S19156 · GMLW-006424

—

DBU MA RTZA BA'I 'GREL PA 'THAD PA'I SNANG BA

נושאיםTopics:Middle-Way PhilosophyEmptinessDependent Origination

נמצא בfound inMIDDLE-WAY PHILOSOPHY (MADHYAMIKA PRASANGIKA SCHOOL)

מהדורהrecensionnot applicable - a collected works, not a canon edition

כניעה לhomage toPHYOGS BCU'I RGYAL BA SRAS DANG BCAS PA THAMS CAD

פוליוfolios1a–162a

צורהformmixed

מצב תרגוםtranslationno English of the text

גשה מייקל לימד אותו בGeshe Michael taught it inDiamond Cutter Classics

כיסוי המילון לכותרתdictionary coverage of the title70%

ז'אנרgenreCommentarythe title is DBU MA RTZA BA'I 'GREL PA — a commentary on the Root Text on the Middle Way

פירוש עלa commentary onDBU MA RTZA BA — the Root Wisdom of Nagarjunathe title names it and the first heading opens on the dependent origination verse that begins the root text

הקלאסיקהthe classicMulamadhyamakakarikathe work comments on it verse by verse

אסכולהlineageSakyathe closing prayer calls on Rendawa — see the note

אנשים ומקומותpeople and places namedRendawathe closing: RJE BTZUN RED MDA' BA MKHYEN — reverend Rendawa, know me — and a prayer to be blessed to realize the profound Middle Way

רמת קושיleveladvanced scholastic

תלות קדםread firstthe Root Wisdom itselfit explains that text

הכותרת אומתה מול הטקסטtitle verified against the textyesthe cover line repeats the title exactly

הקבציםThe files

S19156_DBU MA RTZA BA'I 'GREL PA 'THAD PA'I SNANG BA.txt/DBU MA_MIDDLE-WAY PHILOSOPHY (MADHYAMIKA PRASANGIKA SCHOOL)/RTZA BA SHES RAB GYI 'GREL PA_COMMENTARIES ON THE ROOT TEXT CALLED "WISDOM" (MULAPRAJNA)/RED MDA' BA GZHON NU BLO GROS (1349-1412)

הטקסטThe text

טיבטיתTibetanS19156_DBU MA RTZA BA'I 'GREL PA 'THAD PA'I SNANG BA.txt474,491 תוויםcharacters

001a

, ,DBU MA RTZA BA'I 'GREL PA 'THAD PA'I SNANG BA ZHES BYA BA BZHUGS PA LAGS SO, ,

001b

, ,PHYOGS BCU'I RGYAL BA SRAS DANG BCAS PA THAMS CAD LA PHYAG 'TSAL LO, ,GANG GIS RTEN 'BYUNG SKYE 'GAG 'GRO 'ONG SOGS, ,SPROS PA NYER ZHI MYA NGAN 'DAS PA'I TSUL, ,MKHYEN PA'I YE SHES SKAD CIG GIS GZIGS NAS, ,THUGS RJES GZHAN LA STON PA DE LA 'DUD, ,PHA ROL TSU ROL MTHA' LA MI GNAS SHING, ,TSOGS GNYIS RGYA MTSO'I 'JING LA GNAS BCAS TE, ,GSUNG RAB RIN CHEN GLING LA DBANG BSGYUR BA, ,KLU SGRUB KLU YI DBANG POS BDAG SKYONGS SHIG ,MKHYEN PA'I DKYIL 'KHOR CHA SHAS YONGS SU RDZOGS, ,BRGYAD KHRI BZHI STONG CHOS KYI RI BONG 'DZIN, ,LEGS BSHAD 'OD DKAR BYE BA'I DPAL YON CAN, ,DPAL LDAN ZLA BA'I ZHABS LA'ANG GUS BTUD NAS, ,RTAG CHAD MTHAR LTA'I MUN PA RNAMS BSAL TE, ,YANG DAG LTA BA'I SNANG BA RGYAS BYA'I PHYIR, ,SKAL BZANG BLO LDAN DON GNYER NYAN PO RNAMS, ,ZAB

002a

, ,MO'I DE NYID BSHAD KYI GUS PAS NYON, ,'DIR BDE BAR GSHEGS PA'I GSUNG RAB MTHA' DAG GI DGONGS PA RTEN CING 'BREL PAR 'BYUNG BA ZAB MO DBU MA'I LAM DU GSAL BAR BYED PA DBU MA RTZA BA SHES RAB NI GANG BSHAD PAR BYA BA'I CHOS YIN NO, ,DE LA BSTAN BCOS KYI 'BREL CI ZHE NA, JI SKAD DU, TSIG GSAL LAS SKYE BO GANG GIS RGYAL BA'I BSTAN PA ZAB MO MA RTOGS PA DES RTOGS PHYIR DANG; ;GANG DAG THUB PA'I DBANG PO'I GSUNG LAS GZHAN DU DE NYID BSTAN PAR 'DOD PA DANG, ,BLO GROS NGAN PA GZHAN GANG DU GSUNGS RAB RNAMS PA GZHAN DU 'CHAD PAR BYED GYUR PA, ,DE DAG KYANG NI BZLOG PAR BYA PHYIR MTHA' GNYIS SEL BA'I BSTAN BCOS 'DI MDZAD DO, ,ZHES GSUNGS PA LTAR, ,BCOM LDAN 'DAS KYIS CHOS MNGON PA'I MDOR, PHUNG KHAMS SKYE MCHED KYIS BSDUS PA'I CHOS RNAMS RANG DANG SPYI'I MTSAN NYID

002b

KYI SGO NAS GSAL BAR GSUNGS SHING, YANG MDO SDE KHA CIG TU, MA RIG PA'I RKYEN GYIS 'DU BYED RNAMS, MA RIG PA 'GAGS PAS 'DU BYED 'GAG CES DANG, DE BZHIN DU, KYE MA 'DU BYED RNAMS MI RTAG ,SKYE ZHING 'JIG PA'I CHOS CAN YIN, ,SKYES NAS 'JIG PAR 'GYUR PA STE, ,DE DAG MYUR DU ZHI BA BYED, ,CES SOGS 'DU BYED RNAMS SKYE 'JIG CAN DU GSUNGS SHING, YANG KHA CIG TU, DGE SLONG DAG 'DI NI BDEN PA DAM PA STE, 'DI LTA STE, SLU BA MED PA'I CHOS CAN MYA NGAN LAS 'DAS PA'O, ,'DU BYED THAMS CAD NI BRDZUN PA SLU BA'I CHOS CAN NO ZHES SOGS 'DUS BYAS BRDZUN PAR GSUNGS PA DANG, YANG THEG PA CHEN PO'I MDO SDE DAG LAS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG YIN STONG PAR BSHAD, ,GANG ZHIG STONG NYID SHES DE BAG YOD YIN, ,CES DANG, DE

003a

, ,BZHIN DU GZUGS NI GZUGS KYIS STONG NGO ZHES PA NAS RNAM PAR SHES PA'I BAR DU STONG NGO ZHES SOGS CHOS THAMS CAD RANG BZHIN GYIS STONG PAR GSUNGS PA NA, BSTAN PA DE DAG LAS NGES PA'I DON NI GANG, DRANG BA'I DON NI GANG ZHES GANG ZHIG THE TSOM ZA BA DANG, RANG GI SDE PA BYE BRAG SMRA BA DANG, MDO SDE PA LA SOGS PA GANG DAG DRANG BA'I DON GYI MDO SDE DAG LA NGES PA'I DON DU BZUNG NAS PHYI DANG NANG GI DNGOS PO RNAMS BDEN PAR SGRO 'DOGS PA DANG, CHOS 'DI LAS PHYI ROL TU GYUR PA GRANGS CAN DANG BYE BRAG PA LA SOGS PA DAG THUB PA'I DBANG PO'I GSUNG RAB LAS GZHAN DU DNGOS PO'I DE KHO NA NYID TSOL ZHING, THAR PA 'DOD KYANG LAM LOG PAR ZHUGS PA DE DAG GI MA RTOGS LOG RTOG THE TSOM GYI DRI MA BSAL TE, DRANG BA DANG NGES PA'I DON GYI MDO SDE DAG GI RNAM DBYE SHES PAR BYA BA DANG, YANG DAG PA'I LAM

003b

LA 'JUG PAR BYA BA'I PHYIR DU SEMS BSKYED PA DANG PO GNYIS SU MED PA'I YE SHES KYIS BRGYAN PA SNYING RJE CHEN PO SNGON DU 'GRO BA DE BZHIN GSHEGS PA'I YE SHES 'BYUNG BA'I RGYUR GYUR PA THOG MAR MNGON DU MDZAD NAS, MTHAR SHES RAB KYI PHA ROL TU PHYIN PA'I TSUL PHYIN CI MA LOG THUGS SU CHUD PA SLOB DPON BDAG NYID CHEN PO KLU SGRUB KYIS SNYING RJES KUN NAS BSLANGS TE, GSUNG RAB MTHA' DAG GI DGONGS PA RTAG CHAD SPANGS PA DBU MA'I TSUL DU GSAL BAR BYED PA'I BSTAN BCOS 'DI MDZAD DO ZHES BYA BA NI BSTAN BCOS KYI 'BREL PA YIN NO, ,SLOB DPON LEGS LDAN 'BYED NI, BSTAN BCOS 'DI LA SOGS PA SLOB DPON GYI GZHUNG RNAMS SHER PHYIN LA SOGS THEG CHEN GYI MDO SDE DAG GI DGONGS 'GREL DU 'CHAD MOD, DE NI RIGS PA MA YIN TE, 'DI NYID DU YANG, BCOM LDAN 'DAS KYIS CHOS GANG ZHIG ,BSLU BA DE NI BRDZUN ZHES GSUNGS, ,'DU BYED THAMS CAD SLU BA'I CHOS, ,DES NA DE DAG BRDZUN PA YIN, ,ZHES DANG, BCOM LDAN DNGOS DANG DNGOS MED PA, ,MKHYEN PAS KA TA YA NA YI, ,GDAMS NGAG LAS NI YOD PA DANG; ;MED PA GNYIS KA'ANG DGAG PAR MDZAD, ,CES DANG, RIGS PA DRUG BCU PAR YANG, MYA NGAN 'DAS PA BDEN GCIG PU, ,RGYAL BA RNAMS KYIS GANG GSUNGS PA, ,DE TSE LHAG MA LOG MIN ZHES, ,MKHAS PA SU ZHIG RTOG MI BYED, ,CES DANG; RIN CHEN PHRENG BAR YANG, THEG PA CHE LA SKYE MED BSTAN, ,GZHAN GYI ZAD PA STONG PA NYID, ,ZAD DANG MI SKYE SHES PA NI, (MI SKYE BA SHES PA NI SDUG BDEN LA SOGS PA'I BDEN PA BZHI PO RE RE LA CHOS BZAD CHOS SHES ZHES BYA BA SEMS KYI SKAD CIG MA BCU DRUG GI MTHAR PHYIN PAS PHUNG PO MI SKYE BAR

004a

, ,SHES PA'O, ,ZAD PA SHES PA NI NYON MONGS PA ZAD PAR SHES PA'O, ,DE NYID LA ZAD PA DANG MI SKYE BA SHES PA'I BYANG CHUB PO ZHES SO,) ,CIG PAS DE PHYIR BZOD PAR GYIS, ,ZHES SOGS SLOB DPON GYI GZHUNG DU MAS NYAN THOS KYI MDO SDE RNAMS KYI DGONGS PA YANG STONG PA NYID SKYE BA MED PA'I DON CAN DU GSAL BAR GSUNGS PA'I PHYIR RO, ,DE LTAR SHIN TU ZAB PA'I DON CAN DBU MA RTZA BA'I SHES RAB 'DI NI BSDUS PA'I DON GSUM GYIS SHES PAR BYA STE, 'DI LTAR, RTZOM PA LA 'JUG PA'I YAN LAG 'JUG BYA BSTAN BCOS KYI RANG BZHIN, BYA BA MTHAR PHYIN PA'I YAN LAG BKA' DRIN GYI PHYAG BYA BA'O, ,DANG PO NI, GANG GIS RTEN CING 'BREL PAR 'BYUNG, ,ZHES SOGS TSIGS SU BCAD PA GNYIS TE 'DI LA DGOS DON, BSDUS DON, TSIG DON GSUM LAS, DANG PO NI, DAM PA RNAMS NI BYA BA LA 'JUG PA'I THOG MAR 'DOD PA'I LHA LA PHYAG BYED CING, ,SLOB DPON RANG NYID KYANG DAM PA'I SPYOD PA DANG RJES SU MTHUN PAR BYA BA'I PHYIR DANG, RJES 'JUG GI GDUL BYA RNAMS KYIS KYANG RANG DANG MTHUN PAR YUL DAM PA LA PHYAG BYAS PAS DON CHEN POR 'GYUR BAR DGONGS NAS, BSTAN BCOS RTZOM PA'I THOG MAR RANG GI STON PA'I CHE BA'I YON TAN BRJOD PA SNGON DU 'GRO BA CAN GYI PHYAG 'TSAL BA RTZOM PAR MDZAD DO, ,GNYIS PA NI, TSIGS SU BCAD PA 'DI DAG GIS DNGOS SU SRID PA'I SDUG BSNGAL KUN GYI RTZA BA DNGOS POR MNGON PAR ZHEN PA'I LTA BA THAMS CAD KYI GNYEN PO RTEN CING 'BREL BAR 'BYUNG BA PHYIN CI MA LOG PA STON PA NYID KYIS SMRA BA PO GZHAN LAS KHYAD PAR DU 'PHAGS PA'I CHE BA'I YON TAN BRJOD PA'I SGO NAS SANGS RGYAS BCOM LDAN LA PHYAG 'TSAL

004b

BA BSTAN LA, ZHAR LA BSTAN BCOS KYI BRJOD BYA DANG, DGOS PA DANG, DGOS PA'I DGOS PA DANG, 'BREL PA KHONG NA YOD PA RNAMS GSUNGS SO, ,DE LA, RTEN CING 'BREL PAR 'BYUNG, ,ZHES PA NAS, DON GCIG MIN ZHES PA'I BAR GYIS RTEN CING 'BREL PAR 'BYUNG BA DGAG PA MED PA LA SOGS PA KHYAD PAR BRGYAD KYIS KHYAD PAR DU BYAS PA NI BSTAN BCOS KYI BRJOD BYAR BSTAN LA, SPROS PA NYER ZHI ZHIG BSTAN PA, ZHES PAS NI MYA NGAN LAS 'DAS PA SPROS PA THAMS CAD NYE BAR ZHI ZHING ZHI BA'I MTSAN NYID CAN NI DGOS PA'I DGOS PAR BSTAN TO, ,DGOS PA DANG 'BREL BA NI SHUGS LA BSTAN TE, BRJOD BYA DE LTA BUR RTOGS NAS NYING DGOS DE LTA BU THOB PA'I PHYIR DU 'CHAD PAR 'GYUR BA'I BSTAN BCOS RTZOM ZHES DON GYIS 'PHANGS PA'I PHYIR RO, ,'DIR MYA NGAN LAS 'DAS PA TZAM NYING DGOS SU BSTAN PA NA, BSTAN BCOS 'DI RIGS CAN GSUM KA'I GANG ZAG GIS 'JUG NGOGS SU BSTAN PA'I PHYIR THEG PA THUN MONG BA YIN GYI THEG CHEN KHO NA MA YIN TE, GAL TE YIN NA RNAM MKHYEN NYID NYING DGOS SU STON PA RIGS PA'I PHYIR RO; ;DE'I PHYIR BOD DAG GIS DBU MA RIGS PA'I TSOGS RNAMS BKA' BAR PA KHO NA'I DGONGS 'GREL DU SBYOR BA 'PHAGS PA'I DGONGS PA MA YIN ZHING, LEGS LDAN 'BYED DANG MTHUN YANG LUGS DE MI RIGS PAR SNGAR BSHAD ZIN TO, ,GSUM PA NI, GANG GIS RTEN CING 'BREL PAR 'BYUNG, ,'GAGS PA MED PA SKYE MED PA, ,CHAD PA MED PA RTAG MED PA, ,'ONG PA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI BSTAN PA, ,RDZOGS PA'I SANGS RGYAS SMRA RNAMS KYI, ,DAM PA DE LA

005a

, ,PHYAG 'TSAL LO, ,ZHES GSUNGS TE, PHYAG 'TSAL LO ZHES DRANG, GANG LA ZHE NA, CHOS THAMS CAD RNAM MKHYEN GYI YE SHES SKAD CIG MA GCIG GIS SKYE BA MED PA'I NGANG DU MNGON PAR RDZOGS PA BYANG CHUB PA'I RDZOGS PA'I SANGS RGYAS DE LA'O, ,SANGS RGYAS DE LA YON TAN GYI KHYAD PAR CI ZHIG GZIGS NAS SLOB DPON DE LA PHYAG 'TSAL BA RTZOM ZHE NA, SANGS RGYAS GANG GIS RTEN CING 'BREL PAR 'BYUNG BA RANG BZHIN GYIS MA SKYES PAS 'PHAGS PA'I YE SHES LA LTOS NAS 'GAGS PA MED PA NAS DON GCIG MIN PA'I BAR KHYAD PAR BRGYAD KYIS KHYAD PAR DU BYAS PA DE NYID GDUL BYA RNAMS LA MYA NGAN LAS 'DAS PA BRJOD BYA RJOD BYED SOGS KYI SPROS PA NYE BAR ZHI ZHING SEMS SEMS BYUNG SOGS KYI THA SNYAD LOG PA'I SGO NAS SKYE RGA NA 'CHI'I NYER 'TSEM LUS PA DANG BRAL BA'I ZHI BA THOB PA'I DON DU PHYIN CI MA LOG PA BSTAN PA'I SGO NAS, THAR LAM SMRA BA PO RNAMS KYI NANG NAS DAM PA STE MCHOG TU GYUR PAR GZIGS PA'I PHYIR TE, 'DI LTAR, SLOB DPON RANG NYID KYIS RTEN CING 'BREL BAR 'BYUNG BA JI SKAD BSTAN PA THUGS SU CHUD PA'I PHYIR DE BZHIN GSHEGS PA NYAG GCIG THAR LAM PHYIN CI MA LOG PA GSUNG BAR GZIGS SHING, TSANGS PA DANG DBANG PHYUG LA SOGS PA PHA ROL PO SMRA BA THAMS CAD BYIS PA RDOL THABS SU SMRA BA DANG 'DRA BAR SNYING PO MED PAR THUGS SU CHUD PA'I PHYIR RO, ,'DIR RTEN 'BREL LA KHYAD PAR MTHA' YAS SU ZIN KYANG KHYAD PAR BRGYAD KHO NA BKOD PA NI, 'DI DAG KHO NA LA RANG GZHAN GYI SDE PA DANG 'JIG RTEN PA DAG MNGON ZHEN CHE BAS, GTZO BOR RTZOD PA'I YAN LAG TU GYUR PA'I PHYIR RO, ,'GAG PA SNGAR BKAG

005b

PA NI SKYE 'GAGS GNYIS LA SNGA PHYI'I RIM PA MA NGES PAR BSTAN PA'I PHYIR YIN TE, JI SKAD DU, GAL TE SKYE BA SNGAR GYUR LA, ,RGA SHI PHYI BA YIN NA NI, ,SKYE BA RGA SHI MED PA DANG, ,MA SHI BAR YANG SKYE BAR 'GYUR, ,ZHES 'CHAD PAR 'GYUR RO, ,RTEN 'BREL LA 'GAG PA SOGS JI LTAR MED PA NI BSTAN BCOS MTHA' DAG GIS 'CHAD DO, ,GNYIS PA 'JUG BYA BSTAN BCOS KYI RANG BZHIN LA, SKYE BA 'GOG PA'I DAM BCA' MDOR BSTAN, SKYE MED KYI MI MTHUN PHYOGS RGYAS PAR DGAG SKYE MED LA MI 'THAD PA'I KLAN KA SPANG; SKYE MED KYI KHYAD GZHI RTEN 'BREL GYI NGO BO, RTEN 'BREL RTOGS PA'I PHAN YON BSTAN PA DANG LNGA'I, DANG PO, DA NI SLOB DPON RTEN 'BREL 'GAG PA MED PA LA SOGS PA'I KHYAD PAR 'PHAGS PA BSTAN PAR BZHED NAS SKYE BA BKAG PAS 'GAG PA LA SOGS PA DGAG PA SLA BAR DGONGS SHING, THOG MAR SKYE BA DGAG PA RTZOM PAR MDZAD DO, ,SKYE BA YANG GZHAN GYIS BRTAGS PA NA, BDAG GAM GZHAN NAM GNYIS KA'AM RGYU MED PA LAS RTOG DRANG NA, THAMS CAD MI RIGS TE, 'DI LTAR, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DANG GANG NA YANG, ,SKYE BA NAM YANG YOD MA YIN, ,GRANGS CAN LTAR, 'BRAS BU'I RANG GI BDAG NYID LAS PHYI DANG NANG GI DNGOS PO GANG DAG YUL DANG DUS DANG GRUB PA'I MTHA' GANG NA YANG SKYE BA NAM YANG YOD MA YIN TE, RANG NYID MA GRUB NA SKYED BYED DU MI 'GYUR LA, GRUB NA BSKYED MI DGOS PAS SLAR SKYE BA DON MED PA'I PHYIR DANG, BDAG NYID LAS SKYE NA RKYEN GZHAN LA MI LTOS PAS SKYE BA'I RGYU NAM YANG MA TSANG BA MED PA'I PHYIR DANG, DUS

006a

, ,LA MI LTOS PAS GEGS BYED PA MED PA'I PHYIR DNGOS PO GCIG NYID KYI SKYE BA PHYI MTHA' THUG PA MED PAR 'GYUR RO, ,DE SKAD DU YANG DBU MA 'JUG PAR, DE NI DE LAS 'BYUNG NA YON TAN 'GA' YANG MED, ,SKYES ZIN SLAR YANG SKYE BAR RIGS PA'ANG MA YIN NYID, ,CES SOGS BSHAD PA LAS NGES PAR BYA'O, ,BYE BRAG SMRA BA DANG MDO SDE PA LTAR RGYU RKYEN GZHAN LAS DNGOS PO GANG DAG GANG NA YANG SKYE BA NAM YANG YOD PA MA YIN TE, GZHAN NYID DU MTSUNGS PA'I PHYIR, ME LCE LAS KYANG MUN PA MTHUG PO 'BYUNG BAR 'GYUR BA DANG, RGYU DANG RGYU MA YIN PA KUN LAS 'BRAS BU DANG 'BRAS BU MA YIN PA THAMS CAD SKYE BAR THAL BA'I PHYIR RO, ,DE SKAD DU YANG, GZHAN LA BRTEN NAS GZHAN ZHIG 'BYUNG NA NI, ,ME LCE LAS KYANG MUN PA MTHUG PO 'BYUNG 'GYUR ZHING, ,KUN LAS THAMS CAD SKYE BAR 'GYUR TE GANG GI PHYIR, ,SKYED BYED MIN PA KUN LA'ANG GZHAN NYID MTSUNGS PHYIR RO, ,ZHES BSHAD PA LTAR RO, ,GCER BU PA LTAR BDAG GZHAN GNYIS KA LAS DNGOS PO GANG DAG GANG NA YANG SKYE BA NAM YANG YOD PA MA YIN TE, PHYOGS GNYIS KA LA BRJOD PA'I NYES PAR 'GYUR BA'I PHYIR RO, ,DE SKAD DU YANG, GNYIS LAS SKYE BA'ANG RIGS PA MA YIN GANG GI PHYIR, ,BSHAD ZIN NYES PA THOG TU 'BAB PA NYID PHYIR RO, ,ZHES SO, ,RGYANG PHAN LTAR RGYU MED PA LAS KYANG DNGOS PO GANG DAG GANG NA YANG SKYE BA NAM YANG YOD PA MA YIN TE, NAM MKHA'I ME TOG LTAR DNGOS PO 'GA' YANG MTHONG BA'I LAM DU MI 'GYUR BAR THAL BA'I PHYIR DANG, 'BRAS BU'I DON DU ZHING LAS DANG TSONG LAS LA SOGS PA'I RGYU LA 'BAD PA BYED PA DON MED PAR

006b

THAL BA'I PHYIR RO, ,DE SKAD DU'ANG, GAL TE RGYU MED KHO NAR SKYE BAR 'GYUR NA NI, ,'JIG RTEN PA DAG 'BRAS BU SGRUB PHYIR SA BON SOGS, ,BRGYA PHRAG SGO NAS SDUD BYED PAR YANG MI 'GYUR RO, ,ZHES SO, ,'DIR SLOB DPON LEGS LDAN 'BYED NI, GTAN TSIGS DANG DPE MA BRJOD PA'I DAM BCA' TZAM GYIS NI SKYE MED DANG STONG NYID KYI PHYOGS SGRUB PAR MI NUS SHING, THAMS CAD LAS THAMS CAD SKYE BAR 'GYUR ZHES SOGS KYI THAL BA RNAMS KYIS BZLOG PA 'PHEN NA 'GA' ZHIG LAS 'GA' ZHIG SKYE BA SOGS KHAS BLANGS PAS DBU MA PA RANG GI PHYOGS DANG 'GAL ZHING, BZLOG PA MI 'PHEN NA YANG THAL 'GYUR LA BSAL BA MED PAS SUN 'BYIN DU MI RIGS SO, ,GZHAN YANG DBU MA RANG NYID KYIS SKYE MED DANG STONG NYID KYI PHYOGS 'DI TSAD MAS NGES SAM 'ON TE MA NGES; GAL TE MA NGES NA NI, RANG NYID KYIS MA NGES BZHIN DU GZHAN LA STON PA NI MKHAS PA'I BZHAD GAD KYI GNAS SU 'GYUR RO, ,CI STE NGES NA YANG TSUR MTHONG GI MNGON SUM NI STONG PA NYID KYI PHYOGS LA TSAD MAR MI RUNG BAS RJES SU DPAG PA KHO NAS NGES DGOS LA, RANG GIS GTAN TSIGS DANG DPE GANG GI SGO NAS STONG PA NYID KYI PHYOGS LA TSAD MA'I NGES PA SKYES PA'I GTAN TSIGS DANG DPE DE NYID GZHAN LA YANG CI'I PHYIR MI BRJOD, CI STE SER SNA'I PHYIR MI BRJOD NA NI, DAM PA MA YIN PAR GYUR TO, ,GAL TE KHO BO CAG GIS THEG PA CHEN PO'I LUNG LAS STONG PA NYID KYI PHYOGS 'DI NGES PA YIN LA, LUNG DE YANG RANG GZHAN GYI SDE PA DAG KHAS MI LEN PA'I PHYIR MA BRJOD DO ZHE NA, KHYOD KYIS STONG NYID STON PA'I LUNG GI DON TSAD MAS GRUB NAS KHAS BLANGS SAM, 'ON TE MA

007a

, ,GRUB BZHIN DU KHAS BLANGS, PHYOGS PHYI MA LTAR NA, RANG NYID BLUN PAR STON PAR BYED DE, RTOG PA SNGON DU STONG BA DAG NI LUNG DON LA TSAD MAS BRTAGS NAS KHAS LEN PA'I PHYIR RO, ,CI STE LUNG DON TSAD MAS GRUB NAS KHAS BLANGS SO ZHE NA, RIGS PA GANG GIS SKYE MED KYI LUNG TSAD MAR BYED PA'I RIGS PA DE NYID GZHAN LA YANG CI'I PHYIR MI STON, DNGOS PO'I STOBS KYIS ZHUGS PA'I RIGS PA 'DOR BA NI MKHAS PA SU YANG MED DO, ,GAL TE DE KHO BO CAG GIS NI RNAL 'BYOR MNGON SUM GYIS STONG PA NYID KYI PHYOGS 'DI NGES PA YIN LA, DE YANG SO SOR RANG GIS RIG PAR BYA BA NYID KYIS GZHAN LA BSTAN PAR MI NUS SO ZHE NA, RGYU MED RANG BYUNG GI RNAL 'BYOR PA NI KHYOD KYANG MI 'DOD PAS, STONG PA NYID KYI RNAL 'BYOR DE RGYU GANG LAS 'BYUNG BA'I THABS DE BRJOD DGOS SO, ,GAL TE DANG POR THOS BSAM GYIS STONG NYID GTAN LA PHAB NAS DON DE NYID RTZE GCIG TU GOMS PAR BYAS PA LAS STONG PA NYID KYI RNAL 'BYOR SKYE'O ZHE NA, BDEN MOD, DE LTA NA YANG TSAD MAS MA GRUB PA'I DON BSGOMS PAS YANG DAG PA'I YE SHES SKYE BA MI RIGS PA'I PHYIR DANG POR STONG NYID GTAN LA 'BEBS PA'I THOS BSAM GYI SHES RAB DE NYID RJES SU DPAG PA'I TSAD MA LAS GZHAN DU MI 'THAD PA'I PHYIR NA, DE'I RGYU GTAN TSIGS DANG DPE DE NYID GZHAN LA YANG CI'I PHYIR MI STON, DE BAS SLOB DPON SANGS RGYAS BSKYANGS KYIS THAL BA TZAM GYI SGO NAS DBU MA'I GZHUNG 'CHAD PA MI RIGS SO ZHES SUN 'BYIN TO, ,'O NA CI ZHE NA, SLOB DPON GYIS GTAN TSIGS DANG DPE LA SOGS PA BRJOD PA'I SGO NAS RANG GZHAN GYI SDE PA RJES SU DPAG PA GTZO

007b

BOR 'DZIN PA DAG GI DNGOS 'DZIN GYI LOG RTOG LOG CING, SKYE MED DANG STONG NYID KYI PHYOGS SGRUB PAR MDZAD PA YIN TE, PHYIR RGOL RJES SU DPAG PA GTZOR 'DZIN PA DAG NI, TSUL GSUM PA'I RTAGS DANG DPE LA SOGS PA MA BRJOD PAR DAM BCA' TZAM DANG THAL BA TZAM GYIS YID CHES PAR MI 'GYUR BA'I PHYIR RO, ,DE BAS NA GZHAN PHYOGS SUN 'BYIN PA NA YANG THAL BA TZAM GYIS SUN MI 'BYIN GYI, PHYIR RGOL DE NYID LA GRAGS PA'I RTAGS DANG DPE BRJOD PA'I SGO NAS GZHAN GRAGS KYI RJES SU DPAG PAS LOG RTOG ZLOG PAR BYED LA, RANG GI PHYOGS SKYE MED DANG STONG NYID SOGS SGRUB PA NA YANG RANG DANG PHYIR RGOL GNYIS KA LA GRAGS PA'I TSUL GSUM PA'I RTAGS DANG DPE BRJOD PA'I SGO NAS RANG RGYUD KYI RTAGS KHO NA SBYOR BAR BYED DE, DPER NA, (DE YANG DBU MA SNYING PO LAS, JI SKAD DU, 'DIR NI SA LA SOGS PA DAG DON DAM PAR NA 'BYUNG BA YI, ,NGO BO NYID MIN KHYAB PHYIR DANG, ,RGYU LDAN SOGS PHYIR SHES PA BZHIN, ,ZHES 'BYUNG BA'I DON,) SA LA SOGS PA NI DON DAM PAR 'BYUNG ('BYUNG BA ZHES BYA BA NI RANG NYID 'BYUNG BA'AM, GZHAN 'BYUNG BAR BYED PAS 'BYUNG BA DAG GO) ,BA'I NGO BO MA YIN TE; RGYU DANG LDAN PA'I PHYIR DANG GZHAL BYA YIN PA'I PHYIR, DPER NA SHES PA BZHIN, ,ZHES PA LTA BU'O, ,'DI 'GAL BA MA YIN TE, MTHUN PHYOGS LA YOD PA'I PHYIR, MA NGES PA MA YIN TE, DON DAM PAR GRUB PA'I CHOS CUNG ZAD KYANG MED PAS RTAGS MI MTHUN PHYOGS LA MED PA'I PHYIR, MA GRUB PA MA YIN TE, DBU MA PAS KYANG SA LA SOGS PA KUN RDZOB TU, RGYU DANG LDAN PAR KHAS BLANGS PA'I PHYIR DANG, PHYIR RGOL SDE PA DAG GIS KYANG KHAS BLANGS PA'I PHYIR RO, ,CI STE RGYU LDAN DANG 'BYUNG BA 'GAL BA MA GRUB

008a

, ,PA'I PHYIR LDOG PA LA THE TSOM ZA'O ZHE NA, RGYU LDAN DU MTSUNGS PA LA SA SOGS 'BYUNG BAR BDEN LA, SHES PA MI BDEN PA'I RGYU CI YOD, SA SOGS 'BYUNG BA 'JIG RTEN PA LA GRAGS PA'I PHYIR RO ZHE NA, GRAGS PA 'GOG PA MA YIN GYI GRAGS PA LTAR DON DAM PAR GRUB PA 'GOG PA YIN NO, ,DE BAS NA DON DAM PAR SA SOGS 'BYUNG BA YIN LA SHES PA MA YIN PA'I RGYU MTSAN MED PA'I PHYIR, SA SOGS BZHIN DU SHES PA YANG RGYU DANG LDAN PA'I PHYIR 'BYUNG BAR 'GYUR BA'AM, YANG NA SHES PA BZHIN DU SA SOGS KYANG RGYU DANG LDAN PA'I PHYIR DON DAM PAR 'BYUNG BA MA YIN NO ZHES BYA BA 'DI KHAS BLANG DGOS SO, ,JI SKAD DU, NAM MKHA'I MTSAN NYID SNGA ROL NA, NAM MKHA' CUNG ZAD YOD MA YIN, ,GAL TE MTSAN LAS SNGA GYUR NA, ,MTSAN NYID MED PAR THAL BAR 'GYUR, ,ZHES SOGS GZHUNG PHAL CHER DU THAL BA SGRUB PA MDZAD PA MA YIN NAM ZHE NA, SLOB DPON GYI GZHUNG NI DON CHEN PO CAN YIN PAS, KHA CIG TU NI DAM BCA' DNGOS SU BRJOD NAS RTAGS DANG DPE SHUGS LA BSTAN PAR BYED LA, KHA CIG TU YANG RTAGS DANG DPE DNGOS SU BRJOD NAS DAM BCA' SHUGS LA BSTAN PAR BYED PAS THAMS CAD DU SBYOR BA'I NGAG BSTAN PA'I SGO NAS GZHAN GRAGS SAM RANG RGYUD KYI RJES SU DPAG PA KHO NA SBYOR BAR MDZAD DO, ,DE DAG NI SLOB DPON LEGS LDAN 'BYED KYI BZHED PA TSIG RES LA MA BRTEN PAR DON JI LTA BA BZHIN BKOD PA YIN NO, ,DPAL LDAN ZLA BA GRAGS PA NI 'DI LTAR BZHED DE, DBU MA PA YIN NA RANG RGYUD KYI RJES SU DPAG PA SBYOR BAR MI RIGS TE, DON MED PA'I PHYIR DANG NYES PA DANG BCAS PA'I PHYIR RO, ,

008b

'DI LTAR GZHAN PHYOGS SUN 'BYIN PA LA RANG RGYUD KYI RJES SU DPAG PA DON MED DE, DBU MA PAS GZHAN PHYOGS SUN 'BYIN PA NI SGO GSUM GYIS BYED DE, 'DI LTAR SGRUB BYED BSGRUB BYA LA NUS PA MED PA DANG, 'GAL BA BRJOD PA'I THAL 'GYUR DANG, PHYIR RGOL RANG DANG 'JIG RTEN SPYI LA GRAGS PA'I RTAGS DANG DPE BRJOD PA'I SGO NAS SO, ,DANG PO NI, GRANGS CAN GYIS DNGOS PO RNAMS BDAG LA SKYE'O ZHES DAM BCAS PA NA, DE'I SGRUB BYED KYI RTAGS DANG DPE RANG DANG PHYIR RGOL DBU MA PA GNYIS KA LA GRUB PA 'GOD DGOS TE, SGRUB BYED MED PA'I DAM BCA'I TSIG TZAM GYIS MI 'GRUB PA'I PHYIR DANG, RANG KHO NA LA GRUB PA'I RTAGS DANG DPES KYANG PHYIR RGOL NGES PA BSKYED MI NUS SHING, PHYIR RGOL KHO NA LA GRAGS PAS KYANG RANG GI DAM BCA' 'GRUB PA MI 'THAD PA'I PHYIR RO, ,GNYIS KA LA GRUB PA'I RTAGS DANG DPE YANG RNYED PA MA YIN TE, DBU MA PA NI DNGOS PO 'GA' LA YANG RANG BZHIN GYIS SKYE BA KHAS MA BLANGS PAS BDAG SKYE SGRUB PA'I PHYIR BKOD PA'I RTAGS DPE THAMS CAD BSGRUB BYA DANG MTSUNGS PAR MA GRUB PA'I PHYIR; DE'I PHYIR BDAG LAS SKYE'O ZHES BYA BA NI 'THAD PA DANG BRAL BA'I PHYOGS KHAS BLANGS PAS BDAG NYID SLU BAR BYED PA 'BA' ZHIG TU ZAD DO ZHES PA 'DI TZAM GYIS SUN 'BYIN PAR NUS SO, ,GNYIS PA 'GAL BA BRJOD PA'I THAL 'GYUR NI, BDAG LAS SKYE'O ZHES SMRAS PA NA, RANG GI BDAG NYID DU YOD PA NYID RGYU DANG, DE NYID SKYE'O ZHES KHAS BLANGS PAS, 'JIM GONG LAS SKYE BAR 'DOD PA'I BUM PA YANG SKYE BA DON MED PAR THAL, YOD PA'I PHYIR, MNGON PAR GSAL BA'I BUM PA BZHIN, RTAGS BSAL DNGOS

009a

, ,SU KHAS BLANGS SHING, KHYAB PA RIGS PAS GRUB PA'I PHYIR MI 'DOD BZHIN DU KHAS BLANGS DGOS TE, MDUN GYI BUM PA LA SOGS YOD PA RNAMS SKYE BAR 'JIG RTEN NA NAM YANG MTHONG BA MED PA'I PHYIR RO, ,YOD PA LA SKYE MED KYIS KHYAB PA DBU MA PAS KYANG KHAS BLANGS DGOS LA, DE LTA NA KHAS LEN MED PA 'GAL LO ZHE NA, DBU MA PA YOD PA CUNG ZAD KYANG KHAS MI LEN NA DE LA SKYE MED KYIS KHYAB PA JI LTAR KHAS LEN, YOD PA SKYE BAR 'JIG RTEN LA MA GRAGS PA'I PHYIR GZHAN GYIS YOD PA SKYE BAR SMRA BA LA 'JIG RTEN DANG 'GAL BA BRJOD PA TZAM DU ZAD DO, ,YOD PA SKYE BA 'JIG RTEN LA MA GRAGS KYANG RJES SU DPAG PAS GRUB STE, MED PA SKYE BA MI 'THAD PA'I PHYIR RO ZHE NA, DNGOS PO RNAMS LA RANG BZHIN GYI SKYE BA YOD NA MED PA MI SKYE BAS YOD PA SKYE DGOS NA, DNGOS PO 'GA' LA YANG RANG BZHIN GYI SKYE BA MED PAS YOD PA'AM MED PA GANG YANG MI SKYE STE, JI LTAR MED PA SKYE NA, RI BONG GI RVA LA SOGS PA'ANG SKYE BAR 'GYUR BA LTAR, YOD PA SKYE NA SKYES ZIN PA DAG KYANG SKYE BAR 'GYUR BAS NYES PA MTSUNGS PA'I PHYIR RO, ,THAL BAS BZLOG PA 'PHEN PA'I NYES PA YANG MED DE, SGRA RNAMS NI SMRA BA POS BRJOD PAR 'DOD PA'I DON STON PAR BYED KYI RANG DBANG DU MA YIN LA, DBU MA PAS THAL BA BRJOD PA YANG PHA ROL PO'I KHAS BLANGS DANG 'GAL BA'AM RIGS PA DANG 'GAL BA BRJOD PAR 'DOD NAS 'PHANGS PAR ZAD KYI BZLOG PA 'PHEN PAR MI 'DOD PA'I PHYIR RO, ,DE BAS NA DBU MA PAS 'PHANGS PA'I THAL 'GYUR RNAMS KYI 'KHOR GSUM GANG RUNG PHA ROL POS KHAS LEN CING, GANG RUNG GRAGS PA'AM RIGS PAS 'GRUB

009b

CING; GRAGS RIGS DANG 'GAL BA PHA ROL POS KYANG SPANG DGOS TE, GZHAN DU NA RIGS PA'I LAM DOR BAR 'GYUR BA'I PHYIR RO, ,GRAGS RIGS KYIS GRUB PA'I DON YANG DBU MA PAS GZHAN NGOR KHAS LEN GYI RANG LUGS SU MA YIN TE, GRAGS PA NI 'JIG RTEN GYI THA SNYAD TZAM YIN LA, RIGS PA NI GRAGS PA DANG DNGOS PO KHAS BLANGS PA'I SHUGS THOB KYI DON TZAM YIN LA, DBU MA PA NI GRAGS PA DANG DNGOS PO GANG YANG YANG DAG PAR KHAS MI LEN PA'I PHYIR RO, ,DE BAS NA DBU MA PA LA KHAS LEN MED PA'I THAL 'GYUR THAMS CAD PHA ROL PO'I KHAS LEN KHO NA LA SBYOR ZHES SMRA BA DANG, 'KHOR GSUM GANG YANG RUNG BA RANG LUGS KYI TSAD GRUB TU BYED DGOS ZHES SMRA BA GNYIS KA YANG MI SHES PAS KUN NAS BSLANG BA YIN NO, ,DE LTAR NA JI SKAD BSHAD PA'I TSUL GYIS RANG GI RNAM GZHAG NANG 'GAL BA DANG, GRAGS RIGS DANG 'GAL BA BRJOD PA'I THAL BA TZAM GYIS KYANG PHA ROL PO SUN 'BYIN NUS SO, ,GAL TE LOG RTOG DANG THE TSOM NI TSAD MA KHO NAS ZLOG PAR BYED KYI GZHAN GYIS MA YIN PAS DE'I PHYIR NGES PAR RJES SU DPAG PA BSTAN DGOS SO ZHE NA, DE LTA NA YANG RANG RGYUD KYI RJES DPAG DON MED DE, PHYIR RGOL RANG NGAM 'JIG RTEN SPYI LA GRAGS PA'I RTAGS DANG DPE BRJOD PA NYID KYIS ZLOG NUS PA'I PHYIR RO, ,'DI LTAR GRANGS CAN PA DAG 'JIM PA'I GONG BU LA MI GSAL BA'I BDAG NYID DU YOD PA'I BUM PA SKYE BAR 'DOD CING, MDUN GYI MNGON PAR GSAL BA'I BUM PA YANG SKYE BAR MI 'DOD PA NA MNGON PAR MI GSAL BA'I BUM PA YANG SKYE BA MA YIN TE, RANG GI BDAG NYID DU YOD PA'I PHYIR, DPER NA MNGON PAR GSAL BA'I BUM PA BZHIN

010a

, ,ZHES BKOD PA NA RTAGS DANG DPE DANG PHYOGS THAMS CAD GRANGS CAN LA SKYON MED PA KHO NA YIN NO, ,CI STE GRANGS CAN NI YOD PA NYID SKYE BAR 'DOD PAS RTAGS KYI LDOG PA MI 'GRUB BO ZHE NA, 'O NA SANGS RGYAS PAS BYE BRAG PA LA SGRA NI MI RTAG STE, YOD PA'I PHYIR, DPER NA BUM PA BZHIN ZHES BKOD PA NA, PHYIR RGOL RDUL PHRAN DANG NAM MKHA' LA SOGS PA YOD PA DAG KYANG RTAG PAR 'DOD PAS RTAGS MA NGES PAR CI'I PHYIR MI 'GYUR, DE LA NI DPE BUM PA'I STENG DU YOD PA LA MI RTAG PAS KHYAB PA SGRUB NUS PA'I PHYIR MA NGES PAR MI 'GYUR RO ZHE NA, 'DIR YANG YOD PA LA SKYE BA DON MED PA'I PHYIR KHYAB PA MDUN GYI BUM PA LA CI'I PHYIR SGRUB MI NUS, DE BAS NA RTAGS 'DI'I TSUL GSUM NI GRANGS CAN KHO NA LA GRUB PA'I PHYIR DE LA RTAGS SKYON MED KHO NA YIN NO, ,GAL TE PHYIR RGOL LA GRUB KYANG DBU MA PA RANG LA CHOS CAN MA GRUB PAS DAM BCA' BSAL BA DANG RTAGS MA GRUB PA'I SKYON DU 'GYUR RO ZHE NA, DBU MA PAS RTAGS DANG DPE BKOD PA NI PHA ROL PO'I DAM BCA' 'GOG PA'I 'BRAS BU CAN YIN GYI, RANG GI PHYOGS SGRUB PA MA YIN PAS CHOS CAN DANG GTAN TSIGS SOGS RANG LA MA GRUB PAS NYES PA CIR YANG MI 'GYUR RO, ,GAL TE GNYIS KA LA RAB TU GRUB PA NI SGRUB PA YIN NO ZHES GZHAN GYI DON GYI RJES SU DPAG PA LA RGOL PHYIR RGOL GNYIS KA LA GRUB PA GTZO BO MA YIN NAM ZHE NA, DE NI RANG LUGS KYI PHYOGS SGRUB PA'I DBANG DU BYAS PA YIN GYI, GZHAN GYI LOG RTOG LDOG PA LA NI RANG LA GRUB PA KHO NA GTZO YI GNYIS KA LA GRUB PA MA YIN TE, RTZOD PA'I TSE RANG TSIG DANG KHAS BLANGS DANG 'GAL BA BRJOD PA NYID KYIS PHA

010b

ROL PO SUN 'BYIN NUS PA'I PHYIR RO, ,DE LTAR JI SKAD BSHAD PA'I TSUL GYIS GZHAN GRAGS KYI RJES SU DPAG PA BRJOD PA NYID KYIS PHYIR RGOL BA RJES SU DPAG PA GTZO BOR 'DZIN PA DAG MGU BAR 'GYUR BAS, GZHAN LUGS SUN 'BYIN PA LA YANG RANG RGYUD KYI RJES DPAG SBYOR BA DON MED PA YIN NO, ,CI STE GZHAN PHYOGS SUN 'BYIN PA LA MI DGOS KYANG RANG GI PHYOGS SGRUB PA LA RANG RGYUD KYI RTAGS DANG DPE BRJOD DGOS SO ZHE NA, RANG PHYOGS SGRUB PA LA YANG RANG RGYUD DON MED DE, DBU MA PAS NI RANG LUGS KYI PHYOGS CI YANG KHAS MA BLANGS PA'I PHYIR RO, ,'DI LTAR RTOGS PA SNGON DU STONG BA DAG NI RANG YID CHES PA'I TSAD MAS GRUB PA'I DON KHO NA KHAS LEN GYI, TSAD MAS MA GRUB PA MA YIN TE, RTOG PA SNGON DU STONG BA MA YIN PAR THAL BA'I PHYIR RO, ,DBU MA PA NI 'PHAGS PA'I MNYAM BZHAG GI YE SHES KHO NA MI SLU BA'I PHYIR, TSAD MAR BYED KYI 'JIG RTEN DAG LA TSAD MAR GRAGS PA'I MNGON SUM DANG RJES SU DPAG PA DAG YID CHES PA'I TSAD MA MIN TE, SLU BA'I PHYIR DPER NA SMIG SGYU LA CHUR 'DZIN GYI SHES PA BZHIN; DE'I PHYIR TING NGE 'DZIN RGYAL PO LAS, MIG DANG SNA DANG RNA BA TSAD MA MIN, ,LCE DANG LUS DANG YID KYANG TSAD MA MIN, ,GAL TE DBANG PO DE DAG TSAD YIN NA, ,'PHAGS PA'I LAM GYIS SU LA CI ZHIG BYA, ,DE PHYIR DBANG PO 'DI DAG TSAD MIN ZHING; ,BEMS PO NGO BO NYID KYIS LUNG MA BSTAN, DE PHYIR MYA NGAN 'DAS PA'I LAM 'DOD GANG, ,DES NI 'PHAGS PA'I LAM GYI BYA BA BYOS, ,ZHES BKA' STZAL TO, ,'PHAGS PA'I YE SHES KYIS GRUB PA'I DON YANG RDUL PHRAN TZAM YANG MED NA, DBU MA PAS CI

011a

, ,ZHIG RANG GI PHYOGS SU KHAS LEN PAR BYED, GAL TE DON DAM PAR KHAS LEN MED KYANG KUN RDZOB TU RGYU 'BRAS LA SOGS PA KHAS BLANG DGOS TE, DE LTA MA YIN NA MTHONG BA DANG MA MTHONG BA'I DON DAG LA SKUR PA BTAB PAS CHAD PA CHEN POR LHUNG BAR 'GYUR RO ZHE NA, CI DBU MA PAS KUN RDZOB TU RGYU 'BRAS SOGS MED DO ZHES SMRAS SAM, GANG GIS NA SKUR PA BTAB PAR 'GYUR, CI STE MED DO ZHES MA SMRAS KYANG YOD PAR KHAS MA BLANGS PA'I PHYIR RO ZHE NA, YOD PAR KHAS MA BLANGS PAS CHAD PAR 'GYUR NA YOD PAR KHAS BLANGS NA RTAG PAR CI'I PHYIR MI 'GYUR, BDEN PA GNYIS KAR DU YANG CHOS GANG LA YANG YOD PAR SGRO MI 'DOGS SHING, MED PAR SKUR PA MI 'DEBS PA'I PHYIR DBU MA PA ZHES BRJOD DE, 'OD SRUNG GIS ZHUS PA LAS, 'OD SRUNG YOD CES BYA BA 'DI NI MTHA' GCIG GO ,MED CES BYA BA 'DI NI MTHA' GCIG GO ,DE GNYIS KYI DBUS GANG YIN PA 'DI NI BRTAG TU MED PA, LTAR MED PA, SNANG DU MED PA STE, 'DI NI DBU MA'I LAM CHOS RNAMS LA SO SOR RTOG PA ZHES BYA'O, ,ZHES DANG; TING NGE 'DZIN RGYAL PO LAS, YOD DANG MED PA 'DI YANG MTHA' YIN TE, ,GTZANG DANG MI GTZANG 'DI YANG MTHA' NYID YIN, ,DE'I PHYIR GNYIS KA'I MTHA' NI SPANGS NAS NI, ,MKHAS PAS DBUS LA'ANG GNAS PAR YONG MI BYED, ,CES GSUNGS SO; ;CHOS GANG LA'ANG YOD PA'AM MED PAR MTHA' GCIG TU SMRA BA LA NI DBU MA PA'I DRI TZAM YANG BRO RE SKAN, 'O NA DBU MA PAS KUN RDZOB KYI BDEN PA YANG KHAS MI LEN NAM, ,DE LTA NA BDEN PA GNYIS LAS NYAMS PA'I PHYIR DBU MA PAR YANG JI LTAR 'GYUR ZHE

011b

NA; DBU MA PA NI, 'JIG RTEN GZHUG PA'I DON DU 'JIG RTEN GYI NGOR 'JIG RTEN LA JI LTAR GRAGS PA LTAR KUN RDZOB KHAS LEN GYI, RANG LUGS LA MA YIN TE, JI SKAD DU, 'JUG PA LAS, JI LTAR KHYOD KYIS GZHAN DBANG DNGOS 'DOD LTAR, ,KUN RDZOB KYANG NI BDAG GIS KHAS MA BLANGS, ,'BRAS PHYIR 'DI DAG MED KYANG YOD DO ZHES, ,'JIG RTEN NGOR BYAS BDAG NI SMRA BAR BYED, ,CES GSUNGS PAS SO, ,KUN RDZOB DE YANG RTEN CING 'BREL PAR 'BYUNG BA'I TSUL DU KHAS LEN PAR BYED KYI, RTAG PA'AM CHAD PA'I TSUL DU MA YIN TE, RTEN CING 'BREL 'BYUNG NI RTAG CHAD SPANGS PA DBU MA'I LAM YIN PA'I PHYIR RO, ,DE SKAD DU YANG, RTEN CING 'BREL PAR 'BYUNG BA GANG, ,DE NI STONG PA NYID DU BRJOD, ,DE NI BRTEN NAS GDAGS PA STE, ,DE NYID DBU MA'I LAM YIN NO; ;ZHES 'CHAD PAR 'GYUR RO, ,DE'I PHYIR DBU MA PA LA RANG LUGS KYI PHYOGS GANG YANG MED DO ZHES BYA BA 'DI GNAS PA YIN TE, JI SKAD DU, BRGYA PA LAS, YOD DANG MED DANG YOD MED CES, ,GANG LA PHYOGS NI YOD MIN PA, ,DE LA YUN NI RING POS KYANG; ;KLAN KA BRJOD PAR NUS MA YIN, ,ZHES GSUNGS SHING, SLOB DPON GYIS KYANG BRTZOD BZLOG LAS, GAL TE NGAS DAM BCAS 'GA' YOD, ,DES NA NGA LA SKYON 'DI YOD, ,NGA LA DAM BCA' MED PAS NA, ,NGA NI SKYON MED KHO NA YIN, ,ZHES GSUNGS SHING, CI'I PHYIR DAM BCA' MED CE NA, ,GAL TE MNGON SUM LA SOGS PAS, ,DON GYI 'GA' ZHIG DMIGS NA NI, ,SGRUB PA'AM BZLOG PAR BYA NA DE, ,MED PHYIR NGA LA KLAN KA MED, ,CES GSUNGS TE, DON NI TSAD MAS GRUB PA'I CHOS CAN

012a

, ,'GA' ZHIG YOD NA, DE'I STENG DU SGRUB CHOS 'GA' ZHIG SGRUB PA'AM DGAG CHOS 'GA' ZHIG BKAG PA LAS DAM BCA' 'BYUNG BA YIN NA, TSAD MAS GRUB PA'I CHOS CAN 'GA' YANG MED NA, GZHI GANG LA KHYAD PAR GYI CHOS 'GA' ZHIG DAM BCA' BAR BYED CES PA YIN NO, ,CI STE SKYE MED DANG STONG NYID LA SOGS PA DBU MA PA RANG LUGS LA KHAS LEN PA RIGS PA MA YIN NAM ZHE NA, DE DAG KYANG GZHAN SKYE BA BDEN PA BA DANG DNGOS PO RANG BZHIN DANG BCAS PAR SMRA BA DAG DGAG PA'I PHYIR GZHAN NGOR KHAS BLANGS PA YIN GYI RANG LUGS MA YIN TE, DGAG BYA SKYE BA BDEN PA BA SOGS MED NA DE BKAG PA'I DGAG PA JI LTAR KHAS LEN, RI PONG GI RVA BCAD DU MED PA BZHIN NO, ,DE'I PHYIR SLOB DPON GYIS, ,DGAG BYA CI YANG MED PAS NA, ,NGA NI CI YANG MI 'GOG GO CES GSUNGS SO, ,DE LTAR NA RANG LUGS SGRUB PA LA YANG RANG RGYUD KYI SBYOR BA DON MED DO, ,DBU MA PA LA RANG RGYUD KYI RJES SU DPAG PA DON MED PAR MA ZAD NYES PA DANG BCAS PA YANG YIN TE, RANG RGYUD KYI RJES SU DPAG PA KHAS LEN PAS NI PHYOGS DANG RTAGS DANG DPE THAMS CAD RANG GI TSAD MAS GRUB PA ZHIG KHO NA DGOS NA, GONG DU JI SKAD BSHAD PA'I TSUL GYIS RANG LUGS KYI TSAD MAS GRUB PA'I CHOS CAN 'GA' YANG MED PAS RANG LA DAM BCA' BSAL BA DANG GTAN TSIGS MA GRUB PA'I SKYON DU 'GYUR BA'I PHYIR RO, ,GAL TE DBU MA PAS KYANG GZUGS SOGS KUN RDZOB TU KHAS LEN PAS DE NYID CHOS CAN DU RIGS SO ZHE NA, SKYE MED DANG STONG NYID SOGS BSGRUB BYA'I CHOS SU BYED PA NA DE KHO NA NYID SEMS PA'I SKABS YIN LA, GZUGS SOGS

012b

KUN RDZOB RNAMS NI THA SNYAD KYI RJES SU 'BRANG BA'I 'JIG RTEN PA'I BLO PHYIN CI LOG GIS YOD PAR RNAM PAR BZHAG PA TZAM DU ZAD PAS DE KHO NA NYID SEMS PA PHYIN CI MA LOG PA'I GNAS SKABS NA YOD PAR MI RIGS TE, DPER NA RAB RIB CAN LA SNANG BA'I SKRA SHAD DANG ZLA GNYIS LA SOGS PA RAB RIB MED PA LA MI SNANG BA BZHIN NO, ,CI STE BDEN GNYIS SU, ,RGOL BA GNYIS KA'I SHES PA LA, ,JI TZAM SNANG BA'I CHA YOD PA, ,DE TZAM DE LA BRTEN NAS NI, ,CHOS CAN CHOS LA SOGS PAR RTOG ,DE TSE RJES SU DPAG PA 'BYUNG; ;ZHES PA LTAR RGOL PHYIR RGOL GNYIS KA'I SHES PA LA MTHUN SNANG DU SNANG BA BRTAGS PAS DBEN PA'I GZUGS LA SOGS PA NYID CHOS CAN DU 'JOG GO ZHE NA, DE YANG MI RIGS TE, DBU MA PA NI RTOG MED KYI SHES PA LA SNANG BA'I GZUGS LA SOGS PA YANG SHES PA 'KHRUL BA'I SNANG BA TZAM YIN PAS, RAB RIB CAN GYI SKRA SHAD LA SOGS PA LTAR YOD MED SOGS MTHA' GANG DU YANG KHAS MI LEN PAS RANG RGYUD KYI DAM BCA'I CHOS CAN DU MI RIGS SO, ,SLOB DPON KA MA LA SHI LAS, DNGOS CHOS RTAGS SU BKOD PA LA CHOS CAN GZHI MA GRUB PA RTAGS KYI SKYON YIN GYI, GCIG DANG DU BRAL SOGS RTAGS DGAG PA BKOD PA LA NI CHOS CAN GZHI MA AGRUB SKYON MA YIN TE, RTAGS RNAM BCAD TZAM CHOS CAN GZHI MA GRUB PA LA YANG SGRUB NUS PA'I PHYIR RO ZHES BZHED MOD; RANG RGYUD PA STONG NYID SOGS DGAG PA TSAD MAS GRUB PAR 'DOD PA LA 'DI RIGS KYANG, THAL 'GYUR BA DGAG SGRUB GANG YANG TSAD MAS GRUB PAR MI 'DOD PA LA GCIG DANG DU BRAL GYI RTAGS NYID TSAD MA GANG GI KYANG MA GRUB PA'I PHYIR, DE JI LTAR NA

013a

, ,STONG NYID SGRUB PA'I RANG RGYUD KYI RTAGS SU RUNG, DE'I PHYIR RNAM PA THAMS CAD DU RANG RGYUD KYI RJES SU DPAG PA MI RIGS SO, ,'O NA DBU MA PAS SKYE MED DANG STONG NYID SOGS TSAD MA GANG GIS KYANG MA GRUB NA GZHAN LA JI LTAR STON ZHE NA, DBU MA PA NI SRID PA'I SDUG BSNGAL GYI RTZA BA (DE YANG GANG LA ZER NA, DMIGS YUL NYER LEN PHUNG PO LNGA RANG GI RANG GIS 'JIGS CING CHES DU MA DMIGS PA'I RANG BZHIN LA 'JIGS TSOGS ZHES BYA LA, DE LTA BU'I 'JIGS CING TSOGS PA'I NGANG CAN GYI YUL LA 'JIGS TSOGS MIN PA'I RNAM PAR LTA BAS DE'I PHYIR 'JIGS TSOGS LA LTA BA ZHES BYA LA, 'JIG LTA DE YANG, KUN BTAGS PA DANG, LHAN SKYES KYI MI RIG PA GNYIS YIN NO, ,DANG PO NI, BSHES GNYEN NGAN PAS BSTAN PA'I GRUB MTHA' LA THOS BSAM BYAS PA'I STOBS KYIS PHUNG PO DANG GCIG GAM THA DAD PA'I BDAG YOD PAR BZUNG NAS, DE YANG RTAG PA'AM CHAD PA'AM YON TAN CAN NAM; YON TAN MED PA LA SOGS PA'I NGOR SGRO 'DOGS BTAGS PA'O, ,GNYIS PA NI THOG MA MED PA NAS GOMS PA'I STOBS KYIS THA NA DUD 'GRO'I SKYE GNAS SU GYUR PA DAG LA YANG BDAG BDE BAR GYUR CIG SDUG BSNGAL BAR MA GYUR CIG SNYAM PA'I BLO RANG GI NGANG GIS RJES SU 'BREL PAR 'BYUNG BA GANG YIN PA'O, ,RNAM 'GREL LAS, BDE BAR GYUR PA'AM SDUG BSNGAL BAR MA GYUR CIG CES 'DOD PA NA, NGA'O SNYAM PA'I BLO GANG DE, ,SEMS CAN LA LTA LHAN CIG SKYES, ,CES GSUNGS SO, ,DANG PO NI, RKYEN STOBS KYIS LHAN CIG LA GYUR DU 'BYUNG BAS, DE'I PHYIR KUN BTAGS PA ZHES BYA'O, ,GNYIS PA NI, ,THOG MA MED PA NAS GOMS STOBS KYIS SEMS CAN KUN LA RJES SU ZHUGS PAS DE'I PHYIR LHAN CIG SKYES PA ZHES BYA LA,) KUN BTAGS DANG LHAN SKYES KYI MTHAR 'DZIN GYI RNAM PAR RTOG PA TZAM KHO NA 'GOG PAR BYED KYI, GZHAN LA TSAD MAS GRUB PA'I DE KHO NA NYID CUNG ZAD KYANG MI STON TE, DE KHO NA NYID NI TSIG GI YUL LAS 'DAS PAS SPYI'I TSUL GYIS

013b

KYANG BSTAN PAR MI NUS PA'I PHYIR RO, ,JI SKAD DU, BDEN GNYIS LAS, 'JAM DPAL GYIS NI YANG DAG DRIS, ,RGYAL BA'I SRAS PO CANG MI GSUNG, ,MI GSUNG BAS NA RGYA CHER BKRAL, ,CES PA LTAR RO, ,'O NA, GZHAN LAS SHES MIN ZHI BA DANG; ZHES SOGS KYIS DE KHO NA'I MTSAN NYID BSTAN PA MA YIN NAM ZHE NA, DES KYANG DE KHO NA LA GZHAN DU SGRO 'DOGS PA BSAL BA'I PHYIR BSTAN PAR ZAD KYI, DE'I NGO BO NI JI LTAR YANG BSTAN MI NUS SO, ,TSAD MAS MA GRUB PA'I DON BSGOM PAS YANG DAG PA'I YE SHES SKYE BA MI 'THAD PA'I PHYIR DBU MA PA LA YANG DAG PA'I YE SHES JI LTAR 'BYUNG ZHE NA, RIGS PA'I TSOGS DAG GIS MTHAR 'DZIN MA LUS PA BSAL BA NA, RNAM PAR DPYOD PA PO'I BLO'I NGOR YOD MED SOGS KYI MTHA' GANG DU YANG GZUNG DU MED CING; MA RIG PA'I DBANG GIS BYUNG BA'I 'KHRUL BA'I SNANG BA SGYU MA TZAM ZHIG LUS PAR 'GYUR RO, ,SGRO BSKUR MTHA' DAG GIS DBEN PA'I YUL SEMS KYI SNANG BA SGYU MA LTA BU DE NYID KYI RANG BZHIN NGES PA'I SO SOR RTOG PA'I SHES RAB DE NYID RNAL 'BYOR PAS SEMS RTZE GCIG TU ZHI GNAS DANG LHAN CIG PA'I DRAN PAS MA BRJED PAR YANG DANG YANG DU GOMS PAR BYA BA LAS BSGOM PA YONGS SU RDZOGS PA NA, SNANG BA SGYU MA DE LTA BU DE NYID DANG YUL CAN SO SOR RTOG PA'I SHES RAB DRAN PA DANG BCAS PA NAM MKHA' LA 'JA' YAL BA LTAR RANG GI NGANG GIS DENGS SHING NUB PAS SHES BYA SHES BYED KYI MTSAN MA CI YANG MI MTHONG BA DE'I TSE, SPROS PA THAMS CAD DANG BRAL BA'I DE KHO NA NYID NAM MKHA'I DKYIL LTA BU MNGON SUM DU GYUR PA YIN PAS, DE LA YANG DAG PA'I YE SHES ZHES THA SNYAD

014a

, ,BTAGS MOD, ,YANG DAG PAR DE NYID SHES BRJOD KYI YUL LAS 'DAS PA'I DE KHO NA NYID YIN NO, ,DE SKAD DU YANG, 'OD SRUNG GIS ZHUS PA LAS, 'OD SRUNG, DPER NA SHING GNYIS RLUNG GIS DRUD PA LAS ME 'BYUNG NGO, ,ME DE NYID KYIS SHING DE SREG PAR BYED DO, ,DE BZHIN DU CHOS RNAMS LA SO SOR RTOG PA YOD NA 'PHAGS PA'I SHES RAB KYI DBANG PO SKYE'O, ,SHES RAB DE NYID KYIS SO SOR RTOG PA SREG PAR BYED DO ZHES GSUNGS SHING, 'JUG PAR YANG, GANG TSE SKYE MED DE NYID YIN ZHING BLO YANG SKYE BA DANG BRAL BA, ,DE TSE DE RNAMS BRTEN NAS DE YIS DE YONGS SHES PAR BRJOD BYA STE, ,ZHES DANG, DBU MA SNYING POR YANG, CHOS (ZHES BYA BA NI 'DAS PA DANG MA 'ONGS PA DANG, DA LTAR BYUNG BA DANG, BRJOD PAR BYA BA MA YIN PA DANG, 'DUS MA BYAS PA ZHES BYA BA RNAM PA LNGA PO BSTAN PA DE DAG RNAM PA THAMS CAD DU NGO BO NYID MA GRUB PA'I PHYIR YUL GANG LA RNAM PAR MI RTOG PA'I BLO DMIGS PA MED PA YANG SKYE BAR MI 'GYUR BA'I DON DAM PA DE NYID GZHAN GYI DRING MI 'JOG PA RNAM PAR MI RTOG PA ZHING MTSAN NYID MED PA THA DAD PA NYID MA YIN PA SKYE 'GAG MED PA, DNGOS PO MED PA MNGON PAR 'DU BYA BA MED PA BRJOD DU MED PA, MNYAM PA MED PA NYID YIN PAR DE MKHYEN PAS THAMS CAD MKHYEN PA GSUNGS SO,) ,RNAMS NGO BO MA GRUB PHYIR, GANG LA RNAM PAR MI RTOG PA'I, ,BLO YANG SKYE BAR MI 'GYUR BA, DE NYID MNYAM MED DE MKHYEN GSUNG, ZHES DANG, BDEN GNYIS LAS KYANG, GANG TSE (GZUGS SOGS RNAM PA LNGA LA 'JUG PA'I RNAM PAR) SHES (PA LNGA) DANG SHES BYA (STE 'JUG YUL LNGA) DANG, ,BDAG NYID RJES SU MI MTHONG BA, ,DE TSE MTSAN MA MI 'BYUNG PHYIR, ,GNAS PA BSTAN PHYIR MI BZHENGS SO, ,ZHES DANG, SPYOD 'JUG LAS KYANG, GANG TSE SHES DANG SHES BYA

014b

DAG ,BLO YI MDUN NA MI GNAS PA, ,DE TSE RNAM PA (GNYIS YIN DANG GNYIS MIN GYI PHUNG PO GSUM PA) GZHAN MED PAS, ,DMIGS PA(R BYED PA'I THO) MED PAR RAB TU ZHI, (BAR 'GYUR RO,) ,ZHES GSUNGS PA LTAR RO, ,DE BAS NA KHO BOS JI SKAD BSHAD PA'I DE KHO NA NYID RTOG PA'I TSUL 'DI NI, BDE BAR GSHEGS PA'I DGONGS PA LA 'KHRUL PA MI MNGA' BA'I 'PHAGS PA YAB SRAS KYI MAN NGAG PHYIN CI MA LOG PA MNGA' BA'I DBU MA PA'I SLOB DPON SHING RTA CHEN PO DAG MTHUN PAR BZHED PAS, BDAG LEGS SU 'DOD PA DAG GIS MOS PA MED KYANG SKUR PA MA BTAB NA LEGS SO, ,JI SKAD BSHAD PA'I SNANG BA SGYU MA LTA BU'I YUL CAN GYI SO SOR RTOG PA'I SHES RAB DE NYID KYANG YANG DAG PAR MI SLU BA'I TSAD MA MA YIN TE, KUN RDZOB KYI YUL CAN YIN PA'I PHYIR, SMIG RGYU LA CHUR 'DZIN BZHIN, YANG DAG PA MA YIN YANG MTHAR 'DZIN GYI LTA BA'I GNYEN PO BYED PA MI 'GAL TE, RNAM PA 'GAL BA'I PHYIR, DPER NA 'GA' ZHIG THAG PA LA SBRUL DU 'KHRUL TE, SKRAG PA SKYES PA NA, 'DI NI SBRUL MA YIN GYI, 'KHRI SHING BSDOGS PA'O ZHES YANG DAG PA MA YIN PA BSTAN PA NA SBRUL DU 'KHRUL BA LOG PA BZHIN NO, ,TSAD MIN DU MTSUNGS PA LA SPANG GNYEN DU MI RUNG NGO ZHE NA, (DON 'DI NYID, DE BZHIN GSHEGS PA'I MDZOD KYI MDO LAS, SKYES BU 'GA' ZHIG MI BDEN PA'I DUG GIS GDUNGS PA BSAL BA'I DPE SNGON DU BTANG NAS, BCOM LDAN 'DAS KYIS BKA' STZAL PA; 'OD SRUNG DE BZHIN DU BYIS PA SO SO'I SKYE BO RNAMS NYON MONGS PAS NYON MONGS PAR GYUR PA RNAMS LA YANG DAG PA MA YIN PA'I TSUL GYIS CHOS STON PAR MDZAD DO, ,GSOL PA, BCOM LDAN 'DAS NI BDEN PA GSUNG BA MA LAGS SAM, DE BZHIN GSHEGS PA JI LTAR BDEN PA MA LAGS PA GSUNG BAR MDZAD, ,BCOM LDAN 'DAS KYIS BKA'

015a

, ,STZAL PA, 'OD SRUNG DE JI SNYAM DU SEMS KHYOD BDEN PAS RNAM PAR GROL LAM, BDEN PA MA YIN PAS YIN, GSOL BA BDAG NI BDEN PA MA LAGS PAS GROL GYI BDEN PAS NI MA LAGS SO, ,DE CI'I SLAD DU ZHE NA, BCOM LDAN 'DAS MI BDEN PA ZHES BYA BA NI 'DOD CHAGS DANG ZHE SDANG DANG GTI MUG DAG GO ,BCOM LDAN 'DAS GAL TE 'DOD CHAGS BDEN PA ZHIG TU GYUR NA NI, MI SDUG PAS KYANG 'DOD CHAGS DANG BRAL BAR MI 'GYUR RO, ,BCOM LDAN 'DAS ZHE SDANG YANG DAG PA ZHIG TU GYUR NI BYAMS PAS KYANG ZHE SDANG 'BRAL BAR MI 'GYUR RO, ,BCOM LDAN 'DAS GAL TE GTI MUG YANG DAG PA ZHIG TU GYUR NA RTEN CING 'BREL BAR 'BYUNG BAS KYANG GTI MUG DANG 'BRAL BAR MI 'GYUR RO, ,BCOM LDAN 'DAS GANG GI SLAD DU 'DOD CHAGS DANG ZHE SDANG DANG GTI MUG YANG DAG PA MA LAGS PA DE'I SLAD DU MI SDUG PA DANG BYAS PA DANG RTEN 'BREL BSGOMS PAS 'BRAL BAR 'GYUR BA LAGS SO, ,BCOM LDAN 'DAS NYON MONGS PA THAMS CAD KYANG YANG DAG PA MA LAGS SO, ,YONGS SU SHES PAS YONGS SU SPONG BAR 'GYUR RO, ,BCOM LDAN 'DAS, DE LA NYON MONGS PA GANG ZHIG GANG GIS YANG DAG PAR SPONG BAR 'GYUR BA DE GNYIS GA YANG, YANG DAG PA MA LAGS PA BDEN PA MA LAGS PA'I SLAD DU, YANG DAG PA MA LAGS PA'I NYON MONGS PA YANG DAG PA MA LAGS PA'I SHES PAS YONGS SU SHES PAS 'BRAL BAR 'GYUR RO ZHES SOGS GSUNGS PA BZHIN SPANG BYA MI BDEN PA DE NYID GNYEN PO MI BDEN PAS SPONG BAR NUS SO,) ,DRUNGS 'BYIN PA'I GNYEN PO NI 'PHAGS PA'I YE SHES YIN LA, 'DI NI MNGON 'GYUR MGO GNON PA TZAM YIN ZHING, DE LA NI RNAM PA 'GAL BA TZAM GYIS CHOG PAS DPE DANG BCAS TE BSTAN ZIN TO; ;ZHAR LA 'ONGS PAS CHOG GO ,GNYIS PA SKYE MED KYI MI MTHUN PHYOGS RGYAS PAR DGAG PA LA RAB BYED NYI SHU RTZA GSUM GYI, DANG PO RKYEN BRTAG PA LA, RKYEN DON GZHAN LAS SKYE BA DGAG PA DANG, 'BRAS BU RKYEN GYI RANG BZHIN YIN PA DGAG PA GNYIS

015b

KYI; DANG PO LA PHYOGS SNGA MA BRJOD, DE DGAG PA GNYIS KYI, DANG PO NI, RANG GI SDE PA DAG NA RE, BDAG DANG, GNYIS KA DANG, RGYU MED PA LAS MI SKYE'O ZHES SMRAS PA DE NI RIGS NA, GZHAN LAS KYANG MIN ZHES SMRA BA DE NI MI RIGS TE, BCOM LDAN 'DAS KYIS MDO SDE DANG MNGON PA DAG LAS GZHAN DU GYUR PA'I RKYEN DAG KHO NA DNGOS PO RNAMS KYI SKYED BYED DU BSTAN PA'I PHYIR TE, 'DI LTAR RKYEN RNAMS BZHI STE RGYU DANG NI, ,DMIGS PA DANG NI DE MA THAG ,BDAG PO YANG NI DE BZHIN TE, RKYEN LNGA PA NI YOD MA YIN; ;RGYU DANG, DMIGS PA DANG, DE MA THAG PA'I RKYEN DANG, BDAG PO YANG NI RGYU LA SOGS PA DE BZHIN DU RKYEN YIN TE, DE LTAR NA DNGOS PO RNAMS SKYED PAR BYED PA'I RKYEN RNAMS NI BZHI PO 'DI DAG YIN NO, ,SDE PA KHA CIG 'DOD PA'I RKYEN SNGAR YOD PA DANG PHYIS 'BYUNG BA RNAMS KYANG 'DI RNAMS SU 'DUS SHING, GZHAN DAG DNGOS PO RNAMS KYI RKYEN DU 'DOD PA'I DBANG PHYUG LA SOGS PA NI RKYEN MA YIN PAS RKYEN LNGA PA NI YOD PA MA YIN, DE'I PHYIR GZHAN LAS MI SKYE BAR SMRA BA LA RANG GI KHAS BLANGS KYIS GNOD DO ZHES ZER RO, ,GNYIS PA LA, RKYEN BZHI SPYIR DGAG MTSAN NYID SO SOR DGAG RKYEN LAS 'BRAS BU YOD MED BRTAGS LA DGAG PA DANG GSUM GYI, DANG PO LA YANG, RKYEN LAS SKYE BA DGAG BYA BA LAS SKYE BA DGAG SUN 'BYIN GYI LAM GZHAN BSTAN PA DANG GSUM GYI, DANG PO NI, CHOS MNGON PA LAS RKYEN BZHI GSUNGS PA NI 'JIG RTEN NA JI LTAR GRAGS PA'I THA SNYAD LA YIN GYI YANG DAG PA MA YIN LA, KHYOD KYIS NI RKYEN DANG RKYEN CAN RDZAS GRUB KHO NAR BTAGS PAS, DE NI MI RIGS TE, 'CHAD PAR

016a

, ,'GYUR BA'I RIGS PAS GNOD PA'I PHYIR DANG, RIGS PAS GNOD PA YANG BCOM LDAN 'DAS MI GSUNG BA'I PHYIR RO, ,DE'I PHYIR DNGOS PO RNAMS RKYEN GZHAN LAS SKYE BA MA YIN TE, 'DI LTAR, DNGOS PO RNAMS KYI RANG BZHIN NI; ;RKYEN LA SOGS LA YOD MA YIN, ,BDAG GI DNGOS PO YOD MIN NA, ,GZHAN DNGOS YOD PA MA YIN NO, ,MYU GU LA SOGS PA 'BRAS BU'I DNGOS PO (GAL TE MIG LA SOGS PA'I BDAG GI DNGOS PO RKYEN MER MER PO LA SOGS PA'I GNAS SKABS NA MED NA, RKYEN RNAMS LAS GZHAN GYI DNGOS PO ZHES BYA BA'I THA SNYAD YOD PA MA YIN TE, 'DI LTAR 'BRAS BU MIG LA SOGS PA'I DNGOS PO LA LTOS NAS RKYEN MER MER PO LA SOGS PA GZHAN GYI DNGOS PO ZHES BYA BAR GDAGS PA YIN NA, 'BRAS BU MIG LA SOGS PA'I BDAG GI DNGOS PO NI RKYEN MER MER PO LA SOGS PA'I GNAS SKABS NA YOD PA MA YIN PA'I PHYIR RO, ,GANG GI PHYIR DE LTA YIN PA DE'I PHYIR, RKYEN MER MER PO LA SOGS PA GANG LAS LTOS NAS MIG SOGS GZHAN GYI DNGOS POR 'GYUR TE MI 'GYUR RO, ,DE'I PHYIR RKYEN RNAMS LA GZHAN GYI DNGOS PO MED LA GZHAN PAS SKYE BA'ANG MED DO,) RNAMS KYI RANG BZHIN NI SA BON LA SOGS PA RKYEN RNAMS KYI RANG GI NGO BO RNAM PAR MA 'GYUR BA'I GNAS SKABS NA YOD PA MA YIN TE, GAL TE YOD NA DE DAG LA MI LTOS PAS MYU GU RGYU MED DU THAL BA'I PHYIR RO, ,DE'I PHYIR SA BON GYI GNAS SKABS NA MYU GU'I BDAG GI DNGOS PO YOD PA MIN NA SA BON MYU GU LAS GZHAN PA'I DNGOS POR YOD PA MA YIN TE; BYAMS PA DANG NYER SBAS LTA BU DUS MNYAM PA DAG KHO NA PHAN TSUN LTOS NAS GZHAN DU 'GYUR NA, SA BON DANG MYU GU NI DE LTAR DUS MI MNYAM PA'I PHYIR RO, ,DE'I PHYIR GZHAN DU BSNYAD DU MED PAS GZHAN LAS SKYE'O ZHES BYA BA MI RIGS SO, ,GNYIS PA

016b

NI; GAL TE MIG DANG GZUGS LA SOGS PA'I RKYEN DAG DNGOS SU RNAM SHES SKYED BYED MA YIN GYI RNAM SHES SKYE BA'I BYA BA SGRUB PAR BYED LA, BYA BA RKYEN DANG LDAN PA DES RNAM SHES SKYED PAR BYED DO ZHE NA, BYA BA RKYEN DANG LDAN PA MED, GAL TE BYA BA YOD NA DE RKYEN DANG LDAN PAS RNAM SHES SKYED PAR BYED NA YANG BYA BA MED DE, RNAM SHES SKYES PA DANG, MA SKYES PA DANG, SKYE BZHIN PA GANG LA YANG BYA BA MI RIGS PA'I PHYIR, 'DI LTAR SKYES PA LA BYA BA MED DE, SKYES ZIN SLAR YANG SKYE BAR MI RIGS PA'I PHYIR RO, ,MA SKYES PA LA YANG SKYE BA'I BYA BA MED DE, MA SKYES PA SKYE'O ZHES BRJOD PA MI RIGS PA'I PHYIR RO, ,SKYE BZHIN PA LA YANG MA YIN TE, SKYES PA DANG MA SKYES PA LAS MA RTOGS PA'I SKYE BZHIN PA MED PA'I PHYIR RO, ,DE'I PHYIR BYA BA RKYEN DANG LDAN PA MED PAS DE LAS SKYE BA MI RIGS SO, ,GAL TE RKYEN DANG MI LDAN PA'I BYA BA LAS SKYE'O ZHE NA, 'DI MI RIGS TE, RKYEN DANG MI LDAN BYA BA MED, GANG TSE BYA BA RKYEN LDAN MED PA DE'I TSE RKYEN DANG MI LDAN PA'I BYA BA MED DE, BYA BA NI RKYEN LA LTOS PAS RGYU MED PAR 'GYUR BAS SO, ,GSUM PA NI, GAL TE DE LTAR BYA BA MED NA RKYEN RNAMS NYID DNGOS PO'I SKYED BYED DU 'GYUR RO ZHE NA, BYA BA MI LDAN RKYEN MA YIN, ,GANG GI TSE BYA BA MED PA DE'I TSE BYA BA DANG MI LDAN PA RKYEN NYID KYANG MA YIN TE, 'BRAS BU SKYE BA'I BYA BA DANG LDAN PA LAS RKYEN ZHES THA SNYAD 'DOGS PA'I PHYIR RO, ,CI STE RKYEN BYA BA DANG LDAN PA KHO NA SKYED BYED YIN NO ZHE NA, BYA BA LDAN YOD 'ON TE NA, ,RKANG PA SNGA MA'I MA YIN NO ZHES PA 'DIR YANG SBYAR ZHING, 'ON TE NA ZHES PA NGES BZUNG STE, DON NI, JI SKAD BSHAD PA'I TSUL GYIS BYA BA MED PA

017a

, ,DE'I TSE BYA BA DANG LDAN PA'I RKYEN YOD PA MA YIN PA 'ON TE NA DE KHO NA ZHES PA'I DON NO, ,DE'I PHYIR RKYEN BYA BA DANG LDAN PA SKYE BYED MA YIN NO, ,GAL TE RKYEN BYA BA DANG LDAN MI LDAN GYI DPYAD PA ZHIB MO 'DIS CI ZHIG DGOS, MIG LA SOGS PA'I RKYEN RNAMS LA BRTEN NAS RNAM SHES LA SOGS PA SKYE BAS MIG LA SOGS PA RKYEN YIN ZHING RNAM SHES LA SOGS PA DE DAG LAS SKYE'O ZHE NA, 'DI DAG LA BRTEN SKYE BAS NA, ,DE'I PHYIR 'DI DAG RKYEN ZHES GRAGS, ,JI SRID MI SKYE DE SRID DU, ,'DI DAG RKYEN MIN JI LTAR MIN, ,GAL TE MIG LA SOGS PA 'DI DAG LA BRTEN NAS RNAM PAR SHES PA SKYE BAS NA DE'I PHYIR MIG LA SOGS PA 'DI DAG DE'I RKYEN CES GRAGS NA, JI SRID 'BRAS BU RNAM SHES MI SKYE BA DE SRID DU MIG LA SOGS PA 'DI DAG DE'I RKYEN MIN PA JI LTAR MIN STE RKYEN MA YIN PAR 'GYUR TE, 'BRAS BU SKYE BA LA LTOS NAS RKYEN GYI THA SNYAD 'JUG PA'I PHYIR RO, ,BYE MA LAS TIL MAR BZHIN DU RKYEN MA YIN PA LAS KYANG SKYE BAR MI RIGS SO, ,GZHAN YANG MIG LA SOGS PA 'DI RNAM PAR SHES PA'I RKYEN DU RTOG NA 'DI YOD PA'AM MED PA ZHIG LA RTOG DRANG, GNYIS KA LTAR YANG MI RIGS TE, MED DAM YOD PA'I DON LA YANG, RKYEN NI RUNG BA MA YIN TE, MED NA GANG GI RKYEN DU 'GYUR, ,YOD NA RKYEN GYIS CI ZHIG BYA, ,RNAM SHES SOGS 'BRAS BU MED DAM YOD PA'I DON LA YANG MIG LA SOGS PA DE SKYED PA'I RKYEN DU RUNG BA MA YIN TE, 'BRAS BU MED NA GANG GI RKYEN DU 'GYUR TE, MED PA RKYEN GYIS BSKYED MI NUS PA'I PHYIR RI BONG GI RVA BZHIN, 'BRAS BU YOD NA RKYEN GYIS CI ZHIG BYA STE SKYE BA THOB ZIN PA'I PHYIR, SKYES ZIN

017b

PA'I MYU GU BZHIN, GNYIS PA MTSAN NYID SO SOR DGAG PA LA BZHI'I, ,DANG PO RGYU RKYEN GYI MTSAN NYID DGAG PA NI, CHOS MNGON PA LAS SGRUB PAR BYED PA NI RGYU'O ZHES GANG ZHIG GANG GIS SKYED PAR BYED PA SA BON GYI NGO BOR GNAS PA DE NI RGYU RKYEN GYI MTSAN NYID DU BRJOD DE, MTSAN NYID YOD PA LAS NI RGYU RKYEN YANG YOD DO ZHE NA, MTSAN NYID DE YANG KUN RDZOB PA YIN GYI YANG DAG PA MA YIN TE, 'DI LTAR, GANG TSE CHOS NI YOD PA DANG, ,MED DANG YOD MED MI 'GRUB PA, ,JI LTAR SGRUB BYED RGYU ZHES BYA, ,DE LTA YIN NA MI RIGS SO, ,GAL TE CHOS 'GA' ZHIG RGYU LAS 'GRUB NA, SGRUB PAR BYED PA RGYU RKYEN DU RIGS NA YANG, 'GRUB PA MA YIN TE, GANG GI TSE CHOS YOD PA MI 'GRUB STE, GRUB ZIN PA'I PHYIR, MED PA MI 'GRUB STE, BSGRUB MI NUS PA'I PHYIR, YOD MED GNYIS KA YANG MI 'GRUB STE, PHAN TSUN 'GAL BA'I PHYIR DANG PHYOGS GNYIS KA LA BRJOD PA'I SKYON DU 'GYUR BA'I PHYIR RO, ,DE LTAR CHOS 'GA' YANG MI 'GRUB NA JI LTAR 'BRAS BU SGRUB PAR BYED PA RGYU'I RKYEN NO ZHES BRJOD PAR BYA, DE'I PHYIR MTSAN NYID YOD PAS RGYU RKYEN YOD DO ZHES SMRA BA DE LTA YIN NA MI RIGS SO, ,GNYIS PA DMIGS RKYEN DGAG PA NI, 'DIR DMIGS PA DANG BCAS PA'I CHOS GANG DAG CE NA, SEMS DANG SEMS LAS BYUNG BA'I CHOS THAMS CAD DO, ,ZHES PA'I LUNG LAS NA, RGAN PO 'KHOR BA LA BRTEN NAS LDANG BA LTAR SEMS SEMS BYUNG SKYE BZHIN PA RNAMS GZUGS LA SOGS PA'I DMIGS PA GANG LA BRTEN NAS SKYE BA RNAMS DE'I DMIGS RKYEN NO ZHE NA, 'DI YANG YANG DAG PA MA YIN TE, YOD PA'I CHOS 'DI DMIGS PA NI, MED PA KHO NA NYE BAR BSTAN, ,CI STE

018a

, ,CHOS NI DMIGS MED NA, ,DMIGS PA YOD PAR GA LA 'GYUR, ,DMIGS RKYEN 'DI YANG YOD PA'AM MED PA ZHIG LA RTOG DRANG NA, DMIGS PA'I SNGAR YOD PA'I SEMS SEMS BYUNG LA DMIGS RKYEN RTOG PA DON MED DE, RANG GI BDAG NYID DMIGS PA MED BZHIN TU DE'I SNGAR GRUB ZIN PA'I PHYIR RO, ,DE'I PHYIR SNGA NAS YOD PA'I SEMS SEMS BYUNG GI CHOS 'DI DMIGS PA MED PA KHO NA KHYED KYIS RANG 'DOD KYIS DMIGS PA DANG BCAS PA YIN NO ZHES NYE BAR BSTAN PA 'BA' ZHIG TU ZAD KYI; 'DI LA DMIGS PA 'BREL PA CUNG ZAD KYANG MED DO, ,GAL TE MED PA LA DMIGS PA RTOG NA, CI STE CHOS MED PA LA NI DMIGS PAR BYED PA MED NA DE'I DMIGS PA YOD PAR GA LA 'GYUR, DE'I PHYIR DMIGS RKYEN GYI MTSAN NYID KYANG KUN RDZOB PA YIN GYI YANG DAG PA MIN NO, ,GSUM PA DE MA THAG RKYEN GYI MTSAN NYID DGAG PA NI, YANG RGYU 'GAGS MA THAG PA 'BRAS BU SKYE BA'I RKYEN DU 'GYUR BA NI, ,MTSUNGS PA DE MA THAG PA'I RKYEN GYI MTSAN NYID DU 'DOD PA 'DI YANG MI RIGS TE, CHOS RNAMS SKYES PA MA YIN NA; 'GAG PA 'THAD PAR MI 'GYUR RO, ,DE'I PHYIR DE MA THAG MI RIGS, 'GAGS NA RKYEN YANG GANG ZHIG YIN, SDEB SBYOR GYI DBANG GIS DE SKAD GSUNGS PAR ZAD KYI, 'CHAD PA NA, 'GAGS NA RKYEN YANG GANG ZHIG YIN, DE PHYIR DE MA THAG MI RIGS; ;ZHES 'DON PA BSGYUR TE BSHAD DO, ,DE LA MYU GU LA SOGS PA 'BRAS BU'I CHOS RNAMS SKYES PA MA YIN PA DE'I TSE NA, RGYU SA BON LA SOGS PA 'GAG PA 'THAD PAR MI 'GYUR TE, RGYU 'GAG PA'I RKYEN NI 'BRAS BU SKYES PA NYID YIN PA'I PHYIR RO, ,CI STE

018b

'BRAS BU MA SKYES PAR SA BON 'GAGS NAS MED PAR 'DOD NA, MYU GU SKYE BA'I RKYEN YANG GANG ZHIG YIN, SA BON 'GAG PA'I RKYEN YANG GANG ZHIG YIN TE, SA BON MED PA'I MYU GU SKYE BA YANG MI RIGS LA, MYU GU MA SKYES PA'I SA BON 'GAG PA YANG MI RIGS PA'I PHYIR RO, ,'BRAS BU SKYES PA NA RKYEN GYIS BYA BA MED DE, DE'I PHYIR RGYU 'GAGS MA THAG PA 'BRAS BU SKYE BA'I RKYEN NO ZHES PA DE MA THAG RKYEN GYI MTSAN NYID DU MI RIGS SO, ,YANG NA BDAG LAS MA YIN ZHES SOGS SU SKYE BA BKAG PAS CHOS RNAMS SKYES PA MA YIN NA 'GAG PA 'THAD PAR MI 'GYUR TE, 'GAGS PA NI SKYE BA SNGON DU 'GRO BA LA LTOS PA'I PHYIR RO, ,DE'I PHYIR RGYU 'GAG MA THAG PA 'BRAS BU SKYE BA'I DE MA THAG PA'I RKYEN DU MI RIGS SO, ,GZHAN YANG 'GAGS NA RKYEN YANG GANG ZHIG YIN TE, BYA ROG MA NYID SBYAR RO, ,BZHI PA BDAG RKYEN GYI MTSAN NYID DGAG PA NI, 'DIR GANG ZHIG YOD PAS GANG 'BYUNG BA DE NI DE'I BDAG PO YIN NO ZHES BYA BA 'DI NI BDAG RKYEN GYI MTSAN NYID DU 'DOD PA YIN NA; 'DI YANG KUN RDZOB PA YIN GYI YANG DAG PA MA YIN TE, DNGOS PO RANG BZHIN MED RNAMS KYI, ,YOD PA GANG PHYIR YOD MIN NA, ,'DI YOD PAS NA 'DI 'BYUNG ZHES, ,BYA BA 'DI NI 'THAD MA YIN, ,DNGOS PO RNAMS RTEN CING 'BREL PAR 'BYUNG BA YIN PA'I PHYIR SGYU MA BZHIN DU RANG BZHIN MED PA YIN LA, RANG BZHIN MED PA RNAMS KYI YOD PA YANG GANG GI PHYIR YANG DAG PAR YOD PA MA YIN PA DE'I PHYIR NA RGYU 'DI YOD PAS 'BRAS BU 'DI 'BYUNG ZHES BYA BA 'DI NI BDAG RKYEN GYI MTSAN NYID YANG DAG PA NYID DU 'THAD PA MA

019a

, ,YIN NO, ,DE'I PHYIR MTSAN NYID LAS KYANG RKYEN BDEN PA BA MI 'GRUB BO, ,GSUM PA NI, GAL TE SNAL MA SOGS LAS SNAM BU SOGS SKYE BAR DMIGS PAS DE DAG DE'I RKYEN YIN NO ZHE NA, SNAL MA SOGS LAS SNAM BU SOGS SKYE BAR DMIGS PA NI RTOG PAS BRTAGS PA'I KUN RDZOB PA YIN GYI, YANG DAG PA MA YIN TE, RKYEN RNAMS SO SO 'DUS PA LA, ,'BRAS BU DE NI MED PA NYID, ,RKYEN RNAMS LA NI GANG MED PA, ,DE NI RKYEN LAS JI LTAR SKYE, ,SNAL MA DANG THAG BZANGS LA SOGS PA'I RKYEN RNAMS SO SO BA DANG 'DUS PA GANG LA YANG 'BRAS BU SNAM BU DE NI MED PA NYID DE, MA MTHONG BA'I PHYIR DANG, GAL TE YOD NA RKYEN DE RNAMS LAS SNAM BU SGRUB PA'I PHYIR THAG BAS 'BAD PA BYAS PA DON MED PA'I PHYIR RO, ,SNAL MA SOGS KYI RKYEN RNAMS LA GANG MED PA'I SNAM BU DE NI RKYEN DAG LAS JI LTAR SKYE, CI'I PHYIR MI SKYE ZHE NA, CI STE 'BRAS BU DE MED KYANG, ,RKYEN DE DAG LAS SKYE 'GYUR NA, ,RKYEN MIN LAS KYANG 'BRAS BU NI, ,CI YI PHYIR NA SKYE MI 'GYUR, ,CI STE 'BRAS BU SNAM BU DE MED KYANG SNAL MA LA SOGS PA'I RKYEN DE DAG LAS DE SKYE BAR 'GYUR NA SNAM BU'I RKYEN MA YIN PA 'JAG MA LA SOGS PA LAS KYANG 'BRAS BU SNAM BU CI'I PHYIR NA SKYE MI 'GYUR TE GNYIS KA LA YANG SNAM BU MED PAR MTSUNGS PA'I PHYIR RO, ,GNYIS PA 'BRAS BU RKYEN GYI RANG BZHIN YIN PA DGAG PA NI, GAL TE RGYU 'BRAS DON GZHAN YIN NA, CI RKYEN DAG LA 'BRAS BU YOD DAM MED CES BSAM PA 'THAD PAR 'GYUR NA, 'BRAS BU RGYU LAS THA DAD PA MED KYI RKYEN GYI RANG BZHIN KHO NA YIN NO ZHE NA, DE YANG MI RIGS TE, 'BRAS BU RKYEN

019b

GYI RANG BZHIN NA, RKYEN RNAMS BDAG GI RANG BZHIN MIN, ,BDAG DNGOS MIN LAS 'BRAS BU GANG, ,DE NI JI LTAR RKYEN RANG BZHIN, ,JI STE 'BRAS BU SNAM BU NI RKYEN SNAL MA SOGS KYI RANG BZHIN NAM BDAG NYID YIN NO ZHES 'DOD NA, SNAL MA SOGS KYI RKYEN RNAMS LA NI BDAG GI RANG BZHIN CUNG ZAD KYANG YOD PA MIN TE, DE DAG GI RANG GI CHA SHAS RNAM PAR PHYE NA RANG BZHIN CI YANG MI DMIGS PA'I PHYIR RO, ,DE'I PHYIR BDAG DNGOS MIN LAS TE, BDAG GI RANG BZHIN MA GRUB PA'I RKYEN DAG LAS 'BRAS BU SNAM BU GANG YIN PA DE NI JI LTAR SNAL MA LA SOGS PA'I RKYEN GYI RANG BZHIN DU 'GYUR TE, RKYEN NYID LA RANG BZHIN MED PA'I PHYIR, 'BRAS BU RKYEN GYI RANG BZHIN MA YIN NO ZHES PA'O, ,'ON TE 'BRAS BU RKYEN MA YIN PA'I RANG BZHIN DU 'GYUR RO ZHE NA, RKYEN MIN RANG BZHIN 'BRAS BU NI, ,YOD MIN, GANG GI TSE SNAM BU SNAL MA'I RANG BZHIN MA YIN PA DE'I TSE RANG GI RKYEN MIN PA 'JAG MA SOGS KYI RANG BZHIN GYI 'BRAS BU SNAM BU NI YOD PA MIN TE, 'GAL BA'I PHYIR RO, ,CI STE RKYEN DANG RKYEN MA YIN PA'I RNAM DBYE YOD PA'I PHYIR 'BRAS BU YANG YOD DO ZHE NA, 'BRAS BU MED PAS NA, RKYEN MIN RKYEN DU GA LA 'GYUR, GAL TE 'BRAS BU YOD NA 'DI NI 'DI'I RKYEN YIN LA, 'DI NI 'DI'I RKYEN MA YIN NO ZHES BYA BAR 'GYUR NA JI SKAD BSHAD PA'I TSUL GYIS 'BRAS BU MED PAS NA RKYEN MIN DANG RKYEN DU DBYE BA YOD PAR GA LA 'GYUR TE, DE'I PHYIR DNGOS PO RNAMS LA RANG BZHIN GYIS SKYE BA MED DO, ,DE SKAD DU YANG 'PHAGS PA DKON MCHOG 'BYUNG GNAS KYI MDO LAS, GANG NA STONG PA RIG PA MED PA NI, NAM MKHA' BAR SNANG BYA YI RJES DANG

020a

, ,MTSUNGS, ,GANG LA NGO BO NYID NI 'GA' YOD MIN, ,DE NI NAM YANG GZHAN GYI RGYUR MI 'GYUR, ,GANG GI NGO BO NYID NI MI RNYED PA, ,RANG BZHIN MED DE JI LTAR GZHAN GYI RKYEN, ,RANG BZHIN MED PA GZHAN GYIS CI ZHIG BSKYED, ,RGYU DE BDE BAR GSHEGS PAS BSTAN PA'O, ,ZHES GSUNGS PA LTAR RO, ,DBU MA RTZA BA'I SHES RAB KYI RAB BYED DANG PO RKYEN BRTAG PA'I 'GREL PA'O,, ` ,,GNYIS PA 'GRO 'ONG BRTAG PA'I RAB BYED LA, DGAG PA RGYAS PAR BSTAN PA DANG, RIGS PA BSDUS TE BSTAN PA GNYIS LAS, DANG PO LA, GANG LA 'GRO BA'I LAS DGAG GANG 'GRO BA'I BYED PA PO DGAG 'GRO BA YOD PA'I SGRUB BYED DGAG GCIG DANG THA DAD BRTAGS LA DGAG SUN 'BYIN GYI LAM GZHAN BSTAN PA DANG LNGA'I, DANG PO LA; LAM SPYI LA 'GRO BA DGAG 'GOM BZHIN PA LA 'GRO BA DGAG PA GNYIS KYI, DANG PO NI, GAL TE SKYE BA BKAG PAS RTEN 'BREL GYI KHYAD PAR DGAG PA MED PA SOGS GRUB MOD, DE LTA NA YANG RTEN 'BREL 'GRO 'ONG MED PA 'GRUB PAR BYA BA'I PHYIR RAB TU GRAGS PA'I 'THAD PA 'GA' ZHIG BRJOD DGOS SO ZHE NA, BRJOD PAR BYA STE, 'DI LTAR 'GRO BA DANG 'ONG BA ZHES BYA BA YANG MA BRTAGS NA GRAGS PAS 'JIG RTEN GYI DBANG DU 'GRO BA LA SOGS PA'I THA SNYAD TZAM DU ZAD KYI (RNAL 'BYOR PA MNYAM PAR BZHAG PA SHES RAB KYIS DNGOS PO'I NGO BO JI LTA BA BZHIN DU RNAM PAR DPYAD NA) YANG DAG PAR YOD PA MA YIN TE, GAL TE 'GRO BA ZHES BYA BA NGES PA ZHIG YOD NA, RE ZHIG SONG BA'AM, MA SONG BA'AM, 'GOM BZHIN PA'I LAM LA YOD CES BRTAG DRANG, THAMS CAD MI RIGS TE, RE SHIG SONG

020b

LA MI 'GRO STE, MA SONG BA LA 'GRO BA MIN, ,SONG DANG MA SONG MA GTOGS PAR, ,'GOM PA SHES PAR MI 'GYUR RO, ,RE ZHIG SONG BA'I LAM 'GRO BA'I BYA BA 'GAGS ZIN PA LA MI 'GRO STE, 'GRO BA'I BYA BA 'GAGS ZIN PA LA 'GRO'O ZHES 'GRO BA'I BYA BA DA LTAR BAS ZIN PA BRJOD NA, 'BREL BA MED PA'I PHYIR, MA SONG BA 'GRO BA'I BYA BA MA SKYES PA LA YANG 'GRO BA MIN TE, 'GRO BA'I BYA BA MA SKYES PA'I MA 'ONGS PA DANG 'GRO BA'I BYA BA DA LTA BA 'GAL BA'I PHYIR RO, ,'GOM BZHIN PA'I LAM LA YANG 'GRO BA MED DE; SONG BA DANG MA SONG BA MA GTOGS PAR 'GOMS PA SHES PAR MI 'GYUR BA'I PHYIR TE, 'DI NA 'GRO BA POS BRGAL ZIN PA'I YUL NI SONG BA YIN LA, BRGAL MA ZIN PA'I YUL NI MA SONG BA YIN NA, DE GNYIS LAS THA DAD PA'I LAM GYI RNAM PA GZHAN MED PA'I PHYIR RO, ,GNYIS PA NI, 'GOM PA LA 'GRO BA YOD DE, GANG NA G-YO BA DE NA 'GRO, ,DE YANG GANG PHYIR 'GOM PA LA, ,G-YO BA SONG MIN MA SONG MIN, ,DE PHYIR 'GOM LA 'GRO BA YOD, (,DE LA, GANG NAS RKANG PA BTEG PA DE NI SONG BA YIN LA, GANG DU RKANG PA 'JOG PA DE NI MA SONG BA YIN PAS, DE GNYIS LAS GZHAN MA GTOGS PA'I GSUM PA 'GOM PA ZHES BYA BAR GYUR PA DE NI CI YANG MED PAS, DE'I PHYIR 'GOM PA LA 'GRO BA YOD PAR MI 'THAD DO,) LAM GANG NA 'GRO BA PO'I RKANG PA 'DEGS 'JOG GI G-YO BA YOD PA DE NA 'GRO BA YOD LA G-YO BA DE YANG GANG GI PHYIR 'GOM PA LA YOD KYI G-YO BA DE NI SONG BA LA YANG MIN MA SONG BA LA YANG MIN PA DE'I PHYIR 'GOM PA LA 'GRO BA YOD DO CE NA, DE LTAR BRTAGS KYANG, 'GOM LA 'GRO BA YIN PAR NI, JI LTA BUR NA 'THAD PAR 'GYUR, DE MI 'THAD PA KHO NA'O, ,CI'I PHYIR ZHE NA, GANG

021a

, ,TSE 'GRO BA MED PA YI, ,'GOM PA 'THAD PA MED PHYIR RO, ,GANG GI TSE KHYOD KYIS 'GRO BA'I BYA BAS ZIN PA'I LAM NYID 'GOM PA ZHES BRJOD PA DE'I TSE 'GRO BA'I BYA BA MED PA'I 'GOM PA 'THAD PA MED PA'I PHYIR DANG 'GRO BA'I BYA BA YANG GCIG LAS MED CING, GCIG PO DES LAM 'GOM PAR MTSON PAR BYAS PAS 'GRO'O ZHES PA'I SGRA 'GRO BA'I BYA BAS STONG PA'I PHYIR 'GOM PA LA 'GRO'O ZHES PA'I NGAG GI DON YONGS SU RDZOGS PA MA YIN NO, ,DE'I PHYIR 'GOM PA LA 'GRO BA MI 'THAD DO, ,CI STE 'GRO'O ZHES PA DE NYID 'GRO BA'I BYA BA DANG 'BREL PAR 'DOD NA, GANG GI 'GOM PA LA 'GRO BA, ,DE'I 'GOM LA 'GRO MED PAR, ,THAL BAR 'GYUR TE GANG GI PHYIR, ,'GOM LA 'GRO BA YIN PHYIR RO, ,RGOL BA GANG GI PHYOGS LA 'GRO BA'I BYA BAS STONG PA'I 'GOM PA LA 'GRO BAR 'DOD PA DE'I PHYOGS LA BGOM PA ZHES PA'I SGRA'I DON DU 'GRO BA'I BYA BA MED PAR THAL BAR 'GYUR TE, GANG GI PHYIR 'GRO BA'I BYA BA GCIG PO DE NI 'GRO'O ZHES PA DE DANG 'BREL BAS 'GRO BA'I BYA BA DANG BRAL BA'I BGOM PA KHO NA LA 'GRO BA YIN PA'I PHYIR RO, ,DE'I PHYIR 'GRO'O ZHES PA 'DI TZAM ZHIG TU 'GYUR GYI, BGOM PA ZHES PA DON GYIS STONG PAR 'GYUR RO, ,CI STE BGOM PA DANG 'GRO'O ZHES PA GNYIS KA YANG 'GRO BA'I BYA BA DANG 'BREL BAR 'DOD NA BGOM LA 'GRO BA YOD NA NI, ,'GRO BA GNYIS SU THAL 'GYUR TE, ,GANG GI DE BGOM 'GYUR BA DANG, ,DE LA 'GRO BA GANG YIN PA'O, ,BGOM PA DANG 'GRO BA'O ZHES PA GNYIS KA LA 'GRO BA'I BYA BA YOD NA, 'GRO BA'I BYA BA GNYIS SU THAL BAR 'GYUR TE, 'GRO BA GANG GIS LAM DE BGOM PAR MTSON PAR

021b

'GYUR BA NI GCIG YIN LA, GANG GIS LAM DE BGROD PA'I GZHIR GYUR PA'I BGOM PA LA 'GRO BA GANG YIN PA NI GNYIS PA YIN NO, ,'GRO BA GNYIS YOD MOD SKYON CI YOD CE NA, 'GRO BA GNYIS SU THAL 'GYUR NA, ,'GRO BA PO YANG GNYIS SU 'GYUR, ,'GRO BA'I BYA BA GNYIS SU THAL BAR 'GYUR NA, 'GRO BA PO YANG GNYIS SU THAL BAR 'GYUR TE, ,GANG PHYIR 'GRO PO MED PAR NI, ,'GRO BA 'THAD PAR MI 'GYUR PHYIR, ,GANG GI PHYIR BYA BA NI GDON MI ZA BAR BYED PA PO LA LTOS PAS 'GRO BA PO MED PAR 'GRO BA'I BYA BA 'THAD PAR MI 'GYUR BA'I PHYIR RO, ,LHA SBYIN GCIG PU LAM LA 'GRO BA NA, 'GRO BA PO GNYIS MED PAS BYA BA GNYIS MED DO, ,GNYIS PA GANG 'GRO BA'I BYED PA PO DGAG PA LA, SPYIR DGAG PA DANG, 'GRO BA PO 'GRO BA BYE BRAG TU DGAG PA GNYIS KYI, DANG PO NI; CI STE 'GRO BA YOD DE, 'GRO BA'I RTEN 'GRO BA PO YOD PA'I PHYIR ZHE NA, GAL TE 'GRO BO MED GYUR NA, ,'GRO BA 'THAD PAR MI 'GYUR TE, ,'GRO BA MED NA 'GRO BA PO, ,YOD PA NYID DU GA LA 'GYUR, ,GAL TE 'GRO BA PO YOD NA 'GRO BA YANG YOD PAR 'GYUR NA 'GRO BA PO MED PAR 'GYUR NA DE'I MED PA'I PHYIR DE LA BRTEN PA'I 'GRO BA 'THAD PAR MI 'GYUR RO, ,CI'I PHYIR 'GRO BA PO MED CE NA, BYED PA PO NI BYA BA LA LTOS PAS JI SKAD BSHAD PA'I TSUL GYIS 'GRO BA'I BYA BA MED NA DE'I RTEN 'GRO BA PO YOD PAR GA LA 'GYUR; ;DES NA 'GRO BA DANG 'GRO BA PO PHAN TSUN LTOS PAS GCIG MED NA GCIG SHOS MI 'GRUB BO ZHES PA'O, ,CI STE 'GRO BA YOD DE DE'I SGRAS DE DANG LDAN PAR BRJOD PA'I PHYIR, GAL TE 'GRO BA MED NA LHAS BYIN 'GRO'O ZHES BRJOD PA MI RIGS TE, 'KHAR BA

022a

, ,MED NA 'KHAR BA CAN ZHES BRJOD DU MED PA BZHIN NO ZHE NA, LHAS BYIN 'GRO ZHES BRJOD PA 'DI YANG MA BRTAGS PA'I THA SNYAD TZAM YIN GYI YANG DAG PA MIN TE, 'DI LTAR, RE ZHIG 'GRO PO MI 'GRO STE, ,'GRO BA PO MIN 'GRO BA MIN; ;'GRO PO 'GRO PO MIN LAS GZHAN, ,GSUM PA GANG ZHIG 'GRO BAR 'GYUR, ,GAL TE 'GRO BA YOD NA 'GRO BA PO'AM, ,'GRO BA PO MIN PA'AM, ,DE GNYIS LAS GZHAN PA ZHIG 'GRO DRANG, RE ZHIG 'GRO BA PO MI 'GRO BA DE LTAR NI TSIGS SU BCAD PA 'OG MA GSUM GYIS STON PAR 'GYUR RO, ,'GRO BA PO MIN PA NI 'GRO BA'I BYA BA DANG BRAL BA YIN LA, DE 'GRO BO ZHES BRJOD NA DON 'GAL BAS DE'I PHYIR 'GRO BA PO MIN PA 'GRO BA MIN NO, ,GANG LA 'GRO'O ZHES RTOG PA 'GRO PO DANG 'GRO PO MIN PA LAS GZHAN GSUM PA GANG ZHIG 'GRO BAR 'GYUR TE, DE LTA BU MED PA'I PHYIR RO, ,DE'I PHYIR 'GRO BA MED DO, ,GNYIS PA NI, GAL TE 'GRO BA PO MIN PA MI 'GRO LA GNYIS KA MA GTOGS PA YANG MI 'GRO STE, 'ON KYANG 'GRO BA PO KHO NA 'GRO'O ZHE NA, GANG TSE 'GRO BA MED PAR NI, ,'GRO PO 'THAD PAR MI 'GYUR NA, ,RE SHIG 'GRO PO 'GRO'O ZHES, ,JI LTAR 'THAD PA NYID DU 'GYUR, ,GANG GI TSE 'GRO BA PO 'GRO'O ZHES PA'I NGAG 'DIR 'GRO BA'I BYA BA NI GCIG YIN LA, DES KYANG 'GRO'O ZHES BRJOD PAR 'GYUR ZHING, 'GRO BA PO ZHES BRJOD PA LA NI 'GRO BA'I BYA BA GNYIS PA MED PA'I DE'I PHYIR 'GRO BA'I BYA BA MED PAR 'GRO BA PO ZHES PA'I NGAG DON LDAN DU 'THAD PAR MI 'GYUR NA, RE ZHIG 'GRO PO 'GRO'O ZHES PA'I NGAG 'DI DON YONGS SU RDZOGS PAR JI LTAR 'THAD PA NYID DU 'GYUR, ,'GRO'O

022b

ZHES PA DON DANG LDAN PA YIN DU CHUG KYANG 'GRO BA PO ZHES PA DON GYIS STONG PA'I PHYIR RO, ,GAL TE 'GRO BA'I BYA BA DANG BCAS PA'I 'GRO BA PO 'GRO'O ZHE NA, GANG GI PHYOGS LA 'GRO BA PO, ,'GRO BA DE LA 'GRO MED PA'I, ,'GRO SGRA YIN PAR THAL 'GYUR TE, ,'GRO PO 'GRO BAR 'DOD PHYIR RO, ,RGOL BA GANG GI PHYOGS LA 'GRO BA'I BYA BA DANG BCAS PA'I 'GRO BA PO 'GRO BA DE LA 'GRO BA'I BYA BA MED PA'I 'GRO SGRA YIN PAR THAL BAR 'GYUR TE, 'GRO BA'I BYA BA GNYIS PA MED PA'I PHYIR DANG, 'GRO BA'I BYA BA DANG BCAS PA'I 'GRO BA PO 'GRO BAR 'DOD PA'I PHYIR RO, ,DES NA PHYOGS 'DI 'GRO BA PO ZHES PA DON DANG LDAN YANG 'GRO ZHES PA DON GYIS STONG PAR 'GYUR RO, ,CI STE 'GRO BA PO 'GRO ZHES PA GNYIS KA YANG 'GRO BA'I BYA BA DANG LDAN PAR 'DOD NA, GAL TE 'GRO PO 'GRO 'GYUR NA, 'GRO BA GNYIS SU THAL 'GYUR TE, GANG GIS 'GRO POR MNGON PA DANG, ,'GRO POR GYUR NAS GANG 'GRO BA'O, ,GAL TE 'GRO PO ZHES PA DANG, 'GRO ZHES PA GNYIS KA 'GRO BA'I BYA BA DANG LDAN PAR 'GYUR NA 'GRO BA'I BYA BA GNYIS SU THAL BAR 'GYUR TE, 'GRO BA'I BYA BA GANG GIS 'GRO BA POR MNGON PA PA NI GCIG YIN LA, 'GRO BA POR GYUR NAS GANG 'GRO BA DE NI BYA BA GNYIS PA YIN PAS SO, ,GSUM PA 'GRO BA YOD PA'I SGRUB BYED DGAG PA LA, RTZOM PA YOD PA'I SGRUB BYED DGAG ,GNYEN PO YOD PA'I SGRUB BYED DGAG , LDOG PA YOD PA'I SGRUB BYED DGAG PA DANG GSUM GYI, DANG PO NI, GAL TE 'GRO BA YOD DE, 'GRO BA RTZOM PA YOD PA'I PHYIR RO ZHE NA, SONG LA 'GRO BA RTZOM MED DE, ,MA SONG BA LA 'GRO RTZOM MED, ,'GOM LA RTZOM PA YOD MIN NA, ,GANG DU 'GRO BA RTZOM PAR

023a

, ,BYED, ,GAL TE 'GRO BA RTZOM NA SONG BA'I LAM LA'AM, MA SONG BA'AM, 'GOM PA LA RTZOM DRANG, RE SHIG SONG BA'I LAM LA 'GRO BA RTZOM PA MED DE, SONG BA NI 'GRO BA'I BYA BA 'GAGS PA YIN LA, DER 'GRO BA DA LTAR BA RTZOM PA 'GAL BA'I PHYIR, MA SONG BA'I LAM LA'ANG 'GRO BA RTZOM PA MED DE, MA SONG BA NI 'GRO BA'I BYA BA MA SKYES PA'I MA 'ONGS PA YIN LA, MA 'ONGS PA DANG DA LTAR BA 'GAL BA'I PHYIR, 'GOM BZHIN PA'I LAM LA 'GRO BA RTZOM PA MED DE, SONG MA SONG LAS THA DAD PA'I 'GOM BZHIN PA MED PA'I PHYIR DANG, BYA BA GNYIS SU THAL BA'I PHYIR DANG, BYED PA PO YANG GNYIS SU THAL BAR 'GYUR BA'I PHYIR RO, ,DE'I PHYIR THAMS CAD DU 'GRO BA'I RTZOM PA MI 'THAD PA'I PHYIR LAM GANG DU 'GRO BA RTZOM PAR BYED CES GSUNGS SO; ;GZHAN YANG RIGS PA 'DIS KYANG 'GRO BA RTZOM PA MI 'THAD DE, 'DI LTAR, 'GRO BA RTZOM PA'I SNGA ROL NA, GANG DU 'GRO BA RTZOM 'GYUR BA, ,'GOM PA MED CING SONG BA MED, ,MA SONG 'GRO BA GA LA YOD, ,LHAS BYIN 'GRO BA RTZOM PA'I SNGA ROL 'DUG BZHIN PA'I TSE NA LAM GANG DU 'GRO BA RTZOM PAR 'GYUR BA BGOM PA'I LAM MED CING SONG BA'I LAM YANG MED DE, 'GRO BA'I BYA BA MA BRTZAMS PA'I PHYIR RO, ,CI STE 'GRO BA RTZOM PA'I SNGA ROL NA SONG BA DANG BGOM PA MED MOD, MA SONG BA'I LAM YOD DE, DER 'GRO BA RTZOM MO ZHE NA, MA SONG BA NI 'GRO BA'I BYA BA MA SKYES SHING 'GRO BA'I BYA BA MA BRTZAMS PA YIN NA, DER 'GRO BA RTZOM ZHES BYA BA MA 'BREL BA'I PHYIR, MA SONG 'GRO BA GA LA YOD CES BYA'O, ,GAL TE SONG BA DANG MA SONG BA DANG 'GOM PA LA 'GRO BA RTZOM PA

023b

MED MOD, SONG BA DANG MA SONG BA DANG 'GOM PA NI YOD LA 'GRO BA MED NA 'DI DAG KYANG MI RUNG NGO ZHE NA, 'GRO RTZOM RNAM PA THAMS CAD DU, ,SNANG BA MED PA NYID YIN NA, ,SONG BA CI ZHIG 'GOM PA CI, ,MA SONG CI ZHIG RNAM PAR BRTAG ,GAL TE 'GRO BA'I RTZOM PA YOD NA GANG DU 'GRO BA'I BYA BA 'GAGS PA NI SONG BA DANG, 'GRO BA'I BYA BA ZIN PA NI 'GOM PA DANG, 'GRO BA'I BYA BA MA SKYES PA NI MA SONG BA ZHES RNAM PAR BRTAG TU RUNG NA, JI SKAD BSHAD PA'I TSUL GYIS 'GRO RTZOM RNAM PA THAMS CAD DU SNANG BA MED CING MI DMIGS PA NYID YIN PA DE'I TSE, SONG BA'I LAM NI CI ZHIG 'GOM PA'I LAM NI CI, MA SONG BA'I LAM NI CI ZHIG RNAM PAR BRTAG DUS GSUM GYI LAM BRTAG TU MED PA DE'I PHYIR DE'I BRJOD PA'I RGYU 'GRO BA YANG MED DO, ,GNYIS PA NI, GAL TE 'GRO BA YOD DE, DE'I GNYEN PO SDOD PA YOD PA'I PHYIR ZHE NA, RE SHIG 'GRO PO MI SDOD DE, ,'GRO BA PO MIN SDOD PA MIN, ,'GRO PO 'GRO PO MIN LAS GZHAN, ,GSUM PA GANG ZHIG SDOD PAR 'GYUR, ,SDOD PA 'DI 'GRO BA PO'AM, ,'GRO BA PO MA YIN PA'AM, DE GNYIS LAS GZHAN PA ZHIG LA BRTAG DRANG, RE ZHIG 'GRO BA PO (RE ZHIG 'GRO BA PO NI MI SDOD DE 'GRO BA'I BYA BA DANG MA BRAL BA'I PHYIR RO, ,'GRO BA DANG BRAL BA LA NI 'GRO BA LAS LDOG PA'I SDOD PA MI 'THAD PA'I PHYIR RO,) ,JI LTAR MI SDOD PA DE LTAR NI TSIGS SU BCAD PA PHYI MAS STON PAR 'GYUR RO, , 'GRO BA PO MIN PA SDOD PA MIN TE, 'GRO BA PO MIN PA NI SDOD PA YIN LA, DE LA SDOD PA'AM GNAS PA GZHAN DON MED PA'I PHYIR DANG, SDOD PA PO SDOD NA SDOD PA'I BYA BA GNYIS YOD PAR THAL BA'I PHYIR SDOD PA PO YANG GNYIS SU THAL BA'I PHYIR RO, ,'GRO PO 'GRO PO

024a

, ,MIN LAS GZHAN GSUM PA GANG ZHIG SDOD PAR 'GYUR TE, DE 'DRA MED PA'I PHYIR RO, ,GAL TE 'GRO BA PO MIN PA MI SDOD LA RNAM PA GSUM PA YANG MI SDOD KYI 'ON KYANG 'GRO BA PO NYID SDOD DO ZHE NA, GANG TSE 'GRO BA MED PAR NA; 'GRO BO 'THAD PAR MI 'GYUR NA, ,RE ZHIG 'GRO PO SDOD DO ZHES, ,JI LTAR 'THAD PA NYID DU 'GYUR, ,GANG GI TSE 'GRO BA'I BYA BA MED PAR 'GRO BA PO YIN PA 'THAD PAR MI 'GYUR LA, 'GRO BA'I BYA BA DANG SDOD PA'I BYA BA GNYIS KYANG PHAN TSUN GCIG LA CIG CAR 'GRUB PA 'GAL PA'I PHYIR RE ZHIG 'GRO PO SDOD DO ZHES PA'I NGAG 'DI DON LDAN DU JI LTAR 'THAD PA NYID DU 'GYUR TE MI 'GYUR BA KHO NA'O, ,GSUM PA LDOG PA YOD PA'I SGRUB BYED DGAG PA LA, DNGOS DANG, GNAS PA YOD PA'I SGRUB BYED DGAG PA GNYIS KYI; DANG PO NI, GAL TE 'GRO BA YOD DE, 'GRO BA LAS LDOG PA NA GNAS PA RTZOM PA'I PHYIR ZHE NA, GAL TE DE LAS LDOG PA YOD NA 'GRO BA YOD PAR 'GYUR NA DE NI MED DE, 'GOM LAS LDOG PAR MI 'GYUR TE, SONG DANG MA SONG LAS KYANG MIN, ,DE LA 'GRO BA PO 'GOM BZHIN PA'I LAM LAS 'GRO BA LAS LDOG PAR MI 'GYUR TE, DE MA DMIGS PA'I PHYIR DANG DE LA 'GRO BA'I BYA BA MED PA'I PHYIR RO, ,SONG BA DANG MA SONG BA'I LAM LAS KYANG 'GRO BA LAS LDOG PA MIN TE, DE DAG LA 'GRO BA MED PA'I PHYIR RO, , GNYIS PA NI, GAL TE GNAS PA MED PAS 'GRO BA MED PA YIN NA, 'O NA 'GRO BA SGRUB PA'I PHYIR GNAS PA SGRUB PAR BYA STE, GNAS PA YOD DE, DE'I 'GRAN ZLA 'GRO BA YOD PA'I PHYIR ZHE NA, 'GRO BA DANG NI 'JUG PA DANG, ,LDOG PA YANG NI 'GRO DANG

024b

MTSUNGS, ,'GRO BA YANG NI 'GRO DANG MTSUNGS, ZHES TSIG RNAM PAR SBYOR RO, ,'DIR GNAS PA SGRUB PA'I PHYIR BKOD PA'I 'GRO BA GANG YIN PA DE NI, SNGAR 'GRO BA SGRUB PA'I PHYIR RTAGS SU BKOD PA'I GNAS PA LA SUN 'BYIN PA, RE ZHIG 'GRO PO MI SDOD DE; ;ZHES SOGS TSIGS SU BCAD PA GNYIS JI SKAD BRJOD PA BZHIN DU MTSUNGS TE, 'DI LTAR, RE SHIG GNAS PO MI 'GRO STE, GNAS PA PO MIN 'GRO BA MIN, ,GNAS PO GNAS PO MIN LAS GZHAN, ,GSUM PA GANG ZHIG 'GRO BAR 'GYUR, ,GANG TSE GNAS PA MED PAR NI, ,GNAS PO 'THAD PAR MI 'GYUR NA, ,RE ZHIG GNAS PO 'GRO'O ZHES, ,JI LTAR 'THAD PA NYID DU 'GYUR, ,CES 'DON PA BSGYUR TE BSHAD PAR BYA'O, ,CI STE GNAS PA YOD DE, DE RTZOM PA YOD PA'I PHYIR RO ZHE NA, 'JUG PA YANG NI 'GRO DANG MTSUNGS, ,'DIR GNAS PA SGRUB PA'I PHYIR BKOD PA'I 'JUG PA STE, GNAS PA RTZOM PA YANG NI, SNGAR 'GRO BA SGRUB PA'I PHYIR BKOD PA'I 'GRO BA RTZOM LA SUN 'BYIN PA, SONG LA 'GRO BA RTZOM MED DE, ,ZHES SOGS TSIGS SU BCAD PA GSUM BRJOD PA DE DANG MTSUNGS STE 'DI LTAR, GNAS LA GNAS PA RTZOM MED DE, ,MI GNAS PA LA GNAS RTZOM MED, ,GNAS BZHIN PA LA RTZOM MED NA, ,GANG DU GNAS PA RTZOM PAR BYED, ,GNAS PA RTZOM PA'I SNGA ROL NA, ,GANG DU GNAS PA RTZOM 'GYUR BA, ,GNAS BZHIN MED CING GNAS PA MED, ,MI GNAS GNAS PA GA LA YOD, ,GNAS RTZOM RNAM PA THAMS CAD DU, ,SNANG BA MED PA NYID YIN NA, ,GNAS PA CI ZHIG GNAS BZHIN CI, ,MI GNAS CI ZHIG RNAM PAR BRTAG ,CES 'DON PA BSGYUR TE BSHAD DO, ,GAL TE GNAS

025a

, ,PA YOD DE, GNAS PA LAS LDOG PA NA 'GRO BA RTZOM PA'I PHYIR ZHE NA, LDOG PA YANG NI 'GRO DANG MTSUNGS, ,'DIR GNAS PA SGRUB PA'I PHYIR BKOD PA'I LDOG PA YANG NI SNGAR 'GRO BA SGRUB PA'I PHYIR BKOD PA'I LDOG PA LA SUN 'BYIN PA; 'GOM LAS LDOG PAR MI 'GYUR TE, SONG DANG MA SONG LAS KYANG MIN, ,ZHES PA DANG MTSUNGS TE, 'DI LTAR GNAS BZHIN LAS LDOG MI 'GYUR TE, GNAS DANG MI GNAS LAS KYANG MIN, ,ZHES BRJOD PAR BYA'O, ,BZHI PA GCIG DANG THA DAD BRTAG LA DGAG PA NI, GZHAN YANG 'GRO BA YOD NA 'GRO BA PO DANG GCIG GAM THA DAD CES RNAM PAR DPYAD NA MI RIGS TE 'DI LTAR, 'GRO BA DE DANG 'GRO BA PO, ,DE NYID CES KYANG BYAR MI RUNG, ,'GRO BA DANG NI 'GRO BA PO, ,GZHAN NYID CES KYANG BYAR MI RUNG; CI'I PHYIR DE GCIG TU MI RUNG ZHE NA, ,GAL TE 'GRO BA GANG YIN PA, ,DE NYID 'GRO PO YIN GYUR NA, ,BYED PA PO DANG LAS NYID KYANG, ,GCIG PA NYID DU THAL BAR 'GYUR, ,GAL TE 'GRO BA'I BYA BA GANG YIN PA DE NYID 'GRO BA PO YIN PAR 'GYUR NA; GCOD PA'I BYA BA DANG, GCOD PA PO LA SOGS PA BYED PA PO DANG LAS NYID KYANG GCIG PA NYID DU THAL BAR 'GYUR LA, DE'I PHYIR 'DI NI BYA BA'O, ,'DI NI BYED PO'O ZHES PA'I RNAM DBYE MED PAR 'GYUR RO, ,GZHAN NYID DU YANG MI RIGS TE, GAL TE 'GRO DANG 'GRO BA PO, ,GZHAN PA NYID DU RNAM BRTAGS NAS, ,'GRO PO MED PA'I 'GRO BA DANG, ,'GRO BA MED PA'I 'GRO POR 'GYUR, ,GAL TE 'GRO BA DANG 'GRO BA PO GZHAN NYID YIN NA, BUM PA DANG SNAM BU LTAR 'GRO BA PO MED PA'I 'GRO BA'I BYA BA YAN GAR

025b

BA'AM, 'GRO BA'I BYA BA MED PA'I 'GRO BA PO YAN GAR BA GZUNG DU YOD PAR 'GYUR NA, DE YANG MI RIGS TE, BYED PA PO LA MA LTOS PA'I BYA BA'AM, BYA BA LA MA LTOS PA'I BYED PA PO MA DMIGS PA'I PHYIR RO, ,DE'I PHYIR, GANG DAG DNGOS PO GCIG PA DANG; ;DNGOS PO GZHAN PA NYID DU NI, ,GRUB PAR GYUR PA YOD MIN NA, ,DE GNYIS GRUB PA JI LTAR YOD, ,'GRO BA DANG 'GRO BA PO GANG DAG GCIG NYID DANG GZHAN NYID DU GRUB PAR GYUR PA YOD PA MA YIN NA, DE GNYIS RANG GI NGO BOS GRUB PA JI LTAR YOD; DE'I PHYIR YANG 'GRO BA DANG 'GRO BA PO MED DO, ,LNGA PA SUN 'BYIN GYI LAM GZHAN BSTAN PA NI, 'DI NA LHAS BYIN 'GRO BA PO 'GRO'O ZHES GRAGS PA'I PHYIR 'GRO BA PO NYID 'GRO BA YIN LA, DE LTA NA YANG 'GRO BA GNYIS SU THAL BAR MI 'GYUR TE, 'GRO BA'I BYA BA GANG GIS LHAS BYIN 'GRO PA POR MNGON PA DES LHAS BYIN 'GRO BAR YANG 'JOG GO ZHE NA, 'DI YANG MI RIGS TE, 'GRO BA GANG GIS 'GRO POR MNGON, ,'GRO BA DE NI DE 'GRO MIN, ,'GRO BA GANG GIS LHAN BYIN 'GRO BA POR MNGON CING 'JOG PAR BYED PA'I 'GRO BA DE NI LHAS BYIN DE 'GRO BAR 'JOG BYED MIN TE, GANG PHYIR 'GRO BA'I SNGA ROL MED, ,GANG ZHIG GANG DU 'GRO BAR 'GYUR, ,LHAS BYIN GANG ZHIG DON GZHAN DU GYUR PA'I GRONG NGAM GRONG KHYER GANG ZHIG TU 'GRO BAR MTHONG BA YIN NA, GANG GI PHYIR 'GRO BA'I BYA BA GANG GIS LHAN BYIN 'GRO BA POR 'JOG PA'I 'GRO BA'I BYA BA DE'I SNGA ROL TU 'GRO BA PO MED PA'I PHYIR, LHAS BYIN 'GRO BA'I SNGA ROL TU 'GRO BA POR GRUB NA 'GRO BA POR MTSON BYED KYI 'GRO BA'I BYA BA NYID KYIS LHAS BYIN 'GRO BAR YANG MTSON PAR BYED PA ZHIG

026a

, ,NA, 'GRO BA'I SNGA ROL TU 'GRO BA MED PAS 'GRO BA PO MA GRUB BO ZHES PA'O, ,GAL TE 'GRO BA GANG GIS 'GRO BA POR MNGON PA DES MI 'GRO YI, DE LAS GZHAN 'GRO'O SNYAM NA, DE YANG MA YIN TE, 'GRO BA GANG GIS 'GRO POR MNGON; ;DE LAS GZHAN PA DE 'GRO MIN, ,GANG PHYIR 'GRO PO GCIG PU LA, ,'GRO BA GNYIS SU MI 'THAD DO, ,'GRO BA'I BYA BA GANG GIS LHAS BYIN 'GRO BA POR MNGON CING MTSON PAR BYED PA DE LAS GZHAN PA'I 'GRO BA'I BYA BAS LHAS BYIN DE 'GRO BAR MTSON PA MIN TE, GAL TE YIN NA 'GRO BA POR MTSON PA DANG, 'GRO BAR MTSON PA'I BYA BA GNYIS YOD PAR 'GYUR NA GANG GI PHYIR 'GRO BA PO LHAS BYIN GCIG PU LA 'GRO BA'I BYA BA GNYIS SU MI 'THAD PA'I PHYIR TE, 'GRO BA PO YANG GNYIS SU THAL BA'I PHYIR RO, ,GNYIS PA RIGS PA BSDUS TE BSTAN PA NI, 'GRO PO YIN PAR GYUR PA NI, 'GRO RNAMS GSUM DU 'GRO MI BYED, ,MA YIN PAR NI GYUR DE YANG, ,'GRO RNAMS GSUM DU 'GRO MI BYED, ,YIN DANG MA YIN GYUR PA YANG, ,'GRO RNAMS GSUM DU 'GRO MI BYED, ,'GRO BA PO YIN PAR GYUR PA 'GRO BA'I BYA BA DANG LDAN PAR GYUR PA NI, 'GRO BA'I BYA BA DANG LDAN PA DANG MI LDAN PA DANG GNYIS KA YIN PA'I 'GRO BA RNAM PA GSUM DU 'GRO BAR MI BYED, 'GRO BA PO MA YIN PAR GYUR PA 'GRO BA'I BYA BA DANG MI LDAN PA DE YANG YIN PA DANG MA YIN PA DANG GNYIS KA YIN PA'I 'GRO BA RNAM PA GSUM DU 'GRO BAR MI BYED DO, 'GRO BA PO YIN PA DANG MA YIN PAR 'GYUR BA YANG, YIN PA DANG MA YIN PA DANG GNYIS KA YIN PA'I 'GRO BA RNAM PA GSUM DU 'GRO BAR MI BYED DO, ,'DI DAG GI SGRUB BYED NI, YIN PAR

026b

GYUR LA BYA BA MED, ,BYED PO MED PA'I LAS SU'ANG 'GYUR, ,ZHES SOGS SU 'CHAD PAR 'GYUR RO, ,GANG GI PHYIR DE LTAR RNAM PAR DPYAD NA 'GRO BA PO DANG, BGROD PA DANG, 'GRO BA RNAMS YOD PA MA YIN PA, DE PHYIR 'GRO DANG 'GRO PO DANG, ,BGROD PAR BYA BA YOD MA YIN, ,ZHES PA 'JUG BSDU BA'O, ,RTEN 'BREL 'GRO 'ONG DANG BRAL BA DE LTAR YANG, 'PHAGS PA BLO GROS MI BZAD PA BSTAN PA LAS, BTZUN PA SHA RA DVA TI'I BU, 'ONG BA ZHES BYA BA 'DI NI BSDU BA'I TSIG GO ,BTZUN PA SHA RA DVA TI'I BU, 'GRO BA ZHES BYA BA DE NI GSAL BA'I TSIG GO ,GANG LA BSDU BA'I TSIG MED PA DANG GSAL BA'I TSIG MED PA DE LA 'ONG BA YANG MED, 'GRO BA YANG MED DO, ,'ONG BA DANG 'GRO BA MED PA NI 'PHAGS PA RNAMS KYI 'GRO BA'O ZHES GSUNGS SO, ,DBU MA RTZA BA'I SHES RAB LAS 'GRO 'ONG BRTAG PA STE RAB BYED GNYIS PA'I 'GREL PA'O,, ` ,,GSUM PA DBANG PO BRTAG PA'I RAB BYED LA, PHYOGS SNGA MA BRJOD PA DANG, DE DGAG PA GNYIS KYI DANG PO NI, GAL TE 'GRO BA DANG 'GRO BA PO DANG BGROD PAR BYA BA MED KYANG; GSUNG RAB LAS BYUNG BA'I LTA BA (MIG) DANG BLTA BYA (GZUGS) DANG LTA BA PO (RNAM PAR SHES PA) RNAMS RANG BZHIN GYIS YOD PAR KHAS BLANGS DGOS TE, CHOS MNGON PA LAS, LTA DANG NYAN DANG SNOM PA DANG, ,MYANG BAR BYED DANG REG BYED YID, ,DBANG PO DRUG STE DE DAG GI ,SPYOD YUL LTA BAR BYA LA SOGS, ,LTA BA MIG DANG NYAN PA RNA BA DANG SNOM PA SNA DANG MYANG BAR BYED PA LCE DANG REG BYED LUS DANG YID DE, DBANG PO (DBANG PO DRUG ZHES BYA BA NI RANG GI YUL BYE BRAG TU 'BYED PA'I SGO NAS DBANG BYED PAS DBANG PO ZHES BYA'O,) DRUG PO DE

027a

, ,DAG GI SPYOD YUL BLTA BYA GZUGS DANG SOGS PAS MNYAN BYA SGRA DANG SNOM BYA DRI DANG MYANG BYA RO DANG REG BYA REG PA DANG SHES BYA CHOS RNAMS YIN PAR GSUNGS SO, ,DE'I PHYIR LTA BA LA SOGS PA NI RANG BZHIN GYIS YOD DO ZHES RANG GI SDE PA DAG 'DOD DO, ,GNYIS PA DE DGAG PA LA, LTA BA DGAG PA DANG, TSUL DE DBANG PO GZHAN LA YANG BSGRE BA'O, ,DANG PO LA LTA BYED DGAG PA DANG, LTA BA PO DGAG PA, ,BLTA BYA LTA BYED KYI 'BRAS BU DGAG PA DANG GSUM GYI, DANG PO LA BZHI'I DANG PO DGAG PA DNGOS NI, LTA DE RANG GI BDAG NYID NI, ,DE LA LTA BA MA YIN NYID, ,GANG ZHIG BDAG LA MI LTA BA, ,DE GZHAN DAG LA JI LTAR LTA, ,GAL TE MIG LTA BA'I RANG BZHIN DU 'DOD NA RANG LA YANG LTA DGOS TE, RANG GZHAN KUN LA MTSUNGS PA'I PHYIR RO; ;LTA BA'I RANG BZHIN DU 'DOD PA'I MIG DE RANG GI BDAG NYID DE LA LTA BA MA YIN PA NYID DE, RANG GI BDAG NYID LA BYED PA 'GAL BA'I PHYIR DANG KHAS MA BLANGS PA'I PHYIR RO, ,GANG ZHIG RANG GI BDAG NYID LA MI LTA BA DE NI SNGON PO LA SOGS PA GZHAN DAG LA JI LTAR LTA BAR BYED DE, BUM PA LA SOGS PA BZHIN NO, (GZHAN YANG MIG DE LA LTA BA'I MTHU YOD NA, GNYID LOG PA DANG MYOS PA DANG SHI BA LA SOGS PA'I GNAS SKABS DAG DANG MUN KHUNG DANG DUS THAMS CAD DU YANG THAMS CAD MTHONG BAR 'GYUR RO, ,GAL TE MI MTHONG NA NI DE LA LTA BA YOD PA MA YIN NO ZHES BYA BAR TSAD MAR RNAM PAR BZHAG GO) ,GNYIS PA SKYON SPONG DGAG PA NI, DPER NA ME NI GZHAN KHO NA BSREG GI ,RANG GI BDAG NYID MI BSREGS PA DE BZHIN DU LTA BAS KYANG GZHAN KHO NA LA BLTA'I RANG GI BDAG NYID LA MA YIN NO ZHE NA, LTA BA RAB TU SGRUB PA'I PHYIR, ,ME YI DPE NI

027b

NUS MA YIN, ,KHYOD KYIS LTA BA GZHAN KHO NA LA LTA BA RAB TU SGRUB PA'I PHYIR DU BKOD PA'I ME'I DPE GANG YIN PA DES NI DNGOS KYI DON SGRUB NUS PA MA YIN TE, GANG GI PHYIR, SONG DANG MA SONG 'GOM PA YIS, ,DE NI LTA BYAS LAN BTAB PO, ,ME'I DPE DE NI DNGOS KYI DON LTA BA DANG BCAS PA LA LHAN CIG TU LAN BTAB BO STE SUN PHYUNG NGO, ,GANG GIS ZHE NA, SONG BA DANG MA SONG BA DANG 'GOM PA'I LAM LA JI LTAR 'GRO BA MED PAR SNGAR BSTAN PA'I RIGS PA YIS SO, ,'DI LTAR, RE SHIG SONG LA MI 'GRO STE, , ZHES BRJOD PA DE BZHIN DU, RE SHIG BSREGS PA MI BSREG STE, MA BSREGS PA YANG MI BSREG GO ,BSREGS DANG MA BSREGS MA GTOGS PA, ,SREG BZHIN SHES PAR MI 'GYUR RO, ,ZHES DANG, RE SHIG BLTAS PA MI BLTA STE, ,MA BLTAS PA LA'ANG MI BLTA'O, ,BLTAS DANG MA BLTAS MA GTOGS PA, LTA BZHIN SHES PAR MI 'GYUR RO, ,ZHES BRJOD PAR BYA SHING, YANG JI LTAR, RE ZHIG 'GRO PO MI 'GRO STE, ZHES BSHAD PA BZHIN, RE SHIG SREG PO MI BSREG STE, SREG PA PO MIN BSREG PA MIN, ,SREG PO SREG PO MIN LAS GZHAN, ,GSUM PA GANG ZHIG BSREG PAR 'GYUR, ,ZHES DANG, RE ZHIG LTA PO MI BLTA STE, LTA PO MIN PA MI BLTA NYID, ,LTA PO LTA PO MIN LAS GZHAN, ,GSUM PA GANG ZHIG BLTA BAR 'GYUR, ,CES 'DON PA BSGYUR TE SUN 'BYIN PA BRJOD PAR BYA'O, ,GSUM PA DON BSDU BA NI, GANG TSE CUNG ZAD MI BLTA BA, ,LTA BAR BYED PA MA YIN NO, ,BLTAS PAS LTA BAR BYED CES BYAR, ,DE NI JI LTAR RIGS PAR 'GYUR, ,GANG GI TSE MIG JI SKAD BSHAD PA'I TSUL GYIS RANG BZHIN GANG LA YANG CUNG

028a

, ,ZAD KYANG MI BLTA BA DE'I TSE YANG DAG PAR LTA BAR BYED PA MA YIN NO, ,DE'I PHYIR LTA BAS NA LTA BAR BYED PA'O ZHES BYA BAR MIG DE NI JI LTAR RIGS PA YIN TE KA BA LA SOGS PA BZHIN NO, ,BZHI PA SUN 'BYIN GYI LAM GZHAN BSTAN PA NI; GZHAN YANG 'DI LTA BAS NA LTA BAR BYED PA'O ZHES BRJOD NA, LTA BA'I BYA BA DANG MIG LTA BA'I RANG BZHIN CAN ZHIG GAM, LTA BA'I RANG BZHIN CAN MA YIN PA ZHIG 'BREL BAR RTOG DRANG, GNYIS KA LTAR YANG MI RUNG STE, LTA BA LTA NYID MA YIN TE, ,LTA BA MIN PA MI BLTA NYID, ,LTA BA'I RANG BZHIN CAN LTA BA'I BYA BA DANG LDAN PA YIN YANG LTA BA NYID DANG 'BRAL BA MA YIN TE, LTA BA'I BYA BA GNYIS SU THAL BA'I PHYIR DANG, BYED PA YANG GNYIS SU THAL BA'I PHYIR RO, ,LTA BA'I RANG BZHIN CAN MIN PA YANG MI BLTA BA NYID DE; LTA BA'I BYA BA DANG BRAL BA'I PHYIR, GNYIS PA LTA BA PO DGAG PA NI, LTA BAR BYED PA YOD DE, LTA PA PO YOD PA'I PHYIR ZHE NA, LTA BA NYID KYIS LTA BA PO'ANG, ,RNAM PAR BSHAD PAR SHES PAR BYA, ,LTA DE RANG GI BDAG NYID NI, ,DE LA LTA BA MA YIN NYID; ,CES SOGS LTA BA NYID LA SUN 'BYIN PA NYID KYIS LTA BA PO LA'ANG SUN 'BYIN RNAM PAR BSHAD PAR SHES PAR BYA'O, ,LTA PO RANG GI BDAG NYID NI, DE LA LTA BA MA YIN NYID, ,GANG ZHIG BDAG LA MI BLTA BA, ,DE GZHAN DAG LA JI LTAR BLTA, ZHES SOGS BRJOD PAR BYA'O, ,GAL TE LTA BA PO YOD DE, DE'I LAS DANG BYED PA PO YOD PA'I PHYIR TE, BLTA BAR BYA BA DANG LTA BA YOD PA'I PHYIR RO ZHE NA, BLTA BYA DANG LTA BA NI LTA BA PO LA LTOS PA YIN LA, DE YANG DPYAD NA YOD PA MA YIN TE, MA SPANGS LTA PO YOD

028b

MIN TE, ,LTA BA SPANGS PAR GYUR KYANG NGO, ,LTA BA PO GANG ZHIG YOD NA LTA BA LA LTOS PA DANG BCAS PA'AM LTOS PA MED PA ZHIG TU 'GYUR DRANG, LTA BA MA SPANGS PA DE LA LTOS PA DANG BCAS PA'I LTA BA PO NI YOD PA MA YIN TE, LTA BA PO GRUB PA'AM MA GRUB PA GANG YANG LTA BA LA LTOS PA MI RIGS PA'I PHYIR TE, GRUB PA NI LTOS MI DGOS PA'I PHYIR DANG, MA GRUB PA NI MO SHAM GYI BU LTAR LTOS PA MI RIGS PA'I PHYIR RO, ,LTA BA SPANGS PAR GYUR PA'I LTA BA PO YANG YOD PA MA YIN TE, BYED PA PO NI BYA BA LA LTOS PA'I PHYIR RO, , DE'I PHYIR, LTA PO MED NA BLTA BYA DANG, ,LTA BA DE DAG GA LA YOD, ,JI SKAD BSHAD PA'I TSUL GYIS LTA BA PO MED NA, DE LA LTOS PA'I BLTA BYA DANG LTA BA DE DAG GA LA YOD, ,DE'I PHYIR DE DAG YOD PAS LTA BA PO YOD PAR MI 'GYUR RO, ,GSUM PA BLTA BYA LTA BYED KYI 'BRAS BU DGAG PA NI, JI LTAR PHA DANG MA DAG LA, ,BRTEN NAS BU NI 'BYUNG BAR BSHAD, ,DE BZHIN MIG DANG GZUGS BRTEN NAS, ,RNAM PAR SHES PA 'BYUNG BAR BSHAD, ,JI LTAR PHA DANG MA LA BRTEN NAS BU 'BYUNG BA DE BZHIN DU LTA BA MIG DANG BLTA BYA GZUGS LA BRTEN NAS RNAM PAR SHES PA 'BYUNG BA, GSUM 'DUS PA LAS REG PA, DE LAS TSOR BA, DE LAS SRED PA 'BYUNG BAR BSHAD DO, ,DE LTAR NA SRID PA'I YAN LAG BZHI PO BLTA BYA LTA BA'I RGYU CAN DAG YOD PA YIN TE, DE'I PHYIR BLTA BYA LTA BA GNYIS YOD DO ZHE NA, BLTA BYA LTA BA MED PA'I PHYIR, RNAM PAR SHES LA SOGS PA BZHI, ,YOD MIN, 'DI LTAR LTA BA PO MED PAS BLTA BYA LTA BA MED DO ZHES SNGAR BSHAD ZIN PA'I PHYIR DE'I RGYU CAN GYI RNAM PAR SHES PA LA SOGS PA BZHI YOD PA MIN NO, ,RNAM

029a

, ,SHES LA SOGS PA YOD DE, DE DAG GI 'BRAS BU LEN PA NAS RGA SHI BAR BZHI YOD PA'I PHYIR ZHE NA, NYE BAR LEN PA SOGS, JI LTA BUR NA YOD PAR 'GYUR, GANG GI TSE BLTA BYA DANG LTA BA MED PAS RNAM SHES LA SOGS PA BZHI MED PA DE'I TSE DE DAG GI 'BRAS BU NYE BAR LEN PA LA SOGS PA BZHI YANG JI LTA BUR NA YOD PAR 'GYUR TE MED PA KHO NA'O, ,GNYIS PA TSUL DE DBANG PO GZHAN LA SGRE BA NI, LTA BAS NYAN DANG SNOM PA DANG, ,MYANG BAR BYED DANG REG BYED YID, ,NYAN PA PO DANG MNYAN LA SOGS; ;RNAM PAR BSHAD PAR SHES PAR BYA, ,NYAN DE RANG GI BDAG NYID NI, ,DE LA NYAN PA MA YIN NYID, ,GANG ZHIG BDAG LA MI NYAN PA, ,DE GZHAN DAG LA JI LTAR NYAN, ,NYAN PAR RAB TU SGRUB PA'I PHYIR, ,ME YI DPES NI NUS MA YIN, ,SONG DANG MA SONG 'GOM PA YIS, ,DE NI NYAN BCAS LAN BTAB PO, ,ZHES SOGS THAMS CAD YID KYI BAR LA SBYAR NAS BSHAD PAR BYA'O, ,MIG LA SOGS PA'I DBANG PO DE DAG YANG DAG PAR GZUGS LA SOGS PA'I YUL CAN MA YIN PA DE LTAR YANG BCOM LDAN 'DAS KYIS; MIG GIS GZUGS RNAMS MI MTHONG STE, ,YID KYIS CHOS RNAMS MI SHES TE, ,GANG DU 'JIG RTEN MI 'JUG PA, ,'DI NI BDEN PA'I MCHOG YIN NO, ,ZHES SOGS GSUNGS, DBU MA RTZA BA'I SHES RAB LAS DBANG PO BRTAG PA ZHES BYA BA RAB BYED GSUM PA'I 'GREL PA'O,, ` ,,BZHI PA PHUNG PO BRTAG PA'I RAB BYED LA, PHYOGS SNGA MA BRJOD PA DANG, DE DGAG PA GNYIS LAS, DANG PO NI, GAL TE DBANG PO RNAMS YOD DE, PHUNG PO LNGA YOD PA'I PHYIR DANG, DBANG PO RNAMS KYANG DE DAG GI

029b

KHONGS SU 'DU BA'I PHYIR RO ZHE NA, DE DGAG PA LA, GZUGS PHUNG DGAG PA DANG, TSUL DE PHUNG PO GZHAN LA BSGRE BA GNYIS KYI, DANG PO LA, RGYU 'BRAS KYI GZUGS SPYIR DGAG PA DANG, RGYU GZUGS KHYAD PAR DU DGAG BKAG PA'I DON BSDU, SUN 'BYIN GYI LAM GZHAN BSTAN PA DANG BZHI'I, DANG PO NI, GZUGS KYI RGYU NI MA GTOGS PAR, GZUGS NI DMIGS PAR MI 'GYUR RO, ,GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,GZUGS KYI RGYU NI SA LA SOGS PA'I 'BYUNG BA RNAMS TE 'BRAS BU'I GZUGS SKYED BYED YIN PA'I PHYIR RO, ,GZUGS NI 'BRAS BU'I GZUGS TE YUL LNGA DANG DBANG PO LNGA RNAMS SO, ,GZUGS KYI RGYU SA LA SOGS PA'I 'BYUNG BA RNAMS MA GTOGS PAR LOGS SU 'BRAS BU'I GZUGS DMIGS PAR MI 'GYUR RO, ,'BRAS BU'I GZUGS GZUGS SGRA SOGS MA GTOGS PAR LOGS SU GZUGS KYI RGYU 'BYUNG BA RNAMS KYANG MI SNANG NGO, ,CI'I PHYIR ZHE NA, GZUGS KYI RGYU NI MA GTOGS PAR, ,GZUGS NA GZUGS KYI RGYU MED PAR, ,THAL BAR 'GYUR TE DON GANG YANG, ,RGYU MED PAR NI GANG NA'ANG MED, ,JI LTAR BUM PA LAS DON GZHAN PA'I SNAM BU NI DE'I RGYU CAN MA YIN PA LTAR GZUGS KYI RGYU 'BYUNG BA LAS MA GTOGS PAR DE LAS THA DAD PA'I 'BRAS BU'I GZUGS YOD NA 'BRAS BU'I GZUGS DE NI RGYU MED PAR THAL BAR 'GYUR TE, 'BYUNG BA LAS DON GZHAN YIN PAS DE LA MI LTOS PA'I PHYIR DANG, RGYU GZHAN MED PA'I PHYIR RO, ,DON GANG YANG RGYU MED PA NI GANG NA'ANG MED DE, RTAG TU YOD PA'AM YANG NA NAM YANG MED PAR THAL BA'I PHYIR RO, ,DE'I PHYIR GZUGS KYI

030a

, ,RGYU LAS MA GTOGS PA'I GZUGS KHAS MI BLANG NGO, ,'BRAS BU'I GZUGS LAS MA GTOGS PA'I GZUGS KYI RGYU 'BYUNG BA YANG MED DE, GAL TE GZUGS NI MA GTOGS PAR, GZUGS KYI RGYU ZHIG YOD NA NI, 'BRAS BU MED PA'I RGYUR 'GYUR TE, 'BRAS BU MED PA'I RGYU MED DO, ,GAL TE 'BRAS BU GZUGS LAS MA GTOGS PAR DE LAS THA DAD PA'I GZUGS KYI RGYU 'BYUNG BA ZHIG YOD NA, DE'I TSE JI LTAR SNAM BU LAS THA DAD PA'I BUM PA SNAM BU'I RGYU CAN MA YIN PA LTAR 'BRAS GZUGS LAS THA DAD PA'I RGYU GZUGS NI DE'I RGYU MA YIN PAS GZUGS KYI RGYU 'BYUNG BA NI 'BRAS BU MED PA'I RGYUR 'GYUR NA, RGYU'I THA SNYAD 'JUG PA'I RGYU NI 'BRAS BU LA LTOS PAS 'BRAS BU MED PA'I RGYU MED DO, ,GNYIS PA NI, SA SOGS 'BYUNG BA 'DI RNAMS 'BRAS GZUGS KYI RGYUR 'DOD NA 'BRAS GZUGS YOD PA'AM MED PA ZHIG LA 'DOD DRANG, GNYIS KA LTAR YANG MI RIGS TE, GZUGS YOD NA YANG GZUGS KYI NI, ,RGYU YANG 'THAD PAR MI 'GYUR NYID, ,GZUGS MED NA YANG GZUGS KYI NI, ,RGYU YANG 'THAD PAR MI 'GYUR NYID, ,'BRAS BU'I GZUGS YOD NA YANG GZUGS KYI RGYU 'BYUNG BA DE SKYED BYED DU 'THAD PAR MI 'GYUR TE, YOD PA THOB ZIN PAS DGOS PA MED PA'I PHYIR RO, ,'BRAS BU'I GZUGS MED NA YANG GZUGS KYI RGYU DE SKYED BYED DU 'THAD PAR MI 'GYUR TE; MED PA SGRUB MI NUS PA'I PHYIR RO, ,CI STE DE LTAR GZUGS KYI RGYU MI SRID MOD, 'BRAS BU'I GZUGS NI YOD DO SNYAM NA, RGYU MED PA YI GZUGS DAG NI, ,'THAD PAR MI RUNG RUNG MIN NYID, ,GZUGS KYI RGYU CI LTAR MED PA DE LTAR BSHAD ZIN TO, ,DE'I

030b

PHYIR RGYU MED PA'I 'BRAS BU'I GZUGS DAG 'THAD PAR MI RUNG RUNG MIN NYID DE MI 'THAD PA KHO NA YIN TE, DE LTAR MA MTHONG BA'I PHYIR DANG MI 'DOD PA'I PHYIR RO, ,MI RUNG RUNG MIN NYID CES NGES GZUNG DANG BCAS PA'I DGAG PA GNYIS SMOS PA NI RGYU MED PA SHIN TU THA CHAD PAR STON PA'O, ,GSUM PA NI, DE PHYIR GZUGS KYI RNAM PAR RTOG ,'GA' YANG RNAM PAR BRTAG MI BYA, ,GANG GI PHYIR DE LTAR GZUGS RNAM PAR DPYAD NA RANG BZHIN MED PA DE'I PHYIR, RNAL 'BYOR PA DE KHO NA NYID GZIGS PA RNAMS KYIS BSTAN YOD BSTAN MED THOGS BCAS THOGS MED 'DAS MA 'ONGS SNGO SER SOGS GZUGS LA DMIGS PA'I RNAM PAR RTOG PA 'GA' YANG RNAM PAR BRTAG PAR MI BYA'O, ,'DIR CHOS MNGON PA DAG GIS SMRAS PA, 'BYUNG BA RNAMS RGYUR BYAS PA LA NI KHA DOG DANG DBYIBS KYI BDAG NYID KYI GZUGS RNAM PA NYI SHU 'BYUNG BA'I PHYIR, 'BYUNG BA RNAMS NI NGO BO NYID YOD PA KHO NA'O ZHES NA, GZUGS KYI SKYE MCHED CES BYA BA LA KUN RTOG GIS BRTAGS PA YIN GYI YANG DAG PA MA YIN TE, GANG GI PHYIR DE DAG YANG DAG PA YIN NA 'JIG RTEN PA'I RNAL 'BYOR PA NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG CI YANG MED PA'I SNYOMS PAR 'JUG PA SGOM PA LA GNAS PA DAG KYANG RE ZHIG GZUGS KYI 'DU SHES DANG, THOGS PA'I 'DU SHES RNAM PA THAMS CAD DU NUB CING, DE BZHIN DU RNAM PAR THAR PA BRGYAD DANG, ZIL GYIS GNON PA'I SKYE MCHED DANG, ZAD PAR GYI SKYE MCHED DAG SGOM PA GOM PA'I 'JUG DU YANG GZUGS KYI 'DU SHES YOD PAR 'GYUR NA, THEG CHEN GYI RNAL 'BYOR PA SKAL PA DPAG TU MED PAR DNGOS PO'I RANG GI NGO

031a

, ,BO NYID DU BSGOM PA STONG PA NYID DANG MTSAN MA MED PA DANG SMON PA MED PA SGOM PA MTHAR PHYIN PA LA GNAS PA RNAMS GZUGS SU 'DZIN PAR 'GYUR BA LTA SMOS KYANG CI DGOS TE RIGS PA MA YIN NO, ,DBU MA SNYING POR YANG, DES NA KHA DOG (SNGON PO SOGS) DBYIBS (GRU BZHI SOGS) DANG NI, ,BSAGS (RDZAS BRGYAD) DANG PHRA DANG RAGS SOGS KYIS, ,DBYE BAS GZUGS KYI MTSAN NYID GANG, ,JI SNYED RNAM PAR BRTAGS PA RNAMS, ,JI LTAR RIGS PA'I SBYOR BA YIS, ,BKAG PAR KHONG DU CHUD PAR BYA ZHES SO, ,BZHI PA NI, GAL TE 'BYUNG BA 'DI 'BRAS BU'I GZUGS SGRUB PAR BYED NA RANG DANG 'DRA BA'AM MI 'DRA BA ZHIG SGRUB DRANG, GNYIS KA LTAR YANG MI 'THAD DE, 'BRAS BU RGYU DANG 'DRA BA ZHES, ,BYA BA 'THAD PA MA YIN NO, ,'BRAS BU RGYU DANG MI 'DRA ZHES; ;BYA BA'ANG 'THAD PA MA YIN NO, ,'BRAS BU'I GZUGS RNAMS RGYU'I GZUGS DANG 'DRA BA 'THAD PA MA YIN TE, 'BYUNG BA RNAMS NI SRA BA DANG GSHER BA DANG DRO BA DANG G-YO BA'I NGO BO YIN LA, 'BRAS GZUGS MIG LA SOGS PA'I DBANG PO RNAMS NI MIG GI RNAM SHES LA SOGS PA'I RTEN GZUGS DANG BA YIN LA, PHYI ROL GZUGS SGRA LA SOGS PA RNAMS NI MIG GI RNAM SHES SOGS KYI GZUNG BYA'I MTSAN NYID CAN YIN PAS MTSAN NYID THA DAD PA CAN YIN PA'I PHYIR RO, ,'BRAS BU RGYU DANG MI 'DRA ZHES BYA BA'ANG 'THAD PA MA YIN TE, 'KHOR BA DANG MYANG 'DAS LTAR MTSAN NYID MI 'DRA BA RGYU 'BRAS SU MI RUNG BA'I PHYIR RO, ,GNYIS PA TSUL DE GZHAN LA BSGRE BA LA, DNGOS DANG, RIGS PA MTSUNGS PA'I RGYU MTSAN BSTAN PA GNYIS KYI, DANG PO NI, TSOR DANG 'DU SHES 'DU BYED

031b

DANG; ;SEMS DANG DNGOS PO THAMS CAD KYANG, ,RNAM PA DAG NI THAMS CAD DU, ,GZUGS NYID KYIS NI RIM PA MTSUNGS, ,TSOR BA LA SOGS PA PHUNG PO LHAG MA BZHI PO DANG MTSAN NYID MTSAN GZHI YAN LAG DANG YAN LAG CAN LA SOGS PA DNGOS PO THAMS CAD KYANG DGAG PA'I RIM PA GZUGS LA RNAM PAR DPYAD PA'I RIM PA DANG MTSUNGS PAR SBYAR BAR BYA STE, 'DI LTAR, TSOR BA'I RGYU NI MA GTOGS PAR, ,TSOR BA DMIGS PAR MI 'GYUR RO, ,ZHES PA NAS, DE PHYIR TSOR BA'I RNAM PAR RTOG ,'GA' YANG RNAM PAR BRTAG MI BYA, ,ZHES SOGS THAMS CAD LA SBYAR TE BSHAD DO, ,GNYIS PA NI, CI'I PHYIR PHUNG PO GZHAN RNAMS KYANG GZUGS RNAM PAR DPYAD PA'I RIM PA DANG MTSUNGS ZHE NA, STONG PA NYID KYI RTZAD BYAS TSE, ,GANG ZHIG LAN 'DEBS SMRA BYED PA, ,DE YANG THAMS CAD LAN BTAB MIN, ,BSGRUB PAR BYA DANG MTSUNGS PAR 'GYUR, ,GANG DAG GZUGS RANG BZHIN GYIS GRUB PAR SMRA BA LA, GZUGS KYI RGYU NI MA GTOGS PAR ZHES SOGS STONG PA NYID KYIS RTZAD CING DGAG PA BYAS PA DE'I TSE, 'GA' ZHIG GZUGS YOD DE, TSOR BA LA SOGS PA PHUNG PO GZHAN RNAMS YOD PA'I PHYIR RO ZHES LAN 'DEBS SMRA BAR BYED NA DE'I THAMS CAD LAN BTAB PA MIN TE, TSOR BA LA SOGS PA YOD PA YANG BSGRUB BYA GZUGS KYI YOD PA DANG MTSUNGS PA'I PHYIR TE, 'DI LTAR; JI LTAR GZUGS RANG GI RGYU LAS DE NYID DANG GZHAN DU MA GRUB PA DE BZHIN DU REG PA'I RKYEN GYIS TSOR BA DANG, RNAM SHES DANG LHAN CIG PA'I 'DU SHES DANG MA RIG PA'I RKYEN GYIS 'DU BYED DANG 'DU BYED KYI RKYEN GYIS RNAM PAR SHES PA YANG RANG GI RGYU LAS DE

032a

, ,NYID DANG GZHAN DU RNAM PAR DPYAD NA MA GRUB PA'I PHYIR RO, ,JI LTAR GZHAN GYI PHYOGS SUN 'BYIN PA LA TSUL 'DI BRJOD PA DE BZHIN DU BSHAD PA BYED PA'I TSE YANG YIN NO ZHES BSHAD PA, STONG PA NYID KYI BSHAD BYAS TSE, ,GANG ZHIG SKYON 'DOGS SMRA BYED PA, ,DE YI THAMS CAD SKYON 'DOGS MIN, ,BSGRUB PAR BYA DANG MTSUNGS PAR 'GYUR, ,STONG PA NYID KYI BSHAD PA BYAS PA'I TSE SLOB MA LTA BU GANG ZHIG GZUGS YOD DE, TSOR BA SOGS GZHAN RNAMS YOD PA'I PHYIR RO ZHES SOGS SKYON 'DOGS SMRA BAR BYED PA DE YI THAMS CAD SKYON BTAGS PA MIN TE, SNGA MA BZHIN DU BSGRUB BYA DANG MTSUNGS PAR 'GYUR BA'I PHYIR RO, ,DBU MA PAS NI, CHOS GCIG STONG PAR SMRA BA NA THAMS CAD DE DANG MTSUNGS PA'I PHYIR 'GAS KYANG LAN BTAB PA'AM SUN 'BYIN MI NUS PA'I PHYIR RO ZHES PA'O, ,DE LTAR YANG NAM MKHA' MDZOD KYI MDO LAS, CHOS GCIG GIS NI CHOS THAMS CAD SGYU MA DANG, SMIG SGYU DANG 'DRA GZUNG BYAR MED CING GSOG DANG NI, BRDZUN ZHING THER ZUG MIN PAR RJES SU RTOGS GYUR PA, ,DE NI RING POR MI THOGS BYANG CHUB SNYING POR 'GRO, ,ZHES GSUNGS PA LTAR RO, ,DBU MA RTZA BA'I SHES RAB LAS PHUNG PO BRTAG PA'I RAB TU BYED PA STE BZHI BA'I 'GREL PA'O,, ` ,,LNGA PA KHAMS BRTAG PA'I RAB BYED LA, ,PHYOGS SNGA MA DANG, DE DGAG PA GNYIS KYI DANG PO NI, KHAMS RNAMS NI YOD DE, BCOM LDAN 'DAS KYIS RGYAL PO CHEN PO SKYES BU GANG ZAG 'DI NI KHAMS DRUG PA'O ZHES GSUNGS SO, ,DE'I PHYIR GSUNG RAB LAS 'DON PA LAS NA KHAMS BZHIN DU PHUNG PO DANG SKYE MCHED KYANG YOD DO ZHE

032b

NA; GNYIS PA DE DGAG PA LA KHAMS DRUG RGYAS PAR DGAG MTHAR 'DZIN GYIS MI GROL BAR BSTAN PA GNYIS KYI, DANG PO LA, NAM MKHA'I KHAMS DGAG PA DANG, TSUL DE GZHAN LA BSGRE BA GNYIS KYI, DANG PO LA DGAG PA RGYAS PAR BSTAN PA DANG; BKAG PA'I 'JUG BSDU BA GNYIS KYI, DANG PO LA MTSAN MTSON DGAG PA DANG, DNGOS DANG DNGOS MED DGAG PA GNYIS KYI DANG PO LA GSUM GYI, MTSAN NYID DGAG PA NI, DE LA KHAMS DRUG NI SA DANG CHU DANG ME DANG RLUNG DANG NAM MKHA' DANG RNAM PAR SHES PA'O, ,DE LA NAM MKHA' RDZAS GRUB DGAG PA'I DBANG DU BYAS TE BSHAD PA, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,GAL TE MTSAN LAS SNGA GYUR NA, ,MTSAN NYID MED PAR THAL BAR 'GYUR, ,'DIR NAM MKHA'I MTSAN NYID NI SGRIB PA MED PA YIN LA DE'I SNGA ROL DU MTSAN GZHI NAM MKHA' YOD NA DE LA MTSAN NYID 'JUG PAR RIGS NA YANG, NAM MKHA'I MTSAN NYID SGRIB PA MED PA'I SNGA ROL NA MTSAN GZHI NAM MKHA' CUNG ZAD KYANG YOD PA MA YIN TE, GAL TE MTSAN NYID LAS SNGAR MTSAN GZHI GRUB PAR GYUR NA MTSAN NYID MED PAR THAL BAR 'GYUR BA'I PHYIR RO, ,DE NI 'DOD PA'AM RIGS PA YANG MA YIN TE, MTSAN NYID MED PA'I DNGOS PO NI, ,'GA' YANG GANG NA'ANG YOD MA YIN, ,GAL TE MTSAN NYID YOD DE, DE LA MTSAN NYID 'JUG PA YOD PA'I PHYIR ZHE NA, MTSAN NYID MED PA'I DNGOS MED NA, ,MTSAN NYID GANG DU 'JUG PAR 'GYUR, MTSAN NYID KYI SNGA ROL NA MTSAN NYID MED PA'I MTSAN GZHI'I DNGOS PO MED DO ZHES BSHAD ZIN PA'I PHYIR NA MTSAN NYID GANG DU 'JUG PAR 'GYUR

033a

, ,TE, DES NA MTSAN NYID 'JUG PA MED DO, ,GAL TE SNGAR MTSAN GZHI GRUB LA, PHYIS MTSAN NYID 'JUG PAR 'DOD NA YANG MTSAN NYID MED PA'I NYES PA DE NYID DU 'GYUR RO, ,GNYIS PO CIG CAR GRUB BO ZHE NA YANG, ,RA G-YAS G-YON BZHIN DU PHAN TSUN LTOS PA MED PA'I PHYIR MTSAN MTSON DU MI RIGS SO, ,GZHAN YANG MTSAN NYID 'JUG PA NA MTSAN NYID DANG BCAS PA'AM MTSAN NYID MED PA ZHIG LA 'JUG DRANG, GNYIS KA LTAR YANG MI 'THAD DE, MTSAN NYID MED LA MTSAN NYID NI, , MI 'JUG MTSAN NYID BCAS LA'ANG MIN, ,MTSAN NYID MED PA LA NI MTSAN NYID MI 'JUG STE, RI BONG GI RVA BZHIN, MTSAN NYID DANG BCAS PA LA YANG MTSAN NYID MI 'JUG STE, MTSAN NYID DANG LDAN PAR GRUB PA LA YANG MTSAN NYID 'JUG PA DON MED PA'I PHYIR RO; ;GAL TE 'JUG NA THUG PA MED PAR 'GYUR RO, ,DE GNYIS LAS GZHAN LA 'JUG GO ZHE NA, MTSAN BCAS MTSAN NYID MED PA LAS, GZHAN LA'ANG 'JUG PAR MI 'GYUR RO, ,MTSAN NYID DANG BCAS PA YANG MA YIN MTSAN NYID MED PA YANG MA YIN PA DE LTA BU NI MI SRID PA'I PHYIR RO, ,GNYIS PA MTSAN GZHI DGAG PA NI, GAL TE MTSAN NYID 'JUG PA MED KYANG MTSAN GZHI YOD DO SNYAM NA, MTSAN NYID 'JUG PA MA YIN NA, MTSAN GZHI 'THAD PAR MI 'GYUR RO, ,GANG GI TSE JI SKAD BSHAD PA'I TSUL GYIS MTSAN NYID 'JUG PA MED PA DE'I TSE MTSAN GZHI 'THAD PAR MI 'GYUR TE, MTSAN GZHI NI MTSAN NYID 'JUG PA LA LTOS PA'I PHYIR RO, ,GAL TE MTSAN NYID 'JUG PA MED KYANG MTSAN NYID NI YOD LA DE YOD PAS MTSAN GZHI YANG YOD DO ZHE NA, MTSAN GZHI 'THAD PA MA YIN

033b

NA; MTSAN NYID KYANG NI YOD MA YIN, ,GANG GI TSE MTSAN NYID 'JUG PA MA YIN PAS MTSAN GZHI 'THAD PA MA YIN PA DE'I TSE MTSAN NYID KYANG YOD PA MA YIN TE, RTEN MED PA'I PHYIR RO, ,GSUM PA DON BSDU BA NI, DE PHYIR MTSAN GZHI YOD MIN TE, MTSAN NYID YOD PA NYID MA YIN, GNYIS PA DNGOS DANG DNGOS MED DGAG PA NI, GAL TE MTSAN GZHI DANG MTSAN NYID MED PA DE LTA NA YANG NAM MKHA' DNGOS PO'I RANG BZHIN CAN YOD DO ZHE NA, MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, , CI'I PHYIR ZHE NA, MTSAN GZHI DANG MTSAN NYID DANG BRAL BA'I PHYIR NAM MKHA'I ME TOG BZHIN NO, ,GAL TE NAM MKHA' DNGOS PO BA MED NA 'O NA DNGOS PO MED PA YOD DO ZHE NA, DNGOS PO YOD PA MA YIN NA, DNGOS MED GANG GI YIN PAR 'GYUR, GANG GI TSE NAM MKHA' DNGOS PO BA YOD PA MA YIN PA DE'I TSE DNGOS PO MED PA GANG GI YIN PAR BRTAG STE, DNGOS PO GNAS SKABS GZHAN DU 'GYUR BA LA DNGOS PO MED PA ZHES 'JIG RTEN NA GRAGS PA'I PHYIR RO, ,DE BAS NA NAM MKHA' NI THA SNYAD DU GZUGS MED PA TZAM LA RNAM PAR BZHAG LA, JI SKAD BSHAD PA'I RIGS PAS GZUGS MED NA DE BKAG PA'I NAM MKHA' YOD PAR GA LA 'GYUR, GAL TE DNGOS PO DANG DNGOS MED YOD MED RTOG PAR BYED PA PO KHYOD YOD PA'I PHYIR DE DAG KYANG YOD DO ZHE NA, DE YANG MI RIGS TE, DNGOS DANG DNGOS MED MI MTHUN CHOS, ,GANG GIS DNGOS DANG DNGOS MED SHES, ,RTOG PAR BYED PA PO DE DNGOS PO'AM, DNGOS MED DAM, ,DE GNYIS KYI MI MTHUN CHOS GSUM PA GANG GIS DNGOS DANG DNGOS MED SHES, ,RE SHIG DNGOS PO'I NI MA YIN

034a

, ,TE, MTSAN GZHI MTSAN NYID MA GTOGS PA, DNGOS PO YANG NI YOD MA YIN, ZHES SUN PHYUNG BAS SO, ,DNGOS PO MED PA'I MA YIN TE, DNGOS PO YOD PA MA YIN NA, DNGOS MED GANG GI YIN PAR 'GYUR, ,ZHES BSHAD PAS SO; ;DE GNYIS KA MA YIN PA'I MI MTHUN CHOS KYANG MED DO, ,DE'I PHYIR DNGOS PO DANG DNGOS MED RTOG PA PO MED DO, ,GNYIS PA BKAG PA'I 'JUG BSDU BA NI, DE PHYIR NAM MKHA' DNGOS PO MIN, ,DNGOS MED MA YIN MTSAN GZHI MIN, ,MTSAN NYID MA YIN ZHES GSUNGS SO, ,GNYIS PA TSUL DE GZHAN LA BSGRE BA NI, KHAMS LNGA PO, GZHAN GANG DAG KYANG NAM MKHA' MTSUNGS, ,SA DANG CHU DANG ME DANG RLUNG DANG RNAM PAR SHES PA STE KHAMS LNGA PO GZHAN GANG DAG KYANG NAM MKHA'I RNAM PAR DPYAD PA DANG MTSUNGS PAR SHES PAR BYA STE, 'DI LTAR SA YI MTSAN NYID SNGA ROL NA, SA NI CUNG ZAD YOD MA YIN, ,ZHES PA NAS, DE PHYIR SA NI DNGOS PO MIN, ,ZHES SOGS KYI BAR BRJOD PAR BYA'O, ,GNYIS PA MTHAR 'DZIN GYIS MI GROL BAR BSTAN PA NI, BLO CHUNG GANG DAG DNGOS RNAMS LA, ,YOD PA NYID DANG MED NYID DU, ,LTA BA DES NI LTA BYA BA, ,NYE BAR ZHI BA ZHI MI MTHONG, ,RANG BZHIN GYIS BLO CHUNG ZHING ZHAN PA NYID KYIS YOD MED KYI MTHAR ZHEN CING MYA NGAN LAS 'DAS PA'I LAM RANG BZHIN STONG PA NYID MTHONG BA LAS NYAMS PA'I RANG GZHAN GYI SDE PA GANG DAG PHYI NANG GI DNGOS PO RNAMS LA YOD MED DU LTA BA DES NI MYA NGAN LAS 'DAS PA BLTA BAR BYA BA RTOG PA THAMS CAD DANG BRAL BAS NYE BAR ZHI ZHING SHES BYA SHES BYED LOG PAS ZHI BA DON DAM STONG PA NYID KYI RANG BZHIN CAN MI MTHONG

034b

NGO; ;DE LTAR YANG MDO LAS, YOD DANG MED CES BYA BA GNYIS KA MTHA', ,DAG DANG MA DAG 'DI YANG MTHA' YIN TE, DE'I PHYIR GNYIS KA'I MTHA' NI RNAM SPANGS NAS, MKHAS PAS DBUS LA'ANG GNAS PAR YONG MI BYED, CES GSUNGS SO, ,DBU MA RTZA BA'I SHES RAB LAS KHAMS BRTAG PA ZHES BYA BA STE RAB BYED LNGA PA'I 'GREL PA'O,, ` ,,DRUG PA 'DOD CHAGS DANG CHAGS PA BRTAG PA'I RAB BYED LA GNYIS, PHYOGS SNGA MA BRJOD PA DANG, DE DGAG PA'O, ,DANG PO NI, PHUNG PO KHAMS DANG SKYE MCHED RNAMS NI YOD DE, DE'I RTEN CAN 'DOD CHAGS LA SOGS PA'I KUN NAS NYON MONGS PA RNAMS DMIGS PA'I PHYIR RO ZHE NA, DE DGAG PA LA 'DOD CHAGS DANG CHAGS PA DGAG TSUL, DE GZHAN LA YANG BSGRE BA GNYIS KYI DANG PO LA, DGAG PA DNGOS, SUN 'BYIN GYI LAM GZHAN BSTAN, BKAG PA'I 'JUG BSDU PA GSUM GYI DANG PO NI, GAL TE 'DOD CHAGS RANG BZHIN GYIS YOD PAR RTOG NA, RTEN CHAGS PA YOD PA'AM MED PA ZHIG LA RTOG GNYIS KA LTAR YANG MI RIGS TE, GAL TE 'DOD CHAGS SNGA ROL NA; ;'DOD CHAGS MED PA'I CHAGS YOD NA, ,DE LA BRTEN NAS 'DOD CHAGS YOD, ,CHAGS YOD 'DOD CHAGS YOD PAR 'GYUR, ,'DOD CHAGS NI YUL LA MNGON PAR ZHEN PA'I NYON MONGS PA SEMS BYUNG YIN LA, CHAGS PA NI DE'I RTEN BDAG GAM SEMS YIN NO, ,GAL TE 'DOD CHAGS KYI SNGA ROL NA 'DOD CHAGS MED CING, 'DOD CHAGS DANG BRAL BA'I RTEN CHAGS PA ZHIG YOD NA DE LA BRTEN NAS 'DOD CHAGS YOD PAR 'GYUR TE, (SEMS KYI SKAD CIG MA DANG PO YUL DANG CHAGS PA'I RNAM PAR PHRAD PA NA CHAGS PA'I RNAM PAR

035a

, ,YONGS SU GYUR PA LA CHAGS PA ZHES NYE BAR GDAGS PAR ZAD KYI, DE CHAGS PA NYID NI MA YIN TE, RTOG PA DANG RJES SU DRAN PA'I RNAM PAR RTOG PA DANG BRAL BA'I PHYIR, DES MNGON PAR SGRUB PA'I SKAD CIG MA GNYIS PA'I BLO SKYE BA DE LA NI RE SHIG YUL NYE BAR GNAS PA MED DO, ,SEMS KYI SKAD CIG MA DANG PO'I RJES SU LONGS SPYOD PA YANG THA SNYAD GDAGS SU RUNG BA MA YIN PA'I PHYIR, DE LA YUL YANG YOD PA MA YIN NO, ,DE LTAR CHAGS PA MED PA'I PHYIR, 'DOD CHAGS RTOG PA KUN RDZOB YIN,) CHAGS PA LA MA BRTEN PA'I 'DOD CHAGS MED PA'I PHYIR RO, ,DES NA RTEN CHAGS PA YOD NA 'DOD CHAGS YOD PA RIGS PAR 'GYUR NA, 'DOD CHAGS MED PA'I CHAGS PA YOD PA YANG MA YIN TE, DGRA BCOM PA RNAMS LA YANG 'DOD CHAGS YOD PAR THAL BA'I PHYIR RO, ,'ON TE CHAGS PA MED PAR 'DOD CHAGS YOD DO ZHE NA, CHAGS PA YOD PAR MA GYUR NA'ANG, , 'DOD CHAGS YOD PAR GA LA 'GYUR, ,RTEN CHAGS PA YOD PAR MA GYUR NA'ANG DE LA BRTEN PA'I 'DOD CHAGS YOD PAR GA LA 'GYUR TE, SHING THOG MED PAR DE LA BRTEN PA'I SMIN PA MED PA BZHIN NO, ,GAL TE 'DOD CHAGS YOD DE, CHAGS PA YOD PA'I PHYIR RO ZHE NA, CHAGS PA YOD NA 'DOD CHAGS YOD PA'AM MED PA ZHIG LA RTOG DRANG NA, CHAGS PA LA'ANG 'DOD CHAGS NI, ,YOD DAM MED KYANG RIM PA MTSUNGS, ,CHAGS PA LA YANG DE'I SNGA ROL TU CHAGS PA MED PA'I 'DOD CHAGS YOD DAM MED PAR 'DOD KYANG RUNG STE, GAL TE CHAGS PA'I SNGA ROL NA, CHAGS MED 'DOD CHAGS YOD NA NI, ,DE LA BRTEN NAS CHAGS PA YOD, ,'DOD CHAGS YOD NA CHAGS YOD 'GYUR, ,ZHES DANG, 'DOD CHAGS YOD PAR MA GYUR NA'ANG, ,CHAGS PA YOD PAR GA LA

035b

'GYUR, ,CES PA'I DGAG PA'I RIM PA MTSUNGS PAR SBYAR RO, ,GNYIS PA NI, GANG LAS SKYON 'DIR 'GYUR BA 'DOD CHAGS DANG CHAGS PA SNGA PHYIR 'BYUNG BA MA YIN GYI, DE GNYIS LHAN CIG 'BYUNG STE, SEMS DANG LHAN CIG 'BYUNG BA'I 'DOD CHAGS KYIS SEMS CHAGS PAR BYAS PA'I PHYIR RO ZHE NA, 'DOD CHAGS DANG NI CHAGS PA DAG ,LHAN CIG NYID DU SKYE MI RIGS, ,CI'I PHYIR ZHE NA, 'DI LTAR 'DOD CHAGS CHAGS PA DAG ,PHAN TSUN LTOS PA MED PAR 'GYUR, ,GAL TE DUS CIG CAR 'BYUNG NA RA G-YAS G-YON BZHIN DU 'DOD CHAGS DANG CHAGS PA DAG PHAN TSUN LTOS PA MED PAR 'GYUR BA'I PHYIR RO, ,GZHAN YANG 'DOD CHAGS DANG CHAGS PA LHAN CIG YIN NA DE GNYIS GCIG PA'AM THA DAD PA CIG LA RTOG DRANG, GCIG NYID LHAN CIG NYID MED DE, ,DE NYID DE DANG LHAN CIG MIN, ,'DOD CHAGS DANG CHAGS PA GCIG NYID YIN NA LHAN CIG NYID MED DE, 'DIR CHAGS PA DE NYID DE DANG LHAN CIG TU RIGS PA MA YIN PA'I PHYIR RO, ,CI DE THA DAD NYID YIN NA, ,LHAN CIG NYID DU JI LTAR 'GYUR, ,CI STE DE DAG THA DAD YIN NA YANG SNANG BA DANG MUN PA LTA BU THA DAD PA DAG LA LHAN CIG MA MTHONG BA'I PHYIR LHAN CIG NYID DU JI LTAR 'GYUR, ,GZHAN YANG, GAL TE GCIG PU LHAN CIG NA, ,GROGS MED PAR YANG DER 'GYUR RO, ,GAL TE THA DAD LHAN CIG NA, ,GROGS MED PAR YANG DER 'GYUR RO, ,GAL TE GCIG PU ZHIG LHAN CIG TU RTOG NA ZLA GROGS MED PAR YAN GAR DU GNAS PA YANG LHAN CIG PA DER 'GYUR RO, ,THA DAD NYID LA LHAN CIG TU 'DOD NA, RTA'I ZLA GROGS MED PAR DE DANG YUL THA DAD NA GNAS PA'I BA LANG YAN GAR BA YANG

036a

, ,RTA DANG LHAN CIG PA DER 'GYUR TE, DE DANG THA DAD PA'I PHYIR RO, ,GZHAN YANG, GAL TE THA DAD LHAN CIG NA, ,CI GO 'DOD CHAGS CHAGS PA DAG ,THA DAD NYID DU 'GRUB 'GYUR RAM, ,DES NA DE GNYIS LHAN CIG 'GYUR, , GAL TE 'DOD CHAGS DANG CHAGS PA THA DAD PA NYID LA LHAN CIG PA NYID DU RTOG NA, CI GO 'DOD CHAGS DANG CHAGS PA DAG BA LANG DANG RTA BZHIN DU PHAN TSUN LTOS MED KYI THA DAD PA NYID DU GRUB PAR 'GYUR RAM, GAL TE DE GNYIS PHAN TSUN LTOS MED KYI THA DAD PAR GRUB NA DES NA DE GNYIS LHAN CIG PAR 'GYUR NA YANG, 'DI GNYIS NI PHAN TSUN LTOS MED DU MA GRUB PAS DES NA DE GNYIS LA LHAN CIG PA NYID MED DO, ,CI STE YANG THA DAD PAR MA GRUB PA LA LHAN CIG MA MTHONG NAS, GAL TE 'DOD CHAGS CHAGS PA DAG ,THA DAD NYID DU 'GRUB GYUR NA STE GRUB PAR KHYOD RTOG NA, DE DAG LHAN CIG NYID DU NI, ,CI YI PHYIR NA YONGS SU RTOG ,'DOD CHAGS DANG CHAGS PA GRUB PAR BYA BA'I PHYIR DU DE DAG LHAN CIG NYID DU CI'I PHYIR YONGS SU RTOG PAR BYED DE, THA DAD DU GRUB PA NYID KYIS DE DAG GRUB PA'I PHYIR RO, ,CI STE YANG, THA DAD GRUB PAR MA GYUR BAS, DE PHYIR LHAN CIG 'DOD BYED NA, ,'DOD CHAGS DANG CHAGS PA DAG THA DAD PAR GRUB PAR MA GYUR BAS DE'I PHYIR 'DI DAG LHAN CIG NYID DU 'DOD NA DE YANG THA DAD PAR MA GRUB PA LA MED PAS; LHAN CIG RAB TU SGRUB PA'I PHYIR, THA DAD NYID DU YANG 'DOD DAM, STE PHAN TSUN LTOS MED KYI THA DAD PAR 'DOD DGOS TE, 'DI LTAR, THA DAD DNGOS POR MA GRUB PAS, ,LHAN CIG DNGOS POR 'GRUB MI 'GYUR, ,'DI NA BA LANG DANG RTA LTA BU LTOS

036b

MED KYI THA DAD PA DAG LHAN CIG PAR GRAGS KYI, PHAN TSUN LTOS MED KYI THA DAD PA'I DNGOS POR MA GRUB PAS LHAN CIG DNGOS POR GRUB PAR MI 'GYUR BA'I PHYIR RO, ,'DIS LHAN CIG 'GRUB PA THA DAD LA LTOS DGOS PAR BSTAN TO, ,THA DAD GRUB PA LHAN CIG LA LTOS DGOS PA KHAS BLANGS DANG SBYOR BA NI, THA DAD DNGOS POR GANG YOD NA, ,LHAN CIG DNGOS POR 'DOD PAR BYED, ,'DOD CHAGS DANG CHAGS PA LTOS MED KYI THA DAD DU DNGOS PO GANG ZHIG YOD NA, LHAN CIG PA'I DNGOS POR 'DOD PAR BYED PA LHAN CIG PA'I DNGOS PO LA MI LTOS PA'I THA DAD PA'I DNGOS PO DE NI YOD PA MA YIN TE, DE GNYIS THA DAD 'GRUB PA LHAN CIG PA LA LTOS DGOS PAR KHAS BLANGS PA'I PHYIR RO, ,DES NA GRUB PA PHAN TSUN BRTEN PA'I PHYIR GNYIS KA 'GRUB PAR MI 'GYUR RO, ,GSUM PA NI; DE LTAR 'DOD CHAGS CHAGS PA DAG ,LHAN CIG LHAN CIG MIN MI 'GRUB, ,DE LTAR RNAM PAR DPYAD NA 'DOD CHAGS DANG CHAGS PA DAG LHAN CIG DANG LHAN CIG MIN PA SNGA PHYI GANG DU YANG MI GRUB PAS YANG DAG PAR DE GNYIS MA GRUB PA'O, ,GNYIS PA TSUL DE GZHAN LA BSGRE BA NI, 'DOD CHAGS BZHIN DU CHOS RNAMS KUN, ,LHAN CIG LHAN CIG MIN MI 'GRUB, ,JI SKAD BSHAD PA'I RIGS PAS 'DOD CHAGS DANG CHAGS PA MA GRUB PA DE BZHIN DU, ZHE SDANG DANG SDANG BA DANG, GTI MUG DANG RMONGS PA LA SOGS PA'I CHOS RNAMS KUN LHAN CIG LHAN CIG MIN PAR MI 'GRUB PAR SBYAR BAR BYA'O, ,DE'I PHYIR BCOM LDAN 'DAS KYIS, GANG 'DOD CHAGS PA DANG, GANG LA 'DOD CHAGS PA DANG, GANG GIS 'DOD CHAGS PA DANG, GANG ZHE SDANG BA DANG, GANG LA ZHE SDANG BA

037a

, ,DANG, GANG GIS ZHE SDANG BA DANG, GANG GTI MUG PA DANG, GANG LA GTI MUG PA DANG, GANG GIS GTI MUG PAR 'GYUR BA'I CHOS DE YANG DAG PAR RJES SU MI MTHONG ZHING CHOS DE MI DMIGS SO ZHES SOGS GSUNGS SO, , DBU MA RTZA PA'I SHES RAB LAS 'DOD CHAGS DANG CHAGS PA BRTAG PA'I RAB TU BYED PA STE DRUG PA'I 'GREL PA'O,, ` ,,BDUN PA 'DUS BYAS PA RTAG PA'I RAB BYED LA, 'DUS BYAS MTSAN NYID RGYAS PAR DGAG ,ZHAR LA 'DUS MA BYAS DGAG ,DE NYID LUNG DANG 'GAL BA SPANG PA GSUM GYI, DANG PO LA SPYIR DGAG PA DANG, SO SOR BKAG PA GNYIS KYI, DANG PO NI, PHUNG KHAMS SKYE MCHED 'DUS BYAS KYI RANG BZHIN CAN DAG YOD DE, 'DUS BYAS KYI MTSAN NYID SKYE BA LA SOGS PA GSUNGS PA'I PHYIR RO ZHE NA; SKYE BA LA SOGS PA NI KUN RDZOB TU 'DUS BYAS KYI MTSAN NYID YIN GYI, YANG DAG PAR MA YIN TE, GAL TE YANG DAG PAR SKYE BA 'DUS BYAS KYI MTSAN NYID YIN NA SKYE BA DE 'DU BYAS SAM 'DUS MA BYAS ZHIG MTSAN NYID DU 'GYUR DRANG, GAL TE SKYE BA 'DUS BYAS NA, ,DE LA MTSAN NYID GSUM LDAN 'GYUR, ,GAL TE SKYE BA 'DUS BYAS SU RTOG NA DE LA YANG SKYE BA LA SOGS PA MTSAN NYID GSUM DANG LDAN PAR 'GYUR TE, SKYE BA LA SOGS PA GSUM PO 'DI NI 'DUS BYAS THAMS CAD LA MI 'KHRUL BA'I PHYIR RO, ,DE'I PHYIR GZUGS LA SOGS PA BZHIN DU SKYE BA MTSAN GZHIR 'GYUR GYI 'DUS BYAS KYI MTSAN NYID DU MI 'GYUR RO, ,CI STE SKYE BA 'DUS MA BYAS, ,JI LTAR 'DUS BYAS MTSAN NYID YIN, ,CI STE SKYE BA 'DUS MA BYAS SU RTOG NA, 'DUS BYAS KYI MTSAN NYID GSUM DANG

037b

BRAL BA'I PHYIR, JI LTAR 'DUS BYAS KYI MTSAN NYID YIN TE, BA LANG RTA'I MTSAN NYID DU MI 'GYUR BA BZHIN NO, ,GAL TE SKYE BA LA SOGS PA 'DI DAG 'DUS BYAS SU RTOG NA SO SO BA'AM 'DUS PA ZHIG MTSAN NYID DU RTOG DRANG, SKYE BA LA SOGS SO SO YI, , 'DUS BYAS MTSAN NYID BYA BAR NI, ,NUS MIN GCIG LA DUS GCIG TU, ,'DUS PA YANG NI JI LTAR RUNG, ,SKYE BA LA SOGS PA GSUM PO SO SO RE RES 'DUS BYAS KYI MTSAN NYID BYA BAR NUS PA MIN TE, GAL TE SKYE PA'I DUS NA GNAS PA DANG 'JIG PA MED PA DE'I TSE, NAM MKHA' LTAR DE DAG DANG BRAL BA'I SKYE BA 'DUS BYAS KYI MTSAN NYID DU MI 'THAD LA, GNAS PA'I NUS NA SKYE 'JIG MED NA DE DAG DANG BRAL BA'I PHYIR GNAS PA YANG MED DE, NAM MKHA'I ME TOG BZHIN NO, ,DE BZHIN DU 'JIG PA'I DUS NA GNAS PA DANG SKYE BA MED NA DE DAG DANG BRAL BA LA 'JIG PA YANG MED DE, DE'I PHYIR GSUM PO SO SOR MTSAN NYID DU MI RIGS SO, ,GSUM PO 'DUS PA YANG MTSAN NYID DU MI RUNG STE, DNGOS PO GCIG LA DUS GCIG TU GSUM KA 'DUS PA YANG NI JI LTAR RUNG STE; SNANG BA DANG MUN PA LTAR PHAN TSUN 'GAL BA'I PHYIR RO, ,GAL TE SKYE BA LA SOGS PA RNAMS LA MTSAN NYID GSUM YOD NA YANG NYES PA CI YOD DE STE, 'DUS MA BYAS YIN NA YANG NYES PA CI YOD CE NA, SKYE DANG GNAS DANG 'JIG RNAMS LA, ,'DUS BYAS MTSAN NYID GZHAN ZHIG NI, ,GAL TE YOD NA THUG MED 'GYUR, ,MED NA DE DAG 'DUS BYAS MIN, ,GAL TE SKYE BA DANG GNAS PA DANG 'JIG PA RNAMS LA SKYE BA LA SOGS PA 'DUS BYAS KYI MTSAN NYID GZHAN ZHIG YOD PAR 'DOD NA, DE DAG LA YANG MTSAN NYID

038a

, ,GZHAN YOD PAS THUG PA MED PAR 'GYUR LA, DE LTA NA MTSAN NYID KYI PHYI MTHA' RTOGS PA MED PA'I PHYIR SKYE BA LA SOGS PA 'GRUB PA MI SRID DO, ,CI STE SKYE BA LA SOGS PA DE DAG LA MTSAN NYID MED NA 'DUS BYAS MIN PAR 'GYUR LA DE LTAR NA 'DUS BYAS KYI MTSAN NYID DU MI RIGS SO, ,GNYIS PA SO SOR DGAG PA LA, SKYE BA DGAG GNAS PA DGAG 'JIG PA DGAG PA DANG GSUM GYI, DANG PO LA PHYOGS SNGA MA BRJOD PA NI, 'DIR MANG POS BKUR BA DAG NA RE, SKYE BA LA SOGS PA RNAMS LA SKYE BA LA SOGS PA GZHAN YOD KYANG THUG PA MED PAR THAL BAR MI 'GYUR TE, RTZA BA'I MTSAN NYID DANG RJES MTHUN GYI MTSAN NYID RNAMS PHAN TSUN SGRUB PAR BYED PA'I PHYIR RO, ,'DI LTAR CHOS DGE BA'AM NYON MONGS CAN ZHIG SKYE BA NA BDAG NYID DANG BCO LNGA SKYE STE, CHOS DE NYID DANG SKYE BA DANG LDAN PA DANG GNAS PA DANG, RGA BA DANG, MI RTAG PA DANG, GAL TE NYON MONGS CAN ZHIG YIN NA LOG PA'I RNAM PAR GROL BA DANG, DGE BA ZHIG YIN NA YANG DAG PA'I RNAM PAR GROL BA DANG, NGES PAR 'BYUNG BA ZHIG YIN NA DE'I NGES PAR 'BYUNG BA DANG, NGES PAR MI 'BYUNG BA ZHIG YIN NA DE'I NGES PAR MI 'BYUNG BA STE DE DAG NI 'KHOR YIN NO, ,DE LA SKYE BA'I SKYE BA NAS NGES PAR 'BYUNG BA MA YIN PA'I NGES 'BYUNG MA YIN PA'I BAR BDUN NI 'KHOR GYI 'KHOR YIN NO, ,DE LA RTZA BA'I SKYE BAS SKYE BA YI, ,SKYE PA'ANG SKYED PAR BYED PA YIN, ,SKYE BA'I SKYE BAS RTZA BA YI, ,SKYE BA 'BA' ZHIG SKYED PAR BYED, ,RTZA BA'I SKYE BAS CHOS DE NYID DANG RTZA BA'I MTSAN NYID DRUG RJES MTHUN GYI MTSAN NYID DRUG SKYE BA'I SKYE BA DANG BCAS PA'ANG BSKYED PAR BYED

038b

LA SKYE BA'I SKYE BAS RTZA BA'I SKYE BA 'BA' ZHIG SKYED PAR BYED DO, ,DE BZHIN DU NGES 'BYUNG MA YIN PAS NI CHOS BCU BZHI NGES PAR 'BYUNG BAR MI BYED LA, NGES 'BYUNG MA YIN PA'I NGES 'BYUNG MA YIN PAS NI NGES 'BYUNG MA YIN PA KHO NA NGES PAR MI 'BYUNG BAR BYED DO; ;DE'I PHYIR THUG MED DU MI 'GYUR RO ZHES ZER RO, ,GNYIS PA DE DGAG PA LA, DGAG PA DNGOS DANG, BSHAD ZIN DRAN PA LA SBYAR BA GNYIS KYI, DANG PO LA SKYE BA GZHAN GYIS BSKYED PA DGAG SKYE BA RANG GIS BSKYED PA DGAG SUN 'BYIN GYI LAM GZHAN BSTAN PA DANG GSUM GYI, DANG PO NI, GAL TE KHYOD KYIS SKYE BA'I SKYES, ,RTZA PA'I SKYE BA SKYED BYED NA, ,KHYOD KYIS RTZA BA MA BSKYED DES, ,DE NI JI LTAR SKYED PAR BYED, ,GAL TE KHYOD KYIS LTAR NA SKYE BA'I SKYE BAS RTZA BA'I SKYE BA SKYED PAR BYED PA YIN NA; DA NI RTZA BAS MA BSKYED PA'I SKYE BA'I SKYE BA DES RTZA BA'I SKYE BA DE NI JI LTAR SKYED PAR BYED DE, SKYE BA'I SKYE BA 'GRUB PA RTZA BA'I SKYE BA LA RAGS LAS PA'I PHYIR RO, ,GAL TE KHYOD KYIS RTZA BA YIS, ,BSKYED PA DE YIS RTZA BSKYED NA, ,DES MA BSKYED PA'I RTZA BA DES; ;DE NI JI LTAR SKYED PAR BYED, ,GAL TE NYES PA DE SPANG BAR 'DOD NAS RTZA BA YIS BSKYED PA'I SKYE BA'I SKYE BA DE YIS RTZA BA BSKYED NA SKYE BA'I SKYE BA DES MA BSKYED PA'I RTZA BA DES SKYE BA'I SKYE BA DE NI JI LTAR SKYED PAR BYED DE, RTZA BA'I SKYE BA 'GRUB PA SKYE BA'I SKYE BA LA RAG LAS PA'I PHYIR RO, ,GAL TE RTZA BA'I SKYE BA SKYE BZHIN PA NYID KYIS SKYE BA'I SKYE BA BSKYED PAR BYED LA, DES RTZA BA'I SKYE BA BSKYED DO ZHE NA, GAL TE MA SKYES PA DE YIS, ,DE BSKYED PAR NI BYED NUS NA, KHYOD KYI SKYE BZHIN PA DE YIN, ,DE BSKYED PAR NI 'DOD

039a

, ,LA RAGS, ,SKYE BZHIN PA NI MA 'ONGS PA NYID KYIS MA SKYES PA YIN LA GAL TE MA SKYES PA YIS MA SKYES PA DE BSKYED PAR BYED NUS NA, ,KHYOD KYI RTZA BA'I SKYE BA SKYE BZHIN PA DE YIS SKYE BA'I SKYE BA DE SKYED PAR 'DOD LA RAG PA ZHIG NA; MA SKYES PAS NI MA SKYES PA GZHAN BSKYED PAR MI NUS TE, MO SHAM GYI BUS RI BONG GI RVA MI BSKYED PA BZHIN NO, ,GNYIS PA LA PHYOGS SNGA MA BRJOD PA NI, GANG LAS THUGS MED DU 'GYUR BA SKYE BA LA NI SKYE BA GZHAN MED DO, ,'O NA CI ZHE NA, JI LTAR MAR ME RANG DANG GZHAN, ,SNANG BAR BYED PA DE BZHIN DU, ,SKYE BA 'ANG RANG DANG GZHAN GYI DNGOS, ,GNYIS KA BSKYED PAR BYED PA YIN, ,JI LTAR MAR ME SNANG BA'I BDAG NYID YIN PA'I PHYIR RANG GI BDAG NYID DANG BUM PA LA SOGS PA GZHAN YANG SNANG BAR BYED PA DE BZHIN DU SKYE BA YANG SKYE BA'I RANG BZHIN YIN PA'I PHYIR RANG DANG GZHAN GYI DNGOS PO GNYIS KA BSKYED PAR BYED PA YIN NO ZHE NA, GNYIS PA DE DGAG PA LA DPE DGAG DON DGAG PA GNYIS KYI DANG PO NI, MAR ME NI RANG GZHAN GNYIS KA GSAL BYED MIN TE; MAR ME DAG NI GANG DAG NA, ,DE 'DUG PA NA MUN PA MED, ,MAR MES CI ZHIG SNANG BAR BYED, ,MUN PA SEL BAS SNANG BYED YIN, ,MAR ME NI MUN PA SEL BAS SNANG BYED CES GRAGS PA YIN NA, MUN PA GANG SEL BAS RANG GI BDAG NYID GSAL BYED DU 'GYUR BA RE ZHIG RANG GI BDAG NYID LA MUN PA MED DE 'GAL BA'I PHYIR RO, ,MUN PA GANG SEL BAS MAR ME GZHAN GSAL BYED DU 'GYUR BA MAR ME YUL GANG NA 'DUG PA DE NA YANG MUN PA MED DE, ,DE'I PHYIR MAR MES RANG GZHAN GYI BDAG NYID CI ZHIG SNANG

039b

BAR BYED DE MI BYED PA KHO NA'O, ,GAL TE MAR MES MUN PA MI SEL ZHES BRJOD PA MI RIGS TE, MAR ME SKYE BZHIN PAS MUN PA SEL BAR BYED DO ZHE NA, GANG TSE MAR ME SKYE BZHIN PA, ,MUN PA DANG NI PHRAD MED NA, ,JI LTAR MAR ME SKYE BZHIN PAS, ,MUN PA SEL BAR BYED PA YIN, ,GANG GI TSE MAR ME SKYE BZHIN PA NI MA 'ONGS PA YIN LA, MUN PA NI DA LTAR BA YIN PAS DUS 'GAL BA'I PHYIR PHRAD PA MED NA JI LTAR MAR ME SKYE BZHIN PAS MUN PA SEL BAR BYED PA YIN, GAL TE MIG GIS GZUGS MA PHRAD PA MTHONG BA LTAR MAR MES MA PHRAD PA'I MUN PA SEL LO ZHE NA, MAR MES PHRAD PA MED PAR YANG, ,GAL TE MUN PA SEL BYED NA, ,'JIG RTEN KUN NA GNAS PA'I MUN, ,'DI NA GNAS PA DES BSAL 'GYUR, ,GAL TE MAR MES PHRAD PA MED PAR YANG MUN PA SEL BAR BYED NA 'JIG RTEN KUN NA GNAS PA'I MUN PA KUN YUL 'DI NA GNAS PA'I MAR ME DES GSAL BAR 'GYUR TE, MA PHRAD PAR MTSUNGS PA'I PHYIR NYE BA NA GNAS PA BZHIN, TSUL 'DI NI YE SHES KYIS MA RIG PA 'JOMS PA DANG, MIG GIS GZUGS MTHONG BA DANG; NOR BU KHAB LEN GYIS MA PHRAD PAR LCAGS 'DREN PA SOGS LA'ANG BRJOD PAR BYA'O, ,THA SNYAD DU NI 'JIG RTEN LA JI LTAR GRAGS PA LTAR PHRAD MA PHRAD KYI DPYAD PA MED PAR MAR MES MUN PA SEL, YE SHES KYIS MA RIG PA 'JOMS ZHES SOGS KHAS BLANGS NGO, ,GZHAN YANG, MAR ME RANG DANG GZHAN GYI DNGOS, ,GAL TE SNANG BAR BYED GYUR NA, ,MUN PA'ANG RANG DANG GZHAN GYI DNGOS, ,SGRIB PAR 'GYUR BA THE TSOM MED, ,GAL TE MAR MES RANG GZHAN GYI DNGOS PO SNANG BAR BYED NA, 'GAL ZLAR GYUR

040a

, ,PA'I PHYIR MUN PAS KYANG RANG GZHAN GNYIS KA SGRIB PAR 'GYUR RO, ,GAL TE MUN PAS BDAG NYID BSGRIBS NA SGRIB PA'I PHYIR MI DMIGS PAR 'GYUR TE, BUM PA LA SOGS PA BZHIN NO, ,GNYIS PA LA BDAG BSKYED PA DGAG GZHAN BSKYED PA DGAG SKYE BZHIN PA SKYE BA DGAG DANG PO NI, GZHAN YANG GAL TE SKYE BA 'DIS RANG GI BDAG NYID SKYED PAR BYED NA, SKYES PA ZHIG GAM MA SKYES PA ZHIG GIS BSKYED DRANG, SKYE PA 'DI NI MA SKYES PAS, RANG GI BDAG NYID JI LTAR BSKYED; CI STE SKYES PAS SKYED BYED NA, ,SKYES NA CI ZHIG SKYED BYED DU YOD, SKYE BA MA SKYES PAS NI RANG GI BDAG NYID JI LTAR SKYED PAR BYED DO, ,BSKYED NA NI NAM MKHA'I ME TOG KYANG RANG GI BDAG NYID SKYED PAR BYED PAR 'GYUR RO, ,CI STE SKYE BA SKYES PAS RANG GI BDAG NYID SKYED PAR BYED NA SKYES ZIN NA YANG BSKYED DU CI ZHIG YOD DE, SKYES ZIN SKYE BAR MI RIGS PA'I PHYIR RO, ,GNYIS PA NI, SKYES DANG MA SKYES SKYE BZHIN PA, ,JI LTA BUR YANG MI BSKYED PA, ,DE NI SONG DANG MA SONG DANG, ,'GOM PAS RNAM PAR BSHAD PA YIN, ,'BRAS BU SKYES PA DANG MA SKYES PA DANG SKYE BZHIN PA JI LTA BUR YANG SKYE BAS MI BSKYED PA DE NI SONG BA DANG MA SONG BA DANG 'GOM PA'I LAM LA 'GRO BA MED PAR BSTAN PAS RNAM PAR BSHAD PA YIN TE, 'DI LTAR SKYES PA MI SKYE STE, ,SKYES PA NI SKYE BA'I BYA BA 'GAGS PA YIN LA, SKYE'O ZHES BYA BA NI BYA BA DA LTAR BAS ZIN PA YIN LA, SKYES PA SKYE ZHES BRJOD NA 'DAS DA LTAR PA 'GAL BA'I PHYIR RO, ,MA SKYES PA YANG MI SKYE STE, ,MA 'ONGS PA DANG DA LTAR BA 'GAL BA'I PHYIR RO, ,SKYE BZHIN PA YANG MI SKYE

040b

STE; SKYES PA DANG MA SKYES PA LAS MA GTOGS PA'I SKYE BZHIN PA MED PA'I PHYIR RO, ,GSUM PA NI, SKYES PA DANG MA SKYES PA MI SKYE YI 'ON KYANG SKYE BZHIN PA KHO NA SKYE'O, ,'DI LTAR SKYE BA'I BYA BA DANG LDAN PA LA SKYE BZHIN PA ZHES BRJOD LA, SKYE BZHIN PA DE YANG SKYE BAS BSKYED PAR BYED DO ZHE NA, GANG TSE SKYE BA YOD PA NA, ,SKYE BZHIN 'DI 'BYUNG MED PA'I TSE, ,JI LTAR SKYE LA BRTEN PA NI, SKYE BZHIN PA ZHES BRJOD PAR BYA, ,GANG GI TSE SKYE BA YOD NA 'DI'I SKYE BA LA BRTEN NAS SKYE BZHIN PA 'DI 'BYUNG NGO, ,ZHES NGES PAR NUS NA YANG, JI SKAD BSHAD PA'I RIGS PAS SKYE PA MED PA DE'I TSE JI LTAR SKYE BA LA BRTEN NAS SKYE BZHIN PA 'DI 'BYUNG NGO ZHES BRJOD, DE BAS NA SKYE BZHIN PA SKYE LA DE YANG SKYE BAS SKYED DO ZHES BYA BA MI RIGS SO, ,'DIR SMRAS PA, BCOM LDAN 'DAS KYIS, 'DI YOD PAS 'DI 'BYUNG, 'DI SKYES PAS 'DI SKYE ZHES BYA BA LA SOGS PAS RTEN CING 'BREL PAR 'BYUNG BA BSTAN PA NI, RGYU MED PA DANG, MI MTHUN PA RGYUR SMRA BA RNAMS BSAL NAS DNGOS PO RNAMS KYI DE KHO NA NYID STON PAR MDZAD PA YIN LA, KHYOD KYIS, SKYES DANG MA SKYES SKYE BZHIN PA, ,JI LTA BUR YANG SKYE MI 'GYUR, ZHES PAS SKYE BA BKAG PA NA RTEN CING 'BREL PAR 'BYUNG BA BKAG PA YIN TE, DE'I PHYIR THAMS CAD MED PAR SMRA BA KHYOD DANG RTZOD PAS CHOG GO ZHE NA, BDAG NI RTEN CING 'BREL 'BYUNG NYAMS PAR BYED PA MA YIN GYI, KHYOD NYID RTEN 'BREL NYAMS PAR BYED PA YIN TE, BCOM LDAN 'DAS KYIS, 'DI YOD NA 'DI 'BYUNG ZHES GSUNGS PA NA DNGOS PO RANG BZHIN MED PAR GSAL BAR BSTAN PA YIN TE, RTEN CING 'BYUNG BA GANG YIN PA, ,DE NI NGO BO NYID KYIS ZHI, ,

041a

, ,RKYEN 'DI PA TZAM GYI RGYU RKYEN LA BRTEN CING 'BYUNG BA GANG YIN PA DE NI SGYU MA LA SOGS PA BZHIN DU SPROS PA NYE BAR ZHI BA'I RANG BZHIN YIN LA, KHO BO CAG GIS SA BON ZHES BYA BA'I RGYU LAS MYU GU ZHES BYA BA'I 'BRAS BU 'BYUNG LA DE GNYIS KA YANG RTEN 'BREL SPROS PA NYE BAR ZHI BAR STON PA NA RTEN 'BREL GSAL BAR BYAS PAR 'GYUR GYI, KHYOD DNGOS PO RANG BZHIN DANG BCAS PAR SMRA PAS NI RTEN 'BREL LA GNOD PA BYAS PA YIN TE, RANG BZHIN GZHAN LA LTOS PA MED PAS RTEN 'BREL DU MI RUNG BA'I PHYIR RO, ,DE'I PHYIR SKYE BZHIN NYID DANG NI, ,SKYE BA YANG NI ZHI BA NYID, GANG GI PHYIR RTEN 'BREL NI SPROS PA NYE BAR ZHI BA YIN PA DE'I PHYIR SKYE BZHIN PA DANG SKYE BA YANG SPROS PA NYE BAR ZHI BA YIN NO, ,GAL TE BUM PA'I SKYE BA LA BRTEN NAS BUM PA SKYE BZHIN PAR 'GYUR LA, SKYE BZHIN PA DE YANG SKYE BAS SKYED PAR BYED DO ZHE NA, DE YANG MI RIGS TE, GAL TE DNGOS PO MA SKYES PA, 'GA' ZHIG GANG NA'ANG YOD 'GYUR NA, ,DE NI SKYE 'GYUR DNGOS PO DE, ,MED NA CI ZHIG SKYE BAR 'GYUR, ,GAL TE SKYE BA'I SNGA ROL NA BUM PA ZHES BYA BA'I DNGOS PO MA SKYES PA 'GA' ZHIG YUL GANG NA YOD PAR GYUR NA, DE NI SKYE BA'I BYA BA LA BRTEN NAS SKYE BAR 'GYUR BA ZHIG NA, MA 'ONGS PA'I BUM PA'I DNGOS PO DE NI CUNG ZAD KYANG MED NA CI ZHIG SKYE BA'I BYA BA LA BRTEN NAS SKYE BAR 'GYUR, GSUM PA SUN 'BYIN GYI LAM GZHAN BSTAN PA NI, GAL TE SKYE BA DE YIS NI, ,SKYE BZHIN PA NI SKYED BYED NA, ,SKYE BA DE NI SKYE BA LTA, ,GANG ZHIG GIS NI SKYED PAR BYED, ,GAL TE SKYE BA DES SKYE BZHIN PA DE MA BSKYED PAR BYED NA SKYE BA DE NI SKYE BA GZHAN GANG ZHIG GIS

041b

BSKYED PAR BRJOD DGOS SO, ,GAL TE SKYE BA GZHAN ZHIG GIS, DE BSKYED THUG PA MED PAR 'GYUR, 'DI'I DON NI BSHAD ZIN TO, ,CI STE SKYE BA MED SKYE NA, ,THAMS CAD DE BZHIN SKYE BAR 'GYUR, CI STE SKYE BA SKYE BA GZHAN MED PAR SKYE NA SKYE BAS BSKYED PAR BYA BA'I DNGOS PO THAMS CAD KYANG SKYE BA DE BZHIN DU SKYE BA MED PAR SKYE BAR 'GYUR RO, ,GNYIS PA BSHAD ZIN DRAN PA LA SBYAR BA NI, GZHAN YANG SKYE BAS RANG DANG GZHAN BSKYED DO ZHES PA'I PHYOGS 'DI LA DA LTA BDAG CAG GIS SUN 'BYIN BRJOD MI DGOS KYI, 'ON KYANG PHYOGS 'DI SUN 'BYIN PA, RE SHIG YOD DAM MED PA YANG, ,SKYE BA RIGS PA MA YIN ZHING, ,YOD MED NYID KYANG MA YIN ZHES, ,GONG DU BSTAN PA NYID YIN NO, ,JI LTAR ZHE NA, YOD DAM MED PA'I DON LA YANG, RKYEN NI RUNG BA MA YIN TE, ZHES DANG; GANG TSE CHOS NI YOD PA DANG, ,MED DANG YOD MED MI 'GRUB PA, ,ZHES PA LA SOGS SKYE BA BKAG PA NA SKYE BAS SKYE BZHIN PA SKYED PA DANG, RANG DANG GZHAN GYI BDAG NYID SKYED DO ZHES BYA BA'I RTOG PA MI 'JUG GO ,GZHAN YANG SKYE BA 'DI BRTAGS PA NA DNGOS PO 'GAG BZHIN PA'AM 'GAG BZHIN PA MA YIN PA ZHIG LA RTOG DRANG, GNYIS KA MI RIGS TE, DNGOS PO 'GAG BZHIN NYID LA NI, ,SKYE BA 'THAD PAR MI 'GYUR RO, ,GANG ZHIG 'GAG BZHIN MA YIN PA, ,DE NI DNGOS POR MI 'THAD DO, ,DNGOS PO DA LTAR BA MI RTAG PA DANG 'BREL PA 'GAG BZHIN PA LA NI SKYE BA 'THAD PAR MI 'GYUR TE, YOD PA'I PHYIR RO, ,'DAS MA 'ONGS KYI DNGOS PO GANG ZHIG GANG 'JIG PA DANG BRAL BA 'GAG BZHIN PA MA YIN PA DE NI DNGOS POR MI 'THAD DE, DNGOS PO'I MTSAN NYID DANG

042a

, ,MI LDAN PA'I PHYIR, DE'I PHYIR SKYE BAR MI RIGS SO, ,GNYIS PA GNAS PA DGAG PA NI, 'DIR SMRAS PA, DNGOS PO RNAMS KYI SKYE BA YOD DE, DE YOD NA YOD PA'I CHOS YOD PA'I PHYIR RO, ,SKYE BA MED PA LA NI GNAS PA MED DE; DE'I PHYIR SKYE BA YOD PAS GNAS PA YOD DO ZHE NA, GNAS PA YANG THA SNYAD PA YIN GYI, YANG DAG PA MA YIN TE, DNGOS PO GNAS PA MI GNAS TE, ,DNGOS PO MI GNAS GNAS PA MIN, ,GNAS BZHIN PA YANG MI GNAS TE, ,MA SKYES GANG ZHIG GNAS PAR 'GYUR, ,DNGOS PO GNAS PA MI GNAS TE, ,DE LA GNAS PA'I BYA BA 'GAGS ZIN PA'I PHYIR RO, ,DNGOS PO MI GNAS PA YANG GNAS PA MIN TE GNAS PA'I BYA BA DANG BRAL BA'I PHYIR RO, ,GNAS BZHIN PA YANG MI GNAS TE, GNAS PA GNYIS SU THAL BA'I PHYIR DANG, GNAS PA DANG MI GNAS PA LAS THA DAD PA'I GNAS BZHIN PA MED PA'I PHYIR RO, ,GZHAN YANG SNGAR SKYE BA BKAG PA'I PHYIR MA SKYES PA'I DNGOS PO GANG ZHIG GNAS PAR 'GYUR TE, RI BONG GI RVA BZHIN NO, ,GZHAN YANG GNAS PA 'DI 'GAG BZHIN PA'AM 'GAG BZHIN PA MA YIN PA ZHIG LA RTOG DRANG, GNYIS KA YANG MI RIGS TE, DNGOS PO 'GAG BZHIN NYID LA NI, ,GNAS PA 'THAD PAR MI 'GYUR RO, ,GANG ZHIG 'GAG BZHIN MA YIN PA, ,DE NI DNGOS POR MI 'THAD DO, ,RE SHIG DNGOS PO 'GAG BZHIN PA 'GAG PA LA MNGON DU PHYOGS PA LA NI DE DANG 'GAL BA'I GNAS PA YOD PA 'THAD PAR MI 'GYUR RO, ,GANG ZHIG 'GAG BZHIN PA MA YIN PA 'GAG PA DANG BRAL BA DE NI DNGOS POR 'THAD PAR MI 'GYUR NA DE LA GNAS PA YOD PAR GA LA 'GYUR, GZHAN

042b

YANG; DNGOS PO THAMS CAD DUS KUN TU, ,RGA DANG 'CHI BA'I CHOS YIN NA, ,GANG DAG RGA DANG 'CHI MED PAR, ,GNAS PA'I DNGOS PO GANG ZHIG YIN, ,DNGOS PO THAMS CAD DUS KUN TU GNAS PA DANG 'GAL BA RGA BA DANG 'CHI BA'I CHOS CAN YIN NA, GANG DAG RGA BA DANG 'CHI BA MED PA'I GNAS PA'I DNGOS PO GANG ZHIG YIN TE, DE'I PHYIR GNAS PA MED DO, ,GZHAN YANG GNAS PA 'DI GNAS PA'I CHED DU GNAS PA GZHAN ZHIG RTOG GAM 'ON TE RANG NYID KYIS GNAS PAR BYED, GNYIS KA LTAR YANG MI RIGS TE; GNAS PA GNAS PA GZHAN DANG NI, DE NYID KYIS KYANG GNAS MI RIGS, ,JI LTAR SKYE BA RANG DANG NI, ,GZHAN GYIS SKYED PA MA YIN BZHIN, ,GNAS PA GNAS PA GZHAN DANG GNAS PA DE NYID KYIS KYANG GNAS PA MI RIGS PA NI, JI LTAR SKYE BA RANG DANG GZHAN GYIS BSKYED PA MA YIN PA DE BZHIN DU SHES PAR BYA STE, 'DI LTAR, SKYE BA 'DI NI MA SKYES PAS, ,RANG GI BDAG NYID JI LTAR BSKYED, ,CES SOGS BZHIN DU, GNAS PA 'DI NI MI GNAS PAS, ,RANG GI BDAG NYID JI LTAR GNAS, ,GAL TE GNAS PA GNAS BYED NA, ,GNAS PA CI ZHIG GNAS SU YOD, ,CES SBYAR RO, ,YANG, GAL TE SKYE BA GZHAN ZHIG GIS, ,DE BSKYED THUG PA MED PAR 'GYUR, ,ZHES BSHAD PA BZHIN DU, GAL TE GNAS PA GZHAN ZHIG GIS, DE GNAS THUG PA MED PAR 'GYUR; CES BRJOD DO, ,GSUM PA 'GAG PA DGAG PA NI, 'DIR SMRAS PA, SKYE BA DANG GNAS PA NI YOD DE, DE YOD NA YOD PA'I CHOS 'GAG PA YOD PA'I PHYIR ZHE NA, MI RTAG PA YANG THA SNYAD PA YIN GYI YANG DAG PA MA YIN TE, 'DI LTAR, 'GAGS PA

043a

, ,'GAG PAR MI 'GYUR TE, MA 'GAGS PA YANG 'GAG MI 'GYUR, ,'GAG BZHIN PA YANG DE BZHIN MIN, ,MA SKYES GANG ZHIG 'GAG PAR 'GYUR, ,MI RTAG PA 'DI YOD NA DNGOS PO 'GAGS PA'AM, MA 'GAGS PA'AM 'GAG BZHIN PA ZHIG LA 'GYUR NA, DNGOS PO 'GAGS PA NI 'GAG PAR MI 'GYUR TE, 'DAS PA DANG DA LTAR BA 'GAL BA'I PHYIR RO, ,MA 'GAGS PA YANG 'GAG PAR MI 'GYUR TE, 'GAG PA DANG BRAL BA'I PHYIR RO, ,'GAG BZHIN PA YANG MI 'GAG STE, 'GAG BZHIN PA MED PA'I PHYIR DANG 'GAG PA GNYIS SU THAL BA'I PHYIR RO, ,GZHAN YANG SNGAR SKYE BA BKAG PA'I PHYIR MA SKYES PAS GANG ZHIG 'GAG PAR 'GYUR TE, RI BONG GI RVA MI 'GAG PA BZHIN NO, ,GZHAN YANG 'GAG PA 'DI DNGOS PO GNAS PA'AM MI GNAS PA ZHIG LA 'GYUR DRANG, GNYIS KA LTAR YANG MI RIGS TE, RE ZHIG DNGOS PO GNAS PA LA, ,'GAG PA 'THAD PAR MI 'GYUR RO, ,RE ZHIG DNGOS PO MI 'JIG PAR GNAS PA LA NI DE DANG 'GAL BA'I 'GAG PA 'THAD PAR MI 'GYUR RO, ,DNGOS PO MI GNAS PA LA YANG, ,'GAG PA 'THAD PAR MI 'GYUR RO, ,DNGOS PO MI GNAS PA YOD PA MA YIN PA LA 'GAG PA 'THAD PAR MI 'GYUR RO, ,GZHAN YANG 'GAG PA 'DI YOD NA GNAS SKABS DE NYID KYIS DE NYID 'GAG GAM 'ON TE GZHAN GYIS GZHAN 'GAG GNYIS KA LTAR YANG MI RUNG STE, GNAS SKABS DE YIS GNAS SKABS NI, ,DE NYID 'GAG PA NYID MI 'GYUR, ,GNAS SKABS GZHAN GYIS GNAS SKABS NI, ,GZHAN YANG 'GAG PA NYID MI 'GYUR, ,RE ZHIG 'O MA'I GNAS SKABS DE YIS 'O MA'I GNAS SKABS DE NYID

043b

'GAG PAR MI 'GYUR TE, RANG NYID RANG LA BYED PA 'GAL BA'I PHYIR RO, ,ZHO'I GNAS SKABS GZHAN GYIS 'O MA'I GNAS SKABS GZHAN YANG 'GAG PAR MI 'GYUR TE, 'O MA'I GNAS SKABS NA ZHO'I GNAS SKABS YOD PA MA YIN PA'I PHYIR RO, ,GAL TE GNAS SKABS DE NYID RANG DANG GZHAN GYIS 'JIG PAR MI BYED MOD, DE LTA NA YANG 'O MA'I GNAS SKABS LA 'GAG PA YOD PA'I PHYIR SKYE BA YANG YOD DO ZHE NA, KYE MA KHYOD NI SHIN TU BLUN PAR MNGON PA ZHIG STE, SNGAR BSHAD PA'I TSUL GYIS, GANG TSE CHOS RNAMS THAMS CAD KYI, ,SKYE BA 'THAD PAR MI 'GYUR BA, ,BSHAD PA, DE TSE CHOS RNAMS THAMS CAD KYI, ,'GAG PA 'THAD PAR MI 'GYUR RO, ,ZHES GSAL BAR BSTAN PA MA YIN NAM, GZHAN YANG 'GAG PA YOD NA DNGOS PO YOD PA'AM MED PA ZHIG LA YOD DRANG, RE ZHIG DNGOS PO YOD PA LA, ,'GAG PA 'THAD PAR MI 'GYUR RO, ,CIG NYID NA NI DNGOS PO DANG, ,DNGOS PO MED PA 'THAD PA MED, ,DNGOS PO YOD PA RANG BZHIN MA NYAMS PA LA NI 'GAG PA 'THAD PAR MI 'GYUR TE, 'GAG PA NI DNGOS PO MED PA YIN LA; GCIG NYID LA DNGOS PO DANG DNGOS PO MED PA CIG CHAR 'THAD PA MED PA'I PHYIR RO, ,JI LTAR DNGOS PO YOD PA LA 'GAG PA MI 'THAD PA LTAR DNGOS PO MED PAR 'GYUR BA LA'ANG 'GAG PA 'THAD PAR MI 'GYUR RO, ,DNGOS PO MED PAR 'GYUR PA YOD PA MA YIN PA LA 'ANG 'GAG PA 'THAD PAR MI 'GYUR TE, MGO GNYIS PA LA JI LTAR NI, ,BCAD DU MED PA DE BZHIN NO, ,MGO GNYIS PA MED PAR GRAGS PA LA BCAD DU MED PA BZHIN NO, ,GZHAN YANG 'GAG PA ZHES BYA BAS DNGOS PO RNAMS 'GAG PAR BYED

044a

, ,NA, 'GAG PA LA 'GAG PA GZHAN 'DOD DAM 'ON TE MI 'DOD, 'GAG PA RANG GI BDAG NYID KYIS, ,YOD MIN 'GAG PA GZHAN GYIS MIN, ,JI LTAR SKYE BA RANG DANG NI, ,GZHAN GYIS BSKYED PA MA YIN BZHIN, ,'GAG PA RANG GI BDAG NYID KYIS MA 'GAG PA GZHAN GYIS 'GAG PAR BYED PA MIN PA NI JI LTAR SKYE BA RANG DANG GZHAN GYIS BSKYED PA MA YIN PA DE BZHIN SHES PAR BYA STE, 'DI LTAR, SKYE BA 'DI NI MA SKYES PAS, RANG GI BDAG NYID JI LTAR BSKYED, CES SOGS BZHIN DU 'GAG PA 'DI NI MA 'GAGS PAS, RANG GI BDAG NYID JI LTAR 'GOG ,CI STE 'GAGS PAS 'GOG BYED NA, ,'GAGS NA CI ZHIG DGAG TU YOD, ,CES SBYAR RO, ,GAL TE SKYE BA GZHAN ZHIG GIS CES SOGS BSHAD PA BZHIN DU, ,GAL TE 'JIG PA GZHAN ZHIG GIS, ,DE 'JIG THUG PA MED PAR 'GYUR, ,CI STE 'JIG MED DE 'JIG NA, ,THAMS CAD DE BZHIN 'JIG PAR 'GYUR, ,ZHES BRJOD PAR BYA'O, ,GAL TE DE LTAR RIGS PAS RNAM PAR DPYAD NA, KHYOD LA YANG SKYE BA LA SOGS PA 'DUS BYAS KYI MTSAN NYID RNAMS MED PAR 'GYUR BA MA YIN NAM ZHE NA, RNAM PAR DPYAD NA 'JIG MOD, NYES PA YOD PA MA YIN TE, KHO BO CAG GI SKYE BA LA SOGS PA NI 'JIG RTEN LA JI LTAR GRAGS PA LTAR KHAS BLANGS KYI YANG DAG PAR KHAS MA BLANGS PA'I PHYIR RO, ,'JIG RTEN RNAMS NI DNGOS PO RANG BZHIN MED PAR SGYU MA LTA BUR SNANG BA'I BDAG NYID LA SKYE BA DANG 'JIG PAR MNGON PAR ZHEN NAS SKYE BA LA SOGS PA'I THA SNYAD 'DOGS SHING, DBU MA PAS KYANG 'JIG RTEN GYI NGOR DE DAG GI THA SNYAD JI LTA BA BZHIN KHAS BLANGS PA TZAM DU ZAD

044b

DO; ;GAL TE SKYE BA LA SOGS 'DUS BYAS KYI SPYI'I MTSAN NYID BKAG KYANG SRA BA LA SOGS PA DANG LKOG SHAL LA SOGS PA KHYAD PAR GYI MTSAN NYID YOD PA'I PHYIR 'DUS BYAS YOD DO ZHE NA, SKYE DANG GNAS DANG 'JIG PA RNAMS, ,MA GRUB PHYIR NA 'DUS BYAS MED; ;JI SKAD BSHAD PA'I TSUL GYIS SKYE DANG GNAS DANG 'JIG PA LA SOGS PA 'DUS BYAS KYI MTSAN NYID DAG MA GRUB PA'I PHYIR NA 'DUS BYAS MED LA, 'DUS BYAS MED PA'I PHYIR DE'I KHYAD PAR GYI MTSAN NYID YOD PAR GA LA 'GYUR, GNYIS PA ZHAR LA 'DUS MA BYAS DGAG PA NI, GAL TE 'DUS BYAS YOD DE, DE'I GNYEN PO 'DUS MA BYAS YOD PA'I PHYIR RO ZHE NA, 'DUS BYAS RAB TU MA GRUB PAS, ,'DUS MA BYAS NI JI LTAR 'GRUB, ,JI SKAD BSHAD PA'I TSUL GYIS 'DUS BYAS RAB TU MA GRUB PAS 'DUS MA BYAS GZHAN DAG 'DOD PA'I NAM MKHA' DANG SO SOR BRTAGS 'GOG DANG, BRTAGS MIN GYI 'GOG PA DANG, DE BZHIN NYID LA SOGS PA JI LTAR GRUB STE, 'GAL ZLA 'DUS BYAS MA GRUB PA'I PHYIR RO, (BYE BRAG DU SMRA BA'I GZHUNG LAS, 'DUS MA BYAS NI 'GOG GNYIS DANG, ,NAM MKHA' DANG NI DE BZHIN NYID, ,ZHES PA'I SO SOR BRTAGS TE 'GOG PA NI SHES RAB KYIS NYON MONGS PA MNGON DU GYUR PA RNAMS SO SOR BRTAGS TE 'GOG PA THOB PA GANG YIN PA DE NI SO SOR BRTAGS PA'I 'GOG PA STE, DE NI DNGOS PO RNAMS 'GOG PA BRAL BAR BYED PAS YANG DAG PA YIN NO, ,SO SOR MA BRTAGS PA'I 'GOG PA NI 'GA' ZHIG GIS DNGOS PO 'GOG LA MI 'BRAL BA GANG YIN PA'O, ,NAM MKHA' NI GO SKABS 'BYED PAR BYED PA DANG, MI SGRIB PA'I MTSAN NYID DO, ,DE BZHIN NYID NI SNGA NAS MED PA DANG ZHIG NAS MED PA DANG, GCIG LA GCIG MED PA DANG, GTAN MED PA DAG GIS MTSON PA DNGOS PO RNAMS KYIS NGO BO NYID MED PA NYID DO, ,DE DAG KYANG DON DAM PAR MA

045a

, (,GRUB STE, DBU MA SNYING POR, MA SKYES PA'I 'GOG PA YANG, ,YANG DAG DU NA 'GOG PA MIN, ,MA SKYES PA'I 'GOG PA YIN PHYIR, ,SO SOR BRTAGS MIN 'GOG PA BZHIN, ,'DUS BYAS LA SOGS PA'I DNGOS PO RNAMS LA SKYE BA MED NA, MA SKYES BSAM SKYES PA GANG ZHIG 'GOG PAR 'DOD, DE BZHIN DU NAM MKHA' DANG DE BZHIN NYID KYANG TSUL DES BKAG PAR SHES PAR BYA'O,) ,GSUM PA DE NYID LUNG DANG 'GAL BA SPANG BA NI, GAL TE SKYE BA LA SOGS PA MED NA BCOM LDAN 'DAS KYIS, DGE SLONG DAG 'DUS BYAS NI SKYE BAR YANG MNGON, 'JIG PA DANG GNAS PA LAS GZHAN DU 'GYUR BA YANG MNGON NO ZHES GSUNGS PA JI LTAR SHES PAR BYA ZHE NA, RMI LAM JI BZHIN SGYU MA BZHIN, ,DRI ZA'I GRONG KHYER JI BZHIN DU, ,DE BZHIN SKYE DANG DE BZHIN GNAS, ,DE BZHIN DU NI 'JIG PAR GSUNGS, ,JI LTAR RMI LAM DANG SGYU MA DANG DRI ZA'I GRONG KHYER DAG RANG BZHIN GYIS MA SKYES PA YIN YANG 'JIG RTEN NA SGYU MA LA SOGS PA'I SGRAS BRJOD CING THA SNYAD BYED PA CI LTA BA DE BZHIN DU SKYE BA DANG GNAS PA DANG 'JIG PA RNAMS RANG BZHIN GYIS YOD PA MA YIN YANG 'JIG RTEN LA JI LTAR GRAGS PA TZAM GYI SGO NAS GSUNGS PA YIN PAR SHES PAR BYA'O, ,DE SKAD DU YANG, TING NGE 'DZIN RGYAL PO LAS, LPAGS RGYUS SHA RUS SBREL BA 'DI BDAG GIS, ,CHUNG MA YIN SNYAM 'DU SHES BSKYED NAS NI, ,BYIS PA RMONGS RNAMS 'DOD CHAGS SKYED BYED CING, ,SGYU MA JI BZHIN BUD MED MI SHES SO, ,JI LTAR BU MO GZHON NU'I RMI LAM NA, ,BU PHO BYUNG ZHING SHI PA DE MTHONG NAS, ,BYUNG NA DGA' SHING SHI NA MI DGA' LTAR, ,CHOS RNAMS THAMS CAD DE BZHIN SHES PAR GYIS, ,JI LTAR DRI ZA'I GRONG KHYER SMIG RGYU DANG, ,SGYU MA JI BZHIN RMI LAM JI 'DRA

045b

BAR; ;CHOS RNAMS THAMS CAD DE BZHIN SHES BYA STE, ,MTSAN MA BSGOM PA NGO BO NYID KYIS STONG, ,ZHES GSUNGS PA LTAR RO, ,DBU MA RTZA BA'I SHES RAB LAS 'DUS BYAS BRTAG PA STE RAB BYED BDUN PA'I 'GREL PA'O,, ` ,,BRGYAD PA LAS DANG BYED PA PO BRTAG PA'I RAB BYED LA, ,PHYOGS SNGA MA BRJOD PA NI, RNAM PAR SHES PA LA SOGS PA 'DUS BYAS KYI CHOS RNAMS RANG BZHIN GYIS YOD DE, DE'I RGYU LAS DANG BYED PA PO YOD PA'I PHYIR RO, ,'DI LTAR, BCOM LDAN 'DAS KYIS, MA RIG PA DANG RJES SU 'BREL BA'I GANG ZAG 'DI NI BSOD NAMS MNGON PAR 'DU BYA BA YANG BYED, BSOD NAMS MA YIN PA DANG MI G-YO BA MNGON PAR 'DU BYA BA YANG BYED DO ZHES GSUNGS PAS SO ZHE NA, 'DI DGAG PA LA BYED PA PO DANG LAS DGAG PA DANG, TSUL DE GZHAN LA BSGRE BA GNYIS KYI, DANG PO LA, DGAG PA DNGOS DANG, BRTEN NAS 'BYUNG BAR BSTAN PA GNYIS KYI, DANG PO LA YA GYAL BYED PO YIN PA DGAG PHUNG GSUM BYED PO YIN PA DGAG DANG PO LA, DAM BCA' BRJOD PA DANG, SGRUB BYED BSHAD PA GNYIS KYI, DANG PO NI; BYED PA PO DANG LAS KYANG THA SNYAD TZAM DU YOD KYI YANG DAG PAR MED DE, 'DI LTAR, BYED PO YIN PAR GYUR PA DE, LAS SU GYUR PA MI BYED DO, ,BYED PO MA YIN GYUR PA YANG, ,LAS SU MA GYUR MI BYED DO, ,BYED PO YIN PAR GYUR PA DE BYA BA DANG LDAN PAS NI, ,LAS SU GYUR PA BYA BA DANG LDAN PA MI BYED DO, ,BYED PO MA YIN PAR GYUR PA BYA BA DANG BRAL BA YANG LAS SU MA GYUR PA BYA BA DANG BRAL BA MI BYED DO, ,GNYIS PA LA DAM BCA' DANG PO'I SGRUB BYED BSHAD PA NI, YIN PAR GYUR LA BYA BA MED, ,BYED PO

046a

, ,MED PA'I LAS SU'ANG GYUR, ,BYED PA PO YIN PAR GYUR PA LA NI BYA BA GZHAN MED DE, BYED PA PO LA BYA BA NI GCIG DU ZAD LA DES BYED PA POR MTSON PAR BYAS PA'I PHYIR DANG, BYED PA POR GYUR NAS GANG GIS LAS BYED PA'I BYA BA GNYIS PA MED PA'I PHYIR RO, ,GANG GI TSE BYA BA GNYIS PA MED PAS BYED PA PO LAS MI BYED PA DE'I TSE BYED PA PO LA LTOS PA MED PA'I LAS SU 'GYUR NA SRID PA YANG MA YIN TE, MO GSHAM GYI BUS BUM PA MI BYED PA BZHIN NO, ,DE'I PHYIR BYED PO YIN PAR GYUR PAS LAS MI BYED DO, ,LAS YIN PAR GYUR PA YANG BYED PA POS BYED PA MA YIN TE, YIN PAR 'GYUR LA BYA BA MED, ,LAS MED BYED PA POR YANG 'GYUR, ,LAS YIN PAR GYUR PA NI BYA BA DANG LDAN PA YIN LA, BYA BA'I RGYU CAN GYI LAS KYI BRJOD PA THOB ZIN PA DE LA NI BZOD YANG GANG GIS LAS BYED PAR GYUR PA'I BYA BA GZHAN MED PA'I PHYIR RO, ,GANG GI TSE LAS LAS BYA BA GNYIS MED PAS MI BYED PA DE'I TSE LAS DE'I BYED PA PO NI LAS MED PA STE, LAS MI BYED BZHIN DU BYED PA POR 'GYUR NA DE YANG MI RIGS TE, MTSAMS MED KYI LAS MA BYAS PA LA NI MTSAMS MED KYI LAS BYED PA POR MA MTHONG BA'I PHYIR RO, ,DAM BCA' GNYIS PA'I SGRUB BYED BSHAD PA NI, GAL TE BYED POR MA GYUR PA, ,LAS SU MA GYUR BYED NA NI, ,LAS LA RGYU NI MED PAR 'GYUR, ,BYED PA PO YANG RGYU MED 'GYUR; ;GAL TE BYED PA POR MA GYUR PA BYA BA DANG BRAL BAS LAS SU MA GYUR PA BYA BA DANG BRAL BA BYED NA LAS DANG BYED PA PO GNYIS KA RGYU MED PAR 'GYUR TE, LAS DANG BYED PA PO GNYIS KYI THA SNYAD 'JUG PA'I RGYU NI BYA BA DANG LDAN PA NYID YIN PA'I PHYIR RO, ,

046b

DPER NA 'TSED PA'I BYA BA DANG LDAN PAR MTHONG NAS LHAS BYIN 'BRAS 'TSED DO ZHES BRJOD PA BZHIN NO, ,RGYU MED PAR KHAS LEN NA YANG RIGS PA MA YIN TE, RGYU MED NA NI 'BRAS BU DANG, ,RGYU YANG 'THAD PAR MI 'GYUR RO, ,RGYU MED NA BUM PA LA SOGS PA 'JIM PA LA SOGS PA'I 'BRAS BU DANG, 'JIM PA DANG 'KHOR LO LA SOGS PA BUM PA'I RGYU YIN PAR 'THAD PAR MI 'GYUR RO, ,DE MED NA NI BYA BA DANG, ,BYED PA PO DANG BYED MI RIGS, ,RGYU DANG 'BRAS BU DE MED NA 'JIM PA BUM PAR SGYUR BA'I BYA BA DANG RDZA MKHAN DE'I BYED PA PO DANG 'KHOR LO LA SOGS PA BYED PAR MI RIGS SO, ,BYA BA LAS SOGS MI RIGS NA, ,CHOS DANG CHOS MIN YOD MA YIN, ,'DI NA LHAS BYIN SROG GCOD SPONG BA LA SOGS PA'I BYA BA BYED PA DE'I TSE DE LA CHOS NYE BAR SKYE BAR 'GYUR LA; SROG GCOD LA SOGS PA MI DGE BA BCU BYED PA DE'I TSE CHOS MA YIN PA SKYE BAR 'GYUR PA YIN NA, GANG GI TSE BYA BA DANG BYED PA DANG BYED PA PO LA SOGS PA MI RIGS PA DE'I TSE SROG GCOD SPONG BA LA SOGS PA'I CHOS DANG, SROG GCOD PA LA SOGS PA CHOS MA YIN PA YOD PA MA YIN NO, ,CHOS DANG CHOS MIN MED NA NI, ,DE LAS BYUNG BA'I 'BRAS BU MED, RGYU CHOS DANG CHOS MA YIN PA GNYIS MED NA DE GNYIS LAS BYUNG BA'I 'BRAS BU 'DOD MI 'DOD KYI RNAM SMIN YANG MED PAR 'GYUR RO, ,'BRAS BU MED NA THAR PA DANG, ,MTHO RIS GYUR PA'I LAM MI 'THAD, ,GAL TE 'JIG RTEN PA'I LAM GYIS 'BRAS BU BSAM GTAN GZUGS MED SOGS YOD NA DE'I DON DU 'JIG RTEN PA'I LAM BSGOM PA 'THAD CING 'JIG RTEN LAS 'DAS PA'I LAM GYI 'BRAS BU MYANG 'DAS YOD

047a

, ,NA, DE'I DON DU 'PHAGS LAM YAN LAG BRGYAD BSGOM PA 'THAD PA ZHIG NA, GANG GI TSE 'BRAS BU MED PA DE'I TSE MYANG 'DAS THAR PA'I DON DU 'JIG RTEN LAS 'DAS PA'I LAM DANG BSAM GTAN GZUGS MED LA SOGS PA MTHO RIS KYI DON DU 'JIG RTEN PA'I LAM BSGOM PA MI 'THAD PAR 'GYUR RO, ,GZHAN YANG, BYA BA DAG NI THAMS CAD KYANG, ,DON MED NYID DU THAL BAR 'GYUR, ,GAL TE 'BRAS BU MED NA, ZHING LAS DANG TSONG LAS DANG GLA BKOL GYI BYA BA LA SOGS PA BYA BA GANG DAG 'BRAS BU'I DON DU RTZOM PA DE DAG THAMS CAD KYANG DON MED PAR THAL BAR 'GYUR NA DE DAG NI DON MED PA YANG MA YIN NO, ,DE'I PHYIR MTHO RIS DANG BYANG GROL LA SKUR PA 'DEBS PA NYES PA MA LUS PA'I 'BYUNG KHUNGS SU GYUR PA'I PHYIR BYED PA PO MA YIN PAR GYUR PAS LAS SU MA GYUR PA BYED DO ZHES BYA BA'I PHYOGS 'DI NI THA CHAD PA KHO NA YIN NO, ,GNYIS PA PHUNG GSUM BYED PO YIN PA DGAG PA LA GNYIS KYI, DANG PO MTHUN PA'I PHYOGS LA SKYON BRJOD PA NI, BYED PA POR GYUR MA GYUR PA, ,GYUR MA GYUR PA MI BYED DE; ;BYED PA POR GYUR PA BYA BA DANG LDAN PA DANG, MA GYUR PA BYA BA DANG MI LDAN PAS LAS YIN PAR GYUR PA BYA BA DANG LDAN PA LAS YIN PAR MA GYUR PA BYA BA DANG MI LDAN PA MI BYED DE, 'DI LTAR, YIN DANG MA YIN GYUR GCIG LA, ,PHAN TSUN 'GAL BA GA LA YOD; ;DNGOS PO GCIG LA DUS GCIG DU BYA BA DANG LDAN PA YIN PA DANG BYA BA DANG LDAN PA MA YIN PA GA LA YOD DE, PHAN TSUN 'GAL BA'I PHYIR, SNANG BA DANG MUN PA BZHIN NO, ,GNYIS PA MI MTHUN PHYOGS LA SKYON BRJOD PA LA GNYIS KYI DANG PO TSIG RE RE DPYAD

047b

PA'I SGO NAS SKYON BRJOD PA NI, BYED PA POR NI GYUR PA YI, ,MA GYUR LAS NI MI BYED DE, ,MA GYUR PAS KYANG GYUR MI BYED, ,BYED PA POR GYUR PAS LAS SU MA GYUR PA MI BYED DE, 'DIR YANG SKYON DER THAL BAR 'GYUR, BYED PO YIN PAR GYUR PAS LAS BYED PA LA, YIN PAR GYUR LA BYA BA MED, BYED PO MED PA'I LAS SU'ANG 'GYUR, CES PA'I SKYON DER THAL BAR 'GYUR BA'I PHYIR DANG, LAS SU MA GYUR PA YANG MI BYED DE, RGYU MED NA NI 'BRAS BU DANG, ,RGYU YANG 'THAD PAR MI 'GYUR RO, ,ZHES PA'I SKYON DER THAL BAR 'GYUR BA'I PHYIR RO, ,BYED PA POR MA GYUR PAS LAS SU GYUR PA MI BYED DE, BYED PO MIN PAS BYED PA LA NI, ,RGYU MED NA NI 'BRAS BU DANG ZHES PA'I SKYON DU 'GYUR ZHING, LAS SU GYUR PA BYED PA LA NI, ,YIN PAR GYUR LA BYA BA MED, ,LAS MED BYED PA POR YANG 'GYUR, ,ZHES PA'I SKYON DU 'GYUR BA'I PHYIR RO, ,GNYIS PA TSIG RE RE LA TSIG GNYIS GNYIS DPYAD PA'I SGO NAS SKYON BRJOD PA NI, BYED PA POR NI GYUR PA DANG, BCAS PAS LAS NI MA GYUR DANG, ,GYUR MA GYUR PA MI BYED DE, ,GTAN TSIGS GONG DU BSTAN PHYIR RO, ,BYED PA POR GYUR PA DANG BCAS PAS LAS MA GYUR PA DANG GYUR MA GYUR PA MI BYED DE, ,YIN PAR GYUR LA BYA BA MED, ,CES PAS GTAN TSIGS GONG DU BSTAN PA'I PHYIR RO, ,LAS SU MA GYUR PA YANG MI BYED DE, LAS LA RGYU NI MED PAR 'GYUR; RGYU MED NA NI 'BRAS BU DANG, ,ZHES SOGS GTAN TSIGS GONG DU BSTAN PA'I PHYIR RO, ,LAS SU GYUR PA DANG MA GYUR PA MI BYED DE, YIN DANG MA YIN GYUR CIG LA, ,PHAN TSUN 'GAL BAS GA LA YOD, ,CES GTAN TSIGS GONG DU BSTAN PA'I PHYIR

048a

, ,RO, ,BYED PA POR NI MA GYUR PA, LAS NI GYUR DANG BCAS PA DANG, ,GYUR MA GYUR PA MI BYED DE, ,GTAN TSIGS GONG DU BSTAN PHYIR RO, ,BYED PA POR MA GYUR PAS MI BYED PA NI, ,RGYU MED NA NI 'BRAS BU DANG, ,ZHES PAS GTAN TSIGS GONG DU BSTAN PA'I PHYIR RO, ,LAS SU GYUR PA DANG BCAS PA MI BYED PA NI, YIN PAR GYUR LA BYA BA MED, ,CES PAS SKYON BSTAN ZIN PA'I PHYIR RO, ,LAS YIN PAR GYUR PA DANG YIN PAR MA GYUR PA MI BYED PA NI, YIN DANG MA YIN GYUR LA GCIG ,CES BSHAD PA'I PHYIR RO, ,BYED PA POR GYUR MA GYUR NYID, ,LAS SU GYUR DANG MA GYUR PA, ,MI BYED 'DIR YANG GTAN TSIGS NI, ,GONG DU BSTAN PAR SHES PAR BYA, ,BYED PA PO YIN PAR GYUR PA DANG YIN PAR MA GYUR PA NYID MI BYED PA NI, YIN DANG MA YIN GYUR CIG LA, ,PHAN TSUN 'GAL BAS GA LA YOD, ,CES PAS GTAN TSIGS GONG DU BSTAN PAR SHES PAR BYA'O, ,LAS SU GYUR PA MI BYED DE, ,YIN PAR GYUR LA BYA BA MED, ,LAS MED BYED PA POR YANG 'GYUR, ,ZHES BSHAD PA'I PHYIR RO, , LAS SU MA GYUR PA YANG MI BYED DE, ,RGYU MED NA NI 'BRAS BU DANG, ,ZHES BSHAD ZIN PA'I PHYIR RO, ,DE'I PHYIR PHYOGS MTHUN PA DANG MI MTHUN PA DAG LA BYED PA PO DANG LAS GRUB PA RNAM PA THAMS CAD DU MI RIGS SO, ,GNYIS PA BRTEN NAS 'BYUNG BAR BSTAN PA NI; GAL TE DE LTAR BYED PA PO DANG LAS LA SOGS PA MED NA DNGOS PO RNAMS MED DO ZHES SMRA BA YIN NAM ZHE NA, DNGOS PO RANG BZHIN DANG BCAS PAR SMRA BA LA DNGOS PO DANG BRAL BA LAS THAMS CAD DU SKUR PA 'DEBS PA SRID KYI, KHO BO CAG DNGOS PO RNAMS @C048B BRTEN NAS 'BYUNG BA RANG BZHIN MED PAR SMRA BA LA NI GANG ZHIG LA SKUR PA 'DEBS PAR 'GYUR, JI SKAD DU, ,RIN CHEN PHRENG BA LAS, SMIG RGYU LA NI 'DI CHU ZHES, ,BSAMS TE DER NI SONG BA LAS, ,GAL TE CHU DE MED DO ZHES, ,'DZIN PA DE NI BLUN PA NYID; ;DE BZHIN SMIG RGYU CHU LTA BU, ,'JIG RTEN (BDEN PA'I RANG BZHIN DU) YOD CE'AM (BDEN PA'I RANG BZHIN DU) MED PA ZHES, ,'DZIN PA DE NI RMONGS PA STE, RMONGS PA YOD NA MI GROL LO, ,MI SHES PA LAS SNGAR (DNGOS PO BDEN PA'I DON CAN DU) BRTAGS SHING, ,PHYIS NAS DE (KHO NA) NYID (KYI) DON NGES PA NA, ,GANG (GI) TSE (GONG DU JI SKAD BSHAD PA'I TSUL GYI) DNGOS PO('I RANG BZHIN) MA DMIGS PA, ,DE('I) TSE DNGOS MED (KYANG YOD PAR) GA LA 'GYUR, ,ZHES PA LTAR RO, ,DE'I PHYIR DNGOS PO KUN RDZOB PA SMIG RGYU'I CHU DANG MTSUNGS PA RNAMS NI RKYEN 'DI PA TZAM GYI RTEN CING 'BYUNG BA KHAS BLANGS PA KHO NAS 'GRUB PA YIN GYI, GZHAN GYIS MA YIN TE, 'DI LTAR, BYED PO LAS LA BRTEN BYAS SHING, LAS KYANG BYED PO DE NYID LA, ,BRTEN NAS 'BYUNG BA MA GTOGS PA, ,GRUB PA'I RGYU NI MA MTHONG NGO, ,ZHES LAS CUNG ZAD KYANG MI BYED PA NI BYED PA PO NYID MA YIN PA'I PHYIR BYED PA PO LAS LA BRTEN PA YIN ZHING, BYED PA POS BYED BZHIN PA NYID LAS SU BRJOD PA'I PHYIR LAS KYANG BYED PA PO DE NYID LA BRTEN NAS 'BYUNG BA MA GTOGS PA DE GNYIS 'GRUB PA'I RGYU GZHAN MA MTHONG NGO, ,GNYIS PA TSUL DE GZHAN LA SGRE BA NI, DE BZHIN NYER LEN SHES PAR BYA, ,LAS DANG BYED PO BSAL PHYIR RO, ,JI LTAR LAS DANG BYED PA PO PHAN TSUN LTOS PAS 'GRUB KYI NGO BO NYID KYIS MA YIN PA DE BZHIN DU NYE BAR LEN PA DANG NYE BAR LEN PA PO YANG PHAN TSUN LTOS PAS

049a

, ,'GRUB KYI NGO BO NYID KYIS MIN NO ZHES SHES PAR BYA STE, LAS DANG BYED PA PO NGO BO NYID KYIS 'GRUB PA SNGAR BSAL BA'I PHYIR DANG NYER LEN DANG NYE BAR LEN PA YANG LAS DANG BYED PA PO'I KHONGS SU GTOGS PA'I PHYIR RO, ,BYED PA PO DANG LAS DAG GIS, ,DNGOS PO LHAG MA SHES PAR BYA, SHES RAB CAN GYIS BYED PA PO DANG LAS RNAMS NGO BO NYID KYI YOD PA BKAG STE PHAN TSUN LTOS PAS GRUB PAR BSTAN PA'I RIGS PA DAG GIS BYED PA PO DANG LAS DANG NYE BAR LEN PA DANG NYE BAR LEN PA PO LAS THA DAD PA'I DNGOS PO LHAG MA BSKYED BYA SKYED BYED BLTA BYA LTA BYED MTSAN NYID MTSON BYA YAN LAG CAN DANG YAN LAG LA SOGS PA RNAMS KYANG PHAN TSUN LTOS PAS GRUB KYI NGO BO NYID KYIS MA YIN NO ZHES SHES PAR BYA'O, ,DE NYID KYI PHYIR BCOM LDAN 'DAS KYIS; SEMS DMYAL 'JIGS PA NGA YIS BSTAN BYAS TE, ,SEMS CAN STONG PHRAG DU MA SKYO BYAS KYANG, ,GANG DAG SHI 'PHOS NGAN SONG RTAG 'GRO BA'I, ,'GRO BA DE DAG NAM YANG YOD MA YIN, ,GANG DAG RAL GRI MDA' CHEN MTSON 'BYIN PA'I, ,GNOD PA BYED PA YOD PA MA YIN TE, ,RTOG PA'I DBANG GIS NGAN SONG DE DAG NA, ,LUS LA 'BAB MTHONG DE NA MTSON CHA MED, ,SNA TSOGS YID 'ONG ME TOG KHA BYE ZHING, ,GSER GYI KHANG MCHOG 'BAR BA YID 'ONG BA, ,'DI NA DE LA'ANG BYED PA 'GA' MED DE, ,DE DAG RTOG PA'I DBANG GIS BZHAG PA YIN, ,RTOG PA'I DBANG GIS 'JIG RTEN RNAM BRTAGS TE, ,'DU SHES 'DZIN PAS BYIS PA RNAM PAR PHYE, ,'DZIN DANG 'DZIN MED DE YANG 'BYUNG MA YIN, ,YONGS SU RTOG PA SGYU MA SMIG RGYU BZHIN, ,ZHES GSUNGS SO, ,DBU MA

049b

RTZA BA'I SHES RAB LAS LAS DANG BYED PA PO BRTAG PA'I RAB TU BYED PA STE BRGYAD PA'I 'GREL PA'O,, ` ,,DGU PA SNGA ROL NA GNAS PA DGAG PA LA, DGAG PA RGYAS PAR BSTAN, BKAG PA'I 'JUG BSDU BA GNYIS KYI, DANG PO LA NYE BAR LEN PA PO DGAG NYE BAR LEN PA DGAG PA GNYIS KYI, DANG PO LA, PHYOGS SNGA MA BRJOD PA NI, 'DIR, DE BZHIN NYER LEN SHES PAR BYA, ,LAS DANG BYED PO BSAL PHYIR RO, ,ZHES GANG SMRAS PA DE MI RIGS TE, LTA DANG NYAN LA SOGS PA DANG, ,TSOGS SOG DANG YANG DBANG BYAS PA, ,GANG GI YIN PA DE DAG GI ,SNGA ROL DE YOD KHA GCIG SMRA, ,JI LTAR LHAS BYIN NOR GYI SNGA ROL NA GNAS PAS NOR SOG PAR BYED PA LTAR, GZUGS LTA BA DANG, SGRA NYAN PA DANG, DRI SNOM PA LA SOGS PA DANG, RO TSOR BA LA SOGS PA'I NYE BAR LEN PA RNAMS NYE BAR LEN PO GANG GI YIN PA'I GANG ZAG DE NI NYE BAR LEN PA DE DAG GI SNGA ROL NA YOD DO ZHES MANG POS BKUR BA LA SOGS PA RANG GI SDE PA KHA CIG SMRA'O, ,DE CI'I PHYIR ZHE NA, DNGOS PO YOD PA MA YIN NA, LTA LA SOGS PA JI LTAR 'GYUR, ,DE PHYIR DE DAG SNGA ROL NA, ,DNGOS PO GNAS PA DE YOD DO, ,MO GSHAM GYI BU MED PAS NOR MI SOG PA LTAR LTA BA LA SOGS PAS SNGA ROL NA GANG ZAG GNAS PA MA YIN NA DES LTA BA LA SOGS PA JI LTAR NYE BAR LEN PAR 'GYUR, DE'I PHYIR NOR GYI SNGA ROL NA YOD PA'I LHAS SBYIN NOR SOG PA LTAR LTA BA LA SOGS PA DE DAG GI SNGA ROL NA GANG ZAG GI DNGOS PO GNAS PA DE YOD DO ZHE NA, GNYIS PA DE DGAG PA LA, KUN GYI SNGA ROL NA GNAS PA DGAG DE DAG GI SNGA ROL NA GNAS PA DGAG SNGA ROL NA

050a

, ,GNAS PA'I SGRUB BYED GZHAN DGAG PA GSUM GYI, DANG PO NI, LTA DANG NYAN LA SOGS PA DANG, ,TSOR LA SOGS PA NYID KYI NI, ,SNGA ROL DNGOS PO GANG GNAS PA, ,DE NI GANG GIS GDAGS PAR BYA, ,GANG ZAG CES BYA BA NI LTA BA LA SOGS PA LA BRTEN NAS 'DOGS PA YIN NA, LTA BA DANG NYAN PA DANG, SNOM PA DANG TSOR BA LA SOGS PA NYE BAR LEN PA NYID KYI SNGA ROL NA NYE BAR LEN PA PO'I DNGOS PO GANG GNAS PA'I GANG ZAG DE NI LTA BA LA SOGS PA LA LTOS PA MED PA YIN NA NYE BAR LEN PA GANG GIS GANG ZAG TU GDAGS PAR BYA, GANG ZHIG RANG GI RGYU LA MI LTOS PA DE NI NOR LA MI LTOS PA'I NOR CAN LTAR MED DO SNYAM DU DGONGS SO, ,GZHAN YANG, LTA LA SOGS PA MED PAR YANG, ,GAL TE DE NI GNAS GYUR NA, ,DE MED PAR YANG DE DAG NI, ,YOD PAR 'GYUR BA THE TSOM MED, ,GAL TE LTA LA SOGS PA DAG GI SNGA ROL NA LTA BA LA SOGS PA MED PAR YANG GANG ZAG DE NI GNAS PAR GYUR PAS DES LTA BA LA SOGS PA NYE BAR LEN PAR BYED DO SNYAM DU SEMS NA, GANG ZAG DE MED PAR YANG LTA BA LA SOGS PA DE DAG YOD PAR 'GYUR BAR THE TSOM MED DE, BUM PA DANG SNAM BU LTAR DE GNYIS DON GZHAN YIN PA'I PHYIR, NYE BAR LEN PA MED PA'I NYE BAR LEN PA PO DANG, NYE BAR LEN PA PO MED PA'I NYE BAR LEN PA YANG MED DE, CI YIS GANG ZHIG GSAL BAR BYED, ,GANG GIS CI ZHIG GSAL BAR BYED, ,CI MED GANG ZHIG GA LA YOD, ,GANG MED CI ZHIG GA LA YOD, 'DI NI 'DI'I NYE BAR LEN PA'O, ,ZHES BYA BAR LTA BA LA SOGS PA NYE BAR LEN PA CI YIS NYE BAR LEN PA PO'I GANG ZAG GANG ZHIG MNGON PAR

050b

GSAL BAR BYED LA, 'DI NI 'DI'I NYE BAR LEN PA'O ZHES BYA BAR NYE BAR LEN PA PO'I GANG ZAG GANG GIS LTA BA LA SOGS PA'I NYE BAR LEN PA CI ZHIG MNGON PAR GSAL BAR BYED PA DE'I TSE, PHAN TSUN LTOS NAS NYE BAR LEN PA DANG NYE BAR LEN PA PO DAG GRUB PA YIN PA DE'I PHYIR LTA BA LA SOGS PA'I NYE BAR LEN PA CI ZHIG MED PAR NYE BAR LEN PA PO'I GANG ZAG GANG ZHIG GA LA YOD, NYE BAR LEN PA PO'I GANG ZAG GANG ZHIG MED PAR YANG LTA BA LA SOGS PA NYE BAR LEN PA CI ZHIG GA LA YOD, DE'I PHYIR LTA BA LA SOGS PA LAS THA DAD PAR NYE BAR LEN PA GNAS SO ZHES BYA BA MI RIGS SO, ,GNYIS PA NI, LTA LA SOGS PA THAMS CAD KYI, ,SNGA ROL GANG ZHIG YOD PA MIN, ,LTA LA SOGS PA GZHAN ZHIG GIS, ,GZHAN GYI TSE NA GSAL BAR BYED, ,GAL TE LTA BA LA SOGS PA THAMS CAD KYI SNGA ROL NA GNAS SO ZHES KHAS BLANGS NA NYES PA 'DIR 'GYUR YANG, LTA BA LA SOGS PA NYE BAR LEN PA THAMS CAD KYI SNGA ROL NA BDAG GANG ZHIG YOD PA MIN NO, ,'O NA CI ZHE NA, RE RE'I SNGA ROL NA YOD PA YIN LA, DE'I PHYIR LTA BA DANG NYAN PA DANG SNOM PA DANG MYONG BA DANG REG PAR BYED PA DAG LAS LTA BA DANG NYAN PA LA SOGS GZHAN ZHIG GIS GZHAN GYI TSE NA LTA BA PO'O NYAN PA PO'O ZHES MNGON PAR GSAL BAR BYED LA, GANG GI TSE LTA BA PO ZHES LTA BAS GSAL BAR BYED PA DE'I TSE, NYAN PA LA SOGS PA GZHAN LA BRTEN NAS NYE BAR GDAGS PAR BYA BA YIN NO, ,DE'I PHYIR DE NI GANG GIS GDAGS PAR BYA ZHES PA'I NYES PA MED DO ZHE NA, LTA LA SOGS PA THAMS CAD KYI, ,SNGA ROL GAL TE YOD MIN NA, ,LTA LA SOGS PA RE RE YI, ,SNGA ROL DE NI JI LTAR YOD, ,

051a

, ,GAL TE LTA LA SOGS PA NYE BAR LEN PA THAMS CAD KYI SNGA ROL NA YOD PA MIN NA LTA LA SOGS PA RE RE'I SNGA ROL NA GANG ZAG DE NI JI LTAR YOD DE, DPER NA SHING THAMS CAD KYI SNGA ROL NA NAGS MED PA DE'I TSE RE RE'I SNGA ROL NA YANG MED LA, BYE MA THAMS CAD LA TIL MAR MED NA RE RE LA YANG MED PA BZHIN NO, ,RE RE'I SNGA ROL NA YOD NA THAMS CAD KYI SNGA ROL NA YANG YOD PAR KHAS BLANGS DGOS TE, RE RE LAS MA GTOGS PA'I THAMS CAD MED PA'I PHYIR RO, ,'DI'I PHYIR YANG RE RE'I SNGA ROL NA YOD PA MI RIGS TE, LTA PO DE NYID NYAN PO DE, ,GAL TE TSOR PO'ANG DE NYID NA, ,RE RE'I SNGA ROL YOD 'GYUR NA, ,DE NI DE LTAR MI RIGS SO, ,GAL TE GZUGS LTA BA PO DE NYID SGRA NYAN PA PO DANG RO TSOR BA PO'ANG DE NYID YIN NA, DE'I TSE LTA BA LA SOGS PA RE RE'I SNGA ROL NA YOD PAR 'GYUR NA YANG LTA BA PO DE NI NYAN PA PO YANG YIN NO ZHES PA DE LTAR NI MI RIGS TE, GAL TE YIN NA LTA BA'I BYA BA DANG BRAL BA'I NYAN PA PO YANG LTA BA PO NYID DU 'GYUR LA, NYAN PA PO'I BYA BA DANG BRAL BA'I LTA BA PO YANG NYAN PA POR 'GYUR NA DE LTA BU MA MTHONG BA'I PHYIR RO, ,GAL TE LTA PO GZHAN YIN LA, ,NYAN PA PO GZHAN TSOR GZHAN NA, ,GAL TE LTA BA PO YANG GZHAN YIN LA, ,NYAN PA PO YANG GZHAN TSOR BA PO YANG GZHAN YIN NO, ,DE'I PHYIR JI SKAD BSHAD PA'I NYES PA MED DO ZHE NA; LTA PO YOD TSE NYAN POR 'GYUR, ,BDAG KYANG MANG PO NYID DU 'GYUR, ,JI LTAR DON GZHAN PA'I BA LANG DANG RTA NI DUS CIG CHAR YOD PA MI 'GAL BA BZHIN DU, LTA BA PO LAS DON GZHAN PA'I NYAN PA PO NI LTA BA PO YOD PA'I TSE YANG NYAN PA PO YOD PAR 'GYUR

051b

NA; DE NI 'DOD PA YANG MA YIN TE, SGRA 'DZIN DANG GZUGS 'DZIN GYI SHES PA CIG CHAR SKYE BAR MI 'DOD PA'I PHYIR RO, ,BDAG KYANG MANG PO NYID DU THAL BAR 'GYUR TE, LTA BA PO DANG NYAN PA PO DANG TSOR BA PO RNAMS SO SOR GRUB PAR KHAS BLANGS PA'I PHYIR RO, , GSUM PA NI, GAL TE LTA BA LA SOGS PA THAMS CAD KYI SNGA ROL NA YOD PA NYID DO, ,DE NI GANG GI GDAGS PA BYA SNYAM NA, LTA BA LA SOGS PA'I SNGA ROL MING GZUGS KYI GNAS SKABS NA GANG LAS RIM GYIS MING DANG GZUGS KYI RKYEN GYIS SKYE MCHED DRUG CES BYA BA LTA BA DANG NYAN PA LA SOGS PA 'BYUNG BAR 'GYUR BA'I 'BYUNG BA CHEN PO BZHI YOD DE, DE'I PHYIR LTA BA LA SOGS PA'I SNGA ROL NA 'BYUNG BA CHEN PO BZHI'I NYER LEN CAN GYI BDAG YOD DO ZHE NA, LTA DANG NYAN LA SOGS PA DANG, ,TSOR BA DAG LA SOGS PA YANG; ;GANG LAS 'GYUR BA'I 'BYUNG DE LA'ANG, ,DE NI YOD PA MA YIN NO, ,LTA BA DANG NYAN PA DANG SNOM PA LA SOGS PA DANG TSOR BA LA SOGS PA'I NYE BAR LEN PA RNAMS GANG LAS 'BYUNG BAR 'GYUR BA'I 'BYUNG BA DE LA'ANG BDAG DE NI YOD PA MA YIN TE; GAL TE NYER LEN 'BYUNG BA CHEN PO'I SNGA ROL DU BDAG GRUB NA, DES 'BYUNG BA CHEN PO NYE BAR LEN PAR 'GYUR NA, DE LTA YANG MA YIN TE, RGYU MED PA'I PHYIR RO, ,GANG ZHIG YOD PA MA YIN PA DES NI JI LTAR 'BYUNG BA CHEN PO NYE BAR LEN PAR 'GYUR, DE'I PHYIR 'BYUNG BA LA YANG BDAG YOD PA MA YIN NO, ,GNYIS PA NYER LEN DGAG PA NI, GAL TE BDAG YOD DE, LTA BA LA SOGS PA YOD PA'I PHYIR, BUM PA LA SOGS PA BDAG GI RANG BZHIN MA YIN PA RNAMS LA NI LTA BA LA SOGS PA DANG 'BREL BA YOD PA MA

052a

, ,YIN NO ZHE NA, LTA DANG NYAN LA SOGS PA DANG, ,TSOR BA DAG LA SOGS PA YANG, ,GANG GI YIN PA GAL TE MED, ,DE DAG KYANG NI YOD MA YIN, ,LTA BA DANG NYAN PA DANG TSOR BA LA SOGS PA DAG NYE BAR LEN PA PO GANG GI YIN PA'I BDAG DE MED DO ZHES BSHAD PA DE'I TSE LTA BA LA SOGS NYE BAR LEN PA DE DAG KYANG YOD PA MA YIN NO ZHES GSAL BAR BSTAN PA MA YIN NAM, DE'I PHYIR LTA BA LA SOGS PA MED PAS BDAG MED DO, ,GNYIS PA BKAG PA'I 'JUG BSDU BA NI, DE LTAR RNAM PAR DPYAD NA MA GRUB PA'I BDAG DE NI YOD PA'AM MED PA GANG DU YANG BRTAG PAR BYA BA MA YIN TE, 'DI LTAR, GANG ZHIG LTA LA SOGS PA YI, ,SNGA ROL DA LTA PHYI NA MED, ,DE LA YOD DO MED DO ZHES, ,RTOG PA DAG NI LDOG PAR 'GYUR, ,BDAG NI LTA BA LA SOGS PA'I SNGA ROL NA YOD PA MA YIN TE, GDAGS PA'I GZHI MED PA'I PHYIR RO, ,DA LTA LHAN CIG DU YANG MED DE, SO SOR MA GRUB PA DAG LA LHAN CIG MA MTHONG BA'I PHYIR, LTA BA LA SOGS SNGAR GRUB LA BDAG PHYIS GRUB PA YANG MA YIN TE, BYED PA PO MED PA'I LAS MA GRUB PA'I PHYIR RO, ,DE LTAR YONGS SU BRTAGS PA NA BDAG GANG ZHIG LTA BA LA SOGS PA'I SNGA ROL NA YANG MED DA LTA LHAN CIG TU YANG MED, LTA BA LA SOGS PA SNGAR GRUB CING BDAG PHYI NAS GRUB PA YANG MED PA DE'I TSE DMIGS PA MED PA'I RANG BZHIN CAN DE LA YOD DO ZHES SAM, MED DO ZHES MTHA' GCIG TU RTOG PA DAG NI LDOG PAR 'GYUR RO, ,DE'I PHYIR NYE BAR LEN PA DANG NYE BAR LEN PA PO GNYIS BYED PA PO DANG LAS BZHIN DU PHAN TSUN LTOS PAS GRUB PA YIN GYI NGO BO NYID KYIS MA YIN NO ZHES BYA BAR

052b

GNAS SO, ,DE'I PHYIR TING NGE 'DZIN RGYAL PO LAS, DE TSE SDIG MED STOBS BCU MNGA' BA YI, ,RGYAL BA DE NI TING 'DZIN MCHOG 'DI 'CHAD, ,SRID PA'I 'GRO BA RMI LAM LTA BU STE, ,'DI LA SU YANG MI 'CHI SKYE BA MED, ,SEMS CAN MING DANG SROG KYANG MI RNYED DE; ;CHOS 'DI RNAMS NI DBU BA CHU SHING 'DRA, ,SGYU MA LTA BU NAM MKHA'I GLOG 'DRA STE, ,CHU YI ZLA BA 'DRA ZHING SMIG RGYU BZHIN, ,MI 'GA' 'JIG RTEN 'DIR YANG SHI NAS NI, ,'JIG RTEN GZHAN DU 'PHO ZHING 'GRO MED KYANG, ,LAS BYAS RNAMS NI NAM YANG CHUD MI ZA, ,'KHOR BA NA YANG DKAR NAG LAS 'BRAS SMIN, ,ZHES SOGS GSUNGS PA LTAR RO, ,DBU MA RTZA BA'I SHES RAB LAS SNGA ROL NA GNAS PA BRTAG PA ZHES BYA BA RAB TU BYED PA DGU PA'I 'GREL PA'O,, ` ,,BCU PA ME DANG BUD SHING BRTAG PA LA; MTHAR LTA RGYAS PAR DGAG MTHAR 'DZIN CAN BSTAN DON LA MI MKHAS PAR BSTAN PA GNYIS KYI, DANG PO LA DGAG PA RGYAS PAR BSTAN, BKAG PA'I 'JUG BSDU BA GNYIS KYI, DANG PO LA GCIG DANG THA DAD GRUB PA DGAG PHAN TSUN LTOS PAS GRUB PA DGAG MNGON SUM NYID KYIS GRUB PA DGAG PA DANG GSUM, DANG PO LA GCIG TU GRUB PA DGAG PA DANG, THA DAD DU GRUB PA DGAG PA GNYIS KYI DANG PO NI, 'DIR SMRAS PA, NYE BAR LEN PA DANG NYE BAR LEN PA PO DAG PHAN TSUN LTOS PA DANG BCAS PAS NGO BO NYID KYIS MA GRUB PO ZHES SMRA BA MI RIGS TE, DNGOS PO LTOS PA DANG BCAS PA LA YANG NGO BO NYID DANG BCAS PAR MTHONG BA'I PHYIR, DPER NA ME DANG BUD SHING PHAN TSUN LTOS PA YIN YANG RANG BZHIN MED PA MA YIN PA BZHIN NO ZHE NA, MI DANG BUD SHING LA RANG

053a

, ,BZHIN YOD PA MA YIN TE, GAL TE YOD NA GCIG GAM THA DAD DU YOD DRANG, BUD SHING GANG DE ME YIN NA, ,BYED PA PO DANG LAS GCIG 'GYUR, ,BUD SHING NI BSREG PAR BYA BA'I LAS YIN LA, ME NI SREG PAR BYED PA'I BYED PA PO YIN NO, ,GAL TE BSREG BYA BUD SHING GANG YIN PA DE ME YIN NA BYED PA PO DANG LAS GCIG TU THAL BAR 'GYUR NA DE YANG MI RIGS TE, ,RDZA MKHAN DANG BUM PA'AM GCAD BYA DANG GCOD PA PO YANG GCIG TU THAL BAR 'GYUR BA'I PHYIR DANG, DE YANG KHAS MA BLANGS PA'I PHYIR RO, ,GNYIS PA LA DGAG PA DNGOS, SKYON SPONG DGAG SUN 'BYIN GYI LAM GZHAN BSTAN PA DANG GSUM GYI, DANG PO NI, GAL TE SHING LAS ME GZHAN NA, ,SHING MED PAR YANG 'BYUNG BAR 'GYUR, ,GAL TE BUD SHING LAS ME GZHAN YIN NA DE'I TSE BUD SHING LA LTOS PA MED PAR ME DMIGS PAR 'GYUR RO, ,BUM PA LAS DON GZHAN DU GYUR PA'I SNAM BU NI DE LA LTOS PA MED PAR MTHONG BA MA YIN PA MIN PA BZHIN NO, ,GZHAN YANG, RTAG TU 'BAR BA NYID DU 'GYUR, ,'BAR BYED RGYU LAS MI 'BYUNG ZHING; RTZOM PA DON MED NYID DU 'GYUR, ,DE LTA YIN NA LAS KYANG MED, ,ME DANG BUD SHING THA DAD PA YIN NA ME NI RTAG TU 'BAR BAR 'GYUR ZHING, 'BAR BYED RGYU LAS MI 'BYUNG BA DANG, 'BAR BA'I CHED DU RTZOM PA DON MED PA DANG, DE LTA YIN NA LAS KYANG MED PAR 'GYUR RO, ,DON DE NYID RGYAS PAR 'CHAD PA NI, GZHAN LA LTOS PA MED PA'I PHYIR, 'BAR BAR BYED RGYU LAS MI 'BYUNG, ,RTAG TU 'BAR BA YIN NA NI, ,RTZOM PA DON MED NYID DU 'GYUR, ,GAL TE ME DANG BUD SHING GZHAN YIN NA, GANG GZHAN YIN

053b

PA DE NI DE LA LTOS PA MA YIN TE, BUM PA DANG SNAM BU BZHIN, DE'I PHYIR ME NI 'BAR BYED RGYU BUD SHING LAS MI 'BYUNG BAR 'GYUR TE, DE LA LTOS PA MED PA'I PHYIR, 'BAR BAR BYED PA RGYU LA LTOS PA DANG BCAS PA'I ME NI BUD SHING MED NA 'CHI BAR 'GYUR BA YIN NA; GANG GI TSE 'BAR BAR BYED PA RGYU LA LTOS PA MED PA DE'I TSE 'CHI BA'I RKYEN MA TSANG BA'I PHYIR RTAG TU 'BAR BA NYID DU 'GYUR RO, ,RTAG TU 'BAR BA YIN NA MI 'CHI BAR BYA BA'I PHYIR BUD SHING NYE BAR LEN PA DANG, SBAR BA LA SOGS PA'I RTZOM PA DON MED PA NYID DU 'GYUR RO, ,BUD SHING MED BZHIN DU YANG ME 'BAR BA DE LTA YIN NA, LAS MED BZHIN DU YANG ME NI BYED PA POR 'GYUR RO, ,DE'I PHYIR BUD SHING LAS ME GZHAN DU MI RIGS SO, ,GNYIS PA NI, DE LA GAL TE 'DI SNYAM DU, SREG BZHIN BUD SHING YIN SEMS NA, ,GAL TE SHING LAS ME GZHAN NA, ,SHING MED PAR YANG 'BYUNG BAR 'GYUR, ,ZHES SUN 'BYIN SMRAS PA DE LA GAL TE 'DI SNYAM DU, ME DANG BUD SHING GZHAN YIN YANG SHING MED PAR ME YOD PA MA YIN TE, 'BAR BAR GYUR PA'I DON MES SREG BZHIN PA NYID BUD SHING YIN PA'I PHYIR RO ZHES SEMS NA DE YANG MI 'THAD DE, GANG TSE DE TZAM DE YIN NA, ,GANG GIS BUD SHING DE SREG BYED, ,GANG GI TSE 'BAR BAR 'GYUR BA'I DON SREG BZHIN PA DE TZAM BUD SHING YIN PA DE'I TSE ME GANG GIS BUD SHING DE BSREG PAR BYED STE, 'BAR BAR GYUR PA SREG BZHIN PA NI BUD SHING YIN PA'I PHYIR DANG, DE LAS MA GTOGS PA'I ME MA MTHONG BA'I PHYIR RO, ,GSUM PA NI, GZHAN PHYIR MI PHRAD PHRAD MED NA, ,BSREG PAR MI 'GYUR MI BSREG NA, ,'CHI BAR MI 'GYUR MI 'CHI NA, ,

054a

, ,RANG RTAGS DANG YANG LDAN PAR GNAS, ,GAL TE ME DANG THA DAD SHING GZHAN YIN NA, ,GZHAN YIN PA'I PHYIR SNANG BA DANG MUN PA BZHIN DU MI PHRAD PAR 'GYUR RO, ,PHRAD PA MED NA YANG MES BUD SHING BSREG PAR MI 'GYUR TE; BSKAL PA'I YUL NA GNAS PA'I MES MDUN GYI BUD SHING MI BSREG PA BZHIN NO, ,MI BSREG NA YANG BUD SHING MED PA'I RKYEN GYIS 'CHI BAR MI 'GYUR TE, 'GRUB PA BUD SHING LA MI LTOS PA'I PHYIR RO, ,MI 'CHI NA YANG ME NI RTAG TU RANG RTAGS 'BAR BA DANG LDAN PAR GNAS PA 'GYUR TE, 'CHI BA'I RKYEN MED PA'I PHYIR RO, ,GAL TE GZHAN PHYIR MI 'PHRAD ZHES SMRAS PA MI RIGS TE, SKYES PA DANG BUD MED GZHAN YIN YANG PHRAD PAR MTHONG LA ME DANG BUD SHING YANG DE BZHIN DU 'GYUR RO ZHE NA, JI LTAR BUD MED SKYES PA DANG; ;SKYES PA'ANG BUD MED PHRAD PA BZHIN, ,GAL TE SHING LAS ME GZHAN NA, ,SHING DANG PHRAD PAR RUNG BAR 'GYUR, ,JI LTAR SKYES PA DANG BUD MED PHAN TSUN LTOS MED KYI GZHAN YIN PAS BUD MED SKYES PA DANG PHRAD PA DANG SKYES PA'ANG BUD MED DANG PHRAD PA BZHIN DU GAL TE SHING LAS ME LTOS MED KYI GZHAN YIN NA ME YANG SHING DANG PHRAD PAR RUNG BAR 'GYUR BA ZHIG NA DE NI MI RUNG STE, 'DI LTAR, GAL TE ME DANG SHING DAG NI, ,GCIG GIS GCIG NI BSAL GYUR NA, ,SHING LAS ME GZHAN NYID YIN YANG, ,SHING DANG PHRAD PAR 'DOD LA RAG GAL TE ME DANG SHING DAG CIG GIS CIG NI BSAL BAR 'GYUR NA STE BYED PA PO DE DANG LAS SU MA 'BREL ZHING, PHAN TSUN LTOS PA MED PA YIN NA, BUD MED DANG SKYES PA LTAR SHING LAS ME GZHAN YIN YANG ME NI SHING DANG PHRAD PAR

054b

'DOD LA RAG PA ZHIG NA, ME LA MA LTOS PA'I SHING NGAM SHING LA MA LTOS PA'I ME YOD PA DE LTA BU NI MI SRID DO DE'I PHYIR BUD MED DANG SKYES PA DPER BKOD PA NI DON MED DE, PHAN TSUN LTOS BCAS KYI GZHAN YIN PA ZHIG DANG PHRAD PA DPER DGOD PAR RIGS NA DE LTA BU MED PA'I PHYIR RO, ,GNYIS PA PHAN TSUN LTOS PAS GRUB PA DGAG PA NI, GAL TE ME DANG BUD SHING DAG NI RANG GI NGO BOS GRUB STE, PHAN TSUN LTOS PA DANG BCAS PA'I PHYIR, YOD PA MA YIN PA MO GSHAM GYI BU DANG BU MO DAG NI PHAN TSUN LTOS PA DANG BCAS PAR MA MTHONG NGO ZHE NA, GAL TE SHING LTOS ME YIN LA, ,GAL TE ME LTOS SHING YIN NA, ,GANG LTOS MA DANG SHING 'GYUR BAS, ,DANG POR 'GRUB PA GANG ZHIG YIN, ,GAL TE BUD SHING SREG PAR BYED PAS NA ME'O ZHES SHING LA LTOS NAS MER 'JOG PA YIN CING; MES BSREG PAR BYA BAS NA BUD SHING NGO ZHES ME LA LTOS NAS SHING RNAM PAR 'JOG PA YIN NA DE'I TSE GANG LA LTOS NAS ME DANG SHING DU 'GYUR BA DE GNYIS LAS DANG POR GRUB PA GANG ZHIG YIN, GAL TE BUD SHING LA LTOS NAS MER 'GYUR BAS BUD SHING SNGAR GRUB PO ZHES RTOG NA MI RIGS TE, ME LA MA LTOS SHING BSREG BYA MA YIN PA NI BUD SHING MA YIN PA'I PHYIR DANG, RTZA LA SOGS PA RNAMS KYANG BUD SHING DU THAL BA'I PHYIR RO, ,CI STE DANG POR ME YIN LA PHYIS BUD SHING GRUB PO ZHE NA, DE YANG MI RIGS TE; BUD SHING MED PA'I ME RGYU MED DU THAL BA'I PHYIR DANG, PHYIS LTOS PA DGOS PA MED PA'I PHYIR RO, ,GAL TE SHING LTOS ME YIN NA, ,ME GRUB PA LA SGRUB PAR 'GYUR, ,GAL TE SNGAR GRUB PA'I SHING LA LTOS NAS ME 'BYUNG BA YIN NO ZHE NA, DE LTA NA ME GRUB

055a

, ,ZIN PA LA SGRUB PAR 'GYUR TE, DNGOS PO YOD CING GRUB PA'I NGO BO CAN KHO NA LTOS PA RIGS KYI, YOD PA MA YIN PA'I LHAS BYIN GYI KHYIM 'GA' LA YANG MI LTOS PA BZHIN NO, ,DE'I PHYIR ME YOD PAR KHAS BLANGS DGOS LA, DE LTA NA 'DI BUD SHING LA LTOS PA DON MED DE, GRUB ZIN PA'I PHYIR RO, GZHAN YANG, BUD PAR BYA BA'I SHING LA YANG, ,ME MED PAR NI 'GYUR BA YIN, ,GAL TE SHING LA LTOS NAS MER 'GYUR RO ZHES RTOG NA, ME'I SNGAR SHING GRUB DGOS TE, MA GRUB PA LA LTOS PA MI RUNG BA'I PHYIR RO, ,DE'I PHYIR BUD PAR BYA BA'I SHING ME LA LTOS PA MED PAR 'GYUR NA DE YANG MI RIGS SO, ,GAL TE DUS GCIG KHO NAR ME LA LTOS NAS BUD SHING GRUB CING BUD SHING LA LTOS NAS ME GRUB STE, DE'I PHYIR GANG RUNG GCIG KYANG SNGAR GRUB PAR KHAS MA BLANGS PAS, GANG LTOS ME DANG SHING GYUR PA, ,DANG POR GRUB PA GANG ZHIG YIN ZHES PA'I SKYON MED DO ZHE NA, GAL TE DNGOS PO GANG LTOS GRUB DE NYID LA YANG LTOS NAS NI, LTOS BYA GANG YIN DE 'GRUB NA, ,GANG LA LTOS NAS GANG ZHIG 'GRUB, , GAL TE ME ZHES BYA BA'I DNGOS PO GANG ZHIG BUD SHING ZHES BYA BA'I DNGOS PO GANG ZHIG LA LTOS NAS 'GRUB LA, ME DE NYID LA YANG LTOS NAS BUD SHING GI DNGOS PO ME'I LTOS BYA GANG YIN PA DE 'GRUB NA, DE NI GANG LA LTOS NA GANG ZHIG 'GRUB PAR 'GYUR BA SMROS SHIG DE BZHIN DU BUD SHING GI DNGOS PO GANG ZHIG ME'I DNGOS PO GANG ZHIG LA LTOS NAS 'GRUB, BUD SHING DE NYID LA LTOS NAS BUD SHING GI LTOS BYA GANG YIN PA DE 'GRUB NA DA NI GANG LA LTOS NAS GANG ZHIG 'GRUB SMRA DGOS SO, ,GAL TE BUD SHING LA LTOS

055b

NAS ME 'GRUB NA, ME MED PAR BUD SHING MED PAS DE'I PHYIR ME YANG MI 'GRUB BO, ,'ON TE ME LA LTOS NAS BUD SHING 'GRUB NA, BUD SHING MA GRUB PAR ME MI 'GRUB PAS DE'I PHYIR BUD SHING YANG MI 'GRUB PO, ,'DI'I PHYIR YANG ME DANG BUD SHING PHAN TSUN LTOS NAS GRUB PA MED DE, 'DI LTAR, DNGOS PO LTOS GRUB GANG YIN PA, ,DE MA GRUB NA JI LTAR LTOS, ,CI STE GRUB PA LTOS ZHE NA, ,DE NI LTOS PA MI RIGS SO, ,GAL TE BUD SHING LA LTOS NAS ME GRUB NA ME GRUB PA'AM MA GRUB PA ZHIG BUD SHING LA LTOS DRANG; ME'I DNGOS PO BUD SHING LA LTOS NAS GRUB PA GANG YIN PA DE MA GRUB NA NI, JI LTAR BUD SHING LA LTOS TE BONG BU'I RVA BZHIN NO, ,CI STE ME GRUB PA LTOS SO ZHE NA, GRUB ZIN PA DE NI YANG 'GRUB PAR BYA BA MA YIN PAS LTOS PA DON MED PA'I PHYIR BUD SHING LA LTOS PA MI RIGS SO, ,DE BZHIN DU BUD SHING YANG GRUB PA'AM MA GRUB PA GANG YANG ME LA LTOS PA MI RIGS SO, ,DE'I PHYIR, SHING LA LTOS PA'I ME MED DE, ,SHING LA MA LTOS ME YANG MED, ,ME GRUB PA'AM MA GRUB PA GANG YANG SHING LA LTOS PA MI RIGS PA'I PHYIR DANG, SHING LA MI LTOS NA YANG MI RGYU MED DU THAL BA'I PHYIR RO, ,DE BZHIN DU, ME LA LTOS PA'I SHING MED DE, GRUB PA DANG MA GRUB PA GANG YANG LTOS PA MI RIGS PA'I PHYIR RO, ,ME LA MA LTOS SHING YANG MED DE RGYU MED DU THAL BA'I PHYIR RO, ,GSUM PA MNGON SUM NYID KYIS GRUB PA DGAG PA NI, 'DIR SMRAS PA, DPYAD PA ZHIB MO 'DIS CI BYA STE, KHO BO CAG NI MNGON SUM NYID KYIS MES BUD SHING SREG BZHIN PA DMIGS PA'I PHYIR ME DANG BUD SHING DAG YOD DO ZHES SMRA'O ZHE NA, MES BUD SHING SREG CES PA'ANG

056a

, ,THA SNYAD TZAM YIN GYI, YANG DAG PA MA YIN TE, 'DI LTAR GAL TE SHING LA ME YOD NA DES BUD SHING BSREG PAR 'GYUR NA, YOD PA MA YIN TE, ME NI GZHAN LAS MI 'ONG STE, ,SHING LA'ANG ME NI YOD MA YIN, ,RE SHIG ME NI BUD SHING LAS GZHAN LAS MI 'ONG STE, MA MTHONG BA'I PHYIR DANG, RGYU MED PAS BUD SHING DANG BRAL BA'I ME LA 'ONG BA MED PA'I PHYIR DANG, BUD SHING DANG BCAS PA 'ONG BA LA DGOS PA MED PA'I PHYIR DANG, DER YANG, RGAL ZHING BRTAG PA MTSUNGS PAS THUG PA MED PAR THAL BA'I PHYIR RO, ,DE BZHIN DU SHING LA'ANG ME NI YOD PA MA YIN TE, MA DMIGS PA'I PHYIR DANG, MNGON PAR MI GSAL BA'I TSUL DU YOD DO ZHES BYA BA YANG SGRUB BYED MED PAS TSIG TZAM YIN PA'I PHYIR RO, ,GZHAN YANG, DE BZHIN SHING GI LHAG MA NI, SONG DANG MA SONG 'GOM PAS BSTAN, ,MES BUD SHING SREG BZHIN PA DMIGS SO ZHES BYA BA'I SHING GI SUN 'BYIN PA LHAG MA NI, SONG DANG MA SONG 'GOM PA LA 'GRO BA LA SNGAR SUN PHYUNG BA JI SKAD BSTAN PA BZHIN SHES PAR BYA STE, RE SHIG BSREGS PA MI BSREG STE, MA BSREGS PA YANG BSREG PA MED, ,BSREGS DANG MA BSREGS MA GTOGS PA, ,SREG BZHIN SHES PAR MI 'GYUR RO, ,ZHES SOGS 'DON PA BSGYUR TE SHES PAR BYA'O, ,GNYIS PA BKAG PA'I 'JUG BSDU BA NI, SHING NYID ME NI MA YIN TE; ;SHING LAS GZHAN PA'I ME YANG MED, ,ME NI SHING DANG LDAN MA YIN, ,ME LA SHING MED DER DE MED, ,SHING NYID ME MA YIN TE, BUD SHING GANG DE ME YIN NA, ,BYED PA PO DANG LAS GCIG 'GYUR, ,ZHES PA 'DIS ME DANG BUD SHING GCIG YIN PA BKAG

056b

PA'I PHYIR RO, ,SHING LAS GZHAN PA'I ME YANG MED DE, ,GAL TE SHING LAS ME GZHAN NA, ,SHING MED PAR YANG 'BYUNG BAR 'GYUR, ,ZHES PAS GZHAN NYID BKAG PA'I PHYIR RO, ,ME NI SHING DANG LDAN PA MA YIN TE, DE NYID DANG GZHAN NYID BKAG PA NYID KYIS THA DAD DANG THA MI DAD KYI LDAN PA GANG YANG MI RUNG BA'I PHYIR RO, ,ME LA SHING BRTEN PA MED LA, SHING DER ME BRTEN PA YANG MED DE, 'KHAR GZHONG DANG RGYA SHUG LTA BU GZHAN DU GYUR PA LA RTEN DANG BRTEN PAR RTOG PA YIN NA, ME DANG BUD SHING DAG NI GZHAN NYID DU MED PA'I PHYIR RO, ,JI LTAR RNAM PA LNGAR BRTAGS NA ME YOD PA MA YIN PA DE BZHIN DU, ,ME DANG SHING GIS BDAG DANG NI, ,NYE BAR LEN PA'I RIM PA KUN, ,BUM SNAM SOGS DANG LHAN CIG TU, ,MA LUS PAR NI RNAM PAR BSHAD, ,ME DANG SHING RANG BZHIN GYIS GRUB PA LA SUN 'BYIN SNGAR BSTAN PA DAG GIS NYE BAR LEN PO BDAG DANG NYE BAR LEN PA PHUNG PO LNGA DGAG PA'I RIM PA GCIG DANG THA DAD DANG LDAN PA DANG PHAN TSUN RTEN DANG BRTEN PA DGAG PA'I PHYOGS LNGA PO KUN DANG, 'DI DAG STON PA LA 'THAD PA'I TSUL DE NYID DANG GZHAN GYI PHYOGS GNYIS DGAG PA DANG BCAS PA MA LUS PAR RNAM PAR BSHAD PAR SHES PAR BYA'O, ,DE LA NYER LEN YIN PA BDAG YIN NO ZHES BYA BAR MI RIGS TE, BYED PA PO DANG LAS GCIG TU THAL BA'I PHYIR RO, ,NYE BAR LEN PA DANG NYE BAR LEN PA PO GZHAN YANG MA YIN TE, BDAG DANG PHUNG PO THA DAD PAR DMIGS PAR THAL BA'I PHYIR RO, ,GCIG NYID DANG GZHAN NYID BKAG PA'I PHYIR BDAG PHUNG PO DANG LDAN PA YANG MA YIN NO, ,GZHAN NYID MED PA'I PHYIR BDAG LA PHUNG PO BRTEN PA DANG PHUNG PO LA BDAG

057a

, ,BRTEN PA YANG MA YIN NO, ,DE LTAR RNAM PA LNGAR BDAG YOD PA MA YIN PA'I PHYIR LAS DANG BYED PA PO LTAR BDAG DANG NYE BAR LEN PA GNYIS PHAN TSUN LTOS PAS GRUB PA YIN NO ZHES BYA BAR GNAS SO, ,BDAG DANG NYE BAR LEN PA DGAG PA'I RIM PA DE YANG 'DI GNYIS KHO NA MA YIN GYI, 'O NA CI ZHE NA, BUM PA DANG SNAM BU LA SOGS PA DNGOS PO MA LUS PA DANG LHAN CIG RNAM PAR BSHAD PAR SHES PAR BYA'O, ,DE LA BUM PA LA SOGS PA NI RGYU DANG 'BRAS BU'AM YAN LAG DANG YAN LAG CAN NAM; MTSAN NYID DANG, MTSAN GZHI'AM, YON TAN DANG YON TAN CAN DU GYUR PA DAG YIN TE, DE LTAR RNAM PAR BZHAG PA LA, ME DANG BUD SHING LTAR DGAG PA'I RIM PA KUN MA LUS PAR SBYAR BAR BYA'O, ,GNYIS PA MTHAR 'DZIN CAN BSTAN DON LA MI MKHAS PAR BSTAN PA NI, GANG DAG BDAG DANG DNGOS PO RNAMS, ,DE BCAS NYID DANG THA DAD PAR, ,STON PA DE DAG BSTAN DON LA, ,MKHAS PA SNYAM DU MI SEMS SO, ,DE LTAR LAS DANG BYED PA PO LTAR BDAG DANG NYE BAR LEN PA DANG BUM SNAM LA SOGS PA PHAN TSUN LTOS PAS GRUB PAR RNAM PAR BZHAG PA LA MI BRTEN PAR, MU STEGS KYI GZHUNG LUGS KYI NYE BAR BRTAGS PA'I DON LA GSUNG RAB KYI DON PHYIN CI MA LOG PAR RLOM NAS, RANG GI SDE PA DNGOS POR SMRA BA GANG DAG NYE BAR LEN PA PO'I BDAG DANG NYE BAR LEN PA DANG BUM SNAM LA SOGS PA'I DNGOS PO RNAMS DE BCAS NYID DE GCIG DANG NYER LEN YANG GZHAN LA BDAG KYANG GZHAN NO ZHES SOGS THA DAD PAR STON PA DE DAG BDE BAR GSHEGS PA'I BSTAN PA'I DON RTEN CING 'BREL PAR 'BYUNG BA MCHOG TU ZAB PA, RTAG

057b

CHAD DANG BRAL BA, BRTEN NAS GDAGS PA'I MING CAN GYI DE KHO NA NYID LA MKHAS PA'O SNYAM DU SLOB DPON MI SEMS SHING MI DGONGS SO, ,DE LTAR RNAL 'BYOR PA ME DANG BUD SHING BRTAG PAS CHOS KYI DE KHO NA NYID KHONG DU CHUD PA'I LUS NI DUS MTHA'I ME'AM, 'DOD CHAGS LA SOGS PA NYON MONGS PA'I ME DAG GIS MI 'TSIG GO ,DE SKAD DU YANG, BCOM LDAN 'DAS KYIS, BSKAL PA BRGYA PHRAG MANG POR RAB BSREGS KYANG, ,NAM MKHA' SNGON CHAD NAM YANG MI 'TSIG BZHIN, ,CHOS RNAMS NAM MKHA' MTSUNGS PAR RNAM RIG PAS, ,DE NI GZHAR YANG ME NANG YONG MI 'TSIG ,GAL TE SANGS RGYAS ZHING RNAMS 'BAR 'GYUR LA, ,'BAR PA 'DI DAG MA LUS ZHI SHOG CES, ,TING 'DZIN GNAS NAS SMON LAM 'DI BTAB NA, ,SA RNAMS ZHIG KYANG DE LA 'GYUR BA MED; ;CES GSUNGS PA LTA BU'O, ,DBU MA RTZA BA'I SHES RAB LAS ME DANG BUD SHING BRTAG PA'I RAB TU BYED PA STE BCU PA'I 'GREL PA'O,, ` ,,BCU GCIG PA SNGON DANG PHYI MA'I MTHA' DGAG PA LA, 'KHOR BA'I SNGON MTHA' DGAG PA DANG, TSUL DE GZHAN LA BSGRE BA GNYIS KYI DANG PO LA, DGAG PA DNGOS DANG, ZHAR LA SKYE 'CHI'I RIM PA DGAG PA GNYIS KYI, DANG PO NI, 'DIR SMRAS PA, BDAG NI YOD DE 'KHOR BA YOD PA'I PHYIR, GAL TE BDAG YOD PAR MA GYUR NA, 'GRO BA LNGA'I 'KHOR BAR SKYE BA DANG 'CHI BA GCIG NAS GCIG TU BRGYUD PA GANG ZHIG 'KHOR BAR 'GYUR, DE'I PHYIR 'KHOR BA YOD PAS 'KHOR BA PO YOD LA, DE YANG BDAG YIN NO ZHE NA, 'KHOR BA YOD NA BDAG KYANG YOD PAR 'GYUR NA, 'KHOR BA ZHES BYA BA NI THA SNYAD PA YIN GYI, YANG DAG

058a

, ,PAR NA YOD PA MA YIN TE, 'DI LTAR, SNGON MTHA' MNGON NAM ZHES ZHUS TSE, ,THUB PA CHEN POS MIN ZHES GSUNGS, ,'KHOR BA THOG MA MTHA' MED TE, ,DE LA SNGON MED PHYI MA MED, ,GAL TE 'KHOR BA ZHES BYA BA 'GA' ZHIG YOD NA BUM PA LA SOGS PA BZHIN DU DE LA NGES PAR SNGON DANG PHYI MA'I MTHA' YANG YOD PAR 'GYUR NA YOD PA YANG MA YIN TE, MU STEGS CAN GYIS BCOM LDAN 'DAS LA 'KHOR BA'I SNGON GYI MTHA' MNGON NAM ZHES ZHUS PA'I TSE, THUB PA CHEN POS MIN ZHES GSUNGS LA, DE BZHIN DU DGE SLONG DAG SKYE BA DANG RGA SHI'I 'KHOR BA NI THOG MA DANG THA MA MED DO ZHES 'KHOR BA LA THOG MA DANG THA MA MED PAR GSUNGS PA NA, 'KHOR BA DE YANG DAG PAR YOD PA MA YIN NO ZHES BCOM LDAN 'DAS KYIS GSAL BAR GSUNGS PA MA YIN NAM, DE'I PHYIR 'KHOR BA DE LA SNGON GYI MTHA' MED CING, PHYI MA'I MTHA' YANG MED PA DE'I TSE 'KHOR BA MED DE, THOG MA DANG THA MA MED PA'I PHYIR, 'GAL ME'I 'KHOR LO BZHIN ZHES BYA BAR GNAS SO, ,GAL TE 'KHOR BA LA THOG MTHA' MED PA DE LTA NA YANG MA BKAG PA'I PHYIR DBUS YOD DE, DE'I PHYIR 'KHOR BA YOD DO ZHE NA, GANG LA THOG MA THA MA MED, ,DE LA DBUS NI GA LA YOD, ,'KHOR BA GANG LA JI SKAD BSHAD PA'I TSUL GYIS THOG MA DANG THA MA MED PA DE LA DE GNYIS KYIS KHYAD PAR DU BYAS PA'I DBUS NI GA LA YOD DE'I PHYIR 'KHOR BA NI NAM MKHA' LTAR THOG MTHA' BAR GSUM DANG BRAL BA'I PHYIR MING TZAM DU ZAD DO, ,GNYIS PA LA, DNGOS DANG 'JUG BSDU BA GNYIS KYI, DANG PO NI, DE PHYIR DE LA SNGA PHYI DANG, LHAN CIG RIM PA MI 'THAD DO, ,GANG GI PHYIR

058b

'KHOR BA LA THOG MA DANG THA MA DANG DBUS MED PA DE NYID KYI PHYIR 'KHOR BA MED PA DE LA SKYE BA SNGA LA RGA SHI 'PHYI BA DANG LHAN CIG PA'I RIM PA MI 'THAD DO, ,JI LTAR MI 'THAD DE LTAR STON PA NI, GAL TE SKYE BA SNGA GYUR LA, ,RGA SHI 'PHYI BA YIN NA NI, ,SKYE BA RGA SHI MED PA DANG, ,MA SHI BAR YANG SKYE BAR 'GYUR, ,GAL TE SKYE BA SNGA LA RGA SHI 'PHYI BA YIN NA SKYE BA RGA SHI MED CING DE DANG BRAL BAR 'GYUR NA DE YANG MI RUNG STE, 'DUS MA BYAS SU THAL BAR 'GYUR BA'I PHYIR RO, ,RGA SHI MED PA'I SKYE BA YOD PAR RTOG NA LHAS BYIN TSE RABS GZHAN DU MA SHI BAR 'DIR SKYE BAR 'GYUR LA, DE'I PHYIR 'KHOR BA LA THOG MA YOD PA DANG RGYU MED PA'I NYES PAR THAL BAR 'GYUR RO, ,GAL TE SKYE BA 'PHYI 'GYUR LA, ,RGA SHI SNGA MA YIN NA NI, SKYE BA MED PA'I RGA SHI NI, ,RGYU MED PAR NI JI LTAR 'GYUR; ;GAL TE SKYE BA 'PHYI LA RGA SHI SNGA BA YIN NA SKYE BA'I RKYEN GYIS RGA SHI ZHES RGA SHI SKYE BA'I RTEN CAN DU GSUNGS PAS SKYE BA MED PA'I RGA SHI NI RGYU MED PAR JI LTAR 'BYUNG BAR 'GYUR TE MI RIGS SO, ,SKYE BA DANG NI RGA SHI DAG ,LHAN CIG RUNG BA MA YIN TE, , SKYE BZHIN PA NA 'CHI 'GYUR ZHING, ,GNYIS KA'ANG RGYU MED CAN DU 'GYUR, ,SKYE BA DANG RGA SHI LHAN CIG TU 'BYUNG BA RUNG BA YANG MA YIN TE, SKYE BZHIN PA NYID 'CHI BAR 'GYUR NA, DE YANG MI RIGS TE, SNANG BA DANG MUN PA LTAR 'GAL BA'I PHYIR DANG, SKYE BZHIN PA 'CHI'O ZHES BYA BAR 'JIG RTEN NA YANG MA MTHONG BA'I PHYIR RO, ,GZHAN YANG SKYE 'CHI LHAN CIG DU 'BYUNG NA BA LANG GI RA G-YAS G-YON LTAR PHAN TSUN RGYU 'BRAS SU MI RIGS PAS GNYIS KA RGYU MED PA CAN DU 'GYUR NA, 'DI NI MI RIGS SO, ,GNYIS PA

059a

, ,NI, GANG LA SNGA PHYI LHAN CIG GI ,RIM PA DE DAG MI SRID PA'I, ,SKYE DANG DE DANG RGA SHI DE, ,CI YI PHYIR NA SPRO BAR BYED, ,JI SKAD BSHAD PA'I TSUL GYIS SKYE BA DANG RGA SHI GANG LA SNGA PHYI LHAN CIG GI RIM PA DE DAG MI SRID PA'I SKYE BA DANG RGA SHI DE MA DMIGS PA NA 'PHAGS PA DAG CI'I PHYIR SPRO BAR BYED DE, YANG DAG PA JI LTA BA BZHIN GZIGS PA'I PHYIR RO, ,YANG NA DE LTAR SKYE BA DANG RGA SHI DE YOD PA MA YIN NA, BYIS PA DAG YOD PA MA YIN PA'I SKYE BA DANG RGA SHI DE CI'I PHYIR SPRO BAR BYED; GNYIS PA TSUL DE GZHAN LA BSGRE BA NI, 'KHOR BA 'BA' ZHIG SNGON GYI MTHA', ,YOD MA YIN PAR MA ZAD KYI, ,RGYU DANG 'BRAS BU NYID DANG NI, ,MTSAN NYID DANG NI MTSAN GZHI NYID, ,TSOR DANG TSOR PO NYID DANG NI, ,DON YOD GANG DAG CI YANG RUNG; ;DNGOS RNAMS THAMS CAD NYID LA YANG, ,SNGON DANG PHYI MA YOD MA YIN, ,'KHOR BA 'BA' ZHIG LA SNGON GYI MTHA' MED PAR MA ZAD KYI RGYU DANG 'BRAS BU MTSAN NYID MTSAN GZHI TSOR DANG TSOR PO NYID DANG SHES BYA SHES BYED GZHAL BYA 'JAL BYED YAN LAG DANG YAN LAG CAN, YON TAN DANG YON TAN CAN LA SOGS PA DON YOD GANG CI YANG RUNG BA'I DNGOS PO THAMS CAD LA YANG SNGON DANG PHYI MA'I MTHA' YOD PA MA YIN TE, 'DI LTAR, GAL TE RGYU SNGA LA 'BRAS BU 'PHYI NA NI 'BRAS BU MED PA'I RGYU RGYU MED PA CAN DU 'GYUR RO, ,CI STE 'BRAS BU SNGA LA RGYU 'PHYI NA YANG, RGYU MED PA'I 'BRAS BU YANG RGYU MED PAR 'GYUR RO, ,RGYU 'BRAS DUS MNYAM PA YIN NA YANG PHAN TSUN LTOS PA MED PAS GNYIS KA RGYU MED PA CAN DU 'GYUR RO, ,DE BZHIN DU GZHAN RNAMS LA YANG SHES PAR

059b

BYA'O, ,DE NYID KYI PHYIR, 'PHAGS PA DKON MCHOG SPRIN LAS, CHOS KYI 'KHOR LO BSKOR BA NA, ,GZOD NAS ZHI ZHING MA SKYES PA, ,RANG BZHIN MYA NGAN 'DAS PA YI, ,CHOS RNAMS MGON PO KHYOD KYIS BSTAN, ,ZHES GSUNGS SO, ,DBU MA RTZA BA'I SHES BAR LAS, SNGON DANG PHYI MA'I MTHA' BRTAG PA ZHES BYA BA RAB BYED BCU GCIG PA'I 'GREL PA'O,, ` ,,BCU GNYIS PA BDAG GIS BYAS PA DANG GZHAN GYIS BYAS PA BRTAG PA LA, SDUG BSNGAL MTHA' BZHIS BSKYED PA DGAG TSUL DE GZHAN LA BSGRE BA GNYIS KYI, DANG PO LA DAM BCA' BRJOD PA DANG, SGRUB BYED BSHAD PA GNYIS KYI DANG PO NI, 'DIR SMRAS PA BDAG NI YOD DE, DE'I RTEN CAN SDUG BSNGAL YOD PA'I PHYIR, SDUG BSNGAL NYER LEN GYI PHUNG PO LNGA NI 'GA' ZHIG LA BRTEN DGOS LA, DE'I RTEN YANG BDAG YIN NO ZHE NA, GAL TE SDUG BSNGAL YOD NA DE'I RTEN BDAG KYANG YOD PA YIN NA YANG SDUG BSNGAL YOD PA MA YIN TE, 'DI LTAR, KHA CIG SDUG BSNGAL BDAG GIS BYAS, ,GZHAN GYIS BYAS DANG GNYIS KAS BYAS, ,RGYU MED PA LAS 'BYUNG BAR 'DOD; ;DE NI BYA BAR MI RUNG NGO, ,GRANGS CAN LA SOGS PA KHA CIG NI SDUG BSNGAL NYER LEN GYI PHUNG PO LNGA NI BDAG GIS BYAS SO ZHES 'DOD DO, ,BYE BRAG PA DANG RANG GI SDE PA DAG NI GZHAN GYIS BYAS PAR SMRA LA, GCER BU PA NI GNYIS KAS BYAS PAR 'DOD LA; RGYANG PAN PA NI RGYU MED LAS 'BYUNG BAR 'DOD DO, ,DE LTAR 'DOD PA'I SDUG BSNGAL DE NI RNAM PA THAMS CAD DU BYA BAR TE BSKYED PAR MI NUS SO, ,GNYIS PA DE'I SGRUB BYED BSHAD PA LA BZHI YOD PA'I DANG PO BDAG GIS BYAS PA DGAG PA NI, GAL TE BDAG

060a

, ,GIS BYAS GYUR NA, ,DE PHYIR BRTEN NAS 'BYUNG MI 'GYUR, ,GANG PHYIR PHUNG PO 'DI DAG LA, ,BRTEN NAS PHUNG PO DE DAG 'BYUNG, ,GAL TE SDUG BSNGAL BDAG GIS BYAS PAR GYUR NA SDUG BSNGAL DE NYID KYIS DE NYID BYAS PAR 'GYUR LA, DE'I PHYIR BRTEN NAS 'BYUNG BA MA YIN PAR 'GYUR TE, RGYU DANG RKYEN LA MI LTOS PA'I PHYIR, 'DI NI RTEN CING 'BREL 'BYUNG YANG YIN TE, GANG GI PHYIR 'CHI BA'I DUS KYI PHUNG PO 'DI DAG LA BRTEN NAS SKYE BA'I CHAR GTOGS PA'I PHUNG PO DE DAG 'BYUNG BA'I PHYIR RO, ,DE'I PHYIR SDUG BSNGAL BDAG GIS BYAS PA MI RIGS SO, ,GNYIS PA GZHAN GYIS BYAS PA DGAG PA LA GNYIS KYI, DANG PO DNGOS NI, GAL TE 'DI LAS DE GZHAN ZHING, ,GAL TE DE LAS 'DI GZHAN NA, ,SDUG BSNGAL GZHAN GYIS BYAS 'GYUR ZHING; ;GZHAN DE DAG GIS DE BYAS 'GYUR, ,GAL TE 'CHI BA'I DUS KYI PHUNG PO 'DI LAS SKYE BA'I CHAR GTOGS KYI PHUNG PO DE GZHAN YIN ZHING SKYE BA'I CHAR GTOGS KYI PHUNG PO DE LAS 'CHI BA'I DUS KYI PHUNG PO 'DI GZHAN YIN NA, SKYE BA'I CHAR GTOGS KYI SDUG BSNGAL NI 'CHI BA'I DUS KYI SDUG BSNGAL GZHAN GYIS BYAS PAR 'GYUR ZHING 'CHI BA'I DUS KYI SDUG BSNGAL GZHAN DE DAG GIS SKYE BA'I CHA'I SDUG BSNGAL DE BYAS PAR 'GYUR NA, DE DAG LA NI GZHAN NYID MA MTHONG STE, SNANG BA DANG MUN PA BZHIN DU RGYU DANG 'BRAS BU'I 'BREL PA GNAS PA MED PAR THAL BA'I PHYIR RO, ,DE'I PHYIR GZHAN GYIS BYAS PA MED DO, ,GNYIS PA ZHAR BYUNG LA GNYIS KYI, DANG PO GANG ZAG BDAG GIS BYAS PA DGAG PA NI, CI STE SDUG BSNGAL GYIS SDUG BSNGAL BYAS PA DE'I PHYIR BDAG GIS BYAS SO ZHES MI

060b

SMRA'I, 'ON KYANG GANG ZAG BDAG NYID KYIS BDAG GI SDUG BSNGAL BYAS PA YIN GYI, GZHAN GYIS BYAS NAS 'BYIN PA MA YIN TE DE'I PHYIR BDAG GIS BYAS SO ZHE NA, GAL TE GANG ZAG BDAG GIS NI, ,SDUG BSNGAL BYAS NA GANG BDAG GIS, ,SDUG BSNGAL BYAS PA'I GANG ZAG DE, SDUG BSNGAL MA GTOGS GANG ZHIG YIN, GAL TE MI'I GANG ZAG BDAG GIS RANG RGYUD KYI SDUG BSNGAL NYER LEN GYI PHUNG PO BYAS SO ZHES RTOG NA, GANG BDAG GIS SDUG BSNGAL BYAS PA'I GANG ZAG DE RTOG LA RAG MOD, SDUG BSNGAL DE NI 'DI YIN LA 'DI'I BYED PA PO NI 'DI YIN NO ZHES BYE BRAG TU PHYE STE BRJOD DGOS NA, BRJOD PAR NUS PA YANG MA YIN TE, SDUG BSNGAL NYER LEN GYI PHUNG PO LAS MA GTOGS PA'I GANG ZAG GANG ZHIG YIN TE MED PA'I PHYIR RO, ,GAL TE GANG ZAG BDAG GIS BDAG NYID KYI SDUG BSNGAL BYAS ZHES MI SMRA'I, 'O NA CI ZHE NA, MI'I GANG ZAG GIS KYANG LHA'I SDUG BSNGAL BYAS NAS LHA'I GANG ZAG LA STER BAR BYED CING, LHA'I SDUG BSNGAL DES KYANG LHA'I GANG ZAG DU 'DOGS PAR BYED PA DE'I PHYIR SDUG BSNGAL DE NI GANG ZAG GZHAN LAS 'BYUNG BA YIN NO ZHE NA, GAL TE GANG ZAG GZHAN LAS NI, SDUG BSNGAL 'BYUNG NA GZHAN ZHIG GIS, SDUG BSNGAL DE BYAS GANG SBYIN DE, ,SDUG BSNGAL MA GTOGS JI LTAR RUNG, ,GAL TE MI'I GANG ZAG GZHAN LAS LHA'I SDUG BSNGAL 'BYUNG ZHING; DES KYANG LHA'I GANG ZAG LA STER BAR BYED PA YIN NA, MI'I GANG ZAG GZHAN ZHIG GIS LHA'I SDUG BSNGAL DE BYAS NAS GANG LA SBYIN PA'I LHA'I GANG ZAG DE LHA'I SDUG BSNGAL LAS MA GTOGS PAR JI LTAR RUNG, ,DE LTAR NA RE SHIG GANG ZAG GZHAN LAS

061a

, ,'BYUNG BA'I SDUG BSNGAL LA LEN PA PO YOD PA MA YIN NO, ,DA NI GANG ZHIG SBYIN PAR BYED PA DE YANG YOD PA MA YIN TE, GAL TE GANG ZAG GZHAN SDUG BSNGAL, 'BYUNG NA GANG GIS DE BYAS NAS, ,GZHAN LA STER BA'I GANG ZAG GZHAN; ;SDUG BSNGAL MA GTOGS GANG ZHIG YIN, ,GAL TE MI'I GANG ZAG GZHAN LAS LHA'I SDUG BSNGAL 'BYUNG NA, MI'I GANG ZAG GANG GIS SDUG BSNGAL DE BYAS NAS LHA'I GANG ZAG GZHAN LA STER BA'I MI'I GANG ZAG GZHAN DE YANG MI'I SDUG BSNGAL NYER LEN GYI PHUNG PO MA GTOGS PA GANG ZHIG YIN PAR 'GYUR, DE'I PHYIR GANG ZAG GZHAN LAS 'BYUNG BA'I SDUG BSNGAL YANG YOD PA MA YIN NO, ,DE'I PHYIR, BDAG GIS BYAS PAR MA GRUB PAS, SDUG BSNGAL GZHAN GYIS GA LA BYAS, GZHAN GYIS SDUG BSNGAL GANG BYED PA, ,DE NI DE YI BDAG BYAS 'GYUR, ,GAL TE MI'I GANG ZAG GZHAN GYIS LHA'I GANG ZAG LA STER BA'I CHED DU SDUG BSNGAL GANG BYED PA'I SDUG BSNGAL DE NI MI'I GANG ZAG DE'I BDAG GIS BYAS PAR 'GYUR NA, DE YANG YOD PA MA YIN TE, GAL TE GANG ZAG BDAG GIS NI, ,SDUG BSNGAL BYAS NA GANG BDAG GIS, ,SDUG BSNGAL BYAS PA'I GANG ZAG DE, ,SDUG BSNGAL MA GTOGS GANG ZHIG YIN, ,ZHES SNGAR SDUG BSNGAL LAS MA GTOGS PA'I RANG NGAM GZHAN GYI SDUG BSNGAL BYED PA PO'I GANG ZAG MED PAR BSHAD ZIN PA'I PHYIR RO, ,DE'I PHYIR GANG GI TSE LHA'I SDUG BSNGAL MI'I GANG ZAG BDAG GIS BYAS PAR MA GRUB PA DE'I TSE LHA'I SDUG BSNGAL DE NI GANG ZAG GZHAN GYIS BYAS PAR GA LA 'GYUR, DE'I PHYIR YANG SDUG BSNGAL GZHAN GYIS BYAS PA MED DO, ,GNYIS PA PHYOGS

061b

GNYIS DGAG PA'I RIGS PA GZHAN BSTAN PA NI, RE ZHIG SDUG BSNGAL BDAG BYAS MIN, ,DE NYID KYIS NI DE MA BYAS, ,GAL TE GZHAN BDAG MA BYAS NA, ,SDUG BSNGAL GZHAN BYAS GA LA 'GYUR, ,RE ZHIG SDUG BSNGAL BDAG GIS BYAS PA MIN TE, DE NYID KYIS DE NYID MA BYAS PA'I PHYIR STE, RANG NYID RANG LA BYED PA 'GAL BA'I PHYIR RO, ,GZHAN GYIS KYANG MA BYAS TE, GANG GI PHYIR BYED DO ZHES BRTAGS PA'I GZHAN DE NYID BDAG MA BYAS TE, BDAG NYID KYIS MA GRUB STE, RGYU GZHAN LA LTOS PA'I PHYIR RO, ,GANG BDAG NYID KYIS MA GRUB PA DE NI GZHAN BYED PAR MI 'GYUR TE, BONG BU'I RVA BZHIN NO, ,DE'I PHYIR SDUG BSNGAL GZHAN BYAS GA LA 'GYUR TE, DE NI MI RIGS SO, ,GSUM PA GNYIS KAS BYAS PA DGAG PA NI, GAL TE RE RES BYAS GYUR NA, SDUG BSNGAL GNYIS KAS BYAS PAR 'GYUR, ,GAL TE BDAG DANG GZHAN RE RES SDUG BSNGAL BYAS PAR GYUR NA, SDUG BSNGAL GNYIS KAS BYAS PAR 'GYUR NA YANG DE NI RE RES BYAS PA MA YIN TE, BSHAD ZIN PA'I SKYON DU 'GYUR BA'I PHYIR RO, ,BZHI PA RGYU MED DGAG PA NI; (RNAM PA GZHAN DU NA BDAG GIS MA BYAS TE, RKYEN LAS LTOS PA'I PHYIR RO, ,GZHAN GYIS MA BYAS TE SA BON MED NA MI 'BYUNG BA'I PHYIR RO, ,GNYIS KAS MA BYAS TE, GNYIS KA G-YO BA MED PA'I PHYIR RO, ,RGYU MED LAS 'BYUNG BA MA YIN TE, SA BON DANG RKYEN GNYIS KA LA NUS PA YOD PA'I PHYIR RO, ,RANG GI SA BON LAS STE GZHAN LAS MIN; ;DE LA LTOS PHYIR BDAG GIS BYAS MA YIN, ,G-YO BA MED PHYIR GNYIS KYIS MA BYAS LA, ,DE NI NUS PA RGYU MED 'BYUNG MA YIN,) ,BDAG GIS MA BYAS GZHAN MA BYAS, ,SDUG BSNGAL RGYU MED GA LA 'GYUR, ,JI SKAD BSHAD PA'I TSUL GYIS BDAG GIS MA BYAS, GZHAN GYIS MA BYAS PA DE'I

062a

, ,TSE SDUG BSNGAL RGYU MED DU YOD PAR GA LA 'GYUR TE, ,NAM MKHA'I ME TOG GI DRI ZHIM PO BZHIN NO, ,DE'I PHYIR SDUG BSNGAL MED PAS DE'I RTEN DU GYUR PA'I BDAG KYANG MED DO, ,GNYIS PA TSUL DE GZHAN LA BSGRE BA NI, SDUG BSNGAL 'BA' ZHIG RNAM PA BZHI, ,YOD MA YIN PA MA YIN GYI, ,DNGOS PO THAMS CAD DAG LA YANG, ,RNAM PA BZHI PO YOD MA YIN, ,SDUG BSNGAL NYER LEN GYI PHUNG PO 'BA' ZHIG LA BDAG DANG, GZHAN DANG, GNYIS KA DANG, RGYU MED PA RNAM PA BZHI LAS 'BYUNG BA YOD PA MA YIN PA MA YIN GYI, PHYI ROL GYI DNGOS PO THAMS CAD LA YANG SKYE BA'I MTHA' RNAM PA BZHI PO YOD PA MA YIN TE, THAMS CAD LA SNGA MA BZHIN DU SBYAR BAR BYA'O, ,GAL TE SDUG BSNGAL LA SOGS PA 'DI DAG RNAM PA BZHIR MED NA, 'O NA RNAM PA GANG GIS 'GRUB CE NA, GAL TE 'DI DAG LA RANG BZHIN CUNG ZAD YOD NA RNAM PA BZHI PO GANG RUNG GIS 'GRUB NA, 'DI DAG LA RANG BZHIN CUNG ZAD KYANG MED KYI THA SNYAD KYI RJES SU 'BRANG BA'I PHYIN CI LOG GIS YOD PAR RNAM PAR BZHAG PA TZAM DU ZAD DO, ,DE'I PHYIR KUN RDZOB TU 'DI DAG GI RNAM PAR GZHAG PA TSOL BA NA JI SKAD SMRAS PA'I PHYOGS BZHI RNAM PAR BSAL NAS RKYEN 'DI PA TZAM GYI RTEN CING 'BREL 'BYUNG GRUB PA'I TSUL GYIS KHAS BLANG PAR BYA'O, ,DE SKAD DU YANG SLOB DPON GYIS, SDUG BSNGAL BDAG GIS BYAS PA DANG, ,GZHAN GYIS BYAS DANG GNYIS KAS BYAS, ,RGYU MED RTOG GE PA YIS 'DOD, ,KHYOD KYIS BRTEN NAS 'BYUNG BAR GSUNGS, ,ZHES BSHAD PA LTAR RO, ,BCOM LDAN 'DAS KYIS KYANG, KUN RDZOB TU NI RGYAL BAS CHOS BSHAD TE, ,'DUS BYAS 'DUS

062b

MA BYAS YIN DE LTAR LTOS, ,YANG DAG NYID DU BDAG DANG MI MED DE, ,'GRO BA KUN GYI MTSAN NYID 'DI 'DRA'O, ,DGE DANG NAG PO'I LAS RNAMS MI 'JIG STE, ,BDAG GIS BYAS PA BDAG GIS MYONG BAR 'GYUR, ,LAS KYI 'BRAS BU 'PHO BAR MI 'GYUR TE, , RGYU MED PAR YANG MYONG BAR MI 'GYUR RO, ,SRID PA THAMS CAD SGYU MA DBANG MED PA, ,GSOG DANG GSOB DU GYUR PA DBU BA BZHIN, ,SGYU MA SMIG RGYU LTA BUR RTAG TU STONG, ,ZHES GSUNGS SO, ,DBU MA RTZA BA'I SHES RAB LAS BDAG GIS BYAS PA DANG GZHAN GYIS BYAS PA BRTAG PA ZHES BYA BA STE RAB TU BYED PA BCU GNYIS PA'I 'GREL PA'O,, ` ,,BCU GSUM PA 'DU BYED BRTAG PA LA, 'DU BYED STONG PAR LUNG GIS SGRUB, LUNG DON DE LA RTZOD PA SPANG BA GNYIS KYI DANG PO NI, BCOM LDAN 'DAS KYIS CHOS GANG ZHIG ;SLU BA DE NI BRDZUN ZHES GSUNGS, ,'DU BYED THAMS CAD BSLU BA'I CHOS, ,DES NA DE DAG BRDZUN PA YIN, ,BLO'I SPYAN CHOS THAMS CAD KYI RANG BZHIN LKOG TU MA GYUR PA MNGA' BA MA RIG PA'I BAG CHAGS MA LUS PA DRUNGS PHYUNG BA, SEMS CAN PHYIN CI LOG BZHIS PHYIN CI LOG TU GYUR CING SKYABS MED PA YONGS SU SKYOB PAR MDZAD PA'I SLAD DU RANG BZHIN MED PA PHYIN CI MA LOG PA STON PA LHUR MDZAD PA THUGS RJE CHEN PO MNGA' BA SANGS RGYAS BCOM LDAN 'DAS KYIS, DGE SLONG DAG 'DUS BYAS SLU BA'I CHOS CAN GANG YIN PA DE NI BRDZUN PA YIN LA, MI SLU BA'I CHOS CAN MYA NGAN LAS 'DAS PA GANG YIN PA DE NI BDEN PA DAM PA'O ZHES DANG, 'DI NI SLU BAR BYED PA'I CHOS CAN NO, ,'DI NI 'JIG PA'I CHOS CAN NO ZHES CHOS GANG ZHIG SLU ZHING 'JIG PA'I CHOS CAN DE NI BRDZUN

063a

, ,PA YIN NO ZHES GSUNGS PA DANG, GANG GI PHYIR 'DU BYED THAMS CAD KYANG SNGAR BSHAD PA'I TSUL GYIS BDAG DANG GZHAN DANG GNYIS KA DANG RGYU MED PA LAS SKYE BA MED CING, SKYED PAR BYED PA'I RNAM PA GZHAN MED PAS RANG BZHIN MED PAR GYUR PA YIN YANG MA RIG PA'I RAB RIB KYIS BLO GROS KYI MIG NYAMS PA RNAMS LA SKYE BA'I NGO BOR YANG SNANG BA'I PHYIR, SGYU MA'I RTA DANG GLANG PO CHE LA SOGS PAS DE MI SHES PA RNAMS 'DRID PA LTAR BYIS PA RNAMS SLU BAR BYED PA'I CHOS CAN YIN PA DES NA 'DU BYED DE DAG NI SMIG RGYU BZHIN DU BRDZUN PA'I RANG BZHIN YIN NO, ,GANG ZHIG BDEN PA DE NI SLU BA'I CHOS CAN MA YIN TE, DPER NA MYA NGAN LAS 'DAS PA BZHIN NO, ,DE'I PHYIR JI SKAD BSTAN PA'I LUNG DANG RIGS PA LAS DNGOS PO RNAMS RANG BZHIN MED PAR GRUB STE, SHES RAB KYI PHA ROL TU PHYIN PA LAS, CHOS THAMS CAD NI STONG PA STE RANG BZHIN MED PA'I TSUL GYIS SO ZHES 'BYUNG BA'I PHYIR RO, ,GAL TE DE LTAR SLU BA'I CHOS CAN NYID KYIS 'DU BYED THAMS CAD BRDZUN PA NYID DU BSTAN NA DE LTA NA DNGOS PO THAMS CAD MED PAS SKUR PA 'DEBS PA'I LOG PA'I LTA BAR 'GYUR RO ZHE NA, GAL TE SLU CHOS GANG YIN PAS, ,DE BRDZUN DE LA CI ZHIG SLU, GANG GI TSE KHO BO CIG GIS SLU BA'I CHOS CAN GANG YIN PA DE NI BRDZUN PA'O ZHES BSTAN PA DE'I TSE, 'DU BYED BRDZUN PA'I RANG BZHIN CAN DE LA SNGAR YOD PA PHYIS MED PAR GYUR PA'I SGO NAS CI ZHIG BSLU BAR 'GYUR TE, 'GA' YANG DNGOS PO MED PAR MA GYUR PAS KHYOD KYI KLAN KA MI RIGS SO, ,'DIR DNGOS PO MED PA'I LTA BA YANG MI STON NA LUNG 'DIS CI ZHIG STON ZHE NA, BCOM LDAN 'DAS

063b

KYIS DE GSUNGS PA, STONG NYID YONGS SU BSTAN PA YIN, ,BCOM LDAN 'DAS KYIS 'DU BYED BRDZUN PA SLU BA'I CHOS CAN DE GSUNGS PA GANG YIN PA DE NI DNGOS PO MED PA BSTAN PA MA YIN GYI, RANG BZHIN GYIS MA SKYES PA'I STONG PA NYID YONGS SU BSTAN PA YIN NO, (JI SKAD DU, 'PHAGS PA KLU'I RGYAL PO MA DROS PAS ZHUS PA'I MDO LAS,) GANG ZHIG (RGYU DANG) RKYEN LAS SKYES PA DE (DON DAM PAR) MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE BAG YOD YIN, , ZHES GSUNGS PA LTAR RO, ,GNYIS PA LUNG DON DE LA RTZOD PA SPANG BA LA GNYIS KYI, DANG PO RTZOD PA 'GOD PA NI, DNGOS RNAMS NGO BO NYID MED DE, ,GZHAN DU 'GYUR BAR SNANG PHYIR RO, ,'DU BYED BRDZUN PA BSLU BA'I CHOS CAN NO ZHES PA'I LUNG GIS DNGOS PO RANG BZHIN GYIS MA SKYES PA GSAL BAR BYED PA MA YIN GYI DNGOS PO RNAMS NGO BO NYID MED DE RANG BZHIN GYIS MI GNAS PA DANG, 'JIG PA NYID STON PAR BYED PA YIN NO, ,'DI GANG LAS ZHE NA GAL TE DNGOS PO RNAMS LA RANG BZHIN YOD NA 'DI DAG GZHAN DU 'GYUR BAR DMIGS PAR MI 'GYUR NA DNGOS PO RNAMS GNAS SKABS GZHAN DANG GZHAN DU 'GYUR BAR SNANG BA'I PHYIR RO, ,DE'I PHYIR RANG BZHIN MI GNAS PA NYID MDO'I DON YIN NO, ,'DI'I PHYIR YANG DE NI DE LTA YIN TE, DNGOS PO NGO BO NYID MED MED, ,GANG PHYIR DNGOS RNAMS STONG PA NYID, ,'DI LTAR DNGOS PO NGO BO NYID MED PA DE NI MED DE, GANG GI PHYIR DNGOS PO RNAMS LA BRTEN PA'I CHOS STONG PA NYID CES BYA BA DE NI 'DOD PA YIN NO, ,CHOS CAN MED PAR DE LA BRTEN PA'I CHOS KYANG MI 'THAD PAS DE'I PHYIR DNGOS PO

064a

, ,RNAMS RANG BZHIN GYIS YOD DO, ,GZHAN YANG, GAL TE NGO BO NYID MED NA, ,GZHAN DU 'GYUR BA GANG GI YIN, ,GAL TE DNGOS PO RNAMS LA NGO BO NYID MED NA YONGS SU 'GYUR BA'I MTSAN NYID CAN GYI GZHAN DU 'GYUR BA DE CHOS CAN GANG GI YIN ZHES RANG GI SDE PA DAG ZER RO, ,GNYIS PA DE DGAG PA NI, DNGOS PO YONGS SU 'GYUR PA DGAG STONG NYID DNGOS PO'I RTEN CAN DGAG PA GNYIS KYI DANG PO NI, GAL TE NGO BO NYID YOD NA, JI LTA BUR NA GZHAN DU 'GYUR, ,CHOS GANG ZHIG DNGOS PO GANG LA MI 'KHRUL BA DE NI DE'I RANG BZHIN ZHES BSNYAD DE, DPER NA TSA BA ME LA MI 'KHRUL BAS ME'I RANG BZHIN DU 'JIG RTEN NA GRAGS PA BZHIN NO, ,DE LTAR RANG BZHIN NI 'KHRUL PA MED DGOS PA DE'I PHYIR GAL TE DNGOS PO RNAMS LA NGO BO NYID DAM RANG BZHIN CUNG ZAD GCIG YOD NA DE NI 'KHRUL PA MED PAS JI LTAR NA GZHAN DU 'GYUR TE, ME GRANG BAR MI 'GYUR BA BZHIN NO, ,DE DAG NI GZHAN DU 'GYUR BAR YANG DMIGS PA YIN TE, DE'I PHYIR DNGOS PO RNAMS LA RANG BZHIN MED DO, ,GZHAN YANG, GANG DMIGS PAS DNGOS PO RANG BZHIN DANG BCAS PAR 'GYUR BA GZHAN DU 'GYUR BA 'DI NI MI SRID DE, 'DI LTAR, DE NYID LA NI GZHAN 'GYUR MED, ,GZHAN NYID LA YANG YOD MA YIN, ,GANG PHYIR GZHON NU MI RGA STE, ,GANG PHYIR RGAS PA'ANG MI RGA'O, ,RE ZHIG DNGOS PO SNGAR GYI GNAS SKABS NA GNAS PA DE NYID LA NI GZHAN DU 'GYUR BA MED DE, GANG GI PHYIR LANG 'TSO'I GNAS SKABS NYID LA GNAS PA'I GZHON NU NI MI RGA STE RGAS PA NYID DU MI 'GYUR BA'I PHYIR RO, ,'DI LTAR RGAS PA'I GNAS SKABS MA THOB PA LA GZHON

064b

NU ZHES BRJOD PA'I PHYIR DANG GNAS SKABS GNYIS PHAN TSUN 'GAL BA'I PHYIR RO, ,GNAS SKABS GZHAN THOB PA NYID LA YANG GZHAN DU 'GYUR BA YOD PA MA YIN TE, GANG GI PHYIR RGAS PA'ANG MI RGA STE, RGAS PA NI YANG RGAS PA DANG 'BREL BA LA DGOS PA MED PA'I PHYIR RO, ,GZHAN YANG, GAL TE DE NYID GZHAN 'GYUR NA, 'O MA NYID NI ZHOR 'GYUR RO, ,GAL TE SNGAR GYI GNAS SKABS DE NYID GZHAN DU 'GYUR NA 'O NA 'O MA NYID ZHOR 'GYUR NA, 'O MA NYID ZHOR 'GYUR RO ZHES BYA BA NI MI RIGS TE, PHAN TSUN 'GAL BA'I PHYIR RO, ,GAL TE 'O MA'I GNAS SKABS BTANG NAS ZHO'I GNAS SKABS SU 'GYUR RO ZHE NA, 'O MA LAS GZHAN GANG ZHIG NI, ,ZHO'I DNGOS PO YIN PAR 'GYUR, ,'O MA ZHOR MI 'GYUR NA 'O MA LAS GZHAN SA CHU LA SOGS PA'I DNGOS PO GANG ZHIG ZHO'I DNGOS PO YIN PAR 'GYUR RAM, DE'I PHYIR GZHAN ZHO'I DNGOS POR 'GYUR RO ZHES BYA BA MA 'BREL LO, ,DE'I PHYIR GZHAN DU 'GYUR BA YOD PAS DE SNANG BA LAS, DNGOS PO RNAMS RANG BZHIN DANG BCAS PAR MI 'GYUR RO, ,GNYIS PA NI, STONG PA NYID KYI RTEN DU GYUR PA'I DNGOS PO RANG BZHIN YOD DO ZHES BYA BA DE YANG MI RIGS TE, 'DI LTAR, GAL TE STONG MIN CUNG ZAD YOD, ,STONG PA CUNG ZAD YOD PAR 'GYUR, ,MI STONG CUNG ZAD YOD MIN NA, ,STONG PA'ANG YOD PAR GA LA 'GYUR, ,GAL TE STONG PA MIN PA'I DNGOS PO CUNG ZAD YOD NA, DE LA BRTEN PA'I STONG PA CUNG ZAD YOD PAR 'GYUR ZHING STONG PA'I RTEN DNGOS PO'I RANG BZHIN YANG YOD PAR 'GYUR NA, STONG PA NYID DANG BDAG MED PA DAG CHOS RNAMS KYI SPYI'I MTSAN NYID DU KHAS BLANGS PA DE'I TSE MI STONG PA STE, STONG PA MA YIN

065a

, ,PA'I CHOS CUNG ZAD KYANG YOD PA MIN PA'I PHYIR, GNYEN PO LA LTOS PA DANG BRAL BAS NAM MKHA'I ME TOG GI PHRENG BA LTAR STONG PA'ANG YOD PAR GA LA 'GYUR TE YOD PA MA YIN NO ZHES NGES PAR BYA'O, ,GANG GI TSE STONG PA YOD PA MA YIN PA DE'I TSE DE'I RTEN DNGOS PO YANG YOD PA MA YIN NO, ,'DIR SMRAS PA, SANGS RGYAS BCOM LDAN 'DAS RNAMS KYIS GDUL BYA RNAMS GROL BAR BYA BA'I PHYIR, RNAM PAR THAR PA'I SGO GSUM PO STONG PA NYID DANG MTSAN MA MED PA DANG SMON PA MED PA ZHES BYA BA MU STEGS CAN RNAMS DANG THUN MONG MA YIN PA BSTAN PA GANG YIN PA DE NYID DA LTA KHYOD KYIS, MI STONG CUNG ZAD YOD MIN NA, STONG PA YOD PAR GA LA 'GYUR, ,ZHES STONG PA NYID DE SPONG BAR RTZOM PA YIN PAS MTHO RIS DANG BYANG GROL GYI LAM RGYUN GCOD PAR BYED PA KHYOD DANG RTZAD PAS CHOG GO ZHE NA, KYE MA KYE HUD, RANG NYID SKAL PA DMAN PAS MYA NGAN LAS 'DAS PA'I GRONG KHYER DU 'GRO BA'I LAM ZHI BA DRANG PO BOR NAS DNGOS POR MNGON PAR ZHEN PA'I SBRUL GYIS DKRIS PA, 'KHOR BA'I 'BROG DGON PAR 'GRO BA'I LAM LA THAR PA'I LAM DU RLOM PA KHYOD NI DAM PA RNAMS KYIS SMAD PAR BYA BA YIN BZHIN DU MNGON PA'I NGA RGYAL GYI DBANG GIS DAM PA RNAMS LA SMOD PAR BYED PA ZHIG STE, 'DI LTAR, RGYAL BA RNAMS KYIS STONG PA NYID, ,LTA KUN NGES PAR 'BYUNG BAR GSUNGS, ,GANG DAG STOD PA NYID LTA BA, ,DE DAG SGRUB TU MED PAR GSUNGS, ,NYON MONGS PA'I NAD MA LUS PA GSO BAR MDZAD PA'I SMAN PA'I RGYAL PO CHEN PO RGYAL BA RNAMS KYIS STONG PA NYID NI DNGOS POR MNGON PAR ZHEN PA'I MTHAR 'DZIN GYI LTA BA KUN NGES PAR 'BYUNG BAR BYED

065b

PA'I GNYEN POR GSUNGS PA YIN NA, BLO GROS DMAN PA GANG DAG STONG PA NYID LA YANG BDEN PAR MNGON PAR ZHEN CING LTA BA DE DAG NI SMAN PAS BOR BA'I NAD PA LTAR GNYEN PO CI YANG SGRUB TU MED PAR GSUNGS TE, DPER NA 'GA' ZHIG LA, KHYOD LA ZONG CI YANG MI STER RO ZHES SMRAS PA NA, BDAG LA CI YANG MED PA'I ZONG DE BYIN CIG CES SMRA NA, DE ZONG MED PAR THABS GANG GIS KYANG 'DZIN DU BZHUGS MI NUS PA DE BZHIN DU GANG DAG STONG PA NYID LA YANG DNGOS POR MNGON PAR ZHEN PA DE DAG GI MNGON ZHEN DE THABS GANG GIS KYANG BZLOG MI NUS SO, ,DE'I PHYIR GSO BAR MDZAD PA'I MCHOG SMAN PA CHEN PO DE BZHIN GSHEGS PA RNAMS KYIS DE DAG BOR BA YIN TE, 'PHAGS PA DKON MCHOG BRTZEGS PA LAS, GANG STONG PA NYID KYIS CHOS RNAMS STONG PAR MI BYED DE, CHOS RNAMS NYID STONG PA NYID DANG GANG MTSAN MA MED PAS CHOS RNAMS MTSAN MA MED PAR MI BYED DE, CHOS RNAMS NYID MTSAN MA MED PA DANG, GANG SMON PA MED PAS CHOS RNAMS SMON PA MED PAR MI BYED DE, CHOS RNAMS NYID SMON PA MED PAR GANG DAG DE LTAR SO SOR RTOG PA DE DAG NI, 'OD SRUNG DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ,'OD SRUNG GANG DAG STONG PA NYID DU DMIGS PAS STONG PA NYID LA RTOG PA DE DAG NI, NGAS GSUNG RAB 'DI LAS NYAMS RAB TU NYAMS PA ZHES BSHAD DO, ,'OD SRUNG GANG ZAG TU LTA BA RI RAB TZAM LA GNAS PA BLA'I MNGON PA'I NGA RGYAL CAN STONG PA NYID DU LTA BA NI DE LTA MA YIN NO, ,DE CI'I PHYIR ZHE NA, 'OD SRUNG LTA BAR 'GYUR PA THAMS CAD LAS 'BYUNG BA NI STONG PA NYID YIN NA, 'OD SRUNG GANG STONG PA NYID KHO NAR LTA BA DE NI

066a

, ,GSOR MI RUNG NGO ZHES NGAS BSHAD DO, ,'OD SRUNG 'DI LTA STE, DPER NA MI NAD PA ZHIG YOD LA, SMAN PAS DE LA SMAN BTANG NAS SMAN DES NAD THAMS CAD BSKYOD DE SMAN LTO NA 'DUG PA DE NYID MI 'BYUNG NA, 'OD SRUNG 'DI JI SNYAM DU SEMS, MI DE BRO NAD DE LAS THAR BAR 'GYUR RAM, ,GSOL PA, BCOM LDAN 'DAS DE NI MI 'GYUR LAGS TE, GANG SMAN DES NAD THAMS CAD BSKYOD NAS SMAN LTOR MCHIS PA NYID MI 'BYUNG NA MI DE BRO NAD SHIN TU TSABS CHE BAR 'GYUR LAGS SO, ,'OD SRUNG LTA BAR GYUR PA THAMS CAD LAS 'BYUNG BA NI STONG PA NYID KHO NA YIN NA, 'OD SRUNG STONG PA NYID KHO NAR LTA BA DE NI GSOR MI RUNG NGO ZHES NGAS BSHAD DO ZHES GSUNGS PA LTA BU'O, ,RGYAN STUG PO BKOD PA LAS KYANG, STONG PA NYID KYI LTA THOS KYANG, ,LA LA'I LTA BA MA ZHIG NA, ,GSOR MI RUNG BA'I LTA CAN DE, ,SMAN PAS BOR BA'I NAD PA BZHIN, ZHES GSUNGS SO, ,DBU MA RTZA BA'I SHES RAB LAS 'DU BYED BRTAG PA ZHES BYA BA RAB TU BYED PA BCU GSUM PA'I 'GREL PA'O,, ` ,,BCU BZHI PA PHRAD PA BRTAG PA LA, DGAG PA RGYAS PAR BSTAN PA DANG, BKAG PA'I 'JUG BSDU BA GNYIS KYI, DANG PO LA PHRAD PA DGAG PA DNGOS, ZHAR LA DON GZHAN DGAG PA GNYIS KYI DANG PO LA, DAM BCA' BRJOD PA DANG, SGRUB BYED BSHAD PA GNYIS KYI DANG PO NI, 'DIR SMRAS PA; DNGOS PO RNAM RANG BZHIN GYIS YOD DE, DE DAG GI PHRAD PA BSTAN PA'I PHYIR RO, ,GANG MED PA DE LA NI PHRAD PA MED DE, MO SHAM GYI BU DANG BU MO BZHIN, MIG DANG GZUGS LA BRTEN NAS MIG GI RNAM PAR SHES PA 'BYUNG NGO ZHES SOGS PHRAD PA BSTAN PA

066b

LAS NA DNGOS PO RNAMS YOD DO ZHE NA, (MIG SOGS SO SO'AM 'DUS PA DAG YUL DANG PHRAD PA MED PAR BSTAN PA NI, MIG GIS MIG LA MI LTA BA DANG, YID KYIS YID LA MI LTA STE RANG NYID LA BYED PA 'GAL BA'I PHYIR RO, ,RANG LA MI LTA BA DE NYID KYI PHYIR BUM PA LA SOGS PA GZHAN DAG LA JI LTAR LTA BAR BYED DE MI BYED PA KHO NA'O, ,GAL TE MIG DE LA LTA BA'I MTHU YOD PAR GYUR NA NI, GNYID LOG PA DANG MYOS PA DANG SHI BA LA SOGS PA'I GNAS SKABS DAG DANG, MUN KHUNG DANG DUS THAMS CAD DU YANG THAMS CAD MTHONG BAR 'GYUR RO, ,GAL TE MI MTHONG NA NI DE LA LTA BA YOD PA MA YIN NO ZHES BYA BAR TSAD MAR RNAM PAR BZHAG GO ,GAL TE RNAM PAR SHES PAS MTHONG NGO ZHE NA, DMUS LONG GIS KYANG GZUGS MTHONG BAR THAL BAR 'GYUR RO, ,GAL TE RNAM PAR SHES PA DANG BCAS PA'I MIG GIS MTHONG NGO ZHE NA, DE NI KUN RDZOB TU KUN KYANG 'DOD PA YIN TE, DE DAG MTHONG BA'ANG GZUGS DANG NAM MKHA' DANG SNANG BA DANG, YID LA BYED PA TSOGS PA LA RAG LUS PA'I PHYIR, DE DAG KYANG RNAM PAR DPYAD NA RANG BZHIN MED PA'I PHYIR PHRAD PA YOD PA MA YIN NO, ,'DIR SMRAS PA, GRANGS CAN DAG YID MA GTOGS PA'I DBANG PO LNGA PO DAG GI YUL DANG PHRAD NAS 'DZIN PAR 'DOD CING, CHOS MNGON PA BDAG NA RE, MIG DANG, RNA BA DANG YID NI YUL MA PHRAD PA 'DZIN PA YIN TE, 'DI LTAR MIG DANG RNA BA NI THAG RING POS BSKAL PA'I GZUGS DANG SGRA YANG 'DZIN LA YID KYANG 'DAS PA DANG MA 'ONGS PA DANG THAG RING BA DANG NYE BA'I DON RNAMS LA THOGS PA MED PAR 'DZIN PA'I PHYIR RO, ,SNA DANG LCE DANG LUS NI DE LTA MA YIN TE, ,GANG GI PHYIR YUL PHRAD PA KHO NA 'DZIN PAR BYED DO ZHES ZER BA DE DAG GI 'DOD PA BSAL BA'I PHYIR, JI SKAD DU, DBU MA SNYING POR, SNA SOGS YUL PHRAD 'DZIN MI 'DOD, , PHYI DON MNGON SUM 'DZIN PHYIR DANG, ,'DAS DANG MA 'ONGS MI 'DZIN PHYIR, ,DPER NA MIG GI DBANG PO BZHIN, ,MIG RNA YID KYI MTSAN NYID KYANG, ,YUL DANG MA PHRAD 'DZIN PA YIN, ,ZHES SO,) ,BLTA BYA LTA BA LTA BA PO, ,GSUM PO DE DAG GNYIS GNYIS DANG, ,THAMS KYANG NI PHAN TSUN DU, ,PHRAD PAR

067a

, ,GYUR PA YOD MA YIN, ,BLTA BYA GZUGS DANG LTA BA MIG DANG LTA BA PO MIG GI RNAM PAR SHES PA RNAM PA GSUM PO DE DAG MIG DANG GZUGS SAM, MIG DANG RNAM PAR SHES PA'AM, RNAM SHES DANG GZUGS LTA BU GNYIS GNYIS DANG PHAN TSUN PHRAD PAR GYUR PA YOD PA MA YIN NO, ,GSUM PO THAMS CAD KYANG PHAN TSUN PHRAD PAR GYUR PA YOD PA MA YIN NO, ,DE BZHIN 'DOD CHAGS CHAGS PA DANG, CHAGS PAR BYA BA NYON MONGS PA, LHAG MA RNAMS DANG SKYE MCHED KYI, ,LHAG MA'ANG RNAM PA GSUM GYIS SO, ,JI LTAR BLTA BYA LTA BA LTA BA PO RNAMS RNAM PA GSUM GYIS PHRAD PA YOD PA MA YIN PA DE BZHIN DU 'DOD CHAGS DANG CHAGS PA DANG, CHAGS PAR BYA BA DANG, NYON MONGS PA LHAG MA ZHE SDANG DANG SDANG BA DANG SDANG BAR BYA BA LA SOGS PA DANG; SKYE MCHED KYI LHAG MA NYAN PA DANG, NYAN PA PO DANG, MNYAN PAR BYA BA LA SOGS PA RNAMS KYANG GNYIS GNYIS DANG THAMS CAD DE RNAM PA GSUM GYIS PHRAD PAR GYUR PA YOD PA MA YIN NO, ,GNYIS PA NI, CI'I PHYIR 'DI DAG LA PHRAD PA YOD PA MA YIN ZHE NA; GZHAN DANG GZHAN DU PHRAD GYUR NA, ,GANG PHYIR BLTA BYA LA SOGS LA, ,GZHAN DE YOD PA MA YIN PA, ,DE PHYIR PHRAD PAR MI 'GYUR RO, ,'DI NA SKYES PA DANG BUD MED LTA BU GZHAN DANG GZHAN DU PHRAD PAR MTHONG BA'I PHYIR GAL TE LTA BAR BYA BA LA SOGS PA DAG LA PHAN TSUN GZHAN NYID YOD NA, DE'I TSE CHU DANG 'O MA GNYIS BZHIN DU PHAN TSUN PHRAD PAR 'GYUR BA ZHIG NA GANG GI PHYIR BLTA BYA LA SOGS PA DAG LA GZHAN DE YOD PA MA YIN PA DE'I PHYIR PHRAD PAR MI 'GYUR RO, ,GNYIS PA LA THA SNYAD PA'I GZHAN LA PHRAD PA

067b

DGAG KUN BRTAGS KYI GZHAN DGAG PA GNYIS KYI, DANG PO LA DAM BCA' 'GOD PA NI, BLTA BYA LA SOGS 'BA' ZHIG LA, GZHAN NYID MED PAR MA ZAD KYI, GANG YANG GANG DANG LHAN CIG TU, GZHAN PA NYID NI MI 'THAD DO, ,BLTA BYA LTA BA LA SOGS RGYU DANG 'BRAS BU'I DNGOS POR GNAS PA RNAMS 'BA' ZHIG LA GZHAN NYID MED PAR MA ZAD KYI BUM PA DANG SNAM BU LA SOGS PA'I DNGOS PO GANG YANG ZLA BO GANG DANG LHAN CIG TU GZHAN PA NYID MI 'THAD DO, ,SGRUB BYED BSHAD PA NI, GZHAN NI GZHAN LA BRTEN TE GZHAN, ,GZHAN MED PAR GZHAN GZHAN MI 'GYUR, ,GANG LA BRTEN TE GANG YIN PA, ,DE NI DE LAS GZHAN MI 'THAD, ,SNAM BU LAS GZHAN PA'I BUM PA NI GZHAN SNAM BU LA BRTEN TE DE LAS GZHAN DU BRJOD PA DE'I TSE, GZHAN SNAM BU MED PAR SNAM BU LAS GZHAN PA'I BUM PA NI SNAM BU LAS GZHAN DU MI 'GYUR RO, ,DE'I PHYIR SNAM BU LAS GZHAN PA'I BUM PA NI SNAM BU LAS GZHAN MA YIN TE, DE LA LTOS PA DANG BCAS PA'I PHYIR, GANG LA BRTEN NAS GANG YIN PA DE NI DE LAS GZHAN DU MI 'THAD DE, SA BON DANG MYU GU'AM RING PO DANG THUNG NGU BZHIN NO, ,GAL TE SNAM BU BUM PA LAS GZHAN YIN LA, THA DAD PAR GYUR PA'I SNAM BU DE LA LTOS NAS BUM PA GZHAN DU 'GYUR NA NYES PA CI YOD CE NA, GAL TE GZHAN NI GZHAN LAS GZHAN, ,DE TSE GZHAN MED PAR GZHAN 'GYUR, GZHAN MED PAR NI GZHAN 'GYUR BA, ,YOD MIN DE YI PHYIR NA MED, ,GAL TE SNAM BU LAS GZHAN PA'I BUM PA NI GZHAN SNAM BU LAS GZHAN YIN PA DE'I TSE GZHAN SNAM BU MED PAR YANG DE LAS GZHAN PA'I BUM PA GRUB PAR 'GYUR TE, DE LAS GZHAN

068a

, ,YIN PA'I PHYIR, BA LANG MED PAR YANG RTA YOD PA BZHIN NO, ,GZHAN SNAM BU MED PAR NI SNAM BU LAS GZHAN DU GYUR PA'I BUM PA YOD PA MIN PA DE'I PHYIR BUM PA SNAM BU LAS GZHAN ZHES PA THA SNYAD TZAM YIN GYI YANG DAG PAR GZHAN DU MED DO, ,GNYIS PA NI, 'DIR BYE BRAG PA NA RE, GAL TE DNGOS PO GZHAN DNGOS PO GZHAN LA LTOS NAS GZHAN GYI BLO 'BYUNG NA JI SKAD BSHAD PA'I NYES PAR 'GYUR NA, KHO BO CAG DE SKAD MI SMRA STE, 'O NA CI ZHE NA, GZHAN NYID CES BYA BA SPYI YANG YIN KHYAD PAR YANG YIN PA ZHIG YOD LA, DE GANG LA 'DU BA DE LA DNGOS PO GZHAN LA MI LTOS PAR GZHAN ZHES BRJOD DO ZHE NA, GZHAN NYID DE GZHAN NAM GZHAN MA YIN PA ZHIG LA RTOG DRANG, GZHAN NYID GZHAN LA YOD MA YIN, ,GZHAN MA YIN LA'ANG YOD MA YIN, , GZHAN NYID DE GZHAN DU GYUR PA'I DNGOS PO LA YOD PA MA YIN TE, GZHAN NYID RTOG PA NI GZHAN DU BRJOD PA 'GRUB PAR BYA BA'I PHYIR YIN NA, GZHAN DU BRJOD PA RNYED PA'I DNGOS PO GZHAN LA GZHAN NYID RTOG PA DON MED PA'I PHYIR RO, ,GZHAN MA YIN PA LA YANG GZHAN YOD PA MA YIN TE, GZHAN MA YIN PA NI GCIG YIN LA DE LA NI GZHAN NYID DANG 'GAL BA'I GCIG YOD PA'I PHYIR RO, ,DE'I PHYIR GZHAN NYID MED DO, ,GAL TE GZHAN NI RE ZHIG YOD PA YIN LA, GZHAN NYID MED PAR GZHAN YOD PAR 'OS PA MA YIN TE; DE'I PHYIR GZHAN NYID YOD DO ZHE NA, GZHAN NYID YOD PA MA YIN NA, GZHAN NAM DE NYID YOD MA YIN, GANG GI TSE SNGAR GZHAN NYID YOD PA MA YIN NO ZHES BSTAN PA DE'I TSE, GZHAN NYID YOD PA MA YIN PAR DES MTSON PA'I GZHAN NAM GZHAN LA LTOS PA'I DE

068b

NYID DE GZHAN MA YIN PA YOD PA MA YIN NO, ,GNYIS PA BKAG PA'I MJUG BSDU BA NI, GAL TE LTA BA LA SOGS PA YOD PA YIN TE, REG PA NI GSUM 'DUS SHING TSOGS PA'O ZHES PAS DE DAG LA PHRAD PA YOD PAR BSTAN PA'I PHYIR RO ZHE NA, LTA BA LA SOGS PA DE DAG LA GZHAN MED PA'I PHYIR PHRAD PA MED DO ZHES BSTAN ZIN MOD, RIGS PA GZHAN BSTAN PA'I PHYIR, DE NI DE DANG PHRAD PA MED, ,GZHAN DANG GZHAN YANG PHRAD MI 'GYUR, ,ZHES GSUNGS TE, GAL TE LTA BA LA SOGS PA DAG PHRAD PA YIN NA DE DAG CIG NYID DAM GZHAN NYID DU BRTAG DRANG, GCIG YIN NA, DE NI DE DANG PHRAD PA MED DE, CHU LA LTOS PA MED PA'I 'O MA GCIG PU LA NI CHU DANG PHRAD PA ZHES MI BRJOD PA'I PHYIR RO, ,THA DAD PA YIN NA YANG GZHAN DANG GZHAN YANG PHRAD PAR MI 'GYUR TE, CHU LAS THA DAD DU GNAS PA'I 'O MA LA NI CHU DANG PHRAD PA ZHES MI BRJOD PA'I PHYIR RO, ,DE BZHIN DU LTA BA LA SOGS PA GCIG NYID YIN NA PHRAD PA MI 'THAD DE, MIG GCIG PU LA YANG PHRAD PA YOD PAR THAL BA'I PHYIR RO, ,'ON TE THA DAD PA YIN NA, DE LTA NA YANG PHRAD PA MI 'THAD DE; GZUGS LA SOGS PA LAS SO SOR GYUR PA'I MIG GCIG PU LA YANG PHRAD PA YOD PAR THAL BA'I PHYIR RO, ,DE'I PHYIR PHRAD PA MED PAS LTA BA LA SOGS PA MED DO ZHES BYA BA GRUB PO, ,GAL TE PHRAD PA MED KYANG PHRAD BZHIN PA DANG PHRAD PA DANG PHRAD PA PO YOD DE; DE DAG MA BKAG PA'I PHYIR RO, ,PHRAD PA MED PAR YANG DE DAG YOD PA MA YIN TE, DE'I PHYIR PHRAD PA YANG YOD DO ZHE NA, PHRAD BZHIN PA DANG PHRAD PA DANG, PHRAD PA PO YANG YOD MA YIN, ,GANG GI TSE PHRAD PA MED DO ZHES BSTAN PA DE'I TSE DA LTAR BA PHRAD PA'I

069a

, ,SGRUB BYED LAS SU GYUR PA PHRAD BZHIN PA DANG PHRAD PA'I BYA BA BRJOD PA CAN PHRAD PA DANG BYED PA PO BYA BA RDZOGS PA LA RANG DBANG DU GNAS PA PHRAD PA PO YANG YOD PA MA YIN NO, ,DE'I PHYIR BCOM LDAN 'DAS KYIS, MIG NI THAMS CAD LDAN NA MTHONG 'GYUR TE, MIG GIS GZUGS RNAMS MTHONG BA GANG YIN PA'ANG, MTSAN MO (GZUGS DANG NAM MKHA' DANG SNANG BA DANG YID LA BYED PA'I) RKYEN RNAMS MED NA MTHONG MI 'GYUR, ,DE'I PHYIR LDAN DANG BRAL BA RNAM RTOG YIN, ,MIG NI (RKYEN) SNANG BA LA BRTEN NAS YID 'ONG DANG, YID DU MI 'ONG SNA TSOGS GZUGS MTHONG BAS, DE LTAR (RKYEN DANG) LDAN PA LA BRTEN TE MTHONG BAS NA, DE PHYIR MIG GIS NAM YANG MTHONG BA MED, ,CES SOGS GSUNGS PA LTAR RO, ,DBU MA RTZA BA'I SHES RAB LAS PHRAD PA BRTAG PA ZHE BYA BA RAB TU BYED PA BCU BZHI PA'I 'GREL PA'O,, ` ,,BCO LNGA PA RANG BZHIN BRTAG PA LA, YOD MED DU 'DZIN PA DGAG MTHAR 'DZIN LA MI GNAS PAR GDAMS PA GNYIS KYI, DANG PO LA RIGS PAS DGAG LUNG GIS DGAG SUN 'BYIN GYI LAM GZHAN BSTAN PA DANG GSUM GYI DANG PO LA, RANG DNGOS GZHAN DNGOS DGAG DNGOS DANG DNGOS MED DGAG MTHAR LTAS DE NYID MI MTHONG BAR BSTAN PA DANG GSUM GYI, DANG PO LA GNYIS KYI, DANG PO RANG DNGOS DGAG PA NI, 'DIR SMRAS PA, MYU GU DANG 'DU BYED LA SOGS PA'I DNGOS PO RNAMS RANG BZHIN GYIS YOD DE, DE DAG BSKYED PAR BYED PA'I RGYU DANG RKYEN SA BON DANG MA RIG PA LA SOGS PA NYE BAR LEN PA'I PHYIR RO ZHE NA, RANG BZHIN RGYU DANG RKYEN LAS NI, ,'BYUNG BAR RIGS PA MA YIN NO, ,'DU BYED

069b

DANG MYU GU LA SOGS PA RANG BZHIN GYIS YOD NA DE DAG RGYU DANG RKYEN LAS 'BYUNG BAR RIGS PA MA YIN TE, RANG BZHIN GYIS YOD PA'I PHYIR, GRUB ZIN PA'I MYU GU LA SOGS PA BZHIN, GAL TE GANG LAS RGYU DANG RKYEN DON MED PAR 'GYUR BA SKYE BA'I SNGA ROL DU DNGOS PO 'GA' LA YANG RANG BZHIN YOD PA MA YIN GYI, 'ON KYANG SNGAR YOD PA MA YIN PA'I RANG BZHIN KHO NA RGYU DANG RKYEN LA BRTEN NA PHYIS 'BYUNG BAR 'GYUR RO ZHE NA, RGYU DANG RKYEN LAS BYUNG BA YI, RANG BZHIN BYAS PA CAN DU 'GYUR, CI STE RANG BZHIN BYAS PA CAN DU THAL BA NI 'DOD PA KHO NA'O ZHE NA, RANG BZHIN BYAS PA CAN ZHES BYAR, ,JI LTA BUR NA RUNG BAR 'GYUR, ,BYAS PA YANG YIN LA RANG BZHIN YANG YIN NO ZHES BYA BA 'DI NI PHAN TSUN 'GAL BA'I PHYIR RO, ,'DI LTAR, DNGOS PO RKYEN GYIS BYAS PA GANG YIN PA DE NI 'JIG RTEN NA RANG BZHIN ZHES MI BRJOD DE, CHU'I TSA BA BZHIN NO, ,GANG ZHIG RANG BZHIN YIN PA DE NI RKYEN GYIS MA BYAS PA YIN TE, ME'I TSA BA BZHIN NO, ,TSA BA ME'I RANG BZHIN NO ZHES PA YANG 'JIG RTEN LA GRAGS PA TZAM DPER BRJOD PAR ZAD KYI, YANG DAG PAR NA TSA BA YANG ME'I RANG BZHIN MA YIN TE, RTZUB SHING RTZUB PA LA SOGS PA'I RKYEN LAS BYUNG BA'I PHYIR DPER NA CHU'I TSA BA BZHIN NO, ,GAL TE ME LA SOGS PA'I TSA BA LA SOGS PA RANG BZHIN MA YIN NA DE DAG GI RANG BZHIN NI GANG YIN, MTSAN NYID KYANG JI LTA BU ZHE NA, RANG BZHIN DAG NI BCOS MIN DANG, ,GZHAN LA LTOS PA MED PA YIN, ,ME LA SOGS PA'I DNGOS PO RNAMS KYI RANG BZHIN DAG NI DUS GSUM DU YANG MI 'KHRUL BA SMYUG MA'I NGO BO BCOS MA MIN PA RGYU DANG RKYEN GZHAN LA LTOS PA MED PA YIN PAR

070a

, ,BRJOD DO, ,DE LTA BU'I RANG BZHIN DE YOD DAM ZHE NA, DE NI RANG BZHIN GYIS YOD PA YANG MA YIN MED PA YANG MA YIN MOD KYI, 'ON KYANG NYAN PA PO RNAMS SKRAG PA SPANGS PA'I PHYIR KUN RDZOB TU YOD DO ZHES BRJOD DO, ,JI SKAD DU BCOM LDAN 'DAS KYIS, YI GE MED PA'I CHOS LA NI, ,NYAN PA GANG YIN STON PA GANG, ,SGRO BTAGS PA LAS YI GE MED, ,DE NI NYAN CING STON PA'ANG YIN, ,ZHES GSUNGS PA LTA BU'O, ,GAL TE SGRO BTAGS PA LAS BRJOD NA DE'I RANG BZHIN CI 'DRA BA ZHIG YIN ZHE NA, CHOS RNAMS KYI CHOS NYID DE BZHIN NYID GDOD MA NAS SKYE BA MED PA MA RIG PA'I RAB RIB DANG BRAL BA'I 'PHAGS PA RNAMS KYIS MA GZIGS PA'I TSUL GYIS GZIGS PA DE NYID BCOM MA MA YIN PA'I PHYIR DANG, GZHAN LA LTOS PA MED PA'I PHYIR ME LA SOGS PA'I DNGOS PO RNAMS KYI RANG BZHIN YIN NO ZHES BRJOD DO, ,GNYIS PA GZHAN DNGOS DGAG PA NI, GAL TE DNGOS PO RNAMS LA RANG BZHIN MED KYANG GZHAN DNGOS YOD DE, MA BKAG PA'I PHYIR, GZHAN DNGOS YOD NA RANG BZHIN YANG YOD DO ZHE NA; RANG BZHIN YOD PA MA YIN NA, GZHAN GYI DNGOS PO GA LA YOD, GZHAN GYI DNGOS PO'I RANG BZHIN NI, ,GZHAN GYI DNGOS PO YIN ZHES BRJOD, ,GANG GI TSE RNAM PAR DPYAD PA NA DNGOS PO 'GA' LA YANG RANG BZHIN YOD PA MA YIN PA DE'I TSE GZHAN GYI DNGOS PO GA LA YOD, 'JIG RTEN NA ME LA SOGS PA'I GZHAN GYI DNGOS PO'I RANG BZHIN TSA BA LTA BU GSHER BA'I RANG BZHIN GYI CHU LA SOGS PA GZHAN LA LTOS NAS GZHAN GYI DNGOS PO YIN ZHES BRJOD CING GRAGS PA'I PHYIR RO, ,GNYIS PA DNGOS PO DANG DNGOS MED

070b

DGAG PA LA GNYIS KYI, DANG PO DNGOS PO DGAG PA NI, GAL TE RANG BZHIN DANG GZHAN DNGOS MED KYANG DNGOS PO NI YOD DE, MA BKAG PA'I PHYIR RO, ,DNGOS PO YOD NA YANG RANG BZHIN NAM GZHAN DNGOS ZHIG TU 'GYUR DGOS TE DE'I PHYIR DE DAG KYANG YOD DO ZHE NA, RANG BZHIN DANG NI GZHAN DNGOS DAG ,MA GTOGS DNGOS PO GA LA YOD, ,RANG BZHIN DANG NI GZHAN DNGOS DAG ,YOD NA DNGOS PO GRUB PAR 'GYUR, ,RANG BZHIN DANG GZHAN GYI DNGOS PO DAG YOD NA DNGOS PO 'GRUB PAR 'GYUR BA ZHIG NA DE GNYIS KYANG SNGAR BSHAD PA'I TSUL GYIS YOD PA MA YIN TE, DE'I PHYIR RANG BZHIN DANG GZHAN DNGOS DAG MA GTOGS PA'I DNGOS PO GA LA YOD DE, YOD PA MA YIN NO ZHES NGES PAR BYA'O, ,GNYIS PA DNGOS MED DGAG PA NI, GAL TE DNGOS PO BKAG KYANG DNGOS MED NI YOD DE, MA BKAG PA'I PHYIR, DE'I PHYIR 'GAL ZLA YOD PAS DNGOS PO YANG YOD DO ZHE NA, GAL TE DNGOS PO MA GRUB NA, ,DNGOS MED 'GRUB PAR MI 'GYUR RO, ,DNGOS PO GZHAN DU 'GYUR BA NI, ,DNGOS MED YIN PAR SKYE BO SMRA, ,GAL TE DNGOS PO ZHES BYA BA 'GA' ZHIG YOD NA DE GZHAN DU GYUR PA'I DNGOS PO MED PA YANG YOD PA ZHIG NA SNGAR JI SKAD BSHAD PA'I TSUL GYIS DNGOS PO MA GRUB PA DE'I TSE, DE LA LTOS PA'I DNGOS PO MED PA 'GRUB PAR MI 'GYUR TE, ,BUM PA LA SOGS PA DA LTAR BA'I GNAS SKABS LAS NYAMS SHING GYO MO LA SOGS PA GNAS SKABS GZHAN THOB PAR 'GYUR BA NI DNGOS MED YIN PAR 'JIG RTEN GYI SKYE BO RNAMS SMRA BA'I PHYIR RO, ,DE'I PHYIR DNGOS PO MED PA YANG MED DO, ,GSUM PA MTHAR LTAS DE NYID MI MTHONG BAR BSTAN PA NI, GANG

071a

, ,DAG RANG BZHIN GZHAN DNGOS DANG, ,DNGOS DANG DNGOS MED NYID LTA BA, ,DE DAG SANGS RGYAS BSTAN PA LA, ,DE NYID MTHONG BA MA YIN NO, ,DE LTAR RNAM PA THAMS CAD DU RANG BZHIN DANG GZHAN DNGOS DANG DNGOS PO DANG DNGOS MED DAG YOD PA MA YIN PA'I PHYIR MA RIG PA'I RAB RIB KYIS BLO GROS GYI MIG NYAMS PAS PHYIN CI LOG TU GYUR PA GANG DAG GZUGS KYI RANG BZHIN NI GZUGS SU RUNG BA'O, ,TSOR BA NI MYONG BA'O, ,RNAM PAR SHES PA NI YUL SO SOR RNAM PAR RIG PA'O ZHES DNGOS PO RNAMS KYI RANG BZHIN DANG, GZUGS KYANG GZHAN LA RNAM PAR SHES PA'ANG GZHAN NO ZHES GZHAN DNGOS DANG RNAM PAR SHES PA LA SOGS PA DA LTAR BA RNAMS NI DNGOS PO DANG 'DAS PAR GYUR PA RNAMS DNGOS PO MED PAR LTA BA DE DAG SANGS RGYAS KYI BSTAN PA LA RTEN CING 'BREL PAR 'BYUNG BA ZAB MO RTAG CHAD SPANGS PA'I DBU MA'I LAM GYI DE KHO NA NYID MTHONG BA MA YIN NO, ,GANG GI PHYIR RANG BZHIN DANG GZHAN GYI DNGOS PO LA SOGS PA RNAMS YOD PA NYID NI JI SKAD BSHAD PA'I 'THAD PA DANG 'GAL BA YIN LA, DE BZHIN GSHEGS PA RNAMS NI DNGOS PO'I RANG BZHIN 'THAD PA DANG 'GAL BA GSUNGS PA MA YIN TE, RANG NYID KYIS DNGOS PO MA LUS PA'I DE KHO NA NYID PHYIN CI MA LOG PAR THUGS SU CHUD PA'I PHYIR RO, ,DE NYID KYI PHYIR MKHAS PA RNAMS NI SANGS RGYAS BCOM LDAN 'DAS RNAMS KHO NA'I GSUNG TSAD MAR BRJOD PAR BYED DE, 'THAD PA DANG BCAS PAS MI SLU BA'I PHYIR RO, ,GNYIS PA LUNG GIS DGAG PA NI, (LANG KAR GSHEGS PA LAS, RKYEN DU RTOGS PA DNGOS PO LA, ,YOD DANG MED PAR GANG RTOGS PA, ,MU STEGS LTA BA CAN DAG NI, ,BSTAN LAS RING DU

071b

GYUR PAR SHES, ,ZHES DANG, NGA'I BSTAN PA SUN 'BYIN PA, ,NGUR SMRIG DAG GIS GOS BGOS SHING, ,'BRAS BU YOD DANG MED SMRA BA, ,MA 'ONGS PA YI DUS NA 'BYUNG, ,ZHES SOGS RGYA CHER GSUNGS SO,) ,BCOM LDAN 'DAS DNGOS DANG DNGOS MED PA, ,MKHYEN PAS KA TA YA NA YI, ,GDAMS NGAG LAS NI YOD PA DANG, ,MED PA GNYIS KA'ANG DGAG PA MDZAD, GANG GI PHYIR RANG BZHIN DANG GZHAN DNGOS DANG DNGOS PO DANG DNGOS PO MED PAR LTA BA DAG (MDO LAS, GANG GIS YOD NYID SGRUB PA YI, ,RKYEN NYID GANG PHYIR MED PA LA, ,LTA NGAN YOD PAR SMRA BA YI, ,MED DANG YOD PAR RAB TU BSTAN, ,DE BZHIN YOD MED YOD MED MIN, ,GANG TSE 'JIG RTEN 'DI MTHONG BA, ,DE TSE SEMS NI LDOG GYUR NAS, ,BDAG MED PAR NI RTOGS PAR BYA, ,ZHES SO,) RIGS PA DANG 'GAL BAS DE KHO NA NYID MA YIN PA DE'I PHYIR GDUL BYA'I SKYE BO THAR PA 'DOD PA RNAMS LA BCOM LDAN 'DAS KYIS 'PHAGS PA KA TA YA NA YI GDAMS NGAG LAS NI YOD PA DANG MED PA GNYIS KA'ANG DGAG PA MDZAD PA YIN NO, ,JI LTAR ZHE NA, KA TA YA NA GANG GI PHYIR 'JIG RTEN 'DI NI PHAL CHER YOD PA NYID DANG MED PA NYID LA MNGON PAR ZHEN TE DES NA SKYE BA DANG RGA BA DANG NA BA DANG 'CHI BA DANG MYA NGAN DANG, SMRE SNGAGS 'DON PA SDUG BSNGAL BA DANG YID MI BDE BA DANG 'KHRUGS PA DAG LAS GROL BAR MI 'GYUR, 'GRO BA LNGA'I 'KHOR BA LAS GROL BAR MI 'GYUR, 'CHI BA'I GDUNG BA'I SDUG BSNGAL LAS GROL BAR MI 'GYUR ZHES GSUNGS SO, ,'DIS DNGOS SU YOD MED DU MNGON PAR ZHEN PA 'KHOR BA'I RGYUR BSTAN NAS, SHUGS LA 'KHOR BA LAS GROL BA'I THABS SU YOD MED GNYIS KA DGAG PAR MDZAD PA YIN NO, ,LUNG 'DI YANG SDE BA THAMS CAD KYIS 'DON PAS DE'I PHYIR 'DI NYID

072a

, ,KHUNGS SU MDZAD DO, ,BCOM LDAN 'DAS CIS KHYAD PAR DU BYAS PA ZHIG GIS ZHE NA, DNGOS PO DANG DNGOS PO MED PA'I RANG BZHIN JI LTA BA BZHIN PHYIN CI MA LOG PAR MKHYEN PAS SO, ,GANG GI PHYIR BCOM LDAN 'DAS DNGOS DANG DNGOS MED MKHYEN PAS YOD PA DANG MED PA GNYIS KA DGAG PA MDZAD PA'I PHYIR DNGOS PO DANG DNGOS PO MED PAR LTA BA DE KHO NA NYID YIN NO ZHES KHAS BLANG BAR MI RIGS SO, ,GSUM PA SUN 'BYIN GYI LAM GZHAN BSTAN PA NI, 'DIR SMRAS PA, GAL TE ME LA SOGS PA RANG BZHIN GYIS YOD NA NYES PA CIR 'GYUR ZHE NA, RGYU DANG RKYEN LAS SKYES PA YI, ,RANG BZHIN BYAS PA CAN DU 'GYUR, ,ZHES BSHAD ZIN TO, ,GZHAN YANG, GAL TE RANG BZHIN GYIS YOD NA, DE NI MED NYID MI 'GYUR RO, ,GAL TE ME LA SOGS PA RANG BZHIN GYIS YOD NA RANG BZHIN GYIS YOD PA DE NI NAM YANG MED PAR MI 'GYUR TE, GANG GI PHYIR, RANG BZHIN GZHAN DU 'GYUR BA NI, NAM YANG 'THAD PAR MI 'GYUR RO, ,DPER NA NAM MKHA'I MI SGRIB PA NAM YANG GZHAN DU MI 'GYUR BA DE BZHIN DU ME LA SOGS PA RANG BZHIN GYIS GRUB NA GZHAN DU 'GYUR ZHING RGYUN CHAD PA'I MTSAN NYID KYI 'JIG PA NAM YANG 'THAD PAR MI 'GYUR BA ZHIG NA, 'DI 'JIG CING RGYUN CHAD PAR YANG DMIGS PA YIN NO, DE'I PHYIR 'DI DAG RANG BZHIN MA YIN NO ZHES SHES PAR BYA'O, , GAL TE RANG BZHIN YOD PA YIN NA GZHAN DU 'GYUR PA MI 'THAD PA'I PHYIR DANG, GZHAN DU 'GYUR BA DMIGS PA'I PHYIR RANG BZHIN YOD PA MA YIN NO ZHES PA MI 'THAD DE, RANG BZHIN YOD PA MA YIN NA, ,GZHAN DU 'GYUR BA GANG GI YIN, ,NAM MKHA'I ME TOG

072b

LTAR RANG BZHIN YOD PA MA YIN NA GNAS SKABS GZHAN DU 'GYUR BA GANG GI YIN PAR 'GYUR, DE'I PHYIR RANG BZHIN YOD PA MA YIN PA LA GZHAN DU 'GYUR BA MA DMIGS PA'I PHYIR, GZHAN DU GYUR BA NYID KYANG MTHONG BA'I PHYIR RANG BZHIN YOD DO ZHE NA, RANG BZHIN YOD PA YIN NA YANG, GZHAN DU 'GYUR BA JI LTAR RUNG, DA LTA BA BZHIN DU RANG BZHIN MA NYAMS PAR YOD PA YIN NA YANG GZHAN DU 'GYUR BA JI LTAR RUNG, DE'I PHYIR RANG BZHIN YOD PA DANG MED PA GANG LA YANG GZHAN DU 'GYUR BA MI 'THAD PA'I PHYIR GZHAN DU 'GYUR BA RNAM PA THAMS CAD DU MI SRID DO, DE'I PHYIR DNGOS PO RNAMS RANG BZHIN MED PAR SHES PAR BYA'O, DE LTAR DNGOS PO RNAMS KYI RANG BZHIN GTAN YOD PA MA YIN PA DE'I CHE SHES RAB CAN SU ZHIG DNGOS PO RNAMS LA YOD PA'AM MED PAR RTOG PAR BYED DO; ;DE LTAR RTOG PA DE LA NI NGES PA KHO NAR, YOD CES BYA BA RTAG PAR 'DZIN, ,MED CES BYA BA CHAD PAR LTA BAR THAL BAR 'GYUR RO, ,GNYIS PA MTHAR 'DZIN LA MI GNAS PAR GDAMS PA NI, GANG GI PHYIR RTAG PA DANG CHAD PAR LTA BA 'DI YANG MTHO RIS DANG BYANG GROL GYI LAM GYI BAR DU GCOD BYED YIN PAS DON MA YIN PA CHEN PO BYED PA, DE PHYIR YOD DANG MED PA LA, ,MKHAS PAS GNAS PAR MI BYA'O, ,YANG CI'I PHYIR DNGOS PO DANG DNGOS PO MED PAR LTA BA YOD NA RTAG PA DANG CHAD PAR LTA BAR THAL BAR 'GYUR ZHE NA; GANG ZHIG RANG BZHIN GYIS YOD PA, ,DE NI MED PA MIN PAS RTAG ,SNGON BYUNG DA LTAR MED CES PA, ,DES NA CHAD PAR THAL BAR 'GYUR, ,GANG ZHIG RANG BZHIN GYIS YOD PA DE NI NAM YANG MED PA MIN TE, RANG BZHIN LA LDOG PA MED PA'I PHYIR RO, ,

073a

, ,DES NA DNGOS PO RANG BZHIN GYIS YOD PAR KHAS BLANGS NA RTAG PAR LTA BAR THAL BAR 'GYUR RO, ,SNGON BYUNG BA'I GNAS SKABS SU DNGOS PO'I RANG BZHIN KHAS BLANGS NAS DA LTAR PHYIS ZHIG NAS MED CES KHAS BLANGS NA CHAD PAR LTA BAR THAL BAR 'GYUR RO, ,GANG GI (DBU MA SMRA BA) LTAR NA DNGOS PO BRTEN CING 'BREL PAR 'BYUNG BA NYID KYIS SGYU MA LTAR RANG BZHIN MED PAR KHAS BLANGS PA DE LA NI RTAG PA DANG CHAD PAR LTA BAR THAL BAR MI 'GYUR TE, DNGOS PO'I RANG BZHIN MA DMIGS PA'I PHYIR RO, ,GAL TE RANG BZHIN MED PAR SMRA BA LA RTAG PAR LTA BA MED KYANG CHAD PAR LTA BAR CI'I PHYIR MI 'GYUR ZHE NA, GANG ZHIG SNGAR DNGOS PO'I RANG BZHIN KHAS BLANGS NAS PHYIS DE MED DO ZHES SMRA BA LA NI, SNGAR GYI DNGOS PO'I RANG BZHIN LA SKUR PA BTAB PAS CHAD PAR LTA BAR THAL BAR 'GYUR GYI, RANG BZHIN MED PAR SMRA BAS NI GNAS SKABS GANG DU YANG DNGOS PO'I RANG BZHIN CUNG ZAD KYANG KHAS MA BLANGS NA GANG LA SKUR PA BTAB PAS CHAD PAR LTA BAR 'GYUR, PHYIN CI LOG TU GYUR PA RNAMS KYI DNGOS POR MNGON ZHE NA BZLOG PA'I PHYIR RAB RIB CAN GYIS DMIGS PA'I SKRA SHAD DAG LA RAB RIB MED PA LTAR DNGOS PO RNAMS RANG BZHIN MED DO ZHES SMRA MOD, DE LTA NA YANG CHAD PAR LTA BAR THAL BAR MI 'GYUR TE, DGAG BYA CI YANG MA DMIGS PA'I PHYIR RO, ,JI SKAD DU, MDO LAS; BCOM LDAN 'DAS GANG GIS SNGAR 'DOD CHAGS DANG ZHE SDANG DANG GTI MUG DAG DNGOS POR G-YAR GYIS BLANGS NAS, PHYIS 'DOD CHAGS DANG ZHE SDANG DANG GTI MUG DAG DNGOS PO YOD PA MA YIN NO ZHES SMRA BA DE NI MED PA PAR 'GYUR LAGS SO ZHES

073b

GSUNGS PA LTA BU'O, ,DBU MA RTZA BA'I SHES RAB LAS RANG BZHIN BRTAG PA ZHES BYA BA RAB TU BYED PA BCO LNGA PA'I 'GREL PA'O,, ` ,,BCU DRUG PA BCINGS PA DANG THAR PA BRTAG PA LA, 'KHOR BA DANG MYANG 'DAS DGAG BCINGS PA DANG THAR PA DGAG THAR 'DOD SPANG BYAR BSTAN 'KHOR 'DAS SPANG BLANG MED PAR BSTAN PA DANG BZHI'I, DANG PO LA, 'KHOR BA DGAG MYANG 'DAS DGAG PA GNYIS KYI, DANG PO LA YANG GNYIS KYI, DANG PO 'DU BYED 'KHOR BA DGAG PA NI, 'DIR SMRAS PA, DNGOS PO RNAMS KYI RANG BZHIN NI YOD DE, 'KHOR BA YOD PA'I PHYIR, GAL TE DNGOS PO RNAMS KYI RANG BZHIN MED NA SU ZHIG 'GRO BA NAS 'GRO BA GZHAN DU 'GRO ZHING 'KHOR BAR 'GYUR ZHE NA, 'KHOR BA ZHES BYA BA THA SNYAD TZAM YIN GYI, (JI SKAD DU, DE BZHIN GSHEGS PAS 'KHOR BA 'DOGS PAR MDZAD KYANG DER 'GA' YANG 'KHOR BA MED LA, DE BZHIN GSHEGS PAS MYA NGAN LAS 'DAS PA STON PAR MDZAD KYANG DER 'GA' YANG MYA NGAN LAS 'DAS PA YANG MED DO ZHES GSUNGS PA LTAR DU,) YANG DAG (PAR YOD) PA MA YIN TE, GAL TE 'KHOR BA YOD NA NGES PAR 'DU BYED DAM SEMS CAN ZHIG DER 'GYUR DRANG, GAL TE 'DU BYED 'KHOR ZHE NA, ,DE DAG RTAG NA MI 'KHOR STE, ,MI RTAG NA YANG 'KHOR MI 'GYUR, ,GAL TE 'DU BYED DAG 'KHOR RO ZHE NA, CI RTAG PA'AM MI RTAG PA CIG 'KHOR DRANG, 'DU BYED DE DAG RTAG NA MI 'KHOR STE, RTAG PA NI 'GRO 'ONG GI BYA BA DANG BRAL BA'I PHYIR TE, BUM PA LA SOGS PA MI RTAG PA KHO NA BYA BA DANG BCAS PAR DMIGS PA'I PHYIR RO, ,MI RTAG NA YANG 'KHOR BAR MI 'GYUR TE, MI RTAG PA NI SKYES MA THAG TU 'JIG PAS 'GAR YANG 'PHYAN PAR MI 'GYUR BA'I PHYIR RO, ,'DU

074a

, ,BYED RGYU DANG 'BRAS BU GCIG NAS GCIG DU RIM PA RGYUN MI 'CHAD CING RGYUN CHAGS SU 'JUG PA MI RTAG PAR 'GYUR BA DAG KHO NA 'KHOR RO SNYAM NA, DE YANG MI 'THAD DE, ,RE ZHIG 'BRAS BU SKYE BA LA NI 'KHOR BA YOD PA MA YIN TE; GANG NAS KYANG MI 'ONG BA'I PHYIR DANG GAR YANG MI 'GRO BA'I PHYIR RO, ,RGYU ZHIG PA LA YANG 'KHOR BA MED DE, RGYU MTSAN SNGA MA NYID KYI PHYIR RO, ,GAL TE SKAD CIG MA PHYI MA SKYES PA NA SNGA MA 'KHOR RO ZHE NA, GAL TE SKAD CIG SNGA PHYI GNYIS GCIG YIN NA DE LTAR 'GYUR NA GCIG NYID DU YOD PA MA YIN TE, RGYU DANG 'BRAS BU'I DNGOS PO YIN PA'I PHYIR, MIG DANG GZUGS DANG MIG GI RNAM PAR SHES PA BZHIN, GAL TE SKAD CIG SNGA PHYI GZHAN YIN NA, PHYI MA SKYES PAS SNGA MA 'KHOR BAR MI 'THAD DE, SO SO SKYE BO 'KHOR BAR SKYE BA YOD PA'I PHYIR DGRA BCOM PA RNAMS KYANG 'KHOR BAR 'GYUR LA, MAR ME GZHAN 'BAR BA NA SHI BA'I MAR ME 'BAR RO ZHES BYA BAR YANG 'GYUR RO, ,DE'I PHYIR, RGYUN 'KHOR BA MI 'THAD PAS 'DU BYED MI RTAG PA RNAMS LA 'KHOR BA MED DO, , GNYIS PA GANG ZAG 'KHOR BAR DGAG PA NI, 'DIR (GNAS MA BU'I SDE PA DAG NI PHUNG PO DANG, KHAMS DANG SKYE MCHED RNAMS LAS GZHAN PA'I GANG ZAG 'KHOR BA DANG THAR PA 'DOD PA) KHA CIG (NI) 'THAD PA DANG 'GAL BA'I PHYIR 'DU BYED MI 'KHOR GYI BDAG 'KHOR RO ZHE NA, SEMS CAN LA YANG RIM 'DI MTSUNGS, GAL TE SEMS CAN 'KHOR RO ZHE NA, CI 'DI RTAG PA'AM MI RTAG PA ZHIG 'KHOR ZHES RNAM PAR DPYAD NA, 'DU BYED 'KHOR BAR MI 'THAD PA'I RIM PA 'DI NI SEMS CAN 'KHOR BAR 'DOD PA LA YANG MTSUNGS PAS DE'I PHYIR SEMS CAN YANG

074b

'KHOR BA MA YIN NO, ,GAL TE 'DU BYED 'KHOR BA MI 'THAD PA'I TSUL NI SEMS CAN LA MTSUNGS PAR 'OS PA MA YIN TE, 'DU BYED LTAR DU BDAG DE NI RTAG PA'AM MI RTAG PAR 'GYUR BA MA YIN GYI 'ON KYANG BDAG DE PHUNG PO LAS DE NYID DANG GZHAN DU BRJOD DU MED PA LTAR RTAG PA DANG MI RTAG PAR YANG BRJOD DU MED PA'I PHYIR RO ZHE NA, GAL TE GANG ZAG 'KHOR ZHE NA, PHUNG PO SKYE MCHED KHAMS RNAMS LA, ,DE NI RNAM PA LNGAS BTZAL NA, MED NA GANG ZHIG 'KHOR BAR 'GYUR, ,GAL TE (DBU MA SNYING POR YANG GANG ZAG YANG DAG NYID DU NI; ;'KHOR DANG THAR PAR MI 'GYUR TE, ,GDAGS BYA YIN PHYIR KHANG PA BZHIN, ,BRJOD BYA YIN PHYIR DRI DANG 'DRA, ,ZHES BYA BA NI DPER NA RTZA DANG SHING DANG SA DANG SMIG MA DANG, SO PHOG LA SOGS PA RIGS KHANG PAR GDAGS PA DE BZHIN DU PHUNG KHAMS SKYE MCHED DAG LA RTEN NAS GANG ZAG TU BTAGS PAR ZAD PA'I DE DAG MED PA'I PHYIR DANG; DRI BZHIN DU BRJOD PAR BYA BA YIN PA'I PHYIR, BCINGS PA DANG THAR PA MED DO,) ,BRJOD DU MED PA'I GANG ZAG 'KHOR BAR 'DOD NA, DE YANG RIGS PA MA YIN TE, GAL TE GANG ZAG 'GA' ZHIG YOD NA 'KHOR BAR 'GYUR BA ZHIG NA YOD PA MA YIN TE, GANG GI PHYIR PHUNG PO DANG KHAMS DANG SKYE MCHED RNAMS LA GANG ZAG DE NI RNAM PA LNGAS BTZAL NA MED PA'I PHYIR RO, ,JI LTAR ZHE NA, SHING NYID ME NI MA YIN TE, ,SHING LAS GZHAN LA ME YANG MED, ,ME NI SHING DANG LDAN MA YIN, ,ME LA SHING MED DER DE MED, ,ME DANG SHING GI BDAG DANG NI, ,NYE BAR LEN PA'I RIM PA KUN, ,CES PA DE BZHIN DU BDAG PHUNG PO LA SOGS PA'I RANG BZHIN MA YIN ZHING, DE DAG LAS THA DAD PA YANG MA YIN LA, DE DAG DANG LDAN PA YANG MA YIN ZHING, BDAG LA PHUNG PO LA SOGS PA MED CING, PHUNG PO

075a

, ,SOGS LA YANG BDAG MED DO ZHES DE LTAR SNGAR BSHAD PA'I RNAM PA LNGAS BTZAL NA BDAG MED NA YOD PA MA YIN PA'I BDAG GANG ZHIG 'KHOR BAR 'GYUR, DE LTAR BDAG LA YANG 'KHOR BA MED DE, MO GSHAM GYI BU LTAR MED PA'I PHYIR RO, ,GZHAN YANG BDAG 'DI 'KHOR NA, NYE BAR LEN NAS NYE LEN PAR, ,'KHOR NA SRID PA MED PAR 'GYUR, ,SRID MED NYE BAR LEN MED NA, ,DE GANG CI ZHIG 'KHOR BAR 'GYUR, ,'DIR MI'I NYE BAR LEN PA NAS LHA'I NYE BAR LEN PAR 'GRO ZHING 'KHOR NA MI'I NYE BAR LEN PA BTANG NAS 'GRO'AM 'ON TE MA BTANG BAR YIN DRANG, DANG PO LTAR NA NYE BAR LEN PA SNGA MA BTANG BA'I PHYIR DANG, PHYI MA MA BLANGS PA'I PHYIR DE DAG GI BAR DU BDAG DE LA SRID PA NYER LEN GYI PHUNG PO LNGA MED PAR 'GYUR TE, SRID PA MED CING NYE BAR LEN PA MED PA'I BDAG GANG YIN PA DE NI BDAG TU BTAGS PA'I NYE BAR LEN PA'I RGYU DANG BRAL BA'I PHYIR RO, ,RGYU DANG BRAL BA'I BDAG DE NI GANG STE CI YANG MA YIN ZHING YOD PA MA YIN PAS CI ZHIG 'KHOR BAR 'GYUR TE GANG DU YANG 'KHOR BAR MI 'GYUR RO; ;CI STE SNGA MA MA BTANG BAR YIN NO ZHE NA, DE YANG MI RIGS TE, SNGA MA MA BTANG BA'I PHYIR DANG PHYI MA BZUNG BA'I PHYIR BDAG GCIG BDAG GNYIS SU 'GYUR NA DE YANG MI 'DOD PA'I PHYIR RO, ,CI STE SRID PA SNGA PHYI'I BAR NA SRID PA BAR DO'I PHUNG PO YOD PAS SRID PA MED PAR 'GYUR BA'I NYES PA MED DO ZHE NA, DE YANG MI RUNG STE, SRID PA BAR DO'I PHUNG PO 'KHOR BA LA YANG SRID PA SNGA MA GTONG BA DANG MI GTONG BA'I SGO NAS THAL BA MTSUNGS PA'I PHYIR RO, ,GAL TE CIG CAR GTONG BA DANG LEN PA'I PHYIR NYES PA MED DO ZHE

075b

NA; PHYOGS GCIG GIS NYE BAR LEN PA SNGA MA GTONG ZHING, PHYOGS GCIG GIS SRID PA BAR DO'I NYE BAR LEN PA RGYU'AM, 'ON TE BDAG NYID THAMS CAD KYIS YIN DRANG, DANG PO LTAR NA, BDAG GNYIS SU THAL BAR 'GYUR RO, ,GNYIS PA LTAR NA YANG SNGA MA BTANG ZHING PHYI MA MA BLANGS PA'I BAR DE NYID DU SRID PA MED PAR THAL BA'I NYES PA DE NYID DU 'GYUR RO, ,DE LTAR 'DU BYED DANG BDAG LA 'KHOR BA MI 'THAD PA'I PHYIR 'KHOR BA MED DO, ,GNYIS PA MYANG 'DAS DGAG PA NI, GAL TE 'KHOR BA YOD DE, DE'I 'GAL ZLA MYA NGAN LAS 'DAS PA YOD PA'I PHYIR ZHE NA, MYA NGAN LAS 'DAS PA ZHES BYA BA YANG THA SNYAD TZAM YIN GYI YANG DAG PAR MED DE, 'DU BYED MYA NGAN 'DA' BAR NI, ,JI LTA BUR YANG MI 'THAD DO, ,SEMS CAN MYA NGAN 'DA' BAR YANG, ,JI LTA BUR YANG 'THAD MI 'GYUR; ;GAL TE MYA NGAN LAS 'DAS PA YOD NA, 'DU BYED RTAG PA'AM MI RTAG PA ZHIG LA RTOG DRANG, 'DU BYED RTAG PA'AM MI RTAG PA GANG YANG MYA NGAN LAS 'DAS PA JI LTA BUR YANG MI 'THAD DE, RTAG PA 'GYUR BA MED PA LA NI MYA NGAN LAS 'DAS PAS BYA BA CI YANG MI BYED PA'I PHYIR DANG, MI RTAG PA YOD PA MA YIN PA LA'ANG MYA NGAN LAS 'DAS PAS BYA BA MI BYED PA'I PHYIR RO, ,CI STE SEMS CAN MYA NGAN LAS 'DA' BAR RTOG GO ZHE NA, SEMS CAN RTAG PA'AM MI RTAG PA GANG YANG MYA NGAN LAS 'DA' BA JI LTA BUR YANG 'THAD PAR MI 'GYUR BAR YANG 'DU BYED DANG MTSUNGS SO, ,GAL TE RTAG PA'AM MI RTAG PAR BRJOD DU MED PA ZHIG LA RTOG NA, BDAG DE MYA NGAN LAS 'DAS PA'I DUS NA YOD DAM MED, GAL TE YOD NA RTAG PAR 'GYUR LA, MED NA MI RTAG PAR 'GYUR RO, ,

076a

, ,DE'I PHYIR GANG ZAG NI RTAG PA DANG MI RTAG PAR BRJOD DU MED DO ZHES BYA BA YANG MI 'THAD DO, ,GNYIS PA BCINGS PA DANG THAR PA DGAG PA LA, SPYIR DGAG PA DANG, GROL BA BYE BRAG TU DGAG PA GNYIS KYI, DANG PO LA DNGOS DANG; SUN 'BYIN GYI LAM GZHAN BSTAN PA GNYIS KYI, DANG PO NI, GAL TE 'KHOR 'DAS MED KYANG BCINGS PA DANG THAR PA NI YOD LA, DE'I PHYIR DNGOS PO RNAMS KYI RANG BZHIN YANG YOD DO ZHE NA, BCINGS PA DANG THAR PA YANG KUN RDZOB PA YIN GYI YANG DAG PAR MA GRUB STE, SKYE 'JIG CHOS CAN 'DU BYED RNAMS, ,MI 'CHING 'GROL BAR MI 'GYUR TE, SNGA MA BZHIN DU SEMS CAN YANG, ,MI 'CHING GROL BAR MI 'GYUR RO, ,'DI NA 'DOD CHAGS LA SOGS PA'I NYON MONGS PA RNAMS KYIS SO SO SKYE BO RNAMS KHAMS GSUM LAS 'DA' BAR MI BYED PA'I PHYIR 'DOD CHAGS LA SOGS PA 'CHING BA NYID DU BRJOD PA NA, 'DOD CHAGS LA SOGS PA 'CHING BA NYID DU BRTAGS PA'I BCINGS PA DE NI SKYE BA DANG 'JIG PA'I CHOS CAN GYI 'DU BYED SKAD CIG MA RNAMS LA MI SRID DE, SKYES MA THAG TU 'JIG CING BRLAG PA RNAMS NI RANG BZHIN GYIS YOD PA MA YIN PA'I PHYIR RO, ,DES NA DE DAG MI 'CHING NGO, ,DE DAG LA 'DOD CHAGS LA SOGS PA 'CHING BA CHAD PA'I MTSAN NYID CAN GYI GROL BA'I THAR PAR YANG MI 'GYUR TE, RGYU MTSAN SNGA MA NYID KYI PHYIR RO; ;JI TAR SNGAR BSHAD PA'I RNAM PAS 'DU BYED RNAMS LA BCINGS PA DANG THAR PA YOD PA MA YIN PA DE LTAR SNGA MA BZHIN DU SEMS CAN YANG MI 'CHING GROL BAR MI 'GYUR TE, SNGA MA BZHIN DU RGYU MTSAN MTSUNGS PA'I PHYIR RO, ,GNYIS PA NI, GAL TE 'DU BYED

076b

DANG SEMS CAN LA BCINGS PA MED PA DE LTA NA YANG 'DOD CHAGS LA SOGS PA 'CHING BA NI YOD LA, DE YOD PAS BCINGS PA YANG YOD DO ZHE NA, GAL TE NYE BAR LEN 'CHING NA, ,NYE BAR LEN BCAS 'CHING MI 'GYUR, ,NYE BAR LEN MED MI 'CHING STE, GNAS SKABS GANG ZHIG 'CHING BAR 'GYUR, ,GAL TE 'DOD CHAGS LA SOGS PAS NYE BAR LEN PA 'CHING BA YIN NA, NYE BAR LEN PA DANG BCAS PA'AM, NYE BAR LEN PA MED PA ZHIG 'CHING DRANG, RE ZHIG NYE BAR LEN PA DANG BCAS PA 'CHING BAR MI 'GYUR TE, NYE BAR LEN PA DANG BCAS PA NI BCINGS PAR GYUR PA YIN LA, DE YANG 'CHING BA DANG 'BREL BA DGOS PA MED PA'I PHYIR RO, ,NYE BAR LEN PA MED PA NYE BAR LEN PA DANG BRAL BA YANG MI 'CHING STE, 'CHING BA DANG BRAL BA'I PHYIR DANG, NYER LEN MED PA 'CHING BA DANG BRAL BA 'CHING NGO ZHES BYA BA YANG PHAN TSUN 'GAL BA'I PHYIR RO, ,DE LTAR RNAM PAR BRTAG PA NA, NYER LEN DANG BCAS PA DANG, NYER LEN MED PAR GANG YANG 'CHING BA MI 'THAD PA NA DE GNYIS LAS GZHAN PA'I GNAS SKABS GANG ZHIG 'CHING BAR 'GYUR; GZHAN 'GA' YANG YOD PA MA YIN NO, ,GZHAN YANG, GAL TE CHING BYA'I SNGA ROL NA, ,'CHING BA YOD NA 'CHING LA RAG ,DE YANG MED DE, 'DI NA 'CHING BA LCAGS SGROG LA SOGS PA BCING BYA'I SNGAR GRUB PAR GYUR PAS BCING BYA LHAS BYIN 'CHING BAR MTHONG BA BZHIN DU GAL TE BCING BYA 'DU BYED RNAMS SAM GANG ZAG GI SNGA ROL DU 'CHING BA 'DOD CHAGS LA SOGS PA YOD NA SNGAR GRUB PA DES 'DU BYED RNAMS SAM GANG ZAG 'CHING LA RAG NA DE YANG MED DE, RTEN MED PAS SNGAR 'DOD CHAGS LA SOGS PA

077a

, ,MA GRUB PA'I PHYIR DANG, SNGAR 'CHING BA GRUB PA LA PHYIS BCING BYA DANG LHAG CIG 'BREL PA DGOS PA MED PA'I PHYIR DANG, 'CHING BA LAS THA DAD PAR GRUB PA'I BCINGS PA LA YANG 'CHING BA DGOS PA MED PA'I PHYIR RO, ,LHAG MA NI; SONG DANG MA SONG 'GOM PAS BSTAN, ,'DIR SUN 'BYIN PA 'PHROR GYUR PA LHAG MA NI TSIGS SU BCAD PA 'DON BA GO BSNOR TE SONG DANG MA SONG 'GOM PAS BSTAN PAR RIG PAR BYA STE, RE SHIG BCINGS PA MI BCING STE, ,MA BCINGS PA YANG BCING MI 'GYUR; ;BCINGS DANG MA BCINGS MA GTOGS PA, ,'CHING BZHIN SHES PAR MI BYA'O, ,ZHES SOGS SBYAR BAR BYA'O, ,GNYIS PA NI, GAL TE KHYOD KYIS 'CHING BA BKAG MOD, DE LTA NA YANG DE BZHIN GSHEGS PA RNAMS KYIS SEMS CAN RNAMS LA TSUL KHRIMS DANG TING NGE 'DZIN DANG SHES RAB KYI PHUNG PO GSUM GANG GI DON DU BSTAN PA'I THAR PA DE NI YOD LA, MA BCINGS PA LA YANG THAR PA MED DE, DE'I PHYIR BCINGS PA YANG YOD ZHE NA, 'DIR THAR PA RTOG NA BCINGS PA'AM MA BCINGS PA ZHIG LA RTOG DRANG; RE ZHIG BCINGS PA MI 'GROL TE, ,MA BCINGS PA YANG GROL MI 'GYUR, ,BCINGS PA GROL BZHIN YIN GYUR NA, ,BCINGS DANG GROL BA DUS GCIG 'GYUR, ,RE ZHIG BCINGS PA NI MI GROL TE, BCINGS PA'I PHYIR RO, ,MA BCINGS PA YANG GROL BAR MI 'GYUR TE, DE NI GROL BA NYID YIN NA DE LA YANG GROL BA DANG 'BREL BA DGOS PA MED PA'I PHYIR RO, ,GAL TE MA BCINGS PA LA THAR PA MI SRID PA'I PHYIR BCINGS BZHIN PA NYID GROL BZHIN PA YIN PAR 'GYUR RO SNYAM NA, DE LTA NA BCINGS PA YIN PA'I PHYIR DANG

077b

GROL BZHIN PA YIN PA'I PHYIR BCINGS PA DANG GROL BA DAG DUS GCIG PAR 'GYUR NA, DE YANG MI RIGS TE, PHAN TSUN 'GAL BA'I PHYIR SNANG BA DANG MUN PA BZHIN, DE LTAR BCINGS PA DANG MA BCINGS PA DAG LA THAR PA MED LA, THAR PA MED PA'I PHYIR BCINGS PA YANG MED DO, GSUM PA THAR 'DOD SPANG BYAR BSTAN PA NI, 'DIR KHYOD KYIS 'KHOR BA DANG MYA NGAN LAS 'DAS PA YANG BKAG CING, BCINGS PA DANG THAR PA DAG KYANG BKAG PAS 'KHOR BA'I 'BROG DGON PA CHEN PO LAS RGAL NAS THAR PA 'DOD PA RNAMS KYIS DGE BA'I CHOS LA 'DUN PA CHEN POS BDAG NAM LEN PA MED PAR MYA NGAN LAS 'DA' BAR 'GYUR, MYA NGAN LAS 'DA' BA BDAG GIR NAM ZHIG NA 'GYUR SNYAM PA GANG YIN PA DON MED PAR 'GYUR ZHING, DE LTAR DGE BA'I CHOS LA 'DUN PA BSKYED PA RNAMS KYIS DGE BA'I BSHES GNYEN BSTEN PA DANG SBYIN PA DANG TSUL KHRIMS LA SOGS PA MYA NGAN LAS 'DAS PA'I DGOS PA CAN RNAMS KYANG DON MED PAR 'GYUR RO ZHES ZER RO, ,DE LTAR DNGOS PO RANG BZHIN MED PA SGYU MA DANG 'DRA BA RNAMS LA NGA DANG NGA'I ZHES KUN DU SPYOD PAS 'JIG TSOGS SU LTA BA BSKYED PA DE NYID MYA NGAN LAS 'DAS PA THOB PA'I GEGS YIN TE, 'DI LTAR, BDAG NI LEN MED MYA NGAN 'DA', ,MYANG 'DAS BDAG GIR 'GYUR RO ZHES, ,DE LTAR GANG DAG 'DZIN DE YI, ,NYER LEN 'DZIN PA CHEN PO YIN, , BDAG NI LEN PA MED CING LEN PA DANG BRAL BA'I MYA NGAN LAS 'DAS PA THOB PAR 'GYUR RO, ,MYA NGAN LAS 'DAS PA DER ZHUGS NAS BDAG GI YIN PAR 'GYUR RO ZHES DE LTAR THAR PA 'DOD PA GANG DAG 'DZIN CING RLOM PA DE DAG LA NI BDAG DANG BDAG GI BAR LTA

078a

, ,BA'I MTSAN NYID CAN GYI 'JIG TSOGS SU LTA BA NYE BAR LEN PA DE NYID 'DZIN PA CHEN PO YIN LA, RNAM PA DE LTA BU'I 'DZIN PA CHEN PO LA MNGON PAR ZHEN PA DE SRID DU ZHI BA YOD PA MA YIN TE, 'DZIN PA MA LUS PA SPANGS PA KHO NAS THAR PA THOB PA'I PHYIR RO, ,JI SRID BDAG DANG BDAG GIR 'DZIN PA LA MNGON PAR ZHEN PA DANG, MYA NGAN LAS 'DAS PA YOD DO ZHES SOGS MNGON PAR ZHEN PA DE SRID DU THABS MA YIN PAS MYA NGAN LAS 'DAS PA DON DU GNYER BA RNAMS KYI RTZOM PA THAMS CAD NGES PAR DON MED PAR 'GYUR RO, ,DE'I PHYIR THAR PA 'DOD PAS 'DI DAG THAMS CAD GTANG BAR BYA'O, ,BZHI PA 'KHOR 'DAS SPANG BLANG MED PAR BSTAN PA NI, (DE YANG MDO LAS, RIGS KYI BU DE BZHIN GSHEGS PA NI 'KHOR BA SEL BAR MI MDZAD LA, MYA NGAN LAS 'DAS PA SGRUB PAR YANG MI MDZAD DE; DE CI'I PHYIR ZHE NA, 'DI LTAR MNYAM PA NYID LA 'KHOR BAR 'GYUR BA YANG MED, MYA NGAN LAS 'DA' BAR 'GYUR BA YANG MED, KUN NAS NYON MONGS PAR 'GYUR BA YANG MED, RNAM PAR BYANG BAR 'GYUR BA YANG MED PA'I PHYIR RO ZHES GSUNGS PA DE DAG GRUB PA YIN NO,) GANG LA MYA NGAN 'DAS BSKYED MED, ,'KHOR BA BSAL BA YOD MIN PA, ,DE LA 'KHOR BA CI ZHIG YIN, ,MYA NGAN 'DAS PA'ANG CI ZHIG BRTAG ,DON DAM PA'I BDEN PA GANG LA CHOS GANG YANG MA DMIGS PAS MYA NGAN LAS 'DAS PA BSKYED PA STE SGRO BTAGS PA MED CING, 'KHOR BA BSAL BA STE YONGS SU ZAD PA YANG YOD PA MA YIN PA DE LA GANG ZAD PAR BYA BA'I PHYIR BRTAGS PA 'KHOR BA CI ZHIG YIN, GANG THOB PAR BYA BA'I PHYIR BRTAG PA MYA NGAN LAS 'DAS PA'ANG CI ZHIG BRTAG STE CUNG ZAD KYANG BRTAG PAR MI RIGS SO, ,'KHOR 'DAS GANG DU YANG MI RTOG PA NI

078b

'KHOR BA'I 'BROG DGON PA LAS 'DA' ZHING MYA NGAN LAS 'DAS PA'I GRONG KHYER DU YANG PHYIN PAR GYUR TO, ,DE NYID KYI PHYIR, 'PHAGS PA BDUD BTUL BA'I MDO LAS, DE NAS DE'I TSE 'JAM DPAL GZHON NUR GYUR PAS JI LTAR BDUD SDIG CAN SGO MO'I THEM PA'I 'CHING BAS BCINGS PA LTAR, SA'I STENG DU 'GYEL NAS NGA NI 'CHING BA DAM POS BCINGS SO, ,NGA NI 'CHING BA DAM POS BCINGS SO ZHES CHO NGES 'DEBS PAR 'GYUR BA DE LTA BU'I GZUGS SU BSAMS SO, ,ZHES PA NAS, SDIG CAN GANG ZHIG BTANG BAS KHYOD SUS BCINGS, SMRAS PA, 'JAM DPAL BDAG SUS BCINGS PA MI SHES SO, ,SMRAS PA, SDIG CAN JI LTAR KHYOD MA BCINGS PA LA BCINGS PAR 'DU SHES PA DE BZHIN DU BYIS PA SO SO'I SKYE BO THAMS CAD MI RTAG PA LA RTAG PAR 'DU SHES, ZHES PA NAS; GZHAN YANG SDIG CAN GANG KHYOD GROL BAR 'GYUR NA GANG LAS GROL BAR 'GYUR, SMRAS PA, BDAG NI GANG LAS KYANG GROL BAR MI 'GYUR RO, ,SMRAS PA, SDIG CAN GANG DAG GROL BAR GYUR PA DE DAG KYANG YANG DAG PA MA YIN PA'I 'DU SHES GANG YIN PA DE YONGS SU SHES PA MA GTOGS PA GANG LAS KYANG GROL BAR 'GYUR BA MED TE, DE YONGS SU SHES NA GROL BA ZHES BYA'O ZHES GSUNGS PA LTA BU'O, ,LUNG 'DI LAS NA, YANG DAG PA MA YIN PA'I PHYIN CI LOG TU RTOG PA TZAM GYI 'CHING BA'I 'KHRI SHING RNAM PAR CHAD PA LA THAR PA MYA NGAN LAS 'DAS PA ZHES BYA STE, RMI LAM DU DMIGS PA'I ME 'BAR BA CHU DAG GIS BSAD PA BZHIN NO, ,DBU MA RTZA BA'I SHES RAB LAS BCINGS PA DANG THAR PA BRTAG PA ZHES BYA BA RAB TU BYED PA BCU DRUG PA'I 'GREL

079a

, ,PA'O,, ` ,,BCU BDUN PA LAS BRTAG PA LA, PHYOGS SNGA MA BGOD PA DANG, DE DGAG PA GNYIS KYI, DANG PO NI, 'DIR SMRAS PA, 'KHOR BA YOD DE, LAS DANG 'BRAS BU'I 'BREL PA'I RTEN YIN PA'I PHYIR, GAL TE SKYE BA DANG 'CHI BA GCIG NAS GCIG TU BRGYUD PA'I MTSAN NYID KYI 'KHOR BA YOD NA, TSE 'DIR BYAS PA'I LAS TSE RABS GZHAN DU RNAM PAR SMIN PA'I 'BRAS BU DANG 'BREL PAR RIGS KYI, JI SKAD BSHAD PA'I 'KHOR BA MED NA SEMS NI SKYE MA THAG TU 'JIG PA'I PHYIR DANG, LAS 'PHEN PA'I DUS NA RNAM SMIN MED PA'I PHYIR LAS 'BRAS BU 'BREL PA MED PAR 'GYUR RO, ,LAS DE DAG KYANG GANG YIN ZHING DE'I 'BRAS BU YANG GANG YIN ZHE NA, 'DI LA LAS KYI NGO BO, DBYE BA, RTZOD PA SPANG BA DANG GSUM GYI, DANG PO NI; BDAG NYID LEGS PAR SDOM PA DANG, GZHAN LA PHAN 'DOGS BYAMS SEMS GANG, ,DE CHOS DE NI 'DI GZHAN DU, ,'BRAS BU DAG GI SA BON YIN, ,BDAG NYID LEGS PAR SDOM PA SROG GCOD PA LA SOGS PA'I 'JUG PA LAS BZLOG PA'I SEMS DANG; BSDU BA'I DNGOS PO BZHI DANG 'JIGS PA LAS SKYOB PA LA SOGS PA'I SGO NAS GZHAN LA PHAN 'DOGS PA'I SEMS DANG, MDZA' BSHES LAS BYUNG ZHING SEMS CAN RNAMS DANG 'GAL BA MED PA BYAMS PA'I SEMS TE SEMS GSUM PO DE NI NGAN 'GROR 'GRO BA LAS 'DZIN PAR BYED PAS CHOS ZHES BYA'O, ,CHOS KYI SGRA NI GSUNG RAB LAS GSUM DU GRAGS TE, RANG GI MTSAN NYID 'DZIN PA'I DON DANG, 'GRO BA NGAN 'GRO LAS 'DZIN PA'I DON DANG, 'GRO BA LNGA'I 'KHOR BA LAS 'DZIN PA'I DON GYIS SO, 'DIR NI BAR

079b

MA GZUNG NGO, ,CHOS MA YIN PA NI DE LAS BZLOG STE SHES PAR BYA'O, ,DE LTAR SEMS RNAM PA GSUM PO DE NI RNAM PAR SMIN PA'I 'BRAS BU YID DU 'ONG BA DAG GI THUN MONG MA YIN PA'I RGYU BYED PA'I SA BON YIN NO, ,DUS GANG GI TSE 'BRAS BU SGRUB PAR BYED CE NA; LAS BYAS PA'I MTHONG CHOS 'DI LAS TSE RABS GZHAN DU 'BRAS BU SGRUB PAR BYED DO, ,GNYIS PA DBYE BA LA, NGO BO'I DBYE BA DANG, RNAM PA'I DBYE BA GNYIS KYI DANG PO NI, DRANG SRONG MCHOG GI LAS RNAMS NI, ,SEMS PA DANG NA BSAM PAR GSUNGS, ,DON DAM PA THUGS SU CHUD PAS NA DRANG SRONG, NYAN THOS DANG RANG SANGS RGYAS RNAMS LAS PHUL DU BYUNG BAS NA MCHOG SANGS RGYAS BCOM LDAN 'DAS RNAMS KYIS MDO LAS, LAS RNAMS NI DGE MI DGE'I LUS NGAG GI LAS KUN NAS SLONG BAR BYED PA SEMS PA'I LAS DANG, DES KUN LAS BSLANG BA'I LUS NGAG GI RNAM PAR RIG BYED DANG, RIG BYED MA YIN PA'I RANG BZHIN BSAM PA'I LAS GNYIS SU GSUNGS SO, ,LAS GNYIS PO (DANG PO NI, SEMS MNGON PAR 'DU BYED PA YID KYI LAS STE, DBYE NA 'DOD PA'I BDE 'GRO'I RGYU BSOD NAMS DANG, NGAN 'GRO'I RGYU BSOD NAMS MA YIN PA DANG, KHAMS GONG MA'I RGYU MI G-YO BA'I LAS SO, ,GNYIS PA LA LUS NGAG YID GSUM GYIS LAS TE MI DGE BA BCU DANG, ZAG BCAS KYI DGE BA BCU'O,) ,DE YANG JI LTA BU ZHE NA, DE LA LAS GANG SEMS PA ZHES, ,GSUNGS PA DE NI YID KYI 'DOD; ;BSAM PA ZHES NI GANG GSUNGS PA, DE NI LUS DANG NGAG GIR 'DOD, ,LAS GNYIS GSUNGS PA DE LA SEMS PA'I LAS ZHES GANG GSUNGS PA DE NI, LUS NGAG GI 'JUG PA LA LTOS PA MED PAR YID KYI SGO NAS DE MTHAR THUG PAR 'GRO BA'I PHYIR YID

080a

, ,KYI RNAM SHES DANG MTSUNGS PAR LDAN PA'I SEMS BYUNG SEMS PA DGE MI DGE'I LAS KUN NAS SLONG BAR BYED PA YID KYI LAS ZHES BYA BAR 'DOD DO, ,BSAM PA'I LAS ZHES GANG GSUNGS PA DE NI LUS DANG NGAG LA YOD PA'I PHYIR DANG; DE DAG GI SGO NAS MTHAR THUG PAR 'GRO BA'I PHYIR LUS DANG NGAG GI LAS YIN PAR 'DOD DO, ,LUS DANG NGAG GIS DE LTA DE LTAR 'JUG PAR BYA'O ZHES SEMS KYIS BSAMS NAS GANG ZHIG BYED PA DE NI BSAM PA'I LAS ZHES BYA'O, ,DE LTAR NA LUS DANG NGAG DANG YID KYI LAS RNAM PA GSUM DU 'GYUR RO, ,GNYIS PA NI, LAS DE DAG GI BYE BRAG NI, RNAM PA DU MAR YONGS SU BSGRAGS, ,LAS GSUM PO DE DAG GI BYE BRAG NI RNAM PA DU MAR BCOM LDAN 'DAS KYIS YONGS SU BSGRAGS SO, ,JI LTAR ZHE NA; NGAG DANG BSKYOD DANG MI SPONG BA'I, ,RNAM RIG BYED MIN ZHES BYA GANG, ,SPONG BA'I RNAM RIG BYED MIN PA, ,GZHAN DAG KYANG NI DE BZHIN 'DOD, ,LONGS SPYOD LAS BYUNG BSOD NAMS DANG, ,BSOD NAMS MA YIN TSUL DE BZHIN, ,SEMS PA DANG NI CHOS DE BDUN, ,LAS SU MNGON PAR 'DOD PA YIN, ,DGE BA DANG MI DGE BA'I RNAM PAR RIG BYED MA YIN PA KUN NAS SLONG BAR BYED PA'I NGAG GI RNAM PAR RIG BYED DANG, DE BZHIN DU DGE BA DANG MI DGE BA'I RNAM PAR RIG BYED MA YIN PA KUN NAS SLONG BA'I BSKYOD PA LUS KYI RNAM PAR RIG BYED DANG, DENG NAS BZUNG STE BDAG GIS SEMS CAN BSAD CING CHOM RKUN BYAS PAS 'TSO BAR BYA'O ZHES SDIG PA'I LAS KHAS BLANGS PA'I DUS NAS BZUNG STE DE MI BYED PA'I DUS NA YANG RTAG PAR RGYUN MI CHAD PAR MI DGE BA'I RNAM

080b

PAR RIG BYED MA YIN PA SKYE BAR 'GYUR BA MI SPONG BA STE SDOM PA MA YIN PA'I RNAM PAR RIG BYED MA YIN PA DANG, DENG NAS BZUNG STE SROG GCOD PA LA SOGS PA SPONG NGO ZHES KHAS BLANGS PA'I DUS NAS BZUNG STE DUS PHYIS MYOS PA LA SOGS PA'I GNAS SKABS NA YANG DGE BA'I RNAM PAR RIG BYED MA YIN PA SKYE BA GANG YIN PA SPONG BA SDOM PA'I RANG BZHIN GYI RNAM PAR RIG BYED MA YIN PA DANG, DGE 'DUN GYI CHED DU GTZUG LAG KHANG RTZIG PA DANG DER GNAS MAL DANG KHA ZAS NAR MA 'BUL BA LA SOGS PA DE DAG JI LTA JI LTAR DGE 'DUN GYIS LONGS SPYOD PA DE LTA DE LTAR BYED PA PO'I RGYUD LA BSOD NAMS 'PHEL BAR 'GYUR BA LONGS SPYOD LAS BYUNG BA'I BSOD NAMS KYI RNAM PAR RIG BYED MA YIN PA DANG, GANG DU SROG CHAGS DAG BSOD PA'I LHA KHANG LA SOGS PA RTZIG PA LTA BU JI LTA JI LTAR SROG CHAGS DAG GSOD PA DE LTA DE LTAR BYED PA PO'I RGYUD LA BSOD NAMS MA YIN PA SKYE BAR 'GYUR BA LONGS SPOD LAS BYUNG BA'I BSOD NAMS MA YIN PA'I RNAM PAR RIG BYED MA YIN PA DANG, YID KYI LAS KYI MTSAN NYID CAN SEMS MNGON PAR 'DU BYED PA SEMS PA DANG CHOS DE BDUN PO NI LAS KYI MTSAN NYID CAN DU MNGON PAR 'DOD PA YIN NO, ,DE LA DANG PO DRUG NI BSAM PA'I LAS YIN LA, PHYI MA RNAMS SEMS PA'I LAS SO, ,CI'I PHYIR RNAM PAR RIG BYED CES BYA ZHE NA, RANG KUN SLONG GI SEMS RIG PAR BYED PAS NA RNAM PAR RIG BYED DO, ,CI'I PHYIR RNAM PAR RIG BYED MA YIN PA ZHES BYA ZHE NA, GZUGS DANG BYA BA'I RANG BZHIN YIN YANG RNAM PAR RIG BYED BZHIN DU RANG KUN SLONG GI SEMS GZHAN LA RNAM PAR RIG PAR MI BYED PAS NA RNAM PAR RIG BYED MA YIN

081a

, ,PA'O, ,GNYIS PA RTZOD PA SPANG BA LA, RTZOD PA DGOD PA DANG, LAN BSTAN PA GNYIS KYI, DANG PO NI, 'DI LA KHA CIG RGOL BA NI, LAS RNAM PA MANG PO BSHAD PA DE LA, CI LAS DE DAG RNAM PAR SMIN PA'I DUS KYI BAR DU RANG GI NGO BO GNAS PA ZHIG GAM, 'ON TE SKYES MA THAG TU 'JIG PA'I PHYIR MI GNAS PA ZHIG YIN DRANG, GAL TE SMIN PA'I DUS BAR DU, ,GNAS NA LAS DE RTAG PAR 'GYUR, ,GAL TE 'GAGS NA 'GAGS 'GYUR PAS, ,JI LTAR 'BRAS BU SKYED PAR BYED, ,GAL TE LAS SKYES NAS RNAM PAR SMIN PA'I BAR DU RANG GI NGO BOS GNAS NA DUS DE'I BAR DU LAS DE RTAG PAR 'GYUR TE, 'JIG PA DANG BRAL BA'I PHYIR RO, ,PHYIS 'JIG PA'I PHYIR RTAG PAR MI 'GYUR RO ZHE NA, DE YANG MA YIN TE, SNGAR 'JIG PA DANG BRAL BA NI NAM MKHA' BZHIN DU PHYIS KYANG 'JIG PA DANG 'BREL BA MED PA'I PHYIR RO, ,GAL TE SKYES MA THAG TU 'JIG PAS 'GAG PAR KHAS LEN NA, 'GAGS PAR GYUR PA NI YOD PA MA YIN PA'I PHYIR JI LTAR 'BRAS BU BSKYED PAR 'GYUR TE MI 'GYUR BA KHO NA'O ZHE NA, GNYIS PA DE'I LAN BSTAN PA LA MI 'THAD PA'I PHYOGS DGAG 'THAD PA'I PHYOGS DGOD PA GNYIS KYI, DANG PO LA PHYOGS SNGA MA DGOD PA NI, 'DI LA SDE PA KHA CIG LAN 'DEBS PA NI, RE SHIG KHO BO CAG LA LAS RTAG PA'I NYES PAR MI 'GYUR TE, SKYES MA THAG TU 'JIG PA'I PHYIR, GAL TE 'GAGS NA 'GAGS GYUR PAS, ,JI LTAR 'BRAS BU SKYED PAR BYED, ,CES PA'I SKYON YANG MED TE, MYU GU LA SOGS RGYUN GANG NI, ,SA BON LAS NI MNGON PAR 'BYUNG, ,DE LAS 'BRAS BU SA BON NI, ,MED NA DE YANG 'BYUNG MI

081b

'GYUR; 'DIR SA BON SKAD CIG MA YIN YANG MYU GU DANG SDONG BU DANG, SBUBS 'CHOS PA DANG, LO MA LA SOGS PA'I RGYUN 'BYUNG BAR 'GYUR BA'I RGYU NI DNGOS POR GYUR NAS 'GAG PA YIN LA, MYU GU LA SOGS PA'I RGYUN GANG SA BON LAS MNGON PAR 'BYUNG BA DE LAS NI RGYU CHUNG NGU YIN DU ZIN KYANG RIM GYIS LHAN CIG BYED RKYEN MA TSANG BA MED PAS 'BRAS BU'I TSOGS RGYA CHEN PO SKYE BAR 'GYUR RO, ,SA BON MED NA MYU GU LA SOGS PA'I RGYUN DE YANG 'BYUNG BAR MI 'GYUR RO, ,GAL TE SA BON MYU GU LA SOGS PA'I RGYUN GYI RKYEN DU MA GYUR PAR 'GAGS PAR GYUR NA, CHAD PAR THAL BAR 'GYUR NA, GANG PHYIR SA BON LAS RGYUN DANG, RGYUN LAS 'BRAS BU 'BYUNG 'GYUR ZHING, SA BON 'BRAS BU'I SNGON 'GRO BA, ,DE PHYIR CHAD MIN RTAG MA YIN, ,GANG GI PHYIR SA BON LAS RGYUN DANG RGYUN LAS 'BRAS BU 'BYUNG BA DE'I PHYIR SA BON RGYUN CHAD PA YANG MA YIN LA, GAL TE SA BON MI 'GAG CING MYU GU LA SOGS PA'I RGYUN 'BYUNG NA SA BON RTAG PAR 'GYUR NA SA BON NI 'BRAS BU SKYE BA'I SNGON DU 'GRO ZHING 'GAG PA YIN PA DE'I PHYIR RTAG PA YANG MA YIN NO; ;JI LTAR SA BON LA TSUL JI LTAR SMRAS PA DE BZHIN DU, SEMS KYI RGYUN NI GANG YIN PA, ,SEMS LAS MNGON PAR 'BYUNG BAR 'GYUR, ,DE LAS 'BRAS BU SEMS LTA ZHIG ,MED NA DE YANG 'BYUNG MI 'GYUR, ,SEMS PA DGE BA DANG MTSUNGS PAR LDAN PA'I SEMS LAS DE'I RGYU CAN GYI SEMS KYI RGYUN GANG YIN PA DE MNGON PAR 'BYUNG BAR 'GYUR LA, SEMS DGE BAS YONGS SU BSGOS PA'I SEMS KYI RGYUN DE LAS LHAN CIG BYED PA'I RKYEN NYE BA NA 'BRAS BU YID DU 'ONG BA SKYE BAR 'GYUR RO, ,SEMS LTA ZHIG MED NA

082a

, ,SEMS KYI RGYUN DE YANG 'BYUNG BAR MI 'GYUR RO, ,GANG PHYIR SEMS LAS RGYUN DANG NI, ,RGYUN LAS 'BRAS BU 'BYUNG 'GYUR ZHING, ,LAS NI 'BRAS BU'I SNGON 'GRO BA, ,DE PHYIR CHAD MIN RTAG PA MIN, ,GAL TE DGRA BCOM PA THA MA'I SEMS LTAR DGE BA'I SEMS LAS RGYUN GCIG NAS GCIG TU RGYUD PA MI 'BYUNG ZHING 'GAG PAR 'GYUR NA CHAD PAR 'GYUR BA ZHIG NA, GANG GI PHYIR DGE BA'I SEMS LAS DE'I RGYU CAN GYI SEMS KYI RGYUN 'BYUNG ZHING RGYUN LAS 'BRAS BU YID DU 'ONG BA 'BYUNG BAR 'GYUR BA DE'I PHYIR CHAD PA MIN ZHING, GAL TE SEMS DE 'BRAS BU SMIN PA'I BAR DU MI 'JIG NA RTAG PAR 'GYUR BA ZHIG NA, SEMS DGE BA'I RANG BZHIN GYI LAS NI, 'BRAS BU SMIN PA'I DUS KYI SNGON DU 'GRO ZHING 'JIG PA DE'I PHYIR RTAG PA YANG MA YIN NO, , DE'I PHYIR LAS SKAD CIG MAR KHAS BLANGS KYANG RTAG PA DANG CHAD PA'I NYES PA YOD PA MA YIN NO, ,DKAR PO LAS KYI LAM BCU PO, ,CHOS SGRUB PA YIS THABS YIN TE, ,CHOS KYI 'BRAS BU 'DI GZHAN DU, ,'DOD PA'I YON TAN RNAM LNGA'O, ,JI SKAD BSTAN PA'I LAS KYI DBYE BA BSHAD PA 'DIR DGE BA BCU'I LAS KYI LAM YANG BSHAD PA YIN TE, LUS KYI GSUM DANG NGAG GI BZHI NI, ,NGAG DANG BSKYOD DANG MI SPONG BA'I, ,RNAM RIG BYED MIN ZHES BYA GANG, ,ZHES SOGS BSHAD LA, YID KYI GSUM PO NI, SEMS PA DANG NI, ZHES PAS BSHAD PA YIN NO, ,DE LTAR DKAR PO DGE BA'I LAS KYI LAM BCU PO DE DAG KYANG, BDAG NYID LEGS PAR SDOM PA DANG, GZHAN LA PHAN 'DOGS BYAMS SEMS GANG, DE CHOS ZHES PA'I MTSAN NYID CAN GYI CHOS SGRUB PA'I THABS SAM RGYU

082b

YIN LA, CHOS DE'I RNAM SMIN GYI 'BRAS BU NI, TSE 'DI LAS TSE RABS GZHAN DU GZUGS DANG SGRA DANG DRI DANG RO DANG REG BYA STE 'DOD PA'I YON TAN RNAM PA LNGA PO LONGS SPYOD PA YIN NO, ,GNYIS PA DE DAG DGAG PA NI, DE LTAR KHA CIG GIS BRTZAD PA'I LAN BTAB PA NA GZHAN DAG GIS DE LA SKYON BRJOD PA NI, GAL TE RTAG PA DER 'GYUR NA, NYES PA CHEN PO MANG POR 'GYUR, GAL TE SA BON GYI RGYUN DANG CHOS MTHUN PA'I SGO NAS SEMS KYI RGYUN LA RTAG PA DANG CHAD PA'I NYES PA SPONG BA'I RTAG PA DER 'GYUR NA, DE'I TSE GZHAN GYI PHYOGS LA MTHONG PA DANG MA MTHONG BA DANG 'GAL BA'I NYES PA CHEN PO DANG GRANGS SHIN TU MANG PO NYID DU 'GYUR RO, ,JI LTAR ZHE NA, GAL TE SA BON GYI RGYUN DANG CHOS MTHUN NA JI LTAR SA LU'I SA BON LAS SA LU'I MYU GU LA SOGS PA'I RIGS MTHUN PA'I RGYUN KHO NA 'BYUNG GI RIGS MI MTHUN PA MI 'BYUNG BA DANG, SA LU'I MYU GU LA SOGS PA'I RGYUN LAS KYANG SA LU'I 'BRAS BU KHO NA 'BYUNG GI RIGS MI MTHUN PA NIM PA'I 'BRAS BU SOGS MI 'BYUNG BA LTAR DGE BA'I SEMS LAS KYANG DGE BA'I SEMS KYI RGYUN KHO NA 'BYUNG GI MI DGE BA LA SOGS PA RIGS MI MTHUN PA'I SEMS MI 'BYUNG BA DANG, DE BZHIN DU MA DGE BA DANG LUNG MA BSTAN GYI SEMS LA YANG RIGS MTHUN PA KHO NA 'BYUNG GI ,RIGS MI MTHUN PA MI 'BYUNG BAR 'GYUR ZHING, 'DOD PA LA SOGS PA KHAMS GSUM GYI SEMS LA YANG RIGS MTHUN PA KHO NA 'BYUNG BAR 'GYUR GYI RIGS MI MTHUN PA MI 'BYUNG BA DANG, MI'I SEMS LAS KYANG MI'I SEMS KHO NA 'BYUNG BAR 'GYUR GYI 'GRO BA GZHAN GYI SEMS MI 'BYUNG BA SOGS SU 'GYUR LA, DE LTA NA GANG ZHIG MI YIN

083a

, ,PA DE MI KHO NAR 'GYUR ZHING, GANG ZHIG LHA YIN PA DE LHA KHO NAR 'GYUR NA DE YANG RIGS PA MA YIN NO, ,DE LTA BAS NA BRTAG PA DE, 'DIR NI 'THAD PA MA YIN NO, ,GANG GI PHYIR SA BON GYI RGYUN DANG CHOS MTHUN NA NYES PA CHEN PO MANG POR 'GYUR BA DE LTA BAS NA SA BON DANG CHOS MTHUN PA'I BRTAG PA DE LAS 'BRAS KYI 'BREL PA STON PA'I SKABS 'DIR MI 'THAD DO, ,GNYIS PA 'THAD PA'I PHYOGS 'GOD PA NI, SANGS RGYAS RNAMS DANG RANG RGYAL DANG, ,NYAN THOS RNAMS KYIS GANG GSUNGS PA'I, ,BRTAG PA GANG ZHIG 'DIR 'THAD PA, ,DE NI RAB TU BRJOD PAR BYA, ,BRTAG PA DE YANG GANG ZHE NA, DPANG RGYA JI LTA DE BZHIN CHUD, ,MI ZA LAS NI BU LON BZHIN, ,DE NI KHAMS LAS RNAM PA BZHI, ,DE YANG RANG BZHIN LUNG MA BSTAN, ,'DIR LAS NI SKYES MA THAG TU 'JIG LA DE 'GAGS PAS 'BRAS BU MED PAR MI 'GYUR TE, GANG GI TSE LAS SKYES PA DE NYID KYI TSE BYED PA PO'I RGYUD LA CHUD MI ZA BA ZHES BYA BA LDAN PA MA YIN PA'I CHOS BU LON GYI DPANG RGYA DANG 'DRA BA ZHIG SKYE BAR 'GYUR RO, ,DE LTAR NA DPANG RGYA JI LTA BA DE BZHIN DU CHUD MI ZA BA RIG PAR BYA LA GANG LA CHUD MI ZA BA SKYES PA'I LAS NI BU LON BZHIN DU RIG PAR BYA STE, JI LTAR BU LON GYI DPANG RGYA BZHAG NAS NOR SPYAD KYANG NOR BDAG GI NOR CHUD MI ZA ZHING, DUS GZHAN GYI TSE SKYED DANG BCAS PA'I NOR GYIS PHUNG PO 'GUGS PA DE BZHIN DU LAS ZHIG TU ZIN KYANG CHUD MI ZA BA ZHES BYA BA'I CHOS GZHAN GNAS PAS BYED PA PO LAS KYI 'BRAS BU DANG 'BREL BAR 'GYUR RO, ,YANG BU LON GYI DPANG RGYA NOR BDAG LA NOR BKUG NAS ROR GYUR PA NI YOD DAM MED KYANG RUNG SLAR

083b

NOR 'GUG MI NUS PA BZHIN DU CHUD MI ZA BA YANG RNAM PAR SMIN PA PHYUNG NAS YOD DAM MED KYANG RUNG STE, BYED PA PO RNAM SMIN DANG 'BREL BAR BYED MI NUS SO, ,JI SKAD BSHAD PA'I CHUD MI ZA BA DE NI 'DOD PA DANG, GZUGS DANG, GZUGS MED PA'I KHAMS DANG ZAG PA MED PA'I DBYE BA LAS RNAM PA BZHI STE, 'DOD PA'I LAS KYI CHUD MI ZA BA NI 'DOD KHAMS PA YIN LA, ZAG MED KYI LAS KYI CHUD MI ZA BA YANG ZAG MED YIN NO ZHES BYA BA'I BAR DU'O, ,DE NI DGE MI DGER BRDA MI SPROD PA'I PHYIR RANG BZHIN GYIS LUNG DU MA BSTAN PA YIN TE, GAL TE MI DGE BA RNAMS KYI MI DGE BA YIN NA 'DOD PA LAS 'DOD CHAGS DANG BRAL BA'I BYIS PA RNAMS LA MI DGE BA'I CHUD MI ZA BA MED PAR 'GYUR ZHING, DGE BA RNAMS KYI DGE BA YIN NA DGE BA'I RTZA BA CHAD PA RNAMS LA DGE BA'I CHUD MI ZA BA MED PAR THAL BA'I PHYIR RO, ,GZHAN YANG, SPONG BAS SPANG BA MA YIN TE, ,BSGOMS PAS SPANGS PA NYID KYANG YIN, ,'PHAGS PA RNAMS KYANG SO SO SKYE BO'I LAS DANG LDAN PAR 'GYUR DU 'ONG BAS MTHONG LAM GYIS SO SO SKYE BO'I LAS SPONG GI SO SKYE'I LAS MTHONG LAM GYIS SPONG BAS DE'I CHUD MI ZA SPONG BA MA YIN TE, 'PHAGS PA RNAMS KYIS SO SKYE'I LAS KYI RNAM SMIN MI MYONG BAR THAL BA'I PHYIR RO, ,'ON KYANG CHUD MI ZA DE NI BSGOM PAS SPANG BA NYID KYANG YIN NO, ,KYANG ZHES PAS KHAMS LAS YANG DAG PAR 'DA' BAS KYANG SPANG BYA YIN NO ZHES PA'I DON TO, ,GANG GI PHYIR LAS ZHIG KYANG MI 'JIG CING LAS SPANGS KYANG MI YONG BA, DE PHYIR CHUD MI ZA BA YI, LAS KYI 'BRAS BU BSKYED PAR BYED, GAL TE CHUD MI ZA BA 'DI SPONG BAS SPANG BA DANG, LAS 'PHO BAS 'JIG PAR

084a

, ,GYUR NA NYES PA CI YOD CE NA, GAL TE SPONG BAS SPANG BA DANG, ,LAS 'PHO BA YI 'JIG 'GYUR NA, ,DE LA LAS 'JIG LA SOGS PA'I, ,SKYON RNAMS SU NI THAL BAR 'GYUR, ,GAL TE MTHONG LAM GYIS SO SO SKYE BO'I LAS SPONG BAS DE'I CHUD MI ZA YANG SPONG BA DANG LAS GZHAN LA 'PHO ZHING MNGON DU PHYOGS PA YIS LAS SNGA MA'I CHUD MI ZA 'JIG PAR 'GYUR NA PHYOGS DE LA LAS 'JIG CING BYAS PA CHUD ZOS PA DANG MA BYAS PA'I LAS LAS 'BRAS BU 'BYUNG BA LA SOGS SKYON RNAMS SU NI THAL BAR 'GYUR RO, ,'DI LTAR GAL TE SO SO SKYE BO'I LAS BZHIN DU MTHONG LAM GYIS CHUD MI ZA BA SPONG NA LAS 'JIG PA'I PHYIR 'PHAGS PA RNAMS LA SNGON GYI LAS KYI RNAM PAR SMIN PA YID DU 'ONG BA DANG MI 'ONG BA MYONG BAR MI 'GYUR ZHING, GAL TE MYONG NA YANG MA BYAS PA'I LAS LA 'BRAS BU 'BYUNG BAR 'GYUR RO, ,DE BZHIN DU LAS 'PHO BA LA YANG SBYAR RO, ,KHAMS MTSUNGS PA LAS NI CHA MTSUNGS DANG, CHA MI MTSUNGS PA THAMS CAD KYI, DE NI NYING MTSAMS SBYOR BA'I TSE, ,GCIG PO KHO NA SKYE BAR 'GYUR, ,'DOD PA DANG GZUGS DANG GZUGS MED PA'I KHAMS MTSUNGS PA'I LAS RNAMS NI DGE MI DGER RIGS MTHUN PA CHA MTSUNGS PA DANG RIGS MI MTHUN PA CHA MI MTSUNGS PA THAMS CAD KYI CHUD MI ZA BA DE NI KHAMS GSUM DU NYING MTSAMS SBYOR BA'I TSE SNGAR LAS JI SNYED PA'I CHUD MI ZA DE SNYED YOD PA KUN BSHIG NAS THAMS CAD LA CHUD MI ZA CIG PO KHO NA SKYE BAR 'GYUR RO, ,DE YANG KHAMS MTSUNGS PA RNAMS KYI YIN GYI, MI MTSUNGS PA RNAMS KYI MA YIN NO, ,MTHONG BA'I CHOS LA RNAM GNYIS PO, ,THAMS CAD LAS DANG LAS KYI

084b

DE; ;THA DAD PAR NI SKYE 'GYUR ZHING, ,RNAM PAR SMIN KYANG GNAS PA YIN, ,MTHONG BA'I CHOS TSE 'DI LA ZAG BCAS DANG ZAG MED KYI DBYE BAS CHUD MI ZA RNAM PA GNYIS PO THAMS CAD SEMS PA DANG BSAM PA'I RANG BZHIN GYI LAS DANG LAS KYI CHUD MI ZA LAS JI SNYED PA'I THA DAD PA RE RE SKYE BAR 'GYUR ZHING, CHUD MI ZA DE NI RNAM PAR SMIN PA PHYUNG ZIN KYANG MI 'GAG PAR GNAS PA YIN LA, YOD DU ZIN KYANG DPANG RGYA ROR GYUR PA DANG 'DRA BAR RNAM SMIN 'BYIN MI NUS SO, ,DE NI 'BRAS BU 'PHO BA DANG, ,SHI BAR 'GYUR NA 'GAG PAR 'GYUR, ,DE YI RNAM DBYE ZAG MED DANG, (SPYIR ZAG BCAS ZAG MED CES PA ZAG PA'I SGO DRUG DANG 'BREL MA 'BREL DANG, 'DOD PA SRID PA MA RIG PA LTA BA'I ZAG PA SPANGS MA SPANGS DANG SHES SGRIB SPANGS MA SPANGS KYIS 'JOG LA, ZAG PA'I SGO DRUG NI, KUN LAS BTUS SU,) ,ZAG DANG BCAS PAR SHES PAR BYA, ,CHUD MI ZA DE NI 'GAG PA RNAM PA GNYIS SU NGES TE, RGYUN ZHUGS LA SOGS PA'I 'BRAS BU BZHI PO SNGA MA NAS PHYI MAR 'PHO BA DANG SHI BAR GYUR PA NA 'GA' BAR 'GYUR RO, ,'BRAS BU 'PHO BA NA 'GAG PA NI, BSGOM PAS SPANG BA NYID KYANG YIN ZHES BSHAD PA LTA BU'O, ,SHI BA NA 'GAG PA NI, DE NI NYING MTSAMS SBYOR BA'I TSE, ,GCIG PO KHO NA SKYE BAR 'GYUR, ,ZHES BSHAD PA LTAR RO, ,CHUD MI ZA DE YI RNAM DBYE ZAG PA MED PA DANG ZAG PA DANG BCAS PA GNYIS SU SHES PAR BYA ZHING, CHOS ZAG MED RNAMS KYI NI ZAG MED YIN LA, ZAG BCAS RNAMS KYI NI ZAG BCAS YIN NO, ,DE LTAR NA STONG PA NYID DANG CHAD MED DANG, ,'KHOR BA DANG NI RTAG MIN DANG, ,LAS RNAMS CHUD MI ZA BA'I CHOS, ,SANGS RGYAS RNAMS KYIS BSTAN PA YIN, ,GANG GI PHYIR LAS NI BYAS

085a

, ,NAS 'GAG GI RANG BZHIN GYIS MI GNAS PA'I PHYIR STONG PA NYID DU 'THAD PA YIN NO, ,DE LTA NA LAS MI GNAS PAS CHAD PAR THAL BA MED DE, CHUD MI ZA BA'I YONGS SU BZUNG BA'I LAS KYI 'BRAS BU YOD PA'I PHYIR DANG, CHUD MI ZA BA'I CHOS YOD PA'I PHYIR DANG, SA BON GYI RGYUN DANG CHOS MTHUN PA'I NYES PA MED PA'I PHYIR 'GRO BA DANG RIGS DANG SKYE GNAS DANG, KHAMS SNA TSOGS PA'I DBYE BAS PHYE BA'I 'GRO BA LNGA'I 'KHOR BA BKRA BA YANG GRUB PA YIN NO, ,LAS RANG GI NGO BOS MI GNAS PA'I PHYIR RTAG PA YANG MIN LA, CHUD MI ZA YOD PA'I PHYIR LAS RNAMS CHUD MI ZA BA ZHES BYA BA DE LTA BU'I CHOS 'DI MA RIG PA'I GNYID MA LUS PA DANG BRAL BAS SAD PAR GYUR PA SANGS RGYAS BCOM LDAN 'DAS KYIS BSTAN PA YIN NO, ,DE'I PHYIR, GAL TE SMIN PA'I DUS BAR DU, ,GNAS NA LAS TE RTAG PAR 'GYUR, ,ZHES SOGS KYI NYES PA KHO BO CAG GI PHYOGS LA MI 'BYUNG ZHING, KHO BO CAG GIS BRJOD PA'I RTAG PA KHO NA RIGS SO ZHES ZER RO, ,GNYIS PA DE DGAG PA LA LAS RANG BZHIN MED PAR BSTAN, ,RANG BZHIN MED PA LA BYA BYED RUNG BA DPES BSTAN PA DANG GNYIS KYI, DANG PO LA LAS KYI NGO BO DGAG RGYU DGAG 'BRAS BU DGAG RNAM SMIN ZAB PO DGAG PA DANG BZHI'I, DANG PO NI, LAS NYID KYANG MI 'THAD NA DE'I RNAM PAR SMIN PA'I RGYU CAN GYI RTZOD PA BYED PA KHYOD NI DRI ZA'I GRONG KHYER GYIR BA 'GYEL GYIS DOGS PAS CHES YID 'BYUNG ZHING DE BSRUNG BA'I NGAL BAS TSEG CHER GYUR PA LTAR MKHAS PAS BZHAD GAD DU BYA BA ZHIG STE, GAL TE LAS RANG GI NGO BOS SKYE BAR 'GYUR NA, DE RNAM PAR SMIN PA'I BAR DU GNAS PAS

085b

RTAG PA DANG 'JIG PAS CHAD PAR 'GYUR BA ZHIG NA, GANG PHYIR LAS NI SKYE BA MED, DE LTAR RANG BZHIN MED DE'I PHYIR, GANG GI PHYIR LAS NI RANG BZHIN GYIS SKYE BA MED DE, 'DI LTAR RANG BZHIN MED CING RANG BZHIN GYIS STONG PA DE'I PHYIR, GANG GI TSE RANG BZHIN GYIS STONG PAS SKYE BA MED PA DE'I TSE GANG LAS DPYAD PA 'DIR 'GYUR BA LAS GNAS PA'AM 'JIG PA YOD PAR GA LA 'GYUR, GAL TE LAS RANG BZHIN GYIS STONG PAS MI SKYE NA, BCOM LDAN 'DAS KYIS, (YANG NA 'DI'I DON 'DI YIN TE JI SRID 'JIG RTEN LAS 'DAS PA'I LAM MA THOB KYI BAR DU DGE BA'AM MI DGE BA LAS BYAS SHING BSAGS PA RNAMS KYI RNAM PAR SMIN PA CHUD MI ZA BA LA DGONGS NAS,) LUS CAN RNAMS KYIS LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,ZHES GSUNGS PA CI ZHE NA, GANG PHYIR DE NI MA SKYES PA, ,DE PHYIR CHUD ZAR MI 'GYUR RO, ,GAL TE LAS KYI NGO BO SNGAR YOD PA PHYIS MED PAR GYUR NA CHUD ZA BAR 'GYUR BA ZHIG NA, GANG GI PHYIR LAS DE NI RANG BZHIN GYIS SKYE BA MED PA DE'I PHYIR YOD PA MED PAR GYUR PA'I MTSAN NYID CAN GYI CHUD ZA BAR MI 'GYUR RO ZHES BYA BAR DGONGS PA YIN TE, DE'I PHYIR TSUL DES KHO BO LA MI GNOD DO, ,LAS RANG BZHIN MED DO ZHES BYA BA DE LTAR GDON MI ZA BAR SHES PAR BYA STE, GZHAN DU NA, GAL TE LAS LA RANG BZHIN YOD, , RTAG PAR 'GYUR BA THE TSOM MED, ,LAS NI BYAS PA MA YIN 'GYUR, ,RTAG LA BYA BA MED PHYIR RO, ,GAL TE LAS LA RANG BZHIN YOD NA LAS NI RTAG PAR 'GYUR BAR THE TSOM MED DE, RANG BZHIN NI GZHAN DU 'GYUR BA MED PA'I PHYIR RO, ,DE LTA NA LAS NI BYAS PA

086a

, ,MA YIN PAR 'GYUR TE, RTAG PA LA BYA BA MED PA'I PHYIR TE, RTAG PA NI YOD PA YIN LA YOD PA LA RKYEN GYI BYA BA MED PA'I PHYIR RO, ,CI STE LAS NI MA BYAS NA, MA BYAS PA DANG PHRAD 'JIG 'GYUR, ,TSANGS SPYOD GNAS PA MA YIN PA'ANG, ,DE LA SKYON DU THAL BAR 'GYUR, ,CI STE LAS DE MA BYAS NA, DE'I TSE GANG GIS SROG GCOD PA LA SOGS MA BYAS PA DE LA YANG LAS DE MA BYAS KYANG YOD PAS MA BYAS PA DANG PHRAD PA'I 'JIGS PAR YANG 'GYUR RO, ,'GA' YANG TSANGS SPYOD LA GNAS PA MA YIN PA'ANG PHYOGS DE LA SKYON DU THAL BAR 'GYUR TE, TSANGS SPYOD LA GNAS PA YONGS SU DAG PA RNAMS LA YANG MI TSANGS SPYOD MA BYAS PAR YANG YOD PA'I PHYIR RO, ,DE'I PHYIR 'GA' YANG MYA NGAN LAS 'DA' BAR MI 'GYUR RO, ,GZHAN YANG, THA SNYAD THAMS CAD NYID DANG YANG, ,'GAL BAR 'GYUR BA THE TSOM MED, ,BSOD NAMS DANG NI SDIG BYED PA'I, ,RNAM PAR DBYE BA'ANG 'THAD MI 'GYUR, ,GANG DAG ZHING RMO BA DANG TSONG LA SOGS PA'I BYA BA 'BRAS BU'I DON DU RTZOM PA KUN KYANG MA BYAS PAR YOD PA'I PHYIR; RTZOM PA DON MED PAR 'GYUR LA, BUM PA GYIS SHIG SNAM BU THOGS SHIG CES BYA BA LA SOGS PA 'JIG RTEN GYI THA SNYAD THAMS CAD DANG YANG 'GAL BAR 'GYUR BA THE TSOM MED DE, BUM PA LA SOGS PA THAMS CAD MA BYAS PAR YOD PA'I PHYIR RO, , 'DI NI BSOD NAMS BYAS PA'O, ,'DI NI SDIG PA BYAS PA'O ZHES PA'I RNAM PAR DBYE BA'ANG 'THAD PAR MI 'GYUR TE, BSOD NAMS DANG SDIG PA BYED PA GNYIS PO RE RE LA YANG MA BYAS KYANG BSOD NAMS DANG SDIG PA DAG YOD PA'I PHYIR RO, ,GZHAN YANG, DE NI

086b

RNAM PAR SMIN GYUR PA, ,YANG DANG YANG DU SMIN PAR 'GYUR, ,GAL TE RANG BZHIN YOD NA NI, ,GANG PHYIR LAS GNAS DE YI PHYIR, ,LAS DE NI RNAM PAR SMIN PA SMIN ZIN KYANG YANG DANG YANG DU RNAM PAR SMIN PAR 'GYUR TE, RNAM SMIN MA PHYUNG BA'I GNAS SKABS LTAR RANG GI NGO BO MA NYAMS PA'I PHYIR RO, ,DE'I PHYIR GAL TE LAS LA RANG BZHIN YOD PAR KHAS LEN NA, ,GANG GI PHYIR RANG BZHIN DANG BCAS PA'I LAS RNAM PAR GNAS PA DE'I PHYIR JI SKAD BSHAD PA'I NYES PAR 'GYUR RO, ,DE'I PHYIR LAS LA RANG BZHIN MED LA RANG BZHIN MED PA DE'I PHYIR KHO BO CAG LA RTAG PA DANG CHAD PA'I SKYON DU MI 'GYUR RO, ,GNYIS PA NI, GAL TE LAS LA RANG BZHIN YOD DE, DE'I RGYU YOD PA'I PHYIR, YOD PA MA YIN PA LA NI RGYU MED DE, RUL SBAL GYI SPU'I GOS BZHIN, LAS KYI RGYU NYON MONGS PA RNAMS NI YOD DE, MA RIG PA'I RKYEN GYIS 'DU BYED RNAMS SO, ,LEN PA'I RKYEN GYIS SRID PA'O ZHES 'BYUNG BA'I PHYIR RO ZHE NA, DE YANG MI RIGS TE, LAS 'DI NYON MONGS BDAG NYID LAS, ,NYON MONGS DE DAG YANG DAG MIN, ,GAL TE NYON MONGS YANG DAG MIN, ,LAS NI YANG DAG JI LTAR YIN, ,LAS 'DI NYON MONGS BDAG NYID LAS TE NYON MONGS PA'I RGYU CAN YIN LA, NYON MONGS DE DAG YANG DAG PAR YOD PA MIN TE, GANG DAG SDUG DANG MI SDUG DANG, PHYIN CI LOG LA BRTEN 'BYUNG BA, ,DE DAG RANG BZHIN LAS MED DE, ,DE PHYIR NYON MONGS YANG DAG MED, ,CES 'CHAD PAR 'GYUR BA'I PHYIR RO, ,DE'I PHYIR GAL TE NYON MONGS PA YANG DAG MIN PA DE'I TSE DE'I RGYU CAN GYI LAS NI YANG DAG JI LTAR YIN PAR 'GYUR, DE'I PHYIR LAS LA RANG BZHIN MED DO, ,

087a

, ,GSUM PA NI, LAS DANG NYON MONGS PA YOD DE, DE DAG GI 'BRAS BU LUS ZHES BYA BA DMIGS PA'I PHYIR RO ZHE NA, DE YANG MI RIGS TE, LAS DANG NYON MONGS PA DAG NI, LUS RNAMS KYI NI RKYEN DU BSTAN, GAL TE LAS DANG NYON MONGS PA, ,DE STONG LUS LA JI LTAR BRJOD, LAS DANG NYON MONGS DAG NI THA SNYAD TZAM DU LUS KYI RKYEN DU BSTAN GYI YANG DAG PAR MA YIN TE, LAS DANG NYON MONGS DE DAG J LTAR RANG BZHIN MED PA DE LTAR NI SNGAR BSTAN ZIN LA, GAL TE LAS DANG NYON MONGS PA DAG RANG BZHIN GYIS STONG PA YIN PA DE'I TSE DE DAG GI 'BRAS BU LUS LA RANG BZHIN YOD PAR JI LTAR BRJOD DU YOD DE YOD PA MA YIN NO SNYAM DU DGONGS SO, ,BZHI PA NI, LAS LA RANG BZHIN YOD DE, DE'I 'BRAS BU ZA BA PO YOD PA'I PHYIR RO, ,'DI LTAR; MA RIG BSGRIBS PA'I SKYE BO GANG, ,SRED LDAN DE NI ZA BA PO, ,DE NI BYED LAS GZHAN MIN ZHING, ,DE NYID DE YANG MA YIN NO, ,NYON MONGS PA CAN GYI MA RIG PAS BSGRIBS PA'I SKYE BO GANG SRED PA'I KUN TU SBYOR BA DANG LDAN PA DE NI LAS KYI 'BRAS BU ZA BA PO YIN TE, 'ON KYANG SDIG PA'I LAS 'DI NI RANG GI BYAS PA YIN LA, 'DI'I RNAM PAR SMIN PA NI RANG NYID KYIS SO SOR NYAMS SU MYONG BAR BYA BA YIN NO ZHES 'BYUNG BA'I PHYIR RO, ,DE YANG LAS BYED PA PO LAS GZHAN MA YIN ZHING DE NYID DE YANG MA YIN TE, DE NYID DANG GZHAN DU BRJOD DU MED PA'I PHYIR RO, ,DE'I PHYIR 'BRAS BU ZA BA PO YOD DO ZHE NA, LAS YOD PA MA YIN NA DE'I BYED PA PO DANG 'BRAS BU ZA BA PO YOD PAR GA LA 'GYUR TE, 'DI LTAR, GANG GI PHYIR NA LAS 'DI NI, ,RKYEN LAS BYUNG BA MA YIN ZHING, ,

087b

RKYEN MED LAS 'BYUNG YOD MIN PA, ,DE PHYIR BYED PA PO YANG MED, ,GAL TE LAS DANG BYED MED NA, ,LAS SKYES 'BRAS BU GA LA YOD, ,CI STE 'BRAS BU YOD MIN NA, ,ZA BA PO LTA GA LA YOD, ,GAL TE LAS YOD NA RKYEN LAS BYUNG BA'AM RKYEN MA YIN PA LAS 'BYUNG BA LA RTOG DRANG, DANG PO MI RIGS TE, RKYEN BRTAG PAR BSHAD ZIN PA'I PHYIR RO, ,GNYIS PA YANG MI RIGS TE, RGYU MED NA NI 'BRAS BU DANG, ,RGYU YANG ZHES SOGS BYED PA PO DANG LAS BRTAG PAR BSHAD ZIN PA'I PHYIR RO, ,GANG GI PHYIR JI SKAD PA'I TSUL GYIS LAS 'DI RKYEN LAS BYUNG BA MA YIN ZHING, RKYEN MIN LAS KYANG 'BYUNG BA YOD PA MIN PA DE'I PHYIR 'DI'I BYED PA PO MED LA, GANG GI TSE LAS DANG BYED PA PO MED PA DE'I TSE LAS LAS SKYES PA'I 'BRAS BU RGYU MED PA GA LA YOD, CI STE 'BRAS BU YOD PA MIN NA ZA BA PO YANG LTA GA LA YOD DE, 'DI LTAR THAMS CAD RANG BZHIN GYIS YOD PA MA YIN NO ZHES SHES PAR BYA'O, ,GNYIS PA RANG BZHIN MED PA LA BYA BYED 'THAD PA DPES STON PA NI, DE LTAR KHYED KYIS DNGOS PO THAMS CAD RANG BZHIN MED PAR RNAM PAR BZHAG PA NA BCOM LDAN 'DAS KYIS, RANG GI BYAS PA'I LAS KYI RNAM PAR SMIN PA RANG NYID KYIS MYONG BAR 'GYUR RO ZHES GSUNGS PA'I TSUL 'DIS BSAL BAR 'GYUR LA, LAS DANG 'BRAS BU LA SKUR PA BTAB PA'I PHYIR KHYOD NI MED PA PA RNAMS KYI GTZO BOR GYUR PA YIN NO ZHE NA, KHO BO CAG NI MED PA MA YIN TE, YOD PA DANG MED PA GNYIS SU SMRA BA BSAL NAS GNYIS SU MED PA'I LAM RTEN CING 'BREL PAR 'BYUNG BA ZAB MO MYA NGAN LAS 'DAS PA'I GRONG KHYER DU 'GRO BA GSAL BAR BYED PA YIN NO, ,KHO BO CAG NI LAS

088a

, ,DANG 'BRAS BU DANG BYED PA PO LA SOGS PA RNAMS MED DO ZHES MI SMRA'I, ,'ON KYANG 'DI DAG RANG BZHIN MED DO ZHES RNAM PAR 'JOG GO ,CI STE RANG BZHIN MED PA LA BYA BYED MI RUNG BA'I PHYIR NYES PA SO NA 'DUG GO SNYAM NA, DE YANG MA YIN TE, RANG BZHIN DANG BCAS PA KHO NA LA BYA BA MA MTHONG BA'I PHYIR DANG RANG BZHIN MED PA RNAMS KHO NA LA BYA BA MTHONG BA'I PHYIR RO, ,'DI LTAR BUM PA LA SOGS PA RANG BZHIN MED PA DAG KHO NA 'JIG RTEN NA CHU SKYOR BA LA SOGS PA RANG GI BYA BA BYED PAR DMIGS PA'I PHYIR RO, ,GZHAN YANG RANG BZHIN MED PA LA BYA BYED RUNG BA 'DI NI DPE CHES GSAL BA 'DI LAS NGES PAR BYA STE, JI LTAR STON PAS SPRUL PA NI, ,RDZU 'PHRUL PHUN TSOGS KYIS SPRUL CING, ,SPRUL PA DE YANG SPRUL PA NI, ,SLAR YANG GZHAN NI SPRUL PA LTAR, ,JI LTAR STON PA BCOM LDAN 'DAS KYIS RDZU 'PHRUL PHUN SUM TSOGS PA'I MTHUS RANG DANG 'DRA BA'I SPRUL PA SPRUL LA, SPRUL PA DE YANG SLAR YANG SPRUL PA GZHAN ZHIG SPRUL PAR BYED PA NA, SPRUL PA GANG ZHIG SPRUL PA GZHAN SPRUL PA PO NI STONG ZHING RANG BZHIN MED PA YIN NO, ,YANG GANG ZHIG SPRUL PAS SPRUL PA'I SPRUL PA GZHAN DE YANG STONG ZHING RANG BZHIN MED PA YIN MOD, DE LTA NA YANG RANG BZHIN MED PA'I SPRUL PA DE RNAMS BYA BA DANG BYED LAS DANG BYED PA PO LA SOGS PA'I THA SNYAD YOD PA, DE BZHIN BYED PO DES LAS GANG, ,BYAS PA'ANG SPRUL PA'I RNAM PA BZHIN, ,DPER NA SPRUL PAS SPRUL GZHAN ZHIG ,SPRUL PA MDZAD PA DE BZHIN NO, ,'DIR LAS BYED PA PO GANG YIN PA DE NI SPRUL PA'I RNAM PA BZHIN TE RANG BZHIN GYIS STONG PA YIN LA, RANG BZHIN MED PA'I BYED

088b

PA PO DES BYAS PA'I LAS GANG YIN PA DE YANG RANG BZHIN GYIS STONG STE, DPER NA SPRUL PAS SPRUL PA GZHAN ZHIG SPRUL PA MDZAD PA DE BZHIN DU RIG PAR BYA'O, ,SPRUL PA'I DPES RANG BZHIN MED PAR LTA BA 'THAD PAR MA ZAD, DPE 'DI DAG GIS KYANG DNGOS PO RNAMS RANG BZHIN MED PAR GSAL BAR SHES PAR BYA STE 'DI LTAR, NYON MONGS LAS DANG LUS RNAMS DANG, ,BYED PA PO DANG 'BRAS BU DAG ,DRI ZA'I GRONG KHYER LTA BU DANG, ,SMIG RGYU RMI LAM 'DRA BA YIN, ,'DOD CHAGS LA SOGS PA'I NYON MONGS PA DANG; BSOD NAMS DANG BSOD NAMS MA YIN PA DANG MI G-YO BA'I LAS DANG, LUS KHOG PA DANG, BYED PA PO BDAG DANG, 'BRAS BU RNAM SMIN DANG, BDAG PO DANG RGYU MTHUN PA DAG NI YUL DANG DUS KYI BYE BRAG GIS BAR SNANG DU KHANG BZANGS DANG SKYES PA DANG BUD MED SOGS KYI SNANG PA 'BYUNG BA DRI ZA'I GRONG KHYER DANG, NYI ZER RLUNG GIS BSKYOD PA LAS CHU SHIN TU DVANG BA'I SNANG BA 'BYUNG BA SMIG RGYU DANG, RMI LAM LTAR SHES PA 'KHRUL BA'I SNANG BA LA BDEN PAR SGRO BTAGS PA TZAM DU ZAD KYI RANG BZHIN MED PAR SHES PAR BYA'O, ,DE'I PHYIR DNGOS PO RNAMS RANG BZHIN DANG BCAS PAR THA SNYAD DU YANG KHAS MA BLANGS PAS DBU MA PA RNAMS KHO NA LA RTAG PA DANG CHAD PAR LTA BA GNYIS SU THAL BA MED PA YIN NO ZHES SHES PAR BYA'O, ,DBU MA RTZA BA'I SHES RAB LAS LAS BRTAG PA ZHES BYA BA RAB TU BYED PA BCU BDUN PA'I 'GREL PA'O,, ` ,,BCO BRGYAD PA BDAG BRTAG PA LA, DE KHO NA NYID LA 'JUG TSUL, DE LA LUNG 'GAL SPANG BA, DE KHO NA NYID BSTAN PA'I RIM PA, DE KHO NA NYID KYI MTSAN NYID, DE KHO NA NYID KYI CHE BA DANG

089a

, ,LNGA'I, DANG PO LA DNGOS DANG, DE'I 'BRAS BU MYANG 'DAS BSTAN PA GNYIS KYI, DANG PO NI, 'DIR SMRAS PA, GAL TE NYON MONGS PA DANG LAS DANG LUS DANG BYED PA PO DANG 'BRAS BU RNAMS DRI ZA'I GRONG KHYER LA SOGS PA DANG 'DRA BAR DE KHO NA NYID MA YIN BZHIN DU BYIS PA RNAMS LA DE KHO NA NYID DU SNANG BA YIN NA, YANG 'DIR DE KHO NA NYID GANG ZHIG YIN, DE KHO NA NYID LA 'JUG PA YANG JI LTAR YIN ZHE NA, NANG DANG PHYI ROL GYI DNGOS PO RNAMS LA RANG BZHIN MA DMIGS PAS DE DAG LA BDAG DANG BDAG GIR 'DZIN PA RNAM PA THAMS CAD DU ZAD PA 'DI NI DE KHO NA NYID DO, ,DE KHO NA NYID LA 'JUG PA NI, DBU MA LA 'JUG PA LAS, NYON MONGS SKYON RNAMS MA LUS 'JIG TSOGS LA, ,LTA LAS BYUNG BAR BLO YIS MTHONG GYUR CING, ,BDAG NI 'DI YI YUL DU RTOGS BYAS NAS, ,RNAL 'BYOR PA DES BDAG 'DI 'GOG PAR BYED, ,CES GSUNGS PA LTAR 'DI NA RNAL 'BYOR PA DE KHO NA NYID LA 'JUG PAR 'DOD CING, NYON MONGS DANG SKYON MA LUS PA SPANG BAR 'DOD PAS NI DANG POR 'KHOR BA 'DI CI'I RTZA BA CAN YIN ZHES RTOG PAR BYED LA DE LTAR BRTAGS PA NA, 'KHOR BA 'JIG TSOGS LA LTA BA'I RTZA BA CAN DU MTHONG ZHING, BDAG NI 'JIG TSOGS LA LTA BA'I DMIGS PAR YANG MTHONG LA, BDAG MA DMIGS PAS 'JIG TSOGS LA LTA BA SPONG ZHING, DE SPANGS PAS NYON MONGS DANG SKYON MA LUS PA LDOG PAR MTHONG BAS, GANG ZHIG BDAG TU 'DZIN PA'I YUL BDAG CES BYA BA 'DI CI ZHIG CES THOG MAR BDAG KHO NA LA RTOG PAR BYED DO, ,BDAG DE YANG BRTAGS PA NA, PHUNG PO'I RANG BZHIN NAM PHUNG PO LAS THA DAD PA ZHIG TU

089b

'GYUR DRANG, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,GAL TE PHUNG PO RNAMS BDAG GI RANG BZHIN DU RTOG NA BDAG DE NI SKYE BA DANG 'JIG PA CAN DU 'GYUR TE, PHUNG PO NI SKYE BA DANG 'JIG PA LA BRTEN PA'I PHYIR RO, ,BDAG NI DE LTAR 'DOD PA YANG MA YIN TE, NYES PA DU MAR THAL BA'I PHYIR RO, ,'DI LTAR, MA BYUNG BA LAS BYUNG MIN TE, ,'DI LA SKYON DU THAL BAR 'GYUR, ,BDAG NI BYAS PAR 'GYUR BA DANG, 'BYUNG PA RGYU MED CAN DU'ANG 'GYUR, ,DE BZHIN DU, NYE BAR LEN NYID BDAG MA YIN, ,DE 'BYUNG BA DANG 'JIG PA YIN, ,NYE BAR BLANGS PA JI LTA BUR, ,NYE BAR LEN PA YIN PAR 'GYUR, ,ZHES 'CHAD PA LTAR RO, ,DE'I PHYIR PHUNG PO BDAG MA YIN NO, ,PHUNG PO LAS THA DAD PA YANG MI RUNG STE, ,GAL TE PHUNG PO RNAMS LAS GZHAN, , PHUNG PO'I MTSAN NYID MED PAR 'GYUR, ,GAL TE BDAG PHUNG PO RNAMS LAS DON GZHAN YIN NA, JI LTAR BA LANG LAS GZHAN PA'I RTA BA LANG GI MTSAN NYID CAN DU MI 'GYUR BA DE BZHIN DU BDAG LA PHUNG PO'I SPYI'I MTSAN NYID SKYE BA DANG 'JIG PA DANG GNAS PA'I MTSAN NYID MED PAR 'GYUR RO, ,GANG ZHIG DE LTA BU YIN PA DE NI YOD PA MA YIN PA'I PHYIR RAM 'DUS MA BYAS YIN PA'I PHYIR NAM MKHA'I ME TOG LTAR BDAG TU BRJOD PA RNYED PAR MI 'GYUR ZHING, BDAG 'DZIN GYI YUL DU'ANG MI RIGS SO, ,YANG NA 'DI'I DON GZHAN YIN TE, GAL TE BDAG PHUNG PO RNAMS LAS GZHAN YIN NA, PHUNG PO LNGA NI GZUGS SU RUNG BA DANG, NYAMS SU MYONG BA DANG, MTSAN MAR 'DZIN PA DANG, MNGON PAR 'DU BYED PA DANG, YUL SO SOR RNAM PAR RIG PA'I MTSAN NYID CAN YIN

090a

, ,NA, BDAG NI JI SKAD BSHAD PA'I PHUNG PO'I MTSAN NYID MED PAR 'GYUR ZHING, MTSAN NYID THA DAD PAR GRUB PAR 'GYUR LA, MTSAN NYID THA DAD PAR GRUB PA NI GZUGS LAS SEMS LTAR GZUNG DU YOD PAR 'GYUR NA 'DZIN PA YANG MA YIN NO, ,DE'I PHYIR PHUNG PO LAS THA DAD PAR YANG MED DO, ,DE LTAR THAR PA 'DOD PA RNAMS KYIS PHUNG PO LA BRTEN NAS BTAGS PA'I BDAG 'DI PHUNG PO'I MTSAN NYID CAN NAM, PHUNG PO LAS THA DAD PA ZHIG CES RNAM PAR DPYOD PA NA RNAM PA THAMS CAD DU MA DMIGS PA'I PHYIR DE RNAMS LA, BDAG NYID YOD PA MA YIN NA, BDAG GI YOD PAR GA LA 'GYUR, ,PHUNG PO RNAMS LA GCIG DANG THA DAD PA'I BDAG NYID YOD PA MA YIN NA BDAG TU BTAGS PA'I RGYU PHUNG PO LNGA'I DNGOS PO BDAG GI BA YOD PA GA LA 'GYUR, JI LTAR; SHING RTA TSIG NA DE'I YAN LAG KYANG TSIG PAS MI DMIGS PA DE BZHIN DU GANG GI TSE BDAG GI BDAG MED PAR RTOGS PA DE NYID KYI TSE PHUNG PO LNGA'I DNGOS PO BDAG GI BA YANG BDAG MED PAR NGES PAR RTOGS PAR 'GYUR RO, ,JI SKAD DU, RIN CHEN PHRENG BA LAS; NGAR 'DZIN LAS BYUNG PHUNG PO RNAMS, ,NGAR 'DZIN DE NI DON DU BRDZUN, ,GANG GI SA BON BRDZUN DE YI, ,SKYE BA BDEN PA GA LA YIN, ,PHUNG PO DE LTAR MI BDEN PAR, ,MTHONG NAS NGAR 'DZIN SPONG BAR 'GYUR, ,NGAR 'DZIN PA DAG SPANGS NAS NI, , PHYIS NI PHUNG PO 'BYUNG MI 'GYUR, ,ZHES BSHAD DO, ,BDAG DANG BDAG GI BA MI DMIGS PA'I PHYIR DON DAM PA MTHONG BA DANG, NYE BA'I RNAL 'BYOR BA NI NGES PAR, BDAG DANG BDAG GI ZHI BA'I PHYIR, ,NGAR 'DZIN NGA YIR 'DZIN MED 'GYUR, ,NGAR 'DZIN GYI

090b

YUL BDAG DANG NGA YIR 'DZIN PA'I YUL BDAG GI BA PHUNG PO LA SOGS PA ZHI BA STE MA SKYES SHING MA DMIGS PA'I PHYIR RNAL 'BYOR PA LA NGAR 'DZIN PA DANG NGA YIR 'DZIN PA MED PAR 'GYUR RO, ,GAL TE GANG LA NGAR 'DZIN PA DANG NGA YIR 'DZIN PA MED PA'I RNAL 'BYOR PA DE YOD PA MA YIN NAM, DE YOD NA BDAG DANG PHUNG PO YANG GRUB PO ZHE NA, NGAR 'DZIN NGA YIR 'DZIN MED GANG, ,DE YANG YOD PA MA YIN TE, ,NGAR 'DZIN NGA YIR 'DZIN MED PAR, ,GANG GIS MTHONG BAS MI MTHONG NGO, ,JI SKAD BSHAD PA'I TSUL GYIS BDAG DANG PHUNG PO RNAM PA THAMS CAD DU MA DMIGS PA'I PHYIR GANG ZHIG NGAR 'DZIN PA DANG NGA YIR 'DZIN PA MED PAR 'GYUR BA BDAG DANG PHUNG PO LAS THA DAD PAR DE YANG YOD PA MA YIN NO, ,DE LTAR YOD PA MA YIN PA'I RANG GI NGO BO NGAR 'DZIN PA DANG NGA YIR 'DZIN PA MED PAR GANG GIS MTHONG BA DES NI SPROS PA THAMS CAD DANG BRAL BA'I DE KHO NA NYID MI MTHONG NGO ZHES SHES PAR BYA'O, ,JI SKAD DU BCOM LDAN 'DAS KYIS, NANG GI BDAG NYID STONG PAR LTOS, ,PHYI ROL GYUR PA STONG PAR LTOS, ,GANG ZHIG STONG NYID SGOM BYED PA, ,DE YANG 'GA' ZHIG KYANG YOD MIN, ,ZHES GSUNGS PA LTAR RO, ,GNYIS PA NI, DE PHYIR, NANG DANG PHYI ROL NYID DAG LA, ,BDAG DANG BDAG GI SNYAM ZAD NA, ,NYE BAR LEN PA 'GAG 'GYUR ZHING, ,DE ZAD PAS NA SKYE BA ZAD, ,NYON MONGS PA THAMS CAD NI 'JIG TSOGS LA LTA BA'I RTZA BA CAN, 'JIG TSOGS LA LTA BA'I KUN 'BYUNG BA CAN, 'JIG TSOGS LA LTA BA'I RGYU CAN NO ZHES MDO LAS GSUNGS LA, 'JIG TSOGS LA LTA BA DE YANG NANG DANG PHYI ROL GYI DNGOS PO PHUNG PO KHAMS DANG SKYE

091a

, ,MCHED DAG LA BDAG DANG BDAG GI SNYAM ZAD TE, BDAG DANG BDAG GI BA 'DI'I DON LA SLOB DPON BLO GROS BRTAN PAS GRANGS CAN SOGS BDAG SHES PAR 'DOD PA RNAMS MING BZHI'I PHUNG PO RNAMS LA BDAG TU LTA ZHING GZUGS SOGS LA BDAG GIR LTA LA, BYE BRAG PA SOGS BDAG BEM POR 'DOD PA RNAMS GZUGS PHUNG LA BDAG TU LTA ZHING, GZHAN BZHI LA BDAG TU LTA BA BYED CES BSHAD CING, GANG DU 'JIGS TSOGS KYI LTA BA NYI SHU BSHAD PO DER YANG GZUGS BDAG YIN PA NAS RNAM PAR SHES PA BDAG YIN SOGS LNGA BDAG DU LTA ZHING LHAG MA BDAG GZUGS DANG LDAN PA SOGS BCO LNGA NI BDAG GIR LTA BA RNAMS MA DMIGS PAS SPONG BAR 'GYUR ZHING, DE SPANGS PAS KYANG 'DOD PA'I NYE BAR LEN PA LA SOGS PA NYE BAR LEN PA BZHI PO 'GAG PAR 'GYUR LA, NYE BAR LEN PA ZAD PAS NI YANG SRID PA'I MTSAN NYID CAN SKYE BA ZAD PAR 'GYUR RO, ,GANG GI PHYIR SKYE BA LDOG PA'I RIM PA DE LTAR RNAM PAR BZHAG PA DE'I PHYIR, LAS DANG NYON MONGS ZAD PAS THAR, 'DI LTAR NYE BAR LEN PA ZAD NA DE'I RKYEN CAN GYI SRID PA 'BYUNG BAR MI 'GYUR LA, NYE BAR LEN PA DANG SRID PA 'GAGS NA SKYE BA DANG RGA SHI SOGS MI 'BYUNG STE, DE LTAR NA, LAS DANG NYON MONGS PA ZAD PAS THAR, ZHES BYA BAR GNAS SO, ,'O NA LAS DANG NYON MONGS PA GANG ZAD PAS ZAD PAR 'GYUR ZHE NA, LAS DANG NYON MONGS RNAM RTOG LAS, ,DE DAG SPROS LAS SPROS PA NI, ,STONG PA NYID KYIS 'GAG PAR 'GYUR, ,BSOD NAMS DANG BSOD NAMS MA YIN PA'I LAS DANG 'DOD CHAGS LA SOGS PA'I NYON MONGS PA RNAMS NI GZUGS LA SOGS PA

091b

LA TSUL BZHIN MA YIN PAR RNAM PAR RTOG PA LAS 'BYUNG STE, 'DOD CHAGS ZHE SDANG GTI MUG RNAMS, ,KUN TU RTOG LAS 'BYUNG BAR GSUNGS, ,ZHES 'CHAD PAR 'GYUR ZHING, MDO LAS KYANG, 'DOD PA KHYOD KYI RTZA BA NI, ,SHES TE KUN TU RTOG LAS SKYE; ;KHYOD LA RTOG PAR MI 'GYUR BA, ,DE PHYIR NGAL MI 'BYUNG NGO, ,ZHES GSUNGS SO, ,RNAM PAR RTOG PA DE DAG KYANG SHES PA DANG SHES BYA BRJOD BYA DANG RJOD BYED, BUM PA DANG SNAM BU LA SOGS PA SPROS PA 'KHOR BA THOG MA MED PA NAS GOMS PA'I MTSAN NYID CAN LAS SKYE BAR 'GYUR RO, ,'JIG RTEN GYI SPROS PA DE YANG MA LUS PAR DNGOS PO THAMS CAD STONG PA NYID DU LTA BAS 'GAG PAR 'GYUR RO, ,GANG GI PHYIR DE LTAR STONG PA NYID SPROS PA MA LUS PA NYE BAR ZHI BA'I MTSAN NYID CAN LA BRTEN NAS SPROS PA DANG BRAL BAR 'GYUR ZHING, SPROS PA DANG BRAL BAS KYANG RNAM PAR RTOG PA LDOG CING RNAM RTOG LOG PAS LAS DANG NYON MONGS PA LDOG LA, DE DAG LOG PAS SKYE BA LDOG PA DE'I PHYIR STONG PA NYID KHO NA SPROS PA THAMS CAD LOG PA'I MTSAN NYID CAN YIN PAS MYA NGAN LAS 'DAS PA ZHES BYA'O, ,JI SKAD DU, BRGYA PA LAS, MDOR NA CHOS NI MI 'TSE BAR, ,DE BZHIN GSHEGS PA RNAMS KYIS GSUNGS, ,STONG NYID MYA NGAN 'DAS PA STE, ,'DIR NI DE GNYIS 'BA' ZHIG GO ,ZHES BSHAD PA LTAR RO, ,GNYIS PA DE LA LUNG 'GAL SPANG BA NI, GAL TE NANG DANG PHYI ROL DAG LA BDAG DANG BDAG GI SNYAM ZAD PA DE DE KHO NA NYID YIN NA, 'O NA BCOM LDAN 'DAS KYIS, BDAG NYID BDAG GI MGON YIN GYI, ,GZHAN NI SU ZHIG MGON DU 'GYUR, ,BDAG NYID LEGS PAR DUL BAS NI, ,

092a

, ,MKHAS PAS MTHO RIS THOB PAR 'GYUR, ,CES DANG, GNAG DANG DKAR PO'I LAS RNAMS 'JIG MI 'GYUR, ,BDAG GIS BYAS PA MYONG BAR 'GYUR BA YIN, ,ZHES RGYA CHER GSUNGS PA DANG JI LTAR MI 'GAL ZHE NA, 'DI NA BDAG DANG SEMS CAN MED, ,CHOS 'DI DAG NI RGYU DANG BCAS, ,ZHES DANG, DE BZHIN DU, CHOS THAMS CAD NI BDAG MED DO ZHES DE SKAD DU YANG BCOM LDAN 'DAS KYIS CI'I PHYIR MA GSUNGS, DE'I PHYIR BCOM LDAN 'DAS KYI BSTAN PA'I DGONGS PA BTZAL BAR BYA'O, ,BCOM LDAN 'DAS KYIS NI SPYIR GSUNG RAB LAS, BDAG GO ZHES KYANG BRTAGS GYUR CING, ,BDAG MED CES KYANG BSTAN PAR 'GYUR, ,SANGS RGYAS RNAMS KYI BDAG DANG NI, ,BDAG MED 'GA' MED CES KYANG BSTAN, ,DGONGS PA NI 'DI YIN TE, SANGS RGYAS BCOM LDAN 'DAS GDUL BYA DMAN PA DANG 'BRING DANG MCHOG RJES SU GZUNG BAR BZHED PA THUGS RJE CHEN PO MNGA' BA RNAMS KYIS GDUL BYA DMAN PA GANG DAG LTA BA NGAN PA'I RAB RIB GYIS BLO GROS KYI MIG BKAB PAS SNGON GYI MTHA' DANG PHYI MA'I MTHA' LA SKUR PA 'DEBS PAR ZHUGS PA 'JIG RTEN 'DI YANG MED, ,LEGS PAR BYAS PA DANG NYES PAR BYAS PA'I LAS RNAMS KYI 'BRAS BU RNAM PAR SMIN PA YANG MED, SEMS CAN BRDZUN TE SKYE BA YANG MED DO ZHES PA LA SOGS PAS 'JIG RTEN PHA ROL DANG BDAG LA SKUR PA 'DEBS PAR BYED PA MTHO RIS DANG BYANG GROL GYI LAM LA RGYAB GYIS PHYOGS PA RTAG PAR RGYUN DU SDIG PA MI DGE BA BYED PA RNAMS MI DGE BA LAS BZLOG PAR BYA BA'I PHYIR, 'GA' ZHIG DU, BDAG NI BDAG GI MGON YIN GYI, ,GZHAN NI SU ZHIG

092b

MGON DU 'GYUR, ,ZHES BDAG GO ZHES KYANG BRTAGS PAR 'GYUR CING RNAM PAR BZHAG GO ,GANG DAG 'JIG RTEN PA'I YANG DAG PA'I LTA BA DANG LDAN PAS DGE BA BYED CING MI DGE BA LAS LA LOG KYANG, BDAG DU YANG DAG PAR LTA BA'I SRAD BUS DAM DU BCINGS PAS KHAMS GSUM LAS 'DAS NAS MYA NGAN LAS 'DAS PA'I GRONG KHYER ZHI BAR 'GRO MI NUS PA GDUL BYA BAR MA DE DAG 'JIG TSOGS LA LTA BA LA MNGON PAR ZHEN PA, LHOD PAR BYA BA'I PHYIR DANG, MYA NGAN LAS 'DAS PA LA 'DUN PA BSKYED PAR BYA BA'I PHYIR; 'GA' ZHIG TU, 'DI NA BDAG DANG SEMS CAN MED, ,CHOS 'DI RGYU DANG BCAS SHES BYA, ,ZHES BDAG MED CES KYANG BSTAN PAR GYUR TO, ,GANG DAG SNGON GOMS PA'I KHYAD PAR GYIS ZAB MO'I CHOS LA LHAG PAR MOS PA RJES SU 'BREL BA'I SA BON YONGS SU SMIN PA THOB PA MYA NGAN LAS 'DAS PA LA NYE BAR GNAS PA, BDAG LA CHAGS PA DANG BRAL BA THUB PA'I DBANG PO'I GSUNG RAB KYI DON GYI DE KHO NA NYID MCHOG TU ZAB PA'I GTING DPOG PAR NUS PA GDUL BYA MCHOG TU GYUR PA DE DAG GI LHAG PAR MOS PA'I KHYAD PAR NGES PAR BZUNG NAS, JI LTAR BDAG TU LTA BA YANG DAG PA MA YIN PA DE BZHIN DU DE'I GNYEN POR GYUR PA BDAG MED PAR LTA BA YANG YANG DAG PA MA YIN PAR GZIGS NAS, 'OD SRUNG, BDAG CES BYA BA 'DI NI MTHA' GCIG GO ,BDAG MED CES BYA BA 'DI NI MTHA' GNYIS SO, ,MTHA' DE GNYIS KYI DBUS GANG YIN PA DE NI GZUGS MED PA BSTAN DU MED PA RTEN MED PA SNANG BA MED PA RNAM PAR RIG PA MED PA, GNAS MED PA STE, 'OD SRUNG 'DI NI DBU MA'I LAM CHOS RNAMS LA YANG DAG PAR SO SOR RTOG PA

093a

, ,ZHES BYA'O, ,ZHES SANGS RGYAS RNAMS KYIS BDAG 'GA' YANG MED LA, BDAG MED PA 'GA' YANG MED CES KYANG BSTAN TO, ,RIN CHEN PHRENG BA LAS KYANG, DE LTAR BDAG DANG BDAG MED PA, ,YANG DAG JI BZHIN DMIGS SU MED; ;BDAG DANG BDAG MED LTA BA NI, ,DE PHYIR THUB PA CHEN POS BZLOG ,MTHONG DANG THOS SOGS THUB PA YIS, ,BDEN MIN BRDZUN PA MIN PAR GSUNGS, ,PHYOGS LAS MI MTHUN PHYOGS GYUR PAS, ,DE DAG GNYIS KA DON DU MIN, ,ZHES GSUNGS SO; ;GANG GI PHYIR GDUL BYA'I SKYE BO DMAN PA DANG BAR PA DANG MCHOG GI BSAM PA THA DAD PA NYID KYIS BDAG DANG BDAG MED PA DANG DE GNYIS KA DGAG PA'I SGO NAS SANGS RGYAS BCOM LDAN 'DAS RNAMS KYIS CHOS BSTAN PA LA 'JUG PA DE'I PHYIR DBU MA PA RNAMS LA LUNG GIS GNOD PA MED DO, ,DE NYID KYI PHYIR, 'PHAGS PA LHAS, ,BSOD NAMS MIN PA DANG POR BZLOG ,BAR DU BDAG NI BZLOG PA DANG, PHYIS NAS LTA GZHI KUN BZLOG PA, ,GANG GIS SHES DE MKHAS PA YIN, ,ZHES DANG, SLOB DPON GYI ZHAL SNGA NAS KYANG, BRDA SPROD PA DAG JI LTA BUR, ,YI GE'I PHYI MO KLOG 'JUG LTAR, ,DE BZHIN SANGS RGYAS GDUL BYA LA, ,JI TZAM BZOD PA'I CHOS STON TO, ,KHA CIG LA NI SDIG PA LAS, ,RNAM PAR BZLOG PHYIR CHOS STON TO, ,KHA CIG BSOD NAMS GRUB BYA'I PHYIR; ;KHA CIG LA NI GNYIS BSTAN PA, ,KHA CIG LA NI GNYIS MI BSTAN, ,ZAB MO KHU 'PHRIG CAN 'JIGS PA, ,STONG NYID SNYING RJE'I SNYING PO CAN, ,BYANG CHUB SGRUB PA KHA CIG LA'O, ,ZHES GSUNGS PA LTAR RO, ,YANG NA 'DI NI DON GZHAN YIN TE, 'DU BYED

093b

SKAD CIG MA RNAMS LA LAS 'BRAS KYI 'BREL PA MED PAR BLTAS NAS GRANGS CAN LA SOGS PA DAG GIS LAS 'BRAS KYI 'BREL PA'I RTEN BDAG GO ZHES KYANG BRTAGS PAR GYUR CING, 'THAD PAS 'KHOR BA PO'I BDAG MA MTHONG ZHING, RGYANG PAN DAG GIS JI TZAM DBANG PO'I SPYOD YUL BA, ,SKYES BU'ANG DE TZAM KHO NAR ZAD, ,BZANG MO MANG THOS GANG SMRA BA, ,DE DAG SPYANG KI'I RJES DANG MTSUNGS, ,ZHES BYA BA LA SOGS PAS BDAG MED ZHES KYANG BSTAN PAR 'GYUR LA, RAB RIB CAN GYIS DMIGS PA'I SKRA SHAD DAG LA RAB RIB MED PAS LTAR DNGOS PO BYIS PA'I SKYE BOS BRTAGS PA BDAG DANG BDAG MED PA LA SOGS PA'I RANG GI NGO BO RNAM PA THAMS CAD DU MA GZIGS PA SANGS RGYAS BCOM LDAN 'DAS RNAMS KYIS, BDAG DANG NI, BDAG MED 'GA' MED CES KYANG BSTAN TO ZHES BYA BA'O, ,GAL TE SANGS RGYAS RNAMS KYIS BDAG DANG BDAG MED GNYIS MA BSTAN NA, 'O NA CI ZHIG BSTAN ZHE NA, BRJOD PAR BYA BA LDOG PA STE, SEMS KYI SPYOD YUL LDOG PAS SO, ,MA SKYES PA DANG MA 'GAGS PA'I, CHOS NYID MYA NGAN 'DAS DANG MTSUNGS, ,'DIR BRJOD BYA 'GA' ZHIG YOD NA DE STON PAR 'GYUR BA ZHIG NA, GANG GI TSE DON DAM PA LA BRJOD PAR BYA BA LDOG CING TSIG GI YUL YOD PA MA YIN PA DE'I TSE SANGS RGYAS RNAMS KYIS CUNG ZAD KYANG MA BSTAN TO, ,CI'I PHYIR BRJOD BYA MED CE NA; GAL TE SEMS KYI SPYOD YUL 'GA' ZHIG YOD NA, DER RGYU MTSAN 'GA' ZHIG SGRO BTAGS NAS TSIG 'JUG NA, SEMS KYI SPYOD YUL LDOG PAS DE'I PHYIR TSIG MI 'JUG GO ,CI'I PHYIR SEMS KYI SPYOD YUL MED CE NA, MA SKYES PA DANG MA 'GAG PA'I CHOS

094a

, ,NYID DE'I RANG BZHIN NI MYA NGAN LAS 'DAS PA DANG MTSUNGS PAR BZHAG PA DE'I PHYIR DE LA SEMS MI 'JUG GO ,GSUM PA DE KHO NA NYID BSTAN PA'I RIM PA NI, GAL TE MA SKYES PA DANG MA 'GAGS PA'I CHOS NYID MYA NGAN LAS 'DAS PA DANG MTSUNGS PAS DE LA NGAG DANG SEMS MI 'JUG MOD, ,DE LTA NA YANG DE MA BSTAN NA GDUL BYA'I SKYE BO RNAMS KYIS SHES PAR MI NUS PAS GDUL BYA'I SKYE BO RNAMS DE LA 'JUG PAR BYA BA'I PHYIR GDON MI ZA BAR KUN RDZOB KYI BDEN PA LA LTOS NAS JI ZHIG LTAR DE BSTAN PA'I RIM PA BRJOD DGOS SO ZHE NA, 'DIR SANGS RGYAS RNAMS KYIS DE KHO NA NYID KYI BDUD RTZI LA 'JUG PA'I BSTAN PA'I RIM PA NI 'DI YIN PAR SHES PAR BYA STE, THAMS CAD YANG DAG YANG DAG MIN, ,YANG DAG YANG DAG MA YIN NYID, ,YANG DAG MIN MIN YANG DAG MIN, ,DE NI SANGS RGYAS RJES BSTAN PA'O, ,DE LA, GANG ZHIG GANG GANG LA DGA' BA, ,DE YI DE DE SNGAR DPYAD BYA, ,NYAMS PAR GYUR PA DAM CHOS KYI, ,SNOD NI CIS KYANG MA YIN NO, ,ZHES BYA BA DANG, JI LTAR KLA KLO SKAD GZHAN GYIS, ,GZUNG BAR MI NUS DE BZHIN DU, ,'JIG RTEN PA YIS MA GTOGS PA, ,'JIG RTEN GZUNG BAR NUS MA YIN, ,ZHES PA LTAR THOG MA KHO NAR BCOM LDAN 'DAS KYIS, BDAG NYID LA 'DI NI THAMS CAD MKHYEN PA THAMS CAD GZIGS PA, 'JIG RTEN GYI 'BYUNG TSUL MA LUS PA MKHYEN PA YIN NO SNYAM DU 'JIG RTEN GUS PA BSKYED PAR BYA BA'I PHYIR DU 'JIG RTEN PA'I LTA BA LA LTOS NAS SNOD BCUD KYI 'JIG RTEN DAG GI 'BYUNG BA DANG 'JIG PA DANG GNAS PA LA SOGS PA DANG, PHUNG PO DANG KHAMS DANG SKYE MCHED LA

094b

SOGS PA MA RIG PA'I RAB RIB CAN DAG GIS BDEN PAR BRTAG PA DE THAMS CAD YANG DAG PA NYID DU YOD DO ZHES GSUNGS SO, ,DE LTAR BCOM LDAN 'DAS THAMS CAD MKHYEN PA NYID DU YID CHES PA NA 'KHOR BA LA YID 'BYUNG BAR BYA BA'I PHYIR, 'DUS BYAS THAMS CAD SKAD CIG RE RER 'JIG PA'I PHYIR, YANG DAG MIN ZHES BSTAN TO, ,GDUL BYA KHA CIG LA NI, BYIS PA'I SKYE BO LA LTOS NAS 'DI THAMS CAD YANG DAG PA YIN LA, 'PHAGS PA'I YE SHES LA LTOS NAS 'DI THAMS CAD YANG DAG PA MA YIN PA NYID DE; DE DAG GIS DE LTAR MA GZIGS PA'I PHYIR RO, ,DE KHO NA NYID KYI LTA BA LA YUN RING PO NAS GOMS PA SGRIB BA CUNG ZAD TZAM MA GROL BA KHA CIG LA NI DE DAG YANG DAG MIN MIN YANG DAG MIN ZHES BSTAN TE, SGRIB PA LHAG MA CUNG ZAD TZAM PO DE YANG SPANG BAR BYA BA'I PHYIR RO, ,DE LTAR JI LTAR BSHAD PA 'DI NI SANGS RGYAS BCOM LDAN 'DAS KYI GDUL BYA LAM GOL PA NAS BZLOG NAS LAM BZANG PO LA 'GOD PA'I RJES SU BSTAN PA'I RIM PA'O, ,'DI THAMS CAD NI DE KHO NA NYID KYI BDUD RTZI LA 'JUG PA'I THABS NYID DU RNAM PAR GNAS SO, ,DE BZHIN GSHEGS PA RNAMS NI DE KHO NA NYID KYI BDUD RTZI LA 'JUG PA'I THABS SU MA GYUR PA MI GSUNGS TE, NAD DANG MTHUN PAR SMAN SOGS LTAR GDUL BYA DANG 'TSAMS PAR CHOS STON PAR MDZAD PA'I PHYIR RO, ,JI SKAD DU, YOD DANG MED DANG YOD MED DANG, ,GNYIS KA MIN ZHES KYANG BSTAN TE, ,NAD KYI DBANG GIS THAMS CAD NI, ,SMAN ZHES BYA BAR 'GYUR MIN NAM, ,ZHES BSHAD PA LTAR RO, ,BZHI PA DE KHO NA NYID KYI MTSAN NYID LA, 'PHAGS PA'I DE KHO NA NYID DANG, BYIS PA'I DE KHO NA

095a

, ,NYID GNYIS KYI DANG PO NI, GANG LA 'JUG PAR BYA BA'I PHYIR BSTAN PA 'DI DAG STON PA'I DE KHO NA NYID KYI MTSAN NYID CI ZHE NA, BRJOD PAR BYA BA LDOG PAS STE, ,SEMS KYI SPYOD YUL LNGOG PAS SO, ,ZHES SNGAR BSHAD ZIN PA MA YIN NAM; DE LA CI ZHIG DRIR YOD, DE LTA YIN MOD 'ON KYANG THA SNYAD KYI BDEN PA'I NGOR SGRO BTAGS NAS DE'I MTSAN NYID BRJOD DGOS SO ZHE NA, GZHAN LAS SHES MIN ZHI BA DANG, ,SPROS PA RNAMS KYIS MA SPROS PA, ,RNAM RTOG MED DON THA DAD MIN, ,DE NI DE NYID MTSAN NYID DO, ,GZHAN GYIS BSTAN PAS RTOGS BYA MA YIN GYI, RANG NYID KYI BSGOM BYUNG GI YE SHES KYIS MA RTOGS PA'I TSUL GYIS RTOGS PAR BYA BA YIN PAS NA, GZHAN LAS SHES MIN DANG, ,RANG BZHIN MED PAS NA ZHI BA DANG, NGAG GI YUL LAS 'DAS PAS NA SPROS PA NGAG RNAMS KYIS MA SPROS PA DANG SEMS KYI RGYU BA DANG BRAL BAS NA RNAM RTOG MED PA DANG, KUN NAS NYON MONGS DANG RNAM BYANG GI CHOS THAMS CAD 'DIR STONG PA NYID DU RO GCIG PAS NA DON THA DAD PA MIN PA STE DE LTAR RNAM PA BZHI PO DE NI DE KHO NA NYID KYI MTSAN NYID DO, ,GNYIS PA NI, GANG LA BRTEN TE GANG BYUNG BA DANG, DE NI RE SHIG DE NYID MIN, ,DE LAS GZHAN PA'ANG MA YIN PHYIR, ,DE PHYIR CHAD MIN RTAG PA MIN, ,SA BON LA BSTEN NAS MYU GU 'BYUNG BA LTAR RGYU GANG LA BRTEN NAS 'BRAS BU GANG 'BYUNG BA DE NI RE SHIG DE NYIN MIN TE, BSKYED BYA DANG SKYED BYED CIG NYID DU THAL BAR 'GYUR BA'I PHYIR RO, ,RGYU DE LAS 'BRAS BU DE GZHAN PA YANG MA YIN TE, SA BON MED PAR YANG MYU GU 'BYUNG BAR THAL BA'I PHYIR RO, ,GANG LA BRTEN TE GANG 'BYUNG BA DE NI DE NYID KYANG

095b

MA YIN, GZHAN YANG MA YIN PA DE'I PHYIR RGYU DE NI CHAD PA YANG MA YIN LA RTAG PA YANG MA YIN NO, ,JI SKAD DU, ,SA BON YOD NA MYU GU JI BZHIN TE, ,SA BON GANG YIN MYU GU DE NYID MIN, ,DE LAS GZHAN MIN DE YANG MA YIN TE, ,DE LTAR RTAG MIN CHAD MIN CHOS NYID DO, ,ZHES GSUNGS SO, ,LNGA PA DE KHO NA NYID KYI CHE BA NI, DE LTAR JI SKAD BSHAD PA'I TSUL GYIS SANGS RGYAS 'JIG RTEN MGON RNAMS KYIS, ,BSTAN PA BDUD RTZIR GYUR PA DE, ,DON GCIG MA YIN THA DAD MIN, ,CHAD PA MA YIN RTAG PA MIN, , YANG DAG PAR RDZOGS PA'I SANGS RGYAS 'JIG RTEN SKYOB PA MED PA'I SKYOB PA MGON MED PA'I MGON 'JIG RTEN MGON PO RNAMS KYI BSTAN PA DAM PA'I CHOS RGA BA DANG 'CHI BA GTAN GCOD PA'I BDUD RTZIR GYUR PA DE NI JI SKAD BSHAD PA'I TSUL GYIS DON GCIG MA YIN ZHING THA DAD PA YANG MIN LA, CHAD PA MA YIN ZHING RTAG PA YANG MIN PAR SHES PAR BYA'O, ,NYAN THOS RNAMS KYIS DE KHO NA NYID KYI BDUD RTZI 'DI LA THOS BSAM SGOM GSUM GYIS RIM GYIS ZHUGS PA NA, TSUL KHRIMS DANG TING NGE 'DZIN DANG SHES RAB KYI PHUNG PO GSUM GYI BDUD RTZI NYE BAR SPYAD PA'I PHYIR NGES PAR RGA SHI ZAD PA'I MYANG 'DAS THOB PAR 'GYUR RO, ,CI STE YANG DGE BA'I RTZA BA YONGS SU MA SMIN PAS 'DI NYID LA DE KHO NA NYID KYI BDUD RTZI THOS SU ZIN KYANG THAR PA MI 'THOB NA, SKYE BA GZHAN DU SNGON GYI RGYU'I STOBS NYID LAS NGES PAR THOB PAR 'GYUR TE, JI SKAD DU, BRGYA PA LAS, DE NYID SHES PAS GAL TE 'DIR, ,MYA NGAN 'DAS PA MA THOB KYANG, ,SKYE BA PHYI MAR 'BAD MED PAR, ,NGES PAR THOB 'GYUR LAS BZHIN NO, ,ZHES BSHAD PA LTAR RO, ,CI STE YANG SKYE BA

096a

, ,GZHAN DU SANGS RGYAS 'BYUNG BA DANG MA PHRAD NA DE KHO NA NYID STON PA'I RKYEN MED PA'I PHYIR MYANG 'DAS JI LTAR 'GRUB CE NA, RDZOGS SANGS RGYAS RNAMS MA BYUNG ZHING, ,NYAN THOS RNAMS KYANG ZAD PA NA, ,RANG SANGS RGYAS KYI YE SHES NI; ;BSTAN PA MED LAS RAB TU SKYE, ,GANG GI TSE RDZOGS PA'I SANGS RGYAS RNAMS 'JIG RTEN DU MA BYUNG ZHING, DE'I NYAN THOS RNAMS KYANG ZAD PAR GYUR PA DE'I TSE 'PHAGS PA'I LAM STON PA'I RKYEN MA TSANG BA DE LTA NA YANG SNGON TSE RABS GZHAN DU DE KHO NA NYID THOS PA'I RGYU'I STOBS KHO NA LAS 'JIG RTEN 'DI'I NYE BAR BSTAN PA LA LTOS PA MED PAR RANG SANGS RGYAS KYI YE SHES NI DGE BA'I BSHES GNYEN LA BSTEN PA MED PAR RKYEN LUS DANG SEMS DBEN PA TZAM BSTEN PA LAS SKYE BA YIN NO, ,GANG GI PHYIR SANGS RGYAS MI 'BYUNG BA'I DUS SU RANG SANGS RGYAS RNAMS KYIS DE KHO NA NYID RTOGS PAR 'GYUR BA DE'I PHYIR YANG DAG PAR RDZOGS PA'I SANGS RGYAS SMAN PA'I RGYAL POS GSUNGS PA'I DAM PA'I CHOS DE KHO NA NYID KYI BDUD RTZI JI SKAD BSHAD PA DE 'BRAS BU YOD PAR SHES PAR BYA'O, , DE'I PHYIR SHES RAB CAN RNAMS KYIS SROG KYANG BTANG STE DE KHO NA NYID BTZAL BAR 'OS PA YIN TE, BYANG CHUB SEMS DPA' RTAG TU DUS BCOM LDAN 'DAS MA JI LTAR BTZAL BA BZHIN NO, ,JI SKAD DU, ,'PHAGS PA BRGYAD STONG PA LAS, BCOM LDAN 'DAS BYANG CHUB SEMS DPA' SEMS DPA' CHEN PO RTAG TU NGUS SHES RAB KYI PHA ROL TU PHYIN PA 'DI JI LTAR YONGS SU BTZAL BA LAGS, ,BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' BSTZAL TO, ,RAB 'BYOR BYANG CHUB SEMS DPA' SEMS

096b

DPA' CHEN PO RTAG TU DUS SNGON SHES RAB KYI PHA ROL TU PHYIN PA 'DI YONGS SU TSOL BA NA, LUS LA CHED CHER MI BYED, SROG LA MI LTA, RNYED PA DANG, BKUR STI DANG, TSIGS SU BCAD PA LA MI GNAS PAR YONGS SU BTZAL BAS YONGS SU BTZAL LO ZHES GSUNGS SO, ,DBU MA RTZA BA'I SHES RAB LAS BDAG BRTAG PA ZHES BYA BA RAB TU BYED PA BCO BRGYAD PA'I 'GREL PA'O,, ` ,,BCU DGU PA DUS BRTAG PA LA, DUS RDZAS GRUB DGAG BRTEN NAS BTAGS PA'I DUS DGAG PA GNYIS KYI, DANG PO LA NGO BO DGAG SGRUB BYED DGAG PA GNYIS KYI, DANG PO LA YANG, DA LTAR BA DANG MA 'ONGS PA'I DUS DGAG TSUL DE GZHAN LA SGRE BA GNYIS KYI DANG PO NI, 'DIR SMRAS PA, DNGOS PO RNAMS KYI RANG BZHIN NI YOD DE, DUS GSUM DU GDAGS PA'I RGYU YIN PA'I PHYIR; 'DAS PA LA SOGS PA'I DUS GSUM PO NI DNGOS PO'I RTEN CAN YIN TE, DNGOS PO'I RANG BZHIN SKYES LA 'GAGS PA LA NI 'DAS PA ZHES BSNYAD LA, SKYES LA MA 'GAGS PA NI DA LTAR BA YIN ZHING BDAG GI DNGOS PO MA RNYED PA NI MA 'ONGS PA YIN NO ZHE NA; DUS GSUM PO DAG KYANG BTAGS PA TZAM YIN GYI RANG BZHIN GYIS YOD PA MA YIN TE, 'DI LTAR, DA LTAR BYUNG DANG MA 'ONGS PA, ,GAL TE 'DAS LA LTOS GYUR NA, ,DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR, ,GAL TE DA LTAR BA DANG MA 'ONGS PA'I DUS DAG YOD NA DE DAG 'DAS PA'I DUS LA LTOS SAM, MA LTOS PAR 'GYUR DRANG, GAL TE DA LTAR BYUNG DANG MA 'ONGS PA 'DAS PA'I DUS LA LTOS NA DA LTAR BA DANG MA 'ONGS PA GNYIS 'DAS PA'I DUS NA YOD PAR 'GYUR TE, GANG

097a

, ,ZHIG GANG NA YOD PA MA YIN PA DE NI DE LA LTOS PA MA YIN PA'I PHYIR, DPER NA RANG GI BU MO MO GSHAM LA MI LTOS PA BZHIN, DE DAG 'DAS PA'I DUS NA YOD NA 'DAS PA'I RANG GI BDAG NYID LTAR DE DAG KYANG 'DAS PAR 'GYUR LA; DE'I PHYIR 'DAS PAR YANG MI 'GYUR TE, GANG GI PHYIR DA LTAR BA LAS 'DAS PA NI 'DAS PA YIN LA, MA THOB PA NI MA 'ONGS PA YIN NA, GANG LA 'DAS PAS 'DAS PAR 'GYUR BA DA LTAR BA DANG MA 'ONGS PA MED PA'I PHYIR, CI STE NYES PA DE SPONG BAR 'DOD NAS, DA LTAR BYUNG DANG MA 'ONGS PA, GAL TE DE NA MED GYUR NA, ,DA LTAR BYUNG DANG MA 'ONGS PA, ,JI LTAR DE LA LTOS PAR 'GYUR, GAL TE DA LTAR 'BYUNG BA DANG MA 'ONGS PA 'DAS PA'I DUS DE NA MED PAR GYUR NA, DE'I PHYIR DA LTAR BYUNG DANG MA 'ONGS PA NAM MKHA'I AUD PA LA LTAR JI LTAR 'DAS PA DE LA LTOS PAR 'GYUR TE, LTOS PA MI RIGS SO, ,GAL TE DUS SMRA BA'I LTAR NA, DUS NI RDZAS SU YOD PAS LTOS PA (DGOS PA) MED DO ZHE NA, (DE LTA NA YANG,) 'DAS PA LA NI MA LTOS PAR, ,DE GNYIS GRUB PA YOD MA YIN, ,DE PHYIR DA LTAR 'BYUNG BA DANG, ,MA 'ONGS DUS KYANG YOD MA YIN, ,'DAS PA DANG MA 'ONGS PA'I DUS GNYIS RANG GI NGO BOS GRUB PA YOD PA MA YIN TE, 'DAS PA LA MA LTOS PA'I PHYIR BONG BU'I RVA BZHIN, GANG GI PHYIR DE LTA YIN PA DE'I PHYIR DA LTAR BYUNG BA DANG MA 'ONGS PA'I DUS YOD PA MA YIN NO, ,GNYIS PA NI, RIM PA'I TSUL NI 'DI GNYIS KYIS, ,LHAG MA GNYIS PO BSNOR BA DANG, ,MCHOG DANG THA MA 'BRING LA SOGS, ,GCIG LA SOGS PA'ANG SHES PAR BYA, ,DA LTAR 'BYUNG BA

097b

DANG; MA 'ONGS PA 'DAS PA LA LTOS SAM, MA LTOS KYANG RUNG STE, MA GRUB PA'I RIM PA'I TSUL 'DI GNYIS KYIS DUS LHAG MA GNYIS PO SUN DBYUNG BA YANG GO BSNOR TE SHES PAR BYA'O, ,JI LTAR ZHE NA, 'DAS PA DANG NI MA 'ONGS PA, GAL TE DA LTAR BYUNG LTOS NA, ,'DAS PA DANG NI MA 'ONGS PA, ,DA LTAR DUS NA YOD PAR 'GYUR, ,'DAS PA DANG NI MA 'ONGS DUS, ,GAL TE DE NA MED GYUR NA, ,'DAS PA DANG NI MA 'ONGS DUS, ,JI LTAR DE LA LTOS PAR 'GYUR, ,DA LTAR LA NI MA LTOS PAR, ,DE GNYIS GRUB PA YOD MA YIN, (DE YI PHYIR NA 'DAS PA DANG, ,MA 'ONGS DUS KYANG YOD MA YIN, ,DKYUS SU BRIS KYANG YONG BA 'DRA'O, ,TSIG GSAL RANG NA'ANG 'DUG PA'I PHYIR RO,) ,ZHES PA DUS BSNOR BA GCIG GO ,'DAS DANG DA LTAR BYUNG BA NI, ,GAL TE MA 'ONGS LTOS GYUR NA, ,'DAS PA DANG NI DA LTAR BYUNG, ,MA 'ONGS DUS NA YOD PAR 'GYUR, ,'DAS DANG DA LTAR BYUNG BA NI, ,GAL TE DE NA MED GYUR NA, 'DAS PA DANG NI DA LTAR BYUNG, ,JI LTAR DE LA LTOS PAR 'GYUR, ,MA 'ONGS PA LA MA LTOS PAR, ,DE GNYIS GRUB PA YOD MA YIN, DE YI PHYIR NA 'DAS PA DANG, DA LTAR DUS KYANG YOD MA YIN, ,ZHES PA DUS BSNOR BA GNYIS PA'O, ,JI LTAR DUS GSUM RNAM PAR DPYAD NA MA GRUB PA DE BZHIN DU, MCHOG DANG, THA MA DANG, 'BRING DANG SOGS PAS DGE BA DANG MI DGE BA DANG LUNG DU MA BSTAN PA DANG, SKYE BA DANG, GNAS PA DANG, 'JIG PA DANG, 'DOD PA DANG, GZUGS DANG GZUGS MED PA DANG, GCIG DANG GNYIS DANG MANG PO, (SNGON GYI MTHA' DANG, DBUS KYI CHA DANG, PHYI MA'I MTHA' RNAMS DANG, SLOB PA DANG, MI SLOB PA DANG, SLOB PA YANG MA YIN MI SLOB PA YANG

098a

, ,MA YIN PA, NYIN MO DANG MTSAN MO DANG, ZLA BA PHYED DANG, ZLA BA DANG NYI MA NUR BA DANG LO) LA SOGS PA DNGOS PO GSUM DANG 'BREL PA THAMS CAD DUS GSUM RNAM PAR BSHAD PAS BSHAD PAR SHES PAR BYA'O, ,MCHOG DANG 'BRING DAG THA MA LA LTOS SAM MA LTOS PAR MA GRUB PO ZHES SOGS SHES PAR BYA'O, ,GNYIS PA SGRUB BYED DGAG PA NI, GAL TE DUS NI YOD DE, SKAD CIG DANG, THANG CIG DANG, YUD TZAM LA SOGS PA'I DBYE BAS TSAD DANG LDAN PA'I PHYIR RO ZHE NA, DUS NI TSAD DANG LDAN PAR 'DZIN PA MA YIN TE, DUS YOD PA MA YIN PA'I PHYIR, 'DI LTAR, MI GNAS DUS NI 'DZIN MI BYED, GANG ZHIG GZUNG BAR BYA BA'I DUS, ,GNAS PA YOD PA MA YIN PAS, ,MA BZUNG DUS NI JI LTAR GDAGS, GAL TE DUS ZHES BYA BA SKAD CIG LA SOGS PA LAS THA DAD PA'I THER ZUG DU GNAS PA ZHIG YOD NA, DE SKAD GCIG LA SOGS PA'I SGO NAS TSAD DANG LDAN PAR 'DZIN PA ZHIG NA, DE NI YOD PA MA YIN TE, DE'I PHYIR THER ZUG DU MI GNAS PA'I DUS NI SKAD CIG LA SOGS PA'I TSAD DANG LDAN PAR 'DZIN PAR MI BYED DO, , GAL TE DUS RTAG PA GNAS PA'I RANG BZHIN CAN YOD PA YIN LA, DE YANG SKAD CIG LA SOGS PAS MNGON PAR GSAL BAR BYED PA YIN TE, JI SKAD DU, DUS KYIS 'BYUNG BA SMIN PAR BYED, DUS KYIS SKYE DGU SDUD PAR BYED, ,DUS KYIS GNYID LOG SAD PAR BYED; ;DUS LAS 'DA' BA DKA' PA YIN, ,ZHES 'BYUNG BAS DE LTA BU'I MTSAN NYID CAN GYI DUS RTAG PA YOD DO ZHE NA, DE LTA NA YANG GANG ZHIG SKAD CIG LA SOGS PAS MNGON PAR GSAL ZHING GZUNG BAR BYA BA'I DUS RTAG PAR GNAS PA YOD PA MA YIN

098b

TE; SKAD CIG LA SOGS PA LAS THA DAD PAR MA BZUNG BA'I PHYIR, DE LTAR MI GNAS SHING MA BZUNG BA'I DUS NI JI LTAR SKAD CIG LA SOGS PAS GDAGS PAR NUS TE MI NUS PA KHO NA'O, ,GNYIS PA BRTEN NAS GDAGS PA'I DUS DGAG PA NI, GAL TE DUS ZHES BYA BA GZUGS LA SOGS PA LAS THA DAD PA'I RTAG PA 'GA' ZHIG MED PA NI BDEN MOD, 'ON KYANG 'DU BYED GZUGS LA SOGS PA DAG LA BRTEN NAS BTAGS PA'I DUS NI SKAD CIG LA SOGS PA'I SGO NAS 'DZIN PAR BYED PAS NYES PA MED DO ZHE NA, GAL TE DUS NI DNGOS BRTEN TE, ,DNGOS MED DUS NI GA LA YOD, ,GAL TE DUS DNGOS PO LA BRTEN TE RNAM PAR 'JOG NA, ,GANG GI TSE DNGOS PO RANG BZHIN GYIS MED PA DE'I TSE DE LA BRTEN NAS BTAGS PA'I DUS GA LA YOD, DE'I PHYIR, DNGOS PO 'GA' YANG YOD MIN NA, ,DUS LTA YOD PAR GA LA 'GYUR, ,GONG DU RGYAS PAR BSTAN PA'I PHYIR DANG DGAG PA 'CHAD PAR 'GYUR BA'I PHYIR, ,DNGOS PO 'GA' YANG YOD PA MA YIN PA DE'I TSE DUS LTA YOD PA GA LA 'GYUR, DUS MED PAS DE'I TSE SKAD CIG LA SOGS PA YANG MED DO; ;DE'I PHYIR TSAD DANG LDAN PA NYID KYIS DUS MA GRUB LA, DUS MED PAS DNGOS PO RNAMS KYI RANG BZHIN YANG MA GRUB PO, ,'PHAGS PA GLANG PO'I RTZAL GYI MDO LAS, GAL TE CHOS RNAMS RANG BZHIN 'GA' YOD NA, ,RGYAL BA NYAN THOS BCAS PAS DE MKHYEN 'GYUR; ;THER ZUG CHOS RNAMS MYA NGAN 'DA' MI 'GYUR, ,MKHAS PA NAM YANG SPROS PA MED MI 'GYUR, ,ZHES GSUNGS SO, ,DBU MA RTZA BA'I SHES RAB LAS DUS BRTAG PA STE RAB TU BYED PA BCU DGU PA'I 'GREL PA'O,, ` ,,NYI SHU PA TSOGS PA

099a

, ,BRTAG PA LA, TSOGS PAS BYAS PA'I 'BRAS BU DGAG TSOGS MIN BYAS PA'I 'BRAS BU DGAG BKAG PA DE'I MJUG BSDU BA DANG GSUM GYI, DANG PO LA, RGYAS PAR BSTAN PA DANG, DON BSDU BA GNYIS KYI, DANG PO LA; 'BRAS BU YOD MED BRTAGS LA DGAG ,BYIN DANG MA BYIN BRTAGS LA DGAG ,LHAN CIG SNGA ROL GNAS PA DGAG ,RGYU'I GNAS SKABS 'PHO BA DGAG ,'GAGS PA DANG MA 'GAGS BRTAGS LA DGAG ,MTHONG DANG MA MTHONG BRTAGS LA DGAG , PHRAD DANG MA PHRAD BRTAGS LA DGAG ,STONG DANG MI STONG BRTAGS LA DGAG ,GCIG DANG THA DAD BRTAGS LA DGAG ,NGO BO YOD MED BRTAGS LA DGAG PA BCU'I DANG PO NI, GAL TE DUS NI YOD DE, 'BRAS 'BYUNG BA LA LHAN CIG BYED PA'I RKYEN YIN PA'I PHYIR; 'DI NA MYU GU GANG ZHIG SA BON LA SOGS PA'I RGYU RKYEN GYI TSOGS PA YOD KYANG, DUS KYI KHYAD PAR MI NYE BAS MI SKYE BA YIN NO, ,JI LTAR PHYI ROL BZHIN DU NANG GI BDAG NYID RNAMS LA YANG YIN TE, BCOM LDAN 'DAS KYIS, LUS CAN RNAMS KYI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,ZHES GSUNGS PA LTA BU'O, ,DE'I PHYIR 'BRAS BU'I LHAN CIG BYED RKYEN DU GYUR PA'I DUS YOD DO ZHE NA, 'BRAS BU YOD NA DUS DE'I LHAN CIG BYED RKYEN DU 'GYUR BA ZHIG NA, YOD PA MA YIN TE, 'DIR SA BON LA SOGS PA'I RGYU RKYEN GYI TSOGS PA LAS MYU GU LA SOGS PA'I 'BRAS BU SKYE BAR RTOG NA, TSOGS PA LA GNAS PA ZHIG GAM 'ON TE MI GNAS PA ZHIG DE LAS SKYE DRANG, GAL TE RGYU DANG RKYEN

099b

RNAMS KYI, ,TSOGS PA NYID LAS SKYE 'GYUR ZHING, ,TSOGS LA 'BRAS BU YOD NA NI, ,JI LTAR TSOGS PA NYID LAS SKYE, ,GAL TE RGYU RKYEN GYI TSOGS PA NYID LAS 'BRAS BU SKYE ZHING TSOGS PA NYID LA 'BRAS BU YOD NA, TSOGS PA LA YOD PA'I 'BRAS BU DE NI JI LTAR TSOGS PA NYID LAS SKYE BAR 'GYUR TE, 'KHAR GZHONG NA YOD PA'I ZHO NI 'KHAR GZHONG GIS MI BSKYED PA BZHIN NO, GAL TE TSOGS PA LA 'BRAS BU MED DO ZHES RTOG NA, GAL TE RGYU DANG RKYEN RNAMS KYI, TSOGS PA NYID LAS SKYE 'GYUR ZHING, TSOGS LA 'BRAS BU MED NA NI, JI LTAR TSOGS PA NYID LAS SKYES, GAL TE RGYU RKYEN GYI TSOGS PA LA 'BRAS BU MED NA, 'O NA JI LTAR RGYU RKYEN GYI TSOGS PA NYID LAS 'BRAS BU SKYE BAR 'GYUR TE, DE NI YOD PA MA YIN PA'I PHYIR, BYE MA DAG GI TIL MAR BZHIN NO, ,GZHAN YANG; GAL TE RGYU DANG RKYEN RNAMS KYI, ,TSOGS LA 'BRAS BU YOD NA NI, ,TSOGS LA GZUNG DU YOD RIGS NA, ,TSOGS PA NYID LA GZUNG DU MED, ,GAL TE RGYU RKYEN GYI TSOGS PA LA 'BRAS BU YOD NA 'KHAR GZHONG LAS ZHO BZHIN DU TSOGS PA LA 'BRAS BU GZUNG DU YOD PAR RIGS NA SA BON LA SOGS PA'I TSOGS PA RNAMS LA 'BRAS BU MYU GU NI BZUNG DU MED PA'I PHYIR, YOD PA MA YIN TE, CI STE GANG ZHIG GANG NA MED PA DE NI DE LAS MI SKYE STE, BYE MA DAG LA TIL MAR BZHIN NO, ,'BRAS BU NI TSOGS PA LAS SKYE BA YIN TE, DE'I PHYIR TSOGS PA LAS 'BRAS BU YOD PAR RJES SU DPAG GO ZHE NA, GANG ZHIG GANG NA YOD PA DE NI DE LAS SKYE BA MA YIN TE 'KHAR GZHONG LAS ZHO MI SKYE BA BZHIN ZHES PA'I RJES SU DPAG PA 'DI LAS TSOGS PA LAS 'BRAS BU MED DO ZHES KYANG CI STE

100a

, ,MI GZUNG, CI STE PHYOGS GNYIS KA YANG RJES SU DPAG PA DANG 'GAL BA'I PHYIR JI LTAR YOD PA MI RIGS PA BZHIN DU MED PA YANG MI RIGS SO SNYAM NA, KHO BO CAG NI 'DI MED PA SGRUB PA MA YIN GYI, (DBU MA SNYING PO LAS KYANG 'DI NI YOD NYID 'GOG PA DANG, ,MED NYID YONGS SU 'DZIN PA MIN, ,SNGON PO MIN ZHES BRJOD PA YIS, ,DKAR PO YIN ZHES BRJOD DAM CI, ,ZHES GSUNGS PA'I GNYIS KA'I SPROS PA MA LUS PA SPANG PA ZHI BA'I BDE BA 'THOB PA'I PHYIR RO,) GZHAN GYIS MED PA NYID DU BRTAGS PA 'GOG PA YIN LA, DE BZHIN DU 'DI YOD PA NYID SGRUB PA YANG MA YIN GYI, GZHAN GYIS MED PA NYID DU BRTAGS PA SEL BA YIN TE, MTHA' GNYIS BSAL NAS DBU MA'I LAM SGRUB PAR 'DOD PA'I PHYIR RO, ,JI SKAD DU, ,BRGYA PA LAS, 'BRAS BU YOD PAR GANG 'DOD DANG, ,'BRAS BU MED PAR GANG 'DOD PA; ;KHYIM GYI DON DU KA BA SOGS, ,BRGYAN PA'I DON YANG MED PAR 'GYUR, ,ZHES BSHAD DO, ,DE'I PHYIR TSOGS PA LA YOD PA'I 'BRAS BU SKYE BA MA YIN NO, ,GAL TE RGYU DANG RKYEN RNAMS KYI, ,TSOGS LA 'BRAS BU MED NA NI, RGYU RNAMS DANG NI RKYEN DAG KYANG; ;RGYU RKYEN MA YIN MTSUNGS PAR 'GYUR, ,GAL TE RGYU RKYEN GYI TSOGS PA LA 'BRAS BU MED PA NYID DU SEMS NA, JI LTAR ME DANG SOL BA LA SOGS PA MYU GU MED PA RNAMS DE'I RGYUR MI 'GYUR BA BZHIN DU, SA BON LA SOGS PA RGYU RKYEN DU MNGON PAR 'DOD PA DAG KYANG MYU GU'I RGYU RKYEN MA YIN PA DANG MTSUNGS PAR DE'I RGYU MA YIN PAR 'GYUR TE, DE DAG LA MYU GU MED PA'I PHYIR RO, ,RGYU RKYEN MA YIN PA LAS KYANG 'BRAS BU 'BYUNG BA MI RIGS TE, DE'I PHYIR 'BRAS BU 'BYUNG BA MED DO, ,GNYIS PA NI, GANG LAS NYES

100b

PA 'DIR 'GYUR BA TSOGS PA LA 'BRAS BU BSKYED PA'I NUS PA MED KYI, 'ON KYANG RGYU LA 'BRAS BU BSKYED PA'I NUS PA YOD LA, TSOGS PAS NI RGYU LA PHAN 'DOGS PA TZAM ZHIG BYED LA, RGYU DES NI 'BRAS BU BSKYED PAR BYA BA'I PHYIR BYED RGYU BYIN NAS DGAG PAR 'GYUR CING RGYU DES PHAN BTAGS PA'I 'BRAS BU YANG SKYE BA YIN NO CE NA, GAL TE RGYUS NI 'BRAS BU LA, ,RGYU BYIN NAS NI 'GAG 'GYUR NA, ,GANG BYIN PA DANG GANG 'GAG PA'I, ,RGYU YI BDAG NYID GNYIS SU 'GYUR, ,GAL TE RGYUS 'BRAS BU BSKYED PA'I PHYIR BYED RGYU BYIN NAS 'GAG PAR 'GYUR RO ZHES RTOG NA, DE LTA NA RGYU'I CHA GANG 'BRAS BU LA BYIN PA DANG GANG 'GAG PA'I RGYU'I BDAG NYID GNYIS SU 'GYUR NA, DE YANG MI RIGS TE, PHYED RTAG PAR 'GYUR BA'I PHYIR DANG, PHYED MI RTAG PAR 'GYUR BA'I PHYIR DANG RTAG PA DANG MI RTAG PA PHAN TSUN 'GAL BA DAG KYANG GCIG LA MED PA'I PHYIR RO, ,GAL TE RGYUS NI 'BRAS BU LA, ,RGYU MA BYIN PAR 'GAG 'GYUR NA, ,RGYU 'GAGS NAS NI SKYES PA YI, ,'BRAS BU DE NI RGYU MED 'GYUR, ,GAL TE RGYU'I BDAG NYID GNYIS SU THAL BA'I NYES PA DE SPONG BAR 'DOD NAS, RGYUS 'BRAS BU LA BYED RGYU CUNG ZAD KYANG MA BYIN PAR BDAG NYID THAMS CAD KYIS 'GAG PAR RTOG NA DE LTA NA RGYU 'GAGS NAS SKYES PA'I 'BRAS BU DE NI RGYU MED KHO NAR GYUR NA, RGYU MED PA NI YOD PA MA YIN PAS RTOG PA DE YANG MI RIGS SO, ,GSUM PA NI, GANG LA NYES PA 'DIR 'GYUR BA RGYU 'GAG NAS 'BRAS BU SKYE BA MA YIN GYI, TSOGS PA DANG LHAN CIG SKYES PA'I 'BRAS BU KHO NA BSKYED PAR BYED DO ZHE NA, GAL TE TSOGS DANG LHAN CIG TU, ,'BRAS BU YANG NI SKYE 'GYUR NAS, ,

101a

, ,SKYED PAR BYED DANG BSKYED BYA GANG, ,DUS GCIG PAR NI THAL BAR 'GYUR, ,GAL TE RGYU RKYEN GYI TSOGS PA DANG LHAN CIG TU 'BRAS BU SKYE BAR 'GYUR NA, SKYED BYED BSKYED BYA DUS GCIG TU THAL BAR 'GYUR NA DE YANG MI RIGS TE; BA LANG GI RVA G-YAS G-YON BZHIN DU DUS GCIG PA DAG LA BSKYED BYA SKYED BYED MA MTHONG BA'I PHYIR RO, ,'DIR BYE BRAG SMRA BA RNAMS NA RE, DNGOS PO RNAMS MA BYUNG BA LAS BYUNG BA MA YIN (TE GLO BUR BAR THAL BAR 'GYUR BA'I PHYIR RO,) GYI, 'ON KYANG 'BRAS BU NI RGYU RKYEN GYI TSOGS PA'I SNGA ROL MA 'ONGS PA'I GNAS SKABS NA GNAS PA YIN LA RGYU RKYEN GYI TSOGS PAS NI DA LTA BA'I GNAS SKABS SU BSKYED PA YIN GYI RDZAS NI GNAS PA NYID DO ZHES ZER RO, ,GAL TE TSOGS PA'I SNGA ROL TU, ,'BRAS BU SKYES PAR GYUR NA NI, ,RGYU DANG RKYEN RNAMS MED PA YI, ,'BRAS BU RGYU MED 'BYUNG BAR 'GYUR, ,GAL TE RGYU RKYEN GYI TSOGS PA'I SNGA ROL DU 'BRAS BU'I RANG GI NGO BO SKYES PAR GYUR NA DE RGYU RKYEN LA LTOS PA MED PAR 'GYUR LA, RGYU DANG RKYEN LA LTOS PA MED PA'I 'BRAS BU RGYU MED PAR 'BYUNG BAR 'GYUR NA, DE YANG MI RIGS TE, RI BONG GI RVA LA SOGS PA YANG YOD PAR THAL BA'I PHYIR RO, ,SNGAR GRUB ZIN PA LA YANG RGYU RKYEN LA LTOS PA DGOS PA MED PA'I PHYIR YANG MI RIGS SO, ,BZHI PA NI, GRANGS CAN PA NA RE, RGYU BYIN NAS 'GAG GAM 'ON TE MA BYIN PAR 'GAG CES RNAM PAR DPYOD PAR 'GYUR BA RGYU DANG 'BRAS BU GZHAN MA YIN GYI, RGYU NYID 'GAGS NAS 'BRAS BU'I BDAG NYID DU RNAM PAR GNAS SO ZHES ZER RO, ,DE LTA NA, GAL TE RGYU 'GAGS 'BRAS BU NA, ,RGYU NI KUN TU 'PHO BAR 'GYUR, ,

101b

SNGON SKYES PA YI RGYU YI NI, ,YANG SKYE BAR NI THAL BAR 'GYUR, ,GAL TE RGYU 'GAGS NAS 'BRAS BU SKYE LA 'BRAS BU DE YANG RGYU'I BDAG NYID YIN NA, JI LTAR ZLOS GAR MKHAN CHA BYAD GZHAN BTANG NAS CHA BYAD GZHAN LEN PA LTAR RGYU NYID 'BRAS BU'I GNAS SKABS SU KUN TU 'PHO BA TZAM ZHIG TU 'GYUR GYI, 'BRAS BU SNGA NA MED PA SKYE BA MA YIN NO, ,DE'I PHYIR RGYU NI RTAG PAR 'GYUR NA, DE YANG MI RIGS TE, BRGYA PA LAS, ,GANG ZHIG GANG NA'ANG NAM GYI TSE'ANG, ,MA BRTEN PAR NI YOD NYID MED, ,DES NA NAM YANG GANG ZHIG DU, ,RTAG PA 'GA' YANG YOD MA YIN, ,ZHES BSHAD DO, ,GZHAN YANG PHYOGS 'DI LA SNGON SKYES PA'I RGYU YANG YANG SKYE BAR 'GYUR NA, SKYES ZIN SLAR YANG SKYE BAR MI 'GYUR TE, DGOS PA MED PA'I PHYIR DANG THUG PA MED PA THAL BAR 'GYUR BA'I PHYIR RO; ;LNGA PA NI, GAL TE RGYUS 'BRAS BU BSKYED NA 'GAGS PA'AM MA 'GAGS PA ZHIG BSKYED, 'BRAS BU'ANG SKYES PA'AM MA SKYES PA ZHIG BSKYED DRANG, GAL TE RGYU 'GAGS PAS 'BRAS BU SKYES PA BSKYED DO ZHE NA, 'GAGS PA NUB PAR 'GYUR BA YIS, , 'BRAS BU SKYES PA JI LTAR BSKYED, ,RGYU 'GAGS SHING NUB PA YIS 'BRAS BU SKYES SHING YOD PA JI LTAR BSKYED DE, RGYU 'GAGS PAS 'BRAS BU BSKYED NA MO GSHAM GYIS KYANG BU BSKYED PAR THAL BA'I PHYIR DANG 'BRAS BU SKYES ZIN RGYU LA LTOS PA MED PA'I PHYIR RO, , GAL TE NUS PA MED PAS RGYU 'GAGS PAS 'BRAS BU MI BSKYED KYI, RGYU GNAS PA KHO NAS BSKYED DO SNYAM NA, 'BRAS BU DANG NI 'BREL PA'I RGYU, ,GNAS PAS KYANG NI JI LTAR BSKYED, ,'BRAS BU YOD PA DANG 'BREL BA'I RGYU RANG GI NGO BO MA 'GYUR ZHING GNAS PAS

102a

, ,KYANG 'BRAS BU JI LTAR BSKYED DE, RGYU NI RNAM PAR 'GYUR BA NA, GZHAN NI RGYU RU 'GYUR BA YIN, ,ZHES BYA BAS 'BRAS BU SKYES PAS NA RGYU GDON MI ZA BAR RNAM PA GZHAN DU 'GYUR DGOS PA'I PHYIR RO, ,GAL TE 'BRAS BU YOD PA YANG BSKYED MI NUS PAS 'BRAS BU DANG MA 'BREL BA'I RGYU KHO NAS 'BRAS BU SKYED DO ZHE NA, CI STE RGYU 'BRAS MA 'BREL NA, ,'BRAS BU GANG ZHIG SKYED PAR BYED, CI STE RGYU 'BRAS BU DANG MA 'BREL BZHIN DU RGYUR RTOG NA DA NI 'BRAS BU GANG ZHIG SKYED PAR BYED DE; MA 'BREL BAR MTSUNGS PA'I PHYIR, 'BRAS BU DANG 'BRAS BU MA YIN PA KUN BSKYED PA'AM, YANG NA 'BRAS BUR 'DOD PA YANG MI BSKYED PAR 'GYUR TE, 'BREL PA MED PA'I PHYIR RO SNYAM DU DGONGS SO, ,DRUG PA NI GAL TE RGYUS 'BRAS BU BSKYED NA DES 'BRAS BU MTHONG NAS SAM MA MTHONG BAR BSKYED DRANG, GNYIS KA LTAR YANG MI RUNG STE, RGYUS NI MTHONG DANG MA MTHONG BAR, ,'BRAS BU BSKYED PAR MI BYED DO, ,RGYUS NI MTHONG NAS 'BRAS BU BSKYED PAR MI BYED DE, ,GANG GI PHYIR YOD PA KHO NA MTHONG LA YOD PA MA YIN PA NI MA YIN LA, DE NI BSKYED BYA MA YIN TE, YOD PA'I PHYIR RO, ,'BRAS BU MA MTHONG BAR BSKYED PAR MI BYED DE, 'BRAS BU THAMS CAD BSKYED PAR THAL BA'I PHYIR RO, ,BDUN PA NI GZHAN YANG GAL TE RGYU 'BRAS PHUN TSUN PHRAD PA YOD NA DE'I TSE DE GNYIS BSKYED BYA SKYED BYED DU RIGS KYI, PHRAD PA MED NA SNANG BA DANG MUN PA LTAR BSKYED BYA SKYED BYED DU MI RIGS SO, ,DE'I PHYIR RGYU DANG 'BRAS BU GNYIS BSKYED BYA SKYED BYED DU KHAS LEN PAS NI GDON MI ZA BAR PHRAD PAR KHAS BLANGS DGOS NA, DE YANG DPYAD NA

102b

DUS GSUM KAR DU MI RIGS TE, 'DI LTAR, 'BRAS BU 'DAS PA RGYU 'DAS DANG, ,MA SKYES PA DANG SKYES PA DANG, LHAN CIG PHRAD PAR 'GYUR BA NI, ,NAM YANG YOD PA MA YIN NO, ,'BRAS BU 'DAS PA RGYU 'DAS PA DANG LHAN CIG PHRAD PA NAM YANG YOD PA MA YIN TE, GNYIS KA YANG 'DAS PA NYID KYIS YOD PA MA YIN PA'I PHYIR RO, ,'BRAS BU 'DAS PA RGYU MA SKYES PA DANG PHRAD PA NAM YANG YOD PA MA YIN TE, ZHIG PA DANG MA SKYES PA NYID KYIS GNYIS KA YOD PA MA YIN PA'I PHYIR DANG DUS THA DAD PA'I PHYIR RO, ,'BRAS BU 'DAS PA RGYU SKYES PA DA LTAR PA DANG PHRAD PA NAM YANG YOD PA MA YIN TE, DUS THA DAD PA'I PHYIR DANG 'BRAS BU ZHIG PA NI NAM YANG YOD PA MA YIN PA'I PHYIR RO, ,JI LTAR 'BRAS BU 'DAS PA RGYU DUS GSUM DANG PHRAD PA MED PA DE BZHIN DU, ('BRAS BU DA LTAR BA RGYU MA 'ONGS PA DANG, 'DAS PA DANG, DA LTAR BA STE DUS GSUM DANG LHAN CIG PHRAD PA YOD PA MA YIN TE,) 'BRAS BU SKYES PA RGYU MA SKYES, ,'DAS PA DANG NI SKYES PA DANG, ,LHAN CIG PHRAD PAR 'GYUR BA NI, ,NAM YANG YOD PA MA YIN NO, ,'BRAS BU SKYES PA DA LTAR BA NI RGYU MA SKYES PA DANG 'DAS PA DANG LHAN CIG PHRAD PA NAM YANG YOD PA MA YIN TE, DUS THA DAD PA'I PHYIR RO, ,'BRAS BU DA LTAR BA NI RGYU SKYES PA DA LTAR BA DANG PHRAD PA NAM YANG YOD PA MA YIN TE, RGYU DANG 'BRAS BU CIG CAR MED PA'I PHYIR DANG, 'BRAS BU YOD ZIN PA RGYU DANG PHRAD PA DON MED PA'I PHYIR RO, (,DA NI JI LTAR) 'BRAS BU MA 'ONGS PA YANG RGYU DUS GSUM DANG (RGYU 'DAS PA DANG MA 'ONGS PA DANG DA LTAR 'BYUNG BA DANG LHAN CIG) PHRAD PA YOD PA MA YIN TE, 'BRAS BU MA SKYES RGYU SKYES DANG, ,MA SKYES PA DANG 'DAS PA DANG, ,LHAN CIG PHRAD PAR 'GYUR PA

103a

, ,NI, ,NAM YANG YOD PA MA YIN NO, ,'BRAS BU MA SKYES PA MA 'ONGS PA NI RGYU SKYES PA DA LTAR BA DANG 'DAS PA DANG LHAN CIG PHRAD PAR GYUR PA NAM YANG YOD PA MA YIN TE DUS THA DAD PA'I PHYIR RO, ,RGYU MA SKYES PA MA 'ONGS PA DANG YANG PHRAD PA YOD PA MA YIN TE, GNYIS KA MED PA'I PHYIR RO, ,PHRAD PA YOD PA MA YIN NA, ,RGYUS NI 'BRAS BU JI LTAR BSKYED, GANG GI TSE DE LTAR RGYU DANG 'BRAS BU RNAM PA THAMS CAD DU PHRAD PA YOD PA MA YIN PA DE'I TSE RGYUS NI 'BRAS BU JI LTAR BSKYED PAR BYED DE MI BSKYED DO SNYAM DU DGONGS SO, ,CI STE NYES PA DE SPONG BAR 'DOD NAS RGYU DANG 'BRAS BU PHRAD PAR 'DOD NA, DE LTA NA YANG, PHRAD PA YOD PA YIN NA YANG, RGYUS NI 'BRAS BU JI LTAR BSKYED, RGYU DANG 'BRAS BU PHRAD PA YOD NA LHAN CIG PA MA YIN PA LA PHRAD PA MED PAS RGYUS NI 'BRAS BU JI LTAR BSKYED DE, RGYU DANG LHAN CIG PA'I 'BRAS BU SKYE BA DON MED PA'I PHYIR RO, ,BRGYAD PA NI, GAL TE 'BRAS BUS STONG PA'I RGYUS, ,JI LTAR 'BRAS BU SKYED PAR BYED, ,GAL TE 'BRAS BU MI STONG RGYUS, ,JI LTAR 'BRAS BU BSKYED PAR BYED, ,RGYU GANG ZHIG 'BRAS BU SKYED PAR BYED PA DE, DES STONG PA'AM MI STONG PA ZHIG GIS 'BRAS BU BSKYED DRANG, 'BRAS BU STONG ZHING BRAL BA'I RGYUS JI LTAR 'BRAS BU BSKYED PAR BYED DE, RGYU MA YIN PA LTAR 'BRAS BUS STONG PA'I PHYIR RO, ,'BRAS BUS MI STONG PA'I RGYUS KYANG 'BRAS BU JI LTAR BSKYED PAR BYED DE, 'BRAS BU YOD PA'I PHYIR, YOD PA'I LHAS BYIN BZHIN NO, ,YANG 'BRAS BU GANG ZHIG SKYE BA DE YANG STONG PA'AM MI STONG PA ZHIG SKYE DRANG, 'BRAS BU MI STONG SKYE MI 'GYUR, ,MI STONG 'GAG PAR MI

103b

'GYUR RO, ,MI STONG DE NI MA 'GAG DANG, ,MA SKYES PAR YANG 'GYUR BA YIN, ,'BRAS BU MI STONG PA NI RTEN NAS 'BYUNG BA MA YIN ZHING RANG BZHIN GYIS GNAS PA YIN LA, DE LTA BU DE NI SKYE BAR MI 'GYUR ZHING 'GAG PA YANG MI 'GYUR TE, RANG BZHIN LA LDOG PA MED PA'I PHYIR RO, ,DE'I PHYIR MI STONG PAR 'DOD NA 'BRAS BU DE NI MA 'GAG PA DANG MA SKYES PAR YANG 'GYUR NA DE LTAR 'DOD PA YANG MA YIN NO, ,DE'I PHYIR 'BRAS BU DE NI MA STONG PA MA YIN STE SKYE BA DANG 'GAG PAR KHAS BLANGS PA'I PHYIR RO, ,'BRAS BU STONG PA DE NI YANG DAG PAR NA SKYE BA DANG 'GAG PAR MI 'THAD DE, 'DI LTAR, STONG PA JI LTAR SKYE 'GYUR ZHING, ,STONG PA JI LTAR 'GAGS PAR 'GYUR, ,STONG PA DE YANG MA 'GAGS DANG, MA SKYES PAR YANG THAL BAR 'GYUR, ,DE LA STONG PA NI RANG BZHIN MED PA LA BRJOD LA, STONG PA'I RANG BZHIN GYI 'BRAS BU DE YANG J LTAR SKYE BAR 'GYUR ZHING, JI LTAR 'GAG PAR 'GYUR TE, NAM MKHA' LA SOGS PA RANG BZHIN MED PA NI SKYE BA'AM 'JIG PA MA MTHONG NGO, ,DE'I PHYIR 'BRAS BU DE STONG PAR 'DOD NA STONG PA DE YANG MA 'GAGS PA DANG MA SKYES PAR THAL BAR 'GYUR RO, ,DGU PA NI, GZHAN YANG RGYUS 'BRAS BU BSKYED NA, DE 'BRAS BU LAS THA DAD PA'AM THA MI DAD PA ZHIG GIS BSKYED DRANG, GNYIS KA LTAR YANG MI RIGS TE, RGYU DANG 'BRAS BU GCIG NYID DU, ,NAM YANG 'THAD PAR MI 'GYUR RO, ,RGYU DANG 'BRAS BU GZHAN NYID DU, ,NAM YANG 'THAD PAR MI 'GYUR RO, ,DAM BCAS PA 'DI JI LTAR 'GRUB CE NA, RGYU DANG 'BRAS BU GCIG NYID NA, ,BSKYED BYA SKYED BYED GCIG TU 'GYUR, ,RGYU DANG 'BRAS BU GZHAN NYID NA, ,RGYU DANG

104a

, ,RGYU MIN MTSUNGS PAR 'GYUR, ,GAL TE RGYU DANG 'BRAS BU GCIG NYID YIN NA DE'I TSE BSKYED BYA SKYED BYED GCIG TU 'GYUR NA, DE YANG MI RIGS TE, PHA DANG BU DANG MIG DANG MIG GI RNAM PAR SHES PA DANG (SA BON DANG MYU GU) DAG KYANG GCIG NYID DU THAL BAR 'GYUR BA'I PHYIR RO, (GAL TE RGYU DANG 'BRAS BU GZHAN YIN NA 'BRAS BU RGYU LA LTOS PA MED PAR 'GYUR TE, PHAN TSUN GCIG NYID DANG GZHAN NYID THA DAD DU 'GRUB PA'I PHYIR NA,) RGYU DANG 'BRAS BU DE DAG LA NI GZHAN NYID DU YANG MI 'THAD DE, MYU GU'I RGYU SA BON DANG RGYU MIN PA ME DANG SOL PA LA SOGS PA GNYIS KA MYU GU LAS GZHAN YIN PA'I PHYIR, YANG NA GNYIS KA MYU GU'I SKYED BYED YIN PA'AM YANG NA GNYIS KA RGYU MA YIN PAR MTSUNGS PAR 'GYUR BA'I PHYIR RO, ,BCU PA NI, GAL TE RGYUS 'BRAS BU BSKYED PAR BYED NA, 'BRAS BU NGO BO NYID KYIS YOD PA'AM MED PA ZHIG BSKYED, GNYIS KA YANG MI RIGS TE, 'BRAS BU NGO BO NYID YOD NA, RGYUS NI CI ZHIG BSKYED PAR BYED, ,'BRAS BU NGO BO NYID MED NA, ,RGYUS NI CI ZHIG BSKYED PAR BYED, ,'BRAS BU NGO BO NYID KYIS YOD NA DE'I TSE RGYUS CI ZHIG BSKYED PAR BYED DE, YOD PA'I PHYIR BUM PA YOD PA BZHIN NO, ,'BRAS BU NGO BO NYID KYIS MED PA GANG YIN PA DE YANG RGYUS CI ZHIG BSKYED PAR BYED DE, NGO BO NYID KYIS YOD PA MA YIN PA'I PHYIR, BONG BU'I RVA BZHIN NO, ,GAL TE RGYUS 'BRAS BU BKAG MOD DE LTA NA YANG RGYU NI YOD LA, RGYU YOD NA 'BRAS BU YANG YOD DE, 'BRAS BU MED PA'I RGYU MED PA'I PHYIR RO ZHE NA, SKYED PAR BYED PA MA YIN NA, ,RGYU NYID 'THAD PAR MI 'GYUR RO, ,JI SKAD BSHAD PA'I TSUL GYIS RGYUS 'BRAS BU SKYED PAR BYED PA MA YIN PA DE'I

104b

TSE; RGYU'I RGYU NYID 'THAD PAR MI 'GYUR TE, 'BRAS BU BSKYED PA LAS RGYU NYID DU RNAM PAR 'JOG PA'I PHYIR RO, ,GAL TE RGYU MED PA DE LTA NA YANG 'BRAS BU NI YOD LA, RGYU MED PAR YANG 'BRAS BU MED PAS RGYU YANG YOD DO ZHE NA, RGYU NYID 'THAD PA YOD MIN NA, , 'BRAS BU GANG GI YIN PAR 'GYUR, ,GANG GI TSE BSKYED PAR MI BYED PA LA RGYU'I RGYU NYID 'THAD PA YOD PA MIN PA DE'I TSE 'BRAS BU GANG GI YIN PAR 'GYUR, DE'I PHYIR 'BRAS BU YANG MED DO, ,GNYIS PA DON BSDU BA NI, GZHAN YANG GAL TE RGYUS 'BRAS BU SKYED PAR BYED NA, CI RGYU DE BDAG NYID KYIS BDAG NYID BSKYED PAR BYED PA ZHIG GAM, 'ON TE MA YIN PA ZHIG YIN DRANG, (DANG PO MI RUNG STE, BDAG GI DNGOS PO MA RNYED PA NI RAB TU SBYOR BAR BYED PA NYID MA MTHONG BA'I PHYIR GDON MI ZA BAR TSOGS PAS BDAG GI DNGOS PO RNYED PAR 'GYUR DGOS LA, BDAG GI DNGOS PO RNYED PA NI BDAG NYID BDAG SKYED PA LA RAB TU SBYOR BA NYID DU MI RIGS TE, DE'I PHYIR TSOGS PAS RANG GI BDAG NYID MI BSKYED DO,) ,PHYOGS DANG PO MI RIGS TE 'DI LTAR, RGYU RNAMS DANG NI RKYEN DAG GI ,TSOGS PA GANG YIN DE YIS NI, ,BDAG GI BDAG NYID MI BSKYED NA, ,'BRAS BU JI LTAR BSKYED PAR BYED, ,SA BON LA SOGS PA RGYU DANG RKYEN GYI TSOGS PA DE YIS BDAG GIS BDAG NYID MI BSKYED DE, BDAG NYID LA BYED PA 'GAL BA'I PHYIR DANG BDAG NYID SKYE BA DON MED PA'I PHYIR RO, ,GANG ZHIG BDAG NYID MI BSKYED PA DES 'BRAS BU JI LTAR BSKYED PAR BYED DE, MO GSHAM GYI BUS BDAG NYID MI BSKYED PA DES BU BSKYED PAR MI BYED PA BZHIN NO, ,DE'I PHYIR TSOGS PAS BYAS PA'I 'BRAS BU MED DO, ,GNYIS PA NI, CI STE TSOGS PAS BYAS PA'I 'BRAS BU MED NA, 'O NA TSOGS PA MA YIN PAS

105a

, ,BYAS PA'I 'BRAS BU YOD DO ZHE NA, TSOGS MIN BYAS PA'I 'BRAS BU MED, ,GANG GI TSE TSOGS PAS BYAS PA'I 'BRAS BU MED PA DE'I TSE JI LTAR TSOGS PA MA YIN PAS BYAS PA'I 'BRAS BU GA LA YOD DE, DE'I PHYIR TSOGS PA MIN PAS BYAS PA'I 'BRAS BU YANG MED DO, ,GNYIS PA BKAG PA'I MJUG BSDU BA NI, CI STE 'BRAS BU MED PA DE LTA NA YANG, RGYU RKYEN GYIS TSOGS PA NI YOD PA YIN LA, DE YOD PAS 'BRAS BU YANG YOD DO ZHE NA, 'BRAS BU YOD PA MA YIN NA, ,RKYEN GYI TSOGS PA GA LA YOD; ;GANG GI TSE JI SKAD BSHAD PA'I RIGS PAS 'BRAS BU YOD PA MA YIN PA DE'I TSE RGYU MTSAN MED PAS RKYEN GYI TSOGS PA DAG KYANG GA LA YOD DE YOD PA MA YIN NO SNYAM DU DGONGS SO, ,'PHAGS PA RGYA CHE ROL PA LAS, MCHU DANG LKOG MA RKAN LA BRTEN NAS NI; ;LCE BSGYUR BA LAS YI GE'I SGRA 'BYUNG YANG, ,LKOG MAR BRTEN NAS MA YIN RKAN LAS MIN, ,RE RE LA NI YI GE DMIGS SU MED, ,TSOGS PA DE LA BRTEN NAS NGAG DE NI, ,YID KYI BLO YI DBANG GIS 'BYUNG MOD KYI, ,YID DANG NGAG NI MI SNANG GZUGS MED DE, ,NANG DANG PHYI ROL DAG NA'ANG DMIGS SU MED, ,MKHAS PAS NGAG SKAD SGRA DANG DBYANGS RNAMS KYI, ,SKYE DANG 'JIG PA RNAM PAR BRTAGS BYAS NA, ,DE TSE NGAG KUN BRAG CHA LTA BU DANG, ,SKAD CIG PA DANG SNYING PO MED PAR MTHONG, ,ZHES GSUNGS PA LTAR RO, ,DBU MA RTZA BA'I SHES RAB LAS TSOGS PA BRTAG PA ZHES BYA BA STE RAB TU BYED PA NYI SHU PA'I 'GREL PA'O,, ` ,,NYI SHU RTZA GCIG PA 'BYUNG 'JIG BRTAG PA LA, 'BYUNG 'JIG SPYIR DGAG PA DANG, SKYE BA BYE BRAG TU DGAG PA GNYIS KYI DANG PO

105b

LA DNGOS DANG, MTHONG BA DANG 'GAL BA SPANG BA GNYIS KYI, DANG PO LHAN CIG SO SOR GRUB PA DGAG ZAD DANG MA ZAD BRTAGS LA DGAG STONG DANG MI STONG BRTAGS LA DGAG GCIG DANG THA DAD BRTAGS LA DGAG PA DANG BZHI'I, DANG PO LA MDOR BSTAN; RGYAS BSHAD, DON BSDU BA DANG GSUM GYI, DANG PO NI, 'DIR SMRAS PA, DUS NI RANG BZHIN GYIS YOD DE, 'BYUNG BA DANG 'JIG PA'I RGYU YIN PA'I PHYIR, 'DI NA MYU GU LA SOGS PA DUS KYI KHYAD PAR 'GA' ZHIG LA LTOS NAS 'BYUNG ZHING 'GA' ZHIG LA LTOS NAS 'JIG PAR 'GYUR GYI RGYU RKYEN GYI TSOGS PA YOD KYANG THAMS CAD KYI TSE MA YIN NO, ,DE'I PHYIR DUS YOD DO ZHE NA, GAL TE 'BYUNG BA DANG 'JIG PA RANG BZHIN GYIS YOD NA DUS DE'I RGYU YIN YANG YOD PA MA YIN TE, 'JIG PA 'BYUNG BA MED PAR RAM; ;LHAN CIG YOD PA NYID MA YIN, ,'BYUNG BA 'JIG PA MED PAR RAM, ,LHAN CIG YOD PA NYID MA YIN, ,GAL TE 'BYUNG BA DANG 'JIG PA DAG YOD NA PHAN TSUN LTOS PA MED PAR SO SOR RAM LHAN CIG TU YOD PAR 'GYUR BA ZHIG NA, (RNAM PAR DPYAD NA GNYIS KA LTAR YANG YOD PA MA YIN NO, ,JI LTAR ZHE NA,) 'JIG PA 'BYUNG BA LA LTOS PA MED PAR RAM DE DANG LHAN CIG DU YANG YOD PA MA YIN LA, 'BYUNG BA 'JIG PA DANG LTOS PA MED PAR RAM DE DANG LHAN CIG TU YANG YOD PA MA YIN NO, ,GNYIS PA NI, (DAM BCA' BRJOD PA,) 'JIG PA 'BYUNG BA MED PAR NI, ,JI LTA BUR NA YOD PAR 'GYUR, ,SKYE BA MED PAR (THAL BA SGRUB PA) 'CHI BAR 'GYUR, ,'JIG ('JUG BSDUS PA) PA 'BYUNG BA MED PAR MED, ,'JIG PA NI 'BYUNG BA MED PAR JI LTAR BUR NA YOD PAR 'GYUR TE, YOD PAR MI RIGS SO, ,DE

106a

, ,CI'I PHYIR ZHE NA, SKYE BA MED PAR 'CHI BAR 'GYUR NA MA SKYES PAR 'CHI BA YANG MA MTHONG BA'I PHYIR RO, ,DE'I PHYIR 'JIG PA 'BYUNG BA MED PAR MED DO, ,DE BZHIN DU 'JIG PA 'BYUNG BA DANG LHAN CIG TU YANG YOD PA MA YIN TE; 'JIG PA 'BYUNG DANG LHAN CIG TU, JI LTAR YOD PA NYID DU 'GYUR, ,'CHI BA SKYE DANG DUS GCIG TU, ,YOD PA NYID NI MA YIN NO, ,'JIG PA NI 'BYUNG BA DANG DUS CIG CAR RIM LHAN CIG TU JI LTAR YOD PA NYID DU 'GYUR TE GAL TE YOD NA 'CHI BA DANG SKYE BA DAG DUS GCIG TU 'GYUR NA, 'CHI BA DANG SKYE BA DAG NI SNANG BA DANG MUN PA LTAR PHAN TSUN 'GAL BAS DUS GCIG TU YOD PA MA YIN PA'I PHYIR RO, ,DE'I PHYIR 'JIG PA 'BYUNG BA DANG LHAN CIG TU YANG MED DO, ,JI LTAR 'JIG PA 'BYUNG BA MED PAR RAM LHAN CIG TU YOD PA MA YIN PA DE BZHIN DU 'BYUNG BA YANG 'JIG PA MED PAR RAM, LHAN CIG TU YOD PA MA YIN TE, 'DI LTAR, 'BYUNG BA 'JIG PA MED PAR NI, ,JI LTA BUR NA YOD PAR 'GYUR, ,DNGOS PO RNAMS LA MI RTAG NYID, ,NAM YANG MED PA MA YIN NO, , 'BYUNG BA 'JIG PA LA LTOS PA MED PAR JI LTA BUR NA YOD PAR 'GYUR TE, ,YOD PAR MI RIGS SO, ,GANG GI PHYIR DNGOS PO SKYE BA'I CHOS CAN RNAMS LA NI MI RTAG PA NYID NAM YANG MED PA MA YIN, (TE DNGOS PO THAMS CAD DUS KUN TU, ,RGA DANG 'CHI BA'I CHOS YIN NA, ,GANG DAG RGA DANG 'CHI MED PAR, ,GNAS PA'I DNGOS PO GANG ZHIG YIN, ,ZHES GSUNGS PA LTAR) GYI DNGOS PO THAMS CAD MI RTAG PA DANG RTAG TU RJES SU 'BREL BA NYID KYI PHYIR RO, ,DE'I PHYIR 'BYUNG BA 'JIG PA MED PAR MED DO, ,'BYUNG BA 'JIG DANG LHAN CIG TU, ,JI LTAR YOD PA NYID DU

106b

'GYUR; ;SKYE BA 'CHI DANG DUS GCIG TU, ,YOD PA NYID NI MA YIN NO, ,'BYUNG BA NI 'JIG PA DANG LHAN CIG TU JI LTAR YOD PA NYID DU 'GYUR TE, GAL TE YOD NA SKYE BA DANG 'CHI BA DUS GCIG TU YOD PAR 'GYUR NA, SKYE BA DANG 'CHI BA NI PHAN TSUN 'GAL BAS DUS GCIG TU YOD PA MA YIN PA'I PHYIR RO, ,DE'I PHYIR 'BYUNG BA DANG 'JIG PA LHAN CIG TU YANG GRUB PA MED DO, ,GSUM PA NI, GANG DAG PHAN TSUN LHAN CIG GAM, PHAN TSUN LHAN CIG MA YIN PAR, GRUB PA YOD PA MA YIN PA, ,DE DAG GRUB PA JI LTAR YOD; ;SKYE BA DANG 'JIG PA GANG DAG PHAN TSUN LHAN CIG GAM LHAN CIG MA YIN PAR SO SOR GRUB PA YOD PA MA YIN PA DE DAG RNAM PA GZHAN GYIS GRUB PA JI LTAR YOD DE, DE NYID DANG GZHAN LAS MA GTOGS PA'I PHYOGS GZHAN MED DO, ,GNYIS PA ZAD DANG MA ZAD BRTAGS LA DGAG PA NI, GZHAN YANG 'BYUNG BA DANG 'JIG PA 'DI DAG DNGOS PO ZAD PA'I CHOS CAN NAM MA ZAD PA'I CHOS CAN ZHIG LA RTOG DRANG, GNYIS KA LTAR YANG MI RIGS TE, ZAD PA 'BYUNG PA YOD MA YIN, ,MA ZAD PA LA'ANG 'BYUNG BA MED, ,ZAD PA 'JIG PA YOD MA YIN, ,MA ZAD PA LA'ANG 'JIG PA MED, ,DNGOS PO ZAD PA'I CHOS CAN NI, ,ZHIG NAS MED PA YIN LA DE LA NI DE DANG 'GAL BA 'BYUNG BA YOD PA RIGS PA MA YIN NO, ,MA ZAD PA NI MI 'JIG PA YIN LA DE YANG DNGOS PO'I MTSAN NYID DANG MI LDAN PAS 'BYUNG BA MED DE, BONG BU'I RVA BZHIN NO, ,ZAD PA LA 'JIG PA YOD PA MA YIN TE, DE LA RTEN MED PAS 'JIG PA MI RIGS PA'I PHYIR RO, ,MA ZAD PA LA YANG 'JIG PA MED DE, DNGOS PO'I MTSAN NYID DANG MI MTHUN PA YIN PA'I PHYIR RO, (YOD PA MA YIN

107a

, ,PA DE LA 'JIG PA YOD PAR GA LA 'GYUR) ,DE'I PHYIR 'BYUNG BA DANG 'JIG PA MED DO, ,GAL TE 'BYUNG BA DANG 'JIG PA YOD DE, DE DAG GI RTEN CHOS CAN DNGOS PO YOD PA'I PHYIR ZHE NA, GAL TE DNGOS PO YOD NA DE LA BRTEN PA'I CHOS GNYIS PO 'BYUNG BA DANG 'JIG PA DAG YOD PAR 'GYUR NA BSHAD ZIN PA DANG 'CHAD PAR 'GYUR BA'I RIGS PAS, DNGOS PO YOD PA MA YIN PAR, ,'BYUNG DANG 'JIG PA YOD MA YIN, (,RTEN MED PAS BRTEN PA MA GRUB PO ZHES BYA BAR DGONGS SO,) CI'I PHYIR DNGOS PO YOD PA MA YIN ZHE NA; 'BYUNG DANG 'JIG PA MED PAR NI, ,DNGOS PO YOD PA MA YIN NO, (,DNGOS PO NI 'BYUNG 'JIG YOD NA YOD PA NYID YIN PA'I PHYIR SNYAM DU DGONGS PA'O,) 'BYUNG BA DANG 'JIG PA DAG NI DNGOS PO'I MTSAN NYID YIN LA DE DAG KYANG BKAG ZIN TO, ,GANG GI TSE BKAG PA DE'I TSE DNGOS PO'I MTSAN NYID 'BYUNG BA DANG 'JIG PA MED PAR DNGOS PO YOD PA MA YIN NO, ,GSUM PA STONG DANG MI STONG BRTAGS LA DGAG PA NI, GZHAN YANG 'BYUNG BA DANG 'JIG PA DAG DNGOS PO STONG PA'AM MI STONG PA ZHIG LA RTOG DRANG, DE LA RE SHIG STONG LA 'BYUNG DANG 'JIG PA DAG LA 'THAD PA NYID NI MA YIN NO, ,RTEN MED PA'I PHYIR STONG LA 'BYUNG BA DANG 'JIG PA 'THAD PA MA YIN TE, NAM MKHA'I RI MO BZHIN DE BZHIN DU, ,MI STONG PA LA 'BYUNG 'JIG DAG ,'THAD PA NYID NI MA YIN NO, ,MI STONG PA NI RANG BZHIN GYIS YOD PA'I PHYIR 'BYUNG BA DANG 'JIG PA 'THAD PA MA YIN NO, ,BZHI PA GCIG DANG THA DAD BRTAGS LA DGAG PA NI, GZHAN YANG 'BYUNG 'JIG DAG YOD NA DE DAG GCIG NYID DAM GZHAN NYID DU YOD, ,'BYUNG BA DANG NI 'JIG PA DAG ,GCIG NYID DU MI 'THAD

107b

DO; ;'BYUNG BA DANG 'JIG PA DAG SNANG BA DANG MUN PA LTAR PHAN TSUN 'GAL BA'I PHYIR GCIG PA NYID DU MI 'THAD DO, ,'BYUNG BA DANG NI 'JIG PA DAG ,GZHAN PA NYID DU MI 'THAD DO, ,'BYUNG BA DANG 'JIG PA DAG GZHAN NYID DU YANG MI 'THAD DE, 'BYUNG BA DANG BRAL BA'I 'JIG PA'AM 'JIG PA DANG BRAL BA'I 'BYUNG BA MA MTHONG BAS GNYIS KA PHAN TSUN MI 'KHRUL BA'I PHYIR RO, ,GNYIS PA MTHONG BA DANG 'GAL BA SPANG BA LA DNGOS DANG, SGRUB BYED BSHAD PA GNYIS KYI, DANG PO NI, CI STE ZHIB MOR DPYAD PA 'DIS CI ZHIG BYA STE, GANG GI PHYIR 'BYUNG BA DANG 'JIG PA DAG NI SKYE BO BA LANG RDZI YAN CHAD KYIS MTHONG BA'I PHYIR YOD DE, YOD PA MA YIN PA MO GSHAM GYI BU NI MTHONG BA MA YIN NO SNYAM NA, (GAL TE DE LTAR,) 'BYUNG BA DANG NI 'JIG PA DAG ,MTHONG NGO SNYAM DU KHYOD SEMS NA, , 'BYUNG BA DANG NI 'JIG PA DAG ,GTI MUG NYID KYIS MTHONG BA YIN, ,GAL TE 'BYUNG BA DANG 'JIG PA DAG SKYE BO BA LANG RDZI YAN CHAD GYIS MTHONG BA'I PHYIR YOD DO SNYAM DU KHYOD SEMS NA, 'DI NI MA NGES PA YIN TE, (GANG DANG GANG 'JIG RTEN PAS MTHONG BA DE DANG DE YOD PA NYID NI MA YIN TE,) JI LTAR SKYE BO BA LANG RDZI YAN CHAD KYIS YOD PA MA YIN PA'I DRI ZA'I GRONG KHYER DANG SGYU MA DANG RMI LAM DANG SMIG RGYU'I CHU LA SOGS (SKRA SHAD SBRANG MA DANG SBRANG BU MCHU RING) PA MTHONG BA (YIN TE DE) BZHIN DU 'BYUNG BA DANG 'JIG PA DAG KYANG MED BZHIN DU MI SHES PA'I GTI MUG GI RAB RIB KYIS BLO'I MIG MDONGS PAR BYAS PA RNAMS KYIS MTHONG BA YIN GYI, GANG DAG STONG PA NYID KYI MIG SMRAN GYIS MA RIG PA'I LING TOG BSAL BA'I 'PHAGS PA RNAMS KYIS NI RJES THOB TU YANG DNGOS PO RNAMS SGYU MA DANG 'DRA BAR KHONG DU CHUD PA

108a

, ,NA SKYE BA DANG 'JIG PA RANG BZHIN GYIS DBEN PAR MTHONG BA YIN NO, ,GNYIS PA NI, CI STE 'BYUNG BA DANG 'JIG PA DAG MED BZHIN DU GTI MUG KHO NAS MTHONG NGO ZHES BYA BAR JI LTAR NGES ZHE NA, 'DI NI RIGS PA LAS NGES TE; 'DI LTAR GAL TE 'BYUNG BA'I MTSAN NYID CAN DNGOS PO 'GA' ZHIG YOD NA DE DNGOS PO'AM DNGOS PO MED PA LAS SKYE, DE BZHIN DU 'JIG PA'I MTSAN NYID CAN DNGOS PO MED PA ZHES BYA BA 'GA' YIG YOD NA YANG DE DNGOS PO'AM DNGOS PO MED PA ZHIG LAS SKYE DRANG NA, GNYIS CAR YANG MI RIGS TE, DNGOS PO DNGOS LAS MI SKYE STE, ,DNGOS PO DNGOS MED LAS MI SKYE, ,DNGOS MED DNGOS MED MI SKYE STE, ,DNGOS MED DNGOS LAS MI SKYE'O, ,'BYUNG BA'I MTSAN NYID KYI DNGOS PO NI DNGOS PO LAS MI SKYE STE, RGYU DANG 'BRAS BU DUS GCIG PAR THAL BA'I PHYIR DANG, SKYE BA RNYED ZIN PA LA YANG SKYE BA DON MED PA'I PHYIR RO, ,DNGOS PO NI DNGOS PO MED PA LAS KYANG MI SKYE STE, DNGOS PO MED PA NI 'JIG PA YIN LA, DE NI DNGOS PO DANG 'GAL BA'I PHYIR RO, ,DNGOS PO MED PA NI DNGOS PO MED PA LAS MI SKYE STE, GAL TE DNGOS PO MED PA LAS DNGOS PO MED PA 'BYUNG BAR 'GYUR NA NI, DE'I TSE MO SHAM GYI BU MO LAS KYANG BU SKYE BAR 'GYUR NA, (DE NI DE LTAR MA YIN TE,) DNGOS PO MED PA NI DNGOS PO LOG PA'I RANG BZHIN YIN PAS 'BRAS BU BSKYED PA'I NUS PA MED PA'I PHYIR, GAL TE YOD NA MYA NGAN LAS 'DAS PAS KYANG 'BRAS BU BSKYED PAR THAL BA'I PHYIR RO, ,DNGOS PO MED PA DNGOS PO LAS KYANG MI SKYE STE, DNGOS PO MED PA NI DNGOS PO DANG 'GAL BA YIN NA, DE JI LTAR DNGOS PO LAS

108b

'BYUNG; GAL TE 'BYUNG NA SGRON MA LAS KYANG MUN PA 'BYUNG BAR THAL BA'I PHYIR RO, (,GANG GI PHYIR) DE LTAR RNAM PAR DPYAD NA 'BYUNG BA DANG 'JIG PA DAG YOD PA MA YIN PA DE'I PHYIR GTI MUG NYID KYIS MTHONG BA YIN NO ZHES SHES PAR BYA'O, ,GNYIS PA, SKYE BA BYE BRAG TU DGAG PA LA, DGAG PA DNGOS, DNGOS PO YOD PA'I NYES PA, DE'I SKYON SPONG DGAG PA GSUM GYI, DANG PO NI, GAL TE DNGOS PO 'GA' ZHIG YOD NA DE SKYES ZHING ZAD PA DANG LDAN PAS 'BYUNG BA DANG 'JIG PAR 'GYUR NA DNGOS PO 'GA' YANG YOD PA MA YIN TE, RI BONG GI RVA LTAR RANG BZHIN GYIS MA SKYES PA'I PHYIR RO, ,'DI LTAR, DNGOS PO BDAG LAS MI SKYE STE, ,GZHAN LAS SKYE BA NYID MA YIN, ,BDAG DANG GZHAN LAS SKYE BA NI, ,YOD MIN JI LTAR SKYE BAR 'GYUR, ,DNGOS PO BDAG LAS MI SKYE STE; DON MED PA'I PHYIR DANG THUG PA MED PAR THAL BA'I PHYIR RO, ,GZHAN LAS SKYE BA YANG MA YIN TE, ,RGYU DANG RGYU MA YIN PA KUN LAS SKYE BAR THAL BA'I PHYIR RO, ,BDAG DANG GZHAN GNYIS KA LAS KYANG SKYE BA YOD PA MA YIN TE NYES PA GNYIS KAR DU 'GYUR BA'I PHYIR RO, ,JI SKAD BSHAD PA'I RNAM PAS SKYE BA MED NA DE NI JI LTAR SKYE BAR 'GYUR TE, SKYE BAR MI 'GYUR BA NYID DO SNYAM DU DGONGS SO, ,GNYIS PA NI, DNGOS PO YOD PAR KHAS BLANGS NA, ,RTAG DANG CHAD PAR LTA BAR NI, ,THAL BAR 'GYUR TE DNGOS PO DE NI; ;RTAG DANG MI RTAG 'GYUR PHYIR RO, ,GANG ZHIG DNGOS PO'I RNAM GZHAG JI SKAD BSHAD PA LAS 'DAS NAS DNGOS PO RANG BZHIN GYIS YOD PAR KHAS BLANGS NA GSUNG RAB DANG SHIN TU 'GAL BA RTAG PA'AM CHAD PAR LTA BAR THAL BAR 'GYUR TE, GANG GI PHYIR

109a

, ,DNGOS PO DE NI BRTAGS PA NA RTAG PA'AM MI RTAG PA ZHIG TU 'GYUR DGOS LA, GAL TE RTAG NA NI RTAG PAR SMRA BAR 'GYUR LA MI RTAG PA YIN NA NI CHAD PAR SMRA BAR THAL BA'I PHYIR RO, ,GSUM PA LA SKYON SPONG DNGOS DANG, DE DGAG PA GNYIS LAS, DANG PO NI, DNGOS PO YOD PAR KHAS BLANGS KYANG, ,CHAD PAR MI 'GYUR RTAG MI 'GYUR, ,'BRAS BU RGYU YI 'BYUNG 'JIG GIS, ,RGYUN DE SRID PA YIN PHYIR RO, ,DNGOS PO RANG BZHIN GYIS YOD PAR KHAS BLANGS KYANG KHO BO CAG LA CHAD PA DANG RTAG PAR THAL BAR MI 'GYUR TE, GAL TE RGYU 'GAGS SHING DE'I RGYU CAN GYI 'BRAS BU MI SKYE NA DE'I TSE CHAD PAR 'GYUR LA RGYU MI 'GAG CING RANG GI NGO BOS GNAS NA RTAG PAR 'GYUR NA DE NI DE LTAR MA YIN GYI, 'DU BYED RNAMS KYI 'BRAS BU DANG RGYU GO RIM BZHIN DU 'BYUNG BA DANG 'JIG PA'I RGYUN RNAM PAR CHAD PA MED PAR 'BYUNG BA GANG YIN PA DE NYID SRID PA'AM 'KHOR BA YIN PA'I PHYIR RO ZHE NA, GNYIS PA LA GNYIS KYI, DANG PO RTAG CHAD SPONG MI NUS PAR BSTAN PA NI, GAL TE, 'BRAS BU RGYU'I 'BYUNG 'JIG GI ,RGYUN DE SRID PA YIN GYUR NA, ,'JIG LA YANG SKYE MED PA'I PHYIR, ,RGYU NI CHAD PAR THAL BAR 'GYUR, ,GAL TE 'BRAS BU 'BYUNG BA DANG RGYU 'JIG PA'I RGYUN DE SRID PA YIN PAR 'GYUR NA, RGYU'I SKAD CIG MA 'JIG PA DANG LDAN PA DE YANG SKYE BA MED PA'I PHYIR RGYU CHAD PAR THAL BAR 'GYUR RO, ,CI'I PHYIR, NYES PA 'DI KHYED LA YANG THAL BAR MI 'GYUR RAM ZHE NA, GANG ZHIG DNGOS PO KHAS LEN PA DE LA NYES PA 'DI 'GYUR GYI, KHO BOS NI DNGOS PO'I RANG BZHIN CUNG ZAD KYANG KHAS MA BLANGS NA (TE CHOS THAMS CAD SKYE BA MED PA'I PHYIR RO, ,

109b

GONG DU, GANG LA BRTEN TE GANG 'BYUNG BA, ,DE NI RE SHIG DE NYID MIN, ,DE LAS GZHAN LA'ANG MA YIN PHYIR, ,DE PHYIR CHAD MIN RTAG PA MIN, ,ZHES BSHAD PA DER YANG KHO BOS TSUL 'DIS DNGOS PO RNAMS RANG BZHIN MED PAR BSTAN PA YIN TE, DE LTAR MA YIN PAR DNGOS PO RANG GIS NGO BOS YOD NA NI SA BON DANG MYU GU DAG GZHAN NYID DU JI LTAR MI 'GYUR DE'I PHYIR THAL BA 'DIS KHO BO LA GNOD PA MA YIN NO,) ,CI'I PHYIR SNGAR YOD PA PHYIS MED PAR 'GYUR BA CHAD PA'I NYES PAR 'GYUR, GZHAN YANG DNGOS PO YOD PAR KHAS BLANGS NA CHAD PA'I NYES PAR 'GYUR BAR MA ZAD RTAG PA'I NYES PAR YANG 'GYUR TE, 'DI LTAR; DNGOS PO NGO BO NYID YOD NA, DNGOS MED 'GYUR BA MI SRID DO, ,GAL TE DNGOS PO NGO BO NYID KYIS YOD NA DE NI PHYIS DNGOS PO MED PAR 'GYUR BA MI RIGS TE, RANG BZHIN LA LDOG PA MED PA'I PHYIR RO, ,DE'I PHYIR RTAG PAR LTA BAR THAL BA SO NA 'DUG GO ;GZHAN YANG, MYA NGAN 'DAS PA'I DUS NA CHAD, ,SRID RGYUN RAB TU ZHI PHYIR RO, ,GAL TE RGYU DANG 'BRAS BU'I 'BYUNG 'JIG GI RGYUN 'JUG PAS RTAG CHAD DU LTA BA SPONG NA, DE LTA NA YANG GANG DU RGYUN DE YANG 'BYUNG BAR MI 'GYUR BA MYA NGAN LAS 'DAS PA'I DUS DER NGES PAR CHAD PAR LTA BAR 'GYUR TE, RGYU 'BRAS 'BYUNG 'JIG GI SRID PA'I RGYUN DE RAB TU ZHI BA'I PHYIR RO, ,BCOM LDAN 'DAS KYIS CHAD PAR LTA BA THAMS CAD SPANG BAR GSUNGS SO, ,GNYIS PA 'BYUNG 'JIG 'KHOR BAR MI 'THAD PA NI, GZHAN YANG; 'BRAS BU RGYU'I 'BYUNG 'JIG GI ,RGYUN DE SRID PA YIN PHYIR RO, ,ZHES SMRAS PA DE YANG MI RIGS TE, (JI LTAR ZHE NA 'DIR SRID PA THA MA NI LDOG PA'I MTSAN NYID CAN YIN LA, DANG PO NI 'GRO BA NYING MTSAMS SBYOR BA'I MTSAN NYID CAN NO, ,DE LA SRID PA THA MA 'GAG BZHIN PA NI RGYU NYID DU GNAS PA YIN LA

110a

, ,SKYE BO'I MTSAN NYID CAN SRID PA DANG PO NI 'BRAS BU'I DNGOS POR GNAS PA YIN TE, SRID PA DE GNYIS LA NI 'KHOR BA ZHES MING DU BTAGS PA YIN NO, ,'DIR 'DI DPYAD PAR BYA STE,) GANG LAS RGYU DANG 'BRAS BU'I RGYUN GYIS 'KHOR BAR 'GYUR BA SRID PA DANG PO NYING MTSAMS SBYOR BA'I MTSAN NYID CAN 'BRAS BU'I NGO BOR GNAS PA GANG YIN PA DE CI SRID PA THA MA LDOG PA'I MTSAN NYID CAN 'GAGS PA'AM, 'ON TE MA 'GAGS PA'AM, 'GAG BZHIN PA NA SKYE DRANG, THAMS CAD DU MI RIGS TE, THA MA 'GAGS PAR 'GYUR BA NA, SRID PA DANG PO RIGS MI 'GYUR, THA MA MA 'GAGS GYUR PA'I TSE, ,SRID PA DANG PO RIGS MI 'GYUR, GAL TE SRID PA THA MA 'GAGS PAR 'GYUR PA NA SRID PA DANG PO SKYE'O ZHES RTOG NA DE YANG RIGS PAR MI 'GYUR TE, RGYU MED PA DANG SA BON TSIG PA LAS KYANG MYU GU SKYE BAR THAL BA'I PHYIR RO, ,SRID PA THA MA MA 'GAGS PAR 'GYUR BA'I TSE YANG SRID PA DANG PO SKYE BAR RIGS PAR MI 'GYUR TE, GAL TE 'GYUR NA RGYU MED PA DANG, SEMS CAN GCIG LA YANG NGO BO GNYIS YOD PA DANG, (SNGON MED PA'I SEMS CAN 'BYUNG BA DANG,) SNGA MA RTAG PA DANG, SA BON MA ZHIG PA LAS KYANG MYU GU SKYE BAR 'GYUR (NA DE DAG NI MI RIGS) PA'I PHYIR RO, (DA NI SRID PA THA MA 'GAG BZHIN PA NA JI LTAR SRID PA DANG PO MI 'THAD PAR BSTAN PA NI,) GAL TE THA MA 'GAG BZHIN NA, ,DANG PO SKYE BAR 'GYUR NA NI, ,'GAG BZHIN PA NI GCIG 'GYUR ZHING, ,SKYE BZHIN PA YANG GZHAN DU 'GYUR, ,GAL TE SRID PA 'GAG BZHIN PA DA LTAR BA LAS SRID PA DANG PO SKYE BZHIN PA SKYE BAR 'GYUR NA, SKYE BZHIN PA DANG 'GAG BZHIN PA GNYIS CHAR DA LTAR BA YIN PA'I PHYIR 'GAG BZHIN PA NI SRID PA GCIG TU

110b

'GYUR ZHING, SKYE BZHIN PA YANG SRID PA GZHAN DU 'GYUR BAS SRID PA GNYIS DUS GCIG TU 'GYUR NA GCIG LA SRID PA GNYIS DUS GCIG TU YOD PA YANG MA YIN PAS MI RIGS SO, ,DE'I PHYIR, GAL TE 'GAG BZHIN SKYE BZHIN DAG ,LHAN CIG TU YANG RIGS MIN NA, ,PHUNG PO GANG LA 'CHI 'GYUR BA, ,DE LA SKYE BA'ANG 'BYUNG 'GYUR RAM, ,GANG GI TSE SRID PA THA MA 'GAGS PA NA SRID PA DANG PO 'BYUNG BA MA YIN LA, THA MA MA 'GAGS PA NA YANG SRID PA DANG PO 'BYUNG BA MA YIN ZHING, 'GAG BZHIN PA DANG SKYE BZHIN PA DAG LHAN CIG TU YANG 'BYUNG BA RIGS PA MA YIN PA DE'I TSE, DA CI PHUNG PO GANG LA GNAS NAS 'CHI BAR 'GYUR BA DE LA SKYE BA 'BYUNG BAR 'GYUR RAM STE 'CHI BZHIN PA SKYE'O ZHES BYA BA 'DI NI SHIN TU 'GAL BA YIN NO, ,DE LTAR DUS GSUM DAG TU YANG, ,SRID PA'I RGYUN NI MI RIGS NA, ,DUS GSUM DAG DU GANG MED PA, ,DE NI JI LTAR SRID PA'I RGYUN, ,GANG GI PHYIR SRID PA THA MA 'GAGS PA DANG, MA 'GAGS PA DANG, 'GAG BZHIN PA NA SRID PA DANG PO YOD PA MA YIN PA DE'I PHYIR DE LTAR DUS GSUM DAG TU YANG SRID PA'I RGYUN 'BYUNG BA MI RIGS PA DE'I TSE GANG ZHIG DUS GSUM DAG DU MED PA DE NI JI LTAR SRID PA'I RGYUN ZHES BYA STE, DE'I PHYIR RNAM PA THAMS CAD DU SRID PA'I RGYUN YOD PA MA YIN NO, (DE'I PHYIR, 'BRAS BU RGYU'I 'BYUNG 'JIG GI ,RGYUN DE SRID PA YIN PHYIR RO, ,ZHES GANG SMRAS PA DE MI RIGS PA SMRAS PA YIN NO,) ,DE'I PHYIR DNGOS PO YOD PAR KHAS BLANGS NA RTAG PA DANG CHAD PAR LTA BAR THAL BAR 'GYUR BAS DE'I PHYIR DNGOS PO RNAMS SKYE BA MED DO ZHES BYA BAR GRUB BO, ,BCOM LDAN 'DAS KYIS KYANG, SRID GSUM RMI LAM DANG 'DRA SNYING PO

111a

, ,MED, ,MYUR DU 'JIG CING MI RTAG SGYU MA BZHIN, ,'ONG BA MED CING 'DI NAS 'GRO BA'ANG MED, ,RGYUN RNAMS RTAG TU STONG ZHING MTSAN MA MED, ,CES GSUNGS SO, ,DBU MA RTZA BA'I SHES RAB LAS 'BYUNG BA DANG 'JIG PA BRTAG PA ZHES BYA BA RAB TU BYED PA NYI SHU RTZA GCIG PA'I 'GREL PA'O,, ` ,,NYER GNYIS PA DE BZHIN GSHEGS PA BRTAG PA LA, SEMS CAN GYI 'JIG RTEN RANG BZHIN MED PAR BSTAN PA DANG, SNOD KYI 'JIG RTEN RANG BZHIN MED PAR BSTAN PA GNYIS KYI, DANG PO LA DE BZHIN GSHEGS PA LA MTHAR 'DZIN PA DGAG DE NYID MTHA' BRAL DU BSTAN PA GNYIS KYI DANG PO LA, ,DE NYID DANG GZHAN GYI PHYOGS DGAG PA DANG, BRJOD DU MED PA'I PHYOGS DGAG PA GNYIS KYI DANG PO NI, 'DIR SMRAS PA, SRID PA'I RGYUN YOD DE; DE BZHIN GSHEGS PA YOD PA'I PHYIR, 'DI NA BCOM LDAN 'DAS BSKAL PA GRANGS MED GSUM LA SOGS PAR BAR CHAD MED PAR BRTZON PAS BSOD NAMS DANG YE SHES KYI TSOGS GNYIS LA GOMS PAR MDZAD PAS THAMS CAD MKHYEN PA'I YE SHES BRNYES TE; CHOS RNAMS KYI DE KHO NA NYID MA LUS PA THUGS SU CHUD CING MKHYEN PAS DE BZHIN GSHEGS PA ZHES BRJOD DO, ,GAL TE SRID PA'I RGYUN MED NA SKYE BA GCIG GIS DE BZHIN GSHEGS PA BRNYES PAR MI SPYOD DO ZHE NA, GANG GI MI SHES PA SHIN TU CHEN PO RIGS PA'I SNANG BA SNA TSOGS PAS BZLOG TU ZIN KYANG SHIN TU YUN RING PO NAS GOMS PAS, DE DA RUNG DU YANG MI LDOG CING MI 'JIG PA KHYOD KYI MI SHES PA SHIN TU CHEN PO DE NYID SRID PA'I RGYUN RNAM PAR CHAD PA MED PAR 'JUG PA DANG CHES RING BAR GO BAR BYED PA YIN NO, ,

111b

GAL TE DE BZHIN GSHEGS PA ZHES BYA BA 'GA' ZHIG RANG BZHIN GYIS YOD NA, CI STE GZUGS LA SOGS PA'I PHUNG PO DAG GI RANG BZHIN YIN NAM, PHUNG PO LAS DE GZHAN YIN NAM, DE LA PHUNG PO YOD PA'AM, PHUNG PO DAG LA DE YOD PA'AM, LHA SBYIN NOR DANG LDAN PA LTAR DE PHUNG PO DANG LDAN PAR 'GYUR DRANG, RNAM PA THAMS CAD DU DPYAD NA RIGS PA MA YIN TE, PHUNG MIN PHUNG PO LAS GZHAN MIN, ,DE LA PHUNG PO DER DE MED, ,DE BZHIN GSHEGS PA PHUNG LDAN MIN, ,DE BZHIN GSHEGS PA GANG ZHIG YIN, ,DE LA RE SHIG PHUNG PO NYID DE BZHIN GSHEGS PA MIN TE, BYED PA PO DANG LAS GCIG TU 'GYUR BA'I PHYIR DANG PHUNG PO BZHIN DU SKYE BA DANG 'JIG PAR THAL BAR 'GYUR BA'I PHYIR RO, ,PHUNG PO LAS DE BZHIN GSHEGS PA GZHAN PA YANG MIN TE, NYE BAR LEN PA MED PAR 'BYUNG BAR 'GYUR BA'I PHYIR DANG PHUNG PO'I MTSAN NYID MED PAR THAL BAR 'GYUR BA'I PHYIR RO, ,DE BZHIN GSHEGS PA DE LA PHUNG PO BRTEN PA MED LA, PHUNG PO DER DE BZHIN GSHEGS PA BRTEN PA YANG MED DE, 'KHAR GZHONG DANG RGYA SHUG LTAR GZHAN NYID DU GRUB PA MED PA'I PHYIR RO, ,DE BZHIN GSHEGS PA PHUNG PO DANG LDAN PA YANG MIN TE, DE NYID DANG GZHAN DU MED PAS LDAN PA'I DON MED PA'I PHYIR RO, ,PHYOGS LNGA PO 'DI DAG DNGOS SU NA DE NYID DANG GZHAN GYI PHYOGS GNYIS SU 'DUS KYANG 'JIG TSOGS LA LTA BA'I 'JUG TSUL LA LTOS NAS PHYOGS LNGA 'GOD PAR MDZAD DO, ,DE LTAR RNAM PA LNGAS DPYAD NA YOD PA MA YIN PA'I DE BZHIN GSHEGS PA DE GANG ZHIG YIN TE, 'GA' YANG MED DO ZHES BYA BAR DGONGS SO, ,GNYIS PA LA RANG BZHIN DANG GZHAN DNGOS DGAG NYE

112a

, ,BAR LEN PA PO DANG NYE BAR LEN PA DGAG BKAG PA'I MJUG BSDU BA DANG GSUM GYI DANG PO NI, 'DIR RANG GI SDE PA GANG ZAG DU SMRA BA RNAMS NA RE, JI SKAD BSHAD PA'I NYES PAR 'GYUR BAS PHUNG PO NYID DE BZHIN GSHEGS PA YIN NO ZHES KYANG MI SMRA, PHUNG PO LAS THA DAD PA YANG MA YIN ZHING, DE BZHIN GSHEGS PA LA PHUNG PO YOD PA YANG MA YIN, PHUNG PO LA DE BZHIN GSHEGS PA YOD PA YANG MA YIN, DE BZHIN GSHEGS PA PHUNG PO DANG LDAN PA YANG MA YIN TE, 'O NA CI ZHE NA, PHUNG PO LA BRTEN NAS DE BZHIN GSHEGS PA DE NYID DANG GZHAN DU BRJOD DU MED PA ZHIG RNAM PAR 'JOG STE, DE'I PHYIR KHO BO CAG LA JI SKAD BSHAD PA'I NYES PA MED DO ZHE NA, GAL TE SANGS RGYAS PHUNG PO LA, ,BRTEN NAS RANG BZHIN LAS YOD MIN, ,RANG BZHIN LAS NI GANG MED PA, ,DE GZHAN DNGOS LAS GA LA YOD, ,GAL TE SANGS RGYAS BCOM LDAN 'DAS DE NYID DANG GZHAN DU BRJOD DU MED PA ZHIG PHUNG PO LA BRTEN NAS 'DOGS NA, BRTEN NAS BRTAGS PA'I GZUGS BRNYAN LTAR RANG BZHIN LAS YOD PA MA YIN NO ZHES BYA BAR 'GYUR RO, ,GANG ZHIG RANG BZHIN LAS TE RANG GI NGO BO LAS GANG MED PA DE NI JI LTAR PHUNG PO LA BRTEN NAS GZHAN GYI DNGOS PO LAS GA LA YOD TE, YOD PA MA YIN PA'I MO GSHAM GYI BU NI GZHAN GYI DNGOS PO LA LTOS NAS YOD PAR MI RIGS SO, ,CI STE GZUGS BRNYAN RANG BZHIN GYIS MED KYANG BZHIN DANG ME LONG LA BRTEN NAS YOD PA LTAR DE BZHIN GSHEGS PA YANG PHUNG PO LA BRTEN NAS YOD PAR 'GYUR RO SNYAM NA, GANG ZHIG GZHAN GYI DNGOS BRTEN NAS, ,DE BDAG NYID DU MI 'THAD DO, ,GANG ZHIG BDAG

112b

NYID MED PA DE, ,JI LTAR DE BZHIN GSHEGS PAR 'GYUR, GANG ZHIG GZUGS BRNYAN LTAR GZHAN GYI DNGOS PO LA BRTEN NAS DE BZHIN GSHEGS PA 'DOD NA DE LTAR NA DE BZHIN GSHEGS PA DE BDAG NYID DE RANG BZHIN GYIS GRUB PAR MI 'THAD DO, ,GANG ZHIG GZUGS BRNYAN LTAR BDAG NYID KYIS GRUB PA MED PA DE JI LTAR NA PHYIN CI MA LOG PA'I LAM NAS GSHEGS PA'I DE BZHIN GSHEGS PAR 'GYUR SNYAM DU DGONGS SO, ,GZHAN YANG, 'DI NA DE BZHIN GSHEGS PA LA RANG BZHIN 'GA' ZHIG YOD NA DE'I RANG BZHIN LA LTOS NAS PHUNG PO'I RANG BZHIN GZHAN GYI DNGOS POR 'GYUR LA, GZHAN GYI DNGOS PO LA BRTEN NAS DE BZHIN GSHEGS PAR 'GYUR BA ZHIG NA, GANG GI TSE DE BZHIN GSHEGS PA LA RANG BZHIN YOD PA MA YIN PA DE'I TSE DE LA LTOS NAS PHUNG PO GZHAN GYI DNGOS POR JI LTAR 'GYUR ZHES STON PA NI, GAL TE RANG BZHIN YOD MIN NA, ,GZHAN DNGOS YOD PAR JI LTAR 'GYUR, GANG GI TSE DE LTAR RANG DNGOS DANG GZHAN DNGOS DAG MED PA DE'I TSE, RANG BZHIN DANG NI GZHAN DNGOS DAG ,MA GTOGS DE BZHIN GSHEGS DE GANG; ;DNGOS PO YIN NA RANG BZHIN DANG GZHAN DNGOS PO DAG TU 'GYUR GYI DE GNYIS LAS MA GTOGS PA'I DE BZHIN GSHEGS PA ZHES BYA BA DE GANG ZHIG YOD DE'I PHYIR DE BZHIN GSHEGS PA RANG BZHIN GYIS MED DO, ,GNYIS PA NI, GAL TE PHUNG PO MA BRTEN PAR; ;DE BZHIN GSHEGS PA 'GA' YOD NA, ,DE NI DA GDOD BRTEN 'GYUR ZHING, ,BRTEN NAS DE NAS 'GYUR LA RAG ,JI LTAR SNGAR NOR LAS THA DAD PAR GRUB PA'I LHAS BYIN NI NOR LEN PAR BYED PA BZHIN DU, GAL TE SNGAR PHUNG PO LA MA BRTEN PAR DE BZHIN

113a

, ,GSHEGS PA 'GA' ZHIG YOD NA DE NI DA GDOD PHUNG PO LA BRTEN PAR 'GYUR ZHING, PHUNG PO LA BRTEN NAS DE NAS DE BZHIN GSHEGS PAR 'GYUR LA RAG NA, RNAM PA THAMS CAD DU DPYAD NA, PHUNG PO RNAMS LA MA BRTEN PAR DE BZHIN GSHEGS PA 'GA' YANG MED DE RGYU MED PA NYID DU THAL BAR 'GYUR BA'I PHYIR RO, ,GANG ZHIG MA BRTEN YOD MIN NA, ,DES NI JI LTAR NYER LEN 'GYUR, ,DE BZHIN GSHEGS PA GANG ZHIG PHUNG PO'I SNGAR PHUNG PO LA MA BRTEN PAR YOD PA MIN PA DES NI JI LTAR PHUNG PO NYE BAR LEN PAR 'GYUR, DE LTAR CUNG ZAD KYANG MI LEN PA DE'I TSE PHUNG PO LA BRTEN NAS DE BZHIN GSHEGS PAR 'GYUR RO ZHES BYA BA MI 'THAD DO, ,DE LTAR NA, NYE BAR BLANGS PA MA YIN PA, ,NYE BAR LEN PAR CIS MI 'GYUR, ,GANG GI TSE DE BZHIN GSHEGS PA DE NYE BAR LEN PA'I SNGA ROL DU MED PAS CUNG ZAD KYANG MI LEN PA DE'I TSE PHUNG PO RNAMS SUS KYANG NYE BAR BLANGS PA MA YIN PAS NYE BAR LEN PAR CIS MI 'GYUR TE NYE BAR LEN PAR MI 'GYUR RO ZHES BYA BA'O, ,NYE BAR LEN PA MED PA YI, ,DE BZHIN GSHEGS PA 'GA' YANG MED, ,GANG GI TSE SUS KYANG MA BLANGS PA'I PHYIR NYE BAR LEN PAR MI 'GYUR BA DE'I TSE NYE BAR LEN PA MED PAS NYE BAR LEN PA PO'I DE BZHIN GSHEGS PA CI YANG MED DO, ,DE LTAR, RNAM PA LNGAS NI BTZAL BYAS NAS, ,GANG ZHIG DE NYID GZHAN NYID DU; ;MED PA'I DE BZHIN GSHEGS PA DE, ,NYE BAR LEN PAS JI LTAR GDAGS, DE BZHIN GSHEGS PA GANG ZHIG JI SKAD BSHAD PA'I TSUL GYIS RNAM PAR DPYAD NA PHUNG PO DAG LAS DE NYID GCIG DANG GZHAN THA DAD PAR MED LA, DE NYID DANG GZHAN DU MED PAS

113b

PHAN TSUN RTEN DANG BRTEN PA DANG DE DANG LDAN PA'I PHYOGS RNAM PA LNGAS BTZAL NA GTAN YOD PA MA YIN PA'I DE BZHIN GSHEGS PA DE NYE BAR LEN PAS JI LTAR GDAGS PAR NUS, ,DE'I PHYIR YANG DE BZHIN GSHEGS PA RANG BZHIN GYIS MED DO, ,NAM PAR DPYAD PA 'DIS DE BZHIN GSHEGS PA 'BA' ZHIG MED PA MA YIN GYI 'ON KYANG, GANG ZHIG NYE BAR BLANG BA DE, ,DE NI RANG BZHIN LAS YOD MIN, ,GANG ZHIG NYE BAR BLANG BA GZUGS DANG TSOR BA LA SOGS PA PHUNG PO LNGA PO DE NI RANG BZHIN LAS YOD PA MA YIN TE, RTEN CING 'BREL PAR 'BYUNG BA'I PHYIR DANG, PHUNG PO BRTAG PA LAS RGYAS PAR BKAG PA'I PHYIR RO, ,GAL TE NYE BAR BLANG BA DE RANG BZHIN LAS YOD PA MIN YANG RGYU DANG RKYEN GZHAN LAS YOD PAR 'GYUR RO SNYAM NA, DE YANG MI 'THAD DE, BDAG GI DNGOS LAS GANG MED PA, ,DE GZHAN DNGOS LAS YOD RE SKAN, ,MO GSHAM GYI BU BDAG GI DNGOS PO LAS MED PA NI GZHAN GYI DNGOS POS GDAGS PAR MI NUS PA BZHIN NO, ,DE'I PHYIR NYE BAR BLANG PA MED DO, ,YANG NA, GANG ZHIG NYE BAR BLANG BA DE, ,DE NI RANG BZHIN LAS YOD MIN TE NYE BAR LEN PA PO LA LTOS PA'I PHYIR DANG, DE LA MA LTOS PA'I NYE BAR LEN PA NYID MED PA'I PHYIR RO, ,GAL TE NYE BAR BLANG BA DE RANG BZHIN GYIS MED KYANG NYE BAR LEN PA PO LA LTOS NAS GRUB BO ZHE NA, BDAG GI DNGOS LAS GANG MED PA, ,DE GZHAN DNGOS LAS YOD RE SKAN, ,NYE BAR BLANG BA GANG ZHIG BDAG GI DNGOS PO LAS GANG MED PA DE NI NYE BAR LEN PA PO GZHAN GYI DNGOS PO LAS YOD PAR GA LA 'GYUR, ,DE'I PHYIR NYE BAR BLANG BA YANG MED DO, ,GSUM PA NI, DE LTAR NYE BLANG NYER LEN PO, ,RNAM PA

114a

, ,KUN GYIS STONG PA YIN, ,DE LTAR RNAM PA THAMS CAD KYIS DPYAD PA NA NYE BAR BLANG BA DANG NYE BAR LEN PA PO RNAM PA KUN GYIS STONG ZHING RANG BZHIN MED PA YIN NO, ,DE'I PHYIR, STONG PAS DE BZHIN GSHEGS STONG PA, ,JI LTAR BUR NA 'DOGS PAR 'GYUR, ,PHUNG PO RANG BZHIN GYIS STONG PAS, ,DE BZHIN GSHEGS PA RANG BZHIN GYIS STONG PA JI LTAR 'DOGS PAR 'GYUR, ,DE'I PHYIR PHUNG PO LA BRTEN NAS DE BZHIN GSHEGS PA 'DOGS SO ZHES BYA BA MI 'THAD DO, ,GNYIS PA DE BZHIN GSHEGS PA MTHA' BRAL DU BSTAN PA LA, DNGOS DANG, MTHAR 'DZIN GYI NYES PA BSTAN PA DANG GNYIS KYI, DANG PO NI, AE MA KHO BO CAG NI GZEGS ZAN DANG RKANG MIG LA SOGS PA MTHO RIS DANG BYANG GROL GYI LAM PHYIN CI LOG STON PAR BYED PA MU STEGS CAN DAG GI GZHUNG LUGS LA DGA' BA DOR NAS, MTHO RIS DANG BYANG GROL GYI LAM PHYIN CI MA LOG PA STON PA PO BCOM LDAN 'DAS DE BZHIN GSHEGS PA LA SKYABS SU SONG NAS THAR PA DON DU GNYER BA YIN NA, DA LTA NI, DE LTAR NYER BLANG NYER LEN PO, ,RNAM PA KUN GYIS STONG PA YIN, ,STONG PAS DE BZHIN GSHEGS STONG PA, ,JI LTA BUR NA 'DOGS PAR 'GYUR, ,ZHES PA LA SOGS PAS DE RANG BZHIN MED PAR SMRAS PA NA KHO BO CAG GI THAR PA'I RE THAG BCAD PA YIN NO, ,DE'I PHYIR DE BZHIN GSHEGS PAS RTZI SMAN CHEN PO'I LJON SHING RTZAD NAS 'DON PA KHYOD DANG BRTZAD PAS CHOG GO ZHE NA, KHYOD NI THAR PA 'DOD PAS MU STEGS CAN LA DGA' BA DOR NAS DE BZHIN GSHEGS PA LA SKYABS SU SONG YANG BDAG MED PA SENG GE'I SGRA MCHOG TU ZAB PA MU STEGS CAN GYI SMRA BA DANG THUNG MONG

114b

MA YIN PA MI BZOD PA NA, RANG GI LHAG PAR MOS PA DMAN PA NYID KYIS LTA BA NGAN PA SNA TSOGS KYIS SPRUL GYIS DKRUGS PA SKYE BO PHYIN CI LOG GIS BGROD PA 'KHOR BA'I 'BROG DGON PA MI BZAD PA DANG RJES SU MTHUN PA'I LAM DE NYID NAS SONG BA YIN NO, ,DE BZHIN GSHEGS PA NI NAM YANG BDAG DANG PHUNG PO RNAMS YOD PAR MI GSUNG STE, JI SKAD DU, TSE DANG LDAN PA RAB 'BYOR SANGS RGYAS KYANG SGYU MA LTA BU RMI LAM LTA BU, ,TSE DANG LDAN PA RAB 'BYOR SANGS RGYAS KYI CHOS RNAMS KYANG SGYU MA LTA BU RMI LAM LTA BU'O, , ZHES GSUNGS SO, ,KHO BO CAG LA GANG LA SKUR PA BTAB PAS JI SKAD BSHAD PA'I NYES PAR 'GYUR BA DE BZHIN GSHEGS PA SPROS PA MED PA'I BDAG NYID CAN RNAM PA THAMS CAD DU MED DO ZHES MI SMRA'O, ,GZHAN YANG DE BZHIN GSHEGS PA SPROS PA MED PA'I RANG BZHIN CAN LA PHYIN CI MA LOG PA'I DON BRJOD PAR 'DOD PAS NI, STONG NGO ZHES KYANG MI BRJOD DE, MI STONG ZHES KYANG BRJOD MI BYA, ,GNYIS DANG GNYIS MIN MI BYA STE, ,DE CI'I PHYIR ZHE NA, BRJOD PAR BYA BA LDOG PA STE, SEMS KYI SPYOD YUL LDOG PAS SO, , ZHES RGYU MTSAN SNGAR BSHAD PAS SO, ,'ON KYANG MA BRJOD NA RTOGS PA PO RNAMS KYIS JI LTAR GNAS PA'I RANG BZHIN KHONG DU CHUD PAR MI NUS PAS, GDAGS PA'I DON DU BRJOD PAR BYA, DE'I PHYIR KHO BO CAG GIS GDAGS PA'I DON DU STE, THA SNYAD KYI BDEN PA LA LTOS NAS GDUL BYA'I SKYE BO'I NGOR LHAG PAR SGRO BTAGS NAS STONG ZHES DANG, MI STONG ZHES DANG STONG PA YIN MI STONG PA YANG YIN ZHES DANG, STONG PA YANG MA YIN MI STONG PA YANG MA YIN ZHES KYANG BRJOD PAR BYA'O, ,DGONGS PA GANG GIS STONG PA NYID LA

115a

, ,SOGS PA GSUNGS PA DE NI BDAG BRTAG PAR BSHAD PA LTAR SHES PAR BYA'O, ,JI SKAD DU, MDO LAS, KHYOD KYIS 'GRO 'DI SGYU MA LTA BU DANG, ,ZLOS GAR LTA DANG RMI LAM LTA BU DANG, ,BDAG MED SEMS CAN MED CING SROG 'GRO MED, ,CHOS RNAMS SMIG RGYU SGYU MA LTA BUR MKHYEN, ,STONG PA ZHI BA SKYE BA MED PA'I TSUL, ,MA SHES PAS NA 'GRO BA 'KHYAM PAR 'GYUR, ,DE DAG THUGS RJE MNGA' BAS THABS TSUL DANG, ,RIGS PA BRGYA DAG GIS NI 'DZUD PAR MDZAD, ,CES GSUNGS SO; ;DE BZHIN GSHEGS PA LA STONG MI STONG SOGS BZHI MI MNGA' BA 'BA' ZHIG DU MA ZAD KYI, GZHAN YANG, RTAG DANG MI RTAG LA SOGS BZHI, ,ZHI BA 'DI LA GA LA YOD, ,MTHA' DANG MTHA' MED LA SOGS BZHI, ,ZHI BA 'DI LA GA LA YOD, ,'DIR BCOM LDAN 'DAS KYIS LUNG DU MA BSTAN PA'I DNGOS PO BCU BZHI GSUNGS PA 'DI LTA STE, (BDAG DANG) 'JIG RTEN RTAG GO ,MI RTAG GO ,RTAG KYANG RTAG LA MI RTAG KYANG MI RTAG GO ,RTAG PA YANG MA YIN MI RTAG PA YANG MA YIN NO (ZHES PA SNGON GYI MTHA' LA RTEN PA BZHI) ZHES BYA BA BZHI TSAN DANG PO'O, (,BDAG DANG) 'JIG RTEN MTHA' DANG LDAN, ,MTHA' DANG MI LDAN, MTHA' DANG LDAN PA YANG YIN LA MI LDAN PA YANG YIN, ,MTHA' DANG LDAN PA YANG MA YIN MI LDAN PA YANG MA YIN ZHES BYA (PHYI MA'I MTHA' LA RTEN PA BZHI'O,) BA GNYIS PA'O, ,DE BZHIN GSHEGS PA GRONGS PHAN CHAD YOD DO, ,MED DO, ,YOD KYANG YOD LA MED KYANG MED DO, ,YOD PA YANG MA YIN MED PA YANG MA YIN ZHES PA GSUM PA'O, (MYANG 'DAS LA RTEN PA BZHI'O,) ,LUS DE NYID SROG YIN, LUS KYANG GZHAN SROG KYANG GZHAN ZHES BYA BA (LUS SROG

115b

GNYIS LA RTEN PA GNYIS STE, DANG PO RNAMS GRANGS CAN GYI LTA BA G-YO BA, GNYIS PA RNAMS RGYANG PHAN GYI LTA BA 'DU BA, GSUM PA RNAMS GCER BU PA'I LTA BA BKRAM PA, BZHI PA RNAMS GNAS MA BU PA'I LTA BA BCUM PA STE LUNG MA BSTAN GYI DNGOS PO BCU BZHI PO NI SGYU MA LTA BU'I PHUNG PO LA BRTEN NAS BTAGS PA'AM, DE DAG GI YUL NI MED DO ZHES BYA BA DANG, YUL LAS, DE BZHIN GSHEGS PAS YUM 'DI LA BRTEN TE SEMS CAN PHA ROL PO RNAMS DANG, GANG ZAG PHA ROL PO RNAMS KYI SEMS G-YO BA DANG 'DU BA DANG BKRAM PA DANG, BCUM PA YANG DAG PA JI LTA BA BZHIN RAB TU SHES SO, ,ZHES GSUNGS SO,) ,DNGOS PO BCU BZHI PO 'DI DAG MTHA' GCIG TU BRDA SPRAD PAR BYA BA MA YIN PAS NA LUNG DU MA BSTAN PA'I DNGOS PO ZHES BYA'O, ,DE LA JI SKAD BSHAD PA'I TSUL GYIS STONG MI STONG LA SOGS PA BZHI DE BZHIN GSHEGS PA RANG BZHIN GYIS ZHI ZHING NGO BO NYID KYIS STONG PA LA MI MNGA' BA DE BZHIN DU, RTAG MI RTAG LA SOGS PA BZHI YANG DE BZHIN GSHEGS PA RANG BZHIN GYIS ZHI ZHING RANG GI NGO BOS STONG PA 'DI LA GANG LA YOD DE MI MNGA'O, ,MTHA' DANG MTHA' MED PA LA SOGS PA BZHI YANG DE BZHIN GSHEGS PA RANG BZHIN GYIS STONG ZHING ZHI BA 'DI LA GA LA YOD DE MI MNGA'O, ,MI MNGA' BA NYID KYI PHYIR MO SHAM GYI BU'I SNGO SANGS DANG DKAR GSHAM LTAR 'DI DAG 'JIG RTEN LA BCOM LDAN 'DAS KYIS LUNG DU MA BSTAN PA YIN NO, ,JI LTAR RTAG PA LA SOGS PA MI MNGA' BA DE BZHIN DU GRONGS PHAN CHAD YOD PA DANG MED PA LA SOGS PA YANG MI MNGA' STE, GANG GI DE BZHIN GSHEGS YOD CES, 'DZIN PA STUG POS BZUNG GYUR PA, ,DE NI MYA NGAN 'DAS PA LA, ,MED CES RNAM RTOG RTOG PAR BYED, ,GANG GI MNGON PAR ZHEN PA CHEN POS DE BZHIN GSHEGS PA RANG BZHIN GYIS YOD CES 'DZIN PA STUG

116a

, ,POS GZUNG ZHING YONGS SU RTOG PA BSKYED PA NI DE BZHIN GSHEGS PA MYA NGAN LAS 'DAS PA LA GRONGS PHAN CHAD MED CING RGYUN CHAD DO ZHES RNAM PAR RTOG PA RTOG PAR BYED DO, ,DE LTAR RTOG PA DE NI RTAG PA'AM CHAD PA'I MTHAR LHUNG BAR 'GYUR RO, ,RANG BZHIN GYIS NI STONG DE LA, SANGS RGYAS MYA NGAN 'DAS NAS NI, ,YOD DO ZHE'AM MED DO ZHES, BSAM PA 'THAD PA NYID MI 'GYUR, ,GANG GIS LTAR NA RANG BZHIN GYIS STONG PA'I PHYIR GNAS SKABS 'GAR YANG DE BZHIN GSHEGS PA YOD PA MA YIN PA DE'I PHYOGS LA SANGS RGYAS MYA NGAN LAS 'DAS NAS YOD DAM ZHE'AM MED DO ZHES MTHA' GANG DU YANG BSAM PA 'THAD PAR MI 'GYUR RO, ,GNYIS PA NI, GANG DAG SANGS RGYAS SPROS 'DAS SHING, ,ZAD PA MED LA SPRO BYED PA, ,SPROS PAS NYAMS PA DE KUN GYIS, ,DE BZHIN GSHEGS PA MTHONG MI 'GYUR, ,GANG DAG BLO ZHAN PA NYID KYIS SANGS RGYAS BCOM LDAN 'DAS RANG BZHIN GYIS ZHI ZHING RANG BZHIN MED PA SPROS PA THAMS CAD LAS 'DAS PA SKYE BA MED PA'I RANG BZHIN YIN PAS RANG BZHIN GZHAN DU MI 'GRO BA'I PHYIR ZAD PA MED PA LA RTAG MI RTAG YOD MED STONG MI STONG THAMS CAD MKHYEN MI MKHYEN LA SOGS PAR RTOG PAS SPRO BAR BYED PA DE DAG GIS NI RANG GI SPROS PA DAG GIS NYAMS PAS DE BZHIN GSHEGS PA'I YON TAN PHUN SUM TSOGS PA LKOG TU GYUR PAS, DE'I PHYIR RO DANG 'DRA BA DE DAG KUN GYIS GSUNG RAB 'DI LA DE BZHIN GSHEGS PA MTHONG BAR MI 'GYUR TE, DMUS LONG GIS NYI MA BZHIN NO, ,DE NYID KYI PHYIR BCOM LDAN 'DAS KYIS, GANG DAG NGA LA GZUGS SU MTHONG, ,GANG DAG NGA LA SGRAR SHES PA, ,LOG

116b

PA'I SPONG BAR ZHUGS PA STE, ,SKYE BO DE YIS NGA MI MTHONG, ,SANGS RGYAS RNAMS NI CHOS NYID LTA, ,'DREN PA RNAMS NI CHOS KYI SKU, ,CHOS NYID SHES BYA MA YIN TE, ,DE NI SHES PAR NUS MA YIN, ,ZHES GSUNGS SO, ,DE'I PHYIR DE BZHIN GSHEGS PA BRTAG PA 'DIR SEMS KYI 'JIG RTEN RANG BZHIN MED PAR BRTAG PA BYAS PA YIN NO, ,GNYIS PA SNOD KYI 'JIG RTEN RANG BZHIN MED PAR SGRUB PA NI, SEMS CAN GYI 'JIG RTEN JI LTAR RANG BZHIN MED PA DE LTAR SNOD KYI 'JIG RTEN YANG RANG BZHIN MED PA YIN TE, DE BZHIN GSHEGS PA'I RANG BZHIN GANG, ,DE NI 'GRO 'DI'I RANG BZHIN YIN, ,DE BZHIN GSHEGS PA'I RANG BZHIN MED, ,'GRO BA 'DI YI RANG BZHIN MED, ,JI SKAD BSHAD PA'I TSUL GYIS DE BZHIN GSHEGS PA'I RANG BZHIN MTHA' THAMS CAD DANG BRAL BA GANG YIN PA DE NI 'GRO BA SNOD KYI 'JIG RTEN 'DI'I RANG BZHIN YANG YIN LA, DE'I PHYIR JI LTAR DE BZHIN GSHEGS PA RANG BZHIN MED PA DE LTAR 'GRO BA 'DI'I RANG BZHIN YANG RANG BZHIN MED PAR SHES PAR BYA STE, 'GRO BA JI LTAR RANG BZHIN MED PA DE LTAR NI RKYEN BRTAG PA LA SOGS PA DAG GIS BSTAN TO, ,DE NYID KYI PHYIR MDO LAS, RTAG TU SKYE MED CHOS NI DE BZHIN GSHEGS, ,CHOS RNAMS KUN KYANG DE BZHIN GSHEGS DANG 'DRA, ,BYIS PA'I BLO CAN MTSAN MAR 'DZIN PA RNAMS, ,'JIG RTEN DAG NA MED PA'I CHOS LA SPYOD; ;DE BZHIN GSHEGS PA ZAG PA MED PA YI, ,DGE BA'I CHOS KYI GZUGS BRNYAN LTA BU STE, ,'DI NA DE BZHIN NYID DANG DE BZHIN GSHEGS PA MED, ,'JIG RTEN THAMS CAD KYIS NI GZUGS BRNYAN MTHONG, ,ZHES GSUNGS SO, ,DBU MA RTZA BA'I SHES RAB

117a

, ,LAS DE BZHIN GSHEGS PA BRTAG PA ZHES BYA BA STE RAB TU BYED PA NYER GNYIS PA'I 'GREL PA'O,, ` ,,NYER GSUM PA PHYIN CI LOG BRTAG PA LA NYON MONGS RANG BZHIN GRUB PA DGAG NYON MONGS GNYEN POS SPONG BA DGAG PA GNYIS KYI, DANG PO LA, NYON MONGS KYI NGO BO DGAG RTEN DGAG RGYU DGAG PA DANG GSUM GYI DANG PO NI, 'DIR SMRAS PA, SRID PA'I RGYUN NI YOD DE, DE'I RGYU 'DOD CHAGS PA LA SOGS PA'I NYON MONGS PA RNAMS YOD PA'I PHYIR RO, ,LAS DANG NYON MONGS PA'I RGYU CAN SKYE BA DANG 'CHI BA GCIG NAS GCIG TU BRGYUD PA'I NI SRID PA'I RGYUN YIN LA DE'I RGYU'I GTZO BO NI NYON MONGS PA RNAMS YIN TE, NYON MONGS PA SPANGS PA RNAMS LA DE MED PA'I PHYIR RO ZHE NA, GAL TE RGYU NYON MONGS PA DAG YOD NA SRID PA'I RGYUN YANG YOD PA ZHIG NA DE DAG YANG DAG PAR YOD PA MA YIN TE, 'DI LTAR, (NYON MONGS PA'I MTSAN NYID NI GANG ZHIG DE BYUNG BAS SEMS CAN GYI RGYUD RAB TU MA ZHI BAR BYED PA'O,) ,'DOD CHAGS ZHE SDANG GTI MUG RNAMS, (,BDAG RKYEN) KUN TU RTOG LAS 'BYUNG BAR GSUNGS, ,SDUG DANG (DMIGS RKYEN) MI SDUG PHYIN CI LOG ,BRTEN PA NYID LA KUN TU 'BYUNG, ,BCOM LDAN 'DAS KYIS, 'DOD PA KHYOD KYI RTZA BA NI, ,SHES TE KUN TU RTOG LAS SKYE, ,CES 'BYUNG BA'I PHYIR, ,'DOD CHAGS ZHE SDANG GTI MUG RNAMS (MI SDUG PA LA SDUG PA 'DZIN PA SOGS) TSUL BZHIN MA YIN PA YID LA BYED PA'I RANG BZHIN GYI KUN TU RTOG PA LAS 'BYUNG BAR GSUNGS SO, ,'DOD CHAGS LA SOGS PA GSUM PO DE DAG NI GO RIM BZHIN DU (DMIGS RKYEN) SDUG PA DANG MI SDUG PA DANG PHYIN CI LOG LA BRTEN NAS KUN TU 'BYUNG STE, 'DI LTAR, SDUG PA

117b

LAS 'DOD CHAGS DANG, MI SDUG BA LAS ZHE SDANG DANG, PHYIN CI LOG LAS GTI MUG 'BYUNG NGO, (,PHYIN CI LOG TU 'DZIN PA'I BLO'I BDAG RKYEN GYI RGYU YIN PA'I PHYIR,) KUN TU RTOG PA NI GSUM CAR GYI RGYU THUN MONG BA YIN NO, ,DE'I PHYIR, GANG DAG SDUG DANG MI SDUG DANG, , PHYIN CI LOG LAS RTEN 'BYUNG BA, ,DE DAG RANG BZHIN LAS MED DE, ,DE PHYIR NYON MONGS YANG DAG MIN, ,GAL TE 'DOD CHAGS LA SOGS PA'I NYON MONGS PA GANG DAG RANG BZHIN GYIS GRUB NA SDUG MI SDUG SOGS LA MI LTOS PA ZHIG NA, DE RNAMS NI SDUG PA DANG MI SDUG PA DANG PHYIN CI LOG LAS BRTEN NAS 'BYUNG BA YANG YIN TE, DE'I PHYIR NYON MONGS PA DE DAG RANG BZHIN MED PA YIN GYI YANG DAG PA MA YIN NO, ,GNYIS PA LA BDAG DGAG PA DANG, NYON MONGS CAN GYI SEMS DGAG PA GNYIS KYI DANG PO NI; GZHAN YANG, BDAG GI YOD NYID MED NYID NI, ,JI LTA BUR YANG GRUB PA MED, ,DE MED NYON MONGS RNAMS KYI NI, ,YOD NYID MED NYID JI LTAR GRUB ,BDAG GI YOD PA NYID DANG MED PA NYID JI LTA BUR YANG GRUB PA MED PA DE LTAR NI SNGAR RGYAS PAR BSTAN ZIN TO, ,DE'I PHYIR BDAG DE MED PA NA DE LA BRTEN PA'I CHOS NYON MONGS PA RNAMS KYI YOD NYID MED NYID JI LTA BUR GRUB PAR 'GYUR TE, RTZIG PA MED NA DE LA BRTEN PA'I RI MO MED PA BZHIN NO, ,CI'I PHYIR BDAG MED NA NYON MONGS PA RNAMS MED PAR 'GYUR ZHE NA; NYON MONGS 'DI DAG GANG GI YIN, ,DE YANG GRUB PA YOD MA YIN, ,'GA' MED PAR NI GANG GI YANG, ,NYON MONGS PA DAG YOD MA YIN, ,NYON MONGS PA 'DI DAG NI RTZIG NGOS KYI RI MO'AM 'BRAS BU SMIN PA LTAR DU RTEN LA LTOS PA YIN LA, RTEN DE YANG

118a

, ,BRTAGS PA NA BDAG GAM SEMS ZHIG YIN NA, DE DAG NI SNGAR BKAG ZIN PA'I PHYIR NYON MONGS PA 'DI DAG GANG GI YIN PA'I RTEN DE YANG GRUB PA YOD PA MA YIN NO, ,RTEN 'GA' YANG MED PAR NI RTEN GANG GI YIN PA'I NYON MONGS PA DAG YOD PA MA YIN NO, ,GNYIS PA NI, GAL TE NYON MONGS PA'I RTEN SNGAR GRUB PA'I BDAG NI 'GA' YANG MED KYI, 'ON KYANG NYON MONGS CAN GYI SEMS LA BRTEN NAS NYON MONGS RNAMS SKYE LA, SEMS DE YANG NYON MONGS RNAMS DANG LHAN CIG SKYE'O ZHE NA; DE YANG MI RIGS TE, RANG LUS LTA BZHIN NYON MONGS RNAMS, (NYON MONGS PAR BYED PAS NA NYON MONGS PA RNAMS SO,) ,NYON MONGS PA CAN (NYON MONGS PAR BYA BAS NA NYON MONGS CAN) LA RNAM LNGAR MED, ,RANG LUS LTA BZHIN NYON MONGS CAN, ,NYON MONGS RNAMS LA RNAM LNGAR MED; ;RANG LUS GZUGS LA SOGS PA'I PHUNG PO LNGA LA BDAG DANG BDAG GI BAR LTA BA'I RNAM PAR ZHUGS PA BDAG DE RNAM PAR ZHUGS PA BDAG DE RNAM PA LNGAS BTZAL NA MED PA DE BZHIN DU NYON MONGS PA RNAMS KYANG NYON MONGS PA CAN LA RNAM PA LNGAR BTZAL NA MED DE, 'DI LTAR NYON MONGS CAN DE NYID NYON MONGS PA RNAMS MA YIN TE, SREG PA PO DANG BSREG BYA YANG GCIG NYID DU THAL BA'I PHYIR RO, ,GZHAN YANG MA YIN TE, NYON MONGS RNAMS NYON MONGS CAN GYI RGYU LAS MI 'BYUNG BAR THAL BA'I PHYIR RO, ,DE NYID DANG GZHAN NYID DU MED PA'I PHYIR RTEN DANG BRTEN PA DANG DE DANG LDAN PA'I PHYOGS NYID KYANG MI RIGS SO, ,RANG LUS LTA BZHIN NYON MONGS CAN YANG NYON MONGS RNAMS LA RNAM PA LNGAR MED DE, 'DIR NYON MONGS NYID NYON MONGS CAN MA YIN TE, BYED PA PO DANG LAS GCIG TU THAL BA'I PHYIR RO, ,

118b

GZHAN YANG MA YIN TE LTOS PA MED PAR THAL BA'I PHYIR RO, ,DE'I PHYIR PHAN TSUN RTEN DANG BRTEN PAR YANG MED LA, NYON MONGS RNAMS LA NYON MONGS CAN LDAN PA YANG MA YIN NO, ,GSUM PA RGYU DGAG PA LA SPYIR DGAG PA DANG, SO SOR PHYE STE DGAG PA GNYIS KYI; DANG PO LA DNGOS DANG, DMIGS PA DGAG PA GNYIS KYI, DANG PO NI, GAL TE (KHYOD KYIS NYON MONGS PA RNAMS BKAG MOD KYI, DE LTA NA YANG) NYON MONGS PA'I RGYU SDUG PA DANG MI SDUG PA DANG PHYIN CI LOG DAG NI RE SHIG YOD PA YIN LA, DE YOD PAS NYON MONGS PA RNAMS KYANG YOD DO ZHE NA, SDUG DANG MI SDUG PHYIN CI LOG ,RANG BZHIN LAS NI YOD MIN NA, ,SDUG DANG MI SDUG PHYIN CI LOG ,BRTEN NAS NYON MONGS GANG DAG YIN, ,SDUG DANG MI SDUG PHYIN CI LOG DE DAG KYANG NI RANG BZHIN LAS YOD PA MA YIN TE, RTEN 'BREL YIN PA'I PHYIR DANG DGAG PA 'CHAD PAR 'GYUR BA'I PHYIR RO, ,GANG GI TSE DE DAG RANG BZHIN GYIS YOD PA MA YIN PA DE'I TSE SDUG DANG MI SDUG PHYIN CI LOG LA BRTEN NAS NYON MONGS DE DAG GANG DAG YIN TE (DE DAG GI RGYU SDUG PA DANG MI SDUG PA DANG PHYIN CI LOG MED PAS NYON MONGS PA RNAMS RANG BZHIN GYIS) YOD PA MA YIN NO SNYAM DU DGONGS SO, ,GNYIS PA NI, NYON MONGS PA RNAMS YOD DE, DE DAG GI DMIGS PA GZUGS SGRA LA SOGS PA YUL DRUG YOD PA'I PHYIR ZHE NA, ,GZUGS SGRA RO DANG REG PA DANG, ,DRI DANG CHOS DANG RNAMS DRUG NI, ,GZHI STE 'DOD CHAGS ZHE SDANG DANG, ,GTI MUG GI NI YIN PAR BRTAGS, ,GZUGS NAS CHOS KYI BAR YUL RNAM PA DRUG NI GZHI STE DMIGS PA YIN PAR KHYED KYIS BRTAGS SO, ,GANG GI ZHE NA, 'DOD CHAGS ZHE SDANG GTI MUG GI'O, ,DE LA (GZUGS LA

119a

, ,SOGS PA DAG LA) SDUG PA'I RNAM PAR SGRO BTAGS PA LAS 'DOD CHAGS DANG, MI SDUG PA'I RNAM PAR SGRO BTAGS PA LAS ZHE SDANG DANG, (RTAG PA DANG BDAG LA SOGS PA) PHYIN CI LOG GI RNAM PAR SGRO BTAGS PA LAS GTI MUG SKYE'O, ,YUL DRUG PO 'DI NYON MONGS PA DAG GI DMIGS PAR DON LA GNAS SAM ZHE NA, GZUGS SGRA RO DANG REG PA DANG, ,DRI DANG CHOS DAG 'BA' ZHIG STE, ,JI LTAR RAB RIB CAN GYIS YOD PA MA YIN PA'I SKRA SHAD LA SOGS PA LTAR GZUGS SGRA LA SOGS PA 'DI DAG YOD PA MA YIN PA'I RANG BZHIN DU GYUR PA ZHIG KHYOD KYIS 'DOD CHAGS LA SOGS PA RNAMS KYI DMIGS PAR BRTAGS PA 'BA' ZHIG DU ZAD KYI RANG BZHIN MED DO ZHES BYA BA'I DON NO, ,GAL TE RANG BZHIN MED NA, 'O NA JI LTAR DMIGS PA YIN ZHE NA, ,DRI ZA'I GRONG KHYER LTA BU DANG, ,SMIG RGYU RMI LAM 'DRA BA YIN, ,YUL DRUG PO DE DAG NI DRI ZA'I GRONG KHYER LA SOGS PA DANG 'DRA BAR PHYIN CI LOG LAS DMIGS PA BZHAG PA 'BA' ZHIG TU ZAD DO, ,GANG GI TSE DE LTAR YIN PA DE'I TSE, ,SGYU MA'I SKYES BU LTA BU DANG, , GZUGS BRNYAN 'DRA BA DE DAG LA, ,SDUG PA DANG NI MI SDUG PA, ,'BYUNG BAR YANG NI GA LA 'GYUR, ,'DIS NI RTEN LOG PA LAS BYUNG BA'I SDUG PA DANG MI SDUG PA'I MTSAN MA DAG KYANG BRDZUN PA NYID DU BSTAN TO, ,JI SKAD DU, ,NGAR 'DZIN LAS BYUNG PHUNG PO RNAMS, ,NGAR 'DZIN DE NI DON DU BRDZUN, ,GANG GIS SA BON BRDZUN DE YI, ,SKYE BA BDEN PA GA LA ZHIG ,CES GSUNGS PA LTAR RO, ,GNYIS PA SO SOR PHYE STE DGAG PA LA, CHAGS SDANG GI RGYU SDUG MI SDUG DGAG GTI MUG GI RGYU PHYIN CI LOG DGAG PA

119b

GNYIS KYI, DANG PO NI, GZHAN YANG RIGS PA 'DIS KYANG SDUG MI SDUG RANG BZHIN GYIS YOD PA MA YIN TE, GANG LA BRTEN NAS SDUG PA ZHES, ,GDAGS PAR BYA BA MI SDUG PA, ,SDUG LA MA LTOS YOD MIN PAS, ,DE PHYIR SDUG PA 'CHAD MA YIN, ,GAL TE SDUG PA ZHES BYA BA 'GA' ZHIG YOD NA DE NI NGES PAR MI SDUG PA LA LTOS PAR 'GYUR BA ZHIG NA, MI SDUG PA GANG LA BRTEN NAS SDUG PA ZHES GDAGS PAR BYA BA LTOS BYA MI SDUG PA DE YANG SDUG PA LA MA LTOS PAR YOD PA MIN PAS, DE'I PHYIR SDUG PA RANG BZHIN GYIS GRUB PA 'THAD PA MA YIN NO, ,JI LTAR SDUG PA YOD PA MA YIN PA LTAR MI SDUG PA YANG YOD PA MA YIN TE, GANG LA BRTEN NAS MI SDUG PA GDAGS PAR BYA BA SDUG PA NI, MI SDUG MA LTOS YOD MIN PAS, ,DE PHYIR MI SDUG 'THAD MA YIN, ,GAL TE MI SDUG PA ZHES BYA BA 'GA' ZHIG YOD NA 'BREL PA CAN GZHAN LA LTOS PA'I PHYIR NGES PAR RING THUNG NGAM, PHA ROL TSU ROL LTAR SDUG PA LA LTOS PAR 'GYUR NA, SDUG PA GANG LA BRTEN NAS MI SDUG PA GDAGS PAR BYA ZHING RNAM PAR BZHAG PAR BYA BA SDUG PA NI LTOS PAR BYA BA MI SDUG PA LA MA LTOS PAR YOD PA MA YIN NO, ,GANG GI PHYIR DE LTAR NA, MI SDUG PAR GDAGS PA LTOS PAR BYA BA SDUG PA ZHES BYA BA 'BREL PA CAN GZHAN YOD PA MA YIN PA DE'I PHYIR MI SDUG PA RANG BZHIN GYIS GRUB PA 'THAD PA MA YIN NO, ,GANG GI PHYIR DE LTAR SDUG PA DANG MI SDUG PA YOD PA MA YIN PA DE'I PHYIR, SDUG PA YOD PA MA YIN NA, ,'DOD CHAGS YOD PAR GA LA 'GYUR, ,MI SDUG YOD PA MA YIN NA, ,ZHE SDANG YOD PAR GA LA 'GYUR, ,SDUG PA DANG MI SDUG PA'I MTSAN MA MED NA, RGYU MED PA'I PHYIR

120a

, ,SDUG PA DANG MI SDUG PA'I MTSAN MA'I RGYU CAN GYI 'DOD CHAGS DANG ZHE SDANG DAG KYANG YOD PA MA YIN NO, ,GNYIS PA LA, PHYIN CI LOG GI NGO BO DGAG RTEN DGAG SUN 'BYIN GYI LAM GZHAN BSTAN PA DANG, BKAG PA'I DGOS PA BSTAN PA DANG BZHI'I DANG PO NI, DA NI PHYIN CI LOG MED PAR BSTAN PA'I SGO NAS GTI MUG KYANG MED PAR STON PA NI, GAL TE MI RTAG RTAG PA (BDAG RKYEN MI RTAG PA LA RTAG PAR 'DZIN PA SOGS TSUL BZHIN MA YIN PA'I YID BYED) ZHES, ,DE LTAR 'DZIN PA LOG YIN NA, ,STONG LA MI RTAG YOD MIN PAS, ,'DZIN PA JI LTAR LOG MA YIN, ,'DI NA PHYIN CI LOG NI BZHI STE, PHUNG PO LNGA SKAD CIG RE RE ZHING 'JIG CING MI RTAG PA LA RTAG GO SNYAM DU 'DZIN PA DANG, MI RTAG PA GANG YIN PA DE NI SDUG BSNGAL PA YIN LA 'DU BYED THAMS CAD KYANG MI RTAG PA YIN TE DE'I PHYIR PHUNG PO LNGA SDUG BSNGAL GYI BDAG NYID CAN LA BDE'O SNYAM DU 'DZIN PA DANG, (KHU KHRAG PHRAD PA'I SA BON CAN, ,BSHANG DANG GCI BAS BSKYED GYUR CING, ,MI GTZANG RANG BZHIN SHES BZHIN DU, ,'DOD PA GANG GIS DE LA CHAGS, ,ZHES PA LTAR,) LUS MI GTZANG BA'I BDAG NYID CAN LA RMONGS PAS GTZANG BA NYID DU 'DZIN PA DANG, PHUNG PO LA LTA BA BDAG DANG BDAG GI BAS STONG PA LA BDAG TU MNGON PAR ZHEN PA PHYIN CI LOG RNAMS SO, ,PHYIN CI LOG BZHI PO DE DAG NI GTI MUG GI RGYU YIN NO, ,DE LA GAL TE PHUNG PO RTAG PAS STONG PA'I MI RTAG PA NYID LA RTAG PA ZHES DE LTAR 'DZIN PA PHYIN CI LOG YIN NA PHUNG PO RANG BZHIN GYIS STONG PA LA MI RTAG PA NYID KYANG YOD PA MIN PAS, DE DANG 'GAL BA RTAG PAR 'DZIN PA JI LTAR PHYIN CI LOG MA YIN PAR 'GYUR, DE'I PHYIR RTAG PA PHYIN CI LOG MED DE, DE'I

120b

GNYEN PO PHYIN CI MA LOG PA MED PA'I PHYIR RO, ,JI LTAR RANG BZHIN GYIS MA SKYES PA'I PHUNG PO STONG PA NYID LA MI RTAG PA MED PA BZHIN DU SDUG BSNGAL DANG, MI GTZANG BA DANG, BDAG MED PA YANG YOD PA MA YIN PA'I PHYIR DE DAG GI MI MTHUN PHYOGS BDE BA DANG GTZANG BA DANG, BDAG KYANG PHYIN CI LOG TU MED DO, ,GANG GI PHYIR PHYIN CI LOG DAG MED PA DE'I PHYIR DE'I RGYU CAN GYI MA RIG PA YOD PAR GA LA 'GYUR TE, RGYU MED PA'I PHYIR RO, ,JI SKAD DU, BCOM LDAN 'DAS KYIS, MA RIG PA DANG MA RIG RKYEN 'BYUNG GANG; ;NAM YANG YOD PAR GYUR PA MA YIN TE, ,MA RIG PA DE 'JIG RTEN YOD MIN PA, ,DE YI PHYIR NA NGAS 'DI MA RIG GSUNGS, ,CES PA LTAR RO, ,GZHAN YANG, GAL TE MI RTAG RTAG GO ZHES, ,DE LTAR 'DZIN PA LOG YIN NA, ,STONG LA MI RTAG PA'O ZHES; ;'DZIN PA'ANG JI LTAR LOG MA YIN, ,GAL TE YANG DAG PA MA YIN PA NYID KYIS MI RTAG PA LA RTAG GO ZHES DE LTAR 'DZIN PA PHYIN CI LOG YIN NA, PHUNG PO RANG BZHIN GYIS STONG PA LA MI RTAG PA NYID KYANG MED PAS MI RTAG PA'O ZHES 'DZIN PA'ANG JI LTAR PHYIN CI LOG PA MA YIN, GANG GI TSE RTAG MI RTAG GNYIS KA PHYIN CI LOG YIN PA DE'I TSE GANG ZHIG PHYIN CI MA LOG PAR GYUR PA DE DAG LAS THA DAD PA GSUM PA MED LA GANG GI TSE PHYIN CI MA LOG PA MED PA DE'I TSE, CI LA LTOS NAS PHYIN CI LOG TU 'GYUR, DE'I PHYIR RIGS PA 'DIS KYANG PHYIN CI LOG YOD PA MA YIN NO, ,PHYIN CI LOG MED PA'I PHYIR MA RIG PA MED DO, ,GAL TE PHYIN CI LOG MED KYANG RTAG PA LA SOGS PAR 'DZIN PA DE NI YOD PA YIN LA, DE YOD NA GANG GIS 'DZIN PAR BYED PA RTAG PA LA SOGS PA BYED PA

121a

, ,DANG, 'DZIN PA PO BDAG GAM SEMS KYANG RUNG BYED PA PO DANG GZUNG BAR BYA BA GZUGS LA SOGS PA'I LAS KYANG YOD DGOS PAS THAMS CAD GRUB BO ZHE NA, 'DI YANG MI RIGS TE, GANG GIS 'DZIN DANG 'DZIN GANG DANG, , 'DZIN PA PO DANG GANG GZUNG BA, ,THAMS CAD NYE BAR ZHI BA STE, DE PHYIR 'DZIN PA YOD MA YIN, ,GANG GIS 'DZIN PA'I RTAG PA LA SOGS PA'I BYED PA MED PA DE LTAR NI, GAL TE MI RTAG RTAG PA ZHES, ,DE LTAR 'DZIN PA LOG YIN NA, ,ZHES PAS BSTAN TO, , 'DZIN PA PO JI LTAR MED PA NI, BDAG GI YOD NYID MED NYID NI, ,JI LTA BUR YANG GRUB PA MED, ,CES PAS BSTAN TO, ,GANG GZUNG BAR BYA BA MED PAR YANG, GZUGS SGRA RO DANG REG PA DANG, ,DRI DANG CHOS RNAMS 'BA' ZHIG STE, ,ZHES PAS BSTAN TO; ;DE'I PHYIR GANG GIS 'DZIN PA'I BYED PA DANG 'DZIN PA'I NGO BO BYA BA GANG YIN PA DANG 'DZIN PA PO'I BYED PA PO DANG GANG GZUNG BAR BYA BA LAS DANG BCAS PA THAMS CAD RANG BZHIN GYIS MA SKYES PA'I PHYIR ZHI BA STE MYA NGAN LAS 'DAS PA YIN NO, ,GANG GI PHYIR BYED PA PO DANG BYED PA DANG LAS DAG MA GRUB PA DE'I PHYIR 'DZIN PA YOD PA MA YIN NO, ,GNYIS PA NI, PHYIN CI LOG DAG YOD DE, PHYIN CI LOG DANG LDAN PA YOD PA'I PHYIR RO ZHE NA, LOG PA'AM YANG DAG NYID DU NI, ,'DZIN PA YOD PA MA YIN NA, ,GANG LA PHYIN CI LOG YOD CING, ,GANG LA PHYIN CI LOG YOD, ,'DIR BYED PA DANG BYED PA PO DANG LAS RNAMS MED PAS 'DZIN PA RNAM PA THAMS CAD DU MED DO ZHES KHO BO CAG GIS BSHAD ZIN PA DE'I PHYIR, PHYIN CI LOG PA'AM PHYIN CI MA LOG PA YANG DAG PA NYID DU 'DZIN PA YOD

121b

PA MA YIN PA DE'I TSE, RTEN GANG LA PHYIN CI LOG YOD CING GANG LA PHYIN CI MA LOG PA YOD, DE'I PHYIR PHYIN CI LOG MED DO, ,GZHAN YANG PHYIN CI LOG 'DI 'GA' ZHIG LA 'DOD NA PHYIN CI LOG TU GYUR PA ZHIG GAM MA GYUR PA ZHIG GAM 'GYUR BZHIN PA GCIG LA BRTAG DRANG, THAMS CAD DU MI 'THAD DE, PHYIN CI LOG TU GYUR PA LA, ,PHYIN CI LOG DAG MI SRID DO, ,PHYIN CI LOG TU MA GYUR LA, ,PHYIN CI LOG DAG MI SRID DO, ,PHYIN CI LOG TU GYUR BZHIN LA, ,PHYIN CI LOG DAG MI SRID DO, ,GANG LA PHYIN CI LOG SRID PA; ;BDAG NYID KYIS NI RNAM PAR DPYOD, ,DE LA RE SHIG PHYIN CI LOG TU GYUR PA LA PHYIN CI LOG DAG MI SRID DE, ,PHYIN CI LOG TU GYUR PA DE NI PHYIN CI LOG TU GYUR ZIN PA YIN NA, YANG DE PHYIN CI LOG DANG 'BREL PA LA DGOS PA MED PA'I PHYIR RO, ,PHYIN CI LOG TU MA GYUR PA LA YANG PHYIN CI LOG DAG MI SRID DE, MI SHES PA'I GNYID DANG BRAL BAS BLO GROS KYI SPYAN RGYAS PA'I SANGS RGYAS RNAMS LA YANG PHYIN CI LOG YOD PAR THAL BA'I PHYIR RO, ,PHYIN CI LOG TU GYUR BZHIN PA LA YANG PHYIN CI LOG DAG MI SRID DE, GANG ZHIG PHYIN CI LOG TU GYUR PA DANG PHYIN CI LOG TU MA GYUR PA MA GTOGS PA PHYIN CI LOG TU 'GYUR BZHIN PA ZHES BYA BA 'GA' YANG MED PA'I PHYIR RO, ,DE LTAR PHYIN CI LOG TU GYUR PA DANG MA GYUR PA DANG GYUR BZHIN PA GANG LA YANG PHYIN CI LOG MI SRID PA NA DA NI GANG LA PHYIN CI LOG SRID CES BDAG NYID KYIS GZU BO'I BLOS RNAM PAR DPYOD CIG GZHAN YANG, PHYIN CI LOG RNAMS MA SKYES NA, ,JI LTA BUR NA YOD PAR 'GYUR, ,PHYIN CI LOG RNAMS SKYE MED NA, ,PHYIN CI LOG CAN GA LA YOD, ,CI'I PHYIR PHYIN CI LOG RNAMS MI SKYE

122a

, ,ZHE NA, DNGOS PO BDAG LAS MI SKYE STE, GZHAN LAS SKYE BA NYID MA YIN, ,BDAG DANG GZHAN LAS KYANG MA YIN, ,PHYIN CI LOG CAN GA LA YOD, ,DNGOS PO BDAG LAS MI SKYE BA SOGS NI SNGAR BSHAD ZIN TO, ,DE'I PHYIR PHYIN CI LOG MED PAS PHYIN CI LOG CAN GA LA YOD, DE'I PHYIR PHYIN CI LOG YOD DE, DE DANG LDAN PA YOD PA'I PHYIR RO ZHES GANG SMRAS PA MI RIGS SO, ,GSUM PA NI, CI STE PHYIN CI LOG BZHI PO CUNG ZAD GCIG YOD PAR KHAS LEN NA, PHYIN CI LOG TU BZHAG MI NUS TE; 'DI LTAR GAL TE BDAG DANG GTZANG BA DANG, RTAG DANG BDE BA YOD NA NI, ,BDAG DANG GTZANG DANG RTAG PA DANG, ,BDE BA PHYIN CI LOG MA YIN, ,GAL TE BDAG DANG GTZANG BA DANG RTAG PA DANG BDE BA DE DAG PHYIN CI LOG TU 'JOG NA, DE DAG YOD PA'AM MED PA ZHIG GAL TE TE YOD NA NI BDAG LA SOGS PA DE DAG PHYIN CI LOG MA YIN TE, YOD PA'I PHYIR, BDAG MED PA LA SOGS PA BZHIN NO, ,GAL TE BDAG DANG GTZANG BA DANG, ,RTAG DANG BDE BA MED NA NI, ,BDAG MED MI GTZANG MI RTAG DANG, ,SDUG BSNGAL YOD PA MA YIN NO, ,GAL TE YOD PA PHYIN CI LOG TU MI SRID PAS BDAG DANG GTZANG BA DANG RTAG PA DANG BDE BA MED NA, 'O NA NI BDAG MED PA LA SOGS PA BZHI PO DAG PHYIN CI MA LOG PAR YANG YOD PA MA YIN TE, DGAG BYA MED NA BKAG PA MED PA'I PHYIR RO; ;GAL TE BDAG MED PA LA SOGS PA MED PA DE'I TSE, DE DAG KYANG BDAG LA SOGS PA LTAR JI LTAR PHYIN CI LOG TU MI 'GYUR DE'I PHYIR THAR PA 'DOD PA DAG GIS PHYIN CI LOG DE DAG BRGYAD CAR YANG SPANG BAR BYA'O, ,BZHI PA NI, PHYIN CI LOG RNAM PAR

122b

DPYAD PA JI SKAD BSTAN PA 'DI NI MA RIG PA LA SOGS PA SPONG BA'I RGYU NYID YIN PAS DON CHEN PO NYID YIN TE, 'DI LTAR, DE LTAR PHYIN CI LOG 'GAGS PAS, ,MA RIG PA NI 'GAG PAR 'GYUR, ,MA RIG 'GAGS PAR GYUR NA NI, ,'DU BYED LA SOGS PA 'GAG PAR 'GYUR, ,GANG GI TSE RNAL 'BYOR PAS JI SKAD BSHAD PA'I RIGS PAS PHYIN CI LOG MA DMIGS PA DE'I TSE DE LTAR PHYIN CI LOG 'GAGS PAS DE'I RGYU CAN GYI MA RIG PA 'GAG PAR 'GYUR RO, ,MA RIG PA 'GAG PAR GYUR PA NA MA RIG PA'I RGYU CAN GYI 'DU BYED LA SOGS PA RGA SHI'I MTHAR THUG PA'I CHOS RNAMS 'GAG PAR 'GYUR TE, MA RIG PA NI NYON MONGS PA'I TSOGS MTHA' DAG DANG SKYE BA LA SOGS PA'I SDUG BSNGAL GYI RGYUR GYUR PA'I PHYIR RO, DPER NA LUS KYI DBANG PO'I RGYU CAN GYI DBANG PO GZUGS CAN THAMS CAD NI LUS KYI DBANG PO 'GAGS NA 'GAG PAR 'GYUR BA BZHIN NO, ,GNYIS PA NYON MONGS GNYEN POS SPONG BA DGAG PA NI, 'DIR SMRAS PA, GAL TE PHYIN CI LOG 'GAGS PAS MA RIG PA 'GAG NA MA RIG PA YOD DE, DE 'GAG PA'I THABS TSOL BA'I PHYIR; DE'I PHYIR DE'I RGYU CAN GYI NYON MONGS PA DANG SRID PA'I RGYUN DAG KYANG YOD DO ZHE NA, GAL TE MA RIG PA LA SOGS PA'I NYON MONGS PA RNAMS SPONG BA YOD NA, DE SPONG BA'I THABS TSOL BA ZHIG NA, DE DAG SPONG BA YOD PA MA YIN TE, GAL TE DE DAG SPONG NA YOD PA ZHIG GAM 'ON TE MED PA ZHIG SPONG DRANG, PHYOGS DANG PO MI RIGS TE, 'DI LTAR, GAL TE LA LA'I NYON MONGS PA, ,GANG DAG RANG BZHIN GYIS YOD NA, ,JI LTA BUR NA SPONG BAR 'GYUR, ,YOD PA SU ZHIG SPONG BAR BYED, ,GAL TE GANG ZAG LA LA'I

123a

, ,MA RIG PA LA SOGS PA NYON MONGS PA GANG DAG RANG BZHIN GYIS YOD NA, DE JI LTAR GNYEN POS SPONG BAR 'GYUR TE SPONG BAR MI NUS SO, ,DE CI'I PHYIR ZHE NA, YOD PA SU SHIG SPONG BAR BYED DE, RANG BZHIN BZLOG PAR MI NUS PA'I PHYIR DPER NA NAM MKHA'I MI SGRIB PA BZLOG TU MED PA BZHIN NO, ,CI STE RANG BZHIN GYIS MED DO ZHES RTOG NA, DE YANG MI RIGS TE, GAL TE LA LA'I NYON MONGS PA, ,GANG DAG RANG BZHIN GYIS MED NA, ,JI LTA BUR NA SPONG BAR 'GYUR, ,MED PA SU ZHIG SPONG BAR BYED, ,GAL TE GANG ZAG LA LA'I MA RIG PA LA SOGS PA'I NYON MONGS PA RNAMS RANG BZHIN GYIS MED NA, DE JI LTA BUR NA SPONG BAR 'GYUR TE, ME'I GRANG BA YOD PA MA YIN PA BZLOG PA LA SU YANG MI BRTZON PA BZHIN DU NYON MONGS PA 'DI RNAMS KYANG MED NA SU ZHIG SPONG BAR BYED DE SUS KYANG SPONG BAR MI BYED DO, ,DE'I PHYIR NYON MONGS PA SPONG BA MED LA, SPONG BA MED PA'I PHYIR NYON MONGS PA SPONG BA'I THABS TSOL BA YANG MED DO, ,DE'I PHYIR MDO LAS, YE SHES KYIS NI PHUNG PO'I STONG NYID MKHYEN, , MKHYEN NAS NYON MONGS RNAM DANG MI 'GROGS TE, ,BRJOD PA TZAM GYI SGO NAS BRJOD BYA ZHING, ,MYA NGAN 'DAS BZHIN 'JIG RTEN 'DIR DPYAD BYA, ,ZHES GSUNGS SO, ,DBU MA RTZA BA'I SHES RAB LAS PHYIN CI LOG BRTAG PA ZHES BYA BA STE RAB TU BYED PA NYI SHU TZA GSUM PA'I 'GREL PA'O,, ` ,,GSUM PA SKYE MED LA RTZOD PA SPANG BA LA DMIGS YUL BDEN BZHI MI 'THAD PA'I RTZOD PA SPANG, THOB BYA MYANG 'DAS MI 'THAD PA'I RTZOD PA SPANG BA DANG GNYIS KYI, DANG PO LA RTZOD PA 'GOD PA DANG, DE DGAG PA GNYIS

123b

KYI, DANG PO LA, 'JIG RTEN LAS 'DAS PA'I THA SNYAD MI 'THAD PA DANG, 'JIG RTEN PA'I THA SNYAD MI 'THAD PA GNYIS KYI, DANG PO LA, ,MDOR BSTAN RGYAS BSHAD GNYIS KYI, DANG PO NI, GAL TE 'DI DAG KUN STONG NA, ,'BYUNG BA MED CING 'JIG PA MED; ;'PHAGS PA'I BDEN PA BZHI PO RNAMS, ,KHYED LA MED PAR THAL BAR 'GYUR, ,GAL TE RIGS PAS MI 'THAD PA'I PHYIR PHYI NANG GI DNGOS PO 'DI DAG KUN STONG PA NYID YIN NO ZHES SGRUB NA, DE LTAR NA KHYOD LA NYES PA CHEN PO DANG MANG POR THAL BAR 'GYUR RO; ;JI LTAR ZHE NA, GAL TE 'DI DAG THAMS CAD STONG PA YIN NA, DE'I TSE GANG STONG PA DE NI MED PA YIN LA, DE'I PHYIR MO GSHAM GYI BU BZHIN DU SKYE BA DANG 'GAG PA MED PAS DNGOS PO GANG YANG 'BYUNG BA MED CING 'JIG PA MED PAR 'GYUR RO, ,DE LTAR NA 'PHAGS PA'I BDEN PA BZHI PO RNAMS MED PAR THAL BAR 'GYUR TE, 'DI LTAR 'DI NI NYER LEN GYI PHUNG PO LNGA PO SNGAR GYI RGYUS BSKYED CING RTEN CING 'BREL PAR 'BYUNG BA NI SDUG BSNGAL GSUM GYIS SDUG BSNGAL BA NYID KYIS MI MTHUN PA'I PHYIR DANG GNOD PA'I BDAG NYID YIN PA'I PHYIR SDUG BSNGAL ZHES BYA'O, ,'DI NI 'PHAGS PA RNAMS KHO NAS SDUG BSNGAL DU MKHYEN GYI BYIS PA RNAMS KYIS MA YIN PAS DE'I PHYIR SDUG BSNGAL 'PHAGS PA'I BDEN PA ZHES BYA'O, ,JI SKAD DU, LAG MTHIL SPU NYAG GCIG 'DUG PA, ,MI RNAMS KYIS NI MI RTOGS PA, ,DE NYID MIG TU SONG BA NA, ,MI BDE BA DANG GNOD BSKYED LTAR, ,BYIS PA LAG MTHIL 'DRA BA YIS, ,'DU BYED SDUG BSNGAL SPU MI RTOGS, ,'PHAGS PA MIG DANG 'DRA BAS NI, ,DE YIS SHIN TU YID KYANG 'BYUNG, ,ZHES BSHAD PA

124a

, ,LTAR RO, ,SDUG BSNGAL DE YANG 'DU BYED 'BYUNG BA DANG 'JIG PA YIN NA RIGS KYI, GANG GI TSE STONG PA'I PHYIR CUNG ZAD SKYE BA DANG 'JIG PA MED PA DE'I TSE SDUG BSNGAL YOD PAR GA LA 'GYUR, SDUG BSNGAL MED NA KUN 'BYUNG YANG MED DE, 'DI LTAR RGYU GANG LAS SDUG BSNGAL KUN 'BYUNG ZHING SKYE BA LAS DANG NYON MONGS PA'I MTSAN NYID CAN GYI RGYU DE LA KUN 'BYUNG ZHES BYA NA, GANG GI TSE 'BRAS BU SDUG BSNGAL MED PA DE'I TSE 'BRAS BU MED PA'I RGYU MI 'THAD PAS KUN 'BYUNG YANG MED DO, , SDUG BSNGAL DANG BRAL ZHING MI SKYE BA NI 'GOG PA ZHES BYA NA, GANG GI TSE SDUG BSNGAL MED PA DE'I TSE GANG 'GAGS PAS 'GOG PAR 'GYUR DE'I PHYIR 'GOG PA YANG MED DO, ,SDUG BSNGAL 'GOG PA MED NA SDUG BSNGAL 'GOG PAR 'GRO BA 'PHAGS PA'I LAM YAN LAG BRGYAD KYANG YOD PAR GA LA 'GYUR TE, DE'I PHYIR LAM YANG MED DO, ,DE LTAR NA DNGOS PO STONG PAR SMRA BA KHYOD LA 'PHAGS PA'I BDEN PA BZHI MED PAR THAL BAR 'GYUR RO, ,GNYIS PA LA GSUM YOD PA'I, DANG PO DGE 'DUN DKON MCHOG MI 'THAD PA LA YANG GSUM GYI, BDEN BZHI SHES PA'I BYA BA MI 'THAD PA NI, BDEN BZHI MED NA NYES PA CIR 'GYUR ZHE NA, 'PHAGS PA'I BDEN PA BZHI MED PAS, ,YONGS SU SHES DANG SPANGS BA DANG, ,BSGOM DANG MNGON DU BYA BA DAG ,'THAD PAR 'GYUR BA MA YIN NO, , 'PHAGS PA'I BDEN PA BZHI PO RNAMS MED NA DE'I TSE MI RTAG PA LA SOGS PA'I RNAM PAS SDUG BSNGAL YONGS SU SHES PA DANG, SDUG BSNGAL KUN 'BYUNG SPANGS PA DANG, SDUG BSNGAL 'GOG PAR 'GRO BA'I LAM BSGOM PA DANG, SDUG BSNGAL 'GOG PA MNGON

124b

SUM DU BYA BA DAG 'THAD PA MA YIN NO, ,GNYIS PA MNGON RTOGS KYI 'BRAS BU MI 'THAD PA NI, GAL TE SDUG BSNGAL YONGS SU SHES PA LA SOGS PA MED NA NYES PA CI YOD CE NA, DE DAG YOD PA MA YIN PAS, 'BRAS BU BZHI YANG YOD MA YIN, ,GANG GI TSE SDUG BSNGAL LA SOGS PA'I BDEN PA BZHI YONGS SU SHES PA LA SOGS PA MED PA DE'I TSE, 'BRAS BU BZHI PO RGYUN DU ZHUGS PA DANG LAN CIG PHYIR 'ONG BA DANG PHYIR MI 'ONG BA DANG, DGRA BCOM PA'I 'BRAS BU DAG KYANG YOD PA MA YIN PAR 'GYUR RO, ,DE LA NYON MONGS PA RNAMS KYI SPANGS PA SDOM PAS 'BRAS BU'I MING THOB STE, 'DI LTAR, THAR PA'I GEGS KYI GTZO BO 'JIG LTA DANG, TSUL KHRIMS DANG RTUL ZHUGS MCHOG 'DZIN DANG, THE TSOM STE KUN SBYOR GSUM PO SPANGS PA'I SPANG PA DE NYID BDEN PA MNGON RTOGS SKAD CIG MA BCU DRUG PA'I GNAS SKABS SU RGYUN DU ZHUGS PA'I 'BRAS BU ZHES BYA'O, ,DE'I STENG DU 'DOD PA'I SGOM SPANG 'BRING GI CHUNG NGU SPANGS PA'I RNAM GROL LAM LA SPANGS PA GANG YOD PA DE NI LAN CIG PHYIR 'ONG BA'I 'BRAS BU ZHES BYA'O, ,DE'I STENG DU 'DOD PA'I SGOM SPANG CHUNG NGU'I CHUNG NGU SPANGS PA'I RNAM GROL LAM LA SPANGS PA GANG YOD PA DE NI PHYIR MI 'ONG BA'I 'BRAS BU ZHES BYA'O, ,DE'I STENG DU SRID PA'I RTZE MO'I NYON MONGS PA CHUNG NGU'I CHUNG NGU SPANGS PAS RNAM GROL LAM LA SPANGS PA GANG YOD PA DE NI DGRA BCOM PA'I 'BRAS BU ZHES BYA'O, ,GAL TE SDUG BSNGAL YONGS SU SHES PA LA SOGS PA 'DI DAG YOD NA 'BRAS BU 'DI DAG 'THAD PA ZHIG NA, GANG GI TSE SDUG BSNGAL YONGS SU SHES PA LA SOGS PA DE DAG MED NA RGYU MED PAS 'BRAS BU BZHI YANG MI 'THAD DO, GSUM

125a

, ,PA ZHUGS GNAS MI 'THAD PA NI, 'BRAS BU BZHI MED NA NYES PA CIR 'GYUR ZHE NA, 'BRAS BU MED NA 'BRAS BU GNAS MED, ,ZHUGS PA DAG KYANG YOD MA YIN, ,'BRAS BU BZHI PO DE DAG MED NA 'BRAS BU DE DAG LA GNAS PA'I 'PHAGS PA'I GANG ZAG BZHI PO RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA RNAMS KYANG YOD PA MA YIN NO, ,DE'I PHYIR 'BRAS BU BZHI PO DAG LA ZHUGS PA DAG KYANG YOD PA MA YIN NO, ,DE DAG KYANG GANG ZHE NA; 'DI LTAR, BDEN PA MNGON PAR RTOGS PA SKAD CIG MA BCU DRUG GI DANG PO BCO LNGA NI BDEN PA SNGAR MA RTOGS PA RTOGS PA'I PHYIR MTHONG BA'I LAM YIN LA, BCU DRUG PA LAM LA RJES SU SHES PA NI MTHONG ZIN GOMS PAR BYED PA'I PHYIR SGOM PA'I LAM YIN NO; ;DE LA MTHONG LAM GYI SNGAR 'DOD PA'I SGOM SPANG GTAN MA SPANGS PA'AM RNAM PA LNGA'I BAR DU SPANGS LA MTHONG BA'I LAM LA GNAS PA NI, RGYUN ZHUGS KYI 'BRAS BU THOB PA'I PHYIR DU BRTZON PAS NA RGYUN ZHUGS PA ZHES BYA'O, ,DE NYID BDEN PA MNGON RTOGS SKAD CIG MA BCU DRUG PA LA GNAS PA NA RGYUN DU ZHUGS PA'I 'BRAS BU LA GNAS PA ZHES BYA'O, ,DE NYID 'DOD PA'I SGOM SPANG DRUG PA SPONG BA'I BAR CHAD MED LAM LA GNAS PA NI LAN CIG PHYIR 'ONG GI 'BRAS BU THOB PHYIR DU BRTZON PAS NA, PHYIR 'ONG ZHUGS PA ZHES BYA'O, ,DE NYID DRUG PA SPANGS PA'I RNAM GROL GYI LAM LA GNAS PA NA 'DOD PA'I LHA'AM MIR SKYE BA GCIG LEN SRID PA'I PHYIR LAN GCIG PHYIR 'ONG BA ZHES BYA'O, ,DE NYID 'DOD PA'I SGOM SPANG DGU PA SPONG BA'I BAR CHAD MED LAM LA GNAS PA'I TSE, PHYIR

125b

MI 'ONG GI 'BRAS BU THOB PA'I PHYIR BRTZON PAS PHYIR MI 'ONG ZHUGS PA ZHES BYA'O, ,DE NYID DGU PA'I RNAM GROL LAM LA GNAS PA NA GANG DU SKYES PA DER SKYE BA GNYIS PA MI LEN CING KHYAD PAR DU 'GRO BAS NA PHYIR MI 'ONG ZHES BYA'O, ,DE NYID SRID PA'I RTZE MO'I NYON MONGS PA DGU PA SPONG BA'I BAR CHAD MED PA'I LAM LA GNAS PA NA DGRA BCOM PA'I 'BRAS BU THOB PA'I PHYIR BRTZON PAS NA DGRA BCOM ZHUGS PA ZHES BYA'O, ,DE NYID SRID RTZE'I DGU PA'I RNAM GROL LAM LA GNAS PA NA NYON MONGS PA THAMS CAD SPANGS PAS MCHOD PAR 'OS PA'I PHYIR DGRA BCOM PA ZHES BYA'O, ,ZHIB PAR GZHAN DU SHES PAR BYA'O, ,DE LTAR ZHUGS PA BZHI DANG 'BRAS BU LA GNAS PA'I GANG ZAG BZHI STE SKYES BU CHEN PO BRGYAD PO YON GNAS SU 'OS PA DE DAG NI RTOGS PA'I CHOS MNGON DU GYUR PAS BDUD THAMS CAD KYIS BCOM LDAN 'DAS LA MI PHYED PA'I PHYIR DGE 'DUN ZHES GSUNGS TE, JI SKAD DU, DE LA BRGYA BYIN LHA YI RGYAL, ,DBANG SGYUR GYIS NI ZHUS PA DANG, ,SROG CHAGS ZHING PA RGYAL 'GYUR ZHING, ,DAD LDAN BSOD NAMS DAG 'DOD PA, ,RDZAS LAS BYUNG BA'I BSOD NAMS NI, ,RTAG TU BYED PA RNAMS KYI ZHING, ,GANG LA PHUL NA 'BRAS CHE BA, ,BZANG PO RAB TU BSHAD BYA STE, ,RIG DANG ZHABS SU LDAN PA YI, ,SBYIN GNAS GYUR CING DGE 'DUN CHE, ,ZHUGS PA RNAM PA BZHI DANG NI, ,'BRAS LA GNAS PA BZHI RNAMS SO, ,ZHES GSUNGS SO, ,DE'I PHYIR, GAL TE SKYES BU GANG ZAG BRGYAD, ,DE DAG MED NA DGE 'DUN MED, ,GAL TE 'PHAGS PA'I BDEN PA DANG DE DAG YONGS SU SHES PA LA SOGS PA MED NA, BDEN PA MTHONG BA MED PAS 'BRAS BU MED LA, DE'I

126a

, ,PHYIR JI SKAD BSHAD PA'I ZHUGS PA DANG GNAS PA'I SKYES BU CHEN PO BRGYAD PO DAG MED PAS DGE 'DUN MED PAR 'GYUR RO, ,GNYIS PA CHOS DKON MCHOG MI 'THAD PA NI, 'PHAGS PA'I BDEN RNAMS MED PA'I PHYIR, DAM PA'I CHOS KYANG YOD MA YIN, ,CHOS NI RNAM PA GNYIS TE, LUNG GI CHOS DANG RTOGS PA'I CHOS SO, ,DE LA 'GOG PA DANG LAM GYI BDEN PA NI RTOGS PA'I CHOS YIN LA, DE GSAL BAR BYED PA SDE SNOD GSUM NI LUNG GI CHOS SO, ,'PHAGS PA'I BDEN PA RNAMS MED NA DE'I KHONGS SU 'DU BAS LUNG DANG RTOGS PA'I BDAG NYID KYI DAM PA'I CHOS KYANG YOD PA MA YIN NO, ,GSUM PA SANGS RGYAS DKON MCHOG MI 'THAD PA NI, CHOS DANG DGE 'DUN YOD MIN NA, ,SANGS RGYAS JI LTAR YOD PAR 'GYUR, ,GAL TE JI SKAD BSHAD PA'I CHOS YOD NA, ,CHOS KYI RJES SU MTHUN PA'I CHOS SGRUB PA LAS CHOS THAMS CAD RNAM PA THAMS CAD DU MNGON PAR RDZOGS PAR THUGS SU CHUD PA'I PHYIR SANGS RGYAS YOD DO ZHES BYA BAR RIGS PAR 'GYUR ZHING, GAL TE DGE 'DUN YOD PA YIN NA DE'I NYE BAR BSTAN PA DAG GIS YE SHES KYI TSOGS BSAGS SHING DE LA DBUL BA DANG RIM 'GRO DANG SKYABS SU 'GRO BA LA SOGS PA DAG GIS BSOD NAMS KYI TSOGS BSAGS PA NA RIM GYIS SANGS RGYAS SU 'GYUR NA, GANG GI TSE JI SKAD BSHAD PA'I TSUL GYIS CHOS DANG DGE 'DUN YOD PA MA YIN PA DE'I TSE TSOGS GNYIS LAS BYUNG BA'I SANGS RGYAS JI LTAR YOD PAR 'GYUR, ,DE'I PHYIR, DE SKAD STONG PA NYID SMRA NA, ,DKON MCHOG GSUM LA GNOD PA NI, ,BYED CING, STONG PA NYID KYI DON DE SKAD DU SMRA BA NA RNYED PA DKA' BA'I PHYIR

126b

DANG; RES 'GA' ZHIG NA 'BYUNG BA'I PHYIR DANG, BSOD NAMS CHUNG BA RNAMS DE DANG MI PHRAD PA'I PHYIR DANG, RIN THANG CHE BA'I PHYIR RIN PO CHE DANG CHOS MTHUN PAS DKON MCHOG GSUM PO SANGS RGYAS DANG CHOS DANG DGE 'DUN ZHES BYA BA DAG LA GNOD PA BYED PA YIN NO, ,GNYIS PA 'JIG RTEN PA'I THA SNYAD MI 'THAD PA NI, 'BRAS BU YOD PA DANG, CHOS MA YIN DANG CHOS NYID DANG, ,'JIG RTEN PA YI THA SNYAD NI, ,KUN LA GNOD PA BYED PA YI, ,GAL TE 'DI THAMS CAD STONG ZHING MED PA YIN NA, THAMS CAD KYI NANG DU 'DUS PA'I PHYIR SROG GCOD PA LA SOGS PA'I CHOS MA YIN PA DANG, SROG GCOD PA SPONG BA LA SOGS PA'I CHOS NYID DANG, DE DAG GI 'BRAS BU YID DU 'ONG MI 'ONG DAG KYANG MED LA, 'JIG RTEN PA'I THA SNYAD GYIS SHIG CHOS SHIG ZO SHIG 'DUG SHIG SONG SHIG CES BYA BA LA SOGS PA KUN KYANG THAMS CAD KYI NANG DU 'DUS PA'I PHYIR DANG, THAMS CAD KYANG STONG PA YIN PA'I PHYIR MI RIGS SHING GNOD PA BYED PA YIN NO, ,DE'I PHYIR THAMS CAD STONG PAR SMRA BA 'DI NI, MI LEGS SO ZHES ZER RO, , GNYIS PA DE DGAG PA LA MDOR BSTAN PA DANG, RGYAS PAR BSHAD PA GNYIS KYI DANG PO NI, DE LA BSHAD PA KHYOD KYIS NI, ,STONG NYID DGOS DANG STONG NYID DANG, ,STONG NYID DON NI MA RTOGS PAS, ,DE PHYIR DE LTAR GNOD PA YIN, ,DE SKAD RGOL BA DE LA LAN BSHAD PA, ,DNGOS POR SMRA BA KHYOD KYIS GANG GI CHED DU STONG PA NYID BSTAN PA'I STONG PA NYID KYI DGOS PA DANG, STONG PA NYID KYI MTSAN NYID DANG, GANG LA STONG PA NYID KYI SGRA 'JUG PA STONG PA NYID KYI SGRA'I DON RNAMS MA RTOGS PAS DE'I PHYIR KHYOD NI RANG GI RNAM PAR

127a

, ,RTOG PAS MED PA NYID STONG PA NYID KYI DON DU SGRO BTAGS NAS, GAL TE 'DI DAG KUN STONG NA, ,'BYUNG BA MED CING 'JIG PA MED, ,CES SOGS KLAN KA SMRA ZHING KHO BO CAG LA YID CHER 'BYUNG BAR 'GYUR BA DE LTAR NA, KHYOD NYID LA GNOD PA YIN NO, ,KHYOD KYIS YONGS SU BZUNG BA GANG YID PA DE NI KHO BO CAG GI BSTAN BCOS 'DIR STONG PA NYID KYI DON DU MA SMRAS LA, KHYOD KYIS STONG PA NYID KYI DON MA SHES PAS STONG PA NYID KYANG MI SHES SHING STONG PA NYID KYI DGOS PA YANG MI SHES SO, , DES NA 'DIR STONG PA NYID KYI DGOS PA CI ZHE NA, 'DI NA, LAS DANG NYON MONGS ZAD PAS THAR, ,LAS DANG NYON MONGS RNAM RTOG LAS, ,DE DAG SPROS LAS SPROS PA NI, ,STONG PA NYID KYIS DGAG PAR 'GYUR, ,ZHES SNGAR BSHAD ZIN TO, ,DE'I PHYIR SPROS PA MA LUS PA NYE BAR ZHI BAR BYA BA'I PHYIR STONG PA NYID STON PA YIN NA, KHYED KYIS NI STONG PA NYID KYIS DON MED PAR RTOG CING SPROS PA'I DRA BA KHO NA SPEL BA NA STONG PA NYID KYI DGOS PA MA RTOGS PA YIN NO, ,STONG PA NYID GANG ZHE NA, DE YANG, GZHAN LAS SHES MIN ZHI BA DANG, SPROS PA RNAMS KYIS MA SPROS PA, ,RNAM RTOG MED DON THA DAD MIN, ,DE NI DE NYID MTSAN NYID DO, ,ZHES BSHAD ZIN TO, ,DE'I PHYIR STONG PA NYID SPROS PA THAMS CAD LOG PA'I RANG BZHIN CAN LA MED PA NYID GA LA YOD, DE'I PHYIR KHYOD KYIS STONG PA NYID KYANG MI SHES SO, ,DON GANG NYE BAR BZUNG NAS STONG PA NYID KYI SGRA 'JUG PA DE YANG, RTEN CING 'BREL PAR 'BYUNG BA GANG, ,DE NI STONG PA NYID DU BSHAD, ,DE NI BRTEN NAS GDAGS PA STE, ,DE NYID DBU MA'I LAM YIN NO, ,ZHES 'CHAD PAR 'GYUR

127b

'BREL PAR 'BYUNG BA'I SGRA'I DON NI STONG PA NYID KYI SGRA'I DON YIN GYI, DNGOS PO MED PA'I DON NI STONG PA NYID KYI SGRA'I DON MA YIN NO, ,DE'I PHYIR STONG PA NYID KYI SGRA'I DON YANG MI SHES SO, ,MI SHES BZHIN DU KLAN KA TSOL BAS NI KHYOD NYID LA GNOD DO, ,GNYIS PA RGYAS PAR BSHAD PA LA, ZHAR BYUNG BDEN GNYIS KYI RNAM GZHAG DKYUS MA KLAN KA SPANG BA, RTEN 'BREL MTHONG BAS BDEN PA RTOGS PAR BSTAN PA DANG GSUM GYI, DANG PO NI, DBU MA PA LA JI SKAD SMRAS PA'I KLAN KA TSOL BA DE SU ZHIG CE NA, GSUNG RAB KYI DON BDEN PA GNYIS KYI RNAM DBYE MI SHES PAR GZHUNG TZAM 'DON PA LHUR BYED PA RANG GI SDE PA DNGOS POR SMRA BA DAG GO ,DE'I PHYIR SLOB DPON GYIS GZHAN GYIS GSUNG RAB KYI DON LOG PAR RTOG PA BZLOG PAR BYA BA'I PHYIR RE SHIG BCOM LDAN 'DAS KYIS GSUNG RAB LAS BSTAN PA'I BDEN PA GNYIS PHYIN CI MA LOG PA RNAM PAR BZHAG PA'I DBANG DU MDZAD NAS, SANGS RGYAS RNAMS KYIS CHOS BSTAN PA, ,BDEN PA GNYIS LA YANG DAG BRTEN, ,'JIG RTEN KUN RDZOB BDEN PA DANG, ,DAM PA'I DON GYI BDEN PA'O, ,ZHES GSUNGS TE, 'DI LA SPYI'I DON DANG YAN LAG GI DON GNYIS KYI, DANG PO LA, NGO BO NGOS GZUNG BA DANG, SO SO'I RANG BZHIN GTAN LA DBAB PA GNYIS KYI, DANG PO NI, DBU MA LA 'JUG PAR, (DNGOS PO RNAMS BDEN PAR MTHONG BA DANG, BRDZUN PAR MTHONG BA'I YUL GYI NGO BO GNYIS 'DZIN PA'I PHYIR GNYIS SU SANGS RGYAS DANG 'PHAGS PA RNAMS BZHED DE,) DNGOS KUN YANG DAG BRDZUN PAR MTHONG BA YIS, ,DNGOS RNYED NGO BO GNYIS NI 'DZIN PAR 'GYUR, ,YANG DAG MTHONG YUL GANG YIN DON DAM STE, ,MTHONG BA RDZUN PA KUN RDZOB BDEN PAR 'DOD, ,

128a

, ,CES BSHAD PA LTAR RO, ,DNGOS PO 'DI DAG LA RANG GI NGO BO'I SGO NAS BDEN PA GNYIS SU DBYE BA NI MED KYI, 'DI RNAMS LA BYIS PA SO SO'I SKYE BO RNAMS KYI BLO YIS RTOG TSUL DANG, 'PHAGS PA RNAMS KYI YE SHES KYI GZIGS TSUL GYI SGO NAS BDEN PA GNYIS SU RNAM PAR 'JOG GO ,DE LA PHYI DANG NANG GI DNGOS PO 'DI DAG LA BYIS PA RNAMS KYI THOG MA MED PA NAS ZHUGS PA'I THA SNYAD KYI RJES SU 'BRANG BA'I RNAM PAR RTOG PA RANG DGA' BAS MNGON PAR ZHEN CING SHES BYA SHES BYED BRJOD BYA RJOD BYED KA BA BUM PA SKYES PA BUD MED SOGS 'JIG RTEN GRAGS PA'I THA SNYAD JI SNYED BTAGS PA RNAMS NI 'JIG RTEN KUN RDZOB KYI BDEN PA ZHES BYA'O, ,DE DAG NI RANG BZHIN STONG PA NYID KYI MIG SMAN GYIS MA RIG PA'I RAB RIB SBYANGS PA'I 'PHAGS PA RNAMS KYI YE SHES KYIS CI YANG MA GZIGS PA'I TSUL GYIS GZIGS PA YOD MED LA SOGS PA MTHA' GANG DU YANG MI GNAS PA SPROS PA THAMS CAD DANG BRAL BA'I DE KHO NA NYID NI DON DAM PA'I BDEN PA ZHES BYA'O, ,GNYIS PA LA GNYIS KYI DANG PO KUN RDZOB BDEN PA'I RANG BZHIN GTAN LA DBAB PA NI, 'JIG RTEN NI GANG, KUN RDZOB NI GANG, CI'I PHYIR BDEN PA ZHES BYA ZHE NA, DE LA, 'JIG RTEN PHUNG POR RAB GRAGS PA, ,DE LA 'JIG RTEN NGES PAR BRTEN, ,ZHES GSUNGS PAS NA PHUNG PO LA BRTEN NAS BRTAG PA'I GANG ZAG LA 'JIG RTEN ZHES BRJOD DO, KUN NAS SGRIB PAS NA KUN RDZOB STE, 'DIS DE KHO NA NYID MTHONG BA LA SGRIB PAS NA DNGOS POR MNGON PAR ZHEN PA'I MTSAN NYID KYI NYON MONGS CAN GYI MA RIG PA LA KUN RDZOB CES BYA'O, ,KUN RDZOB DES BDEN PAR ZHEN CING THA SNYAD BYAS

128b

PAS NA KUN RDZOB BDEN PA ZHES BYA'I, ,DON LA GNAS SHING MI BSLU BAS NI MA YIN TE, 'PHAGS PA RNAMS KYIS DE LTAR MA GZIGS PA'I PHYIR RO, ,JI SKAD DU, 'JUG PA LAS, MA RIG RANG BZHIN SGRIB PHYIR KUN RDZOB STE, ,DES GANG BCOM MA BDEN PAR SNANG DE NI, KUN RDZOB BDEN ZHES THUB PA DES GSUNGS TE, ,BCOS MAR GYUR PA'I DNGOS NI KUN RDZOB TU'O, ,ZHES BSHAD PA LTAR RO, ,SLOB DPON LEGS LDAN 'BYED NI, KUN RDZOB NI 'JIG RTEN GYI THA SNYAD STE, DES RNAM PAR BZHAG PA NI KUN RDZOB BDEN PAR BZHED LA, NGO BO NGOS 'DZIN SNGAR DANG 'DRA'O, ,GANG LA KUN RDZOB BDEN PA ZHES THA SNYAD BTAGS PA'I YUL DE GANG ZHE NA, 'JUG PA LAS, GNOD PA MED PA'I DBANG PO DRUG RNAMS KYI, ,GZUNG BA GANG ZHIG 'JIG RTEN GYIS RTOGS TE, ,'JIG RTEN NYID LAS BDEN YIN LHAG MA NI, ,'JIG RTEN NYID LAS LOG PAR RNAM PAR BZHAG ,CES BSHAD PA LTAR, DBANG PO DRUG PO PHYI NANG GI 'KHRUL RGYUS MA SLAD PA LAS BYUNG BA'I SHES PA'I SNANG BA GZUGS LA SOGS PA PHYI NANG GI DNGOS PO RNAMS NI BYIS PA RNAMS KYIS BDEN PAR ZHEN CING THA SNYAD BYED PA'I PHYIR KUN RDZOB BDEN PAR RNAM PAR BZHAG GO ,'KHRUL RGYUS BSLAD PA LAS BYUNG BA'I SHES PA 'KHRUL BA'I SNANG BA SGYU MA DANG RMI LAM DANG, RAB RIB CAN GYI SKRA SHAD LA SOGS NI 'JIG RTEN PA DAG BDEN PAR THA SNYAD BYED PA MED PA'I PHYIR KUN RDZOB TZAM YIN GYI BDEN PA MA YIN NO, ,DBANG PO MA BSLAD PA'I SHES PA'I YUL DE DAG KYANG 'PHAGS PA RNAMS LA NI KUN RDZOB TZAM YIN GYI BDEN PA MA YIN TE, SGYU MA DANG 'DRA BAR THUGS SU CHUD PAS BDEN PAR ZHEN PA MED PA'I PHYIR RO, ,DE'I PHYIR

129a

, ,KUN RDZOB BDEN PA NI BYIS PA SO SO'I SKYE BO KHO NA LA LTOS NAS RNAM PAR 'JOG GI ,'PHAGS PA RNAMS LA NI KUN RDZOB KYI BDEN PA MI MNGA'O ZHES KHONG DU CHUD PAR BYA'O, ,'O NA CI'I PHYIR DE BZHIN GSHEGS PAS KUN RDZOB KYI BDEN PA 'JIG RTEN LA JI LTAR GRAGS PA LTAR RNAM PAR BZHAG PAR MDZAD CE NA, DE NI JI SKAD DU, JI LTAR KLA KLO SKAD GZHAN GYIS, ,GZUNG BAR MI NUS DE BZHIN DU, 'JIG RTEN PA YIS MA GTOGS PA, ,'JIG RTEN GZUNG BAR NUS MA YIN, ,ZHES PA LTAR, 'JIG RTEN DE KHO NA NYID LA GZHUG PA'I THABS SU KUN RDZOB 'JIG RTEN LA JI LTAR GRAGS PA LTAR 'JIG RTEN GYI NGOR ZHAL GYIS BZHES NAS RNAM BZHAG MDZAD PA YIN GYI, RANG NYID KYIS KUN RDZOB GZIGS NAS STON PA NI MA YIN TE, 'KHOR BA JI SRID PAR CHOS KYI SKU LA BZHUGS PA'I DE BZHIN GSHEGS PA RNAMS KYIS CHOS 'GA' YANG MA GZIGS PA'I PHYIR RO, ,DE'I PHYIR, SHAR GYI SDE PA'I LUNG LAS, GAL TE 'JIG RTEN RNAM 'DREN RNAMS, ,'JIG RTEN MTHUN PAR MI 'JUG NA, ,SANGS RGYAS CHOS NYID GANG YIN DANG, , SANGS RGYAS SUS KYANG SHES MI 'GYUR, ,ZHES SOGS RGYA CHER GSUNGS SO, ,NYON MONGS CAN (DE LA NYON MONGS PA CAN NI, BDAG TU NGA RGYAL BA DANG, BDAG TU RMONGS PA DANG BDAG LA CHAGS PA LA SOGS PA'O,) GYI MA RIG PA MA SPANGS PA'I 'PHAGS PA SLOB PA RNAMS LA RJES THOB TU RI MO MKHAN RANG GIS BRIS PA'I GZUGS LA GNOD SBYIN DU 'KHRUL BA LTAR, SKABS 'GAR DNGOS POR MNGON ZHEN GYI MTSAN MA CUNG ZAD 'BYUNG YANG CHU LA RI MO BRIS PA LTAR MYUR DU LDOG CING, NYON MONGS CAN GYI MA RIG PA MA LUS PA SPANGS PA'I 'PHAGS PA DGRA

129b

BCOM PA DANG, PHYIR MI LDOG PA'I SA LA GNAS PA'I BYANG CHUB SEMS DPA' RNAMS LA NI RNAM PA THAMS CAD DU DNGOS POR MNGON ZHEN GYI MTSAN MA MI 'BYUNG ZHING, THA SNYAD LA 'JUG PA'I DUS SU 'JIG RTEN LA JI LTAR GRAGS PA LTAR GYI RNAM BZHAG MDZAD PA NI GZHAN GZHUG PA'I DGOS PA CAN YIN NO ZHES SHES PAR BYA'O, ,'DIR SLOB DPON YE SHES SNYING PO NI, JI LTAR SNANG BA 'DI KHO NA, KUN RDZOB CES MKHAS PA NAS BYIS PA'I BAR LA THUN MONG DU SNANG ZHING GRAGS PA'I SHES BYAR SHES PA RNAMS NI KUN RDZOB KYI BDEN PA ZHES 'JOG CING, CI'I PHYIR KUN RDZOB KYI BDEN PA ZHES BYA ZHE NA, GANG ZHIG GIS SAM GANG DAG LA, ,YANG DAG SGRIB BYED DE KUN RDZOB, ,DES NA 'DI KUN BDEN PA STE, ,DAM PA'I DON DU BDEN MA YIN, ,ZHES BLO GANG ZHIG GIS SAM, BLO GANG YOD NA YANG DAG PA LA SGRIB PAR BYED PA YANG DAG MA YIN PA'I KUN RTOG GIS BSDUS PA'I SEMS SEMS BYUNG RNAMS NI KUN RDZOB YIN LA, DES 'DI KUN BDEN PAR BZHAG PAS KUN RDZOB BDEN PA ZHES BYA'O, ,KUN RDZOB DE YANG GNYIS TE, YANG DAG PA'I KUN RDZOB DANG; YANG DAG PA MA YIN PA'I KUN RDZOB BDEN PA'O, ,DANG PO NI, RNAM PAR RTOG PAS YANG DAG PAR SKYE BA DANG 'GAG PA LA SOGS PAR SGRO BTAGS PAS DBEN PA, RGYU DANG RKYEN LAS BRTEN NAS SKYES PA, JI LTAR SNANG BA LTAR DON BYED PA LA MI SLU BA YIN LA; GNYIS PA NI, YANG DAG PAR SKYE BA DANG 'GAG PA LA SOGS PAR RTOG PAS SGRO BTAGS PA SGRA'I YUL SPYI'I MTSAN NYID CAN RNAMS YIN TE, JI SKAD DU, BRTAGS PA'I DON GYIS DBEN GYUR PA, ,DNGOS TZAM BRTEN NAS GANG SKYES PA, ,YANG DAG KUN RDZOB

130a

, ,SHES PAR BYA, ,YANG DAG MIN NI KUN BRTAGS PA'O, ,ZHES PA LTAR RO, ,YANG RTOG MED SHES PA'I SNANG BA LA YANG YANG DAG PA DANG, LOG PA'I KUN RDZOB GNYIS SU 'BYED DE, DANG PO NI, 'KHRUL RGYUS MA BSLAD PA'I SHES PA'I SNANG BA ME DANG CHU LA SOGS PA JI LTAR SNANG BA LTAR DON BYED NUS PA RNAMS YIN LA, GNYIS PA NI, SHES PA 'KHRUL BA'I SNANG BA SGYU MA DANG RMI LAM DANG SMIG SGYU LA SOGS PA JI LTAR SNANG BA LTAR DON BYED MI NUS PA RNAMS YIN TE, JI SKAD DU, SNANG DU 'DRA YANG DON BYED DAG ,NUS PA'I PHYIR DANG MI NUS PHYIR, ,YANG DAG YANG DAG MA YIN PA'I, ,KUN RDZOB KYI NI DBYE BA BYAS, ,ZHES BSHAD DO, ,SLOB DPON 'DI'I BZHED PA LTAR NA YANG DAG KUN RDZOB DU 'DOD PA'I GZUGS LA SOGS PA 'DI DAG BLOS BRTAGS PA LA MA LTOS PAR RANG GI NGO BOS SKYE 'JIG BYED CING DON BYED PA LA MI SLU BAR 'DOD PAR SNANG STE, DE LTAR NA DNGOS PO SMRA BA LTAR RTEN 'BREL RANG RGYUD DU GRUB PAR KHAS BLANGS PA'I PHYIR, KUN RDZOB CES BYA BA MING TZAM DU 'GYUR GYI, DON DAM PAR KHAS BLANGS PAR 'GYUR RO, ,CI STE RIGS PAS RNAM PAR DPYAD NA BDEN PAR MED PA'I PHYIR KUN RDZOB YIN NO ZHE NA, RTEN 'BREL RANG RGYUD DU SKYE BAR KHAS BLANGS NAS DE RIGS PAS SKYE MED DU BSHIG PA NI, BUM PA THO BAS BCOM PA LTAR CHAD PA'I STONG PA NYID DU 'GYUR GYI; YANG DAG PA'I STONG NYID MA YIN TE, JI SKAD DU, 'JUG PA LAS, GAL TE RANG GI MTSAN NYID BRTEN 'BYUNG NA, DE LA BSKUR BAS DNGOS PO 'JIG PA'I PHYIR, ,STONG NYID DNGOS PO 'JIG PA'I RGYUR 'GYUR NA, ,DE NI RIGS MIN DE PHYIR DE YOD MIN, ,

130b

ZHES BSHAD PA LTAR RO, MDO LAS KYANG, 'OD SRUNG, STONG PA NYID KYIS CHOS RNAMS STONG PAR MI BYED DE, ,CHOS RNAMS NYID STONG PA NYID DO, ,ZHES SOGS GSUNGS SO, ,GAL TE GZUGS LA SOGS PA'I SKYE BA DANG 'JIG PA NI BLO 'KHRUL PA LA SNANG TZAM YIN PAS RANG RGYUD DU GRUB PAR KHAS MI LEN NO ZHE NA, 'O NA NI JI LTAR GZUGS LA SOGS PA'I SKYE BA DANG 'JIG PA DANG DON BYED PA LA SOGS PA SHES PA 'KHRUL PA LA SNANG BA TZAM YIN PA LTAR, SGYU MA LA SOGS PA YANG SHES PA 'KHRUL PA LA SKYE 'JIG DANG DON BYED PA LA SOGS PAR SNANG BA'I PHYIR, JI LTAR NA DE DAG LA YANG DAG PA DANG YANG DAG PA MA YIN PA'I DBYE BA BYED, GAL TE GNYIS KA YANG SHES PA 'KHRUL BA'I SNANG BAR MTSUNGS KYANG 'JIG RTEN GYI SNANG BA LTAR DON BYED PA LA SLU BA DANG MI SLU BAR ZHEN CING THA SNYAD BYAS PAS DE'I PHYIR YANG DAG PA DANG LOG PA'I DBYE BA BYAS SO ZHE NA, DE LTA NA KUN RDZOB BDEN PA 'JIG RTEN GYI BRDA DANG THA SNYAD KYIS SGRO BTAGS 'BA' ZHIG TU 'GYUR GYI, BRTAGS PA'I DON GYIS DBEN GYUR PA, ,DNGOS TZAM BRTEN PA GANG SKYES PA, ,YANG DAG KUN RDZOB CES BYA BAR MI RIGS SO, ,DE'I PHYIR YE SHES SNYING PO'I LUGS 'DI, SLOB DPON ZHI BA 'TSO DANG, SING GE BZANG PO LA SOGS PA BZHED MOD, PHYOGS 'DI NI RMA MED PA MA YIN NO, ,GNYIS PA DON DAM GYI RANG BZHIN GTAN LA DBAB PA NI, (KUN RDZOB DANG DON DAM PA'I BDEN PA BSTAN PA'I MDO LAS, LHA'I BU GAL TE DON DAM PAR DON DAM PA'I BDEN PA LUS DANG NGAG DANG YID KYI SPYOD YUL DU GYUR NA, DON DAM PA'I GRANGS SU MI 'GRO ZHING, KUN RDZOB KYI BDEN PA NYID DU 'GYUR RO, ,LHA'I BU 'ON KYANG DON DAM PA'I BDEN PA NI THA SNYAD THAMS CAD LAS 'DAS PA DANG, YANG DAG PAR MA SKYES PA

131a

, ,DANG, MA 'GAG PA DANG BRJOD PAR BYA BA DANG SHES PA DANG SHES BYA DANG BRAL BA YIN TE JI SRID DU RNAM PA THAMS CAD KYI MCHOG NYID DANG LDAN PA'I THAMS CAD MKHYEN PA'I YE SHES KYI YUL LAS 'DAS PA NI DON DAM PA'I BDEN PA YIN NO ZHES SO,) ,JI SKAD DU, 'JUG PAR, RAB RIB MTHU YIS SKRA SHAD LA SOGS PA, ,NGO BO LOG PA GANG ZHIG RNAM BRTAGS PA, ,DE NYID BDAG NYID GANG DU MIG DAG PAS, ,MTHONG DE DE NYID DE BZHIN 'DIR SHES GYIS, ,ZHES BSHAD PA LTAR, JI LTAR RAB RIB KYIS MIG BSLAD PA DAG LA KHAM PHOR LA SOGS PA'I NANG DU SKRA BSHAD DANG SBRANG BU MCHU RING LA SOGS PA SNA TSOGS SU SNANG ZHING DE'I RTEN CAN GYI KHA DOG DANG DBYIBS KYI KHYAD PAR DU MA SGRO BTAGS NAS DE DAG SEL BA'I TSEGS THOB PA NA, RAB RIB MED PAS RAB RIB CAN GYIS DMIGS PA'I YUL DER MIG GTAD TE BLTAS KYANG, SKRA SHAD LA SOGS PA'I NGO BO DANG KHYAD PAR CI YANG MI MTHONG BA LTAR MA RIG PA'I RAB RIB KYIS BLO NYAMS PAR BYAS PA'I BYIS PA RNAMS KYIS PHUNG PO KHAMS DANG SKYE MCHED LA SOGS PA SNA TSOGS PAR DMIGS PA DE NYID 'PHAGS PA RNAMS KYI YE SHES KYIS CI YANG MA GZIGS PA'I TSUL GYIS GZIGS PA NI CHOS RNAMS KYI DE KHO NA NYID DON DAM PA'I BDEN PA ZHES BYA'O, ,CI'I PHYIR DON DAM PA ZHES BYA ZHE NA, 'PHAGS PA'I YE SHES DAM PA'I YUL YIN PA'I PHYIR RO, ,CI'I PHYIR BDEN PA ZHES BYA ZHE NA, RNAM PA THAMS CAD DU BSLU BA MED CING DE KHO NA LTAR GNAS PA'I PHYIR RO, ,'DI NI BLOS SHES PA 'AM SGRAS BRJOD PAR NUS PA MA YIN TE, JI SKAD DU, BRJOD PAR BYA BA LDOG PA STE, ,SEMS KYI SPYOD YUL LDOG PAS SO, ,ZHES BSHAD ZIN TO, ,DON DAM PA'I BDEN

131b

PA SNANG BA MED CING MTHA' GANG DU YANG MI GNAS PA 'DI NI DBU MA PA THAMS CAD BZHED PA MTHUN TE, SLOB DPON LEGS LDAN 'BYED KYIS, DBU MA SNYING POR, RAB RIB BRAL BAR GYUR BA'I MIG ,RNAM DAG DRI MA MED PA LA, SKRA DANG SBRANG BU ZLA GNYIS DANG; ;RMA BYA'I MDONGS DAG MI SNANG LTAR, ,MKHAS PA NYON MONGS SHES BYA YI, ,SGRIB KUN RAB RIB BRAL GYUR CING, ,YANG DAG MKHYEN SPYAN DRI MED LA'ANG, ,DE BZHIN CI YANG SNANG BA MED, ,CES GSUNGS SHING, SLOB DPON YE SHES SNYING POS KYANG; YOD MED DNGOS PO MKHYEN PA PO, ,KUN MKHYEN GYIS KYANG CANG MI GZIGS, ,DE YI DNGOS PO CI 'DRA ZHIG ,SHIN TU ZHIB PA'I BLO YIS DPYOD, ,CES BSHAD CING, YANG, GANG PHYIR KHO NA DE LA NI, ,BRJOD BYA'I BAG KYANG CI YANG MED, ,CES BSHAD DO; ;BLO GROS MI BZAD PA BSTAN PA LAS KYANG, DE LA DON DAM PA'I BDEN PA GANG ZHE NA, GANG LA SEMS KYI RGYU BA YANG MED NA YI GE RNAMS LTA CI SMOS ZHES GSUNGS PA'I DGONGS PA YANG DE NYID YIN NO, ,GNYIS PA YAN LAG GI DON LA, BDEN GNYIS KYI DBYE BA, DE MA SHES PA'I NYES DMIGS, KUN RDZOB BSTAN PA'I DGOS PA, STONG NYID LOG PAR BZUNG BA'I NYES DMIGS, STONG NYID RTOGS PAR DKA' BA'I RGYU DANG LNGA'I, DANG PO NI, SANGS RGYAS RNAMS KYIS CHOS BSTAN PA, ,ZHES SOGS TSIGS SU BCAD PA GCIG STE, JI SKAD DU, (YAB SRAS MJAL BAR,) 'JIG RTEN MKHYEN PAS GZHAN LA MA GSAN PAR, ,BDEN PA 'DI GNYIS KYIS NI STON PAR MDZAD, ,GANG ZHIG KUN RDZOB DE BZHIN DON DAM STE, ,BDEN PA GSUM PA 'GA' YANG MA MCHIS SO, ,ZHES

132a

, ,GSUNGS PA LTAR SANGS RGYAS BCOM LDAN 'DAS KYIS CHOS BSTAN PA JI SNYED PA DAG NI BDEN PA GNYIS LA BRTAN NAS 'JUG STE, BDEN PA GNYIS PO DE GANG ZHE NA, 'JIG RTEN KUN RDZOB KYI BDEN PA DANG, DAM PA'I DON GYI BDEN PA'O, ,DE LA GDUL BYA MA SMIN PA RNAMS SMIN PAR BYA BA'I PHYIR BSTAN PA DRANG BA'I DON GYI MDO SDE RNAMS NI KUN RDZOB KYI BDEN PA LA BRTZAMS TE 'JUG LA, SMIN PA RNAMS GROL BAR BYA BA'I PHYIR BSTAN PA NGES PA'I DON GYI MDO SDE RNAMS NI DON DAM PA'I BDEN PA LA BRTZAMS TE 'JUG PA'I PHYIR RO, ,BDEN PA GNYIS PO DE'I RANG BZHIN NI, SNGAR BSHAD ZIN TO, ,GNYIS PA NI, GANG DAG BDEN PA 'DI GNYIS KYI, ,RNAM DBYE RNAM PAR MI SHES PA, ,DE DAG SANGS RGYAS BSTAN PA NI, ,ZAB MO'I DE NYID RNAM MI SHES, ,GANG GI PHYIR SANGS RGYAS RNAMS KYI CHOS BSTAN PA JI SNYED PA NI BRJOD BYA BDEN PA GNYIS BSTAN PA LAS BRTZAMS NAS 'JUG PA DE'I PHYIR 'PHAGS PA KLU SGRUB KYI LUGS KYI RJES SU MI 'JUG PA'I DNGOS PO SMRA BA GANG DAG JI SKAD BSHAD PA'I BDEN PA GNYIS KYI RNAM DBYE RNAM PAR MI SHES PA DE DAG GIS NI SANGS RGYAS KYI BSTAN PA'I ZAB MO'I DE KHO NA NYID RNAM PAR MI SHES TE, JI SKAD DU, 'JUG PA LAS, SLOB DPON KLU SGRUB ZHABS KYI LAM LAS NI, ,PHYIR ROL GYUR LA ZHI BA'I THABS MED DO, ,DE DAG KUN RDZOB DE NYID BDEN LAS NYAMS, ,BDEN GNYIS NYAMS LA THAR PA GRUB YOD MIN, ,ZHES BSHAD PA LTAR RO, ,GSUM PA NI, GAL TE DON DAM SPROS PA DANG BRAL BA'I RANG BZHIN YIN NA DE NYID KHO NA BSTAN PAR RIGS MOD, PHUNG PO KHAMS DANG SKYE MCHED LA SOGS PA DON DAM MA YIN

132b

PA BSTAN PAS CI ZHIG BYA ZHE NA, DE NI BDEN MOD KYI 'ON KYANG THA SNYAD LAS NI MA BRTEN PAR, ,DAM PA'I DON NI BSTAN MI NUS, ,DAM PA'I DON NI MA RTOGS PAR, ,MYA NGAN 'DAS PA THOB MI 'GYUR, ,SHES BYA SHES BYED BRJOD BYA RJOD BYED LA SOGS PA 'JIG RTEN PA'I THA SNYAD KYI BDEN PA LA MA BRTEN CING DE KHAS MA BLANGS PAR DON DAM PA'I BDEN PA BSTAN PAR MI NUS LA, MA BSTAN PAR RTOGS PAR MI NUS SHING DAM PA'I DON GYI BDEN PA MA RTOG PAR YANG MYA NGAN LAS 'DAS PA THOB PAR MI 'GYUR TE, DE'I PHYIR MYA NGAN LAS 'DAS PA THOB PA'I THABS YIN PA'I PHYIR CHU 'DOD PAS SNOD LTAR THOG MAR GDON MI ZA BAR KUN RDZOB JI LTAR GNAS PA LTAR KHAS BLANGS NAS BSTAN PAR BYA'O, ,BZHI PA NI, DE'I PHYIR RNAL 'BYOR PA JI SKAD BSHAD PA'I BDEN PA GNYIS KYI RNAM PAR BZHAG PA PHYIN CI MA LOG PA SHES PA NI MTHA' GNYIS SU LHUNG BAR MI 'GYUR TE, 'DI LTAR, DNGOS PO'I RANG BZHIN CI YANG KHAS MA BLANGS PAS SNGAR YOD PA PHYIS MED DO ZHES 'GA' LA YANG SKUR PA MI 'DEBS SHING, 'JIG RTEN GYI KUN RDZOB GZUGS BRNYAN DANG 'DRA BA LA GNOD PA MA BYAS PAS LAS DANG LAS KYI 'BRAS BU DANG CHOS DANG CHOS MA YIN PA LA SOGS PA YANG KHAS LEN PA'I PHYIR DANG, DON DAM PA'I DNGOS POR SGRO 'DOGS PAR YANG MI BYED DE, DNGOS PO RANG BZHIN MED PA RNAMS KHO NA LA LAS DANG 'BRAS BU SOGS MTHONG BA'I PHYIR DANG, DNGOS PO RANG BZHIN DANG BCAS PA LA LAS DANG 'BRAS BU'I 'BREL PA MI 'THAD CING RTEN 'BREL LA SOGS PA THAMS CAD KYANG MI 'THAD PA'I PHYIR RO, ,GANG DAG BDEN PA GNYIS KYI RNAM BZHAG MI SHES PAR STONG PA NYID SMRA BAR BYED PA DE DAG

133a

, ,NI LTA BA NGAN PA'I G-YANG DU LHUNG PAR 'GYUR TE, 'DI LTAR, STONG PA NYID LA LTA NYES NA, ,SHES RAB CHUNG RNAMS PHUNG BAR BYED, ,JI LTAR SBRUL LA GZUNG NYES DANG, ,RIGS SNGAGS NYES PAR SGRUB PA BZHIN, ,STONG PA NYID LA LTA BA NYES PA NI GNYIS TE, STONG PA NYID DNGOS PO MED PA'I DON DU RTOG PA DANG, STONG NYID DNGOS PO BDEN PA'I NGO BOR RTOG PA'O, ,DE LA STONG PA NYID DNGOS PO MED PA'I DON DU RTOG PA DE NI, YANG NA NI 'DU BYED THAMS CAD STONG PA NYID KYIS YOD PA MA YIN NO ZHES THAMS CAD LA SKUR PA 'DEBS PA'I LOG PA'I LTA BAR LHUNG BAR 'GYUR TE, JI SKAD DU, RIN CHEN PHRENG BAR, CHOS 'DI LOG PAR GZUNG GYUR NA, ,MI MKHAS RNAMS NI CHUD KYANG ZA, ,'DI LTAR MED PAR LTA BA YI, ,MI GTZANG DER NI BYING BAR 'GYUR, , ZHES BSHAD DO, ,GAL TE 'DI THAMS CAD LA SKUR PA 'DEBS PA MI 'DOD NA YANG, STONG PA NYID MED PA'I DON DU SGRO BTAGS NAS CHOS THAMS CAD RANG BZHIN MED PAR STON PA'I MDO SDE DAG LA 'DI DAG NI CHAD PAR LTA BA STON PA'O ZHES STONG PA NYID SPANGS PAS CHOS KYIS PHONGS PA'I LAS KYIS NGES PAR NGAN 'GROR 'GRO BAR 'GYUR TE, JI SKAD DU, GZHAN YANG 'DI NI LOG GZUNG NA, ,BLUN PO MKHAS PA'I NGA RGYAL CAN, ,SPONG BAS MA RUNG BDAG NYID CAN, ,MNAR MED PAR NI SPYI TSUGS 'GRO, ,ZHES BSHAD DO, , DE LTAR NA RE ZHIG STONG PA NYID DNGOS PO MED PA'I DON DU BZUNG BAS NI 'DZIN PA PO PHUNG BAR BYED PA YIN NO, ,GAL TE STONG PA NYID DNGOS PO BDEN PA BA'I NGO BOR MNGON PAR ZHEN PA NI MYA NGAN LAS 'DAS PA'I LAM LOG PAR ZHUGS PAS SMAN PAS BOR BA'I NAD PA

133b

BZHIN DU GSOR MI RUNG BA'I LTA BA CAN YIN TE, DE LA STONG PA NYID BSTAN PA 'BRAS BU MED PA'I PHYIR RO, ,DE'I PHYIR SLOB DPON GYIS, KUN RTOG THAMS CAD GZHOM PA'I PHYIR, KHYOD KYIS STONG NYID BDUD RTZI BSTAN, ,GANG DAG DE LA'ANG 'DZIN YOD PA, ,DE NI KHYOD KYIS SMAD PAR MDZAD, ,CES BSHAD DO, ,DE'I PHYIR STONG NYID DNGOS POR 'DZIN NA YANG 'DZIN PA PO PHUNG BAR BYED DO, ,DE LTAR NA STONG PA NYID LA DNGOS PO DANG DNGOS PO MED PAR BZUNG NAS LTA NYES PA NA 'DZIN PA PO SHES RAB CHUNG BA RNAMS JI SKAD BSHAD PA'I TSUL GYIS PHUNG BAR BYED PA YIN NO, ,GAL TE PHAN 'DOGS PA GANG YIN PA DE RNAM PA GZHAN DU BZUNG NA PHAN 'DOGS PAR MA GYUR MOD, GNOD PA BYED PAR JI LTAR 'GYUR ZHE NA, DE NYID DPE'I SGO NAS STON PA NI, JI LTAR SBRUL LA GZUNG NYES DANG, , RIGS SNGAGS NYES PAR SGRUB PA BZHIN, ,JI LTAR SBRUL SMAN DANG SNGAGS KYI STOBS KYIS MAN NGAG JI LTA BA BZHIN BZUNG NA NOR GYI PHUNG PO STER BAR BYED LA, NYE BAR BSTAN PA'I MAN NGAG BOR NAS GYA TSOM SU BZUNG NA GZUNG NYES PAS 'DZIN PA PO PHUNG BAR BYED PA DANG; JI LTAR MAN NGAG JI LTA BA BZHIN DU SGRUB PA'I RIGS SNGAGS KYIS SGRUB PA PO LA PHAN 'DOGS LA, MAN NGAG NYAMS TE RIGS SNGAGS NYES PAR BSGRUBS PAS NI SGRUB PA PO BRLAG PAR BYED PA DE BZHIN DU 'DIR YANG BDEN PA GNYIS KYI NYE BAR BSTAN PA JI LTA BA BZHIN DU STONG PA NYID BZUNG NA, 'DZIN PA PO MYA NGAN LAS 'DAS PA'I BDE BA MCHOG LA SBYOR BAR BYED LA, JI LTAR NYE BAR BSTAN PA BOR NAS BZUNG NA, JI SKAD BSTAN PA'I TSUL GYIS 'DZIN PA PO PHUNG BAR BYED PA YIN NO, ,LNGA PA NI, DE PHYIR ZHAN PAS CHOS

134a

, ,'DI YI, ,GTING RTOGS DKA' BAR MKHYEN GYUR NAS, ,THUB PA'I THUGS NI CHOS BSTAN LAS, ,RAB TU BZLOG PAR GYUR PA YIN, ,GANG GI PHYIR STONG PA NYID LA BZUNG NYES PAS 'DZIN PA PO PHUNG BAR BYED LA, SHES RAB ZHAN PA DAG GIS KYANG YANG DAG PAR 'DZIN MI NUS PA DE'I PHYIR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PA SANGS RGYAS NAS SEMS CAN GYI KHAMS DANG CHOS SHIN TU ZAB PA LA GZIGS NAS BLO ZHAN PA DAG GIS CHOS 'DI'I GTING RTOGS PAR DKA' BAR MKHYEN PAR GYUR NAS, THUB PA BCOM LDAN 'DAS KYI THUGS NI CHOS BSTAN PA LAS BZLOG PAR 'GYUR BA YIN NO, ,JI SKAD DU, MDO LAS, DE NAS BCOM LDAN 'DAS MNGON PAR RDZOGS PAR SANGS RGYAS NAS RING PO MA LON PAR 'DI SNYAM DU DGONGS TE, NGAS CHOS ZAB MO ZAB PAR SNANG BA BRTAG PAR BYA BA MA YIN ZHING RTOG GE'I SPYOD YUL MA YIN PA ZHIB MO MKHAS SHING MDZANGS PAS RIG PAR BYA BA THUGS SU CHUD DE, DE GAL TE NGAS GZHAN LA BSTAN NA GZHAN GYIS NGA'I DE RTOGS PAR MI 'GYUR; DES NGA LA GNOD PAR 'GYUR ZHING ZHUM PAR 'GYUR, THUGS MI SPRO BAR 'GYUR BAS GANG BDAG NYID GCIG PU DGON PA RAB TU DBEN PAR MTHONG BA'I CHOS LA BDE BA LA REG PAR GNAS PA THOB PAS GNAS PAR BYA'O ZHES RGYAS PAR GSUNGS PA LTA BU'O, ,GNYIS PA DKYUS MA KLAN KA SPANG BA LA, KLAN KA DBU MA PA LA MI 'JUG PAR BSTAN, DNGOS SMRA RANG LA 'JUG PAR BSTAN PA GNYIS KYI, DANG PO LA YANG KLAN KA MI 'JUG TSUL DNGOS DANG, RNAM GZHAG THAMS CAD 'THAD PAR BSTAN PA GNYIS KYI DANG

134b

PO NI, SKYON DU THAL BAR 'GYUR BA NI, ,STONG LA 'THAD PA MA YIN PAS, ,KHYOD NI STONG NYID SPONG BYED PA, ,GANG DE NGA LA MI 'THAD DO, ,GANG GI PHYIR KHYOD KYIS KHO BO CAG LA, GAL TE 'DI DAG KUN STONG NA, ,'BYUNG BA MED CING 'JIG PA MED, ,CES SOGS SKYON CHEN POR THAL BA NYE BAR BKOD PA DE NI BDEN PA GNYIS KYI RNAM GZHAG MA SHES PAS STONG PA NYID DANG STONG PA NYID KYI DON DANG STONG PA NYID KYI DGOS PA JI LTA BA BZHIN KHONG DU MA CHUD PAS BKOD PA YIN PAS KHO BO CAG STONG PA NYID DU SMRA BA LA SKYON DE 'THAD PA MA YIN NO, ,GANG GI PHYIR MI 'THAD PA DE'I PHYIR KHYOD DON GANG NYE BAR BZUNG NAS STONG PA NYID LA NYES PAR THAL BA BRJOD CING, STONG PA NYID SPONG BAR BYED PA'I STONG PA NYID KYI DON GANG YIN PA DE NGA LA STONG NYID KYI DON DU MI 'THAD DE, 'DI LTAR, KHYOD KYIS NI DNGOS PO MED PA'I DON STONG PA NYID KYI DON DU SGRO BTAGS NAS THAL BA BRJOD PA YIN NA, KHO BO CAG NI DNGOS PO MED PA NYID STONG PA NYID KYI DON DU MI 'CHAD KYI, RTEN CING 'BREL PAR 'BYUNG BA NYID STONG PA NYID KYI DON DU 'CHAD DO, ,DE'I PHYIR STONG PA NYID SMRA BA LA SUN 'BYIN PA MI RIGS SO, ,GNYIS PA NI, KHO BO CAG GI PHYOGS LA JI SKAD SMRAS PA'I SKYON MI 'JUG PAR MA ZAD BDEN PA LA SOGS PA'I RNAM GZHAG KYANG CHES 'THAD PA YIN TE, 'DI LTAR, GANG LA STONG PA NYID RUNG BA, ,DE LA THAMS CAD RUNG BAR 'GYUR, ,GANG LA STONG NYID MI RUNG BA, ,DE LA THAMS CAD MI RUNG 'GYUR, ,GANG LA STONG PA NYID RUNG BA DE LA BDEN PA LA SOGS PA JI SKAD BSHAD PA'I RNAM GZHAG THAMS CAD RUNG BAR 'GYUR TE, JI LTAR ZHE NA, ,KHO BO CAG NI RTEN CING 'BREL PAR 'BYUNG BA

135a

, ,NYID STONG PA NYID DU SMRA STE, DE'I PHYIR GANG LA STONG NYID RUNG BA DE LA RTEN 'BREL RUNG LA, GANG LA RTEN 'BREL RUNG BA DE LA 'PHAGS PA'I BDEN PA BZHI RIGS PAR 'GYUR TE, 'DI LTAR GANG RTEN CING 'BREL PAR 'BYUNG BA DE SDUG BSNGAL DU 'GYUR GYI RTEN 'BREL MA YIN PA NI MI 'GYUR RO, ,SDUG BSNGAL YOD NA SDUG BSNGAL KUN 'BYUNG BA DANG SDUG BSNGAL 'GOG PA DANG SDUG BSNGAL 'GOG PAR 'GRO BA'I LAM RNAMS RUNG BAR 'GYUR RO, ,DE'I PHYIR SDUG BSNGAL YONGS SU SHES PA NAS LAM BSGOM PA'I BAR DU YANG RUNG NGO, ,SDUG BSNGAL LA SOGS PA'I BDEN PA YONGS SU SHES PA YOD NA 'BRAS BU BZHI YANG RUNG NGO, ,'BRAS BU YOD NA 'BRAS BU LA GNAS PA DANG ZHUGS PA DAG KYANG RUNG LA, DE DAG YOD NA DGE 'DUN RUNG BAR 'GYUR RO, , 'PHAGS PA'I BDEN PA RNAMS YOD NA DAM PA'I CHOS RUNG ZHING, CHOS DANG DGE 'DUN YOD NA SANGS RGYAS RUNG BAR 'GYUR RO, ,DE'I PHYIR DKON GSUM RUNG BAR 'GYUR RO, ,DE BZHIN DU 'JIG RTEN DANG 'JIG RTEN LAS 'DAS PA'I KHYAD PAR RTOGS PA THAMS CAD DANG, CHOS DANG CHOS MA YIN PA DANG DE'I 'BRAS BU DANG 'JIG RTEN GYI THA SNYAD THAMS CAD KYANG RUNG BAR 'GYUR RO, ,DE LTAR NA GANG LA STONG NYID RUNG BA DE LA THAMS CAD RUNG BAR 'GYUR LA, GANG LA STONG NYID MI RUNG BA DE LA RTEN CING 'BREL 'BYUNG MI RUNG BA'I PHYIR THAMS CAD MI RUNG BAR 'GYUR TE, JI LTAR MI RUNG BA DE LTAR NI 'OG NAS RGYAS PAR 'CHAD DO, ,GNYIS PA LA MDOR BSTAN PA DANG, RGYAS PAR BSHAD PA GNYIS KYI DANG PO NI, KHYOD NI RANG GI SKYON RNAMS NI, ,NGA LA YONGS SU BSGYUR BYED PA, ,RTA LA

135b

MNGON PAR ZHON BZHIN DU, ,RTA NYID BRJED PAR 'GYUR BA BZHIN, ,DE LTAR NA KHO BO CAG GI PHYOGS CHOS YONGS SU DAG CING RNAM GZHAG THAMS CAD DANG MI 'GAL BA YIN PA DANG, RANG GI PHYOGS RAGS PA SKYON DANG LDAN ZHING RNAM GZHAG 'GAL BA YIN YANG SHIN TU BLUN PA NYID KYIS YON TAN DANG SKYON MA MTHONG BA KHYOD NI RANG LA 'JUG PA'I SKYON RNAMS NGA LA YONGS SU BSGYUR BAR BYED PA NA, JI LTAR 'GA' ZHIG RTA LA MNGON PAR ZHON BZHIN DU GANG LA ZHON PA'I RTA NYID BRJED DE, DE PHROGS PA'I NYES PAS GZHAN LA KLAN KA TSOL BA DE BZHIN DU KHYOD KYANG RTEN 'BREL KHAS LEN PAS RTEN CING 'BREL PAR 'BYUNG BA'I MTSAN NYID CAN GYI RTA LA ZHON PA YIN BZHIN DU LTA BA NGAN PAS RNAM PAR G-YENGS PAS DE'I DON MA DMIGS PA NA KHO BO CAG LA KLAN KA TSOL BA YIN NO, ,GNYIS PA LA RANG BZHIN SMRA BA LA BYA BYED SOGS MI RUNG BA DANG, 'JIG RTEN LAS 'DAS PA'I THA SNYAD MI RUNG BA DANG 'JIG RTEN PA'I THA SNYAD MI RUNG PA GSUM GYI, DANG PO LA DNGOS DANG, STONG PA LA THAMS CAD RUNG PA'I 'THAD PA GNYIS KYI, DANG PO NI, GANG MA DMIGS PAS STONG PA NYID DU SMRA BA LA KLAN KA TSOL BA'I GZHAN GYI SKYON DE GANG YIN ZHE NA, GAL TE DNGOS RNAMS RANG BZHIN LAS, ,YOD PAR RJES SU LTA BYED NA, ,DE LTA YIN NA DNGOS PO RNAMS, ,RGYU RKYEN MED PAR KHYOD LTA'O, ,GAL TE PHYI NANG GI DNGOS PO RNAMS RANG BZHIN GYIS YOD PAR RJES SU LTA BAR BYED NA, DE'I TSE RANG BZHIN RGYU DANG RKYEN LA MI LTOS PA'I PHYIR DNGOS PO RNAMS RGYU RKYEN MED PAR KHYOD LTA BA YIN NO, ,RGYU MED PA KHAS LEN PA YIN NA YANG, 'BRAS BU DANG NI RGYU NYID DANG, ,BYED PA PO DANG BYED DANG BYA, ,SKYE BA DANG

136a

, ,NI 'GAG PA DANG, ,'BRAS BU LA YANG GNOD PA BYED, ,GAL TE BUM PA RGYU RKYEN LA MI LTOS PAR RANG BZHIN GYIS YOD NA, DE'I RGYU 'JIM PA LA SOGS PA DANG BYED PA PO RDZA MKHAN DANG BYED PA 'KHOR LO LA SOGS PA DANG BUM PA BYED PA'I BYA BA DAG MED PAR 'GYUR ZHING, DE DAG MED PAS SKYE BA DANG 'GAG PA DAG KYANG MED LA, DE'I PHYIR 'BRAS BU BUM PA NYID KYANG YOD PAR GA LA 'GYUR DE'I PHYIR 'BRAS BU LA SOGS PA THAMS CAD LA GNOD PA BYED PA YIN NO, ,DE'I PHYIR DNGOS PO RANG BZHIN DANG BCAS PAR KHAS LEN NA THAMS CAD MI RUNG BA YIN NO, ,GNYIS PA NI, KHO BO CAG STONG PA NYID DU SMRA BA LA NI 'DI THAMS CAD RUNG STE, 'DI LTAR, RTEN CING 'BREL PAR 'BYUNG BA GANG, ,DE NI STONG PA NYID DU BSHAD, ,DE NI BRTEN NAS GDAGS PA STE, , DE NYID DBU MA'I LAM YIN NO, ,KHO BO CAG LTAR NA MYU GU DANG RNAM PAR SHES PA LA SOGS PA PHYI DANG NANG GI DNGOS PO RGYU DANG RKYEN LA LTOS PA RTEN CING 'BREL PAR 'BYUNG BA GANG YIN PA DE NI RANG BZHIN GYIS MA SKYES PA YIN LA, GANG RANG BZHIN GYIS MA SKYES PA DE NI STONG PA NYID DU BCOM LDAN 'DAS KYIS BSHAD TE, JI SKAD DU, MDO LAS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE BAG YOD YIN; ;ZHES GSUNGS SO, ,DE'I PHYIR STONG PA NYID DE NI 'KHOR LO LA SOGS PA SHING RTA'I YAN LAG LA BRTEN NAS SHING RTAR 'DOGS PA LTAR, RGYU DANG RKYEN LA BRTEN NAS GDAGS PAR RNAM PAR GZHAG LA, GANG BRTEN NAS GDAGS PA DE NI RANG BZHIN GYIS

136b

MA SKYES PA YIN ZHING GANG RANG BZHIN GYIS MA SKYES PA DE NI STONG PA NYID YIN NO, ,GANG RANG BZHIN GYIS MA SKYES PA'I MTSAN NYID CAN GYI STONG PA DE NYID NI YOD MED KYI MTHA' GNYIS DANG BRAL BA'I PHYIR DBU MA'I LAM DU RNAM PAR BZHAG STE, DE LTAR NA STONG PA NYID DANG BRTEN NAS GDAGS PA DANG DBU MA'I LAM ZHES BYA BA RNAMS NI RTEN CING 'BREL PAR 'BYUNG BA NYID KYI MING GI RNAM GRANGS YIN NO, ,GANG GI PHYIR RTEN 'BREL GANG YIN STONG NYID YIN PA DE'I PHYIR, GANG PHYIR RTEN 'BYUNG MA YIN PA'I, ,CHOS 'GA' YOD PA MA YIN LA, ,DE PHYIR STONG NYID MA YIN PA'I, ,CHOS 'GA' YOD PA MA YIN NO, ,JI SKAD DU, BRGYA PA LAS, GANG ZHIG GANG NA NAM GYI TSE'ANG, ,MA BRTEN PAR NI YOD NYID MED, ,DES NA NAM YANG 'GA' ZHIG TU, ,RTAG PA 'GA' YANG YOD MA YIN, ,ZHES PA DANG, MDO LAS, MKHAS PAS RTEN 'BYUNG CHOS RNAMS RTOGS 'GYUR TE, ,MTHAR LTA BA LA BRTEN PAR YONG MI BYED, ,RGYU DANG BCAS SHING RKYEN BCAS CHOS SHES GYIS, ,RGYU MED RKYEN MED CHOS NYID YOD MA YIN, ,ZHES GSUNGS PA LTAR GANG GI PHYIR RTEN CING 'BREL 'BYUNG MA YIN PA'I CHOS 'GA' YOD PA MA YIN LA, RTEN CING 'BREL 'BYUNG YANG STONG PA YIN PA DE'I PHYIR STONG PA MA YIN PA'I CHOS 'GA' YANG YOD PA MA YIN NO, ,GANG GI PHYIR KHO BO CAG LTAR NA RTEN 'BREL NYID STONG PA YIN PA DE'I PHYIR GZHAN GYIS SMRAS PA'I SKYON DU 'GYUR PA MA YIN NO, ,GNYIS PA 'JIG RTEN LAS 'DAS PA'I THA SNYAD MI 'THAD PA LA, SKYABS GNAS DKON MCHOG GSUM MI RUNG BA, BLANG DOR GYI YUL CHOS DANG CHOS MIN MI RUNG BA GNYIS KYI DANG PO LA, DGE 'DUN DANG, CHOS

137a

, ,DANG, SANGS RGYAS MI 'THAD PA GSUM GYI, DANG PO LA, MDOR BSTAN RGYAS BSHAD GNYIS KYI DANG PO NI, GAL TE 'DI KUN MI STONG NA, ,'BYUNG BA MED CING 'JIG PA MED, ,DNGOS PO RANG BZHIN DANG BCAS PAR SMRA BA KHYOD KYIS LTAR NA, GAL TE DNGOS PO 'DI KUN MI STONG NA RANG BZHIN GZHAN DU 'GYUR BA MED PA'I PHYIR 'BYUNG BA MED CING 'JIG PA MED PAR 'GYUR LA, GANG GI TSE 'BYUNG BA DANG 'JIG PA MED PA DE'I TSE NGES PAR 'PHAGS PA'I BDEN PA BZHI PO RNAMS, KHYOD LA MED CING THAL BAR 'GYUR, 'DI RGYAS PAR BSHAD PA LA, DMIGS YUL BDEN BZHI MI 'THAD PA DANG, BDEN BZHI'I 'BRAS BU MNGON RTOGS MI 'THAD PA DANG, MNGON RTOGS KYI 'BRAS BU ZHUGS GNAS MI 'THAD PA DANG GSUM GYI DANG PO NI, CI'I PHYIR 'BYUNG 'JIG MED NA 'PHAGS PA'I BDEN PA BZHI PO MED PAR 'GYUR ZHE NA, RTEN CING 'BREL 'BYUNG MA YIN NA, ,SDUG BSNGAL YOD PAR GA LA 'GYUR, ,MI RTAG SDUG BSNGAL GSUNGS PA DE, ,RANG BZHIN NYID LA YOD MA YIN, ,GANG RANG BZHIN DANG BCAS PA DE NI RTEN CING 'BREL 'BYUNG MA YIN ZHING, RTEN CING 'BREL 'BYUNG MA YIN NA SDUG BSNGAL YOD PAR GA LA 'GYUR TE, RTEN 'BREL MA YIN PA NI MI RTAG PA MA YIN LA, SDUG BSNGAL YANG MI RTAG PA YIN PAR NI GANG MI RTAG PA DE NI SDUG BSNGAL LO ZHES BCOM LDAN 'DAS KYIS GSUNGS SHING, BRGYA PA LAS KYANG, MI RTAG PA LA NGES PAR GNOD, ,GANG LA GNOD YOD DE BDE MIN, ,DE PHYIR GANG ZHIG MI RTAG PA, ,DE NI THAMS CAD SDUG BSNGAL 'GYUR, ,ZHES BSHAD PA LTAR GYI MI RTAG PA'I RANG BZHIN CAN GYI SDUG BSNGAL DE NI

137b

DNGOS PO RANG BZHIN DANG BCAS PAR SMRA BA LA YOD PA MA YIN TE, RANG BZHIN DANG BCAS PAR SMRA BA LA SDUG BSNGAL MI RUNG BA 'BA' ZHIG TU MA ZAD KYI KUN 'BYUNG YANG MI RUNG STE, RANG BZHIN LAS NI YONG GNAS PHYIR, CI ZHIG KUN TU 'BYUNG BAR 'GYUR, DE PHYIR STONG NYID GNOD BYED LAS, ,KUN 'BYUNG YOD PA MA YIN NO, ,'DI LAS SDUG BSNGAL KUN 'BYUNG BAS NA, ,SDUG BSNGAL GYI RGYU LA KUN 'BYUNG ZHES BYA BA YIN NA, GAL TE SDUG BSNGAL RANG BZHIN GYIS YOD PA YIN NA, DE YANG SKYE BA DON MED PA'I PHYIR; CI ZHIG KUN TU 'BYUNG BAR 'GYUR TE, DE'I RGYU RTOGS PA DON MED DO, ,DE'I PHYIR STONG PA NYID LA GNOD PA BYED PA KHYOD LA KUN 'BYUNG YOD PA MA YIN NO, ,SDUG BSNGAL RANG BZHIN DANG BCAS PAR KHAS LEN PA LA 'GOG PA YANG MI RUNG STE, SDUG BSNGAL RANG BZHIN GYIS YOD LA, ,'GOG PA YOD PA MA YIN NO, ,RANG BZHIN NYID NI YONGS GNAS PHYIR, ,'GOG LA GNOD PA BYED PA YIN, ,GAL TE SDUG BSNGAL RANG BZHIN GYIS YOD NA, RANG BZHIN LA LDOG PA MED PA'I PHYIR SDUG BSNGAL 'GOG PA YOD PA MA YIN TE, DE LTAR NA RANG BZHIN YONGS SU GNAS PA'I PHYIR, RANG BZHIN YONGS SU BZUNG NAS PHYIR BZLOG PAR BYED PA NI SDUG BSNGAL 'GOG PA LA YANG GNOD PA BYED PA YIN NO, ,DE BZHIN DU DNGOS PO RANG BZHIN DANG BCAS PAR SMRA BA LA 'PHAGS PA'I LAM YANG MI 'THAD DE, LAM LA RANG BZHIN YOD NA NI, ,BSGOM PA 'THAD PAR MI 'GYUR RO, ,CI STE LAM DE BSGOM BYA NA, ,KHYOD KYI RANG BZHIN YOD MA YIN, ,GAL TE DNGOS PO RANG BZHIN DANG BCAS PA YIN NA DE'I TSE LAM LA RANG BZHIN YOD PA NYID KYI PHYIR MA

138a

, ,BSGOM PA NYID DU YANG DE YOD PAS LAM BSGOM PA 'THAD PA NYID DU MI 'GYUR RO, ,CI STE LAM DE BSGOM BYAR KHAS LEN NA 'O NA KHYOD KYI 'PHAGS PA'I LAM RANG BZHIN YOD PA MA YIN PAR 'GYUR TE, BYA BA YIN PA'I PHYIR RO, ,GZHAN YANG; GANG TSE SDUG BSNGAL KUN 'BYUNG DANG, ,'GOG PA YOD PA MA YIN NA, ,LAM GYI SDUG BSNGAL 'GOG PA NI, ,GANG ZHIG 'THOB PAR 'GYUR BA 'DOD, ,SDUG BSNGAL 'GOG PA THOB PAR BYA BA'I PHYIR DANG, KUN 'BYUNG SPANG BAR BYA BA'I PHYIR LAM BSGOM PA YIN NA, GANG GI TSE DNGOS PO RANG BZHIN DANG BCAS PAR SMRA BA LA, SNGAR JI LTAR BSHAD PA'I TSUL GYIS SDUG BSNGAL KUN 'BYUNG DANG 'GOG PA YOD PA MA YIN PA DE'I TSE LAM GYIS SDUG BSNGAL 'GOG PA GANG ZHIG THOB PAR 'GYUR BAR 'DOD DO, DE'I PHYIR YANG 'PHAGS PA'I LAM MI 'THAD DO, ,GNYIS PA NI, DNGOS PO RANG BZHIN DANG BCAS PAR SMRA BA LA SDUG BSNGAL YONGS SU SHES PA LA SOGS PA YANG YOD PA MA YIN TE, 'DI LTAR, GAL TE RANG BZHIN NYID KYIS NI, ,YONGS SU SHES PA MA YIN NA, ,DE NI JI LTAR YONGS SHES 'GYUR, ,RANG BZHIN GNAS PA MA YIN NAM, ,GAL TE SNGAR SDUG BSNGAL RANG BZHIN GYIS YONGS SU MA SHES PA'I RANG BZHIN CAN YIN PA DE NI PHYIS KYANG JI LTAR YONGS SU SHES PAR 'GYUR TE MI RIGS SO, ,CI'I PHYIR ZHE NA, RANG BZHIN GNAS PA MA YIN NAM TE RANG BZHIN GANG YIN PA DE NI ME'I CHA BA LTAR 'JIG RTEN NA YANG DAG PAR GNAS PA'I PHYIR RO, ,DE'I PHYIR SDUG BSNGAL YONGS SU SHES PA MI SRID DO, ,DE BZHIN DU NI KHYOD NYID KYI, ,YANG DANG MNGON DU BYA BA DANG, BSGOM PA'ANG YONGS

138b

SHES BZHIN DU MI RUNG NGO ZHES SBYAR RO, ,SDUG BSNGAL YONGS SU SHES PA MI SRID PA DE BZHIN DU DNGOS PO RANG BZHIN DANG BCAS PAR SMRA BA KHYOD KYI LTAR NA KUN 'BYUNG SPANG BA DANG 'GOG PA MNGON DU BYA BA DANG LAM BSGOM PA YANG MI RUNG STE, 'DI LTAR, KUN 'BYUNG RANG BZHIN GYIS MA BKAG PA'I RANG BZHIN NI PHYIS KYANG SPONG BA MI 'THAD DE, RANG BZHIN LDOG PA MED PA'I PHYIR RO, ,MNGON DU BYA BA DANG BSGOM PA LA YANG SBYAR RO, ,GSUM PA NI, DNGOS PO RANG BZHIN DANG BCAS PAR SMRA BA LA YONGS SU SHES PA LA SOGS PA MI RUNG BA 'BA' ZHIG DU MA ZAD KYI, 'BRAS BU BZHI DAG KYANG YONGS SHES BZHIN DU MI RUNG NGO, ,JI LTAR SDUG BSNGAL RANG BZHIN GYIS YONGS SU MA SHES PA YONGS SU SHES PAR MI RUNG BA DE BZHIN DU, RGYUN DU ZHUGS PA LA SOGS PA'I 'BRAS BU BZHI DAG KYANG SNGAR RANG BZHIN GYIS YOD PA MA YIN PA PHYIS YOD PA YANG MI RUNG NGO, ,'BRAS BU BZHI MI RUNG BAR MA ZAD DE DAG THOB PA YANG MI RUNG STE, 'DI LTAR, RANG BZHIN YONGS SU 'DZIN PA YIS, ,'BRAS BU RANG BZHIN NYID KYIS NI, ,THOB PA MIN PA GANG YIN DE, ,JI LTAR THOB PA NUS PAR 'GYUR, ,RANG BZHIN KHAS LEN PA LA 'BRAS BU BZHI SNGAR RANG BZHIN GYIS THOB PA MIN PA GANG YIN PA DE NI PHYIS KYANG JI LTAR THOB PAR NUS PAR 'GYUR TE, RANG BZHIN NI LDOG PA MED PAR RNAM PA THAMS CAD DU YONGS SU 'DZIN PA'I PHYIR RO, ,DE'I PHYIR, 'BRAS BU MED NA 'BRAS GNAS MED, ,ZHUGS PA DAG KYANG YOD MA YIN, ,GAL TE SKYES BU GANG ZAG BRGYAD, ,DE DAG MED NA DGE 'DUN MED, ,'DI'I DON NI SNGAR PHYOGS SNGA'I SKABS SU BSHAD PA BZHIN SHES PAR BYA'O, ,

139a

, ,GNYIS PA CHOS DKON MCHOG MI 'THAD PA NI, 'PHAGS PA'I BDEN RNAMS MED PA'I PHYIR, ,DAM PA'I CHOS KYANG YOD MA YIN, ,DE YANG GO BAR ZAD DO, ,GSUM PA SANGS RGYAS DKON MCHOG MI 'THAD PA LA DNGOS DANG, SUN 'BYIN GYI LAM GZHAN BSTAN PA GNYIS KYI DANG PO NI, CHOS DANG DGE 'DUN YOD MIN NA, ,SANGS RGYAS YOD PAR JI LTAR 'GYUR, ,'DI'I DON YANG SNGAR BSHAD ZIN TO, ,GNYIS PA NI, GZHAN YANG RANG BZHIN KHAS LEN NA, KHYOD KYI SANGS RGYAS BYANG CHUB LA, ,MA BRTEN PAR YANG THAL BAR 'GYUR, ,KHYOD KYI BYANG CHUB SANGS RGYAS LA, ,MA BRTEN PAR YANG THAL BAR 'GYUR, ,GAL TE KHYOD KYI SANGS RGYAS ZHES BYA BA RANG BZHIN GYIS GRUB PA 'GA' ZHIG YOD NA, DE THAMS CAD MKHYEN PA'I YE SHES KYI MTSAN NYID CAN GYI BYANG CHUB LA MA BRTEN PAR YANG THAL BAR 'GYUR TE, RANG BZHIN DAG NI BCOS MIN DANG, ,GZHAN LA LTOS PA MED PA YIN, ,ZHES 'BYUNG BA'I PHYIR RO, ,DE BZHIN DU BYANG CHUB KYANG SANGS RGYAS LA MA BRTEN PAR THAL BAR 'GYUR TE, RANG BZHIN GYIS GRUB PA'I PHYIR RO, ,KHYOD KYI RANG BZHIN NYID KYIS NI, ,SANGS RGYAS MIN PA GANG YIN DES, ,BYANG CHUB SPYOD LA BYANG CHUB PHYIR, ,BTZAL KYANG BYANG CHUB THOB MI 'GYUR, ,KHYOD KYI LTAR NA SNGAR RANG BZHIN NYID KYIS SANGS RGYAS MIN PA GANG YIN PA'I GANG ZAG SO SO SKYE BO DES, PHAR PHYIN DRUG LA SOGS BYANG CHUB KYI SPYOD PA LA BYANG CHUB KYI PHYIR BSKAL PA DU MAR BTZAL KYANG BYANG CHUB THOB PAR MI 'GYUR TE, SANGS RGYAS MA YIN PA'I RANG BZHIN BZLOG PAR MI NUS PA'I PHYIR RO, ,GNYIS PA LA BZHI YOD PA'I, DANG PO SPANG

139b

BLANG CHOS DANG CHOS MA YIN PA MI RUNG BA NI, 'GA' YANG CHOS DANG CHOS MIN PA, ,NAM YANG BYED PAR MI 'GYUR TE, ,MI STONG PA LA CI ZHIG BYA, ,RANG BZHIN LA NI BYA BA MED, ,DNGOS PO RANG BZHIN GYIS GRUB PAR KHAS LEN NA SROG GCOD PA SPONG BA SOGS CHOS DANG; SROG GCOD PA SOGS CHOS MIN PA NAM YANG BYED PAR MI 'GYUR TE, MI STONG ZHING RANG BZHIN GYIS GRUB PA LA CHOS DANG CHOS MIN CI ZHIG BYA STE, RANG BZHIN LA BYA BA MED PA'I PHYIR, CHOS DANG CHOS MIN MED PAR YANG, ,'BRAS BU KHYOD LA YOD PAR 'GYUR; ;CHOS DANG CHOS MIN RGYUS 'BYUNG BA'I, ,'BRAS BU KHYOD LA YOD MA YIN, ,GAL TE CHOS DANG CHOS MA YIN PA'I 'BRAS BU YID DU 'ONG MI 'ONG RANG BZHIN GYIS YOD NA RGYU CHOS DANG CHOS MA YIN PA MED PAR YANG DE DAG GI 'BRAS BU YID DU 'ONG MI 'ONG KHYOD LA YOD PAR 'GYUR RO, ,GANG GI TSE CHOS DANG CHOS MA YIN PA MED PAR 'BRAS BU YOD PA'I DE'I TSE, CHOS DANG CHOS MA YIN PA'I RGYU LAS BYUNG BA'I 'BRAS BU YID DU 'ONG MI 'ONG KHYOD LA YOD PA MA YIN TE, 'BRAS BU RANG BZHIN GYIS GRUB PA LA CHOS DANG CHOS MA YIN PA RGYUR DON MED PA'I PHYIR RO, ,CHOS DANG CHOS MIN RGYUS BYUNG BA'I, ,'BRAS BU GAL TE KHYOD LA YOD, ,CHOS DANG CHOS MIN LAS BYUNG BA'I, ,'BRAS BU CI PHYIR STONG MA YIN, ,GAL TE CHOS DANG CHOS MIN PA'I RGYU LAS BYUNG BA'I 'BRAS BU GAL TE YOD NA DE'I TSE CHOS DANG CHOS MIN PA'I RGYU LAS BYUNG BA'I 'BRAS BU YID DU 'ONG MI 'ONG DE DAG CI'I PHYIR STONG PA MA YIN TE, RTEN 'BREL YIN PA'I PHYIR, GZUGS BRNYAN BZHIN NO SNYAM DU DGONGS SO, ,GNYIS PA 'JIG RTEN BYA BYED KYI THA SNYAD MI RUNG BA NI, RTEN

140a

, ,CING 'BREL PAR 'BYUNG BA YI, ,STONG PA NYID LA GNOD BYED GANG, ,'JIG RTEN PA YI THA SNYAD NI, ,KUN LA GNOD PA BYED PA YIN, ,GAL TE DNGOS PO RANG BZHIN DANG BCAS PAR KHAS BLANGS NA RTEN CING 'BREL PAR 'BYUNG BA RANG BZHIN GYI STONG PA NYID LA GNOD PA BYED CING SPONG BA GANG YIN PA DE NI SONG SHIG BYOS SHIG TSOS SHIG LHOGS SHIG PA LA SOGS PA 'JIG RTEN PA'I THA SNYAD RTEN CING 'BREL PAR 'BYUNG BA'I RANG BZHIN CAN KUN LA GNOD PA BYED PA YIN NO, ,GZHAN YANG; STONG PA NYID LA GNOD BYED NA, ,BYA BA CI YANG MED 'GYUR ZHING, ,RTZOM PA MED PA'I BYA BAR 'GYUR, ,MI BYED PAR YANG BYED POR 'GYUR, ,GAL TE DNGOS PO RANG BZHIN GYIS STONG PA NYID LA GNOD PA BYED CING RANG BZHIN DANG BCAS PAR KHAS BLANGS NA; DE'I TSE RANG BZHIN YOD PA'I PHYIR SUS KYANG BYA BA CI YANG MED PAR 'GYUR TE, NAM MKHA'I MI SGRIB PA SUS KYANG MI BYED PA BZHIN NO, ,CI STE BYA BA YOD CING BYED PA PO YANG YOD DO ZHE NA, RTZOM PA MED PA STE BYED BZHIN PA MA YIN PA YANG BYA BAR 'GYUR LA; BYA BA MI BYED PA YANG BYED PA POR 'GYUR NA DE LTAR YANG MA YIN TE, DE'I PHYIR DNGOS PO RNAMS MI STONG PA MA YIN NO, ,GSUM PA 'GRO BA THER ZUG TU GNAS PAR THAL BA NI, RANG BZHIN YOD NA 'GRO BA RNAMS, ,MA SKYES PA DANG MA 'GAGS DANG, ,THER ZUG TU NI GNAS 'GYUR ZHING, ,GNAS SKABS SNA TSOGS BRAL BAR 'GYUR, ,GAL TE DNGOS PO RNAMS RANG BZHIN GYIS YOD PAR SMRA NA, RANG BZHIN BCOS MA MA YIN PA'I PHYIR DANG LDOG PA MED PA'I PHYIR PHYI DANG NANG GI 'GRO BA RNAMS MA SKYES PA DANG MA 'GAGS

140b

PA 'GYUR RO, ,DE NYID KYI PHYIR 'GRO BA THER ZUG TU GNA PAR 'GYUR RO, ,DE LTAR NA RGYU DANG RKYEN LA MI LTOS PA'I PHYIR PHYI DANG NANG GI DNGOS PO RNAMS BYIS PA DANG GZHON NU LA SOGS PA GNAS SKABS SNA TSOGS DANG BRAL BAR 'GYUR RO, ,JI SKAD DU, BCOM LDAN 'DAS KYIS, MI STONG CUNG ZAD ZHIG YOD NA RGYAL BA YIS, ,'GA' YANG LUNG STON MI GSUNG 'GYUR MED PAR, ,RANG RANG DNGOS LA THER ZUG GNAS DE LA, ,'PHEL BA MED CING YONGS SU NYAMS PA MED, ,CES GSUNGS PA DANG, 'PHAGS PA GLANG PO RTZAL LAS KYANG, GAL TE CHOS RNAMS RANG BZHIN 'GA' YOD NA, RGYAL BA NYAN THOS BCAS PAS DE MKHYEN 'GYUR, ,THER ZUG CHOS RNAMS MYA NGAN 'DA' MI 'GYUR, ,MKHAS PA NAM YANG SPROS PA MED MI 'GYUR, ,ZHES GSUNGS PA LTA BU'O, ,BZHI PA 'JIG RTEN LAS 'DAS PA'I THA SNYAD MI 'THAD PA'I RIGS PA GZHAN BSTAN PA NI, DNGOS PO RANG BZHIN DANG BCAS PAR SMRA BA LA 'JIG RTEN PA'I THA SNYAD MI 'THAD PAR MA ZAD 'JIG RTEN LAS 'DAS PA'I THA SNYAD KYANG MI 'THAD DE, GAL TE STONG PA YOD MIN NA, ,MA THOB THOB PAR BYA BA DANG, ,SDUG BSNGAL MTHAR BYED LAS DANG NI, ,NYON MONGS THAMS CAD SPONG BA'ANG MED, ,GAL TE STONG PA YOD PA MA YIN ZHING 'DI THAMS CAD RANG BZHIN DANG BCAS PA YIN NA, DE'I TSE GANG MA THOB PA DE NI MA THOB PA KHO NA YIN PAS 'BRAS BU SNGAR MA THOB PA PHYIS KYANG THOB PAR MI 'GYUR RO, ,DE BZHIN DU SNGAR SDUG BSNGAL MTHAR MA PHYIN PA PHYIS SDUG BSNGAL MTHAR BYED PA YANG MI 'GYUR RO, ,SNGAR NYON MONGS PA THAMS CAD MA SPANGS PA PHYIS SPONG BA YANG MED PAR 'GYUR RO, ,DE LTAR NA DNGOS PO RANG

141a

, ,BZHIN DANG BCAS PAR KHAS BLANGS PA LA 'JIG RTEN DANG 'JIG RTEN LAS 'DAS PA'I THA SNYAD THAMS CAD MI RUNG BAR 'GYUR RO, ,GSUM PA RTEN 'BREL RTOGS PAS BDEN PA MTHONG BAR BSTAN PA NI, GAL TE BDEN PA MA MTHONG BAR YANG THAR PA MI 'THOB CING DNGOS PO RANG BZHIN DANG BCAS PAR SMRA BA LA YANG JI SKAD BSHAD PA'I TSUL GYIS BDEN PA YONGS SU SHES PA MED NA, 'O NA JI LTAR BDEN PA'I DE KHO NA NYID YONGS SU SHES PAR 'GYUR ZHE NA, GANG GIS RTEN CING 'BREL PAR 'BYUNG, , MTHONG BA DES NI SDUG BSNGAL DANG, ,KUN 'BYUNG DANG NI 'GOG PA DANG, LAM NYID DE DAG MTHONG BA YIN, ,GANG GIS RTEN CING 'BREL PAR 'BYUNG BA STONG PA NYID KYI MTSAN NYID CAN MTHONG BA MED PA'I TSUL GYIS MTHONG BA DES NI SDUG BSNGAL DANG SDUG BSNGAL KUN 'BYUNG BA DANG, SDUG BSNGAL 'GOG PA DANG, SDUG BSNGAL 'GOG PAR 'GRO BA'I LAM RNAMS DE KHO NA NYID DU YANG YANG DAG PA JI LTA BA BZHIN MTHONG BA YIN NO, ,JI SKAD DU, 'PHAGS PA CHOS THAMS CAD 'JUG PA MED PAR BSTAN PA'I MDO LAS, 'JAM DPAL GANG GIS CHOS THAMS CAD SKYE BA MED PAR MTHONG BA DES NI SDUG BSNGAL YONGS SU SHES PA YIN NO, ,GANG GI CHOS THAMS CAD MED PA NYID DU MTHONG BA DES NI KUN 'BYUNG SPANGS PA YIN NO, ,GANG GIS CHOS THAMS CAD SHIN TU MYA NGAN LAS 'DAS PAR MTHONG BA DES NI 'GOG PA MNGON DU BYAS PA YIN NO, ,'JAM DPAL GANG GIS CHOS THAMS CAD DNGOS PO MED PAR MTHONG BA DES NI LAM BSGOMS PA YIN NO ZHES RGYA CHER GSUNGS PA LTA BU'O, ,DBU MA RTZA BA'I SHES RAB LAS, 'PHAGS PA'I BDEN PA BRTAG PA

141b

ZHES BYA BA RAB TU BYED PA NYI SHU BZHI PA'I 'GREL PA'O, ,GNYIS PA THOB BYA MYANG 'DAS LA RTZOD PA SPANG BA LA, PHYOGS SNGA 'GOD PA DANG, DE DGAG PA GNYIS KYI DANG PO NI, GAL TE 'DI DAG KUN STONG NA, ,'BYUNG BA MED CING 'JIG PA MED, ,GANG ZHIG SPONG DANG 'GAG PA LAS, ,MYA NGAN 'DA' BAR 'GYUR BAR 'DOD, ,'DI NA BCOM LDAN 'DAS KYIS GANG ZAG DE BZHIN GSHEGS PA'I BSTAN PA LA ZHUGS NAS TSANGS PAR SPYOD PA BSTEN CING CHOS KYI RJES SU MTHUN PA'I CHOS SGRUB PA RNAMS LA MYA NGAN LAS 'DAS PA RNAM PA GNYIS BSTAN TE, PHUNG PO LHAG MA DANG BCAS PA DANG, PHUNG PO LHAG MA MED PA'O, ,DANG PO NI, JI LTAR CHOM RKUN PA'I TSOGS MA LUS PA BSAD NAS GRONG TZAM LUS PA LTAR 'JIG TSOGS LA LTA BA LA SOGS PA'I NYON MONGS PA'I CHOM RKUN MA LUS PA BCOM NAS RTEN PHUNG PO TZAM LUS PA LA 'DOD DO, ,GNYIS PA NI, JI LTAR CHOM RKUN PA'I TSOGS BSAD CING GRONG YANG BSHIGS PA LTAR MYA NGAN LAS 'DAS PA GANG LA PHUNG PO YANG MA LUS PAR 'GAGS PA LA 'DOD DO, ,JI SKAD DU, GANG NA LUS ZHIG TSOR BA 'GAGS, 'DU SHES THAMS CAD BRAL GYUR CING, ,'DU BYED NYE BAR ZHI BA DANG, ,RNAM PAR SHES PA NUB GYUR PA, ,ZHES DANG, MA ZHUM PA YI LUS KYIS NI, ,TSOR BA DANG DU LEN PA NA, ,DE YI SEMS NI RNAM PAR GROL, ,MAR ME SHI BAR GYUR PA BZHIN, ,ZHES BSHAD PA LTAR RO, ,MYA NGAN LAS 'DAS PA RNAM PA GNYIS PO 'DI GAL TE NYON MONGS DANG PHUNG PO 'GAG PAR 'GYUR NA RIGS PA YIN GYI, GANG GI TSE DNGOS PO 'DI DAG KUN STONG PA YIN ZHING, CUNG ZAD KYANG 'BYUNG BA MED CING 'JIG PA MED PA

142a

, ,DE'I TSE NYON MONGS PA DANG PHUNG PO GANG ZHIG SPONG BA DANG 'GAG PA LAS MYA NGAN LAS 'DAS PAR 'GYUR BAR 'DOD, DE'I PHYIR DNGOS PO RNAMS RANG BZHIN GYI YOD DO ZHES ZER RO, ,GNYIS PA DGAG PA LA KLAN KA RANG LA 'JUG PAR BSTAN, MYA NGAN 'DAS PA'I RANG BZHIN BRJOD, MYANG 'DAS LA MTHAR 'DZIN DGAG DE BZHIN GSHEGS LA MTHAR 'DZIN DGAG 'KHOR 'DAS MNYAM PA NYID DU BSTAN, MYANG 'DAS BKAG PA'I RTZOD PA SPONG BA DANG DRUG GI ,DANG PO NI, GAL TE 'DI KUN MI STONG NA, ,'BYUNG BA MED CING 'JIG PA MED, ,GANG ZHIG SPONG DANG 'GAG PA LAS, ,MYA NGAN 'DAS PAR 'GYUR BAR 'DOD, ,GAL TE NYON MONGS DANG PHUNG PO LOG PA LAS MYA NGAN LAS 'DA' BAR 'DOD CING, DNGOS PO 'DI DAG KUN KYANG MI STONG ZHING RANG BZHIN GYI GRUB PAR 'DOD NA, DE'I TSE RANG BZHIN LA LDOG PA MED PA'I PHYIR CUNG ZAD KYANG 'BYUNG BA MED CING 'JIG PA MED PAS NYON MONGS PA DANG PHUNG PO GANG ZHIG SPONG BA DANG 'GAG PA LAS MYA NGAN LAS 'DA' BAR 'GYUR BAR 'DOD, DE'I PHYIR RANG BZHIN DANG BCAS PAR SMRA BA LA MYA NGAN LAS 'DA' BAR 'GYUR BA MI 'THAD DO, ,GANG LAS NYES PA 'DIR 'GYUR BA STONG PA NYID DU SMRA BA RNAMS NI MYA NGAN LAS 'DAS PA NYON MONGS PA'AM PHUNG PO LOG PA'I MTSAN NYID CAN MI 'DOD DE, DE'I PHYIR KHO BO CAG LA KLAN KA 'DIR MI 'GYUR RO, ,GNYIS PA NI, STONG PA NYID SMRA BA RNAMS MYA NGAN LAS 'DAS PA NYON MONGS PA'AM PHUNG PO LOG PA'I MTSAN NYID CAN MI 'DOD NA, MTSAN NYID JI LTA BU DANG LDAN PA ZHIG 'DOD CE NA, SPANGS PA MED PA THOB MED PA, ,CHAD PA MED PA RTAG MED PA, ,

142b

'GAG PA MED PA SKYE MED PA, ,DE NI MYA NGAN 'DAS PAR BRJOD, ,GANG ZHIG 'DOD CHAGS LA SOGS PA LTAR SPANGS PA MED CING, DGE SBYONG GI 'BRAS BU LTAR THOB PA MED PA PHUNG PO LTAR CHAD PA MED LA GANG YANG MI STONG PA LTAR RTAG PA YANG MED CING, RANG BZHIN GYIS 'GAG PA MED PA SKYE BA MED PA SPROS PA THAMS CAD NYE BAR ZHI BA'I MTSAN NYID CAN GYI STONG PA NYID DE NI MYA NGAN LAS 'DAS PAR BRJOD DE, 'DIR SDUG BSNGAL MA LUS PA GTAN 'GOG PA'I PHYIR RO, ,DE'I PHYIR RNAM PA DE LTA BU DE LA NYON MONGS DANG PHUNG PO GANG SPANGS SHING 'GAGS PAS DE 'THOB PAR 'GYUR BA NYON MONGS DANG PHUNG PO'I RNAM RTOG GA LA YOD, JI SRID DU RTOG PA 'DI DAG YOD PA DE SRID DU MYA NGAN LAS 'DAS PA THOB PA MA YIN TE, GANG GI TSE RNAL 'BYOR PA'I SEMS SPROS PA THAMS CAD ZAD DE SKYE BA MED PA'I NGANG DU GYUR PA DE'I TSE MYANG 'DAS THOB CES THA SNYAD BYED PA'I PHYIR RO, ,JI SKAD DU, RIN CHEN 'PHRENG BA LAS, MYA NGAN 'DAS PA DNGOS MED PA'ANG, ,MIN NA DE DNGOS GA LA YIN, ,DNGOS DANG DNGOS PO MED 'DZIN PA, ,ZAD PA MYA NGAN 'DAS ZHES BYA, ,ZHES BSHAD DO, ,GSUM PA LA (GANG DAG MYA NGAN LAS 'DAS PA'I KUN RTOG NYE BAR MA ZHI BA'I NGO BO MA RTOGS SHING MYA NGAN LAS 'DAS PA DNGOS PO DANG DNGOS PO MED PA DANG, GNYIS KA DANG GNYIS KA MA YIN PAR RTOG PA DE DAG RIM PAR 'GAGS PA DANG,) BZHI'I DANG PO, MYANG 'DAS ('DI LA BYE BRAG TU SMRA BA DAG NI MYA NGAN LAS 'DAS PA RDZAS SU YOD PA DANG, RTAG PA DANG RTAG PA'I BDAG NYID DU 'DOD, MDO SDE PA DANG GOS DMAR SDE PA DAG NI PHUNG PO MED PA TZAM STE MAR ME SHI BAR GYUR PA LTAR, ,DE'I SEMS NI RNAM PAR THAR CES BRJOD DO, ,GNAS MA BU'I SDE BA DAG NI DNGOS PO DANG DNGOS PO MED PA GNYIS KA'I BDAG NYID DE, GANG GI PHYIR MYA NGAN

143a

, ,LAS 'DAS PA NI LUS DANG DBANG PO DANG BLO MED PA'I PHYIR DNGOS PO MED PA YIN LA RTEN GYI BDE BA BLO DANG LDAN PA'I PHYIR DNGOS PO YIN NO ZHES ZER RO, DE LA DNGOS PO DANG DNGOS PO MED PA BKAG PAS GNYIS KA'I BDAG NYID KYANG DGAG PAR BYAS PAR 'GYUR BAS, DE'I PHYIR RE SHIG DANG POR,) DNGOS PO YIN PA DGAG PA NI, 'DIR BYE BRAG SMRA BA LA SOGS PA MYANG 'DAS DNGOS POR ZHEN PA KHA CIG NA RE, MYA NGAN LAS 'DAS PA LAS DANG NYON MONGS PA DANG SKYE BA'I RGYUN 'GOG PAR BYED PA CHU'I RGYUN 'GOG PA'I CHU LON DANG 'DRA BA DNGOS PO'I BDAG NYID YIN TE, YOD PA MA YIN PA NI DE LTAR BYA BA BYED PAR MA MTHONG BA'I PHYIR RO ZHES ZER RO, ,DE LA BRJOD PA, RE SHIG MYA NGAN 'DAS DNGOS MIN, ,RGA SHI'I MTSAN NYID THAL BAR 'GYUR, ,RGA DANG 'CHI BA MED PA YI, ,DNGOS PO YOD PA MA YIN NO, ,RE SHIG MYA NGAN LAS 'DAS PA DNGOS POR RIGS PA MIN TE, RGA SHI'I MTSAN NYID CAN DU THAL BAR 'GYUR BA'I PHYIR TE, DNGOS PO NI RGA SHI'I MTSAN NYID LA MI 'KHRUL BA'I PHYIR RO, ,DE'I PHYIR MYA NGAN LAS 'DAS PAR YANG MI 'GYUR TE, RGA SHI'I MTSAN NYID CAN YIN PA'I PHYIR, RNAM SHES LA SOGS PA BZHIN NO SNYAM DU DGONGS SO, ,CI'I PHYIR DNGOS PO RGA SHI LA MI 'KHRUL CE NA, RGA DANG 'CHI BA MED PA YI, ,DNGOS PO YOD PA MA YIN TE, RGA SHI DANG BRAL BA NI NAM MKHA'I ME TOG LTAR DNGOS POR MI RUNG BA'I PHYIR RO, ,GZHAN YANG, GAL TE MYA NGAN 'DAS DNGOS NA, ,MYA NGAN 'DAS PA 'DUS BYAS 'GYUR, ,DNGOS PO 'DUS BYAS MA YIN PA, ,'GA' YANG GANG NA'ANG YOD MA YIN, ,GAL TE MYA NGAN LAS 'DAS PA DNGOS PO YIN NA DE'I TSE MYA NGAN LAS 'DAS PA 'DUS BYAS SU 'GYUR

143b

TE, DNGOS PO YIN PA'I PHYIR RNAM PAR SHES PA BZHIN NO, ,'DUS BYAS MA YIN PA'I PHYI DANG NANG GI DNGOS PO NI 'GA' YANG YUL DANG DUS DANG GRUB PA'I MTHA' GANG NA YANG YOD PA MA YIN NO, ,GZHAN YANG, GAL TE MYA NGAN 'DAS DNGOS NA, ,JI LTAR MYANG 'DAS DE BRTEN MIN, ,DNGOS PO BRTEN NAS MA YIN PA, ,'GA' YANG YOD PA MA YIN NO, ,GAL TE KHYOD KYI LUGS KYIS MYA NGAN LAS 'DAS PA DNGOS PO YIN NA, JI LTAR MYA NGAN LAS 'DAS PA RGYU RKYEN TSOGS PA LA BRTEN PA MIN TE, RANG GI RGYU TSOGS LA BRTEN PAR 'GYUR TE, DNGOS PO YIN PA'I PHYIR, RNAM PAR SHES PA BZHIN, DNGOS PO RANG GI RGYU TSOGS LA BRTEN NAS 'BYUNG BA MA YIN PA NI 'GA' YANG YOD PA MA YIN NO, ,GNYIS PA MYANG 'DAS DNGOS MED YIN PA DGAG PA LA DNGOS DANG ZHAR BYUNG GNYIS KYI DANG PO NI, MDO SDE PA LA SOGS PA KHA CIG NA RE, JI SKAD BSHAD PA'I SKYON DU 'GYUR BA'I PHYIR MYA NGAN LAS 'DAS PA DNGOS PO MA YIN MOD, NYON MONGS PA DANG SKYE BA LOG PA'I RANG BZHIN GYI DNGOS PO MED PA YIN NO ZHE NA, DE YANG MI RIGS TE, GAL TE MYA NGAN 'DAS DNGOS MIN, ,DNGOS MED JI LTAR RUNG BAR 'GYUR, ,GANG LA MYA NGAN 'DAS DNGOS MIN, ,DE LA DNGOS MED YOD MA YIN, ,GAL TE MYA NGAN LAS 'DAS PA DNGOS MIN TE DNGOS POR MI 'DOD NA DE'I TSE MYA NGAN LAS 'DAS PA DNGOS MED DU YANG JI LTAR RUNG BAR 'GYUR TE, CI'I PHYIR ZHE NA, DNGOS PO'I RANG BZHIN BTANG NAS GZHAN DU 'GYUR BA LA DNGOS MED CES BSNYAD NA, (BSTAN ZIN PA'I NYES PAS PHYOGS GANG LA MYA NGAN LAS 'DAS PA DNGOS PO MA YIN PA'I PHYOGS DE LA MYA NGAN LAS 'DAS PA DNGOS PO MED PA YANG MA YIN TE, DNGOS PO'I RANG

144a

, ,BZHIN DU MA GRUB PA'I NGO BO LA DNGOS PO MED PA'I NGO BO NYID MI 'THAD PA'I PHYIR RO SNYAM DU DGONGS PA YIN TE, GAL TE DNGOS PO MA GRUB NA, ZHES PAS SO,) ,GANG LA MYA NGAN LA 'DAS PA DNGOS PO MIN PA DE LA DNGOS PO GZHAN DU 'GYUR BA'I DNGOS MED KYANG YOD PA MA YIN PA'I PHYIR RO, ,GZHAN YANG, GAL TE MYA NGAN 'DAS DNGOS MIN, ,JI LTAR MYANG 'DAS DE BRTEN MIN, ,GANG ZHIG BRTEN NAS MA YIN PA'I, ,DNGOS MED YOD PA MA YIN NO, ,GAL TE MYA NGAN LAS 'DAS PA DNGOS MIN TE DNGOS PO MED PA YIN NA, DNGOS PO 'JIG PA'I MTSAN NYID CAN GYI MI RTAG PA NI DNGOS PO MED PA YIN LA, DE YANG DNGOS PO LA BRTEN NAS 'DOGS PA YIN TE, DE'I PHYIR MYA NGAN LAS 'DAS PA DNGOS MED YIN NA, JI LTAR MYA NGAN LAS 'DAS PA BRTEN NAS MA YIN PAR 'GYUR, DE NI BRTEN NAS KHO NA YIN TE, DNGOS MED YIN PA'I PHYIR 'JIG PA BZHIN NO, ,CI'I PHYIR DNGOS PO MED PA BRTEN NAS YIN ZHE NA, GANG ZHIG DNGOS PO LA BRTEN NAS MA YIN PA'I MI RTAG PA'I RANG BZHIN GYI DNGOS PO MED PA YOD PA MA YIN PA'I PHYIR RO; ;GAL TE DNGOS PO LA BRTEN NAS DNGOS MED 'DOGS NA GANG LA BRTEN NAS MO GSHAM GYI BU LA SOGS PA DNGOS PO MED PAR 'GYUR ZHE NA, MO GSHAM GYI BU LA SOGS PA NI DNGOS PO MED PA NYID DU 'JIG RTEN NA MA GRAGS TE, DNGOS PO'I NGO BO NYID MA GRUB PA'I PHYIR RO, , JI SKAD DU, GAL TE DNGOS PO MA GRUB NA, DNGOS MED 'GRUB PAR MI 'GYUR RO, ,DNGOS PO GZHAN DU 'GYUR BA NI, ,DNGOS MED YIN ZHES SKYE BO SMRA, ,ZHES BSHAD ZIN TO, ,DE'I PHYIR MO GSHAM GYI BU ZHES BYA BA 'DI NI SGRA TZAM DU ZAD KYI, DON GANG ZHIG

144b

DNGOS PO'AM DNGOS PO MED PAR 'GYUR BA DON CI YANG MA DMIGS SO, ,NAM MKHA' LA SOGS PA'ANG DE BZHIN DU SHES PAR BYA'O, ,SKABS 'GAR DE DAG LA DNGOS PO MED PA ZHES 'BYUNG BA NI, YANG GANG DU, NAM MKHA' RI BONG RVA DAG DANG, ,MO GSHAM GYI NI BU DAG KYANG, ,MED BZHIN TSIGS SU BRJOD PA LTAR, ,DNGOS PO RTOG PA'ANG DE BZHIN NO, ,ZHES GSUNGS PA DER YANG DNGOS PO'I RTOG PA BKAG PA TZAM YIN GYI DNGOS PO MED PA'I RTOG PA MI 'JUG GO ,GNYIS PA NI, GAL TE MYA NGAN LAS 'DAS PA DNGOS PO MA YIN ZHING DNGOS PO MED PA YANG MA YIN NA, 'O NA GANG YIN ZHE NA, 'ONG BA DANG NI 'GRO BA'I DNGOS, ,BRTEN NAM RGYUR BYAS GANG YIN PA, ,DE NI BRTEN MIN RGYUR BYAS MIN, ,MYA NGAN 'DAS PA YIN PAR BSTAN, ,SNGA MA NAS 'DIR 'ONG BA DANG 'DI NAS PHYI MAR 'GRO BA SKYE BA DANG 'CHI BA GCIG NAS GCIG TU BRGYUD PA'I DNGOS PO 'DU BYED DAM GANG ZAG GAM RING PO DANG THUNG NGU LTAR RGYU DANG RKYEN GYI TSOGS PA LA BRTEN NAS 'DOGS SAM, MAR ME'I 'OD BZHIN DU RGYUR BYAS NAS 'DOGS KYANG RUNG STE, SKYE BA DANG 'CHI BA'I RGYUN GANG YIN PA DE NI GANG DU BRTEN NAS KYANG 'JUG PA MIN ZHING, RGYUR BYAS NAS KYANG 'JUG PA MIN PA DE NI MYA NGAN LAS 'DAS PA YIN PAR BSTAN TO, ,SKYE 'CHI'I RGYUN MI 'JUG PA TZAM NI DNGOS PO'AM DNGOS PO MED PAR BRTAGS PAR MI NUS TE, DE'I PHYIR MYA NGAN LAS 'DAS PA NI DNGOS PO DANG DNGOS PO MED PA MA YIN NO, ,GZHAN YANG, 'BYUNG BA DANG NI 'JIG PA DAG ,SPANG BAR STON PAS BKA' STZAL TO, ,DE PHYIR MYA NGAN 'DAS PA NI, ,DNGOS MIN DNGOS MED MIN PAR RIGS, ,MDO

145a

, ,LAS, DGE SLONG GANG DAG 'BYUNG BA'AM 'JIG PAS SRID PA LAS NGES PAR 'BYUNG BA TSOL BA DE NI DE DAG GI YONGS SU MI SHES PA YIN NO, ,ZHES 'BYUNG BA DANG 'JIG PA DAG GNYIS KA SPANG BAR STON PAS BKA' STZAL ZHING, GAL TE MYA NGAN LAS 'DAS PA DNGOS PO'AM DNGOS PO MED PA'I RANG BZHIN YIN NA DE YANG SPANG BYA KHO NAR 'GYUR NA, DE NI SPANG BYA YANG MA YIN TE, DE'I PHYIR MYA NGAN LAS 'DAS PA NI DNGOS PO MIN ZHING, DNGOS PO MED PA'I RANG BZHIN YANG MIN PAR RIGS SO, ,GSUM PA MYA NGAN LAS 'DAS PA GNYIS YIN GYI PHUNG GSUM DGAG PA NI, SDE PA GANG GI LTAR NA, NYON MONGS DANG SKYE BA GNYIS DE LA MED PAS MYANG 'DAS DNGOS PO MED PA'I RANG BZHIN YIN LA RANG NYID DNGOS PO'I NGO BO YIN PAS DNGOS PO'I RANG BZHIN YANG YIN NO ZHES SMRA BA DE DAG GI LTAR NA YANG MI 'THAD DE, GAL TE MYA NGAN 'DAS PA NI, ,DNGOS DANG DNGOS MED GNYIS YIN NA, ,DNGOS DANG DNGOS PO MED PA DAG ,THAR PAR 'GYUR NA DE MI RIGS, ,GAL TE MYA NGAN LAS 'DAS PA DNGOS PO DANG DNGOS PO MED PA GNYIS KA'I RANG BZHIN YIN NA DE'I TSE 'DU BYED RNAMS KYI BDAG NYID THOB PA'I DNGOS PO DANG, DE DANG BRAL BA'I DNGOS PO MED PA THAMS CAD THAR PAR 'GYUR NA, 'DU BYED RNAMS THAR RO ZHES PA YANG MI 'THAD PAS DE'I PHYIR DE NI MI RIGS SO; ; GZHAN YANG, GAL TE MYA NGAN 'DAS PA NI, ,DNGOS DANG DNGOS MED GNYIS YIN NA, ,MYA NGAN 'DAS PA MA BRTEN MIN, ,DE GNYIS BSTAN NAS YIN PHYIR RO, ,GAL TE MYA NGAN LAS 'DAS PA DNGOS PO DANG DNGOS MED GNYIS KA'I RANG BZHIN YIN NA, DE'I TSE

145b

MYA NGAN LAS 'DAS PA RGYU DANG RKYEN GYI TSOGS PA LA BRTEN NAS YIN GYI, MA BRTEN PAR MIN TE, DE GNYIS NI RTEN NAS YIN PA'I PHYIR TE, DNGOS PO LA BRTEN NAS DNGOS MED YIN ZHING DNGOS MED LA BRTEN NAS DNGOS PO YIN PA'I PHYIR RO, ,GZHAN YANG, JI LTAR MYA NGAN 'DAS PA NI, ,DNGOS DANG DNGOS MED GNYIS YIN TE, ,MYA NGAN 'DAS PA 'DUS MA BYAS, ,DNGOS DANG DNGOS MED 'DUS BYAS YIN, ,JI LTAR MYA NGAN LAS 'DAS PA DNGOS DANG DNGOS MED GNYIS YIN TE, MA YIN PAR 'GYUR RO, ,CI'I PHYIR ZHE NA, MYA NGAN LAS 'DAS PA NI 'DUS MA BYAS SU 'DOD LA, DNGOS PO DANG DNGOS MED NI 'DUS BYAS YIN PA'I PHYIR TE, 'DI LTAR, DNGOS PO NI RANG GI RGYU DANG RKYEN GYI TSOGS PA LAS BYUNG BA'I PHYIR DANG, DNGOS PO MED PA YANG DNGOS PO LA BRTEN NAS 'BYUNG BA'I PHYIR DANG, SKYE BA'I RKYEN GYIS RGA SHI ZHES 'BYUNG BA'I PHYIR RO, ,DE'I PHYIR MYA NGAN LAS 'DAS PA DNGOS PO DANG DNGOS PO MED PAR MI RIGS SO, ,CI STE MYA NGAN LAS 'DAS PA DNGOS PO DANG DNGOS MED MA YIN GYI, 'ON KYANG DE LA DNGOS PO DANG DNGOS PO MED PA DAG YOD DO SNYAM NA, DE YANG MI RIGS TE, JI LTAR MYA NGAN 'DAS PA LA, DNGOS DANG DNGOS MED GNYIS YOD DE, JI LTAR MYA NGAN LAS 'DAS PA GCIG LA DNGOS PO DANG DNGOS PO MED PA 'GAL BA GNYIS YOD DE, YOD PA MA YIN NO SNYAM DU DGONGS SO, ,CI'I PHYIR ZHE NA, DE GNYIS GCIG LA YOD MIN TE, SNANG BA DANG NI MUN PA BZHIN, ,DNGOS PO DANG DNGOS PO MED PA GNYIS MYA NGAN LAS 'DAS PA GCIG LA YOD PA MA YIN TE, KHYIM GCIG TU DUS GCIG GI TSE SNANG BA DANG MUN PA 'GAL BA GNYIS YOD

146a

, ,PA MA YIN PA BZHIN NO, ,BZHI PA GNYIS MIN GYI PHUNG GSUM DGAG PA NI, DNGOS MIN DNGOS PO MED MIN PA, ,MYA NGAN 'DAS PAR GANG STON PA, ,DNGOS PO MED DANG DNGOS PO DAG ,GRUB NA DE NI GRUB PAR 'GYUR, ,MYA NGAN LAS 'DAS PA DNGOS PO MIN ZHING DNGOS PO MED PA MIN PAR GANG STON CING 'DOD PA DE YANG MI RIGS TE, GAL TE DNGOS PO MED PA DANG DNGOS PO DAG GRUB NA, DE DAG BKAG PA'I SGO NAS DNGOS PO YANG MIN DNGOS PO MED PA YANG MIN PA DE NI GRUB PAR 'GYUR BA ZHIG NA, GANG GI TSE DNGOS PO DANG DNGOS PO MED PA GNYIS KA YOD PA MA YIN PA DE'I TSE DE BKAG PA YANG YOD PA MA YIN NO, ,DE'I PHYIR 'DI MI RIGS SO, ,GZHAN YANG, GAL TE MYA NGAN 'DAS PA NI, ,DNGOS MIN DNGOS PO MED MIN NA; ;DNGOS MIN DNGOS PO MED PA MIN, ,GANG ZHIG GIS NI DE MNGON BYED, ,GAL TE MYA NGAN LAS 'DAS PA DNGOS PO MIN ZHING DNGOS PO MED PA YANG MIN NO ZHES RTOG NA, DA NI DNGOS PO YANG MIN ZHING DNGOS PO MED PA YANG MIN PA'I RNAM PA DE LTA BU'I MYA NGAN LAS 'DAS PA YOD DO ZHES RTOGS PA PO GANG ZHIG GIS MNGON DU BYED CING MYA NGAN LAS 'DAS PA RNAM PA DE LTA BU RTOGS PA PO 'GA' ZHIG YOD DAM 'ON TE MED, GAL TE YOD NA MYA NGAN LAS 'DAS PAR YANG BDAG YOD PAR 'GYUR NA, 'DOD PA YANG MA YIN TE; NYE BAR LEN PA MED PAS BDAG YOD PA MA YIN PA'I PHYIR RO, ,CI STE MED NA RNAM PA DE LTA BU'I MYA NGAN LAS 'DAS PA YOD PAR GANG GIS GCOD PAR BYED, GAL TE 'KHOR BA NA GNAS PAS SO ZHE NA, CI RNAM PAR SHES PAS SAM 'ON TE YE SHES KYIS YONGS SU GCOD PAR BYED, DANG

146b

PO MI RIGS TE, RNAM SHES NI MTSAN MA LA DMIGS PA YIN LA, MYA NGAN LAS 'DAS PA LA NI MTSAN MA CUNG ZAD KYANG YOD PA MA YIN PA'I PHYIR RO, ,YE SHES KYIS KYANG YONGS SU GCOD PAR BYED PA MA YIN TE, YE SHES NI STONG PA NYID LA DMIGS PA YIN DGOS LA, DE YANG SKYE BA MED PA'I RANG BZHIN YIN PAS SPROS PA THAMS CAD LAS 'DAS PA'I NGO BO NYID YIN PA'I PHYIR RO, ,JI SKAD BSHAD PA'I NYES PA DE KHYED MYA NGAN LAS 'DAS PA SPROS PA DANG BRAL BA'I RANG BZHIN DU 'DOD PA LA YANG MTSUNGS SO ZHE NA, KHO BO CAG NI YANG DAG PAR MYA NGAN LAS 'DAS PA ZHES BYA BA'I CHOS 'GA' YANG KHAS MI LEN PAS DE LA RTOGS PA PO 'GA' YANG MI 'DOD LA, THA SNYAD TZAM DU MNYAM GZHAG GI STOBS KYIS DRANGS PA'I RJES THOB DAG PA 'JIG RTEN PA'I YE SHES KYIS MYA NGAN LAS 'DAS PA NI SPROS PA THAMS CAD DANG BRAL ZHING, NYE BAR ZHI BA'O ZHES YONGS SU GCOD PAR BYED PAS NYES PA MED DO, ,BZHI PA DE BZHIN GSHEGS PA LA MTHAR 'DZIN DGAG PA NI, JI LTAR MYA NGAN LAS 'DAS PA LA RTOG PA BZHI PO 'DI DAG MI 'THAD PA DE BZHIN DU MYANG 'DAS THUGS SU CHUD PA PO'I DE BZHIN GSHEGS PA LA YANG RTOG PA DE DAG MI SRID DE, BCOM LDAN MYA NGAN 'DAS GYUR NA, ,YOD PAR MI MNGON DE BZHIN DU, ,MED DO ZHE'AM GNYIS KA DANG, ,GNYIS MIN ZHES KYANG MI MNGON NO, ,BCOM LDAN MYA NGAN LAS 'DAS PAR GYUR NA YOD DO ZHES SAM MED DO ZHE'AM GNYIS KA DANG GNYIS KA MIN ZHES MTHA' GANG DU YANG MI MNGON TE, SPROS PA THAMS CAD DANG BRAL BA'I PHYIR RO, ,BCOM LDAN MYA NGAN LAS 'DAS NAS MTHA' BZHIR MI MNGON PA 'BA' ZHIG TU MA ZAD KYI, BCOM

147a

, ,LDAN BZHUGS PAR GYUR NA YANG, ,YOD PAR MI MNGON DE BZHIN DU, ,MED DO ZHE'AM GNYIS KA DANG, ,GNYIS MIN ZHES KYANG MI MNGON NO, ,JI LTAR MI MNGON PA DE LTAR NI SNGAR DE BZHIN GSHEGS PA BRTAG PAR, PHUNG MIN PHUNG PO LAS GZHAN MIN, ,DE LA PHUNG MED DER DE MED, ,DE BZHIN GSHEGS PA PHUNG LDAN MIN, ,DE BZHIN GSHEGS PA GANG ZHIG YIN, ,ZHES BSHAD ZIN TO, ,LNGA PA 'KHOR 'DAS MNYAM PAR BSTAN PA LA, DNGOS DANG, MTHAR 'DZIN GYI LTA BA GZHAN DGAG PA GNYIS KYI, DANG PO NI, 'KHOR BA MYA NGAN 'DAS PA LAS, ,KHYAD PAR CUNG ZAD YOD MA YIN, ,MYA NGAN 'DAS PA 'KHOR BA LAS, ,KHYAD PAR CUNG ZAD YOD MA YIN, ,GANG GI PHYIR BCOM LDAN 'DAS BZHUGS NA YANG YOD DO ZHES SOGS SU MI MNGON LA, MYA NGAN LAS 'DAS PA NA YANG YOD DO ZHES SOGS SU MI MNGON PA DE NYID KYI PHYIR 'KHOR BA MYA NGAN 'DAS PA LAS KHYAD PAR CUNG ZAD YOD PA MA YIN ZHING, MYA NGAN LAS 'DAS PA YANG 'KHOR BA LAS KHYAD PAR CUNG ZAD YOD PA MA YIN TE, RNAM PAR DPYAD NA RANG BZHIN MTSUNGS PA'I PHYIR RO, ,GANG YANG BCOM LDAN 'DAS KYIS 'DI SKAD DU, DGE SLONG DAG SKYE BA DANG RGA SHI'I 'KHOR BA NI THOG MA DANG THA MA MED DO ZHES GSUNGS PA DE YANG 'DI NYID KYI PHYIR 'THAD PA YIN TE, 'KHOR BA DANG MYA NGAN LAS 'DAS PA GNYIS LA KHYAD PAR MED PA'I PHYIR RO, ,'DI LTAR, MYA NGAN 'DAS MTHA' GANG YIN PA, ,DE NI 'KHOR BA'I MTHA' YIN TE, ,DE GNYIS KHYAD PAR CUNG ZAD NI, ,SHIN TU PHRA BA'ANG YOD MA YIN, ,SNGAR JI SKAD BSHAD PA'I TSUL GYIS MYA NGAN LAS 'DAS PA'I SNGON DANG PHYI MA'I

147b

MTHA' MU BZHI DANG BRAL BA GANG YIN PA DE NI 'KHOR BA'I SNGON DANG PHYI MA'I MTHA' YANG MU BZHI DANG BRAL BA DE NYID YIN TE, 'KHOR 'DAS DE GNYIS RNAM PAR RTOG PAS THA DAD DU SGRO BTAGS PA TZAM MA GTOGS RANG GI RANG BZHIN LA KHYAD PAR CUNG ZAD DAM SHIN TU PHRA BA YANG YOD PA MA YIN PA'I PHYIR RO, ,GNYIS PA NI, 'DAS PHAN CHAD DANG MTHA' SOGS DANG, ,RTAG LA SOGS PAR LTA BA DANG, ,MYA NGAN 'DAS DANG PHYI MTHA' DANG, ,SNGON GYI MTHA' LA BRTEN PA YIN, ,MYA NGAN LAS 'DAS PA DANG 'KHOR BA LA KHYAD PAR MED PA'I PHYIR SNGON DANG PHYI MA'I MTHAR RTOG PA MED PA 'BA' ZHIG TU MA ZAD KYI, GZHAN YANG DE BZHIN GSHEGS PA GRONGS PHAN CHAD YOD DO MED DO, ,GNYIS KA YIN NO, ,GNYIS KA MA YIN NO ZHES MYA NGAN LAS 'DAS PA'I MTHA' LA BRTEN PA BZHI DANG, 'JIG RTEN MTHA' DANG LDAN SOGS PAS MI LDAN, GNYIS KA YIN, ,GNYIS KA MA YIN ZHES BZHI DANG, 'JIG RTEN RTAG PA SOGS PAS MI RTAG GNYIS KA YIN, GNYIS KA MA YIN, ZHES PA SNGON GYI MTHA' LA BRTEN PA BZHI PO DAG KYANG YOD PA MA YIN TE, 'KHOR 'DAS GNYIS KA YANG RANG BZHIN GYIS MU BZHI DANG BRAL BA'I ZHI BA NYID DU RO GCIG PA'I PHYIR RO, ,DE LA DANG PO BZHI NI MYA NGAN LAS 'DAS PA LA MCHOG TU 'DZIN PA ZHUGS PA'I PHYIR MYA NGAN LAS 'DAS PA LA BRTEN PA ZHES BYA'O, ,GNYIS PA BZHI NI, BDAG DANG 'JIG RTEN LA MA 'ONGS PA'I SKYE BA MA MTHONG BA DANG MTHONG BA DANG, RANG BZHIN 'JUG CING GNAS SKABS LDOG PAR MTHONG BA DANG, DE BKAG PA'I SGO NAS SKYE BA PHYI MA'I MTHA' LA RTOG PAR ZHUGS PAS NA PHYI MA'I MTHA' LA BRTEN PA ZHES BYA'O, ,GSUM PA BZHI

148a

, ,NI, BDAG DANG 'JIG RTEN LAS 'DAS PA'I SKYE BAR MTHONG BA DANG, MA MTHONG BA DANG SNGA MA LTAR MTHONG BA DANG, MA MTHONG BA DANG, DE BKAG PA'I SGO NAS SKYE BA SNGA MA'I CHA LA RTOG PAS NA, SNGON GYI MTHA' LA BRTEN PA ZHES BYA'O, ,LTA BA 'DI DAG JI LTAR RUNG BAR 'GYUR ZHE NA, GAL TE DNGOS PO 'GA' LA RANG BZHIN YOD NA LTA BA 'DI DAG YOD PAR 'GYUR BA ZHIG NA, DNGOS PO THAMS CAD STONG PA LA, ,MTHA' YOD CI ZHIG MTHA' MED CI, ,MTHA' DANG MTHA' MED CI ZHIG YIN, , MTHA' DANG MTHA' MED MIN PA CI, ,DE NYID CI ZHIG GZHAN CI YIN, ,RTAG PA CI ZHIG MI RTAG CI, ,RTAG DANG MI RTAG GNYIS KA CI, ,GNYIS KA MIN PA'ANG CI ZHIG YIN, ,GANG GI TSE DNGOS PO THAMS CAD RANG BZHIN GYIS STONG PAS 'KHOR BA DANG MYANG 'DAS KHYAD PAR MED PA DE'I TSE, MTHA' YOD CI ZHIG ZHES PA NAS, GNYIS KA MIN PA'I BAR CI ZHIG BRTAG TU RUNG STE LUNG MA BSTAN GYI DNGOS PO BCU BZHI PO 'DI DAG DNGOS PO RANG BZHIN GYIS STONG PA LA BRTAG PAR MI RIGS TE; KHYAD GZHI MED PA LA KHYAD PAR GYI CHOS DPYAD DU MED PA'I PHYIR RO, ,DE'I PHYIR GANG ZHIG DNGOS PO'I RANG BZHIN SGRO BTAGS NAS LTA BA 'DI DAG BSKYED NAS MNGON PAR ZHEN PA 'DIS MYA NGAN LAS 'DAS PA'I GRONG KHYER DU 'GRO BA'I LAM 'GOG CING, 'KHOR BA'I SDUG BSNGAL LA SBYOR BAR BYED DO ZHES SHES PAR BYA'O, ,DRUG PA MYANG 'DAS BKAG PA LA RTZOD PA SPANG BA NI, GAL TE DE LTAR KHYOD KYIS MYA NGAN LAS 'DAS PA YANG BKAG NA, DE LTAR NA BCOM LDAN 'DAS THUGS RJE CHEN PO'I GZHAN DBANG DU GYUR PAS 'JIG RTEN MYA NGAN LAS 'DAS PA THOB PAR MDZAD

148b

PA'I SLAD DU, SPYOD PA RNAMS KYI GNYEN POR RJES SU MTHUN PA'I CHOS BSTAN PA GANG YIN PA DE DON MED PAR 'GYUR RO ZHE NA, DMIGS PA THAMS CAD NYER ZHI ZHING, ,SPROS PA NYER ZHI ZHI BA STE, ,SANGS RGYAS KYIS NI GANG DU YANG, ,SU LA'ANG CHOS 'GA' MA BSTAN TO, ,GAL TE CHOS ZHES BYA BA'AM, ,DE'I NYAN PA PO SEMS CAN ZHES BYA BA'AM, STON PA PO 'GA' ZHIG YOD NA DE LTAR 'GYUR BA ZHIG NA, GANG GI TSE SANGS RGYAS BCOM LDAN 'DAS RNAMS NAM MKHA' LA NGANG PA'I RGYAL PO DAG RANG GI GSHOG PA BRDABS PA'I RLUNG LA GNAS PA, (NAM MKHA' CI YANG MA YIN PA NYID KYI PHYIR RLUNG NAM MKHA' LA GNAS PA LTAR) MYA NGAN LAS 'DAS PA TSIG MI 'JUG PAS SPROS PA NYE BAR ZHI BA YIN LA, SEMS MI 'JUG PAS ZHI BA'AM NYON MONGS PA MI 'JUG PAS SPROS PA NYER ZHI YIN LA, SKYE BA MI 'BYUNG BAS ZHI BA'I NGO BO LA MI GNAS PA'I TSUL GYIS GNAS PA DE'I TSE DMIGS PA'I MTSAN MA THAMS CAD NYE BAR ZHI ZHING MA DMIGS PA'I PHYIR SANGS RGYAS RNAMS KYIS LHA'AM MI'I YUL GANG DU YANG LHA'AM MI SU LA YANG KUN NAS NYON MONGS DANG RNAM BYANG GI CHOS 'GA' YANG MA BSTAN NO ZHES BYA BAR SHES PAR BYA'O, ,JI SKAD DU, 'PHAGS PA DE BZHIN GSHEGS PA GSANG BA'I MDO LAS, ZHI BA'I BLO GROS GANG GI NUB MO DE BZHIN GSHEGS PAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DANG, GANG GI NUB MO LEN PA MI MNGA' BAR MYA NGAN LAS 'DAS PAR 'GYUR BA DE'I BAR DU DE BZHIN GSHEGS PAS YIG 'BRU GCIG KYANG MA GSUNGS SO, ,GSUNG BAR MI 'GYUR RO, ,ZHES GSUNGS SO, ,'O NA JI LTAR GSUNG RAB KYI THA SNYAD SHIN TU SNA

149a

, ,TSOGS PA 'DI DAG BYUNG BAR 'GYUR ZHE NA, BCOM LDAN 'DAS 'DIS KHO BO CAG LA CHOS 'DI DAG BSTAN TO ZHES BYA BA NI, LUS CAN MA RIG PA'I GNYID DANG LDAN ZHING, RMI LAM RMI BA BZHIN PA RNAMS KYIS RANG GI RNAM PAR RTOG PAS SGRO BTAGS PA NYID KYIS GDUL BYA'I GZHAN SNANG YIN GYI, DE BZHIN GSHEGS PA'I GZIGS NGO NA SU LA YANG CHOS GANG YANG BSTAN PA MED DO, ,JI SKAD DU, DE BZHIN GSHEGS PA ZAG PA MED PA YI, ,DGE BA'I CHOS KYI GZUGS BRNYAN LTA BU STE, ,'DI NA DE BZHIN NYID DANG DE BZHIN GSHEGS PA MED, ,'JIG RTEN THAMS CAD KYIS NI GZUGS BRNYAN MTHONG, ,ZHES GSUNGS SO, ,DE'I PHYIR CHOS BSTAN PA YOD PAS, MYA NGAN LAS 'DAS PA YOD PAR GA LA 'GYUR, DE'I PHYIR MYA NGAN LAS 'DAS PA YANG MED DO, ,ZHES BYA BA GRUB BO, BCOM LDAN 'DAS KYIS KYANG, MYA NGAN 'DAS MED MYANG 'DAS SU, ,'JIG RTEN MGON GYIS BSTAN PA TE, NAM MKHA' MDUD PA BOR BA NI, ,NAM MKHA' NYID KYIS BKROL BA YIN, ,ZHES GSUNGS SO, ,DBU MA RTZA BA'I SHES BAR LAS MYA NGAN LAS 'DAS PA BRTAG PA ZHES BYA BA STE RAB TU BYED PA NYI SHU LNGA PA'I 'GREL PA'O,, ` ,,BZHI PA SKYE MED KYI KHYAD GZHI RTEN 'BREL GYI NGO BO BSTAN PA LA, RTEN 'BREL GYI YAN LAG 'JUG TSUL DANG, RTEN 'BREL GYI YAN LAG 'GAG TSUL GNYIS KYI DANG PO NI, 'DIR, RTEN CING 'BREL PAR 'BYUNG BA GANG, ,DE NI STONG PA NYID DU BSHAD, ,CES STONG PA NYID DU BSHAD PA'I RTEN CING 'BREL BAR 'BYUNG BA DE GANG ZHE'AM, YANG NA, GANG GIS RTEN CING 'BREL PAR 'BYUNG, MTHONG BA DES NI SDUG

149b

BSNGAL DANG, ,KUN 'BYUNG DANG NI 'GOG PA DANG, ,LAM NYID DE DAG MTHONG BA YIN, ,ZHES GANG MTHONG BAS BDEN PA MTHONG BAR BSHAD PA'I RTEN CING 'BREL PAR 'BYUNG BA DE GANG ZHE NA, RTEN CING 'BREL PAR 'BYUNG BA NI GNYIS TE, PHYI'I DANG, NANG GI'O, ,DANG PO NI, SA BON LAS MYU GU DANG DE LAS SDONG BU DANG, 'DAB MA DANG, ME TOG DANG, 'BRAS BU LA SOGS PA RIM GYIS 'BYUNG BA'O, ,GNYIS PA NI, MA RIG PA'I RKYEN GYIS 'DU BYED LA SOGS PA NAS SKYE BA'I RKYEN GYIS RGA SHI'I BAR RNAMS TE, ,DE LA GTZO BO YIN PA'I PHYIR NANG GI RTEN CING 'BREL PAR 'BYUNG BA'I YAN LAG GI RAB TU DBYE BA STON PA NI, MA RIG SGRIB PAS YANG SRID PHYIR, ,'DU BYED RNAM PA GSUM PO DAG ,MNGON PAR 'DU BYED GANG YIN PA'I, ,LAS DE DAG GIS 'GRO BAR 'GRO, ,DNGOS POR MNGON PAR ZHEN PA'I MTSAN NYID CAN GYI MA RIG PAS BSGRIBS SHING BKAB PA'I GANG ZAG GIS YANG SRID PA 'BYUNG BAR BYA BA'I PHYIR 'DU BYED RNAM PA GSUM PO BSOD NAMS DANG, BSOD NAMS MA YIN PA DANG, MI G-YO BA DAG MNGON PAR 'DU BYED PA GANG YIN PA'I LAS DE DAG GIS 'GRO BA LNGA'I 'KHOR BAR 'GRO BAR 'GYUR RO, ,DE NAS DE'I, 'DU BYED RKYEN CAN RNAM PAR SHES, ,'GRO BA RNAMS SU 'JUG PAR 'GYUR, ,GANG ZAG 'DU BYED RNAM PA GSUM PO 'DU BYAS SHING BSAGS PA DE'I RNAM PAR SHES PA 'DU BYED KYI RKYEN CAN 'KHOR BA'I DON MA YIN PA'I SA BON DU GYUR PA NI, 'DU BYED DANG MTHUN PAR 'GRO BA LHA LA SOGS PA RNAMS SU RAB TU 'JUG CING BSKYED PAR 'GYUR RO, ,DE NA DUS PHYIS, RNAM PAR SHES PA ZHUGS GYUR NA, ,MING DANG

150a

, ,GZUGS NI CHAGS PAR 'GYUR, ,'DU BYED KYI RKYEN CAN RNAM PAR SHES PA MA'I MNGAL DU ZHUGS SHING BRGYAL BAR GYUR PA NA GZUGS DANG GZUGS BRNYAN GYI TSUL DU THA MA 'CHI BA'I PHUNG PO 'GAGS NA SKYE BA'I CHAR GYUR PA'I MING DANG GZUGS KYI PHUNG PO RNAMS CHAGS PAR 'GYUR RO, ,DE LA RNAM PAR SHES PA LA SOGS PA GZUGS CAN MA YIN PA'I PHUNG PO BZHI NI LAS NYON GYIS SGOS PA'I SKYE GNAS DE DANG DER GZHOL BAS NA MING ZHES BYA BA'AM, DON DAG LA MING GI DBANG GIS RGYUG PAS NA MING ZHES BYA'O, ,NUR NUR PO'I GNAS SKABS KYI DBANG PO GZUGS CAN RNAMS NI GNOD PA BYAR RUNG BAS NA GZUGS ZHES BYA'O, ,DE'I PHYIR DE LTA NA, MING DANG GZUGS NI CHAGS GYUR NA, ,SKYE MCHED DRUG NI 'BYUNG BAR 'GYUR, ,MING DANG GZUGS MNGAL DU CHAGS PAR GYUR NA DE RIM GYIS 'PHEL BA LAS SDUG BSNGAL SKYE BA'I SGOR GYUR PA MIG LA SOGS PA'I SKYE MCHED DRUG MING DANG GZUGS KYI RKYEN CAN 'BYUNG BAR 'GYUR RO, ,DE LTAR SKYE MCHED DRUG 'BYUNG BA YIN DANG DUS PHYIS, SKYE MCHED DRUG LA BRTEN NAS NI, ,REG PA YANG DAG 'BYUNG BAR 'GYUR, ,REG PA DE YANG GANG ZHIG YIN ZHING DE JI LTAR SKYE BAR 'GYUR ZHE NA, MIG DANG GZUGS DANG DRAN BYED LA, ,BRTEN NAS SKYES BA KHO NA'O, ,DE LTAR MING DANG GZUGS BRTEN NAS, ,RNAM PAR SHES PA SKYE BAR 'GYUR, ,MIG DANG GZUGS DANG RNAM PAR SHES, ,GSUM PO 'DUS PA GANG YIN PA, ,DE NI REG PA'O, ,BDAG RKYEN MIG DANG DMIGS RKYEN GZUGS DANG, MTSUNGS PA DE MA THAG PA'I RKYEN DRAN BYED YID LA BYED PA LA BRTEN NAS MIG GI RNAM PAR SHES PA

150b

SKYES PA KHO NA YIN LA, DE LA DRAN BYED PHUNG PO BZHI'I RANG BZHIN CAN NI MING YIN LA, MIG DANG GZUGS KYI SKYE MCHED NI GZUGS TE, DE LTAR NA MING DANG GZUGS KYI RANG BZHIN CAN GYI RKYEN GSUM LA, BRTEN NAS MIG GI RNAM PAR SHES PA SKYE BAR 'GYUR LA, MIG DANG GZUGS DANG RNAM PAR SHES PA GSUM PO PHAN TSUN PHRAD PAR ZHUGS SHING LHAN CIG 'DUS PA GANG YIN PA DE NI REG PA ZHES BYA'O, ,CHOS MNGON PA KHA CIG YUL DBANG RNAM SHES GSUM PHRAD PA TZAM LA REG PAR 'DOD LA, KHA CIG YUL GYI BDE SDUG GI MTSAN MA YONGS SU GCOD PAR BYED PA'I SEMS BYUNG LA 'DOD DE, 'DIR SNGA MA GZUNG NGO, DE NAS DUS PHYIS, REG DE LAS, TSOR BA KUN TU 'BYUNG BAR 'GYUR, ,YUL DBANG RNAM SHES GSUM 'DUS PA'I MTSAN NYID KYI REG PA DE LAS, YUL YID DU 'ONG BA DANG, MI 'ONG BA DANG, GNYIS KA LAS BZLOG PA NYAMS SU MYONG BA'I TSOR BA BDE SDUG BTANG SNYOMS KUN 'BYUNG BAR 'GYUR RO, ,DE NAS DUS PHYIS, TSOR BA'I RKYEN GYIS SRED PA STE, (TSOR BA BDE BA LA) TSOR BA'I RKYEN GYIS SRED PA KUN TU 'BYUNG BAR 'GYUR TE, CI'I PHYIR ZHE NA, TSOR BA'I DON DU SRED PAR 'GYUR, TSOR BA'I DON DU SRED PA SKYE BAR 'GYUR BA'I PHYIR RO, ,'DI LTAR, TSOR BA BDE BA SKYES NA DE YANG THOB PAR 'DOD CING, SDUG BSNGAL SKYES NA 'BRAL BA 'DOD LA, BTANG SNYOMS SKYES PA NA DE MI NYAMS PAR BYA BA'I PHYIR SRED PA SKYE BAR 'GYUR BA'I PHYIR RO, ,SRED PAR GYUR NA NYE BAR LEN, ,RNAM PA BZHI PO NYER LEN 'GYUR, ,DE LTAR TSOR BA LA MNGON PAR CHAGS SHING SRED PAR 'GYUR NA SRED PA'I RKYEN CAN LAS 'PHEN PA'I RGYU 'DOD PA DANG, LTA BA

151a

, ,DANG, TSUL KHRIMS DANG RTUL ZHUGS DANG, BDAG DU SMRA BA ZHES BYA BA NYE BAR LEN PA RNAM PA BZHI PO YONGS SU 'DZIN CING NYE BAR LEN PAR 'GYUR TE, DE NI SRED PA'I RKYEN CAN GYIS LEN PA YIN NO, ,DE LA 'DOD PA'I YON TAN LA 'DUN CING CHAGS PA NI 'DOD PA'I NYE BAR LEN PA'O, ,'JIG LTA MA GTOGS PA'I LTA BA NGAN PA RNAMS LA 'DUN CING CHAGS PA NI LTA BA'I NYE BAR LEN PA'O, ,LTA BA NGAN PA SNGON DU 'GRO BA'I TSUL KHRIMS DANG RTUL ZHUGS LA 'DUN CING CHAGS PA NI TSUL KHRIMS DANG RTUL ZHUGS KYI NYE BAR LEN PA'O, ,'JIG LTA LA 'DUN CING CHAGS PA NI BDAG TU SMRA BA'I NYE BAR LEN PA'O, ,DE NAS DUS PHYIS, NYER LEN YOD NA LEN PA PO'I SRID PA RAB TU 'BYUNG BAR 'GYUR, ,GAL TE NYE BAR LEN MED NA, ,GROL BAR 'GYUR TE SRID MI 'GYUR, ,SRID PA DE YANG PHUNG PO LNGA, ,JI SKAD BSHAD PA'I NYER LEN RNAM PA BZHI PO YOD NA LEN PA PO STE, NYER LEN YONGS SU 'DZIN CING BSKYED PA PO LA NYER LEN GYI RKYEN GYIS SRID PA SKYE BAR 'GYUR RO, ,CI'I PHYIR ZHE NA, GAL TE NYE BAR LEN PA POS SO SOR RTOGS PA'I STOBS KYIS TSOR BA LA SRED PA BDAG GIR MA BYAS PAR GNYIS SU MED PA'I YE SHES KYI STOBS KYIS NYER LEN RNAM PA BZHI PO SPANGS TE MED PAR GYUR NA DE'I TSE GROL BAR 'GYUR ZHING, SRID PA YOD PAR MI 'GYUR BA'I PHYIR RO, ,NYE BAR LEN PA LAS BYUNG BA'I SRID PA DE YANG PHUNG PO LNGA'I RANG BZHIN YIN TE, LUS DANG NGAG DANG YID KYI LAS LAS MA 'ONGS PA'I PHUNG PO 'BYUNG BA NI SRID PA ZHES BSNYAD LA, DE LA LUS NGAG GI LAS NI, GZUGS KYI PHUNG PO'I RANG BZHIN YIN LA, YID KYI LAS NI PHUNG PO BZHI'I

151b

RANG BZHIN YIN PA'I PHYIR RO, ,SRID PA LAS NI SKYE BAR 'GYUR, ,SRID PA LAS NI MA 'ONGS PA'I PHUNG PO MNGON PAR 'GRUB PA'I MTSAN NYID CAN GYI SKYE BA 'BYUNG BAR 'GYUR RO, ,DE NAS DUS PHYIS, RGA SHI DANG NI MYA NGAN DANG, ,SMRE SNGAGS 'DON BCAS SDUG BSNGAL DANG, ,YID MI BDE DANG 'KHRUGS PA RNAMS, ,DE DAG SKYE LAS RAB TU 'BYUNG, ,PHUNG PO YONGS SU SMIN PA'I RGA BA DANG, PHUNG PO'I RGYUN 'JIG PA'I 'CHI BA DANG, 'CHI BZHIN PA'I GNAS SKABS KYI SNYING GI GDUNG BA MYA NGAN DANG, DES KUN NAS BSLANG BA'I NGAG TU SMRA BA SMRE SNGAGS 'DON PA DANG, DBANG PO LNGA LA GNOD PA SDUG BSNGAL DANG, SEMS KYI GNOD PA YID MI BDE BA DANG, SDUG BSNGAL DANG YID MI BDE MANG PO LAS BYUNG BA'I 'KHRUGS PA RNAMS SKYE BA LAS RAB TU 'BYUNG BAR 'GYUR RO; ;DE LTAR SDUG BSNGAL PHUNG PO NI, ,'BA' ZHIG PA 'DI 'BYUNG BAR 'GYUR, ,DE LTAR (ZHES BYA BA NI RGYU DANG RKYEN GYI STOBS KYIS ZHES BYA BA'I DON TO,) JI SKAD BSHAD PA'I TSUL GYIS SDUG BSNGAL GYI PHUNG PO CHEN POS BDAG DANG BDAG GI BA'I RANG BZHIN DANG BRAL BA DANG BYIS PA'I SKYE BOS BRTAGS PA TZAM SDUG BSNGAL GYI BDAG NYID BDE BA DANG MA 'DRES PA'I 'BA' ZHIG PA 'DI 'BYUNG BAR 'GYUR RO, ,GNYIS PA NI, GANG GI PHYIR, MA RIG PA LA SOGS PA LAS SRID PA'I YAN LAG RNAMS 'BYUNG BA DE'I PHYIR, 'KHOR BA'I RTZA BA 'DU BYED DE, DE PHYIR MKHAS RNAMS 'DU MI BYED, ,DE PHYIR MI MKHAS BYED PO YIN, ,MKHAS MIN DE NYID MTHONG PHYIR RO, ,DE LA JI SKAD BSHAD PA'I TSUL GYIS RNAM PAR SHES PA LA SOGS PA 'JUG PA'I MTSAN NYID CAN GYI 'KHOR BA'I RTZA BA STE, RGYU'I GTZO BO NI MA RIG

152a

, ,PA'I RGYU CAN GYI 'DU BYED RNAMS YIN TE, DE'I PHYIR DE KHO NA NYID LA MI MKHAS PA'I BYIS PA RNAMS KHO NA 'KHOR BA'I RTZA BA 'DU BYED RNAMS BYED PA PO YIN TE, JI SKAD DU, ,DGE SLONG DAG MA RIG PA DANG RJES SU 'BREL BA'I SKYES BU GANG ZAG NI BSOD NAMS MNGON PAR 'DU BYA BA YANG BYED DO, ,BSOD NAMS MA YIN PA MNGON PAR 'DU BYA BA YANG MNGON PAR 'DU BYED DO, ,MI G-YO BA MNGON PAR 'DU BYA BA YANG MNGON PAR 'DU BYED DO, ,ZHES BCOM LDAN 'DAS KYIS GSUNGS PA'I PHYIR RO, ,GANG GI PHYIR MA RIG PA DANG LDAN PA'I MI MKHAS PA KHO NA LAS MNGON PAR 'DU BYED PA PO YIN PA DE'I PHYIR, MKHAS PA DE NYID MTHONG BA MA RIG PA SPANGS PA RNAMS NI MNGON PAR 'DU MI BYED DE, DNGOS PO'I DE KHO NA NYID MTHONG BA'I PHYIR RO, ,DE NYID MTHONG BA NI DNGOS PO THAMS CAD MI DMIGS PAS GANG LA DMIGS NAS LAS BYED PAR 'GYUR BA DE CUNG ZAD KYANG YOD PA MA YIN PA'I PHYIR RO, ,GANG GI PHYIR DE LTAR MA RIG PA YOD NA 'DU BYED RNAMS 'BYUNG LA, MED NA MI 'BYUNG BA DE'I PHYIR, MA RIG 'GAGS PAR GYUR NA NI; ;'DU BYED RNAMS KUN 'BYUNG MI 'GYUR, ,STE RGYU MA TSANG BA'I PHYIR RO, ,MA RIG PA DE GANG LAS 'GAG PAR 'GYUR ZHE NA, MA RIG 'GAG PAR 'GYUR BA NI, SHES PAS DE NYID BSGOM PAS SO, ,MA RIG PA 'GAGS PAR 'GYUR BA NI SHES PAS RTEN 'BREL GYI DE KHO NA NYID BSGOM PAS YIN TE, RTEN CING 'BREL PAR 'BYUNG BA DE NYID PHYIN CI MA LOG PAR JI LTA BA BZHIN BSGOMS PAS MA RIG PA RAB TU SPONG BAR 'GYUR BA'I PHYIR RO, ,'DI LTAR GANG GIS RTEN CING 'BREL PAR 'BYUNG BA YANG DAG PAR MTHONG BA DES NI

152b

DNGOS PO'I RANG BZHIN PHRA ZHING PHRA BA YANG DMIGS PAR MI 'GYUR LA, DE MA DMIGS PAS 'GAR YANG MI RMONGS SO, ,MA RMONGS PAS LAS MNGON PAR 'DU MI BYED DO, ,DE LTAR MA RIG PA 'GAGS PAS 'DU BYED RNAMS JI LTAR 'GAG PA DE BZHIN DU, DE DANG DE NI 'GAGS 'GYUR PAS, ,DE DANG DE NI MNGON MI 'BYUNG, ,SDUG BSNGAL PHUNG PO 'BA' ZHIG PA, ,DE NI DE LTAR YANG DAG 'GAG ,MA RIG PA LA SOGS PA YAN LAG SNGA MA DE DANG DE 'GAGS PAR GYUR PAS 'DU BYED LA SOGS PA YAN LAG PHYI MA DE DANG DE NI MNGON PAR MI 'BYUNG ZHING 'GAG PAR 'GYUR RO ZHES SHES PAR BYA'O, ,RIM PA 'DIS RNAL 'BYOR PA'I SDUG BSNGAL GYI PHUNG PO SDUG BSNGAL GYI TSOGS BDAG DANG BDAG GI BA DANG BRAL BA 'BA' ZHIG PA DE NI SLAR MI 'BYUNG BAS YANG DAG PAR 'GAG PAR 'GYUR RO; ;JI SKAD DU, SA LU LJANG PA'I MDO LAS, DE LA NANG GI RTEN CING 'BREL PAR 'BYUNG PA GANG ZHE NA, GANG 'DI MA RIG PA'I RKYEN GYIS 'DU BYED RNAMS, ,'DU BYED KYI RKYEN GYIS RNAM PAR SHES PA, RNAM PAR SHES PA'I RKYEN GYIS MING DANG GZUGS, MING DANG GZUGS KYI RKYEN GYIS SKYE MCHED DRUG SKYE MCHED DRUG GI RKYEN GYIS REG PA, REG PA'I RKYEN GYIS TSOR BA, TSOR BA'I RKYEN GYIS SRED PA, SRED PA'I RKYEN GYIS LEN PA, LEN PA'I RKYEN GYIS SRID PA, SRID PA'I RKYEN GYIS SKYE BA, SKYE BA'I RKYEN GYIS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUGS PA RNAMS 'BYUNG STE, DE LTAR NA SDUG BSNGAL GYI PHUNG PO CHEN PO 'BA' ZHIG PA 'BYUNG BAR 'GYUR RO, ,ZHES SOGS RGYA CHER GSUNGS PA LTAR RO, ,

153a

, ,DBU MA RTZA BA'I SHES RAB LAS SRID PA'I YAN LAG BRTAG PA ZHES BYA BA STE RAB TU BYED PA NYI SHU DRUG PA'I 'GREL PA'O,, ,,LNGA PA RTEN 'BREL RTOGS PA'I PHAN YON BSTAN PA LA, MDOR BSTAN PA DANG, RGYAS PAR BSHAD PA GNYIS KYI DANG PO NI, GANG GIS DE LTA BU'I RTEN CING 'BREL PAR 'BYUNG BA JI LTA BUR GYUR PA YANG DAG PAR MTHONG BA DE NI SNGON GYI MTHA' LA BRTEN PAR MI BYED, PHYI MA'I MTHA' LA BRTEN PAR MI BYED DO ZHES MDO LAS 'DON PA YIN NA, DE LA SNGON GYI MTHA' NI GANG ZHIG YIN; ;PHYI MA'I MTHA' YANG ZHIG YIN LA, JI LTAR NA DE DAG LA BRTEN PAR MI BYED CE NA, DE LA DA LTAR GYI BDAG GI DNGOS PO LA LTOS NAS 'DAS PA'I LUS DAG LA SNGON GYI MTHA' ZHES BYA LA, DE LA BRTEN PAR MI BYED PA NI RTEN CING 'BREL PAR 'BYUNG BA'I DE NYID JI LTAR GNAS PA BZHIN MTHONG BA'I PHYIR LTA BA'I RNAM PA DAG GIS GZHAN DU RNAM PAR GNAS PA'I DNGOS PO LA RNAM PA GZHAN DU MNGON PAR ZHEN PAR MI BYED PA'O, ,DE LA LTA BA BRGYAD NI, SNGON GYI MTHA' LA DMIGS NAS RNAM PA GZHAN DU 'JUG STE, 'DI LTAR; 'DAS DUS BYUNG MA BYUNG ZHES DANG, 'JIG RTEN RTAG PA LA SOGS PAR, LTA BA GANG YIN DE DAG NI, ,SNGON GYI MTHA' LA BRTEN PA YIN, ,CI BDAG 'DAS PA'I DUS NA BYUNG BA ZHIG GAM, MA BYUNG BA ZHIG GAM, BYUNG YANG BYUNG LA MA BYUNG YANG MA BYUNG BA ZHIG GAM, BYUNG BA YANG MA YIN MA BYUNG BA YANG MA YIN PA ZHIG CES PA LTA BA BZHI PO 'DI DAG NI SNGON GYI MTHA' LA BRTEN PA YIN NO, ,GZHAN YANG BZHI STE, 'JIG RTEN RTAG GO ZHES DANG, SOGS PAS MI RTAG GO ,RTAG KYANG RTAG LA MI RTAG KYANG MI RTAG

153b

GO ;RTAG PA YANG MA YIN MI RTAG PA YANG MA YIN ZHES LTA BA GANG YIN PA DE DAG KYANG SNGON GYI MTHA' LA BRTEN PA YIN NO, ,DE LA LTA BA BZHI TSAN GONG MA LAS MJUG THOGS KYI LTA BA BZHI TSAN THA DAD PA CHER MED MOD KYI, KHYAD PAR CUNG ZAD LA BRTEN NAS LOGS SU BKOD DE, 'DI LTAR, 'JIG RTEN RTAG GO ZHES BYA BA 'DI DANG, 'DAS PA'I DUS NA 'BYUNG BA ZHIG GAM ZHES PA GNYIS PO 'DI'I KHYAD PAR NI, SNGA MA NI SPYIR SNGON GYI MTHA' LA BRTEN PA YIN LA, PHYI MA NI BDAG KHO NA'I SNGON GYI MTHA' NYE BAR BZUNG NAS ZHUGS PA YIN NO, ,DE BZHIN DU GZHAN DAG LA YANG KHYAD PAR BRJOD PAR BYA'O, ,PHYI MA'I MTHA' LA BRTEN PA GANG ZHE NA, DA LTAR GYI BDAG GI DNGOS PO LA LTOS NAS 'BYUNG BAR 'GYUR BA'I LUS LA PHYI MA'I MTHA' ZHES BYA STE, DE LA BRTEN PAR MI BYED PA NI, RTEN CING 'BREL PAR 'BYUNG BA DE NYID JI LTAR GNAS PA LTAR MTHONG BA'I PHYIR LTA BA'I RNAM PA DAG GIS RNAM PA GZHAN DU GNAS PA'I DNGOS PO LA LTA BA GANG YIN PA DAG NI RNAM PA GZHAN DU MNGON PAR ZHEN PAR MI BYED PA'O, ,DE LA LTA BA BRGYAD NI, PHYI MA'I MTHA' LA DMIGS NAS RNAM PA GZHAN DU 'JUG STE, MA 'ONGS DUS GZHAN 'BYUNG 'GYUR DANG, ,MI 'BYUNG 'JIG RTEN MTHA' SOGS PAR, ,LTA BA GANG YIN DE DAG NI, ,PHYI MA'I MTHA' LA BRTEN PA YIN, ,CI BDAG MA 'ONGS PA'I DUS GZHAN DU 'BYUNG BA ZHIG GAM, 'ON TE MI 'BYUNG BA ZHIG GAM, 'BYUNG YANG 'BYUNG LA MI 'BYUNG YANG MI 'BYUNG BA ZHIG GAM, 'BYUNG BA YANG MA YIN MI 'BYUNG BA YANG MA YIN PA ZHIG ZHES BYA BA LTA BA BZHI PO 'DI DAG NI PHYI MA'I MTHA' LA BRTEN PA YIN NO, ,DE BZHIN DU 'JIG RTEN MTHA' DANG LDAN ZHES

154a

, ,DANG, SOGS PAS MI LDAN, LDAN YANG LDAN LA MI LDAN YANG MI LDAN, LDAN PA YANG MA YIN MI LDAN PA YANG MA YIN ZHES BYA BAR LTA BA GANG YIN PA BZHI PO DE DAG NI PHYI MA'I MTHA' LA BRTEN PA YIN NO, ,DE LA MTHA' YOD PA LA SOGS PAR LTA BA BZHI NI SPYIR PHYI MA'I MTHA' LA BRTEN NAS 'JUG PA YIN LA, BDAG MA 'ONGS PA'I DUS NA 'BYUNG BA ZHIG GAM ZHES PA LA SOGS PA BZHI NI BDAG KHO NA'I PHYI MA'I MTHA' LA BRTEN NAS 'JUG PA YIN TE, 'DI NI LTA BA BZHI TSAN GNYIS KYI KHYAD PAR RO; ;GNYIS PA RGYAS PAR BSHAD PA LA, KUN RDZOB TU DGAG PA DANG, DON DAM PAR DGAG PA GNYIS KYI, DANG PO LA YANG SNGON GYI MTHAR RTOG PA DGAG PA DANG, PHYI MA'I MTHAR RTOG PA DGAG SNGON DANG PHYI MA'I MTHA' LA RTOG PA'I RNAM GRANGS GZHAN DGAG PA GSUM GYI, DANG PO LA GSUM YOD PA'I, DANG PO BDAG 'DAS PA'I DUS NA BYUNG BA DGAG PA LA, DAM BCA' DGOD PA DANG, SGRUB BYED BSHAD PA GNYIS KYI DANG PO NI, 'DAS PA'I DUS NA BYUNG 'GYUR ZHES, ,BYA BA DE NI MI 'THAD DO, ,SNGON TSE RNAMS SU GANG BYUNG BA, ,DE NYID 'DI NI MA YIN NO, ,BDAG 'DAS PA'I DUS NA BYUNG BAR 'GYUR TE, ZHES BYA BA MI 'THAD DE, GAL TE 'DAS PA'I TSE RABS SU GANG BYUNG BA DE NYID DA LTAR YOD PAR 'GYUR NA DE LTAR RIGS PA ZHIG NA SNGON TSE RNAMS SU GANG BYUNG BA DE NYID DA LTAR GYI 'DI MA YIN TE, RTAG PAR THAL BA'I PHYIR DANG, RTAG PA NI 'KHOR BAR MI RIGS PA'I PHYIR RO, ,GNYIS PA NI, SNGA PHYI'I BDAG GCIG YIN PA DGAG NYER LEN BDAG YIN PA DGAG NYER LEN LAS GZHAN PA'I BDAG DGAG BKAG PA'I 'JUG

154b

BSDU BA DANG BZHI'I, DANG PO NI, GAL TE DE NYID 'DI YIN NO ZHES SNGAR GYI DANG DA LTAR GYI GCIG YIN NA NYES PA CIR 'GYUR ZHE NA, RTAG PA NYID DU 'GYUR RO ZHES NYES PA BSHAD ZIN MOD, NYES PA GZHAN YANG YOD DE, DE NYID BDAG TU 'GYUR SNYAM NA, NYE BAR LEN PA THA DAD 'GYUR, ,GAL TE SNGON GYI DE NYID DA LTAR GYI BDAG 'DIR 'GYUR RO SNYAM NA, DE'I TSE SNGON DANG DA LTAR BA GNYIS NYE BAR LEN PA THA MI DAD PAR 'GYUR BA ZHIG NA, SNGON DANG DA LTAR GNYIS PHUNG PO LNGA'I RANG BZHIN GYI NYE BAR LEN PA NI THA DAD PAR 'GYUR TE, NYE BAR LEN PA'I RGYU LAS THA DAD PA'I PHYIR DANG, DUS THA DAD PA'I PHYIR RO, ,DE'I PHYIR SNGAR GYI BDAG NYID DA LTAR GYI BDAG NYID MA YIN NO, ,GAL TE NYE BAR LEN PA THA DAD YIN YANG BDAG GCIG YIN TE, DE'I PHYIR BDAG 'DAS PA'I DUS NA BYUNG BA ZHIG GAM ZHES PA DER 'GYUR RO ZHE NA, NYE BAR LEN PA MA GTOGS PA, KHYOD KYI BDAG NI GANG ZHIG YIN, ,GAL TE NYE BAR LEN PA YANG GZHAN LA BDAG KYANG GZHAN YIN NA, DE'I TSE NYE BAR LEN PA THA DAD KYANG BDAG THA MI DAD PAS DE LTAR 'GYUR RO ZHES BYA BAR RIGS NA YANG PHUNG PO LNGA'I MTSAN NYID KYI NYE BAR LEN PA LAS MA GTOGS PA'I KHYOD KYI BDAG NI GANG ZHIG YIN TE, BDAG DANG NYE BAR LEN PA THA DAD DU BSTAN MI NUS TE, NYE BAR LEN PA LAS THA DAD PA NYID KYIS DE LA LTOS PA MED PA'I PHYIR, BDAG RGYU MED DU THAL BAR 'GYUR BA'I PHYIR DANG, SO SOR GZUNG DU YOD PAR THAL BA'I PHYIR RO, ,DE'I PHYIR NYE BAR LEN PA THA DAD KYANG BDAG THA MI DAD DO ZHES PA MI RIGS SO, ,GNYIS PA NI, GAL TE NYE BAR LEN PA LAS THA DAD PA'I BDAG MED MOD, NYE BAR LEN PA NYID

155a

, ,BDAG YIN NO ZHE NA, DE YANG MI RIGS TE, NYE BAR LEN PA MA GTOGS PA'I, BDAG YOD MA YIN BYAS PA'I TSE NYE BAR LEN NYID BDAG YIN NA, ,KHYOD KYI BDAG NI MED PA YIN, ,NYE BAR LEN PA MA GTOGS PA'I BDAG YOD PA MA YIN PAS NYE BAR LEN PA NYID BDAG YIN PAR RTOG NA, DE'I TSE KHYOD KYI BDAG MED PAR 'GYUR TE, NYE BAR LEN PA BDAG YIN PAR MI RIGS PA'I PHYIR RO, ,'DI LTAR, NYE BAR LEN NYID BDAG MA YIN, ,DE 'BYUNG BA DANG 'JIG PA YIN, ,NYE BAR BLANGS PA JI LTA BUR, ,NYE BAR LEN PO YIN PAR 'GYUR, ,PHUNG PO LNGA'I RANG BZHIN GYI NYE BAR LEN PA NYID BDAG MA YIN TE, PHUNG PO RNAMS NI SKAD CIG RE RE LA 'BYUNG BA DANG 'JIG PA YIN LA, BDAG NI DE LTAR MI RIGS PA'I PHYIR RO, ,BDAG NI DE NYID DANG GZHAN LA SOGS PA DANG RTAG PA DANG MI RTAG PA NYID DU BRJOD PAR MI NUS TE, NYES PA DU MAR THAL BA'I PHYIR RO, ,'DI LTAR BDAG RTAG PA YIN NA RTAG PAR SMRA BAR 'GYUR LA, MI RTAG PA YIN NA CHAD PAR SMRA BAR 'GYUR ZHING, RTAG PA DANG CHAD PA 'DI GNYIS KYANG DON MA YIN PA CHEN PO BYED PAS KHAS BLANGS BAR MI RIGS PA'I PHYIR RO, ,GZHAN YANG NYE BAR LEN PA BDAG YIN NA, DE'I TSE NYE BAR BLANGS PA NYID NYE BAR LEN PO YIN PAR 'GYUR NA, NYE BAR BLANG BA NI JI LTAR NYE BAR LEN PO YIN PAR 'GYUR TE, LAS DANG BYED PA PO GCIG YIN PAS GCOD PA PO DANG GCAD PAR BYA BA DANG, RDZA MKHAN DANG BUM PA DAG KYANG GCIG NYID DU THAL BAR 'GYUR BA'I PHYIR RO, ,GSUM PA NI, 'DIR NYE BAR LEN PA TZAM BDAG MA YIN MOD KYI, 'ON KYANG NYE BAR LEN PA PO NYE BAR LEN PA LAS THA DAD

155b

PA YIN PAR 'GYUR RO ZHE NA, DE YANG MI RUNG STE, BDAG NI NYE BAR LEN PA LAS, GZHAN DU 'THAD PA NYID MA YIN, ,GAL TE GZHAN NA LEN MED PAR, ,GZUNG YOD RIGS NA GZUNG DU MED, ,BDAG NYE BAR LEN PA LAS GZHAN DU 'THAD PA NYID MA YIN TE; GAL TE GZHAN YIN NA BUM PA LAS SNAM BU LTAR NYE BAR LEN PA MED PAR YANG BDAG GZUNG DU YOD PAR RIGS NA, DE LTAR GZUNG DU MED PA'I PHYIR RO, ,BZHI PA NI, DE LTAR LEN LAS GZHAN MA YIN, ,DE NI NYER LEN NYID KYANG MIN, ,BDAG NI NYE BAR LEN MED MIN, ,DE LTAR NYER LEN LA MA LTOS PAR THA DAD DU GZUNG DU YOD PAR THAL BA'I PHYIR, BDAG NYER LEN LAS GZHAN MA YIN LA NYE BAR BLANGS PA DANG NYE BAR LEN PA PO GCIG TU THAL BA 'GYUR BA'I PHYIR DANG, 'BYUNG BA DANG 'JIG PA NYID DU THAL BA'I PHYIR; BDAG DE NI NYE BAR LEN PA'I RANG BZHIN NYID KYANG MIN CING, NYE BAR LEN PA MED PAR GZUNG DU YOD PAR THAL BA'I PHYIR NYE BAR LEN PA MED PA YANG MA YIN NO, ,DE LTAR NA BDAG MED DO ZHES BYA BA YIN NO SNYAM NA, MED PA NYID DU'ANG DE MA NGES, , BDAG DE NI MED PA NYID DU'ANG MA NGES TE, PHUNG PO LA BRTEN NAS 'DOGS PA YIN PA'I PHYIR RO, ,YOD PA MA YIN PA MO GSHAM GYI BU NI PHUNG PO DAG LA BRTEN NAS 'DOGS PA MA YIN NO, ,NYE BAR LEN PA YOD BZHIN DU NYE BAR LEN PA PO MED PA YANG JI LTAR RIGS TE DE'I PHYIR DE NI THA SNYAD TZAM DU MED PAR YANG MI RIGS SO, ,GNYIS PA BDAG 'DAS PA'I DUS NA MA BYUNG BA DGAG PA LA GNYIS KYI, DANG PO DAM BCA' DGOD PA NI, 'DAS PA'I DUS NA MA BYUNG ZHES, ,BYA BA DE NI MI 'THAD DE, ,SNGON TSE RNAMS SU GANG BYUNG

156a

, ,BA, ,DE LAS 'DI GZHAN MA YIN NO, ,BDAG 'DAS PA'I DUS NA MA BYUNG ZHES BYA BA DE MI 'THAD DE, GAL TE DA LTAR GYI BDAG 'DI SNGON GYI BDAG LAS GZHAN YIN NA 'DAS PA'I DUS NA MA BYUNG BA ZHIG GAM ZHES BYA BAR 'GYUR BA ZHIG NA, SNGON TSE RNAMS SU GANG BYUNG BA'I BDAG DE LAS DA LTAR GYI BDAG 'DI GZHAN MA YIN PA'I PHYIR RO, ,GNYIS PA SGRUB BYED BSHAD PA NI, GAL TE 'DI SNGON GYI BDAG LAS GZHAN YIN NA NYES PA CI YOD CE NA, GAL TE 'DI NI GZHAN GYUR NA, ,DE MED PAR YANG 'BYUNG BAR 'GYUR, ,DE BZHIN DE NI GNAS 'GYUR ZHING, ,DER MA SHI BAR SKYE BAR 'GYUR, ,GAL TE DA LTAR GYI BDAG 'DI SNGAR GYI BDAG LAS GZHAN DU 'GYUR NA, DE'I TSE SNGAR GYI BDAG DE MED PAR YANG DA LTAR GYI 'DI 'BYUNG BAR 'GYUR TE, DE LA LTOS PA MED PA'I PHYIR RO, ,GZHAN YANG DE SNGAR GYI BDAG LAS GZHAN YIN NA DE'I TSE GZHAN YIN PA'I PHYIR BUM PA BYAS PA'I TSE SNAM BU MI 'JIG PA LTAR, BDAG PHYI MA SKYES PA NA YANG SNGAR GYI BDAG MI 'GAG PAR 'GYUR ZHING MA 'GAGS PA NYID KYI PHYIR NA SNGAR LHA DANG MI LA SOGS PA'I SKYE BA GANG DAG DU SKYES PA DE SNGAR GYI KHA DOG DANG DBYIBS LA SOGS PA GANG DANG GANG DU DMIGS PA DE BZHIN DU BDAG DE NI DA LTAR YANG GNAS PAR 'GYUR ZHING SNGAR GYI TSE RABS DER MA SHI BA KHO NAR 'DIR SKYE BAR 'GYUR NA, MIR GYUR PA 'DI SNGAR LHA LA SOGS PA'I BDAG DE BZHIN DU GNAS SO ZHES BYA BA YANG MI RIGS SO, ,GAL TE SNGAR GYI BDAG MED PAR 'DIR 'BYUNG NA NYES PA CIR 'GYUR ZHE NA, NYES PA MANG POR 'GYUR TE, 'DI LTAR, CHAD DANG LAS RNAMS CHUD ZA DANG, ,GZHAN GYIS

156b

BYAS PA'I LAS RNAMS NI, ,GZHAN GYIS SO SOR MYONG BA DANG, ,DE LA SOGS PAR THAL BAR 'GYUR, ,GAL TE DA LTAR GYI BDAG 'DI SNGAR GYI BDAG MED PAR 'BYUNG BAR 'GYUR NA, DE'I TSE SNGAR GYI BDAG DE DER ZHIG PA'I PHYIR DANG, 'DIR GZHAN ZHIG SKYES PA'I PHYIR SNGAR GYI BDAG CHAD PAR 'GYUR RO, ,BDAG DE CHAD NA NI LAS KYI 'BRAS BU MJUG THOGS PA RNAMS RTEN CHAD PAS RNAM PAR CHAD PA'I PHYIR DANG, ZA BA PO YANG MED PA'I PHYIR 'BRAS BU CHUD ZA BA KHO NAR 'GYUR RO, ,CI STE SNGAR GYI BDAG GIS BYAS PA'I LAS KYI 'BRAS BU BDAG PHYI MAS LONGS SPYOD PAR RTOG NA, DE LTA NA GZHAN GYIS BYAS PA'I LAS KYI 'BRAS BU GZHAN GYIS SO SOR LONGS SPYOD CING MYONG BAR 'GYUR RO, ,DE'I PHYIR LAS MA BYAS PA DANG PHRAD PA LA SOGS PAR THAL BAR 'GYUR RO, ,GZHAN YANG DA LTAR GYI BDAG 'DI SNGAR GYI BDAG LAS GZHAN DU 'GYUR BA ZHIG 'DIR SKYES PA YIN NA, DE'I TSE SNGAR MA BYUNG BA LAS PHYIS 'BYUNG BAR 'GYUR NA, DE YANG MI RIGS TE, MA BYUNG BA LAS BYUNG MIN TE, 'DI LA SKYON DU THAL BAR 'GYUR, ,BDAG NI BYAS PAR 'GYUR BA DANG, ,'BYUNG BA RGYU MED CAN DU 'GYUR, ,BDAG SNGAR MA BYUNG BA LAS 'BYUNG BA MA YIN TE, PHYOGS 'DI LA SKYON CHEN POR THAL BAR 'GYUR BA'I PHYIR RO, ,SKYON DE YANG GANG ZHE NA, BDAG SNGAR MA BYUNG BA LAS PHYIS BYUNG BAR GYUR NA, DE'I TSE BDAG NI BYAS PAR 'GYUR NA BYAS PAR 'DOD PA YANG MA YIN TE, MI RTAG PA NYID DU THAL BAR 'GYUR BA'I PHYIR DANG, DE'I SGRUB BYED DE LAS THA DAD PA'I BYED PA PO MED PA'I PHYIR RO, ,BDAG BYAS PAR RTOG NA 'KHOR BA THOG MA DANG LDAN PA DANG SNGA NA MED PA'I SEMS CAN

157a

, ,'BYUNG BAR YANG 'GYUR RO, ,GZHAN YANG SNGAR BDAG MED PAS BYED PA PO MED PA'I PHYIR DA LTAR GYI BDAG 'BYUNG BA RGYU MED PA CAN DU 'GYUR RO, ,'ANG GI SGRA NI RNAM PAR RTOG PA STE, BDAG BYAS PAR 'GYUR BA'AM, YANG NA BDAG 'DAS PA'I DUS NA MA BYUNG BA ZHIG GAM ZHES PA 'DI KHAS MI BLANG NGO, ,'BYUNG BA RGYU MED PA CAN DU 'GYUR BA'AM, YANG NA 'DAS PA'I DUS NA MA BYUNG BA ZHIG GAM, ZHES BYA BA DE KHAS MI BLANG NGO, ,GSUM PA PHUNG PO GSUM PA'I PHYOGS DGAG PA NI, DE LTAR BDAG BYUNG BDAG MA BYUNG, ,GNYIS KA GNYIS KA MA YIN PAR, ,'DAS LA LTA BA GANG YIN PA, ,DE NI 'THAD PA MA YIN NO, ,DE LTAR, JI SKAD BSHAD PA'I TSUL GYIS BDAG 'DAS PA'I DUS NA BYUNG BA ZHIG GAM, ZHES PA DANG, BDAG 'DAS PA'I DUS NA MA BYUNG BA ZHIG GAM ZHES 'DAS PA LA LTA BA GANG YIN PA DE NI 'THAD PA MA YIN NO, ,DE GNYIS MED PA'I PHYIR GNYIS KA YANG MI 'THAD DE, DE GNYIS 'DUS PA LA GNYIS KA ZHES BRTAGS NA, RE RE MED PAS DE DAG 'DUS PA DAG KYANG MED PA'I PHYIR RO, ,GNYIS KA MED PA'I PHYIR DE DAG BKAG PA'I SGO NAS GNYIS KA MA YIN PA YANG YOD PAR 'THAD PA MA YIN NO, ,DE'I PHYIR 'BYUNG BA YANG MA YIN MA BYUNG BA YANG MA YIN ZHES PA 'THAD PA MA YIN NO, ,GNYIS PA PHYI MA'I MTHA' LA BRTEN PA'I LTA BA DGAG PA NI, MA 'ONGS DUS GZHAN 'BYUNG 'GYUR DANG, ,'BYUNG BAR MI 'GYUR ZHES BYA BA, ,LTA BA GANG YIN DE DAG NI, ,'DAS PA'I DUS DANG MTSUNGS PA YIN, ,BDAG MA 'ONGS PA'I DUS GZHAN DU 'BYUNG BAR 'GYUR BA ZHIG GAM, 'BYUNG BAR MI 'GYUR BA ZHIG GAM, 'BYUNG YANG

157b

'BYUNG LA MI 'BYUNG YANG MI 'BYUNG BA ZHIG GAM, 'BYUNG BA YANG MA YIN MI 'BYUNG BA YANG MA YIN PA ZHIG GAM ZHES PHYI MA'I MTHA' LA LTA BA GANG YIN PA DE DAG NI 'DAS PA'I DUS LA LTA BA BZHI PO LA BSHAD ZIN PA DANG DGAG PA MTSUNGS PA YIN PAR RIG PAR BYA STE; 'DI LTAR, MA 'ONGS DUS NA 'BYUNG 'GYUR ZHES, ,BYA BA DE NI MI 'THAD DO, ,MA 'ONGS TSE NA GANG BYUNG BA, ,DE NYID 'DI NI MA YIN NO, ,ZHES SOGS DANG, MA 'ONGS DUS NA MI 'BYUNG ZHES, ,BYA BA DE YANG MI 'THAD DO, ,MA 'ONGS TSE LA GANG BYUNG BA; ;DE LAS 'DI GZHAN MA YIN NO, ,ZHES SOGS DANG, DE LTAR BDAG 'BYUNG BDAG MI 'BYUNG, ,GNYIS KA GNYIS KA MA YIN PAR, ,MA 'ONGS LTA BA GANG YIN PA, ,DE NI 'THAD PA MA YIN NO, ,ZHES PA'I BAR SNGAR GYI RNAMS 'DON PA GO BSNOL TE THAMS CAD SBYAR BAR BYA'O, ,GSUM PA SNGON DANG PHYI MA'I MTHA' LA BRTEN PA'I LTA BA'I RNAM GRANGS GZHAN DGAG PA LA, RTAG SOGS SU LTA BA DGAG PA DANG, MTHA' LDAN SOGS SU LTA BA DGAG PA GNYIS KYI, DANG PO LA SPYIR DGAG PA DANG, BDAG RTAG PA BYE BRAG TU DGAG PA GNYIS KYI, DANG PO LA BZHI YOD PA'I, DANG PO RTAG PA DGAG PA NI, GAL TE LHA DE MI DE NA, ,DE LTAR NA NI RTAG PAR 'GYUR, ,LHA NI MA SKYES NYID 'GYUR TE, ,RTAG LA SKYE BA MED PHYIR RO, ,'DI NA MI'I 'GRO BAR GNAS PA KHA CIG DGE BA'I LAS BYAS NAS PHYI MA LA LHA'I 'GRO BAR 'GRO BAR 'GYUR RO, ,BCOM LDAN 'DAS KYIS (MTHAR LTA'I MUN PA YANG DANG YANG DU BSAL ZIN KYANG, SDE PA GZHAN DAG DON DAM PAR RTAG CHAD KYI MTHA' LAS GROL BA MED DE, GANG GI PHYIR ZHE NA, GCIG DANG THA DAD DANG GNYIS KA NYID KYI BRTAGS MI BZOD PA'I PHYIR, ,JI LTAR ZHE

158a

, ,NA, GAL TE LHA DANG LHA MIN GCIG ,DES NA JI LTAR RTAG MI 'GYUR, ,GAL TE LHA DANG LHA MIN GZHAN, ,JI LTAR CHAD PAR MI RIGS 'GYUR, ,LHA DANG LHA MA YIN SBYIN BYED MO'I BU PHUNG PO SNGA PHYI NYID LA GCIG DANG GZHAN DU BZUNG NA JI SKAD BSHAD PA'I NYES PA 'GYUR RO, ,CI STE LHA MA YIN GYI PHUNG PO SNGA MA'I RGYU LAS BYUNG BA'I PHYIR DANG, LHAS LHA'I PHUNG PO YONGS SU 'DZIN PA'I PHYIR GNYIS GA'I BDAG NYID YIN PAR SEMS NA, BSHAD PA, YIN DANG MA YIN NYID YIN YANG, ,MYA NGAN 'DAS TSE GCIG 'DA' MED, ,PHUNG PO'I RGYUN CHAD PAS CHAD PA'I MTHA' GCIG LAS 'DA' BA MED DO, ,YANG GAL TE 'GAGS PA SKYE 'GYUR NA, ,DES NA JI LTAR RTAG MA YIN, ,'GAGS PA SKYE BA MED 'GYUR NA, ,JI LTAR CHAD SMRA NYID MA YIN, ,SNGA MA'I LHA MIN 'GAGS PA PHYI MA LHAR SKYE NA, JI LTAR RTAG PA MA YIN TE, 'GAGS KYANG YANG SKYE BA'I PHYIR, CI STE SKYE BA MED PAR GYUR NA, JI LTAR CHAD PA MA YIN TE 'GAGS PA GTAN SKYE MED PHYIR RO, ,DES NA, DE MED PHYIR NA MA SKYES LA, ,RTAG MED CHAD MED RIGS PA YIN, ,DNGOS PO SKYES PA MI 'JIG PAR GNAS PA'I TSUL NYID NI RTAG PA YIN LA, SKYES PA ZHIG PA NI CHAD PA YIN NO, ,GANG MA SKYES PA NI RTAG PA NYID DU YANG MI 'GYUR LA CHAD PA NYID DU 'GYUR BAS, DE'I PHYIR KHO BO CAG 'DOD PA LTAR DON DAM PAR SKYE BA MED PAR GRUB PA LA NI RTAG CHAD MED PA NYID DU RIGS KYI KHYOD 'DOD PA'I RGYUN LA NI MI RIGS SO,) ,DE LA GAL TE PHYI MA'I LHA DE NYID SNGA MA'I MI DE YIN PA DE LTA NA RTAG PAR 'GYUR NA, LHA DE NYID MI YIN NO ZHES PA NI MI RIGS TE, GCIG NYID 'GRO BA SNA TSOGS SU THAL BA'I PHYIR RO, ,GZHAN YANG RTAG PA YIN NA PHYIS KYI LHA NI MA SKYES PA NYID DU 'GYUR TE; RTAG PA LA SKYE BA MED PA'I PHYIR TE, GANG ZHIG GANG NA'ANG NAM GYI TSE, ,MA BRTEN PAR NI YOD NYID MED, ,DES NA RTAG PA ZHES BYA BA, ,DE NI 'GA' YANG YOD MA YIN, ,ZHES PA LTAR RTAG PA NI MED PA NYID KYIS SKYE BAR MI RIGS PA'I PHYIR RO, ,GNYIS PA

158b

MI RTAG PA DGAG PA NI, GAL TE LHA LAS MI GZHAN NA, DE LTA NA NI MI RTAG 'GYUR, ,GAL TE LHA MI GZHAN YIN NA, ,RGYUD NI 'THAD PAR MI 'GYUR RO, ,GAL TE PHYIS KYI LHA LAS SNGAR GYI MI GZHAN YIN NA DE'I TSE AA MRA'I SHING NI MA PA'I RGYUD MA YIN PA BZHIN DU LHA MI RGYUD CIG TU GTOGS PAR MI 'GYUR LA, DE LTA NA SNGAR GYI MI NI 'JIG PAS MI RTAG PA NYID DU 'GYUR RO, ,CI STE LHA MI GZHAN YIN NA DE'I TSE RGYUD CIG TU GTOGS PA 'THAD PAR MI 'GYUR BA ZHIG NA, LHA MI NI RGYUD GCIG TU GTOGS PA'I PHYIR GZHAN MA YIN LA; DE'I PHYIR SNGAR GYI MI NI RGYUN MA CHAD PAS MI RTAG PA YANG MA YIN NO, ,GSUM PA GNYIS KA YIN PA DGAG PA NI, GAL TE PHYOGS GCIG LHA YIN LA, ,PHYOGS GCIG MI NI YIN GYUR NA, ,RTAG DANG MI RTAG 'GYUR BA YIN, ,DE YANG RIGS PA MA YIN NO; ;GAL TE MI 'DI LHA'I 'GRO BAR 'PHO BA NA CHA SHAS KYIS MI GTONG LA, CHA SHAS KYIS LHA'I LUS LEN NA, DE'I TSE CHA GANG GIS MI BTANG NAS LHA BLANGS PA'I PHYOGS GCIG LHA YIN LA, CHA GANG GIS MI MA BTANG BA'I PHYOGS GCIG MI YIN PAR GYUR NA, MI YIN PA'I CHA NI SNGAR GYI GNAS SKABS MA ZHIG PAS RTAG LA, LHA YIN PA'I CHA NI SNGAR GYI GNAS SKABS ZHIG PAS MI RTAG PAR 'GYUR BA ZHIG NA GCIG NYID LA LHA'I 'GRO BAS BSDUS PA DANG MI'I 'GRO BAS BSDUS PA DE YANG RIGS PA MA YIN NO, ,DE'I PHYIR RTAG PA DANG MI RTAG PA GNYIS YIN PA MI 'THAD DO, ,BZHI PA GNYIS KA MA YIN PA DGAG PA NI, GAL TE RTAG PA DANG MI RTAG PA GNYIS KA GRUB PAR GYUR NA NI, RTAG PA MA YIN MI RTAG MIN, ,GRUB PAR GYUR PA 'DOD LA RAG ,GAL TE RTAG PA DANG MI RTAG PA GNYIS KA

159a

, ,GRUB NA DE DAG BKAG PA'I SGO NAS RTAG PA MA YIN ZHING, MI RTAG PA YANG MA YIN ZHES PA 'GRUB PAR 'GYUR BA ZHIG NA, GANG GI TSE JI SKAD BSHAD PA'I TSUL GYIS RTAG PA DANG MI RTAG PA GNYIS KA MA GRUB PA DE'I TSE, DE DAG BKAG PA'I SGO NAS RTAG PA YANG MA YIN, MI RTAG PA YANG MA YIN PA GA LA YOD, DE'I PHYIR DE YANG MI RIGS SO, ,GNYIS PA NI, CI STE 'KHOR BA THOG MA MED PA NAS SKYE BA DANG 'CHI BA GCIG NAS GCIG TU BRGYUD CING YONGS SU 'KHYAM PAR BYED PA BDAG RTAG PA 'GA' ZHIG YOD DO SNYAM NA, DE YANG MI 'THAD DE, GAL TE GANG NAS GANG ZHIG GAR, ,'ONGS SHING GANG DU'ANG 'GRO 'GYUR NA, ,DE PHYIR 'KHOR BA THOG MED PAR, 'GYUR NA DE NI YOD MA YIN, ,GAL TE 'DU BYED DAM SEMS CAN GANG ZHIG 'GRO BA GZHAN SNGA MA GANG NAS GAR TE DA LTAR GYI 'GRO BA GZHAN DU 'ONGS SHING, DA LTAR GYI 'GRO BA GZHAN DE NAS SLAR YANG PHYI MA'I 'GRO BA GZHAN GANG DU 'GRO BAR 'GYUR NA DE'I PHYIR SKYE BA DANG 'CHI BA GCIG NAS GCIG TU BRGYUD PA'I 'KHOR BA THOG MA MED PAR 'GYUR BA ZHIG NA 'GRO BAR SNGA MA NAS 'DIR 'ONG BA DANG 'DI NAS 'GRO BA PHYI MA GZHAN DU 'GRO BA DE NI YOD PA MA YIN TE, BDAG GAM 'DU BYED RTAG PA DANG MI RTAG PA GANG LA YANG 'ONG BA DANG 'GRO BA MI 'THAD PA'I PHYIR TE, RTAG PA LA NI 'GRO 'ONG GI BYA BA MI 'THAD PA'I PHYIR DANG MI RTAG PA NI GANG DU SKYES PA DER 'JIG PA'I PHYIR RO, ,DE'I PHYIR THOG MA MED PA NAS 'KHOR ZHING YONGS SU 'KHYAM PA'I BDAG RTAG PA 'GA' YANG YOD PA MA YIN NO, ,GANG GI PHYIR JI SKAD BSHAD PA'I TSUL GYIS, GAL TE RTAG PA 'GA' MED NA, ,MI RTAG GANG ZHIG

159b

YIN PAR 'GYUR, ,RTAG PA DANG NI MI RTAG DANG, ,DE GNYIS BSAL BAR 'GYUR BA'O, ,GAL TE GANG GI TSE DE LTAR RTAG PA 'GA' YANG MED PA DE'I TSE, GANG ZHIG ZHIG PAS MI RTAG PA YIN PAR 'GYUR, RTAG MI RTAG GNYIS KA MA DMIGS PA NA, RTAG PA DANG MI RTAG PA GNYIS KA YIN PA DANG, DE GNYIS KA BSAL BAR GYUR PA RTAG PA YANG MA YIN MI RTAG PA YANG MA YIN PA DE YANG YOD PA MA YIN NO, ,DE'I PHYIR RTAG PA LA SOGS PAR LTA BA BZHI SNGON GYI MTHA' LA MI SRID DO, ,GNYIS PA MTHA' LDAN SOGS BZHI DGAG PA LA MTHA' LDAN MTHA' MED DGAG PA DANG, PHUNG PO GSUM PA'I PHYOGS DGAG PA GNYIS KYI, DANG PO LA DAM BCA'I 'GOD, SGRUB BYED BSHAD PA GNYIS KYI, DANG PO NI, GAL TE 'JIG RTEN MTHA' YOD NA, ,'JIG RTEN PHA ROL JI LTAR 'GYUR, ,GAL TE 'JIG RTEN MTHA' MED NA, 'JIG RTEN PHA ROL JI LTAR 'GYUR, ,GAL TE 'DU BYED BDAG GI RANG BZHIN GYI 'JIG RTEN SHI BA'I 'OG TU RGYUN CHAD PA'I MTSAN NYID CAN GYI MTHA' YOD PA YIN NA, DE'I TSE JI LTAR 'JIG RTEN PHA ROL YOD PAR 'GYUR TE MED PA KHO NAR 'GYUR NA, 'JIG RTEN PHA ROL NI YOD PA YANG YIN TE, DE'I PHYIR 'JIG RTEN MTHA' YOD PA MI 'THAD DO, ,GAL TE BDAG GAM 'DU BYED KYI RANG GI NGO BO MA NYAMS PAR PHYI MAR 'JUG PA'I MTSAN NYID CAN GYI 'JIG RTEN MTHA' MED PA YIN NA DE'I TSE 'JIG RTEN PHA ROL JI LTAR YOD PAR 'GYUR TE, SNGA PHYI GNYIS KA GCIG YIN PA NYID KYIS 'DI DANG PHA ROL GYI RNAM DBYE MED PA'I PHYIR RO, ,'JIG RTEN PHA ROL MED PA MA YIN PAS DE'I PHYIR MTHA' MED PA YANG MI 'THAD DO, ,GZHAN YANG, GANG PHYIR PHUNG PO RNAMS KYIS

160a

, ,RGYUN, ,'DI NI MAR ME'I 'OD DANG MTSUNGS, ,DE PHYIR MTHA' YOD NYID DANG NI, ,MTHA' MED NYID KYANG MI RIGS SO, ,GANG GI PHYIR PHUNG PO RNAMS KYI RGYUN SKAD CIG SNGA MA SNGA MA 'JIG CING PHYI MA PHYI MA BAR MA CHAD PAR 'JUG PA 'DI NI MAR ME'I 'OD DANG MTSUNGS PA DE'I PHYIR SKAD CIG PHYI MA 'BYUNG BAS MTHA' YOD PA NYID KYANG MI RIGS LA SNGA MA 'JIG PAS MTHA' MED PA NYID KYANG MI RIGS SO, ,GNYIS PA NI, GAL TE SNGA MA 'JIG 'GYUR ZHING, ,PHUNG PO 'DI LA RTEN BYAS NAS, ,PHUNG PO DE NI MI 'BYUNG NA, ,DES NA 'JIG RTEN MTHA' YOD 'GYUR, ,GAL TE SNGA MA MI'I PHUNG PO 'JIG CING MI'I PHUNG PO 'DI LA BRTEN NAS PHYI MA LHA'I PHUNG PO DE NI MI 'BYUNG NA DE'I TSE TIL MAR DANG SNYING PO ZAD PA'I MAR ME LTAR 'JIG RTEN MTHA' YOD PAR 'GYUR NA, LUS PHYI MA 'BYUNG BA'I PHYIR MTHA' YOD PA YANG MA YIN NO, ,GAL TE SNGA MA MI 'JIG CING, PHUNG PO 'DI LA BRTEN BYAS NAS, PHUNG PO DE NI MI 'BYUNG NA, ,DES NA 'JIG RTEN MTHA' MED 'GYUR, ,GAL TE SNGA MA MI'I PHUNG PO MI 'JIG CING MI'I PHUNG PO 'DI LA BRTEN NAS PHYI MA LHA'I PHUNG PO DE NI MI 'BYUNG NA DE'I TSE SNGA MA'I PHUNG PO NYID MA NYAMS PAR 'JIG RTEN GZHAN DU 'JUG PA'I PHYIR 'JIG RTEN MTHA' MED PAR 'GYUR BA ZHIG NA GANG GI TSE PHUNG PO SNGA MA 'GAG CING DE'I RGYU CAN GYI PHYI MA RNAMS SKYE BA DE'I TSE 'JIG RTEN MTHA' MED PAR MI 'GYUR RO, ,GNYIS PA, PHUNG PO GSUM PA'I PHYOGS DGAG PA LA, GNYIS YIN GYI PHYOGS DGAG PA DANG, GNYIS MA YIN GYI PHYOGS DGAG PA GNYIS KYI DANG PO NI, GAL TE PHYOGS GCIG MTHA' YOD LA, ,PHYOGS GCIG MTHA' NI MED 'GYUR

160b

NA; ;'JIG RTEN MTHA' YOD MTHA' MED 'GYUR, ,DE YANG RIGS PA MA YIN NO, ,GAL TE GANG ZAG 'GA' ZHIG 'JIG RTEN 'DI NAS PHA ROL TU 'PHO BA NA, BDAG PHUNG PO'I PHYOGS GCIG 'JIG PAS MTHA' YOD LA, PHYOGS GCIG MI 'JIG CING MA NYAMS PAR 'JUG PA'I MTHA' MED PAR 'GYUR NA, DE'I TSE 'JIG RTEN MTHA' YOD PA DANG MTHA' MED PAR 'GYUR BA ZHIG NA, PHYOGS GCIG 'JIG CING PHYOGS GCIG MI 'JIG PA DE YANG RIGS PA MA YIN TE, GCIG LA 'GAL BA DAG MI RUNG BA'I PHYIR RO, ,CI'I PHYIR PHYOGS GCIG 'JIG LA PHYOGS GCIG GNAS PA MI RIGS ZHE NA, 'DIR PHYOGS GCIG 'JIG CING PHYOGS GCIG RNAM PAR GNAS PAR RTOG NA, NYE BAR LEN PO LA YIN NAM NYE BAR LEN PA LA YIN DRANG, DANG PO LTAR NA, JI LTAR BUR NA NYER LEN PO'I, PHYOGS GCIG RNAM PAR 'JIG 'GYUR LA, PHYOGS GCIG RNAM PAR 'JIG MI 'GYUR, ,DE LTAR DE NI MI RIGS SO, ,NYE BAR LEN PO NI BDAG YIN LA, DE YANG PHUNG PO DAG LA RNAM PA LNGAS BTZAL BA NA YOD PA MA YIN LA, GANG YOD PA MA YIN PA DE NI JI LTA BUR NA PHYOGS GCIG RNAM PAR 'JIG LA PHYOGS GCIG RNAM PAR MI 'JIG PAR 'GYUR, DE NYID KYI PHYIR DE LTAR DE NI MI RIGS SO, ,PHYOGS GNYIS PA LTAR NA YANG, JI LTA BUR NA NYER BLANG BA'I, ,PHYOGS GCIG RNAM PAR 'JIG 'GYUR LA, ,PHYOGS GCIG RNAM PAR 'JIG MI 'GYUR, ,DE LTAR DE YANG MI RIGS SO, ,GAL TE NYE BAR LEN PA PO 'GA' ZHIG YOD NA NYE BAR LEN PA YANG YOD PAR 'GYUR BA ZHIG NA, GANG GI TSE RNAM PA LNGAS BTZAL BA NA NYE BAR LEN PA PO 'GA' YANG MED PAS NYE BAR LEN PA YANG

161a

, ,MED PA DE'I TSE, JI LTA BUR NA NYER BLANG BA'I PHYOGS GCIG 'JIG CING PHYOGS GCIG 'JIG PAR MI 'GYUR, DE NYID KYI PHYIR DE LTAR YANG MI RIGS SO, ,GNYIS PA NI, GAL TE MTHA' YOD MTHA' MED PA, ,GNYIS KA GRUB PAR GYUR NA NI, ,MTHA' YOD MA YIN MTHA' MED MIN, ,'GRUB PAR 'GYUR BAR 'DOD LA RAG ,GAL TE PHUNG PO SNGA MA MI 'JIG PAR SKYE BA PHYI MAR 'GRO BA'I MTHA' MED PA DANG SNGA MA 'JIG CING PHYI MA MI 'BYUNG BA'I MTHA' YOD PA GNYIS KA GRUB NA DE DAG BKAG PA'I SGO NAS MTHA' YOD PA YANG MA YIN MED PA YANG MA YIN PA GRUB PA ZHIG NA, JI SKAD BSHAD PA'I TSUL GYIS MTHA' YOD PA DANG MTHA' MED PA YOD PA MA YIN PAS DE DAG BKAG PA YANG MED DO, ,DE'I PHYIR MTHA' YOD PA YANG MA YIN MTHA' MED PA YANG MA YIN ZHES PA MI RIGS SO, ,GNYIS PA DON DAM LA BRTEN NAS DGAG PA NI, YANG NA DNGOS PO THAMS CAD DAG ,STONG PHYIR RTAG LA SOGS LTA BA, ,GANG DAG GANG DU GANG LA NI, ,CI LAS KUN TU 'BYUNG BAR 'GYUR, ,NYE BAR LEN PA DANG NYE BAR LEN PA PO KUN RDZOB RTEN CING 'BREL PAR 'BYUNG BA GZUGS BRNYAN DANG 'DRA BA ZHAL GYIS BZHES NA RTAG PA LA SOGS PAR LTA BA MI SRID PAR BSTAN PA LAS, YANG NA PHYI DANG NANG GI DNGOS PO THAMS CAD RTEN CING 'BREL PAR 'BYUNG BA YIN PA'I PHYIR STONG PA NYID YIN PAR BSTAN BCOS MTHA' DAG GIS BSTAN LA, DE'I PHYIR GONG DU BSHAD PA'I RTAG PA LA SOGS PAR LTA BA GANG DAG DNGOS PO THAMS CAD LAS PHYI ROL TU GYUR PA GANG ZHIG YOD PAR 'GYUR, DE BZHIN DU YUL GANG DU LTA BA DAG 'BYUNG ZHING BZLOG PAR BYA BA LTA BA DE DAG GI DMIGS PA RTAG PA LA

161b

SOGS PA DNGOS PO THAMS CAD KYI KHONGS SU MA CHUD PA GANG ZHIG YOD, RTEN GANG LA LTA BA DE DAG SKYE BAR 'GYUR ZHING KHO BO CAG GIS BZLOG PAR BYA BA DNGOS PO 'AM, GANG ZAG DNGOS PO THAMS CAD PAS PHYI ROL TU GYUR PA DE YANG GANG ZHIG YOD, RGYU CI LAS LTA BA DE DAG KUN TU 'BYUNG BA LTA BA DE DAG GI RGYU MTSAN DNGOS PO THAMS CAD LAS PHYI ROL DU GYUR PA DE YANG GANG ZHIG YOD DE, DON THAMS CAD DNGOS PO THAMS CAD KYI KHONGS SU GTOGS PA'I PHYIR DANG DNGOS PO THAMS CAD KYANG STONG PA NYID DU GTAN LA PHAB ZIN PA'I PHYIR RO; ;DE'I PHYIR RTAG PAR LTA BA LA SOGS PA MTHAR 'DZIN PAR LTA BA DE DAG BDEN PA GNYIS KAR DU MI RIGS SO, ,JI SKAD DU, MDO LAS, GANG LA LA ZHIG GIS YANG DAG PA'I SHES RAB KYIS DE LTAR RTEN CING 'BREL PAR 'BYUNG BA YANG DAG PA JI LTA BA BZHIN DU RTAG PAR RGYUN DU GSOG MED PA DANG JI LTA BA NYID DANG MA NOR BA DANG, MA SKYES PA DANG MA BYUNG BA DANG, MA BYAS PA DANG, 'DUS MA BYAS PA DANG, THOGS PA MED PA DANG, SGRIB PA MED PA DANG, ZHI BA DANG, 'JIG PA MED PA DANG, MI 'PHROG PA DANG; ZAD PA MED PA DANG, RNAM PAR ZHI BA MA YIN PA'I RANG BZHIN DU MTHONG BA DANG MED PA DANG, GSOG DANG, GSOB DANG, SNYING PO MED PA DANG, NAD DANG, 'BRAS DANG, ZUG RDU DANG, SDIG PA DANG, MI RTAG PA DANG, SDUG BSNGAL BA DANG; STONG PA DANG BDAG MED PAR YANG DAG PAR RJES SU MTHONG BA DE NI, CI BDAG 'DAS PA'I DUS NA 'BYUNG BA ZHIG GAM, 'ON TE BDAG 'DAS PA'I DUS NA MA BYUNG BA ZHIG GAM, BDAG 'DAS PA'I DUS NA CIR GYUR BA ZHIG BDAG 'DAS PA'I DUS NA CI LTA

162a

, ,BUR GYUR PA ZHIG SNYAM DU SNGON GYI MTHA' LA BRTEN PAR MI BYED DO ZHES SOGS GSUNGS PA LTA BU'O, ,GSUM PA BYA BA MTHAR PHYIN PA'I YAN LAG BKA' DRIN GYI PHYAG BYA BA NI, DE LTAR JI SKAD BSHAD PA'I RTEN CING 'BREL PAR 'BYUNG BA ZAB MO 'KHOR BA LAS NGES PAR 'BYUNG BAR BYED PA'I LAM PHYIN CI MA LOG PAR STON PAR MDZAD PA NYID KYIS SLOB DPON BCOM LDAN 'DAS LA THUGS SHIN TU DANG BAR GYUR PAS BKA' DRIN DRAN PA'I SGO NAS PHYAG 'TSAL BAR BZHED NAS, GANG GIS THUGS BRTZES NYER BZUNG NAS, ,LTA BA THAMS CAD SPANGS BA'I PHYIR, ,DAM PA'I CHOS NI STON MDZAD PA, ,GO TAM DE LA PHYAG 'TSAL LO, ,SANGS RGYAS BCOM LDAN 'DAS GANG GIS RNYED BKUR DANG PHAN LAN BZHED PA SOGS LA MI LTOS PAR GDUL BYA RNAMS LA THUGS BRTZE BAS NYE BAR BZUNG NAS SDUG BSNGAL GYI RTZA BA DNGOS POR MNGON PAR ZHEN PA'I LTA BA THAMS CAD SPANGS PA'I PHYIR 'KHOR 'DAS KYI G-YANG SA LAS 'DZIN CING, ,'PHAGS PA DAM PA RNAMS KYIS BSTEN PAS SAM, YANG NA CHOS BZANG PO NI DAM PA'I CHOS TE RTEN CING 'BREL PAR 'BYUNG BA 'GAG PA MED PA LA SOGS PA SPROS PA NYE BAR ZHI BA'I MTSAN NYID CAN PHYIN CI MA LOG PAR STON PAR MDZAD PA'I STON PA BLA NA MED PA ZLA MED PA DE LA PHYAG 'TSAL LO, ,MTSAN CI ZHIG CE NA, DRANG SRONG GO'U TA MA'I RIGS SU 'KHRUNGS PAS GO'U TA MA ZHES 'JIG RTEN GSUM DU GRAGS PA'O, ,DBU MA RTZA BA'I SHES RAB LAS LTA BA BRTAG PA ZHES BYA BA RAB TU BYED PA NYI SHU RTZA BDUN PA'I 'GREL PA'O, ,RGYAL BA'I BSTAN PA YUN RING GNAS PHYIR DANG, ,SKAL BZANG ZAB MO'I LAM LA 'JUG 'DOD

162b

RNAMS; ;SANGS RGYAS DGYES PA'I LAM LA DGOD PA'I PHYIR, ,DRI MED LHAG BSAM DAG PAS KUN BSLANGS TE, ,BDE GSHEGS GSUNG RAB KUN GYI SNYING PO'I DON, ,ZAB MO'I DE NYID MTHA' BRAL DBU MA'I LAM, ,YANG DAG GSAL BYED RTZA BA SHES RAB KYI, , 'GREL PA TSIG DON GSAL BA 'DI BYAS SO, ,'DIR 'BAD DGE BA CUNG ZHIG GANG THOB DANG, ,GZHAN YANG DUS GSUM BSAGS PA'I DGE BA KUN, ,MA LUS BLO YIS GCIG TU SDOM BYAS TE, ,'GRO KUN KUN MKHYEN 'THOB PA'I RGYU RU BSNGO, ,DBU MA RTZA BA'I 'GREL PA 'THAD PA'I SNANG BA ZHES BYA BA 'DI NI RANG GI SLOB MA RNAMS KYIS BSKUL TE DGE SLONG GZHON NU BLO GROS KYIS SBYAR BA'O, ,'DIS 'GRO BA DPAG TU MED PA'I RGYUD LA YANG DAG PA'I LTA BA'I SNANG BA RGYAS PAR BYED PAR GYUR CIG (RJE BTZUN RED MDA' BA MKHYEN, , ZAB MO DBU MA'I DON RTOGS PAR BYIN GYIS RLOBS,,) ,,MANGGA LAm SIDDHI PHA LA HO, ,SHU BHAm,, ,,

&mdash;

הקבציםThe files

הטקסטThe text

—