB JI LTA DE BZHIN DU, ZHES SOGS RKANG PA GNYIS KYI DON BSDUS NA, SGOM LAM RANG BZHIN GYIS MED NA, SPANG GNYEN MI 'THAD BA'I SKYON MED PAR THAL, BYANG CHUB DON DAM PAR MA GRUB KYANG, THA SNYAD DU GDUL BYA'I DON BYED PA BZHIN DU, SGOM LAM RANG BZHIN GYIS MA GRUB KYANG, THA SNYAD DU SPANG BYA SPONG BA SOGS 'DOD PA'I DON SGRUB PAR BYED PA'I PHYIR, ZHES BYA STE, DUS 'DI RTZOD LDAN YIN YANG, LEGS PAR BSHAD PA 'DI 'DRA NI RDZOGS LDAN GYI DUS SU YANG RNYED PAR DKA'O, ,GNYIS PA LA GNYIS LAS, RTZOD PA NI, SEMS NI SNGA MAS BYANG CHUB PAR, ZHES PA'I RKANG PA GNYIS KYI DON NI, BRTAGS DON BTZAL BA'I TSE GRUB PAR 'DOD PA'I RANG RGYUD PA DAG GI RTZOD PA STE, SEMS BSKYED SKAD CIG RE RE BA KHO NAS BYANG CHUB MI BSKYED, SNGA PHYI TSOGS PAS KYANG BYANG CHUB MI BSKYED NA, SEMS BSKYED KYI BYANG CHEN BSKYED BA BRTAGS DON BTZAL BA'I TSE MA GRUB PAR 'GYUR LA, DE LTA NA, DES DE NYID BSKYED PA MED PAR 'GYUR RO SNYAM PA STE, DPER NA, PHUNG PO RE RE BA DANG, TSOGS PA GANG ZAG TU MA GRUB NA, GANG ZAG RANG BZHIN GYIS MED PAR 'GYUR LA, DE LTA NA GANG ZAG GTAN MED DU 'GYUR RO, ZHES PA BZHIN NA, ,GNYIS PA LA NI, SEMS BSKYED SKAD CIG RE RE KHO NA DANG, TSOGS PAS BYANG CHUB MI BSKYED PA'I RGYU MTSAN GYIS, SEMS BSKYED KYI BYANG CHUB BTAGS DON BTZAL BA'I TSE MI BSKYED KYANG, SEMS BSKYED SKAD CIG SNGA PHYI LTOS NAS MING TZAM GYIS BYANG CHUB BSKYED PAR THAL, ME LCE SNGA PHYI RE RE KHO NA DANG TSOGS PAS SDONG BU MI BSREG PA'I RGYU MTSAN GYIS, ME LCES SDONG BU RANG BZHIN GYIS GRUB PA MI BSREG KYANG, MAR ME SKAD CIG SNGA PHYI LTOS NAS SDONG BU BSREG PA'I DPE'I TSUL GYIS NI ZAB MO'I CHOS NYID BRGYAD KYANG DE DANG 'DRA BA'I PHYIR, SKAD CIG SNGA PHYI LTOS PA DANG, ,BRTEN PA RNAMS NI MDE'I TSIG STE, ,BRTEN

BTAGS PA DANG, MING TZAM BRDA CAM DANG, BLOS BZHAG PA SOGS DON 'DRA'O, ,SLOB DPON SENG BZANG GI BZHED PA NI, TSOGS PAS BYANG CHUB BSKYED PAR 'DOD PA STE, THA SNYAD BTAGS PA'I BTAGS DON BTZAL NAS 'JOG PA'I LUGS LA, CHA CAN DE CHA SHAS RE RE BA DANG, TSOGS PA GANG YIN BTZAL PA'I TSE, MA RNYED NA BTAGS DON BTZAL BA'I DON MED BA'I PHYIR DANG, RGYAN SNANG DU, DPE'I SKABS SU, RTEN CING 'BREL PAR 'BYUNG BA'I CHOS NYID KYIS, TSOGS PA'I KHYAD PAR CAN DU SKYES PA, ZHES DANG, DON GYI SKABS SU SEMS BSKYED PA GNYIS KAS, BYANG CHUB SEMS DPA' BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYA'O, ZHES BYA BA'I THA TSIG GO, ZHES BYA BA 'BYUNG BA DANG, SDUD 'GREL LAS, DE DAG 'DUS PA YANG MA YIN TE, DE DAG NI RIM GYIS 'BYUNG BA NYID DANG, RING DU MI GNAS PA NYID KYIS LHAN CIG BA MED PA'I PHYIR RO, ZHE NA, DES 'DUS PAS MI BSKYED PA PHYOGS SNGAR BYAS PA'I PHYIR RO, ,DES NA t'IKA BYED RNAMS KYIS SEMS BSKYED SNGA PHYI RIM GYIS 'BYUNG BAS BYANG CHEN BSKYED, ZHES SMRA BA NI, BRGAL LAN SKYONG BDE BA'I DBANG DU BYAS PA 'DRA'O, ,GNYIS PA SRID ZHI MNYAM NYID KYI SBYOR BAS BSTAN TSUL NI, CHOS RNAMS RMI LAM 'DRA BA'I PHYIR, ,SRID DANG ZHI BAR MI RTOG PA, ZHES PA STE, 'PHAGS SENG GIS 'DI NAS MI SLOB PA'I DGE 'DUN DU GSUNGS LA, RGYUD BLA MA'I 'GREL PAR MTHAR THUG PA'I DGE 'DUN DU GSUNGS PAS, 'DI SA BRGYAD PA YAN LA 'JOG DGOS SO, ,SRID ZHI LA BLANG DOR DU RNAM PAR MI RTOG PAR MDO LAS GSUNGS PA NI, SA BDUN PA PHYIN LA YANG YOD PAS 'DER NI SRID ZHI LA BLANG DOR DU BDEN PAR 'DZIN PA SA BON DANG BCAS PA SPANGS SHING RJES THOB TU BDEN PAR SPANG BA 'BA' ZHIG DANG BCAS PA'I DAG PA'I YE SHES SO, ,DE LTAR NA, 'JUG PA LAS, SA BRGYAD PA LA DRI MA DE DAG RTZA BCAS NYE BAR ZHI 'GYUR ZHING, ZHES PA DANG MTHUN PA'I RNAM BZHAG GO ,MKHAS PA DAG NI, t'IKKAR 'PHAGS SENG GI LUGS LTAR 'CHAD PA NA, RJES THOB KYI SKABS SU, BDEN 'DZIN MNGON 'GYUR SKYE BA'I GO SKABS ZAD PAR BCOM PA'I DAG PA'I YE SHES, ZHES PA TZAM LAS GSUNG THABS MA BYUNG NGO, ,LUGS 'DI LTAR SBYAR TE, LAS MED LAS SOGS KLAN KA YI, ZHES SOGS BSHAD NA SHIN TU LEGS MED KYI RE ZHIG BZHAG STE GO [?] ,GZHAN YANG SKABS SO SO'I GZHUNG LA ZHIB TU DPYAD NA, 'CHAD TSUL 'DI 'DRA 'GA'

, ,RE YOD KYANG MANGS PAR 'GYUR BAS MA BRIS SO, ,'DIR SMRAS PA, DE LTAR RGYAL RNAMS KHOD BZHANG MDZAD PA'I GTAM, ,SANGS RGYAS SPYAN LTAR SHIN TU RNYED DKA' ZHING, ,CHOS KYI SKU LTAR RNYED NA DON CHE BA'I, ,ZAB MO'I GTAM 'DI KHO BOS YI GER BKOD, ,TSIG ZUR SMOS PAS KHO BO'I SLOB MA LA, ,YONGS 'DZIN MCHOG GIS 'DI BSTAN 'DI LAS GZHAN, ,PHYOGS BCU'I RGYAL BA SRAS BCAS STON BYED KYANG, ,BDAG YID G-YO BA MED DO GROGS PO DAG, BLA MA'I RJES 'JUG BRGYA PHRAG MANG PO YI, ,'KHOR GYI DREGS LDAN MKHAS RLOMS MANG PO ZHIG, LEGS PAR BSHAD 'DI'I CHA TZAM GO BA YI, ,BSKAL BA MED PAR LNGA PA NYID DU GYUR, ,'CHANG PO MANG BSTEN NGAL BA BRGYA BSTEN YANG, ,RANG LUGS GANG GNAS GRUB MTHA'I PHYOGS MA MTHONG, ,NYUNG DU'I SBYOR 'GOD TSIG 'KHRI'I BRGAL LAN GYIS, ,KHENGS LDAN MKHAS BAR RLOM PA'ANG MANG ZHIG SNANG, ,SLOB MAR KHAS LEN BLUN RMONGS 'BYUNG PO'I BYA, ,PHYOGS LHUNG 'DREN BYED GRIB MAS DAM PA'I LUGS, ,BDAG GI NGAG DANG LHA GCIG NYI MA YI, ,SGRIB 'DOD SKAL PA NGAN PA 'DI DAG MTSAR, ,KYE MA KHO BO SNGON GYI LEGS BYAS DMAN, ,LAM BZANG 'DOMS PA'I MKHAS RNAMS GZHAN DU GSHEGS, ,GZUR GNAS BLO LDAN SGRUB PA'I GROGS DANG BRAL, ,BLUN PO'I RJES 'BRANGS BLUN PO'I TSOGS DANG 'PHRAD, ,DE LTA MOD KYI THUB PA'I BSTAN PA DANG, ,GRUB MCHOG LUGS BZANG NYAMS PA MA BZOD NAS, ,SOR MO'I BEEd'UR SA GZHI GTZANG MA LA, ,LA DBANG YI GE'I GZUGS CAN SNANG BAR GYUR, ,RAB 'BYAMS GZHUNG DANG KHYAD PAR DU, ,PHA ROL PHYIN PA'I TSUL LUGS LA, ,RING DU SPYANGS NAS 'DI BGYIS LA, ,NONGS NA MKHAS RNAMS BZOD PAR MDZOD, ,DGE TSOGS KUN GSAL LTAR YANGS GANG, ,'GRO KUN KUN MKHYEN THOB PHYIR BSNGO, ,THUB BSTAN RGYAS PA'I ZLOS GAR GYI, ,ROL BAS 'JIG RTEN GANG GYUR CIG, CES BYA BA 'DI NI SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI MTHAR THUG PA'I LTA BA THAL 'GYUR DU 'GREL BA'I TSUL, RIGS PA DRI MA MED PA'I LAM NAS DRANGS NAS BSHAD PA STE, ZHANG ZHUNG PA CHOS DBANG GRAGS PA'I DPAL GYI SGROL BYED KYI LO SNRON GYI ZLA BA LA, NAGS SHOD RNAM RGYAL DPAL 'BAR ZHES BYA BA'I DGON BAR SBYAR BA'I YI GE PA NI SDOM BRTZON BLO DANG LDAN PA TSUL KHRIMS DPAL LO, ,SARBA MANGGA LAm,,

[BLANK PAGE]

, ,'GREL PA DON GSAL GYI RNAM BSHAD RTOGS DKA'I SNANG BA ZHES BYA BA MKHAS GRUB THAMS CAD MKHYEN PAS MDZAD PA BZHUGS SO, ,

, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL BA'I RNAM BSHAD RTOGS PAR DKA' BA'I SNANG BA ZHES BYA BA BLA MA DANG RJE BTZUN 'JAM PA'I DBYANGS KYI ZHABS KYI PADMO LA SKYE BA KUN TU GUS PAS PHYAG 'TSAL LO, ,GANG ZHIG ZHI BA'I RGYU SKAR 'PHRENG, ,RGYAL SRAS RI BONG 'DZIN PA'I DPAL, ,KUN MKHYEN NAM MKHA'I NOR BU DAG ,GANG GIS BSKRUN DE RGYAL GYUR CIG ,THUB PA PHYOGS KUN RI DVAGS MIG CAN GYI, ,MDZES SDUG RDZOGS PA SNYAN PA'I BA GAM RTZER, ,MI NYAMS BSOD NAMS RKANG STEGS LA 'JOGS PA, ,'PHROG BYED RAL BA'I KUN DGA' RGYAL GYUR CIG ,GANG ZHIG MA LUS 'GRO BA'I SNYING LA RAB DKAR BYAMS PA'I GA PUR THIGS RGYUN LAN CIG MIN PAR LHUNG BA GANG, ,DE YI RAB BSIL GRAGS PA'I DRI BZANG NOR 'DZIN BU MO'I 'GRAM PA LA NI SGROL BYED MDZUB MOS BRIS GYUR PA, ,RGYAL BA'I COD PAN ME TOG DKAR PO'I SNYE MA YIS KYANG GZHON NU'I KHUR BZHIN GTZUG TOR NGAL BA NYID DU BYED, ,DPAL LDAN SA YI MGON PO KHYOD KYIS BSNGAGS PA'I YAL 'DAB BDE GSHEGS ZHAL GYI ROL RTZED DGA' BA RGYAL GYUR CIG ,DNGOS

, ,POR SMRA BA GLANG CHEN SMYON PA'I THOD PA'I BUM PA DRAL BYED CING, ,STONG NYID SENG GE'I GANG RGYANGS DRAG POS SRID PA'I BRAG RI HRUL POR BYED, ,BDE GSHEGS BSTAN PA GANGS RI'I SUL NA SNYING RJE'I MIG DMAR G-YO BA CAN, ,DPAL LDAN GDONG LNGA'I DBANG PO KHYOD KYIS 'PHRIN LAS BZANG POS SKYONG GYUR CIG ,LEGS PAR BSHAD PA'I GZHUNG LUGS KYIS, ,MI NYAMS RNAM DPYOD BYIN PA GANG, ,DE YI LEGS BSHAD BDUD RTZI YANG, ,SKAL BZANG SNYING LA SBYIN PAR BYA, ,PHRAG DOG ME YIS MGRIN PA'I PHUG SKAMS SHING, ,LOG PA'I PHUD SGRA 'BYIN PA'I GDUG PA'I SBRUL, ,DE DAG 'DAB BZANG DBANG PO'I SBAR KHYIM LAS, ,LEGS 'ONGS RDO RJE'I RTZE LA BAG YOD BYOS, ,'DIR MNGON PAR RTOGS PA'I RGYAN GYI 'GREL BA DON GSAL BA NYID NI GANG BSHAD PAR BYA BA'I CHOS YIN NO, ,DE LA RE SHIG BSTAN BCOS KYI 'GREL NI, BDE BAR GSHEGS PAS CHOS KYI 'KHOR LO RIM PA GSUM DU BSKOR BA LAS, THEG PA CHEN PO'I SDE SNOD NI RNAM PA GNYIS TE, 'KHOR LO BAR PA MTSAN NYID MED PA'I MDO DANG, THA MA LEGS PAR RNAM PAR PHYE BA DANG LDAN PA'I 'KHOR LO'O, ,DE LA BAR BA'I GTZO BO NI, SHER PHYIN STONG PHRAG BRGYA PA LA SOGS PA DANG, THA MA'I GTZE BO NI MDO SDE DGONGS PA NGES PAR 'GREL PA'O, ,DE GNYIS LAS, 'PHAGS PA KLU SGRUB YAB SRAS KYI MAN NGAG GI RJES SU 'BRANGS TE, BAR PA NGES DON DU GTAN LA PHAB NAS, MTHA' BRAL DBU MA'I TSUL GSAL BAR BYED PA DANG, 'PHAGS PA THOGS MED SKU MCHED DANG, THEG PA CHEN PO MDO SDE'I RGYAN DANG, DBUS DANG MTHA'

RNAM PAR 'BYED PA LA SOGS PA'I RJES SU 'BRANGS TE, 'KHOR LO THAM NGES DON DU GTAN LA PHAB NAS RNAM RIG PA TZAM GYI TSUL GSAL BAR BYED PA STE, DE LTAR THEG PA CHEN PO LA SHING RTA'I SROL CHEN PO GNYIS SU NGES PA YIN NO, ,DE YANG 'KHOR LO BAR PA SHER PHYIN GYI MDO DAG GI BRJOD BYA'I DON NI GNYIS TE, SNYING PO'I DON DANG, MNGON PAR RTOGS PA'I RIM PA'O, ,SNYING PO'I DON NI, CHOS THAMS CAD KYI GNAS LUGS STONG PA NYID DON DAM PA'I BDEN PA YIN LA, DE YANG RGYAS 'BRING BSDUS GSUM GYI MDOS DNGOS SU GTZO BOR BSHAD CING, DE NYID 'PHAGS PA KLU SGRUB YAB SRAS KYIS DBU MA RIGS PA'I TSOGS RNAMS SU RGYAS PAR 'GREL BAR MDZAD LA, RJE BTZUN BYAMS PA MGON POS SNYING PO'I DON DE NYID JI LTAR GSAL BAR MDZAD PA'I TSUL NI GZHAN DU 'CHAD PAR 'DOD DO, ,MNGON PAR RTOGS PA'I RIM PA NI RGYAS 'BRING BSDUS GSUM LAS, SNYING PO'I DON DNGOS SU BSTAN PA'I SHUGS LA RTOGS PAR BYA BA YIN PAS SA 'OG GI GTER LTAR RTOGS DKA' ZHING RTOGS NA DON CHE BAR DGONGS TE, RJE BTZUN GYIS MNGON PAR RTOGS PA'I RIM PA DE DAG GSAL BAR STON PA GTER GYI KHA BYANG LTA BU'I MAN NGAG MNGON PAR RTOGS PA'I RGYAN MDZAD DO, ,DE LA YANG SLOB DPON SNGA MA DAG GIS RNAM 'GREL MANG DU MDZAD KYANG, KHA CIG GIS SNYING PO'I DON RNAM RIG PA TZAM GYI TSUL DU GNAS PA LA BRTEN NAS BKRAL ZHING, GZHAN DAG GIS MTHA' BRAL DBU MA DANG MTHUN PAR BKRAL YANG, YUM GSUM GA'I RGYAN DU MA SBYAR LA, 'DIR NI SNYING PO'I DON MTHA' BRAL DBU MA'I TSUL DANG, MNGON PAR RTOGS PA'I RIM PA YUM GSUM GA'I RGYAN DU SBYAR BA'I SGO NAS GSAL BAR MDZAD PA NYID DU BZHED DE, SLOB DPON SENG GE BZANG PO RANG DANG GZHAN GYI GRUB PA'I MTHA' RGYA MTSO'I PHA ROL DU BYON CING, SHER PHYIN GYI ZAB DON GYI NYING KHUS BLO GROS KYI LUS RGYAS PA, LHAG BA'I BSAM BA RMAD DU BYUNG BA DANG LDAN PAS RJE BTZUN RANG NYID LAS GNANG BA MNOS TE, SLAD KYI 'GREL

, ,PA DON GSAL BA 'DI NYID MDZAD DO, ,'DI LA GSUM, BSHAD PA LA 'JUG PA, BSHAD PA NYE BAR DGOD PA, BSHAD PA YONGS SU RDZOGS PA'I BYA BA'O, ,DANG PO LA BZHI, MCHOD PAR BRJOD CING DAM BCA' BA, RNAM BSHAD SNGA MA JI LTAR BYUNG TSUL, RANG NYID 'GREL BA RTZOM PA'I RGYU; KHENGS SKYUNGS SHING RTZOM PAR SPRO BA BSTAN PA'O, ,DANG PO NI, GUS PHYAG 'TSAL, GANG LA NA, SHER PHYIN LA'O, ,CI'I CHED DU NA, DE'I RGYAN TSIG LE'UR BYAS BDAG ,YUM KUN GYI RGYAN DU 'GYUR BAR NI RNAM PAR DBYE PHYIR RO, ,DE LA DGOS PA CI YOD NA, 'BYED PA'I GEGS BAR CHAD SEL BA DANG, DAM PA'I SPYAD PA DANG MTHUN PA'I PHYIR RO, ,'DIR SHER PHYIN NI, DE'I RGYAN TSIG CES SHER PHYIN GYI RGYAN DANG, MNGON PAR RTOGS PA'I RGYAN DON GCIG TU BSHAD PAS, MNGON RTOGS BRGYAD KA LA RJES SU 'GRO BA'I MNGON RTOGS TZAM LA SHER PHYIN GYI BRDA SBYAR BA DE NYID YIN LA, DE'I PHYIR KHA CIG GZHUNG SHER PHYIN DANG, KHA CIG CHOS NYID DANG, KHA CIG 'BRAS BU SHER PHYIN KHO NA LA 'DOD PA DAG NI DON MIN NO, ,GZHUNG 'DIS SHUGS LA DGOS SOGS CHOS BZHI 'PHANGS TE, DE YANG YUM GSUM RGYAN DANG BCAS PA SGRA'I BRJOD BYA, MNGON RTOGS BRGYAD DOM GYI BRJOD BYA, 'GREL PA 'DI LAS BSTAN BCOS YUM KUN GYI RGYAN DU 'GYUR TSUL SHES PA DGOS PA, BRJOD BYA THOS BSAM GYIS GTAN LA PHAB PA DE DAG BSGOM BYUNG GIS NYAMS SU BLANGS PA LAS RNAM MKHYER 'THOB PA NYID DGOS SO, ,GNYIS PA NI, CI SLOB DPON SNGA MA DAG GIS BYAS PA'I 'GREL PA 'GA' ZHIG YOD DAM MED, YOD NA BRTZAM MI DGOS LA, MED NA MAN NGAG MED PAS BRTZAM MI NUS SO ZHE NA, SLOB DPON SNGA MA BZHI'I 'GREL PA YOD KYANG DE DAG NI BSHAD PA PHYOGS RE BA YIN LA, 'DIR DE DAG LAS KHYAD PAR DU GYUR PAR BYA'O ZHES SHES PA'I PHYIR DU SLOB DPON SNGA MA BZHI'I 'GREL PA BYAS TSUL 'CHAD PA LA BZHI LAS, DANG PO THOGS MED KYIS BKRAL TSUL NI, RNAM BSHAD MDZAD, GANG GI NA, BSTAN BCOS CHEN PO RGYAN GYI'O, ,SUS NA 'PHAGS PA THOGS MED KYIS SO, ,DE'I

YON TAN NI, SNYING RJES 'GRO LA CHAGS PAS KUN CHAGS MDZAD PA'AM, YANG NA SNYING RJES 'GRO LA CHAGS PAS RANG DON LA CHAGS MED MDZAD PA'I SGO NAS GZHAN SDUG BSNGAL LAS SKYOB NYID KYI YON TAN DANG LDAN NO, ,RTZOM PA'I RGYU NI MI PHAM MGON PO LA GSAN NAS NI GO, GNYIS PA DBYIG GNYAN GYIS MDZAD TSUL NI, RNAM PAR BKRAL LO, ,GANG NA BSTAN BCOS CHEN PO'O, ,GANG GIS NA, DBYIG GNYEN GYIS SO, ,DE'I YON TAN 'GRO BA'I DON MNGON MTHO NGES LEGS KYI RTZA LAG TU GYUR PA'O, ,JI LTAR NA RANG GI MOS PA GTZOR BYED PAS SHES BYA NANG GI YIN PA SEMS TZAM GYI TSUL LA YANG DAG BRTEN NAS SO, ,'DIS SNGA MA YANG LTA BA 'DI DANG MTHUN PAR BSTAN TE, 'DIS LTA BA DE LTAR 'GREL PA NI DE'I RJES SU 'BRANGS PA YIN PA'I PHYIR RO, ,GSUM PA 'PHAGS GROL GYIS MDZAD TSUL NI, RNAM PAR PHYE, GANG NA, BSTAN BCOS CHEN PO'O; ;SUS NA RNAM PAR GROL BA ZHES BYAS KYANG NGO, ,DE'I YON TAN NI, 'PHAGS PA'I KHONGS SU GTOGS PA YI'O, ,JI LTAR NA, DBYIG GNYEN DES BYAS PA YANG DAG PAR BYAS PA MIN PAR MTHONG NAS PHYOGS SU MA LHUNG BA DBU MAR GNAS PA'I BLOS MTHA' BRAL DBU MA'I TSUL DU'O,, 'DIS 'OG MA YANG LTA BA 'DI DANG MTHUN PAR SHES TE, RGYU MTSAN SNGAR LTAR RO, ,BZHI PA BTZUN PA GROL SDES BSHAD TSUL NI, RNAM BSHAD BYAS SO, ,GANG NA BSTAN BCOS CHEN PO'O, ,SUS NA RNAM PAR GROL SDE'O, ,DUS NI DE'I 'OG TU'O, ,YON TAN NI DANG PA'I SA LA GNAS PA YIS SO, ,JI LTAR NA BSTAN BCOS 'DI YUM GSUM PO MTHA' DAG GI RGYAN DU MA RNYED PAR NYI KHRI KHO NA'I RGYAN DU SBYAR TE'O, ,'PHAGS PAS BSHAD PA LAS NUS PA LHAG PO MED PAS DON MED DO SNYAM NA, RANG GI BLO GROS 'PHEL BA DANG RJES SU MTHUN PA'I PHYIR YIN PAS SKYON MED DO; ;GSUM PA LA RNYED PA NGO MCHAR BAR BSTAN PA DANG, BKA' DRIN GYI LAN DU DBYE RIGS PAR BSTAN PA'O, ,DANG PO NI, DE LTAR MKHAS PAS SNANG BYAS SHING DBYIG GNYEN SOGS 'GA' ZHIG KHO NAS RIGS STOBS KYIS MA RNYED PA'I BSTAN BCOS 'DI'I DON MNGON RTOGS BRGYAD

, ,YUM GSUM PO MTHA' DAG GIS BSTAN PA DANG, MTHA' BRAL DBU MA DANG MTHUN PA DE LTAR RNYED PA GANG DE YA MTSAN NO, GNYIS PA NI, DE LTAR SHIN TU RNYED DKA' BA'I ZAB MO'I LAM SHER PHYIN 'DI JI ZHIG LTAR SANGS RGYAS DBANG GIS RNYED PA NI MKHAS PA RNAMS KYIS DBYE BAR RIGS TE BSGRUB PA'I MCHOD PA NYID BLA NA MED PA'I MCHOD PA YIN PA'I PHYIR RO, ,BZHI PA NI, YUM DON MA LUS PA MNGON DU GYUR PA'I SGO NAS RNAM PA KUN TU BDAG GI NI SPYOD YUL MIN YANG 'GREL PA 'DI RTZOM PA LA SPRO BA SKYES SO, ,CI'I CHED DU NA, RANG GZHAN LA PHAN GDAGS 'DOD BAS SO, ,DE'I RGYU MTSAN NI YUM DON 'CHAD PA 'DI BSOD NAMS KHYAD PAR CAN DAG BSGRUB CING BSKYED PA DANG RJES SU MTHUN BA'I RGYU YIN PA'I PHYIR RO, ,GNYIS PA BSHAD PA NYE BAR DGOD PA LA GSUM, BSOD NAMS SPEL BA'I YAN LAG MCHOD BRJOD, BSTAN BCOS LA GZHAN 'JUG PA'I YAN LAG DGOS 'GREL, 'JUG BYA BSTAN BCOS KYI RANG BZHIN DNGOS BSHAD PA'O, ,DANG PO LA, MTSAMS SBYAR, RTZA BA, 'GREL BA GSUM, DANG PO NI, PHYAG 'TSAL BA ZHES DRANG NGO, ,SUS NA BYAMS PAS SO, ,DUS NI RE SHIG BSTAN BCOS RTZOM PA'I DANG POR RO, ,GANG LA NA YUM LA'O, ,JI LTAR NA NYER ZHIR KHRID PA SOGS YON TAN JI LTA BA BZHIN DU BRJOD PA SNGON DU 'GRO BA CAN GYIS SO, ,DGOS PA NI DNGOS SU 'PHAGS PA BYAMS PA RANG NYID DAM BA'I SPYOD PA DANG MTHUN PAR RAB TU STON PAS DANG, CHED DU BYA BA GDUL BYA GZHAN DAG BCOM LDAN 'DAS MA YON TAN RIN PO CHE PHUL DU DBYUNG DU MED CING DPAG TU MED PA'I 'BYUNG GNAS LA RAB TU DVANG BA BSKYED PA'I CHED DU'O, ,DVANG BA LA DGOS PA CI YOD CE NA, DVANG BA'I DON GYI SHUGS KYIS YUM LA THOS BSAM BSGOM PAS 'JUG PAR BYA BA'I PHYIR DU'O, ,'JUG PA LA DGOS BA CI YOD NA SHER PHYIN GYI YUM LA RAB TU DVANG BAS 'JUG PA NI LEGS PA THAMS CAD 'THOB PA'I THOG MA'I RGYU'I GTZO BO YIN NO ZHES TSAD MAS GRUB BA'I PHYIR RO, ,JI LTAR GRUB CE NA BYAMS PA'I MNYAM GZHAG SO SO RANG GIS RIG BA'I YE

SHES KYIS YONGS SU DBYAD NAS DES DRANGS BA'I RJES THOB YE SHES KYIS NGES PAR BZUNGS NAS SO, ,RTZA BA LA, TSIG DON DANG, MTHA' DPYAD PA GNYIS, DANG PO NI, GANG ZAG NYAN THOS ZHI BA TSOL RNAMS THABS KUN SHES NYID KYIS 'BRAS BU NYER ZHIR KHRID MDZAD GANG YIN DANG GANG DAG BYANG SEMS 'GRO LA PHAN PAR BYED RNAMS THABS LAM SHES NYID KYIS 'BRAS BU 'JIG RTEN DON SGRUB MDZAD PA GANG YIN BA DANG, THABS RNAM MKHYEN GANG DANG YANG DAG LDAN PAS GANG DAG THUB PA RDZOGS PA'I SANGS RGYAS RNAMS 'DRAS BU BDEN GNYIS KYI RNAM PA KUN DANG LDAN PA DRANG NGES SNA TSOGS PA'I CHOS KYI 'KHOR LO 'DI GSUNG BAR MDZAD PA'I SGO NAS NYAN THOS BYANG CHUB SEMS DPA'I TSOGS BCAS SANGS RGYAS KYI NI YUM DU GYUR PA SHER PHYIN DE LA PHYAG 'TSAL LO, ,GNYIS PA MTHA' DPYAD PA LA, THOG MAR GZHI SHES, DE NAS LAM SHES, DE NAS RNAM MKHYEN LA BSTOD BA'I GO RIM 'DI LTAR 'BYUNG BA CI, YUM SRAS KYI DON NI GANG, PHYAG YUL GYI YUM YANG GANG LA BYA ZHE NA, GO RIM LA KHA CIG NA RE, 'DI NI MDO'I GLENG GZHI'I 'GREL BA YIN PAS DE DANG MTHUN PAR BYAS PA YIN NO, ,DE YANG, BYA RGOD PHUNG PO'I RI LA DGE SLONG LNGA STONG TZAM ZHES SOGS KYIS RTEN NYAN THOS BSTAN LA, THAMS CAD KYANG DGRA BCOM PA, ZAG PA ZAD PA ZHES SOGS KYIS 'BRAS BU NYER ZHI BSTAN CING, BYANG CHUB SEMS DPA' CHEN PO TSAD MED GRANGS MED PA ZHES SOGS KYIS RTEN BYANG SEMS DANG, THAMS CAD KYANG GZUNGS RAB TU THOB PA ZHES SOGS KYIS 'BRAS BU BSTAN LA, BCOM LDAN 'DAS NYID KYIS GDAN SENG GE'I KHRI BSHAMS NAS ZHES SOGS KYI SKU'I SNANG BA BYUNG BA RNAMS KYIS RTEN SANGS RGYAS DANG, GSUNG GI SNANG BA BYUNG BA RNAMS KYIS 'BRAS BU CHOS 'KHOR BSTAN LA, GSUM GA'I SKABS SU'ANG THABS GZHI SHES; LAM SHES, RNAM MKHYEN GSUM KHONG NA GNAS PA RJE BTZUN GYIS DNGOS SU KHA BSKANG BA YIN NO ZHES ZER RO, ,DE NI MI 'THAD DE, 'PHAGS SENG GNYIS KAS MCHOD BRJOD DANG GLENG GZHI MA SBYAR ZHING, 'GREL CHEN DU GLENG GZHI DGONGS 'GREL GYI MJUG TU BSHAD PA DANG

, ,'GAL BA'I PHYIR DANG, RTZA BA'I RTEN STON PA'I SKABS KYI NYAN THOS NI NYAN THOS 'PHAGS BA SLOB MI SLOB GNYIS KA LA BYA DGOS SHING, 'BRAS BU NYER ZHI THOB BA'I NYAN THOS NI DGRA BCOM KHO NA YIN PAS DON THA DAD LA, GLENG GZHI'I SKABS KYI DGE SLONG LNGA STONG ZHES PA DANG, THAMS CAD KYANG DGRA BCOM BA ZHES SOGS DON GCIG PA'I PHYIR DANG, LAM SHES KYI 'BRAS BU 'JIG RTEN GYI DON NI, GDUL BYA'I RGYUD KYI MNGON MTHO NGES LEGS YIN LA, GLENG GZHI'I SKABS KYI GZUNGS RAB TU THOB BA, ZHES SOGS KYIS NI BYANG SEMS RANG RGYUD KYI YON TAN KHO NA BSTAN PA YIN PA'I PHYIR RO, ,DES NA GO RIM 'DI NI SHER PHYIN LA BRTEN NAS GDUL BYA THEG PA GSUM LA RIM GYIS 'JUG PA'I GO RIM DANG MTHUN PAR BYAS PA YIN NO, ,YUM SRAS KYI DON LA, SNGA RABS PA DAG DANG, PHYIS KYI RJES 'BRANGS KHA CIG DUS MNYAM PA'I MKHYEN [?] GSUM DANG 'PHAGS BZHI RNAM PAR BZHAG 'JOG GI RGYU 'BRAS YIN LA, SNGA PHYI DAG BSKYED BYA SKYED BYED KYI RGYU 'BRAS YIN, CES SMRA BA NI CHES MI RIGS TE, RNAM BAR BZHAG 'JOG YIN NA MTSAN MTSON YIN DGOS LA, NYAN THOS DANG GZHI SHES, ,BYANG SEMS DANG LAM SHES, DUS MNYAM DAG PHAN TSUN GCIG YIN NA GCIG YIN PA 'GAL BA'I PHYIR RO, ,DES NA MKHYEN PA SNGA MA SNGA MA RNAMS NI RANG RANG GI 'BRAS BU PHYI MA DAG BSKRUN BA'I YUM YIN PAS RGYU 'BRAS MTSAN NYID BA YIN LA, RDZOGS PA'I SANGS RGYAS DANG PO DANG, MTHONG LAM BSKAD CIG DANG PO DAG KYANG RANG RGYUD KYIS BSDUS PA'I RNAM MKHYEN DANG LAM SHES SOGS SNGA MA LAS MA SKYES KYANG SHER PHYIN SNGA MA SNGON DU SONG BA LAS SKYES PA YIN NO, ,PHYAG YUL GYI YUM LA KHA CIG SKABS 'DI'I PHYAG YUL GZHI SHES NI, NYAN RANG KHO NA'I RGYUD KYI GZHI SHES YIN NO ZHES SMRA BA MI 'THAD DE, DE LTA NA GZHI SHES KYI YON TAN BRJOD BA PAS YUM [?] LA DVANG BA SKYE BA'I GDUL BYA YANG, NYAN RANG GI RIGS CAN YIN PAS KHYAB PAR THAL LO, ,DE 'DOD NA, DE 'DRA'I DVANG BA LAS YUM LA THOS BSAM BSGOM PAS 'JUG BA'I GDUL BYA YIN NA'ANG, DES KHYAB

PAR THAL LO, ,DE 'DOD NA, YUM RGYAS 'BRING BSDUS GSUM GYI DNGOS KYI CHED DU BYA BA'I GDUL BYA THEG CHEN GYI RIGS CAN MED PAR THAL BA DANG, BSTAN BCOS 'DI THEG CHEN THUN MONG MIN BA'I SDE SNOD MIN PAR THAL BA DANG, NYAN RANG GI BSTAN BCOS 'DI'I BRJOD BYA THOS BSAM BSGOMS PA'I SHES RAB KYIS MA MYANGS PAR BSHAD PA LA SOGS PA THAMS CAD DANG 'GAL BAR 'GYUR RO, ,SANGS RGYAS KYI YE SHES KHO NA YANG, SKABS 'DI'I PHYAG YUL GYI YUM DU 'THAD BA MIN TE, DE LTA NA, YUM 'DIS NYAN RANG GI BZHED DON BSGRUB PA'I TSUL, 'DAS [?] NYAN RANG GI RIGS CAN RNAMS LA GZHI BDAG MED PAR STON PA'I CHOS 'KHOR BSKOR BAS GZHI SHES KYI RTOGS BA SKYES TE, RIM GYIS NYON MONGS SPANGS NAS ZHI BA THOB PAR BYED PA MA GTOGS THABS GZHAN MED PAS, PHYAG YUL GYI YUM YIN NA, NYAN RANG GI BZHED DON DNGOS SU MI SGRUB PAS KHYAB PAR THAL BA'I PHYIR RO, ,DE BAS NA RANG LUGS NI, GANG ZAG GI BDAG MED MNGON SUM DU RTOGS PA DANG, RNAM RTAGS MTSAN MA LUS BA MNGON SUM DU RTOGS PA GSUM KA CHA SHAS SU LDAN PA'I BDAG MED MNGON SUM DU RTOGS PA'I SHES RAB TZAM DE NYID YIN LA, DE NI SHER PHYIN MTSAN NYID PA YIN ZHING, 'PHAGS BA BZHI GA'I DNGOS KYI YUM YIN NO, ,RNAM MKHYEN CHA SHAS SU LDAN PA'I SHES RAB YIN NA, SANGS RGYAS KYI YE SHES SU MI 'GYUR RAM ZHE NA, 'O NA DON BYED PA CHA SHAS SU LDAN PA'I CHOS YIN NA DNGOS POR 'GYUR RO ZHES BRJOD NA LAN CI YOD SOMS SHIG ,DES NA SHER PHYIN THAMS CAD MKHYEN PA NYID KYI BDAG NYID TSUL GSUM PA CAN ZHES SOGS DANG YANG LEGS PAR 'GRIG PAR 'GYUR LA, SANGS RGYAS KYI YE SHES NYAN RANG GI YUM YIN NA GNOD PA GZHAN YANG 'BAB PAR SEMS SO; ;GSUM PA 'GREL BA LA, DGOS DON, BSDUS DON TSIG DON, BRGAL LAN DANG BZHI, DANG PO LA DNGOS KYI DGOS PA DANG, BRGYUD PA'I DGOS PA DANG, DON BSDU BA'O, ,DANG PO LA DVANG BA'I RKYEN DANG, DVANG BA'I RANG BZHIN GNYIS, DANG PO NI, TSIGS SU BCAD PA 'DIS [?]

, ,NI YUM 'DI'I CHE BA'I BDAG NYID PHUL DU BYUNG BA DANG LDAN PAR BRJOD DO, ,GNYIS PA LA GNYIS LAS, DBANG RTUL DVANG BA SKYE TSUL NI DE THOS NAS RE SHIG DAD PA'I RJES SU 'BRANG BA RNAMS NI YUM GYIS 'PHAGS BZHIR BSKRUN PA 'DI LA THE TSOM MED PAR MYUR DU RAB TU'AM, SHUGS DRAG PO'I DVANG BA SKYE'O, ,GNYIS PA DBANG RNON DVANG BA SKYE TSUL NI YUM DE LA RAB TU SKYED PAR BYED PA NYID DO, ,GANG NA DBANG RTUL DU MA ZAD CHOS KYI RJES SU 'BRANG BA RNAMS KYANG NGO, ,DVANG BA'I NGO BO JI LTA BU ZHIG SKYED PAR BYED NA, SHER PHYIN THAMS CAD MKHYEN PA NYID GSUM GYI BDAG NYID TSUL GSUM PA CAN TE MKHYEN GSUM RANG GI BDAG NYID DU LDAN PA DES SANGS RGYAS LA SOGS PA BSKRUN PAR MDZAD PA NI GDON MI ZA BAR SRID PA NYID DO ZHES NGES PAR BZUNGS TE'O, ,NGES PA DE GANG LAS SKYE ZHE NA, DBANG RTUL BZHIN DU TSIG THOS PA KHO NA LAS SKYES PA MIN GYI, GZHI DANG LAM DANG RNAM PA BDEN PA'I SKYE BA MED PAR YONGS SU SHES PA'I BDAG NYID CAN MCHOD BRJOD KYI TSIGS SU BCAD PA'I DON GYI MTSAN NYID KYI YUM DE 'DRA YOD PA LA RIGS PAS GNOD PA 'BAB MI 'BAB DBYAD PA NA GNOD PA MA MTHONG NAS NGES BA DE SKYE BA YIN NO, ,DES NA GZHUNG 'DIS DBANG RNON NGES PA SKYE BA NI, DBANG RTUL BZHIN TSIG THOS PA TZAM LAS SKYE BA MIN PAR, TSIG DE'I DON LA TSAD MAS GNOD PA YOD MED DPYAD NAS MED PAR MTHONG BA NA SKYE ZHES DBANG PO RNO RTUL GYI NGES SHES SKYE TSUL GYI KHYAD PAR TZAM ZHIG BSTAN PA YIN GYI, GNOD BYED 'DI 'DRA ZHIG MED PAR MTHENG ZHES PA DANG, SGRUB BYED 'DI 'DRA ZHIG YOD PAR MTHONG ZHES PA'I GNOD BYED DANG SGRUB BYED KYI MTSAN GZHI NGOS 'DZIN PA MIN ZHING DE'I PHYIR GZHAN DAG GIS SHER PHYIN ZHES SOGS SGRUB BYED BZUNG BA LA SBYOR BA NI RIGS PA'I RNAM PA MA CHAGS PA YIN TE, DE LTA NA YUM GYIS SRAS 'PHAGS BZHI GDON MI ZA BAR BSKRUN PA DE YUM GYIS SRAS 'PHAGS BZHI BSKRUN PA'I SGRUB BYED YANG DAG TU 'GYUR BAS SGRA MI RTAG PA'ANG SGRA MI RTAG PA'I SGRUB BYED DU THAL LO, ,CI STE [?] DE SGRUB BYED DU MI

SMRA'I NGES DE'I SGRUB BYED SHUGS LA 'PHANGS PAR SMRA'O ZHE NA, 'O NA SGRA MI RTAG PA BRJOD PAS SGRA MI RTAG PA'I SGRUB BYED SHUGS LA 'BANGS PAR THAL LO, ,DES NA DAM BCA' DANG SGRUB BYED MA PHYED PA'I GTAM DE LA RIGS PA SHES PA DAG NGO TSA BA'I GNAS SU BYED PA YIN NO, ,GZHI LAM RNAM GSUM BDEN PA'I SKYE MED DU GANG GIS 'GRUB NA GCIG DANG DU MA'I NGO BO NYID DANG BRAL PA'I PHYIR ZHES BYA BA LA SOGS PA'I TSAD MAS 'GRUB BO, ,RTAGS 'DI DAG GI RNAM PAR BZHAG PA NI RGYAS PAR LOGS SU BSHAD PAR BYA'O, ,GNYIS PA BRGYUD PA'I DGOS PA LA DVANG BA LAS 'JUG TSUL NI YUM DE LA RAB TU DVANG BAS KYANG DE'I YON TAN RIGS CAN THAMS CAD KYI BZHED DON SGRUB PA THOB PAR MNGON PAR 'DOD PA'I GANG ZAG GNYIS KA YANG YUM DE DANG DE LA BRTEN PA'I GSUNG RAB SHIN TU RGYAS PA'I SDE SNOD LA RNAM PA THAMS CAD DU GZUNG BA LA SOGS PA'I DON DU SHIN TU GUS PAR BYED DO, ,ZHUGS PA LAS 'BRAS BU THOB TSUL NI DE NAS THOS PA LAS BYUNG BA LA SOGS PA'I SHAS PA GSUM SKYE BA'I RIM GYIS LEGS PA'I MCHOG RNAM MKHYEN THOB PAR 'GYUR RO, ,GSUM PA NA, DE'I PHYIR BCOM LDAN 'DAS MA LA RAB TU DVANG BA NI LEGS PA THAMS CAD 'THOB PA'I RGYU'I GTZO BO YIN NO, ,GNYIS PA BSDUS DON NI, 'DIR MKHYEN GSUM GYI YON TAN BRJOD PA'I SGO NAS YUM LA BSTOD PA LA RGYU MTSAN DANG DGOS PA CI YOD CE NA, DE LA RGYU MTSAN YOD DE, THAMS CAD MKHYEN PA NYID GSUM GYIS NI DON BRGYAD BSDUS LA BRGYAD PO DE DAG KYANG SHER PHYIN GYI YON TAN MA TSANG BA MED PA'I RGYU MTSAN GYIS DE LTAR BSTOD PA YIN PA'I PHYIR, DE LTAR BSTOD PA LA DGOS PA YOD DE, MKHYEN GSUM DES KYANG 'CHAD PAR 'GYUR BA'I TSUL GYIS 'PHAGS BZHI'I BZHED PA'I DON THAMS CAD PHUN SUM TSOGS PAR SGRUB NUS PA YIN PAS YUM GYIS 'PHAGS BZHI BSKRUN NUS PAR SHES PA'I CHED DU DE LTAR BSTOD PA YIN PA'I PHYIR, DE LTAR RGYU MTSAN DANG DGOS PA GNYIS PO DE THUGS LA BZHAG NAS THAMS CAD MKHYEN PA NYID GSUM GYI SGO NAS SHER PHYIN LA BSTOD DO, ,DES NA GZHUNG 'DIS

, ,MKHYEN GSUM NI MNGON RTOGS MTHA' DAG SDUD BYED YIN PAS SHER PHYIN GYI YON TAN GTZO BO YIN LA, DE'I PHYIR GTZO BOR GYUR PA'I YON TAN YIN PA'I RGYU MTSAN GYIS DE LTAR BSTOD CES STON PA YIN GYI, GSUM GYIS BRGYAD BSDUS PA'I PHYIR, GSUM LA BSTOD PA NA BRGYAD KA LA MA BSTOD PA'I SKYON MED CES PA NI NOR PA CHEN PO STE, DE LTAR NA CHOS THAMS CAD LA BSTOD PAR THAL BA'I PHYIR DANG, SGRA SEL 'JUG MIN PAR THAL BA'I PHYIR RO, ,BSDUS TSUL LA LO CHEN, MKHYEN GSUM GTAN LA DBAB BYA YIN PAS DUS GSUM GYI 'PHAGS PA THAMS CAD KYI RGYUD DANG 'BREL LA, SBYOR BZHI DANG CHOS SKU SBYOR BA NYAMS SU LEN PA PO'I RGYUD DANG 'BREL BA TZAM YIN PAS RGYA CHE BAS CHUNG BA BSDUS SO, ZHES BYA BA MI 'THAD DE, GSUM GYI LNGA BSDUS TSUL DU SONG GI BRGYAD BSDUS PA'I TSIG DON LAM ZHUGS PA'I PHYIR DANG; GZHAN RGYUD KYI MKHYEN GSUM DANG SBYOR BZHI CHOS SKU LA GTAN LA DBAB BYA YIN MIN GYI KHYAD MED LA, RANG RGYUD KYI DE DAG LA RGYUD DANG 'BREL MA 'BREL KHYAD PAR MED PA'I PHYIR RO, ,LAR SDUD BYED KYI MKHYEN GSUM CHOS SUM CU LA BYAS NAS, NGES SBYOR BZHI DANG CHOS SKU BSDUS PAR 'DOD PA LA'ANG, TSIG DON LA MA ZHUGS PA'I NYES PA SNGAM SO NA GNAS SO, ,'BRO DANG, DE'I RJES 'BRANG DAG MKHYEN GSUM RANG BZHIN YIN LA, SBYOR BZHI DANG CHOS SKU NI, DE RAB DE'I GO RIM DANG ZHES SOGS KYI TSUL GYIS DE'I GNAS SKABS YIN PAS RANG BZHIN GYI GNAS SKABS BSDU'O, ZHES ZER BA LA'ANG, GSUM GYIS LNGA BSDUS TSUL TZAM DU SONG ZHING, TSOGS SBYOR NA'ANG MKHYEN GSUM YOD PAR THAL, DE NA GSUM PO DE'I GNAS SKABS LA BZHAG PA'I SBYOR BA YOD PA'I PHYIR RO, ,GNAS SKABS CAN MED PAR DE'I GNAS SKABS MI SRID DE, SOR MO MED PA'I KHU TSUR BZHIN NO, ,DES NA 'DI NI MKHYEN GSUM DANG, DE'I RNAM PA DANG, DE'I SBYOR BA RNAMS KYI KHYAD PAR LEGS PAR MA PHYE BA'I NONGS PA'O, ,SDUD BYED SANGS RGYAS KYI SA'I MKHYEN GSUM GYIS SDUD BYA MTSON BYED KYI CHOS SUM CU DANG

SBYOR BZHI DANG CHOS SKU SDUD PAR BYED PA'ANG 'THAD PAR DKA' STE, CHOS SUM CUS MKHYEN GSUM DE DANG DE'I GO CHOD NA, SEMS BSKYED BCU SOGS RNAM MKHYEN DU THAL ZHING, GO MI CHOD NA SDUD BYA MKHYEN GSUM MI TSANG BA'I PHYIR RO, ,DES NA RANG LUGS NI MKHYEN GSUM TZAM SDUD BYED YIN LA, 'PHAGS PA SO SO'I THUGS RGYUD KYI MKHYEN GSUM GYI GSAL BA SO SO BDAG NI SDUD BYA YIN LA, BSDUS TSUL NI KHYAB BYED KYIS KHYAB BYA BSDUS PA'O, ,GSUM PA TSIG DON LA, BSTOD PA DANG PHYAG 'TSAL BA GNYIS, DANG PO LA GSUM GYI DANG PO GZHI SHES KYI YON TAN BRJOD PA'I SGO NAS BSTOD PA NI, THOB PAR MDZAD PA GANG YIN PA DANG ZHES DRANG NGO, ,GANG ZAG GANG GIS NA NYAN THOS DANG DE'I PHYOGS SU BSLAN NAS ZHI BA TSOL RNAMS ZHES PA'I TSIG GI RIM PA GCIG GIS SHUGS LA BSTAN PA RANG SANGS RGYAS KYANG STA RANG DON DU MYA NGAN LAS 'DA' BAR 'DOD PA RNAMS SO, ,'ON KYANG RANG SANGS RGYAS NYAN THOS LAS KHYAD PAR GTAN MED PA MIN TE, GZUNG RTOG SPANGS PA SOGS RNAM PAR THAR PA CUNG ZAD TZAM ZHIG GIS LHAG PA'I PHYIR RO, ,THABS GANG GIS NA SHER PHYIN GYI YON TAN GZHI THAMS CAD SKYA BA MED PAR YONGS SU SHES PA NYID KYIS SO, ,'BRAS BU GANG NA, PHUNG PO DANG BCAS PA DANG PHUNG PO MED PA'I MTSAN NYID KYI MYANG 'DAS RNAM PA GNYIS THOB PAR MDZAD DO, ,DE LA THEG CHEN GYI LHAG BCAS MYANG 'DAS NI, THEG CHEN LAM GYIS NYON MONGS MA LUS PAR SPANGS SHING LAS NYON GYI 'BRAS BU SDUG BSNGAL GYI PHUNG PO MA SPANGS PA'I GNAS SKABS KYI SO SOR BRTAGS 'GOG DANG, LHAG MED MYANG 'DAS NI, LAM DES NYON MONGS DANG, SDUG BSNGAL GNYIS KA MA LUS PAR SPANGS PAS RAB TU PHYE BA'I SO SOR BRTAGS 'GOG GO ,GNYIS PA LAM SHES KYI YON TAN BRJOD PA'I SGO NAS BSTOD PA NI, GANG ZAG BYANG CHUB SEMS DPA' 'KHOR BA JI SRID PAR 'GRO BA'I DON BYED PA RNAMS THABS LAM THAMS CAD SKYE BA MED PAR RTOGS PA'I NGO BO NYID KYIS 'BRAS BU 'GRO BA MTHA' DAG GI DON BSGRUB BAR MDZAD PA KANG YIN PA DANG, GSUM

, ,PA RNAM MKHYEN GYI YON TAN BRJOD PA'I SGO NAS BSTAD PA NA, BSKOR BAR MDZAD, GANG ZAG GANG GIS NA SANGS RGYAS NYES SPYOD THAMS CAD KYI RTZA BA SPANGS PAS YANG DAG PAR BSDAMS PA'I SKU CAN RNAL 'BYOR CAN GYI DBANG PHYUG NI NYAN RANG DANG, BYANG SEMS THAMS CAD KYI GTZO BO GYUR BA RNAMS KYIS SO, ,THABS GANG LA BRTEN NAS NA RNAM PA THAMS CAD SKYE BA MED PAR THUGS SU CHUD PA'I RNAM MKHYEN, GANG DANG LDAN NA'O, ,'BRAS BU GANG NA SPYOD PA BRGYAD KHRI BZHI STONG GI GNYEN POR CHOS KYI 'KHOR LO MA LUS PA RNAM PA THAMS CAD DU BSKOR BA'O,, 'DI'I MTHA' DPYAD PA LA CHOS KYI PHUNG PO DANG 'KHOR LO NI GANG, DRANG BA DANG NGES PA'I DON YANG JI LTA BU, 'KHOR LO THAMS CAD CIG CAR DU BSKOR RAM, RIM CAN DU BSKOR ZHE NA, DE YANG RGYAL BA'I GSUNG RAB THAMS CAD BRJOD BYA BSLAB PA GSUM GYI BYE BRAG LAS SDE SNOD GSUM DU 'GYUR TE, 'DI LTAR RGYUD SMIN PAR BYED BA LHAG BA TSUL KHRIMS KYI BSLAB PA GTZO BOR STON PA 'DUL BA'I SDE SNOD DANG, SMIN PA GROL BAR BYED PA'I LAM LA ZHI LHAG GNYIS LAS ZHI GNAS KYI CHA BSAM GTAN DANG, GZUGS MED PA'I TING NGE 'DZIN GYIS BSDUS PA'I LHAG PA SEMS KYI BSLAB PA GTZO BOR STON PA MDO SDE'I SDE SNOD, LHAG MTHONG GI CHA LHAG PA SHES RAB KYI BSLAB PA GTZO BOR STON PA MNGON PA'I SDE SNOD RNAMS SO, ,RJOD BYED KYI BYE BRAG LAS NI GSUNG RAB YAN LAG BCU GNYIS SU 'GYUR TE, 'DI LTAR, MDO SDE DBYANGS BSNYAD LUNG BSTAN DANG, ,TSIGS BCAD CHE BRJOD GLENG GZHI DANG, ,RTOGS BRJOD DE LTA BU BYUNG DANG, ,SKYES RABS SHIN TU RGYAS PA DANG, ,RMAD BYUNG GTAN LA PHAB PA'I SDE, ZHES BYA BDAG GO, MI MTHUN PHYOGS KYI GNYEN BO'I BYE BRAG LAS NI CHOS KYI PHUNG PO BRGYAD KHRI BZHI STONG DU 'GYUR TE, 'DI LTAR, 'DOD CHAGS LA GTZO BOR SPYOD PA DANG, ZHE SDANG LA GTZO BOR SPYOD PA DANG, GTI MUG LA GTZO BOR SPYOD PA DANG, GSUM PO CHA MA NYAM LA SPYOD PA RNAMS NYI KHRI CHIG STONG RE RE STE, BRGYAD KHRI BZHI STONG GI GNYEN POR DE DAG GI GNYEN PO STON PA'I CHOS KYI PHUNG PO BRGYAD KHRI BZHI STONG GSUNGS SO, ZHES

'PHAGS PA KLU SGRUB KYIS SHAR PHYIN THABS KYI LE'U'I 'GREL PAR GSUNGS PAR DGONGS 'GREL GYI 'GREL BA LAS BSHAD LA, MDZOD DU, CHOS KYI PHUNG PO BRGYAD KHRI DAG ,CES 'BYUNG NGO, CHOS KYI PHUNG PO'I TSAD LA, KHA CIG SH'A RI'I BUS BYAS PA'I BSTAN BCOS KYI PHUNG PO DANG, CHOS PHUNG GCIG TSAD MNYAM LA, DE LA SHOOL KA DRUG STONG YOD DO, ZHES ZER RO, ,KHA CIG PHUNG PO DANG BDEN PA LA SOGS PA DON GYI SNA RE RE RDZOGS PAR STON PA'I GTAM GYI TSOGS LA 'DOD LA, THEG CHEN PA'I LUGS LA GLANG PO CHE RAB BRTAN GYIS BKUR BAR 'OS PA'I SNAG TSAS CHOS PHUNG GCIG 'BRI NUS PAR 'DOD PA SOGS LA CHOS SHES KYIS BSHAD KYANG NYON MONGS PA BRGYAD KHRI BZHI STONG DU BYE BA'I NYON MONGS RE RE'I GNYEN PO RDZOGS PAR STON PA'I GTAM GYI TSOGS RE RE LA CHOS PHUNG RE RE BYA STE, JI SKAD DU SPYOD PA RNAMS KYI GNYAN BOR NI, ,CHOS KYI PHUNG PO MTHUN PAR GSUNGS, ZHES PA LTAR RO, ,DUS KYI BYE BRAG LAS NI, CHOS KYI 'KHOR LO GSUM DU 'GYUR BA YIN LA, DE YANG BYE BRAG SMRA BA RNAMS NA RE, CHOS KYI 'KHOR LO NI MTHONG BA'I LAM YIN TE, KUN SHES KO'U DI N+Y'A LA MTHONG LAM SKYES PA NA, LHA RNAMS KYIS AA LA LA 'JIG RTEN DU CHOS KYI 'KHOR LO BSKOR RO, ZHES 'BYUNG BAS SO, ZHES ZER LA, DE YANG RTOGS PA'I CHOS 'KHOR GYI DBANG DU BYAS PA'O, ,LUNG GI CHOS 'KHOR LA NI, NYAN THOS SNGA PA DAG ,THEG CHEN GYI BKA' MI 'DOD PA'I PHYIR, MTSAN NYID MED PA'I CHOS 'KHOR SOGS KHAS MI LEN LA, BDEN PA BZHI'I 'KHOR LO NYID LAN GSUM DU BZLAS SHING RNAM PA BCU GNYIS SU BSKOR BAR 'DOD DO, ,'DIR NI CHOS KYI 'KHOR LO GNYIS LAS, RTOGS PA'I CHOS KYI 'KHOR LO NI, MTHONG LAM DANG SGOM LAM DAG YIN LA, TSOGS SBYOR NI MIN TE, MI MTHUN PHYOGS KYI SA BON GCOD MI NUS PA'I PHYIR RO, ,LUNG GI CHOS KYI 'KHOR LO NAm, GSUNG RAB YAN LAG BCU GNYIS PO THAMS CAD DO, ,CI'I PHYIR 'DI DAG LA 'KHOR LO ZHES BYA ZHE NA, GDUL BYA'I RGYUD LA RIM GYIS 'PHO ZHING MI MTHUN PHYOGS GCOD PAR BYED BAS RGYAL PO'I 'KHOR LO DANG CHOS MTHUN PA'I PHYIR, LUNG GI CHOS KYI 'KHOR LO DE

, ,YANG RNAM PA GSUM STE, 'DI LTAR BDEN PA BZHI'I 'KHOR LO DANG, MTSAN NYID MED PA'I 'KHOR LO DANG, LEGS PAR RNAM PAR PHYE BA DANG LDAN PA'I 'KHOR LO'O, ,DE LA DANG PO NI, GNAS DRANG SRONG RGYU BA RI DVAGS KYI NAGS SU, DNGOS KYI CHED DU BYA BA'I GDUL BYA NYAN THOS KYI THEG PA LA YANG DAG BAR ZHUGS PA RNAMS LA DUS SNGAR GSUNGS LA, 'KHOR LO 'DI'I MDO DNGOS NI, LNGA SDE BZANG PO LA BSTAN PA BDEN BZHI'I MDO ZHES BYA BA DE NYID YIN ZHING, THEG DMAN PA'I SDE SNOD YIN LA, DE DANG BRJOD BYA PHYOGS MTHUN GYI MDO RNAMS 'KHOR LO DER SDUD PA YIN GYI, 'KHOR LO DANG POR GTOGS PA'I MDO YIN NA DUS SNGAR GSUNGS PAS KHYAB PA MIN TE, 'DUL BA RUNG MTHUN GYI MDO MYA NGAN LAS 'DA' KHAR GSUNGS PA'I PHYIR RO, ,MTSAN NYID MED PA'I 'KHOR LO NI GNAS BYA RGOD PHUNG PO'I RI LA SOGS PAR DNGOS KYI CHED DU BYA BA'I GDUL BYA THEG PA CHEN PO LA YANG DAG PAR ZHUGS PA RNAMS LA, DUS BAR DU GSUNGS SHING BRJOD BYA STONG PA NYID LAS BRTZAMS TE, CHOS THAMS CAD BDEN PAR MED PA DANG, NGO BO NYID MED PAR BSHAD LA, MTSAN GZHI NI SHER PHYIN RGYAS 'BRING BRDZUS GSUM LA SOGS PA YIN ZHING; DE DANG BRJOD BYA PHYOGS MTHUN GYI MDO RNAMS 'KHOR LO BAR PAR SDUD DO, ,LEGS PAR RNAM PAR PHYE BA DANG LDAN PA'I CHOS 'KHOR NI, GNAS YANGS PA CAN LA SOGS PAR DNGOS KYI CHED DU BYA BA'I GDUL BYA THEG PA THAMS CAD LA YANG DAG PAR ZHUGS PA RNAMS LA, DUS THA MAR GSUNGS SHING, BRJOD BYA NGO BO NYID RNAM PA GSUM LAS BRTZAMS TE, KUN BRTAGS MTSAN NYID NGO BO NYID MED PA DANG, GZHAN YANG SKYE BA NGO BO NYID MED PA DANG, YONGS GRUB DON DAM PA NGO BO NYID MED PAR BSHAD LA, 'KHOR LO 'DI'I MDO DNGOS NI DGONGS PA NGES PAR 'GREL BA NYID YIN CING, DE DANG BRJOD BYA PHYOGS MTHUN GYI MDO RNAMS 'KHOR LO THA MA'I MDOR SDUD PA YIN NO, ,DE LA THEG PA DMAN PA LA YANG DAG PAR ZHUGS PA DANG, THEG PA CHEN PO LA YANG DAG BAR ZHUGS PA'I DON NI, DE DANG DE'I RIGS PA NGES PA YIN LA, THEG PA THAMS CAD LA YANG

DAG PAR ZHUGS ZHES PA NI, RKYEN GYI DBANG GIS THEG PA GANG DU YANG BSGYUR DU RUNG BA LA NGES PA'I RIGS CAN GYI BYANG SEMS SO, ,THEG PA GSUM GA'I GANG ZAG TSANG BA 'KHOR DU 'DUS PA'I DON NI MIN TE, RANG SANGS RGYAS SANGS RGYAS KYI 'KHOR DU MI SRID DO, ,MTSAN NYID MANG PA'I 'KHOR LO DUS BAR PAR GSUNGS PA GANG LAS SHES NA, YUM GYI MDOR, DE'I TSE LHA'I BU BRGYA STONG TSAD MED PA RNAMS NAM MKHA' LA ME TOG GTOR NAS SKAD MTHUN PAR 'DI SKAD DU, KYE BDAG CAG LA SOGS PAS NI DENG 'DZAM BU'I GLING DU BCOM LDAN 'DAS KYIS SHIN TU GYA NOM PA'I CHOS KYI 'KHOR LO GNYIS PA BSKOR BAR MTHONG NGO, ZHES GSUNGS SHING, DGONGS PA DES 'GREL LAS KYANG, STONG PA NYID SMOS PA'I RNAM PAS CHES NGO MTSAR RMAD DU BYUNG BA'I CHOS KYI 'KHOR LO GNYIS PA BSKOR ZHES DANG, LEGS PAR RNAM PAR PHYE BA DANG LDAN PA'I SHIN TU NGO MTSAR RMAD DU BYUNG BA'I CHOS KYI 'KHOR LO GSUM PA BSKOR ZHES MTSAN NYID MED PA'I 'KHOR LO GNYIS PA DANG, LEGS PAR RNAM PAR PHYE BA'I 'KHOR LO GSUM PAR BSHAD PAS MTSAN NYID MED PA'I 'KHOR LO 'KHOR LO GSUM PA YIN NO, ZHES MKHAS RLO MA GANG DAG SMRA BA NI MNGON SUM BSNYON PAR BYED PA YIN NO, ,'KHOR LO GSUM PO 'DI'I DRANG NGES KYI TSUL YANG, PHAL CHEN SDE PA SOGS KHA CIG SANGS RGYAS KYI GSUNG LA DRANG DON MI SRID PAR 'DED CING, THAMS CAD YOD PAR SMRA BA SOGS DRANG NGES GNYIS KA KHAS LEN LA, THEG PA CHEN PO LA SHING RTA'I SROL 'BYED GNYIS MI MTHUN TE, 'DI LTAR 'PHAGS PA KLU SGRUB YAB SRAS LTAR NA, 'PHAGS PA BLO GROS MI ZAD PA BSTAN PA'I MDO DANG, TING NGE 'DZIN RGYAL PO SOGS LAS GSUNGS PA LTAR, STONG PA NYID DON DAM PA'I BDEN PA GTZO BOR STON PA NGES DON DANG, KUN RDZOB BDEN PA GTZO BOR STON PA DRANG DON YIN LA, DRANG NGES KYI DON YANG GNAS LUGS BTZAL BA NA, DES DNGOS SU BSTAN PA DE NYID GNAS LUGS SU MA SONG BAR, DE LAS GONG DU DRANGS NAS GNAS LUGS GZHAN TSOL DGOS PA'I PHYIR, DRANG DON DANG, MDO SDE DE'I DON GNAS LUGS SU NGES PA'I PHYIR NGES DON ZHES BYA'O,,

, ,DE'I PHYIR 'KHOR LO DANG PO LAS KYANG BDEN DNGOS BSHAD CING, THA MA DGONGS 'GREL SOGS LAS GZHAN DBANG DANG YONGS GRUB BDEN PAR GRUB PAR BSHAD LA, DE DAG LA GNAS LUGS SEMS PA'I RIGS PAS GNOD BA'I PHYIR DRANG DON YIN ZHING, BDEN BAR MED PA'I NI CHOS THAMS CAD KYI GNAS LUGS DON DAM PA'I BDEN PA YIN PA'I PHYIR, BAR PA MTSAN NYID MED PA'I 'KHOR LO NYID NGES DON YIN NO, ZHES BZHED PA YIN NO, ,DON 'DI NI KLU SGRUB YAB SRAS KYI GZHUNG LUGS DAG LAS CHES GSAL ZHING RGYAS PAR GZHUNG BTZUGS TE BSHAD DO, ,'PHAGS PA THOGS MED SKU MCHED KYIS MDO SDE RGYAN DANG, DBUS MTHA' RNAM 'BYED SOGS KYI RJES SU 'BRANGS TE, MDO GANG MDO GZHAN GYI RJES SU 'BRANGS NAS MDO DE'I DGONGS BA BSHAD DGOS PA NI DRANG DON DANG, MI DGOS PA NI NGES DON YIN LA, 'KHOR LO DANG BO LAS PHYI ROL YOD PAR BSHAD PA DANG, BAR PA LAS CHOS THAMS CAD NGO BO NYID MED PAR BSHAD PA GNYIS KA YANG DGONGS 'GREL GYI RJES SU 'BRANGS NAS DGONGS PA BSHAD DGOS KYI, SGRA JI BZHIN PAR KHAS BLANG DU MI RUNG BA'I PHYIR, DRANG DON YIN LA, DGONGS BA NGES 'GREL LAS NI, KUN BRTAGS BDEN BAR MED PA DANG, GZHAN DBANG BDEN PAR GRUB CING, DON DAM BDEN PA MIN PA DANG, YONGS GRUB DON DAM BDEN BA YANG YIN CING, BDEN PAR GRUB PA ZHES LEGS PAR PHYE NAS BSHAD PA SGRA JI BZHIN DU KHAS BLANGS PAS CHOG GI, MDO GZHAN GYI RJES SU 'BRANGS NAS DGONGS PA BSHAD MI DGOS PA'I PHYIR, NGES DON YIN NO, ZHES BYANG SA DANG, RNAM PAR GTAN LA DBAB PA BSDU BA DANG, THEG BSDUS DANG, RGYAN DANG, DBUS MTHA'I 'GREL PA 'GREL BSHAD DAG DANG, SUM CU BA RTZA 'GREL DANG, RNAM BSHAD RIGS PA LA SOGS LAS GSAL BAR BSHAD CING, DES NA DGONGS 'GREL LAS, GZHAN DBANG BDEN PAR GRUB BA DANG, MTHAR THUG THEG PA GSUM YIN PAR RKANG BTZUGS NAS LEGS BAR BSGRUBS SHING, MDO DE DANG, DE'I RJES 'BRANG GI BSTAN BCOS DE DAG

LAS GZHAN DBANG BDEN PAR GRUB PA DE NYID KUN BRTAGS PA LTAR DU GRUB PAS STONG PA GZHAN STONG GI DON DU BSHAD PAS, MTHAR THUG THEG BA GCIG TU NGES PA DANG, GZHAN DBANG RI BONG GI RVA DANG MTSUNGS PA DANG, BDE GSHEGS SNYING PO 'DUS MA BYAS 'DUS BYAS KYIS STONG PA GZHAN STONG GI DON DU 'DOD BZHIN DU, DGONGS BA NGES 'GREL SOGS DE DAG NGES DON DU SGRUB PA LA 'BAD PA BYED PA DE DAG NI, RANG NYID KYIS RANG GI MGUL PA GCOD PA DANG MTSUNGS SO, ,'DIR NI YI GE MANGS PAR 'GYUR BAS GZHAN DU RTOGS BAR BYA'O, ,DE LTA BU'I 'KHOR LO DE DAG KYANG, KHA CIG CIG CAR DU SKAD CIG GCIG LA BSKOR BAR 'DOD PA NI BAB CHOL TE, SANGS RGYAS NAS RING PO MA LON PAR CHOS KYI 'KHOR LO THAMS CAD SKAD CIG GCIG LA CIG CAR DU BSKOR NAS, CHOS 'KHOR BSKOR BA'I MDZAD PA RDZOGS NAS MYA NGAN LAS 'DA' BA'I MDZAD PA STON BA CHOS NYID YIN PAS SANGS RGYAS PA'I MDZAD PA BSTAN NAS ZHAG 'GA' ZHIG LON PA TZAM NA MYA NGAN LAS 'DA' BA'I MDZAD PA BSTAN PAR THAL BA'I PHYIR RO, ,DE BAS NA SNGAR BSHAD PA LTAR RIM CAN DU GSUNGS PAR SHES PAR BYA'O, ,GNYIS PA PHYAG 'TSAL BA NI, DE LTAR SANGS RGYAS NYAN THOS LA SOGS BAS YONGS SU BSKOR BA DE SGRUB BAR BYED BA NYID KYI YUM DE LA PHYAG 'TSAL LO, ,BZHI PA BRGAL LAN LA, BRGAL BA DANG, LAN GNYIS, DANG PO NI, MCHOD BRJOD BYAS PAS BYA BA 'GA' ZHIG LA 'JUG PAR SHES NAS BYA BA GANG LA 'JUG CES 'DRI BA LA, BSTAN BCOS MNGON RTOGS RGYAN RTZOM PA LA 'JUG CES KHONG NAS DRANG NGO, ,'O NA BRJOD BYAR GANG SDUD, GZHI GNYEN RNAM PA GANG RUNG RE RE KHO NA SDUD MA 'BAD PA DON MED PA SOGS KYI SKYON 'DI DAG YOD LA, GSUM KA SDUD NA YUM GYI MDO DANG ZLOS PAR 'GYUR ZHES PA'I DOGS PA GCOD PA LA DOGS PA DGONGS 'GREL GYIS GCOD CING, DANG PO'I DOGS GCOD SLOB DPON GYIS KHA BSKANGS PA YIN NO, ,DES NA MTHA' MCHOD PA'I SKYON YANG MED LA, KHA CIG MKHYEN GSUM LA PHYAG 'TSAL BAS DE BRJOD BYAR BYAS PA'I BSTAN BCOS RTZOM ZHES DAM BCAS PA BRGAL YUL DU 'CHAD

, ,PA NI, MKHYEN GSUM BRJOD BYAR BYAS PA'I BSTAN BCOS RTZOM NI GANG BRJOD BYAR BYAS PA'I BSTAN BCOS RTZOM ZHES 'DRI BA, LHA SBYIN KHYOD KYI MING CI ZHES 'DRI BA'I BLUN PO DAG DANG 'DRA BA YIN NO, ,TSIG DON NI, DE LTAR PHYAG 'TSAL BA DANG BSTOD PA SNGON DU 'GRO BA'I BSTAN BCOS MNGON PAR RTOGS PA'I RGYAN GZHI DANG GNYEN PO DANG RNAM PA RNAMS LAS GANG YANG RUNG BA ZHIG BSDUS PAR MDZAD GRANG, PHYOGS DANG PO LTAR NA NI RTZOM PA'I 'BAD PA DON MED PA YIN TE, SHER PHYIN GYI MDO 'DI LAS NI MTSAN NYID KYI BSTAN BCOS THEG PA THUN MONG GI MNGON PA'I SDE SNOD DAG LAS MA SMOS PA'I GZHI GANG YIN PA DE 'BYUNG BA NI MED DO, ,DE'I PHYIR MDO DE GNYIS BRJOD BYA KHYAD PAR MED PAR 'GYUR RO, ,GNYIS PA LTAR NA YANG RNAM PAR BYANG BA'I DNGOS PO KHO NA BSDUS SHING KUN NAS NYON MONGS PA'I DNGOS PO MA BSDUS BAS GNYEN PO 'DI GANG GI GNYAN PO YIN PA KHONG DU CHUD PAR MI 'GYUR RO, ,GSUM PA LTAR NA YANG RNAM BA YE SHES KYI 'DZIN STANGS DANG GZHI MED PA TZAM ZHIG BSDUS PA STE, SGRO 'DOGS GANG LA GCOD PA'I GZHI DANG MA 'BREL BA KHO NA BSTAN PAR 'GYUR BA'I PHYIR, YE SHES KYI 'DZIN STANGS GANG GIS GZHI GANG LA SGRO 'DOGS GCOD PA'I DON RTOGS BA MED PAS GROL BA DON GNYER LA MKHO PA'I DON CUNG ZAD KYANG MA BSHAD PA'I PHYIR DON MED PA YIN SNYAM DU GZHAN DAG SEMS PAR 'GYUR BA MIN ZHE NA, GNYIS PA LAN LA DNGOS DANG, MKHYEN GSUM GYIS 'PHAGS BZHI'I MNGON RTOGS BSDUS PA'I RGYU MTSAN STON PA'I MDO DGOD PA DANG, MDO'I DON BSDUS TE MKHYEN GSUM GYI RANG BZHIN BSHAD PA DANG, LAN GYI DON BSDU BA'O, ,DANG PO NI, MNGON RTOGS RGYAN CHOS CAN, GSUM PO RE RE KHO NA BSDUS PA'I SKYON YOD PA DE NI MIN TE, PHYOGS GSUM CHAR GYIS KYANG BSDUS PA'I PHYIR RO, ,GSUM CHAR BSTAN PA LA DGOS PA CI YOD CE NA, MKHYEN GSUM GTAN LA DBAB PA'I CHED DU'O, ,DE'I DGOS PA YANG, 'DIR NI 'PHAGS BZHI'I MNGON RTOGS MTHA' DAG GTAN LA 'BEBS PAR 'DOD PA YIN CING, GANG GI PHYIR NYAN

THOS DANG, RANG SANGS RGYAS DANG, BYANG CHUB SEMS DPA' DANG, BLA NA MED PA'I SANGS RGYAS RNAMS KYI GO RIM JI LTA BA BZHIN DU THAMS CAD MKHYEN PA NYID GSUM GYIS MNGON PAR RTOGS PA MTHA' DAG BSDUS PAS NA'O, ,GNYIS PA LA GNYIS LAS, BAR MA'I MDO DGOD PA LA, MDOR BSTAN, RGYAS BSHAD GNYIS, DANG PO NI, MKHYEN GSUM GYIS 'PHAGS BZHI'I MNGON RTOGS BSDUS PA'I RGYU MTSAN MDO LAS BSHAD PA 'DI LTAR RGYAL BA'I YUM BAR MA LAS RAB 'BYOR CE SOGS SO, RGYAS BSHAD LA GSUM LAS, GZHI SHES KYIS NYAN RANG GI MNGON RTOGS BSDUS PA'I RGYU MTSAN LA, DRIS LAN GNYIS LAS, DRI BA NI, BCOM LDAN 'DAS ZHES SOGS SO, ,LAN NI, RAB 'BYOR THAMS CAD NI PHYI DANG NANG GI CHOS RNAMS JI SNYED PA 'DI TZAM ZHIG YIN LA DE DAG KYANG NYAN THOS DANG RANG SANGS RGYAS RNAMS KYIS GANG ZAG GI BDAG DANG; GZUNG BA CHOS KYI BDAG MED BAR SHES SHING, DE TZAM GYIS DE DAG GI BZHED DON YANG BSGRUB NUS KYI LAM THAMS CAD KYIS KYANG MEN LA RNAM PA THAMS CAD DU MKHYEN PA YANG MIN PAS DE'I PHYIR NYAN THOS DANG RANG SANGS RGYAS RNAMS KYI MNGON RTOGS NI THAMS CAD SHES PA NYID KYIS BSDUS ZHES BYA'O, ,GNYIS PA LAM SHES KYIS BYANG SEMS KYI MNGON RTOGS BSDUS PA'I RGYU MTSAN LA GNYIS LAS, DRI BA NI, BCOM LDAN 'DAS ZHES SOGS SO, ,LAN NI, RAB 'BYOR CES BOS NAS BYANG CHUB SEMS DPA' RNAMS KYI MNGON PAR RTOGS PA NI MKHYEN GSUM GYI NANG NAS LAM GYI RNAM PA SHES PA NYID KYIS BSDUS ZHES BYA BA'I RGYU MTSAN YOD DE, BYANG SEMS KYI BZHED DON GYI GTZO BO RIGS CAN GSUM GYI DON BSGRUB PA YIN CING, DE'I CHED DU BYANG CHUB SEMS DPA' RNAMS KYIS NI NYAN THOS KYI LAM GANG YIN PA GANG ZAG GI BDAG MED RTOGS PA'I YE SHES DANG RANG SANGS RGYAS KYI LAM GANG YIN PA GZUNG BA BDEN MED RTOGS PA DANG, SANGS RGYAS KYI LAM GANG YIN PA 'DZIN PA BDEN MED RTOGS PA'I LAM THAMS CAD BSGOM BYUNG GIS BSKYED BAR BYA ZHING THOS BSAM GYIS LAM

, ,THAMS CAD SHES PAR BYA'O, ,DE DAG KYANG SPANGS RTOGS KYIS YONGS SU RDZOGS PAR BYA ZHING DE DAG GI LAM GYI BYA BA YANG BYED DGOS PA DE'I PHYIR, 'ON LAM GYI BYA BA THAMS CAD BYA'AM ZHE NA, YANG DAG PA'I MTHA' MNGON DU MI BYA'O, ,DUS NA MA YANG MI BYA'AM ZHE NA; RANG NYID CHOS SKU LAS MA G-YOS BZHIN DU GZHAN DON LHUN GRUB RGYUN MI CHAD DU 'BYUNG BAR GYUR CIG PA'I SMON LAM YONGS SU RDZOGS PAR MA BYAS PA DANG, RANG NYID SANGS RGYAS NAS CHOS 'KHOR BSKOR BA'I MDZAD PA STON PA'I DNGOS KYI CHED DU BYA BA'I GDUL BYAR GYUR PA'I SEMS CAN RNAMS CHOS 'KHOR BSKOR BA'I CHOS THOS PA'I TSE DE LA 'PHAGS LAM SKYE RUNG DU BYAS PA'I SGO NAS YONGS SU SMIN PAR MA BYAS PA DANG, RANG NYID THOG MAR LONGS SKU MNGON DU BYED PA'I SANGS RGYAS KYI ZHING LAS NYON GYI DBANG GIS BYUNG BA MIN PAR BSOD NAMS KYI TSOGS KYI DBANG GIS 'BRAS BUR GYUR PA ZHIG DGOS PAS DE LTA BU'I TSOGS RDZOGS PA'I SGO NAS YONGS SU MA SBYANGS PAR MI BYA'I, DE GSUM BYAS NAS YANG DAG MTHA' MNGON DU BYAS KYANG SKYON MED DO, ,DE LA NYAN RANG DGRA BCOM LA YOD PA'I SPANGS RTOGS TZAM ZHIG DMAN LAM SNGON DU MA SONG BA'I THEG CHEN GYIS GANG DU RDZOGS ZHE NA, DE 'DRA BA'I BDUN PA MAN TSAD DU MI RDZOGS TE, NYON MONGS MA SPANGS PA'I PHYIR DANG, DE MA SPANGS PAR YANG NYON MONGS MA LUS PA SPANGS PA'I RAB TU PHYE BA'I RTOGS PA RNAM GROL LAM MI 'THOB CING; NYAN RANG DGRA BCOM PA LA DE 'DRA'I RTOGS PA YANG YONG PA'I PHYIR RO, ,DE DAG TU NYON MONGS MA LUS PAR MA SPANGS TE, NYON YID KYI RGYUN 'CHAD PA'I MA MTHA' THEG CHEN LA SA BRGYAD PAR BSHAD PA'I PHYIR DANG, NYON YID SPANGS NA RNAM PAR MI RTOG PA'I YE SHES LA DBANG THOB DGOS PAR, YID DANG 'DZIN DANG RNAM PAR RTOG ,GYUR PHYIR RNAM PAR MI RTOG PA, ZHES SOGS KYIS GSUNGS PA'I PHYIR RO, ,DES NA SPANGS RTOGS THAMS CAD SA DANG PO NAS RDZOGS PA DANG, RTOGS PA SA DANG PO NAS RDZOGS PAR BZHED PA GNYIS KA YANG 'THAD PA MIN NO, ,

YANG DAG MTHA' NI, KHA CIG NGO BO NYID SKU LA 'DOD PA MI 'THAD DE, RDZOGS SMIN MA SBYANGS PAR DE MNGON DU BYED NUS PA MI SRID PAS, DE LTAR GDAMS PA LA DGOS PA MED PA'I PHYIR RO, ,KHA CIG CHAD PA MYANG 'DAS LA 'DOD PA MI 'THAD DE, RDZOGS SMIN SBYANGS GSUM BYAS NAS MNGON DU BYED PAR THAL BA'I PHYIR RO, ,DES NA RANG LUGS NI, CHOS NYID TZAM LA YANG DAG PA'I MTHA' ZHES BYA ZHING, DE NYID MNGON DU BYAS PA'I TSAD NI, DE LA RTAG TU MNYAM PAR BZHAG PA YIN LA, SA BRGYAD PA NAS DE LA RTAG TU MNYAM PAR 'JOG NUS PA YIN NO, ,'O NA DES CHOS SKU MNGON DU BYED NUS PAR THAL LO ZHE NA, SKYON MED DE, CHOS NYID LA RTAG TU MNYAM PAR 'JOG NUS KYANG DAG PA GNYIS LDAN GYI CHOS NYID LA RTAG TU MNYAM PAR 'JOG NUS PA MIN PA'I PHYIR RO, ,RTAG TU MNYAM PAR BZHAG PA SANGS RGYAS KYI CHOS MA 'DRES PA MIN PAR THAL LO ZHE NA, DE YIN KYANG MNYAM PAR 'JOG NUS PA TZAM CHOS MA 'DRES PA YIN MI DGOS PA'I PHYIR RO SKYON MED DO, ,GSUM PA RNAM MKHYEN GYIS SANGS RGYAS KYI MNGON RTOGS BSDUS PA'I RGYU MTSAN LA GNYIS LAS, DRI BA NI, BCOM LDAN 'DAS ZHES SOGS, LAN NI, RAB 'BYOR RNAM PA NGO BO GANG DAG DANG, RTAGS 'BRAS BU GANG DAG DANG, MTSAN MA RGYU GANG DAG GIS CHOS RNAMS RAB TU BRJOD PA'I RNAM PA DE DAG DANG, RTAGS DE DAG DANG, MTSAN MA DE DAG DE BZHIN GSHEGS PA KHO NAS MNGON SUM DU THUGS SU CHUD DE DE'I PHYIR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI MNGON RTOGS NI RNAM PA THAMS CAD MKHYEN PA NYID KYIS BSDUS PA CES BYA'O, ,GNYIS PA BSDUS PA DANG RGYAS PA'I MDO DRANG BA NI, DE BZHIN MDOR BSDUS PA LAS KYANG NYAN THOS KYIS LA SLOB PAR 'DOD PAS KYANG, ZHES BYA BA LA SOGS PA GSUNGS LA, RGYAS BA LAS KYANG RGYA CHER GSUNGS SO, ,GNYIS PA NI, DE LA THAMS CAD SHES PA NYID NI YUL GZUGS LA SOGS PA'I CHOS LA RNAM PA MI RTAG PA LA SOGS PA RTEN CAN 'BRAS BU GANG ZAG GI BDAG TU RMONGS PA SPANGS PA CAN YIN NO, ,LAM SHES

, ,PA NYID NI THEG PA THAMS CAD KYI NGES PAR 'BYUNG BA SHES PA DANG, RANG DON DU DE KHO NA NYID MNGON DU MI BYED PA'I RTEN CAN GZHAN DON DU SEMS CAN MA SDUD PA SDUD PA LA SOGS PA BYED PA CAN YIN NO, ,RNAM PA THAMS CAD MKHYEN PA NYID NI CHOS THAMS CAD SKYE BA MED PAR RTOGS PA'I RTEN CAN 'BRAS BU NAM MKHA'I KHAMS KYI MTHAS GTUGS PAR SEMS CAN GYI DON RGYUN MI CHAD PA DANG, YANG DAG PA NYID KYI MTHA' RTAG TU MNYAM PAR BZHAG PA'I TSUL GYIS RTOGS PA DANG, MA RIG BAG CHAGS KYI SA DANG ZAG PA MED PA'I LAS KYIS YID KYI RANG BZHIN GYI LUS LEN PA'I MTSAMS SBYAR BA NYID SPANGS PA CAN YIN NO, ,GSUM PA NI, DE LTA BAS NA MNGON PAR RTOGS PA'I RGYAN NI GZHI DANG GNYEN PO DANG RNAM PA MTHA' DAG BSDUS PA DANG, MNGON PAR RTOGS PA RIL RDZOGS PAR BSTAN PA YIN NO ZHES BYA BA 'DI 'THAD PA YIN NO, ,GNYIS PA LA GSUM, MTSAMS SBYAR NI, SKYE BO BLO GROS DMAN PA DAG BCOM LDAN 'DAS RGYAS PA DANG, 'BRING DANG, MDOR BSDUS PA LA DAD PA'I SEMS CAN GSUM LA PHAN 'DOGS PAR BZHED PA'I THUGS RJE CAN NYID KYIS RGYAL BA'I YUM GSUM PO DE DANG DE LAS MNGON PAR RTOGS PA BRGYAD KYI RIM PA SHES RAB KYI PHA ROL TU PHYIN PA'I DON MTHA' DAG GSAL BAR MDZAD PA MIN NAM, BCOM LDAN 'DAS 'PHAGS PA MA RGYAL BA LAS RGYAL BAS YANG DE BSTAN PA LA DON CI ZHIG YOD SNYAM DU DOGS PA BSAL BA'I PHYIR RO DANG, BSTAN BCOS 'DI'I DGOS SOGS BZHI'I DON LA DON 'GYUR THE TSOM SKYED PA NYID KYIS 'JUG PA'I YAN LAG RANG GI BSTAN BCOS KYI BRJOD PAR BYA BA DANG, DGOS PA DANG, DGOS PA'I YANG DGOS PA DANG, 'BREL PA KHONG NA YOD PA RNAMS GSUNGS TE, 'DI LTAR, RTZA BA NI, BDE BLA MA TU NI RTOGS PA ZHES BYA BA RGYAN RTZOM PA'I DGOS PA YIN NO, ,GANG RTOGS PA ZHE NA, RNAM PA THAMS CAD MKHYEN NYID LAM, ,STON PAS 'DI LAS BSHAD PA GANG, ,GZHAN GYIS MYONG BA MIN PA DE'O, ,RTOGS PA'I YANG DGOS PA NI, MTHONG 'GYUR PHYIR DU'O, ,SUS NA BLO DANG LDAN PAS SO, ,GANG NA

CHOS SPYOD BCU'I BDAG NYID KYI MDO'I DON NO, ,GANG GI SGO NAS NA, DRAN PA LA BZHAG NAS SGOM PAS SO, ,'BREL PA NI, RGYAN LAS DGOS PA KHYAD PAR CI YOD CE NA, GDUL BYA RNAMS KYIS BDE BLAG TU RTOGS PAR 'GYUR BA NI BSTAN BCOS RTZOM PA'I DGOS PA YIN NO, ,GANG RTOGS PA ZHE NA, SHER PHYIN GYI DON SMON PA BYANG CHUB KYI SEMS DANG NYAMS LEN BSGRUB PA LA SOGS PA'I MTSAN NYID DO, ,RTOGS PA LA YANG DGOS PA CI YOD CE NA, BSTAN BCOS KYI BRJOD BYA RNAM PA THAMS CAD MNGON SUM DU BYED PAR 'GYUR BA ZHES BYA BA DGOS PA'I YANG DGOS PA'I CHED DU MNGON PAR 'DOD DO, ,MNGON DU BYA RGYU'I BRJOD BYA DE GANG ZHE NA, BCOM LDAN 'DAS CHO 'PHRUL RNAM PA GSUM GYIS 'GRO BA MTHA' DAG LA RJES SU STON PAR MDZAD PA DE NYID KYIS RGYAL BA'I YUM RNAM PA GSUM CHAR LAS BRJOD PAR BYA BA NYID DU BSTAN PA GANG YIN PA'O, ,DE YANG GANG ZHE NA; MNGON RTOGS BRGYAD YIN LA, DE YANG RNAM PA THAMS CAD MKHYEN PA NYID KYI CHOS BCU NI SANGS RGYAS NYID KYI LAM STE RTZA BAR DE GCIG PO SMOS PA NI DES MNGON PAR RTOGS PA GZHAN THAMS CAD NYE BAR MTSON PA LHUR LEN PA YIN NO, ,DE DAG SUS MNGON DU BYED NA PHYI ROL PA DANG CIG SHOS KYI 'DOD CHAGS DANG BRAL BA NYAN RANG LA SOGS PA CHOS THAMS CAD BDAG MED PA LA GOMS PAR MA BYAS PA RNAMS KYIS THOS PA LAS BYUNG BA LA SOGS PA SHES PA'I RIM GYIS DNGOS SU MA MYANGS TE, RJOD PAR BYED PA YUM GSUM DANG BRJOD PAR BYA BA DE DAG THABS DANG THABS KYIS BSGRUB PAR BYA BA'I TSUL GYIS 'BREL BAR MDZAD PA'I PHYIR, KHYAB STE, NYAN RANG GIS SHIN TU RGYAS PA'I SDE SNOD LA THOS BSAM MI BYED PAS SO, ,DES NA BYANG CHUB SEMS DPA' RANG DANG GZHAN GYI DON PHUN SUM TSOGS PA BSGRUB PA CI LA YANG MA RAG PAR CHAS PA DAG KHO NAS MNGON DU BYED DO, ,TSUL JI LTAR NA, THOS BSAM GYIS NYAMS SU MYONG BA SHIN TU GSAL BAS BZHAG PA'I BAG CHAGS LAS BYUNG BA'I DRAN PA'I SHES PA LA SHES RAB KYI PHA ROL TU PHYIN PA'I MDO'I DON MA LUS PA MNGON PAR RTOGS PA BRGYAD KYE BDAG NYID BYANG CHUB KYI SEMS

, ,DANG SBYIN PA LA SOGS PA BSGRUB PA'I SPYOD PA LEGS PAR BZHAG NAS BSGOMS PAS CHOS KYI DBYINGS CHOS CAN, KUN TU 'GRO BA'I RTOGS PA'I MTSAN NYID SA RAB TU DGA' BA LA SOGS PA BCU RTOGS PA'I RIM PAS MNGON DU BYED PAR 'GYUR RO, ,RTZA BAR CHOS SPYOD BCU ZHES PA'I 'GREL BA SPYIN PA ZHES PA YIN PAS, 'DIR PHAR PHYIN BCU LA CHOS SPYOD BCU ZHES SHES PAR BYA'O, ,SNGA RABS PA DAG BYANG CHUB KYI SEMS DANG, ZHES PAS DANG PO SEMS BSKYED DANG, SBYIN SOGS KYIS THA MA SGRUB PA BSTAN PA'I SGO NAS, RNAM MKHYEN GYI CHOS BCU LA CHOS SPYOD BCUR BSHAD PA YIN NO ZER RO, ,GSUM PA 'JUG BYA BSTAN BCOS KYI RANG BZHIN BSHAD PA LA RGYAS PA LA DAD PA LA MNGON RTOGS BRGYAD DU DBYE, BAR MA LA DAD PA LA DRUG TU BSDU, BSDUS PA LA DAD PA LA GSUM DU BSDU BA'O, ,DANG PO LA BSDUS DON LUS RNAM GZHAG ,TSIG DON YAN LAG RGYAS BSHAD GNYIS, DANG PO LA BZHI LAS, MTSAMS SBYAR NI, DE LTAR 'GREL PA LA SOGS PAS BSNYAD NAS SHES RAB KYI PHA ROL TU PHYIN PA'I LUS RNAM PAR BZHAG PA GSUNGS SO, ,DGOS PA NI, NYAN PA PO GDUL BYA RNAMS KYIS BSTAN BCOS KYI DON BDE BLAG TU RTOGS PAR BYA BA'I PHYIR DANG, 'CHAD PA POS YAN LAG RGYAS BSHAD DU BSTAN BCOS KYI DON RNAM PAR DBYE BAR BYAS PA YANG GO RIM MA 'DZINGS PA NYID KYIS BSHAD PAR BYA SLA BAR GZIGS NAS DE'I PHYIR DU'O, ,GANG GIS JI LTAR NA, TSIG LE'UR BYAS PA BCO LNGAS MDO DANG RGYAS PAR BSTAN PA'O, ,GNYIS PA RTZA BA LA, LUS MDOR BSTAN PA DANG, RGYAS PAR BSHAD PA GNYIS, DANG PO NI, BSHAD BYA GZHUNG SHES RAB KYI PHA ROL TU PHYIN PA NI 'CHAD BYED DNGOS PO BRGYAD KYIS YAN LAG BSHAD DO, ,BRGYAD PO GANG ZHE NA, RNAM KUN CES PA NAS DE RNAMS BRGYAD, CES PA'I BAR RO, ,'DIR MTHA' DPYAD PA LA, SHER PHYIN GYI RNAM GZHAG, MKHYEN GSUM GYI RNAM GZHAG ,DNGOS BRGYAD KYI GRANGS DANG GO RIM NGES PA'O, ,DANG PO LA, SHER PHYIN GYI MTSAN NYID, CHOS RAB TU RNAM 'BYED GANG ZHIG SRID ZHI'I

PHA ROL TU PHYIN PA'AM PHYIN PAR BYED PA DE LA DBYE NA, GZHUNG LAM 'BRAS BU SHER PHYIN GSUM LAS, DANG PO NI, SHER PHYIN GYI GTZO BO 'BRAS BU SHER PHYIN, DE NYID YUL DANG BCAS PA RDZOGS PAR STON PA'AM, 'BRAS BU SHER PHYIN THOB PA'I THABS STON PA'I THEG CHEN GYI BSTAN BCOS TE, SHER PHYIN 'BUM PA LA SOGS PA'O, ,LAM SHER PHYIN NI, 'BRAS BU SHER PHYIN DE NYID THEG PA GZHAN GYIS BAR MA CHOD PAR 'THOB PA'I RGYUR GYUR PA'I LAM STE, THEG CHEN SLOB LAM RNAMS SO, ZHES GZHAN DAG 'CHAD LA, DA LTAR NA LAM SHER PHYIN SHER PHYIN DNGOS YIN NAM MIN SLA'I; THEG CHEN SLOB LAM YIN NA, LAM SHER PHYIN MTSAN NYID PA YIN PAS KHYAB BAR 'GYUR LA, DE LTA NA SBYIN PA DANG TSUL KHRIMS LA SOGS PA'I LAM YIN NA LAM SHER PHYIN YIN PAS KHYAB PAR 'GYUR BA'I PHYIR, SBYIN PA YIN NA SHER PHYIN YIN PAS KHYAB BAR THAL LO, ,DE BAS NA THEG CHEN GYI BSTAN BCOS YIN KYANG BSOD NAMS KYI TSOGS DANG 'BREL BA TZAM ZHIG STON PA RNAMS NI GZHUNG SHER PHYIN MIN LA, YE SHES KYI TSOGS KYI DBANG DU BYAS PA'I THEG CHEN GYI BSTAN BCOS KHO NA GZHUNG SHER PHYIN YIN NO, ,GZHAN DU NA THEG CHEN GYI MDO YIN NA, SHER PHYIN GYI MDO YIN PAS KHYAB PAR THAL LO, ,DE BZHIN DU YE SHES KYI TSOGS SU GTOGS PA'I THEG CHEN GYI LAM DAG LAM SHER PHYIN YIN GYI BSOD NAMS KYI TSOGS TZAM DU GYUR PA'I THEG CHEN GYI LAM DAG LAM SHER PHYIN MIN NO, ,DE LA NI SLOB LAM YIN PAS KYANG MA KHYAB STE, BDAG MED RTOGS PA'I SHES RAB NYID LAM SHER PHYIN YIN KYANG SLOB LAM DANG MI SLOB LAM GANG YANG MIN PA'I PHYIR RO, ,GAL TE DE LAM SHER PHYIN MIN NA, 'BRAS BU SHER PHYIN THOB PA'I THABS SU GYUR PA'I LAM, DE'I MTSAN NYID DU SMRAS PA DANG 'GAL LO, ,SANGS RGYAS KYI SA'I LAM BDEN YANG LAM SHER PHYIN YIN LA, DES NA LAM SHER PHYIN DANG 'BRAS BU SHER PHYIN 'GAL BA MIN NO, ,'BRAS BU SHER PHYIN NI, SANGS RGYAS PA'I YE SHES SO, ,'DI DAG LAS GZHUNG SHER PHYIN YIN NA SHER PHYIN DNGOS MIN PAS KHYAB STE, SHES PAR 'GAL BA'I PHYIR RO, ,DES NA DE LA SHER PHYIN DU

, ,'DOGS PA'I RGYU NI DE BRJOD BYAR STON BAS SO, ,DGOS PA NI, DE RGYUD LA SKYED PAR 'DONG PAS 'DI LA THOS BSAM BYED DGOS PAR SHES PA'I CHED DU'O, ,'BRAS BU SHER PHYIN YIN NA SHER PHYIN DNGOS YIN PAS KHYAB CING, THEG CHEN 'PHAGS PA'I RGYUD KYI LAM SHER PHYIN, SHER PHYIN DNGOS YIN LA GAL TE SLOB LAM NA SHER PHYIN MTSAN NYID PA MED NA PHAR PHYIN GZHAN RNAMS KYANG MED PAR 'GYUR BAS, PHA ROL TU PHYIN PA DRUG NYAMS SU LEN PA'I BYANG SEMS MI SRID PAR THAL BA DANG, RANG NYID KYIS PHAR PHYIN DRUG LDAN DU NYAMS SU LEN PA'I LAM DANG, SGRUB PA DANG SBYOR BA'I RNAM GZHAG DU MA ZHIG SMRAS PA THAMS CAD DANG KHAS BLANGS NANG 'GAL BA DANG, MDO LAS, SHES RAB KYI PHA ROL TU PHYIN PA LA SLOB PA'I RNAM PAR BZHAG PA MTHA' YAS PA ZHIG GSUNGS PA DANG 'GAL BAR 'GYUR BA SOGS NYES PA SHIN TU CHEN PO DANG MANG PO DAG TU 'GYUR RO, ,'O NA SLOB DPON GYIS SANGS RGYAS BCOM LDAN 'DAS KYI GNYIS SU MED PA'I YE SHES SGYU MA LTA BU NI DNGOS YIN LA, DE THOB PA DANG RJES SU MTHUN PA NYID KYIS NA TSIG DANG NGAG GI TSOGS KYI GZHUNG DANG, MTHONG BA LA SOGS PA'I MTSAN NYID CAN GYI LAM LA YANG SHER PHYIN ZHES BYA BA NI BTAGS PA'O ZHES GSUNGS PA JI LTAR DRANG ZHE NA, BRGYAD STONG DON BSDU'I SHES RAB PHA ROL PHYIN GNYIS MED CES SOGS KYI 'GREL PAR SLOB DPON DPA' BOS, GTZO BO LAS DBANG DU BYAS BA'O ZHES GSUNGS PA LTAR SANGS RGYAS KYI GNYIS SU MED PA'I YE SHES NI GTZO BO'I SHER PHYIN DNGOS YIN LA, GZHUNG LAM LA YANG GTZO BO'I SHER PHYIN GYI SGRAS BTAGS NAS BSTAN PA YIN PAS GNOD PA CI YANG MED DO, ,GNYIS PA MKHYEN GSUM GYI RNAM GZHAG LA, GZHAN LUGS DGAG PA NI, KHA CIG NA RE, GZHI SHES YIN NA NYAN RANG 'PHAGS PA KHO NA DANG, LAM SHES YIN NA BYANG 'PHAGS KHO NA'I RGYUD LA YOD PAS KHYAB CES SMRA BA MI 'THAD DE, SKABS GSUM PA'I BRJOD BYA'I GTZO BO YIN NA, BYANG SEMS KYI RGYUD LA MED PAS KHYAB PAR THAL LO, ,DE 'DOD NA, MNGON RTOGS BRGYAD KA BYANG SEMS KYIS THOS BSAM GYIS DRAN PA LA BZHAG NAS BSGOM BYUNG GIS MNGON DU

BYED PAR DGONGS 'GREL GYI 'GREL PAR BSHAD PA DANG 'GAL BA'I PHYIR DANG, RNAM PA THAMS CAD MKHYEN PA NYID DANG, DANG ZHES BYA BA'I SGRAS BSDUS PA LAM SHES PA NYID LA SOGS PA SNGAR BSHAD PA DAG KYANG YIN TE, ZHES SANGS RGYAS LA LAM SHES GZHI SHES GNYIS KA YOD PAR BSHAD PA DANG 'GAL PA'I PHYIR RO, ,KHA CIG GZHI SHES YIN NA, NYAN RANG GI RTOGS REGS DANG, LAM SHES YIN NA BYANG SEMS KYI RTOGS RIGS DANG, RNAM MKHYEN YIN NA SANGS RGYAS KYI RTOGS RIGS YIN PAS KHYAB PAR SMRAS NAS, GZHI SHES KYI MTSAN NYID, GZHI BDAG MED PAR MNGON SUM DU RTOGS PA'I YE SHES, LAM SHES KYI MTSAN NYID, LAM GSUM RANG BZHIN MED PAR MNGON SUM DU RTOGS PA'I YE SHES ZHES SMRA BA NI 'GAL TE, RNAM MKHYEN CHOS CAN, GZHI SHES YIN PAR THAL, MTSAN NYID DE'I PHYIR, RTAGS GRUB STE, GZHI GRUB NA KHYOD KYIS RANG BZHIN MED PAR MNGON SUM DU RTOGS PAS KHYAB BA'I PHYIR, 'DOD NA, NYAN RANG GI RTOGS RIGS YIN PAR THAL, DE'I PHYIR, 'KHOR GSUM MO, SANGS RGYAS BYANG SEMS KYI RTOGS RIGS DANG, NYAN RANG GI RTOGS RIGS MI 'GAL NA, THEG CHEN GYI RTOGS RIGS DANG, THEG DMAN GYI RTOGS RIGS MI 'GAL BAR THAL LO, ,YANG BYANG SEMS DANG SANGS RGYAS KYI THUGS RGYUD KYI GANG ZAG GI BDAG MED RTOGS PA'I LAM YIN NA, NYAN THOS KYI LAM YIN PAS KHYAB CES BZHED PA'ANG 'THAD PAR MI SEMS TE, SDUG BSNGAL SPANGS PA'I MYA NGAN LAS 'DAS TE GANG ZAG SU'I RGYUD LA YOD KYANG NYAN THOS KYI MYANG 'DAS YIN PAS KHYAB PAR THAL BA'I PHYIR DANG, NYON MONGS 'GAGS PA'I 'GOG BA DE YIN NA, NYAN THOS KYI 'GOG PA YIN PAS KHYAB PAR THAL BA'I PHYIR DANG, THEG CHEN 'PHAGS PA'I THUGS RGYUD LA NYAN THOS KYI THEG BA YOD PAR THAL BA'I PHYIR RO, ,KHA CIG DE DAG GI RTOGS RIGS YIN PAS KHYAB CES SMRA BA LA'ANG, RIGS SU THAL, ZHES PA'I SGO NAS NYES PA KUN MTSUNGS SO, ,RANG LUGS NI, RNAM MKHYEN GYI MTSAN NYID, RNAM RTAGS MTSAN MA MA LUS PAS BSDUS PA'I CHOS THAMS CAD MKHYEN PA'I YE SHES

, ,MTHAR THUG, SA MTSAMS NI RDZOGS PA'I SANGS RGYAS KHO NA'I THUGS RGYUD LA YOD DO, ,SANGS RGYAS KYI JI LTA BA MKHYEN PA'I YE SHES DANG, JI SNYED PA MKHYEN PA'I YE SHES GNYIS NI RNAM MKHYEN MIN TE, GAL TE DE DAG YIN NA RNAM MKHYEN YIN DGOS NA, DNGOS PO YIN NA DON DAM YIN PAS KHYAB PAR THAL, DE YIN NA DON DAM DPYOD BYED KYI MNGON SUM CHAD [?] MA'I DNGOS KYI GZHAL BYA YIN PAS KHYAB PA'I PHYIR, MA GRUB NA SANGS RGYAS KYI JI LTA BA MKHYEN PA'I YE SHES YIN NA RNAM MKHYEN YIN PAS KHYAB BA BUNG, DES NA RNAM MKHYEN GYIS KYANG JI LTA BA MKHYEN LA, JI LTA BA MKHYEN PA'I YE SHES MIN NO, ,DE MI 'GAL LAM ZHE NA, 'O NA LAM SHES NA, LAM SHES YIN BAS KHYAB PAR THAL ZHING, SNGON PO 'DZIN PA'I MIG SHES YIN NA SNGO 'DZIN MIG SHES YIN PAS KHYAB PAR THAL, DE 'DOD NA, KHRA 'DZIN MIG SHES KYANG DER THAL LO,, BRJOD PAR BYA BA MANG YANG RE SHIG BZHAG GO ,LAM SHES KYI MTSAN NYID RANG BZHIN MED PAR MNGON SUM DU RTOGS PA'I SHES RAB KYIS DNGOS SU ZIN PA'I SGO NAS LAM GSUM GANG YANG RUNG BA'I MTSAN NYID LA MYONG STOBS KYIS SGRO 'DOGS CHOD PAS RAB TU PHYE BA'I MKHYEN PA, DBYE NA GSUM LAS, NYAN THOS KYI LAM SHES PA'I LAM SHES KYI MTSAN NYID DANG, RANG SANGS RGYAS DANG, BYANG SEMS KYI LAM SHES PA'I LAM SHES KYI MTSAN NYID KYANG SNGA MAS RIGS BSGRE'O, ,SA MTSAMS NI, BYANG SEMS 'PHAGS PA THAMS CAD KYI MNYAM GZHAG DANG, SANGS RGYAS LA YOD DO, ,GZHI SHES KYI MTSAN NYID, GZHI PHUNG SOGS LA BTAGS PA'I GANG ZAG RANG SKYA THUB PA'I RDZAS SU MED PA TZAM DANG, GZUNG BA BDEN MED TZAM GANG RUNG MNGON SUM DU RTOGS PAS PHYE BA'I MKHYEN PA, SA MTSAMS THEG BA GSUM GA'I 'PHAGS PA'I RGYUD LA YOD DO, ,DE YANG GANG ZAG GI BDAG MED TZAM RTOGS PA'I YE SHES NI NYAN THOS KYI LAM YIN TE, NYAN THOS KYI MYANG 'DAS DNGOS SU THOB BYED KYI LAM YIN PA'I PHYIR RO, ,DE YIN NA DES MA KHYAB BAS, BYANG SEMS 'PHAGS PA'I RGYUD KYI GANG ZAG GI BDAG MED TZAM MNGON SUM DU RTOGS

PA'I YE SHES NI NYAN THOS KYI LAM MIN LA, GANG ZAG GI BDAG MED TZAM MNGON SUM DU RTOGS PA'I YE SHES NYAN THOS KYI LAM YIN ZHING, DE BYANG SEMS 'PHAGS PA'I RGYUD LA YOD KYANG, BYANG SEMS 'PHAGS PA'I RGYUD LA NYAN THOS KYI LAM YOD MI DGOS SO, ,DES NA YE SHES DE NYAN THOS KYI LAM YIN CING, DE BYANG SEMS LA YANG YOD PA SOGS LA DGONGS NAS, NYAN THOS KYI LAM GANG YIN PA DANG, ZHES SOGS DANG, THEG PA GSUM CHAR 'THOB BA'I RGYU ZHES SOGS GSUNGS BA YIN GYI, BYANG SEMS KYI RGYUD LA YOD PA'I YE SHES DE DAG NYAN THOS KYI LAM YIN PA SOGS LA DGONGS NAS, DE LTAR GSUNGS PA MIN LA, DE YANG NYAN THOS KYI LAM GANG ZAG GI BDAG MED TZAM RTOGS PA'I YE SHES DE BYANG 'PHAGS LA YANG YOD CING, THEG CHEN SBYOR LAM GYIS DE'I RGYU'ANG BYED CES SOGS SU SHES PAR BYA'O, ,DPER NA, BUM PA'I KHYAB BYED DNGOS PO TZAM KYIS KA BA LA'ANG KHYAB KYANG KA BA'I DNGOS PO BUM PA LA KHYAB MI DGOS PA LTA BU'O, ,DE LA BYANG SEMS 'PHAGS PA'I RGYUD KYI GANG ZAG GI BDAG MED TZAM RTOGS PA'I MKHYEN PA NI GZHI SHES YIN GYI LAM SHES MIN LA, CHOS BDAG MED PAR MNGON SUM GYIS RTOGS BA'I SHES RAB KYIS DNGOS SU ZIN PA'I SGO NAS GANG ZAG GI BDAG MED MNGON SUM DU RTOGS PA'I YE SHES DE NYID KYI MTSAN NYID JI LTA BA BZHIN DU RANG RGYUD LA MYONG BA'I YE SHES NI NYAN THOS KYI LAM SHES BA'I LAM SHES YIN GYI GZHI SHES MIN NO, ,'DIS GANG ZAG GI BDAG MED TZAM RTOGS PA'I YE SHES KYI MTSAN NYID LA MYONG STOBS KYI SGRO 'DOGS CHOD PA'I PHYIR, NYAN THOS KYI LAM TZAM GYI MTSAN NYID LA SGRO 'DOGS CHOD BA YIN NO, ,'DIS LAM GZHAN RNAMS LA'ANG RIGS BSGRE STE SHES PAR BYA LA, DE'I PHYIR BYANG SEMS 'PHAGS PA'I RGYUD LA LAM SHES GZHI SHES GNYIS KA YOD KYANG, DE GNYIS PHAN TSUN GCIG YIN NA GCIG YIN PAR 'GAL LO, ,'DIS SANGS RGYAS KYI SAR YANG RIGS BSGRE'O, ,KHA CIG NYAN THOS KYI LAM SHES BA'I LAM SHES KYIS NYAN THOS KYI LAM SHES TSUL CHOS KYI SPYAN GYIS 'PHAGS PA'I GANG ZAG THAMS CAD KYI RTOGS PA MNGON SUM DU 'BYED BAR GSUNGS BAS DE'I SGO NAS SHES SO ZHES ZER RO, ,'DI NI MI 'THAD DE, DE LTA BU'I CHOS KYI SPYAN NI KUN

, ,RDZOB TZAM DU DNGOS SU SPYOD PA'I BLO YIN PA'I PHYIR, BYANG SEMS 'PHAGS PA CHOS NYID LA MNYAM PAR BZHAG BA'I TSE NA MED PAS KHYAB LA, DE'I PHYIR, DE'I TSE NA NYAN THOS DANG RANG SANGS RGYAS KYI LAM SHES PA'I LAM SHES MED PAS KHYAB PAR THAL LO, ,KHO RANG KUN RDZOB TZAM SPYOD PA'I BLO YIN KYANG RANG BZHIN MED RTOGS KYI SHES RAB KYIS ZIN PA'I SGO NAS DE'I TSE'ANG YOD PAR MI 'GAL LO ZHE NA, 'O NA DES ZIN PA'I SGO NAS DE'I GZUGS 'DZIN MIG SHES SOGS DBANG SHES THAMS CAD YOD DO, ZHES SMRA BA CIS 'GOG SOMS SHIG ,KHA CIG TSOGS SBYOR BA SO SKYE LA YANG GZHI SHES LAM SHES DNGOS YOD PAR SMRA BA MI 'THAD DE, MDO LAS, THAMS CAD SHES PA NYID LA SHES PA DANG MTHONG BAS BLTAS NAS 'DA', ZHES PA'I 'GREL PAR, 'PHAGS PAS RJES SU DPAG PA'I SHES PA BSAL BA'I DON DU MTHONG BA SMOS LA, 'KHRUL PA'I MTHONG BA BSAL BA'I DON DU SHES PA SMOS SO, ZHES BSHAD PA DANG 'GAL BA'I PHYIR DANG, LAM GSUM DON SPYI'I TSUL GYIS SHES PAS LAM SHES KYI GO CHOD NA, TSOGS SBYOR NA RNAM MKHYEN YANG YOD PAR THAL BA'I PHYIR RO, ,MDOR BSDUS PA TZAM ZHIG BKOD PA YIN LA, MKHYEN PA GSUM GYI RNAM PAR BZHAG PA KHO BO 'BA' ZHIG GI LEGS PAR BSHAD PA YIN NO, ,GSUM PA DNGOS BRGYAD KYI GRANGS DANG GO RIMS NGES PA NI, CI'I PHYIR MNGON RTOGS BRGYAD DU GRANGS NGAS ZHE NA, THEG CHEN GYI RIGS CAN RTEN GYI GANG ZAG GCIG 'TSANG RGYA BA'I CHA RKYEN GYI DBANG DU BYAS NAS BRGYAD DU GRANGS NGES TE, 'DI LTAR SHES PAR BYA BA'I YUL LA, 'BRAS BU MTHAR THUG RNAM MKHYEN DANG, DE'I RGYU LAM SHES DANG, LAM SHES KYI YAN LAG GZHI SHES RNAMS SU GRANGS NGES SHING, DE NYID SGOM BYUNG GIS NYAMS SU LEN PA'I SBYOR BA LA MKHYEN GSUM GYI RTOGS PA DBANG DU BYED PA RGYU 'BRAS DANG, DBANG THOB NAS BRTAN PA THOB PAR BYED PA RGYU 'BRAS GNYIS SU NGES PAS SBYOR BA BZHIR GRANGS NGES LA, THOB BYA'I 'BRAS BU LA SKU BZHI 'PHRIN LAS DANG BCAS PAR GRANGS NGES PA'I PHYIR RO, ,GO RIM NI, SKABS RANG RANG GI MTSAMS SBYOR LAS SHES PAR 'GYUR ZHING, LUS RNAM PAR BZHAG PA DAG GI TSIG DON NI, YAN

LAG RGYAS BSHAD DAG BSHAD PAS BSHAD PAR 'GYUR BA DANG, SHIN TU MDOR BSDU BAR 'DOD PA'I PHYIR 'DIR MA BRIS LA, THUB PA'I RNAM KUN MKHYEN PA NYID DO, CES PA NI, CHOS BCU PO 'DI MNGON SUM DU RTOGS PA MTHAR THUG PA'I YE SHES NI RNAM MKHYEN YIN NO, ZHES YUL GYIS YUL CAN MTSON PA'I SGO NAS BSTAN PA'I RNAM MKHYEN DE NYID RTEN THUB PA RDZOGS PA'I SANGS RGYAS KYI RTOGS PA YIN NO, ZHES DANG, NYAN THOS LA SOGS MTHONG BA'I LAM ZHES PA'ANG 'GYUR RNYING LAS, MTHONG LAM NYAN THOS LA SOGS PA'I ZHES PA LTAR RTEN GYI GANG ZAG NGOS GZUNG BA YIN NO, ,GSUM PA BSDUS TE BSHAD PA NI, DE LA TSIG LE'UR BYAS PA DANG PO GNYIS KYIS NI CHOS CAN YUM GYI LUS MDOR BSTAN PA YIN TE, ,DNGOS PO BRGYAD KYI RKANG GRANGS TZAM BSTAN NAS BSTAN PA'I PHYIR RO, ,TSIG LE'UR BYAS PA LHAG MA BCU GSUM GYIS CHOS CAN, DE DAG NYID KYI DON BSDUS NAS RGYAS PAR BSHAD DE, DON BDUN CU'I RKANG GRANGS TZAM BSTAN PA'I PHYIR, DE LTAR BSDUS PA DANG RGYAS PAR BSHAD PA'I PHYIR LEGS PAR BSHAD PA YIN NO, ,BZHI PA RGYAS PAR MA BKROL BA'I RGYU MTSAN NI, BSDUS PA'I DON GYI TSIG LE'UR BYAS PA RNAMS NI BSTAN BCOS MDZAD PA NYID KYIS SEMS BSKYED PA NI GZHAN DON PHYIR, ZHES BYA BA LA SOGS PA 'CHAD PAR 'GYUR BA'I YAN LAG RGYAS BSHAD KYI BSTAN BCOS MTHA' DAG GIS 'CHAD PAS DE DAG RNAM PAR BSHAD PAS 'DI DAG KYANG BSHAD PAR BSAMS TE, 'DIR YANG BSHAD NA ZLOS PA'I NYES PAR 'GYUR DU DOGS NAS RNAM PAR MA BKROL LO, ,GNYIS PA TSIG DON YAN LAG RGYAS BSHAD LA, GTAN LA DBAB BYA MKHYEN PA GSUM, NYAMS SU BLANG BYA SBYOR BA BZHI, THOB BYA CHOS SKU'O, ,DANG PO LA 'BRAS BU RNAM MKHYEN, DE'I RGYU LAM SHES, DE'I SHES BYA NYAN THOS KYI LAM GZHI SHES BSHAD PA'O, ,DANG PO LA 'GREL DGOD, CHOS BCU BSHAD, SKABS BSDU BA 'ANG, DANG PO NI, DE LTAR BSDUS PA'I DON KUN BSTAN NAS DNGOS BRGYAD KYI DANG POR RNAM PA THAMS CAD MKHYEN PA NYID SDUD PA'I TSIG LE'UR BYAS PA RNAM PAR BSHAD PA'I SGO NAS BSHAD PAR BZHED DO, ,DANG POR 'CHAD PA'I RGYU

, ,MTSAN, BYANG CHUB SEMS DPA' BYANG CHUB RJES SU THOB PAR 'DOD PAS RNAM PA THAMS CAD MKHYEN PA NYID THOB PAR BYA DGOS SO, ,DE'I RGYU MTSAN, DE DES DON DU GNYER BYA'I 'BRAS BU MTHAR THUG YIN PAS SO, ,GNYIS PA LA BSAM PA SEMS BSKYED, DE NAS GDAMS NGAG NOD TSUL, DE NAS DE DON NYAMS SU BLANGS PA LAS RTOGS PA SKYE BA'I RIM PA BSHAD PA'O, ,DANG PO LA GNYIS LAS, SPYI'I DON LA, NGO BO, MTSAN NYID DBYE BA, SA MTSAMS SO, DANG PO NI, 'PHAGS PA THOGS MED SKU MCHED LTAR NA, SEMS BSKYED PA BYED PAS SEMS BSKYED, CES SGRA BSHAD NAS, SEMS BSKYED KYI NGO BO, SEMS BYUNG DU BZHED LA, DE'I PHYIR BYANG SA LAS, BYANG CHUB SEMS DPA'I SMON LAM GYI MCHOG NI SEMS BSKYED BA STE, CES DANG, DBYIG GNYEN GYIS DON GNYIS LA DMIGS PA'I SEMS DPA' NI SEMS BSKYED PA'O, ZHES SOGS SO 'PHAGS SENG LTAR NA, SEMS BSKYED CES PA'I SGRA BSHAD TSUL SEMS KYANG YIN LA, BSKYED PA YANG YIN PAS SEMS BSKYED CES BYAS NAS SEMS BSKYED YIN NA GTZO BO SEMS YIN DGOS PAR BZHED LA, DE YANG YID SHES DGE BA ZHIG LA BZHED DE, 'PHAGS PAS SEMS BSKYED PA ZHES BYA BA LA, SEMS NI RNAM PAR SHES PA STE RNAM PAR RIG PA'O, ,RNAM PAR GCIG PA DE YANG GANG ZHE NA, YID KYI RNAM PAR SHES PA STE, DKAR PO'I CHOS THAMS CAD LA DMIGS PA NI DE LA SRID PA'I PHYIR RO, ZHES SOGS SO, ,GNYIS PA MTSAN NYID NI, GZHAN DON 'DOD PAS KUN NAS BSLANG ZHING RDZOGS PA'I BYANG CHUB 'DOD PA GROGS SU LDAN PA'I GTZO BO YID SHES, GSUM PA DBYE BA LAS, NGO BO'I SGO NAS DBYE NA, SMON PA SEMS BSKYED, 'JUG PA SEMS BSKYED GNYIS SO, ,'DI GNYIS KYI KHYAD PAR LA, KHA CIG CHOGS BLANGS MA BLANGS ZHES 'DOD PA MI 'THAD DE, CHAD LDAN DU MAS SMON SEMS LEN PA'I CHO GA BSHAD PA LA CO 'DRI BA'I PHYIR RO, ,KHA CIG SO SKYE DANG, 'PHAGS PA'I RGYUD LA 'CHAD PA MI 'THAD DE, TSOGS SBYOR NA LAM LA 'GRO BZHIN PA LTA BU'I SEMS BSKYED MED PAR THAL BA'I PHYIR RO, ,KHA CIG NYER GNYIS KYI DANG PO GSUM DANG, THA MA BCU DGU

LA BYAS NAS, DANG PO GSUM TSOGS LAM KHO NA NA YOD PAR 'DOD PA MI 'THAD DE, RDZOGS PA'I BYANG CHUB 'DOD PA'I 'DUN PA SANGS MA RGYAS BAR YOD PAS DE DANG MTSUNGS LDAN GYI SEMS BSKYED KYANG DE DAG BAR DU YOD DGOS PA'I PHYIR RO, ,KHA CIG 'BRAS BU BYANG CHUB KHO NA LA DMIGS PA DANG, RGYU PHYIN DRUG TZAM LA DMIGS PA CES 'DOD PA MI 'THAD DE, 'JUG PA SEMS BSKYED LA YANG DAG RDZOGS PA'I BYANG CHUB 'DOD, CES PAS BSHAD PA'I MTSAN NYID MA TSANG BAR THAL BA'I PHYIR RO, ,KHA CIG 'DI GNYIS NI GROGS BSLAB PAS ZIN MA ZIN KHO NAS PHYE BA YIN PA DANG, YANG DE GNYIS 'GAL BAR KHAS BLANGS NAS SEMS BSKYED KYI BSLAB BYA 'CHAD PA NA, SMON SEMS KYI BSLAB BYA DANG, 'JUG SEMS KYI BSLAB BYA ZHES 'CHAD PA NI DNGOS SU 'GAL BA YIN NO, ,RANGS LUGS NI, THEG CHEN SEMS BSKYED GANG LAM LA SLOB PA'I BYA BAS MA ZIN PA'I SMON SEMS KHO NA YIN LA, DE GANG DES ZIN PA NI 'JUG SAMS YIN CING, SMON 'JUG 'GAL BA MIN NO, ,SEMS BSKYED KYI DBYE TSUL GZHAN NI MDOR BSDU BAR 'DOD PAS MA BRIS SO, ,BZHI PAS MTSAMS NI, SMON SEMS LAM DU MA ZHUGS PA LA YOD DE, DANG POR RDZOGS PA'I BYANG CHUB LA THOB 'DOD MA SKYES NA, THEG CHEN GYI LAM LA YANG SLOB PAR MI 'GYUR PA'I PHYIR RO, ,YA MTHA' NI SA BCU PA'O, ,RDZOGS PA'I SANGS RGYAS KYIS NA SEMS BSKYED MED DE, RANG NYID KYIS GZHAN DON DU SANGS RGYAS THOB PAR 'DOD PA DANG, DE'I CHED DU LAM LA SLOB PA GANG YANG MED PA'I PHYIR RO, ,CI STE THEG CHEN 'PHAGS PA'I MNYAM GZHAG RNAM PAR MI RTOG PA'I YE SHES DAG DON DAM SEMS BSKYED YIN PAS, RDZOGS PA'I SANGS RGYAS LA YANG SEMS BSKYED YOD DGOS SO ZHE NA, DE LTA NA THEG CHEN 'PHAGS PA CHOS NYID LA MNYAM PAR BZHAG PA'I TING NGE 'DZIN DANG, SHES RAB GNYIS KA THEG CHEN SEMS BSKYED DU KHAS BLANGS DGOS PAS, SEMS BSKYED YIN NA GTZO BO SEMS YIN DGOS PA NYAMS PAR 'GYUR RO, ,DE NI KUN RDZOB SEMS BSKYED KYI DBANG DU BYAS PA'O, ZHE NA DON DAM SEMS BSKYED YIN NA GTZO BO SEMS

, ,YIN MI DGOS SHING, KUN RDZOB SEMS SKYED YIN NA, DE YIN DGOS PA'I KHYAD PAR TSIG LA DGA' BA KHYOD KYIS SMROS SHIG ,DES NA THOGS MED SKU MCHED DANG DPAL LDAN ZLA BA SOGS KYIS DON DAM SEMS BSKYED BSHAD KYANG, 'PHAGS SENG GI GZHUNG GANG LAS KYANG, DON DAM SEMS BSKYED CES PA LAN CIG MA BSHAD DO, ,'O NA SEMS BSKYED NYER GNYIS KYI THA MA PA GSUm SANGS RGYAS SA LA BSHAD PA CI ZHE NA, DE NI 'OG TU BSTAN PAR BYA'O, ,GNYIS PA YAN LAG GI DON LA, MTSAN NYID, DMIGS YUL, DBYE BA, SA MTSAMS SO, DANG PO LA DNGOS DANG, RTZOD SPANG GNYIS DANG PO LA MTSAMS SBYAR NI, SEMS BSKYED PA RANG GI NGO BO DMIGS PA DANG BCAS PA STON NO, ,RTZA BA NI, SEMS BSKYED PA NI CES PA MTSON BYA DANG LHAG MAS MTSAN NYID BSTAN NO, ,'GREL BA NI, RANG NYID SANGS RGYAS SU GRUB NAS GZHAN GYI DON GYI PHYIR BSKAL PA JI LTA BA BZHIN DU 'BAD PAR BYA'O SNYAM BA'I DOGS BA RGYUR LDAN ZHING, GZHAN GYI DON DU YANG DAG PAR RDZOGS PA'I BYANG CHUB 'DOD BA GROGS SU LDAN BA'I YID SHES NI THEG CHEN GYI SEMS BSKYED BA'I MTSAN NYID DBYE NA, SMON PA DANG 'JUG PA'I NGO BO NYID RNAM PA GNYIS SO, ,GNYIS PA LA, RTZOD YUL NI, RTZA BA'I SGRAS ZIN NO, ,DE YANG SEMS BYUNG YIN NA GTZO BO SEMS YIN PAR 'GAL BAS 'DOD PA SEMS BSKYED KYI MTSAN NYID DU SMOS PA MI 'THAD SNYAM PA STE, 'DI LA SEMS SEMS BYUNG RDZAS THA DAD DU 'DOD MI DGOS SO, ,RTZOD TSUL NI, YANG DAG PAR RDZOGS PA'I BYANG CHUB 'DOD PA NYID NI DE DON DU GNYER BA DGE BA'I CHOS LA 'DUN PA SEMS LAS BYUNG BA YIN LA, SEMS BSKYED PA NI SEMS YUL KHYAD PAR DU 'PHAGS PA SNANG BA CAN 'BYUNG BA MIN NAM, JI LTAR NA GZHAN DON DU BYANG CHUB 'DOD PA DE SEMS SKYED PA'I MTSAN NYID YIN PAR 'GYUR ZHE NA, DE'I LAN BSTAN PA NI, SEMS BSKYED YIN NA SEMS BYUNG MIN PA BDEN MED KYI 'ON KYANG RTZA TSIG 'DIR SEMS BSKYED LA 'DOD PA'I MING GIS NYE BAR BTAGS PA LA BRTEN PA YIN PAS NYES PA MED DO, ,'DOD PA'I CHOS GSUM GANG ZHE NA, 'DOD PA LA GNYIS TE, 'DI LTAR SEMS CAN

SDUG BSNGAL BA LA MI BZOD PA'I SNYING RJE CHEN BO LAS SEMS CAN MTHA' DAG SDUG BSNGAL LAS BSGRAL BAR BYA'O SNYAM BA'I GZHAN DON BYED 'DOD PA 'BYUNG NGO, ,DE LTAR 'DOD PA NA SANGS RGYAS LAS GZHAN LA DE'I NUS PA MED PAR MTHONG NAS RDZOGS PA'I BYANG CHUB THOB PAR 'DOD PA 'BYUNG LA; DE DANG MTSUNGS LDAN GYI YID SHES NI SEMS BSKYED YIN PAS DE'I PHYIR, GZHAN DON 'DOD PA'I 'DOD PA SEMS BSKYED KYI RGYU DANG, BYANG CHUB 'DOD PA'I 'DOD PA GROGS SU 'GYUR BA YIN ZHING, DE LTAR 'DOD PA LA GNYIS YOD PAS, LAN GYI SKABS SU YANG TSUL GNYIS 'BYUNG BA YIN NO, ,t'IKA BYED GANG DAG 'DOD PA GCIG BYAS NAS, DE'I MING GIS SEMS BSKYED LA BTAGS TSUL GNYIS BYED PA DAG LA 'DOD PA DE SEMS BSKYED KYI RGYU DANG, GROGS GNYIS KA YIN PAR KHAS LEN DGOS PA'I PHYIR, DE GNYIS DUS MNYAM PA'ANG YIN, MI MNYAM PA'ANG YIN CES DNGOS 'GAL KHAS LEN DGOS PAR 'GYUR RO, ,DES NA 'DOD PA CES PA GZAN DON 'DOD BA LA BYAS PA'I BTAGS TSUL 'CHAD PA NI, RTZA TSIG 'DIR CHOS CAN, GZHAN DON 'DOD BA'I MING GIS SEMS BSKYED LA 'DOGS PA'I RGYU MTSAN YOD DE, DGE BA'I CHOS GZHAN DON LA 'DUN PA'I RGYU MTSAN NYID DE DON DU GNYER BA YOD NA BYANG CHUB KYI SEMS BSKYED PA'I RGYUS 'BRAS BU BSTAN PA'I SGO NAS DE LTAR BTAGS PA'I PHYIR, DE LA DGOS PA YOD DE, DE LTAR GZHAN DEN DON DU GNYER BA'I BYANG CHUB SEMS DPA' DGE BA'I CHOS MTHA' DAG 'PHEL BAR 'GYUR RO ZHES SHES PAR BYA BA'I PHYIR DU BTAGS PA YIN PA'I PHYIR, LAN GYI RNAM PA GCIG TU NA 'DOD PA CES PA BYANG CHUB 'DOD PA LA BYAS NAS CHOS CAN BYANG CHUB 'DOD PA'I MING GIS SEMS BSKYED LA BTAGS PA'I RGYU MTSAN YOD DE, SKABS 'DI'I SMON LAM NI DON DU GNYER BSTE YANG DAG PAR RDZOGS BA'I BYANG CHUB 'DOD PA NYID YIN LA, DE DANG LHAN CIG SPYOD PA'I RGYU MTSAN GYIS SEMS BSKYED PA LA DE'I SGRAR BSTAN PA YIN PA'I PHYIR, DE LA DGOS PA YOD DE, DE LTAR NA BYANG CHUB SEMS DPA' RNAMS LA SMON LAM DANG, MTSUNGS PAR LDAN PA'I SEMS DE SKYE'O ZHES SHES

, ,PAR BYA BA'I PHYIR, GNYIS PA DMIGS YUL LA GSUM LAS, DRI BAS MTSAMS SBYAR BA NI, NGO BO LA RTZOD PA'I DRI BAR MA ZAD KYANG GANG 'DOD PA'I BDAG NYID DNGOS KYI DMIGS YUL YANG DANG, PAR RDZOGS BA'I BYANG CHUB DE NI GANG YIN, GANG GI DON DU SEMS BSKYED PA CHED DU BYA BA DMIGS YUL GZHAN GYI DON GANG YIN ZHE NA, RTZA BA NI, BYANG CHUB DANG GZHAN DON DE DANG DE NI YUM GSUM GYI MDO BZHIN DU BSTAN BCOS LAS BSDUS DANG RGYAS PA'I SGO NAS BRJOD DO, ,'GREL PA NI RE RE KHO NAR MA ZAD RGYAL BA'I YUM RNAM PA GSUM CAR LAS KYANG GZHAN DON DANG BYANG CHUB BSTAN LA; JI LTAR BSTAN NA, NYI KHRI'I MDO'I MGO MJUG GI TSIG SNA BSDUS PA NI, SHER PHYIN PA LA MI DMIGS PAR SGRUB PAR BYA'O ZHES SHES PAR BYED PA'I DON CAN GYIS BYANG CHUB MDOR BSTAN, SBYIN PA LA SOGS PA THAMS CAD LA SBYIN PAR BYA BA DANG, SBYIN PA PO DANG, LEN PA PO LA SOGS PA MI DMIGS PAR SGRUB PAR BYA'O ZHES SHES PAR BYED PA'I DON CAN GYIS BYANG CHUB RGYAS PAR BSHAD, SEMS CAN THAMS CAD SKAL BA JI LTA BA BZHIN DU MYA NGAN LAS 'DAS PA LA DGOD PAR 'DOD PAS SHER PHYIN PA 'DI NYID LA BSGRUB PAR BYA'O ZHES PAS GZHAN DON MDOR BSTAN CING, SER SNA CAN LA SOGS PA RNAMS SBYIN PA LA SOGS PA LA DGOD PAR 'DOD PAS SHER PHYIN PA 'DI NYID LA BSGRUB PAR BYA'O ZHES PAS GZHAN DON RGYAS PAR BSHAD PA LA SOGS PA NI RGYAS BSDUS KYI TSIG SDUD PA'O, ,DE DAG GI DON RAB TU STON PA LHUR LEN PA RGYAN GYI NGAG GIS MDO DE 'DRA'I DON DANG MI 'GAL BAR MTSAN NYID STON PA'I RTZA TSIG GIS BYANG CHUB DANG GZHAN DON GYI MING TZAM SMOS PA'I SGO NAS MDOR BSDUS PA DANG RAB DBYE STON PA'I RTZA TSIG GIS PHAR PHYIN BCUR PHYE SHING, GZHAN DON BYED TSUL DPES BSTAN NAS RGYAS PAR BSHAD PA'I SGO NAS YANG DAG PAR RDZOGS BA'I BYANG CHUB DANG, GZHAN GYI DON BSTAN TE, DE LTAR NA SEMS BSKYED PA NI GZHAN GYI DON GYI PHYIR YANG DAG PAR RDZOGS PA'I BYANG CHUB 'DOD PA'I BDAG NYID YIN PAR RJE BTZUN GYIS RANG BZOR BSTAN PA MIN GYI MDO GZHAN DU BSHAD PA YIN BAR SHES PAR BYA'O, ,'O NA

RGYAS BSDUS KYI MDO MI 'GOD PA CI ZHE NA, GTZUG LAG GI GZHUNG SKABS KYI DON SEMS BSKYED, STON PA LHUR LEN PA NI YUM GSUM THAMS CAD LAS KYANG GSUNG MOD KYI TSIG MANGS SU DOGS NAS RGYAS PA SDUS KHUNGS NYID DU MA BRIS SO, ,GSUM PA DBYE BA LA SA MTSAMS NI, DE LTAR ZHES SOGS, RTZA BA NI DE YANG ZHES SOGS SO, ,'GREL PA LA RGYAS PAR BSHAD PA DANG, DON BSDU BA'O, ,DANG PO NI, 'DUN PA DANG LDAN PA'I SEMS BSKYED CHOS CAN, SA LTA BU YIN TE, CHOS DKAR PO THAMS CAD KYI GZHI'I DNGOS PO YIN PA'I PHYIR, ZHES SOGS SU GO RIM BZHIN BSHAD PAR BYA STE GO SLA'O, ,DE YANG BYANG CHUB 'DOD TZAM DANG, BYANG CHUB THOB NAS 'GRO BA LA PHAN BDE BYED 'DOD DANG, BYANG CHUB KYI PHYIR DU RGYU LA SLOB 'DOD RNAMS GROGS SU LDAN PA'I CHE NAS 'DUN LDAN SOGS GSUM DU PHYE LA, BYANG CHUB KYI RGYUR SBYIN PA LA SLOB 'DOD SOGS BCUR PHYE BA'I BYE BRAG GIS DE DAG DANG MTSUNGS PAR LDAN PA'I SEMS BSKYED LA YANG, SBYIN PA DMIGS YUL DU LDAN PA'I SEMS BSKYED SOGS BCUR 'GYUR ZHING, GZHAN DON BYED PA'I RGYU BSOD NAMS DANG YE SHES, RKYEN YE SHES, BSTAN BYA BYANG PHYOGS GZHAN DON BYED BA'I GROGS SNYING RJE LHAG MTHONG GZHAN DON BYED TSUL CHOS STON PA YIN PAS CHOS STON PA'I BDAG RKYEN GZUNGS SPOBS, NGO BO CHOS KYI DGA' STON, GZHAN DON MCHOG LA GNYIS LAS, SLOB LAM GYI GZHAN DON MCHOG BDAG GZHAN MNYAM NYID DU DNGOS SU RTOGS NAS RIS SU MA CHAD PAR BYED PA'I BGROD PA GCIG PA'I LAM, MI SLOB PA'I GZHAN DON KHYAD PAR BA CHOS SKU'I BDAG RKYEN LAS MDZAD PA BCU GNYIS STON PA STE, GZHAN DON GYI CHED DU DE RNAMS LA DMIGS BA'I DON GNYER RNAMS DANG MTSUNGS PAR LDAN PA'I SEMS BSKYED RNAMS KYANG DE DAG DMIGS YUL DU LDAN PA'I SEMS BSKYED CES BYA LA, DE'I PHYIR MNGON SHES DANG LDAN PA'I SEMS BSKYED CES SOGS SU GSUNGS PA YIN PAR SHES PAR BYA STE, GZHAN SU LA YANG YID BRTAN YOD PA MA MTHONG NGO, ,DES NA SEMS BSKYED KYIS 'PHAGS PA'I CHOS KYIS BYANG SEMS KYI CHA RKYEN MA TSANG BA MED PAR LAN MANG

, ,DU BSHAD PA THAMS CAD KYANG LEGS PAR 'GYUR RO, ,KHA CIG 'DI DAG MI ZAD PA BRGYAD CU DANG SBYOR BA MI 'THAD CES SMRA BA NI, DBYIG GNYEN GYIS, DPE NYI SHU RTZA GNYIS DANG LDAN PA'I SEMS BSKYED PA 'DI NI 'PHAGS BA BLO GROS MI ZAD PA'I MDO LAS MI ZAD PA NYID 'BYUNG BA DANG SBYAR BAR KHONG DU CHUD PAR BYA'O, ZHES GSUNGS PA MA MTHONG BAR ZAD DO, ,GNYIS PA NI, DE LTAR NA ZHES SOGS SO, ,BZHI PAS MTSAMS NI, DE LA SEMS BSKYED PA DANG PO GSUM NI CHUNG DU DANG 'BRING DANG CHEN PO NYID KYIS RIM BZHIN LAS DANG PO PA'I SA TSOGS LAM GSUM GYIS GTZO BOR BSDUS SO, ,DE'I 'OG TU GCIG NI SA DANG PO LA 'JUG PA'I SBYOR BA'I LAM GYIS GTZO CHER BSDUS SO, ,DE'I 'OG TU BCU NA RAB TU DGA' BA LA SOGS PAS BCUS BSDUS TE DANG PO MTHONG LAM DANG LHAG MA RNAMS SGOM PA'I LAM GYI SPYOD YUL CAN YIN NO,, DE'I 'OG TU LNGA NI KHYAD PAR GYI LAM GYIS BSDUS SO, ,KHYAD PAR LAM AA BHYAS, SA BCU PA LA BSHAD KYANG, 'DIR NI DAGS TZAM LA BYA'O, ,DE'I 'OG TU SEMS BSKYED PA THAM GSUM NI SBYOR BA DANG DNGOS GZHI DANG MJUG GI DBYE BAS SANGS RGYAS KYI SAS BSDUS SO, ,'DIR SANGS RGYAS PA NI; RDZOGS PA'I SANGS RGYAS KYI DBANG DU BYAS PA MIN TE, BYANG SEMS KYI DBANG DU BYAS PA'I PHYIR RO, ,'DI CIS SHES ZHE NA, NYER GNYIS PA'I SKABS KYI MDOR, SH'A RI'I BU GZHAN YANG BYANG CHUB SEMS DPA'I SPYOD PA BSTAN PAR 'DOD PA DANG, ZHES PA NAS, GLANG PO CHE'I LTA STANGS KYIS BLTA BAR 'DOD PAS YUM LA BSLAB PAR BYA'O, ZHES GSUNGS PA'I PHYIR DANG, MDO SDE RGYAN LAS, RGYAL SRAS RNAMS KYI SEMS BSKYED PA, ,SPRIN DANG 'DRA BAR BSTAN PA YIN, CES DANG, MDO SDE RGYAN GYI 'GREL PAR, SLOB DPON DBYIG GNYEN GYIS, BGROD PA GCIG PA NYID NI SA DER GTOGS PA'I BYANG CHUB SEMS DPA' RNAMS KYI BYA BA BYED PA THA MI DAD PA'I PHYIR RO, ZHES DANG, NYI KHRI SNANG BAR YANG BGROD PA NYID NI SA DER GTOGS PA'I BYANG CHUB SEMS DPA' RNAMS GZHAN GYI DON GYI BYA BA THA MI DAD PA'I PHYIR RO, ZHES GSUNGS PAS SO, ,DES NA SANGS

RGYAS KYI SA ZHES GSUNGS PA YANG SA BCU PA LA SANGS RGYAS KYI SAR BYAS PA YIN TE, DE BAS NA 'GREL CHEN DU 'DI NI NGES PAR SO SO SKYE BO'I BYANG CHUB SEMS DPA' NAS DE BZHIN GSHEGS PA'I BAR DU DBYE BA'I RGYU DANG 'BRAS BU'I BDAG NYID CAN GYI DBYE BA'I DBANG DU BYAS PAR RIG PAR BYA'O, CES BA NAS, GZHAN DU NA RGYU RAB TU DBYE BA TZAM GYIS NI DE'I DBYE BA RNAM PA THAMS CAD BYAS PAR MI 'GYUR BAS NA DBYE BA YONGS SU RDZOGS PAR MI 'GYUR RO ZHES BYA BA NI KHA CIG GI'O, ZHES PAS GZHAN LUGS RDZOGS PA YIN LA, GZHAN DAG NI RGYAL PO CHEN PO DE DANG 'DRA BA LA SOGS PA SEMS BSKYED PA BRGYAD PO NYID BYANG CHUB SEMS DPA'I SA LAS KHYAD PAR GYI LAM GYIS BSDUS PA NYID YIN NO ZHES ZER RO, ZHES PA RANG LUGS YIN PAR SHIN TU GSAL LO, ,SGRIB PA SPANGS PA'I SEMS BSKYED DU BSHAD PA NI PHAL CHER SDANGS PA LA DGONGS PA STE, GZHAN DU NA RGYAN LA 'GAL BA 'DU BAR 'GYUR RO, ,SA MTSAMS 'DI DAG KYANG LAM DE DANG DE'I GNAS SKABS NA, DON GNYER DE DANG DE DAG DANG LDAN PA'I SEMS BSKYED GTZO CHE, ZHES PA YIN GYI, SEMS BSKYED DE DAG DE LAS GZHAN NA MED PAR STON PA MIN NO, ,GNYIS PA LA GNYIS LAS, SPYI'I DON NI GDAMS NGAG CES BYA BA 'DI YANG CI ZHIG CE NA, PHAN BDE'I THABS 'DOMS PA'I NGAG STE, DE LA MNGON MTHO DANG, DES LEGS KYI THABS 'DOMS PA GNYIS YOD CING, PHYI MA LA THEG DMAN DANG, THEG CHEN GYI GDAMS NGAG GNYIS LAS, PHYI MA'I MTSAN NYID, THEG CHEN GYI LAM DANG 'BRAS BU GANG RUNG RGYUD LA BSKYED PA'I THABS 'DOMS PA'I NGAG ,DE LA THEG CHEN GYI YON TAN MA THOB PA THOB PHYIR 'DOMS PA'I RJES BSTAN DANG, DE THOB ZIN MI NYAMS SHING 'PHEL BA'I 'DEMS PA'I GDAMS PA GNYIS SU YOD NGA, ,THEG CHEN GDAMS NGAG NYAN PA NI TSOGS LAM GYI GONG NAS KYANG YOD DE, TSOGS LAM RGYUD LA BSKYED PA'I THABS NYAN DGOS PA'I PHYIR RO, ,DES NA NYAN PA PO CHOS RGYUN GYI TING NGE 'DZIN THOB PAS MA KHYAB LA, CHOS RGYUN GYI TING NGE 'DZIN NI BDAG RKYEN BSAM GTAN LA BRTEN NAS JI LTAR THOS PA'I TSIG DANG DON GO RIM DE NYID

, ,KYES MA BRJOD PAR 'DZIN NUS PA'I DRAN PA DANG SHES RAB MTSUNGS LDAN DANG BCAS BA'O, ,'DI YANG MA MTHA' TSOGS LAM CHEN PO NAS THOB SRID DO, ,GDAMS NGAG KHYAD PAR CAN DANG KHYAD PAR CAN MIN PA NI STON PA PO 'PHAGS BA DANG SO SKYE, BRJED BYA DON DAM DANG KUN RDZOB SOGS KYIS PHYE BA CI RIGS SU YOD DO, ,CHOS SHES NA RE, NYAMS LEN SGRUB BA YANG GDAMS NGAG GO ,ZHES ZER RO, ,DE LA RGYU MTSAN CI ZHIG YOD, LAS LA YOD BA'I GDAMS NGAG YIN PA'I PHYIR RO, ZHE NA, GDAMS YUL THAMS CAD DE YIN PA'I PHYIR, BDEN PA BZHI LA SOGS PA CHOS THAMS CAD GDAMS NGAG TU THAL LO, ,GZHAN YANG MTSON BYA MIN NA MTSAN NYID YIN DGOS PA SOGS SU 'GYUR ZHING, DE DAG LA GDAMS NGAG GI MTSAN NYID GANG YANG MA TSANG DO, ,DE LA 'DIR SEMS BSKYED KYI RJES SU GDAMS NGAG STON BA NI, BYANG CHUB RGYU DANG BCAS PA DANG, GZHAN DON RGYA CHEN PO LA DON GNYER SKYES NAS BYANG CHUB THOB PAR BYED PA DANG, DE'I RGYU LA SLOB PAR DAM BCAS SHING SEMS BSKYED NAS BYANG CHUB DANG GZHAN DON GYI RGYU LA BSLAB DGOS LA, DE YANG RANG DGAR RANG STOBS KYIS SLOB TSUL SHES MI NUS SHING, GZHAN DGE BA'I BA SHES GNYEN LA MNYAN NAS SHES PAR BYA DGOS LA, DE YANG PHYOGS RE TZAM MNYAN NAS SHES MI NUS KYI, LAM GYI CHA RKYEN MA LUS PA MNYAN NAS SHES BAR BYED DGOS PAS DE'I PHYIR, YUL BCU LA GDAMS NGAG 'DOMS TSUL GSUNGS PA YIN NO, ,SEMS BSKYED PA LAM LA SLOB TSUL SHES PAR 'DOD BDAG GIS NI YUL 'DI TZAM ZHIG LA TSUL 'DI LTAR 'DOMS PA'I GDAMS NGAG MNYAN PAR BYA DGOS SO ZHES BYA BA'I DON TO, ,GDAMS NGAG STON PA PO SANGS RGYAS YIN PAS NI MA KHYAB STE, NYAN THOS KYIS KYANG THEG CHEN GYI CHOS STON BA YOD NA BYANG CHUB SEMS DPA' LTA SMOS KYANG CI DGOS PAS SO, ,GNYIS PA YAN LAG GI DON LA, SPYI'I MTSAMS SBYAR, SO SO'I DON BSHAD, GRANGS NGES KYI MJUG BSDU, RTOGS DKA' BYE BRAG TU BSHAD PA'O, ,DANG PO NI SEMS BSKYED KYI NGO BO'I ZHAR LA DBYE BA BRJOD NAS DE'I 'OG TU

GDAMS NGAG 'CHAD DO, ,DE'I RGYU MTSAN DE LTAR BYANG CHUB KYI SEMS DANG PO LA SOGS PA BSKYED PA'I BYANG CHUB SEMS DPA' DAG DUS JI LTA BA BZHIN DU GDAMS NGAG DON DU GNYER BAR BYED PA DE'I TSE BYANG CHUB TU SEMS BSKYED PA THOB ZIN PA YONGS SU BSRUNG BA'I DON GYIS MNGON PAR 'PHEL BAR BYA BA'I PHYIR DANG, SEMS NYER GNYIS PO DES YUL DU 'PHANGS PA'I CHOS BYANG CHUB DANG GZHAN DON RGYA CHEN PO DAG 'GRUB PAR BYA BA'I PHYIR DU CHOS 'DOMS DGOS PA'I PHYIR RO, ,GNYIS PA LA RTZA 'GREL GNYIS LAS, RTZA BA NI, BSGRUB DANG ZHES SOGS TE, YUL BCU'I BYE BRAG GIS GDAMS NGAG KYANG BCU'O, ZHES PA'O, ,'GREL PA LA BCU LAS, LAM GYI NGO BO SGRUB PA NYAMS SU LEN TSUL LA GDAMS PA NI SGRUB PA LA GDOMS BA DANG, ZHES PA BSHAD GZHI'O, ,TSUL JI LTAR NA BYANG CHUB KYI SEMS KYI RAB TU DBYE BA JI SKAD BSHAD PA SGRUB PA LA THABS SHES KHYAD PAR CAN GYIS 'JUG PAR BYA'O ZHES SLOB PA'I TSUL GYIS SO, ,DE YANG THA SNYAD DU KUN RDZOB KYI BDEN PA [?] LA MI 'DA' BAR DON DAM PAR MI DMIGS PA'I TSUL GYIS 'JUG CES PAS SHES RAB KHYAD PAR CAN DANG, CHED DU BYA BA NYAN THOS LA SOGS PA DANG THUN MONG MIN PA 'JUG CES PAS THABS KHYAD PAR CAN BSTAN NO, ,DAG DON NI, BYANG SEMS YOD BZHIN BYANG SEMS YANG DAG PAR RJES SU MI MTHONG ZHES SOGS KYI MDO TSIG CHOS CAN, SGRUB PA RANG GI NGO BO LA 'DOMS PA'I GDAMS NGAG YIN TE, THABS SHES KHYAD PAR CAN GYI SGO NAS THEG CHEN GYI LAM NYAMS SU LEN TSUL BYANG SEMS LA 'DOMS PA'I GDAMS NGAG YIN BA'I PHYIR, 'DIR BDEN PA GNYIS KYI RNAM PAR BZHAG BA JI LTA BU ZHE NA, DBYE GZHI CHOS TZAM MO, ,DBYE NA KUN RDZOB DANG, DON DAM PA'I BDEN PA GNYIS SO, ,'BYED PA'I RGYU MTSAN GNAS TSUL DANG, SNANG TSUL GNYIS KYIS BYA BA'O, ,SO SO'I NGO BO LA GNYIS LAS, KUN RDZOB BDEN PA CES PA'I SGRA BSHAD NI, BDEN GNYIS LAS, GANG ZHIG GIS SAM GANG DAG LA, YANG DAG SGRIB BYED DE KUN RDZOB, CES PA LTAR GNAS LUGS LA SGRIB BA'I BLO KUN RDZOB PA LA, RANG BZHIN SGRIB PA'I PHYIR KUN RDZOB

, ,CES GSUNGS NAS, DE'I DON BDEN PA'I PHYIR KUN RDZOB BDEN PA CES BYA'O, ,MTSAN NYID NI THA SNYAD DPYOD BYED KYI TSAD MAS DNGOS SU RNYED PA'I DON, KHA CIG RTEN 'BREL SNA TSOGS SU SNANG BA ZHES ZER BA NI, DON LDOG DANG GZHI LDOG MA PHYED PA'O, ,DBYE NA YANG DAG KUN RDZOB DANG, LOG PA'I KUN RDZOB GNYIS TE, DE YANG MTSAN NYID RIM BZHIN SNANG BA LTAR THA SNYAD TZAM DU MI BSLU BA DANG, SNANG BA LTAR THA SNYAD DU BSLU BA'I CHOS, DPER NA GSER BUM BUM PAR SNANG BA DANG, SMIG RGYU CHUR SNANG BA'I SNANG BA LTA BU'O, ,CHOS DE LTAR SNANG BA LTAR THA SNYAD DU YANG MA GRUB PAS CHOS DE THA SNYAD DU YANG MA GRUB MI DGOS TE, BUM PA'I SGRA DON BZHIN NO, ,DON DAM BDEN PA LA SGRA BSHAD NI, BDEN GNYIS LAS, BSLU BA MED PA'I RIG PA NI, DON DAM BDEN PA YIN TE, ZHES GSUNGS PA LTAR, DE KHO NA NYID DPYOD PA'I RIG SHES NI, MI BSLU BA'I PHYIR DON DAM ZHES BYAS NAS, DE'I DON MI BSLU BA'I PHYIR BDEN PA CES BYA STE, MDOR NA RIG SHES KYI DON MI BSLU BA'I PHYIR DON DAM BDEN PA CES BYA'O, ,MTSAN NYID KHA CIG RANG BZHIN SPROS BRAL GANG ZHIG ,YONGS DPYOD DU SHES BRJED GZHAL BYA LAS 'DAS PA, CES ZER BA LA NI MED DGAG THAMS CAD DON DAM BDEN PAR THAL LO, ,RANG LUGS NI, DON DAM DBYOD BYED KYI TSAD MAS DNGOS SU RNYED PA'I DON, DBYE NA RNAM GRANGS PA DANG, RNAM GRANGS MIN PA'I DON GNYIS, DANG PO NI, GCIG DANG DU BRAL GYI RTAGS LAS MYU GU BDEN MED DU RTOGS PA'I RJES DPAG TSAD MA'I DNGOS KYI GZHAL BYA MYU GU BDEN MED LTA BU STE, DE YANG DGAG BYA BDEN GRUB RNAM PAR BCAD PA'I SGO NAS NGES DGOS PAS DON DAM PA DANG MTHUN PA'I PHYIR, DON DAM PAR BSNYAD PA TZAM YIN LA, DON DAM DNGOS NI MIN PAS RNAM GRANGS PA'I DON DAM ZHES BYA'O, ,CI'I PHYIR DNGOS MIN ZHE NA, MYU GU BDEN MED MYU GU YIN PAS DNGOS PO YIN PA'I PHYIR KUN RDZOB YIN NO, ,DES NA RNAM GRANGS MIN PA'I DON DAM DNGOS NI, MYU GU'I BDEN MED LTA BU, DGAG BYA SPROS PA'I MTHA' MA LUS PA RNAM PAR BCAD TZAM GYI MED DGAG DAG GO, MYU GU BDEN MED NI MA YIN DGAG YIN

NO; ;BDEN GNYIS NGO BO GCIG THA DAD GANG YIN ZHE NA, DON DAM PAR NGO BO GCIG THA DANG GANG YANG MIN LA, THA SNYAD DU NGO BO GCIG YIN TE, CHOS CHOS CAN YIN PAS BDAG GCIG TU 'BREL BA'I PHYIR RO, ,BDEN GNYIS MDO TZAM BSHAD ZIN TO, ,GNYIS PA DMIGS YUL BDEN BZHI LA GDAMS PA LA; GDAMS YUL BDEN BZHI BSHAD PA DANG, TSIG DON GNYIS, DANG PO LA BDEN BZHI SO SO'I NGO BO GRANGS NGES DANG GO RIM NGES PA'O, ,DANG PO LA BZHI LAS, SDUG BDEN LA MTSAN GZHI NI, LAS NYON GYI 'BRAS BU SNOD BCUD GNYIS TE, KUN LAS BTUS LAS, SDUG BSNGAL BDEN PA GANG ZHE NA, DE NI SEMS CAN SKYE BA DANG SKYE BA'I GNAS KYIS KYANG RIG PAR BYA'O, ZHES PA LTAR RO, ,MCHAN NYID NI, MI RTAG MTSAN GZHI'I SGO NAS SHES PAR BYA BA'I ZAG BCAS, BZHI PO GANG ZHE NA, SKAD CIG RE RE ZHING 'JIG BA'I MI RTAG PA DANG GNOD PA'I BDAG NYID YIN PAS SDUG BSNGAL BA DANG, DON GZHAN GYI BDAG GIS STONG BA DANG, RANG GI NGO BO GANG ZAG GI BDAG TU MED PA RNAMS SO, ,DE DAG LAS GNYIS PA RANG GI MTSAN NYID DANG, GZHAN GSUM SPYI'I MTSAN NYID DE, BDEN PA GZHAN DANG THUN MONG DANG THUN MONG MIN PA'I BYE BRAG GO ,CI'I PHYIR BZHI PO 'DI SDUG BSNGAL GYI MTSAN NYID DU BSTAN ZHE NA, SDUG BSNGAL LA LOG PAR ZHUGS PA'I PHYIN CI LOG BZHI'I GNYEN POR STE, RTAG PAR 'DZIN PA'I GNYEN POR MI RTAG PA DANG, GTZANG BA DANG, BDE BAR 'DZIN PA'I GNYEN POR SDUG BSNGAL BA DANG, BDAG TU 'DZIN PA'I GNYEN POR RNAM PA LHAG MA GNYIS RNAMS BSTAN TO; ;CI'I PHYIR SDUG BSNGAL SHES BYAR BSTAN ZHE NA, SDUG BSNGAL BDEN PA SHES PA NI BDEN PA GZHAN GSUM LA YANG BLANG DOR LA 'JUG PA'I THOG MA'I SGO YIN PA'I PHYIR RO, ,GNYIS PA KUN 'BYUNG LA, MTSAN GZHI NI, NYON MONGS PA DANG DES BSAGS PA'I LAS GNYIS SO, ,MTSAN NYID NI, RGYU KUN 'BYUNG RAB SKYE RKYEN GYI RNAM PAR DPYAD NAS SPANG BAR BYA BA, DE YANG SRID PA'I SDUG BSNGAL GYI RTZA BA YIN PAS RGYU SDUG BSNGAL RDZAS RIGS KUN SKYE BAS KUN 'BYUNG SDUG BSNGAL DRAG TU BSKYED PAS RAB SKYE BRGYUD MAR SKYES PAS RKYEN NO, ,CI'I PHYIR KUN 'BYUNG SPANG

, ,BYAR BSTAN ZHE NA, KUN 'BYUNG MA SPANGS NA SDUG BSNGAL YANG SPANG MI NUS PA'I PHYIR RO, ,GSUM PA 'GOG BDEN LA, MTSAN GZHI NI, DGAG GZHI SEMS KYI CHOS NYID LA, 'GOG BYED LAM BDEN GYI DGAG BYA, LAM RANG GI SPANG BYA'I SA BON BKAG PA 'BRAL BA DAG GO ,'DI DANG CHOS NYID GNYIS KHYAD PAR MED PA NI MIN TE, 'DI GNYIS DGAG BYA GANG BKAG PA'I SGO NAS 'JOG PA'I DGAG GZHI DGAG BYA, 'GOG BYED, 'GOG TSUL RNAMS KHYAD BAR SHIN TU CHE BA'I PHYIR RO, ,MTSAN NYID NI, 'GOG PA, ZHI BA, GYA NOM PA, DES 'BYUNG GI RNAM PAR DPYAD NAS MNGON DU BYA BA'I BRAL BA, DE YANG NYON MONGS SPANGS PAS 'GOG PA, SDUG BSNGAL SPANGS BAS ZHI BA, 'DI LAS 'DOD BYA MCHOG MED PAS GYA NEM, THOB PA SLAR MI LDOG PA'I RTAG PA'I GNAS YIN PAS DES 'BYUNG NGO, ,DE YANG PHAN YON 'DI DAG GI SGO NAS THOB BYA DON DAM PAR MA SHES NA LAM LA YANG SLOB PAR MI 'GYUR BAS SNGON DU BYA BAR BSTAN TO, ,BZHI PA LAM BDEN LA, MTSAN GZHI NI, ZAG MED YE SHES RNAMS TE, 'KHOR DANG BCAS NAS LAM LNGA'O, ,MI SLOB LAM LAM BDEN MIN NA, 'GOG BDEN YANG NI MIN PAS CHOS DKON MCHOG MIN PAR 'GYUR ZHING, TSEGS SBYOR LAM BDEN YIN NA SO SKYE LA 'GOG BDEN YOD PAR THAL LO, ,MTSAN NYID NI, LAM, RIGS PA, BSGRUB PA, NGES 'BYIN GYI RNAM PAR DPYAD NAS BSTAN PAR BYA BA'I ZAG MED YE SHES, DE YANG THAR PAR BGROD BYED YIN PAS LAM RANG GI SPANG BYA SA BON GYI GNYEN PO BYED PAS RIGS PA, SEMS PHYIN CI MA LOG PAR BSGRUB PAS SGRUB PA 'DIS RTAG PA'I GNAS SU GDON MI ZA BAR PHYIN PAR BYED PAS NGES 'BYIN NO, ,'GOG PA MNGON DU BYED PA'ANG 'DI SGOM PA LA [?] RAG LAS PAS BSGOM BYAR BSTAN TO,, GNYIS PA GRANGS DANG GO RIM DES PA NI, CI'I PHYIR BZHIR NGES ZHE NA, THAR PA DON GNYER BLANG DOR LA 'JUG PA'I GZHI, KUN NAS NYON MONGS DANG RNAM BYANG GNYIS SU NGES SHING, DE RE RE LA YANG RGYU 'BRAS GNYIS GNYIS SU NGES PAS DE'I PHYIR, BDEN PA BZHIR NGES SO, ,GO RIM NI, NAD KYI SDUG

BSNGAL SHES BA NA, DE SPANG BA'I PHYIR DE'I RGYU LA RTOG CING RGYU SHES NAS SPONG NUS PAR MTHONG BA NA, DE SPANGS PA LA THOB 'DOD RDZOGS PAR SKYE LA, DE NAS DE'I RGYU SPANG BA'I PHYIR, SMAN BSTEN PAR BYED PA DANG MTHUN PAR RTOGS BA SKYE BA'I RIM PA'I DBANG DU BYAS PA STE RGYUD BLANG, NAD NI SHES BYA NAD KYI RGYU NI SPANG BYA LA, ,BDE GNAS THOB BYA SMAN NI BSTEN BAR BYA BA LTAR, ,SDUG BSNGAL RGYU DANG DE 'GOG PA DANG DE BZHIN LAM, ,SHES BYA SPANG BYA RIG PAR BYA ZHING BSTEN PAR BYA, ZHES GSUNGS BA LTAR RO, ,GNYIS PA TSIG DON LA BZHI LAS, DANG PO SDUG BSNGAL BDEN PA LA 'DOMS PA NI, 'DOMS, GANG LA NA, SDUG BSNGAL BDEN BA LA'O, ,JI LTAR NA KUN RDZOB TU GZUGS LA SOGS PA LAS NYON GYI 'BRAS BUR GYUR PA RNAMS SDUG BSNGAL DU SHES PAR BYA ZHING, DON DAM PAR DE'I CHOS NYID STONG PA NYID DANG SHER PHYIN PA DAG DE BZHIN NYID KYI NGO BO RANG BZHIN GCIG GO SHES PAR GYIS SHIG, CES STON PAS SO, ,NGAG DON NI, GZUGS STONG BA NYID LA BRTZON NA BRTZON ZHES BYA'O, ZHES PA'I MDO TSIG CHOS CAN, SDUG BSNGAL BDEN PA LA 'DOMS PA'I GDAMS NGAG YIN TE, BDEN GNYIS LAS MI 'DA' BAR SDUG BSNGAL SHES PAR BYED TSUL TSUL BZHIN 'DOMS PA'I GDAMS NGAG YIN PA'I PHYIR, GNYIS PA KUN 'BYUNG LA 'DOMS PA NI, 'DOMS, GANG LA NA KUN 'BYUNG BA LA'O, ,JI LTAR NA, THA SNYAD DU SDUG BSNGAL GYI RGYUR GYUR PA'I GZUGS LA SOGS PA NI SUN 'BYUNG DU SHES PAR BYA BA YIN KYANG DON DAM PAR KUN 'BYUNG BA DANG, 'GOG BA DANG, KUN NAS NYON MONGS PA DANG, RNAM PAR BYANG BA'I CHOS CAN MIN TE, STONG PA NYID DANG, GZUGS LA SOGS BRGYUR GYUR PA DAG RANG BZHIN THA MI DAD PA NYID KYIS SO ZHES STON PAS SO, ,NGAG DON NI, GZUGS SKYE BA'I CHOS CAN NAM, ZHES SOGS KYI MDO CHOS CAN, CHOS RTAGS SNGA MAS [?] 'GRE'O, ,GSUM PA 'GOG BA LA 'DOMS PA NI, 'DOMS, GANG LA NA, 'GOG PA LA'O, ,JI LTAR NA, THA SNYAD DU GLO BUR DRI BRAL GYI STONG PA NYID 'GOG BDEN YIN KYANG DON DAM PAR DE LA NI GZUGS MED PA NAS MA RIG PA SKYE BA YANG MED, MA RIG PA 'GAG PA YANG MED,

, ,RTOGS BA PHUN TSOGS SANGS RGYAS KYANG MED, SPANGS PA PHUN TSOGS BYANG CHUB KYI BAR DU YANG MED, DON DAM PAR SKYE BA DANG, 'GOG PA DANG, KUN NAS NYON MONGS PA DANG, RNAM PAR BYANG BA DANG, NYON MONGS PA DANG, 'PHEL BA LA SOGS PA DANG BRAL BA'I PHYIR, ZHES STON PAS SO, ,DAG DON [?] NI, SH'A RI'I BU STONG PA NYID MI SKYE MI 'GAG CES SOGS KYI MDO TSIG CHOS CAN SOGS SO, ,BZHI PA LAM LA 'DOMS BA NI, GANG LA NA, LAM LA'O, ,JI LTAR NA LAM DANG, RIGS SGRUB DANG, NGES 'BYIN LA 'DOMS PA GSUM GYI, DANG PO NI, BSGOM BYA SBYIN BA LA SOGS PA PHA ROL TU PHYIN BA DANG, BYANG SEMS BDAG NYID PHAN TSUN BSGOM BYA SGOM BYED DU LDAN PAR BDEN PA DANG, MI LDAN PAR BDEN PA MIN PA NYID DU RTOGS LA SGRUB BO ZHES STON PA'O, ,GNYIS PA NI NANG YUL CAN STONG PA NYID KYI TING NGE 'DZIN LA SOGS BA NI PHYI YUL STONG BA NYID LA SOGS PA DANG PHAN TSUN [?] YUL YUL CAN DU LDAN PAR BDEN PA DANG MI LDAN PAR BDEN PA MED PA NYID DU RTOGS LA SGRUB BO ZHES STON BA'O, ,GSUM PA NI, SNGON GYI MTHA' LAM DANG PHYI MA'I MTHA' RNAM MKHYEN DAG PHAN TSUN NGES PAR 'BYUNG BYAD DANG 'BYUNG BAR LDAN PAR BDEN BA DANG MI LDAN PAR BDEN BA MIN PA NYID DU RTOGS LA SGRUB BO ZHES STON PA'O, ,GZHAN DAG DON DAM PAR PHAN TSUN LDAN PA YANG MIN, MI LDAN PA YANG MIN ZHES SMRA BA NI DNGOS 'GAL LO, ,NGAG DON NI, BDAG NYID SBYIN PA'I PHA ROL TU PHYIN BA LA BRTZON ZHES BYA BA'AM, ZHES SOGS KYI MDO TSIG CHOS CAN, LAM LA 'DOMS PA'I GDAMS NGAG YIN TE, BDEN GNYIS LAS MI 'DA' BAR LAM BDEN SHES PAR BYED TSUL TSUL BZHIN 'DOMS PA'I NGAG YIN PA'I PHYIR, GSUM PA RTEN DKON MCHOG GSUM LA 'DOMS PA LA GNYIS LAS, SPYI DON LA THEG CHEN THUN MONG MIN PA'I SKYABS DOS GZUNG, THEG PA THUN MONG GI SKYABS GSUM GSUNGS BA'I DGOS PA BSHAD, DE DAG LAS CHOS DANG DGE 'DUN MTHAR THUG GI SKYABS MIN PAR BSTAN, DKON MCHOG GI SGRA DON BSHAD PA'O, ,DANG PO LA SANGS RGYAS DKON MCHOG GI MTSAN NYID, DON GNYIS

MTHAR PHYIN, DE YANG RANG DON MTHAR PHYIN GYI YON TAN GSUM, GZHAN DON MTHAR PHYIN GYI YON TAN GSUM STE, RGYUD BLA MA LAS, 'DUS MA BYAS SHING LHUN GYIS GRUB, ,GZHAN GYI RKYEN GYIS RTOGS MIN PA, ,MKHYEN DANG BRTZE DANG NUS PAR LDAN, ,DON GNYIS LDAN BA'I SANGS RGYAS NYID; CES GSUNGS PA'I DANG PO GSUM DANG, PHYI MA GSUM MO, ,THEG CHEN GYI CHOS DKON MCHOG GI MTSAN NYID GANG ZHIG GANG GIS 'DOD CHAGS DANG BRAL BA'I THEG CHEN GYI RNAM BYANG BDEN BA, DE LA YANG 'GOG BDEN GYI YON TAN GSUM DANG, LAM BDEN GYI GSUM STE, BSAM MED GNYIS MED RTOGS MED PA, ,DAG GSAL GNYEN PO'I PHYOGS NYID KYIS, ,GANG ZHIG GANG GIS CHAGS BRAL BA, ,BDEN GNYIS MTSAN NYID CAN DE CHOS, CES GSUNGS PA'I DANG PO GSUM DANG, PHYI MA GSUM MO, ,THEG CHEN GYI DGE 'DUN DKON MCHOG GI MTSAN NYID, JI LTA JI SNYED KYI YE SHES GZIGS PA DAG PA'I BYANG SEMS 'PHAGS PA, DE YANG JI LTA BA MKHYEN BA'I NI, SEMS KYI CHOS NYID RANG BZHIN GYIS RNAM PAR DAG SPROS PA'I MTHA' MA LUS PA BKAG PA'I DE BZHIN NYID DE MNGON SUM DU RTOGS PA'O, ,DE BZHIN NYID DE LA NI BDE BAR GSHEGS PA'I SNYING PO ZHES KYANG BYA'O, ,JI SNYED PA MKHYEN BA'I DON LA, RGYUD BLAR, SHES BYA MTHAR THUG RTOGS PA'I BLOS, ,THAMS CAD MKHYEN PA'I CHOS NYID NI, ,SEMS CAN THAMS CAD LA YOD BA, ,MTHONG PHYIR JI SNYED YOD PA NYID, CES GSUNGS PA'I DON, SEMS CAN THAMS CAD KYI CHOS NYID DE MNGON SUM DU RTOGS PA TZAM LA MI BYA STE, DE LTA NA JI LTA BA MKHYEN PAR THAL BAS SO, ,SEMS CAN THAMS CAD RE RE NAS MA 'DRES PAR DE DAG GI CHOS NYID KYI KHYAD PAR DU BYAS NAS MNGON SUM DU RTOGS PA LA MI BYA STE, DE LTA NA KUN MKHYEN DU THAL BAS SO, ,DES NA 'DI NI MNYAM GZHAG TU CHOS NYID DE MNGON SUM DU RTOGS PA'I SGO NAS RJES THOB TU CHOS NYID DE SEMS CAN THAMS CAD KYI SEMS KYI RANG BZHIN YIN PAR NGES TE, SNANG STONG TSOGS PA SGYU MA LTA BU'I DON MNGON SUM DU GYUR PA LA BYA'O, ,GNYIS PA NI,

, ,GZHAN DAG GONG DU DRANGS PA'I GZHUNG DE DAG GIS SKYABS GSUM DU PHYE NAS, DE LTAR PHYE BA DE'I DGOS PA STON PA, STON PA BSTAN PA BSLAB DON GYI, ,THEG PA GSUM DANG PHYED GSUM LA, ,MOS PA RNAMS KYIS DBANG BYAS NAS, ,SKYABS GSUM RNAM PAR DAG PA YIN, CES GSUNGS PAR SMRA BA DAG BA BCOL TE, THEG CHEN THUN MONG MIN PA'I DKON MCHOG GSUM NGOS BZUNGS NAS, THEG CHEN GYI 'GOG LAM KHO NA CHOS DKON MCHOG DANG, BYANG SEMS 'PHAGS PA KHO NA DGE 'DUN DKON MCHOG TU BZHAG PA'I RNAM GZHAG DE, THEG PA GSUM LA MOS PA'I DBANG DU BYAS PA NI 'BREL PA CUNG ZAD KYANG MED CING 'GAL BA YIN NO, ,DES NA GONG DU DE LTAR BSHAD PA LA, 'O NA BCOM LDAN 'DAS KYI MDO LAS, THEG DMAN GYI MYANG 'DAS RNAMS KYANG CHOS DKON MCHOG DANG, THEG CHEN 'PHAGS BA RNAMS KYANG DGE 'DUN DKON MCHOG TU GSUNGS PA DE JI LTA BU ZHE NA, DE NI THEG PA GSUM LA SO SOR MOS SHING, SO SOR BYA BA BYED PAR 'DOD PAS GDUL BYA RIGS CAN GSUM GA'I DBANG DU BYAS NAS GSUNGS PA'I THUN MONG GI RNAM GZHAG YIN LA, 'DIR NI THUN MONG MIN PA'I DBANG DU BYAS PA YIN PAS MI 'GAL LO ZHES BYA BA YIN TE, DE'I PHYIR, RGYUD BLA'I 'GREL PAR, SEMS CAN RNAMS THEG PA LA RIM GYIS GZHUG BA'I DON YIN NO, ZHES SOGS SO, ,GSUM PA NI, SPANG PHYIR BSLU BA'I CHOS CAN PHYIR, ,MED PHYIR 'JIGS DANG BCAS PA'I PHYIR, ,CHOS RNAM GNYIS DANG 'PHAGS PA'I TSOGS, ,GTAN GYI SKYABS MCHOG MA YIN NO, ZHES GSUNGS PAS BSTAN LA, DE YANG GZHAN DAG SNGAR BSTAN PA'I CHOS DANG DGE 'DUN DE DAG MTHAR THUG GI SKYABS MIN PAR SGRUB PA KHO NA LA SBYOR BA BAB COL TE, SNGAR NI THEG CHEN GYI 'GOG LAM DANG BYANG SEMS 'PHAGS PA KHO NA CHOS DANG DGE 'DUN DKON MCHOG TU SMRAS LA, 'DIR NI NYAN RANG DGRA BCOM DANG, DMAN PA'I 'GOG BDEN YANG MTHAR THUG GI SKYABS MIN PAR BSGRUB PA'I PHYIR RO, ,DES NA 'DI NI THUN MONG GI SKYABS GSUM RNAM PAR DAG BA'I DGOS PA BSTAN PA LAS

'PHROS PA YIN TE, 'DI LTAR DE LTAR GNAS SKABS SU THEG DMAN DANG BYANG SEMS 'PHAGS PA THAMS CAD DGE 'DUN DANG, DE GNYIS KA'I 'GOG LAM YANG CHOS DKON MCHOG TU BSHAD KYANG, DE DAG NI MTHAR THUG GI SKYABS MIN TE, CHOS LA LUNG RTOGS GNYIS LAS LUNG NI GZINGS DANG 'DRA BAR RTOGS BA MTHAR THUG PA NA RANG GI DON RTOGS PA'I THABS SU SPANG BYA YIN BA'I PHYIR DANG, RTOGS PA'I CHOS LA SLOB BA'I LAM BDEN NI, DE NYID 'BA' ZHIG LA YID BRTAN BCAS NA SLU BAS DA DUNG DE LAS GONG DU KHYAD PAR GZHAN TSOL DGOS PA'I PHYIR RO, ,GANG DAG DE NI 'DUS BYAS YIN LA, 'DUS BYAS YIN NA RDZUN PA BSLU BA'I CHOS CAN YIN PAS MTHAR THUG GI SKYABS SU MI RIGS PA'I PHYIR, ZHES SMRA BA LA NI, GZUGS SKU GNYIS KYANG MTHAR THUG GI SKYABS MIN PAR THAL LO, ,SLOB PA'I 'GOG BDEN LA NYAN THOS KYI MYANG 'DAS MTHAR THUG GI SKYABS MIN PAR MED PHYIR, ZHES PAS DNGOS SU BSTAN TE, DE CHOS CAN, MTHAR THUG GI SKYABS MIN PAR THAL, DE YIN NA SPANG BYA MTHA' DAG LAS GROL DGOS PA LA KHYOD NYON MONGS PA DANG, SDUG BSNGAL TZAM MED PAS KHYAD PAR DU BYAS PAS 'GOG PA YIN PA'I PHYIR, 'DIS MCHON NAS SLOB LAM GYI 'GOG PA THAMS CAD DER RTOGS NUS SO, ,DE'I PHYIR 'GREL PAR NYON MONGS PA DANG SDUG BSNGAL MED PA TZAM GYIS RAB TU PHYE LA, ZHES GSUNGS SO, ,GANG DAG NYAN THOS SDE GNYIS MAR ME SHI BA LTAR MED PAR 'DOD PA'I PHYIR, ZHES SMRA BAS NI RANG MTSANG STON PA YIN TE, MTHAR THUG THEG PA GSUM DU 'DOD CING NYAN THOS KYI MYANG 'DAS MED PAR 'DOD PA'I SDE GNYIS DE GANG NA YOD STON CIG, BYE BRAG SMRA BA NI RTAG RDZAS SU YANG 'DOD DO, ,DNGOS POR MED PA'I PHYIR ZER NA, NGO BO NYID YANG MTHAR THUG GI SKYABS MIN PAR THAL, GZHAN YANG RANG GI DAM BCA' LA SGRUB BYED GZHAN LUNG 'GOD PA LAS NGO MTSAR BA MED DO, ,'PHAGS PA SLOB BA DE DAG KYANG MTHAR THUG GI SKYABS MIN TE, RANG NYID DA DUNG SGRIB PA'I 'JIGS PA DANG BCAS PA'I PHYIR, DES NA SANGS RGYAS NYAG GCIG MTHAR THUG GI SKYABS SU 'THAD DO, ,BZHI PA NI, 'BYUNG BA DKON PHYIR DRI MED

, ,PHYIR; ,MTHU LDAN PHYIR DANG 'JIG RTEN GYI, ,RGYAN GYUR PHYIR DAD MCHOG NYID PHYIR, ,'GYUR BA MED PHYIR DKON MCHOG NYID, CES GSUNGS PA LTAR RO, ,GNYIS PA YAN LAG GI DON LA GSUM LAS, DANG PO SANGS RGYAS DKON MCHOG LA GDAMS PA NI, SANGS RGYAS LA 'DOMS, JI LTAR NA, DON DAM PAR DBYINGS DANG YE SHES SU MI SBYOR TE, RTOGS PA SANGS RGYAS DANG DBYINGS BYANG CHUB DAG, STONG PA NYID DU MTSAN NYID GCIG PA NYID KYIS SO, ,DON DAM PAR SANGS RGYAS DANG RNAM MKHYEN MTSAN MTSON DU MI SBYOR TE, SANGS RGYAS SU BYED PA'I CHOS KYI MTSAN NYID RNAM PA THAMS CAD MKHYEN PA NYID DON DAM PAR MI DMIGS PAS SO, ,DE'I PHYIR, DE LA GZUGS LA SOGS PA YUL DU DON DAM PAR MI SBYOR BAS SANGS RGYAS DON DAM PAR MI DMIGS SHING KUN RDZOB TU DMIGS PAR BYA BA DANG DMIGS PAR BYED PA BDEN MED DU MNYAM PA NYID DU SHES PA MTHAR THUG PA SANGS RGYAS YIN NO, ZHES BYA BAR LUNG 'BOGS PA'O, ,NGAG DON NI, GZUGS LA RNAM BA THAMS CAD MKHYEN PA NYID KYIS SBYOR BAR MI BYED CES SOGS KYI MDO TSIG CHOS CAN, SANGS RGYAS LA 'DOMS PA'I GDAMS NGAG YIN TE, BDEN GNYIS LAS MI 'DA' BAR SANGS RGYAS STON BAR 'DZIN TSUL TSUL BZHIN 'DOMS PA'I NGAG YIN PA'I PHYIR, GNYIS PA NI, CHOS LA 'DOMS, JI LTAR NA THA SNYAD DU THAMS CAD MKHYEN PA NYID GSUM GYIS BSDUS PA'I RNAM BYANG CHOS YIN LA, DON DAM PAR GZHI DANG GNYEN PO DANG RNAM BA MTHA' DAG YUL DU BSDUS PA MKHYEN PA GSUM PO DAG GIS BSDUS PA'I RNAM BYANG GI CHOS THAMS CAD NGO BO NYID MED DO ZHES LUNG 'BOGS PA'I TSUL GYIS SO, ,GZHAN DAG GIS 'CHAD MA SHES SO, ,NGAG DON NI, BYANG CHEN SHER PHYIN LA SPYOD PA'I TSE, GZUGS DNGOS PO YOD CES BYA BAR MI SBYOR ZHES SOGS KYI MDO TSIG CHOS CAN, RTAGS CHOS RIGS BSGRE'O, ,GSUM PA NI, DGE 'DUN LA 'DOMS, JI LTAR NA, THA SNYAD DU BYANG CHUB SEMS DPA' 'PHAGS PA SLOB PA PHYIR MI LDOG PA RNAMS GROGS DGE 'DUN YIN PAR SHES BAR BYAS NAS DON

DAM PAR DE DAG LA SKYE BA MED PA NYID DU 'JUG PAR BYA'O ZHES LUNG 'BOGS PAS SO, ,DGE 'DUN LA DBYE BA DU YOD NA RTZA BA'I DBYE BA 'BRAS BU LA GNAS PA GSUM DANG ZHUGS PA BZHI'I BYE BRAG GIS SKYES BU CHEN PO BDUN PO RANG SANGS RGYAS DANG LHAN CIG BRGYAD PO YAN LAG GI DBYE BA DBANG PO RTUL PO LA SOGS PA'I BYE BRAG GIS GRANGS NYI SHUR 'CHAD PA'O, ,DGRA BCOM YANG YOD BA MIN NAM ZHE NA, THEG CHEN DGRA BCOM PA SANGS RGYAS DKON MCHOG GI KHONGS SU GTOGS PA NYID KYIS DGE 'DUN DU MA GTOGS PA'O, ,NGAG DON NI, PHYIR MI LDOG PA'I BYANG CHEN MA GTOG PA DBANG PO RTUL BA YIN TE, ZHES SOGS KYI MDO TSIG CHOS CAN, RTAGS CHOS 'GRE'O, ,BZHI PA BYA BA NGAN ZHEN GYI LE LO'I GNYEN PO LA ZHEN PA'I BRTZON 'GRUS LA GDAMS PA NI, BRTZON 'GRUS BRTZAMS PA NYID KYIS JI SKAD BSHAD PA'I DON LA NAN TAN BYED PA NI LUS LA SOGS PA'I BDE BA PHAL PA LA CHAGS PA'I BSOD NAMS NYID KYIS LA LA BYA BA NGAN PA LA MNGON PAR ZHEN PAR 'GYUR BAS DE'I GNYEN POR MA ZHEN BA'I BRTZON 'GRUS LA CHAGS YUL LUS LA SOGS PA BDEN PA'I NGO BO NYID MDOR BSTAN PA'I SGO NAS 'DOMS PA'O, ,LNGA PA SGYID LUG BA'I LE LO'I GNYEN POR NGAL BA MED PA LA GDAMS PA NI, LAM LA DUS YUN RING MO ZHIG TU GOMS PAR BYAS KYANG, 'DOD BA'I DON BYANG CHUB MA GRUB NAD [?] NGANG BA'I RANG BZHIN CAN YONGS SU SKYO BAR 'GYUR BAS DE'I GNYEN POR YONGS SU NGAL BA MED PA LA GZUGS LA SOGS PA NAS YANG DAG PAR RDZOGS PA'I BYANG CHUB KYI BAR LA BDEN PAR RLOM PA MED PA NYID DU BSTAN PA'I SGO NAS 'DOMS PA'I DAG [?] GO, DRUG PA ZHUM PA'I GNYEN PO LAM YONGS SU 'DZIN PA'I BRTZON 'GRUS LA GDAMS PA NI, PHYOGS BCU NA BZHUGS PA'I SANGS RGYAS LA SOGS PA LA, DON RE RE'I PHYIR LAM GYI LUNG NOD PAR BYA DGOS NA, DE 'DRAG LA NUS SNYAM DU SEMS ZHUM PAR 'GYUR BAS DE'I GNYEN POR LAM YONGS SU BZUNG BA LA CHOS RNAMS RANG BZHIN GYIS MA SKYES PA NYID DU BSLAB PA'I SGO NAS 'DOMS PA'I GDAMS NGAG GO, BDUN PA SPYAN LNGA LA GDAMS PA NA,

, ,MING DON GRANGS JI LTA BA BZHIN DU SBYAR NA, SHA'I SPYAN NI, DNGOS PO TSAD SO SOR NGES PA STONG GSUM TSUN CHAD KYI GZUGS PHRA RAGS KYI YUL CAN DANG, LAS KYI RNAM PAR SMIN PA LAS BYUNG BA LHA'I SPYAN NI 'JIG RTEN GYI KHAMS DU MA'I SEMS CAN RIGS THAMS CAD KYI 'CHI 'PHO BA DANG SKYE BA'I YUL CAN DANG, SHES RAB KYI SPYAN NI CHOS THAMS CAD LA MTSAN MAR RNAM PAR MI RTOG BA DANG, CHOS KYI SPYAN NI 'PHAGS PA'I GANG ZAG THAMS CAD KYI DBANG PO RNO RTUL SOGS RTOGS PA DANG, SANGS RGYAS KYI SPYAN NI CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PA'I YUL CAN YIN NO ZHES KUN RDZOB TU DE LTAR MTSAN NYID SHES PAR BYAS NAS RGYUD LA BSKYED CING DON DAM PAR SPYAN LNGA DE BZHIN NYID DU GCIG PA NYID DU RTOGS LA SGRUB BO ZHES SLOB PA NI SPYAN LNGA LA 'DOMS PA'O, ,SA MTSAMS NI, MA MTHA' SHA'I SPYAN TSOGS LAM, LHA'I SPYAN SBYOR LAM, SHES RAB KYI SPYAN MTHONG LAM MNYAM GZHAG ,CHOS KYI SPYAN DE'I RJES THOB, SANGS RGYAS KYI SPYAN RJES MTHUN PAS BRGYAD PA NAS YOD CING, THA MA 'DI DNGOS SANGS RGYAS SA NA'O, ,NGAG DON NI BYANG CHEN SHA'I MIG GANG GIS ZHES SOGS KYI MDO TSIG CHOS CAN, SPYAN LNGA LA 'DOMS PA'I GDAMS NGAG YIN TE, BDEN GNYIS LAS MI 'DA' BAR SPYAN LNGA RGYUD LA SKYE TSUL TSUL BZHIN 'DOMS PA'I GDAMS NGAG YIN PA'I PHYIR, BRGYAD BA MNGON SHES DRUG LA GDAMS PA NI, RDZU 'PHRUL GYI MNGON PAR SHES PA BSAM GTAN GYI MTHUS SA G-YO BA LA SOGS BA DANG, LHA'I RNA BA'I MNGON PAR SHES PA 'JIG RTEN GYI KHAMS THAMS CAD NA GNAS PA'I SGRA CHUNG NGU DANG CIG SHOS BSAM GTAN GYI MTHUS THOS BA'I RNA BA'I SHES PA DANG, GZHAN GYI SEMS SHES PA'I MNGON PAR SHES PA BSAM GTAN GYI MTHUS GZHAN GYI SEMS 'DOD CHAGS DANG BCAS PA LA SOGS PA YONGS SU SHES PA DANG, SNGON GYI GNAS RJES SU DRAN PA'I MNGON PAR SHES BA BSAM GTAN GYI MTHUS RANG DANG GZHAN GYI CHO RABS SNGA MA DU MA RJES SU DRAN PA DANG, BSAM GTAN MNGON BAR 'DU

BYED BA LAS BYUNG BA'I LHA'I MIG GI MNGON PAR SHES BA 'JIG RTEN GYI KHAMS DU ME'I GZUGS THAMS CAD BSAM GTAN GYI MTHUS MTHONG BA DANG, ZAG PA ZAD PA SHES PA'I MNGON PAR SHES PA NYON MONGS PA DANG SHES BYA'I SGRIB PA SPONG BAR BYED BA'I YE SHES RNAMS SO, ZHES KUN RDZOB TU DE DAG GI MTSAN NYID SHES PAR BYED CING, DON DAM PAR GZOD MA NAS ZHI BA NYID DU RTOGS PAR BYA'O ZHES BSTAN PA NI MNGON PAR SHES PA DRUG LA 'DOMS PA'O, ,SA MTSAMS NI, DANG PO LNGA, PHYI ROL PA DANG LAM MA ZHUGS LA'ANG YOD CING, DRUG BA DGRA BCOM GSUM LA'O, ,NGAG DON NI, SHER PHYIN LA SPYOD PA'I BYANG CHEN MNGON PAR SHES PA'I PHA ROL TU PHYIN PA 'THOB STE, ZHES SOGS KYI MDO TSIG CHOS CAN, CHOS RTAGS 'GRE, DGU PA SPANG BYA KUN BRTAGS KYI GNYEN PO LA GDAMS PA NI, MTHONG BA'I LAM BDEN PA BZHIS BSDUS PA SKAD CIG MA BCU DRUG GI NGO BO NYID CHOS DANG RJES SU SHES PA'I BZOD PA DANG SHES PA'I BDAG NYID CAN DAG, RNAL 'BYOR BA'I CHOS THAMS CAD BDEN PA'I NGO BO NYID MED PAR RTOGS PAS SGYU MA MKHAN BZHIN DU THAMS CAD LA BDEN PAR MNGON PAR ZHEN PA MED PA'I LUS CAN RNAMS KYIS MTHONG LAM DES SPANG BAR BYA BA'I DNGOS PO MTHONG SPANGS KYI GNYEN PO NYID DU RNAM PAR SGOM PAR BYED DGOS SO, ZHES STON PA NI MTHONG BA'I LAM LA 'DOMS PA'O, ,NGAG DON NI, RAB 'BYOR BYANG CHEN RNAMS LA ZHES SOGS KYI MDO TSIG CHOS CAN, MTHONG LAM LA 'DOMS BA'I GDAMS NGAG YIN TE, BDEN GNYIS LAS MI 'DA' BAR MTHONG SPANG GI GNYEN POR MTHONG LAM BSGOM TSUL TSUL BZHIN 'DOMS PA'I NGAG YIN PA'I PHYIR, BCU PA SPANG BYA LHAN SKYES KYI GNYEN PO LA GDAMS PA NI, JI LTAR 'DUS BYAS LAM DANG 'DUS MA BYAS 'GOG BDAG BDEN MED DU NGO BO GCIG PA NYID KYIS DON DAM PAR PHAN TSUN RIGS THA DAD DU GDAGS PAR MI NUS PA BZHIN DU SGOM LAM GYIS KYANG MTHONG BA'I LAM GYIS MNGON SUM DU BYAS PA DNGOS BO LAS RIGS THA MI DAD PA LA DMIGS PA STE, GNYIS KAS CHOS NYID TZAM LA MNGON SUM DU DMIGS PA'I PHYIR MTHONG BA DANG BSGOM PA DAG RTOGS PA

, ,RIGS THA DAD DU GYUR PA MED PAS MTHONG LAM GYIS DMIGS PA'I CHOS NYID LAS RIGS THA DAD PA'I YUL MNGON SUM DU RTOGS PA'I SGOM PA'I LAM ZAG MED MTSAN NYID PA RNAM PAR BZHAG PA NI MED KYI 'ON KYANG DE NI MTHONG LAM GYIS RTOGS PA'I CHOS NYID YUN RING DU GOMS PAR BYAS PA'I RTEN CING 'BREL PAR 'BYUNG BA'I CHOS NYID KYIS DES SPANG BAR BYA BA'I DNGOS PO SGOM SPANG GI GNYEN PO NYID DU RNAM PAR SGOM BAR BYED DO ZHES STON PA SGOM PA'I LAM LA 'DOMS PA'O, ,NGAG DON NI, RAB 'BYOR 'DUS BYAS KYI DBYINGS MED PAR ZHES SOGS KYI MDO TSIG CHOS CAN, CHOS RTAGS 'GRE, GSUM PA GRANGS NGES MJUG BSDU BA NI, GDAMS NGAG NI BCUR GRANGS NGES SO, ,DE'I RGYU MTSAN NI 'DI TZAM KHO NAS DON THAMS CAD PHUN SUM TSOGS PAR 'GYUR BAS SO, ,DE'I RGYU MTSAN NI SKAD BSHAD PA DE LTAR NA BYANG CHUB KYI SEMS DANG DES 'PHANGS PA'I CHOS KYI NGO BO NYID SHER PHYIN PA LA BSGRUB PA'I SGOM TSUL GYI RNAM PA GANG YIN PA MI DMIGS PA DANG, DE'I DMIGS PA GANG YIN PA 'PHAGS PA'I BDEN PA BZHI DANG, THUN MONG MIN PA'I RTEN GANG YIN PA THEG CHEN GYI SKYABS GSUM DANG, LAM KHYAD PAR DU 'GRO BA RGYU YIN PA MA CHAGS PA DANG, LAM BOR NAS MI LDOG PA 'GRO BA'I RGYU GANG YIN PA YONGS SU MI NGAL BA DANG, THEG PA GZHAN GYIS MI 'GRO BA'I RGYU GANG YIN PA LAM YONGS SU 'DZIN PA DANG, LAM SGRUB BA LA GZHAN GYI DRIN MI 'JOG PAR 'GRO BA'I NYID KYI RGYU GANG YIN LA SPYAN LNGA DANG, GZHAN DON BYED PAS TSOGS BSAGS TE RNAM PA THAMS CAD MKHYEN PA NYID YONGS SU RDZOGS PA'I RGYU GANG YIN PA MNGON PAR SHES PA DRUG DANG, SPANG BYA MTHA' DAG SPANGS BA MTHAR THUG BA'I RGYU YIN PA MTHONG BA DANG SGOM PA'I LAM DE DAG STE, DE DAG THAMS CAD LA 'DOMS TSUL GDAMS NGAG GI SKABS SU BSHAD PA'O, ,BZHI PA RTOGS DKA' BA BYE BRAG TU BSHAD PA LA GNYIS LAS, SPYI DON NI, 'DIR SKABS SU BAB PA'I BRJOD BYA NI, BOD DAG GIS MTSON BYA DON GYI DGE 'DUN ZHES THA SNYAD BYAS PA THEG CHEN GYI ZHUGS 'BRAS KYI RNAM GZHAG YIN LA, DE RTOGS PA'I

YAN LAG TU MTSON BYED DPE'I DGE 'DUN DU THA SNYAD BYAS PA NYAN THOS KYI ZHUGS 'BRAS KYI ZHUGS 'BRAS DAG KYANG BSHAD PAR BYA BA TZAM YIN MOD KYANG 'DIR NI MANGS PAS 'JIGS TE MA BRIS LA, THEG CHEN GYI ZHUGS 'BRAS KYI RNAM GZHAG LA, DNGOS BA LJAGS BSHAD PA, GRANGS DANG MTSAN NYID LA DBYAD PA, SA MTSAMS SO, ,DANG PO LA DGAG BZHAG SPANG GSUM LAS, DANG PO NI SKABS 'DIR, DGE 'DUN DKON MCHOG LA 'DOMS PA'I SKABS SU MDO LAS MING GI THA SNYAD DNGOS SU MA SMOS PA'I BYANG SEMS MANG PO ZHES GSUNGS PA LA, RJE BTZUN GYIS DE DAG THAMS CAD BDE BLAG TU RTOGS PAR BYA BA'I PHYIR ZHUGS 'BRAS KYI THA SNYAD KYIS NYI SHUR BSDUS TE BSTAN CING DE DAG KYANG GZHAN DAG NA RE BTAGS PA BA'I DBANG DU BYAS PA YIN CING, 'DOGS PA'I RGYU MTSAN SPANG RTOGS 'GA' ZHIG CHA 'DRA BA TZAM DANG, DGOS PA THEG CHEN GYI GANG ZAG MA NGES PA'I RIGS CAN RNAMS BYANG SEMS 'PHAGS PA LA DGE 'DUN DKON MCHOG TU YID CHES SU, ZHUGS PA'I SGO NAS THEG CHEN DU DRANG BA'I PHYIR DANG, DNGOS LA GNOD BYED BYANG SEMS YIN PAR BSHAD PA'I PHYIR, ZHES ZER RO, ,DE MI 'THAD DE, RGYUN ZHUGS SOGS KYI MING BTAGS PA TZAM GYIS BYANG SEMS DGE 'DUN DKON MCHOG TU YID CHES NAS 'JUG PA DE THEG DMAN GYI DGE 'DUN DKON MCHOG TU YID CHES NAS 'JUG PA YIN NAM, THEG CHEN GYI DGE 'DUN DKON MCHOG TU YID CHES NAS 'JUG PA YIN, DANG PO DE MI 'THAD DE, DA LTAR NA DE 'DRA'I RIGS CAN THEG CHEN LAN DU 'JUG PA LA, LAM DE YANG THEG DMAN GYI LAM DU YID CHES SKYE DGOS PAR THAL BA'I PHYIR DANG, THEG CHEN GYI LAM LA SLOB 'DOD DANG, THEG CHEN GYI SKYABS 'GRO DANG, SEMS BSKYED SOGS GANG YANG RGYUD LA MED PA'I THEG CHEN LAM ZHUGS YOD PAR THAL BA'I PHYIR RO, ,GNYIS PA LTAR YANG MI 'THAD DE, DE LTAR NA NYAN THOS LA, BYANG SEMS MTHONG LAM PA DANG, BSGOM LAM PA SOGS LA THA SNYAD BTAGS NA THEG DMAN GYI DGE 'DUN DKON MCHOG TU YID CHES SKYE BAR THAL BA'I PHYIR DANG, GZHAN YANG DE 'DRA BA'I RIGS CAN THEG CHEN LAM LA GZHUG PA'I PHYIR DU BYANG SEMS LA NYAN

, ,THOS KYI ZHUGS 'BRAS KYI MING 'DOGS DGOS NA, THEG CHEN GYI 'BRAS BU LA THOB 'DOD BSKYED PA'I PHYIR DU RDZOGS PA'I SANGS RGYAS LA NYAN THOS DGRA BCOM GYI MING 'DOGS PAR THAL BA'I PHYIR RO, ,BYANG SEMS YIN PA NI RGYUN ZHUGS SOGS DNGOS YIN PA'I GNOD BYED DANG, DNGOS MIN PA'I SGRUB BYED GANG DU YANG MI 'THAD DE, DE NYID DNGOS YIN MIN RTZOD PA'I GZHI YIN PA'I PHYIR, GZHAN DU NA SGRA YIN PA DE SGRA MI RTAG PA'I SGRUB BYED YANG DAG TU THAL BAR 'GYUR RO, ,KHA CIG RGYUN DU ZHUGS PA NAS RANG SANGS RGYAS KYI BAR THOB PAR MI BYED CES GSUNGS PA DNGOS LA GNOD BYED DU SMRA BA MI RIGS TE, DE NI BYANG SEMS KYIS THEG DMAN GYI 'BRAS BU MNGON DU MI BYED PAR BSHAD PA YIN LA, DE NYID THEG CHEN LA ZHUGS 'BRAS MTSAN NYID PA MED PA'I SGRUB BYED DU 'BREL BA MED PA'I PHYIR RO, ,DES NA 'DOGS PA'I RGYU MTSAN DANG DGES PA MA GRUB PA'I PHYIR, BTAGS PA BAR MI 'THAD DO, ,KHA CIG BYANG SEMS YIN NA, RGYUN ZHUGS ZHUGS PAR 'GAL BAR KHAS BLANGS NAS DE MA THAG 'GREL PA'I TSIG DON 'CHAD PA NA, 'DI LTAR SMRA STE, 'CHAD PAR 'GYUR BA'I LAM SHES PA NYID KYIS BSDUS PA'I MTHONG BA'I LAM SKAD CIG MA BCO LNGA LA GNAS PA, RGYUN ZHUGS 'BRAS GNAS KYI SPANG RTOGS SGRUB PA LA BRTZON PAS NA, 'BRAS BU DANG PO LA ZHUGS PA STE, DE LA DBANG RTUL DAD PA'I RJES 'BRANGS DANG, DBANG RNON CHOS KYI RJES 'BRANGS GNYIS SO, ZHES BYA BA NI DNGOS 'GAL LO, ,KHA CIG RGYUN ZHUGS KYI MTSAN NYID KUN SBYOR GSUM SPANGS PAS RAB TU PHYE BA'I DGE SBYONG GI TSUL GYI 'BRAS BU LA GNAS PA CES SMRAS NAS, 'GREL BA'I TSIG DON 'CHAD PA NA, MTHONG LAM SKAD CIG BCU DRUG PA LA GNAS PA'I BYANG SEMS CHOS CAN, RGYUN ZHUGS SU GDAGS SU RUNG STE, KUN SBYOR GSUM SPANGS PAS RAB TU PHYE BA'I DGE SBYONG GI TSUL GYI 'BRAS BU THOB PHYIR BRTZON PA'I BYANG SEMS YIN PA'I PHYIR, ZHES ZER RO, DE CHOS CAN, RGYUN ZHUGS SU THAL LO, MTSAN NYID DE'I PHYIR, 'KHOR GSUM DNGOS SO, ,YANG KHA CIG, MTHAR GYIS PA'I RGYUN ZHUGS ZHAGS PA'I MTSAN NYID, MTHONG LAM GYI SNGAR 'DOD

PA'I BSGOM SPANGS KYI NYON MONGS CUNG ZAD MA SPANGS PA'AM, LNGA PA'I BAR CI RIGS PAR SPANGS KYANG RUNG, DRUG PA MA SPANGS LA, RTOGS PA'I KHYAD PAR SBYOR LAM STAN GCIG PA NAS SKAD CIG MA DANG PO BCO LNGA GANG RUNG LA GNAS PA'O, ZHES ZER ZHING, BYANG SEMS YIN NA RGYUN ZHUGS ZHUGS PAR 'GAL LO, ZHES SMRAS NAS TSIG DON 'CHAD BA NA, SKABS GNYIS PAR 'CHAD PAR 'GYUR BA'I LAM SHES PA NYID KYIS BSDUS PA MTHONG LAM SKAD CIG BCU DRUG GI DANG PO BCO LNGA LA BRTEN NAS GNAS SHING, SNGAR 'DOD PA'I SGOM SPANGS MA SPANGS PA'I BYANG SEMS CHOS CAN, ZHES SMRA BA'ANG BYANG SEMS DE LA MTSAN NYID DE TSANG BAR DNGOS SU 'GAL BA YIN NO, ,GNYIS PA RANG LUGS NI, 'DIR BYANG SEMS LA ZHUGS 'BRAS KYI RNAM GZHAG MDZAD PA NI, DNGOS KYI DBANG DU MDZAD PA YIN TE, BTAGS BA'I TSUL LA JI SKAD BSHAD PA'I GNOD PA 'BAB BA'I PHYIR DANG, BTAGS BA PAR BZHED NA 'DOGS PA'I CHOS GSUM SOGS 'CHAD RIGS PA LA, SLOB DPON GYIS GANG DU YANG MA BSHAD PA'I PHYIR DANG, 'GREL CHEN LAS, PHYIR MI LDOG PA 'KHOR LO'I MDO LAS, BYANG CHUB SEMS DPA'I DAD PA'I RJES SU 'BRANG BA NAS BRTZAMS NAS RANG SANGS RGYAS KYI BAR DU GANG ZAG GI RNAM GZHAG BCOM LDAN 'DAS NYID KYIS SHIN TU GSAL BAR GSUNGS PA'I PHYIR RO, ZHES SOGS KYIS PHYIR MI LDOG 'KHOR LO'I MDO SHES BYED DU DRANGS NAS BYANG SEMS RGYUN ZHUGS SOGS YOD PAR LEGS PAR BSGRUB PA'I PHYIR DANG, SRID RTZER 'GRO GZUGS KYI 'DOD CHAGS BCOM BA CAM LA BSHAD BA YANG, BYANG SEMS LA SRID RTZER 'GRO MTSAN NYID PA 'JOG BZHED CING, BYANG SEMS SRID RTZER SKYE MI BZHED PA'I RGYU MTSAN GYIS MIN GYI, GZHAN DU NA DE LA RGYU MTSAN MED PAR 'GYUR BA'I PHYIR RO, ,PHYIR MI LDOG 'KHOR LO'I MDO'I DGONGS PA NI BYANG SEMS LA ZHUGS 'BRAS KYI THA SNYAD BTAGS PA'I DGONGS PA 'CHAD BA YIN NO, ZHES SMRAS PA'ANG MI 'THAD DE, CI THEG DMAN GYI MDOR BYANG SEMS LA DE 'DRA'I THA SNYAD BTAGS PA DGONGS PA YIN NO, ,PHYIR MI LDOG 'KHOR LO'I MDO RANG NYID DU DE LTAR BTAGS PA'I DGONGS GZHI 'CHAD PA YIN NAM, YUM GYI MDO SOGS SU DE LTAR BTAGS

, ,BA'I DGONGS GZHI 'CHAD PA YIN NAM, GANG 'DOD DRANG, DANG PO MI 'THAD DE, THEG DMAN GYI MDO LAS, DE LTAR BTAGS PA MED PA'I PHYIR DANG, KHYED RANG YANG KHAS MI LEN PA'I PHYIR RO, ,GNYIS PA MI 'THAD DE, MDO DE'I GLENG GZHI'I MJUG DE MA THAG TU, BCOM LDAN 'DAS KYIS GANG LA DGONGS TE, RGYUN DU ZHUGS PA'I 'BRAS BU BSTAN PA DANG, ZHES PA NAS RANG SANGS RGYAS KYI BAR BSTAN PA BSHAD DU GSOL, ZHES ZHUS PAS, DE'I LAN GSUNGS PA GANG ZHIG ,MDO DER DE'I GONG DU ZHUGS 'BRAS KYI THA SNYAD BYANG SEMS LA BTAGS PA MED PA'I PHYIR RO, ,GSUM PA YANG MI 'THAD DE, PHYIR MI LDOG 'KHOR LO'I MDO LAS, DGRA BCOM PAR BRJOD PA'I RGYU MTSAN YANG GSUNGS PA GANG ZHIG ,YUM GYI MDO SOGS SU BYANG SEMS LA DGRA BCOM PA GSUNGS PA MED PA'I PHYIR DANG, SANGS RGYAS LA DGRA BCOM PAR GSUNGS PA'I DGONGS PA SOGS 'CHAD PAR KHAS LEN NA, SANGS RGYAS DGRA BCOM BTAGS PA BAR THAL BA'I PHYIR RO, ,DES NA PHYIR MI LDOG 'KHOR LO'I MDO NI, MTHAR THUG THEG PA GCIG SGRUB PA'I PHYIR GSUNGS PA YIN LA, DE YANG NYAN THOS LAS, MTHAR THUG GI MYANG 'DAS KYI RGYUN LA ZHUGS PA'I RGYUN ZHUGS SOGS MED PAR BSTAN NAS, BYANG SEMS LA DE DAG YOD PAR STON PAR BYED PA YIN LA, MDO 'DI'I 'CHAD TSUL RGYAS PAR GZHAN DU RGYAS PAR 'CHAD PAR 'DOD DO, ,NYAN THOS LA RGYUN ZHUGS SOGS DNGOS MED PA'ANG MI 'THAD DE; DE LTA NA NYAN THOS 'PHAGS PA DNGOS MED PA'ANG GANG GIS 'GOG ,NYAN THOS LA DGE SBYONG GI 'BRAS BU YANG MED PAR 'DOD DGOS PAS, ZAG MED BAR CHAD MED LAM DANG, RNAM GROL LAM DANG, 'GOG BDEN DNGOS LA SOGS PA YANG MED PAR THAL BAR 'GYUR RO,, 'O NA NYAN THOS LA MYANG 'DAS DNGOS KYANG YOD DAM ZHE NA, MTHAR THUG GI MYANG 'DAS DNGOS MED PA YIN GYI MYANG 'DAS TZAM YANG MED PA YIN TE, THAR PA'ANG MED PAR THAL BA'I PHYIR DANG, MYANG 'DAS YIN NA MI GNAS PA'I MYANG 'DAS YIN PAS KHYAB PAS MYANG 'DAS KYI

MTHAR LHUNG BA MI SRID PAR THAL BA'I PHYIR DANG, GZHI SHES KYIS NYER ZHIR KHRID PA'I BZHED DON BSGRUB MI NUS PAR THAL BA'I PHYIR RO, ,GSUM PA LA RTZOD PA SPANG BA NI, BYANG SEMS LA PHYIR MI 'ONG MTSAN NYID PA MED PAR THAL, PHYIR MI 'ONG GI MING CAN GYI BYANG SEMS DE ,DA DUNG 'GRO BA'I DON DU 'DOD BAR SKYE BA TSAD MED PA 'DZIN PA'I PHYIR ZHE NA, 'O NA NYAN THOS PHYIR MI 'ONG DE'ANG, SLAR THEG CHEN LAM DU ZHUGS NAS GZHAN DON DU 'DOD PAR SKYE BA TSAD MED PA 'DZIN NAM, MI 'DZIN, MI 'DZIN NA MTHAR THUG THEG PA GSUM DU THAL LO 'DZIN NA DER THAL, DE'I PHYIR, 'KHOR GSUM DNGOS SO, ,'O NA KUN LAS BTUS LAS, BYANG SEMS LA DNGOS YOD PA BKAG PA CI ZHE NA, GZHUNG DE NI MTHAR THUG GI THEG PA GSUM GYI TSUL STON PA'I MDO NGES DON DU KHAS BLANGS PA'I DBANG DU BYAS PA YIN PAS 'DIR MI GNOD DO, ,'O NA BYANG SEMS RANG SANGS RGYAS YOD DAM ZHE NA, 'DIR RANG SANGS RGYAS ZHES GSUNGS PA DANG, NYAN THOS DANG RANG SANGS RGYAS ZHES PA'I RANG SANGS RGYAS NI TSUL SHIN TU MI 'DRA STE, THEG DMAN GYI DE NI RANG NYID GCIG PU'I PHYIR DU BYANG CHUB MNGON DU BYAS BA'I PHYIR RANG SANGS RGYAS ZHES BYA BA YIN PAS, DE YIN NA DGRA BCOM YIN PAS KHYAB PA YIN NO, ,'DIR NI SANGS RGYAS MED CING BYANG SEMS GZHAN MED PA'I 'JIG RTEN DU RANG NYID GCIG PUR GNAS NAS BYANG CHUB MNGON DU BYED PA LA GSUNGS PAS DGRA BCOM MIN DGOS PA'I PHYIR RO, ,GZHAN DU NA THEG CHEN DGRA BCOM DU 'GYUR BAS DGE 'DUN DKON MCHOG GI NANG DU CI'I PHYIR STON, DE BAS NA MDO DANG 'GREL PA RNAMS LAS SHIN TU GSAL BAR GSUNGS PAS TSUL DE YIN PAS SKABS 'DIR THEG DMAN RANG SANGS RGYAS DANG TSUL 'DRA BAS BTAGS PA BAR 'DOD PA NI BAB COL LO, ,DE'I PHYIR, THEG DMAN LA NI RANG NYID GCIG PU'I PHYIR SANGS RGYAS PAS RANG SANGS RGYAS ZHES BYA BA YIN LA, 'DIR NI RANG NYID GCIG BUR GNAS NAS GNAS DER SANGS RGYA BAR 'GYUR BA'I PHYIR RANG SANGS RGYAS ZHES BYA BA YIN CING, MDO LAS RANG BYANG CHUB TU MNGON PAR RDZOGS PAR 'TSANG RGYA BAR 'GYUR BA DAG YOD DE, ZHES GSAL BAR GSUNGS KYANG 'GREL

, ,PA GNYIS SU RANG SANGS RGYAS SO ZHES SMOS PA NI TSIG TSOGS SKYUNGS PA YIN PAS, DON NI BSE RU LTAR GNAS NAS RANG NYID MNGON PAR RDZOGS PAR 'TSANG RGYA BA ZHES BYA BA YIN CING, DE LTA BU DNGOS YIN PA'I BYANG SEMS SHIN TU'ANG YOD DO, ,GNYIS PA GRANGS LA DBYAD PA NI; NYI SHU'I GRANGS 'JOG TSUL LA, LE BRGYAD MAR, GZHUNG GIS ZIN PA NYI SHU DANG BRGYAD PA DANG, 'BRAS GNAS DANG PO GSUM DANG, DGRA BCOM 'BRAS ZHUGS RNAMS KYI MDO NYI SHU RTZA LNGA 'BYUNG BA LA, 'PHAGS PAS GZHUNG GI 'OG MIN 'GRO NAS SRID RTZER 'GRO BA'I BAR LNGA PO GONG 'PHO BZHES GCIG TU BGRANGS SHING, BRGYAD PA DANG 'BRAS GNAS PAR PA GNYIS DGRA BCOM ZHUGS PA DANG BCAS PA MNAN PAS NYI SHUR 'CHAD LA, SLOB DPON GYIS BRGYAD PA DANG, PHYIR MI 'ONG 'BRAS GNAS TZAM PO DANG, 'OG MIN 'GRO RNAMS DBYE GZHIR BYAS NAS RANG RANG GI DBYE BA LAS GRANGS 'DZIN LA SOGS PA MA BGRANGS SHING, BYANG SEMS GZUGS MED KHAMS SU SKYE BA DON DU MI GNYER BAS SRID RTZER 'GRO DANG GZUGS KYI CHAGS BCOM GCIG TU BSDUS NAS SO SOR MA BGRANGS SHING, RGYUN ZHUGS DANG PHYIR 'ONG 'BRAS GNAS TZAM PO DANG, DGRA BCOM ZHUGS PA GSUM MDO LAS KHA BSKANGS TE NYI SHUR MDZAD DO, ,GSUM PAS MTSAMS NI, RGYUN ZHUGS ZHUGS PA'I MA MTHA' SA DANG PO DANG, DGRA BCOM ZHUGS PAS BCU PA LA 'PHAGS PAS BSHAD CING, GZHAN RNAMS KYI NANG GSES KYIS MTSAMS ZHIB TU DKA' BAR SNANG NA LOGS SU BSHAD PA LTAR 'DOD, GNYIS PA YAN LAG GI DON LA MTSAMS SBYAR NI, DGE 'DUN DKON MCHOG GI SKABS SU BDE BLAG TU RTOGS PAR BYA BA'I PHYIR BAR SKABS KYI TSIGS SU BCAD PA GSUNGS SO, ,RTZA BA NI DBANG PO ZHES SOGS SO, ,'GREL BA LA LNGA LAS, ZUNG DANG PO RGYUN ZHUGS KYI SKOR LA ZHUGS GNAS GNYIS KYI DANG PO NI, 'CHAD PAR 'GYUR BA'I LAM SHES PA NYID KYIS BSDUS PA MTHONG PA'I LAM SKAD CIG BCU DRUG GI DANG PO BCO LNGA GANG RUNG LA BRTEN NAS GNAS SHING, SNGAR 'DOD PA'I SGOM SPANGS MA SPANGS PA'I BYANG SEMS CHOS

CAN, 'BRAS BU DANG PO LA ZHUGS PA YIN TE, KUN SBYOR SPANGS PAS RAB TU PHYE BA'I THEG CHEN GYI DGE SBYONG GI TSUL GYI 'BRAS BU THOB PHYIR DU BRTZON PAS SO, ,DBYE NA RNAM PA GNYIS TE, DBANG RTUL DANG PA'I RJES 'BRANG DANG, DBANG RNON CHOS KYI RJES 'BRANG GI BYE BRAG GO, GNYIS PA LA TZAM KHYAD GNYIS KYI DANG PO NI, DE'I 'OG TU DE NYID BCU DRUG PA LA GNAS PA RGYUN DU ZHUGS PA YIN NO, ,GNYIS PA NI, DE'I 'OG TU DE NYID SGOM SPANGS GSUM MA BZHI SPANGS SHING, LHA'I SKYE BA RIGS MTHUN GNYIS SAM GSUM LEN PA LHA DANG MI'I SKYE BA RIGS MTHUN GNYIS SAM GSUM LEN PA LHA DANG MI'I RIGS NAS RIGS SU SKYE BA NYID KYIS 'BRAS GNAS TZAM PO LAS GZHAN KHYAD PAR CAN RNAM PA GNYIS YIN NO, ,ZUNG GNYIS PA PHYIR 'ONG GI SKOR LA ZHUGS 'BRAS GNYIS LAS, DANG PO NI, DE'I 'OG TU SNGAR GYI BYANG SEMS DBANG PO RTUL PO DANG RNON PO DE GNYIS BCU DRUG PA GNAS PA DAD PA DANG MTHONG BAS THOB PA DAG CHOS CAN, 'BRAS BU GNYIS PA LA ZHUGS PA YIN TE, PHAL CHER LA 'DOD CHAGS DANG BRAL BA LAS RAB TU PHYE BA'I THEG DMAN GYI 'BRAS BU THOB PHYIR DU BRTZON PA'I BYANG SEMS YIN PA'I PHYIR, 'BRAS GNAS LA TZAM KHYAD KYI DANG PO NI, 'DOD NYON DRUG PA SPANGS PA'I RNAM GROL LAM LA GNAS PA'I BYANG SEMS CHOS CAN LAN CIG PHYIR 'ONG BA YIN NO, ,GONG GI 'BRAS BU DE 'DRA LA GNAS PA'I BYANG SEMS YIN PA'I PHYIR, GNYIS PA NI, BYANG SEMS PHYIR 'ONG DE NYID 'DOD PA'I SGOM SPANGS NYON MONGS BDUN NAM BRGYAD SPANG ZHING DGU PA MA SPANGS PA NI CHOS CAN, GZHAN BAR CHAD GCIG PA YIN TE, 'DOD PAR SKYE BA LAN CIG BLANGS NAS NYER LEN GYI PHUNG PO SPANGS PA'I ZHI BA MNGON DU BYED PA'I PHYIR 'ONG YIN PA'I PHYIR, ZUNG GSUM PA PHYIR MI 'ONG GI SKOR LA ZHUGS GNAS GNYIS KYI DANG PO NI, DE'I 'OG TU BYANG SEMS DAD PA DANG MTHONG BAS THOB PA DE DAG 'DOD PA'I SGOM SPANGS NYON MONGS DGU PA SPONG BA LA BRTZON PAN CHOS CAN, 'BRAS BU GSUM PA LA ZHUGS PA YIN TE, THA MA'I CHA DANG MTHUN PA LNGA SPANGS PAS RAB TU PHYE BA'I THEG CHEN GYI 'BRAS BU THOB PHYIR DU BRTZON PA'I PHYIR, DE YANG SNGA MA BZHIN DU GRANGS 'DZIN GCIG YIN, GNYIS PA LA, DBYE GZHI

, ,NI DGU PA DE SPANGS PA'I RNAM GROL LAM LA GNAS PA'I BYANG SEMS CHOS CAN, PHYIR MI 'ONG YIN TE, DE 'DRA'I 'BRAS BU LA GNAS PA'I PHYIR, GNYIS PA LA DBYEN LNGA LAS, DANG PO BYANG SEMS BAR MDOR 'DA' BA NI, GZUGS SU SKYE BA'I KUN SBYOR SPANGS LA, MNGON PAR GRUB BA'I KUN SBYOR MA SPANGS PAS GZUGS KYI BAR SRID GRUB PA NA LAM MNGON DU BYAS NAS NYER LEN GYI PHUNG PO SPANGS PA'I ZHI BA 'THOB PA'O, ,SKYES NAS 'DA' BA NI, KUN SBYOR GNYIS KA MA SPANGS PAS GZUGS SU SKYES TZAM NA DE 'THOB PA'O, ,MNGON PAR 'DU BYED DANG BCAS BAS 'DA' BA NI, GZUGS SU SKYES NAS 'BANG RTZOL CHEN POS DE 'THOB PA'O, ,MNGON PAR 'DU BYED BA MED PAR YONGS SU MYA NGAN LAS 'DA' BA NI, GZUGS SU SKYES NAS 'BAD PA CHUNG DUS DE THOB PA'O, ,LNGA PA NI, GONG DU 'PHO BA STE, DE YANG GNYIS KYI DANG PO 'OG MIN GYI MTHAR THUG PAR 'GRO BA NI, 'PHAR BA DANG CHED DU 'PHAR BA DANG, GNAS THAMS CAD DU 'CHI 'PHO BA NYID KYIS GONG DU 'PHO BA SRID RTZER 'GRO LAS GZHAN RNAM PA GSUM STE, RIM BZHIN PHYI MA LA TSANGS RIS SU SKYES NAS, DE'I RJES MA LA 'OG MIN DU DE 'THOB PA DANG, TSANGS RIS NAS GNAS 'OG MA GSUM GANG RUNG DU SKYE ZHING, BAR GYI GNAS GZHAN BRGAL TE 'OG MIN DU DE 'THOB PA DANG, CHANGS CHEN MA GTOGS PA'I GZUGS KYI GNAS GZHAN THAMS CAD DU SKYES NAS 'OG MIN DU DE 'THOB PA RNAMS SO, ,GNYIS PA BYANG SEMS PHYIR MI 'ONG DE NYID SRID PA'I RTZE MO'I MTHAR THUG PAR 'GRO BA NI GZUGS KYI 'DOD CHAGS DANG BRAL BAS DER SKYE BA'I NUS PA YOD PA STE, DBYE NA, MTHONG BA'I CHOS LA ZHI BA DE 'THOB PA DANG, RNAM THAR BRGYAD TING NGE 'DZIN GYI LUS KYIS MNGON DU BYED PA GONG 'PHOL LAS GZHAN RNAM PA GNYIS SO, ,BZHI PA DGRA BCOM PA NYID KYI 'BRAS BU LA ZHUGS PA NI, SRID RTZE'I NYON MONGS DGU'I SA BON SPONG PA LA BRTZON PA'I BYANG SEMS SO, ,LNGA PA RTZA BAR BSE RU LTA BU ZHES GSUNGS PA RANG NYID GCIG PUR GNAS NAS SANGS RGYAS THOB PAR BYED PA'I BYANG SEMS NI, SANGS RGYAS MI BZHUGS SHING, BYANG SEMS GZHAN MED PA'I 'JIG RTEN DU TSE DE LA 'TSANG RGYA BA

STE, DE LTAR NA NYI SHU'O, ,GSUM PA DE DON NYAMS SU BLANGS PA LAS RTOGS PA SKYE BA'I RIM PA BSHAD PA LA THOG MAR SGOM BYUNG GI RTOGS PA NGES 'BYED CHA MTHUN SKYE TSUL BSHAD PA DANG, THEG CHEN GYI SGRUB BA SPYI'I RNAM GZHAG BSHAD PA'O, ,DANG PO LA GNYIS LAS, SPYI'I DON LA, RTEN NGO BO, BLO RIGS DPYAD PA DANG GSUM, DANG PO NI, THEG CHEN SBYOR LAM SKYE BA'I LUS DANG, SEMS KYI RTEN JI LTA BU ZHE NA, TSE DE LA SKYE BA'I RTEN GYI GANG ZAG NI, GLING GSUM GYI SKYES PA DANG, BUNG MED 'DOD LHA DANG BCAS PA GANG RUNG ZHIG DGOS LA, SEMS KYI RTEN NI, BSAM GTAN SA DRUG GANG YANG RUNG BA LA BRTEN CING BYANG SEMS THABS MKHAS PAS 'DOD SEMS LA YANG BRTEN PAR NUS PA YIN LA, SBYIR ZHI GNAS KYI SEMS MTSAN NYID TSANG BZHIG LA MA BRTEN PAR LHAG MTHONG GI SHES DNGOS SKYE MI SRID DO, ,GZUGS MED PA'I SEMS LA BRTEN PA MIN TE LHAG MTHONG SHAS CHUNG BA'I PHYIR RO, ,NYENG BSNGOGS PHYI MA RNAMS LA YANG MIN TE, DANG PO'I DNGOS GZHI MA THOB PAR DE DAG MI 'THOB CING, DNGOS GZHI THOB NAS NYER BSNGOGS LA BRTEN PA DGOS PA MED DE, ZHI GNAS SHAS CHUNG BA'I PHYIR RO, ,GNYIS PA NGO BO LA, MTSAN NYID DANG DBYA BA GNYIS, DANG PO NI, THEG CHEN THAR PA CHA MTHUN RDZOGS RJES SU BYUNG ZHING BDEN PA MNGON RTOGS DANG RJES SU MTHUN PA'I 'JIG RTEN PA'I SGOM BYUNG, GNYIS PA DBYE BA LA, DROD, RTZE MO, BZOD PA, CHOS MCHOG BZHI'O, ,DROD KYI MTSAN NYID, THEG CHEN SPYOR LAM DU CHOS THAMS CAD RANG BZHIN MED PAR GTAN LA PHAB PA'I DON SGOMS PAS GZUNG BA BDEN MED LA GSAL SNANG DANG POR THOB PA TZAM GYI 'JIG RTEN PA'I SGOM BYUNG, RTZE MO'I MTSAN NYID, THEG CHEN GYI DROD LA LTOS TE GZUNG BA BDEN MED LA GSAL SNANG LHAG PAR GYUR PA TZAM GYIS RAB TU PHYE BA'I 'JIG RTEN PA'I SGOM BYUNG, BZONG PA'I MTSAN NYID, 'DZIN PA BDEN MED LA GSAL SNANG DANG POR SKYES PA TZAM GYIS PHYE BA'I 'JIG RTEN PA'I SGOM BYANG, CHOS MCHOG GI MCHAN NYID, THEG CHEN GYI BZOD PA LA BLTOS TE, 'DZIN PA BDEN MED LA GSAL SNANG LHAG PAR GYUR PA'I 'JIG RTEN PA'I SGOM BYUNG, DE YANG SBYIR CHOS THAMS CAD BDEN MED DU SGOM PAR 'DRA YANG, JI LTAR RAGS PA'I

, ,RIM PAS RTOGS BYA LA GSAL SNANG RIM CAN DU SKYE BA YIN NO, ,GSUM PA BLO RAGS DPYAD PA NI, KHA CIG SBYOR LAM 'DI DAG YUL CHOS NYID LA SGOM BYUNG GI GSAL SNANG THOB BA'I PHYIR RNAL 'BYOR MNGON SUM YIN NO ZHES ZER RO, ,DE LTAR NA THEG CHEN SBYOR LAM BAS CHOS NYID MNGON SUM DU RTOGS PA'I PHYIR, THEG CHEN 'PHAGS PAR THAL ZHING THEG CHEN SBYOR LAM GYIS MTHONG SPANG GI SA BON SPONG NUS PAR THAL LO, ,KHA CIG RNAL 'BYOR MNGON SUM YANG MIN ZHING, SGRA DON 'DZIN PA'I RTOG PA YANG MIN GYI, GNYIS SNANG GI RTOG PA TZAM MO ZHES ZER RO, ,'O NA 'DI YUL CHOS NYID LA SGRA DON 'DZIN PA'I RTOG MED SHES PA YIN NA, DE CHOS NYID LA 'KHRUL BA'AM, MA 'KHRUL BA GANG YIN, DANG PO LTAR NA, THEG CHEN SBYOR LAM CHOS CAN, CHOS NYID LA LOG SHES YIN PAR THAL, CHOS NYID LA RTOG MED 'KHRUL SHES YIN PA'I PHYIR, GNYIS PA LTAR NA CHOS CAN, RNAL 'BYOR MNGON SUM YIN PAR THAL, CHOS NYID LA RTOG MED MA 'KHRUL BA'I SHES PA YIN PA'I PHYIR, ZHES PA BZLOG TU MED DO, ,DES NA THEG CHEN SBYOR LAM MNYAM GZHAG YE SHES NI SGRA DON 'DZIN PA'I RTOG PA YIN TE, RANG YUL CHOS NYID DE DE'I DON SPYI SHAR BA'I SGO NAS 'DZIN PA'I BLO YIN PA'I PHYIR 'ON KYANG CHOS NYID LA GSAL SNANG YOD PAR BSHAD PA NI, SGOM STOBS KYIS DE'I DON SPYI GSAL BAR SNANG BA'I DON YIN GYI, MNGON SUM DU GSAL BAR SNANG BA'I DON MIN NO, ,GNYIS PA YAN LAG GI DON LA, MDOR BSTAN, RGYAS BSHAD, DANG BO LA GSUM LAS, MTSAMS SBYAR NI, LAS DANG PO BDE LTAR GDAMS NGAG THOB PA LA NGES PAR 'BYED PA'I YAN LAG 'BYUNG BAS DE'I 'OG TU NGES PAR 'BYED PA'I YAN LAG 'CHAD DO, ,RTZA BA NI, KHYAD PAR 'PHAGS SO, ,GANG LAS NA, NYAN THOS BSE RU LTA BU DANG BCAS PA DAG GI SBYOR LAM LAS SO, ,GANG NA BYANG CHUB SEMS DPA' SKYOB BA YI DROD SOGS SO, ,GANG GIS NA DMIGS BA DANG NI RNAM PA DANG, ,RGYU DANG YONGS SU 'DZIN PA DANG, RANG GI BDAG NYID JI BZHIN DU RNAM RTOG BZHI PO LDAN PA LA BRTEN PA DANG, CHUNG DANG 'BRING DANG, CHEN PO NI, DBYE BA RNAMS KYIS SO, ,NGAG DON NI, THEG CHEN GYI DROD SOGS BZHI CHOS

CAN; THEG DMAN GYI DROD SOGS BZHI LAS KHYAD PAR 'PHAGS TE, DMIGS PA, RNAM PA, RGYU; YONGS 'DZIN, RTOG PA, DBYE BA RNAMS KYIS DE DAG LAS KHYAD PAR 'PHAGS PA'I PHYIR, DE YANG 'PHAGS SENG GNYIS KAS CHUNG 'BRING GI DBYE BA YANG KHYAD CHOS SU BZHED PA YIN TE, 'GREL CHEN GNYIS SU DE LTAR BSHAD PA'I PHYIR RO, ,'O NA CHUNG 'BRING GI DBYE BA KHYAD CHOS SU 'GYUR TSUL JI LTA BU SNYAM NA, 'DIR SBYOR LAM BCU GNYIS SU PHYE BA NI, CHOS KYI BDAG MED KYI DMIGS RNAM MI 'DRA BA BCU GNYAS KYIS PHYE BA YIN LA, DE LTA BU'I DMIGS RNAM MI 'DRA BA BSGO NAS THEG DMAN GYI SBYOR LAM LA DBYE BA BYAR MED PA'I PHYIR RO, ,'ON RNAM PA'I KHYAD CHOS DANG BZLOG BAR MI 'GYUR RAM ZHE NA, DE NI CHOS KYI BDAG MED KYI RNAM PA SPYI'I LDOG PA NAS BSTAN ZHING, 'DI NI DE LA YANG RNAM PA MI 'DRA BDU MA DBYER YOD PA'I LDOG PA NAS KHYAD CHOS SU BRNGOD PA YIN PA'I PHYIR, DE LTAR NA NYI KHRI SNANG BAR, RNAM PA'I KHYAD PAR GYIS NI RNAM PA CHUNG DU DANG, 'BRING DANG, CHEN PO YIN TE, ZHES GSUNGS PAS LEGS PAR BSHAD PAR 'GYUR RO, ,'O NA 'GREL CHUNG DU CHUNG 'BRING GI DBYE BA KHYAD CHOS SU BSHAD PA CI ZHE NA, SHIN TU'ANG BSHAD PA YIN TE, DMIGS PA MI RTAG LA SOGS PA ZHES SOGS RTZA 'GREL RNAMS KYIS CHOS KYI BDAG MED RTOGS PA'I DMIGS RNAM MI 'DRA BA BCU GNYIS KYI SGRO NAS CHUNG 'BRING CHEN PO BCU GNYIS SU DBYE BA BYED TSUL RGYAS PAR 'CHAD PA YIN PA'I PHYIR RO, ,DE BAS NA, DE DAG NI DMIGS RNAM GYI KHYAD CHOS TZAM PO RGYAS PAR 'CHAD PA MIN LA, MDOR BSTAN GYI 'GREL BA LAS KYANG, DE'I 'OG TU CHOS KYI MCHOG CES BYA BA ZHES PA YAN CHAD KYIS KHYAD GZHI BSTAN NAS, CHUNG DU DANG 'BRING DANG CHEN PO 'CHAD PAR 'GYUR BA ZHES PA YAN CHAD KYIS CHUNG 'BRING GI DBYE BA KHYAD CHOS SU STON CING, DE NYID KHYAD CHOS SU 'GYUR BA'I RGYU MTSAN, BYANG CHUB SEMS DPA' RNAMS KYI NGES PAR 'BYED PA'I CHA DANG MTHUN PA RNAMS NI, ZHES BYA BA LA SOGS PAS 'CHAD DO, ,DES NA GZHUNG PHAL CHE BAR CHUNG DANG 'BRING DANG CHEN PO 'CHAD PAR 'GYUR BZHES PA LAS MI 'BYUNG YANG MA DAG PAR MNGON PAS 'CHAD

, ,PAR 'GYUR BA DANG, ZHES BSHAD PAR BYA'O, ,DE LTAR BYAS NAS 'GREL CHEN DANG SHIN TU 'GRIG PAR 'GYUR TE, 'GREL CHEN LAS NGES PAR 'BYED PA'I CHA DANG MTHUN PA BZHI PO 'JIG RTEN PA'I SGOM PA LAS BYUNG BA'I DRO BAR GYUR PA ZHES BYA BA LA SOGS PA BRJOD PAR BYA BA YIN PA LAS; ZHES PA YAN CHAD KYIS KHYAD CHOS BSTAN CING, DE BZHIN DU JI SKAD BSHAD PA'I RNAM PAR RTOG PA DANG LDAN PA LA BRTEN PA 'DI DAG RE RE ZHING CHUNG DU DANG 'BRING DANG CHEN PO'I DBYE BAS KHYAD PAR DU 'PHAGS PA YANG BRJOD PAR BYA BA YIN PAS ZHES GSUNGS PA'I PHYIR RO, ,SNGAN CHAD NGES 'BYED CHA MTHUN GYI GZHUNG 'DI DAG CHA TZAM YANG 'CHAD SHES PA MA BYUNG BAR SNANG NGO, ,'GREL PA NI, KHYAD PAR DU 'PHAGS PA YIN NO, ZHES DRANG NGO, ,GANG LAS NA, NYAN THOS LA SOGS PA DRO BA LAS SO, GANG NA, BYANG CHUB SEMS DPA' RNAMS KYIS THOS PA LA SOGS PA RAB KYI MTHAR PHYIN PA THOB PA THAR PA'I CHA DANG MTHUN PA DAD PA LA SOGS PA'I MTSAN NYID KYI DGE BA'I RTZA BA'I 'OG TU BYUNG BA 'BRAS BU BDEN BA BZHI RTOGS PA DANG RJES SU MTHUN BA, NGO BO 'JIG RTEN PA'I SGOM PA LAS BYUNG BA, DBYE NA, NGES PAR 'BYED PA'I CHA DANG MTHUN PA BZHI PO DRO BAR GYUR PA ZHES BYA BA'I DGE BA'I RTZA BA DANG, DE'I 'OG TU RTZE MOR GYUR PA DANG, DE'I 'OG TU BZOD PAR GYUR PA DANG, DE'I 'OG TU CHOS KYI MCHOG CES BYA BA RNAMS SO, ,KHYAD CHOS GANG GIS NA CHUNG DU LA SOGS PA RIM GYIS SKYE BAS SAM, BYANG CHUB SEMS DPA' DANG 'BREL PA DBANG PO RTUL PO LA SOGS PA GANG ZAG GIS CHOS KYI BDAG MED RTOGS CHUL MI 'DRA BA'I BYE BRAG GIS PHYE BA CHUNG NGU DANG 'BRING DANG CHEN PO 'CHAD PAR 'GYUR BA DANG, DMIGS PA'I KHYAD PAR GYIS NGO BO NYID BDEN PA BZHI'I DNGOS PO MI RTAG SOGS LA DMIGS PA DANG, CHOS SU BLTA BA'I GNYEN PO NYID KYIS BDEN PAR MNGON PAR ZHEN BA MED PA LA SOGS PA RNAM PAR ZHUGS PA DANG, THEG PA GSUM CHAR GTOGS BA STE MTHONG LAM DU BDAG MED GSUM GA RTOGS PA'I RGYU'I NGO BO DANG, DGE BA'I BSHES GNYEN THANGS LA MKHAS PA'I MTSAN NYID KYIS SRID ZHI LAS YONGS SU 'DZIN PA DANG LDAN PA DANG, MTHONG BA DANG SGOM PAS

SPANG BAR BYA BA'I GZUNG BA DANG 'DZIN PA'I RNAM BAR RTOG PA RNAM PA BZHI PO RTZE MO'I SKABS NAS 'CHANG NGAR 'GYUR BA'I TSUL DAG DANG 'BREL BAR 'BYUNG BA YIS SO, NGAG DON SNGAR DANG 'DRA'O, ,DE DAG GI KHYAD PAR DU 'PHAGS PA'I RGYU MTSAN CI ZHE NA, KHYAD CHOS THAM LNGA PA JI SKAD BSHAD PA DE DAG GIS KHYAD PAR DU 'PHAGS PAR 'GYUR TE, NYAN THOS DE DAG GI DRO BAR GYUR BA LA SOGS PA DGE BA'I RTZA BA NI THEG DMAN GYI LUGS LAS GZUGS SU RUNG BA LA SOGS PA'I MTSAN NYID KYI DNGOS PO'I BDAG NYID KYIS BDEN PA BZHI TZAM LA DMIGS PA DANG, GANG ZAG GI BDAG TU BLTA BA'I GNYEN PO NYID KYIS MI RTAG PA LA SOGS PA'I RNAM PAR ZHUGS PA DANG, RANG GI THEG PA BDAG MED NYI TSE BRTOGS PA KHO NA'I CHED DU DANG, SNGAR BSHAD PA'I YONGS SU 'DZIN PA DANG BRAL BA DANG, RNAM PAR RTOG PA RNAM PA BZHI DANG, THEG CHEN SBYOR LAM LA LDAN PA'I TSUL DE NYID KYIS MI LDAN PAR 'BYUNG NGO ZHES 'BYUNG BA'I PHYIR RO; ;KHYAD CHOS DANG PO CHUNG 'BRING GI DBYE BA DE NYID KYIS KYANG KHYAD PAR DU 'PHAGS PA YIN TE, BYANG CHUB SEMS DPA' RNAMS KYIS NGES PAR 'BYED PA'I CHA DANG MTHUN PA BCU GNYIS PO DE RNAMS NI THABS LA MKHAS PA'I STOBS KYIS BZOD PA 'BRING GI GNAS SKABS KHA CIG TU NI RGYU'I SGO NAS CHOS MCHOG CHUNG DU'I GNAS SKABS KHA CIG TU NI 'BRAS BU'I GNAS SKABS BZOD PA CHUNG DU'I GNAS SKABS KHA CIG TU NI BDEN GNYIS KYI NGO BO NYID KYI SGO NAS DROD CHUNG NGU SOGS KHA CIG TU NI CHOS NYID KYI RNAM PA'I SGO NAS KHYAD CHOS JI LTAR SRID PA BZHIN KHYAD GZHI BDEN PA BZHI'I [?] DNGOS PO LA DMIGS BA'I SGO NAS PHYE BA YIN CING, NYAN RANG THABS MI MKHAS BA'I SBYOR LAM LA DE 'DRA'I SGO NAS DBYE BA BYAR MED PA'I PHYIR RO, ,CHOS KYI BDAG MED RTOGS PA'I DMIGS RNAM MI 'DRA BA BCU GNYIS PO DER NGES SAM ZHE NA, SNGA MA BCU GNYIS PO DE BZHIN DU, CHOS KYI BDAG MED KYI RNAM PA GZHAN GYIS KYANG BDEN PA BZHI LA KUN TU DMIGS SO ZHES BYA BAR SHES PAR BYA STE, SHES SGRIB RIGS JI SNYED PA'I GNYEN PO YANG DE SNYENG 'JUG PA'I PHYIR RO, ,'O NA DE DAG THAMS CAD 'DIR MI 'CHAD PA CI ZHEN, MDOR BSDUS TE RNAM PAR BRKOL BCAM DU BRJOD PAR 'DOD PAS MA SPROS SO, ,BDEN BZHIL RNAM PA

, ,DE TZAM YOD PA MI 'THAD DE, BCU DRUG TU NGES PAR GSUNGS PAS SO ZHE NA, GANG GI PHYIR 'DI NI THEG DMAN LAS RNAM PAR GZHAG PA GZHAN KHO NA YIN TE, DE'I PHYIR THEG PA GZHAN LA BRTEN NAS NI DE DANG MI MTHUN PA'I THEG CHEN GYI SKABS GANG DU YANG SUN 'BYIN PAR BRJOD PAR MI BYA'O, , GNYIS PA RGYAS PAR BSHAD PA LA, DBYE BA DANG RGYU'I KHYAD CHOS RTOG PA'I KHYAD CHOS, YONGS 'DZIN GYI KHYAD CHOS BSHAD PA DANG GSUM, DANG PO LA SPYI'I MTSAMS SBYAR, SO SO'I DON BSHAD, BRJOD TSUL LA RTZOD PA SPANG BA DANG GSUM, DANG PO NI, GANG GI SGO NAS CHUNG 'BRING CHEN PO BCU GNYIS SU 'BYED PA'I DMIGS PA DANG RNAM PA'I KHYAD PAR JI LTA BU YIN ZHE NA DE'I PHYIR ZHES SOGS SO, ,GNYIS PA LA BZHI YI DANG PO DROD LA GSUM DU 'BYED PA'I TSUL LA, RTZA 'GREL GNYIS KYI DANG PO NI DMIGS PA ZHES SOGS SO, ,THEG PA GSUM CHAR THOB PA'I RGYU, ZHES PA BCU GNYIS PO THAMS CAD KYI MJUG TU RE RE ZHING SBYAR RGYU YIN PAS, RTZA BAR DROD CHUNG NGU'I MJUG TU SBYAR BA YIN KYANG, 'GREL PAS TSIG TSEGS SKYUNGS PA'I PHYIR PHYOGS GCIG TU BSHAD DO, ,'GREL PA LA, DMIGS RNAM GYI KHYAD PAR GSUM BSHAD PA DANG, DE NYID KYI PHYIR DROD LA GSUM DU PHYE BA SGRA DON DANG BCAS PA'O; ;DANG PO NI, DE LA DU: KHA LA SOGS PA'I BDEN PA BZHI PO LA BRTEN PA MI RTAG PA LA SOGS PA RNAM PA BCU DRUG CHOS CAN, DROD CHUNG NGU'I DMIGS PA YIN TE, DES BDEN 'DZIN GYI SGRO 'DOGS GCOD PA'I GZHI YIN PA'I PHYIR, DROD CHUNG DU LA GNAS PA'I BYANG SEMS KYI RGYUD KYI SDUG BSNGAL SOGS PA'I BDEN PA LA MNGON BAR ZHEN PA DANG, LHAG PAR DMIGS PA LA SOGS PA 'GOG PA'I YE SHES CHOS CAN, THEG CHEN GYI DROD CHUNG NGU DE'I RNAM PA YIN TE, DMIGS PA DE LA BDEN 'DZIN GYI SGRO 'DOGS GCOD PA'I DROD CHUNG NGU'I 'DZIN STANGS YIN PA'I PHYIR, SBYOR BA 'GOG TSUL 'DI GNYIS DMIGS RNAM LHAG MA THAMS CAD LA RIGS 'GRE'O, ,THEG CHEN GYI DRO BA LA SOGS PA THAMS CAD KYANG THEG PA GSUM CHAR GTOGS PA STE, THEG CHEN MTHONG LAM DU BDAG MED GSUM GA MNGON SUM DU MTHONG BA'I RGYU'I NGO BO YIN PAR KHONG DU CHUD PAR BYA'O, ,THEG

CHEN GYI DROD 'BRING GI DMIGS PA NI, MOS PA DANG DE KHO NA NYID YID LA BYED PA DAG GIS GRANGS BZHIN DU GZUGS LA SOGS PA SGRUB PA BDEN PA BA DANG, DE 'GAG PA'I DGAG PA BDEN PA BA DAG MI DMIGS SHING MA MTHONG BA ZHES BYA BAS KHYAD PAR DU BYAS PA'I CHOS NYID YIN NO, ,RNAM PA NI, DON DAM PAR MING THAMS CAD MED PA NYID KYIS RGYUN MI 'DRA BA DANG, RGYUN 'DRA BAR 'JUG PA'I MTSAN NYID DAG BDEN PAR MED PA ZHES BYA BA RTOGS PA'I DROD 'BRING GI YE SHES YIN NO, ,CHEN PO'I DMIGS PA NI GZUGS NAS SANGS RGYAS ZHES BYA BA'I BAR GYI CHOS THAMS CAD BRDAR BTAGS PA'I CHOS THA STAD PA YIN NO ZHES BYA BAS KHYAD PAR DU BYAS PA'I CHOS NYID YIN NO, ,RNAM PA NI DAG BA LA SOGS PA NYID KYI CHOS DON DAM PAR GANG DU YANG BRJOD DU MED PA ZHES BYA BA RTOGS PA'I DROD CHEN PO'I YE SHES YIN NO, ,GNYIS PA NI, DE LTAR NA THEG CHEN GYI DRO BAR GYUR PA DMIGS PA DANG RNAM PA GSUM PO DE DANG LDAN PA RNAM PA GSUM MO, ,CI'I PHYIR DROD CES BYA ZHE NA, RNAM PAR MI RTOG PA'I YE SHES KYI ME'I SNGA LTAS SU GYUR PA'I SGOM BYUNG GI YE SHES DANG PO YIN PA'I PHYIR RO, ,GNYIS PA RTZE MO GNYIS KYI RTZA BA NI, GZUGS SOGS MI GNAS DE DAG NI, CES SOGS SO, ,'GREL PA LA SNGAR LTAR GNYIS KYI DANG PO NI, CHUNG NGU'I DMIGS PA NI, GZUGS LA SOGS PA NI DON DAM PAR GZUGS LA SOGS PA RANG GI NGO BO DANG BRAL BA'I NGO BO NYID YIN PAS RANG GI NGO BO STONG PA NYID KYIS GZUGS LA SOGS PA LA BDEN PAR MI GNAS PA ZHES BYA BAS KHYAD PAR DU BYAS PA'I CHOS NYID YIN NO, ,RNAM PA NI; DON DAM PAR GZUGS LA SOGS PA CHOS THAMS CAD DANG, STONG PA NYID DANG PHAN TSUN NGO BO GCIG YIN PAS STONG PA NYID LA MI RTAG PA LA SOGS PA BDEN PAR MED PA NYID KYIS GZUGS LA SOGS PA DAG LA RTAG PA DANG MI RTAG PA LA SOGS PA NYID DU BDEN PAR MI GNAS PA ZHES BYA BA RTZE MO CHUNG NGU'I YE SHES SO, ,'BRING GI DMIGS PA NI, CHOS KYI DBYINGS KYI NGO BO NYID KYIS MI RTAG PA LA SOGS PA DANG STONG PA NYID RNAMS NI BDEN PA'I RANG GI NGO BO MED PA YIN PAS, MI RTAG PA NYID LA SOGS PA DANG STONG PA NYID DAG PHAN TSUN BDAG NYID GCIG PA ZHES BYA BAS KHYAD PAR DU

, ,BYAS PA'I CHOS NYID YIN NO, ,RNAM PA NI BDEN PA'I NGO BO NYID BKAG PAS GZUGS LA SOGS PA LA RANG GIR MI BYED PA ZHES BYA BA RTZE MO 'BRING GI YE SHES GANG YIN PA DE YIN NO, ,CHEN PO'I DMIGS PA NI, BDEN PA'I NGO BO NYID MED PA NYID KYIS GZUGS LA SOGS PA DE DAG LA SNGON PO LA SOGS PA'I CHOS SPROS PAS MTSAN MAR MI MTHONG BA ZHES BYA BAS KHYAD PAR DU BYAS PA'I CHOS NYID YIN NO, ,RNAM PA NI, RTZE MO CHEN PO'I SHES RAB KYIS YANG DAG PAR CHOS RAB TU RNAM PAR 'BYED PAS DNGOS PO THAMS CAD BDEN BAR MI DMIGS PAR NGES PAR RTOG PA ZHES BYA BA YIN NO, , GNYIS PA NI, DE LTAR NA RTZE MOR GYUR PA DMIGS PA DANG RNAM PA DANG LDAN PA RNAM PA GSUM MO, ,CI'I PHYIR RTZE MOR GYUR PA ZHES BYA ZHE NA, MI MTHUN PHYOGS KYIS DGE BA'I RTZA BA G-YO BA LAS KHYAD PAR DU 'PHAGS PA'I RTZE MO YIN PA'I PHYIR RO, ,GSUM PA BZOD PA LA GNYIS KYI DANG PO NI, GZUGS SOGS NGO BO NYID MED NYID, CES SOGS SO, ,'GREL PA LA SNGAR LTAR GNYIS KYI DANG PO LA, THEG CHEN GYI BZOD PA CHUNG NGU'I DMIGS PA NI GZUGS RUNG SOGS MTSAN NYID KYI NGO BO NYID DANG, GZUGS SOGS NGO BO NYID KYIS MTSAN NYID DAG GI RANG BZHIN STONG PA NYID DU GCIG PA NYID KYIS GZUGS LA SOGS PA BDEN PA'I NGO BO NYID MED PA NYID CES BYA BAS KHYAD PAR DU BYAS PA'I CHOS NYID YIN NO, ,RNAM PA NI, BDEN PA'I DNGOS PO MED PA NYID YIN KYANG SKYE BO DMIGS PA CAN GYI NGOR GZUGS LA SOGS PA NGO BO NYID MED DO ZHES BYA BAR RTOGS PA'I BZOD PA CHUNG NGU'I YE SHES YIN NO, ,'BRING GI DMIGS PA NI, RANG BZHIN GYIS MA SKYES PA NYID KYIS GZUGS LA SOGS PA LA BDEN PA'I SKYE BA YANG MED MYA NGAN LAS 'DAS PA YANG MED CES BYA BAS KHYAD PAR DU BYAS PA'I CHOS NYID YIN NO, ,RNAM PA NI, CHOS THAMS CAD KYI RANG GI NGO BO RTOGS PA KHO NAS LUS LA SOGS PA RNAM PA THAMS CAD DU RNAM PAR DAG PA'I RGYUR GYUR PA ZHES BYA BA BZOD PA 'BRING GI YE SHES YIN NO, ,CHEN PO'I DMIGS PA NI, DON DAM PAR RANG DANG SPYI'I MTSAN NYID MI 'THAD PAS, CHOS THAMS CAD MTSAN MA MED PA NYID CES BYA BAS KHYAD PAR DU BYAS PA'I CHOS NYID YIN NO, ,RNAM PA NI, RANG BZHIN

KHO NAS GZUGS LA SOGS BA MTSAN MA RNAMS KYI RTEN DANG BRAL BA NYID KYIS SPROS PA'I MTHA' GANG DU YANG MOS PA YID LA BYED PAS MI MOS SHING DE KHO NA NYID YID LA BYED PAS YONGS SU SHES PA MED PA ZHES BYA BA'I BZOD CHEN GYI YE SHES YIN NO, ,GNYIS PA NI, DE LTAR NA BZOD PAR GYUR PA DMIGS PA DANG RNAM PA DANG LDAN PA RNAM PA GSUM MO, ,CI'I PHYIR BZOD PA ZHES BYA ZHE NA, PHYIN CHAD NGAN 'GROR SKYE BA MED PAS CHOS CHEN PO STONG NYID LA BZOD PA'I YE SHES DANG PO YIN PA'I PHYIR RO, ,BZHI PA CHOS MCHOG LA GNYIS KYI RTZA BA NI, TING NGE 'DZIN SOGS SO, ,'GREL PA LA SNGAR LTAR GNYIS KYI, DANG PO LA THEG CHEN CHOS MCHOG CHUNG NGU'I DMIGS PA NI, CHOS THAMS CAD SKYE BA MED PA DANG DPA' BAR 'GRO BA LA SOGS PA'I TING NGE 'DZIN BSGOM PAR BYA'O ZHES BYA BAS KHYAD PAR BYAS PA'I SGO NAS MA 'ONGS PA NA BSGOM BYA TING NGE 'DZIN DE DAG GI CHOS NYID DMIGS PA YIN NO, ,RNAM PA NI, RANG GI SMON LAM DANG BSOD NAMS DANG YE SHES DANG CHOS KYI DBYINGS KYIS LHUN GYIS GRUB PAR 'JIG RTEN GYI KHAMS THAMS CAD DU BSKAL PA JI LTA BA BZHIN DU TING NGE 'DZIN GYI BYED PA 'JUG PA ZHES BYA BA'I CHED DU, DON DAM PAR TING NGE 'DZIN DE DAG DANG GZUGS SOGS KYI RANG BZHIN DBYER MED PAR RTOGS PA'I CHOS MCHOG CHUNG NGU'I YE SHES YIN NO, ,'BRING GI DMIGS PA NI, YANG DAG PAR ZHUGS PA'I TING NGE 'DZIN DANG LDAN PA'I RNAL 'BYOR PA LA SANGS RGYAS RNAMS KYIS LUNG STON PAR MDZAD PA 'DI NI CHOS NYID DO ZHES BYA BAR NGES NAS LUNG STON PA'I RGYU'I TING NGE 'DZIN GYIS GANG LA DMIGS PA'I CHOS NYID DMIGS PA YIN NO, ,RNAM PA NI, BDEN PAR RNAM PAR RTOG PA THAMS CAD MI 'THAD PAS BYANG CHUB SEMS DPA' CHOS MCHOG 'BRING LA GNAS PA TING NGE 'DZIN GYI RANG GI RTOG PA LA BDAG NI MNYAM PAR BZHAG PA'O SNYAM PA LA SOGS PA 'KHOR GSUM DU RTOGS PA MI 'BYUNG BA ZHES BYA BA YIN NO, ,CHEN PO'I DMIGS PA NI, CHOS NYID KYI TING NGE 'DZIN DANG, BYANG CHUB SEMS DPA' DANG, SHER PHYIN PA DANG, DON GSUM PHAN TSUN NGO BO GCIG PA'AM, STONG PA NYID DU MNYAM PA ZHES BYA BA YIN NO, ,RNAM PA NI CHOS THAMS CAD BDEN PAR YOD PA MIN PA NYID KYIS DON DAM PAR TING NGE 'DZIN DU

, ,RNAM PAR RTOG PA NI THABS DAM PA'O ZHES BYA BAR BRTAGS NAS DE LTAR MI RTOG PA'I CHOS MCHOG CHEN PO'I YE SHES SO, ,GNYIS PA NI, DE LTAR NA CHOS KYI MCHOG CES BYA BA DMIGS BA DANG RNAM PA DANG LDAN PA RNAM PA GSUM MO, ,CI'I PHYIR CHOS MCHOG CES BYA ZHE NA, 'JIG RTEN PA'I CHOS THAMS CAD KYI MCHOG YIN PA'I PHYIR, GSUM PA BRJOD TSUL LA RTZOD PA SPANG BA LA, DGAG BZHAG GNYIS LAS, DANG PO NI, KHA CIG NA RE, RTZOD PA'I YUL NI SAm SKRi TA'I SKAD LA, GZUGS SOGS KYI 'DU 'GOD GNAS BRAL ZHES SOGS GZHUNG LHAG MA THAMS CAD CHOS BRJOD KYI SGRAR YOD PAS DE LA RTZOD PA YIN NO ZHES ZER BA MI 'THAD DE, BOD SKAD LA RTZOD YUL MED PAS RTZOD LAN 'DI 'BREL MED DU THAL BA'I PHYIR DANG, 'GYUR LOG PAR THAL BA'I PHYIR DANG, LEGS SBYAR LA GZHUNG LHAG MA THAMS CAD DON LOG PAR THAL BA'I PHYIR TE, GSUM PO'I PHAN TSUN NGO BO GCIG, TING 'DZIN RNAM PAR MI RTOG PA, CES SOGS SU SBYAR DGOS PA'I PHYIR, GZHAN DAG DMIGS PA MI RTAG LA SOGS PA, ,BDEN PA'I RTEN CAN DE YI NI, ZHES PA'I DRUG SGRA 'DI GZHUNG LHAG MA THAMS CAD LA'ANG RJES SU 'GRO BA YIN PAS RTZOD YUL DE NYID LA ZHEN PA'ANG 'THAD PAR MI SEMS TE, THAL BA PHYI MA SON GNAS PA'I PHYIR RO, ,RGYA BOD KYI BSHAD PA BYED PA GZHAN DAG LA NI SNYING PO CI'ANG MI SNANG BAS DGAG YUL GYI RNAM GRANGS MANG PO DGOD PAR MA BYAS SO, ,THAMS CAD KYANG MTHUN PAR, DMIGS PA DANG PO STON PA'I GZHUNG CHOS CAN, BRJOD PA'I SGRA DANG GZHUNG LHAG MA THAMS CAD CHOS BRJOD KYI SGRAR KHAS BLANGS NAS, LAN GYI SKABS SU CHOS DANG CHOS CAN BRJOD PA'I SGRA 'DI DAG LA KHYAD PAR GZHAN SPONG MI SPONG MA GTOGS BRJOD BYA'I DON LA KHYAD PAR CI'ANG MED DO, ZHES SMRA BA NI BAB COL TE, SBYOR LAM BCU GNYIS KYI DMIGS RNAM LA KHYAD PAR CI YANG MED PAR THAL GZHUNG 'DI DAG GI BRJOD BYA LA KHYAD PAR CI'ANG MED PA'I PHYIR, 'DOD NA DROD RTZE SOGS THAMS CAD KHYAD MED DU 'GYUR ZHING, GZHUNG LAS DMIGS RNAM GYI KHYAD PAR BCU GNYIS BSHAD PA LA DNGOS SU BSNYON PAR BYED PA YIN NO, ,DES NA RNAM 'GREL SOGS SU BSHAD PA'ANG, BA LANG GI

RTA MIN PA CES PA'I CHOS BRJOD KYI SGRAS BA LANG CHOS SU BRJOD CING, BA LANG RTA MIN PA CES BA'I CHOS CAN BRJOD PA'I SGRAS BA LANG CHOS CAN DU 'PHANGS PAS, SGRA DE GNYIS GCIG GIS CHOS SU 'PHANGS BA DANG, GCIG GIS CHOS CAN DU 'PHANGS PA GNYIS KA BA LANG GI LDOG PA DE NYID YIN PA'I PHYIR KHYAD PAR MED TZAS PA YIN GYI SGRA DE GNYIS KYI BRJOD BYA, KHYAD PAR CI'ANG MED CES BA MIN PAS RANG NYID BSAL BAR MA BYED CIG ,GNYIS BA RANG LUGS LA RTZOD PA NI, SBYOR LAM GYI YE SHES THAMS CAD KYANG BDEN BZHI LA SGRO 'DOGS GCED BA SHA STAG YIN PAS, BDEN BZHI RTEN CHOS CAN LTA BU DANG, DMIGS RNAM LHAG MA THAMS CAD DE LA BRTEN PA'I CHOS LTA BUR BSTAN DGOS TE, GZHAN DU NA BDEN BZHI DANG MA 'BREL BA'I DMIGS RNAM YAN GAR BA BSTAN PAR 'GYUR BAS GZHI GANG GI STENG GI CHOS NYID LA YE SHES KYIS SGRO 'DOGS JI LTAR GCED MI SHES BA'I PHYIR RO, ,DE LTAR YIN BA LA 'DIR DRED CHUNG NGU'I DMIGS PA STON PA NA, BDEN BZHI RTEN DANG, MI RTAG SOGS DE LA BRTEN PA'I KHYAD CHOS LTA BUR BRJOD NA'ANG, DMIGS RNAM LHAG MA THAMS CAD STON PA NA, KHYAD GZHI BDEN BZHI LA MA BRTEN PAR KHYAD CHOS DMIGS RNAM KHO NA BRJOD PAR ME RIGS SO ZHE NA, LAN LA DMIGS RNAM LHAG MA BDEN BZHI DANG RTEN DANG BRTEN BAR DNGOS SU MA BRJOD PAR DE DAG BDEN BZHI LA MA BRTEN PAR MI 'GYUR BA'I LAN DANG, DROD CHUNG NGU'I DMIGS PA BDEN BZHI LA BRTEN PAR DNGOS SU BRJOD PA'I SHUGS KYIS GZHAN DAG KYANG BRTEN PAR 'PHANGS PA'I LAN NO, ,DANG PO NI, SBYAR LAM BDAN BA MNGON RTOGS DANG RJES SU MTHUN PA'I LAM YIN PAS DE DAG GI DMIGS PA DANG RNAM PA STON PA NA, BDEN BZHI KHYAD PAR CAN GYI CHOS CAN TE KHYAD GZHI DANG, DMIGS BA DANG RNAM PA DE LA BRTEN PA'I KHYAD CHOS SU BRJOD BAS BRJOD PAR BYA BA YIN NA YANG DMIGS PA MI RTAG LA SOGS PA BDEN PA'I RTEN CAN ZHES BYA BA MA GTOGS BAR, DMIGS RNAM LHAG MA RNAMS STON PA'I TSE BDEN BZHI KHYAD GZHIR MA BRJOD PAR DMIGS PA DANG RNAM PA KHYAD PAR CAN GYI CHOS 'BA' ZHIG BRJOD PAS THAMS CAD DU BRJOD BA NI DROD CHUNG NGU'I

, ,DMIGS BA BDEN BZHI DANG 'BREL CING, DMIGS RNAM LHAG MA RNAMS BDEN BZHI DANG MA 'BREL BAS MIN GYI BRJOD TSUL TZAM THA DAD PAR ZAD LA, BDEN BZHI DANG 'BREL BAR DNGOS SU BRJOD MA BRJOD KYIS BDEN BZHI DANG 'BREL MA 'BREL GYI KHYAD PAR 'BYUNG BA MIN TE, CHOS BRJOD KYI SGRAS BA LANG KHYAD CHOS SU BRJOD, CHOS CAN BRJOD PA'I SGRAS BA LANG KHYAD GZHIR BRJOD KYANG KHYAD PAR GZHAN SPONG BA DANG MI SPONG BA MA GTOGS PAR 'DI DAG LA DON GYI KHYAD PAR BA LANG TZAM BRJED PA NI KHYAD PAR 'GA' YANG MED DO ZHES RIGS PA'I DBANG PHYUG GI LUGS LAS 'BYUNG BA'I PHYIR RO, ,DES NA 'DIS CHOS CHOS CAN BRJOD PA'I SGRA DE GNYIS BRJOD TSUL THA DAD PA TZAM YIN KYANG DON BA LANG GI LDOG PA BRJOD PA LA KHYAD PAR MED PA LTAR 'DIR YANG BDEN BZHI DANG 'BREL BAR DNGOS SU BRJOD MA BRJOD KYI BRJOD TSUL TZAM THA DAD PA YIN GYI; DON LA BDEN BZHI DANG 'BREL BA'I DMIGS RNAM BRJOD PAR KHYAD PAR MED DE CES PA YIN GYI, DMIGS PA DANG PO STON PA CHOS CAN BRJOD PA'I SGRA DANG DMIGS RNAM LHAG MA STON PA RNAMS CHOS BRJOD KYI SGRA YIN ZHES STON PA NI MIN NO, ,NGAG DON NI, SHES BYA CHOS CAN, DROD TSUNG NGU'I DMIGS BA STON BA NA BDEN BZHI DANG 'BREL BAR DNGOS SU BRJOD CING, DMIGS RNAM LHAG MA RNAMS DE DANG 'BREL BAR DNGOS SU MA BRJOD PA'I BRJOD TSUL THA DAD PA TZAM GYIS DE DAG LA BDEN BZHI DANG 'BREL MA 'BREL GYI KHYAD PAR YOD MI DGOS PAR THAL, BA LANG LA BLTOS PA'I CHOS CHOS CAN BRJOD PA'I SGRA GNYIS BRJOD CHUL THA DAD KYANG BA LANG GI LDOG PA BRJOD PA LA KHYAD PAR MED PA'I PHYIR, LAN GNYIS PA NI, LAN GYI RNAM PA GCIG TU NA TSIG LE'UR BYAS PA SDEB PA'I NGOR BRJOD TSUL THA DAD PAR BRJOD KYANG DROD CHUNG NGU'I DMIGS PA BDEN BZHI DANG 'BREL PAR DNGOS SU BSTAN BA'I SHUGS KYIS LHAG MA LA YANG SDUG BSNGAL LA SOGS PA BDEN PAR RTOGS PA KHO NA DMIGS PA DANG RNAM PAR BYA BA SHUGS LA 'PHANGS PA YIN NO, ,MNGON PAR ZHEN PA LA SOGS PA BKAG PA DANG LAN PA DROD CHUNG NGU'I DMIGS PA BDEN BZHI DANG 'BREL NA DE KHO NAR

SGRUB BA DANG DGAG PA DANG BRAL BA DROD 'BRING GI DMIGS PA YANG BDEN BZHI DANG 'BREL BAR 'GYUR DGOS PA'I PHYIR TE, BDEN PA MDEN RTOGS DANG RJES SU MTHUN BA'I MNGON RTOGS RIGS RGYUN GCIG YIN PAS SO, ,'OG MA DROD CHEN PO SAGS DAG LA YANG DE BZHIN DU SHES PAR BYA'O, ,KHA CIG SKABS DON 'OG MA DAG CES ZER RO, ,NGAG DON NI, SHES BYA CHOS CAN, DROD CHUNG NGU'I DMIGS PA BDEN BZHI DANG 'BREL BAR DNGOS SU BSTAN PA'I RTZA TSIG GIS SBYOR LAM GYI DMIGS RNAM LHAG MA'ANG DE DANG 'BREL BAR SHUGS LA 'PHEN PAR THAL, SBYOR LAM BCU GNYIS PO THAMS CAD BDEN PA MNGON RTOGS DANG RJES SU MTHUN PA'I MNGON RTOGS RIGS RGYUN GCIG YIN PA'I PHYIR, GZHUNG SNGA PHYI 'DI DAG SHIN TU DKA' YANG, KHO BO 'BA' ZHIG LAS GZHAN GYIS PHYOGS TZAM DU GOM PA MA DOR RO, ,GNYIS PA KHYAD CHOS RTOG PA RGYAS PAR BSHAD PA LA, SPYI'I DON DANG; CHIG GI DON GNYIS, DANG PO LA, NGO BO DANG, RNAM GZHAG DPYAD BA'O, ,DANG PO NI, SEMS RTZING BA'I RNAM PA LA RTOG PAR BYAS PA DANG, GNYIS SNANG TZAM LA RTOG BAR BYAS BA DANG, SGRA DON 'DZIN PA'I RTOG PA GSUM LAS, 'DIR GANG YIN ZHE NA, 'DIR BSTAN RTOG PA RNAMS NI SGRA DON 'DZIN BA'I RTOG PA YIN TE, THAMS CAD KYANG DON SPYI'I 'DZIN BA'I RTOG PA 'BA' ZHIG YIN PA'I PHYIR RO, ,DE LTA NA YANG GNYIS SNANG DANG, RTZING BA'I RNAM BA CAN GYI RTOG BA YIN BAR MI 'GAL LO, ,GNYIS BA RNAM GZHAG DPYAD BA LA, DGAG BZHAG GNYIS LAS, DANG PO NI, KHA CIG NA RE, 'DIR BSHAD RTEG BCAM DGAG PA'I RNAM PA CAN YIN LA, DE YANG SBYOR LAM BZHI LA NGO BOR LDAN BA THEG CHEN MTHONG LAM GYIS SPENG BAS KHYAD PAR 'PHAGS PA YIN NO ZHES ZER RO, ,DE YANG MI 'THAD DE, 'DIR BSTAN RTOG PA TZAM DGAG BA'I RNAM PA CAN YIN NA, SKABS LNGA PA'I SKABS SU BSHAD PA'I RTEG PA RNAMS KYANG THAMS CAD DGAG PA'I RNAM PA CAN DU KHAS BLANGS DGOS TA, 'GREL CHEN LAS, DE LTAR 'OG NAS 'CHAD BA'I RTZE MO'I MNGON PAR BSDUS PA'I MTHONG BA DANG SGOM PA'I LAM GYIS SPANG BAR BYA BA'I RNAM PAR RTOG PA BZHI PO RNAMS KYIS GRANGS JI LTA BA BZHIN

, ,DU NGOS PAR 'BYED PA'I CHA DANG MTHUN PA 'DI DAG KUN NAS NYON MONGS PA LA BRTEN PAR BRJOD PAR BYA'O, ZHES BSHAD PAS SO, ,DE LTAR KHAS LEN NA YANG 'JUG PAR BYA'O, ZHES GZUNG BAR RNAM PAR RTOG BA, [?] ZHES SOGS KYIS DNGOS SU BSGRUB PA'I RNAM PA CAN DU BSHAD BA THAMS CAD DANG 'GAL BAR 'GYUR RO, ,RTOG PA BZHI PO 'DI SBYOR LAM LA NGO BOR LDAN PA MTHONG LAM GYIS SPONG BAR KHAS BLANGS PA DANG, KHYOD RANG GIS RTOG BA 'DI DAG LA MTHONG SPAD DANG SGOM SPANGS GNYIS GNYIS YOD PAR KHAS BLANGS PAS DNGOS SU 'GAL ZHING, GZHUNG RTZA 'GREL THAMS CAD DU, MTHONG SPANG SGOM SPANG GNYIS GNYIS YOD PAR BSHAD PA THAMS CAD DANG 'GAL BAR 'GYUR RO, ,GZHAN YANG RTOG PA BZHI PO THEG CHEN SBYOR LAM GYI NGO BOR GYUR PA'I SGO NAS DE LA LDAN NA, DE DAG THEG CHEN SBYOR LAM LA BDAG GCIG TU 'BREL BAR 'GYUR ZHING, DE LTA NA THEG CHEN SBYOR LAM KHOGS NA, DE DAG KHEGS DGOS PAS, THEG CHEN 'PHAGS PA YIN NA SGRIB PA CI YANG RGYUD LA MED PAS KHYAB PAR THAL LO, ,KHA CIG RTOG PA 'DI DAG DANG THEG CHEN SBYOR LAM MTSUNGS PAR LDAN PA'I SGO NAS KHYAD PAR DU 'PHAGS SO ZHES 'DOD PA YANG MI 'THAD DE, DE LTAR NA DE GNYIS 'DZIN STANGS MTHUN BAR THAL, DMIGS RNAM MTSUNGS PA'I PHYIR, 'DOD NA THEG CHEN SBYOR LAM CHOS CAN, BDEN MED RTOGS PA'I YE SHES MIN BAR THAL, BDEN 'DZIN GYI RTOG PA DANG 'DZIN STANGS MTHUN PA'I PHYIR, KHA CIG SBYOR LAM 'DI DAG THEG CHEN GYI RNAL 'BYOR MNGON SUM YIN PAR KHAS BLANGS NAS, SLAR YANG SBYOR LAM BZHI POR MI BZHIN RTOG PA BZHI PO YIN ZHES SMRA BA NI, DNGOS 'GAL SMRA BA LA DANG GIS CHAM BA ZHIG GO ,YANG KHA CIG SPANG BYAR LDAN PAS KHYAD PAR DU 'PHAGS ZHES SMRA BA YANG MI 'THAD DE, DE'I SPANG BYA YIN NA DE'I KHYAD CHOS YIN PAR 'GAG BA'I PHYIR DANG, MTHONG SGOM GYI LAM DON MED PAR THAL BA'I PHYIR RO, ,CI STE DE'I SPANG BYA YIN KYANG DES SPONG BA'I CHA NAS KHYAD PAR DU 'PHAGS PA'I PHYIR, KHYAD CHOS SU 'JOG PA MI 'GAL ZHE NA, SGRIB PA GNYIS BAG CHAGS DANG BCAS PA RDZOGS PA'I SANGS RGYAS KYI KHYAD CHOS YIN PAR

THAL; DE DAG SPANGS PA'I SGO NAS DE KHYAD BAR DU 'PHAGS PA'I PHYIR, YANG KHA CIG SKABS 'DIR BSTAN GYI RTOG PA YIN NA, THEG CHEN LAM GYI SPANG BYA'I GTZO BO YIN PAS KHYAB CING, DE YANG YUL GZUNG BA DANG 'DZIN PA LA DMIGS NAS DGAG SGRUB GANG RUNG GI RNAM PAR MNGON PAR ZHEN PA DAG RIM PA BZHIN, GZUNG RTOG DANG 'DZIN RTOG GI MTSAN NYID YIN LA, GZUNG PA NI LONGS SPYAD BYA STE, DE LA YANG KUN NAS NYON MONGS DANG RNAM BYANG GI GZUNG BA GNYIS YOD CING, 'DZIN PA NI LONGS SPYOD PA PO STE, DE YANG SHES RIG GIS BSDUS PA CHOS KYI RANG BZHIN DANG, BDAG TU THA SNYAD BTAG PA GANG ZAG GI RANG BZHIN NO, ,DE YANG 'DIR, THEG CHEN LAM GYI SPANG BYA'I GTZO BOR GYUR PA'I RTOG PA THAMS CAD STON PA YIN PAS, DGAG RTOG DANG SGRUB RTOG GNYIS KA BSTAN DGOS KYI, GANG YANG RUNG BA ZHIG BSTAN PA TZAM DU 'DOD PA LA NI MA TSANG BA'I SKYON DU 'GYUR RO, ,SBYOR BZHI YANG RIM PA BZHIN 'DIR BSTAN RTOG PA BZHI YIN PAR 'GYUR BA'I SGO NAS, NYAN RANG GI SBYOR LAM LAS KHYAD PAR DU 'PHAGS PA YIN NO, ZHES BYA BAR RNAM PAR BZHAG NAS, NYON MONGS PA RNAMS NI BYANG SEMS KYI LAM GYI SPANG BYA'I GTZO BO MA YIN NO, ZHES 'CHAD PAR BYED PA DAG KYANG MA NGES PA MIN TE, 'DI LTAR THEG CHEN SBYOR LAM CHOS CAN, KHYOD 'BAD PA DU MA'I SGO NAS BYANG CHUB SEMS DPA'I RGYUD LA SKYOD MI DGOS PAR THAL, KHYOD BYANG CHUB SEMS DPA'I RGYUD LA SPANG BAR BYA BA'I GTZO BO YIN PA'I PHYIR, CHOS CAN, KHYOD RDZOGS PA'I SANGS RGYAS KYI GO 'PHANG THOB BYED MIN PAR THAL, KHYOD DE 'THOB PA'I GEGS KYI GTZO BO YIN PA'I PHYIR, SHES BYA CHOS CAN, SHES SGRIB YIN NA NYAN RANG GI LAM LAS KHYAD PAR DU 'PHAGS PAS KHYAB PAR THAL, THEG CHEN SBYOR LAM DE BYANG SEMS LAM GYI SPANG BYA'I GTZO BOR GYUR PA'I RTOG PA YIN PA'I RGYU MTSAN GYIS NYAN RANG SBYOR LAM LAS KHYAD PAR DU 'PHAGS BA'I PHYIR, 'DOD NA, 'KHOR BA BA YIN NA, NYAN RANG DGRA BCOM LAS KHYAD PAR DU 'PHAGS PAR THAL LO, ,THEG CHEN SBYOR LAM CHOS CAN, SHES SGRIB MIN PAR THAL, CHOS KYI BDAG MED RTOGS BA'I YE SHES YIN PA'I PHYIR RO, ,BSAL BA KHAS, GANG ZAG RDZAS YOD DU

, ,'DZIN PA'I RTOG PA CHOS CAN, 'DZIN RTOG YIN PAR THAL, 'DZIN PA DGAG SGRUB GANG RUNG GI RNAM PAR MNGON PAR ZHEN PA YIN PA'I PHYIR, RTAGS KHYAB DNGOS, 'DOD NA, DE CHOS CAN, THEG CHEN LAM GYI SPANG BYA'I GTZO BO YIN PAR THAL, 'DZIN RTOG YIN PA'I PHYIR, 'KHOR GSUM GA DNGOS, KHA CIG NA RE, SKABS 'DIR BSTAN GYI RTOG BA YIN NA, SGRUB RTOG YIN PAS KHYAB STE, 'DIR BSTAN RTOG PA YIN NA, THEG CHEN LAM GYI SPANG BYA'I GTZO BO YIN PAS KHYAB LA, DGAG RTOG NI, DGAG PA'I RNAM PA CAN YIN PAS, BDEN MED RTOGS BA'I YE SHES DANG 'DZIN STANGS MTHUN PA'I PHYIR RO, ,DES NA 'DIR GZUNG RTOG DANG 'DZIN RTOG GNYIS KYI MTSAN NYID RIM BZHIN, GZUNG BA DANG 'DZIN PA LA DMIGS NAS BSGRUB PA'I RNAM PAS ZHEN PA, GZUNG 'DZIN GONG GI 'DOD PA DANG 'DRA ZHING, KHYAD CHOS SU 'GYUR TSUL YANG, THEG CHEN SBYOR LAM GYI MNYAM GZHAG TU RTOG PA 'DI DAG GI SA BON LDAN LA, RJES THOB TU MNGON 'GYUR LDAN PAS KHYAD PAR DU 'PHAGS SO, ZHES ZER LA, 'DI YANG GANG ZAG GI BDAG 'DZIN DANG NYON MONGS PA'I SGRIB PA RNAMS NI BYANG SEMS KYI SPANG BYA'I GTZO BO MIN NO, ZHES SMRA'O, ,PHYOGS 'DI YANG RNA BA LA 'BAB PA MIN TE, SHES BYA CHOS CAN, CHAD LTA YIN NA BDEN MED RTOGS PA'I YE SHES DANG 'DZIN STANGS MTHUN PAS KHYAB PAR THAL, DGAG RTOG YIN NA, DE DANG 'DZIN STANGS MTHUN PAS KHYAB PA'I PHYIR, DES NA BDEN MED BDEN PAR 'DZIN PA SOGS THEG CHEN LAM GYI SPANG BYA'I GTZO BO MIN PAR 'DOD DGOS PAS, SHES SGRIB KYIS BSDUS PA'I MTHAR 'DZIN GYI LTA BA PHYOGS GCIG SPANG BYA'I RGYA LAS GROL BAR BYAS BA YIN NO, ,SHES BYA CHOS CAN, GZUNG 'DZIN LA BSGRUB PA'I RNAM PA MNGON PAR ZHEN PA'I RTOG PA'I SA BON MNYAM GZHAG TU LDAN ZHING; MNGON GYUR RJES THOB TU LDAN PAS, THEG CHEN SBYOR LAM DE, THEG DMAN SBYOR LAM LAS KHYAD PAR DU 'PHAGS PA MIN PAR THAL, DE NYID THEG DMAN SBYOR LAM LA YANG TSUL DE LTAR DU LDAN PA'I PHYIR, DER THAL, THEG DMAN SBYOR LAM GYI MNYAM GZHAG TU GZUNG BA DANG

'DZIN PA'I CHOS RNAMS BDEN PAR 'DZIN PA'I SA BON LDAN ZHING, RJES THOB TU MNGON GYUR LDAN PA'I PHYIR, GANG ZAG RDZAS YOD DU ZHEN PA'I NGAR 'DZIN CHOS CAN, 'DIR BSTAN 'DZIN RTOG YIN PAR THAL, 'DZIN PA LA DMIGS NAS BSGRUB PA'I RNAM PAS ZHEN PA'I PHYIR, RTAGS KHYAB DNGOS, 'DOD NA, THEG CHEN LAM GYI SPANG BYA'I GTZO BO YIN PAR THAL, 'DOD PA DE'I PHYIR, 'KHOR GSUM GA DNGOS, DA NI GNYIS PA RANG GI LUGS BRJOD PAR BYA STE, DE YANG SKABS 'DIR BSTAN PA'I RTOG PA NI, SHES BYA'I SGRIB PA DANG RJES SU MTHUN PA'I GTZO BOR GYUR PA YIN GYI, NYON MONGS PA'I SGRIB PAR GYUR PA'I RTOG PA DAG NI 'DIR BSTAN PA MIN LA, DE LTA BAS NA SHES SGRIB KYI ZAG BCAS SU GYUR PA'I RTOG PA TZAM DBYE GZHI, DBYE NA GZUNG RTOG DANG 'DZIN RTOG GNYIS SO, ,DE LA GZUNG BA DANG 'DZIN PA NI GANG, TSUL JI LTAR DU RTOG CE NA, LOTZTSA BA CHEN PO GZUNG 'DZIN GYI TSUL GSUM STE; SKYE MCHED KYI DBANG DU BYAS PA GZUGS SOGS PHYI'I SKYE MCHED GZUNG BA DANG, MIG SOGS NANG GI SKYE MCHED 'DZIN PA'O, ,YUL YUL CAN GYI DBANG DU BYAS PA BAMS PO RNAMS GZUNG BA DANG RIG BA RNAMS 'DZIN PA'O, ,BDAG DANG BDAG GI BA'I DBANG DU BYAS PA, LONGS SPYOD BA PO'I BDAG 'DZIN PA DANG, LONGS SBYANG BYA'I BDAG GI BA GZUNG BA'O, ,DE DAG LAS 'DIR NI THA MA'I DBANG DU BYAS PA'O, ZHES GSUNGS KYANG, 'PHAGS SENG GIS MU BZHI DPYAD PA DANG MI 'GRIG PA'I PHYIR MI 'THAD LA, DES NA 'DZIN PA NI LONGS SPYOD PA PO'I DBANG DU BYAS BA YIN CING, DE YANG SHES PA DANG GANG ZAG GO ,GZUNG BA NI LONGS SPYAD BYA'I DBANG DU BYAS PA YIN CING, DE LA YANG KUN NAS NYON MONGS KYIS BSDUS PA DANG, RNAM BYANG GI PHYOGS KYIS BSDUS BA GNYIS SO, ,DE'I PHYIR 'DZIN RTOG YANG GNYIS TE, RJES 'DZIN RTOG BA DANG, BTAGS 'DZIN RTOG PA'O, ,DA BZHIN DU GZUNG RTOG KYANG GNYIS TE, KUN NAS NYON MONGS KYI PHYOGS LA BRTEN PA DANG, RNAM BYANG GI PHYOGS LA BRTEN PA'I RTOG BA'O, ,'PHAGS PAS GZUNG RTOG DANG PO 'DI DNGOS PO TZAM LA BRTEN PA'I RTOG PAR BYAS NAS 'DI DANG RNAM BYANG GZUNG RTOG MI 'GAL ZHING, GZUNG RTOG THA MA YIN NA DANG PO'ANG YIN

, ,GNYIS ,DGOS LA, DANG PO LA THA MA MIN PA'ANG YOD PAR BZHED DO, ,DE LTA NA'ANG SLOB DPON GYIS, DANG PO KUN NAS NYON MONGS DANG, THAM RNAM BYANG LA BRTEN PA'I RTOG PA YIN PAS 'GAL BAR BZHED PA'I LUGS BZHIN BSHAD PAR BYA'O, ,DE LA YUL DE DAG LA YANG RTOG PA'I TSUL NI GNYIS TE BSGRUB PA'I RNAM PAS RTOG PA DANG, DGAG PA'I RNAM PAS RTOG PA'O, ,DE YANG 'DI LTAR KUN NAS NYON MONGS KYI GZUNG BA BDEN PAR 'DZIN PA'I SGRUB RTOG DANG, KUN NAS NYON MONGS KYI PHYOGS KYI GZUNG BA BDEN PAR MED PA DE NYID BDEN PAR 'DZIN PA LTA BU NI KUN NAS NYON MONGS KYI PHYOGS LA BRTEN PA'I DGAG RTOG YIN NO, ,DE BZHIN DU KUN NAS NYON MONGS KYI PHYOGS KYI GZUNG BA BDEN PAR SNANG BA'I RTOG PA DANG, DE'I PHYOGS KYI GZUNG BA'I BDEN MED DE NYID BDEN PAR SNANG BA'I RTOG PA GNYIS KA YANG KUN NAS NYON MONGS KYI PHYOGS LA BRTEN PA'I RTOG PA YIN NO, ,TSUL 'DIS LHAG MA RNAM BYANG GI PHYOGS DANG, 'DZIN PA GNYIS LA'ANG RTAGS TSUL RIGS BSGRE BAR BYA'O, ,DE LTA NA 'DIR BSTAN GZUNG RTOG GI MTSAN NYID, SHES SGRIB KYI ZAG BCAS GANG ZHIG RANG GI DMIGS YUL DU GYUR PA'I GZUNG BA DE NYID DGAG SGRUB GANG RUNG GI RNAM PAS BDEN PAR SNANG BA'I RTOG PA, 'DIR BSTAN 'DZIN RTOG GI MTSAN NYID, RANG GI DMIGS YUL DU GYUR PA'I 'DZIN PA DE NYID, DGAG SGRUB GANG RUNG GI RNAM PAS BDEN PAR SNANG BA'I RTOG BA, DE DAG GIS DBYE BA RNAMS KYI MTSAN NYID KYANG RIGS BSGRE'O, ,DE LTA BU'I RTOG PA BZHI PO RE RE LA YANG MTHONG SPANG GI ZAG BCAS DANG SGOM SPANG GI ZAG BCAS GNYIS GNYIS SU PHYE BAS BRGYAD DU 'GYUR LA, DE DAG RE RE LA YANG CHUNG NGU 'BRING CHEN PO'I DBYE BAS DGU DGU DANG, DE YANG KHAMS GSUM GYI BYE BRAG GIS BRGYA RTZA BRGYAD DU 'GYUR RO, ,DE LTAR 'DIR BSTAN RTOG PA TZAM GYI NGO BO DANG DBYE BA BSHAD NAS, DA NI THEG CHEN SBYOR LAM GYI KHYAD CHOS SU 'GYUR BA'I TSUL BSHAD PAR BYA STE, DE YANG RTOG PA BZHI PO 'DI THEG CHEN SBYOR LAM GYI KHYAD CHOS YIN GYI, 'DIR BSTAN RTOG PA YIN NA THEG CHEN SBYOR LAM GYI KHYAD CHOS YIN PAS KHYAB PA NI SHES

RIG DANG LDAN PA SU YANG DBANG YOD BZHIN DU KHAS LEN PAR MI BYED LA, GANG DAG BYANG SEMS KYI SPANG BYA'I GTZO BOR GYUR PA'I RTOG PA YIN NA, 'DIR BSTAN RTOG PA YIN PAR KHAS BLANGS NAS, SLAR YANG 'DIR BSTAN RTOG PA YIN NA, THEG CHEN SBYOR LAM GYI KHYAD CHOS SU GYUR PA'I RTOG PA YIN PAS KHYAB PAR 'DOD PA DAG GIS NI, CHOS KYI BDAG 'DZIN YIN NA, THEG CHEN SBYOR LAM GYI KHYAD CHOS YIN PAR 'DOD DGOS PAS, DUD 'GRO MTHA' DAG GI RGYUD KYI BDEN 'DZIN GYI SHES PA MA LUS PA BYANG SEMS SBYOR LAM PA'I RGYUD LA YOD PAR THAL BA'I PHYIR, TSUL 'DI NI LKUGS PA'I 'DZUM BAG YIN NO, ,DES NA 'DI LTAR SHES PAR BYA STE, THEG CHEN SBYOR LAM MNYAM GZHAG GI YE SHES THAMS CAD SGRA DON 'DZIN BA'I RTOG PA YIN KYANG, CHOS KYI BDAG MED RTOGS PA'I YE SHES YIN PAS, RANG YUL BDEN PAR 'DZIN PA'I 'DZIN STANGS MED KYI, RANG YUL GYI STONG GI CHOS NYID LA DNGOS SU DMIGS PA'I PHYIR, BDEN PAR 'DZIN PA'I 'DZIN STANGS TZAM ZHIG YOD DO, ,DE'I PHYIR RANG GI ZHEN YUL CHOS NYID DE LA MA 'KHRUL BA'I SHES PA YIN PAS, BDEN PA MNGON PAR RTOGS PA DANG RJES SU MTHUN PA'I LAM DU 'GYUR BA YIN NO, ,DE LTA NA YANG SO SO SKYE BO'I RGYUD KYI RTOG PA YIN PAS, RANG GI ZHEN YUL CHOS NYID DE'I DON SPYI 'CHAR BA NA, CHOS NYID BDEN PAR GRUB PA LTA BUR SNANG BA'I BDEN SNANG YOD DE, SO SO SKYE BO'I RGYUD KYI RTOG PA YIN NA BDEN 'DZIN GYI BAG CHAGS KYIS BSLANG PAS KHYAB PA'I PHYIR RO, ,DE'I PHYIR SNANG YUL LAS KHRUL PA'I SHES PA YIN CING, SHES SGRIB KYI ZAG BCAS KYANG YIN TE, BDEN SNANG DE SHES SGRIB KYI BAG CHAGS KYIS BSLAD PA'I STOBS LAS BYUNG BA YIN PA'I PHYIR RO, ,CHOS NYID BDEN PAR SNANG BA YOD KYANG, CHOS NYID BDEN PAR 'DZIN PA'I 'DZIN STANGS YOD MI DGOS TE, DPER NA BUM 'DZIN RTOG PA LA RANG GI SNANG BA PHYI ROL GYI BUM PA SNANG BA'I SNANG BA YOD KYANG RANG GI SNANG BA DE NYID PHYI ROL BUM PA'O SNYAM DU 'DZIN PA'I 'DZIN STANGS MED KYI BUM PA'O SNYAM DU 'DZIN PA TZAM ZHIG GI 'DZIN STANGS YOD PA LTA BU'O, ,DES NA THEG CHEN SBYOR LAM DE YANG CHOS NYID ZHEN YUL DU BYAS PA'I SGO NAS, DE NYID BDEN PAR GRUB PA LTA

, ,BUR SNANG BA'I RTOG PA YIN PA'I PHYIR, 'DIR BSTAN DGAG RTOG SHES SGRIB KYI ZAG BCAS YIN CING DE'I SGO NAS NYAN RANG GI SBYOR LAM LAS KHYAD PAR DU 'PHAGS PA YIN TE, NYAN RANG GI SBYOR LAM YIN NA CHOS NYID ZHEN YUL DU BYED PA'I RTOG PA YIN PAR 'GAL BA'I PHYIR RO; ;'O NA RNAM PA'I KHYAD CHOS DANG BZLOS PAR MI 'GYUR RAM ZHE NA, MI 'GYUR TE, RNAM PA NI 'DZIN STANGS KYI NGOS NAS YIN LA, 'DI NI SNANG TSUL GYI NGOS NAS YIN PA'I PHYIR, 'ON SHES SGRIB KYI ZAG BCAS YIN NA SHES SGRIB YIN MI DGOS SAM ZHE NA, MI DGOS TE, DE DGOS NA NYON MONGS PA'I ZAG BCAS YIN NA'ANG NYON MONGS YIN DGOS PAR THAL LO, ,DE 'DOD NA, NYAN THOS DGRA BCOM LHAG BCAS KYI GNAS SKABS KYI SDUG BSNGAL GYI PHUNG PO DAG NYON MONGS YIN PAR THAL BAS, NYAN THOS DGRA BCOM GYIS NYON MONGS MA SPANGS PAR 'DOD PAR GYIS SHIG DANG GZHAN YANG SHES SGRIB KYI ZAG BCAS YIN NA SHAS SGRIB YIN DGOS NA, SHES SGRIB KYI 'BRAS BU YIN NA SHES SGRIB YIN PAR THAL LO, ,GAL TE SO SKYE'I RTOG PA YIN NA, SHES SGRIB KYI BAG CHAGS KYIS BSLAD PA'I BDEN SNANG YOD PAS KHYAB PAS SHES SGRIB KYI ZAG BCAS YIN DGOS ZHES SMRA BA DE LTAR NA, NYON MONGS PA DAG KYANG SHES SGRIB KYI ZAG BCAS SU 'GYUR RO ZHE NA, 'DOD PA YIN TE, NYON MONGS PA THAMS CAD KYANG SHES SGRIB KYI RTZA BA CAN YIN PA'I PHYIR, LAS DANG NYON MONGS RNAM RTOG LAS, ,DE DAG SPROS LAS SPROS BA NI, ,STONG PA NYID KYIS 'GAG PAR 'GYUR, ZHES GSUNGS PA LTAR RO, ,NGA NI 'PHAGS SENG GIS GZUNG 'DZIN GYI RTOG PA LA MU BZHI BRTZIS PA'I DON BSHAD PAR BYA'O, ,DE YANG GZUNG RTOG YIN LA 'DZIN RTOG MIN PA'I MU NI, GZUGS SOGS PHYI'I SKYE MCHED DAG BDEN PAR SNANG BA'I RTOG BA LTA BU'O, ,'DZIN RTOG YIN LA GZUNG RTOG MIN PA'I NI; RANG GI SHES PA'I 'DZIN RNAM SKAD CIG MA BDEN PAR SNANG BA'I RTOG PA LTA BU STE, 'DZIN RNAM DE NI GZUNG 'DZIN GNYIS SU PHYE BA'I 'DZIN PA KHO NA YIN PA'I PHYIR, GNYIS KA YIN PA NI, GZUNG RNAM RGYUN LDAN LA DMIGS NAS BDEN PAR SNANG BA'I RTOG PA STE, DE NI RANG YUL LA BLTOS NAS

GZUNG 'DZIN GNYIS SU PHYE BA'I 'DZIN PA YIN LA, 'DZIN RNAM LA BLTOS NAS DE LTAR PHYE BA'I GZUNG BA YIN PA'I PHYIR, GNYIS KA MIN BA NI, GNYIS SNANG MED PA'I YE SHES SHER PHYIN LTA BU'O, ,'GREL CHEN GNYIS SU MU GSUM PA 'DI LA SHES PA RGYUN LDAN ZHES SMOS PA NI, DUS MTHA'I SKAD CIG MOS SKYES NGES MI NUS PA LA DGONGS PA'O, ,KHA CIG MU GSUM PA LA, GANG ZAG GZHAN RGYUD KYI SHES PA LA RTOG PA CES SBYOR BA NI, 'GREL CHEN GNYIS SU, GSUM PA NI, SKAD CIG GZHAN GYI DE NYID DO, ZHES GSUNGS PA'I SKAD CIG GZHAN ZHES PA, DE'I GONG DU SKAD CIG GCIG DANG LDAN PA'I RNAM PAR RIG PA'O, ZHES GSUNGS PA'I SKAD CIG GCIG LAS GZHAN SKAD CIG DU MA BSAGS PA'I RGYUN LA GSUNGS PA MA GO BAR ZAD DO, ,DA NI SO SO SKYE BO 'PHAGS DBYE BAS, ZHES SOGS KYI GZHUNG GIS, 'DZIN RTOG GNYIS SO SO SKYE BO DANG 'PHAGS PA'I GANG ZAG LA SO SOR NGES PAR BSHAD PA LA DOGS PA BCAD PA, 'GREL CHEN GNYIS KA LAS MTHUN PAR GSUNGS PA DE'I DON BSHAD PAR BYA'O, ,DE YANG NYI KHRI SNANG BA LAS, CHOS THAMS CAD BDAG MED PA YIN NO ZHES, CHOS DE LTA BU RNAMS SO SO'I SKYE BOS KYANG RTOGS PA MIN NAM, NGES NA 'DZIN PA'I RNAM PAR RTOG PA DANG PO'I RNAM PAR RIG PA NI MA KHYAB PAR 'GYUR RO ZHE NA, DE DAG GI DON NI MOS PA YID LA BYED PA YIN LA, 'DIR NI DE KHO NA NYID YID LA BYED PA BRJOD PAR 'DOD PA YIN PAS SNYING PO MED DO, ZHES DANG, 'PHAGS PA LA YANG 'DI LTA BU YOD PA YIN TE, DGE SLONG DAG MTSAN MO 'DAS NA NANG PAR GYI DUS SU NGAS SROG CHAGS CE SPYANG SKAD 'BYIN PA THOS SO ZHES GSUNGS BYA BA DANG, DE BZHIN DU NGA DE'I TSE DE'I DUS NA RI DRAGS KYI RGYAL PO SENGGE YAN LAG MA SMAD PA CES BYA BAR GYUR TO, ZHES GANG GSUNGS PA MIN NAM, DES 'DZIN PA'I RNAM PAR RTOG PA GNYIS PA'I RNAM PAR RIG PA MA KHYAB PAR 'GYUR RO ZHE NA, DE'I TSIG DE NI THA SLAD PA YIN GYI DON DAM PA NI MIN PA NGES DES NA SNYING PO MED DO, ZHES GSUNGS PA 'DI DAG GI DON CI ZHE NA, DE YANG SO SO SKYE BO 'PHAGS DBYE BAS, ZHES SOGS KYI GZHUNG GIS RDZAS 'DZIN RTOG PA SO SKYE KHO NA LA YOD CING, BTAGS 'DZIN RTOG PA 'PHAGS PA KHO NA LA YOD

, ,PAR BSHAD BA MIN TE, DE LTA NA BTAGS 'DZIN RTOG BA THEG CHEN SBYOR LAM PA LA YOD PAR BSHAD PA DANG DNGOS SU 'GAL BA'I PHYIR TE, DE LTA BU'I RNAM PAR RTOG PA BZHI DANG NGES PAR 'BYED PA'I CHA DANG MTHUN PA BZHI PO GRANGS BZHIN DU LDAN PA YIN NO, ZHES SOGS SMRAS SHING, RTZA BAR YANG RNAM RTOG BZHI PO LDAN RTEN BA ZHES SMRAS BAS SO, ,SO SO SKYE BO LA YANG RDZAS 'DZIN YOD CING, 'PHAGS PA LA YANG BTAGS 'DZIN YOD CES KYANG BSTAN PA MIN TE, DE LTA NA RTZOD LAN GONG DU DRANGS PA 'DI DAG 'BREL MED DU 'GYUR BA'I PHYIR TE, SO SKYE LA YANG YOD NA, 'PHAGS BA LA MED DGOS LA, 'PHAGS PA LA YANG YOD NA, SO SKYE LA MED DGOS SNYAM BA'I DOGS PA 'BYUNG BA LA 'BREL GANG YANG MED PA'I PHYIR DANG, GAL TE DE 'DRA'I DOGS PA BYUNG BA YIN NA'ANG, LAN 'DEBS TSUL DE NYID LA 'BREL MED PA'I PHYIR RO, ,DES NA GZHUNG GIS DE GNYIS GANG YANG RUNG BA ZHIG BSTAN PA'I DBANG DU BYAS NAS SNGA MA DAG GIS 'DI'I DON GTAN LA 'BEBS BA'I BSHAD PA MANG DU BYAS PA DAG NI, RI DVAGS SMIG RGYUS 'DED PA DANG MTSUNGS PA YIN NO, ,DE BAS NA 'DI LTAR SHES PAR BYA STE, SO SO SKYE BO 'PHAGS DBYE BAS, ZHES SOGS KYIS, RDZAS 'DZIN RTOG PA NI SO SKYE'I ZHEN DO DANG MTHUN PAR BDEN PAR SNANG BA'I RTOG PA YIN LA, BTAGS 'DZIN RTOG PA NI, 'PHAGS PA'I GZIGS DO DANG MTHUN PAR BDEN PAR SNANG BA YIN NO, ZHES BSTAN PA YIN CING, DE LA DOGS PA 'DI LTAR 'BYUNG STE, CHOS THAMS CAD BDAG MED DU 'DZIN PA SO SKYE LA YANG YOD PAS; BDAG MED DANG BTAGS YOD SOGS SU BDEN PAR SNANG BA NI, CI'I PHYIR 'PHAGS PA'I GZIGS DO DANG MTHUN PA KHO NAR BRJOD CE NA, SO SKYE 'GA' ZHIG LA MOS PA YID BYED KYI CHUL GYIS CHOS BDAG MED PA SOGS SU 'DZIN PA YOD KYANG MNGON SUM DU MTHONG BA MED CING, 'DIR NI 'PHAGS PAS CHOS BDAG MED PAR MNGON SUM DU GZIGS PA DE'I GZIGS NGO DANG MTHUN PAR BDEN PAR SNANG BA ZHES BRJOD PAR 'DOD PA YIN PAS RTZOD PA DE LA SNYING PO MED DO, ,GAL TE 'PHAGS PA LA YANG, NGA DE'I TSE ZHES SOGS SU 'DZIN PA YOD PAS, RDZAS 'DZIN RTOG

PA'ANG 'PHAGS PA'I GZIGS NGOR MTHUN PAR MI 'GYUR RAM ZHE NA, 'PHAGS PAS NGA THA SNYAD PA TZAM GZIGS PAS, THA SNYAD KYI RNAM GZHAG LA 'JUG BA'I TSE, DA DE'I TSE ZHES SOGS GSUNGS PA YIN GYI, DA BDEN PAR GZIGS PA'AM, NGA RDZAS YOD DU GZIGS PA MIN PAS, NGA RDZAS YOD LA DMIGS NAS BDEN PAR SNANG BA'I RTOG BA NI 'PHAGS BA'I GZIGS NGO DANG MTHUN PAR BDEN PAR SNANG BA MIN NO ZHES BYA BA NYID 'GREL PA GNYIS KYI DGONGS PA RMA MED PA'O, ,'O NA 'DIR RDZAS 'DZIN RTOG PA GANG ZAG RDZAS YOD DU 'DZIN PA LA BSHED PAS GANG ZAG GI BDAG 'DZIN DU MI 'GYUR RAM ZHE NA, GANG ZAG LA DMIGS NAS RNAM PA RANG SKYA THUB PA'I RDZAS YOD DU 'DZIN PA NI GANG ZAG GI BDAG 'DZIN YIN KYANG, 'DIR GANG ZAG RDZAS YONG LA DMIGS NAS RNAM PA BDEN PAR 'DZIN PA'AM, BDEN PAR SNANG BA LA BSHAD PAS CHOS KYI BDAG 'DZIN GYI ZAG BCAS SU 'GYUR GYI; GANG ZAG GI BDAG 'DZIN DU MI 'GYUR RO, ,DE'I PHYIR JI LTAR 'DOD PA BZHIN DU 'GRO BA THOGS PA LA DON DAM PA'I DNGOS POR MNGON PAR ZHEN PAS 'DZIN PAR RNAM PAR RTOG PA ZHES GSUNGS PA YIN NO, ,KHA CIG RDZAS 'DZIN LA RTOG PA DANG, BTAGS 'DZIN LA RTOG PA ZHES BYAS NAS, YUL RDZAS 'DZIN DANG BTAGS 'DZIN GNYIS SO SKYE DANG 'PHAGS PA LA SO SOR BSHAD PA YIN GYI, YUL CAN RDZAS 'DZIN RTOG PA DANG, BTAGS 'DZIN RTOG PA GNYIS GANG ZAG DE GNYIS LA SO SOR NGES PAR BSHAD PA MIN NO ZHES ZER BA NI MI 'THAD DE, NYI KHRI SNANG BA DANG 'GREL CHEN DU, SO SKYE LA YANG CHOS BDAG MED PAR RTOGS PA YOD PAS, 'DZIN PA'I RNAM PAR RTOG PA DANG PO'I RNAM GZHAG MA KHYAB PAR 'GYUR ZHES PA'I DOGS PA BKOD PA 'BREL MED DU 'GYUR BA'I PHYIR TE, BTAGS 'DZIN SO SKYE LA MED PAR BSHAD PA LA, 'O NA BTAGS 'DZIN LA RTOG PA'I RNAM GZHAG MA KHYAB PA'I SKYON DU 'GYUR RO STE, SO SKYE LA YANG CHOS BDAG MED PAR 'DZIN PA YOD PAS BTAGS 'DZIN YOD PA'I PHYIR, ZHES PA'I DOGS PA 'BREL MED 'DI LTA BU RTOGS LDAN SU ZHIG 'GOD PAR BYED, DER MA ZAD 'DI LTAR SMRA BAS NI, RTZOD PA DANG, LAN GNYIS KAS, SO SKYE

, ,LA RTOG BA DE'I YUL MED NA RTOG PA DE YANG MED BAS KHYAB PAR KHA 'CHAM PA NYID DU SMRA DGOS TE, GZHAN DU NA, SO SKYE LA BTAGS 'DZIN MED PAR BSHAD PA LA, 'O NA 'DZIN RTOG DANG PO'I RNAM GZHAG MA KHYAB PA'I SKYON DU 'GYUR CES PA'I RTZOD BA 'ONG DON MED CING, LAN GYIS KYANG BTAGS 'DZIN MED KYANG DE LA RTOG PA MED MI DGOS PAS, BTAGS 'DZIN RTOG PA'I RNAM GZHAG LA MA KHYAB BA'I SKYON MED CES LAN 'DEBS PAR RIGS KYI SO SKYE'I BDAG MED RTOGS PA MOS PA YID BYED YIN PAS SKYON MED CES BA'I LAN BTAB PA 'BREL MED DU 'GYUR BA'I PHYIR RO, ,SO SKYE LA RTOG PA DE'I YUL DE MED NA, DE LA RTOG PA'ANG MED PAS KHYAB NA, SO SKYE LA SHES BYA THAMS CAD YOD PAR THAL, DE THAMS CAD LA RTOG PA'I PHYIR RO, ,GZHAN YANG LUGS 'DI NI BTAGS PA'I DNGOS POR MNGON PAR ZHEN PA NYID KYIS 'DZIN PA'I RNAM PAR RTOG PA CES SOGS LA MNGON SUM DU BSNYON PAR BYED PA YIN TE, DE LTA NA BTAGS PA'I DNGOS POR MNGON PAR ZHEN PA LA SOGS SU 'GYUR BAS SO, ,'DI DAG LA BRJOD PAR BYA BA MANG YANG 'DIR YI GE MANGS PAR 'GYUR BAS MA BRIS LA, RTOG PA'I RNAM GZHAG 'DI DAG CHES SHIN TU DKA' YANG, JI LTA BA BZHIN 'CHAD SHES PA GZHAN MA MTHONG NGO GNYIS PA TSIG GI DON LA, SPYI'I MTSAMS SBYAR, SO SO'I DON BSHAD, LDAN TSUL GYI DON BSDU BA'O, ,DANG PO NI, RNAM PAR RTOG PA CES SOGS SO, ,GNYIS PA LA, MDOR BSTAN RGYAS PAR BSHAD PA'O, ,DANG PO LA GNYIS LAS, GZUNG RTOG MDOR BSTAN LA, RTZA BA NI, GZUNG BAR RTOG PA, DBYE GZHI, DBYE NA RNAM PA GNYIS SO; ;'BYED PA'I RGYU MTSAN, KUN NAS NYON MONGS PA'I GZHI'I RTEN CAN DANG DE'I GNYEN PO'I PHYOGS LA BRTEN PA'I BYE BRAG GIS SO, ,GNYIS PO DE NI SO SOR RNAM PA DGU DGU STE RMONGS PA DANG, RNAM BYANG GI PHUNG PO SOGS YUL DGU DGU'I BYE BRAG GIS SO, ,'BREL BA NI, GZUNG BAR RNAM PAR RTOG PA DBYE GZHI, DBYE NA, KUN NAS NYON MONGS PA'I GZHI'I RTEN CAN DANG GNYEN PO'I RTEN CAN NYID KYIS RNAM PA GNYIS YIN LAM RIG PA DANG RNAM PAR BYANG BA'I PHUNG PO LA SOGS PA'I RAB TU DBYE BAS GNYIS PO RE RE LA'ANG RNAM PAS DGU DGU'O, ,RTZA 'GREL GNYIS KA LA, NGAG DON NI,

GZUNG RTOG CHOS CAN, GNYIS YOD DE, KUN NAS NYON MONGS GA BUNG RTOG DANG, RNAM BYANG GZUNG RTOG GNYIS YOD PA'I PHYIR, KUN NAS NYON MONGS GZUNG RTOG CHOS CAN, DGU YOD DE, MA RIG PA SOGS YUL DGU LA RTOG PA DGU YOD PA'I PHYIR, RNAM BYANG GZUNG RTOG CHOS CAN, DGU YOD DE, RNAM BYANG GI PHUNG PO SOGS DGU LA RTOG BA DGU YOD PA'I PHYIR, GNYIS PA 'DZIN RTOG MDOR BSTAN LA, RTZA BA NI RDZAS DANG, ZHES SOGS DANG, 'GREL PA NI, GANG ZAG RDZAS SU YOD PA DANG, ZHES SOGS TE, TSIG DON DANG, NGAG DON NI, SNGA MAS RIGS BSGRE'O, ,GNYIS PA RGYAS BAR BSHAD PA LA GNYIS LAS, MTSAMS SBYAR NI, YUL GYI SGO NAS DGU DGUR YOD CES BSHAD PA DE LA DGU PO SO SO MING GI SGO NAS MDOR BSDUS PA'I DON NI 'DI YIN TE, GNYIS PA SO SO'I NGO BLA BZHI LAS, KUN NAS NYON MONGS GZUNG RTOG RGYAS BSHAD NI, KUN NAS NYON MONGS KYI GTZO BO MA RIG PA DANG DE'I 'BRAS BU ZAG BCAS KYI GZUGS LA SOGS PA'I PHUNG PO DANG, KUN NAS NYON MONGS KYI KHYAD PAR MING DANG GZUGS LA MNGON PAR ZHEN PA DANG, KUN NAS NYON MONGS KYI BYED LAS, GZHI'I DUS SU MTHA' GNYIS LA CHAGS PAR BYED PA DANG LAM GYI DUS SU MNGON MTHO'I RGYU KUN NAS NYON MONGS BA DANG RNAM PAR BYANG BA'I BLANG DOR MI SHES PA DANG NGES LEGS KYI 'PHAGS PA'I LAM LA DANG POR MI GNAS PA'AM MI 'JUG PA DANG, ZHUGS KYANG LAM GYI YUL DMIGS PA DANG, LAM BSGOM PA BO BDAG LA SOGS PA DANG, LAM GYI 'BRAS BU RNAM PAR DAG PA SKYED PA LA SOGS PA LA RMONGS PAR BYED PA STE, DE LTAR YUL DGU PA DA DAG GAM, DE DAG GI STENG GI BDEN PA BKAG PA DAG BDEN PAR SNANG BA KUN NAS NYON MONGS PA GZHI'I RTEN CAN GZUNG PAR RNAM PAR RTOG BA RNAMS SO, ,GNYIS PA RNAM BYANG GZUNG RTOG RGYAS BSHAD NI, RNAM BYANG GI NGO BO ZAG PA MED PA'I PHUNG PO DANG, DE NYID KYI RKYEN RNAM BYANG SKYE BA'I SGO DANG, SA BON RIGS DANG JE LTAR SKYE BA'I TSUL RNAM BYANG GI SKYE BA DANG DE 'DRA'I RNAM BYANG LA DBYE NA, GZHI'I RNAM BYANG STONG PA NYID DANG, LAM GYI RNAM BYANG TZAM PHA ROL TU PHYIN PA'I DON DANG, LAM GYI RNAM BYANG KHYAD PAR BA MTHONG BA DANG, BSGOM PA DANG, 'BRAS

, ,BU'I RNAM BYANG MI SLOB PA'I LAM RNAMS TE YUL DGU PO DE LA BRTEN PA GNYEN PO'I RTON CAN GYI GZUNG BAR RNAM PAR RTOG PA DGU BO RNAMS SO, ,GSUM PA RDZAS 'DZIN RTOG PA RGYAS PAR BSHAD PA NI, BDAG RANG DBANG CAN DANG GCIG BUR BDEN BAR SNANG BA DANG, RGYU LAS GSOG PA PO'I BDAG DANG, YUL LA BLTA BA PO LA SOGS PA BDAG TU BDEN PAR SNANG BA DANG, 'KHOR BAR KUN NAS NYON MONGS PA'I RTEN DANG, 'JIG RTEN BA'I LAM GYIS 'DOD CHAGS DANG BRAL BA'I RTEN DANG, 'JIG RTEN LAS 'DAS PA'I MTHONG BA DANG BSGOM PA'I LAM GYIS 'DOD CHAGS DANG BRAL BAR BYED PA'I RTEN DANG, LAM GYIS DON BYAS BA THAR PA THOB PA'I RTEN RNAMS SU 'GYUR BA BDAG BDEN PAR SNANG BA STE, DE LTAR GANG ZAG RDZAS SU YOD PA'I RTEN CAN 'DZIN PAR RNAM PAR RTOG PA DGU PO RNAMS SO, ,BZHI PA BTAGS 'DZIN RTOG PA RGYAS PAR BSHAD PA NI, SEMS CAN TZAM GYI GDAGS GZHI PHUNG PO DANG, SKYE MCHED DANG, KHAMS DANG, SO SKYE'I GDAGS GZHI KUN NAS NYON MONGS KYI RTEN CING 'BREL PAR 'BYUNG BA DANG, 'PHAGS PA TZAM GYI GDAGS GZHI RNAM PAR BYANG BA DANG, 'PHAGS PA SLOB PA DMAN 'BRING MCHOG GSUM GYI GDAGS GZHI RIM BZHIN MTHONG BA DANG, BSGOM PA DANG, KHYAD PAR GYI LAM DANG, 'PHAGS PA DGRA BCOM PA'I GDAGS GZHI MI SLOB PA'I LAM RNAMS TE, SEMS CAN SPYI DANG KHYAD PAR RNAMS GDAGS GZHI DANG DE DAG LA BRTEN NAS BTAGS PA TZAM DU BDEN PAR SNANG BA SKYES BU BTAGS BAR YOD PA LA BRTEN PA'I 'DZIN PA'I RNAM PAR RTOG PA DGU PO RNAMS SO, ,RGYAS BSHAD 'DI DAG LA MDOR BSTAN DU BSHAD PA'I DBYE SBYOR DGOD PAR BYA'O, ,GSUM PA NI, DE LTA BU'I RNAM PAR RTOG PAR RTOG BA BZHI DANG, NGES PAR 'BYED PA'I CHA DANG MTHUN PA BZHI PO GRANGS BZHIN DU LDAN PA YIN TE, NGES CHA BZHI PO DE RIM PA BZHIN DU GZUNG 'DZIN BZHI PO DE RANG BZHIN MED PA ZHEN YUL DU BYAS NAS BDEN BAR SNANG BA'I RTOG PA YIN PA'I PHYIR RO, ,GSUM PA YONGS 'DZIN GYI KHYAD CHOS LA GSUM LAS, MTSAMS SBYAR NI, RTZA BAR TSIGS BCAD, SLAR MDO DANG MTHUN PAR BYA BA'I CHED DU YONGS SU

'DZIN PA RTOG PA'I SNGAR GSUNGS NA YANG RGYAS BSHAD DU YANG CHUNG 'BRING GI DBYE BA DANG RTAG BA'I MJUG THOGS SU BAR SKABS KYI TSIGS SU BCAD PAS YONGS 'DZIN GSUNGS PA LA DGOS PA YOD DE, YONGS 'DZIN PHYIS BSHAD CING DE DAG DE'I SNGAR BSHAD PA DE'I STOBS KYIS DBYE BA DANG RTOG PA JI SKAD BSHAD PA YANG KHYAD PAR DU 'GYUR RO ZHES BSTAN PA'I PHYIR DU MIN PAS SO, ,RTZA BA NI, 'PHAGS PA LTAR NA, RNAM MKHYEN YID BYED DANG LDAN ZHING ZAB MO LA SEMS MI 'GONG BA NYID LA SOGS PA DE'I MI MTHUN PHYOGS NYAN RANG GI YID BYED DANG DNGOS POR MNGON ZHEN SOGS POR BAS NI RNAM PA KUN TU NANG YONGS 'DZIN THABS MKHAS YIN NO, ,YONGS 'DZIN PHYIS BSHAD CING DE DAG DE'I SNGAR BSHAD PA DE'I STOBS KYIS DBYE BA DANG RTOG PA JI SKAD BSHAD BA YANG KHYAD PAR DU 'GYUR RO, ZHES BSTAN PA'I PHYIR DU YIN PAS SO, ,RTZA BA NI, 'PHAGS PA LTAR NA, RNAM MKHYEN YID BYED DANG LDAN ZHING ZAB MO LA SEMS MI 'GONG BA NYID LA SOGS PA DE'I MI MTHUN PHYOGS NYAN RANG GI YID BYED DANG DNGOS POR MNGON ZHEN SOGS BOR BA NA RNAM PA KUN TU GDUL BYA'I BSAM PA JI LTA BA BZHIN DU NGO BO NYID MED SOGS STON BYED CING, DE'I MI MTHUN PHYOGS SDIG GROGS BOR BA RNAM PA KUN TU PHYI YONGS 'DZIN DGE BSHES YIN NO, ,SLOB DPON LTAR NA GSUM PA 'GREL PA NI, STONG NYID LA SEMS MI 'GONG ZHING MI SKRAG PA LA SOGS BA THABS MKHAS PAS BSAM PA JI LTA BA BZHIN DU DNGOS PO MTHA' DAG BDAG MED PA LA SOGS PAR STON PAR BYED PA PHYIN DRUG GI MI MTHUN PA'I PHYOGS KYI CHOS SER SNA LA SOGS PA DANG MI LDAN PA'I GANG ZAG NI CHOS CAN, THEG CHEN GYI YONGS SU 'DZIN PA YIN TE, THEG CHEN GYI DGE BA'I BSHES GNYEN YIN PAS SO, ,BYANG SEMS SBYOR LAM PA CHOS CAN, NYAN RANG SBYOR LAM PA LAS YONGS 'DZIN GYIS KHYAD PAR 'PHAGS TE, THEG CHEN DGE BSHES DE LTA BUS SRID ZHIR MI LTUNG BAR YONGS SU 'DZIN PA'I PHYIR, GNYIS PA THEG CHEN GYI SGRUB PA SPYI'I RNAM GZHAG BSHAD PA LA, BSGRUB PA'I RTEN, YUL, DON DU GNYER BYA, RANG GI NGO BO DANG BZHI, DANG PO LA GNYIS LAS, SPYI'I DON

, ,LA; GRUB MTHA' SMRA BA GZHAN GYI LUGS BSHAD PA DANG, DBU MA BA RANG GI LUGS BSHAD PA LAS, DANG PO NI BYE BRAG SMRA BA DAG, RIGS KYI NGO BO SEMS MA CHAGS PA 'DOD PA CHUNG BA DANG, CHOG SHES PA'I BDAG NYID LA 'DOD CING, DBYE NA; CHOS DANG, BSOD SNYOMS DANG, GNAS MAL NGAN NGON GYIS CHOG SHES PA GSUM DANG, SPONG BA DANG BSGOM PA LA DGA' BA'O, ,MDZOD LAS, MA CHAGS 'PHAGS RIGS DE LAS NI, ,GSUM NI CHOG SHES BDAG NYID DO, ZHES PA LTAR RO, ,DE LA DANG PO GSUM GYIS TSUL DANG, THA MAS LAS BSTAN TE, TSUL 'DI LA GNAS LAS 'DI BYAS NA 'PHAGS PA'I CHOS THOB PAR 'GYUR, ZHES BYA BA'I DON TO, ,MDZOD LAS, GSUM GYIS TSUL BSTAN THA MA LAS, ZHES PA LTAR RO, ,MDO SDE PA NI, YID SHES KYI STENG NA YOD PA, 'PHAGS CHOS BSKYED BA'I NUS PA NYID LA RIGS SU 'DOD DE, SLOB DPON RGYAL BA'I SRAS KYIS, MDO SDE PA DAG GI RIGS SHES BYA BA NI, SEMS KYI SA BON NUS PA YIN TE, SO SO'I SKYE BO DANG, SLOB PA'I GNAS SKABS NA YANG, YONGS SU NYAMS PA'I CHOS CAN GYI SA BON LA RIGS SHES BYA'O, ZHES GSUNGS PA LTAR RO, ,RNAM RIG PA DAG GI 'DOD PA NI, MDO LAS, BYANG CHUB SEMS DPA' RNAMS KYI RIGS DE NI THOG MA MED PA NAS 'ONGS PA CHOS NYID KYI THOB PA SKYE MCHED DRUG GI KHYAD PAR GANG YIN PA STE, ZHES 'BYUNG BA'I DON DU BSAMS NAS SKYE MCHED DRUG GI KHYAD PAR NI RANG BZHIN GNAS PA'I RIGS DANG, RKYEN GYIS YANG DAG PAR BSGRUBS PA'I SA BON NI RGYAS 'GYUR GYI RIGS SU BZHED DE, BYANG SA LAS, DE LA RANG BZHIN DU GNAS PA'I RIGS NI, BYANG CHUB SEMS DPA' RNAMS KYI SKYE MCHED DRUG GI KHYAD PAR GANG YIN PAS TE, DE NI GCIG NAS GCIG TU BRGYUD DE 'ONGS PA, THOG MA MED PA CHOS NYID KYI THOB PA DE LTA BU YIN NO, ,DE LAS YANG DAG PAR BSGRUBS PA'I RIGS NI, SNGON DGE BA'I RTZA BA GOMS PAR BYAS PA LAS THOB PA GANG YIN PA STE, ZHES GSUNGS PA STE, DE YANG KUN GZHI'I RNAM PAR SHES PA RNAM PAR BZHAG NA DE'I STENG NA YOD PA DANG, RNAM PAR MA BZHAG NA NANG GI SKYE MCHED DRUG GI STENG NA YOD PA'I ZAG PA MED PA'I SA BON RIGS 'DRA SNGAR

MED GSAR DU RKYEN GYIS BSGRUBS PA MIN GYI, THOG PA MED PA NAS RIGS BRGYUD DE 'ONGS PA 'PHAGS LAM SKAD CIG DANG PO'I NYER LEN BYED PA ZHIG STE, GAL TE 'DI MED NA ZAG MED YE SHES SKAD CIG DANG PO LA SKAL MNYAM GYI RGYU MED PAR 'GYUR RO, ZHES ZER RO, ,DE 'DRA'I ZAG PA MED PA'I SA BON DE NI GANG LA LDAN PA'I NANG GI SKYE MCHED DRUG PO RNAMS SA BON DE'I MI 'DRA BA'I KHYAD PAR GYIS THEG PA GSUM GYI RIGS CAN SO SOR MTSON PAR BYED PA'I PHYIR, SKYE MCHED DRUG GI KHYAD PAR ZHES BYA LA THOS PAS GSO BAR BYA BA YIN PA'I PHYIR, THOS PA'I BAG CHAGS ZHES KYANG BYA ZHING DE 'DRA'I ZAG PA MED PA'I SA BON GANG, ZAB PA DANG RGYA CHE BA'I CHOS THOS PA'I RKYEN GYIS GSO BAR BYA BA NI THEG CHEN GYI RIGS DANG, GANG ZAG GI BDAG MED TZAM STON PA'I CHOS THOS BAS GSO BAR BYA BA NYAN THOS KYI ZAG MED YE SHES KYI NYER LEN DU GNAS PA NI NYAN THOS KYI RIGS DANG, RTEN CING 'BREL PAR 'BYUNG BA LUGS 'BYUNG LUGS LDOG SOGS STON PA'I CHOS THOS BAS GSO BAR BYA BA RANG RGYAL GYI 'PHAGS LAM BSKYED RUNG GI NGO BOR GNAS PA NI, RANG SANGS RGYAS KYI RIGS SHES BYA LA, ZAG MED KYI SA BON GANG, NGO BO NYID KYIS THEG PA GSUM GANG RUNG GI RTOGS PA'I RGYUR NGES PA NI NGES PA'I RIGS SHES BYA ZHING, RKYEN DBANG GIS THEG PA GSUM GA'I RTOGS PA'I RGYUR BSGYUR DU RUNG BA NI MA NGES PA'I RIGS YIN LA, GANG ZAG GANG GI RGYUD LA ZAG MED KYI SA BON MED PA NI RIGS CHAD PA CES BYA'O, ,RNAM RIG PA RIGS CHAD MI 'DOD DO, ZHES SMRA BA DAG NI BAB COL TE, SANGS RGYAS KYI RIGS CHAD PA MI 'DOD NA, SEMS CAN THAMS CAD SANGS RGYAS KYI RIGS CAN DU 'DOD DGOS PAS, MTHAR THUG THEG PA GSUM DU 'DOD PA'I GO SKABS MED LA, SANGS RGYAS KYI RIGS CHAD PA YOD NA DE BZHIN DU NYAN THOS DANG RANG SANGS RGYAS KYI'ANG RIGS CHAD 'DOD DGOS PAS, THEG PA GSUM GA'I RIGS CHAD 'DOD PA DANG, RIGS CHAD MI 'DOD MCHES SHIN TU 'GAL BA YIN NO, ,DES NA MDO SDE RGYAN LAS, DKAR PO DMAN PA YOD PA RGYU DANG BRAL, ZHES PA'I 'GREL PAR, GTAN YONGS SU MYA NGAN LAS MI 'DA' BA'I CHOS CAN NI RGYU DANG BRAL BA YIN TE, GANG LA YANG YONGS SU MYA NGAN LAS

, ,'DA' BA'I RIGS NYID MED PA'O, ZHES GSUNGS BA YIN NO, ,DA NI GNYIS PA DBU MA BA RANG GI LUGS BSHAD PAR BYA STE, DE YANG RIGS LA RNAM BA GNYIS TE, RANG BZHIN DU GNAS PA DANG, RGYAS PA LAS GYUR PA'O, ,DANG PO NI, SEMS KYI CHOS NYID RANG BZHIN RNAM DAG NYID YIN LA; DE YANG GANG ZAG GANG RANG BZHIN GYIS DBANG PO RTUL BAS, RANG GI SEMS KYI CHOS NYID DE, GANG ZAG GI BDAG MED TZAM GYI RTOGS PA'I RTEN DU RE SHIG NGES PA NI NYAN THOS KYI RIGS NGES PA DANG, DE BZHIN DU GANG ZAG DE RANG BZHIN GYIS DBANG PO 'BRING DU GYUR PAS RANG GI SEMS KYI CHOS NYID DE, RE SHIG BDAG MED PHYED DANG GNYIS RTOGS PA TZAM GYI RTEN DU NGES PA NI, RANG RGYAL DU RIGS NGES PA DANG, RANG BZHIN GYIS DBANG PO RNO BAS, RANG GI SEMS KYI CHOS NYID DE DANG PO NAS THEG CHEN GYI RTOGS PA'I RTEN DU NGES PA NI THEG CHEN DU RIGS NGES PA ZHES BYA ZHING, RANG GI SEMS KYI CHOS NYID DE RKYEN DANG PHRAD NA THEG PA GSUM GA'I RTOGS PA'I RTEN BYED PA NI MA NGES PA'I RIGS CAN ZHES BYA'O, ,MTHAR THAMS CAD KYANG, THEG CHEN GYI RTOGS PA'I RTEN DU NGES PAS SEMS CAN THAMS CAD LA MTHAR THUG SANGS RGYAS KYI RIGS KYIS KHYAB PA YIN NO, ,DES NA RANG BZHIN GYI DBANG PO RNON PO'I SEMS CAN GYI RGYUD KYI CHOS NYID RANG BZHIN GYIS RNAM DAG NI THEG CHEN GYI RANG BZHIN DU GNAS PA'I RIGS YIN LA, THEG PA CHEN BO'I RGYAS 'GYUR GYI RIGS NI, THEG PA CHEN BO'I CHOS THOS PA DANG, BSOD NAMS KYI TSOGS BSAGS PA'I RKYEN GYIS BZHAG BA'I MA 'ONGS PA NA GZUGS SKU PHUN TSOGS 'GRUB PA'I SA BON NUS PA'I NGO BOR GNAS BA'O, ,DE LTA BU'I SEMS KYI CHOS NYID RANG BZHIN GYIS RNAM PAR DAG STE, THEG PA CHEN PO'I LAM GYIS GLO BUR GYI DRI MA DANG BRAL BAR BYAS NAS DRI MA MA LUS PAS DAG PAR GYUR BAN CHOS SKU MNGON DU BYAS PA ZHES BYA LA, RGYAS 'GYUR GYI RIGS SA BON GYI NGO BO NYID NUS PA MTHU CAN DU GYUR PAS NYER LEN BYAS SHING RGYUN MTHA'I YE SHES KYIS DNGOS KYI LHAN CIG BYED RKYEN BYAS PA LAS LONGS SPYOD RDZOGS SKU DANG, DE'I BDAG RKYEN LAS SPRUL BA'I SKU 'GRUB PA YIN NO, ,GANG DAG THEG

CHEN GYI LAM THAMS CAD RGYAS 'GYUR GYI RIGS YIN ZHING, RGYAS 'GYUR GYI RIGS KYIS RIGS KYI GO MI CHOD PAR SMRA BA NI SKUR PA 'DEBS PA CHEN PO STE, DE LTA NA GZUGS SKU GNYIS KYIS SANGS RGYAS KYI GO MI CHOD PAR THAL LO, ,KHYAB STE, RIGS 'DI GNYIS LAS SANGS RGYAS KYI, ,SKU GSUM THOB BAR 'DOD PA YIN, ZHES SOGS GSUNGS PAS SO, ,KHA CIG RANG BZHIN GNAS RIGS 'DUS BYAS KYANG YOD DE, DRI BCAS KYI SEMS 'OD GSAL BA'I BDAG NYID KYANG SANGS RGYAS KYI YE SHES KYI NYER LEN YIN PAS RIGS SU 'DOD PAR BYA BA YIN PA'I PHYIR, ZHES SMRA BA DANG, RGYAS 'GYUR GYI RIGS NI LAM THAMS CAD LA 'DOD CING, DE'ANG RIGS DNGOS MIN PAR SMRA BAR BYED DO, ,'O NA RGYUN MTHA'I YE SHES CHOS CAN, RANG BZHIN GNAS RIGS YIN PAR THAL, SANGS RGYAS KYI YE SHES KYI NYER LEN YIN PA'I PHYIR, 'KHOR GSUM GA KHAS LEN DGOS TE, RNAM MKHYEN GYI NYER LEN YIN PAR SKABS SNGA PHYI DAG TU LAN MANG DU SMRAS BAS SO, ,GZHAN YANG SEMS MYONG BA GSAL RIG RANG BZHIN GNAS RIGS YIN NA CHOS KYI DBYINGS KYI NGO BO NYID KHO NA LA RIGS ZHES BSTAN TO ZHES PA'I NGES BZUNG MI 'THAD PAR THAL BA'I PHYIR DANG, NYI KHRI SNANG BAR, RNAM RIG PAS ZAG MED KYI SA BON RANG BZHIN GNAS RIGS SU SMRAS PA 'GOG PA'I SKABS SU DE 'DUS BYAS YIN PAS RANG BZHIN GNAS RIGS DANG RGYAS 'GYUR GYI RIGS LA KHYAD PAR MED PAR 'GYUR ZHES DGAG PA BRJOD PA DANG 'GAL BA'I PHYIR DANG, SEMS MYONG BA GSAL RIG DE NYID GLO BUR GYI DRI MAS DAG PA NA NGO BO NYID SKU YIN PAS, NGO BO NYID SKU 'DUS BYAS YOD DO, ZHES SMRA BA YANG DGAG MI NUS PA'I PHYIR, PHYOGS 'DI NYES PA DU MA'I GNAS SO, ,LUS CAN LA ZAG BA MED PA'I SHES PA SBRANG MA'I RTZI DANG 'DRA, ZHES PAS SHES PA YIN PA'I RANG BZHIN GNAS RIGS BSHAD PA MIN NAM ZHE NA, MIN TE, DE LTA NA 'DI NI DRI BCAS KYI KHAMS TZAM MTSON BA'I DPE STON PA'I SKABS YIN PAS, DRI BCAS KYI KHAMS TZAM SHES PAR KHAS LEN DGOS PAR 'GYUR BAS, CHOS NYID DRI BCAS LA 'DUS BYAS KYIS KHYAB PAR 'GYUR RO, ,DES NA 'DI NI DRI MED DE BZHIN NYID LA CHOS DBYINGS YE SHES ZHES BRJOD PA LTAR, DRI BCAS DE BZHIN NYID LA ZAG PA

, ,MED PA'I SHES PA ZHES PA'I THA SNYAD BYAS PA TZAM YIN NO, ,'ON BYANG CHUB SEMS DPA'I SEMS KYI CHOS NYID RIGS SU 'GYUR BA'I TSUL JI LTA BU ZHE NA, DE LA RGYU BYED PAS RIGS SU 'GYUR TSUL DANG, RTEN BYED PAS RIGS SU 'GYUR TSUL GNYIS GSUNGS PA LAS, DANG PO'I DON NI; RANG BZHIN GNAS RIGS KYI SGRUB PA BSKYED PA MIN GYI, 'ON KYANG SEMS KYI CHOS NYID RANG BZHIN RNAM DAG 'DI YOD MA DRI MA SEMS RGYUD GLO BUR BAR 'GYUR BAS, DE 'BRAL BAR BYED PAS SGRUB PA 'BYUNG BA 'THAD LA, SEMS KYI CHOS NYID RANG BZHIN RNAM DAG MED NA DRI MA SEMS KYI RANG BZHIN DU 'GRO DGOS PAS, DE SEMS RGYUD LA 'BRAL BAR BYED PA'I SGRUB PA 'BYUNG BA MI 'THAD CING, DE'I PHYIR RGYU DANG CHOS MTHUN PAS RANG BZHIN GNAS RIGS BSGRUB PA'I RGYUR GSUNGS BA YIN NO, ,GNYIS BRTEN BYED PAS RIGS SU 'GYUR TSUL NI JI LTAR NAM MKHA' YOD NA RLUNG DANG SA'I DKYIL 'KHOR LA SOGS PAS GO SKABS 'BYED LA, MED NA MI 'BYED PAS DE DAG NAM MKHA' LA BRTEN PAR BSHAD PA LTAR SEMS KYI CHOS NYID RANG BZHIN RNAM DAG YOD NA, SEMS RGYUD LA THEG PA GSUM GYI YON TAN GNAS PA'I GO SKABS YOD CING, MED NA MED PAS DE'I PHYIR RANG BZHIN GNAS RIGS BSGRUB PA'I RTEN DU BSHAD PA YIN TE, JI SKAD DU, SA NI CHU LA CHU RLUNG LA, ,RLUNG NI MKHA' LA RAB TU GNAS, ,MKHA' NI SA CHU DAG DANG NI, ,RLUNG GI KHAMS LA GNAS MA YIN, ,DE BZHIN PHUNG PO KHAMS DBANG RNAMS, ,LAS DANG NYON MONGS DAG LA GNAS, ,LAS DANG NYON MONGS TSUL BZHIN MIN, ,YI DBYED DAG LA RAB TU GNAS, ,TSUL BZHIN MIN NA YID BYED NI, ,SEMS KYI DAG PA LA RAB GNAS, ZHES GSUNGS PA LTAR RO, ,DE BAS NA RIGS KYI DON MDO TZAM BSHAD ZIN TO, ,GNYIS PA TSIG GI DON LA, RIGS KYI RANG BZHIN BSTAN PA DANG, DE LA RTZOD PA SPANG BA GNYIS, DANG PO LA GSUM LAS, MTSAMS SBYAR NI, THEG CHEN GYI SGRUB PA DANG LDAN PA LA NGES PAR 'BYED PA'I CHA DANG MTHUN PA JI SKAD BSHAD PA DANG MTHONG BA'I LAM LA SOGS PA GZHAN YANG 'BYUNG BAS SBYOR LAM GYI 'OG TU SGRUB PA 'CHAD CING DE YANG RTEN LA RAG LAS THOG MAR SGRUB PA'I RTEN DU

GYUR PA RIGS 'CHAD DO, ,RTZA BA NI, RTOGS PA YIN NI ZHES SOGS TE, 'GREL PA BSHAD PAS SHES SLA'O, ,'GREL PA LA RTEN CHOS SGRUB PA BCU GSUM GYI NGO BO DANG GO RIM BSHAD BA, GRANGS NGES BSHAD PA, DE DAG GI RTEN CHOS NYID RIGS SU BSTAN PA'O, ,DANG PO NI, BYANG SEMS KYI DON DU GNYER BYA THAMS CAD SKYON SEL BA DANG, YON TAN MNGON DU BYED PA GNYIS SU NGES PA LA, DE YANG SKYON MA BSAL BAR YON TAN MI 'THOB PAS, DANG POR SKYON SEL TSUL 'CHAD CING DE LA YANG SEL BYED KYI GNYEN BO MA SKYES PAR SEL MI NUS PAS GNYEN PO SNGAR BSHAD LA, GNYEN PO YANG MNGON GYUR MGO GNON BA'I 'JIG RTEN PA'I LAM SNGAR SKYES NAS SA BON SPONG BA 'DZIN RTEN LAS 'DAS PA'I LAM PHYIS SKYE LA, DE LA YANG KUN BRTAGS KYI SA BON SNGAR SPONG ZHING, LHAN SKYES KYI SA BON PHYIS SPONG DGOS TE, DE BAS NA RE SHIG DANG POR 'JIG RTEN PA'I NGES PAR 'BYED PA'I CHA DANG MTHUN PA RNAMS SO, ,DE'I 'OG TU 'JIG RTEN LAS 'DAS PA'I MTHONG BA DANG BSGOM PA'I LAM DAG GO, GNYEN PO BSTAN PA DE'I 'OG TU GNYEN PO DE DAG GIS SPANG BYA SPONG TSUL STON PA NI, GNYEN PO DE DAG SKYES PA'I STOBS KYIS SPANG BYA SPONG LA, TSUL JI LTAR SPONG NA, RKUN PO SLAR NANG DU MI LDOG PAR BYAS PA'I SGO NAS PHYUNG BA DANG SGO PHAR BCAD PA DUS MNYAM PA LTAR GNYEN PO BAR CHAD MED LAM SKYE BA DANG MI MTHUN PA'I PHYOGS DGAG PA DAG DUS MNYAM ZHING, RNAM GROL LAM SKYES PA DANG, DO SKAL GYI MI MTHUN PHYOGS 'GAG PA DUS MNYAM MO, ,DE LTAR GNYEN PO DANG SPONG TSUL BSHAD NAS, DE'I 'OG TU SPANGS PA'I NGO BO BSHAD PA NI, SPANG GNYEN DE DAG BDEN PAR MI DMIGS PAS DE DAG DON DAM PAR SKYE BA DANG 'GAG PA DANG LDAN PA RNAM PAR RTOG PA SPANGS PA'O, ,DE LTAR SKYON BSAL NAS YON TAN MNGON DU BYED PA YIN PAS DE'I 'OG TU YON TAN MNGON DU BYED TSUL STON CING, DE YANG RANG RGYUD LA THABS SHES KHYAD PAR CAN MA THOB PAR DMAN PA'I GANG ZAG LAS MTHU PHUL DU BYUNG BA MI 'THOB PAS DE'I 'OG TU SNGON GYI SMON LAM DANG, SBYIN PA LA SOGS PA THABS LA MKHAS PA'I STOBS KYIS, 'KHOR BA DANG MYA NGAN LAS

, ,'DAS PA LA MI GNAS PA'I MTSAN NYID KYI SHES RAB DANG THABS SO, ,DE LTAR THABS SHES KHYAD PAR CAN THOB PA NA, DE'I 'OG TU DE DAG SKYES PAS NYAN THOS LA SOGS PA DANG THUN MONG MA YIN PA'I CHOS SO SO YANG DAG RIG PA LA SOGS PA 'THOB BO, ,DE 'THOB PA NA GZHAN DON PHUL DU BYUNG BA BYED NUS PAS DE'I 'OG TU GZHAN DON GYI SGRUB PA 'CHAD LA, DE LA YANG GNAS SKABS KYI GZHAN DON PHUN TSOGS MNGON DU SONG BA LAS MTHAR THUG GI GZHAN DON PHUN TSOGS 'BYUNG DGOS PAS DANG POR GDUL BYA'I BSAM PA JI LTA BA BZHIN DU GZHUG PA LA SOGS PA LA LDEM BOR DGONGS PA'I SGO NAS THEG PA GSUM GYI LAM LA DGOD PA'I MTSAN NYID KYIS GZHAN GYI DON GYI GO RIM GYI SGRUB PA 'CHAD DO, ,'DIR LDEM DGONGS RNAM PA BZHI LAS GZHUG PA LA LDEM POR DGONGS PA NI PHYI ROL PA BSTAN PA LA GZHUG PA'I PHYIR DU, GANG ZAG BDEN PAR YOD PA GSUNGS PA LTA BU'O, ,MTSAN NYID LA LDEM POR DGONGS PA NI, SEMS TZAM PA DAG, MTSAN NYID GSUM LA DGONGS NAS SHER PHYIN GYI MDO LAS CHOS THAMS CAD MTSAN NYID MED PAR BSHAD PA LA 'DOD KYANG, 'DIR NI DGONGS PA NGES 'GREL SOGS SU MTSAN NYID GSUM LA BDEN PAR GRUB MA GRUB KYI KHYAD BAR BSHAD PA LTA BU LA GZUNG DGOS SO, ,KHA CIG 'DIR MNGON PA LAS CHOS RNAMS KYI RANG GI MTSAN NYID GSUNGS PA LA 'DOD DO, ZHES ZER BA NI, DBU MA RANG RGYUD PA RANG GI MTSAN NYID KYIS GRUB PA'I CHOS KHAS LEN BA MI GO BAS GRUB MTHA' LA BLO KHA MA PHYOGS BAR GSAL BAR BYAS SO, ,GNYEN PO LA LDEM POR DGONGS BA NI, DGONGS PA CAN TE, DE YANG MNYAM PA NYID LA DGONGS PA NI, SANGS RGYAS LA BRNYAS PA'I GNYEN POR MNYAM PA NYID GSUM LA DGONGS NAS NGA DE'I TSE SANGS RGYAS RNAM PAR GZIGS SU 'GYUR RO ZHES GSUNGS PA LTA BU'O, ,MNYAM PA GSUM NI, RGYU TSOGS GNYIS, 'BRAS BU CHOS SKU, GZHAN DON 'PHRIN LAS MNYAM PA'O, ,DON GZHAN LA DGONGS PA NI, LAS DANG SRID BA SPANG BYA ZHING, ,SBYOR BA'I RNAM SHES MCHOG 'DZIN GNYIS, ,SKYE MCHED YUL DANG BCAS BCOM NA, ,MID DAG PA NYID DU 'GYUR

BA'I DON LA DGONGS NAS, PHA DANG MA NI BAS DBYA ZHING, ZHES SOGS GSUNGS PA LTA BU'O, ,DUS GZHAN LA DGONGS PA NI, BDE BA CAN DU SKYE BAR SMON LAM BTAB PA TZAM GYIS DER SKYE BAR 'GYUR RO, ZHES GSUNGS PA LTA BU'O, ,GANG ZAG GI BSAM PA LA DGONGS PA NI, SBYIN PA LA MCHOG 'DZIN GYI GNYEN BOR; SBYIN BA LA SMAD NAS TSUL KHRIMS LA BSNGAGS PA LTA BU'O, ,BSGYUR BA LA LDEM BOR DGONGS PA NI, RAB TU GRAGS BA'I YI GE RNAMS MA GRAGS PA'I DON ZAB MO STON BYED DU BSGYUR BA STE, JI SKAD DU, SNYING PO MED LA SNYING POR SHES, ,PHYIN CI LOG LA LEGS BAR GNAS, ,NYON MONGS PAS NI RAB NYON MONGS, ,BYANG CHUB DAM PA THOB PAR 'GYUR, ZHES GSUNGS PA LTA BU STE, DE LA SNYING PO NI RNAM G-YENG NGO, ,DE MED PA LA SNYING BOR SHES, ZHES PAS, ZHI GNAS KHYAD PAR CAN BSTAN TO, ,RTAGS SOGS LAS PHYIN CI LOG LA LEGS PAR GNAS, ZHES BAS MI RTAG BDEN PA'I RNAM PA RTOGS BA'I LHAG MTHONG BSTAN LA, YUN RING POR GZHAN DON GYI DKA' SPYAD KYIS NYON MONGS PAS RAB TU NYON MONGS, ZHES PAS SNYING RJE BSTAN TE, DE LTAR TING NGE 'DZIN DANG, SHES RAB SGOM ZHING, SNYING RJES GZHAN DON LA 'BAD NA BYANG CHUB DAM PA THOB CES PA'O, ,DE YANG DGOS BA'I DBANG GIS LDEM PO'I NGAG GAM SGRA JI BZHIN PA MIN BA GSUNGS PA NI LDEM DGONGS YIN LA, DGONGS GZHI GTZO BOR GYUR PA NI DGONGS PA CAN YIN CING, DGONGS PA CAN LA LDEM DGONGS KYIS KHYAB LA, LDEM DGONGS LA, DGONGS PA CAN GYIS MA KHYAB STE, SGRA JI BZHIN DU GZUNG DU MI RUNG BA LA DGONGS GZHI YENG BSAM KHYAB PA'I PHYIR RO, ,DE LTAR GNAS SKABS KYI GZHAN DON PHUN TSOGS LAS DE'I 'OG TU 'KHOR BA JI SRID PAR MTSAN MA MED CING LHUN GYIS GRUB PAR GZHAN GYI DON GYI YE SHES MTHAR PHYIN PA 'BYUNG BA'I PHYIR TE, 'DI NI SGRUB PA BCU GSUM GYI GO RIM YIN NO, ,GNYIS BA NI, SGOM BYUNG GI THEG CHEN SGRUB PA BCU GSUM PO 'DIR GRANGS NGES TE, 'DIS KYANG RNAM MKHYEN DEN DU GNYER BA'I SKYES BU'I DON THAMS CAD TSAD BA MED PAR PHUN SUM TSOGS PA YIN BA'I PHYIR RO, ,DE YANG TSOGS LAM NI THOS BSAM GYI SHES RAB KYI GTZO BOR GYUR PAS RIGS SAD BYED KYI RKYEN GYIS RIGS

, ,SAD BA'I SGOM BYUNG GI GNAS SKABS MIN PAS 'DIR MA SMOS SO, ,'GREL GZHUNG SNGA MA RNAMS LA NGAG DON SO SOR 'GOD NA, THEG CHEN SBYOR LAM CHOS CAN, RTEN CHOS BCU GSUM GYI DANG POR 'CHAD PA'I RGYU MTSAN YOD DE, THEG CHEN GYI SGOM BYUNG GI RTOGS PA DANG PO YIN PA'I PHYIR RO, ZHES SOGS SO, ,SNGAR BSHAD GO RIM LA DPAGS TE DGOD PAR BYA'O, ,GSUM PA NI, SGRUB BA'I CHOS KYI GNAS SKABS THA DAD PA'I BYE BRAG GI BYANG CHUB SEMS DPA'I RNAM PA BCU GSUM PA'I CHOS KYI DBYINGS KYI NGO BO NYID KHO NA LA CHOS CAN, THEG CHEN GYI RIGS ZHES BSTAN TE, JI SKAD DU BSHAD PA'I THEG CHEN SGRUB PA'I CHOS KYI GZHIR GYUR BA'I DE BZHIN NYID YIN PA'I PHYIR RO, ,GZHUNG 'DI RTEN LA RIGS ZHES BYA, ZHES PA'I 'GREL PA YIN BAS DON SDUR 'CHAD PA MIN NO, ,GNYIS PA RTZOD BA SPANG BA LA, RTZOD PA DGOD BA DANG LAN GNYIS, DANG PO LA GNYIS LAS, SNGA 'GREL NI, GAL TE CHOS KYI DBYINGS KHO NA 'PHAGS PA'I CHOS RTOGS PAR 'GYUR BA'I RGYU YIN BA'I PHYIR, DE'I BDAG NYID CAN GYI BYANG CHUB SEMS DPA'I CHOS NYID BLA NA MED PA'I SANGS RGYAS KYI CHOS RNAMS KYI RANG BZHIN DU GNAS PA'I RIGS YIN NA, 'O NA NI DE'I TSE CHOS NYID DE NI GANG ZAG THAMS CAD LA SPYIR GNAS BA YIN PA'I PHYIR, BYANG CHUB SEMS DPA' KHO NA SANGS RGYAS KYI RIGS CAN MIN SNYAM PA'I SKYE BO BLO GROS DMAN PA'I DOR DOGS PA BSDU BAR BAR SKABS KYI TSIGS SU BCAD BA, RTZA BA NI, THEG PA GSUM GYI RIGS NI THA DAD DU RUNG BA MIN BAR THAL, BYANG SEMS KYI CHOS NYID KHO NA THEG CHEN GYI RIGS YIN PA GANG ZHIG, THEG PA GSUM GYI GANG ZAG THAMS CAD CHOS KYI DBYINGS LA RANG BZHIN RNAM DAG YIN PAR DBYER MED PA'I PHYIR ZHE NA, GNYIS PA LAN LA, RGYU'I SGO NAS RIGS GSUM DU 'BYED PA'I LAN DANG, RTEN GYI SGO NAS RIGS GSUM DU 'BYED BA'I LAN NO, ,DANG PO NI, JI LTAR NYAN THOS KYI THEG PA LA SOGS PA'I RTOGS BA GANG ZAG GI BDAG MED TZAM DANG, BDAG MED PHYED DANG GNYIS DANG, 'DZIN PA CHOS KYI BDAG MED RTOGS PA'I RIM GYIS GANG ZAG GANG LA RTOGS PA DE DAG GANG DMIGS PA

DE BZHIN DU THEG PA GSUM GYI 'PHAGS PA'I CHOS RTOGS PAR BYA BA'I PHYIR GANG ZAG DE DANG DE'I SEMS KYI CHOS DBYINGS RTOGS PA DE DANG DE'I RGYU'I NGO BOR RNAM PAR 'JOG PA'I SGO NAS THEG PA GSUM GYI RIGS NYID DU THA SNYAD 'DOGS SO ZHES BYA BA'I LAN ZHIG KYANG RJE BTZUN GYIS GZIGS SHING BZHED BA YIN TE, RIGS KYI DON BSGRUB PA'I RGYU BYED PA LA GSUNGS PA'I PHYIR RO, ,DAG DON NI, SHES BYA CHOS CAN, CHES DBYINGS RANG BZHIN RNAM DAG TU KHYAD PAR MED KYANG THEG PA GSUM GYI RIGS SO SER DBYER MI RUNG BA'I SKYON MED DE, RIGS CAN GSUM GYI SEMS KYI CHOS NYID KYIS THEG PA GSUM GYI 'PHAGS PA CHOS SO SO'I RGYU BYED PAR RNAM PAR BZHAG PA'I SGO NAS RIGS GSUM GYI DBYE BA BYED PA'I PHYIR, 'DIR GANG ZAG DAG JI LTAR ZHES PA DPE STON PA'I GZHUNG LA SBYAR BA'I BSHAD PA BYED PA NI RNAM PAR MA BRTAGS PA STE, NYI KHRI SNANG BA LAS, JI LTAR DMIGS PA NA 'PHAGS PA'I CHOS RNAMS KYI RGYUR 'GYUR BA DE LTAR RIGS YIN BAR BRJOD BA DES NA, 'DIR HA CANG THAL BA CI STE TSOL BAR BYED, CES GSUNGS PA'ANG DBE STON BYED DU THAL BA'I PHYIR TE, 'DI DANG DON GCIG PAS SO, ,GZHAN YANG CHOS DBYINGS RIGS YIN NA, THEG PA GSUM GYI RIGS SO SOR DBYER MI RUNG DO; ZHES BA'I RTZED PA'I LAN 'DEBS PA NA, RIGS NGO BO GCIG YIN KYANG THEG PA GSUM GYI RIGS SO SOR DBYER RUNG BA DPER BRJOD DU BYAS NAS DON JI LTA BU ZHIG LAN DU SMRA, DER MA ZAD, CHOS KYI DBYINGS LA DMIGS PA'I 'PHAGS PA GSUM PO GANG GI CHOS RTOGS PA'I RGYU'I NGO BO RNAM PAR 'JOG PA'I SGO NAS ZHES PA'I BSHAD PA BYED BA NI, NYAN RANG 'PHAGS BA'I RTOGS BAS CHOS NYID LA DMIGS PAR SMRAS PA DANG, NYAN RANG 'PHAGS PA LA CHOS KYI BDAG MED RTOGS PA MED PAR RANG NYID KYIS SMRAS PA DNGOS SU 'GAL BA'I PHYIR YIN NO, ,DE BAS NA BSGRUB PA'I RGYU BYED PA DANG, RTEN BYED PA'I SGO NAS RIGS SU 'JOG TSUL GNYIS GSUNGS PA'I PHYI MA LA BRTEN PA'I LAN RTZA BAS DNGOS SU GSUNGS SHING, SNGA MA'I SGO NAS LAN GDAB TSUL 'GREL PAS KHA BSKANGS PA YIN NO, ,GNYIS PA LA GSUM LAS MTSAMS SBYAR NI, DE LTA MOD KYI SLA CHOS NYID DE GO SLA BAR BYA BA'I DON 'JIG RTEN

, ,PA'I DNGAG SAM THA SNYAD KYIS LAN GZHAN DU GSUNGS SO, ,RTZA BA NI, SHES BYA CHOS CAN, CHOS NYID RANG BZHIN RNAM DAG TU 'DRA YANG RIGS GSUM DU DBYER MI RUNG BA'I SKYON MED DE, DER 'DRA YANG, BRTEN PA'I CHOS THEG PA GSUM GYI RTOGS PA'I BYE BRAG GIS RTEN CHOS DBYINGS DE YI DBYA BA RIGS GSUM DU YONGS SU BRJOD NUS PA'I PHYIR, 'GREL PA NI, DPER NA 'JIM PA'I PHUNG PO GCIG LAS MNGON PAR GRUB CING ME LCE GCIG GI SO BTANG BA'I RTEN BUM PA LA SOGS PA RIGS GCIG KYANG BRTEN PA SBRANG RTZI DANG LI KHAR LA SOGS PA BLUG PA NYID KYIS DE DANG, DE'I SNOD THA DAD PAR 'BYED PA DE BZHIN DU BRTEN PA'I CHOS THEG PA GSUM GYIS BSDUS PA RTOGS PAR BYA BA THA DAD PA NYID KYIS RTEN RIGS THA DAD PA NYID DO ZHES BSTAN TO, ,NGAG DON RTZA BA BZHIN NO, ,GNYIS PA BSGRUB PA'I YUL LA GSUM LAS, MTSAMS SBYAR NI, JI SKAD CES SOGS, RTZA BA NI, DMIGS BA ZHES SOGS TE, 'GREL PA BSHAD PAS SHES SLA'O, ,'GREL PA LA TSIG DON BSHAD PA DANG, MTHA' DPYAD PA GNYIS, DANG PO LA SO SOR BSHAD PA DANG, DE DAG KUN BSGRUB PA'I DMIGS PAR BSTAN PA GRANGS NGES DANG BCAS PA'O, ,DANG PO NI, BYANG CHUB SEMS DPA' RNAMS SGRUB PA NYAMS SU PHEN PA'I TSE RE SHIG DANG POR DGE BA DANG, MI DGE BA DANG LUNG DU MA BSTAN PA STE GO RIM BZHIN DU DGE SBYONG GI TSUL NYID DANG, SROG GCOD PA LA SOGS PA DANG, LUNG DU MA BSTAN PA'I LUS KYI LAS LA SOGS PA LA, BYE BRAG SO SOR MA PHYE BAR SPYIR DMIGS NAS RIM BZHIN DU BLANG BYA DANG, DOR BYA DANG, BTANG SNYOMS SU BYA BAR YONGS SU GCOD DO, ,DE'I 'OG TU GSUM PO DE DAG NYID 'JIG RTEN BA LA SOGS PA RNAM PA GNYIS PO DBYE BA BZHI NYID KYIS DMIGS PA LHAG MA RNAMS PHYE NAS YONGS SU GCOD DE, 'DI LTAR GANGS BZHIN DU BYIS PA'I SKYE BO THAMS CAD DANG 'BREL PA'I PHUNG PO LNGAS BSDUS PA 'JIG RTEN PA'I BSAM GTAN DANG, 'PHAGS PA'I SKYE BO THAMS CAD KYIS BSDUS PA'I BSAM GTAN BZHI LAS, DANG PO NI, ZHI GNAS DMAN PA DANG, PHYI MA ZHI GNAS MCHOG TU YONGS SU BCOD DO, ,DE'I 'OG TU ZAG BCAS NYE

BAR LEN PA'I PHUNG PO LNGA LA SOGS PA NI BDAG TU LTA BA'I GNYEN PO MIN ZHING, DRAN PA NYE BAR BZHAG PA BZHI LA SOGS PA NI DER LTA BA'I GNYEN PO ZAG MED KYI LHAG MTHONG YIN PAR YONGS SU GCOD DO, ,DE LTAR ZHI GNAS DANG LHAG MTHONG GI YE SHES DE DAG GIS SGRO 'DOGS GCOD PA'I GZHI LA YANG RGYU DANG RKYEN LA RAG LAS PA 'DOD PA'I KHAMS LA SOGS PA NI KUN RDZOB DANG RGYU RKYEN LA MI BLTOS PA'I DE BZHIN NYID NI DON DAM BDEN PA YIN PAR YONGS SU GCOD DO, ,DE'I 'OG TU YE SHES DE DAG GI GZHI BDEN GNYIS LA SGRO 'DOGS BCAD PA 'BRAS BU YANG 'PHAGS PA'I SKYE BO THAMS CAD KYI RGYUD LA 'BYUNG BA'I BSAM GTAN BZHI SOGS NI THUN MONG GI YON TAN DANG, YANG DAG PAR RDZOGS PA'I SANGS RGYAS KYI RGYUD LA 'BYUNG BA'I CHOS CAN STOBS BCU SOGS NI THUN MONG MA YIN PA'I YON TAN YIN PAR GTAN LA 'BEBS PAR BYED DO, GNYIS PA NI, DE LTA BU LA SOGS PA CHOS THAMS CAD CHOS CAN, THEG CHEN SGRUB PA'I DMIGS PA YIN TE, BYANG SEMS KYI GONG DU BSHAD PA JI LTA BA BZHIN DU RTOGS PA'I GO RIM GYI DMIGS PAS NA'O, ,THEG CHEN SGRUB PA'I DMIGS PA CHOS CAN, KHYOD LA RNAM PA BCU GCIG GO ,KHYOD LA DGE SOGS GONG DU BSHAD PA DE RNAMS YOD PAS SO, ,GZHAN DAG GZHUNG 'DI DON BSDUR BYED PA DANG, RTZA BA'I RKANG PA DANG BO MDOR BSTAN DU BYED PA 'GAL BA YIN TE, DE LTA BU ZHES SOGS 'DI RKANG PA DANG PO'I 'GREL BA YIN PAS SO, ,GZHAN DU NA DE'I 'GREL PA GANG YIN SMROS SHIG ,RTZA 'GREL KUN LA NGAG DON NI, DGE SOGS CHOS CAN, THEG CHEN SGRUB PA'I DMIGS PA YIN TE, DES BLANG DOR BTANG SNYOMS SU BYA BA SOGS SU DBYOD PA'I GZHI YIN PA'I PHYIR, CES SO, ,GNYIS PA MTHA' DBYAD PA LA, RNAM RIG PA'I 'DOD PA 'GOG TSUL BSHAD PA DANG, RIGS DANG DMIGS PA'I KHYAD PAR BSHAD PA GNYIS, DANG PO NI, NYI KHRI SNANG BAR, RNAM RIG BA'I 'DOD PA 'GOG PA'I TSUL GSUNGS PA'I DGONGS PA BRGYAD STONG 'GREL CHEN DU BLANGS PA'I DON BSHAD PAR BYA STE, DE LA YANG DANG POR RNAM RIG PA'I 'DOD PA LA SKYON BRJOD PA NI, 'GREL CHEN LAS, GANG DAG CHOS KYI DBYINGS RTAG TU RNAM PAR

, ,DAG PA GNYIS SU MED PA'I YE SHES NYID DMIGS PA YIN NO SNYAM DU SEMS BDE DAG GIS RTAG TU RNAM PAR DAG PA NYID YIN PA'I PHYIR RO, ,GONG NAS GONG DU RNAM PAR DAG BA KHYAD PAR DU 'GRO BA JI LTAR BRJOD PAR BYA ZHES GSUNGS TE, DE'I DON NI, RNAM RIG BAS CHOS NYID YONGS GRUB BDEN PAR GRUB PA DE NYID YE SHES KYI DMIGS PAR 'DOD PA YIN LA DE YANG MI 'THAD DE, SEMS KYI CHOS NYID SNGAR DRI MA DANG BCAS PA LA, PHYIS LAM SGOM STOBS KYIS DRI MAS DAG PA GONG NAS GONG DU 'GROR MED PAR THAL, CHOS NYID DE BDEN PAR GRUB PA'I PHYIR, KHYAB STE, DRI BCAS SU BDEN PAR GRUB NA RNAM PA THAMS CAD DU DRI BCAS DE NYID DU GNAS DGOS PA'I PHYIR, DER THAL, CHOS NYID DRI BCAS KYI GNAS SKABS DER BDEN PAR GRUB NA GNAS SKABS DE GNAS LUGS SU 'GYUR BAS NAM YANG MI 'DOR DGOS PA'I PHYIR, ZHES BYA'O, ,DE LA SEMS TZAM BAS SKYON SPANG BA 'GOG PA NI; 'GREL CHEN LAS, CHU KHAMS GSER DANG NAM MKHA' RNAMS, ,DAG PA BZHIN DU DAG PAR 'DOD, CES BYA BA YIN NO ZHE NA, DE LTA NA NI DAG BA NI DE KHO NA NYID KYI YE SHES YIN NO ZHES GNYEN PO'I PHYOGS MNGON PAR ZHEN BA YIN PA'I PHYIR, MI MTHUN PA'I PHYOGS LA MNGON PAR ZHEN PA DON GYIS 'PHANGS PA YIN NO, ,DE BAS NA MI MTHUN PA DANG GNYEN PO'I PHYOGS KYI RNAM PAR RTOG PA SPANGS PA MED PAS PHYOGS GCIG PA'I DAG PAR THAL BAR 'GYUR RO, ZHES GSUNGS TE, DE'I DON NI KHO BO CAG NI, CHU DANG GSER GYI NGO BO BSAL NAS DAG PAR BYED PA MIN GYI DE DAG RNYOG MA DANG DRI MA SEL BA LTAR, CHOS NYID RANG BZHIN GYIS RNAM DAG DE NYID KYI NGO BO BDEN PAR GRUB KYANG, DE NYID GNYEN POS SBYONG BAR BYED PA MIN GYI DE LA SGRIB PA'I DRI MA SBYONG BA YIN PAS, CHOS NYID BDEN PAR GRUB NA DRI MA SBYANGS PA'I DAG PA KHYAD PAR DU 'GROR MED PAR THAL BA'I SKYON MED DO ZHE NA, DE LTA NA YANG CHOS NYID LA SGRIB PA'I DRI MA SBYONG BA'I GNYEN PO CHOS NYID LA DMIGS PA'I YE SHES DE KHO NA NYID DU BDEN PAR GRUB PAR THAL, YUL BDEN PAR GRUB NAS DE'I YUL CAN BDEN PAR MA GRUB PAR 'GAL BA'I PHYIR, 'DOD NA, MI MTHUN PHYOGS DRI MA BDEN PAR GRUB PAR THAL, GNYEN

PO YE SHES BDEN PAR GRUB PA'I PHYIR, KHYAB STE, BYA BYED GNYIS LA BDEN PAR GRUB MA GRUB KYI KHYAD PAR MI 'THAD PA'I PHYIR DANG, GZUNG BA MED NA DE 'DZIN MED, CES DAG GI KHAS BLANGS PA DANG YANG MTSUNGS PA'I PHYIR RO, ,THAL BA DE 'DOD PA YIN NO, ZHES SPANG GNYEN GNYIS KA LA BDEN PAR MNGON PAR ZHEN PAR BYED NA NI CHOS NYID LA SGRIB PA'I DRI MA DANG, CHOS NYID RTOGS PA'I YE SHES GNYIS MI MTHUN PA DANG GNYEN PO'I PHYOGS KYI GNOD BYA GNOD BYED DU MI 'THAD PAR THAL, DRI MA BDEN PAR GRUB NA NAM YANG MED PAR MI 'GYUR DGOS PA'I PHYIR, ZHES PA'I SKYON GYI RNAM PAR RTOG PA SPANGS PA MED PAR SO NA GNAS PAS CHOS NYID DE DAG PA PHYOGS GCIG PA'I RANG BZHIN RNAM DAG KHO NAR GNAS NAS GLO BUR DRI BRAL GYI DAG PA MI SRID PAR 'GYUR RO ZHES BYA BA'O, ,DBUM PA RANG LA MTSUNGS PA SPANG BA NI, 'GREL CHEN LAS, KHYOD KYI PHYOGS LTAR NA, RAB 'BYOR RNAM PA THAMS CAD MKHYEN PA NYID KYI DMIGS PA NI DNGOS PO MED PA YIN NO, ZHES BYA BAS DMIGS PA'I MTHAR THUG PA JI LTAR YIN ZHE NA, NYES PA MED DE, GANG GI PHYIR RIG PA'I RJES SU 'GRO BA'I DNGOS PO MED PA YIN PA'I PHYIR, DNGOS PO MED PA NI YANG DAG PA'I KUN RDZOB YIN PAR BRJOD NA, DE KHO NA NYID KYI RANG BZHIN SGRIB PA DE RIM GYIS SGYU MA LTA BUR RTOGS PA NI RNAM PAR DAG PA YIN NO, ZHES GSUNGS TE DE'I DON NI, KHYED LTAR NA'ANG, RNAM MKHYEN GYI DMIGS PA DNGOS MED DU KHAS BLANGS PAS, DE LA DRI MA DAG PA MI RUNG BA'I SKYON SNGAR BSHAD PA RNAMS MTSUNGS SAM ZHE NA; MI MTSUNGS TE, KHO BOS DON DAM DPYOD BYED KYI RIGS PAS DPYAD PA NA BDEN PA'I DNGOS POR MED PA DE MNYAM GZHAG YE SHES KYI DMIGS PAR KHAS BLANGS KYI, DNGOS PO CI YANG MED PA TZAM DMIGS PAR KHAS MA BLANGS LA, DE 'DRA'I DNGOS MED DE YANG YANG DAG KUN RDZOB T'A YOD PA YIN PAR BRJOD KYI, KHYOD KYI CHOS NYID LTAR BDEN GRUB TU KHAS MA BLANGS PA'I PHYIR RO, ,DE LTA NA DE KHO NA NYID KYI RANG BZHIN SGRIB PA'I BLO LA KUN RDZOB 'DI DAG BDEN PAR SNANG BA RIM GYIS DAG NAS, MNYAM GZHAG TU CHOS NYID DE LA DMIGS PA'I STOBS KYIS, RJES THOB TU KUN

, ,RDZOB 'DI DAG SGYU MA LTA BUR RTOGS PA JE CHER 'GYUR BA NI, RNAM PAR DAG PA KHYAD PAR DU 'GYUR BA'I DON YIN NO, ZHES BYA BA YIN NO, ,BRGAL LAN 'DI DAG NI DON LA SNGAR GZHAN DAG GIS PHYOGS TZAM MA MTHONG BAR SNANG BAS, KHO BO 'BA' ZHIG 'DI LTAR DU DPYIS PHYIN PAR BSHAD PA LA 'PHAGS PA DANG SLOB DBON THUGS RANG PAR MDZOD CIG ,GNYIS PA NI, 'GREL CHEN LAS, DE LTAR BYAS NA, RANG BZHIN GTZO BOR GYUR PA NI RIGS YIN LA RNAM 'GYUR GTZO BOR GYUR PA NI DMIGS PA YIN PAS GNYIS KA YANG GNYIS KA YIN PA DGAG PA MED DO, ZHES GSUNGS TE, DE YANG RIGS NI CHOS NYID KHO NA YIN LA, DMIGS PA LA DON DAM DANG KUN RDZOB GNYIS KA YOD PAS, RIGS DANG DMIGS PA MI 'GAL LO ZHES BYA BA'I DON TO, ,GNYIS PA BSGRUB PA'I DON DU GNYER BYA CHED DU BYA BA BSHAD PA LA GNYIS LAS, DANG PO SPYI'I DON LA, NGO BO, DBYE BA, SA MTSAMS, GRANGS DANG, GO RIM NGES PA'O, ,DANG PO NI, THEG CHEN SGRUB PA'I CHED DU BYA BA'I MTSAN NYID, THEG CHEN SGRUB PA NYAMS SU LEN PA'I DGOS PA, GNYIS PA DBYE NA, SEMS CHEN PO, SPONG BA CHEN PO, RTOGS PA CHEN PO GSUM, DANG PO NI, RDO RJE LTA BU'I SEMS BSKYED PA LA SOGS PA, RGYU DANG 'BRAS BU'I GNAS SKABS KYI THUGS RJE CHEN PO 'KHOR DANG BCAS PA'O, ,DE YANG SEMS 'DIS RANG NYID SEMS KYI PHUNG PO CHEN PO DANG, SDE CHEN PO KUN GYI MCHOG NYID DU BYED PA'I PHYIR, SEMS CHEN PO ZHES BYA'O, ,SEMS CAN GYI PHUNG PO CHEN PO NI, 'KHOR BA'I SEMS CAN SPYI DANG, SDE CHEN PO NI ZHUGS PA DANG GNAS PA'I GANG ZAG RNAMS SO, ,GNYIS PA NI, BDAG GNYIS SU LTA BA CI RIGS PA'AM, MA LUS PAR SPANGS PA DANG, GSUM PA NI, BDAG MED GNYIS RTOGS PA'O, ,SA MTSAMS NI, 'DI DAG RE RE LA YANG GNAS SKABS DANG MTHAR THUG GNYIS SU PHYE NAS, DANG PO THEG CHEN TSOGS LAM NAS YOD CING, GNYIS PA SANGS RGYAS KYI SA NA YOD PAR SHES PAR BYA'O, ,'GREL CHEN LAS, RTOGS PA CHEN PO LAS DANG PO PA DANG, MOS PA SPYOD PA SOGS NA'ANG YOD PAR BSHAD CING, BYANG CHUB SEMS DPA'

SEMS DPA' CHEN PO 'DI LA SEMS CHE BA YOD PA'I PHYIR, SEMS DPA' CHEN PO ZHES BYA'O, ZHES KYANG 'BYUNG BA DANG, NYI KHRI SNANG BAR YANG, SEMS CHEN PO DANG RTOGS PA CHEN PO GNYIS KA SEMS DANG PO BSKYED PA NAS YOD PAR DNGOS SU BSHAD PAS SO, ,BZHI PA NI, RGYAL PO PHA ROL GYI SDE GZHOM PAR 'DOD PA DAG ,MI MTHUN PHYOGS KYI DGRA GZHOM PA DANG, YUL 'KHOR LA SOGS PAR KHYAD PAR RTOGS PAR BYA BA THOB PA DANG, RANG NYID 'GRAN ZLA MED PA'I MCHOG TU GYUR PA STE, GSUM PO 'DI TZAM ZHIG GI DON DU G-YUL SPROD PA LA 'JUG PA BZHIN DU, BYANG SEMS KYANG MI MTHUN PHYOGS MA LUS PAR SPANGS PA DANG, RTOGS BYAM LUS PA KHONG DU CHUD PA DANG, DE'I SGO NAS RANG NYID SEMS CAN KUN GYI MCHOG TU GYUR PA STE, GSUM PO 'DI TZAM GYI DON DU THEG CHEN SGRUB PA NYAMS SU LEN PA YIN PAS, CHED DU BYA BA GSUM PO 'DIR GRANGS NGES LA, DE YANG CHED DU BYA BA'I GTZO BO YIN PAS SEMS CHEN PO DANG POR BSTAN CING, DE NYID KYANG MI MTHUN PHYOGS MA LUS PA SPANGS PA'I SGO NAS 'THOB DGOS PAS, DE'I 'OG TU SPONG BA CHEN PO BSTAN LA, SPANG BYA DANG RTOGS BYA RTOGS PA'I SGO NAS SPANG DGOS PAS, DE'I 'OG TU RTOGS PA CHEN PO BSTAN TO, ,GNYIS PA TSIG DON LA GSUM LAS, MTSAMS SBYAR NI, DMIGS PA ZHES SOGS SO, ,RTZA BA NI, SHES PAR BYA'O, ,GANG NA CHED DU BYA BA 'DI'O, ,GANG GIS NA, RANG 'BYUNG BYANG SEMS KYI'O, ,GANG GI SGO NAS CHEN PO GSUM GYIS SO, ,GSUM PO GANG ZHE NA, SEMS CAN KUN GYI MCHOG NYID DU BYED PA'I SEMS CHEN PO DANG, SPONG BA CHEN PO DANG, RTOGS PA CHEN PO DANG GSUM PO'O, ,'GREL PA NI, RNAM PA THAMS CAD DU RNAM PA THAMS CAD MKHYEN PA NYID YONGS SU SHES PA'I SGO NAS MA 'ONGS PA NA 'BYUNG BAR 'GYUR BA SANGS RGYAS BYANG CHUB SEMS DPA' RNAM PA NYID KYI CHED DU BYA BA RNAM PA GSUM DU SHES PAR BYA'O, ,DE'I DON DU GNYER BYA CHEN PO NYID GSUM DANG LDAN PAS SO, ,DER THAL, SEMS CAN THAMS CAD SEMS CAN KUN GYI MCHOG NYID KYI SEMS CHEN PO NYID DANG, SPONG BA CHEN PO NYID DANG, RTOGS PA CHEN PO NYID KYI DBANG DU BYA STE, DE LTAR BYANGS

, ,SGRUB PA LA 'JUG PA DE'I PHYIR, RTZA 'GREL GNYIS KA LA NGAG DON NI, CHEN PO GSUM CHOS CAN, BYANG SEMS KYI CHED DU BYA BA YIN TE, DES GANG GI DON DU SGRUB PA LA 'JUG PA'I DON DU GNYER BYA YIN PA'I PHYIR, BZHI PA BSGRUB PA'I NGO BO LA GNYIS LAS, SPYI'I DON NI, THEG CHEN BSGRUB PA'I MTSAN NYID, SEMS BSKYED LA GNAS NAS RANG BZHIN GYI DON RTZOM ZHING, BYANG CHUB CHEN PO'I CHED DU BRTZON PA'I BYA BA, DE LTAR YANG MDO SDE RGYAN LAS, GNAS RTZOM 'BRAS BU 'BYUNG BA TSE BDAG NYID, ,RGYAL BA SRAS BCAS RNAMS KYIS SGRUB PA YIN PAR BSNGAGS, ZHES SO, ,DBYE NA BZHI LAS, GO CHA'I BSGRUB PA'I MTSAN NYID, RANG GZHAN GYI DON DU PHYIN DRUG NYAMS SU LEN PAR BSAMS PAS GO DGOS PA'I BYA BA, MA MTHA' TSOGS LAM NAS YOD, 'JUG PA'I BSGRUB PA'I MTSAN NYID, RGYU'AM 'BRAS PU'I THEG CHEN LA SBYOR BA'I BRTZON 'GRUS KHYAD PAR CAN GYIS DNGOS SU GNON PA'I BYA BA, MA MTHA' THEG CHEN GYI DROD NAS YOD DO, ,CHOS NYID LA SGOM BYUNG GI RTOGS PA SKYES PAS SO, ,TSOGS SGRUB KYI MTSAN NYID, ZAG PA MED PA'I TSOGS GNYIS KYI DPUNG DNGOS SU GSOG PA'I BYA BA, MA MTHA' THEG CHEN GYI CHOS MCHOG CHEN PO NAS YOD DE, THEG CHEN MTHONG LAM ZAG MED DNGOS SU BSKYED PA'I BYA BA YOD PAS, ZAG MED KYI YE SHES KYI TSOGS DNGOS SU GSOG PA'I BYA BA, MA MTHA' DE NAS YOD PAS SO, ,DES NA TSOGS SGRUB KYIS BSAG BYA'I TSOGS NI GTZO BOR ZAG MED YIN PAS MTHONG BA LA SOGS PA'I LAM DANG, ZHES SBYOR LAM MA SMOS PA YIN LA, DE DNGOS SU GSOG PA'I BYA BA CHOS MCHOG CHEN PO NA YOD PAS, THOGS MED KYIS TSOGS KYI SGRUB PA NI BRTZE BA NAS BRTZAMS TE, GZUNGS KYI BAR NI MNGON SUM DU SBYOR BA'I RANG BZHIN CHOS MCHOG CHEN POS BSDUS PA YIN NO, ZHES GSUNGS LA, SLOB DPON GYIS KYANG DE DANG MTHUN PAR BSHAD PA YIN NO, ,DES 'BYUNG BSGRUB PA'I MTSAN NYID, RNAM MKHYEN NAM RDO RJE LTA BU'I TING NGE 'DZIN GANG RUNG DU DE MA THAG NGES PAR 'BYIN PA'I BYA BA, SA MTSAMS SA BCU PA KHO NAN YOD LA, ,PHYIS

KYI t'IKA BYED DAG KHYAD PAR GYI LAM GYI NGO BO NYID CES 'BYUNG BAS SA BRGYAD PA NAS YOD DO ZHES ZER YANG, KHYAD PAR LAM NI DAG SA TZAM MIN GYI SA BCU PA YIN TE, NGES PAR 'BYUNG BA LA SANGS RGYAS KYI SA DANG, RDO RJE LTA BU'I TING NGE 'DZIN LAS GZHAN MA BSHAD PAS SO, ,CI'I PHYIR SGRUB RAB ZHIB NGES ZHE NA, SPYIR SGRUB PA NYAMS SU LEN PA'I BYA BA THAMS CAD BSAM SBYOR GNYIS SU NGAS SHING, SBYOR BA LA'ANG, SBYOR BA TZAM DANG KHYAD PAR CAN GNYIS SU NGES LA, KHYAD PAR CAN LA'ANG RGYU GSOG PA DANG, 'BRAS BU BSKYED PA'I SBYOR BA KHYAD PAR CAN GNYIS SU NGES PA'I PHYIR RO, ,GO RIN JI LTA BU ZHED, DMAG DPON DAG THOG MAR RANG NYID GO BGOS, DE'I 'OG TU PHYIR 'BYUNG BA LA SOGS PA'I BYA BA RTZOM, DE'I 'OG TU DPUNG GSOG ,DE'I 'OG TU G-YUL SPRAD DE, PHA ROL GYI SDE BCOM NAS YUL LA DBANG BYED PA DANG MTHUN PAR 'DI'I GO RIMS KYANG SHES PAR BYA'O, ,GNYIS PA YAN LAG GI DON LA, DRI BAS MTSAMS SBYAR BA DANG, DE'I LAN BSHAD PA GNYIS, DANG PO NI, DE LTAR ZHES SOGS SO, ,GNYIS PA LA, [?] DBYE GZHI, DBYE BA, SA MTSAMS, PHYE BA SO SO'I NGO BO'O, ,DANG PO NI, THAMS CAD MKHYEN PA NYID GSUM GYI YUL LA DMIGS NAS THOS BSAM GYIS GTAN LA 'BEBS PA NI SPYIR DGE BA'I CHOS THAMS CAD KYI RTAN BYED PA CAN YIN PAS DE 'DRA'I BYA BA DANG, DE LTAR THOS BSAM GYIS GTAN LA PHAB NAS RNAM PA KUN MNGON PAR RDZOGS PAR RTOGS PA LA SOGS PA RNAM PA BZHI LA, MNGON PAR RTOGS PA RE RE ZHING PHA ROL TU PHYIN PA DRUG RTEN CAN DU NYAMS SU LEN PA'I BYA BA NI SGRUB PA STE'O, ,NGAG DON NI, THEG CHEN TSOGS LAM CHOS CAN, THEG CHEN SGRUB PA YIN TE, MKHYEN GSUM THOS BSAM GYIS GTAN LA 'BEBS PA'AM, SBYOR BAS PHAR PHYIN DRUG LDAN DU NYAMS SU LEN PA'I BYA BA YIN PA'I PHYIR, SBA RABS PA DAG ,SPYI'I SGRUB PA DANG BYE BRAG GI SGRUB PA CES PA'I THA SNYAD BYED DO, ,GNYIS PA DBYE PA NI, GO CHA DANG, 'JUG PA DANG, TSOGS DANG, NGES PAR 'BYUNG PA'O, ,GSUM PAS MTSAMS NI, DE LTAR SGRUB PA BZHI GO RIM JI LTA BA BZHIN DUS MTSAMS DANG SBYAR NA, MA MTHA' RGYUD PAS SBYOR BA, CHOGS LAM GYI NGO BO NYID KYI SGRUB PA'I MTSAN NYID GO CHA

, ,DANG MA MTHA' DNGOS SU SBYOR BA'I MOS SPYOD KYI LAM GYI NGO BO NYID KYI BSGRUB PA'I MTSAN NYID 'JUG PA DANG, MNGON DU SBYOR BA CHOS MCHOG CHEN PO DANG, MTHONG BA DANG BSGOM PA'I LAM GYI NGO BO NYID KYI BSGRUB BA'I MTSAN NYID TSOGS DANG SA BCU BA'I KHYAD PAR GYI LAM GYI NGO BO NYID KYI BSGRUB PA'I MTSAN NYID NGES PAR 'BYUNG BA RNAMS SO, ,'DI LTAR BYAS NA 'GREL CHEN DU, DE LA 'PHAGS PA THOGS MED KYIS, GO CHA DANG 'JUG BA'I SGRUB PA DAG NI, GO RIM BZHIN DU BRGYUD BA DANG, DNGOS SU SBYOR BA'I RANG BZHIN TSOGS DANG MOS PA SPYOD BA'I SAS BSDUS BA YIN NO, ,TSOGS KYI SGRUB BA NI, BRTZE BA NAS BRTZAMS TE, GZUNGS KYI BAR NI MNGON DU SBYOR BA'I RANG BZHIN CHOS MCHOG CHEN POS BSDUS PA YIN NO, ,SA DANG PO RAB TU DGA' BA'I RANG BZHIN DU GYUR PA'I TSOGS KYI SGRUB BA NI, MTHONG BA'I LAM GYI BDAG NYID YIN LA, GNYIS PA LA SOGS PA'I RANG BZHIN NI BSGOM PA'I LAM GYI NGO BO NYID YIN CING, GNYEN PO'I PHYOGS KYI BDAG NYID KYI SGRUB PA NI LAM GNYIS KA'I SPYOD YUL CAN YIN LA, NGES BAR 'BYUNG BA'I SGRUB PA NI BSGOM PA'I LAM LA BRTEN PA YIN NO, ZHES BSHAD DO, ,DE LTAR SBYOR BA DANG, MTHONG BA DANG, SGOM BA DANG, KHYAD PAR GYI LAM GYI RANG BZHIN BSGRUB PA'I MTSAN NYID, GO CHA DANG, 'JUG PA DANG, TSOGS DANG, NGES PAR 'BYUNG BA RNAMS ZHES GSUNGS PA LEGS PAR BSHAD PAR 'GYUR RO, ,DE YANG RTZA BAR SGRUB PA'I DBYE BA BZHI PO SO SO'I NGO BO MA GTOGS, DBYE GZHI DANG, SA MTSAMS DNGOS SU MA BSTAN PA 'GREL PAS KHA BSKANGS BA YIN NO, ,BZHI PA PHYE BA SO SO'I NGO BO LA BZHI LAS, GO SGRUB LA MTSAMS SBYAR NI, BZHI PO DE RNAMS KYI NANG NAS BSAM PA'I BRTZON 'GRUS KYI NGO BO NYID KYIS DANG PO GO CHA'I SGRUB PA GSUNGS PA, RTZA BA NI; SO SOR SBYIN BA LA SOGS DE DAG RNAM PA DRUG TU BSDUS PA YIS GO CHA SGRUB PA GANG YIN DE DRUG TSAN DRUG GIS MDO JI LTA BZHIN BSHAD DO, ,'GREL PA LA, SO SOR 'BYED TSUL DANG, DRUG TU BSDUS TSUL LO, ,DANG PO NI, SBYIN PA'I GO CHA BSHAD BA DANG, TSUL DE GZHAN LA BSGRE

BA'O; ;DANG PO NI, CHOS KYI SBYIN PA LA SOGS PA SPYIN PAR BYED PA DANG, DE'I NGO BO SBYIN PA NYAN THOS KYI YID LA BYED BA LA SOGS PA SPONG BA TSUL KHRIMS DANG, SKYE BO THAMS CAD KYIS MI SNYAN BAR SMRA BA NYID BZOD PA BZOD BA DANG, 'DUN BA SKYED BA BRTZON 'GRUS DANG, THEG PA GZHAN DANG MA 'DRES PA'I RTZE GCIG PA NYID KYIS BLA NA MED PA YANG DAG PAR RDZOGS PA'I BYANG CHUB TU BSNGO BA BSAM GTAN DANG, SBYIN PAR BYA BA LA SOGS PA BDEN BAR MI DMIGS PA SHES RAB STE, DE LTAR YUL DRUG LA GO RIM BZHIN DU, BSAM PA'I GO CHA NYID KYIS KHYAB PAR BYED PA NI SBYIN BA'I GO CHA DRUG GO, GNYIS PA NI, DE BZHIN DU PHAR PHYIN DRUG LDAN DU TSUL KHRIMS BSRUNG BAR BYED, BZOD PA RDZOGS PAR BYED, BRTZON 'GRUS RTZOM, BSAM GTAN SGRUB, SHES RAB SGOM PAR BYED BAR GO BGOS PA DRUG DRUG GO, DE DAG GI SBYIN PA NI DE DAG LA GZHAN 'GOD BA YIN PAR SHES BAR BYA'O GNYIS PA NI, DE LTAR SBYIN PA LA SOGS PA'I PHA ROL TU PHYIN PA SO SOR SBYIN PA LA SOGS PA DRUG DRUG TU BSDUS PAS NA DRUG TSAN DRUG GI RNAM PA SUM CU RTZA DRUG YIN MOD KYI, GO CHA'I SGRUB PA RNAM PA DRUG TU BSDUR RUNG STE SBYIN PA'I SBYIN PA NAS, SHES RAB GI SBYIN BA'I BAR DRUG SBYIN PA DANG, LA SOGS PA SBYIN PA'I SHES RAB NAS, SHES RAB KYI SHES RAB KYI BAR DRUG SHES RAB TU CHOS MTHUN PA YIN PA'I PHYIR SHES RAB SGOM PAR BYED DO, ZHES PA YAN CHAD RTZA 'GREL GNYIS KA LA, NGAG DON NI, TSOGS LAM PA'I GO CHA CHOS CAN, GO SGRUB YIN TE, PHAR PHYIN RE RE YANG PHAR PHYIN DRUG LDAN DU NYAMS SU LEN PAR GO BGOS PA'I BSAM PA'I BRTZON 'GRUS YIN PA'I PHYIR, GNYIS PA 'JUG SGRUB LA GSUM LAS, MTSAMS SBYAR NI, DE LTAR ZHES SOGS SO, ,RTZA BA NI, BSAM GTAN ZHES SOGS SO, ,'GREL PA LA, DNGOS DANG, ZHAR LA RTOGS DKA' BA BYE BRAG TU BSHAD PA'O, ,DANG PO NI, 'JUG PA'I SGRUB BA RNAM PA DGU'O, ,DGU GANG ZHE NA, BYANG SEMS KYI 'JUG BYA THAMS CAD RGYU DANG 'BRAS BU'I THEG CHEN GNYIS SU NGES LA, RGYU'I THEG CHEN YANG TSOGS GNYIS SU NGES SHING, YE SHES KYI TSOGS LA

, ,ZHI LHAG GNYIS LAS, ZHI GNAS KYI NGO BO BSAM GTAN DANG GZUGS MED PA'I SNYOMS PAR 'JUG BA DANG, BSOD NAMS KYI TSOGS SBYIN BA LA SOGS PA PHA ROL TU PHYIN PA DRUG DANG, LHAG MTHONG GI NGO BO, MTHONG BA DANG, BSGOM BA DANG, MI SLOB PA DANG, KHYAD PAR GYI LAM DANG, TSOGS GNYIS GSOG PA'I KUN SLONG TSAD MED PA BZHI DANG, DNGOS GZHI MI DMIGS PA DANG LDAN PA DANG, RJES DNGOS PO THAMS CAD LA 'KHOR GSUM DAG PA DANG, 'BRAS BU'I THEG CHEN GYI DBYE BA CHED DU BYA BA GSUM DANG, YON TAN MNGON PAR SHES PA DRUG DANG, NGO BO RNAM PA THAMS CAD MKHYEN PA NYID DAG LA DNGOS SU 'JUG PA'I SBYOR BAS YANG DAG PAR GNAS PA'I MTSAN NYID KYI BYA BA NI'O, ,DE DAG LA CI'I PHYIR 'JUG SGRUB CES BYA ZHE NA, THEG PA CHEN PO'I CHOS MTHA' DAG SBYOR BAS GNON PA'I NGO BO NYID YIN PAS SO, ,RTZA 'GREL GNYIS KA LA, NGAG DON NI, THEG CHEN GYI SBYOR LAM DROD CHOS CAN, 'JUG SGRUB YIN TE, MTSAN NYID DGOD DO, ,GNYIS PA RTOGS DKA' BYE BRAG TU BSHAD PA LA, BSAM GTAN GZUGS MED BSHAD PA DANG, TSAD MED BZHI BSHAD PA GNYIS, DANG PO LA RGYU, NGO BO, 'BRAS BU GSUM GYI DANG PO NI, GANG GIS BSAM GTAN DANG GZUGS MED PA RNAMS THOB PAR BYED PA'I RGYU NI YID LA BYED PA BDUN TE, 'DI LTAR MTSAN NYID RAB TU RIG PA DANG, MOS PA LAS BYUNG BA DANG, RAB TU DBEN PA LAS BYUNG BA DANG, DGA' BA SDUD PA DANG, DPYOD PA DANG, SBYOR BA'I MTHA' DANG, SBYOR BA'I MTHA'I 'BRAS BU YID LA BYED PA'O; ;DANG PO NI, MNYAM PAR BZHAG PA'I SA PA'I YID BYED GANG GIS SA 'OG MA RNAMS RAGS PA DANG, SA GONG MA RNAMS ZHI BA'I MTSAN NYID DU DPYOD PAR BYED PA STE, DE YANG THOS BSAM 'DRES PA'I RANG BZHIN CAN DU RIG PAR BYA'O, ,'DI NI 'DOD PA'I RTEN LA BSGOM BA'I DBANG DU BYAS KYI; GZUGS KHAMS SU SEMS LONG MED PAR SEMS TING NGE 'DZIN LA GNAS PAR 'GYUR BAS BSAM BYUNG MED LA, GZUGS MED NA SGRA MED PAS THOS BYUNG YANG MED DO, ZHES BSHAD KYANG, GZUGS KHAMS NA BSAM BYUNG MED PAS SO SKYE'I DBANG DU BYAS SO, ,GNYIS PA NI, DE'I 'OG TU

THOS BSAM LAS 'DAS TE, GCIG TU BSGOM PA'I RNAM PAS ZHI RAGS KYI MTSAN MA LA DMIGS BA'I ZHI GNAS DANG LHAG MTHONG SGOM PAR BYED PA STE, DE NI SGOM BYUNG NGO, ,GSUM PA NI, THOG MAR SPONG BA'I LAM DANG LDAN PA'I YID LA BYED PA STE, DES SA 'OG MA RNAMS KYI NYON MONGS CHEN PO GSUM SPONG ZHING, DE'I PHYOGS KYI GNAS NGAN LEN DANG BRAL BA 'THOB BO, ,BZHI PA NI, DE'I 'OG TU RNAL 'BYOR BA DE DE GSUM SPANGS PA'I DGA' BDE CHUNG DU LA REG CING, NYON MONGS 'BRING GSUM SPONG BA'I SPONG BA'I GNYEN PO YID LA BYED PA'O, ,LNGA PA NI, DE'I 'OG TU NYON MONGS KUN SPANGS SAM SNYAM PA'I RTOG PA 'BYUNG BAS BRTAG BA'I PHYIR, SDUG PA'I MTSAN MA YID LA BYED CING SO SOR RTOG PA YI'O, ,DRUG PA NI, DE LTAR DPYAD PA NA CUNG ZAD SPANGS PAR SHES NAS, CHUNG DU GSUM SPONG BA'I GNYEN PO YID LA BYED PA'O, ,BDUN PA NI, GONG SA'I DNGOS GZHI'I SEMS THOB PA'O, ,DE LA DANG PO GNYIS NI; SBYOR BA'I LAM MO, ,LNGA PA NI, KHYAD PAR LAM DANG BDUN PA RNAM GROL LAM MO, ,DANG PO DRUG NI NYER BSDOGS YIN LA, THA MA DNGOS GZHI'O, ,GNYIS PA NGO BO LA, MTSAN NYID, DBYE BA, RNAM GZHAG DANG GSUM, DANG PO NI, BSAM GTAN GZUGS MED GNYIS KA LA RGYU 'BRAS GNYIS GNYIS LAS RGYU SNYOMS 'JUG GI BSAM GTAN GYI MTSAN NYID, YAN LAG GI SGO NAS 'OG SA LAS 'DA' BA'I SEMS RTZE GCIG PA MTSUNGS LDAN DANG BCAS PA, 'BRAS BU SKYE BA'I MTSAN NYID, SKYE BA GZHAN DU SNYOMS 'JUG GI BSAM GTAN BSGOM BA'I RNAM SMIN, RGYU MTHUN GYI 'BRAS BUR GYUR PA, DE YANG TSANGS RIS NAS 'OG MIN BAR GYI SEMS CAN RNAMS KYI SKYES THOB KYI CHOS RNAMS SO, ,RGYU SNYOMS 'JUG GI GZUGS MED KYI MTSAN NYID, DMIGS PA'I SGO NAS 'OG SA LAS 'DAS PA'I SEMS RTZE GCIG PA MTSUNGS LDAN DANG BCAS PA, 'BRAS BU SKYE BA'I GZUGS MED KYI MTSAN NYID SNGAMS 'GRE ZHING, GZUGS MED DU SKYES PA'I SEMS CAN GYI SKYES THOB KYI CHOS RNAMS SO, ,DE YANG BSAM GTAN GYI SNYOMS 'JUG RNAMS NI, SA GONG 'OG KUN TU BLTA BA'I PHYIR, DMIGS PAS 'DA' BA MED LA, 'OG MA'I YAN LAG RAGS PA RNAMS LAS NGES PAR 'BYUNG BA'I PHYIR

, ,YAN LAG MI 'DRA BA'I BYE BRAG YOD PAS, YAN LAG GIS 'DA' ZHES BYA ZHING, GZUGS MED RNAMS NI, ZHI GNAS SU RO GCIG PA'I PHYIR YAN LAG MI 'DRA BA MED KYI, DMIGS PA MI 'DRA BA'I SGO NAS NGES PAR 'BYUNG BA'I PHYIR, DMIGS PAS 'DA' ZHES BYA'O, ,GNYIS PA DBYE BA NI, BSAM GTAN BZHI DANG GZUGS MED BZHI'O, ,DE LA BSAM GTAN DANG PO'I DNGOS GZHI'I SNYOMS 'JUG NI, GNYEN PO'I YAN LAG RTOG DPYOD GANG RUNG GIS 'OG SA LAS 'DOD CHAGS DANG BRAL BAS RAB TU PHYE BA'I SEMS RTZE GCIG PA MTSUNGS LDAN DANG BCAS PA GANG ZHIG, SDIG PAS DBEN PA LAS SKYES PA'I DGA' BDE PHAN YON GYI YAN LAG TU LDAN PA, 'DI LA DNGOS GZHI TZAM PO DANG, KHYAD PAR CAN GNYIS KYI DANG PO NI, RTOG DPYOD GNYIS KA DANG LDAN LA, GNYIS PA NI, RTOG PA LA 'DOD CHAGS DANG BRAL ZHING DPYOD PA TZAM DANG LDAN PA'O, ,'DI'I YAN LAG LNGA'I NANG NAS RTOG PA NI CHES RAGS PA'I PHYIR RO, ,BSAM GTAN DANG PO LA 'DOD CHAGS DANG MA BRAL BAS KYANG SPONG NUS PAS YAN LAG RAGS PA LA 'DOD CHAGS DANG BRAL MA BRAL GYI BYE BRAG GIS, TZAM KHYAD GNYIS SU PHYE LA, GNYIS PA YAN CHAD KYIS, YAN LAG RNAMS NI RANG SA LA 'DOD CHAGS DANG MA BRAL BAR SPONG MI NUS PA'I PHYIR, TZAM KHYAD KYI DBYE BA MED DO, ,BSAM GTAN GNYIS PA'I SNYOMS 'JUG NI, NAD RAB TU DVANG BA GNYEN PO'I YAN LAG GI RTOG DPYOD LAS 'DOD CHAGS DANG BRAL BAS RAB TU PHYE BA'I SEMS RTZE GCIG PA MTSUNGS LDAN DANG BCAS PA GANG ZHIG, TING NGE 'DZIN LAS SKYES PA'I DGA' BDE PHAN YON GYI YAN LAG TU LDAN PA, BSAM GTAN GSUM PA NI, GNYEN PO'I YAN LAG DRAN SHES BZHIN BTANG SNYOMS GSUM GYIS DGA' BA LAS 'DOD CHAGS DANG BRAL BA LAS RAB TU PHYE BA'I SEMS RTZE GCIG PA MTSUNGS LDAN DANG BCAS PA GANG ZHIG, DGA' BAS DBEN PA'I BDE BA PHAN YON GYI YAN LAG TU LDAN PA, BSAM GTAN BZHI PA NI, GNYEN PO'I YAN LAG DRAN PA DANG BTANG SNYOMS YONGS SU DAG PAS BDE BA LA 'DOD CHAGS DANG BRAL BAS RAB TU PHYE BA'I SEMS RTZE GCIG PA MTSUNGS LDAN DANG BCAS

PA GANG ZHIG TSOR BA BTANG SNYOMS PHAN YON GYI YAN LAG TU LDAN PA, DE LA BSAM GTAN GYI MI MTHUN PHYOGS NI RNAM PA GSUM STE, CHEN PO DANG, 'BRING DANG, CHUNG DU'O, ,DANG PO NI, 'DOD PA LA 'DUN PA DANG RNAM 'TSE STE, DE DAG GIS BSAM GTAN MA THOB PA 'THOB PA LA GEGS BYED DO,, GNYIS PA NI, RTOG PA DANG DPYOD PA STE, DE DAG GIS THOB PA KHYAD PAR DU 'GYUR BA LA GEGS BYED DO, ,GSUM PA NI, DGA' BA DANG BDE BA STE, DE DAG GIS SEMS LAS SU RUNG BA LA MCHOG TU GEGS BYED DO, ,DE LA CHEN PO SPANGS PA DANG PO DANG, 'BRING DANG BRAL BA GNYIS PA DANG, GSUM PA DANG, CHUNG DU DANG BRAL BA BZHI PA STE, DE LTAR NA BZHI PA SEMS LAS SU RUNG BA'I MCHOG YIN NO, ,DE LTAR 'GYUR BA BSKYED PA'I TSOR BA MTHA' DAG LAS 'DOD CHAGS DANG BRAL BA NA, RNAL 'BYOR PAS 'DU SHES NYID YUL LA MTSAN MAR 'DZIN PA'I SGO NAS RGYUD 'KHRUG BYED DU RTOGS NAS, 'DU SHES LAS NGES PAR 'BYUNG BA'I DON DU GZUGS MED KYI SNYOMS 'JUG RNAMS SGOM PAR BYED DO, ,DE LA NAM MKHA' MTHA' YAS SKYE MCHED KYI SNYOMS 'JUG NI, SBYOR BA'I DUS SU GZUGS DANG THOGS PA'I 'DU SHES RNAM PAR BSHIG STE, DNGOS GZHI'I DUS SU DE NYID MNGON DU GYUR PA'I TING NGE 'DZIN MTSUNGS LDAN DANG BCAS PA'O, ,RNAM SHES MTHA' YAS SKYE MCHED KYI SNYOMS 'JUG NI, SBYOR BA'I DUS SU NAM MKHA'I YUL CAN GYI RNAM SHES DE NYID KYANG MTHA' YAS SO SNYAM DU YID LA BYAS PAS DNGOS GZHI'I DUS SU ZHES SOGS SO, ,CI YANG MED SKYE MCHED KYI SNYOMS 'JUG NI, SBYOR BA'I DUS SU GZUNG BYA CI YANG MED DO SNYAM DU YID LA BYAS PAS DNGOS GZHI'I DUS SU ZHES SOGS SO, ,'DU SHES MED 'DU SHES MED MIN GYI SKYE MCHED KYI SNYOMS 'JUG NI, 'DU SHES RAGS PA NI NAD DANG 'BRAS DANG ZUG RNGU'O, 'DU SHES MED PA NI KUN TU RMONGS PA'O, 'DU SHES MED MIN YOD MIN NI MCHOG TU ZHI BA'O, ,SNYAM DU YID LA BYAS PAS DNGOS GZHI'I DUS SU DE NYID MNGON DU GYUR PA'I TING NGE 'DZIN DANG SHES RAB MTSUNGS LDAN DANG BCAS PA'O, ,DE YANG BSAM GTAN DANG GZUGS MED DANG PO GSUM LA, NYON MONGS CAN DANG, DAG BA BA

, ,DANG; ZAG MED GSUM GSUM YOD LA, SRID RTZE LA NI SNGA MA GNYIS YOD KYI ZAG MED MED DE, SEMS KYI RGYU BA CHES MI GSAL BA'I PHYIR RO, ZHES BSHAD PA'ANG THEG CHEN GYI DBANG DU BYAS KYI, THEG CHEN LA NI 'DAS LAM SRID RTZE'I SEMS LA BRTEN PA YOD DO; ;BSAM GTAN DANG PO'I NYER BSDOGS LA, DAG PA BA DANG ZAG MED GNYIS YOD LA, NYER BSDOGS LHAG MA RNAMS LA DAG PA 'BA' ZHIG YOD DO, ,THAMS CAD LA NYON MONGS CAN NI MED DE, 'DI DAG NI 'DOD CHAGS DANG BRAL BAR BYED PA'I LAM YIN PA'I PHYIR, NYON MONGS CAN GYIS 'DOD CHAGS DANG BRAL BAR BYED MI NUS PA'I PHYIR RO, ,CI'I PHYIR NYER BSDOGS LHAG MA RNAMS LA ZAG MED MI 'BYUNG ZHE NA, GANG GIS 'OG SA'I DNGOS GZHI MA THOB PAR GONG MA'I NYER BSDOGS LA SNYOMS PAR 'JUG MI NUS LA, GONG MA'I NYER BSDOGS THOB PA DE NI 'OG MA'I DNGOS GZHI LA BRTEN NAS LAM SGRUB KYI 'OG MA'I NYER BSDOGS LA BRTEN PA MIN TE, GONG MA'I NYER BSDOGS LAS 'OG MA'I DNGOS GZHI CHES ZHI BAS LAM SGRUB SLA BA'I PHYIR RO, ,DANG PO'I NYER BSDOGS LA NI ZAG MED YOD DO, BSAM GTAN GYI DNGOS GZHI MA THOB PA'I RGYUN ZHUGS LA SOGS PA RNAMS NI, DANG PO'I NYER BSDOGS KHO NA LA BRTEN NAS LAM SGRUB PA'I PHYIR TE, 'DAS LAM ZHI LHAG ZUNG 'BREL YIN CING, DNGOS GZHI'I SEMS MA THOB PA'I PHYIR RO, ,DES NA DANG PO'I NYER BSDOGS KYIS, KHAMS GSUM GA LAS 'DOD CHAGS DANG BRAL BAR BYED NUS PA'I PHYIR, MI LCOGS PA MED PA ZHES BYA'O, ,DNGOS GZHI RNAMS KYIS 'OG SA LAS 'DOD CHAGS DANG BRAL BAR MI BYED DE, NYER BSDOGS KYIS BRAL BAR BYAS ZIN PAS MI DGOS PA'I PHYIR RO, ,DNGOS GZHI ZAG BCAS RNAMS NI, RANG SA DANG GONG SA'I SPANG BYA'I GNYEN PO MI BYED DE, RANG SA'I SRED PAS BCINGS PA'I PHYIR DANG, GONGS LAS DMAN PA'I PHYIR RO, ,DE'I PHYIR DE DAG NI, MTHONG CHOS LA BDE BAR GNAS TZAM DANG, YON TAN MNGON PAR SGRUB PA'I LAM YIN GYI 'DOD CHAGS DANG BRAL BAR BYED PA'I LAM MIN LA, DNGOS GZHI ZAG MED RNAMS NI RANG SA DANG GONG SA'I

GNYEN PO BYED PAS 'DOD CHAGS DANG BRAL BAR BYED BA'I LAM YANG YIN CING, NYER BSDOGS RNAMS NI 'OG SA KHO NA'I GNYEN PO BYED PA'I PHYIR, 'DOD CHAGS DANG BRAL BAR BYED PA'I LAM KHO NA YIN GYI, YAN LAG GIS MA ZIN PAS YON TAN MNGON PAR BSGRUB PA'I LAM MIN LA, MI MTHUN PHYOGS SPONG BA'I RTZOL BA DANG BCAS BA MTHONG CHOS LA BDER GNAS MIN NO, ,DE LA BSAM GTAN DANG GZUGS MED DE DAG NYON MONGS CAN NI RANG SA'I NYON MONGS DANG MTSUNGS PAR LDAN PA'I SEMS RTZE GCIG PA'O, ,DE LA BZHI LAS SRED PA SHAS CHE BA NI, BSAM GTAN GYI BDE BA LA RO MYANG BA'I SRED PAS BCINGS PA'O, ,LTA BA SHAS CHE BA DANG, NGA RGYAL SHAS CHE BA DANG, THE TSOM SHAS CHE BA RNAMS NI RIM BZHIN DE DANG DES BCINGS PA'O, ,DE DAG NI SA BON RUL PA BZHIN RNAM SMIN MI 'PHEN PA'I PHYIR RGYU SNYOMS 'JUG GI BSAM GTAN MIN LA, BSAM GTAN TZAM NI YIN TE, GZHAN DU NA BSAM GTAN NYON MONGS CAN MI SRID PAR 'GYUR RO, ,DAG PA BA NI, RANG SA'I NYON MONGS KYIS MA BSLAD PA'I DGE BA RTZE GCIG PA MTSUNGS LDAN DANG BCAS PA STE, DE'ANG BZHI LAS NYAMS PA CHA MTHUN NI, BSAM GTAN DAG PA BA GANG GI MJUG THOGS SU RANG SA'AM 'OG SA'I NYON MONGS SKYE BA DANG RJES SU MTHUN PA'O, ,GNAS BA CHA MTHUN NI, GANG GI MJUG TU RANG DANG SA GCIG PA'I DAG PA BA GZHAN 'DREN PA'O, ,KHYAD PAR CHA MTHUN NI, GANG GI MJUG TU SA GONG MA'I DAG PA BA GZHAN 'DREN PAR BYED PA'O, ,DES 'BYED CHA MTHUN NI, 'DAS LAM 'DREN PAR BYED PA'O, ,SRID RTZE LA KHYAD PAR CHA MTHUN MED DE, GONG NA SA GZHAN MED PAS SO, ,GZHAN RNAMS LA BZHIG YOD DO, ,'DAS LAM GYI NGO BOR SKYES BA'I BSAM GTAN DANG GZUGS MED NI ZAG MED DO, ,GSUM PA RNAM GZHAG LA, YAN LAG DANG, GRANGS DANG, GO RIM RNAM PAR BZHAG PA GSUM, DANG PO LA, YAN LAG GI DBYE BA, PHYE BA'I SO SO'I DON, GRANGS NGES DANG GSUM, DANG PO NI, BSAM GTAN DANG PO LA YAN LAG LNGA DANG, GNYIS PA LA BZHI DANG, GSUM PA LA LNGA DANG, BZHI PA LA BZHI STE, SNGAR MTSAN NYID SKABS SU BSHAD PA BZHIN NO, ,GNYIS PA NI, BSAM GTAN DANG PO'I YAN LAG RTOG PA NI, 'DOD PA RAGS

, ,PA DANG, BSAM GTAN DANG PO ZHI BA'O, ZHES KUN TU TSOL BA'I RNAM PA CAN NO, ,DPYOD PA NI, DE DAG GI KHYAD PAR ZHIB MOR DPYOD PA'O, ,DE GNYIS GNYEN PO'I YAN LAG YIN TE, BSAM GTAN DANG PO'I MI MTHUN PHYOGS RNAMS SPONG BAR BYED PA'I PHYIR RO, ,MI DGE BAS DBEN PA LAS SKYES PA'I DGA' BDE PHAN YON GYI YAN LAG YIN TE, NGES BSAM GTAN PA'I LUS SEMS LA PHAN 'DOGS PA'I PHYIR, SEMS RTZE GCIG PA GNAS KYI YAN LAG YIN TE, DE LA BRTEN NAS GNYEN PO DANG PHAN YON GYI YAN LAG 'JUG PA'I PHYIR RO, ,DE BZHIN DU BSAM GTAN GNYIS PA LA NI DRAN SHES BZHIN BTANG SNYOMS GSUM GYI RANG BZHIN GYI NANG RAB TU DVANG BA GNYEN PO'I YAN LAG DANG, TING NGE 'DZIN LAS SKYES PA'I DGA' BDE PHAN YON GYI YAN LAG YIN CING, BSAM GTAN GSUM PA LA DRAN SHES BZHIN BTANG SNYOMS GSUM GNYEN PO'I YAN LAG YIN LA, DGA' BA MED PA'I BDE BA PHAN YON GYI YAN LAG GO ,BZHI PA LA DRAN PA DANG, BTANG SNYOMS YONGS DAG GNYEN PO'I YAN LAG DANG, TSOR BA BTANG SNYOMS PHAN YON GYI YAN LAG GO, DE YANG BSAM GTAN DANG PO NA, DRAN SHES BZHIN BTANG SNYOMS GSUM YOD KYANG RTOG DPYOD KYIS MNGON PAR BSGRUBS PAS RANG GI NGO BO LAS MI BYED PA'I PHYIR YAN LAG TU MA SMOS LA, GNYIS PA NA LAS BYED KYANG DGA' BAS ZIL GYIS MNAN PA'I PHYIR, RANG GI MING GIS MA BSTAN PAR NANG RAB TU DVANG BA ZHES PA'I MING GIS SMOS SHING, GSUM PAR DGA' PA'I KUN DKRIS LAS GROL BA'I PHYIR RANG MING GIS SMOS LA, BZHI PAR BSAM GTAN GYI SKYON THAMS CAD LAS GROL BA'I PHYIR YONGS DAG GI SGRAS BSTAN TO, ,'O NA DANG PO GNYIS KYI DGA' BDE'I RANG BZHIN JI LTA BU ZHE NA, BYE BRAG SMRA BA NI, DGA' BA YID SHES 'KHOR GYI TSOR BA SIM PA YIN LA, BDE BA NI SHIN TU SBYANGS PA NYID YIN NO ZHES ZER RO, ,MDO SDE PA KHA CIG DGA' BA NI SNGA MA LTAR YIN LA, BDE BA NI, DBANG SHES 'KHOR GYI TSOR BA SIM PA YIN TE, MDO LAS, BDE BA LUS KYIS MYONG ZHES 'BYUNG BA'I PHYIR DANG, BSAM GTAN BZHI PA NA SHIN SBYANGS KHYAD PAR DU GYUR PA YIN KYANG BDE BA

YAN LAG TU MA SMOS PA'I PHYIR, ZHES ZER RO, ,'DIR NI BSDU BAR BSHAD PA LTAR, YID SHES 'KHOR GYI TSOR BA SIM PA DE NYID YE SHES 'KHOR BCAS LA PHAN 'DOGS PA'I PHYIR, DGA' BA ZHES BYA LA TING NGE 'DZIN DANG MTSUNGS PAR LDAN PA'I KHA NANG DU PHYOGS TE, DBANG PO DANG BCAS PA'I LUS LA PHAN 'DOGS PA'I PHYIR BDE BA ZHES BRJOD DO, ,BSAM GTAN GSUM PA NA NI YID SHES 'KHOR GYI TSOR BA SIM PA DE NYID DRAN SHES BZHIN BTANG SNYOMS KYIS YONGS SU ZIN PAS SEMS G-YO BA'I BYA BA MI BYED PA'I PHYIR, DGA' BA ZHES MI BRJED LA, KHA NANG DU PHYOGS TE DBANG PO DANG BCAS PA'I LUS LA PHAN 'DOGS PA'I PHYIR, BDE BA ZHES BRJOD DO, ,GSUM PA NI, CI'I PHYIR YAN LAG 'DI DAG TU GRANGS NGES ZHE NA, GNOD PA SPONG BA'I YAN LAG, PHAN PA BSGRUB PA'I YAN LAG ,RTEN GYI YAN LAG RNAMS KYI NANG DU BYAS PA'I PHYIR, GNYIS PA NI CI'I PHYIR, BSAM GTAN BZHIR GRANGS NGES ZHE NA, RIM BZHIN SDUG BSNGAL GYI TSOR BA RAGS PA DANG PHRA BA DANG, BDE BA'I TSOR BA RAGS PA DANG PHRA BA BZHI LAS NGES PAR 'BYUNG BA'I DBANG DU BYAS NAS BZHING NGES SO, ,CI'I PHYIR GZUGS MED BZHIR NGES ZHE NA, GZUGS MED RNAMS NI 'DU SHES LAS NGES PAR 'BYUNG BAS RAB TU PHYE BA YIN CING, DE LA 'DU SHES NI GNYIS TE, PHYI ROL GZUGS DANG NANG RNAM SHES LA BKRA BAR 'DZIN PA'O, ,DANG PO LA SPANG BYA GZUGS DANG, THOGS PA'I 'DU SHES DANG, GNYEN PO NAM MKHA'I 'DU SHES SO, ,DE GNYIS LA RIM BZHIN NGES PAR 'BYUNG BA NI, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED GNYIS LA YIN LA, RNAM SHES LA BKRA BAR 'DZIN PA LA, MI MTHUN PHYOGS RNAM SHES LA ZHEN PA DANG, DE'I GNYEN PO CI YANG MED PA'I 'DU SHES KYI MTSAN MA GNYIS LAS RIM BZHIN NGES PAR 'BYUNG BA GZUGS MED THA MA GNYIS TE, DE LTAR NA BZHIR NGES SO, ,GO RIM NI, RNAL 'BYOR PA'I RGYUD LA JI LTAR SKYE BA'I RIM PAS BZHAG GO ,GSUM PA 'BRAS BU NI, BSAM GTAN DANG PO CHUNG DU DANG, 'BRING DANG, CHEN POR YONGS SU BSGOMS PA LAS, GO RIM BZHIN DU TSANGS RIS DANG, TSANGS PA MDUN NA 'DON DANG, TSANGS CHEN RNAMS SU SKYE LA, DE BZHIN DU GNYIS PA DANG, GSUM PA

, ,DANG; BZHI PA RNAMS CHUNG DU DANG, 'BRING DANG, CHEN PO RNAMS SU BSGOMS PA LAS, GO RIM BZHIN DU, BSAM GTAN GNYIS PA DANG, GSUM PA DANG, BZHI PA'I SKYE BA GSUM GSUM 'GRUB PAR SHES PAR BYA'O, ,GZUGS MED RNAMS CHUNG 'BRING CHEN POR BSGOMS PA LAS NI GZUGS MED KYI SKYE BA MTHON PO DANG, DMA' BA DANG, DAN PA DANG, BZANG PO CI RIGS PA 'GRUB PAR SHES PAR BYA'O, ,DE LA CHUNG DU NI GUS SBYOR DANG, RTAG SBYOR GNYIS KA DANG MI LDAN PA DANG, CHEN PO GNYIS KA DANG LDAN PA'O, ,BSAM GTAN DANG GZUGS MED 'DI DAG GIS RNAM PAR BZHAG PA LA BSHAD PAR BYA BA MANG DU YOD KYANG 'DIR NI SHIN TU MDOR BSDUS SO, ,GNYIS PA TSAD MED BZHI BSHAD PA LA, TSAD MED PA NI BZHI STE, BYAMS PA DANG, SNYING RJE DANG, DGA' BA DANG, BTANG SNYOMS TSAD MED PA'O, ,CI'I PHYIR 'DI DAG LA TSAD MED PA BYA ZHE NA, SEMS CAN TSAD MED PA LA DMIGS PA DANG, TSOGS TSAD MED PA'I RGYU DANG, YE SHES TSAD MED PA'I SPYOD YUL DU GYUR PA'I PHYIR RO, ,DE LA DANG PO NI, BSAM GTAN LA BRTEN NAS, MTHA' YAS PA'I SEMS CAN BDE BA DANG 'PHRAD PAR 'DOD PA'I RNAM PA CAN GYI TING NGE 'DZIN DANG SHES RAB MTSUNGS LDAN DANG BCAS PA DANG, GNYIS PA NI, SDUG BSNGAL DANG BRAL BAR 'DOD PA DANG, GSUM PA NI BDE BA DANG MI 'BRAL BAR 'DOD PA DANG, BZHI PA NI, CHAGS SDANG GI RGYU NYON MONGS DANG BRAL BAR 'DOD PA'I RNAM PA CAN NO, ,DE DAG RE RE LA YANG SEMS CAN LA DMIGS PA DANG, CHOS LA DMIGS PA DANG, DMIGS PA MED PA'I BYAMS SOGS GSUM GSUM LAS, DANG PO NI, SEMS CAN RDZAS YOD LA DMIGS PA DANG, GNYIS PA NI, PHUNG SOGS CHOS TZAM DU BDEN SNANG MDOR BAR, DE 'DRA'I PHUNG SOGS LA BTAGS PA'I SEMS CAN LA DMIGS PA DANG, GSUM PA NI, PHUNG SOGS SGYU MA LTA BUR SNANG BA'I SGO NAS DE LA BRTEN NAS BTAGS PA'I SEMS CAN LA DMIGS PA STE, DANG PO SO SKYE, GNYIS PA NYAN RANG 'PHAGS PA, GSUM PA BYANG 'PHAGS RNAMS LA YOD DO, ,'DI DAG GI 'BRAS BU YANG, GNAS SKABS KYI 'BRES BU NI, TSANGS PA'I GNAS SU SKYE BA

RNAM SMIN GYI 'BRAS BU, TSOGS RDZOGS PAR BYED PA BDAG PO'I 'BRAS BU, SEMS CAN SMIN PAR BYED PA SKYES BU BYED PA'I 'BRAS BU, RTAG TU DE DAG DANG MI 'BRAL BA RGYU MTHUN PA'I 'BRAS BU, GNOD SEMS MGO NON PA BRAL 'BRAS SO, ,MTHAR THUG GI 'BRAS BU NI RNAM MKHYEN 'THOB PA'O, ,GSUM PA TSOGS SGRUB LA, SPYIR BSTAN PA DANG, RTOGS DKA' BYE BRAG TU BSHAD PA GNYIS, DANG PO LA GSUM LAS, MTSAMS SBYAR NI, DE LTAR ZHES SOGS SO, ,RTZA BA NI, BRTZE DANG ZHES SOGS SO, ,'GREL PA NI, SNYING RJE LA SOGS PA NI CHOS CAN, TSOGS KYI SGRUB PA YIN TE, BYANG CHEN DNGOS SU 'BYIN PAR BYED PA'I RGYU TSOGS YIN PAS SO, ,DER THAL, 'DI DAG GIS YANG DAG PAR 'GRUB PA'I NGO BOS BYANG CHUB CHEN PO 'BRAS BUR 'DZIN PAR BYED PA'I PHYIR NA'O, ,JI LTAR 'DZIN NA BDEN PAR MI DMIGS PAS KUN RDZOB KYI BDEN PA LAS MI 'DA' BAR RGYU'I THEG PA CHEN PO'I DON MTHA' DAG SGRUB PAS SO, ,TSOGS SGRUB DE YANG DBYE NA RNAM PA BCU BDUN NO, ,DE DAG GANG ZHE NA, SNYING RJE DANG ZHES SOGS SO, ,RTZA 'GREL GNYIS KA LA NGAG DON NI, 'DIR BSAM GTAN SNYING RJE SOGS BCU BDUN CHOS CAN, TSOGS SGRUB YIN TE, MTSAN NYID DGOD DO, ,'DIR TSIG LA SOGS PA'I GZUNGS SHES BYA BA 'DI CI ZHE NA, GZUNGS KYI NGO BO NI TING NGE 'DZIN DANG MTSUNGS PAR LDAN PA'I DRAN PA NGAD SHES RAB YIN PA, GSANG SNGAGS KYI GZUNGS NI GSANG SNGAGS KYI RGYU YIN GYI NGO BO MIN NO, ,DBYE BA NI, AA RA PA TZA NA LA SOGS PA'I YIG LA DMIGS NAS, AA NI CHOS THAMS CAD KYI SGO STE; MA SKYES PA'I PHYIR ZHES YI GE STONG PA NYID MTSON BYED DU BYAS TE, BSGOMS PAS SGOM PA YONGS SU RDZOGS PA NA, STONG NYID LA MI SKRAG PA TING NGE 'DZIN DANG, SHES RAB NI BZOD PA'I GZUNGS DANG, DE NAS SANGS RGYAS DANG BYANG SEMS KYIS BSTAN PA'I CHOS RNAMS KYI TSIG DANG DON GO RIM DE NYID KYIS BRJED PA MED PAR 'DZIN PAR NUS PA'I DRAN PA DANG TING NGE 'DZIN MTSUNGS LDAN DANG BCAS PA NI, TSIG GI GZUNGS DANG, DON GYI GZUNGS SO, ,SDIG PA ZHI BA LA SOGS PA GZHAN SKYOB PA'I GSANG SNGAGS RTZOM PAR NUS PA'I DRAN PA DANG, TING NGE 'DZIN GSANG SNGAGS KYI

, ,GZUNGS SO, ,SA MTSAMS NI, TSIG DANG DON GYI GZUNGS MA MTHA' TSOGS LAM CHEN PO NAS DANG, BZOD BA'I GZUNGS SBYOR LAM BZOD PA NAS DANG, GSANG SNGAGS KYI GZUNGS MTHONG LAM NAS YOD CING, SGRA DON NI 'DZIN PAR BYED PAS NA GZUNGS TE, TSIG DANG DON 'DZIN PAS SAM; LEGS PA'I LAM LAS MI NYAMS PAR 'DZIN PAS SO, ,GNYIS PA RTOGS DKA' BYE BRAG TU BSHAD PA LA, YE SHES KYI TSOGS, SA'I TSOGS, GNYEN PO'I TSOGS BYE BRAG TU BSHAD PA'O, ,DANG PO NI, YE SHES KYI DBYE BA YUL GYI STONG NYID DBYE BA LA RAG LAS SHING, DE YANG STONG GZHI CHOS CAN GYI DBYE BA LA RAG LAS PAS, CHOS CAN NYI SHU PO 'DIR SMRAS PA, MIG SOGS NANG DANG GZUGS SOGS PHYI ROL RNAMS DANG NI, DBANG RTEN SOGS PHYI NANG GNYIS KAS BSDUS PA DANG, STONG PA'I DNGOS PO DANG PHYOGS BCU DANG MYA NGAN LAS 'DAS PA LAM DANG, RKYEN LAS SKYES PA DANG, CIG SHOS 'DUS MA BYAS DANG, MTHA' LAS 'DAS PA'I DBUS DANG, THOG MA DANG MTHA' MA MED PA'I 'KHOR BA DANG, BTANG ZHING DOR BA MED PA DANG, 'PHAGS PA'I SHES MTHONG GIS MA MDZAD PA'I RANG BZHIN DANG NI CHOS KUN DANG, CHOS KYI SKYE 'GAG LA SOGS DANG, 'DAS SOGS DUS GSUM DANG, RGYU RKYEN LDAN PA'AM TSOGS PA DANG, GCIG SHOS NGO BO NYER LEN GYI PHUNG PO LNGA DANG, NAM MKHA' DANG, STONG PA NYID CES BYA BA DANG, STONG PA NYID BYED PA PO GZHAN GYIS STONG PA CHOS KYI GZHAN GYI NGO BO NYID DANG, DE LTAR CHOS CAN NYI SHU PO DE DAG DON DAM BAR RANG RANG NGO BOS STONG PA'I PHYIR; DE LTAR DE DAG GI STONG NYID NYI SHU PO DE LA GO RIM BZHIN DU NANG DANG, PHYI DANG, DE GNYIS KA DANG, CHEN PO DANG, DON DAM PA DANG, 'DUS BYAS DANG, 'DUS MA BYAS DANG, MTHA' LAS 'DAS PA DANG, THOG MA DANG, THA MA MED PA DANG, DOR BA MED PA DANG, RANG BZHIN DANG, CHOS THAMS CAD DANG, MTSAN NYID DANG, MI DMIGS PA DANG, DNGOS PO MED PA DANG, DNGOS PO DANG, DNGOS PO MED PA DANG, RANG GI NGO BO DANG, GZHAN GYI STONG PA NYID CES BYA BA STE, STONG PA NYID NYI SHUR 'DOD LA, DE LTAR YUL STONG NYID NYI SHU'I BYE BRAG GIS DE DAG GI YUL CAN YE SHES KYI TSOGS KYANG

NYI SHU'O, ,NGAG DON NI, SHES BYA CHOS CAN, YE SHES KYI TSOGS NYI SHU YOD DE, DE'I YUL STONG NYID NYI SHU YOD PA'I PHYIR, DER THAL, STONG GZHI CHOS CAN NYI SHUR NGES PA'I PHYIR, 'DIR YE SHES KYI SA MTSAMS DANG, DMIGS PA GANG YIN DPYAD PA SOGS CHES GAL CHE BA'I GNAS 'GA' ZHIG MDOR BSDUS NA MTHA' MI CHOD, RGYAS PAR BSHAD NA MDAS PAR 'GYUR BAS 'DIR MA BRIS SO, ,LOGS SU BSHAD PAR 'DOD DO, ,GNYIS PA SA'I TSOGS BYE BRAG TU BSHAD PA LA, SPYI'I DON NI, SA'I NGO BO, ,DBYE BA, KHYAD CHOS, 'PHO TSUL, SGRA DON DANG LNGA'O, ,DANG PO NI, RTOGS PA DANG, YON TAN PHYI MA'I RTEN BYED PA'I BYANG SEMS KYI ZAG MED YE SHES THABS DANG BCAS PA'O, ,GNYIS PA DBYE BA NI, RAB TU DGA' BA SOGS BCU'O, ,GSUM PA KHYAD CHOS LA, LUS 'DZIN PA'I KHYAD PAR NI, SA BCU LA RIM PA BZHIN DU, 'DZAM GLING GI RGYAL PO DANG, 'KHOR LOS BSGYUR BA'I RGYAL PO DANG, BRGYA BYIN DANG, 'THAB BRAL DANG, DGA' LDAN 'PHRUL DGA', GZHAN 'PHRUL DBANG BYED BZHI'I BDAG PO DANG, STONG GI BDAG PO TSANGS PA DANG, STONG GSUM GYI BDAG PO TSANGS PA CHEN PO DANG, 'OG MIN DU LHA'I BU DBANG PHYUG CHEN PO RNAMS SU RNAM SMIN GYI LUS YONGS SU 'DZIN PAR 'GYUR RO, ,YON TAN GYI GRANGS NI, SA DANG POR SKAD CIG GCIG LA, SPRUL SKU'I SANGS RGYAS BRGYA MTHONG, DE DAG GIS BYIN GYIS BRLABS PA SHES, TING NGE 'DZIN BRGYA LA 'JUG ,'JIG RTEN GYI KHAMS BRGYA G-YO ZHING BRGYAR 'GRO, 'JIG RTEN GYI KHAMS BRGYA SNANG BAR BYED, SEMS CAN BRGYA SMIN, BSKAL PA BRGYAR GNAS, DE DAG GI SNGON DANG PHYI MA'I MTHA' LA 'JUG, CHOS KYI SGO BRGYA 'BYED, LUS BRGYA STON, LUS RE RE LA BYANG SEMS KYI 'KHOR BRGYA PHRAG RE RE STON PA STE, YON TAN BRGYA PHRAG BCU GNYIS 'THOB BO, ,DE BZHIN DU SA GNYIS PA LA STONG 'GYUR DANG, GSUM PA LA BRGYA STONG 'GYUR DANG, SA BZHI PA LA KHRAG KHRIG DANG, SA LNGA PA LA KHRAG KHRIG PHRAG STONG DANG, SA DRUG PA LA KHRAG KHRIG BRGYA STONG DANG, SA BDUN PA LA BYE BA KHRAG KHRIG BRGYA STONG DANG, SA BRGYAD PA LA STONG GSUM 'BUM PHRAG BCU'I RDUL SNYED DANG, SA DGU PA LA SANGS RGYAS KYI ZHING

, ,GRANGS MED 'BUM PHRAG BCU'I RDUL SNYED DANG, SA BCU PA LA SANGS RGYAS KYI ZHING JI SNYED YOD PA'I RDUL GYI GRANGS DANG MNYAM PA 'THOB BO, ,PHA ROL TU PHYIN PA'I KHYAD PAR NI, SA BCU LA RIM BZHIN, PHAR PHYIN BCU RANG RANG GI MI MTHUN PHYOGS DANG BRAL BA'I SGO NAS YONGS SU DAG PA 'THOB BO, ,GZHAN YANG RMI LAM GYI KHYAD PAR DANG, GZUNGS DANG, SPANGS PA'I KHYAD PAR SOGS DU MA MDO LAS BSHAD DO, ,BZHI PA 'PHO TSUL NI, SA GANG GIS YONGS SU SBYOR BAR 'GYUR BA'I CHOS GANG YIN PA RNAMS JI SRID MA RDZOGS PAR DE SRID DU SA DE YIN LA, RDZOGS NAS NI SA GZHAN YIN PAR SHES PAR BYA'O, ZHES 'GREL CHEN LAS BSHAD PA LTAR RO, ,LNGA PA SGRA DON NI, RGYAN LAS, 'BYUNG PO DPAG MED 'JIG MED PHYIR, ,DPAG TU MED PA DE DAG LAS, ,PHYI PHYIR GONG DU 'GRO LDAN PHYIR, ,DE DAG NYID NI SAR 'DOD DO, ZHES GSUNGS PA LTAR RO, ,GNYIS PA YAN LAG GI DON LA, SPYI'I MCHAM SBYAR BA DANG, SO SO'I DON BSHAD PA GNYIS, DANG PO NI, SA'I TSOGS LA ZHES SOGS GSUNGS SO, ,GNYIS PA LA RGYU'I SA DANG, 'BRAS BU'I SA GNYIS, DANG PO LA DGU'I SA DANG PO'I YONGS SBYONG LA, RTZA BA NI, YONGS SU SBYONG BA ZHES SOGS GSUNGS, 'GREL PA NI, RTZA 'GREL JI LTA BA BZHIN SPYAR NA; GZHI DGE BA THAMS CAD LA RANG DON YID BYED KYI GYA GYU MED PA'I BSAM PA DANG, RANG DANG GZHAN GYI DGOS PA SGRUB PA LA PHAN PA NYID DANG, SEMS CAN THAMS CAD LA BYAMS SOGS KYI SEMS RTZE GCIG PA NYID DANG, BDOG PA THAMS CAD YONGS SU GTONG BA DANG, DGE BA'I BSHES GNYEN MGU BAR BYED PA DANG, RIGS CAN GSUM GYI PHYIR DU THEG PA GSUM DU GTOGS PA DAM PA'I CHOS KYI DMIGS PA 'DOD PA DANG, KHYIM NA GNAS PA LA MNGON PAR MI DGA' BA DANG, BLA NA MED PA'I SANGS RGYAS KYI SKU 'DOD CING YID 'BYED BA DANG DAM PA'I CHOS RAB TU STON PA DANG; BDEN PAR SMRA BA NYID CES BYA BA DE LTA BU'I MTSAN NYID KYI CHOS BCUS RNAM PA THAMS CAD DU BSKYED PAR BYA BA YIN PA'I PHYIR, YANGS SU SPYOD PA'I RGYU'I KHYAD PAR BDEN PA'I NGO BO NYID MI DMIGS PAS KHYAD PAR DU BYAS PA'I MTSAN NYID KYI YONGS SU SBYONG BA DAG KHO NAS SA DANG PO RAB

TU DGA' BA THOB ZIN KHYAD PAR DU BYED PA'I SGO NAS YON TAN YONGS SU RDZOGS PAR 'THOB PA YIN NO, ,RTZA 'GREL GNYIS KA LA, NGAG DON NI, CHOS BCU PO 'DI CHOS CAN, SA DANG PO'I YONGS SBYONG YIN TE, SA DANG PO THOB ZIN YON TAN GYI SGO NAS RDZOGS PAR BYED PA'I SA DANG PO'I THABS SHES KHYAD PAR CAN YIN PA'I PHYIR, NGAG DON 'DI YONGS SBYONG LHAG MA THAMS CAD LA RIGS 'GRE'O, ,GNYIS PA'I YONGS SBYONG LA, RTZA BA NI, TSUL KHRIMS ZHES SOGS SO, ,'GREL PA NI, DGE BA'I CHOS SDUD BA NAS SBYIN PA LA SOGS PA'I PHA ROL TU PHYIN PA DRUG LA SPRO BA ZHES BYA BA DE LTA BU'I YONGS SU SBYONG BA SNGA MA BZHIN DU MI DMIGS PA'I SHES RAB KYIS ZIN PA'I SGO NAS YONGS SU SBYONG BA BYAS PA'I KHYAD PAR RNAM PA BRGYAD KYIS SA GNYIS PA DRI MA MED PA 'THOB PA YIN NO, ,SA GSUM PA'I YONGS SBYONG LA, RTZA BA NI, THOS PA ZHES SOGS SO, ,'GREL PA NI, DAM PA'I CHOS NYAN PAS DOMS MI SHES PA NAS RANG DANG GZHAN LA BLTOS NAS MI DGE BA'I CHOS MI BYED PA CES BYA BA DE LTA BU'I YONGS SU SBYONG BA RNAM PA LNGA PO SNGA MA BZHIN BDEN PA'I NGO BO NYID DU ME RTOG PA'I SHES RAB KYIS ZIN PA'I SGO NAS YONGS SU SBYONG BA BYAS BAS SA GSUM PA 'OD BYED PA RTOGS PA YIN NO, ,SA BZHI PA'I YONGS SBYONG LA, RTZA BA NI, NAGS GNAS ZHES SOGS SO, ,'GREL PA NI, RTAG TU DGON PAR GNAS PA DANG, RNYED PA MA THOG PA LA MNGON PAR 'DOD PA MED PA DANG, RNYED PA THOB PA LA LHAG PAR DON DU GNYER BA MED PA DANG, ZAS LA CHAGS PA'I GNYEN POR BSOD SNYOMS PA NYID LA SOGS PA STAN GCIG PA DANG, ZAS PHYIS MI LEN PA GSUM DANG, GNAS LA CHAGS PA'I GNYEN POR DGON PA BA DANG, SHING DRUNG PA DANG, BLA GAB MED PA DANG, DUR KHROD PA DANG, GOS LA CHAGS PA'I GNYEN POR CHOS GOS GSUM PA DANG, PHYING PA PA DANG, PHYAG DAR KHROD PA DANG, MAL STAN LA CHAGS PA'I GNYEN POR TZOG PU PA DANG, GZHI JI BZHIN PA STE, SBYANGS PA'I YON TAN BCU GNYIS YANG DAG PAR SDOM PA DANG, BSLAB PA BLANGS PA SROG LA SOGS PA'I PHYIR YANG YONGS SU MI GTONG BA DANG, 'DOD PA'I YON TAN LA NYES DMIGS SU BLTA

, ,BAS SMOD PA DANG, GDUL BYA DANG 'TSIMS PAR MYA NGAN LAS 'DAS PA GSUM LA GZHOL BAR BYED PA DANG, BDOG PA THAMS CAD YONGS SU GTONG BA DANG, DGE BA SGRUB BA LA SEMS MI ZHUM PA DANG, DNGOS PO THAMS CAD LA BDEN BAR MI BLTA BA ZHES BYA BA DE LTA BU'I YONGS SU SBYONG BA SNGA MA LTA BU SHES RAB KYIS ZIN PA RNAM PA BCUS SA BZHI PA 'OD 'PHRO BA CAN GNON BA YIN NO, ,SA LNGA BA'I YONGS SBYONG LA, RTZA BA NI, 'DRIS DANG ZHES SOGS SO, ,'GREL BA NI, RNYED PA LA SOGS PA'I DON DU RAB TU BYUNG BA DANG 'GROGS PA LA SOGS BA DE LTA BU'I MTSAN NYID KYI CHOS BCU RNAM PAR SPONG ZHING DE DAG LAS BZLOG PA'I CHOS DON GYIS 'PHANGS PA YONGS SU SBYONG BA RNAM PA BCU GNYIS SNGA MA BZHIN DU MI DMIGS PAR RTOGS PA'I SHES RAB KYIS ZIN PA'I SGO NAS YONGS SU SBYANGS BAS SA LNGA PA SBYANG DKA' BA 'THOB PA YIN NO,, SA DRUG PA'I YONGS SBYONG LA, RTZA BA NI, SBYIN SOGS BLANG BYA'I CHOS DRUG YONGS SU RDZOGS SHING SLOB MA DANG NI BSE RU LA DGA' BA SOGS SPANG BYA DRUG SPANGS PAS SA NI DRUG PA YANG DAG 'THOB BO, ,'GREL PA NI, SA DRUG PAR, SHER PHYIN GYI YON TAN YONGS SU DAG BA THOB PAS PHA ROL TU PHYIN PA DRUG YONGS SU RDZOGS PA ZHES BYA LA, DE DAG GI NANG NAS MI MTHUN PHYOGS SPONG BA'I TSUL KHRIMS DANG GZHAN DON LA RTZA GCIG PA'I BSAM GTAN RDZOGS PAS NYAN THOS DANG RANG SANGS RGYAS LA 'DOD PA'I SEMS SPONG BA DANG, CHES LA NGES RTOG GI BZOD PA'I PHAR PHYIN RDZOGS BAS NGO BO NYID MI DMIGS PA LA SKRAG PA'I SEMS SPONG BA DANG, SBYIN PA'I PHAR PHYIN RDZOGS PAS SLONG BA PO'I SKYE BOS BLANGS NA ZHUM PA'I SEMS SPONG BA DANG BRTZON 'GRUS KYI PHAR PHYIN RDZOGS PAS BDOG PA THAMS CAD RANG GI DANG GIS GTONG BAR ZHUGS PA LA MI DGA' BA'I SEMS SPONG BA DANG, THABS MKHAS KYI SHER PHYIN RDZOGS PAS RANG NYID BKREN YANG SLONG PA BO'I SKYE BO SPONG BA'I SEMS SPONG BA STE, DE LTA BU'I YONGS SU SBYONG BA BCU GNYIS KYIS SNGA MA BZHIN DU MI DMIGS PAR RTOGS PAS ZIN PA'I SGO NAS YONGS SU SBYANGS BAS SA DRUG PA MNGON

DU GYUR PA THOB ZIN GYI YON TAN YONGS SU RDZOGS PA'I SGO NAS KUN SHES PAR 'GYUR BA YIN NO, ,SA BDUN PA'I YONGS SPYOD LA, SPANG BYA NYI SHU SPONG TSUL DANG, GNYEN PO NYI SHU BSTEN TSUL LO, ,DANG PO LA RTZA BA NI, BDAG DANG ZHES SOGS SO, ,'GREL PA NI, BDAG DANG ZHES PA NAS, 'GAL BA BRJOD PA 'DZIN PA YONGS SU SPONG BA STE, NYES PA DE LTA BU NYI SHU DANG BRAL NAS BZLOG PA'I CHOS DON GYIS 'PHANGS PA YONGS SU SPYOD BA RNAM PA NYI SHUS SNGA MA BZHIN DU SA BDUN PA RING DU SONG BA THOB ZIN YON TAN GYI SGO NAS KUN SHES PAR 'GYUR BA YIN NO, ,GNYIS PA LA MTSAMS SBYAR NI, DON GYIS 'PHANGS PAS CHOS NYI SHU BOS 'DI BSTAN PA'I PHYIR, RTZA BA NI, RNAM THAR ZHES SOGS SO, ,'GREL PA NI, RNAM PAR THAR PA'I SGO CHOS THAMS CAD BDEN PAR GRUB PA BKAG PA STONG BA NYID DANG, MYA NGAN LAS 'DAS PA SPROS PA'I MTSAN MA MED PA DANG, ZAG BCAS KYI CHOS LA SMON PA MED PA YANG DAG PAR SHES PA DANG GSUM NI, GO RIM BZHIN DU BDAG DANG SEMS CAN DANG SROG TU 'DZIN PA DANG GSUM GYI GNYEN PO YIN NO, ,DGE BA BCU'I LAS KYI LAM LA BSANG PAR BYA BA DANG, GSOD PA PO DANG, BSAD PA MI DMIGS PA LA SOGS PA NI BDAG TU 'DZIN BA'I GNYEN PO YIN NO, ,SKYE BO THAMS CAD LA DMIGS PA'I SNYING BRTZE BA DANG, DNGOS POR DMIGS PA MED PA DANG, CHOS THAMS CAD MNYAM PA NYID DU RTOGS PA DANG, GSUM NI RIM BZHIN CHAD PA DANG, RTAG PA DANG, MTSAN MAR 'DZIN PA GSUM GYI GNYEN PO'O, ,MTHAR THUG GI THEG PA CHEN PO GCIG TU RTOGS BA NI MTHAR THUG GI RIGS GSUM THA DAD PAR 'DZIN PA'I GNYEN PO'O, ,MI SKYE BA YONGS SU SHES PA DANG, CHOS ZAB MO LA NGES PAR RTOG PA'I BZOD PA KHONG DU CHUD PA DANG, SHES BYA THAMS CAD THEG PA CHEN PO'I THABS GZUNG 'DZIN GNYIS MED KYI SGO NAS RAB TU STON PA GSUM NI RIM BZHIN PHUNG KHAMS SKYE MCHED DU BDEN PAR 'DZIN PA GSUM GYI GNYEN PO'O, ,DE BZHIN DU RTOG PA THAMS CAD GCOD PA NAS GDUL BYA DANG MTHUN BAR THAMS CAD DU BDAG GI LUS RAB TU STON PA'I BAR RNAMS NI, RIM BZHIN KHAMS GSUM LA GNAS

, ,BA NAS 'GAL BA BRJOD PA 'DZIN PA'I BAR GYI GNYEN PO STE, DE LTAR YONGS SU SBYONG BA RNAM PA NYI SHU PO 'DIS KYANG SNGA MA BZHIN DU SA BDUN BA RTOGS PAR 'GYUR BA YIN NO, ,SA BRGYAD PA'I YONGS SBYONG LA, RTZA BA NI, SEMS CAN KUN YID CES SOGS SO, ,'GREL PA NI, SEMS THAMS CAD KYI ZHES SOGS, YONGS SU SBYONG BA'I CHOS DE LTA BU RNAM PA BRGYAD KYIS SNGA MA BZHIN DU MI DMIGS PAR RTOGS PAS ZIN PA'I SGO NAS SBYANGS PA NAS BRGYAD PA MI G-YO BA THOB ZIN RDZOGS PAR NYAMS SU MYONG BAR 'GYUR BA YIN NO, ,SA DGU BA'I YONGS SBYONG LA, RTZA BA NI, SMON LAM ZHES SOGS SO, ,'GREL PA NI, SMON LAM MTHA' YAS PA DANG, LHA LA SOGS PA'I SEMS CAN THAMS CAD KYI SKAD SHES PA DANG, SBOBS PA CHU BO LTAR MI ZAD BA DANG, SKYE BO THAMS CAD KYIS BSNGAGS BA'I MNGAL DU 'JUG PA DANG, RIGS RGYAL BO DANG LA SOGS PA BRAM ZER GNAS PA DANG, RUS NYI MA LA SOGS PA LAS SKYES BA DANG, CHO 'BRANG MA LA SOGS PA DANG, BDUN BRGYUD TSUN CHAD DU LEGS PAR 'BREL BA'I GNYEN DAM PA BYON BYON PA DANG, RANG DBANG PA'I 'KHOR DANG, BRGYA BYIN LA SOGS BAS MNGON PAR BSTOD PAR SKYE BA DANG, SANGS RGYAS LA SOGS PAS BSKUL TE KHYIM NAS NGES PAR 'BYUNG BA DANG, YID BZHIN GYI NOR BU DANG 'DRA BA'I BYANG CHUB KYI SHING AA SHVAD THA DANG, KLU SHING LA SOGS PA DANG, KLUNG SHING LA SOGS PA DANG, CHOS SKU'I RANG BZHIN GYI SANGS RGYAS DANG, STOBS SANGS RGYAS KYI CHOS KYI NGO BOR GYUR BA YON TAN THAMS CAD YONGS SU RDZOGS PAR BYED PA ZHES BYA BA DE LTA BU'I ZHES SOGS SO, ,GNYIS PA 'BRAS BU'I SA LA GSUM GYI MTSAMS SBYAR NI, RGYU'I SA RNAMS KYI YONGS SU SBYONG BA DE LTAR SA SO SO LA NGES PAR BSTAN NAS 'BRAS BU'I SA NYID DU YONGS SBYONG DE DAG MA BSHAD PAR SA 'OG MA THAMS CAD KYI YON TAN BSDU BA'I SGRO NAS SA BCU PA'I MTSAN NYID 'CHAD DO, ,DE YANGS BCU BA LA YONGS SBYONG MI 'CHAD PA'I RGYU MTSAN LA, LOTZTSA BA CHEN BO SA SNGA MA SNGA MA LAS PHYI MA PHYI MA KHYAD BAR DU 'GYUR BAR SHES PA'I PHYIR YONGS SBYONG STON PA YIN PA LA SA BCU PA 'DI SA DGU PA LAS 'DAS PA'I 'BRAS BU'I SAR BSTAN PA NYID KYIS KHYAD PAR DU GYUR BAR

SHES PA'I PHYIR, YONGS SBYONG MA BSTAN CES GSUNGS KYANG, YONGS SBYONG BSTAN PA'I DGOS PA DE TZAM DU MA NGES LA, GZHAN DAG SA DGU BA'I YONGS SBYONG BCU GNYIS PO NYID BCU PA'I YANG YIN PAR 'DOD PA NI, SA DE DANG DE'I YONGS SBYONG MA RDZOGS PAR DE SRID DU SA DE YIN PAR SMRAS PA DANG CHES 'GAL BA YIN TE, SA BCU PA SA DGU PAR THAL BAS SO, ,DES NA RANG LUGS NI, SA BCU PA THOB PA NA 'OD ZER CHEN PO'I DBANG BSKUR THOB PA NYID KYIS SA'I YON TAN THAMS CAD 'BAD MED DU MNGON DU GYUR PAS YONGS SBYANG GI 'BAD RTZOL LA MI BLTOS PA'I PHYIR MA BSTAN PA YIN NO, ,RTZA BA NI, SA DGU ZHES SOGS SO; ;'GREL PA NI, SA DGU 'DAS NAS SANGS RGYAS KYI SA DE LA SMON LAM SHES PA GANG GIS GNAS PA'I SA DE NI, BYANG CHUB SEMS DPA'I SA BCU PA YIN PAR SHES PAR BYA'O, ,'O NA SANGS RGYAS KYI SA YIN NA BYANG SEMS KYI SAR 'GAL LO ZHEN, MI 'GAL TE, SA BCU PA LA NI BYANG CHUB SEMS DPA' SANGS RGYAS KHO NAR BRJOD PAR BYA YI YANG DAG BAR RDZOGS PA'I SANGS RGYAS NI MIN NO ZHES MDO LAS 'BYUNG BA'I PHYIR RO, ,'DA' BYAS DGU GANG ZHE NA, MING DON GO RIM BZHIN DU BSHAD PA NI NYAN THOS LA SOGS PA THEG DMAN GYI SBYOR LAM BZHI CHOS CAN, RIGS KYI SA YIN TE, DMAN PA'I BYANG CHUB TU RTOGS PA'I STOBS KYIS RIGS NGES PA'I SO SKYE'I RTOGS PA YIN PA'I PHYIR, DE YANG BYE BRAG SMRA BA DANG, MDO SDE PA KHA CIG, RANG BZHIN GYI SA NGES PA MI 'DOD CING, RTOGS PA'I STOBS KYIS BYANG SEMS DANG RANG RGYAL GYI THEG PA RNAMS DROD NAS RIGS NGES PAR 'DOD DE, MDZOD LAS, STON DANG BSE RU BYANG CHUB PAR, ,BSAM GTAN MTHA' RTEN GCIG LA KUN, CES PA LTAR RO, ,NYAN THOS NI BZOD CHEN NAS RIGS NGES BAR 'DOD KYI, DE'I SNGAR MIN TE, GNYIS SLOB RIGS LAS LDOG NAS NI, ,SANGS RGYAS SU 'GYUR GZHAN GSUM YANG, ZHES BZOD PA MA THOB PAR DU THEG CHEN DU YANG 'JUG SRID LA, BZOD 'BRING MAN CHAD DU RANG RGYAL DU YANG LDOG PA BSHAD PAS SO, ,DES NA DE DAG LTAR NA NYAN THOS KYI BZOD CHEN DANG CHOS MCHOG RIGS KYIS RA 'DOD LA, SEMS TZAM BA NYAN RANG RIGS MA NGES PA LHAG MED MA THOB BAR DU THEG CHEN DU 'JUG SRID BAS DE LA RIGS KYI

, ,SA BZHAG TU MED LA, NGES PA'I RIGS CAN RNAMS TSOGS LAM NAS NGES KYANG, RTOGS BA'I STOBS KYIS CHOS MCHOG NAS NGES PAS, CHOS MCHOG RIGS KYI SAR 'DOD CING, 'DIR SLOB DBON GYI BZHED PAS MA NGES PA'I RIGS CAN LA RIGS KYIS MI BZHAG LA, NYAN RANG MA NGES PA'I RIGS CAN RNAMS RTOGS PA'I STOBS KYIS SBYOR LAM NAS PHYIR MI LDOG PAS SBYOR LAM BZHI RIGS KYI SAR BZHAG STE, 'GREL CHEN LAS, PHYIR MI LDOG BA CES BYA BA NI, NGES PAR 'BYED BA'I CHA RTOGS PAS RANG BYANG CHUB LAS PHYIR MI LDOG BA'O, ZHES RANG RGYAL GYI LAM SHES KYI MDO'I 'GREL BA'I SKABS SU BSHAD PAS SO, ,'DIR GZHAN DAG GIS MDZOD BZHIN DU RANG LUGS LA BSHAD BA NI, GRUB MTHA' SMRA BA BZHI GAS THEG PA GSUM GYI RNAM GZHAG BYED BA MGO BAR NYAN RANG GI THEG PA'I RNAM GZHAG GANG BYED THAMS CAD DON SMRA GNYIS KYI LUGS BZHIN DU BYED DGOS SNYAM PA'I MUN SPRUL GANG CI YANG RUNG BA CHEN PO'O, ,'BRAS BU DANG PO LA ZHUGS PA NI BRGYAD BA'I SA DANG, RGYUN DU ZHUGS PA NI MTHONG BA'I SA DANG, LAN CIG PHYIR 'ONG BA'I RTOGS PA NI SRAB PA'I SA DANG, PHYIR MI 'ONG BA'I SA NI 'DOD CHAGS DANG BRAL BA'I SA DANG, DGRA BCOM PA NYID KYI RTOGS PA NI BYAS BA RTOGS PA'I SA DANG, LHAG MA ZHUGS PA GSUM GYI RTOGS PA NI NYAN THOS KYI SA'O, ,DE LTAR GSUM PO GCIG TU BSDUS NAS NYAN THOS KYI SA ZHES GSUNGS PA LA DGOS PA YOD DE, SA BCU BA'I 'DA' BYA LA TSUL LA MTHEG PA GSUM GYI RTOGS PA RNAM PAR BZHAG PAR DGONGS PAS BSDUS PA YIN PA'I PHYIR, RANG SANGS RGYAS RNAMS KYI RTOGS PA NI RANG SANGS RGYAS KYIS DANG, JI SKAD BSHAD BA'I BYANG CHUB SEMS DPA' SA RNAM PA DGU PO BYANG SEMS KYI SA ZHES GRANGS 'DZIN GCIG KHO NA STE, DE LTAR RNAM PA DGU PO'O, ,RTZA 'GREL GNYIS KA LA, NGAG DON NI, RGYUN MTHA'I YE SHES CHOS CAN, SA BCU BA YIN TE, DMAN BAS BRGYAD DANG, BYANG SEMS KYI SA 'OG MA RNAMS LAS 'DAS NAS SANGS RGYAS KYI SA TZAM LA GNAS PA'I BYANG SEMS KYI MNGON RTOGS YIN PA'I PHYIR, GSUM PA LA GSUM LAS, MTSAMS

SBYAR NI, GNYEN PO'I ZHES SOGS SO, ,RTZA BA NI, MTHONG DANG ZHES SOGS SO, ,'GREL PA NI, GZUNG BA'I RNAM PAR RTOG PA KUN NAS NYON MONGS PA'I DNGOS PO TZAM DANG, GNYEN PO'I RTAN CAN GNYIS DANG, 'DZIN PA'I RNAM PAR RTOG PA GANG ZAG RDZAS SU YOD BA DANG, SKYES BU BTAGS PAR YOD PA'I RTEN CAN GNYIS SO SOR KUN BRTAGS KYI CHA RNAMS MTHONG BA'I LAM DANG, LHAN SKYES KYI CHA RNAMS BSGOM PA'I LAM LA SPONG BAS GZUNG BA DANG 'DZIN PAR RNAM PAR RTOG BA BRGYAD NYE BAR ZHI BAR BYA BA'I PHYIR MI MTHUN BA'I PHYOGS KYI RAB TU DBYE BAS BDEN PA GNYIS KA'I RNAM PA LA BRTEN NAS MNGON DU BYA DGOS PA'I LAM GNYIS PO KHO NA'I GNAS SKABS KYI KHYAD PAR GNYEN PO RNAM PA BRGYAD DO, ,NGAG DON NI, GNYEN PO TSOGS SGRUB CHOS CAN, BRGYAD YOD DE, MTHONG SPANG GZUNG 'DZIN GYI RNAM RTOG BZHI'I GNYEN PO MTHONG LAM BZHI DANG, SGOM SPANG GZUNG 'DZIN GYI RNAM RTOG BZHI'I GNYEN PO SGOM LAM BZHI YOD PA'I PHYIR, BZHI PA NGES 'BYUNG SGRUB PA LA BZHI LAS, MTSAMS SBYAR NI, DE LTAR ZHES SOGS SO, ,RTZA BA NI, CHED DU BYA DANG ZHES SOGS SO, ,'GREL PA NI, MTHAR THUG GI NGES PAR 'BYUNG BA'I NGO BO NI, CHED DU BYA BA JI SKAD BSHAD PA DANG, DE LA'ANG GZHAN DON DANG, RANG DON GNYIS LAS; GZHAN DON 'PHRIN LAS KYI RGYU CHOS THAMS CAD MNYAM PA NYID RTOGS PA DANG 'PHRIN LAS KYI NGO BO SEMS CAN GYI DON PHYED PAR BYED PA RGYA CHE BA DANG, MTSAN MA MED PAR BYED PA NYID KYIS LHUN GYIS GRUB PA DANG, RANG DON SPANG RTOGS GNYIS LAS, JI LTA BA RTOGS PA RTAG PA DANG CHAD PA DANG BRAL BA'I NGO BO'I GNAS SKABS KYI KHYAD PAR DANG, SPANGS PA THEG PA GSUM GYI DON SGRIB PA GNYIS KA SPANGS PA 'THOB PA DANG, JI SNYED PA RTOGS PA JI SKAD BSHAD BA'I RNAM PA THAMS CAD MKHYEN PA NYID DANG, GNAS SKABS KYI NGES PAR 'BYUNG BA RNAM MKHYEN DE'I KHYAD PAR GYI LAM RDO RJE LTA BU'I TING NGE 'DZIN TE, NGES BAR 'BYUNG BAR BYA BA'I GZHI DE LTA BU DAG LAS KHYAD PAR DU 'PHAGS PA'I CHOS GZHAN MED PA'I PHYIR DON DAM PAR DE DAG THAMS CAD MI DMIGS PA NYID KYIS KUN RDZOB TU DE DAG TU NGES PAR 'BYUNG BAR BYA BA RNAM PA BRGYAD YIN PAS NGES PAR 'BYUNG BA'I SGRUB PA NI

, ,RNAM PA BRGYAD DO, ,NGAG DON NI, NGES 'BYUNG SGRUB PA BRGYAD DU NGES TE, GNAS SKABS DANG MTHAR THUG GI NGES PAR 'BYUNG BA BRGYAD DU NGES PA'I PHYIR, GSUM PA SKABS BSDU BA NI, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL BA'I RNAM BSHAD RTOGS PAR DKA' BA'I SNANG BA LAS, SKABS DANG PO'I 'GREL PA'O,, ` ,,GNYIS PA RGYU THUN MONG MIN PA LAM SHES LA, MTSAMS SBYAR, CHOS BCU GCIG BSHAD, SKABS BSDU BA'O, ,DANG PO NI, RNAM MKHYEN GYI 'OG TU LAM SHES 'CHAD DO, ,RNAM PA THAMS CAD MKHYEN PA NYID KYI CHOS BCU RTOGS SHING KHONG DU CHUD PA NI LAM SHES PA NYID YONGS SU SHES PA MED NA MED PAS SO, ,DE'I RGYU MTSAN YANG, RNAM MKHYEN GYI CHOS BCU NI RNAM MKHYEN GYI RGYU 'BRAS GNYIS KA STON PA YIN LA, DE LTA NA'ANG SNGAR NI RGYU BYANG SEMS KYI 'PHAGS LAM GYI KHYAD PAR BCU'I YONGS SBYONG TZAM ZHIG BSTAN KYANG BYANG SEMS KYI 'PHAGS LAM NGO BO LAM GSUM SHES PAR BYED TSUL DANG, MTHONG SGOM LAM GYI RNAM PAR BZHAG PA LAM DE DAG GI LDOG PA'I SGO NAS MA BSTAN PAS, DE'I PHYIR RNAM MKHYEN CHOS BCU LAS, RGYU'I CHOS BYANG SEMS KYI LAM LOGS SU DRANGS TE 'DIR KHYAD PAR DU BSHAD PA YIN NO, ,DE LTAR YANG 'GREL CHEN LAS, MTHONG BA'I LAM DE'I NGES PAR 'BYED PA'I CHA DANG MTHUN BA NI, RNAM PA THAMS CAD MKHYEN PAR BSHAD PA LAS GZUNG BAR BYA'O, ,GAL TE DE LTAR YIN NA, RAB TU DGA' BA LA SOGS BA'I SA RNAMS KYANG, DER SMOS PAS BYANG CHUB SEMS DPA' RNAMS KYI MTHONG BA LA SOGS PA'I LAM BSTAN BA YIN PA'I PHYIR, YANG CI'I PHYIR BSTAN CE NA BRJOD PAR BYA STE, RGYU DANG 'BRAS BU MA LUS PAR THUGS SU CHUD BA LA BLTOS TE, DE BZHIN GSHEGS PA RNAMS KYI RNAM PA THAMS CAD MKHYEN PA NYID BRJOD PA YIN LA, RGYAL BA'I SRAS RNAMS KYI LAM NI DE LAS GSUNGS PA MIN NO, ZHES DOGS PA BSAL BA'I PHYIR DE NYID LAS RGYU 'BRAS TZAM ZHIG DRANGS NAS BYANG CHUB SEMS DPA' RNAMS KYI MTHONG BA'I LAM BDAG NYID CAN LAM SHES PA NYID DU LOGS SHIG

TU BZHAG PA YIN NO, ZHES SOGS SO, ,GZHAN DAG NI LAM SHES MED NA RNAM MKHYEN MI 'THOB PAS LAM SHES 'CHAD CES BSHAD MOD, LAM SHES MED NA MED CES PAR SONG GI LAM SHES YONGS SU SHES PA MED NA MED CES PAR MA SONG LA, 'DIR MKHYEN BA GSUM NI, THOS BSAM GYIS GTAN LA 'BEBS PA'I YUL DU BSTAN PA TZAM YIN PAS, LAM SHES LAS RNAM MKHYEN SKYE BA'I GO RIM LAS, RNAM MKHYEN GYI CHOS BCU KHONG DU CHUD PA, LAM SHES KYI CHOS BCU GCIG KHONG DU CHUNG PA LA BLTOS PA'I GO RIM NYID SKABS SU BAB PA YIN NO, ,GNYIS PA CHOS BCU GCIG BSHAD PA LA, LAM SHES KYI YAN LAG DANG, YAN LAG CAN GYI LAM SHES GNYIS, DANG PO LA, RTZA BA NI, LHA RNAMS ZHES SOGS SO, ,'GREL PA LA, LAM SHES SKYE BA'I RTEN, RANG RGYUD KYI SGRIB PA GANG SPONG BA RANG BZHIN, GZHAN JI LTAR RJES SU 'DZIN PA'I BYED PA DANG GSUM, DANG PO LA, DNGOS KYI RTEN DANG, BRGYUD PA'I RTEN GNYIS, DANG PO LA GNYIS LAS, GEGS DANG BRAL BA NI, LAM SHES GSUNGS BA'I TSE DE BZHIN GSHEGS PA'I RANG BZHIN GYI 'OD DAG GIS LHA LA SOGS PA RNAM PAR SMIN PA 'OD MOG MOG POR MDZAD PA NI CHOS CAN, DGOS PA YOD DE, LHA DE DAG LA LAM SHES PA NYID DE MA THAG SKYE BAR RUNG BA NYID DU BSGRUB PA'I PHYIR DANG, NGA RGYAL BCOM PA'I RGYUD KHO NA LA RTOGS PA LAM SHES DNGOS SU SKYE BO ZHES BYA BAR PHYIS KYI GDUL BYAS SHES PAR BYA BA'I PHYIR DU MDZAD PA'I PHYIR, DE'I PHYIR MDO DE'I TSIG ZUR GYIS LAM SHES DE MA THAG SKYE BA'I RTEN NGA RGYAL BCOM PA ZHIG DGOS PAR BRJOD PA YIN NO, ,GNYIS BA MTHUN RKYEN DANG LDAN PA'I RTEN NI, LAM SHES DE YANG CHOS CAN, SKYE YUL SO SOR NGES PA YIN TE, KHYOD THOB MA THAG PA'I GANG ZAG YIN NA, BYANG CHUB TU SEMS BSKYED PA KHO NA YIN PAS SO, ,GNYIS PA NI, 'DOD CHAGS DANG BRAL PA NYAN RANG DGRA BCOM DANG, DE LAS CIG SHES KYI RNAL 'BYOR PA 'DOD CHAGS DANG MA BRAL PA'I NYAN RANG SLOB PAS KYANG SANGS RGYAS NYID THOB PAR BYA BA'I PHYIR LAM SHES BA NYID BSGOM PAR BYA BA YIN PAS KHYAB PA YIN NO, ,RIGS CAN GSUM GYI SKYE BO THAMS CAD BLA NA MED PA YANG DAG PAR

, ,RDZOGS PA'I BYANG CHUB KYI MTHAR THUG PA CAN YIN PA DE'I PHYIR GAL TE YUL DES PA DANG, ZHES PA'I MDOR, GANG YANG DAG PA'I SKYON MED PA LA ZHUGS PA DE DAG LA NI, BLA MED RDZOGS PA'I BYANG CHUB TU SEMS BSKYED PA'I MTHU MED DE, ZHES SOGS KYIS NYAN RANG DGRA BCOM LAM SHES BSGOM MI SRID PAR BSTAN PA MIN NAM ZHE NA, DE NI DE MA THAG MI SKYE BA'I DBANG DU BYAS PA YIN TE, THEG PA GSUM RNAM PAR BZHAG PA NI DGONGS PA CAN YIN GYI NGES DON MTSAN NYID PA MIN NO ZHES MDO DE NYID KYI LUGS LAS 'BYUNG BA'I PHYIR RO, ,CIG SHOS KYI RNAL 'BYOR PA BYANG SEMS MIN TE, LAM SHES SEMS BSKYED PA LA SKYE BAR BSTAN MA THAG YIN PAS SO, ,PHYI ROL PA LA BYED PA LA 'BREL PA GANG YANG MED DO, ,'DI'I MTHA' DBYAD PA NI, MTHAR THUG THEG PA GCIG TU NGES PA'I RGYU MTSAN CI ZHE NA, SEMS CAM PA DAG DGONGS GZHI THEG PA GSUM GYI CHOS DBYINGS RANG BZHIN RNAM DAG TU THA DAD MED PA DANG, LAM BDAG MED RTOGS PA DANG, 'BRAS BU RNAM GROL DU MTSUNGS PA LA SOGS LA DGONGS NAS, DGONGS PA NYAN THOS MA NGES PA THEG CHEN DU DRANGS PA DANG, BYANG SEMS MA NGES PA'I RIGS CAN THEG CHEN DU BZUNG BA'I PHYIR MTHAR THUG THEG PA GCIG TU GSUNGS PA YIN GYI, NGES DON LAM MTHAR THUG GI THEG PA GSUM YIN TE, KHAMS DANG, MOS PA DANG, SGRUB PA DANG, 'BRAS BU RNAMS GSUM DU NGES SHING, DGRA BCOM LHAG MED DU ZHUGS PA SLAR SKYE BA MED PA'I PHYIR, ZHES 'DOD KYANG, 'DIR NI MTHAR THUG GI THEG PA GCIG TU NGES TE, MTHAR THUG PA'I MYANG 'DAS THOB NA 'JIGS PA MED PA'I GNAS THOB DGOS PA LA, NYAN RANG GI MYANG 'DAS THOB KYANG SHES SGRIB KYI 'JIGS PA DANG BCAS PA'I PHYIR RO, ,DES NA SANGS RGYAS MA THOB PAR MYANG 'DAS MTHAR THUG MED PAS MTHAR THUG THEG PA GCIG TU NGES SO, ,DES NA NYAN RANG LHAG MED DU ZHUGS PA'ANG, DAG PA'I ZHING DU PADMA'I SBUBS SU YID KYI RANG BZHIN GYI LUS BLANGS TE ZAG MED KYI TING NGE 'DZIN LAS SANGS RGYAS KYI 'OD ZER GYIS SAD PAR BYAS NAS SLAR THEG CHEN DU 'JUG PAR YANG

GSHEGS LAS BSHAD CING, NYAN RANG GI THEG PA GSUNGS PA NI, 'KHOR BA'I LAM GYIS DUB PA'I GDUL BYA 'GA' ZHIG RE SHIG DBUGS DBYUNG BA'I CHED DU YIN NO, ,'O NA NYAN RANG DGRA BCOM THEG CHEN GYI LAM GANG NAS 'JUG CE NA, TSOGS LAM NAS 'JUG DGOS TE, CHOS NYID SGOM BA DANG MNGON SUM DU RTOGS PA DUS MNYAM MI 'ONG BAS MNGON SUM DU RTOGS PA'I GONG DU CHOS NYID DON SPYI'I TSUL GYIS RTOGS PA'I 'JIG RTEN PA'I SGOM BYUNG 'GRO DGOS SHING, DE NI SBYOR LAM YIN LA, DE'I SNGON DU TSOGS GSOG PA DANG 'BREL BAR BYAS PA'I SGO NAS CHOS NYID THOS BSAM GYIS GTAN LA 'BEBS PA 'GRO DGOS SHING, DE NI TSOGS LAM YIN PA'I PHYIR RO, ,'O NA 'KHOR BA'I MTHA' YOD DAM MED CE NA, SHES BYA CHOS CAN, 'KHOR BA ZAD PA'I MTHA' YOD PAR THAL, MYANG 'DAS YIN NA 'KHOR BA ZAD PA'I MTHA' YIN DGOS PA'I PHYIR, GZHAN DU NA MYANG 'DAS THOB KYANG; 'KHOR BA MA ZAD PAR 'DOD DGOS PAS 'KHOR BA'I ZAD MTHA' MED DO, ZHES 'DOD PA NI THAR PA LA SKUR PA 'DEBS PA'O, ,GAL TE MYANG 'DAS THOB BA NA MYANG 'DAS THOB PA'I GANG ZAG RANG GI 'KHOR BA ZAD PA YIN GYI, 'KHOR BA TZAM ZAD PA MIN PAS, DE TZAM GYIS 'KHOR BA ZANG PA YOD PAR MI 'GYUR RO ZHE NA, 'O NA SANGS RGYAS PA NA RANG RGYUD KYI SGRIB GNYIS SPANGS PA YIN GYI, SGRIB GNYIS TZAM SPANGS PA MIN PAS; SANGS RGYAS YOD KYANG SGRIB GNYIS SPANGS PA YOD MI DGOS SO, ZHES SMRAS NA LAN CI YONG SOMS SHIG, DES NA 'KHOR BA'I ZANG MTHA' MED NA NYON MONGS ZAD PA MED DGOS PAS, SGRIB GNYIS MA LUS PAR ZAD PA YOD DO ZHES 'DOD PA DANG, CHES SHIN TU DNGOS SU 'GAL BA YIN NO, ,NGES NA 'KHOR BA ZAD PA YOD DE, NYON MONGS ZAD PA YOD BAS SO, ,'O NA SEMS CAN THAMS CAD 'TSANG RGYA'AM MI RGYA ZHE NA, RGYA STE, SEMS CAN THAMS CAD KYI SEMS RGYUD LA SGRIB GNYIS GLO BUR BA YIN PAS GNYEN PO DANG PHRAD NA 'BRAL RUNG YIN CING, SANGS RGYAS KYI 'PHRIN LAS SEMS CAN THAMS CAD LA 'JUG PA'I PHYIR RO, ,DE YANG SANGS RGYAS RE RE'I 'PHRIN LAS KYANG SEMS CAN THAMS CAD LA 'JUG DGOS TE, SEMS CAN THAMS CAD THUGS

, ,RJE'I YUL DU DONG BAS KHYAB PA'I PHYIR DANG, GANG LA SANGS RGYAS KYI THUGS RJE ZHUGS PA LA 'PHRIN LAS 'JUG PAS KHYAB PA'I PHYIR RO, ,GZHAN DU NA SEMS CAN THAMS CAD KYI DON DU SANGS RGYAS THOB PAR BYA'O ZHES THUGS BSKYED PA DANG, DE KHO NA'I PHYIR DU TSOGS GNYIS BSAGS PA THAMS CAD DON MED DU THAL BAR 'GYUR TE, SANGS RGYAS KYANG SEMS CAN THAMS CAD KYI DON BYED MI NUS PA'I PHYIR RO, ,DE LTAR NA SANGS RGYAS RE RE YANG SEMS CAN THAMS CAD MYA NGAN LAS MA 'DAS KYI BAR DU MYA NGAN LAS MI 'DA' BAR GSUNGS PA LEGS PAR GNAS PAR 'GYUR RO, ,SEMS CAN THAMS CAD 'TSANG RGYA NA, SEMS CAN THAMS CAD SANGS RGYAS BA'I DUS SRID DGOS LA, DE LTA NA SANGS RGYAS KYI 'PHRIN LAS RGYUN CHAD PA'I GNAS SKABS SRID PAR 'GYUR RO ZHE NA, SEMS CAN THAMS CAD 'TSANG RGYA BA LA, SANGS RGYAS PA'I GNAS SKABS SRID MI DGOS TE, SEMS CAN LA TSAD MED PA'I PHYIR RO, ,GZHAN YANG NYES PA 'DI NI, KHYOD RANG LA YANG MTSUNGS TE, SEMS CAN THAMS CAD 'TSANG RGYA MI RGYA GNYIS SU GRANGS NGES LA, 'TSANG RGYA RGYU RNAMS RGYAS TSAR BA NA SANGS RGYAS KYI 'PHRIN LAS RGYUN CHAD PAR THAL BAS SO, ,KHYOD KYIS BRJOD PA 'DI NI KHYAB PA 'GAL BA'ANG YIN TE, SEMS CAN THAMS CAD SANGS RGYAS LA BKOD NA, SANGS RGYAS KYI 'PHRIN LAS RGYUN MA CHAD DGOS PA'I PHYIR TE, GDUL BYA SANGS RGYAS LA BKOD PA SANGS RGYAS KYI 'PHRIN LAS YIN PAS SO, ,GZHAN DU NA, DU BA SKYES PA NA, ME'I 'BRAS BU RGYUN CHAD DGOS PAR 'DOD PA DANG, KHYAD PAR CI 'DUG SOMS SHIG ,THOG MA DANG THA MA MED PA STONG PA NYID KYI STONG GZHI CHOS CAN, 'KHOR BA MIN PAR THAL, 'KHOR BA'I MTHA' YOD PA'I PHYIR ZHE NA, DER 'KHOR BA THOG MA DANG MTHA' MA MED PAR GSUNGS PA NI, 'GRO 'ONG BRAL PHYIR RMI LAM LTA BU'I ZHES DANG, DE'I THAD KYI MDO LAS KYANG, SKYE BA SNGA MA NAS 'DIR 'ONGS PA DANG, 'DI NAS PHYI MAR 'GRO BA MED PA'I DON DU GSUNGS LA, DE YANG DON DAM PA'I DBANG DU BYAS KYI GZHAN DU NA SKYE BA SNGA PHYI MED PAR 'GYUR RO, ,DE BAS NA KHO BOS JI SKAD BSHAD PA BZHIN SHES PAR BYA ZHING

'DI DAG LA BRJOD PAR MANG YANG RE ZHIG BZHAG GO, GNYIS PA NI, BYANG CHUB TU SEMS BSKYED PA'I BYANG SEMS NI CHOS CAN, NYON MONGS PA RNAM PA THAMS CAD DU CHED DU GNYER NAS SPONG BA MIN PA CES BYA BA NI RANG BZHIN YIN TE, 'KHOR BA JI SRID PA SEMS CAN GYI DON BYED PAR BZHUGS PA'I SLOB PA YIN PA NYID KYIS GZHAN DON DU SHES SGRIB SPONG BA DON DU GNYER GYI, RANG DON DU NYON MONGS SDANGS PA TZAM DON DU MI GNYER BA'I PHYIR RO, ,'KHOR BA JI SRID BAR SEMS CAN GYI DON BYED PA NI SANGS RGYAS KYANG YIN PAS, DE LA ZHUGS PAR BSHAD PA TZAM GYIS 'KHOR BAR SKYE BA LEN GA LA DGOS, DE'I PHYIR t'IKA BYED DAG GIS MA 'KHRUL BA BYAS LA 'DIR NYON MONGS MI SPONG BAR BSHAD PA'ANG SKYE BA LEN PA'I RGYUR DGOS NAS MIN TE, DAG SA LA GNAS PAS GZHAN DON DU SKYE BA LEN PA'I MI SRID PAS KHYAB PAR THAL BA'I PHYIR DANG, SKYE BA LEN NA LAS NYON GYI DBANG GIS LEN PAS KHYAB PAR THAL BA'I PHYIR RO, ,BYANG SEMS KYIS NYON MONGS GTAN MI SPONG BAR BSHAD PA MIN TE, DE LTA NA SANGS RGYAS LA'ANG NYON MONGS YOD PAR THAL LO, ,NYON MONGS KYI BAG LA NYAL SA BCU PA'I BAR DU MI SPONG BAR BSHAD PA TZAM YANG MIN TE, BAG LA NYAL YIN NA NYON MONGS MIN DGOS PA'I PHYIR TA, DMIGS RNAM MI 'DZIN PAS SHES PA MIN DGOS PA'I PHYIR RO, ,KHA CIG SNYING RJE DANG, SMON LAM DANG, SEMS BSKYED SOGS DGE BA'I RTZA BA DANG MTSUNGS LDAN GYI CHOS SU BLO GROS RGYA MTSO'I MDO LAS GSUNGS PA DE DAG 'DIR MI SPONG BA RGYU'I NYON MONGS SU 'DOD CING, DE YANG NYON MONGS DANG SKYE BA LEN PA'I RGYUR 'DRA BAS NYON MONGS SU BTAGS SO, ZHES ZER BA'ANG MI 'THAD DE, LAM SHES KYIS SEMS BSKYED SOGS SPONG MI SPONG GI DOGS PA BLUN PO GNAG RDZI'I NGOR YANG DPYAD MI DGOS PA'I PHYIR RO, ,DES NA 'DIR NI NYON MONGS TZAM BYANG SEMS KYIS CHED DU GNYER NAS MI SPONG BAR BSTAN PA TZAM YIN NO, ,GSUM PA NI, DE'I 'OG TU DE LTA BU'I RANG BZHIN CAN GYI LAS NI RANG DON DU YANG DAG PA'I MTHA' MNGON DU MI BYED PA DANG, GZHAN DON DU SHES RAB DANG THABS MKHAS PAS SEMS CAN YONGS SU MA BSDUS PA YONGS SU SDUD PA LA SOGS PA YIN PAS DE

, ,NYID LAM SHES KYI BYED PA YIN NO, ,NGAG DON NI, DE 'DRA PHYI MA PHYI MA CHOS CAN, LAM SHES SNGA MA'I BYED LAS YIN TE, DE'I 'BRAS BU YIN PA'I PHYIR, GNYIS PA YAN LAG CAN GYI LAM SHES LA, NYAN THOS DANG, RANG RGYAL DANG, BYANG SEMS KYI LAM SHES PA'I LAM SHES GSUM, DANG PO LA, LAM SHES DNGOS DANG, RGYU DES 'BYED CHA MTHUN GNYIS, DANG PO LA, SPYI'I DON NI, NYAN THOS KYI LAM SHES PAR BYED TSUL LA, GZHAN DAG GIS 'DOD PA NI, SNGAR BKAG ZIN LA RANG LUGS LA GANG ZAG GI BDAG MED MNGON SUM DU RTOGS PA'I YE SHES NYAN THOS KYI LAM YIN CING, YE SHES DE LA MYONG STOBS KYIS SGRO 'DOGS CHOD PA'I YE SHES NYAN THOS KYI LAM SHES PA'I DON DU BSHAD PA LA, DE'I DON YANG JI LTA BU ZHE NA, SPYIR NYAN THOS DANG RANG SANGS RGYAS KYI LAM NI, BYANG SEMS KYIS YONGS SU SHES PAR BYA BA TZAM GYI LAM DE DANG DE'I 'BRAS BU MNGON DU BYA BA TZAM MIN PAS, GANG ZAG DANG GZUNG BA CHOS KYI BDAG MED RTOGS PA YANG BYANG SEMS KYIS SHES PAR BYA BA'I MNGON RTOGS TZAM YIN GYI, MNGON DU BYA BA'I MNGON RTOGS MIN PA'I PHYIR, MTHONG LAM DU BDAG MED GNYIS MNGON SUM DU RTOGS BAR BYED PA TZAM YIN GYI SGOM LAM DU RTOGS ZIN SGOM PAR BYED DGOS PA NI MIN NO, ,NYON SGRIB NI, 'DZIN PA BDEN MED RTOGS PA'I YE SHES KYIS SHES SGRIB SPANGS PA'I ZHAR LA SPONG BAS DE'I GNYEN POR SGOM MI DGOS LA, NYAN RANG GI RIGS CAN RJES SU 'DZIN PA NI MTHONG LAM DU SHES PA TZAM GYIS CHOG PA'I PHYIR, DE BAS NA NYAN RANG GI LAM SHES BA'I LAM SHES GNYIS KYANG MTHONG LAM GYIS BSDUS PA YIN PAS, DE GNYIS MTHONG LAM KHO NA'I DBANG DU BYAS TE, NGES 'BYED CHA MTHUN DANG 'BREL BAR BSTAN CING, BYANG SEMS KYI LAM SHES PA'I LAM SHES NI MTHONG SGOM SO SOR PHYE NAS BSTAN PA YIN LA, DE YANG SBYAR LAM DU GZHI GANG ZAG GI BDAG MED PA DANG, GANG ZAG GI BDAG MED RTOGS PA'I YE SHES KYIS GZUNG BA LTAR YANG DON DAM PAR MA GRUB PA'I TSUL THOS BSAM GYIS GTAN LA PHAB PA LTAR BSGOMS PAS MTHONG LAM DU GANG ZAG GI BDAG

MED MNGON SUM DU RTOGS PA NA, DE'I 'OG TU RTOGS PA DE'I CHOS NYID LA MNYAM GZHAG TU MNGON SUM DU DMIGS PAS RJES THOB TU MNYAM GZHAG DE'I STOBS KYIS GANG ZAG GI BDAG MED RTOGS PA'I SHES RAB DE SGYU MA LTA BUR DRAN PA'I SGO NAS, DE'I MTSAN NYID JI LTA BA BZHIN DU RTOGS PA'I NGES SHES 'DREN PAR NUS PA YIN LA, DE'I PHYIR MNYAM GZHAG YE SHES DE LA NYAN THOS KYI LAM LA MYONG STOBS KYIS SGRO 'DOGS GCOD PA CES BYA ZHING, TSUL 'DI RANG RGYAL GYI LAM SHES PAR BYED TSUL YANG RIGS BSGRE'O, ,GNYIS PA TSIG DON LA GSUM LAS, MCHAMS SBYAR NI, DE LTAR RTEN LA SOGS PA BRJOD NAS LAM SHES PA NYID KYI SKABS SU LAM GSUM PO THAMS CAD SPANGS RTOGS KYI SGO NAS RDZOGS PAR BYA DGOS PAS NYAN THOS KYI LAM SHES 'CHAD DO, ,RTZA BA NI, SHES PAR BYA, GANG DU NA, LAM SHES NYID KYI TSUL LA NI'O, ,GANG NA 'PHAGS PA'I BDEN PA BZHI DAG GI RNAM PA RTOGS PA'I NYAN THOS LAM 'DI LA'O, ,GANG GI SGO NAS NA MI DMIGS PAR RTOGS PA'I SHES RAB KYIS ZIN PA'I SGO NAS NI'O, ,'GREL PA NI SKABS 'DIR, MDO LAS, BDEN BZHI'I RNAM PA NYI SHU RTZA DRUG GSUNGS PA DE LA SDUG BSNGAL BDEN PA'I GO RIM BZHIN DU MI RTAG PA DANG, SDUG BSNGAL BA GNYIS NI RANG MING GIS BSTAN CING, STONG PA'I MTSAN NYID BDAG MED PA CES PA'I MING GZHAN GYIS BSHAD LA, BDAG MED DE DAG GI MTSAN NYID ZHI BA'I RNAM PA CES PA'I MING GZHAN GYIS BSHAD PAS DE LTAR RNAM PA BZHI DAG DANG, GZHUNG 'DI 'GYUR MDAG PAS, GSER GLING PA'I 'GREL BSHAD DU, STONG PA'I MTSAN NYID BDAG MED BA DANG, DE DAG GI MTSAN NYID ZHI BA'I RNAM PA BZHI DAG DANG, ZHES 'BYUNG BA LTAR RO, ,KUN 'BYUNG BA'I BDEN PA'I RGYU DANG, KUN 'BYUNG BA DANG RAB TU SKYE BA DANG, RKYEN GYI NGO BOR RNAMS NI RIM BZHIN, NAD DANG; 'BRAS DANG, ZUG RDU DANG, SDIG PA'I RNAM BCAS PA'I MING GZHAN RNAMS KYIS BSTAN TO, ,DE DAG NI SDUG KUN SO SO BA'I RNAM PA YIN CING, DER MA ZAD SDUG BSNGAL DANG, KUN 'BYUNG GI BDEN BA DE DAG NYID SO SO LA YID 'BYUNG BA DANG, 'DOD CHAGS DANG BRAL BAR BYA BA DANG, 'GOG PAR

, ,BYA BA'I RNAM PA GSUM GSUM YOD LA, DE DAG NI MDO LAS RIM BZHIN PHA ROL LA SOGS PA'I RNAM PA GNYIS DANG GNYIS DANG GSUM RNAMS KYIS MTSON TE BSTAN PA YIN NO, ,JI LTAR NA SDUG KUN CHOS CAN, MTHONG LAM DU YID 'BYUNG BAR BYA BA'I MTSAN NYID CAN YIN TE; PHYIR RGOL BAS PHA ROL DANG, GNOD BYED YOD PAS 'JIG PA'I CHOS CAN GYI RNAM PA'I NGO BO NYID DAG TU BSGOM PAR BYA BA YIN PA'I PHYIR, DE CHOS CAN, BSGOM LAM THA MAR 'DOD CHAGS DANG BRAL BA DAG GI NGO BO YIN TE, G-YO BA DANG RAB TU 'JIG PA'I RNAM PA DAG TU BSGOM BAR BYA BA YIN PA'I PHYIR, DE CHOS CAN, LHAG MED DU 'GOG PAR BYA BA'I RANG GI NGO BO YIN TE, 'DI PHYI'I GNOD PA'I GNAS SU GYUR PAS 'JIGS PA DANG, SEMS CAN GYI GNOD PAS GLAGS THOD BAS NAD 'GO BA DANG, SEMS CAN MIN PA'I GNOD PAS GLAGS THOD PAS 'CHE BA'I RNAM PA RNAMS SU YID LA BYA BA YIN PA'I PHYIR, 'O NA PHA ROL SOGS KYIS YID 'BYUNG BA SOGS BSTAN PA YIN KYANG YID 'BYUNG BA SOGS GSUM SDUG KUN GYI RNAM PA YIN PAR GANG LAS BSTAN ZHE NA, SDUG KUN LA YID 'BYUNG BA DANG, 'DOD CHAGS DANG BRAL BAR BYA BA'I DANG, 'GOG PA'I PHYIR ZHUGS PA YIN NO ZHES RNAM GRANGS BSDU BA LAS 'BYUNG BA'I PHYIR RO, ,'DI NI LUNG DON BLANGS PA'O, ,'GOG PA'I BDEN PA'I 'GOG PA'I RANG GI NGO BO BDAG MED PA'I MING GIS DANG, ZHI BA, RANG MING GIS DANG GYA NOM PA'I RNAM PA'I BDAG NYID DBEN PA ZHES PA'I MING GIS DANG; NGES PAR 'BYUNG BA'I MTSAN NYID STONG PA NYID DANG, MTSAN MA MED PA DANG, SMON PA MED PA DANG, MNGON BAR 'DU BYED PA MED PA'I RNAM PA DAG GI MING GIS DANG, LAM GYI BDEN PA'I LAM DANG, RIGS PA DANG, SGRUB PA DANG, NGES PAR 'BYIN PA'I RNAM PA RNAMS RANG GI MING GIS BSTAN TE, DE LTAR MDO LAS BSTAN PA'I BDEN BZHI'I RNAM PA RNAMS RTOGS PA NYAN THOS RNAMS KYI LAM YIN PAR NGO BO NYID MI DMIGS PA'I SHES RAB KYIS ZIN PA'I SGO NAS LAM SHES PA NYID KYI SKABS SU BYANG CHUB SEMS DPAS DE LTAR YONGS SU SHES

PAR BYA'O, ,RTZA 'GRAL GNYIS KA LA, NGAG DON NI, GANG ZAG GI BDAG MED RTOGS PA'I LAM LA MYONG STOBS KYIS SGRO 'DOGS CHOD PA'I THEG CHEN MTHONG LAM CHOS CAN, NYAN THOS KYI LAM SHES PA'I LAM SHES YIN TE, BDEN BZHI'I RNAM PA BCU DRUG MNGON SUM DU RTOGS PA'I YE SHES LA THABS SHES KHYAD PAR CAN GYIS ZIN PA'I SGO NAS MYONG STOBS KYIS SGRO 'DOGS CHOD PA'I BYANG SEMS 'PHAGS PA'I YE SHES YIN PA'I PHYIR, GNYIS PA LA GSUM LAS, MTSAMS SBYAR NI, BDEN PA ZHES SOGS SO, ,RTZA BA NI 'PHAGS PA ZHES SOGS SO, ,'GREL PA NI, GZUGS LA SOGS PA PHUNG PO DON DAM PAR, RANG RANG GI NGO BO NYID KYIS STONG PA'I PHYIR STONG PA NYID RNAMS PHAN TSUN THA DAD PA MED PA DANG, GZUGS LA SOGS PA SNGA MA BZHIN DU BDEN PAR MI DMIGS PA DANG, DE BZHIN DU GZUGS LA SOGS PA LA RTAG PA'ANG BDEN PA MIN, MI RTAG PA'ANG BDEN PA MIN ZHES BDEN PAR MI DMIGS PA'I TSUL GYIS GNAS PA BKAG PA DANG, GANG GI PHYIR DE BZHIN GSHEGS PAS BYANG CHUB MNGON PAR RDZOGS PAR SANGS RGYAS NAS BDEN PA'I CHOS RNAMS MA GZIGS PA ZHES BYA BA TSAD MA'I SKYES BU MI DMIGS PA'A GTAN TSIGS KYIS 'THAD PAS SA RAB TU DGA' BA LA SOGS PA LA BDEN PAR MI GNAS PA RGYAS PAR MDO LAS JI SKAD DU BSTAN PA CES BYA BA'I RNAM PA RNAMS GO RIM BZHIN DU BDEN PA BZHI'I DMIGS PA LA DMIGS NAS NGES PAR 'BYED PA'I CHA DANG MTHUN PA BZHI SKYE BA YIN NO, ,RTZA 'GREL GNYIS KA LA, NGAG DON NI, SHES BYA CHOS CAN, THEG CHEN MTHONG LAM DU NYAN THOS KYI LAM BDEN PAR MI DMIGS PA'I SGO NAS SHES PA'I RGYU YOD DE, THEG CHEN SBYOR LAM DU BDEN BZHI'I RNAM PA BCU DRUG BDEN MED RTOGS PAS ZIN PAR BYAS TE SGOM PA'I PHYIR, GNYIS PA RANG RGYAL GYI LAM SHES LA RTEN GANG GI KHYAD PAR DE LA BRTEN PA'I LAM SHES PAR BYED TSUL, LAM SHES DE'I RGYU NGES CHA BSHAD PA DANG GSUM, DANG PO LA KHYAD CHOS DNGOS DANG, DE LA DOGS PA BCAD PA'O, ,DANG PO LA GSUM LAS, MTSAMS SBYAR NI, NYAN THOS KYI LAM GYI MJUG THOGS SU RANG SANGS RGYAS KYI KYI LAM BRJOD PAR RIGS MOD

, ,KYI NYAN THOS RNAMS LAS RANG RGYAL DE DAG JI LTAR KHYAD PAR DU 'PHAGS NA GANG GIS NA DE DAG GI LAM NYAN THOS KYI LAM LAS GZHAN YIN NO SNYAM BA'I DOGS PA BSU BAR RE SHIG NYAN THOS LAS RANG RGYAL KHYAD ZHUGS PA NYID DU SGRUB PA 'CHAD DO, ,RTZA BA NA, RANG BYUNG ZHES SOGS SO, ,'GREL PA LA, LAM BGROD PA'I KHYAD PAR DANG, CHOS STON PA'I KHYAD PAR GNYIS, DANG PO NI, LUGS LAS NYAN THOS RNAMS NI GZHAN GYIS BSTAN PA LA BLTOS NAS SRID PA THA MA'I TSE RANG GI BYANG CHUB RTOGS PAR 'GYUR LA, GZHAN DAG KYANG BRJOD PA DANG BCAS PAS CHOS BSTAN PAS DGE BA LA 'JUG PAR BYED DO ZHES 'BYUNG NGO, ,RANG SANGS RGYAS RNAMS NI SNGON THOS BA LA SOGS PA MNGON PAR 'DUS BYAS PAS SRID PA THA MA'I TSE SLOB DPON GZHAN GYIS BSTAN PA LA MI BLTOS PAR BDAG NYID KYIS RANG GI BYANG CHUB MNGON BAR RTOGS BAR 'GYUR TE DE'I PHYIR RANG RGYAL DE DAG LA SRID PA THA MA'I TSE SANGS RGYAS LA SOGS PAS BSTAN MI DGOS SO ZHES BYA BA NI NYAN THOS LAM LAS LAM BGROD TSUL KHYAD ZHUGS PA NYID GCIG YIN NO, ,'DI RKANG PA DANG PO GNYIS KYI 'GREL PA'O, ,DE BZHIN DU SGRAR BRJOD PA'I CHOS BSTAN PA'I SGO NAS NYAN PA PO RNAMS KYIS 'CHAD PA PO'I SHES PA'I RTZAL RTOGS PAR BYED PA YIN NA, RANG RGYAL DE DAG NI RANG GIS THOB PA'I YE SHES DANG SMON LAM LA SOGS PA'I MTHUS SGRA MED PA'I CHOS BSTAN PAS, GZHAN DAG DGE BA BCU LA SOGS PA LA 'JUG PAR BYED DE, DE'I PHYIR DE DAG GI YE SHES KYI RTZAL NYAN PA POS MI RTOGS PA NYID NI KHYAD ZHUGS PA GNYIS PA YIN NO, ZHES PA RKANG PA THA MA GNYIS KYI 'GREL PA'O, ,NGAG DON NI, RANG RGYAL CHOS CAN, LAM BGROD TSUL NYAN THOS LAS KHYAD PAR 'PHAGS TE, SRID PA THA MA'I TSE SLOB DPON GZHAN LA MA BLTOS BAR RANG BYUNG GI YE SHES MNGON DU BYED PA'I PHYIR, CHOS CAN, CHOS STON TSUL NYAN THOS LAS KHYAD PAR 'PHAGS TE, SGRA MED DU CHOS STON PA'I PHYIR, GNYIS PA LA GSUM LAS, MTSAMS SBYAR NI, CHOS STON PA NI NGAG GI LAS YIN PAS YANG JI LTAR SGRA MED PAR CHOS STON SNYAM PA'I DOGS PA BSU BAR, RTZAD NI,

GANG GANG SOGS SO, ,'GREL BA NI SHES BYA CHOS CAN, SGRA MED PAR CHOS STON PA CES BYA BA MI 'GAL TE, SGRA MED KYANG DON DE RANG RGYAL GYI YID LA BSAMS PA TZAM GYIS RANG GI GDUL BYA GANG GI DON GANG LA RNAM PA JI LTAR NYAN BAR 'DOD PA DE'I RNAM PAR SHES PA LAS DON DE RNAM BA KHO NA LTAR SNANG BAR 'GYUR BAS SO, ,KHYAB STE CHOS STON PAS ZHES SOGS SO, ,DE LTAR STON NUS PA CI ZHE NA, RNAM PAR MA BRTAGS RNAM PAR MA DBYAD PAR TSIG TU MI SMRA BAS BRJOD BA NI RNAM PAR G-YENG BA YIN LA, DE YANG RGYUD 'KHRUG PAR BYED PA YIN PAS BYANG CHUB SEMS DPAS 'DI LTAR SANGS RGYAS SU GYUR NAS NANG GI BRJOD BA RNAM RTOG MED PAR CHOS STON BAR GYUR CIG CES SMON LAM BTAB BO, ,DE BAS NA SANGS RGYAS PA'I TSE RTOG BA MED PAR CHOS STON PA DANG, RGYU'I TSUL 'DRA BA'I PHYIR RO, ,JI LTAR NA, RANG SANGS RGYAS NYID KYI GNAS SKABS NA YANG SNGON SLOB LAM GYI TSE, NGAG GI BRJOD BA MED BAR CHOS STON BAR GYUR CIG CES PA'I SMON LAM DANG LA SOGS PA DE'I RGYUR TSOGS BSAGS SHING YE SHES BSGOMS BA'I MTHUS DE LTAR NUS PA YIN NO, ,'DIR SMON LAM SOGS KYI MTHUS SANGS RGYAS RTOG MED DU CHOS STON NUS PA LTAR RANG SANGS RGYAS KYANG DE'I MTHUS SGRA MED DU CHOS STON NUS ZHES DPE DON SBYAR BA YIN GYI, RANG SANGS RGYAS DANG SANGS RGYAS SGRA MED DU CHOS STON BAR 'DRA'O, ZHES SBYOR BA NI MIN TE, GSUNG DBYANGS YAN LAG DRUG CU MI SRID BAR THAL PA'I PHYIR RO, ,RANG SANGS RGYAS SGRA MED DU LUS KYIS CHOS STON CES 'CHAD PA DAG NI BAB COL STE, LUS NGAG GI RNAM BAR RIG BYED LA KUN SLONG DGOS MI DGOS KHYAD BAR MED PAS NGAG GI CHOS BSTAN PAS SHES PA'I RTZAL RTOGS NA LUS KYIS BSTAN BAS KYANG RTOGS BA'I PHYIR RO, ,DES NA RANG SANGS RGYAS KYI YID LA TSIGS SU BCAD PA BSAMS PAS LHA'I DBANG PO'I THE TSOM BSAL BAR MDO LAS GSUNGS PA LTAR RO, ,YID KYIS CHOS STON PA YIN TE, RTZA 'GREL GNYIS KA LA NGAG DON NI, RANG RGYAL CHOS CAN, SGRA MED DU CHOS STON NUS TE, SMON LAM LA SOGS BA'I MTHUS RANG GI YID LA BSAMS PA TZAM GYIS GDUL BYA LA DON DE GO

, ,BAR BYED NUS PA'I PHYIR, GNYIS PA LA GSUM LAS, MTSAMS SBYAR NI, DE LTAR ZHES SOGS SO, ,RTZA BA NI, THEG CHEN MTHONG LAM BA'I GZUNG BA BDEN MED DU RTOGS BA'I YE SHES DE CHOS CAN, GZUNG BA PHYI ROL GYI DON, BDEN 'DZIN GYI RTOG PA SPONG STE, GZUNG BA CHOS KYI BDAG MED PAR RTOGS PAS RAB TU PHYE BA'I SLOB LAM YIN PA'I PHYIR, DE CHOS CAN, 'DZIN PA BDEN 'DZIN RTOG PA KHYOD KYIS MI SBONG STE, KHYOD 'DZIN PA BDEN MED RTOGS PA MIN PA'I PHYIR, DE CHOS CAN, BYANG SEMS KYI CHOS NYID LA BRTEN PA YIN TE, BYANG SEMS 'PHAGS PA'I RGYUD LA YOD PA'I RTOGS PA YIN PA'I PHYIR, DES NA KHYAD PAR GSUM PO DE DANG LDAN PA'I LAM RANG RGYUD LA NYAMS SU MYONG BA NYID KYIS, BSE RU LTA BU'I LAM GZUNG BA BDEN MED RTOGS PA'I YE SHES DE NYID YANG DAG BSDUS BAR BDEN PAR MI DMIGS PA'I SHES RAB KYIS ZIN PA'I SGO NAS SHES PAR BYA'O,, GANG DAG GI 'DIR LAM SA GANG GI RTEN DANG, CHOS NYID NYID RIGS KYI RTEN BYAS NAS DANG BO RANG SANGS RGYAS DANG, GNYIS PA RANG SANGS RGYAS KYI SEMS KYI CHOS NYID LA BYED PA NI, SKABS 'DI'I RTEN GYI GANG ZAG ,RGYAL SRAS PHYIR MI LDOG LA SOGS PA YIN PAR RGYAL SRAS BDEN LA MKHAS DANG PHYIR MI LDOG BA DANG, ZHES SOGS KYIS BSTAN CING, YUM RGYAS 'BRING BSDUS PA GSUM KA LAS, BYANG SEMS CHEN POR BSHAD PA DANG DNGOS SU 'GAL LO, ,GZHAN DAG SHES BYA RANG RGYAL GYI LAM BYANG SEMS KYI RGYUD KYI GZUNG BA BDEN MED RTOGS PA'I YE SHES LA BZHED BA DANG LAM DE'I RTEN RIGS RANG RGYAL GYI CHOS NYID LA BZHED PA DANG 'GAL LA, KHA CIG SKABS 'DI, RTEN RIGS KYI SEMS KYI CHOS NYID LA BYED PA DANG, SHES BYA RANG RGYAL GYI LAM RANG RGYAL KHO NA'I RGYUD LA YOD PA BYANG SEMS KYIS GZHAN RIG GI SHES PAR 'DOD PA NI DE BAS KYANG NANG 'GAL BA CHEN PO'O, ,DES NA GZUNG BA BDEN MED RTOGS BA NI RANG RGYAL GYI LAM YIN CING, GZUNG BA BDEN MED RTOGS PA DE BYANG SEMS DANG, RANG RGYAL GNYIS KA'I RGYUD LA YOD LA, BYANG SEMS KYI RGYUD LA YOD BA, BYANG SEMS KYI SEMS KYI CHOS NYID LA BRTEN CING, RANG RGYAL GYI RGYUD LA YOD

PA; RANG RGYAL GYI SEMS KYI CHOS NYID LA BRTEN NO, ZHES SHES PAR BYA'O, ,'O NA RANG RGYAL LA THOS BSAM BYA BA'I GZHI NYAN THOS KYI SDE SNOD LAS LOGS PA MED CING, THOS BSAM GYIS JI LTAR GTAN LA PHAB PA LTAR SGOM BYUNG GIS NYAMS SU LEN PA YIN PA LA, NYAN THOS DANG RANG RGYAL LA GZUNG BA BDEN MED GTOGS MA GTOGS KYI KHYAD 'BYUNG BA JI LTAR YIN CE NA, ,GNYIS KAS THEG DMAN GYI SDE SNOD LA THOS BSAM BYED PA 'DRA YANG, THEG DMAN GYI SDE SNOD LAS BDAG MED PHRA RAGS GNYIS BSTAN TE, RAGS PA GANG ZAG GI BDAG MED DANG, PHRA BA GZUNG BA CHOS KYI BDAG MED PA NYAN THOS KYI DBANG PO RTUL BA'I PHYIR, THEG DMAN GYI SDE SNOD LA THOS BSAM BYAS KYANG, BDAG MED RAGS PA TZAM DE DAG GO YI, PHRA BA MI GO LA, RANG RGYAL GYI RIGS CAN DBANG PO RNO BAS BDAG MED PHRA BA'ANG GO BA YIN TE, DPER NA THEG CHEN GYI RIGS CAN THAMS CAD THEG CHEN GYI SDE SNOD LA THOS BSAM BYED PAR 'DRA YANG, GDUL BYA DBANG PO RNO RTUL GNYIS LA, THEG CHEN GYI SDE SNOD NAS GZHAN DBANG BDEN GRUB BKAG MA BKAG GI CHOS KYI BDAG MED PHRA RAGS GNYIS BSTAN PA LA BRTEN NAS, CHOS KYI BDAG MED GO TSUL GNYIS 'BYUNG BA BZHIN NO, ZHES SHES BAR BYA'O; ;DE LTA MIN PAR THEG DMAN GYI SDE SNOD LAS GANG ZAG GI BDAG MED LAS MA BSHAD KYANG, RANG RGYAL DBANG PO RNO BAS DE LAS BSHAD PA'I RTEN 'BREL YID LA BYAS PA NA, GZUNG MED RTOGS NUS NA, BYANG SEMS DE LAS KYANG DBANG PO CHES RNO BAS, DE LAS BSHAD PA'I RTEN 'BREL YID LA BYAS PA NA 'DZIN MED RTOGS NUS PAR THAL PA'I PHYIR RO, ,RIGS CAN GSUM KA LA THEG DMAN GYI SDE SNOD GCIG PU BSTAN PAS CHOG PAR THAL LO, ,'GREL PA NI, RANG SANGS RGYAS KYI LAM SHES PAR BYA'O, ,SUS NA, BYANG CHUB SEMS DPAS SO, ,GANG GI CHED DU NA, RANG RGYAL GYI RIGS CAN RJES SU BZUNG BA'I PHYIR DU SHES PAR BYA BA'I RANG DON DU RNAM PA THAMS CAD DU SHES PAR NI MIN NO ZHES BYA BA NI'O, ,JI LTAR NA, RANG SANGS RGYAS KYI LAM LA JI SKAD BSHAD PA'I BDEN PA BSGOM PA KHO NA DANG, DNGOS PO JI LTA BA BZHIN DU RTEN CING 'BREL BAR 'BYUNG BA BSGOMS

, ,PAS GZUNG BA DANG 'DZIN PA'I DON GYIS RNAM BAR RTOG PA DAG GO RIM BZHIN DU SPANGS PA DANG MA SBANGS PA DANG, RANG SANGS RGYAS KYI THEG BAS BSDUS BA GZUNG BA BDEN MED RTOGS PA'I LAM DE GANG LA BRTEN PA'I CHOS KYI GZHI'I KHYAD PAR RIGS KYIS NYAN THOS KYI LAM LAS KHYAD PAR DU 'PHAGS PA DANG LDAN PA'I CHOS RTOGS PAR RO, ,RTZA 'GREL GNYIS KA LA NGAG DON NI, GZUNG BA BDEN MED RTOGS PA'I YE SHES LA MYONG STOBS KYIS SGRO 'DOGS CHOD PA'I THEG CHEN MTHONG LAM YE SHES CHOS CAN, RANG RGYAL GYI LAM SHES PA'I LAM SHES YIN TE, THABS SHES KHYAD PAR CAN GYIS ZIN BA'I SGO NAS GZUNG BA BDEN MED RTOGS PA'I LAM LA MYONG STOBS KYIS SGRO 'DOGS CHOD PA'I BYANG SEMS 'PHAGS PA'I YE SHES YIN PA'I PHYIR, GSUM PA LA GSUM LAS, MTSAMS SBYAR NI, NGES PAR SOGS SO, ,RTZA BA NI, BTAGS PA'I SOGS SO, ,'GREL PA NI, GZUGS LA SOGS PA'I MING GIS CHOS KYI BRDA LAS BYUNG BA'I BTAGS PA'I CHOS NYID DANG MI 'GAL BAR THA SNYAD DU RAB TU STON BA DANG, GZUGS LA SOGS PA LA DON DAM PAR 'GRIB PA DANG 'PHEL BA MED PA LA SOGS PA'I DON DU SLOB PA DANG, BDEN PA'I NGO BO NYID KYIS STONG BA'I PHYIR GZUGS LA SOGS PA LA NANG DANG, PHYI LA SOGS PA STONG PA NYID KYIS MTSAN MAR YONGS SU MI 'DZIN PA DANG, GZUGS LA SOGS PA LA BDEN PA'I SKYE BA DANG 'GAG PA LA SOGS PA MED PA CES BYA BA'I RNAM PA RNAMS KYI GO RIM BZHIN DU BDEN PA BZHI'I DMIGS PA LA DMIGS PAS NGES BAR 'BYED PA'I CHA DANG MTHUN PA BZHI SKYE BA YIN NO, ,NGAG DON NI, NYAN THOS KYI SKABS KYI RIGS BSGRE'O, ,GSUM PA BYANG SEMS KYI LAM SHES LA, SPYI'I MTSAMS SBYAR BA DANG, SO SO'I NGO BO'O, ,DANG PO NI, DMAN MCHOG GI RIM PAS RANG SANGS RGYAS KYI LAM GYI MJUG THOGS SU BYANG CHUB SEMS DPA'I LAM 'CHAD DO, ,GNYIS PA LA MTHONG LAM DANG SGOM LAM GNYIS, DANG PO LA GNYIS KYI SPYI'I DON LA, RTEN DANG BRTEN PA GNYIS, DANG BO LA MTHONG LAM GSAR DU SKYE BA'I LUS RTEN NI, GLING GSUM GYI

SKYES BA DANG BUD MED 'DOD LHA DANG BCAS PA KHO NA'I RTEN LA SKYE YI, KHAMS GONG GI RTEN LA MI SKYE STE, DE DAG GI SO SKYE RNAMS SKYO BA SHAS CHUNG BA'I PHYIR, SEMS RTEN NI, NYAN RANG GI MTHONG LAM BSAM GTAN SA DRUG KHO NA LA BRTEN CIG GZUGS MED LA MI BSTEN TE, GZUGS MED KYI SEMS NI LHAG MTHONG SHAS CHUNG BA'I PHYIR DANG, GZUGS MED KYI SEMS KYIS 'DOD KHAMS LA MI DMIGS LA, MTHONG LAM KHAMS GSUM KA'I MTHONG SBANGS KYI GNYEN PO BYED PA'I PHYIR, 'ON KYANG BYANG SEMS NI THABS MKHAS PAS THEG CHEN MTHONG LAM SA DGU BO GANG YANG RUNG BA'I NGO BOR SKYED NUS BA YIN TE, DE'I PHYIR SA DGU LA NI ZHES PA'I 'GREL PAR, NYI KHRI SNANG BA DANG, 'GREL CHEN GNYIS KA RU, SA DGU KA GNYEN PO'I RTEN DU BSHAD CING, 'DOD BA KHAMS DANG SRID RTZE NA, ,BYANG CHUB LAM GYI YAN LAG SPANGS, CES BSHAD PA NYAN THOS THABS MI MKHAS BA'I DBANG DU BYAS PA YIN PAS; DE DANG 'DI MI 'GAL LO ZHES 'GREL CHEN DU BSHAD DO, ,GANG ZAG GI BDAG MED RTOGS PA'I THEG CHEN MTHONG LAM YIN NA, CHOS KYI BDAG MED RTOGS PA'I THEG CHEN MTHONG LAM YIN BAS KHYAB PAR THAL LO, ,GNYIS PA BRTEN BA MTHONG LAM LA, NGO GO DBYE GA [?] __RNAM GZHAG GSUM DANG BO NI THEG CHEN MTHONG LAM GYI MTSAN NYID THEG CHEN CHOS MCHOG CHEN PO'I MJUG THOGS SU SKYES SHING, BDAG MED MNGON SUM DU GSAR DU RTOGS BA'I THEG CHEN GYI BDEN BA MNGON RTOGS, GZHAN DAG THEG CHEN MTHONG LAM TZAM GYI MTSAN NYID DU CHOS NYID GSAR DU MTHONG BA ZHES PA'I TSIG ZUR DU 'GOD PA MI 'THAD DO, ,GANG ZAG GI BDAG MED RTOGS PA'I THEG CHEN MTHONG LAM YIN NA, CHOS KYI BDAG MED RTOGS PA'I THEG CHEN MTHONG LAM YIN PAS KHYAB BAR THAL LO, ,'DOD NA, NYAN THOS KYI LAM SHES PA'I LAM SHES YIN NA BYANG SEMS KYI LAM SHES PA'I LAM SHES YIN PAS KHYAB PAR THAL LO, ,KHA CIG CHOS NYID GSAR MTHONG GI YE SHES YIN NA MTHONG LAM YIN PAS KHYAB PAR KHAS BLANGS NAS THEG CHEN SGOM LAM MNYAM GZHAG YE SHES RNAMS RNAL 'BYOR MNGON SUM TSAD MAR KHAS LEN BA DANG, TSAD MA'I MTSAN NYID RANG GI GZHAL BYA LA GSAR DU MI BSLU BA'I SHES PA, ZHES 'DOD BA DAG NI, NANG 'GAL BA'I PHUNG BO CHEN BO SBUNGS BA'O, ,DBYE

, ,NA SHES BZOD SKAD CIG BCU DRUG GO, DE YANG SDUG BSNGAL LA CHOS BZOD NI, SDUG BSNGAL MTHONG SBANG SPONG BA'I BAR CHAD MED LAM MO, ,SDUG BSNGAL LA CHOS SHES NI, DE'I RNAM GROL LAM MO, ,DE GNYIS KA'ANG SDUG BSNGAL GYI CHOS NYID LA DNGOS SU DMIGS BAR KHYAD PAR MED CING, SNGA MAS SDUG BSNGAL MTHONG SPANG SPONG BA DANG, PHYI MAS SDUG BSNGAL GYI CHOS NYID LA, RJES THOB TU NGES SHES 'DREN PA'I BYA BA BYED PA YIN NO, ,SDUG BSNGAL LA RJES BZOD DANG, RJES SHES GNYIS KYANG SDUG BSNGAL GYI CHOS NYID LA DNGOS SU DMIGS BAR KHYAD PAR MED LA, SNGA MAS SHES BZOD SNGA MA GNYIS 'PHAGS PA'I CHOS RNAMS KYI RGYUR NGES PA'I NGES SHES RJES THOB TU 'DREN PA'I BYA BA BYED CING, PHYI MAS RJES BZOD DE NYID LA DMIGS PA'I NGES SHES 'DREN PA'I BYA BA BYED LA, 'DI GNYIS KHYAD PAR LAM YIN NO, ,DES NA 'GREL CHEN LAS, CHOS SHES PA'I BZOD PA DANG, CHOS SHES PAS NI GZUNG BA RTOGS LA, RJES SU SHES PA'I BZOD PA DANG, RJES SU SHES PAS 'DZIN PA RTOGS SO, ZHES GSUNGS PA DANG, KUN LAS BTUS SU, SDUG BSNGAL LA RJES SU RTOGS PAR SHES PA GANG ZHE NA, SDUG BSNGAL LA CHOS SHES PA'I MJUG THOGS SU; SDUG BSNGAL LA CHOS SHES PA'I BZOD PA DANG, SDUG BSNGAL LA CHOS SHES PA 'DI GNYIS, 'PHAGS PA'I CHOS RNAMS KYI RGYU'O ZHES SO SO RANG LA MNGON SUM DU GYUR PA'I SHES RAB ZHES SOGS GSUNGS PA YANG, KHO BOS BSHAD PA 'DI LTAR YIN LA, DE SKAD BYAS NA, 'GREL CHEN DU CHOS NYID MNGON SUM DU MTHONG BAR KHYAD PAR MED KYANG, RJES THOB TU NGES SHES 'DREN TSUL GYI NUS PA MI 'DRA BA BCU DRUG MNYAM GZHAG TU RIM CAN DU THOB PAS, MTHONG LAM LA SKAD CIG BCU DRUG PHYE BAR BSHAD PA'ANG LEGS PAR GNAS PAR 'GYUR RO, ,DE LTA MIN PAR RJES BZOD RJES SHES KYI GZHAL BYA YIN PAR 'DOD PA LTAR NA, THEG CHEN MTHONG LAM YIN NA, CHOS NYID GSAR RTOGS KHAS MA BLANGS PA DANG DNGOS SU 'GAL ZHING, YE SHES DE DAG DON DAM PAR BDEN PAR THAL BAR 'GYUR RO, ,GANG DAG KUN LAS BTUS SEMS TZAM GYI BSTAN BCOS SU

KHAS BLANGS NAS, SEMS TZAM PA CHOS NYID YONGS GRUB KHO NA MNYAM GZHAG YE SHES KYI DMIGS PAR 'DOD PA LA, DMIGS PA DAG PA KHYAD PAR DU 'GROR MED PAR THAL BA DBU MA PAS 'PHEN NO ZHES SMRAS NAS, SLAR YANG KUN LAS BTUS KYI LUGS LA, RJES BZOD RJES SHES RNAMS KYIS YE SHES LA DNGOS SU DMIGS PAR 'DOD PA NI 'GAL BA CHEN PO YIN LA, KUN LAS BTUS, DBU MA CHEN PO'I BSTAN BCOS DANG, DE DAG GI LUGS LA THEG CHEN 'PHAGS PA'I MNYAM GZHAG SNANG MED KYIS KHYAB PAR KHAS BLANGS NAS, KUN LAS BTUS KYI LUGS LA, RJES BZOD RJES SHES KYI YE SHES LA DNGOS SU DMIGS PAR 'DOD PA DE BAS KYANG DNGOS 'GAL LO, ,KHA CIG KUN LAS BTUS, MDO SDE PA'I GRUB MTHA'I DBANG DU BYAS PAR KHAS BLANGS NAS, KUN LAS BTUS KYI LUGS LA, THEG CHEN MTHONG LAM CHOS NYID LA DMIGS PAR 'DOD PA NI, GRUB MTHA'I RNAM GZHAG MA CHAGS PA'I GTAM YIN NO, ,SHES BZOD BZHI BDEN PA LHAG MA RNAMS LA'ANG RIGS BSGRE'O, ,GSUM PA RNAM GZHAG NI, THEG CHEN MTHONG LAM LA'ANG, GANG ZAG GI BDAG MED RTOGS BA DANG, CHOS KYI BDAG MED RTOGS PA'I MTHONG LAM GNYIS LAS, DANG PO NI, CHOS NYID RTOGS PA'I MTHONG LAM MIN TE; YIN NA DON DAM DPYOD BYED KYI TSAD MAR 'GRO DGOS PA LA, KHO'I RNYED DON GANG ZAG GI BDAG MED KUN RDZOB YIN PA'I PHYIR, GAL TE GANG ZAG GI BDAG MED DON DAM YIN NA, NYAN RANG GIS KYANG CHOS KYI BDAG MED RTOGS PAR THAL LO, ,'O NA, MTHONG LAM DE GNYIS GA RIM JI LTAR SKYE NA, SBYOR LAM CHOS MCHOG CHEN PO DANG, SDUG BSNGAL LA CHOS BZOD BAR MA CHAD DU SKYE DGOS PA'I PHYIR, MNYAM GZHAG TU BDEN BZHI'I CHOS NYID LA DMIGS PA'I YE SHES SKAD CIG BCU DRUG BAR MA CHAD DU SKYES NAS, DE'I RJES SU CHOS CAN BDEN BZHI'I RNAM PA BCU DRUG MNGON SUM DU MTHONG BA'I YE SHES SKYE BA YIN NO, ,'O NA MTHONG LAM SKAD CIG MA DU YIN CE NA, 'DI LA 'GREL CHEN DU, 'BRAS BU'I MNGON PAR RTOGS PA SKAD CIG GCIG YIN CING, SO SOR RTOGS PA'I MNGON RTOGS SKAD CIG BCU DRUG YIN BAR 'DOD BA'I LUGS GCIG DANG, SO SOR RTOG

, ,PA'I MNGON RTOGS KYANG SKAD CIG GCIG TU 'DOD PA'I LUGS GNYIS BKOD NAS, LUGS THA MA LA, ZHUGS 'BRAS KYI RNAM GZHAG MI RUNG BA'I SKYON BRJOD CING, LUGS DANG PO'I GZHUNG BCUGS PAR MDZAD DO, ,DE'I DON LA GZHAN DGAN RE, MTHONG LAM DE 'BRAS BU'I MNGON PAR RTOGS PA LAS SKAD CIG GCIG YIN LA, SO SOR RTOGS PA'I MNGON RTOGS LAS SKAD CIG BCU DRUG YIN NO, ZHES 'CHAD PAR BYED DO, ,KYE MA; SKAD CIG BCU DRUG PO LA BAR CHAD MED LAM DANG, RNAM GROL LAM SOGS KYI KHYAD PAR DU MA BKOD NAS 'GAL BAR KHAS BLANGS BZHIN DU, SLAR YANG MTHONG LAM DE SKAD CIG BCU DRUG YIN PAR, KHAS LEN PA NI CHES NGO MTSAR RO, ,GZHAN YANG MTHONG LAM CHOS CAN, SKAD CIG GCIG KYANG YIN, SKAD CIG DU MA YANG YIN PAR THAL, 'BRAS BU'I MNGON PAR RTOGS PA LA SKAD CIG GCIG YIN, SO SOR RTOGS PA'I MNGON RTOGS LAS SKAD CIG BCU DRUG YIN PA'I PHYIR, DE BAS NA DON NI 'DI YIN TE, 'BRAS BU'I MNGON PAR RTOGS PA CES PA NI, SBYOR LAM GYI 'BRAS BU BDEN PA MNGON BAR RTOGS PA TZAM LA ZER BA YIN LA, SO SOR RTOGS PA'I MNGON RTOGS ZHES PA NI 'BRAS BU'I MNGON RTOGS DE NYID CHA SO SOR PHYE BA'I MNGON RTOGS LA ZER BA YIN PAS 'BRAS BU'I MNGON RTOGS SKAD CIG GCIG YIN CES PA NI, MTHENG LAM DE SKAD CIG MA GCIG YIN CES PA'O, ,SO SOR RTOGS PA'I MNGON RTOGS SKAD CIG BCU DRUG YIN CES PA NI, MTHONG LAM GYI CHA SHAS SU GYUR PA'I MNGON RTOGS SKAD CIG BCU DRUG YOD, CES PA'O, ,SKAD CIG KYANG RANG GRUB DUS LAS, DUS GNYIS PAR MI SDOD PA LA SKAD CIG MAR BYAS PA'O, ,DES NA MNYAM GZHAG YE SHES DE RANG GRUB DUS LAS GNYIS PAR MI SDOD PA'I SKAD CIG MA GCIG YIN PA DANG, DE LA SKAD CIG BCU DRUG YOD PA MI 'GAL TE, SKAD CIG BCU DRUG PO RDZOGS PAR MA GRUB BAR DU DE NYID RDZOGS PAR MA GRUB CING, BCU DRUG RDZOGS NAS DUS GNYIS PAR MA BSDAD PA'I PHYIR RO, ,DPER NA ZLA BA GCIG RANG RDZOGS PAR GRUB NAS DUS GNYIS PAR MI SDOD PA DANG, KHO'I CHA

SHAS ZHAG SUM CU YOD PA MI 'GAL BA BZHIN NO, ,DE LTAR MTHONG LAM LA CHA SHAS SKAD CIG BCU DRUG DBYER RGYU MED NA RGYUN ZHUGS ZHUGS PA DANG, 'BRAS GNAS KYI RTOGS BA SO SOR DBYE MI NUS PAS, ZHUGS 'BRAS KYI RNAM GZHAG MI RUNG BA'I SKYON 'PHEN PAR MDZAD PA YIN TE; DES NA 'BRAS BU'I MNGON RTOGS LAS MTHONG LAM DE SKAD CIG GCIG YIN CING, MTHONG LAM DE SO SOR RTOGS PA'I MNGON RTOGS KYI DBANG DU BYAS NAS, SKAD CIG BCU DRUG YIN NO, ZHES BSHAD PA ZUR TZAM YANG MED CING, 'BRAS BU'I MNGON RTOGS SKAD CIG GCIG DANG, SO SOR RTOGS PA'I MNGON RTOGS SKAD CIG BCU DRUG GO, ZHES BSHAD LA, SKAD CIG GI GRANGS LA GRUB MTHA' GONG 'OG RTZOD PA DAG KYANG SKAD CIG BCU DRUG YOD MED RTZOD BA YIN GYI, MTHONG LAM DE SKAD CIG BCU DRUG YIN MIN RTZOD PA GA LA YIN NO, ,MTHONG LAM DE 'BRAS BU'I MNGON RTOGS SKAD CIG GCIG YIN CING, DE LA SO SOR RTOGS PA'I MNGON RTOGS SKAD CIG BCU DRUG YOD PA LA DGONGS NAS, 'GREL CHEN DU, DGONGS PA 'DI NYID KYIS NA MTHONG LAM BA'I LAM GYI MNGON PAR RTOGS PA SKAD CIG MA GCIG YIN KYANG, SO SOR RTOGS PA'I MNGON RTOGS SKAD CIG BCU DRUG NYID DU BSHAD PA YIN NO, ZHES SOGS SO, ,DE LTAR SKAD CIG BCU DRUG MNYAM GZHAG TU RIM CAN DU SKYE YANG, RJES THOB TU NGES PA 'DREN PA'I NUS BA BCU DRUG MNYAM GZHAG TU RIMS KYIS 'THOB PA'I SGO NAS YIN CING, SDUG BSNGAL LA CHOS BZOD KYI TSE BDEN PA GZHAN RNAMS KYI CHOS NYID MTHONG YANG, DE DAG LA SGRO 'DOGS SEL BA'I NUS PA MED NA, SO SKYE DANG KHYAD CI YOD CE NA, GANG SEL BA'I NUS PA THOB PA'I SGRO 'DOGS DE'I SA BON SPONG MI SPONG GI KHYAD BAR YOD DO, ZHES 'GREL CHEN LAS BSHAD DO, ,BDEN BZHI LA SGRO 'DOGS SEL BA'I NUS PA GO RIM DE LTAR 'THOB PA'ANG, TSOGS LAM DANG, SBYOR LAM DU, NAD NI SHES BYA NAD KYI RGYU NI SPANG BYA LA, ,BDER GNAS THOB BYA SMAN NI BSTEN PAR BYA BA LTAR, ,SDUG BSNGAL RGYU DANG DE 'GOG PA DANG DE BZHIN LAM, ,SHES BYA SPANG BYA REG PAR BYA ZHING BDEN PAR

, ,BYA, ZHES PA'I GO RIM DANG MTHUN PAR THOS BSAM GYIS GTAN LA PHAB CING BSGOM PA'I STOBS KYIS YIN NO, ,MTHONG LAM GYI RNAM BAR BZHAG PA 'DI DAG KHO BO 'BA' ZHIG GIS 'DI LTAR LEGS PAR BSHAD PA NI MKHAS PA DAG DGA' BA BSKYED PA'I CHED DU'O,, GNYIS PA NI TSIG GI DON LA SKAD CIG MDOR BSTAN, RNAM PA RGYAS PAR BSHAD, RNAM PA MA BSTAN PAR 'DOD PA DGAG PA'O, ,DANG PO LA MTSAMS SBYAR NI, RANG SANGS RGYAS ZHES SOGS SO, ,RTZA BA NI, BDEN DANG SOGS SO, ,'GREL PA NI, BYANG CHUB SEMS DBAS BSGOM PAR BYA BA'I LAM NI PHAN YON CHEN PO ZHES MDO LAS BRJOD DO, ,SKABS GANG DU NA, LAM SHES PA NYID KYI SKABS SU'O, ,DE YANG GANG ZHE NA, CHOS SHES PA'I BZOD PA DANG, CHOS SHES PA DANG, RJES SU SHES PA'I BZOD PA DANG, RJES SU SHES PA DANG, SHES PA'I SKAD CIG MA BZHI PO SO SOR SDUG BSNGAL LA SOGS PA BDEN PA DANG, YUL YUL CAN DU 'BREL PA DBANG DANG LDAN PA TSE 'DI DANG GZHAN PA'I YON TAN DAG DANG LDAN PA'O, ,GNYIS PA LA GSUM LAS, MTSAMS SBYAR NI, DE DAG RNAM PA JI LTA BUR SGOM PAR BYA ZHE NA, RTZA BA NI, DE BZHIN NYID DANG ZHES SOGS SO, ,'GREL PA LA RGYAS PAR BSHAD PA DANG, DON BSDU BA'O, ,DANG PO LA BZHI LAS, SDUG BSNGAL GYI RNAM PA BZHIN [?] NI, DON DAM PA'I TSUL NYID KYIS DE BZHIN NYID DANG, SANGS RGYAS DAG LA RTEN DANG BRTEN PA'I DNGOS BOR MED PAS DE'I PHYIR, DE DAG PHAN TSUN RNAM GRANGS KYIS GNAS PAR KHAS MI LEN PA DANG, GZUGS LA SOGS PA DON DAM PAR CHOS KYI DBYINGS KYI NGO BO NYID KYIS CHEN PO NYID DANG, DE BZHIN DU DAG DON DAM PAR 'JAL BYED KYI TSAD MA MED PA NYID DANG, SNGA MA BZHIN DU DE DAG TSAD KYIS GZUNG DU MED, NAM MKHA' TSAD MED PA BZHIN DU'O, ZHES DE LTAR CHOS RNAMS LA DMIGS NAS SDUG BSNGAL GYI BDEN PA'I RNAM PA BZHI PO DE DAG SKYE BA YIN NO, ,GNYIS PA KUN 'BYUNG GI BDEN PA BZHI NI, GZUGS LA SOGS PA LA BDEN PA'I NGO BO MED PA NYID KYIS RTAG PA DANG, CHAD PA'I MTHA' NYID LA SOGS PA MED PA DANG, KUN 'BYUNG LA CHOS KYI SHER PHYIN PA LA GNAS PA NI CHOS KYI DBYINGS

KYI NGO BO NYID KYIS GZUGS SA LA SOGS PA'I RANG BZHIN LA DE BZHIN GSHEGS PA NYID DU NGES PAR 'DZIN BA DANG, DE BZHIN DU SHER PHYIN DE LA GNAS PA NI CHOS THAMS CAD LA BLANG BA DANG DOR BA MED PAR BSGOMS PA LA SOGS PA DANG, BDEN PA'I NGO BO NYID MED BAR MOS PA SNGON DU 'GRO BA TSAD MED PA BZHI BSGOM PAR BYA'O, ZHES BYA BA DE LTA BU NI KUN 'BYUNG BDEN PA'I RNAM PA DAG YIN NO, ,GSUM PA 'GOG PA'I RNAM PA NI, GZUGS LA SOGS PA DON DAM PAR GNYUG MA RANG BZHIN KHO NAS STONG PA NYID DANG, CHOS KYI DBYINGS DANG TSAD MED PAR MNYAM PA DGE PA'I RTZA BA RNAMS KYIS 'BRAS BU DE BZHIN GSHEGS PA NYID 'THOB PA DANG, SHER PHYIN PAR GNYEN PO RNAMS RNAM PA THAMS CAD DU BSDUS PA DANG, SHER PHYIN DE NYID KYIS PHYI DANG NANG GI 'CHE BA RAB TU ZHI BA ZHES BYA BA DE LTA BUR CHOS RNAMS LA DMIGS NAS 'GOG PA'I BDEN PA'I RNAM PA BZHI PO DAG SKYE BA YIN NO, ,BZHI PA LAM BDEN GYI RNAM PA BZHI NI, NGO BO NYID MED PAR SGOM PA KHO NAS GZUGS LA SOGS PA 'DUS BYAS DANG, MA BYAS PA 'DUS MA BYAS LA MNGON BAR ZHEN BA ZHI BA DANG, SHES RAB THABS LA MKHAS PA LA ZHUGS PA LA SANGS RGYAS RNAMS KYIS LHAS BYAS PA DANG 'BYUNG BA LAS GYUR PA DANG, NANG GI BDAG NYID CAN GYI GNOD PA GSUM LAS RIM BZHIN BSRUNG BA DANG, BSKYAB PA DANG, SPA BA DAG MDZAD PA DANG, SANGS RGYAS NYID MNGON PAR 'DOD PA'I BDAG NYID SROG GCOD PA SPONG BA LA SOGS PA RNAM BA THAMS CAD MKHYEN PA NYID KYI RGYUL GNAS NAS, DE NYID LA GZHAN DAG 'GOD PA DANG, SBYIN PA LA SOGS PA MI ZAD PAR BYED 'DOD PAS YANG DAG PAR RDZOGS PA'I BYANG CHUB TU BSNGO BA ZHES BYA BA DE LTA BUR CHOS RNAMS LA DMIGS NAS LAM GYI BDEN PA'I RNAM PA BZHI BO DAG SKYE BAR 'GYUR BA YIN NO, ,GNYIS PA NI, DE LTA BU RNAMS LAM SHES PA NYID KYI SKAD CIG MA DAG YIN NO, ,RNAM PA 'DI DAG MNYAM RJES GANG GI RNAM PA YIN CE NA, RJES THOB SOGS SU 'BYUNG BA'I TSE 'DI PHYI'I PHAN YON SOGS DNGOS SU BSTAN PAS MTSON NAS, MNYAM GZHAG SKAD CIG MA BCU DRUG GI CHOS KYI BDAG MED PA'I RNAM PA

, ,BSTAN PA YIN CING, DE LTAR MTSON NAS BSTAN PA NI GDUL BYA NYE BA'I BSAM BA LA BLTOS PA'I DGOS PA'I DBANG GIS YIN LA, 'GREL CHEN DU SKYE BAR 'GYUR RO ZHES GSUNGS PA NI, SKAD CIG BCU DRUG SKYE BA NA, RNAM PA 'DI LTA BUS CHOS RNAMS LA DMIGS NAS SKYE BAR 'GYUR RO ZHES PA YIN GYI RNAM PA 'DI DAG GI MJUG TU SKAD CIG MA BCU DRUG SKYE BAR STON PA MIN NO, ,RNAM PA 'DI DAG SBYOR LAM GYI RNAM PAR BZHED BA NI TSIG LE'UR BYAS PA NYE BAR MTSON PA LHUR LEN PA'I GZHUNG GIS MTHONG LAM GYI RNAM PA'I DON MA BSHAD BAR 'DOD PA DAG GI PHYOGS SU BSLAN PAR 'GYUR RO, ,DAG DON NI, THEG CHEN MTHONG LAM CHOS CAN, SKAD CIG MA BCU DRUG YOD DE, SDUG BSNGAL LA CHOS BZOD NAS LAM LA RJES SHES KYI BAR DU YOD PA'I PHYIR, GSUM PA LA 'DOD PA BRJOD PA NI, RGYAN GYI 'GREL BYED KHA CIG NI 'DIR, MTHONG LAM MDOR BSTAN GYI CHIG LE'UR BYAS PA'I DON NYE PAR MTSON PA LHUR LEN PA'I RGYAS BSHAD KYI GZHUNG GI RNAM PA'I DON LA BSHAD PAR MTHONG BA'I LAM GYI SKAD CIG MA BCU DRUG GI GRANGS NYE BAR MTSON BA NYI TSE MDZAD PAR ZAD DE, BSHAD PA DANG MA BSHAD PA'I NGES PAR DBYAD PA'I CHA DANG MTHUN PA LA SOGS PA'I DON GYI TSIG LE'UR BYAS PA RNAMS SU'ANG DE BZHIN DU BLTA BAR BYA'O, ZHES ZER RO, ,GNYIS PA DE DGAG PA NI, SENG BZANG SOGS GZHAN DAG NA RE DE LTA NA'ANG GZHUNG DE DAG GIS NI, MNYAM GZHAG TU SBYOR MTHONG SGOM PA'I RIM BA DANG, RJES THOB TU MNGON RTOGS YID LA BYED BA'I RIM PA SOGS MA BSTAN PAR MNGON BAR RTOGS PA'I RIM BA CUNG ZAD KYANG MA BSTAN PAR 'GYUR LA, GZHAN YANG TSIG DON LA'ANG MA ZHUGS TE, DMIGS PA DANG NI RNAM PA DANG, ZHES BYA BA LA SOGS PA TSIGS SU BCAD PA'I DON KYANG JI LTAR DRANG ZHING, THEG CHEN SBYOR LAM NYAN RANG GI SBYOR LAM LAS DMIGS RNAM GYIS KHYAD PAR 'PHAGS PAR BSTAN PA DANG 'GAL BAR 'GYUR RO, ZHES ZER RO, ,GNYIS PA LA, SGOM LAM GYI BYED PA DANG, BYED PA CAN GYI SGOM LAM GNYIS, DANG PO LA GSUM GYI MTSAMS

SBYAR NI, MTHONG BA'I ZHES SOGS SO, ,RTZA BA NI KUN NAS ZHES SOGS SO, ,DE YANG DANG PO BZHI DANG, LNGA BA DANG, DRUG BA RNAMS NI RIM BZHIN, SGOM LAM GYI BYED 'BRAS, RGYU MTHUN GYI 'BRAS BU [?] BDAG 'BRAS SO, ,'GREL PA NI, RMUGS RGOD SOGS ZHI BAS RNAM BA THAMS CAD DU SEMS LA RANG DBANG NYID DU BYED BA DANG, NGA RGYAL BCOM BAS DGE BA'I BSHES GNYEN LA SOGS PA SKYE BO DAM PA THAMS CAD LA 'DUD PA DANG, DE LTAR PHYI NANG GI MTHUN RKYEN GNYIS DANG LDAN PAS NANG GI NYER 'TSE SGOM SPANG 'DOD CHAGS LA SOGS PA ZIL GYIS GNON PA DANG, PHYI'I NYER 'TSA PHA ROL GYIS BYAS PA'I GNOD BA RJES SU SGRUB PA'I YUL MIN PA NYID DANG, MTHAR THUG GI 'BRAS BU YANG DAG BAR RDZOGS PA'I BYANG CHUB SGRUB PA DANG, GNAS SKABS SU RTEN SGOM LAM PA GNAS BA'I YUL YANG MCHOD PAR BYA BA NYID DU BYED PA STE, DE LTAR BYED PA RNAM PA DRUG YIN NO, ,NGAG DON NI, THEG CHEN SGOM LAM GYI BYED PA CHOS CAN, DRUG YOD DE, SEMS LAS SU RUNG ZHING, THEG CHEN DGE BSHES KYIS 'DZIN PA'I BYED PA GNYIS, PHYI NANG GI NYER 'CHE ZHI PA'I BYED PA GNYIS, RDZOGS BYANG SGRUB CING RTEN YUL MCHOD RTEN DU BYED PA GNYIS RNAMS LA BYED PA'I PHYIR, GNYES PA LA DBYE BA BSTAN NAS, MTSAMS SBYAR BA DANG, SO SO'I NGO BO'O, ,DANG PO NI, BYED PA'I 'OG TU SOGS SO, ,GNYIS PA LA ZAG BCAS SGOM LAM DANG, ZAG MED SKOM LAM GNYIS, DANG PO LA DBYE BA BSTAN PAS, MTSAMS SBYAR BA DANG, SO SO'I NGO BO, ,BYED LAS KYI DON BSDU BA'O, ,DANG PO NI, GNYIS YOD PA DE'I PHYIR DANG PO NI SGOM PA'I LAM ZAG PA DANG BCAS PA 'CHAD CING, DE LA'ANG MOS PA DANG BSNGO BA DANG RJES SU YI RANG BA YID LA BYED BA CES BYA BA RNAM PA GSUM YOD DO, ,DE LA MOS PA'I NGO BO NI, MNYAG GZHAG TU CHOS NYID MNGON SUM DU MTHONG BA'I STOBS KYIS, RJES THOB TU YUM LA YON TAN JI LTAR YOD BA LTAR NGES PA YID CES PA'I DANG PA'O, ,DE YANG YUM LA DON GSUM SGRUB PA'I NUS PA YOD PA LAS, YUM GYIS RANG DON SGRUB NUS PA'I CHA LA MOS BA CUNG ZAD LHAG PA'I SGOM LAM NI, RANG DON MOS

, ,PA CES BYA LA MA DAG SA BDUN GYI SGOM LAM RJES THOB NA YOD DE, SA DE DAG TU GANG ZAG GI BDAG 'DZIN LHAG MA MED BAR MA SPANGS PA'O, ,YUM GYI RANG DON SGRUB BA DANG, GZHAN DON SGRUB PA'I NUS PA GNYIS KA LA CHA MNYAM DU MOS BA LHAG PA NI GNYIS DON MOS BA YIN CING, SA BRGYAD PA DANG DGU PA'I RJES THOB NA YOD DE, NYON YID SPANGS PAS BDAG GZHAN MNYAM NYID DU RTOGS PA'I PHYIR RO, ,YUM GYIS GZHAN DON SGRUB PA'I NUS PA LA LHAG PAR YID CHES PA'I MOS PA NI GZHAN DON MOS PA STE, SA BCU PA'I RJES THOB NA YOD DE, SKABS DER GZHAN DON SANGS RGYAS DANG CHA 'DRA BA'I PHYIR, SGOM LAM BSNGO BA'I MTSAN NYID, MOS PA SOGS LAS BYUNG BA'I DGE RTZA RDZOGS PA'I BYANG CHUB KYI RGYUR BSGYUR BAR BYED PA'I 'DUN PA MTSUNGS LDAN DANG BCAS BA THEG CHEN SGOM LAM GYIS BSDUS PA'O, ,SGOM LAM RJES SU YI RANG NI, RANG GZHAN GYI DGE RTZA LA DGA' BA'I RNAM PA CAN DRANG BA'I NGO BOR GYUR PA'I THEG CHEN SGOM LAM, KHA CIG MOS BSNGO YI RANG GSUM PO 'DI SGRA DON 'DZIN PA'I RTOG PA MIN NO, ZHES SMRA BA BAB COL TE, SGOM LAM BSNGO BA YID LA BYED BAS, BSNGO SA MA 'ONGS PA NA 'THOB 'GYUR GYI RDZOGS PA'I SANGS RGYAS DANG, BSNGO BYA RANG GZHAN GYIS BSAGS PA'I DUS GSUM GYI DGE RTZA THAMS CAD MNGON SUM DU MTHONG NGAM, DON SPYI'I TSUL DU DMIGS, DANG BO LTAR NA KUN RDZOB TU THAL LO, ,GNYIS BA LTAR NA SGRA DON 'DZIN BA'I RTOG BA MIN BA NYAMS SO, , 'DIS RJES SU YI RANG LA'ANG MTSUNGS SHING, MOS PA YUM GYI YON TAN JI LTAR YOD BA LTAR, NGES PA'I NGES SHES SU BSHAD PAR GSAL LO, ,'O NA 'DI DAG ZAG BCAS SU BSHAD PA ZAG PA GANG GANG GI DBANG DU BYAS PA YIN ZHE NA, SHES SGRIB KYI ZAG BCAS YIN CING, DE YANG THEG CHEN SGOM LAM YIN PAS BDEN PAR 'DZIN PA'I 'DZIN STANGS MED CING, SHES SGRIB MIN LA, ZHEN YUL LA MA 'KHRUL BA YIN KYANG, BDEN 'DZIN GYI BAG LA NYAL MA SBANGS PA'I RGYUD KYI RTOG PA YIN PAS RANG LA DE BDEN PAR GRUB PA LTA BUR SNANG BA'I BDEN

SNANG YOD CING, DE'I PHYIR SNANG YUL LA 'KHRUL BA YIN LA, BDEN SMAD DE YANG SHES SGRIB KYI SA BON LAS BYUNG BA YIN PAS, SHES SGRIB KYI ZAG BCAS SU 'GYUR BA YIN NO, ,'O NA SHES SGRIB KYI SA BON LAS BYUNG NA, SHES SGRIB TU MI 'GYUR RAM ZHE NA, 'O NA NYON MONGS RNAMS KYANG SHES SGRIB TU THAL LO, ,'DI DAG LA KHA CIG GIS LOG PAR BSHAD CING, GZHAN DAG YID BRTAN MA RNYED BAR SGYU THABS KYIS NGOR BAR SNANG NGO, ,GNYIS PA SO SO'I NGO BO LA GSUM LAS, MOS BA LA DNGOS DANG, PHAN YON GNYIS, DANG PO LA GSUM LAS, MTSAMS SBYAR NI, GSUM PO RNAMS KYA NANG NAS SGOM PA'I LAM DANG PO MOS PA YID LA BYED BA ZHES BYA BA 'TSAD DO, ,RTZA BA NI, MOS PA ZHES SOGS SO, ,LUS DANG, YAN LAG DANG, NYID LAG GI DBYE BA'I DBANG DU BYAS PA'O, ,'GREL PA'ANG DE LTAR GSUM LAS, RTZA BA'I DBYE BA NI, ZAG BCAS SGOM LAM LA GSUM YOD BAR MA ZAD, MOS PA'I NGO BO YANG RNAM PA GSUM MO, ,GSUM PO GANG ZHE NA, YUM GYIS RANG DANG, GNYIS KA DANG, GZHAN GYI DON SGRUB PA'I NUS PA GSUM LA RIM BZHIN DMIGS PA NYID DANG, RANG DON DANG, GNYIS DON DANG, GZHAN DON MOS PA GSUM MO, ,'O NA TSOGS LAM SOGS SU YUM LA YON TAN JI LTAR YOD BA LTAR MOS BDE DAG KYANG 'DIR GZUNG NGAM ZHE NA, 'DI NI RJES THOB TU JI LTAR MOS BA BZHIN MNYAM GZHAG TU TSES NYID MNGON SUM DU MTHONG BA'I DGE BA'I CHOS KYI RTEN NAM, 'BRAS BUR GYUR PA SGOM PA'I LAM GYI DBANG DU BYAS BA YIN PAS DANG POR TSOGS LAM SOGS SU MNGON DU MI BYED DO, ,DAG DON NI, THEG CHEN SGOM LAM MOS BA CHOS CAN, GSUM DU YOD DE, MNYAM GZHAG TU CHOS NYID MTHONG BA'I STOBS KYIS YUM GYI DON GSUM SGRUB PA'I NUS PA LA RIM BZHIN LHAG PAR MOS PA'I RANG NYID MOS BA SOGS GSUM YOD PA'I PHYIR; GZHUNG 'DI NA YANG CES BA 'GYUR MA DAG PA STE, 'GREL CHEN LAS, JI LTAR MOS PA BZHIN MTHONG BA'I DGE BA'I CHOS KYI RTEN CAN BSGOM PA'I LAM GYI DBANG DU BYAS PA YIN PAS, ZHES PA LTAR BSHAD DO, ,YAN LAG GI DBYE BA NI, DE DAG KYANG ZHES SOGS DANG, NYID LAG GANG DBYE

, ,BA NI, DE YANG SO SOR ZHES SOGS TE, NGAG DON DBYE SBYOR RO, ,DE DAG GI DON BSDU BA NI, DE LTAR NA, SOGS SO, ,GNYIS PA MOS PA'I PHAN YON LA, MTSAMS SBYAR NI, DE SGOM PA'I ZHES SOGS SO, ,RTZA BA NI, SHES RAB CES SOGS SO, ,'GREL BA NI, RJES THOB TU YUM DON GSUM GYI 'BYUNG GNAS SU JI LTAR MOS PA BZHIN MNYAM GZHAG TU MTHONG BA'I CHOS KYI MTSAN NYID SHER PHYIN PA LA ZHUGS PA'I MOS PA YID LA BYED PA DANG POR RANG DON MOS PA'I GNAS SKABS DGU DAG TU SO SOR BSTOD PA RNAM PA DGU GO RIM BZHIN DU SNGA MA LAS PHYI MA GONG NAS GONG DU MNGON PAR DGA' BAR BYED CING BSTOD PAR 'DOD, DE BZHIN DU GNYIS PA GNYIS DON MOS PA DANG GSUM PA GZHAN DON MOS PA'I GNAS SKABS DGU DAG TU SO SOR BKUR BA DANG BSNGAGS PA RNAM PA DGU DGUS GO RIM BZHIN DU GONG NAS GONG DU MNGON PAR DGA' BAR BYED CING BKUR BA DANG BSNGAGS PAR 'DOD DO, DES NA BSTOD PA LA SOGS PA 'DI DAG NI SANGS RGYAS KYIS MOS PA SGOM PA'I BYANG SEMS KYI YON TAN GYI DON YANG DAG PA JI LTA BA BZHIN RTOGS NAS YON TAN JI LTAR YOD PA BZHIN BRJOD PA'I MTSAN NYID CAN YIN GYI YON TAN YOD PA DANG MI 'TSAMS PAR BRJOD PA'I GCAM BU'AM NGO BSTOD KYI NGO BO NYID NI MIN NO, ,RTZA 'GREL LA, NGAG DON NI, SHES BYA CHOS CAN, SGOM LAM MOS PA PHAN YON CHEN PO DANG BCAS PA YIN TE, DE'I STOBS KYIS DE SGOMS PA'I BYANG SEMS SGOM LAM PA LA SANGS RGYAS THUGS RANGS PA'I BSTOD BKUR BSNGAGS GSUM MDZAD PA 'THOB PA'I PHYIR, GNYIS PA BSNGO BA LA MTSAMS SBYAR NI, DE LTAR MOS PA LAS DE BYANG CHUB KYI YAN LAG TU BSGYUR BA'I BSNGO BA 'BYUNG BAS GNYIS PA BSNGO BA YID LA BYED PA 'CHAD DO, ,RTZA BA RI, YONGS SU CES BRKANG PA GNYIS KYIS BSNGO BA'I NGO BO STON CING, KHAMS GSUM RTOGS PA MA YIN DANG, ZHES PA'I BAR RNAMS KYIS BSNGO BA'I KHYAD CHOS STON LA, LHAG MAS BSNGO BA'I DBYE BA STON NO, ,DE YANG DE NI ZHES PA RKANG PA GCIG GIS BSNGO BYA'I RDZAS LA, MNGON ZHEN 'GOG PA DANG, DE NAS GCIG

GIS BSNGO BYED KYI SEMS LA MNGON ZHEN 'GOG PA DANG, DPEN PA DANG ZHES PAS, BSNGO BA PO GANG ZAG LA MNGON ZHEN 'GOG PA DANG, SANGS RGYAS BSOD NAMS TSOGS, RANG BZHIN DRAN PA'I SPYOD YUL CAN, ZHES PAS BSNGO RGYU'I DGE RTZAL RTEN GYI NGOS NAS BZANG NGAN DU BDEN ZHEN 'GOG BA DANG, THABS BCAS CES PAS DGE RTZA PHYIN DRUG LA NGO BO'I SGO NAS BZANG NGAN DU BDEN ZHEN 'GOG PA DANG MTSAN MA MED PA DANG, ZHES PAS BSNGO BYED SOGS DE DAG THAMS CAD LA BDEN MED DU BDEN PAR ZHEN PA 'GOG PA DANG, SANGS RGYAS RJES SU YI RANG DANG, ZHES PA JI LTAR BSNGO PA'I TSUL 'KHOR GSUM MI DMIGS PAR BSNGO BA DANG, KHAMS GSUM RTOGS PA MA YIN DANG ZHES PAS BSNGO BA KHAMS GSUM DU MI BSNGO BAR RDZOGS BYANG DU BSNGO BAR BSTAN NO, ,'GREL BA NI BSNGO BA PO THEG PA GSUM GYIS GDUL PAR BYA BA'I SEMS CAN LA LAM GSUM NYE BAR STON PA'I RGYU'I NGO BO'I BYED PA DANG SDOM PA BYANG SEMS KYIS CHED DU BYA BA SEMS CAN THAMS CAD KYI DON GYI DGOS BA MI ZAD PAR BYA BA'I PHYIR, BSNGOS YANG DAG PAR RDZOGS PA'I BYANG CHUB TU BSNGO BA'I TSUL RNAM PA BTZU GNYIS BYED DE, ,BCU GNYIS GANG ZHE NA, MING DON GO RIM SBYAR NAS BSHAD PA NI, JI SKAD BSHAD PA'I MOS PA'I DGE BA BYANG CHUB TU BSNGO BAS NYAN RANG LAS KHYAD PAR CAN ZHES DE LTAR MDO LAS MING DU BTAGS PA'I BSNGO BA YID LA BYED PA NI BLA NA MED PA'I BYANG CHUB MI DMIGS PA LA DMIGS PA'I BSNGO BA'O, ,MI DMIGS PA'I BSNGO BA ZHES DE LTAR MING DU BTAGS PA YID LA BYED PA NA BSNGO BYA TSUL KHRIMS LA SOGS PA'I PHUNG PO BDEN PAR MI DMIGS PA LA DMIGS PA'O, ,PHYIN CI MA LOG PA NI SNGO BAR BYED PA'I SEMS DANG, DBEN PA NI BSNGO BA BO'I GANG ZAG BDAG LA SOGS PA DANG LDAN PA'I DNGOS PO DANG DE'I DGE PA'I RTZA BA'I TSOGS KYI RANG BZHIN DRAN PA'I BSNGO BA NI DUS GSUM GYI SANGS RGYAS KYI DGE BA DANG, BYANG SEMS RANG GI DGE BA BZANG NGAN DU DON DAM PAR MI DMIGS PA LA DMIGS PA'I BSNGO BA'O, ,THABS LA MKHAS PA DANG BCAS PA'I BSNGO BA YID BYED NI, SBYIN PA LA SOGS PA DRUG LA BZANG NGAN GYI KHYAD PAR DON DAM PAR MI DMIGS PA LA DMIGS

, ,PA'I BSNGO BA'O, ,MTSAN MA MED CES PA'I MING DU BTAGS PA'I BSNGO BA YID BYED NI, BSNGO BYA SOGS DE DAG THAMS CAD BDEN MED DU BDEN PA'I MTSAN MA MI DMIGS PA LA DMIGS PA'I BSNGO BA'O, ,SANGS RGYAS KYAS GNANG BA'I MING CAN NI 'KHOR GSUM GYI LAM THAMS CAD BDEN PAR MI DMIGS PA LA DMIGS PA'I BSNGO BA'O, ,BSNGO SA KHAMS GSUM PAR MA GTOGS PA'I MING CAN NI, 'DOD PA LA SOGS PA'I KHAMS BDEN PAR MI DMIGS PA LA DMIGS PA'O, ,BSOD NAMS CHEN PO 'BYUNG BAR CHUNG DU ZHES DE LTAR MING DU BTAGS PA'I BSNGO BA NI GDUL BYA DGE BA BCU LA SOGS PA'I LAS KYI LAM LA BKOD PA'I DGE BA BDEN PAR MI DMIGS PA LA DMIGS NAS BSNGO BA'O, ,BSOD NAMS CHEN PO 'BYUNG BA 'BRING GI MING CAN NI GDUL BYA RGYUN DU ZHUGS PA LA SOGS PA LA BKOD PA'I DGE BA MI DMIGS PA LA DMIGS NAS BSNGO PA'O; ;BSOD NAMS CHEN PO 'BYUNG BA CHEN PO ZHES BYA BA DE LTAR MING DU BTAGS PA'I BSNGO BA YID LA BYED PA NI GDUL BYA BLA NA MED PA'I BYANG CHUB LA GNAS BAR BYAS PA'I DGE BA RNAMS BDEN PAR MI DMIGS PA LA DMIGS NAS BSNGO BA'O, ,RTZA 'GREL LA DAG DON NI, BYANG SEMS KYIS YUM LA MOS PA SGOM PA SOGS KYI DGE RTZA RDZOGS BYANG DU BSNGOS PA'I BSNGO BA CHOS CAN, TSUL BCU GNYIS YOD DE, BSNGO BA'I RANG BZHIN DANG, KHYAD CHOS BRGYAD DANG, DBYE BA GSUM RNAMS SU YOD PA'I PHYIR, GSUM BA RJES SU YI RANG LA GSUM LAS, MTSAMS SBYAR NI, DE LTAR SOGS SO, ,RTZA BA NI, THABS DANG SOGS TE, DANG POS RANG TSUL, GNYIS PAS RANG YUL, THAM GNYIS KYIS NGO BO BSTAN NO, ,'GREL BA NI KUN RDZOB TU THABS KYIS DGE RTZA RNAMS DMIGS NAS DON DAM PAR MI DMIGS PA NYID KYIS RANG GZHAN GYI DGE BA'I RTZA BA RNAMS LA RAB TU DGA' BA'I SEMS KYIS RJES SU YI RANG BAR BYA BA DAG YIN NO, ,NGAG DON NI, SA GNYIS PA'I SGOM LAM RJES SU YI RANG CHOS CAN, SGOM LAM RJES SU YI RANG YIN TE, RANG GZHAN GYI DGE BA LA THABS SHES KHYAD PAR CAN GYI SGO NAS DGA' BSGOM PA'I SGOM LAM YIN PA'I PHYIR

GSUM PA NI, GSUM YOD BA DE LA MOS PA YID LA BYED PAS NI 'BYUNG KHUNGS DAG NAS GSER GYI GAR BU BZHIN DU BSOD NAMS GSAR PA MNGON PAR 'DU BYED DO, ,BSNGO BA YID LA BYED PAS NI BSOD NAMS DE GSER MGAR GYIS GSER SBRAM RGYAN DUB SGYUR BA BZHIN DU YANG DAG PAR RDZOGS PA'I BYANG CHUB KYI YAN LAG TU BYED DO, ,RJES SU YI RANG BA YID LA BYED PAS NI RANG DANG GZHAN GYI BSOD NAMS BYA BA MNYAM PA NYID 'THOB CING GZHAN GYI DGE BA 'DUS BYAS DANG, DE LA RJES SU YI RANG BA BSOD NAMS MNYAM ZHES BYA BA STE, DE YANG SA THOB PA'I DBANG DU BYAS PA'O, , GNYIS PA ZAG MED SGOM LAM LA, DBYE BA'I SGO NAS MTSAMS SBYAR, SO SO'I NGO BO RGYAS PAR BSHAD PA'O, ,DANG PO NI, ZAG PA DANG BCAS PA'I 'OG TU ZAG PA MED PA'I SGOM PA'I LAM STE, DE YANG SGRUB BSGOM LAM DANG, RNAM DAG SGOM LAM RNAM BA GNYIS SO, 'DI GNYIS KYI KHYAD PAR KHA CIG RTOGS PA DANG, SPANGS BA'O, ZHES SMRA BA MI 'THAD DE, SPANGS PA NI 'GOG BDEN YIN PAS, SGOM LAM DU MI 'THAD PA'I PHYIR RO, ,DES NA BAR CHAD MED LAM DANG, RNAM GROL LAM YIN PAR SHES PAR BYA'O, ,GNYIS PA LA GNYIS LAS, SGRUB PA SGOM LAM LA MTSAMS SBYAR NI, GNYIS YOD PA DE'I PHYIR DANG PO YON TAN MNGON PAR SGRUB BA'I MTSAN NYID KYI SGOM PA'I LAM 'CHAD DO, ,RTZA BA NI, DE YI NGO ZHES SOGS SO, ,'GREL BA NI, ZAG MED SGOM LAM GYI NGO BO NI GZUGS LA SOGS PA PHYIN CI MA LOG PAR MTHONG BA'I SHES RAB NYID DO, DES MA ZIN BA'I PHAR PHYIN GZHAN GYIS SANGS RGYAS MI 'THOB PA'I MCHOG NYID DO, ,CHOS THAMS CAD KYI KHYAD PAR SKYE BA MED PAR RTOGS PAR SBYOR BA NI KUN LA BDEN PAR MNGON PAR 'DU MI BYED BA SGOM LAM GYI RNAM PA'O, ,GNAS SKABS SU DE LTA BU'I NGO BO NYID LA SOGS PA DANG LDAN PA'I LAM CHOS RNAMS MI DMIGS PA NYID DU RTOGS PA GONG MA GONG MA RIM BZHIN RNAL 'BYOR BA'I RGYUD LA BSKYED PA NI GTOD PAR BYED PA'O, ,MTHAR THUG DON CHEN PO SANGS RGYAS NYID DU BYED PA'I PHYIR DON CHEN BO NYID DO, ,DAG DON NI, SA GNYIS PA'I BAR CHAD MED LAM

, ,CHOS CAN, SGRUB BA SGOM LAM YIN TE, SBYIN SOGS LAS KHYAD BAR 'PHAGS PA CHOS THAMS CAD BDEN MED DU MNGON SUM DU MTHONG BA'I SHES RAB KYI NGO BOR GYUR BAS GNAS SKABS DANG MTHAR THUG GI YON TAN KHYAD PAR BSKYED BA'I SGOM LAM BAR CHAD MED LAM YIN PA'I PHYIR, GNYIS PA LA RGYU DANG, RANG BZHIN GNYIS, DANG PO LA MTSAMS SBYANG NI, DE'I 'OG TU SOGS SO, ,RTZA BA NI SANGS RGYAS SOGS TE, DANG PO GSUM GYIS MTHUN RKYEN DANG, LHAG MAS 'GAL RKYEN BSTAN NO, ,'GREL PA LA GNYIS LAS, MTHUN RKYEN NI, SANGS RGYAS LA SOGS PA MNYES PAR BYED PA DANG, SBYIN PA LA SOGS PA'I PHA ROL TU PHYIN BA RDZOGS PAR BYED PA DANG, ZHI GNAS LA MKHAS PA ZHES BYA BA NI, LHAG MTHONG GI NGO BO RNAM DAG SGOM LAM SKYE BA'I RGYU DAG YIN NO, ,'GAL RKYEN MI NANG GI RIGS DMAN PAS CHOS ZAB MO LAM MOS PA DANG, DBANG PO DMAN PAS DNGOS POR 'DZIN PA DANG, PHYI'I RKYEN BDUD KYIS GNOD PA BYAS PA DANG, MI DGE BA'I GROGS PO DANG 'GROGS PA ZHES BYA BA NI SGOM LAM MI SKYE BA'I RGYU DAG YIN NO, ,NGAG DON NI, RNAM DAG SGOM LAM CHOS CAN, KHYOD PHYI NANG GI MTHUN RKYEN JI SKAD BSHAD PA TSANGS SHING, PHYI NANG GI 'GAL RKYEN JI SKAD BSHAD PA DE DAG DANG BRAL BA LAS SKYE DGOS TE, SHES SGRIB KYI ZAG PA MED PA'I LHAG MTHONG GI YE SHES YIN PA'I PHYIR, GNYIS PA LA, SBYIR BSTEN PA DANG, BYE BRAG TU BSTAN PA GNYIS, DANG PO LA MTSAMS SBYAR NI, DE LTAR 'THOB BA DANG MI 'THOB PA'I RGYU DAG DANG, DE NAS SKABS SU BAB PA RNAM PAR DAG PA 'PHAGS BA SO SO'I KHYAD PAR MA PHYE BAR SPYIR 'CHAD DO, ,RTZA BA NI, 'BRAS BU SOGS SO, ,'GREL BA NI, 'DIR GANG DAG YUL CAN RNAM GROL LAM DRI MAS DAG PA NA, DE'I YUL GZUGS SOGS KYANG DRI MA DES DAG CES 'CHAD PA MI 'THAD DE, DE LTAR NA SANGS RGYAS KYI YE SHES DRI MAS DAG PA NA, CHOS THAMS CAD DRI MAS DAG DGOS PAS DRI MA SHES BYA LA MI SRID PAR 'GYUR RO, ,KHA CIG PHYOGS DE LA DGAG PA DE LTAR BRJOD NAS, RANG LUGS 'JOG PA NA DES NA RGYU BAR CHAD

MED LAM GYIS BSAL BA'I DRI MA DE NYID KYIS DE'I YUL GZUGS SOGS KYANG RNAM PAR DAG BAS NA, 'BRAS BU RNAM PAR DAG PAS GZUGS RNAM PAR DAG BAR BRJOD KYI, SBYIR YUL CAN DAG PAS YUL DAG CES BRJOD PA NI MIN NO, ZHES SMRA BA NI, DE MA THAG PAR MA CHAD PAR NANG 'GAL DNGOS SU SMRA BA STE, RNAM MKHYEN SKAD CIG DANG BO'I RGYU BAR CHAD MED LAM GYIS BSAL BA'I DRI MA DES RNAM MKHYEN DE'I YUL GZUGS SOGS KYANG DAG PAR THAL LO, ,'DOD NA SANGS RGYAS KYI YE SHES DRI MAS DAG NA, CHOS THAMS CAD DRI MAS DAG MI DGOS PA NYAMS SO, ,BAR CHAD MED LAM DRI MAS DAG BA NA DRI MA DE NYID KYIS, DE'I YUL SOGS KYANG DAG DGOS PA DANG, YUL CAN DAG PAS YUL DAG MI DGOS PA'ANG RANG TSIG 'GAL BA YIN NO, ,DES NA 'DI'I GZUGS SOGS ZHES PA NI, YUL CAM LA ZER BA MIN GYI, RNAM GROL LAM SKYES BA'I GANG ZAG GI GZUGS SOGS PHUNG PO LNGA'I CHOS NYID LA ZER BA YIN LA, DE'I PHYIR 'GREL CHEN DU KUN RDZOB DE BZHIN NYID GANG YIN, CES PA LUNG DRANGS NAS DE DANG MTHUN PAR BSHAD CING, GZUGS LA SOGS PA'I SGYU MA LTA BUR GYUR BA'I RNAM PAR DAG PA GANG YIN PA DE NYID CES SOGS SO, ,DES NAS GNYIS PA'I RNAM GROL LAM MI MTHUN PHYOGS KYIS DAG BA'I DAG BA DANG, SA GNYIS BA'I PHUNG PO'I CHOS NYID DRI MAS DAG PA'I DAG PA RIGS THA MI DAD DE, GNYIS KA'I DAG BYAS GNYIS KA'I DO SKAL GYI SPANG BYAR GYUR BA'I DRI MA DE NYID YIN PAS SO; ZHES BYA BA YIN NO, ,TSIG DON NI, 'PHAGS PA'I GANG ZAG GI DGE SBYONG GI TSUL GYI 'BRAS BU RNAM GROL LAM GANG YIN PA DE RANG GI MI MTHUN PA'I PHYOGS THAMS CAD DANG BRAL BA NYID KYIS RNAM PAR DAG PA GANG YIN PA DE NYID GANG ZAG DE'I GZUGS LA SOGS BA'I CHOS NYID, RNAM PAR DAG BA YIN TE, GANG GI PHYIR NA DE DAG RNAM PAR DAG BA NGO BO THA MI DAD CING, RIGS SO SOR BCAD DU MED PA NYID KYI PHYIR DER THAL, DE GNYIS RANG GI MTSAN NYID GLO BUR DRI BRAL DANG, SPYI'I MTSAN NYID RANG BZHIN RNAM DAG GANG GI CHA NAS KYANG RIGS DANG BO'O

, ,THA DAD PA NYID MIN PA DE'I PHYIR, DER THAL, SA GNYIS PA'I 'BRAS BU RNAM GROL LAM DANG, SA GNYIS KA BAB GZUGS LA SOGS PA'I CHOS NYID RNAM PAR DAG PA NI GNYIS KA YANG SA GNYIS PA'I NGO SKAL GYI SPANG BYAR GYUR PA'I GZUGS LA SOGS PA LA BDAG TU MNGON PAR ZHEN PA LA SOGS PA DANG BRAL BAS RAB TU PHYE BA'I RNAM DAG YIN PA NYID KYIS SO, ,DE LTAR NA GZUGS RNAM PAR DAG PAS 'BRAS BU RNAM PAR DAG PAR MDO LAS BRJOD DO, ,NGAG DON NI, SA GNYIS PA'I RNAM GROL LAM RANG GI MI MTHUN PHYOGS KYIS DAG PA'I DAG PA DANG, SA GNYIS PA BA PHUNG PO'I CHOS NYID DMIGS DAG PA'I DAG PA CHOS CAN, RIGS DANG NGO BO THA MI DAD DI, SA GNYIS BA'I DO SKAL GYI DRI MAS DAG PA'I RAB TU PHYE BA'I DE'I RGYUD KYI RNAM DAG YIN PA'I PHYIR, GNYIS PA LA 'PHAGS BZHI'I RNAM DAG GI DBYE GA SANGS RGYAS KYI RNAM DAG SHIN TU BAR SGRUB PA, SGRUB BYED LA KLAN KA SPANGS TE BSHAD PA'O, ,DANG PO LA MTSAMS SBYAR NI, RNAM PAR SOGS SO, ,RTZA BA NI NYON MONGS SOGS SO, 'GREL PA NI, NYAN THOS DGRA BCOM GYI RGYUD KYI RNAM GROL LAM RANG GI MI MTHUN PHYOGS KYIS DAG PA'I DAG PA CHOS CAN; NYAN THOS KYI DAG PA YIN TE, 'DOD CHAGS LA SOGS PA'I NYON MONGS BA TZAM SPANGS PAS RAB TU PHYE BA'I DAG PA YIN PA'I PHYIR, RANG SANGS RGYAS KYI RGYUD KYI DE CHOS CAN, RANG SANGS RGYAS KYI DAG PA YIN TE, NYON MONGS DE DANG SHES BYA'I SGRIB PA'I PHYOGS GCIG PO GZUNG BAS RNAM PAR RTOG PA TZAM SPANGS PAS RAB TU PHYE BA'I DAG PA YIN PA'I PHYIR, BYANG SEMS 'PHAGS PA'I DE CHOS CAN, BYANG CHUB SEMS DPA' RNAMS KYI DAG PA YIN TE, THEG PA GSUM GYI DRI MA STE, RANG GI NGO SKAL GYI SGRIB PA NYON MONGS DANG, GZUNG RTOG DANG, 'DZIN RTOG GNYIS KA SPANGS BAS RAB TU PHYE BA'I DAG PA YIN BA'I PHYIR, GLO BUR DRI MAS SHIN TU RNAM PAR DAG PA RANG BZHIN RNAM DAG GI CHOS KYI DBYINGS LAS BYUNG BA NYID NI CHOS CAN, BLA NA MED PA'I SANGS RGYAS KYI YIN PAR 'DOD DE, NYON MONGS PA DANG SHES BYA'I SGRIB PA BAG CHAGS DANG BCAS

PA RNAM BA THAMS CAD DU SPANGS PAS RAB TU PHYE BA'I DAG PA YIN PA'I PHYIR, GNYIS PA LA, DRI BA NI, LAM SHES PA NYID KYI SKABS SU BYANG SEMS KYI RNAM PAR DAG PA SMOS BA'I ZHAR LA SOGS SO, ,LAN LA GNYIS LAS, RTZA BA NI, SA DGU LA NI SOGS SO, ,'GREL BA NI, 'DOD PA'I KHAMS DANG, BSAM GTAN DANG, GZUGS MED PA'I SNYOMS PAR 'JUG PA DAG STE, SA DGU LA BRTEN PA'I BYANG SEMS KYI SGOM LAM CHUNG DU'I CHUNG DU LA SOGS PA RNAM PA DGU, MI MTHUN PHYOGS CHEN PO'I CHON PO LA SOGS PA RNAM PA DGU'I GNYEN PO'I NGO BOR GO RIM BZHIN DU DRI MA'I RNAM PA THAMS CAD DANG BRAL BA'I SGO NAS RNAM PAR DAG BA'I RGYU DANG, NYAN RANG GI SGOM LAM CIG SHOS DRI MA PHYOGS GCIG GIS RNAM PAR DAG PA'I RGYU YIN PA'I PHYIR, 'BRAS BU SANGS RGYAS DANG NYAN RANG GI RNAM PAR DAG PA SHIN TU BA DANG CIG SHOS ZHES BYA'O, , DAG DON NI SHES BYA CHOS CAN, SANGS RGYAS DANG NYAN RANG GI RNAM DAG LA SHIN TU BA DANG, SHIN TU BA MIN PA'I KHYAD PAR 'THAD DE, BYANG SEMS KYI SGOM LAM DE DRI MA MA LUS PA'I GNYEN POR GYUR PA'I SGOM LAM SHIN TU BA YIN CING, NYAN RANG GI SGOM LAM DRI MA PHYOGS GCIG TZAM GYI GNYEN PO YIN PA'I PHYIR, 'DIR SKABS SU BAB PA GNYEN BOS SPANG BYA SPONG BA'I TSUL LA MTHA' DBYAD PA BSHAD PAR BYA STE, DE LA SPANG BYA GANG GNYEN PO GANG GIS TSUL JI LTAR SPONG ZHE NA, SPANG BYA NI GNYIS TE, MTHONG SPANG DANG SGOM SPANG NGO, ,DANG PO NI, BSHES GNYEN NGAN PAS CHOS LOG BSTAN PA SOGS KYI MTHU LAS BYUNG BA'I SGRIB PA KUN BRTAGS KYI CHA DANG, GNYIS PA NI, SEMS CAN THAMS CAD LA THOG MA MED PA NAS MTSUNGS PAR 'BREL BA'I SGRIB PA LHAN SKYES KYI CHA RNAMS TE, RE RE LA YANG MNGON GYUR DANG, SA BON GNYIS GNYIS SU YOD CING, SA BON NI DMIGS RNAM MI 'DZIN BA'I NUS PA'I NGO BOR GNAS PA YIN LA, NUS PA DE LAS DMIGS RNAM 'DZIN PAR SKYES PA'I SGRIB PA NI MNGON 'GYUR RO, ,YANG SGRIB PA NI GNYIS TE, ZHI GNAS KHYAD PAR CAN LA SGRIB PA DANG, LHAG MTHONG LA SGRIB PA'O, ,DANG

, ,PO LA NI, SNYOMS 'JUG GI SGRIB PA ZHES KYANG BYA ZHING DE NYON MONGS MIN TE, NYON MONGS MA LUS PAR SPANGS PA'I NYAN THOS SHES RAB RKYANG PAS RNAM GROL LA YANG YOD PA'I PHYIR RO, ,SHES SGRIB MIN TE, NYAN THOS DGRA BCOM GNYIS KA'I CHA LAS RNAM GROL DAG GIS KYANG MA LUS PAR SPANGS PA'I PHYIR RO, ,DE NI JI LTAR 'DOD PA BZHIN SPRUL PA DANG, SNYOMS PAR 'JUG PA SOGS LA BAR DU GCOD PA LUS SEMS LAS SU MI RUNG BA'I NGO BOR GYUR BA'O, ,LHAG MTHONG LA SGRIB PA NI GNYIS TE, NYON MONGS PA'I SGRIB PA DAG SHES BYA'I SGRIB PA'O,, DANG PO NI, GTZO BOR THAR PA TZAM THOB PA LA GEGS BYED PA'I SGRIB PA, GNYIS PA NI, GTZO BOR THAMS CAD MKHYEN PA THOB PA LA GEGS BYED PA'I SGRIB PA, RE RE LA'ANG MNGON GYUR DANG SA BON GNYIS GNYIS YOD CING NYON MONGS PA'I SGRIB PA MNGON GYUR NI, SER SNA DANG KHRAG DOG LA SOGS PA DANG RTZA BA DANG NYE BA'I NYON MONGS PA RNAMS SO, ,DE DAG NI NYON MONGS PA DANG DE'I SGRIB PA GNYIS KA YIN LA, 'DOD CHAGS LA SOGS PA RNAMS KYI SA BON NI NYON SGRIB YIN KYANG NYON MONGS MIN TE, NYON MONGS YIN NA, SHES PA YIN PAS DMIGS RNAM 'DZIN DGOS PA'I PHYIR RO, ,SHES SGRIB MNGON GYUR NI, BDEN 'DZIN GYI RTOG PA DAG YIN LA, SA BON DE NYID BSKYED PA'I BAG LA NYAL NUS PA'I NGO BOR GNAS PA'O, ,DE YANG MNGON GYUR DANG SA BON GNYIS PA SHES SGRIB YIN NO, ,GNYIS PA GNYEN PO NI BZHI STE, RNAM PAR SUN 'BYIN PA'I GNYEN PO DANG, SPONG BA'I GNYEN PO DANG, RTEN GNYEN PO DANG; THAG BSRING GNYEN PO'O, ,DANG PO NI, THOG MAR ZAG PA DANG BCAS PA'I CHOS RNAMS LA NYES DMIGS SU BLTA BA STE, 'DOD CHAGS KYI GNYEN POR MI SDUG PA BSGOM PA LTA BU'O, ,CI'I PHYIR 'DI SPONG BA'I GNYEN PO MIN CE NA, 'DOD CHAGS NI YID DU 'OD BA'I RNAM PAR ZHUGS LA; MI SDUG PA NI YID DU MI 'ONG BA'I RNAM PAR ZHUGS PAS, RE SHIG 'DOD CHAGS MNGON GYUR ZIL GYIS MNAN PA TZAM YIN GYI, GNYIS KA'ANG YUL GYI GNAS TSUL LAS, PHYIN LOG TU DMIGS PAR 'DRA BA'I PHYIR RO, ,SPONG BA'I GNYEN PO NI, SBYOR BA'I LAM DANG, BAR

CHAD MED PA'I LAM MO, ,DE YANG DANG PO MNGON GYUR DANG, PHYI MA SA BON GYI SPONG GNYEN YIN NO, ,RTEN GNYEN PO NI RNAM PAR GROL BA'I LAM DANG, THAG BSRING GNYEN PO NI KHYAD PAR GYI LAM MO, ,GSUM PA GNYEN POS SPANG BYA JI LTAR SPONG BA'I TSUL LA, DGAG BZHAG GNYIS LAS, DANG PO NI, KHA CIG NA RE, SPANG BYA MNGON GYUR 'DAS PA 'GAGS PAS SPANG MI DGOS, MA 'ONGS PA MA SKYES PAS SPANG MI NUS, NGA LTAR BA LAM DANG MNYAM DU MI 'JUG PA'I PHYIR, SA BON SPONG BA YIN LA, DE YANG SA BON MA 'ONGS PA SPONG BA YIN NO ZHES SMRA'O, SA BON MA 'ONGS PA CHOS CAN, SPANG MI NUS PAR THAL, MA SKYES BA'I PHYIR, 'KHOR GSUM KHAS SO, ,SNANG BAS MUN PA MI SEL BAR THAL, MUN PA 'DAS PA 'GAGS, MA 'ONGS PA MA SKYES, MUN PA DA LTAR BSNANG BA DANG MNYAM DU MI 'JUG PA'I PHYIR, ZHES KUN TU MTSUNGS SO, ,KHA CIG PHYOGS DE LA GNOD BYED PHYI MA 'DI RANG GIS KYANG BKOD NAS DE MA THAG DE BAS NA, MNGON GYUR LA GNOD PA BYED PA'I SGO NAS SPONG BA MIN TE, 'DAS PA 'GAGS, MA 'ONGS PA MA SKYES, DA LTAR BA NI LAM DANG MNYAM DU MI 'JUG PAS DNGOS SU GNOD PA BYAR MED PA'I PHYIR, SA BON LA MI MTSUNGS TE, DMIGS RNAM MI 'DZIN PAS LAM DA LTAR BA DANG MNYAM DU 'JUG TU RUNG BA'I PHYIR RO, ZHES ZER RO, ,SNANG BAS MUN PA LA DNGOS SU GNOD PA BYAR MED PAR THAL, MUN PA 'DAS PA 'GAGS, MA 'ONGS BA MA SKYES, DA LTAR BA SNANG BA DANG MNYAM DU MI 'JUG BAS DNGOS SU GNOD PA BYAR MED PA'I PHYIR, 'KHOR GSUM PHUNG MTSAMS DANG BCAS PA DE MA THAG RANG NYID LA LDOG PAR 'GYUR BAS DRAN PA RNAL DU MA BZHAG PA'O, ,SA BON DANG BAR CHAD MED LAM MNYAM DU 'JUG PA'ANG MIN TE, 'DI LTAR MTHONG LAM GYI NGO BOR SKYES PA'I YID SHES DE LA, MTHONG SPANGS KYI SA BON YOD DAM, MTHONG LAM MNYAM GZHAG GI TSE DE'I RGYUD LA MTHONG SPANGS KYI SA BON CAN GYI YID KYI RNAM PAR SHES PA GZHAN YOD, DANG PO LTAR NA YID SHES DE ZAG BCAS ZAG MED GNYIS KA'I GZHI MTHUN DU THAL LO, ,GNYIS PA LTAR NA, GANG ZAG GCIG GI RGYUD LA YID KYI RNAM PAR SHES PA RDZAS THA DAD

, ,PA GNYIS DUS CIG CAR YOD PAR 'GYUR BAS GANG ZAG DE RGYUD DU MAR THAL LO, ,GNYIS PA RANG LUGS NI, BYANG SEMS MTHONG LAM PA DANG, SGOM LAM PA MI RTOG YE SHES LA MNYAM PAR BZHAG BZHIN PA'I RGYUD LA, DE'I TSE SGRIB PA GNYIS GANG GI 'DAS PO MED DE, YOD NA GONG DU BSHAD PA LTAR, MTHONG LAM SGOM SPANGS KYI BAG CHAGS BSGO GZHI YIN PA SOGS SU GDON MI ZA BAR KHAS LEN DGOS SO, ,DE'I TSE SGRIB PA'I SA BON MED KYANG, SPANGS PA'I DBANG GIS MED PA MIN GYI, ZAG MED KYI YID KYI RNAM PAR SHES PA DANG, SGRIB PA'I SA PON CAN GYI YID SHES ZAG BCAS GNYIS RGYUD GCIG LA CIG CAR SKYE MI RUNG BA'I RGYU MTSAN GYIS, YID SHES ZAG BCAS DE RE SHIG SKYE BA'I GO BKAG PA'I DBANG GIS MED PA YIN NO, ,DES NA RJES THOB TU SLAR YANG SGRIB PA'I SA BON SKYE BAR 'GYUR RO, ,DE'I PHYIR MTHONG LAM BAR CHAD MED LAM GYI TSE GANG ZAG DE'I RGYUD LA MTHONG SPANGS MED KYANG SPANGS PA MIN LA, SPONG BZHIN PA YIN ZHING, RNAM GROL LAM GYI TSE SPANGS PA ZHES BYA'O, ,DE YANG SPYIR MNGON GYUR DANG, SA BON GANG SPONG YANG, DA LTAR BA SPONG BAS KHYAB STE, SGRIB PA MNGON GYU DANG, SA BON GANG YIN KYANG DA LTAR BA YIN DGOS PA'I PHYIR TE, 'DAS MA 'ONGS YI PA'I DNGOS PO MI SRID PA'I PHYIR RO, ,'ON KYANG GNYEN PO RANG DUS NA 'DAS PA DANG, 'GAGS PA'I SA BON SPANG MI DGOS LA, GNYEN PO RANG DUS NA LHAN CIG 'JUG PA'I DA LTAR BA YIN PA'ANG MI SPONG GI, DE GSUM GANG DU'ANG MA PHYE BA'I RANG GI NGO SKAL GYI SPANG BYA'I SA BON TZAM SPONG BA YIN LA, SPANGS BA'I DON SA BON DE MA 'ONGS PA NA RANG RGYUD LA 'BYUNG MI RUNG DU BYAS PA'O, ,DES NA KUN LAS BTUS LAS, 'DAS PA NI 'GAGS PA'I PHYIR MIN, ZHES SOGS KYIS KYANG, GNYEN PO RANG DUS NA 'DAS BA DANG MA 'ONGS PA DANG, LHAN CIG 'JUG PA GANG YANG MI SPONG PAR BSTAN LA, 'ON KYANG GNAS NGAN LEN GYI RNAM PA GANG YIN PA DE LAS SPONG STE, ZHES SOGS KYIS DE GSUM GANG YANG MIN PA'I GNAS NGAN LEN TZAM SPONG BAR BSTAN PA YIN ZHING, GNAS NGAN LEN GYI RNAM

PA DE SPANGS PAS MA 'ONGS PAN NYON MONGS PA MI SKYE BA'I CHOS CAN DU GNAS PA DE NI SPONG BA'O, CES PA DANG, RNAM 'GREL LAS, SKYE 'DOD NYES PA BCOM PA'I PHYIR, ZHES SOGS KYIS SA BON SLAR SKYE MI RUNG DU BYAS PA SPANGS PA'I DON DU BSHAD PA YIN GYI, SA BON MA 'ONGS PA [?] SRONG BAR STON PA MIN NO, ,TSUL 'DIS RGYUN MTHA'I BAR THAMS CAD DU SHES PAR BYA ZHING PHYOGS 'DI LA MKHAS RLOM DAG GIS RANG GI DANG TSUL GSAL BAR BYAS PA'O, ,GSUM PA LA DRI BA NI, JI LTAR BYANG SEMS KYI SGROM LAM SHIN TU BA YIN ZHEN ZHES PA STE, SA DGU LA NI ZHES SONGS KYIS BYANG SEMS KYI SGOM LAM SHIN TU BA YIN PA SANGS RGYAS KYI RNAM DAG SHIN TU BA YIN PA'I SGRUB BYED DU BKOD PA DE LA, 'O NA DE DRI MA MA LUS PA'I GNYEN PO BYED PA'I SGOM LAM SHIN TU BAR JI LTAR 'GRUB CES DRIS PA YIN GYI, JI LTAR SANGS RGYAS KYI RNAM DAG SHIN TU BA YIN ZHE NA; ZHES PA NI, SA DGU LA NI ZHES PA'I DRI BA DANG KHYAD PAR MED DO, ,LAN LA GNYIS LAS, RTZA BA NI, 'PHAGS PA LTAR NA, BYANG SEMS KYI SGOM LAM KHAMS GSUM GYI DRI MAM LUS PA'I GNYEN PO NYID DU 'DOD PA YIN TE, 'JAL DANG GZHAL BYA DAG MNYAM PAR RTOGS PA NYID KYIS SO,, DE LA 'ON CHOS MNYAM PA NYID YIN NA, GNYEN POS SPANG BYA SPONG BA'I RIM PA MI 'THAD PAS DRI MA MTHA' DAG GI GNYEN POR 'GAL LO ZHES PA'I KLAN KA DON DAM PAR CHOS THAMS CAD MNYAM PA NYID YIN PAS SPANG GNYEN GYI GO RIM MI 'THAD KYANG, THA SNYAD DU SPANG GNYEN GYI RIM PA MI 'THAD PA'I SKYON MED CES PA'I SGO NAS SPANGS PA YIS 'GAL BA MED PAR GRUB BO, ZHES PA'O, ,SLOB DPON LTAR NA, 'GREL PA NI, BYANG SEMS KYI SGOM PA'I LAM SHIN TU BA JI SKAD DU BSTAN PA DE DRI MA MTHA' DAG GI GNYEN PO'I NGO BO NYID YIN, KHAMS GSUM PA'I RNAM PA CAN GYI SHES PA 'DZIN PA DANG, SHES BYA GZUNG BDAG BDEN PAR MI DMIGS PA NYID KYIS MNYAM PA NYID DU RTOGS PA GANG YIN PA DE NYID KYIS SO, ,'DI RGYU MTSAN LA MI SBYOR BDAG NI, MNYAM PA NYID KYIS ZHES PA'I RTZA TSIG LAM BRTAGS PA'O, ,RTAGS DE SPYIR DRIM MA

, ,LUS PA'I GNYEN PO BYED LA TZAM DU GRUB TU CHUG KYANG, GNYEN PO BYED TSUL DE LAS DGU LA NI ZHES PAR BSHAD PA'I MI MTHUN PHYOGS CHE RIMS NAS 'GAG CING, GNYEN PO CHUNG RIMS NAS SKYE BA MI 'THAD DE, 'DI LTAR GNYEN PO NI CHEN PO LA SOGS PA CHE RIM NAS SKYE BA YIN TE, DANG POR SKYE BA'I LAM RNAMS NI RTZOL BA CHEN POS SKYE DGOS PAS CHEN PO YIN LA, PHYI MA RNAMS NI RTZOL BA CHUNG DUS SKYED PAS CHUNG DU YIN PAS SO, ,MI MTHUN PHYOGS NI CHUNG DU'I CHUNG DU LA SOGS PA CHUNG RIMS NAS 'GAG PAR RIGS TA, DANG PO NI SPANG SLA BAS CHUNG DU DANG, PHYI MA RNAMS NI SPANG DKA' BAS CHEN PO YIN PA'I PHYIR RO, ZHES BYA BA'I KLAN KA GOS LA CHAGS PA'I DRI MA RAGS PA 'BAD PA CHUNG DUS SEL ZHING, PHRA MO SEL BA LA, BA RTZO BLAG MKHAN CHE THANG DU 'BANG PA'I DPES SPANGS PA'I SGO NAS SPONG TSUL DE 'THAD PAR 'GRUB BO, ,DE YANG MDO LAS, DON DAM PAR SPANG GNYEN MA GRUB PA'I LAN DNGOS SU BSTAN NAS, KUN RDZOB KYI LAN SHUGS LA 'PHEN CING, BSTAN BCOS LAS, MDO'I SHUGS BSTAN KHON GNAS PA DE NYID DNGOS SU GSAL BAR BKOD PA YIN NO, ,DE DAG GIS GRUB PA'I DON BSDU BA NI, DE'I PHYIR 'BRAS BU SANGS RGYAS KYI RNAM PAR DAG PA SHIN TU PA YIN PAR RNAM PAR BZHAG GO ,GSUM PA NI, SHER PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL BA'I RNAM BSHAD RTOGS PAR DKA' BA'I SNANG BA LAS, SKABS GNYIS PA'I 'GREL PA'O,, ` ,,GSUM PA LA MTSAMS SBYAR NI; MTSON BYED KYI CHOS BSHAD, SKABS BSDU BA'O, ,DANG PO NI, GAN THAMS CAD GANG ZAG GI BDAG MED PAR YONGS SU SHES PA MED PAR NYAN THOS KYI LAM LEGS PAR YONGS SU SHES PA MED PAS THAMS CAD SHES PA NYID 'CHAD DO, ,'DIR GANG DAG GZHI SHES SPANG BYAR MA SHES PAR; LAM SHES DE'I GNYEN POR, MI SHES ZHES SOGS KYIS BSHAD PA BYED PA 'KHRUL BA YIN TE, LAM SHES GNYEN POR MA SHES PAR YANG GZHI SHES DE'I SPANG BYAR, MI SHES PAS RTOGS PA PHAN TSUN RTEN BRTAN PAR MTSUNGS PA'I PHYIR DANG, GZHI MA SHES PAR LAM MI SHES,

ZHES 'BYUNG GIS GZHI SHES MA SHES PAR LAM SHES MI SHES ZHES MI 'BYUNG BAS, GZHUNG GI TSIG DON LAM ZHUGS PA'I PHYIR DANG, GANG ZAG RGYUD THA DAD PA'I RTOGS PA PHAN TSUN SPANG GNYEN DU 'GYUR BA MI SRID PA'I PHYIR DANG, DE LTAR NA SKABS GSUM PA'I BRJOD BYA'I GTZO BO MTSAN 'DZIN GZHI SHES SU 'GYUR DGOS NA YANG, DE NI CHES MI 'THAD DE, MNGON RTOGS RGYAN GYI BRJOD BYA MNGON RTOGS BRGYAD PO THAMS CAD NYAN RANG GIS MA MYANGS PAR BSHAD PA'I PHYIR DANG, RGYAN GYI CHED DU BYA BA'I GDUL BYA NYAN RANG GI RIGS CAN YANG YOD PAR THAL BA'I PHYIR RO, ,DES NA BDEN GZHI MI RTAG SOGS SU RTOGS PA'I RNAM PA CAN CHOS KYI BDAG MED RTOGS PAS MA ZIN PAS KHYAD PAR DU BYAS PA'I BYANG SEMS KYI GZHI SHES NYID SKABS 'DI'I BRJOD BYA YIN TE, 'GREL CHEN LAS, LAM SHES PA NYID KYI SKABS SU NYAN RANG LA SOGS PA'I LAM YANG BSHAD PAS THAMS CAD SHES PA NYID KHO NA BSHAD PA MIN NAM CI'I PHYIR YANG THAMS CAD SHES PA NYID LOGS SU BSTAN CE NA, BRJOD PAR BYA STE, DE LA LAM SHES NYID KYI TSUL LA NI, ,'PHAGS PA'I BDEN PA BZHI DAG GI, RNAM PA MI DMIGS SGO NAS NI, ,NYAN THOS LAM 'DI SHES PAR BYA, ZHES MI DMIGS PAR SGOM PA LA SOGS PA'I RIM GYIS NYAN THOS LA SOGS PA'I LAM BYANG CHUB SEMS DPAS BSGOM PAR BYA'O, ZHES BRJOD PA YIN NO, ,DE BAS NA MI RTAG PA LA SOGS PA'I RNAM PAS 'PHANGS PA RNAMS KYIS GZHI MA LUS PA YONGS SU SHES PA'I DON DU THAMS CAD SHES PA NYID LEGS SU BSHAD PAR BZUNG NGO, ZHES GSUNGS PA'O, ,GNYIS PA LA, DNGOS DANG, ZHAR LA MKHYEN GSUM GYI MJUG BSDU BA'O, ,DANG PO LA GZHI SHES KYI NGO BO, ,NYE RING GI RGYU MTSAN, MI MTHUN PHYOGS DANG GNYEN PO'I DBYE BA, GZHI SHES SGOM PA'I SBYOR PA, SBYOR BDE'I MNYAM NYID, MNYAM NYID RTOGS PA'I 'BRAS BU MTHONG LAM DANG DRUG GO, ,DANG PO LA, RTZA BA NI, TSU ROL PHA ROL MTHA' LA MIN ZHING, DE DAG BAR NA MI GNAS PA, BYANG SEMS KYI GZHI SHES CHOS CAN, 'BRAS BU'I SHER PHYIN PA LA NYE BAR 'DOD DE, DUS RNAMS MNYAM PA NYID SHES PHYIR RO, ,MDO LAS KYANG 'DI

, ,KHO NA BZHIN BSHAD DO, ,'GREL PA LA, DNGOS BSTAN NI, BYANG SEMS KYI GZHI SHES CHOS CAN, SRID PA DANG ZHI BA LA MI GNAS PA YIN TE, ,GO RIM BZHIN DU SHES RAB KYIS TSU ROL GYI MTHA' 'KHOR BA PHUNG PO'I RGYUN RTAG PA DANG, SNYING RJES PHA ROL GYI MTHA' MYA NGAN LAS 'DAS PA STE, PHUNG PO'I RGYUN CHAD PA'I MTSAN NYID DANG, DE DAG GI BAR NA YANG MI GNAS PAS SO, ,DE LTAR SRID ZHI LA MI GNAS PA'I SHER PHYIN GANG YIN PA DE NI CHOS CAN, SANGS RGYAS DANG BYANG CHUB SEMS DPA' RNAMS LA NYE BAR GYUR PAR 'DOD DE, DUS GSUM PA'I CHOS RNAMS BDEN PA'I SKYE BA MED PA'I RNAM PAR MNYAM PA NYID DU RTOGS PAS SO,, SHUGS BSTAN NI, NYAN THOS LA SOGS PA RANG GIS RTOGS PA TZAM GYI SHER PHYIN PA GZHI SHES CHOS CAN, PHUNG PO'I DNGOS PO DANG DNGOS PO MED PAR BDEN PAR MI DMIGS PA'I MTSAN 'DZIN GYI SA BON GYIS BCINGS PA NYID KYIS 'KHOR BA DANG, MYA NGAN LAS 'DAS PA LA GNAS PA YIN PAR SHES PAR BYA'O, ,SNYING BRTZE BA DANG, RANG BZHIN MED RTOGS KYI SHES RAB DANG BRAL BA'I GZHI SHES YIN PA'I PHYIR, DES NA DE CHOS CAN, YANG DAG PA'I SHER PHYIN PA DANG RING BAR GYUR TE, DUS GSUM MNYAM PA NYID DU SHES PA MED PA'I PHYIR RO, ,'DI MDO BSTAN BCOS LA JI LTAR BSHAD CE NA, BYANG SEMS KYI KUN SHES PA NYID KYI RANG BZHIN STON PA'I SKABS LAS BZLOG STE BSTAN PAS SO, ,GNYIS PA LA GNYIS LAS, RTZOD PA NI, RGYU MTSAN DE'I SGO NAS JI LTAR NA NYAN THOS DANG BYANG CHUB SEMS DPA' LA SOGS PA LA YANG DAG PA'I SHER PHYIN PA RING BA DANG CIG SHOS SU 'GYUR BA MI 'THAD PAR THAL, DUS GSUM MNYAM PA NYID DU SHES PA NA GZHI'I GNAS LUGS RTOGS PA KHO NA YIN LA, GZHI'I GNAS LUGS RTOGS PA DE YANG NYAN RANG DANG BYANG SEMS THAMS CAD LA YOD PA MIN NAM STE, YOD PA'I PHYIR TE, GZHI SHES YOD PAS SO, ,RTAGS SNGA MA DER THAL, KLU SGRUB KYI LUGS LAS, RTEN CING 'BREL PAR 'BYUNG BA GANG, ,DE NYID KHYOD NI STONG BAR BZHED, CES 'BYUNG BAS SO, ZHE NA; GNYIS PA LAN LA GNYIS LAS, RTZA BA NI, DE NI SOGS SO, ,'GREL BA LA THEG DMAN GYI

GZHI SHES RING BA'I RGYU MTSAN, BYANG SEMS KYI NYE BA'I RGYU MTSAN, THUN MONG GI MJUG BSDUR BSTAN PA'O, ,DANG PO NI NYAN RANG DE DAG LA CHOS CAN, RGYAL BA'I YUM RING BAR GYUR TE, DUS GSUM MNYAM PA NYID KYI YE SHES DE MED PA DE'I PHYIR RO, ,DER THAL, NYAN THOS LA SOGS PA RNAMS KYIS DNGOS PA'I RANG GI NGO BO'AM GNAS LUGS MI SHES PAS SO, ,DER THAL, DNGOS PO SPROS PA'I MTSAN MA DANG LDAN PAR RTOGS PAS SO, ,DPER NA, SGYU MA MKHAN GYIS SPRUL PA'I DNGOS PO RTA GLANG SOGS SNANG BA LA DE'I RANG GI NGO BO MI SHES PAS RTA GLANG GI NGO BO NYID MED PAR MI SNANG BA BZHIN DU'O, ,RTAGS DER THAL, THEG CHEN DGE BA'I BSHES GNYEN DANG RANG BZHIN MED RTOGS KYI SHES RAB SOGS THABS MKHAS PA DANG BRAL PAS SO, ,GNYIS PA NI, SHES BYA CHOS CAN, BYANG SEMS DE DAG LA YUM 'DI YANG DAG PAR NYE BAR 'GYUR TE, BYANG CHUB SEMS DPA' RNAMS LA NI GZUGS LA SOGS PA'I CHOS KYI GNAS LUGS YONGS SU SHES PA YOD PA DE NYID MNYAM PA NYID YONGS SU SHES PA'I YE SHES YIN TE, DE'I PHYIR RO, ,DER THAL, DUS RING MO ZHIG NAS THEG CHEN DGE BA'I BSHES GNYEN YANG DAG PAR MGU BAR BYAS PA'I MAN NGAG PHYIN CI MA LOG PA CAN BDEN PA GNYIS LA BRTEN PA THOS PA LA SOGS PA'I SHES PA SKYE BA'I THABS LA MKHAS PAS DNGOS POR MNGON PAR ZHEN PA 'KHRUL PA'I MTSAN MA CI RIGS PAR BSAL BAS SO, ,GSUM PA NI, DES NA GZHI SHES PAR 'DRA YANG THABS MIN PAS NI RING BA NYID YIN LA THABS KYIS NI MI RING BA NYID YIN NO, ,GSUM PA LA, GZHI LAM LA MTSAN 'DZIN GYI SPANG GNYEN DANG, 'BRAS BU LA MTSAN 'DZIN GYI SPANG GNYEN DANG, DE DAG GI DON BSDU BA'O, ,DANG PO LA SPANG BYA DANG, GNYEN PO'O, ,DANG PO LA GSUM LAS MTSAMS SBYAR NI, DE LTAR SOGS SO, ,RTZA BA NI, GZUGS SOGS SO, ,DE YANG SKABS 'DI DAG TU NYAN RANG GI GZHI SHES LA MTSAN 'DZIN GZHI SHES DANG, MI MTHUN PHYOGS KYI GZHI SHES SU BSHAD CING, BYANG SEMS KYI GZHI SHES LA, GNYEN PO GZHI SHES SU BSHAD PA'I DON NI, NYAN RANG GI RGYUD KYI GZHI SHES MTSAN 'DZIN YIN PA DANG, DE BYANG SEMS KYI RGYUD KYI GZHI SHES KYI SPONG BA'I DON YIN TE, 'DI LTAR

, ,'PHAGS PA'I MNYAM GZHAG YE SHES SU GYUR PA'I GZHI SHES NI RNAL 'BYOR MNGON SUM YIN LA, MTSAN 'DZIN YIN NA RTOG PA YIN DGOS PA'I PHYIR DANG, CHOS KYI MTSAN 'DZIN YIN NA, BDAG 'DZIN YIN DGOS LA, NYAN RANG 'PHAGS PA'I RGYUD KYI GZHI SHES BDAG MED RTOGS PA'I MNGON SUM YIN PA'I PHYIR DANG, CHOS KYI MTSAN 'DZIN YIN NA, SHES SGRIB MNGON GYUR YIN DGOS PAS, 'JIG RTEN LAS 'DAS PA'I LAM MIN PAR THAL BA'I PHYIR DANG, KUN LAS BTUS DANG, GTAN LA DBAB PA BSDU BA LAS 'JIG RTEN PA DANG 'JIG RTEN LAS 'DAS PA'I LAM GYI KHYAD PAR MTSAN MAR 'DZIN MI 'DZIN LA BSHAD PA DANG 'GAL BA'I PHYIR DANG, BYANG SEMS KYI RGYUD KYI GANG ZAG GI BDAG MED RTOGS PA'I YE SHES KYIS, NYAN RANG GI RGYUD KYI CHOS KYI MTSAN 'DZIN SPONG BA LA 'BREL GANG YANG MED PA'I PHYIR TE, DE LTAR NA BYANG SEMS GCIG SANGS RGYAS PA NA; NYAN RANG THAMS CAD CHOS KYI MTSAN 'DZIN LAS GROL BAR THAL LO, ,GAL TE BYANG SEMS RANG RGYUD LA 'BYUNG BA SPONG BA YIN GYI, NYAN RANG GI RGYUD LA 'BYUNG BA SPONG BA MIN NO ZHE NA, DE LTA NA SPANG MI DGOS TE, NYAN RANG GI RGYUD KYI GZHI SHES BYANG SEMS 'PHAGS PA'I RGYUD LA NAM YANG 'BYUNG MI SRID PA'I PHYIR RO, ,DES NA DON NI 'DI YIN TE, NYAN RANG 'PHAGS PA GZHI SHES LA MNYAM PAR BZHAG PA'I GNAS SKABS NA YANG, CHOS BDEN 'DZIN GYIS PON RGYUD LA MNYAMS PAR YOD CING, DE'I STOBS KYIS RJES THOB TU MTSAN 'DZIN MNGON GYUR 'DREN PAR BYED PAS NYAN RANG 'PHAGS PA'I MNYAM GZHAG NA YOD PA'I GANG ZAG GA BDAG MED MNGON SUM DU RTOGS PA'I YE SHES KYANG, CHOS KYI MTSAN 'DZIN GYIS BON DANG RJES SU 'BREL BA'AM, SA BON DANG BCAS PA'I GZHI SHES YIN PA'I PHYIR, MTSAN 'DZIN GZHI SHES BYA ZHING, CHOS LA MTSAN 'DZIN BYANG SEMS LAM GYI MI MTHUN PHYOGS YIN ZHING, NYAN RANG GI RGYUD KYI GZHI SHES KYANG, MTSAN 'DZIN DE'I SA BON DANG BCAS PA'I PHYIR, MI MTHUN PHYOGS KYI GZHI SHES KHO RANG BYANG SEMS LAM GYI SPONG BA GA LA YIN, BYANG SEMS KYI RGYUD KYI GZHI SHES NI, CHOS LA

MTSAN 'DZIN, GNYEN PO KHYAD PAR CAN RANG BZHIN MED RTOGS KYI SHES RAB KYIS ZIN PAS GNYEN PO GZHI SHES ZHES ZER RO, ,DES NA NYAN RANG GI RGYUD KYI GZHI SHES NI, GANG ZAG GI BDAG MED MNGON SUM DU RTOGS PA'I YE SHES YIN PAS, NYON MONGS PA'I ZAG MED YIN KYANG CHOS LA MTSAN 'DZIN GYIS BON DANG BCAS PAS SHES SGRIB KYI ZAG BCAS SO, ,GSUM PA 'GREL PA NI, RJES THOB TU GZUGS LA SOGS PA DUS GSUM PA'I CHOS SO SKYE'I ZAG PA DANG BCAS PA DANG, DGRA BCOM PA'I ZAG PA MED PA DANG, 'PHAGS PA SLOB PA'I ZAG BCAS ZAG MED GNYIS KA'I NGO BO BDEN PA'I DNGOS POR MA GYUR PA THAMS CAD LA BDEN PA'I DNGOS POR DMIGS PA NYID KYIS MNYAM GZHAG TU GZHAN GYIS KUN BRTAGS PA LTAR GYI GANG ZAG GI BDAG GIS STONG PA NYID DU BLTA BA DANG, SBYIN SOGS LA MTSAN MAR 'DZIN PA'I SGO NAS SGRUB PA'I 'DU SHES NI GO RIM BZHIN GANG ZAG GI BDAG 'DZIN DANG SER SNA SOGS DE DAG GI GNYEN PO YIN NA YANG GANG GIS BCINGS PA'I CHOS KYI MTSAN 'DZIN DE GNAS LUGS LAS PHYIN CI LOG TU ZHUGS PA NYID KYIS THEG CHEN LAM GYIS SPANG BAR BYA BA YIN PA'I PHYIR, MTSAN 'DZIN DES BCINGS PA'I GZHI SHES KYANG BYANG SEMS KYI MI MTHUN PHYOGS DANG 'BREL BA'I GZHI SHES YIN NO, ,NGAG DON NI, SHES BYA CHOS CAN, NYAN RANG GI RGYUD KYI GZHI SHES DE MI MTHUN PHYOGS KYI GZHI SHES YIN TE, DE GANG ZAG GI BDAG MED RTOGS PA'I CHA NAS NYON MONGS KYI GNYEN PO YIN NA YANG, BYANG SEMS LAM GYI SPANG BYA CHOS KYI MTSAN 'DZIN DE'I SA BON DANG RJES SU 'BREL BA YIN PA'I PHYIR, GNYIS PA LA MTSAMS SBYAR NI, BYANG CHUB SEMS DPA' CES SOGS SO, ,RTZA BA NI, SBYIN LA SOGS LA CES PA RKANG PA GSUM MO, ,DE'I 'GREL PA NI, 'KHOR GSUM RNAM PAR DAG PA'I SBYIN PA LA SOGS PA LA GANG ZAG GI BDAG MED PAR RTOGS PA'I SGO NAS RANG DANG GZHAN SBYONG BA'I BYANG SEMS KYI GZHI SHES NI CHOS CAN, RNAM PA THAMS CAD GNYEN PO GZHI SHES YIN TE, GNAS LUGS LA YANG DAG PAR ZHUGS PA'I THABS SHES KHYAD PAR CAN GYIS ZIN PA'I PHYIR DANG

, ,BDEN PAR CHAGS PA'I TSOGS KYI GNAS SAM, SA BON THAMS CAD BKAG PA'AM MED PAS BLANG BAR BYA BA'I GZHI SHES YIN PA'I PHYIR, GNYIS PA LA SPANG BYA, SPANG BYA'I RGYU MTSAN GNYEN PO, ,RGYU MTSAN LAS 'PHROS PA'I DON NO, ,DANG PO LA, RTZA BA NI, RGYAL LA SOGS LA DMIGS PA'I DAD SOGS DANG 'BREL BA'I CHAGS PA PHRA MO DANG MI MTHUN PA PHYOGS YIN NO, ,'GREL BA NI, DE BZHIN GSHEGS PA LA SOGS PA LA BDEN PAR 'DZIN PA'I SGO NAS PHYAG 'TSAL BA LA SOGS PA NI BSOD NAMS KYI TSOGS KYI RGYU YIN BA NYID KYIS SAM MA DANG PA LA SOGS PA'I GNYEN PO YIN MOD KYI BDEN 'DZIN GYI CHAGS PA PHRA MO'I NGO BO NYID KYIS RNAM PA THAMS CAD DU BYANG SEMS KYI BLANG BYA MIN PAS MI MTHUN PA'I PHYOGS YIN TE, 'DIS SANGS RGYAS LA MTSAN 'DZIN GYI SGO NAS PHYAG 'TSAL BA SOGS RNAM PA THAMS CAD DU BYANG SEMS KYI BLANG BYA MIN PAR BSTAN GYI, SANGS RGYAS LA PHYAG 'TSAL SOGS BLANG BYA MIN PAR MA BSTAN NO, ,NGAG DON NI, DE BZHIN GSHEGS PA LA BDEN PAR 'DZIN PAS PHYAG 'TSAL BA CHOS CAN, BYANG SEMS KYI BLANG BYA YIN PAS MA KHYAB STE, BDEN 'DZIN GYIS ZIN PA'I PHYIR, GNYIS PA LA GNYIS LAS, DRI BA NI, YANG JI LTAR CHAGS PA PHRA MO MI MTHUN PA'I PHYOGS YIN ZHE NA, GNYIS PA LAN LA, RTZA BA NI, CHOS KYI SOGS SO, ,'GREL PA NI SHES BYA CHOS CAN, DE BZHIN GSHEGS BA LAS BDEN PAR DMIGS PA YANG BYANG SEMS LAM GYI MI MTHUN PA'I PHYOGS YIN NO,, GANG GI PHYIR NA CHOS KYI RIGS RNAMS BDEN PA'I NGO BO NYID KHO NAS STONG PAS CHOS DE DAG RANG BZHIN GYIS ZAB BA YIN PA DE'I PHYIR RO, ,GSUM PA LA MTSAMS SBYAR NI, 'O NA DE JI LTAR SPANG ZHE NA, RTZA BA NI, CHOS RNAMS SOGS SO, ,'GREL PA NI, THEG CHEN MTHONG LAM BAR CHAD MED LAM CHOS CAN, DE BZHIN GSHEGS PA LA BDEN PAR CHAGS PA SPONG BA YIN TE, GZUGS LA SOGS PA CHOS THAMS CAD RANG BZHIN GCIG PA KHO NA STE, 'DI LTA STE RANG BZHIN MED PA'O ZHES SHES BA DANG SHES BYA MNYAM BA NYID DU SHES PA'I BAR CHAD MED LAM YIN PA'I PHYIR

BZHI PA LA ZAB BA'I RGYU MTSAN DANG, RTOGS DKA' BA'I RGYU MTSAN GNYIS, DANG PO LA GNYIS LAS DRI BA NI, YANG JI LTAR SOGS SO, ,LAN LA, RTZA BA NI, MTHONG BA ZHES SOGS SO, ,'GREL PA NI, RANG BZHIN STONG PA NYID DE CHOS CAN, ZAB PA NYID YIN TE, RTOGS PAR DKA' BA NYID DU MDO LAS BSHAD PA DE'I PHYIR, RTOGS DKA' BA'I DON YANG GANG GI PHYIR NA MIG LA SOGS PA'I RNAM PAR SHES PA THAMS CAD KYI GNYIS SNANG DANG BCAS PA'I SGO NAS DMIGS PA'I DON GSAL BA'I PHYIR RO, ,GNYIS PA LA DRI BA NI, YANG DE LTAR SOGS SO, ,LAN LA RTZA BA NI, GZUGS LA SOGS PAR SOGS SO,, 'GREL PA NI, GZUGS LA SOGS PA NAS SANGS RGYAS KYI CHOS MA 'DRES PA'I RNAM PA'I BAR GYI RANG BZHIN STONG PA NYID DE NI CHOS CAN, RTOGS PAR DKA' BA YIN TE, GNYIS SNANG SOGS KYI SPROS PA'I MCHAN MA GANG DU YANG YONGS SU MI SHES PA'AM, SHES PAR BYAR MED PAS GNYIS SNANG GI BLOS BSAM PA LAS 'DAS PA NYID DU 'DOD PA DE'I PHYIR, GSUM PA LA MTSAMS SBYAR NI, DE LTAR SOGS SO, ,RTZA BA NI, DE LTAR 'DU SHES SO, ,'GREL PA NI, THAMS CAD SHES PA NYID KYI SKABS SU NYAN THOS DANG BYANG CHUB SEMS DPA' LA SOGS PA'I GZHI SHES LA CHOS CAN, GO RIM BZHIN DU MI MTHUN PHYOGS DANG GNYEN PO'I RAB TU DBYE BA SHES PAR BYA'O, ,GONG DU DE LTAR BSHAD PA'I TSUL GYIS MTSAN 'DZIN GYI SA BON DANG BCAS PA DANG, THABS SHES KHYAD PAR CAN GYIS ZIN PA'I BYE BRAG YOD PA'I PHYIR, BZHI PA LA MTSAMS SBYAR NI, DE LTAR SOGS SO, ,RTZA BA NI GZUGS SOGS CES PAS GZHI'I NGO BO LA ZHEN SPYOD 'GOG PA DANG DE MI RTAG SOGS DANG, ZHES PAS GZHI'I KHYAD PAR LA ZHEN SPYOD 'GOG PA DANG, DE MA RDZOGS DANG, ZHES SOGS GZHI'I DBYE BA LA ZHEN SPYOD 'GOG PA DANG, SNANG BA RNAM BDUN SHES BYED DO ZHES PAS GZHI BDEN MED DU SHES BYED KYI RTAGS LA ZHEN SPYOD 'GOG PA BSTAN NO, ,'GREL PA LA, DNGOS BSTAN BYANG SEMS KYI SBYOR BA DANG, SHUGS BSTAN NYAN RANG GI SBYOR BA'O, ,DANG PO NI, BSTAN CES DRANG NGO, ,GANG NA BYANG CHUB SEMS DPA' RNAMS KYIS YUL DE DANG DE LA ZHEN SPYOD BKAG PA'I SGO NAS SBYOR BA RNAM PA BCU'O, ,JI LTAR NA

, ,DNGOS BSTAN RJES SU 'GRO BA'I SGO NAS SO, ,BCU PO GANG ZHE NA, GANG ZAG GI BDAG MED GOMS PAR BYED PA'I BYANG SEMS KYI SBYOR LAM CHOS CAN, GZHI'I NGO BO LA ZHEN SPYOD BKAG PA'I SBYOR BA YIN TE, GZUGS LA SOGS PA'I CHOS THAMS CAD LA SGRUB PA RANG DBANG BAR YONGS SU SHES PA BSAL BA'I SGO NAS SBYOR BA'I RNAL 'BYOR YIN PA'I PHYIR, DE CHOS CAN, GZHI'I KHYAD PAR LA ZHEN SPYOD 'GOG PA'I SBYOR BA YIN TE, DE DAG NYID KYI MI RTAG PA DANG STONG PA NYID LA SOGS PA LA SGRUB PA'I YONGS SU SHES PA GSAL BA'I SGO NAS SBOR BA'I RNAL 'BYOR YIN PA'I PHYIR, DE CHOS CAN, MTSAN NYID LA ZHEN SPYOD BKAG PA'I SBYOR BA YIN TE, SO SOR MA RDZOGS PA KUN BRTAGS DANG, RDZOGS PA YONGS SU GRUB PA DANG, DE GNYIS KYIS MTSON PA GZHAN DBANG LA SGRUB PA'I ZHES SOGS SO, ,SBYOR BA 'GOD TSUL DAS 'GRE'O,, CHAGS PA MED PA LA DE LTAR SBYOR BA GNYEN PO LA ZHEN SPYOD 'OG KA PA DANG, GZHAN DU MI 'GYUR BA DANG, BYED PA PO MED PA NYID LA DE LTAR SBYOR BA BZHI'I CHOS NYID LA DANG, GO RIM BZHIN DU THAMS CAD MKHYEN PA NYID GSUM GYI NANG NAS RNAM MKHYEN GYI BDAG NYID NI DON DAM PAR MI DMIGS SHING KUN RDZOB TU BSKAL PA GRANGS MED GSUM GYIS THOB PAR BYA DGOS PAS CHED DU BYA BA BYA DKA' BA DANG LAM SHES PA NI DON DAM PAR MI DMIGS SHING, KUN RDZOB TU LAM GSUM LA SLOB KYANG RDZOGS SMIN MA SBYANGS PAR DE DAG GI 'BRAS BU MNGON SUM DU MI BYED BAS SBYOR BA BYA DKA' BA DANG, GZHI SHES NI, DE RANG RGYUD LA SKYES NAS DE'I SGO NAS NYAN RANG GI RIGS CAN GYI DON BYED KYANG, RANG NYID NYON MONGS TZAM SPANGS PA'I 'BRAS BU MNGON DU MI BYED PAS BYED PA'AM LAS SU BYA BA BYA DKA' BA'O, ,DE DAG LA DE LTAR SBYOR BA NI, BYA DKA' RNAM GSUM SBYOR BA LA DANG; GDUL BYA'I SKAL PA JI LTA BA BZHAN DU 'BRAS BU THOB PAS MI STONG BA NYID LA DE LTAR SBYOR BA NI SBYOR BA'I 'BRAS BU LA DANG, BSRUNG BYED GZHAN GYI RKYEN GYIS MI 'GRO BA NYID LA DE LTAR SBYOR BA SBYOR BA'I PHAN YON LA DANG, YONGS SU 'GYUR BA SOGS BDUN LA DE LTAR SBYOR BA GZHI DANG

BZHIN MED PAR SHES BYED KYIS RTAGS LA ZHEN SPYOD 'GOG PA'I SBYOR BA'O, ,RTAGS DE DAG GIS JI LTAR SHES PA BYED CE NA, SNANG BA PHYI NANG GI DNGOS PO RNAMS CHOS CAN, DON DAM BAR BDEN PAR MED DE, GNYIS SNANG GI BAG CHAGS YONGS SU 'GYUR BA TZAM GYI SNANG BA YIN PA'I PHYIR RMI LAM BZHIN, TING NGE 'DZIN RGYAL PO LAS, JI LTAR BU MO GZHON NU'I RMI LAM NA, ,BU PHO BYUNG ZHING SHI BA DES MTHONG NAS, ,BYUNG NA DGA' ZHING SHIN MI DGA' LTAR, ,CHOS RNAMS THAMS CAD DE BZHIN SHES PAR GYIS, ZHES PAS BSTAN TO, ,CHOS CAN, DE YIN TE, RGYU RKYEN MNYAM DU TSOGS PA LAS BYUNG BA'I SNANG BA TZAM YIN PA'I PHYIR, SGYU MA BZHIN DE LAS SGYU MA BYED PA DAG GIS GZUGS SPRUL TE, RTA DANG GLANG PO SHING RTA SNA TSOGS BYAS, ,DE LA JI BZHIN SNANG BA GANG YANG MED, ,CHOS RNAMS THAMS CAD DE BZHIN SHES PAR GYIS, ZHES SO, ,BDEN PAR SNANG YANG SNANG BA LTAR GRUB PA 'GAL PA'I PHYIR, SMIG RGYU BZHIN JI LTAR SO KA'I NYI MA PHYED DUS SU, ,SKYES BU SKOM PAS GDUNGS SHING 'GRO BA YIS, ,SMIG RGYU DAG LA CHU YI PHUNG POR SNANG, ZHES SOGS SO, ,RKYEN LA RAG LAS PA'I SNANG BA YIN PA'I PHYIR, SGRA BRNYAN BZHIN, JI LTAR MI DAG NAGS KYI KHROD 'DUG STE, ,SKYES BU GLU LEN DU DANG DGOD PA LAS, ,BRAG CHA SNANG YANG SNANG BA GANG YANG MED, ,CHOS RNAMS THAMS CAD DE BZHIN SHES PAR GYIS, ZHES SO, ,RANG BZHIN LAS MA 'PHOS PA'I SNANG BA YIN PA'I PHYIR, MIG YOR RAM GZUGS BRNYAN BZHIN, JI LTAR NAM MKHA' DVANGS PAR ZLA SHAR BA, ,DE YI GZUGS BRNYAN DVANG BA'I MTSOR SNANG YANG, ,ZLA BA CHU YI NANG DU 'PHOS PA MED, ,CHOS RNAMS THAMS CAD DE BZHIN SHES PAR GYIS, ZHES SO, ,BDEN PA'I RDZAS KYIS RTEN MED PA'I SNANG BA YIN PA'I PHYIR, DRI ZA'I GRONG KHYER BZHIN, BDEN PA'I BYED PA PO MED PA'I SNANG BA YIN PA'I PHYIR, DPER NA SPRUL PA BZHIN, JI LTAR SPRUL PA DRI ZA'I GRONG KHYER DANG, ,RMI LAM JI BZHIN SGYU MA JI BZHIN DU, ,MTSAN MA SGOM PA'ANG NGO BO NYID KYIS STONG, ,CHOS RNAMS THAMS CAD DE BZHIN SHES BAR GYIS, ZHES SO, ,DE LTAR BSTAN PA'I SBYOR BA

, ,'DI DAG JI SRID GZHI'I CHOS LA MNGON DE NA GYI DRI MA YOD KYI BAR DU SGOM DGOS PAS LAS DANG PO PA'I SA NAS SA BCU BA'I BAR DU BSGOM PA YIN NO, ,DE'I PHYIR NGES 'BYED CHA MTHUN MIN NO, ZHES GZHAN DAG SMRA BAR BYED DO, ,DE NI MI 'THAD DE, 'PHAGS PA DANG, SLOB DPON GNYIS KAS BZLOS SPONG GI SKABS SU NGES 'BYED CHA MTHUN DU BSHAD PA DANG 'GAL ZHING, RANG NYID KYIS KYANG BZLOS SPONG GI SKABS SU NGES 'BYED CHA MTHUN DU SMRAS PA DANG, DNGOS SU 'GAL BA'I PHYIR RO, ,DE BAS NA GANG ZAG GI BDAG GIS STONG BA'I GZHI, GZUGS SOGS RNAMS BDEN MED DU GTAN LA PHAB NAS, DE LTAR BDEN MED DU GTAN LA PHAB PA'I GZHI DE NYID GANG ZAG GI BDAG GIS STONG BAR SGOM PA'I BYANG SEMS KYI NGES 'BYED CHA MTHUN DU GYUR PA'I GZHI SHES KYI SBYOR BA NYID BSHAD PA YIN LA, DE'I DGOS PA YANG BYANG SEMS KYI SBYOR LAM DU DE LTAR SGOMS PAS MTHONG LAM DU GZHE SHES MTSAN 'DZIN DANG MA 'BREL BAR SKYE BA YIN LA, NYAN RANG GIS DE LTAR MA SGOMS PAR MTSAN 'DZIN DAD 'BREL BAR SKYE BA YIN NO, ZHES SHES PA'I CHED YIN NO, ,GNYIS PA NI, NYAN THOS LA SOGS PA YIN NI, DE LTAR DNGOS SU BSTAN BA'I SHUGS KYIS NI JI SKAD BSHAD PA LAS BZLOG STE, GZHI LA BDEN 'DZIN MA BKAG PA GANG ZAG GI BDAG GIS STOD PA TZAM ZHIG BSGOMS TE, SBYOR BA YIN NO, ,LNGA BA LA, MTSAMS SBYAR NI, MNYAM PA NYID KYI SOGS SO, ,RTZA BA NI, GZUGS LA SOGS SO, ,'GREL PA NI, GZUGS LA SOGS PA'I NGO BO LA MNGON PAR ZHEN PA DANG, SNGON PO LA SOGS PA DE'I MTSAN MA'AM KHYAD CHOS DANG, RAB DBYE DU MA'I SPROS PA DANG, DE DAG RTOGS PAR SHES PA RNAMS LA BDEN PAR RLOM PA RNAMS RNAM PA THAMS CAD DU MI DMIGS PA NI THEG CHEN GZHI SHES SBYOR LAM PA'I MNYAM PA NYID DAM 'DZIN STANGS YIN PAS SAM MNYAM PA NYID KYIS SO, ,NYAN RANG GI MNYAM NYID BZHI DANG MI LDAN PAR SHUGS LA SHES SO, ,NGAG DON NI, BYANG SEMS KYI GZHI SHES KYI SBYOR BA CHOS CAN, NYAN RANG GI GZHI SHES KYI SBYOR BA LAS KHYAD ZHUGS TE, GZUGS SAGS LA MNGON

ZHE NA 'GOG PA'I MNYAM NYID BZHI LDAN GYI SBYOR BA YIN PA'I PHYIR, DRUG PA MNYAM NYID RTOGS PA'I 'BRAS BU MTHONG LAM LA, SKAD CIG MA MDOR BSTAN, RNAM PA BSGOM TSUL RGYAS PAR BSHAD, ZHAR BYUNG SGOM LAM MI STON PA'I RGYU MTSAN NO, ,DANG PO LA MTSAMS SBYAR NI, SBYOR BA'I SOGS SO; ;RTZA BA NI, SDUG BSNGAL SOGS SO, ,'GREL PA NI, 'DIR BSTAN SKAD CIG MA BCU DRUG GI BDAG NYID KYI YE SHES NI CHOS CAN, THAMS CAD SHES PA NYID KYI SKABS SU BSTAN PA'I MTHONG BA'I LAM YIN TE, GANG ZAG GI BDAG MED MNGON SUM DU RTOGS PA'I YE SHES RANG BZHIN MED RTOGS KYIS ZIN PA'I MTHONG LAM YIN PA'I PHYIR, BCU DRUG GANG ZHE NA, BDEN PA'I SO SO LA SOGS SO, ,GNYIS PA LA MTSAMS SBYAR NI, BDEN PA'I RNAM PA GANG YIN ZHE NA, RTZA BA NI, GZUGS RTAG MIN SOGS SO, ,'GREL PA LA, DNGOS BSTAN BYANG SEMS KYI MTHONG LAM, SHUGS BSTAN NYAN RANG GI MTHONG LAM, DANG PO LA, SKAD CIG MA'I RNAM PA SO SOR BSHAD PA DANG, DON BSDU BA'O, ,DANG PO LA BZHI LAS, SDUG BSNGAL GYI RNAM PA BZHI NI, BDEN PA'I NGO BO NYID MED PA'I PHYIR, GZUGS LA SOGS PA DON DAM PAR RTAG PA DANG MI RTAG PA NYID DANG BRAL BAS NA, RTAG PA YANG MIN, MI RTAG PA YANG MIN PA DANG, DON DAM BAR SDUG BSNGAL BA DANG, SDUG BSNGAL BA MIN PA DANG BRAL BA NYID KYIS PHUNG PO RGYUN RTAG PA DANG, RGYUN CHAD PA'I MTHA' DANG BRAL BA DANG, DON DAM BAR STONG PA DANG MI STONG PA DANG BRAL BA'I PHYIR RNAM PAR DAG PA DANG, DON DAM PAR BDAG DANG BDAG MED PA'I NGO BO NYID MIN PAS MA SKYES PA DANG MA 'GAGS PA DANG, KUN NAS NYON MONGS PA MIN PA DANG, RNAM PAR BYANG BA MIN PA DANG, NYAMS 'PHEL MED PA SOGS MNGON SUM DU RTOGS PAS RAB TU PHYE BA'I MTHONG LAM YE SHES CHOS CAN, SDUG BSNGAL BDEN PA RTOGS PA'I YE SHES KYI RNAM PAR DAG PA YIN TE, MI RTAG SOGS BZHI SGYU MA LTA DUR MNGON SUM DU GSAR DU MTHONG BAS RAB TU PHYE BA YIN PA'I PHYIR, GNYIS PA KUN 'BYUNG GI RNAM PA NI, SDUG BSNGAL GYI RGYU DANG RGYU MIN PA SOGS DE NYID KYI PHYIR, DON DAM PAR NAM MKHA' DANG 'DRA BA DANG, DON DAM PAR

, ,SDUG BSNGAL RDZAS RIGS KUN 'BYUNG BA DANG, KUN 'BYUNG BA MED PA DANG MI LDAN PA'I PHYIR NYON MONGS PA DANG NYE BA'I NYON MONGS PA THAMS CAD GDOD MA NAS SPANGS BA DANG, DON DAM PAR SDUG BSNGAL DRAG TU RAB TU SKYE BA DANG, RAB TU MI SKYE BA DANG MA 'DRES PAS YONGS SU 'DZIN PA LAS GROL BA DANG, DON DAM PAR SDUG BSNGAL RGYUD MAR BSKYED PA'I RKYEN DANG RKYEN MIN PA LAS RNAM PAR GROL BA'I PHYIR RANG GI NGO BOR BRJOD DU MED PA ZHES BYA BA RNAMS KUN 'BYUNG BDEN PA'I RNAM PA DAG YIN NO, ,SBYOR BA 'GOD TSUL SNGA MAS 'GRE'O, ,GSUM PA 'GOG PA'I RNAM PA BZHI NI; GANG GI PHYIR DON DAM PAR NYON MONGS 'GAGS PA'I 'GOG PA DANG 'GOG PA MED PA DANG MA 'BREL BA DE'I PHYIR 'GOG PA'I BDEN PA'I DON TSIG TU BRJOD PAS RGYUD GZHAN LA SBYIN DU MED PA DANG DON DAM PAR SDUG BSNGAL ZHIB DANG MA ZHI BA MED PAS DMIGS PA MED PAR BYED PA DANG, DON DAM PAR 'DOD CHAGS MCHOG TU GYUR PA'I GYA NOM PA DANG, GYA NOM PA MIN PA DANG BRAL PA'I PHYIR MTHA' GNYIS LAS 'DAS SHING RNAM PAR DAG PA DANG, DON DAM PAR RTAG PA'I GNAS SU NGES PAR 'BYUNG BA DANG, DES PAR 'BYUNG BA MED PA YANG MED PA'I PHYIR NANG THAMS CAD MI SKYE BA'I YON TAN DANG LDAN PA ZHES BYA BA DE LTAR RTOGS PA'I MTHONG LAM NI 'GOG PA'I BDEN PA'I RNAM PA YIN NO, ,BZHI PA LAM GYI RNAM PA BZHI NI, DON DAM PAR LAM DANG LAM MIN PA DANG BRAL BA'I PHYIR NGAN SONG CHAD PA DANG, DON DAM PAR NYON MONGS KYI GNYEN PO BYED PA'I PHYIR RIGS PA DANG RIGS PA MIN PA DANG MA 'DRES PA'I PHYIR 'BRAS BU MNGON DU BYA BA'I DON GYI THABS LA RNAM PAR MI RTOG PA NYID DANG, DON DAM PAR SEMS PHYIN CI MA LOG PAR SGRUB PA DANG SGRUB PA MIN PA LAS RNAM PAR GROL BA NYID KYIS CHOS THAMS CAD KYI MTSAN MA DAG DANG MA 'BREL BA DANG, DON DAM PAR NGES PAR 'BYIN PA DANG NGES PAR 'BYIN PA MIN PA MED PA NYID KYIS BRJOD PAR BYA BA DANG RJOD PAR BYED PA'I NGO BO NYID MTSAN NYID SHES BYA DANG SGRA GNYIS LA GNYIS 'DZIN GYI SHES PA SKYE BA MED PA ZHES BYA BA DE LTAR RTOGS PA'I MTHONG LAM GYI YE SHES NI LAM GYI

BDEN PA'I RNAM PA DAG YIN NO, ,GNYIS PA NI, DE LTA'I RNAM PA CAN GYI KUN SHES PA NYID KYI SKAD CIG MDAG NI BYANG CHUB SEMS DPA' RNAMS KYI MTHONG LAM YIN NO, ,GNYIS PA NI, NYAN THOS RNAMS KYI MTHONG LAM SKAD CIG MA BCU DRUG NI CHOS CAN, KUN SHES PA NYID STON PA'I SKABS 'DIR SHUGS LA BSTAN PA MTHONG BA'I LAM YIN TE, RANG BZHIN MED RTOGS KYIS ZIN PA DE LAS BZLOG PA MI RTAG PA LA SOGS PA'I RNAM BA DAG TU SGOM PAR BYA BA MTSAN 'DZIN DANG 'BREL BA'I MTHONG LAM YIN PA'I PHYIR, GSUM PA NI, LAM SHES KYI SKABS LTAR 'DIR YANG SGOM LAM LOGS SU CI'I PHYIR MA BSTAN CE NA, SHES BYA CHOS CAN, GANG ZAG GI BDAG MED MNGON SUM DU RTOGS ZIN GOMS PAR BYED PA'I SGOM PA'I LAM NI SKABS 'DIR MA BSTAN PA'I RGYU MTSAN YOD DE, NYAN THOS KYI LAM GANG ZAG GI BDAG MED RTOGS PA'I YE SHES NI BYANG CHUB SEMS DPAS NYAN THOS KYI RIGS CAN RJES SU GZUNG PHYIR DU YONGS SU SHES PAR BYA BA TZAM YIN GYI, RANG NYID DE'I 'BRAS BU NYON MONGS TZAM SPANGS PA MNGON DU BYA PHYIR DU GOMS PAR BYED PA NI MIN PAS DE'I RGYU MTSAN GYIS MA BSTAN PA YIN PA'I PHYIR, DES NA 'DIR GANG ZAG GI BDAG MED GOMS PAR BYED PA'I SGOM LAM BSTAN MA BSTAN DBYOD PA YIN PA'I PHYIR, NYAN THOS KYI RGYUD KYI MTSAN 'DZIN GZHI SHES SU GYUR PA'I SGOM LAM DANG, BYANG SEMS KYI CHOS KYI BDAG MED GOMS PAR BYED PA'I SGOM LAM BSTAN MA BSTAN DPYOD PA GANG YANG 'BREL MED DE, MTSAN 'DZIN GZHI SHES SU GYUR PA'I MTHONG LAM BYANG SEMS KYIS SHES PAR BYA BA'I MNGON RTOGS MIN LA, CHOS KYI BDAG MED GOMS PAR BYED PA'I SGOM LAM NI, BYANG SEMS KYI MNGON DU BYA BA'I MNGON RTOGS KYANG MIN PAS 'DIR SHES PAR BYA BA'I MNGON RTOGS YIN PA'I PHYIR, MNGON DU BYA BA'I MNGON RTOGS MIN PAS ZHES PA'I RGYU MTSAN BKOD PA DAG DANG, RGYA MTSO'I PHA ROL DANG TSU ROL BZHIN GYUR BA'I PHYIR RO, ,KHA CIG NYAN THOS KYI LAM MTHONG BYED BYANG SEMS KYI MTHONG LAM DNGOS SU BSTAN PAS MTHONG BYA BZLOG PA'I SGO NAS SHUGS LA 'PHANGS ZHES

, ,SMRA BA NI, SKABS 'DIR NYAN THOS KYI LAM MTHONG BYED, BYANG SEMS KYI MTHONG LAM MNYAM GZHAG YE SHES SU SMRAS PA DANG, GONG DU NYAN THOS KYI LAM SHES TSUL BYANG SEMS KYI RJES THOB KYI CHOS KYI SPYAN GYIS SHES PAR SMRAS PA CHES 'GAL BA'I KHUR BLANGS PA RANG NYID KYIS MA MTHONG BAR ZAD DO, ,GZHAN YANG DE LTA NA LAM SHES KYI MTHONG LAM GYIS KYANG NYAN THOS KYI LAM BZLOG BA'I SGO NAS SHUGS LA 'PHEN NUS PAR MTSUNGS BAS, SKABS 'DIR MTHONG LAM YANG BSTAN PA DON MED PAR 'GYUR RO, ,GNYIS PA LA GSUM LAS, MTSAMS SBYAR NI, DE LTAR RGYAS BAR BSTAN NAS THAMS CAD MKHYEN BA NYID GSUM MJUG BSDU BAR MDZAD DE, MNGON RTOGS KYI DON MTHA' DAG SDUD PAR BYED BA 'DI NYID KYIS SO, ,RTZA BA NI, 'PHAGS PA LTAR NA, RAB 'BYOR SHER PHYIN PA 'DI NI CHOS GANG YANG THOB PAR BYED PA MIN ZHES PA 'DI DANG; RAB 'BYOR SHER PHYIN 'DI NI 'DOD PA'I KHAMS LA SHIN TU 'DA' BAR BYED PA'AM GNAS BAR BYED BA MIN ZHES BA YANG 'DI DANG YANG RAB 'BYOR SHER PHYIN 'DI NI SANGS RGYAS KYI CHOS RNAMS STER BAR BYED PA'AM 'PHROG PAR BYED PA MIN ZHES PA 'DI YIN TE, DE LTAR GNAS SKABS SAM MDO TSAN GSUM PO DAG GIS MKHYEN BA RNAM PA GSUM PO 'DI NI MJUG BSDUS TE RDZOGS PAR YONGS SU BSTAN PA YIN NO, ,DE LA MDO DANG POS GZHI SHES, GNYIS PAS LAM SHES, GSUM BAS RNAM MKHYEN 'JUG BSDUS LA, DE'I PHYIR 'PHAGS BAS GZHI SHES NAS MAS RIMS SU BSDU BA MDZAD PA NI, NYI KHRI DANG MTHUN PAR MDZAD PA YIN CING, SLOB DPON GYIS RNAM MKHYEN NAS YAS RIMS SU BSDU BA MDZAD PA NI BRGYAD STONG PA DANG MTHUN PAR MDZAD PA YIN NO, ,NGAG DON NI, MDO TSIG GSUM PO DE CHOS CAN, RAB 'BYOR GYI LE'U, MTHA' GNYIS RNAM DAG GI LE'U, SPYOD PA KHYAD BAR CAN GYI LE'U GSUM GYIS MJUG BSDUS PA YIN TE, LE'U GSUM BO DES MKHYEN GSUM RGYAS PAR BSHAD PA'I MJUG TU KHYOD KYIS MKHYEN GSUM MDOR BSDUS NAS BSTAN PA YIN PA'I PHYIR, GANG DAG LE'U DE GSUM GYIS RDZOGS PAR BSTAN

CES SBYOR BA NI BCOL LO, ,'GREL BA NI, GONG DU BSHAD MA THAG PA'I TSUL DU RNAM PA THAMS CAD MKHYEN PA NYID MTSON BYED KYI CHOS BCU BO 'DI DANG LAM SHES BA NYID KYI CHOS BCU BO 'DI DANG GZHI LAM SHES BA NYID KYI CHOS DGU PO 'DI LTA STE, DE LTAR LE'U GSUM GYIS RNAM MKHYEN, LAM SHES GZHI SHES RNAM BA GSUM PO YONGS SU RDZOGS PAR MDZAD PA YIN NO, ,GZHAN DAG GIS BSHAD MA THAG PA'I TSUL DU BYED PA DE LTAR ZHES PA'I 'GREL PAR MGO BAR SKYON SPONG LA SBYOR BA SOGS MUN SPRUL BYAS SNANG NGO, ,GSUM PA SKABS BSDU BA NI, SHES RAB KYI PHA ROL TU PHYIN PA'I MAN DAG GI BSTAN BCOS MNGON PAR RTOGS BA'I RGYAN GYI 'GREL PA DON GSAL BA'I RNAM BSHAD RTOGS BAR DKA' BA'I SNANG BA LAS, SKABS GSUM PA'I 'GREL PA'O,, ` ,,GNYIS PA NYAMS SU BLANG BYA SBYOR BA BZHI BSHAD PA LA, DBANG DU BYED PA RGYU 'BRAS DANG; BSTAN PA RGYU 'BRAS GNYIS, DANG PO LA DBANG DU BYED PA'I RGYU RNAM KUN DANG, DBANG DU THOB PA RTZE MO'I SBYOR BA GNYIS, DANG PO LA, 'BREL BKOD PAS MTSAMS SBYAR, 'BREL PA CAN GYI RAB DBYE BSHAD, SKABS BSDU BA'O, ,DANG PO NI, SHES BYA CHOS CAN, MKHYEN GSUM GYI 'OG TU RNAM PA KUN MNGON PAR RDZOGS PAR RTOGS PA 'CHAD PA'I RGYU MTSAN YOD DE, THAMS CAD MKHYEN PA NYID GSUM THOS BSAM GYIS YONGS SU SHES PA NI THAMS CAD MKHYEN PA NYID GSUM SGOM PAR BYED PAS BSHAD PA YIN PA'I PHYIR, GANG GI PHYIR SGOM NA THOS BSAM GYIS MKHYEN GSUM GYI RTOGS BA'I MTSAN NYID SOGS SHES PAR MA ZAD DE DAG GI RTOGS PA RANG RGYUD LA MYONG BA'I SGO NAS DBANG DU BYA BA'I PHYIR YANG NGO, ,JI LTAR SGOM NA, RNAM PA DANG LAM DANG GZHI SHES PA RNAMS MTSAN NYID DANG DBYE BA'I DANG RGYU LA SOGS PA'I SGO NAS SPROS BA MIN PAR YE SHES RAB RANG GI 'DZIN STANGS KYI RIGS THAMS CAD RNAM PA BRGYA DANG BDUN CU RTZA GSUM DU BSDU BA'I SGO NAS SO, ,DE'I DGOS PA YANG YE SHES 'DI DAG SGOM PA NA, 'DI'I MTSAN NYID NI 'DI'O, ,DBYE NA 'DI SNYED CIG GO SNYAM PA SOGS SGOM PA YANG MIN LA, LHA BSGOM PA LTA BU YANG

, ,MIN GYI, RNAL 'BYOR BA'I SHES PA YE SHES DE DANG DE'I 'DZIN STANGS KYI NGO BOR BSKYED NAS SGOM PA YIN TE, DPER NA SNYING RJE SGOM BA BZHIN NO, ,GNYIS PA LA RNAM PA SBYOR BAS SGOM TSUL, SBYOR BA DANG BOR SKYES PA'I GNAS SKABS, SKYES PA KHYAD PAR DU GYUR BA'I RTAGS KYI RAB DBYE, KHYAD BAR DU GYUR PA'I GANG ZAG GI SGOM RIM BSHAD PA'O, ,DANG PO LA, BSGOM BYA RNAM PA'I RAB DBYE, SGOM BA PO RTEN GYI GANG ZAG ,GANG GIS BSGOM PA'I SBYOR BA'I DBYE BA, SBYOR BA BSGOMS BA'I PHAN YON YON TAN, SBYOR BA BSGOMS PA'I TSE DOR BYA'I GOL SA SKYON, SBYOR BA'I RANG BZHIN MTSON BYED KYI MTSAN NYID, SGOM BYUNG GI SBYOR BA'I NYER RGYU THAR PA CHA MTHUN BSHAD PA'O, ,DANG PO LA, SPYI DON DANG, TSIG GI DON NO, ,DANG PO NI, KHA CIG RNAM PA LA DON RNAM DANG SHES RNAM GNYIS LAS, 'DIR BSTAN BRJOD BYA'I GTZO BO NI DON RNAM NYID YIN LA, MDOR BSTAN DU SHES RNAM DNGOS SU BSTAN CING, RGYAS BSHAD DU DON RNAM DNGOS SU BSTAN TO, ZHES SMRA BAR BYED LA, DON RNAM NI YE SHES KYI SGRO 'DOGS BCAD PAR BYA BA'I YUL DANG, SHES RNAM NI YUL CAN YE SHES NYID LA 'DOD DO, ,DE YANG 'THAD PA MIN TE, 'DIR BSTAN BRJOD BYA'I GTZO BOR GYUR PA'I BSGOM BYA RNAM PA YIN NA RANG GI MI MTHUN PHYOGS KYI GNYEN PO YIN DGOS PA'I PHYIR TE, MDOR BSTAN GYI RTZA 'GREL 'DI DAG BSGOM BYA RNAM PA'I MTSAN NYID STON BYED KYI GZHUNG YIN PA'I PHYIR RO, ,GZHAN YANG GZHI SHES DANG, LAM SHES DANG, RNAM MKHYEN GYI RNAM PA BRGYA DANG BDUN CU RTZA GSUM BO 'DI LAS GANG YANG MIN, 'DIS SGOM BYA'I RNAM PA SKABS 'DIR ZUR TZAM YANG MA GSUNGS PA'I PHYIR, TSUL DE NYID SMRA BA NI GZHUNG RTZA 'GREL LA DNGOS SU BSTON BAR BYED PA YIN NO, ,DE BSAN 'DIR BSTAN BSGOM BYA'I RNAM PA NI SHES RNAM KHO NA YIN TE, MDO LAS KYANG, RNAM PA RNAMS LA PHA ROL TU PHYIN BA'I SGRAS GSUNGS SHING, MDOR BSTAN GYIS RNAM PA THAMS CAD YE SHES SU GSUNGS PA'I PHYIR DANG, MDOR BSTAN DU BSTAN PA DE NYID RGYAS BSHAD KYIS

'TSAD PA MIN NA, LUS DANG YAN LAG MI MTHUN PAS SKYON CHAGS PAR 'GYUR BA'I PHYIR RO, ,'O NA MED PA DANG MI SKYE BA SOGS BSHAD BA CI ZHE NA, MED PA DANG MED BA'I RNAM PA LA KHYAD PAR CHE STE, MED PA ZHES PAS YUL BDEN BA'I RNAM PA BSTAN KYANG, MED BA'I RNAM BA NI DE RTOGS KYI YE SHES YIN NO, ,DE LTA MIN NA MIG YOR GYI RNAM PA YANG MIG YOR NYID LA 'DOD DGOS NA YANG, MIG YOR GYI SHES SGRIB GZUNG RTOG GI GNYEN POR JI LTAR 'GYUR, GZHAN YANG DE BZHIN NYID KYI RNAM PA'ANG DE BZHIN NYID LA 'DOD DGOS PAR 'GYUR LA, DE LTA NA THUN MONG MIN PA'I LAM DU BSHAD PA DANG 'GAL LO, ,DES NA RNAM MKHYEN GYI RNAM BA SGOM PA NA YANG, SANGS RGYAS KYI THUGS RGYUD LA YOD PA'I MKHYEN PA GSUM DANG, 'DZIN STANGS KYI RIGS MTSUNGS PA'I YE SHES DA LTA THUGS RGYUD LA BSKYED NAS SGOM PA LA SHES BAR BYA ZHING RNAM MKHYEN DANG, RNAM MKHYEN GYI RNAM PA LA KHYAD MED PA GZHAN DAG GI LTAR NA NI, RNAM MKHYEN GYI RNAM PA SBYOR BAS RGYUD LA BSKYED NAS BSGOMS PA NA RNAM MKHYEN RGYUD LA BSKYED NAS SGOM DGOS PAS TSOGS LAM NA'ANG RNAM MKHYEN YOD PAR THAL BA BZLOG TU MED DO, ,GNYIS PA TSIG DON LA, MDOR BSTAN, RGYAS PAR BSHAD; DON BSDU BA'O, ,DANG PO LA, RTZA BA NI, GZHI BDEN PA'I RNAM PA SHES PA'I YE SHES KYI BYE BRAG RNAMS LA RNAM BA ZHES BYA STE, RNAM BA SPYI'I MTSAN NYID DO, ,DBYE NA DU YOD CEN, RNAM PA DE NI RNAM PA GSUM DU 'DOD DE, 'BYED BA'I RGYU MTSAN, KUN MKHYEN NYID NI RNAM PA GSUM DU NGES BAS DES NA MKHYEN GSUM GYI RNAM PA MTSAN GZHI, SKABS 'DIR BSTAN BSGOM BYA RNAM PAR MTSON, BDEN PA'I RNAM PA LA DMIGS PA'I BYANG SEMS KYI YE SHES, ZHES DGOD PAR BYA'O, ,'GREL PA NI, MTSAN NYID DANG DBYE BA'O, ,DANG PO NI, RTAG PA DANG BDE BA LA SOGS PAR 'DZIN BA'I MI MTHUN BA'I PHYOGS KYI GNYEN PO'I CHOS NYID KYI NGO BO NYID KYIS MI RTAG PA LA SOGS PA LA DMIGS PA'I YE SHES KYI BYE BRAG RNAMS BSGOM BYA RNAM PA NYID DU RNAM PAR RIG PA NI 'DIR BSTAN RNAM PA'I MTSAN NYID DO, ,GNYIS PA NI, DE DAG KYANG RNAM PA GSUM KHO NAR

, ,BZHED DO, ,'BYED PA'I RGYU MTSAN, THAMS CAD MKHYEN PA NYID GSUM GYI BYE BRAG GIS SO, ,MTSON SBYOR SNGAR LTAR RO, ,GNYIS PA LA SPYI'I MTSAMS SBYAR, SO SO'I DON BSHAD BA'O, ,DANG PO NI, RNAM PA RNAMS SBYIR BSTAN NAS DA NI KHYAD PAR DU PHYE NAS 'CHAD DO, ,GNYIS PA LA GSUM LAS, DANG PO GZHI SHES KYI RNAM PA LA, RTZA 'GREL GNYIS LAS, RTZA BA NI, RKANG PA DANG PO GNYIS KYIS BCOM LDAN 'DAS SHER PHYIN 'DI NI MCHIS PA'I PHA ROL TU PHYIN PA'O, ZHES PA NAS MI G-YO BA'I PHA ROL TU PHYIN PA'O, ZHES PA'I BAR GYI MDO DGOD PA'O, ,RKANG PA THA MA GNYIS KYIS MDO'I MTSAMS PHYE NAS 'CHAD PA'O, ,'GREL PA LA, BDEN PA BZHI'I RNAM PA SO SOR BSHAD, GRANGS KYI SGO NAS DON BSDU BA'O, ,DANG PO LA BDEN PA DANG PO GSUM GYI RNAM PA BSHAD PA DANG, LAM BDEN GYI RNAM PA BSHAD PA'O, ,DANG PO NI, MKHYEN PA GSUM GYI RNAM PA GSUM YOD PA DE LA RE SHIG THAMS CAD SHES PA NYID KYI DBANG DU BYAS NAS RNAM PA NYER BDUN GSUNGS PA DE DANG POR 'CHAD NGO, ,DE YANG SKABS 'DI'I MDO LAS MED PA'I RNAM PA LA SOGS BSHAD PA RNAMS MI RTAG PA LA SOGS PA YONGS SU GRAGS PA'I RNAM PA DAG DANG SBYAR NAS BSHAD NAS, RTAG TU MED PA DANG, SDUG BSNGAL DON DAM PAR MI SKYE BA DANG DON GZHAN GYIS BDAG GIS DBEN PA DANG, RANG GI NGO BO BDAG TU RTOG PAS MI BRDZIB RNAMS NI GO RIM BZHIN DU SDUG BSNGAL LA BDEN PA'I MI RTAG SDUG BSNGAL STONG BA BDAG MED BZHI'I MTSAN NYID DAG BSTAN PA YIN NO, ,DE DAG RTOGS PA'I THEG CHEN YE SHES CHOS CAN, 'DIR BSTAN SDUG BSNGAL BDEN PA'I RNAM PA YIN TE, SDUG BSNGAL BDEN PA'I MTSAN NYID RTOGS PA'I BYANG SEMS KYI YE SHES KYI 'DZIN STANGS YIN PA'I PHYIR, NGAG DON NI RIGS 'GRE'O, ,DON DAM BAR SDUG BSNGAL BSKYED PA'I GNAS MED PA DANG, NAM MKHA' LTAR SKYE 'GAG MED PA DANG, SGRA RJOD BYED DU 'JUG PA'I RGYU RTOG DPYOD MED PA DANG, MING BZHI'I PHUNG PO BDEN BAR MED PA RNAMS KYIS GO RIM BZHIN DU KUN 'BYUNG GI RGYU LA SOGS BA'I MTSAN NYID DAG YIN NO, ,YE SHES KYIS MNGON

DU BYED DGOS KYIS RKANG GIS SONG NAS THOB BYA MIN PAS 'GRO BA MED PA DANG, GNYIS SNANG GI RNAM PA'I SGO NAS MI 'PHROGS PA DANG, DON DAM PAR DRI MA MI ZAD PA DANG, DON DAM PAR SKYE BA MED PA RNAMS NI 'GOG PA'I BDEN BA'I 'GOG PA LA SOGS PA DAG YIN NO, ,GNYIS PA LA RTEN LAM GYI DBYE BA, BRTEN PA RNAM PA'I RAB DBYE, GRANGS KYI DON BSDU BA'O,, DANG PO NI, THAMS CAD SHES PAS BSDUS PA'I LAM RNAM PA GSUM MO, ,GSUM PO GANG ZHE NA, NYON MONGS PA'I SGRIB PA'I GNYEN PO NYID DU NYON MONGS KYI ZAG PA MED PA'I LAM GANG ZAG GI BDAG MED RTOGS PA'I YE SHES GCIG DANG SHES SGRIB GZUNG RTOG GI GNYEN PO SGOM PA'I LAM GZUNG RTOG GI ZAG BA DANG BCAS PA RJES THOB DANG, MNYAM GZHAG DE ZAG PA MED PA GNYIS YIN PAS SO, ,ZAG MED DES MNYAM GZHAG MTHONG SGOM GNYIS KA BSDUS SO, ,GZHI SHES KYI SKABS SU SHES SGRIB KYI GNYEN PO STON PA MA 'BREL LO ZHE NA, SKYON MED DE, THAMS CAD SHES PA NYID KYIS RANG SANGS RGYAS RNAMS KYANG BSDUS PAS DE'I PHYIR RANG SANGS RGYAS DE DAG GIS SHES BYA'I SGRIB PA GZUNG RTOG GI GNYEN PO NYID DU GZHI SHES SGOM PAS SO, ,NGAG DON NI, GZHI SHES BSDUS PA'I LAM BDEN CHOS CAN, GSUM DU YOD DO, NYON MONGS PA'I ZAG MED DANG, SHES SGRIB GZUNG RTOG GI ZAG BCAS GCING [?] DANG, ZAG MED GCIG RNAMS SU YOD PA'I PHYIR, 'DIS NI RANG SANGS RGYAS GZUNG RTOG GI GNYEN POR GZHI SHES SGOM PAR SHES SGRIB GZUNG RTOG GNYEN BOR GYUR BA'I GZHI SHES YOD BA'I SGRUB BYED BKOD PA YIN GYI, SKABS 'DI NYID GZHI SHES KYI RNAM PA'I RTEN LAM GSUM PO DE NYAN RANG GI RGYUD KYI LAM YIN PAR STON PA MIN TE, DE LTA NA SKABS 'DIR BSTAN GZHI SHES KYI SHES RNAM RNAMS KYANG NYAN RANG GI RGYUD LA YOD PA KHO NAR 'GYUR LA, DE LTA NA RNAM BA BRGYA BDUN CU RTZA GSUM PO SGOM PA'I RTEN GYI GANG ZAG, SANGS RGYAS RNAMS LA LHAG PAR BYAS, ZHES SOGS KYI MTSAN NYID CAN GYI THEG CHEN GYI GANG ZAG DGOS PAR BSHAD PA DANG 'GAL BA'I PHYIR DANG, GZHI SHES KYI RNAM PA 'DI DAG SGOM

, ,PA'I RNAM RDZOGS SBYOR BA NYAN RANG LA'ANG YOD PAR THAL ZHING, DE LTA NA RTZE SBYOR SOGS KYANG YOD DGOS PAS NYAN RANG LA SBYOR BA BZHI KA YOD PAR THAL BAS SO, ,GNYIS PA LA GSUM LAS, LAM DANG PO'I RNAM PA NI, LAM GSUM YOD PA DE LA LAM DANG PO'I RNAM PA LA BYED PA PO'I GANG ZAG GI BDAG MED PA DANG, SHES PA PO'I GANG ZAG GI BDAG MED PA DANG, GONG DU 'PHOB BO'I GANG ZAG GI BDAG MED PA DANG, NYON MONGS 'DUL BA PO'I GANG ZAG GI BDAG MED PA RTOGS BA ZHES MDO LAS GSUNGS PA'I RNAM PA BZHI NI GO RIM BZHIN DU LAM RIGS PA LA SOGS PA'I MTSAN NYID DAG GI DBANG DU BYAS PA YIN NO, ,LAM GNYIS PA'I RNAM PA LA RMI LAM DANG, SGRA BRNYAN DANG, MIG YOR DANG, SMIG RGYU DANG, SGYU MA'I RNAM PA STE LNGA MDO LAS GSUNGS PA'I DON NI GO RIM BZHIN DU DPE DE DAG GIS MTSON PA, PHYI'I GZUNG BA DON DAM PAR NGO BO NYID MED PA DANG, MA SKYES PA DANG, MA 'GAGS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA'I MTSAN NYID DAG RTOGS PA'I DBANG DU BYAS PA STE, DE DAG NI SPYIR SHES BYA'I SGRIB PA GZUNG RTOG TZAM GYI GNYEN POR GYUR BA DAG YIN NO, ,LAM GSUM GYI RNAM PA LA KUN NAS NYON MONGS MED BA DANG, RNAM PAR BYANG BA MED PA DANG, GOS PA MED PA DANG, SPROS BA MED PA DANG, RLOM PA MED PA DANG, MI G-YO BA'I RNAM PA STE DRUG MDO LAS GSUNGS PA DAG GI DON NI GO RIM BZHIN DU SHES BYA'I SGRIB PA GZUNG RTOG CHAGS SOGS KYIS KUN NAS NYON MONGS PA DANG, DAD SOGS KYIS RNAM PAR BYANG BA DANG, NYON MONGS BA'I BAG CHAGS DANG, GZUGS LA SOGS PA'I GNYIS SNANG GI SPROS PA DANG, RANG GI RTOGS PA THOB PA DANG, THOB ZIN YONGS SU NYAMS BA RNAMS LA BDEN PAR RNAM PA RTOG PA DRUG PO RNAMS KYIS SO SOR NGES PA'I GNYEN POR GYUR PA DAG YIN NO, ,GZHUNG TSAN GSUM LA DAG DON NI, RIM BZHIN, BYED PA PO'I GANG ZAG GI BDAG MED RTOGS PA'I GZHI SHES (CHOS) CAN, LAM GYI RNAM PA YIN

TE; BYED PA PO'I GANG ZAG GI BDAG 'DZIN GYI GNYEN POR GYUR PA'I GZHI SHES YIN PA'I PHYIR, ZHES PA NAS, GZUNG BA BDEN MED RTOGS PA'I MNYAM GZHAG GI YE SHES CHOS CAN, YONGS SU NYAMS PAR RNAM PAR RTOG PA'I GZUNG RTOG GI GNYEN PO YIN TE, GZUNG MED RTOGS PA'I MI G-YO BA'I RNAM PA YIN PA'I PHYIR, ZHES PA'I BAR DU DGONG PAR BYA'O, ,GSUM PA NI, DE LTAR NA LAM GYI BDEN PA LA RNAM PA BCO LNGA STE'O, ,GNYIS PA NI SPYIR NA SOGS SO, ,GNYIS PA LAM SHES KYI RNAM PA LA GSUM LAS, MTSAMS SBYAR NI, DE'I 'OG TU LAM SHES PA NYID KYI RNAM PA 'CHAD DO, ,RTZA BA NI, MDO LAS, SHER PHYIN 'DI NI 'DOD CHAGS DANG BRAL BA'I PHYIR ZHES PA NAS, SHER PHYIN 'DI NI DNGOS PO MED PA'I NGO BO NYID STONG PA NYID KYI PHAR PHYIN NO, ZHES PA'I BAR RNAM PA SUM CU RTZA DRUG GSUNGS PA TSIGS SU BCAD PA 'DAS, BDEN PA BZHI PO LA SBYAR NAS 'CHAD DO, ,'GREL PA LA, SPYIR BSTAN, SO SOR BSHAD, GRANGS KYI DON BSDU BA'O, ,DANG PO NI, MDO LAS, RNAM PA SUM CU RTZA DRUG GSUNGS PA DE DAG KUN 'BYUNG BA DANG, LAM DANG, SDUG BSNGAL DANG, 'GOG PA'I BDEN PA LA GRANGS BZHIN DU RNAM PA BRGYAD DANG ZHES BYA BA DANG LA SOGS PA BDUN DANG LNGA DANG BCU DRUG GI DBANG DU BYAS PAR KHONGS SU CHUD PAR BYA'O, ,BDEN BZHI'I GO RIM SKABS GZHAN DANG MI MTHUN PA CI ZHE NA, GZHAN DU BSHAD PA YUL CAN RTOGS PA'I GO RIM YIN LA, 'DIR DON GYI RIM PA'I SGO NAS BSTAN TE, DE YANG KUN NAS NYON MONGS PA'I PHYOGS LA BRTEN PA'I KUN 'BYUNG BA'I BDEN PA DAG NI RGYU YIN LA SDUG BSNGAL GYI BDEN PA DAG NI 'BRAS BU YIN ZHING CIG SHOS RNAM BYANG GI PHYOGS LA BRTEN PA'I LAM GYI BDEN PA DAG NI RGYU YIN LA 'GOG BA'I BDEN PA DAG NI 'BRAS BU YIN PAS SO,, NGAG DON NI, LAM SHES KYI RNAM PA CHOS CAN, SUM CU RTZA DRUG YOD DE, KUN 'BYUNG GI RNAM PA BRGYAD, LAM GYI BDUN, SDUG BSNGAL BDEN PA'I LNGA, 'GOG BDEN PA'I BCU DRUG RNAMS SU YOD PA'I PHYIR, GNYIS PA LA KUN 'BYUNG GI RNAM PA SPANG GNYEN DANG, LAM GYI RNAM PA

, ,DAM BCA' DANG GTAN TSIGS DANG, DU: KHA'I RNAM PA RANG SPYI'I MTSAN NYID DANG, 'GOG PA'I RNAM PA PHAN YON GYI SGO NAS BSTAN PA'O, ,DANG PO NI, BDEN PA BZHI'I RNAM PA BSTAN PA DE LA RGYU KUN 'BYUNG BDEN PA'I RNAM PA BRGYAD YIN NO, ,RGYU KUN 'BYUNG RANG SKYE RKYEN GYI GNYEN POR GYUR PA GSUM DANG GSUM DANG, GCIG DANG GCIG STE DE LTAR NA'O, ,GANG ZHIG GANG GI GNYEN PO YIN CE NA, DA LTAR BA'I PHUNG PO LA 'DOD CHAGS DANG BRAL BA DANG, MA 'ONGS PA'I PHUNG PO LA 'DUN BAS MI GNAS PA DANG, YANG SRID LA DGA' BA NYE BAR ZHI BA'I LAM SHES KYI RNAM PA NI CHOS CAN, RGYU GANG YIN PA'I GNYEN PO YIN TE, 'DUN PA DANG 'DOD CHAGS LA DGA' BA'I GNYEN PO YIN PA'I PHYIR, 'DOD CHAGS MED PA DANG, ZHE SDANG MED PA DANG, GTI MUG MED PA'I LAM SHES KYI RNAM PA DAG NI CHOS CAN, KUN 'BYUNG BA GANG YIN PA'I GNYEN PO YIN TE, 'DOD CHAGS DANG, ZHE SDANG DANG, GTI MUG GI GNYEN PO YIN PA'I PHYIR, NYON MONGS PA MED PA'I LAM SHES KYI RNAM PA DAG NI CHOS CAN, RAB TU SKYE BA GANG YIN PA'I GNYEN PO YIN TE, KUN TU RTOG PA'A GNYEN PO YIN PA'I PHYIR, BDEN PA'I SEMS CAN MED PAR RTOGS PA'I LAM SHES KYI RNAM PA DAG NI CHOS CAN, RKYEN GANG YIN PA'I GNYEN PO YIN TE, SEMS CAN DU MNGON PAR ZHEN PA'I GNYEN PO YIN PA'I PHYIR, DE YANG KUN 'BYUNG SPANG BYAR SHES PA'I CHED DU SPANG GNYEN GYI SGO NAS BSTAN TO, ,GNYIS PA NI LAM GYI BDEN PA'I RNAM PA NI BDUN YIN TE, LAM RIGS PA SGRUB PA NGES 'BYIN DE RNAMS KYI NGO BO NYID GNYIS DANG GNYIS DANG GCIG YOD PA DE LTAR NA'O, ,DE DAG KYANG GANG ZHE NA, DAM BCA' DANG 'THAD PA'I TSUL DU GO RIM BZHIN DU SBYAR NAS BSHAD PA NI, TSAD MED PA'I LAM SHES KYI RNAM PA DAG NI CHOS CAN, SEMS CAN THAMS CAD LA GO SKABS 'BYIN PA'I LAM YIN TE, JI LTAR SEMS CAN THAMS CAD LA GO SKABS 'BYED PA'I TSUL 'KHOR 'DAS KYI MTHA' GNYIS DANG MA 'BREL BA'I SGO NAS 'BYED PA'I LAM YIN PA'I PHYIR, CHOS DBYINGS THA MI DAD BRTOGS PA'I LAM SHES KYI RNAM PA DAG NI CHOS CAN, RIGS PA GANG

YIN PA'I RNAM PA YIN TE, JI LTAR RIGS PA YIN PA'I TSUL NYAN RANG LA MCHOG TU 'DZIN PA MED PAS RANG DON YID BYED KYI GNYEN PO YIN PA'I PHYIR, RNAM PAR MI RTOG PA'I LAM SHES KYI RNAM PA DAG NI CHOS CAN, SGRUB PA GANG YIN PA'I RNAM PA YIN TE, JI LTAR SGRUB PA YIN PA'I TSUL GZHAL DU MED PA'I CHOS NYID RTOGS PAS SEMS PHYIN CI MA LOG PAR SGRUB PA YIN PA'I PHYIR, BDEN PAR CHAGS PA MED PA'I LAM SHES KYI RNAM PA DAG NI CHOS CAN, NGES PAR 'BYUNG BA'I RNAM PA YIN TE, JI SKAD BSHAD PA'I TSUL GYIS LAM RIGS PA SGRUB PA YIN PA'I PHYIR, DES NA SNGA MA RNAMS PHYI MA 'DI'I SGRUB BYED DU 'GYUR BA LA DGONGS NAS, 'DI LA SGRUB BYED LEGS PA MA GSUNGS PA YIN NO, ,GSUM PA NI, MI RTAG PA DANG, SDUG BSNGAL BA DANG, STONG PA DANG, BDAG MED PA DANG, LNGA PA MTSAN NYID MED PA'I RTOGS PA'I RNAM PA'I NGO BO NYID RNAMS CHOS CAN, SDUG BSNGAL BDEN PA'I RNAM PA YAN TE, SDUG BSNGAL BDEN PA'I RANG SPYI'I MTSAN NYID RTOGS PA'I YE SHES KYI 'DZIN STANGS YIN PA'I PHYIR, DE LTAR NA RNAM PA LNGA YIN NO, ,BZHI PA NI, MDO LAS STONG NYID BCU DRUG GI RNAM PA BCU DRUG GSUNGS PA 'GOG BDEN GYI MTSAN NYID BZHI DANG SBYAR BA NI, NANG DANG PHYI DANG GNYIS KA STONG PA NYID RTOGS PA'I RNAM PA GSUM CHOS CAN, 'GOG PA RTOGS PA'I RNAM PA'I NGO BO NYID YIN TE, NANG DANG PHYI DANG GNYIS KA'I DNGOS PO RNAMS SU BDEN PAR ZHEN BA'I DRI MA DGAG PAS RAB TU PHYE BA'I CHOS NYID RTOGS PA'I YE SHES YIN PA'I PHYIR, STONG PA DANG, CHEN PO DANG, DON DAM PA DANG, 'DUS BYAS DANG, 'DUS MA BYAS DANG, MTHA' LAS 'DAS PA DANG, THOG MA DANG THA MA MED PA DANG, DOR BA MED PA STONG PA NYID RTOGS BA'I RNAM PA STE BRGYAD NI CHOS CAN, ZHI BA RTOGS PA'I RNAM PA'I NGO BO NYID YIN TE, KUN BRTAGS PA'I BDAG GIS STONG PA DANG SNOD KYI 'JIG RTEN DANG, DON DAM PA DANG, 'DUS BYAS DANG, 'DUS MA BYAS DANG, RTAG PA DANG, CHAD PA'I MTHA' DANG BRAL BA DANG 'KHOR BA THOG MA DANG THA MA MED PA DANG

, ,RTOGS PA'I CHOS DOR BA MED PA RNAMS LA BDEN PAR MNGON BAR ZHEN PA DGAG PAS PHYE BA'I CHOS NYID RTOGS PA'I YE SHES YIN PA'I PHYIR, RANG BZHIN STONG PA NYID RTOGS PA'I RNAM PA CHOS CAN, GYA NOM PA RTOGS PA'I RNAM PA YIN TE, GZHAN GYIS KUN BRTAGS PA'I BYED PA POR ZHEN PAS DGAG PAS RAB TU PHYE BA'I CHOS NYID RTOGS PA'I YE SHES YIN PA'I PHYIR, CHOS THAMS CAD DANG, RANG GI MTSAN NYID DANG, MI DMIGS PA STONG PA NYID RTOGS PA'I RNAM PA DE GSUM CHOS CAN, JI LTAR NGES PAR 'BYUNG BA RTOGS PA'I RNAM PA YIN TE, BRTAGS PA TZAM GYI BDAG NYID BDEN PA'I YUL DU 'KHRUL PA DANG, MTSAN NYID 'KHRUL PA DANG, DUS SU 'KHRUL PA RNAMS DGAG PAS RAB TU PHYE BA'I CHOS NYID RTOGS PA'I YE SHES YIN PA'I PHYIR, DNGOS PO MED PA'I NGO BO NYID STONG PA NYID RTOGS PA'I RNAM PA GCIG PO CHOS CAN, NGES PAR 'BYUNG BA'I NGO BO RTOGS PA'I RNAM PA KHO NA YIN TE, BDEN PA'I NGO BO NYID DU ZHEN PA DGAG PAS RAB TU PHYE BA'I CHOS NYID RTOGS PA'I YE SHES YIN PA'I PHYIR, DE LTAR NA 'GOG PA'I BDEN PA'I RNAM PA BCU DRUG YIN NO, ,LAM BSTEN BYAR SHES PA'I PHYIR DU 'THAD PA'I SGO NAS DANG, SDUG BSNGAL SHES BYAR BSTAN PA'I PHYIR RANG SPYI'I MTSAN NYID DANG, 'GOG PA THOB BYAR SHES PA'I PHYIR DU PHAN YON GYI SGO NAS BSTAN TO, ,GSUM PA NI, SPYIR NI SOGS SO, ,GSUM PA LA GSUM LAS, DANG PO MTSAN SBYAR BA NI, DE'I 'OG TU SOGS SO, ,RTZA BA NI, RKANG PA DANG PO GNYIS KYIS, MDO LAS YUM 'DI NI DRAN PA NYE BAR BZHAG PA'I PHA ROL [?] TU PHYIN PA'O, ZHES PA NAS, YUM 'DI NI SANGS RGYAS KYI PHA ROL TU PHYIN PA'O, ZHES PA'I BAR BSHAD BYA'I MDO DGOD PA'O, ,LHAG MAS DE 'CHAD PAR BYED DO, ,GSUM PA 'GREL PA LA, MDOR BSTAN PA DANG, RGYAS PAR BSHAD PA'O, ,DANG PO NI; DRAN PA NYE BAR BZHAG BA NAS BZUNGS TE SANGS RGYAS KYI RNAM PA'I MTHAR THUG PA BRGYA DANG BCU MDO LAS GSUNGS PA RNAMS NI THAMS CAD MKHYEN PA NYID GSUM GYIS BSDUS PA'I LAM YIN PA'I SGO NAS GRANGS BZHIN DU SANGS RGYAS DANG, NYAN THOS RNAMS LA THUN MONG DU YOD

PA'I RNAM PA SUM CU RTZA BDUN DANG, SANGS RGYAS DANG BYANG CHUB SEMS DPA' RNAMS LA THUN MONG DU YOD PA'I RNAM PA SUM CU RTZA BZHI DANG, SANGS RGYAS RNAMS KHO NA LA YOD BA'I RNAM PA SUM CU RTZA DGUR BZHED DO, ,RNAM MKHYEN GYI RNAM PA STON PA NA NYAN RANG BYANG SEMS DANG THUN MONG BA'I RNAM PAR DAG CI'I PHYIR STON CAN, RNAM PA THAMS CAD MKHYEN PA NYID KYIS 'PHAGS PA'I GANG ZAG THAMS CAD KYI RTOGS RIGS YAR LDAN DU BSDUS PA'I PHYIR SKYON MED DO, ,DE YANG GZHI SHES DANG, LAM SHES KYI RNAM PA NYAN RANG DANG, BYANG SEMS DANG, SANGS RGYAS LA RIM BZHIN THUN MONG DU YOD PAS RNAM MKHYEN GYI RNAM PA STON PA NA DE DAG DANG THUN MONG BA'I RTOGS PA RNAMS KYI RNAM PA YANG DBYE DGOS SO, ZHES SHES PAR BYA BA'I PHYIR DANG, RNAM MKHYEN GYI RNAM PA BRGYA DANG BCU'I NANG NAS 'DI DAG NYAN RANG THUN MONG BA'I RTOGS RIGS YIN LA, 'DI DAG BYANG SEMS DANG THUN MONG PA'I RTOGS RIGS YIN CING, 'DI DAG SANGS RGYAS KHO NA'I RTOGS RIGS YIN NO ZHES SHES PA'I PHYIR SLOB MA RNAMS LA ZHES DANG, BYANG CHUB SEMS DPA' RNAMS LA ZHES GSUNGS PA YIN GYI, NYAN THOS KYI RGYUD KYI GZHI SHES DANG, BYANG SEMS KYI RGYUD KYI LAM SHES SU STON PA NI MIN NO, ,GZHAN DAG GIS NI PHYOGS MA MTHONG BAR SNANG NGO, ,NGAG DON NI, RNAM MKHYEN GYI RNAM BA CHOS CAN, BRGYA DANG BCU YOD DE, NYAN THOS DANG THUN MONG BA'I RTOGS RIGS GZHI SHES KYI RNAM PA SO BDUN, BYANG SEMS DANG THUN MONG BA'I RTOGS RIGS LAM SHES KYI RNAM PA SO BZHI, SANGS RGYAS KHO NA'I RTOGS RIGS THUN MONG MIN PA'I RNAM MKHYEN GYI RNAM POS DGU RNAMS SU YOD PA'I PHYIR, RGYAS PAR BSHAD PA LA GSUM LAS, GZHI SHES KYI RNAM PA LA, SO SOR BSHAD, SPYI'I DON BSDU BA'O, ,DANG PO NI, RNAM MKHYEN GYI RNAM PA GSUM YOD PA DE LA THAMS CAD SHES PA NYID KYI RNAM PA LA BDUN LAS DANG PO DNGOS PO LA YONGS SU RTOG BA'I LAM LA DRAN PA NYE BAR BZHAG PA'I RNAM PA BZHI'O, ,'DI LA DMIGS PA, RNAM PA, NGO BO, ,DGOS PA, SA MTSAMS DANG LNGA LAS, DMIGS PA NI, LUS DANG, TSOR BA DANG, SEMS DANG, CHOS RNAMS LA DMIGS SO, ,CI'I

, ,PHYIR 'DI DAG DMIGS PAR BZHAG CE NA, BYIS PA PHYIN CI LOG GI BLO CAN RNAMS LUS LA BDAG GI GNAS KYI DNGOS PO DANG, TSOR BA LA BDAG GI LONGS SPYOD KYI GZHI DANG, SEMS LA BDAG GI DNGOS BO DANG, CHOS LA BDAG KUN NAS NYON MONGS BA DANG RNAM PAR BYANG BA'I RGYUR RTOG PA DE LAS LOG PAR BYA BA'I PHYIR RO, ,DE LA LUS NI GSUM STE, RANG RGYUD KYI MIG SOGS NANG DANG, GZUGS SOGS PHYI DANG, GZHAN GYI DBANG PO DANG, RANG GI DBANG RTEN SOGS GNYIS KA'I LUS SO, ,TSER BA SOGS GSUM LA'ANG, RTEN DANG DMIGS YUL GYI SGO NAS DE BZHIN DU GSUM GSUM MO, ,RNAM PA NI, LUS MI GTZANG BA, TSOR BA SDUG BSNGAL, SEMS MI RTAG ,CHOS BDAG MED PAR SGOM PA'O, ,NGO BO NI, LUS THOB SOGS LA RANG SPYI'I MTSAN NYID KYI SGO NAS RTOGS PAR BYED PA'I SHES RAB DANG, DE'I DMIGS RNAM MA RJED PA'I DRAN PA MTSUNGS LDAN DANG BCAS PA'O, ,DGOS PA NI, BDEN PA BZHI LA 'JUG PAR BYA BA'I PHYIR TE, DE YANG DANG POS SDUG BSNGAL GYI BDEN PA LA 'JUG STE, LUS 'DU BYED KYI SDUG BSNGAL GYIS RAB TU PHYE BAR RTOGS PAR 'GYUR BA'I PHYIR RO, ,GNYIS PAS KUN 'BYUNG BDEN PA LA 'JUG STE, KUN 'BYUNG GI GTZE BOR SRED PA GSUM DU RTOGS NAS SPONG BAR 'DOD PA'I PHYIR RO, ,GSUM PAS 'GOG PA'I BDEN PA LA 'JUG STE, BDAG DANG BRAL BA'I RNAM SHES SKAD CIG MAR RTOGS BAS MYA NGAN LAS 'DA' BA'I TSE BDAG CHAD KYI DOGS PA MED PA'I PHYIR RO, ,BZHI PAS LAM BDEN LA 'JUG STE, CHOS CHAGS SOGS SPANG BYA DANG, RNAM BYANG BLANG BYAR RTOGS PA'I PHYIR RO, ,SA MTSAMS NI TSOGS LAM CHUNG DU NAS SO, ,NGAG DON NI, TSOGS LAM CHUNG DU'I DRAN PA NYER GZHAG BZHI CHOS CAN, DNGOS PO LA YONGS SU RTOG PA'I LAM YIN TE, LUS CHOR SOGS LA RANG SPYI'I MTSAN NYID KYIS YONGS SU RTOG PA'I DRAN PA SHES RAB MTSUNGS LDAN DANG BCAS PA YIN PA'I PHYIR RO, ,GNYIS PA NI, DE'I 'OG TU DE LTAR YONGS SU RTOG PA LA ZHUGS PA LA BRTZON 'GRUS 'BYUNG BAS RTZOL

BA LAS BYUNG BA'I LAM 'CHAD LA, DE YANG TSOGS LAM 'BRING GIS BSDUS PA'I YANG DAG PAR SPONG BA BZHI CHOS CAN, RTZOL BA LAS BYUNG BA'I LAM YIN TE, MI DGE BA SKYES PA DANG, MA SKYES PA DAG LA DMIGS NAS GO RIM BZHIN DU YANG DAG PAR SPONG BA DANG, MI SKYE BA DANG, DGE BA SKYES PA DANG, MA SKYES PA DAG LA DMIGS NAS GO RIM BZHIN DU 'PHEL BA DANG BSKYED BA'I RGYU BLANG DOR LA SPRO BA'I BRTZON 'GRUS YIN PA'I PHYIR, BSGOM TSUL NI DE LTAR BLANG DOR BYA BA'I PHYIR DU 'DUN PA BSKYED, 'BAD PA BRTZON 'GRUS RTZOM; SEMS RAB TU 'DZIN, RAB TU 'JOG PAR BYED PA YIN LA, DGOS PA NI MI MTHUN PHYOGS NYAMS SHING GNYEN PO 'PHEL BA'O, ,GSUM PA TING NGE 'DZIN YONGS SU SBYOR BA'I LAM NI, BLANG DOR BYED PA'I BRTZON 'GRUS DANG LDAN BA NI SEMS LAS SU RUNG BA NYID DU BYED PAS DE'I 'OG TU TING NGE 'DZIN YONGS SU SBYONG BA'I LAM 'CHAD DO, ,DE YANG TSOGS LAM CHEN POS BSDUS PA'I RDZU 'PHRUL GYI RKANG PA'I RNAM PA CHOS CAN, TING NGE 'DZIN YONGS SU SBYONG BA'I LAM YIN TE, TING NGE 'DZIN GYIS GRUB PA'I BYA BA SPRUL BSGYUR SOGS LA DMIGS NAS SPONG BA'I 'DU BYED BRGYAD DANG LDAN PA'I SGO NAS SGOM PA'I TING NGE 'DZIN MTSUNGS LDAN DANG BCAS PA YIN PA'I PHYIR, DE YANG GROGS KYI SGO NAS BZHI'O, ,BZHI GANG ZHE NA, 'DUN PA'I TING NGE 'DZIN NI GUS SBYOR DANG, BRTZON 'GRUS KYI TING NGE 'DZIN NI RTAGS SPYOR DANG, SEMS KYI TING NGE 'DZIN NI SNGON GOMS PA'I SA BON BRTAS PA DANG, DPYOD BA'I TING NGE 'DZIN NI GZHAN GYIS BSTAN PA'I CHOS RAB TU RNAM 'BYED RNAMS LA BRTEN NAS RIM BZHIN SEMS RTZE GCIG BA NYID LA REG PA'O, ,DE LA YANG DBUS MTHAR, LE LO DANG NI GDAMS NGAG RNAMS, ,BRJED DANG BYING DANG RGOD PA DANG, ,'DU MI BYED DANG 'DU BYED DANG, ,'DI DAG NYES PA LNGAR 'DOD DO, ZHES PA LTAR, MI MTHUN PHYOGS LNGA YOD CING, DE'I GNYEN POR SPONG BA'I 'DU BYED BRGYAD BSGOM STE, DE LA LE LO'I GNYEN PO DNGOS NI,

, ,RTZOL BA'O, ,DE'I GNAS NI 'DUN PA'O, ,RGYU NI DAD PA'O, ,'BRAS BU NI SHIN TU SBYANGS PA'O, ,GDAMS NGAG BRJED PA'I GNYEN PO DRAN PA'O, ,BYING RGOD KYI GNYEN PO SHES BZHIN NO, ,BYING RGOD SOGS KYI GNYEN PO 'DU MI BYED PA'I GNYEN POR SEMS MNGON PAR 'DU BYED PA'I SEMS DPA'O, ,PHYIR RGOD ZHI BA NA SEMS 'DU BYED PA'I GNYEN POR BTANG SNYOMS SO, ,DGOS PA NI, RDZU 'PHRUL SOGS JI LTAR 'DOD PA BZHIN MNGON DU GYUR PA'O, ,BZHI PA NI, TING NGE 'DZIN GYIS SEMS YONGS SU SBYONG BA BYAS PA LA DRO BA DANG RTZE MO'I SBYOR BA 'BYUNG BAS MNGON PAR RTOGS PAR SBYOR BA'I LAM 'CHAD LA, DE YANG PHRO BA DANG RTZE MO GANG RUNG GI NGO BO NYID BDEN PA LA YID CHES PA'I DAD PA DANG, BLANG DOR BYED PAR SPRO BA'I BRTZON 'GRUS DANG, BDEN PA'I DMIGS PA MA BRJED PA'I DRAN PA DANG, DMIGS PA LA RTZE GCIG PA'I TING NGE 'DZIN DANG, BDEN PAR RNAM PAR 'BYED PA'I SHES RAB KYI DBANG PO'I RNAM PA LNGA CHOS CAN, MNGON PAR RTOGS PAR SBYOR BA'I LAM YIN TE, BDEN PA MNGON RTOGS LA DBANG BYED PA'I RNAM BYANG DBANG PO GANG ZHIG STOBS KYI NGO BOR MA GYUR PA'I PHYIR, LNGA PA NI, DRO BA LA SOGS PA THOB PA LA BZOD PA DANG, CHOS KYI MCHOG 'BYUNG BAS DE'I 'OG TU MNGON PAR RTOGS PA DANG 'BREL BA'I LAM 'CHAD LA, DE YANG BZOD BA DANG CHOS MCHOG GANG RUNG GI TING NGE 'DZIN DANG, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB RNAMS CHOS CAN, BDEN PA MNGON PAR RTOGS PA DANG 'BREL BA'I LAM YIN TE, RANG RANG GI MI MTHUN PHYOGS KYIS BRDZI BAR MI NUS BA'I STOBS SU GYUR PA'I SGOM BYUNG GI DAD SOGS YIN PA'I PHYIR, DRUG PA NI, DRO BA LA SOGS PA BZHI RTOGS PA LA BDEN PA MTHONG BA'I LAM 'BYUNG BAS DE'I 'OG TU MNGON PAR RTOGS PA'I LAM 'CHAD LA, DE YANG BDEN PA'I RANG BZHIN LA DMIGS NAS, DE LAS SEMS MI G-YENG BAR BYED PA'I GNAS KYI YAN LAG DRAN PA DANG, RANG BZHIN GYI YAN LAG CHOS RAB TU RNAM PAR 'BYED PA DANG, MTHONG SPANGS LAS NGES PAR 'BYUNG BA'I YAN LAG BRTZON 'GRUS DANG, PHAN YON

GYI YAN LAG DGA' BA DANG, NYON MONGS BA MED PA'I GZHI GNAS DANG NGO BO'I YAN LAG SHIN TU SBYANGS PA DANG, TING NGE 'DZIN DANG, BTANG SNYOMS YANG DAG BYANG CHUB YAN LAG GI RNAM BA BDUN CHOS CAN, MNGON PAR RTOGS PA'I LAM YIN TE, BDEN PA MNGON SUM DU GSAR DU MTHONG BA'I YE SHES YIN PA'I PHYIR, 'DI DAG SGOM PA'I TSUL NI, DRAN PA YANG DAG BYANG CHUB KYI YAN LAG GIS SDUG BSNGAL LA DMIGS NAS DES DPEN PA TSOL ZHING GNAS, KUN 'BYUNG LA DMIGS NAS DE LAS 'DOD CHAGS DANG BRAL BA TSOL ZHING GNAS, 'GOG PA LA DMIGS NAS DE MNGON DU BYED PA TSOL ZHING GNAS, LAM LA DMIGS NAS NYON MONGS RNAM PAR SPONG BAS YONGS SU BSGYUR BA TSOL BA STE, LHAG MA DRUG SGOM TSUL YANG DE BZHIN NO, ,CI'I PHYIR BYANG CHUB YAN LAG CES BYA ZHE NA, DBUS MTHA'I 'GREL BSHAD LAS, MNGON PAR RDZOGS PAR BYANG CHUB NI RNAM PAR MI RTOG PA'I YE SHES SO, ,DE LA DRAN PA LA SOGS PA BDUN NI BYANG CHUB DANG MTHUN PA'I PHYIR DE'I YAN LAG GO ,CHOS RAB TU RNAM 'BYED NI RTOGS PA'I BDAG NYID YIN BAS NA BYANG CHUB STE, DE DAG GI GROGS SU GYUR PAS NA YAN LAG GO ,ZHES PA LTAR RO, ,BDUN PA NI, BDEN PA MTHONG BA YONGS SU SHES PA LA SGOM PA'I LAM 'BYUNG PAS DE'I 'OG TU RNAM PAR DAG PAR NGES PAR 'BYIN PA'I LAM 'CHAD LA, DE YANG NGES PAR DMIGS PA DANG SGOM TSUL GONG DANG 'DRA ZHING, NGO BO NI MTHONG LAM MNYAM GZHAG TU RTOGS PA'I CHOS NYID DE RJES THOB TU YONGS SU GCOD PAR BYED PA'I YANG DAG PA'I LTA BA DANG, RANG GIS RTOGS BA LTAR GZHAN LA STON PAR BYED PA'I NGAG KUN NAS SLONG BA YANG DAG PA'I RTOG PA DANG, DES KUN NAS BSLANGS TE RANG GIS RTOGS PA LTAR GZHAN LA STON PAR BYED PA YANG DAG PA'I NGAG DANG, SROG GCOD SOGS LUS KYI LAS RNAM PAR DAG PA YANG DAG PA'I LAS KYI MTHA' DANG, KHAG SAG [?] DANG TSUL 'CHOS SOGS MED PAS YANG DAG BA'I 'TSO BA DANG, SGOM SPANG MA LUS PA SPANG BA'I PHYIR DU DE'I GNYEN PO LA RTZOL BA YANG DAG PA'I RTZOL BA DANG, ZHI GNAS DANG RAB TU 'DZIN PA DANG BTANG SNYOMS

, ,KYI RGYU MTSAN MA BRJED PA'I DRAN PA DANG, MNGON SHES SOGS YON TAN KHYAD PAR CAN GYI SGRIB PA SEL BA'I CHED DU BSGOM PA YANG NGAG PA'I TING NGE 'DZIN 'PHAGS PA'I LAM YAN LAG RNAMS SO, ,DE LTA BU'I 'PHAGS LAM YAN LAG BRGYAD CHOS CAN, RNAM PAR DAG PAR NGES PAR 'BYIN PA'I LAM YIN TE, SGOM SPANG RNAM PAR DAG PAR BYAD PA'I LAM YIN PA'I PHYIR, GNYIS PA NI, DE LTAR NA SANGS RGYAS DANG SLOB MA NYAN THOS RNAMS LA THUN MONG DU YOD PA KUN SHES PA NYID KYI LAM GYI RTEN CAN GYI RNAM PA SUM CU RTZA BDUN NO, ,GNYIS PA LAM SHES PA NYID KYI RNAM PA LA DRUG LAS, DANG PO GNYEN PO'I LAM LA, RNAM PAR THAR PA'I SGO GSUM GYI RNAM PA GSUM MO, ,GSUM PO GANG ZHE NA, GO RIM BZHIN DU SBYAR TE BSHAD PA NI, SDUG BSNGAL GYI MTSAN NYID STONG PA DANG, BDAG MED BA RTOGS PA'I RNAM PA'I NGO BO NYID NI CHOS CAN, RNAM PAR THAR PA'I SGO DANG PO STONG PA NYID KYI RNAM PA YIN TE, BDAG TU LTA BAS BYAS PA'I GNYEN PO YE SHES YIN PA'I PHYIR, 'GOG PA DANG LAM GYI BDEN PA'I MTSAN NYID RTOGS PA'I RNAM PA'I NGO BO NYID NI CHOS CAN, RNAM PAR THAR PA'I SGO GNYIS PA MTSAN MA MED PA'I RNAM PA YIN TE, BDAG LTA DE'I RGYU MTSAN CAN GYI RNAM PAR RTOG PA'I GNYEN PO YE SHES YIN PA'I PHYIR, MI RTAG PA DANG, SDUG BSNGAL BA DANG, KUN 'BYUNG BA'I BDEN PA'I MTSAN NYID RTOGS PA'I RNAM PA'I NGO BO NYID NI CHOS CAN, GSUM PA SMON BA MED PA'I RNAM PA YIN TE, KHAMS GSUM PA LA BLANG BYAR SMON PA'I GNYEN PO YE SHES YIN PA'I PHYIR, STONG PA NYID DANG, STONG PA NYID KYI TING NGE 'DZIN DANG, RNAM PAR THAR PA'I SGO STONG PA NYID KYI ZHES MDO LAS GSUNGS PA RNAMS KYI KHYAD PAR NI, BSDU BAR, GANG DU STONG PA NYID DANG, MTSAN MA MED PA DANG, SMON PA MED PA BYE BRAG MED BAR GSUNGS PA DER NI DE DAG THOS PA DANG BSAM PA DANG BSGOMS PA LAS BYUNG BA NYID YIN PAR BLTA BAR BYA'O, ,GANG DU DE DAG TING NGE 'DZIN GYI SGRA KHO NAR GSUNGS PA DER NI DE DAG BSGOM PA LAS BYUNG BA 'JIG RTEN PA DANG 'JIG RTEN LAS 'DAS

PA NYID YIN PAR BLTA BAR BYA'O, ,GANG DU DE DAG RNAM PAR THAR PA'I SGO'I SGRAR GSUNGS PA DE NI, DE DAG 'JIG RTEN LAS 'DAS PA NYID YIN PAR BLTA BAR BYA'O, ZHES PA LTAR RO, ,GNYIS PA SPRUL PA'I LAM LA RNAM PAR THAR PA GSUM MO, ,RGYU MTSAN NI NANG GZUGS CAN DANG GZUGS CAN MIN PAS PHA ROL GYI GZUGS LA BLTA BA ZHES BYA BA RNAM PAR THAR PA 'DI GNYIS DANG, SDUG PA'I RNAM PAR THAR PA GCIG STE DE LTAR NA'O, ,RNAM THAR 'DI DAG SA GANG LA BRTEN NAS GANG ZAG GANG GIS BSGOM ZHE NA, GANG ZAG NI THEG CHEN PA TSOGS LAM CHEN POS KYANG BSGOM SRID LA, NYAN THOS PHYIR MI 'ONG LUS MNGON BYED DANG, DGRA BCOM PA GNYIS KA'I CHA LAS RNAM GROL BA RNAMS KYIS BSGOM PAR BYED CING, RNAM THAR PHYI MA GNYIS LA SNGA MA SNGA MA THOB PA RTEN GYI KHYAD PAR YIN LA, DE YANG MDZOD LAS, GZUGS MED CES BYA KHAMS GSUM GYI, ,RTEN CAN LHAG MA MI LAS SKYE, ZHES PA LTAR MI'I RTEN LA SGOM PAR BYED DO, ,SEMS NI MDZOD LAS, MI SDUG BSAM GTAN GNYIS NA YOD, CES PA LTAR, RNAM THAR DANG PO GNYIS, 'DOD PA DANG, BSAM GTAN DANG PO'I SAS BSDUS PA'I KHA DOG LA CHAGS PA'I GNYEN BOR RIM BZHIN BSAM GTAN DANG PO DANG GNYIS PA LA BRTEN PAR BSHAD LA, KUN LAS BTUS LAS, BSAM GTAN BZHI PA'I RAB MTHA' LA BRTEN PAR BSHAD CING, 'GREL CHEN LAS, GO RIM BZHIN DU NANG GZUGS CAN DANG GZUGS CAN MIN PA'I BDAG NYID BSAM GTAN GZUGS MED PA'I SNYOMS PAR 'JUG PA LA BRTEN, ZHES GZUGS MED LA YANG BRTEN PAR BSHAD PA DANG, NYI SNANG DU'ANG DE DANG MTHUN PAR BSHAD PA NI, MDZOD KYI DE NYAN THOS PA'I LUGS DANG, KUN LAS BTUS KYI DE THEG PA THUN MONG GI RNAM GZHAG YIN LA, 'DI'I SPRUL PA'I LAM NI LAM SHES KYIS BSDUS PA BYANG SEMS KHO NAS BSGOM PA YIN CING, BYANG SEMS THABS LA MKHAS PAS, GZUGS MED KYI SEMS LA BRTEN NAS KYANG GZUGS LA BLTA NUS TE, 'DOD SEMS LA BRTAN

, ,NAS 'DAS LAM MNGON DU BYED NUS PA BZHIN SNYAM DU DGONGS NAS 'GREL CHEN GNYIS SU DE LTAR GSUNGS SO, ,DE YANG RNAM THAR DANG PO SGOM PA PO GZUGS MED KYI SNYOMS 'JUG THOB NA RANG LA GZUGS KYI 'DU SHES MOS PA YID BYED KYI TSUL GYIS BZHAN LA; RNAM THAR GNYIS PA SGOM PA PO GZUGS MED KYI SNYOMS 'JUG THOB NA, DE LA BRTEN NAS RANG LA GZUGS KYI 'DU SHES BSHIG CING, MA THOB NA RANG LA GZUGS KYI 'DU SHES MOS PA YID BYED KYIS BSHIG NAS SGOM MO, ,TSUL JI LTAR SGOM ZHE NA, RNAM THAR DANG PO GNYIS SGOM PA'I TSUL NI BLTA'O, ,DMIGS PA GANG LA ZHE NA, PHYI ROL GYI GZUGS CHUNG DU CHEN PO KHA DOG BZANG PO DANG NGAN PA RNAMS LA'O, ,CHE CHUNG NI SNOD BCUD KYI GZUGS DANG, BZANG NGAN NI MDZES MI MDZES SO, ,JI LTAR NA GO RIM BZHIN DU RNAM THAR DANG POS NI, NANG LTA BA PO RANG LA GZUGS CAN DANG, RNAM THAR GNYIS PAS GZUGS CAN MIN PA'I 'DU SHES NYE BAR BZHAG PAS BLTA LA, GNYIS KAS KYANG CHE CHUNG SOGS DE DAG LA DE BAS KYANG CHE BA'AM CHUNG BA SOGS GANG DANG GANG DU SPRUL 'DOD PA DE DANG DER MOS PAR BYED PA'O, ,NGES TSIG NI CI'I PHYIR GZUGS CAN DANG GZUGS CAN MIN PA'I RNAM THAR ZHES BYA ZHE NA, RIM BZHIN, RANG LA GZUGS KYI 'DU SHES RNAM PAR MA BSHIG PA DANG, RNAM PAR BSHIG PA'I PHYIR RO, ,DGOS PA NI JI LTAR 'DOD PA BZHIN SPRUL PAS SGRIB PA'I GNYEN POR, GZUGS KYI 'DU SHES BSHAG MA BSHIG GNYIS KYI DGOS PA NI, SPRUL PA BYED PA'I TSE, SPRUL PA PO SNANG BA DANG MI SNANG BAR BYA BA'I PHYIR RO, ,RNAM THAR GSUM PA SGOM TSUL NI, GNAS SO GANG LAN, SDUG PA'I RNAM PAR THAR PA LA'O, ,DGOS PA NI GO RIM BZHIN DU GZUGS SDUG PA SPRUL PA LA DGA' BA DANG; MI SDUG PA SPRUL PA LA MI DGA' BA KUN NAS NYON MONGS DE DAG GI GNYEN POR, JI LTAR NA SBYOR BA'I DUS SU SDUG MI SDUG PHAN TSUN LTOS PA'I 'DU SHES DANG RJES SU 'BREL BA'I 'DU SHES DANG, DNGOS GZHI'I DUS SU SDUG PAR RO GCIG PA'I 'DU SHES GSUM GYI

SGO NAS BSGOM MO, ,'DI GZUGS CAN GYI RNAM THAR GSUM GYI MCHOG YIN PA'I PHYIR RO, ,'PHAGS PA RNAMS 'DI LA LAN MANG DU GNAS PAS, MDO LAS LUS KYI MNGON SUM DU BYAS NAS RDZOGS PAR BYAS TE GNAS SO, ZHES SOGS SO, ,RNAM THAR 'DI DAG LA SGO ZHES PA'I TSIG 'GYUR MA DAG PA'O, ,NGAG DON NI, LAM SHES KYIS BSDUS PA'I GZUGS CAN GYI RNAM THAR GSUM PO 'DI CHOS CAN, SPRUL PA'I LAM YIN TE, BYANG SEMS KYIS GZHAN DON DU SPRUL PA SNA TSOGS LA DBANG 'BYOR BAR BYA BA'I CHED GTZO BOR SGOM PA YIN PA'I PHYIR, GSUM PA MTHONG BA'I CHOS LA BDE BAR GNAS PA'I LAM LA GNYIS LAS, DANG PO NI, BYANG SEMS 'PHAGS PA'I GZUGS MED PA'I SNYOMS PAR 'JUG PA'I RNAM PA BZHI CHOS CAN, THAR PA DANG MTHUN PAR GNAS PA'I LAM GYI RANG BZHIN YIN TE, RANG SA'I RO MYANG GI SGRIB PA LAS GROL PHYIR DU SGOM PA'I GZUGS MED KYI RNAM THAR YIN PA'I PHYIR, GNYIS PA NI, BYANG SEMS 'PHAGS PA'I 'DU SHES DANG TSOR BA 'GOG PA'I RNAM THAR CHOS CAN, ZHI BAR GNAS PA'I LAM GYI RANG BZHIN YIN TE, 'DU SHES DANG TSOR BA 'GOG PA'I SNYOMS 'JUG YIN PA'I PHYIR, DE LTAR NA RNAM PA LNGA'O, ZHES DON BSDU BA'O, ,BZHI PA 'JIG RTEN LAS 'DAS PA'I LAM LA CHOS CAN, DGU YOD DE, 'DAS LAM GYI NGO BOR SKYES PA'I BSAM GTAN BZHI DANG GZUGS MED PA BZHI DANG, 'DAS LAM GYI STOBS KYIS THOB PA'I 'GOG PA'I SNYOMS PAR 'JUG PA RNAMS SU YOD PA'I PHYIR, 'DIR 'GOG PA'I SNYOMS 'JUG GI MTHA' DPYAD PA LA, SLOB DPON SNGA MA'I LUGS DGOD PA DANG, 'DIR SLOB DPON GYI LUGS GANG YIN DPYAD PA'O, ,DANG PO NI 'PHAGS PA THOGS MED LTAR NA, KUN LAS BTUS LAS, 'GOG PA'I SNYOMS PAR 'JUG PA GANG ZHE NA, CI YANG MED PA'I SKYE MCHED KYI 'DOD CHAGS DANG BRAL LA SRID PA'I RTZE MO LAS GYEN DU BSKYOD PA'I ZHI BAR GNAS PA'I 'DU SHES SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS BSTAN PA MIN PA RNAMS

, ,DANG; BSTAN PA DE DAG LAS KYANG KHA CIG 'GOG PA LA 'GOG PA'I SNYOMS PAR 'JUG PA ZHES GDAGS SO, ZHES GSUNGS PA LTAR, ZHI GNAS KHYAD PAR CAN SRID RTZE'I SEMS DANG, LHAG MTHONG KHYAD PAR CAN 'JIG RTEN LAS 'DAS PA'I SHES RAB GNYIS LA BRTEN NAS, NYAN RANG 'PHAGS PA DAG TSOR 'DU RAGS PA SO MI GSOD PA ZHI BAR GNAS PA'I 'PHAGS PA'I GNAS PA MCHOG LA GNAS PAR BYA BA'I PHYIR DANG, BYANG SEMS 'PHAGS PA GZHAN DON DU TING NGE 'DZIN LA RTZAL SBYANG BA'I PHYIR DU, DGAG BYA SEMS DANG SEMS LAS BYUNG BA'I CHOS BSTAN PA MIN PA TSOGS DRUG 'KHOR DANG BCAS PA RNAMS DANG, BSTAN PA KUN GZHI DANG, NYON YID GNYIS KYI NANG NAS NYON YID 'KHOR DANG BCAS PA BKAG CING, RE SHIG SKYE BA DANG MI MTHUN PAR BYAS PA LA, 'GOG PA'I SNYOMS PAR 'JUG PA ZHES BZHED LA; DPAL LDAN ZLA BA GRAGS PA LA SOGS PA'I DBU MA THAL 'GYUR BA DAG NI SPROS PA'I MTSAN MA MA LUS PA 'GOG PA'I RNAM PAR MI RTOG PA'I YE SHES LA SNYOMS PAR 'JUG PA YANG 'GOG PA'I SNYOMS 'JUG TU BZHED DO, ,GNYIS PA NI, 'DIR 'PHAGS SENG GNYIS JI LTAR BZHED CEN; KHA CIG SPROS PA BKAG PA'I YE SHES LA SNYOMS PAR 'JUG PA 'PHAGS SENG GI DGONGS PAR 'DOD PA MI 'THAD DE, DE LTA NA 'DIR 'DAS LAM DNGOS SU 'CHAD PAR RIGS PA LA, NYI KHRI SNANG BAR, 'GOG PA'I SNYOMS PAR 'JUG PA NI 'JIG RTEN LAS 'DAS PA'I LAM GYIS THOB PA'I PHYIR RO, ZHES 'DAS LAM STOBS KYIS THOB PAS 'DAS LAM DU GSUNGS PA'I PHYIR RO, ,DER MA ZAD, NYAN RANG 'PHAGS PA SPROS PA BKAG PA'I MI RTOG YE SHES LA SNYOMS PAR 'JUG PA YOD DGOS PAS CHOS KYI BDAG MED RTOGS PA'I NYAN RANG 'PHAGS PA YOD PAR THAL LO, ,DE BAS NA, NYAN RANG LA CHOS KYI BDAG MED RTOGS PA MED PAR 'DOD BZHIN DU TSUL 'DI KHAS BLANGS NA 'GAL BA 'DU BAR 'GYUR RO, ,KHA CIG GZHUNG GI DGONGS PA DE LTAR YIN TE, MTHONG LAM RTZE SBYOR DU GSUNGS PA'I PHYIR DANG, ZAG MED KYI YE SHES KYI SDE TSAN GYI

SKABS SU YE SHES SU GSUNGS PA'I PHYIR RO, ZHES ZER BA NI CHES SHIN TU MA NGES TE, THOD RGAL GYI SPEL CHOS BSHAD BAS DER 'GYUR NA, 'DOD SEMS KYANG DER THAL ZHING, ZAG MED KYI YE SHES KYI SDE TSAN DU BSHAD PAS DER KHAS LEN NA, ZAD PAR GYI SKYE MCHED RNAMS KYANG SPROS PA BKAG PA'I MI RTOG YE SHES LA 'DOD DGOS PAR THAL BA'I PHYIR RO, ,DE BAS NA 'PHAGS SENG GI DGONGS PA NI, SLOB DPON 'PHAGS PA THOGS MED KYIS BSHAD PA DANG MTHUN PAR GSAL LO, ,GAL TE DE LTA NA KUN GZHI KHAS LEN DGOS PA LA DBUM PA YIN PA'I PHYIR, KUN GZHI KHAS LEN BA MI RIGS SO ZHE NA, DBUM PA YIN PAS KUN GZHI KHAS MI LEN DGOS PA'I NGES PA MED DE, RNAL 'BYOR DPYOD PA'I DBU MA PA NI THA SNYAD DU SEMS TZAM PA DANG MTHUN PAR GRUB PA'I MTHA' RNAM PAR 'JOG PA'I PHYIR DANG, NYI KHRI SNANG BAR, SLOB DPON BZANG SKYONG GIS SKABS SU BAB PA KUN GZHI'I RNAM PAR SHES PA LA SOGS PA SHES BYA RNAM PA BCUS BSDUS BA'I SNYING PO MKHYEN PA YIN PA'I PHYIR RNAM PA THAMS CAD MKHYEN PA NYID DO ZHES BYA BA 'DI NI CHES LEGS TE, YONGS SU GRUB PA LA DMIGS PA'O, ZHES THEG BSDUS SU KUN GZHI'I RNAM SHES LA SOGS PA GNAS BCU GSUNGS PA'I PHYIR GNAS DE DAG MKHYEN PA RNAM MKHYEN GYI DON DU GSUNGS PAS KUN GZHI'I RNAM SHES BZHED PAR CHES SHIN TU GSAL LO, ,TSIG MANGS PAS 'JIGS TE MDOR BSDUS PAR BKOD DO, ,LNGA PA SPONG BA'I LAM LA YUL BDEN PA BZHIS BSDUS PA NYON MONGS BA DANG MI LDAN PA'I MTSAN NYID BZOD PA BZHI CHOS CAN, SPONG BA'I LAM YIN TE, BAR CHAD MED PA'I LAM GYI RNAM PA YIN PA'I PHYIR, DRUG PA NI SBYIN PA LA SOGS PA'I PHA ROL TU PHYIN PA RNAM PA BCU CHOS CAN, SANGS RGYAS NYID KYI LAM YIN TE, RDZOGS BYANG GI RGYU TSOGS GNYIS KYI GTZO BO MA TSANG BA MED PA'I BYANG SEMS KYI RTOGS RIGS YIN PA'I PHYIR, GNYIS PA NI, DE LTAR NA SOGS SO, ,GSUM PA LA MDOR BSTAN, RGYAS PAR BSHAD, DON BSDU BA'O, ,DANG PO NI, RNAM PA THAMS CAD MKHYEN PA NYID KYI RNAM PA STOBS SOGS SO DGU NI CHOS CAN, THUN MONG MIN PA'I

, ,LAM GCIG PU KHO NA YIN TE, SLOB LAM DU MTSAN NYID JI LTA BA'I RTOGS RIGS SKYE MI SRID PA'I SGO NAS SHIN TU PHUL DU BYUNG BA'I RTOGS PA YIN PA'I PHYIR, GNYIS PA LA BRTEN PA YON TAN DANG, RTEN YE SHES SO, ,DANG PO LA BZHI LAS, STOBS BCU NI, THUN MONG MIN PA'I RNAM PA DE LA NI BZHI YONG PA LAS RE SHIG STOBS BCU DANG POR 'CHAD LA, DE YANG SBYIN PA LAS LONGS SPYOD 'BYUNG BA GNAS DANG DBUL PO 'BYUNG BA GNAS MIN PA SOGS DANG, LAS KYI RNAM PAR SMIN PA DANG GDUL BYA'I BYANG CHUB GSUM LA MOS PA SNA TSOGS PA DANG, 'JIG RTEN GYI KHAMS SAM RIGS DU MA DANG, DBANG PO MCHOG DANG MCHOG MIN PA DANG, MTHO RIS DANG THAR PA THAMS CAD DU 'GRO BA'I LAM DANG, BSAM BSTAN SNYOMS 'JUG GIS KUN NAS NYON MONGS PA DANG RNAM PAR BYANG BA DANG, SNGON GYI GNAS THAMS CAD RJES SU DRAN PA DANG, 'CHI 'PHO DANG; SKYE BA DANG, ZAG PA ZAD PA RNAMS LA CHAGS THOGS MED PAR 'JUG PA'I MKHYEN PA RNAM PA BCU CHOS CAN, STOBS KYI RNAM PA YIN TE, MI MTHUN PHYOGS 'JOMS PA LA MTHU DANG LDAN PAS RAB TU PHYE BA'I THUN MONG MIN PA'I MKHYEN PA MTHAR THUG YIN PA'I PHYIR, GNYIS PA MI 'JIGS PA BZHI NI, NGA NI SANGS RGYAS SO ZHES BDAG NYID ZHAL GYIS 'CHES PA DANG, 'DOD CHAGS LA SOGS PA BAR CHAD BYED PA NYID DU BRJOD PA DANG, THAMS CAD SHES PA NYID LA SOGS PA'I LAM BYANG CHUB GSUM DU NGES PAR 'BYUNG BA NYID DU RAB TU BSTAN PA DANG, BDAG NYID KYI ZAG PA THAMS CAD ZAD PA NYID DU ZHAL GYIS 'CHES PA LA RGOL BA PO MED PAR BYED PA'I YE SHES MTHAR THUG BZHI CHOS CAN, MI 'JIGS PA'I RNAM PA YIN TE, RANG DON SPANGS RTOGS MTHAR THUG TU DAM BCAS PA DANG, GZHAN LA LAM DE'I BAR CHAD BSTAN PA LA CHOS MTHUN GYI RGOL BA'I BAG TSA BA MED PAR BYED PA'I YE SHES MTHAR THUG YIN PA'I PHYIR, GSUM PA SO SO YANG DAG PAR RIG PA'I RNAM PA BZHI NI, THUN MONG MIN PA'I RNAM MKHYEN GYI YE SHES CHOS CAN, CHOS DANG, DON DANG, NGES PA'I TSIG DANG, SPOBS PA SO SO YANG

DAG PAR RIG PA YIN TE, GO RIM BZHIN DU MING GI RNAM GRANGS DANG, CHOS KYI RANG DANG SPYI'I MTSAN NYID DANG, YUL GYI SKAD SO SO DANG, CHOS RAB TU PHYE BA'I YUL LA CHAGS THOGS MED PA DANG, THUN MONG MIN PA'I YE SHES MTHAR THUG YIN PA'I PHYIR, BZHI PA MA 'DRES PA'I RNAM PA NI, SKUL 'KHRUL PA DANG, GSUNG LA CA CO DANG, THUGS LA DRAN PA NYAMS PA DANG, THUGS MNYAM PAR MA BZHAG PA DANG, 'KHOR 'DAS LA BDEN PA'I THA DAD PA NYID KYI 'DU SHES DANG, SO SOR MA BRTAGS PAR GDUL BYA YAL BAR 'DOR BA'I BTANG SNYOMS MI MNGA' PA'I SPYOD PA RNAM PA DRUG CHOS CAN, SPYOD PA MA 'DRES PA YIN TE, KHYOD KYI RIGS SANGS RGYAS KHO NA LA MNGA' BA'I SPYOD PA YIN PA'I PHYIR, GZHAN DON LA 'DUN PA DANG, DE LA SBYOR BA'I BRTZON 'GRUS DANG, DE'I THABS MA BRJED PA'I DRAN PA DANG CHOS NYID LA RTZE GCIG PA'I TING NGE 'DZIN DANG, MKHYEN PA ZAD MI SHES PA'I SHES RAB DANG, 'KHOR BA JI SRID PAR RNAM PAR GROL BA NYAMS PA MI MNGA' BA'I RNAM PA DRUG CHOS CAN, RTOGS PA MA 'DRES PA YIN TE, KHYOD KYI RIGS SANGS RGYAS KHO NA LA MNGA' BA'I RTOGS PA YIN PA'I PHYIR, SANGS RGYAS KYI SKU DANG GSUNG DANG THUGS KYI 'PHRIN LAS RNAM PA GSUM CHOS CAN, 'PHRIN LAS MA 'DRES PA YIN TE, RGYU DUS KYI KUN SLONG YE SHES SNGON DU 'GRO ZHING, DE DUS KYI KUN SLONG YE SHES KYI RJES SU 'BRANG BA'I 'PHRIN LAS MTHAR THUG YIN PA'I PHYIR, DUS GSUM GZIGS PA'I SANGS RGYAS KYI YE SHES KYI RNAM PA GSUM CHOS CAN, YE SHES MA 'DRES PA YIN TE, 'DAS PA DANG MA 'ONGS PA DANG DA LTAR BYUNG BA LA 'DOD PA TZAM GYI SHES PAS MA CHAGS RNAM PA THAMS CAD SHES PAS MA THOGS PA'I YE SHES YIN PA'I PHYIR, DON BSDU BA NI, DE LTAR NA SANGS RGYAS KYI CHOS MA 'DRES PA BCO BRGYAD KYI RNAM PA DAG GO, GNYIS PA RTEN YE SHES LA GSUM LAS, JI LTA BA MKHYEN PA'I YE SHES NI, SANGS RGYAS KYI JI LTA BA MKHYEN PA'I YE SHES CHOS CAN, DE BZHIN NYID KYI RNAM PA YIN TE, SANGS RGYAS THAMS CAD KYIS GNAS LUGS SU

, ,MTHUN PAR BSHAD PA'I DE BZHIN NYID RTOGS PA MTHAR THUG PA'I YE SHES YIN PA'I PHYIR, JI SNYED PA MKHYEN BA'I YE SHES NI, SANGS RGYAS KYI JI SNYED PA MKHYEN BA'I YE SHES CHOS CAN, RANG BYUNG GI RNAM PA YIN TE, JI SNYED PA'I CHOS THAMS CAD LA RANG DBANG DU THUGS SU CHUD PA'I SGO NAS MNGA' BSGYUR BA'I YE SHES MTHAR THUG YIN PA'I PHYIR, GSUM PA DE GNYIS KA CHA SHAS SU LDAN PA'I RNAM MKHYEN GYI YE SHES NI, SANGS RGYAS KYI YE SHES CHOS CAN, SANGS RGYAS NYID KYI RNAM PA YIN TE, JI LTA JI SNYED KYI RNAM PA THAMS CAD MNGON PAR RDZOGS PAR BYANG CHUB PA'I YE SHES YIN PA'I PHYIR, GSUM BA NI, DE LTAR NA SOGS SO, ,CI RNAM MKHYEN GYI RNAM PA 'DI DAG BYANG CHUB SEMS DPAS SGOM PA'I TSUL JI LTA BU ZHE NA, SPYIR BYANG SEMS KYI SGOM RNAM PA BZHI STE, MOS PA YID LA BYED PA'I SGO NA DANG, MTSAN NYID RJES SU DPYOD PA'I SGOM DANG, SMON LAM GYI SGOM MO, ,DANG PO NI, GANG SGOMS PA NA BLO DE'I MTSAN NYID JI LTA BAR MI SKYE BAR, RJES SU MTHUN PA TZAM DU SKYE BAS TE, DPER NA TSOGS LAM DU DBANG PO LNGA BSGOMS PA LTA BU'O, ,GNYIS PA NI, GANG BSGOMS PA NA BLO DE'I MTSAN NYID JI LTA BAR SKYE BA STE, DPER NA TSOGS LAM DU DRAN PA NYER GZHAG BSGOMS PA LTA BU'O, ,GSUM PA NI, MA 'ONGS PA NA RANG RGYUD LA 'BYUNG BAR 'GYUR BA'I MNGON PAR RTOGS PA DE DANG DE'I MTSAN NYID 'DI DANG 'DI'O ZHES PA YID LA BYED CING SO SOR RTOG PA'I SHES RAB KYIS DPYOD PAR BYED PA'O, ,BZHI PA NI, GO 'PHANG DE DANG DE THOB PAR YID KYIS SMON PAR BYED CING, DE'I CHED DU TSOGS GSOG PAR BYED BA'O, ,LAS DANG PO PA NYID NAS TSUL BZHI PO 'DIS BSGOM BYAR MA GYUR PA'I MNGON PAR RTOGS PA NI MED DO, ,DE LA RNAM MKHYEN GYI RNAM PA 'DI DAG KYANG, BYANG CHUB SEMS DPA' SA BDUN PA MAN CHAD DU, THUN MONG GI RNAM PA SUM CU BDUN DANG SUM CU BZHI NI MOS PA YID BYED KYI TSUL GYIS SGOM PA YIN TE, BYANG SEMS DE DAG GI RGYUD LA SPYIR GZHI SHES LAM SHES MTSAN NYID JI LTA BAR SKYE YANG, SANGS

RGYAS KYI GZHI SHES LAM SHES RJES SU MTHUN PA TZAM SKYE BA'I MTSAN NYID JI LTA BAR MI SKYE BA'I PHYIR RO, ,STOBS SOGS SO DGU NI RJES MTHUN PA TZAM YANG MI SKYE BAS MTSAN NYID RJES SU DPYOD PA DANG, SMON LAM GYI TSUL GYIS SGOM PAR BYED LA, SA BRGYAD PA YAN CHAD DU NI STOBS SOGS KYANG RJES MTHUN PA THOB PA'I PHYIR MOS PA YID BYED KYI TSUL GYIS SGOM PA YIN NO ZHES SHES PAR BYA'O, ,GSUM PA LA, ZAG BCAS ZAG MED KYI KHYAD PAR BSHAD PA DANG, GRANGS KYI MJUG BSDU BA'O, ,DANG PO NI, RNAM PA BRGYA BDUN CU RTZA GSUM PO DE LA THAMS CAD SHES PA NYID KYI RNAM PA NYER BDUN NI, NYAN THOS DANG BYANG CHUB SEMS DPA' LA YOD PA'I BYE BRAG GI GO RIM BZHIN DU NYON MONGS PA'I ZAG PA MED PA DANG, ZAG PA DANG BCAS PA DAG KYANG YIN NO, ,LAM SHES PA NYID KYI RNAM PA SO DRUG NI BYANG CHUB SEMS DPA' RNAMS KYIS NYON MONGS BA CHED DU GNYER NAS SHIN TU MA SPANGS PA'I PHYIR ZAG PA DANG BCAS PA KHO NA YIN NO, ZHES DGOS PA'I DBANG GIS RNAM PAR BZHAG PA YIN TE, BYANG CHUB SEMS DPA' RNAMS NI RANG RGYUD KYI NYON MONGS CHED DU GNYER NAS SPONG BA'I GNYEN POR GZHI SHES DANG LAM SHES GANG YANG SGOM PAR MI BYED DO ZHES SHES PAR BYA BA'I PHYIR DE LTAR GSUNGS PA TZAM YIN GYI SPYIR BYANG SEMS KYIS GZHI SHES DANG LAM SHES THAMS CAD NYON MONGS PA'I ZAG BCAS YIN PAS KHYAB PA MIN TE, DE LTA NA BYANG SEMS 'PHAGS PA'I RGYUD LA ZAG MED YE SHES MI SRID PAR THAL BAS SO, ,YANG NA GZHUNG TSAN GSUM PO 'DIS NYAN THOS KYI RGYUD LA GZHI SHES NYON MONGS BA'I ZAG BCAS MED, BYANG SEMS KYI GZHI SHES LAM SHES GNYIS KA LA NYON MONGS PA'I ZAG BCAS YOD, SGRIB GNYIS GANG GI'ANG ZAG BCAS MI SRID CES BSTAN PA YIN PAR BSHAD PAR BYA ZHING ZAG PA DANG BCAS PA YOD PA KHO NA'O, ZHES PA'ANG, ZAG PA DANG BCAS PA KHO NA'O, ZHES BYA BA NI MIN NO, ZHES BSHAD NA CHES SHIN TU LEGS PAR BSHAD PA YIN TE, GZHAN DAG NI SKABS 'DIR RANG GI NGANG TSUL GSAL BAR BYED DO, ,

, ,GZHUNG TSAN GNYIS LA NGAG DON NI, SHES BYA CHOS CAN, NYAN THOS KYI RGYUD KYI GZHI SHES NYON MONGS BA'I ZAG BCAS MED, BYANG SEMS KYI GZHI SHES LAM SHES GNYIS KA LA NYON MONGS PA'I ZAG BCAS YOD DE, NYAN THOS NYON MONGS CHED DU GNYER NA SPONG BAS KHYAB, BYANG SEMS GZHI SHES DANG LAM SHES GANG YANG NYON MONGS KYI GNYEN POR CHED DU GNYER NAS MI SGOM GYI GTZO BOR SHES SGRIB KYI GNYEN POR LAM SGOM PA'I PHYIR, SHES BYA CHOS CAN, RNAM PA THAMS CAD MKHYEN PA NYID KYI LAM GYI RNAM PA BRGYA DANG BCU PA NI ZAG PA MED PA KHO NA DAG YIN NO, ,YANG DAG PAR RDZOGS PA'I SANGS RGYAS KYIS NYON MONGS PA DANG SHES BYA'I SGRIB PA BAG CHAGS DANG BCAS TE RNAM PA THAMS CAD DU SPANGS PAS CHOS THAMS CAD LA MNGA' BSGYUR BA'I PHYIR RO, ,GNYIS PA NI, RNAM PA RNAMS GCIG TU BSNGOMS NA RNAM PA BRGYA BDUN CU RTZA GSUM YOD DO, ,GNYIS PA SGOM PA PO RTAN GYI GANG ZAG LA GSUM LAS, MTSAMS SPYAR NI, THEG CHEN GYI SBYOR BA KHYAD PAR CAN DAG GIS RNAM PA RNAMS SGOM DGOS NA DE DAG KYANG SBYOR BA PO KHYAD PAR CAN BSTAN PA MED PAR BRJOD PAR MI NUS PAS SBYOR BA'I SNGON DU YUM NYAN PA LA SOGS PA'I SNOD SBYOR BA PO 'CHAD DO, ,RTZA BA NI, SANGS RGYAS RNAMS LA ZHES SOGS SO, ,DGE BA'I BSHES KYIS MGON BCAS PA, ZHES BAS 'DI RE RE ZHING GI MJUG TU SBYAR NAS 'GREL BAS 'CHAD PAR BYED DO, ,'GREL PA NI; THEG CHEN TSOGS LAM PA CHOS CAN, KHYOD GO RIM JI LTA BAR RNAM PA'I MCHEN NYID CAN GYI YUM 'DI'I GZHUNG NYAN PA'I SNOD NYID YIN PAR SANGS RGYAS LA SOGS PA BZHED DE, KHYOD 'DAS PA DANG DA LTAR BYUNG BA'I SANGS RGYAS RNAMS LA SBYING DGE BA'I RTZA BA DANG POR BSKRUN CHID PHYIS GONG NAS GONG DU SBYANGS PA THEG CHEN DGE BA'I BSHES GNYEN DAG GIS BYIN GYIS BRLABS PA YIN PA'I PHYIR, DE CHOS CAN, DE'I TSIG 'DZIN PA'I SNOD NYID YIN PAR SANGS RGYAS LA SOGS PA BZHED DE, DE BZHIN GSHEGS PA RNAMS LA LUS

LA SOGS PA BSNYEN BKUR GYIS MNYES PAR BYAS PA THEG CHEN DGE BA'I BSHES GNYEN DAG GIS BYIN GYIS BRLABS PA YIN PA'I PHYIR, DE CHOS CAN, DE'I DON MA BRJED BAR SEMS DPA'I SNOD NYID YIN PAR SANGS RGYAS LA SOGS PA BZHED DE, SANGS RGYAS SOGS LA THE TSOM GYI DON YONGS SU 'DRI BA THEG CHEN DGE BA'I BSHES GNYIN DAG GIS BYIN GYIS BRLABS PA YIN PA'I PHYIR, DE CHOS CAN, DE'I DON SGOM BYUNG TSUL BZHIN YID LA BYED PA'I SNOD NYID YIN PAR SANGS RGYAS LA SOGS PA BZHED DE, SBYIN PA LA SOGS PA'I PHA ROL TU PHYIN PA BCU SGRUB PA DANG LDAN PA THEG CHEN DGE BA'I BSHES GNYEN DAG GIS BYIN GYIS BRLABS PA YIN BA'I PHYIR, GSUM PA GANG GIS SGOM PA'I SBYOR BA'I DBYE BA LA GSUM LAS, MTSAMS SBYAR NI, DE LTAR SBYOR BA PO BSTAN NAS SBYOR BA 'CHAD DO, ,RTZA BA LA, RANG BZHIN GYI SBYOR BA; GNAS SKABS KYI SBYOR BA, DE 'GRUB BYED RGYU'I SBYOR BA DANG GSUM, DANG PO LA, ZHEN SPYOD 'GOG TSUL GYI SGO NAS PHYE BA DANG, YUL GYI SGO NAS PHYE BA GNYIS LAS, DANG PO NI, GZUGS LA SOGS PA MI GNAS PHYIR, ZHES PAS YUL LA ZHEN SPYOD 'GOG PA'I SBYOR BA DANG, DE LA SBYOR BA BKAG PA'I PHYIR, ZHES PAS YUL LA ZHEN SPYOD 'GOG PA'I SBYOR BA BSTAN TO, ,GNYIS PA NI, GZHI'I CHOS DE YI DE BZHIN NYID ZAB PHYIR, GZHI SHES KYI RNAM PA SGOM PA ZAB PA'I SBYOR BA DANG, LAM GYI CHOS NYID DE RNAMS GTING DPAG DKA' BA'I PHYIR LAM SHES KYI RNAM PA SGOM PA'I SBYOR BA NI GTING DPAG DKA' BA'I SBYOR BA DANG, RNAM PA DE DAG TSAD NI MED PA'I PHYIR RNAM MKHYEN GYI RNAM PA BSGOM BA'I SBYOR BA NI TSAD MED PA'I SBYOR BA'O, ,SBYOR BA LNGA PO 'DI LAS DANG PO BA'I SA NAS SA BCU BA'I BAR GYI SA THAMS CAD NA YOD PA'I PHYIR RANG BZHIN GYI SBYOR BA ZHES BYA LA, DE NAS SBYOR BA BCU BZHI NI SA'I GNAS SKABS SO SO LA RIGS SU CHAD PA'I PHYIR GNAS SKABS KYI SBYOR BA ZHES BYA ZHING SBYOR BA THA MA NI SBYOR BA 'DI GNYIS KA'I 'GRUB BYED THABS KYI SBYOR BA'O, ,SA MTSAMS GANG NA GANG YOD PA NI 'GREL PA 'CHAD PA

, ,NA PHYOGS GCIG TU BSHAD PAR BYA'O, ,GSUM PA 'GREL PA NI, RANG BZHIN GYI SBYOR BA LNGA DANG, GNAS SKABS KYI SBYOR BA BCO LNGA STE NYI SHU YIN NO, ,DE DAG KYANG GANG ZHEN, RANG BZHIN GYI SBYOR BA NI MING DON GRANGS BZHIN DU SBYAR NA, BYANG SEMS KYI DE KHO NA NYID RTOGS PA'I MNYAM GZHAG YE SHES CHOS CAN, GZUGS LA SOGS PA LA MI GNAS PA'I SBYOR BA YIN TE, GZUGS LA SOGS PA LA BDEN BA'I NGO BO NYID MED RTOGS PA NYID KYIS BDEN PAR MI GNAS PA'I SBYOR BA YIN PA'I PHYIR MI SBYOR BA'I SBYOR BA YIN TE, DE DAG LA BDEN PAR MI SBYOR BA NYID SBYOR BA YIN PAR RTOGS PA'I RNAL 'BYOR YIN PA'I PHYIR, ZAB PA'I SBYOR BA YIN TE, GZUGS LA SOGS PA DE DAG NYID DE BZHIN NYID KYI NGO BO NYID KYI ZAB PAR RTOGS PA'I SBYOR BA YIN PA'I PHYIR, GTING DPAG DKA' BA'I SBYOR BA YIN TE, GTING DPAG DKA' BA LAM GYI CHOS NYID RTOGS PA'I RNAL 'BYOR YIN PA'I PHYIR, TSAD MED PA'I SBYOR BA YIN TE, RNAM PA CHOS NYID TSAD MED PA ZHES BYA BA DE LTAR RTOGS PA'I SBYOR BA YIN PA'I PHYIR, GNYIS PA GNAS SKABS KYI SBYOR BA LA, DON DANG MING GONG BZHIN DU SBYAR BA NI, BYANG SEMS TSOGS LAM PA DBANG RTUL GYI TING NGE 'DZIN CHOS CAN, CHEGS CHEN PO YUN RING MO ZHIG NAS MNGON PAR RDZOGS PAR 'TSANG RGYA BA'I SBYOR BA YIN TE, SHER PHYIN GYIS LA SKRAG PA MNGON GYUR SKYE SRID PA'I SGRUB PA DANG LDAN PA'I SBYOR BA YIN NO, ,THEG CHEN GYI DROD CHOS CAN, LUNG BSTAN PA THOB PA'I SBYOR BA YIN TE, YUM LA MI SKRAG PA'I SGRUB PA DANG LDAN PA'I SBYOR BA YIN PA'I PHYIR, THEG CHEN RTZE MO CHOS CAN, PHYIR MI LDOG PA NYID KYI SBYOR BA YIN TE, YUM THOS SOGS KYIS YANG DAG PAR 'DZIN PA'I SGRUB PA YIN BA'I PHYIR, THEG CHEN BZOD PA CHOS CAN, NGES PAR 'BYUNG BA'I SBYOR BA YIN TE, RTAG TU ZAB MO DE'I CHOS BSGOM PA'I SGRUB PA YIN PA'I PHYIR, THEG CHEN CHOS MCHOG CHOS CAN, BAR CHAD MED PA'I SBYOR BA YIN TE, BDUD BZHI DANG SA GNYIS KYI BAR CHAD KYI CHOS SPONG BA'I SGRUB PA YIN PA'I

PHYIR, THEG CHEN MTHONG LAM CHOS CAN, YANG DAG PAR MNGON PAR RDZOGS PA'I BYANG CHUB LA NYE BA'I SBYOR BA YIN TE, ZAG BA MED PA'I CHOS GSAR DU SKYES PA'I RTEN NYID KYI SGRUB BA YIN PA'I PHYIR, SA GNYIS PA NAS BDUN PA'I BAR GYI YE SHES CHOS CAN, MYUR DU MNGON PAR RDZOGS PAR BYANG CHUB PA'I SBYOR BA YIN TE, MYUR DU 'BRAS BU CHOS KYI SKU MNGON PAR 'GRUB PA'I SGRUB PA YIN PA'I PHYIR, SA BRGYAD PA'I YE SHES CHOS CAN, GZHAN GYI DON DANG, 'PHEL BA DANG, 'GRIB PA MED PA DANG, CHOS DANG CHOS MIN PA LA SOGS PA MI DMIGS PA DANG, GZUGS LA SOGS PA BSAM GYIS MI KHYAB PA'I RNAM PA 'GOG PA DANG, GZUGS LA SOGS PA'I DNGOS POR RNAM PAR MI RTOG PA RNAMS KYI SBYOR BA YIN TE, RIM PA BZHIN DU CHOS KYI 'KHOR LO RAB TU BSKOR BA DANG, DON DAM PAR 'PHEL BA DANG 'GRIB PA MI MTHONG BA DANG, 'DOD PA'I KHAMS SU MI DMIGS PA DANG, GZUGS LA SOGS PA BSAM GYIS MI KHYAB PA'I RNAM PAR BDEN PA'I RLOM PA MED PA DANG, GZUGS DANG DE'I MTSAN MA DANG, DE'I NGO BO NYID DU BDEN PAR RNAM PAR MI RTOG PA'I SGRUB PA YIN PA'I PHYIR, SA DGU PA'I YE SHES CHOS CAN 'BRAS BU RIN PO CHE SBYIN BA'I SBYOR BA YIN TE, 'BRAS BU DANG PO MTHONG BA'I SA NAS SANGS RGYAS KYI BAR GDUL BYA'I RGYUD LA SGRUB PA DANG LDAN PA'I SBYOR BA YIN PA'I PHYIR, SA BCU PA'I YE SHES CHOS CAN, RNAM PAR DAG PA'I SBYOR BA YIN TE, GZUGS SOGS KYI CHOS NYID DRI MAS RNAM PAR DAG PA'I SGRUB PA DANG LDAN PA'I SBYOR BA YIN PA'I PHYIR, TSOGS LAM NAS SA BDUN PA'I BAR GYI THEG CHEN GYI SGRUB PA CHOS CAN, SA MTSAMS LA SBYOR BA YIN TE, LO SKOR DANG ZLA BA SOGS SU SA MTSAMS BCAD NAS BRTZON PA'I THEG CHEN SGRUB PA DANG LDAN PA'I SBYOR BA YIN PA'I PHYIR, BZHI PA SBYOR BA BSGOMS PA'I PHAN YON YON TAN LA GSUM LAS, MCHAMS SBYAR NI, YAN TAN MTHONG BA SNGON DU BTANG NA SOGS SO, ,RTZA BA NI, BDUD KYI MTHU BCOM LA SOGS PA MDO LAS GSUNGS PA'I SBYOR BA'I YON TAN RNAM PA BCU BZHI'O, ,'GREL PA LA, 'BRAS BU

, ,DANG RGYU GRANGS BZHIN DU SBYAR NAS BSHAD PA NI, GONG DU BSHAD PA'I PHYIN CI MA LOG PA'I SBYOR BA LA MNGON PAR DGA' BA'I BYANG SEMS CHOS CAN, BDUD KYI MTHU BCOM PA'I YON TAN 'BYUNG STE, RGYU'I GNAS SKABS SU SANGS RGYAS KYIS BYIN GYIS BRLABS PA THOB PAS SO, ,DE CHOS CAN, SANGS RGYAS KYIS DGONGS SHING MKHYEN PA NYID DANG, SANGS RGYAS KYIS MNGON SUM DU MDZAD PA DANG, YANG DAG PAR RDZOGS PA'I BYANG CHUB NYE BAR GYUR PA DANG, DON CHEN PO SANGS RGYAS DANG 'PHRAD CING MTHO RIS SU SKYE BA NYID LA SOGS PA DANG RANG GANG DU SKYE BA'I YUL SANGS RGYAS KYIS DPYAD CING LUNG BSTAN PA DANG, ZAG PA MED PA'I YON TAN THAMS CAD RDZOGS PA DANG, YUM DON SMRA BA'I SKYES BU NYID DANG, BDUD LAS KYIS MI PHYED PA NYID DANG, DGE BA'I RTZA BA NYAN RANG DANG THUN MONG MIN PA SKYE BA DANG, DAM BCAS PA'I DON JI LTA BA BZHIN DU SGRUB PA DANG, 'BRAS BU RGYA CHEN PO YONGS SU 'DZIN PA DANG, MA 'ONGS PA NA SEMS CAN GYI DON SGRUB PA DANG, TSE RABS GZHAN DU'ANG SHER PHYIN TSANG BAR NGES PAR 'THOB BO ZHES BYA BA'I YON TAN DE DAG 'BYUNG STE, RIM BZHIN SANGS RGYAS KYIS DGONGS PA DANG, YE SHES KYIS MKHYEN CING SHA'I SPYAN GYIS GZIGS PA DANG, BYANG CHEN LA NYE BAR GYUR PA DANG, PHAN YON CHEN PO DANG SHER PHYIN STON PAS SANGS RGYAS KYI BYA BA BYED PA DANG, GNYEN PO'I CHOS YONGS SU RDZOGS PA DANG, RNAM PA THAMS CAD MKHYEN PA NYID KYI GTAM BRJOD PA DANG, DE BZHIN GSHEGS PAS GROGS MDZAD PA DANG, 'JIG RTEN LAS 'DAS PA'I CHOS TSOL BA'I DGA' BRGYA CHEN SOGS BSKYED PA DANG, DE'I DAM BCAS PA'I TSIG LA SANGS RGYAS KYI RJES SU YI RANG BA DANG, THEG CHEN GYI CHOS ZAB MO MNGON PAR 'DOD PA DANG, DA LTA SEMS CAN GYI DON BYED PA DANG, DA LTA SHER PHYIN PA TSANG BAR RNYED PA CES BYA BA DE DAG THOB PAS SO, ,LNGA PA SBYOR BSGOM PA'I TSE DOR BYA'I GO LAS SKYON GSUM LAS, MTSAMS SBYAR NI, DE'I 'OG TU SOGS SO, ,RTZA BA NI, SKYON NI ZHES SOGS TE

'DI DAG LAS DANG PO PA'I SA NAS SHES CHE BA DANG, SBYOR LAM BZHIN CHA PHRA BA DANG, MA DAG SA BDUN NA SHIN TU CHA PHRA BAR YOD LA, MDO LAS 'DI THAMS CAD BDUD LAS SU GSUNGS PA NI, KHA CIG BDUD LAS DNGOS DANG, KHA CIG BDUD LAS DANG 'DRA BA DANG, KHA CIG DE LTAR SPYOD NA BDUD KYIS GLAGS RNYED PAR 'GYUR BAS BDUD LAS SU BZHAG GO ,'GREL PA LA, SBYOR BA'I 'GAL RKYEN RANG LA GNAS PA NYI SHU, RANG GZHAN GANG RUNG LA GNAS PA MTHUN RKYEN MTSANG BA NYER GSUM, GZHAN LA BRTEN PA'I 'GAL RKYEN GSUM MO, ,DANG PO LA SPOBS PA'I DBANG DU BYAS PA NI, TSEGS CHEN POS 'THOB PA DANG, SPOBS PA HA CANG MYUR BA'O, ,GNAS NGAN LEN GYI DBANG DU BYAS PA NI, LUS KYI GNAS NGAN LEN DANG, SEMS KYI GNAS NGAN LEN DANG, RIGS PA MIN PAS BSKYED PA KHA DON BYAS PA LA SOGS PA'O, ,THEG CHEN LAS NYAMS PA'I RGYU BDUN NI, THEG CHEN GYI SDI SNOD LAS PHYIR PHYOGS PA'I RGYU MTSAN 'DZIN PA NYID DANG, SHER PHYIN POR NAS DMAN PA'I SDE SNOD LA 'JUG PA'I RGYU LA MNGON PAR ZHEN PA NYAMS PA DANG, DE LTAR BYED PA YUM GYA NOM PA'I RO MYONG BA NYAMS PA DANG, DE LTAR BYED PA RNAM PA THAMS CAD DU THEG PA'I MCHOG KUN TU 'DZIN PA NYAMS PA DANG, DE LTAR BYED PA RTAG TU CHED DU BYA BA RNAM MKHYEN LAS NYAMS PA CES BYA BA NI BCU TSAN DANG PO'O, ,DMAN PA'I SDE SNOD LA RNAM MKHYEN TSOL BRGYU DANG 'BRAS BU'I 'BREL PA NYAMS PA DANG, DE LTAR TSOL BA GONG NA MED PA CHOS SKU LAS NYAMS PA'O, ,THEG CHEN LAS G-YENG PA'I RGYU NI YUL RNAM PA MANG PO LA RNAM PAR RTOG PA'I SPOBS PA 'BYUNG BA DANG, YUM YI GER 'DRI BA LA YUM DU MNGON PAR ZHEN PA DANG DNGOS PO MED PA LA YUM DU MNGON PAR ZHEN PA DANG, YI GE LA YUM DU MNGON PAR ZHEN PA DANG, YI GE MED PA TZAM LA YUM DU MNGON PAR ZHEN PA DANG, YUL DANG GROGS LA SOGS PA YID LA BYED PA DANG, RNYED PA DANG, BKUR STI DANG, TSIGS SU BCAD PA RO MYANG BA DANG, LAM MIN PA BDUD KYIS BSTAN PAS THABS LA MKHAS PA TSOL BA ZHES BYA BA NI BCU

, ,TSAN GNYIS PA'O, ,GNYIS PA SKYON SLOB DPON LA BSTEN PA, RANG NYID LA BRTEN PA, GNYIS KA LA BRTEN PA'O, ,DANG PO NI, GRANGS BZHIN DU NYAN PA PO SNGA MA DANG 'CHAD PA PO PHYI MA DANG MNGON BAR 'BREL BAS TSOGS PA'I YON TAN LAS NYAMS PA STE GANG YANG RUNG BA ZHES PA NI, BZLOG NA YANG NYES PAR 'GYUR BAR STON PA'O, ZHES ZER PA BAB COL STE, SLOB DPON 'DUN PA CHE ZHING SLOB MA SNYOMS LAS CHE BA SOGS SKYON YIN NA, SBYOR BA'I SKYON MED NA, RNAM PA THAMS CAD DU DPON SLOB BLO MNYAM DGOS PAS SANGS RGYAS KYI SLOB MA SANGS RGYAS YIN PAS KHYAB DGOS PAR THAL LO, ,DES NA GANG YANG RUNG BA ZHES PA NI, NYAN PA PO PHYI MA DANG MA 'BREL ZHING, 'CHAD PA PO SNGA MA DANG MA 'BREL BAR STON PA STE, 'OG MA LA YANG DE BZHIN SHES PAR BYA'O, ,DE YANG NYAN BA [?] BO 'DUN PA DANG 'CHAD BA PO SNYOMS LAS CHE BA NYID KYIS TSOGS PA'I CHOS LAS NYAMS PA DANG, ZHES SOGS SU BSHAD PAR BYA STE GO SLA'O, ,GNYIS PA NI, GZHAN DON DU NGAN SONG GI 'GRO BA LAS YID PHYIR PHYOGS PA DANG, RANG DON DU BDE 'GROR 'GRO BA LA YID BAD BA STE GNYIS SO, ,GSUM PA NI, 'CHAD PA PO DANG NYAN PA PO DAG CES SOGS TE GO SLA'O, ,GSUM PA GZHAN LA BRTEN PA'I 'GAL RKYEN NI, CHOS DANG GANG ZAG LA BDUD KYIS 'BYED PA'I SBYOR BA DANG, MI SDUG PA SGOM PA LA SOGS GNAS LUGS SGOM PAR STON PA BCOS MNYE BAR SGRUB PA DANG, YUL JI LTA BA BZHIN MIN PA BDUD SANGS RGYAS SU SPRUL PA SOGS LA DGA' BA BSKYED PA CES BYA BA GZHAN GSUM STE, DON BSDU BA NI, DE LTAR NA SKYON BZHI BCU RTZA DRUG YIN NO, ,NGAG DON NI, 'DIR BSTAN SBYOR BA'I SKYON CHOS CAN, BZHI BCU RTZA DRUG YOD DE, RANG LA GNAS PA'I 'GAL RKYEN NYI SHU, MTHUN RKYEN MTSANG BA NYER GSUM, 'GAL RKYEN GZHAN LA BRTEN PA GSUM RNAMS SU YOD PA'I PHYIR, DRUG PA SBYAR BA'I RANG BZHIN MTSON BYED MTSAN NYID BSHAD PA LA, SPYI'I DON DANG, TSIG GI DON NO, ,DANG PO LA, GZHAN GYI 'DOD PA BRJOD CING DE DGAG PA DANG, RANG GI LUGS BZHAG PA'O, ,DANG PO NI, BOD KYI BLA MA DAG

'DI LTAR BZHED DE, SBYOR BA'I MTSAN NYID, MTSON BYA, MTSON TSUL, MTSON PA'I DGOS PA'O, ,DANG PO LA SHES KHYAD BYED PA GSUM LAS, SHES MTSAN NI, SKABS 'DIR MDO BSTAN BCOS LAS SHES PA BCU DRUG PA PHRAG GSUM DNGOS SU GSUNGS PA NI SBYOR BA'I MTSAN NYID MIN GYI SANGS RGYAS KYI THUGS RGYUD KYI MKHYEN GSUM GYI RTOGS PA YIN LA, SBYOR BA'I MTSAN NYID, SANGS RGYAS KYI SHES PA DE DAG SKYED PAR BYED PA'I NUS PA BCU DRUG PA GSUM SBYOR BA LA YOD PA DE NYID YIN NO, ,DE LTA NA YANG SKABS 'DIR SHES PA BCU DRUG PA PHRAG GSUM DNGOS SU BSTAN PA NI, NUS PA LA SHES PA'I SGRA NYE BAR BRTAGS NAS BSTAN PA YIN TE, 'DOGS PA'I RGYU MTSAN NI, 'BRAS BU RGYU LA BRTAGS PA'O, ,DGOS PA NI NUS PA GZHAN LAS KHYAD PAR DU BYA BA'I PHYIR RO, ,DNGOS LA GNOD BYED NI, SHES PA 'DI DAG SBYOR BA'I MTSAN NYID DNGOS MIN TE, DE BSDUS PA DANG, ZHES SOGS KYI MDOR, DE BZHIN GSHEGS PAS SHER PHYIN PA LA BRTEN NAS SEMS BSDUS PA DANG G-YENGS PA MKHYEN ZHES SOGS KYIS DE BZHIN GSHEGS PAS SHES PAR BSHAD PAS GNOD PA'I PHYIR RO, ,DE YANG BCU DRUG DRUG GSUM DU PHYE BA NI GDUL BYA NYE BA'I BSAM PA LA BLTOS PA YIN GYI YANG DAG PAR SANGS RGYAS KYI MKHYEN GSUM GYI RTOGS PA BSKYED PAR BYED PA'I NUS PA GSUM MO, ,KHYANG MTSAN NI, BSAM MI KHYAB SOGS CHOS KYI BDAG MED RTOGS PA'I KHYAD PAR BCU DRUG YIN LA, BYED TSAN NI; SBYOR BA BZHI DANG RJES SU MTHUN PA'I RTOGS PA LA GZHAN 'GOD PA'I NUS PA'O, ,MTSON BYA NI MKHYEN GSUM SBYOR BAS SANGS RGYAS BSKYED PA'I NUS PA YIN LA, NUS PA DE GANG LA LDAN PA'I MTSAN GZHI NI NGO BO NYID BCU DRUG GO ,MTSON TSUL NI, SHES MTSAN GYIS THEG CHAN SBYOR BA SANGS RGYAS BSKYED PA'I NUS LDAN DU MI LDAN RNAM GCOD KYI TSUL GYIS MTSON PAR BYED LA, KHYAD MTSAN GYI NUS PA DE GZHAN LA BKAG NAS THEG CHEN SBYOR BA KHO NA SANGS RGYAS SKYED BYED DU MTSON, ZHES GZHAN LDAN RNAM GCOD KYI TSUL GYIS MTSON ZHING, BYED

, ,PAS SANGS RGYAS KYI 'PHRIN LAS PHUN TSOGS SKYED BYED DU MTSON PAR BYED DO, ,MTSON PA'I DGOS PA NI, BYANG SEMS SEMS BSKYED BA NI, SANGS RGYAS DON DU GNYER BA YIN PAS SHES MTSAN GYIS DE LTAR MTSON PA NYID KYIS THEG CHEN SBYOR BA SANGS RGYAS SKYED PA'I NUS LDAN DU SHES NAS 'JUG PAR 'GYUR LA, KHYAD MTSAN GYIS NUS PA DE GZHAN LA YOD PAS THEG DMAN LA 'JUG PA SOGS LAM GYI GO LAS SPONG, BYANG SEMS SANGS RGYAS DON DU GNYER BA'ANG GZHAN DON BYA BA'I PHYIR YIN PA LA BYED CHAN GYIS SANGS RGYAS KYI 'PHRIN LAS SKYED BYED DU MTSON PA LA BRTEN NAS, BYANG SEMS RANG GI MNGON PAR 'DOD PA'I DON GYI GTZO BO THAMS CAD BSGRUB PA'I NUS PA THEG CHEN SBYOR BA KHO NA LA SHES NAS THEG CHEN SBYOR BA NYAMS SU LEN PA LA SHIN TU GUS PAR 'GYUR BA YIN NO, ZHES BZHED DO, ,DE LTAN SHES KHYAD BYED PA GSUM PO GANG YANG THEG CHEN SBYOR BA'I MTSAN NYID MIN PAR SANGS RGYAS BSKYED PA'I NUS LDAN GYI MTSAN NYID DU THAL BAR 'GYUR BA'I PHYIR, GZHUNG GI TSIG LA MI ZHUGS KYANG SKABS SU BAB PA'I DON NYAMS SO, ,THEG CHEN SBYOR BA MTSAN GZHI, SANGS RGYAS BSKYED PA'I NUS LDAN DU MTSON PA LA SANGS RGYAS KYI MKHYEN GSUM GYI RTOGS PA BSKYED PA'I NUS PA DANG LDAN PA MTSAN NYID YIN KYANG, DE NYID THEG CHEN SBYOR BA'I MTSAN NYID DU 'GYUR NA, BUM PA MTSAN GZHI DNGOS POR MTSON PA LA, DON BYED NUS PA MTSAN NYID DU GYUR PA'I TSE, DON BYED NUS PA DE BUM PA'I MTSAN NYID DU THAL BAR 'GYUR RO, ,GZHAN YANG SBYOR BA'I NUS PA LA 'BRAS BU SANGS RGYAS KYI SHES PA'I MING GIS BTAGS PA LA SHES BYED CUNG ZAD KYANG MED PA'I PHYIR, YID BRTAN PAR DKA'O, ,YANG PHYI RABS KYI MKHAS PA KHA CIG NA RE, SKABS 'DIR BSTAN GYI SHES PA BCU DRUG PA PHRAG GSUM PO DAG NI, SANGS RGYAS PA'I RTOGS PA MTHAR THUG YIN PAS THEG CHEN SBYOR BA'I 'BRAS BU YIN LA, 'DI DAG GIS MTSON PA'I TSUL NI 'BRAS BU SANGS RGYAS KYI MKHYEN PAS RGYU THEG CHEN GYI SPYOR

MCHON PA YIN LA, DE YANG JI LTAR NA SBYOR BA NYI SHU MTSAN GZHI, DE BZHIN GSHEGS PA'I RGYUR MTSON, DE BZHIN GSHEGS BA 'BYUNG RUNG DANG LDAN PA MTSAN NYID DO, ,MKHYEN GSUM SBYOR BA MTSAN GZHI, DE BZHIN GSHEGS PA'I MKHYEN PA'I RGYUD MTSON, DE BSKYED PA'I NUS LDAN MTSAN NYID DE BU BSKYED PA'I NUS LDAN GYIS BUR MTSON PA BZHIN NO, ZHES ZER RO, ,DE NI MI 'THAD DE, DE LDAN THEG CHEN SBYOR BA MTSAN GZHI DANG, SANGS RGYAS BSKYED PA'I NUS LDAN MTSON BYAR SONG GI, THEG CHEN SBYOR BA MTSON BYAR MA SONG BAS 'DI DAG THEG CHEN SBYOR BA'I MIN PAR THAL BA'I SKYON SON GNAS PA'I PHYIR DAD DE BZHIN GSHEGS PA'I MKHYEN BA'I RGYU DANG, DE BSKYED PA'I NUS LDAN NGO BO GCIG YIN GYI, RGYU 'BRAS MIN BAS 'BRAS BU RGYU MTSON DU SMRAS PA DANG, MTSON SBYOR DE LTAR SMRAS PA KHAS BLANGS NANG 'GAL BA'I PHYIR DANG, SHES PA 'DI DAG SANGS RGYAS KYI MKHYEN PA YIN PA LA SHES BYED GANG YANG MED PA'I PHYIR RO, ,'ON MDO LAS, DE BZHIN GSHEGS PAS SEMS BSHUS PA DANG G-YONGS PA MKHYEN ZHES SOGS BSHAD PA MIN NAM ZHE NA, MDO LAS DE BZHIN GSHEGS PA'I SHES PA BCU DRUG BA PHRAG GSUM SGRAS ZIN LA DNGOS SU BSTAN NAS DE'I SHUGS LA RGYU BYANG SEMS KYI MKHYEN PA'I SHES PA BCU DRUG PA PHRAG GSUM SBAS DON GYI TSUL DU BSTAN PA YIN CING, BSTAN BCOS SU MDO'I SBAS DON MNGON RTOGS KYI RIM PA GTZO BOR BSTAN PA YIN PAS BYANG SEMS KYI MKHYEN BAR GYUR PA'I SHES PA BCU DRUG PA PHRAG GSUM BSTAN GYI, DE BZHIN GSHEGS PA'I MKHYEN BA MTSAN NYID DU BSTAN PA MIN NO 'O NA BSTAN BCOS SU YANG THUB PAS DE BZHIN NYID RTOGS TE, ZHES BSHAD PA MIN NAM ZHE NA, THUB PA CES PA 'BYUNG YANG RDZOGS PA'I SANGS RGYAS YIN PAS MA KHYAB STE, BYANG SEMS LA YANG THUB PA'I SGRAS BSTAN PA YOD PA'I PHYIR TE, THUB BA'I SKAD CIG GCIG PA YIS, ZHES 'BYUNG BA LTAR RO, ,GNYIS PA RANG GI LUGS BZHAG PA LA, MTSAN NYID, MTSON BYA, MTSAN GZHI, MTSON TSUL, MTSON PA'I DGOS PA'O, ,DANG PO NI, SHES PA, KHYAD PAR, BYED PA RNAMS TE, SHES PA LA YANG GZHI SHES, LAM SHES, RNAM MKHYEN GYI SHES MTSAN GSUM MO, ,DE LA BYANG

, ,SEMS KYI MKHYAN PA GANG, GZHI GANG ZAG GI BDAG MED PAR THABS SHES KHYAD PAR CAN GYIS ZIN PA NI GZHI SHES KYI SHES MTSAN YIN LA, BYANG SEMS KYI MKHYEN PA GANG LAM GSUM RANG BZHIN MED PA'I SGO NAS MTSAN NYID JI LTA BA BZHIN DU RTOGS PA NI LAM SHES KYI SHES MTSAN YIN CING, DE BZHIN GSHEGS PA'I MTHONG CHOS LA BDE BAR GNAS SOGS SANGS RGYAS KYI SA'I SHES RNAM DAG MTSAN NYID JI LTA BA BZHIN DU RTOGS NAS DE DAG DANG DMIGS RNAM RJES SU MTHUN PAR SGOM PA'I BYANG SEMS KYI MKHYEN PA NI, RNAM MKHYEN GYI SHES MTSAN YIN NO, ,KHYAD MTSAN NI, BYANG SEMS KYI MKHYEN PAS CHOS KYI BDAG MED RTOGS PA'I TSUL TE, SNGA MA GSUM DANG 'DI NYID LA BCU DRUG BCU DRUG TU PHYE BA NI GDUL BYA NYE BA'I BSAM PA LA BLTOS NAS YIN NO, ,BYED MTSAN NI, BYANG SEMS KYI SPYOR BAS NGA LTA RANG RJES SU MTHUN PA'I MKHYEN GSUM GYI RTOGS BA LA GDUL BYA GZHAN 'GOD PA'I BYED PA STE BCU GCIG TU PHYE BA NI GDUL BYA NYE BA'I BSAM PA BLTOS PA YIN NO, ,MTSON BYA NI THEG CHEN GYI GZHI SHES KYI SBYOR BA DANG, LAM SHES KYI SBYOR BA DANG, RNAM MKHYEN GYI SBYOR BA GSUM YIN LA ,MTSAN GZHI NI NGO BO NYID BCU DRUG STE, DE YANG MTSON BA'I TSUL NI, NYAN THOS RTAG SOGS KYIS DBEN PA'I NGO BO NYID DANG PO BZHI PO DE MTSAN GZHI, THEG CHEN GYI GZHI SHES KYI SBYOR BA YIN PAR MTSON, DE BZHIN GSHEGS PA 'BYUNG BSHES PA SOGS THABS SHES KHYAD PAR CAN GYIS ZIN PA'I SGO NAS GZHI GANG ZAG GI BDAG MED PAR RTOGS PA'I SHES PA BCU DRUG GI NGO BOR GYUR CING, GDUL BYA MYANG 'DAS LA 'GOD PA'I BYED PA DANG LDAN PA'I SBYOR BA YIN PA, DE BZHIN DU MYA NGAN LAS 'DA' BAR DKA' BA SOGS NGO BO NYID BAR PA LNGA PO DE MTSAN GZHI, LAM SHES KYI SBYOR BA YIN PAR MTSON, RNAM THAR SGO GSUM SHES PA SOGS LAM GYI DE KHO NA NYID RTOGS PA'I SHES PA BCU DRUG GI NGO BOR GYUR CING, PHAN BDE SKYOB BA SOGS GDUL BYA THEG CHEN LA 'GOD PA'I BYED PA BDUN DANG LDAN PA'I SBYOR BA YIN

BA; NGO BO NYID THA MA BDUN PO DE MTSAN GZHI, RNAM MKHYEN GYI SBYOR BA YIN PAR MTSON, SANGS RGYAS KYI MTHONG CHOS LA BDE BAR GNAS SOGS 'BRAS BU'I SHES RNAM DAG GI DE KHO NA NYID RTOGS PA'I SHES PA BCU DRUG GI NGO BOR GYUR CING, 'JIG RTEN GYI RTEN MDZAD PA'I BYED PA DANG LDAN PA'I SPYOR BA YIN PA, CES PA STE, DE LTAR NA SHES MTSAN RIM PA GSUM GYIS MKHYEN GSUM GYI SBYOR BA GSUM PO DE NYID RIM BZHIN RANG BZHIN JI LTA BA BZHIN DU MTSON PAR BYED PA YIN LA, DE'I PHYIR THAMS CAD SHES PA NYID KYI SBYOR BA RNAMS JI LTA BA BZHIN MTSON BAR BYED PAS NA SHES PA'I MTSAN NYID THAMS CAD SHES PA NYID KYIS BSDUS PA YIN NO, ZHES SOGS GSUNGS PA RNAMS LEGS PAR BSHAD PAR 'GYUR RO, ,KHYAD MTSAN GYIS MTSON PA'I TSUL NI, LAM SHES DANG RNAM MKHYEN GYI SBYOR BA MTSAN GZHI, NYAN RANG GI SBYOR BA LAS KHYAD PAR DU 'PHAGS PAR MTSON, BSAM MI KHYAB SOGS CHOS KYI BDAG MED RTOGS BAS KHYAD PAR DU BYAS PA'I SBYOR BA YIN BA, 'O NA NGO BO NYID BCU DRUG PO DE DAG MTSAN GZHI YIN GYI, MTSON BYA MIN NA, NGO BO NYID GANG MTSON BYA YANG, ZHES GSUNGS PA CI ZHE NA, NGO BO NYID BCU DRUG PO GANG YIN PA DE DAG GZHIR BYAS NAS SBYOR BA GSUM DU MTSON PAR BYA BA MIN BAS NA, NGO BO NYID GANG MTSON BYA YANG, ZHES GSUNGS PA YIN CIR, 'DI DAG MTSAN NYID KYIS THEG CHEN SBYOR BA DAG MTSON PA'I BYA BA 'JUG PA'I GZHI YIN PAS 'DI DAG LA MTSAN NYID KYI SGRA SBYAR BA DE MTSAN NYID KYI SGRA LAS LA 'JUG BAR BSGRUB PA'I DBANG DU BYAS PA YIN PAR BSHAD PA CHES SHIN TU 'THAD PAR 'GYUR BA YIN NO, ,'O NA LAM SHES DANG RNAM MKHYEN GYI SBYOR BA LAS KHYAD PAR DU 'PHAGS PAR KHYAD MTSAN GYI SKABS SU DNGOS SU BSTAN CING, THEG CHEN GYI GZHI SHES KYI SBYOR BA DE LTAR MA BSTAN PA CI ZHE NA, 'DI LA MKHAS PA DU MA DAG GZHI SHES TZAM GYI LDOG PA NYAN RANG LA YANG YOD CING, BYANG SEMS KYI RGYUD KYI SBYOR BA NI, LAM SHES KYI SBYOR BA'I KHONGS SU 'DU BAS 'DIR DNGOS SU MA BSTAN PA YIN NO, ZHES BZHED PA MI 'THAD DE, GZHI SHES KYI SBYOR BA'I BYED PA

, ,DNGOS SU BSTAN PA MI 'THAD PAR THAL, GZHI SHES KYI BYED PA TZAM NYAN RANG LA YANG YOD CING, BYANG SEMS KYI RGYUD KYI GZHI SHES KYI BYED PA LAM SHES KYI BYED PA'I KHONGS SU 'DU BAS SO, ,DES NA BYANG SEMS KYI RGYUD KYI MKHYEN GSUM GYI SBYOR BA THAMS CAD NYAN RANG GI SBYOR BA LAS KHYAD PAR DU 'PHAGS PA TZAM DU 'DRA YANG KHYAD PAR DU 'PHAGS TSUL MI 'DRA STE, BYANG SEMS KYI RGYUD KYI GZHI SHES KYI SBYOR BA NI KHO RANG GI NGO BO GANG ZAG GI BDAG MED RTOGS PA'I RNAM PA CAN YIN KYANG KHO BDAG MED RTOGS PA'I SHES RAB KYIS ZIN PA'I CHA NAS NYAN RANG GI SBYOR BA LAS KHYAD PAR DU 'PHAGS BA YIN LA, SBYOR BA GZHAN GNYIS NI RANG GI NGO BO'ANG CHOS KYI BDAG MED RTOGS BA'I RNAM PA CAN YIN BAS, NYAN RANG GI SBYOR BA LAS KHYAD PAR DU 'PHAGS PA YIN NO, ,DE LA KHYAD PAR 'PHAGS TSUL SNGA MA NI, SKABS GSUM PAR, BYANG SEMS KYI GZHI SHES KYI SBYOR BA DE MNYAM NYID GZHI'I SGO NAS CHOS KYI BDAG MED RTOGS BA'I SHES RAB KYIS ZIN PA'I SBYOR BA YIN PAR BSTAN ZIN BAS 'DIR BSTAN BA YIN NO, ,DE LA'ANG KHYAD MTSAN STON BA'I SKABS SU MTHONG LAM KHO NA LA DNGOS SU SBYAR NAS GSUNGS PA NE MTSON PA'I DON DU YIN GYI, MTHONG LAM SKAD CIG BCU DRUG KHO NA KHYAD MTSAN DU STON BZHED PA MIN LA, t'IKA BYED GANG DAG GZHI SHES KYI SBYOR BA NYAN RANG KHO NA'I RGYUD LA YOD BAR KHAS BLANGS NAS GZHI SHES KYI SHES MTSAN RDZOGS PA'I SANGS RGYAS KYI THUGS RGYUD KYI MKHYEN PA DANG, DES GZHI SHES KYI SBYOR BA MTSON TSUL 'BRAS BU RGYU MTSAN DU SMRA BA NI NANG 'GAL BA'I PHUNG PO CHEN PO YIN LA, GANG DAG GZHI SHES KYI SHES MTSAN YANG NYAN RANG KHO NA'I RGYUD KYI RTOGS PA'I KHYAD PAR DU SMRA BA NI GZHUNG DU GZHI SHES KYI SHES MTSAN BCU DRUG PA DE DAG CHOS KYI BDAG MED RTOGS PA'I SHES RAB KYIS ZIN PA'I RNAM PA CAN DU DE BZHIN GSHEGS PAS DE BZHIN RTOGS PA STE ZHES SOGS KYIS DNGOS SU BSTAN PA DANG 'GAL ZHING, KHA CIG SHES MTSAN GYIS SBYOR BA SANGS RGYAS SKYED BYED DU MI LDAN RNAM GCOD KYI TSUL GYIS MTSON PA

DANG; KHYAD MTSAN GYIS GZHAN LDAN RNAM DPYOD KYI TSUL DU MTSON PA MI 'THAD PAR SMRAS NAS, SLAR YANG SHES MTSAN GYIS THEG CHEN SBYOR BA MI LDAN RNAM GCOD KYIS MTSON PAR BYED LA, KHYAD MTSAN GYIS GZHAN LDAN RNAM GCOD KYIS MTSON PAR BYED PAS KHYAD MTSAN LA GZHI SHES KYIS KHYAD MTSAN MA BSTAN PA YIN NO, ZHES ZER BA NI DNGOS SU 'GAL BA NGO MI SHES PAR ZAD DO, ,LNGA BA MTSON PA'I DGOS PA NI, SBYOR BA'I RANG BZHIN JI LTA BAR MA SHES NA SGOM MI NUS PAS DE'I PHYIR SBYOR BA BSGOM PA'I SNGON DU RANG BZHIN BDE BLAG TU SHES PA'I CHED YIN NO, ,GNYIS PA YAN LAG GI DON LA, SPYI'I MTSAMS SBYAR, SO SO'I DON BSHAD PA'O, ,DANG PO NI, GO RIM BZHIN DU YON TAN BLANG BA DANG SKYON DOR BAS SBYOR BA RNAMS BSGOM PAR BYA BA NI ZHES SOGS SO, ,GNYIS PA LA MDOR BSTAN, RGYAS PAR BSHAD, DON BSDU BA'O,, DANG PO LA, RTZA BA NI, BYED PA GANG GIS SBYOR BA'I RANG BZHIN MTSON PAR BYED PA DE SBYOR BA'I MTSAN NYID DU SHES PAR BYA'O, ,DE YANG RNAM PA GSUM TE, SHES PA DANG, KHYAD PAR DANG BYED PA'I MTSAN NYID DO, ,NGO BO NYID BCU DRUG PO GANG YIN PA DE NYID SBYOR BAR MTSON PA BYA BA YIN BA'I PHYIR, YANG MTSAN NYID CES PA'I SGRA SBYAR BA YIN TE, DE LA SNGA MA NI, MTSAN NYID KYI SKAD DOD, LUGS [?] ZHES BA DE BYED PA LA 'JUG PAR BSGRUBS PA'I DBANG DU BYAS PA DANG, PHYI MA NI LAS LA 'JUG PAR BSGRUBS PA'I DBANG DU BYAS PA YIN NO, ,GNYIS PA 'GREL PA LA, BYED PAR BSGRUBS PA'I MTSAN NYID DANG, LAS SU BSGRUBS PA'I MTSAN NYID GNYIS LAS, DANG PO NI, MTSAN NYID KYI SGRA BYED PAR BSGRUBS PA 'DIS SBYOR BA RNAMS MTSON PAR BYED PAS NA MTSAN NYID CES PA'I DBANG DU BYAS NA SHES PA DANG, KHYAD PAR DANG, BYED PA RNAMS SBYOR BA'I MTSAN NYID YIN CING LAS SU BSGRUBS PA DE RNAMS THAG CHEN SBYOR BAR MTSON PAR BYA BA YIN PAS NGO BO NYID KYI MTSAN NYID DE LTAR NA MTSAN NYID NI RNAM PA BZHIR SHES PAR BYA'O, ,RTZA 'GREL GNYIS KA LA, NGAG DON NI, SHES KHYAD BYED PA GSUM PO CHOS CAN KHYOD LA MTSAN

, ,NYID KYI SGRA SBYAR BA'I RGYU MTSAN YOD DE, MTSAN NYID KYI SGRA SBYAR BA YIN BA'I PHYIR, NGO BO NYID BCU DRUG CHOS CAN, KHYOD LA MTSAN NYID KYI SGRA SBYAR BA'I RGYU MTSAN YOD DE, MTSAN NYID KYI SGRA LAS SU BSGRUBS PA'I DBANG DU BYAS NAS KHYOD LA MTSAN NYID KYI SGRA SBYAR BA YIN PA'I PHYIR, GNYIS PA LA SHES PA, KHYAD PAR, BYED BA, NGO BO NYID KYI MTSAN NYID DO, ,DANG PO LA GZHI SHES, LAM SHES, RNAM MKHYEN GYI SHES MTSAN GSUM, DANG PO LA MTSAMS SBYAR NI, MTSAN NYID BZHI YOD BA DE LA ZHES SOGS SO, ,RTZA BA NI, SNGA MA RNAMS KYIS RGYAS PAR BSHAD CING, RKANG PA THA MA GNYIS KYIS DON BSDUS SO, ,'GREL PA NI, DE BZHIN GSHEGS PA 'BYUNG BA SHES PA DANG, 'JIG RTEN DE 'JIG PA MED PAR SHES PA DANG, SEMS CAN GYI SEMS KYI SPYOD BA DANG, SEMS NANG DU BSDUS BA DANG, SEMS PHYIR RNAM PAR G-YENGS PA DANG, SEMS NAM MKHA' LTAR MI ZAD BA'I RNAM BA DANG, SEMS 'DOD CHAGS DANG BCAS PA LA SOGS PA DANG, RTZA BA'I SOGS PA CES BYA BA'I SGRAS BSDUS PA SEMS 'DOD CHAGS DANG BRAL BA DANG, SEMS KYI RANG BZHIN CHOS DBYINGS YIN PAS RGYA CHEN PO DANG, SEMS BDEN MED YON TAN GYI RTEN DU MNYAM BAS CHEN POR GYUR BA DANG, DON DAM BAR SO SOR NGES PA'I RTEN MED PAS SEMS TSAD MED PA DANG, SEMS DBANG PO LA BSTEN DU MED BA DANG, SEMS SPYAN LNGAS LTAR MED BA DANG, SEMS G-YO BA DANG LA SOGS PA 'DU BA DANG, BKRAM BA DANG, BCUM PA RNAMS 'KHRUL GZHI PHUNG PO LA BRTEN NAS 'KHRUL BAR SHES PA DANG ZHES PA STE, 'DIR LTA BA BZHI'I MTHA' ZAD BA NI PHYI ROL BA'I DRANG SRONG 'GA' ZHIG GIS LTA BA DRUG CU RTZA GNYIS KYI DON THAMS CAD BCU BZHIR BSDUS NAS BCOM LDAN 'DAS LA ZHUS PA NA, DE THAMS CAD KYANG KHYAD GZHI MED BA'I KHYAD CHOS LAS BRTZAMS TE, 'DRI BA 'BA' ZHIG TU DGONGS SHING, KHYAD GZHI BDAG BKAG NA DON DU MI 'GYUR BAR DGONGS NAS DE'I TSE GANG DU YANG LUNG MA BSTAN PAS NA, LUNG DU MA BSTAN PA'I LTA BA BCU BZHI

ZHES BYA LA, DE DAG KYANG GANG ZHE NA, SNGON GYI MTHA' DANG, PHYI MA'I MTHA' DANG, MYANG 'DAS LA BRTEN PA BZHI BZHI DANG, LUS SROG LA BRTEN BA GNYIS RNAMS TE, DANG PO GSUM NI RIM PA BZHIN, RGYU DANG 'BRAS BU DANG, GROL BA'I BDAG GI GNAS SKABS LA RTOG PA YIN LA, PHYI MA NI LUS SROG GI GNAS SKABS LA RTOG PA YIN NO, ,DE YANG, BDAG DANG 'JIG RTEN RTAG PA DANG, MI RTAG PA DANG, GNYIS KA YIN PA DANG, GNYIS KA MIN PA'I PHUNG GSUM DU BDEN PAR BLTA BA NI, SNGON GYI MTHA' LA BRTEN PA BZHI'O, ,BDAG DANG 'JIG RTEN MTHA' DANG LDAN PA DANG MI LDAN PA DANG, GNYIS KA YIN PA DANG, GNYIS KA MIN PA BDEN PAR LTA BA RNAMS NI, PHYI MA'I MTHA' LA BRTEN PA BZHI'O, ,DE BZHIN GSHEGS BA GRONGS YAN CHAD 'BYUNG BA DANG, MI 'BYUNG BA DANG, GNYIS KA YIN PA DANG GNYIS KA MIN BAR LTA BA RNAMS NI MYANG 'DAS LA BRTEN PA BZHI'O, ,LUS SROG GCIG TU BLTA BA DANG, THA DAD DU BDEN PAR BLTA BA NI LUS SROG LA BRTEN PA GNYIS SO, ,DE LA BDAG NI GANG ZAG GI BDAG DANG, 'JIG RTEN NI DE'I GDAGS GZHI PHUNG PO LNGA DANG, LUS NI DBANG PO DANG BCAS PA'I SKYES BU'I LUS YIN LA SROG NI BDAG GI RNAM GRANGS SO, ,DE LTA BU'I BDAG DANG 'JIG RTEN DE NYID RGYU DANG RGYU MED GANG LAS KYANG GSAR DU SKYES PA MIN GYI, GDOD MA NAS GRUB PA'I RANG BZHIN DU BLTA BA NI RTAG PAR BLTA BA'I DON YIN LA, DE BZHIN DU RGYU MED DU GSAR DU SKYES PAR BLTA BA NI MI RTAG PAR BLTA BA'I DON YIN CING, DE GNYIS KYI RANG BZHIN GDOD MA NAS YOD PA DANG, GNAS SKABS GSAR DU SKYES PAR BLTA BA NI GNYIS KA YIN PAR BLTA BA YIN CING, DE GNYIS GANG DU YANG BRJOD DU MED PAR BLTA BA NI GNYIS KA MIN PAR BLTA BA'O, ,DE BZHIN DU BDAG DANG 'JIG RTEN DE DAG SHI 'PHOS PA'I 'OG TU RGYUN CHAD PAR 'DOD PA NI, MTHA' DANG LDAN PAR BLTA BA DANG, TSE 'DI'I BDAG DANG 'JIG RTEN DE DAG MA 'GYUR BAR TSE PHYI MAR 'JUG BAR 'DOD PA MTHA' DANG MI LDAN PAR BLTA BA DANG, DE DAG RANG BZHIN 'JUG CING GNAS SKABS MI 'JUG PAR 'DOD PA GNYIS

, ,KAR BLTA BA DANG, DE GNYIS GANG DU YANG BRJOD DU MED PAR 'DOD PA GNYIS KA MIN BAR BLTA BA'O, (DE BZHIN GSHEGS PA [?] ) PHUNG PO LHAG MED DU MYA NGAN LAS 'DAS PA'I TSE GROL BA'I BDAG YOD PAR BLTA BA DANG, SNGAR BDAG YOD PA LA MYA NGAN LAS 'DAS PA'I TSE RGYUN CHAD PAR BLTA BA DANG, RANG BZHIN YOD CING GNAS SKABS RGYUN CHAD PAR BLTA BA DANG, DE GNYIS GANG DU YANG BRJOD DU MED PAR LTA BA RNAMS NI MYANG 'DAS LA BRTEN PA BZHI'O, ,'DI DAG LAS BDAG DANG 'JIG RTEN RTAG PA DANG, MTHA' DANG MI LDAN PA DANG, DE BZHIN GSHEGS PA GRONGS NAS 'BYUNG BAR BLTA BA RNAMS NI GRANGS CAN SOGS RTAG PAR LTA BA RNAMS KYI LTA BA YIN CING, DE YANG YUL LA SGRUB BA'I RNAM BAS 'JUG PA'I PHYIR G-YO BA'I LTA BA ZHES BYA'O, ,MI RTAG PA DANG MTHA' DANG LDAN PA DANG, DE BZHIN GSHEGS PA GRONGS NAS MI 'BYUNG BAR LTA BA RNAMS NI, RGYAD BAN [?] SOGS CHAD BAR BLTA BA RNAMS KYI LTA BA YIN LA, DE YANG YUL LA DGAG PA'I RNAM PAS 'JUG PA'I PHYIR 'DU BA'I LTA BA ZHES BYA'O, ,'DIR KHA CIG 'GREL CHEN DU BZHI TSAN DANG PO LA, DANG PO GRANGS CAN GYI LTA BA G-YO BA, GNYIS PA RGYAD [?] PAN GYI LTA BA 'DU BA ZHES GSUNGS NAS, LHAG MA YANG [?] DE BZHIN DU SBYAR BAR BYA'I ZHES GSUNGS PAS, BZHI TSAN GNYIS BA'I SKABS SU MTHA' DANG LDAN MI LDAN ZHES GO RIM BSGYUR DGOS PAR SMRA LA, KHA CIG GO RIM BSGYUR MI DGOS TE, TSE PHYI MA'I THOG MA DE TSE 'DI'I MJUG GAM MTHA' YIN PAS MTHA' LDAN DU LTA BA GRANGS CHEN LA RUNG NGO ZHES ZER RO, ,MTHA' LDAN GRANGS CHEN LA SBYOR BA MI 'THAD DE, DBU MA RTZA BA LAS, GAL TE 'JIG RTEN MTHA'I [?] YOD NA, ,'JIG RTEN PHA ROL JI LTAR 'GYUR, ZHES SOGS KYIS MTHA' LDAN GYI DON SHI BA'I 'OG TU RGYUN CHAD PA MTHA' DANG MI LDAN PA'I DON, TSE 'DI'I BDAG DANG 'JIG RTEN DE GNYIS KA PHYI MAR 'JUG PA LA BYAS NAS DE GNYIS KA LA 'JIG RTEN PHA ROL MI RUNG BA'I SKYON BRJOD PAR MDZAD PAS SO, ,DES NA 'GREL CHEN GYI DE NI JI RIGS PAR SBYAR BAR BYA'O, ZHES PA'I DON NI, GSUM PA RNAMS NI GCER BU BA'I LTA BA YIN LA, CHA GCIG

'GOG PA DANG CHA GCIG BSGRUB PA'I RNAM PA CHA MNYAM DU YOD PAS BKRAM PA CES BYA'O, ,BZHI PA RNAMS NI BRJOD DU MED BA'I BDAG KHAS LEN PA GNAS MA BU BA'I LTA BA YIN CING, DGAG SGRUB GNYIS KA 'GOG PA'I RNAM PAS ZHUGS PA'I PHYIR BCUM PA ZHES BYA'O, ,LUS SROG GCIG TU BLTA BA BYE BRAG BA DANG, THA DAD DU BLTA BA GRANGS CHEN GYI LTA BAR SA'I DNGOS GZHI LAS BSHAD CING, SNGA MA G-YO BA DANG, PHYI MA 'DU BA'I LTA BA'O, ,G-YO BA LA SOGS PA'I SEMS DON DAM PAR DE BZHIN NYID KYI RNAM PAR SHES PA DANG, DE BZHIN GSHEGS PAS DE BZHIN NYID RTOGS PA DE GZHAN LA BSTAN CING MING GI BRDAR BRTAGS PA SHES BA CES BYA BA STE, MDOR NA JI SKAD BSHAD PA 'DI RNAMS KYI SHES PA'I RNAM PA'I BYE BRAG BCU DRUG PO 'DI CHOS CAN, THAMS CAD SHES PA NYID KYIS BSDUS PA'I SHES PA'I MTSAN NYID YIN TE, DBEN PA SOGS NGO BO NYID DANG PO BZHI PO RNAMS THAMS CAD SHES PA NYID KYI SBYOR BA RNAMS SU JI LTA BA BZHIN MTSON PA MTSAN NYID YIN PAS NA'O, ,GNYIS PA LA MTSAMS SBYAR NI, DE'I 'OG TU SOGS SO, ,RTZA BA NI STONG NYID SOGS SO, ,'GREL PA NI, RANG GI NGO BOS STONG PA NYID DANG, RGYU'I MTSAN MA MED PA DANG, 'BRAS BU LA SMON PA MED PA DANG, BDEN PA'I SKYE BA MED PA DANG, 'GAG PA MED PA DANG, RTZA BA'I SOGS PA CES BYA BA'I SGRAS BSDUS PA'I KUN NAS NYON MONGS PA MED PA DANG, RNAM PAR BYANG BA MED PA DANG, SPANG BYA'I DNGOS PO MED PA DANG, RANG BZHIN GYIS MYA NGAN LAS 'DAS PA'I NGO BO NYID DANG CHOS KYI DBYINGS KYI RTEN MED PA DANG, RANG BZHIN MI 'GYUR BAS NAM MKHA'I MTSAN NYID DE DRUG DANG, CHOS NYID SUS KYANG RNAM PAR 'KHRUG BA MED PA DANG, CHOS NYID GZHAN GYIS BLO SNGON DU BTANG STE 'DU MI BYED BA DANG CHOS (NYID RGYU RKYEN GYIS MA) BYAS PAS RNAM BAR MI RTOG PA DANG, KUN RDZOB TU CHOS NYID LA RNAM PAR MI RTOG BA'I BAR GYI RAB TU DBYE BA DANG, DON DAM PAR RAB TU DBYE BA DE DAG KYANG MTSAN NYID MED PAR SHES PA CES BYA BA STE, MDOR NA JI SKAD BSHAD PA 'DI RNAMS KYI SHES PA'I RNAM PA'I BYAD BAR BCU DRUG CHOS CAN, SHES PA'I MTSAN NYID LAM

, ,SHES PA NYID KYIS BSDUS PA YIN NO, ,JI LTA BA BZHIN DU DKA' BA LA SOGS PA'I NGO BO NYID LNGA PO DE LAM SHES PA NYID KYI SBYOR BDAG TU MTSON BAS NA'O, ,GSUM PA LA MTSAMS SBYAR NI, DE'I 'OG TU SOGS SO, ,RTZA BA NI, DE NI SOGS SO, ,'GREL BA NI, DE BZHIN GSHEGS PA DE NYID KYI CHOS RNAM MKHYEN LA BRTEN NAS MTHONG CHOS LA BDE BAR GNAS DANG GUS PAR BYA BA DANG, BLA MAR BYA BA DANG, MNYES PAR BYA BA DANG, MCHOD PAR BYA BA DANG, BDEN PA'I BYED PA PO MANG PA DANG, YE SHES YUL THAMS CAD DU 'GRO BA DANG, SPROS PA'I MTHA' GANG DU YANG MA MTHONG BA DE KHO NA MTHONG BA'I DON DU STON PAR MDZAD PA DANG, SPYIR 'JIG RTEN STONG PA NYID KYI RNAM PAR STON PA SHES PA DANG ZHES PA SPYIR BSTAN NAS, DE NYID SO SOR PHYE NAS 'CHAD PA NI, GDUL BYA 'KHOR DU MA BSDUS PA RNAMS YANG DRAG PAR BSDUS NAS THOS BSAM GYI SHES RAB BSKYED PA'I DON DU 'JIG RTEN STONG BA NYID DU BRJOD PAR MDZAD PA DANG, BSDUS BA RNAMS 'JIG RTEN PA'I SGOM BYUNG GI SHES RAB BSKYAD NAS SMIN PAR BYA BA'I DON DU 'JIG RTEN STONG PA NYID DU NGES PAR MDZAD PA DANG, SMIN PA RNAMS 'JIG RTEN LAS 'DAS PA'I SGOM BYUNG GI SHES RAB BSKYED NAS GROL BAR BYA BA'I DON DU 'JIG RTEN STONG PA NYID DU MTHONG BAR MDZAD BA DANG, ZHES PA'AM, YANG NA NYAN RANG GI RIGS CAN RNAMS LA THAMS CAD SHES PA NYID KYI SGO NAS 'JIG RTEN STONG PA NYID DU BRJOD PAR MDZAD PA DANG, CHED DU BYA BA LA ZHUGS PA BYANG 'PHAGS RNAMS LA LAM SHES PA NYID KYI SGO NAS 'JIG RTEN STONG PA NYID DU SHES PAR MDZAD PA DANG, CHED DU BYA BA'I DON MTHAR PHYIN PA SANGS RGYAS RNAMS LA RNAM MKHYEN GYI SGO NAS 'JIG RTEN STONG PA NYID DU MTHONG BAR MDZAD PA DANG, ZHES BSHAD PAR BYA STE, SNGA MA NI YUM LA BRTEN NAS SANGS RGYAS KYIS GZHAN DON MDZAD PA DANG, PHYI MA NI YUM NYID KYIS 'PHAGS BZHI'I BZHED DON BSGRUB PA'I DBANG DU BYAS PA'O, ,DE BZHIN DU CHOS NYID BSAM GYIS MI KHYAB PA NYID DU STON PA DANG, SPROS BZHI PA NYID DU STON PA DANG, 'JIG RTEN RANG BZHIN GYIS

'GOG BA DANG, MTSAN 'DZIN GYIS 'DU SHES 'GOG PA SHES PA CES BYA BA RNAMS TE, MDOR NA JI SKAD BSHAD PA 'DI RNAMS KYI SHES PA'I RNAM PA'I BYE BRAG BCU DRUG CHOS CAN, SHES PA'I MTSAN NYID RNAM BA THAMS CAD MKHYEN PA NYID KYIS BSDUS PA YIN NO, ,DMIGS PA SOGS NGO BO NYID THAM BDUN PO JI LTA BA BZHIN DU RNAM PA THAMS CAD MKHYEN PA NYID KYI SBYOR BA DE DAG TU MTSON PAR BYED PAS NA'O, ,GNYIS PA KHYAD MTSAN LA, MTSAMS SBYAR BA DANG, DON DNGOS BSHAD PA'O, ,DANG PO NI, DE LTAR BAR SKABS KYI TSIGS SU BCAD BA DGUS SHES PA'I MTSAN NYID DE DAG MKHYEN GSUM GYI SPYOR BA DE DANG DER 'JOG PA TZAM GYI SPYI'I NGO BO NYID DU BRJOD NAS SHES PA'I RNAM PAS MKHYEN GSUM GYI SBYOR BA RNAMS KYI NYAN RANG LAS KHYAD PAR 'PHAGS PAR 'JOG BYED KYANG SHES PAR BYA BA YIN PAS SHES PA'I MTSAN NYID KYI 'OG TU BAR SKABS KYI TSIGS SU BCAD PAS KHYAD PAR GYI MTSAN NYID 'CHAD DO, ,DE YANG SHES MTSAN GYIS NI RIM BZHIN MKHYEN GSUM GYI SBYOR BA TZAM DU MTSON PAR BYED PA'I SPYI'I NGO BO NYID DU MTSON ZHES BYA LA, KHYAD MTSAN GYIS NYAN RANG GI RTOGS PA LAS KHYAD PAR DU 'PHAGS PAR 'JOG BYED YIN PAS KHYAD BAR DU MTSON PA CES BYA'O, ,GNYIS PA LA MDOR BSTAN, RGYAS PAR BSHAD, DMAN LAM DNGOS SU MA BSHAD PA'I RGYU MTSAN NO, ,DANG PO LA RTZA BA NI, BSAM MI KHYAB CES SOGS SO, ,'GREL PA NI, MDO LAS, SDUG BSNGAL LA SOGS PA'I YUL CAN CHOS DANG RJES SU SHAS PA'I BZOD BA DANG SHES PA'I MTSAN NYID BCU DRUG GIS MTSON NAS BSTAN PA, BSAM GYIS MI KHYAB PA DANG MI MNYAM PA LA SOGS PA'I 'DZIN STANGS KYI KHYAD PAR GYIS KHYAD PAR DU BYAS PA'I SLOB LAM GYI MNGON RTOGS CHOS CAN, (BDEN PA'I [?]) KHYAD PAR GYI MTSAN NYID YIN NO, ,LAM SHES PA NYID DANG, LA SOGS PA RNAM MKHYEN GYI SBYOR BA DAG NYAN RANG GI SBYOR BA LAS KHYAD PAR DU 'PHAGS PAR MTSON PAS NA'O, ,GNYIS PA LA MTSAMS SBYAR NI, YANG SOGS SO, ,RTZA BA NI BSAM MI KHYAB DANG ZHES SOGS SO, ,'GREL PA NI, BYANG

, ,CHUB SEMS DPA'I LAM SHES PA NYID DANG, LA SOGS BA SANGS RGYAS KYI RNAM MKHYEN GYI SBYOR BA BZHI NI CHOS CAN, KHYAD PAR GYI LAM YIN TE, KHYAD PAR BCU DRUG GANG GIS NYAN THOS LA SOGS PA'I LAM RNAMS LAS KHYAD ZHUGS PA'I LAM YIN PA'I PHYIR, KHYAD PAR BCU DRUG GANG ZHE NA, YANG DAG PAR RDZOGS PA'I SANGS RGYAS LA SOGS PAS LEGS PAR YONGS SU GZUNG BA'I SHES RAB KYI STOBS KYIS RTOG GES BSAM GYIS MI KHYAB PA NYID DANG, ZLA DANG MI MNYAM PA NYID DANG, TSAD MAS GZHAL BA LAS YANG DAG PAR 'DAS PA DANG, GRANGS KYIS BGRANGS PA LAS YANG DAG PAR 'DAS PA DANG BZHI NI SDUG BSNGAL GYI BDEN PA'I SKAD CIG MA BZHIS MTSON NAS BSTAN PA'I KHYAD PAR DAG YIN NO, ,'PHAGS PA'I GANG ZAG THAMS CAD KYI YON TAN SDUD PA DANG SKYES BU JI LTA JI SNYED LA MKHAS PAS RIG PAR BYA BA NYID DANG, NYAN THOS LA SOGS PA'I SPYOD YUL MIN PA'I DNGOS PO YONGS SU SHES PA DANG, THEG CHEN RANG GI LUGS LA BLTOS PA'I MNGON PAR SHES BA NYAN RANG LAS SHIN TU MYUR BA'I SHES PA DANG BZHI NI LA SOGS PA KUN 'BYUNG BDEN PA'I SKAD CIG MA BZHIS MTSON PA'I KHYAD PAR DAG YIN NO, ,KUN RDZOB DANG DON DAM PA'I BDEN PA LA BRTEN PA'I CHOS THAMS CAD DON DAM PAR BRI BA MED PA DANG GANG BA MED PA'I NGO BO RTOGS PA DANG, 'KHOR GSUM RNAM PAR DAG PAS SBYIN BA LA SOGS PA'I PHA ROL TU PHYIN PA RTAG TU RAB TU SGRUB PA DANG, YANG DAG PAR SBYOR BAS BSKAL PA DU MAR SGRUB PA'I BSOD NAMS DANG YE SHES YANG DAG PAR 'GRUB PA DANG, RNAM PAR MI RTOG PAR THABS SHES KYI CHOS THAMS CAD DMIGS PA RNAMS NI 'GOG PA'I SKAD CIG MA BZHIS MTSON PA'I RNAM PA DAG YIN NO, ,CHOS KYI DBYINGS KYI NGO BO NYID BYANG CHUB SEMS DPA'I LAM GYI RTEN RIGS DANG LDAN PA DANG, SMON LAM LA SOGS PA'I PHA ROL TU PHYIN PA YONGS SU RDZOGS PA'I RGYU TSOGS DANG LDAN PA DANG THEG CHEN DGE BA'I BSHES GNYEN GYI THABS KYIS YONGS SU GZUNG BA DANG, BYANG CHUB GZHAN DANG GZUGS SOGS LA

MNGON BAR ZHEN PA'I RO MYANG BA MED PA RNAMS NI LAM GYI SKAD CIG MA BZHIS MTSON PA'I KHYAD PAR DAG YIN NO, ,GSUM PA NI, GANG LAS KHYAD PAR DU 'PHAGS PA'I NYAN RANG GI LAM MA BSHAD NA DE LAS KHYAD PAR DU 'PHAGS PAR MI SHES SO, ZHE NA, NYAN RANG DE DAG GI LAM NI CHOS CAN, 'DIR DNGOS SU MA BSHAD PA'I RGYU MTSAN YOD DE, GO SLA BAS MA BSHAD PA YIN PA'I PHYIR, GO SLA BAR THAL, JI SKAD BSHAD PA KHYAD PAR DANG BRAL BA'I MNGON PAR ZHEN PA LA SOGS PAS BCINGS PAR SKYE BA MTSAN NYID CAN DU SNGAR BSHAD DE DAG GI SHUGS LA SHES NUS PA'I PHYIR; GANG DAG SKABS GSUM PA'I BRJOD BYA'I GTZO BO'I GZHI SHES DANG, GZHI SHES RNAM PA NYER BDUN SOGS NYAN RANG GI RGYUD KYI RTOGS PAR 'DOD PA NGAG GIS GZHI SHES KYI SBYOR BA NYAN RANG GI RGYUD KYI SBYOR BAR KHAS LEN DGOS LA, DE'I PHYIR KHYAD MTSAN GYIS LAM SHES RNAM MKHYEN GYI SBYOR BA GZHI SHES KYI SBYOR BA LAS KHYAD PAR DU 'PHAGS PAR MTSON PAR THAL LO, ,'DOD NA, KHYAD PAR 'PHAGS YUL DNGOS SU MA BSTAN PA NYAMS SO, ,DES NA MUN SPRUL CHEN PO'O, ,GSUM PA LA MTSAMS SBYAR NI, KHYAD PAR GYI SOGS SO, ,RTZA BA NI PHAN DANG SOGS SO,, 'GREL PA LA SO SOR BSHAD PA DANG, BSDUS TE BSTAN PA'O, ,DANG PO LA GSUM LAS, GZHI SHES KYI BYED PA NI, THAMS CAD SHES PA NYID KYI BYED PA CHOS CAN, GSUM YOD DE, GDUL BYA RGYUD LNGA'I 'GRO BA LAS BTON NAS MYANG 'DAS LA 'GOD PA MA 'ONGS PA'I PHAN PA DANG, YID MI BDE BKROL NAS MYANG 'DAS LA 'GOD BA TSE 'DI'I BDE BA DANG, YANG SRID MI LEN PAR BYED PAS SDUG BSNGAL MED PA'I RNAM PAR SMIN PA MIN BA'I CHOS NYID NYE BAR BSGRUB PA'I DON GYIS RIM BZHIN PHAN DANG, BDE DANG, SKYOB PA'I BYED PA RNAMS SU YOD PA'I PHYIR, GNYIS PA LAM SHES KYI BYED PA NI, LAM SHES BA NYID KYI BYED PA CHOS CAN, BDUN YOD DE, LHAG MED KYI MYANG 'DAS LA 'GOD PAS GTAN DU PHAN PA DANG 'DRE BA MED PAR CHOS BSTAN PAS SDUG BSNGAL GYI RGYU BZLOG PA DANG, 'KHOR BA DANG MYA NGAN LAS 'DAS PA MNYAM PA NYID DU RTOGS PA DANG

, ,SRED PA'I BRLAN DANG BRAL BA'I MYANG 'DAS STON PAS RANG DANG GZHAN GYI DON RTOGS PA'I RTEN GYI NGO BO DANG, GZHAN GYI DON SGRUB PA DANG, SEMS CAN GYI DON LHUN GYIS GRUB PAR 'JUG PA DANG, THEG PA GSUM GYI LAM GYIS RANG RANG GI SPANG BYA LAS DES PAR 'BYUNG YANG DE'I 'BRAS BU YANG DAG MTHA' RDZOGS SMIN MA SBYANGS PAR MNGON DU MI BYED PAR ZHES BYA BA 'DI RNAMS GDUL BYA 'DUL BA'I DUS JI LTA BA BZHIN DU YANG DAG PAR NYE BAR SGRUB PA'I DON GYIS RIM BZHIN SKYABS DANG GNAS DANG, DPUNG GNYEN DANG, GLING DANG, YONGS 'DREN DANG, LHUN GYIS GRUB PA DANG, THEG PA GSUM GYI 'BRAS BU MNGON DU MI BYED PA'I BYED PA RNAMS SU YOD BA'I PHYIR, GSUM PA RNAM MKHYEN GYI SBYOR BA'I BYED PA NI, RNAM PA THAMS CAD MKHYEN PA NYID KYI SBYOR BA LA NI CHOS CAN, BYED PA GCIG YOD DE, RNAM PA THAMS CAD MKHYEN PA NYID KYI CHOS THAMS CAD STON PA DE NYE BAR SGRUB PA'I DON GYIS RTEN GYI MDZAD PA DE YOD PA'I PHYIR, 'DIR RNAM MKHYEN GYIS CHOS THAMS CAD STON PA SANGS RGYAS KYI MDZAD PA YIN LA, DE NYE BAR SGRUB PA RNAM MKHYEN SBYOR BA'I BYED PA YIN NO, ,GNYIS PA NI, DE LTAR NA BYED PA'I RNAM PA RIM PA GSUM PO DAG CHOS CAN, BYED PA'I MTSAN NYID YIN NO, ,GO RIM JI LTA BA BZHIN DU THAMS CAD MKHYEN PA NYID KYI SBYOR BA DAG MTSON PAR BYED PA'I MDZAD PA'I CHA YIN PAS NA'O, ,BZHI PA NGO BO NYID KYI MTSAN NYID LA, MTSAMS SBYAR NI, BYED PA'I MTSAN NYID KYI ZHES SOGS SO, ,RTZA BA NI SNGA MA RNAMS KYIS DBYE BA BSTAN NAS, RKANG PA THA MA GNYIS KYIS DE DAG LA MTSAN NYID KYI SGRA SBYAR BA'I RGYU MTSAN BSTAN NO, ,'GREL PA LA DBYE BA DANG, DE DAG LA MTSAN NYID KYI SGRA SBYAR BA'I RGYU MTSAN NO, ,DANG PO NI, GZHI SHES SBYOR BA'I NGO BO NYID NI THAMS CAD SHES PA NYID KYI NYON MONGS PAS DBEN PA'I NGO BO NYID CHOS CAN, BZHI YOD DE, 'DOD CHAGS LA SOGS PA NYON MONGS PA DANG, DE'I RTAGS LUS KYI GNAS NGAN LEN DANG, DE'I MTSAN MA TSUL BZHIN MIN PA YID LA BYED PA LA SOGS PA DANG, 'DOD CHAGS DANG 'DOD

CHAGS MED PA LA SOGS PA MI MTHUN PA'I PHYOGS DANG GNYEN PO DAG GI RNAM RTOG GI STONG PA NYID KYI DBEN PA RNAMS SU YOD PAS SO, ,GNYIS PA LAM SHES SBYOR BA'I NGO BO NYID NI, LAM SHES PA NYID KYI SBYOR BA NGO BO NYID LA CHOS CAN, LNGA YOD DE, DON DAM PAR MED PA'I SEMS CAN LA MYA NGAN LAS 'DA' BAR GO GYON PAS BYA DKA' BA DANG, THEG PA GZHAN DU MI LTUNG BA MTSAN NYID KYIS MTHA' GCIG TU RNAM MKHYEN DU NGES PA DANG, YUN RING PO NAS BSGRUB PAR BYA BA MCHOG NYID KYI CHED DU BYA BA GSUM DANG BSGOM PAR BYA BA DANG, BSGOM PA PO'I CHOS MA DMIGS PA DANG, BDEN BA'I NGO BOR MNGON PAR ZHEN PA MTHA' DAG BKAG PA ZHES BYA BA DE LTA BU DAG TU YOD PA'I PHYIR, RNAM PA THAMS CAD MKHYEN PA NYID KYI SBYOR BA'I NGO BO NYID LA CHOS CAN, BDUN YOD DE, THAMS CAD SHES PA NYID DANG LAM SHES PA NYID KYIS YUL DU BSDUS BA'I DNGOS PO'I KHYAD PAR LA DMIGS NAS SGOM PA DANG, 'JIG RTEN GYI SGRUB PA RANG DBANG BAR BDEN PAR 'DZIN PA LAS BZLOG STE BSTAN PAS MI MTHUN PA'I NGO BO NYID DANG, GZUGS LA SOGS PA THOGS PA MED PAR SHES PA DANG, SHES BYA DANG SHES PA BDEN PAR MI DMIGS PAS GZHI MED PA DANG, DE BZHIN NYID KYIS 'GRO BA MED PA'I NGO BO DANG, GZUGS LA SOGS PA BDEN PA'I NGO BO NYID MED PAS SKYE BA MED PA DANG, DNGOS BO DANG, DNGOS PO MED PA DANG, LA SOGS PA DE GNYIS KA MIN PA DANG; GSUM GYI DNGOS PO DE BZHIN NYID MI DMIGS PAR RTOGS PA'I NGO BO ZHES BYA BA DE LTA BU DAG YOD PA'I PHYIR, GNYIS PA NI DE LTAR NA NGO BO NYID BCU DRUG PO DE CHOS CAN, NGO BO NYID KYI MTSAN NYID DU BZHED DO, ZHES RTZA BAR KHYOD LA MTSAN NYID KYI SGRA SBYAR BA'I RGYU MTSAN YOD DE, KHYOD GO RIM JI LTA BA BZHIN DU THAMS CAD MKHYEN PA NYID GSUM GYI SBYOR BA DAG MTSAN NYID DANG LDAN PA BZHIN DU MTSON PA'I GZHIR GYUR PA'I LAS SU BYA BA YIN PAS RGYU MTSAN DE LTAR NA KHYOD LA MTSAN NYID KYI SGRA SBYAR BA YIN PA'I PHYIR, ,

, ,GSUM PA DON BSDU BA NI, SHES MTSAN ZHE BRGYAD, KHYAD MTSAN BCU DRUG ,BYED MTSAN BCU GCIG ,NGO BO NYID BCU DRUG YOD PA DE LTAR NA SOGS SO, ,BDUN PA SGOM BYUNG GI SBYOR BA'I NYER RGYU THAR PA CHA MTHUN BSHAD PA LA, SPYI'I DON DANG, YAN LAG GI DON NO, ,DANG PO LA, RTEN; MTSAN NYID, SGRA DON, DBYE BA'O, ,DANG PO NI, THEG CHEN SEMS BSKYED SKYE RUNG BA'I RTEN KUN LA 'DI'ANG RUNG ZHING, DE'ANG THEG CHEN GYI SEMS BSKYED NI, GLING GSUM GYI MI DANG 'DOD GZUGS KYI LHA DANG, NGAN SONG GSUM GYI 'GRO NGA 'GA' LA'ANG SKYER RUNG BA YIN PA'I PHYIR, THAR CHA'ANG DE DAG LA RUNG BA YIN NO, ,SEMS RTEN NI, 'GA' ZHIG NA RE, 'DOD SEMS KHO NA LA BRTEN TE, 'DI THOS BSAM GYI SHES RAB GTZO BOR GYUR PA YIN CING, BSAM GTAN LA BRTEN SGOM BYUNG DU 'GYUR BAS SO, ZHES ZER BA MI 'THAD DE, THEG CHEN TSOGS LAM CHEN PO PA'I CHOS RGYUN TING NGE 'DZIN BSAM GTAN LA BRTEN PAS KHYAB PA'I PHYIR, DES NA THEG CHEN THAR CHA NI 'DOD SEMS DANG BSAM GTAN SA DRUG GZHAN GANG YANG RUNG BA LA BRTEN PA YIN NO, ,TSOGS LAM NA THOS BSAM GTZO MI SGOM BYUNG MED CES PA DANG, CHOS NYID THOS BSAM GYI SHES RAB KYIS LEGS PAR GTAN LA PHEBS PA YOD KYANG, SGOM BYUNG GI CHOS NYID LA GSAL SNANG SKYES PA MED CES PA'I DON YIN GYI SBYIR TSOGS LAM NA SGOM BYUNG GI SHES RAB GTAN MED DU 'CHAD PA MIN LA SGOM BYUNG GI SHES RAB YIN NA CHOS NYID LA DMIGS PAS KHYAB NA, NYAN RANG LA SGOM BYUNG GI SHES RAB MED PAR THAL BAR 'GYUR RO, ,SGRA DON NI NYI KHRI SNANG BA LAS, THAR PA NI BRAL BA'I KHYAD PAR ZHIG STE, CES BSHAD PA LTAR; THAR PA NI 'KHOR BA'I SKYE BA MA LUS PA ZAD PA'I BRAL BA YIN LA, DE'I CHA NI SBYOR LAM DU MI KHOM PA BRGYAD LA SOGS PA ZAD PA DE YIN ZHING, DE DANG MTHUN PA'AM DE'I RGYU YIN PA'I THAR PA'I CHA DANG MTHUN PA ZHES BYA'O, ,GSUM PA MTSAN NYID NI, RANG

'BRAS NGES 'BYED CHA MTHUN GYI RGYUR GYUR PA'I TSOGS LAM GYI DGE BA, BZHI PA DBYE NA, THEG PA GSUM GYI THAR CHA GSUM MO, ,DE DAG GI MTSAN NYID KYANG GO RIM BZHIN, RANG 'BRAS NYAN THOS KYI NGES CHA'I RGYU'I RIGS SU GNAS PA'I NYAN THOS KYI TSOGS LAM GYI DGE BA, ZHES SOGS SU 'DON BA BSGYUR ZHING BSHAD PAR BYA'O, ,GNYIS PA YAN LAG GI DON LA MTSAMS SBYAR BA DANG, DON DNGOS BSHAD PA'O, ,DANG PO NI, THAR PA'I SOGS SO ,GNYIS PA LA NGO BO DANG, DBYE BA'O, ,DANG PO LA, RTZA BA NI, MTSAN MED SOGS SO; ;'GREL PA NI, BDEN PA'I MTSAN MA MED PAR DMIGS PA'I SHES PA'I RNAM PAS SBYIN PA LA SOGS PA'I PHA ROL TU PHYIN PA NAS RNAM PA THAMS CAD MKHYEN PA NYID LA THUG PA RNAMS RANG RGYUD LA SA BON NUS LDAN BZHAG CING, RIGS SAD PAR BYED PA'I SGO NAS BSKYED PAR MKHAS PA'I BYANG SEMS TSOGS LAM PA'I RGYUD KYI THABS SHES NI CHOS CAN, RNAM PA THAMS CAD MNGON PAR RDZOGS PAR RTOGS PA 'DI LA THEG CHEN THAR PA'I CHA DANG MTHUN PA YIN PAR 'DOD DO, ,RANG 'BRAS THEG CHEN NGES CHA'I RGYUR GYUR PA'I TSOGS LAM GYI THABS SHES KHYAD PAR CAN YIN PA'I PHYIR, GNYIS PA LA, MTSAMS SBYAR NI, MKHAS PA DE GANG YIN ZHE NA SOGS SO, ,RTZA BA NI, SANGS RGYAS SOGS SO, ,'GREL PA LA, MKHAS PA'I DBYE BA DANG, DE DAG CHE CHUNG 'BRING SOGS KYI KHYAD PAR BSHAD PA'O, ,DANG PO NI, YUL CAN DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KHYAD PAR CAN BDEN PA MNGON RTOGS LA DBANG BYED PA'I SGOM BYUNG MIN PAS DBANG PO'I NGO BO NYID MIN PA RNAMS KYIS GRANGS BZHIN DU SANGS RGYAS DANG, SBYIN SOGS DANG, BSAM PA PHUN TSOGS SEMS BSKYED DANG, RNAM PAR MI RTOG PA'I SHES RAB DANG, CHOS THAMS CAD KYI RNAM PA THAMS CAD YONGS SU SHES PA LA SOGS PHA YUL RNAM PA LNGA LA MKHAS PA YIN NO, ,NGAG DON NI

, ,THEG CHEN THAR CHA CHOS CAN, KHYOD LA YUL GYI SGO NAS LNGAR YOD DE, BYANG SEMS TSOGS LAM PA'I DAD SOGS LNGA YOD PA'I PHYIR, GNYIS PA NI, THEG CHEN THAR CHA YUL LNGA LA MKHAS PA DE LTA MOD KYI DE DAG THAMS CAD KYIS BLA NA MED PA'I BYANG CHUB THEG PA GZHAN GYIS BAR MA CHOD PAR 'THOB PAS KHYAB PA MIN TE, DE YANG 'DI LTAR SPYIR THEG CHEN THAR CHA LAS NYAN THOS KYI RIGS CAN RDZOGS BYANG DU SEMS BSKYED PA'I RGYUD KYI THAR CHA DANG, RANG RGYAL GYI RIGS CAN RDZOGS BYANG DU SEMS BSKYED PA'I RGYUD KYI THAR CHA DANG, THEG CHEN GYI RIGS CAN THEG CHEN DU SEMS BSKYED PA'I RGYUD KYI THAR CHA GSUM YOD LA, GSUM PA LA YANG THEG CHEN GYI RIGS CAN GYI BYANG SEMS DBANG PO RNO 'BRING RTUL GSUM GYI THAR CHA GSUM MO, ,DE LA THAR PA CHA MTHUN GYI NGO BOR GYUR PA'I DAD PA LA SOGS PA GANG THEG CHEN GYI RIGS CAN RDZOGS BYANG DU SEMS BSKYED PA'I RGYUD LA YOD PAS CHEN PO DE'I NANG NAS KYANG THEG CHEN GYI RIGS CAN DBANG PO RNON PO'I RGYUD LA YOD PAS NI BLA NA MED PA YANG DAG PAR RDZOGS PA'I BYANG CHUB THEG PA GZHAN GYIS BAR MCHOD PAR RTOGS PAR SLA ZHANG TSEGS CHUNG DUS RTOGS NUS LA, THEG CHEN GYI RIGS CAN RDZOGS BYANG DU SEMS BSKYED PA'I RGYUD LA YOD PA'I THAR CHA CHEN PO DE DAG NYID THEG CHEN GYI RIGS CAN BYANG SEMS DBANG PO RTUL PO'I RGYUD LA YOD PAS NI RDZOGS BYANG THEG PA GZHAN GYIS BAR MA CHOD PAR RTOGS PAR DKA' BA'AM TSEGS CHEN POS RTOGS SHING 'THOB PAR BYED DGOS ZHES BYA BA 'DI NI RGYU'I KHYAD PAR GYIS 'BRAS BU LA 'THOB DKA' SLA'I KHYAD PAR 'BYUNG BA RTEN 'BREL GYI CHOS NYID YIN PAS GDON MI ZA BAR KHAS BLANGS DGOS SO, ,DE YANG THEG CHEN GYI RIGS CAN RDZOGS BYANG DU SEMS BSKYED PA DBANG PO 'BRING PO'I RGYUD KYI THAR CHA NI SNGA MA BAS RTOGS DKA' ZHING, PHYI MA BAS RTOGS SLA BAR DON GYIS SHES SO, ,DE LTAR THEG CHEN GYI

RIGS CAN RDZOGS BYANG DU SEMS BSKYED PA DBANG RTUL GYIS KYANG RDZOGS BYANG THEG PA GZHAN GYIS BAR MA CHOD PAR THOB PAR DKA' BAR DNGOS SU BSTAN PA'I SHUGS KYIS NA RANG RGYAL DU RIGS NGES PA DANG, NYAN THOS SU RIGS NGES PA RDZOGS BYANG DU SEMS BSKYED PA'I RGYUD KYI THAR CHAS RDZOGS BYANG THEG PA GZHAN GYIS BAR MA CHOD PAR 'THOB PA'I RGYU MI BYED PAR BSTAN CING, 'O NA GANG DAG DE DAG GIS RDZOGS BYANG THEG PA GZHAN GYIS PAR MA CHOD PAR MI 'THOB CE NA, SKABS 'DIR BSTAN, THAR CHA 'BRING PO RANG RGYAL DU RIGS NGES PA RDZOGS BYANG DU SEMS BSKYED PA'I RGYUD KYI DAD SOGS RNAMS KYIS NI RDZOGS BYANG GI GONG DU RANG SANGS RGYAS KYI BYANG CHUB RTOGS PAR BYED LA, SKABS 'DIR BSTAN THAR CHA CHUNG DU NYAN THOS SU RIGS NGES PA RDZOGS BYANG DU SEMS BSKYED PA'I RGYUD KYI DAD SOGS RNAMS KYIS NI RDZOGS BYANG GI SNGA ROL DU NYAN THOS KYI BYANG CHUB RTOGS PAR BYED DO ZHES BYA BA 'DI DON GYIS 'PHANGS PA YIN NO, ,NGAG DON NI, THEG CHEN THAR CHA'I NGO BOR GYUR PA'I DAD SOGS LNGA CHOS CAN, KHYOD KYIS RDZOGS BYANG THEG PA GZHAN GYIS BAR MCHOD PAR 'THOB PA'I RGYU BYED PAS MA KHYAB STE, KHYOD RANG RGYAL DU RIGS NGES PA RDZOGS BYANG DU SEMS BSKYED PA'I RGYUD LA YOD PAS DE'I SNGA ROL DU NYAN THOS KYI BYANG CHUB 'THOB RGYU BYED PA'I PHYIR, 'DIR GZHAN DAG SKABS 'DI'I THAR CHA CHUNG 'BRING CHE GSUM DANG, RTUL 'BRING RNO GSUM KHYAD MED DU BYAS NAS, DE YANG NYAN THOS DANG RANG RGYAL DANG THEG CHEN GYI THAR CHA GSUM LA 'CHAD PA NI RNAM PAR 'KHYAMS TE, MDO DANG 'GAL, BSTAN BCOS DANG 'GAL, 'GREL PA'I TSIG DON LA MA ZHUGS PA'I PHYIR, MDO DANG JI LTAR 'GAL NA; SKABS 'DI'I THAR CHA CHUNG DU STON PA'I MDOR, BYANG CHEN THOG MAR SEMS BSKYED PA NAS BZUNG STE, RNAM MKHYEN DANG LDAN PAS SBYIN GTONG, ZHES SOGS GSUNGS PAS, CHUNG DU'I RTEN GYI GANG ZAG BYANG SEMS YIN PAR BSNYON MI NUS PAR GRUB PA'I PHYIR DANG,

, ,NYI SNANG LAS KYANG, DE LA SBYIN PA LA SOGS PA MTSAN MAR MI BYED PAR YANG DAG PAR BSGRUBS PAS NI CHUNG DU GSUNGS PA YIN NO, ,CHOS THAMS CAD STONG PA NYID KYI RNAM PAR BSLAB PAR BYA'O, ZHES PAS NI 'BRING GSUNGS PA YIN TE, ZHES SOGS GSUNGS SHING, NYAN RANG GI THAR CHA YIN NA, MTSAN MA MED PA'I RNAM PAS SBYIN SOGS BSGRUB PA DANG, CHOS THAMS CAD STONG PA NYID KYI RNAM PAS SLOB PA SOGS SU 'GAL BA'I PHYIR RO, ,BSTAN BCOS DANG JI LTAR 'GAL NA, RTZA BAR SKABS 'DIR BSTAN GYI DAD SOGS LNGA PO YUL RNAM PA LNGA LA MKHAS PAR BSHAD CING, NYAN RANG GI THAR CHA YIN NA BSAM PA PHUN TSOGS LA MKHAS PA SOGS SU 'GAL BA'I PHYIR RO, ,'GREL PA'I TSIG GI DON LA MA ZHUGS TE, CHEN PO DANG RNON POS ZHES BZLAS NAS SMOS PA DGOS PA MED PA'I PHYIR, YANG KHA CIG CHEN PO DANG RNON PO THEG CHEN GYI RIGS CAN RDZOGS BYANG DU SEMS BSKYED PA'I THAR CHA DANG, 'BRING NI RANG RGYAL GYI RIGS CAN RDZOGS BYANG DU SEMS BSKYED PA'I THAR CHA DANG, CHUNG DU'AM RTUL PO NI, NYAN THOS KYI RIGS CAN RDZOGS BYANG DU SEMS BSKYED PA'I THAR CHA LA 'CHANG PA'ANG MI 'THAD DE, MDO LAS, RAB 'BYOR BYANG CHEN CHOS THAMS CAD KYI DE BZHIN NYID LA RAB TU SEMS PA NA, BYANG CHEN GANG GIS SEMS MI ZHUM, MI 'GOD YID LA 'GYOD PA MED CING, MI DANG NGA, KUN TU MI SKRAG, KUN TU SKRAG PAS ZIN PAR MI 'GYUR NA BYANG CHEN BLA MED RDZOGS BYANG DU 'BYUNG BAR 'GYUR RO, ZHES GSUNGS PA MI ZHUM MI DNGANGS PA'I RTUL PO'I THAR CHA'I RTAGS DANG, MI 'GONG ZHING MI SKRAG PA, 'BRING GI RTAGS DANG, MI 'GYOD CING KUN TU SKRAG PAS ZIN PAR MI 'GYUR BA RNON PO'I RTAGS SU BSHAD LA, NYAR RANG GI RIGS CAN RDZOGS BYANG DU SEMS BSKYED PA'I LAS DANG PO PA YIN NA STONG NYID ZAB MO LA SEMS MI ZHUM BA DANG MI DNGANGS PA SOGS SU 'GAL BA'I PHYIR RO, ,DE BAS NA KHO BOS BSHAD PA JI LTA BA BZHIN DU SHES PAR BYOS SHIG ,GNYIS PA SBYOR BA DANG POR SKYES

PA'I GNAS SKABS LA, DNGOS DANG, BZLOS SPONG GNYIS, DANG PO LA MTSAMS SBYAR NI, THAR PA'I SOGS SO, ,RTZA BA NI, DRO BA SOGS SO, ,'GREL PA LA SO SOR BSHAD PA DANG, DON BSDU BA'O, ,DANG PO LA BZHI LAS, DANG PO DROD NI, RNAM PA THAMS CAD MNGON PAR RDZOGS PAR RTOGS PA 'DI LA SEMS CAN LA DMIGS PA NAM DRO BAR GYUR PA YIN PAR BZHED DO, ,RNAM PA GANG GI ZHE NA, CHAGS SDANG MED PA'I MNYAM PA'I RNAM PA DANG, TSE 'DI'I BDE BA BSGRUBS PAS BYAMS PA GNYIS NI CHUNG DU DANG, PHYI MA'I BDE BA BSGRUB PAS PHAN PA DANG, KHONG KHRO BA MED BA DANG, RNAM PAR 'TSE BA MED PA'I SEMS NI 'BRING STE DE LTAR RNAM PA GSUM DANG, SKYES PA DANG BUD MED RGAN PA RNAMS LA SPUN DANG SRID MO'I SEMS DANG, GZHON PA RNAMS LA BU DANG BU MO'I SEMS DANG, PHAN 'DOGS PA'I BSHES DANG, YID BRTAN PA'I GROGS DANG, RUS GCIG PA'I GNYEN DANG, MI GCIG PA'I SNAG GI NYE MTSAMS KYI SEMS KYI RNAM PA CHUNG 'BRING LAS GZHAN RNAM PA LNGA'O, ,LNGA TSAN GNYIS SU BYAS PA NI, LNGA TSAN DANG PO LA RE RE DANG, PHYI MA LA GNYIS GNYIS 'GRANG BAR SHES PA'I CHED DO, ,GNYIS PA RTZE MO NI, SEMS CAN LA DMIGS PA NI RTZE MOR GYUR PA YIN NO, ,RNAM PA GANG GIS ZHEN, MDOR NA MI DGE BA LA GRANGS BZHIN DU SPONG BA'I SGO NAS LDOG PA DANG GZHAN BDAG NYID CAN DE'I SGO NAS GZHAN RNAMS SDIG PA LAS LDOG PA DANG, GZHAN BDAG NYID MA BSKUL BAR DE BZHIN NYID DU ZHUGS PA LA BSNGAGS PA BRJOD PA LA MTHUN PAR BYED PA CHUNG DU'I RNAM PA DANG DGE BA LA GRANGS BZHIN LEN PA'I SGO NAS ZHUGS PA'I BDAG NYID CAN DE'I SGO NAS DGE BA LA GNAS BDAG LA SBYOR BA DANG, GZHAN BDAG NYID DE BZHIN DU ZHUGS PA LA BSNGAGS PA BRJOD PA DANG, MTHUN PAR BYED PA NI 'BRING GI RNAM PA STE, DE LTAR RNAM PA GNYIS PO NANG GSES KYI CHOS KYI RAB TU DBYE BAS NI RNAM PA MTHA' YAS PA ZHES BYA BDE RNAMS KYIS SO, ,GSUM PA BZOD PA NI, RTZE MOR GYUR BA LA SEMS

, ,CAN LA DMIGS PA DAG JI LTA BA BZHIN DU 'DIR YANG SEMS CAN LA DMIGS PA BZOD PA YIN NO, ,RNAM PA GANG GI ZHE NA, RTZE MOR GYUR PA LA RANG DANG GZHAN GYI RTEN GYI DBYE BAS RNAM PA DAG JI LTA BA DE BZHIN DU 'DIR YANG RANG GI RTEN CAN ZHES PA RANG SDUG BSNGAL LA SOGS PA'I BDEN PA LA DMIGS PA LA GNAS NAS GZHAN GYI RTEN CAN ZHES PA GZHAN SDUG BSNGAL LA SOGS PA'I BDEN PA LA DMIGS PA LA SBYOR BA DANG, BSNGAGS PA BRJOD PA DANG MTHUN PA NYID KYI RNAM PA RNAMS KYIS SO, ,DES NA RTZE MOR GYUR BA LA DMIGS PA DAG JI LTA BA DE BZHIN DU ZHES PAS SEMS CAN DMIGS PAR BSTAN CING BDEN PA LA DMIGS BCES PA'I DMIGS PA, ZHES PA DE SHES PA ZHES BA'I 'GREL PA YIN PA LA, DE LTAR MGO BAR BOD DAG SLOB DPON LA BDEN PA DMIGS PAR BSHAD PA NOR ZHES PA'I 'GREL PA 'CHANG, GANG LA SBYOR BA'I YUL NGES PA GZUNG ZHES ZER BA NI RANG GI BLO SKYON GYIS BDAG NYID CHEN PO LA SKUR PA 'DEBS PAR BYED PA'O, ,BZHI PA CHOS MCHOG NI, SNGA MA BZHIN DU RANG DANG GZHAN GYI RTEN CAN KHO NAS SMIN PAR BYED PA DANG GROL BAR BYED PA LA SOGS PA'I RNAM PA DAG GIS SEMS CAN LA DMIGS PA NI CHOS KYI MCHOG YIN NO, ,GZHUNG RIM PA BZHI LA, DAG DON NI RIM PA BZHIN, DROD LA GNAS PA'I BYANG SEMS KYI MNGON RTOGS CHOS CAN, KHYOD 'DIR BSTAN DROD YIN TE, KHYOD KYIS RJES THOB TU MNYAM BA'I SEMS SOGS BCUS SEMS CAN LA DMIGS PAS KHYAD PAR DU BYAS PA'I THEG CHEN GYI DON MNGON RTOGS YIN PA'I PHYIR, RTZE MO LA GNAS PA'I BYANG SEMS KYI MNGON RTOGS CHOS CAN, 'DIR BSTAN RTZE MO YIN TE, KHYOD KYIS RJES THOB TU DGE SDIG LA BLANG DOR BYED BA LA DANG GNAS NAS GZHAN DE LA SBYOR BA SOGS KYIS SEMS CAN LA DMIGS PAS KHYAD PAR DU BYAS PA SOGS SO, ,BZOD PA LA GNAS PA'I BYANG SEMS KYI MNGON RTOGS CHOS CAN, 'DIR BSTAN BZOD PA YIN TE, KHYOD KYIS RJES THOB TU BDEN BA'I RNAM PA LA DMIGS

PA LA GNAS NAS, GZHAN DE LA SBYOR BA SOGS KYIS SEMS CAN LA DMIGS PA SOGS SO, ,CHOS MCHOG LA GNAS PA'I BYANG SEMS KYI MNGON RTOGS CHOS CAN, 'DIR BSTAN CHOS MCHOG YIN TE, KHYOD KYIS RJES THOB TU RANG SEMS CAN SMIN GROL BYED PA LA GNAS NAS; GZHAN DE LA 'GONG PA SOGS KYIS SEMS CAN LA DMIGS PAS KHYAD PAR DU BYAS PA'I THEG CHEN GYI DON MNGON RTOGS YIN PA'I PHYIR, GNYIS PA NI DE LTAR NA SOGS SO, ,GNYIS PA LA, RTZOD PA DANG, LAN GNYIS, DANG PO NI, SKABS DANG PO DRUG PHAL CHE BAR, SBYOR MTHONG SGOM GSUM GSUM KA BSTAN PA MI 'THAD DE, BZLOS PA'I NYES PAR 'GYUR PA'I PHYIR RO ZHE NA, GNYIS PA LAN LA, DGAG BZHAG GNYIS LAS, DANG PO GZHAN LUGS DGAG PA NI, KHA CIG NA RE, SKYON MED DE, SKABS DANG PO GSUM DU LDOG PA MI 'DRA BA'I SGO NAS STON TSUL THA DAD PA YOD LA, SBYOR BA DANG PO GSUM GYI SKABS SU DAG SA'I ZAG MED YE SHES LA SBYOR MTHONG SGOM PA'I MING GIS BTAGS NAS BSTAN PA YIN PA'I PHYIR, DE LA 'DOGS PA'I RGYU MTSAN RIM GYIS SKYE BAR CHOS MTHUN PAS SO, ,BTAGS PA'I DGOS PA DAG SAR 'BAD RTZOL NYE BAR ZHI BAS ZAG MED YE SHES THAMS CAD CIG CAR SKYE'AM SNYAM PA'I DOGS PA DGAG BAR BYA BA'I CHED YIN NO, ,DNGOS LA GNOD BYED BZLOS PAR 'GYUR BA'O, ZHES ZER LA, KHA CIG RNAM PA THAMS CAD DU KHYANG BAR LAM GYIS BSDUS PA CES PA DNGOS LA GNOD BYED BSTAN TO, ZHES ZER RO, ,BRTAGS PA BAR 'DOD PA THAMS CAD 'DI TZAM ZHIG LA MTHUN LA, 'O NA DAG SA'I YE SHES GANG DANG GANG LA, SKABS GANG DANG GANG GI SBYOR MTHONG SGOM PA'I MING GIS BTAGS ZHE NA, 'DI LA MI MTHUN TE, DE YANG KHA CIG NA RE, SA BRGYAD PA'I YE SHES DANG, DGU PA DANG BCU PA'I YE SHES RNAMS LA RIM BZHIN RNAM KUN GYI SBYOR MTHONG SGOM PA'I MING GIS BTAGS LA, DE BZHIN DU YE SHES DE GSUM LA RTZE SBYOR DANG MTHAR GYIS PA'I SKABS SU YANG LAM GSUM GYI MING GIS BTAGS SO ZHES

, ,ZER RO, ,DE NI MI 'THAD DE, SBYOR BA DANG PO GSUM GYI SKABS SU BZLOS SKYON CHAGS PAR THAL, DAG SA'I YE SHES GSUM BO DE MTSAN NYID PA LAN GSUM BSTAN BA'I PHYIR, MA KHYAB NA SKABS DE DAG TU BSTAN PA'I SBYOR MTHONG SGOM GSUM MTSAN NYID BA YIN NA BZLOS SKYON 'BYUNG BA BUD, YANG KHA CIG NA RE, SA BRGYAD BA'I YE SHES CHUNG DU 'BRING CHEN PO GSUM LA RNAM KUN GYI SKABS SU DANG, SA DGU PA'I YE SHES CHUNG DU 'BRING CHEN PO GSUM LA RTZI SBYOR GYI SKABS SU DANG, SA BCU PA'I YE SHES CHUNG DU 'BRING CHEN PO GSUM LA MTHAR GYIS PA'I SKABS SU SBYOR MTHONG SGOM PA'I MING GIS BTAGS PA YIN NO ZHES ZER RO, ,DE LTA NA SA BRGYAD PA MAN CHAD DANG, SA BCU PA NA RTZE SBYOR MI SRID PAR THAL, SBYOR LAM RTZE SBYOR DANG MTHONG LAM RTZE SBYOR DANG, SGOM LAM RTZE SBYOR GANG YIN KYANG, SA DGU PA'I YE SHES YIN PAS KHYAB PA'I PHYIR, 'DOD NAS DE DAG NA MKHYEN GSUM BSDUS BSGOM LA BRTAN PA THOB PHYIR SGOM PA'I SBYOR BA MED PAR THAL ZHING, 'GREL CHEN LAS, MTHONG LAM PA DANG SGOM LAM PAS SPANG BAR BYA BA'I GZUNG BA DANG 'DZIN BA'I RNAM PAR RTOG PA 'DI DAG KYANG SA BCU PA DANG 'BREL BA'I KHYAD PAR GYI LAM LA SPONG BAR BYED PA YIN LA, ZHES MTHONG LAM RTZE SBYOR DANG, SGOM LAM RTZE SBYOR GYI NGOS SKAL GYI SPANG BYA RTOG PA DE DAG GI BAG LA NYAL PHRA ZHING PHRA BA'I DNGOS GNYEN SA BCU PA'I YE SHES SU BSHAD BA DANG 'GAL BA'I PHYIR DANG, SDUD 'GREL LAS, LEGS BA'I BLO GROS LA SOGS PA GNYIS LA NI RTZE MO'I MNGON PAR RTOGS PA BSTAN TO, ZHES RTZE SBYOR KHYAD PAR CAN SA DGU BA DANG BCU PA GNYIS KA LA BSHAD PA DANG 'GAL BA'I PHYIR DANG, GZHAN YANG SRID ZHI MNYAM NYID KYI SBYOR BA THOB PA'I GONG DU PHYIR MI LDOG PA'I RTAGS 'THOB PAR PHYIR MI LDOG BA'I DON BSDU DANG, SRID ZHI MNYAM NYID KYI MTSAMS SBYAR LAS SHES LA, SRID ZHI MNYAM NYID SBYOR BA SA BRGYAD PA 'THOB MA THAG TU 'THOB PAS KHYAB CING, KHYED RANG GIS KYANG DE LTAR KHAS BLANGS BA'I PHYIR, RNAM KUN GYI

SBYOR MTHONG BSGOM GSUM THAMS CAD SA BRGYAD PA YAN CHAD KHO NA LA SMRA BA'I 'DOD PA SNGA PHYI GNYIS KA LA CHES GNOD PAR 'GYUR PA YIN NO, ,YANG KHA CIG SA BRGYAD PA'I YE SHES CHUNG DU, SA DGU PA'I YE SHES CHUNG DU, SA BCU PA'I YE SHES CHUNG DU GSUM LA RNAM KUN GYI SKABS SU DANG, SA GSUM PO DE'I YE SHES 'BRING GSUM LA RTZE SBYOR GYI SKABS SU DANG, SA GSUM PO DE'I YE SHES CHEN PO GSUM LA MTHAR GYIS PA'I SKABS SU SBYOR MTHONG BSGOM PA'I MING GIS BSTAN TO ZHES ZER BA MI 'THAD DE, ,DANG PO SA BRGYAD PA'I YE SHES CHUNG DU, DE NAS SA DGU PA DANG BCU PA'I YE SHES CHUNG DU, DE NAS SA BRGYAD PA'I YE SHES 'BRING SKYE BA LA SOGS PAR THAL, GDAGS GZHI'I YE SHES RNAMS DANG SBYOR MTHONG SGOM PA'I LAM RNAMS RIM GYIS SKYE BAR CHOS MTHUN PAR GANG ZAG GI GDAGS GZHI DE LTAR 'THAD BA'I PHYIR, RTAGS ZUR GNYIS KA KHAS BLANGS SO, ,KHA CIG ZAG MED YE SHES CHUNG 'BRING CHE GSUM NI DAG SA'I BYANG SEMS DBANG PO RNO 'BRING RTUL GSUM GYI MDON RTOGS LA 'DOD PA'ANG MI 'THAD DE, GANG ZAG GSUM PO DE'I YE SHES RNAMS RIM GYIS SKYE BA'I NGES PA MED PA'I PHYIR, GZHAN YANG SBYOR BA DANG PO GSUM GYI SKABS KYI SBYOR MTHONG BRTAGS PA BAR 'DOD PA'I RGYU MTSAN DANG, BRTAGS PA'I DGOS PA LA SOGS PA DE DAG KYANG 'THAD PA MIN TE, 'DI LTAR DAG SA'I ZAG MED KYI CHUNG 'BRING CHE GSUM CHAR SKYE BA'I DGOS PA'I RGOL BA'I NGOR, DE GSUM CIG CAR MI SKYE BAR SGRUB PA NA, RGOL PHYIR RGOL GYI RTZOD GZHI CHUNG 'BRING CHE GSUM TSAD MAS MTHUN SNANG DU GRUB BAM MA GRUB, PHYI MA LTAR NA RGOL BA DE'I NGOR DE SGRUB KYI RTAGS YANG DAG TU MI 'GYUR RO, ,GRUB NA CHOS CAN TSAD MAS GRUB PA NA BSGRUB BYA GRUB PAR 'GYUR TE, SA BRGYAD BA'I YE SHES CHUNG 'BRING CHEN BO DANG, SA DGU PA'I YE SHES CHUNG 'BRING CHEN PO DANG, SA BCU PA'I YE SHES CHUNG 'BRING CHEN PO RNAMS SU NGES NAS, YE SHES DE DAG CIG CAR SKYE BA'I PHYIR DOGS BA MA CHOD PA MI SRID PA'I PHYIR, GAL TE DE LTAR NGES KYANG DE 'DRA DOGS BA MI CHOD NA SBYOR MTHONG

, ,SGOM GSUM DANG CHOS MTHUN PAR DES PAS KYANG DGOS PA DE MI CHOD PAR THAL LO, ,DNGOS LA GNOD BYED KYANG MI 'THAD DE, SKABS DANG PO GSUM GYI SBYOR MTHONG SGOM GSUM YANG BZLOS PAR THAL, DNGOS YIN PA'I PHYIR, ZHES BRJOD NA LAN CI YOD, GAL TE SKABS DANG PO GSUM GYI SBYOR MTHONG SGOM GSUM MTSAN NYID PA YIN KYANG STON TSUL MI 'DRA BA'I SGO NAS BSTAN PAS BZLOS SKYON MED DO ZHE NA, SBYOR BA DANG PO GSUM GYI SKABS SU BSTAN PA'ANG MTSAN NYID PA YIN KYANG, BZLOS SKYON MID PAR THAL, STON TSUL THA DAD YIN PA'I PHYIR, DAG SA'I YE SHES YIN PA'ANG DNGOS LA GNOD BYED DU SMRA BA NI BAB TZEL TE, DAG SA'I YE SHES YIN MIN RTZOD PA'I SKABS YIN PA'I PHYIR, RTZOD PA'I SKABS YIN KYANG GNOD BYED DU 'GYUR NA, SBYOR LAM YIN PA'ANG DAG SA'I YE SHES YIN PA LA GNOD BYED DU 'GYUR BAR MTSUNGS PAS SBYOR BA DANG PO GSUM GYI SBYOR MTHONG SGOM GSUM MTSAN NYID PA YIN PA DANG, DAG SA'I YE SHES YIN PA GNYIS KA'ANG DNGOS LA GNOD BYED YOD SNYAM DU 'GYUR RO, ,BAG LA NYAL KUN 'JOMS PA DANG, ZHES BA DANG, CHOS MCHOG GI SKABS SU MDO LAS, RANG RNAM MKHYEN GYI YE SHES BSKYED PA LA GNAS NAS GZHAN DE LA 'GOD BA DANG, ZHES SOGS KYIS GNOD DO, ZHE NA, MI 'THAD DE, BAG LA NYAL MA LUS PA BCOM BAS BRGYAD PA NA'ANG MED CING, 'JOMS PA'I BYA BRJES MTHUN BA TZAM SBYOR LAM NAS KYANG YOD BA'I PHYIR DANG, RNAM MKHYEN GYI YE SHES KYI'ANG DNGOS SU BSKYED PA SA BRGYAD PA NA'ANG MED CING, BRGYUD NAS BSKYED PA SBYOR LAM NA'ANG YOD PA'I PHYIR RO, ,GZHAN YANG SBYOR BA DANG PO GSUM GYI LAM BRTAGS PA BAR 'PHAGS PA MI BZHED KYANG SLOB DPON GYI GZHUNG 'DI'I BZLOS SPONG GI DGONGS BA LAM GSUM BRTAGS PA BA YIN NO ZHES SMRA BA NI, SLOB DPON GYI GZHUNG LA 'DRIS PAR MA BYAS PA'I BA BCOL CHEN PO YIN TE, 'GREL CHEN NA'ANG BZLOS SPONG GI GZHUNG TSIG 'DI JI LTA BA BZHIN DU YOD PAS 'GREL PA CHE CHUNG GNYIS KA'I

DGONGS PA LAM GSUM BRTAGS PA BAR 'GYUR NA'ANG DE NI MIN TE, SBYOR BA DANG PO GSUM GYI LAM GSUM BRTAGS PA BAR BZHED NA, SPYOR LAM PA PHYIR MI LDOG TU SGRUB DGOS KYI BYANG SEMS YIN NAS BRGYAD PA PAR 'GREL PA CHE CHUNG GNYIS KA'I LUGS LA BZHED RIGS PAR 'GYUR BAR THAL, 'GROL CHEN DU LA LA RIGS NGES PA YIN KYANG NGES PAR 'BYED PA'I CHA DANG MTHUN PA'I GNAS SKABS SU YANG THABS KYI KHYAD PAR BSAM GYIS MI KHYAB PAS PHYIR MI LDOG PA NYID DU NGES PA YIN NO, ZHES SOGS KYIS SBYOR LAM PA RIGS MA NGES PA DBANG RNON PHYIR MI LDOG TU RTAGS 'DI DAG GIS SGRUB KYI DBANG RTUL SGRUB MI NUS PAR GSUNGS LA, YANG 'GREL CHE NA LAS, SA BRGYAD PA LA NI THAMS CAD PHYIR MI LDOG PAR NGES PA NYID DU BZHAG PA'I PHYIR, ZHES SOGS KYIS SA BRGYAD PA THOB NAS DBANG PO RNON PO 'BRING RTUL GSUM THAMS CAD PHYIR MI LDOG BA'I RTAGS THOB PAR BSHAD PA'I PHYIR, SBYOR LAM PA PHYIR MI LDOG GI RTAGS SU BSHAD PA 'DI DAGS BRGYAD BA KHO NA'I RTAGS MIN PAR BZHED PA CHES SHIN TU GSAL LO, ,DE'I PHYIR SBYOR BA DANG PO GSUM GYI LAM GSUM YANG BRTAGS PA BAR MI BZHED PAR GRUB LA, DE LTAR MIN BAR BZHED NA BZLOS SPONG GI GZHUNG GIS BRTAGS PA BAR SMRAS PA DANG, DRO BA LA SOGS PA BZHI'I NGO BO NYID YIN PAR KHOD DU CHUD BAR BSHAD PAR BYA'O, ZHES SOGS KYIS MTSAN NYID BAR SMRAS BA RANG TSIG DNGOS SU 'GAL BAR YANG 'GYUR RO, ,GZHAN YANG SGOM LAM BA PHYIR MI LDOG BA'I RTAGS LA SOGS PA'I SKABS SU SGOM LAM GYI THA SNYAD KYIS BSTAN PA'I DAG SA'I YE SHES DE DAG SGOM LAM DNGOS YIN PA LA GNOD BYED SOGS CHOS GSUM TSANG BA'I PHYIR, DE DAG SGOM LAM MIN PAR THAL LO, ,GAL TE SGOM LAM BRTAGS BAB YIN CES PA NI, SA DGU'I DBYE GZHIR GYUR PA'I SGOM LAM BRTAGS PA BA YIN PA LA BYED DO ZHE NA, DE LTA NA SBYOR BA DANG PO GSUM GYI SKABS SU SGOM LAM GYI THA SNYAD KYIS BSTAN PA'I DAG SA'I YE SHES DANG, SKABS GNYIS PAR BSHAD PA'I

, ,ZAG BCAS SGOM LAM GSUM PO DE LA SGOM LAM DNGOS BRTAGS KYI KHYAD PAR 'BYED MI RIGS PAR THAL, DE DAG THAMS CAD SA DGU'I DBYE GZHIR GYUR PA'I SGOM LAM MA YIN PAR MTSUNGS PA'I PHYIR, KHYAB PA KHAS, 'DOD NA KHYED RANG GIS KHYAD PAR DNGOS SU PHYE BA DANG 'GAL LO, ,YANG KHA CIG NA RE, SBYOR BA DANG PO GSUM GYI LAM GSUM BRTAGS PA BA YIN PA MI 'THAD PAS, SLOB DPON GYI BZLOS SPONG GI GZHUNG GI DGONGS PA'ANG LAM GSUM MTSAN NYID PAR SMRA LA, DE'I TSUL YANG JI LTA BU ZHE NA; SA BRGYAD PA'I YE SHES KYI DBYE BA GSUM RTOGS PA'I DON DU, RNAM KUN GYI SKABS SU LAM GSUM DANG, SA DGU PA DANG, SA BCU BA'I DKYIL STOD KYI CHA GNYIS RTOGS PA'I DON DU RTZE MO'I SKABS SU DANG, SA BCU PA'I DKYIL SMAD LA CHA GSUM DU PHYE BA RTOGS PA'I DON DU MTHAR GYIS PA'I SKABS SU LAM GSUM MTSAN NYID BDAG BSTAN PA YIN NO, ,DE LA DGOS PA CI YOD CE NA, DAG SAR 'BAD RTZOL NYE BAR ZHI BAS DAG SA'I ZAG MED YE SHES THAMS CAD CIG CAR SKYE'AM SNYAM PA'I DOGS PA DGAG PA'I CHED DU LAM GSUM PO MTSAN NYID PA DAG BSTAN PAS, DAG SA'I ZAG MED YE SHES CHUNG 'BRING CHA GSUM DAG MTSON NAS BSTAN PA YIN NO, ,MTSON NUS PA'I RGYU MTSAN, DMIGS RNAM MTSUNGS SHING RIM GYIS SKYE BAR CHOS MTHUN BAS SO ZHES ZER RO, ,DE YANG MI 'THAD DE, SHES BYA CHOS CAN, SKABS DANG PO GSUM DU SBYOR MTHONG SGOM GSUM LAN GSUM BSTAN PAS KYANG DAG SA'I YE SHES ZAG MED CHUNG 'BRING CHE GSUM DE DAG MTSON NUS PAR THAL, DE DAG DANG DMIGS RNAM MTSUNGS SHING RIM GYIS SKYE BAR CHOS MTHUN PA'I PHYIR; RTAGS KHYAB KHAS, 'DOD NA SKABS DANG PO GSUM DU SBYOR MTHONG SGOM GSUM BSTAN PA NYID KYIS YE SHES DE DAG CIG CAR SKYE BA'I DOGS PA KHEGS ZIN PA'I PHYIR NA DOGS PA DE BCAD PA'I PHYIR DU SBYOR BA DANG PO GSUM DU LAM GSUM BSTEN PA DON MED PAR

THAL LO, ,GZHAN YANG LAM GSUM DANG RIM GYIS SKYE BAR CHOS MTHUN PAS YE SHES DE DAG CIG CAR SKYE BA'I DOGS PA GCOD PA DANG MI 'THAD PAR BSHAD ZIN CING, ZAG MED KYI YE SHES CHUNG DU DANG 'BRING DANG CHEN PO ZHES PA'ANG SA BCU PA'I DKYIL STONG DKYIL SMAD DU PHYE BA'I CHA SOGS LA BYED PA LA RGYU MTSAN GANG YANG MED PA'I PHYIR YID BRTAN MI RUNG NGO, ,GNYIS PA RANG GI LUGS LA, SKABS DANG PO GSUM DU LAM GSUM BSTAN PA RNAMS MI BZLOS PAR BSTAN PA NI, RNAM PA THAMS CAD MKHYEN PA NYID LA SOGS PA MNGON PAR RTOGS PA RNAM PA GSUM GYI SKABS LA NI CHOS CAN, 'JIG RTEN PA'I NGES PAR 'BYED PA'I CHA DANG MTHUN PA RTOGS PA SNGON DU 'GRO BAS 'JIG RTEN LAS 'DAS PA MTHONG BA'I LAM DANG SGOM PA'I LAM RTOGS PA'I TSUL CI RIGS PAR, LAM GSUM BSTAN PA YIN KYANG BZLOS PA'I SKYON MED DE, NYAN RANG LAS KHYAD PAR 'PHAGS PA'I CHOS KYI BDAG MED RTOGS TSUL GYI RNAM PA BCU GNYIS DANG, LAM GSUM DANG, GZHI THAMS CAD GANG ZAG GI BDAG MED PAR RNAM BAR BSGOM BA'I DBYE BAS DGOS PA DANG STON TSUL THA DAD PA'I PHYIR, SBYOR BA DANG PO GSUM BSTAN PA MI BZLOS PAR BSTAN PA NI, RNAM PA KUN MNGON PAR RDZOGS PAR RTOGS PA LA SOGS PA SBYOR BA DANG PO GSUM GYI SKABS BA [?] NI LAN GSUM GSUM BSTAN KYANG BZLOS PA'I SKYON MED DE, 'DI LTAR NGES 'BYED CHA MTHUN GYI NGO BOR GYUR PA'I SBYOR BA GSUM GOMS PAR BYAS NAS, SGOM BA GONG NAS GONG GI GNAS SKABS KYI KHYAD PAR GYI RNAM PA THAMS CAD DU 'JIG RTEN PA LAS KHYAD BAR DU 'PHAGS PA'I 'JIG RTEN LAS 'DAS PA'I LAM GYIS BSDUS PA'I YE SHES ZAG PA MED PA CHUNG DUS MTHONG LAM DANG, 'BRING MA DAG SA BDUN DANG, CHEN PO DAG SA'I YE SHES KYIS BSDUS PA'I SBYOR BA RNAMS SNGE [?] BA'I SGO NAS SBYOR BA GSUM PO RE RE'ANG LAM GSUM KA'I GNAS SKABS SU RIM GYIS SKYE BA YIN PAS RNAM RDZOGS SBYOR BA THAMS CAD SBYOR LAM LTA BU'I GNAS SKABS SU RGYUN GCIG PA CIG CAR RDZOGS PAR SKYES NAS DE'I

, ,RJES SU RTZE SBYOR THAMS CAD MTHONG LAM LTA BU'I SKABS SU RGYUN GCIG PA CIG CAR RDZOGS PAR SKYES, DE'I RJES SU MA DAG SA BDUN LTA BU'I SKABS SU MTHAR GYIS SBYOR BA THAMS CAD RGYUN GCIG LA CIG CAR RDZOGS PAR SKYE BA'I LAM GSUM PO RE RE'I SKABS SU'ANG, SBYOR BA GSUM GA TSANG BAR SKYE BA MIN NAM SNYAM BA'I DOGS PA SKYE BA DGAG PAR BYA PA'I PHYIR DANG, SBYOR BA GSUM PO STON BA NA RE RE'I SKABS SU'ANG NGES PAR 'BYED PA'I CHAL SOGS PA LAM GSUM KA'I THA SNYAD DNGOS SU SMOS BA'I SGO NAS GSUNGS PA YIN PAR SHES PAR BYA'O, ,'O NA MTHAR GYIS PA'I SBYOR BA'I SKABS SU THA SNYAD DNGOS SU JI LTAR SMROS ZHE NA, MING GI THA SNYAD DNGOS SU MA SMOS KYANG, LAM DE DANG DE STON PA'I DBANG DU BYAS PA'I SGRA'I THA SNYAD DNGOS SU SMOS PA YIN PAS SKYON MED DO, ,NGAG DON NI, RJE BTZUN CHOS CAN, SBYOR BA DANG PO GSUM KA'I SKABS SU LAM GSUM KA STON PA'I SGRA'I THA SNYAD DNGOS SU SMOS PA'I SGO NAS GSUNGS PA LA DGOS PA YOD DE, LAM GSUM PO RE RE'I GNAS SKABS NA YANG SBYOR BA GSUM KA YOD BA MIN PAR LAM RE RE KHO NA'I SKABS SU SBYOR BA RE RE KHO NA RGYUN GCIG LA CIG CAR RDZOGS PAR SKYE'AM SNYAM PA'I DOGS PA 'BYUNG BA DGAG PA'I CHED DU DE LTAR GSUNGS PA'I PHYIR, KHO BO 'BA' ZHIG GIS NGA [?] PHYIS PHYIN PAR BSHAD PA LA BLO GROS LDAN PA DAG DGA' BAR BYOS SHIG ,GSUM PA SKYES PA KHYAD PAR DU GYUR PA'I RTAGS KYI RAB DBYE BSHAD PA LA SPYI'I DON DANG, YAN LAG GI DON NO, ,DANG PO NI, PHYIR MI LDOG PA'I DON NI GANG, DER SGRUB PA'I RTAGS KYANG JI LTA BU, RTAGS DE DAG GIS PHYIR MI LDOG PAR SGRUB TSUL YANG GANG ZHIG YIN CE NA, DE LA PHYIR MI LDOG PA NI GNYIS TE, BSAM PA PHYIR MI LDOG PA DANG; SBYOR BA PHYIR MI LDOG PA'O, ,DANG PO NI, RANG DON YID BYED KYI BLO NAM YANG MI SKYE BAR GYUR PA YIN LA, GNYIS PA NI, SBYOR BAS THEG DMAN GYI LAM LA SLOB MI SRID PA'O, ,PHYIR MI LDOG PA'I GANG ZAG GNYIS TE, RIGS KYI STOBS KYIS PHYIR MI LDOG PA DANG, RTOGS

PA'I STOBS KYIS PHYIR MI LDOG PA'O, ,DANG PO NI, THEG CHEN DU RIGS NGES PAS SEMS BSKYED PA TZAM NAS RDZOGS BYANG LAS PHYIR MI LDOG PA'O, ,GNYIS PA NI, THEG CHEN GYI RTOGS PA KHYAD PAR CAN RGYUD LA SKYES PA'I STOBS KYIS PHYIR MI LDOG PA'O, ,DE LA RIGS NGES PA NI; SBYOR PA'I SNGON DU SNYING RJE DANG, ZHES SOGS KYIS RIGS KYI RTAGS LAS SHES LA, RTOGS PA'I STOBS KYIS PHYIR MI LDOG PA NI 'DIR BSHAD PA'I RTAGS RNAMS KYIS DPOG PA YIN NO, ,DE'I PHYIR 'DIR BSHAD PA'I RTAGS RNAMS NI RTOGS PA'I STOBS KYAS PHYIR MI LDOG PA'I RTAGS YIN LA, DE YANG RIGS KYI STOBS KYIS PHYIR MI LDOG PA YIN KYANG, RTOGS PA'I STOBS KYIS KYANG PHYIR MI LDOG PA THOB PA LA 'GAL BA MED DE, DE LTAR NA SBYOR LAM DU NGAN 'GRO RGYUN CHAD PA'I PHYIR BRTAGS MIN 'GOG PA THOB KYANG SLAR YANG MTHONG LAM DU NGAN 'GRO'I SA BON BCOM PA'I SGO NAS BRTAGS THOB BA BZHIN NO, ,DE BAS NA RIGS STOBS KYIS PHYIR MI LDOG PA YIN KYANG JI SRID RTOGS PA'I STOBS KYIS PHYIR MI LDOG PA MA THOB KYI BAR DU 'DIR BSHAD PA'I PHYIR MI LDOG GI RTAGS 'DI DAG 'THOB BA MIN NO, ,DE'I PHYIR 'DIR BSHAD BA'I RTAGS KYIS PHYIR MI LDOG PA DPAG PAR BYA BA'I GANG ZAG NI RIGS NGES PA DANG, MA NGES PA'I BYANG SEMS RTOGS PA'I STOBS KYIS PHYIR MI LDOG THOB PA DAG GO ,DE YANG RTOGS PA'I STOBS KYIS PHYIR MI LDOG PA'I GANG ZAG NI GSUM STE, SBYOR LAM PA DANG, MA DAGS PA DANG, DAG SA LA GNAS BA'O, ,DE DAG LAS, MA NGES PA'I RIGS CAN GYI SBYOR LAM PA DBANG RNON PHYIR MI LDOG PAR SGRUB PA YIN GYI, DBANG 'BRING DANG DBANG RTUL SGRUB MI NUS PA DANG, SA BRGYAD PA THOB NAS DBANG PO RNO RTUL THAMS CAD PHYIR MI LDOG BAR 'GREL CHEN LAS GONG DU DRANGS PA LTAR DNGOS SU GSUNGS PA'I SHUGS KYIS MTHONG LAM MA DAG SA LA GNAS PA DBANG 'BRING DANG DBANG RNON SGRUB NUS SHING DBANG RTUL SGRUB MI NUS PAR SHUGS LA SHES SO, ,DE DAG PHYIR MI LDOG PAR SGRUB PA'I RTAGS NI MED [?]

, ,LAS NYI SHU DANG BCU DRUG LA SOGS PA GSUNGS PA GDUL BYA NYE BA'I BSAM PA LA BLTOS PA YIN GYI YANG DAG PAR NA 'BRAS BU BYANG CHEN BSKYED PA LA NUS PA MTHU CAN DU GYUR PA'I THABS SHES KHYAD PAR CAN DANG, DES KUN NAS BSLANG BA'I LUS NGAG GI RNAM PAR RIG BYED KHYAD PAR CAN DAG YIN NO, ,GZHAN DAG NA RE, THABS SHES KHYAD PAR CAN PHA ROL POS MA GRUB PAS LUS NGAG GI RIG BYED KHO NA RTAGS YIN NO ZHES ZER RO, ,DE LTA NA THABS SHES PHA ROL POS LUS NGAG GI RTAGS LAS KYANG RTOGS MI NUS SAM NUS, DANG PO LTAR NA LUS NGAG GI RTAGS LAS PHYIR MI LDOG PAR YANG SGRUB MI NUS PAR THAL LO, ,NUS NA RTAGS YANG DAG GI PHYOGS CHOS YIN NA PHYIR RGOL GYIS GRUB PAS KHYAB PAR THAL, THABS SHES PHYIR RGOL GYIS LUS NGAG GI RTAGS LAS RTOGS NUS KYANG MNGON SUM GYIS MA GRUB PAS DE NYID PHYIR MI LDOG TU SGRUB PA'I RTAGS SU MI RUNG BA'I PHYIR RO, ,'O NA SO SO RANG GI RIG PA'I SKAD CIG MA RNAMS JI LTAR GZHAN YID CHES BAR BYED PA'I MTSAN NYID DAG YIN ZHES GSUNGS PA JI LTAR DRANG ZHE NA, DE'I DON NI, RNAL 'BYOR PA BYANG 'BAGS RNAMS KYI RJES THOB KYI THA SNYAD NI, SEMS CAN GDUL BA'I DGOS PA'I DBANG MA GTOGS PAR THAMS CAD DU MNYAM GZHAG GIS RTOGS PA DANG RJES SU MTHUN PA MIN NA DE DAG GI LUS NGAG GI THA SNYAD DE DAG JI LTAR GZHAN BYANG 'PHAGS LA THABS SHES KHYAD PAR CAN YOD PAR YID CHES PAR BYED PA'I MTSAN NYID DAG YIN TE MIN PAR THAL LO ZHES PA'O, ,RTAGS KYIS SGRUB PA'I TSUL NI, BYANG SEMS SBYOR LAM PA DBANG RNON YIN PA LA, PHYIR RGOL GYIS SBYOR LAM PA DBANG RNON YIN PAR MA NGES SHING; BYANG SEMS TZAM YIN PAR NGES PA'AM, SBYOR LAM PA DBANG RNON YIN PAR NGES KYANG DE NYID LA RDZOGS BYANG LAS PHYIR MI LDOG PAS KHYAB PAR MA NGES PAR 'DI BLA MED RDZOGS BYANG LAS PHYIR LDOG GAM MI LDOG SNYAM DU THE TSOM ZA BA'I DOR SNGA RGOL BYANG

BYANG SEMS DE NYID DAM, GANG ZAG GZHAN GYIS BYANG SEMS DE CHOS CAN, BLA MED RDZOGS BYANG LAS PHYIR MI LDOG STE, RANG DON YID BYED SKYE BA'I GO SKABS MED PA'I THABS SHES KHYAD PAR CAN DANG, 'DZIN PA CHOS KYI BDAG 'DZIN LA GNOD BYED STOBS LDAN DU GYUR PA'I SGOM BYUNG GI SHES RAB KHYAD PAR CAN DANG LDAN PA'I BYANG SEMS YIN PA'I PHYIR, ZHES 'GOD PAR BYED LA, DE'I PHYOGS CHOS RJES THOB LUS NGAG GI RTAGS LAS SGRUB DGOS SO, ,KHYAB PA NI, DE LTA BU'I THABS SHES KHYAD PAR CAN GYIS RDZOGS BYANG BSKYED PA LA 'GAL RKYEN GYIS GEGS BYED MI NUS SHING, GEGS MA BYAS NA RDZOGS BYANG BSKYED PAR NGES PA'I PHYIR, ZHES PA'I RTAGS KYIS SGRUB LA, RDZOGS BYANG BSKYED PA'I GEGS NI SEMS CAN GYI DON LA MI SPROL DANG, SHES BYA'I SGRIB PA GNYIS SU ZAD LA, DANG PO GANG ZAG DE'I RGYUD LA 'BYUNG MI SRID CING GNYIS PAS GANG ZAG DE'I RGYUD KYI CHOS KYI BDAG MED RTOGS PA'I SHES RAB GOMS BYA LA GSAL SNANG RAB KYI MTHAR THUG PAR 'GRO BA'I NUS PA NYAMS PAR BYED MI NUS PA'I PHYIR RO, ,DES NA GANG DAG PHYIR MI LDOG GI RTAGS KYI KHYAB 'BREL LUNG KHO NAS GRUB DGOS BAR 'DOD PA DE DAG GIS NI BDAG MED RTOGS PA'I SHES RAB KYIS NI BDAG 'DZIN SPONG BA DANG, BYANG CHUB KYI SEMS KHYAD PAR CAN GYIS SNGON YID BYED KYI BLO 'GOG PA TZAM DANG, THEG CHEN GYI THABS SHES KYI NUS PA MTHU CAN LAS RDZOGS PA'I SANGS RGYAS 'BYUNG BA TZAM YANG DNGOS STOBS KYIS SGRUB MI NUS BAR KHAS LEN PA YIN PAS, GANG ZAG DE DAG GIS RDZOGS PA'I SANGS RGYAS SHES BYA LA SRID PA TZAM DU'ANG RTAGS KYIS SGRUB MI NUS SO, ,DE YANG RDZOGS BYANG LAS PHYIR MI LDOG PAR 'GRUB PA LA, PHYIR LDOG MI SRID PAR BSGRUB DGOS KYI SANGS RGYA RUNG TZAM DU BSGRUB PAS CI LA'ANG MI PHAN TE, SANGS RGYA SRID NA PHYIR LDOG MI SRID BAS KHYAB PA'I PHYIR RO, ,DES RDZOGS BYANG LAS PHYIR MI LDOG TU 'GRUB BA LA, DMAN PA'I BSAM SBYOR GANG GIS KYANG BAR MCHOD PAR SANGS RGYA NGES

, ,SU BSGRUB DGOS SO, ,'O NA 'GREL CHEN LAS RUNG BA NYID RJES SU DPAG PAR NGES PAR GZUNG BAR BYA'O, ZHES BSHAD PA CI ZHE NA, GDON MI ZA BAR RDZOGS BYANG THOB TU RUNG BA KHO NA DPOG ,CES PA MIN GYI, SANGS RGYA SRID PA TZAM DU SGRUB CES PA MIN NO, ,DE LA JI SKAD BSHAD PA NI GZHAN NGOR SGRUB PA'I DBANG DU BYAS BA YIN LA, SNGAR TSOGS LAM DU KHYAB 'BREL THOS BSAM GYIS NGES PA MA BRJED PAR YOD PA LA PHYIS PHYOGS CHOS RANG LA MYONG BAS GRUB PA NA, KHO BO RDZOGS BYANG LAS PHYIR MI LDOG PAR 'GYUR RO SNYAM DU GLO BUR BA'I RTAGS YANG DAG TU 'GYUR BA'ANG SRID DO, ,GNYIS PA YAN LAG GI DON LA, SPYI'I MTSAMS SBYAR BA NI, JI SKAD BSHAD BA'I NGES BAR 'BYED PA'I CHA DANG MTHUN PA THOB PA LA PHYIR MI LDOG PA'I BYANG CHUB SEMS DPA'I DGE 'DUN 'BYUNG BAS PHYIR MI LDOG PA'I DGE 'DUN GYI MTSAN NYID 'CHAD DO, ,'GYUR 'DI LTAR GDON NO, ,GNYIS PA SO SO'I DON BSHAD PA LA, BYANG SEMS GSUM PHYIR MI LDOG PA'I DAM BCA' DGOD, DE SGRUB PA'I RTAGS BSHAD, DON BSDU BA'O, ,DANG PO LA, RTZA BA NI, NGES 'BYED SOGS SO, ,'GREL PA NI SRID ZHI'I DGRA LAS RGYAL BA'I DPA' BO GANG DAG NGES PAR 'BYED PA'I CHA DANG MTHUN PA BZHI DANG, MTHONG BA DANG BSGOM PA'I LAM 'CHAD PAR 'GYUR BA LA GNAS PA DE DAG NI CHOS CAN, BYANG CHUB SEMS DPA' SLOB PA PHYIR MI LDOG PA'I DGE 'DUN YIN NO, ,'OG NAS 'CHAD PA'I RTAGS DE DANG DE RTOGS PA'I TSUL GYIS GNAS PA'I BYANG SEMS YIN PA'I PHYIR, GNYIS PA LA SBYOR LAM DANG, MTHONG LAM DANG, SGOM LAM LA GNAS PA'I PHYIR MI LDOG PA'I RTAGS SO, ,DANG PO LA, MDOR BSTAN, RGYAS BAR BSHAD PA'O, ,DANG PO LA, MTSAMS SBYAR NI, GSUM PO DE RNAMS KYI PHYIR MI LDOG PA'I MTSAN NYID MA 'DRES PA GANG YIN ZHE NA RE SHIG SOGS SO, ,RTZA BA NI, GZUGS LA SOGS PA CES SO, ,'GREL BA NI, GZUGS LA SOGS PA LAS LDOG PA DANG, THE TSOM MED PA LA

SOGS PA'I RNAM PA NYI SHU CHOS CAN, KHYOD KYI SGO NAS NGES PAR 'BYED PA'I CHA DANG MTHUN PA LA SOGS GZHAN PA'I DBANG RNON RNAMS KYI PHYIR MI LDOG PA'I MTSAN NYID YIN PAR SHES PAR BYA BA YIN TE, KHYOD DE SGRUB KYI RTAGS YANG DAG YIN PA'I PHYIR, GNYIS PA LA MTSAMS SBYAR NI, YANG SOGS SO, ,RTZA BA NI, GZUGS LA SOGS PAS ZHES SO, ,'GREL PA NI, DROD DANG, RTZE MO DANG, BZOD PA DANG, CHOS KYI MCHOG LA GNAS PA'I BYANG CHUB SEMS DPA' DBANG RNON BLA NA MED BA'I BYANG CHUB LAS PHYIR MI LDOG PA YIN PAR RTAGS NYI SHU PO 'DI DAG GIS SHES PAR BYA'O, ,NYI SHU PO GANG ZHE NA, BZHI LAS, DANG PO DROD KYI RTAGS NI BDEN PA'I NGO BO NYID MED PA GZUGS LA SOGS PA'I CHOS LAS BDEN ZHEN LDOG PA DANG, DKON MCHOG LA SHES NAS DAD BA THOB PAS THE TSOM ZAD BA DANG, SMON LAM GRUB BAS LAS 'BRAS LA SKUR PA 'DEBS PA'I LOG PAR LTA BA CAN DANG, DMYAL BA DANG, YI DVAGS DANG, DUD 'GROR SKYE BA DANG, SANGS RGYAS KYI BKA' MI THOS PA DANG, 'KHOR RNAM BZHI MED BA'I YUL MTHA' 'KHOB TU SKYE BA DANG, YID DANG LCE'I DBANG PO MA TSANG BA RIM BZHIN GLEN PA DANG LKUGS PA'I DNGOS PO DANG, LHA TSE RING PO 'DU SHES MED PAR SKYE BA ZHES BYA BA MI KHOM BA BRGYAD ZAD PA DANG, SNYING RJES BDAG DANG GZHAN DGE BA'I CHOS LA SBYOR BA DANG, BDAG DANG GZHAN DU BRJE BA NYID KYIS SEMS CAN GZHAN GYI YUL LA YONGS SU BSNGOS PAS SBYIN PA LA SOGS BA DANG, DER MA ZAD CHOS DE BZHIN NYID YANG DAG PAR RTOGS PAS STONG NYID ZAB MO'I DON LA SOM NYI MI BYED PA DANG, GCIG TU GZHAN LA PHAN PA NYID DU ZHUGS PAS BYAMS PA'I LUS DANG NGAG DANG YID KYI LAS DANG, BSLAB PA GSUM GYI SBYOR BA PHUN SUM TSOGS BAS SGRIB BA MED PA'I TSUL KHRIMS LA BAR DU GCOD PA'I 'DOD PA LA 'DUN BA DANG, GNOD SEMS DANG, ZHI GNAS LA BAR DU GCOD PA'I GNYID DANG, RMUGS BA DANG, LHAG MTHONG LA BAR DU GCOD PA'I RGOD BA DANG, NGON PA BYAS PA LA

, ,YID LA BZHAG PA'I 'GYOD PA DANG, BTANG SNYOMS LA BAR DU GCOD PA'I THE TSOM DANG MI 'GROGS PA DANG, ZHES TE, DE LA GNYID RMUGS GNYIS DANG, RGOD 'GYOD GNYIS SGRIB BA RE RER BYAS BA NI, RGYU DANG BYED LAS GNYEN PO GCIG PA'I PHYIR RO, ,GNYON PO STONG NYID RNAM PAR SGOM PA NYID KYIS MA RIG PA'I DANG, LTA BA'I BAG LA NYAL THAMS CAD 'JOMS PA DANG, BLANG DOR GYI GNAS LA SEMS PHYIN CI LOG TU MA YENGS PAR RTAG TU MNYAM PAR BZHAG PA NYID KYIS DRAN PA DANG SHES BZHIN DANG LDAN PA DANG, PHYI NANG GI GTZANG SPRA KUN TU SPYOD PA NYID KYIS GOS LA SOGS PA YONGS SU SPYOD PA GTZANG BA ZHES BYA BA RNAM PA BCU GCIG GO ,NGAG DON NI, SBYOR LAM DROD LA GNAS PA'I BYANG SEMS DBANG RNON CHOS CAN, RDZOGS BYANG LAS PHYIR MI LDOG STE, GZUGS LA SOGS PAS LDOG PA LA SOGS PA JI SKAD BSHAD PA'I RTAGS BCU GCIG DANG LDAN PA'I BYANG SEMS YIN PA'I PHYIR, PHYOGS CHOS GRUB STE, DE DAG LAS MI 'KHRUL BA'I RJES THOB LUS NGAG GI THA SNYAD BCU GCIG MTHONG BAS SO, ,GNYIS PA RTZE MO'I RTAGS NI, DGE BA'I RTZA BA 'JIG RTEN THA MAL BA LAS MNGON PAR 'PHAGS PA THOB PA NYID KYIS LUS LA SRIN BU'I RIGS BRGYAD KHRI MI 'BYUNG BA DANG, DGE BA'I RTZA BA SEMS BSKYED SOGS RNAM PAR DAG PAS RANG DON YID BYED KYI SEMS GYA GYU MED BA DANG, RNYED PA DANG BKUR STI LA SOGS PA LA MI LTA BA NYID KYIS PHYAG DAR KHROD PA NYID LA SOGS PA SBYANGS PA'I YON TAN YANG DAG PAR LEN PA DANG, SBYIN PA LA SOGS PA PHYIN DRUG 'JIG RTEN PA DANG NYAN RANG LAS KHYAD PAR DU GYUR PA BSGRUBS PAS DE DAG DANG 'GAL BA SER SNA DANG 'CHAL PA'I TSUL KHRIMS LA SOGS PA MED PA DANG, CHOS THAMS CAD STONG NYID DU YANG DAG PAR SDUD PA NYID KYIS CHOS NYID DANG MI 'GAL BAR SHER PHYIN PA'I RNAM THAR DANG LDAN PAR 'GRO BA DANG, SNYING RJES 'GRO BA NYID KYIR BYAS PA NYID KYIS GZHAN GYI DON DU DMYAL BAR YANG 'GRO 'DONG

PA ZHES BYA BA RNAM PA DRUG GO, NGAG DON NI RTZE MO LA GNAS PA'I BYANG SEMS DBANG RNON CHOS CAN, RDZOGS BYAD LAS PHYIR MI LDOG STE, DGE RTZA 'JIG RTEN LAS MNGON PAR 'PHAGS PA SOGS BSHAD PA'I RTAGS DRUG DANG LDAN PA'I BYANG SEMS YIN PA'I PHYIR, GSUM PA BZOD PA'I RTAGS NI, RANG GI RTOGS PA LA YID CHES PA'I CHOS NYID KYIS BDUD SOGS GZHAN GYIS LAM GZHAN DU BKRIR MI BTUB PA DANG, SANGS RGYAS NYID KYI THABS SHES PA LA MKHAS PA NYID KYIS PHYIN DRUG DANG 'GAL BA LAM LTAR BCOS PA NYE BAR STON PA BDUD LA BDUD NYID DU RTOGS PA CES BYA BA RNAM PA GNYIS SO, ,NGAG DON NI, BZOD PA LA GNAS PA'I BYANG SEMS DBANG RNON CHOS CAN, RDZOGS BYANG LAS PHYIR MI LDOG STE, GZHAN GYIS BKRIR MI BTUB PA, LA SOGS PA'I RTAGS GNYIS DANG LDAN PA'I BYANG SEMS YIN PA'I PHYIR, BZHI BA CHOS MCHOG GI RTAGS NI, CHOS MCHOG LA GNAS PA'I BYANG SEMS DBANG RNON CHOS CAN, RDZOGS BYANG LAS PHYIR MI LDOG STE, 'KHOR GSUM RNAM PAR DAG PAS SPYOD PA THAMS CAD LA SANGS RGYAS DGES PA CES BYA BRTAGS RNAM PA GCIG DANG LDAN PA'I BYANG SEMS YIN PA'I PHYIR, GNYIS PA LA MDOR BSTAN, RGYAS PAR BSHAD PA'O, ,DANG PO LA MTSAMS SBYAR NI, NGES PAR 'BYED PA'I SOGS SO, ,RTZA BA NI, MTHONG BA'I SOGS SO, ,'GREL PA NI, SDUG BSNGAL LA SOGS PA'I BDEN PA'I SGO NAS CHOS DANG RJES SU SHES PA'I BZOD BA DANG, SHES PA'I SKAD CIG MA BCU DRUG GI MING CAN RGYAS BSHAD NAS 'CHAD PA'I RTAGS BCU DRUG NI CHOS CAN, BYANG CHUB SEMS DPA' MTHONG BA'I LAM LA GNAS PA'I PHYIR MI LDOG PA'I SHES BYED KYI MTSAN NYID YIN TE, DE SGRUB KYI RTAGS YANG DAG YIN BA'I PHYIR, GNYIS PA LA MTSAMS SBYAR NI, SKAD CIG MA SOGS SO, ,RTZA BA NI, GZUGS SOGS ZHES SO, ,'GREL PA LA RTAGS KYI RAB DBYE DANG, RTAGS KYI NGO BO LA DOGS PA BCAD PA'O, ,DANG PO LA BZHI LAS, DANG PO SDUG BSNGAL BDEN PA'I SKAD CIG

, ,MA'I RNAM PA NI DON DAM PAR RANG GI MTSAN NYID STONG BA NYID KYIS GZUGS LA SOGS BA CHOS SU BDEN PAR RTOGS PA LAS LDOG BA DANG, SANGS RGYAS LA SOGS PAS BYIN GYIS BRLABS PAS BLA NA MED PA'I BYANG CHUB KYI SEMS MI G-YO BAR BRTAN PA NYID DANG; THEG PA CHEN PO'I CHOS KHYAD PAR CAN BSGRUBS PAS NYAN THOS DANG RANG SANGS RGYAS KYI THEG PA LAS SEMS RNAM PAR LOG PA DANG, STONG NYID RTOGS PA'I CHOS RAB TU RNAM PAR 'BYED PA'I MTHUS BSAM GTAN DANG GZUGS MED SNYOMS PAR 'JUG PA LA SOGS PAR SKYE BA'I YAN LAG YONGS SU ZAD PAR ZHES BYA BA NI SDUG BSNGAL GYI BDEN BA'I RNAM PA YIN NO, ,GNYIS PA KUN 'BYUNG GI SKAD CIG MA NI, MTHONG SPANG GI MI DGE BA DANG BRAL BA NYID KYIS LUS DANG SEMS YANG ZHING LAS SU RUNG BA NYID DANG, SEMS CAN GDUL BA'I THABS LA MKHAS PA'I MTHUS, MNGON PAR ZHEN BA MED PAR 'DOD PA LA NYE BAR SPYOD PA DANG, YUL GYI NYES DMIGS MTHONG BAS RTAG TU TSANGS PAR SPYOD PA NYID DANG, BYANG CHUB KYI SEMS MI BRJED PA LA DBANG BA'I SKYES BU DAM BA'I YO BYAD YANG DAG BAR RNAM PAR DAG PA NYID CES BYA BA BZHI NI KUN 'BYUNG GI RNAM PA YIN NO, ,GSUM PA 'GOG PA'I RNAM PA LA BZHI LAS, DANG PO CHOS BZOD KYI MING GIS BSTAN PA'I SKAD CIG MA NI, STONG PA NYID MNGON SUM DU RTOGS PA LA GNAS PA NYID KYIS PHUNG PO DANG, SKYE MCHED DANG; KHAMS RNAMS LA SBYOR BA DANG, RJES SU SBYOR BA DAG TU MI BYA'O ZHES MDO LAS GSUNGS PA DE LTAR DANG POR ZHEN PAS SBYOR BA DANG, RGYUN DU ZHEN PAS RJES SU SBYOR BA'I GNAS PA SO SOR BKAG PA'O, ,GNYIS PA 'GOG PA LA CHOS SHES PA'I MING GIS BSTAN PA NI, MTHONG LAM GYI MI MTHUN PA'I PHYOGS BSAL BA'I RNAM GROL LAM YIN BA NYID KYIS MTHONG LAM GYI RTOGS PA'I BAR CHAD BYED PA'I CHOS RNAMS LA SNGA MA BZHIN DU SBYOR BA DANG RJES SU SBYOR BA'I GNAS PA SO SOR BKAG PA'O, ,GSUM PA 'GOG PA LA RJES BZOD KYI MING GIS

BSTAN PA'I RNAM PA NI, RNAM PAR DAG PA'I SKYON YONGS SU SHES PA NYID KYIS BYANG CHUB KYI TSOGS SPYIN PA LA SOGS PA LA SNGA MA BZHIN DU SBYOR BA DANG, RJES SU SBYOR BA GTAM LA GNAS PA SO SOR BKAG PA'O, ,DE YANG GTAM ZHES PA'I DON NI, 'GROL CHEN LAS, DNGOS PO'I RNAM RTOG SDUG KUN SHES PA'I DUS SU BCOM PAS 'DIR 'GOG PA'I GTAM TZAM GYI GNYEN POR BSTAN PA'I PHYIR RO, ZHES GSUNGS PA LTAR SPANG GNYEN GYI DON LA MNGON PAR ZHEN PA'I MTHONG SPANGS SNGAR BCOM ZIN PAS 'DIR SPANG GNYEN GYI THA SNYAD LA ZHEN PA'I MTHONG SPANG GI SPROS PA TZAM 'GOG BAR STON PA'O, ,BZHI PA 'GOG PA LA RJES SHES KYI MING GIS BSTAN PA'I RNAM PA NI, GZUNG BA DANG 'DZIN PA'I ZHEN PA MTHA' DAG SPANG BAR BYA BA NYID KYIS MTHONG SPANG GI RNAM SMIN GYI CHAR GYUR PA'I DBANG PO DANG, RTEN GRONG KHYER LA SOGS PA MTHONG BA DANG, MTHONG LAM GYIS RNAM SMIN DE DAG GI RGYU MTHONG SPANG 'JIG LTA SPONG BA'I G-YUL 'GYED PA RNAMS KYI MING LA SNGA MA BZHIN DU DANG POR ZHEN PA'I SBYOR BA DANG, RGYUN DU ZHEN PA'I RJES SU SBYOR BA'I GNAS PA RJES SU BKAG PA ZHES BYA BA STE, DE LTAR NA JI SKAD BSHAD PA BZHI NI 'GOG PA'I RNAM PA YIN NO, ,'DI'I MTHA' DPYAD PA LA, MDO LAS, G-YUL DANG, GRONG DANG, GRONG KHYER DANG, GRONG RDAL DANG, DMAG GI GTAM GYI SBYOR BA DANG, RJES SU SBYOR BA LA BRTZON PAR MI GNAS, ZHES GSUNGS PA'I DON NI, MTHONG LAM GYIS 'JIG LTA MTHONG SPANG SPONG BZHIN PA NI G-YUL 'GYED PA'I SGRAS BSTAN LA, 'JIG LTA MTHONG SPANG GI 'BRAS BU RNAM SMIN GYI CHAR GYUR PA'I PHUNG PO ZAG BCAS KYI DBANG PO BCU BZHI DANG, DE DAG GI RTEN 'BYUNG BA DANG 'BYUNG BA LAS GYUR BA DANG, GZUGS SOGS YUL DRUG PO RNAMS NI GRONG LA SOGS BA'I SGRAS BSTAN PA YIN CING, DE YANG DBANG PO RNAMS GRONG GI SGRAS BSTAN PA'I RGYU MTSAN NI, GRONG SKYES BU'I RTEN YIN PA LTAR DBANG PO 'DI DAG KYANG RANG 'BRAS RNAMS KYI RTEN YIN PAS SO, ,DBANG PO'I RTEN 'BYUNG BA DANG 'BYUNG 'GYUR RNAMS GRONG KHYER GYI SGRAS

, ,STON PA'I RGYU MTSAN NI, GRONG KHYER GRONG GI RTEN YIN PA LTAR 'DI DAG KYANG DBANG PO'I RTEN YIN PA'I PHYIR RO, ,YUL DRUG PO GRONG RDAL GYI SGRAS STON PA'I RGYU MTSAN NI, TSONG 'DUS DANG BCAS PA'I GRONG NI GRONG RDAL ZHES BYA LA, DE NYID SKYES BU'I 'JUG LDOG GI GZHI YIN PA LTAR 'DI DAG KYANG RNAM SHES 'JUG LDOG BYED PA'I GZHI YIN PA'I PHYIR RO, ,DE YANG 'JIG LTA MTHONG SPANGS BZHI DANG, 'JIG LTA DES MTHONG SPANG RNAM SMIN GYI CHA 'DI DAG SKYED PA'I NUS PA SOGS SDUG KUN SHES PA'I DUS SU BCOM ZIN CING, DE DAG DANG MTHONG LAM LA YANG SPANG GNYEN DU ZHEN PA'I MTHONG SPANG YANG SNGAR BCOM ZIN LA, 'DIR NI SPANG GNYEN DE DAG G-YUL 'GYED PA'I MING TZAM LA ZHEN PA'I MTHONG SPANGS 'GAGS PAR STON PA NYID SKABS KYI DON YIN NO, ,DE'I PHYIR SKABS 'DIR MIG DBANG NAS LUS DBANG GI BAR LNGA; PHO MO'I DBANG PO GNYIS, SROG YID KYI DBANG PO GNYIS, TSOR BA BDE SDUG, YID BDE, YID MI BDE, BTANG SNYOMS KYI DBANG BO LNGA STE, BCU BZHI PO DAG 'GAGS PA'I 'GOG PA DU THOB DPYOD PA DANG, DBANG PO NYI SHU RTZA BZHI'I RNAM GZHAG RGYA CHER 'CHAD PA DAG NI SKABS SU BAB PA'I DON MIN PAS, 'DIR DE DAG 'CHAD PA'I SPROS PA MA BYAS SO, ,BZHI PA LAM GYI RNAM PA NI, SBYIN PA LA SOGS BA'I KHYAD PAR 'KHOR GSUM RNAM DAG RTOGS PAS SER SNA DANG 'CHAL PA'I TSUL KHRIMS LA SOGS PA LA SBYOR BA DANG, RJES SU SBYOR BA GNAS PA SO SOR BKAG PA DANG, CHOS THAMS CAD RNAM PAR THAR PA'I SGO GSUM GYI NGO BO NYID DU RTOGS PA YIN PAS DON DAM PAR BYANG CHUB SOGS RTOGS PA'I CHOS RDUL TZAM YANG MI DMIGS BA DANG, RANG NYID PHYIR MI LDOG PAR MNGON PAR YID CHES PA THOB PAS THAMS CAD MKHYEN PA NYID GSUM GYI BDAG NYID KYI RANG GIS THOB PA'I SA GSUM LA JI LTA BA BZHIN DU NGES PA NYID KYIS GNAS PA DANG, GCIG TU GZHAN DON LA GZHOL BA NYID KYIS RNAM PA THAMS CAD MKHYEN PA NYID LA SOGS PA'I CHOS KYI DON DU SROG GTONG BA ZHES BYA BA BZHI

NI LAM GYI RNAM PA'I MING CAN DAG YIN NO, ,NGAG DON NI, BYANG SEMS MTHONG LAM PA DBANG 'BRING CHOS CAN, RDZOGS BYANG LAS PHYIR MI LDOG STE, SHES BZOD SKAD CIG MA'I MING GIS MDO LAS BSTAN PA'I RJES THOB LUS NGAG GI RTAGS KHYAD PAR CAN JI SKAD BSHAD PA BCU DRUG THOB PA'I PHYIR, SKAD CIG MA RNAMS LA SO SOR 'GOD NA, CHOS CAN DANG SGRUB CHOS 'DRA, SDUG BSNGAL LA CHOS BZOD KYI MING GIS BSTAN PA'I GZUGS SOGS LA BDEN PAR RTOG PA LAS LDOG PA'I RTAGS KHYAD PAR CAN THOB PA'I PHYIR, ZHES SOGS SU DGOD PAR BYA'O; ;GNYIS PA RTAGS KYI NGO BO LA DOGS PA BAR DE PA NI, GAL TE 'DIR BSHAD PA'I RTAGS CHOS KYI DON DU SROG GTONG BA SOGS PHAL CHE BA NI RJES THOB LUS NGAG GI THA SNYAD DU SNANG BA LA, RTZA BAR, DE 'DRA'I SKAD CIG BCU DRUG NI ZHES MNYAM GZHAG GI SKAD CIG MAR GSUNGS PA CI ZHE NA, SKYON MED DE, RJES THOB LUS NGAG GI THA SNYAD LA MNYAM GZHAG SKAD CIG MA'I MANG GIS NYE BAR BTAGS NAS BSHAD PA'O, ,'O NA 'DOGS PA'I RGYU MTSAN DANG, BTAGS PA'I DGOS BA GANG ZHE NA, RGYU MCHAN NI DE LTAR BZOD PA DANG SHES PA'I SKAD CIG MA BCU DUG GIS BSDUS PA 'DI RNAMS MNYAM GZHAG TU YANG DAG PAR THOB PA NA DAG PA 'JIG RTEN PA GZUNG BA DANG 'DZIN PAR MNGON PAR ZHEN PA'I RNAM BCAN RJES SHES KYI RNAB SEMS KYIS BSDUS PA SKYE ZHING, DES KUN NAS BSLANG NAS RANG DANG MTHUN PA'I 'BRAS BU GZUGS LA SOGS PA'I 'DU SHES LDOG PA LA SOGS PA LUS NGAG GI RIG BYAD BCU DRUG BSKYED PA'I PHYIR, RGYU MANG 'BRAS BU LA BRTAGS PA YIN NO, ,DE'I PHYIR MNYAM GZHAG SKAD CIG MA BCU DRUG GI 'BRAS BUR GYUR PA'I RJES THOB LUS NGAG GI THA SNYAD BCU DRUG PO RNAMS SKABS 'DIR BSTAN PA'I BYANG CHUB SEMS DPA' MTHONG BA'I LAM LA GNAS PA'I PHYIR MI LDOG PA'I MTSAN NYID DAG YIN NO, ,NGAG DON NI, SHES BYA CHOS CAN, SKABS 'DIR GZUGS LA SOGS LAS LDOG PA LA SOGS PA'I LUS NGAG GI THA SNYAD BCU DRUG LA MNYAM GZHAG

, ,SKAD CIG MA'I MING GIS 'DOGS PA'I RGYU MTSAN YOD DE, MNYAM GZHAG DES BSKYED PA'I RJES THOB YE SHES KYIS KUN NAS BSLANG BA'I 'BRAS BU YIN PA'I RGYU MTSAN GYIS BTAGS PA YIN PA'I PHYIR, DGOS PA NI SHES BYA CHOS CAN, SKABS 'DIR DE LTAR BTAGS PA LA DGOS PA YOD DE, BDEN PA MTHONG BA'I RNAL 'BYOR PA RNAMS KYI LUS NGAG GI THA SNYAD NI SEMS CAN GDUL BA'I DGOS PA'I DBANG MA GTOGS PAR THAMS CAD DU MNYAM GZHAG GI RTOGS PA DANG MTHUN PA KHO NA'O ZHES SHES PAR BYA BA'I PHYIR NYE BAR BTAGS NAS BSHAD PA'I PHYIR, BZLOG PA LA GNOD BYED STON PA NI, 'PHAGS PA'I LUS NGAG GI THA SNYAD DE DAG MNYAM GZHAG GI RTOGS PA DANG MTHUN PA DE LTA MIN NA DE DAG RNAL 'BYOR BA 'PHAGS PA'I RGYUD LA YOD PA'I SO SO RANG GIS RIG PA'I SKAD CIG MA RNAMS YOD PAR JI LTAR GANG ZAG PHA ROL PO GZHAN YID CHES PAR BYED PA'I MTSAN NYID DAG YIN TE, MIN PAR THAL LO, ,'DIR DNGOS LA GNOD BYED NI BSTAN MI DGOS TE, DOGS PA SMRA BA PO RANG GIS DANGS MIN PAR GRUB ZIN PAS RTZOD PA SMRAS PA YIN PA'I PHYIR RO; ;GZHAN DAG GIS GZHUNG 'DI LOG PA NYID DU BSHAD DO, ,GSUM PA LA, SGOM LAM GTAN LA DBAB PA DANG, SGOM LAM LA GNAS PA PHYIR MI LDOG PA'I RTAGS DNGOS BSHAD PA'O, ,DANG PO LA, SGOM LAM GYI KHYAD CHOS, KHYAD GZHI SGOM LAM GYI MTSAN NYID, MTSAN NYID DE LDAN GYI DBYE BA, DE DAG LA RTZOD PA SPANG BA'O, ,DANG PO LA MTSAMS SBYAR NI, DKYUS MA'I DON LTAR NA, DE'I 'OG TU SOGS SO, ,RTZA BA NI, RKANG PA DANG POS BSGOM LAM GYI RANG BZHIN ZAB PAR BSTAN, GNYIS PAS ZAB MO'I MTSAN GZHI NGOS GZUNG, RKANG PA THA MA GNYIS KYIS MTSAN GZHI DE ZAB PA'I RGYU MTSAN BSTAN TO, ,'GREL PA NI, THEG CHEN SGOM PA'I LAM CHOS CAN, RANG BZHIN ZAB PA YIN TE, RANG GI GNAS LUGS ZANG MO NYID DU LDAN PA'I PHYIR RO, ,GNAS LUGS ZAB MO GANG ZHE NA, SHES BYA CHOS CAN, STONG PA

NYID LA SOGS PA GANG YIN PA DE NI ZAB MO YIN TE, DON DAM STONG PA NYID LA SOGS PA LA YANG GZUGS MED CING GZUGS SOGS DON DAM DU MA GRUB PAS GO RIM BZHIN DU STONG PA LA SOGS PA LA SGRO 'DOGS PA DANG, STONG PA NYID LA SOGS PA GZUGS LAS GZHAN PA YANG MIN PAR GZUGS SOGS KYI RANG BZHIN YIN PAS SKUR BA'I MTHA' LAS GROL BA NYID YIN PA'I PHYIR, KHA CIG ZAB MO YUL DU LDAN, CES SBYOR BA MI 'THAD DE, DE LTA NA DNGOS PO BRJOD DU MED PA LA, ZHES SOGS KYI RTZOD LAN RNAMS 'BREL MED DU 'GYUR BAS SO,, DE NI YUL CAN SGOM LAM LA YUL ZAB MO'I MING GIS BTAGS PA'I BRJOD TSUL LA RTZOD PA YIN NO ZHES ZER NA, DE LTAN RTZOD PA DE'I LAN DU YUL CAN LA YUL GYI MING GIS BTAGS PA YIN PA'I LAN 'DEBS PAR RIGS KYI, DON DAM DU NYAMS 'PHEL MI BYED KYANG KUN RDZOB TU BYED PA'I LAN 'BREL PA MED DO, ,'O NA KHYED RANG LA'ANG STONG NYID RANG BZHIN DU LDAN PAS NYAN RANG LAS KHYAD PAR 'PHAGS PA MI 'THAD DE, NYAN RANG GI SGOM LAM LA'ANG NYAN RANG GI STONG NYID RANG BZHIN DU LDAN PA'I PHYIR RO, ZHE NA, 'DI NI SGOM LAM ZAB PA'I RGYU MTSAN KYIS NYAN RANG LAS KHYAD PAR 'PHAGS PAR SGRUB PA MIN TE, SKABS 'DIR SGOM LAM NYAN RANG GI SGOM LAM LAS KHYAD PAR 'PHAGS PAR SGRUB PA LA 'BREL PA GANG YANG MED CING, DGOS PA'ANG MED DE SNGAR NAS RIM PAR BSGRUBS ZIN PA'I PHYIR RO, ,DE BAS NA SGOM LAM LA DON DAM PAR MTSAN NYID DANG DBYE BA LA SOGS PA BYAR MED KYANG KUN RDZOB TU BYED PAR SHES PAR BYA BA'I PHYIR DU, SGOM PA'I LAM NI ZAB PA STE, ZHES SOGS KYIS SGOM LAM GYI RANG BZHIN STONG PA NYID DU BSTAN, SHLOOKA 'OG MA GNYIS POS KUN RDZOB TU MTSAN NYID DANG DBYE BA BYED PA'I TSUL BSTAN PA YIN NO, ,GNYIS PA LA, MCHAMS SBYAR NI, DE LTAR SOGS SO, ,RTZA BA NI, RKANG PA THA MA GNYIS KYIS BSGOM BYA DANG, THA MA GNYIS KYIS SGOM TSUL DANG, NGO BO BSTAN TO, ,'GREL PA NI, SA GNYIS PA'I YE SHES CHOS CAN, THEG CHEN

, ,SGOM PA'I LAM YIN TE, THOS PA DANG BSAM PA DANG SGOM PA LAS BYUNG BA'I SHES RAB DAG GAM TING NGE 'DZIN GYI SBYOR BA DANG DNGOS DANG RJES LAS BYUNG BA'I SHES RAB GANG RUNG GIS GO RIM BZHIN DU NGES PAR 'BYED PA'I YAN LAG DANG, LA SOGS PA MTHONG LAM DANG, RANG GI SNGA LOGS KYI SGOM LAM GSUM GANG RUNG GI GNAS SKABS LA NGES PAR MTHONG BA'I DON YANG DANG YANG DU SEMS PA DANG 'JAL BA DANG NGES PAR RTOGS PA GANG RUNG GIS KHYAD PAR DU BYAS PA'I LAM YIN PA'I PHYIR, SGOM LAM DE NYID DE'I YUL JI LTAR YIN ZHE NA, RGYUN CHAGS PA'I PHYIR SNGA MA SNGA MA PHYI MA PHYI MA'I YUL YIN NO, ,GSUM PA LA MTSAMS SBYAR NI, DE RNAM PA DU ZHIG CE NA, RTZA BA NI, SGOM LAM DE NI SA BCU RGYUN CHAGS SU 'BYUNG BA YIN PA'I PHYIR RNAM PA DGUR DBYER RUNG BAR BZHED DO, ,GANG GI SGO NAS NA; THEG CHEN SGOM LAM CHUNG DANG 'BRING DANG CHEN PO RNAMS CHUNG DU'I CHU DU SOGS SU SPANG BYA'I SGO NAS DBYE BA YI RNAM PAS RNAM PA DGUR DBYE'O, ,'GREL PA NI, GONG DU BSHAD PA DE LTAR NA SGOM LAM DON DAM PAR STONG PA NYID KYI MTSAN NYID YIN KYANG KUN RDZOB TU SGOM PA' [?] LAM DGU YIN NO, ,KUN RDZOB TU RNAM PA'I SGO NAS RNAM PAR RTOG PA'I GNYEN PO'I DBYE BA LAS GRANGS BZHIN DU 'DOD PA'I KHAMS LA SOGS PA DU DAG TU SGOM LAM DGU RGYUN CHAGS SU 'BYUNG BA'I PHYIR, DE YANG SA DGU GANG RUNG LA BRTEN PA'I SGOM LAM DGU RNAM RTOG DGU'I GNYEN POR GRANGS BZHIN DU 'BYUNG ZHES PA YIN GYI SA DGU DANG SGOM LAM DGU GRANGS BZHIN DU SBYOR BA MIN TE, DANG PO'I NYER BSNGOGS LA BRTEN PA'I SGOM LAM CHE 'BRING CHUNG GSUM KA SRID PA'I PHYIR RO, ,RNAM RTOG GI DBYE BAS JI LTAR DBYE ZHE NA ,SGOM SPANG RNAM PAR RTOG PA CHEN PO DANG 'BRING DANG CHUNG DU RNAMS RE RE ZHING CHEN PO DANG, 'BRING DANG CHUNG DU'I BYE BRAG GI THA DAD PA'I PHYIR RO, ,DE DAG GI GNYEN PO CHUNG DU DANG 'BRING DANG CHEN PO RNAMS KYANG RE RE ZHING CHUNG DU DANG 'BRING DANG CHEN PO'I BYE BRAG GIS THA DAD PA'I PHYIR

RO, ;SPANG GNYEN GYI RIM PA DE MI 'THAD DO ZHE NA, MUN PA SHIN TU CHEN PO NI SNANG BA CHUNG DUS SEL LA CHUNG DU NI CHEN POS SEL TO ZHES BYA BA'I DBES 'THANG DO, ,SPANG BYA NYON SGRIB KYI SGO NAS MI 'BYED PA CI ZHE NA, BYANG CHUB SEMS DPA' RNAMS KYIS CHED DU GNYER NAS SPANG BYA'I NYON MONGS PA NI RTOG PA'I ZHES 'BYUNG BAS SO, ,DAG DON NI, SA DGU GANG RUNG LA BRTEN PA'I SGOM LAM CHOS CAN, CHUNG DU'I CHUNG DU SOGS DGUR DBYED RUNG STE, SPANG BYED RNAM RTOG CHEN PO'I CHEN PO SOGS DGUR YOD PA'I PHYIR, BZHI PA LA GRANGS NGES LA RTZOD PA SPANG BA RANG BZHIN LA RTZOD BA SPANG BA, BYED LAS LA RTZOD BA SPANG BA'O, ,DANG PO LA RTZOD PA DANG, LAN NO, ,DANG PO NI, RGYAL BA'I YUM GSUM PO DE DANG DE LAS SGOM LAM GYI RNAM PA RE RE'I DBANG DU MDZAD DE 'BRAS BU BSOD NAMS GRANGS MED BA DANG GZHAL DU MED PA DANG TSAD MED PA SKYE BAR GSUNGS PA'I PHYIR, SGOM LAM RE RES BSOD NAMS GRANGS MED SKYED PA BZHIN DU SPANG BYA RNAM RTOG KYANG GRANGS MED SPONG DGOS PAS, SGOM LAM RE RES SPONG BA'I RTOG PA'I BYE BRAG RNAM PA MANG BA MIN NAM, JI LTAR RTOG PA'I DBYE BAS RNAM PA DGU ZHES BYA ZHE NA ZHES PA STE; DE YANG t'IKA BYED GZHAN DAG 'BRAS BU BSOD NAMS GRANGS MED SOGS BSKYED PAR GSUNGS SHING 'BRAS BU'I MANG NYUNG RGYU'I MANG NYUNG LA RAG LAS PAS SO, ZHES 'GONG PA NI CHES MI 'THAD DE, RGYU SGOM LAM RE RES KYANG 'BRAS BU BSOD NAMS GRANGS MED SOGS BSKYED PAR NGES NAS RGYU GCIG GIS 'BRAS BU DU MA SKYED MI SRID DAM SNYAM PA'I DGOS PA 'BYUNG BA'I GO SKABS MED PA'I PHYIR RO, ,LAN LA, RTZA BA NI, 'PHAGS PA LTAR NA, GRANGS MED LA SOGS BSTAN PA DE RNAMS DAM PA'I DON DU BZOD PA MIN PAS MI 'THAD DO ZHE NA; DON DAM BAR MI 'THAD KYANG KUN RDZOB TU NI THUGS BRTZE BA'I RGYU MTHUN GYIS GSUNG, DE DAG THUB PA'I BZHED PA YIN NO, ZHES 'CHAD LA, SLOB DPON LTAR NA 'GREL PAS 'CHAD PA NI, RTZOD PA DE LA DON DAM PAR 'BRAS BU BSOD NAMS GRANGS MED SOGS BSKYED

, ,BRTAGS MA GRUB CES LAN 'DEBS PA NI, MDO LAS, SGOM LAM GYI 'BRAS BU BSOD NAMS GRANGS MED PA DANG GZHAL DU MED PA DANG, TSAD MED BSKYE BAR BSTAN PA CHIG TU BRJOD PA'I NGO BO RNAMS KYIS NI, DON DAM PAR NA RGYU SGOM LAM DON GCIG TU RAB TU SBYAR BA'I RNAM PA GCIG NYAD KYANG, 'BRAS BU BSKYED TSUL GYI LDOG PA LA BLTOS NAS BSOD NAMS GRANGS MED SOGS NYE BAR BSKYED PA THA DAD PA NYID KYI NGO BOS DBYE BA BYA BAR BZOD PA MIN NO, ,SGOM PA'I LAM NI JI SKAD BSHAD PA'I STONG PA NYID GNAS LUGS SU LDAN PA'I MTSAN NYID CAN YIN PA'I PHYIR, NGAG DON NI, SGOM LAM CHOS CAN, DON DAM PAR KHYOD KYIS 'BRAS BU BSOD NAMS GRANGS MED SOGS BSKYED PA MI 'THAD PAR THAL, KHYOD KYI GNAS LUGS STONG NYID YIN PA'I PHYIR, KUN RDZOB TU KHYAB PA MA NGES PAR BSTAN PA NI, KUN RDZOB TU NI MDO LAS BSHAD PA'I CHOS KYI NGO BO NYID SGOM LAM LA 'BRAS BU BSOD NAMS GRANGS MED SOGS SKYE BAR JI SKAD BSHAD CING BSTAN PA'I DE DAG NI BYIS PA'I SKYE BO RNAMS LA SGOM LAM LAS 'BRAS BU RGYA CHEN PO SKYE BAR RAB TU STON PA NYID KYIS 'BRAS BU LA BRONG PA BSKYED PA'I CHED DU DMIGS PA MED PA'I THUGS RJE CHEN PO'I RANG BZHIN GYIS CHOS KYI DBYINGS KYI SKU MNGON DU GYUR PA'I RGYU MTHUN PAR GYUR PA'I GSUNG YIN PAR DE BZHIN GSHEGS PA BZHED PAS DE TZAM GYI SGOM LAM SPANG BYA'I NGOS NAS DGU LAS MANG BA NYID DU THAL BAR MI 'GYUR RO, ,NGAG DON NI, SHES BYA CHOS CAN, THEG CHEN SGOM LAM RE RES 'BRAS BU BSOD NAMS GRANGS MED SOGS BSKYED PAR GSUNGS PA'I RGYU MTSAN GYIS, SGOM LAM DE RTOG PA'I NGOS NAS DGUR GRANGS MA NGES MI DGOS PAR THAL, RNAM RTOG CHEN PO'I GNYEN POR GYUR PA'I SGOM LAM CHUNG DU LTA BU CIG NYID KYIS KYANG 'BRAS BU BSOD NAMS GRANGS MED SOGS BSKYED PAR GDUL BYA'I CHED DU THUB PAS GSUNGS PA TZAM YIN PA'I PHYIR, GZHUNG 'DI DAG LA t'IKA BYED

GZHAN DAG GIS MA RTOGS PA'I NGA RO CI YANG BSGRAGS MOD KYI MANGS SU DOGS PAS 'DIR DGAG BZHAG MA SPROS SO, ,GNYIS PA LA RTZOD PA DANG, LAN NO, ,DANG PO LA GSUM LAS, MTSAMS SBYAR NI, STONG PA NYID KYI SOGS SO, ,RTZA BA NI DNGOS PO SOGS SO, ,'GREL PA NI GANG LA RTZOD NA, SGOM PA'I LAM NI ZAB PA STE, ZHES SOGS KYIS SGOM LAM GYI RANG BZHIN STONG PA NYID DU SMRAS PA LA RTZOD DO, ,JI LTAR RTZOD NA, CHOS NYID KYI RANG GI NGO BOR 'DOD PA'I LAM GYI DNGOS PO BDEN PA'I NGO BO NYID KYIS YANG DAG PAR NA DE NYID DANG GZHAN NYID DANG GNYI GA DANG GNYI GA MIN PA NYID DU BRJOD DU MED PA LA GOMS PA PHUL DU PHYIN PAR BYAR MED PA'I PHYIR, MI MTHUN PA'I PHYOGS DANG GNYEN PO DAG GO RIM BZHIN DU 'BRAL BA DANG SKYE BAR MI RUNG NGO, ,DE BAS NA SGOM PA CES BYA BA'I LAM GYIS SPANG BYA MI MTHUN PA'I PHYOGS KYI NGO BO NI CI ZHIG BOR, GNYEN PO RNAM PAR BYANG BA NI CI ZHIG 'THOB STE, BOR THOB CUNG ZAD KYANG MI BYED PA NYID PAS THEG CHEN SGOM LAM RNAM RTOG GI GNYEN POR NYE BAR DGOD PAR MI BYA BA KHO NA'O ZHE NA, RTZA 'GREL LA, NGAG DON NI, SHES BYA CHOS CAN, THEG CHEN SGOM LAM GYIS RNAM RTOG NYAMS PA DANG, GNYEN PO 'PHEL BA'I BYA BA MI BYED PAR THAL, THEG CHEN SGOM LAM GYI RANG BZHIN STONG BA NYID YIN PA'I PHYIR, ZHES PA'O, ,GNYIS PA LAN LA MTSAMS SBYAR NI, STONG NYID YIN KYANG NYAMS 'PHEL MI BYED PA DE LTA MIN TE, 'DI LTAR RTZA BA NI, BYANG CHUB SOGS SO, ,'GREL PA LA, KUN RDZOB TU MA DES BA DANG, DON DAM DU 'DOD PA'I LAN NO, ,DANG PO LA DPE DGOD PA NI, JI LTAR RKYEN GYIS KHYAD PAR DU BYAR MED PA'I DE BZHIN NYID KYI MTSAN NYID YIN KYANG DE KUN RDZOB TU BYANG CHUB SPROS PA MED PA'I YE SHES KYI BDAG NYID KYI CHOS KYI SKU LA SOGS PA RANG BZHIN GYI SANGS RGYAS KYI BDAG PO TZAM GYIS GDUL BYA'I SKYE BO RNAMS KYI BSOD NAMS DANG YE SHES KYI TSOGS CHE CHUNG DE RJES SU MTHUN PA DANG, DON KHYAD PAR CAN GZUGS SKU GNYIS SU SNANG BA'I SEMS BSKYED PA'I SGO NAS GDUL BYA'I MNGON PAR 'DOD PA'I DON SGRUB PAR BYED

, ,PA DE BZHIN DU, ZHES PA STE, BYANG CHUB DE BZHIN NYID MTSAN NYID YIN KYANG, JI LTAR BYANG CHUB DE BZHIN DU ZHES PA'I 'GREL BA'O, ,DON LA SBYAR BA NI BSGOM PAS GLO BUR GYI DRI MA DANG BRAL BA'I SGO NAS MNGON SUM BYAS PA'I SGOM LAM 'DI DON DAM PAR DE BZHIN NYID KYI MTSAN NYID YIN KYANG, KUN RDZOB TU SPANG BYA NYAMS PA DANG GNYEN PO 'PHEL BA SOGS MNGON PAR 'DOD PA'I DON GYI BYA BA BYED DO, ZHES PA STE, DE YANG DE'I MTSAN NYID BZHED KYANG, 'DI NI 'DOD BA'I DON SGRUB BYED, CES PA'I 'GREL PA'O, ,DPE DON GNYIS KA LA NGAG DON NI; THEG CHEN SGOM LAM CHOS CAN, KHYOD KYI RANG BZHIN STONG PA NYID YIN KYANG, NYAMS 'PHEL MI BYED PA'I SKYON MED DE, KHYOD DON DAM BAR STONG NYID YIN KYANG, KUN RDZOB TU KHYOD BSGOMS PAS SPANG BYA NYAMS SHING GNYEN PO 'PHEL BA'I BYA BA BYED BA'I PHYIR, DPER NA, BYANG CHUB DON DAM PAR STONG NYID YIN KYANG KUN RDZOB TU CHOS SKU'I BDAG RKYEN LAS GZUGS SKU GNYIS KYIS GDUL BYA'I DON BYED PA BZHIN NO, ,GNYIS PA NI, DON DAM PAR NI NYAMS PA DANG 'PHEL BA DGAG PA'I TSUL DU BZHED PAS DE'I TSE BDEN PAR SBYOR BA MED PA NYID YANG DAG PAR SBYOR BA YIN PAR NYAMS PA MED DO, ,NGAG DON NI, THAL 'GYUR DE DON DAM GYI DBANG DU BYAS NA GNOD BYED YANG DAG MIN PAR THAL, 'DOD LAN DON MTHUN THEBS PA'I PHYIR, 'DI MDO LAS, RAB 'BYOR DE DE BZHIN NO, ,DE DE BZHIN TE, BRJOD DU MED PA'I CHOS LA YONGS SU 'PHEL BA'AM 'GRIB BA MED DO, ZHES PAS BSTAN LA, RTZA BA'I DE YANG NGE YI MTSAN NYID BZHED, CES PAS SHUGS LA 'PHANGS SHING, DE NYID 'GREL BAS NUS PA PHYUNG STE BSHAD PA YIN NO, ,GSUM PA LA, RTZOD PA DANG, LAN NO, ,DANG PO LA MTSAMS SBYAR NI, DE LTAR SOGS SO, ,RTZA BA NI, RKANG BA GNYIS SO, ,'GREL PA NI, JI LTAR DON KHYAD BAR CAN SNANG BA'I SEMS BSKYED PA'I SGO NAS BYANG CHUB BSKYED PA'I DON BYED DE BYED MI RIGS PAR THAL, BYANG CHUB KYI SEMS SNGA PHYI RE RE KHO NA DANG, SNGA PHYI LHAN CIG TSOGS PA DANG

SNGA PHYI RIMS KYIS 'BYUNG BA GANG GI SGO NAS KYANG, BYANG CHUB BSKYED PAR MI RIGS PA DE PAS NA'O, ,RTAGS GSUM RIM BZHIN SGRUB PA NI, SNGA PHYI RE RE KHO NAS BYANG CHUB BAR NI RIGS PA MIN NO, ,SNGA PHYIR GYUR BA'I BYANG CHUB KYI SEMS RE RE LA SANGS RGYAS KYI BYANG CHUB SGRUB PAR BYED PA'I RNAM PA THAMS CAD MKHYEN PA NYID KYI CHOS BCU LA SOGS PA'I RGYU TSOGS KYI DON MTHA' DAG MI SNANG BA'I PHYIR RO, ,'DOD PA'I DON SGRUB PAR BYED PAR SNANG BA SEMS CIG CAR 'BYUNG BA MANG BO NYID KYIS KYANG MIN TE GTZO BO SEMS RIGS MTHUN DU MA RGYUD GCIG LA CIG CAR MI SRID PA'I PHYIR RO, , DER THAL, SEMS CAN RNAMS NI RNAM PAR SHES PA RGYUD RE RE BA'O, ZHES 'BYUNG BAS SO, ,BLA NA MED PA'I ZHES PA NAS, SNGA PHYIR GYUR BA'I RIMS KYIS 'BYUNG BA MANG BO NYID KYIS KYANG MIN TE, PHYI MA DE BYUNG MA THAG TU SNGA MA PHYI MA LA RJES SU 'GRO BA MED PA NYID DU 'JIG PAS NA SNGA PHYI PHAN TSUN 'BREL BA MED PA'I PHYIR RO, ,'DIR GZHAN DAG, GNYIS PAS CIG CAR 'BYUNG BA'I MANG PO 'DUS PAS BSKYED PA BKAG PA YIN LA, GSUM PA NI, RIMS KYIS 'BYUNG YANG, SNGA MA RNAMS PHYI MA MA SKYES KYI BAR DU GNAS NAS SNGA PHYIR SKYES PA MANG PO LHAN CIG TSOGS BAS BSKYED PA BKAG PA YIN NO, ZHES SMRA BA MI 'THAD DE, BYANG CHUB BSKYED TSUL GSUM PO 'DIR MTHA' CHOD NA, GSUM PO GANG YANG MI 'THAD PAS BYANG CHUB BSKYED MI SRID PAR 'GYUR RO, ,MTHA' MCHOD NA, MTHA' MCHOD PA'I DOGS PA BSU NAS, SLOB DPON DOGS PA BSU BA LA MI MKHAS PA'I SKYON DU 'GYUR ZHING, DOGS GCOD BYAS KYANG DGOS PA'I MTHA' MCHOD PAS DGOS NUS MED PAR THAL LO, ,'DI LA KHA CIG NA RE SGRUB BYED GSUM PO DER MTHA' CHOD DAM, MA CHOD, CHOD NA BYANG CHUB BSKYED PAR MI 'THAD LA, MCHOD NA SLOB DPON DOGS PA BSU BA LA MI MKHAS PAR THAL LO, ZHES BZLOG NA, 'KHOR GSUM KA DNGOS SU KHAS LEN PAS DE NI SUN 'BYIN YANG DAG MIN ZHES ZER RO, ,'DI NI BZHAD GANG KYI GNAS SU BYA BA YIN TE, BYANG CHUB BSKYED TSUL GSUM PO DER MTHA' CHOD CING, GSUM

, ,PO GANG YANG MI 'THAD NA, BYANG CHUB MI BSKYED PA'I SGRUB BYED GSUM PO DER MTHA' CHOD CING, GSUM PO GANG YANG MI 'THAD NA BYANG CHUB BSKYED DGOS PA'I PHYIR RO, ,MKHAS PA RANG GI SMRAS SO COG 'DI DANG MTSUNGS PAR YID BRTAN MED PAR GSAL BAR MA BYED CIG, 'DI LA YANG KHA CIG 'BRAS BU BSKYED PA LA RGYU RE RE BA DANG TSOGS PA GNYIS SU NGES LA, MA TSOGS BAR 'BRAS BU BSKYED MI SRID CING, TSOGS PA LA CIG CAR 'BYUNG BA MANG PO TSOGS PA DANG, RIMS KYIS 'BYUNG BA MANG PO TSOGS PA GNYIS SU NGES SO, ZHES BA'I TSUL LA BRTEN NAS BSHAD NUS PAS SUN 'BYIN DES SUN MI PHYIN NO, ZHES SMRA BA NI BAB TZOL TE, RGYU RE RE BA DANG, CIG CAR 'BYUNG BA TSOGS PA DANG, RIM GYIS 'BYUNG BA LHAN CIG TSOGS PAS 'BRAS BU BSKYED PA GSUM DU MTHA' CHOD CING, GSUM PO DE GANG YANG MI 'THAD PAS 'BRAS BU BSKYED MI SRID PAR THAL BA BZLOG TU MED PAR SON GNAS PAS SO, ,DES NA 'GREL CHEN LAS SNGAR BSHAD PA'I PHYOGS MNGON PAR 'DOD PA MIN PA'I PHYIR, PHYOGS PHYI MA LA RAB TU GRAGS PA'I DPE'I TSUL GYIS LAN GDAB PA'I PHYIR ZHES GSUNGS PA LTAR, RIM GYIS 'BYUNG BAS MI BSKYED PA LA RTAGS MA GRUB PA'I LAN DANG, DE'I SGRUB BYED LAM NGES PA'I LAN 'DEBS PA YIN NO, ,GNYIS PA LAN LA, MTSAMS SBYAR NI, BSKYED TSUL GSUM PO GANG GI SGO NAS KYANG BYANG CHUB MI BSKYED PAR BRTZAD PA DE NI YANG DAG PA MIN PAS LAN 'DI LTAR, RTZA BA NI, 'PHAGS PA LTAR NA, MAR ME'I DPE'I TSUL GYIS NA, SEMS BSKYED KYI BYANG CHUB BSKYED TSUL DE, ZAB MO'I CHOS NYID RNAM PA BRGYAD KYI RJES SU 'BRANGS NAS SHES PAR BYA BA YIN PAS BSAM GYIS MI KHYAB BO, ZHES 'CHAD DO, ,SLOB DPON LTAR NA, BYANG CHUB BSKYED TSUL DANG ZAB MO BRGYAD DON RE RER BYAS NAS MAR ME'I DPES DE GNYIS MTSON PAR BZHED DO, ,'GREL PA LA, DPE SGRUB PA, DPE DON SBYAR BA, DON GZHAN YANG MTSON TSUL LO, ,DANG PO LA LTOS

MED DU MI SREG PA, LTOS NAS SREG PA, DE GNYIS KA'I DON BSDU BA'O, ,DANG BO LA, SKAD CIG DANG POS LTOS MED DU MI SREG PA NI, JI LTAR ME LCE DANG SNYING PO PHRAD PA SKAD CIG MA DANG PO LA CHOS CAN, ME LCE'I SKAD CIG MA GNYIS PA MED PAR RGYU'I MTSAN NYID SREG PAR BYED PA DANG, 'BRAS BU'I MTSAN NYID BSREG PAR BYA BA TSIG PA MED DE, RANG GI RGYUS KHYOD SNYING PO DANG PHAN TSUN GYI SGO NAS DUS MNYAM DU PHRAD TZAM DU SKYED PAS SNYING PO SREG PA LA NUS PA KHYAD PAR CAN DU MA BYAS PA'I PHYIR, DE BZHIN DU ME LCE DANG SNYING BO KHYAD PAR CAN SKYE BA SKAD CIG MA GNYIS PA YANG CHOS CAN, SKAD CIG MA DANG PO LA MA BLTOS PAR RGYU DANG 'BRAS BU'I MTSAN NYID SREG PAR BYED PA DANG BSREG PAR BYA BA MED DO, ,SKAD CIG MA DANG BO MED PAR KUN RDZOB TU YANG 'BYUNG BA MED PA'I PHYIR, GAL TE RGYU MED NA RTAG TU YOD PA'AM GTAN NAS MED PA LA SOGS PAR THAL BAR 'GYUR RO, ,GNYIS PA NI GANG GI PHYIR SNGA PHYI LTOS MED DU MI SREG PA DE LTA YIN PA DE'I PHYIR SHES BYA CHOS CAN, MAR ME'I SKAD CIG SNGA PHYI PHAN TSUN LTOS NAS SNYING PO SREG PAR BYED PA DANG BSREG PAR BYA BA TSIG PA YOD DE, MAR ME DANG SDONG BU GNYIS KA PHRAD PA'I KHYAD PAR CAN GYI SKAD CIG MA DANG PO LA BLTOS NAS ME LCE DANG PO DES BYAS PA SDONG BU SREG PA LA SNGA MA LAS MTHU PHUL DU PHYIN PA DANG LDAN PA KHYAD PAR CAN SKAD CIG MA GNYIS PA LA SOGS PA YOD PA NA, DE'I TSE PHYI MA SKYES PA NA SNGA MA 'JIG RGYU DON GZHAN MED PAR ZHIG KYANG GO RIM BZHIN DU RGYU ME LCE THA MA SKYE BA DANG 'BRAS BU SNYING PO RDZOGS PAR 'JIG PA'AM TSIG PA DUS MNYAM DU DMIGS PA'I PHYIR, DE'I TSE RGYU MED PAR ZHIG KYANG, ZHES PA RTZOD PA'I SGRUB BYED PHYI MA KHYAB PA MA NGES PAR STON PA'I TSIG GO ,SNGA MA LA BLTOS NAS PHYI MA 'BYUNG BA'I RGYU MTSAN YOD DE, GANG GI TSE RKYEN NYID YOD PA TZAM GYIS BDAG NYID KYI RTEN CING 'BREL PAR 'BYUNG BA CHOS NYID KYIS MA BRTAGS GCIG BAR NYAMS DGA' BA NYID DU SNGA PHYI RGYU DANG 'BRAS BU'I 'BREL BA GRUB PA'I STOBS KYIS SO, ,GSUM PA NI, DE BAS NA,

, ,ZHES PA NAS, ZHES BYA BA'I BAR RO, ,GNYIS PA NI, SHES BYA CHOS CAN, SEMS BSKYED SNGA PHYI PHAN TSUN LTOS NAS BYANG CHUB THOB PAR RIGS TE, MAR ME'I SKAD CIG MA SNGA MA BZHIN DU DRAN PA NYER GZHAG SOGS BYANG CHUB SGRUB PAR BYED PA YUL GYI DNGOS PO TSAD YOD PA ZHIG SNANG BA'I RNAM PAR SHES PA SNGA MA LA BRTEN NAS SNGA MA DE LA SNANG BA'I DON GYIS DBEN PA SNGA MA PAS LHAG PAR KHYAD PAR DU 'PHAGS PA'I DON SNANG BA'I RNAM PAR SHES PA PHYI MA SKYE BA'I RIM PAS BYANG CHUB SKYE BA'I PHYIR, 'DIR NI MAR ME'I DPES SHES TE, MAR ME'I DPE'I TSUL GYIS SEMS BSKYED SKAD CIG MA SNGA PHYIR GYUR PA GNYIS YUL BYANG CHUB BSKYED PA GCIG LA NYE BAR SBYOR BAR SHES PA LHUR LEN PAS SO, ,GSUM PA NI, JI LTAR SMOS PA'I DPE KHO NAS BYANG CHUB BSKYED TSUL 'GAL 'GAL 'DRA YANG MI 'GAL BAR SHES PAR BYED PA LTAR DPE DES, ZAB MO'I CHOS NYID RNAM PA BRGYAD KYANG 'GAL 'GAL 'DRA YANG MI 'GAL BAR KHONG DU CHUD PAR BYA'O, ,YIN PAS ZHES PA 'GYUR MA DAG CING, 'GREL CHEN DANG 'GYUR RNYING LAS, BYA'O ZHES RDZOGS TSIG 'BYUNG BA LTAR RO, ,DE'I PHYIR 'DI 'OG MA'I MTSAMS SBYAR DU BYED PA NOR PA CHEN PO STE, ZAB MO'I CHOS NYID RNAM PA BRGYAD, CES PA'ANG 'OG MA'I MTSAMS SBYAR DU THAL BAS SO, ,GNYIS PA LA MTSAMS SBYAR NI, SGOM PA'I LAM LA SOGS SO, ,RTZA BA NI SKYE BA SOGS SO, ,'GREL PA LA ZAB MO'I DBYE BA DANG, ZAB PA'I RGYU MTSAN NO, ,DANG PO NI SHES BYA CHOS CAN, RTEN CING 'BREL PAR 'BYUNG BA ZAB PA YIN TE, SEMS BSKYED SKAD CIG MA SNGA MA DANG PHYI MA NGAG RE RE KHO NAS KYANG BYANG CHUB BSKYED PA MA YIN NO, ,DE GNYIS GANG GI YANG NGO BO NYID MED PAS KYANG MIN LA, KUN RDZOB TU BSGOMS PAS RTOGS PAR BYA BA'I DON KHYAD PAR DU 'PHAGS PA PHAN TSUN LTOS NAS BSKYED DO ZHES BYA BA YIN PA'I PHYIR CHOS CAN, 'GAG PA ZAB PA YIN TE, DNGOS PO THAMS CAD BYUNG BA NYID NAS RANG BZHIN GYIS NGO BO NYID MED PAS DON DAM PAR 'GAG PA MED

LA; KUN RDZOB TU YANG 'GAG GO ZHES BYA BA YIN PA'I PHYIR, CHOS CAN, BYANG SEMS KYIS DE BZHIN NYID MNGON SUM DU BYED TSUL ZAB PA YIN TE, BYANG SEMS KYIS GNAS SKABS THAMS CAD DU DE BZHIN GOMS PAR BYAS KYANG THABS KYIS RDZOGS SMIN MA SBYANGS PAR DE MNGON DU MI BYED PA'I PHYIR, BYANG SEMS KYI SHES BYA ZAB PA YIN TE, BYANG SEMS RNAMS, DE BZHIN NYID KYI RANG BZHIN GYI CHOS NYID LA KUN RDZOB TU SPYIN PA LA SOGS PA RNAM PA DU MA RJES SU SGRUB PA ZHES BYA BA YIN PA'I PHYIR, CHOS CAN, BYANG SEMS KYI SHES PA ZAB PA YIN TE, BYANG SEMS KYI DE BZHIN NYID KYI NGO BO NYID KYIS BDEN PAR MTHONG BA MED PA NYID DE GNAS LUGS MTHONG BA ZHES BYA BA YIN PA'I PHYIR, CHOS CAN, BYANG SEMS KYI SPYOD PA ZAB PA YIN TE, BYANG SEMS 'PHAGS PA RNAMS CHOS NYID KYIS THAMS CAD LA MTSAN MAR SPYOD PA MED PA NYID SPYOD PA'O ZHES BYA BA YIN PA'I PHYIR, CHOS CAN, BYANG SEMS KYI GNYIS SU MED PA RTOGS PA ZAB PA YIN TE, BYANG SEMS RNAMS MTSAN MA YOD MED GNYIS SU MED PA'I NGO BO NYID DU CHOS THAMS CAD SGRUB BO ZHES BYA BA YIN PA'I PHYIR, SHES BYA CHOS CAN, BYANG SEMS KYI THABS LA MKHAS PA ZAB PA YIN TE, BYANG SEMS KUN RDZOB TU TSOGS THAMS CAD YONGS SU RDZOGS PA LA DON DAM DU DE'I 'BRAS BU SANGS RGYAS NYID MI THOB PA CES BYA BA YIN PA'I PHYIR, GNYIS PA NI SHES BYA CHOS CAN, SKYE BA SOGS BRGYAD PO DE RGYU MTSAN DE DAG GI SGO NAS ZAB PA NYID YIN PA 'THAD DE, RGYU MTSAN DE DAG GI SGO NAS BSAM GYIS MI KHYAB PA'I RNAM PAR THAR PA'I SGO NAS PHAN TSUN 'GAL BA'I LTAR SNANG BA'I DON MI 'GAL BAR SGRUB PAS SO THAMS CAD LA THUN MONG DU NGAG DON NI, BYANG SEMS SGOM LAM PA CHOS CAN, RDZOGS BYANG LAS PHYIR MI LDOG STE, ZAB MO BRGYAD MNGON DU GYUR PA'I SGO NAS RTOGS PA'I BYANG SEMS YIN PA'I PHYIR, 'DIR t'IKA BYED GZHAN DAG ZAB MO BRGYAD RTOGS PA RTAGS SU SMRA BA DANG, GONG DU PHYIR MI LDOG GI RTAGS LUS NGAG GI RIG BYED KHO NAR SMRAS PA DNGOS SU 'GAL LO, ,

, ,GSUM PA NI, SLOB PA SOGS SO, ,GSUM PA KHYAD PAR CAN GYI GANG ZAG GI SGOM RIM LA CHOS SKU'I NYER RGYU SRID ZHI MNYAM NYID, GZUGS SKU'I NYER RGYU ZHING DAG SBYOR, 'PHRIN LAS KYI NYER RGYU THABS MKHAS SBYOR BA'O, ,DANG PO LA MTSAMS SBYAR NI, PHYIR MI LDOG GI RTAGS KYI 'OG TU CHOS SKU'I SANGS RGYAS NYID THOB PA'I RGYU MTSAN 'KHOR BA DANG MYA NGAN LAS 'DAS PA MNYAM PA NYID KYI SBYOR BA 'CHAD PA'I RGYU MTSAN YOD DE, 'BAD RTZOL GYIS SLOB PA'I TSOGS KYI CHOS PHYIR MI LDOG PA'I RTAGS THOB PAS SANGS RGYAS NYID THOB PAR BYA BA'I PHYIR DU DE'I NYE RGYU LA 'BAD PAS BSHAD PA YIN PA'I PHYIR, RTZA BA NI, DNGOS DANG, KLAN KA SPANG BA GNYIS SO, ,DANG PO NI, DAG PA'I YE SHES CHOS CAN, SRID DANG ZHI BA LA BLANG DOR DU BDEN PAR MI RTOG STE, 'KHOR 'DAS KYI CHOS RNAMS RMI LAM 'DRA BAR BDEN MED DU MNYAM PAR RTOGS BA'I PHYIR, DE YANG MDO LAS, SH'A RI'I BUS RAB 'BYOR LA SMRAS PA, RAB 'BYOR RMI LAM DU STONG PA NYID DANG, MTSAN MA MED PA DANG, SMON PA MED PA'I TING NGE 'DZIN LA SNYOMS PAR ZHUGS NA, CI SHER PHYIN RNAM PAR 'PHEL LAM, RAB 'BYOR GYIS SMRAS PA, NYIN PAR BSGOMS PAS 'PHEL NA RMI LAM DU BSGOMS PAS KYANG 'PHEL LO, ,DE CI'I PHYIR ZHE NA, RMI LAM DANG NYIN PAR NI RNAM PAR RTOG PA MED PAS SO, ZHES PA'I DON BSDUS PA'O, ,GNYIS PA NI, TSUL DE LA LAS MED PAR THAL BA LA SOGS PA YI KLAN KA'I LAN NI MDO LAS, JI SKAD BSHAD PAR ZAD DO, ,MDO LAS BSHAD PA JI LTAR ZHE NA, 'DI LA LAS MED PAR THAL BA, RMI LAM DMIGS BCAS SU THAL BA, LUNG DANG 'GAL BAR THAL BA HA CANG THAL BA'I KLAN KA SPANG BA'O, ,DANG PO LA KLAN KA DANG, LAN NO, ,DANG PO NI, SH'A RI'I BUS RAB 'BYOR LA SMRAS PA, RAB 'BYOR BYANG CHUB SEMS DPA' SEMS DPA' CHEN POS RMI LAM DU GANG ZAG GIS BYAS PA'I LAS DE GSOG PA'AM 'BRI BAR 'GYUR BA YOD DAM, ZHES PAS TE 'DI NI SNGAR RMI LAM DANG NYIN PAR NI RNAM PAR RTOG PA MED PA'O,

ZHES SOGS RAB 'BYOR GYIS SMRAS PA LA RTZOD PA'O, ,DON NI SAD PA NA DGE SDIG GI LAS GSOG PA MED PAR THAL, BDEN PA'I NGO BO NYID MED PA'I PHYIR, RMI LAM BZHIN ZHES PA'O, ,GNYIS PA LA NI, SH'A RI'I BU, BCOM LDAN 'DAS KYIS CHOS THAMS CAD RMI LAM LTA BUR GSUNGS PA DE LTAR NA, DE LAS GSOG PA'AM BRI BA MED DO, ZHES PAS DON DAM DU 'DOD PA'I LAN DANG, 'ON TE SANG NAS RNAM PAR RTOG NA NI DE LAS GSOG PA'AM BRI BAR YANG 'GYUR RO, ZHES PAS KUN RDZOB TU DPE MA GRUB CING RTAGS MA NGES BAR STON NO, ,'DI'I MJUG TU NYI KHRIR, RAB 'BYOR GYIS SMRAS PA, NYIN PAR SROG GCOD PA DANG, RMI LAM NA SROG GCOD PA DE LA DE BDAG GIS BSANG NGO, ,DE BDAG GIS BSAD PA LEGS SO ZHES PA DE RNAM PAR RTOG NA, SH'A RI'I BU KHYOD DE LA JI SKAD ZER CES 'BYUNG LA, 'DI t'IKA BYED GZHAN DAG BLAN KA GNYIS PAR BYAS NAS KLAN KA GNYIS PA SMRA BA PO RAB 'BYOR DANG, KLAN KA GSUM PA SMRA BA PO SH'A RI'I BUR 'CHAD PA NI MI 'THAD DE, KLAN KA LA JI SKAD ZER CES 'BYUNG LA, 'DI t'IKA BYED GZHAN DAG BLAN KA PHYIR NA, RAB 'BYOR RANG NYID KYI DAM BCA' RANG NYID KYIS BKAG PA DANG, SH'A RI'I BU RANG NYID KYIS SMRAS PA'I LAN LA RANG NYID KYIS KLAN KA 'PHANGS PAR THAL BAS SO, ,DES NA 'DI'I DON NI, RAB 'BYOR GYIS SH'A RI'I BU LA KHO BO NI, RMI LAM DU BSAD PA SOGS RMI BA LA RJES KYIS GSOS BTAB NA LAS GSOG PAS DPE MA GRUB PAR SMRA LA, KHYOD RMI LAM DU BSAD PA SOGS RMI BA LA RJES KYIS GSOS BTAB NA LAS GSOG MI GSOG JI LTAR SMRA, ZHES DRIS PA'O, ,DES NA 'DI NI KLAN KA DANG PO'I LAN GYI 'PHRO YIN LA, KLAN KA GNYIS PA 'DI LAS 'PHROS PA'O, ,KLAN KA GNYIS PA LA RTZOD PA NI, SH'A RI'I BUS SMRAS PA, RAB 'BYOR DMIGS PA MED PAR LAS MI SKYE STE; LAS NI DMIGS PA DANG BCAS PAR SKYE'O, ,DMIGS PA MED PAR SEMS MI SKYE STE, SEMS NI DMIGS PA DANG BCAS PA KHO NAR SKYE'O, ZHES PA STE, DON NI, RMI LAM NA CHOS CAN, GSAD BYA GSOD BYED SOGS KYI DMIGS YUL BDEN PA BA YOD PAR THAL, LAS

, ,GSOG PA YOD PA'I PHYIR, DPER NA SAD PA'I GNAS SKABS BZHIN, ZHES KHO BO NI SAD DUS SU LAS GSOG PA YOD CING RMI LAM NA MED PAR 'DOD DE, DE LTA MIN NA SKYON DE YOD DE, ZHES PA'O, ,LAN NI, RAB 'BYOR GYIS SMRAS PA, SH'A RI'I BU DE DE BZHIN NO,, DE DE BZHIN TE, DMIGS PA MED PAR LAS MI SKYE'O, ,DMIGS PA MED PAR SEMS DPA' MI 'BYUNG NGO ZHES SOGS TE, DON NI LAS GSOG PA LA DMIGS YUL KUN RDZOB PA TZAM DGOS PAR KHO BO YANG 'DOD LA, DE'I PHYIR RMI LAM DU BSAD PA SOGS RMI BA LA RJES KYIS GSOS BTAB PA'I TSE NA YANG DMIGS YUL RTOG PAS BRTAGS PA'I KUN RDZOB PA TZAM YOD LA, DON DAM PAR SAD PA'I GNAS SKABS NA YANG DMIGS YUL MED PAS DPE MA GRUB CING, KHYAB PA MA NGES PA'O, ,GSUM PA LA, KLAN KA NI SH'A RI'I BUS SMRAS PA, RAB 'BYOR LAS DANG SEMS DPA' NI DBEN PA'O, ZHES BCOM LDAN 'DAS KYIS GSUNGS NA, JI LTAR DMIGS PA DANG BCAS PAR LAS SKYE STE, DMIGS PA MED PAR MIN CES SOGS TE, DON NI t'IKA BYED GZHAN DAG 'DIR SH'A RI'I BU LAS DANG SEMS DPA' THAMS CAD BDEN PAR KHAS BLANGS PAR 'CHAD PA NI CHES MI RIGS TE, KLAN KA DANG PO DANG GNYIS PA'I SKABS SU SH'A RI'I BU RANG GIS LAS BDEN GRUB TU YANG YANG KHAS BLANGS PA DANG DNGOS SU 'GAL BA'I PHYIR RO, ,DES NA 'DI YIN TE RAB 'BYOR KHYOD KYIS SNGAR BCOM LDAN 'DAS KYIS THAMS CAD RMI LAM LTA BUR GSUNGS PA DE LTAR NA, ZHES BCOM LDAN 'DAS KYIS LAS DANG SEMS DPA' THAMS CAD BDEN PAR GRUB PAS DBEN PAR GSUNGS PAR KHAS BLANGS LA, 'DIR LAS DANG SEMS DPA' THAMS CAD DMIGS BCAS SU KHAS BLANGS PAS DE GNYIS KHAS BLANGS 'GAL LO ZHES BYA BA'I DON TO, ,GNYIS PA LAN NI, SH'A RI'I BU MTSAN MAR BYAS NAS DMIGS PA DANG BCAS PAR LAS SKYE STE DMIGS PA MED PAR MIN ZHES PA STE, DON NI, DMIGS BCAS SU KHAS BLANGS PA NI, BDEN PA'I DMIGS BCAS MIN GYI, MTSAN BCAS KYI RTOG PAS

BRTAGS PA TZAM GYI DMIGS BCAS SU KHAS BLANGS PA YIN PAS DE DANG MI 'GAL LO ZHES BYA BA'O, ,BZHI PA LA, KLAN KA NI SH'A RI'I BUS SMRAS PA, RAB 'BYOR BYANG CHEN RMI LAM DU SBYIN PA BYIN PA NAS SHES RAB KYI BAR SGOMS TE, DGE BA'I RTZA BA DE YANG ZHES SOGS TE, DON NI, 'O NA RMI LAM DU DGE RTZA BSNGOS PAS BSNGO BA YANG DAG TU THAL, RMI LAM NA LAS GSOG PA YOD PA'I PHYIR, 'DOD NA LAS DANG SEMS DPA' THAMS CAD YANG DAG KUN RDZOB KYI DMIGS SU KHAS BLANGS PA DANG 'GAL LO ZHES PA'O, ,LAN NI, RAB 'BYOR GYIS BYAMS PA LA KHA [?] 'PHANGS SHING BYAMS PAS BYAMS PA'I MING LAN LON NAM, ZHES SOGS KYIS 'KHOR GSUM MI DMIGS PAS BSNGOS NA BSNGO BA YANG DAG TU 'GYUR BAR SHUGS KYIS BSTAN CING, DNGOS SU BYAMS PAS KYANG LAN MA BSTAN PA NI DBUM PA LA BDEN GNYIS 'GAL BAR BRTZAD PA'I DOGS PA THAMS CAD KHO BOS KYANG BCAD MI NUS KYI DE'I DBANG DU BYAS NAS MA 'ONGS PA'I SANGS RGYAS BRGYUD MAR 'BYUNG BA YIN NO, ZHES BSTAN PA YIN NO, ,KLAN KA DANG LAN 'DI DAG GZHAN DAG GIS YANG DAG PAR MA BSHAD DO, ,GSUM PA 'GREL PA LA DNGOS DANG, KLAN KA SPANG BA'O, ,DANG PO NI, DAG SA'I MNYAM GZHAG YE SHES CHOS CAN, SRID ZHI MNYAM PA NYID KYI SBYOR BA YIN TE, 'KHOR BA DANG MYA NGAN LAS 'DAS PA DAG LA BLANG DOR THA DAD PA NYID DU BDEN PAR MI RTOG PA'I DAG SA'I RNAL 'BYOR YIN PAS NA'O, ,DER THAL KHYOD KYIS RJES THOB TU YANG 'KHOR BA DANG RNAM PAR BYANG BA MI MTHUN PA DANG GNYEN PO RNAMS SNANG BRNYAN TZAM GYI NGO BOS RMI LAM DANG 'DRA BA NYID DU RTOGS PA'I PHYIR, GNYIS PA LA KLAN KA DANG, LAN NO, ,DANG PO NI, GNYID MA LOG PA'I GNAS SKABS NA YANG CHOS CAN, MI DGE BA BCU DANG SBYIN PA LA SOGS PA MED PAR 'GYUR BA MIN NAM STE YIN PAR THAL, RMI LAM DANG 'DRA BA NYID YIN PA'I PHYIR, GNYID LOG PA'I GNAS SKABS BZHIN DU'O, ZHES BYA BA LA SOGS PA'I KLAN KA RNAMS SO, ,DE LA 'GREL PA'I RNAMS ZHES PA RTZA BA'I SOGS KYI DON YIN PAS SOGS KHONGS NAS KLAN

, ,KA LHAG MA GSUM SPUD LA, DE YANG KLAN KA BZHI PO THAMS CAD BDEN PAR MA GRUB NA DGE SDIG DANG BSNGO BA SOGS MI RUNG BAR RTZOD PA SHA STAG YIN PAS MDO'I LAN THAMS CAD RE RE NAS DNGOS SU MA BKRAL YANG, DON DAM DU LAS MED CING KUN RDZOB TU LAS 'DRAS 'JOG TSUL GYI SGO NAS LAN BTAB PA GCIG PU 'DI NYID KYIS, BDEN GNYIS 'GAL BAR BRTZAD PA'I KLAN KA THAMS CAD KYI LAN THEBS PAR DGONGS NAS LAN GZHAN RNAMS RE RE NAS DNGOS SU MA BSHAD PA YIN NO, ,GNYIS PA LAN LA, RTAGS MA NGES PAR BSTAN, DPE MA GRUB PAR BSTAN, DES GRUB PA'I DON NO, ,DANG PO LA, DON SMRA BA LA GRAGS PA'I DPE SGRUB, DE DBU MA PA LA'ANG MTSUNGS PAR BSTAN PA'O, ,DANG PO LA DGAG GZHAG GNYIS LAS, GZHAN LUGS DGAG PA NI, t'IKA BYED THAMS CAD KHA MTHUN PAR 'DI SKAD DU, DON SMRA BA SNGO GNYIS, DON DAM SKAD CIG MAL BSAD BYA GSOD BYED SOGS MED PAS, NYAN THOS SDE GNYIS, RANG LUGS LA'ANG MI DGE BA BCU DANG SBYIN SOGS BDEN BAR MA GRUB PAR 'DOD KYANG, KUN RDZOB TU RANG RGYUN LA BSAD BYA GSOD BYED SOGS SGRO BRTAGS NAS, THA SNYAD TZAM DU MI DGE BA BCU DANG, SBYIN SOGS SU 'JOG PA LTAR ZHES 'CHAD DO, ,DE NI CHES MI 'THAD DE, DE LTA NA DBU MA PAS, LAS 'BRAS SOGS CHOS THAMS CAD BDEN MED DU KHAS BLANGS PA LA, DNGOS SMRA BAS NYIN PAR YANG LAS GSOG PA MED PAR THAL, LAS BDEN PAR MED PA'I PHYIR, ZHES 'PHANGS PA'I THAL BA 'DI, DE MKHAD BZLOG NA 'KHOR GSUM KA DON SMRA BAS DNGOS SU KHAS LEN PAR THAL BA'I PHYIR RO, ,DES NA LAS 'BRAS BDEN MED DU RANG YANG KHAS LEN BZHIN DU, DBU MA PAS DE LTAR KHAS BLANGS PA LA THAL BA 'PHEN PA'I DON SMRA DE GNYIS GANG NA BZHUGS KHYOD KYIS STON CIG ,GZHAN YANG, 'JIG RTEN SNA TSOGS LAS LAS SKYES, ZHES PA'I GRUB PA'I MTHA' YIN PAR KHAS BLANGS PAS, DON SMRA LAS RDZAS GRUB TU KHAS LEN PAR SMRAS LA, DE MA THAG TU DON SMRA GNYIS LAS RAGS RGYUN LA

RTOG PAS BRTAGS PA TZAM DU 'DOD PAR SMRAS BAS DNGOS SU 'GAL BA BAR MCHAD DU SMRAS BA YIN NO, ,GZHAN YANG, DNGOS SMRA BA RAGS RGYUN LA GANG 'JOG SGRO BRTAGS SU SMRA BAR 'DOD PA 'DI NI, DNGOS SMRA BA'I LUGS 'JOG PA NA, DNGOS PO YIN NA SKAD CIG CHAGS MED DANG, RDUL PHRAN CHA MED GANG RUNG YIN DGOS ZHES PA'I ZOL GYIS, DNGOS PO THAMS CAD RNAM PAR 'JIG PAR BYED CING SKUR PA 'DEBS PA'I GRUB PA'I MTHA' MI BZAD PA'I GDON SNYING LA 'ONGS BA YIN MOD KYI, GZHAN DU RGYAS PAR BKAG ZIN CING, DKYUS MA 'CHAD PA'I GEGS SU 'GYUR BAS 'DIR MA BRAS SO, ,RANG LUGS NI JI LTAR PHYI ROL GYI DON SMRA BA'I RANG SDE GNYIS KYI LUGS LA 'DI LTAR 'DOD DE, BSAD BYA GSOD BYED SOGS GNYIS CHOS SO SOR PHYE BA'I RNAM GZHAG BYED PA BO'I RTOG PA LA JI LTAR SNANG BA LTAR GRUB PA'I SGO NAS DAN DAM PAR SUS KYANG SU YANG BSAD BA YANG MED, MA BSAD PA YANG MIN, SUS KYANG SU'I NOR BLANGS PA YANG MED MA BLANGS PA YANG MIN, GAL TE DE LTAR GRUB NA, RTOG PA DE DAG SNANG YUL LA MA 'KHRUL BAR 'GYUR BAS, BSAD BYA GSOD BYED SOGS KYI SNGA PHYI THAMS CAD DUS 'DRAS PAR GNAS DGOS PA LA DNGOS PO SKAD CIG MA NYID KYIS PHYIS RGYU MED PAR 'JIG PA YIN LA GZHAN YANG RTOG PA DE DAG SNANG YUL LA MA 'KHRUL NA BSAD BYA DE YANG GSOD PA POS MTSON BSNUN BA SOGS KHO NA'I RKYAN GYIS SHI BA DANG, RKUN PO PHROGS PA KHO NA'I DBANG GIS NOR DANG BRAL BA SOGS SU 'GYUR DGOS SHING, DE LTAR NA DE DAG LAS LA MI BLTOS PA DGOS PA LA GRUB PA'I MTHA' LAS KYANG, 'JIG RTEN SNA TSOGS LAS LAS SKYES, ZHES 'BYUNG BA LTAR LAS LAS SKYES BA'I PHYIR RO, ,DE LTAR 'DOD PA'I PHYOGS LA BSAD BYA GSOD BYED SOGS KYI GNYIS CHOS SO SOR PHYE BA'I RNAM GZHAG BYED PA'I RTOG PA LA JI LTAR SNANG BA LTAR MA GRUB KYANG, BSAD BYA'I SROG GI RGYUN 'JUG PA DANG 'GAL BA DNGOS PO SKYED PA LA GSOD BA LA SOGS PAR RTOG PA'I SGO NAS RTOG BAS BSAD BYA GSOD BYED SOGS GNYIS GNYIS SO SOR 'BYED PA'I RNAM GZHAG BYA

, ,PA LTAR DU SROG GCOD BA LA SOGS PA MI DGE BAR RNAM PAR 'JOG PA 'THAD PA YIN TE, DPER NA TSUL BZHIN MIN PA YID LA BYED PA LA SOGS PA DANG LDAN PA LA MI DGE BA LA SOGS PAR 'JOG BA DANG 'DRA BAR RO, ,GNYIS PA NI, JI LTAR DNGOS SMRA BA KHYOD RANG GI LUGS LA GSAD BYA GSOD BYED SOGS GNYIS SO SOR PHYE BA'I RNAM GZHAG BYED PA'I RTOG PA LA JI LTAR SNANG BA LTAR MA GRUB KYANG, RTOG BA DES MI DGE BA DANG DGE BA'I RNAM GZHAG BYAS PA LTAR 'JOG PA RUNG BA DE BZHIN DU, DED DBU MA YI LUGS LA YANG DNGOS PO RMI LAM DANG 'DRA BAR BDEN MED YIN YANG BYIS PA PHYIN CI LOG 'CHING BA MTHA' DAG MA NYAMS PA RNAMS LA DGE MI DGE DE DANG MTHUN BA'I DON GYI DNGOS PO LA SOGS PA SNANG BA MNGON PAR ZHEN PAS DE DAG MI DGE BA'I RNAM GZHAG BYED PA DANG MTHUN PAR BLO KUN RDZOB PA'I RNAM GZHAG BYAS PA'I RJES SU 'BRANGS TE, KUN RDZOB TZAM DU DGE MI DGE'I LAS SU 'JOG PA 'GAL BA MED DO, ZHES BYA BA LA SOGS PA'I LAN DE DANG DE DNGOS SMRA BA NGES DON DU 'DOD PA'I GSUNG RAB LAS PHYOGS GZHAN SHER PHYIN GYI MDO LAS GSUNGS SO ZHES KHONG DU CHUD PAR BYA'O; ;KHA CIG PHYOGS GZHAN 'PHAGS PA GROL SDE LA SOGS PA MDO 'GREL BYED PA'I SLOB DPON GZHAN GYI BSTAN BCOS LAS KHONG DU CHUD PAR BYA'O, ZHES 'CHAD PA NI, RTZA 'GREL TZAM YANG SBYOR MA SHES BAS TE, 'DI NYID LAN JI SKAD BSHAD PAR ZAD, CES PA'I 'GREL PA YIN PAS SO, ,GZHAN DU NA RTZA BA DE'I 'GREL BA 'CHAD PA'AM, YANG NA LAN NI 'PHAGS GROL GYI BSTAN BCOS LAS JI SKAD BSHAD PAR ZAD CES BYAMS MGON GYIS 'PHAGS GROL SOGS KYI BSTAN BCOS LA KHA 'PHANGS PAR THAL LO, ,DAG DON NI, SHES BYA CHOS CAN, DON DAM DU LAS MED NA DGE MI DGE'I RNAM GZHAG MI RUNG BA'I SKYON MED DE, DON DAM DU MED KYANG BLO KUN RDZOB PA LHAN SKYES KYI RNAM GZHAG BYAS PA'I RJES SU 'BRANGS NAS THA SNYAD TZAM DU DGE MI DGE'I RNAM GZHAG BYED BA 'THAD PA'I PHYIR, DPER NA DNGOS SMRA

BA'I LUGS LA RTOG PA LA JI LTAR SNANG BA LTAR MA GRUB KYANG, RTOG BAS THA SNYAD BYAS PA DANG MTHUN PAR GSAD BYA GSONG BYED SOGS GNYIS CHOS SO SOR PHYE BA'I RNAM GZHAG BYED PA MI 'GAL BAR 'DOD PA BZHIN NO, ,GNYIS PA LA BSTAN BCOS KYI LUNG LA BRTEN NAS DPE MA GRUB PAR BSTAN PA DANG, MDO LA BRTEN NAS MA GRUB PAR BSTAN PA'O, ,DANG PO NI, GZHAN YANG RMI LAM GYI 'BRAS BU MI BSKYED PA'I DPE MA GRUB BAR THAL, NYI SHU BA LAS, RMI LAM SEMS NI GNYID KYIS NYAMS, ,DES NA 'BRAS BU 'DRA MA YIN, ZHES BYA BAS RMI LAM GYI LAS KYIS SANG DUS LAS 'BRAS BUD MAN PA TZAM ZHIG SKYED PAR BSHAD PA 'THAD PA'I PHYIR, 'DIR NYI SHU PA'I LUGS JI LTAR 'BREL ZHE NA, SLOB DPON THA SNYAD DU RNAL 'BYOR DBYOD BA'I GRUB MTHA'I RNAM GZHAG DANG MTHUN PAR ZHAL GYIS BZHES PAS SKYON MED DO, ,GNYIS PA NI, DE BZHIN DU MDO LAS RMI LAM NA YANG DGE BA DANG MI DGE BA SPYAD BA NI SAD PA'I GNAS SKABS NA KYE MA BYAS SO LEGS PAR BYAS SO ZHES RDZES SU YI RANG NAS RJES KYI GNAS SKABS KYI SEMS KYIS MNGON PAR ZHEN PA'I GSOS KYIS YONGS SU GSOS TE DGE MI DGE 'PHEL BAR GSUNGS PA DE'I PHYIR DPE MA GRUB PO, ,GSUM PA NI, NGES NA KLAN KA MED CING, LUNG RIGS KYIS GRUB PAS 'KHOR BA DANG MYA NGAN LAS 'DAS PA NI BDEN MED DU MNYAM PA NYID DO, ,GNYIS PA LA MTSAMS SBYAR NI, GNYIS KA SOGS SO, ,RTZA BA NI, SEMS CAN SOGS SO,, 'GREL PA NI, SA DGU BA'I BYANG SEMS KYI PHYIN DRUG GI SBYOR BA CHOS CAN, SANGS RGYAS KYI ZHING RNAM PAR DAG PA'I SBYOR BA YIN TE, SEMS CAN DANG SNOD KYI 'JIG RTEN GYI BYE BRAG GIS SANGS RGYAS KYI ZHING RNAM PA GNYIS YOD PA LA GO RIM BZHIN DU CUNG ZAD BKRES PA DANG, SKOM BA LA SOGS PA DANG, SNOD RDOB DANG, TSER MA LA SOGS PA NYID KYIS MA DAG PA GANG YIN DE'I GNYEN POR RANG 'TSANG RGYA BA'I ZHING GI BCUD LA, LHA'I NYE BAR DBYAD PA DANG, SNOD LA GSER GYIS PHYOGS LA SOGS PA DAG PA BSKYED BA'I SGO NAS RNAM PAR DAG PAR BYED PA'I NYER RGYUR

, ,GYUR PA'I DAG SA'I RNAL 'BYOR YIN PA'I PHYIR, GSUM PA LA MTSAMS SBYAR NI, RANG GI SOGS SO, ,RTZA BA NI, 'PHAGS PA LTAR NA, YUL DANG ZHES BAS SBYOR BA'I YUL DANG, SBYOR BA CAN 'DI NI ZHES PAS NGO BO BSTAN PA, LHAG MAS DBYE BA [?] BSTAN ZHES 'CHAD CING, SNGA MA GNYIS LA'ANG MDO SO SOR SPYOR RO, ,SLOB DPON DE GNYIS LA MDO SO SOR MI SBYOR BAR DGRA RNAMS LAS NI 'DAS PA'I YUL LA SBYOR BA CAN ZHES SOGS SU SBYAR NAS 'CHAD DO, ,'GREL PA NI, SHES RAB KYI PHA ROL TU PHYIN PA YUL RNAM PA BCU MNGON SUM DU BYA BA LA DUS DANG DUS MIN PA SHES PA'I DAG SA'I SBYOR BA NI THABS LA MKHAS PA'I SBYOR BA YIN NO, ,BCU GANG ZHE NA, SA BCU PA'I YE SHES CHOS CAN, LHA LA SOGS BA'I BDUD LAS 'DAS PA YIN TE, MYANG 'DAS LA PAR CHAD BYED PA'I CHOS LAS YANG DAG PAR BRGAL BA'I DAG SA'I YE SHES YIN PA'I PHYIR, DE LA BDUD BZHI'I NGO BO GANG ZHE NA, PHUNG PO'I BDUD NI NYER LEN GYI PHUNG PO LNGA'O, ,NYON MONGS PA'I BDUD NI KHAMS GSUM GYI NYON MONGS SO, ,'CHI BDAG GI BDUD NI RANG DBANG MED PAR SROG 'GAG PA'O, ,LHA'I BU'I BDUD NI, BDUD GZHAN GSUM LAS 'DA' BAR BYED PA'I DGE BA LA BAR DU GCOD PA GZHAN 'PHRUL DBANG BYED KYI LHA'I RIS SO, ,CI'I PHYIR BDUD CES BYA ZHE NA, 'CHI BA MED PA'I MYANG 'DAS LA GEGS BYED PA'I PHYIR RO, ,BZHIR PHYE BA NI, BSDU BA LAS, GANG 'CHIB DANG, GANG GIS 'CHI BA DANG, 'CHI BA'I NGO BO GANG YIN PA DANG, 'CHING LAS 'DA' BA LA GEGS BYED PA RNAMS KYI DBANG DU BYAS PAR BSHAD DO, ,'DI DAG LAS SA GANG DU 'DA' ZHE NA, NYAN RANG GI MTHONG LAM NAS LHA'I BU'I BDUD LAS 'DA' STE, SHES NAS DAD PA THOB PAS SO, ,DGRA BCOM LHAG BCAS NYON MONGS PA'I BDUD LAS 'DA' ZHING, GNYIS KA'I CHA LAS RNAM GROL CHE BYIN GYIS RLOB NUS PAS 'CHI BDAG GI BDUD LAS KYANG 'DA' LA, LHAG MED DU PHUNG PO'I BDUD LAS 'DA'O, ,THEG CHEN PA SPYOR LAM DU LHA'I BU'I BDUD LAS 'DA' STE PHYIR MI LDOG THOB PAS SO, ,SA BRGYAD PA NAS NYON MONGS DANG

PHUNG PO'I BDUD LAS 'DA' STE, NYON MONGS MA LUS PAR SPANGS SHING YID KYI RANG BZHIN GYI LUS THOB PAS SO, ,SA DER TSE LA DBANG THOB PAS 'CHI BDAG LAS KYANG 'DA'O, ,CHOS CAN, MI GNAS PAR GNAS PA'I THABS LA MKHAS PA YIN TE, CHOS THAMS CAD BDEN MED DU MNYAM PA NYID RNAM BAR SGOM BA'I DAG SA'I RNAL 'BYOR YIN PA'I PHYIR RO, ,CHOS CAN, GZHAN GYI DON SNGON GYI SMON LAM GYI SHUGS KYIS 'PHANGS PA BYED PA YIN TE, SMON LAM GYI PHYIR GRUB PAS SO, ,CHOS CAN, NYAN RANG DANG THUN MONG MIN PA'I THABS LA MKHAS PA YIN TE, THEG CHEN GYI DKA' BA SPYOD PA THAMS CAD SHIN TU GOMS PA NYID KYIS SO, ,CHOS CAN, CHOS THAMS CAD LA 'DZIN PA MED PA YIN TE, CHOS DKAR PO THAMS CAD LA RO MYANG GI DRI MAS RNAM PAR DAG PAS SO, ,CHOS CAN, BDAG GI NGO BO MI DMIGS PA YIN TE, RNAM PAR THAR BA'I SGO STONG PA NYID LA GNAS BAS SO, ,CHOS CAN, SPROS PA'I MTSAN MA MED PA YIN TE, RNAM PAR THAR PA'I SGO MTSAN MA MED PA LA GNAS PAS SO, ,CHOS CAN, 'KHOR BA LA SMON PA MED PA YIN TE, RNAM PAR THAR PA'I SGO SMON PA MED PA LA GNAS PA NYID KYIS SO, ,CHOS CAN, RANG RGYUD LDAN PHYIR MI LDOG TU GZHAN GO BAR BYED PA'I RTAGS KYI THONGS LA MKHAS PA YIN TE, GZHAN GYI PHYIR MI LDOG PA'I RTAGS LAS BRTZAMS TE, DRI BA SNGON DU BTANG BA CAN LA PHYIR MI LDOG BA'I RTOGS PA DANG RJES SU MTHUN PA'I PHYIR MI LDOG BA'I CHOS BRJOD PA'I NUS LDAN YIN PA'I PHYIR, CHOS CAN, TSAD MED PA'I THABS LA MKHAS PA YIN TE, RIG PA'I GNAS LNGA LA SOGS PA'I YUL THAMS CAD SHES PA'I DAG SA'I YE SHES YIN PA NYID KYIS SO, ,SHES RAB KYI PHA ROL TU PHYIN BA'I MAN NGAG GI BSTAN BCOS MNGON BAR RTOGS PA'I RGYAN GYI 'GREL PA DON GSAL BA'I RNAM BSHAD RTOGS PAR DKA' BA'I SNANG BA LAS SKABS BZHI PA'I 'GREL PA'I BSHAD PA'O,, ` ,,GNYIS PA DBANG THOB PA RTZE MO'I SBYOR BA LA, 'BREL DGOD PAS MTSAMS SBYAR, 'BREL PA CAN GYI RAB BYED BSHAD,

, ,SKABS BSDU BA'O, ,DANG PO NI RNAM RDZOGS SBYOR BA'I MJUG TU, RTAGS LA SOGS PA BSNYAD PA SNGON DU 'GRO BA'I SGO NAS RTZE MO'I MNGON PAR RTOGS PA 'CHAD PA'I RGYU MTSAN YOD DE, RNAM PA THAMS CAD MNGON BAR RTOGS PA THOB PA LA DE RAB KYI MTHAR PHYIN PA'I RTZE MO'I RTOGS PA 'BYUNG BAS DE LTAR BSTAN PA YIN PA'I PHYIR RO, ,DGOS BA YOD DE, GO SLA BAR BYA BA'I PHYIR, GNYIS PA LA SBYOR LAM RTZE MO DANG, MTHONG LAM RTZE MO DANG, SGOM LAM RTZE MO DANG, BAR CHAD MED PA'I RTZE MO'O, ,DANG PO LA, SO SO'I RANG BZHIN DANG DON BSDU BA'O, ,DANG PO LA RTAGS DANG, RNAM 'PHEL DANG, BRTAN PA DANG, SEMS KUN TU GNAS BA'I RTZE SBYOR RO, ,DANG PO LA RTZA BA NI, DROD LA GNAS BA'I BYANG SEMS DBANG RNON, RTZE MOR PHYIN PA'I SBYOR BA THOB PA YIN TE, RMI LAM NA YANG CHOS RNAMS KUN RMI LAM LTA BUR LTA BA LA SOGS PA'I RTAGS RNAM PA BCU GNYIS THOB PA'I BYANG SEMS YIN PA'I PHYIR, 'GREL PA NI, RTZE MO'I MNGON PAR RTOGS PA THOB PA'I GNAS SKABS KYI KHYAD PAR GYI RTAGS YIN, DE YANG SNGAR BSHAD PA NI, RDZOGS BYANG LAS PHYIR MI LDOG PA TZAM GYI RTAGS YIN LA; 'DI RTZE SBYOR THOB PA'I RTAGS YIN PAS KHYAD PAR GYI ZHES SMOS SO, ,RTAGS GANG ZHE NA, RNAM PA BCU GNYIS NI'O, ,BCU GNYIS PO GANG ZHE NA, NGO BO'I SGO NAS 'BRAS BU'I RTAGS BRGYAD, RANG BZHIN GYI RTAGS BZHI'AM, DUS KYI SGO NAS RMI LAM GYI RTAGS DRUG DANG, SAD PA'I RTAGS DRUG GO, DANG PO NI, CHOS CAN, RTZE SBYOR THOB BA YIN TE, SHIN TU GOMS BA'I PHYIR RMI LAM GYI GNAS SKABS NA YANG CHOS THAMS CAD RMI LAM DANG 'DRA BA LA SOGS PAR BLTA BA'I BYANG SEMS YIN BA'I PHYIR, 'OG MA RNAMS LA'ANG 'DI BZHIN SBYAR RO, ,RMI LAM NA YANG NYAN THOS LA SOGS PA'I SA LA DGA' BA'I SEMS MI BSKYED PA DANG, RMI LAM NA YANG, DE BZHIN GSHEGS PA LA SOGS PA ZAB MO'I CHOS STON PA MTHONG BA DANG, RMI LAM NA YANG SANGS RGYAS KYI RDZU 'PHRUL GYIS RNAM PAR 'PHRUL BA DMIGS PA DANG RMI

LAM NA SDUG BSNGAL MYONG BA NAS DE BA'I TSE CHOS THAMS CAD RMI LAM DANG 'DRA BAR STON PA'I SEMS SKYE BA DANG, RMI LAM DUD MYAL BA LA SOGS PA SEMS CAN MTHONG BA SNGON DU 'GRO BAS RANG GI SANGS RGYAS KYI ZHING DU NGAN SONG SPONG BA RJES SU DRAN PA DANG, GNYIS PA NI, BDAG RDZOGS BYANG DU LUNG BSTAN NA ME 'DI ZHI BAR GYUR CIG CES BRJOD PAS GRONG KHYER LA SOGS PA TSIG PA RAB TU ZHI BAR BYED PA'I BDEN BA'I BYIN GYIS BRLABS GRUB PA DANG, BDAG DE LTAR LUNG BSTAN NA MI MIN PAS BZUNG BA 'DI BTANG BAR GYUR CIG CES BRJOD PAS GNOD SBYIN LA SOGS PA MI MIN PA MED PAR BYED PA'I BDEN PA'I TSIG GRUB PA DANG, RANG NYID KYIS BDUD LAS MNGON PAR SHES PAS PHA ROL BDUD DANG SDIG GROGS ZIL GYIS GNON BA'I DGE BA'I BSHES GNYEN BDEN PA DANG, GZHAN DON DU RNAM PA THAMS CAD DU SHER PHYIN PHA ROL TU PHYIN PA LA SLOB PA DANG, THAMS CAD LA BDEN PAR MNGON PAR ZHEN PA MED PA DANG, BDEN MED DU SPYOD PAS SANGS RGYAS KYI BYANG CHUB LA NYE BAR GYUR PA ZHES BYA BA RNAMS SO, ,GNYIS PA LA MTSAMS SBYAR NI, DE LTAR SOGS SO, ,RTZA BA NI, MDO LAS RAB 'BYOR GAL TE 'DZAM BU GLING GI SKYE BO JI SNYED YOD PA DE DAG CES SOGS KYIS 'DZAM BU GLING GI SKYE BO SNYED KYIS SANGS RGYAS MCHOD PA'I DGE LA SOGS RNAM MANG DU NI DANG BOR DPER MDZAD NAS DE DAG LAS BSOD NAMS GONG NAS GONG DU RNAM PAR 'PHEL BA BCU DRUG GIS MTSON NAS BSTAN PA'I SBYOR LAM RTZE MO'I BDAG NYID NI RNAM 'PHEL GYI RTZE SBYOR RO, ,'GREL PA NI, RNAM PAR 'PHEL BA YIN NO, ,GANG NA RTZE MO'I BSOD NAMS KYI GNAS SKABS BCU DRUG GI NGO BO NYID NI'O, ,CI'I PHYIR RNAM PAR 'PHEL BA ZHES BYA ZHE NA, ME TOG LA SOGS PAS SANGS RGYAS MCHOD BA'I DGE BA LA SOGS BA RNAM PA MANG PO BSTAN PA DANG PO DPER MDZAD NAS DE LAS GONG NAS GONG DU BSOD NAMS KHYAD PAR DU 'PHAGS PA NYID KYIS SO, ,BCU DRUG GANG ZHE NA, 'DZAM BU GLING LA SOGS PA STONG GSUM GYI 'JIG RTEN GYI KHAMS KYI SEMS CAN SNYED KYIS DE BZHIN GSHEGS PA LA MCHOD

, ,PA BAS RTZE SBYOR BSGOMS PA BSOD NAMS LHAG PA DANG, DE LAS KYANG KHYAD PAR DU RTZE MO'I SHER PHYIN YID LA BYED PA LHAG PA DANG, DE LAS KYANG MI SKYE BA'I CHOS LA MOS PA'I BZOD PA THOB PA DANG, DE LAS KYANG KHYAD PAR DU BYANG CHUB PAR BYA BA DANG BYANG CHUB PAR BYED BA'I CHOS BDEN PAR MI DMIGS PA DANG, DE LAS KYANG KHYAD PAR DU 'DZAM BU GLING GI SEMS CAN THAMS CAD DGE BA BCU LA SOGS PA DANG GZUGS MED BA'I SNYOMS PAR 'JUG PA THOB PA LAS RTZE SBYOR BSOD NAMS KHYAD PAR DU 'PHAGS PA DANG, LHA'I RIGS THAMS CAD NYE BAR 'ONG ZHING BYANG CHUB LA BSKUL BA DANG, BDUD LAS THAMS CAD ZIL GYIS GNON PA DANG, STON PA DANG 'DRA BAR THEG PA GCIG LA MA ZHUGS PA'I SKYE BO LA MTSUNGS PAR GNAS PA CES BYA BA PHYI GTZO BOR GYUR BA'I BSOD NAMS RNAM PA BRGYAD DANG, YANG RNAM PA THAMS CAD DU GZUGS MED KYI SEMS THOB KYANG DER MI SKYE BA LA SOGS PA'I THABS LA MKHAS PAS BSLAB PA YONGS SU DAG PA DANG, RTZE MO THOB NAS GDON MI ZA BAR SANGS RGYAS SU NGES PAS SANGS RGYAS KYI RIGS CAN NYID DANG, 'BRAS BU SANGS RGYAS NYID THOB PA'I RGYU MCHEN SEMS BSKYED SOGS KYI NUS PA GZHAN LAS LHAG PA DANG, PHA ROL TU PHYIN BA'I MI MTHUN PA'I PHYOGS KYI SEMS MI SKYE BA DANG, BDEN PA'I GZUGS LA SOGS PA DANG LDAN PAR RTOGS PA'I SEMS RAB TU MI SKYE BA DANG, SHER PHYIN DU PHA ROL TU PHYIN PA KUN BSDUS PA SHES PA DANG, THEG PA GSUM GYI PHUN SUM TSOGS PA THAMS CAD 'THOB PA DANG, LTA BA THAMS CAD DANG BRAL BAS YANG DAG PAR RDZOGS PA'I BYANG CHUB LA NYE BAR GYUR PA CES BYA BA PHYI LAS GZHAN NANG GTZO BOR GYUR BA'I BSOD NAMS RNAM PA BRGYAD DO, ,NGAG DON NI, RTZA 'GREL GNYIS KA LA, THEG CHEN SBYOR LAM RTZE MO CHOS CAN, RNAM 'PHEL GYI RTZE SBYOR YIN TE, MDO LAS, BSOD NAMS GONG NAS GONG DU 'PHEL BA BCU DRUG GIS MTSON NAS BSTAN PA'I SBYOR LAM YIN PA'I PHYIR, GSUM PA MTSAMS SBYAR NI, DE LTAR SO

SO; ;RTZA BA NI, THEG CHEN SBYOR LAM BZOD PA CHOS CAN, BRTAN PA'I RTZE SBYOR YIN TE, RANG DON KUN MKHYEN NYID GSUM CHOS RNAMS KYI RTOGS BA YONGS SU RDZOGS PA BLA NA MED PA DANG, GZHAN DON THABS MKHAS KYI SEMS CAN DON YONGS SU MI GTONG BA GNYIS KYIS MTSON NAS MDO LAS MNGON PAR BRDZOD BA'I SBYOR LAM YIN BA'I PHYIR, 'GREL BA NI, GZHAN DON 'PHRIN LAS KYI KHYAD PAR GONG DU BSHAD PA DE LTAR BSOD NAMS 'PHEL BA'I YANG DAG PA'I THABS LA MKHAS PA'I STOBS KYIS, RNAM PAR MI RTOG PA RTOGS PA'I GNAS SKABS NA YANG SNYING RJE CHEN PO MNGON DU BYED PA'I NGO BOS SEMS CAN GYI DON YONGS SU MI GTONG BA'I MTSAN NYID RANG DON RTOGS BA'I KHYAD PAR RNAM PA THAMS CAD MKHYEN PA NYID LA SOGS PA JI SKAD BSHAD PA'I THAMS CAD MKHYEN PA NYID GSUM GYI CHOS SEMS BSKYED PA LA SOGS PA GONG DU SMOS PA YONGS SU RDZOGS PA BLA NA MED PA NI NGES PAR BSTAN BA'I RTZE MO YIN NO, ,NGAG DON NI RTZA BA LTAR RO, ,BZHI PA LA, MTSAMS SBYAR NI, DE LTAR SOGS SO, ,RTZA BA NI, SHUGS LA YONGS SU BSGRAGS PA YIN NO, ,GANG NA SEMS KUN TU GNAS BA'I RTZE MO'I TING NGE 'DZIN NI'O, ,GANG GRI NA; MI LDOG BYANG CHUB MCHOG LA RAB TU ZHUGS PA YI, ,SEMS BSKYED PA LA BSAM PA THAG BAS YI RANG BA, ,STONG GSUM RI RAB SRANG LA GZHAL BAS TSAD BZUNG RUNG, ,RJES SU YI RANG DGE BA DE NI DE LTA MIN, ZHES BA'I MDO TSIG GIS SO, ,JI LTAR NA GLING BZHI BA DANG, STONG SPYI PHUD [?] NGAG DANG, STONG GNYIS PA BAR MA DANG, STONG GSUM GYI 'JIG RTEN DAG GIS CHU LA SOGS BCAL BA'I SRANG GRANGS DPER MDZAD NAS DBE DES DNGOS SU BYANG SEMS BZHI'I SEMS BSKYED LA YI RANG BA'I DGE PA'I BSOD NAMS MANG PAR BSTAN NAS SHUGS LA RTZE MO DE'I BSOD NAMS MANG PO MTSON NAS BSTAN PA NYID KYIS NI'O, ,'DIR NI SHUGS BSTAN MNGON RTOGS KYI RIM PA NYID SKABS SU BAB PA YIN PAS DNGOS BSTAN GYI DPE DANG, SHUGS BSTAN GYI DON GNYIS SBYAR NAS DNGOS SU BSTAN PA YIN NO, ,BYANG SEMS BZHI NI 'PHAGS PAS RNAM

, ,RTOG BZHI'I GNYEN PO MTHONG SGOM LAM RTOGS PA PO'I DBANG DU BYAS PAR BSHAD PAS, SA DANG PO DANG, SA BDUN BA'I BAR DRUG DANG, SA BRGYAD PA DANG, SA BCU PA LA GNAS PA RNAMS LA GO RIM BZHIN BZHED PAR GSAL LA, RJES SU YI RANG BA'I YUL NI, BYANG SEMS DE DAG GI DGE BA'O, ,RJES SU YI RANG BA BZHI PO NI CHOS MCHOG LA GNAS PA'I BYANG SEMS SO, ,DES NA DPE DES, MDOR DNGOS SU CHOS MCHOG LA GNAS PA'I BYANG SEMS KYIS BYANG SEMS GZHAN BZHI PO PA'I DGE BA LA YI RANG BA'I BSOD NAMS MTSON SHUGS LA BYANG SEMS CHOS MCHOG PA'I RGYUD KYI TING NGE 'DZIN GYI BSOD NAMS MTSON PA YIN NO, ,MTSON NUS PA'I RGYU MTSAN, DNGOS BSTAN YI RANG GI DGE BA DANG, SHUGS BSTAN RTZE MO'I TING NGE 'DZIN DE GNYIS GROGS DANG GROGS CAN YIN PAS SO, ,'GREL BA NI, MDO LAS, GLING BZHI PA LA SOGS PA STONG GSUM GYI 'JIG RTEN GYI KHAMS RNAMS KYI SA RDO CHU SOGS GCAL BA'I SRANG GRANGS SO SOR DPER MDZAD NAS DNGOS SU BSTAN PA'I DPE DE DAG LAS PHA ROL TU PHYIN PA LA SOGS PA THAMS CAD KYI NGO BO NYID KYI BSOD NAMS DANG YE SHES KYI TSOGS BSOD NAMS MANG POR BSTAN PA NYID KYIS CHOS MCHOG GI TING NGE 'DZIN GYI MTSAN NYID SHUGS LA BRJOD PA NI SEMS KUN TU GNAS PA'I RTZE SBYOR YIN NO, ,DPE DE LAS DON DE TSAD MANG BA'I RGYU MTSAN NI, TSAD SRID PA NI SRANG TSAD KYIS GZHAL BAR NUS ZHES BYA BA'I TSUL GYIS STONG GSUM GYI TSAD GZUNG BAR NUS LA, TSOGS GNYIS DE DAG TSAD CAN LAS KHYAD PAR 'PHAGS SHING TSAD LAS 'DAS PA'I PHYIR RO, ,RTZA 'GREL LA, DAG DON NI, THEG CHEN CHOS MCHOG GI TING NGE 'DZIN CHOS CAN, SEMS KUN TU GNAS PA'I RTZIS SBYOR YIN TE, MDO LAS, STONG GSUM SRANG LA BCAL BA'I TSAD LAS BSOD NAMS MANG PAR BSTAN PAS MTSON NAS GSUNGS PA'I THEG CHEN SBYOR LAM YIN PA'I PHYIR, GNYIS BA DON BSDU BA NI, RTAGS LA SOGS PA BZHI BO DE DAG NI GO RIM BZHIN DU DRO BA LA SOGS

PA THEG CHEN GYI DES PAR 'BYED PA'I CHA DANG MTHUN PA BZHI'I NGO BOS YIN PAR KHONG DU CHUD PAR BYA'O, ,GNYIS PA MTHONG LAM RTZE SBYOR LA, MTSAMS SBYAR BA DANG, SO SO'I DON BSHAD PA'O, ,DANG PO NI, NGES PAR 'BYED PA'I CHA DANG MTHUN PA'I 'OG TU MTHONG BA'I LAM BSTAN PA LA RGYU MTSAN YOD PA YIN TE, DE LAS DE SKYE BAS SO, ,GNYIS PA LA MI MTHUN PHYOGS DANG, GNYEN PO'O, ,DANG PO LA MDOR BSTAN, RGYAS PAR BSHAD PA, DON BSDU BA'O, ,DANG BO LA, GZUNG RTOG DANG, 'DZIN RTOG MDOR BSTAN PA'O, ,DANG PO LA MTSAMS SBYAR NI, DE LA SOGS SO, ,RTZA BA NI, RKANG PA DANG POS YUL GZUNG BA'I RNAM RTOG CES PAS NGO BO, ,SO SOR DE DGU'I BDAG NYID CES PAS DBYE BA, LHAG MAS RTOG PAR 'JOG PA'I RGYU MTSAN BSTAN CING, DE YANG, MDO LAS GNYIS KYI 'DU SHES SU MI 'GYUR BA DANG, ZHES SOGS KYIS GNYEN PO DNGOS SU BSTAN NAS RTOG PA SHUGS LA 'PHANGS SHING 'DIR RTOG PA'I DBYE BA DNGOS SU BSTAN NO, ,'GREL PA LA, NGO BO, DBYE BA, RGYU MTSAN NO DANG PO NI, 'JUG PA MTSAN MAR MI DMIGS PA DANG, LDOG PA MTSAN MAR DMIGS PA'I NGO BO NYID DAG PA GO RIM BZHIN DU BYANG CHUB SEMS DPA' DANG NYAN THOS LA SOGS PA CHOS LEN PA DANG 'DOR BA'I SGO NAS GZUNG BA'I ZHES BDEN PAR SNANG BA'I GZUNG BAR RNAM PAR RTOG PA CHOS CAN, MTHONG LAM RTZE SBYOR GYI MI MTHUN PHYOGS SU GYUR BA YIN TE, DE SKYE BA'I GEGS YIN PA'I PHYIR, DPER NA MTHONG SPANGS NYON MONGS PA DANG 'DRA BAR RO, ,GNYIS PA NI DE DAG LA SO SOR RNAM PA DGU DGU YOD DE, YUL DGU DGU'I DBYE BA'O, ,GSUM BA NI, RTOG PA DE GNYIS CHOS CAN, YUL JI LTA BA BZHIN MIN PAR SNANG BA'I RANG GI NGO BO DAG TU SHES PAR BYA STE, DNGOS BO'I GNAS LUGS DANG MA 'BREL BAR 'JUG PA NYID KYIS, RANG YUL PHYIN CI LOG TU SNANG BA'I PHYIR, GNYIS PA LA MTSAMS SBYAR NI, DE LTAR SOGS SO, ,RTZA BA NI, NGO BO, DBYE BA, RTOG BAR 'JOG PA'I RGYU MTSAN NO, ,DANG PO NI, 'DZIN RTOG CHOS CAN, SEMS CAN DON DAM PA'I RDZAS DANG TAGS YOD

, ,DU BDEN PAR SNANG BA'I SGO NAS RNAM PAR RTOG PA'I 'DZIN PA GNYIS YOD PA DAG TU 'DOD RIGS TE, SO SO SKYE BO'I 'DZIN TSUL LTAR BDEN PAR SNANG BA DANG, 'PHAGS PA'I GZIGS TSUL LTAR BDEN PAR SNANG BA'I RTOG PA GNYIS YOD PA'I DBYE BAS SO, ,DE DAG SO SOR DGU DGU'I BDAG NYID DU DBYER YOD DE, YUL DGU DGU YOD PAS SO, ,GSUM PA NI, RTOG PA DE DAG 'DZIN PA YANG DAG PA YI NGO BOS STONG BA'I MTSAN NYID YIN TE, DE DAG YUL YANG DAG PA GANG GI 'DZIN PAR 'DOD DE 'DZIN PA MIN PA'I PHYIR, DER THAL, GAL TE DE DAG GI YUL DE DAG GIS BZUNG BA LTAR GYI DON DE BZHIN DU MED PA'I PHYIR, 'GREL PA NI, GSUM LAS, NGO BO NI 'DZIN PAR RNAM PAR RTOG PA CHOS CAN, GNYIS YOD DE, SO SO SKYE PO DAG GI 'DZIN STANGS DANG MTHUN PAR GO RIM BZHIN DU SKYES BU RDZAS SU BDEN PAR YOD PAR SNANG BA LA BRTEN PA CAN DANG, 'PHAGS BA'I GANG ZAG DAG GIS GZIGS TSUL DANG MTHUN PA GO RIM BZHIN DU SKYES BU BTAGS PAR YOD PAR BDEN PAR SNANG BA LA BRTEN PA CAN GYI 'DZIN PA DAG YOD PAS SO, ,DE 'DRA'I 'DZIN RTOG KUN BRTAGS GNYIS CHOS CAN, MTHONG LAM RTZE SBYOR GYI MI MTHUN PHYOGS SU GYUR PA YIN TE, DE SKYE BA LA GEGS BYED PA YIN PA'I PHYIR, GNYIS PA NI, DE CHOS CAN, SO SOR RNAM PA DGU DGU YOD DE, YUL DGU DGU YOD PA'I DBYE BAS SO, ,GSUM PA NI, RTOG PA DE DAG NI CHOS CAN, YUL JI LTA BA BZHIN MIN PAR SNANG BA'I RANG GI NGO BO DAG TU SHES PAR BYA STE, 'DZIN PA YANG DAG PA'I NGO BOS DBEN PA'I NGO BO YIN PAS, RANG YUL PHYIN CI LOG TU SNANG BA'I PHYIR, DER THAL, SNANG YUL YANG DAG PA GANG GI YANG 'DZIN PA MIN PA'I SHES PA YIN PA DE'I PHYIR, DER THAL, GANG GI TSE DAG GI YUL GYI DNGOS POR GYUR PA'I BZUNG BA'I DON DAG DE DAG LA JI LTAR SNANG BDE BZHIN DU GRUB PA'I GZUNG BA'I NGO BOR YOD PA MIN PA ZHES BYA BA'I SHES PA YIN PA DE'I TSE'O, ,GNYIS PA RGYAS PAR BSHAD PA LA, GZUNG RTOG DANG, 'DZIN RTOG DANG, RGYAS BSHAD DO, ,DANG PO LA 'JUG

PA DANG, LDOG BA GZUNG RTOG GO ,DANG PO LA, MTSAMS SBYAR NI, GZUNG BA'I SO, ,RTZA BA LA, RTOG PA'I YUL, NGO BO DBYE BAS SO, ,DANG PO LA, BYANG SEMS KYI LAM DANG, LAM GYI 'BRAS BU'O, ,DANG PO LA, LAM GYI RANG BZHIN, LAM GYI RGYU, LAM GYI RKYEN, DMIGS PA BYED PA STE LNGA YOD LA, DE DAG KYANG RKANG PA DANG BO BZHIS STON NO, ,GNYIS PA LA RANG DON GNYIS, GZHAN DON GNYIS TE, RKANG PA GNYIS KYIS BSTAN NO, ,DE NAS PHYED DANG GNYIS KYIS NGO BO DANG, PHYED KYIS DBYE BA BSTAN NO, ,'GREL BA LA, DBYE BA DANG, GNYEN PO'O, ,DANG PO NI, DON DAM PAR PHYIN DRUG DBEN PAS DBEN PA BYANG CHUB MA GTOGS BA NGO BO NYID YIN KYANG, KUN RDZOB TU SANGS RGYAS SU BGRONG BYED YIN PAS YUL DI LA SKYON MED PA NYID KYIS GZUNG BAR BYA BA NYID DU 'JUG PAR BYA'O ZHES BYA BAR BDEN PAR SNANG BA'I RTOG PA CHOS CAN, GZUNG BA'I RNAM PAR RTOG PA DANG PO 'JUG BA'I PHYOGS KYI RTEN CAN YIN TE; KHYOD BYANG SEMS KYI LAM BLANG BYAR BDEN PAR SNANG BA'I RTOG BA YIN PA'I PHYIR, SBYOR BA 'GOD TSUL 'DIS 'GRE'O, ,SA MI G-YO BA LA SOGS BA LA RIM GYIS 'JUG PAS SANGS RGYAS KYI RIGS SU NGES PA DANG, THEG CHEN SBYOR LAM GYIS CHOS RNAMS SGYU MA LTA BUR RTOGS PAS MTHONG BA LA SOGS PA LA YANG DAG PAR 'GRUB PA DANG, DMIGS PA SNANG BRNYAN TZAM DU ZAD PAS THEG CHEN LAM GYI SHES PA'I DMIGS PA MA 'KHRUL BA DANG, YON TAN DANG SKYON MTHONG BSNGON DU 'GRO BA'I BLANG BAR BYA BA DANG DOR BAR BYA BA NYID KYI GNYEN PO DANG, MI MTHUN PHYOGS LEN PA DANG 'DOR BA DANG, DRI MA THAMS CAD DANG BRAL BA NYID KYIS RANG GI MKHYEN GSUM GYIS RTOGS PA THOB PAR BYED PA DANG, RGYU DMAN ZHING 'BRAS BU GYA NOM PA MIN PA NYID KYIS NYAN THOS LA SOGS PAS THAG BSRINGS PAR BYED PA DANG, GDUL BYA'I BSAM PA JI LTA BA DANG MTHUN BAR SGRUB PAS SEMS CAN GYI LAS DANG, YANG DAG PA'I THABS LA MKHAS PA'I STOBS KYIS SKYE BO THAMS CAD MYA NGAN LAS 'DAS PA LA DGOD BAR BYA BA 'BRAS BU LA SKYON MED PA NYID KYIS GZUNG BAR BYA BA NYID DU 'JUG PAR BYA'O ZHES BDEN BAR SNANG BA'I RTOG PA CHOS CAN, GZUNG BA'I

, ,RNAM BAR RTOG PA DANG PO 'JUG PA'I PHYOGS KYI RTEN CAN YIN TE, THEG CHEN LAM GYI 'BRAS BU LA BLANG BYAR BDEN PAR SNANG BA'I RTOG PA YIN PA'I PHYIR, GNYIS PA NI, DE DAG GI GNYEN PO JI LTA BU ZHI NA, DE 'DRA'I RTOG PA KUN BRTAGS RNAM PA DGU PO DE YANG MNGON GYUR RNAMS NI MTHONG BA'I LAM GYI SBYOR BA CHOS MCHOG GI GNAS SKABS KYI SPANG BAR BYA BAR BZHED PA YIN NO, ,GNYIS PA LA MTSAMS SBYAR NI, GZUNG BA'I RNAM PAR RTOG PA GNYIS PA SOGS SO, ,RTZA BA NI, LDOG PA'I PHYOGS KYI RTEN CAN GYI RNAM RTOG YUL GYI DBYE BAS DGU'I BDAG NYID 'DI DAG GI LDOG YUL RNAMS NI NYAN THOS LA SOGS YID LA 'BYUNG NGO, ,YUL DGU PO GANG ZHE NA, RTOGS PA DANG, YONGS 'DZIN DANG, LAM DANG, DBANG PO DANG, THABS DMAN PA STE, LAM GYI NGO BO DMAN PA'I DBANG DU BYAS PA LNGA NI, RKANG PA DANG PO DRUG GIS BSTAN TO, ,SPANGS PA DANG, YE SHES DANG, GZHAN DON DANG, MYANG 'DAS DMAN PA STE, LAM GYI 'BRAS BU DMAN PA'I DBANG DU BYAS PA BZHI NI LHAG MAS BSTAN TO, ,'GREL PA LA, RTOG PA'I DBYE BA DANG, GNYEN PO'O, ,DANG PO NI, 'KHOR BA DANG MYA NGAN LAS 'DAS PA GANG YANG RUNG BZHIG TU LTUNG BA NYID KYIS RTOGS PA DMAN PA NYID LA NYES PA DANG BCAS PA NYID KYIS GZUNG BAR BYA BA MIN PA NYID DU RTOGS PAR BYA'O ZHES BDEN PAR SNANG BA'I RTOG PA CHOS CAN, GZUNG BA'I RNAM PAR RTOG PA GNYIS PA LDOG PA'I PHYOGS KYI RTEN CAN YIN TE, NYAN RANG GI LAM LDOG BYAR BDEN PAR SNANG BA'I RTOG PA YIN PA'I PHYIR, SBYOR BA NGES 'GRE'O, ,DGE BA'I BSHES GNYEN THABS LA MKHAS PA DANG BRAL BA NYID KYIS THEG CHEN GYI YONGS SU 'DZIN PA MED PA DANG, SHES BYA'I SGRIB PA MTHA' DAG GI GNYEN PO MIN PA NYID KYIS RDZOGS BYANG SGRUB PA LA MA TSANG BA DANG, DE BZHIN GSHEGS PA LA SOGS PA GDAMS DAG LA BLTOS BA DANG BCAS PA NYID KYIS, GZHAN GYI RKYEN GYIS 'GRO BA NYID DANG, SEMS CAN THAMS CAD NAS CHED DU BYA BA LOG PA DANG, NYON MONGS PA'I SGRIB PA

'BA' ZHIG GI GNYEN PO NYID KYIS NYI TSE BA'I LAM GYI BYED PA DANG, MTSAN MAR DMIGS BAS BCINGS PA DANG BCAS PA NYID KYIS 'BRAS BU DANG PO LA SOGS PA RTOGS PA THA DAD PA NYID DANG, NYAN RANG DGRA BCOM KYANG MA RIG PA'I BAG LA NYAL MA SPANGS PA NYID KYIS RANG DON DU MNYAM GZHAG LA GNAS PA DANG, GZHAN DON LA 'GRO BA YANG DAG BAR MI SHES PA DANG, THEG PA CHEN PO THEG PA GSUM GYI YON TAN THAMS CAD SDUD PAR BYED PA NYID KYIS RNAM PA THAMS CAD MKHYEN PA NYID MYA NGAN LAS 'DAS PA 'OG MA THAMS CAD KYI MJUG TU 'GRO DGOS PAS NYAN RANG GI MYANG 'DAS NYES PA DANG BCAS PA NYID KYIS SOGS SO, ,GNYIS PA NI, NYAN THOS DANG RANG SANGS RGYAS KYI RGYUD LA BLANG BAR BYA BA NYID DU 'JUG PA'I YUL DE DAG LDOG BYANG BDEN PAR SNANG BA'I RTOG PA KUN BRTAGS RNAM PA DGU PO DE YANG THEG CHEN MTHONG BA'I LAM GYIS SEMS DANG SEMS LAS BYUNG BA 'JUG BA PAR CHAD MED PA'I LAM GYI GNAS SKABS KYI SPANG BAR BYA BAR BZHED PA YIN NO, ,GNYIS PA 'DZIN RTOG RGYAS BAR BSHAD PA LA GNYIS LAS, DANG PO RDZAS 'DZIN RTOG PA BRGYAS BSHAD LA, MTSAMS SBYAR NI, SO SO'I SKYE BO'I SOGS SO; ;RTZA BA LA YUL DANG YUL CAN GNYIS LAS, YUL LA GTZO BO SHER PHYIN DANG, PHAL PA PHAR PHYIN GZHAN LNGA'O, ,DANG PO'I BYED PA'I DBANG DU BYAS PA GSUM, RTOGS PA'I DBANG DU BYAS PA GSUM, SPYOD PA DANG NUS PA'I DBANG DU BYAS PA RE RE RNAMS NI, RKANG PA DANG PO DRUG GIS SO, ,GZHAN LNGA'I DBANG DU BYAS BA NI, ,JI LTAR 'DOD BZHIN 'GRO NYAMS LA, ZHES PA'O, ,YUL CAN NI, RKANG PA THA MA'O, ,'GREL PA LA DBYE BA DANG, GNYEN PO'O, ,DANG PO NI, SHER PHYIN GYIS KUN RDZOB TU SGYU MA BZHIN DU YON TAN 'DZIN PA DANG SKYON GTONG BA LA DON DAM PA'I NGO BOR SNANG BAS MNGON PAR ZHEN BA'I RTOG PA CHOS CAN, 'DZIN PA'I RNAM PAR RTOG PA DANG PO SKYES BU RDZAS SU YOD PA'I RTEN CAN YIN TE, SO SKYE'I ZHEN TSUL LTAR SNANG BA'I RTOG PA YIN PA'I PHYIR, SBYOR BA 'DIS 'GRE'O, ,YANG DAG PAR BDEN PA

, ,NYID DU YID LA MI BYED BAR BDEN MED DU YID LA BYED PA DANG, BDEN PAR 'DZIN PA CHOS NYID KYIS KHAMS GSUM CAR DANG NYE BAR 'BREL BA DANG, CHOS NYID STONG PA NYID DU RTOGS NAS BDEN PAR MI GNAS PAR GNAS PA DANG, DNGOS PO LA MDON PAR ZHEN PAS THAMS CAD LA BDEN MED DU MNGON PAR ZHEN PA DANG, BDEN PA'I RDZAS SU YONG PA MED PAS CHOS THAMS CAD BRDAR BTAGS PA DANG, DE KHO NA NYID SHES PA'I MA CHAGS PAS, MNGON PAR MA ZHEN PA SNGON DU 'GRO BA'I CHAGS PA DANG, 'KHOR 'DAS MNYAM PA NYID BSGOM BA'I GNYEN PO NYID KYIS, BLANG DOR THA DAD DU 'DZIN BA'I GNYEN PO DANG, SHER PHYIN DANG BRAL BA'I PHAR PHYIN LNGA NI, SHES RAB KYI PHA ROL TU PHYIN BA YANG DAG PAR MA SHES PA NYID KYIS JI LTAR 'DOD PA BZHIN DU 'GRO BA THOGS PA LA DON DAM PA'I SOGS SO, ,GNYIS BA NI, RNAM BA DGU PO DE YANG, MTHONG PA'I LAM GYI SOGS SO, ,GNYIS BA BTAGS 'DZIN RTOG PA RGYAS BSHAD LA, MTSAMS SBYAR NI, 'DZIN PAR SOGS SO, ,RTZA BA LA, YUL DANG, NGO BO GNYIS SO, ,NYAN RANG GI LAM GYI DBANG DU BYAS BA, BYANG SEMS KYI LAM GYI DBANG DU BYAS PA, LAM GYI MI MTHUN PHYOGS KYI DBANG DU BYAS PA STE, RIM PA LTAR RKANG PA GNYIS DANG, BZHI DANG GCIG GIS SO, ,NGO BO NI THAMS SO, ,'GREL PA LA, DBYE BA DANG, GNYEN PO'O, ,DANG PO NI, NYAN RANG GI LAM GYIS NYAN THOS LA SOGS BA'I BYANG CHUB TU NGES PAR 'BYUNG BA NYID KYIS THEG CHEN GYI CHED DU BYA BA JI LTA BA BZHIN DU NGES PAR MI 'BYUNG BA LA BTAGS PA'I DNGOS POR BDEN PAR SNANG BA'I SGO NAS MNGON PAR ZHEN PA NYID KYI RTOG PA CHOS CAN, 'DZIN PA'I RNAM PAR RTOG PA GNYIS PA SKYES BU BTAGS PAR YOD PA'I RTEN CAN YIN TE, 'PHAGS PA'I GZIGS TSUL LTAR, BDEN PAR SNANG BA'I RTOG PA YIN PA'I PHYIR, SBYOR BA 'DIS 'GRE'O, ,THEG DMAN RANG GI MNGON PAR 'DOD PA'I LAM MED PAS THEG CHEN GYI LAM GZHAN LA LAM MIN PAR NGES PAR 'DZIN PA DANG,

BYANG SEMS LAM GYI RGYU DANG, 'BRAS BU KUN RDZOB KYI NGO BOS SKYE BA DANG, 'GAG PA DANG, DAG PA DANG MA DAG PAR RIM BZHIN MTSAN 'DZIN GYI BAR CHAD MED PA DANG DE LAS BZLOG PA'I CIG SHOS SU SNANG BA NYID KYIS LAM GYI DNGOS PO MTHA' DAG RJES THOB TU'ANG RGYUN MI CHAD PAR LDAN PA DANG MI LDAN PA DANG, NAM MKHA' LA GNAS PA'I BYA DANG 'DRA BA NYID KYIS GZUGS LA SOGS PA LA MI GNAS PA'I TSUL GYIS GNAS PA DANG, BYANG CHUB KYI NAS 'JIG PA DANG, DE BZHIN NYID LAS KHYAD PAR DU 'PHAGS PA'I 'DOD BYA'I CHOS MED PAS DON DAM PAR 'DOD PA MED PA DANG, DON DAM PA'I BDEN PA LA BRTEN NAS BYANG CHUB KYI RGYU MED PA DANG, SER SNAS MTSON PA PHYIN DRUG GI MI MTHUN PHYOGS SHIN TU GOMS PAR BYAS PA'I CHOS NYID KYIS BDUD LA SOGS PA PHYI RGOL BA'I DNGOS PO DMIGS PA LA BTAGS PA DNGOS POR SOGS SO,, GNYIS PA NI, RNAM PA DGU PO DE YANG MTHONG BA'I LAM GYI SOGS SO, ,GSUM PA DON BSDU BA NI, DE LTAR BAR SKABS KYI TSIGS SU BCAD PA DGUS DNGOS SU GZUNG 'DZIN GYI RNAM PAR RTOG PA RNAM PA BZHI NYID LA SO SOR MTHONG LAM PA'I LAM GYI MI MTHUN PHYOGS RNAM PA DGU DGUR PHYE BA YIN LA, DE'I SHUGS KYIS DE DAG SPANGS PA NYID DU GNYEN PO SBYOR BA DANG 'JUG PA RNAM PA BZHI YANG SPANG BYA DE BZHIN DU NANG SEL GYI DBYE BA RE RE LA DGU DGUR THA DAD DO ZHES BYA BAR KHONG DU CHUD PAR BYA'O, ,GNYIS PA GNYEN PO LA GSUM, MTHONG LAM GYIS BYANG CHEN BSKYED PA'I LHAN CIG BYED PA'I RKYEN, 'BRAS BU BYANG CHUB CHEN PO NYER LEN MTHONG LAM RTZE SBYOR RO, ,DANG PO LA MTSAMS SBYAR NI, DE LTAR SOGS SO, ,RTZA BA NI, GZHAN 'BRAS BU RTOGS PA'I CHOS LA 'GOD PA DANG, RGYU LUNG GI CHOS LA 'GOD PA DANG, RANG NYID BYANG CHUB KYI RGYU LA SBYOR BA GSUM, RIM BZHIN RKANG PA GCIG DANG GCIG DANG GNYIS SO, ,'GREL PA NI 'CHAD PAR 'GYUR BA'I MTSAN NYID CAN GYI BYANG CHUB LA GDUL BYA GZHAN DAG MTHONG BA'I LAM LA SOGS BA STON PAS RAB TU 'GOD PA NI LHAN CIG BYED RKYEN GCIG YIN NO, ,BYANG CHUB KYI RGYU MTSAN KHO NAR

, ,DE DAG LA YANG DAG PA'I TSIG DAD DON LA SOGS PA'I SGO NAS SHES RAB KYI PHA ROL TU PHYIN PA YANG DAG PAR SO SOR GTOD PA NI RKYEN GNYIS PA YIN NO, ,BYANG CHUB THOB PAR BYED PA'I BAR CHAD MED PA'I RGYU SHES RAB KYI PHA ROL TU PHYIN PA RANG GI SGOM PA LA SOGS PA BSOD NAMS CHES MANG BA'I MTSAN NYID NI GSUM PA YIN NO, ,NGAG DON NI, GZHAN BYANG CHUB KYI RGYU LUNG RTOGS LA 'GOD PA DANG RANG NYID BYANG CHEN GYI RGYU TSOGS LA SLOB PA CHOS CAN, BYANG CHEN GYI RGYU YIN TE, MTHONG LAM GYIS BYANG CHEN BSKYED PA'I LHAN CIG BYED RKYEN YIN PA'I PHYIR, GNYIS PA LA, DBU MA PA'I BYANG CHEN NGOS BZUNG, DNGOS SMRA BA'I BYANG CHEN DGAG, THAR PA KHAS LEN NA STONG NYID KYANG KHAS BLANG RIGS PAR BSTAN PA'O, ,DANG PO LA MTSAMS SBYAR NI, GANG GI DON DU SOGS SO, ,RTZA BA NI, DRI MA ZAD PA DANG, MI SKYE BA SHES PA'I YE SHES BYANG CHUB YIN NO ZHES MDO LAS BRJOD DE DE YI DON YANG DNGOS SMRA BDAG KUN 'BYUNG BDEN PA BA GNYEN PO'I STOBS KYIS ZAD PA DANG, SDUG BSNGAL BDEN PA BA GNYEN PO'I STOBS KYIS SNGAR MED MI SKYE BAR BYAS PA LA DE LTAR SHES PA'I YE SHES LA 'DOD KYANG, DE NYID 'OG NAS 'GOG LA, 'DIR RANG LUGS LA DRI MA BDEN PA BSNGAR YOD ZAD PAR BYAR MED CING SNGAR MED SKYE BA MED PA'I PHYIR NA GDOD MA NAS ZAD PA DANG MI SKYE BAR SHES PA'I YE SHES MTHAR THUG DE DAG GO RIM BZHIN DU ZAD MI SKYE SHES PA'I YE SHES YIN PAR SHES PAR BYA'O, ,'GREL PA NI, CHOS KYI SKU LA SOGS PA YUL JI LTA BA BZHIN RTOGS PA'I MTSAN NYID KYI YE SHES NI CHOS CAN, BYANG CHUB CHEN PO YIN PAR BRJOD DE, DRI MA RNAMS GDOD MA NAS ZAD PA DANG MI SKYE BA LA DE LTAR SHES PA CHOS THAMS CAD PHYIN CI MA LOG PAR RTOGS PA'I MTSAN NYID KYI YE SHES MTHAR THUG YIN PA'I PHYIR, 'DI'I PHYOGS SGRUB PA LA LUNG RIGS GNYIS LAS, DANG PO NI NYON MONGS PA DANG SHES BYA'I SGRIB PA'I DRI MA DNGOS SMRA BAS BDEN PA SNGAR YOD SKYES PA DANG, SNGAR MED MA SKYES PA NYID DU BTAGS PA RNAMS NI CHOS CAN, DON DAM 'GAG PA DANG SKYE BA MED DE, CHOS KYI DBYINGS KYI NGO BO NYID YIN PA'I PHYIR, NAM MKHA' BZHIN DU'O,

RTAGS GRUB STE, DBUS MTHA' LAS, CHOS KYI DBYINGS NI MA GTOGS PAR, ,'DI LTAR CHOS YOD MA YIN TE, ZHES 'BYUNG BAS SO, ,GNYIS PA NI DON DAM PAR 'GAG PA DANG SKYE BA MED DE, GCIG DANG DU MA'I NGO BO NYID DANG BRAL BA DANG RGYU DANG 'BRAS BU'I MTHA' BZHI 'GOG PA'I TSAD MA LA SOGS PAS BDEN PAR 'THAD PA'I DNGOS PO MED PAS SO, ,DPER NA NAM MKHA'I PADMA BZHIN DU'O, ,GNYIS PA LA GNOD BYED KYI GTAN TSIGS BSTAN PA DANG, KHAS BLANGS NAD 'GAL BSTAN PA'O, ,DANG PO LA, MTSAMS SBYAR NI, GANG GI PHYIR DE LTA YIN PA DE'I PHYIR DNGOS SMRA BA GANG DAG KUN 'BYUNG GI DNGOS PO BDEN PA BSNGAR YOD 'JIG PA'I BSAM PAS ZAD PA LA ZAD DO SNYAM PA'I SHES PA DANG, SDUG BSNGAL GYI DNGOS PO BDEN PA BSNGAR MED MI SKYE BA'I BSAM PAS MI SKYE BA LA MI SKYE'O SNYAM PA'I SHES PA NI ZAD PA DANG MI SKYE BA SHES PA YIN PAR BRJOD CING BYANG CHUB KYANG DE 'DRA'I ZAD PA DANG MI SKYE BA SHES PA YIN PAR BRJOD PA DE DAG LA DRI MA BDEN PA BA GNYEN PO'I STOBS KYIS ZAD PA DANG MI SKYE BA MED PA KHO NAS SHES BA DE RUNG BA MIN NO ZHES BAR SKABS KYI TSIGS SU BCAD PAS GSUNGS PA, RTZA BA NI, 'GOG PA SOGS SO, ,'GREL PA NI, DNGOS PO LA LOG PAR MNGON BAR ZHEN PA KHYOD KYIS 'DOD PA LTAR MTHONG BA'I LAM GYI STOBS KYIS RNAM PAR RTOG PA LA SOGS PA NGO BO BDEN PAR GRUB PA SNGAR YOD SKYES PA NI CI ZHIG ZAD CING, MI SKYE BA'I CHOS CAN MA SKYES PA'I SPANGS PA NI CI ZHIG SKYES TE ZAD THOB BDEN PA BCUNG ZAD KYANG MED PA KHO NA YIN PAR THAL, DRI MA SKYAS PA DANG MA SKYAS PA DAG GE RIM BZHIN DU DON DAM PAR ZAD PA DANG SKYE BA'I GEGS BYED PA'I MTSAN NYID KYI 'GOG PA DANG BRAL BA DE BZHIN NYID KYI RANG BZHIN YIN PA'I PHYIR, DE'I PHYIR DBU MA PA KHO BO CAG GIS SNGAR BSHAD PA'I GZHUNG LUGS KHO NA KHAS BLANG BAR BYA'O SNYAM DU DGONGS PA YIN NO, ,GNYIS PA LA MTSAMS SBYAR NI, DE LTA MIN TE CHOS YANG DAG PAR YOD PAR KHAS LEN NA, BDEN PAR GRUB PA SUS KYANG MED PAR BYA MI NUS PAS BCOM LDAN 'DAS KYIS NYON MONGS PA DANG SHES BYA'I SGRIB PA RNAM PAR RTOG PA RNAM PA THAMS CAD DU SPANGS BA NGO MTSAR CHE BA'I GNAS YIN NO ZHES BYA

, ,BAR; BAR SKABS KYI TSIGS SU BCAD PA GSUNGS PAS SO, ,RTZA BA NI, BCOM LDAN 'DAS KYIS SHES SGRIB GNYEN POS SPANGS PA 'GAL BAR THAL, SHES SGRIB BDEN PAR GRUB PA'I PHYIR, CES PA'O, ,'GREL PA LA, SHES SGRIB GNYEN POS SPONG TSUL GYI RIM PA BSHAD PA DANG, CHUL DE DNGOS SMRA BA LA MI 'THAD PAR BSTAN PA'O, ,DANG PO LA MTHA' DPYAD PA DANG, TSIG DON BSHAD PA'O, ,DANG PO NI, RNAL 'BYOR GYIS 'DI DAG SPANG BYA GANG GI GNYEN POR TSUL JI LTAR, GANG ZAG GANG GIS DGOS PA GANG GI PHYIR SGOM ZHE NA, DE YANG SPYIR THEG CHEN GYI LAM LA MNGON RTOGS YID LA BYED PA'I RIM PA DANG, SNYING PO'I DON SGOM PA'I RIM PA GNYIS LAS, DANG PO NI, GZHUNG GI TSOGS SKABS BRGYAD PO THAMS CAD KYIS 'CHAD LA, 'DIR NI PHYI MA 'CHAD PA YIN NO, ,DE YANG SNYING PO'I DON SGOM PA'I RIM PA NI 'DI YIN TE, BYANG CHUB SEMS DPA' DAG ZHI BA TZAM DON DU MA GNYER BAS NYON MONGS KYI SA BON CHED DU GNYER NAS, SPONG BA'I THUN MONG MIN PA'I 'PHAGS LAM MI BSGOM KYANG NYON MONGS MNGON GYUR MGO MA MNAN NA SEMS RGYUD RAB TU MA ZHI ZHING LAS SU MI RUNG BAR GYUR PAS RANG GI DON TZAM YANG MI 'GRUB NA, GZHAN GYI DON LTA SMOS KYANG CI DGOS PAR MTHONG STE; TSOGS LAM DU DANG POR NYON MONGS MNGON GYUR MGO GNON PA LA, NYAN THOS LAS KYANG BRGYA 'GYUR GYIS BRTZON PAR GSUNGS SO, ,DE'I PHYIR TSOGS LAM DU NYON MONGS MNGON GYUR MGO MNAN PA TZAM GYI CHED DU BDAG MED LA DMIGS BA RNAL 'BYOR GYIS BSGOMS TE, DE BAS NA 'DI NI SHES SGRIB KYI GNYEN PO SGOM PA LA RGYUD SNOD DU RUNG BA TZAM DU BYED PA'I YAN LAG YIN NO, ,DE NYID JI LTAR SGOM PA'I TSUL NI, DANG POR RTAGS YANG DAG LA BRTEN PA'I RJES DPAG GIS RTAGS GCIG RANG DBANG CAN GYI GANG ZAG GI BDAG YOD PA'I SGRO 'DOGS BCAD NAS, DE'I RJES SU NGES SHES DE'I RGYUN RTZE GCIG PA'I ZHI GNAS KYI SEMS KYIS GOMS PAR BYED CING, 'JOG PAR BYED PA'O, ,DE YANG GANG LA 'JOG PA'I YUL NI, DGAG GZHI PHUNG PO SOGS KYI STENG DU DGAG BYA GANG ZAG RANG SKYA BA RNAM PAR BCAD TZAM GYI MED DGAG DE LA'O, ,GANG GIS 'JOG

PA NI DE NYID RIGS PAS GTAN LA PHABS PA'I NGAS SHES BYED PA MA NYAMS PA'I GANG ZAG GIS SO, ,GANG 'JOG NA, ZHI GNAS MTSAN NYID PA YONGS SU RDZOGS PA'I 'AM RJES MTHUN PA TZAM GYI NGO BOR SKYES PA'I SEMS SO, ,TSUL JI LTAR 'JOG NA, DMIGS PA DE NYID KYI RGYU MTSAN LA YANG DPYOD PAR MI BYED NA GZHAN LA LTA SMOS KYANG CI DGOS, DE'I PHYIR DMIGS PA DE NYID LAS CUNG ZAD KYANG MI G-YO BAR BYING RGONG DANG BRAL BAR 'JOG GO ,DES NA BDAG MED LA SEMS MI G-YO BAR 'JOG PA MED NA BDAG 'DZIN MGO GNON YANG MI NUS LA, MI G-YO BAR 'JOG PA LA GANG 'JOG PA'I SEMS DE ZHI GNAS RJES MTHUN PA TZAM ZHIG YAN CHAD KYI NGO BOR SKYES PA CIG MED NA DA LTA'I SEMS RANG DGA' BA BZHIN DU DMIGS PA LAS GZHAN DU MI G-YO BAR RGYUN LDAN DU 'JOG MI NUS SO, ,'DIR LHAG MTHONG BSGOM PA'I SNGON DU ZHI GNAS BSGOM PA 'GRO DGOS PA'I DON NI DE NYID YIN NO, ,DE'I 'OG TU SHES SGRIB SPONG BA'I CHED DU RNAL 'BYOR LHAG MA GSUM LA 'JUG GO ,DE YANG BOD GANG DAG RNAL 'BYOR DANG PO NYAN THOS PA'I RNAL 'BYOR, GNYIS PA SEMS TZAM RNAM BDEN PA RANG RGYAL GYI, GSUM PA RNAM BRDZUN PA'I, BZHI PA DBU MA PA'I RNAL 'BYOR YIN NO, ZHES 'CHAD PA NI CHES MI 'THAD DE, DE LTAR NA DNGOS SMRA BA LA SGRIB PA SPONG BA 'THAD PA'I TSUL RANG GIS RNAM PAR BZHAG NAS YANG DNGOS SMRA BA LA DE MI RUNG BAR SMRA BA DNGOS SU 'GAL BAR 'GYUR BA'I PHYIR DANG, RNAL 'BYOR BZHI STON PA'I GZHUNG GI MTHA'I TSIG RNAMS DANG, LANG GSHEGS KYIS, SEMS TZAM LA NI BZLAS NAS KYANG, ,SNANG BA MED LA BZLA BAR BYA; ZHES PA LA SOGS PA'I MTSAMS SBYOR BA'I THOG MTHA'I TSIG GI NUS PA LAS, 'DI DAG GANG ZAG GCIG GIS RIM CAN DU SGOM PA'I RNAL 'BYOR DU CHES GSAL BA'I PHYIR DANG, SEMS TZAM THEG CHEN GYI MDO 'KHOR LO THA MA'I BKA' LA BRTEN NAS GRUB PA'I MTHA' RNAM PAR 'JOG PA DANG, RANG RGYAL NYAN THOS GYI SDE SNOD KHO NA LA BRTEN NAS THOS BSAM SGOM GSUM BYED PA'I GRUB PA'I MTHA' KHYAD PAR MED PAR THAL BA'I PHYIR DANG, SEMS TZAM RNAMS BRDZUN PA BDEN PAR MA GRUB PA'I SHES PA KHAS LEN PAR THAL BA'I PHYIR RO, ,YANG PHYIS KYI t'IKA BYED DAG, RNAL 'BYOR GYIS GNYIS PA NI, DROD RTZE'I NGO

, ,BO STE; DER GZUNG BA RANG BZHIN MED PA LA GSAL SNANG LHAG PA'I PHYIR, RNAL 'BYOR GYIS GSUM PA NI, BZOD MCHOG STE, DER 'DZIN PA RANG BZHIN MED PA LA GSAL SNANG LHAG PA'I PHYIR, CES 'CHAD PA'ANG LEGS PA MIN TE, DROD RTZER LHAN CIG DMIGS NGES KYI RTAGS LAS PHYI DON MED PAR RTOGS PA LTAR GZUNG BA MED PA'I RTAGS LAS GZUNG RNAM BDEN PAR MED BAR RTOGS PAR YANG KHYAD PAR MED LA, BZOD MCHOG TU, RIGS PA DE LAS GZUNG RNAM BDEN MED DU NGES PA LTAR RTEN 'BREL GYI RTAGS LAS GNYIS SU MED PA'I SHES BA SGYU MA BZHIN DU NGO BO NYID MED PAR RTOGS KYANG KHYAD PAR MED PA'I PHYIR, DER THAL, TSOGS LAM DU CHOS THAMS CAD BDEN MED DU THOS BSAM GYI SHES RAB KYIS RTOGS ZIN MA BRJED PAR YOD PA'I PHYIR, GAL TE 'DI'I RTOGS PA NI, SGOM BYUNG GI SHES RAB KYIS RTOGS PA'I DON YIN NE ZHE NA, 'O NA SGOM BYUNG GI SHES RAB KYIS MNGON SUM DU RTOGS BA'I DON YIN NAM, 'ON TE GSAL SNANG THOB PA TZAM GYI SGO NAS RTOGS PAS KYANG CHOG ,DANG PO LTAR NA, RNAL 'BYOR BAR PA GNYIS SBYOR LAM YIN PA 'GAL LO, ,GNYIS BA LTAR NA, CHOS MCHOG CHEN PO'I YE SHES KYIS GNYIS SU MED BA'I YE SHES BDEN MED LA GSAL SNANG MTHOB PA STE, RNAL 'BYOR GSUM PAS GNYIS SU MED PA'I YE SHES 'BA' ZHIG BDEN MED DU MA RTOGS PAR BSHAD PA'I PHYIR DANG, DE NYID NI BZOD MCHOG RNAMS LA BRJOD RIGS PA'I PHYIR RO, ,'DONG NA GNYIS SU MED PA'I SHES PA BDEN MED DU MNGON SUM GYIS RTOGS PA'I MTHONG LAM SKAD CIG DANG PO'I DNGOS KYI NYER LEN DU GYUR PA MIN BAR THAL LO, ,GZHAN YANG 'DI LTAR NA, BYANG SEMS KYIS GZUNG BA BDEN MED LA GSAL SNANG MA THOB BAR DU 'DZIN BA BDEN MED DU GTAN LA PHAB NAS SGOM PAR MI BYED BAR THAL ZHING, DE LTA NA GZUNG BA BDEN MED DU RTOGS PA'I MTHONG LAM SKYES NAS, DE'I RJES SU 'DZIN PA BDEN MED MNGON SUM DU RTOGS PA'I MTHONG LAM 'BAD PAS BSKYED DGOS PAR NA CHUNGS SHING [?], DRED LA GNAS PA'I BYANG SEMS CHOS THAMS CAD BDEN MED DU SGOM PA MI SRID PAR THAL LO, ,DE BAS NA

'DI YIN TE, TSOGS LAM DU GANG ZAG GI BDAG MED BSGOMS NAS NYON MONGS MNGON GYUR MGO MNAN PA TZAM BYAS NAS, SHES SGRIB SPONG BA'I LAM SGOM BA LA RGYUD LAS SU RUNG BAR BYAS TE, GDOD SHES SGRIB SPONG BA LA 'JUG PA NA, DANG POR SHES SGRIB KUN BRTAGS MNGON GYUR RTAGS YANG DAG LA BRTEN BA'I NGES SHES KYIS MGO MNAN PA TZAM GYI SGO NAS SPONG BA'I BYA BA MA BYAS PAR, BDEN 'DZIN LHAN SKYES MNGON GYUR MGO GNON PA TZAM GYI SGOM BYUNG YANG SKYE MI NUS TE, SGRA RTAG 'DZIN KUN BRTAGS MNGON GYUR BYED PA MA NYAMS PA'I BAR LA, SGRA'I PHRA BA'I MI RTAG PA LA GSAL SNANG SKYE MI SRID PA BZHIN NO, ,DE YANG BDEN 'DZIN KUN BRTAGS MNGON GYUR MGO GNON PA TZAM NI, RTAGS YANG DAG LA BRTEN PA BDEN MED RTOGS PA'I NGES SHES KYIS BYED DE, DPER NA SGRA MI RTAG RTOGS KYI RJES DPAG GI BYED PA MA NYAMS KYI BAR LA, SGRA RTAG 'DZIN KUN BRTAGS MNGON GYUR MI SKYE BA BZHIN NO, ,'ON KYANG BDEN MED LA SGOM BYUNG GI GSAL SNANG MA SKYES NA BDEN 'DZIN LHAN SKYES MNGON GYUR RTAGS LA BRTEN PA'I NGES SHES TZAM GYIS MGO GNON MI NUS TE, DPER NA SGRA MI RTAG RTOGS KYI RJES DPAG RGYUD LA YOD KYANG, DE TZAM GYIS KHA SANG GI SGRA DE BDE'I [?] SNYAM DU DUS 'DRES PAR 'DZIN PA'I RTAG 'DZIN LHAN SKYES MNGON GYUR BYED PA MA NYAMS PAR SKYE BA 'GOG MI NUS PA BZHIN NO, ,DES NA TSOGS LAM DU BDEN 'DZIN KUN BRTAGS MNGON GYUR RTAGS YANG DAG LA BRTEN PA'I NGES SHES KYIS MGO MNAN NAS, DE'I RJES SU BDEN 'DZIN LHAN SKYES MNGON GYUR SGOM BYUNG GI BDEN MED LA GSAL SNANG SKYES PA'I SGO NAS MGO GNON PA'I SBYOR LAM LA 'JUG CING, DE'I 'OG TU BDEN MED MNGON GYUR DU RTOGS PA'I SGO NAS BDEN 'DZIN GYI SA BON SPONG BA'I MI RTOG YE SHES MTHONG LAM DAG SKYE BA YIN NO, ,DE LTAR YIN PA LA, TSOGS LAM DU BDEN MED RTAGS LAS RTOGS PAR BYED BA NA YANG SGRO 'DOGS RAGS PA'I RIM PAS GCOD PAR BYED PA YIN PAS, LHAN CIG DMIGS NGES KYI RTAGS LAS PHYI DON LA BDEN 'DZIN BKAG STE, PHYI DON BDEN MED DU RTOGS PA'I NGES SHES BSKYED PA'I TSUL RNAL 'BYOR GYIS GNYIS

, ,PA'I GZHUNG STON BAR BYED DO, ,DE'I 'OG TU MIG SHES LA SNGON BO SNANG BA DE NYID PHYI ROL DU BDEN PA KHEGS PA NA YUL BDEN PA'I RTAGS KYIS YUL CAN MIG SHES NYID BDEN PAR GRUB PA 'GOG PA NI RNAL 'BYOR GYIS GSUM PA STON NO, ,DE YANG RNAL 'BYOR GYIS GSUM PA'I SKABS SU 'DZIN PA'I MTSAN NYID RNAM PAR RIG BA TZAM DE YANG BSAL TE, ZHES DANG, RNAL 'BYOR GYIS GNYIS PA'I SKABS SU 'DZIN PA'I RNAM PA CAN GYI SEMS LA MNGON PAR ZHEN PA YONGS SU MA BOR BAS, ZHES GSUNGS PAS 'DZIN BA'I RNAM BA ZHES PA NI, MIG SHES LTA BU GCIG LA GZUNG RNAM DENG 'DZIN RNAM GNYIS SU PHYE BA'I 'DZIN RNAM MIN TE, DE YIN NA RNAL 'BYOR GYIS GNYIS PAR DE BDEN MED DU RTOGS PAR BSHAD PAS, GNYIS SNANG DANG BRAL BA'I RANG RIG BDEN MED DU RTOGS BAR BSHAD PA YIN LA, GNYIS SU MED PA'I YE SHES 'BA' ZHIG 'DI YANG DAG PAR YOD PA'I NGO BO YIN SNYAM DU NGES PAR BYAS, ZHES BA GNYIS SNANG DANG BRAL BA'I RANG RIG BDEN PAR BZUNG BAR BSHAD PAS DE GNYIS DNGOS SU 'GAL BAR 'GYUR RO, ,DES NA 'DZIN PA'I RNAM PA CAN CES PA NI, GANG GZUNG BAR BYA BA SNGON PO DANG, DE'I BLO DAG CES PA'I ZHES PA DANG SBREL BAR BYA BA YIN NO, ,'DI LTAR SNGON PO 'DZIN PA'I RNAM BA CAN GYI SEMS MIG SHES LA, ZHES BSHAD PAR BYA ZHING DES NA RNAL 'BYOR GYIS GSUM BAR DON SNANG GI SHES PA BDEN MED DU RTOGS KYANG GNYIS SNANG DANG BRAL BA'I RANG RIG BDEN MED DU MA RTOGS PAR BSTAN PA YIN NO, ,'O NA RNAL 'BYOR GYIS GSUM BAR GZUNG BA MED NA DE 'DZIN MED PA'I RIG PAS MIG SHES BDEN MED DU RTOGS PA LA RNAL 'BYOR GYIS GNYIS BAR LHAN CIG DMIGS NGES KYI RTAGS KYIS SNGON PO SOGS BDEN MED DU RTOGS DGOS TE, GZHAN DU NA GZUNG BA MED NA ZHES PA'I PHYOGS MI 'GRUB PA'I PHYIR DANG, SNGA MAS YUL DANG, PHYI MAS YUL CAN BDEN 'DZIN 'GOG BA MIN BAR THAL BA'I PHYIR RO, ,GAL TE LHAN CIG DMIGS NGES KYI RTAGS KYIS SNGON PO SOGS BDEN MED DU RTOGS NUS NA NI, SEMS TZAM PAS KYANG SNGO SOGS LA BDEN 'DZIN GYI SGRO 'DOGS KUN BRTAGS CHOD PAR THAL BAR 'GYUR RO SNYAM DU DOGS NA, DE'I DON NI 'DI YIN TE, LHAN

CIG DMIGS NGES KYI RTAGS KYIS SNGON PO PHYI DON DU BDEN PA KHEGS PA NA, DE NYID RTAGS SU BYAS NAS, 'DI LTAR SNGON PO BDEN PAR GRUB BA NA, RANG SNANG YUL DU BYED PA'I SHES PA LA JI LTAR SNANG BA LTAR BDEN DGOS TE, GZHAN DU NA RANG GNAS TSUL GZHAN DU GNAS NAS, RANG SNANG YUL DU BYED PA'I SHES PA LA SNANG TSUL GZHAN DU SNANG BA'I PHYIR BRDZUN PA BSLU BA'I CHOS CAN DU SONG GI BDEN PAR GRUB PAR 'GAL LO, ,DE LTAR NA YANG SNGON PO NI RANG 'DZIN MIG SHES LAS GNYIS SU CHAD PAR SNANG YANG GNYIS SU BDEN PA LHAN CIG DMIGS NGES KYI RTAGS KYIS KHEGS PA'I PHYIR, BDEN PAR GRUB PA MIN NO, ZHES NGES PA NA, MIG SHES DE YANG BDEN PAR GRUB NA DON DAM BAR PHYIN CI MA LOG PA'AM, YANG DAG PAR 'GRUB DGOS LA, DE LTAR NA YANG MIG SHES NI RANG YUL DE RANG LA SNANG BA LTAR MI BDEN PA'I PHYIR RO, ,DE 'DZIN MIG SHES DON DAM PAR PHYIN CI MA LOG PA MIN PAS BDEN PAR MA GRUB BO ZHES NGES BAR BYED BA NI, GZUNG BA MED NA 'DZIN PA MED DO SNYAM DU NGES PAR BYAS NAS ZHES SOGS KYI DON TO, ,DE'I PHYIR DGOS PA DE DAG GI KLAN KA'I SKABS MED DO, ,DE'I 'OG TU GNYIS SNANG DANG BRAL BA'I RANG RIG TZAM YANG BDEN MED DU RTEN 'BREL GYI RTAGS KYIS NGES BAR BYED PA'I TSUL NI, DE YANG ZHES BA NAS NGO BO NYID MED PA STE, ZHES PA'I BAR RO, ,DES NA 'DI DAG GIS NI TSOGS LAM DU CHOS KYI BDAG 'DZIN KUN BRTAGS MNGON GYUR MGO GNON PA'I YAN LAG TU CHOS KYI BDAG MED RAGS PA DANG, PHRA BA DANG, SHIN TU PHRA BA GSUM PO DE RTAGS YANG DAG LA BRTEN NAS NGES PAR BYED PA'I TSUL BSTAN PA YIN NO, ,YANG DAG PAR NA, ZHES PA NAS SNYAM DU BSGOMS PAS ZHES PA'I BAR GYIS, CHOS KYI BDAG 'DZIN LHAN SKYES MNGON GYUR MGO GNON PA'I CHED DU SBYOR LAM DU CHOS KYI BDAG MED SGOM TSUL BSTAN PA YIN NO, ,SGOM PA'I STOBS GRUB PA YAN CHAD KYI NI, CHOS KYI BDAG 'DZIN GYI SA BON GYI GNYEN PO RNAM PAR MI RTOG PA'I YE SHES DAG SBYOR LAM DE'I RIM PAS SKYES NAS MTHAR RNAL 'BYOR BA'I SHES BYA'I SGRIB BA SPONG BAR BSTAN PA YIN NO, ,'O NA DE YANG ZHES PA YAN CHAD LA TSOGS LAM DU RTAGS KYIS NGES PAR BYED TSUL, SBYOR LAM DU SGOM TSUL,

, ,'PHAGS LAM MNGON DU 'GYUR TSUL GSUM STON PA'I CHA GSUM YOD KYANG RNAL 'BYOR GYI SA GCIG TU BYED LA, RNAL 'BYOR GYI SA BAR PA GNYIS LA RTAGS KYI TSOGS LAM DU BDEN MED NGES PAR BYED TSUL GYI CHA RE RE RNAL 'BYOR GYI SA RE RER BGRANGS PA CI ZHE NA, BAR PA GNYIS NI, RTAGS KYIS NGES PAR BYA BA PHRA RAGS THA DAD PA'I KHYAD PAR CHER YOD PA'I PHYIR, DE RTAGS KYIS NGES PAR BYED PA LA YANG, RNAL 'BYOR GYIS GNYIS SU BYAS LA DE YANG ZHES PA MAN CHAD KYIS BSTAN PA'I TSOGS LAM DU NGES BYA, SBYOR LAM DU BSGOM BYA, 'PHAGS LAM DU MNGON SUM DU RTOGS BYA GSUM KA YANG CHOS KYI BDAG MED PHRA RAGS KYI KHYAD PAR DE LTA BU MED PAR GCIG NYID YIN PA'I PHYIR, DE RTOGS PA'I RNAL 'BYOR GYIS GCIG TU BYAS SO, ,RNAL 'BYOR GYI SA LHAG MA DAG GI RTAGS YANG DAG GIS NGES PA'I DON RNAMS JI LTAR SGOM PA'I TSUL YANG RNAL 'BYOR GYI SA DANG PO LA BSHAD PA BZHIN DU SHES PAR BYA'O, ,RNAL 'BYOR GYI SA 'DI DAG CHES SHIN TU DKA' ZHING DON CHE BA'I GNAS YIN KYANG, GZHAN DAG LA YID BRTAN CI YANG MI SNANG BAS 'DIR CUNG ZAD TZAM ZHIG PHYOGS MTSON PAR BYAS PA YIN LA, MANGS PAS 'JIGS TE MA BRIS SO, ,GNYIS PA TSIG GI DON LA, RNAL 'BYOR GYI SA BZHI LAS, DANG PO LA BSAM BYUNG GI RAG PA NI, DE LA ZHES PA DAG NYE BAR 'GOD PA'I TSIG PHRAD DO, ,PHUNG SOGS CHOS CAN, GANG ZAG RANG SKYA THUB PA'I RTAG RDZAS SU GYUR PA'I BDAG GIS STONG STE, SKYE BA DANG 'JIG PA'I CHOS CAN YIN PA'I PHYIR, NGES PAS NGES PAR BYED PA'O, ,SGOM BYUNG GI RNAL 'BYOR NI, BDAG DES DBEN PA'I PHUNG PO LA SOGS BRTEN CING 'BREL PAR 'BYUNG BA SKYE BA DANG 'JIG PA'I CHOS CAN LA YANG DAG BAR DMIGS TE, GANG ZAG GI BDAG MED DO SNYAM DU SGOM PA'O, ,BSGOMS PA'I 'BRAS BU NI, TSOGS LAM DU DE LTAR BSGOMS PAS GANG ZAG GI BDAG TU MNGON PAR ZHEN PA KUN BRTAGS MGO MNAN PA'I TSUL GYIS YONGS SU BOR NAS CHAGS SDANG LA SOGS PA'I NYON MONGS PAS SEMS RGYUD RAB TU MA ZHI BAR BYED PA RTZE GCIL BAR GYUR PA'O, ,NGAG DON NI, BYANG SEMS CHOS CAN, TSOGS LAM DU GANG ZAG GI BDAG MED THOS BSAM GYIS NGES

PAR BYAS NAS BSGOMS PA LA DGOS PA YOD DE, GANG ZAG GI BDAG 'DZIN KUN BRTAGS MNGON GYUR MGO MNAN PA'I SGO NAS NYON MONGS KYIS SEMS RGYUD RAB TU MA ZHI BAR BYED BA RTZE GCIL BA'I CHED DU DE LTAR BYED PA'I PHYIR, RNAL 'BYOR GYIS GNYIS PA NI, SNGON PO DANG DE 'DZIN PA'I BLO DBANG SHES DAG LHAN CIG DMIGS PA DER SNGON PO 'DI NI SEMS KYI BDAG NYID TZAM KHO NA YIN GYI, PHYI ROL GYI DON MED DO ZHES BYA BAR YID LA BYED CING NGES PAR BYED LA, DE LTAR NGES PA'I BYED LAS NI, DE'I TSE SNGON PO DE 'DZIN PA RNAM PA CAN GYI SEMS SNGON 'DZIN DBANG SHES LA BDAN PAR MNGON PAR ZHEN PA YONGS SUM BOR YANG; SNGON PO LA PHYI ROL GYI DON DU MNGON BAR ZHEN PA KUN BRTAGS MNGON GYUR MGO GNON PA'I TSUL GYIS SPANGS PA'O, ,TE CES BA NI, DE NAS RNAL 'BYOR GYIS GSUM PA LA 'DUG [?] CES PA'I GO RIM STON PA'I TSIG GO, NGAG DON NI, LHAN CIG DMIGS NGES KYI RTAGS LAS SNGON PO SNGO SNANG DBANG SHES DANG RDZAS GZHAN MIN PAR NGES PA'I BLO CHOS CAN, KHYOD KYIS SNGON PO PHYI ROL GYI DON DU ZHEN PA'I SGRO 'DOGS KUN BRTAGS MNGON GYUR MGO GNON NUS TE, KHYAD KYIS SNGON PO SEMS KYI DANG GNYID YIN PAR NGES PA'I BLO TSAD MA GZHAN LA LTOS MED DU 'DREN NUS PA'I PHYIR, RNAL 'BYOR GYIS GSUM PA NI, SNGON PO DE BDEN PAR GRUB NA, RANG SNANG YUL DU BYED PA'I SHES PA LA JI LTAR SNANG BA LTAR GRUB DGOS SHING, DE LTAR NA SNGO SNANG DBANG SHES LA RGYANGS CHAD DU SNANG BA LTAR BDEN PAR GRUB DGOS PA LA JI SKAD BSHAD PA'I RTAGS KYIS DA [?] KHEGS BA'I PHYIR, SNGON PO BDEN PAR MA GRUB CING, GZUNG BA SNGON PO BDEN PAR SNANG BA MED NA DE 'DZIN PA'I DBANG SHES KYANG BDEN PAR MED DGOS TE, PHAN TSUN LTOS PA'I PHYIR RO SNYAM DU NGES PAR SEMS PAS SNGON PO SOGS 'DZIN PA'I RNAM PAR SKYE BA'I MTSAN NYID GNYIS SNANG GI RNAM PAR RIG PA CAM DE YANG BDEN PAR 'DZIN PA'I SGRO 'DOGS KUN BRTAGS MNGON GYUR MGO MNON PA'I TSUL GYIS BSAL TE, DE LTAR NA YANG DE'I TSE GNYIS SU SNANG BA MED PA'I YE SHES RANG RIG PA 'BA' ZHIG 'DI BDEN PA YANG DAG PAR YOD PA'I NGO BO YIN NO SNYAM DU SGRO 'DOGS PA KUN BRTAGS KYANG MGO MNAN PA'I SGO NAS NGES PAR BYAS NAS SO, ,NGAG DON NI, BYANG

, ,SEMS TSEGS LAM BA CHOS CAN, GNYIS SNANG GI SHES PA BDEN 'DZIN KUN BRTAGS MNGON GYUR MGO GNON NUS TE, SNGO SOGS BDEN MED DU NGES SHING DE DAG BDEN PAR MED NA BDEN 'DZIN GYI SHES PA YANG BDEN PAR MED DGOS PAR NGES PA'I PHYIR, RNAL 'BYOR GYIS BZHI PA LA; BSAM BYUNG GI RIGS PA, SGOM BYUNG GI NYAMS LEN, BSGOMS PAS SHES SGRIB SPONG TSUL LO, ,DANG PO NI, SNGO SOGS DANG GNYIS SNANG GI SHES PAR MA ZAD, GNYIS MED KYI RANG RIG DE YANG, BDEN PA'I NGO BO NYID MED PA STE RTEN CING 'BREL PAR 'BYUNG BA YIN PA'I PHYIR SGYU MA BZHIN DU'O ZHES NGES PAR BYED DO, ,GNYIS PA NI, CHOS THAMS CAD YANG DAG PAR NA GCIG TU BDEN PA'I DNGOS PO DANG DNGOS PO MED PA LA SOGS PAR BRTAGS PA'I NGO BO NYID DANG BRAL BA YIN NO SNYAM DU BSGOMS PAS NYAMS SU LEN NO, ,GSUM PA NI, DE LTAR 'JIG RTEN PA'I LAM GYIS BSGOMS PA'I STOBS GRUB PA NA BLO GSAL BA KHA CIG GIS NOR BU CHU SHEL DANG DNGUL LA SOGS PA PHAN TSUN SGRO MI 'DOGS BAR JI LTA BAR SHES BA BZHIN DU BDEN SNANG GI 'KHRUL PA'I MTSAN MA MTHA' DAG SPANGS PA SGYU MA LTA BU'I BDAG NYID DU GYUR PA'I CHOS THAMS CAD BDEN MED DU SNANG BA'I BLO RNAM PAR MI RTOG PA RANG GI MYONG BA LTAR GZHAN LA BRJOD KYANG BRJOD PA TZAM GYIS GZHAN LA DE LTA BU'I MYONG BA SKYE MI NUS PA'I PHYIR RNAL 'BYOR BA SO SO RANG GIS RIG BAR BYA BA JI ZHIG LTAR YANG DAG PAR SKYES PA NA DE NYID GONG NAS GONG DU KHYAD PAR DU GYUR PA'I STOBS KYIS RNAM PAR RTOG PA'I SA BON RIMS KYIS SPANGS TE, MTHAR RNAL 'BYOR PAS SHES BYA'I SGRIB PA THAMS CAD YANG DAG PAR SPONG NGO, ,NGAG DON NI SHES BYA CHOS CAN, BYANG CHUB SEMS DPAS MTHAR SHES BYA'I SGRIB PA MA LUS PAR SPANGS PAR 'THOB NUS TE, DES CHOS THAMS CAD BDEN MED DU RIGS PAS GTAM LA PHAB CING, SGOM BYUNG GIS NYAMS SU BLANGS PAS 'PHAGS LAM RNAM PAR MI RTOG PA'I YE SHES RIM CAN DU SKYES TE BDEN 'DZIN GYI SA BON MA LUS PAR SPONG NUS PA'I PHYIR, GNYIS PA TSUL DE DNGOS SMRA BA LA MI 'THAD PAR BSTAN PA NI, GAL TE DNGOS PO DON DAM DU MED PA DE LTA MIN TE,

SKAD CIG MA'I CHOS SHES PA TZAM GYI NGO BO DANG GZUGS SOGS SHES BYA'I MTSAN NYID RNAMS GAL TE DON DAM PAR YOD PA NYID DU GYUR NA, DE'I TSE DRI MA DE DAG LA CHOS CAN, GNYEN PO SGOM PA NAM MKHA' BZHIN DU GNOD PA CUNG ZAD KYANG MI BYED PAR THAL, SEMS RGYUD LA KHYOD KYIS GNYEN PO BSKYED DU MED PA DANG, KHYOD SPANG DU MED PAS RANG GI NGO BO 'DZIN PA'I SGO NAS SEMS KYI RANG BZHIN LA ZHUGS PA'I PHYIR, DPER NA DUS THAMS CAD DU NAM MKHA' THOGS BCAS KYI RDZAS MED PA TZAM GYI NGO BO 'DZIN PAS DE NYID NAM MKHA' LA MED PAR GNYEN POS BYED MI NUS PA BZHIN DU'O, ,DE'I PHYIR DNGOS SMRA BA GZHAN DAG GIS 'DOD PA LTAR NA, DNGOS POR MNGON PAR ZHEN PA PHYIN CI LOG NAM YANG MI BZLOG PAS BCOM LDAN 'DAS KYI SHES BYA'I SGRIB PA RNAM PA THAMS CAD RNAM PA THAMS CAD DU SPANGS PA GANG YIN PA'ANG CHOS RNAMS KYANG BDEN PAR YOD PA KHAS LEN PA GANG YIN PA DE NI PHAN CHUN [?] 'GAL BA'I DON KHAS LEN PAS BYAMS PA KHO BOS MTSAR DU BTZIS SO ZHES BYA BA'I DON YIN NO, ,NGAG DON NI DRI MA CHOS CAN, KHYOD SEMS RGYUD LA SPANG DU MI RUNG BAR THAL KHYOD SEMS RGYUD LA BDEN PAR GRUB PA'I PHYIR, RTAGS KHAS 'DOD NA, THUB PAS SHES SGRIB SPANGS PA 'GAL BAR THAL, 'DOD PA DE'I PHYIR, GSUM PA THAR PA KHAS LEN NA STONG NYID KYANG KHAS LEN RIGS PAR BSTAN PA LA, MTSAMS SBYAR NI, DE LTAR DNGOS PO DON DAM DU YOD PA'I PHYOGS BSAL NAS SOGS SO, ,RTZA BA LA LTA BA GTAN LA 'BEBS TSUL, BSGOMS PAS GNAS LUGS MTHONG TSUL, MTHONG BAS GROL BA THOB TSUL LO, ,DANG PO NI CHOS 'DI LA KUN RDZOB KYI DNGOS PO SKUR BA 'DEBS PA'I SGO NAS BSAL BAR BYA BA CI YANG MED CING DON DAM GYI DNGOS PO SGRO 'DOGS PA'I SGO NAS BZHAG PAR BYA BA CUNG ZAD KYANG MED BAS KUN RDZOB YANG DAG PAR YOD PA NYID LA, DON DAM DU RANG BZHIN MED PA'I CHOS NYID KYI NGO BOR YANG DAG PAR LTA'O,, GNYIS PA NI SGRO SKUR DANG BRAL BA'I LTA BAS GTAN LA PHAB PA'I DON DE NYID GOMS PAR BYAS NA YANG DAG PA'I DON MNGON SUM DU MTHONG BAR 'GYUR RO, ,GSUM PA NI DE LTA BU'I YE SHES DE SKYES NA RIMS KYIS PHYIN CI LOG LAS RNAM PAR GROL BAR 'GYUR RO, ,'GREL PA LA RTZA BA LTAR GSUM LAS,

, ,DANG PO NI, GANG GI PHYIR DNGOS POR MNGON PAR ZHEN PA LAS GROL BAR MI 'THAD BA DE'I PHYIR CHOS GANG LA YANG SKUR PA 'DEBS PA'I NGO BOS BSAL BA MA BYAS PAR GZUGS LA SOGS PA RTEN CING 'BREL PAR 'BYUNG BA KUN RDZOB TU YANG DAG PAR YOD PA'I NGO BO 'DI NYID LA KUN RDZOB TZAM DU YOD BAR BRTAG PAR BYA ZHING CHOS GANG LA YANG SGRO 'DOGS PA'I NGO BOS BZHAG PAR MA BYAS PAR GZUGS LA SOGS PA 'DI NYID LA BDEN PA'I RANG BZHIN MED BA LA SOGS PA'I NGO BOR BRTAG PAR BYAS TE'O, ,GNYIS PA NI JI LTAR LTA BAS GTAN LA PHAB PA DE BZHIN DU GOMS PAR BYAS BAS DE KHO NA NYID MNGON SUM DU MTHONG BAR 'GYUR RO, ,GSUM PA NI, YE SHES DE SKYES PA NA RIMS KYIS PHYIN CI LOG BZLOG PAS RNAM PAR GROL BAR 'GYUR RO, ,NGAG DON NI, SHES BYA CHOS CAN, BDEN GNYIS SGRO SKUR DANG BRAL BAR LTA BAS GTAN LA PHAB PA'I DON GOMS PAR BYAS NA GROL BAR 'GYUR TE, DE LTAR BYAS NA DE KHO NA NYID MTHONG NAS PHYIN CI LOG BZLOG BAR 'GYUR BA'I PHYIR, BDEN PAR MED KYANG SPANG GNYEN 'THAD DO, ,SGYU MA'I GLANG POS SGYU MA'I GLANG PO GZHAN ZHIG PHAM BAR BYAS PA BZHIN DU'O, ,GSUM PA LA GNYIS, MTHONG LAM DNGOS DANG, DE'I SPANGS PA LA DBANG BYED PA'I SGOM LAM MO, ,DANG PO LA GSUM LAS; MTSAMS SBYAR NI, DE LTAR SOGS SO, ,RTZA BA NI SBYIN BA SOGS SO, ,'GREL PA LA NGO BO DANG BYED LAS GNYIS, DANG PO NI SKAD CIG MA GCIG PA SDUG BSNGAL LA CHOS SHES PA'I BZOD BAS BSDUS BA 'KHOR GSUM RNAM PAR DAG PAS RAB TU PHYE BA'I SBYIN PA LA SOGS PA PHA ROL TU PHYIN PA DRUG PO DAG SO SOR SBYIN PA LA SOGS PA NGO BO RE RE RE RE SNGA MGO SGRUB TU BSHAD PA BZHIN DU PHAN TSUN BSDUS PA GANG YIN PA'I SGO NAS NGO BO GCIG NYID KYANG LDOG PA'I RNAM PA SUM CU RTZA DRUG CAN SKYES PA GANG YIN PA DE NI RTZE MO'I MNGON PAR RTOGS PA 'DIR MTHONG BA'I LAM YIN NO, ,'DIR ZHES DMIGS KYIS BKAR BA'I DON NI, RTZE SBYOR GYI SKABS SU PHAR PHYIN RE RER DRUG DRUG BSDUS BA'I SGO NAS MTHONG LAM BSTAN NAS, SKABS GZHAN DU NI MTHONG LAM DE NYID STON TSUL GZHAN GYIS BSTAN TO ZHES PA'I DON NO, ,NGAG DON NI, THEG CHEN SDUG BSNGAL LA CHOS BZOD CHOS CAN, THEG CHEN MTHONG LAM

YIN TE, PHAR PHYIN RE RER YANG PHAR PHYIN DRUG LDAN DU NYAMS SU LEN PA'I THEG CHEN GYI BDEN PA MNGON RTOGS YIN PA'I PHYIR, GNYIS PA NI, MTHONG LAM RTZE SBYOR DE RDZOGS PAR SKYES PA NA MTHENG SPANGS GZUNG 'DZIN GYI RNAM RTOG DE DAG GIS BSDUS BA'I RNAM PAR RTOG PA BSKYED PAR BYED PA'I PAG CHAGS KYI NYON MONGS PA BRGYA RTZA BRGYAD SPANGS PA RTEN CING 'BREL PAR 'BYUNG BA'I CHOS NYID KYIS 'THOB STE, 'BRAS BU MTHONG SPANGS KYIS GZUNG BA DANG 'DZIN PA'I RNAM PAR RTOG PA BRGYA RTZA BRGYAD SPANGS PAS SO, ,RNAM RTOG BRGYA RTZA BRGYAD DU DBYER RUNG STE, GZUNG 'DZIN GYI RNAM BAR RTOG PA BZHI PO SO SOR RNAM PA DGU NYID KYIS SO DRUG TU YOD PA DE 'DOD BA'I KHAMS KYI SO DRUG, GZUGS KYI KHAMS KYI SO DRUG ,GZUGS MED PA'I KHAMS KYI SO DRUG RNAMS SU DBYE BAS SO, ,GNYIS PA LA MTSAMS SBYAR NI, MTHONG LAM GYI RTOGS PA'I RGYU MTSAN DE LA DBANG DU BYA BA'I PHYIR SOGS SO, ,RTZA BA LA, MNYAM GZHAG SENG GE RNAM BSGYINGS DANG, RJES THOB RTEN 'BREL LA RTOG PA GNYIS, RIM BZHIN RKANG PA GNYIS GNYIS KYIS STON LA, DANG PO NI MDO LAS, DE RNAM THAR BRGYAD DANG SNYOMS 'JUG DGU PO DE DAG RNAM PAR PHYE ZHING SENG GE RNAM PAR BSGYINGS PA'I TING NGE 'DZIN LA SNYOMS PAR 'JUG GO ZHES SOGS DANG, GNYIS PA NI MDO LAS, RTEN CING 'BREL PAR 'BYUNG BA'I YAN LAG BCU GNYIS LUGS DANG MTHUN PA DANG LUGS DANG MI MTHUN PA LA SO SOR RTOG PAR BYED CES SOGS KYIS BSTAN TO, ,'GREL PA LA YANG SNGAR LTAR GNYIS LAS, DANG PO NI MTHONG BA'I LAM THAB PA'I RNAL 'BYOR PA DE RNAM THAR BRGYAD DANG SNYOMS 'JUG DGU'I RANG BZHIN GYI TING NGE 'DZIN SENG GE RNAM PAR BSGYINGS PA LA SNYOMS PAR ZHUGS NAS DE LAS PHANGS TE RJES THOB LA 'JUG GO, CI'I PHYIR TING NGE 'DZIN SENG GE RNAM PAR BSGYINGS PA ZHES BYA ZHE NA, SENG GE BSGYINGS PA RI DVAGS GZHAN GYIS BAG TSAB MED PA LTAR MTHONG SPANGS KYI NYON MONGS PA DANG SHES BYA'I SGRIB PA'I 'JIGS PA MED BA'I PHYIR RO, ,GNYIS PA MNYAM GZHAG DE LAS LANGS PA'I DUS PHYIS RJES THOB TU YANG DAG PAR RTOG GO, GANG LAN, RTEN CING 'BREL PAR 'BYUNG BA LA'O, ,JI LTAR NA, MA RIG PA'I RKYEN GYIS 'DU BYED RNAMS ZHES BYA BA

, ,SOGS KUN NAS NYON MONGS LUGS DANG MTHUN BA DANG, SKYE BA 'GAGS PAS RGA SHI 'GAG GO ZHES BYA BA LA SOGS PA RNAM BYANG GI LUGS DANG MI MTHUN PAR RO, ,DE LA SNGA MAS MA RIG PA 'GAGS BAS 'DU BYED 'GAG CES SOGS RNAM BYANG LUGS 'BYUNG DANG, GNYIS PAS RGA SHI GANG LAS BYUNG ZHES SOGS KUN NAS NYON MONGS KYI LUGS MI MTHUN PA'I TSUL GYIS SHUGS LA 'PHEN PAR BYED DO, ,DGOS PA CI'I PHYIR DU RTOG CE NA, 'KHOR BA'I 'JUG PA RGYU 'BRAS SDUG KUN GYI BDEN PA LA MKHAS BAR BYA BA'I PHYIR DU KUN NAS NYON MONGS LUGS MTHUN DANG LUGS LDOG SGOM BAR BYED LA; 'KHOR BA'I LDOG BA RGYU 'BRAS 'GOG LAM GYI BDEN PA LA MKHAS PAR BYA BA'I PHYIR DU RNAM BYANG LUGS MTHUN DANG LUGS BZLOG TU SGOM BAR BYED DO, ,DE YANG 'DI LTAR KUN NAS NYON MONGS KYI RTEN 'BREL LUGS MTHUN DU BSGOMS PAS NI KUN 'BYUNG GI BDEN PA'I RANG BZHIN RTOGS PAR 'GYUR TE, LAS NYON GYI GTZO BO MA RIG PA DANG 'DU BYED GNYIS 'KHOR BA'I RTZA BAR RTOGS PAR 'GYUR BA'I PHYIR, DE LUGS BZLOG TU BSGOMS PAS NI, SDUG BSNGAL GYI BDEN PA'I RANG BZHIN KHONG DU CHUD PAR 'GYUR TE, SKYE BA DANG RGA SHI DAG LAS NYON GYI 'BRAS BU SMIN PA MTHAR THUG BA'I NGO BOR RTOGS PAR 'GYUR BA'I PHYIR RO,, RNAM BYANG GI RTEN 'BREL LUGS MTHUN DU BSGOMS BAS LAM BDEN GYI RANG BZHIN RTOGS PAR 'GYUR TE, MA RIG PA'I GNYEN PO BDAG MED RTOGS PA'I SHES RAB KYIS MA RIG BA'I RTZA BA GCOD NUS PAR RTOGS PAR 'GYUR BA'I PHYIR RO, ,DE LUGS BZLOG TU BSGOMS PAS 'GOG BDEN GYI RANG BZHIN KHONG DU CHUD PAR 'GYUR TE, NYON MONGS PA CAN GYI MA RIG PA SPANGS PA'I 'BRAS BU MTHAR THUG PA NI, SKYE BA DANG RGA SHI 'GAGS PA NYID YIN PAR RTOGS PAR 'GYUR BA'I PHYIR RO, ,NGAG DON NI, SA GNYIS PA'I YE SHES LA GNAS BA'I BYANG SEMS CHOS CAN, MNYAM GZHAG TU SENG GE RNAM BSGYINGS LA SNYOMS PAR ZHUGS NAS RJES THOB TU RTEN 'BREL LA RTOG PA LA DGOS PA YOD DE, MTHONG LAM RNAM GROL LAM GYI RTOGS PA'I RGYUN LA DBANG BYA BA'I CHED YIN PA'I PHYIR, 'DIR NANG GI KUN NAS NYON MONGS KYI RTEN CING 'BREL PAR 'BYUNG BA YAN LAG BCU GNYIS KYI MTHA' DBYAD PA LA YAN

LAG BCU GNYIS PO SO SO'I NGO BO, ,CHED DU ZHIG LA RDZOGS PA, SA MTSUNGS SPYAD PA'O, ,DANG PO LA, MA RIG PA NI, GANG GI DBANG GIS BDEN PA DANG LAS 'BRAS SOGS LA RMONGS PAR BYED PA'I SEMS BYUNG NYON MONGS CAN, RIG PA YE GES KYI MI MTHUN PHYOGS, 'DI MTHONG SPANGS DANG SGOM SPANGS GANG YIN ZHE NA, SGOM SPANGS KHO NA YIN PAS KHYAB PA MI 'THAD DE, MTHONG SPANGS KYI MA RIG PAS LAS 'BRAS LA SKUR BA 'DEBS PA'I LTA BA NGAN PA BSKYED DE NGAN 'GRO'I SKYE BA 'PHEN PA MI SRID BAR THAL BA'I PHYIR RO, ,DON GSANG MKHAN PO SOGS MTHONG SPANGS KHO NAR 'DOD PA YANG MI 'THAD DE, NYAN THOS KYI LAM MTHONG LAM THOB PA NA DGRA BCOM YANG THOB PAS KHYAB PAR THAL, DE'I TSE 'KHOR BA'I RTZA BA MA LUS PA SPANGS PAS KHYAB PA'I PHYIR, MA GRUB NA YAN LAG BCU GNYIS KYI DANG POR GYUR BA'I MA RIG PA YIN NA MTHONG SPANGS YIN PAS KHYAB PA BUD, DE BAS NA, 'DI LA MTHONG SPANGS DANG SGOM SPANGS KYI CHA GNYIS KA YOD PA 'THAD LA DE'I PHYIR RNAL 'BYOR SPYOD PA'I SA LAS RGYUN DU ZHUGS PAS YAN LAG DU SPANGS ZHE NA, THAMS CAD KYI PHYOGS GCIG STE GANG YANG RIL GYIS SPANGS PA NI MIN NO ZHES SOGS SO, ,'DU BYED NI, MA RIG PA DE'I DBANG GIS BSAGS PA'I YANG SRID 'PHEN BYED KYI LAS SO, ,RNAM BAR SHES PA NI; 'DU BYED DES LAS KYI BAG CHAGS GANG LA BGOS PA'I KUN GZHI'I RNAM PAR SHES PA'O, ,MING DANG GZUGS NI RNAM SHES MA'I MNGAL DU NYID MTSAMS [?] SBYAR BA'I SKAD CIG GNYIS PA NUR NUR PO LA SOGS PA'I GNAS SKABS SU BYUNG BA'I PHUNG PO LNGA'O, ,SKYE MCHED DRUG NI, MING GZUGS 'PHEL BA LAS MIG LA SOGS PA'I DBANG PO DRUG DOD PAS SO, ,REG PA NI, YUL DBANG RNAM SHES GSUM PHRAD PA LAS YUL YID DU 'ONG MI 'ONG BAR MA GSUM YONGS SU SPYOD PA'O, ,TSOR BA NI REG PAS YONGS SU SPYAD PA DANG MTHUN BAR, SIM GDUNG BAR MA NYAMS SU MYONG BA'O, ,SRED BA NI YANG SRID DON DU GNYER PA'I 'DOD CHAGS SO, ,LEN PA NI SRED PA BYE BRAG PA 'CHI KHA'I GNAS SKABS SU BYUNG BA PHYI MA'I PHUNG PO LA LHAG PAR CHAGS PA'O, ,SRID PA NI, DE LTA BU'I LEN PAS KUN GZHI'I RNAM SHES KYI STENG GI LAS KYI BAG CHAGS DE NYID GSOS BTAB STE, SKYE BA PHYI MA MNGON BAR GRUB PAR BYED PA LA

, ,NUS PA MTHU CAN DU GYUR PA'O, ,SKYE BA NI DE LTA BU'I BAG CHAGS CAN GYI RNAM SHES MA'I MNGAL DU ZHUGS NAS PHUNG PO RIM GYIS GRUB PAS SO, ,RGA SHI NI, NA TSOD DANG SROG GYUR PA'O, ,RGA SHI YAN LAG GCIG TU GYUR PA NI, MA RGAS PAR 'CHI BA YOD PA'I PHYIR RO, ,'O NA MA RIG PA LA RKYEN GZHAN MED NA RGYU MED DU 'GYUR LA, YOD NA MA RIG PA YAN CHAD DANG PO YIN PA NYAMS SO ZHE NA, SKYON MED DE, YAN LAG SNGA MA SNGA MA PHYI MA PHYI MA'I RKYEN DU BZHAG PA NI, KUN NAS NYON MONGS BYED KYI RKYEN GYI DBANG DU BYAS PA YIN LA, MA RIG PA KUN NAS NYON MONGS BYED KYI RKYEN NI MA RIG PA SNGA MA NYID LAS GZHAN MED PA'I PHYIR RO, ,GNYIS PA NI, YAN LAG BCU GNYIS PO 'DI DAG KYANG DUS JI SRID GCIG LA TSAR GCIG RDZOGS PAR 'GYUR ZHE NA, TSE GSUM LA RDZOGS DGOS TE, DE YANG 'DI LTAR MA RIG PA DANG 'DU BYED DANG RNAM PAR SHES PA RNAMS NI, SNGON GYI SKYE BA LA YONGS SU RDZOGS TE, DE DAG NI SKYE BA 'PHEN BYED YIN PA'I PHYIR DANG, LAS BSAGS PA'I TSE DE LA TSE RABS GZHAN GRUB PA MI SRID PA'I PHYIR RO, ,MING GZUGS NAS TSOR BA'I BAR NI TSE BAR PA LA RDZOGS TE, DE DAG NI SNGON GYI LAS KYIS 'PHANGS PA'I RNAM SMIN GYI RANG BZHIN YIN PA'I PHYIR RO, ,SRED PA DANG LEN PA DANG SRID PA GSUM YANG TSE BAR PA LA RDZOGS TE, TSE RABS SNGA MA'I LAS KYIS 'PHANGS PA'I RNAM SMIN GYI RKYEN CAN YIN CING, TSE RABS PHYI MA'I SKYE BA 'GRUB BYED YIN BA'I PHYIR RO, ,SKYE BA DANG RGA SHI NI TSE PHYI MA LA RDZOGS TE, TSE 'DI'I THA MA SRID PA YIN CING, DE'I RKYEN LAS SKYE BA 'GRUB BA'I PHYIR DANG, SKYE BA'I RKYEN LAS KYANG RGA SHI 'GRUB PA'I PHYIR RO, ,DE LA SKYE BA DANG PO GNYIS NI, BAR MCHAD DU 'BYUNG BA'I NGES PA MED DE, DA LTAR GYI MING GZUGS 'DI DAG BSKAL BA BRGYA'I SNGA ROL GYI MA RIG PA DANG 'DU BYED KYIS 'PHANGS PA SRID PA'I PHYIR RO, ,SKYES NAS MYONG 'GYUR GYI LAS KYI RNAM SMIN YIN NA, DE'I TSE TSE DANG PO GNYIS KYANG BAR MCHAD DU 'BYUNG BA SRID LA, TSE THA MA GNYIS NI BAR MCHAD KHO NAR 'BYUNG BA YIN NO, ,DE BAS NA TSE 'DI'I BDE BA DANG RGA SHI RNAMS NI, TSE 'DI'I MING GZUGS SOGS DANG RTEN 'BREL TSAR GCIG PA MIN GYI, SKYE BA SNGA MA'I MING GZUGS SOGS

DANG RTEN 'BREL TSAR GCIG PA YIN TE, DE DAG TSE 'DI'I SRED LEN SRID PA'I RKYEN LAS BYUNG BA MIN GYI, TSE SNGA MA'I SRED LEN SRID PA'I RKYEN LAS BYUNG BA'I PHYIR RO, ,DE BAS NA BYIS PA RNAMS LA TSE GCIG NYID LA YANG YAN LAG BCU GNYIS PO THAMS CAD TSANG BA YOD MOD KYI DE'I YAN LAG BCU GNYIS PO THAMS CAD RTEN 'BREL TSAR GCIG TU GTOGS PA NI MIN NO, ,GSUM PA NI YAN LAG BCU GNYIS PO 'DI DAG THAMS CAD SA MTSUNGS YANG YOD DE, GANG GI CHO 'DOD PA NAS SHI 'PHOS NAS 'DOD PAR SKYE BA DE'I TSA'O, 'GA' ZHIG MI MTSUNGS PA YANG YOD DE, KHAMS DANG SA GZHAN NAS SHI 'PHOS NAS GZHAN DU SKYE BA DE'I TSE'O, ,DE LA 'DU BYED DANG, MING GZUGS DANG, SKYE MCHED DRUG NAS SRED PA'I BAR GANG YIN PA DE DAG NI GANG DU SKYE BA'I SA PA KHO NAR GTOGS PA'I PHYIR SA MTSUNGS PA YIN TE, SA GZHAN GYI 'DU BYED KYIS SA GZHAN GYI RNAM SMIN MI 'GRUB PA'I PHYIR DANG, SA GZHAN GYI TSOR BA LAS GZHAN GYI SRED PA MI 'PHEL BA'I PHYIR RO, ,MA RIG PA DANG RNAM PAR SHES PA NI GANG DU LAS GSOG PA'I RTEN DE'I RNAM PAR SMIN PA'I KUN GZHI'I RNAM SHES YIN PA'I PHYIR DANG, MA RIG PA YANG SHAS CHER NYON MONGS PA CAN GYI YID DANG MTSUNGS PAR LDAN PA YIN LA, DE YANG GANG DU SKYES BA DE YI SA BA YIN BA'I PHYIR RO, ,LEN BA DANG SRID PA NI SKYE BA DANG RGA SHI GANG DU GTOGS BA DE'I SA PA YIN TE, DE DAG NI GANG DU SKYE BA'I PHUNG BO LA CHAGS PA'I MTSAN NYID CAN SKYE BA DANG RGA SHI MNGON PAR GRUB PA'I NYE RGYU YIN PA'I PHYIR RO, ,GSUM PA SGOM LAM RTZE SBYOR LA, GNYEN PO SGOM LAM, SPANG BYA RNAM RTOG, GNYEN POS SPANG BYA SPANGS PA'I PHAN YON NO, ,DANG PO LA MTSAMS SBYAR NI, DE LTAR MTHONG BA'I LAM BRJOD NAS DE'I RJES SU RTEN SGOM PA'I LAM 'CHAD DO, ,DE'I RGYU MTSAN NI, MI MTHUN PA'I PHYOGS SPONG PA DANG, LA SOGS PA YON TAN BRTEN PA NI GRUB PA SNGON DU 'GRO BA YIN PAS NA'O, ,DGOS PA NI GO SLABS SO; ;RTZA BA LA MTHA' DPYAD PA DANG, TSIG GI DON GNYIS, DANG PO LA MDO LAS BSTAN TSUL, BSTAN BCOS KYIS BSDUS [?] TSUL, THOD BRGAL GYI RANG BZHIN GTAN LA DBAB PA'O, ,DANG PO NI, MDO LAS, RAB 'BYOR BYANG CHUB SEMS DPA' CHEN PO'I TING NGE 'DZIN SENG GE RNAM PAR BSGYINGS PA GANG ZHE NA, RAB 'BYOR 'DI

, ,LA BYANG CHEN 'DOD PAS DBEN, SDIG PA MI DGE BA'I CHOS KYIS DBEN PA RTOG PA DANG BCAS DPYOD PA DANG BCAS, DPEN PA LAS SKYES PA'I DGA' BA DANG BDE BA CAN BSAM GTAN DANG PO NYE BAR BSGRUBS TE GNAS SO ZHES BYA BA NAS 'DU SHES DANG TSOR BA 'GOG PA NYE BAR BSGRUBS TE GNAS SO ZHES PA'I BAR GYIS MTHAR GNAS KYI SNYOMS 'JUG DGU LA LUGS MTHUN DANG LUGS MI MTHUN DU SONG ZHING 'ONGS PA SBYOR BA SENG GE RNAM BSGYINGS PHRUGS GNYIS DANG YANG MDO LAS, RAB 'BYOR BYANG CHEN GYI TING NGE 'DZIN NI THOD BRGAL GANG ZHE NA, ZHES PA NAS, 'DU SHES DANG TSOR BA 'GOG PA NYE BAR BSGRUBS TE GNAS SO ZHES PA'I BAR GYIS SNYOMS 'JUG DGU LA LUGS MTHUN DU YAR SONG BA BAR DU GANG YANG MA SPEL BA'I DNGOS GZHI THOD BRGAL GYI TING NGE 'DZIN PHRUGS GCIG DANG, YANG MDO LAS, 'GOG PHA LAS LANGS NAS BSAM GTAN DANG PO LA'O, ,DE LAS LANGS NAS 'GOG BA LA'O, ZHES PA NAS SRID RTZE BAR LA SNYOMS PAR 'JUG STE, ZHES PA'I BAR GYIS YAR SONG SNYOMS 'JUG BRGYAD LA 'GOG PA SPEL BA DANG, YANG MDO LAS, MNYAM PAR MA BZHAG BA'I SEMS MNGON DU BYED DO ZHES PA'I BAR GYIS MAR 'ONG SNYOMS 'JUG DGU LA 'DOD SEMS SBEL BA STE, DE LTAR PHRUGS LNGA MDO LAS BSTAN TO, ,DE LA SENG GE RNAM BSGYINGS KYI SKABS SU BSTAN PA'I MTHAR GNAS KYI SNYOMS 'JUG DGU LA SNYOMS PAR 'JUG PA'I TING NGE 'DZIN DANG, 'DI'I SKABS SU BSTAN PA'I PHRUGS DANG PO GNYIS SENG GE RNAM BSKYINGS KYI TING NGE 'DZIN YIN PAR KHYAD PAR MED KYANG, SNGA MA NI RTEN 'BREL LA RTOG PA'I SBYOR BA YIN LA, PHYI MA NI THOD RGAL LA 'JUG BA'I SBYOR BA YIN PA'I PHYIR DGOS PA LA CHES MI 'DRA BA'I KHYAD PAR YOD DO, ,'O NA PHRUGS DANG PO DANG GSUM MTHAR GYI SNYOMS 'JUG DGU LA LUGS MTHUN DU YAR SONG BA TZAM DU KHYAD PAR MED PA LA, SBYOR BA DANG DNGOS GZHI'I KHYAD PAR 'BYUNG BA CI ZHE NA, RANG GI 'JUG THOGS DE MA THAG TU SNYOMS 'JUG BRGYAD DAM DGU LA SPEL CHOS MI 'DRA BA GZHAN SPEL BA'I SGO NAS SNYOMS PAR 'JUG PA'I NUS PA THOB PA DANG MA THOB PAS TING NGE 'DZIN GYI RTZAL 'BYONGS PA DANG MA 'BYONGS BA'I KHYAD PAR CHEN PO YOD PA'I PHYIR RO, ,GNYIS PA NI, RTZA BA'I RKANG PA DANG PO GNYIS KYIS SBYOR BA PHRUGS GNYIS DANG

LHAG MA RNAMS KYIS PHRUGS THA MA DNGOS SU BSDUS SHING, BAR PA GNYIS DANG MTHA' BSDUS PA'I SHUGS KYIS GO SLA BAR DGONGS NAS DNGOS SU MA BSDUS PAR, NAS ZHES PA'I SGRAS KHONG NAS 'DREN BA YIN LA, 'GREL PAR PHRUGS BZHI PA YANG DNGOS SU BSTAN CING, PHRUGS GSUM PA PHRUGS DANG PO DANG SNYOMS PAR 'JUG TSUL KHYAD PAR MED PAS GO SLA BAR DGONGS TE DNGOS SU MA BSDUS SO, ,'DI DAG LA SH'ANTI PA SOGS KYI 'CHAD TSUL MI 'DRA BA MANG DU YOD MOD KYI 'DIR SENG GE BZANG PO'I GZHUNG LUGS 'CHAD PA'I SKABS YIN PA'I PHYIR, MI MTHUN PA THAMS CAD PHYOGS GCIG TU BSGRIGS PA LA NGAL BAM BYAS SO, ,GSUM PA LA, GANG LA SPEL BA'I GZHI, GANG SPEL BA'I DNGOS PO, ,JI LTAR SPEL BA'I TSUL, DGOS PA, SA MTSAMS SO, ,DANG PO NI, MTHAR GYIS GNAS PA'I SNYOMS PAR 'JUG PA DGU STE, 'PHAGS PA RNAMS KYIS MNGON DU BYA BA'I SEMS GNAS PA'I THABS NI DE TZAM DU ZAD PA'I PHYIR RO, ,GNYIS PA NI, 'GOG PA DANG 'DOD SEMS TE, DE DAG NI GO RIM BZHIN DU SEMS GNAS PA RNAMS KYI NANG NAS ZHI BA DANG MA ZHI BA'I MTHAR THUG PA YIN PAS, 'DI DAG DANG SPEL TE SGOM PA NA TING NGE 'DZIN GYI RTZAL RDZOGS PAR 'GYUR BAS SO, ,DE YANG BSAM GTAN BZHI DANG GZUGS MED BZHI LA 'GOG PA SPEL GYI SNYOMS 'JUG DGU KA LA NI MIN TE, 'GOG PA DANG 'GOG PA RIGS MI 'DRA BA MED PAS THOD BRGAL GYI DON MED PA'I PHYIR RO, ,'DOD SEMS NI SNYOMS 'JUG DGU KA DANG SPEL LO, ,GSUM PA NI, DNGOS GZHI PHRUGS GSUM GYI DANG PO RDZOGS PA'I RJES SU BSAM GTAN DANG PO LA SNYOMS PAR 'JUG GO, DE LAS LANGS NAS 'GOG PA LA'O, ,ZHES PA NAS SRID PA'I RTZE MO LA SNYOMS PAR 'JUG GO, DE LAS 'GOG PA LA SNYOMS PAR 'JUG GO ZHES PA'I BAR NI, YAR SONG 'GOG PA SPEL BA'I 'JUG TSUL YIN LA, DES NA YAR SONG 'DI LA GNAS BCU DRUG LAS MED DO, ,'O NA SRID RTZE'I RJES KYI 'GOG PA LAS LANGS NAS YANG SRID RTZE LA SNYOMS PAR ZHUGS TE, DE'I RJES SU 'DOD SEMS MNGON DU BYED PA MED NAM, JI LTAR NA GNAS BCU DRUG LAS MED CE NA, 'DI LA KHA CIG SRID RTZE'I MJUG GI 'GOG PA LAS LANGS SRID RTZER NUD CHUNG BYAS PA'I

, ,DGOS PA NI, 'GOG PA DANG 'GOG PA SPEL DGOS LA, NUD CHUNG MA BYAS NA DE MI NUS PAS DE'I PHYIR NUD CHUNG BYAS PA YIN LA, NGES NA NUD CHUNG BYAS PA'I SRID RTZE'I SEMS DANG DE'I RJES SU 'GOG PA LA SNYOMS BAR ZHUGS PA GNYIS KA YAR SONG GI GNAS SU BGRANG BAR BYA BA YIN NO, ZHES ZER BA MI 'THAD DE, 'GOG PA DANG 'GOG PA SPEL DGOS NA BSAM GTAN DANG PO DANG BSAM GTAN DANG PO SPEL DGOS PA SOGS SU RIGS PA MTSUNGS PA'I PHYIR RO, ,GONG DU BSHAD PAS KYANG GNOD BA'I PHYIR DANG, YAR SONG GI RJES SU 'GOG PA DANG 'GOG PA SPEL BA MDO DANG BSTAN BCOS RTZA 'GREL GANG DU'ANG MI 'BYUNG BA'I PHYIR RO, ,YANG KHA CIG NUD CHUNG BYAS PA'I DGOS PA NI, SRID RTZE'I RJES KYI 'GOG PA DE 'GOG PA GZHAN LAS KYANG CHES ZHI BA YIN PAS DE DANG BAR MCHAD DU 'DOD SEMS MNGON DU BYED MI NUS PA'I PHYIR SRID RTZER NUD CHUNG BYAS NAS DE'I RJES SU MTSAMS 'DZIN GYI 'DOD SEMS MNGON DU BYED PA YIN NO, ,DE'I PHYIR 'DOD SEMS NI YAR SONG MAR 'ONG GNYIS KYI MTSAMS 'DZIN ZHING, DE'I SNGA ROL GYI SRID RTZE NI DE MNGON DU BYED PA'I THABS YIN PAS 'DI GNYIS YAR SONG MAR 'ANG GANG GI YANG GNAS SU BGRANG BAR BYA BA MIN NO ZHES 'CHAD DO, ,NUD CHUNG GI DGOS PA DE YANG MI 'THAD DE YUN RGYAS PA DANG, 'BRING DANG, NYI KHRI LAS NUD CHUNG MED BAR SRID RTZE'I RJES KYI 'GOG PA'I MJUG THOGS DE NYID DU GNOD SEMS MNGON DU BYED PAR BSHAD PA DANG 'GAL BA'I PHYIR RO, ,KHA CIG DANG POR SBYONG BA'AM, DBANG PO RTUL PO LA NUD CHUNG DGOS LA, LEGS PAR BYANG BA DANG, DBANG PO RNAN PO LA NUD CHUNG BYED MI DGOS SO ZHES SMRA BA YANG, SBYONG BA DANG DA'ANG RTUL LA NUD CHUNG BYED DGOS PA'I RGYU MTSAN GANG YANG MED PA'I PHYIR RDZUN GYI RE BA MA CAM DU ZAD DO, ,DES NA RANG GI LUGS NI 'DI YIN TE, BYANG SEMS 'GA' ZHIG SRID RTZE'I RJES KYI 'GOG PA LAS LANGS NAS TING NGE 'DZIN LA RTZAL SPYANG BA'I CHED DU SLAR YANG SRID RTZER LOG STE, DE NAS 'DOD SEMS MNGON DU BYED PA DE LTA BU SRID PA CAM YIN PAS KHRI BRGYAD STONG BA 'BA' ZHIG TU DE LTA BU'I SNYOMS PAR 'JUG PAR BSHAD PA YIN LA, 'ON KYANG PHAL CHE BA NI DE LTAR MI BYED PA'I PHYIR DE LAS GZHAN PA'I YUM RGYAS 'BRING BSDUS PA GANG DU YANG SRID RTZE'I RJES

KYI 'GOG PA LAS LANGS NAS, 'DOD SEMS MNGON DU BYED PAR BSHAD PA MA GTOGS, SRID RTZER NUD CHUNG BYED PAR BSHAD PA CUNG ZAD KYANG MED CING, BSTON BCOS RTZA 'GREL DU YANG DE DANG MTHUN PAR BSHAD PA YIN PAS, SRID RTZER NUD CHUNG BYAS PA DE GANG GI GNAS SU BGRANG BAR BYA NGA YIN ZHES RTZOD PA'I GZHI MED DO, ,'O NA 'GREL PAR DE LAS LANGS NAS DE MA THAG PA'I SNYOMS PAR 'JUG PA LA DMIGS TE, ZHES PAS NUD CHUNG BYED PAR BSHAD PA MIN NAM ZHE NA, MIN GYI DE'I DON NI 'DI YIN TE, YAR SONG GI MJUG GI 'GOG PA DE LAS LANGS NAS SLAR YANG SNYOMS 'JUG GZHAN GYIS BAR MCHOD PA'I DE MA THAG TU MAR 'ANG GI THOG MA'I 'GOG PA'I SNYOMS PAR 'JUG PA LA 'JUG PAR BYA'O SNYAM DU DMIGS TE, 'GOG PA'I SNYOMS 'JUG DE NYID MTSAMS PHYED PAR BYA BA'I PHYIR 'DOD PA NA SPYOD PA'I RNAL 'BYOR SHES PA MTSAMS KYI NGO BOR BZHAG CES PA'I DON YIN NO, ,DE'I PHYIR 'DOD SEMS DE NI YAR 'ONG DANG MAR 'ONG GNYIS KYI MTSAMS 'DZIN YIN PAR, GANG GI 'ANG GNAS SU BGRANG BAR BYA BA MIN NO, ,DE NAS MAR 'ONG GI THOG MA 'GOG PA LA'O, ,DE NAS 'DOD SEMS LA'O, ZHES PA NAS BSAM GTAN DANG PO LA'O, ,DE NAS 'DOD SEMS LA'O, ZHES PA'I BAR DU STE, DE NAS MAR 'ANG 'DI LA GNAS BCO BRGYAD YOD DO, ,'ON SEMS ZHES PA 'DI LA JI LTA BU ZHIG CE NA, GSER GLING PAS RNAM PAR SHES PA MNYAM PAR MA BZHAG PA NI RNAM PAR RTOG PA'I SHES PA'O, ZHES DANG, 'DOD PA NI MI DGE BA'O, ZHES SOGS DANG, CHOS SHES KYIS 'DOD PA NA SBYAD PA'I RNAM PAR SHES PA NI RAGS PA DANG, THA BA DANG, NGAN PA DANG, RTZIG PA RNAMS STUG PO LA SOGS PA'I RNAM PA SGYU MA TZAM DU LTA BA'AM, SEMS CAN DMYAL BA LA SOGS PA JI LTAR GNAS BA RNAMS SGYU MA TZAM DU LTA BA'O, ZHES BSHAD CING, BOD KHA CIG KYANG DE LTAR SMRA BA DANG, KHA CIG 'DOD PA'I SEMS RANG DGA' BA LA SMA NGA NI CHES NOR PA STE, DE DAG GANG YIN YANG TING NGE 'DZIN DU 'GAL BAS THOD RGAL GYI TING NGE 'DZIN LA SNYOMS PAR 'JUG PA'I GNAS SU RANG NYID KYIS BGRANG BA DANG KHAS BLANGS NANG 'GAL BA'I PHYIR DANG, THOD BRGAL SNYOMS 'JUG SGOM LAM RTZA SBYOR MIN PAR THAL BA'I PHYIR DANG, CHOS

, ,SHES KYIS DE LTAR NA KUN MKHYEN YE SHES KYANG 'DOD SEMS SU THAL TE, 'DOD PA'I RNAM SHES SGYU MA LTA BUR DMIGS PA'I PHYIR DANG, GZUGS KYI SO SKYE DMYAL BSDUG BSNGAL BAR DMIGS SHING DRAN PA'ANG 'DOD SEMS SU THAL BA'I PHYIR RO, ,DES NA RANG LUGS NI 'DOD SEMS RTZE GCIG PA ZHI GNAS KYI CHAR GYUR PA'O, ,'ON MNYAM PAR MA BZHAG PA'I SEMS SU 'GAL LO ZHEN, MNYAM GZHAG MIN PA CES GSUNGS BA NI, MNYAM RJES GNYIS KYI NANG NAS RJES THOB YIN GYI MNYAM GZHAG MIN ZHES PA MIN GYI, SNYOMS 'JUG DGU LA MNYAM PAR BZHAG PA'I SA PA DANG, DE LAS BZLOG PA LA MNYAM GZHAG MIN PA'I SA PAR BYAS PA GNYIS KYI NANG NAS MNYAM PAR BZHAG PA'I SA PA MIN ZHES PA'O, ,THONG BRGAL GYI TING NGE 'DZIN 'DI DAG SGOM LAM DNGOS SAM DNGOS MIN ZHE NA, DNGOS YIN TE, DE YANG PHYIR ZHI GNAS DANG LHAG MTHONG ZUNG DU 'JUG CES PA'I DON NI, PHRUGS GNYIS GNYA' SHING GCIG GIS SPREL BA LTA BU NI MIN GYI, YUL CAN ZHI GNAS KYI SEMS SU SKYES PA YUL CHOS NYID LA DMIGS NA ZHI LHAG ZUNG 'BREL DU 'GYUR BA YIN NO, ,'DIR YANG SGOM LAM PA'I 'DOD SEMS RTZE GCIG PA DANG, BSAM GTAN BZHI DANG GZUGS MED BZHI GANG RUNG GI NGO BOR SKYES PA RNAMS KYIS YUL CHOS NYID LA DMIGS NAS SNYOMS PAR 'JUG PA DANG, DE 'DRA'I STOBS KYIS THOB PA'I 'GOG SNYOMS KYI DBANG DU BYAS PA YIN NO, ,BZHI PA DGOS PA NI, SA BDUN PA MAN CHAD DU TING NGE 'DZIN RTZAL SPYAD BA DANG, DAG SAR YON TAN MNGON DU BYA BA'I CHED DU 'JUG GO ,LNGA PAS MTSAMS NI, SA GNYIS PA NAS 'JUG STE, MTHONG LAM RTZE SBYOR GYI RNAM GROL LAM LA DBANG DU BYED PA SENG GE RNAM BSGYINGS YIN CING, SENG GE RNAM BSGYINGS MNYAM RJES KYI RJES THOGS NAS THOD PA RGAL LA 'JUG PAR BSHAD PA'I PHYIR RO THONG BRGAL GYI SNYOMS 'JUG GI TSUL JI LTA BA KHO BO 'BA' ZHIG GIS GSAL BAR BYAS SO, ,GNYIS PA TSIG GI DON LA; SBYOR BA PHRUGS GNYIS NI, 'GOG DANG BCAS PA'I SNYOMS 'JUG DGUR LUGS MTHUN DANG LUGS BZLOG RNAM PA GNYIS SU YAR SONG ZHING MAR 'ONGS NAS DNGOS GZHI LA 'JUG GO, ,DNGOS GZHI PHRUGS GSUM NI, SNYOMS 'JUG LA BAR DU YANG MA SPEL BA'I YAR SONG GCIG DANG, DE NAS YANG

SONG SNYOMS 'JUG BRGYAD LA 'GOG PA SPEL BA GCIG RDZOGS NAS DE'I RJES SU 'DOD PAR GTOGS PA'I RNAM PAR SHES PA RTZE GCIG PA MNYAM PAR BZHAG PA'I SA BA MIN PA GCIG GIS MTSAMS GZUNG STE MAR 'ONG LA THONG RGAL DU NI SNYOMS PAR 'JUG GO, JI LTAR ZHEN, MTSAMS 'DZIN GYI 'DOD SEMS DE'I 'OG TU 'GOG PA LA'O, ,DE NAS 'DOD SEMS LA'O, ,DE NAS 'GOG PA GCIG PU BRGAL NAS SRID RTZE LA, DE NAS 'GOG PA DANG SRID RTZE GCIG BRGAL CI YANG LA, DE NAS 'DOD SEMS LA, DE BZHIN DU GSUM BRGAL RNAM SHES LA, BZHI BRGAL NAM MKHA' LA, LNGA BRGAL BSAM GTAN BZHI PA LA, DRUG BRGAL GSUM PA LA, BDUN BRGAL GNYIS PA LA, BRGYAD BRGAL BSAM GTAN DANG PO LA, DE NAS 'DOD SEMS LA'O, ,CI'I PHYIR 'DI DAG LA THOD BRGAL GYI SNYOMS 'JUG CES BYA ZHE NA, BSAM GTAN DANG PO NAS 'GOG PA'I BAR DU SPEL GZHI DANG SPEL CHOS RIGS MI 'DRA BAR SPEL NAS 'GRO BA'I PHYIR DE SKAD CES BYA'O; ;'GREL PA LA SBYOR BA, DNGOS GZHI, MING DON GYI SGO NAS MJUG BSDU BA'O, ,DANG PO NI, SONG ZHING 'ONGS NAS ZHES DRANG NGO, ,SU ZHIG NA, BYANG CHUB SEMS DPA' SGOM LAM PA RNAMS NI'O, ,GANG LAN BSAM GTAN BZHI DANG, GZUGS MED PA BZHI DANG, 'GOG PA'I MTSAN NYID KYI SNYOMS PAR [?] 'JUG PA DGU LA'O; ,JI LTAR NA BSAM GTAN DANG PO NAS BZUNGS NAS 'GOG PA'I BAR DU 'ONGS NAS, DE'I 'OG TU 'GOG PA NAS BZUNGS TE BSAM GTAN DANG PO'I BAR DU 'ONGS TE TSUL DE LTAR LUGS DANG MTHUN PA DANG LUGS DANG MI MTHUN PA RNAM PA GNYIS KYIS GNYIS PA DNGOS GZHI LA CHUNG DU NI GO SLA'O, ,'BRENG NI YANG BSAM GTAN DANG PO LA SNYOMS BAR ZHUGS TE, DE LAS LANGS NAS 'GOG PA LA'O, ,DE BZHIN DU 'DU SHES MED MIN GYI SKYE MCHED KYI BAR LA RE RE'I MJUG TU 'GOG PA LA SNYOMS PAR ZHUGS TE MAR 'ONG TZAM MO, ,JI LTAR ZHE NA, YAR 'ONG GI MTHA'I 'GOG PA DE LAS LANGS NAS DE DANG SNYOMS 'JUG GZHAN GYIS BAR MCHOD PA'I DE MA THAG PA MAR 'ONG GI THOG MA'I 'GOG PA LA SNYOMS PAR 'JUG PA LA SNYOMS PAR 'JUG PAR BYA'O SNYAM DU DMIGS TE, YAR SONG GI MTHA' DANG, MAR 'ONG GI THOG MA'I 'GOG SNYOMS DE GNYIS MTSAMS PHYED BAR BYA BA'I PHYIR, 'DOD PA NA SPYOD PA'I RNAM PAR SHES

, ,PA RTZE GCIG PA MTSAMS KYI NGO BOR BZHAG NAS BYANG SEMS THABS MKHAS PA'I STOBS KYIS YAR SONG GI MTHA'I 'GOG PA LAS LANGS TE, MTSAMS 'DZIN GYI RNAM PAR SHES PA MNYAM PAR MA BZHAG BA'I SA PA DE LTA BU DE MNGON DU BYAS NAS 'DOD SEMS, DE'I 'OG TU MAR 'ONG GI THOG MA'I 'GOG PA LA'O, ZHES PA NAS, DE BZHIN DU BRGYAD KYI BAR DU BOR NAS BSAM GTAN DANG PO LA'O, ,DE NAS MNYAM PAR MA BZHAG PA LA'O, RTZA 'GREL GNYIS KA LA NGAG DON NI, BYANG SEMS SGOM LAM PA CHOS CAN, KHYOD MTHAR GNAS KYI SNYOMS 'JUG DGU LA GZHAN MA SPEL BAR LUGS 'BYUNG DANG LUGS BZLOG TU SNYOMS PAR 'JUG PA'I SBYOR BA PHRUGS GNYIS DANG, DE'I RJES SU YAR SONG GCIG DANG, DE'I RJES SU MAR 'ONG SNYOMS 'JUG BRGYAD LA 'DOD SEMS SPEL BA GCIG RNAMS LA SNYOMS PAR 'JUG PA'I DGOS PA YOD DE, KHYOD TING NGE 'DZIN LA RTZAL SBYANG ZHING YON TAN MNGON DU BYA BA'I CHED DU DE LTAR 'JUG PAR BYA BA'I PHYIR GSUM PA NI, SA GNYIS PA'I THOD BRGAL GYI TING NGE 'DZIN CHOS CAN, MI 'DRA BAR 'GRO BA THOD BRGAL GYI TING NGE 'DZIN YIN TE, JI LTAR BSHAD PA DE LTAR GCIG LA SOGS PA BOR NAS BSAM GTAN DANG PO NAS 'GOG PA'I SNYOMS PAR 'JUG PA LA THUG GE [?] PAR DU SPEL GZHI DANG SPEL CHOS RIGS MI 'DRA BA SPEL BA'I SGO NAS 'GRO BA'I TING NGE 'DZIN YIN PAS NA'O, ,YANG DE CHOS CAN, SGOM LAM GYI RTZE SBYOR YIN TE, SNYOMS PAR 'JUG PA DGU LA DBANG PO NYID KYI MTSAN NYID THOD BRGAL GYI TING NGE 'DZIN MNGON DU BYED PA'I THEG CHEN GYI RJES LA MNGON RTOGS YIN PAS NA'O, ,GNYIS BA SPANG BYA RNAM RTOG LA SPYI'I MTSAMS SBYAR BA DANG, SO SO'I DON BSHAD PA DANG, DON BSDU BA'O, ,DANG PO NI, DE LTAR SOGS SO, ,GNYIS PA LA, GZUNG RTOG DANG 'DZIN RTOG GO, DANG PO LA, 'JUG PA GZUNG RTOG DANG, LDOG PA GZUNG RTOG GNYIS, DANG PO LA MTSAMS SBYAR NI, RE SHIG SOGS SO, ,RTZA BA NI; RKANG PA DANG PO GNYIS KYIS SHES BYA'I DBANG DU BYAS PA GSUM, DE NAS GNYIS KYIS LAM GYI DBANG DU BYAS PA DRUG STE YUL DGU DANG, DE NAS GCIG GIS YUL CAN RTOG PA'I NGO BO DANG, RKANG PA THAMS GNYEN PO BSTAN PA YIN NO, ,'GREL PA NI, MDOR BSDUS PA LA DGA' BA'I SEMS CAN RJES

SU 'DZIN PAS STON PAS CHOS MDOR BSDUS PA GSUNGS PA DANG, RGYAS PA LA DGA' BA'I SEMS CAN RJES SU 'DZIN PAS CHOS RGYAS PA GSUNGS PA DANG, STON PAS JI LTAR BSHAD PA BZHIN CHOS KYI DON LA NAN TAN MI BYED PAS SANGS RGYAS KYI BSTANGS TE YONGS SU MA GZUNG BA DANG, BYUNG BA 'GOG PA NYID KYI MTHONG LAM GYI DUS SU SBYOR BA'I LAM GYI YON TAN MED PA DANG, YANG DAG PAR BYANG CHUB SKYE BA'I RGYU DANG MI LDAN PAS MTHONG BA'I LAM GYI YON TAN BDEN PAR MED PA DANG, MA 'ONGS PA DNGOS POR MED PA NYID KYIS MTHONG LAM GYI DUS SU SGOM PA'I LAM GYI YON TAN MED PA DANG, PHYIN CI LOG ZHI BA NYID LA SOGS PAS THEG CHEN GYI MYA NGAN LAS 'DAS PAR SGYOR [?] BA'I LAM DANG, STONG PA NYID GSAR DU MNGON PAR BSGRUB BA NYID KYIS MTHONG LAM PA'I LAM DANG RANG BZHIN MED PA MTHONG ZIN SGOM PAR BYED PA NYID KYIS SGOM PA'I LAM STE MDOR NA DNGOS DANG LDOG PA CI RIGS PA'I SGO NAS SKABS 'DIR BSTAN PA'I YUL DGU LA DMIGS NAS BDEN PAR SNANG BA'I RTOG PA LHAN SKYES CHOS CAN, KHYOD SGOM SPANGS GZUNG BA'I RNAM PAR RTOG PA DNGOS YIN TE, KHYOD THEG CHEN GYI LAM 'JUG BYAR BDEN PAR SNANG BA'I RTOG PA LHAN SKYES YIN PA'I PHYIR, GNYEN PO GANG GIS SPONG ZHE NA, SGOM SPANGS 'JUG PA GZUNG RTOG RNAM PA DGU CHOS CAN, SGOM PA'I LAM GYI SBYOR BA'I GNAS SKABS KYI YUL CAN YIN TE, SBYOR BA'I GNAS SKABS 'DI SPANG BAR BYA BA NYID KYIS SO, ,GNYIS PA LA MTSAMS SBYAR NI, DE LTAR SOGS SO, ,RTZA BA NI, RKANG PA DANG PO GNYIS KYIS GNYEN PO DANG, LHAG MAS LDOG BYA NYAN RANG GI LAM GYI DBANG DU BYAS PA'I YUL DGU BSTAN TO, ,'GREL PA NI, NYAN RANG GI TSOGS LAM DU THEG CHEN GYI DGE BA'I BSHES GNYEN LA SOGS PA DANG BRAL BAS BYANG CHUB KYI SEMS MI SKYE BA DANG, GZHAN DON DU SANGS RGYAS LA DMIGS PA'I BSOD NAMS KHYAD PAR DU 'PHAGS PA MED PAS BYANG CHUB KYI SNYING PO YID LA MI BYED BA DANG, SBYOR LAM DU NYAN THOS KYI SOGS DANG, RANG SANGS RGYAS KYI SOGS DANG, MTHONG LAM DU THABS KHYAD PAR CAN DANG 'BREL BA'I SHES RAB KYI SOGS DANG, SGOM LAM DU MTSAN MAR DMIGS PA SOGS DANG, MI SLOB LAM DU MI RTAG SOGS KYI DMIGS PA SGOM PA LA BLTOS PA MED PA NYID

, ,KYIS SGOM PA MED PA DANG, CHOS NYID LA DMIGS PA YANG MED, GANG ZAG GI BDAG MED MI DMIGS PA YANG MED PAS, GNAS LUGS SGOM BA YANG MANG GTAN NAS SGOM PA MED PA YANG MIN PA DANG, PHYIN CI LOG TU MNGON PAR ZHEN PAS DON JI LTA BA BZHIN RTOGS BA MIN PA NYID RNAMS LA DMIGS PA'I GZUNG BA'I RNAM PAR RTOG BA GNYIS PA RNAM PA DGU'O, (,DE DAG GI GNYEN PO GANG) ZHE NA, GNAS SKABS DE NA SPANG BAR BYA BA NYID KYIS SGOM PA'I LAM GYI SEMS DANG SEMS LAS BYUNG BA 'JUG PA BAR CHAD MED PA'I GNAS SKABS KYI YUL CAN NAM GNYEN PO CAN YIN NO, ,NGAG DON NI, NYAN RANG GI LAM 'BRAS LDOG BYAR BDEN PAR SNANG BA'I RTOG PA LHAN SKYES CHOS CAN, SGOM SPANG LDOG PA GZUNG RTOG YIN TE, SGOM LAM BAR CHAD MED LAM GYI SPANG BYA GANG GIS THEG DMAN LA LDOG BYAR ZHEN PA'I RTOG PA YIN PA'I PHYIR, GNYIS PA 'DZIN RTOG LA, RDZAS 'DZIN RTOG PA DANG BTAGS 'DZIN RTOG PA GNYIS SO,, DANG PO LA MTSAMS SBYAR NI, DE LTAR SOGS SO, ,RTZA BA NI, RKANG PA DRUG GIS YUL DANG, THA MA GNYIS KYIS YUL CAN RTOG BA'I NGO BO STON TO, ,YUL LA YANG SHES BYA'I DBANG DU BYAS PA GSUM, NYAN THOS DANG BYANG SEMS KYI SHES RAB GNYIS, THABS GNYIS, SO SKYE'I LTA SPYOD GNYIS RNAMS RIM BZHIN NO, ,'GREL PA NI; PHUNG PO LAS MA GTOGS BA'I RJES SU YOD PAR YANG MA SKYES PAS SEMS CAN DU BTAGS PA DANG BLO 'KHRUL PA LA SNANG BA TZAM DU ZAD BA'I PHYIR CHOS SU BTAGS PA DANG, THAMS CAD DU KHYAB PAR 'GRO BA'I PHYIR RNAM BA THAMS CAD MKHYEN PA NYID LA SOGS BAS YUL DU BYAS BA'I CHOS THA SNYAD DU STONG PA YIN PA NYID DANG, RNAM PA THAMS CAD DU MNGON PAR ZHEN PA MA SPANGS PAS NYAN RANG GI SHES RAB CHOS LA CHAGS PA DANG, BDEN PA'I NGO BO NYID MED BAR RTOGS BAS BYANG SEMS KYI SHES RAB CHOS JI LTA BAR RAB TU RNAM PAR 'BYED BA DANG, NYAN RANG CHEN PO GSUM GYI CHED DU BYA BA MI BYED BAS RANG DON DU DNGOS POR 'DZIN PA'I CHED DU BYA BA BYED PA DANG, BYANG SEMS GZUGS LA SOGS PA LA MTSAN MAR MI DMIGS PA'I PHYIR THEG PA GSUM GYIS NGES PAR 'BYUNG BA DANG, BYIS PA RNAMS 'PHAGS LAM LA YANG DAG PAR RAB TU MA ZHUGS PA NYID KYI YON TAN MA DAG BA DANG, BDEN PA'I SBYIN PA LA SOGS PA LA

MTSAN MAR DMIGS TE BSGRUBS PAS SPYOD PA RNAM PAR 'KHRUGS PA STE MDOR NA JI SKAD BSHAD PA'I YUL DGU LA SNGA MA MTHONG SPANGS SU BSHAD PA BZHIN DU BDEN PAR ZHEN BA'I RTOG PA LHAN SKYES RNAM PA DGU CHOS CAN, SGOM SPANGS 'DZIN PAR RNAM PAR RTOG PA DANG PO YIN TE, SGOM PA'I LAM GYI SBYOR BA NYER BSDOGS KYI GNAS SKABS KYI YUL CAN NAM GNYEN PO CAN GANG GI RANG YUL GYI 'DZIN PA BDEN PAR SNANG BA'I BLO LHAN SKYES YIN PA'I PHYIR, GNYIS PA BTAGS 'DZIN RTOG PA LA, MDOR BSTAN, RGYAS BSHAD GNYIS KYI DANG PO LA MTSAMS SBYAR NI, DE LTAR SOGS SO, ,RTZA BA'I TSIG DON 'GREL PAS 'CHAD PA NI SGOM LAM GYI MI MTHUN PA'I PHYOGS 'DZIN PA'I RNAM PAR RTOG PA SEMS CAN DU BTAGS PA DANG SEMS CAN DER RNAM PAR BZHAG PA RGYU PHUNG PO DAG BDEN PAR SNANG BA TZAM GYI YUL CAN RNAM PA DGU CHOS CAN, SGOM LAM DE DANG SPANG GNYEN DU 'BREL BA YIN TE, SGOM PA'I LAM GYIS YANG DAG PAR SPANG BAR BYA BA YIN PA'I PHYIR, GNYIS PA LA MTSAMS SBYAR NI, JI LTAR ZHES SOGS SO, ,RTZA BA NI, RKANG PA DANG PO RNAMS KYIS YUL DANG, THA MAS YUL CAN BSTAN TO, ,'GREL PA NI, RGYU 'BRAS NGO BO MA LUS BA'I RNAM PA THAMS CAD SOGS DANG, THEG PA GSUM GYI LAM THAMS CAD SOGS DANG, GZHI PHUNG PO SOGS SAM THAMS CAD BDAG MED PAR YONGS SU MA SHES PAS SOGS DANG, GNYEN PO SHER PHYIN PA YONGS SU MA SHES PAS SPANG BYA THAMS CAD SOGS DANG, GZUGS LA SOGS PA'I SHES BYA DANG DE BZHIN NYID DAG NGO BO DBYER MED DU YONGS SU MA SHES PAS SOGS DANG, BDUD LA SOGS PA'I RANG GI NGO BO YONGS SU MA SHES PAS THEG DMAN DANG RNAM MKHYEN GYI LAM MI MNYAM PA NYID LA KUN TU RMONGS PA DANG, DON LA SOGS DANG, 'DOD CHAGS LA SOGS PA'I NGO BO STONG PA NYID SOGS DANG, GZUNG BA DANG 'DZIN PA'I BDEN PAS STONG PA'I MTSAN NYID YONGS SU MA SHES PAS GNYIS SU MED PA LA KUN TU RMONGS PA STE, MDOR NA YUL DGU PO DAG LA DMIGS NAS SNGA MA BZHIN DU BTAGS PA TZAM DU BDEN PAR SNANG BA'I RTOG PA LHAN SKYES RNAM PA DGU CHOS CAN, SGOM SPANGS 'DZIN PA'I RNAM PAR RTOG PA THA MAR BZHED PA YIN NO, ,SGOM PA'I LAM GYI SEMS DANG SEMS LAS BYUNG BA 'JUG PA BAR CHAD MED PA'I GNAS SKABS

, ,KYI YUL CAN NAM, GNYEN PO GANG GI RANG YUL DU GYUR PA'I 'DZIN PA'I BDEN SNANG GI BLO LHAN SKYES YIN PA'I PHYIR, GSUM PA DON BSDU BA NI, SGOM PA'I LAM GYI ZHES SOGS TE, NGAG DON NI, GNYEN PO SGOM LAM LA BZHI YOD DE, SGOM SPANGS RTOG PA RIGS MI 'DRA BA BZHI YOD PAS SO, ,GSUM PA PHAN YON LA, MTSAMS SBYAR NI, BYANG CHUB SEMS DPA'I SGOM BA'I LAM CHEN PO'I CHEN PO LA GNAS PA LA CHOS CAN, YON TAN PHUN SUM TSOGS PA THAMS CAD BRTEN TE, SNGA MA MTHANG SPANGS SPONG TSUL BZHIN DU SGOM SPANGS RNAM PAR RTOG PA BRGYA RTZA BRGYAD SPANGS PA DANG, DUS MNYAM BA KHO NAR DE DAG GIS BSDUS PA'I NYON MONGS PA BRGYA RTZA BRGYAD SPANGS PAS SO, ,RTZA BA'I TSIG DON 'GREL PAS 'CHAD PA NI, BYANG CHUB SEMS DPA' SGOM BA'I LAM CHEN PO'I CHEN PO LA GNAS BA THEG PA GSUM GYI SPANGS RTOGS KYI 'BRAS BU RAB KYI MTHAR PHYIN 'THOB PA DE DAG GIS MDZES PAR GYUR PA LA CHOS CAN; SNYING RJE'I GZHAN DBANG DU GYUR PAS RNAM PA THAMS CAD DU 'GRO BA'I BDE BA SKYES PAR MKHAS PA'I YON TAN PHUN SUM TSOGS PA THEG PA GSUM GYIS BSDUS PA THAMS CAD RNAM PA THAMS CAD DU 'BAD RTZOL MED PAR MNGON DU 'ONG BA'I RNAM PAS BRTEN BAR BYED DE, ,SGOM PA'I LAM LA YUN RING DU GOMS PAS RNAM PAR RTOG PA RIGS BZHI PO 'TSE BAR BYED PA NYID KYIS YAMS KYI NAD DU GYUR PA 'DI RNAMS ZAD NAS YON TAN GYI GEGS BYED PA MED PAS SO, ,DPER NA NAD ZAD CING LUS RGYAS TE, DGA' BAS DBUGS 'BYIN PA THOB PA BZHIN DU'O, ,YON TAN JI LTAR MNGON DU 'ONG ZHE NA, RGYA MTSO CHEN PO LA CHU BO BZHI PO DAG BZHIN DU'O, ,BZHI PA BAR CHAD MED PA'I RTZE MO LA, NGO BO, ,DMIGS RNAM, DMIGS PA LA LOG RTOG BSAL BA'O, ,DANG PO LA MTSAMS SBYAR NI, SGOM PA'I LAM GYI SOGS SO, ,RTZA BA'I TSIG DON 'GREL PAS 'CHAD PA NI, 'DIR BAR CHAD MED BA'I TING NGE 'DZIN CES BYA'O, ,GANG ZHE NA, RANG GI DNGOS 'BRAS RNAM PA THAMS CAD MKHYEN PA NYID GANG YIN PA DE SANGS RGYAS NYID YIN PAS, SANGS RGYAS NYID 'THOB PA LA LAM GZHAN GYIS BAR CHAD PA MED PA'I TING NGE 'DZIN GANG YIN PA DE NI'O, ,'DI MNGON SA JI LTAR BSTAN CE NA, 'GA' ZHIG NAS DPER MDZAD

NAS DE BZHIN GSHEGS PAS BAR CHAD MED RTZE, KHYAD PAR DU 'PHAGS SHING BSOD NAMS MANG PO NYID KYIS MTSON NAS BSTAN TO, ,NGAG DON NI, RGYUN MTHA'I YE SHES CHOS CAN, BAR CHAD MED PA'I RTZE SBYOR YIN TE, RNAM MKHYEN DNGOS SU BSKYED PA'I SGO NAS BSOD NAMS GZHAN LAS KHYAD PAR DU 'PHAGS PAR MDO LAS BSTAN PA'I RTZE SBYOR YIN PA'I PHYIR, GNYIS BA LA MTSAMS SBYAR NI, DE'I DMIGS PA CES SOGS SO, ,RTZA BA'I TSIG DON 'GREL PA LAS 'CHAD PA NI, CHOS THAMS CAD CHOS CAN, BAR CHAD MED PA'I TING NGE 'DZIN 'DI'I DMIGS PA'I RKYEN DU THA SNYAD BYA STE, DES BDEN PA'I DNGOS PO MED PAR DMIGS PA'I SGO NAS SGRO 'DOGS GCOD BA'I GZHI YIN PA'I PHYIR, MKHYEN GSUM GYI DMIGS RNAM MA BRJED PA'I DRAN PA CHOS CAN, RANG 'BRAS BAR CHAD MED RTZE'I BDAG PO'I RKYEN YIN TE, DE LA DBANG BYED PA'I RGYU YIN PA'I PHYIR, RANG BZHIN GYIS SPROS PA MA LUS PA ZHI BA'I YE SHES NYID CHOS CAN, DE'I RNAM PA YIN TE, DE'I 'DZIN STANGS YIN PA'I PHYIR, GSUM PA LA, MDOR BSTAN PA DANG, RGYAS PAR BSHAD PA'O, ,DANG PO LA, 'DI LA NI CES SOGS RTZA BA'I TSIG DON 'GREL PAS 'CHAD PA NI, GNAS 'DI LA NI, CES SOGS TE NGAG DON NI, SHES BYA CHOS CAN, BAR CHAD MED RTZE'I DMIGS PA LA BDEN GNYIS RNAM 'BYED KYI THABS LA MKHAS BAS BDEN GNYIS 'GAL BAR RTZOD BA'I BLAN KA BSAL BAR BYA STE, MA BSAL NA, DMIGS PA'I RANG BZHIN MI RTOGS PA'I PHYIR, BAR CHAD MED RTZE CHOS CAN, ZAB PA YIN TE, BDEN GNYIS LA MI MKHAS PAS KHYOD KYI DMIGS PA RTOGS DKA' BA'I PHYIR, GNYIS PA LA MTSAMS SGYAR [?] NI, BLO'I NOR CAN SOGS SO, ,RTZA BA NI, RKANG PA DANG PO DGUS YUL DANG DE NAS PHYED KYIS RTEN GANG ZAG DANG, DE NAS PHYED KYIS NGO BO DANG, DE NAS GNYIS KYIS DBYE GRANGS BSTAN TO, ,'GREL PA LA, BSAL BYA KLAN KA DANG, DE BSAL NAS TING NGE 'DZIN BSKYED TSUL LO, ,DANG PO NI, LOG PAR RTOG PA BCU DRUG GO; GANG ZAG GANG GI ZHE NA, SKYE BO BYANG CHUB SEMS DPA' THABS LA MI MKHAS PA MI SHES PAS DNGOS POR RAB TU SMRA BA THAMS CAD KYIS LOG PAR RTOG PA'O, ,NGO BO JI LTA BU ZHE NA, PHAN TSUN 'GAL BA'I LTAR SNANG BA'I DON GZHI GCIG LA BSGRUBS PAS MI 'THAD PA SEMS PA NYID KYI RNAM PA CAN MTHA'

, ,GZHAN DU DOGS PA DANG BCAS PA'I THE TSOM GYI NGO BO YIN NO, ,YUL GANG LA LOG PAR RTOG CE NA, JI SKAD BSHAD PA'I RNAM MKHYEN GYI YUL LA LOG PAR RTOG PA CAN NYID KYI RNAM PA THAMS CAD MKHYEN PA NYID KYI RTEN CAN ZHES SOGS SO, ,BCU DRUG PO GANG ZHE NA, RNAM MKHYEN GYI DMIGS PA MI 'THAD PAR THAL, 'DUS BYAS DANG 'DUS MA BYAS KYI KHAMS DAG DNGOS PO MED PA NYID KYIS SO, ZHES DON DAM GYI KHAS BLANGS RTAGS SU BKOD NAS KUN RDZOB KYI RNAM GZHAG SUN 'BYIN PA DON DAM SGO CAN GYI KLAN KA DMIGS PA 'THAD PA LA LOG PAR RTOG BA'O, ,DE BZHIN DU DBU MA PA'A KUN RDZOB KYI KHAS BLANGS RTAGS SU BKOD NAS DON DAM GYI RNAM GZHAG SUN 'BYIN PA LA KUN RDZOB SGO CAN GYI KLAN KA ZHES BYA'O, ,'O NA DE DAG LA LAN JI LTAR GDAB PAR BYA ZHE NA, KHA CIG DON DAM SGO CAN LA KUN RDZOB TU RTAGS MA GRUB CES MTHA' GCIG GCIG TU RTAGS MA GRUB KYI LAN 'DEBS PAR 'DOD PA DANG, KHA CIG DON DAM SGO CAN GYI KLAN KA LA KUN RDZOB TU RTAGS MA GRUB, DON DAM DU 'DOD, DON DAM DU DE'I PHYIR NA, KUN RDZOB TU DER THAL LA KHYAB PA MA NGES ZHES SOGS KYI LAN 'DEBS PAR 'DOD PA NI CHES MI 'THAD DE, KHOS RNAM MKHYEN GYI DMIGS PA MI 'THAD PAR THAL ZHES BRJOD PA'I TSE, DON DAM DU RNAM MKHYEN GYI DMIGS PA MI 'THAD PA'AM, KUN RDZOB TU RNAM MKHYEN GYI DMIGS PA MI 'THAD PA GANG YANG RUNG BA ZHIG NGES PAR THAL CHOS SU 'GRO DGOS SAM, DE GNYIS GANG YANG MA SONG BAR RNAM MKHYEN GYI DMIGS PA MI 'THAD PA CAM THAL CHOS SU SONG NGO, ,DE BZHIN DU RTAGS LA YANG SBYAR RO, ,DE LA PHYI MA LTAR NA LAN 'DEBS CHUL DE LTAR BYED PA DANG 'GAL LO, ,DANG PO LTAR NA SGRA MI RTAG PAR SGRUB PA'I TSE, SGRA'I MI RTAG PA'AM BUM PA'I MI RTAG PA GANG YANG RUNG BA ZHIG NGES PAR BSGRUB BYA'I CHOS SU 'GRO DGOS PAR THAL LO, ,CI STE MI RTAG PA THAMS CAD DE GNYIS SU KHA TSON MCHOD CING, RNAM MKHYEN GYI DMIGS PA BDAN GNYIS GANG RUNG DU KHA TSON CHOD PAS MI MTSUNGS SO ZHE NA, BDEN GNYIS SU KHA TSON CHOD PA TZAM GYIS DMIGS PA MI 'THAD PAR THAL ZHES BRJOD PA NA, KUN RDZOB TU DMIGS PA MI 'THAD PA DANG, DON DAM DU DMIGS PA MI 'THAD PA GANG RUNG THAL CHOS SU NGES BAR 'GYUR DGOS NA, SGRA MI

RTAG PAR SGRUB PA'I TSE, DON DAM DU MI RTAG PA DANG, KUN RDZOB TU MI RTAG PA GANG RUNG BSGRUB BYA'I CHOS SU NGES PAR 'GYUR DGOS PAR THAL LO, ,DES NA RANG LUGS NI DON DAM SGO CAN GYI KLAN LA, BDEN DNGOS MED KYANG KUN RDZOB TU DMIGS PA 'THAD PA'I PHYIR, KHYAB PA MA NGES SO ZHES PA LTA BU KUN RDZOB KYI SGO NAS KHYAB PA MA NGES PA'I LAN DANG, KUN RDZOB SGO CAN GYI KLAN KA LA, KUN RDZOB TU DE LTAR KYANG, BDEN DNGOS MED PA'I PHYIR DON DAM DU MI 'THAD PAS, KHYAB PA MA NGES SO ZHES KUN RDZOB KYI SGO NAS KHYAB PA MA NGES PA'I LAN GDAB PAR BYA'O, ,DE BZHIN DU SBYAR RO, ,DMIGS PA'I NGO BO NYID NGES PAR MED PAR THAL, RNAM PA THAMS CAD DU RANG BZHIN MED PA'I PHYIR, ZHES DMIGS BA'I NGO BO NYID NGES PAR GZUNG BA LA LOG PAR RTOG PA DANG, RNAM MKHYEN GYI YE SHES MED PAR THAL, DNGOS PO DANG, DNGOS PO MED PA MI DMIGS PAS SO, ZHES RNAM PA THAMS CAD MKHYEN PA NYID KYI YE SHES LA DANG, BDEN GNYIS MI 'THAD PAR THAL, CHOS THAMS CAD DE BZHIN NYID KYI NGO BO NYID KYIS SO, ,KUN RDZOB DANG DON DAM PA'I BDEN PA LA DANG SBYOR BA MI 'THAD PAR THAL, SBYIN PA LA SOGS PA MI DMIGS PAS SO, ZHES SBYAR BA LA DANG, SANGS RGYAS MED PAR THAL, RTOGS PAR BYA BA MED PAS SO, ZHES SANGS RGYAS DKON MCHOG LA DANG, CHOS MED PAR THAL, MING DU BTAGS PA TZAM DU ZAD PAS SO ZHES CHOS DKON MCHOG LA DANG, DGE 'DUN MED PAR THAL, GZUGS LA SOGS PAR DMIGS PA BKAG PAS SO ZHES DGE 'DUN DKON MCHOG LA DANG, THABS MKHAS MED PAR THAL, LAM SBYIN PA LA SOGS PA MI DMIGS BAS SO ZHES THABS LA MKHAS PA LA DANG, SANGS RGYAS KYI MNGON RTOGS MED PAR THAL, DNGOS PO DANG DNGOS PO MED PA GNYIS KA'I NGO BO RTOGS PA BKAG PAS SO ZHES DE BZHIN GSHEGS PA MNGON PAR RTOGS PA LA DANG, RTAG SOGS PHYIN CI LOG MIN PAR THAL, MI RTAG NYID LA SOGS PA YANG SPROS PA RNAM PAR BZHAG PA TZAM YIN PA NYID KYIS SO ZHES RTAG BA LA SOGS PAR PHYIN CI LOG PA LA DANG, LAM SGOM PA MI 'THAD PAR THAL, LAM RNAM PAR 'BRAS BU MNGON SUM DU MI

, ,BYED PAS SO ZHES LAM LA DANG, SPANG BYA MED PAR THAL, DOR BYA MED PAS SO, ,GNYEN PO MI 'THAD PAR THAL, BLANG BYA MED PAS SO ZHES MI MTHUN PA'I PHYOGS DANG GNYEN PO LA SOGS PAR RTOG PA GNYIS DAG DANG, MTSAN NYID MI 'THAD PAR THAL, RTEN CHOS CAN MED PAS SO ZHES CHOS KYI MTSAN NYID LA DANG, YUL SGOM PA MI 'THAD PAR THAL, BSGOM BYA RANG DANG SPYI'I MTSAN NYID MI 'THAD PAS SO ZHES SGOM PA LA LOG PAR RTOG PA'O, ,GNYIS PA NI, BAR CHAD MED PA'I TING NGE 'DZIN BSKYED PAR BYA'O, ,SU ZHIG GIS ZHE NA, BYANG CHUB SEMS DPA' DGE BA 'DOD PA RNAMS KYIS SO, ,THABS GANG GIS ZHE NA, 'GAL RKYEN LOG RTOG DE LTA BU RNAM PA STONG DU BSAL BA SNGON DU 'GRO BA'I SGO NAS, MTHUN RKYEN DMIGS RNAM LA NGES PA RNAM PA THAMS CAD DU YANG DAG PA BSKYED NAS SO, ,LOG RTOG JI LTAR SEL ZHE NA, BDEN PA GNYIS KA LA BRTEN PA THABS LA MKHAS PAS SEL DGOS TE, RTZOD PA'I TSUL BDEN GNYIS GANG RUNG RE LA BRTEN PA'I KHAS BLANGS RTAGS SU BKOD NAS CIG SHOS SUN 'BYIN PAR BYED PA DE BAS NA KUN RDZOB SGO CAN GYI KLAN KA LA GO RIM BZHIN DU DON DAM DANG, DON DAM SGO CAN GYI KLAN KA LA KUN RDZOB KYI SGO NAS KHYAB PA MA NGES PA'I LAN GDAB DGOS PAS SA, ,NGAG DON NI, BAR CHAD MED RTZE BSKYED PAR 'DOD PA'I BYANG SEMS CHOS CAN, KHYED KYIS BAR CHAD MED RTZE BSKYED PA'I 'GAL RKYEN SEL ZHING MTHUN RKYEN NGES PA BSKYED PA LA BDEN GNYIS RNAM 'BYED KYI THABS LA MKHAS DGOS TE, KHYOD KYIS BDEN GNYIS 'GAL BAR BRTZAD PA'I DON DAM SGOM CAN GYI KLAN KA LA KUN RDZOB DANG, KUN RDZOB SGO CAN GYI KLAN KA LA DON DAM GYI SGO NAS LAN GDAB DGOS PA'I PHYIR, GSUM PA SKABS BSDU BA NI, SHER PHYIN PA'I MAN NGAG GI BSTAN BCOS MNGON PAR RTOGS BA'I RGYAN GYI 'GREL PA DON GSAL BA'I RNAM BSHAD RTOGS PAR DKA' BA'I SNANG BA LAS SKABS LNGA PA'I RNAM PAR BSHAD PA'O,, ,,GSUM PA BRTAN PA THOB BA'I DON DU SGOM BA MTHAR GYIS PA'I SBYOR BA LA GSUM, 'BREL BKOD PAS MTSAMS SBYAR, 'BREL PA CAN GYI RAB BYED BSHAD, SKABS BSDU BA'O, ,DANG PO LA, RTZE SBYOR GYI 'OG TU MTHAR GYIS PA'I MNGON PAR RTOGS BA 'CHAD PA'I RGYU MTSAN YOD DE, RTZE MO'I MNGON PAR RTOGS PA THOB

PA'I BYANG SEMS KYIS MKHYEN GSUM GYI MTSAN NYID SOGS SO SO BA THOS BSAM GYIS GTAN LA PHAB PA DANG, MKHYEN GSUM RNAM PAR BSDUS PA NYAMS SU BLANGS PA'I SKABS NYID DU RTOGS PA'I DON RNAMS GO RIM BZHIN DU YID LA BLANG NAS BRTAN PAR BYA BA'I PHYIR RNAM PAR SGOM PAR BYED PA'I RGYU MTSAN GYIS DE LTAR BSHAD PA'I PHYIR, GNYIS PA LA, RTZA BA NI, SBYOR BA PHUN TSOGS SBYIN PA NAS SHES RAB KYI BAR DAG DANG, BSAM PA PHUN TSOGS SANGS RGYAS LA SOGS RJES SU DRAN PA DRUG DANG, DE DAG RNAM PAR DAG BYED CHOS THAMS CAD BDEN PA'I DNGOS PO MED PA'I NGO BO NYID KYIS SNGAR RTOGS ZIN GOMS PAR BYED PA'I SBYOR BA DE CHOS CAN, MTHAR GYIS PA'I BYA BAR BZHED DE, THEG CHEN GYI THABS SHES KYIS SNGAR THOB ZIN RNAMS BRTAN POR BYA BA'I PHYIR DU SGOM PA'I BYANG SEMS KYI RNAL 'BYOR YIN PA'I PHYIR, 'GREL PA LA GSUM LAS, SBYOR BA PHUN TSOGS NI, SBYIN PA'I PHA ROL PHYIN PA LA SOGS BA 'KHOR GSUM RNAM PAR DAG PAS RAB TU PHYE BA DRUG RNAM PA THAMS CAD DU YONGS SU RDZOGS PAS SA BCU YANG DAG PAR SGRUB PAR BYED PA'I BYANG SEMS SBYOR LAM PA'I RNAL 'BYOR GANG YIN PA DE NI CHOS CAN, SKABS 'DIR MTHAR GYIS PA'I BYA BAR BZHED PA YIN TE, RANG GIS SNGAR THOB ZIN PA'I THABS SHES RNAMS KHYAD PAR DU GYUR PA'I SGO NAS BRTAN POR BYA BA'I PHYIR DU SGOM PA'I BYANG SEMS KYI RNAL 'BYOR YIN PA'I PHYIR, SA BCU RDZOGS PA LA PAR PHYIN BCU RDZOGS DGOS PA MIN NAM ZHE NA, SKYON MED DE, PHA ROL PHYIN PA LHAG MA BZHI NI SHER PHYIN PA'I NANG DU 'DUS PAR RO, ,GNYIS PA BSAM PA PHUN TSOGS LA RTEN DKON MCHOG DRAN PA NI, DRAN PA NYE BAR BZHAG PA LA SOGS PA DANG, BYANG CHUB KYI YAN LAG GI RNAM PA DANG, 'PHAGS PA'I LAM YAN LAG BRGYAD PA STE LAM GSUM DON DAM PAR DRAN PA MED CING KUN RDZOB TU RGYU LAM GSUM PO DE'I MTSAN NYID KYI SGO NAS 'BRAS BU SANGS RGYAS RJES SU DRAN PA RNAM PA GSUM PO GO RIM BZHIN DU NGES PAR 'BYAD PA'I CHA DANG MTHUN PA DANG, MTHONG BA DANG, SGOM PA'I LAM RJOD PAR BYED PA YIN LA, NGAG DON NI, DRAN PA NYER GZHAG SOGS KYI SGO NAS SANGS RGYAS RJES SU DRAN PAR BYED PA'I SBYOR LAM GANG YIN PA DE NI CHOS CAN, CHOS RTAGS SNGAR DANG 'DRA, 'OG MA THAMS CAD LA YANG

, ,DAG DON 'DI BZHIN DU PHRAL TE DGOD PAR BYA'O, ,DGE BA DANG MI DGE BA DANG LUNG DU MA BSTAN PA'I CHOS SNGAR BSHAD PA DE BZHIN DU DON DAM PAR DRAN PA MED CING KUN RDZOB TU MTSAN NYID KYI SGO NAS RJES SU DRAN PA DANG, SNGA MA BZHIN DU BYANG CHUB SEMS DPA' 'PHAGS PA PHYIR MI ZLOG PA DGE 'DUN RJES SU DRAN PA DANG, DE BZHIN DU LAM GYI GZHI TSUL KHRIMS DANG, LAM GYI YAN LAG GTONG BA DANG, LAM NYAMS SU LEN PA'I DBANG PO LHAR SKYES PA'I 'PHAGS PA RNAMS DON DRAN CING KUN RDZOB TU MTSAN NYID KYI SGO NAS RJES SU DRAN PA'O, ,GSUM PA DE DAG RNAM PAR DAG PAR BYED PA'I SBYOR BA NI, GZUGS LA SOGS PA'I CHOS THAMS CAD BDEN PA'I DNGOS PO MED PA'I NGO BO NYID DU SNGAR KHONG DU CHUD PAS PHYIS RTOGS ZIN GOMS PAR BYED PA GANG YIN PA DE NI CHOS CAN, SKABS 'DIR MTHAR GYIS PA'I BYA BAR BZHED PA YIN TE, RTAGS NI SNGAR LTAR RO, ,GSUM PA NI SHER PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GEL PA DON GSAL BA'I RNAM BSHAD RTOGS PAR DKA' BA'I SNANG BA LAS SKABS DRUG PA'I RNAM PAR BSHAD PA'O,, ` ,,BZHI PA BRTAN PA THOB NAS SGOM PA SKAD CIG MA'I SBYOR BA LA, 'BREL BKOD PAS MTSAMS SBYAR, 'BREL PA CAN GYI RAB BYED BSHAD, SKABS BSDU BA'O, ,DANG PO NI, MTHAR GYIS PA'I 'OG TU SKAD CIG MA GCIG PA MNGON PAR RDZOGS PAR BYANG CHUB PA'I SBYOR BA 'CHAD PA'I RGYU MTSAN YOD DE, MTHAR GYIS PA'I MNGON PAR RNAM PAR SGOM PA NI, SNGAR THOB PA DE DAG NYID SKAD CIG MA GCIG GIS BSGOMS PAS DE LTAR BSHAD PA YIN PA'I PHYIR RO, ,DE LTAR SGOM NUS TE, BRTAN PA THOB PA'I DON DU SHIN TU GOMS PAR BYAS PA'I PHYIR RO, ,GNYIS PA LA SPYI'I DON DANG, TSIG GI DON GNYIS LAS, DANG PO NI, SKAD CIG MA'I SBYOR BA BZHI PO 'DI DAG DBYE GZHI, GANG LA TSUL JI LTAR DBYE ZHE NA, DBYE GZHI NI SA BCU RGYUN MTHA'I YE SHES SO, ,DBYE NA RNAM PAR SMIN PA MIN PA DANG, RNAM PAR SMIN PA DANG, MTSAN NYID MED PA DANG, GNYIS SU MED PA'I SKAD CIG SBYOR BZHI'O, ,JI LTAR 'BYED PA'I TSUL NI, RGYUN MTHA'I YE SHES GCIG NYID KYANG YON TAN MNGON DU BYED TSUL DANG, YUL RTOGS TSUL GYI LDOG PAS BZHIR PHYE BA YIN TE, DE YANG 'DI LTAR SA BDUN BA MAN CHAD KYI

ZAG MED KYI YON TAN RNAMS NI 'BAD RTZOL GYIS BSKYED PAR BYA BA YIN PA'I PHYIR, RNAM PAR SMIN PA MIN PA ZHES BYA LA, DE DAG MNGON DU BYED PA'I LDOG PA NAS RNAM PAR SMIN PA MED PA'I SKAD CIG SBYOR ZHES BYA'O, ,DAG SA'I ZAG MED KYI YON TAN RNAMS NI 'BAD MED DU THOB PA'I PHYIR RNAM PAR SMIN PA ZHES BYA LA; DE DAG RIGS MNGON DU BYED PA'I LDOG PA NAS RNAM PAR SMIN PA'I SKAD CIG SBYOR ZHES BYA'O, ,DE BZHIN DU KUN BYANG GI CHOS BDEN PA'I MTSAN NYID MED PAR SHES PA'I LDOG PA NAS MTSAN NYID MED PA'I SKAD CIG SBYOR DANG, CHOS THAMS CAD GZUNG 'DZIN GNYIS SU MED PAR RTOGS PA'I LDOG PA NAS GNYIS SU MED PA'I SKAD CIG SBYOR ZHES BYA'O, ,MNGON DU BYED TSUL NI RGYUN MTHA'I YE SHES KYI SNGAR SLOB LAM GYI GNAS SKABS SU THOB PA'I ZAG MED KYI YON TAN GYI RIGS GCIG MNGON DU BYAS PA'I DUS DE'I TSE SLOB LAM DU THOB PA'I ZAG MED KYI YON TAN GYI RIGS THAMS CAD SKAD CIG GCIG LA MNGON DU BYED CING; DE'I SKAD CIG GNYIS PA DE RNAM MKHYEN GYI YE SHES SU SKYE BA YIN NO, ,DE'I PHYIR MDO LAS SKAD CIG GCIG DANG LDAN PA'I SHES RAB KYIS CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB CES GSUNGS SO, ,DE LTAR MNGON DU BYED NUS PA'I RGYU MTSAN SOGS NI TSIG DON GYIS RTOGS PAR 'GYUR RO, ,GNYIS PA NI, SBYOR BA DE YANG LDOG PA'I MTSAN NYID KYI RNAM PA BZHI YOD PA LAS DANG PO RNAM PAR SMIN PA MIN PA'I SKAD CIG SBYOR LA, DNGOS DANG, DE MTSON BYED KYI DPE GNYIS, DANG PO LA MTSAMS SBYAR NI, DANG PO SOGS SO, ,RTZA BA'I TSIG DON 'GREL PAS 'CHAD PA NI, THUB PA BYANG CHUB SEMS DPA' RGYUN MTHA' PA'I RTOGS PA NI CHOS CAN, SKAD CIG MA GCIG PA'I MNGON PAR RDZOGS PAR BYANG CHUB PA'I SBYOR BA DANG POR SHES PAR BYA STE, RNAM PAR SMIN PA MIN PA'I ZAG MED KYI CHOS RIGS GCIG MNGON DU BYAS PA'I DUS SU KUN MNGON DU BYED NUS PA'I SLOB LAM GYI YE SHES MTHAR THUG YIN PA'I PHYIR, TSUL JI LTAR MNGON DU BYED NA, MANG PO YUL DU BYED PA'I SHES PAS GCIG YUL DU BSDUS PA YOD PA 'BA' ZHIG TU MA ZAD KYI 'ON KYANG ZAG MED KYI CHOS GCIG YUL DU BYED PA'I YE SHES KYIS DU MA YUL DU BYED PA YOD DE, SBYIN PA LA SOGS PA'I YE SHES GCIG DMIGS

, ,PAR BYA BA'I YUL DU BYED PA RGYUN MTHA'I SKAD CIG MA GCIG PA'I YE SHES DES DNGOS PO RNAMS KYI RANG BZHIN SO SOR NGES PAR 'DZIN PA'I PHYIN CI LOG DANG BRAL BA NGO BOS SBYIN PA LA SOGS PA NAS DPE BYAD BZANG PO BRGYAD CU'I BAR GYI MTSAN NYID KYI CHOS RNAMS YUL DU BSDUS PA'I PHYIR; DES NA GZHUNG 'DI'I DON NI 'DI LTAR BSHAD PAR BYA BA YIN GYI, YUL CAN GYIS GCIG MNGON DU BYAS PA NI KUN MNGON DU BYED NUS TE, YUL GCIG GIS KUN BSDUS PA'I PHYIR CES PA LA SBYOR BA NI, BLO CHOS DANG DON CHOS KHYAD PAR MED PAR 'KHRUL BA'I NOR PA CHEN PO YIN LA, ZAG MED KYI YE SHES GCIG MNGON DU BYAS PA NA KUN RDZOB TU BYED NUS PA'I RGYU MTSAN GZHUNG 'OG MA RTZA 'GREL GYIS 'CHAD PA YIN CING, 'DIR NI DE'I SGRUB BYA NYID 'CHAD PA YIN NO, ,GZHAN YANG GCIG YUL DU BYED PA'I YE SHES KYIS KUN YUL DU BYED PA YOD PAR LUNG GIS KYANG 'GRUB STE, 'PHAGS PA LHA'I GZHUNG LUGS LAS CHOS KYI DBYINGS KYI RANG GI NGO BOR GCIG PA LA DGONGS NAS, CHOS DBYINGS DE DNGOS PO GCIG GI DE BZHIN NYID YIN PAR MA ZAD DNGOS PO KUN GYI NGO BO NYID YIN LA, DNGOS PO KUN GYI DE BZHIN NYID YIN PAR MA ZAD DNGOS PO GCIG GI NGO BO NYID KYANG YIN PAS GANG GIS DNGOS PO GCIG GI GNAS LUGS SU GYUR PA'I DE BZHIN NYID MNGON SUM DU MTHONG BA DE YIS DNGOS PO KUN GYI DE BZHIN NYID MNGON SUM DU MTHONG NGO, ZHES 'BYUNG BA'I PHYIR RO, ,DES NA LUNG 'DIS CHOS NYID DNGOS PO GCIG GI GNAS LUGS YIN PA LTAR DNGOS PO KUN GYI GNAS LUGS YIN CES STON PA YIN GYI; t'IKA BYED GZHAN DAG GIS 'CHAD PA LTAR DNGOS PO GCIG GI CHOS NYID DE DNGOS PO KUN GYI CHOS NYID YIN CES PAR BSHAD NA, BUM PA STENG DU BDEN PAR GRUB PA BKAG PA'I CHA DE KA BA'I STENG DU BDEN PAR GRUB PA BKAG PA'I CHA YIN PA SOGS SU 'GYUR BAS GRANGS CAN GYI SPYI GTZO BO DANG, KHYAD PAR CUNG ZAD KYANG MED LA, KHA CIG DON DAM PAR DNGOS PO GCIG GI NGO BO NYID DNGOS PO KUN GYI NGO BO NYID DU 'DUS ZHES 'CHAD PA YANG MI 'THAD DE, DON DAM PAR DNGOS PO GCIG GI NGO BO NYID GZHI MA GRUB PAS DNGOS PO KUN GYI NGO BO NYID DU 'DUS PA 'GAL BA'I PHYIR RO, ,GNYIS PA LA MTSAMS SBYAR NI,

YANG JI LTAR SOGS SO, ,RTZA BA'I TSIG DON 'GREL PAS 'CHAD PA NI, BYANG SEMS RGYUN MTHA' PA CHOS CAN, SKAD CIG MA GCIG KHO NA LA ZAG PA MED PA'I YE SHES GCIG DMIGS NA DE DANG RIGS MTHUN PA MNGON DU BYED NUS PA'I RGYU MTSAN YOD BA YIN TE, SNGON GYI SMON (LAM) GYI 'PHEN PA DANG, CHOS THAMS CAD KYI GNAS LUGS CHOS KYI DBYINGS KYI RANG BZHIN DU RO GCIG PAR GOMS PA MTHAR PHYIN PA'I MTHUS DE LTAR NUS PA'I PHYIR, DPER NA SKYES BU ZHES SOGS SO, ,GNYIS PA RNAM PAR SMIN PA'I SKAD CIG SBYOR LA, MTSAMS SBYAR NI, DE LTAR SOGS SO, ,RTZA BA'I TSIG DON 'CHAD PA NI, RGYUN MTHA'I YE SHES NI, SHER PHYIN PA'I SKAD CIG MA GCIG PA'I MNGON PAR RDZOGS PAR BYANG CHUB PA'I SBYOR BA GNYIS PA YIN TE, SKAD CIG MA GCIG KHO NA LA RNAM PAR SMIN PA'I GNAS SKABS SU THOB PAR GYUR PA'I ZAG PA MED PA'I CHOS RNAMS KYI RIGS THAMS CAD MNGON DU GYUR PA'I SGO NAS RTOGS PA'I SLOB LAM GYI YE SHES MTHAR THUG YIN PA'I PHYIR, NAM GYI TSE RTOGS ZHE NA, GANG GI TSE BYANG CHUB SEMS DPA' GNYEN PO BSGOMS PAS MI MTHUN PA'I PHYOGS THAMS CAD DANG BRAL BA NA RNAM PAR BYANG BA'I PHYOGS RNAM PAR SMIN PA CHOS NYID KYI GNAS SKABS SU THOB PA'I YON TAN RNAMS DRI MA THAMS CAD DANG BRAL BAS STON KA'I ZLA BA'I 'OD BZHIN DU DKAR BA'I NGO BO NYID SKYES PA DE'I TSE'O, ,GSUM PA MTSAN NYID MED PA'I SKAD CIG SBYOR LA, MTSAMS SBYAR NI, DE LTAR SOGS SO, ,RTZA BA'I TSIG DON 'CHAD PA NI, RGYUN MTHA'I YE SHES CHOS CAN, SKAD CIG MA GCIG PA MNGON PAR RDZOGS PA BYANG CHUB PA'I SBYOR BA GSUM PA YIN TE, SBYIN PA LA SOGS PA CES PA NAS MTSAN NYID MED PA NYID DU SHES PA'I SLOB LAM GYI RNAL 'BYOR MTHAR THUG YIN PAS NA'O, ,DE LTAR SHES NUS PA'I RGYU MTSAN YOD DE, SNGON CHOS THAMS CAD CES PA NAS SGRUB PAS YUN RING DU GNAS PA'I RGYU MTSAN GYIS DE LTAR SHES PA'I PHYIR, BZHI PA GNYIS SU MED PA'I SKAD CIG SBYOR LA, MTSAMS SBYAR NI, DE LTAR SOGS SO, ,RTZA BA'I TSIG DON 'CHAD PA NI, RGYUN MTHA'I YE SHES CHOS CAN, SKAD CIG MA GCIG PA'I MNGON PAR RDZOGS PAR BYANG CHUB PA'I SBYAR BA BZHI PA YIN NO, ,CHOS RNAMS KYI DE KHO NA NYID GNYIS SU MED PA'I TSUL DU SKAD CIG MA GCIG KHO NAS RTOGS PA'I SLOB LAM GYI

, ,RNAL 'BYOR MTHAR THUG YIN PAS NA'O, ,DE LTAR RTOGS NUS PA'I RGYU MTSAN YOD DE, YUN RING MO ZHES PA NAS CHOS THAMS CAD KYANG GZUNG 'DZIN GNYIS SU BDEN PA DANG BRAL BA DE LTA BU'I CHOS NYID YIN NO ZHES RTOGS NUS PA'I PHYIR, GSUM PA SKABS BSDU BA NI, SHER PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL BA'I RNAM BSHAD RTOGS PAR DKA' BA'I SNANG BA LAS SKABS BDUN PA'I RNAM PAR BSHAD PA'O,, ` ,,GSUM PA THOB BYA'I 'BRAS BU CHOS KYI SKU LA, 'BREL BKOD PAS MTSAMS SBYAR, 'BREL PA CAN GYI RAB BYED BSHAD, SKABS BSDU BA DANG GSUM LAS, DANG PO NI, SKAD CIG SBYOR GYI 'OG TU CHOS SKU GSUNGS PA'I RGYU MTSAN YOD DE, SKAD CIG MA GCIG PA'I MNGON PAR RDZOGS PAR BYANG CHUB PA RNAM BAR SGOM PA'I SKAD CIG MA GNYIS PA LA, CHOS KYI SKUR MNGON PAR RDZOGS PAR BYANG CHUB PA 'BYUNG BA'I RGYU MTSAN GYIS YIN PA'I PHYIR, GNYIS PA LA SPYI DANG, YAN LAG GI DON NO, ,DANG PO LA SKU DANG, YE SHES DANG, 'PHRIN LAS KYI RNAM PAR BZHAG PA GSUM MO, ,DANG PO LA DBYE BA DANG, PHYE BA SO SO'I NGO BO DANG, DNGOS BTAGS DPYAD PA DANG GSUM MO, ,DANG PO NI, GZHAN DAG NA RE, 'PHAGS PA LTAR NA, NGO BO NYID SKU DANG, LONGS SPYOD RDZOGS PA'I SKU DANG SPRUL PA'I SKU STE GSUM KHO NAR NGES PA YIN LA, SLOB DPON LTAR NA ZAG MED KYI YE SHES NYER GCIG PO RNAMS CHOS KYI SKU ZHES SKU LOGS PAR RNAM PAR BZHAG NAS SKU BZHI KHO NAR BZHED KYI SKU GSUM DU MI BZHED DO ZHES ZER RO, ,DE NI MI 'THAD DE, SLOB DPON SKU GSUM DU MI BZHED NA, 'GREL CHEN DU RNAM PA KUN GYI MCHOG LDAN SKU NI GSUM PO NGES PAR THOB PAR SHOG ,CES GSUNGS PA DANG DNGOS SU 'GAL LO, ,'PHAGS PA YANG RDZOGS PA'I SANGS RGYAS KYI ZAG MED KYI YE SHES RNAMS NGO BO NYID SKU DANG, GZUGS SKU GANG YANG MIN BA'I SKU LOGS PAR BZHED DGOS TE, GZHAN DU MA [?] RDZOGS PA'I SANGS RGYAS KYI RNAM MKHYEN LA SOGS PA'I RTOGS PA'I CHA THAMS CAD SKU MIN PAR THAL BA'I PHYIR RO, ,'DI LA KHA CIG 'PHAGS PA LTAR NA, ZAG MED KYI YE SHES RNAMS NGO BO NYID SKU'I YON TAN YIN CING, YON TAN YANG YON TAN CAN GYI KHONGS SU 'DUS PAS SKU LOGS PAR MI 'THAD BA

YIN NO ZER RO, ,DE LTA NA GZUGS SKU GNYIS KYANG SKU LOGS PAR MI 'THAD PAR 'GYUR TE, NGO BO NYID SKU DANG, GZUGS SKU RANG BZHIN DANG RANG BZHIN CAN YIN PAS KHONGS SU 'DU BA'I PHYIR 'KHOR GSUM KHAS SO, ,GZHAN YANG 'PHAGS PA LTAR NA, CHOS SKU YIN NA SKU MIN PAS KHYAB PAR THAL TE, CHOS SKU YIN NA NGO BO NYID SKU YIN PAS KHYAB PAR BZHED CING SKU'I DON NI LUS KYI DON NAM, NGO BO NYID SKU LA SKU ZHES PA'I SGRA SBYAR BA DE BTAGS BA BA'I DBANG DU BYAS PAR BZHED PA'I PHYIR TE, NYI KHRI SNANG BAR, DE LA SKU ZHES BRJOD PA NI, SNGON GYI GNAS SKABS KYI RJES SU 'BRANG NAS NYE BAR BTAGS PA YIN PAR RIG BAR BYA'O, ZHES GSUNGS PAS SO, ,DE BAS NA 'PHAGS PA DANG SLOB DPON GNYIS KA YANG, MDOR BSDU NA RANG DON CHOS KYI SKU DANG, GZHAN DON GZUGS KYI SKU GNYIS SU BSDU BA DANG, GZUGS SKU LA LONGS SPRUL GNYIS SU PHYE BAS SKU GSUM DANG, CHOS SKU LA SPANGS PA'I NGO BO NYID KYI SKU DANG, RTOGS PA ZAG MED KYI YE SHES GNYIS SU PHYE BAS SKU BZHIR DBYER RUNG BAR BZHED PA LA NI KHYAD PAR CUNG ZAD KYANG MED LA, 'ON KYANG SKABS 'DI'I GZHUNG GI 'CHAD TSUL LA MI MTHUN BA YIN TE, 'DI LTAR 'PHAGS PA LTAR NA, BYANG CHUB PHYOGS MTHUN TSAD MED DANG, ZHES BYA BA LA SOGS PA NI, THUB PA'I NGO BO NYID SKU NI, ZHES SOGS KYI RGYAS BSHAD YIN PAS, GZHUNG DE GNYIS KYIS ZAG MED KYI YE SHES LA CHOS SKUR BZHAG PA'I SKU DANG, NGO BO NYID SKU GNYIS LAS GANG RUNG ZHIG BSTAN NA BSTAN MNYAM DU 'DOD DGOS LA, DE'I PHYIR BYANG CHUB PHYOGS MTHUN TSAD MED DANG, ZHES SOGS KYIS ZAG MED KYI YE SHES LA SKU LOGS BAR BZHAG PA'I CHOS SKUR 'CHAD BA YIN NA, THUB BA'I NGO BO NYID SKU NA, SOGS KYANG DE NYID 'CHAD PAR 'GYUR BAS, NGO BO NYID SKU MA BSTAN PAR 'GYUR RO, ,GZHUNG SNGA PHYI GNYIS KAS KYANG NGO BO NYID SKU KHO NA STON PA YIN NO, ZHES BZHED LA SLOB DPON NI GZHUNG DE GNYIS MDOR BSTAN RGYAS BSHAD MIN GYI, DANG POS NGO BO NYID SKU DANG, GNYIS PAS ZAG MED KYI YE SHES LA CHOS SKUR BZHAG PA DE NYID 'CHAD BA YIN PAS 'DIR SKU BZHIR PHYE BA'I DBANG DU BYAS PA YIN NO, ZHES BZHED PA TZAM YIN CING, DE DAG GI BRGAL LAN NI TSIG DON GYIS RTOGS PAR NUS SO, ,GNYIS PA SO SO'I NGO BO NI, NGO BO NYID SKU'I MTSAN NYID, STOBS SOGS BRAL 'BRAS

, ,SUM CU RTZA GNYIS DANG LDAN PA'I DAG PA GNYIS LDAN GYI DE BZHIN NYID, LONGS SPYOD RDZOGS SKU'I MTSAN NYID, BSOD NAMS KYI TSOGS KYI RNAM SMIN GYI 'PHRAS BUR GYUR PA'I NGES PA LNGA LDAN GYI GZUGS SKU MTHAR THUG SPRUL SKU'I MTSAN NYID, BSOD NAMS KYI TSOGS KYI BDAG 'BRAS GANG ZHIG; SO SKYE LAS DAG LA YANG DNGOS SU SNANG BA'I GZUGS SKU'O, ,BYANG CHUB PHYOGS MTHUN TSAD MED DANG, ZHES SOGS KYIS BSTAN PA'I CHOS SKU'I MTSAN NYID, YE SHES KYI TSOGS KYI RGYU MTHUN GYI 'BRAS BUR GYUR PA'I ZAG MED KYI YE SHES MTHAR THUG GO, 'DI DAG GI SPROS PA RGYAS PAR GZHAN DU SHES PAR BYA ZHING 'DIR MDAS PAS 'JIGS TE MA BRIS SO, ,GSUM PA DNGOS BTAGS DPYAD PA NI, KHA CIG NA RE, NGO BO NYID SKU SANGS RGYAS MIN TE, SHES BYA MI MKHYEN PA'I PHYIR RO, ZHES ZER BA NI BA BCOL TE, MKHYEN PA MED PA'I PHYIR RO, ZHES ZER RAM, MKHYEN PA MIN PA'I PHYIR RO ZHES ZER, DANG PO LTAR NAM GRUB STE, STOBS SOGS BRAL 'BRAS KYI YON TAN THAMS CAD 'DI LA MNGA' BA'I PHYIR DANG, RNAM PA THAMS CAD MKHYEN PA'I YE SHES KYANG 'DI'I BDAG NYID YIN PA'I PHYIR, GNYIS PA LTAR NA GZUGS SKU GNYIS KYANG SANGS RGYAS MIN PAR THAL LO, ,GZHAN YANG MI GNAS PA'I MYA NGAN LAS 'DAS BA STE; CHOS THAMS CAD MNGON PAR RDZOGS PAR BYANG CHUB PA'I BYANG CHUB KYANG MIN PAR THAL, DAG PA GNYIS LDAN GYI 'GOG BDEN SANGS RGYAS YIN PA'I PHYIR RO, ,YANG KHA CIG NA RE, GZUGS SKU GNYIS KYANG SANGS RGYAS MIN TE, SANGS RGYAS KYI GZUGS BRNYAN TZAM YIN PA'I PHYIR, DE LTAR YANG RGYUD BLAR JI LTAR BEE d'URYA SA GZHI GTZANG MA LA, ,LHA DBANG LUS KYI GZUGS BRNYAN SNANG BA LTAR, ,DE BZHIN 'GRO SEMS SA GZHI GTZANG MA LA, ,THUB PA'I DBANG PO'I SKU YI GZUGS BRNYAN 'CHANG, ZHES GSUNGS BAS SO, ZHES ZER RO, ,DE LTA NA DE BZHIN GSHEGS PA'I SKU LA DAN SEMS KYIS KHRAG PHYUNG BA'I MTSAMS MED MI SRID PAR THAL BA DANG, SANGS RGYAS KYI BKA' MI SRID PAR THAL BA DANG, SANGS RGYAS YIN NA DNGOS SU CHOS 'KHOR MI BSKOR BAS KHYAB PAR THAL BA DANG, BYANG SEMS LA DNGOS SU SNANG BA'I SANGS RGYAS MI SRID PAR THAL LO, ,RGYUD BLA'I LUNG DE NI, JI LTAR BE d'URYA'I SA GZHI GTZANG MA

LA BRGYA BYIN GYI GZUGS BRNYAN 'CHAR GYIS PHAL PA LA MI 'CHAR BA LTAR, GDUL BYA'I SEMS LAS DAG CING GTZANG BA LA GZUGS SKU'I GZUGS BRNYAN NAM RNAM PA 'CHAR GYI MA DAG PA LA MI 'CHAR ZHES BA DANG, RTOG PA MED KYANG GDUL BYA'I DON BYED PA'I DPE TZAM YIN GYI BRGYA BYIN GYI GZUGS BRNYAN BRGYA BYIN MIN PA LTAR, GZUGS SKU SANGS RGYAS MIN ZHES STON PA MIN PAS SNYING PO MED PA'I TSIG GIS RGYUD MA RUNGS PAR MA BYED CIG, GNYIS PA YE SHES KYI RNAM GZHAG NI, RDZOGS PA'I SANGS RGYAS KYI YE SHES DE YANG SO SOR PHYEN RNAM PA GNYIS YOD DE, 'DI LTAR JI LTA MKHYEN PA DANG JI SNYED MKHYEN PA'I YE SHES SO, ,DANG PO NI, RDZOGS PA'I SANGS RGYAS KYI THUGS RGYUD LA YOD BDON DAM PA'I BDEN PA CHOS NYID 'JAL BAS KHYAD PAR DU BYAS PA YIN LA, JI SNYED PA MKHYEN PA'I YE SHES NI, JI SNYED PA KUN RDZOB KYI BDEN PA CHOS CAN SNA TSOGS PA 'DI 'JAL BAS RAB TU PHYE BA YIN CING, DE LA JI LTA BA MKHYEN BA'I YE SHES KYIS JI SNYED BA DNGOS SU 'JAL BA MIN LA, JI SNYED PA MKHYEN PA'I YE SHES KYIS JI LTA BA DNGOS SU 'JAL BA MIN NO, ,'DI JI LTAR SHES PAR BYA ZHE NA, GAL TE DE LTA MIN BAR 'JAL NA, KUN RDZOB BDEN PA CHOS CAN, KHYOD DON DAM BDEN PAR THAL, KHYOD DON DAM DPYOD BYED KYI TSAD MAS DNGOS SU RNYED DON YIN PAS KHYAB PA'I PHYIR, MA GRUB NA KHYONG SANGS RGYAS KYI JI LTA BA MKHYEN PA'I YE SHES KYI DNGOS KYI GZHAL BYA YIN PA BUD DO, ,GAL TE DE LTA NA DON DAM DPYOD BYED KYI TSAD MA'I DNGOS KYI GZHAL BYA YIN NA, DES DNGOS SU RNYED DON YIN DGOS PAR SONG BAS, MYU GU DANG BDEN MED KYI TSOGS DON DE MYU GU BDEN MED DU 'NGAL BA'I RIGS SHES RJES DPAG GIS DNGOS SU RNYED DON DU THAL, DE'I DNGOS KYI GZHAL BYA YIN PA'I PHYIR, 'DOD NA DON DAM BDEN PAR THAL LO ZHE NA, MI MTSUNGS TE, 'DI LTAR DON DAM DPYOD BYED KYI RIGS SHES RJES DPAG GI DNGOS KYI GZHAL BYA YIN PA LA DPE DNGOS SU RNYED DON YIN PAS KHYAB CING, DON DAM DPYOD BYED KYI RNAL 'BYOR MNGON SUM TSAD MAS DNGOS SU GZHAL NA DES DE DNGOS SU RNYED DON YIN PAS KHYAB PA'I PHYIR RO, ,DER THAL, DON DAM DPYOD BYED KYI RIGS SHES RJES DPAG YIN PA LA, RANG GI DNGOS KYI GZHAL BYA YIN NA GNYIS SNANG NUB PA'I SGO NAS 'JAL BAS MA KHYAB CING, DON DAM

, ,DPYOD BYED KYI RNAL 'BYOR MNGON SUM YIN NA RANG GI DNGOS KYI GZHAL BYAR GANG SONG THAMS CAD GNYIS SNANG NUB PA'I SGO NAS 'JAL BAS KHYAB BA'I PHYIR DANG, YUL DE LA GNYIS SNANG YOD NA YUL DE LA DON DAM DPYOD BYED KYI TSAD MAR 'GAL BA'I PHYIR TE, DON DAM PA'I BDEN PA NI GNYIS SNANG GI SPROS PA MA LUS PA YANG ZHIB YIN PA'I PHYIR RO, ,NGES NA DE 'DRA'I RIG SHES DE YANG MYU GU'I STENG DU BDEN PA RNAM PAR BCAD TZAM LA DON DAM DPYOD BYED KYI TSAD MA YIN KYANG, DE LA GNYIS SNANG MED LA, MYU GU DANG BDEN MED KYI TSOGS DON LA GNYIS SNANG YOD KYANG DON DAM DPYOD BYED KYI TSAD MA MIN NO; ;'DI DAG GI DGAG SGRUB RGYAS PAR GZHAN DU 'CHAD PAR 'DOD DO, ,GZHAN YANG DON DAM DPYOD BYED KYI TSAD MA DANG, KUN RDZOB DPYOD BYED KYI TSAD MA MI 'GAL NA, DE DAG GI DNGOS SU RNYED DON GNYIS KYANG MI 'GAL BAR THAL, 'GAL NA SANGS RGYAS KYI YE SHES THAMS CAD JI LTA BA DANG JI SNYED BA MKHYEN BA'I YE SHES GNYIS GANG YIN PA 'GAL LO, ,'ON RNAM MKHYEN GANG LA BYA ZHE NA, YE SHES DE GNYIS KA CHA SHES SU LDAN PA'I SANGS RGYAS KYI YE SHES NYID YIN NO, ,DES JI LTA BA YANG 'JAL LA, JI SNYED PA YANG 'JAL MOD KYI, JI LTA BA MKHYEN PA'I YE SHES DANG, JI SNYED PA MKHYEN BA'I YE SHES YIN MI DGOS TE DPER NA KHRA 'DZIN MIG SHES KYIS SNGON BO 'DZIN YANG SNGO 'DZIN MIG SHES YIN MI DGOS BA BZHIN NO, ,DE LA JI LTA BA MKHYEN BA'I YE SHES DE NI DAG PA GNYIS LDAN GYI CHOS DBYINGS RTOGS PAS RAB TU PHYE BA'I PHYIR CHOS DBYINGS YE SHES SHES BYA LA JI SNYED PA MKHYEN PA'I YE SHES DE NYID YUL 'JAL TSUL GYI LDOG BA'I SGO NAS YE SHES BZHIR PHYE BA YIN NO, ,DE YANG 'DI LTAR YE SHES NGES CHOS CAN MTHA' DAG LA RIS SU MCHAD PAR DMIGS BA'I LDOG BA NAS ME LONG LTA BU'I YE SHES DANG, BDAG GZHAN MNYAM NYID DU DMIGS PA'I LDOG PA NAS MNYAM PA NYID KYI YE SHES DANG, CHOS CAN MTHA' DAG GI NANG SEL GYI DBYE BAM 'DRES BAR RTOGS BA'I LDOG PA NAS SO SOR RTOG BA'I YE SHES DANG, SGO LNGA'I SNANG BA LA 'DOD DGUR DBANG BGYUR BA'I NUS PA DANG LDAN PA'I LDOG PA NAS BYA BA GRUB PA'I YE SHES SU BZHAG PA'I PHYIR, SLOB DPON MA TI TZI TRAS BSHAD PA LTAR RO, ,'O NA YE SHES DE DAG GIS YUL RNAM BA DANG BCAS PA'AM, 'ON

TE RNAM PA MED PAR 'JAL ZHE NA, 'DI LA SNGON GYI SLOB DPON DAG GI 'CHAD LUGS MI 'DRA BA GNYIS 'BYUNG MOD KYI GZHUNG 'DIR 'THAD PA'I PHYOGS NI 'DI YIN TE, SANGS RGYAS KYI YE SHES LA RANG GI NGO BO MYONG BA GSAL RIG GI CHA DANG, YUL RTOGS PA'I CHA GNYIS DBYER MI RUNG NA, SANGS RGYAS LA RANG RIG MED PAR 'GYUR LA, YED NA GZUNG RNAM DANG 'DZIN RNAM GYI CHA GNYIS YOD PA'I PHYIR, YUL GYI RNAM PA 'CHAR BAR GRUB GO ,DE'I PHYIR RNAM PA DANG BCAS BA NYID DU 'THAD DO, ,DE YANG SANGS RGYAS KYI GZUGS KYI SKU GNYIS PO DE SANGS RGYAS KYI YE SHES NI MIN TE, DE YIN NA SHES PA YANG YIN, KHA DOG DANG DBYIBS KYI KHYAD PAR DU BYAS PA YANG YIN PA SRID PAR THAL BA'I PHYIR, GDUL BYA SO SKYES KYANG RNAM MKHYEN MNGON SUM DU MTHONG BA SRID PAR THAL BA'I PHYIR, 'ON KYANG GZUGS SKU GNYIS PO DE SANGS RGYAS KYI YE SHES DANG BDAG NYID GCIG YIN GYI RDZAS GZHAN NI MIN TE, RDZAS GZHAN YIN NA RNAM MKHYEN DANG DUS MNYAM ZHING RDZAS GZHAN YIN PAR 'BREL MED DU 'GYUR LA, DES NA SANGS RGYAS MIN PAR THAL BA'I PHYIR RO, ,SANGS RGYAS KYI YE SHES MIN YANG YE SHES KYI BDAG NYID YIN PA MI 'GAL TE, RTOG PA DANG DE MYONG RANG RIG BZHIN NO, ,GSUM BA 'PHRIN LAS LA BYA BA LAS LA YOD PA DANG, BYED PA PO LA YOD PA GNYIS, DANG PO NI, SANGS RGYAS KYI YE SHES KYI BDAG RKYEN LAS BYUNG BA'I GDUL BYA'I RGYUD KYI MNGON MTHO'AM NGES LEGS KYI RANG BZHIN GYI DGE LEGS SO, ,GNYIS PA NI, SANGS RGYAS KYI YE SHES LA YOD PA'I DE DAG SGRUB PA'I NUS BA'O, ,DE LA SNGA MA DNGOS DANG, PHYI MA BTAGS PA PA'O, ,GNYIS PA YAN LAG GI DON LA, RTEN SKU'I DBYE BA DANG BRTEN PA 'PHRIN LAS BSHAD PA'O, ,DANG PO NI, DE YANG NGO BO NYID KYI SKU LA SOGS PA'I DBYE BAS RNAM PA BZHI YIN PA LAS, DANG PO NGO BO NYID KYI SKU 'CHAD DO, ,DE LA RTZA BA NI 'PHAGS PA LTAR NA THUB PA'I NGO BO NYID SKU NI RNAM PA KUN TU RNAM PAR DAG CING ZAG PA MED PA'I CHOS GANG DAG THOB PAR GYUR PA'I YE SHES DE DAG GI RANG BZHIN NAM GNAS LUGS SU GYUR PA'I MTSAN NYID CAN NO, ZHES 'CHAD LA, DE LTAR NA ZAG BA MED PA'I CHOS ZHES SANGS RGYAS KYI YE SHES SO, ,SLOB DPON LTAR NA, THUB PA'I NGO BO NYID SKU NI SLOB LAM DU ZAG PA MED PA'I CHOS 'JIG RTEN LAS 'DAS PA'I YE SHES GANG DAG BSGOMS PA LA BRTEN NAS THOB

, ,BAR GYUR CING RNAM PA KUN TU GLO [?] BUR GYI DRI MAS RNAM BAR DAG PA DE DAG GI RANG BZHIN GDOD MA NAS RNAM PAR DAG PA'I CHOS DBYINGS SKYE BA MED PA'I MTSAN NYID CAN NO, ZHES 'CHAD DO, ,'GREL PA LA DNGOS DANG, CHOS CAN GYI SKU GSUM LOGS SU BZHAG PA'I DGOS PA'O, ,DANG PO NI, THUB BA SANGS RGYAS BCOM LDAN 'DAS KYI NGO BO NYID KYI SKU NI CHOS CAN, ZAG PA MED PA YIN TE, DRAN PA NYE BAR BZHAG PA LA SOGS PA YE SHES KYI BDAG NYID 'JIG RTEN LAS 'DAS BA'I CHOS KYI DBYINGS KYI NGO BO NYID KYIS SO, ,SANGS RGYAS KYI YE SHES GANG DAG YIN PA DE DAG GI RANG BZHIN NGO BO NYID KYIS SKYE BA MED BA'I NGO BO NYID NI CHOS CAN, NGO BO NYID SKU 'DI YIN TE, DRI MA RNAMS GLO BUR BA YIN PA NYID KYIS RNAM PA THAMS CAD DU RNAM PAR DAG CING, RANG BZHIN GYIS DRI MAS DBEN PA'I MTSAN NYID DU GYUR BA'I 'GOG BDEN MTHAR THUG YIN PA'I PHYIR, NGO BO NYID SKU CHOS CAN, 'JIG RTEN LAS 'DAS PA'I LAM GYIS MNGON DU BYAS PA'I SGO NAS 'THOB KYI RGYU RKYEN GYIS GSAR DU BSKYED CING BYAS PA NI MIN TE, RNAM PAR SHES PA SGYU MA LTA BUS CHOS THAMS CAD KYI GNAS LUGS RTOGS PAS CHOS LA DRI MA BSAL BA'I STOBS KYIS 'THOB BA YIN CING, RANG NYID BCOS MA MIN PA'I GNAS LUGS YIN BA'I DON GYIS SO, ,GNYIS PA NI; DRAN PA NYE BAR BZHAG PA LA SOGS PA YE SHES KYI BDAG NYID CES SOGS SMRAS PA LA, SKU LHAG MA GSUM PO NGO BO NYID SKU LA SKU LOGS PAR 'JOG PA MI 'THAD PAR THAL, DE'I BDAG NYID YIN PA'I PHYIR ZHE NA, SKU LHAG MA GSUM PO CHOS CAN, DON DAM PAR NGO BO NYID SKU DE DANG THA MI DAD KYANG, THA DAD RNAM PAR BZHAG PA LA DGOS PA YOD DE, DON DAM PAR CHOS NYID KYI NGO BO YIN KYANG YANG DAG PA'I KUN RDZOB TU SNANG BA GANG ZAG SO SO'I JI LTAR MOS PAS THA DAD DU PHYE BA YIN NO, ZHES BSTAN PA'I CHED DU YIN PA'I PHYIR, SNANG TSUL THA DAD PAS JI LTAR PHYE NA, SKU LHAG MA GSUM PO RIM PA BZHIN SANGS RGYAS DANG; BYANG CHUB SEMS DPA' DANG, NYAN THOS LA SOGS PA'I DNGOS KYI SPYOD YUL DU RNAM PAR BZHAG PA YIN NO, ,DON DAM PAR THA MI DANG BA'I RGYU MTSAN LUGS LAS, STONG NYID CES BYA SHES PA LAS, ,GZHAN NI 'GA' YANG YOD MIN TE, ,GANG PHYIR DBEN BAS DBEN GYUR LAS, ,THA MI DAD PA NYID DU 'DOD,

CES 'BYUNG BA'I PHYIR, GNYIS PA CHOS KYI SKU LA, DNGOS KYI DON, YON TAN GYI KHYAD PAR, DE LA RTZOD PA SPANG BA DANG GSUM, DANG PO LA, GZHUNG 'DIS YE SHES KYI SKU BSTAN BAR BSHAD, MA BSTAN PAR 'DOD PA DGAG, BSTAN PAR 'DOD PA LA RTZOD PA SPANG BA'O, ,DANG PO LA MTSAMS SBYAR NI, DE LTAR SOGS SO, ,RTZA BA NI BYANG CHUB CES SOGS SO, ,'GREL PA LA, YON TAN SO SOR BSHAD PA DANG BSDOMS TE SKUR BZHAG PA GNYIS, DANG PO LA, YON TAN 'DI DAG PHAL CHER SNGAR BSHAD ZIN PAS YANG MI 'CHAD CING, SNGAR MA BSHAD PA RNAMS 'DIR BSHAD PAR BYA'O, ,DE YANG SDE CHEN NYER GCIG GI LNGA PA ZAD PAR LA BRGYAD LAS; MTSAN NYID NI, BSAM GTAN LA BRTEN NAS DMIGS PA'I SNANG BA MTHA' YAS PA SPRO BA BYED PA'A [?] 'JIG RTEN PA'I TING NGE 'DZIN DANG SHES RAB MTSUNGS LDAN DANG BCAS PA'O, ,GNYIS PA SGRA DON NI, RGYUN MI 'CHAD PAR KHYAB PAR SPRO BA'I PHYIR ZAD PAR ZHES BYA'O, ,GSUM BRTEN LA LUS RTEN NI, MDZOD LAS; GZUGS MED CES BYA KHAMS GSUM GYI, ,RTEN CAN LHAG MA MI LAS SKYE, CES GSUNGS BA LTAR YIN LA, SEMS RTEN NI, KUN LAS BTUS LAS, THAMS CAD KYANG BSAM GTAN GYI DNGOS GZHI LA BRTEN BAR BSHAD LA, MDZOD LAS, DANG PO BRGYAD BSAM GTAN BZHI PA DANG, THA MA GNYIS NAM MKHA' DANG RNAM SHES LA BRTEN BAR BSHAD DO, ,BZHI BA DMIGS PA LA, SA'I DMIGS RTEN MA BSHAD CING, GZHAN RNAMS KYI RIM PA LTAR, SNOD CHU GTZANG MAS BKANG BA DANG, ME SBAR BA DANG, RLUNG LUS LA PHOG PA DANG, TSON SNGON POS DKYIL 'KHOR BYAS PA DANG, DE BZHIN DU SER PO DANG, DMAR PO DANG, DKAR POS BYAS PA DANG, MTHO GANG SOR BZHI TZAM GYI BUG [?] NAS NAM MKHA'I MTHONGS BTOD PA DANG, BUM PA'I NANG DU MAR ME BZHAG BA'I 'OD BU GA'I NGOS NAS RTZIG PA LA PHOG PA RNAMS SO, ,LNGA PA SBYONG BA'I TSUL NI, BSAM GTAN GYI DNGOS GZHI LA BRTEN NAS DMIGS RTEN DE DAG YUL DU BYAS TE, CHU ZHES SOGS SO SO'I MING TZAM LA DMIGS NAS YANG DANG YANG DU GOMS BAR BYED PAS SO, ,DE YANG SBYANGS PA MA BYAS PA'I DBANG DU BYAS PA YIN GYI, SNGAR SBYANGS BA BYAS PA LA NI DMIGS RTEN MTHONG BA TZAM GYIS RANG BZHIN MNGON DU 'GYUR BA YOD DE, 'PHAGS PA LEGS MTHONG BZHIN NO, ,DRUG PA MTSAN

, ,MA LA, 'DZIN PA'I MTSAN MA NI, SNGA MA BRGYAD LA DMIGS RTEN G-YO BA'I RNAM BA CAN DANG, PHYI MA GNYIS LA RIM BZHIN, BSKYED KYANG MI 'PHEL BA DANG, THOGS BCAS SU SNANG BSTE MA GRUB PA'I RTAGS SO, ,SNANG BA'I MTSAN MA NI, NAM MKHA' LA GNAS PA'I NOR BU'I RLUNG LTAR MI G-YO BA'I RNAM BCAN DU SNANG BA DANG, NAM MKHA' LA GNAS PA'I ZLA BA DMAR PO LTA BU DANG, 'DUG PA LTAR MI G-YO BA DANG, SNGON PO SOGS BZHI'I DMIGS RTEN NAM MKHAR 'PHAGS NAS NOR BU'I RLUNG G-YAB SNANG BA DANG, NAM MKHA'I DKYIL 'KHOR LTAR GYUR NAS GNAS SHING BSKYED NA 'PHEL BA DANG, SNANG BA'I TSOGS STUG PO RAB TU DANG BA DANG 'DRA BAR THAMS CAD LA GSAL BA RNAMS TE, GRUB BA'I RTAGS SO, ,BDUN PA BYED LAS NI, RIM PA LTAR SPRUL NAS GOMS BA 'DOR BA SOGS DANG, PHUNG PO SBYONG BA SOGS DANG, RLUNG LTAR MGYOGS PAR 'GRO BA DANG, RIN PO CHE SNGON BO SOGS KYIS GZHIR BSGYUR BA SOGS DANG RTZIG PA SOGS LA THOGS MED DU 'GRO BA DANG, RMUGS PA DANG, GNYID KYANG RING DU BYED PA LA SOGS PA'O, ,BRGYAD PA DBYE BA NI, ZAD PAR GYI TING NGE 'DZIN CHOS CAN, KHYOD LA RNAM PA BCU YOD DE, KHYOD LA DBYEN BDAG RKYEN BSAM GTAN LA BRTEN NAS DMIGS YUL SA DANG CHU DANG ME DANG RLUNG DANG SNGON PO DANG SER PO DANG DMAR PO DANG DKAR PO DANG NAM MKHA' DANG RNAM PAR SHES BA ZHES BYA BA RNAMS LA SO SOR DMIGS NAS JI LTAR 'DOD BA BZHIN KHYAB PAR SPRO BA'I 'JIG RTEN PA'I TING NGE 'DZIN DANG SHES RAB MTSUNGS LDAN DANG BCAS PA RNAMS SU YOD PA'I PHYIR, CI'I PHYIR SKYE MCHED GZHAN LA ZAD PAR MA BZHAG CE NA; DBANG PO RNAMS NI PHYI ROL DU SPRO MI NUS LA, SGRA LA RGYUN MED CING, DRI RO GZUGS KHAMS NA MED PAS KHYAB PAR SPRO MI NUS PA'I PHYIR DANG, RTEN 'BYUNG BA MED PAR BRTEN PA 'BYUNG 'GYUR KHYAB PAR SPRO MI NUS BA'I PHYIR RO, ,DRUG PA RKYEN GYIS MI GNOD PA'I SKYE MCHED LA, NANG GZUGS SU 'DU SHES PA DAG GIS SO SOR CHUNG DU'I RNAM BA DAG TU PHYI ROL GYI GZUGS RNAMS LA BLTA BA DANG, CHEN PO'I RNAM PA DAG TU PHYI ROL GYI GZUGS RNAMS LA LTA BA GNYIS DANG, NANG GZUGS MED PAR 'DU SHES PA DAG GIS KYANG DE LTAR BLTA PA GNYIS KYI SGO NAS DMIGS PA DE DAG ZIL GYIS MNAN NAS SHES

ZIL GYIS MNAN NAS MTHONG ZHES BYA BA BZHI NI, RNAM THAR DANG PO GNYIS KYI RGYU LAS BYUNG BA YIN CING, CHE CHUNG NI SNOD BCUD DANG, BZANG NGAN NI LHA MI DANG, MDZES MI MDZES NI YID DU 'ONG MI 'ONG YIN LA, SHES PA NI ZHI GNAS KYIS DANG, MTHONG BA NI LHAG MTHONG GIS SO, ,YANG NANG GZUGS MED PAR 'DU SHES BDAG KHO NAS PHYI'I GZUGS SNGON PO KHA DOG SNGON PO SNGON PO LTA BUR STON PA, 'OD SNGON PO 'BYUNG BA RNAMS LA BLTA ZHING DE DAG ZIL GYIS MNAN NAS SHES, ZIL GYIS MNAN NAS MTHONG BA'I TING NGE 'DZIN DANG SHES RAB MTSUNGS LDAN DANG BCAS PA DANG, DE BZHIN DU SER BO DANG, DMAR PO DANG, DKAR PO DAG ZIL GYIS MNAN NAS SHES SHING MTHONG BA'I TING NGE 'DZIN DANG SHES RAB MTSUNGS LDAN DANG BCAS PA ZHES BYA BA BZHI STE, SDUG PA'I RNAM THAR GYI RGYU LAS 'BYUNG BA'O, ,DE YANG MDO LAS, NANG GZUGS MED BAR 'DU SHES PAS PHYI ROL GYI GZUGS SNGON PO, KHA DOG SNGON PO, SNGON PO LTA BUR STON BA, 'OD SNGON PO 'BYUNG BA RNAMS LA BLTA STE, DPER NA ZAR MA'I ME TOG GAM YUL BA RA NA SE'I RAS PHUN SUM TSOGS PA SNGON PO, KHA DOG SNGON PO, SNGON PO LTA BUR STON PA, 'OD SNGON PO 'BYUNG BA BZHIN DU NANG GZUGS MED PAR 'DU SHES PAS PHYI ROL GYI GZUGS SNGON PO, ,KHA DOG SNGON PO, ,SNGON PO LTA BUR STON PA; 'OD SNGON PO 'BYUNG BA'I GZUGS DE DAG ZIL GYIS MNAN NAS SHES ZIL GYIS MNAN NAS MTHONG STE, DE LTAR 'DU SHES PA 'DI NI ZIL GYIS GNON PA'I SKYE MCHED LNGA PA'O, ZHES DANG, DE BZHIN DU SER PO LA LA DONG KA'I ME TOG DANG, DMAR PO LA BANDHU DZI KA'I ME TOG DANG, DKAR PO LA SKAR MA PA BA SANGS DANG SBYAR NAS GZHAN GSUM KA LA YANG GSUNGS SO, ,DE LA NI SNGON POR MDOR BSTAN PA'O, ,KHA DOG SNGON PO NYED NI LHAN SKYES SO, ,SNGON PO LTA BUR STON PA NI SBYAR BA LAS BYUNG BA'O, ,'OD SNGON PO 'BYUNG BA NI GNYIS KA LA SNGON PO'I MDANGS YOD PA'O, ,ME TOG NI LHAN SKYES KYI DPE'O, ,RAS NI SBYAR BYUNG GI DPE'O, ,YUL BAR NA SE'I RAS DPER MDZAD PA NI KHA DOG CHES GSAL BA'I PHYIR RO, ,DE LTAR ZIL GYIS GNON PA'I SKYE MCHED RNAM PA BRGYAD DO, ,NGAG DON NI, ZIL GYIS GNON PA'I SKYE MCHAD CHOS CAN, RNAM PA BRGYAD YOD DE, DBYIBS ZIL GYIS GNON PA BZHI DANG, KHA DOG ZIL GYIS GNON BA

, ,BZHI RNAMS SU YOD PA'I PHYIR, BDUN PA NYON MONGS PA MED PA NI, BSAM GTAN LA BRTEN PA GANG ZAG PHA ROL GYIS SOGS SO, ,BRGYAD PA SMON GNAS MKHYEN PA NI, YANG DAG PAR SOGS SO, ,BCU GCIG PA NI, SANGS RGYAS KYI YE SHES CHOS CAN, YONGS SU DAG PA YIN TE, RTEN LUS 'DOR LEN DANG, DMIGS PA SPRUL BSGYUR DANG THUGS TING NGE 'DZIN GRANGS MED PA DANG, YE SHES GZUNGS KYI SGO DPAG TU MED PA LA DBANG BYED PA'I PHYIR, BCU GNYIS PA NI CHOS CAN, DBANG BCU THOB STE, TSE LA DBANG BA SOGS BCU YI NUS PA THOB PA'I PHYIR, DE YANG TSE LA DBANG BA NI, TSE JI LTAR 'DOD PA BZHIN BYIN GYIS RLOB NUS PA'O, ,SEMS LA DBANG BA NI, JI LTAR 'DOD PA BZHIN TING NGE 'DZIN LA SNYOMS PAR 'JUG NUS PA'O, ,MOS PA LA DBANG BA NI NOR GYI CHAR 'BEBS PA'O, ,LAS LA DBANG BA NI, SA GONG MAR MYONG 'GYUR GYI LAS SA 'OG MAR SMIN PAR BSGYUR NUS PA'O, ,SKYE BA LA DBANG PA NI, BSAM GTAN LAS MNYAMS BZHIN DU 'DOD PAR SKYE BA LEN NUS PA'O, ,MOS PA LA DBANG BA NI, SA LA SOGS PA JI LTAR MOS PA BSGYUR NUS PA'O, ,SMON LAM LA DBANG BA NI, GDUL BYA 'DUL BA'I SMON LAM GRANGS MED PA 'GRUB PA'O, ,RDZU 'PHRUL LA DBANG BA NI, GDUL BYA 'DUL BA'I RDZU 'PHRUL DPAG TU MED PA STON NUS PA'O; ;YE SHES LA DBANG BA NI, SO SO YANG DAG PAR RIG PA BZHI PHUL DU BYUNG BA THOB PA'O, ,CHOS LA DBANG BA NI, GSUNG RAB YAN LAG BCU GNYIS JI LTAR 'DOD BA BZHIN DU STON NUS PA'O, ,LHAG MA NI GO SLA'O, ,GNYIS PA BSDOMS TE SKUR BZHAG PA NI, BYANG CHUB KYI PHYOGS DANG MTHUN PA LA SOGS PA SPROS PA MED PA'I YE SHES KYI BDAG NYID ZAG BCAS GNAS YONGS SU GYUR PAS ZAG MED DU GYUR PA THAMS CAD KYANG NGO BO NYID SKU LAS THA DAD PA'I CHOS KYI SKUR MNGON PAR BRJOD PA YIN CES BYA BA NI SENG GE BZANG PO LA SOGS PA KHA CIG GI BZHED PA'O, ,GANG DAG BDAG NYID MKHAN PO RNAM SNANG MDZAD LA SOGS PA'I 'DOD BA BKOD PA TZAM DU SMRA BA LA SHES BYED KYI LUNG RIGS GANG YANG MED PA'I PHYIR YID BRTAN MED DO, ,GNYIS PA MA BSTAN PAR 'DOD PA DGAG PA LA, 'DOD PA BRJOD PA DANG, SUN 'BYIN BSHAD PA GNYIS, DANG PO NI 'DI LTAR, GZHUNG SNGA PHYI MDOR BSTAN RGYAS BSHAD DU 'DOD PA GZHAN DAG NI, THUB PA'I NGO BO

NYID SKU NI, ,ZAG PA MED PA'I CHOS GANG DAG ,THOB GYUR RNAM KUN RNAM DAG PA, ,DE DAG RANG BZHIN MTSAN NYID CAN, ZHES BYA BA'I RKANG PA GNYIS PA NGA SGRA JI BZHIN PA NYID DU SANGS RGYAS KYI THUGS RGYUD KYI 'JIG RTEN LAS 'DAS PA'I ZAG PA MED PA'I CHOS RNAMS KHO NA STON PAR KHAS BLANGS NAS NGO BO NYID KYI SKU NI DE DAG GI RANG BZHIN NAM CHOS NYID DU GYUR PA SKYE BA MED PA NYID GANG YIN BA DE'I MTSAN NYID CAN YIN TE, DE BAS NA DE LA CHOS KYI SKU ZHES BRJOD PA YIN ZHES SBREL LO, ,'O NA CHOS NYID LA CHOS KYI SKU ZHES CI STE BRJOD CE NA, DE NYID KYANG CHOS NYID KYI SKU YIN PA LAS SDEB SBYOR GYI DBANG GIS NGO BO NYID KYI RKYEN PHYIS TE MI MNGON PAR BYAS NAS CHOS KYI SKU'I THA SNYAD KYIS BSTAN TE ZHES RNAM BAR BSHAD NAS 'ON CHOS KYI SKUD BZHIN NYID DE ZAG MED KYI TSES GANG DAG GI RANG BZHIN GYI MTSAN NYID CAN YIN PA CHOS CAN, ZAG PA MED PA'I CHOS DE DAG KYANG GANG DAG CAG YIN CE NA, DE RGYAS PAR 'CHAD PA NI, BYANG CHUB PHYOGS MTHUN TSAD MED DANG ZHES BYA BA LA SOGS PA NAS RNAM PA THAMS CAD MKHYEN NYID DANG, ZHES BYA BA'I BAR GYI TSIG LE'UR BYAS PA LA 'JUG PAR BYED DO, ZHES ZER RO, ,GNYIS PA NI, GZHUNG SNGA PHYI DE GNYIS MDER [?] BSTAN RGYAS BSHAD DU MI 'DOD PA GZHAN DAG NA RE, SKU GSUM PO GANG YANG MIN PA'I SKU BZHI BRGYAN GYI RTZA TSIG GIS DNGOS SU MA BSTAN PAR 'DOD PA DE DAG GI LTAR NA SKYON 'DI YOD DE, RNAL 'BYOR PA'I KUN RDZOB TU DON KHYAD PAR CAN GZUGS SKU GNYIS KYI SNANG BA SKYED PA'I SGO NAS CHOS STON PA LA SOGS PA DON GYI BYA BA MDZAD PA GNAS YONGS SU GYUR PAS GNYIS SU MED PA'I SEMS DANG, SEMS LAS BYUNG BA ZAG MED KYI YE SHES SDE TSAN NYER GCIG PO RNAMS CHOS CAN, KHYOD JI LTAR SKU GSUM DU BSDU STE, NGO BO NYID SKU DANG, SPRUL SKU GSUM GANG RUNG YIN PAR THAL, DE GSUM GANG YANG MIN PA'I SKU SKABS 'DIR MA BSTAN PA GANG ZHIG ,KHYOD SKABS 'DIR DNGOS SUM BSTAN PAR GDON MI ZA BAR KHAS BLANGS DGOS PA'I SANGS RGYAS GYI SKU YIN PA'I PHYIR, ZHES ZER RO, ,GSUM PA BSTAN PAR BSHAD PA LA RTZOD PA SPANG PA LA, RTZOD BA DGOD PA DANG, LAN GNYIS, DANG PO NI, KHA CIG NA RE, NGO BO NYID LONGS RDZOGS BCAS DANG, ZHES SOGS KYI TSIG LE'UR BYAS PA LAS NGO BO NYID CES BYA BA'I SGRA'I MJUG THOGS SU CHOS KYI SKU ZHES BYA BA'I

, ,SGRA MI 'BYUNG BA'I PHYIR, YAN LAG RGYAS BSHAD DU, NGO BO NYID SKU STON PA'I MJUG THOGS SU NGO BO NYID MIN BA'I CHOS KYI SKU STON BA'I YAN LAG RGYAS BSHAD 'BYUNG BAR MI RIGS SO, ,DE BAS NA SKABS 'DIR DNGOS SU BSTAN PA'I SKU NI GSUM KHO NA'O ZHES ZER RO, ,GNYIS PA LA NI, GZHAN DAG NA RE, BYANG CHUB PHYOGS MTHUN TSAD MED DANG, ZHES SOGS NGO BO NYID SKU MIN PA'I CHOS SKU 'CHAD PA'I YAN LAG RGYAS BSHAD YIN KYANG, 'DI'I LUS RNAM GZHAG MA TSANG BA'I SKYON MED PAR THAL, CHOS SKU MDZAD PA DANG BCAS PA, ZHES PA'I CHOS SKU ZHES PA'I TSIG DE 'DI'I LUS RNAM GZHAG YIN PA'I PHYIR, DE LTAR NA YANG TSIG DE NGO BO NYID CES PA'I DE MA THAG TU MA SMOS PA'I RGYU MTSAN YOD DE, YE SHES KHO NA DANG MDZAD PA SBYAR BA'I CHED DU DE LTAR GSUNGS PA YIN PA'I PHYIR, DE LTAR SBYAR BA LA DGOS PA YOD DE, DE LTAR SBYAR BA'I SHUGS KYIS YE SHES KHO NA 'PHRIN LAS KYI BDAG RKYEN GYI GTZO BOR RTOGS PA'I DGOS PA NYE BAR BSTAN PA'I CHED YIN PA'I PHYIR, 'O NA CHOS SKU DANG MDZAD PA GNYIS KA LHAN CIG SBYAR NAS NGO BO NYID CES BA'I DE MA THAG TU SMOS PAS CHOG MOD CE NA, TSIG LE'UR BYAS PA SBYAR BDE BA'I NGO BOR MTHA' NYID DU SMOS PA YIN NO, ,DE'I PHYIR GSUNG RAB KYI PHYOGS GZHAN NAS SKU BZHIR GSUNGS BA THAMS CAD KYANG CHOS SKU LA 'DUS BYAS DANG 'DUS MA BYAS GNYIS SU PHYE BA'I DBANG DU BYAS BA YIN PAS TSUL 'DI DANG MI 'GAL BAR 'GYUR RO, ZHES ZER RO, ,GNYIS PA LA NYON MONGS PA MED PA'I KHYAD PAR DANG SMON GNAS MKHYEN PA'I KHYAD PAR RO, ,DANG PO LA MTSAMS SBYAR NI, NYAN THOS SOGS SO,, RTZA BA'I TSIG DON 'GREL PAS 'CHAD PA NI, DE BZHIN GSHEGS PA RNAMS KYI NYON MONGS MED PA'I TING NGE 'DZIN NI CHOS CAN, NYAN THOS KYI NYON MONGS BA MED BA'I TING NGE 'DZIN LAS KHYAD PAR 'PHAGS TE, NYAN THOS LA SOGS PA NYON MONGS PA MED PA'I TING NGE 'DZIN BDAG MTHONG BA LAS 'GA' ZHIG GI NYON MONGS BA SKYE BAR GYUR NA MI RUNG NGO ZHES BSAMS NAS TING NGE 'DZIN LA ZHUGS NAS, BDAG LA DMIGS NAS MI'I NYON MONGS PA SKYE BA YONGS SU SPONG BA NYID TZAM MIN LA, KHYOD GRONG LA SOGS PAR GDUL BYA'I SKYE BO MTHA' DAG GI NYON MONGS PA'I RGYUN DRUNGS 'BYIN PAR MDZAD PA YIN PA'I PHYIR, GNYIS PA

LA; MTSAMS SBYAR NI, NYAN THOS SOGS SO, ,RTZA BA'I TSIG DON 'GREL PAS 'CHAD PA NI, DE BZHIN GSHEGS PA'I SMON GNAS MKHYAN PA NI CHOS CAN, LHUN GYIS GRUB PA YIN TE, MTSAN MA MED PA NYID DU RANG GI DANG GIS 'JUG PA'I PHYIR, GZUGS LA SOGS PA LA CHAGS PA DANG BRAL BA YIN TE, DNGOS PO LA MDON BAR MA ZHEN PAS SO, ,SHES BYA THAMS CAD LA MKHYEN PA THOGS BA MED PA YIN TE, NYON MONGS PA DANG SHES BYA'I SGRIB PA BAG CHAGS DANG BCAS TE SPANGS PAS SO, ,RGYUN RTAG TU MKHAS PA YIN TE, 'KHOR BA JI SRID PAR GNAS PA'I PHYIR, 'DRI BA KUN GYI LAN 'DEBS PAR MDZAD PA YIN PAR BZHED DE, YANG DAG PA'I SO SOR RIG PA BRNYES PAS SO, ,SANGS RGYAS KYI SMON GNAS MKHYEN PA CHOS CAN, NYAN THOS KYI SMON GNAS SHES PA LAS KHYAD PAR 'PHAGS TE, KHYOD LHUN GYIS GRUB PA LA SOGS PA'I KHYAD PAR LNGA DANG LDAN ZHING, NYAN THOS LA SOGS PA YI NI JI SKAD BSHAD PA LAS BZLOG PA NYID KYIS DE LTA MIN PA'I PHYIR, GSUM PA RTZOD PA SPANG BA LA, BSTAN BCOS SNGA PHYI LA 'GAL BA SPANG BA DANG, MDO DANG BSTAN BCOS LA 'GAL BA SPANG BA'O, ,DANG PO LA RTZOD PAS MTSAMS SBYAR BA DANG, DE'I LAN NO, ,DANG PO NI, GANG LA RTZOD NA, SNGAR SKYE LA THUGS RJE CHEN PO DANG, ZHES PA'I SKABS SU CHOS SKU SKYE BO MTHA' DAG LA THUGS RJE CHEN PO'I RANG BZHIN DU KHAS BLANGS PA DANG, RTAG GNAS DANG, ZHES PA'I SKABS SU CHOS SKU 'KHOR BA JI SRID PAR RGYUN RTAG PAR KHAS BLANGS PA LA RTZAD DO, ,JI LTAR NA SANGS RGYAS DE RTAG TU THUGS RJE CHEN PO'I NGO BO NYID KYI CHOS KYI SKU LA BZHUGS NA YANG RTAG TU JI LTAR DON MI MDZAD DE, RES 'GA' SEMS CAN 'GA' ZHIG GI DON MI MDZAD PAR SNANG BA JI LTAR YIN CES BYA BA'I LAN GDAB PA'I PHYIR BAR SKABS KYI TSIGS SU BCAD PA, GNYIS PA LAN LA, SKAL LDAN LA DNGOS SU SNANG BA'I LAN DANG, SKAL MED LA MI SNANG BA DPES BSTAN PA'O, ,DANG PO LA RTZA BA'I TSIG DON 'GREL PAS 'CHAD PA NI, BCOM LDAN 'DAS CHOS CAN, SKAL LDAN GYI GDUL BYA GANG GI'ANG DON MI MDZAD BA MI SRID DE, DGE BA'I BSHES GNYEN LA SOGS PA DANG 'PHRAD BAS SNGON BSKYED PA'I DGE BA'I RTZA BA'I SA BON SANGS RGYAS LA SOGS PA LA DMIGS PA'I RGYU YONGS SU BRTAS PAR GYUR NAS SEMS CAN GANG LA GANG GI DUS SU CHOS STON PA LA SOGS PA MDZAD NAS YUN DU 'PHROD PAR 'GYUR

, ,BA DE'I TSE DE'I DON BYA BA'I PHYIR DU SNGON GYI SMON LAM GRUB PAS GDUL BYA LA DE DANG DER SNANG BA DANG 'TSAM PAR DON GYI BYA BA MDZAD PAS KHYAB PAS SO, ,'ON KYANG SKAL MED KYI DON DNGOS SU MI MDZAD BA'I RGYU MTSAN YOD DE, DUS THAMS CAD DU YID BZHIN GYI NOR BU LTAR NYE BAR GNAS KYANG, RANG GI LAS KYI NYES BAS SKYED PA LA SANGS RGYAS DNGOS SU SNANG BA RGYU MA TSANG BAS SANGS RGYAS KYIS YE SHES STON PA'I 'BRAS BU DNGOS SU SMIN PAR RE SHIG MDZAD PAR MI SNANG BA'I PHYIR RO SNYAM DU BYAMS PAS DGONGS PA YIN NO, ,GNYIS PA LA MTSAMS SBYAR NI, DE JI LTA BU ZHIG SOGS SO, ,RTZA BA'I TSIG DON 'GREL PAS 'CHAD PA NI, DPER NA SOGS TE GO SLA'O, ,GNYIS PA LA RTZOD PA DANG LAN NO, ,DANG PO NI, RTZOD PA'I SKABS KYI KHYAB PA CES CHOS SKU LA SBYOR RGYU YIN PA LA, CHOS SKU THAMS CAD LA KHYAB PA YIN PAR SNGAR RTZA BA'I SKABS GANG DU'ANG DNGOS SU MA SMRAS PAS, RTZOD PA 'DI BSTAN BCOS RANG GI RTZOD SPANG LA SBYAR NA 'BREL MED DU 'GYUR BA YIN NO, ,DES NA DON NI 'DI YIN TE, CHOS SKU YE SHES KYI BDAG NYID YIN NA, RNAL 'BYOR PA SO SOR NGES PA'I RGYUD KYI RTEN LA YOD PA'I PHYIR, MDO LAS, JI LTAR CHOS SKU SEMS CAN THAMS CAD LA KHYAB PA CES KYANG BRJOD DE, DE DANG 'GAL LO, ,YE SHES YIN NA SKAD CIG RE RE LA 'BYUNG DGOS PA'I PHYIR, JI LTAR MDO LAS, CHOS KYI SKU RTAG PA CES KYANG BRJOD DE, DE DANG 'GAL LO ZHE NA, LAN LA, RTZA 'GREL GNYIS KA'I NGAG DON, DE GNYIS 'GAL BA'I SKYON MED PAR THAL, MDO LAS, DE LTAR GSUNGS BA MDZAD PAS KHYAB PA DANG, RGYUN MI 'CHAD PA TZAM LA DGONGS PA YIN PA'I PHYIR, TSIG DON GO SLA'O, ,DON 'DI'I PHYIR NYI KHRI SNANG BA LAS KYANG, DE LTAR DGONGS PA 'DIS SANGS RGYAS THAMS CAD DU SONG BA DANG RTAG PA YIN BAR BSHAD PA'I PHYIR BSTAN BCOS DANG 'GAL BA MED DO, ZHES GSUNGS PA YIN NO, ,GSUM PA LONGS SPYOD RDZOGS PA'I SKU LA RANG BZHIN DANG, YON TAN RGYAS BAR BSHAD PA'O, ,DANG PO LA, MTSAMS SBYAR NI; DE LTAR SOGS SO, ,RTZA BA'I TSIG DON 'GREL PAS BSHAD PA NI, BSOD NAMS KYI TSOGS KYI RNAM SMIN GYI 'BRAS BUR GYUR PA'I MTSAN SUM CU RTZA GNYIS DANG, DPE BYED BZANG PO BRGYAD CUS SPRAS PA'I NGO BO NYID KYI GZUGS SKU 'DI NI CHOS CAN, SANGS RGYAS BCOM LDAN 'DAS KYI LONGS SPYOD RDZOGS BA'I SKU

YIN TE, BYANG CHUB SEMS DPA' CHEN PO SA BCU LA BZHUGS PA RNAMS DANG, THABS GCIG TU THEG PA CHEN PO'I CHOS KYI LONGS SPYOD KYI DGA' BA DANG BDE BA SHIN TU KHA NA MA THO BA MED BA NYE BAR SPYOD PA'I PHYIR RO, ,GNYIS PA LA MTSAN DANG DPE BYAD BSHAD PA'O, ,DANG PO LA DNGOS DANG, DE'I RGYU BSHAD PA'O, ,DANG PO LA MTSAMS SBYAR NI; MTSAN CES DANG, RTZA BA NI, DON 'GREL PAS RGYU DANG BCAS TE LHAN CIG TU 'CHAD PAR BYED LA, RTZA 'GREL GYI TSIG DON GO SLA'O, ,CI'I PHYIR MTSAN ZHES BYA ZHE NA, 'DI DAG GANG LA YOD PA DE SKYES BU CHEN POR MTSON PAR BYED PA'I PHYIR RO, ,GNYIS PA LA GNYIS LAS, MDOR BSTAN LA, MTSAMS SBYAR NI, RGYU GRUB PAS ZHES SOGS DANG RTZA BA'I DON 'GREL BAS 'CHAD BA NI, MTSAN GANG GI ZHES SOGS TE, DE YANG GONG DU BSHAD PA'I RGYU DE RNAMS BSKAL PA GRANGS MED GCIG TU GOMS PAR BYAS PA YE SHES KYI TSOGS KYI LHAN CIG BYED RKYEN GYIS NUS PA MTHU CAN DU BYAS PA LAS 'DI DAG 'GRUB PA'I DON TO, ,RGYAS BSHAD LA MTSAMS SBYAR NI, RGYU DE SOGS DANG TSIG DON NI, RGYU NI BLA MA SKYEL BA SOGS TE, SNGAR BSHAD ZIN TO ZHES PA'O, ,GNYIS PA DPE BYAD BSHAD PA LA, MTSAMS SBYAR NI, DE LTAR SOGS SO, ,RTZA BA'I TSIG DON PHAL CHE BA GO SLA ZHING, YAN LAG DANG NYING LAG SHIN TU RNAM PAR 'BYES PA NI SBOM PHRA SOGS 'TSAM PA'O, ,SKU ZLUM PA NI, LTE BA'I 'OG PHYOGS DBYIBS ZLUM BA'O, ,SKU SKABS PHYIN PA NI RKED PA SKABS BYED [?] PA'O, ,SKU MA RNYONGS PA NI HA CANG MI RING BA'O, ,PHYAL BYANG BA NI MTHO DMA' DANG, RDZENG RDZENG POR GYUR PA MIN PA'O, ,LTE BA ZAB PA NI GTING RING BA'O, ,DPAL BE'U SOGS KYIS BRGYAN PA NI, PHYAG ZHABS LA DE 'DRA'I RI MO YOD BA'O, ,'DI DAG LA CI'I PHYIR DPE BYAD CES BYA ZHE NA, 'DI DAG GANG LA YOD PA'I NANG GI SPANGS RTOGS KYI YON TAN GZHAN LA GO BAR BYED BA'I DPE YIN PA'I PHYIR RO, ,YON TAN JI LTA BU ZHE NA, SEN MO ZANGS KYI MDOG LTA BUS NANG GI YON TAN 'DU BYED THAMS CAD LA 'DOD CHAGS DANG BRAL BA MTSON PA LTA BU'O, ZHES SOGS SU SHES PAR BYA'O, ,BZHI PA SPRUL PA'I SKU LA MTSAMS SBYAR NI, DE LTAR SOGS SO, ,RTZA BA'I TSIG DON 'GREL BAS 'CHAD PA NI, SH'AKYA THUB PA LA SOGS PA'I GZUGS GANG GIS 'KHOR BA JI SRID PAR 'JIG RTEN GYI KHAMS THAMS CAD DU MDZAD PA BCU GNYIS KYI SGO NAS RIGS CAN GSUM GYI SEMS CAN RNAMS KYI 'DOD PA'I DON MNYAM PA NYID DU MDZAD PA'I SKU DE NI CHOS CAN, SANGS RGYAS BCOM

, ,LDAN 'DAS KYI SPRUL PA'I SKU YIN TE, RIGS CAN GSUM KA LA DNGOS SU SNANG BA'I GZUGS SKU YIN PA'I PHYIR, SPRUL SKU CHOS CAN, RGYUN MI 'CHAD PA YIN TE, 'KHOR BA JI SRID DU MDZAD PA BCU GNYIS STON PA RGYUN CHAGS BA'I PHYIR, GNYIS PA 'PHRIN LAS LA GSUM LAS, MTSAMS SBYAR LA BSHAD ZIN GYI MTSAMS SBYAR DANG, 'CHAD 'GYUR GYI MTSAMS SBYAR RO, ,DANG PO NI, GONG DU JI SKAD BSHAD PA DE LTAR NGO BO NYID KYI SKU'I BDAG NYID RANG BZHIN RNAM DAG GI CHA DE BSKAL PA GRANGS MED PA GSUM DU BSGOMS PA'I STOBS LAS BYUNG BA SANGS RGYAS NANG KHO NA'I DNGOS KYI SPYOD YUL NYID DU ZAG MED KYI YE SHES SDE TSAN NYER GCIG LA LTOS NAS CHOS SKUR RAB TU RTOGS SHING NGES PAR GZUNG BA DANG, LA SOGS PAS BCU'I BYANG SEMS KYI DNGOS KYI SPYOD YUL NYID LA SOGS PA MTSAN DPE LA LTOS NAS LONGS SKUR RAB TU BTAGS BA DANG, LA SOGS PA NYAN THOS KYI YANG DNGOS KYI SPYOD YUL NYID DU LA SOGS PA 'KHOR BA JI SRID PAR MDZAD PA BCU GNYIS STON PA LA LTOS NAS SPRUL SKUR RAB TU BTAGS SHING NGES PAR GZUNG BA'I SKU GSUM BSTAN NAS ZHES PA'O, ,GNYIS PA NI, DE'I 'OG TU 'PHRIN LAS GSUNGS SO, ,DGOS PA GANG GI CHED DU NA, GDUL BYA'I SKYE BO'I SNANG BA LA BRTEN PA 'PHRIN LAS THAMS CAD GTZO BOR CHOS KYI SKU YIN NO, ,CHOS SKU DE'I BDAG PO LA BRTEN NAS BYUNG BA'I PHYIR, ZHES SHES PA'I CHED DU'O, ,DE'I BDAG RKYEN LAS BYUNG BAR THAL, KUN RDZOB TU SANGS RGYAS KYI YE SHES KHO NA LONGS SPYOD RDZOGS PA'I SKU LA SOGS PAR SNANG BA BSKYED PA'I SGO NAS DON BYA BA MDZAD PA'O, ,RTZA BA NI, DE BZHIN CES SOGS SO, DE'I DON NI 'GREL BAS 'CHAD PA LA, 'PHRIN LAS KYI DBYE BA, 'PHRIN LAS KYI DUS DES GO RIM GZHAN MTSON TSUL LO, ,DANG PO LA LAM GYI RTEN MNGON MTHO LA 'GOD PA DANG, NGES LEGS KYI RGYU LAM LA 'GOD PA DANG, NGES LEGS KYI NGO BO LAM GYI 'BRAS BU LA 'GOD PA'O, ,DANG PO NI SANGS RGYAS KYI YE SHES CHOS CAN, GDUL BYA NGES LEGS LA 'GOD PA'I DANG POR, MNGON MTHO LA 'GOD PAR MDZAD DE, 'GRO BA BZANG PO LHA MI DANG BZANG PO MIN PA NGAN 'GRO LA MNGON PAR ZHEN BA MED PAR GNAS BA MTSAN NYID, DAN SONG DU 'GRO BA RAB TU ZHI BA'I 'PHRIN LAS MDZAD PAS SO, ,GNYIS PA LA TSOGS LAM LA 'GOD PA DANG, SBYOR LAM DANG, MTHONG LAM DANG, SGOM LAM LA 'GOD BA'O, ,DANG PO LA SBYOR BA DANG, LTA BA

DANG; SPYOD PA RNAM DAG LA 'GOD DE, SBYIN PA DANG, LA SOGS PA SNYAN PAR SMRA BA DANG, DON SPYOD BA DANG, DON MTHUN PA STE BSDU BA'I DNGOS PO BZHI LA 'GOD PA'I PHYIR, GNYIS PA NI LTA BA RNAM DAG LA 'GOD PAR BYED DE, THOS PA LAS BYUNG BA LA SOGS PA SHES PA LAS MI MTHUN PA'I PHYOGS DANG GNYEN PO DOR BA DANG, BLANG PAR BYA BA'I SGO NAS RTOGS PAR MDZAD PA'I PHYIR, GSUM PA LA GZHAN DON GYI SBYOD PA DANG, RANG DON GYI SPYOD PA DANG, GNYIS DON GYI SPYOD PA LA 'GOD PA'O, ,DANG PO NI, GZHAN DON GYI SPYOD PA RNAM DAG LA 'GOD PAR BYED DE, SGYU MA MKHAN SGYU MA'I SEMS CAN LA CHAGS SDANG MED PA BZHIN DU RJES SU CHAGS PA LA SOGS BA RNAM PAR DBEN PA NYID KYIS SEMS CAN GYI DON TE GZHAN GYI DON SGRUB PA'I THABS BYAMS PA LA SOGS PA'I MTSAN NYID JI LTA BA'I BDAG NYID LA 'GOD PA'I PHYIR, GNYIS PA LA RANG DON GYI SPYOD BA RNAM DAG LA 'GOD DE, DE'I RJES LA RANG GI DON 'KHOR GSUM RNAM PAR DAG PAS RAB TU PHYE BA'I PHA ROL TU PHYIN PA DRUG LA GOMS PAR BYED PA LA 'GOD BAR MDZAD PA'I PHYIR, GSUM PA NI, DE'I 'OG TU GNYIS DON GYI SPYOD BA RNAM DAG LA 'GOD DE, RANG DANG GZHAN GYI DON GYI MTSAN NYID SANGS RGYAS KYI LAM STE, DAG PA BCU'I LAS KYI LAM LA 'GOD PAR MDZAD PA'I PHYIR, GNYIS PA NI, DE NAS SBYOR LAM LA 'GOD DE, CHOS THAMS CAD RANG BZHIN GYIS STONG PA NYID DON SPYI'I TSUL GYIS GOMS PAR BYED PA LA 'GOD PAR MDZAD PA'I PHYIR, GSUM PA NI, DE'I RJES LA MTHONG LAM LA 'GOD DE, SBYIN PA'I PHA ROL TU PHYIN PA LHAG PAR GYUR PA LA BRTEN NAS SA DANG PO CHOS KYI DBYINGS KUN TU 'GRO BA RTOGS PA'I MTSAN NYID GZUNG 'DZIN GNYIS SU MED PA'I CHOS DANG POR MNGON DU GYUR PA LA 'GOD PA'I PHYIR, BZHI PA SGOM LAM LA 'GOD PA LA DRUG LAS, DANG PO NI, SA GNYIS PA NAS LNGA PA'I BAR LA RIM GYIS 'GOD DE, DE NAS TSOGS YONGS SU RDZOGS PA RGYUR GYUR PAS SA GNYIS PA LA SOGS PA BZHIR TSUL KHRIMS LA SOGS PA'I PHA ROL TU PHYIN PA BZHI'I CHOS THAMS CAD BRDAR BTAGS BAR SHES BA'I SGO NAS RNAM PAR DAG PA LA 'GOD PA'I PHYIR, GNYIS PA NI, DE'I RJES LA SNGA MA DE BZHIN DU RIM GYIS SA DRUG PA LA 'GOD DE, SHES RAB KYI PHA ROL TU PHYIN PA LA BRTEN NAS SHES BA DANG SHES BYA'I DNGOS POR MNGON PAR MA ZHEN PA'I MTSAN NYID CHOS THAMS

, ,CAD DMIGS SU MED PA'I YE SHES LA 'GOD PA'I PHYIR, GSUM PA NI, DE'I 'OG TU SA BDUN PA LA 'GOD DE, THABS KYI PHA ROL TU PHYIN PA LHAG PA'I STOBS KYIS SEMS CAN YONGS SU SMIN PAR BYED PA LA 'GOD PA'I PHYIR, BZHI PA NI, DE NAS SA BRGYAD PA LA 'GOD DE, STOBS KYI PHA ROL TU PHYIN PA LHAG PA'I STOBS KYIS NYAN THOS LA SOGS PA DANG THUN MONG MIN PA'I BYANG CHUB SEMS DPA'I LAM LA 'GOD PA'I PHYIR, DE NAS SA BRGYAD PA DE NYID LA CHOS THAMS CAD LA MNGON PAR ZHEN PA SPANGS PA'I SRID ZHI MNYAM NYID KYI SBYOR BA LA 'GOD DO, ,LNGA PA NI, DE'I RJES LA SA DGU PA LA 'GOD DE, SMON LAM GYI PHA ROL TU PHYIN PA LHAG PA'I MTHUS BYANG CHUB MYUR DU 'THAB PA LA 'GOD PA'I PHYIR, DRUG PA SA BCU PA LA 'GOD PA LA, SA BCU THOB MA THAG DANG, SKYE BA GCIG GIS THOGS PA DANG, SRID PA THA MA LA 'GOD PA'O, ,DANG PO NI, DE'I 'OG TU SA BCU PA LA 'GOD DE, YE SHES KYI PHA ROL TU PHYIN PA LHAG PA'I STOBS KYIS SANGS RGYAS KYI ZHING SNA TSOGS RNAM PAR DAG PA LA 'GOD PA'I PHYIR, GNYIS PA NI, YANG SA DE NYID LA SKYE BA GCIG GIS THOGS PA LA 'GOD DE, RANG GI NGO BO TSE PHYI MA LA YANG DAG PAR RDZOGS PA'I BYANG CHUB TU, SO SOR DES PA LA 'GOD PA'I PHYIR DANG, PHYOGS BCU'I 'JIG RTEN GYI KHAMS KYI SEMS CAN GYI DON DANG 'JIG RTEN GYI KHAMS THAMS CAD DU SANGS RGYAS KYI DRUNG DU NYE BAR 'GRO BA LA SOGS PA LA 'GOD PA'I PHYIR, GSUM PA LA, NUS PA DANG, SPANGS RTOGS, DAG PA'I RGYU'I TSOGS SO, ,DANG PO NI, SA BCU THOB MA THAG DANG, SKYE BA GCIG GIS THOGS PA LA BKOD ZIN PA DE LTA BU'I RIM PAS YANG SA BCU PA DE NYID LA KHYAD PAR GYI LAM GYI RANG GI NGO BO BYANG CHUB MTHA' DAG GI YON TAN 'DREN PAR BYED PA'I CHOS KYI MTSAN NYID BYANG CHUB KYI YAN LAG DANG, TSOGS GNYIS KYI YE SHES DANG 'BRAS BUR 'BREL BA CHUD MI ZA BA DANG, JI SNYED PA'I RTOGS PA DNGOS PO THAMS CAD YANG DAG PA JI LTA BA BZHIN DU RTOGS PA DANG SPANGS PA LA PHYIN CI LOG MNGON GYUR THAMS CAD SPANGS PA DANG; PHYIN CI LOG GI GZHI SA BON GTAN MED PAR SPANGS PA'I YE SHES DANG, DAG PA'I RGYU CHOGS NI RANG BZHIN GYIS YONGS SU DAG PA'I MTSAN NYID KYI BYANG CHUB SEMS DPA' RNAM PAR BYED BA DANG, GLO BUR GYI DRI MA THAMS CAD DANG 'BRAL BA'I RGYU TSOGS DANG JI LTA BA'I RTOGS PA STONG PA NYID KYI NGO BO NYID KYI 'DUS BYAS DANG

'DUS MA BYAS DON DAM PAR THA MI DAD PAR YONGS SU SHES PA RNAMS LA BKOD NAS SO, ,GSUM PA NI, SNGAR JI SKAD BSHAD PA'I TSUL DE LTAR RANG LA BSTAN PA'I RGYU'I GTZO BO DON BDUN CU'I DANG PO SEMS BSKYED PA STON BA NA, GROGS CAN SEMS BSKYED KYI DBYE BA NYER GNYIS SU PHYE NAS, LAS DANG PO PA'I SEMS BSKYED NAS SANGS RGYAS KYI SA'I BAR GYI SEMS BSKYED BSTAN PA'I GO RIM DNGOS SU BSTAN PA'I RIM PAS LHAG MA BAR GYI TSIG GI DON GROGS SU GYUR PA'I LAM RNAMS KYIS NYAMS SU LEN PA'I GO RIMS KYANG SHUGS LA KHONG DU CHUD PAR BYA ZHING, GZHAN LA BRTEN PA'I RKYEN GYI GTZO BO DON BDUN CU'I THA MA 'PHRIN LAS STON PA NA GDUL BYA MNGON MTHO LA 'GOD PA NAS MI GNAS PA'I MYANG 'DAS LA 'GOD BA'I BAR BSTAN PA'I GO RIM DNGOS SU BSTAN PA RIM PAS LHAG MA BAR GYI TSIG DON GDUL BYA'I RGYUD LA SKYE BA'I YON TAN RNAMS KYI JI LTAR SKYE TSUL GYI GO RIM KYANG SHUGS LA KHONG DU CHUD PAR BYA STE 'ON KYANG DNGOS SU BKOD NA TSIG MANGS SU DOGS NAS SENG BZANG BDAG GIS NI MA BRIS SO, ,NGAG DON NI, SENG BZANG CHOS CAN, SEMS BSKYED KYI GROGS LAM RNAMS JI LTAR NYAMS SU LEN PA'I GO RIM DANG, 'PHRIN LAS LA BRTEN NAS GDUL BYA'I RGYUD LA YON TAN SKYE TSUL GYI GO RIM DNGOS SU MA BRIS PA'I RGYU MTSAN YOD DE, DE GNYIS SEMS BSKYED NYER GNYIS DANG, 'PHRIN LAS NYER BDUN GYI GO RAM DNGOS SU BKOD PA'I SHUGS KYIS GO NAS SHING, DE DAG DNGOS SU BKOD NA TSIG MANGS SU DOGS NAS MA BKOD PA'I PHYIR, t'IKA BYED GZHAN DAG DON BDUN BCU'I DANG PO DANG THA MA LA, GO RIMS MTSAMS BSTAN PA'I SHUGS KYIS LHAG MNGON RE BRGYAD KYI GO RIMS MTSAMS KYANG KHONG DU CHUD PAR BYA, ZHES 'CHAD MOD, KHONG DU CHUD PAR BYA TSUL RDZUN GYI RIB MA MA BYED PAR GSAL POR SMROS SHIG DANG, KHO BOS NI SU LA YANG SMRA MI NUS PA YOD PAR MA MTHONG NGO, ,GSUM PA SKABS BSDU BA NI, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL BA'I RNAM BSHAD RTOGS PAR DKA' BA'I SNANG BA LAS SKABS BRGYAD PA'I 'GREL PA'O,, ` ,,GNYIS PA PA RAM LA DAD PA LA DRUG TU BSDU BA LA, MTSAMS SBYAR NI RGYAS PA LA SOGS SO, ,RTZA BA'I TSIG DON 'GREL PAS 'CHAD PA NI, RNAM PA THAMS CAD MKHYEN PA NYID LA

, ,SOGS PA THAMS CAD MKHYEN PA NYID NI CHOS CAN, GTAN LA DBAB BYA'I MTSAN NYID YIN TE, DANG POR THOS BSAM GYI TSE SEMS BSKYED SOGS CHOS SUM CUS MNGON PAR MTSON PA'I GNAS YIN BAS SO, ,RNAM PA THAMS CAD MNGON PAR RDZOGS PAR RTOGS PA NI CHOS CAN, THAMS CAD MKHYEN PA NYID GSUM GYI SBYOR BA YIN TE, MKHYEN GSUM THOS BSAM GYIS GTAN LA PHAB BA'I RJES DE NAS RTOGS BA LA DBANG DU BYA BA'I PHYIR DU 'DIS THAMS CAD MKHYEN PA NYID GSUM RNAM PA'I SGO NAS SGOM PA LA SBYOR BAS SO, ,RTZE MO'I MNGON PAR RTOGS PA NI CHOS CAN, THAMS CAD MKHYEN PA NYID GSUM SGOM PA'I RTOGS PA RAB KYI GNAS SKABS YIN TE, MKHYEN GSUM RNAM PA'I SGO NAS BSGOMS PA DE NAS SHIN TU GOMS PA PHUL DU BYUNG BAR 'GRO BA'I PHYIR, MTHAR GYIS PA'I MNGON PAR RTOGS PA NI CHOS CAN, THAMS CAD MKHYEN PA NYID GSUM GYI GO RIM GYI GNAS SKABS YIN TE, DBANG THOB PA DE NAS SNGAR RTOGS PA'I DNGOS PO BRTAN PA THOB PA'I SGO NAS NGES PAR BYA BA'I PHYIR DU SO SO BA DANG MTHA' DAG TU RNAL 'BYOR BSGOMS PA'I DON SLAR YANG DANG YANG DU YID LA BYED PA'I SGO NAS GZHUNG SRONG BAR BYED PAS SO, ,YANG DAG PAR SKAD CIG MA GCIG PA'I MNGON PAR RDZOGS PAR BYANG CHUB PA NI CHOS CAN, THAMS CAD MKHYEN PA NYID GSUM GYI SBYOR BA MTHAR THUG PA'I GNAS SKABS YIN TE, GO RIMS KYIS GOMS PA MTHAR THUG PA'I RJES DE NAS SLAR SBYOR BA KHYAD PAR DU 'GRER MED PAS SO, ,CHOS KYI SKU MDZAD PA DANG BCAS PA CHOS CAN, THAMS CAD MKHYEN PA NYID GSUM GYI RNAM PAR SMIN PA YIN TE, SBYOR BA MTHAR THUG PA DE NAS SBYOR BA DE'A 'BRAS BU MTHAR THUG YIN PAS SO, ,DE LTAR NA SOGS SO, ,YAN LAG RGYAS BSHAD NI SNGA MKHO NA BZHIN DU BSHAD PAR BYA BA YIN NO, ,GSUM PA BSDUS PA LA DAD PA LA MNGON PAR RTOGS PA GSUM DU BSDU BA LA, MTSAMS SBYAR NI, BAR MA LA SOGS SO; ;RTZA BA NI YUL CAN SOGS SO, ,'GREL PA NI, DANG POR RNAM PA THAMS CAD MKHYEN PA NYID LA SOGS PA THAMS CAD MKHYEN PA NYID GSUM GYI NGO BO NYID NI CHOS CAN, 'JUG PA'I YUL GYI RGYU YIN TE, THOS [?] BSAM GYIS GTAN LA DBAB BYA'I MKHYEN PA YIN PA'I PHYIR, DE LA JI LTAR RAB TU SBYIN ZHE NA, DE'I

'OG TU RNAM PA THAMS CAD MNGON PAR RDZOGS PAR RTOGS PA LA SOGS BA RNAM PA BZHI NI CHOS CAN, SBYOR BA YIN TE, MKHYEN GSUM RNAM PAS SGOM BA'I RNAL 'BYOR YIN PAS SO, ,SBYOR BA DE LTA BU DANG LDAN PA'A RGYU DE'I 'BRAS BU CI ZHIG YIN CE NA, DE'I 'OG TU CHOS KYI SKU 'PHRIN LAS DANG BCAS PA NI CHOS CAN, 'BRAS BU YIN TE, SBYOR BZHI BSGOMS PAS THOB BYA MTHAR THUG YIN PA'I PHYIR, DE LTAR RGYAL BA'I YUM RNAM PA GSUM GYI DON BSDUS PA BRGYAD DRUG TU PHYE BA LAS GZHAN RNAM PA GSUM STE, RGYAS BSHAD NI BRGYAD DU PHYE BA'I SKABS DE KHO NA BZHIN DU BSHAD PAR BYA'O, ,DE YANG RGYAS 'BRING BSDUS PA'I KHYAD PAR GNYIS LAS; TSIG RGYAS 'BRING BSDUS PA NI YUM GSUM STE, GDUL BYA DBANG PO RTUL 'BRING RNO GSUM GYI DBANG DU BYAS PA'O, ,DON RGYAS 'BRING BSDUS PA NI, MNGON PAR RTOGS PA BRGYAD DANG, DRUG DANG GSUM DU PHYE BA STE, YUM GSUM PO RE RES KYANG 'DI GSUM KA STON PAR BYED PA'I PHYIR, GDUL BYA RE RE LA YANG SPRO BA DANG BSDU BA'I TSUL SHES PAR BYA BA'I SLAD DU GSUM KA BSTAN PAR BYA BA YIN NO, ZHES BDAG GI BLA MA BZHED DO, ,GSUM PA BSHAD PA MTHAR PHYIN PA'I BYA BA LA, YUM GSUM BRJOD BYA GCIG TU BSTAN PA DANG, 'GREL PA JI LTAR BYAS PA DANG, BYAS PA'I DGE BA BSNGO BA DANG, KHENGS BSKYUNG ZHING DGA' BA RJES SU BSGRAG PA'O, DANG PO NI JI SKAD BSHAD PA'I DON BRGYAD DANG, DRUG DANG GSUM LA BDUN CUR PHYE BA THAMS CAD RGYAS 'BRING BSDUS PA KUN GYI BSDUS DON DU KHYOD KYIS BSHAD NA, CI YUM KUN BRJOD BYA GCIG PA ZHIG YIN NAM ZHE NA, DE LTAR SMRA STE, DE YANG LA LA BRGYAD STONG PA LAS, MNGON PAR RTOGS PA BRGYAD KYI DON TSANG BA TZAM DANG; GZHAN BAR MA NYI KHRI LAS MNGON PAR RTOGS PA RNAMS DON BDUN CUR PHYE BA RE RE NAS RDZOGS PAR STON PA'I TSIG KYANG TSANG BA TZAM DANG, GZHAN RGYAS PA LAS DON RE RE LA YANG MING GI RNAM GRANGS DU MAS BSHAD BYED DE'I PHYIR, MKHAS PA RNAMS KYIS YUM GSUM PO KUN LA'ANG DON BSDUS DE TZAM DU SHES PAR BYA'O, ,DE LTA MIN NA YUM GSUM PO THAMS CAD KYIS SKYES BU GCIG 'TSANG RGYA BA'I CHA RKYEN DU GYUR PA'I MNGON RTOGS KYI RIM PA THAMS CAD TSANG BAR LEGS PAR BSDUS PA MIN PA'I SKYON DU 'GYUR RO, ,'O NA BZLOS PA'I SKYON DU MI 'GYUR RAM ZHE NA, MI 'GYUR TE, YUM GSUM PO DE LA TSIG BSDUS PA

, ,DANG; RGYAS PA SOGS RAB TU DBYE BAS KHYAD PAR YOD PA KHO NAR ZAD BAS SO, ,GNYIS PA NI, TSIG LE'UR BYAS PA'I 'GREL PA GSAL BA 'DI NI BYAS SO, ,SUS NA, SENG GE BZANG POS SO, ,GANG GI SGO NAS NA, 'PHAGS PA RNAM PAR GROL SDE YI MTHU YIS YUM GYI DON MTHONG BA'I SGO NAS NI'O, ,DGOS PA MNGON RTOGS BRGYAD GO BAR SLA PHYIR RO, ,TSUL JI LTAR NA, MDO'I TSIG DANG NI BRGAL LAN GYI NGAG SOGS DANG RE RE NAS SBYOR BA MA BYAS PAR MKHAN PO YANG DAG RNAM SNANG MDZAD BLA MA BZANG LA PHYAG 'TSAL ZHING GNANG BA THOB NAS SO, ,GSUM PA NI, DE SDE BAS CES SOGS TE GO SLA'O, ,BZHI PA LA, KHENGS BSKYUNG ZHING BZOD PAR GSOL BA NI BSTAN BCOS KYI DON KUN MNGON DU GYUR PA'I SGO NAS BDAG GI SPYOD YUL GANG NA ZHIG YIN TE MIN NO, ,DE'I RGYU MTSAN SHES RAB MI GSAL BA DANG, BSTAN BCAS KYI DON RANG GI BLO LAS PHYI ROL GYUR PAS SO, ,DES NA 'DI NI BDAG NYID CHEN PO 'PHAGS PA RNAMS KYI BLO'I SPYOD YUL YIN GYI BSTAN BCOS DON NI MA LUS PA DE LAS GZHAN PA'I SPYOD YUL GANG NA YIN, BDAG GI SPYOD YUL MIN PA 'ON KYANG RANG DANG GZHAN GYI DOR, BDAG GIS 'BAD PA BGYIS PA LA NONGS PA YOD NA SKYE BO MKHAS PA RNAMS BZOD PAR MDZOD CIG ,DGA' BA RJES SU BSGRAGS PA NI KYE MA NI NGO MTSAR BA'I TSIG GO , DNGOS POR SMRA BA'I GZHUNG LUGS SNA TSOGS KYIS LOG SHES DANG THE TSOM GYI MYA DAM GYI THANG LA YUN RING DU 'PHYAN PAR BYAS NAS RAB TU DUB PAR GYUR PA'I BLO GROS KYI NGAL BSE'I BSTI GNAS SHES RAB KYI PHA ROL TU PHYIN PA'I LUGS 'DI, THEG CHEN DGE BA'I BSHES GNYEN MGU BAR BYAS PA LA SOGS PA'I RGYUS YUN RING MO ZHIG NAS MTHONG BA YIN NO, ZHES BYA BA STE, DE LTAR NA BSTAN BCOS MTHA' DAG BSHAD ZIN TO,, ` ,,DPAL LDAN MKHAS LA RANG GI 'OD ZER GYIS, ,LEGS PAR BYUNG BA'I MDANGS BZANG NYI MA'I 'OD, ,PHA MA BYAS THUN MTSAMS MDZES PA'I BLA GOS CAN, ,SMRA BA'I TOG DER SLAR YANG PHYAG 'TSAL LO, ,MGON PO 'KHOR BA'I ZAM STEGS LA, ,RINGS PAR CHAS PA DE YI ZHAL, ,'DZUM DKAR ZLA 'OD BYU RU YI, ,YAL 'DAB NGOS LA RAB BRDAR NAS, ,RAB DKAR LEGS BSHAD ME TOG GI ,DOG PA SHES BYA'I ME LONG LA, ,MKHYEN PA BZHIN DU 'GREMS MDZAD CING, ,

'GRO LA GSUNG GI BDUD RTZI YI, ,BGO SKAL MDZAD PA GANG LAGS PA, ,DE DAG KUN LAS STONG NYID KYI, ,GTAM 'DI KHO NA SNYING POR BSNYAD, ,SNYING PO LAS KYANG SNYING POR NI, ,GCES PAR SBAS PA'I RIM PA 'DI, ,RIN CHEN MAR GANG CHU BA CAN, ,GSER GYI PADME'I KHONG GNAS PA, ,DRING ZANG RDZOGS PA'I SNYING PO CAN, LEGS BSHAD RDUL TSOGS THIG LE LA, ,MA PHAM CHOS KYI BLA MA DES, ,SBRANG RTZI RGYAL MTSAN MDZAD PAR GYUR, ,DE NYID RING LUGS GANGS KYI SUL, ,BGROD PA KUN GYI SPYI BO LA, ,BZANG PO RI DVAGS DBANG PO YIS, ,SPAR MO NGAL BSO BGYIS PA LAGS, ,BYANG PHYOGS RGYUD 'DIR DE YI GZHUNG, ,SMRA BA RGYA MTSO'I RDUL SNYED KYIS, ,MYOS PA YI GE 'THOR BA'I TSIG ,'GRAN PA BZHIN DU ZLOS GAR BYAS, ,DE LTA MOD KYI SNGON SPYAD PA, ,BYED BA LAS KYANG BGO SKAL NI, ,MI MNYAM RNAM DPYOD BYIN PA'I DPAL, ,BZANG PO DPAL 'BYOR MTSUNGS PA THOG ,'DI NA MI PHAM ZHAL GYI BCUD, ,GA BUR THIGS RGYUN MA NYAMS PA, ,BSIL BA'I MTHU LAS GDUNG BRAL ZHING, ,SNYING LA MDZA' GCUGS SBYIN PAR BYED, ,DE PHYIR BDAG GIS BLO LDAN RI DVAGS MIG ,BSKAL BZANG GZHUNG LUGS NAGS MTHAR RTZE BA LA, ,SNGON MED DRI BZANG RDZOGS PA'I ME TOG 'PHRENG, ,GTAM 'DI RNA LUNG MDZES PA'I RGYAN DU BYAS, ,TSUL 'DIR 'BAD LAS RAB DKAR DGE BA'I DPAL, ,GANG ZHIG THOB [?] [?] DGA' LDAN GZHAL MED KHANG, ,RGYAL TSAB ZHAL GYI DGA' STON GYIS MTHO BAR, ,SHER PHYIN DAM PA'I DPAL LA SPYOD PAR SHOG, ,,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL BA'I RNAM BSHAD RTOGS PAR DKA' BA'I SNANG BA ZHES BYA BA 'DI NI, 'JIG RTEN GSUM NA 'GRAN PA'I ZLA THAMS CAD DANG BRAL BA RGYAL BA'I RING LUGS PA THAMS CAD KYI GTZUG GI NOR BU DON GYI SLAD DU MTSAN NAS SMOS TE RJE BTZUN DAM PA KU MA RAM TI'I ZHAL SNGA NAS DANG, 'GRO BA MA LUS BA'I MIG GCIG PU, RGYAL BA KUN GYI DAM PA'I CHOS MA LUS PA 'DZIN PA LA BYANG CHUB SEMS DPA' BLO GROS CHEN PO DANG MI GNYIS PA, THAMS CAD MKHYEN PA BLO BZANG GRAGS PA'I DPAL GYI ZHAL SNGA NAS LA SOGS PA RJE BTZUN DAM PA THUGS RJE CHEN PO DANG LDAN PA RNAMS KYI ZHABS RDUL SPYI BOS LEN PA, RGYAL

, ,BA'I GSUNG RAB MTHA' DAG GI DGONGS DON 'BYED PA LA MI 'JIGS PA'I SPOBS PA DGE BA CAN, MANG DU THOS PA'I DGE SLONG DGE LEGS DPAL BZANG PO ZHES BYA BAS, GTZANG NYANG STOD RIG PA'I 'BYUNG GNAS KYI CHA DGE SBYONG DANG BRAM ZE CHOS DANG DON YONGS SU TSOL BA LA ZHUGS PA DAG GIS BSTEN PAR BYA BA'I GNAS RDO RJE'I GDAN DU SBYAR BA'O,, ,,SVASTI; PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUS CHOS GRVA CHER, ,CHOS SPYIN 'DZAD MED DAL 'GRO'I RGYUN 'DI SPEL, ,MANGGA LAm, , DGE LEGS SU GYUR CIG, ,,

[BLANK PAGE]