—

, ,GZHAN GYI THE TSOM SEL BYED DRIS LAN KYI SKOR BZHUGS SO,,

, ,LO TZ'A BA DON BZANG GI DRIS LAN, THAL RANG GI KHYAD PAR NI, GANG LAS GYES PA'I GZHI, JI LTAR GYES PA'I TSUL, GYES PA SO SO'I 'DOD PA, SLOB DPON GYI DGONGS PA GANG DU GNAS DPYAD PA DANG BZHI LAS, DANG PO NI, DBU MA RIGS PA'I TSOGS DANG BZHI BRGYA PA LA SOGS PA 'PHAGS PA YAB SRAS KYI GZHUNG RNAMS YIN TE, DE DAG GI DGONGS PA LA RJES 'JUG GI SLOB MA RNAMS THAL RANG SO SOR GYES PA'I PHYIR RO, ,JI LTAR GYES PA'I TSUL NI, 'PHAGS PA'I DNGOS SLOB SLOB DPON SANGS RGYAS BSKYANGS KYIS 'PHAGS PA'I DGONGS PA RANG LUGS KYI MTHAR LHUNG BA'I DAM BCA' GANG YANG MED PAS, RANG LUGS KYI DAM BCA' SGRUB PA'I RANG RGYUD KYI GTAN TSIGS CI YANG ZHAL GYIS MI BZHES SHING, GZHAS LUGS KYI MTHAR LHUNG GI DAM BCA' RNAMS RGOL BA RANG GRAGS GYI KHAS BLANGS NANG 'GAL

, ,GYI THAL BA 'BA' ZHIG GIS 'GOG PAR RTOGS TE, DBU MA RTZA BA'I 'GREL PA MDZAD NAS SLOB DPON GYI DGONGS PA THAL 'GYUR TU 'GREL PAR MDZAD DO, ,DE'I 'OG TU YANG SLOB DPON GYI DNGOS SLOB LEGS LDAN 'BYED KYIS DBU MA PA LA DON DAM PAR DAM BCA' MED PAS, RANG RGYUD KYI GTAN TSIGS MI BZHED KYANG, THA SNYAD DU SKYE MED DANG, STONG NYID LA SOGS RANG LUGS KYI DAM BCA' KHAS MI LEN NA, GZHAN DAG SKYE BA BDEN PA DNGOS SU 'DOD PA YANG DGAG MI NUS PAS, THA SNYAD DU SKYE MED SOGS SGRUB PA'I RANG RGYUD KYI GTAN TSIGS KHAS BLANG DGOS SHING, GZHAN GYI KHAS BLANGS RTAGS SU BKOD PA'I THAL BA TZAM GYI RANG LUGS KYI DAM BCA' SGRUB PAR YANG MI RIGS ZHES PA LA SOGS PA'I SGO NAS PHYOGS SNGA MA LA SKYON BRJOD DE, DBU MA RTZA BA'I TSIG GI 'GREL PA SHES RAB SGRON ME DANG, DON GYI

'GREL PA DBU MA SNYING PO LA SOGS PA MDZAD NAS, SLOB DPON GYI DGONGS PA RANG RGYUD DU 'GREL BAR MDZAD DO, ,DE'I 'OG TU DPAL LDAN ZLA BA GRAGS PA BYON TE, SANGS RGYAS BSKYANGS KYIS SLOB DPON GYI DGONGS PA PHYIN CI MA LOG PAR RTOGS PAR GZIGS NAS, DBU MA'I TSIG DON GYI 'GREL PA TSIG 'JUG LA SOGS PA MDZAD TE, LEGS LDAN 'BYED KYIS SANGS RGYAS BSKYANGS LA BRJOD PA'I SKYON THAMS CAD SPANGS SHING, DBU MA PA YIN NA RANG RGYUD KYI RJES SU DPAG PA KHAS LEN PAR RIGS PA MIN TE, PHYOGS GZHAN KHAS BLANGS PA MED PAS PHYIR ZHES PA LA SOGS PAS RANG RGYUD DU SMRA BA LA SKYON DU MA BRJOD NAS, THAL 'GYUR BA'I GZHUNG, LEGS PAR 'DZUGS PAR MDZAD DO, ,GYES PA SO SO'I BZHED PA NI, PHYOGS DE GNYIS YANG JI SKAD DU, SANGS RGYAS RNAMS KYIS CHOS BSTAN PA, ,BDEN PA GNYIS KYI LA

, ,YANG DAG BRTEN, ,ZHES SOGS KYI GZHUNG GI RJES SU 'BRANGS NAS, BDEN PA GNYIS SGO NAS RNAM GZHAG BYED PAR MTSUNGS LA, DE'I NANG NAS DON DAM PA'I RNAM GZHAG LA NI MI MTHUN PA MED DE, GZHAN DU NA GNAS LUGS DU MA MED PA'I PHYIR GANG YANG RUNG BA GCIG DBU MA PA MIN PAR THAL BA'I PHYIR RO, ,KUN RDZOB KYI BDEN PA RNAM PAR 'JOG PA LA NI MI MTHUN TE, GZHAN DU NA KHYAD PAR MED PAR THAL BA'I PHYIR RO, ,DE LA RANG RGYUD PA RNAMS NI KUN RDZOB RNAM PAR 'JOG PA 'JIG RTEN GYI THA SNYAD KYI RJES SU 'BRANGS NAS MI 'JOG STE, 'JIG RTEN PA RNAMS NI RIGS PAS RNAM PAR MI DPYOD PAR THA SNYAD LA RANG DGAR 'JUG PAS 'KHRUL PA SRID PA'I PHYIR SNYAM DU BSAM PA NAS SO, ,DE'I PHYIR RNAM RIG PA LA SOGS PA GRUB MTHA' SMRA BA RNAMS DANG MTHUN PAR KUN RDZOB KYI BDEN PA RNAMS PAR 'JOG GO ,DE

LA YANG KHA CIG NI THA SNYAD DU PHYI ROL GYI DON KHAS LEN CING, DE'I NGO BO DANG DE SHES PAS RTOGS TSUL LA SOGS PA'I RNAM GZHAG RNAMS MDO SDE PA DANG MTHUN PAR RNAM PAR 'JOG TE, DE LA MDO SDE SPYOD PA'I DBU MA PA ZHES GRAGS SO, ,KHA CIG NI THA SNYAD DU YANG PHYI ROL GYI DON RDZAS SU GRUB PA MED KYI, SHES PA NYID BAG CHAGS KYI DBANG GIS GZUNG 'DZIN DU KUN BTAGS PA TZAM DU ZAD DO ZHES SOGS RNAM RIG DU SMRA BA DANG RJES SU MTHUN PAR 'JOG STE, DE LA NI RNAL 'BYOR SPYOD PA'I DBU MA PA ZHES GRAGS SO, ,DE LA DANG PO NI, SLOB DPON LEGS LDAN 'BYED DANG, GNYIS PA NI ZHI BA 'TSO DPON SLOB YIN NO ZHES LO TZ'A BA CHEN PO YE SHES SDES GSUNG NGO, ,YANG NA SLOB DPON LEGS LDAN 'BYED NA RE, KLU SGRUB KYI GZHUNG LA GZHAN NGOR PHYI ROL GYI DON KHAS LEN PA RAGS PA PHYI'I DBU MA PA DANG, PHYI ROL GYI DON KHAS MI LEN PA PHRA BA NANG GI DBU MA PA GNYIS YOD PAS, GZHAN DANG RTZOD PA BYED PA'I TSE DANG PO'I RJES SU 'BRANGS LA, RNAL 'BYOR NYAMS SU LEN PA'I TSE PHYI MA'I RJES SU 'BRANGS BAR BYA'O ZHES GSUNGS SO, ,THAL 'GYUR BA DAG NI GRUB MTHA' SMRA BA DE DAG DANG RJES SU MTHUN PAR MI SMRA STE, DE DAG NI RTEN 'BREL SGYU MA LTA BU LA RANG GIS BRTAGS PA'I RIGS PA'I 'THAD PA BCUG NAS RNAM PAR 'JOG PAS KUN RDZOB KYI BDEN PA LAS KYANG NYAMS LA, DE DAG GIS JI LTAR RNAM PAR BZHAG PA LTAR DON LAM GRUB PAS DON DAM PA'I BDEN PA LAS KYANG NYAMS SO, ,DE'I PHYIR DE DAG NI BDEN PA GNYIS KA LAS KYANG NYAMS PA YIN TE, JI SKAD DU, 'JUG PA LAS, SLOB DPON KLU SGRUB ZHABS KYI LAM

, ,LAS NI, ,PHYI ROL GYUR LA ZHI BA'I THABS MED DO, ,DE DAG KUN RDZOB DE NYID BDEN LAS NYAMS, ,BDEN GNYIS NYAMS LAS THAR PA 'GRUB YOD MIN, ,ZHES GSUNGS SO, ,DE BAS PHYIR, RANG RGYUD PA DAG KUN RDZOB KYI BDEN PA RNAM PAR 'JOG PA LA MI MKHAS PAS, 'PHAGS PA KLU SGRUB KYI LUGS PHYIN CI MA LOG PA'I RJES SU 'BRANG BA MA YIN NO SNYAM DU DGONGS NAS, SLOB DPON DE DAG NI GRUB MTHA' LA MA ZHUGS PA'I 'JIG RTEN PA DAG GI THA SNYAD KYI RJES SU 'BRANGS NAS KUN RDZOB KYI BDEN PA RNAM PAR 'JOG STE, DE LTAR DE BZHIN GSHEGS PAS 'JIG RTEN PA'I BLO DANG MTHUN PAR KUN RDZOB KYI BDEN PA RNAM PAR BZHAG LA, 'PHAGS PA'I GZIGS PA DANG MTHUN PAR DON DAM PA'I BDEN PA RNAM PAR BZHAG NAS BDEN PA GNYIS KYI SGO NAS CHOS BSTAN PA'I PHYIR RO SNYAM DU DGONGS SO, ,DE'I PHYIR SLOB DPON DE DAG LA 'JIG RTEN GRAGS STE SPYOD PA'I DBU MA PA ZHES MKHAS PA KUN LA GRAGS SO, ,DBU MA PA DE GNYIS KA YANG DON DAM PAR KHAS LEN MED PAR MTSUNGS KYANG RANG RGYUD PA DAG KUN RDZOB TU RANG GIS JI LTAR RNAM PAR GZHAG PA'I KUN RDZOB KYI BDEN PA RNAMS RANG LUGS LA GRUB PAR 'DOD LA, THAL 'GYUR BA DAG 'JIG RTEN GZHAN NGO 'BA' ZHIG TU KUN RDZOB RNAM PAR 'JOG GI RANG LUGS LA MA YIN TE, DBU MA PA LA MTHAR LHUNG GI DAM BCA' MED PA'I PHYIR RO, ,DE SKAD DU YANG, 'JUG PAR, JI LTAR KHYED KYI GZHAN DBANG DNGOS 'DOD LTAR, ,KUN RDZOB KYANG NI BDAG GIS KHAS MA BLANGS, ,'BRAS PHYIR 'DI DAG MED KYANG YOD DO ZHES, ,'JIG RTEN NGOR BYAS BDAG NI SMRA

BAR BYED, ,CES GSUNGS SO, ,SLOB DPON GYI DGONGS PA GANG TU GNAS DPYAD PA NI, ,RANG RGYUD PA DAG GI 'DOD PA LA THAL 'GYUR BA DAG GIS BRJOD PA'I SKYON DAG ZHUGS PA'I PHYIR KLU SGRUB KYI LUGS SKYON MED PA MA YIN TE, KLU SGRUB NI DE BZHIN GSHEGS PA'I DGONGS PA PHYIN CI MA LOG PAR 'GREL BAR DE BZHIN GSHEGS PAS LUNG BSTAN PAS, DE'I LUGS LA SUS KYANG CHOS DANG MTHUN PAR RGYAL DU MED PA'I PHYIR RO, ,THAL 'GYUR BA RNAMS NI GZHAN NGOR 'JIG RTEN NA JI LTAR GRAGS PA'I BLANG DOR GYI THA SNYAD KHAS LEN CING BLANG DOR LA 'JUG LDOG BYED PAS, KUN RDZOB KYI BDEN PA RNAM PAR 'JOG PA LA MKHAS SHING CHAD PA'I MTHAR MA LHUNG, MNYAM GZHAG DANG RJES THOB KYI DUS THAMS CAD DU 'KHOR 'DAS KYI CHOS GANG LA YANG RTAG CHAD DANG BLANG DOR SOGS KYI MTSAN MA GANG DU YANG MI 'DZIN CING MNGON PAR MI ZHEN PAS, DON DAM GYI BDEN PA RNAM PAR 'JOG PA LA MKHAS SHING RTAG PA'I MTHAR MA LHUNG BA YIN NO, ,DE LTAR NA BDEN PA GNYIS PHYIN CI MA LOG PAR 'JOG PA 'DI NI 'PHAGS PA KLU SGRUB KYI LUGS RMA MED PA YIN NO, ,GZHAN YANG LUGS 'DI NI PHYOGS GANG LAS KYANG 'JIGS PA MED PA RDO RJE RIN PO CHE DANG 'DRA STE, 'DI LA PHYOGS SUS KYANG RGAL DU MED CING, 'DIS MTHAR 'DZIN GYI PHYOGS THAMS CAD GZHIG PAR NUS PA'I PHYIR RO, ,DE LTAR YANG DBU MA RTZA BAR, STONG PA NYID KYIS BCAD BYAS TSE, ,GANG ZHIG LAN 'DEBS SMRA BYED PA, ,DE YIS THAMS CAD LAN BTAB MIN, ,BSGRUB PAR BYA DANG MTSUNGS PAR 'GYUR, ,STONG PA NYID KYI BSHAD BYAS TSE, ,GANG ZHIG SKYON 'DOGS SMRA BYED

, ,PA, ,DE YIS THAMS CAD SKYON BTAB MIN, ,BSGRUB PA BYA DANG MTSUNGS PA 'GYUR, ,ZHES GSUNGS PA'I DGONGS PA YANG LUGS 'DI LA SHIN TU 'THAD PA'I PHYIR RO, ,GZHAN YANG RTZOD BZLOG LAS, GAL TE NGAS DAM BCAS 'GA' YOD, ,DES NA NGA LA SKYON 'DI YOD, ,NGA LA DAM BCA' MED PAS NA, ,NGA NI SKYON MED KHO NA YIN, ,ZHES DANG, RIGS PA DRUG BCU PA LAS, RTZOD MED CHE BA'I BDAG NYID CAN, ,DE RNAMS LA NI PHYOGS NYID MED, ,GANG RNAMS LA NI PHYOGS MED PA, ,DE LA GZHAN PHYOGS GA LA YOD, ,CES DANG, BZHI BRGYA PA LAS KYANG, YOD DANG YOD MED CES, ,GANG LA PHYOGS NI YOD MIN PA, ,DE LA YUN NI RING POS KYANG, ,KLAN KA BRJOD PAR NUS MA YIN, ,ZHES SOGS, 'PHAGS PA YAB SRAS KYI GZHUNG LUGS RNAMS KYI DGONGS PA YANG, ZHE 'DOD KYI KHAS LEN CI YANG MI RTOG PA'I DBU MA THAL 'GYUR BA'I LUGS 'DI NYID YIN PAR MNGON NO, ,DE LTA NA YANG LUGS 'DI NI SHIN TU GTING DPAG DKA' BA'I PHYIR, 'PHAGS PA KLU SGRUB KYI GZHUNG NYID LA SBYANGS PA'I BDAG NYID CHEN PO 'GA' ZHIG GIS KYANG MA RTOGS NA, DNGOS PO LA MNGON PAR ZHEN PA'I BSTAN BCOS KYI ZHAGS PAS BCINGS PA DAG GIS RTOGS PAR 'GYUR BA LTA CI SMOS, DE'I PHYIR 'PHAGS PA'I YUL DU YANG LUGS 'DI KHAS LEN PA NI, NYIN MO'I SKAR MA BAS KYANG CHES NYUNG ZHING GANGS CAN GYI KHROD 'DIR NI GTAN MA BYUNG BA'I TSOD TZAM DU SNANG NGO, ,BSOD NAMS DMAN PA DAG GIS NI PHYOGS 'DI LA THE TSOM YANG ZA BAR MI 'GYUR NA JI LTA BA BZHIN RTOGS PA LTA SMOS KYANG CI

DGOS, GANG ZHIG GI 'DI LA THE TSOM DANG LDAN PA'I SGO NAS DO DU GNYER BA DE YANG SHIN TU SKAL BA DANG LDAN PA YIN NA, THOS PA DANG BSAM PA LA SOGS PA'I SGO NAS TSUL BZHIN DU BSGRUB PA DAG NI DAM PA LAS KYANG CHES DAM PA YIN TE, JI SKAD DU, BZHI BRGYA PA LAS, BSOD NAMS CHUNG NGUS CHOS 'DI LA, ,THE TSOM ZA BAR YANG MI 'GYUR, ,'DI LA THE TSOM ZOS PAS KYANG, ,SRID PA HRUL POR BYED PAR 'GYUR, ,ZHES GSUNGS SO, ,MDOR NA BDAG LEGS SU 'DOD PA DAG GIS, , 'PHAGS PA KLU SGRUB KYI GZHUNG LUGS LA MOS PAR BYA BA YIN TE, JI SKAD DU 'JUG PAR, SLOB DPON KLU SGRUB ZHABS KYI LAM LAS NI, ,PHYI ROL GYUR LA ZHI BA'I THABS MED TE, ,DE DAG KUN RDZOB DE NYID BDEN LAS NYAMS, ,BDEN GNYIS NYAMS LAS THAR PA 'GRUB YOD MIN, ,ZHES GSUNGS PA LTAR RO, ,DE LTAR NA DUS GSUM GYI BDE BAR GSHEGS PA THAMS CAD KYI DGONGS PA 'PHAGS PA KLU SGRUB KYIS RTOGS SHING, KLU SGRUB KYI LUGS KHO NA KHA NA MA MTHO BA MED PA THAL 'GYUR BA'I LUGS 'DI YIN PAS, GANG DAG 'DI DANG MI MTHUN PAR SMRA BA DAG NI RTAG CHAD GANG RUNG GI MTHA' LAS MI 'DA' BAS LAM LOG PAR ZHUGS SO ZHES KHO BO SEMS SO, ,YANG ZAG PA MED PA'I SA BON ZHES PA 'DI NI, NGO BO DANG RAB TU DBYE BA DANG, DE YOD PA'I SHES BYED GSUM GYIS SHES PAR BYA STE, DANG PO NI, SEMS CAN KUN LA THOG MA MED PA NAS RANG BZHIN GYI RJES SU ZHUGS PA THOS PA'I RKYEN GYIS GSOS NAS RIM GYIS 'PHEL NAS 'JIG RTEN CHOS MCHOG GI GNAS SKABS SU MTHONG LAM SKAD CIG DANG PO'I RGYU RKYEN DU

, ,'GYUR BA ZHIG STE, KUN GZHI'I STENG NA CHU DANG 'O MA 'DRES PA LTAR DU KUN GZHI DANG DE NYID DANG GZHAN DU BRJOD DU MED PA'I TSUL DU GNAS LA, DE YANG JI SRID THOS PA'I RKYEN GYIS MA GSOS PA DE SRID DU NUS PA'I NGO BOR GNAS LA, DE LA RANG BZHIN DU GNAS PA'I RIGS ZHES KYANG BYA, ZAG MED KYI SA BON ZHES KYANG BYA, SKYE MCHED DRUG GI KHYAD PAR ZHES KYANG BYA ZHING MA SGRIBS LA LUNG MA BSTAN GYIS NGO BOR GNAS PA YIN TE, GAL TE 'DI DGE BA YIN NA, LOG LTAS DGE BA'I RTZA BA BCAD PA'I RGYUD LA RANG BZHIN DU GNAS PA'I RIGS MED PAR 'GYUR NA DE YANG RUNG BA MIN NO, ,NYON MONGS CAN MA YIN PAR NI, SGRUB SLA BAS MA SGRIBS LUNG MA BSTAN KHO NAR GNAS SO, ,CI'I PHYIR 'DI LA SKYE MCHED DRUG GI KHYAD PAR ZHES BYA ZHE NA, 'DI GANG LA YOD PA'I NANG GI SKYE MCHED DRUG PO DE NYID THEG PA GSUM GANG RUNG GI RIGS CAN GYI GANG ZAG TU 'DIS MTSON PAR BYED PAS, DE'I PHYIR SKYE MCHED DRUG GI KHYAD PAR ZHES KYANG BYA STE, NANG GI SKYE MCHED DRUG KHYAD PAR DU 'BYED PAS BYED PA'I KHYAD CHOS YIN PA'I PHYIR RO, ,GANG GI TSE 'DI THOS PA'I RKYEN GYI GSOS BTAB STE, 'PHEL BAR GYUR PA DE'I TSE YANG DAG PAR BLANGS PA LAS BYUNG BA DANG, RGYAS PA LAS GYUR PA'I RIGS ZHES KYANG BYA LA, RJES SU 'BREL BA'I DGE BA YIN TE DGE BA'I BAG CHAGS YIN PA'I PHYIR RO, ,'ON KYANG RJES 'BREL GYI DGE BA NI DGE BA RNAM GRANGS PA YIN PAS, ,DE'I TSE'ANG NGO BO MA SGRIBS LUNG MA BSTAN NYID DU 'THAD DE, THEG BSDUS SU, PHYI DANG NANG DANG MI GSAL BA, ,ZHES SOGS KYI THAD DU, SEMS CAN

THAMS CAD DGE MI DGE GNYIS KAR DU MI GSAL BAR GSUNGS PA'I PHYIR RO, ,GNYIS PA DE'I RAB TU DBYE BA NI, KUN GZHI'I STENG NA NUS PA'I NGO BOR YOD PA'I ZAG MED KYI SA BON DE NYID LA KHA CIG NI GANG ZAG GI BDAG MED TZAM RTOGS PA'I 'JIG RTEN LAS 'DAS PA'I YE SHES KYI RGYUR RUNG BA YANG YOD, KHA CIG NI DE'I STENG DU GZUNG BA CHOS KYI BDAG MED TZAM RTOGS PA'I RGYUR RUNG BA'ANG YOD, KHA CIG NI BDAG MED GNYIS KA RTOGS PA'I YE SHES KYI RGYUR RUNG BA YANG YOD, KHA CIG NI RKYEN GYI DBANG GI RTOGS PA GSUM KA'I RGYUR RUNG BA'ANG YOD LA, DE DAG NI GO RIMS BZHIN DU NYAN THOS KYI RIGS DANG, RANG SANGS RGYAS KYI RIGS DANG, THEG PA CHEN PO'I RIGS DANG, MA NGES PA'I RIGS ZHES KYANG BA'O, ,DE'I PHYIR MDO SDE RGYAN LAS, RIGS NI NGES DANG MA NGES DANG, ,ZHES DANG, KHAMS RNAMS DANG NI MOS PA DANG, ,SGRUB PA THA DAD DBYE BA DANG, ,'BRAS BU THA DAD DMIGS PA'I PHYIR, ,RIGS YOD NYID CES BRJOD PA YIN, ,ZHES SOGS SO SPYIR RIGS YOD PA LA NGES PA DANG, MA NGES PA'I RIGS DANG, RIGS NGES PA LA YANG THEG PA GSUM GYI RIGS THA DAD YOD PA'I RGYU MTSAN DANG BCAS PA GSUNGS PA YIN NO, ,GSUM PA YOD PA'I SHES BYED NI, GAL TE THOG MA MED PA NAS RJES SU ZHUGS PA'I ZAG MED KYI SA BON DE LTA BU SEMS CAN RNAMS LA YOD PAR CES MNGON ZHE NA, LUNG DANG RIGS PA LAS TE, DE LA RE SHIG LUNG NI, RGYUD BLA MA LAS, GAL TE SANGS RGYAS KHAMS MED NA, ,SDUG LA SKYO BAR MI 'GYUR ZHING, ,MYA NGAN 'DAS LA 'DOD PA DANG, DON GNYER SMON PA'ANG MED PAR

, ,'GYUR, ,ZHES SOGS GSUNGS SHING, RIGS PA'ANG YOD TE, GAL TE SEMS CAN LA ZAG MED KYI SA BON MED NA, SKAL MNYAM GYI RGYU MED PA'I PHYIR, ZAG MED KYI LAM SKYE BAR MI RUNG NGO, ,GAL TE KUN NAS NYON MONGS PA'I SA BON RNAMS KYIS SKAL MNYAM GYI RGYU BYED DO SNYAM NA MI RIGS TE, SPANG BYA DANG GNYEN PO YIN PAS SHIN TU RIGS MI MTHUN PA'I PHYIR DANG, RIGS MI MTHUN PA YANG RGYU 'BRAS SU MI RUNG STE, ME LCE LAS KYANG MUN PA 'THUG PO SKYE BAR HA CANG THAL BA'I PHYIR RO, ,RIGS PA DANG, GROL BAR SMRA BA'I SPOBS PA DGE BA CAN, BLA MA LO TZ'A BA DON BZANG GIS GSUNG YIG BSKUR BA'I SKABS KYI DON LA DRI BA RNAMS RANG RES GO TSOD GZHON NU BLO GROS KYIS YIG GER BKOD NAS BSKUR BA 'DI YANG DGE LEGS SU GYUR CIG ,SHUBHAm ` RTZE CHEN MKHAN PO'I ZHUS LAN, DRI BA'I LAN LA, GSOL GZHI'I LAS MI G-YO ZHING BZHAG PAR MI 'OS PA ZHES PA, MKHAN SLOB DGE 'DUN SOGS RGYU THAMS CAD TSOGS PAS LAS DE BYA BAR RIGS BA'I PHYIR MI G-YO ZHING, CHOS DANG LDAN PAS BZHAG PAR MI 'OS PA ZHES BYA'O, ,GOS THAMS CAD KHA DOG CIG PA MI RUNG STE ZHES PA GZHUNG NAS, THAMS CAD SNGON PO SHA STAG GYON NA LTUNG BA SBOM POR BSHAD, SER PO DANG DMAR PO 'BA' ZHIG PA LA MI RUNG BAR MA BSHAD, PHRAN TSEGS KYIS BSDUS PA'I NYES BYAS ZHES SOGS KYI BRDA CHAD MED, LTUNG BA SDE LNGAS BSDUS PA'I NYES BYAS DANG GZHI SDUS KYIS BSDUS PA'I NYES BYAS BYA BA BDOG KHA CIG LTUNG BAR 'GYUR LA SMRA, ,ZHES PA LA SLOB DPON YON TAN 'OD, KHA

CHE RNAMS NI BYUNG BA NA, ,BU LON NOR BZHIN GNYIS SU 'DOD, ,CES PA'I LUGS BZHED PA LAGS, PHAM PA BYUNG BA LA SKYO BA'I TSE 'BUL CHOG BYAS PAS CI LA YANG MI PHAN, DE'I TSE PHUL YANG SDOM PA MI SKYE, GZHUNG KHUNGS MA GANG NAS KYANG MA BSHAD, DGE SLONG BSLAB BYIN CAN LA SDOM PA BSKYAR MI DGOS, MDO SDE PA'I LUGS KYI DE LA PHAM PA MA BYUNG ZHING, KHA CHE BA'I LUGS KYI PHAM PA 'CHAB MED BYUNG YANG, BSLAB BYIN GYIS CHO GA BYAS NAS SA GZHAN NA GNAS PA'I SPYOD PA SPYAD PAS, DGRA BCOM PA THOB NA, RANG BZHIN DU GNAS PA THOB PA LAGS, DGE SLONG BZHIS SDOM PA 'CHAGS PAR DENG SANG KHA CIG LUNG ZHU BA DANG, ME TOG 'PHRENG RGYUD LA BRTEN NAS BZHED PAR GDA' STE MI 'THAD, 'PHRENG RGYUD KYI DGONGS PA MIN ZHING, LUNG GI YIG GE NYAMS PAR RGYA CHE 'GREL DU LUNG DRANGS PA DANG GONG 'OG GI 'GREL LAS SHES SHING, MDO RTZA BAR, MTHA' 'KHOB TU NYUNG MTHA' DGE SLONG LNGAR BSHAD PA'I PHYIR DANG, GZHI LA GSANG STON BSKO BA'I LAS MI 'CHAGS SHING, GSANG STON MED NA CHO GA LAS 'DAS PAS LAS MI 'CHAGS PA'I PHYIR RO, ,DGE SLONG MA YIN PAR SHES NA MI SKYE ZHES PA, MKHAN PO DGE SLONG DON LA MIN PA LA SGRUB BYAS DER SHES NA MI SKYE BA YIN LA, KHYIM PAS BYAS KYANG SKYE BA DON LA KHYIM PA YIN YANG SGRUB BYAS DGE SLONG RNAM DAG TU YID CHES NA SKYE BAS MI 'GAL DGE SLONG RNAM DAG LA, MA DAG PA GSUM GYI MTHA' 'KHOB TU LAS BYAS NA SKYE, YUL DBUS SU MI SKYE BA BSNYEN RDZOGS KYI LAS KYI DBANG DU BYAS, GSO SBYONG SOGS KYI LAS YUL DBUS SU BYAS KYANG 'CHAGS, DGE

, ,SLONG GCIG GIS DGE TSUL BSGRUB PA GZHUNG 'GREL GANG NAS KYANG MA BSHAD PAS GTAN NAS MI RUNG, 'DUL BA'I CHO GA LA PHO TSOD DANG RIGS PA'I AAS RGYAB BYAR MI RUNG, BYAS NA YANG BSTAN PA LA RMA CHEN PO PHYUNG BAR GYUR BAS DE 'DRA BYED MKHAN 'DUG NA SUN DBYUNG 'TSAL, MKHAN PO MED PA SOGS KYIS BSNYEN RDZOGS BYAS NA NYES BYAS SU 'GYUR ZHES PA, SDOM PA SKYES PA NA DNGOS GZHI'I LTUNG BA SKYED CING, DE'I SNGAR SBYOR BA'I NYES PA PHRA MO 'BYUNG YANG LTUNG MTHUN BYIN RLABS KYIS BYIN GYIS BRLABS PAS, LAS BYED PA LA MI SGRIB, MKHAN SLOB SBRAGS NAS BYED PA BAS MKHAN PO MED PAR BYAS PA DAG STE, MKHAN PO DANG SLOB DPON SBRAGS NAS BYAS NA, GANG NAS KYANG MA BSHAD PAS RANG BZOR BGRO LA, MKHAN PO MED KYANG BYAR RUNG BAR GZHUNG LAS BSHAD PA'O, ,MA BYIN LAN GYI RIN THANG GI TSAD KAR SHA PA NI BZHIR CHAR BSHAD, YUL DUS KYI DBANG GIS KAR SHA PA NA'I RIN THANG CHE CHUNG DU 'GYUR BA DANG, BOD NA KAR SHA PA NI'I RIN THANG GI THA SNYAD MED PAS SHIN TU DKA', 'ON KYANG GTAM GYI GZHI LAS, MA SHA KA BCU GNYIS KAR SHA PA NA'I RIN THANG CHUNG NGUS KYI TSAD DU BSHAD, MA SHA KA BOD KYI GSER DRUG NAM CIG YIN PAS DENG SANG GSER ZHO PHYED LA TSAD BYAS NA RIN THANG CHE PA'I SKYON DU MI 'GYUR SNYAM NA, SNGA RABS PA DAG GIS BSOD SNYOMS BZANG BA CIG GIS ZHES SOGS LA SHES BYED CI YANG MED, DGE SLONG MA MED KYANG DGE SLONG GI CHO GAS BUD MED BSNYEN PAR RDZOGS SU RUNG BAR GZHUNG 'GREL GNYIS KA NAS MA BSHAD CING, NYES PA 'BYUNG BAR YANG MA

BSHAD, DENG SANG GI LUNG DU DGE 'DUN LA NYES PA 'BYUNG BAR BSHAD PA LUNG MA DAG PAR MNGON TE, SLOB DPON GYIS MDOR MA BSDUS PA'I PHYIR DANG, 'GREL PAS KYANG MA BSHAD PA'I PHYIR RO, ,SNGON GYI CHO GA MKHAN SLOB MED PAR GSOL BZHI'I LAS KYI GCIG CAR RAB BYUNG BSNYEN RDZOGS BSGRUB PA YIN LA, DA LTAR GYI CHO GA MKHAN SLOB DANG BCAS STE RIM GYIS BSGRUB PA YIN, BSNYEN PAR RDZOGS TSUL BCU PO KUN SNGON CHOG TU SNGA RABS PA DAG GIS BSHAD PA RI BONG GI CHAL DANG 'DRA, GZHUNG 'GREL GANG NAS KYANG MA BSHAD, DA LTAR GYI CHO GA LO 'DI TZAM NAS BYUNG LUNG DU MI GSAL BAS SHES DKA', ,STON PA SANGS RGYAS NAS LO DRUG LON PA NA 'CHAR KA DA LTAR GYI CHO GAS BSNYEN PAR RDZOGS NAS SANGS RGYAS NAS RING PO MA LON PA NA BYUNG BAR MNGON, BZANG SBYIN LAS DANG PO PA YIN PAS PHAM PA MA PHOG SO THAR GYI MDO JI TZAM NAS GSUNG ZHES PA, STON PA SANGS RGYAS NAS LO BCU GNYIS BSTAN PA SKYON MED PAR GNAS PAS DE'I DUS SU, SDIG PA CI YANG MI BYA STE, ,ZHES SOGS KYI TSIGS SU BCAD PA GSUM 'DON PAS GSO SBYONG BYED CING, LO BCU GSUM PA LA BZANG SBYIN GYIS 'KHRIG PA SPYAD PAS DE PHYIN CHAD BSLAB PA RNAMS BCAS PA YIN LA, BSLAB PA BCAS NAS GSO SBYONG LA SO SO THAR PA'I MDO 'DON PA YIN PAS, BSLAB PA BCAS NAS MYANG NGAN LAS MA 'DAS KYI BAR DU YUL THA DAD DU DUS THA DAD GANG ZAG THA DAD PA RNAMS LA GLING BZHI RE RE'I DBANG GIS BSLAB PA RE RE BCAS PAS YUL DANG DUS LA NGES PA MED LA, GSO SBYONG DGAG DBYE BYED PA LA CHOS BSGRAGS KYI MDO MI 'DON KHA

, ,MED MIN, DUS BZANG KYI MDO 'DON PA'I SNGON ROL CHOS BSGRAGS KYI MDO 'DON PA SNGA RABS PA RNAMS KYI PHYAG LEN DU GDA', LHAG MA'I LTUNG BA PHOG KYANG LTUNG BA DE LAS BYED PA'I SNGON ROL DU GANG ZAG CIG GI MDUN DU BYIN GYIS BRLABS PAS KHA SKONG DU RUNG, KHU BA 'PHO BA GSUM GNAS NAS 'PHOS PA DANG, SBUBS SU 'ONGS PA DANG, DBANG PO'I MTHA' NAS BYUNG BA'O, ,DANG PO'I 'DZAD PA'I BDE BA SHAS CHER MYONG BA SNYING 'DAR BA LA SOGS PA 'BYUNG BA YIN LA, DE TZAM GYIS LHAG MA SKYED KHU BA PHYIR DBYUNG MI DGOS, LO MGO SNGA RABS PA KHA CIG STON ZLA THA CHUNG SMIN DRUG NAS 'DZIN, DE NYID NYI MA'I SNYING PO DANG MTHUN YANG, DRANG SRONG RNGA BONG GI LUGS YIN PAS PHYI ROL PA'I LUGS YIN, MKHAN CHEN BU STON PA, THA SKAR GYI ZLA BA NAS 'DZIN PAR GDA' STE, LUNG CI YANG MED CING DRANG SRONG RNGA BONG GI DUS NAS SANGS RGYAS KYI DUS NYI MA LOG PA ZLA GCIG GIS SNGAR SONG, SANGS RGYAS NAS DING SANG BAR LA ZHAG BCU GNYIS GSUM GCIG GIS SNGAR SONG GSUNG NAS RIGS PA DES LO MGO PHYIR BSNUR BAR GDA' STE, NYI MA LOG PA SNGAR SONG BA'I SHES BYED CI YANG MED, RNGA BONG GI DUS NA YANG DBYAR NYI STON ZLA RA BA KHRUMS STOD LA LDOG ,DGUN NYI DPYID ZLA RA BA DBO LA LDOG PAR NYI MA'I SNYING PO LAS BSHAD CING, SANGS RGYAS KYI DUS NA YANG NYI MA ZLOG DUS DE KHO NA LTAR DU GDAGS PA DANG MDZOD LAS BSHAD DE, DBYAR GYI ZLA BA GNYIS PA YI, ,THA MA'I TSES DGU NAS MTSAN RING, ,DGUN RNAMS KYI NI BZHI PA LA, ,THUNG DU 'GYUR RO NYIN MO LDOG CES PA'I

'GREL PA, 'GREL BSHAD LTAS PAS GSAL LO, ,GZHAN YANG LUGS DE LA SNRON GYI MAR NGO'I TSES GCIG NAS DBYAR SNGA MA KHAS LEN DGOS SHING, DE NAS ZLA BA GSUM NAS SRA RKYANG 'DINGS PAS, KHRUMS KYI MAR NGO'I TSES GCIG NAS SRA RKYANG 'DINGS DGOS SHING, SRA RKYANG GI DUS ZLA BA LNGA YIN PAS KHRUMS NAS MCHU'I BAR SRA RKYANG GI DUS SU 'GYUR LA, DE LTAR NA 'PHRENG RGYUD LAS, GRO BZHIN ZLA BA'I TSES GCIG NAS, ,SNGA MA'I DBYAR DE GTZO BO YIS, ,DE BZHIN KHRUMS STOD ZLA BA YIN, ,TSES CIG ZHES NI PHYI MAR GRAGS, ,ZHES DANG, SMIN DRUG NAS NI DBO YI BAR, ,SRA RKYANG GDING BAR RJES SU GNANG, ZHES PA DANG, MI 'GRIG PA SOGS NYES PA DU MA YOD DO, ,DES NA SANGS RGYAS PA RNAMS KYI DUS DANG PO NI DGUN TE ZHES GSUNGS SO, , DGUN ZLA RA BA NAS LO MGO 'DZIN PA SANGS RGYAS PA'I LUGS, STON ZLA THA CHUNG NAS LO MGO 'DZIN PA PHYI ROL PA'I LUGS, LO MGO 'DZIN LUGS MI MTHUN YANG STON ZLA THA CHUNG SMIG DRUG DANG DGUN ZLA RA BA MGO NAS 'DZIN PAR PHYI NANG GNYIS KA MTHUN, DES NA LO MGO ,MGO NAS BZUNG NA DBYAR SNGA PHYI'I KHAS LEN SRA RKYANG 'DINGS PA DANG, DBYUNG BA'I DUS GZHUNG NAS BSHAD PA RNAMS DANG, NAM ZLA'I DUS TSOD RNAMS DANG YANG SHIN TU 'GRIG PA LA, GRU NANG DU LAS AE 'CHAGS ZHES PA, GRU MI G-YO NA 'CHAGS, G-YO ZHING 'GRO NA MI 'CHAGS, RGYU MTSAN GRU MI G-YO BA'I NANG DU DBYAR KHAS LEN 'CHAGS PA DANG 'BYAMS PAR SHES NA MI 'CHAGS PAR BSHAD PA'I RUNG MTHUN LAS SHES, SLOB DPON GYIS 'TSAMS DU MA MNAN NAS BSNYEN SOGS

, ,KYI LAS BYAS NA AE 'CHAGS, ZHES PA 'CHAGS SHING NYES PA MED PAR PHRAN TSEGS KYI 'GREL PAR BSHAD, 'O ZHO DUS RGYUN KHO NA LAGS, ZHO KHA CHU DANG TA RA TSAGS KYIS BTZAGS PA THUN TSOD DU RUNG BA YIN, SNYE MA MA SKOL BA MYOS 'GYUR GYI LTUNG BA DNGOS GZHI SKYE, SBANG MA DANG TSIGS MA ZA BA LA NI DE'I 'JUG PA YOD DO ZHES PA'I MDO DNGOS SU YOD DE, SGRA GCAN ZIN GYI MA GRAGS 'DZIN MA YIN PAR LUNG LAS BSHAD, DUS MIN DU ZOS NA LTUNG BA 'BYUNG STE, MES RUNG BA BYED DGOS PA'I PHYIR LA, TZI TZI DANG GOS SNYOD KYI 'BRAS BU SOGS KYIS MA NGES TE, DE DAG THOG GU'I SA BON YIN PAS RUNG BA MA BYAS PA DGE SLONG GIS BCOM NA SA BON 'JIG PA'I LTUNG BYED BSKYED CING, JI SRID PA'I SMAN YIN PAS DUS MA YIN PAR LONGS SPYOD DU RUNG BAS SO, ,SNGA DRO RUNG CHU MI 'TSAL, THUN TSOD DU RUNG BA SOGS KYI SMAN DUS MIN DU SPYOD PA LA DGOS PA LAGS, DUS RUNG SOGS KYI SMAN BZHI NAD PA MIN PAS BYIN GYI BRLAB AE NYAN ZHES PA DUS RUNG LA BYIN GYIS BRLAB PA MA GNANG, SMAN GZHAN GSUM NAD PA MIN PAS BYIN GYIS RLOB MI NYAN, GZHAN GYIS BYIN GYIS BRLABS PA BZAR NI RUNG, PHYAG DAR KHROD KYI GOS NGOS BZUNG BA'I PHYIR DUS TSIGS GSUM ZHES PA RAS LA SOGS PA ZLA BA BZHI RU LONGS SPYOD PA PHYAG DAR KHROD PA YIN PAS, DE LA PHYAG DAR KHROD KYI YI DAM BLANGS NAS CHOS GOS BYAS PAS YI DAM RAL BA'I NYES PA MED CES PAR GDA', BOD KYI LUGS YIN, GZHUNG 'GREL PA LAS MA BSHAD, MTHANG GOS DANG SHAM THABS, DUL BA LHAS RNAM 'BYED 'GREL PAR GCIG

TU BYAS, SLOB DPON YON TAN 'OD THA DAD DU BZHED DE, GOS GZHI YO BYAD BCU GSUM GYI NANG DU THA DAD DU BGRANGS PA'I PHYIR, TSAD LA CHE CHUNG MED CING MTHANG GOS SHA LA GYON, SHAM THABS GRONG DU BSOD SNYOMS LA 'GRO BA NA THANG GOS KYI STENG DU GYON PA LAGS, LHUNG BZED KYI TSAD, KHA'I MTHA' NAS MTHE BONG DO PHRENG LA BSNYAL BA'I 'OG MA MAN CHAD LA 'BRAS SKAM MA GA DHA'I BRE'U CHUNG GANG BTZOS PA DE SPAG PAR NUS PA'I TSOD MA DANG BCAS PA SHONG BA CHUNG TSAD DU BSHAD, 'BRAS SKAM BRE'U CHUNG GANG LA MA GA DHA'I SRANG BCU DRUG 'ONG BAR 'GREL PA KUN MTHUN, MA GA DHA'I SRANG PHYED BOD KYI RGYAL PO'I DUS GYI SRANG GCIG DU BSHAD, BOD SRANG GI TSAD GSER ZHO BRGYAD YIN, RGYA GAR NA GSER ZHO BRGYAD LA MA GA DHA'I SRANG GCIG TU BYED PA YIN, DE DANG MTHUN PA SNGON GYI RGYAL BLON RNAMS KYIS KYANG BOD DU MDZAD, DES NA MGUR ZHOR GRAGS PA NI, SNGON GYI RGYAL BLON GYI DUS KYI TSONG 'DUS KYI ZHO LA TSAD PAR MNGON PAS, TSONG 'DUS MGUR MO'I SRANG GSUM BCU RTZA GNYIS MA GA DHA'I BRE'U CHUNG GI TSAD DU RUNG ZHING 'BRAS BTZOS PA SUM 'GYUR DANG, TSOD MA BZHI CHA YIN ZHES GRAGS PAS DE TZAM ZHIG LHUNG BZED CHUNG TSAD DU BYAS NA RUNG NGAM SNYAM PAR GDA', SNGA RABS PA RNAMS KYIS DPYAD PA MANG DU MDZAD GDA' STE BLANG DOR BYAR NYAN TZAM MI SNANG, GOS NAG PO RUNG BAR BSHAD DAM ZHES PA, NAG PO LA CHOS GOS RUNG BAR GANG NAS KYANG MA BSHAD, LVA BA NAG PO DGE SLONG GIS GYON PA LUNG GI GLENG GZHI LAS BSHAD TE, GNAS MAL LA RUNG BA TZAM LA DGONGS SO, ,PHYI SA DANG WA BA SOGS LA MI 'DRA BAR BSLAN

, ,ZHES PA, DE DAG LA CHOS GOS SBYAR MI RUNG BAR STON PA LAGS, LVA BA DANG BE'U PHRUG SOGS SPU BYI BA'AM SHIN TU THUNG BA'I DBANG DU BYAS PAS SPU CAN CHOS GOS SU BYIN GYIS MI BRLAB CES PA DANG MI 'GAL, LANG KHANG ZER BA YANG THOG LNGA BYAS PA LA ZER RAM SNYAM, GSAL PO BSHAD PA MA NGES STON PA LO GANG LA BLTAMS CES PA, RGYA GAR NA RGYAL PO'I LO BCOS KYI RJES SU 'BRANG NAS LO TSIGS 'DZIN PA MA GTOGS LO LA MED MOD, LUNG DU GSAL PO MA BYUNG BAS, RGYA NAG LUGS KYI LO RTAGS GANG LA 'KHRUNGS SHES DKA', BSTAN RTZIS GSAR RNYING RNAMS LA YID RTON PA CI YANG MI 'DUG CING, LUNG RNAMS LAS KYANG MI MTHUN PA MANG BAS, BSTAN LHAG JI TZAM YOD SHES DKA', 'DZAM BU GLING GI SA'I CHA GZHAN DANG GLING GZHAN NA BSTAN PA RNAL MA CI YOD MI SHES, LUNG DANG BSTUN NA BOD NA DING SANG GZUGS BRNYAN TZAM MA GTOGS, BSTAN PA RNAL MA MED PAR THAG CHOD DO, ,GSUNG RAB DANG MTHUN PA'I LTA SPYOD SKYON MED PA TSUL BZHIN DU BSGRUB PA NAN TAN BYED MKHAN MI SNANG BA'I PHYIR RO, ,DING SANG BOD NA SANGS RGYAS KYI BSTAN PA RNAL MA YOD SNYAM MKHAN RNAMS NI BLUN PO DAG 'DZAM BU'I GLING DU SLEBS PA NA, NOR BU RIN PO CHE'I GLING DU PHYIN PA SNYAM PA DANG 'DRA, RGYUD SDE DRUG DANG LNGA DANG BDUN DANG, BZHIR PHYE NA GZHAN RNAMS RNAM PA'I DBYE BA TZAM MA GTOGS BZHIR 'DUS PA 'DRA LAGS, DUS 'KHOR GYI 'JIG RTEN KHAMS KYI RNAM GZHAG RNAMS DRANG SRONG RGYAS PA'I WAR TA LAS BYUNG BA DANG, PHAL CHER MTHUN PAR MAN NGAG SNYE MA LAS BSHAD, PHYI ROL PA'I DRANG SRONG

RNAMS DRANG BA'I PHYIR DU DE DAG GI BLO DANG MTHUN PAR BSTAN PA SNYAM, SNGAGS KYI THEG PA KUN SEMS TZAM YIN ZER BA 'THAD PAR MI SEMS, NGED MDO RGYUD KUN GYI DGONGS PA DBU MAR 'CHAD PA LAGS, PHAL CHEN SDE PA MI TSANGS SPYOD RTZA BAR MI 'DOD ZER BA BLUN PO RNAMS KYI KHA SKYUGS YIN, GZHUNG LUGS KHUNGS MA GANG NAS KYANG MA BSHAD, SDE BA THAMS CAD RTZA BA'I LTUNG BA LA MI MTHUN PA MED, BU RAM PHYI DRO'I KHA ZAS YIN MIN SOGS YAN LAG PHRA MO 'GA' RE LA MI MTHUN PA CUNG ZAD YOD PAR RTOG GE 'BAR BA SOGS LAS BSHAD, BYAMS CHOS RNAMS SEMS TZAM DU THOGS MED SKU MCHED RJES 'BRANG DANG BCAS PAS BSHAD CING, BYAMS CHUB KYIS SEMS TZAM MA BSTAN NA THOGS MED SKU MCHED RJES 'BRANGS DANG BCAS PA'I GZHUNG RNAMS KYANG SEMS TZAM MA YIN PAR MTSUNGS PAS SEMS TZAM GYI GRUB MTHA' 'DZIN MKHAN SU YIN MI RNYED PAR 'GYUR BAS SO, ,RGYU MTSAN MANG STE YIG GE MANG PAR 'GYUR BAS MA BRIS LAGS, SDOM GSUM GYI NGO BO'I GCIG GAM THA DAD CES PA, NGED SDOM PA GONG MA GONG MA'I NANG DU 'OG MA 'OG MA 'DUS PAS GNAS GYUR GYI TSUL DU 'DOD, GCIG BTANG BAS GZHAN BTANG BAR MI 'GYUR TE, SDOM PA GTONG THOB SANGS RGYAS KYI BCAS PA'I DBANG GIS 'JOG PA'O, ,BYANG SEMS KYIS MI GSAD NA DGE SLONG GI SDOM PA 'CHOR, BYANG SEMS MTSAN NYID PA ZHIG YIN NA, DGE SLONG GI BSLAB PA MA PHUL BAR MI GSOD PA MI SRID, BSLAB PA PHUL NAS SNYING RJES MI BSAD KYANG, BYANG SEMS KYI GDAMS PA MI 'CHOR, DED DPON THABS LA MKHAS PA BZHIN NO, ,DBU MA PA

, ,LA RIG PA DU YOD CES PA, SNGA RABS PA DAG RANG RGYUD PA LA GCIG DANG DU BRAL SOGS RTAGS BZHI, THAL 'GYUR BA LA 'GAL BA BRJOD PA'I THAL 'GYUR, SGRUB BYED SGRUB BYA DANG MTSUNGS PA'I RGYU MTSAN, MTSUNGS PA'I MGO SNYOMS, LDOG PA GCIG PA'I DPUNG 'PHUL, ZHES PA BZHIR BZHED KYANG, RANG RGYUD PA LA RNAL 'BYOR SPYOD PA'I DBU MA PA DAG CHOS KYI GRAGS PA'I RIGS PA JI LTA BA BZHIN DU KHAS LEN CING CHOS RNAMS RANG BZHIN MED PAR GCIG DANG DU BRAL SOGS 'BREL ZLA LA MA DMIGS PA'I RTAGS KYIS SGRUB, MDO SDE SPYOD PA'I DBU MA PA DAG PHAL CHER 'GAL ZLA DMIGS PA'I RTAGS KYIS RANG BZHIN MED PAR SGRUB, THAL 'GYUR BA LA THA SNYAD DU YANG RANG LUGS KYI RIGS PA MED DE, GZHAN GYI DNGOS 'DZIN GYI LOG TOG KUN RGOL BA RANG GRAGS DANG 'JIG RTEN RANG GRAGS KYI RIGS PA KHO NAS 'GOG PA LAGS, RGYU MTSAN MANG STE MA BRIS, SNGAGS KYI THEG PAR SA BCU GNYIS SU BSHAD PA RGYUD GSUM MAN NGAG DANG BCAS PA SOGS KYI LUGS BCU GSUM DU BSHAD PA GSANG BA 'DUS PA MAN NGAG DANG BCAS PA'I LUGS SU GDA' STE, PHAL CHER DON GCIG MCHI, NGED 'PHAGS PA KLU SGRUB YAB SRAS KYI LUGS LA DAD PAS SA BCU GSUM PA BDE LAGS, SKAL MNYAM RGYU NI 'DRA BA'O, ,ZHES PA ZAG BCAS DANG ZAG MED KYI SKAL MNYAM GYIS RGYU GNYIS, DANG PO'I MTSAN NYID, RANG GI RGYU MTHUN GYI 'BRAS BU LAS SNGAR BYUNG ZHING DE DANG SA GCIG CING SPANG BYA RIS MTHUN PA, GNYIS PA'I MTSAN NYID, RANG GI RGYU MTHUN GYI 'BRAS BU LAS SNGAR BYUNG ZHING DE DANG RGYUD DANG

DBANG PO'I SGO NAS MNYAM PA'AM DMAN PA'I ZAG MED, CES PAS BSDUS STE, SA DGU'I LAM NI PHAN TSUN DU, MNYAM DANG KHYAD PAR CAN GYI YIN, ,ZHES BSHAD, MNGON SHES LNGA, SEMS BSKYED DANG SBYAR BA LA, ZAG ZAD KYI MNGON SHES 'JOG PA YIN NO, ,MNGON SHES DANG MTSUNGS LDAN GYI SEMS BSKYED DANG SLOB LAM GYIS BSDUS SHING, THEG CHEN ZAG MED KYI MNGON SHES MTSAN NYID PA SANGS RGYAS KYI SA NA YOD, ZAG ZAD MKHYEN PA'I STOBS DANG DON GCIG PA'O, ,DON DAM SEMS BSKYED CHO GA LAS MI SKYE, SKYE NA BRDA BYUNG GI SEMS BSKYED DU 'GYUR, BYANG CHUB SEMS 'GREL DU BSHAD PA SMON PA SEMS BSKYED KYI DMIGS YUL STON PA YIN GYI, CHO GA STON PA MA LAGS, GZUGS STONG BA'O, ,ZHES SOGS KYI 'BRU BSNAN PA TZAM GYIS CI LA YANG MI PHAN PAS MA BRIS PA LAGS, SANGS RGYAS RTAG PAR BSHAD PA DBU SEMS GANG GI YANG LUGS MIN, SANGS RGYAS KYI GRUB MTHA' SMRA BA LA, RTAG TSAD MTSAN NYID PA SMRA BA BYE BRAG SMRA BA MIN PA MED, SEMS TZAM BA'I GZHUNG 'GA' RE NAS CHOS SKU RNAM GRANGS PA'I RTAG PAR BSHAD PA YOD KYANG RTAG PA MTSAN NYID PA MA YIN, MDO LAS SANGS RGYAS RTAG PAR BSHAD PA RNAMS DRANG DON DBU SEMS GNYIS KA 'CHAD PAR MTHUN LAGS, 'DI RNAMS RGYUN MTSAN RGYAS PAR BSHAD DU YOD KYANG YI GE MANG PA'I 'JIGS PAS MA BRIS, THUGS RTOG ZHIB TU ZHUGS GDA' BAS SHIN TU RJES SU YI RANG, DA DUNG THUGS 'KHUR CHER BZHES NAS THOS BSAM SGOM GSUM LA 'BAD PA MDZAD PAR ZHU, ZHES PA RTZE CHEN MKHAN PO'I DRIS LAN DU SH'AKYA'I DGE SLONG GZHON NU BLO

, ,GROS KYI SMRAS PA'O,, ,,DGE LEGS SU GYUR CIG, ` ,DGE BSHES SHES RAB GRAGS KYI DRIS LAN, KUN LA BU LTAR BRTZE BA'I THUGS MNGA' YANG, ,BYAMS PA'I MTSON GYIS DREGS PA'I BDUD BCOM STE, ,STONG GSUM MI BRJED ZHING GI DPAL GYUR BA, ,SH'AKYA'I RGYAL PO DE LA PHYAG 'TSAL LO, ,GANG GI MKHYEN PA MKHA' LTAR PHA MTHA' YAS, ,NYID KYI THUGS RJE NYI LTAR RAB GSAL BA, ,RNAM DAG 'PHRIN LAS GANGS CAN DPAL DU GYUR, ,PAn CHEN SA SKYA PA LA PHYAG 'TSAL LO, ,DUS GSUM RGYAL BA'I 'PHRIN LAS GCIG BSDUS TE, ,SNYIGS MA'I DUS 'DIR THUB PA'I RING LUGS 'DZIN, ,GANGS CAN NGUR SMIG 'DZIN PA KUN GYI RJE, ,PAn CHEN MA TI'I ZHABS LA PHYAG 'TSAL LO, ,CHOS KYI 'KHOR LO'I NGO BO GANG YIN ZHES PA, SPYIR CHOS NI GSUNG RAB YAN LAG BCU GNYIS, SDE SNOD GSUM GYIS BSDUS PA LUNG GI CHOS DANG, SA BCU LAM LNGA RTOGS PA'I CHOS DANG GNYIS YIN LA, DE DAG 'KHOR LOR 'JOG PA NI, THOG MAR THUB PA'I GDUL BYA RNAMS LA LUNG GI CHOS BSTAN, DE DAG TSUL BZHIN NYAMS SU BLANGS PAS, MTHONG LAM LA SOGS PA RTOGS PA'I CHOS RGYUD LA SKYES, DE DAG GIS KYANG GDUL BYA GZHAN LA RANG GI RTOGS PA DANG RJES SU MTHUN PAR LUNG GI CHOS BSTAN PAS SLAR YANG RTOGS PA'I CHOS RGYUD LA SKYE BA LA SOGS PA SANGS RGYAS KYI BSTAN PA JI SRID GNAS KYI BAR DU LUNG RTOGS KYI CHOS GNYIS, GDUL BYA'I RGYUD LA RIM BZHIN 'PHO BA'I CHA NAS CHOS KYI 'KHOR LOR 'JOG PA LAGS, DPER NA 'KHOR LOS BSGYUR BA'I RGYAL PO'I 'KHOR LO RIN PO CHE

YUL GZHAN DANG GZHAN DU 'PHO BA DANG 'DRA BA YIN NO, ,BYANG CHUB SEMS DPA'I SEMS BSKYED BSLAB PA LA KHYAD PAR CI YOD ZHES PA NI, 'JUG PA SEMS BSKYED DANG BSLAB PA LA KHYAD PAR MED LA, SMON PA SEMS BSKYED DANG KHYAD PAR YOD DO, ,SMON PA SEMS BSKYED RGYUD LA LDAN YANG RE SHIG BYANG CHUB KYI BSLAB PA LA MI SLOB PA YOD PA'I PHYIR RO, ,NYAN THOS LUGS KYIS BCOM LDAN 'DAS LA SO THAR GYI SDOM PA YOD DAM MED ZHES PA NI, NYAN THOS DAG BCOM LDAN 'DAS RANG BYUNG GIS BSNYEN PAR RDZOGS NAS SO THAR GYI SDOM PA THOB PAR 'DOD PAS, JI SRID MYA NGAN MA 'DAS KYI BAR DU SDOM PA GTONG BA'I RGYU GANG YANG MA MA BYUNG BA'I PHYIR SDOM PA SHIN TU YANG YOD PA LAGS, THEG CHEN LUGS KYI BCOM LDAN 'DAS LA SEMS BSKYED YOD DAM MED ZHES PA NI, SNGA RABS KYI MKHAS PA DAG CI RIGS PAR BZHED CING DING SANG GI MKHAS PA DAG ZHAL MTHUN PAR YOD PAR BZHED NA'ANG, KHO BO 'THAD PAR MI 'DZIN TE, ,BYANG CHUB THOB ZIN PAS THOB 'DOD KYI 'DUN PA MED PA'I PHYIR SMON PA SEMS SKYED MED LA, BSLAB PA MTHAR PHYIN PAS BSLAB BYA LA SLOB PA MED PA'I PHYIR 'JUG PA SEMS SKYED KYANG MED DO, ,'KHOR BA SPYI TZAM LA MTHA' YOD DAM MED CES PA NI, SEMS CAN GYI KHAMS DANG NAM MKHA'I KHAMS MTSUNGS PAR GSUNGS PAS, 'KHOR BA LA MTHA' YOD NA NAM MKHA' LA YANG MTHA' YOD PAR 'GYUR BA'I PHYIR, MTHA' MED PAR 'DOD PA LAGS, SDIG PA DANG LTUNG BA NGO BO GCIG GAM MI CIG ZHES PA NI, SDIG PA NI, SEMS CAN KUN GYI LUS NGAG GI NYES SPYOD YIN LA, LTUNG BA NI SDOM PA

, ,BLANGS PA RNAMS KYIS BSLAB PA DANG 'GAL BA'I NYES SPYOD YIN PAS, SDIG PA SPYI DANG LTUNG BA BYE BRAG YIN LAGS, MTHAR THUG GI DON 'GRUB PA LA BSOD NAMS DANG SHES RAB GANG GTZO ZHES PA NI, SPYIR MTHAR THUG GI DON MI GNAS PA'I MYANG 'DAS 'GRUB PA LA, SHES RAB KYIS SRID PA 'KHOR BA'I MTHAR MA LHUNG ZHING BSOD NAMS KYIS ZHI BA MYANG 'DAS KYI MTHAR MA LHUNG BA CIG DGOS PAS, GNYIS KA GTZO BO YIN NO, ,GNAS SKABS SU JI SRID PA MA THOB KYI BAR SHES RAB GTZO BO NYAMS SU LEN DGOS TE, DE LTA MA YIN NA BSOD NAMS TZAM GYIS 'KHOR BA'I RTZA BA SPONG MI NUS LA, SO SO SKYE BO NYON MONGS SHUGS DRAGS PAS SRID PA 'KHOR BA'I MTHAR LHUNG BA'I PHYIR RO, ,GZHAN YANG RANG DON PHUN SUM TSOGS PA MA THOB PA YAN CHAD NI GZHAN DON LHUR LEN PA'I BSOD NAMS GTZO BO NYAMS SU LEN DGOS TE, DE LTAR MIN PAR RNAM PAR MI RTOG PA'I SHES RAB GTZO BO NYAMS SU BLANGS NA, ZHI BA MYANG 'DAS KYI SAR LHUNG NAS GZHAN DON RGYUN CHAD PAR 'GYUR PA'I PHYIR RO, ,GZHAN YANG RANG DON PHUN SUM TSOGS PA'I CHOS SKU 'GRUB PA SHES RAB LA RAG LAS SHING, GZHAN DON PHUN SUM TSOGS PA GZUGS SKU RNAM GNYIS 'GRUB PA BSOD NAMS LA RAG LAS PAS, TSOGS GNYIS ZUNG 'BREL DU NYAMS SU LEN DGOS PA YIN NO, ,NYAN RANG GI LAM KHO NAS MTHONG LAM THOB NAS, PHYIS THEG CHEN LA 'JUG PA'I DUS SU SNGAR GYI NYAN RANG GYI LAM GYIS PHAN NAM MI PHAN ZHES PA NI, DING SANG MI PHAN PA LTA BUR 'DOD KYANG SHIN TU PHAN TE, SANGS RGYAS THOB PAR BYED PA LA NYON MONGS DANG SHES BYA'I

SGRIB PA GNYIS KA SPANG DGOS LA, NYAN RANG GI LAM GYIS NYON MONGS PA'I SGRIB PA MA LUS PA SPANG NUS PA'I PHYIR DANG, NYAN RANG DGRA BCOM THEG CHEN DU ZHUGS PA'I BYANG CHUB SEMS DPA' DES SHES SGRIB SPONG BA'I DON DU LAM LA 'BAD DGOS KYI, NYON SGRIB SPONG BA'I DON DU LAM LA 'BAD MI DGOS PA'I PHYIR, YANG 'PHAGS PA KLU SGRUB YAB SRAS NYAN RANG LA CHOS KYI BDAG MED RTOGS PA YOD PAR BZHED LA, DE DAG GI LUGS KYIS NYAN RANG 'PHAGS PA THEG CHEN DU ZHUGS PA DE DAG GIS KYANG CHOS KYI BDAG MED RTOGS PA'I SBYOR LAM DANG, MTHONG LAM GSAR DU BSKYED DGOS PAR GSAL LO, ,SEMS DANG SEMS BYUNG GI KHYAD PAR GANG ZHES PA NI, SEMS SEMS BYUNG 'DI RNAMS RGYU MTSAN MTSUNGS PA LAS SKYE ZHING, DMIGS RNAM GCIG LA 'JUG PA'I RGYU MTSAN GYIS, 'DI DAG GI KHYAD PAR SO SO SKYE BOS BRTAG DKA' BAR GDA' NA'ANG, LUNG LA BRTEN NAS CUNG ZAD BSHAD NA, DE LA DON MTHONG RNAM PAR SHES, ,DE YI KHYAD PAR SEMS LAS BYUNG, ,ZHES GSUNGS PAS, DON GYI NGO BO RANG STOBS KYIS 'DZIN PA SEMS DANG, DON GYI KHYAD PAR RANG STOBS KYI 'DZIN PA SEMS BYUNG NGO ZHES RNAM PA TZAM MI 'DRA BA'I SGO NAS 'DI GNYIS KYI KHYAD PAR 'BYED PA LAGS, 'DI LA BRJOD PAR BYA BA SHIN TU MANG YANG YIG GE MANG KYIS DOGS PAS MA BRIS SO, , KUN MKHYEN YE SHES SEMS DANG SEMS BYUNG GANG YIN ZHES PA NI, SEMS CAN GYI DUS KYI MA DAG PA'I SEMS DANG SEMS BYUNG RNAMS GNAS GYUR PA NI KUN MKHYEN YE SHES YIN PAS MA DAG PA'I SEMS GNAS GYUR PA'I KUN MKHYEN YE SHES RNAM PAR DAG

, ,PA'I SEMS YIN LA, MA DAG PA'I SEMS BYUNG GNAS GYUR PA'I KUN MKHYEN YE SHES RNAM PAR DAG PA'I SEMS BYUNG YIN NO, ,DE YANG ME LONG LTA BU MNYAM PA NYID, SOR RTOG BYA GRUB YE SHES RNAMS DAG PA'I SEMS YIN CING, TING NGE 'DZIN GYI PHUNG PO, SHES RAB KYI PHUNG PO, RNAM PAR GROL BA'I PHUNG PO LA SOGS PA RNAMS DAG PA'I SEMS BYUNG YIN NO, ,CHOS KYI RJE KUN MKHYEN PA DANG, BU STON RIN PO CHE DANG, SA SKYA PAn CHEN RNAMS KYI BZHED TSUL GANG YIN ZHES PA LA CHOS RJE KUN MKHYEN CHEN PO NI, BKA' DANG PO 'DUS BYAS KYI CHOS RNAMS MI RTAG SDUG BSNGAL SOGS SU BSTAN NAS, GDUL BYA RNAMS 'KHOR BA LAS YID PHYUNG STE, SKYO BA BSKYED NAS MYA NGAN LAS 'DAS PA LA 'DUN PAR MDZAD NAS, 'KHOR BA LA MNGON PAR DGA' BA'I DRI MA RAGS PA BSAL LA DE'I 'OG TU BKA' BAR PAS, 'DUS BYAS RTEN 'BREL GYI CHOS RNAMS RANG RANG GI NGO BOS STONG PAR BSTAN NAS, MI RTAG SOGS SU BDEN NAM SNYAM PA'I DNGOS POR MNGON PAR ZHEN PA'I DRI MA 'BRING PO BSAL, DE'I 'OG TU BKA' THA MAR DON DAM BDE BAR GSHEGS PA'I SNYING PO RTAG BRTAN G-YUNG DRUNG MI 'GYUR PA'I CHOS CAN DU BSTAN NAS, CANG MED DU 'DZIN PA'I DRI MA PHRA ZHING PHRA BA BSAL LO, ,DE LTAR NA BKA' DANG PO NI, DRANG BA'I DON KHO NA DANG, BAR PA YANG DRANG BA'I DON GTZO CHE ZHING, THA MA NGES DON 'BA' ZHIG YIN, YANG BKA' DANG PO 'KHRID KYI SNGON 'GRO LTA BU, BAR PA DNGOS GZHI LTA BU, THA MA NGO SPROD LTA BUR YANG BZHED PAR GDA', DE BAS NA BKA' THA MA'I MDO SDE DAG

NAS, SEMS CAN GYI RGYUD LA DE BZHIN GSHEGS PA'I SNYING PO RTAG BRTAN 'DUS MA BYAS PA'I MTSAN DANG DPE BYAD KYIS BRGYAN PA GSAL ZHING, YON TAN DANG LDAN PA YOD PAR GSUNGS PA DE NGES DON YIN ZHING DE NYID GZHI'I DUS SU DRI BCAS SU BZHUGS KYANG, RNAL 'BYOR PAS LAM BSGOMS NAS DRI MA SBYANGS PAS, 'BRAS BU'I DUS SU DRI MA BRAL 'BRAS BU CHOS SKU MNGON DU 'GYUR BA YIN NO, ,DE NYID PHA ROL TU PHYIN PA'I THEG PAR, DE BZHIN NYID YANG DAG PA'I MTHA' DANG, NGO BO NYID KYI SKU DANG, CHOS KYI SKU LA SOGS PA'I MING GIS BSTAN TE, DON CIG CES GSUNGS PAR GDA', BU STON RIN PO CHE NI, BKA' DANG PO NYAN THOS KYI THEG PA PA KHO NA LA GSUNGS PAS DRANG DON KHO NA YIN, BAR PA 'KHOR BYANG CHUB SEMS PA KHO NA LA GSUNGS PAS NGES DON KHO NA YIN, THA MA THEG PA SNA TSOGS PA LA ZHUGS PA'I 'KHOR LA GSUNGS PAS DRANG DON DANG NGES DON CI RIGS PA YOD, KHYAD PAR BDE BAR GSHEGS PA'I SNYING PO SEMS CAN LA YOD PAR STON PA'I MDO DRANG DON GYI MDO YIN, DGONGS GZHI KUN GZHI'I RNAM SHES DE LA YOD PA'I ZAG MED KYI SA BON LA DGONGS, DPER NA MAR GYI RGYU ZHO'AM 'O MA YOD PA LA MAR YOD CES SMRAS NA RDZUN DU MI 'GYUR BA BZHIN, DES NA BDE BAR GSHEGS PA'I SNYING PO SANGS RGYAS KHO NA LA YOD KYI, SEMS CAN LA GTAN MED CES GSUNG BAR GDA', CHOS RJE SA SKYA PAn CHEN YANG, DE LTA BU'I BDE BAR GSHEGS PA'I SNYING PO GSUNG PA DRANG DON YIN, DGONGS GZHI SEMS KYI CHOS NYID SPROS BRAL LA DGONGS, DGOS PA, SEMS ZHUM SEMS CAN DMAN DANG BRNYAS PA

, ,DANG, CES SOGS RGYUD BLA NAS GSUNGS PA'I NYES PA LNGA SPONGS PA'I DON DU YIN, DE DNGOS LA GNOD BYED DE 'DRA BA'I BDE GSHEGS SNYING PO YOD NA BCINGS GROL GYI GZHIR GYUR PA'I BDAG KHAS LEN PA'I MU STEGS PA RNAMS DANG KHYAD PAR MED PAR 'GYUR ZHES GSUNG BAR GDA', DE DAG NI RAGS PA TZAM SMOS PA LAGS, ZHIB PAR SMRAS NA MTHA' YAS SO, DRI BA SNGA MA'I SDE TSAN NO, ,DRI BA PHYI MA'I SDE TSAN LA, JO BO RJE CHEN PO LA SOGS PAS BYAMS SNYING RJE LA BSNGAGS PA MDZAD PA CI ZHES PA, SNYING RJE CHEN PO NI, RNAM MKHYEN GYI CHOS THAMS CAD KYI RTZA BA YIN TE, THOG MAR GZHAN DON DU SANGS RGYAS THOB PAR 'DOD PA'I SEMS SKYED PA SMON LAM 'DEBS PA LA SOGS KYANG SNYING RJE CHEN PO'I MTHU YIN CING, BAR DU DKA' BA DPAG TU MED PAS GZHAN DON DU TSOGS GNYIS GSOG PA YANG DE'I MTHU YIN LA, THA MAR SANGS RGYAS NAS CHOS KYI 'KHOR LO SKOR BA YANG DE'I MTHU YIN PA'I PHYIR RO, ,DES NA SNYING RJE CHEN PO NI THEG PA CHEN PO'I MTHU PO'I MTHU THABS LAM THUN MONG MIN PA YIN PAS, THEG CHEN GYI MDO BSTAN KUN TU RNAM PA DU MA'I SGO NAS BSNGAGS PA MDZAD LA, STONG NYID RTOGS KYANG THABS SNYING RJE DANG BRAL NA NYAN RANG GI SAR LHUNG BAS DE TZAM DU MI BSNGAGS PA LAGS SO, ,NYAN THOS KYI RTZA BA'I SDE BZHI DANG, DE LAS GYES PA BCO BRGYAD KYI KHYAD PAR GANG ZHES PA, MKHYEN RAB KYI DBANG PHYUG SA SKYA PAndI TAS, RTZA BA'I SDE BZHI LA 'DUL BA'I SDE MI 'DRA BA BZHI, SKAD RIGS MI 'DRA BA BZHI'I SGO NAS THUB PAS GSUNGS SHING, DE LAS GYES PA BCO BRGYAD PO LA YANG NANG SEL MI 'DRA

BA'I 'DUL BA BCO BRGYAD YOD, DE'I PHYIR DANG PO SDOM PA LEN PA'I TSUL, BAR DU BSRUNG BA'I TSUL, PHYIR BCOS PA'I TSUL, MTHAR GTONG BA'I TSUL LA SOGS PA SDE PA KUN LA MI 'DRA BA RE YOD GSUNG YANG, RANG RES SDE PA GZHAN GYI LAG LEN DANG 'DUL BA LA SOGS MA MTHONG BAS KHYAD PAR ZHIB MO BRJOD PAR DKA' BAR GDA', 'ON KYANG 'DI LA BRTAG PA 'DI TZAM ZHIG YOD TE RGYAL PO DHA RMA AA SHO KA DHAS YON BDAG MDZAD NAS, BKA' BSDU BA GSUM PA BYUNG BA'I DUS SU, SDE PA RNAMS NANG MA MTHUN PAS PHAN TSUN BSTAN PA YIN MIN RTZOD PA CHEN PO BYUNG BA LA, DGE 'DUN THUGS MA BDE BA'I TSE, RGYAL PO KRI KRI'I RMI LTAS LUNG BSTAN PA'I MDO RNYED NAS, KUN KYANG SANGS RGYAS KYI BSTAN PAR BSDUS TE, RTZOD PA MED PA BYAS SO ZHES GRAGS LA, GAL TE SANGS RGYAS KYIS RTZA BA'I SDE BZHI LA 'DUL BA'I SDE SNOD BZHI GSUNG NA, BCOM LDAN 'DAS BZHUGS PA'I DUS NYID NAS RTZA BA'I SDE BZHI DANG DE LAS GYES PA RNAMS YONG BAR 'GYUR BAS, PHYIS SDE PA RNAMS BSTAN PA YIN MIN GYI RTZOD PA 'BYUNG BA MI RIGS SO SNYAM, GAL TE BCOM LDAN 'DAS BZHUGS PA'I DUS NYID NAS THEG PA CHEN PO YOD KYANG, PHYIS THEG CHEN BKA' MA YIN NO ZHES RTZOD PA DANG 'DRA'O, ,MI 'DRA STE, BCOM LDAN 'DAS MYA NGAN LAS 'DAS NAS YUN RING PO'I BAR DU THEG CHEN GYI BSTAN PA NYAMS PAR GYUR ZHING, PHYIS 'PHAGS PA KLU SGRUB BYON NAS THEG CHEN GYI TSUL RGYAS PAR MDZAD PA THUB PAS LUNG BSTAN PAS, PHYIS 'PHAGS PA KLU SGRUB GYIS DBU MA RIGS TSOGS SOGS LTA BA'I CHA GSAL BAR BYED PA DANG, MDO SDE KUN LAS

, ,BTUS PA SOGS SPYOD PA'I CHA GSAL BYED KYI BSTAN BCOS RNAMS MDZAD DE, THEG PA CHEN PO'I BSTAN PA RGYAS PAR MDZAD PA NA, DE'I DUS KYI NYAN THOS KHA GCIG SNGAR YUN RING PO'I BAR DU THEG PA CHEN PO'I SGRA MA THOS PA RGYUN MTSAN DU BYAS NAS, THEG CHEN SANGS RGYAS KYI BKA' MIN GYI, KLU SGRUB KYIS RANG BZOR BYAS SO ZHES SKUR PA 'DEBS PA BYUNG BA YIN NO, ,DES NA KHO BO NI 'DI LTAR SEMS TE, BCOM LDAN 'DAS KYIS 'DUL BA'I SDE SNOD LUNG SDE BZHIR GRAGS PA 'BUM SDE GCIG PO 'DI NYID GSUNG PA LA, SDOM PA LEN TSUL SOGS DGONGS PA MI 'DRA BA 'GREL MKHAN BZHI BYUNG BAS DE'I RJES 'JUG GI LAG LEN BZHIR BYUNG BA DANG SDE PA BZHIR GYES LA, DE RNAMS LA YANG GNAS DANG SLOB DPON DANG CHA BYAD MI 'DRA BA LA SOGS PA'I BYE BRAG GIS NANG MTSAN GYI DBYE BA BCO BRGYAD DU 'GYUR LA, DE DAG KUN KYANG BCOM LDAN 'DAS KYIS 'DUL BA'I SDE SNOD GCIG GI RJES SU 'BRANG BAS THUB PA'I BSTAN PA LAS PHYI ROL TU GYUR PA MA YIN NO, ,SNYAM DU SEMS SO, ,DE LTAR BYAS NA RGYAL PO KRI KRI'I RMI LAM DU RAS YUG CHEN PO CIG MI BCO BRGYAD KYIS PHYOGS PHYOGS SU 'THEN KYANG RAS YUG DE NYID NYAMS PA MED PA RMIS PA LA, SDE PA 'OD SRUNG GIS THUB PA'I BSTAN PA LA SDE BA BCO BRGYAD DU GYES SHING RNAM GROL GYI RAS YUG NYAMS PAR MI 'GYUR BA'I MTSAN MA'O, ,ZHES LUNG BSTAN PA DANG LEGS PAR 'GRIG PAR 'GYUR RO, ,SNYAM DU SEMS SO, ,SDE PA 'DI RNAMS KYI RTZA BA'I DBYE BA DANG DE LAS GYES PA RNAMS NI GSAL POR SLOB DPON LEGS LDAN 'BYED KYI RTOG GE 'BAR BA DANG, SDE

PA THA DAD BKLAG PA'I 'KHOR LOR BSTAN PAS DER BLTA BAR BYA BA'I, 'DIR YIG GE MANGS KYIS DOGS PAS MA BRIS SO, ,MDO SDE PA LA DBYE BA DU YOD CES PA NI, DE LA DBYE BA BYAS PA'I GZHUNG GSAL PO MA MTHONG ZHING, BOD KHA CIG SEMS TZAM RNAM BDEN PA LTAR RNAM PAR SHES PA GRANGS MNYAM DU SMRA BA DANG, SNA TSOGS GNYIS MED DU SMRA BA GNYIS YOD ZER RO, ,BYE BRAG SMRA BA DANG MDO SDE PA'I KHYAD PAR GANG ZHES PA NI, GZHI'I GNAS SKABS NA SHES BYA GZHI LNGA'I NANG NAS GZUGS SEMS SEMS BYUNG GSUM KA RDZAS SU GRUB PA 'DOD LA, LDAN MIN 'DU BYED DANG 'DUS BYAS RNAMS BYE BRAG TU SMRA BAS RDZAS YOD DU 'DOD CING MDO SDE PAS BTAGS YOD DU 'DOD, SEMS SEMS BYUNG YANG BYE BRAG SMRA BAS YUL GYI RNAM PA MED CING RANG RIG MED PAR 'DOD LA, MDO SDE PAS DE LAS ZLOG PAR 'DOD, GZUGS LA YANG BYE BRAG SMRA BAS, BSTAN MED THOGS MED KYIS GZUGS YOD PAR 'DOD LA, MDO SDE PAS, KUN THOGS BCAS SU 'DOD DO, ,LAM GYI SKABS SU RIGS CAN GSUM GYI GANG ZAG KUN GYIS GANG ZAG GI BDAG MED TZAM SGOMS PAS GROL BAR SMRA BAS MI MTHUN PA CHER MED LA, 'BRAS BU'I THAD DU BYE BRAG SMRA BAS, PHUNG PO LHAG BCAS DANG LHAG MED KYI MYANG 'DAS KUN BRAL 'BRAS RDZAS GRUB TU 'DOD CING, MDO SDE PAS, GNYEN PO SPANG BYA BKAG PA'I MED DGAG CANG MED SOR 'DOD DO, ,BYE BRAG TU SMRA BAS DGRA BCOM PA'I 'BRAS BU LAS NYAMS NAS PHYIR 'ONG SOGS SU 'GYUR BAR 'DOD LA, MDO SDE PAS MTHONG CHOS LA BDE BAR GNAS KYI BSAM GTAN TZAM LAS NYAMS PAR 'DOD PAS

, ,NYAMS PA'I CHOS CAN ZHES BYA BA'I 'BRAS BU LAS NYAMS PAR MI 'DOD DO, ,SEMS TZAM PA LA RNAM BDEN RDZUN GNYIS LAS DBYE BA YOD DAM MED CES PA NI, DE GNYIS MA GTOGS PA MED CING, RNAM BDEN PA LAS SNA TSOGS GNYIS MED DU SMRA BA DANG, GZUNG 'DZIN GRANGS MNYAM DU SMRA BA GNYIS YIN LA, DANG PO NI SHES PA GCIG LA SNGO SER DKAR DMAR SNA TSOGS SU SNANG BA DE NYID SHES PA GCIG GI NGO BOR 'DOD LA, SNANG MKHAN GYI SHES PA LAS RDZAS THA DAD DU 'GYUR BA'I SHES PA'I NGO BOR BDEN PAR 'DOD PA SGO LNGA KAS TSOL BA ZHES BYA BA'I RNAM BDEN PA YANG YOD CES ZER RO, ,RNAM RDZUN PA LA SHES PA LA GZANG BYA SGRO BTAGS SNANG BAR 'DOD PA DRI BCAS PA DANG, DE SNANG BAR MI 'DOD PA DRI MA MED PA GNYIS SO, ,RNAM BDEN BRDZUN GNYIS KYI KHYAD PAR GANG ZHES PA NI, RNAM BDEN PA NI SHES PA LA SNANG BA'I GZUNG BA BAG CHAGS KYI DBANG GIS PHYI ROL LTAR SNANG YANG, YIN LUGS LA SHES PA RANG GI NGO BO YIN GYI, PHYI ROL TU MA GRUB PAR 'DOD PAS, RNAM RDZUN PA NI GZUNG BA BAG CHAGS KYI DBANG GIS PHYI ROL LTAR SNANG BA MA GTOGS PA YIN LUGS LA PHYI ROL GYI DON DU YANG MA GRUB, NANG SHES PAR YANG MA GRUB PA'I SGRO BTAGS CANG MED SO ZHIG TU 'DOD DO, ,DE GNYIS KA YANG PHYI ROL GYI DON BDEN PA MED CING NANG SHES PA BDEN PAR 'DOD PA LA NI KHYAD PAR MED DO, ,MDO SDE PA DANG SEMS TZAM PA'I KHYAD PAR GANG ZHES PA NI, GZHI'I GNAS SKABS SU MDO SDE PAS GZUNG BA PHYI DON BDEN PAR GRUB PAS DE 'DZIN GYI SEMS SEMS BYUNG KUN KYANG MA 'KHRUL BAR 'DOD

LA, RNAM RIG PAS GZUNG BA BDEN PA MI 'DOD CING, DE 'DZIN GYI SEMS SEMS BYUNG KUN KYANG DE BZHIN NYID RTOGS PA MA GTOGS PA KUN 'KHRUL PAR 'DOD DO, ,GNYIS KAS KYANG SEMS SEMS BYUNG RDZAS GRUB TU 'DOD PA NI 'DRA LA, LAM GYI SKABS SU MDO SDE PAS GNYEN PO GANG ZAG GI BDAG MED RTOGS PA TZAM DANG, SPANG BYA NYON SGRIB DANG SNYOMS 'JUG GI SGRIB PA TZAM LAS RIGS CAN GSUM KA LA MI 'DOD LA, SEMS TZAM PAS NYAN THOS KYI RIGS CAN LA GNYEN PO DE TZAM DU ZAD LA, RANG RGYAL GYI RIGS CAN LA DE'I STENG DU GNYEN PO BZUNG BA BDEN MED DU RTOGS PA'I CHOS KYI BDAG MED DANG, SPANG BYA SHES SGRIB GZUNG RTOG GI CHA SPANG DGOS LA, THEG CHEN GYI RIGS CAN LA GNYEN PO GANG ZAG DANG CHOS KYI BDAG MED GNYIS KA RTOGS PA DANG, SPANG BYA NYON SGRIB GNYIS KA SPANG DGOS PAR 'DOD DO, ,'BRAS BU'I THAD DU MDO SDE PAS THEG PA GSUM GYI MYANG 'DAS KUN SNGAR BSHAD PA LTAR MED DGAG TU 'DOD LA, SEMS CAN TZAM PAS MYANG 'DAS KUN SPANG BYA CI RIGS PA DANG BRAL BA'I DE BZHIN NYID DU 'DOD DO, ,KHYAD PAR DU MDO SDE PAS GZUGS SKU CHOS SKU GNYIS LAS MI 'DOD KYANG SEMS TZAM PAS SKU GSUM DU 'DOD PA SOGS MI 'DRA BAS KHYAD PAR MTHA' YAS SO, ,DBU MA PA LA THAL RANG GNYIS LAS MA GTOGS PA YOD DAM MED CES PA NI, A'ARYA DE BA YAN CHAD LA THAL RANG GI DBYE BA MED LA, DUS PHYIS 'PHAGS PA KLU SGRUB GYI DNGOS SLOB SLOB DPON SANGS RGYAS BSKYANGS KYIS DBU MA RTZA BA'I 'GREL PA MDZAD NAS, SLOB DPON GYI DGONGS PA THAL 'GYUR DU BKRAL LO, ,DE'I RJES

, ,SU SLOB DPON LEGS LDAN 'BYED KYIS DBU MA RTZA BA'I 'GREL PA MDZAD NAS, SANGS RGYAS BSKYANGS LA DGAG PA BRJOD CING, SLOB DPON GYI DGONGS PA RANG RGYUD DU BKRAL BAS, DE PHYIN CHAD THAL RANG GNYIS SU GYES LA, DE PHYIN CHAD DBU MA LA THAL RANG GNYIS LAS MED DO, ,THAL 'GYUR BA KUN GRUB MTHA' MTHUN PAS DBYE BA MED LA, RANG RGYUD PA RNAMS LA MDO SDE SPYOD PA'I DBU MA PA DANG RNAL 'BYOR SPYOD PA'I DBU MA PA GNYIS YOD, DE LTAR 'BYED PA'I RGYU MTSAN YANG LEGS LDAN 'BYED KYIS KLU SGRUB KYI GZUNG LA GZHAN NGOR PHYI ROL GYI DON THA SNYAD TZAM DU KHAS LEN PA RAGS PA PHYI'I DBU MA PA DANG, THA SNYAD DU SHES PA TZAM LAS MA GTOGS PA'I PHYI'I DON MED PAR KHAS LEN PA PHRA BA NANG GI DBU MA DANG GNYIS SU YOD CES GSUNGS SO, ,DE LA MDO SDE SPYOD PA'I DBU MA PA DAG RAGS PA PHYI'I DBU MA PA'I RJES SU 'BRANGS NAS THA SNYAD TZAM DU PHYI'I DON KHAS LEN CING, DE'I RNAM GZHAG KYANG MDO SDE PA DANG RJES SU MTHUN PAR BYED, RNAL 'BYOR SPYOD PA'I DBU MA PA DAG PHRA BA NANG GI DBU MA PA'I RJES SU 'BRANGS NAS THA DAD DU SHES PA TZAM ZHIG KHAS LEN CING PHYI ROL GYI DON KHAS MI LEN LA, DE'I RNAM GZHAG KYANG RNAL 'BYOR SPYOD PA SEMS TZAM PA DANG RJES SU MTHUN PAR BYED DO, ,DBU MA THAL 'GYUR PA NI DPAL LDAN ZLA BA GRAGS PA LA SOGS STE, DON LA PHYI ROL GYI DON MED PA LTAR SHES PA YANG GRUB PA MED LA, THA SNYAD DU PHYI ROL GYI DON YOD PA LTAR SHES PA YOD DO, ,DE DAG GI RNAM GZHAG KYANG 'JIG RTEN LA GRAGS PA LTAR BYED KYI, MDO SDE PA DANG SEMS TZAM PA SOGS GRUB

MTHA' SMRA BA DAG GI RJES SU MI 'BRANG STE, DE DAG NI KUN RDZOB KYI RIGS PA LA RIGS PAS DPYAD NAS DON DANG SHES PA KHAS LEN PA YIN LA, DE DAG GI JI LTAR 'DOD PA LTAR GYI DON DANG SHES PA NI THA SNYAD TZAM DU'ANG MA GRUB PA'I PHYIR RO, ,ZHES GSUNGS SO, ,DE'I PHYIR DE THAL 'GYUR BA DAG LA 'JIG RTEN GRAGS SDE SPYOD PA'I DBU MA PA ZHES GRAGS SO, ,THAL RANG GI KHYAD PAR GANG ZHES PA NI, SNGAR BSHAD PA DE RNAMS KYIS KYANG 'GRUB MOD KYI 'ON KYANG CUNG ZAD BSHAD NA, 'DI GNYIS KA'ANG MTHAR THUG GI DON DAM PA'I BDEN PA SKYES PA LA NI MI MTHUN PA CUNG ZAD KYANG MED CING, GNAS SKABS KUN RDZOB BDEN PA'I RNAM GZHAG LA SNGAR BSHAD PA LTAR CUNG ZAD MI MTHUN PA YIN NO, ,KHYAD PAR THAL 'GYUR BA DANG RANG RGYUD PA ZHES 'JOG PA'I RGYU MTSAN, THA SNYAD DU CHOS THAMS CAD SKYE BA MED PA RANG LUGS KYIS DAM BCAR KHAS BLANG NAS DE SGRUB BYED KYI RIGS PA RANG LUGS KYI TSAD MAS GRUB PA 'GOD PA RANG RGYUD PA YIN LA, SKYE MED DANG STONG NYID LA SOGS PA YANG GZHAN GYI LOG RTOG DGAG PA'I GZHAN DON 'BA' ZHIG TU KHAS LEN LA, GZHAN GYI MTHAR 'DZIN GYI LOG RTOG RNAMS KYANG PHA ROL PA'I KHAS BLANGS NANG 'GAL GYI THAL 'GYUR DANG 'JIG RTEN RANG GRAGS KYI RIGS PAS 'GOG PA YIN GYI, DBU MA PA RANG LUGS LA GRUB PA'I RIGS PA CUNG ZAD KYANG MI BRJOD DE, RANG LUGS LA KHAS LEN CI YANG MED PA'I PHYIR ZHES PA NI THAL 'GYUR BA YIN NO, ,DES NA THAL 'GYUR BA 'DI LA RANG LUGS KYI KHAS LEN CI YANG MED PAS GZHAN GYIS SKYON CI YANG GDAGS SU MED PA YIN NO, ,DPER NA NAM MKHA' LA SKYON CI YANG

, ,GDAGS SU MED PA DANG 'DRA'O, ,RANG RGYUD PA LA THA SNYAD DU RANG LUGS SU GRUB PA'I KHAS LEN YOD PAS GZHAN GYIS SKYON GDAGS PAR NUS TE, DPER NA YOD NA DE'I PHYIR DU RTZOD PA 'BYUNG BA BZHIN NO, ,GZHAN YANG RANG RGYUD PA 'DI LA DBU MA PA'I LUGS GZHIR BZHAG PA LA'ANG KHAS BLANGS NANG 'GAL BA'I SKYON CUNG ZAD 'BYUNG NGO, ,DE'I PHYIR THAL RANG GNYIS PO LA THAL 'GYUR BA GRUB MTHA' BZANG ZHES RGYA BOD KYI MKHAS PA RNAMS LA GRAGS KYANG, 'DI GRUB MTHA' CHES KYANG CING GTING DPAG DKA' PA'I PHYIR SKYE BO KUN GYI BLO YUL DU SHONG BA SHIN TU DKA' 'O, ,DES NA RGYA GAR DU YANG THAL 'GYUR GYI GRUB MTHA' KHAS LEN PA SHIN TU NYUNG ZHING, ,BOD DU NI GTAN NAS MI BYUNG BA'I TSAD TZAM DU GDA', RE RE TZAM BYUNG BA DE BAS KYANG JI LTA BA BZHIN MA RTOGS PAR SNANG NGO, ,DBU SEMS GNYIS GYI KHYAD PAR GANG ZHES PA NI, GZHI'I GNAS SKABS SU SEMS TZAM PAS SEMS BYUNG BDEN PAR 'DOD LA DBU MA PAS BDEN MED DU 'DOD DO, ,SEMS TZAM PAS 'GRO KUN RIGS CAN GSUM DANG MA NGES PA'I RIGS CAN TE BZHIR 'DOD KYANG, DBU MA PAS GNAS SKABS DE LTAR YIN KYANG MTHAR THUG KUN SANGS RGYAS KYI RIGS CAN DU 'DOD DO, ,LAM GYI SKABS SU SEMS TZAM PAS SNGAR BSHAD PA LTAR 'DOD LA, ,DBU MA RANG RGYUD PA KHA CIG RIGS CAN GSUM GYI SPANG GNYEN SEMS TZAM PA LTAR BZHED LA, THAL 'GYUR BA RNAMS NI SPROS BRAL CHOS KYI BDAG MED MA SGOM PAS THAR PA THOB PA MI SRID PAS RIGS CAN GSUM KAS CHOS KYI BDAG MED SGOM DGOS PAR BZHED LA, THEG PA CHE CHUNG GI

KHYAD PAR NI, THEG PA CHEN POR SEMS BSKYED NAS THEG PA CHEN POR 'JUG PA SRID KYANG PHUNG PO LHAG MED KYI MYANG 'DAS THOB NAS GTAN NAS THEG CHEN DU SEMS BSKYED PA MI SRID PA'I PHYIR RO, ,DBU MA PAS NYAN RANG LA MTHAR THUG GI MYANG 'DAS YOD PAR 'DOD DE, NYAN RANG DGRA BCOM LHAG MED KYI MYANG 'DAS THOB PAR 'DOD PA RNAMS KYANG DE BZHIN GSHEGS PA'I 'OD ZER GYIS BSKUL NAS ZAG MED KYI TING NGE 'DZIN LAS SAD PAR BYA STE, BYANG CHUB TU SEMS BSKYED NAS THEG PA CHEN PO'I LAM LA SLOB PAR BSHAD PA'I PHYIR RO, ,NYAN RANG GI LHAG MED MYANG 'DAS LA YANG DBU SEMS GNYIS 'DOD PA MI MTHUN TE, SEMS TZAM PA DAG NYAN RANG DGRA BCOM PA TSE'I 'DU BYED DOR NAS 'DUS BYAS KYI 'JUG PA NYE BAR ZHI BA'I DE BZHIN NYID KYI NGO BOR 'DOD LA, DBU MA PA DAG TSE DOR BA'I RJES SU ZAG BCAS RNAM SMIN GYI PHUNG PO MI LEN KYANG DAG PA'I ZHING KHAMS SU PADMO'I SBUBS SU ZAG MED KYI RANG BZHIN GYI LUS MNGON PAR GRUB STE, ZAG PA MED PA'I TING NGE 'DZIN LA BSKAL PA DPAG TU MED PAR GNAS PA LA LHAG MED KYI MYA NGAN LAS 'DAS PA ZHES 'DOD DO, ,'DI DAG NI GRUB MTHA' BZHI'I RNAM GZHAG RAGS PA TZAM STE ZHIB PA RNAMS NI MTHA' YAS SO, ,BDEN BZHI NGO BO NYID GSUM DU JI LTA BU SDUD ZHES PA, 'GYUR MED YONGS GRUB TU 'DUS TE, 'GOG PAS YONGS GRUB DANG, LAM PHYIN CI MA LOG PA'I YONGS GRUB YIN PA'I PHYIR RO, ,SDUG KUN GNYIS LAS KUN RDZOB KYI BDEN PA YIN NO, ,SDUG KUN GNYIS LAS SHES RIG RDZAS YOD KYI CHA DANG BEM PO BTAGS YOD KYI CHA GNYIS YOD LA DANG PO GZHAN DBANG YIN LA PHY

, ,MA KUN BTAGS YIN NO, ,BDEN BZHI BDEN GNYIS SU JI LTAR BSDU ZHE NA, 'GOG PA DON DAM GYI BDEN PA YIN LA GZHAN GSUM KUN RDZOB KYI BDEN PA YIN NO, ,NGO BO NYID GSUM BDEN GNYIS SU JI LTAR BSDUS ZHE NA, 'GYUR MED YONGS GRUB DON DAM BDEN PAR BSDUS SHING, PHYIN CI MA LOG PA'I YONGS GRUB DANG, GZHAN DBANG KUN BTAGS RNAMS KUN RDZOB BDEN PAR 'DU'O, ,BDEN BZHI'I NGO BO GANG ZHES PA, SKYE BA SNGA MA'I LAS NYON GYIS BSKYED PA'I NYER LEN GYI PHUNG PO RNAMS SDUG BSNGAL BDEN PA DANG, MA 'ONGS PA'I PHUNG PO'I RGYUR (MA DPE BRGYAB MDUN GNYIS MI TSANG,) GANG ZAG DANG CHOS KYI BDAG GNYIS KYIS GDOD MA NAS STONG BA'I DE BZHIN NYID NI GDOD MA NAS GRUB PAS YONGS GRUB, GNAS SKABS KUN TU MI 'GYUR BAS NA DE BZHIN NYID, PHYIN CI MA LOG PAS NA YANG DAG PA'I MTHA', YE SHES DAM PA'I SPYOD YUL DU GYUR PAS DON DAM, SPROS PA NYE BAR ZHI BAS MTSAN MA MED PA ZHES KYANG BYA'O, ,GZHAN DBANG NI 'PHAGS PA'I RJES THOB DAG PA 'JIG RTEN PA'I YE SHES KYI SPYOD YUL YIN LA, KUN BTAGS NI BYIS PA'I BLO YI SPYOD YUL YIN ZHING, YONGS GRUB NI 'PHAGS PA'I MNYAM GZHAG RNAM PAR MI RTOGS PA'I SPYOD YUL YIN NO, ,SNGAR BSHAD PA'I STONG PA NYID DE NYID 'GYUR MED YONGS GRUB YIN LA, DE RTOGS PA'I YE SHES NI PHYIN CI MA LOG PA'I YONGS GRUB YIN NO, ,DE DAG KYANG RAGS PA TZAM SMOS PA'O, ,DBU MA PA'I LUGS LA PHYI'I GZUNG BAR SNANG BA DANG, NANG 'DZIN PAR SNANG BA RNAMS NI GZHAN DBANG, DE LA RTOG PAS KUN BTAGS

PA RNAMS NI KUN BTAGS, SNANG BA DE NYID RTOG PAS KUN BTAGS PA LTAR DU MA GRUB PA NI YONGS GRUB BO, ,BDEN GNYIS KYI NGO BO GANG ZHES PA 'DI LA GRUB MTHA' SMRA BA BZHI'I 'DOD LUGS BZHI STE, BYE BRAG TU SMRA BA DAG NI, 'JOMS BYED THO BA LA SOGS PAS BCOM PA NA, DE'I BLO MI 'JUG PA BUM PA LA SOGS PA DANG, RDZAS KYI CHOS BLOS SO SOR BSAL BA NA DE'I BLO MI 'JUG PA CHU LA SOGS PA KUN RDZOB DANG, BCOM GZHIG GI BLO MI 'DOR BA SHES PA RANG DBANG DU BSKYED PA GZUGS SGRA LA SOGS PA DON DAM PAR 'DOD DE, MDZOD DU, GANG LA BCOM DANG BLO YI GZHAN, ,BSAL NA DE BLO MI 'JUG PA, ,BUM CHU BZHIN DU KUN RDZOB TU, ,YOD DE DON DAM YOD BZHIN NO, ,ZHES BSHAD DO, ,MDO SDE PA RNAMS NI, DON LA 'BRAS BU BSKYED PAR NUS PA DON DAM PA, BLO NGOR DON BYED PA LTAR YOD PA KUN RDZOB KYI BDEN PA 'DOD DE, RNAM 'GREL BAS, DON DAM DON BYED NUS PA GANG, ,DE 'DIR DON DAM YOD PA YIN, ,GZHAN NI KUN RDZOB YOD PA STE, ,ZHES SEMS TZAM PA DAG NI, RNAM PAR MI RTOG PA'I YE SHES KYI SPYOD YUL KYI DON DAM PA DANG, RIGS PAS DPYAD NA DON DAM PA RDZAS SU GRUB PAS GNYIS SU 'DOD DE, DANG PO NI, 'GYUR BA MED PA'I YONGS GRUB YIN TE, MNGON PA KUN LAS BTUS SU, RNAM PAR DAG PAR 'GYUR BA'I DMIGS PA NI DON DAM PA'O, ,ZHES DANG, CI'I PHYIR DON DAM ZHES BYA ZHE NA, 'PHAGS PA'I YE SHES DAM PA'I SPYOD YUL YIN PA'I PHYIR RO ZHES BSHAD DO, ,GNYIS PA NI, SEMS DANG SEMS BYUNG GIS BSDUS PA'I SHES RIG GI CHOS THAMS CAD YIN TE, YE SHES SNYING

, ,PO KUN LAS BTUS LAS, GZUNG DANG 'DZIN PA DANG BRAL BA'I, ,RNAM PAR SHES PA DON DAM 'DOD, ,CES GSUNGS SO, ,KUN RDZOB LA YANG DE KHO NA NYID MTHONG BA LA SGRIB PA'I KUN RDZOB DANG, RIGS PAS DPYAD MI BZOD PA'I KUN RDZOB GNYIS SO, ,DANG PO NI GZHAN DBANG GI NGO BO YANG DAG PA MA YIN PA'I KUN RTOG GIS BSDUS PA'I SEMS SEMS BYUNG RNAMS YIN TE, KUN LAS BTUS LAS, KUN NAS NYON MONGS PAR GYUR PA'I DMIGS PA NI KUN RDZOB DU YOD PA'O, ,ZHES BSHAD DO, ,DES NA GZHAN DBANG NI RIGS PAS DPYOD NA RDZAS SU GRUB PA'I PHYIR DON DAM DANG DE KHO NA NYID MTHONG BA LA SGRIB PAS KUN RDZOB KYANG YIN PAS RNAM RIG PA'I GZHUNG GI CHA 'GA' ZHIG TU KUN RDZOB ZHES BSHAD DO, ,GNYIS PA NI, SNGAR BSHAD PA'I KUN TU BTAGS PA'I NGO BO NYID DE, SUM CU PAR, RNAM PAR RTOG PA GANG GANG GIS, ,DNGOS PO GANG GANG RNAM BTAGS PA, ,DE NYID KUN TU BTAGS PA YI, ,NGO BO NYID NI DE MED DO, ,CES BSHAD DO, DE LA GZHAN DBANG NI DON DAM MTSAN NYID PA DANG, KUN RDZOB RNAM GRANGS PA YIN TE, RIGS PAS DPYAD NA, BDEN PAR RDZAS SU GRUB PA'I PHYIR DANG, THEG BSDUS SU, RNAM GRANGS PA'I KUN RDZOB DU BSHAD PA'I PHYIR RO, ,KUN BTAGS NI KUN RDZOB MTSAN NYID PA YIN TE, RDZAS SU MED CING THA SNYAD TZAM DU GRUB PA'I PHYIR TE, DBUS MTHA'I 'GREL BSHAD DU, CI'I PHYIR NGO BO NYID CES BYA ZHE NA, RDZAS SU MED CING THA SNYAD DU YOD PAS, DE'I PHYIR NGO BO NYID CES BYA'O, ,ZHES BSHAD DO, ,DBU MA PA RNAMS NI SNANG GRAGS KYI DNGOS PO 'DI RNAMS KYI YIN

LUGS 'PHAGS PA'I MNYAM GZHAG GI YE SHES KYIS MI SLU BAR GZIGS PA GANG YIN PA DE NI DON DAM PA'I BDEN PA DANG, DE DAG LA BYIS PA RNAMS KYIS MNGON PAR ZHEN PA GANG YIN PA DE NI KUN RDZOB KYI BDEN PAR 'DOD DE, DBU MA 'JUG PAR, DNGOS KUN YANG DAG BRDZUN PA MTHONG BA YIS, ,DNGOS RNYED NGO BO GNYIS NI 'DZIN PAR 'GYUR, ,YANG DAG MTHONG YUL GANG YIN DON DAM STE, ,MTHONG BA BRDZUN PA KUN RDZOB BDEN PA 'DOD, ,CES BSHAD DO, ,'PHAGS PA RNAMS KYIS MI SLU BAR GZIGS PA'I DON DE YANG JI LTA BU ZHE NA, DE NI SPROS PA'I MTHA' THAMS CAD DANG BRAL BAS GZHAN LA 'DI'O ZHES NGAG GI LAM GYIS BSTAN DU MED PA BSGOM PA'I STOBS SO SO RANG GIS RIGS PAR BYA BA ZHIG YIN TE, MDO LAS, SMRA BSAM BRJOD MED SHES RAB PHA ROL PHYIN, ,ZHES SOGS DANG, KLU SGRUB KYIS, GZHAN LAS SHES MIN ZHI BA DANG, ,SPROS PA RNAMS KYIS MA SPROS PA, ,RNAM RTOG MED DON THA DAD MIN, ,DE DE KHO NA'I MTSAN NYID DO, ,CES DANG, 'PHAGS PA LHAS, YOD MIN MED MIN YOD MED MIN, ,GNYIS KA'I BDAG NYID MIN PA'ANG MIN, ,MTHA' BZHI LAS NI RNAM GROL BA, ,DE NYID DBU MA PA YIS RIG ,ZHES BSHAD DO, ,SKYE MED 'GAG MED STONG NYID LA SOGS PA YANG RNAM GRANGS PA'I DON DAM DU 'DOD DO, ,KUN RDZOB LA YANG, KUN RDZOB BDEN PA DANG, KUN RDZOB TZAM PA GNYIS TE, DANG PO NI GNOD PA MED PA'I DBANG PO DRUG LAS SKYES PA'I SHES PA'I SPYOD YUL TE, DE KHO NA NYID MA MTHONG BAR BYIS PA RNAMS MI SLU BAR BYED PA'I GZUGS SGRA LA SOGS PA'O, ,GNYIS PA NI, DBANG PO

, ,GNOD PA CAN LAS SKYES PA'I SHES PA'I SPYOD YUL DU GYUR PA'I SGYU MA DANG GZUGS BRNYAN LA SOGS PA TE, THA SNYAD DU YANG BDEN PAR MA GRUB PA'O, ,'JUG PA LAS, GNOD PA MED PA'I DBANG PO DRUG RNAMS KYIS, ,GZUNG BA 'GA' ZHIG 'JIG RTEN GYIS RTOGS TE, ,'JIG RTEN NYID LAS BDEN YIN LHAG MA NI, ,'JIG RTEN NYID LAS LOG PAR RNAM PAR BZHAG ,ZHES BSHAD DO, ,DE GNYIS LA GO RIM BZHIN DU, YANG DAG PA'I KUN RDZOB DANG, LOG PA'I KUN RDZOB ZHES BYA'O, ,BDEN PA GNYIS PO 'DI DAG KYANG THA SNYAD DU SGRA BLO THA DAD KYI SPYOD YUL YIN PAS THA DAD YIN LA, DON DAM PAR DE NYID DANG GZHAN GANG DU YANG BRJOD DU MED DE, DGONGS PA NGES 'GREL LAS, 'DU BYED KHAMS DANG DE BZHIN DON MTSAN NYID, , GCIG DANG THA DAD BRAL BA'I MTSAN NYID DE, ,GCIG DANG THA DAD NYID DU GANG RTOG PA, ,DE DAG TSUL BZHIN MA YIN ZHUGS PA YIN, ,ZHES BSHAD DO, ,BDEN GNYIS THA SNYAD DU YANG THA DAD MED PAR 'DOD PA MI 'THAD DE, DE GNYIS LA RNAM GZHAG SO SOR BYAR MI RUNG BA'I PHYIR DANG, BDEN PA GNYIS KYI THA SNYAD KYANG MI 'THAD PAR THAL BA'I PHYIR RO, ,PHYI ROL PA LA DBYE NA DU ZHES PA, BSDU NA RTAG PAR SMRA BA DANG, CHAD PAR SMRA BA GNYIS SU 'DUS LA, RGYAS PAR PHYE NA TSAD MED CING, CUNG ZAD PHYE NA RTOG GE SDE LNGA STE, GRANGS CAN PA, RIG BYED PA, ZAD BYED PA, RGYAL BA PA, TSUL ROL MDZES PA RNAMS SO, ,DANG PO BZHI RTAG PAR SMRA BA YIN LA, PHYI MA NI CHAD PAR SMRA BA YIN NO, ,DE RNAMS KYI NANG GSES KYI KHYAD PAR MTHA' YAS SHING, RTAG PAR SMRA BA

DANG CHAD PAR SMRA BA'I KHYAD PAR NI, KUN KYANG BDAG 'DOD PAR MTSUNGS KYANG RTAG PA'I BDAG DE NYID SKYE BA SNGA PHYI DU MAR BRGYUD DE LAS MYONG BAR 'DOD PAS RTAG PAR SMRA BA YIN LA, 'BYUNG BA LAS GLO BUR DU BDAG SKYES SHING JI SRID 'TSO'I BAR DU BDAG RTAG LA, SHI BA'I TSE RGYUN CHAD NAS SKYE BA LEN PAR 'DOD PAS CHAD PAR SMRA BA YIN NO, ,PHYI NANG GI KHYAD PAR GANG GIS 'BYED CES PA, PHYI NANG GI KHYAD PAR GSUM STE LTA SPYOD GNYIS KAS PHYE BA'I PHYI NANG, LTA BA KHO NAS PHYE BA'I PHYI NANG, THABS LAM GYI PHYE BA'I PHYI NANG NGO, ,DANG PO LA YANG GANG ZAG PHYI NANG DANG GRUB MTHA' PHYI NANG GNYIS YIN LA, GANG ZAG PHYI NANG GI KHYAD PAR NI, DKON MCHOG GSUM LA SKYABS SU 'GRO BA'I GANG ZAG NI NANG PA ZHES BYA LA, KHYAB 'JUG DANG TSANGS PA LA SOGS PA PHYI ROL PA'I LHA RNAMS LA SKYABS SU 'GRO BA'I GANG ZAG NI PHYI PA YIN NO, ,DE BAS NA GANG ZAG PHYI NANG GI KHYAD PAR NI SKYABS LA SOGS PA SPYOD PAS 'BYED KYI, LTA BAS 'BYED PA NI MIN TE, LTA BA MI SHES PA'I PHYI NANG GI GANG ZAG DU MA YOD PA'I PHYIR RO, ,GRUB MTHA' PHYI NANG GI KHYAD PAR NI GTZO CHER LTA BAS 'BYED DE, GZHUNG GANG LAS RTAG PA'AM CHAD PA'I MTHA' GNYIS GANG RUNG DANG LDAN PAR BSTAN CING, DE NYID LAS SKYON DU MA LDAN PA NI PHYI PA'I GRUB MTHA' YIN TE, DE PA'I DGONGS PA RTAG CHAD SPANGS PA DBU MA'I LAM LAS PHYI ROL DU GYUR PA'I PHYIR RO, ,GZHUNG GANG LAS RTAG PA DANG CHAD PA'I MTHA' SPANGS SHING DBU MA'I LAM STON PAR 'DOD PA DE NI NANG PA'I GRUB MTHA' YIN NO, ,DE'I PHYIR GRUB MTHA' SMRA BA BZHI PO KUN YANG RANG RANG GI GRUB MTHAR RLOM TE, SANGS RGYAS

, ,KYIS RTAG CHAD DGAG PA DBU MA'I LAM BSTAN CING DE'I RJES SU 'JUG PAR 'DOD PA'I PHYIR RO, ,DE LA GRUB MTHA' SMRA BA RE RE LA'ANG, ,RTAG CHAD SPONG LUGS MI 'DRA BA RE RE YOD DE, BYE BRAG SMRA BA DAG 'DUS BYAS RNAMS SKAD CIG GIS 'JIG PAS, RTAG PA'I MTHA' SPONG LA, RGYUN MA CHAD PAR 'JUG PAS CHAD PA'I MTHA' SPONG NGO, ,MDO SDE PA DAG RGYU RNAMS KYIS RANG GI NGO BO 'GAG PAS RTAG PA'I MTHA' LAS GROL LA, RANG DANG RJES SU MTHUN PA'I 'BRAS BU 'BYIN PAS CHAD PA'I MTHA' LAS GROL ZHES SMRA'O, ,SEMS TZAM PA DAG KUN BTAGS RANG BZHIN MED PAS RTAG PA'I MTHA' SPANG LA, GZHAN DBANG BDEN PAR GRUB PAS CHAD PA'I MTHA' SPONG NGO, ,ZHES SMRA'O, ,DBU MA PA DAG KUN RDZOB JI LTAR SNANG BA LTAR LA SKUR BA MI 'DEBS PAS CHAD PA'I MTHA' LAS GROL LA, DE NYID YIN LUGS SPROS PA'I MTHA' THAMS CAD DANG BRAL BAS RTAG PA'I MTHA' LAS GROL TE, DE NYID GZHI DBU MA YIN NO, ,SHES RAB KYIS CHOS GANG LA YANG MTSAN MAR MI 'DZIN PAS RTAG PA'I MTHA' LAS GROL LA, SNYING RJES GZHAN DON DU TSOGS RGYA CHEN PO GSOG PAS CHAD PA'I MTHA' LAS GROL TE, DE NI LAM DBU MA YIN NO, ,SPROS PA'I MTSAN MA THAMS CAD NYE BAR ZHI BA'I CHOS SKU BRNYES PAS RTAG PA'I MTHA' LAS GROL LA, GZUGS SKU GNYIS KYIS GDUL BYA MCHOG DMAN GYI DON 'KHOR BA JI SRID MA STONGS KYI BAR DU MDZAD PAS CHAD PA'I MTHA' LAS GROL TE, DE NYID 'BRAS BU DBU MA YIN NO, ,DE LTAR NA DANG PO GSUM NI DBU MA LTAR SNANG BA YIN LA, PHYI MA DBU MA MTSAN NYID PA YIN NO, ,LTA BA KHO

NAS PHYE BA'I PHYI PA NI, NYAN THOS SDE GNYIS DANG SEMS TZAM PA YIN DE, DE DAG NI DNGOS PO BDEN PA KHAS LEN PAS YIN LUGS LA RTAG CHAD KYI MTHAR LHUNG BAR 'GYUR TE, 'PHAGS PA KLU SGRUB KYIS, DNGOS POR KHAS LEN YOD NA NI, ,DE LA CHAD SOGS 'JIGS PA 'BYUNG, ,CES DANG, GAL TE RANG BZHIN GYIS YOD NA, ,DE NI MED PA MIN PAS BRTAG ,SNGON BYUNG DA LTA MED CES PA, ,DES NA CHAD PAR THAL BAR 'GYUR, ,ZHES GSUNGS SO, ,DES NA DE DAG KYANG SANGS RGYAS KYI DGONGS PA JI LTA BA BZHIN MA RTOGS PA'I PHYIR LTA BAS PHYE BA'I PHYI PA ZHES BYA'O, ,DBU MA PAS NI DE BZHIN GSHEGS PA'I DGONGS PA RTAG CHAD SPANGS PA DBU MA PA'I LAM JI LTA BA BZHIN RTOGS PA'I PHYIR LTA BAS PHYE BA'I NANG PA ZHES KYANG BYA'O, ,THABS LAM GYIS PHYE BA'I PHYI PA NI, PHA ROL TU PHYIN PA'I THEG PA PA KUN YIN LA, ,NANG PA NI RDO RJE THEG PA PA RNAMS SO, ,SNYING RJE DANG, THUGS RJE DANG, BRTZE BA RNAMS KYI KHYAD PAR GANG ZHES PA, SNYING RJE DANG, THUGS RJE CHEN PO LA KHYAD PAR BRGYAD MDZOD LAS BSHAD DO, ,DE'I LUGS KYI THUGS RJE CHEN PO NI, SANGS RGYAS KYI THUGS RGYUD LA MNGA' BA YIN, SNYING RJE NI NYAN RANG SOGS KYI RGYUD LA YOD PA'O, ,YANG SNYING RJE NI SEMS CAN SDUG BSNGAL GYI DU: KHA CAN LA DMIGS PA YIN LA, DE NYID SKYE BA DU MAR GOMS PAR BYAS PA LAS DU: KHA GSUM CI RIGS PA DANG LDAN PA'I 'GRO BA MTHA' DAG LA DMIGS PA'I THUGS RJE CHEN PO 'BYUNG STE, RNAM 'GREL LAS, SGRUB BYED THUGS RJE GOMS LAS TE, ,CES PA'I DGONGS PA'O, ,BRTZE BA NI, RNAM 'TSE'I GNYEN POR GYUR PA GZHAN LA

, ,SBYOR BA DNGOS SU PHAN PAR 'DOD PA SNYING RJE'I BYE BRAG YIN NO, ,SEMS CAN DANG, CHOS DANG, DMIGS PA MED PA'I SNYING RJE'I KHYAD PAR GANG ZHES PA 'DI DAG NI DMIGS PA DANG, RTEN GYI GANG ZAG DANG, RGYU DANG, BYED LAS KYI KHYAD PAR BZHIS SHES PAR BYA STE, DMIGS PA'I KHYAD PAR NI SDUG BSNGAL SEMS CAN RDZAS YOD DANG, SEMS CAN BTAGS YOD DANG, SGYU MA LTA BU'I SEMS CAN RNAMS NI GO RIMS BZHIN DU 'DI GSUM GYI DMIGS PA YIN LA, RTEN GYI KHYAD PAR NI SO SO SKYE BO DANG, NYAN RANG 'PHAGS PA DANG BYANG SEMS 'PHAGS PA'I RGYUD LA 'DI GSUM GO RIMS BZHIN DU 'BYUNG NGO, ,RGYU'I KHYAD PAR NI GANG ZAG GI BDAG TU 'DZIN PA DANG, GANG ZAG GI BDAG MED TZAM RTOGS PA DANG, CHOS KYI BDAG MED RTOGS PA'I RGYUD LA GO RIMS BZHIN DU 'BYUNG NGO, ,BYED LAS KYI KHYAD PAR NI, SEMS CAN LA DMIGS PA'I SNYING RJES SRID PA DANG ZHI BA'I RGUD PA MTHA' DAG DANG BRAL BA'I BYA BA BYED DO, ,GSUM KA YANG BRTZE YUL SDUG BSNGAL DANG BRAL BAR 'DOD PA'I RNAM PA CAN DU MTSUNGS SO, ,SO SOR THAR PA'I SDOM PA DANG, BYANG SEMS KYI BSLAB PA DANG, GSANG SNGAGS KYI DAM TSIG RNAMS KYI NGO BO GANG ZHEG PA, BYE BRAG SMRA BA NI SO SOR THAR PA'I SDOM PA'I NGO BO 'CHAL TSUL SPONG BA'I RNAM PAR RIG BYED MIN PA'I GZUGS RDZAS GRUB GCIG TU 'DOD LA, MDO SDE PA YAN CHAD NI 'CHAL TSUL SPONG BA'I SEMS SA BON DANG BCAS PAR 'DOD DO, ,BYANG SEMS KYI PHA ROL TU PHYIN PA DRUG LA, GSANG SNGAGS KYI DAM TSIG NI DBANG BSKUR THOB PA'I GANG ZAG GIS RANG GI RGYUD

SDE NAS BSHAD PA'I GNANG BKAG RNAMS RANG GI BLA MAS JI LTAR BKA' RGYAS BSDAMS PA BZHIN DU BLANG DOR BYED PAR KHAS LEN DGOS PA'O, ,DGE 'DUN GYI DBYEN DING SANG AE SRID, DE'I NGO BO GANG ZHES PA, DGE 'DUN GYI DBYEN NI GNYIS TE, 'KHOR LO'I DBYEN DANG, LAS KYI DBYEN NO, DANG PO NI, DRUS DRUG TU MI 'BYUNG STE, DANG PO BCOM LDAN 'DAS SANGS RGYAS MA THAG DANG, MTHAR MYA NGAN LAS 'DA' KA DANG, BSTAN PA LA LTA BA DANG, TSUL KHRIMS LA SKYON MA BYUNG GI BAR DANG, MCHOG ZUNG CIG MA BYON PA'I SNGON ROL DANG, MTSAMS MA BCAD PA DANG, SANGS RGYAS MYA NGAN LAS 'DAS PHYIN CHAD MI 'BYUNG STE, MDZOD DU, DANG PO MTHA' SKYON ZUNG CIG GI ,SNGA ROL THUB PA NONGS PA DANG, ,MTSAMS MA BCAD PA RNAMS SU YANG, ,'KHOR LO'I DBYEN NI MI 'BYUNG NGO, ,ZHES BSHAD DO, ,DES NA DA LTA MI 'BYUNG STE, 'GRAN ZLAR GYUR PA'I STON PA MYA NGAN LAS 'DAS PA'I PHYIR DANG, 'BYED PA PO DGE SLONG LTA BA SPYOD PA TSUL KHRIMS DANG LDAN PA GCIG GIS SANGS RGYAS LA 'GRAN 'DZUGS PA'I PHYIR DANG, SANGS RGYAS KYI 'KHOR SO SKYE'I DGE 'DUN RNAMS PHYOGS GNYIS SU PHYE NAS, PHYOGS GCIG RANG GI SLOB MAR BYED PA YIN PA'I PHYIR RO, ,BYE BA'I TSAD NI 'BYED PA PA DGE SLONG LA STON PA DANG, DES BSTAN PA'I LAM LA THAR LAM DU 'DZIN PA NA BYE BA YIN NO, ,YUN NI NYIN ZHAG CIG GI BAR DU MI GNAS TE, DE'I GONG DU MCHOG ZUNG CIG GIS 'DUM PAR BSHAD PA'I PHYIR RO, ,DBYEN GYI NGO BO NI, DGE 'DUN RNAMS NI MI 'PHROD PA'I RANG BZHIN LDAN PA MIN PA'I 'DU BYED YIN NO, ,ZHES BYE BRAG SMRA BA BZHIN LDAN PA MIN PA'I 'DU BYED YIN NO, ,ZHES BYE BRAG SMRA B BZHIN LDAN PA MIN PA'I 'DU BYED YIN NO, ,ZHES BYE BRAG SMRA BA

, ,RNAMS ZER RO, ,DBYEN DE'I RGYU MTSAMS MED DE'I LAS NI RDZUN TSIG YIN PAR 'DOD DO, ,'DIS DE BZHIN GSHEGS PA'I LUNG DANG RTOGS PA'I CHOS KYI 'KHOR LO SKOR BA'I GEGS BYAS PA'I PHYIR RO, ,'KHOR LO'I DBYEN ZHES BYA LA, DE'I RNAM PAR SMIN PA BSKAL PA MNAR MED DU MCHED PA'I PHYIR MTSAMS MED GZHAN BZHI LAS LCI BA YIN TE, GZHAN RNAMS NI, RNAM PAR SMIN PA DMYAL BAR NGES KYANG MNAR MED DU MA NGES PA'I PHYIR RO, ,LAS GYI DBYEN NI, BSTAN PA GNAS PA'I YUL DUS KUN TU 'BYUNG BAS, DES NA DA LTA YANG 'BYUNG BA MANG, ,DE'I NGO BO NI, DGE SLONG BRGYAD YAN CHAD KYIS 'DUL BA NAS BSHAD PA'I LAS BRGYA RTZA GCIG GANG DU BSGRUB PA LA THUGS MI MTHUN PAS PHYOGS GNYIS SU BYE BA'O, ,DE NI DGE 'DUN GYI GSOL GZHI SOGS KYI LAS GRUB PA'I GEGS BYAS PA'I PHYIR LAS KYI DBYEN ZHES BYA'O, ,DGONGS LDEM DGONGS KYI KHYAD PAR GANG ZHES PA, ,SPYIR GSUNG RAB KUN DGONGS LDEM DGONGS GNYIS KA'I NGO BOR SEMS TZAM PA DAG 'DOD PAS, NGO BO GCIG LA DGONGS GZHI DANG DGONGS PA SO SOR 'BYED PA YIN, DE LA MDO GANG LA SGRA DNGOS ZIN LAS GZHAN PA'I BRJOD BYA LA GNOD BYED DANG MI LDAN PA'I CHA NAS DGONGS PA CAN DANG, BRJOD BYED SGRA JI BZHIN PA MA YIN PA'I CHA NAS LDEM DGONGS SU 'JOG STE, DPER NA, PHA DANG MA NI BSAD BYA ZHING, ,RGYAL PO GTZANG SBRA CAN GNYIS DANG, ,YUL 'KHOR 'KHOR DANG BCAS BCOM NA, ,'DI NI DAG PAR 'GYUR ZHES BYA, ,ZHES PA LA, DGONGS GZHI PHA NI LAS, MA NI SRED PA, RGYAL PO NI NYON

YID, GTZANG SBRA GNYIS NI TSUL KHRIMS DANG BRTUL ZHUGS MCHOG 'DZIN DANG, LTA BA MCHOG 'DZIN YUL 'KHOR DANG BCAS PA NI SKYE MCHED DRUG TE, DE DAG GNYEN POS BCOM PAS DAG PA DGRA BCOM PAR 'GYUR ZHES PA LA DGONGS NAS PHA MA SOGS DANG GTZANG SBRA CAN DGE SBYONG DANG BRAM ZE SOGS BCOM PAS DAG PAR 'GYUR RO ZHES DNGOS SU BSTAN PA NA, DGONGS GZHI'I BRJOD BYA LA GNOD PA MED PAS DGONGS PA CAN YIN LA, DNGOS BSTAN LA TSAD MAS GNOD PAS SGRA JI BZHIN PA MA YIN PA'I CHA NAS LDEM DGONGS YIN NO, ,LUNG 'DREN GYI THAD DU BKA' DANG BSTAN BCOS NANG 'DOM NAS MI MTHUN NA GANG DBANG BTZAN ZHES PA, ,BKA' LA DGONGS PA CAN DANG, DGONGS PA CAN MA YIN PA DRANG DON DANG NGES DON, SGRA JI BZHIN DANG SGRA JI BZHIN MA YIN PA STE, MTHA' DRUG DANG LDAN PA YIN LA, BSTAN BCOS LA'ANG 'PHAGS PAS MDZAD PA DANG, SO SO SKYE BOS MDZAD PA GNYIS LAS, SO SKYE'I BSTAN BCOS DANG DGONGS PA CAN YIN PA LA SOGS PA BKA' 'GAL NA BKA' DBANG BTZAN, DGONGS PA CAN LA SOGS PA GSUM DANG 'GAL BA LTAR SNANG YANG BKA'I DGONGS PA BRTAG PAR BYA BA'I PHYIR, MTHA' GCIG TU 'GAL BAR MI BZUNG NGO, ,'PHAGS PA'I BSTAN BCOS DANG DGONGS PA CAN MA YIN PA LA SOGS PA'I BKA' GSUM 'GAL BA MI SRID LA, DGONGS PA CAN LA SOGS PA GSUM DANG 'GAL BA LTAR SNANG YANG BSTAN BCOS DANG DBANG BTZAN PAR BYA STE, BYIS PA RNAMS KYIS 'GAL LA NANG BYAN TSUD PA 'PHAGS PA RNAMS KYIS BSTAN BCOS LA BRTEN NAS BKA'I DGONGS PA RTOGS KYI, RANG DBANG

, ,DU RTOGS PA MI SRID PA'I PHYIR RO, ,'PHAGS PA KLU SGRUB DANG 'PHAGS PA THOGS MED GNYIS GANG CHE ZHES PA, SPYIR GANG ZAG GI RGYUD 'PHAGS PA RNAMS KYIS KYANG DPOG PAR MI NUS NA, CHEN PO RNAMS KYI YANG CHEN POR GYUR PA DE DAG GI RGYUD DPAG PA LTA CI DGOS TE, 'ON KYANG SANGS RGYAS KYI LUNG LA RTEN NAS CUNG ZAD DPAG NA, 'PHAGS PA KLU SGRUB NI, LANG DKAR GSHEGS PAR, MGON PO MYA NGAN 'DAS 'OG TU, TSUL RNAMS 'DZIN PAR 'GYUR BA DE, ,BLO GROS CHEN PO KHYOD SHES BYOS, ,LHO PHYOGS BEE TA'I YUL DU NI, ,DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG BYED, ,NGA YI BSTAN PA 'JIG RTEN DU, ,BLA MED THEG PA GTZOR BSTAN NAS, ,RAB TU DGA' BA'I SA SGRUBS TE, ,BDE BA CAN DU DE 'GRO'O, ,ZHES SA DANG PO THOB PA'I 'PHAGS PAR DNGOS SU LUNG BSTAN CING, MDO SDE SPRIN CHEN PO LAS KYANG, DE NI SH'AKYA THUB PA GNYIS PA'O, ,DE 'DRA'I GANG ZAG MED CING MI SRID, ,CES SOGS RNAM PA DU MA'I SGO NAS BSNGAGS NA, MA 'ONGS PA'I DUS SU BSKAL PA SKAR MA LTA BU LA 'JIG RTEN GYI KHAMS DANG BA'I 'OD CES BYA BAR SANGS RGYAS YE SHES 'BYUNG GNAS 'OD CES MNGON PAR RDZOGS PAR SANGS RGYA BAR LUNG BSTAN LA, 'JAM DPAL RTZA BA'I RGYUD LA SOGS PA LAS KYANG LUNG BSTAN CING, GSER 'OD DU, LI TZA BI GZHON NU 'JIG RTEN THAMS CAD KYIS MTHONG NA DGA' BA ZHES BYA, DE YANG SLOB DPON 'DI NYID YIN ZHING, RGYA GAR DU YANG SLOB DPON 'DI NYID MDO SDE BZHI BCU THAM PA LAS LUNG BSTAN ZHES GRAGS

SO, ,DE'I PHYIR RGYA GAR NA YANG SLOB DPON 'DI LA THEG PA CHEN PO'I PAndI TA DANG, GRUB PA BRNYES PA'I RNAL 'BYOR PA RNAMS KYIS KYANG, DE BZHIN GSHEGS PA NYID DANG KHYAD PAR MED PAR 'DZIN CING, 'DI'I LTA BA LA RGOL BA'AM RGOL BA'I MTSAN MA TZAM YANG MA BYUNG NGO, ,'PHAGS PA THOGS MED KYANG 'JAM DPAL RTZA BA'I RGYUD LAS, THOGS MED CES BYA'I DGE SLONG 'BYUNG, ,DE NI BSTAN BCOS DON LA MKHAS, ,MDO SDE NGES DON DRANG BA'I DON, ,RNAM PA MANG PO RAB TU 'BYED, ,CES SOGS BSTAN PA 'DZIN PA'I SKYES BUR LUNG BSTAN CING, SHAN TI PA LA SOGS PAS SA GSUM PA BRNYES PA'I BYANG CHUB SEMS DPAR BZHED CING, TZAndA GO MI MAN CHAD KYI THEG CHEN GYI PAndI TA RNAMS KYIS SANGS RGYAS GNYIS PA LTA BUR YANG BZHED LA, LEGS LDAN 'BYED LA SOGS PA KLU SGRUB KYI DNGOS SLOB KHA CIG NI SLOB DPON 'DI SEMS TZAM LAS MA 'DAS PAR BZUNG NAS DGAG PA YANG MDZAD PAS, DE DAG GIS NI 'PHAGS PAR YANG MI BZHED PAR MNGON NO, ,DE LTAR DGE BA'I BSHES KYIS DRIS PA'I LAN, RANG GI BLO YIS JI LTAR SPOBS PA BZHIN, ,YI GER BKOD LA NONGS PA'I TSOGS MCHIS NA, ,MKHAS DANG 'PHAGS PA'I TSOGS KYIS BZOD PAR MDZOD, ,SRIN BU'I RJES KYI YIG 'BRU JI BZHIN DU, ,'DI LA LEGS BSHAD GZEGS MA YOD 'GYUR NA, ,DE YI DGE BAS MKHA' MNYAM SEMS CAN KUN, ,BLA MED THAR PA'I GRONG DU 'JUG PAR SHOG ,CES PA 'DI NI DGE BA'I BSHES GNYEN SHES RAB GRAGS KYIS DRIN PA'I LAN DU, ,GZHON NU BLO GROS KYIS DBEN GNAS PA BZANGS SU BRIS PA'O,, ,,DGE LEGS 'PHEL

, ,BAR GYUR CIG, ` ,SKYOR MO LUNG PA SH'AKYA SENG GE'I DRIS LAN, YANG DRIS LAN CIG LA, THEG PA GSUM GYI DKON MCHOG GSUM PO LUGS SO SO'I JI LTAR LAGS, ZHES PA, NYAN THOS DAG NI SANGS RGYAS KYI SKU NI GNYIS TE, GZUGS KYI SKU DANG CHOS KYI SKU'O, ,DANG PO NI, SANGS RGYAS DKON MCHOG TU MI 'DOD TE, SRID PA THA MA'I BYANG CHUB SEMS DPA' SO SO SKYE BO'I PHUNG PO'I RGYUN YIN PAS SDUG BSNGAL KYI BDEN PA YIN, ,ZHES ZER RO, ,GNYIS PA CHOS KYI SKU KHO NA SANGS RGYAS DKON MCHOG TU 'DOD LA, DE YANG ZAD MI SKYE SHES PA'I YE SHES SAM STOBS BCU DANG MI 'JIGS PA BZHI DANG, DRAN PA NYE BAR GZHAG PA GSUM DANG, THUGS RJE CHEN PO STE SANGS RGYAS KYI CHOS MA 'DRES PA BCO BRGYAD KYI RANG BZHIN DU 'DOD DO, ,CHOS DKON MCHOG NI PHUNG PO LHAG BCAS DANG LHAG MED KYI MYANG 'DAS LA 'DOD TE, DHARMA ZHES PA'I SGRA, 'DZIN PA'I DON LA 'JUG PAS MYANG 'DAS GNYIS KYIS 'KHOR BAR LTUNG BA LAS 'DZIN PAR BYED PA'I PHYIR RO, ,SNYAM DU BSAM MO, , DGE 'DUN DKON MCHOG NI, NYAN RANG DGRA BCOM GYI RGYUD KYI ZAD MI SKYE SHES PA'I MI SLOB PA DANG, RGYUN ZHUGS SOGS KYI RGYUD KYI MTHONG LAM DANG ZAG MED SGOM LAM SOGS SLOB PA'I CHOS RNAMS LA 'DOD DE, MDZOD LAS, SANGS RGYAS DGE 'DUN BYED PA'I CHOS, ,MI SLOB PA DANG GNYIS KA DANG, ,MYA NGAN 'DAS LA SKYABS SU 'GRO, ,ZHES PA LTAR RO, ,SANGS RGYAS KYI THEG PA PA RNAMS KYANG TSUL DE LTAR DU 'DOD DE, DE DAG NYAN THOS KYI GZHUNG LA BRTEN NAS THOS PA BYED PA'I PHYIR RO, ,THEG PA CHEN

PO'I LUGS LA, RIG CAN GSUM KA'I DBANG DU BYAS PA'I SKYABS GSUM DANG, BYANG CHUB SEMS DPA' KHO NA'I DBANG DU BYAS PA'I RNAM GZHAG GSUM LAS, DANG PO LA, SANGS RGYAS DKON MCHOG NI, SKU GSUM GYI RANG BZHIN DU 'DOD LA, CHOS NI THEG DMAN GYI MYANG 'DAS GNYIS LA 'DOD CING, DGE 'DUN NI, THEG DMAN GYI MYANG 'DAS GNYIS LA 'DOD LA, DGE 'DUN NI THEG DMAN GYI GANG ZAG ZUNG BZHI YA BRGYAD LA 'DOD TE, DPAL LDAN ZLA BA GRAGS PAS, SKYABS GSUM BDUN CU PAR, THUB DBANG GI NI SKU GSUM DANG, ,MYA NGAN 'DAS DANG GANG ZAG BRGYAD, ,CES BSHAD DO, LUGS 'DI LA BYANG SEMS 'PHAGS PA RNAMS NI, SANGS RGYAS DKON MCHOG GI KHONGS SU GTOGS PAR BZHED DE, DE NYID LAS, SHA RI'I LUNG LAS DGRA BCOM GYI, ,BYANG CHUB SEMS DPAR PHYAG BYAS PHYIR, ,DKON MCHOG GSUM LAS PHYI ROL MIN, ,SANGS RGYAS KHONGS SU GTOGS PAR BZHED, ,CES GSUNGS SO, ,BYANG CHUB SEMS DPA'I DBANG DU BYAS PA'I SKYABS GNAS LA SANGS RGYAS DKON MCHOG NI YON TAN BRGYAD DANG LDAN PA STE, BRGYAD GANG ZHE NA, THOG MTHA' BAR GSUM DU, SKYE 'JIG GNAS GSUM DANG BRAL BAS 'DUS MA BYAS PA DANG, RNAM RTOG LA SOGS PA'I SPROS PA'I MTSAN MA THAMS CAD NYE BAR ZHI BA'I CHOS SKU YIN PAS LHUN GYIS GRUB PA DANG, SO SOR RIG CING YE SHES KYIS RTOGS BYA YIN PAS GZHAN GYI RKYEN GYIS RTOGS PA MA YIN PA STE, RANG DON GYI YON TAN GSUM MO, ,YON TAN DE GSUM RANG BYUNG GI YE SHES KYIS MNGON PAR RDZOGS PAR BYANG CHUB PAS MKHYEN PA, RANG

, ,GIS RTOGS PA LTAR MA RTOGS PA'I SEMS CAN GZHAN LA STON PAS BRTZE BA DANG, MKHYEN BRTZE DE DAG GIS GDUL BYA'I DU: KHA DANG NYON MONGS PA SPONG BA'I NUS PA STE, GZHAN DON GYI YON TAN GSUM MO, ,YON TAN 'DI DAG KYANG GTZO CHER CHOS SKU'I DBANG DU BYAS PA'ANG YIN NO, ,DE LTAR DON GNYIS PHUN SUM TSOGS PA NI SANGS RGYAS DKON MCHOG STE, RGYUD BLA MA LAS, 'DUS MA BYAS SHING LHUN GYIS GRUB, GZHAN GYI RKYEN GYIS RTOGS MIN PA, ,MKHYEN DANG BRTZE DANG NUS PAR LDAN, ,DON GNYIS LDAN PA'I SANGS RGYAS NYID, ,CES GSUNGS SO, ,CHOS DKON MCHOG NI YON TAN BRGYAD DANG LDAN PA STE, BRGYAD GANG ZHE NA, SGRA RTOG GI YUL LAS 'DAS PA BSAM DU MED PA DANG, LAS DANG NYON MONGS PA GSUM DANG BRAL BAS GNYIS SU MED PA DANG, DE'I RGYU TSUL MIN YID BYED KYI RTOG PA DANG BRAL BAS RTOG PA MED PA STE, GSUM NI GANG ZHIG CHAGS PA DANG BRAL BA 'GOG PA'I YON TAN NO, ,NYON MONGS PA DANG NYE BA'I NYON MONGS PA'I DRI MA RNAMS DAG PA DANG, JI SNYED PA'I CHOS SHES BYA'I DON RNAMS GSAL BAR BYED PA DANG, JI LTA BA'I DON RTOGS PAS MI SHES PA'I MUN PA'I GNYEN PO BYED PA STE, GSUM NI GANG GI CHAGS PA DANG BRAL BAR BYED PA LAM GYI YON TAN NO, ,DE LTAR NA, GANG ZHIG GIS CHAGS PA DANG BRAL BA'I 'GOG LAM 'DI DAG NI CHOS DKON MCHOG STE, DE NYID LAS, BSAM MED GNYIS MED RTOG MED PA, ,DAG GSAL GNYEN PO'I TSOGS DAG GIS, ,GANG ZHIG GANG GI CHAGS BRAL BA, ,BDEN GNYIS MTSAN NYID CAN TE CHOS, ,CES GSUNGS SO, ,

DGE 'DUN DKON MCHOG NI, DE NYID LAS, JI LTA JI SNYED GANG GANG GI ,YE SHES GZIGS PA DAG PA'I PHYIR, ,BLO LDAN PHYIR MI LDOG PA'I TSOGS, ,BLA MED YON TAN DANG LDAN NYID, ,CES GSUNGS SO, ,THEG DMAN 'PHAGS PA DAG NI BYANG CHUB SEMS PA RNAMS KYI SKYABS MA YIN TE, GZHAN DON LHAG BSAM RNAM PAR DAG PA MED PA'I PHYIR, MCHOD PAR 'OS PA MA YIN PAS SO, ,'DIR DKON MCHOG GSUM GYI CHE BA'I YON TAN STON PA DANG, GANG ZAG DRUG GI BSAM PA'I DBANG GIS GNAS SKABS SKYABS GSUM DU RNAM PAR BZHAG STE, STON PA SANGS RGYAS KYI CHE BA'I YON TAN BSTAN PA DANG, THEG PA CHEN PO LA ZHUGS PA'I GANG ZAG DANG LAM LA MA ZHUGS KYANG RANG RGYAL GYI RIGS CAN CHOS LA LHAG PAR BYA BA BYED PAR 'DOD PA'I DBANG DU BYAS TE CHOS SKYABS SU BZHAG STE, 'DOD CHAGS DANG BRAL BA RNAMS KYI MCHOG YIN PA'I PHYIR RO, ,SLOB PA CHE BA'I YON TAN BSTAN PA DANG, THEG PA CHUNG NGU LA ZHUGS PA'I GANG ZAG DANG, LAM LA MA ZHUGS KYANG NYAN THOS KYI RIGS CAN DGE 'DUN LA LHAG PAR BYA BA BYED PAR 'DOD PA'I DBANG DU BYAS TE, DGE 'DUN SKYABS SU BZHAG STE, TSOGS KYI MCHOG YIN PA'I PHYIR RO, ,DE SKAD DU YANG DE NYID LAS, STON PA BSTAN PA SLOB DPON GYI, ,THEG PA GSUM DANG BYED GSUM GYI, ,MOS PA RNAMS KYI DBANG BYAS NAS, ,SKYABS GSUM RNAM PAR BZHAG PA YIN, ,ZHES GSUNGS SO, ,SNGAR BSHAD PA'I CHOS DANG DGE 'DUN DAG NI, GNAS SKABS NYI TSE BA TZAM GYI SKYABS YIN GYI MTHAR THUG DAM PA'I SKYABS NI MIN TE, 'DI LTAR, CHOS NI RNAM PA GNYIS TE, LUNG

, ,DANG RTOGS PA'I BDAG NYID DO, ,DANG PO NI, DON MNGON PAR RTOGS PA'I BYA BA BYAS ZIN PA'I PHYIR SPANG BAR BYA BA YIN DE, DPER NA CHU RGAL NAS GZINGS GYI BYA BA MED PA BZHIN NO, ,MDO SDE RGYAN LAS, DON SHES NAS NI CHOS RNAMS KUN, ,GZINGS DANG 'DRA BA NYID DU RIG ,GNYIS PA RTOGS PA'I CHOS KYANG 'DUS BYAS LAM GYI BDEN PA DANG 'DUS MA BYAS 'GOG PA'I BDEN PA GNYIS LAS, DANG PO NI MI RTAG PA BRDZUN PA'I CHOS CAN YIN PAS GTAN GYI SKYABS MA YIN LA, GNYIS PA YANG THEG PA CHEN PO PA 'GOG BDEN NI, SANGS RGYAS DKON MCHOG GI KHONGS SU 'DUS LA, THEG DMAN GYI 'GOG BDEN NI, MED DGAG CANG MED PA YIN PAS SKYABS SU 'OS PA MA YIN NO, ,DE LTAR YANG, SPANG PHYIR SLU BA'I CHOS CAN PHYIR, ,MED PHYIR 'JIGS DANG BCAS PA'I PHYIR, ,CHOS RNAM GNYIS DANG 'PHAGS PA'I CHOS, ,GTAN GYI SKYABS GNAS MA YIN NO, ,ZHES GSUNGS SO, ,DE LTAR MTHAR THUG GI SKYABS NI SANGS RGYAS KHO NA YIN TE, DE THOB PAS DKON MCHOG GSUM GYI YON TAN MA LUS PA THOB PA'I PHYIR DANG, 'JIGS PA MED PA KHYU MCHOG RLABS PO CHE'I GO 'PHANG THOB PA YI PHYIR RO, ,DE LTAR YANG, DAM PA'I DON DU 'GRO BA YI, ,SKYABS NI SANGS RGYAS NYAG GCIG YIN, ,THUB PA CHOS KYI SKU CAN PHYIR, ,TSOGS KYANG DE YI MTHAR THUG PHYIR, ,ZHES GSUNGS SO, ,ZHES PA 'DI YANG SKYOR MO LUNG PA SH'AKYA SENG GE'I DRIS LAN, DGE SLONG GZHON NU BLO GROS KYIS SBYAR BA'O,, ,,DGE LEGS SU GYUR CIG, ` ,BU DONG MKHAN CHEN CHOS RGYAL BA'I DRIS LAN, SKYE MED LA

GNAS SKYE MED TSUL, ,YANG DAG GSUNG BA SMRA BA'I MCHOG ,THUB DBANG DE LA PHYAG 'TSAL NAS, ,MDOR BSDUS DBU MA'I DE NYID BSHAD, ,RGYU RKYEN GANG DANG GANG DAG LAS, ,DNGOS PO GANG DANG GANG BYUNG BA, ,DNGOS MIN DNGOS PO MED PA YIN, , GNYIS MIN GNYIS BRAL NGO BOS STONG, ,RMI LAM SGYU MA DRI ZA'I GRONG, ,CHU YI ZLA BA JI BZHIN DU, ,MA RIG RGYU LA YANG DAG 'BYUNG, ,RTAG TU STONG BA'I NGO BO 'DZIN, ,'JIG RTEN NGOR BYAS SANGS RGYAS KYIS, ,SRID DANG MYA NGAN 'DAS PA'I TSUL, ,KUN NAS NYON MONGS RNAM BYANG SOGS, ,'JIG RTEN KUN RDZOB GDAGS PA MDZAD, ,THA SNYAD DBANG GYUR SKYE BO LA, ,RGYAL BAS GANG DANG GANG GSUNG PA, ,DE DANG DE LA SLU MED GNAS, ,DE PHYIR DE DAG DE LA BDEN, ,DKAR NAG LAS KYI 'BRAS BU YANG, , SGYU MA'I TSUL GYIS SLU BA MED, ,YANG DAG TU NA SPROS PA YI, ,CHOS RNAMS KUN LAS DE GROL LO, ,DE LTAR BDEN PA GNYIS KYI TSUL, ,LUNG DANG RIGS PA'I RJES 'BRANG BA'I, ,RNAM PAR DPYOD PAS TSUL BZHIN DPYAD, RTZE GCIG SEMS KYIS YANG DAG SGOM, ,BSGOM PA YONGS SU RDZOGS PA NA, ,DNGOS DANG DNGOS MED LA SOGS PA, BLO YI MDUN NA MI GNAS PAS, ,DMIGS PA MED PAR RAB TU ZHI, ,RAB RIB DAG PAS SKRA SHAD BZHIN, ,STONG NYID MIG SMAN GYIS SBYANGS PAS, ,BLO GROS SHIN TU RNAM DAG PA, ,RGYAL BAS 'GA' YANG MA GZIGS SO, ,YID BZHIN NOR BU DPAG BSAM SHING, ,LHA YI RNGA BZHIN 'PHRIN LAS RNAMS, ,SNGON GYI 'PHEN PA'I DBANG DANG NI, ,GDUL BYA'I DGE BA'I DBANG LAS SO, ,'DI NI MTHA' BRAL DBU MA'I LAM, ,DUS

, ,GSUM RGYAL BAS BGROD GCIG LAM, ,SRID PA'I LAM GYIS DUB RNAMS KYI, ,NGAL BA NYER SEL BSTI BA'I GNAS, ,SKAL BZANG SKYE BO'I 'JUG NGOGS YIN, ,MDOR BSDUS DBU MA'I SNYING PO 'DI, ,BLO LDAN CHOS KYI RGYAL MTSAN GYIS, ,BSKUL NAS DBU MA'I TSUL SHES PA, ,DGE SLONG KU MA RA YIS SBYAR,, ,,SHU BHAm MASTU SARBA DZA GA TAm,, ` ,SLOB DPON CHOS RGYAL GYI ZHUS LAN, SLOB DPON CHOS RGYAL BA'I DRI BA RNAMS LA LAN MDOR BSDUS TZAM BGYI, DE LA NGO BO NYID SKU DANG GZUGS SKU GNYIS SANGS RGYAS MIN ZHES PA, RGYA GZHUNG KHUNGS MA GANG NAS KYANG MI 'BYUNG, DING SANG GI BSHES GNYEN 'GA' ZHIG BZHED PAR SNANG STE, ,'THAD SNYAM PA MED, ,DUS 'KHOR CHOS MIN ZER BA SU YIN NAM, ,MDO RGYUD BSTAN CHOS RNAM DAG DANG 'GAL BA BAG RE SNANG BAS, ,'JAM DBYANGS LA SOGS PA SA BCU PA'I DBANG PHYUG RNAMS KYIS BYAS PA'I 'KHRUL MED YIN MIN THE TSOM ZA ZER BA NGED KYIS BYAS, RGYA GAR DU YANG RTZOD DUS KYI THAMS CAD MKHYEN PA GNYIS PA SHAN TI PA LA SOGS PA MKHAS PA MANG PO TSAD MAR MI BZHED PAR GRAGS TE, AA BHA YAS SAM BHU tI'I 'GREL BAR, THEG PA GSUM DANG 'GAL BA DU MA SNANG BA'I PHYIR BYED PA PO RNAMS KYANG BYANG CHUB SEMS DPA' MA YIN NO ZHES MANG DU MKHYEN PA DAG GSUNG NGO ZHES BSHAD DO, ,BOD DU YANG MKHAS PA'I DBANG PO BCOM LDAN RAL GRI DANG, SNGON GYI MKHAS PA SOG NYI MA SENG GE LA SOGS PA YANG TSAD MAR MI BZHED DE, RGYU MTSAN MANG STE MA SPROS, KHYED DOL PO BA LTA BA MA 'KHRUL BAR BZHED PA 'DRA STE, DOL PO BA MA

'KHRUL NA KLU SGRUB YAB SRAS LA SOGS RGYA BOD KYI MKHAS PA PHAL MO CHE KUN LTA BA 'KHRUL ZHING, LAM LOG PAR KHAS BLANG DGOS, DOL PO BA 'DOD PA'I BDE GSHEGS SNYING PO'I MING CAN GYI SANGS RGYAS RTAG BRTAN STOBS DANG MI 'JIGS PA SOGS KYI YON TAN RANG CHAS SU GRUB PAR, BRTAN G-YO KUN LA DON DAM PAR KHYAB PAR YOD CES PA NANG PA'I GRUB MTHA' SMRA BA LA RGYA BOD BAL GSUM GANG DU YANG SNGON CHAD BYUNG BA MED CING, DBANG PHYUG LTAR SMRA BA'I GRANGS CAN DANG, RIG BYED GSANG BA'I MTHAR SMRA BA'I MU STEGS PA RNAMS KYI 'DOD PA DANG KHYAD CI YANG MED, MDO SDE PA 'GA' ZHIG LA MTSAN DPES BRGYAN PA'I DE BZHIN GSHEGS PA'I SNYING PO SEMS CAN THAMS CAD LA YOD PAR GSUNG PA NI, DRANG DON DGONGS PA CAN YIN PAR LANG DKAR GSHEGS PA'I MDO LAS GSAL BAR GSUNGS SHING, DPAL LDAN ZLA BA GRAGS PA DANG, CHOS RJE SA PAn SOGS RGYA BOD KYI MKHAS PA RNAMS KYIS KYANG DGONGS PA CAN DU GSAL BAR BKRAL, RGYUD SDE RNAMS LAS, SEMS CAN RNAMS NI SANGS RGYAS NYID, CES GSUNGS PA'I DGONGS PA NI, SEMS RANG BZHIN GYIS RNAM PAR DAG PA LA DGONGS PA YIN NO, ,RGYU MTSAN MANG STE MA SPROS, BYAMS PA SEMS TZAM PA YIN ZER MKHAN SU YOD DAM MI SHES, THOGS MED SKU MCHED SEMS TZAM PA YIN PAR SLOB DPON LEGS LDAN 'BYED DANG, DPAL LDAN ZLA BA GRAGS PA SOGS DBU MA PA'I SHING RTA CHEN PO RNAMS BZHED PA YIN NO, ,THOGS MED SKU MCHED RJES 'BRANG DANG BCAS PA SEMS TZAM PA MA YIN NA, SEMS TZAM PA SU YIN SMRAS NA SMRA RGYU CI YOD, SEMS TZAM PA

, ,YIN PAS NGAN RGYU MED, KHYED RANG SEMS TZAM GYI GRUB MTHA' GO BAR KHAS AE LEN, NGAS NI DING SANG SEMS TZAM DPYIS PHYIN PA SHES PA DA LTA BOD NA MA MTHONG, PHYOGS GLANG CHOS GRAGS RTOG GE PA YIN ZER BA LA SKYON MED DE, KHYOD KYIS RTOG GE'I DON CI RU GO ,GTAN TSIGS LA BRTEN NAS DNGOS PO'I DON GTAN LA 'BEBS PA'I THOS BSAM LA RTOG GE PA ZER BA YIN, YON SHAG GNYIS GZHI THAMS CAD YOD PAR SMRA BA'I GRUB MTHA' KHAS LEN PAS, LTA BA THEG CHUNG BAR MNGON, THEG CHEN GYI SEMS BSKYED RGYUD LA YOD PA BKAG PA MED, BLO BRTAN NGA RGYAL GYI DBANG GIS PHAG TU SKYES ZER BA RGYA GAR GYI MKHAS PA RNAMS LA GRAGS PA'I GTAM RGYUD DU 'DUG ,BDEN MI BDEN MI SHES, GAL TE BDEN NA'ANG MI SRID PA MIN, DPER NA 'OD SRUNG GI BSTAN PA LA SHOD BU SER SKYA ZHES BYA BA RIGS PA DANG GROL BAR SMRA BA'I SPOBS PA DANG LDAN PA'I DGE SLONG CHOS SMRA BA ZHIG GIS DGE 'DUN LA TSIG NGAN SMRAS PAS CHU SRIN NYA'I RIGS CAN MGO BRNYAN BCO BRGYAD YOD PA ZHIG TU SKYES PA 'DUL BA LUNG LAS BSHAD PA BZHIN NO, ,GSHEN RABS THUB PA BAS LHAG ZER BA BLUN PO'I 'CHAL GTAM YIN PAS DPYAD RGYU MED, CHOS DBYINGS YE SHES SEMS RANG BZHIN GYIS RNAM PAR DAG PA SANGS RGYAS KYI SAR GNAS GYUR PA LA ZER, DOL PO BA 'DOD PA LTAR GYI RTAG BRTAN THER ZUG GI CHOS DBYINGS YE SHES MDO RGYUD GANG NAS KYANG MA BSHAD, GSANG SNGAGS RNYING MA LHAD MA ZHUGS PA RNAMS CHOS YIN PAR NGED KYANG 'DOD, DUG LNGA YE SHES LNGA DANG RNAM RTOG CHOS SKU DANG, 'KHOR 'DAS DBYER MED

YIN ZER BA RNAMS LA TSIG LA SKYON CHAGS PA LTAR SNANG YANG BLO RTZE GTAD PHYOGS LA SKYON CI YANG MED, BKA' BAR PA NGES DON, THA MA DRANG DON KLU SGRUB RJES 'BRANG DBU MA PA RNAMS BZHED DE, THA MA NGES DON, BAR PA DRANG DON DU THOGS MED KYI RJES 'BRANG SEMS TZAM PA RNAMS BZHED DE, DOL BO BA RJES 'BRANG DANG BCAS PA'ANG DE LTAR BZHED PAR 'DUG STE, BKA' THA MA NGES DON YIN YANG KHONG TSO'I GRUB MTHA' LA CI YANG MI PHAN TE, KHONG TSO'I GRUB MTHA' DE NI BKA' THA MA NGES DON DU 'DOD PA DAG GI LUGS LAS KYANG PHYI ROL DU GYUR PA'I PHYIR RO, ,DBU MA'I GRUB MTHA' LA DON DAM BDEN PA GZHI GRUB ZER BA RNAMS LA DBU MA'I DRI TZAM YANG MI BRO, THUB PA'I BSTAN PA LA SDOM GSUM GANG YANG MED ZER MKHAN SU YOD DAM MA THOS, 'KHOR BA SPYI TZAM LA MTHA' MED, SGOS TZAM LA MTHA' YOD ZER BA GZHUNG LUGS RNAM DAG DU MA GCIG NAS GSUNG, KHYED KYI SUN 'BYIN 'DI TSIG SKYON YIN PAS SNYING PO MED, THEG CHEN 'PHAGS PA SA BRGYAD PA MA THOB BAR DU NYON YID GNAS MA GYUR PAS RANG DON YID BYED 'BYUNG SRID, DE PHYIR BSAM PA'I SGO NAS PHYIR LDOG SRID CING SBYOR BA'I SGO NAS PHYIR LDOG PA MI SRID, SA BRGYAD PA THOB NAS NYON YID GNAS GYUR PAS RANG DON YID BYED KYI BSAM PA MI 'BYUNG BA'I PHYIR BSAM SBYOR GNYIS KA'I SGO NAS RDZOGS BYANG LAS PHYIR MI LDOG PA YIN, NYAN RANG 'PHAGS PA THEG CHEN LAM DU 'JUG PA LA LUGS GNYIS YOD, NYAN RANG LA CHOS KYI BDAG MED RTOGS PAR 'DOD PA RNAMS KYI LUGS LA CHOS NYID SNGAR MA RTOGS PA GSAR DU RTOGS PAR BYA MI DGOS PAS TSOGS SBYOR NAS MI

, ,'JUG ,SHES SGRIB SPANG BA'I PHYIR CHOS NYID MTHONG ZIN GOMS PAR BYED PA TZAM YIN, SA MTSAMS GANG NAS 'JUG SHES DKA', CHOS KYI BDAG MED RTOGS PA MED PAR 'DOD PA RNAMS KYI LUGS LA CHOS KYI BDAG MED SNGAR MA RTOGS GSAR DU RTOGS PAR BYA BA'I PHYIR, CHOS KYI BDAG MED STON PA'I GSUNG RAB LA THOS BSAM BYA DGOS PAS TSOGS LAM NAS 'JUG DGOS, DE LTAR YANG SO SKYER MI 'GYUR TE, BDEN BZHI MI RTAG LA SOGS BCU DRUG DU RTOGS PAS SO SO SKYE BO'I SA LAS RING DU 'GYUR BA'I PHYIR DANG, SPYOD 'JUG TU, 'JIG RTEN LA LTOS DE NYID MTHONG, ,ZHES BSHAD PA'I PHYIR RO, ,THEG CHEN SEMS BSKYED YOD PAS THEG CHEN 'PHAGS PAR BSDUD LUGS SBYOR BA DANG GSUM GYI, SBYOR MTHONG SGOM GSUM MTSAN NYID PAR 'PHAGS PA RNAM GROL SDE BZHED, BTAGS PA BAR SLOB DPON SENG GE BZANG PO BZHED, 'DI 'THAD 'DI MI 'THAD KYI RGYU MTSAN DPYAD PAR DKA', BOD NA SENG BZANG GI LUGS MI 'THAD PAR 'DOD KYANG SHES BYED CI YANG MED, KHYED DGE BSHES BGRES PO YIN PAS LAN MDO TZAM BYAS PA LAGS, 'THAD MI 'THAD GZIGS PAR ZHU,, ,,DGE LEGS 'PHEL BAR GYUR GCIG, ` ,BLA MA 'OD ZER RGYAL MTSAN GYI ZHUS LAN, GANG GI ZHABS RDUL 'PHROG BYED DBYIG GI GNYEN, ,GTZUG NA ZLA BA 'CHI MED LHA YI DGRA, ,GRUB PA RIG 'DZIN TSOGS KYIS GUS BSTEN PA, ,SMRA BA'I NYI MA THUB DBANG LA BTUD NAS, ,GSUNG RAB RIN CHEN GLING LAS LEGS 'ONGS PA'I, ,LHAG BSAM DAG PA'I DRIS LAN NOR BU'I 'PHRENG, ,SDEB LEGS NGAG GI

SRAD BU LA BRGYUS TE, ,BLO GSAL BLO YI MGUL PA BRGYAN PHYIR SPEL, ,'DIR BLA MA 'OD ZER RGYAL MTSAN PAS KHYOD KYIS MKHAS GRUB KYI BLA MA JI TZAM BSTEN, GZHUNG LUGS JI TZAM LA SBYANGS, RANG DGA' DANG GZHAN 'GREL GYI BSTAN BCOS JI TZAM YOD, 'CHAD NYAN BYAS PA'I 'BRAS BU SLOB MA JI TZAM THON, DA LTAR DGE SBYOR GYI MTHIL GANG LA BYED SOGS KYI RNAM THAR MDOR BSDUS PA CIG CIS KYANG DGOS GSUNGS PA LA, BLA MA JI TZAM BSTEN PA NI, SKYE DGU'I GTZUG RGYAN CHOS RJE BSOD RGYAL DANG, ,RGYAL BA'I SRAS PO THOGS MED BZANG PO DPAL, ,MA TI PAn CHEN LO CHEN BYANG RTZE DANG, ,MKHAS PA'I DBANG PO NYA DBON KUN DGA' SOGS, ,BKA' DRIN NOD PA'I BLA MA BCU PHRAG GNYIS, ,YUN RING 'BAD MED GUS PA'I GTZUG GIS BSTEN,, GZHUNG LUGS JI TZAM LA SBYANGS PA DANG, BRTZAMS CHOS JI TZAM YOD PA NI, 'DZAM GLING MKHAS PA'I RGYAN MCHOG BKA' CHEN BZHI, ,RTZA 'JUG GZHI GSUM THEG CHEN RGYUD BLA DANG, ,CHOS MNGON MDZOD DANG DPAL LDAN 'DUS PA SOGS, ,RNAM BSHAD BYAS PA'I GZHUNG LUGS BCU PHRAG GCIG ,GZHAN YANG BOD YUL 'GYUR BA'I BSTAN BCOS DANG, ,MDO DANG RGYUD SDE PHAL CHER LEGS PAR BLTAS, ,RANG GZHAN GRUB MTHA'I DE NYID 'BYED PA LA, ,MKHAS PA'I MDUN SAR 'JIGS MED SPOBS PA THOB,, 'CHAD NYAN BYAS PA'I SLOB MA JI TZAM YOD PA NI, ,KUN MKHYEN SHER 'OD BLO BZANG GRAGS PA SOGS, ,GZHUNG LUGS RAB 'BYAM SHES PA'I BSHES GNYEN BDUN, ,BKA' BZHI LEGS PAR SMRA BA BCU PHRAG GCIG ,PHAR TSAD SHES PA'I SLOB MA BRGYA PHRAG

, ,BRGAL, ,DGE SBYOR GYI MTHIL GANG LA BYED PA NI, MANG DU THOS SHING LEGS PAR BSAMS PA'I DON, ,DBEN PA'I GNAS SU RTZE GCIG LEGS SGOM TE, ,RGYAL BA'I DGONGS PA RJES SU BSKYANG 'DOD KYANG, ,SNGON CHAD RNAM G-YENG LE LO'I DBANG DU THAL, ,MKHA' MNYAM 'GRO LA DMIGS PA'I SNYING RJE DANG, ,SRID ZHI STONG PAR RTOGS PA'I SHES RAB GNYIS, ,RES 'GA' RES 'JOG RES 'GA' ZUNG 'BREL BSGOMS, ,'ON KYANG PHAL CHE SNYOMS LAS DBANG DU THAL,, 'PHAGS PA KLU SGRUB KYI GSUNG RAB KYI BCUD BSDUS PA'I SNYING PO GCIG DGOS GSUNG BA LA, RGYAS PAR SPRO BA'I SKABS MED PAS MDOR BSDUS PA TZAM SMRAS NA, RGYU 'BRAS SLU BA MED PA'I YID CHES DANG, ,RTEN 'BREL STONG PAR RTOGS PA'I SHES RAB GNYIS, ,'BRAL MED ZUNG DU CHUD PAR NAM GYUR PA, ,DE TSE MTHA' BRAL DBU MA'I LAM LA ZHUGS, ,'DI LTAR SNANG ZHING GRAGS PA'I DNGOS 'DI LA, ,RANG GZHAN GRUB MTHA' BTAGS PA'I KUN BTAGS DANG, ,LHAN SKYES YID KYIS DNGOS 'DZIN MUN PA RNAMS, ,RNAM DAG LUNG RIGS ZER GYIS RAB BSAL TE, ,SNANG DUS NYID NAS STONG PAR RTOGS PA DANG, STONG PA RTOGS TSE SNANG BA MI 'GOG PA'I, ,ZUNG 'JUG TSUL LA NGES PA NAM SKYES PA, ,DE TSE RGYAL BA'I DGONGS PA RTOGS PA YIN, ,THOS BSAM RIGS PAS RNAM PAR DPYOD PA'I TSE, ,SNANG BA BKAG NAS STONG PA BSGRUB PA DANG, ,STONG PA RTOGS TSE SNANG BA NUB PA DANG, ,KUN RDZOB BSAL NAS DON DAM BSGRUB PA RNAMS, ,RTAG CHAD MTHAR LTA'I G-YANG LA LHUNG BA'I PHYIR, ,SANGS RGYAS

DGYES PA'I LAM LAS RING DU GOL, ,SGOM BYUNG 'PHAGS PA'I YE SHES SHAR BA NA, ,SHES DANG SHES BYA'I MTSAN MA SNA TSOGS PA, MKHA' LA 'JA' TSON DENGS LTAR MI SNANG ZHING, ,CHU LA CHU DANG MAR LA MAR BZHAG BZHIN, ,DBYINGS DANG RIG PA DBYER MED 'DRES PA NA, ,MTHONG MED TSUL GYIS DE NYID MTHONG BA DANG, ,GNAS MED TSUL GYIS CHOS SKU LA GNAS DANG, ,MYA NGAN 'DAS DANG 'OD GSAL CHOS KYI SKUR, ,SANGS RGYAS SRAS PO BLO BZANG KLU SGRUB BZHED, ,'ON KYANG RAB 'BRING THA MA'I GDUL BYA LA, ,SNGON BSAGS DGE BA'I SMON LAM GRUB PA'I MTHUS, ,RANG RANG BLO DANG 'TSAM PA'I GZUGS SKU YIS, ,'KHOR BA SRID DU 'PHRIN LAS NGANG GIS 'JUG ,RNAM MANG GRUB MTHA'I BZHED TSUL DU MA DANG, ,LUNG RIGS DGAG SGRUB RGYAS PA 'DIR MA BKOD, ,BLO LDAN KHYED LA PHYOGS TZAM BSTAN PA'I PHYIR, ,MDOR BSDUS TZAM ZHIG YIG GER BKOD PA LAGS, ,'DI MAN CHAD KYI DRI BA RNAMS LA TSIG LHUG PA'I SGO NAS LAN BGYI, DE LA DBU MA CHOS DBYINGS BSTOD PA SOGS DANG BYAMS CHOS RNAMS GUNG 'GRIG PA LTAR SNANG NA, DE DAG LA MTHUN MI MTHUN JI LTAR YOD CES PA, CHOS DBYINGS BSTOD PA DANG RGYUD BLA MA GNYIS, SNYING PO MDO SDE LNGA LA SOGS PA SEMS CAN THAMS CAD DE BZHIN GSHEGS PA'I SNYING PO CAN DU BSTAN PA'I RGYUD PHYI MA'I MDO SDE RNAMS KYI DGONGS 'GREL YIN PAS STON TSUL 'DRA BA YOD CING DE GNYIS KA'I DGONGS PA YANG DING SANG KHA CIG SEMS CAN THAMS CAD LA MTSAN DPES BRGYAN PA'I DE BZHIN GSHEGS PA'I SNYING PO SANGS RGYAS KYI YON TAN RANG CHAS SU GRUB PA RTAG BRTAN YOD

, ,PAR 'CHAD PA NI GTAN MA YIN TE, DGAG SGRUB 'DIR MA SPROS, BSTOD TSOGS GZHAN RNAMS KYIS STONG NYID SPROS BRAL GTZO BOR STON PAS BYAMS CHOS DANG MTHUN RGYU MED, BYAMS CHOS LNGA LA MNGON RTOGS RGYAN DBU MA DANG, GZHAN BZHI SEMS TZAM YIN ZHES 'BAD PA JI LTAR ZHES PA, DE DAG DBU MA YIN NA, YIN MNYAM DANG, SEMS TZAM YIN NA YIN MNYAM DU 'GRO DGOS PAR SNANG YANG, DE LTAR 'BYED PA 'PHAGS SENG GNYIS KYI LUGS SU GSAL ZHING BOD KYI MKHAS PA SNGA MA PHAL CHE BA YANG DE LTAR BZHED PAR GDA', BYAMS CHOS PHYI MA SEMS TZAM YIN NA BKA' THA MA SEMS TZAM DU MI 'GYUR RAM ZHES PA, SPYIR SNGA RABS KYI MKHAS PA DAG ,BKA' BAR PA DGONGS 'GREL DANG BCAS PAS DBU MA STON, THA MA DGONGS 'BREL DANG BCAS PAS SEMS TZAM STON PAR BZHED PAR GDA', DE LTAR NA DBU MA'I SHING RTA CHEN PO RNAMS BAR PA NGES DON, THA MA DRANG DON DU BYAS NAS GNYIS KA'I DGONGS PA DBU MAR BZHED KYI, THA MA'I DGONGS PA SEMS TZAM STON PAR MI BZHED, SEMS TZAM PA'I SHING RTA CHEN PO RNAMS PAR PA DRANG DON DANG, THA MA NGES DON DU BYAS NAS, BAR PA'I DGONGS PA YANG SEMS TZAM DU BZHED CING DBU MAR MI BZHED DO, ,BYAMS CHOS PHYI MA RNAMS SEMS TZAM DU DBU MA PA'I SLOB DPON CHEN PO RNAMS BZHED PA LAGS, DBU SEMS KYI MDO SO SOR PHYE NAS GSUNGS PA MED KYI, GANG ZAG GI BLO YI RTOGS TSUL GYIS DBU SEMS THAD DAD DU PHYE BA YIN NAM SNYAM ZHES PA, DE LTAR LAGS, BOD SNGA RABS PA DAG BKA' DANG PO NYAN THOS SDE GNYIS KYI

GRUB MTHA' DANG, BAR PAS DBU MA, THA MAS SEMS TZAM STON ZHES GRUB MTHA' BZHI KA BKA'I DGONGS PAR 'CHAD NA'ANG, GRUB MTHA' 'OG MA GSUM PHYIS 'JUG GI GDUL BYA BLO DMAN DAG GIS BKA'I DGONGS PA RANG RANG GI MOS PA DANG MTHUN PAR BKRAL BA TZAM MA GTOGS PA BKA'I DGONGS PA LA MI GNAS SHING, BCOM LDAN 'DAS KYIS RIGS CAN GSUM GYI GANG ZAG LA THEG PA GSUM GSUNGS KYI, DNGOS POR SMRA BA'I GRUB MTHA' GANG DU YANG MA GSUNGS SHING, THEG PA CHEN PO'I MDO SDE KUN GYI DGONGS PA MTHA' BRAL DBU MA'I TSUL DU GNAS SHING THEG PA CHE CHUNG GYI KHYAD PAR LTA BA STONG NYID RTOGS MA RTOGS KYI SGO NAS MI 'BYED KYI, SEMS BSKYED DANG SMON LAM LA SOGS PA THABS KYI SGO NAS 'BYED PAR KLU SGRUB YAB SRAS BZHED, DBU SEMS KYI KHYAD PAR JI LTAR 'BYED CES PA SPYIR DBU SEMS LA KHYAD PAR MTHA' YAS PA GCIG YOD KYANG, GTZO CHER RNAM SHES DON DAM DU BDEN PAR 'DOD MI 'DOD KYIS 'BYED PA LAGS, 'ON KYANG DUS PHYIS DBU MA PAR RLOM PA KHA CIG RNAMS RNAM SHES DON DAM DU GRUB PA SEMS TZAM PA'I LUGS NGAN PAR BYAS NAS YE SHES DON DAM DU GRUB PAR 'DOD PAR SNANG STE, DE LTA BU NI MU STEGS PA'I GRUB MTHA' KHAS BLANGS NAS SANGS RGYAS PA'I YANG RTZE 'DOD PA BONG BU GZIG LPAGS GYON PA DANG 'DRA BAR SEMS SO,, RIGS CHAD GNAS GYUR SOGS 'DOD MI 'DOD KYIS DBU SEMS SU 'BYED PA MI 'THAD DAM CES PA DE LTAR LAGS, MTHAR THUG RIGS CHAD PA SEMS TZAM PA YANG MI 'DOD DO, ,GNAS GYUR DANG RNAM SHES TSOGS BRGYAD DANG NGO BO NYID GSUM GYI RNAM

, ,GZHAG DBU MA PA 'GA' ZHIG KYANG BYED, 'ON KYANG SEMS TZAM PA DANG BLO RTZE GTAD PHYOGS MI 'DRA, DBU MA RTOGS PA'I SA MTSAMS GANG LA BYED CES PA, DBU MA'I DON BSGOMS BYUNG GIS MNGON DU GYUR PA MTHONG LAM MA THOB BAR LA MI SRID, THOS BSAM GYIS STONG NYID KYI DON LA SGRO 'DOGS CHOD PA RIGS LDAN GYI GANG ZAG KHA GCIG LA TSOGS LAM CHUNG NGU NAS KYANG SRID, SA THOB NAS DBU MA'I DON MA RTOGS PA MI SRID NA'ANG MNYAM GZHAG GI NGES PA RJES THOB DU MI DRAN PAR SEMS TZAM ZHAL GYIS BZHES PA'I 'PHAGS PA YOD ZER BA DANG, GZHAN DAG SEMS TZAM PA'I 'PHAGS PA MI SRID CES PA DON LA GANG GNAS CES PA, MNYAM GZHAG TU STONG NYID RTOGS NAS RJES THOB TU DE MI DRAN PAR RNAM SHES BDEN PAR KHAS LEN PA'I 'PHAGS PA GA LA SRID, RNAM SHES BDEN PAR KHAS LEN PA LA 'PHAGS PA'I DRI TZAM YANG MI BRO, THOGS MED SKU MCHED PHYOGS GLANG CHOS GRAGS SOGS RGYAL BAS LUNG BSTAN PA DE RNAMS ZHE NAS SEMS TZAM ZHAL GYI BZHES SAM MI BZHES ZHES PA, DE RNAMS SEMS TZAM ZHAL GYIS BZHES PAR SLOB DPON LEGS LDAN 'BYED, DPAL LDAN ZLA BA GRAGS PA SOGS BZHED DE, SEMS TZAM PA'I GRUB MTHA' 'GOG PA NA, SLOB DPON DE DAG PHYOGS SNGAR BYAS NAS THE TSOM MED PAR 'GOG PA'I PHYIR RO, ,SLOB DPON DE DAG SEMS TZAM ZHAL GYIS MI BZHES NA, SEMS TZAM GYI GRUB MTHA' KHAS LEN PA'I GZHUNG DANG, SLOB DPON GANG YIN DRIS NA BOD KYI MKHAS PA SU LA YANG 'DI YIN BSHAD RGYU MI RNYED, SLOB DPON ZLA GRAGS RGYAL BA LA RANG RGYUD KYIS

BSDUS PA'I YE SHES MED PAR 'DOD GSUNG BA DANG, LA LA DE SLOB DPON GYI DGONGS PA MIN GSUNG BA JI LTAR YIN ZHES PA, RGYAL BA'I DGONGS PA LA KLU SGRUB 'KHRUL PA MED CING, KLU SGRUB KYI DGONGS PA LA ZLA BA GRAGS PA 'KHRUL PA MED, KLU SGRUB ZLA GRAGS SOGS 'PHAGS PA YAB SRAS RNAMS KYI DGONGS PA GONG DU CHA TZAM BSTAN PA DE LAGS PAS RANG RE'I BLO GROS KYIS RNAM PAR DPYOD MDZOD, 'ON KYANG PHYOGS 'DI SHIN TU GTING DPAG DKA' BAS MANG PO'I BLO YUL DU, 'THAD PA DKA' BAR GDA', RGYAL BA'I SAR MA DAG PA MI SNANG YANG, DAG PA'I SKU DANG YE SHES KYI SNANG BA DPAG MED YOD PAR SEMS TZAM PA DANG MTHUN SNYAM YANG DBU MA PA DANG MTHUN MI MTHUN JI LTAR ZHES PA, SEMS TZAM RNAM BDEN PA DANG RNAM BRDZUN DRI BCAS PA RNAMS DE LTAR 'DOD PAR SNANG ZHING, 'PHAGS SENG SOGS RNAL 'BYOR SPYOD PA'I DBU MA PA RNAMS KYANG DE DANG MTHUN PAR 'DOD PAR GDA', RGYAN MKHAN PO SHES RAB 'BYUNG GNAS SBAS PA DANG, SLOB DPON CHOS MCHOG SOGS RNAM BRDZUN DRI MED PA RNAMS SANGS RGYAS KYI SA NA GDAMS NGAG GI YUL SNANG NUB CING GNYIS MED KYI SHES PA RANG RIG RANG GSAL GYI CHOS SKU 'BA' ZHIG LA GNAS PAS, SKU DANG YE SHES KYI RNAM GZHAG THAMS CAD GDUL BYA'I ZHEN NGO DANG MTHUN PAR KUN RDZOB THA SNYAD TZAM DU 'JOG PAR BZHED, PHYOGS DE LA SLOB DPON DE DAG DANG ZLA BA GRAGS PA SOGS DBU MA PA'I SHING RTA CHEN PO RNAMS PHAL CHE BA MTHUN PAR GDA', KUN GZHI'I RNAMS SHES KYI NGOS 'DZIN TIG PA GANG LA BYED CES PA DANG, KUN GZHI YOD MED DU BZHED PA GNYIS DON LA

, ,GANG GNAS CES PA, ZLA GRAGS SOGS DBU MA PA RNAMS KUN GZHI DRANG DON DU BZHED, DGONGS GZHI STONG NYID DAM SHES PA'I GSAL RIG TZAM LA DGONGS SO, ,DGOS PA MU STEGS BDAG LTA DRANG BA'I PHYIR GSUNG, SGRA JI BZHIN PA LA DNGOS LA GNOD BYED KUN NAS NYON MONGS PA THAMS CAD KYI GZHI RTEN DU GYUR BA'I KUN GZHI YOD NA, DBANG PHYUG 'GRO BA'I BYED POR 'DOD PA DANG KHYAD MED CES GSUNGS, KUN GZHI MED KYANG LAS 'BRAS KYI RNAM GZHAG KUN RDZOB RU JI LTAR SNANG BA LTAR 'JOG PA 'GAL BA MED PAR BZHED DE, THOGS MED SKU MCHED LUNG RIGS DU MA'I SGO NAS KUN GZHI NGES DON DU SGRUB, DE DAG GI LUGS KYI KUN GZHI'I MTSAN NYID JI LTA BA BZHIN RTOGS PAR 'DOD NA NGED KYI KUN LAS BTUS KYI tI KA NA ZHIB RGYAS SU YOD PAS DE LA GZIGS MDZOD, 'DIR CHA TZAM SMOS PAS DPYIS PHYIN PA RTOGS PA'I CHOS SKAD DE 'DI MA LAGS, RNAM SHES RIG RIG PO 'DI KA CHOS SKU YIN ZHES GANG SHAR PO MA'I 'CHAR SGO GSHIS LUGS SU NGO SPROD PA DANG, RNAM SHES CHOS SKU'I MI MTHUN PHYOGS YIN ZHES PA GANG 'THAD CES PA, LUGS SNGA MA DE RNAM RIG PA'I GRUB MTHA' DANG CHA MTHUN TZAM DU GDA', RGYA BOD KYI GRUB THOB DU GRAGS PA PHAL CHE BA CIG DE LTAR BZHED PAR SNANG STE, DBANG PO RNO NA RNAL 'BYOR SPYOD PA'I DBU MA PA TZAM, 'BRING SEMS TZAM, THA MA BDAG SHES RIG GI SKYES BU NGOS ZIN PAS GROL BAR 'DOD PA GRANGS CAN GYI LUGS SU GOL BA'I NYEN YOD, SNANG BA THAMS CAD SEMS YIN NAM MIN, SEMS KYI SNANG BA SEMS YIN PAR DBU MA PA KHAS LEN NAM MI

LEN ZHES PA, RNAL 'BYOR SPYOD PA'I DBU MA PA RNAMS YANG DAG KUN RDZOB DU SNANG BA SEMS KYI NGO BOR 'DOD, MDO SDE SPYOD PA DANG THAL 'GYUR BA RNAMS THA SNYAD DU SGO LNGA'I SEMS SNANG PHYI ROL GYI DON YIN, RIG SHES KYIS DPYAD NA SEMS 'KHRUL PA'I SNANG BA YIN PAS, SEMS KYANG MIN, SEMS LAS GZHAN PA YANG MIN PAR BZHED, 'KHOR BA MTHA' MED SEMS TZAM PA DANG MTHUN, MTHA' YOD DBU MA PA DANG MTHUN ZER BA GANG 'THAD CES PA, 'KHOR BA SPYI TZAM LA MTHA' YOD PAR DBU SEMS GNYIS KA MI 'DOD, LAM ZHUGS KYI BYE BRAG PA LA MTHA' YOD PAR DBU SEMS GNYIS KA BZHED DO, ,DGONGS 'GREL DU BKA' THA MA NGES DON DU GSUNGS PA DANG, BAR PA DRANG DON DU GSUNGS PA LA DGONGS GZHI SOGS GANG ZHES PA DING SANG BKA' THA MA'I NGOS 'DZIN MYANG 'DAS SOGS MDO SDE RNAMS LA BYED PAR SNANG STE, DGONGS 'GREL GYI DGONGS PA DE MIN, BKA' THA MA DGONGS 'GREL NYID LA ZER BA YIN, DGONGS 'GREL LA CHE BA LA STONG PHRAG BRGYA PA CIG YOD PAR RGYA GAR NA GRAGS TE, DE NUB, RGYA NAG TU LE'U BCU GNYIS PA, BRGYAD PA GCIG LNGA PA GCIG GSUM PA GCIG STE, DGONGS 'GREL BZHI 'GYUR BAR DGONGS 'GREL GYI 'GREL PAR BSHAD, BOD NA RGYA GAR NAS 'GYUR BA DANG, RGYA NAG NAS 'GYUR BA'I LE'U GSUM PA GNYIS YOD, DES NA DGONGS 'GREL NAS NGES DON DU BSHAD PA'I BKA' THA MA NI DGONGS 'GREL NYID LA ZER BA YIN, DE NGES DON DU THOGS MED SKU MCHED BZHED CING DE DAG GI BSTAN BCOS RNAMS KYANG, DGONGS 'GREL SGRA JI BZHIN PAR 'CHAD PAS MTHAR

, ,THUG THEG PA GSUM DANG, GZHAN DBANG RNAM RIG TZAM BDEN PAR SGRUB CING, BKA' BAR PA DRANG DON DGONGS PA CAN DU 'CHAD PA YIN, KLU SGRUB YAB SRAS DGONGS 'GREL SGRA JI BZHIN PA'I NGES DON YIN NA, GZHAN DBANG RNAM RIG BDEN PAR GRUB PA DANG, MTHAR THUG THEG PA GSUM DU 'GYUR DGOS NA, DE DAG LA SHES RAB KYI PHA ROL TU PHYIN PA SOGS NGES DON GYI MDO SDE DAG GIS GNOD PAS DRANG DON DU 'CHAD, GZHAN DBANG RNAM RIG TZAM YOD PA'I DGONGS GZHI THA SNYAD DU SEMS NYID PHYI NANG GYI CHOS RNAMS KYI BYED PA PO YIN PA TZAM LA DGONGS, DGOS PA STONG PA NYID KYIS SKRAG PA'I GDUL BYA 'GA' ZHIG RIM KYIS YANG DAG PA'I DON LA GZHUG PA'I CHED YIN TE, 'JUG PAR, KUN GZHI YOD CING GANG ZAG NYID YOD LA, , PHUNG PO 'DI DAG 'BA' ZHIG NYID YOD CES, ,GSUNGS PA DE NI DE LTAR CHES ZAB DON, ,RIGS PAR MI 'GYUR GANG YIN DE LA 'DOD, ,ZHES GSUNGS, DNGOS LA GNOD BYED NI, KUN GZHI'I SOGS GZHAN DBANG BDEN PA GRUB PA LA, GCIG DANG DU BRAL SOGS BDEN MED DU SGRUB PA'I RIGS PAS GNOD PA'I PHYIR RO, ,DER NYAN RANG LA MTHAR THUG GI MYANG 'DAS YOD PA'I DGONGS GZHI NYAN RANG ZHI BA BGROD PA PHYOGS GCIG PA RE SHIG PHUNG PO LHAG MED DU MYA NGAN LAS 'DA' BA LA DGONGS, DGONGS PA NYAN RANG GI RIGS CAN BYANG SEMS KYI SPYOD PA RLABS PO CHES 'JIGS PA RNAMS NYAN RANG GI MYANG 'DAS LA KHA DRANGS NAS MTHAR THEG PA CHEN PO LA BKRI PA'I PHYIR GSUNGS PA, DNGOS LA GNOD BYED MTHAR THUG NYAN RANG GI MYANG 'DAS SU RIGS NGES PAR

'DOD NA, SEMS CAN THAMS CAD SANGS RGYAS KYI RIGS CAN MIN PAR 'GYUR BA DANG, SANGS RGYAS RNAMS KYIS SEMS CAN THAMS CAD SANGS RGYAS KYI SA LA 'GOD PAR DAM BCAS PA TSIG TZAM DU 'GYUR BA'I PHYIR RO, ,YOD MIN MED MIN ZHES SOGS LA, ,SEMS TZAM PAS KUN RDZOB YOD PA MIN, DON DAM MED PA MIN ZHES PA DANG, DBU MA PAS DE LAS BZLOG PA 'CHAD PAR MNGON TE, GANG LEGS ZHES PA, SEMS TZAM PAS NGO BO NYID GSUM DU PHYE NAS GZUNG 'DZIN KUN BTAGS YOD PA MIN, GZHAN DBANG RNAM RIG MED PA MA YIN, GZHAN DBANG KUN BTAGS KYIS STONG PA'I YONGS GRUB MU BZHI GANG DU YANG BRTAG PAR MI NUS PAR BZHED, DBU MA PAS KUN RDZOB RTEN CING 'BREL 'BYUNG YANG RIG SHES KYI NGO NA YOD MED GANG DU YANG BRTAG PAR MI NUS PAS NA DON DAM PAR LTA SMOS CI DGOS, DE'I PHYIR BDEN GNYIS GANG YANG YOD MED KYI MTHA' GCIG TU BZUNG NA RTAG CHAD KYI LTA BA LAS MA 'DAS PA YIN, NYAN RANG LA CHOS KYI BDAG MED RTOGS PA YOD MED GANG 'THAD CES PA, BYAMS CHOS RJES 'BRANG DANG BCAS PA DANG, DBU MA RANG RGYUD PA RNAMS NYAN RANG LA CHOS KYI BDAG MED RTOGS PA MED PAR BZHED CING, THAL 'GYUR BA RNAMS CHOS KYI BDAG MED RTOGS PA YOD PAR BZHED, DE NYID 'PHAGS PA KLU SGRUB KYI DGONGS PA PHYIN CI MA LOG PA YIN, SBYOR LAM GYI RTOGS PA GNYIS SNANG DANG SGRA DON 'DZIN PA'I RTOG PA GANG 'THAD CES PA, GNYIS SNANG GI RTOG PAR BU STON RIN PO CHE BZHED KYANG 'THAD PAR MI MNGON, 'PHAGS SENG GI DGONGS PA SGRA DON 'DZIN PA'I RTOG PA YIN, DE'I RGYU MTSAN SGRUB

, ,BYED DANG BCAS PA NGED KYIS BYAS PA'I PHAR PHYIN GYI tIKA NA BDOG PAS DER DA GZOD GZIGS, LHAG BSAM DAG PA'I MA DROS LAS 'ONGS PA'I, ,LEGS BSHAD DRI MED GANG GA'I CHU RGYUN 'DI, ,BLO GSAL BLO GROS RAB DKAR NGANG PA KHYOD, ,RTZE ZHING ROL PA'I YID BZHIN MTSOR GYUR CIG ,BLA MA 'OD ZER RGYAL MTSAN PA'I DRI BA RNAMS LA, LAN MDOR BSDUS TZAM ZHIG BGYIS BDOG PAS GZIGS NAS, 'THAD MI 'THAD DGONGS PAR ZHU, ZHES PA SH'AKYA'I DGE SLONG GZHON NU BLO GROS KYIS SMRAS PA'I YIG GE PA NI HA RI BHA DRA'O, ,DGE LEGS 'PHEL BAR GYUR CIG, ,,SHU BHAm,, ` ,BLA MA SGRUB PA DPAL BA'I ZHUS LAN SNGA MA'O, ,KHYOD KYI DRI BA RNAMS LA LAN MDOR BSDUS PA TZAM BKOD NA, SPYIR CHOS NYAMS LEN GYI GNAD 'KHRUL MA 'KHRUL, LTA BA GRUB MTHA' BZHI, SPYOD PA THEG PA GSUM GANG RUNG DANG MTHUN NA MA 'KHRUL, DE MED NA ZAB ZAB 'DRA YANG 'KHRUL BA YIN, DE LA, KHYED KYI SEMS RIG STONG ZUNG 'JUG MTHA' BZHI SPROS PA DANG BRAL BA GZHI DE NYID KHAS LEN DANG BRAL BA LTA BA, LTA BA DANG BLO MTHUN PAR 'JOG PA SGOM, SGYU MA LTA BUR DKAR NAG LA BLANG DOR BYED PA SPYOD PA, GZHI LAM GCIG TU 'DRES PA GNAS GYUR GYI SEMS 'BRAS BU CES PA 'DI GRUB MTHA' DANG BSTUN NA, DBANG PO RAB KYIS NYAMS SU BLANGS NA RNAL 'BYOR SPYOD PA'I DBU MA PA'I LUGS, 'BRING GIS NYAMS SU BLANGS NA SEMS TZAM PA, THA MAS LTA BA GZUNG 'DZIN LAS GROL BA'I BDAG SHES RIG GI SKYES BU NGOS ZIN PAS GROL BAR 'DOD PA GRANGS CAN GYI LUGS, BSGOM PA MTSAN RTOG YID LA MI

BYED PA SHER PHYIN GYI RNAL 'BYOR DU 'DOD PA RGYA NAG HVA SHANG GI LUGS SU GOL BA'I NYEN YOD, DE'I PHYIR SNGA RABS KYI PHYAG CHEN PA RNAMS LA YANG, RJE MI LA RAS PA YAB SRAS RNAL 'BYOR SPYOD PA'I DBU MA PA DE DAG GI RJES 'JUG KHA CIG SEMS TZAM RNAM BRDZUN PA, KHA CIG RNAM BDEN PA'I LTA BAR SNANG, CHOS RJE SA SKYA PAS, BLUN POS PHYAG RGYA CHE BSGOM PA, ,PHAL CHER DUD 'GRO'I RGYU RU GSUNGS, ,CES PA PHYAG CHEN THA MAL PA LA DGONGS SO, ,DE BAS NA, BLA MA NYAMS RTOGS THOB PA DANG LDAN PA LA YUN RING DU BRDAR SHA GCOD PA GAL CHE, DING SANG SEMS GNAS CHA TZAM DANG, NYAMS BAN BUN LA BSGOM DU BZUNG NAS, SGRO 'DOGS NANG NAS CHOD PA SKAD SMRA BA'I SGOM CHEN MANG PO YOD DE, DE RNAMS KYIS SA CI YANG MI CHOD, YANG MNYAM PAR BZHAG DUS 'DZIN PA RAGS PA 'GAGS PA'I RIG PA GSAL STONG BDE CHA DANG BCAS PA YOD ZER BA DE ZHI GNAS KYI NYAMS BZANG PO MIN, LHAG MTHONG GI NGAR 'DON PA LA 'DI MED KHA MED, 'DI KHO NAS MI CHOG 'DI'I GSAL BYA LHAG MTHONG, GNAS CHA ZHI GNAS YIN PAS ZHI LHAG ZUNG 'BREL LAM GYI PHYAG RGYA CHEN PO YIN, CES YANG DGON PA SOGS NGO SPROD KYANG 'DI LA LHAG MTHONG MED, GSAL CHAS LHAG MTHONG GI GO MI CHOD, LHAG MTHONG GI RGYUR STONG NYID LA SGRO 'DOGS CHOD PA'I THOS BSAM GYI LTA BA RNAM DAG CIG NGES PAR DGOS, LTA BA DE ZHI GNAS KYI RTA BA BZANG PO LA BSKYON NAS, DRAN SHES KYIS RGYUN DU BSKYANGS PAS, GNAS LUGS LA MYONG STOBS KYI SGRO 'DOGS CHOD PA'I LHAG MTHONG GI RTOGS PA BZANG PO SKYE BA YIN, ZHI GNAS TZAM GYIS NYON

, ,MONGS PA MGO GNON PA TZAM LAS, SA BON MI SPONG BAS THAR BA'I LAM DU MI 'GRO STE, TING NGE 'DZIN RGYAL POR, 'JIG RTEN PA DAG TING 'DZIN SGOM BYED KYANG, ,DE YIS BDAG TU 'DU SHES PA ZHIG MI NUS, ,DE YIS NYON MONGS PHYIR YANG RAB TU LDANG, ,LHAG SPYOD KYIS NI TING 'DZIN 'DIR SGOMS BZHIN, ,CES GSUNGS, STONG NYID RTOGS PA'I LHAG MTHONG DANG LDAN PA'I TING NGE 'DZIN LAM DU 'GRO TE, YANG MDO DE NYID LAS, GAL TE CHOS LA BDAG MED SO SOR RTOG , SO SOR NYID RTOGS GAL TE SGOM BYED NA, ,DE NI MYA NGAN 'DAS THOB 'BRAS BU'I RGYU, ,RGYU GZHAN GANG YIN DAG GIS ZHI MI 'GYUR, ,CES DANG, DBU MA RGYAN DU, CHOS LA BDAG MED MKHAS PA YIS, ,RANG BZHIN MED PAR GOMS BYAS NA, ,PHYIN CI LOG LAS BYUNG BA YI, ,NYON MONGS SGRIB PA MED PAR SPONG, ,CES GSUNGS, DE BAS NA ZHI GNAS KYI SEMS GNAS PA THOB NAS, LHAG MTHONG GI YE SHES BSGOM PA LA 'BAD DGOS, LHAG MTHONG GI RGYUR GNAS LUGS LA SGRO 'DOGS CHOD PA'I LTA BA RNAM DAG CIG DGOS, DE'I RGYUR BLA MA MKHAS PA LA GTUGS NAS MDO RGYUD ZAB MO LA THOS BSAM GYIS SGRO 'DOGS BCAD DGOS PA YIN, YANG RJES THOB TU SNANG GRAGS KYI CHOS THAMS CAD SGYU MA LTA BUR DRAN PAS BSKYANGS PA NA, RTZA CHAD DU BUN LONG GIS 'GRO ZER BA DE LAM DU SHIN TU YANG 'GRO, DE TSE SGYU MA LTA BUR DRAN PA DE NYID LHAG MTHONG YIN PAS DRAN PA DE NYID ZHI GNAS KYI DAR NAM YAL GYI BAR RTOG PA GZHAN GYIS BAR MA CHOD PA BYAS NAS RGYUN DU SKYONG BA GAL CHE, DENG SANG ZAB LAM PAR BSGOM PA

MANG PO DE 'DRA RTOG SGOM YIN, SNYING PO MED ZER TE, LHAG MTHONG GI GNAD MA GO BA YIN, SO SO SKYE BO LA ZHI GNAS RTOG MED DU SKYE YANG, LHAG MTHONG RTOG BCAS SU SKYE BA YIN, LHAG MTHONG RTOG BCAS DE NYID GOMS PAR BYAS PAS MTHAR 'PHAGS LAM MI RTOG PA'I YE SHES SKYE BA YIN, YANG CHOS RJE SA SKYA PA DPE'I PHYAG CHEN DBANG BZHI PA LA MI BZHED, DBANG GSUM PA'I YE SHES DPE'I PHYAG CHEN DANG, BZHI PA'I YE SHES DON GYI PHYAG CHEN DU BZHED, DUS 'KHOR BA RNAM KUN MCHOG LDAN GYI STONG GZUGS BSKYED RIM DANG, 'DUS PA KUN RDZOB SGYU MA BSKYED RIM DU MI BZHED, GNYIS KA RDZOGS RIM DU BZHED PA YIN, YANG THA SNYAD KYI SPROD PA THAMS CAD THA MI DAD DU RO GCIG PA'I MYONG BA GCIG SKYE NA, RJES ZUNG 'JUG GI NYAMS LEN DU 'GRO'AM ZHES PA, SPYIR MDO SNGAGS THAMS CAD KYI MTHAR THUG GI SKYES LA ZUNG 'JUG YIN YANG, DA LTA SO SKYE'I GNAS SKABS SU ZUNG 'JUG DON SPYI'I TSUL GYIS GOMS PAR BYED PA TZAM LAS, ZUNG 'JUG GI MYONG BA MTSAN NYID PA MI SKYE, GSANG SNGAGS PA SA THOB NAS, SPYOD PA GSUM GANG GIS MNYAM RJES BSRE BA'I ZUNG 'JUG GI NYAMS LEN GOMS PAR BYAS NAS, TSE 'DI NYID LA ZUNG 'JUG MTHAR PHYIN PA RDO RJE 'CHANG GI GO 'PHANG RDZOGS PAR BYED PA 'PHAGS PA YAB SRAS BZHED PA YIN, PHAR PHYIN THEG PA BA SA BCU'I RJES THOB TU 'KHOR GSUM MI RTOG PA'I SHES RAB KYIS ZIN PA'I SBYIN SOGS THABS KYI CHA MA LUS PA SPYOD PA'I RNAM KUN MCHOG LDAN GYI STONG PA NYID LA BSKAL PA GRANGS MED PA GNYIS LA SOGS PA GOMS PAR BYAS NAS, SA BCU PA'I SKYE BA GCIG

, ,GIS THOGS PA'I SA LA ZUNG 'JUG GI MTHAR PHYIN PAR, DPA' BAR 'GRO BA'I TING NGE 'DZIN GYI MDO LAS BSHAD, DA LTA KHYED LA ZHI GNAS KYI NYAMS BZANG DUS, GNYIS 'DZIN THAMS CAD ZHIG PA SNYAM BYED PA 'BYUNG BA ZHI GNAS KYI MTHU YIN, ZUNG 'JUG GIS SPYOD BA'I GO MI CHOD DA LTA ZUNG 'JUG LA GOMS PAR BYED NA, CHOS THAMS CAD SGYU MA LTA BUR DRAN PA'I NGANG NAS SBYIN SOGS THABS KYI CHA THAMS CAD LA 'JUG PA RNAM KUN MCHOG LDAN GYI STONG PA NYID DU, GTZUG NA RIN PO CHE'I MDO LAS BSHAD PA LTAR NYAMS SU BLANG BA YIN, GZHAN PHAN SOGS KYIS MA ZIN NA NYAMS RKYANG PAS RANG RKYA MI THUB ZER BA SHIN TU BDEN, DE'I PHYIR 'KHOR BA LA NGES 'BYUNG DANG, BYAMS SNYING RJE BYANG CHUB KYI SEMS BSGOM PA SOGS LA 'BAD DGOS PA LAGS SO, ,SANGS RGYAS 'JIG RTEN 'BYUNG BA BRGYA LAM NA, ,DAL DANG 'BYOR BA RNYED PA SRID PA TZAM, ,TSE YANG MI BRTAN G-YO BA'I NGANG TSUL CAN, ,DON CHEN SGRUB LA CI STE BRTZON MI BYED, ,THOG MED LAS KYI 'PHEN PA SHUGS DRAGS CING, ,SRID PA'I RGYA MTSO ZAB CING GTING DPAG DKA', ,DAL 'BYOR RIN CHEN RNYED DUS MA 'BAD NA, ,NGAN 'GRO'I KLONG DU CHUD TSE CI BYAR YOD, ,MNYAM GZHAG SPROS BRAL NAM MKHA'I RNAL 'BYOR DANG, ,RJES THOB RTEN 'BREL SGYU MA'I LAM KHYER GYIS, ,BDEN GNYIS DON LA SHIN TU GOMS BYAS NAS, ,TSOGS GNYIS MYUR RDZOGS DON GNYIS BSGRUB PAR MDZOD, ,YI GE'I RTEN MTSON PAR DAR SKYED KHA GANG BDOG ,CES PA SA RTZER BZHUGS DUS, NI BO PAS DRIS LAN DU GNANG BA'O, ,GSUNGS SO, ,SHU BHAm MASTU SARBA DZA

GA TAm,, ` ,'DI YANG BLA MA SGRUB PA DPAL GYI ZHUS LAN, KHYED KYI YI GE RTEN BCAS 'DIR 'PHROD LAGS, SPYIR NGED KYIS GSUNG RAB LA THOS BSAM BYAS PA'I GO YUL TZAM MA GTOGS, BSGOMS PA'I NYAMS MYONG NI CI YANG MED, KHYED RANG GIS NYAMS LEN DGA' MO MDZAD GDA' BA DANG, GO YUL GYI DRI BA YI GER BKOD PA RNAMS KYANG PHYIN CI MA LOG PA GDA' BAS RJES SU YID RANG, DRI BA PHYI MA 'DI RNAMS LA RANG RES LAN BYED PA MA 'PHROD, NGED ZLA BA LNGA PA SHAR SHAR TZAM 'DI RU MTSAMS DAM PAR SDOD RTZIS SU BDOG DE BAR RANG RE'I RDZONG SU BZHUGS NAS, NGED MTSAMS GSENGS RTING MJAL NAS GSUNG GLENG ZHIB TU BGYID PAR ZHU GSUNG, DE NAS KHONG PA SKU MTSAMS MA GROL BAR BDAG NE RINGS SU 'GRO DGOS PAR BYUNG NAS, SNGAR GYI LAN ZHUS PAS, DA RES GDAMS PA 'DI KHYER LA BZHUD, RJES NAS THENGS NGES PA CIG LA LAN BRIS NAS BSKUR BA YIN GSUNG, DE'I GDAMS PA NI, THEGS PA CHEN PO'I GZHI LAM 'BRAS GSUM GSAL BAR BYED PA PHYAG RGYA CHEN PO RDO RJE'I GLU ZHES PA DE YIN, DRI BA PHYI MA ZHI LHAG GI RGYU 'BRAS BYED LAS SOGS KYI LAN NI, THEG PA CHEN PO DBU MA LUGS KYI GZHI LAM 'BRAS BU GSUM GYI GNAD MDOR BSDUS PA ZHES PA DE YIN NO,, ,,DGE'O,, ` ,BLA MA SGRUB PA DPAL BA'I ZHUS LAN MI SHIGS PA'I THIG LE'I NGOS 'DZIN DON GSUM GYIS BSTAN PA BZHUGS SO, ,MI SHIGS PA'I THIG LE NI MING GI RNAM GRANGS DANG, SGRA'I DON DANG, MTSAN GZHI NGOS GZUNG BA DANG, MTSAN NYID GTAN LA DBAB PA RNAMS KYIS SHES PAR BYA'O, DANG PO NI MI SHIGS

, ,PA'I THIG LE DANG, GROL BA'I THIG LE DANG, LHAN CIG SKYES PA'I YE SHES DANG, ZAB GSAL GNYIS MED DANG, CHOS KYI DBYINGS DANG, MKHA' KHYAB NAM MKHA'I RDO RJE LA SOGS PA'O, ,SGRA'I DON NI, CI'I PHYIR MI SHIGS PA'I THIG LE ZHES BYA ZHE NA, 'DIS DNGOS PO RNAMS 'JOMS SHING, DE GANG GIS KYANG GZHOM DU MED PA'I PHYIR DANG, THIG LE'I GZUGS CAN YIN PA'I PHYIR, MI SHIGS PA'I THIG LE ZHES BYA'O, ,'DI RTOGS PA NA KUN RDZOB KYI DNGOS PO RNAMS MI SNANG BA'I PHYIR, 'DIS DNGOS PO 'JOMS PA YIN LA, 'JIG PA'I DUS SU ME LA SOGS PA 'DI GZHIG PAR MI NUS PA'I PHYIR GANG GIS KYANG GZHOM DU MED PA'O, ,CI'I PHYIR GROL BA'I THIG LE ZHES BYA ZHE NA, 'DI RTOGS PAS NYON MONGS PA DANG SHES BYA'I SGRIB PA RNAMS LAS GROL BA'I PHYIR RO, ,CI'I PHYIR LHAN CIG SKYES PA'I YE SHES ZHES BYA ZHE NA, GDOD MA NAS LUS CAN RNAMS LA RANG CHAS SU GRUB PA'I YE SHES YIN PA'I PHYIR RO, ,CI'I PHYIR ZAB GSAL GNYIS SU MED PA ZHES BYA ZHE NA, ZAB MO BTAGS PA THAMS CAD DANG BRAL BA'I STONG PA NYID DANG, GZHI'I DUS SU GSAL BA SNANG LA RANG BZHIN MED PA'I SGYU MA LTA BU DANG, 'BRAS BU'I DUS SU PHYAG RGYA CHEN PO'I SKU 'JA' TSON LTA BU DANG DBYER MED PA'I PHYIR RO, ,CI'I PHYIR CHOS KYI DBYINGS ZHES BYA ZHE NA, DE NYID DAG PA DANG MA DAG PA'I GNAS SKABS KYI BYE BRAG GIS 'KHOR BA DANG MYA NGAN LAS 'DAS PA THAMS CAD KYI GZHIR GYUR PA'I PHYIR RO, ,CI'I PHYIR MKHA' KHYAB NAM MKHA' RDO RJE ZHES BYA ZHE NA, KHAMS GSUM RGYU BA DANG MI RGYU BA THAMS CAD DE'I RNAM 'GYUR

YIN PA'I PHYIR DANG, DE'I RANG BZHIN GNYEN PO GANG GIS KYANG GZHOM DU MI NUS PA'I PHYIR RO, ,GZHAN YANG DPAL MCHOG DANG PO LAS, ,THOG MTHA' MED PA'I SEMS DPA' NI, ,RDO RJE SEMS DPA' DGA' BA CHE, ,ZHES DANG, BRTAG GNYIS LAS, LUS LA YE SHES CHEN PO GNAS, ,RTOG PA THAMS CAD RNAM PAR SPANGS, ,CES DANG, SAm BU tI LAS, JI SRID LUS LA RNAM GNAS PA, ,DE SRID LAS DANG LAS MIN BYED, ,GANG TSE LAS KYI LUS BCOM PA, ,DE TSE LHA RU GYUR PA YIN, ,CES DANG, CHOS DBYINGS BSTOD PA LAS, GANG ZHIG KUN TU MA SHES NA, ,SRID PA GSUM DU RNAM 'KHOR ZHING, ,SEMS CAN KUN LA NGES GNAS PA'I, ,CHOS KYI DBYINGS LA PHYAG 'TSAL LO, ,GANG ZHIG 'KHOR BA'I RGYUR GYUR PA, ,DE NYID SBYANGS PA BYAS PA LAS, ,DAG PA DE NYID MYA NGAN 'DAS, ,CHOS KYI SKU YANG DE NYID DO, ,CES SOGS MDO DANG RGYUD SDE DU MA ZHIG NAS MING GI RNAM GRANGS DU MA ZHIG GIS BSTAN TE, MTSAN GZHI NGOS GZUNG BA NI, LUS LEN PA'I RNAM PAR SHES PA STE, DE'ANG, KUN GZHI LTAR NA, KUN GZHI'I RNAM SMIN GYI CHA DANG, KHAS MI LEN NA YID KYI RNAM PAR SHES PA'I RANG BZHIN NO, ,MTSAN NYID GTAN LA DBAB PA LA, RTEN GANG LA GNAS PA DANG, NGO BO JI LTA BU YIN PA DANG, NYAMS SU LEN TSUL RNAMS KYIS SHES PAR BYA'O, ,RTEN GANG LA GNAS PA NI, LUS CAN RNAMS KYI SNYING KHA'I PADMA KHA SBYAR GYI DBUS NA GNAS TE, ZHAL LUNG GI 'GREL PAR, JI SRID 'DI NI LUS GNAS PA, ,ZHES PA NI, NANG BCUD KYI SEMS CAN RNAMS KYI SNYING KHA'I PADMA KHA SBYAR GYI DBUS NA THIG

, ,LE GNAS PA'O, ,ZHES DANG, DUS 'KHOR LAS, MKHA' KHYAB NAM MKHA'I RDO RJE CAN NI YUL DANG RNAM PA BRAL BA LUS CAN KUN GYI SNYING GI DBUS NA'O, ,ZHES BSHAD CING, DE DAG DANG MTHUN PAR 'PHAGS PA THOGS MED KYIS PHA MA'I KHU KHRAG 'DRES PA'I NUR NUR PO'I PHYOGS GANG DU BAR DO'I LUS LEN PA'I RNAM PAR SHES PA ZHUGS PA DER LUS KYI THOG MA SNYING KHAR CHAGS SHING, 'CHI 'PHO BA NA YANG SNYING KHA NAS YID 'CHI 'PHO BAR BSHAD DO, ,DE BAS NA, MI SHIGS PA'I THIG LE'I MTSAN GZHI'I NGO BO LUS LEN PA'I RNAM PAR SHES PA YIN LA, DE NYID RAB TU GRAGS PA'I SNYING KHA'I PADMA KHA SBYAR GYI NANG, CHOS KYI 'KHOR LO 'DAB BRGYAD PA'I LTE BA'I RTZA DBU MA'I NANG NAS, KUN RDZOB KYI GZUGS YUNGS DKAR SPOM PO'I TSAD TZAM, DBYIBS H'Um YIG 'KHYOG PO'I RNAM PA LTA BUR GNAS LA, DE LTE BA'I GTUM MO'I MES BZHUS BA NA LUS CAN RNAMS KYI SNYING DGA' BAR BYED PAS DPYID CES BYA STE, DE SKAD DU YANG SAM BU tI LAS, SNYING GI DBUS NA PADMA NI, 'DAB MA BRGYAD PA ZE 'BRU CAN, ,DE YI DBUS NA GNAS PA'I RTZA, ,CHU SHING GI NI ME TOG LTAR, ,KHA NI 'OG TU 'PHYANG BZHIN PA, ,DE'I DBUS NA DPA' BO NI, ,YUNGS DKAR GYI NI 'BRU TSAD TZAM, ,MI SHIGS H'Um GI SA BON TE, ,BA MO KHA BA LTAR 'DZAG PA, ,LUS CAN RNAMS KYI SNYING DGA' BYED, ,DE NI DPYID CES BYA BAR BRJOD, ,CES GSUNGS SO, ,DE BAS NA MI SHIGS PA'I THIG LE'I MING CAN GYI LUS LEN PA'I RNAM SHES KYI NGO BO, ,RAB TU GRAGS PA'I SNYING KHA'I DBUS KYI 'KHOR LO'I DBUS, RTZA DBU MA'I DBUS NA YOD

PAR BSNYON MI NUS PAR GRUB LA, DE'I PHYIR PHYAG THIG GI RJES SU 'BRANGS NAS, RTZA DBU MA SGAL TSIGS KYI MDUN, SROG RTZA DANG GZHIBS NAS YOD PA SOGS, RTZA 'KHOR GYI RNAM GZHAG PHAL CHE BA LA GNOD CING, PHYAG THIG KYANG, AA TZA RA DMAR POS BYAS PA'I YANG DAG PA MA YIN ZHES ZHI BA 'OD KYI SNGAGS LOG SUN 'BYIN NA SNANG, 'DI YANG DAG YIN MIN PHYIS DPYAD PAR BYA'O, ,NGO BO JI LTA BU YIN PA NI, KUN RDZOB KYI NGO BO NI THIG LE 'OD ZER LNGA PA TZA NA KA'I 'BRAS BU TZAM MAM, YUNGS DKAR GYI GZUGS TZAM DU GNAS LA, DON DAM PA'I NGO BO NI, ZAB GSAL GNYIS SU MED PA'I YE SHES NAM MKHA' LTAR DAG PA'I YE SHES KYI NGO BOR GNAS PA'O, ,DE LTAR ZHAL LUNG 'GREL BA LAS, GNYIS SU MED PA'I YE SHES ZHES PA NI, ZAB MO DANG GSAL BA GNYIS SU MED PA'I YE SHES NAM MKHA' DAG PA GANG YIN PA'O, ,DE KUN RDZOB KYI GZUGS SU JI LTAR GNAS ZHE NA, THIG LE KHA DOG LNGA PA TZA NA KA'I 'BRU TSAD TZAM DU RNAM PAR GNAS TE ZHES DANG, GROL BA'I THIG LE'I 'GREL BAR, MI SHIGS PA'I THIG LE'I NANG DU GZUGS ZHES PA NI, SNYING KHA SBYOR TZA NA KA'I GZUGS SAM YUNGS DKAR GYI GZUGS TZAM DU GNAS TE ZHES GSUNGS SO, ,THIG LE'I GZUGS CAN DE NYID DBYIBS JI LTAR GNAS ZHE NA, RDO RJE DKYIL 'KHOR RGYAN LAS, SNYING GI DBUS NA MI SHIGS PA, ,GSAL SHING MAR ME DAG DANG MTSUNGS, ,MI 'BYUNG MCHOG TU PHRA BA STE, ,AA NI GTZO BO DAM PA'O, ,ZHES AA YIG AA THUNG GI RNAM PA LTA BU STE, DE YANG SHEL 'PHRENG AA THUNG THAG BRGYUS PA LTA BUR SHES PAR BYA'O, ,SHES PA NYID THIG LE'I

, ,GNAS SU JI LTAR 'GYUR ZHE NA, SHES PA NYID GZUGS CAN GYI RNAM PAR GYUR PA NYID LA GZUGS CAN GYI THA SNYAD 'DOGS KYI SHES PA LAS MA GTOGS PA'I GZUGS MED DO, ,THA SNYAD DU DON KHAS LEN PA LTAR NA, SHES PA'I RNAM PA LAS THA SNYAD DU DON YOD PAR DPOG PA YIN TE, RIGS PA DRUG BCU PAR, 'BYUNG BA CHE LAS SOGS BSHAD PA, RNAM PAR SHES SU YANG DAG 'DU, ,DE SHES PAS NI 'BRAL 'GYUR NA, ,LOG PAR RNAM BTAGS MA YIN NAM, ,ZHES BSHAD PA LTAR RO, ,DUS 'KHOR 'GREL PAR, 'DIR SEMS CAN THAMS CAD KYI SNYING KHA'I NANG NA GNAS PA NI YE SHES SO, ,DE YANG GZHOM DU MED PA'I SGRA STE, RTAG TU N'A DA'I MTSAN NYID DO, ,CES PA'I GZHOM DU MED PA'I SGRA NI RLUNG STE, DE'I DBYIBS NI N'A DA'I MTSAN NYID CES PA DBYIBS STON PA, YIG GE N'A DA DANG AA SHAD DANG AA THUNG NGU RNAMS DON CIG PAS, SNYING DBUS NA LHAN GCIG SKYES PA'I RLUNG AA SHAD KYI RNAM PA LTA BU BSTAN PA YIN LA, DE THIG LER JI LTAR 'BYUNG ZHE NA, DE NYID GTUM MO'AM 'DOD CHAGS KYI MES BZHU BA NA THIG LER 'GYUR BA YIN TE, SPYOD BSDUS SU RLUNG GI LAS STON PA NA THABS SHES KYI RTZA SBUBS NA YOD PA'I RLUNG RNAMS 'DOD CHAGS KYI MES THIG LER BZHU BA NA, RDO RJE DANG PADMAR 'BAB PAR BSHAD PAS SO, ,DE BAS NA THOG MAR RNAM SHES MNGAL DU ZHUGS PA NA, RNAM SHES RLUNG DANG DBYER MED DU 'DRES NAS 'JUG PAS, RLUNG AA SHAD KYI RNAM PA LTA BU DANG, PHYIS 'DOD CHAGS KYI MES BZHU BA NA, THIG LE AA SHAD LTA BUR 'GYUR BAS RES 'GA' THIG LE DANG, RES 'GA' RLUNG DU BSTAN PA

YIN NO, ,'PHAGS LUGS PA'I SEMS DBEN GYI MTSAN GZHI'I NGO BO YANG, MI SHIGS PA'I THIG LE NYID YIN TE, SPYOD BSDUS SU, 'JAM DPAL GYI TING NGE 'DZIN STON PA NA, SEMS CAN RNAMS KYI LUS KYI NANG NA GNAS PA'I SEMS GSUM GYI BDAG NYID KYI YID DU BSHAD CING, DE YANG LUS CAN KUN GYI SNYING GI DBUS NA GNAS PA'I MI SHIGS PA'I MING CAN GYI THIG LE RNAM PAR SHES PA DE NYID GNAS SKABS KYI BYE BRAG GIS SEMS GSUM DU 'GYUR BA YIN TE, MA DAG PA'I GNAS SKABS SU RANG BZHIN GYI RNAM PAR RTOG PA DANG, GSER DANG RANG BZHIN DU DBYER MED DU 'DRES PAS SO SOR MI BYED CING, RANG BZHIN RNAM RTOG 'DOD CHAGS LAS GYUR PA GSAL BA TZAM DANG, ZHE SDANG LAS GYUR PA SHIN TU GSAL BA DANG, GTI MUG LAS GYUR PA MI GSAL BA'I BTAGS KYI BYE BRAG GIS DE DAG GI RANG BZHIN RTOG MED KYI SNANG BA GSAL BA DANG, CHES GSAL BA DANG, MI GSAL BA GSUM YOD PA RJES SU DPOG PA, DE DAG MNGON DU 'GYUR BA'I THABS NI, RNAL 'BYOR PAS BSKYED RIMS MTHAR PHYIN TE, NGAG DBEN GYIS RLUNG SBYANGS TE, RLUNG LA RNAM PAR RGYAL BA THOB PA NA PHYAG RGYA MTSAN NYID DANG LDAN PA BSTEN NAS, BLA MA'I MAN NGAG LTAR NYAMS SU BLANGS PAS SEMS GSUM CI RIGS PAR MNGON DU GYUR TE, RIM LNGA LAS, SGYU MA DAG NI THAMS CAD LAS, , BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,'DI NYID KYIS NI MTSON PAR 'GYUR, ,ZHES BSHAD CING, DE YANG SEMS DBEN GYIS SEMS CAN RNAMS KYI SNYING KHA'I PADMA KHA SBYAR GYI DBUS NA THIG LE GNAS PA'O, ,ZHES PA

, ,DANG, DUS 'KHOR LAS LAS KYI SKABS SU PHYAG RGYA LA RTEN NAS SEMS GSUM PO KUN RDZOB GYI RANG GI NGO BO RANG BZHIN BRGYAD CU'I RNAM RTOG GI DRI MA DANG BRAL BA'I GSAL RIG TZAM MNGON DU GYUR BA YIN GYI, DON DAM PA'I NGO BOR STONG PA NYID MNGON DU GYUR PA NI MIN NO, ,ZHES DANG, ZHAL LUNG LAS, GSAL ZHING RAB DGA' MKHA' 'DRA BA, ,GZHAN DU RIG PAR MI 'GYUR BA, ,BUD MED SGYU MA'I PHYAG RGYA NI, ,SGYU MA KUN LAS KHYAD PAR 'PHAGS, ,CES NA, PHYAG RGYA LA RTEN NAS ZAB GSAL GNYIS MED NYAMS SU LEN PAR BSHAD KYANG, SEMS DBEN GYI GNAS SKABS DANG MNGON DU 'GYUR TSUL MI 'DRA STE, SEMS DBEN GYI GNAS SKABS SU SEMS KYI KUN RDZOB KYI RANG GI NGO BO TZAM MTHONG BA YIN LA, 'DI'I GNAS SKABS SU RNAL 'BYOR PAS PHYAG RGYA LA RTEN NAS 'OD GSAL MNGON DU BYAS PAS ZAB MO STONG PA NYID DANG, GSAL BA PHYAG RGYA CHEN PO'I SKU 'JA' TSON LTA BU SNANG TZAM NA RANG BZHIN MED PA GNYIS DBYER MI PHYED PA'I ZUNG 'JUG DMIGS MED KYI YE SHES MNGON SUM DU GYUR PA YIN NO, ,ZAB GSAL GNYIS MED KYI DON YANG YIN TE, GROL BA'I THIG LE LAS, RNAM PAR RTOG PA KUN BRAL BAS, ,BSAM BRJOD YUL LAS SHIN TU 'DAS, ,MKHA' BZHIN DRI MED KUN 'BYUNG BA, ,BRTAGS BRAL ZAB MO NYID CES BYA, ,PHYAG RGYA CHEN PO'I GZUGS 'CHANG BA, ,SGYU MA 'JA' TSON LTA BU RU, ,RANG DANG GZHAN GYI RGYUD SBYOR BAS, ,YANG DAG GSAL BA ZHES BYA'O, ,CES BSHAD DO, ,DON DAM SNANG MED RTOGS PA 'OD GSAL MIN NAM ZAB GSAL GNYIS MED RTOGS PA NI SNANG MED MA

YIN NO, ,ZHE NA, DON DAM RTOGS PA 'OD GSAL DU 'DOD PA THAMS CAD YANG, DON DAM BDEN PA'I BZHED TSUL LA KLU SGRUB KYI RJES SU 'BRANG BA'I DBU MA PA DAG MI MTHUN TE, DBU MA SGYU MA LTA BU DANG, RAB TU MI GNAS PA GNYIS YOD PAR RGYA BOD KYI MKHAS PA DAG LA GRAGS SHING, KLU SGRUB KYI RJES SU 'BRANG BA'I GZHUNG RNAMS KYI DON YANG DE BZHIN DU GNAS MOD, 'ON KYANG RNGOG LO'I SPRING YIG BDUD RTZI'I THIGS PAR, DBU MA GNYIS SU 'DOD PA RMONGS PA MTSAR SKYED MIN, ,ZHES DGAG PA MDZAD PA NI, KHONG RANG GIS DBU MA'I SHING RTA CHEN PO RNAMS KYI DGONGS PA SO SOR MA PHYED PA'I SKYON YIN TE, DON LA DBU MA GNYIS SU MED PA MA YIN LA, 'PHAGS SENG DANG ZHI BA 'TSO DPON SLOB DANG, DE DAG DANG MTHUN PA'I RDO RJE THEG PA'I BLA MA YE SHES ZHABS LA SOGS PA MANG PO ZHIG DBU MA SGYU MA LTA BUR BAR SNANG ZHING, ZLA GRAGS LEGS LDAN 'BYED DE DAG MTHUN PA'I RDO RJE THEG PA'I BLA MA DAG DBU MA RAB TU MI GNAS PAR SNANG BA'O, ,DE'I RGYU MTSAN 'DIR MI SPRO, SKABS SU BAB PA ZHAL LUNG YE SHES ZHABS KYI DGONGS PA ZAB GSAL GNYIS MED SGYU MA LTA BU LA MTHAR THUG TU SKYEL BA YIN GYI, RAB TU MI GNAS PA'I 'DOD PA LTAR STONG NYID YAN GAR BA MTHAR THUG TU MI BZHED DE, GROL BA'I THIG LE LAS, DES NA ZAB GSAL BYANG CHUB NI, GNYIS MED RTOGS PAS DE GROL LO, ,ZAB MO KHO NA RTOGS PAS MIN, ,GSAL BA DAG KYANG DE BZHIN NO, ,DE PHYIR THAL BYUNG ZAB MO YIS, GROL 'DOD DE LA BDAG MI DAD, ,DE BAS GNYIS MED RANG BZHIN DU, ,RTOGS PAS TSE 'DI 'BRAS THOB NGES, ,CES BSHAD

, ,DO, DE BAS NA 'PHAGS LUGS DANG, YE SHES ZHABS LUGS GNYIS GRUB MTHA'I DBANG GIS 'OD GSAL NGOS 'DZIN TSUL NI MI CIG LA, ZUNG 'JUG GI NGOS 'DZIN TSUL NI CIG TE, 'PHAGS LUGS PA'I BDEN GNYIS ZUNG DU 'JUG PA'I RNAL 'BYOR DANG, YE SHES ZHABS LUGS PA'I ZAB GSAL GNYIS MED KYI YE SHES DON GCIG CING, GNYIS KAS KYANG DE DAG RDZOGS RIMS MTSAN NYID PAR 'DOD PA'I PHYIR RO, ,BYED LAS NI, MA DAG PA'I GNAS SKABS NA MI SHIGS PA'I THIG LE LAS RANG BZHIN BRGYAD CU'I RNAM PAR RTOG PA DANG, DE LA RLUNG DANG ME LA SOGS PA PHUNG PO KHAMS DANG SKYE MCHED KYIS BSDUS PA'I KHAMS GSUM RGYU BA DANG MI RGYU BA THAMS CAD 'DI LAS 'BYUNG STE, ZHAL LUNG LAS, DA NI GNYIS MED YE SHES NYID, KUN RDZOB GZUGS LA RTEN NAS KYANG, ,MI G-YO LA SOGS G-YO DANG BCAS, ,THAMS CAD RAB TU MI SNANG YANG, THIG LE 'GOG PAR MI 'GYUR STE, ,RGYU DANG MI RGYU BCAS PA KUN, ,SLAR YANG DE LAS 'BYUNG BAR BYED, ,CES GSUNGS SO, , DAG PA'I GNAS SKABS SU SLOB PA DANG MI SLOB PA'I ZUNG 'JUG GNYIS KYIS RANG GZHAN GYI RGYUD SMIN PA DANG GROL BAR BYED PA'I 'PHRIN LAS THAMS CAD 'DI'I 'PHRIN LAS YIN NO, ,MI SHIGS PA'I THIG LE NYAMS SU LEN TSUL NI, SPYIR BLA MED KYI RDZOGS RIMS THAMS CAD 'DI MNGON DU 'GYUR BA'I THABS STON PA YIN LA, KHYAD PAR DU MI SHIGS PA'I THIG LE DANG, GSANG BA'I THIG LE DANG, SPRUL BA'I THIG LE STE, THIG LE GSUM GI SGO NAS MYUR DU MNGON DU 'GYUR TSUL NI, ZHAL LUNG DANG GROL BA'I

THIG LE LAS SHES PAR BYA'O, ,ZHES GSUNGS PA 'DI NI, MI SHIGS PA'I THIG LE 'DI NGES DON RDZOGS RIM GYI GZHI SHIN TU GAL CHE BA GCIG YIN NA'ANG, GZHAN KYI SHES DKA' GSUNG BA LA, MA RGYUD KYI MI SHIGS PA'I THIG LE MDOR BSDU NA, MA RGYUD PAS RLUNG THAMS CAD KYI PHRA SHOS SEMS KYI RTEN LHAN SKYES KYI RLUNG DANG, PHA RGYUD 'PHAGS LUGS PAS YI GE THAMS CAD KYI PHRA SHOS AA THUNG NGAM, DES MTSON PA'I DON SKYE MED KYI DON 'OD GSAL LAM DANG, YE SHES ZHABS LUGS PAS RLUNG 'OD ZER LNGA DANG DBYER MED PA'I RNAM SHES THAMS CAD KYI PHRA SHOS MTSON BYED KYI THIG LE LAS BSHAD DE, 'DI GSUM NGO BO GCIG LA LDOG PA THA DAD NGO BO SO SO YIN RGYAS PAR ZHUS PAS MKHYEN RAB KYI MNGA' DBANG PHYUG THUGS RJE'I BDAG NYID RJE BTZUN DAM PA KU MA RA MA TIS LEGS PAR BKA' STZAL BA 'DIS MA RGAN SEMS CAN THAMS CAD SGRIB GNYIS GZHIG CING GZHOM PAR MI NUS PA'I MI SHIGS PA'I THIG LE DE KHO NA NYID MNGON DU BYAS NAS ZAB GSAL GNYIS MED KYI 'JA' LUS PHYAG RGYA CHEN PO THOB PAR GYUR CIG ,RIM LNGA'I ZIN BRIS 'DI 'PHAGS PA'I RIM LNGA DANG, MA RGYUD KYI RTZA RLUNG GI 'DU 'PHROD LAS BYUNG BA'I NYAMS DANG, RIM LNGA GUNG SGRIGS PAR SNANG, 'PHAGS PA YAB SRAS KYI GZHUNG GI DNGOS BSTAN DANG MTHUN SNYAM PA MI GDA' NA'ANG, KHYAD PAR MI SHIGS PA'I THIG LE 'DI NGES DON RDZOGS RIM GYI GZHI SHIN TU GAL CHE BA GCIG YIN NA'ANG, BU STON RIN PO CHES KYANG NGOS MA ZIN, 'DIR YANG SROG RLUNG LA BZUNG BAS 'KHRUL, MI SHIGS PA'I THIG LE NGOS 'DZIN NYAMS SU LEN TSUL DANG BCAS PA, 'JAM

, ,DPAL ZHAL LUNG DANG YE SHES ZHABS KYI RGYA GZHUNG NAS SHES DGOS, GZHAN GYIS MI SHES, DPYID THIG GI ZIN BRIS RNAMS LEGS PA SNANG NGO, 'DIR YANG SROG RLUNG LA, ZHU BDE LHAN SKYES LA RDZOGS RIM DU BYAS SNANG STE, DPYAD RGYU 'GA' RE YOD, BU STON RIN PO CHE'I SBYOR DRUG GI SKOR 'DI RNAMS LAB LOB MANG YANG NYAMS LEN GYI GNAD 'CHUGS, HVA SHANG GI SGOM GYI NYAMS LEN DANG GNAD CIG MTHAR THUG GI 'BRAS BU NGOS 'DZIN LUGS HVA SHANG GI NGOS BZANG STE, THAR PA NAM MKHA' DANG 'DRA BAR 'DOD PA'I PHYIR DANG, BYANG CHUB NAM MKHA'I MTSAN NYID DE, ,NAM MKHA' LA NI MTSAN NYID MED, ,CES GSUNGS PA DANG MTHUN PA'I PHYIR RO, SBYOR DRUG PA THAR PA GZUGS CAN DU 'DOD PA NI, KHA BA RGYA SPOS ME TOG DANG, ,BA ZHO BA MO MU TIG MDOG ,GDUGS DKAR BZUNG BA'I DBYIBS 'DRA BA, ,THAR PA YIN PAR RGYAL BAS BSHAD, ,CES RGYAL SARBA DZA GA TAm,, ` ,GSANG BA 'DUS PA'I SGRUB SARBA DZA GA TAm,, ` ,,GSANG BA 'DUS PA'I SGRUB THABS MDOR BYAS DANG, SGRUB THABS RNAM GZHAG GI tIKA GNYIS KYI MI 'DRA BA'I KHYAD PAR ZHUS PA'I LAN, 'DUS PA'I SKABS SU SKYED RIMS KYI SBYANG GZHI SBYONG BYED DANG SBYONG BA'I SKABS SU SNGON GYI BLA MA RNAMS KYIS, RNAM GZHAG RIM PAR 'DIS NI BSKYED PA'I RIM PA BSGOM PAR BYED PA RNAMS KYI RNAL 'BYOR DANG, RJES SU RNAL 'BYOR GYI RIM PAS LHA'I SKU BSKYED PA BSTAN TO, ,ZHES PA'I GZHUNG 'DI DE'I 'OG TU RIM GYIS 'PHEL TE, DANG PO MER MER PO'I RNAM PAR RO, ,CES PA NAS, YANG RLUNG GIS

BSKUL BAS RKANG LAG 'GYUS TE, GNAS SKABS LNGA GSAL BAR GYUR TO, ,ZHES GSUNGS PA'I GZHUNG GI 'OG TU DRANGS NAS, MNGON BYANG BZHIS DANG PO'I MGON PO BSKYED PA, BAR SRID, MNGAL GYI GNAS SKABS LNGA DANG BCAS PA SBYONG BYED DU BSHAD PA LA, PHYIS KYI MKHAS PA KHA CIG GZHUNG GI 'GREL PA MA 'GREL BAR BSAM NAS SUN 'BYIN CING, DANG PO'I MGON PO BAR SRID KHO NA'I SBYONG BYED DU 'DOD, 'DI NI 'THAD PAR MA MTHONG STE, DANG PO NI MGON PO'I BAR SRID KHO NA'I SBYONG BYED YIN NA, MNGAL GYI GNAS SKABS LNGA LA SBYONG BYED CHOS MTHUN MED PAR 'GYUR TE, DANG PO'I MGON PO LAS GZHAN DE DAG DANG CHOS MTHUN MED PA'I PHYIR RO, ,'DOD NA SRID PA SKYE BA'I RIM PA LTAR BSGOM PAR MI 'GYUR TE, MNGAL GYI GNAS SKABS LNGA LA SBYONG BYED CHOS MTHUN MED PA'I PHYIR RO, ,YANG GZHUNG GI 'GREL TSUL 'DI LTA BU YANG, RNA BAR MI 'ONG BA'I BSHAD PA MA YIN TE, GANG ZHIG GANG DANG 'BREL PA DE, ,RING NA 'DUG KYANG DE DANG DER, ,ZHES PA RNAMS KYI BSHAD THABS KYI MAN NGAG 'DI LTA BU YANG YOD PA'I PHYIR DANG, ,MDO DANG RGYUD SDE 'CHAD PA NA, DON GZHAN GYIS BAR DU CHOD PA'I GONG 'OG GI TSIG SNGA PHYI DAG SBREL NAS BSHAD DGOS PA DU MA SNANG BA'I PHYIR RO, ,DE BAS NA BLA MA DAG GI LUGS 'DI KHO NA LEGS PAR MTHONG STE, 'DI LAS H'Um LAS NYI MA, AA LAS PADMA, PHA'I RDO RJE DANG, MA'I PADMA BYAS PA DANG, AA: LAS ZLA BA GNYIS KA RJES SU CHAGS PA DANG, 'BRU GSUM BAR DO'I LUS NGAG YID GSUM DANG CHOS MTHUN SBYAR NAS, DE DAG 'DRES PA ZLA BA'I DKYIL 'KHOR DU GYUR PA, PHA MA'I

, ,KHU KHRAG BAR DO'I RNAM SHES GSUM 'DRES TE, BAR DO'I RNAM SHES BRGYAL BA DANG, PHA MA RJES SU CHAGS PAS MYOS PA RNAMS YE SHES KYI SA THOB PA RNAMS CHOS MTHUN DU SBYAR BA NI, SGRUB THABS KUN BZANG SOGS SU PHA MA RJES SU CHAGS PA MTSON PA'I YIG GE HO: DMAR PO GNYIS KYI BAR DU RNAL 'BYOR PA'I SRID PA BAR DO'I LUS NGAG YID GSUM MTSON PA YIG GE 'BRU GSUM DU BCUG PA DANG BCAS PA RGYU RDO RJE 'CHANG GI ZHAL DU ZHUGS PA DANG, YAB YUM RJES CHAGS KYI MES KHU BAR BZHU BA DANG DON 'DRA BA'I PHYIR SHIN TU 'THAD DO, ,DE NA MER MER PO LA SOGS PA'I GNAS SKABS GSUM NI KHU BA'I LUS YIN LA, THIG LE YANG YIG GE 'BRU GSUM GYI RNAM PAR GNAS PA YANG RGYUD LAS GSAL TE, GLING BZHUGS PA'I TSIG DON 'CHAD PA NA, LHA'I DBANG PO'I RGYUD LAS, BTZUN MO LEGS SBYANGS KHU BA STE, ,LEGS SBYANGS PADMA BHA GA YIN, ,BZHUGS PA RDO RJE 'DZIN PA DER, THIG LE'I GZUGS KYIS GNAS PA'O, ,ZHES GSUNGS SHING, THIG LE 'BRU GSUM DU GNAS PA DE, LHA MO BZHIS ZHUS LAS, CHA GNYIS PA NI DGU PA NYID DU BSHAD, ,SUM CU BCU PA LNGA PA'I SA BON NYID, CHA GCIG LNGA PA DRUG TU PHYE BA LAS, ,'BYUNG BA 'DI NI THIG LE ZHES SU BSHAD, ,ZHES 'BRU GSUM GYI SNGAGS BTU BA'I SGO NAS, THIG LE 'BRU GSUM GYI RNAM PAR BSHAD PA'I PHYIR RO, ,DES NA NUR NUR PO LA SOGS PA'I THIG LE RNAMS 'BRU GSUM GYI RNAM PAR GNAS PAS YIG 'BRU LAS BYANG CHUB PA DANG CHOS MTHUN NO, ,MKHRANG 'GYUS PA LA SOGS NI SHA'I LUS TE, DE DAG NI RANG GI RIGS KYI

MTSAN MAR GNAS, CES BLA MA RNAMS GSUNG YANG, SHES BYED GSAL PO MA MTHONG YANG, ,MKHRANG 'GYUS NI NYA'I RNAM PAR GNAS PAR BSHAD LA, ,DE NI SEMS CAN GYI LUS KYI MTSAN MA TZAM YIN ZHING, PHYAG MTSAN YANG LHA SKU'I MTSAN MA YIN PAS, MKHRANG 'GYUS NI PHYAG MTSAN LAS BYANG CHUB PA DANG CHOS MTHUN NO, ,RKANG LAG 'GYUR BA NI, YAN LAG GI GTZO BO GRUB PA YIN LA MNGAL GYI GNAS SKABS KYI LUS KYI NGO BO TZAM GRUB PA YIN PAS, KUN RDZOGS PAR BYANG CHUB PA DANG CHOS MTHUN NO, ,DES NA BLA MA SNGA MA RNAMS KYI LUGS SHIN TU 'THAD DO, ,RANG BZHIN GYI GNAS NAS MI BSKYOD PA SKYO BA KUN SPRUL SKUR 'GYUR BA MI 'THAD DE, JI LTAR LONGS SKU THA MAL PA LA MI SNANG BAS SPRUL SKUR BSGYUR NAS, GZHAN GYI DON BYED PA LTAR RNAL 'BYOR PA RANG NYID THOG MAR LONGS SPYOD RDZOGS PA'I SKUR BSKYED NAS SPRUL SKUR BSGYUR STE, DAL BA'I BSKYED PA SOGS SANGS RGYAS KYI RNAM THAR LA SLOB PA YIN GYI, RANG BZHIN GYI GNAS NAS MI BSKYOD PA BKUG NAS SPRUL SKUR BSGYUR NAS, DAL RGYAL MCHOG 'BYIN PA SOGS GRUB ZIN PA'I SANGS RGYAS GZHAN GYI PHRIN LAS SU 'GYUR BAS RNAL 'BYOR PA'I TSOGS RDZOGS PA'I YAN LAG TU MI 'GYUR RO, ,DE BAS NA DANG PO LHAG MOS BSGOM PA'I TSE YANG RNAL 'BYOR PA RANG NYID LHAG MOS KYI GTZO BOR BSGOM PA YIN LA, DE NAS LHAG MOS BSDUS PA NA, 'CHI BA 'OD GSAL MNGON DU BYAS NAS, BAR DO'I YID KYI RANG BZHIN GYI BAR DO'I LUS GRUB PA NA, LUS NGAG YID GSUM YIG 'BRU GSUM GYI RNAM PAR MOS PA BYAS NAS, PHA MA RJES SU CHAGS PA'I KHU KHRAG DANG

, ,'DRES NAS YE SHES KYI SA THOB PA ZLA BA LAS BYUNG BA'I RNAM PAR BSGYUR, DE NAS NUR NUR PO LA SOGS PA'I YIG 'BRU LAS BYANG CHUB PA DANG, MKHRANG 'GYUS PHYAG MTSAN LAS BYANG CHUB PA DANG, RKANG LAG 'GYUS PA SKU RDZOGS PAR BYANG CHUB PA'I RNAM PAR BSGYUR NAS BSGOM PAR BSHAD PA YIN PAS, LONGS SKU DANG SPRUL SKU GNYIS KAR RNAL 'BYOR PAS RANG NYID DE DANG DE'I RNAM PAR MOS PAR BYED DO, ,'DI NI RDO RJE THEG PA'I LHA'I RNAL 'BYOR THAMS CAD LA SHES DGOS TE, DE LTA MA YIN NA LAM GYI GNAD CHEN PO 'CHUG GO ,DE BAS NA RANG BZHIN GYI GNAS NAS MI BSKYOD PA BKUG NAS SPRUL SKUR BSGYUR BA DANG, DE'I SHES BYED DU ZIL GNON RDO RJE'I TING NGE 'DZIN 'DREN PA NI 'BREL PA MED DO, ,YANG PHYAG RGYA 'DU BYA BA MAN CHAD SRID PA SKYE BA'I RIM PA DNGOS SU SBYAR BA MED KYANG, DANG PO'I SBYOR BA BSKYED PA'I RIM PA DANG DNGOS SU SBYAR BAS, DON THOB TU BYAS NAS SBYAR BA LA DE MI 'THAD DE, SANGS RGYAS PA'I PHRIN LAS LA SBYAR BA MED ZER BA YANG, 'PHAGS PA YAB SRAS KYI GZHUNG LAS GNYIS KA YANG DNGOS SU SBYAR BA MA MTHONG ZHING, DON THOG TU BYAS NAS GNYIS KA LA SBYAR BA LA YANG MI RUNG BA MED PAR SEMS SO, ,AA BHYAS, BSRUNG 'KHOR GYI THOG MAR SVA BHA WAS SNOD BCUD STONG PAR BCUG NAS DE'I NGANG LAS 'KHOR LO MGYOGS PAR 'KHOR BA'I RTZIBS LA KHRO BO 'GOD PAR BSHAD PA YE SHES ZHABS KYI LUGS YIN GYI, 'PHAGS PA YAB SRAS KYI DGONGS PA MA YIN TE, STONG PA SNGON DU BOR NAS BSRUNG 'KHOR SGOM PA NI, BSRUNG 'KHOR GYI NANG DU GZHAL YAS KHANG BSGOM PA'I LUGS

GZHAN YIN GYI, 'DI NI DE LTA MA YIN TE, DNGOS PO MED PA BSGOM PA MIN, ,CES SOGS KYIS BSRUNG 'KHOR 'OD GSAL DU BCUG NAS, YE SHES KYI SA BSGOM PA YIN LA, BSRUNG 'KHOR GYI SNGON LA STONG PA BSGOM NA YE SHES KYIS LAN GNYIS SGOM DGOS PAR 'GYUR, 'KHOR LO SER PO'I RTZIBS LA KHRO BO RNAMS 'GOD PA RGYUD PHYI MA LAS BSHAD KYANG 'PHAGS PA YAB SRAS BSHAD RGYUD GZHAN GYI RJES SU 'BRANGS NAS 'CHAD KYI RGYUD PHYI MA GTZO BOR MI MDZAD DO, ,DE'I PHYIR 'KHOR LO YANG SGOM MI DGOS SO, ,KHRO BO RNAMS LA YANG SA 'BYIN BYED PA YANG MNGON SPYOD KYI SKABS SU KHRO BO'I 'KHOR LO BSGOM PA LA 'GREL PA BSHAD KYI, BSRUNG 'KHOR GYI SKABS SU GTZO BO LA MNGAL 'BYIN DANG, KHRO BO RNAMS NYI MA LA GNAS PA'I H'Um RING PO LA BSKYED PA YAB SRAS KYI DGONGS PA YIN TE, MDO SDE LAS, RDO RJE 'CHANG CHEN PO SKU MDOG DKAR PO'I BDAG NYID JI LTA BA BZHIN BSGOM PAR BYA'O, ,DE NAS LE'U DANG PO LAS, YE SHES SGRON MA RDO RJE ZHES BYA BA'I TING NGE 'DZIN GSUNG PA'I TSUL GYIS MI BSKYOD PA SKYED PA'I RJES SU ZHUGS PAS ZHE SDANG RDO RJE SGYUR NAS ZHES DANG, MDOR BYAS SU, NYI MA LAS GNAS H'Um LAS BYUNG, ,G-YON BRKYANG BA YI GNAS PAS GNAS, ,KHRO BO BCU NI SPRO BAR BYA, ,ZHES GSUNGS SO, ,'KHOR LO MI MNGON PAR MGYOGS PAR 'KHOR NAS PHYOGS KYI RNAM DBYE MI NGES PA'I PHYIR DANG, KHRO BO RNAMS SU PHYOGS SOGS BSRUNG BAR YANG MI 'GRUB BO, ,LUS DKYIL 'GOD PA'I THAD DU, LHA DNGOS SU 'GOD PAR RAB TU SGRON GSAL LA SOGS PA LAS BSHAD PA'I RJES SU 'BRANG BA YANG YAB SRAS KYI

, ,DGONGS PA MIN TE, MDOR BYAS SU, DE NAS PHUNG PO LA SOGS PA'I, ,DBYE BA SHES PAS SNANG MDZAD SOGS, GNOD MDZES BAR DU SA BON GYI, DGOD PA YANG DAG NYID DU 'GOD, CES GSUNGS SHING, SA BON NYID 'GOD PA CHES GSAL LO, ,'O NA PHUNG PO LA SOGS PA LA LHA NYID 'GOD PAR BSHAD PA MA YIN NAM ZHE NA, 'DIR RGYU DANG 'BRAS BU DBYER MI PHYED PAR BSAMS NAS, SA BON NYID LHA'I NGO BO BSAMS NAS LHA 'GOD PAR BSHAD LA, RGYUD GZHAN DU SA BON DANG LHA 'GOD PA RNAM GRANGS SU BSHAD DO, ,YAB LA GZUGS RDO RJE SOGS KYI SA BON 'GOD PA YANG MDOR BYAS KYI DGONGS PA MA YIN TE, YUL LNGA NI YUM GYI DBANG PO LNGA LA 'GOD PAR BSHAD PA'I PHYIR RO, ,SEMS CAN THAMS CAD YAB LA 'GOD NA YUM LA YANG SNYING SOGS SKYE MCHED LA DGOD DGOS PAR THAL BA'I PHYIR RO, ,CI STE SA SNYING LA SOGS DE DAG DANG, ,SNYOMS PAR 'JUG PA SHES PAR BYED, ,ZHES BSHAD PAS, YUM GYI SKYE MCHED LA YANG YAB YUM GNYIS KA'I SA BON 'GOD PAR BSHAD DO ZHE NA, DE LTAR NA LHA BSKYED PA NA DE BZHIN GSHEGS PA LNGA DANG, KHRO BO BCU LA SOGS PA YAB YUM ZHAL SBYOR DU BSGOM DGOS PAS GNAS SO SOR BSGOM PA MI 'THAD PA'I PHYIR RO, ,RNAM GZHAG RIM PAR YUL GYI LHA MO RNAMS 'GOD PA NI, YAB YUM GNYIS KA'I LUS DKYIL LA DGONGS NAS, SUM CU RTZA GNYIS 'GOD PAR BSHAD PA YIN TE, PHYUNG BA'I DKYIL 'KHOR LA LHA SUM CU RTZA GNYIS 'GOD PA'I SHES BYED DU, YAB YUM GNYIS KA'I LUS DKYIL LA SUM CU SO GNYIS YOD PAR BSHAD PA DANG 'DRA'O, ,SPYAN

MA, MA M'A KI, GOS DKAR MO, ,SGROL MA RNAMS LTE BA, SNYING KHA, MGRIN PA, SPYI BO RNAMS SU 'GOD PA YANG, SAm BHU tIR, 'KHOR LO BZHI DANG LHA MO BZHI SBYAR BA LA BSAMS PA YIN GYI, 'PHAGS PA'I DGONGS PA MIN TE, MDOR BYAS SU, SPYAN DANG MA M'A KI DANG NI, ,DE BZHIN DU NI GOS DKAR MO, ,SGROL MA YANG NI SNGAGS PA YIS, ,SA LA SOGS PAR RNAM PAR 'GOD, ,CES 'BYUNG BA BZHI'I GNAS SU LHA MO RNAMS 'GOD PAR BSHAD LA, DE LA SA RNAM PAR DAG PA SPYAN, RLUNG DAG PA SGROL MA, CHU DAG PA MA M'A KI, ME DAG PA GOS DKAR MO RNAMS GO RIMS BZHIN DU, SA RLUNG GI GNAS 'DOMS DANG, RLUNG GI GNAS LTE BA DANG, CHU RLUNG GI GNAS SNYING KHA DANG, ME RLUNG GI GNAS MGRIN PA DAG TU DGOD DO, ,SKU GSUNG THUGS BYIN GYIS RLOB PA'I SKABS SU, SPYI BO LA SOGS PA'I GNAS GSUM DU AOm A'A: H'Um LA SOGS PA'I YIG GE GSUM BKOD NAS, SPYAN MA LA SOGS PA'I LHA MO RNAMS YAB DANG ZHAL SBYOR DU SPRO BA YANG MIN TE, 'BRU GSUM LA LHA MO RNAMS RKYANG PA SPROS PA, DE DAG GIS SNYAN PA'I GLU DBYANGS KYIS RANG BZHIN GYI GNAS NAS, SKU RDO RJE LA SOGS PA 'KHOR BCAS BKUG LA, DE DAG DANG SNYOMS PAR ZHUGS PA'I MDUN DU GSOL BA 'DEBS PAR RAB TU SGRON GSAL LAS BSHAD PA 'THAD DE, MDO 'GREL LAS, MGO BO DANG, LKOG MA DANG, SNYING KHA'I PHYOGS SU YIG GE GSUM RNAM PAR BKOD LA, DE LAS BYUNG BA'I SPYAN LA SOGS PA'I TSOGS KYIS, SKU RDO RJE LA SOGS PA BKUG LA, ZHES GSUNGS PA'I PHYIR RO, ,BSRUNG 'KHOR GYI SKAB SU

, ,KHRO BO'I PHYI ROL DU LCAGS DANG, CHU DANG, ME DANG, RLUNG GI RA BA BZHIS BSKOR BAR BSHAD PA'I LUGS GZHAN YIN GYI, 'DI PA'I LUGS MIN NO, ,H'Um LAS RDO RJE'I SA BZHI DANG, tIKKA RA DZA H'Um ZHES 'DOD RGYAL GYI SNGAGS KYIS RDO RJE'I RA BA DANG, H'Um KA RA H'Um ZHES H'Um MDZAD KYI SNGAGS KYIS RDO RJE'I DRA BA PHYED PA YANG MDO 'GREL LAS BSHAD DO, ,YANG SEMS PA SUM BRTZEGS KYI SKABS SU YE SHES SEMS DPA' GSUNG RDO RJE DMAR PO ZHAL GCIG PHYAG GNYIS PAR RDO RJE SEMS DPA'I SGRUB THABS KYI RJES SU 'BRANG BA MI 'THAD TE, RGYUD THAMS CAD LAS YE SHES SEMS DPA' DAM TSIG SEMS DPA' DANG 'DRA BAR BSHAD CING, MDO 'GREL LAS, DAM TSIG SEMS DPA'I SNYING KHAR YE SHES SEMS DPA' SA BON LAS BKUG PA DANG, CES SNYING KHA'I SA BON H'Um LAS YE SHES SEMS DPA' RANG DANG 'DRA BA'I THUGS RDO RJE 'GUGS PAR BSHAD PA'I PHYIR DANG, GSUNG RDO RJE YIN NA AA: LAS BKUG PAR RIGS PA'I PHYIR RO, ,RDO RJE SEMS DPA'I SGRUB THABS NI, DPAL LDAN ZLA BAS MDZAD PA MIN TE, 'PHAGS PA NYID KYIS MDOR BYAS LTA BU'I SGRUB THABS SHIN TU GSAL BAR MDZAD BZHIN DU DE TSIG LHUG TU BKROL BA TZAM GYIS DPAL LDAN ZLA BA LTA BU GA LA MDZAD, GDAN 'GOD PA'I SKABS SU, GTZO BO LA NYI GDAN BYED PA YANG MI 'THAD TE, SPRUL SKUR BSGYUR PA YAN CHAD, GTZO BO ZLA GDAN LA BZHUGS PAR 'GREL PAS BSHAD PA'I PHYIR TE, 'GREL PAR DE NYID DANG, ZLA BA DANG, SA BON DANG, PHYAG MTSAN DANG, SKU RIM KYIS BYUNG NAS BCOM LDAN 'DAS ZLA BA'I DKYIL 'KHOR GYI STENG

NA JI SKAD BSHAD PA'I GZHAL YAS KHANG GI NANG DU BZHUGS SO ZHES BSHAD DO, ,DE BAS NA GTZO BO LA MNGAL 'BYIN GYI MI BSKYOD PA BCUG STE, ZHE SDANG RDO RJE BSGYUR BA NA, ZLA GDAN NYI MAR GYUR GYI DE GONG LHAG MOS YAN CHAD KYI GTZO BO RNAMS ZLA BA'I GDAN NO, ,RDO RJE PADMA BYIN GYIS RLOB PA'I DUS SU RDO RJE'I BU GA PHAt KYIS 'GOG CES PA NI MI 'THAD TE, MNGAL 'BYIN GYI DUS SU BYANG SEMS GTONG BA'I SKABS YIN PA'I PHYIR DANG, 'GREL PAR YANG, YIG GE PHAt KYIS BYANG CHUB KYI SEMS DBAB PAR BYA'O, , ZHES BSHAD PAS SO, ,RIGS BDAG LA YANG YAB BRKYANG PAS 'JOG PA DANG, DAM TSIG PA BSKYED PA'I RJES SU DBANG BSKUR GYI LHA YAB YUM GNYIS KYIS BYANG CHUB KYI SEMS KYIS DBANG SKUR BA YANG MI 'THAD TE, DAM TSIG PA BSKYED PA NA RIGS BDAG YAB YUM ZHAL SBYOR DU BSGOMS NAS, DE DAG GIS BYANG CHUB KYI SEMS KYIS DBANG BSKUR BA RGYUD KYI DGONGS PA YIN TE, LHA DBANG BSKUR BA'I SKABS SU, SNGAGS RNAMS THAMS CAD NYID LA YANG, SPYI BO NAS NI BSKUL BA SHIS, ,CES RTZA RGYUD LAS GSUNGS SHING, DE'I 'GREL PAR, BSHAD MA THAG PA'I DBANG BSKUR BA THAMS CAD LA SBYOR BAS NA SBYOR BA STE DE RNAMS KYI SBYOR BA'I SNGAGS RNAMS LA SPYI BOR GNAS PAS BSKUL BA STE, RANG RANG GI PHYAG RGYA DANG BCAS PAR BDE BA CHEN PO'I RJES SU MYONG BA'I SHIS PA STE TSIM PAR BYED PA YIN NO ZHES BSHAD PA'I PHYIR DANG, DE'I DON DU BSAMS NAS RNGOG LUGS KYI RAS BRIS RNAMS LA'ANG RIGS BDAG ZHAL SBYOR DU MDZAD PAR SNANG BA'I PHYIR RO, ,RTEN GZHAL YAS KHANG BSKYED PA'I DUS SU THIG TSOD KYIS

, ,BKOD PA YANG, TSIG MANG PA TZAM LA DGA' BAR ZAD KYI 'THAD PAR MTHONG TE, BRIS BYA'I DKYIL 'KHOR LA THIG TSAD KYIS BKOD PA GAL CHE'I, BSGOM BYA'I DKYIL 'KHOR LHA'I ZHAL PHYAG GI GRANGS DANG, PHYAG MTSAN GYI RNAMS PA DANG, RTEN DANG BRTEN PA'I DKYIL 'KHOR GYI KHA DOG DANG, DBYIBS LA SOGS PA'I RNAM PA JI LTA BA BZHIN DU BLO LA 'CHAR BA GAL CHE'I THIG TSAD KYI SA GCOD PA'I RNAM PA JI LTA BA BZHIN BSGOM PA'I TSE BLO LA 'CHAR DGOS NA HA CANG THAL TE, RANG BZHIN GYIS GRUB PA'I YE SHES KYI DKYIL 'KHOR RGYA DANG SPANGS TSAD LAS 'DAS PA'I THIG GIS GZHAL MI NUS PA'I PHYIR DANG, DPAL MCHOG DANG POR, RDO RJE SEMS PA'I GZHAL YAS KHANG NAM MKHA' GAR KHYAB TU GNAS PAR GSUNG PA'I PHYIR RO, ,RDO RJE 'PHRENG BAR YANG, GTZO BO GANG DU RGYU BA YI, DE YI GNAS NI NAM MKHA'I NYID, ,CES PA'I DON YANG DE DANG GCIG PAR SNANG NGO, ,CES GSUNGS PA 'DI NI 'DUS PA'I SGRUB THABS MDOR BYAS DANG RNAM GZHAG GI tIKA RNAM GNYIS KYI KHYAD PAR CUNG ZAD TZAM ZHUS PA LA, RJE BTZUN DAM PA KU MA RA MA TI'I ZHAL SNGA NAS GNANG BA LAGS SO,, ,,DGE LEGS SU GYUR CIG, ` ,SNGAGS 'CHANG KUN DGA' ZLA BA'I ZHUS LAN, PHUNG PO GSUM PA'I MDO LAS, DMIGS PA LA GNAS TE BDAG GIS SEMS CAN MA MCHIS PA LA SEMS CAN DU 'DU SHES PA DANG, SEMS CAN SGYU MA LTA BUR MA 'TSAL NAS BLA NA MED PA YANG DAG PAR RDZOGS PA'I BYANG CHUB TU SEMS BSKYED PA GANG LAGS PA DE 'CHAGS SO, ,ZHES SOGS KYI GSHAGS PA 'DI SO SO'I SKYE BO'I GNAS

SKABS KYI GSHAGS PA YIN, RGYU MTSAN MTSAN 'DZIN MNGON ZHEN GYIS BCINGS PA'I DGE BA CI BYAS KYANG BYANG CHUB KYI RGYU RNAM DAG TU MI 'GYUR, DE'I PHYIR MTSAN 'DZIN GYI CHA 'CHAGS PA YIN GYI, DGE BA'I CHA 'CHAGS PA MA YIN, 'CHAGS PA'I DON YANG PHYIN CHAD DGE BA CI BYED STONG NYID KYI SHES RAB KYIS ZIN PAR BYED CING, MTSAN 'DZIN LAS LDOG PAR DAM BCA' BA TZAM YIN GYI, SPYOD 'JUG LAS, BDAG KYANG 'JAM DBYANGS BKA' DRIN GYIS, ,ZHES SOGS SA MA THOB BAR DU, ZHES SOGS RAB TU 'BYUNG BAR SMON LAM 'DEBS PA'I RGYUN SO SO SKYE BO KHYIM NA 'DOD YON DANG RNAM G-YENG GI DBANG DU SONG NAS BYANG CHUB KYI GEGS SU 'GYUR BA LA DGONGS, SA THOB NAS GZHAN DON DU KHYIM NA GNAS KYANG, 'DOD YON DANG RNAM G-YENG GI DBANG DU 'GYUR MI SRID, SA THOB NAS BYANG CHUB SEMS DPA' KHYIM PA DANG RAB TU BYUNG BA'I RTEN GANG LA GNAS NA SEMS CAN GYI DON DU 'GYUR BA DE LA GNAS KYI GCIG TU KHYIM PA'AM RAB TU BYUNG BA'I RTEN LA GNAS PA'I NGES PA MED, SNGAGS DANG PHAR PHYIN GYI LAM BDEN PA MA MTHONG BAR LA THA DAD CING, BDEN PA MTHONG PHYIN CHAD LAM GNYIS 'DRES MA YIN ZER BA'I LUGS LA, BDEN MTHONG PHYIN CHAD LA GNYIS PO DON GCIG NA, SNGAGS KYI BDEN PA MTHONG BA'I RNAL 'BYOR PAS SLAR YANG BSKAL PA GRANGS MED PA GNYIS SU TSOGS BSAGS NAS, SANGS RGYAS THOB DGOS PAR 'GYUR TE, PHAR PHYIN THEG PA'I LAM GYIS BDEN PA MTHONG BA'I 'PHAGS PA RNAMS KYIS GRANGS MED GNYIS PAS MA DAG PA BDUN BGROD DGOS SHING, GRANGS MED GSUM PAS DAG PA SA GSUM BGROD

, ,PAR PHAR PHYIN THEG PA LAS BSHAD PA'I PHYIR, YANG NA PHAR PHYIN LAM GYIS BDEN PA MTHONG BA'I 'PHAGS PAS SKYE BA 'DI'AM, BAR DO'AM, SKYE BA BDUN NAM BCU DRUG TSUN CHAD KYIS SANGS RGYAS THOB PAR 'GYUR TE, RDO RJE THEG PA LAS BSHAD PA'I PHYIR RO, ,GAL TE SNGA MAS 'DOD, PHYI MA LA MA NGES TE, SNGAGS KYIS TSE 'DI NYID LA SANGS RGYAS THOB PA SOGS MTHONG LAM TZAM THOB PA LA DGONGS PAS DRANG DON YIN GYI NGES DON MA YIN TE, BSKAL PA GRANGS MED GSUM GYI TSOGS KYIS THOB PAR BYA BA'I SANGS RGYAS TSE GCIG LA 'GRUB PA MI SRID PA'I PHYIR RO SNYAM NA, 'O NA, SNGAGS KYI LAM GYIS TSE 'DI LA MTHONG LAM THOB PA YANG MI SRID PAR 'GYUR TE, PHAR PHYIN THEG PA LAS, SA DANG PO BSKAL PA GRANGS MED GCIG GIS THOB PAR BSHAD PA'I PHYIR DANG, BSKAL PA GRANGS MED GCIG GI TSOGS SKYE BA GCIG LA RDZOGS PA MI SRID PA'I PHYIR ZHES PA MTSUNGS SO, ,CI STE, THABS MANG DKA' BA MED PA DANG, DBANG PO RNON POS DBANG BYAS NAS, ,SNGAGS KYI THEG PA KHYAD PAR 'PHAGS, ,ZHES SOGS BSHAD PAS PHAR PHYIN THEG PA'I GDUL BYA LAS, SNGAGS KYI THEG PA'I GDUL BYA CHES DBANG PO RNO BA DANG, SNGAGS KYI LAM THABS MKHAS PA DANG, DKA' BA MED PA LA SOGS PA'I RGYU MTSAN GYIS GRANGS MED GCIG GI TSOGS SKYE BA GCIG LA RDZOGS PA LA 'GAL BA MED PAS, RTAGS PHYI MA GRUB CE NA, 'O NA JI SKAD BSHAD PA'I RGYU MTSAN DE NYID KYIS SO SO'I SKYE BO'I GNAS SKABS NA YANG SNGAGS DANG PHAR PHYIN THEG PA'I LAM LA NYE RING GI KHYAD PAR DE TZAM YOD NA, SNGAGS KYI RNAL

'BYOR PA BDEN PA MTHONG BAS TSE GCIG DANG SKYE BA BCU DRUG TSUN CHAD DU GRANGS MED GNYIS KYI TSOGS RDZOGS PA LA 'GAL BA CI YOD, DE'I PHYIR, YANG NA SNGAGS DANG PHAR PHYIN THEG PA'I NYE RING GTAN MED PAR KHAS BLANG DGOS NA DE YANG MI RIGS TE, RGYUD DANG SHING RTA CHEN PO'I BSTAN BCOS RNAM DAG DU MA DANG 'GAL BA'I PHYIR RO, ,DES NA SA THOB NAS KYANG SNGAGS DANG PHA ROL TU PHYIN PA'I LAM LA NYE RING GI KHYAD PAR SHIN TU CHE'O, ,'O NA, SA THOB NAS 'PHAGS PA THAMS CAD SNGAGS KYI LAM LA 'JUG PAR 'GYUR TE, LAM DE NYID SLA BA DANG BDE BA DANG MYUR BA'I PHYIR, DE LTAR NA 'PHAGS PA KUN SKYE BA DE NYID DAM BCU DRUG TSUN CHAD DU SANGS RGYAS PAR 'GYUR ZHING, MDO LAS GRANGS MED GSUM DU TSOGS BSAG DGOS PAR BSHAD PA DANG MI 'GAL TE, THABS MKHAS PA DANG DBANG PO'I KHYAD PAR GYIS SKYE BA GCIG LA SOGS PAR GRANGS MED GSUM GYI TSOGS 'DUMS PA'I PHYIR RO, ,DPER NA PHAR PHYIN THEG PA NYID LAS KYANG, DAG PA SA GSUM GRANGS MED THA MAS RDZOGS DGOS PAR BSHAD KYANG, GSANG CHEN THABS LA MKHAS PA'I MDO LAS, BYANG CHUB SEMS DPA' MI SKYE BA'I CHOS LA BZOD PA THOB PAS 'DOD NA ZHAG BDUN NAS 'TSANG RGYA'O ZHES GSUNGS PAS, SA BRGYAD PA THOB NAS MYUR DU SANGS RGYA BAR 'DOD NA ZHAG BDUN GYIS GRANGS MED GCIG 'DUMS PAR BSHAD PA BZHIN NO, ,GZHAN YANG DED DPON THABS LA MKHAS PAS MI NAG PO BSAD PA DANG, BRAM ZE'I KHYE'U BLO GROS BZANG POS TSONG DPON GYI BU MO LA BGROD PA SOGS THABS MKHAS KYI LAS BYA RDZOGS KYI SKAD CIG MA RE RES KYANG

, ,BSKAL PA STONG DANG KHRI LA SOGS PA'I TSOGS 'DUMS PAR MDO LAS KYANG BSHAD PAS PHAR PHYIN THEG PA LAS CHES KHYAD PAR 'PHAGS PA'I SNGAGS KYI LAM GYIS TSE GCIG LA SOGS PA DUS THUNG NGU LA GRANGS MED GSUM GYI TSOGS 'DUMS PA LA 'GAL BA CI YANG MED DO, ,LAM SLA BA DANG MYUR BA LA SOGS KYIS 'PHAGS PA THAMS CAD SNGAGS KYI LAM LA 'JUG PAR YANG MA NGES TE, SO SO SKYE BO BDAG LA CHAGS PA DANG LDAN PA DAG LAM SLA BA DANG MYUR BA DAG DON DU GNYER BA YIN GYI, 'PHAGS PA SHES RAB KYIS BDAG SRED BCAD PA RNAMS NI DE LTA MA YIN TE, SNYING RJE'I DBANG GIS GZHAN DON DU 'KHOR BA JI SRID PAR GNAS KYANG SKYO BA MED PAS MYUR DU 'TSANG RGYA BA DON DU MI GNYEN PA'I PHYIR DANG, 'DOD YON LA SRED PA SPANGS PAS, 'DOD YON LAM DU BYED PA'I LAM BDE BA LA 'DOD PA MED PA'I PHYIR RO, ,'O NA SNGAGS KYI RNAL 'BYOR PA YANG BDEN PA MTHONG NAS SNGAGS KYI LAM DE NYID LA CI'I PHYIR 'JUG CE NA, DE NI SNGAR LAM DE LA GOMS PAR BYAS PA'I PHYIR DANG, LAM DE NYID KYI SKYON MA MTHONG ZHING LAM GZHAN GYI YON TAN LHAG PO MA MTHONG BA'I PHYIR, SNGAR GYI LAM DE NYID KYI RGYUN GOMS PAR BYED PA YIN NO, ,GZHAN YANG SNGAGS KYI THEG PA NI, BDAG CAG GI STON PA 'DI LTA BU 'BA' ZHIG KHO NA'I SMON LAM DANG GDUL BYA'I DBANG GIS GSUNG GI SANGS RGYAS GZHAN GYIS NI MI GSUNG BAR BSHAD PAS 'PHAGS PA THAMS CAD SNGAGS KYI LAM GYIS 'JUG PAR MA NGES SO, ,TSUL GSUM SGRON MER, DON GCIG NA YANG MA RMONGS DANG, ,ZHES DANG PHAR PHYIN THEG PA'I 'BRAS BU SANGS RGYAS

SU DON GCIG PAR GSUNGS PA'I DGONGS PA RGYUD SDE SPYI RNAMS KYI LUGS KYIS 'BRAS BU SANGS RGYAS SU RIGS CIG PA TZAM LA DGONGS KYI, SPANGS PA DANG RTOGS PA SOGS RNAM PA THAMS CAD DU DON GCIG PA MA YIN TE, SAM BU tIR, SKYE BA 'DIR SANGS RGYAS NYID DAM RDO RJE SEMS DPA' THOB PAR 'GYUR TE, GANG DAG BSAM GYIS MI KHYAB PA'I GNAS MA THOB PA DE NI BDE BAR GSHEGS PA STE SANGS RGYAS YIN LA, MTSAN GZHI MTSON PA NI RDO RJE SEMS DPA' YANG DAG PA'O, ,ZHES GSUNG PAS PHAR PHYIN THEG PA'I 'BRAS BU NI BCU GCIG KUN DU 'OD KYI SA YIN LA, DE NI SANGS RGYAS SAM BDE PAR GSHEGS PA ZHES BYA'I RDO RJE SEMS DPA' ZHES MI BYA LA, SNGAGS KYI 'BRAS BU NI SA BCU GSUM PA RDO RJE SEMS DPA' YIN ZHING, DE NYID SNGAGS KYI THEG PA'I LAM THUN MONG MA YIN PA'I NYE RGYU LA BRTEN NAS THOB KYI PHAR PHYIN THEG PA'I LAM GYIS THOB MI NUS ZHES GSUNG BAR SNANG, TSUL GSUM SGRON ME'I DGONGS PA SNGAGS DANG PHAR PHYIN THEG PA'I 'BRAS BU DON GCIG PA YIN ZHING, RGYA GAR GYI SLOB DPON DU MA'ANG DE BZHIN DU BZHED, GONG MA RNAMS KYI BZHED PA DE LA MTHAR THUG GI 'BRAS BU THOB PA LA SNGAGS KYI NYE RGYU KHO NA LA BRTEN DGOS NA, 'OG MIN GYI RTEN LA SANGS RGYAS THOB PA MI SRID PAR 'GYUR TE, 'OG MIN GYI RTEN LA NYE RGYU PHYAG RGYA BRTEN PA MI SRID PA'I PHYIR RO, ,GZHAN YANG PHAR PHYIN THEG PA'I LAM GYI MTHAR THUG SHER PHYIN GYIS SPANG MI NUS PA'I SGRIB PA ZHIG KYANG KHAS BLANG DGOS PAR SNANG STE SHIN TU DKA', 'O NA, SAM BU tIR DGONGS PA JI LTAR YIN ZHE NA, SPYIR RGYUD SDE RNAMS LAS MI BSKYOD PA

, ,LA SOGS PA DE BZHIN GSHEGS PA LNGA DANG, PHYAG NA RDO RJE LA SOGS PA'I BYANG CHUB SEMS DPA' RNAMS NYAN PA PO'I 'KHOR DANG RDO RJE SEMS DPA' RGYUD GSUNG BA PO STON PA'I RNAM PAR GDUL BYA'I SNANG TSUL LA LTOS NAS GSUNGS, SNANG TSUL LA GTZO 'KHOR GYI RNAM PA BYUNG BA NA RTOGS PA MTHO DMAN GYI KHYAD PAR SNANG TSUL LA 'BYUNG, NGES DON LA NI RDO RJE SEMS DPA' GCIG GI RNAM 'PHRUL YIN PAS SPANGS RTOGS MTHO DMAN GYI KHYAD PAR MED, DE LA SNGAGS KYI SA BCU GSUM GYIS SA BCU PA MAN CHAD LA GNAS PA LA BYANG CHUB SEMS DPA' ZHES BYA STE, PHYAG NA RDO RJE LA SOGS PA RNAMS SO, ,SA BCU GCIG PA DANG BCU GNYIS PA LA GNAS PA LA BDE BAR GSHEGS PA ZHES BYA STE MI BSKYOD PA LA SOGS PA'O, ,BCU GSUM PA LA NI RDO RJE SEMS DPA' STON PA ZHES BYA STE RDO RJE 'CHANG CHEN PO'O, ,DE'I PHYIR SAm BU tI'I DGONGS PA NI, GDUL BYA'I SNANG TSUL GYI DBANG DU BYAS NAS BDE BAR GSHEGS PA DANG, RDO RJE SEMS DPA' LA YANG SPANGS RTOGS MTHO DMAN YOD PA LTAR BSHAD PA YIN GYI, PHAR PHYIN THEG PA'I SANGS RGYAS DANG RDO RJE SEMS DPA' LA RTOGS PA MTHO DMAN YOD PAR BSHAD PAR MI SEMS SO, ,SGRIB PA GSUM GYI NGO BO CI ZHES PA, MDZOD DU, MTSAMS MED PA YI LAS RNAMS DANG, ,NYON MONGS SHAS CHE NGAN 'GRO DANG, ,SGRA MI SNYAN SGRIB GSUM DU 'DOD, ,CES GSUNGS PAS MTSAMS MED PA LNGA LA SOGS PA PHYI MA LA DMYAL BA MYONG NGES KYI LUS NGAG GI LAS RNAMS LAS SGRIB DANG, MA NING MTSAN GNYIS PA LA SOGS PA'I RGYUD KYI NYON MONGS PA LTA BU GNYEN PO SKYE

BA'I GO SKABS MED PA'I CHAGS SOGS DRAG LA YUN RING DU 'BYUNG BA NYON MONGS PA'I SGRIB PA DANG, NGAN SONG GSUM DANG SGRA MI SNYAN GYI RNAM SMIN GYI LUS LTA BU RNAM SMIN GYI SGRIB PA'O, ,DE LA LAS KYI SGRIB PAS TSE 'DI DANG PHYI MAR YANG 'PHAGS LAM SKYE BA'I GEGS BYED, SGRIB PA GZHAN GNYIS KYIS TSE 'DIR 'PHAGS LAM SKYE BA'I GEGS BYED PAS SGRIB PAR BZHAG GO ,BLA MA GONG MA DAG GIS, LANG GSHEGS LAS, GTZANG MA'I RIGS DAG SPANGS PA YIS, ,'OG MIN ZHES BYA NYAMS DGA' BAR, , YANG DAG RDZOGS SANGS DER SANGS RGYAS, ,SPRUL PA PO NI 'DIR 'TSANG RGYA, ,ZHES GSUNG PA'I GNAS GTZANG MA'I GONG GI 'OG MIN NI, BYANG CHUB SEMS DPA' SA BCU PA RNAMS BZHUGS PA'I GNAS YIN GYI, LONGS SKU'I ZHING MA YIN TE, DE NI 'JIG PAR BYED CING MI RTAG PA YIN LA, LONGS SKU'I ZHING 'OG MIN STUG PO BKOD PA NI MI 'JIG STE, RDO RJE RTZE MO LAS, 'OG MIN STUG PO NYAMS DGA' 'DIR, ,STUG PO'I ZHING KHAMS 'JIG MED PA, ,DES NA SANGS RGYAS RNAMS KYI CHOS, ,RDZOGS PA LONGS SPYOD TSUL 'DI 'BYUNG, ,ZHES GSUNGS LA, DE GANG YIN NA PHAL CHEN NAS GSUNGS PA'I MI MJED KYI 'JIG RTEN GYI KHAMS LA SOGS PA BSAM GYIS MI KHYAB PA CHUD PA NI, GZHI DANG SNYING PO ME TOG GIS BRGYAN PA ZHES BYA LA, DE LTA BU BSAM GYIS MI KHYAB PA CHUD PA NI 'JIG RTEN GYI KHAMS RGYA MTSO ZHES BYA BA YIN LA, DE YANG DE BZHIN GSHEGS PA RNAM PAR SNANG MDZAD GANGS CHEN MTSO'I PHYAG GI MTHIL GYI SPOS CHU'I RGYA MTSO YID DU 'ONG ZHING, 'OG ZER MTHA' YAS PA ZHES BYA BA'I DBUS NA 'JIG

, ,RTEN GYI KHAMS BZHI DANG ME TOG GIS RGYAN PA ZHES BYA BA KUN NAS GRU BZHIR 'DUG PA, RGYAR 'JIG RTEN GYI KHAMS SANGS RGYAS KYI ZHING BRJOD DU MED PA'I ZHING GRANGS MED KYIS BSKOR BA, DPANG SU STONG GSUM NYI SHU RTZA LNGA BRTZEGS PA'I BCU GSUM PA NI MI MJED 'DI GNAS LA, DE'I NANG NAS KYANG DBUS KYI GLING BZHI LAS MCHOG TU GYUR PA 'DZAM BU'I GLING 'DI NA BCOM LDAN SH'AKYA THUB PA 'DI BZHUGS CES DANG, BCOM LDAN 'DAS DE BZHIN GSHEGS PA RNAM SNANG YE SHES GANG CHEN MTSO BYANG CHUB SEMS DPA'I 'KHOR GYIS BSKOR BA GANG NA BZHUGS PA'I ZHING DE LONGS SKU'I ZHING STUG PO BKOD PA YIN ZHES PHAL CHEN GYI DGONGS PA BLANGS NAS, RGYUD SDE SPYI RNAMS SU BKOD PA DE TSIG DON GNYIS KA MA DAG PAR SNANG, DE'I RGYU MTSAN, PHAL CHEN NAS, GZHI DANG SNYING PO ME TOG GIS KUN DU RGYAN PA ME TOG GIS ZHES BSHAD PA MED, PHYAG RDOR DBANG BSKUR BA'I RGYUD LAS, MI MJED 'JIG RTEN GYI KHAMS LA SOGS PA STONG GSUM RE RE LA GLING BZHI PA BYE BA PHRAG BRGYA BRGYA, STONG GSUM GYI BYE BA PHRAG BRGYA LA RAB 'BYAMS GYI RGYUD GCIG ,DE BYE BA PHRAG BRGYA LA RAB 'BYAMS KYI 'TSAMS SBYOR, DE BYE BA PHRAG BRGYA LA RAB 'BYAMS KYI RGYUD BAR MA, DE BYE BA PHRAG BRGYA LA GZHI DANG SNYING PO KUN TU BRGYAN PA ZHES BYA BA'I 'JIG RTEN GYI KHAMS YIN ZHING, DE NI BDAG CAG GI STON PA 'DI'I SPRUL PA'I SKU'I 'PHRIN LAS 'JUG PA'I ZHING DU BSTAN PA YIN GYI, LONGS SKU'I ZHING DU MA BSTAN, PHAL CHEN NAS BSTAN TSUL NI, 'JIG RTEN GYI KHAMS RGYA MTSO ZHES BYA BA GANG DU 'JIG RTEN GYI

KHAMS GRANGS MED PA NANG DU CHUD PA'I 'JIG RTEN GYI KHAMS KYI SPYI MING YIN LA, DE LTA BU'I 'JIG RTEN GYI KHAMS DU MA CIG BSHAD CING, DE'I NANG NAS BDAG CAG GI STON PA 'DI SNGON BYANG CHUB SEMS DPA'I SPYAD PA SPYOD PA'I 'PHRIN LAS 'JUG PA'I ZHING DU SMON LAM BTAB CING, YONGS SU SBYANGS PA'I 'JIG RTEN GYI KHAMS RGYA MTSO NI SNGON 'BYUNG BA'I 'JIG RTEN GYI KHAMS RGYA MTSO'I RDUL DRI MA MED PA PHYOGS KUN TU SNANG BA ZHES KYANG BYA, BCOM LDAN 'DAS RNAM PAR SNANG MDZAD GANGS CHEN YE SHES MTSO'I PHYAG GI MTHIL GYI RDUL PHRA RAB KYI SNYING PO LA GNAS PA'I 'JIG RTEN GYI KHAMS RGYA MTSO ZHES BYA BA DE YIN LA, DE'I BKOD PA NI, 'JIG RTEN GYI KHAMS PHRAG BCU'I RDUL PHRA RAB DANG MNYAM PA'I DKYIL 'KHOR GYI STENG NA SPOS CHU'I RGYA MTSO DPAG DU MED PA YOD, DE'I STENG NA BZHI RIN PO CHE'I PADMA CHEN PO RDO RJE RIN PO CHE'I KHOR YUG CHEN POS SKOR BA, DE'I NANG NA SPOS CHU'I RGYA MTSO DPAG TU MED PA YOD CING, DE RE RE LA 'JIG RTEN GYI KHAMS DPAG TU MED PA GNAS, DE RNAMS KYI NANG GI DBUS MA SPOS KYI CHU'I RGYA MTSO YID DU 'OD ZHING 'OD ZER MTHA' YAS PA ZHES BYA BA LA STONG GSUM RE RE YANG 'JIG RTEN GYI KHAMS BRJOD DU MED PA'I GRANGS KYIS BSKOR BA'I STONG GSUM NYI SHU RTZA GCIG YOD PA'I BCU GSUM PA MI MJED 'JIG RTEN GYI KHAMS 'DI NA BDAG CAG GI STON PA 'DI'I LONGS SKU RNAM PAR SNANG MDZAD BZHUGS PAR BSHAD CING, 'JIG RTEN GYI KHAMS GZHAN DANG GZHAN NA SANGS RGYAS GZHAN DANG GZHAN BZHUGS PAR BSHAD, RNAM SNANG YE SHES GANGS CHEN MTSO YANG STONG PA 'DI'I LONGS SKU MA YIN GYI, GONG

, ,DU BSHAD PA'I YE SHES GANGS CHEN MTSO'I PHYAG GI MTHIL GYI RDUL PHRA RAB LA GNAS PA'I 'JIG RTEN GYI KHAMS RGYA MTSO NI NANG TSAN 'JIG RTEN GYI KHAMS GCIG NA BZHUGS PAR BSHAD, DE YANG SANGS RGYAS GZHAN ZHIG GI SPRUL PA'I SKU YIN PAR MNGON, YE SHES GANGS CHEN MTSO'I PHYAG GI MTHIL NA BZHUGS PA'I 'JIG RTEN GYI KHAMS RGYA MTSO ZHES BYA BA DE YANG 'JIG RTEN KHAMS DE LA MING DE SKAD BTAGS PAR ZAD KYI YE SHES GANGS CHEN MTSO'I PHYAG GI RDUL PHRA RAB GCIG LA GNAS PA NI MIN NO, ,PHAL CHEN GYI MDO'I DGONGS PA SNGON GYI BLA MA MKHAS PA RNAMS KYIS KYANG JI BZHIN MA DGONGS PAR 'KHRUL PA BAG RE BYAS, DE'I RGYU MTSAN GYIS DA LTA LHA KHANG RNAMS SNANG GANGS CHEN MTSO'I GZUGS BRIS NAS DE'I PHYAG GI MTHIL GYI LHUNG BZED KYI NANG NA RNAM SNANG BZHUGS PAR MTSON PA'I MI MGO DKAR PO NYUG GE BRIS YONG BA DE PHAL CHEN GYI DGONGS PAR BYED PAR MNGON TE SHIN TU 'KHRUL, DE BAS NA LANG KAR GSHEGS PA NAS BSHAD PA DANG, RDO RJE RTZE MO NAS BSHAD PA'I 'OG MIN GNYIS PO DON GCIG CING, DE NYID STON PA 'DI'I LONGS SKU'I ZHING 'OG MIN STUG PO BKOD PA YIN LA, DE NI GNAS GTZANG GI 'OG MIN GYI GONG NA YOD LA, LONGS SKU DNGOS KYI GDUL BYA BYANG CHUB SEMS DPA' SA BCU PA RNAMS KYIS RNAM SMIN RANG LUGS PA'I SKYES PA'I GNAS YIN PAS, DBANG PHYUG CHEN PO'I GNAS ZHES KYANG BYA, BRTEN PA LONGS SKU'I 'KHOR BA JI SRID BAR BZHUGS PAS DE'I RTEN ZHING DE YANG NAM YANG 'JIG PA MED PAS STUG PO'I ZHING KHAMS 'JIG MED CES KYANG BSHAD, GNAS GTZANG GI 'OG

MIN NI THEG PA CHE CHUNG GI 'PHAGS PA KHO NA SKYE BAS GNAS GTZANG MA DANG, PHYI ROL 'BYUNG BAS MI 'JIGS KYANG SEMS CAN DANG DE'I GNAS GZHAL MED KHANG SKYE 'JIG LHAN CIG BYED PAS MI RTAG PA STE, MDZOD DU, BZHI PA NA MED MI G-YO'I PHYIR, ,MI RTAG DE YI GZHAL MED KHANG, ,SEMS CAN BCAS TE 'BYUNG 'JIG PHYIR, ,ZHES BSHAD, NYAN THOS KYI MDO SDER GNAS GTZANG GI 'OG MIN GYI GONG NA 'OG MIN GZHAN YOD PAR MA BSHAD, DE'I RGYU MTSAN NYAN THOS PA LA SPRUL SKU LAS MA GTOGS PA'I LONGS SKU MA BSHAD PA'I PHYIR, DE BAS NA LONGS SKU'I ZHING 'OG MIN NI, THEG PA CHEN PO KHO NA LA GRAGS PAS THEG CHEN PA'I LUGS LA STUG PO BKOD PA YANG GZUGS KHAMS SU 'DU BAS, GZUGS KYI KHAMS KYI 'OG MIN DU, ,ZHES GSUNGS PA YIN, GNAS GTZANG GI 'OG MIN DANG STUG PO BKOD PA GNYIS 'OG MIN ZHES MING MTSUNGS KYANG DON MI 'DRA, 'OG MIN ZHES PA'I MING DON BSAGS MTHA' ZHES PA GONG NA GZUGS CAN GYI GNAS GZHAN MED PA CIG GI DON YIN, GNAS GTZANG MA'I GONG MA LA 'OG MIN ZHES PA NYAN THOS KYI THEG PA'I DBANG DU BYAS PA YIN, THEG CHEN LTAR NA, DE LA 'OG MIN GYI MING DON YANG MED DO, ,DE'I GONG NA GZUGS CAN GYI GNAS GZHAN YOD PA'I PHYIR, STUG PO BKOD PA KHO NA 'OG MIN YIN TE, DE'I GONG NA GZUGS CAN GYI GNAS GZHAN MED PA'I PHYIR RO, ,GONG DU BSHAD PA'I YE SHES GANGS CHEN MTSO'I PHYAG GI MTHIL GYI 'JIG RTEN GYI KHAMS RGYA MTSO DE'ANG STON PA 'DI'I SPRUL SKU'I 'PHRIN LAS 'JUG PA'I ZHING YIN CING, LONGS SKU'I ZHING MA YIN NO, ,PHYAG

, ,RDOR DBANG SKUR BA'I RGYUD NAS GSUNGS PA DANG, PHAL CHEN NAS GSUNGS PA GNYIS TSUL MI 'DRA BAR SNANG STE, GDUL BYA THA DAD KYI BSAM PA'I DBANG GIS GSUNG PAR MNGON, SAR GNAS KYI BYANG CHUB SEMS DPA' BSAM BZHIN DU SKYE BA LEN PA LA BSAM GTAN MNGON SHES SOGS LA 'PHEL 'GRIB MED, DE SKAD DU YANG BRGYA PA LAS, ,GANG LA RNAM PA THAMS CAD DU, ,MNGON SHES LNGA CHAR YANG YOD PA, ,DE YIS DMAN PA DMAN LTA'I DNGOS, ,DE NI SHIN TU BYA DKA' BYED, ,CES SKYE BA LA DBANG THOB PA'I BYANG CHUB SEMS DPA' BSAM GTAN DANG MNGON SHES SOGS LA MA NYAMS BZHIN DU, ,GZHAN DON DU DUD 'GRO LA SOGS PA'I SKYE BA LEN PAR BSHAD, RNAM PAR GROL BA'I YE SHES MTHONG BA'I PHUNG PO 'DUS BYAS YIN, DRI BA LHAG MA, DON LKOG NA MO DANG BLO RANG RIG 'DOD MI 'DOD KYI RGYU MTSAN RNAMS SHING RTA CHEN PO RNAMS KYI RIGS PA PHRA ZHING PHRA BA RNAMS KYI STOBS BSDUR NAS GO DGOS PAS BSTAN KYANG GZHAN GYIS JI BZHIN MI GO DE TZAM GYI PHRA ZHIB MA GO YANG NYAMS LEN GYI GO YUL LA MI SGRIB PAS YI GER MA BKOD, CES PA 'DI SNGAGS 'CHANG AA NANDA TZANDRAS NAN CHER ZHUS PA'I LAN DU SH'AKYA'I DGE SLONG GZHON NU BLO GROS KYIS SMRAS PA'I YIG GE PA NI BSGRUB PA DPAL LO, ,BKA' BZHI PA DON RIN DANG, DGE BSHES KUN DGA' GNYIS KYI ZHUS LAN, MIG SHES 'DZIN PA YIN NAM ZHES PA 'DZIN PA LA GNYIS, MYONG RIG TZAM LA 'DZIN PAR BYAS PA DANG, YUL GZUNG BA 'DZIN PAR BYAS PA'I 'DZIN PA GNYIS LAS SNGA MA 'DZIN PA MTSAN NYID PA YIN, PHYI MA BYIS PA'I

BLOS BTAGS PA TZAM MA GTOGS PA MTSAN NYID PA MIN, DES NA MIG SHES SOGS GZHAN DBANG MTSAN NYID PA YIN GYI KUN BTAGS MIN NO, ,GZHAN DBANG SO SO SKYE BOS RANG RIG PA'I TSUL GYIS NYAMS SU MYONG YANG MED BZHIN DU GZUNG 'DZIN GNYIS SU SNANG BA'I GZHAN DBANG GIS LDOG PA LA NGES PA 'DREN MI NUS PAS SO SO SKYE BO'I YUL MA YIN PAR BZHAN, DAG PA 'JIG RTEN PA'I YE SHES KYIS DE LA MYONG STOBS KYI NGES PA 'DREN PAS 'PHAGS PA'I RJES THOB KYI YUL DU BZHAG GO ,DE RNAM BDEN RDZUN GYI YONGS GRUB KYI KHYAD PAR MTHA' GCIG DU NGES PA MED, SLOB DPON SO SO'I BZHED TSUL CI RIGS SU YOD, THOGS MED SKU MCHED GZHAN DBANG KUN BTAGS KYIS STONG BA'I STONG NYID 'DUS MA BYAS LA 'GYUR MED YONGS GRUB TU BZHED PAR GSAL, PHYOGS GLANG CHOS GRAGS DANG DE DAG GI RJES SU 'BRANG BA'I RGYAN CHOS MCHOG ,SHAN TI PA 'GYUR MED YONGS GRUB KYI NGO BO SHES PA'I GSAL CHA LA BZHED PAR MNGON TE, THA MAL BA'I SHES PA 'DI'I STENG NA RANG GI NYER LEN RIGS 'DRA SNGA MA'I RGYUD LAS BYUNG BA'I CHA MYONG RIG GSAL TZAM RANG GI NGO BO GDOD MA NAS NYON MONGS DANG RNAM RTOG GIS MA SLAD PA'I CHA NAS SHES PA KUN GYI RANG BZHIN NAM GNAS LUGS YIN PAS GNYEN POS SPANG MI NUS PAS YONGS GRUB TU 'DOD, BSHAD MA THAG PA'I MYONG RIG DE NYID THOG MA MED PA NAS RGYUD DE 'ONGS PA'I GZUNG 'DZIN GYI BAG CHAGS KYI RKYEN LAS GNYIS SNANG GI 'KHRUL PAR SKYES PA'I LDOG CHA NI, GZHAN DBANG GLO BUR BA GNYEN POS SPANG DU RUNG ZHING SEMS KYI RANG BZHIN LA 'BRAL DU RUNG BAR BZHED

, ,DE, PHYOGS 'DI LA GZHAN DBANG DANG YONGS GRUB RDZAS GCIG CING, GSER DANG G-YA' BZHIN DU RANG BZHIN GLO BUR BAR BZHED PA YIN NO, ,PHYIN CI MA LOG PA'I YONGS GRUB LA 'PHAGS PA'I YE SHES SU 'DOD PA LA MI MTHUN PA MED, 'DI RNAMS KYI RGYU MTSAN MTHA' DAG SHES PA SHIN TU DKA', PHYOGS MA LOG TZAM KHYED RANG GNYIS KA'I LUGS LA BYUNG GDA', CES PA 'DI NI BKA' BZHI PA DON GRUB RIN CHEN DANG, DGE BSHES KUN DGA' GNYIS KYIS ZHUS PA'I LAN DU DGE SLONG GZHON NU BLO GROS KYIS SMRAS PA'O,, ` ,YANG DON KUN GNYIS KYI DRIS LAN, YANG DRIS LAN GCIG LA, BSNGO BA DANG SMON LAM GNYIS KYI NGO BO DANG KHYAD PAR NI GANG, DE GNYIS LA DNGOS PO ZHIG SNGON DU 'GRO DGOS SAM MI DGOS ZHES PA LA, BSNGO BA'I NGO BO NI DUS GSUM GYI DGE RTZA GANG RUNG 'BRAS BU KHYAD PAR CAN THOB PA'I THABS SU SGYUR BYED YIN LA, NGO BO'I SGO NAS DBYE NA, DGE RTZA 'BRAS BU KHYAD PAR CAN THOB PAR BYED PA'I THABS SU BSGYUR BAR BYED PA'I SHES RAB MTSUNGS LDAN DANG BCAS PA'I KUN SLONG GI SEMS DANG, DUS GSUM GSHEGS PA'I RGYAL BA THAMS CAD KYIS, ,CES PA LTA BU SHES RAB DES ZIN PA'I NGAG GI RIG BYED GNYIS SU YOD DO, ,DE YANG SEMS GTZO CHE ZHING NGAG PHAL PA YIN NO, ,YUL GYI SGO NAS DBYE NA BRGYA BYIN DANG, TSANGS PA LA SOGS PA'I RGYUR BSNGO BA LTA BU MNGON MTHO'I SNGO BA DANG, BYANG CHUB KYI RGYUR BSNGO BA NGES LEGS KYI BSNGO BA GNYIS SO, ,PHYI MA LA YANG NYAN THOS DANG, RANG RGYAL DANG, RDZOGS PA'I SANGS RGYAS TE BYANG CHUB GSUM GYI RGYUR BSNGO BA

RNAM PA GSUM MO, ,SMON LAM GYI NGO BO NI, MNGON PAR 'DOD PA'I 'BRAS BU KHYAD PAR CAN LA RE 'CHA' ZHING DE THOB PAR 'DOD PA'O, ,DE LA NGO BO'I SGO NAS DBYE NA, 'BRAS BU KHYAD PAR CAN THOB PAR 'DOD PA'I 'DUN PA MTSUNGS LDAN DANG BCAS PA'I KUN SLONG GI SEMS DANG, ,BSOD NAMS 'DI YIS THAMS CAD GZIGS PA NYID, ,CES SOGS 'DUN PA DES ZIN PA'I NGAG GI RIG BYED GNYIS SO, ,GTZO PHAL SNGA MA LTAR LA, YUL GYI SGO NAS DBYE NA, BRGYA BYIN LA SOGS THOB PAR SMON PA MNGON MTHO'I SMON LAM DANG, BYANG CHUB THOB PAR SMON PA NGES LEGS KYI SMON LAM GNYIS SO, ,PHYI MA LA YANG BYANG CHUB GSUM GYI DBYE BAS GSUM MO, ,DE GNYIS KYI KHYAD PAR NI BSNGO BA LA SHES RAB GTZO CHE ZHING, BSNGO RGYU DUS GSUM GYI DGE RTZA GANG RUNG GI DNGOS PO ZHIG SNGON DU 'GRO DGOS SO, ,SMON LAM LA 'DUN PA GTZO CHE ZHING, DGE RTZA BSAGS NAS SMON LAM 'DEBS PA YANG YOD LA, MA BSAGS PAR SMON LAM 'DEBS PA YANG SRID PAS DNGOS PO SNGON DU 'GRO BA'I NGES PA MED DO, ,CES PA 'DI YANG SLOB DPON GZHON NU BZANG PO DANG KUN DGA' ZLA BA GNYIS KYI DRIS PA'I LAN SA SKYAR BRIS PA'O,, ,,MANGGA LAm BHA WANTU,, ` ,DGE BSHES MCHOG BZANG GI ZHUS LAN, DGE BSHES MCHOG BZANG GI YI GE BU RAM GI RTEN BCAS 'PHROD, NYID KYI DRI BA, SEMS GNAS YUN RING DU SGOMS PA'I ZHI GNAS KYI NYAMS LA, 'KHOR 'DAS STONG PAR 'DUG SNYAM PA YANG SKYE BA SRID PAS, DE TZAM GYIS SNGAR GYI MTSAN 'DZIN 'JIG MI NUS, SEMS GNAS PA'I ZHI GNAS BRTAN PO LA RTEN NAS, DNGOS PO'I DE KHO

, ,NA NYID LA SO SOR RTOG PA'I SHES RAB KYIS TSUL BZHIN DU DPYAD DE BSGOMS PA'I MYONG BA YIN NA, SNGAR BYAS KYI DGE BA LA MNGON ZHEN GYI MTSAN 'DZIN ZHIG PAS ME LA SHING BSNAN PA LTAR STOBS CHER 'GRO ZHING, MI DGE BA LA MTSAN 'DZIN ZHIG PAS ME LA CHU BTAB PA LTAR RNAM SMIN 'BYIN MI NUS PAR 'GYUR RO, ,'KHOR BA'I SDUG BSNGAL DRAN PA'I NGES 'BYUNG DANG, SRID ZHI STONG PAR RTOGS PA'I SHES RAB DANG, 'GRO KUN PHA MAR SEMS PA'I BYAMS PA GSUM, MA G-YENGS DRAN PAS RTAG TU SKYONGS CIG AANG, ,BU LE NAS DGE'O,, ` ,DGE BSHES RIN CHEN DPAL GYI ZHUS LAN, DGE BSHES RIN CHEN DPAL GYI YIG GE DANG LAN 'PHROD, RTEN 'BREL LA GRUB MTHA' SMRA BA RNAMS KYI 'DOD TSUL, DNGOS POR SMRA BA RNAMS PHYI NANG GI RGYU 'BRAS RDZAS GRUB LA RTEN 'BREL DU 'DOD CING, RTEN 'BREL BTAGS YOD DU SMRA BA'I DBU MA PA LA RGYU 'BRAS LA SKUR PA 'DEBS PA'I CHAD LTA'I SKYON 'DOGS PAR BYED, DBU MA PA RNAMS RGYU 'BRAS RDZAS GRUB TU SMRA BA RTAG CHAD KYI MTHAR LTUNG BAS, PHYI NANG GI RGYU 'BRAS BTAGS YOD SGYU MA LTA BU LA RTEN 'BREL DU SMRA ZHING, RTEN 'BREL DANG STONG PA DANG MTHA' BRAL RNAMS DON GCIG TU 'DOD PA YIN, DNGOS POR SMRA BA BTAGS YOD KYI KUN RDZOB KYI BDEN PA BTAGS YOD DON BYED MI NUS PAR 'DOD LA, DON DAM BDEN PA RDZAS YOD DON BYED NUS PAR 'DOD, 'OG MA'I DON DAM GONG MA'I KUN RDZOB TU 'GYUR BA SOGS NANG SEMS KYI KHYAD PAR MI 'DRA BA DU MA YOD, DBU MA PA'I BDEN GNYIS KYI RNAM GZHAG RGYAS PAR GZHAN DU SHES PAR BYA, RNAM

PAR SHES PA LA GZUNG 'DZIN GYI SPROS PA RIGS PAS BKAG NAS GNYIS MED KYI SHES PA MYONG RIGS TZAM, MTHAR THUG GI NGES DON DANG, DE LA SEMS 'JOG PA MTHAR THUG GI NYAMS LEN DU RNAM RIG PA 'DOD, PHYI NANG GI RTEN 'BREL LA BDEN DNGOS KYI SPROS PA RIGS PAS BKAG NAS GNYIS MED KYI SHES PA MYONG RIG GSAL TZAM RIGS PAS KYANG MI 'GOG ,BDEN PAR MI ZHEN, STONG PA NYID KYIS RGYAS BTAB NAS NYAMS SU LEN PA DBU MA PA RNAMS KYI RNAL 'BYOR YIN, RTEN 'BREL NYAMS SU LEN TSUL DBU MA'I KHRID RIMS SU BSTAN PA LAS LHAG PA GZHAN MED, DGE LEGS SU GYUR CIG, ` ,CHU 'DUS PA THUGS RJE RIN CHEN GYI ZHUS LAN, SPYAN RAS GZIGS YIG GE DRUG MA ZA MA TOG BKOD PA NAS GSUNGS PAS, MDO LUGS YIN, BYA RGYUD KYI LUGS YIN YANG 'GAL BA MED, BYA RGYUD LA BDAG BSKYED MED PAR YE SHES RDO RJE KUN LAS BTUS LAS GSUNGS, SLOB DPON SANGS RGYAS GSANG BAS BDAG SKYED YOD PAR YANG BSHAD, BYA SPYOD KYI RGYUD LA RDZOGS RIM DANG SNOD BCUD LHAR BSGOMS PA BSHAD PA MA MTHONG, 'GA' RES BLA MED KYI RGYAS BKAB PAS RANG BZO YIN PA 'DRA, GTONG LEN BSGOM PA NA RANG LHAR BSGOMS PAS CHOG ,SEMS CAN LHAR BSGOMS NA SNYING RJE GO LOG TU 'GRO BAS MI NYAN, YIG DRUG GI TSIG DON, AOm SNGAGS KYI MGO 'DREN, MA nI THABS MTSON BYED NOR BU, PADME SHES RAB, H'Um GNYIS SU MED PA'I YE SHES, MDOR NA SANGS RGYAS THAMS CAD KYI THUGS GNYIS SU MED PA'I YE SHES THABS SHES RAB DBYER MI PHYED PA STON PA'I DON YIN, KHYED KYI DON GZHAN DA LTA

, ,NGED LA LONG MED, YIG CHA GZHAN PHRAN 'DRA NA PHAL CHER TSANG YOD PAS DER GZIGS, CES PA CHU 'DUS PA THUGS RJE RIN CHEN GYIS ZHUS PA LA GNANG BA'O,, ,,DGE LEGS 'PHEL BAR GYUR CIG, ` ,DGE BSHES SANGS RGYAS BLO GROS KYI ZHUS LAN, ,SDOM PA DANG LDAN ZHING NYES PAS MA GOS KYANG YUL GNYAN PO LA SDIG BSAGS NA NGAN SONG DU 'GRO BAR MDO LAS BSHAD, DPER NA THEG CHEN BKA' MIN ZHES SKUR PA 'DEBS PA'I NYAN THOS SDE PA'I DGE SLONG TSUL LDAN ZHIG SNGAGS KYI RTZA LTUNG BYUNG YANG BLA MA MTSAN NYID DANG LDAN PA LA DBANG BLANGS NA SNGAR GYI NYES PA MA BSHAGS KYANG SDOM PA BLANGS PA NYID SLAR LDOG PA'I STOBS YIN PAS RNAM SMIN 'BYIN MI NUS, BDAG 'JUG BLANGS PAS SDOM PA SOR CHUD, DE LTA MIN NA BDAG 'JUG BLANGS PA DON MED DU 'GYUR, YAN LAG GI NYES PA RNAMS 'DUL BA BZHIN MING RIGS KYI SGO NAS BSHAGS DGOS PAR BLA MA KHA GCIG BZHED, SPYI BSHAGS KYI SGO NAS KYANG 'DAG PAR SEMS, DGE 'DUN DBYEN GYI LHAG MA 'KHOR LO'I DBYEN GYI MTSAMS MED KYI SBYOR PA YIN PAS, PHYIR BCOS TSUL BZHIN DU BYAS NA LTUNG BA DANG RNAM SMIN GNYIS KA 'DAG TU RUNG, SDOM PA GONG MA GNYIS LEN 'DOD KYI BSAM PA RNAM DAG YOD NA JI TZAM BLANGS PA SKYE, ZHES PA DGE BSHES SANGS BLOS ZHUS PA'I LAN NO,, ,,SHU BHAm MASTU SARBA DZA GA TAm,, ` ,SKYID GRONG DBON PO BSOD NAMS DON GRUB KYI ZHUS LAN, SNANG BA BDEN PA MED KYANG, JI SRID BDEN MED KYI DON MA RTOGS KYI BAR DU, DGE SDIG LAS 'BRAS SLU BA MED PAS BLANG DOR LA GZAB

DGOS, SKYABS GNAS SEMS KYI SPROS PA YIN YANG SPROS BRAL MA RTOGS KYI BAR DU MOS GUS GYIS, GSOL BA BTAB PAS PHAN YON 'BYUNG, BZO MED PA BZHAG PAS 'CHAR SGO SNA TSOGS 'BYUNG BA SEMS 'KHRUL BA'I NYAMS SNANG YIN, DE LA DGA' SDUG TU GZUNG RGYU CI YANG MED, SEMS 'PHRO RGOD DU SONG NA DMIGS PA LA GNAD DU BSNUN, NANG DU BYING RMUGS BYUNG NA LTA STANGS DPANG GTOD, RIG PA NGAR BTON, BLA MA LA GSOL BA DRAG TU GDAB, BLA MA'I GSUNG LA BRTEN NAS GNAS LUGS LA NGES PA SKYES PA GO BA, DE RTZE GCIG TU BSGOMS PAS NANG DU TING NGE 'DZIN SKYES PA NYAMS MYONG, TING NGE 'DZIN LA BRTEN NAS GNAS LUGS LA SGRO 'DOGS GCOD CING, NGES PA SKYES PA RTOGS PA, ZHI LHAG KYANG DE NYID KA YIN, RTZOL MED LHUN GRUB KYI NYAMS 'CHAR BA LA, BLA MA BZANG PO'I MAN NGAG THOB, TSE BLOS BTANG, TSE DANG SGRUB PA SNYOMS PA GCIG DGOS PA YIN, ZLA RE ZLA GNYIS KYI BLUN BSGOM BYAS PAS GNAS LUGS RTOGS PA'I MYONG BA MI SKYE, DA LTA BLA MA'I GSUNG LA BRTEN NAS CIR SNANG 'PHRUL PA TZAM DU BSGOMS NA, NYON MONGS DANG RNAM RTOG DRAG PO'I MGO GNON PA DANG, MTHAR THUG THAR PA'I SA BON 'JOG PA'I DGOS PA'I DGE BA YOD, STONG NYID KYI RGYAS MA THEBS PA'I MI RTOG PA THOB PO SGOM PA LA PHAN YON TZAM MED, MI LUS BSKYED PA TZAM LA PHAN YON YOD NA, BU MANGS KYI PHA MA TSO 'TSENGS STE, PHA MAS BU TSA NYON MONGS KYI DBANG GIS BSKYED CING GSOS PA YIN PAS PHAN YON CI YANG MED, BU TSA CHOS PA BZANG PO BYUNG NA PHA MA 'KHOR BA LAS SGROL BA'I PHAN YON THOB, MTHAR THUG SGYU

, ,MA LTA BU'I SNANG BA 'DI YANG NAM MKHA' LA 'JA' BZHIN DENGS NAS SPROS BRAL NAM MKHA' LTA BU LA GNAS PA MED PA'I TSUL GYIS GNAS PA NA, CHOS SKU THOB PA ZHES PA'I THA SNYAD 'DOGS PA YIN GSUNG BA 'DI MANG YUL SKYID GRONG GI DBON PO BSOD NAMS DON GRUB GYI ZHUS PA LA GUNG THANG RDZONG DKAR DU GNANG BA'O,, ,,SHU BHAm,, ` ,MKHAN CHEN CHOS RGYAL BA DANG, DBON PO NAM MKHA' SNYING PO'I ZHUS LAN, DMYAL BAR SKYES PA'I BAR SEMS CAN LA BAR DO SRID DAM MI SRID CES PA, SDE BA BCO BRGYAD KYI NANG NAS GOS DMAR BA'I SDE BA DAG ,DMYAL BAR MA ZAD 'GRO BA RIGS DRUG THAMS CAD 'DI NAS SHI 'PHOS MA THAG SKYE BA LEN PAS BAR DO ZHES BYA BA MED PAR 'DOD DO, ,DE LA SLOB DPON DBYIG GNYEN GYIS MDZOD DU, LUNG DANG RIGS PA GNYIS KYIS DGAG PA MDZAD, DE LA RIGS PA NI, 'BRAS BU'I RGYUN DANG CHOS MTHUN PHYIR, ,SRID PA CHAD LAS BYUNG BA MIN, ,CES DANG, LUNG NI, MGUR NAS GSUNGS PHYIR MDO DRI ZA, ,RNAM GSUM 'GRO MDO LAS KYANG 'GRUB, ,CES PA'I THAD KAR, BAR SRID YOD PA'I LUNG MDO NAS DRANGS YOD PAS, MDZOD 'GREL DU GZIGS, SPYIR THEG PA CHE CHUNG GI GRUB MTHA' SMRA BA'I BYIN PO KHAMS 'OG MA GNYIS NAS SHI 'PHOS NAS, GZUGS MED DU SKYE BA LA BAR SRID MI 'DOD CING, MDZOD DU, GZUGS MED DAG TU SHI BA'O, ,CES GSUNGS, DE LAS GZHAN PA'I 'GRO BAR RIGS DRUG RNAMS LA BAR SRID YOD PAR 'DOD PA LAGS, DMYAL BA'I BAR SRID NI, DMYAL BA PA NI SPYI TSUGS YIN, ,CES MDZOD DU BSHAD

PAS, SDONG DUM MES TSIG PA LTA BU SPYI TSUGS MTHUR LA BSTAN NAS 'GRO BAR GSUNGS, BAR SRID MED PAR 'DOD PA RNAMS KYIS KYANG, BAR SRID MED PA'I MDO'I LUNG 'GA' YAR MDZOD 'GREL NAS DRANGS YOD, MDO DE RNAMS KYI DGONGS PA DON GZHAN DU, SLOB DPON DBYIG GNYEN GYIS BKRAL LO, ,MKHAN CHEN CHOS RGYAL BA DANG, DBON PO NAM MKHA' SNYING POS ZHUS PA LA GNANG BA'O,, ,,DGE LEGS 'PHEL BAR GYUR CIG, ` ,BKA' BCU BA BDE LEGS DPAL BA'I ZHUS LAN, SLOB DPON LEGS DPAL GYI GSUNG YIG RTEN BCAS 'PHROD, KHYED DBUS PHYOGS LA THON PA DE SHIN TU LEGS, BLA MA BKA' BZHI PA LA YI GE 'DI PHUL, KHYED KYI DON YANG DER TSANG YOD, DRI BA RNAMS LA RTEN 'BREL RANG BZHIN MED PAR NGES PA'I BLO DE TSAD MA'AM TSAD MIN GANG, TSAD MIN GYIS BZHAG PA'I DON RANG LUGS LA RTOG LDAN SU YANG KHAS MI LEN, TSAD MA LA MNGON RJES GNYIS SU NGES PAS SO SKYES RTEN 'BREL RANG BZHIN MED PAR NGES PA MI SRID, RJES SU DPAG PAS YIN NA, DE'I RTAGS LA, SGRUB CHOS RANG BZHIN MED PAS KHYAB PA NGES PAR BYED DE, MNGON SUM MAM RJES DPAG GANG YIN DPYAD NA MNGON SUM MI SRID PAR SNGAR BSTAN CING, RJES DPAG LA RTZOD PA SNGA MA 'JUG PAS GANG DU YANG DBUGS MI 'BYIN NO, ,CI STE DPE SGYU MA DANG RMI LAM LA SOGS PA'I STENG DU BRTEN 'BREL LA RANG BZHIN MED PA'I KHYAB PA MNGON SUM GYIS NGES SO ZHE NA, CI SGYU MA SOGS KYI BLO DE TSAD MA YIN NAM, YIN NA, TSAD MIN GANG YIN SMROS SHIG 'ON TE RTAGS KYI TSUL TSAD MAS MA GRUB KYANG DE LA

, ,RTEN NAS RJES SU DPAG GO ZHE NA, RIGS PA SHES PA'I TSUL SHIN TU LEGS SO ZHES SMROS SHIG GZHAN 'GOG PA NA RANG BZHIN YOD MED GNYIS SU PHYE NAS 'GOG PA, GZHAN GYIS DGAG BYA DANG DNGOS POR GRUB PAR KHAS BLANGS PA LA RANG BZHIN YOD MED GNYIS LAS GZHAN DU SMRA MI SA PAS DE LTAR 'GOG PA YIN GYI, RANG LUGS LA RANG BZHIN YOD MED GNYIS SU NGES PA MA YIN, RTEN 'BREL RGYU 'BRAS MA BRTAGS PA'I THA SNYAD 'KHRUL NGO TZAM DU KHAS LEN GYI, DNGOS PO'I GNAS LUGS SEMS PA NA RGYU 'BRAS KHAS LEN NA DNGOS SMRA BA DANG KHYAD PAR CI YOD, THAL 'GYUR BA LA KHAS LEN MED ZER BA, DNGOS PO'I DE KHO NA NYID SEMS PA NA, TSAD MA'I GRUB PA'I DON KHAS BLANGS RGYU MED PA LA ZER BA YIN, MA BRTAGS PA'I THA SNYAD LA 'JUG PA NA YANG LKUGS PA BZHIN CI YANG MI ZER BA LA ZER BA MA YIN PAR, RANG RGYUD PAS DNGOS PO'I DE KHO NA NYID SEMS PA NA YANG BDEN DNGOS BKAG PA'I STONG NYID RANG BZHIN MED PA RANG LUGS KYI RTAGS DANG, RJES DPAG TSAD MAS GRUB PAR SMRA ZHES PA DBON PO BDE LEGS DPAL BAS ZHUS PA LA GNANG BA'O,, ,,SHU BHAm,, ` ,STAG RTZE BA DBON BO DGE SBYONG BDE LEGS DPAL BA'I ZHUS LAN, SNGAGS PHAR PHYIN GYI KHYAD PAR LHA'I RNAL 'BYOR YOD DAM MED DANG, 'DOD YON SPONG BA DANG LAM DU BYED PA GANG 'THAD ZER BA, LHA'I RNAL 'BYOR DANG MI LDAN NA 'DOD YON LAM DU BYED MI NUS PAS, LUGS SNGA PHYI GNYIS LA KHYAD PAR CHER MED, DE DAG GI LUGS KYIS PHAR PHYIN THEG PAS SA BCU THOB RJES, PHYOGS BCU'I DE BZHIN GSHEGS PA

RNAMS LA 'OG MIN DU DBANG NOD NAS, RNAL 'BYOR GYIS RGYUD LTAR MNGON BYANG LNGA'AM, BLA MED LTAR NA RDO RJE SEMS DPA' KHA SBYOR GYI RNAL 'BYOR LA RTEN NAS MTHAR THUG GI RNAM MKHYEN THOB PAR 'DOD PAS DE DAG GI LUGS KYI SNGAGS MTSAN NYID GNYIS KYI KHYAD PAR LHA'I RNAL 'BYOR YOD MED KYIS 'BYED PA SHIN TU GSAL, SLOB DPON DE RNAMS KYI LUGS KYIS LAM GYI 'GO PHAR PHYIN THEG PA NAS BRTZAMS NAS, LAM GYI MJUG SNGAGS KYI THEG PAS MTHAR PHYIN PA'I GANG ZAG BDAG GI STON PA 'DI LTA BU YANG YOD DO, ,LAM GYI 'GO TSOGS LAM NAS RDO RJE THEG PA LA ZHUGS NAS, TSE 'DI NYID LA MTHAR THUG GI RNAM MKHYEN MNGON DU BYED PA'I GANG ZAG YANG YOD, DE LTA BU'I GANG ZAG DE YANG LHA'I RNAL 'BYOR LA THABS LA MKHAS PA KHO NAS TSE 'DI NYID LA MYUR DU RDZOGS PA YIN PAS, RGYUD SDE GONG MA GNYIS DANG PHAR PHYIN THEG PA GNYIS KYI KHYAD PAR LHA'I RNAL 'BYOR YOD MED KYIS 'BYED PA SHIN TU 'THAD DE, RIGS LNGA'I SDOM GZUNG GI SKABS SU RIG 'DZIN GYI SDOM PA SKYE'AM, DBANG BSKUR BA LA LTOS ZER BA RGYUD SDE GONG MA GNYIS KYI DBANG BSKUR TSAD LA RIG 'DZIN GYI SDOM PA STER BA MIN, SLOB MA'I DBANG TZAM BSKUR BA LA THUN MONG GI SDOM PA STER, RDO RJE SLOB DPON GYI DBANG BSKUR BA LA RIG 'DZIN GYI SDOM PA STER BAR SLOB DPON KUN DGA' SNYING PO DANG, SHAN TI BA SOGS BZHED DE SHIN TU 'THAD, DES NA RIGS LNGA'I SDOM GZUNG GI SKABS SU RIG 'DZIN GYI SDOM PA MI SKYE NA RIGS LNGA'I SDOM GZUNG BYAS PA LA DGOS PA CI YOD BSAM DGOS SHING, DKYIL MCHOG TSAD LDAN RNAMS SU DBANG SKUR BA'I SNGON DU RIG LNGA'I

, ,SDOM GZUNG BSHAD PA'I PHYIR RO, ,RNAL 'BYOR GYI RGYUD KYI RTZA LTUNG GI NGO BO GANG YIN ZHES PA, RDO RJE RTZE MOR, RIGS LNGA'I SDOM GZUNG GI RJES SU, DE LAS GZHAN PA BCU BZHI NI, ,PHAS PHAM PAR NI RAB TU BRJOD, ,CES PA'I SKABS KYI 'GREL PAR, SLOB DPON KUN SNYING GIS, DE LAS GZHAN PA BCU BZHI NI, ,ZHES PA RIGS LNGA'I SDOM GZUNG GI ZLOG PHYOGS PHAS PHAM PA BCU BZHI LA BSHAD PAS, RGYUD SDE 'OG MA GNYIS KYI RTZA BA'I LTUNG BA GRANGS DANG MI 'DRA ZHING, NGO BO NGOS 'DZIN PHAL CHER 'DRA ZHING, DAM TSIG BSTEN PAR MI BYED DANG, ,ZHES DANG, SHES RAB RANG BZHIN BUD MED LA, ,ZHES PA'I NGOS 'DZIN RGYUD SDE'I BYE BRAG GNYIS GIS CUNG ZAD MI 'DRA BAR SNANG, DES NA RGYUD SDE 'OG MA GNYIS KYI RTZA LTUNG DANG, DE SPONG BA'I RIG 'DZIN GYI SDOM PA 'DRA BA'I RGYU MTSAN GYIS RNAL 'BYOR GYI RGYUD, RDO RJE RTZE MO DANG BLA MED KYI RGYUD RDO RJE MKHA' 'GRO DANG, SAM BU tI RNAMS NAS RIGS LNGA'I SDOM GZUNG 'DRA BAR BSHAD PA YIN, RGYUD SDE 'OG MA GNYIS LA RGYUD SDE'I 'GROS KYIS BDAG BSKYED YOD PA MI 'THAD DAM ZER BA, BYA RGYUD LA BDAG BSKYED MED CING, SPYOD RGYUD LA YOD PAR 'DUS PA'I BSHAD RGYUD YE SHES RDO RJE KUN LAS BTUS PA LAS BSHAD, DE'I RJES SU 'BRANGS NAS, CHOS RJE PAS, BYA BA'I RGYUD LA BDAG BSKYED MED, ,CES GSUNGS MOD, RNAL 'BYOR GYI RGYUD LA MKHAS PA SANGS RGYAS GSANG BAS, SPYOD RGYUD DU GRAGS PA RNAM SNANG MNGON BYANG LA SOGS PA RNAMS KYANG BYA RGYUD DU BSDUS NAS RGYUD SDE GSUM DU BZHED CING, BYA RGYUD KYI GDUL BYA

DBANG PO BRTUL PO LHA'I RNAL 'BYOR SGOM MI NUS PA'I DBANG DU BYAS NAS BDAG BSKYED MED PAR BSHAD CING, GDUL BYA DBANG PO RNON PO RNAMS LA RNAM SNANG MNGON BYANG GI LUNG DRANGS NAS BDAG BSKYED YOD PAR BSHAD PAS, PHYOGS RE TZAM MTHONG NAS TSAD LDAN GYI SLOB DPON DE RNAMS LA DGAG PA BYED PA MI NYAN, BYA SPYOD LA YE SHES PA DGUG GZHUG SOGS RGYUD NAS MA BSHAD KYANG TSAD LDAN GYI RGYA GZHUNG MANG PO NAS YE SHES PA DGUG GZHUG BSHAD SNANG BAS, RGYUD SDE GONG MA LA ZHUGS PA'I RNAL 'BYOR PAS, RGYUD SDE 'OG MA'I LHA'I RNAL 'BYOR BSGOM PA LA, DGONGS PA 'DRA, DE NI SHIN TU YANG RUNG TE, RANG GONG MA'I LHAG PA'I LHA GANG YIN GYI NGA RGYAL DANG MA BRAL BA'I SGO NAS, GANG BSGOMS PA'I LHA DE'I RNAM PAR BSGYUR BA TZAM YIN PA'I PHYIR RO, , GONG MA LA MA ZHUGS PA RNAMS KYIS RGYUD SDE LAS MA BSHAD PAS RANG BZOR 'GRO BA'I PHYIR KI NYAN, BLA MED KYI DBANG GONG MA GNYIS, GROL LAM LA BRTEN PA DANG, CHAGS LAM LA BRTEN PA GNYIS GANG 'THAD CES PA NI, DUS 'KHOR MA GTOGS RGYUD SDE GZHAN RNAMS NAS DBANG GONG MA GNYIS DNGOS DBANG MA GTOGS TSIG TZAM GYIS BSKUR BA MA BSHAD, RGYA BOD KYI PHYI RABS KYI 'GREL BYED DANG, SLOB DPON RNAMS KYIS DUS SKABS LA LTOS NAS CHAGS LAM DANG GROL LAM CI RIGS PAR BSHAD SNANG, RDO RJE THEG PA'I THUN MONG MA YIN PA'I DAM TSIG RNAMS DANG, 'DUL BA'I BSLAB BYA RNAMS 'GAL BA PHAL CHE BAS, SDOM GSUM MI 'GAL BA'I GNAD MA SHES NA, SDOM GSUM LDAN PA'I DGE SLONG RDO RJE 'DZIN PAR SGOM PA MING TZAM YIN, 'DI LA

, ,BRJOD PAR BYA BA MANG STE, THUN MONG DU BSHAD BYA MA YIN, GSANG 'DUS tI KAR MI SLOB PA'I ZUNG 'JUG SA BCU PA NAS BZHAG PA DANG, GONG MA RNAMS KYIS PHAR PHYIN THEG PAS BGROD PA'I BCU GCIG KUN TU 'DOD KYI SA LAS GONG DU, BCU GSUM RDO RJE 'DZIN PA'I SA YOD ZER BA SKYON MTSUNGS CES PA, MI SLOB PA'I ZUNG 'JUGS BCU PAR BZHAG PA MA MTHA' YIN GYI, DE LAS GONG DU BCU GSUM RDO RJE 'DZIN PA'I SA MED ZER BA MA YIN, DE'I GONG DU BCU GSUM RDO RJE 'DZIN PA YOD KYANG, LAM GZHAN LA RTEN NAS BGROD PA MA YIN GYI, SNGAGS KYI LAM ZUNG 'JUG DE NYID LA GNAS NAS, THUN MONG DANG THUN MONG MA YIN PA'I GDUL BYA RNAMS LA DKYIL 'KHOR GYI 'KHOR LO DANG, MDZAD PA BCU GNYIS LA SOGS PA'I RNAM 'PHRUL SNA TSOGS KYIS GZHAN GYI DON KHO NA MDZAD DE, MTHAR THUG RNAM MKHYEN RANG GI NGANG GI MNGON DU BYED PA YIN, GNAS SKABS DER RANG GI DON GYI BSLAB BYA TZAM YANG MED CING, GZHAN DON 'BAD MED LHUN GRUB TU 'BYUNG BAS LAM GZHAN LA BSLAB MI DGOS PA'I PHYIR MI SLOB PA'I PHYIR ZUNG 'JUG CES BYA, BCU GCIG KUN DU 'OD KYI SA'I GONG DU SNGAGS KYI BGROD BYA YOD PAR BZHED PA'I LUGS LA, PHAR PHYIN THEG PA'I LAM GYI MTHAR THUG SHER PHYIN GYIS SPONG MI NUS PA'I SGRIB PA KHAS BLANG DGOS SHONG, DE LTAR BZHED PAR YANG SNANG MOD, MTHAR THUG RNAM MKHYEN THOB PA RDO RJE THEG PA LA LTOS SHING PHAR PHYIN THEG PAS RNAM MKHYEN MI THOB PA'I SLOB DPON DE DAG GI LUGS LA'ANG BCU GCIG KUN TU 'OD KYI SA LAS GONG NAS BCU GSUM RDO RJE 'DZIN PA'I SA YOD PAR MI

BZHED, SA BCU PA'I KHYAD PAR DANG, BAR CHAD MED PA'I LAM LA SNGAGS KYI SA BCU GCIG PA DANG, BCU GCIG PA YE SHES LDAN DANG, DPE MED CAN DU BZHAG NAS KUN TU 'OD DANG RDO RJE 'DZIN PA'I SA DON GCIG TU BZHED PA YIN, 'DI RNAMS KYI SHES BYED KYI LUNG RNAMS MANG PAS MA BRIS, ZHES PA STAG RTZE PA DBON PO DGE SBYONG BA DE LEGS DPAL BAS ZHUS PA'I LAN DU, RJE BTZUN DAM PA KU MA RA MA TI'I ZHAL SNGA NAS GNANG BA DGE'O,, ,,SHU BHAm, ` ,BKA' BCU PA YON TAN RGYAL MTSAN KYI ZHUS LAN, SGYU MA LA SOGS DPE YIS NI, GZHAN GYI DBANG NI YONGS SU BSTAN, ,CES GZHAN DBANG DAG PA MA YIN PA'I SGYU MA DANG, RMI LAM GYIS DPE BSTAN PA YIN NO, ,DPER NA SGYU MA MKHAN GYI SNGAGS DANG SMAN GYIS DPANG PO BSLAD PA LAS RTA GLANG SNA TSOGS SU SNANG BA DE'I TSE YANG 'JIM DUM LA SOGS PA NI, RTA GLANG SOGS KYI NGO BOR GTAN MA SKYES LA, BLO 'KHRUL PA LA DE LTAR SNANG BA TZAM DU ZAD DE, DE BZHIN DU GZUNG 'DZIN GNYIS KYIS DBEN PA'I GZHAN DBANG MA RIG PA'I BAG CHAGS KYI DBANG GIS GZUNG 'DZIN GNYIS LA SOGS PA SNA TSOGS PA YANG SNANG BA'I TSE DE NYID NA SNANG BA LTAR GYI NGO BOR GDOD MA NAS MA SKYES PA GNYIS MED KYI NGO BOR GNAS SO, ,DPER NA SGYU MA'I SPRUL GZHI 'JIM SOGS DANG ,RTAG GLANG LA SOGS PAR MED BZHIN DU SNANG BA LTAR, GZHAN DBANG GZUNG 'DZIN GYI SHES PA YANG BAG CHAGS KYI DBANG GIS GNYIS SU MED BZHIN DU DE SNANG BA'I CHA NAS SGYU MA'I DPES BSTAN PA YIN LA, DES NA SGYU MAR SNANG BA'I CHA DE NYID NAS GZHAN DBANG GI DPER 'JOG PA MA YIN LA, 'ON KYANG

, ,SPRUL GZHI RTA GLANG SOGS MED BZHIN DU DER SNANG BA'I CHA NAS SGYU MA GZHAN DBANG GI SAR BYED DE, DBU MA PA 'DUS BYAS KUN RDZUN PA'I DPER SGYU MA SOGS 'JOG PA NI SGYU MA'I SPRUL GZHI 'JOG PA NI MA YIN GYI, RTA GLANG SOGS SU SNANG BA DE SNANG BA LTAR MA GRUB PA'I DPER SGYU MA 'JOG PA YIN NO, ,MDO LAS, MA SKYES PA DANG MA 'GAGS PA SOGS GSUNGS PA'I DGONGS PA LA RNAM RIG PA DAG GZHAN DBANG YANG DAG PAR RGYU RKYEN LAS SKYES PA YIN YANG, RANG GI NGO BO GNYIS SU SNANG BA LTAR GDOD NAS MA SKYES PA'I PHYIR DANG, MA SKYES PA LTAR MA 'GAGS PA'I PHYIR DANG, GDOD MA NAS MA SKYES PA'I PHYIR NA RANG BZHIN GYIS MYA NGAN LAS 'DAS PAR 'DOD DO, ,RNAM BDEN BRDZUN GNYIS KA GZUGS SGRA SOGS PHYI ROL GYI DON MED PAR MTSUNGS KYANG RNAM BDEN PA RNAMS GZUGS SGRA LA SOGS SHES PA LA SNANG BA'I GZUNG BA'I RNAM PA SHES PA'I NGO BOR BDEN CING, DE'I PHYIR GZUGS SOGS SHES PA'I NGO BOR BDEN PAR 'DOD CING, GZUGS SOGS SNANG BA'I CHA NAS SHES PA 'KHRUL PAR MI 'DOD KYI, GZUGS RNAMS PHYI ROL DU CHAD PA LTAR SNANG ZHING, SHES PA 'DZIN PA'I RNAM PAR MYONG BA'I NGO BO RIG PAS GZUNG RNAM DANG 'DZIN RNAM THA DAD PA LTAR SNANG BA'I CHA NAS 'KHRUL PAR 'DOD, 'PHAGS PA'I MNYAM GZHAG DANG SANGS RGYAS KYI SA NA GNYIS SNANG GYI 'KHRUL PA MED PAS, GNYIS SNANG LDOG KYANG SHES PA RNAM BCAS SU BDEN PAS YE SHES RNAM BCAS SU 'DOD, RNAM RDZUN PA RNAMS NI, GZUGS SOGS YUL DU SNANG BA RNAMS RAB RIB KYI DBANG GIS SKRA SHAD SOGS SNANG BA LTAR, MA

RIG PA'I DBANG GIS MED BZHIN DU SNANG BAR ZAD KYI, DON DANG SHES PA GANG DU YANG MA GRUB, DE'I PHYIR 'PHAGS PA'I MNYAM GZHAG TU GNYIS SNANG NUB PAS RNAM MED KYI YE SHES 'BA' ZHIG PAR 'DOD, SANGS RGYAS KYI YE SHES KYANG RNAM PA'I DRI MA DANG BRAL BA'I CHOS SKU 'BA' ZHIG PAR 'DOD CING, GZUGS SKU GNYIS KYI SKU DANG 'PHRIN LAS SOGS GDUL BYA'I GZHAN SNANG DU, RGYAN MKHAN PO SHER 'BYUNG SBAS PA SOGS KHA CIG BZHED, 'PHAGS PA THOGS MED DANG SHAN TI PA SOGS CHOS SKU RNAM PAR MI RTOG PA'I YE SHES RNAM MED YIN CING, RJES THOB DAG PA'I 'JIG RTEN PA'I YE SHES LA SKU DANG 'PHRIN LAS DAG PA'I SNANG BA SNA TSOGS PA 'BYUNG BAR BZHED CING, MI RTOG YE SHES LA LTOS NAS SNANG BA DANG BCAS PA'I 'KHRUL PA YIN YANG, SHIN TU 'KHRUL PA YANG MA YIN TE, SGRIB GNYIS SPANGS PA'I PHYIR DANG, MA RIG PA'I 'KHRUL RKYEN LAS BYUNG BA MA YIN PA'I PHYIR DANG, SNANG BA RDZUN PA YIN PA LA DE LTAR SHES PA'I PHYIR DANG, BSOD NAMS KYI TSOGS KYI RGYUD LAS BYUNG BA'I PHYIR RO, ,SNGA MA RNAMS RNAM LA RNAM RDZUN DRI MED PA DANG, PHYI MA RNAMS LA RNAM RDZUN DRI BCAS PAR MKHAS PA RNAMS BZHED DO, ,ZHES PA BKA' BCU BA YON TAN RGYAL MTSAN GYIS ZHUS PA LA GNANG BA'O,, ,,MANGGA LAm BHA W'AN TU,, ` ,DGE BSHES SENG GE RGYAL MTSAN KYI ZHUS LAN, DGE BSHES SENG GE RGYAL MTSAN GYI YE GE 'PHROD, KHYED KYI DRI BA RNAMS KYI DON RAGS RIM KHYED RANG GYIS GO TSOD DE YIN, RGYU MTSAN NYID ZHIB PA YI GE TZAM GYIS MI PHAN NGAG LAS SHES SO, ,BYANG SEMS KYI SDOM PA THOG MAR, ,BLA MA SDOM LA

, ,GNAS SHING MKHAS, ,NUS DANG LDAN LAS BLANG BAR BYA, ,ZHES GSUNG PAS, BLA MA MTSAN NYID DANG LDAN PA LAS LEN DGOS, PHYIS RTZA LTUNG PHOG STE NYAMS NA, BYANG SA DANG SDOM PA NYI SHU PA LTAR NA, ,SDOM PA SLAR YANG BLANG BAR BYA, ,ZHES GSUNG PAS YUL RUNG BA BLA MA MTSAN NYID DANG LDAN PA YOD NA DE LA LEN, MED NA RTEN GYI DRUNG DU BLANGS KYANG SKYE BAR BSHAD, NAM MKHA'I SNYING PO'I MDO DANG, SPYOD 'JUG BSLAB BTUS LTAR NA, RTZA BA'I LTUNG BA BYUNG YANG, RMI LAM DU NAM MKHA'I SNYING PO'I MDUN DU BSHAGS PA'I SOR CHUD PA BSHAD, RIG 'DZIN GYI SDOM PA RTZA LTUNG BYUNG STE NYAMS NA, BLA MA NYE BA NA YOD NA BLA MA LA LEN CING, MED NA RANG GIS BDAG 'JUG BLANGS PAS SDOM PA SOR CHUD, DE LTAR MA YIN NA, BDAG 'JUG BLANGS PA DON MED PAR 'GYUR, SDOM PA GSUM LDAN GYI GANG ZAG GCIG PA'I RGYUD KYI SDOM PA GSUM PO 'OG MA 'OG MA RNAMS KHYAD PAR DANG, GONG MA GONG MA RNAMS SPYI YIN PAS, SDOM PA 'OG MA RNAMS GONG MA'I NANG DU 'DUS PAS NGO BO GCIG YIN GYI 'OG MA'I THUN MONG MA YIN PA'I RTZA LTUNG BYUNG BAS, GONG MA'I SDOM PA LAS MI NYAMS TE, DGE SLONG BYANG CHUB SEMS DPA' LA MI TSANG SPYOD KYI PHAM PA BYUNG YANG, BYANG CHUB SEMS DPA'I THUN MONG MA YIN PA'I RTZA LTUNG MA BYUNG BAS BYANG SEMS KYI SDOM PA MI GTONG BA BZHIN GAL TE GTONG NA BYANG SEMS RAB TU BYUNG BA DANG, KHYIM PA LA BYANG SEMS KYI THUN MONG MA YIN PA'I BSLAB BYA KHYAD PAR MED PA'I PHYIR KHYIM PA'I BYANG SEMS LA YANG MI TSANGS SPYOD YANG DGOS PAR 'GYUR BA'I PHYIR RO, ,DE'I 'OG

MA RNAMS GONG MA'I BYE BRAG DANG, GONG MA RNAMS 'OG MA'I SPYI YIN PAS 'OG MA RNAMS KYI RTZA BA DANG, YAN LAG GI LTUNG BA RNAMS GONG MA RNAMS KYI LTUNG BA CI RIGS PAR 'GYUR TE, DGE SLONG RDO RJE 'DZIN PAS RGYUD SDE NAS BSHAD PA'I DMIGS BSAL MED PAR 'OG MA GNYIS KYI BCAS PA LAS 'DAS NA RIG 'DZIN GYI YAN LAG GI LTUNG BAR 'GYUR RO, ,'OG MA GNYIS KYI BCAS PA LAS, ,DGOS PA MED PAR 'DA' BA DANG, ,ZHES GSUNGS PA'I PHYIR RO, ,DE'I SHUGS KYIS DGE SLONG RDO RJE 'DZIN PAS RGYUD SDE NAS BSHAD PA'I DMIGS BSAL YOD NA 'OG MA'I RTZA BA DANG YAN LAG GI LTUNG BA CI RIGS PA LAS 'DAS KYANG NYES PA MED LA, BYANG SEMS DGE SLONG GIS PHAN PA CHEN PO MTHONG NA SO SOR THAR PA'I YAN LAG GI LTUNG BA 'GA' ZHIG SPYAD KYANG NYES PA MED DO, ,GSER LA SOGS PA LEN MI BYED, ,CES DANG, 'GRON POS BDAG GIR MI BYED DANG, ,CES SOGS SO SOR THAR PA'I YAN LAG GI LTUNG BA 'GA' ZHIG SPYAD KYANG NYES PA MED CING, MA SPYAD NA LTUNG BAR 'GYUR BAR BSHAD PA'I PHYIR RO, ,SPYIR GANG ZAG GCIG GI RGYUD KYI SDOM PA LA GSUM LAS, THUN MONG DANG THUN MONG MA YIN PA GNYIS GNYIS YOD DE, DGE SLONG RDO RJE 'DZIN PA'I RGYUD KYI SDOM PA 'OG MA GNYIS PO YANG DBANG BSKUR THOB PHYIN CHAD RIG PA 'DZIN PA'I SDOM PA'I KHONG DU CHUD PAR 'GYUR TE, DE LTA MA YIN NA 'OG MA GNYIS KYI BCAS PA LAS 'DAS PAS, RIG 'DZIN GYI YAN LAG GI LTUNG BAR MI 'GYUR BA'I PHYIR, BLA MA LA BRNYAS BA SOGS, RTZA BA'I LTUNG BA BCU BZHI SPONG BA NI RIG 'DZIN KYI THUN MONG MA YIN PA'I SDOM PA YIN TE RIG

, ,'DZIN KYI SDOM PA GZUNG BA KHO NA LA RTZA LTUNG DU 'GYUR GYI, GZHAN LA MI 'GYUR BA'I PHYIR RO, ,DE BZHIN DU, BYANG SEMS KYI SDOM PA LA YANG THUN MONG DANG THUN MONG MA YIN PA GNYIS YOD DE, DE'I RGYUD KYI SO SOR THAR PA'I SDOM PA NI, THEG CHEN SEMS BSKYED BLANGS PHYIN CHAD BYANG SEMS KYI SDOM PA'I KHONG DU CHUD PAS, BYANG SEMS KYI SDOM PA YANG YIN LA, DE'I RIGS CAN NYAN THOS KYI DGE SLONG RNAMS LA YANG YOD PA'I PHYIR RO, ,BYAMS CHOS DANG BSLAB BTUS NAS BSHAD PA'I RTZA BA DANG YAN LAG GI LTUNG BA SPONG BA NI, BYANG SEMS KYI THUN MONG MA YIN PA'I SDOM PA YIN TE, DE LAS 'DAS NA THEG CHEN SEMS BSKYED BLANGS PA KHO NA'I RGYUD LTUNG BAR 'GYUR BA'I PHYIR RO, ,JI LTAR BSHAD PA'I TSUL GYIS SDOM PA GSUM LDAN GYI RGYUD KYI SDOM GSUM SPYI DANG BYE BRAG YIN PAS NGO BO GCIG PA YIN GYI, ME DANG TSA BA LTAR GCIG THOB PAS KUN THOB PA DANG, GCIG BTANG BAS KUN BTANG BA'I NGO BO GCIG PA NI MA YIN NO, ,DE BAS NA SDOM PA GONG MA'I RTZA BA DANG, YAN LAG GI LTUNG BA MA BYUNG NA 'OG MA'I LTUNG BAS GOS PAR MI 'GYUR, SDOM GSUM NYAMS SU LEN PA NA GONG MA'I BSRUNG SDOM GTZO BOR BYAS NAS, 'OG MA'I SDOM PA YUL DUS KYI DBANG GIS BTANG SNYOMS SU 'JOG DGOS PAR MDO DANG RGYUD SDE MANG PO GCIG NAS BSHAD DO, ,SEMS CAN LA MA DAG PA'I SNANG BA DANG, ,SANGS RGYAS LA DAG PA'I YE SHES KYI SNANG BA SEMS TZAM PA'I GRUB MTHA' YIN, PHYI ROL GYI DON MED PA'I SGRUB BYED DU 'GRO, THEG BSDUS SU, DMYAL BA YI DVAGS MI RNAMS DANG, ,LHA RNAMS JI LTAR

RIGS RIGS SU, ,DNGOS GCIG YID NI THA DAD PHYIR, ,DON MA GRUB PAR 'DOD PA YIN, ,ZHES GSUNGS PA LTAR DNGOS PO GCIG LA YANG 'GRO BA RIGS MI MTHUN PA RNAMS LA SNANG TSUL THA DAD DU SNANG YANG, GANG LA GANG SNANG BA DE NYID DE DANG DE LA BDEN, 'DI BDEN LA 'DI MI BDEN ZHES MTHA' GCIG TU BZHAG PAR MI NUS PA BZHIN NO, ,RLUNG SBYOR BYAS DUS KYI NYAMS SNANG SNA TSOGS 'CHAR BA RTZA RLUNG GI BYED PA YIN, LTA BAS MA ZIN NA THAR PA'I RGYUR 'GRO BA LTA ZHOG ,MTHO RIS KYI RGYUR YANG 'GRO BA DKA', LTA BA RNAMS DAG GIS ZIN CING NYAMS SU LEN SHES NA LTA BA'I BOGS 'DON CUNG ZAD YONG, TSES BZANG PO LA KLO RTZE NAS DGE'O,, ` ,DGE BSHES GRAGS PA RIN CHEN KYI ZHUS LAN NI, SLOB DPON GRAGS PA RIN CHEN GYI ZHUS 'PHROD, MTHONG SPANG SPONG BA BSAM GTAN GYI DNGOS GZHI ZAG MED KHO NA LA BRTEN MI DGOS, RGYUN ZHUGS PHYIR 'ONG GI BSAM GTAN DANG PO'I NYER SDOGS MI LCOGS MED LA BRTEN NAS MTHONG SPANG GI SA BON SPANG, PHYIR MI 'ONG CHAGS BRAL GYI SNGON SONG GI BSAM GTAN BZHI GANG RUNG GI DNGOS GZHI LA RTEN CING ZAG MED LA RTEN NAS MTHONG SPANG SPONG, BSAM GTAN BZHI DANG GZUGS MED DANG PO GSUM NA NYON MONGS CAN RAGS PA GSUM GSUM YOD, SRID RTZE NA ZAG MED MED, BSAM GTAN DANG PO'I DNGOS GZHI THOB KYANG PHYI MA'I RAGS PA SPANG BYA SPONG BA'I PHYIR DU MNGON DU MI BYED KYANG, YON TAN MNGON PAR SGRUB PA'I PHYIR DU MNGON DU BYED DGOS SO, ,CES PA MNGA' RIS PA GRAGS PA RIN CHEN GYIS ZHUS PA'I LAN DU RI 'DABS NAS GNANG BA

, ,DGE'O,, ,,SHU BHAm,, ` ,DGE BSHES BRTZON 'GRUS DPAL GYI ZHUS LAN, YANG DRIS LAN GCIG LA, LA STON GYIS PHAD PHUNG PHUL BA LTA BU KHOR MOR SPYAD PA'I RDZAS BYA BA YIN PAS, SPYI LA GNANG BA MA ZHUS PAR SPYAD KYANG NYES PA MED, SGOS SU BDAG GIR BZUNG NA NYES PA YOD, DGE 'DUN SPYI LA PHUL BA'I RDZAS LA BOG RDZAS DANG 'JOG RDZAS GNYIS YOD, BOG RDZAS YIN NA GNANG BA MA ZHUS PAR GCIG GIS LONGS SPYAD NA MA BYIN LEN GYI NYES PA YOD, DGE 'DUN GYI TSOGS ZANGS LTA BU LA BZHAG NA, RDZAS 'DU BA GCIG PA RNAMS KYIS GNANG BA MA ZHUS PAR LONGS SPYAD KYANG, BDAG GIR MA BYAS NA NYES PA MED, CES PA DGE SLONG BRTZON 'GRUS DPAL GYIS ZHUS PA LA GNANG BA'O,, ,,MANGGA LAm BHA WANTU,, ` , SLOB DPON GRAGS RGYAL GYI ZHUS LAN, LTUNG BA SDE LNGA NI, PHAM PA BZHI, DGE 'DUN LHAG MA BCU GSUM, SPANG LTUNG SUM CU, LTUNG BYED 'BA' ZHIG PA DGU BCU, SO SOR BSHAGS PA BZHI, NYES BYAS BRGYA DANG BCU GNYIS RNAMS SO, ,PHAM PA'I MTSAN NYID LHAG MA MED PA'I LTUNG BA, LHAG MA'I MTSAN NYID, DGE 'DUN LA SPO DGU SOGS CHAD LAS BCAD PA'I SGO NAS LDAD BAR BYA BA'I LTUNG BA, SPANG LTUNG GI MTSAN NYID GANG LAS LTUNG BA BYUNG BA'I DNGOS PO DE ZHAG GCIG SPANGS NAS BSHAGS PAR BYA BA, 'BA' ZHIG PA'I MTSAN NYID, DNGOS PO SPANG BA LA MI LTOS PAR LTUNG BA DE NYID, MING GIS BSHAGS PAR BYA BA, SOR BSHAGS KYI MTSAN NYID, DGE 'DUN LA MI RIGS KYI SGO NAS SMRE SNGAGS KYI TSUL DU BSHAGS PAR BYA BA, NYES BYAS KYI MTSAN

NYID, 'DAS PA DANG BCAS PA'I MING GIS BSHAGS PAR BYA BA, SHA THEG PA CHE CHUNG GI LUGS LA, RANG BZHIN GYI KHA NA MA MTHO BA YIN, BYANG SEMS KYI SDOM PA BLANGS PA LA, KHYIM PA LA NYES BYAS, DGE SLONG LA 'BA' ZHIG PA YIN PAS BCAS PA'I KHA NA MA MTHO BA YIN TE, NYAN THOS KYI DGE SLONG LA DMIGS PA'I SHA NYES BYAS, RNAM GSUM DAG PA'I SHA NYES MED YIN, 'CHAB SEMS PHAL PA'I YAN LAG TU MDO SDE BA 'DOD, BYE BRAG SMRA BA MI 'DOD, BSLAB PA PHUL BAS SDOM PA GTONG, ,NYAMS PAS MI GTONG PHAM PA DANG, PHAS PHAM PA KHYAD PAR MED, CES PA, SLOB DPON GRAGS RGYAL GYIS ZHUS PA LA GNANG BA'O,, ,,DGE'O,, ` ,NYAN THOS THEG PA GSUM GYI DKON MCHOG GSUM PO LUGS SO SO'I JI LTAR LAGS, ZHES PA DANG, NYAN THOS PA DAG NI SANGS RGYAS KYI SKU NI GNYIS TE, GZUGS KYI SKU DANG CHOS KYI SKU'O, ,DANG PO NI SANGS RGYAS DKON MCHOG TU MI 'DOD TE, KUN SGRIL BA LA SHOG GU SUM BRGYA DANG DRUG CU RE BDUN YOD,, ,,