—

, ,RJE BTZUN CHEN PO RED MDA' BA'I GSUNG 'BUM THOR BU BA LAS TSIGS BCAD KYI TSOGS 'GA' BZHUGS SO,,

, ,SEMS LA SKUL BA'I TSIGS SU BCAD PA'O, ,PHYOGS BCU'I SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,SDUG BSNGAL RGYA MTSO 'DI LA MTHA', ,RNAM PA KUN TU YOD MIN NA, ,GCIG TU G-YO BA'I NGANG TSUL CAN, ,SEMS KHYOD BAG DANG LDAN PAR BYOS, ,LCAGS KYU MED PA'I GLANG CHEN BZHIN, ,KHYOD KYIS SNGON CHAD RANG DGAR SPYAD, ,TSUL KHRIMS KHRUS KYI RDZING BU RNYOG ,DGE LEGS 'DAB BRGYA'I TSAL RNAMS BCOM, ,DA NI KHYOD KYIS LAS KUN LA, ,SHES BZHIN MIG GIS KUN TU LTOS, ,DRAN PA'I PHYI SO RGYAB TU TSUGS, ,BAG YOD GROGS DANG RTAG TU 'GROGS, , SEMS KYI DRAN SHES RGYUN DU BSTEN PA'I MI, ,NYON MONGS CHOM RKUN DAG GIS 'JOMS MI 'GYUR, ,DAD DANG TSUL KHRIMS LA SOGS NOR GYI DBYIG ,MKHAS PA DE LA NYIN RE BZHIN DU 'PHEL, ,SEMS LA SKUL

, ,BA'I TSIGS SU BCAD PA, ,SH'AKYA'I DGE SLONG GZHON NU BLO GROS KYIS SBYAR BA'O,, ,,DGE'O,, ` ,'DOD PA'I NYES DMIGS LA BRTZAMS PA'I TSIGS SU BCAD PA'O, ,'JIG RTEN 'DREN PA LHA MI'I STON PA YIS, ,'DOD LA SRED PA PHUNG 'KHROL RTZA BAR BSTAN, ,'DOD PA'I YON TAN DU: KHA SKYED PA STE, ,NAD DANG 'BRAS DANG ZUG RNGU'I RTZA BA YIN, ,JI LTAR MDZE CAN G-YAN PA 'PHRUG PA DANG, ,TSA BA'I NAD CAN BSIL BA'I CHU DANG NI, ,SKOM PAS NYEN LA LAN TSA'I CHU 'THUNG BZHIN, ,'DOD PA BSTEN PAS NAM YANG NGOMS MI GYUR, ,DUG DANG BCAS PA'I KHA ZAS G-YOS LEGS DANG, ,SPU GRI'I SO LA CHAGS PA'I SBRANG RTZI DANG, ,SHING RTA 'DREN PA'I PHYUGS KYIS RTZVA ZOS BZHIN, ,'DOD PA'I YON TAN MNOG CHUNG NYES PA MANG, ,GLANG CHEN DRI LA CHAGS PA'I SBRANG BU DANG, ,RNGON PA'I GLU DBYANGS NYAN PA'I RI

DVAGS DANG, ,LCAGS KYU'I SHA LA CHAGS PA'I NYA BZHIN DU, ,'DOD LA BRKAM PA'I BYIS PA MYUR DU BRLAG ,'DOD PA'I NYES DMIGS LA BRTZAMS PA'I TSIGS SU BCAD PA, SH'AKYA'I DGE SLONG GZHON NU BLO GROS KYIS SBYAR BA'O,, ,,DGE'O,, ` ,YI GE'I PHYI MO LA BRTZAMS PA'I TSIGS SU BCAD PA'O, ,NA MO GU RU WE, KA LA PING KA'I DBYANGS LTAR SNYAN PA'I GSUNG, ,KHA DOG GTZO MA'I GSER LTAR MDZES PA'I SKU ,GANG G'A'I RGYUN LTAR PHRIN LAS NGANG GIS 'JUG ,NGA BDAG SPANGS PA'I THUGS MNGA' DE LA 'DUD, ,CA CO'I SGRA SGROG SNYAN PA'I GLU LEN CING, ,CHA LUGS SGEG PA'I NA CHUNG YID 'ONG DANG, ,JA SOGS 'DOD YON RNAMS LA SRED PA'I MI, ,NYA PA BZHIN DU DAM PAS SMAD PA'I GNAS, ,TA LA'I 'DAB LTAR 'JAM PA'I MDZES MA YANG, ,THA MAR KENG RUS PHUNG POR 'GYUR NGES KYI, ,DA LTA NYID DU CHAGS PA'I SEMS SPONGS

, ,LA, ,NA RGA 'CHI DANG SKYE BA'I SDUG BSNGAL SOMS, ,PA RI'I RAS LTAR 'JAM PA'I NGANG RGYUD BZUNG, ,PHA MAR GYUR PA'I 'GRO DRUG SEMS CAN RNAMS, ,BA YI BE'U SKYONG BZHIN SNYING RJE YI, ,MA MAS RGYUN DU SKYONGS SHIG SHES LDAN DAG ,RTZVA SNGON ME TOG 'BRAS BU'I 'BYOR LDAN SHING, ,TSA BA'I GDUNG SEL LJON PA'I GRIB BSIL CAN, ,DZA YAS BSNGAGS PA'I NAGS KHROD DBEN PA RU, ,WA SKYES LTA BU'I NYON MONGS GZHOM BYA'I PHYIR, ,ZHA LONG BZHIN DU SKYE BO'I KHROD NAS THON, ,ZA MA LA SOGS 'DOD PA'I YON TAN DANG, ,'A MA LA SOGS GNYEN BSHES KUN SPANGS TE, ,YA MTSAN GROGS MED GCIG PUR 'GRIMS SHIG KYE, ,RVA SKYES LTA BU'I RANG RGYUD GYONG PO 'DI, ,LE LO'I SPYOD BAS THUL BAR MI 'GYUR KYI, ,SHA ZA BZHIN DU 'DI LA 'KHON BZUNG STE, ,SA LTAR G-YO MED TING 'DZIN LEGS BSGOMS TE, ,HA

LA'I SGRA SGROGS GSHIN RJE'I 'JIGS SPANGS NAS, ,AA YIS MTSAN PA'I SKYE MED RTOGS SO KYE, ,DE SKAD SMRA BA THUB PA'I BSTAN PA LA, ,DAD THOB SH'AKYA'I DGE SLONG KU MA RA, ,MA TI NYID YIN DE LAS BYUNG BA YI, ,DGE BA MKHA' MNYAM 'GRO BA KUN LA BSNGO,, ,,DGE'O,, ` ,'PHEN RDZOGS KYI LAS RNAM PAR 'BYED PA'I RAB BYED, ,PHYOGS BCU'I RGYAL BA SRAS DANG BCAS PA THAMS CAD LA PHYAG 'TSAL LO, ,MIG SOGS NANG GI SKYE MCHED KYI, ,NGO BO SKYED PA 'PHEN BYED DE, ,DE YI KHYAD PAR BZANG NGAN SOGS, ,SKYED PAR BYED PA RDZOGS BYED DO, ,BDE 'GRO'I 'GRO BA JI SNYED PA, ,DGE BA'I LAS KYIS 'PHANGS PA STE, ,NGAN SONG BA RNAMS MI DGE BA'I, ,LAS KYIS 'PHANGS PAR SHES PAR BYA, ,GANG NA GZUGS BZANG LONGS SPYOD LDAN, ,DGE BA'I LAS KYIS RDZOGS PA STE, ,DE LAS BZLOG PA MI DGE BA'I, ,LAS KYIS RDZOGS PA YIN ZHES BYA, ,BDE BA DANG LDAN BDE 'GRO YI, ,'PHEN RDZOGS GNYIS KA DGE BA STE, ,SDUG BSNGAL DANG LDAN NGAN SONG GI ,'PHEN RDZOGS GNYIS KA MI DGE'I LAS, , SDUG BSNGAL DANG LDAN BDE 'GRO YI, ,'PHEN BYED DGE LA RDZOGS BYED SDIG ,GCIG TU BDE BA DANG LDAN PA'I, ,NGAN SONG BA RNAMS DE LAS BZLOG ,'CHI SEMS DGE BA DANG LDAN PA'I, ,SKYE BO BDE 'GROR SKYE BAR 'GYUR, ,'DOD CHAGS LA SOGS MI DGE BA'I, ,SEMS DANG LDAN PA NGAN 'GROR 'GRO, ,GANG BLO YOD DANG MED PA LAS, ,RNAM PAR 'DAS NAS MI GNAS PA'I, ,BLO BZANG RNAM PAR GROL GYUR TE, ,LEN PA MED PAR MYA NGAN 'DA', ,LAS RNAM PAR 'BYED PA'I RAB TU BYED PA SH'AKYA'I DGE

, ,SLONG GZHON NU BLO GROS KYIS SBYAR BA'O,, ,,DGE'O,, ` ,SMON LAM GYI TSIGS SU BCAD PA, DKON MCHOG GSUM LA PHYAG 'TSAL LO, ,BDAG NI TSE RABS THAMS CAD DU, ,DAL 'BYOR RIN CHEN THOB GYUR TE, , RIGS GZUGS YON TAN LDAN PA DANG, ,RAB TU BYUNG BA THOB PAR SHOG ,TSUL KHRIMS RNAM PAR DAG BYED CING, ,THEG PA MCHOG LA GZHOL BA DANG, ,YANG DAG LTA BA PHUN TSOGS SHING, ,'TSO BA BZANG DANG LDAN PAR SHOG ,GUS BCAS BAG DANG LDAN PA YIS, ,BSHES GNYEN DAM PA BSTEN BYED CING, ,DE YI GDAMS PA ZAB MO YIS, ,RTAG TU BDAG NI SKYONG GYUR CIG ,NGOMS PA MED PA'I BRTZON 'GRUS KYIS, ,THOS PA RGYA CHEN 'TSOL BYED CING, ,DBEN PA'I GNAS SU THOS PA'I DON, ,TSUL BZHIN SEMS PAR BYED PAR SHOG ,RANG GIS DE NYID LEGS RTOGS TE, ,CHOS KYIS PHONGS PA'I SEMS CAN LA, ,ZANG ZING MED PA'I SEMS KYIS NI, ,CHOS KYI SBYIN PA GTONG BAR SHOG ,STONG NYID SENG GE NGA RO YIS, ,LTA NGAN RI DVAGS SKRAG BYED CING, , CHOS 'DOD PA YI SKYE BO LA, ,LEGS BSHAD DGA' STON 'GYED PAR SHOG ,LNGA RGYA THA MA'I DUS KYI TSE, ,LUS DANG SROG LA MI LTA BAR, ,RGYAL BA RNAMS KYI DAM PA'I CHOS, ,RTAG TU BDAG GIS 'DZIN GYUR CIG ,MDOR NA BYANG CHUB MA THOB PAR, ,BYANG CHUB SEMS DANG MI 'BRAL ZHING, ,BSHES NYEN DAM PAS YONGS BZUNG STE, ,BYANG CHUB SPYOD LA GZHOL BAR SHOG ,SMON LAM GYI TSIGS SU BCAD PA SH'AKYA'I DGE SLONG GZHON NU BLO GROS KYIS SBYAR BA'O,, ,,DGE'O,, ` ,MI GTZANG LUS 'DI BOR

BAR GYUR MA THAG ,DGA' LDAN ZHES BYA'I GNAS MCHOG DER SKYES TE, ,MI PHAM SA BCU'I DBANG PHYUG ZHABS DRUNG DU, ,THEG CHEN DAM PA'I CHOS LA SPYOD PAR SHOG, ,,DGE'O,, ` ,THEG PA CHEN PO'I GZHI LAM 'BRAS GSAL BAR BYED PA PHYAG RGYA CHEN PO'I RDO RJE'I GLU, NA MO GU RU, ,'KHOR 'DAS DBYER MED RO GCIG PHYAG RGYA CHE, ,YOD MED RTAG CHAD SPANGS PA GNYUG MA'I SEMS, ,NGO BO RKYEN GYIS 'GYUR NA BTZO MA'I GSER, ,GSAL LA MI RTOG RANG BYUNG DBYINGS LA 'DUD, ,TSON GYIS DBANG GIS SHEL GONG SNA TSOGS SU, ,SNANG YANG SHEL GYI RANG BZHIN 'PHO 'GYUR MED, ,BAG CHAGS DBANG GIS SEMS NYID SNA TSOGS SU, ,SNANG BAR GYUR KYANG DBYINGS LAS G-YOS PA MED, ,DE PHYIR YOD MED RTAG CHAD RNAM RTOG GIS, ,SGRO SKUR MA ZHUGS SNA TSOGS SNANG 'DI NYID, ,RANG BZHIN 'OD GSAL 'GYUR MED PHYAG RGYA CHE, ,RNAM KUN MCHOG LDAN STONG NYID MA LAGS SAM, ,DUS MTHA'I ME YIS 'JIG RTEN MA LUS PA, ,BSREGS PAR GYUR KYANG NAM MKHA' TSIG PA MED, ,MA RIG DBANG GIS SDUG BSNGAL SNA TSOGS SU, ,MYONG BAR BTAGS KYANG DBYINGS LA REG PA MED, ,GZUGS CAN MA LUS MKHA' LA BRTEN NA YANG, ,MKHA' NI GANG DU'ANG MI GNAS BRJOD DANG BRAL, ,'JIG RTEN SNA TSOGS SEMS KYI DBYINGS LA GNAS, ,DBYINGS NI MKHA' LTAR GNAS MED BRJOD DANG BRAL, ,SNOD KYI 'JIG CHAGS MKHA' LA BYED NA YANG, ,MKHA' LA 'PHO 'GYUR MED BZHIN 'GRO BA YI, ,SKYE 'CHI SEMS KYI DBYINGS LA BRTEN NA YANG, ,DBYINGS LA 'GYUR MED RTOG PAS BTAGS PA TZAM, ,SDUG BSNGAL SNA

, ,TSOGS MYONG BA'I 'KHOR BA GANG, ,DE NYID SPANGS PA'I BDE CHEN MYANG 'DAS CING, ,DE GNYIS THA DAD YOD NA KUN MKHYEN GYIS, ,'KHOR 'DAS MNYAM NYID RTOGS PA CI LAGS KYE, ,DE PHYIR RANG SEMS RIG STONG DBYER MED 'DI, ,MA RIG 'KHRUL PAS BTAGS PA'I 'KHOR BA STE, ,KUN MKHYEN THABS KYIS ZIN PAS MYANG 'DAS YIN, ,DE NYID CHU DANG RLABS BZHIN RNAM PAR GNAS, ,MA RIG 'KHRUL PAS DBYINGS 'DI BDAG TU BZUNG, ,DE YI DBANG GIS 'GRO 'DI GYI NAR 'KHOR, ,MKHAS PAS BDAG 'DZIN GZHI RTZA DBYINGS SU GO ,'DZIN MED LHUG PAR BZHAG PAS RANG SAR GROL, ,DE LTA'I RANG SEMS 'OD GSAL CHOS DBYINGS 'DI, ,SEMS CAN KUN LA KHYAD PAR MED GZIGS NAS, ,SA 'OG GTER DANG SBRUM MA'I MNGAL SOGS DPES, ,'GRO KUN SANGS RGYAS SNYING PO CAN DU GSUNGS, ,DE LAS GZHAN PA'I BDE GSHEGS SNYING PO NI, ,'GRO LA BDEN PAR YOD CES GANG SMRA BA, ,BDE STER ZOL GYIS BDAG TU SMRA BA'I PHYIR, ,THUB PA'I BSTAN LAS PHYI ROL GYUR SHES GYIS, ,GZHI'I SKABS SO, ,KVA YE GROGS DAG 'KHOR BA'I CHOS LA SOMS, ,GANG LA BLTAS KYANG SNYING PO 'DUG GAM LTOS, ,DE PHYIR SKYO BSKYED 'JIG RTEN BYA BA THONG, ,GNYUG MA SEMS KYI DBYINGS LA 'DI LTAR LTOS, ,THABS SHES DBYER MED RO GCIG PHYAG RGYA CHE, ,GSAL 'GRIB BYING RGOD SPANGS PA GDOD MA'I SEMS, ,BSGOM 'DOD BLO YIS MA BSLAD RANG SAR ZHOG ,LHUG PAR THONG LA DRAN PA'I RGYANG SO TSUGS, ,RGYA MTSO'I KLONG DU GZINGS LAS 'PHUR BA'I BYA, ,PHYOGS RNAMS BSKOR ZHING DE

RU 'BAB PA LTAR, ,JI LTAR RNAM PAR RTOG PA'I TSOGS 'PHROS KYANG, ,THA MAR RANG GNAS CHOS KYI DBYINGS SU 'BAB, ,DE PHYIR RNAM RTOG CHED DU DGAG MI DGOS, ,PHYAL BAR THONG LA DRAN PA'I BYA RA GYIS, ,DUG LA SNGAGS KYIS BTAB PA JI BZHIN DU, , RNAM RTOG MA RIG YE SHES CHEN POR 'CHAR, ,'BAD RTZOL RKYEN GYIS BSGRUBS PA'I MI RTOG PA, ,RANG BYUNG 'OD GSAL SGRIB PA'I MUN CHEN YIN, ,DE PHYIR RANG BYUNG 'OD GSAL 'CHAR 'DOD NA, ,MI RTOG RKYEN GYIS MA BSGRUB RNAL 'BYOR PA, ,JI LTAR 'GA' YIS CHU RLABS ZHI 'DOD NAS, ,'BAD PA BYAS TSE PHYI PHYIR 'PHEL BA LTAR, ,RNAM RTOG DGAG PHYIR GNYEN PO BSTEN NA YANG, ,RNAM PAR DAG PA'I RBA RLABS PHYI PHYIR G-YO, ,GANG TSE 'GA' YIS RANG DGAR BZHAG PA NA, ,JI ZHIG LTAR TSE CHU YI RBA RLABS ZHI, ,DE BZHIN RTZOL MED LHUG PAR SKYONG SHES NA, ,RNAM PAR RTOG PA'I RBA RLABS NGANG GIS DENGS, ,RNAM RTOG DBYINGS SU GROL BA ZHI GNAS STE, ,SGRO 'DOGS NANG NAS CHOD PA LHAG MTHONG YIN, ,SNANG SEMS DBYER MED 'DRES PA ZUNG 'JUG LAM, , SHEL SNOD CHU YIS BKANG BA JI BZHIN NO, ,GDOD NAS RNAM DAG LHUN GRUB DBYINGS 'DI LA, ,NYON MONGS DRI MA'I BAG KYANG BSAL DU MED, ,MI RTOG GNYEN PO'I BAG KYANG BSKYED DU MED, ,DE PHYIR GANG GI GNYEN POR GANG ZHIG BSGOM, ,GANG TSE RANG SEMS SKYE MED DBYINGS LA GNAS, ,SPANG GNYEN BLANG DOR MTSAN MA MA MTHONG ZHING, ,BSGOM BYA SGOM BYED MED PA DE YI TSE, ,SPANG BYA RANG GROL GNYEN PO RANG SHAR YIN, ,DANG PO BYIS LAM GCONG RONG CHU LTAR G-YO, ,BAR DU 'PHAGS LAM GANG G'A'I

, ,RGYUN BZHIN DAL, ,THA MA RGYA MTSO'I 'JINGS LTAR GANG GIS KYANG, ,G-YO BA MED PA DE NI KUN MKHYEN LAM, ,LAM GYI SKABS SO, ,BDE STONG DBYER MED RO GCIG PHYAG RGYA CHE, ,MKHA' KHYAB MKHA' LTAR BRJOD MED CHOS KYI SKU, ,YON TAN LHUN GRUB YID BZHIN NOR 'DRA'I SEMS, ,DGOS 'DOD KUN 'BYUNG DBANG GI RGYAL PO DE, ,SMON LAM DBANG GIS DAG PA'I 'GRO BA LA, ,BSOD NAMS BRGYA YIS MTSAN PA'I LONGS SKU DANG, ,MA DAG 'GRO LA 'KHOR BA JI SRID BAR, , RANG RANG BLO DANG 'TSAMS PA'I SPRUL SKUR 'CHAR, ,STOBS DANG MI 'JIGS GZUNGS DANG SPOBS PA SOGS, ,MTHA' YAS YON TAN TSOGS KYI GZHIR GYUR PA, ,'GRO BA'I KHAMS DANG BSAM PA JI LTA BAR, ,'KHOR BA JI SRID 'PHRIN LAS NGANG GIS 'JUG ,JI LTAR NYI MA RTOG MED ZER 'PHROS PAS, ,'DZAM GLING MUN PA MTHA' DAG SEL BA LTAR, ,DE BZHIN KUN MKHYEN RNAM RTOG MI MNGA' BAR, ,DAM CHOS ZER GYIS 'GRO BLO'I MUN PA SEL, ,MKHA' LDING BSGRUBS PA'I MCHOD SDONG SEMS MED KYANG, ,DUG SOGS ZHI BA'I LAS LA G-YEL MI MNGA', ,DE BZHIN KUN MKHYEN RGYU BA MI MNGA' YANG, ,SMON LAM DBANG GIS GDUL BYA'I DON LA 'JUG ,NYI ZLA SA LA LHUNG DANG RGYA MTSO YI, ,DUS RLABS DUS LAS G-YOL BAR GYUR KYANG SRID, ,GANG TSE GANG GIS GANG LA JI LTA BAR, ,'DUL BA'I DUS LAS SANGS RGYAS G-YOL MI MNGA', ,'BRAS BU'I SKABS RDZOGS SO,, ,,THEG PA CHEN PO BLA NA MED PA'I GZHI LAM 'BRAS BU'I TSUL GSAL BAR BYED PA, PHYAG RGYA CHEN PO RDO RJE'I GLU, ,CHOS SMRA BA'I

BTZUN PA GZHON NU BLO GROS KYIS SBYAR BA'O,, ,,DGE LEGS 'PHEL BAR GYUR CIG, ` ,LTA SGOM SPYOD 'BRAS RDO RJE'I GLU, NA MO GU RU WE, SRID GSUM DRI ZA'I GRONG KHYER NA, ,GTAD MED SGYU MA'I SKYES BUR ZHIG ,RTAG CHAD SPANGS PA'I LTA BA BDE, ,DGAG SGRUB MED PA'I SPYOD PA BDE, ,'BAD RTZOL MED PA'I BSGOM PA BDE, ,RE DOGS MED PA'I 'BRAS BU BDE, ,LTA BA RTAG CHAD SPANGS PA DE, ,RTEN 'BREL RANG MTSANG RIG PA YIN, ,DGAG SGRUB MED PA'I SPYOD PA DE, ,BLANG DOR RANG MTSANG RIG PA YIN, ,'BAD RTZOL MED PA'I BSGOM PA DE, ,SPANG GNYEN RANG MTSANG RIG PA YIN, ,'BRAS BU RE DOGS MED PA DE, ,'KHOR 'DAS RANG MTSANG RIG PA YIN, ,CI YANG MI SHES BZO BO YIS, ,MKHA' LA BRIS PA'I RI MO LA, ,DMUS LONG BRGYA PHRAG DU MA ZHIG ,BSKAL BA'I BAR DU LTA BA MTSAR, ,'BREL MED BSGRIGS PA'I GRAL RNAMS BSHIG ,YE SHES BZO BO BCINGS TE BZHAG ,MA BTAGS ZA 'OG YUG CHEN LA, ,KHYE'U'I SA KHA MA BSTAN CIG ,NAM MKHA'I DBYINGS DANG SGYU MA'I MI, ,BRAG CHA'I SGRA GSUM THOS NA LEGS, ,ZHES PA'I RDO RJE'I GLU 'DI YANG DGE SLONG GZHON NU BLO GROS KYIS SBYAR BA'O,, ,,DGE'O,, ` ,LTA SGOM SPYOD 'BRAS RDO RJE'I GLU, NA MO GU RU, GZHAN DAG LTA SGOM SPYOD PA DANG, ,'BRAS BU'I RNAM GZHAG CI BYED KYANG, ,KHO BO'I LTA SGOM SPYOD PA DANG, ,'BRAS BU'I RNAM GZHAG 'DI LTAR LAGS, ,MTHAR 'DZIN DGAG BYAR LTA BA DANG, ,MTHA' BRAL BSGRUB BYAR LTA BA YI, ,DGAG SGRUB LTA BAS LTA MKHAN 'CHING, ,DGAG SGRUB MED PA'I LTA BA GCES, ,RNAM RTOG

, ,SKYES KYI DOGS PA DANG, ,MI RTOG SKYE LA RE BA YI, ,RE DOGS BSGOM PAS SGOM CHEN 'CHING, ,RE DOGS MED PA'I BSGOM PA GCES, ,DGE BCU BLANG BYAR 'DZIN PA DANG, ,MI DGE DOR BYAR 'DZIN PA YI, ,BLANG DOR SPYOD PAS SPYOD MKHAN 'CHING, ,BLANG DOR MED PA'I SPYOD PA GCES, ,YON TAN THOB PAR 'DOD BA DANG, ,NYES PA 'DOR BAR 'DOD BA YI, ,DOR THOB 'BRAS BUS THOB MKHAN 'CHING, ,DOR THOB MED PA'I 'BRAS BU GCES, ,CES PA SH'AKYA'I DGE SLONG GZHON NU BLO GROS KYIS SBYAR BA'O, ,'DIS KYANG BSTAN PA RIN PO CHE DANG 'GRO BA MANG PO LA PHAN PA RGYA CHEN PO 'BYUNG BAR GYUR CIG, ` ,GZHAN SEL GRUB PA ZHES BYA BA'I RAB TU BYED PA BCOM LDAN 'DAS NGAG GI DBANG PHYUG LA PHYAG 'TSAL LO, ,GZHAN GYIS BTAGS PA'I PHYOGS NGAN RNAM BSAL NAS, ,GZHAN LAS RANG GI DNGOS PO LDOG PA'I RGYU, ,GZHAN SEL STON PA DE LA PHYAG 'TSAL LO, ,GZHAN SEL GRUB PA'I DON BZHIN DBYE BAR BYA, ,DNGOS RNAMS MA 'DRES PAR YOD PAS, ,GZHAN GYIS BTAGS PA'I SPYI YOD MIN, ,SGRUB BYED TSAD MA DANG LDAN PA'I, ,GZHAN SEL GRUB PHYIR BSHAD PAR BYA, ,DON LA SHES PA'I BYA BA NI, ,RNAM PA GNYIS TE SGRUB PA DANG, ,RNAM PAR DPYOD PA'O RTOG MED KYI, ,DON GYI RANG BZHIN MYONG BA DANG, ,GZHAN GYI RGYU LAS THA DAD PAR, ,GRUB KYANG GZHAN DU SGRO 'DOGS PA, ,BSAL NAS THA DAD BYED PA'O, ,DPER NA SGRO 'DOGS SEL BA NI, ,RNAM DPYOD BLO YI BYA BA YIN, ,DE YANG GZHAN YONGS SPYOD PA YI, ,DNGOS PO RTOGS PA'I NGES PA DANG, ,SGRO 'DOGS 'GAL BA LAS YIN

GYI, ,THUG PA MED PAR THAL 'GYUR PHYIR, ,NGES PAR SGRO 'DOGS LA LTOS MIN, ,DGAG SGRUB BYED PA ZHUGS PA NA, ,DON LA 'PHEL 'GRIB MI BYED KYANG, ,BLO NGOR 'PHEL 'GRIB BYED PA DE, ,RNAM DPYOD 'BRAS BU YIN PAR RTOGS, ,KHOL PO DU MAS RJE BO YI, ,BYA BA THAMS CAD BSGRUB PA BZHIN, ,BRJOD DANG RNAM RTOG DU MAR YANG, ,CHEN PO GCIG LA 'JUG PAR 'DOD, ,'DIR NI SEL PA RNAM GNYIS STE, ,MIN DGAG DANG NI MED PA'O, ,DE MIN RANG BZHIN LA LDOG PA, ,'BRAS MTSUNGS PA YI DNGOS KUN LA, ,RIGS MI MTHUN PA RNAM GCOD TZAM, ,GRUB PA GANG DE MED DGAG YIN, ,DE YANG DNGOS LAS DE NYID DANG, ,GZHAN ZHES BRJOD PAR BYA BA MIN, ,DON RNAMS 'DRES PAR THAL 'GYUR PHYIR, ,MED CES RTOG PA'ANG RIGS MA YIN, ,MA YIN DGAG PA'ANG RNAM GNYIS STE, ,BLO DANG DON GYI DBYE BA'O, ,MYONG BA'I STOBS LAS SKYES PA YI, ,RNAM RTOG DON GYI GZUGS BRNYAN CAN, ,DE GCIG GZHAN LAS LOG LTA BUR, ,SNANG BA GANG DE BLO YI YIN, ,SGRO 'DOGS RNAM PAR GCOD PHYIR DANG, ,GZHAN LAS LOG PAR SNANG BA'I PHYIR, ,GZHAN SEL PA ZHES BSTAN PA STE, ,RIGS MI MTHUN PA RNAM GCOD LA, ,LTOS NAS DE NI GZHAN DU'ANG 'DOD, ,GZHAN DANG MA 'DRES PAR YOD PA'I, ,RANG BZHIN GANG DE'ANG DON RNAMS KYI, ,SEL BA YIN ZHES MKHAS PAS BSTAN, ,DE DAG RNAMS NI GRANGS BZHIN DU, ,GZHAN BSAL BAS NA SEL BA NYID, ,PHYI DANG NANG GI DNGOS RNAMS LA, ,BRDA 'DOGS PA NI MI SRID PAS, ,DAM PA'I DON DU SMRA RNAMS KYIS, ,BRJOD PAR BYA BA YOD MA YIN, ,

, ,GNAG RDZI'I BAR LA'ANG GRAGS PHYIR DANG, ,THA SNYAD CHAD PAR THAL 'GYUR PHYIR, ,KUN RDZOB DU NI SGRA YI DON, ,MED CES MKHAS PA SU ZHIG SPONG, ,DES NA KUN RDZOB LA BRTEN NAS, ,SGRA YI DON NI DPYAD PAR BYA, ,DNGOS DANG BTAGS PA'I DBYE BA YIS, ,SGRA DON RNAM PA GNYIS SU 'DOD, ,'CHAD DANG 'JUG PA'I GANG ZAG GIS, ,SGRA DON DNGOS DE'ANG GNYIS SU 'GYUR, ,SGRA 'DOGS BYED PA'I SKYES BU GANG, ,SNANG BA DON DU YONGS SPYAD NAS, ,'DI YIS 'DI ZHES PHYI ROL LA, ,BRDA 'DOGS PAR NI RLOM BYED PA'I, ,BRDA LA SBYANG BA'I 'BRAS BU GANG, ,SGRA LAS DON LA 'JUG PA NA, ,THOG MED BAG CHAGS GOMS PA'I PHYIR, ,RANG SNANG MTHONG YANG RAB RIB CAN, ,GNYIS KYI ZLA BA MTHONG BA BZHIN, ,PHYI ROL MTHONG BA'I RLOM PA BSKYED, ,DES NA 'CHAD PO NYAN PO DAG ,PHYI ROL BRJOD DANG RTOGS SO CES, ,DON GCIG DU NI MTSAMS SBYAR NAS, ,PHYI ROL DON LA 'JUG PAR BYED, ,YANG DAG MA YIN DON STON PHYIR, ,SGRA KUN NOR DON CAN YIN YANG, ,JI LTAR RMI LAM BDEN RDZUN BZHIN, ,DON THOB PA DANG MA YIN LAS, ,YANG DAG YANG DAG MA YIN PA'I, ,THA SNYAD KYIS NI DBYE BA BYAS, ,DES 'JUG PA YI GANG ZAG LA, ,LTOS NAS SGRA DON PHYI ROL ZHES, ,BRJOD PA LA NI GNOD BYED KYI, ,TSAD MA 'GA' YANG YOD MA YIN, ,DPYAD NA DE YANG 'THAD MIN TE, ,PHYI ROL BRJOD PAR MNGON RLOM YANG, ,RNAM PAR RTOG PA'I GZUGS BRNYAN LA, ,BRDA BYAS PHYI ROL MI SNANG PHYIR, ,DE NYID SGRA YI DON YIN TE, ,SGRA LAS BYUNG BA'I SHES PA LA, ,SNANG BA GANG DE SGRA DON YIN, ,

GZHAN DU RTOG NA THUG PA MED, ,DE YANG RNAM PAR RTOG PA YI, ,GZUGS BRNYAN LAS GZHAN 'THAD MA YIN, ,RNAM RTOG GDON GYI GZUGS BRNYAN CAN, ,BSKYED PA LAS GZHAN BRJOD PA YI, ,BYA BA YOD PA MA YIN PHYIR, ,DES NA BRJOD BYA BRJOD BYED KYI, ,DNGOS 'DI RGYU DANG 'BRAS BU'ANG YIN, ,SGRA LAS GZUGS BRNYAN RTOGS PA YI, ,SHUGS KYIS MED PA DGAG PA YANG, ,RAB TU RTOGS 'GYUR GANG GI PHYIR, ,SGRO RNAMS DNGOS SU RJES 'GRO YI, ,'BRAS CAN LDOG PA SHUGS LA RTOGS, ,RJES 'GRO STOBS LA LTOS PHYIR RO, ,RGYUD PAS 'BREL PHYIR BRJOD PA RNAMS, ,DON LA BSLU BA MED PAR GNAS, ,GANG PHYIR MYONG LAS BRJOD 'DOD 'GYUR, ,DE YIS RLUNG G-YOS DE NAS NI, ,LCE DANG RKAN SOGS PHRAD PAR 'GYUR, ,DE LAS BRJOD PA'I TSIG SKYE'O, ,DES NA MED PAR DGAG PA DANG, ,DON KYI SEL BA RNAM GNYIS KYANG, ,NYE BAR BTAGS NAS SGRA DON DU, ,BRJOD PA LA NI GNOD PA MED, ,GCIG LA DU MA MI SRID CING, ,DU MA GCIG TU MA 'DRES PHYIR, ,SPYI DANG GZHI MTHUN LA SOGS PA'I, , THA SNYAD DAM PA'I DON DU MED, ,BAG CHAGS BRTAN LAS BYUNG BA YI, ,SHES LA DE LTAR SNANG PHYIR DANG, ,DON THOB PA YI 'BRAS CAN PHYIR, ,MED CES BSNYON PA RIGS MA YIN, ,RANG BZHIN THA DAD DON RNAMS LA, ,'BRAS BU MTSUNGS PAR MTHONG BA'I PHYIR, ,BLO YIS GCIG TU SGRO BTAGS NAS, ,'JIG RTEN SPYI YI THA SNYAD SBYOR, ,SNAM KHRA NYE BA'I NOR BU BZHIN, ,DNGOS GCIG RANG BZHIN SNA TSOGS SU, ,SNANG BA CAN 'DI YOD PAS NA, ,GZHI MTHUN LA SOGS THA SNYAD BYED, ,PHYI ROL DON YOD MED

, ,KYANG BLA, ,SGRA RNAMS BRJOD 'DOD LA BRTEN PA, ,SMRA BA PO YI BSAM PA'I DON, ,NYAN PA PO LA GSAL BAR BYED, ,GANG GI RNAM DPYOD 'OD STONG LDAN PA YI, ,RNAM DAG RIGS LAM SBRANG RTZI 'BYUNG BA'I GZHI, ,GZHAN SEMS 'DAB RGYA'I ZE 'BRU GSAL BA LA, ,BLO GSAL RKANG DRUG LDAN RNAMS YID RANG BYOS, ,GZHAN GYIS 'BAD KYANG RTOGS PAR DKA' BA'I RIMS PA'I LAM, ,GZHAN SEL BSHAD LAS BDAG GIS DGE BA GANG THOB DES, ,GZHAN DON MTHAR PHYIN RANG DON RE BA MED PA'I GNAS, ,GZHAN PHAN GSUNG BA THUB PA'I DBANG POR BDAG GYUR CIG ,GZHAN SEL GRUB PA ZHES BYA'I RAB TU BYED PA 'DI NI BYANG PHYOGS GYI MKHAS PA CHEN PO, ,NYA DPON KUN DGA' DPAL LA SOGS PA YONGS 'DZIN DAM PA RNAMS GYI BKA' DRIN LAS, ,RANG DANG GZHAN GYI GRUB PA'I MTHA' LA BLO'I SNANG BCUD RGYAS PA SH'AKYA'I DGE SLONG GZHON NU BLO GROS KYIS SBYAR BA RDZOGS SO,, ,,