—

, ,DAM PA'I CHOS MNGON PA KUN LAS BTUS PA'I SNYING PO LEGS BSHAD NOR BU'I PHRENG BA ZHES BYA BA BZHUGS SO,, KHA

, ,BCOM LDAN 'DAS NGAG GI DBANG PHYUG LA PHYAG 'TSAL LO, ,GANG GI DMIGS MED BYAMS PA'I MDA' CHEN GYIS, ,'JIGS PA'I SGRA SGROG MI SDUG GZUGS 'CHANG BA, ,DKRIGS PHRAG BCU GNYIS ME TOG MDA' CAN DPUNG, ,'JOMS MDZAD THUB CHEN DPA' BO DE LA 'DUD, ,YONGS 'DZIN BLA MA'I BKA' YIS BSKUL BA DANG, ,DAD BRTZON BLO DANG LDAN PA'I BSHES GNYEN 'GAS, ,GUS BCAS TSIG GIS GSOL BA BTAB PA'I NGOR, ,BLO GSAL BLO YI MGUL PA BRGYAN PA'I PHYIR, ,CHOS MNGON CHU GTER RNAM DPYOD SRUB SHING GIS, ,BSRUBS LAS BYUNG BA'I LEGS BSHAD RIN CHEN RNAMS, ,SDEB LEGS NGAG GI SRAD BU LA BRGYUS TE, ,LEGS BSHAD NOR BU'I PHRENG BA 'DI SPEL LO, ,JI SKAD DU MDZOD LAS, CHOS RNAMS RAB TU RNAM 'BYED MED PAR NYON MONGS RNAMS, ,GANG PHYIR NYE BAR ZHI BAR BYA BA'I THABS MED LA, ,

, ,NYON MONGS PAS KYANG 'JIG RTEN SRID MTSO 'DIR 'KHYAMS TE, ,DE BAS DE PHYIR 'DI NI STON PAS GSUNGS SO LO, ,ZHES PA LTAR CHOS RNAMS KYI RANG DANG SPYI'I MTSAN NYID TSUL BZHIN DU SO SOR RNAM PAR 'BYED PA'I SHES RAB MED PAR NI SRID PA'I RTZA BA KUN TU RMONGS PA GCAD PAR MI NUS LA, CHOS MNGON PA'I SDE SNOD MED PAR YANG GNAS LUGS TSUL BZHIN DU 'BYED PA'I SHES RAB BSKYED PAR MI NUS PAS DE'I PHYIR BDAG LEGS SU 'DOD PA DAG GIS CHOS MNGON PA'I SDE SNOD LA THOS PA LA SOGS PAS RIM GYIS ZHUGS TE CHOS RAB TU RNAM 'BYED KYI SHES RAB BSKYED PAR BYA BA YIN NO, ,DE LTAR NA DANG PO'I LAS CAN RNAMS CHOS MNGON PA'I SDE SNOD LA 'JUG PA'I YAN LAG TU NYUNG ZHING SHIN TU GSAL BA'I TSIG GIS CHOS RNAMS KYI RANG DANG SPYI'I MTSAN NYID MDOR BSDUS NAS STON PA'I BSTAN BCOS 'DI BRI BAR BYA'O, ,DE LA SPYIR

CHOS MNGON PA NI RNAM PA GNYIS TE, DON DAM PA DANG, BRDAR BTAGS PA'I CHOS MNGON PA'O, ,DANG PO'I MTSAN NYID NI, ZAG PA MED PA'I SHES RAB RJES 'BRANG DANG BCAS PA'O, ,MTSAN GZHI NI, MTHONG LAM LA SOGS PA'I 'JIG RTEN LAS 'DAS PA'I LAM RNAMS SO, ,GNYIS PA'I MTSAN NYID NI, DON DAM PA'I CHOS MNGON PA DE THOB PA'I THABS SU GYUR PA'I LAM DANG GZHUNG GI TSOGS GANG YANG RUNG BA'O, ,DE LA LAM NI TSOGS SBYOR GYIS BSDUS PA'I ZAG BCAS KYI SHES RAB RJES 'BRANG DANG BCAS PA YIN LA, GZHUNG NI CHOS RNAMS KYI RANG DANG SPYI'I MTSAN NYID GTZO BOR STON PAR BYED PA'I MDO DANG DE DAG GI DGONGS PA 'GREL BA'I GZHUNG JI SNYED PA RNAMS SO, ,DE LA 'DIR GZHUNG MNGON PA'I BRJOD BYA GTAN LA 'BEBS PA LA GNYIS TE, CHOS GSUM SPYIR GTAN LA DBAB PA DANG, RTOGS DKA' BA BYE BRAG TU BSHAD PA'O, ,DANG PO LA CHOS

, ,GSUM SO SO'I MTSAN NYID, DBYE BA, RNAM BZHAG RNAM PA'I RAB DBYE DANG BZHI LAS RIG PAR BYA'O, ,DANG PO LA YANG GSUM LAS, PHUNG PO'I MTSAN NYID, RIGS MTHUN JI SNYED PA BLOS GCIG TU BSDOMS PA, KHAMS KYI MTSAN NYID, BYUNG ZIN GYI NYER SPYOD GNAS DANG DMIGS PA NGO BO NYID GANG RUNG GIS 'DZIN PA MNGON GYUR RAM SA BON, SKYE MCHED KYI MTSAN NYID, 'BYUNG 'GYUR GYI NYER SPYOD GNAS DANG DMIGS PA GANG RUNG GIS SKYE BA'I SGO 'BYED PA MNGON GYUR RAM SA BON NO, ,GNYIS PA DBYE BA LA, GSUM LAS, DANG PO PHUNG PO'I DBYE BA LA GNYIS TE, GNYIS SU DBYE BA DANG, LNGAR DBYE BA'O, ,DANG PO NI ZAG BCAS DANG ZAG MED KYI PHUNG PO GNYIS SAM, NYE BAR LEN PA DANG, NYER LEN MED PA'I PHUNG PO GNYIS SO, ,DE LA ZAG BCAS DANG NYER LEN GYI PHUNG PO DON GCIG PAS DE DAG GI MTSAN

NYID; 'DOD 'DUN GYI MTSAN NYID CAN GYI NYER LEN GYI SGO DRUG GANG RUNG DANG 'BREL PA, ZAG MED KYI PHUNG PO DANG NYER LEN MED PA'I PHUNG PO'ANG DON GCIG PAS DE DAG GI MTSAN NYID KYANG SNGA MA LAS BZLOG STE SHES PAR BYA'O, ,LNGAR DBYE BA NI; GZUGS, TSOR BA, 'DU SHES, 'DU BYED, RNAM PAR SHES PA'I PHUNG PO'O, ,DE DAG GI MTSAN NYID KYANG GO RIM BZHIN DU, GZUGS RUNG JI SNYED PA BLOS GCIG TU BSDOMS PA ZHES PA NAS, MYONG BA'I MTSAN NYID CAN JI SNYED PA DANG, THA SNYAD KYI MTSAN MA YONGS SU GCOD BYED JI SNYED PA DANG, PHUNG PO GZHAN BZHIR MA 'DUS PA'I 'DUS BYAS JI SNYED PA DANG, DON GYI NGO BO TZAM YONGS SU GCOD BYED JI SNYED PA BLOS GCIG TU BSDOMS PA ZHES SBYAR RO, ,KHAMS KYI DBYE BA NI DBANG PO, YUL, RNAM SHES KYI KHAMS GSUM MO, ,DE DAG GI MTSAN NYID NI GO RIM BZHIN DU BYUNG ZIN GYI NYER SPYOD GNAS KYI SGO NAS 'DZIN PA DANG, DMIGS PA'I SGO NAS 'DZIN PA DANG, RANG GI MTSAN NYID KYI SGO NAS 'DZIN PA MNGON GYUR RAM SA BON ZHES SBYAR RO, ,DBANG PO'I KHAMS LA YANG DRUG STE, MIG RNA BA, SNA, LCE, LUS, YID KYI KHAMS SO, ,DE DAG GI MTSAN NYID NI GO RIM BZHIN DU, MIG GI RNAM PAR SHES PA'I NYER SPYOD GNAS KYI SGO NAS 'DZIN PA MNGON GYUR RAM SA BON ZHES PA NAS, YID KYI RNAM SHES KYI NYER SPYOD GNAS KYI SGO NAS 'DZIN PA MNGON GYUR RAM SA BON ZHES PA'I BAR DU SBYAR RO, ,YUL GYI KHAMS LA YANG DRUG STE, GZUGS, SGRA, DRI, RO, REG BYA, CHOS KYI KHAMS SO, ,DE DAG GI MTSAN NYID NI GO RIM BZHIN DU, MIG GI RNAM SHES KYI NYER SPYOD

, ,DMIGS PA'I SGO NAS 'DZIN PA MNGON GYUR RAM SA BON ZHES PA NAS, YID SHES KYI NYER SPYOD DMIGS PA'I SGO NAS 'DZIN PA MNGON GYUR RAM SA BON ZHES SBYAR RO, ,RNAM SHES KYI KHAMS LA YANG DRUG STE, MIG GI RNAM SHES NAS YID KYI RNAM SHES KYI KHAMS SO, ,DE DAG GI MTSAN NYID KYANG GO RIM BZHIN DU, MIG SHES KYI NYER SPYOD RANG GI MTSAN NYID KYIS 'DZIN PA MNGON GYUR RAM SA BON ZHES SOGS CI RIGS SU SBYAR RO, ,SKYE MCHED KYI DBYE BA NI YUL DANG, DBANG PO'I SKYE MCHED GNYIS SO, ,MTSAN NYID NI GO RIM BZHIN DU MA 'ONGS PA'I NYER SPYOD DMIGS PA'I SGO NAS SKYE BA'I SGO 'BYED PA DANG, GNAS KYI SGO NAS SKYE BA'I SGO 'BYED PA MNGON GYUR RAM SA BON NO, ,YUL LA GZUGS KYI SKYE MCHED SOGS DRUG STE, GO RIM BZHIN DU DMIGS PA'I SGO NAS MIG SHES SKYE BA'I SGO 'BYED PA MNGON GYUR RAM SA BON ZHES SOGS SBYAR RO, ,DBANG PO LA YANG MIG GI SKYE MCHED SOGS DRUG STE, GO RIM BZHIN DU, GNAS KYI SGO NAS MIG SHES SKYE BA'I SGO 'BYED PA ZHES SOGS SBYAR RO, ,GSUM PA RNAM BZHAG LA GSUM LAS, PHUNG PO'I RNAM BZHAG LA LNGA STE, GZUGS, TSOR BA, 'DU SHES, 'DU BYED, RNAM SHES KYI PHUNG PO'I RNAM BZHAG GO, ,DANG PO LA YANG MTSAN NYID, MTSAN GZHI GTAN LA DBAB PA GNYIS LAS, DANG PO NI, GZUGS RUNG RNAM PA GNYIS GANG RUNG GIS GZUGS SU RUNG BA'O, ,GZUGS RUNG NI GNYIS TE, YUL DPYAD PAS DANG, REG PAS GZUGS SU RUNG BA'O, ,DE DAG KYANG GO RIM BZHIN DU, ,THA SNYAD PA'I BLOS GZUGS CAN DU GDAGS SU RUNG BA DANG, GZUGS CAN NANG

PHRAD PAS 'GYUR PA BSKYED DU RUNG BA'O, ,GZUGS RUNG DANG POS NI GZUGS CAN KUN LA KHYAB LA, GNYIS PAS NI THOGS BCAS KHO NA LA KHYAB PO, ,YANG NA SLOB DPON DBYIG GNYEN GYIS GZUGS RUNG RNAM PA GSUM STE, SNGAR GYI GNYIS DANG, GZUGS KYI DE GDAGS PAS GZUGS SU RUNG BA'O, ,DE GSUM NI GO RIM BZHIN DU BSTAN YOD DANG, THOGS BCAS DANG, BSTAN MED THOGS MED KYI GZUGS GSUM DANG SBYAR RO, ,GZUGS RUNG PHYI MA'I DON NI RANG GI NGO BO GZUGS CAN MA YIN YANG DE'I THA SNYAD 'JUG PA GZUGS LA RAG LAS PA STE, BSDUS PA LAS GYUR PA DANG, YANG DAG PAR BLANGS PA LAS BYUNG BA SOGS SO, ,GNYIS PA MTSAN GZHI GTAN LA DBAB PA LA, BSHAD MA THAG PA'I GZUGS KYI MTSAN NYID CAN JI SNYED PA DAG STE, RGYU'I GZUGS DANG 'BRAS BU'I GZUGS SAM, 'BYUNG BA DANG 'BYUNG 'GYUR GNYIS SU NGES LA, DE LA RGYU'I GZUGS DANG 'BYUNG BA DON GCIG PAS MTSAN NYID NI, 'BRAS GZUGS KUN GYI 'BYUNG KHUNGS SU GYUR PA'I REG BYA'O, ,'BRAS GZUGS DANG 'BYUNG 'GYUR DON GCIG PAS MTSAN NYID NI, 'BYUNG BA RGYUR BYAS PA LAS BYUNG BA'I GZUGS GANG ZHIG RANG DBANG DU YUL GYI GO SA NON PA'I MTHU MED PA'O, ,'BYUNG BA LAS, CHU, ME, RLUNG GI KHAMS BZHI LAS, MTSAN NYID NI GO RIM BZHIN DU, LUS SHES LA SRA BA DANG; GSHER BA, DRO BA, YANG ZHING G-YO BAR SNANG BA ZHES PA'AM, YANG NA 'BRAS GZUGS MI LTUNG BAR 'DZIN PA DANG, MI 'THOR BAR SDUD PA DANG, MI 'DRUL BAR SMIN PA, YUL GZHAN DU G-YO ZHING RGYAS PA'I BYA BA BYED PA'I REG BYA ZHES SBYAR RO, ,

, ,'BYUNG 'GYUR LA YANG DBANG PO DANG, YUL DANG, YID KYI YUL GYI GZUGS GSUM LAS, MTSAN NYID NI GO RIM BZHIN DU, 'BYUNG 'GYUR GANG DBANG SHES KYI LHAN CIG 'BYUNG BA'I RTEN DU RUNG BA'I GZUGS DANG BA, 'BYUNG 'GYUR GANG DBANG SHES KYIS GZUNG BYAR RUNG BA'I GZUGS, YID SHES KHO NAS GZUNG BYAR RUNG BA'I 'BYUNG 'GYUR GANG DBANG SHES LA BYA BA MI BYED PA'O, ,DBANG PO LA YANG MIG SOGS LNGA LAS MTSAN NYID NI GO RIM BZHIN DU, MIG SHES KYI LHAN CIG 'BYUNG BA'I RTEN DU RUNG BA'I GZUGS DANG BA ZHES SOGS SBYAR RO, ,DBANG PO 'DI DAG RE RE YANG RTEN BCAS DANG DE MTSUNGS KYI DBANG PO GNYIS GNYIS SU 'GYUR TE MTSAN NYID 'OG TU 'CHAD DO, ,YUL LA YANG GZUGS NAS 'BYUNG 'GYUR GYI REG BYA'I BAR LNGA LAS; MTSAN NYID NI GO RIM BZHIN DU, 'BYUNG 'GYUR GANG MIG SHES KYIS GZUNG BYAR RUNG BA ZHES SOGS SBYAR RO, ,DE LA GZUGS NI KHA DOG DANG DBYIBS GNYIS YIN PAS GO RIM BZHIN DU, MIG SHES LA RIS SU MA CHAD PAR SNANG BA DANG, RIS SU CHAD PAR SNANG BA'I GZUGS KYI SKYE MCHED DO, ,KHA DOG LA SNGO SER DKAR DMAR BZHI YIN LA, DBYIBS LA RING PA, THUNG PA, LHAM PA, ZLUM PA, PHYA LE BA, PHYA LE BA MA YIN PA, MTHO BA, DMA' BA, RNAMS SU 'GYUR RO, ,GRIB MA DANG NYI MA SOGS NI DE GNYIS KYI KHYAD PAR RO, ,SGRA LA RGYU'I SGO NAS ZIN PA, MA ZIN PA, DE GNYIS KA'I RGYU LAS BYUNG BA DANG GSUM YIN LA, PHAN GNOD KYI SGO NAS YID DU 'ONG BA, MI 'ONG PA, DE GNYIS KA MA YIN PA GSUM DU 'GYUR RO, ,DRI LA RGYU'I SGO NAS LHAN SKYES

DANG; SBYAR BYUNG GNYIS YIN LA, PHAN GNOD KYI SGO NAS DRI ZHIM PA, MI ZHIM PA, DRI MNYAM PA DANG GSUM DU 'GYUR RO, ,RO LA NGO BO'I SGO NAS KHA BA, SKYUR BA, TSA BA, SKA BA, LAN TSVA, MNGAR BA DRUG YIN LA, PHAN GNOD KYI SGO NAS YID DU 'ONG BA; MI 'ONG BA, BAR MA DANG GSUM YIN LA, RGYU'I SGO NAS LHAN SKYES DANG, SBYAR BYUNG GNYIS SU 'GYUR RO, ,'BYUNG 'GYUR GYI REG BYA RNAMS NI, 'BYUNG BA CHEN PO 'DUS PA'I GNAS SKABS KYI CHA LA BTAGS PAS LOGS SU RDZAS SU MA GRUB PAS DE'I PHYIR 'BYUNG BA KUN 'DUS PA DANG, GSUM 'DUS PA DANG, GNYIS 'DUS PA DANG, RE RE BA'I CHA LA BTAGS PA CI RIGS PAR 'GYUR RO, ,YID KYI YUL GYI GZUGS LA YANG LNGA STE, RDUL PHRA RAB DANG, MNGON PAR SKABS YOD DANG, RNAM PAR RIG BYED MA YIN PA DANG, KUN BRTAGS PA DANG, DBANG 'BYOR BA'I GZUGS SO, ,MTSAN NYID NI GO RIM BZHIN DU, RAGS PA BLOS MTHAR PHYE NAS CHUNG BA'I MTHAR THUG PAR RNAM PAR GZHAG PA, YID KYI SHES PA LA GZHAN GYI GO 'GEGS PA'I REG BYA DANG BRAL BA'I BAR SNANG GI DNGOS POR SNANG BA, BYA BA'I RANG BZHIN GYI GZUGS CAN YIN YANG RANG KUN SLONG GI SEMS GZHAN LA RIG PAR MI BYED PA, MI SDUG PA BSGOMS PA'I TING NGE 'DZIN LA SGOM BYA KENG RUS SOGS SU SNANG BA, RNAM THAR SGOM PA'I TING NGE 'DZIN LA SNGO SER SOGS KHA DOG TU SNANG BA ZHES SOGS SBYAR RO, ,TSOR BA'I PHUNG PO'I RNAM BZHAG LA, MTSAN NYID DANG, MTSAN GZHI GTAN LA DBAB PA GNYIS LAS, DANG PO NI SIM GDUNG BAR MA GANG RUNG NYAMS SU MYONG BA, DE LA SIM PA NI MYONG BA GANG SKYES NA MI 'BRAL

, ,BAR 'DOD CING 'GAGS NA 'PHRAD 'DOD SKYE BA, GDUNG BA NI SKYES NAS 'BRAL BAR 'DOD CING 'GAGS NA PHRAD PAR MI 'DOD PA, BAR MA NI MYONG BA GANG DE GNYIS KA MI 'BYUNG BA'O, ,GNYIS PA NI, MTSAN NYID DE LTA BU DANG LDAN PA'I TSOR BA DE YANG NGO BO'I SGO NAS DBYE NA, BDE BA, SDUG BSNGAL, YID BDE, YID MI BDE, BTANG SNYOMS BCAS LNGA'O, ,MTSAN NYID NI GO RIM BZHIN DU, DBANG PO DANG BCAS PA'I LUS SIM PAR BYED PA, GDUNG BAR BYED PA, YID SHES 'KHOR BCAS SIM PAR BYED PA, GDUNG BAR BYED PA, LUS SEMS LA SIM GDUNG GANG YANG MI BYED PA'I MYONG BA ZHES SBYAR RO, ,RGYU'I SGO NAS DBYE NA, MIG GI 'DUS TE REG PA LAS BYUNG BA'I TSOR BA ZHES PA NAS, YID KYI 'DUS TE REG PA LAS BYUNG BA'I TSOR BA'I BAR DRUG GO, ,MTSAN NYID NI GO RIM BZHIN DU, MIG GI 'DUS TE REG PAS YID DU 'ONG MI 'ONG BAR MA'I MTSAN MA YONGS SU BCAD STOBS KYIS SIM GDUNG BAR MA'I RNAM PA GANG RUNG NYAMS SU MYONG BA ZHES SOGS CI RIGS SU SBYAR RO, ,GNAS KYI SGO NAS DBYE NA, LUS TSOR DANG, SEMS TSOR GNYIS SO, ,MTSAN NYID NI GO RIM BZHIN DU, DBANG SHES 'KHOR DU 'BYUNG BA DANG, YID SHES 'KHOR DU 'BYUNG BA'I TSOR BA'O, ,YANG GNYEN GYI SGO NAS DBYE NA, ZANG ZING DANG BCAS PA DANG, ZANG ZING MED PA DANG; ZHEN PA RTEN PA DANG, MNGON PAR 'BYUNG BA RTEN PA STE BZHI YIN LA, MTSAN NYID NI GO RIM BZHIN DU, TSOR BA GANG PHUNG PO LA MNGON PAR ZHEN PA'I SRED PA 'PHEL BAR BYED PA DANG, DE 'PHEL BAR MI BYED PA DANG, 'DOD YON LA MNGON PAR ZHEN PA'I

SRED PA 'PHEL BAR BYED PA DANG, DE 'PHEL BAR MI BYED PA ZHES SBYAR RO, ,'DU SHES KYI RNAM BZHAG LA, MTSAN NYID DANG, MTSAN GZHI GNYIS LAS, DANG PO NI, CHOS RNAMS KYI THUN MONG MA YIN PA'I THA SNYAD KYI MTSAN MA YONGS SU GCOD PA'I SHES RIG GNYIS PA NI, DE LTA BU'I MTSAN NYID CAN GYI 'DU SHES DE YANG RGYU'I SGO NAS DBYE NA, MIG GI 'DUS TE REG PA LAS BYUNG BA'I 'DU SHES SOGS DRUG GO ,MTSAN NYID GO RIM BZHIN DU, MIG GI 'DUS TE REG PA'I RKYEN GYIS MIG SHES KYI YUL GYI THUN MONG MA YIN PA'I THA SNYAD KYI MTSAN MA YONGS SU GCOD PA ZHES SOGS SBYAR RO, ,NGO BO'I SGO NAS MTSAN MA DANG BCAS PA DANG, MTSAN MED KYI 'DU SHES GNYIS SO, ,DANG PO LA YANG THA SNYAD KYI MTSAN MA DANG, SPROS PA'I MTSAN MA DANG, GSAL BA'I MTSAN MA DANG BCAS PA GSUM YIN LA, MTSAN NYID NI GO RIM BZHIN DU, SGRA DON GYI MTSAN MA YONGS SU GCOD PA DANG GZUNG 'DZIN GYI SPROS PA'I MTSAN MA YONGS SU GCOD PA DANG, DMIGS RNAM GSAL BA'I MTSAN MA YONGS SU GCOD PA'I 'DU SHES SO, ,MTSAN BCAS GSUM LAS BZLOG PA NI MTSAN MED NYID DU SHES PAR BYA'O, ,DMIGS YUL GYI SGO NAS, CHUNG NGU DANG, CHEN PO DANG, TSAD MED PA DANG, CI YANG MED PA'I 'DU SHES SO, ,MTSAN NYID NI GO RIM BZHIN DU, 'DOD KHAMS KYI MTSAN MA DANG; GZUGS KHAMS KYI MTSAN MA DANG, NAM MKHA' DANG RNAM SHES KYI MTSAN MA DANG, CI YANG MED PA'I MTSAN MA YONGS SU GCOD PA'I 'DU SHES SO, ,'DU BYED KYI PHUNG PO'I RNAM BZHAG LA, MTSAN NYID DANG, MTSAN GZHI GTAN LA DBAB PA GNYIS

, ,LAS, DANG PO NI, BSOD NAMS DANG BSOD NAMS MA YIN PA'I LAS GSOG PA PO'I BDAG TU 'KHRUL PA'I GZHIR GYUR PA'O, ,GNYIS PA NI DE LTA BU'I MTSAN NYID CAN GYI 'DU BYED DE YANG MTSUNGS PAR LDAN PA DANG, LDAN PA MA YIN PA'I 'DU BYED GNYIS SO, ,MTSAN NYID NI GO RIM BZHIN DU, 'DU BYED GANG SEMS DANG MTSUNGS PAR LDAN PA DANG, MTSUNGS PAR MI LDAN PA'O, ,DANG PO NI, TSOR 'DU MA GTOGS PA'I SEMS BYUNG RNAMS TE, DE DAG NI KUN 'GRO DANG, YUL NGES DANG; DGE BA, NYON MONGS, NYE BA'I NYON MONGS PA, GZHAN GYUR DANG DRUG GO ,DE DAG GI MTSAN NYID NI GO RIM BZHIN DU, SEMS BYUNG GANG RANG GI RIGS CAN SEMS KYI RDZAS KUN DANG MTSUNGS PAR LDAN DU RUNG BA, SEMS BYUNG GANG BRTAG BYA'I DNGOS PO SOGS YUL BYE BRAG CAN KHO NA LA 'JUG PA, SEMS BYUNG GANG NGO BO NYID GYIS RNAM PAR DKAR BA'I RANG BZHIN DU SKYE BA, SEMS BYUNG GANG SGO DU MA NAS SEMS RAB TU MA ZHI BAR BYED PA, SEMS BYUNG GANG GZHAN GYI PHUN TSOGS LA SEMS KHONG NAS 'KHRUG PA SOGS RNAM PA RE RES SEMS RAB TU MA ZHI BAR BYED PA, SEMS BYUNG GANG RANG GI RIGS CAN RKYEN GYI DBANG GIS DGE SOGS GSUM DU 'GYUR DU RUNG ZHING YID SHES KHO NA'I SA PA YIN PA ZHES SOGS SBYAR RO, ,SEMS BYUNG NI DON GYI KHYAD PAR TZAM YONGS SU GCOD PA'I SHES RIG GO ,KUN 'GRO NI LNGA STE, TSOR BA, 'DU SHES, 'DU BYED, REG PA, YID LA BYED PA'O, ,DANG PO GNYIS KYI MTSAN NYID NI BSHAD ZIN LA, PHYI MA GSUM NI GO RIM BZHIN DU, SEMS DGE SOGS KYI YUL LA KUN TU G-YO BAR BYED

PA; YUL DBANG RNAM SHES GSUM 'DUS PA NA SDUG MI SDUG BAR MA'I MTSAN MA YONGS SU GCOD PAR BYED PA, SEMS BYUNG GANG SEMS RANG GI DMIGS PA LA SKAD CIG RE RE BZHIN GTOD PAR BYED PA'O, ,YUL NGES NI LNGA STE, 'DUN PA, MOS PA, DRAN PA; TING NGE 'DZIN, SHES RAB BO, ,MTSAN NYID NI GO RIM BZHIN DU, 'DOD BYA'I YUL DON DU GNYER BA'I SEMS BYUNG, NGES SHING SGRO 'DOGS CHOD PA'I YUL LA NGES PA LTAR 'DZIN PA'I SEMS BYUNG, DMIGS PA MA BRJED PA'I SEMS BYUNG, DMIGS PA LA SEMS RTZE GCIG DU GTOD PAR BYED PA'I SEMS BYUNG, CHOS RAB TU RNAM PAR 'BYED PA'I SEMS BYUNG NGO, ,DGE BA NI BCU GCIG STE, DAD PA, NGO TSA SHES PA, KHREL YOD PA, MA CHAGS PA, ZHE SDANG MED PA, GTI MUG MED PA, BRTZON 'GRUS; SHIN TU SBYANG BA, BAG YOD PA, BTANG SNYOMS, RNAM PAR MI 'TSE BA'O, ,DANG PO NI, MA DAD PA'I DNGOS GNYEN DU GYUR PA'I SEMS BYUNG, DBYE NA YID CHES PA, DANG BA, 'DOD PA'I DAD PA DANG GSUM STE, GO RIM BZHIN DU LAS 'BRAS DANG BDEN PA SOGS LA PHYIN CI MA LOG PAR YID CHES PA DANG, DKON MCHOG SOGS YON TAN CAN RNAMS LA SEMS MNGON PAR DANG PA DANG, RNAM BYANG RGYU 'BRAS LA TSUL BZHIN DU SLOB PAR 'DOD PA'O, ,GNYIS PA NI, RANG RGYU MTSAN DU BYAS NAS KHA NA MA THO BA LA 'DZEM PA'I SEMS BYUNG, GSUM PA NI, GZHAN RGYU MTSAN DU BYAS NAS SNGA MA LTAR RO, ,BZHI PA NI, CHAGS PA'I DNGOS GNYEN DU GYUR PA'I SEMS BYUNG, LNGA PA NI, ZHE SDANG GI DNGOS GNYEN DU GYUR PA'I SEMS BYUNG, DRUG PA NI, GTI MUG GI

, ,DNGOS GNYEN DU GYUR PA'I SEMS BYUNG, DBYE NA SKYES THOB DANG, SBYOR BYUNG GNYIS LAS, DANG PO NI, SNGON THOS PA SOGS GOMS PA'I STOBS KYIS TSE 'DIR RKYEN LA MI LTOS PAR CHOS TSUL BZHIN DU 'BYED PA'I SHES RAB; GNYIS PA NI, THOS PA DANG, BSAM PA DANG, BSGOMS PA LAS BYUNG BA'I SHES RAB STE, GO RIM BZHIN DU, DPYAD PA GSUM GYIS DAG PA'I LUNG THOS PA'I RKYEN LAS BYUNG BA DANG, THOS PA'I DON RIGS PA BZHIS DPYAD PA'I RKYEN LAS BYUNG BA DANG; DPYAD NAS NGES PA THOB PA'I DON RTZE GCIG PA'I TSUL GYIS NYAMS SU BLANGS PA'I RKYEN LAS BYUNG BA'I SHES RAB BO, ,BDUN PA NI, DGE BA LA SPRO BA'I SEMS BYUNG, BRGYAD PA NI, LUS SEMS LAS SU RUNG BAR BYED PA'I SEMS BYUNG, DGU PA NI; BLANG DOR LA GZOB PA LHUR LEN PA'I SEMS BYUNG, BCU PA NI, BYING RGOD KYI CHA MI SNYOMS PA MED PAS SEMS MI MNYAM PA MED PAR BYED PA'I SEMS BYUNG, BCU GCIG PA NI, SNYING RJE BAS GZHAN LA THO MI 'TSAMS PA'I SEMS BYUNG NGO, ,NYON MONGS PA LA DRUG STE, 'DOD CHAGS DANG, KHONG KHRO, MA RIG PA, NGA RGYAL, THE TSOM, LTA BA'O, ,MTSAN NYID KYANG GO RIM BZHIN DU, SRID PA'I LUS DANG YO BYAD LA CHAGS PA'I SEMS BYUNG, GNOD PA BYED PA LA KUN NAS MNAR SEMS PA'I SEMS BYUNG; BDEN PA'I GNAS LUGS LA RMONGS PAR BYED PA'I SEMS BYUNG, 'JIG LTA LA BRTEN NAS SEMS KHENGS PA'I SEMS BYUNG, BDEN BZHI LA YID GNYIS ZA BA'I SEMS BYUNG, SHES BYA DANG LTA BA'I DNGOS PO LA RTOG PA'I SHES RAB NYON MONGS CAN NO, ,

'DI LA DBYE NA DRUG STE, 'JIG TSOGS LA LTA BA, MTHAR 'DZIN LA LTA BA, TSUL KHRIMS DANG BRTUL ZHUGS MCHOG TU 'DZIN PAR LTA BA, LTA BA MCHOG TU 'DZIN PA, NGA RGYAL, LOG PAR LTA BA'O, ,DANG PO NI, PHUNG PO LA BDAG DANG, BDAG GIR LTA BA'I SEMS BYUNG, DBYE NA KUN BTAGS DANG, LHAN SKYES GNYIS TE GO RIM BZHIN DU, TSE 'DI'I RKYEN LAS BYUNG BA'I BDAG LTA DANG, THOG MA MED PA NAS GOMS PA'I STOBS LAS BYUNG BA'I BDAG LTA'O, ,GNYIS PA NI, 'JIG LTAS GZUNG BA'I BDAG LA RTAG PA'AM CHAD PAR LTA BA, 'DI LA'ANG KUN BTAGS DANG, LHAN SKYES GNYIS SO, ,GSUM PA NI, DAG GROL SOGS MI BYED PA'I TSUL ZHUGS LA DE BYED PAR 'DZIN PA'I SEMS BYUNG, BZHI PA NI, LTA NGAN LA YANG DAG PA'I LTA BAR 'DZIN PA'I SEMS BYUNG; LNGA PA NI, 'JIG LTA LA BRTEN NAS BDAG GZHAN 'JAL BA'I SGO NAS SEMS KHENGS PA'I SEMS BYUNG, DRUG PA NI, RGYU 'BRAS SOGS LA SKUR PA 'DEBS PA'AM SGRO 'DOGS PA'I SEMS BYUNG LTA BA SNGA MA BZHI LAS GZHAN PA'O, ,NYE BA'I NYON MONGS PA LA NYI SHU LAS KHRO BA NI, GNOD BYED DA LTAR BA LA KUN NAS MNAR SEMS PA'I SEMS BYUNG, 'KHON 'DZIN NI, SNGAR GNOD PA BYAS PA LA GNOD LAN BYED 'DOD PA'I SEMS BYUNG, 'CHAB PA NI, NYES PA GSAL POR SBED PA'I SEMS BYUNG, 'TSIG PA NI; KHRO BA DANG 'KHON 'DZIN GYI RGYU LAS GNOD BYED LA TSIG RTZUB KUN NAS SLONG BA'I SEMS BYUNG, PHRAG DOG NI, GZHAN GYI PHUN TSOGS MI BZOD PA'I SEMS BYUNG, SER SNA NI, YO BYAD LA SEMS 'CHUM PA'I SEMS BYUNG, SGYU NI, YON TAN DANG MI LDAN

, ,YANG LDAN PA LTAR STON PA'I SEMS BYUNG, G-YO NI, NYES PA ZUR GYIS SBED PA'I SEMS BYUNG, RGYAGS PA NI, BDAG GZHAN 'JAL BA LA MI LTOS PAR RANG GI CHOS LA CHAGS PAS SEMS GANG PA'I SEMS BYUNG, RNAM 'TSE NI; SNYING RJE MED PAS GZHAN LA DNGOS SU THO 'TSAMS PA'I SEMS BYUNG, NGO TSA BA MED PA NI, BDAG RGYU MTSAN DU BYAS NAS KHA NA MA THO BA LA MI 'DZEM PA, KHREL MED PA NI, GZHAN RGYU MTSAN DU BYAS NAS SNGA MA LTAR RO, ,RGOD PA NI, SDUG PA'I YUL LA SEMS 'PHRO BA 'DOD CHAGS KYI CHAR GTOGS PA'I SEMS BYUNG, RMUGS PA NI, LUS SEMS LNGAR BAR BYED PA GTI MUG GI CHAR GTOGS PA'I SEMS BYUNG, MA DAD PA NI, DAD PA'I MI MTHUN PA'I PHYOGS SU GYUR PA'I SEMS BYUNG, LE LO NI, DGE BA LA MI SBYOR BA'I SEMS BYUNG, BAG MED PA NI, BLANG DOR PHYIN CI LOG TU BSGRUB PA'I SEMS BYUNG, BRJED NGES NI, DGE BA'I DMIGS PA BRJED PA'I DRAN PA NYON MONGS CAN, SHES BZHIN MA YIN PA NI, SGO GSUM GYI SPYOD PA LA MI SHES BZHIN DU 'JUG PA'I SHES RAB NYON MONGS CAN, RNAM G-YENG NI, SEMS RNAM PAR 'PHRO BAR BYED PA DUG GSUM GYI CHAR GTOGS PA'O, ,DBYE NA DRUG STE, NGO BO NYID KYIS G-YENG BA NI, RANG BZHIN GYIS PHYI ROL DU 'PHRO BA'I RNAM SHES TE, PHYI ROL DU G-YENG BA NI, DGE BA LA ZHUGS PA'I TSE 'DOD PA'I YON TAN LA SEMS RNAM PAR 'PHRO BAR BYED PA, NANG DU G-YENG BA NI, SGOM PA LA ZHUGS PA'I TSE BYING RGOD RO MYANG SOGS KYIS MA DAG PAR BYED PA, MTSAN MA'I G-YENG BA NI, GZHAN DAG RANG LA DAM PAR YID CHES PA'I CHED DU DGE

BA LA SBYOR BA, GNAS NGAN LEN GYI G-YENG BA NI, TING NGE 'DZIN GYI BDE BA LA NGA DANG NGA YIR CHAGS SHING ZHEN PA, YID LA BYED PA'I G-YENG BA NI, THEG CHEN GYI RIGS CAN GZHAN LA 'DOD PA BSKYED PAR BYED PA'O, ,GZHAN 'GYUR LA DBYE NA BZHI LAS; GNYID NI, GNYID KYI RGYU LA BRTEN NAS 'JUG PA RANG DBANG MED PAR NANG DU SDUD PAR BYED PA'I SEMS BYUNG, 'GYOD PA NI, RANG GIS BYAS PA'I SA LA YID BCAGS PA'I SEMS BYUNG, RTOG PA NI, DON GYI NGO BO 'AM KHYAD PAR KUN TU TSOL BA'I SEMS BYUNG SEMS PA'AM SHES RAB KYI CHAR GTOGS PA, DPYOD PA NI, DON GYI NGO BO DANG KHYAD PAR LA SO SOR RTOGS PA'I SEMS BYUNG SEMS PA'AM SHES RAB KYI CHAR GTOGS PA'O, ,LDAN PA MA YIN PA'I 'DU BYED LA NYER GSUM LAS, THOB PA NI, DGE SOGS 'PHEL 'GRIB KYI GNAS SKABS LA BTAGS PA'I 'DU BYED, 'DU SHES MED PA'I SNYOMS 'JUG NI, NGES PAR 'BYUNG BA'I 'DU SHES SNGON DU 'GRO BA'I BSAM GTAN BZHI PA'I TING NGE 'DZIN GYIS TSOGS DRUG 'KHOR BCAS BKAG PA'I PHUNG PO'I GNAS SKABS LA BTAGS PA'I 'DU BYED, 'GOG PA'I SNYOMS 'JUG NI, ZHI BAR GNAS PA'I 'DU SHES SNGON DU 'GRO BA'I SRID RTZE'I TING NGE 'DZIN GYIS TSOGS BDUN 'KHOR BCAS BKAG PA'I GNAS SKABS LA BTAGS PA'I 'DU BYED, 'DU SHES MED PA BA NI, 'DU SHES MED PA'I SNYOMS 'JUG GI RNAM SMIN GYI DBANG GIS 'JUG SHES NGANG GIS 'GAGS PA'I PHUNG PO'I GNAS SKABS LA BTAGS PA'I 'DU BYED, SROG GI DBANG PO NI, LAS KYI DBANG GIS RNAM SMIN GYI PHUNG PO'I RGYUN DUS NGES PAR GNAS PA'I GNAS SKABS LA BTAGS

, ,PA'I 'DU BYED, RIS MTHUN PA NI, RNAM SMIN GYI PHUNG PO'I RGYUN 'DRA BA'I GNAS SKABS LA BTAGS PA'I 'DU BYED, SKYE BA NI, NANG GI SKYE MCHED DRUG GI RGYUN SNGAR MED GSAR DU BYUNG BA'I GNAS SKABS LA BTAGS PA'I 'DU BYED; RGA BA NI, NANG GI SKYE MCHED DRUG RGYUN 'GYUR BA'I GNAS SKABS DANG, GNAS PA NI, DE DRUG GI RGYUN MI 'JIG PA'I GNAS SKABS DANG, MI RTAG PA NI, DE DRUG GI RGYUN 'JIG PA'I GNAS SKABS DANG, MING GI TSOGS NI, CHOS RNAMS KYI NGO BO NYID STON PA'I NGAG GI THA SNYAD KYI GNAS SKABS DANG, TSIG GI TSOGS NI, CHOS RNAMS KYI KHYAD PAR STON PA'I NGAG GI THA SNYAD KYI GNAS SKABS DANG, YI GE'I TSOGS NI, RJOD BYED KYI SGRA'I GNAS SKABS LA MING TSIG GNYIS KA'I GZHIR BTAGS PA'I 'DU BYED; SO SKYE NI, 'PHAGS LAM MA THOB PA'I NANG GI SKYE MCHED GNAS SKABS DANG, 'JUG PA NI, RGYU 'BRAS RGYUN MI 'CHAD PA'I GNAS SKABS DANG, SO SOR NGES PA NI, RGYU 'BRAS THA DAD PA'I GNAS SKABS DANG, 'BYOR 'BREL BA NI, RGYU 'BRAS RJES SU MTHUN PA'I GNAS SKABS DANG, MGYOGS PA NI, RGYU 'BRAS MYUR BAR 'BYUNG BA'I GNAS SKABS DANG, GO RIM NI, RGYU 'BRAS RE RE NAS 'BYUNG BA'I GNAS SKABS DANG, DUS NI, RGYU 'BRAS RGYUN MI CHAD PA'I GNAS SKABS DANG, YUL NI GZUGS CAN GYI RGYU 'BRAS PHYOGS BCUR YOD PA'I GNAS SKABS DANG, NYER GNYIS PA GRANGS KYI MTSAN NYID MA DPER CHAD, TSOGS PA NI RGYU RKYEN MA TSANG PA MED PA'I GNAS SKABS LA BTAGS PA'I 'DU BYED DO, ,RNAM SHES KYI PHUNG PO'I RNAM BZHAG LA MTSAN NYID DANG, MTSAN

GZHI GTAN LA DBAB PA GNYIS LAS, DANG PO RNAM SHES SAM SEMS KYI MTSAN NYID NI DON GYI NGO BO TZAM YONGS SU GCOD PA'I SHES RIG GO ,GNYIS PA MTSAN NYID DE LTA BU DANG LDAN PA'I SEMS LA'ANG GSUM STE, SEMS DANG, YID DANG, RNAM PAR SHES PA'O, ,DE LTAR GSUM DU PHYE BA'I SEMS DANG KUN GZHI DON GCIG PAS MTSAN NYID NI, RNAM PAR SMIN PA'I RNAM SHES GANG, KUN NAS NYON MONGS PA'I SA BON KUN GYI RTEN DU GYUR PA, DBYE NA, SA BON DANG, RNAM SMIN GYI CHA GNYIS LAS, DANG PO NI; KUN NAS NYON MONGS KYI CHOS KUN GYI RGYU'I RKYEN DU GYUR CING RNAM SMIN GYI CHA LAS DE NYID DANG GZHAN DU BRJOD DU MED PA, GNYIS PA NI, LAS KYI BAG CHAGS YONGS SU SMIN PA'I NGO BOR GYUR PA'I RNAM SHES SO, ,YID KYI MTSAN NYID, YID SHES KYI LHAN CIG 'BYUNG BA'I GNAS SAM DE MA THAG PA'I GNAS GANG RUNG DU BYED PA, DE LA YANG NYON MONGS PA CAN GYI YID DANG, DRUG PO 'GAGS MA THAG PA'I YID GNYIS LAS, DANG PO NI, KUN GZHI LA DMIGS NAS RTAG TU NGAR RLOM PA'I RNAM SHES NYON MONGS PA BZHI DANG MTSUNGS PAR LDAN PA, GNYIS PA NI, SHES PA PHYI MA SKYE BA'I GO 'BYED PA'I 'JUG SHES GANG RUNG 'GAGS MA THAG PA'O, ,GSUM DU PHYE BA'I RNAM SHES DANG 'JUG SHES DON GCIG PAS MTSAN NYID NI, YUL DRUG GANG RUNG GI NGO BO SO SOR RNAM PAR RIG PA; DBYE NA MIG GI RNAM SHES SOGS DRUG LAS, GO RIM BZHIN DU, MIG LA BRTEN NAS GZUGS KYI NGO BO SO SOR RIG PA ZHES PA NAS, YID LA BRTEN NAS CHOS KYI NGO BO SO SOR RIG PA ZHES SBYAR RO, ,KHAMS DANG SKYE MCHED KYI MTSAN NYID NI BSHAD ZIN

, ,CING, MTSAN GZHI GTAN YA DBAB PA NI GZHUNG DU GO SLA BAS MA BSHAD DO, ,PHUNG POR MA 'DUS SHING CHOS KYI KHAMS DANG SKYE MCHED KYIS BSDUS PA'I 'DUS MA BYAS LA, MTSAN NYID, DBYE BA GNYIS LAS, DANG PO NI, CHOS GANG RGYU DANG RKYEN GYIS MA BSKYED PA, GNYIS PA NI DE BZHIN NYID SOGS DRUG LAS, DE BZHIN NYID KYI MTSAN NYID, BDAG GNYIS KYIS STONG PA'I DBYINGS GANG GZHAN DU MI 'GYUR BA, DE LA CHOS CAN GYI SGO NAS DGE BA'I DE BZHIN NYID SOGS GSUM DU 'GYUR LA; RNAM GRANGS KYI SGO NAS BDAG MED PA, STONG PA NYID YANG DAG PA'I MTHA', MTSAN MA MED PA, DON DAM PA, CHOS KYI DBYINGS RNAMS SO, ,NAM MKHA' NI, THOGS BCAS KYI GZUGS BKAG TZAM GYI MED DGAG SO SOR BRTAGS MIN GYI 'GOG PA NI; GNYEN POS MA SPANGS KYANG RGYU RKYEN MA TSANG BA'I STOBS KYIS THOB PA'I 'GOG PA, SO SOR BRTAGS PA'I 'GOG PA NI, SHES RAB KYI SO SOR BRTAGS PA'I STOBS KYIS THOB PA'I 'GOG PA, MI G-YO BA NI, 'GYUR BA BSKYED PA'I TSOR BA MA LUS PAR 'GAGS PAS RAB TU PHYE BA'I MED DGAG 'DU SHES DANG TSOR BA 'GOG PA NI, TSOR 'DU RAGS PA MA LUS PAR 'GAGS PAS RAB TU PHYE BA'I MED DGAG GO ,RNAM PA'I RAB DBYE NI, RDZAS YOD SHES BYA GZUGS CAN SOGS, ,ZAG BCAS BYUNG LA SOGS PA DANG; 'DAS DANG RKYEN LA SOGS PA RNAMS, ,ZHES PA LTAR DRUG CU'I DANG PO RDZAS YOD SOGS BZHIR DBYE BA LA, RDZAS YOD NI, SPYIR RIGS PAS DPYAD BZOD PA'I RDZAS YOD, DON BYED NUS PA'I RDZAS YOD, RANG RKYA THUB PA'I RDZAS YOD DANG GSUM

LAS; 'DIR THAM STE, MTSAN NYID NI, GZHAN LA LTOS MED DU DBANG PO'I YUL DU GYUR PA, BTAGS YOD LA YANG DU MA YOD KYANG 'DIR RANG RKYA MI THUB PA'I BTAGS YOD DE MTSAN NYID NI, DBANG PO'I SPYOD YUL DU 'GYUR BA LA BRJOD PA SOGS GZHAN LA LTOS PA DANG BCAS PA, KUN RDZOB LA YANG RIGS PAS DPYAD MI BZOD PA DANG, DE KHO NA NYID MTHONG BA LA SGRIB PA GNYIS LAS 'DIR THA MA STE MTSAN NYID NI, GANG LA KUN NAS NYON MONGS PA 'PHEL BAR 'GYUR BA'I DMIGS PA'O, ,DON DAM PA LA YANG RIGS PAS DPYAD BZOD PA DANG, YE SHES DAM PA'I SPYOD YUL DU GYUR PA'I DON DAM GNYIS LAS, 'DIR THA MA STE MTSAN NYID NI, GANG BSGOM NA KUN NAS NYON MONGS PA RNAM PAR DAG PAR 'GYUR BA'I DMIGS PA'O, ,SHES BYA SOGS GSUM DU DBYE BA LA SHES PAR BYA BA NI, KUN NAS NYON MONGS SAM RNAM BYANG GI NGO BOR THOS BSAM GYIS YONGS SU GCAD PAR BYA BA, RNAM PAR NGES PAR BYA BA NI, RNAM SHES BRGYAD GANG RUNG GIS GZUNG BAR BYA BA, MNGON PAR SHES PAR BYA BA NI, MNGON SHES DRUG GANG RUNG GIS RTOGS PAR BYA BA'O, ,GZUGS CAN SOGS DRUG DU DBYE BA LA, GZUGS CAN LA DNGOS BTAGS MA PHYE BA NI, GZUGS DE'I BDAG NYID SOGS GZUGS CAN DU 'DOGS PA'I RGYU MTSAN CI RIGS PA DANG LDAN PA, MTSAN NYID PA NI, GZUGS RUNG NGO BO'AM DON GZHAN GANG RUNG DU 'BREL BA, GZUGS CAN MA YIN PA LA DNGOS BTAGS THUN MONG BA NI, GZUGS CAN DU 'DOGS PA'I RGYU MTSAN CI RIGS PA DANG MI LDAN PA, MTSAN NYID PA NI, GZUGS RUNG NGO BO'AM DON GZHAN GANG DU YANG MA 'BREL PA, BSTAN YOD

, ,LA'ANG THUN MONG BA NI, BSTAN YOD KYI BDAG NYID SOGS BSTAN YOD DU 'DOGS PA'I RGYU MTSAN CI RIGS PA DANG LDAN PA, MTSAN NYID PA NI, MIG SHES KYI YUL DU RUNG BA, BSTAN MED NI DE LAS BZLOG PAS GO SLA'O, ,THOGS BCAS LA THUN MONG BA NI, RIGS SOGS GSUM GANG RUNG GIS THOGS PA DANG BCAS PA, MTSAN NYID PA NI, RANG YOD PAR GZUGS CAN GZHAN 'BYUNG BA'I GO 'GEGS PA, THOGS MED NI DE LAS BZLOG PA'O, ,ZAG BCAS SOGS BCU GNYIS SU DBYE BA LA; ZAG BCAS NI, ZAG PA DANG SGO DRUG GANG RUNG GIS 'BREL PA, SGO DRUG NI, ZAG PA'I BDAG NYID, DE DANG 'BREL PA, DES BCINGS PA, DE'I RJES SU 'BREL BA, DE DANG RJES SU MTHUN PA, DE'I RGYU LAS BYUNG BA STE, GO RIM BZHIN DU, ZAG PA DANG NGO BOR 'BREL PA DANG, DE DANG GROGS SU 'BREL PA, DES BDAG GIR BYAS PA, DES BZHAG PA'I NUS PA, DE 'PHEL BAR BYED PA, DES BSKYED PA'O, ,ZAG MED NI, DE LAS BZLOG PA'O, ,'THAB BCAS 'THAB MED NI, 'THAB RTZOD KYI RGYUR GYUR PA'I DUG GSUM DANG SGO DRUG GANG RUNG GIS 'BREL PA DANG, MA 'BREL BA'O, ,ZANG ZING DANG BCAS PA DANG DE MED PA NI, YANG SRID KYI RGYUR GYUR PA'I DUG GSUM DANG SGO DRUG GANG RUNG GIS 'BREL PA DANG, MA 'BREL BA'O, ,ZHEN RTEN DANG MNGON BYUNG RTEN PA NI; 'DOD PA'I YON TAN LNGA LA CHAGS PA'I RGYUR GYUR PA'I DUG GSUM DANG, SGO DRUG GANG RUNG GIS 'BREL BA DANG, MA 'BREL BA'O, ,'DUS BYAS DANG 'DUS MA BYAS KYI MTSAN NYID NI, SKYE 'JIG BYED PA DANG, MI BYED PA DANG, 'JIG RTEN DANG 'JIG

RTEN LAS 'DAS PA'I MTSAN NYID NI YANG DAG PA MA YIN PA'I KUN RTOG GIS BSDUS PA'I CHOS DANG, KHAMS GSUM LAS NGES PAR 'BYUNG BA'I CHOS SO, BYUNG SOGS BRGYAD DU DBYE BA LA, BYUNG BA DANG MA BYUNG BA NI, RGYU RKYEN LAS SKYES PA DANG MA SKYES PA'O, , 'DZIN PA DANG GZUNG BA NI, YUL LONGS SPYOD BYED DANG, LONGS SPYAD PAR BYA BA'O, ,PHYI LTAS DANG NANG LTAS NI, 'DOD YON LA SRED PA 'PHEL BA DANG RJES SU MTHUN PA DANG, TING NGE 'DZIN DANG RJES SU MTHUN PA'I CHOS SO, ,NYON MONGS CAN DANG NYON MONGS CAN MA YIN PA NI, NYON MONGS PA DNGOS KYI RGYU'AM MTSUNGS LDAN GYI GROGS SAM RANG GI NGO BO GANG RUNG DU LDAN PA DANG, DE GSUM GANG DANG YANG MI LDAN PA'O, ,'DAS SOGS BCU DRUG TU DBYE BA LA, 'DAS DA LTAR MA 'ONGS PA GSUM NI, RGYU 'BRAS GNYIS KA SPYAD ZIN, PA DANG, RGYU SPYAD LA 'BRAS BU MA SPYAD PA DANG, RGYU 'BRAS GNYIS KA MA SPYAD CING 'BYUNG RUNG DU YOD PA, DGE BA'I MTSAN NYID NI, MA 'ONGS PA'I 'BRAS BU 'DOD PA 'BYUNG BA'I THABS SU BSTEN PAR BYA BA, DBYE NA BCU GSUM LAS; NGO BO NYID KYIS DGE BA NI, RANG BZHIN GYIS RNAM PAR DKAR BA'I RANG BZHIN DU SKYES PA, 'BREL BA'I DGE BA NI, GROGS KYI STOBS KYIS RNAM PAR DKAR BA'I NGO BOR SKYES PA, RJES SU 'BREL BA'I DGE BA NI, RNAM PAR DKAR BA'I CHOS RNAMS KYIS BZHAG PA'I NUS PA, SLONG BA'I DGE BA NI, RNAM PAR DKAR BA'I CHOS KYI KUN NAS BSLANGS PA'I LUS NGAG GI LEGS SPYAD KYI LAS, DON DAM PA'I DGE BA NI, 'PHAGS PA RNAMS KYIS GZIGS NGOR GCIG TU KHA NA MA THO BA MED PA, SKYES THOB KYI DGE BA

, ,NI, RKYEN GZHAN LA MI LTOS PAR RIS MTHUN BZUNG BA TZAM GYIS KUN TU SPYOD PA'I DKAR CHOS, SBYOR BYUNG GI DGE BA NI, RKYEN GYI STOBS KYIS KUN TU SPYOD PA'I DKAR CHOS, MDUN DU BYAS PA'I DGE BA NI, YON TAN CAN LA MCHOD PAR 'DOD PAS KUN TU SPYOD PA'I DKAR CHOS, PHAN 'DOGS PA'I DGE BA NI, DMAN PA LA PHAN PAR 'DOD NAS KUN TU SPYOD PA'I DKAR CHOS, YONGS SU 'DZIN PA'I DGE BA NI MNGON MTHO DANG NGES LEGS KYI 'BRAS BU 'DOD PA 'DZIN PA'I DKAR CHOS; GNYEN PO'I DGE BA NI MI MTHUN PHYOGS 'JOMS PA'I DKAR CHOS, NYE BAR ZHI BA'I DGE BA NI, NYON MONGS SAM NYON MONGS PA'I GNAS KYI TSOR 'DU MA LUS PA 'GAGS PA'I DKAR CHOS, RGYU MTHUN PA'I DGE BA NI, DGE BAS BSKYED PA'I DKAR CHOS SO; ;MI DGE BA'I MTSAN NYID NI, MA 'ONGS PA'I 'BRAS BU MI 'DOD PA 'DOR BA'I THABS SU SPANG BAR BYA BA STE, DBYE NA BCU GNYIS LAS, NGO BO NYID KYIS MI DGE BA NI, RANG BZHIN GYIS NYES SPYOD KUN NAS SLONG BYED DU SKYES PA, 'BREL BA'I MI DGE BA NI; GROGS STOBS KYIS NYES SPYOD KUN NAS SLONG BYED DU SKYES PA, RJES SU 'BREL BA'I MI DGE BA NI, NYES SPYOD KUN SLONG DANG BCAS PAS BZHAG PA'I NUS PA, SLONG PA'I NI, MI DGE BAS KUN NAS BSLANGS PA'I LUS NGAG GI NYES SPYOD, DON DAM PA'I NI; 'PHAGS PAS GCIG TU KHA NA MA THO BA DANG BCAS PAR GZIGS PA, SKYE BAS THOB PA'I NI, SNGON GOMS PA'I STOBS KYIS RIS MTHUN BZUNG BA TZAM GYIS KUN TU SPYOD PA'I NYES SPYOD, SBYOR BYUNG GI NI, RKYEN GYI STOBS KYIS KUN TU SPYOD PA'I NYES

SPYOD; MDUN DU BYAS PA'I NI, LHA MCHOD PA'I BSAM PAS KUN TU SPYOD PA'I NYES SPYOD, GNOD PA BYED PA'I NI, GZHAN LA LOG PAR SGRUB PA'I NYES SPYOD, YONGS SU 'DZIN PA'I NI, BDE 'GRO 'AM NGAN 'GROR RNAM SMIN MI 'DOD PA 'DZIN PA'I NYES SPYOD, MI MTHUN PHYOGS KYI NI, GNYEN PO'I BAR DU GCOD PA'I CHOS, BAR DU GCOD PA'I MI DGE BA NI DGE BA'I BAR DU GCOD PA'I CHOS SO, ,LUNG DU MA BSTAN PA'I MTSAN NYID NI, 'BRAS BU 'DOD MI 'DOD DOR THOB KYI THABS SU BLANG DOR BYA BA MA YIN PA'I CHOS SO, , DBYE NA BCU BZHI LAS, NGO BO NYID KYIS LUNG MA BSTAN NI, RANG BZHIN GYIS 'DOD MI 'DOD KYI 'BRAS BU 'BYIN PA'I NUS MED DU SKYES PA, 'BREL PA'I NI, GROGS STOBS KYIS DER SKYES PA, RJES SU 'BREL BA'I NI, LUNG MA BSTAN GYIS BZHAG PA'I NUS PA; SLONG BA'I NI, LUNG MA BSTAN GYI SEMS KYIS KUN NAS BSLANGS PA'I LUS NGAG GI LAS, DON DAM PA'I NI, RNAM GRANGS KYIS DGE BA'AM MI DGE BA GANG DU YANG BZHAG PAR MI NUS PA'I CHOS, SKYES BAS THOB PA'I NI, DGE MI DGE'I RNAM SMIN GYIS BSDUS PA, SBYOR BYUNG GI NI, LUNG MA BSTAN GYI KUN TU SPYOD PA'I SPYOD LAM DANG GZO'I GNAS, MDUN DU BYA BA'I NI, LHA MCHOD PA'I BSAM PAS KUN NAS SPYOD PA'I LUNG MA BSTAN GYI LAS, PHAN 'DOGS PA'I NI, GZHAN LA ZAS GOS SOGS SBYIN PA'I LUNG MA BSTAN GYI LAS, NYE BAR SPYOD PA'I NI, RANG NYID ZAS GOS SOGS LA LONGS SPYOD PA'I LUNG MA BSTAN GYI LAS, YONGS SU 'DZIN PA'I NI, MA 'ONGS PA'I SKYE BA LA RGYU MTHUN GYI 'BRAS BU YONGS SU 'DZIN NUS PA'I LUNG MA BSTAN GYI LAS, GNYEN PO'I

, ,NI, LUNG MA BSTAN GYI SEMS KYIS NAD KYI GNYEN POR SMAN STEN PA'I LAS, NYE BAR ZHI BA'I NI, TING NGE 'DZIN GYIS NYES SPYOD BSKYED PA'I NUS PA NYAMS PAR BYAS PA'I NYON MONGS SO, ,RGYU MTHUN PA'I LUNG MA BSTAN NI, RGYU LUNG MA BSTAN GYIS BSKYED PA'I 'BRAS BU LUNG MA BSTAN NO, ,NYE BAR BSTAN PA'I DGE MI DGE LUNG MA BSTAN GSUM NI, BSAM GYIS MI KHYAB PA'I RNAM PAR THAR PA GANG GZHAN LA DGE MI DGE LUNG MA BSTAN LTAR SNANG BA'O, ,'DOD PA'I KHAMS NI, 'DOD YON LA SRED PA 'PHEL BA DANG, RJES SU MTHUN PA, GZUGS KHAMS NI, 'DOD PA LA 'DOD CHAGS DANG BRAL ZHING GZUGS LA SRED PA 'PHEL BA DANG RJES SU MTHUN PA, GZUGS MED KHAMS NI, GZUGS LA 'DOD CHAGS DANG BRAL ZHING MING BZHI'I PHUNG PO LA SRED PA 'PHEL BA DANG RJES SU MTHUN PA'O, ,SLOB PA NI THAR PA'I DON DU BSLAB PA GSUM LA BSLAB PA'I DGE BA, MI SLOB PA NI, BSLAB PA GSUM MTHAR PHYIN PA'I DGE BA, SLOB MI SLOB GNYIS KA MA YIN PA NI, THAR PA RGYU 'BRAS KYIS MA BSDUS PA'I CHOS SO, , MTHONG SPANG NI, BDEN PA'I CHOS NYID MTHONG PA TZAM GYIS GZHOM PAR BYA BA, SGOM SPANG NI, CHOS NYID MTHONG ZIN GOMS PAS GZHOM PAR BYA BA, SPANG BYA MA YIN PA NI, SKYON MED PAS SUN DBYUNG BYA MA YIN PA'O, ,RTEN 'BREL GYI MTSAN NYID NI, MTHA' BZHI DANG BRAL BA'I RGYU RKYEN LAS SKYES PA'O, ,DBYE NA NANG GI RTEN 'BREL DANG, PHYI'I RTEN 'BREL LO, ,DANG PO LA MTSAN NYID NI, SEMS CAN GYI RGYUD DU GTOGS PA'I RGYU 'BRAS KYI 'BREL PA, DE LA YANG KUN NAS NYON MONGS PA DANG, RNAM BYANG GI RTEN 'BREL

GNYIS LAS, DANG PO LA MTSAN NYID NI, 'KHOR BAR 'JUG TSUL GYI RGYU 'BRAS KUN NAS NYON MONGS PA GSUM GANG RUNG GIS BSDUS PA, DBYE NA MA RIG PA NAS RGA SHI'I BAR BCU GNYIS DANG, BSDU NA 'PHEN PA'I YAN LAG 'PHANGS PA'I YAN LAG MNGON PAR 'GRUB BYED KYI YAN LAG MNGON PAR GRUB PA'I YAN LAG BZHI STE, MTSAN NYID NI GO RIM BZHIN DU, MING GZUGS BSKYED NUS KYI SA BON 'DEBS PAR BYED PA'I LAS NYON, 'PHEN BYED KYI LAS NYON GYI RNAM SMIN GYIS BSDUS PA'I KUN NYON, 'PHANGS ZIN GYI MING GZUGS SOGS BSKYED BYED KYI LAS NYON, MING GZUGS SOGS GRUB PA'I NYES DMIGS SU GYUR PA'I KUN NYON NO, ,RNAM BYANG GI RTEN 'BREL GYI MTSAN NYID, 'KHOR BA LDOG BYED KYI RGYU 'BRAS BSLAB PA GSUM MAM LAM LNGAS BSDUS PA'O, ,PHYI'I RTEN 'BREL GYI MTSAN NYID, SEMS CAN DU MI BGRANG BA'I RGYU 'BRAS KYI 'BREL PA, DBYE NA SA BON LAS MYU GU, MYU GU LAS SDONG BU 'BYUNG BA LA SOGS PA MTHA' YAS SO, ,RKYEN SOGS BCU GCIG DU DBYE BA LA, RKYEN LA MTSAN NYID NI, 'BRAS BU 'BYUNG BA'I THABS SU GYUR PA, DBYE NA, RGYU DANG, DE MA THAG PA, DMIGS PA, BDAG PO'I RKYEN NO, ,DANG PO LA MTSAN NYID NI, ,'BRAS BU BSKYED PA'I THABS KYI GTZO BOR GYUR PA, DBYE NA DON DAM PA'I RGYU RKYEN DANG, THA SNYAD PA'I RGYU RKYEN GNYIS LAS, GO RIM BZHIN DU, KUN GZHI LA YOD PA'I KUN NAS NYON MONGS DANG, RNAM BYANG GI SA BON DANG, SA BON GYIS MYU GU BSKYED PA LA SOGS 'JIG RTEN NA RGYUR GRAGS PA RNAMS SO, ,PHYI MA LA DBYE NA DRUG STE, BYED RGYU DANG LHAN CIG 'BYUNG PA, MTSUNGS PAR LDAN

, ,PA, SKAL PA MNYAM PA, KUN TU 'GRO BA, RNAM SMIN GYI RGYU'O, ,DANG PO NI 'BRAS BU BSKYED PA'I BYA BA BYED PA STE, DBYE NA 'BYUNG BA'I BYED RGYU LA SOGS NYI SHU'O, ,GNYIS PA NI, TSOGS PA GCIG PA'I STOBS KYIS RANG DANG LHAN CIG PA'I GROGS LA PHAN 'DOGS PA, GSUM PA NI TSOGS PA GCIG PA'I STOBS KYIS RANG DANG LHAN CIG PA'I SEMS SEMS BYUNG GIS DMIGS PA RTOGS PA'I GROGS BYED PA, BZHI PA NI RANG DANG RIGS MTHUN PA'I 'BRAS BU BSKYED PAR BYED PA, LNGA PA NI; RANG DANG RIGS MTHUN PA'I 'BRAS BUS NYON MONGS CAN BSKYED PAR BYED PA, DRUG PA NI, 'DOD PA'AM MI 'DOD PA'I RNAM SMIN 'BYIN PAR BYED PA'O, ,DE MA THAG PA'I RKYEN NI, RANG 'GAGS STOBS KYIS RANG DANG RIGS MTHUN PA'I SHES PA PHYI MA SKYE BA'I GO 'BYED PA, DMIGS RKYEN NI, DMIGS PA'I SGO NAS SHES PA BSKYED PA'I THABS SU GYUR PA'O, ,BDAG PO'I RKYEN NI, DBANG BYED PA'I TSUL GYIS 'BRAS BU BSKYED PA'I THABS SU GYUR PA'O, ,RTEN MTSUNGS NI, RANG LA BRTEN PA'I RNAM SHES DANG YUL LA LONGS SPYOD BYED DU MTSUNGS PA'I DBANG PO, ,DE MTSUNGS NI, DNGOS SU YUL LA LONGS MI SPYOD KYANG RTEN MTSUNGS DANG RIGS 'DRA BA'I DBANG PO'O, ,ZIN PA DANG MA ZIN PA NI, TSOR BAS PHAN GNOD DU 'GYUR PA DANG MI 'GYUR BA'I GZUGS SO, ,DBANG PO LA MTSAN NYID NI, KUN BYANG GANG RUNG LA DBANG BYED PA'I CHOS 'O, ,DBYE NA NYER GNYIS DANG, BSDU NA KUN NYON GYI DBANG PO DANG, RNAM BYANG GI DBANG PO GNYIS SO, DANG PO NI KUN NAS NYON MONGS KYI CHOS LA DBANG BSGYUR BA STE, DE YANG YUL 'DZIN PA

DANG; REGS KYI RGYUD DANG, RIS MTHUN GNAS PA DANG, DGE SDIG GI 'BRAS BU LA DBANG BYED PA BZHI STE, GO RIM BZHIN DU, MIG SOGS DBANG PO DRUG DANG, PHO MO'I DBANG PO GNYIS DANG, SROG GI DBANG PO DANG, TSOR BA'I DBANG PO LNGA RNAMS SO; ;GNYIS PA NI, RNAM BYANG GI CHOS LA DBANG BSGYUR BA STE, DE YANG 'JIG RTEN PA'I RNAM DAG DANG, 'JIG RTEN LAS 'DAS PA'I RNAM DAG LA DBANG BYED PA GNYIS TE, GO RIM BZHIN DU, DAD SOGS LNGA DANG, MI SHES PA KUN SHES PA SOGS GSUM MO; ;DE DAG GI MTSAN NYID NI BSHAD CING 'CHAD PAR 'GYUR RO, ,SDUG BSNGAL GYI SDUG BSNGAL NI, TSOR BA SDUG BSNGAL GNAS DANG BCAS PAS BSDUS PA, 'GYUR BA'I SDUG BSNGAL NI, ZAG BCAS KYI TSOR BA BDE BA GNAS DANG BCAS PAS BSDUS PA; 'DU BYED KYI SDUG BSNGAL NI, ZAG BCAS KYI TSOR BA BTANG SNYOMS GNAS DANG BCAS PAS BSDUS PA'O, ,ZAS LA MTSAN NYID NI, SRID PA GNAS SHING RGYAS PAR BYED PA'I CHOS, DBYE NA KHAMS KYI ZAS DANG, REG PA'I ZAS DANG, SEMS PA'I ZAS DANG; RNAM PAR SHES PA'I ZAS SO, ,MTSAN NYID NI GO RIM BZHIN DU, YUL GANG SNA LCE LUS GSUM GYIS LONGS SPYAD NAS 'JU BA'I TSE DBANG PO RTEN DANG BCAS PA RGYAS PAR BYED PA, YID DU 'ONG BA'I YUL YONGS SU GCOD BYED KYI REG PA GANG DBANG PO RTEN DANG BCAS PA RGYAS PAR BYED PA, MA 'ONGS PA'I 'DOD BYA'I DNGOS PO LA SEMS G-YO BAR BYED PA'I SEMS PA GANG DBANG PO RTEN DANG BCAS PA RGYAS PAR BYED PA, SRID PA'I LUS MA THOB PA LEN PAR BYED PA DANG THOB ZIN GNAS PAR BYED PA'I RNAM SHES SO, ,GONG

, ,BCAS GONG MED NI, BLA NA DANG BCAS PA DANG, BLA NA MED PA'I CHOS SO, ,DE LTAR CHOS RAB TU RNAM 'BYED KYI LHAG MTHONG BSKYED PA'I CHED DU RNAM PA'I RAB DBYE BSTAN NAS, DA NI RTZE GCIG PA'I ZHI GNAS BSKYED PA'I CHED DU BSDUS PA BSTAN PA LA, MTSAN NYID NI, SEMS RTZE GCIG PA BSGRUB PA'I CHED DU RNAL 'BYOR GYI DMIGS PA PHYOGS GCIG TU BSDUS PA, DBYE NA BCU GCIG LAS, MTSAN NYID KYIS BSDUS PA NI, MTSAN NYID KYIS MTSAN GZHI JI SNYED PA BSDUS PA'O, , KHAMS KYIS BSDUS PA NI, SA BON GYIS SA BON CAN JI SNYED PA BSDUS PA'O, ,RIGS KYIS NI, RIGS KYIS RIGS CAN JI SNYED PA DANG, GNAS SKABS KYIS NI, GNAS SKABS KYIS GNAS SKABS CAN JI SNYED PA DANG, GROGS KYIS NI, GROGS KYIS GROGS CAN CI SNYED PA DANG, PHYOGS KYIS NI, PHYOGS KYIS PHYOGS CAN JI SNYED PA DANG, DUS KYIS NI, DUS KYIS DUS CAN JI SNYED PA DANG, PHYOGS GCIG GIS NI, SDUD BYED KYI PHYOGS GCIG GIS BSDUD BYA JI SNYED PA DANG, MTHA' DAG GIS NI, SDUD BYED MTHA' DAG GIS BSDUD BYA JI SNYED PA DANG, GCIG GIS GCIG BSDUS PA NI, BSDUD BYA DANG SDUD BYED PHAN TSUN GCIG GIS GCIG BSDUS PA'O, ,BCU GCIG PA DON DAM PAS BSDUS PA'I MTSAN NYID, CHAD, MTSUNGS PAR LDAN PA LA MTSAN NYID NI; CHOS GNYIS PHAN TSUN GROGS DANG, GROGS CAN DU 'JUG PA, DBYE NA DRUG LAS, THA DAD MED PAS MTSUNGS LDAN NI, TSOGS PA GCIG PA'I RDZAS KYI RDUL PHRA RAB RNAMS YUL GO SA THA MI DAD DU 'JUG PA, 'DRES PAS MTSUNGS LDAN NI, RAGS PA

GNYIS YUL GO SA DBYER MED DU 'DRES PA, PHRAD PAS NI, GONG BU GNYIS YUL 'DAB 'BYOR DU PHRAD PA, LHAN CIG GI 'BYUNG BAS NI, RGYU GCIG GIS BSDUS PA'I CHOS GNYIS SKYE 'GAG GNAS GSUM NGANG GCIG TU 'JUG PA, LNGA PA BYA BA BSGRUBS PAS MTSUNGS LDAN GYI MTSAN NYID, CHAD, MTHUN PAR RTOGS PAS NI SHES RIG GI CHOS GNYIS PHAN TSUN GROGS BYAS TE DMIGS PA GCIG LA 'JUG PA'O, ,LDAN PA LA MTSAN NYID NI THOB PA'I SKABS SU BSHAD ZIN TO, ,DBYE NA GSUM LAS, SA BON DU LDAN PA NI; SEMS CAN DU BGRANG BA'I MA 'ONGS PA'I CHOS RANG GI NGANG GIS 'BYUNG RUNG DU GNAS PA'I GNAS SKABS LA BTAGS PA'I THOB PA, DBANG DU LDAN PA NI, SEMS CAN DU BGRANG PA'I MA 'ONGS PA'I CHOS GANG 'BAD RTZOL GYI RKYEN GYIS BRTZAL NA 'BYUNG RUNG DU GNAS PA'I GNAS SKABS LA BTAGS PA'I THOB PA, MNGON GYUR DU LDAN PA NI, SEMS CAN DU BGRANG BA'I CHOS GANG RANG GI MTSAN NYID KYIS GNAS PA'I GNAS SKABS LA BTAGS PA'I THOB PA'O, ,MTSAN NYID KUN LAS BTUS PA'I DON MDOR BSDUS PA BSHAD ZIN TO,, ` ,,GNYIS PA RTOGS DKA' BA BYE BRAG TU GTAN LA DBAB PA LA, DPYAD BYA MNGON RTOGS KYI DMIGS PA YUL BDEN PA RNAM NGES, DPYOD PA'I NGO BO MNGON RTOGS KYI RGYU TSOGS CHOS RNAM NGES, DPYAD 'BRAS RANG GZHAN GYI DON THOB PA DANG 'BEL GTAM RNAM NGES SO, ,DANG PO LA, BDEN PA'I MTSAN NYID, DBYE BA, PHYE BA SO SO'I DON GSUM LAS, DANG PO NI, SHES BYA SPANG BYA BSTEN BYA MNGON DU BYA BA GANG RUNG DU 'PHAGS PA KHO NAS GZIGS PA, YANG NA KUN BYANG RGYU 'BRAS GANG RUNG GI NGO

, ,BOR RNAL 'BYOR PAS YONGS SU BCAD PAR BYA BA'O, ,GNYIS PA LA, GNYIS SU DBYE BA, BZHIR DBYE BA GNYIS LAS, DANG PO NI, RNAM PAR MA GZHAG PA'I BDEN PA DANG, RNAM PAR GZHAG PA'I BDEN PA GNYIS SO, ,DANG PO NI; MNYAM GZHAG MI RTOG PA'I SPYOD YUL DU GYUR PA'I DE BZHIN NYID DO, ,GNYIS PA NI, GDUL BYAS BDEN PA MNGON PAR RTOGS PA'I DON DU MING TSIG GI SGO NAS BDEN PA'I GNAS LUGS RNAM PAR GZHAG PA'O, ,GNYIS PA BZHIR DBYE BA NI, SDUG BSNGAL LA SOGS PA BZHI'O, ,GSUM PA PHYE BA'I SO SO'I DON LA BZHI LAS, DANG PO SDUG BSNGAL GYI BDEN PA LA, MTSAN NYID, MTSAN GZHI GTAN LA DBAB PA, MTSAN NYID KYI DON BSHAD PA DANG GSUM LAS, DANG PO NI, MI RTAG SDUG BSNGAL STONG PA BDAG MED NYID KYI RNAM PAR RNAL 'BYOR PAS YONGS SU BCAD NAS SHES PAR BYA BA'I BDEN PA'O, ,GNYIS PA LA BZHI LAS, DANG PO PHYI NANG GI SGO NAS DBYE NA, SEMS CAN GYI 'JIG RTEN DANG, SNOD KYI 'JIG RTEN NO, ,MTSAN NYID NI GO RIM BZHIN DU, THUN MONG MA YIN PA'I LAS KYI RNAM SMIN GYIS BSDUS PA'I PHUNG PO DANG, THUN MONG GI LAS KYI BDAG 'BRAS KYIS BSDUS PA'I PHUNG PO'O, ,DANG PO LA 'GRO BA RIGS LNGA STE, DMYAL BA NI, MI DGE BA CHEN POS 'PHANGS PA'I RNAM SMIN LA LONGS SPYOD PA'I 'GRO BA, DUD 'GRO NI; MI DGE BA 'BRING GIS 'PHANGS PA'I RNAM SMIN LA LONGS SPYOD PA'I 'GRO BA, YI DVAGS NI, MI DGE BA CHUNG NGUS 'PHANGS PA'I RNAM SMIN LA LONGS SPYOD PA'I 'GRO BA, YANG NA DE GNYIS GO RIM BZLOG GO ,MI NI, BSOD NAMS KYI LAS CHUNG NGUS

'PHANGS PA'I RNAM SMIN LA LONGS SPYOD PA'I 'GRO BA, LHA LA YANG 'DOD LHA NI, BSOD NAMS KYI LAS CHEN POS 'PHANGS PA'I RNAM SMIN LA LONGS SPYOD PA'I 'GRO BA, GZUGS GZUGS MED KYI LHA NI, MI G-YO BA'I LAS KYIS 'PHANGS PA'I RNAM SMIN LA LONGS SPYOD PA'I 'GRO BA'O, ,GNYIS PA NYES DMIGS KYI SGO NAS BRGYAD DU DBYE BA NI, SKYE BA SDUG BSNGAL BA LA SOGS PA STE GO SLA'O, ,GSUM PA NGO BO'I SGO NAS GSUM DU DBYE BA NI, SDUG BSNGAL GYI SDUG BSNGAL LA SOGS PA STE BSHAD ZIN TO, ,BZHI PA BDEN PA GNYIS KYI SGO NAS DBYE BA NI, KUN RDZOB KYI BDEN PA SDUG BSNGAL BA DANG, DON DAM PA'I BDEN PA SDUG BSNGAL BA GNYIS LAS, GO RIM BZHIN DU BYIS PAS KYANG MI 'DOD PA'I RANG BZHIN DU SHES PAR NUS PA DANG, 'PHAGS PA KHO NAS MI 'DOD PA'I RANG BZHIN DU SHES PA'O, ,GSUM PA MTSAN NYID KYI DON BSHAD PA LA BZHI LAS, MI RTAG PA NI, RTAG PAR PHYIN CI LOG PA'I GNYEN POR 'GYUR BA'I RNAM PAR NGO BOR YONGS SU GCAD PAR BYA BA, DBYE NA, MED PA'I MTSAN NYID LA SOGS PA BCU GNYIS SU 'GYUR KYANG; BSDU NA SKAD CIG DANG, RGYUN GYIS 'JIG PA GNYIS SU 'GYUR RO, ,SDUG BSNGAL GYI RNAM PA NI, GTZANG BA DANG BDE BAR PHYIN CI LOG PA'I GNYEN POR MI 'DOD PA'I RNAM PAR YONGS SU GCAD PAR BYA BA, BDAG MED PA'I RNAM PA NI, PHUNG PO'I NGO BO BDAG TU PHYIN CI LOG PA'I GNYEN POR RTEN 'BREL TZAM YONGS SU GCAD PAR BYA BA, STONG PA'I RNAM PA NI, PHUNG PO DON GZHAN GYI BDAG DANG 'BREL PAR PHYIN CI LOG PA'I GNYEN POR BDAG GIS DBANG BSGYUR BYA MA YIN PAR YONGS SU GCAD PAR BYA BA'O, ,YANG

, ,CHOS KYI BDAG MED PA'I DBANG DU BYAS PA'I STONG PA NYID GSUM STE, RANG GI MTSAN NYID KYIS STONG PA NYID DANG, YOD PA MA YIN PA'I STONG PA NYID DANG, RANG BZHIN GYIS STONG PA NYID DO, ,DANG PO NI GANG GIS STONG PA KUN BTAGS KYI NGO BO NYID DO, GNYIS PA NI, GANG STONG PA GZHAN DBANG GI NGO BO NYID DO, ,GSUM PA NI STONG PA NYID GANG YIN PA YONGS SU GRUB PA'I NGO BO NYID DO, ,KUN BTAGS NI, GZHAN DBANG GI GZUNG BYA LA BDAG DANG CHOS SU SGRO BTAGS PA'I NGO BO NYID; GZHAN DBANG NI, KUN GZHI'I SA BON LA SA GZUNG 'DZIN GNYIS SNANG CAN DU SKYES PA'I KUN RTOG YONGS GRUB NI, GZHAN DBANG NYID KUN BTAGS KYIS STONG PA'I CHOS NYID DAM DE MNGON SUM DU RTOGS PA'I YE SHES GANG RUNG YIN PA'O, ,RGYAS PAR NI YI GE ZUR NA YOD PA DER SHES PAR BYA'O, ,GNYIS PA KUN 'BYUNG GI BDEN PA LA, MTSAN NYID, MTSAN GZHI, MTSAN NYID KYI DON BSHAD PA DANG GSUM LAS, DANG PO NI, RGYU KUN 'BYUNG RAB SKYE RKYEN GYI RNAM PAR YONGS SU BCAD NAS SPANG PAR BYA BA'I BDEN PA; GNYIS PA NI, NYON MONGS PA DANG, LAS KYI KUN 'BYUNG GNYIS LAS, DANG PO LA MTSAN NYID, DBYE BA, MING GI RNAM GRANGS, SPANG BYA'I RIGS DANG BZHI LAS, DANG PO NI, SEMS RAB DU MA ZHI BAR BYED PA, GNYIS PA NI LTA BA DRUG GAM LNGA'I BYE BRAG GIS BCU STE BSHAD ZIN TO, GSUM PA LA KUN SBYOR SOGS NYER BZHI LAS, DANG PO KUN SBYOR LA MTSAN NYID NI, SRID PA'I SDUG BSNGAL SBYOR BAR BYED PA'I NYON MONGS, DBYE BA LA DGU LAS, RJES SU CHAGS PA'I KUN SBYOR NI, YID DU 'ONG BA'I YUL

LA CHAGS PA'I DBANG GIS SDUG BSNGAL 'GRUB PAR BYED PA, KHONG KHRO'I KUN SBYOR NI, YID DU MI 'ONG BA'I YUL LA KUN NAS MNAR SEMS PA'I DBANG GIS SDUG BSNGAL 'GRUB PAR BYED PA, NGA RGYAL GYI NI, SEMS KHENGS PA'I DBANG GIS SDUG BSNGAL 'GRUB PAR BYED PA, MA RIG PA'I NI, GNAS LUGS LA RMONGS PA'I DBANG GIS SDUG BSNGAL 'GRUB PAR BYED PA, LTA BA'I NI, LOG PAS NGES PAR 'BYUNG BA TSOL ZHING ZHEN PA'I DBANG GIS SDUG BSNGAL 'GRUB PAR BYED PA, MCHOG TU 'DZIN PA'I NI, LOG PAS NGES PAR 'BYUNG BA'I THABS LA ZHEN PA'I DBANG GIS SDUG BSNGAL 'GRUB PAR BYED PA, THE TSOM GYI NI, DKON MCHOG SOGS LA YID GNYIS ZA BA'I DBANG GIS SDUG BSNGAL 'GRUB PAR BYED PA, PHRAG DOG GI NI, GZHAN GYI PHUN TSOGS LA SEMS 'KHRUGS PA'I DBANG GIS SDUG BSNGAL 'GRUB PAR BYED PA, SER SNA'I KUN SBYOR NI, YO BYAD LA KUN TU 'DZIN PA'I DBANG GIS SDUG BSNGAL 'GRUB PAR BYED PA'O, ,'CHING BA NI, SEMS LOG PA'I YUL LA 'CHING BAR BYED PA, DE YANG 'DOD CHAGS KYI 'CHING BA SOGS GSUM TE GO RIM BZHIN DU, CHAGS PA DANG, SDANG BA DANG, RMONGS PA'I DBANG GIS SEMS LOG PA'I YUL LA 'CHING BAR BYED PA'O, ,BAG LA NYAL NI, TSOR BA GSUM GYI RGYUR GYUR PA'I NYON MONGS PA RNAMS 'PHEL BAR 'GYUR BA'I GNAS NGAN LEN, NYE BA'I NYON MONGS PA NI, SEMS NYE BAR NYON MONGS PAR BYED PA, KUN DKRIS NI, BSLAB GSUM BSGRUB PA'I TSE SEMS LA YANG DANG YANG DU 'KHRI ZHING BAR CHAD BYED PA, DBYE NA RMUGS PA LA SOGS PA BRGYAD DE, BSHAD ZIN TO, CHU BO NI SRID PA'I RGYUN PHYOGS

, ,SU 'KHYER BAR BYED PA'I NYON MONGS PA, DBYE NA BZHI LAS, 'DOD PA'I CHU BO NI, 'DOD PA TSOL PA LA ZHUGS PA RNAMS SRID PA'I RGYUN PHYOGS SU 'KHYER BAR BYED PA, SRID PA'I CHU BO NI, SRID PA TSOL BA LA ZHUGS PA RNAMS SRID PA'I RGYUN PHYOGS SU DANG, LTA BA'I CHU BO NI, LOG PAS TSANGS SPYOD TSOL BA RNAMS SRID PA'I RGYUN PHYOGS SU DANG, MA RIG PA'I CHU BO NI, TSOL BA GSUM KA SRID PA'I RGYUN PHYOGS SU 'KHYER BAR BYED PA'O, ,SBYOR BA NI, MI MTHUN PHYOGS DANG 'BRAL BA'I BAR DU GCOD PA'I NYON MONGS, DBYE NA 'DOD PA'I SBYOR BA SOGS BZHI'O, ,NYE BAR LEN PA NI, RAB BYUNG DANG KHYIM PA'I RTZOD PA'I RTZA BA LA MNGON PAR ZHEN PA'I 'DOD 'DUN, DBYE NA 'DOD PA DANG, LTA BA DANG, TSUL KHRIMS DANG, BRTUL ZHUGS DANG; BDAG DU SMRA BA'I NYE BAR LEN PA DANG BZHI'O, ,GO RIM BZHIN DU, 'DOD YON LA 'DUN CING CHAGS PA, LTA BAR GYUR PA DRUG BCU RTZA GNYIS LA 'DUN CING CHAGS PA, LTA NGAN DANG 'BREL BA'I TSUL ZHUGS LA 'DUN CING CHAGS PA, BDAG DANG BDAG GIR 'DZIN PA LA 'DUN CING CHAGS PA'O, ,MDUD PA NI, MNYAM PAR GZHAG PA'I YID KYI RANG BZHIN GYI LUS KYI BAR DU GCOD PA'I NYON MONGS, SGRIB PA NI BSLAB GSUM BSGRUB PA'I TSE DGE BA'I PHYOGS MI RTOGS PA'I RGYU BYED PA'I NYON MONGS SO, ,THA BA NI; SEMS BYUNG GNYEN POS DBRAL DKA' BAR BYED PA'I NYON MONGS, DRI MA NI, 'CHAL TSUL GYI DRI MA KUN NAS SLONG BA'I NYON MONGS, SDIG PA NI, YUN RING DU RNAM PAR 'TSE BAR BYED PA'I NYON MONGS, ZUG RNGU NI, LUS SEMS GDUNG BAR BYED PA'I NYON

MONGS; CI YANG NI, 'JIGS PA DANG 'KHON SOGS RNAM G-YENG MANG PO'I RGYUR GYUR PA'I NYON MONGS, NYES SPYOD NI, SGO GSUM GYI NYES SPYOD KUN NAS SLONG BA'I NYON MONGS, ZAG PA NI, SKYE MCHED DRUG GI SGO NAS SRID PA'I YUL LA SEMS 'PHRO BAR BYED PA'I NYON MONGS, PHONGS PA NI, SRID PA'I RGUD PA MTHA' DAG 'DREN PA'I NYON MONGS, 'KHRUG PA NI, LUS SEMS LA SDUG BSNGAL BSKYED PAR BYED PA'I NYON MONGS, 'THAB PA NI, 'THAB RTZOD KYI RGYUR GYUR PA'I NYON MONGS, YONGS SU GDUNG BA'I, SRID PA DANG SRID PA'I YO BYAD LA MTSAN MA SOGS SU BZUNG BAS LUS SEMS GDUNG BAR BYED PA'I NYON MONGS, RIMS NAD NI, RIMS LTAR LUS SEMS LHAG PAR GDUNG BAR BYED PA'I NYON MONGS, NAGS SBYOR NI, SRID PA'I LUS SNA TSOGS 'GRUB PAR BYED PA'I NYON MONGS, GAGS NI, DGE BA LA SBYOR BA'I BAR DU GCOD PA'I NYON MONGS SO, ,BZHI PA SPANG BYA'I RIGS NI, MTHONG SPANG GI RIS DANG, SGOM SPANG GI RIS SO, ,DANG PO LA MTSAN NYID NI, BDEN PA'I MTSAN NYID MTHONG BA TZAM GYIS GZHOM PAR BYA BA'I NYON MONGS, DBYE NA BDEN BZHI'I BYE BRAG GIS BZHI LAS, SDUG BSNGAL MTHONG SPANG NI, SDUG BSNGAL CHOS BZOD KYIS GZHOM PAR BYA BA, KUN 'BYUNG MTHONG SPANG NI, KUN 'BYUNG CHOS BZOD, 'GOG PA MTHONG SPANG NI, 'GOG PA CHOS BZOD, LAM GYI MTHONG SPANG NI, LAM BDEN CHOS BZOD KYIS GZHOM PAR BYA'O, ,DE DAG RE RE LA YANG 'DOD PA'I KHAMS NA BCU BCU, GZUGS DANG GZUGS MED PA'I KHAMS LA KHONG KHRO BOR BA DGU DGU STE, MDOR NA MTHONG SPANG GI NYON MONGS PA BRGYA DANG BCU GNYIS SU

, ,'GYUR RO, ,SGOM SPANG NI, CHOS NYID MTHONG ZIN GOMS PAS GZHOM PAR BYA BA'I NYON MONGS, DBYE NA SA DGU LA CHE 'BRING DGU DGU'I BYE BRAG GIS BRGYAD BCU RTZA GCIG GO ,LAS KYI KUN 'BYUNG LA, MTSAN NYID NI, YANG SRID 'GRUB BYED KYI LAS, DBYE NA NGO BO'I SGO NAS SEMS PA'I LAS DANG, BSAM PA'I LAS GNYIS LAS, DANG PO NI, DGE MI DGE LA SEMS G-YO BAR BYED PA'I SEMS PA RGYU DUS KYI KUN SLONG GIS BSDUS PA'O, ,DBYE NA BSOD NAMS DANG, BSOD NAMS MA YIN PA DANG, MI G-YO BA'I LAS SO, ,DE DAG GI MTSAN NYID NI GO RIM BZHIN DU, 'DOD PA'I DGE BA LA SEMS G-YO BAR BYED PA DANG, MI DGE BA LA SEMS G-YO BAR BYED PA DANG, GZUGS GZUGS MED KYI DGE BA LA SEMS G-YO BAR BYED PA'I SEMS PA'O, ,GNYIS PA NI, SGO GSUM GYI DGE MI DGE'I LAS LA SEMS PA DE'I DUS KYI KUN SLONG GIS BSDUS PA'O, ,DBYE NA LUS, NGAG YID KYI LAS GSUM TE, GO RIM BZHIN DU, LUS KYI RNAM PAR RIG BYED STOBS LDAN DANG LHAN CIG TU 'JUG PA DANG, NGAG GI RNAM PAR RIG BYED DE DANG, LUS NGAG GI BYA BAR MA THON PA'I YID STOBS LDAN DANG LHAN CIG 'JUG PA'I SEMS PA'O, ,LUS KYI LAS LA MI DGE BA DANG, DGE BA GNYIS LAS, DANG PO LA'ANG GSUM STE, SROG GCOD PA NI; BSAM BZHIN DU MA NOR BAR GZHAN GYI SROG GCOD PAR BYED PA'I LUS KYI RNAM RIG DANG LHAN CIG TU 'JUG PA'I SEMS PA, MA BYIN LEN NI, MTHU'AM 'JAB BUS GZHAN GYI YO BYAD BDAG GIR BYED PA'I LUS KYI DANG, LOG G-YEM NI, BGROD BYA MA YIN

PA LA BGROD PAR BYED PA'I LUS KYI RNAM RIG DANG LHAN CIG TU 'JUG PA'I SEMS PA'O, ,DGE BA LA YANG SROG GCOD SPONG BA LA SOGS GSUM STE, GO RIM BZHIN DU, SROG GCOD SPONG BA'I LUS KYI RNAM RIG DANG LHAG CIG PA'I SEMS PA ZHES SOGS SBYAR RO; ;NGAG GI LAS LA MI DGE BA DANG, DGE BA GNYIS LAS, DANG PO LA BZHI STE, BRDZUN NI, BRJOD BYA'I DON GZHAN DU GNAS PA LA 'DU SHES BSGYUR TE GZHAN DU STON PA'I NGAG GI RNAM PAR RIG BYED DANG LHAN CIG PA'I SEMS PA, PHRA MA NI, PHA ROL PO DBYE BA'I PHYIR DU SMRAS PA'I NGAG GI DANG, TSIG RTZUB NI, GZHAN GYI ZHE BZLOG PAR BYED PA'I NGAG GI DANG, RKYAL PA NI, NYON MONGS PA CAN GYI TSIG DANG LHAN CIG PA'I SEMS PA'O, ,DGE BA LA YANG BZHI STE, DE DAG SPONG BA'I SEMS PA'O, ,YID KYI LAS LA; MI DGE BA DANG, DGE BA GNYIS LAS, DANG PO LA GSUM STE, BRNAB SEMS KYI LAS NI, GZHAN GYI YO BYAD MTHU'AM 'JAB BUS BDAG GIR BYED 'DOD PA DANG LHAN CIG PA'I SEMS PA, GNOD SEMS KYI LAS NI, GZHAN LA THO 'TSAMS PAR 'DOD PA DANG, LOG PAR LTA BA'I LAS NI, LAS 'BRAS SOGS LA SKUR PA 'DEBS PA'I LTA BA DANG LHAN CIG PA'I SEMS PA'O, ,DGE BA LA YANG GSUM STE, DE DAG SPONG BA'I SEMS PA'O, ,YANG LAS LA GNYIS TE, 'PHEN BYED KYI LAS DANG, RDZOGS BYED KYI LAS SO, ,DANG PO NI, LAS GANG RNAM SMIN GYI NGO BO TZAM 'GRUB PAR BYED PA'O, ,GNYIS PA NI, LAS GANG RNAM SMIN DE NYID 'DOD PA 'AM MI 'DOD PA'I KHYAD PAR CAN DU 'GRUB PAR BYED PA'O, ,YANG LAS LA GNYIS TE, THUN MONG PA'I LAS DANG, THUN MONG

, ,MA YIN PA'I LAS TE, GO RIM BZHIN DU, SNOD KYI 'JIG RTEN 'GRUB PAR BYED PA'I LAS DANG, SEMS CAN GYI 'JIG RTEN 'GRUB PAR BYED PA'I LAS SO, ,YANG LAS LA GSUM STE, SDOM PA DANG, SDOM PA MA YIN PA DANG; BAR MA'I LAS SO, ,DANG PO LA, MTSAN NYID NI, 'CHAL TSUL SPONG BA'I SEMS PA, DBYE NA SO SO THAR PA'I SDOM PA DANG, BSAM GTAN GYI SDOM PA DANG, ZAG MED KYI SDOM PA'O, ,DANG PO LA MTSAN NYID NI, BRDA BYUNG GI SDOM PA GANG GLING GSUM GYI MI KHO NA LA BRTEN PA, DBYE NA RIGS BRGYAD LAS, DGE SLONG GI SDOM PA NI, LUS NGAG GI NYES PA MTHA' DAG SPONG BAS RAB TU PHYE BA'I BRDA BYUNG GI SDOM PA GANG SKYES PA'I RGYUD LA BRTEN PA, DGE SLONG MA'I SDOM PA NI, DE GANG BUD MED KYI RGYUD LA BRTEN PA, DGE TSUL GYI SDOM PA NI, SPANG BYA BCU SPONG PAS RAB TU PHYE BA'I BRDA BYUNG GI SDOM PA GANG SKYES PA LA BRTEN PA, DGE TSUL MA'I SDOM PA NI, DE GANG BUD MED LA BRTEN PA, DGE SLOB MA'I SDOM PA NI, RTZA BA'I CHOS DRUG RJES MTHUN GYI CHOS DRUG RNAMS SPONG BAS RAB TU PHYE BA'I BRDA BYUNG GI SDOM PA GANG BUD MED LA BRTEN PA, DGE BSNYEN GYI SDOM PA NI, SPANG BYA LNGA SPONG BAS RAB TU PHYE BA'I BRDA BYUNG GI SDOM PA GANG SKYES PA LA BRTEN PA, DGE BSNYEN MA'I NI, DE GANG BUD MED LA BRTEN PA, BSNYEN GNAS KYI SDOM PA NI, SPANG BYA BRGYAD SPONG BAS RAB TU PHYE BA'I BRDA BYUNG GI SDOM PA'O, ,GNYIS PA BSAM GTAN GYI SDOM PA'I MTSAN NYID NI, 'JIG RTEN PA'I BSAM GTAN GYIS 'CHAL TSUL KUN NAS SLONG BA'I NYON MONGS PA RNAM PAR GNON PA'I STOBS KYIS THOB

PA'I SDOM PA, DBYE NA BSAM GTAN SA DRUG GIS BSDUS PA DRUG GO ,GSUM PA ZAG MED KYI SDOM PA LA MTSAN NYID NI, 'JIG RTEN LAS 'DAS PA'I BSAM GTAN GYIS 'CHAL TSUL KUN SLONG GI NYON MONGS PA'I SA BON DRUNGS NAS PHYUNG BA'I STOBS KYIS THOB PA'I SDOM PA, DBYE NA 'CHAL TSUL KUN SLONG GI NYON MONGS PA PHYOGS GCIG SPANGS PA DANG, PHAL CHER SPANGS PA DANG, MTHA' DAG SPANGS PA DANG, RNAM PAR DAG PA MTHAR PHYIN PA'I SDOM PA BZHI STE, GO RIM BZHIN DU, RGYUN ZHUGS DANG, PHYIR 'ONG DANG; PHYIR MI 'ONG DANG, DGRA BCOM PA'I 'BRAS BUS BSDUS PA'I SDOM PA RNAMS SO, ,SDOM PA MIN PA NI, BYA BA MA YIN PA LA MTHA' GCIG TU ZHUGS PA'I SEMS PA'O, ,BAR MA'I LAS NI, SDOM LDAN DANG SDOM MIN CAN GNYIS KA'I RGYUD LA 'BYUNG BA MI 'GAL BA'I DGE BA'AM MI DGE BA'I LAS SO, ,YANG LAS LA GNYIS TE, MYONG BAR NGES PA'I LAS DANG, MA NGES PA'I LAS TE, GO RIM BZHIN DU, LAS GANG BYAS SHING BSAGS PA'I YAN LAG GNYIS DANG LDAN PA DANG, BYAS SHING BSAGS PA'I YAN LAG GANG RUNG DANG MI LDAN PA'I LAS SO, ,YANG MYONG NGES LA GSUM LAS, MTHONG CHOS LA MYONG 'GYUR NI, YUL KHYAD PAR CAN NAM BSAM PA DRAG PO'I STOBS KYIS LAS GANG GI 'BRAS BU TSE DE NYID LA MYONG BA, SKYES NAS MYONG 'GYUR NI, LAS GANG GI RNAM SMIN LAS BYAS PA'I SKYE BA PHYI MA LA MYONG PA, LAN GRANGS GZHAN LAS MYONG 'GYUR NI, LAS GANG GI RNAM SMIN LAS BYAS PA'I TSE DE'I SKYE BA GNYIS PA PHAN CHAD DU MYONG BA'O, ,YANG LAS GSUM STE, GCIG TU DKAR BA, GCIG TU GNAG PA, DKAR NAG

, ,'DRES MA'I LAS TE, GO RIM BZHIN DU, BSAM SBYOR GNYIS KA DGE BA DANG, BSAM SBYOR GNYIS KA MI DGE BA DANG, BSAM SBYOR GANG RUNG DGE MI DGE BA'O, ,GSUM PA MTSAN NYID KYI DON BSHAD PA LA BZHI LAS, RGYU'I MTSAN NYID NI, YANG SRID PAR SKYE BA'I BAG CHAGS 'JOG PA'I BYED RGYU, KUN 'BYUNG NI, LAS KYI BAG CHAGS MTHUN PAR BSAGS PA'I SEMS CAN RNAMS 'GRO BA RIGS MTHUN PAR 'BYUNG BA'I BYED RGYU, RAB TU SKYE BA NI, 'GRO BA RIGS MTHUN PA RNAMS KYANG RNAM PA SO SO THA DAD PAR 'BYUNG BA'I BYED RGYU, RKYEN NI, LUS MA THOB PA THOB PAR BYED PA DANG THOB PA 'DA' BAR BYED PA'I BYED RGYU'O, ,GSUM PA 'GOG BDEN LA, MTSAN NYID, MTSAN GZHI GTAN LA DBAB PA, MTSAN NYID KYI DON BSHAD PA'O, ,DANG PO NI; 'GOG PA ZHI BA GYA NOM NGES 'BYUNG GI RNAM PAR RNAL 'BYOR BAS YONGS SU BCAD NAS MNGON DU BYA BA'I BDEN PA, GNYIS PA DE LDAN GYI 'GOG PA DE YANG DGU LAS, BRDA'I 'GOG PA NI, 'JIG RTEN PA'I LAS KYIS SPANG BYA'I SA BON NYAMS SMAD PA'I 'GOG PA; DON DAM PA'I 'GOG PA NI, 'JIG RTEN LAS 'DAS PA'I LAM GYIS SPANG BYA'I SA BON DRUNG NAS PHYUNG BA'I 'GOG PA, YONGS SU MA RDZOGS PA'I NI, 'PHAGS PA SLOB PA'I 'BRAS BUS BSDUS PA'I 'GOG PA, YONGS SU RDZOGS PA'I NI, MI SLOB PA'I 'BRAS BUS BSDUS PA'I 'GOG PA, RGYAN DANG BCAS PA'I NI, GNYIS KA'I CHA LAS RNAM GROL GYI 'BRAS BUS BSDUS PA'I 'GOG PA, RGYAN MED PA'I NI, SHES RAB KYI RNAM GROL GYI 'BRAS BUS BSDUS PA'I 'GOG PA, LHAG MA DANG BCAS PA'I NI, NYON MONGS

MA LUS PA SPANGS SHING ZAG BCAS KYI PHUNG PO MA 'GAGS PA'I 'GOG PA, LHAG MA MED PA'I NI, ZAG BCAS MA LUS PA 'GAG PA'I 'GOG PA, KHYAD PAR DU 'PHAGS PA'I 'GOG PA NI, SRID ZHI'I MTHA' LA MI GNAS PA'I 'GOG PA'O, ,GSUM PA LA BZHI LAS; 'GOG PA'I RNAM PA NI, RGYU LAS DANG NYON MONGS PA MA LUS PA DANG BRAL BA, ZHI BA NI, 'BRAS BU MA 'ONGS PA'I SDUG BSNGAL MTHA' DAG DANG BRAL BA, GYA NOM PA NI DE GNYIS KA DANG BRAL BAS DON DAM PAR GTZANG BDE'I RANG BZHIN YIN PA, NGES 'BYUNG NI, GTAN DU PHAN PA'I RANG BZHIN YIN PA'O, ,BZHI PA LAM BDEN LA, MTSAN NYID, MTSAN GZHI GTAN LA DBAB PA, MTSAN NYID KYI DON BSHAD PA GSUM LAS, DANG PO NI, LAM SGRUB PA RIGS PA NGES 'BYIN GYI RNAM PAR YONGS SU BCAD NAS RNAL 'BYOR PAS BSTEN PAR BYA BA'I BDEN PA, GNYIS PA LA LNGA STE, TSOGS KYI LAM, SBYOR BA'I LAM, MTHONG BA'I LAM SGOM PA'I LAM, MTHAR PHYIN PA'I LAM MO, DANG PO LA MTSAN NYID NI, GANG BSGOMS PAS SPANG BYA SPANG RUNG DANG, GNYEN PO SKYE RUNG GI NGO BOR RGYUD SMIN PAR BYED PA'I LAM, GNYIS PA LA MTSAN NYID NI, BDEN PA'I RNAM PA LA DMIGS TE BSGOMS PAS MTHONG SPANG NYON MONGS PA'I SA BON NYAMS SMAD PAR BYED PA'I TING NGE 'DZIN SHES RAB DANG BCAS PA, DBYE NA BZHI LAS, DROD NI; BDEN BZHI'I RNAM PA'AM BZUNG BA RANG BZHIN MED PA LA GSAL SNANG DANG POR THOB PA'I TING NGE 'DZIN DANG SHES RAB MTSUNGS LDAN DANG BCAS PA, RTZE MO NI, DE LA GSAL SNANG MCHED PA'I TING NGE 'DZIN SOGS DANG, BZOD PA NI, DE LA GSAL SNANG CHER

, ,THOB PA'I TING NGE 'DZIN SOGS GANG ZHIG 'DZIN PA RANG BZHIN MED PA'I PHYOGS GCIG LA ZHUGS PA, CHOS MCHOG NI, DE LA GSAL SNANG YONGS SU RDZOGS PA'I SO SKYE'I TING NGE 'DZIN GANG ZHIG BDEN PA MNGON RTOGS DNGOS SU 'DREN NUS PA'O, ,YANG NA SBYOR LAM NI, TSOGS LAM TZAM DANG THUN MONG PA DANG, THUN MONG MA YIN PA GNYIS LAS, DANG PO NI, YON TAN GANG GI RIGS TSOGS LAM NAS KYANG YOD LA DA LTA SBYOR LAM GYI NGO BOR GNAS PA'O, ,GNYIS PA NI, BDEN PA'I RNAM PA CAN GYI SO SKYE'I SGOM BYUNG, DBYE NA DROD SOGS BZHI'O, ,GSUM PA MTHONG LAM LA MTSAN NYID NI, BDEN BZHI'I CHOS NYID DANG DE RTOGS BYED KYI YE SHES SNGAR MA RTOGS PA GSAR DU RTOGS PA'I MNGON RTOGS, DBYE NA SKAD CIG MA'I DBYE BAS BCU DRUG LAS; SDUG BSNGAL LA CHOS SHES PA'I BZOD PA NI, SDUG BSNGAL BDEN PA'I CHOS NYID SNGAR MA RTOGS PA GSAR DU RTOGS PA'I YE SHES GANG BAR CHAD MED LAM GYIS BSDUS PA, SDUG BSNGAL LA CHOS SHES PA NI, DE LTA BU'I YE SHES GANG RNAM GROL LAM GYIS BSDUS PA, SDUG BSNGAL LA RJES SU SHES PA'I BZOD PA NI, DE LTA BU'I YE SHES DE NYID GZHAN RIG GI TSUL GYIS SNGAR MA RTOGS PA GSAR DU RTOGS PA'I YE SHES, SDUG BSNGAL LA RJES SU SHES PA NI, SDUG BSNGAL RJES BZOD DE NYID GZHAN RIG GI TSUL GYIS SNGAR MA RTOGS PA GSAR DU RTOGS PA'I YE SHES, BDEN PA LHAG MA GSUM GYI CHOS BZOD CHOS SHES RJES BZOD RJES SHES RNAMS KYANG SNGA MA'I RIGS PAS SHES PAR BYA'O, ,BZHI PA SGOM LAM LA MTSAN NYID NI, SGOM SPANG SPONG PA'I CHED DU BYA BA'I LAM, DBYE

NA 'JIG RTEN PA'I SGOM LAM DANG, 'JIG RTEN LAS 'DAS PA'I SGOM LAM DANG GNYIS SO, ,DANG PO LA GNYIS LAS, MTSAN NYID NI, SGOM LAM GANG ZHIG ZHI RAGS KYI RNAM PA CAN NO, ,MTSAN GZHI GTAN LA DBAB PA LA, BSAM GTAN DANG, GZUGS MED GNYIS SO, ,DANG PO LA MTSAN NYID NI, YAN LAG GI SGO NAS 'OG SA LAS NGES PAR 'BYUNG BA'I SEMS RTZE GCIG PA MTSUNGS LDAN DANG BCAS PA'AM DE'I RNAM SMIN GANG RUNG GIS BSDUS PA, DBYE NA, SNYOMS 'JUG GI BSAM GTAN DANG, SKYE BA'I BSAM GTAN GNYIS LAS, DANG PO LA MTSAN NYID NI, SBYOR BA LAS BYUNG BA'I SEMS RTZE GCIG PA MTSUNGS LDAN DANG BCAS PA GANG GZUGS KYI 'DU SHES DANG MA BRAL BA, DBYE NA NGO BO'I SGO NAS DAG PA BA DANG, NYON MONGS CAN DANG, ZAG MED GSUM STE; GO RIM BZHIN DU, SNYOMS 'JUG GI BSAM GTAN GANG 'JIG RTEN PA'I DGE BA RTZE GCIG PAS BSDUS PA, DE GANG RANG SA'I NYON MONGS KYIS RAB TU MA ZHI BAR BYAS PA, DE GANG 'JIG RTEN LAS 'DAS PA'I DGE BAS BSDUS PA'O, ,DAG PA BA LA BZHI STE; NYAMS PA CHA MTHUN, GNAS PA CHA MTHUN, KHYAD PAR CHA MTHUN, NGES 'BYED CHA MTHUN TE, GO RIM BZHIN DU, DAG PA PA'I BSAM GTAN GANG 'JUG THOGS SU NYON MONGS SKYE PA DANG RJES SU MTHUN PA, DE GANG RANG SA'I DAG PA PA'I BSAM GTAN GZHAN 'DREN PA DANG RJES SU MTHUN PA, DE GANG GONG SA'I TING NGE 'DZIN GZHAN BSKYED PA DANG RJES SU MTHUN PA, DE GANG ZAG MED BSKYED PA DANG RJES SU MTHUN PA'O, ,NYON MONGS CAN LA YANG BZHI STE, LTA BA SHAS CHE BA, THE TSOM SHAS CHE BA, NGA RGYAL SHAS CHE

, ,BA, SRED PA SHAS CHE BA STE, GO RIM BZHIN DU, LTA BAR GYUR PA DRUG BCU RTZA GNYIS LAS GANG RUNG GIS MA RUNGS PAR BYAS PA'I BSAM GTAN, 'JIG RTEN PA'I BSAM GTAN LA THAR PAR SOM NYI ZA BAS MA RUNGS PAR DANG; NGA RGYAL GYIS MA RUNGS PAR DANG, SNYOMS 'JUG GI BDE BA LA SRED PAS MA RUNGS PAR BYAS PA'I BSAM GTAN NO, ,SPANG BYA'I SGO NAS BSAM GTAN DANG PO NI, GNYIS PA, GSUM PA, BZHI PA'O, ,DANG PO LA MTSAN NYID NI, YID MI BDE BA LAS NGES PAR 'BYUNG ZHING RTOG DPYOD GANG RUNG GI SAS BSDUS PA'I SEMS RTZE GCIG PA MTSUNGS LDAN DANG BCAS PA, DBYE NA NYER BSDOGS, DNGOS GZHI TZAM PO, DNGOS GZHI KHYAD PAR CAN DANG GSUM MO, ,DANG PO LA MTSAN NYID NI, 'DOD PA LA 'DOD CHAGS DANG BRAL BA'I CHED DU BRTZON PA'I THOS BSAM SGOM PA GANG RUNG GIS BSDUS PA'I DGE BA, DBYE NA YID LA BYED PA DRUG STE, MTSAN NYID RAB DU RIG PA, MOS PA LAS BYUNG BA, DBEN PA, DGA' BA BSDUD PA, DPYOD PA, SBYOR BA MTHA'I YID LA BYED PA STE; GO RIM BZHIN DU, 'DOD PA LA RAGS PA DANG, BSAM GTAN DANG PO LA ZHI BAR LTA BA'I THOS BSAM DANG, DE LTA BU'I RNAM PA CAN GYI SGOM BYUNG MI MTHUN PHYOGS SPONG BA'I MTHU MA THOB PA DANG, 'DOD PA'I NYON MONGS CHEN PO GSUM SPONG BA'I YID LA BYED PA DANG, DE 'BRING GSUM SPONG BA'I YID LA BYED PA DANG, PHAL CHER SPANGS PAS ZAD PAR SPANGS MA SPANGS ZHIB TU DPYOD PA'I YID LA BYED PA DANG, CHUNG NGU GSUM SPONG BA'I YID LA BYED PA'O, ,BSAM GTAN LHAG MA GSUM DANG, GZUGS MED BZHI'I

NYER BSDOGS KYI MTSAN NYID, DBYE BA, PHYE BA SO SO'I DON RNAMS KYANG 'DI LAS DPAGS TE CI RIGS PAR SHES PAR BYA'O, ,DNGOS GZHI TZAM PO NI, RTOG DPYOD GNYEN PO'I YAN LAG GIS 'DOD PA LAS 'DOD CHAGS DANG BRAL BAS RAB TU PHYE BA'I SEMS RTZE GCIG PA MTSUNGS LDAN DANG BCAS PA DBEN PA LAS SKYES PA'I DGA' BDE PHAN YON GYI YAN LAG TU LDAN PA, DNGOS GZHI KHYAD PAR CAN NI, DPYOD PA GNYEN PO'I YAN LAG GIS RTOG PA LAS 'DOD CHAGS DANG BRAL BAS RAB TU PHYE BA'I SEMS RTZE GCIG PA MTSUNGS LDAN DANG BCAS PA'O, ,BSAM GTAN GNYIS PA NI, RTOG DPYOD LAS NGES PAR 'BYUNG BA'I SEMS RTZE GCIG PA MTSUNGS LDAN DANG BCAS PA, DBYE NA NYER BSDOGS DANG, DNGOS GZHI GNYIS LAS, DANG PO SNGAR LTAR YIN LA, GNYIS PA NI; NANG RAB TU DANG BA GNYEN PO'I YAN LAG GIS RTOG DPYOD LAS 'DOD CHAGS DANG BRAL BA'I SEMS RTZE GCIG PA MTSUNGS LDAN DANG BCAS PA GANG TING NGE 'DZIN LAS SKYES PA'I DGA' BDE PHAN YON GYI YAN LAG TU LDAN PA'O, ,BSAM GTAN GSUM PA NI; YID BDE LAS NGES PAR 'BYUNG BA'I SEMS RTZE GCIG SOGS GANG BDE BA'I SAS BSDUS PA, DBYE NA NYER BSDOGS DANG, DNGOS GZHI GNYIS LAS, DANG PO SNGAR LTAR LA, GNYIS PA NI, DRAN SHES BZHIN GNYEN PO'I YAN LAG GIS DGA' BA LAS 'DOD CHAGS DANG BRAL ZHING DGA' BA MED PA'I BDE BA PHAN YON GYI YAN LAG TU LDAN PA'O, ,BSAM GTAN BZHI PA NI, BDE BA LAS NGES PAR 'BYUNG BA'I SEMS RTZE GCIG PA SOGS GANG GZUGS KYI SAS BSDUS PA, DBYE NA NYER BSDOGS DANG DNGOS GZHI

, ,GNYIS LAS, DANG PO SNGAR DANG 'DRA ZHING, GNYIS PA NI, DRAN PA DANG BTANG SNYOMS GNYEN PO'I YAN LAG GIS BDE BA LAS 'DOD CHAGS DANG BRAL ZHING TSOR BA BTANG SNYOMS PHAN YON GYI YAN LAG TU LDAN PA'O, ,GNYIS PA SKYE BA'I BSAM GTAN NI, SNYOMS 'JUG GI RNAM SMIN GYIS BSDUS PA'I SEMS RTZE GCIG PAS RAB TU PHYE BA'I BSAM GTAN, DBYE NA BSAM GTAN BZHI'I BYE BRAG GIS BZHI YIN LA, DE DAG LA YANG DANG PO GSUM LA TSANGS RIS LA SOGS PA'I SKYE BA GSUM GSUM YIN LA, BZHI PA LA SO SKYE'I GNAS GSUM DANG 'PHAGS PA'I GNAS LNGA STE BRGYAD DO, ,GNYIS PA GZUGS MED LA, MTSAN NYID NI, DMIGS RNAM SMIN GYI SGO NAS 'OG SA LA NGES PAR 'BYUNG BA'I SEMS RTZE GCIG PA MTSUNGS LDAN DANG BCAS PA'AM DE'I RNAM SMIN GANG RUNG GIS BSDUS PA, DBYE NA, SNYOMS 'JUG DANG, SKYE BA'I GZUGS MED GNYIS LAS, DANG PO LA MTSAN NYID NI, SBYOR BA LAS BYUNG BA'I SEMS RTZE GCIG PA GANG GZUGS KYI 'DU SHES DANG BRAL BA, DBYE NA NGO BO'I SGO NAS, DANG PO GSUM LA DAG PA BA, NYON MONGS CAN, ZAG MED DANG GSUM GSUM YOD LA, BZHI PA LA ZAG MED POR BAS GNYIS SO, ,DAG PA BA LA YANG DANG PO MA GSUM LA CHA MTHUN BZHI KA YOD LA, BZHI PA LA KHYAD PAR CHA MTHUN POR BAS GSUM MO, ,NYON MONGS CAN LA YANG LTA BA SHAS CHE BA MED DE, GZUGS MED LA MNGON SHES MI BRTEN PAS LTA BA'I RNAM PA MI BSKYED PA'I PHYIR RO, ,DES NA GZHAN GSUM YOD DO, ,DE DAG GI MTSAN NYID KYANG SNGA MA LAS DPAG STE CI RIGS PAR SHES PAR BYA'O, ,YANG SA'I SGO

NAS BZHI STE, NAM MKHA' MTHA' YAS SKYE MCHED KYI SNYOMS 'JUG NI, GZUGS KYI 'DU SHES LAS NGES PAR 'BYUNG BA'I SEMS RTZE GCIG PA MTSUNGS LDAN DANG BCAS PA GANG NAM MKHA'I 'DU SHES DANG MA BRAL BA, DBYE NA NYER BSDOGS DANG, DNGOS GZHI GNYIS LAS, DANG PO SLA ZHING, GNYIS PA NI, GZUGS KYI 'DU SHES DANG BRAL ZHING NAM MKHA'I DMIGS PA LA GSAL SNANG RDZOGS PA'I SEMS RTZE GCIG PA MTSUNGS LDANG DANG BCAS PA'O, ,RNAM SHES MTHA' YAS NI, NAM MKHA'I 'DU SHES LAS NGES PAR 'BYUNG BA'I SEMS RTZE GCIG PA MTSUNGS LDAN DANG BCAS PA GANG RNAM SHES KYI 'DU SHES DANG MA BRAL BA, DBYE NA NYER BSDOGS NI SLA ZHING DNGOS GZHI NI NAM MKHA'I 'DU SHES DANG BRAL ZHING RNAM SHES KYI DMIGS PA LA GSAL SNANG RDZOGS PA'I RTZE GCIG PA SOGS DANG; CI YANG MED PA NI, RNAM SHES MTHA' YAS KYI 'DU SHES LAS NGES PAR 'BYUNG BA'I SEMS RTZE GCIG PA GANG CI YANG MED PA'I 'DU SHES DANG MA BRAL BA, DBYE NA NYER BSDOGS NI SLA ZHING, DNGOS GZHI NI, BZUNG BYA CI YANG MED PA'I DMIGS PA LA GSAL SNANG RDZOGS PA'I RTZE GCIG PA SOGS DANG, SRID RTZE'I SNYOMS 'JUG NI, BZUNG BYA CI YANG MED PA'I 'DU SHES LAS KYANG NGES PAR 'BYUNG BA'I RTZE GCIG PA SOGS GANG 'DU SHES YOD MIN MED MIN GYI 'DU SHES DANG MA BRAL BA, DBYE NA NYER BSDOGS NI SLA ZHING DNGOS GZHI NI, 'DU SHES YOD MEN MED MIN GYI DMIGS PA LA GSAL SNANG RDZOGS PA'I SEMS RTZE GCIG PA MTSUNGS LDAN DANG BCAS PA'O, ,SKYE BA'I GZUGS MED PA YANG BZHI STE, NAM MKHA' MTHA' YAS SKYE MCHED DANG, RNAM SHES, CI YANG

, ,MED, 'DU SHES MED 'DU SHES MED MIN GYI SKYE MCHED STE, NAM MKHA' MTHA' YAS SKYE MCHED KYI SNYOMS 'JUG GI RNAM SMIN GYIS BSDUS PA'I SEMS RTZE GCIG PAS RAB TU PHYE BA'I GZUGS MED KYI SKYE BA'O, ,GZHAN GSUM LA YANG SBYAR RO, ,DBYE NA RE RE LA YANG, MTHO LA BZANG BA, MTHO LA NGAN PA, DMA' LA BZANG BA, DMA' LA NGAN PA BZHI BZHIR 'GYUR RO, ,DE LA MTHO BA NI TSE RING PA, DMA' BA NI TSE THUNG BA, BZANG PA NI, NYON MONGS PA SHAS CHUNG ZHING RO MYANG MED PA; NGAN PA NI DE LAS BZLOG PA'O, ,GNYIS PA 'JIG RTEN LAS 'DAS PA'I SGOM LAM LA MTSAN NYID NI, SGOM LAM GANG BDEN BZHI'I RNAM PA CAN NO, ,DBYE NA, LHAG MTHONG GI PHYOGS DANG MTHUN PA DANG, ZHI GNAS KYI PHYOGS DANG MTHUN PA DANG GNYIS TE; 'JIG RTEN LAS 'DAS PA'I CHOS RAB TU RNAM 'BYED KYI SHES RAB DANG, DE DANG MTSUNGS LDAN GYI TING NGE 'DZIN NO, ,DANG PO LA, SDUG BSNGAL, KUN 'BYUNG, 'GOG PA, LAM SHES PA BZHI'O, ,DE DAG GIS SDUG BDEN GYI CHOS NYID MTHONG ZIN GOMS PAR BYED PA'I SHES RAB CES SBYAR RO, ,DE DAG RE RE LA YANG CHOS SHES PA'I PHYOGS DANG, RJES SU SHES PA'I PHYOGS GNYIS GNYIS STE, BDEN BZHI'I CHOS NYID YUL DU BYED PA'I SHES RAB DANG, 'JIG RTEN LAS 'DAS PA'I YE SHES YUL DU BYED PA'I SHES RAB BO, ,GNYIS PA ZHI GNAS KYI PHYOGS DANG MTHUN PA LA BSAM GTAN SA DRUG GZUGS MED DANG PO GSUM GYIS BSDUS PA STE DGU'O, ,YANG LAM CHEN PO 'BRING CHUNG NGU GSUM PO RE RE LA YANG GSUM GSUM DU PHYE BA NI GZHUNG DU GSAL LO, ,YANG

SPANG BYA'I RNAM PA RE RE SPONG BA LA LAM BZHI BZHI STE, SBYOR BA DANG, BAR CHAD MED PA, RNAM PAR GROL BA, KHYAD PAR GYI LAM STE, GO RIM BZHIN DU, LAM GANG GIS SPANG BYA'I NYAMS SMAD CING BAR CHAD MED LAM 'DREN PAR BYED PA, LAM GANG GIS SPANG BYA 'JOMS SHING RNAM GROL LAM 'DREN PAR BYED PA, LAM GANG GIS SPANG BYA 'GAGS PA'I RNAM GROL MNGON DU BYED CING SPANG BYA GZHAN SPONG BA'I RTZOL BA DANG BRAL BA, LAM GANG GIS BAR CHAD MED LAM GYIS SPANGS PA'I SPANGS PA DE NYID RNAM PAR DAG PA KHYAD PAR DU 'PHAGS PAR BYED PA'O, ,YANG SPANG BYA RE RE LA GNYEN PO BZHI BZHI STE, RNAM PAR SUN 'BYIN PA, SPONG BA, RTEN, THAG BSRING PA GNYEN PO STE, THOG MAR SPANG BYA LA NYES DMIGS SU LTA BA, DE'I 'OG DU SPANG BYA'I RUS MTHU 'JOMS PAR BYED PA; DE'I 'OG TU SPANG BYA 'GAGS PA'I RNAM GROL GYI THOB PA 'DZIN PA'I BYA BA TZAM BYED PA, DE'I 'OG TU SNGAR GYI SPANGS PA SLAR MI LDOG PAR BYA BA'I PHYIR GNYEN PO GZHAN GOMS PAR BYED PA'O, ,YANG LAM GYI DBYE BA NI, DNGOS PO LA YONGS SU RTOGS PA LA SOGS PA BCU GCIG STE, DANG PO DNGOS PO LA YONGS SU RTOGS PA'I LAM NI DRAN PA NYER BAR BZHAG PA STE, MTSAN NYID NI, PHYIN CI LOG GI GNYEN POR LUS TSOR SEMS CHOS BZHI LA RANG SPYI'I MTSAN NYID GNYIS KYI SGO NAS RNAM PAR DPYOD PA'I DRAN PA DANG SHES RAB MTSUNGS LDAN DANG BCAS PA'O, ,DBYE NA, LUS, TSOR BA, SEMS, CHOS DRAN PA NYE BAR BZHAG PA BZHI STE, GO RIM BZHIN DU, LUS GTZANG PAR 'DZIN PA'I GNYEN POR PHYI NANG GI LUS LA SPYI'I MTSAN NYID BDAG MED PA RANG GI MTSAN NYID MI GTZANG

, ,BAR SO SOR RTOG PA'I DRAN PA DANG SHES RAB SOGS DANG, TSOR BA BDE BAR 'DZIN PA'I GNYEN POR PHYI NANG GI TSOR BA KUN SDUG BSNGAL DU SO SOR RTOG PA SOGS DANG, SEMS RTAG PAR 'DZIN PA'I GNYEN POR PHYI NANG GI SEMS KUN SKAD CIG MAR SO SOR RTOG SOGS DANG, CHOS BDAG TU 'DZIN PA'I GNYEN POR PHYI NANG GI CHOS KUN BDAG MED PAR SO SOR RTOG PA SOGS SO, ,GNYIS PA RTZOL BA LAS BYUNG BA'I LAM NI YANG DAG PAR SPONG BA STE, MTSAN NYID NI, DRAN PA NYER BZHAG THOB PA'I 'OG TU SPANG GNYEN LA BLANG DOR RTZOL BA'I BRTZON 'GRUS MTSUNGS LDAN DANG BCAS PA'O, ,DBYE NA, MI MTHUN PHYOGS MA BSKYED PA MI BSKYED PA, SKYES PA NYAMS PAR BYED PA, GNYEN PO'I PHYOGS MA SKYES PA BSKYED PA, SKYES PA MI NYAMS SHING 'PHEL BAR BYED PA DANG BZHI STE MTSAN NYID KYANG SLA'O, ,GSUM PA TING NGE 'DZIN YONGS SU SBYONG BA'I LAM NI RDZU 'PHRUL GYI RKANG PA STE, MTSAN NYID NI, YANG DAG PAR SPONG BA THOB PA'I 'OG TU SEMS DMIGS PA LA LAS SU RUNG BAR BYED PA'I SEMS RTZE GCIG PA MTSUNGS LDAN DANG BCAS PA'O, ,DBYE NA, 'DUN PA, BRTZON 'GRUS, SEMS PA, DPYOD PA'I TING NGE 'DZIN BZHI STE, YANG DAG PAR SPONG BA THOB PA'I 'OG TU GUS SBYOR GYI STOBS KYIS THOB PA'I TING NGE 'DZIN DANG, RTAG SBYOR GYI STOBS KYIS THOB PA'I DANG, SKYE BA SNGA MA LA GOMS PA'I STOBS KYIS THOB PA'I DANG, TSE 'DIR CHOS RAB TU RNAM PAR 'BYED PA'I STOBS KYIS THOB PA'I TING NGE 'DZIN NO, ,SDE TSAN GSUM PO DE GO RIM BZHIN DU TSOGS LAM CHUNG 'BRING CHE GSUM GYI GNAS SKABS SU BSGOM MO, ,BZHI PA MNGON PAR RTOGS

PA LA SBYOR BA'I LAM NI, DBANG PO STE, MTSAN NYID NI, BDEN PA MNGON PAR RTOGS PA LA DBANG BYED PA'I RNAM BYANG GI DBANG PO GANG DROD RTZE'I SKABS SU GTZO BOR BSGOM PAR BYA BA'O, ,DBYE NA DAD PA, BRTZON 'GRUS, DRAN PA, TING NGE 'DZIN, SHES RAB STE; BDEN PA'I RNAM PA LA YID CHES PA, SPRO BA, MI BRJED PA, RTZE GCIG PA, SO SOR RNAM PAR 'BYED PA'I RNAM PA CAN NO, ,LNGA PA MNGON PAR RTOGS PA DANG 'BREL BA'I LAM NI STOBS RNAMS TE, MTSAN NYID NI, MI MTHUN PHYOGS KYIS MI BRDZI BA'I RNAM BYANG GI DBANG PO GANG BZOD MCHOG GI GNAS SKABS SU GTZO BOR BSGOM PAR BYA BA'O, ,DBYE NA DBANG PO LTAR RO, ,DRUG PA MNGON PAR RTOGS PA'I LAM NI BYANG CHUB KYI YAN LAG STE, MTSAN NYID NI, BDEN PA'I CHOS NYID YANG DAG PA JI LTA BA BZHIN DU RTOGS PA MTHONG LAM GYIS BSDUS PA'O, ,DBYE NA BDUN LAS, DRAN PA YANG DAG BYANG CHUB KYI YAN LAG NI, BDEN PA'I DMIGS RNAM MI BRJED PA'I TSUL GYIS BSGOM PA GANG YAN LAG GZHAN GYI GNAS KYI YAN LAG DU GYUR PA, CHOS RAB TU RNAM 'BYED NI, BDEN PA'I CHOS NYID RAB TU 'BYED PA'I TSUL GYIS BSGOM PA GANG MTHONG LAM BYANG CHUB KYI NGO BO'I YAN LAG BRTZON 'GRUS NI, BDEN PA'I RNAM PA LA SPRO BA'I TSUL GYIS, BSGOM PA GANG BGROD BYA MTHAR THUG PAR NGES PAR 'BYUNG BA'I YAN LAG DGA' BA NI; BDEN PA'I CHOS NYID SNGAR MA RTOGS PA GSAR DU RTOGS PA'I ZAG MED KYI BDE BAS SEMS SIM PAR BYED PA GANG PHAN YON GYI YAN LAG SHIN TU SBYANG PA NI, LUS SEMS LAS SU RUNG BAR BYED PA'I ZAG MED KYI SHIN SBYANG GANG GANG GIS KUN NAS NYON

, ,MONGS PAR MI 'GYUR BA'I YAN LAG TING NGE 'DZIN NI, BDEN PA'I RNAM PA LA RTZE GCIG PA'I TSUL GYIS BSGOM PA'I ZAG MED KYI SEMS RTZE GCIG PA GANG GANG DU KUN NAS NYON MONGS PAR MI 'GYUR BA'I YAN LAG BTANG SNYOMS NI; BDEN PA'I RNAM PA LA BYING RGOD SOGS KYIS MI MNYAM PA MED PA'I TSUL GYIS BSGOM PA GANG GANG KUN NAS NYON MONGS PAR MI 'GYUR BA'I YAN LAG GO ,BDUN PA RNAM PAR DAG PAR NGES PAR 'BYIN PA'I LAM NI 'PHAGS PA'I LAM GYI YAN LAG STE; MTSAN NYID NI, BDEN PA'I CHOS NYID LA DMIGS NAS SGOM SPANG RNAM PAR DAG PAR BYED PA'I LAM MO, ,DBYE NA BRGYAD LAS, YANG DAG PA'I LTA BA NI, MTHONG LAM MNYAM BZHAG TU RTOGS PA'I DON 'DI'O ZHES YONGS SU GCOD PAR BYED PA'I YAN LAG YANG DAG PA'I RTOG PA NI, LTA BAS JI LTAR YONGS SU BCAD PA LTAR GZHAN LA GO BAR BYED PA'I NGAG KUN NAS SLONG BA'I YAN LAG NGAG NI, RANG SMRA BA PO LTA BA RNAM DAG DANG LDAN PAR GZHAN YID CHES PAR BYED PA'I NGAG GI RNAM PAR RIG BYED, LAS KYI MTHA' NI, RANG RGYUD LDAN GYI GANG ZAG TSUL KHRIMS RNAM DAG TU GZHAN YID CHES PAR BYED PA'I LUS NGAG GI RNAM PAR RIG BYED, 'TSO BA NI, MA DAG PA'I 'TSO BA SPONG BAR BYED PA'I LUS NGAG GI RIG BYED 'TSO BA RNAM DAG TU GZHAN YID CHES PAR BYED PA'I YAN LAG RTZOL BA NI, SGOM SPANG GI NYON MONGS PA SPONG BA LA SPRO BA'I BRTZON 'GRUS, DRAN PA NI, BYING RGOD KYI NYON MONGS PA RNAM PAR SBYONG BA'I YAN LAG YANG DAG PA'I TING NGE 'DZIN NI, MNGON SHES SOGS YON TAN KHYAD PAR CAN LA SGRIB PA RNAM PAR SBYONG

BA'I YAN LAG GO ,BRGYAD PA GNAS DANG DBANG PO THA DAD PA'I LAM DANG, DGU PA BSLAB PA GSUM SBYONG BA'I LAM NI GZHUNG DU GO SLA'O, ,BCU PA YON TAN THAMS CAD SGRUB PA'I LAM NI, ZHI GNAS DANG, LHAG MTHONG STE, DANG PO'I MTSAN NYID NI, SEMS DMIGS PA GCIG LA RGYUN DU YANG DAG PAR 'JOG PA'O, ,DBYE NA, NANG NYID DU SEMS 'JOG PA SOGS DGU'O, ,GNYIS PA'I MTSAN NYID, JI LTA BA'AM JI SNYED PA'I DNGOS PO THOS BSAM BSGOM PA GANG RUNG LA BRTEN NAS SO SOR RNAM PAR 'BYED PA'O, , DBYE NA, JI SNYED PA RNAM PAR 'BYED PA DANG, JI LTA BA RNAM PAR 'BYED PA GNYIS TE, RE RE LA YANG TSOL BA'I RNAM PA CAN YONGS SU RTOGS PA DANG, NGES PA'I RNAM PA CAN YONGS SU DPYOD PAR BYED PA GNYIS GNYIS SO, ,BCU GCIG PA LAM BSDUD PA'I LAM LA GSUM LAS, MI SHES PA KUN SHES PAR BYED PA'I DBANG PO NI, NGES 'BYED CHA MTHUN NAS BZUNG STE MTHONG LAM SKAD CIG BCO LNGA'I BAR GYI MI MTHUN PHYOGS SPONG BA DANG GNYEN PO BSKYED PA LA DBANG BYED PA'I RNAM BYANG GI DBANG PO'O, ,DBYE NA, DAD SOGS LNGA; YID BDE BA, YID, BDE, BTANG SNYOMS, YID MI BDE BA DANG BCU'O, ,KUN SHES PA'I DBANG PO NI, MTHONG LAM SKAD CIG BCU DRUG PA NAS RDO RJE LTA BU'I TING NGE 'DZIN GYI BAR GYI MI MTHUN PHYOGS SPONG BA DANG GNYEN PO BSKYED PA LA DBANG BYED PA'I RNAM BYANG GI DBANG PO'O, ,DBYE BA SNGA MA DANG 'DRA'O, ,KUN SHES PA DANG LDAN PA'I DBANG PO NI, MI SLOB PA'I GNAS SKABS KYI SPANG RTOGS DANG MTHONG CHOS LA BDE BAR GNAS PA DBANG BYED PA'I RNAM BYANG GI DBANG PO'O, ,DBYE NA YID MI BDE BOR BA'I SNGAR GYI

, ,DGU'O, ,LNGA PA MTHAR PHYIN PA'I LAM LA MTSAN NYID NI, BSLAB PA GSUM MTHAR PHYIN PA'I GNAS SKABS KYI LAM MO, ,DBYE NA, ZAD PA SHES PA, MI SKYE BA SHES PA, MI SLOB PA'I CHOS BCU'O, ,DANG PO NI, RGYU KUN 'BYUNG MA LUS PA ZAD NAS BDEN BZHI'I GNAS LUGS SHES PA'AM KUN 'BYUNG ZAD PA'I 'GOG PA LA DMIGS PA'I YE SHES SO, ,GNYIS PA NI, 'BRAS BU SDUG BSNGAL MA LUS PA SPANGS NAS BDEN BZHI'I GNAS LUGS SHES PA'AM DE SPANGS PA'I 'GOG PA LA DMIGS PA'I YE SHES SO, ,GNYIS KA LA DBYE NA, MNYAM BZHAG DON DAM SHES PA DANG, RJES THOB KUN RDZOB SHES PA GNYIS GNYIS YOD DO, ,GSUM PA NI, MI SLOB PA'I 'PHAGS LAM YAN LAG BRGYAD, YANG DAG PA'I RNAM GROL, YANG DAG PA'I YE SHES SO, , BCU PO DE MDOR BSDUS NA, MI SLOB PA'I ZAG MED KYI PHUNG PO LNGAR 'GYUR TE, 'DI LTAR, YANG DAG PA'I NGAG DANG LAS KYI MTHA' 'TSO BA GSUM NI TSUL KHRIMS KYI PHUNG PO DANG, DRAN PA DANG TING NGE 'DZIN NI TING NGE 'DZIN GYI PHUNG PO, YANG DAG PA'I LTA BA RTOG PA RTZOL BA GSUM NI SHES RAB KYI PHUNG PO, PHYI MA GNYIS NI RIM PA BZHIN, RNAM PAR GROL BA'I PHUNG PO DANG, RNAM PAR GROL BA'I YE SHES MTHONG BA'I PHUNG PO'O, ,GSUM PA MTSAN NYID KYI DON BSHAD PA LA BZHI LAS, LAM GYI MTSAN NYID NI, DE KHO NA'I DON YONGS SU TSOL BAR BYED PA'I YE SHES, RIGS PA'I MTSAN NYID NI, NYON MONGS PA'I GNYEN PO BYED PA'I YE SHES, BSGRUB PA'I MTSAN NYID, SEMS PHYIN CI MA LOG PAR BSGRUB PAR BYED PA'I YE SHES, NGES 'BYIN GYI MTSAN NYID, PHYIR MI LDOG PAR RTAG

PA'I GNAS SU 'GRO BAR BYED PA'I YE SHES SO, ,GNYIS PA MNGON RTOGS KYI RGYU TSOGS CHOS RNAM NGES LA GSUM, DMIGS BYA GSUNG RAB KYI CHOS, DE LA DMIGS BYED MNGON RTOGS KYI SKYE TSUL, SHIN TU RGYAS PA KHYAD PAR DU BSHAD PA'O, ,DANG PO LA GSUM LAS; MTSAN NYID NI, MNGON MTHO DANG NGES LEGS KYI THABS PHYIN CI MA LOG PAR STON PA'I GSUNG GANG ZHIG CHOS SKU'I BDAG RKYEN LAS BYUNG BA'O, ,DBYE BA NI, GSUNG RAB YAN LAG BCU GNYIS TE GZHUNG DU GSAL LO, ,BSDU BA NI, SDE SNOD RIN PO CHE GSUM STE, 'DUL BA'I SDE SNOD NI, LHAG PA TSUL KHRIMS KYI BSLAB PA BSGRUB PA'I THABS GTZO BOR STON PA'I SDE SNOD, MNGON PA'I SDE SNOD NI, LHAG PA SHES RAB KYI BSLAB PA BSGRUB PA'I THABS GTZO BOR STON PA'I SDE SNOD, MDO SDE'I SDE SNOD NI, LHAG PA SEMS KYI BSLAB PA BSGRUB PA'I THABS GTZO BOR STON PA'I SDE SNOD DO, ,GNYIS PA DMIGS BYED MNGON RTOGS KYI SKYE TSUL LA LNGA STE, DMIGS BYED DNGOS, ,DMIGS PA'I RAB DBYE, BSAM BYUNG SKYED BYED KYI RIGS PA, SGOM BYUNG SKYED BYED KUN TU TSOL BA; BTZAL BA'I 'BRAS BU YONGS SHES RNAMS SO, ,DANG PO LA THOS PA BSAM PA SGOM PA LAS BYUNG BA'I SHES RAB MTSUNGS LDAN DANG BCAS PA STE, DE DAG GI MTSAN NYID NI SNGAR BSHAD ZIN TO, ,GNYIS PA LA BZHI STE, KHYAB PA'I DMIGS PA, SPYOD PA RNAM SBYONG GI DMIGS PA, MKHAS PA'I DMIGS PA, NYON MONGS PA RNAM PAR SBYONG BA'I DMIGS PA'O, ,DANG PO LA MTSAN NYID NI, SGOM BYUNG SPYI'I SA YONGS SU BCAD PAR BYA BA'O, ,DBYE NA BZHI LAS, RNAM PAR RTOG PA DANG BCAS PA'I GZUGS BRNYAN

, ,NI, MOS PA YID BYED KYI ZHI LHAG GIS YONGS SU BCAD PAR BYA BA, RNAM PAR MI RTOG PA'I GZUGS BRNYAN NI, DE KHO NA NYID YID BYED KYI ZHI LHAG GIS YONGS SU BCAD PAR BYA BA, DNGOS PO'I MTHA' NI, JI LTA JI SNYED KYI SHES RAB KYIS YONGS SU BCAD PAR BYA BA, DGONGS PA YONGS SU GRUB PA NI, GNAS MA LUS PA YONGS SU GYUR PA'O, ,GNYIS PA LA MTSAN NYID NI, NYON MONGS PA DANG RNAM RTOG SHAS CHE BA'I GNYEN POR THOG MAR RNAL 'BYOR PAS BSGOM PAR BYA BA'O, ,DBYE NA LNGA LAS, MI SDUG PA NI, 'DOD CHAGS KYI GNYEN POR MI GTZANG BA'I RNAM PAR YONGS SU BCAD PAR BYA BA, BYAMS PA NI, ZHE SDANG GI GNYEN POR SDUG CING YID DU 'ONG PA'I RNAM PAR YONGS SU BCAD PAR BYA BA, RTEN 'BREL NI BSHAD ZIN LA, KHAMS KYI RAB DBYE NI, NGA RGYAL GYI GNYEN POR NANG GI PHUNG PO 'BYUNG BA BZHI DANG NAM MKHA'I KHAMS DANG RNAM SHES KYI NGO BOR YONGS SU BCAD PAR BYA BA, DBUGS 'BYUNG RNGUB RJES SU DRAN PA NI, RNAM RTOG LA SPYOD PA'I GNYEN POR 'BYUNG 'JUG GNAS GSUM DU BGRANG BAR BYA BA'O, ,DE DAG NI YUL GYI DBANG DU BYAS PA YIN LA, YUL CAN GYI DBANG DU BYAS PA NI, LNGA PO GO RIM BZHIN DU, 'DOD CHAGS KYI GNYEN POR CHAGS YUL MI GTZANG BA'I RNAM PAR BSGOM PA'I TING NGE 'DZIN DANG, SHES RAB MTSUNGS LDAN DANG BCAS PA; ZHE SDANG GI GNYEN POR GNOD BYED SDUG CING YID DU 'ONG BA'I RNAM PAR BSGOM PA'I TING NGE 'DZIN SOGS DANG, GTI MUG GI GNYEN POR 'KHOR BA 'JUG LDOG GI GO RIM JI LTA BA BZHIN DU BSGOM PA'I TING NGE 'DZIN SOGS DANG, NGA RGYAL GYI GNYEN POR NANG GI

PHUNG PO KHAMS DRUG GI RANG BZHIN DU SO SOR 'BYED PA'I SHES RAB MTSUNGS LDAN DANG BCAS PA, RNAM RTOG GI GNYEN POR DBUGS 'BYUNG 'JUG JI LTA BAR BGRANG PA'I DRAN PA DANG SHES RAB MTSUNGS LDAN DANG BCAS PA'O, ,GSUM PA LA MTSAN NYID NI, GANG ZHIG SHES PAS MKHAS PA MKHAS PA ZHES BYA BA'I GRANGS SU 'GRO BA'I SHES BYA, DBYE NA, PHUNG PO, KHAMS, SKYE MCHED, RTEN 'BREL, GNAS DANG GNAS MA YIN PA LA MKHAS PA'O, ,DANG PO BZHI BSHAD ZIN LA, LNGA PA NI MTHUN PA'I RGYU LAS, MTHUN PA'I 'BRAS BU 'BYUNG BA DANG MI 'BYUNG BA'O, ,BZHI PA LA MTSAN NYID NI, 'JIG RTEN PA'AM 'JIG RTEN LAS 'DAS PA'I BSAM GTAN GYIS YONGS SU BCAD PAR BYA'O, ,GSUM PA, BSAM BYUNG SKYED BYED KYI RIGS PA LA, MTSAN NYID NI, GNAS LUGS LA DPYOD PA'I THABS SU GYUR PA'I 'THAD PA'O, ,DBYE NA BZHI LAS, LTOS PA'I RIGS PA NI, 'DU BYED RNAMS KYI RGYU'I CHA LA RMONGS PA SEL BA'I 'THAD PA, BYA BA BYED PA'I RIGS PA NI, 'DU BYED RNAMS KYI 'BRAS BU'I CHA LA RMONGS PA SEL BA'I 'THAD PA, CHOS NYID KYI RIGS PA NI, 'DU BYED RNAMS KYI RANG BZHIN LA RMONGS PA SEL BA'I 'THAD PA, GTAN TSIGS BSGRUB PA'I RIGS PA NI, LKOG GYUR GYI DON LA RMONGS PA SEL BA'I 'THAD PA'O, ,BZHI PA SGOM BYUNG GI RGYU KUN DU TSOL BA LA, MTSAN NYID NI, MING DON 'BREL PA DANG BCAS PA YONGS SU MA GRUB PAR DPYOD PA'I SHES RAB MTSUNGS LDAN DANG BCAS PA'O, ,DBYE NA BZHI LAS, MING KUN DU TSOL BA NI, RJOD BYED MING TSIG SOGS RANG GI MTSAN NYID KYIS SMA GRUB PAR DPYOD PA'I SHES RAB SOGS DANG, DNGOS PO

, ,KUN TU 'TSOL BA NI SGRA RTOG GIS JI LTAR THA SNYAD BTAGS PA LTAR DON RANG GI MTSAN NYID KYIS MA GRUB PAR DPYOD PA'I SHES RAB SOGS DANG, NGO BO NYID DU 'DOGS PA'I TSOL BA NI BRJOD BYA RJOD BYED LA NGO BO NYID KYI DON RANG GI MTSAN NYID KYIS YONGS SU MA GRUB PAR DPYOD PA'I SHES RAB SOGS DANG, KHYAD PAR DU 'DOGS PA 'TSOL BA NI BRJOD BYA RJOD BYED LA KHYAD PAR GYI DON RANG GI MTSAN NYID KYIS MA GRUB PAR DPYOD PA'I SHES RAB MTSUNGS LDAN DANG BCAS PA'O, ,LNGA PA BTZAL BA'I 'BRAS BU YONGS SHES NI, MING DANG DNGOS PO DANG NGO BO NYID DU DANG KHYAD PAR DU 'DOGS PA RNAMS RANG BZHIN MED PAR SHES PA'I TING NGE 'DZIN DANG SHES RAB MTSUNGS LDAN DANG BCAS PA'O, ,DBYE NA BZHI STE, MTSAN NYID NI GO SLA'O, ,GSUM PA SHIN TU RGYAS PA KHYAD PAR DU BSHAD PA LA, MTSAN NYID NI, PHAR PHYIN DRUG LAS BRTZAMS TE BSTAN PA'I GSUNG RAB BO, ,DBYE NA BRJOD BYA DON GYI SGO NAS DGONGS PA BZHI DANG, RJOD BYED TSIG GI SGO NAS LDEM POR DGONGS PA BZHI'O, ,DGONGS PA LA MTSAN NYID NI, DGONGS GZHI'I BRJOD BYA DON LA GNAS PA'I GSUNG RAB BO, ,DBYE NA MNYAM PA NYID DANG, DON GZHAN DANG, DUS GZHAN DANG, GANG ZAG GI BSAM PA LA DGONGS PA DANG BZHI'O, ,LDEM DGONGS LA MTSAN NYID NI, DGOS PA'I DBANG GIS ZAB MO'I DON LDEM PO'I NGAG GIS STON PA'I GSUNG RAB BO, ,DBYE NA GZHUG PA DANG, MTSAN NYID DANG, GNYEN PO DANG, BSGYUR BA LA LDEM POR DGONGS PA STE, GO RIM BZHIN DU, GNYIS MED KYIS SKRAG PA RNAMS LA, GZUNG 'DZIN GYI RNAM BZHAG STON PA'I GSUNG RAB, ZAB

MO LA MOS PA RNAMS LA CHOS THAMS CAD NGO BO NYID MED PAR STON PA'I GSUNG RAB, SANGS RGYAS LA BRNYAS PA SOGS SGRIB PA'I BYE BRAG GI GNYEN POR BSTAN PA'I GSUNG RAB, DGONGS GZHI'I BRJOD BYA ZAB MO 'JIG RTEN NA SMAD PA'I TSIG GIS STON PA'I GSUNG RAB PO, ,GSUM PA DPYAD PA'I 'BRAS BU RANG DON THOB PA RNAM NGES LA GNYIS TE, THOB BYED GANG ZAG THOB BYA MNGON RTOGS SO, ,DANG PO LA MTSAN NYID NI, MA DPYAD PA'I NGO BOR PHUNG PO LA DBANG BSGYUR BA PO DANG YUL LA LONGS SPYOD PA POR SNANG ZHING DPYAD NA PHUNG PO LAS DE NYID DANG GZHAN DU MA GRUB PA'O, ,DBYE NA, BDUN TE, SPYOD PAS DBYE BA, NGES 'BYUNG GIS DBYE BA, NYE BAR BSTAN PAS DBYE BA, SBYOR PAS DBYE BA, 'BRAS BUS DBYE BA, KHAMS KYIS DBYE BA, DPYAD PAS DBYE BA'O, ,DANG PO LA; 'DOD CHAGS, ZHE SDANG, GTI MUG NGA RGYAL, RNAM RTOG LA SPYOD PA LNGA DANG, CHA MNYAM PA, NYON MONGS PA CHUNG NGU'I GANG ZAG DANG BDUN NO, ,DANG PO LNGA NI 'DOD CHAGS LA SOGS PA DE DANG DE SHAS CHE ZHING RGYUN RING BA'I GANG ZAG GO ,DRUG PA NI; YUL DANG RJES SU MTHUN PAR NYON MONGS PA 'BYUNG BA'I GANG ZAG GO ,BDUN PA NI, NYON MONGS SKYE BA DANG RJES SU MTHUN PA'I YUL SHAS CHE BA LA YANG NYON MONGS GTAN MI SKYE PA'AM SHAS CHUNG NGU TZAM SKYE BA'I GANG ZAG GO ,GNYIS PA NGES 'BYUNG GIS DBYE BA LA GSUM LAS, DANG PO NYAN THOS KYI THEG PA PA'I MTSAN NYID NI, GZHAN GYI SGRA LA BRTEN NAS RANG DON RNAM GROL DON DU GNYER BA'I GANG ZAG GO ,DBYE NA, ZHI BA BGROD PA GCIG PU BA DANG, BYANG CHUB TU YONGS SU BSGYUR BA BA DANG GNYIS TE, RIM PA

, ,BZHIN DU, GDON MI ZA BAR GZHAN GYI SGRA LA BRTEN NAS LHAG MED KYI RNAM GROL MNGON DU BYED PA, DGE BA'I BSHES GNYEN GYIS ZIN NA BYANG CHUB CHEN POR BKRIR RUNG BA'I NYAN THOS SO, ,GNYIS PA RANG SANGS RGYAS KYI THEG PA PA'I MTSAN NYID NI, RANG DON DU GZHAN GYI SGRA LA MA BRTEN PAR RNAM GROL MNGON DU BYED PAR 'DOD PA'I RIGS CAN NO, ,DBYE NA BSE RU LTA BU'I GANG ZAG DANG, TSOGS NA SPYOD PA'I RIGS CAN DANG GNYIS TE, GO RIM BZHIN DU, RANG DON DU 'GRAN ZLA MED PAR RNAM GROL MNGON DU BYED 'DOD PA'I GANG ZAG DANG, SRID PA THA MA PA'I TSE RANG DANG SPANGS RTOGS MTSUNGS PA'I GROGS GZHAN DANG LHAN CIG GNAS SHING RGYU BAR 'DOD PA'I RANG RGYAL GYI GANG ZAG GO ,DANG PO NI, ZHI BA BGROD PA GCIG PU BA YIN LA, GNYIS PA LA NI JI SRID SRID PA THA MA PAR MA GYUR PA DE SRID DU ZHI BA BGROD PA GCIG PU BA DANG, BYANG CHUB TU YONGS SU BSGYUR BA PA DANG GNYIS YOD LA, GANG GI TSE SRID PA THA MA PAR GYUR PA DE'I TSE NI KUN KYANG ZHI BA BGROD PA GCIG PU BA YIN NO, ,GSUM PA THEG PA CHEN PO PA'I MTSAN NYID NI, SEMS CAN THAMS CAD KYI DON DU MI GNAS PA'I MYANG 'DAS DON DU GNYER BA'I GANG ZAG GO ,DBYE NA, NGES PA DANG MA NGES PA'I GANG ZAG GNYIS SO, ,DANG PO LA MTSAN NYID NI, GZHAN DON DU BYANG CHUB CHEN PO DON DU GNYER BA'I LHAG BSAM RKYEN GYIS MI 'PHROGS PA'I SEMS DPA'O, ,DBYE NA RIGS KYI STOBS KYIS NGES PA DANG RTOGS PA'I STOBS KYIS NGES PA GNYIS STE, GO RIM BZHIN DU, SEMS DANG PO BSKYED PHYIN CHAD DE LTA BU'I LHAG BSAM LAS MI NYAMS PA DANG, MI SKYE BA'I CHOS LA

BZOD PA THOB PA'I STOBS KYIS DE LTA BU'I LHAG BSAM LAS MI NYAMS PA'O, ,THA MA 'DI LA MI SKYE BA'I CHOS LA BZOD PA CHUNG NGU 'BRING CHEN PO GSUM GYI BYE BRAG GIS, PHYIR MI LDOG PA CHUNG NGU 'BRING CHEN PO GSUM STE GO RIM BZHIN DU, NGES 'BYED CHA MTHUN DANG; MA DAGS BDUN DANG, DAG PA SA GSUM LA GNAS PA RNAMS SO, ,GNYIS PA MA NGES PA NI, GZHAN DON DU BYANG CHUB CHEN PO DON DU GNYER BA'I LHAG BSAM RKYEN GYIS 'PHROGS PAR NUS PA'I SEMS DPA' 'O, ,DBYE NA THEG DMAN GYI 'BRAS BU MNGON DU BYED SRID PA DANG, BSAM PA MNGON DU BYED SRID PA GNYIS TE, GO RIM BZHIN DU, DBANG PO RTUL 'BRING GNYIS TSOGS LAM NA GNAS PA'I GNAS SKABS DANG, DBANG PO RTUL 'BRING GNYIS NGES 'BYED CHA MTHUN NAS SA BDUN PA'I BAR LA GNAS PA'I GNAS SKABS SO, ,GSUM PA NYE BAR BSTAN PAS RAB TU DBYE BA NI GZHUNG DU GO SLA'O, BZHI PA SBYOR BAS DBYE BA LA, DAD PAS RJES SU 'BRANG PA DANG, CHOS KYI RJES SU 'BRANG PA GNYIS TE, GO RIM BZHIN DU, TSOGS LAM RDZOGS PA'I GANG ZAG DBANG RTUL GANG ZHIG GZHAN GYIS BSTAN PA TZAM GYIS RJES SU 'BRANGS NAS BDEN PA MNGON PAR RTOGS PAR BYA BA'I PHYIR BRTZON PA DANG, TSOGS LAM RDZOGS PA'I GANG ZAG DBANG RNON GANG ZHIG RANG GI BLO GROS KYI STOBS KYIS BDEN PA'I DBANG DU BYAS PA'I CHOS LA RNAM PAR DPYAD NAS BDEN PA MNGON PAR RTOGS PAR BYA BA'I PHYIR BRTZON PA'O, ,SA MTSAMS NI SBYOR LAM NAS MTHONG LAM SKAD CIG BCO LNGA'I BAR RO, ,DBYE NA 'BRAS BU DANG PO GSUM LA ZHUGS PA GSUM GSUM MO, MDZOD DU, DE LA SKAD CIG BCO LNGA NI, MA MTHONG

, ,MTHONG PHYIR MTHONG BA'I LAM, ,DBANG PO RNO RTUL DE DAG TU, ,DAD DANG CHOS KYI RJES 'BRANG PA, ,ZHES MTHONG LAM SKAD CIG BCO LNGA LA GNAS PAR BSHAD DO, LNGA PA 'BRAS BUS RAB TU DBYE BA LA, DBANG POS PHYE BA, SNYOMS 'JUG GIS PHYE BA, ZHUGS GNAS KYIS PHYE BA'O, ,DANG PO LA DAD PAS MOS PA DANG, MTHONG PAS THOB PA GNYIS STE, SLOB PA'I 'BRAS BU LA GNAS PA'I NYAN THOS GANG DAD PA LHAG PAS RAB TU PHYE BA, DE GANG SHES RAB LHAG PAS RAB TU PHYE BA'O, ,SA MTSAMS NI, MTHONG LAM SKAD CIG BCU DRUG PA NAS RDO RJE LTA BU'I TING NGE 'DZIN GYI BAR RO, ,DBYE NA RE RE LA YANG 'BRAS BU DANG PO GSUM LA GNAS PA GSUM GSUM MO, ,GNYIS PA LA GSUM STE, LUS KYIS MNGON SUM BYED PA DANG, SHES RAB KYI RNAM PAR GROL BA DANG, GNYIS KA'I CHA LAS RNAM PAR GROL BA'O, ,DANG PO NI, PHYIR MI 'ONG GANG RNAM THAR BRGYAD LA SNYOMS PAR 'JUG NUS PA'O, ,BYE BRAG SMRA BA RNAMS 'GOG PA SEMS MED PA'I LUS KYIS MNGON SUM DU BYAS PA'I PHYIR LUS MNGON BYED CES ZER RO; ;KHA CIG 'GOG PA LAS LANGS PA'I 'OG TU SNYOMS 'JUG GI STOBS KYIS BSGRUB PA'I DBANG PO DANG BCAS PA'I LUS SHIN TU ZHI BA SEMS KYIS MNGON SUM BYAS PA'I PHYIR DE ZHES ZER RO, ,GNYIS PA NI, SHES RAB KYI STOBS KYIS NYON SGRIB TZAM LAS RNAM PAR GROL BA'I MI SLOB PA, GSUM PA NI, NYON SGRIB DANG SNYOMS 'JUG GI SGRIB PA GNYIS KA LAS RNAM PAR GROL BA'I MI SLOB PA, GSUM PA ZHUGS GNAS KYIS PHYE BA LA, DNGOS DANG, 'BRAS GNAS BZHI'I KHYAD PAR BSHAD PA LA GNYIS LAS, DANG PO LA

BZHI'I DANG PO RGYUN ZHUGS LA, ZHUGS 'BRAS GNYIS KYI ZHUGS PA NI, RGYUN ZHUGS KYI 'BRAS BU THOB PA'I MI MTHUN PHYOGS SPONG BA'I SPONG LAM LA GNAS PA'O, ,SA MTSAMS NI, NGES 'BYED CHA MTHUN STAN GCIG PA NAS MTHONG LAM SKAD CIG BCO LNGA'I BAR RO; ;MDZOD DU, SKAD CIG BCO LNGA KHO NA LA GNAS PAR BSHAD DO, ,DBYE NA DBANG PO'I SGO NAS DAD PA DANG, CHOS KYI RJES SU 'BRANG BA GNYIS, SPANGS PA'I SGO NAS SGOM SPANG GTAN MA SPANGS PA DANG, 'DOD PA'I SGOM SPANG GCIG NAS LNGA'I BAR SPANGS PA GNYIS; 'BRAS BU'I SGO NAS RIM GYIS PA DANG, CIG CHAR BA LA ZHUGS PA GNYIS SO, ,GNYIS PA 'BRAS GNAS NI, KUN SBYOR GSUM SPANGS PAS RAB TU PHYE BA'I DGE SBYONG GI TSUL GYIS 'BRAS BU LA GNAS PA'O, ,KUN SBYOR GSUM NI, 'JIG TSOGS LA LTA BA, TSUL KHRIMS DANG BRTUL ZHUGS MCHOG 'DZIN, THE TSOM STE, DE DAG NI RGYUN ZHUGS KYI SPANG BYA'I GTZO BO YIN PA'I PHYIR RO, ,DBYE NA SPANG BYA SPONG TSUL GYI SGO NAS CIG CHAR NGES PAR 'BYIN PA DANG, RIM GYIS NGES PAR 'BYIN PA GNYIS TE, RGYUN ZHUGS GANG MI LCOGS PA MED PA LA BRTEN NAS KHAMS GSUM GYI SGOM SPANG RNAMS RNAM PA'I SGO NAS CIG CHAR SPONG BA DANG, DE GANG KHAMS GSUM GYI SGOM SPANG RNAMS RNAM PA'I SGO NAS RIM GYIS SPONG BAR 'GYUR BA'O, ,DE GNYIS RE RE LA YANG 'BRAS BU PHYI MA THOB PA'I PHYIR DU BRTZON PA 'BRAS BU KHYAD PAR CAN GYI LAM LA GNAS PA DANG, MI BRTZON PA 'BRAS BU TZAM PO BA GNYIS GNYIS SO, ,'BRAS BU PHYI MA GNYIS LA YANG TZAM KHYAD KYI BYE BRAG DE LTAR SHES PAR BYA'O, ,DBANG PO'I SGO NAS DAD MOS, MTHONG THOB GNYIS

, ,SO, ,GNYIS PA PHYIR 'ONG LA, ZHUGS GNAS GNYIS LAS, DANG PO ZHUGS PA NI, PHYIR 'ONG GI 'BRAS BU THOB PA'I MI MTHUN PHYOGS SPONG BA'I SPONG LAM LA GNAS PA'O, ,DBYE NA, 'BRAS BU THOD RGAL BA'I PHYIR 'ONG ZHUGS PA DANG; 'BRAS BU RIM GYIS PA'I PHYIR 'ONG ZHUGS PA GNYIS SO, ,DANG PO NI, PHYIR 'ONG ZHUGS PA GANG MTHONG LAM SKAD CIG BCU DRUG PA MNGON DU BYAS TZAM GYIS PHYIR 'ONG GI 'BRAS BU THOB PA, DBYE NA DBANG PO'I SGO NAS DAD PA DANG CHOS KYI RJES 'BRANG GNYIS; SPANGS PA'I SGO NAS 'DOD PA'I SGOM SPANG DRUG PA SPANGS PA NAS BRGYAD PA SPANGS PA'I PAR GSUM MO, ,GNYIS PA NI, PHYIR 'ONG ZHUGS PA GANG 'DOD PA'I SGOM SPANG DRUG PA SPANGS TZAM GYIS PHYIR 'ONG GI 'BRAS BU MNGON DU BYED PA'O, ,DE LA YANG DBYE NA; DBANG PO'I SGO NAS DAD MOS MTHONG THOB GNYIS, SPANGS PA'I SGO NAS SGOM SPANG GCIG NAS LNGA'I BAR SPANGS PA LNGA'O, ,SA MTSAMS NI, DANG PO RGYUN ZHUGS DANG 'DRA ZHING, GNYIS PA NI MTHONG LAM GYI SNGAR SGOM SPANG MA SPANGS PA ZHIG YIN NA RNAM PA GCIG PA SPONG BA'I SBYOR LAM NAS DRUG PA SPONG BA'I BAR CHAD MED LAM GYI BAR RO, ,GZHAN RNAMS KYANG CI RIGS PAR SHES PAR BYA'O, ,GNYIS PA 'BRAS GNAS NI, PHAL CHER 'DOD CHAGS DANG BRAL BAS RAB TU PHYE BA'I DGE SBYONG GI TSUL GYI 'BRAS BU LA GNAS PA'O, ,PHAR CHER LA 'DOD CHAGS DANG BRAL BA NI, 'DOD PA'I SGOM SPANG DRUG PA SPANGS PA LA BYA STE, RNAM PA BDUN PA DANG BRGYAD PA SPANGS SAM MA SPANGS KYANG RUNG STE, RGYUN ZHUGS GANG GIS RNAM PA DRUG PA SPANGS PAS PHYIR 'ONG DU 'GYUR BA'I PHYIR

RO; ;DI LA YANG 'BRAS BU THOB TSUL GYI SGO NAS MTHONG LAM GYIS THOB PA THOD RGAL BA'I PHYIR 'ONG DANG, SGOM LAM GYIS THOB PA MTHAR GYIS PA'I PHYIR 'ONG GNYIS, DBANG PO'I SGO NAS DAD MOS, MTHONG THOB GNYIS SO, ,SA MTSAMS NI, THOD RGAL BA MTHONG LAM SKAD CIG BCU DRUG PA DANG, MTHAR GYIS PA DRUG PA SPANGS PA'I RNAM GROL LAM NAS DGU PA SPONG BA'I BAR CHAD MED LAM GYI BAR RO, ,GSUM PA PHYIR MI 'ONG LA ZHUGS GNAS GNYIS LAS, DANG PO ZHUGS PA NI, PHYIR MI 'ONG GI 'BRAS BU THOB PA'I MI MTHUN PHYOGS SPONG BA'I SPONG LAM LA GNAS PA'O, ,DBYE NA PHYIR 'ONG ZHUGS PA LTAR RO, ,GNYIS PA 'BRAS GNAS NI, THA MA'I CHA MTHUN LNGA SPANGS PAS RAB TU PHYE BA'I DGE SBYONG GI TSUL GYI 'BRAS BU LA GNAS PA'O, ,THA MA'I CHA MTHUN LNGA NI, SNGAR GYI KUN SBYOR GSUM DANG, 'DOD PA LA 'DUN PA DANG, GNOD SEMS TE, DE DAG NI PHYIR MI 'ONG GI SPANG BYA'I GTZO BO YIN PA'I PHYIR RO, ,DBYE BA NI PHYIR 'ONG LTAR RO, ,SA MTSAMS NI, THOD RGAL BA SKAD CIG BCU DRUG PA NAS 'DZIN LA, MTHAR GYIS PA 'DOD PA'I DGU PA SPANGS PA'I RNAM GROL LAM NAS RDO RJE LTA BU'I TING NGE 'DZIN GYI BAR RO, ,BZHI PA DGRA BCOM PA LA ZHUGS GNAS GNYIS LAS, DANG PO NI, DGRA BCOM PA'I 'BRAS BU THOB PA'I MI MTHUN PHYOGS SPONG BA'I SPONG LAM LA GNAS PA'O, ,DBYE NA; DBANG PO'I SGO NAS DAD MOS MTHONG THOB GNYIS, 'BRAS BU'I SGO NAS CIG CHAR BA LA ZHUGS PA DANG, RIM GYIS PA LA ZHUGS PA GNYIS SO, ,SA MTSAMS LA, CIG CHAR BA NI RGYUN ZHUGS CIG CHAR BA SGOM SPANG SPONG BA LA BRTZON PA NAS 'DZIN

, ,LA, RIM GYIS PA NI PHYIR MI 'ONG GONG MA'I NYON MONGS SPONG BA'I SBYOR BA LA BRTZON PA NAS 'DZIN TO, ,GNYIS PA 'BRAS GNAS NI, GONG MA'I CHA MTHUN LNGA SPANGS PAS RAB TU PHYE BA'I DGE SBYONG GI TSUL GYI 'BRAS BU LA GNAS PA'O, ,GONG MA'I CHA MTHUN LNGA NI, KHAMS GONG MA GNYIS KYI 'DOD CHAGS, RGOD PA, NGA RGYAL, MA RIG PA RNAMS TE, DE DAG NI DGRA BCOM PA'I SPANG BYA'I GTZO BO YIN PA'I PHYIR RO, ,DBYE NA, SPANG BYA SPONG TSUL GYI SGO NAS CIG CHAR BA DANG, RIM GYIS PA GNYIS TE, SLOB LAM GYI TSE NA SA DGU'I SGOM SPANG RNAMS CIG CHAR SPANGS PAS THOB PA DANG RIM GYIS SPANGS PAS THOB PA'O, ,DBANG PO'I SGO NAS RNAM GROL DUS DANG SBYOR BA DANG, MI SBYOR BA GNYIS TE, RNAM GROL MNGON DU BYED PA'I RKYEN KHYAD PAR BA LA LTOS PA DANG, RKYEN LA MI LTOS PAR 'DOD DGUR MNGON DU 'GYUR BA'O, ,YON TAN GYI SGO NAS RGYAN DANG BCAS PA DANG, RGYAN MED PA STE, MNGON SHES DANG RNAM THAR SOGS KYI YON TAN DANG LDAN PA DANG, MI LDAN PA'O, ,SNYOMS 'JUG GI SGO NAS SHES RAB KYI RNAM GROL DANG, GNYIS KA'I CHA LAS RNAM GROL GNYIS TE BSHAD ZIN TO, ,GNYIS PA 'BRAS GNAS KYI KHYAD PAR BSHAD PA LA BZHI LAS, DANG PO RGYUN ZHUGS KYI KHYAD PAR LA GNYIS TE, RE LTAR THOGS NA SRID PA LAN BDUN PA DANG, RIGS NAS RIGS SU SKYE BA GNYIS SO, ,RGYUN ZHUGS GANG 'DOD PA'I LHA MIR SKYE BA LAN BDUN BLANGS NAS MYA NGAN LAS 'DA' BA, 'DOD PA'I SGOM SPANGS GSUM MAM BZHI SPANGS SHING LNGA PA MA SPANGS PA'I RGYUN ZHUGS GANG 'DOD PA'I LHA MIR SKYE BA RIS MTHUN GNYIS BLANGS NAS

GNYIS PA'AM, GSUM PA LA MYA NGAN LAS 'DA' BA, 'DI LA, 'DOD PA'I LHAR SKYE BA RIGS MTHUN GNYIS SAM GSUM BLANGS NAS MYA NGAN LAS 'DA' BA LHA'I RIGS NAS RIGS SKYE DANG, MIR SKYE BA RIS MTHUN GNYIS SAM GSUM BLANGS NAS MYA NGAN LAS 'DA' BA MI'I RIGS NAS RIGS SKYE GNYIS SO, ,GNYIS PA PHYIR 'ONG GI KHYAD PAR NI, TSE GCIG BAR CHAD GCIG PA STE, 'DOD PA'I SGOM SPANG BDUN PA'AM BRGYAD PA SPANGS DGU PA MA SPANGS PA'I PHYIR 'ONG GANG 'DOD PAR SKYE BA GCIG BLANGS NAS PHYI MA LA MYA NGAN LAS 'DA' BA'O, ,'DI NI TSE DE LA PHYIR MI 'ONG THOB PA LA NYON MONGS PA GCIG GIS BAR DU CHOD CING DGRA BCOM PA THOB PA LA SKYE BA GCIG GIS CHOD PA'I PHYIR BAR CHAD GCIG PA'O, ,'DOD PA'I NYON MONGS PA BRGYAD PA NI MA SPANGS SU ZIN KYANG DE'I TSE DE LA PHYIR MI 'ONG THOB PA'I GEGS BYED PA MA YIN TE, DE NI TSE DE LA SPONG NUS PA'I PHYIR RO, ,RNAM PA DGU PAS NI DE LTA BU'I GANG ZAG DES TSE DE LA PHYIR MI 'ONG THOB PA LA GEGS BYED PA YIN TE, DE SPANGS NA 'DOD PA'I KHAMS LAS 'DA' BAR 'GYUR ZHING 'DOD KHAMS LAS 'DA' BA YANG SHIN TU DKA' BA'I PHYIR RO, ,DE'I PHYIR DE LTA BU'I GANG ZAG GIS RNAM PA BRGYAD PA MA SPANGS SU ZIN KYANG PHYIR MI 'ONG THOB PA LA NYES PA'I RNAM PA GCIG GIS BAR DU CHOD PA ZHES BYA'O, ,GSUM PA PHYIR MI 'ONG GI KHYAD PA LA DNGOS DANG ZHAR BYUNG GNYIS LAS, DANG PO LA GSUM STE, GZUGS SU NYER 'GRO, GZUGS MED NYER 'GRO, MTHONG CHOS ZHI'O, ,DANG PO LA MTSAN NYID NI, 'DOD PA'I RTEN CAN GYI PHYIR MI 'ONG GANG GZUGS SAM GZUGS KYI BAR DOR SKYE BA LEN PA'O, ,DBYE NA LNGA

, ,LAS, DANG PO BAR DOR MYA NGAN LAS 'DA' BA NI, GZUGS SU NYER 'GRO'I PHYIR MI 'ONG GANG GZUGS KYI SKYE SRID 'GRUB PA'I KUN SBYOR SPANGS LA, BAR SRID 'GRUB PA'I KUN SBYOR MA SPANGS PAS BAR SRID DU MYA NGAN LAS 'DA' BA'O, ,DE YANG DBANG PO RNO 'BRING RTUL GSUM GYI BYE BRAG GIS BAR SRID KYI TSE STOD DANG, TSE DKYIL DANG, TSE SMAD DU MYA NGAN LAS 'DA' BA GSUM MO, ,GNYIS PA SKYE NAS MYA NGAN LAS 'DA' BA NI, GZUGS SU SKYE SRID 'GRUB PA'I KUN SBYOR MA SPANGS PA'I RTEN CAN GYI PHYIR MI 'ONG GANG GZUGS KYI GNAS GANG RUNG DU SKYES TZAM GYIS MYA NGAN LAS 'DA' BA'O, ,GSUM PA MNGON PAR 'DU BYED MED PAR MYA NGAN LAS 'DA' BA NI, DE GANG GZUGS KYI GNAS GANG RUNG DU SKYES NAS 'BAD RTZOL MED PAR LAM MNGON DU BYAS NAS MYA NGAN LAS 'DA' BA'O, ,BZHI PA MNGON PAR 'DU BYED PA DANG BCAS PA'I MYA NGAN LAS 'DA' BA NI, DE GANG GZUGS KYI GNAS GANG RUNG DU SKYES NAS 'BAD RTZOL GYIS LAM MNGON DU BYAS TE MYA NGAN LAS 'DA' BA'O, ,LNGA PA GONG DU 'PHO BA NI, LAN GRANGS GZHAN LA MYONG 'GYUR GYI LAS CAN GYI GZUGS SU NYER 'GRO GANG 'OG MIN NAM SRID RTZE GANG RUNG DU MYANG 'DAS MNGON DU BYED PA'O, ,DBYE NA 'OG MIN GYI MTHAR THUG PAR 'GRO BA DANG, SRID RTZE'I MTHAR THUG 'GRO GNYIS SO, ,DANG PO NI, BSAM GTAN BZHI PA SPEL MAR BSGOMS PA'I GONG 'PHO GANG 'OG MIN DU MYANG 'DAS MNGON DU BYED PA'O, ,DBYE NA, DBANG PO RNO 'BRING RTUL GSUM GYI BYE BRAG GIS 'PHAR BA, PHYED DU 'PHAR BA, GNAS THAMS CAD DU 'CHI 'PHO BA DANG GSUM STE, 'OG MIN 'GRO GANG PHYI MA

LA TSANGS RIS SU SKYES NAS SKYE BA GNYIS PA LA 'OG MIN DU MYANG 'DAS MNGON DU BYED PA, DE GANG PHYI MAR TSANGS RIS DANG SKYE BA GNYIS PA LA GNAS GTZANG GI 'OG MA GANG RUNG DANG GSUM PA LA 'OG MIN DU SKYES NAS MYANG 'DAS MNGON DU BYED PA'O, ,DE GANG TSANGS CHEN MA GTOGS PA'I GZUGS KYI GNAS GZHAN THAMS CAD DU RIM GYIS BRGYUD NAS MTHAR 'OG MIN DU MYANG 'DAS MNGON DU BYED PA'O, ,GNYIS PA SRID RTZE'I MTHAR THUG 'GRO NI, TSANGS CHEN DANG GNAS GTZANG MA GTOGS PA'I GZUGS DANG GZUGS MED KYI GNAS GZHAN KUN RIMS KYIS BRGYUD NAS MTHAR SRID RTZER MYANG 'DAS MNGON DU BYED PA'O, ,GNYIS PA GZUGS MED DU NYER 'GRO NI, GZUGS LA CHAGS PA DANG BRAL BA'I 'DOD PA'I RTEN CAN GYI PHYIR MI 'ONG GANG GZUGS MED KYI RTEN LA MYANG 'DAS MNGON DU BYED BA'O, ,DBYE NA, GONG 'PHO DANG, SKYES NAS DANG, MNGON PAR 'DU BYED PA DANG BCAS PA, MNGON PAR 'DU BYED PA MED PA DANG BZHI'O, ,GZUGS MED DU SKYE BA LA BAR SRID MED PA'I PHYIR BAR DOR MYA NGAN LAS 'DA' BA MED DO, ,DANG PO NI; GZUGS MED DU NYER 'GRO GANG GZUGS MED BZHI RIM GYIS BRGYUD NAS SRID RTZE'I RTEN LA MYANG 'DAS MNGON DU BYED PA'O, ,'DI ZHI GNAS LA LHAG PAR SPYOD PA YIN PAS, 'PHAR PHYED 'PHAR RNAMS KYI DBYE BA NI MED DO, ,GNYIS PA NI, DE GANG GZUGS MED BZHI GANG RUNG DU SKYES TZAM GYIS MYANG 'DAS MNGON DU BYED PA'O, ,GSUM PA NI, DE GANG GZUGS MED BZHI GANG RUNG DU SKYES NAS 'BAD RTZOL GYIS LAM BSGOMS TE MYANG 'DAS MNGON DU BYED PA'O, ,BZHI PA NI, DE GANG GZUGS MED BZHI GANG RUNG DU

, ,SKYES NAS 'BAD RTZOL MED PAR LAM BSGOMS TE MYANG 'DAS MNGON DU BYED PA'O, ,GSUM PA MTHONG CHOS ZHI NI, PHYIR MI 'ONG GANG 'PHAGS LAM THOB PA'I TSE DE NYID LA MYANG 'DAS MNGON DU BYED PA'O, ,GZHUNG 'DIR GZUGS MED NYER 'GRO DANG MTHONG CHOS ZHIM GSUNGS SHING, GONG 'PHO LA YANG 'OG MIN DANG SRID RTZE'I MTHAR THUG 'GRO GNYIS SU PHYE BA MA GTOGS 'PHAR GSUM GYI DBYE BA MA MDZAD DO, ,DE DAG NI MDZOD LAS 'BYUNG BA BZHIN BSHAD DO, ,GNYIS PA ZHAR LA SPEL SGOM GYI MTSAN NYID, DBYE BA, RTEN GYI GANG ZAG BSGOM PA'I DGOS PA STE BZHI LAS, DANG PO NI, BSAM GTAN BZHI BZHI RAGS KYI RNAM PA CAN DANG BDEN BZHI'I RNAM PA CAN GNYIS RNAL 'BYOR THUN GCIG LA SRES NAS BSGOM PA'O, ,DE LA SBYOR BA, DNGOS GZHI GNYIS TE, SPEL MA RTZOL BCAS SU BSGOM PA'I RNAL 'BYOR DANG SPEL MA RTZOL MED DU BSGOM PA'I RNAL 'BYOR RO, ,GRUB PA'I MTSAN NYID NI, BYE BRAG SMRA BA DAG ZAG BCAS SKAD CIG MA GNYIS KYI BAR DU ZAG MED SKAD CIG MA GCIG BSRE NUS PA LA 'DOD KYANG, 'DIR RGYUN LDAN SPEL BA LA 'DOD DGUR SNYOMS PAR 'JUG PA'I TSE GRUB PA YIN NO, ,DBYE BA NI, CHUNG NGU, 'BRING, CHEN PO, CHES CHEN PO, CHES SHIN TU CHEN PO'O, ,DANG PO NI, BDEN PA'I RNAM PA CAN GNYIS KYI BAR DU ZHI RAGS KYI RNAM PA CAN GCIG SRES TE GSUM SPEL LO, ,GNYIS PA NI DE LTA BU GNYIS MTHUD PA DRUG SPEL BA'O, ,GSUM PA NI DE LTA BU GSUM MTHUD PA DGU SPEL LO, ,BZHI PA NI BZHI MTHUD PA BCU GNYIS SPEL LO, ,LNGA PA NI LNGA MTHUD PA BCO LNGA SPEL LO, ,RTEN GYI GANG ZAG

NI; PHYIR MI 'ONG, DGRA BCOM PA BSAM GTAN BZHI PA THOB PA RNAMS DANG, BYANG SEMS 'PHAGS PA RNAMS SO, ,BSGOM PA'I DGOS PA NI, PHYIR MI 'ONG DANG DGRA BCOM PA DBANG RNON DAG MTHONG CHOS LA BDE BAR GNAS PA DANG RO MYANG LAS GROL BAR BYA BA'I PHYIR BSGOM LA, PHYIR MI 'ONG GANG ZHIG GNAS GTZANG MA RNAMS SU SKYE BAR BYA BA'I PHYIR BSGOM MO, ,BYANG CHUB SEMS DPA' RNAMS NI TING NGE 'DZIN GYI RTZAL SBYANG BA'I PHYIR BSGOM MO, ,BZHI PA DGRA BCOM PA'I 'BRAS BU'I KHYAD PAR LA DRUG STE, YONGS SU NYAMS PA'I CHOS CAN, BDAG GSAD PA'I, RJES SU BSRUNG BA'I, GNAS PA LA MI BSKYOD PA'I, RAB TU RTOGS PA'I 'OS SU GYUR PA'I, MI G-YO BA'I CHOS CAN NO, ,DANG PO NI, DGRA BCOM PA DBANG BRTUL GANG GDON MI ZA BAR MTHONG CHOS LA BDE BAR GNAS KYI BSAM GTAN LAS NYAMS PAR 'GYUR BA, GNYIS PA NI, DE GANG RANG GIS RANG MI GSOD NA NYAMS PAR 'GYUR ZHING GSOD NA MI 'GYUR BA, GSUM PA NI, DE GANG 'DOD YON LA SEMS BSRUNG NA NYAMS PAR MI 'GYUR BA, BZHI PA NI, DE GANG 'DOD YON LA SEMS BSRUNGS SAM MA BSRUNGS KYANG NYAMS PAR MI 'GYUR ZHING DBANG PO SBYONG PA'I SKAL PA DANG MI LDAN PA, LNGA PA NI, DE GANG DE BSRUNGS SAM MA BSRUNGS KYANG NYAMS PAR MI 'GYUR ZHING DBANG PO SBYONG BA'I SKAL BA DANG LDAN PA, DRUG PA NI DGRA BCOM PA DBANG RNON GANG MTHONG CHOS LA BDER GNAS KYI BSAM GTAN LAS GTAN MI NYAMS SHING DBANG PO'ANG SBYONG MI DGOS PA'O, ,DRUG PA KHAMS KYIS RAB TU DBYE BA LA, KHAMS GSUM PO RE RE LA SO SKYE DANG SLOB PA DANG MI SLOB PA GSUM GSUM PHYE BA

, ,DGU DANG, 'DOD GZUGS KYI BYANG SEMS, RANG SANGS RGYAS, DE BZHIN GSHEGS PA RNAMS LAS DANG PO RNAMS GZHUNG DU GO SLA ZHING, GNYIS PA NI DBANG THOB PA'I SEMS DPA'I GANG ZAG GIS GZUGS MED DU SKYE BA SPANGS NAS 'DOD GZUGS SKU SKYE BA 'DZIN PA'O, ,GSUM PA NI 'DOD PA'I RTEN LA GZHAN LA LTOS MED DU RANG NYID GCIG PU'I PHYIR RNAM GROL MNGON DU BYED PA'O, ,DBYE NA BSE RU LTA BU DANG, TSOGS NA SPYOD PA GNYIS SO, ,BZHI PA NI DON GNYIS MTHAR PHYIN PA'I RNAM GROL LO, ,DBYE NA NGO BO NYID DANG, LONGS SPYOD RDZOGS PA DANG, SPRUL PA'I SKU DANG GSUM STE, GO RIM BZHIN DU YE SHES KYI TSOGS KYI BRAL 'BRAS KYI SKU GANG BRAL 'BRAS KYI YON TAN DANG LDAN PA, BSOD NAMS KYI TSOGS KYI RNAM SMIN GYI 'BRAS BUR GYUR PA'I SKU GANG RNAM SMIN GYI YON TAN DANG LDAN PA, BSOD NAMS KYI TSOGS KYI BDAG 'BRAS SU GYUR PA'I SKU GANG LONGS SKU'I BDAG RKYEN LAS BYUNG BA'O, ,BDUN PA SPYAD PAS RAB TU PHYE BA LA LNGA STE, MOS PAS SPYOD PA, LHAG PA'I BSAM PAS SPYOD PA, MTSAN MA DANG BCAS PAS SPYOD PA, MTSAN MA MED PAS SPYOD PA, MNGON PAR 'DU BYED PA MED PAS SPYOD PA STE, GO RIM BZHIN DU, CHOS NYID LA MOS PA YID BYED KYI TSUL GYIS SPYOD PA'I SEMS DPA', CHOS NYID MNGON SUM DU RTOGS PAS BDAG GZHAN MNYAM PA'I LHAG BSAM MI 'GYUR BA'I SEMS DPA', RJES THOB TU MTSAN MA SHES CHER SPYOD PA'I BYANG 'PHAGS, BSGRIMS NA JI LTAR 'DOD KYI BAR DU MTSAN MA MI 'BYUNG BA'I BYANG 'PHAGS, MTSAN MA MED PAS NGANG GIS 'BYUNG BA'I BYANG 'PHAGS SO, ,GNYIS PA THOB BYA

MNGON RTOGS LA, DNGOS DANG, DE LA BRTEN PA'I YON TAN GYI DBYE BA GNYIS LAS, DANG PO LA MTSAN NYID NI, SANGS RGYAS KYI BSTAN PA LUNG RTOGS GANG RUNG LA MI 'PHROGS PA'I NGES PA RNYED PA'I RTOGS PA, DBYE NA BCU LAS DANG PO CHOS MNGON RTOGS NI; BDEN PA'I DBANG DU BYAS PA'I LUNG GI CHOS KYI RJOD BYED LA THOS BSAM GYI SGO NAS MI 'PHROGS PA'I NGES PA RNYED PA'I RTOGS PA, DE NI TSOGS LAM NAS YOD DO, DON MNGON RTOGS NI, BDEN PA'I DBANG DU BYAS PA'I BRJOD BYA'I DON LA 'JIG RTEN PA'I SGOM BYUNG GIS MI 'PHROGS PA'I NGES PA RNYED PA'I TING NGE 'DZIN NO, ,DE NI SBYOR LAM NAS YOD DO, ,DE KHO NA NYID MNGON RTOGS NI, BDEN PA'I GNAS LUGS LA 'JIG RTEN LAS 'DAS PA'I SGOM BYUNG GIS THOG MAR NGES PA RNYED PA'I RTOGS PA, DE NI MTHONG LAM YIN NO, ,RJES LA MNGON RTOGS NI, BDEN PA'I GNAS LUGS MTHONG ZIN GOMS PAR BYED PA'I RTOGS PA'O, ,DE DAG NI SGOM LAM YIN NO, ,DKON MCHOG MNGON RTOGS NI, CHOS MTHONG BA'I STOBS KYIS DKON MCHOG GI YON TAN LA MI 'PHROGS PA'I DAD MOS RNYED PA'I RTOGS PA'O, ,KUN TU MI 'BYUNG BA'I MNGON RTOGS NI, CHOS MTHONG BA'I STOBS KYIS RNAL 'BYOR PA RANG RGYUD KYI NGAN SONG RGYU DANG BCAS PA ZAD PA LA, MI 'PHROGS PA'I DAD MOS RNYED PA'I RTOGS PA'O, ,'DI GNYIS NI MTHONG LAM MNYAM BZHAG DU THOB CING, RJES THOB DU MNGON DU BYED DO, ,MTHAR THUG PA'I MNGON RTOGS NI, BSLAB PA MTHAR PHYIN PA'I STOBS KYIS SDUG KUN ZAD PA DANG MI SKYE BA LA MI 'PHROGS PA'I NGES PA RNYED PA'I RTOGS PA'O, ,DE NI MI SLOB LAM MO, ,NYAN THOS KYI MNGON RTOGS

, ,NI; GZHAN GYI SGRA LA BRTEN PA'I MNGON RTOGS GANG ZHIG RANG BZHIN GYIS DBANG PO RTUL PO'I GANG ZAG GI BZHED DON BSGRUB PAR BYED PA'O, ,RANG SANGS RGYAS KYI MNGON RTOGS NI, GZHAN GYI SGRA LA MA BRTEN PA'I MNGON RTOGS GANG ZHIG RANG BZHIN GYIS DBANG PO 'BRING PO'I BZHED DON BSGRUB PAR BYED PA'O, ,BYANG SEMS KYI MNGON RTOGS NI GNYIS TE, SHES PAR BYA BA DANG, MNGON DU BYA BA'I MNGON RTOGS TE, MYA NGAN LAS 'DA' BAR 'DOD PA RNAMS RJES SU BZUNG BA'I DON DU RE SHIG RGYUD LA BSKYED PAR BYA BA'I MNGON RTOGS DANG, MI GNAS PA'I MYA NGAN LAS 'DA' BA'I DON DU GTAN DU BSTEN PAR BYA BA'I MNGON RTOGS SO, ,GNYIS PA DE LA BRTEN PA'I YON TAN GYI DBYE BA LA GNYIS, DBYE BA DNGOS DANG, PHYE BA SO SO'I DON NO, ,DANG PO NI; TSAD MED RNAM THAR ZAD PAR ZIL GNON DANG, ,NYON MONGS MED DANG BSAM SHES SO SOR RIG MNGON SHES MTSAN DPE YONGS DAG STOBS MI 'JIGS, ,NYER BZHAG BSRUNG MED BSNYEL MED BAG CHAGS BCOM, ,THUGS RJE CHEN PO MA 'DRES THAMS CAD MKHYEN, ,CES PAS BSDU BA'I TSIGS SU BCAD PA'O, ,GNYIS PA SO SO'I DON LA SDE TSAN BCU DGU LAS, DANG PO TSAD MED PA LA MTSAN NYID NI, BSAM GTAN LA BRTEN NAS SEMS CAN MTHA' YAS PA SDUG BSNGAL RGYU 'BRAS DANG BRAL ZHING BDE BA RGYU 'BRAS DANG PHRAD PAR 'DOD PA'I TING NGE 'DZIN DANG SHES RAB MTSUNGS LDAN DANG BCAS PA'O, ,DBYE NA GNYIS LAS, DMIGS PA'I SGO NAS SEMS CAN LA DMIGS PA, CHOS LA DMIGS PA, DMIGS PA MED PA GSUM STE, GO RIM BZHIN DU, DMIGS YUL

SEMS CAN RDZAS YOD SDUG BSNGAL RGYU 'BRAS DANG BRAL ZHING BDE BA RGYU 'BRAS DANG PHRAD PAR 'DOD PA'I TING NGE 'DZIN DANG SHES RAB SOGS DANG, DMIGS YUL PHUNG PO CHOS TZAM LA SEMS CAN DU BTAGS PA SOGS DANG, DMIGS YUL SGYU MA LTA BU'I SEMS CAN SOGS SBYAR RO, ,RNAM PA'I SGO NAS BYAMS PA, SNYING RJE, DGA' BA, BTANG SNYOMS TE BSAM GTAN LA BRTEN NAS SEMS CAN TSAD MED PA PHAN PA DANG PHRAD PAR SHOG CIG PA DANG, SDUG BSNGAL DANG BRAL BAR SHOG CIG PA DANG, BDE BA DANG MI 'BRAL BAR SHOG CIG PA DANG, SDUG BSNGAL GYI RGYU NYON MONGS PA DANG BRAL BAR SHOG CIG PA'I TING NGE 'DZIN SOGS SO, ,GNYIS PA RNAM THAR LA MTSAN NYID NI, SGRIB PA GSUM GANG RUNG LAS GROL BA'I CHED DU BSGOM PA'I TING NGE 'DZIN DANG SHES RAB BAM SNYOMS 'JUG GO ,DBYE NA GZUGS CAN DANG, GZUGS CAN MA YIN PA'I RNAM THAR GNYIS SO, ,DANG PO LA GSUM LAS, GZUGS CAN GYIS GZUGS LA LTA BA'I RNAM THAR NI, RNAL 'BYOR PA RANG LA GZUGS KYI 'DU SHES MA BSHIG PAR SPRUL PA'I SGRIB PA LAS GROL BA'I CHED DU PHYI'I GZUGS RNAMS LA SNA TSOGS KYI RNAM PAR MOS PAR BYED PA'I TING NGE 'DZIN SOGS SO, ,GZUGS CAN MA YIN PAS GZUGS LA LTA BA'I RNAM THAR NI, RNAL 'BYOR PA RANG LA GZUGS KYI 'DU SHES BSHIG NAS SNGA MA LTAR RO, ,SDUG PA'I RNAM THAR NI, RNAM THAR DANG PO GNYIS KYI SKYON LAS GROL BA'I PHYIR PHYI'I GZUGS RNAMS LA SDUG PAR RO GCIG TU MOS PAR BYED PA'I TING NGE 'DZIN SOGS SO, ,GNYIS PA LA LNGA LAS, GZUGS MED BZHI'I RNAM THAR NI, GZUGS MED BZHI'I RO MYANG LAS GROL

, ,BA'I PHYIR DU NAM MKHA' MTHA' YAS SKYE MCHED SOGS BSGOM PA'I TING NGE 'DZIN SOGS SO, ,'DU SHES DANG TSOR BA 'GOG PA'I RNAM THAR NI, TSOR 'DU 'GOG PA'I SGRIB PA LAS GROL BA'I CHED DU BSGOM PA'I 'GOG SNYOMS RNAMS SO; ;SUM PA ZIL GNON LA MTSAN NYID NI, RNAM THAR GYI MOS PAR BYAS PA'I DMIGS PA LA GSAL SNANG THOB PA'I STOBS KYIS RANG BZHIN GYIS DMIGS PA MI SNANG BAR BYED PA'I TING NGE 'DZIN SOGS SO, ,DBYE NA BRGYAD DE, NANG GZUGS SU 'DU SHES PAS PHYI'I GZUGS CHEN PO DANG BZANG PO NGAN PA RNAMS LA DMIGS PA DANG, PHYI'I GZUGS CHUNG NGU DANG BZANG PO NGAN PA RNAMS LA DMIGS PA GNYIS DANG, NANG GZUGS MED PAR 'DU SHES PAS DE LTAR DMIGS PA GNYIS DANG, NANG GZUGS MED PAR 'DU SHES PAS PHYI'I GZUGS DKAR PO KHA DOG DKAR PO DKAR PO LTA BUR STON PA 'OD DKAR PO 'BYUNG BA LA DMIGS PA DANG, DE BZHIN DU SER PO DANG, DMAR PO DANG, SNGON PO LA DMIGS PA BZHI'O, ,ZIL GNON DANG PO GNYIS NI RNAM THAR DANG PO GNYIS LAS BYUNG NGO; ;SUM PA DANG BZHI PA YANG RNAM THAR DANG PO GNYIS LAS BYUNG NGO, ,PHYI MA BZHI NI SDUG PA'I RNAM THAR LAS BYUNG NGO, ,BZHI PA ZAD PAR GYI SKYE MCHED LA MTSAN NYID NI, RNAM THAR GYIS MOS SHING ZIL NON GYIS DBANG BYAS PA'I DMIGS PA 'DOD DGUR SPRO BAR BYED PA'I TING NGE 'DZIN SOGS SO, ,DBYE NA BCU STE, ZAD PAR SA, CHU, ME, RLUNG, DKAR PO, DMAR PO, SER PO, SNGON PO, NAM MKHA', RNAM SHES SO, ,DE LA DANG PO BRGYAD KYIS NI GZUGS CAN GYI DNGOS PO SNGAR MED GSAR DU SPRUL PA DANG

YOD PA'I RGYUN GZHAN DU BSGYUR BA LA SOGS PA'I RDZU 'PHRUL BSGRUB PAR BYED DO, ,NAM MKHA'I ZAD PAR GYIS NI MKHA' LA 'GRO BA DANG THAMS CAD LA THOGS PA MED PA LA SOGS PA'I RDZU 'PHRUL BSGRUB PAR BYED DO, ,RNAM SHES KYIS NI NYON MONGS PA MED PA LA SOGS PA'I YON TAN RNAMS BSGRUB PAR BYED DO, ,LNGA PA NYON MONGS PA MED PA LA MTSAN NYID NI, BDAG LA BRTEN NAS GZHAN RGYUD LA NYON MONGS PA SKYE BAR 'GYUR BA RJES SU BSRUNG BA'I TING NGE 'DZIN SOGS SO, ,DBYE NA NYAN THOS DANG, SANGS RGYAS KYI NYON MONGS PA MED PA'I TING NGE 'DZIN GNYIS SO, ,DRUG PA BSAM NAS SHES PA LA MTSAN NYID NI, DUS GSUM GYI SHES BYA JI LTAR BSAMS PAR SHES PA'I TING NGE 'DZIN SOGS SO, ,DBYE NA NYAN THOS DANG SANGS RGYAS KYIS TE GNYIS SO, ,BDUN PA SO SO YANG DAG PAR RIG PA LA MTSAN NYID NI, MING DON GYI MTSAN NYID RAB DBYE DANG BCAS PA LA THOGS MED DU 'JUG PA'I TING NGE 'DZIN SOGS SO, ,DBYE NA CHOS DANG, DON DANG, NGES PA'I TSIG DANG, SPOBS PA SO SO YANG DAG PAR RIG PA DANG BZHI STE, KUN BYANG GI CHOS RNAMS KYI MING GI RNAM GRANGS DANG, CHOS RNAMS KYI MTSAN NYID DANG, DGONGS PA'I DON DANG, 'JIG RTEN DANG, BSTAN BCOS KYI NGES TSIG DANG, CHOS RNAMS KYI RAB DBYE THOGS MED DU 'JUG PA'I TING NGE 'DZIN SOGS SO, ,BRGYAD PA MNGON SHES LA MTSAN NYID NI, BSAM GTAN LA BRTEN NAS LKOG GYUR GYI CHOS CAN MNGON SUM DU SHES PA'I TING NGE 'DZIN SOGS SO, ,DBYE NA DRUG LAS, KUN BTUS RTZA BA'I NANG, RDZU 'PHRUL GYI MNGON SHES, LHA'I RNA BA'I MNGON SHES, SEMS KYI RNAM GRANGS MNGON

, ,SHES, SNGON GNAS RJES DRAN GYI MNGON SHES, 'CHI 'PHO DANG SKYE BA MNGON SHES, ZAG ZAD MNGON SHES DANG BCAS DRUG DNGOS BSTAN LA GSUNGS, 'DIR LHA'I MIG GI MNGON SHES GSUNGS, 'ON KYANG DE NI 'CHI 'PHO BA DANG SKYE BA MNGON SHES KYI DOD SNYAM, DA DUNG MNGON SHES GNYIS KYI MTSAN NYID, (CHAD,) RDZU 'PHRUL GYI MNGON SHES NI, BSAM GTAN LA BRTEN NAS RDZU 'PHRUL GYI BYA BA DU MA MNGON PAR SHES PA'I TING NGE 'DZIN SOGS SO, ,LHA'I RNA BA'I MNGON SHES NI, DE LA BRTEN NAS LKOG GYUR GYI SGRA PHRA RAGS DU MA THOS PA'I SGOM BYUNG GI YON TAN, LHA'I MIG GI NI, DE LA BRTEN NAS RANG GZHAN GYI 'CHI 'PHO BA DANG SKYE BA'AM LKOG GYUR GYI GZUGS PHRA RAGS DU MA MTHONG BA'I SGOM BYUNG GI YON TAN, GZHAN SEMS SHES PA NI, DE LA BRTEN NAS GZHAN SEMS KYI RGYU BA DU MA SHES PA'I TING NGE 'DZIN SOGS SO, ,DGU PA MTSAN DANG DPE BYAD KYI MTSAN NYID, (CHAD,) DBYE NA MTSAN SO GNYIS DANG, DPE BYAD BRGYAD BCU STE GZHAN DU SHES SO, ,BCU PA YONGS SU DAG PA LA MTSAN NYID, GNAS DANG DMIGS PA SOGS 'DOD DGUR DBANG BSGYUR BA'I TING NGE 'DZIN SOGS SO, ,DBYE NA BZHI LAS, GNAS YONGS SU DAG PA NI, SKYE 'CHI GNAS GSUM LA DBANG BYED PA'I TING NGE 'DZIN SOGS SO, ,DMIGS PA YONGS SU DAG PA NI, SPRUL BSGYUR LA DBANG 'BYOR BA'I TING NGE 'DZIN SOGS SO, ,THUGS YONGS SU DAG PA NI, TING NGE 'DZIN GYI SGO DU MA LA DBANG BSGYUR BA'I TING NGE 'DZIN SOGS SO, ,MKHYEN PA YONGS SU DAG PA NI, GZUNGS KYI SGO DU MA LA DBANG BSGYUR BA'I TING NGE 'DZIN SOGS SO, ,BCU GCIG

PA STOBS LA MTSAN NYID NI, GDUL BYA LA MNGON MTHO NGES LEGS KYI LAM STON PA LA CHAGS THOGS MED PA'I TING NGE 'DZIN SOGS SO, ,DBYE NA BCU LAS, KUN BTUS RTZA BA'I NANG DNGOS BSTAN LA STOBS GNYIS GSUNGS, 'DIR DBYE NA BCU LAS ZHES GSUNGS KYANG STOBS GNYIS, (CHAD,) GNAS DANG GNAS MA YIN PA MKHYEN PA'I STOBS NI, RGYU 'BRAS KYI 'BREL BA LA CHAGS THOGS MED PAR 'JUG PA'I TING NGE 'DZIN SOGS SO, ,LAS BDAG GIR BYA BA MKHYEN PA NI, LAS 'BRAS KYI 'BREL BA LA CHAGS THOGS MED PAR 'JUG PA SOGS SO, ,BSAM GTAN DANG RNAM THAR SOGS MKHYEN PA NI, BSAM GTAN DANG RNAM THAR SOGS KYI RO MYANG NGES 'BYUNG SOGS LA, DBANG PO MCHOG DANG MCHOG MA YIN PA MKHYEN PA NI, GDUL BYA'I DAD SOGS DBANG PO MCHOG DMAN LA, MOS PA SNA TSOGS PA MKHYEN PA NI, GDUL BYA'I BSAM SBYOR GYIS MOS PA MTHA' YAS PA LA, KUN TU 'GRO BA MKHYEN PA NI, 'KHOR 'DAS KYI LAM KUN LA SNGON GNAS RJES SU DRAN PA DANG, 'CHI 'PHO DANG SKYE BA MKHYEN PA DANG, ZAG PA ZAD PA MKHYEN PA'I STOBS NI, MNGON SHES LTAR RO, ,RNAM PA CHAGS THOGS MED PAR 'JUG PA NI BYE BRAG GO ,BCU GNYIS PA MI 'JIGS PA LA MTSAN NYID NI, DON GNYIS MTHAR PHYIN PAR ZHAL GYIS PA ZHES PA LA BSNYENGS PA MI MNGA' BA'I TING NGE 'DZIN DANG SHES RAB SOGS SO, ,DBYE NA BZHI LAS, MNGON PAR BYANG CHUB PA LA MI 'JIGS PA NI, RANG DON RTOGS PA MTHAR PHYIN PAR ZHAL GYIS 'CHES PA LA BSNYENGS PA MI MNGA' BA SOGS SO, ,ZAG PA ZAD PA LA MI 'JIGS PA NI, RANG DON SPANGS PA MTHAR PHYIN PAR ZHAL

, ,GYIS 'CHES PA LA, BAR CHAD KYI CHOS LA MI 'JIGS PA NI, GZHAN DON SPANG BYA'I RNAM PA THAMS CAD STON PAR ZHAL GYIS 'CHES PA LA, NGES 'BYIN GYI LAM LA MI 'JIGS PA NI, GZHAN DON LAM GYI RNAM PA THAMS CAD STON PAR ZHAL GYIS 'CHES PA LA BSNYENGS PA MI MNGA' BA SOGS SO, ,BCU GSUM PA DRAN PA NYER BZHAG LA MTSAN NYID NI, MCHOG DMAN GYI 'KHOR LA CHAGS SDANG MED PAR TSOGS YONGS SU BSDUD PA'I TING NGE 'DZIN DANG SOGS SO, ,DBYE NA GSUM MO, ,BCU BZHI PA BSRUNG BA MED PA LA MTSAN NYID NI, RANG GI SGO GSUM YONGS SU DAG PAS 'KHOR GYI NANG DU BAG TSA BA MED PAR GDAMS PA DANG RJES SU BSTAN PA LA 'JUG PA'I TING NGE 'DZIN SOGS SO, ,DBYE NA GSUM MO, ,BCO LNGA PA BSNYEL BA MI MNGA' BA NI, GDUL BYA'I DON DUS LAS MI YOL BA'I TING NGE 'DZIN SOGS SO, ,BCU DRUG PA BAG CHAGS LEGS PAR BCOM PA NI, SGO GSUM GYI GNAS NGAN LEN GYI G-YO BA CUNG ZAD KYANG MI 'BYUNG BA'I TING NGE 'DZIN SOGS SO, ,BCU BDUN PA THUGS RJE CHEN PO NI, SDUG BSNGAL GSUM GYIS GDUNGS PA'I SEMS CAN RNAMS LA RGYUN MI 'CHAD DU GZIGS PA'I TING NGE 'DZIN SOGS SO, ,BCO BRGYAD PA SANGS RGYAS KYI CHOS MA 'DRES PA NI, NYAN RANG SOGS LAS KHYAD PAR DU 'PHAGS PAR MTSON PAR BYED PA'I TING NGE 'DZIN THUB PA'I THUN MONG MA YIN PA'I YON TAN NO, ,DBYE NA SPYOD PAS BSDUS PA DRUG RTOGS PAS BSDUS PA DRUG PHRIN LAS KYIS BSDUS PA GSUM, YE SHES KYIS BSDUS PA GSUM STE BCO BRGYAD DO, ,BCU DGU PA RNAM PA THAMS CAD MKHYEN PA NI, GDUL BYA'I BSAM PA JI LTA

BAR CHOS KYI 'KHOR LO BSKOR BA'I TING NGE 'DZIN DANG SHES RAB MTSUNGS LDAN DANG BCAS PA'O, ,YON TAN 'DI DAG NI BSDU NA SNGON RANG GI BYA BA LA NYE BAR GNAS PA DANG, GNAS PA LAS GYUR PA GNYIS YIN NO, ,DANG PO RJES THOB KUN RDZOB SHES PA'I RANG BZHIN; GNYIS PA NI MNYAM BZHAG DON DAM SHES PA'I RANG BZHIN NO, ,BZHI PA GZHAN DON 'BEL BA'I GTAM RNAM PAR NGES PA LA BDUN LAS, DANG PO DON RNAM PAR NGES PA NI, SHES BYA'I DNGOS PO MTHAR THUG PAR GTAN LA 'BEBS PA'I THABS SO, ,DBYE NA NGO BO, RGYU, 'BRAS BU, LAS, LDAN PA, 'JUG PA DANG DRUG GO ,GNYIS PA RNAM PAR BSHAD PA RNAM PAR NGES PA NI, GANG GIS MDO SDE RNAMS YANG DAG PAR 'CHAD PAR BYED PA'I THABS, DBYE NA DON GYI SGO NAS YONGS SU SHES BYA'I DNGOS PO LA SOGS PA DRUG GO ,TSIG GI SGO NAS RNAM PAR BSHAD PA'I SGO BCU BZHI RNAMS SO, ,GSUM PA RAB TU PHYE NAS KUN TU BSTAN PA RNAM PAR NGES PA NI, SHES BYA'I DNGOS PO RNAMS MU BZHI LA SOGS PAR PHYE NAS GTAN LA 'BEBS PA'O, ,BZHI PA 'DRI BA RNAM PAR NGES PA NI; RNAM DBYE BDUN GYI SGO NAS DRI BA BKOD DE SHES BYA'I DNGOS PO GTAN LA 'BEBS PA'O, ,LNGA PA BSDU BA RNAM PAR NGES PA NI, BYA BA BSGRUB PA LA SOGS PA'I GNAS BCU GTAN LA 'BEBS PA'O, ,DRUG PA SMRA BA RNAM PAR NGES PA NI, RGOL PHYIR RGOL GYI RTZOD TSUL GTAN LA 'BEBS PA'O, ,BDUN PA LDEM POR DGONGS PA RNAM PAR NGES PA NI, BRJOD PA ZAB MO'I MDO SDE'I DGONGS PA GTAN LA 'BEBS PA'O, ,DE LTAR NA TSUL 'DIS THAR PA 'DOD PA RNAMS KYIS SHES PAR BYA BA'I DNGOS PO MA LUS PA'I MTSAN NYID

, ,DANG, RAB DBYE MDOR BSDUS PA BSTAN PA YIN NO,, ` ,,'DI NA THOS LA MI 'DUN BSAM LA GA-YEL, ,BSGRUB LA MI BRTZON TSE 'DI KHO NA'I PHYIR, ,SGROS NGAN TSIG LA LHUR LEN MANG NA YANG, ,MKHAS PA'I 'DUN SAR PHYIN PA 'GA' MA MTHONG, ,GANG DAG TSIG RJES MI 'BRANG DON LHUR LEN, ,RIGS PA'I RJES 'JUG KUN SHES BSAM PA CAN, ,LEGS BSHAD BSTAN PA'I SNOD GYUR NYAN PO NI, ,AU DUM WA RA'I ME TOG BZHIN DU DKON, ,DE PHYIR KHO BO'I LEGS BSHAD NOR BU'I PHRENG; ;GZHAN PHYIR SPEL YANG GZHAN LA PHAN PAR DKA', ,DE LTA NA YANG LHAG BSAM DAG PA'I MTHUS, ,GZHAN LA PHAN PA'I BSAM PAS NGAS 'DI BYAS, ,DE LAS BYUNG BA'I DGE BA STON KA YI, ,ZLA BA'I 'OD LTAR RAB DKAR DRI MED DES, ,'GRO BA KUN GYI NYON MONGS GDUNG BSAL NAS, ,THUB BSTAN KUN DA'I TSAL RAB RGYAS BYED SHOG DAM PA'I CHOS MNGON PA KUN LAS BTUS PA'I SNYING PO LEGS BSHAD NOR BU'I PHRENG BA ZHES BYA BA 'DI NI, BSTAN PA RIN PO CHE'I GSAL BYED DAM PA DPAL LDAN BLA MA DAM PA MKHAN CHEN GRAGS PA RGYAL MTSAN PA'I GSUNG GIS BSKUL ZHING, SLOB DPON DBON PO BYANG CHUB RGYAL PO LA SOGS PA BLO GSAL ZHING DON DU GNYER BA'I BSHES GNYEN 'GAS KYANG GSOL BA BTAB PA'I NGOR, ,MTSUNGS PA MED PA CHOS KYI RJE SKAD GNYIS SMRA BA'I DBANG PO DPAL LDAN BYANG CHUB RTZE MO ZHES MTSAN YONGS SU GRAGS PA DE NYID KYI BKA' DRIN LAS THEG PA CHE CHUNG GI MNGON PA'I SDE SNOD RNAMS LA BLO'I SNANG BA CHER THOB PA SH'AKYA'I DGE SLONG GZHON NU BLO GROS KYIS, MKHAS GRUB BAR MA CHAD PAR BYON PA'I GNAS DPAL AE'I

GTZUG LAG KHANG DU SBYAR BA'O, ,'DIS BSTAN PA DANG 'GRO BA DU MA LA PHAN PA RGYA CHEN PO 'BYUNG BAR GYUR CIG THOGS MED DBYIG GNYEN BLO BRTAN GANG PA SPEL, ,DZI NA MI TRA KA COG ZHANG GSUM DANG, ,LHA DPAL RDO RJE RGYAL BA'I YE SHES TE, ,KUN BTUS BRGYUD PA'I BLA MA LA PHYAG 'TSAL, ,GRU MCHOG YE SHES GZHON NU DBANG PHYUG DANG, ,YON TAN G-YUNG DRUNG BRTZON 'GRUS G-YUNG DRUNG DANG, ,RVA RGYAL LI GSUM DAR MA SNYING PO STE, ,KUN BTUS BRGYUD PA'I BLA MA LA PHYAG 'TSAL, ,YE 'BYUNG 'BAN DANG THO DANG STON SKYABS DANG, 'JAD PA GZHON BYANG 'BRING MTSAMS ZHANG DANG NI, ,BO DONG RIN RTZE STAG SDE SENG RGYAL TE, ,KUN BTUS BRGYUD PA'I BLA MA LA PHYAG 'TSAL, ,SGRA BSGYUR PAn CHEN BLO GROS BRTAN PA DANG, SKAD GNYIS SMRA BA BYANG CHUB RTZE MO DANG, ,MNYAM MED SEMS PA GZHON NU BLO GROS TE, ,KUN BTUS BRGYUD PA'I BLA MA LA PHYAG 'TSAL, ,'DI BRIS DGE BAS TSE RING NAD MED DPAL 'BYOR CHOS 'PHEL SHOG, ,,MANGGA LAm BHA WA TU,,