—

, ,'PHAGS PA BZANG PO SPYOD PA'I SMON LAM GYI 'GREL BA RGYAL SRAS KYI SPYOD PA RGYA MTSO'I GNAD DON GSAL BAR BYED PA'I NYI MA ZHES BYA BA BZHUGS SO, ,

, ,NA MO A'ARYA MEE TRI YE, TSOGS GNYIS SA CHEN KHYON LAS LEGS 'KHRUNGS MTSAN DPE'I ME TOG RNAM PAR BKRA, ,MKHYEN BRTZE'I YAL GAS LHA YI LAM 'GENGS SKU GSUM 'BRAS BU'I KHUR GYIS BRJID, ,GZHAN PHAN 'PHRIN LAS DRI BSUNG RAB 'PHRO PHAN BDE'I GRIB BSIL 'BYUNG BA'I GNAS, ,THUB DBANG DPAG BSAM LJON PA CHE DER DUS RNAMS KUN DU PHYAG BGYI'O, ,GRANGS MED BYANG SEMS RGYU SKAR 'KHOR TSOGS DBUS, ,NYA RGYAS ZLA LTAR CHES 'PHAGS SPYOD KUN DANG, ,SMON LAM MDZAD MCHOG YONGS KYI MTHAR SON PA, ,RGYAL SRAS KUN BZANG 'JAM PA'I DBYANGS LA 'DUD, ,RLABS CHEN SMON LAM GANGG'A'I KLUNG RNAMS KYANG, ,RGYA MTSO CHE LA CHU BO JI BZHIN DU, ,KUN NAS 'DUS PHYIR SMON LAM RGYAL PO ZHES, ,YONGS GRAGS 'DI YI DGONGS DON CUNG ZAD DBYE, ^ ,'DI LA GSUM, 'DI GANG GIS MDZAD PA, MDZAD PA PO'I CHE BA, GZHUNG GI DON BSHAD PA'O, ,DANG PO NI, 'DI GANG GIS GSUNGS SNYAM NA, 'DI SANGS RGYAS PHAL PO CHE'I MDO'I CHA SHAS SDONG PO BKOD PA'I MDO LAS 'BYUNG BA NI, GZHON NU NOR BZANG GIS THOG MA 'JAM DBYANGS NAS THA MA KUN TU BZANG PO'I BAR BSHES GNYEN BRGYA BSTEN PA DE RNAMS KYIS CHOS SNA TSOGS BSTAN CING , BYAMS PAS BYANG CHUB KYI SEMS KYI PHAN YON DANG , KUN TU

, ,BZANG POS NOR BZANG LA SMON LAM 'DI GSUNGS SO, ,'O NA 'DI BKA' MIN NAM CI ZHE NA, BKA' YIN TE, RJES SU GNANG BA'I BKA' DANG , BYIN GYIS BRLABS PA'I BKAS BSDUS PA'I PHYIR RO, ^ ,GNYIS PA NI , KUN TU BZANG PO NI DNGOS PO LA SANGS RGYAS YIN KYANG, PHYOGS BCU DANG DUS GSUM GYI SANGS RGYAS THAMS CAD KYI SRAS KYI THU BO'I TSUL BZUNG NAS SEMS CAN THAMS CAD KYI DON MDZAD PA YIN TE, GZHUNG 'DI LAS , RGYAL BA KUN GYI SRAS KYI THU BO PA, ,GANG GI MING NI KUN TU BZANG ZHES BYA, ,ZHES 'BYUNG BA LTAR DANG , MDO GZHAN DANG , KHYAD PAR DU DKON MCHOG TA LA NAS 'JAM DBYANGS KYIS STON PA DBANG DU BZHAG STE KUN TU BZANG PO LA BSNGAGS BRJOD CHEN PO MDZAD PA DANG, RNAM SNANG GANGS CAN MTSO'I SRAS KYI THU BO GNYIS NI KUN TU BZANG PO DANG 'JAM DBYANGS YIN PAR BSHAD PA'I PHYIR RO, ,GSUM PA LA GSUM , MTSAN BSHAD PA, GZHUNG DON BSHAD PA , BSHAD PA MTHAR PHYIN PA'I BYA BA'O, ,DANG PO LA GNYIS, MTSAN DANG DE'I DON BSHAD PA DANG, 'GYUR PHYAG BSHAD PA'O, ,DANG PO NI, RGYA GAR TE 'PHAGS YUL LEGS SBYAR GYI SKAD DU BSTAN BCOS 'DI'I MTSAN LA, A'ARYA BHA DRA TZA RYA PRA nI DH'A NA R'A DZA ZHES BYA ZHING, DE NYID BOD SKAD DU BSGYUR NA, A'ARYA NI 'PHAGS PA, BHA DRA NI BZANG PO, ,TZA RYA NI SPYOD PA, PRA NI DH'A NA NI SMON LAM, R'A DZA NI RGYAL PO ZHES BYA BAR 'GYUR RO, ,MTSAN GYI DON NI, CI'I PHYIR MTSAN LA DE SKAD DU BRJOD CE NA ,

DE LTAR BRJOD PA'I RGYU MTSAN YOD DE, BYANG CHUB SEMS DPA' KUN TU BZANG POS RANG GI SPYOD PAS MTSON PA'I SPYOD PA MCHOG TU GYUR BA RNAMS SMON PA'I YUL DU BYAS NAS SMON LAM 'DEBS PAS NA, BZANG PO SPYOD PA'I SMON LAM ZHES BYA LA, SMON LAM GZHAN DAG LAS MCHOG DANG GTZO BOR GYUR BA'I PHYIR RGYAL PO ZHES BRJOD PA'I PHYIR RO, ,GZHUNG 'DI'I RGYA 'GREL DAG LAS, BZANG PO SPYOD PA NI KUN TU BZANG PO'I SPYOD PA DANG, BYANG CHUB SEMS DPA'I SPYOD PA SPYI DANG , DGE BA LA BSHAD PA CI RIGS SU SNANG YANG MI 'GAL ZHING , DE LA BZANG PO YANG YIN SPYOD PA YANG YIN PAS NA BZANG PO SPYOD PA DANG, KUN TU BZANG PO'I SPYOD PA YIN PAS NA BZANG BO'I SPYOD PA ZHES BYA BA'I TSUL GNYIS TE , MDOR NA RGYAL SRAS KYI SPYOD PA PHYIN DRUG SOGS SPYOD PA KHYAD PAR CAN MTHA' DAG LA BZANG P'I SPYOD PA ZHES BYA'O, ,GNYIS PA NI, 'PHAGS PA 'JAM DPAL GZHON NUR GYUR BA LA PHYAG 'TSAL LO ZHES PA STE LOTZTSA BAS BKOD PA'O, ,DE YANG SO SKYE'I SA LAS 'DAS SHING 'PHAGS PAS NA 'PHAGS PA, NYES PA'I RTZUB REG DANG BRAL BAS NA 'JAM , YON TAN THAMS CAD PHUN SUM TSOGS PAS NA DPAL , LO BCU DRUG LON PA'I NA TSOD CAN LTAR GNAS PAS NA GZHON NUR GYUR BA STE DE LA PHYAG 'TSAL BA NI NA MA: ZHES PA'I DON BLO GZHOL CING 'DUD PA'O, ,GNYIS PA GZHUNG GI DON BSHAD PA LA GSUM, SNGON 'GRO YAN LAG BDUN PA, DNGOS GZHI SMON LAM, MJUG GI RIM PA BSHAD PA'O, ,DANG PO LA GNYIS, BSHAD PA

, ,DNGOS DANG, DE DAG GI DON BSDU BA'O, ,DANG PO LA BDUN, PHYAG 'TSAL BA, MCHOD PA 'BUL BA, SDIG PA BSHAGS PA, DGE BA LA RJES SU YI RANG BA, CHOS KYI 'KHOR LO BSKOR BAR BSKUL BA, MYA NGAN LAS MI 'DA' BAR BZHUGS SU GSOL BA, DGE BA RNAMS RDZOGS BYANG DU BSNGO BA'O, ,DANG PO LA GNYIS, SGO GSUM THUN MONG DU PHYAG 'TSAL BA DANG, SO SOR PHYAG 'TSAL BA'O, ,DANG PO NI, JI SNYED SU DAG CES SOGS RKANG PA BZHI STE, DON NI, PHYAG BGYI'O ZHES DRANG NGO, ,YUL GANG LA NA, GRANGS JI SNYED PA DE SNYED DE GRANGS KYI SGO NAS BGRANG BA'I TSAD LAS 'DAS SHING, SANGS RGYAS SU DAG CES MING GI SGO NAS BRJOD PA'I TSAD LAS 'DAS PA GANG DAG SHAR LA SOGS PA'I PHYOGS BCU DANG , 'DAS MA 'ONGS DA LTA'I DUS GSUM DU GSHEGS PA DANG 'BYON PA'I SANGS RGYAS BCOM LDAN 'DAS MI'I TSUL GYIS BZHUGS SHING , DPER NA SENGGE RI DAGS KYI TSOGS LA 'JIGS PA MED PA LTAR PHAS KYI RGOL BA DANG TSOGS KYI NANG DU MI 'JIGS PA BZHIS 'JIGS PA MI MNGA' BA'I PHYIR MI'I SENGGE KUN LA'O, ,BRJOD 'DOD KYIS PHYOGS RE LA'ANG KUN ZHES BRJOD PA YOD KYANG DE LTA BU MA YIN PAR CUNG ZAD KYANG MA LUS PAR GO BA'I TSAD DU MA LUS PA DANG DE DAG THAMS CAD CES KHYAD PAR SBYAR BA'O, ,TSUL JI LTAR PHYAG 'TSAL NA , SMON LAM 'DEBS PA PO BDAG GIS LUS DANG NGAG DANG YID GSUM MA DAD PA'I RNYOG PA DANG BRAL BA'I DANG BA'I SGO NAS SO, ,DE YANG SANGS RGYAS GCIG LA PHYAG BTZAL NA'ANG BSOD

NAMS DPAG TU MED PA 'BYUNG NA, SANGS RGYAS GRANGS MED LA DMIGS NAS PHYAG BYAS NA BSOD NAMS CHE BA LTA CI SMOS ZHES, SLOB DPON YE SHES SDES 'GREL BAR BSHAD PA LTAR LAM RIM LAS KYANG GSUNGS SO, ,GNYIS PA SGO GSUM SO SOR PHYAG 'TSAL BA LA GSUM GYI DANG PO LUS KYI PHYAG NI, BZANG PO SPYOD PA'I SOGS RKANG PA BZHI STE, PHYAG 'TSAL LO ZHES DRANG NGO, ,YUL GANG LA NA, SDIG PA'I CHOS KUN DANG BDUD BZHI LAS RGYAL BA'I RGYAL BA KUN LA'O, ,TSUL JI LTAR NA, BZANG PO SPYOD PA'I SMON LAM GYI BSAM PA'I STOBS DAG GI SGO NAS RGYAL BA THAMS CAD YID KYIS RANG GI MDUN NAM RANG GNAS SU MNGON SUM DU BZHUGS PAR MOS TE, SANGS RGYAS KYI ZHING MA LUS PA DAG GI RDUL GYI GRANGS JI SNYED PA DE SNYED KYI LUS SPRUL NAS RAB TU GUS PAS BTUD PA YIS SO, ,SLOB DPON YE SHES SDES LUS GCIG GIS PHYAG BYAS PA'ANG BSOD NAMS CHEN LUS DE TZAM GYIS PHYAG BYAS PA NI BSOD NAMS SHIN TU CHE'O ZHES BSHAD PA LTAR LAM RIM LAS KYANG GSUNGS SO, ,GNYIS PA YID KYI PHYAG NI, RDUL GCIG STENG NA SOGS RKANG PA BZHI STE, RDUL PHRA RAB GCIG STE RE RE'I STENG NA'ANG 'JIG RTEN KHAMS KYI RDUL JI SNYED PA'I GRANGS DANG MNYAM PA'I GTZO BO SANGS RGYAS RNAMS NI 'KHOR SANGS RGYAS KYI SRAS BYANG SEMS RNAMS KYIS BSKOR BA'I DBUS NA BZHUGS PA DAG TU MOS PAR BYA ZHING, TSUL DE LTAR YUL DANG PHYOGS GCIG TZAM MA YIN PAR PHYOGS BRAL STONG PA'I CHOS KYI DBYINGS LTA BU'I NAM MKHA'I KHAMS MA

, ,LUS PA THAMS CAD KYANG RGYAL BA SRAS DANG BCAS PA DAG GIS GANG BAR MOS NAS YID KYIS 'DUD DO, ,GSUM PA NGAG GI PHYAG NI, DE DAG BSNGAGS PA SOGS RKANG PA BZHI STE, BDAG GIS BSTOD DO ZHES DRANG NGO, , PAR LAN, SPANGS RTOGS MTHAR PHYIN PA'I GNAS SU SON PA'I BDE BAR GSHEGS PA THAMS CAD DO, ,TSUL JI LTAR NA, BDE BAR GSHEGS PA DE DAG GI YON TAN GYI BSNGAGS PA BSKAL BA'I BAR DU BRJOD KYANG RDZOGS PAR MI 'GYUR BAS MI ZAD PA RGYA MTSO CHEN PO'I CHU LTAR MANG BA RNAMS NI, DBYANGS KYI YAN LAG RGYA MTSO LTAR MANG BA'I SGRA KUN GYIS RGYAL BA DE RNAMS KUN GYI SPANGS RTOGS KYI YON TAN BRJOD CING GO BAR BYAS PA'I SGO NAS SO, ,'DIR RGYA MTSO NI MANG TSIG YIN PAS RGYA MTSO KHO NA LA BSHAD MI DGOS KYANG MTSON PA'O, ,DBYANGS KYI YAN LAG CES PA'I DON LA MI MTHUN PA GNYIS SNANG STE, KLU SGRUB, PHYOGS GLANG, DBYIG GNYEN, RGYAN BZANG PO RNAMS KYI 'GREL BAR GSUNG DBYANGS YAN LAG LNGA DANG DRUG CU LA SBYAR NAS BSHAD LA , SH'AKYA BSHES GNYEN GYI 'GREL BA DANG, 'GREL BA GZHAN ZHIG LAS NI, DBYANGS KYI YAN LAG NI DBYANGS 'GRUB PA'I RGYU STE LCE DANG RKAN LA SOGS PA'O ZHES 'BYUNG NGO, ,LAM RIM CHEN MO LAS PHYI MA'I RJES SU 'BRANG NAS 'DIR DBYANGS NI BSTOD PA YIN LA DE'I YAN LAG NI RGYU STE LCE'O ZHES BSHAD DE 'DI 'THAD PA LTAR SNANG YANG , KLU SGRUB KYI MDZAD PAR GRAGS PA'I 'GREL BA DE DE NYID KYIS MDZAD PA YIN NA DE LAS BSHAD

PA BZHIN 'DOD DGOS SHING DES MDZAD MA MDZAD DPYAD GZHIR SNANG STE, GSUNG DBYANGS YAN LAG LNGA DANG DRUG CU NI SANGS RGYAS KYI GSUNG GI DBANG DU MDZAD PA YIN PAS , 'DIR SMON LAM 'DEBS PA POS DER MOS KYANG 'BREL CHUNG SNYAM STE DPYAD PAR BYA'O, ,YAN LAG LHA NI RNAM BSHAD RIG PA LAS , 'BRUG SGRA LTAR ZAB PA DANG, SNYAN CING 'JEBS LA RNA BAR SNYAN PA DANG, YID DU 'ONG ZHING DGA' BAR BYED PA DANG, RNAM PAR GSAL ZHING RNAM PAR RIG PAR BYED PA DANG, MNYAN PAR 'OS SHING MI MTHUN PA MED STE ZHES BSHAD CING , YAN LAG DRUG CU'I SKOR YANG DE NYID LAS 'BYUNG NGO, ,GNYIS PA MCHOD PA 'BUL BA LA GNYIS , BLA NA YOD PA'I MCHOD PA DANG, BLA NA MED PA'I MCHOD PA'O, ,DANG PO NI, ME TOG DAM PA SOGS TSIGS BCAD GNYIS TE, YUL GANG LA NA MCHOD NA DNGOS SU BZHUGS PA DANG YID KYIS MOS PA'I RGYAL BA DE DAG LA NI MCHOD PAR BGYI'O, ,DNGOS PO GANG MCHOD NA LHA DANG MI'I YUL SOGS NA YOD PA'I ME TOG GSIL MA DAM PA STE MCHOG RNAMS DANG, ME TOG SNA TSOGS SPEL TE BRGYUS PA'I 'PHRENG BA DAM PA DANG, SIL SNYAN DANG PI WANG DANG DUNG DANG GLING BU LA SOGS PA'I ROL MO'I BYE BRAG SNA TSOGS PA RNAMS DANG, BYUG PAR BYA BA TZANDAN DANG SPOS DRI ZHIM PO SNA TSOGS SBYAR BA'I LDE GU DANG, GOS DANG RIN PO CHE LAS BYAS PA'I GDUGS MCHOG DANG, NOR BU'I 'OD DANG 'OD GSAL BA'I MAR ME MCHOG RNAMS DANG, BSREG PAR BYA BA'I DRI ZHIM PO'I BDUG SPOS DAM PA YIS SO, ,YANG GONG DU BRJOD PA LTAR YUL RGYAL BA DE DAG LA NI MCHOD

, ,PAR BGYI'O, ,GANG MCHOD NA , LHA MI'I GOS MCHOG TU GYUR BA'I NA BZA' DAM PA RNAMS DANG , SKU LA BYUG RGYU'I RDZAS TZANDAN DANG GA BUR LA SOGS PA'I DRIS BSGOS PA'I DRI CHU MCHOG DANG , SPOS DRI ZHIM PO SNA TSOGS PA BYE MAR BYAS PA'I PHUR MA GTOR ZHING BDUG TU RUNG BA THUM POR BYAS PA'AM THUM POR MA BYAS PA'I TZANDAN DANG GUR GUM LA SOGS PA DANG , TSON PHYE SNA TSOGS SPEL BA'I RIM PA RGYA DANG RNGAMS RI RAB DANG MNYAM PA LTAR SPUNGS PA DANG , RGYA 'GREL KHA CIG LTAR NA, BRTZEGS PA DANG MA BRTZEGS PA'I KHANG BZANG LA SOGS PA DANG LHA MI'I MCHOD RDZAS KYI BKOD PA KHYAD PAR DU 'PHAGS PA'I MCHOG KUN GYIS SO, ,RGYA 'GREL DAG LAS BKOD PA'I DON NI TSOGS PA DANG MANG PO'I SGRA'I RNAM GRANGS SU BSHAD LA , LAM RIM CHEN MO LAS , BKOD PA NI GONG MA KUN GYI MTHAR SBYOR BA STE PHAL CHE BA DANG SPRAS PA DANG SNA TSOGS PA LA BYA'O ZHES GSUNGS TE DON 'DRA'O, ,GNYIS PA BLA NA MED PA'I MCHOD PA NI , MCHOD PA GANG RNAMS SOGS RKANG PA BZHI STE , YUL GANG LA NA, RGYAL BA KUN LA PHYAG 'TSAL ZHING MCHOD PAR BGYI'O, ,DNGOS PO GANG RNAMS MCHOD NA , KUN TU BZANG PO DANG 'JAM DPAL GZHON NUR GYUR PA SOGS BYANG CHUB SEMS DPA' MTHU CHEN PO RNAMS KYIS NI TING NGE 'DZIN GYI MTHUS STONG GSUM GYI 'JIG RTEN GYI KHAMS LTA BU'I SNOD BCUD KYI RGYAN BKOD PA DANG , SANGS RGYAS KYI ZHING YONGS SU DAG PA'I SNOD BCUD KYI BKOD PA PHUN SUM TSOGS PA LTA BU GYA NOM PA MDZES SHING YID DU 'ONG BA LA SOGS PA SPRUL PA'I SGO NAS

SO SKYE'I YUL LAS 'DAS PA'I MCHOD PA'I TSOGS KYIS SANGS RGYAS RNAMS LA MCHOD PA LTA BU'I MCHOD PA BLA NA MED PA RGYA CHE BA DE DAG KUN NI, TSUL JI LTAR NA, SANGS RGYAS GCIG TZAM MA YIN PAR RGYAL BA THAMS CAD LA YANG MOS SHING KUN TU BZANG PO LA SOGS PA'I SPYOD PA DANG MTSUNGS PAR SPYOD PAR 'DOD KYI DAD PA'I STOBS DAG GI SGO NAS SO, ,GSUM PA BSHAGS PA NI, 'DOD CHAGS ZHE SDANG SOGS RKANG PA BZHI STE , GANG LA BSHAGS PA NI RGYAL BA RNAMS DANG, GAD BSHAGS PA NI THOG MA MED PA NAS DA LTA'I BAR DU NYON MONGS PA 'DOD CHAGS DANG ZHE SDANG DANG GTI MUG GI DBANG DU SONG ZHING , DUG GSUM PO DES KUN NAS BSLANGS TE SROG GCOD PA DANG MA BYIN PAR LEN PA DANG MI TSANGS PAR SPYOD PA SOGS LUS KYIS BYAS PA'I LAS DANG , BRDZUN DU SMRA BA DANG PHRA MA DANG TSIG RTZUB DANG NGAG KYAL SOGS NGAG GI LAS DANG , DE BZHIN DU BRNAB SEMS DANG GNOD SEMS DANG LOG PAR LTA BA SOGS YID KYIS KYANG BSAGS PA'I SDIG PA BDAG GIS BGYIS PA DANG GZHAN LA BGYID DU STZAL BA LA SOGS PA CI MCHIS PA DE DAG THAMS CAD BDAG GIS 'GYOD PA'I SEMS KYIS SO SOR BSHAGS SHING BSDOM PAR BGYI'O, ,BZHI PA RJES SU YI RANG NI , PHYOGS BCU'I RGYAL BA SOGS RKANG PA BZHI STE , DE LA RJES SU YI RANG ZHES DRANG NGO, ,GANG LA NA , PHYOGS BCU'I RGYAL BA KUN DANG SANGS RGYAS KYI SRAS BYANG CHUB SEMS DPA' THAMS CAD DANG , RANG RGYAL RNAMS DANG , NYAN THOS SLOB PA DGRA BCOM MA THOB PA DANG , MI SLOB PA DGRA BCOM

, ,PA DE DAG KUN GYI BSOD NAMS DANG , DER MA ZAD, 'GRO BA SEMS CAN GZHAN KUN GYIS BSKRUN PA'I BSOD NAMS KYI PHUNG PO CHE CHUNG CI MCHIS PA GANG LA YANG BDAG YI RANG ZHING DGA' BA BSGOM PAR BGYI'O, ,'GRO BA'I SGRA DON NI, SH'AKYA BSHES GNYEN GYI 'GREL PA LAS , 'GRO BA ZHES BYA BA'I SGRA NI MA LUS PA LA BSNYEG PA'I PHYIR SLOB PA LA SOGS PA'I BSOD NAMS KYI NANG DU 'DU BAR 'GRUB NA , CI'I PHYIR LOGS SHIG TU SMOS ZHE NA , DE NI MA YIN TE , 'GRO BAS NA 'GRO BA STE SRED PA DANG BCAS PA 'KHOR BAR 'GRO'O ZHES BYA BA'I THA TSIG GO ,ZHES 'BYUNG BA LTAR RO, ,LNGA PA CHOS KYI 'KHOR LO BSKOR BAR BSKUL BA NI , GANG RNAMS PHYOGS BCU'I SOGS RKANG PA BZHI STE , CHOS KYI 'KHOR LO BSKOR BAR BSKUL LO, ,GANG LA BSKUL NA, SANGS RGYAS BCOM LDAN 'DAS GANG BZHUGS PA RNAMS DANG PHYOGS BCU NA GDUL BYA SEMS CAN RNAMS KYI MA RIG PA'I MUN PA SEL BAR BYED PA'I 'JIG RTEN GYI SGRON MA GANG DAG BYANG CHUB TU SNGA PHYI RIM PAR SANGS RGYAS NAS SHES BYA THAMS CAD MA CHAGS SHING THOGS PA MED PAR MNGON SUM DU GZIGS PA'I YE SHES MTHAR THUG BRNYES PA'I MGON PO DE DAG THAMS CAD LA'O, ,GANG GIS NA BDAG GIS SO, ,GANG NA ZAB PA DANG RGYA CHE BA'I CHOS KYI 'KHOR LO DAM PA BLA NA MED PA SEMS CAN THAMS CAD KYI DON DU'O, ,DE NI SNGON STON PA SANGS RGYAS NAS CHOS MI GSUNG BA LTAR BSTAN PA NA TSANGS PA DANG BRGYA BYIN GYIS CHOS KYI 'KHOR LO BSKOR BAR BSKUL BA LTAR

BYED PA'O, ,DRUG PA MYA NGAN LAS MI 'DA' BAR BZHUGS SU GSOL BA NI , MYA NGAN 'DA' STON SOGS RKANG PA BZHI STE , MYA NGAN LAS MI 'DA' BAR GSOL BAR BGYI'O ZHES DRANG NGO, ,GANG LA NA, RGYAL BA KUN DANG KHYAD PAR DU 'JIG RTEN GYI SNANG DOR MYA NGAN LAS 'DA' BA'I TSUL STON PAR GANG GIS BZHED PA'I RGYAL BA DE DAG LA'O, ,DGOS PA CI'I CHED DU NA, 'GRO BA SEMS CAN KUN LA GNAS SKABS BDE BA MNGON MTHO DANG MTHAR THUG PHAN PA NGES LEGS MCHOG LA 'GOD PAR BYA PA'I PHYIR DU'O, ,DUS JI SRID DU ZHE NA , BSKAL PA GCIG TZAM LTA BU MA YIN PAR BSKAL PA SANGS RGYAS KYI ZHING GRANGS MED PA DAG GI RDUL JI SNYED YOD PA'I GRANGS DANG MTSUNGS PAR BZHUGS PAR YANG NGO, ,GANG GIS NA BDAG GIS GSOL LO, , TSUL JI LTAR NA , BSAM PA THAG PA NAS LAG PA THAL MO RAB TU SBYAR BA'I SGO NAS SO, ,BDUN PA YAN LAG SNGON MA DRUG BYAS PA'I DGE BA BSNGO BA NI, PHYAG 'TSAL BA DANG ZHES SOGS RKANG PA BZHI STE, DE LTAR PHYAG 'TSAL BA DANG , MCHOD CING SDIG PA BSHAGS PA DANG , DGE BA LA RJES SU YI RANG BA DANG , CHOS KYI 'KHOR LO BSKUL ZHING MYA NGAN LAS MI 'DA' BAR GSOL BA YI DGE BA CUNG ZAD BDAG GIS CI BSAGS PA THAMS CAD DUS GSUM DU BSAGS PA'I DGE BA LHAN CIG BDAG GIS BLA NA MED PA'I BYANG CHUB THOB PA'I PHYIR TE CHED DU BSNGO BAR BGYI'O ZHES SO, ,GNYIS PA DON BSDU BA NI , LAM RIM CHEN MO LAS , DE LTAR NA PHYAG DANG MCHOD PA DANG BSKUL BA DANG GSOL BA GDAB PA DANG YI RANG BA LNGA NI MTHUN

, ,RKYEN TSOGS GSOG PA YIN LA , BSHAGS PA NI 'GAL RKYEN SGRIB PA SBYONG BA DANG , YI RANG GI PHYOGS GCIG RANG GI DGE BA BYAS PA LA DGA' BA SGOM PA NI RANG GI DGE BA SPEL BAR YANG 'GYUR RO, ,BSNGO BAS NI BSAGS PA DANG SBYANGS PA DANG SPEL BA'I DGE BA RNAMS NYUNG DU'ANG CHES MANG BAR SPEL BA DANG , GNAS SKABS SU 'BRAS BU PHYUNG STE ZAD PAR 'GYUR BA RNAMS KYANG NAM YANG MI ZAD PAR BYED PA STE , BSDU NA BSAGS PA DANG SBYANG BA DANG SPEL ZHING MI ZAD PAR BYED PA GSUM DU 'DU'O ZHES GSUNGS PA LTAR RO, ,YANG LAM RIM LAS , DE LTAR TSIG DE DAG GI DON GO BAR BYAS LA YID GZHAN DU MA YENGS PAR DA LA BUS JI SKAD BSTAN PA BZHIN DU BYAS NA BSOD NAMS KYI PHUNG PO DPAG TU MED PA 'DZIN TO ZHES BSHAD PA NI GAL CHE STE SKABS GZHAN DU'ANG DE LTAR RO, ^ ,GNYIS PA DNGOS GZHI SMON LAM GYI KHYAD PAR RGYAS PAR BSHAD PA LA GNYIS , SMON LAM GYI DBYE BA DNGOS DANG , SMON LAM CI TZAM DU 'DEBS TSAD BSHAD PA'O, ,DANG PO LA BCU DRUG STE, BSAM PA'I SGO NAS SMON PA DANG , DE BZHIN DU SBYAR TE BYANG CHUB KYI SEMS MI BRJED PA'I SGO NAS DANG , MA GOS PA'I SBYOR BA'I SGO NAS DANG , SEMS CAN LA PHAN PA DANG BDE BA'I SGO NAS DANG , GO CHA'I SGO NAS DANG , SKAL PA MNYAM PA'I GROGS DANG 'PHRAD PA'I SGO NAS DANG , DGE BA'I BSHES GNYEN MNYES PAR BYED PA'I SGO NAS DANG , SANGS RGYAS MNGON DU GYUR PA LA MCHOD PA'I SGO NAS DANG , DAM CHOS 'DZIN PA'I SGO NAS DANG,

MI ZAD PA'I MDZOD KYI SGO NAS DANG , 'JUG PA DU MA'I SGO NAS DANG , STOBS KYI SGO NAS DANG , SGRUB PA'I SGO NAS DANG , LAS KYI SGO NAS DANG , RJES SU SLOB PA'I SGO NAS DANG , BSDU BA'I SGO NAS SMON PA'O, ,DANG PO LA BZHI , BYON ZIN GYI SANGS RGYAS LA MCHOD PA DANG , MA BYON PA'I SANGS RGYAS KYI DGONGS PA RDZOGS PA'I CHED DANG , SANGS RGYAS KYI ZHING SBYONG BA'I CHED DANG , SEMS CAN THAMS CAD PHAN BDE LA 'GOD PA'I CHED DU SMON PA'O, ,DANG PO NI, 'DAS PA'I SANGS RGYAS SOGS RKANG PA GNYIS TE, DE LTAR YAN LAG BDUN PA BYAS PA'I DGE BAS BDAG GIS NI SKYE BA 'DI DANG GZHAN DU'ANG 'DAS PA'I DUS SU BYON ZIN CING GDUL BYA'I SNANG NGOR SKU GSHEGS PA'I TSUL BSTAN PA'I SANGS RGYAS RNAMS DANG , SHAR NAS 'OG GI BAR PHYOGS BCU'I 'JIG RTEN DAG NA SEMS CAN GYI DON DU DA LTA GANG BZHUGS PA THAMS CAD MCHOD PA'I TSOGS RNAMS KYIS MCHOD PAR BYED PAR GYUR CIG CES SO, ,GNYIS PA NI , GANG YANG MA BYON SOGS RKANG PA GNYIS TE , 'TSANG RGYA 'GYUR GANG YANG SANGS RGYAS KYI SAR DA DUNG MA BYON CING 'BYON PAR BZHED PA DE DAG YUN RING DU MI THOGS PAR RAB TU MYUR BAR THUGS DGONGS KYI BSAM PA YONGS SU RDZOGS PA'I TSUL GYIS BLA NA MED PA'I BYANG CHUB TU RIM PA'AM? RNAM PAR SANGS RGYAS PAR SBYON PA STE BYON ZHIG PA'O, ,GSUM PA NI , PHYOGS BCU GA LA'I SOGS RKANG PA GNYIS TE , PHYOGS RE RE TZAM MA YIN PAR PHYOGS BCU GA LA PA'I MA DAG PA'I ZHING RNAMS NI JI SNYED YOD PA DE DAG THADm

, ,KYANG BDE BA CAN DANG MNGON DGA'I ZHING LTAR SNOD BCUD KYI SKYON DANG BRAL BA'I SGO NAS RGYA CHER YONGS SU DAG PAR GYUR CIG CES PA NI SNOD DAG PAR SMON CING , ZHING DE THAMS CAD DU'ANG BYANG CHUB KYI SHING GI DBANG PO'I DRUNG DU GSHEGS PA'I RGYAL BA DANG , SANGS RGYAS KYI CHOS KYI SRAS BYANG CHUB SEMS DPA' RNAMS KYIS RAB TU GANG BAR SHOG CIG CES PA NI BCUD DAG PAR SMON PA'O, ,BZHI PA NI, PHYOGS BCU'I SEMS CAN SOGS RKANG PA BZHI STE , 'DI LA MI 'DOD PA ZHI BA DANG , 'DOD DON 'GRUB PA'I CHED DU SMON PA GNYIS KYI DANG PO NI , PHYOGS BCU'I SEMS CAN GANG RNAMS JI SNYED YOD PA DE DAG RTAG TU NAD MED CING MNGON MTHO'I BDE BA KHYAD PAR CAN DANG LDAN PAR GYUR CIG CES SO, ,GNYIS PA NI, 'GRO BA SEMS CAN DE DAG KUN GYI CHOS KYI CHED DU 'BAD PA'I DGOS DON RNAMS NI CHOS DANG MTHUN PAR YID BZHIN DU 'GRUB PAR GYUR CING , DE'I CHED DU SMON PA'I RE BA CI YOD PA'ANG LEGS PAR 'GRUB PAR SHOG CES SO, ,'DIR MTHUN PAR GYUR CING ZHES PA NI SDEB SBYOR GYI DBANG DU BYAS KYI , GYUR CIG CES 'BYUNG BA LTAR BYAS KYANG DON MI 'GAL LO, ,SA BCAD GNYIS PA BYANG CHUB KYI SEMS MI BRJED PAR SMON PA LA GNYIS , MTHUN RKYEN DANG LDAN PA DANG , 'GAL RKYEN DANG BRAL BAR SMON PA'O, ,DANG PO NI, BYANG CHUB SPYOD PA SOGS TSIGS BCAD PHYED DANG BZHI STE , 'DI LA'ANG SKYE BA DRAN CING RAB TU 'BYUNG BA DANG , SPYOD PA RDZOGS SHING TSUL KHRIMS DAG PA DANG, 'GRO BA

RANG RANG GI SKAD KYIS CHOS STON PA DANG, PHAR PHYIN LA BRTZON ZHING BYANG CHUB KYI SEMS DANG MI 'BRAL BAR SMON PA RNAMS LAS , DANG PO NI, BLA NA MED PA'I BYANG CHUB KYI PHYIR RGYAL SRAS KYI SPYOD PA KHYAD PAR CAN DAG NI BDAG GIS SPYOD PAR BYED CING , SPYOD PA BYED PA'I RTEN 'GRO BA GANG DU SKYES PA DE DAG KUN TU SKYE BA DRAN PAR GYUR CIG ,DE LTA BU'I TSE RABS KUN TU 'CHI 'PHO BA DANG SKYE BA'I GNAS SKABS KYI SKYE BA THAMS CAD DU RTAG TU BDAG NI RAB TU 'BYUNG BAR BYED PAR SHOG CES SO, ,GNYIS PA NI, DE LTAR RAB TU BYUNG NAS RGYAL BA KUN GYIS JI LTAR SLOB PA'I RJES SU STE DE DAG MTHUN PAR SLOB PAR GYUR TE, BZANG PO STE DGE BA'I SPYOD PA THAMS CAD YONGS SU RDZOGS PAR BYED CING, TSUL KHRIMS KYI SPYOD PA NYES LTUNG GI DRI MA MED PA DANG, DMAN PA'I BYANG CHUB DON GNYER GYI BSAM PA DANG BRAL BA'I SA YONGS SU DAG PA DE LTA BU'I SGO NAS RTAG TU MA NYAMS SHING SKYON MED PAR RTAG TU SPYOD PAR SHOG CIG CES SO, ,RGYA 'GREL 'GA' ZHIG LAS NYES PA MI SPYOD PAS MA NYAMS PA DANG , DUS GSUM GYI YUL LA ZHEN PA'I SRED PA DANG , DUG GSUM GYI SA KUN NAS BSLANGS PA'I SRED PA MED PAS SKYON MED CES BSHAD DE MI 'GAL LO, ,GSUM PA NI , LHA LA SOGS PA 'GRO BA SNA TSOGS PA RNAMS LA DE DAG GI SKAD DANG 'DRA BAR , LHA'I SKAD DANG , KLU'I SKAD DANG , GNOD SBYIN GYI SKAD DANG , GRUL BUM DAG GI SKAD DANG , MI YI SKAD RNAMS DANG , DE BZHIN DU LHA MIN, SRIN PO, ,YI DAGS ,DUD 'GRO SOGS 'GRO BA KUN GYI SKAD CI TZAM YOD PA DANG MTHUN PAR SEMS

, ,CAN DE THAMS CAD KYI SKAD DU BDAG GIS DAM PA'I CHOS BSTAN NAS SO SO'I 'DOD PA RDZOGS PAR BYED PAR GYUR CIG ,DE YANG SO SO YANG DAG PA RIG PA BZHI RDZOGS PAR THOB NA NI SKAD RIGS THAMS CAD LA 'JUG NUS KYANG , MDO LAS , GSUNG DBYANGS GCIG GIS SO SO'I LAN KYANG 'DEBS, ,ZHES DANG, GSUNG GCIG NYID GYIS GSUNG MOD KYI, ,DU MA NYID DU SO SOR GO ,ZHES GSUNGS PA LTAR SANGS RGYAS KYI LEGS SBYAR LTA BU'I SKAD GCIG GIS BSHAD PA'I TSE, SANGS RGYAS KYI SMON LAM DANG BYIN RLABS KYIS SKAD GCIG PO DE 'GRO BA SKAD MI 'DRA BA RNAMS KYIS RANG RANG GI SKAD LTAR GO BAR 'GYUR BA YOD DO, ,BZHI PA NI, TSER BAS THAMS CAD DU RANG RGYUD DES PA STE DUL ZHING 'JAM PA'I SGO NAS SBYIN SOGS PHA ROL TU PHYIN PA DRUG LA RAB TU BRTZON PAR BYAS TE , SNGAR SEMS CAN GYI DON DU BSKYED PA'I BYANG CHUB KYI SEMS NI NAM YANG BRJED PAR MA GYUR CIG CES SO, ,DES SHING ZHES PA'I DON RGYUD DU LA BA'AM 'JAM PA'I DEN YIN TE, KLU SGRUB KYI 'GREL PAR, DES PA NI RGYUD 'JAM PA'O, ,ZHES DANG, PHYOGS GLANG GIS KYANG, DES BA NI SEMS KYI RGYUD MNYEN PA'O, ,ZHES GSUNGS PA LTAR GZHAN LAS KYANG BSHAD DO, ,GZHUNG BZHI PO DE RNAMS KYIS BYANG CHUB KYI SEMS MI NYAMS PA'I RGYU BZHI BSHAD CES 'GREL PA RNAMS LAS SO, ,GNYIS PA NI, SDIG PA GANG RNAMS SOGS RKANG PA GNYIS TE, DE LTAR BYANG CHUB KYI SEMS MI BRJED CING 'PHEL BA LA BAR DU GCOD PA'I SGO GSUM GYI SDIG PA GANG ZHIG

MCHIS PA RNAMS SA LAM GYI RTOGS PA SKYE PA LA SGRIB BYED KYI SGRIB PAR GYUR PA'I TSOGS DE DAG THAMS CAD MA LUS PA YONGS SU BYANG BAR SHOG ,SA BCAD GSUM PA MA GOS PA'I SBYOR BA'I SMON LAM NI, LAS DANG NYON MONGS SOGS RKANG PA BZHI STE BYANG CHUB KYI SPYOD PA LA SLOB PA'I TSE, SGO GSUM GYI MI DGE BA'I LAS RNAMS DANG, CHAGS SOGS NYON MONGS PA DANG, CHOS LA BAR DU GCOD PA'I BDUD KYI LAS YUM GYI MDO LAS BSHAD PA DE LTA BU RNAMS LAS GROL ZHING, DE YANG PHYOGS GCIG TZAM MA YIN PAR GANG DU 'BYUNG BA'I 'JIG RTEN 'GRO BA'I GNAS RNAMS SU YANG LAS NYON DANG BDUD LAS RNAMS KYIS MA GOS PAR SPYOD PAR GYUR CIG ,DPE JI LTAR SPYAD NA PADME CHU NANG DU SKYES KYANG CHU 'DAM GYIS MA GOS PA DE BZHIN DU DANG , NYI MA DANG ZLA BA'I DKYIL 'KHOR NAM MKHA' LA THOGS PA MED PAR RGYU BA LTAR SKYON DE DAG GIS MGOS PAR SPYAD PAR BGYI'O, ,DPE SNGA MAS 'KHOR BA'I GNAS SU SKYES KYANG 'KHOR BA'I SKYON GYIS MA GOS PA DANG, DPE PHYI MAS 'KHOR BA'I YON TAN LA MI CHAGS PA'I TSUL BSTAN TE, BYANG CHUB SEMS DPAS 'KHOR PA'I SEMS CAN GYI DON MDZAD PA'I KHYAD CHOS SO, ,SA BCAD BZHI PA SEMS CAN BDE ZHING PHAN PA'I SMON LAM NI , ZHING GI KHYON DANG SOGS RKANG PA BZHI STE, SANGS RGYAS KYI ZHING DAG GI RGYA KHYON DANG PHYOGS BCU RNAMS KYI KHYON CI TZAM YOD PAR GNAS PA'I 'GRO BA'I NGAN SONG GI SDUG BSNGAL SOGS SDUG BSNGAL THAMS CAD RAB TU ZHI BAR BYED PA DANG, MNGON MTHO LHA MI'I BDE BA DAG LA 'GRO BA KUN 'GOD CING, 'GRO BA

, ,THAMS CAD LA NI NGES LEGS KYI GO 'PHANG LA 'GOD PA'I PHAN PAR SPYAD PAR BYA'O, ,SA BCAD LNGA PA GO CHA'I SMON LAM NI, BYANG CHUB SPYOD PA SOGS RKANG PA BZHI STE, SNGON DU RANG RGYUD SMIN PAR BYA PA'I PHYIR BYANG CHUB CHEN PO'I RGYUR 'GYUR BA'I PHYIN DRUG SOGS KYI SPYOD PA YONGS SU RDZOGS PAR BYED CING, GZHAN SMIN PA'I CHED DU GDUL BYA'I SEMS CAN GZHAN DAG GI KHAMS DANG BSAM PA SHES TE THABS GANG GIS 'DUL BAR 'GYUR BA'I RANG GI SPYOD PA DE DAG GI SPYOD PA DANG MTHUN PAR 'JUG 'DOD KYI GO CHA GYON NO, ,'DIR DE DAG GI SPYOD PA RANG GI SPYOD PA DANG MTHUN PAR 'JUG CES BSHAD PA LTAR YANG RUNG NGO, ,DE LTA BU'I GO CHA BGOS TE GDUL BYA RNAMS LA BZANG PO DGE BA'I SPYOD PA DAG NE RAB TU STON PAR BYED CING, TSUL DE LTA BUS MA 'ONGS BSKAL BA KUN TU SKYO NGAL MED PAR SPYOD PAR GYUR CIG CES SO, ,GZHUNG SNGA PHYI DE DAG GIS GO CHA RNAM PA LNGA BSHAD KYANG, BSDU NA SPYOD PA RDZOGS PA DANG , SEMS CAN GYI SPYOD PA DANG MTHUN PAR 'JUG PA DANG, DAM PA'I CHOS BZANG PO STON PA GSUM DU 'DU BAR BSHAD DO, ,SA BCAD DRUG PA SKAL MNYAM GYI GROGS DANG 'PHRAD PA'I SMON LAM NI, BDAG GI SPYOD DANG SOGS TSIGS BCAD GCIG STE, SNGA MA DER MA ZAD, SKYE BA KUN TU BDAG GI SPYOD PA BZANG PO DANG MTSUNGS PAR GANG GIS SPYOD PA'I GROGS BZANG PO DE DAG DANG YANG NI RTAG TU 'GROGS PAR SHOG CIG CES SO, ,'DI LA YANG GI SGRA YOD MED GNYIS SNANG NGO, ,'GROGS NA CI ZHIG BYA BA NI, RANG DANG GROGS RNAMS PHAN TSUN LUS

DANG NGAG RNAMS DANG NI SEMS TE YID KYIS KYANG BYANG CHUB KYI PHYIR SPYOD PA DAG DANG SMON LAM PHYOGS GCIG TU MTHUN PAR 'JUG CING SPYAD PAR SHOG CIG CES SO, ,SA BCAD BDUN PA DGE BA'I BSHES GNYEN DANG 'PHRAD PA'I SMON LAM NI, BDAG LA PHAN BA SOGS RKANG PA BZHI STE, SNGA MA DER MA ZAD, BDAG DANG 'PHRAL DANG YUN DU PHAN PAR 'DOD PA'I GROGS PO DGE BA'I BSHES GNYEN GANG BYANG CHUB KYI SPYOD PA BZANG PO RAB TU STON PAR BGYID PA DE DAG DANG YANG RTAG TU PHRAD PAR SHOG CIG CES SO, , SRAD NAS KYANG BSHES GNYEN DE DAG GI YID THUGS NI BDAG GIS DUS NAM YANG MI DBYUNG BA STE SUN 'BYIN PAR MI BYED PAR SHOG CIG CES SO, ,RGYA 'GREL DAG LAS NI DE LTAR DU BSHAD LA, KHA CIG GROGS ZHES PA DGE BA'I BSHES LAM SBYAR BAR DE'I GROGS LA SBYAR BA LTAR SNANG YANG DON MIN NO, ,SA BCAD BRGYAD PA SANGS RGYAS MNGON DU GYUR PA LA MCHOD PAR SMON PA NI , SANGS RGYAS SRAS KYI SOGS RKANG PA BZHI STE , SANGS RGYAS KYI SRAS BYANG CHUB SEMS DPA' RNAMS KYIS BSKOR BA'I MGON PO RGYAL BA RNAMS NI LKOG GYUR MIN PAR MNGON SUM DU DUS RTAG TU BDAG GIS BLTA ZHING, DER MA ZAD TSUL DE LTA BUS MA 'ONG SA BSKAL PA KUN TU YID SKYO BA MED PAR RGYAL BA DE DAG LA YANG MCHOD PA SNA TSOGS KYIS MCHOD PA RGYA CHER BGYI BAR SMON NO, ,SA BCAD DGU PA DAM PA'I CHOS 'DZIN PAR SMON PA NI, RGYAL BA RNAMS KYI SOGS RKANG BA BZHI STE, RGYAL BA RNAMS KYI LUNG RTOGS KYI DAM PA'I CHOS THAMS CAD DANG DE DAG GIS GSUNGS PA'I LUNG GI DAM CHOS RNAMS NI MI BRJED PA'I

, ,GZUNGS KYI SGO NAS 'DZIN PAR BYED CING, BYANG CHUB KYI SPYOD PA'I KHYAD PAR RNAMS 'GRO BA GZHAN DAG LA 'CHAD PA'I SGO NAS KUN TU SNANG BA STE RGYAS PAR BYED PA DANG, DER MA ZAD, KUN TU BZANG PO'I SPYOD PA RNAMS RNAM PAR SPYOD BA MANG STE DE'I SKYON SBYONG BA'I TSUL GYIS DAG PAR BYED PAR SHOG CIG ,DE YANG DUS THUNG DU TZAM MA YIN PAR MA 'ONGS BSKAL PA KUN TU YID MI SKYO BAR SPYAD PAR BGYI PAR SMON NO, ,DAM PA'I CHOS 'DZIN PA'I SMON LAM 'DI RGYA CHE STE , RJE'I RTOGS BRJOD LAS , RGYAL SRAS SMON LAM GANGG'A'I KLUNG RNAMS NI, ,DAM CHOS 'DZIN PA'I SMON LAM NANG 'DUS PAR, ,GSUNGS PHYIR ZHES BSHAD CING , GANG LAS GSUNGS PA YANG LHA MO DPAL 'PHRENG GI ZHUS PA'I MDO NA GSAL LO, , SA BCAD BCU PA MI ZAD PA'I MDZOD THOB PAR SMON PA NI, SRID PA THAMS CAD SOGS RKANG PA BZHI STE , SRID PA GCIG TU MA ZAD 'DOD PA LA SOGS PA KHAMS GSUM GYI SRID PA THAMS CAD DU YANG LAS DANG SMON LAM GYI DBANG GIS 'KHOR ZHING SKYE BA NA, BSOD NAMS DANG YE SHES KYI TSOGS DAG NI MI ZAD PA STE DPAG TU MED PA RNYED CING, BYANG CHUB KYI SEMS DANG GDUL BYA SMIN CING GROL BA LA MKHAS PA'I THABS DANG, JI LTA JI SNYED KUN RNAM PAR 'BYED PA'I SHES RAB LHAG MTHONG GI PHYOGS KYIS BSDUS PA DANG, JI LTA BA DANG JI SNYED PA LA DMIGS PA'I TING NGE 'DZIN NI ZHI GNAS KYIS BSDUS PA DANG, RNAM PAR THAR BA BRGYAD SOGS DANG BCAS PA'I YON TAN KUN GYI MI ZAD PA'I MDZOD DU GYUR CIG CES SO, ,

SA? BCAD? BCU GCIG PA 'JUG PA DU MA'I SGO NAS SMON PA NI, SKRA TZAM KHYON LA ZHES PA NAS , KUN GYI DRUNG DU BDAG MCHI'O ZHES PA'I BAR TSIGS BCAD BRGYAD DE, 'DI LA BDUN, SANGS RGYAS KYI ZHING LTA BA LA 'JUG PA , SANGS RGYAS KYI GSUNG LA 'JUG PA , CHOS KYI 'KHOR LO BSKOR BA LA 'JUG PA , BSKAL PA KUN TU 'JUG PA , RGYAL BA KUN LA LTA ZHING DE RNAMS KYI SPYOD YUL LA 'JUG PA , SANGS RGYAS KYI ZHING SGRUB PA LA 'JUG PA , SANGS RGYAS RNAMS KYI DRUNG DU 'GRO BA LA 'JUG PAR SMON PA'I DANG PO NI, RDUL PHRA RAB GCIG GI STENG STE GOS NA RDUL JI SNYED YOD PA'I GRANGS DANG MNYAM PA'I SANGS RGYAS KYI ZHING DANG, ZHING DER GRANGS MED CING BSAM GYIS MI KHYAB PA'I SANGS RGYAS RNAMS NI SANGS RGYAS KYI SRAS BYANG CHUB SEMS DPA'I 'KHOR GYI DBUS NA BZHUGS PA LA MNGON SUM DU BLTA ZHING, DE RNAMS KYI DRUNG DU BYANG CHUB KYI SPYAD PA PHYIN DRUG SOGS SPYOD CING GNAS PAR BGYI'O, ,TSUL DE LTA BU NI PHYOGS GCIG TZAM DU YIN GYI , DE LTAR DU SHAR LA SOGS PA MA LUS PA THAMS CAD KYI PHYOGS SU YANG SKRA'I RTZE MO TZAM GYI KHYON LA DUS GSUM GYI TSAD JI SNYED KYI YUN DU SANGS RGYAS RGYA MTSO LTAR MANG ZHING MI ZAD PA DANG , SANGS RGYAS KYI ZHING RNAMS KYANG RGYA MTSO'I CHU'I PHUNG PO LTAR MANG ZHING MI ZAD PA DANG, BSKAL PA RGYA MTSO LTAR MI ZAD MANG ZHING MI ZAD PA'I BAR DU BYANG CHUB KYI SPYOD PA SPYOD CING, SANGS RGYAS KYI ZHING DANG DE RNAMS SU BZHUGS PA'I SANGS RGYAS SRAS DANG BCAS PA LA BLTA BA'I TSUL LA RAB TU 'JUG PAR BGYI'O, ,SANGS RGYAS RGYA MTSO

, ,DANG ZHING RNAMS RGYA MTSO ZHES PA'I RGYA MTSO NI MANG TSIG YIN PAS RGYA MTSO KHO NA LA MI GZUNG YANG RGYA MTSO'I CHU DPER MTSON PA'O, ,'DIR 'GREL PA RNAMS SU RDUL GCIG GI STENG DANG SKRA'I RTZE MO TZAM GYI KHYON LA SANGS RGYAS DANG, SANGS RGYAS KYI ZHING RGYA MCHE DE SNYED CHUD MI CHUD KYI RTZOD SPONG RE MDZAD KYANG THAMS CAD DRANGS NA MANG DU 'GYUR DOGS PAS MTSON TZAM NI, MDO LAS , BSAM GTAN DANG LAS DANG KLU DANG SANGS RGYAS KYI MTHU STE BSAM GYIS MI KHYAB PA BZHI DANG , CHOS NYID DANG SMON LAM DING MOS PA'I MTHU BSAM GYIS MI KHYAB PA'I TSUL YANG BSHAD PAS , SO SKYE'I BLO YUL NA RDUL GCIG GI STENG NA RDUL JI SNYED KYI SANGS RGYAS DANG DE'I ZHING DE SNYED CHUD DKA' BA BDEN MOD, 'PHAGS CHEN DBANG THOB PA RNAMS DANG, BSAM GYIS MI KHYAB PA'I MTHU BZHI LA SOGS PA'I DBANG DU BYAS NA MI 'GAL ZHING, 'JIG RTEN NA'ANG SNOD CHUNG NGU'I CHU'I NANG DU NYI ZLA RGYU SKAR DANG RI'I GZUGS BRNYAN DAG KYANG CHUD PAR MTHONG BA BZHIN NO, , DER MA ZAD, PHAL PO CHE SOGS KYI MDO LAS KYANG GSAL LA , DPAL LDAN ZLA BAS SA BCU PA'I MDO NAS BSHAD PA'I DON 'CHAD PA NA, DBU MA 'JUG PA LAS , SA BCU PA'I GNAS SKABS SU YANG, BA SPU'I KHUNG BUR BYANG SEMS NYAN RANG DANG, ,LHAN CIG RDZOGS SANGS RGYAS SKU GRANGS 'DAS DANG, ,DE BZHIN LHA DANG LHA MIN MI DAG KYANG, ,SKAD CIG RE RE LA NI STEN PAR NUS, ,ZHES GSUNGS SHING, SANGS RGYAS KYI YON TAN 'CHAD PA'I SKABS SU YANG DE NYID

LAS, DAG PA 'DI NI BZHED PA 'JUG PA YIS, ,RDUL GCIG YUL LA MKHA' GTUGS 'JIG RTEN DANG, ,'JIG RTEN MTHA' YAS PHYOGS KHYAB RDUL STON MOD, ,RDUL RAGS MI 'GYUR 'JIG RTAN PHRA MI 'GYUR, ,ZHES DANG, DE ? DU? BA SNYING KHUNG BU GCIG LA'ANG SANGS RGYAS BYANG SEMS NYAN RANG SOGS DANG SNGON GYI SPYOD PA'I GNAS SKABS JI SNYED BYUNG BA RNAMS CI 'DRA BA DE LTA BU DUS GCIG TU GSAL BAR STON NUS PA YIN TE, DE NYID LAS , THUB DBANG DUS GCIG LO? ? ? ? MTHUN, ,ZHES PA NAS, THAMS CAD BA SBU'I KHUNG BUR GCIG TSE STON, ,ZHES GSUNGS PA LTAR RO, ,'DI LTA BU NI DPA' BAR 'GRO BA'I TING NGE 'DZIN THOB PA RNAMS KYIS KYANG NUS SHING , KHYAD PAR DU KUN TU BZANG PO NI TSUL 'DI LA DBANG BA RNAMS KYI RGYAL POR BSHAD DO, ,GNYIS PA NI, SANGS RGYAS KYI GSUNG GCIG GI YAN LAG STE GSUNG GCIG NYID KYI CHA SHAS KYANG GDUL BYA RNAMS KYIS GO TSUL THA DAD PA RGYA MTSO LTAR MANG BA'I SGRA SKAD DU 'GYUR BA NYID GYI TSUL DE LTA BU'I SGO NAS , RGYAL BA KUN GYI DBYANGS KYI YAN LAG RNAM PAR DAG PA 'GRO BA KUN GYI BSAM PA JI LTA PA BZHIN DU 'BYUNG PA'I SANGS RGYAS KYI GSUNG DBYANGS KUN THOGS PA MED PAR SHES PA LA DUS RTAG TU 'JUG PAR BGYI'O, , 'DIR KLU SGRUB KYI 'GREL PA LAS, MOS PA SNA TSOGS CAN GYI NI, ,'KHOR MANG RNAMS NI GNAS PA LAS, ,GSUNG GCIG BKA' NI STZAL PA NA, ,GSUNG RNAMS DU MAR SOR 'GYUR ZHING, ,NGA YI CHED DU YIN NO ZHES, ,SKYE BO KUN GYI RTOGS

, ,'GYUR GANG, ,'DI LAS CHES RMAD CI YOD DO, ,'DI LAS CHES MTSAR CI ZHIG YOD, ,CES DRANGS PA DANG, PHYOGS GLANG GI 'GREL BAR YANG, 'KHOR BAR 'KHOR BA MANG PO RNAMS, ,DAD PA'I RNAM PA SNA TSOGS LA; ,GSUNG GCIG TU NI BSHAD MOD KYI, ,DU MA'I RNAM PAR GO BAR 'GYUR, ,ZHES DRANGS TE, 'GREL PA GZHAN LAS KYANG NGO, ,SANGS RGYAS LA GSUNGS YAN LAG DRUG CU DANG DRUG CU RTZA BZHIR YANG BSHAD CING, DER MA ZAD GSUNG DBYANGS YAN LAG RE RE LA'ANG DRUG CU RTZA BZHI RE MA TSANG BA MED PAR 'BYUNG STE, BSTOD SPRIN RGYA MTSO LAS, DE LTAR BZHI YIS LHAG PA'I DRUG CU'I DBYANGS, ,GSUNG GCIG NYID LA'ANG MA TSANG MED PAR NI, ,JI SRID NAM MKHA'I MTHAS KHYAB DE SRID DU, ,SKAL LDAN RNA BA'I LAM DU BDE BA STER, ,ZHES GSUNGS PA LTAR TE GSANG BA BSAM GYIS MI KHYAB PA'I MDO'I DON NO, ,GSUM PA NI, DER MA ZAD, 'DAS MA 'ONGS DA LTA'I DUS GSUM DU BYON PA DANG GSHEGS PAR 'GYUR BA'I RGYAL BA THAMS CAD DAG LA SEMS CAN RNAMS KYI CHED DU CHOS KYI 'KHOR LO'I TSUL RNAMS RAB TU BSKOR BAR MDZAD PA YI SANGS RGYAS DE DAG GI YANG GSUNG DBYANGS MI ZAD PAR 'BYUNG BA LA, SKAD CIG RE RE DANG YANG YANG NYAN NUS PA'I BLO YI STOBS KYIS BDAG KYANG RAB TU 'JUG PAR BGYI'O, ,SNGA MA NI SANGS RGYAS GCIG GI GSUNG GI CHA SHAS RNAMS DANG, 'DI NI SANGS RGYAS THAMS CAD KYI GSUNG GI CHA SHAS RNAMS LA 'JUG PAR SMON PA'O, ,BZHI PA NI, DUS GCIG

TU 'JUG NUS PA DER MA ZAD, MA 'ONGS PA'I BSKAL PA THAMS CAD DU DE LTAR DU 'JUG PAR 'GYUR ZHING, DE YANG RING DU MI THOGS PAR DUS SKAD CIG MA GCIG GIS MYUR DU THOS PAR BDAG KYANG 'JUG PAR BGYI'O, ,BSKAL PA LA BAR GYI BSKAL PA DANG BSKAL PA CHEN PO GNYIS YOD CING, BAR BSKAL BRGYAD CU'I YUN BSDOMS PAS BSKAL PA CHEN PO GCIG GO ,DE LTA BU'I MA 'ONGS PA'I BSKAL PAR MA ZAD , GANG YANG DUS GSUM KA'I TSAD KYI BSKAL PA DE DAG THAMS CAD SKAD CIG MA GCIG GI CHA SHAS SU BSGYUR BA'I STOBS KYIS NI ZHUGS PA STE 'JUG NUS PAR SPYAD PAR SMON NO, ,'DI NI SMON LAM YIN KYANG DBANG THOB PA RNAMS KYIS SKAD CIG BSKAL BAR BSGYUR BA DANG, BSKAL PA YANG SKAD CIG TU BSGYUR NUS PAR BSHAD DO, , LNGA PA NI, DUS GSUM DU SEMS CAN GYI DON DU BYON GSHEGS MDZAD PA'I MI YI SENGGE SANGS RGYAS BCOM LDAN 'DAS GANG YIN PA DE DAG THAMS CAD LA, DUS MYUR BAR SKAD CIG MA GCIG LA BDAG GIS MNGON SUM DU BLTA ZHING, RTAG TU STE RGYUN DU SANGS RGYAS DE DAG GI NI SKU GSUNG THUGS KYI SPYOD YUL BSAM GYIS MI KHYAB PA'I TSUL LA, CHOS RNAMS BDEN STONG SGYU MA LTAR SHES PAR GYUR PA'I TING NGE 'DZIN ZAB MO'I RNAM PAR THAR PA'I STOBS KYIS 'JUG PAR BGYI'O, ,SGYU MAR GYUR PA NI SGYU MA LTA BU'I TING NGE 'DZIN LA BSHAD KYANG RUNG NGO, ,DRUG PA NI, GANG YANG DUS GSUM PO DAG GI SANGS RGYAS KYI ZHING GI BKOD PA JI SNYED YOD PA DE DAG THAMS CAD BSGOMS PA DANG MOS PA'I STOBS KYIS RDUL PHRA RAB GCIG GI STANG NA MNGON PAR

, ,BSGRUB PAR BYAR NUS PAR SMON LA, DE YANG YUL DUS PHYOGS GCIG TZAM MA YIN PAR TSUL DE LTAR SHAR LA SOGS PA'I PHYOGS RNAMS MA LUS PA THAMS CAD DU YANG RGYAL BA DAG GI ZHING RNAMS KYI BKOD PA SGRUB PA LA 'JUG PAR SMON NO, ,DE LTA BU NUS MI NUS KYI DOGS GCOD NI GONG GI RDUL GCIG STENG NA ZHES SOGS KYI SKABS SU BSHAD PA BZHIN TE 'GREL PA DAG LAS KYANG DOGS SEL TE MDZAD DO, ,BDUN PA NI, GANG YANG MA BYON PA'I SANGS RGYAS 'JIG RTEN GYI SGRON MER GYUR PA DE DAG RNAMS RIM PAR TE RIM GYIS 'TSANG RGYA BA DANG, CHOS KYI 'KHOR LO BSKOR BA DANG, SKU MYA NGAN LAS 'DAS PA RAB TU ZHI BAR GSHEGS PA'I MTHA' STON PA'I TSUL MDZAD PA'I MGON PO SANGS RGYAS KUN GYI DRUNG DU BDAG RDZU 'PHRUL GYIS MCHI BA STE 'GRO BAR SMON NO, ,'DI DAG GIS MTSON NAS MDZAD PA BCU GNYIS STON PA'I SKABS THAMS CAD DU 'GRO BAR SMON PA 'GREL PA RNAMS LAS BSHAD DO, ,SA BCAD BCU GNYIS PA STOBS KYI SGO NAS SGRIN PA NI, KUN TU MYUR BA'I SOGS TSIGS BCAD GNYIS SO,, 'DI LA BCU STE, MYUR BA'I STOBS DANG, THEG PA'I STOBS DANG, YON TAN GYI STOBS DANG, BYAMS PA'I STOBS DANG, BSOD NAMS KYI STOBS DANG, YE SHES KYI STOBS DANG, SHES RAB KYI STOBS DANG, TING NGE 'DZIN GYI STOBS DANG, THABS KYI STOBS DANG, BYANG CHUB KYI STOBS RNAMS LAS, DANG PO NI, GANG 'DOD PA'I GNAS DE DANG DER THOGS MED YUD TZAM GYIS BGROD NUS PA'I KUN TU MYUR BA'I

RDZU 'PHRUL GYI STOBS RNAMS DANG, GNYIS PA SEMS CAN THAMS CAD LA KUN NAS PHAN PA'I SGOR GYUR PA'I SNYING RJE CHEN PO DANG BYANG CHUB KYI SEMS BSKYED PA YI THEG PA CHEN PO'I LHAG BSAM GYI STOBS RNAMS DANG, GSUM PA DUS KUN TU BZANG PO'I YON TAN LA SPYOD PA'I STOBS RNAMS DANG, BZHI PA DUS KUN TU SEMS CAN LA PHAN BDE'I BSAM PAS KHYAB PA'I BYAMS PA DAG GI STOBS DANG, LNGA PA DUS SAM TSE RABS KUN NAS BYAS PA'I DGE BA'I BSOD NAMS KYI STOBS RNAMS DANG , DRUG PA SHES BYA THAMS CAD LA CHAGS PA DANG THOGS PA MED PAR GYUR PA'I YE SHES KYI STOBS DANG, BDUN PA ZAB MO'I DON RNAM PAR 'BYED PA'I SHES RAB KYI STOBS DANG , BRGYAD PA SEMS CAN GYI DON SGRUB PA LA MKHAS PA'Am THABS KYI STOBS DANG , DGU PA DMIGS PA LA RTZE GCIG PA'I TING NGES 'DZIN GYI STOBS DAG GIS NI BCU PA BYANG CHUB CHEN PO SANGS RGYAS KYI STOBS RNAMS YANG DAG PAR SGRUB PAR BYED PAR SMON NO, ,SA BCAD BCU GSUM PA MI MTHUN PHYOGS SEL ZHING SGRUB PA'I STOBS KYI SGO NAS SMON PA NI, LAS KYI STOBS RNAMS SOGS RKANG PA BZHI STE, 'KHOR BAR 'PHEN PA'I LAS KYI STOBS RNAMS YONGS SU DAG PAR BYED CING, SGO GSUM GYIS BYAS PA'I NYON MONGS PA'I STOBS RNAMS KUN TU 'JOMS PAR BYED PA DANG, BYANG CHUB LA BAR DU GCOD PA'I BDUD KYI STOBS RNAMS KYI STOBS MED PAR RAB TU BYED CING, DE LTA BU'I MI MTHUN PHYOGS KYI STOBS GSUM PO DE ZHI BAR BYAS PA'I SGO NAS KUN TU BZANG PO'I SPYOD PA PHUN SUM TSOGS PA'I STOBS NI RDZOGS PAR BGYI BAR

, ,SMON NO, ,SKABS 'DIR 'GREL PA RNAMS LAS LAS KYI SGRIB PA RNAMS 'DAGS PA'I SMON LAM BTAB PAS LAS SGRIB 'DAGS PA'I TSUL LA DOGS GCOD 'GA' RE MDZAD PA'I TSIG RNAMS DRANGS NA MANG BAR 'GYUR BAS DON MDOR BSDU NA, LAS SGRIB 'DAGS PA'I SMON LAM BTAB PA TZAM GYIS DE JI LTAR 'DAGS PAR 'GYUR ZHE NA, DE'I TSUL NI, DE LTAR SMON LAM 'DEBS PA NI SDIG PA'I LAS LA 'GYOD SEMS KYIS BSHAGS PA BYED PA DANG 'DRA BA YIN PAS SUN 'BYIN PA'I STOBS YOD LA, DE YANG SKYABS SU 'GRO BA DANG SEMS BSKYED KYIS ZIN NA RTEN GYI STOBS TSANG ZHING , DE'I TSE SDIG PA'I LAS SOGS CHOS RNAMS RANG BZHIN GYIS STONG ZHI BSGYU MA LTA BUR SHES PA YOD NA GNYEN PO KUN TU SPYOD PA'I STOBS KHYAD PAR CAN YOD BAS STOBS GSUM DANG, NYES PA LAS LDOG 'DOD YOD NA SLAR LDOG PA'I STOBS 'BYUNG BAS STOBS BZHI TSANG BAR 'GYUR TE, STOBS BZHI PO DE SDIG PA'I GNYEN PO YONGS SU RDZOGS PA YIN PA'I PHYIR LAS SGRIB RNAMS ZAD PAR 'GYUR RO, ,SDIG PA'I LAS 'DAGS PA'I THABS MANG YANG GTZO BO NI SDIG LAS SOGS CHOS KUN GDOD MA NAS RANG BZHIN GYIS STONG BA SGYU MA LTA BUR SHES PA 'DI NYID YIN TE, DKON BRTZEGS LAS, 'OD SRUNG GAL TE SEMS CAN LA LA ZHIG MI DGE BA BCU'I LAS KYI LAM KHA NA MA THO BA CHEN PO 'DI DAG DANG LDAN PAR GYUR LA, DE YANG DE BZHIN GSHEGS PA'I CHOS BSTAN PA RGYU RKYEN DU LDAN PA LA 'JUG STE, 'DI LA GANG ZHIG BYED PA'AM ,

GANG GIS MYONG BAR BYED PA'I PHYIR BDAG GAS, SEMS CAN NAM, SOG GAM, GANG ZAG NI 'GA' YANG MED DO SNYAM ZHING, DE LTAR CHOS THOD BCOS BU NYID DANG, MNGON PAR 'DU MA BYAS PA NYID DANG, KUN NAS NYON MONGS PA MED PA NYID DANG , SGYU MA'I CHOS NYID DANG, RANG BZHIN GYIS 'OD GSAL BA NYID LA 'JUG CING, CHOS THAMS CAD GDOD MNAS RNAM PAR DAG PA NYID LA MNGON PAR DAD PAR BYED, LHAG PAR MOS PAR BYED NA SEMS CAN DE NGAN SONG DU 'GRO BAR NGA MI SMRA'O ZHES GSUNGS PA BZHIN GZHUNG GZHAN DU MA LAS KYANG BSHAD DO, ,LUNG 'DI'I KHA NA MA THO BA CHEN PO ZHES PAS MTSAMS MED KYI LAS LNGA LTA BU YANG TSUL DES SBYONG NUS PAR BSTAN CING, KHYAD PAR DU GANG ZHIG BYED PA'AM ZHES PAS LAS DANG, GANG GIS MYONG BAR BYED PA'I BDAG GAM ZHES PAS LAS BYED PA PO RANG BZHIN GYIS STONG PAR SHES DGOS PAR BSTAN TE GAL SHIN TU CHE'O, ,DE'I DON BSDU NA LAS BYED PA'I BDAG RANG BZHIN GYIS STONG STE, BDAG NI PHUNG PO'I STENG DU BTAGS PA TZAM MA GTOGS RANG DBANG GIS MA GRUB LA , LAS KYANG 'DAS PA RNAMS ZHIG NAS DA LTA MED , MA 'ONGS PA RNAMS NI DA LTA MA SKYES SHING MA BYUNG, DA LTA BA RNAMS KYANG SKAD CIG GIS 'JIG PAR 'GYUR BAS RTAG PAR GNAS PAR MI NUS SHING, 'BRAS BU 'BYIN PA'I BAR DU MI SDOD KYANG SGYU MA LTA BU'I TSUL GYIS 'BYIN PA'I RTAG CHAD DANG BRAL BA'I TSUL SHES DGOS TE MTSON TZAM MO, ,SPYIR SMON LAM 'DEBS PA TZAM NI DON DE BZHIN DU 'GRUB SRID PA'I NGES PA MED DE, BYANG CHUB SEMS DPA' GCIG GIS KYANG

, ,SEMS CAN THAMS CAD BDAG KHO NAS SDUG BSNGAL LAS THAR BAR BYAS NAS SANGS RGYAS KYI SA LA 'GOD PAR SHOG CES PA LTA BUS MTSON NAS 'DEBS TSUL MANG DU 'BYUNG LA, DE LTA BU'I SMON LAM DE 'GRUB MI 'GRUB GANG YIN KYANG PHAN YON SHIN TU CHE'O, ,SA BCAD BCU BZHI PA LAS KYI SGO NAS SMON PA NI , ZHING RNAMS RGYA MTSO SOGS TSIGS BCAD GNYIS TE , SANGS RGYAS KYI ZHING RGYA MTSO RNAMS NI GSER GYIS GZHI LA RIN CHEN AINDRA N'I LA SOGS KYIS SRAS PA'I TSUL DU RNAM PAR DAG PAR BYED CING , SEMS CAN RGYA MTSO DAG NI SDUG BSNGAL RGYU DANG BCAS PA LAS RNAM PAR GROL BAR BYED PA DANG, LUNG RTOGS KYIS BSDUS PA'I DAM PA'I CHOS RNAMS RGYA MTSO NI THOS BSAM BSGOM PA'I SHES RAB KYIS RAB TU MTHONG BAR BYED CING, SHES BYA'I RAB DBYE JI SNYED PA RNAMS KHONG DU CHUD PA'I YE SHES RGYA MTSO NI RAB TU RTOGS PA STE THOB PAR BYED PA DANG , BYANG CHUB KYI SPYOD PA RGYA MTSO RNAMS RNAM PAR DAG PAR BYED CING , GZHAN PHAN GYI SMON LAM RGYA MTSO RNAMS NA RAB TU RDZOGS PAR BYED PA DANG , SANGS RGYAS RGYA MTSO LTAR MANG BA RNAMS NI RAB TU MCHOD PAR BYED CING , GONG GI DE THAMS CAD SGRUB PA'I CHAD DU BSKAL PA RGYA MTSOR YID MI SKYO BAR SPYAD PAR BGYI BAR SMON NO, ,RGYA MTSO ZHES PA RNAMS NI SHIN TU MANG BAR MTSON PA'O, ,SA BCAD BCO LNGA BA RJES SU SLOB PA YONGS SU PHYE BA'I SGO NAS SMON PA NI , SANGS RGYAS RGYA MTSO SOGS TSIGS BCAD BZHI STE, 'DI SANGS RGYAS KYI

RJES SU SLOB PA DANG, BYANG CHUB SEMS DPA'I RJES SU SLOB PAR SMON PA'O, ,DANG PO NI, SANGS RGYAS GANG YANG DUS GSUM DU BYON GSHEGS MDZAD PA'I RGYAL BA JI SNYED YOD PA YI BYANG CHUB KYI PHYIR SPYOD PA'I SMON LAM MTHA' YAS PA'I BYE BRAG STE KHYAD PAR JI SNYED MDZAD PA RNAMS KYI DE KUN MA LUS PAR BDAG GIS RDZOGS PAR BGYI'O, ,DUS NAM GYI TSE ZHE NA, BZANG PO DGE BA'I SPYOD PA RNAMS KYIS BLA NA MED PA'I BYANG CHUB TU SANGS RGYAS NAS SO, ,GNYIS PA LA GNYIS , KUN TU BZANG PO DANG , 'JAM DPAL GYI RJES SU SLOB PAR SMON PA'O, ,DANG PO NI , RGYAL BA KUN GYI SRAS BYANG CHUB SEMS DPA' RNAMS KYI NANG NAS YON TAN GYI SGO NAS GTZO BO DANG MCHOG TU SON PA'I PHYIR BU THU BOR GYUR PA GANG GI MING NI KUN TU BZANG PO ZHES BYA BAR PHYOGS RNAMS SU GRAGS PA'I MKHAS PA DE DANG MTSUNGS PAR BYANG CHUB KYI SPYOD PA SPYAD PAR BYA BA'I PHYIR DU GONG DU SMON LAM BTAB PA'I DGE BAS MTSON PA'I DGE BA 'DI DAG THAMS CAD RAB TU BSNGO BAR BGYI'O, , KUN TU BZANG PO DES JI LTAR BSNGOS SNYAM NA, DES NI SGO GSUM GYI SKYON THAMS CAD DANG BRAL BA'I SGO NAS SKAD CIG GCIG LA LUS GCIG GIS KYANG SANGS RGYAS KYI ZHING KUN DANG , LUS GRANGS MED PAS ZHING DU MA CIG CAR 'GENG BAR MDZAD PA'I LUS RNAM PAR DAG PA DANG, GSUNG DBYANGS GCIG GIS KYANG 'GRO BA RNAMS KYI SKAD DANG MTHUN PAR CHOS STON NUS PA'I NGAG RNAM PAR DAG PA DANG, DA GNYIS SU MA ZAD , SKAD CIG MA GCIG LA CHOS THAMS CAD MNGON SUM DU

, ,GZIGS PA'I YID KYANG RNAM PAR DAG PAR GYUR CING, BYIN DRUG LA SOGS PA'I RGYAL SRAS KYI SPYOD PA RLABS PO CHE RNAMS KYANG SKYON GYIS RNAM PAR DAG PA DANG , RANG NYID GANG DU 'TSANG RGYA BA DANG 'TSANG RGYA BA'I TSUL STON BA'I ZHING RNAMS KYANG BDE BA CAN NAM MNGON BAR DGA' BA DANG DE DAG LAS KYANG CHES LHAG PA'I ZHING YONGS SU DAG PAR 'GYUR BAR BSNGOS SHING, DE LTA BU'I KUN TU BZANG PO ZHES BYA BAR GRAGS PA'I MKHAS PA CI 'DRA BA DE 'DRA BAR BDAG KYANG DE DANG MTSUNGS PAR SHOG CIG ,'DIR SH'AKYA BSHES GNYEN GYI 'GREL BAR BYANG CHUB SEMS DPA' LA 'DOD CHEN PA DANG 'DOD CHEN PA MA YIN PA GNYIS LAS , 'DOD CHEN PA NI RANG NYID MYUR DU SANGS RGYAS NAS SEMS CAN THAMS CAD KYI DON MDZAD PAR SMON LAM 'DEBS PA STE BYAMS PA LTA BU DANG , 'DOD CHEN PA MA YIN PA NI TSOGS RDZOGS KYANG 'TSANG MI RGYA BAR BYANG CHUB SEMS DPA'I GZUGS KYIS SEMS CAN THAMS CAD SANGS RGYAS KYIS LA BKOD PA'I RJES SU RANG NYID 'TSANG RGYA BAR SMON PA KUN TU BZANG PO LTA BUR BSHAD BA NI , 'JAM DPAL GYI ZHING GI BKOD PA'I MDO LAS , BYAMS PA NI 'DOD CHEN PA DANG 'JAM DPAL 'DOD CHEN PA MA YIN PA'I BYANG SEMS SU BSHAD PA'I RJES SU 'DRANG BAR SNANG YANG , DE NI THUN MONG BA PHAR PHYIN THEG PA'I LUGS TE RANG LUGS DNGOS PO'I GNAS TSOD LA NI KUN BZANG 'JAM DBYANGS GNYIS SANGS RGYAS ZIN KYANG BYANG CHUB SEMS DPA'I TSUL BZUNG BA LA 'CHAD DGOS PAR KHO BOS LUNG RIGS DU

MAS BSGRUB NUS TE BZHAG GO ,MDO LUGS LTAR NA'ANG MDO DE NYID LAS 'JAM DPAL GYIS STOBS BCU RDZOGS PAR BSHAD PA SOGS LAS DON GYI SANGS RGYAS PAR BSTAN TE CUNG ZAD TZAM SBAS SO, ,GNYIS PA NI , DUS DANG SGO KUN NAS DGE BA'I SPYOD PA BZANG PO SPYAD PAR BYA BA'I PHYIR DU 'PHAGS PA 'JAM DPAL GYI NI SMON LAM JI 'DRA BA DE 'DRA BA SPYAD PAR BGYI'O, ,DUS JI SRID DU NA MA 'ONGS BSKAL PA KUN TU YID MI SKYO BA'I TSUL GYIS SO, ,SPYOD PA PHYOGS GCIG TZAM MAM SNYAM NA MA YIN TE , 'JAM DPAL DE YI MDZAD PA'I BYA BA MA LUS PA THAMS CAD RDZOGS PAR BGYI'O, ,'DIR KHA CIG LAM GYI BYA BA SPYIR BSHAD KYANG BRTAG ,'JAM DPAL GYI SMON LAM DE GANG ZHE NA , 'JAM DPAL SNGON RGYAL PO NAM MKHAR GYUR PA'I TSE , 'KHOR PA THA MA MED PA YI, ,SNGON GYI THA MA JI SRID PA, ,DE SRID SEMS CAN PHAN DON DU, ,SPYOD PA DPAG YAS SPYAD PAR BGYI, ,ZHES SOGS SMON LAM RGYA CHER MDZAD PA LTAR RO, ,SA BCAD BCU DRUG PA BSDU BA'I SGO NAS SMON PA NI , SPYOD BDAG NI ZHES SOGS RKANG PA BZHI STE, BDAG GIS BYANG CHUB KYI PHYIR SPYOD PA'I SPYOD PA DAG GI MTHA' NI 'DI TZAM MO ZHES TSAD GZUNG DU YOD PAR MA GYUR CIG ,DE BZHIN DU MNGON SHES RDZU 'PHRUL TING 'DZIN GZUNGS SPOBS SOGS KYI YON TAN RNAMS KYANG TSAD GZUNG DU MED PAR SHOG CIG ,DE LTAR SPYOD PA DANG YON TAN TSAD MED PA LA GNAS NAS KYANG SANGS RGYAS DANG BYANG CHUB SEMS DPA' THAMS CAD KYI RDZU 'PHRUL LA SOGS PA'I RNAM PAR 'PHRUL PA THAMS CAD 'TSAL BA STE SHES SHING THOB PAR BGYI'O, ,

, ,'DIR 'AS PHUL BA'I KHA 'KHRUL DU BRIS PA NI YIG NOR RE, ,GNYIS PA SMON LAM JI TZAM DU 'DEBS PA'I TSAD NI , NAM MKHA'I MTHAR THUG SOGS RKANG PA BZHI STE , BZANG PO SPYOD PA'I SMON LAM TSAD JI TZAM DU 'DEBS SNYAM NA , NAM MKHAS MTHAR THUG BA MED PAR GYUR PA'I TSAD JI TZAM PA DE LTA BU DANG, SEMS CAN MA LUS BZHI GRANGS GYIS MTHA' MED PA DE BZHIN TE DANG, SEMS CAN RNAMS KYIS JI TZAM BSAGS PA'I LAS DKAR NAG DANG NYON MONGS PA'I MTHA' MED PAR GYUR PA DE BZHIN DU, BDAG GI BZANG PO SPYOD PA'I SMON LAM GYI MTHA' YANG TSAD MED PA DE TZAM MO ZHES PA STE, GZHUNG 'DIS SMON LAM 'DI'I NANG DU THEG PA CHEN PO'I SPYOD PA'I SMON LAM RLABS PO CHE JI SNYED PA THAMS CAD 'DUS PAR BSTAN TO, , GSUM PA MJUG GI RIM PA GZHAN NI, GANG YANG PHYOGS BCU'I SOGS MAN CHAD DE , 'DI LA GNYIS, SMON LAM BTAB PA'I PHAN YON DANG, BTAB BA'I DGE RTZA BA SNGO BA'O, ,DANG PO LA GNYIS, PHAN YON RGYAS PAR BSHAD PA DANG, BSDUS TE BSTAN PA'O, ,DANG PO LA GNYIS, TSE 'DIR 'BYUNG BA'I PHAN YON DANG, PHYI MAR 'BYUNG BA'I PHAN YON NO, ,DANG PO LA BZHI, BSOD NAMS 'DZIN PA, NGAN SONG DANG SDIG GROGS SPONG ZHING DE BZHIN GSHEGS PA MTHONG BA, SKAL MNYAM GYI SKYES BU DAM PA DANG 'PHRANG BA, LAS SGRIB BYANG BAR 'GYUR BA'I PHAN YON NO, ,DANG PO NI, SKYES BU GANG YANG PHYOGS BCU'I SANGS RGYAS KYI ZHING MTHA' YAS RNAMS NI GSER DNGUL SOGS RIN CEN RGYAN GYIS BRGYAN TE RGYAL BA RNAMS LA PHUL ZHING , DER

MA ZAD LHA DANG MI'I BDE BA'I YO BYAD BZA' BTUNG BA GO BA LA SOGS PA'I MCHOG RNAMS KYANG , SANGS RGYAS KYI ZHING GI RDUL JI SNYED PA'I GRANGS DANG MNYAM PA'I BSKAL PAR SANGS RGYAS RNAMS LA PHUL BAR BYAS PA'I BSOD NAMS DE LAS KYANG , GANG DAG GZHAN GANG GIS BSNGO BA'I RGYAL PO 'DI THOS NAS DON DRAN BZHIN DU BYANG CHUB MCHOG BLA NA MED PA'I BYANG CHUB DAG GI RJES SU RAB TU MOS SHING SMON LAM MANG DU 'DEBS PA'AM , DE LTA BU'I TSUL GYIS LAN CIG TZAM YANG DAD PAR BSKYED CING SMON PA'I BSOD NAMS 'DI NI SNGA MA LNGA MA'I BSOD NAMS GZHAN RNAMS KYI DAM PA STE LHAG PA DANG GTZO BO MCHOG TU 'GYUR RO, ,RGYU MTSAN NI SMON LAM 'DI'I NANG DU RGYAL BA SRAS BCAS KYI SPYOD PA RMAD DU BYUNG BA RNAMS 'BYUNG ZHING, DON DE BZHIN DU BSAM PA THAG ?????? THEG CHEN GYI RIGS CAN DU NI NGES PAR 'GYUR LA, BYANG CHUB KYI SEMS SNGAR MA BSKYED PA ZHIG YIN NA'ANG MYUR DU SKYE BA DANG, SKYES ZIN PA ZHIG YIN NA NI SEMS DE BRTAN PA DANG GONG 'PHEL DU GYUR NAS MYUR DU 'TSANG RGYA BAR 'GYUR ?? TSE DBANG GIS SO, ,SKYABS 'DI ??? 'DI LA BSNGO BA ZHES GSUNGS PA JI LTAR YIN SNYAM NA, DE NI BSNGO BA DANG SMON LAM MI 'GAL BA'I DBANG DU MDZAD PA YIN TE, DE YANG BSNGO RGYU'I DGE BA RDZOGS BYANG DU BSGYUR BAR BYED PA'I SMON LAM RNAMS ? YANG YIN PA'I PHYIR RO, ,DE YANG BSNGO RGYU BA BLTOS PA MED PA NI SMON LAM YIN YANG, BSNGO RGYU DANG SDAD PA'I SMON LAM RNAMS BSNGO BA DANG SMON LAM GNYIS KA YIN NO, ,SMON LAM GYI THA SNYAD DNGOS SUM BYAS PAR DGE BA RNAMS RDZOGS

, ,BYANG DU BSNGO BA NI BSNGO BA GTZO BO YIN ZHING, DE LA'ANG YID KYI RE SMON YOD PAS SMON LAM DU'ANG 'GYUR BAR SEMS, BSNGO BA DANG SMON LAM DNGOS NI BLO'I STENG NAS 'JOG DGOS PAS RJOD BYED TSIG GI BSNGO SMON NI BSNGO SMON BTAGS PA BYA YIN TE , DPER NA RJOD BYED TSIG GI SKYABS 'GRO RNAMS SKYABS 'GRO BTAGS PA BAR 'JOG PA BZHIN NO, ,DE LTA BU RJOD BYED LA BRJOD BYA'I MING GIS BTAGS PA NI MANG NGO, ,GNYIS PA NI, THEG PA MCHOG LA MOS PA'I SKYES BU GANG GIS BZANG PO SPYOD PA'I SMON LAM 'DI 'DEBS SHING BTAB NA GANG ZAG NGES NI NGAN SONG GSUM PO THAMS CAD SPANGS PAR 'GYUR ZHING, DES NI MI DGE BA'I PHYOGS DANG DMAN BA'I BYANG CHUB TU 'KHRID PAR BYED PA'I GROGS PO NGAN PA YANG SPANGS PAR GYUR PA YIN LA, SANGS RGYAS SNANG BA MTHA' YAS DE YANG DES ZHAL MYUR DU MTHONG BAR 'GYUR RO, ,GSUM PA NI, SMON LAM JI SKAD BSHAD PA LTAR 'DEBS PAR BYED PA DE DAG GIS NI, RNYED PA DON CHE BA RAB TU RNYED PA YIN TE , SMON LAM KHYAD 'PHAGS RIN PO CHE LTA BU 'DI 'DRA 'DEBS RGYU RNYED PA'I PHYIR, DGE BAR 'TSO BA ZHES BYA STE , DGE BA'I CHOS KYIS 'TSO BA'I PHYIR , 'DIR BDE BAR 'TSO ZHES KYANG 'BYUNG STE MI 'GAL LO, ,DE DAG MI'I TSE 'DIR YANG LEGS PAR 'ONGS SHING SKYES PA ZHES BYA STE, MI TSE DON LDAN DU BYED PA'I PHYIR RO, ,DE RNAMS SU MA ZAD DE DAG 'PHAGS PA KUN TU BZANG PO CI 'DRA BA DE 'DRA BAR YANG RING POR MI THOGS PAR DE BZHIN DU 'GYUR RO, ,BZHI BA NI, GANG ZAG GANG GIS MI SHES PA RMONGS PA'I DBANG GIS PHA DANG MA DANG DGRA BCOM PA BSAD PA

DANG DGE 'DUN GYI DBYEN BYAS PA DANG, DE BZHIN GSHEGS PA LA NGAN SEMS KYIS KHRAG PHYUNG BA STE MTSAMS MED PA LNGA PO DAG GI SDIG PA BYAS PA RNAMS NI DE YIS NI BZANG PO SPYOD PA'I SMON LAM 'DI MOS BA CHEN PO DANG LDAN PAS BRJOD NA , MYUR DU LAS DE RNAMS MA LUS PA YONGS SU BYANG BAR 'GYUR RO, ,'DIR MTSAMS MED PA'I DON LA GNYIS TE, SHI MA THAG SKYE BA GZHAN GYI BAR MTSAMS MED PAR DMYAL BAR 'GRO BA DANG, RNAM SMIN SDUG BSNGAL MTSAMS 'DZIN MI NUS PAR MYONG BAR 'GYUR BA'I TSUL GNYIS 'BYUNG NGO, , 'DI'I DOGS GCOD NI GONG DU BRJOD PA LTAR RO, ,GNYIS PA LA GNYIS, RGYU'I SKABS KYI PHAN YON, 'BRAS BU'I SKABS KYI PHAN YON NO, ,DANG PO NI, SMON LAM 'DI LTAR 'DEBS PA DE NI MA 'ONGS PA'I SKYE BA KUN TU BLANG DOR 'BYED PA'I SHES RAB KYIS BSDUS PA'I YE SHES DANG NI GZUGS BZANG BA DANG, DE YANG MTSAN DPE RNAMS KYIS BRGYAN PA DANG, PHA MES RIGS MTHO ZHING RUS BTZUN PA'I BRGYUD DU SKYE BA DANG, KHA DOG GSER LTA BU LA SOGS PA BZANG PO RNAMS DANG LDAN PAR 'GYUR RO, ,GNYIS PA NI, SMON LAM 'DI 'DEBS PA PO DE NI BDUD DANG MU STEGS MANG POS DE MI THUB CING , DER MA ZAD SA 'OG SA STENG SA BLA'I 'JIG RTEN GSUM PO KUN NA'ANG MCHOD PAR 'GYUR RO, ,BYANG CHUB KYI SHING GI DBANG PO'I DRUNG DU DE MYUR DU 'GRO ZHING , SONG NAS SEMS CAN RNAMS LA PHAN PA'I PHYIR DU SHING DRUNG DER 'DUG STE BDUD RNAMS SDE DANG BCAS PA THAMS CAD BTUL NAS 'BRAS BU BYANG CHUB TU MNGON PAR SANGS RGYAS TE CHOS KYI 'KHOR LO RAB TU BSKOR BA SOGS KYI MDZAD PA RNAMS STON PAR 'GYUR RO, ,GNYIS PA NI, SMON

, ,LAM GYI PHAN YON BSDU NA, SEMS CAN GANG YANG KUN TU BZANG PO'I SPYOD PAS MTSON NAS SPYOD PA KHYAD PAR CAN RNAMS LA SLOB PAR SMON PA'I SMON LAM 'DI NI YID LA 'CHAD PA DANG NI DON GZHAN LA STON TAM, GLEGS BAM NGAG GIS KLOG PAR BYED NA YANG DE YI 'BRAS BU BSOD NAMS RNAM PAR SMIN PA RGYA CHE BA'I MTHA' TSAD NI SANGS RGYAS KHO NA NYID KYIS MNGON SUM DU MKHYEN GYI, GZHAN NYAN RANG KUN DANG SO SO SKYE BO RNAMS KYIS JI LTA BA BZHIN SHES PAR MI NUS SO, , DE LTA BU'I BSOD NAMS KYI PHUD PO'I MTHU LAS NI SMON LAM 'DEBS BA BO BLA NA MED PA'I BYANG CHUB MCHOG THOB PAR 'GYUR NGES BAS DE LA SOM NYI STE THE TSOM MA BYED CIG CES SO, ,DE YI RNAM PAR SMIN PA SANGS RGYAS MKHYEN ZHES PA NI BYANG CHUB THOB PAR 'GYUR BA MKHYEN PA DANG SBYAR NAS BSHAD PA'ANG YOD DO, ,GNYIS PA LA LNGA, BYANG SEMS KYIS BSNGO BA BZHIN DU DANG, SANGS RGYAS KYIS BSNGO BA BZHIN DU DANG, 'BRAS BU MNGON DU 'GYUR BAR DANG, SANGS RGYAS LAS DNGOS LUNG BSTAN PA THOB PHYIR DANG, LUNG BSTAN THOB NAS SEMS CAN GYI DON SGRUB PAR BSNGO BA'O, ,DANG PO NI, MKHYEN BRTZE GNYIS KYI SGO NAS SEMS CAN MTHA' YAS PA'I DON SGRUB PA LA DPA' BA'I 'JAM DPAL DPA' BOS BSNGO BA'I TSUL SOGS CHOS KUN JI LTAR MKHYEN PA DANG, 'PHAGS PA KUN TU BZANG PO DE YANG 'JAM DPAL JI LTA BA DE BZHIN DU BSNGO BA'I CHO GA SOGS CHOS KUN LA MKHAS PA YIN TE, DE LTA BU'I BYANG CHUB SEMS DPA' DE DAG KUN GYI RJES SU BDAG SLOB BAR 'DOD PA'I PHYIR SMON LAM BTAB PA'I

DGE BA 'DI DAG THAMS CAD DE LTAR RAB TU BSNGO BAR BGYI'O, ,GZHUNG KHA CIG TU 'JAM DPAL JI LTAR MKHYEN CING DPA' BA DANG ZHES 'BYUNG YANG DON 'DRA'O, ,GNYIS PA NI, DUS GSUM GYI SEMS CAN GYI DON LA GSHEGS BYON MDZAD PA'I RGYAL BA THAMS CAD KYIS MGRIN GCIG TU BYANG CHUB CHEN PO'I PHYIR GANG BSNGO BA DANG GANG GIS BSNGO BA DANG, GONG DU JI LTAR BSNGO BA'I 'KHOR GSUM MI DMIGS PA'I BSNGO BA GANG LA MCHOG TU BSNGAGS PA'I BSNGO BA'I TSUL DE NYID KYIS, BDAG GIS BZANG PO SPYOD PA'I SMON LAM BTAB PA'I DGE BA'I RTZA BA 'DI DAG KUN KYANG 'PHAGS PA KUN TU BZANG PO'I SPYOD PA LTA BU 'GRUB PA'I PHYIR RAB TU BSNGO BAR BGYI'O, ,BSLAB BTUS LAS, 'JAM DPAL DPA' BO SOGS DANG, DUS GSUM GSHEGS PA'I RGYAL BA ZHES SOGS KYI TSIGS BCAD GNYIS PO 'DI BSNGO BA BLA NA MED PAR BSHAD PA LTAR RJES KYANG GSUNGS SO, ,GSUM PA NI, BDAG NI NAM ZHIG 'CHI BA'I DUS BYED PAR GYUR BA'I TSE NA SMON LAM 'DI LTAR BTAB PA'I MTHUS LAS DANG NYON MONGS PA'I SGRIB PA THAMS CAD DAG NI PHYIR BSAL CING MED PAR BYA BA TE, SANGS RGYAS SNANG BA MTHA' YAS KYI ZHAL MNGON SUM DU MTHONG BAR GYUR NAS BDE BA CAN GYI ZHING DER THOGS BA MED PAR 'GRO ZHING, ZHING DER SONG NAS NI PADMA LAS BRDZUS TE SKYES PA NA SMON LAM 'DI LTAR BTAB PA'I 'BRAS BU SPYOD PA KHYAD PAR CAN R'DI DAG THAMS CAD KYANG MA LUS PA MNGON DU 'GYUR BAR SHOG CIG ,DE'I TSE SMON LAM GYI 'BRAS BU DE DAG MA LUS BDAG GIS YONGS SU BKANG ZHING RDZOGS BAR BYAS NAS 'JIG RTEN JI SRID STONGS PA'I DE SRID DU SEMS CAN RNAMS LA PHAN BAR BGYID PAR SHOG CIG ,BZHI PA NI, BZANG PO

, ,SPYOD PA'I SMON LAM BTAB PA'I MTHU LAS, RGYAL BA 'OD DPAG MED 'KHOR GYI DKYIL 'KHOR BZANG PO'I TSOGS KYIS BSKOR ZHING BZHUGS PA'I YID DGA' BA'I ZHING DER PADMO DAM PA SHIN TU MDZES PA LAS BRDZUS TE SKYES NAS, RGYAL BA SNANG BA MTHA' YAS KYIS MNGON SUM DU KHYOD MA 'ONGS PA NA DUS 'DI'I TSE ZHING 'DI ZHES BYA BAR MING 'DI ZHES BYA BA'I SANGS RGYAS SU 'GYUR RO ZHES LUNG BSTAN PA YANG BDAG GIS 'KHOR GYI TSOGS NANG DER THOB PAR SHOG CIG CES SO, ,LNGA PA NI, BDE BA CAN GYI ZHING DER NI SMON LAM 'DEBS PA BO BDAG GIS BYANG CHUB TU LUNG BSTAN PA DE LTAR RAB TU THOB NAS SPRUL PA MCHOG DMAN MANG PO BYE BA PHRAG BRGYA LA SOGS PA SPRUL PA YI SGO NAS, GZHAN LA PHAN 'DOD PA'I BLO YI STOBS KYIS PHYOGS GCIG TZAM MA YIN PAR PHYOGS BCU'I 'JIG RTEN GYI KHAMS MA LUS PA RNAMS SU YANG, SEMS CAN RNAMS LA MNGON MTHO NGES LEGS LA 'GOD PA LA SOGS PA'I 'PHRAL YUN GYI PHAN PA MANG PO SGRUB PAR BGYID PAR SHOG CIG CES SO, ,'DIR BYE BA PHRAG BRGYA ZHES PA NI MANG TSIG YIN PAR SNANG BAS GRANGS NGES BYED DGOS PA MI 'DUG KYANG, BYED NA BYE BA BCU LA DUD 'PHYUR GCIG ,BYE BA BRGYAL THER 'BUM GCIG TU BSHAD PA LTAR BYA'O, ,DE'I LHAG MA, BZANG PO SPYOD PA'I SMON LAM BTAB PA YI, ,ZHES SOGS TSIGS BCAD GSUM NI, MDO DANG, KLU SGRUB, PHYOGS GLANG, RGYAN BZANG PO, ,DBYIG GNYEN GYIS MDZAD PAR GRAGS PA'I 'GREL PA RNAMS SU MI 'BYUNG LA, SH'AKYA BSHES GNYEN GYI 'GREL PAR NI TSIGS BCAD DANG PO GNYIS 'BYUNG YANG PHYI MA MI 'BYUNG BSAM DO TSIG YIN MIN DBYAD DGOS PAR SNANG YANG ,

DON BSDUS TE BSHAD NA, BZANG PO SPYOD PA'I SMON LAM BTAB PA YI DGE BA CUNG ZAD BDAG GIS CI BSAGS PA'I DGE BA DE'I MTHUS NI, 'GRO PA GZHAN GYIS BTAB PA'I SMON LAM DGE BA STE BZANG PO RNAMS KYI DON THAMm SKAD CIG GCIG GIS TE DUS MYUR BAR 'BYOR ZHING RDZOGS PAR SHOG ,BZANG PO SPYOD PA'I SMON LAM BTAB PA'I DGE BA RDZOGS BYANG DU BSNGO BA YI MTHU LAS BYUNG BA'I BSOD NAMS DAM PA CHEN PO MTHA' YAS PA GANG ZHIG THOB PA DES NI 'GRO BA GZHAN SDUG BSNGAL GYI RGYA MTSO LTA BU'I CHU BOR LHUNG? NAS BYING BA RNAMS ? 'OD DPAG MED KYI GNAS RAB TU THOB PA STE DE'I ZHING DU SKYE BAR SHOG ,SMON LAM RGYAL PO 'DI DAG NI SMON LAM GZHAN GYI MCHOG GI GTZO YIN PAS, 'DI'I SGO NAS MTHA' YAS PA'I 'GRO BA KUN LA PHAN PAR BYED CING, KUN TU BZANG POS BRGYAN PA DES GSUNGS PA'I GZHUNG GI DON BZHIN GRUB STE, NGAN SONG GSUM PO'I RGYUD DE RIGS RNAMS LAM LUS STONGS PAR SHOG CIG CES SMON PA'O, ,LOTZTSA PA YE SHES SDE'I 'GREL BAR NI TSIGS BCAD 'DI GSUM 'BYUNG STE, 'DI DANG BCAS NA SMON LAM 'DI LA SHO LO KA DRUG CU RTZA GSUm 'BYUNG NGO, GSUM PA BSHAD PA MTHAR PHYIN PA'I TSUL NI, 'PHAGS PA BZANG PO SPYOD PA'I SMON LAM GYI RGYAL PO 'PHAGS PA KUN TU BZANG POS GZHON NU NOR BZANG LA GSUNGS PA RDZOGS SO ZHES PA'O, ,'DI LA 'GYUR BYANG MI 'BYUNG BA NI 'DI PHAL BO CHE NAS LOGS SU PHYUNG BA'I DBANG YIN LA, PHAL CHEN NI BEE RO TZA NA RAKshI TAS BSGYUR RO, ,NOR BZANG NI KUN MKHYEN MTSO SNA PA'I RNAM THAR ZUR 'DEBS ZHIG TU, NOR BZANG DPA' BO SHAR PHYOGS SKU 'KHRUNGS PA, ,ZHES RJE RIN PO CHE GZHON NU NOR BZANG GI SKYE BRGYUD DU BSHAD DE 'BREL CHAGS SO,, ^ ,,SMRAS PA,

, ,JI LTAR PHYOGS KYI CHU PHRAN CHES MANG YANG, ,THAMS CAD RGYA MTSOR GZHOL CING 'BAB PA LTAR, ,RGYAL SRAS SMON LAM GANGG'A'I KLUNG RNAMS KYANG, ,SMON LAM CHU GTER CHE 'DIR 'BAB CING 'DU, ,GSUNG RAB RGYA MTSOR MANG THOS GRUR ZHUGS TE, ,RNAM DPYOD DANG 'PHYAR BRTZON PA'I RLUNG SHUGS KYIS, ,DON BZANG RIN CHEN GLING PHYIN YID BZHIN NOR, ,LEGS BSHAD RGYAL MTSAN RTZI MOR BKOD CING MCHOD, ,GANG ZHIG SMON LAM KUN GYE RGYAL PO 'DI'I, ,BRJOD BYA'I DON RNAMS SHES 'DOD DE DAG GIS, ,'GREL BSHAD 'DI 'DRAR BSTEN NA BDE BLAG TU, ,ZAB DON JI BZHIN SHES KYI GZHAN DU MIN, ,MKHA' DBYINGS RGYU SKAR RGYAL DANG NYIN BYED KYIS, X ,MDZES PAR BYED CING GZHAN MIN JI LTA BAR, ,THUB BSTAN PA DA TSAL BSHES GNYEN NYI MA DANG, ,LEGS BSHAD SNANG BA MDZES 'GYUR GZHAN GYIS MIN, ,BLO GROS RAB GNAS ZHUS PA'I MDO LAS NI, ,BKA' BSTAN LEGS PAR BSHAD DANG DGONGS 'GREL BA, ,DE YI DBANG GIS THUB BSTAN YUN RING DU, ,GNAS PAR GSUNGS PHYIR 'DIR 'BAD DON MED MIN, ,GANG 'DIR GANG GIS 'BAD LAS BYUNG BA'I DGES, , MA SOGS MA LUS BDAG GZHAN SKYE 'GRO'I TSOGS, ,KUN KYANG KUN TU BZANG PO'I RJES ZHUGS TE, ,MYUR PA MYUR BAR SANGS RGYAS THOB GYUR CIG ,CES BZANG PO SPYOD PA'I SMON LAM GYI 'GREL PA 'DI NI, SH'AKYA'I BTZUN PA GRAGS PA BSHAD SGRUB CES BYA BAS RANG LO BDUN CU'I THOG DAD PAS KUN NAS BSLANGS TE 'GREL PA SNGA MA RNAMS LA DPYAD CING JI LTAR 'TSAM PAR CO NI'I DGON NYID DU SBYAR BA'I YI GE PA NI T'A YI LA LUNG BLO BZANG DON GRUB BO, ,MANGGA LAm, ,

[BLANK PAGE]