, ,DPAL CHOS KYI GRAGS PAS MDZAD PA'I RGYUD GZHAN GRUB PA ZHES BYA BA'I BSTAN BCOS KYI 'GREL PA MKHAS BA'I YID 'PHROG CES BYA BA BZHUGS SO, ,
, ,AOm BDE LEGS SU GYUR CIG ,NA MO GU RU T'A RE YA, 'DI SNANG BRDZUN PHUG RIG PAS KLONG NAS RDOL, ,RTEN 'BYUNG STON PA'I NGAG LA DBANG BSGYUR CING, ,BLO GSAL YID LA DON BZANG 'JO BA'I DPAL, ,GNYIS MED BLA MA BDAG GI GTZUG NA RGYAL, ,LUNG RIGS TSA ZER RNON PO SPRO STANGS KYIS, ,LOG RTOG MUN PA STUG PO'I TSOGS BSAL NAS, ,CHOS KYI PAD TSAL BZHAD PA'I SNYAN PA CHE, ,'DZAM GLING RGYAN DU GRAGS PA RTAG TU MCHOD, ,TSAD MA'I GZHUNG CHEN DPAG DKA' CHU YI GTER, ,GCIG TU BRLING BA'I PHYIR NA SPYI BRTOL GYIS, , BAB COL CA CO BSGRAG 'DI MI MDZES KYANG, ,'PHAGS YUL 'GREL PA BRTEN SLAD MNYAN PAR 'OS, ,DE LTA NA YANG BYIS PA'I BLO RTZAL GYIS, ,BRTAG CING DPYAD PAS BYAS MOD CHOS KYI TSIG,
, ,BRAG CHA BZHIN DU BRDA' DON MA PHRAD PAS, ,RANG 'DOD PHYOGS DANG 'GAL NA GZHAN DU BYOS, ,GANG LTAR ZLA BA LA NI RGYU SKAR 'OD, ,GSAL BYED GROGS SU GYUR LAS GNOD MIN LTAR, ,SHES RAB DBANG PO ZHAN PA'I RIGS CAN 'GA', ,RJES SU GZUNG PHYIR 'DI BZHIN 'CHAD LA SPRO, ,DE LA 'DIR DPAL CHOS KYI GRAGS PAS MDZAD PA'I TSAD MA'I BSTAN BCOS SDE BDUN DU GRAGS PA LAS, 'PHROS PA YAN LAG LTA BU BSTAN BCOS BZHI'I YA GYAL RGYUD GZHAN GRUB PA ZHES BYA BA DE BSHAD PAR BYA BA LA GNYIS, SPYI'I DON DANG, GZHUNG GI DON NO, , DANG PO NI, BSTAN BCOS 'DI RTZA BA GANG LAS 'PHROS PA YIN ZHE NA, RNAM 'GREL MNGON SUM LE'U LAS, DE YI DE NI BDAG NYID YIN, ,ZHES DANG, RNAM NGES LAS, SNGON PO LA SOGS PA NYAMS
SU MYONG BA ZHES BYA BA YANG DE'I RANG GI NGO BO NYID NYAMS SU MYONG BA YIN NO, ,ZHES SOGS KYI SKABS SU GZUGS SGRA LA SOGS PA'I CHOS SU SNANG BA THAMS CAD RANG GI SEMS KYI SNANG CHA NYAMS SU MYONG BA TZAM DU BSHAD PA DAG LAS 'PHROS SO, ,BSTAN BCOS 'DI'I BRJOD BYA KHONG DU CHUD PA LA SEMS TZAM PA'I GRUB MTHA' MI SHES PA'I THABS MED PAS, DE CUNG ZAD GROL NA, DE YANG SEMS TZAM DU SMRA BA DANG RNAM PAR RIG PA TZAM DU SMRA BA GNYIS DON 'DRA ZHING, RNAM PAR RIG PA TZAM ZHES PA'I TZAM SGRAS DMIGS BYED SHES PA TZAM LAS DMIGS BYA DON GZHAN YOD PA 'GOG STE, NYI SHU PA'I 'GREL BSHAD LAS, RNAM PAR RIG PA TZAM ZHES BYA BA NI DMIGS PA DANG BRAL BA STE, ZHES GSUNGS PA'I PHYIR, 'O NA SHES PA'I DMIGS YUL MED NA SHES BYA YANG MED DAM ZHE NA, SEMS DANG SEMS LAS BYUNG BA KHO NA YOD PAR 'DOD DE, DE NYID LAS, 'BA' ZHIG PA'I RNAM PAR RIG PA TZAM STE GZUNG BA DANG 'DZIN PA DANG BRAL BA'I SEMS DANG SEMS LAS BYUNG BA ZHES BYA BA'I THA TSIG GO ,ZHES GSUNGS PA'I PHYIR, MDOR NA RNAM PAR RIG PA TZAM DU SMRA BA NI SHES BYA THAMS CAD SHES PA'I BDAG NYID DU SMRA BA STE, SHES PA'I BDAG NYID CES PA YANG ME NI TSA BA'I BDAG NYID YIN PAS TSA BA LAS LOGS SU MED CES PA LTAR SHES PA LAS LOGS SU SHES BYA MED PAR 'DOD DO, ,DE YANG YIN TE, RNAM PAR SHES PA NYID GZUGS DANG SGRA LA SOGS PAR GYUR PA'I SGO NAS GZUGS SGRA SOGS SU SNANG BA BYUNG BA MA GTOGS, GZUGS SGRA SOGS RANG GI NGOS NAS RNAM PA GTAD PA MA YIN PAS GZUGS SOGS
, ,MTHONG BA'I SHES PA DE DAG DON LA SEMS MTHONG BA YANG YIN TE, THEG BSDUS LAS, DE LTAR SEMS MNYAM PAR BZHAG PA NA SHES BYA'I GZUGS BRNYAN RNAM PAR BSNGOS PA LA SOGS PA GAR DANG GANG MTHONG BA DE NYID SEMS MTHONG BA STE, ZHES GSUNGS PA'I PHYIR, RNAM PAR SHES PA NYID GZUGS SGRA LA SOGS PAR GYUR NAS DE LTAR SNANG BA YANG YIN TE, SUM CU PA LAS, SNA TSOGS DAG NI GANG BYUNG BA, ,RNAM PAR SHES PA GYUR PA STE, ,ZHES DANG; DE'I 'GREL PA BLO BRTAN GYIS MDZAD PA LAS, BDAG DANG CHOS RNAMS DNGOS PO LA NYE BAR 'DOGS PA NI MA YIN NO ZHES BYA BA DE CI LTA BU ZHE NA, BDAG DANG CHOS RNAMS NI RNAM PAR SHES PA GYUR PA LAS PHYI ROL NA MED PA'I PHYIR RO; ;ZHES GSUNGS PA'I PHYIR, DE LTAR GZUGS DANG SGRA LA SOGS PA'I SKYE MCHED BCU PO THAMS CAD NANG GI SHES PA'AM DE'I BAG CHAGS GANG RUNG GIS NYER LEN BYAS PA LA BRTEN NAS BYUNG BA YIN PAS PHYI ROL RDUL BSAGS PA'I GONG BU DANG BEM PO ZER BA MI 'DOD PA'I RGYU MTSAN YANG DE LA THUG PA YIN NO, ,MDOR NA SNGON PO SNANG BA LTA BU LA MTSON NA, RANG CAG GIS SKYE BA SNGON MA RNAMS SU SNGON PO LAN MANG DU MTHONG BA LA BRTEN NAS SLAR SNGON PO SNANG BYED KYI BAG CHAGS BZHAG PA DE NYID TSE 'DIR SMIN PA NA, BAG CHAGS DE NYID CHA GNYIS SU GYES TE CHA GCIG SNGON PO DANG CHA GCIG SNGON 'DZIN MIG SHES SU GYUR PA YIN PAS SNGON PO DANG SNGON 'DZIN MIG SHES GNYIS NYER LEN GCIG LAS SKYES PAR GRUB
BO; ;NYER LEN GCIG LAS SKYES PAS RDZAS GCIG TU YANG GRUB STE, DE GNYIS RDZAS SU GCIG CES PA'I RDZAS DE NYER LEN BAG CHAGS DE LA BYED PA'I PHYIR RO, ,DE'I PHYIR LHAS SBYIN LA SNANG BA'I SNGON PO LHAS SBYIN RANG GI BAG CHAGS LAS GRUB PA YIN PAS MCHOD SBYIN LA MI SNANG STE, DPER NA DMYAL BA'I ME DE DMYAL BA PA RANG GI LAS KYI BAG CHAGS LAS GRUB PA YIN PAS MI LA MI SNANG BA BZHIN NO, ,DE LTAR KHAS BLANGS NA KUN GZHI BZHED PA DAG GIS DE LTA BU BAG CHAGS KUN GZHI DANG MIG SHES SOGS KYI DMIGS YUL DU BSHAD PA DANG, LUGS 'DIR YANG DMIGS BRTAG LAS, NUS PA 'JOG PHYIR RIM GYIS YIN, ,ZHES SNGON 'DZIN MIG SHES SNGON PO'I RNAM PA CAN DU SKYED PA'I BAG CHAGS, SNGON 'DZIN MIG SHES KYI DMIGS RKYEN DU BSHAD PA DAG LEGS PAR BSHAD PAR 'GYUR RO, ,DE LTAR YANG YIN TE, SNGON 'DZIN MIG SHES KYIS SNGON PO DMIGS ZER BA YANG BAG CHAGS NYID SNGON POR DMIGS PA LA ZER BA YIN PAS DE'I TSE BAG CHAGS LAS LOGS SU SNGON PO MED CING, DE'I DMIGS PA'I GZHI'AM RKYEN GANG YIN ZHES BTZAL NA BAG CHAGS LAS GZHAN MI RNYED PAS, DNGOS PO LA BAG CHAGS DMIGS PA YIN YANG SNGON PO DMIGS PAR RLOM PA YIN NO, ,DE'I PHYIR LHAS SBYIN DANG MCHOD SBYIN GNYIS KAS SNGON PO GCIG LA THUN MONG DU BLTAS PA'I TSE GCIG LA SNANG BA CIG SHOS LA SNANG BA MA YIN YANG, DE GNYIS KAS SNGON PO GCIG MTHONG ZHES RLOM PA TZAM DU ZAD DO, ,MDOR NA LHAS SBYIN GYI LUS NGAG YID GSUM LHAS SBYIN RANG GI BAG CHAGS LAS GRUB PA YIN PAS, DE DAG
, ,MCHOD SBYIN LA SNANG DU MED PA YIN ZHES BZHED BA LA, PHYI DON SMRA BA DAG GIS 'DI LTAR RGOL TE, ,SEMS TZAM PA KHYOD LTAR NA KHYOD LAS RGYUD THA DAD PA'I SEMS CAN GZHAN TSAD MAS MA GRUB PAR 'GYUR TE, RGYUD GZHAN PA'I SEMS CAN DE DAG RANG RANG GI BAG CHAGS LAS GRUB PA GANG ZHIG ,DE DAG KHYOD KYI TSAD MA LA SNANG DU MI RUNG BA'I PHYIR, ZHES RGO LA BA'I RTZOD PA DE DAG BZLOG BA'I DON DU RGYUD GZHAN GRUB PA ZHES BYA BA'I BSTAN BCOS LOGS SU MDZAD PA YIN NO, ,DE'I PHYIR BSTAN BCOS 'DI'I BRJOD BYA NI RGYUD GZHAN YOD PA NYID DO, ,DGOS PA NI THAMS CAD MKHYEN PA SGRUB BYED KYI RTZA BA'I RGYU SNYING RJE CHEN PO YIN ZHING RGYUD GZHAN MED NA SNYING RJE DE'I DMIGS YUL STONGS PAR 'GYUR BA DE BZLOG PA'I CHED DU'O,, NYING DGOS NI SNYING RJE CHEN PO DE NYID SKYE BA DU MAR GOMS PA LAS TSAD MA'I SKYES BU MTHAR THUG GRUB PA DE'O, ,NYING DGOS KYANG BSTAN BCOS 'DIS SGRUB PAR BYED PAS 'BREL BA YANG DON GYIS GRUB BO, ` ,GNYIS PA GZHUNG DON LA, MTSAN DON DANG, GZHUNG DNGOS GNYIS, DANG PO NI, RGYA GAR SKAD DU, SANTAN'AN+YATAR SIDD'AN'A MA PRA KA RA nA, BOD SKAD DU RGYUD GZHAN GRUB PA ZHES BYA BA'I RAB TU BYED PA, 'JAM DPAL GZHON NUR GYUR PA LA PHYAG 'TSAL LO, ,ZHES PA'O, ,GO BAR ZAD DO, ,GNYIS PA NI, GZHUNG DNGOS BSHAD PAR BYA BA LA GNYIS, RTZOD PA'I GLENG BSLANG BA DANG, CI LTAR RTZOD PA'I TSUL LO, ,DANG PO LA RTZA BA DANG 'GREL PA'O, ,RTZA BA NI, PHYI ROL DON DU ?GLU BDAG GIS, LUS DANG NGAG GI LAS BEM PO
YIN PAS, SEMS TZAM PA KHYOD LTAR NA LUS NGAG GI LAS KYANG MED PAS GZHAN SEMS DPOG PA'I RTAGS MED LA, NGED? LTAR NA GZHAN SEMS DPOG PA'I RTAGS 'DI LTAR YOD DE, RANG GI LUS NGAG GI LAS RNAMS KUN SLENG GI BLO SNGON DU 'GRO BA YI STE 'GRO BA CAN GYI BYA BA YIN PAR MTHONG NAS, PHYIS SU RGYUD GZHAN LA'ANG DE LTA BU KUN SLONG G-YO BA 'DZIN PA'I PHYIR ZHE NA, GAL TE DE TZAM GYIS GZHAN RGYUD KYI BLO SHES PAR 'GYUR NA SEMS TZAM PA NGED LA YANG TSUL 'DI DANG CHA MTSUNGS PA ZHIG YOD CES PA NI RTZA BA'O, ,'GREL PA NI, GAL TE MDO SDE PA KHYOD BDAG NYID KYI RGYUD LA LUS KYI BYA BA DANG NGAG GI BRJOD PA GANG DAG YIN PA THAMS CAD KUN SLONG GI SEMS KYI G-YO BA SNGON DU 'GRO BA'I RGYU MTSAN CAN DAG YIN PAR MTHONG NAS RGYUD GZHAN LA BYA BA DE DAG MTHONG BA'I RTAGS LAS SEMS G-YO BA RJES SU DPOG PAR BYED PA YIN NA, TSUL 'DI NI SEMS TZAM PA LA YANG CHA MTSUNGS TZAM YOD PAS SEMS TZAM DU SMRA BA NGAS KYANG GZHAN GYI SEMS RJES SU DPAG PAR BYA NUS TE, DE DPOG PA'I RTAGS KYANG NGA LA YOD PA'I PHYIR DANG, RTAGS DE YANG BDAG GI SHES PA LAS GZHAN PA'I RGYUD GZHAN GYI SEMS JI LTAR G-YO BA'I KHYAD PAR MED PAR PHA ROL PO'I LUS NGAG GI RNAM RIG JI LTA BA'I RNAM PA CAN GYI LUS NGAG GI RNAM PAR RIG BYED DU SNANG BA'I SHES PA DE LTA BU DAG RANG RGYUD LA YOD PAR MI 'DOD DO ZHES PA NI 'GREL PA'O, ,GNYIS PA CI LTAR RTZOD PA'I TSUL LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI,
, ,MDO SDE PAS GAL TE SEMS TZAM PA KHYOD GZHAN GYI KUN SLONG GI SHES PA'I BYED PA STE LUS NGAG GI RNAM RIG JI BZHIN MA MTHONG BA DE LTA NA DE MA DMIGS PA'I PHYIR GZHAN GYI SEMS RJES SU DPAG PAR MI RUNG NGO ZHE NA, SEMS TZAM PAS NYES PA DE NI KHYOD LA YANG 'DRA BAR 'JUG PA'I PHYIR DANG BDAG KHO NA LA MA YIN TE, PHA ROL PO MDO SDE PA KHYOD KYIS KYANG GZHAN GYI SHES PA SNGON DU 'GRO BA'I RTAGS CAN GYI SEMS DE DAG MNGON SUM KYIS MTHONG BA LTAR NAM YANG MA MTHONG BA'I PHYIR DES KYANG DE DAG SHES PAR MI 'GYUR RO, ,GZHAN GYI SEMS JI LTA BA BZHIN MTHONG MI NUS PA'I RGYU MTSAN NI, SEMS CAN RNAMS GZUNG 'DZIN GYI RNAM RTOG DANG MA BRAL BA YIN ZHING, GZHAN GYI SEMS KYI NGO BO NI GZUNG 'DZIN GYI RNAM RTOG DANG BRAL ZHING GNYIS SU MED PA DANG BRJOD DU MED PA'I BDAG NYID DU GNAS PA YIN PAS, GZUNG 'DZIN GYI RNAM RTOG DANG BCAS PA'I SEMS KYIS DE DANG BRAL BA'I SEMS KYI NGO BO JI LTA BA BZHIN DU MTHONG DU MED PA YIN NO, ,DE'I PHYIR GZHAN GYI SEMS MA ZAD RANG GI SEMS KYANG JI LTA BA BZHIN MTHONG MI NUS PA YANG YIN TE, NYI SHU PA LAS, GZHAN SEMS RIG PA'I SHES PA NI, ,DON BZHIN MA YIN JI LTAR DPER, ,RANG SEMS SHES PA ZHES GSUNGS SHING, DE'I 'GREL BSHAD LAS, RANG GI SEMS DE DANG GZHAN GYI SEMS DE YANG SANGS RGYAS BCOM LDAN 'DAS RNAMS KYIS CI LTAR BRJOD DU MED PA'I BDAG NYID DU THUGS SU CHUD PA DE BZHIN DU SROG CHAGS RNAMS KYIS
RANG GI SEMS MA RIG ,RNAL 'BYOR PAS KYANG GZHAN GYI SEMS MI RIG GO ,DE LTA BAS NA RANG GI SEMS SHES PA DANG GZHAN GYI SEMS SHES PA GNYIS KA YANG DON JI LTA BA BZHIN DU MA YIN NO, ,ZHES DANG, DE'I PHYIR GZUNG BA'I CHAS SGRIB PAS RANG DANG GZHAN GYI SEMS KYI NGO BO LA SROG CHAGS RNAMS DANG RNAL 'BYOR PAS RANG GI SEMS DANG GZHAN GYI SEMS BRJOD DU MED PA'I BDAG NYID DU MA RIG STE, ZHES GSUNGS PA'I PHYIR, LUNG DE DANG SUM CU PA LAS, DE MA MTHONG BAR DE MI MTHONG, ,ZHES YONGS GRUB MNGON SUM DU MA MTHONG BAR DU GZHAN DBANG MNGON SUM DU MI MTHONG BAR BSHAD PA DAG GNAD GCIG GO ,'ON KYANG RANG GI SEMS JI LTA BA BZHIN MI MTHONG BAR BSHAD PA 'DI KUN GZHI KHAS LEN PA LTAR NA KUN GZHI DANG LUGS 'DI LA NI RTZA BA'I RNAM SHES LTA BU GCIG LA GO DGOS TE, DE LTA MA YIN NA SO SKYE'I RGYUD LA RANG RIG TSAD MA GTAN MED DU 'GYUR BA'I PHYIR RO, ,GNYIS PA RTZOD TSUL RGYAS PAR BSHAD PA LA GNYIS, RTZOD LAN GYI SGO NAS RGYUD GZHAN YOD BAR SGRUB PA DANG, DE LA RTZOD PA SPONG BA'O, ,DANG PO LA GSUM, GZHAN SEMS SGRUB PA'I RTAGS GZHAN DU 'DOD PA MI 'THAD PAR BSTAN PA DANG, DE RANG GI SHES PAS SGRUB PAR BSTAN PA DANG, RMI LAM NA YANG DE DANG 'DRA BAR BSTAN PA'O, ,DANG PO NI, GAL TE MDO SDE PAS BDAG NYID KYI SEMS DE RGYUD GZHAN LA YOD PA'I SEMS DE DAG GI RGYU MTSAN NYID DU MI RUNG BA'I PHYIR RO, ,'O NA CI YIN ZHE NA, DE MI RUNG YANG GZHAN GYI SEMS SHES PAR 'GYUR BA'I RGYU MTSAN GZHAN ZHIG YOD PAR 'GYUR RO ZHE NA, SEMS TZAM PAS DE DE'I RGYU
, ,MTSAN DU JI LTAR MI RUNG ZHES DRI'O, ,MDO SDE PA NA RE, RANG GI RGYUD LA PHA ROL PO'I KUN NAS SLONG BA'I SEMS SO SO YANG DAG PAR MYONG BA MED PA'I PHYIR, DER MA ZAD DANG SGRAS BSDUS BA'I NGA 'GRO'O NGA SMRA'O ZHES BDAG NYID DANG 'BREL BAR SNANG BA'I LUS NGAG GI RNAM PAR RIG BYED 'DI DAG NI BDAG NYID KYI SEMS KYI RTEN CAN TE RGYU MTSAN CAN YANG YIN PAS DE DAG BDAG NYID KHO NA LA 'BREL BAR MTHONG BA'I PHYIR, TE SGRAS DRANGS PA'I TSIG LHAG MA NI, GZHAN RGYUD LA YOD PA'I LUS NGAG GI BYA BA DE DAG KYANG, RANG RGYUD KYI SEMS KYI RTAGS LA BRTEN NAS RJES SU DPAG DGOS PA DE LTA BU ZHIG YIN PAR 'GYUR NA NI, PHA ROL PO 'GRO BA DANG SMRA BA DAG LA DMIGS NAS KYANG NGA 'GRO'O NGA SMRA'O ZHES BDAG GI BYA BA DE DANG 'DRA BAR DMIGS PAR 'GYUR BA ZHIG TU GRANG NA, DE LTA MA YIN PAR DE 'GRO'I DE SMRA'O ZHES GZHAN DANG 'BREL BAR MTHONG BA DE'I PHYIR GZHAN SEMS DPOG PA'I RGYU MTSAN NI RTAGS GZHAN ZHIG YOD PAR GRUB PA YIN NO ZHE NA, SEMS TZAM PA NA RE; KHYOD LA LTOS TE GZHAN LA STE NGED LA YANG RANG GI RGYUD KYI KUN NAS SLONG BAR BYED PA'I SEMS DE NYID MNGON SUM TSAD MAS YA BDAG PAR MYONG BA MED PAS, DES NA SEMS KYI NGO BO MNGON SUM TSAD MAS MYONG BA MED PAR NI BDAG GZHAN GNYIS KA LA 'DRA LA, PHA ROL BO'I LUS NGAG GI RNAM PAR RIG BYED DU SNANG BA CAN GYI SHES PA DE NI, RANG GI SEMS KYI G-YO BA'I TSUL MTHONG BA'I RGYU MTSAN LA BRTEN NAS PHA ROL PO'I SEMS RTOGS DGOS PA CAN DE DAG KYANG KHA NANG DU BLTAS PA STE RANG GI RGYUD
KYI LUS NGAG GI RNAM RIG TU SNANG BA RGYU MTSAN DU BYAS NAS, PHA ROL PO'I LUS NGAG GI RNAM PAR RIG BYED YIN PAR SGRO BTAGS PA'I SGO NAS RTOGS PA'I PHYIR KHA PHYIR BLTAS PA'I SNANG BA CAN DU GRUB PA DE DAG ,RANG GI SEMS KYI RGYU MTSAN CAN YIN YANG GZHAN GYI SEMS KYI RGYU MTSAN CAN LAS SKYE BAR 'GYUR RO ZHES SGRO BTAGS SO ZHES PA'O, ,DE DAG GO BDE BAR BRJOD NA SEMS TZAM PAS RANG GI LUS NGAG GI RNAM RIG MTHONG BA'I RTAGS LAS RANG SEMS DPOG NAS DE BZHIN DU GZHAN GYI LUS NGAG GI RNAM RIG LAS KYANG GZHAN SEMS DPOG PAR 'DOD PA DE NI, DON LA RANG GI LUS NGAG GI RNAM RIG MTHONG BA YIN YANG GZHAN GYI LUS NGAG GI RNAM RIG MTHONG ZHES PA'I THA SNYAD KYANG MI BSLU BA'I PHYIR PHA ROL PO'I LUS NGAG GI BYA BA MTHONG ZHES SGRO BTAGS PA LA LTOS TE KHA PHYIR BLTAS PA'I RNAM PA CAN DU 'JUG PA DE DAG ,RANG GI SEMS KYI RGYU MTSAN CAN YIN YANG GZHAN GYI SEMS KYI RGYU MTSAN CAN LAS SKYE BAR SGRO BTAGS SO ZHES PA'I DON YIN NO, ,GNYIS PA GZHAN SEMS RANG GI SHES PAS SGRUB PAR BSTAN PA NI, MDO SDE PA NA RE, KHA PHYIR BLTAS PA STE GZHAN GYI LUS NGAG GI RNAM RIG TU SNANG BA DAG ,RANG GI RNAM RIG SNANG BA'I RGYU MTSAN LA LTOS PA MED PA KHO NAR CI STE MI 'DOD CE NA, SEMS TZAM PHAN RE, GZHAN GYI LUS NGAG GI RNAM PAR RIG BYED DE, RANG KUN NAS SLONG BA'I SEMS G-YO BA'I RGYU MTSAN LA LTOS PA MED PA NYID YIN NA RNAM RIG THAMS CAD LA MTSUNGS PAS, DE'I TSE RANG GI LUS NGAG GI RNAM RIG KYANG NANG GI SEMS G-YO BA'I RGYU MTSAN LA LTOS PA MED PA NYID DU THAL BAR 'GYUR RO, ,THAL
, ,BA'I RGYU MTSAN BSHAD PA NE, DE'I PHYIR RNAM PAR CHAD PA STE DE 'GRO DE SMRA BAR SNANG BA DANG, RNAM PAR MA CHAD PA STE NGA 'GRO NGA SMRA BAR SNANG BAS BYAS PA'I KHYAD PAR YOD PA DE'I DBANG GIS GZHAN GYI SEMS DPOG PA'I RGYU MTSAN MED PA DANG RANG SEMS DPOG PA'I RGYU MTSAN YOD PA'I KHYAD PAR DE 'DRA NI, RANG DANG GZHAN GYI SHES PA DE DAG NI RGYU MTSAN KUN SLONG G-YO BA NYID THA DAD PA RNAM PAR 'BYED PAR BYED PA MA YIN NO, ,DES NA RNAM PAR MA CHAD PA STENG 'GRO NGA SMRA BAR SNANG BDAG KYANG RGYU MTSAN MED PA NYID DU THAL BAR 'GYUR TE, RANG SEMS DPOG PA'I RGYU MTSAN YOD CING GZHAN SEMS DPOG PA'I RGYU MTSAN MED PA'I KHYAD PAR GTAN NAS MED PA'I PHYIR RO, ,DE'I PHYIR RANG GZHAN GYI SEMS DPOG PA'I TSUL MTSUNGS PA DE LTA BAS NA SNANG BA'I KHYAD PAR RNAM PAR MA CHAD PA STE RANG GI SEMS DPOG PA'I RTAGS YOD PA'I KHYAD PAR CAN DE 'DRA NI, RANG GI SEMS G-YO BA SNGON DU 'GRO BA'I RGYU MTSAN CAN KHO NA LA YOD PA MA YIN NO, ,'O NA CI ZHE NA, RNAM PAR CHAD PAR SNANG BA LA YANG BYA BA'I KHYAD PAR DU SNANG BA STE GZHAN GYI LUS NGAG GI RNAM RIG TU SNANG BA YANG GZHAN SEMS DPOG PA'I RTAGS KHO NA YIN NO, ,MDOR NA PHA ROL BOR SNANG BA DANG BDAG GI BAR SNANG BA'I KHYAD PAR LA MI LTOS PAR LUS NGAG GI BYA BAR SNANG BA TZAM RANG DANG GZHAN GYI SEMS G-YO BA DPOG PA'I RTAGS YIN TE, DPER NA MDA' DANG RDO 'PHANGS PA DANG, SGYOGS DANG, SPRUL PA DANG, GZHAN GYI RAB TU BSKYOD PA DANG SOGS PAS SGYU MA SOGS DE DAG GI BYA BA'I KHYAD PAR NI, MDA' RDO 'PHANGS PA DANG SGYOGS CHEN NI YUL GZHAN TU 'GRO BA'I BYA BA CAN DANG,
SPRUL PA NI NGAG BRJOD PA'I BYA BA CAN DANG, GZHAN GYIS BSKYOD PA DANG SGYU MA NI G-YO BA'I BYA BA CAN DU SNANG BA CAN DE RNAMS KYANG RANG LAS YUL RGYANG CHAD PAR SNANG YANG SEMS G-YO BA SNGON DU 'GRO BA CAN SHA STAG YIN PA'I PHYIR DANG, GANG ZAG GZHAN GYIS BYAS PA'I LUS G-YO BA LA SOGS PA DE DAG KYANG RGYUD PHA ROL PO LA LTOS TE RNAM PAR MA CHAD PA YIN YANG, DE DAG BDAG GI SEMS G-YO BA SNGON DU 'GRO BA CAN YANG MA YIN PA'I PHYIR RO, ,DE LTA BAS NA 'DIR LUS NGAG GI BYA BAR SNANG BA'I KHYAD PAR TZAM GYIS GZHAN GYI SEMS G-YO BA RJES SU DPAG PAS RTOGS PA YIN PAR RIGS SO, ,DE LA GAL TE SEMS RNAL DU GNAS SHING GSONG POR SMRA BA 'GA' ZHIG LTA BU'I LUS NGAG GI RNAM RIG DE NYID SEMS SNGON DU 'GRO BA'I RGYU MTSAN CAN MA YIN PA NYID DU 'DOD PA YIN NA, DE'I TSE GANG ZAG 'GA' YI YANG RNAM RIG SEMS SNGON DU 'GRO BA CAN DU MI 'GYUR TE, KHYAD PAR MED PA'I PHYIR RO, ,DE LTA BAS NA LUS NGAG GI BYA BA'I KHYAD PAR GYI SPYI BA MA ZHIG GIS NI KUN SLONG G-YO BA'I SPYI BAM TZAM RTOGS PAR BYED PA YIN NO, ,'DI'I SPYI ZHES PA NI, RTAGS DE LAS GZHAN SEMS G-YO BA TZAM DPOG THUB KYANG DGE BA DANG MI DGE BA'I SEMS G-YO BA'I KHYAD PAR ZHIB TU DPOG MI THUB PA'I DON NO, ,DE YANG MDO SDE PA KHYOD KYI LUGS LA CI LTAR PHA ROL PO'I LUS NGAG GI BYA BA DNGOS SU DMIGS LA, BDAG NYID LA PHA ROL PO'I SEMS G-YO BA'I SPYI TZAM MA GTOGS KHYAD PAR JI BZHIN MI DMIGS PA'I PHYIR 'ON KYANG GZHAN LA SEMS G-YO BA'I SPYI TZAM RTOGS PA LTAR, SEMS TZAM PA LA YANG PHA ROL PO'I LUS NGAG GI BYA BA DNGOS SU MI DMIGS KYANG
, ,BYA BAR SNANG BA DMIGS PAR 'DOD PA'I NGED KYI PHYOGS LA YANG DE DANG 'DRA'O, ,'DIR BYA BA DANG BYA BAR SNANG BA'I KHYAD PAR NI MDO SDE BAS PHA ROL PO'I LUS NGAG GI RNAM RIG BDAG NYID LA DNGOS SU SNANG BAR 'DOD LA, SEMS TZAM PAS RGYUD GZHAN GYI RNAM RIG PHA ROL PO'I BAG CHAGS LAS GRUB PA YIN PAS BDAG NYID LA JI BZHIN SNANG DU MI RUNG YANG, RANG RGYUD KYI SHES PA'I GZUNG YUL GYI CHA GCIG RANG GI RNAM RIG DANG CHA GCIG GZHAN GYI RNAM RIG LTA BUR SNANG BA DE LA GZHAN GYI LUS NGAG GI BYA BAR SNANG ZHES THA SNYAD BTAGS PAR 'DOD DO, ,DE SKAD DU NYI SHU PA'I 'GREL BSHAD LAS, DE DAG RANG GI BZUNG BA'I CHA GNYIS RANG DANG GZHAN GYI SEMS LTA BUR RIG PA NA RANG DANG GZHAN GYI SEMS RIG GO ZHES RTOG PAR BYED KYI, YANG DAG PA'I DON DU NA RANG DANG GZHAN GYI SEMS KYI RANG GI NGO BO LA NI MA REG GO ,ZHES GSUNGS PA LTAR RO, ,DES DNGOS SU GZHAN GYI SEMS MI SNANG ZHES GSUNGS KYANG LUS NGAG GI LAS MI SNANG BA'I TSUL LA YANG 'DRA'O, ,DKYUS KYI DON NI PHYI DON SMRA BA'I PHA ROL PO YANG RGYUD GZHAN GYI NGAG BRJOD PA DANG LUS BSKYOD PA'I BYA BA DAG RGYU MTSAN MED PAR CI STE MI 'DOD KHYOD LTAR NA, GONG DU RNAM PAR CHAD PAR SNANG BA RGYU MTSAN MED PAR 'DOD PA DE DANG 'DI NI MTSUNGS PAS SO, ,DES NA GDON MI ZA BAR RGYUD GZHAN GYI LUS NGAG GI BYA BA DE GNYIS NI NGES PAR KUN SLONG GI SEMS G-YO BA LA LTOS PA'I RGYU MTSAN CAN YIN PA'I PHYIR KUN SLONG GI SEMS DE MED NA MI 'BYUNG NGO ZHES BYA BA'I 'THAD PA 'DI KHYOD KYIS BRJOD DGOS SO, DE'I PHYIR KHYOD PHA ROL PO YANG RANG LAS YUL RGYANG CHAD
PAR DE LTAR SNANG BDAG LA DE DANG 'DRA BAR SEMS G-YO BA'I RGYU MTSAN CAN YIN PAR SMRA DGOS PAR 'GYUR BAS GRUB MTHA' 'DI DAG LA NI'U BU CAG GNYIS PHAN TSUN KHYAD PAR MED DO, ,GSUM GYI RMI LAM NA YANG DE DANG 'DRA BAR BSTAN PA LA BZHI, MDO SDE PA'I 'DOD TSUL SPYIR DGAG PA DANG, ZHAR LA BYE BRAG SMRA BA'I 'DOD TSUL DGAG PA DANG, MDO SDE PA'I 'DOD PA BYE BRAG TU DGAG PA DANG, RGYUD GZHAN YOD PAR SGRUB PA'I TSUL LO, ,DANG PO NI MDO SDE PA NA RE, GAL TE SEMS TZAM PA KHYOD PHA ROL PO'I LUS NGAG GI RNAM RIG DER SNANG BA DAG NGES PAR KUN SLONG GI SEMS G-YO BA'I RGYU MTSAN CAN YIN PAR SMRA BA NA DE'I TSE, RMI LAM GYI DE LA YANG CI'I PHYIR MI SMRA ZHE NA, SEMS TZAM PAS SAD PA DANG RMI LAM GYI SKABS THAMS CAD MTSUNGS TE, KHYAD PAR MED PA'I PHYIR, 'O NA KHYOD PHA ROL PO YANG RMI LAM NA GZHAN GYI LUS BSKYOD PA'I BYA BA DANG TSIG BRJOD PAR DMIGS PA'I SHES PA DAG SEMS G-YO BA'I RGYU MTSAN CAN YIN PAR CI STE MI SMRA ZHES DRI BA NA, MDO SDE BAS GAL TE RMI LAM NA LUS NGAG GI BYA BA DE DAG MED PA'I PHYIR RO ZHEN ,SEMS TZAM PAS KHYOD SHES PA'I DMIGS YUL PHYI DON YOD DGOS ZHES 'DOD PA DE BZHIN DU RMI LAM NA DMIGS PA MTSUNGS PAR YOD NA CI STE MED CES SMRA ZHES DRI BA NA, MDO SDE BAS GAL TE MI DE GNYID KYIS ZIL GYIS GNON PA'I PHYIR DMIGS YUL PHYI ROL DON GYIS STONGS PA'I RNAM PAR SHES PA 'GA' TZAM 'BYUNG NGO ZHE NA, SEMS TZAM PAS PHA ROL PO STE NGA'I PHYOGS LTAR NA YANG GNYID KYIS GNON PA DE KHO NA'I PHYIR PHYI ROL DON GZHAN GYI DBANG
, ,GIS STONGS PA'I RNAM PAR SHES PA 'BYUNG BA 'GYUR RO ZHES 'DOD DO, ,ZHES PA'O, ,GNYIS PA BYE BRAG SMRA BA'I 'DOD PA DGAG PA NI, BYE BRAG SMRA BA NA RE, GAL TE RMI LAM NA YANG SEMS CAN SNANG BA'I SHES PA DE NI YUL GYI DON DANG LDAN PA YIN LA, DE'I TSE SEMS CAN DMIGS PA DE RNAMS KYANG RGYUD GZHAN NYID YIN NO ZHE NA, TSUL DE NI GAL TE BYE BRAG SMRA BA KHYOD KYIS SEMS TZAM PA NGED LA BSNGO BA STE 'GRAN BA'I PHYIR YIN GYI SPYIR LUNG DANG RIGS PA DANG BRAL BA'I PHYIR DE SKAD SMRA BA RGOL BA DAM PA MA YIN MOD, 'ON KYANG BYE BRAG SMRA BA KHYOD KYI BSAM PA NI KHO BO'I 'DOD PA DE LTA BU LA RTEN PAR BYED NA NI, DE'I TSE PHA ROL PO SEMS TZAM PA YANG RMI LAM GYI SEMS CAN DE RGYUD GZHAN DBANG CAN DU 'DOD PA LA SU YANG CHOG PAR MI BYED DO SNYAM DU SEMS PA YIN NO, ,ZHES PA'I DON NO, ,'DI'I BSNGO BA NI 'GRAN PA'I DON NAM YANG NA SPYOD 'DUG LAS, MKHAS PA DAG LA BSNGO BAR 'DOD, ,CES PA LTAR LHAG PAR 'DOD PA'I DON GANG RUNG NGO, ,'DIR CUNG ZAD DPYAD NA, RTZA 'GREL LAS, GAL TE RMI LAM NA YANG SHES PA DON DANG LDAN PA YIN LA, DE'I TSE DMIGS PA RNAMS KYANG RGYUD GZHAN NYID YIN NO ZHES GSUNGS PA 'DI BYE BRAG SMRA BA'I DOGS PA BSU BA'I GZHUNG YIN PAR 'GREL BSHAD LAS BSHAD PAS, DE BYE BRAG SMRA BA'I DOGS PA KHONG NA GNAS BSU BA TZAM YIN GYI BYE BRAG SMRA BA SPYI'I 'DOD PA MIN ZER DGOS SAM SNYAM STE, GAL TE BYE BRAG SMRA BAS RMI LAM GYI SEMS CAN RGYUD GZHAN DNGOS YIN PAR 'DOD NA DES SPRUL BA YANG SEMS CAN YIN PAR 'DOD DGOS TE, DE
GNYIS RGYU MTSAN MTSUNGS PA'I PHYIR RO, ,SPRUL BA SEMS CAN YIN NA 'KHOR BA NA SNGON MED PA'I SEMS CAN GSAR DU 'BYUNG BAR 'GYUR ZHING DE LTA NA SEMS CAN 'PHEL 'GRIB CAN DU YANG 'GYUR BAS BYE BRAG SMRA BA'I GRUB MTHA' DANG 'GAL BAR DOGS SO,, RIGS PAS KYANG GNOD DE, RMI LAM NA RANG NYID MAL NAS PHYIR THON TE 'GRO 'ONG BYED PAR RMIS PA DE'I TSE DE GNYIS KA LA RNAM PAR SHES PA YOD NA RGYUD GNYIS SU THAL BA'AM, YANG NA MAL NA GNAS PA DE'I LUS RGYUD KYIS MA BSDUS PAR THAL BA'I NYES PA 'BYUNG DU DOGS SO, ,'ON KYANG DMYAL BA'I BSRUNG MA SEMS CAN YIN PAR BYE BRAG SMRA BAS 'DOD CING, MDO SDE PAS DE BEM PO YIN PAR 'DOD TSUL, NYI SHU BA'I 'GREL BSHAD LAS BYUNG BA MDO TZAM BRJOD NA, BYE BRAG SMRA BA NA RE, DMYAL BA'I BSRUNG MA SEMS CAN YIN TE, DE SEMS CAN GYI RNAM PAR SNANG ZHING DE LA LUS G-YO BA DANG NGAG SMRA BA'I BYA BA YANG YOD PA'I PHYIR, GAL TE DE LTA BU LUS NGAG GI BYA BA LAS DE SEMS CAN YIN PAR DPOG MI NUS NA, SROG CHAGS GZHAN LA YANG SEMS YOD PAR DPOG MI NUS TE, RGYU MTSAN MTSUNGS PA'I PHYIR ZHE NA, SEMS TZAM PAS DE MI 'THAD DE, DMYAL BA'I BSRUNG MA SEMS CAN YIN NA DMYAL BA PA LAS GZHAN DU MI 'OS PAS, DE'I TSE DE YANG DMYAL BA PA BZHIN DU SDUG BSNGAL MYONG BA'I RANG BZHIN CAN YIN NA, LCAGS DMAR 'BAR BA'I SA GZHI'I STENG GI TSA BA'I SDUG BSNGA RANG YANG MI BZOD NA DMYAL BA GZHAN DAG CI LTAR SDUG BSNGAL BAR BYED NUS ZHES SOGS KYI RIGS PA MANG POS 'GOG TSUL 'GREL BSHAD DER RGYAS PA YOD PA LAS SHES PAR BYA'O, ,MDO
, ,SDE PAS DMYAL BA'I BSRUNG MAS CHU LA SOGS PA'I 'BYUNG BA'I BYE BRAG SEMS MED BEM PO YIN PAR 'DOD CING, DE YANG MTSON CHA 'DEBS PA LTA BU LUS G-YO BA SOGS SU SNANG BA NI LAS KYI DBANG GIS YIN PAS DE TZAM GYIS SEMS CAN YIN PAR DPOG MI NUS TE, DMYAL BA'I GNAS NA LUG LTA BU RI 'GRO 'ONG BYED PA DANG SHAL MA LA'I NAGS TSAL DAG SEMS MED BZHIN DU SEMS CAN DMYAL BA DAG 'DZEGS PA DANG BAB PA'I TSE TSER MA'I MGO THUR DANG GYEN DU BSTAN PA BZHIN ZER RO,, DE LA SEMS TZAM PAS, KHYOD KYIS LAS KYI DBANG GIS MTSON CHA 'DEBS PA'I RNAM PAR SNANG ZER BA LEGS KYANG 'BYUNG BA'I BDAG NYID KYI BEM PO ZER BA MI 'THAD DE, LAS GSOG PA'I DUS NA BEM PO DE MED PA'I PHYIR, DES NA KHO BO'I LUGS LA SDUG BSNGAL MYONG BAR 'GYUR BA'I LAS KYI BAG CHAGS SEMS STENG DU BSGOS SHING DE NYID SLAR SMIN PA NA MTSON CHA 'DEBS PA LA SOGS PA'I RNAM PAR SNANG BA YIN PAS MDOR NA DMYAL BA RANG GI SEMS STENG GI BAG CHAGS NYID DMYAL BA'I BSRUNG MA 'JIGS 'JIGS LTA BUR SNANG BA MA GTOGS PHYI ROL BEM PO MA YIN ZHES 'GOG GO ,GZHAN YANG BYE BRAG SMRA BAS RMI LAM GYI GLANG PO CHE DE MTSAN NYID GSUM GYI NANG NAS GANG DU 'DOD GAL TE GZUGS YIN NA RDUL DU MA 'DUS PA'I GONG BU YIN NAM MIN YIN NA SKAR KHUNG SHIN TU DOG MO'I NANG DU CI LTAR SHONG, YUL DE NA GNAS PA'I GNYID MA LOG PA DAG GIS KYANG CI'I PHYIR MI MTHONG ZHE NA, MTHA' CHOD PAR BSHAD DKA' YANG RMONGS PA'I BLOR SHAR TSOD BYAS NA, DE GZUGS YIN YANG RNAM RIG MA
YIN PA'I GZUGS YIN PA'I PHYIR SKYON MED CES LAN GDAB NA RUNG NGAM SNYAM MO, ,'ON KYANG RMI LAM BDEN PA MTHONG BA LA ZHIB CHA GZHAN DGOS SAM DPYAD, DA NI DKYUS KYI DON LA 'JUG PA NI, TSUL 'DI SEMS TZAM PA 'GA' ZHIG GI LUGS LTAR NA SAD PA DANG RMI LAM NA LUS NGAG GI RNAM PAR RIG BYED DU SNANG BA'I DE LTA BU SHES PA THAMS CAD RGYUD GZHAN DBANG CAN SNANG BA YOD PAR 'DOD PA KHO NA YIN NO, ,'ON KYANG KHYAD PAR NI SAD PA'I GNAS SKABS NA RGYUD GZHAN MNGON SUM DU MTHONG BA DANG RMI LAM GYI GNAS SKABS NA BRGYUD PA'I SGO NAS MTHONG BA'I KHYAD PAR 'DI YOD DO, ,DE LA YANG KHYAB PA MED DE, RE 'GA' NI RMI LAM NA YANG RGYUD GZHAN YOD PA MNGON SUM DU MTHONG ZHING DE NI RGYUD GZHAN DBANG CAN DU 'DOD PA KHO NA STE, LHA LA SOGS PA'I BYIN GYI RLABS KYIS RMI LAM BDEN PA MTHONG BA YOD PA'I PHYIR RO, ,DE BAS NA SEMS TZAM PA 'DI'I LUGS LA BRTEN PA 'DI NI RGOL BA DAM PA MA YIN PA LA BRTEN PA MA YIN ZHES PA'I DON NO, ,RMI LAM BDEN PA MTHONG ZHES PA DE DENG SANG RMI LAM NA RTA MGRIN GYI DBANG THOB SKAD 'DUG PA DE LTA BU LA BYED DAM SNYAM STE, BTZUN PA NGO BO NYID MED PA'I THEG BSDUS BSHAD SBYAR LAS, LHA LA SOGS PA'I DBANG GIS RMI LAM NA BSTAN BCOS DANG SNGAGS LA SOGS PA RNYED PA BZHIN NO, ,ZHES GSUNGS PA LTAR RAM, 'ON KYANG DE'I TSE DBANG NOD PA PO GNYID LOG GZHIN PA'I MAL NA NYAL BA DE NYID LA BYA DGOS TE, DE'I TSE LUS LOGS SU CHAD PAR SNANG BA DE SEMS CAN MA YIN PAS DBANG NOD PA POR MI RUNG BA'I PHYIR, 'DIR SPRO BYA YOD KYANG KHO BOS GCIG DU BRAL GYI
, ,RNAM GZHAG 'KHRUL SPONG BDUD RTZI'I GZEGS MA LAS CUNG ZAD BSHAD ZIN TO, ,GSUM PA MDO SDE PA'I 'DOD PA BYE BRAG TU DGAG PA NI, RE ZHIG MDO SDE PA DGAG PAR 'DOD NAS KHYOD KYIS LUS NGAG GI BYA BA DMIGS PA'I RTAGS DE NYID KYIS KYANG GZHAN GYI SEMS DE CI STE'AM CI LTAR RTOGS PAR BYED CES DRI BA NA, MDO SDE PAS PHA ROL PO'I LUS NGAG GI BYA BA DE PHA ROL PO'I SEMS KYI 'BRAS BU YIN PA'I PHYIR 'BRAS RTAGS LAS RJES SU DPAG PA YIN ZER RO, ,DE LA SEMS TZAM PAS, 'ON DE'I 'BRAS BU YIN PA'I RTAGS LAS NI GZHAN SEMS RJES SU DPOG PA LTAR, PHA ROL PO'I LUS NGAG GI BYA BA DNGOS SUM DMIGS KYANG BYA BAR SNANG BA'I RANG GI SHES PA LAS PHA ROL PO'I SEMS GZHAN RJES SU DPOG PA LA YANG TSUL 'DRA BAS CI STE RTOGS PAR MI BYED DE SHIN TU BYED DO, ,'DI'I CI STE NI CI'I PHYIR GYI DON NO, ,GZHAN YANG MDO SDE PA KHYOD GAL TE PHA ROL PO'I LUS NGAG GI BYA BA DE RANG NYID YOD PA TZAM GYIS KHO RANG GI SEMS RGYUD RTOGS PAR BYED NA NI, DE'I TSE DE MA DMIGS PAS KYANG PHA ROL PO'I SEMS RGYUD DE LTA BU YOD PA RTOGS PAR 'GYUR TE, DE'I TSE BYA BA DE RANG NYID YOD PA YIN PA'I PHYIR RO, ,GAL TE RTAGS SU SONG BA'I DON NI LEGS PAR SHES PA LA LTOS PA'I PHYIR DE LTAR MI 'GYUR RO ZHE NA, DE LA KHYOD DE'I TSE DANG POR GZHAN GYI SEMS G-YO BA'O SEMS DE LAS NI BYA BA'O BYA BA LAS NI NGED KYIS DE SHES PA 'BYUNG NGO SHES PA'I RTAGS DE LAS NI GZHAN GYI SEMS RTOGS PA'O ZHES BYA BA'I BRGYUD PA 'DIS CI ZHIG BYA STE MI DGOS SO, ,BZHI PA RGYUD
GZHAN YOD PAR SGRUB PA LA GNYIS, RANG LUGS KYI RGYUD GZHAN SGRUB TSUL 'THAD PAR BSTAN PA DANG, GZHAN GYI DE MI 'THAD PAR BSTAN PA'O, ,DANG PO NI, RANG LUGS LA GZHAN SEMS RTOGS PAR BYED PA'I RIGS PA DE GANG YIN ZHE NA, GZHAN GYI LUS NGAG GI BYA BAR SNANG BA YANG YIN, GZHAN GYI SEMS LAS RAB TU SKYE BA'I CHOS YOD PA CAN GYI SHES PA KHO NA 'DIS RTOGS PAR BYED PA YIN PAR 'GYUR TE, LUS NGAG GI BYA BA YIN YANG RUNG BYA BAR SNANG BA YIN YANG RUNG GZHAN SEMS RTOGS PAR BYED PA LA NI THA MAR YANG LUS NGAG GI BYA BAR SNANG BA'I SHES PA DE LA BRTEN DGOS PA'I PHYIR RO, ,RTAGS DE YANG GZHAN GYI SEMS G-YO BA TZAM GYI SPYI BAM ZHIG NI GZHAN GYI LUS KYI BYA BA DANG NGAG BRJOD PAR SNANG BA'I RANG RGYUD KYI SHES PA SPYI BAM TZAM DE'I RGYU YIN PAS TSUL 'DI NI 'BRAS BUS RGYU RTOGS PA'I 'BRAS RTAGS YIN NO, ,'DI'I G-YO BA TZAM GYI SPYI ZHES PA'I TZAM SGRA NI SEMS G-YO BA TZAM DPOG GI SEMS DGE MI DGE LA SOGS PA'I KHYAD PAR DPOG MI NUS PA'I DON DANG, SPYI ZHES PA'I SGRA NI GZHAN GYI SEMS DANG MTSAN PA SNANG DU MI RUNG YANG GZHAN GYI SEMS DE'I SGRA DON DPOG CES PA'I DON NO, ,RTAGS DE LA BRTEN NAS RJES DPAG GI 'JUG TSUL NI, BDAG NYID KYI LUS NGAG GI KUN SLONG G-YO BA'I RGYU MTSAN CAN NI DMIGS PA KHA NANG DU BLTAS PAR 'JUG LA, BDAG NYID LAS GZHAN PHA ROL PO'I DE NI GZHAN DU STE KHA PHYIR BLTAS PAS 'JUG PA YIN TE, KHYAD PAR 'DI NI PHAL CHE BA'I DBANG DU BYAS PA YANG YIN TE, BDAG NYID KYIS 'PHANGS PA'I MDA' RGYANG RING DU PHYIN PA'I BYA BAR SNANG BA LTA BU LA, BDAG NYID KYI SEMS G-YO BA SNGON DU SONG BA YIN YANG DMIGS PA KHA PHYIR BLTAS
, ,PA'I SNANG BA YIN NO, ,'DI DAG GI RGYU DANG 'BRAS BU'I NGO BO BSHAD PA DE NI GNYID LOG PA LA SOGS PA'I GNAS SKABS DANG SAD PA'I GNAS SKABS GZHAN NA YANG MTSUNGS SO, ,SOGS PAS 'DOD CHAGS DANG MYA NGAN GYIS BRLAMS PA SOGS BSDU'O, ,GNYID KYIS 'KHRUL BA'I GNAS SKABS NA NI BDAG NYID 'GRO 'ONG SOGS JI LTA BA BZHIN GYI SNANG BA 'CHAR BA NI GNYID DE'I RKYEN GYI KHYAD PAR LA NYE BAR BRTEN PA'I PHYIR YIN LA, 'GREL PA LTAR NA BAR 'DIR DMYAL BA PAS SDUG BSNGAL MYONG BAR SNANG BA LAS KYI KHYAD PAR LA NYE BAR BRTEN PA'I PHYIR ZHES PA'I TSIG GCIG BCUG DGOS PAR SNANG NGO, ,GNAS SKABS DE NA GZHAN GYI SEMS G-YO BA'I RGYU MTSAN CAN GYIS BYUNG BA'I GZHAN GYIS MTSON BSNUN PA DANG BZHIN BZANG STON PAR SNANG BA'I RNAM PAR SHES PA NI DE'I BAG CHAGS DE DAG KHO NA'I DBANG GIS RE 'GA' GZHAN GYI NYE BAR SBYOR BA STE GZHAN GYI SEMS KYI BYED PAS BAR DU CHOD PA STE 'DAS PA'I DUS KYI MI DAG SNANG BA DANG SOGS PAS DE LAS GZHAN PA'I SNANG BA DAG BSDU ZHING, KYANG SGRAS RMI LAM BDEN PA'I YUL LA YANG 'JUG PA RNYED PAR 'GYUR GYI, DE LTA BU SBYOR BA GTAN MED PA LA NI, RNAM PAR SHES PA 'JUG PA RNYED PA MA YIN NO, ,DE LTAR 'THAD PA DE'I PHYIR SANG RMI'I GNAS SKABS THAMS CAD DU LUS NGAG GI BYA BA LA SOGS PA'I RNAM PAR RIG BYED KYI SNANG BA BYUNG BA'I RTAGS LAS SEMS KYI G-YO BA RJES SU DPAG PAR BYA BA KHO NA YIN NO, ,GNYIS PA GZHAN LUGS KYI RGYUD GZHAN SGRUB TSUL MI 'THAD BAR BSTAN PA NI, MDO SDE PA LTAR NA LUS NGAG GI BYA BA'I RTAGS LAS SEMS G-YO BA
RTOGS PAR 'DOD NA NI, GNYID LOG PA DANG MA LOG PA'I GNAS SKABS GZHAN NA YANG LUS NGAG GI BYA BAS SEMS G-YO BA RTOGS PAR 'GYUR RO, ,YANG NA NI NAM YANG RTOGS PAR MI 'GYUR TE, KHYOD LTAR NA RMI LAM NA GZHAN GYI SEMS G-YO BA MED PAR YANG LUS NGAG GI BYA BA DMIGS PA 'BYUNG BA'I PHYIR RO ZHE NA, MDO SDE PA NA RE, NYES PA MED DE BLOS DMIGS PA NI YUL MED PAR YANG 'BYUNG BAR 'GYUR GYI, LUS NGAG GI BYA BA NI SEMS G-YO BA SNGON DU MA SONG BAR 'BYUNG BA MA YIN NO, ,KHO BO CAG LTAR NA BYA BA LAS NI G-YO BA RTOGS PAR BYED PA 'DOD PAS NA 'KHRUL BA'I GNAS SKABS DE NA NI BYA BA YANG MED DO, ,DE'I PHYIR 'KHRUL BA'I GNAS SKABS DER YUL PHYI ROL DON GYIS STONG PA'I SHES PA 'BYUNG BAR KHAS LEN PA'I PHYIR NYES PA MED DO ZER NA, DE LA SEMS TZAM PA NA RE, SAD RMI'I GNAS SKABS RNAM PA THAMS CAD DU THA SNYAD BTAGS PA MTSUNGS PAR GRAGS PA LAS, KHYOD KYI THA SNYAD DE BOR NAS RE 'GA' NI RMI LAM NA SHES PA DON GYIS STONG NGO, ,SAD PA'I SKABS GZHAN NA NI DON GYIS STONG PA LAS GZHAN DU SHES PA DON DANG LDAN PA BYUNG BA YIN NO ZHES BYA BA'I DBANG YONG CHEN PO 'DI KHYOD GA LAS THOB CES SMRAS PA NA, GAL TE MDO SDE PAS SPYIR SHES PA YUL YOD PA LA LTOS KYANG GNYID LA SOGS PAS ZIL GYIS GNON PA'I GNAS SKABS SU TSUL DE LAS GZHAN DU 'GYUR BA YIN NO ZHE NA, SEMS TZAM PAS; GAL TE KHYOD DE LTA BU GNAS SKABS SRID PA YOD PAR KHAS LEN NA, DE'I TSE SEMS CAN RNAMS SPYIR MA RIG PAS YID DKRUGS PA SHA STAG YIN PA'I PHYIR SEMS CAN GYI SHES PA YIN NA DE LTAR YUL MED PA KHO NAR 'BYUNG DU ZAD MOD CES KHAS
, ,LONGS SHIG ,DE LTAR KHAS LEN NA NI SHES PA KUN LA YUL GYI NGOS NAS RNAM PA GTAD PA MED PAR DON GYIS KHAS BLANGS PA YIN PAS, DE'I TSE PHYI ROL DON GZHAN DU SMRA BA'I GRUB MTHA' NYAMS PAR 'GYUR BAS, KHYOD KYI GRUB MTHA' DE LA NYES PA'I GLAGS TE NYES PA 'BYUNG BA'I SKABS DU MA LAN GDAB PAS SBA BAR MI NUS PA CAN DANG RTZOD PA SPONG MI THUB PA'I TSEGS CHEN PO CAN 'DI, KHO BOS LAN GDAB PA GCIG GIS NGES PAR CHOMS PAR 'GYUR RO, ,NYES PA'I GLAGS SBA BAR MI NUS PA NI GCIG LA LAN GDAB KYANG DE LA BRTEN NAS NYES PA GZHAN DANG GZHAN 'BYUNG BA'O, ,DE'I PHYIR TSEGS CHEN PO CAN YANG YIN NO, ,GNYIS PA RGYUD GZHAN YOD PAR SGRUB PA LA RTZOD PA SPONG BA LA GNYIS, DE LA RTZOD PA SPONG BA'I LAN DNGOS DANG? DE LAS 'PHROS PA'I LAN GZHAN NO, ,DANG PO NI, MDO SDE BAS JI GA STE MA BZOD NAS BYA BA DE DAG MTHONG BA'I RKYEN GYIS LUS DANG NGAG GI RNAM PAR RIG BYED KYI RTAGS DAG LAS RANG KUN NAS SLONG BAR BYED PA'I SEMS RJES SU DPAG PAR RIGS PA 'DI SEMS TZAM PA LA YANG MTSUNGS PA MA YIN NAM, SEMS TZAM PA KHYOD RGYUD GZHAN TE NYAN PA PO'I RGYUD DANG 'BREL BA'I NGAG GI RNAM PAR RIG BYED DU SNANG BA'I SHES PA DE DAG NI, SMRA BA PO GZHAN RGYUD KYI RNAM PAR RIG BYED DAG YIN PAR KHAS LEN PA DE 'OS PA MA YIN TE; NYAN PA PO'I RGYUD KYI NGAG GI RNAM PAR RIG BYED DU SNANG BA'I SHES PA DE DAG NI, SMRA BA PO'I BRJOD 'DOD KYI BSAM PA'I NYE BAR LEN PA LAS BYUNG BA MA YIN TE, DE LTA BU BSAM PA DE DE'I NYER LEN BYAS PA DANG DE DE'I NYER LEN BYAS PA LAS BYUNG BA MA
YIN PA'I PHYIR RO ZHE NA, SEMS TZAM PA NA RE NGED KYIS NYAN PA PO LA YOD PA'I SMRA BA PO'I KUN SLONG DPOG PA'I SHES PA ZER BA DE, SMRA BA PO GZHAN RGYUD KYI SEMS KYIS KUN NAS BSLANGS PA'I RNAM PAR RIG BYED KYI NGO BO CAN NYID YIN PA'I PHYIR TE RNAM PAR RIG BYED DE DANG NGO BO GCIG PA CAN YIN PA'I RGYU MTSAN GYIS, SMRA BA PO'I LUS NGAG GI RNAM RIG DER SNANG BA'I SHES PA'I KUN NAS SLONG BAR BYED PA'I SEMS RTOGS PAR BYED DO ZHES NI MI ZER RO, ,'O NA CI ZER ZHE NA, NYAN PA PO'I RGYUD KYI SMRA BA PO'I RNAM RIG TU SNANG BA'I SHES PA DE NI SMRA BA PO DE'I SEMS KYI 'BRAS BU YIN PA'I PHYIR DE SKAD ZER RO, ,SMRA BA PO'I KUN SLONG DPOG BYED KYI RNAM PAR RIG BYED DAG NI NYAN PA PO'I RGYUD KYI BYA BA DANG TSIG GI RNAM PA CAN GYI SHES PA KUN NAS SLONG BAR BYED PA'I SEMS KYI RGYUD LAS SKYES PA DAG LA, SMRA BA PO'I RNAM PAR RIG BYED DU THA SNYAD BTAGS PA KHO NA YIN NO, ,DE LTAR YANG YIN TE, NYAN PA PO'I RGYUD KYI KUN NAS SLONG BAR BYED PA'I SEMS KYANG RANG GI RGYUD KYI LUS NGAG GI RNAM RIG DE DAG GI NYE BAR LEN PA STE NYER LEN GYI RGYU KHO NA YIN LA, RGYUD GZHAN GYI SHES PAS KUN NAS SLONG BAR BYED PA'I RNAM RIG DAG GI NI BDAG PO'I RKYEN YIN NO, ,DE LTAR NYAN PA PO'I RGYUD KYI RNAM PAR RIG BYED KYI NYE BAR LEN PA'I RGYUS, RGYUD GZHAN DANG 'BREL BA'I LUS NGAG GI BYA BA'I RNAM PA CAN GYI SHES PA BSKYED PA YIN PAS DE DAG LA 'BREL BA YANG GRUB CING DE LTA BU'I SGO NAS KYANG THA SNYAD NYE BAR GDAGS PA'I DBANG GIS RGYUD GZHAN GYI RNAM PAR RIG BYED DAG YIN PAR THA SNYAD GDAGS PAR 'GYUR RO, ,DE DAG GI DON NI, MDO SDE PAS SEMS TZAM PA KHYOD NYAN PA PO'I RGYUD KYI NGAG GI RNAM RIG TU SNANG
, ,BA'I SHES PA LAS SMRA BA PO'I SEMS DPOG PA CI LTAR 'THANG CES RGOL BA NA, SEMS TZAM PAS NYAN PA POS NGAG SMRA 'DOD KYI SEMS G-YO BA LAS RANG NYID KYI NGAG SMRA BA'I RNAM RIG BYUNG ZHING, RANG GI RNAM RIG DE LTA BU BYUNG BA'I RTAGS LAS RANG SEMS DPOG PA MI BSLU BAR MTHONG BA RGYU MTSAN DU BYAS NAS, PHA ROL PO DAG GIS KYANG NGAG GANG SMRA BA KUN SLONG LA RAG LAS PA GDON MI ZA'O ZHES THAG CHOD PA'I DBANG GIS, RANG GI NGAG GI RNAM RIG SNANG BA'I SHES PA DE LA PHA ROL PO'I NGAG GI RNAM RIG DANG 'DRA BA'I RNAM PA 'CHAR ZHING, RNAM PA DE LA NI PHA ROL PO'I NGAG GI RNAM RIG TU THA SNYAD BTAGS SHING, DE LTA BU THA SNYAD DE'I RTAGS LAS PHA ROL PO'I SEMS DPOG PA YANG THA SNYAD BTAGS PA TZAM DU ZAD DO, ,DE'I PHYIR NYAN PA PO'I NGAG SMRA 'DOD KYI SEMS DE NYID RANG GI NGAG GI RNAM PAR RIG BYED KYI NYER LEN DANG SMRA BA PO'I NGAG GI RNAM RIG GI LHAN CIG BYED RKYEN BYAS PA LAS, NYAN PA PO RANG GI RNAM RIG LAS RANG SEMS DPOG PA LTAR SMRA BA PO YANG RANG GI RNAM RIG LAS RANG SEMS DPOG PA GNYIS RGYU MTSAN MTSUNGS SHING DE YANG THA SNYAD KYI DBANG GIS DON LA CUNG ZAD KYANG BSLU BA MED PA LA LTOS NAS NYAN PA POS SMRA BA PO'I SEMS DPOG CES THA SNYAD BTAGS PA TZAM MA GTOGS, RANG GI RNAM RIG NI RANG NYID DANG GZHAN GYI RNAM RIG NI GZHAN GYIS SO SOR MYONG BA TZAM YIN PAS GCIG GI RNAM RIG CIG SHOS LA MI SNANG BA DPE DANG BCAS PA 'OG TU 'CHAD 'GYUR LTAR RO, ,GO DON LA RTAGS LA 'GOD RGYU'I NGAG GI RNAM RIG CES PA DE YANG NYAN PA BO'I RGYUD KYI SMRA BA PO'I NGAG GI RNAM RIG TU SNANG BA'I SHES
PA NYID YIN TE, 'GREL PA LAS, 'DI SKAD DU SMRA BA PO KHO NA SMRA BA DANG 'GRO BA'I BYA BA DANG TSIG GI RNAM PA CAN GYI SHES PA GANG YIN PA DE DAG NI RNAM PAR RIG BYED CES BYA'O, ,ZHES GSUNGS PA'I PHYIR, DA NI DKYUS DON BSHAD PA NI, DE LTAR BDAG DANG GZHAN LA RANG RANG GI SNANG BA NYAMS SU MYONG BAR ZAD MOD KYI, 'ON KYANG SMRA BA POS SMRA BA'I TSIG NYAN PA BOS THOS ZHES THA SNYAD GDAGS SU RUNG BA NI, DPER NA RAB RIB CAN NYID KYIS ZLA BA GNYIS MTHONG BA BZHIN DU DON GCIG 'DZIN PA'I RNAM PAR SHES PA DE LTA BU SKYE BA'I RGYU'I KHYAD PAR NI BAG CHAGS GOMS PA LAS SKYE BA'I RANG BZHIN GYI KHYAD PAR YIN ZHING, BAG CHAGS DE YANG THOG MA MED PA'I DUS LAS DON GCIG 'DZIN PAR NGES PA CAN GYI RNAM SHES BSKYED PA'I BDAG NYID DU GNAS PA YIN PA'I PHYIR RO, ,KUN SLONG GI RGYU RIGS MTHUN GCIG LAS SKYES PAS NA NYAN PA PO RANG DANG SMRA BA PO GZHAN GYI RNAM PAR RIG BYED KYI RNAM PA CAN GYI SHES PA DAG LA RANG DANG GZHAN GYI RNAM PAR RIG BYED DU THA SNYAD NYE BAR 'DOGS SO, ,GNYIS PA DE LAS 'PHROS PA'I LAN LA GNYIS, RJES DPAG GIS RTOGS TSUL LA DOGS PA'I LAN DANG, MNGON SUM GYIS RTOGS TSUL LA DOGS PA'I LAN NO, ,DANG PO NI, CI STE GZHAN GYI LUS NGAG GI BYA BA LA SOGS PAR SNANG BA'I RNAM PAR SHES PA DE NYID 'BRAS BU'I RTAGS SU BYAS NAS; DE LAS SKYES PA'I GZHAN GYI SEMS SHES PA'I RJES DPAG DE DAG ,GZHAN GYI SEMS DE'I THUN MONG MA YIN PA'I NGO BO DNGOS SU YUL DU BYED DAM, 'ON TE MA YIN ZHES BRTAG PA GNYIS BYAS TE, GAL TE GZHAN GYI SEMS KYI NGO BO YUL DU BYED
, ,NA NI YUL DE NI RANG GI SEMS LAS DON GZHAN YIN PAR 'GYUR RO, ,YUL DU MA BYED NA NI RANG GI SHES PAS PHA ROL GYI SEMS YOD PA CI LTAR SHES TE, YUL DE'I NGO BO NYID LA GNAS PA'I DON MA SHES PAR YUL DE TSAD MAS GRUB PA MI SRID PA'I PHYIR RO ZHE NA, SEMS TZAM PAS NYES PA 'DI YANG KHYOD LA THAL BAR 'GYUR BAR MTSUNGS TE, GZHAN GYI LUS KYI BYA BA DANG TSIG DAG GI RTAGS LAS GZHAN GYI SEMS RTOGS PAR 'DOD PA KHYOD LTAR NA YANG, DE'I TSE GZHAN SEMS DE'I THUN MONG MA YIN PA'I NGO BO DNGOS SU YUL DU BYED NA NI, DE'I TSE RANG GI SEMS KYI RNAM PA SHES PA BZHIN DU DE'I RNAM PA YANG JI BZHIN SHES PAR THAL BAR 'GYUR RO, ,GAL TE RJES DPAG DE GZHAN GYI SEMS MI SHES NA NI DES DE'I NGO BO NYID CI LTAR 'DZIN PA YIN, GAL TE RTAGS RNAMS KYIS NI BSGRUB BYA'I SPYI TZAM RTOGS PA'I PHYIR RNAM PA'I KHYAD PAR ZHIB TU RTOGS BYED MA YIN PA'I PHYIR SKYON DU 'GYUR BA MA YIN NO ZHE NA, KHYOD KYIS SPYI ZHES PA DE CI ZHIG YIN, GZHAN GYI SEMS NYID DANG LDOG PA GCIG YIN NAM, 'ON TE NGO BO GZHAN ZHIG GAM, 'ON TE LDOG PA GCIG DANG NGO BO THA DAD GANG DU YANG BRJOD DU MI RUNG BA ZHIG YIN NAM ZHES BRTAG PA GSUM BYAS NAS, BRTAG PA PHYI MA GNYIS SDEB GCIG TU 'GOG PA NI, SPYI DE PHA ROL PO'I SEMS DANG NGO BO GZHAN NYID DANG BRJOD DU MI RUNG BA NYID DAG CIG YIN NA NI, GZHAN SEMS DPOG PA'I RJES DPAG 'DIS SPYI KHO NA GZUNG GI GZHAN GYI SEMS NI GZUNG BA MA YIN PAR 'GYUR NA, CI LTAR NA RJES DPAG 'DIS GZHAN GYI SEMS DE RTOGS PAR 'GYUR TE MI 'GYUR RO, ,
BRJOD DU MED PAR 'DOD PA'I PHYOGS LA YANG GNOD BYED 'DI GAS CHOG GO ,SPYI DE GZHAN GYI SEMS NYID DANG LDOG PA GCIG KYANG MA YIN TE, DE DANG LDOG PA GCIG TU YOD NA DE'I RNAM PA YANG JI BZHIN SHES PAR THAL BAR 'GYUR RO ZHES GONG DU DE'I TSE RANG GI SEMS SHES PA BZHIN DU DE'I RNAM PA YANG SHES PAR THAL BAR 'GYUR RO ZHES PA'I SKABS SU BSHAD ZIN TE, DER MA ZAD GZHAN GYI SEMS JI BZHIN DPOG PAR 'DOD PA 'DI NI RJES DPAG GIS RJES SU DPAG PA'I TSUL YANG MA YIN NO, ,DE CI'I PHYIR MA YIN ZHE NA, RJES SU DPAG PA NI DON GYI RANG GI NGO BO JI BZHIN 'DZIN PAR BYED PA MA YIN TE, GAL TE DON GYI NGO BO JI BZHIN DU 'DZIN PA YIN NA MNGON SUM DANG 'DRA BAR SNANG BA KHYAD PAR CI YANG MED PAR THAL BAR 'GYUR BA'I PHYIR RO, ,SOGS SGRAS RJES DPAG GIS 'DAS PA MI 'DZIN PAR THAL BA SDUD DO, ,RTOG PA LA YUL JI BZHIN SNANG BA MED PA DE'I PHYIR RJES DPAG 'DI NI ZHEN YUL RANG MTSAN PA LA DNGOS SU TSAD MA NYID MA YIN NO, ,CI'I PHYIR ZHE NA, ZHEN YUL DE'I RANG GI NGO BO DNGOS SU MI 'DZIN KYANG MNGON PAR 'DOD PA'I DON LA MI BSLU BA'I RGYU MTSAN GYIS TSAD MA NYID DU 'DOD PA YIN PA'I PHYIR RO, ,DE'I PHYIR DU BA LA SOGS PA'I RTAGS LAS SKYES PA'I RJES DPAG DE YANG ME LA SOGS PA'I RANG GI NGO BO'I YUL CAN MA YIN TE, GAL TE YIN NA ME MNGON SUM DU MTHONG BA DANG KHYAD PAR MED PAR THAL BAR 'GYUR BA'I PHYIR RO, ,DER MA ZAD RJES SU DPAG PA DAG GIS 'DAS PA LA SOGS PA DANG NGO BO NYID MED PA DAG LA YANG 'JUG PAR MI 'GYUR BA'I PHYIR DANG, RJES DPAG GI SNANG NGO'I ME DE YANG ME'I DON BYED PAR THAL BAR 'GYUR BA'I NYES PA YANG YOD PA'I PHYIR RO, ,DE BZHIN DU
, ,GZHAN GYI SEMS RJES SU DPAG PA LA YANG MNGON PAR 'DOD PA'I DON LA MI BSLU BA YOD PA KHO NA STE, DPER NA LHAS SBYIN GYI SEMS DPOG PA LA BRTEN NAS 'JUG PAR BYED PA DE'I SGO NAS DE RGYUD LA LDAN PA'I SROG CHAGS GZHAN LHAS SBYIN YOD PAR RTOGS NAS DE KHYIM DU 'BOD PA DANG YANG DE NAS STAN 'DING BA DANG DE NAS YANG DANG YANG DU GTAM 'DRES PAR SMRA BA'I THA SNYAD DAG LA 'JUG PA NA LHAS SBYIN DE KHYIM DU 'BOD PA'I DBANG GIS BYUNG BA'I RE BA'I DON THAMS CAD THOB PA LA MI BSLU BA LTAR YIN PA'I PHYIR RO, ,KHYAB STE, 'JIG RTEN NA NI SEMS CAN GZHAN DPOG PA'I DGOS PA'AM 'BRAS BU DE TZAM LA SEMS SHING RE BA'I SGO NAS SROG CHAGS GZHAN RJES SU DPAG PA LA 'JUG PA'I CHED DU YANG YIN PA'I PHYIR TE, DPER NA SKYES BU ME DON DU GNYER BA'I DGOS PA PHYI MA'I KHYAD PAR TE BSREG PA DANG 'TSED PA LA SOGS PA'I KHYAD PAR DU SNANG BA'I MNGON SUM GYI SHES PAS MYONG BA TZAM GYIS DON GRUB PA YIN PAS DE'I TSE RE BA MED PA NYID KYI PHYIR RO, ,DE'I PHYIR DON SPYI SNANG BA'I SHES PA SNGA MA LA BRTEN NAS BSREG 'TSED LA SOGS PA'I THA SNYAD THAMS CAD RDZOGS PAS NA SKYES BU'I DON BYAS PA NYID DU 'GYUR BAS RJES DPAG ZHEN YUL LA TSAD MA NYID DU GRUB PA'I PHYIR RO, ,MDOR NA LHAS SBYIN GYI LUS NGAG GI RNAM PAR RIG BYED KYI RTAGS LAS LHAS SBYIN YIN PAR DPOG PA'I RJES DPAG LA LHAS SBYIN SNANG BA DE DON SPYI YIN PAS LHAS SBYIN MA YIN MOD 'ON KYANG SNANG BA DE LA BRTEN NAS LHAS SBYIN DANG MNGON SUM DU PHRAD RGYU YOD PA'I RGYU MTSAN GYIS THA SNYAD PHYI MA 'DI LA LTOS TE RJES DPAG DE LHAS SBYIN LA TSAD MAR SONG BA YIN
ZHES PA'I DON NO, ,YANG MDO SDE PAS SEMS TZAM PA KHYOD KYIS 'DOD PA DE MI 'THAD DE, RMI LAM NA YANG ME SNANG BA'I SHES PA SNGA MA DE LAS DON PHYI MA STE BSREG 'TSED LA SOGS PAR SNANG BA'I SHES PA SKYE BA MA YIN NAM STE YIN PAS DE TZAM GYIS SHES PA SNGA MA TSAD MAR BZHAG 'OS PA MA YIN TE, RMI LAM GYI GNAS SKABS DE'I TSE SHES PA THAMS CAD 'KHRUL BAS 'JUG PA YIN PA'I PHYIR RO ZHE NA, SEMS TZAM PAS NGED KYI LUGS 'DIR LUS NGAG GI RNAM PAR RIG BYED KYI RNAM PA CAN GYI SHES PA NI NAM YANG SEMS KYI G-YO BA'I DBANG MED PAR MI 'BYUNG BAS, DE'I PHYIR RMI LAM NA ME SNANG BA'I SHES PA DE DAG GIS KYANG ME RJES SU DPOG PAR BYED DO, ,'ON KYANG KHYAD PAR NI RMI LAM NA 'KHRUL BA'I DBANG GIS NI RE 'GA' GNYID KYIS BAR DU CHOD KYANG SAD PA'I TSE DNGOS SU SNANG BA 'BYUNG STE; GNYID KYIS 'KHRUL BA DE DAG GI DBANG GIS RMI LAM GYI SHES PA THAMS CAD SNANG YUL GYIS STONG PA MA YIN GYI, GNYID MA LOG PA DANG LOG PA'I GNAS SKABS NA MNGON SUM DANG BRGYUD PA ZHES BYA BA'I KHYAD PAR 'DI NI YOD DO ZHES SNGAR BSHAD ZIN TO, ,RMI LAM GYI SKABS DE LA JI LTAR LUS NGAG GI RNAM PAR RIG BYED KYI RNAM PA CAN GYI SHES PA SNGA MA RNAMS SAD PA'I GNAS SKABS LAS BRGYUD DE SEMS G-YO BA'I DBANG GIS SKYES PA LTAR, RMI LAM DE'I 'OG ROL GYI SAD PA'I GNAS SKABS NA YOD PA DAG KYANG DE DANG 'DRA'O, ,'DRA TSUL YOD DE, GNYID MA LOG PA'I RNAM PAR RIG BYED KYI RNAM PA CAN GYI SHES PA SKYE BA'I RTEN SEMS G-YO BA'I GNAS SKABS DE LAS PHYI MA GNYID LOG PA'I SEMS KYI RGYUD SKYE ZHING DE KHO NA LAS SAD PA'I SKABS BRGYUD DE SKYE'O, ,'DI'I BRGYUD LUGS
, ,NI SAD PA'I SKABS NA LHAS SBYIN LTA BU DANG DNGOS SU PHRAD PA'I TSE DANG POR LHAS SBYIN GYI RGYUD LA NGAG SMRA 'DOD KYI SEMS G-YO DE NAS DES NGAG SMRA BA SOGS THOS, DE NAS RANG NYID GNYID LOG PA'I TSE NYIN PAR LHAS SBYIN GYIS GTAM SMRA BA THOS PA'I BAG CHAGS SAD NAS YANG LHAS SBYIN GYIS GTAM SMRA BA RMIS, GTAM SMRA BA'I RIG BYED DE LAS SMRA BA PO YANG LHAS SBYIN YIN PAR DPOG PA RMIS NAS, YANG GNYID SAD PA'I TSE LHAS SBYIN DANG DNGOS SU PHRAD PA LTA BU'I BRGYUD LUGS YIN NO, ,DE'I PHYIR RMI LAM GYI SKABS DE NA YANG GZHAN SEMS RJES SU DPAG PA SOGS GNYID MA SAD PA DE SRID DU CI LTA BA DE LTA BU'I MI BSLU BA DANG RMI LAM GYI MI DE KHYIM DU 'BOD PA SOGS KYI THA SNYAD KYANG YOD PA KHO NA YIN PAS CIS KYANG 'KHRUL BA'I NYES PA YOD CES MI GZUNG NGO ZHES GDAMS SO, ,GNYIS PA MNGON SUM GYIS RTOGS TSUL LA DOGS PA'I LAN LA DNGOS DANG, DE BZHIN GSHEGS PAS MKHYEN TSUL LA DOGS PA'I LAN GNYIS, DANG PO NI, MDO SDE PA NA RE, GZHAN GYI SEMS RJES SU DPAG PA DE NI GZHAN SEMS DE'I RANG GI NGO BO JI LTA BA BZHIN DNGOS SU MI 'DZIN KYANG THA SNYAD LA MI BSLU BA'I PHYIR DE LTAR TSAD MA NYID YIN DU CHUG NA, GZHAN GYI SEMS MNGON SUM DU SHES PA RNAMS KYIS MTHONG TSUL GO STE DE NYID CI LTAR YIN, GAL TE GZHAN GYI SEMS KYI RANG GI NGO BO MNGON SUM DU SHES PAR GYUR NA NI DE'I GZUNG YUL MNGON SUM DE LAS DON GZHAN TE RDZAS GZHAN YIN PAR 'GYUR RO, ,GAL TE MI SHES PAR 'GYUR NA NI RNAL 'BYOR PA DE DAG CI LTAR YUL MNGON SUM DU SHES PA YIN PAR 'DOD, KHYOD DE CI LTAR MNGON SUM
YIN PAR 'DOD KHYOD LTAR NA MNGON SUM GYIS DON GYI RANG GI NGO BO MI 'DZIN PAR YANG 'GYUR ZHING, 'ON TE MI 'DZIN PAR 'GYUR NA NI DE CI LTAR MNGON SUM TSAD MA YIN ZHE NA, SEMS TZAM PAS, SEMS CAN GYI RNAM PAR SHES PA'I MTSAN NYID GNAS GZHAN DU MA GYUR PA'I PHYIR RNAL 'BYOR PA GZUNG BA DANG 'DZIN PA'I RNAM PAR RTOG PA MA SPANGS PA RNAMS KYIS GZHAN GYI SEMS SHES SO ZHES GRAGS PA YANG THA SNYAD LA MI BSLU BA NYID KYI SGO NAS YIN TE, DPER NA SNAM BUS G-YOGS PA'I BUM PA MTHONG BA NA SNAM BU MTHONG BA YIN YANG BUM PA'I GZUGS LA SOGS PA MTHONG BAR BRJOD PA BZHIN DU MNGON SUM TSAD MA NYID YIN NO, ,DE YANG RNAL 'BYOR KYI STOBS KYIS NI DE DAG LA GZHAN GYI SEMS SHES PA BYUNG ZHING SHES PA DE'I DOR, GZHAN GYI SEMS KYI RNAM PA'I BYE BRAG GI RJES SU BYED PA STE GZHAN GYI SEMS KYI RNAM PA'I KHYAD PAR DANG 'DRA BA'I RNAM PA GSAL BAR SNANG BA 'BYUNG BAR 'GYUR TE, DPER NA LAS DANG LHA LA SOGS PA'I BYIN GYI RLABS KYI STOBS KYIS RMI LAM BDEN PA STE DON GYI RNAM PA GSAL BAR MTHONG BA BZHIN NO, ,'ON KYANG RNAL 'BYOR PA DE DAG LA GZHAN SEMS SHES PA'I MNGON SHES YOD NA YANG GZHAN GYI SEMS KYI NGO BO JI LTA BA 'DZIN PA'I YUL CAN NYID KYI SHES PA 'BYUNG BA NI MA YIN TE, RNAL 'BYOR PA DE DAG KYANG RANG GI SEMS KYI SNANG BA SHAR BA DANG RNAM PA MTSUNGS PA KHO NA NYID SHES PA LAS, GZHAN GYI SEMS SHES PA ZHES BYA BA NGES PAR GZUNG BA'I SGO NAS THA SNYAD 'DOGS SO, ,DE'I PHYIR MNGON SUM DE NI GZHAN GYI SEMS DE'I RNAM PA'I RJES SU BYED PA STE DE'I RNAM PA DANG 'DRA BA GSAL BAR SNANG BA YIN PA'I PHYIR DANG, 'DOD PA'I DON LA MI BSLU
, ,BA YANG YIN PA'I PHYIR NA MNGON SUM TSAD MA ZHES BYA BAR 'DOD DO ZHES SO, ,DE DAG GI DON SLOB DPON 'DUL BA LHAS GZHUNG GZHAN NA SHIN TU GSAL BAR BSHAD DE, NYI SHU PA'I 'GREL BSHAD LAS, DPER NA SROG CHAGS RNAMS KYIS RANG GI SEMS 'DAS PA DANG MA 'ONGS PA SHES PA YANG DON JI LTA BA BZHIN DU MA YIN TE, DE BZHIN DU RNAL 'BYOR PA RNAMS KYIS GZHAN GYI SEMS SHES PA YANG DON JI LTA BA BZHIN MA YIN NO, ,GZHAN GYI SEMS RIG PA ZHES BRJOD PA NI RTOGS SO SNYAM PA'I DBANG GIS 'GYUR RO, ,'DI LTAR DE DAG GI RNAL 'BYOR KYI DBANG GIS RANG GI SEMS NYID GZHAN GYI SEMS DANG MTSUNGS PA'I RNAM PAR GSAL BAR SNANG BA 'BYUNG STE, DPER NA DE DAG GI RNAL 'BYOR KYI STOBS KYIS 'DAS PA DANG MA 'ONGS PA'I DNGOS PO'I RNAM PA GSAL BAR SNANG BA'I SHES PA 'BYUNG BA LTA BU'O, ,DE YANG DE DAG GZUNG BA'I CHA LA GZHAN GYI SEMS SU SEMS PA NA GZHAN GYI SEMS RIG GO ZHES RTOG PAR BYED DO, ,ZHES DANG, DPER NA BUM PA'I KHA DOG DANG 'DRA BA'I SNAM BU ZHIG GIS BUM PA G-YOGS NA MTHONG, SNAM BU MTHONG YANG SROG CHAGS DAG BUM PA MTHONG NGO SNYAM DU SEMS PA DE BZHIN DU BA DANG YANG DE LTAR BLTA'O, ,ZHES GSUNGS PA'I PHYIR, LUNG DE DAG BOD GZHUNG LAS KYANG GO BDE BAR YOD PAS DE LTA BU GSAL KHA CAN GYI GZHUNG CHEN MO DAG LA LTA RTOG MI BYED PA'I GROGS PO DAG NI SHIN TU 'PHANGS SO, ,DE BZHIN DU GRUB MTHA' THUB BSTAN LHUN PO'I MDZES RGYAN LAS, GAL TE DE LTAR NA DE MNGON SUM DU MI 'GYUR TE, GZHAN GYI
SEMS KYI RANG GI NGO BO DNGOS SU SNANG BA MED PA'I PHYIR RO SNYAM NA, DE'I LAN DU GZHAN SEMS SHES PA'I MNGON SHES DES GZHAN GYI SEMS RJEN CHER DU BZUNG BA MIN YANG ZHI LHAG ZUNG 'BREL GYI RNAL 'BYOR KYI STOBS KYIS DE'I KHYAD PAR JI LTA BA'I RNAM PA NI GSAL BAR SNANG BA YIN TE, DE'I PHYIR MNGON SUM MA YIN PAR MI 'GYUR RO, ,DPER NA RANG GI LAS KYI STOBS DANG LHA LA SOGS PA'I BYIN RLABS KYIS 'DAS PA DANG MA 'ONGS PA'I DON 'GA' ZHIG RMI LAM NA JI LTA BA BZHIN GSAL BAR MTHONG BA YUL DE RJEN CHER DU BZUNG BA MA YIN YANG YUL DE LA MI 'KHRUL BA DANG DE'I RNAM PA GSAL BAR 'BYUNG BA MI 'GAL BA BZHIN NO, ,ZHES GSUNGS PA'I PHYIR, LEGS BSHAD GSER PHRENG LAS, RMI LAM GYI SKABS SU GRONG KHYER MES TSIG PA DNGOS GNAS PA MTHONG BAR BSHAD PA DE YUL DE LA MI BSLU BA'I CHA NAS YIN GYI GNAS SKABS DER SNANG BA'I ME NI RMI LAM GYI ME YIN ZER DGOS SAM DPYAD, SKABS 'DIR DOGS PA 'DI LTAR SLONG RIGS TE, MNGON SUM LE'U LAS, RKUN PO RMI SOGS KYIS BSLAD PAS, ,MDUN NA GNAS PA BZHIN DU NI, , YANG DAG MIN PA MTHONG BAR 'GYUR, ,ZHES DANG, GNYID LOG PA'AM SAD PA NA, ,GSAL BAR SNANG BA CAN BLO GANG, ,ZHES RMI LAM GYI SHES PA LA GSAL SNANG YOD PAR BSHAD PA LTAR 'GREL PA 'GREL BSHAD GZHAN NA'ANG MANG ZHING, DE'I RTOG BCAS RTOG MED KYI KHYAD PAR YANG, MKHAS GRUB tIK CHEN RIGS PA'I RGYA MTSO LAS, SAD PA'I TSE YUL MI GSAL BA'I RNAM PA CAN DU DRAN NA RTOG BCAS DANG GSAL BA'I RNAM PA CAN DU DRAN NA RTOG MED YIN PAR GSUNGS SHING, DBYIG GNYEN GYI NYI SHU PA LAS,
, ,MNGON SUM BLO NI RMI SOGS BZHIN, ,ZHES DANG, RGYUD GZHAN GRUB PA LAS, RNAL 'BYOR KYI STOBS KYIS NI DE DAG LA SHES PA GZHAN GYI SEMS KYI RNAM PA'I BYE BRAG GI RJES SU BYED PA GSAL BAR SNANG BA 'BYUNG BAR 'GYUR TE, LAS DANG LHA LA SOGS PA'I BYIN GYIS BRLABS KYIS RMI LAM BDEN PA MTHONG BA BZHIN NO, ,ZHES YUL BDEN PA RMIS PA GZHAN SEMS SHES PA'I MNGON SHES KYI MTHUN DPER GSUNGS PA DANG, DE'I DON LCANG SKYA THAMS CAD MKHYEN PAS LHA LA SOGS PA'I BYIN RLABS KYIS 'DAS PA DANG MA 'ONGS PA'I DON 'GA' ZHIG RMI LAM NA JI LTA BA BZHIN GSAL BAR MTHONG BA YUL DE RJEN CHER DU BZUNG BA MA YIN YANG YUL DE LA MI 'KHRUL BAR GSUNGS PA DANG, RTZA SHES RNAM BSHAD RIGS PA'I RGYA MTSOR YANG MNGON SUM GYI BLO'I GZUNG BYA YIN PAS BDEN PAR YOD DO SNYAM PA BZLOG PHYIR SHES RAB SGRON MER RMI LAM GYI DPE BSHAD CES ZHAL 'PHANG MDZAD PA SOGS LA DPAG NA RMI LAM GYI SHES PA LA MNGON SUM TSAD MA YOD DAM SNYAM DU DOGS SO, ,DE LTA NA'ANG RMI LAM GYI SKABS NA DBANG SHES MED PAS DE 'DRA BA DE YID KYI MNGON SUM TSAD MAR THAL ZHING, GAL TE 'DOD NA RANG RE RNAMS MNGON SUM BZHIR PHYE BA'I YID MNGON PHAL CHE BA SNANG LA MA NGES PAR 'DOD PA DANG JI LTAR MI 'GAL ZHES DOGS SO, ,GAL TE KHYOD KYIS YUL BDEN PA RMIS PA'I SHES PA MNGON SUM TSAD MAR DOGS PA DE RIGS PA MA YIN TE, DE 'DRA BA DE RJES DPAG YIN PA'I PHYIR TE, RIG GTER RANG 'GREL LAS, RMI LAM BDEN PA'ANG SAD PA'I TSE RANG MTSAN SNANG BA'I BAG CHAGS KYI RGYU LAS RMI LAM
GYI BAG CHAGS SNANG BAS RGYU'I CHOS RJES SU DPOG PA NYID DE, RGYUD GZHAN GRUB PA LAS LAS DANG LHA LA SOGS PAS SKYED PA'I RMI LAM BDEN PA BZHIN NO ZHES GSUNGS PA LTAR RO, ,ZHES GSUNGS PA'I PHYIR ZHE NA, DE'I LAN KHO BO NYID KYIS BSHAD PAR BYA YI NYON CIG , RJES DPAG YIN NA RTEN GTAN TSIGS YANG DAG BKOD PA LA BRTEN NAS SKYE DGOS PAS, RMI LAM GYI GNAS SKABS NA RANG NYID RANG LA RTAGS DE LTAR BKOD NAS RJES SU DPAG PA MA YIN PAR GNAG RDZIS KYANG SHES PA'I PHYIR, DES NA RMI LAM LA RJES DPAG YOD PAR 'DOD PA NI RIGS PA'I LAM LAS PHYI ROL TU GYUR PA YIN NO, ,'O NA SA PAn GYI DGONGS PA GANG ZHE NA, LUNG DE NI GLANG PO CHE MDUN NA YOD PA LTAR RMIS PA'I RMI LAM CHOS CAN SAD PA'I SKABS SU GLANG PO CHE SNANG BA'I NUS PA'I STOBS LAS GLANG CHEN LTA BU'I SNANG BA 'CHAR BA YIN TE GLANG PO CHE GSAL POR RMIS PA'I SHES PA YIN PA'I PHYIR ZHES PA'I RTAGS LA BRTEN NAS SKYES PA'I RJES DPAG CHOS CAN, KHYOD RGYU'I CHOS RJES SU DPOG PA'I RJES DPAG YIN TE, SAD PA'I SKABS SU GLANG CHEN SNANG BA'I BAG CHAGS SNGA MAS RMI LAM GYI GLANG PO PHYI MA SKYED PA'I BAG CHAGS DPOG PA YIN PA'I PHYIR, DPER NA BU RAM GYI RO DA LTAR BA'I RTAGS LAS BUR RO SNGA MAS BUR GZUGS PHYI MA SKYED PA'I NUS PA DPOG PA BZHIN ZHES PA'I DON NO, ,MDOR NA RMI LAM GYI SHES PA LA MNGON SUM TSAD MA YOD DAM MED CES DOGS PA SLONG BA 'DI LA MKHAS PA'I KHUR 'DZIN PA RNAMS KYIS LAN GNANG BAR 'TSAL ZHES GSOL BA 'DEBS SO, ,GNYIS PA DE BZHIN GSHEGS PA'I MKHYEN TSUL LA DOGS PA'I LAN NI,
, ,MDO SDE PAS 'O NA GZUNG 'DZIN GYI RNAM RTOG SPANGS PA'I DE BZHIN GSHEGS PA RNAMS KYI GZHAN SEMS MKHYEN PA'I MNGON SHES DES GZHAN GYI SEMS JI LTA BA BZHIN DU MKHYEN NA GZUNG 'DZIN RDZAS GZHAN YOD PAR 'GYUR LA MI MKHYEN NA DE KUN MKHYEN MA YIN PAR 'GYUR RO ZHE NA, SEMS TZAM PAS, SANGS RGYAS BCOM LDAN 'DAS RNAMS KYIS DON THAMS CAD JI LTA BA BZHIN THUGS SU CHUD PA NI SO SO SKYE BO RNAMS KYI BSAM GYIS MI KHYAB STE, RNAM PA THAMS CAD DU SO SO SKYE BOS MNGON SUM DU SHES PA DANG BRJOD PA'I YUL LAS 'DAS PA'I PHYIR RO, ,'DI'I BSAM GYIS MI KHYAB CES PA DPER NA RJE BTZUN MI LA RAS PA G-YAG RU'I NANG NA BZHUGS PA RAS CHUNG BAS BLTAS PA NA, G-YAG RU JE CHER MA SONG RJE BTZUN GYI SKU JE CHUNG LA MA SONG BAR G-YAG RU'I NANG DU CHUD PA LTA BU STE, DE LTA BU'I SHONG TSUL DE BDAG CAG GIS CI TZAM BSAM MNO SKOR YANG GLO YUL DU MI CHUD PA LTA BU'O, ,SANGS RGYAS LA GZUGS SOGS SNANG BA BAG CHAGS KYI DBANG GIS MA YIN PAR, YE SHES KYI TSOGS RDZOGS PA'I STOBS LAS DRI MA THAMS CAD SPANGS PA DANG, BSOD NAMS KYI TSOGS RDZOGS PA'I STOBS LAS 'GRO DON MDZAD PA'I SMON LAM MTHAR PHYIN PA'I DBANG GIS SNANG BA YIN NO, ,SLOB DPON 'DUL BA LHA'I 'GREL PA'I RJES SU 'BRANG NAS RGYUD GZHAN GRUB PA'I DON RANG BLOS LCOGS TSOD KYIS BSHAD ZIN TO, ,DE YANG RANG CAG RNAMS LA GANG SNANG THAMS CAD RANG GI SEMS LAS GRUB PA TZAM DU ZAD NA RGYUD GZHAN PA'I SROG CHAGS MI 'THAD SNYAM PA'I DOGS PA
RTOG LDAN LA SKYE BA BDEN NO SNYAM PAS, KHO BO SNGAR RTZA 'GREL SBRAGS NAS BLTAS KYANG PHAL CHER MI GO SNYAM PAS RJES LUS SU SONG ZHING, LO MANG 'DAS RJES SU SLAR BLTAS PAS BLA MA'I THUGS RJES TSIG RAGS PA GO BA LTA BU ZHIG SNANG BAS DON BSHAD PAR SPRO MOD, 'ON KYANG RIGS PA'I DBANG PHYUG GIS, 'GRO BA RNAMS LA MTSUNGS PAR LEGS BSHAD SLAR 'DZIN BYED PA MI RNYED PA CAN KHO BO'I GZHUNG, ,RGYA MTSO LA NI CHU BO BZHIN DU RANG GI LUS LA THIM ZHING NUB PA NYID DU 'GYUR, ,ZHES GSUNGS PA'I DON LTAR, DUS KYI THA MA 'DI LTA BU LA DE'I DON LA DPYOD MKHAN MED, GAL TE YOD NA'ANG DON GO YONG SNYAM PA'I RE BA GCIG TU MED PAR RANG GI SEMS STENG DU BAG CHAGS BSGO BA KHO NA'I PHYIR BRTZAMS PAR BYAS BA YIN NO, ,SMRAS PA, 'DOD LA SRED PA'I GO SKABS YONGS BTANG ZHING, ,'DI SNANG CHOS BRGYAD ZLOS GAR BSGYUR BZHIN DGONGS, ,DKA' BA DU MAS BSAM GTAN LA BRTZON PAS, ,GRUB DBANG BRNYES PA'I BLA MA GTZUG TU MCHOD, ,MKHAS RLOM DU MAS LAN BRGYAR DPYAD NA YANG, ,SMRA BRJOD YUL LAS 'GONGS PA'I GNAS 'DI LA, ,LCE DBANG GSON PO'I BRTUL ZHUGS 'DZIN PA 'DI, ,SKAL BA SBOM MO SNYAM DU DGA' BA SGOM, ,BLO RTZAL NUS PA CI MCHIS KUN SPUNGS NAS, ,BRTAG CING DPYAD PA'I 'KHUL GYIS BYAS MOD KYANG, ,RGAS LA THUG PA'I DRAN PA'ANG NYAMS SKYON GYIS, ,LHAG CHAD NOR 'KHRUL MI NYUNG YOD LAS CHE, ,DE PHYIR BDAG BLO BYE'U 'PHUR STANGS KYIS, ,DGONGS DON MKHA' DBYINGS MYUL BAS THANG CHAD DE, ,MA RIG NAGS SU LHUNG NAS NYES BSHAD KYI, ,KU CO 'DON PAR MTHONG NA DOR BAR BYA, ,MU LTO'I
, ,PAD PUR 'TSOGS PA'I PHYE BZHIN DU, ,GRUB MTHA'I BZHED GZHUNG SNA TSOGS BSRE BA MIN, ,DON GYIS DBEN PA'I RA GAN GSER BRDZU BZHIN, ,TSIG BSDEBS TZAM LAS BRJOD BYAS STONG PA'ANG MIN, ,DE LTAR NGAL BA BSTEN PAS SA STENG GI , RDUL GYI GRANGS DANG 'KHRUL BA SKYED BYED PA'I, ,DGE BA GANG THOB DES KYANG BSTAN PA MCHOG ,NAM YANG NUB PA MED PA'I RKYEN TU SMON, ,RTEN 'BREL YAN LAG BCU GNYIS 'KHOR LO YI, ,MU KHYUD BSTEN PA'I LUS CAN YOD DO COG ,MYA NGAN MED PA'I SA LA DBUGS DBYUNG ZHES, ,DAM BCA'I KHUR GYIS RGYAL RNAMS MNYES BYED SHOG (,CES RGYUD GZHAN GRUB PA'I 'GREL PA MKHAS PA'I YID 'PHROG CES PA 'DI NI, KUN RDZOB PA'I CHOS RNAMS CHU NANG GI ZLA BA LTAR GZIGS SHING, LUS CAN MTHA' DAG BU SDUG PA LTAR MTHONG BA'I SNYING RJE CHEN PO'I SGO NAS RIM GNYIS KYI RNAL 'BYOR LA RTZE GCIG TU GZHOL BA'I KUN SPANGS CHEN PO MTSAN BRJOD PAR DKA' BA BKA' DRIN 'KHOR ZLA MED PA, RJE GRUB PA'I DBANG PHYUG KLONG RDOL BLA MA NGAG DBANG BLO BZANG DPAL BZANG PO'I ZHABS RDUL SPYI BOR BSTEN CING ZHAL GYI BDUD RTZI 'THUNGS DRAGS PAS SPOBS PA CUNG ZAD RGYAS PA CAN LHA SA'I RAB 'BYAMS PA AA LAG SHA NGAG DBANG BSTAN DAR GYIS SUG BRIS SU BGYIS PA'O,, ,,ZHES PA 'DI NI SKU 'BUM BYAMS PA GLING DU DPAR DU BSGRUBS PA'O,) ,SARBA MANGGA LAm,