S19100E8 · GMLW-006416

—

ื ืžืฆื ื‘found inHIGHER KNOWLEDGE (ABHIDHARMA) (VAIBHASHIKA SCHOOL)
ืžื”ื“ื•ืจื”recensionnot applicable - a collected works, not a canon edition
ื”ืœื•ืฆืื•ื•ื” ื”ื˜ื™ื‘ื˜ื™Tibetan lotsawaBANDHE BTZUN PA DPAL BRTZEGS KYIS RGYA SKAD LAS BOD SKAD DU
ืคื•ืœื™ื•folios1a–45a
ืฆื•ืจื”formmixed
ืžืฆื‘ ืชืจื’ื•ืtranslationno English of the text

ื”ืงื‘ืฆื™ืThe files

S19100E8.txt/MNGON PA_HIGHER KNOWLEDGE (ABHIDHARMA) (VAIBHASHIKA SCHOOL)/'JAM DBYANGS BZHAD PA'I RDO RJE NGAG DBANG BRTZON 'GRUS_JAMYANG SHEPAY DORJE NGAWANG TSUNDRU (1648-1721)

ื”ื˜ืงืกื˜The text

ื˜ื™ื‘ื˜ื™ืชTibetanS19100E8.txt111,216 ืชื•ื•ื™ืcharacters
001a

, ,CHOS MNGON PA MDZOD KYI DGONGS 'GREL GYI BSTAN BCOS THUB BSTAN NOR BU'I GTER MDZOD DUS GSUM RGYAL BA'I BZHED DON KUN GSAL LAS GNAS BRGYAD PA BZHUGS SO,,

001b

, ,NA MO GU RU MANYDZU GHOsh'A YA TZTSA SVA RA SVA TYEE, 'JAM DBYANGS BYE BA'I BLO GROS RLABS LDAN 'KHYIL BA'I SVA RA SVA, ,THUGS RJE'I SPYAN BZANG AUTPAL LTAR MDZES THABS MKHAS SGYU 'PHRUL GAR, ,SNA TSOGS STON PA'I GRAGS SNYAN RGYUD STONG DBYANGS SU CHER BLANGS PAS, ,RGYAL BA'I MES BO 'DZUM PAS MI NGOMS RGYAL BA GNYIS PAR 'DUD, ,MGON DE'I RANG LUGS GANGS RI LAS 'ONGS PA'I, ,DGONGS 'GREL CHU KLUNG PHYOGS BZHIR 'GYED MDZAD PA'I, ,SRAS KYI THU PO RNAMS DANG YAB SRAS ZUNG, ,CHOS MNGON SHING RTA CHE RNAMS AE MA BSNGAGS, ,NGO MTSAR LAN GCIG SKYE LA CHE ZHING MDZES, ,DRI MAS NAD KUN SEL LA YUN RING BA'I, ,AU DUMBA RA'I ME TOG 'DIS TSIM BAS,,

002a

, ,PAD TSAL GZHAN LA LTA BA'I GUS PA LHOD, ,GNYIS PA SNYOMS 'JUG GI YON TAN GTAN LA DBAB BAL SNYOMS 'JUG GI RANG BZHIN, DE'I KHYAD PAR GYI CHOS, ,TING NGE 'DZIN GSUM GYI DBYE BA, DE LA BSTEN PA'I YON TAN BSHAD PA DANG BZHI, DANG PO LA, SNYOMS 'JUG GNYIS SO SOR BSHAD PA DANG, ,THUN MONG DU BSHAD PA, BSAM GTAN GYI YAN LAG BYE BRAG TU BSHAD PA GSUM, DANG PO LA, BSAM GTAN GYI SNYOMS 'JUG DANG GZUGS MED KYI SNYOMS 'JUG GNYIS, DANG PO LA; DBYE BA SPYIR BSTAN PA DANG, SNYOMS 'JUG BYE BRAG TU BSHAD PA GNYIS, DANG PO NI, BSAM GTAN DAG NI RNAM GNYIS BZHI, ,DER SKYE BA DAG RAB TU BSHAD,

002b

CES GSUNGS, 'DI LA TSIG DON SPYI DON, MTHA' DPYAD PA GSUM, DANG PO NI, SHES BYA CHOS CAN, BSAM GTAN LA RNAM PA GNYIS YOD DE, RGYU SNYOMS 'JUG GI DE DANG, 'BRAS BU SKYE BA'I BSAM GTAN GNYIS YOD PA'I PHYIR, RTZA BAR, BSAM GTAN DAG NI RNAM GNYIS, ZHES SO, DE GNYIS RE RE LA BZHI BZHI YOD DE, 'BRAS BU SKYE BA'I BSAM GTAN DANG PO SOGS BZHI DANG, RGYU SNYOMS 'JUG BSAM GTAN DANG PO'I SNYOMS 'JUG NAS BZHI PA'I DE BZHI YOD PA'I PHYIR, RTZA BAR, BZHI ZHES SO, ,SKYE BA'I BSAM GTAN YOD DE, BSAM GTAN BZHI'I RGYU SNYOMS 'JUG CHUNG 'BRING CHE GSUM GYI 'BRAS BU SKYE BA'I BSAM GTAN BZHI LA GNAS GSUM GSUM DANG; BZHI PA LA DE'I STENG DU SPEL SGOM LNGA'I 'BRAS PHU GNAS GTZANG LNGA DANG BRGYAD YOD PAR SNGAR RAB TU BSHAD ZIN PA'I PHYIR, GSUM PA'I RTZA BAR, DER SO SO YI, BSAM GTAN SA NI GSUM PA YIN, ,BZHI PA SA NI BRGYAD BA YIN, ZHES GSUNGS PA'I PHYIR, RTZA BAR, DER SKYE BA DAG RAB TU BSHAD ,CES SO, ,GNYIS PA SNYOMS 'JUG LA, MTSAN NYID DBYE BA, SGRA DON, SA MTSAMS BZHI DANG PO NI, BSAM GTAN GYI SAS BSDUS PA'I CHA NAS BZHAG PA'I SEMS RTZE GCIG PA DE, BSAM GTAN GYI SNYOMS 'JUG GI MTSAN NYID, DE LA DBYE NA, BSAM GTAN GYI NYER BSDOGS KYI SNYOMS 'JUG DANG, DNGOS GZHI'I SNYOMS 'JUG GNYIS, DANG PO LA BSAM

003a

, ,GTAN DANG PO'I NYER BSNGOGS NAS BZHI BA'I NYER BSNGOGS GI BAR BZHI, DANG PO'I NYAR BSNGOGS LA GNYIS YOD DE, ZHI GNAS GRUB PA TZAM GYI LAS DANG PO'I YID BYED NYER BSDOGS MI LCOGS MED PA DANG LHAG MTHONG BSGOM PA'I MTSAN NYID SO SOR RIG PA SOGS YID BYED DRUG GIS BSDUS PA'I MI LCOGS MED DANG GNYIS YOD PA'I PHYIR, DANG PO GRUB STE, ZHI GNAS GRUB PA NAS GONG GI TING NGE 'DZIN THOB PA'I PHYIR DANG, MDZOD LAS, ZHI GNAS GRUB PAR GYUR PA YIN ,ZHES DANG, SGOM BYUNG MI LCOGS MED PA DANG, ,KHYAD PAR BSAM GTAN SA PA'O, ,ZHES GSUNGS PA'I PHYIR, KHYAB STE, BSAM GTAN SA DRUG YOD PA'I PHYIR, GNYIS PA GRUB STE, DE LA MTSAN NYID SO SOR RAG PA DANG, MOS PA LAS BYUNG BA DANG, RAB TU DBEN PA DANG, DGA' BA SDUD PA DANG, DPYOD PA YID BYED DANG, SBYOR MTHA'I YID BYED DANG DRUG YOD PA'I PHYIR TE, NYER BSDOGS RNAMS LHAG MTHONG SHAS CHE PA'I PHYIR, RTZA BAR, SA GZHAN DAG GIS DKA' BA YIN, ZHES DANG, SHES RAB KYIS NI GCIG SHOS SO, ,ZHES DANG, KHYAD PAR 'PHAGS BSTOD LAS, KHYOD KYI BSTAN PA'I RJES 'GRO PA, ZHAS SOGS GSUNGS PA'I PHYIR DANG, KUN BTUS LAS KYANG, SNYOMS PAR GZHUGS PA'I RNAM PAR BZHAG PA JI LTA BU ZHE NA, YID LA BYED PA BDUN GYIS BSAM GTAN DANG PO LA SNYOMS PAR ZHUGS TE 'DU SHES MED MIN SKYE MCHED BAR DU

003b

DE BZHIN NO, ZHES GSUNGS PA'I PHYIR, YID BYED BDUN PA DNGOS BZHI YIN NO, ,DES BSAM GTAN GYI NYER BSDOGS KYANG SHES SO, NYER BSNGOGS KYIS RANG GI 'OG SA LAS RGYAL ZHING GZUGS KYI SAS BSDUS PA'I CHA NAS BZHAG PA'I YAN LAG GIS PHYE BA'I SEMS RTZE GCIG PA DE BSAM GTAN GYI DNGOS GZHI'I SNYOMS 'JUG GI MTSAN NYID, SEMS RTZE GCIG PA'I DON YOD DE, SEMS KYI RTZE DMIGS PA YIN PAS DE GCIG LA GTONG PA DE YIN PA'I PHYIR, SAS DBYE NA BSAM GTAN BZHI'I DNGOS GZHI'I SNYOMS 'JUG BZHI DANG, NGO BO'I SGO NAS DAG NYAMS GNYIS DANG, MJUG TU TING NGE 'DZIN SKYE TSUL GYIS DAG PA BA LA, NYAMS PA CHA MTHUN, GNAS PA CHA MTHUN, KHYAD PAR CHA MTHUN, NGES 'BYED CHA MTHUN BZHI DANG, NYON MONGS CAN LA NGA RGYAL GYI NYON MONGS CAN SOGS YOD, SO SO'I MTSAN NYID TSIG DON DU BSHAD DO, ,BSAM GTAN DANG PO'I DNGOS GZHI'I TING NGE 'DZIN CHOS CAN, BSAM GTAN ZHES BRJOD PA'I RGYU MTSAN YOD DE, 'DIS SEMS PAR BYED PAS NA BSAM GTAN ZHES BRJOD PA'I PHYIR, SKAD KYI BYINGS LAS BSHAD TSUL GZHAN DU BSHAD ZIN TO, 'O NA TING NGE 'DZIN THAMS CAD DER 'GYUR ZHEN MA YIN TE, SEMS PA PHUL DU BYUNG BA DANG LDAN PAS NA BSAM GTAN ZHES BRJOD PA'I PHYIR, DPER NA NYI MA STE 'OD DANG LDAN PA BZHIN, PHUL DU BYUNG BA DANG LDAN PA YOD DE, TING NGE 'DZIN GANG YAN LAG DANG LDAN PA DE YIN PA'I

004a

, ,PHYIR; DE NI ZHI LHA GZUNG DU 'BREL BAR RANG GIS BSDUS PA'I LAM SLA BA ZHES BSHAD PA'I PHYIR, DES NA 'DIS SEMS PA LHAG MTHONG GI DPYOD PA YIN GYI SEMS BYUNG SEMS PA MIN PA'I PHYIR TE, PHAL CHER GYIS MTHON 'DUG GO ,RANG 'GREL LAS, 'DIS SEMS PAR MDZAD PAS NA BSAM GTAN TE, NAS, SKAD KYI BYINGS LAS 'DI NI SEMS PA'I DON YIN LA, SEMS PA YANG SHES RAB YIN NO ZHES GRUB PA'I MTHA' LAS BYUNG NGO, ,ZHES SOGS GSUNGS PA'I PHYIR DANG, BZHI BAS MTSAMS YOD DE, ,BSAM GTAN DANG PO'I NYER BSDOGS THOB NAS YOD PA'I PHYIR, GSUM PA MTHA' DPYAD PA LA KHA CIG NA RE, , BSAM GTAN GYI RGYU SNYOMS 'JUG GI BSAM GTAN DANG, 'BRAS BU SKYE BA'I BSAM GTAN GANG RUNG YIN NA, BSAM GTAN YIN PAS KHYAB ZER NA, BSAM GTAN DANG PO PA'I RGYUD KYI GZUGS PHUNG CHOS CAN, BSAM GTAN YIN PAR THAL, 'BRAS BU SKYE BA'I BSAM GTAN YIN PA'I PHYIR, RGYU SNYOMS 'JUG GIS BSAM GTAN DER SKYE BA'I PHUNG PO LNGA KA DE YIN PA'I PHYIR, 'DOD NA, SEMS PAR BYED PAS DGE BA'I RIGS CAN YIN PAR THAL; 'DOD PA'I PHYIR, ,KHYAB PA SGRA DON GYIS GRUB, YANG KHA CIG NA RE, 'BRAS BU SKYE BA'I BSAM GTAN YIN NA SNYOMS 'JUG MA YIN PAS KHYAB ZER NA, BSAM GTAN BZHI KA'I SO SKYE'I RGYUD KYI SKYES THOB KYI BSAM

004b

GTAN GYI SNYOMS 'JUG DAG PA BA BZHI CHOS CAN, DER THAL, DE'I PHYIR, RTAGS CHOS CAN GYIS GRUB STE, 'BRAS BU SKYE BA'I BSAM GTAN LA RJES 'BRANG BCAS NA PHUNG PO LNGA PA CAN YIN PA'I PHYIR DANG YANG KHA CIG NA RE, RGYU SNYOMS 'JUG YIN NA SHES PA YIN PAS KHYAB ZER NA, BSAM GTAN DANG PO'I RGYU SNYOMS 'JUG GI RJES 'BRANG LUS NGAG GI BSAM GTAN GYI SDOM PA CHOS CAN, DER THAL, DE'I PHYIR, RTZA BAR, SNYOMS 'JUG DGE BA RTZE GCIG PA; ;RJES 'BRANG BCAS NA PHUNG PO LNGA, ,ZHES GSUNGS PA'I PHYIR, DE BZHIN DU 'DU SHES MED PA'I SNYOMS 'JUG CHOS CAN, SHES PAR THAL, RGYU SNYOMS 'JUG YIN PA'I PHYIR, RTAGS SLA, 'DU SHES MED PAR SKYE BYED KYI SNYOMS 'JUG GCIG YOD PA'I PHYIR, 'DOD MI NUS TE, SEMS MED SNYOMS 'JUG YIN PA'I PHYIR, YANG KHA CIG ,RGYU SNYOMS 'JUG GI SHES PA YIN NA TING NGE 'DZIN YIN PA'I KHYAB ZER NA, RGYU SNYOMS 'JUG GI SEMS DANG TSOR SOGS GZHAN RE RE NAS CHOS CAN, DER THAL, DE'I PHYIR TE, DE LA PHUNG PO LNGA YOD PA'I PHYIR, 'DOD MI NUS BYAS PA LA KHO NA RE, DE CHOS CAN, SEMS RTZE GCIG PA YIN PAR THAL, BSAM GTAN GYIS SA BSDUS PA'I CHA NAS BZHAG PA'I SEMS RTZE GCIG PA YIN PA'I PHYIR NA MA KHYAB, 'DOD NA, TING NGE 'DZIN YIN PAR THAL, 'DOD PA'I PHYIR, KHYAB STE, SEMS RTZE GCIG PA TING NGE 'DZIN KHO NAR NGES PA'I PHYIR, RANG 'GREL LAS,

005a

, ,GANG GIS DE RTZE GCIG PAR BYED PA'I CHOS DE TING NGE 'DZIN YIN LA, ZHES DANG, GANG SPEL LAS, SEMS RTZE GCIG PA KHO NA TING NGE 'DZIN YIN TE, ZHES BYA BA NI DON LA YIN NO, ,ZHES GSUNGS PA'I PHYIR, DE LA KHO NA RE, SEMS THAMS CAD CHOS CAN, RTZE GCIG PAR THAL, SHES PA SKAD GCIG MA GCIG PA YIN PA'I PHYIR NA MA KHYAB, KHYAB STE, DMIGS PA 'PHO BA MED PAR 'GAG PA'I PHYIR NA YANG MA KHYAB; 'DOD MI NUS TE, SEMS SKAD CIG SNGA PHYI TING NGE 'DZIN GYIS DMIGS PA GCIG LA GTOD BAR MA BYAS PA'I PHYIR SOGS RTZOD TSUL MANG, YANG KHA CIG ,BSAM GTAN GYI SNYOMS 'JUG NYON MONGS CAN DE BSAM GTAN GYI SNYOMS 'JUG YIN ZER NA, DE CHOS CAN, DGE BA YIN PAR THAL, SNYOMS 'JUG GI SHES PA YIN PA'I PHYIR, KHYAB STE, RTZA BAR, SNYOMS 'JUG DGE BA RTZE GCIG PA, ,ZHES GSUNGS PA'I PHYIR, 'DOD MI NUS TE, DGE BA MA YIN PA'I PHYIR, DE LA KHO NA RE, RTZA BAR, DE LTAR SNYOMS 'JUG DNGOS GZHI'I RDZAS, ,RNAM PA BRGYAD BDUN RNAM PA GSUM, ZHES GSUNGS PA MI 'THAD PAR THAL, SNYOMS 'JUG NYON MONGS CAN RNAMS SNYOMS 'JUG MA YIN PA'I PHYIR NA MA KHYAB STE, DE SNYOMS 'JUG GI RDZAS RGYUN YIN PAS SNYOMS 'JUG GI MING GIS BTAGS NAS BSTAN PA'I PHYIR, DPER NA, SA BON RUL BA BZHIN, JI SKAD DU, RANG

005b

'GREL LAS, NYON MONGS PA CAN JI LTAR BSAM GTAN YIN ZHE NA, LOG PAR NGES PAR SEMS PA'I PHYIR RO, ,HA CANG THAL BAR 'GYUR ZHE NA, MIN TE, DE DANG MTHUN PA KHO NA LA DE'I MING DU BTAGS PA'I PHYIR TE, SA BON RUL BA BZHIN NO, ,ZHES GSUNGS PA'I PHYIR, YANG KHA CIG NA RE, SRID RTZE'I SNYOMS 'JUG LA KHYAB PAR CHA MTHUN NGES 'BYED CHA MTHUN GNYIS MED ZER NA, 'O NA DE LA NGES 'BYED CHA MTHUN YANG MED PAR THAL 'DOD PA DE'I PHYIR, 'DOD MI NUS TE, RANG 'GREL LAS, SRID PA'I RTZE MO RNAM PA GSUM STE, KHYAD PAR GYI CHA DANG MTHUN PA MA GTOGS SO, ,ZHES GSUNGS PA'I PHYIR, BYAS PA LA KHO NA RE, SRID RTZE'I SNYOMS 'JUG LA NGES 'BYED CHA MTHUN MED PAR THAL, SRID RTZE'I DE LA 'DAS LAM MED PA'I PHYIR NA MA KHYAB, 'DOD MI NUS TE, SRID RTZE'I DE'I MJUG TU 'DAS LAM SKYE BA YOD PA'I PHYIR TE, RTZA BAR, SRID RTZER 'PHAGS PAS CI YANG MED, ,MNGON DU BYAS NAS ZAG PA ZAD, ,CES DANG, BSAM GTAN GZUGS MED RANG DANG NI, ,'OG SA'I RTEN CAN, ZHES GSUNGS PA'I PHYIR, YANG KHA CIG NA RE, SRID RTZE'I DNGOS GZHI'I SNYOMS 'JUG KHYAD PAR CHA MTHUN YOD ZER NA, SRID RTZE'I DE'I MJUG THOGS SU RANG GI GONG SA'I DNGOS GZHI'I SNYOMS 'JUG DAG PA BA SKYE BA YOD PAR THAL LO, 'DOD PA'I PHYIR, 'DOD MI NUS TE, DE'I GONG SA MED PA'I PHYIR, RANG 'GREL LAS, SRID PA'I RTZE MO NI RNAM PA GSUM

006a

, ,STE; KHYAD PAR KYI CHA DANG MTHUN PA MA GTOGS SO, ,ZHES GSUNGS PA'I PHYIR, YANG KHA CIG ,SNYOMS 'JUG GANG ZHIG ,RANG 'BRAS SDUG BDEN SKYED BYED KYI 'KHOR BAS BSDUS PA'I CHOS RGYU SNYOMS 'JUG GI BSAM GTAN GYI DNGOS GZHI'I SNYOMS 'JUG GI MTSAN NYID ZER NA, CHAGS BRAL SNGON SONG GI PHYIR MI 'ONG GONG 'PHO DANG RGYUD GCIG PA'I NYAN THOS SBYOR LAM BZOD PA BA'I RGYUD KYI BSAM GTAN DANG PO'I SNYOMS 'JUG BDEN PA'I RNAM PA CAN CHOS CAN, RGYU SNYOMS 'JUG YIN PAR THAL, BSAM GTAN GYI DE GANG ZHIG RANG 'BRAS SDUG BDEN SKYED PA'I CHOS YIN PA'I PHYIR, DANG PO SLA, GNYIS PA GRUB STE, RANG 'BRAS SDUG BDEN SKAD CIG GNYIS PA SOGS YOD PA'I PHYIR, 'DOD NA, SNYOMS 'JUG DAG PA PA YIN PAR THAL, 'DOD PA'I PHYIR, 'DOD NA, SRID PA BZLOG BYED KYI LAM GYI DMIGS RNAM CAN GYI SNYOMS 'JUG MA YIN PAR THAL LO, ,DE BZHIN DU 'PHAGS RGYUD KYI BSAM GTAN SPEL SGOM LA SBYAR NAS DPYAD DO, ,YANG KHA CIG ,GZUGS MED KHAMS NA GZUGS MED KYI DNGOS GZHI'I SNYOMS 'JUG PHUNG PO LNGA PA CAN YIN ZER NA, GZUGS MED DNGOS GZHI'I SNYOMS 'JUG DAG PA BA'I TSOGS PA NA SDOM PA GZUGS CAN YOD PAR THAL, DE PHUNG PO LNGA PA CAN YIN PA'I PHYIR, 'DOD NA GZUGS MED SAS BSDUS KYI GZUGS YOD PAR THAL, GZUGS MED SNYOMS 'JUG DAG PA BA'I TSOGS

006b

PA NA GZUGS YOD PA'I PHYIR, 'DOD NA DE BZHIN GZUGS MED PHUNG BZHI, ZHES GSUNGS PA MI 'THAD PAR THAL, 'DOD PA'I PHYIR, BYAS PA LA KHO NA RE, GZUGS MED KHAMS KYI GZUGS YOD PAR THAL, GZUGS MED KHAMS PA'I RTEN CAN GYI NYAN THOS DGRA BCOM PA'I RGYUD LA ZAG MED KYI SDOM PA YOD PA'I PHYIR NA MA KHYAB CING, RTAGS GRUB STE, DE ZAG MED SNYOMS 'JUG GI TSOGS PA NA YOD CING, RTEN GZUGS MED NA YOD KYANG GZUGS KYI SAS BSDUS MA YIN PA'I PHYIR, DANG PO GRUB STE, RTZA BAR, ZAG MED 'PHAGS PA'I SEMS CAN RNAMS, ,ZHES DANG, BSAM GTAN KHYAD PAR 'DU SHES MED, ,MA GTOGS GZUGS MED NA'ANG, ZHES GSUNGS PA'I PHYIR, GNYIS PA GRUB STE, DE'I SAS BSDUS KYI PHUNG PO BZHI LAS MED PA'I PHYIR, RANG 'GREL LAS, 'KHOR DANG BCAS NA NI PHUNG PO BZHI RJES SU 'BRANG BA'I GZUGS MED PA'I PHYIR RO, ,ZHES GSUNGS PA'I PHYIR, GONG 'OG THAMS CAD DU RIGS PA 'DIS SHES DGOS SO, ,DES NA DE'I RGYUD LA YOD KYANG SA DE NA MED PA DU MA SHES DGOS TE, MNYAM BAR MA BZHAG PA'I 'DOD PA'I MI'I RTEN LA BSAM GZUGS BRGYAD KYI SNYOMS 'JUG YOD KYANG MNYAM PAR MA BZHAG PA'I SAR DE BRGYAD MED PA'I PHYIR, YANG KHA CIG ,BSAM GTAN GYI NYER BSDOGS SU GYUR PA'I BSAM GTAN GYI RGYU SNYOMS 'JUG YOD PAR THAL, NYER BSDOGS SU GYUR PA'I BSAM GTAN GYI SNYOMS 'JUG YOD

007a

, ,PA'I PHYIR NA MA KHYAB, 'DOD MI NUS TE, RGYUN ZHUGS DANG, TSE GCIG PAR CHAD GCIG PA 'DOD PAR SKYE BA'I PHYIR, ,GNYIS PA NI, SNYOMS 'JUG DGE BA RTZE GCIG PA, ,RJES 'BRANG BCAS NA PHUNG PO LNGA, ,DPYOD DANG DGA' DANG BDE DANG LDAN, ,YAN LAG SNGA SNGA SPANGS PA YI, ,ZHES BYUNG, BSAM GTAN GYI DNGOS GZHI SNYOMS 'JUG GI NGO BO YOD DE, YAN LAG GI SGOS 'OG SA LAS 'DAS PA'I DGE BA RTZE GCIG PA DE YIN PA'I PHYIR TE, RTZE DANG DMIGS PA DON GCIG PAS DMIGS PA GCIG LA RGYUN CHAGS SU 'JUG PA RTZE GCIG GI DON YIN PA'I PHYIR, RTZA BAR, SNYOMS 'JUG DGE BA RTZE GCIG PA, ZHES BYUNG, TING NGE 'DZIN GYI RANG BZHIN YIN KYANG PHUNG PO LNGA YOD DE, RJES 'BRANG BSAM GTAN GYI SDOM PA SOGS DANG BCAS NA PHUNG PO LNGA BA CAN YIN PA'I PHYIR, RTZA BAR, RJES 'BRANG BCAS NA PHUNG PO LNGA, ZHES SO, ,SNYOMS 'JUG GI BSAM GTAN DANG PO'I DNGOS GZHI SNYOMS 'JUG GI NGO BO YOD DE, DPYOD PA DANG DGA' BA DANG BDE BA DANG DGE SEMS RTZE GCIG PA DANG LDAN PA'I BSAM GTAN GYI DNGOS GZHI'I SNYOMS 'JUG DE DE YIN PA'I PHYIR, RTZA BAR, DPYOD DANG DGA' DANG BDE DANG LDAN, ZHES GSUNGS, 'DIR DGA' BDE DANG LDAN PA DPYOD PA SMOS PAS RTOG PA YANG BSHAD DE, DE GNYIS LHAN CIG SPYOD PA ME DU BZHIN YIN PA'I PHYIR, DE LA KHO NA RE, BSAM GTAN KHYAD PAR CAN

007b

NA RTOG PA MED PAS MA NGES SNYAM NA, DE MA NGES PA'I SKYON MED DE, BSAM GTAN KHYAD PAR CAN LA DGA' BDE DANG BCAS PA'I DPYOD PA MED PAS RTOG PA MED PA'I PHYIR, RANG 'GREL LAS, RTOG PA MED PAR NI DGA' BA DANG BDE PA DANG LDAN PA'I DPYOD PA MED DO, ZHES GSUNGS PA'I PHYIR, 'O NA, RTOG DANG DGA' DANG BDE DANG LDAN, ZHES MA SMOS PA'I RGYU MTSAN YOD DE, YAN LAG SNGA SNGA ZHES PAS BSAM GTAN DANG PO KHYAD PAR CAN GNYIS PAR 'GYUR BAS DPYOD PA SMOS PA'I PHYIR, RGYAL SRAS MA LAS, BSAM GTAN GNYIS PA NA NI RTOG PA SPANGS PA'O, ,ZHES BYAS NA BSAM GTAN KHYAD PAR CAN YANG BSAM GTAN GNYIS PAR 'GYUR RO, ZHES SO, ,BSAM GTAN 'DI RGYU SNYOMS 'JUG KHO NAR SBYOR BA MI 'THAD DE, 'OG TU ZAG MED YANG YANG BSHAD PAS SO, ,BSAM GTAN PHYI MA GSUM GYI DNGOS GZHI'I SNYOMS 'JUG GI NGO BO YAN LAG SNGA MA SNGA MA SPANGS PA'I SGOS YIN TE, DPYOD PA DANG BRAL BA'I DGE SEMS RTZE GCIG PA DGA' BA DANG BDE BA DANG LDAN PA'I BSAM GTAN GYI SNYOMS 'JUG DE GNYIS PA'I DNGOS GZHI'I SNYOMS 'JUG GI NGO BO DANG, DPYOD PA DANG DGA' BA GNYIS DANG BRAL BA'I DGE SEMS RTZE GCIG PA BDE BA DANG LDAN PA'I SNYOMS 'JUG TE, GSUM PA'I DNGOS GZHI'I SNYOMS 'JUG GI MTSAN NYID, DPYOD PA DANG DGA' BA DANG BDE PA GSUM DANG BRAL BA'I DGE SEMS RTZE GCIG PA BSAM GTAN GYI DNGOS GZHI'I SNYOMS 'JUG DE, BZHI PA'I DNGOS GZHI'I

008a

, ,SNYOMS 'JUG GI MTSAN NYID YIN PA'I PHYIR, RGYAL SRAS MA LAS, YAN LAG BDE BA YANG SPANGS PAS DE LA TING NGE 'DZIN 'BA' ZHIG LUS SO ZHES GSUNGS PA'I PHYIR, 'DIR YAN LAG GI SGOS 'DA' TSUL STON GYI YAN LAG TSANG MA MI STON TE, DE BSTAN NA YANG 'OG DANG ZLOS PA'I PHYIR, JI SKAD DU, RTZA BAR, YAN LAG SNGA SNGA SPANGS PA YI, ZHES SO, ` ,GNYIS PA GZUGS MED SNYOMS 'JUG LA DBYE BA, 'THOB TSUL; DMIGS PA'I KHYAD PAR, SO SO'I NGO BO DANG BZHI, DANG PO NI, DE BZHIN GZUGS MED PHUNG PO BZHI, ZHES BYUNG, GZUGS MED KYI SNYOMS 'JUG LA CHOS CAN, GNYIS YOD DE, BSAM GTAN DE BZHIN DU RGYU SNYOMS 'JUG GI GZUGS MED DANG 'BRAS BU SKYE BA'I DE GNYIS DANG, DE RE RE LA NAM MKHA' MTHA' YAS, RNAM SHES MTHA' YAS, CI YANG MED DANG, 'DU SHES MED MIN GYI BAR BZHI BZHI YOD PA'I PHYIR, RTZA BAR, DE BZHIN GZUGS MED, CES DANG, RANG 'GREL LAS, DE DAG KYANG SKYE BA DANG SNYOMS PAR 'JUG PA'I SGO NAS RNAM PA GNYIS KYANG YIN LA, BZHI YANG YIN NO, ,ZHES GSUNGS PA'I PHYIR, GZUGS MED PA'I SNYOMS 'JUG GI NGO BO YOD DE, DMIGS PA'I SGOS 'OG SA LAS 'DA' BA'I RIGS GNAS KYI DGE SEMS RTZE GCIG PA DE DE YIN PA'I PHYIR, RANG 'GREL LAS, SNYOMS PAR ZHUGS PA'I GZUGS MED PA RNAMS NI BYE BRAG MED PAR

008b

DGE BA'I RTZE GCIG PA'I RANG BZHIN YIN NO ZHES GSUNGS PA'I PHYIR, 'KHOR DANG BCAS NA PHUNG PO BZHI PA CAN YIN TE, SNYOMS 'JUG RJES 'BRANG GI GZUGS MED LA GZHAN BZHI YOD PA'I PHYIR, RTZA BAR, PHUNG PO BZHI ZHES DANG; RANG 'GREL LAS, RJES SU 'BRANG BA'I GZUGS MED PA'I PHYIR RO, ,ZHES GSUNGS PA'I PHYIR, GNYIS PA NI, 'OG MA'I SA LAS DBEN LAS SKYES, ZHES BYUNG, GZUGS GZUGS MED KYI SNYOMS 'JUG BZHI CHOS CAN, THOB TSUL RANG GI 'OG MA'I SA LAS DBEN PA LAS SKYES BA YIN TE, BSAM GTAN BZHI PA LAS DBEN PA LAS SKYES PA NAM MKHA' MTHA' YAS DANG, DE LAS DBEN PA LAS SKYES PA RNAM SHES MTHA' YAS DANG, DE LAS DBEN PA LAS SKYES PA CI YANG MED PA'I SKYE MCHED DANG, DE LAS DBEN PA LAS SKYES PA NI 'DU SHES MED MIN SKYE MCHED 'THOB PA DE YIN PA'I PHYIR TE, 'OG SA LAS 'DOD CHAGS DANG BRAL BA'I DBEN PA DE YIN PA'I PHYIR, GSUM PA NI, NYER BSDOGS GSUM DANG BCAS PAR NI, GZUGS KYI 'DU SHES PA SHIG CES BYA, ,GZUGS MED PA NA GZUGS MED DO, ,GZUGS NI SEMS LAS SKYES PAR 'GYUR, ZHES BYUNG, GZUGS MED DE DAG GI DMIGS TSUL YOD DE, GZUGS MED KYI DNGOS GZHI DE DAG BZHI DANG, ,RNAM SHES MTHA' YAS SOGS GZUGS MED PHYI MA GSUM GYI NYER BSDOGS GSUM DANG BCAS PA BDUN NI GZUGS KYI 'DU SHES BSHIG PA 'AM BRAL BA YIN LA, NAM MKHA' MTHA' YAS KYI NYER BSDOGS GZUGS

009a

, ,KYI 'DU SHES LA CHAGS PA DANG MA BRAL BA YIN PA'I PHYIR, RTZA BAR, NYER BSDOGS GSUM DANG BCAS PAR NI, GZUGS KYI 'DU SHES BA SHIG CES BYA, ZHES SO, ,DE LA GZHI THAMS CAD YOD PA'I BYE SMRA LAS SDE BA PHAL CHEN SOGS GZHAN DAG NA RE, RE ZHIG GZUGS MED NA GZUGS MED PA MI 'THAD PAR THAL, DE NI SGRUB PAR BYA BA KHO NA YIN PA'I PHYIR, RANG 'GREL LAS, RE ZHIG GZUGS MED PA DAG NA GZUGS MED DO ZHES BYA BA 'DI NI SGRUB PAR BYA BA YIN NO, ,ZHES DANG, RGYAL SRAS MA LAS, RE ZHIG 'DI NI SGRUB PAR BYA BA YIN NO, ,ZHES ZER BA NI SDE BA GZHAN DAG GO ,ZHES GSUNGS PA'I PHYIR, GZHI THAMS CAD YOD PA'I BYE SMRA NA RE, GZUGS MED CES BRJOD MI RUNG BAR THAL, GZUGS YOD PA'I PHYIR, RANG 'GREL LAS, GAL TE YOD NA SOGS DANG, RGYAL SRAS MA LAS, GAL TE YOD NA ZHES ZER BA NI BYE BRAG TU SMRA BA'O, ,ZHES GSUNGS PA'I PHYIR, GZUGS YOD KYANG GZUGS MED LA BRJOD TSUL YOD DE, GZUGS CUNG ZAD TZAM LAS MED PA'I PHYIR DANG, DE YANG LUS NGAG GI SDOM PA RNAM RIG MIN PA TZAM YOD PA'I PHYIR TE, RANG 'GREL LAS, GZUGS CUNG ZAD YOD PA'I PHYIR, ZHES SO, 'O NA DE NA 'BYUNG BA MED PAR DE'I 'BYUNG 'GYUR RNAM RIG MIN PA JI LTAR YOD ZHE NA, DER 'BYUNG BA MED KYANG DE YOD DE, ZAG MED SDOM PA LTAR YOD PA'I PHYIR, RANG 'GREL LAS,

009b

ZAG PA MED PA'I SDOM PA BZHIN NO, ZHES NA, ZHES SO, ,BYE SMRA NA RE, DE DAG RIM BZHIN MI 'THAD PAR THAL, LUS NGAG MED PAR DE'I SDOM PA MI RUNG PA'I PHYIR DANG, 'BYUNG BA MED PAR 'GYUR 'GYUR MI RUNG PA'I PHYIR TE, ZAG MED KYI 'BYUNG BA MED KYANG RTEN GYI 'BYUNG BA ZAG BCAS YOD PAS, ZAG MED KYI SDOM PA YOD CING SKYE PA'I GZUGS BKAG PAS SNYOMS 'JUG LA YANG GZUGS BKAG DGOS PA'I PHYIR DANG, LUNG LAS KYANG; RNAM PA THAMS CAD KYI GZUGS KYI 'DU SHES LAS YANG DAG PAR 'DAS NAS, ZHES GSUNGS PA'I PHYIR, DE LA KHO NA RE, DE DAG GIS MI GNOD DE LUS DANG DBANG PO GZUGS CAN YOD KYANG CHUNG BAS SAM, DVANGS PAS SAM, SHIN TU CHES DVANGS PAS GZUGS MED ZHES BRJOD LA, 'DOD GZUGS KYI KHAMS MING DON MTHUN BAS SGRA DON YOD, GZUGS MED MING DON MI MTHUN KYANG 'DOD RGYAL YIN PA'I PHYIR, RANG 'GREL LAS; 'ON TE LUS KYANG YOD LAS, DBANG PO GZUGS CAN RNAMS KYANG YOD DO ZHE NA NI, ZHES DANG, BOD TSOD CHUNG PA'I PHYIR ZHES DANG, DVANGS PA'I PHYIR, ZHES DANG, GANG LAS CHAS DVANGS BA MED PA, ZHES DANG GNYIS KYI MING NI SOGS GSUNGS PA RIM BZHIN RTAGS SO SOR SBYOR RO, ,DE LA BYE SMRA NA RE, DE DAG RE RE NAS MI 'THAD PAR THAL, CHUNG BA'I GZUGS MED ZER, CHU'I SKYE BO RDUL PHRA RAB LTA BU'I 'BU YANG GZUGS MED

010a

, ,PAR 'GYUR BA'I PHYIR DANG, DE BZHIN DU DVANGS PAS GZUGS MED ZER NA, BAR DO PA DANG GZUGS KHAMS PA YANG DER 'GYUR LA GANG LAS CHES DVANGS PA MED PAS GZUGS MED ZER NA, SRID RTZE KHO NA GZUGS MED DU 'GYUR BA'I SKYON YOD PA'I PHYIR DANG, MING DON YOD MED LA YANG RIG PA CI YANG MED PA'I PHYIR, RTAGS RIM BZHIN, RANG 'GREL LAS, CHU'I SKYE BO GZUGS LTAR MI SNANG BA, ZHES DANG, SRID PA BAR MA DANG GZUGS NA SPYOD PA DAG LA ZHES SRID PA'I RTZE MO KHO NA GZUGS MED PA YIN PAR 'GYUR TE, ZHES DANG, DE LA RIG PA CI ZHIG YOD CES GSUNGS PA RIM BZHIN DU SBYAR BA'I PHYIR, DE LA KHO NA RE, GZUGS MED NA GZUGS MED PA LA GNOD BYED DU MA YOD DE, RIGS PA DU MA'I GNOD TSUL DE LTAR YIN LA, LUNG GIS KYANG GNOD PA'I PHYIR, RGYAL SRAS MA LAS, DE LTAR RIGS PAS, GZUGS MED PAS KHAMS NA GZUGS MED DO ZHES BKAG NAS LUNG SMOS TE DOGS PA BZLOG PAR BYED DO, ,ZHES GSUNGS PA'I PHYIR, GZUGS DVANGS PA DANG BOD TSOD CHUNG BAS GZUGS MED CES 'DOD RGYAL YIN GYI GTAN MED MA YIN TE, TSE DANG DROD GNYIS 'DRES PAR GSUNGS ZHING GZUGS MED PA'I TSE YOD PA'I PHYIR DANG MING GZUGS PHAN TSUN BRTEN PAR GSUNGS SHING GZUGS MED NA MING YOD PA'I PHYIR DANG, RNAM SHES KYI RKYEN GYIS MING GZUGS SKYE BAR GSUNGS LA,

010b

DE NA RNAM SHES YOD PA'I PHYIR DANG, GZUGS NAS 'DU BYED KYI BAR LAS GZHAN DU RNAM SHES 'ONG BA 'AM 'GRO BA BKAG LA, GZUGS MED DU 'OD BA SKYE BA DANG 'GRO PA 'CHI 'PHO YOD PA'I PHYIR DANG, GZUGS MED NA GZUGS YOD PAR LUNG GIS GRUB PA'I PHYIR, DANG PO GRUB STE, MDO LAS, TSE DANG LDAN PA GSUS PO CHE TSE GANG YIN PA DANG DROD GANG YIN PA'I CHOS 'DI DAG NI 'DRES PA STE MA 'DRES PA MA YIN NO, ,ZHES GSUNGS PA'I PHYIR, GNYIS PA GRUB STE, MDO LAS, SH'A RI'I BU DPER NA 'DAM BU'I GSHOG GNYIS GNAM DU BSGRENG TE PHAN TSUN BRTEN CING 'DUG PA DE LA 'GA' ZHIG GIS GCIG POR NA GCIG SHOS 'GYEL PAR 'GYUR LA, GCIG SHOS POR NA YANG GCIG 'GYEL PAR 'GYUR RO, ,TSE DANG LDAN PA SH'A RI'I BU DE BZHIN DU MING DANG GZUGS KYANG PHAN TSUN RTEN CING GNAS, ZHES GSUNGS PA'I PHYIR, GSUM PA GRUB STE, RTEN 'BREL GYI MDO LAS, NYID 'TSAMS SBYOR BA'I MTSAN NYID KYI RNAM PAR SHES PA'I RKYEN GYIS MING DANG GZUGS, ZHES GSUNGS PA'I PHYIR, BZHI PA GRUB STE, MDO LAS, DGE SLONG DAG RNAM PAR SHES PA GZUGS SU NYE BAR 'GRO BA GZUGS LA DMIGS PA, GZUGS LA BRTEN PA GNAS SO, ,ZHES PA NAS, DGE SLONG DAG GANG LA LA ZHIG 'DI SKAD DU BDAG NI GZUGS LAS GZHAN DANG, TSOR BA LAS GZHAN DANG, 'DU SHES LAS GZHAN DANG, 'DU BYED LAS GZHAN DU RNAM PAR

011a

, ,SHES PA 'GRO BA 'AM 'ONG BA'AM SKYE BAR SMRA'O, ZHES ZER NA, DE'I NGAG NI TSIG TZAM DU ZAD DO, ZHES GSUNGS PA'I PHYIR, DE LA BYE SMRA NA RE, LUNG SNGA MAS GZUGS MED PA'I DROD YOD PAR MI 'GRUB STE; DE'I TSE DROD 'DOD PA LA DMIGS KYIS BSAL BA YIN PA'I PHYIR TE, MDO GZHAN LAS, JI SKAD DU, TSE DANG DROD DANG RNAM SHES KYIS, ,GANG TSE LUS 'DI 'DOR BYED CING, ,BOR NAS DE TSE NYAL BA NI, ,JI LTAR SHING LA SEMS MED BZHIN, ,ZHES GSUNGS PA'I PHYIR, KHYAB STE, GZUGS MED KHAMS NA LUS MED GZUGS KHAMS NA LUS YOD KYANG LUS SO SOR 'JIG PA MI MNGON, LUS SEMS SO SOR POR BAS 'DOD PAR GRUB PA'I PHYIR; DE LAS GZHAN MI 'THAD DE, KHYAD PAR MA PHYE BAR TSE DROD PHAN TSUN 'DRES NA SEMS MED PHYI'I SA DANG ME LA SEMS YOD PA DANG, TSE MED PA'I PHYI'I GZUGS DRO BA YANG MED PAR 'GYUR BA'I PHYIR, RANG 'GREL LAS, HA CANG THAL BAR 'GYUR TE, NAS, PHYI'I GZUGS KYANG RNAM SHES LA RTEN PA NYID DU 'GYUR TE, ZHES GSUNGS PA'I PHYIR, LUNG GNYIS PAS KYANG MI 'GRUB STE, DE 'DOD GZUGS LA DGONGS PA'I PHYIR, LUNG GSUM PAS KYANG MI 'GRUB STE, RNAM PAR SHES PA'I RKYEN GYIS MING GZUGS ZHES GSUNGS KYIS, RNAM SHES THAMS CAD KYIS MING GZUGS SGYED BAR MA GSUNGS PA'I PHYIR, MDO LAS KYANG, KUN DGA' BO GAL TE RNAM PAR SHES PA MA'I

011b

MANG LA DU ZHUGS PAR MA GYUR NA, ZHES PA NAS, MING DANG GZUGS MED KYANG RNAM PAR SHES PA'I RKYEN CAN, ZHES GSUNGS PA'I PHYIR, LUNG BZHI PAS KYANG DE MI 'GRUB STE, GZUGS TSOR 'DU SHES 'DU BYED THAMS CAD GCIG KYANG MED PAR RNAM SHES 'GRO 'ONG BKAG GAM, DE GANG YANG RUNG BA MED PAR RNAM SHES 'GRO 'ONG BKAG DPYAD DGOS PA'I PHYIR DANG, KHO BO NI DE THAMS CAD GCIG KYANG MED NA RNAM SHES 'GRO 'ONG BKAG PA KHO NA KHAS LEN PA YIN PA'I PHYIR; RGYAL SRAS MA LAS, BDAG NI THAMS CAD MED NA DE BKAG PA YIN NO, ,ZHES ZER RO, ,ZHES GSUNGS PA'I PHYIR, BYE SMRA NA RE, DE LTAR RIGS PAR MA ZAD LUNG GIS KYANG GZUGS MED NA GZUGS MED PAR GRUB STE; LUNG GI DMIGS KYIS PA KAR NAS TSIG ZIN LA BSTAN PA'I LUNG DU MAS GRUB PA'I PHYIR, MDO LAS, GZUGS MED PA RNAMS NI, GZUGS LAS NGES PAR 'BYUNG BA YIN NO, ,ZHES DANG, YANG MDO LAS, GZUGS MED PA'I RNAM PAR THAR BA ZHI PA GANG DAG GZUGS RNAMS LAS 'DAS NAS ZHES DANG, YANG MDO LAS, GZUGS CAN MA YIN PA'I SEMS CAN DAG YOD, CES DANG, YANG MDO LAS, RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS NAS, ZHES GSUNGS PA'I PHYIR DANG, GZUGS MED PA'I SNYOMS 'JUG DANG SKYE BA GZUGS SHIG YOD NA RANG GI GZUGS GDON MI ZA BAR 'DU SHES PAR 'GYUR PA'I PHYIR, DES NA

012a

, ,GZUGS MED PA NA GZUGS MED DO, ,LUNG DANG RIGS PA DE'I PHYIR, RTZA BAR, GZUGS MED PA NA GZUGS MED DO, ,ZHES SO, ,'O NA GZUGS MED NAS KHAMS 'OG MA GNYIS SU SKYES PA'I TSE GZUGS RGYUN CHAD BSKAL PA DU MAR GNAS PA DE GANG LAS SKYE ZHE NA, DE LA BYE SMRA DANG MDO SDE PA SLOB DPON SKU MCHED SOGS SHING RTA CHEN PO DAG GI LUGS LA GSUM LAS, DANG PO NI, DE GZUGS MED PA'I 'CHI KHA'I SEMS KYI LHAN CIG BYED RKYEN BYAS PA LAS SKYE STE, DE DUS GZUGS CAN DANG MTHUN PA'I SEMS RGYUN GYI LHAN CIG BYED RKYEN DANG RNAM PAR SMIN PA'I RGYU SNGAR 'GAG PA LAS GZUGS SKYE BA DE YIN PA'I PHYIR, GANG SPEL LAS, GZUGS DANG MTHUN PA'I SEMS KYI RGYU NYID GNAS LA DE NYID DE DAG GI 'CHI LTAS YIN NO, ,ZHES SMRA STE, DE'I PHYIR SNGAR GZUGS DANG LHAN CIG SPYOD PA'I SEMS KYI RGYUD KYI RKYEN GYIS RNAM PAR SMIN PA'I RGYU SNGAR 'GAG PA LAS GZUGS SKYE STE, ZHES PA NAS, ,'DI NI BYE BRAG SMRA BA'I LUGS YIN NO, ,ZHES GSUNGS PA'I PHYIR, MDO SDE PA NA RE, GZUGS DANG PO DE NI GZUGS KYI RNAM PAR SMIN PA'I RGYUS YONGS SU BSGOS PAS SEMS 'JUG PA RANG RGYUD LA RNYED PA LAS SKYE BAR 'DOD DE, ,GZUGS DE 'PHEN BYED SEMS PAS RNAM SMIN RGYU DANG, DES BSGOS PA NI GZUGS DE SKYED PA'I NUS PA SEMS LA BZHAG PA DANG, SEMS DE 'JUG PA NI SEMS DE RANG YUL DGE BA LA

012b

'JUG PA DANG, DE RANG RGYUD LA THOB PA'AM BSKYED PA NI SEMS DE 'JUG PA RNYED PA YIN CING, DE'I RGYUN LAS SKYE LA GZUGS KYI RGYUN LAS MI SKYE BA'I PHYIR, DANG PO GRUB STE, GANG SPEL LAS, RNAM PAR SMIN PA'I RGYU NI DE 'PHEN PAR BYED PA'I SEMS PA'O, ZHES GSUNGS PA'I PHYIR, GNYIS PA GRUB STE, DE NYID LAS, DES BSGOS PA NI GZUGS DE BSKYED PAR BYA BA'I PHYIR DE LA NUS PA BZHAG PA'I PHYIR RO, ,ZHES GSUNGS PA'I PHYIR, DES NA DNGOS SU NUS PA 'DI LAS SKYE BA YIN NO, ,GSUM PA GRUB STE, SEMS KYI 'JUG PA SEMS RANG YUL LA SONG BA LA BYED PA'I PHYIR, SHIN TU GRAGS, BZHI PA GRUB STE, DE NYID LAS, DE 'JUG PA RGYUD LA RNYED PA YIN PAS SEMS 'JUG PA RNYED PA LAS TE, ZHES GSUNGS PA'I PHYIR, LNGA PA GRUB STE, DE NYID LAS, DE'I RNAM PAR SMIN PA'I RGYUS YONGS SU BSGOS PA'I SEMS 'JUG PA RNYED PA DE LAS GZUGS SKYE YI GZUGS LAS NI MA YIN NO ZHES GSUNGS PA'I PHYIR, RTZA BAR, GZUGS NI SEMS LAS SKYE BAR 'GYUR, ZHES SO, ,RANG 'GREL YANG MDO SDE PA SOGS LTAR RO, ,SLOB DPON SOGS SHING RTA CHEN PO RNAMS GZUGS DE BSKYED PA'I LAS KYI BAG CHAGS GZUGS DE'I NYER LEN DU 'DOD DE BLO'I STENG GI BAG CHAGS LAS DBANG PO LNGA SKYE BAS BLO LAS DBANG PO YIN LA, DBANG PO RNAMS KYI DE LTAR MIN PAR 'DOD PA'I PHYIR, RNAM 'GREL LAS, BLO NYID LA NI BSTEN

013a

, ,PA 'GA', ,DE PHYIR BLO LAS DBANG PO YIN, ,DBANG PO RNAMS KYI RGYU MIN LA, ,ZHES DANG, RGYAN MKHAN PO NYI MA SPAS PA SOGS DU MA'I BSHAD PA'I PHYIR DANG, SDE BDUN RGYAN LAS, KHO BO NI GZUGS MED KHAMS NAS 'CHI 'PHO KHA'I YID SHES KYI STENG NA YOD PA 'DOD KHAMS SU SKYE BA 'PHEN BYED KYI SNGON GYI LAS KYIS BZHAG PA'I BAG CHAGS DE'I NYER LEN YIN PAR 'DOD LA, 'DI NI SHING RTA CHEN PO DAG GI GZHUNG LUGS PHAL CHE BA DANG MTHUN CING ZHES GSUNGS PA'I PHYIR, 'DI 'DRA'I RGYU MTSAN DU MAS MDO DANG SDE BDUN NI MNGON PA'I RIGS PA YIN KYANG DON SPYI MA CHAGS PA DAG NI BLOR MA CHUD PA KHO NAR SNANG NGO, ,'DI DAG MDO SNGAGS THAMS CAD LA DGOS PAS GNAD SGO TZAM SMRAS KYANG MA SPROS SO, ,BZHI PA DMIGS RNAMS NI, RTZA BAR, RNAM SHES MTHA' YAS MKHA' MTHA' YAS, ,CI YANG MED CES BYED LTAR, ,SBYOR PHYIR DMAN PHYIR 'DU SHES MED, ,'DU SHES MED PA'ANG MA YIN PA'O, ,ZHES BYUNG, NAM MKHA' MTHA' YAS LA SOGS PA DE DAG NAM MKHA' LA SOGS PA KHO NA LA DMIGS PAS DE SKAD BRJOD DAM ZHE NA DE MIN TE, SBYOR BA'I DUS SU NAM MKHA' MTHA' YAS SO SNYAM PA DANG, RNAM SHES MTHA' YAS SO SNYAM PA DANG, CI YANG MED DO ZHES BYA BAR DE LTAR YID LA BYED CING DE DAG LA RAB TU SBYOR BAS NAM MKHA' MTHA' YAS SOGS RIM BZHIN DU BRJOD LA

013b

DE DAG GI NGO BO YIN PA'I PHYIR, RTZA BAR, RNAM SHES, NAS, SBYOR PHYIR ZHES SO, ,'DI GSUM ZUR DU BSHAD PA RNAM SHES LA SOGS PA GSUM GYI RNAM CAN KHO NA'I MA KHYAB CING 'DAS LAM YOD PAR BSHAD PA'I CHED DO, ,'DU SHES MED MIN SKYE MCHED KYI SGRA DANG DON YOD DO, ,SBYOR BA'I DUS SU 'DU SHES NI NAD DO, ,'DU SHES NI 'BRAS SO, ,'DU SHES NI ZUG RNGU'O, ,'DU SHES MED PA PA NI RMONGS PA'O, ,DES NA 'DU SHES MED MIN SKYE MCHED 'DI NI ZHI BGYA NON PA'O, ,ZHES YID LA BYED PA'I DNGOS GZHI'I DUS SU 'DU SHES MED MIN GYI SNYOMS 'JUG GRUB PA'I PHYIR TE, DE YANG 'DU SHES RAGS PA MED LA PHRA BA MED PA MIN PAS 'DU SHES MED MIN SKYE MCHED ZHES BRJOD PA'I PHYIR; RTZA BAR, DMAN PHYIR 'DU SHES MED, ,'DU SHES MED PA'ANG MA YIN NO ZHES SO, ,GNYIS PA THUN MONG DU BSHAD PA NI, ,DE LTAR SNYOMS 'JUG DNGOS GZHI'I RDZAS, ,RNAM PA BRGYAD BDUN RNAM PA GSUM, ,RO MYANGS LDAN DANG DAG PA BA, ,ZAG MED BRGYAD PA RNAM PA GNYIS, ,RO MYANGS MTSUNGS LDAN SRED BCAS SO, ,'JIG RTEN PA YI DGE PA NI, ,DAG PA DE NI DES MYANG BYA, ,ZAG MED 'JIG RTEN 'DAS PA'O, ,ZHES BYUNG, DE LTAR SNYOMS 'JUG DNGOS GZHI'I RDZAS RNAM PA BRGYAD YOD DE, BSAM GTAN GYI DNGOS GZHI'I BZHI DANG GZUGS MED KYI DNGOS GZHI BZHI YOD PA'I PHYIR, RTZA BAR, DE LTAR SNYOMS 'JUG DNGOS GZHI'I RDZAS, ,RNAM PA BRGYAD

014a

, ,CES SO, ,SRID RTZE MA GTOGS PA'I DANG PO BDUN LA RNAM PA GSUM YOD DE, RO MYONG LDAN DANG DAG BA PA DANG, ZAG MED GSUM YOD PA'I PHYIR, RTZA BAR, RO MYONG LDAN DANG DAG PA BA, ,ZAG MED CES GSUNGS PA'I PHYIR, ,BRGYAD PA SRID RTZE NA RO MYANG CAN DANG DAG PA PA GNYIS YOD KYI ZAG MED MED DE, DE 'DU SHES KYI RGYU PA MI GSAL PAS, DMIGS RNAMS SHIN TU GSAL BA'I 'DAS LAM NGO BOR MI RUNG PA'I PHYIR TE, RTZA BAR, BRGYAD PA RNAM PA GNYIS ZHES GSUNGS PA'I PHYIR TE, DE YANG MNGON PA GONG 'OG KUN DE LTAR BSHAD LA, RANG RGYUD PA SOGS THEG DMAN LA DE LTAR YIN KYANG BYANG SEMS THABS MKHAS PAS DMIGS RNAM MI GSAL YANG RUNG BAR 'DOD PA'I PHYIR, DANG PO GRUB STE, KUN BTUS LAS, 'DU SHES MED MIN SKYE MCHED NI 'DU SHES KYI RGYU BA YONGS SU MI GSAL PA'I PHYIR 'JIG RTEN PA NYID DE, DE'I PHYIR MTSAN MA MED PA ZHES BYA'O, ,BCOM LDAN 'DAS KYI JI SKAD DU, CI TZAM DU 'DU SHES KYI SNYOMS PAR 'JUG PA DE TZAM DU KUN TU SHES PA RTOGS SO, ,ZHES GSUNGS PA'I PHYIR, GNYIS PA GRUB STE, 'GREL CHEN LAS SO, ,BSAM GTAN GYI DNGOS GZHI'I SNYOMS 'JUG NYON MONGS CAN GYI NGO BO YOD DE, BSAM GTAN GYI DNGOS GZHI'I SNYOMS 'JUG DAG PA BA'I RDZAS RO MYANG GI SRED PA SOGS GANG RUNG DANG BCAS PA DE DE YIN PA'I PHYIR, RTZA BAR, RO MYANG MTSUNGS LDAN SRED BCAS SO, ,ZHES

014b

GSUNGS, DES RO MYONG BYA YOD DE, SNYOMS 'JUG DAG PA BA DE NI DES MYONG BYA YIN PA'I PHYIR, RTZA BAR, DE NI DES MYONG BYA ZHES SO, ,BSAM GTAN GYI DNGOS GZHI'I SNYOMS 'JUG DAG PA BA'I NGO BO YOD DE, 'JIG RTEN PA'I BSAM GTAN GYI DNGOS GZHI'I DGE BA RTZE GCIG PA DE YIN PA'I PHYIR, RTZA BAR, 'JIG RTEN PA YI DGE BA NI, DAG PA ZHES SO, ,BSAM GTAN GYI DNGOS GZHI ZAG MED KYI NGO BO YOD DE, 'JIG RTEN LAS 'DAS PA'I SNYOMS PAR ZHUGS PA'I BSAM GTAN GYI DNGOS GZHI'I RDZAS DE YIN PA'I PHYIR, RTZA BAR, ZAG MED 'JIG RTEN 'DAS PA'O, ,ZHES SO, ,GSUM PA YAN LAG BYE BRAG TU BSHAD PA LA, DBYE BA BSDU BA NYON MONGS CAN YAN LAG DANG MI LDAN TSUL DANG, ZHAR BYUNG DANG BZHI, DANG PO NI, DANG PO LA LNGA RTOG DPYOD DANG, DGA' DANG BDE DANG TING 'DZIN RNAMS, GNYIS PA LA NI YAN LAG BZHI, RAB DANG DANG NI DGA' LA SOGS, GSUM PA LA LNGA BTANG SNYOMS DANG, DRAN DANG SHES BZHIN BDE DANG GNAS, MTHA' NA BZHI DRAN BTANG SNYOMS DANG, BDE MIN SDUG MIN TING 'DZIN RNAMS, ZHES BYUNG, BSAM GTAN DANG PO'I DNGOS GZHI LA YAN LAG LNGA DANG LDAN TE, RTOG DPYOD GNYEN PO'I YAN LAG GNYIS DGA' BDE PHAN YON GYI YAN LAG GNYIS, TING NGE 'DZIN GNAS KYI YAN LAG RNAMS DANG LDAN PA'I PHYIR, DANG PO GRUB TE, RTOG DPYOD KYIS 'DOD PA'I SKYON DANG BSAM GTAN GYI YON TAN TSOL PA'I PHYIR, GNYIS PA GRUB

015a

, ,STE; 'DOD NYON SPANGS PA'I PHAN YON DGA' BDE THOB PA'I PHYIR, GSUM PA GRUB STE, DE THAMS CAD KYI RTEN TING NGE 'DZIN YIN PA'I PHYIR, RTZA BAR, DANG PO LA LNGA RTOG DPYOD DANG, ,DGA' DANG BDE DANG TING 'DZIN RNAMS, ZHES SO, ,DES GZHAN RNAMS YAN LAG KHO NA DANG, TING 'DZIN NI BSAM GTAN DANG YAN LAG GNYIS KAR 'DOD DE, YAN LAG BZHI'I DMIGS BZHIN DU YAN LAG LNGA'I BSAM GTAN YANG 'DRA BAR 'DOD PA'I PHYIR, GNYIS PA'I YAN LAG BZHI YOD DE, NANG RAB TU DANG BA GNYEN PO'I DGA' BDE PHAN YON GYI TING 'DZIN GNAS KYI YAN LAG DANG LDAN PA'I PHYIR, DANG PO GRUB STE, NANG RAB TU DANG BAS BSAM GTAN DANG PO'I RTOG DPYOD LA SKYON DU BLTAS NAS SPONG PA'I PHYIR, LHAG MA 'DRA, RTZA BAR, GNYIS PA LA NI YAN LAG BZHI, ,RAB DANG DANG NI DGA' LA SOGS, ZHES SO, ,GSUM PA LA YAN LAG LNGA DANG LDAN TE, BTANG SNYOMS DANG DRAN PA DANG SHES BZHIN GNYEN PO'I BDE BA PHAN YON GYI TING 'DZIN GNAS KYI YAN LAG DANG LDAN PA'I PHYIR, DANG PO GRUB STE, 'DU BYED BTANG SNYOMS KYIS GNYIS PA'I DGA' BA LA GTOD PA MED CING, DRAN PAS BTANG SNYOMS KYIS RGYU MTSAN MI BRJED PA DANG, SHES BZHIN RJES SU SRUNG BAS DGA' BA SPONGS PA'I PHYIR, GNYIS PA SLA, GSUM PA GRUB STE, GNAS PA TING NGE 'DZIN GYI RNAM GRANGS YIN PA'I PHYIR, MDO LAS, YANG DAG PA'I TING NGE 'DZIN GANG ZHE NA, GANG SEMS GNAS

015b

PA DANG YANG DAG PAR GNAS PA'O, ,ZHES GSUNGS PA'I PHYIR, MTHA' BSAM GTAN BZHI PA NI, YAN LAG BZHI DANG LDAN TE, DRAN PA DANG BTANG SNYOMS DAG PA GNYIS GNYEN PO'I DANG, BDE MIN SDUG MIN GYI TSOR BA PHAN YON DANG, TING 'DZIN GNAS KYI YAN LAG RNAMS DANG LDAN PA'I PHYIR, DANG PO YIN TE, DE GNYIS KYIS BSAM GTAN GYI BDE BA SPONG PA'I PHYIR, BSAM GTAN DANG PO SOGS KYI RTOG DPYOD SOGS BCO BRGYAD CHOS CAN, YAN LAG ZHES BRJOD PA'I SGRA DON DU MA YOD DE, MTSON PAR BYED PAS NA YAN LAG GAM RJES SU MTHUN PAS NA YAN LAG GAM TSOGS PAS NA YAN LAG ZHES BRJOD PA'I PHYIR, DANG PO YOD DE, YAN LAG GIS BSAM GTAN BZHI SO SOR GSAL BAR BYED PA'I PHYIR, GANG SPEL LAS, YAN LAG ZHES BYA PA'I DON CI, ZHES PA NAS, GSAL BAR BYED PA'I YAN LAG STE, MTSON PAR BYED, MNGON PAR BYED, CES SO, ,GNYIS PA YIN TE, RANG GI SA DANG RJES SU MTHUN PA'I PHYIR, GANG SPEL LAS, DE DAG KYANG RANG GI SA DANG RJES SU MTHUN PAS NA YAN LAG GO ZHES SO, ,GSUM PA'ANG YIN TE, YAN LAG GI SGRA NI YAN LAG PHAN TSUN TSOGS PAS NA YAN LAG TU 'JOG PA'I PHYIR, DPER NA MCHOD SBYIN GYI YAN LAG BZHIN, GANG SPEL LAS, 'DI DAG PHAN TSUN TSOGS PA YIN PAS NA YAN LAG YIN NO ZHES SO, ,GNYIS PA NI RDZAS SU BCU GCIG ,CES BYUNG, BSAM GTAN GYI YAN LAG MING GI SGOS BCO BRGYAD YOD KYANG RDZAS SU BCU GCIG YIN TE, DANG PO NA YOD

016a

, ,PA LNGA DANG, GNYIS PA'I NANG RAB TU DANG BA DANG, GSUM PA'I BTANG SNYOMS DRAN SHES BZHIN BDE BA BZHI DANG BZHI PA'I BTANG SNYOMS SU YOD PA'I PHYIR, DER THAL, DES NA DANG PO NA YOD PA'I YAN LAG DE DAG GNYIS PA NA YANG YOD PA SOGS MU BZHI YOD PA'I PHYIR DANG, RTOG DPYOD GNYIS DANG PO KHO NA NA YOD, NANG RAB TU DANG BA DANG POR MED LA GNYIS PAR YOD, DGA' BDE GNYIS GNYIS KAR YOD, TING NGE 'DZIN BSAM GTAN BZHI KA'I SNYOMS 'JUG LA YOD PA'I PHYIR, RANG 'GREL LAS, YAN LAG GANG DAG BSAM GTAN DANG PO NA YOD PA DE DAG GNYIS PA NA YANG YOD, NAS, YAN LAG THAMS CAD PHAN TSUN DU SBYAR PAR BYA'O ZHES GSUNGS PA'I PHYIR, DE LA KHO NA RE; BSAM GTAN GSUM PA'I BDE BA DANG PO GNYIS NI BDE BA LAS RDZAS GZHAN JI LTAR YIN ZHE NA, BYE SMRA NA RE, DE RDZAS GZHAN YIN TE BSAM GTAN DANG PO GNYIS NA SHIN TU SBYANGS PA BDE BA YIN GYI TSOR BA BDE BA MI RUNG BA'I PHYIR TE, DBANG TSOR MI RUNG LA YID TSOR BYAS NA DGA' BA DANG THA DAD NA RDZAS MTSUNGS NYAMS SHING RNAM GRANGS YIN NA YAN LAG GI GRANGS DANG MI MTHUN PA'I PHYIR, RTZA BAR, DANG PO NA, SHIN TU SBYANGS PA BDE BA YIN, ZHES GSUNGS PA'I PHYIR, BAR 'DIR BRTZOD TSUL GZHAN BSAM GZUGS KYI MTHA' DPYOD DU BSHAD ZIN PAS MA SPROS SO, ,MNGON PA GONG MAR YID TSOR SEMS PA DGA' BDE GNYIS KAR 'DOD KYANG 'DIR GRUB MTHA' MI GCIG GO ,

016b

BSAM GTAN GNYIS PA'I YAN LAG NANG RAB TU DANG BA YOD DE, BSAM GTAN GNYIS PA LA YID CHES PA'I DAD PA DE YIN PA'I PHYIR, RTZA BAR, RAB TU DANG BA DAD PA YIN, ZHES SO, ,SDE PA KHA CIG BSAM GTAN GSUM PA'I BDE BA YID BDE YIN LA DGA' BA YID BDE LAS TSOR BA GZHAN YIN ZER BA MI 'THAD DE, BCOM LDAN 'DAS KYI RNAM PAR BSGYUR BA'I MDO DANG BSAM GTAN GYI YAN LAG STON PA'I MDO SDE LUNG RNAM PA GNYIS DANG 'GAL BA'I PHYIR TO, RNAM PAR BSGYUR BA'I MDO LAS, BSAM GTAN GSUM PA BKA' STZAL NAS 'DIR 'DI'I YID BDE'I DBANG PO SKYES PA MA LUS PAR 'GAG PAR 'GYUR RO ZHES BKA' STZAL LA, BSAM GTAN BZHI PA LA NI BDE BA'I DBANG PO 'GAG PAR 'GYUR RO ZHES GSUNGS PA DANG, BSAM GTAN GYI YAN LAG STON PA'I MDO LAS, BDE BA YANG SPANGS TE, SNGA NAS SDUG BSNGAL YANG SPANGS SHING YID BDE BA DANG YID MI BDE BA YANG NUB BAS ZHES GSUNGS PA'I PHYIR, RTZA BAR, LUNG RNAM GNYIS PHYIR ZHES SO, , DES NA DGA' BA YID BDE YIN TE, LUNG RNAM PA GNYIS PO DE'I PHYIR, RTZA BAR, DGA' YID BDE ZHES SO, ,GSUM PA NI, RTZA BAR, NYON MONGS CAN LA DGA' BDE DANG, ,RAB DANG SHES BZHIN DRAN PA DANG, ,BTANG SNYOMS DRAN PA DAG PA MED, KHA CIG SHIN TU SBYANGS BTANG SNYOMS, ZHES BYUNG, NYON MONGS CAN GYI BSAM GTAN BZHI LA YAN LAG MED TSUL YOD DE, NYON MONGS CAN GYI BSAM GTAN DANG PO LA DGA' BDE MED, NYON MONGS CAN GYI GNYIS PA LA NAD RAB TU DANG PHRA

017a

, ,MED; NYON MONGS CAN GYI GSUM PA LA SHES BZHIN DANG DRAN PA MED, NYON MONGS CAN GYI BZHI PA LA BTANG SNYOMS DANG DRAN PA DAG PA MED PA'I PHYIR, DANG PO GRUB STE, DE NYON MONGS PA SAM DBEN PA'I PHYIR, RTZA BAR, NYON MONGS CAN LA DGA' BDE DANG, ZHES SO, ,NYON MONGS CAN DANG DAG PA MED, CES PA KUN LA SBYAR, GNYIS PA GRUB TE, DE NYON MONGS PAS RNYOGS PAR BYAS PA'I PHYIR, RTZA BAR, RAB DANG ZHES SO, ,GSUM PA GRUB STE; NYON MONGS PA'I SEMS DKRUG PA'I PHYIR, RTZA BAR, SHES BZHIN DRAN PA DANG ZHES SO, ,BZHI PA GRUB STE, NYON MONGS PA'I DRI MA CAN DU BYAS PA'I PHYIR, RTZA BAR, BTANG SNYOMS DRAN PA DAG PA MED, CES SO, ,KHA CIG NA RE, NYON MONGS CAN GYI BSAM GTAN DANG PO GNYIS NA SHIN TU SBYANGS PA MED LA, NYON MONGS CAN GYI GONG MA GNYIS NA BTANG SNYOMS MED DE, DE GNYIS DGE BA'I SA MANG BO BA YIN PA'I PHYIR, RTZA BAR, KHA CIG SHIN TU SBYANGS BTANG SNYOMS, ZHES SO, ,BZHI PA ZHAR BYUNG LA, BSAM GTAN BZHI PA MI G-YO BA'I RGYU MTSAN DANG, 'BRAS BU SKYE BAS THOB PA'I BSAM GTAN LA TSOR BA'I LDAN TSUL, BSAM GTAN GNYIS PAR 'OG MA'I SEMS MNGON DU BYED TSUL GSUM, DANG PO NI, RTZA BAR, SKYON BRGYAD LAS NI GROL BA'I PHYIR, ,BZHI PA G-YO BA MED PA YIN, ,RTOG DANG DPYOD DANG DBUGS DAG DANG, ,BDE BA LA SOGS BZHI YIN NO, ,ZHES GSUNGS, BSAM GTAN BZHI BA'I DNGOS GZHI'I SNYOMS 'JUG G-YO BA MED PA YIN TE, BSAM GTAN G-YO BYED KYI SKYON BRGYAD LAS GROL BA'I PHYIR, SKYON BRGYAD DANG DE'I MI G-YO BA'I TSUL YOD DE, BSAM GTAN

017b

DANG POR RTOG DPYOD KYI DBUGS 'BYUNG RNGUB BYED PAS SEMS RAB TU G-YO LA BZHI BAR DE MED PAS DES MI G-YO, ,GNYIS PAR DES MI DKRUGS KYANG DGA' BA DES SEMS YA YA BO DANG MTHUN PAR G-YO ZHING, BZHI BAR DE MED PAS DE DAG GI MI G-YO BA DANG; GSUM PAR BDE BAS SEMS MA ZHI BA DANG CHA MTHUN G-YO BA DANG, BZHI PAR DE YANG MED PAS SKYON BRGYAD KYIS DE MI G-YO BA'I PHYIR, RTZA BAR, RTOG DANG DPYOD DANG DBUGS DAG DANG, BDE BA LA SOGS BZHI YIN NO ZHES DANG, RANG 'GREL LAS; RTOG PA DANG DPYOD PA DANG BDE BA DANG SDUG BSNGAL DANG, YID BDE BA DANG, YID MI BDE BA DANG, DBUGS RNGUB PA DANG, DBUGS 'BYUNG BA STE, BSAM GTAN BZHI PA NA SKYON BRGYAD PO DE DAG GCIG KYANG MED PAS ZHES GSUNGS PA'I PHYIR DANG; GANG SPEL LAS, JI LTAR BSAM GTAN SNGA MA GSUM PO RTOG PA LA SOGS PA DAG GIS G-YO BA STE, BSAM GTAN DANG PO RTOG PA DANG DPYOD PA DAG GIS G-YO LA, GNYIS PA DGA' BAS G-YO ZHING, GSUM PA BDE BA'I G-YO BA DE LTAR BSAM GTAN BZHI PA NI, DE DAG GIS MI G-YO STE, DPER NA MAR ME RLUNG GI MI G-YO BA DE DANG 'DRA'O, ,ZHES GSUNGS PA'I PHYIR, DES NA GONG MAR BSAM GTAN DANG PO DANG, GNYIS PAR TING NGE 'DZIN RDZOGS MA RDZOGS DANG, GNYIS PA DANG GSUM PAR DGA' BDE RDZOGS MA RDZOGS DANG, GSUM PA DANG BZHI PAR YONGS SU DAG PA RDZOGS MA RDZOGS KYI KHYAD PAR YANG SHES DGOS STE, 'DIR YANG GNYEN PO'I YAN LAG PHAN 'DOGS KYI YAN LAG TING NGE 'DZIN GYI YAN LAG BSHAD

018a

, ,BA'I PHYIR RO, ,GNYIS PA NI, SKYE BA'I BSAM GTAN DAG NA NI, YID BDE BDE DANG BTANG SNYOMS DANG, BTANG SNYOMS YID BDE BDE BA DANG, BTANG SNYOMS BTANG SNYOMS TSOR BA YOD, CES BYUNG, RGYU SNYOMS 'JUG GI TSOR BA LTAR 'BRAS BU SKYE BA'I BSAM GTAN LA'ANG YIN NA MA ZHE NA MA YIN TE, 'BRAS BU SKYE BA'I BSAM GTAN DANG PO NA TSOR BA GSUM YOD DE, SNA LCE'I RNAM SHES MA GTOGS PAS MIG RNA LUS KYI RNAM SHES TSOGS GSUM GYI BDE BA DANG, YID KYIS BA'I YID BDE BA DANG, RNAM SHES TSOGS BZHI'I BTANG SNYOMS DAG YOD PA'I PHYIR, RTZA BAR, SKYE BA'I BSAM GTAN DAG NA NI, YID BDE BDE DANG BTANG SNYOMS DANG, ZHES SO, ,'BRAS BU SKYE BA'I DE GNYIS BA NA TSOR BA GNYIS YOD DE, YID KYIS BA'I YID BDE DANG BTANG SNYOMS GNYIS YOD KYI RNAM SHES TSOGS LNGA RTOG DPYOD DANG BCAS PA RANG GI SAS BSDUS KYI RTOG DPYOD MED BAS BDE BA YANG MED PA'I PHYIR, RTZA BAR, BTANG SNYOMS YID BDE ZHES DANG, RANG 'GREL LAS, RNAM PAR SHES PA'I TSOGS GZHAN MED PA'I PHYIR, BDE BA NI MED DO ZHES DANG, GANG SPEL LAS, MIG LA SOGS PA'I RNAM PAR SHES PA MED PA'I PHYIR, ZHES GSUNGS PA'I PHYIR, 'BRAS BU SKYE BA'I BSAM GTAN GSUM PAR YID KYI TSOR BA GNYIS YOD DE, YID KYIS BA'I TSOR BA BDE BA DANG, BTANG SNYOMS YOD LA SAS BSDUS KYI RNAM SHES GZHAN MED PA'I PHYIR, RTZA BAR, BDE BA DANG BTANG SNYOMS ZHES GSUNGS PA'I PHYIR, 'BRAS

018b

BU SKYE BA'I BSAM GTAN BZHI BAR YID TSOR BTANG SNYOMS KHO NA YOD DE, SAS BSDUS KYI TSOR BA GZHAN DANG RNAM SHES GZHAN MED PA'I PHYIR, RTZA BAR, BTANG SNYOMS TSOR BA YOD CES GSUNGS PA'I PHYIR, GSUM PA NI, GNYIS PA SOGS NA LUS MIG DANG, RNA BA'I RNAM SHES RNAM RIG SLONG, GANG YIN DE NI DANG POR GTOGS, DE LUNG MA BSTAN NYON MONGS MIN, ZHES BYUNG, 'BRAS BU SKYE BA'I BSAM GTAN GNYIS PA SOGS KYI RNAM SHES TSOGS GSUM YANG MED LA, RTOG DPYOD YANG MED NA DE DAG GI GZUGS MTHONG SGRA THOS REG BYA REG LA RNAM PAR RIG BYED KYI KUN SLONG JI LTA BU ZHE NA, 'BRAS BU SKYE BA'I BSAM GTAN GNYIS PA SOGS MIG RNA LUS KYI RNAM SHES MED PA MIN KYANG RANG GIS SA BSDUS MED DE, 'BRAS BU SKYE BA'I BSAM GTAN GNYIS PA DANG SOGS PAS GSUM PA BZHI PA DAG NA LUS SHES DANG MIG SHES RNA BA'I RNAM SHES GSUM DANG DE DAG GI RNAM RIG GI KUN SLONG RTOG DPYOD GANG YIN DE NI BSAM GTAN DANG POR GTOGS PA'I PHYIR, RTZA BAR, GNYIS PA SOGS NA LUS MIG DANG, RNA BA'I RNAM SHES RNAM RIG SLONG, GANG YIN DE NI DANG POR GTOGS, ZHES DANG, RANG 'GREL LAS, DE DAG TU SKYES PA RNAMS LA MIG GI RNAM PAR SHES PA LA SOGS PA MED PA NYID KYANG MA YIN LA, RANG GIS PA YANG MIN NO, ,ZHES GSUNGS PA'I PHYIR, GNYIS PA SOGS KYI SA 'OG MA'I RTOG DPYOD DANG RNAM SHES GSUM MNGON DU BYED PA LUNG MA BSTAN YIN TE, DE DGOS DBANG GIS MNGON DU BYED KYI GUS PAS MI BYED PAS DGE BA MIN, SA

019a

, ,'OG MAR CHAGS BRAL BYAS BAS NYON MONGS CAN YANG MA YIN PA'I PHYIR, DANG PO GRUB STE, DAD GUS MED PAR DGE BA MI 'BYUNG BA'I PHYIR DANG, 'OG MA'I DGE BA'I RNAM SMIN DMAN PA'I PHYIR DANG, RTZA BAR, DE LUNG MA BSTAN ZHES DANG, RGYAL SRAS MA LAS, DGOS PA'I PHYIR DE DAG BSAM GTAN DANG PO BA'I SA BA MNGON DU BYED KYI GUS PAS NI MA YIN NO, ,NAS, DE DAG NI DE'I RNAM PAR SMIN PA DON DU GNYER BA MIN PAS DGE BA'I SEMS MNGON DU BYA BA LA 'BAD PA MI BYED DO, ,ZHES GSUNGS PA'I PHYIR, SEMS 'OG MA LUNG MA BSTAN BYED PA KUN 'DRA'O, ,GNYIS PA GRUB STE, RTZA BAR, NYON MONGS MIN, ZHES GSUNGS PA'I PHYIR, GNYIS PA DE DAG GI KHYAD CHOS LA 'THOB TSUL THOB ZIN MNGON DU BYED TSUL, DMIGS PA'I KHYAD PAR, SPANGS BYA SPONG TSUL NYER BSDOGS DANG BCAS PA BZHI, DANG PO LA DNGOS DANG SNYOMS 'JUG GANG GI MJUG TU SNYOMS 'JUG TU 'BYUNG LA DPYAD PA, DAG PA BA'I DBYE BA, ZHAR BYUNG THOD RGAL GYI RNAM BZHAG DANG BZHI, DANG PO NI, RTZA BAR, DE DANG MI LDAN 'DOD CHAGS BRAL, SKYE BA LAS NI DAG PA 'THOB, ZAG MED 'DOD CHAGS BRAL BA YI, NYON MONGS CAN RNAMS SKYE BA YI, ZHES BYUNG, SNYOMS 'JUG DAG PA BA DANG ZAG MED DANG NYON MONGS CAN GSUM THOB TSUL YOD DE, DAG PA BA NI SNGAR DAG PA DE DANG MI LDAN NA 'DOD CHAGS BRAL BA'I THOB LA, LDAN PA NI SRID RTZE MA GTOGS PA GONG SA NAS 'OG MAR SKYE BA LAS KYANG 'THOB PA GANG ZHIG ZAG MED

019b

KYANG MI LDAN PA NI 'DOD CHAGS DANG BRAL BA YIS THOB LA, DE DANG LDAN PA NI ZAD SHES DANG, DBANG PO 'PHO BAS KYANG THOB, SNYOMS 'JUG NYON MONGS CAN DE DANG MI LDAN PA KHO NAS 'THOB KYI LDAN KYANG THOB PA MED PA'I PHYIR, DANG PO GRUB STE; MI LDAN PA LAS 'OG MA LAS CHAGS BRAL GYIS SRID RTZE'I BAR GYI NGES 'BYED CHA MTHUN 'DUN THOB, DE DANG MI LDAN PA GONG NAS 'OG MAR SKYE BAS KYANG 'THOB, LDAN PA SBYOR BA DANG NYAMS KYANG DAG PA THOB PA'I PHYIR, DANG PO GRUB STE, RTZA BAR; DE DANG MI LDAN 'DOD CHAGS BRAL, ZHES DANG, RGYAL SRAS MA LAS, DE DANG MI LDAN PA NI SA 'OG MA LAS 'DOD CHAGS DANG BRAL BAS BSAM GTAN NAM GZUGS MED BDAG PA BA 'THOB STE ZHES GSUNGS PA'I PHYIR, GNYIS PA GRUB STE, RTZA BAR, SKYE BA LAS NI DAG PA 'THOB, ZHES DANG, RGYAL SRAS MA LAS, SA 'OG MAR SKYE BA LAS ZHES BYA BA NI GONG NAS SA 'OG MAR SKYE BA NA DE 'THOB PO ZHES GSUNGS PA'I PHYIR, GSUM PA GRUB STE, LDAN PA SBYOR BAS NGES 'BYED CHA MTHUN DANG NYAMS KYANG NYAMS PA CHA MTHUN THOB PA'I PHYIR TE, DE GNYIS NI CHAGS BRAL GYIS THOB PA'ANG MIN LA SKYE BAS KYANG MA YIN PA'I PHYIR TE, CHAGS BRAL GSAR BA MA THOB CING SKYE BA DE YIN PA'I PHYIR, RANG 'GREL LAS, CI'I PHYIR DE DANG MI LDAN PA ZHES BRJOD ZHE NA, DGA' BA DANG LDAN PA NI SBYOR BA LAS KYANG ZHES DANG, GANG SPEL LAS, DE DANG MI LDAN PA CI'I PHYIR BRJOD 'DOD CHAGS DANG BRAL SKYE BA LAS NI ZHES BYA BA 'DI TZAM GYIS CES CHOG CES SOGS GSUNGS PA'I PHYIR, DE LTAR

020a

, ,DGOS PA'I DOGS PA TZAM YANG KUN LA MI SNANG YANG DPYAD PA'I ZUR GCIG BSTAN TO, ,RTZA RTAGS GNYIS PA ZAG MED LDAN MI LDAN GYI 'THOB TSUL DE YANG 'THAD DE, DE DANG MI LDAN PAS CHAGS BRAL GYI BSAM GTAN ZAG MED THOB PA GANG ZHIG, LDAN PA ZAD MI SKYE SHES PAS MI SLOB PA THOB, DBANG PO 'PHO PA'I MTHONG LAM DU SLOB PA MTHONG THOB PA THOB CING, MI SLOB LAM DU MI SLOB PA MI G-YO BA'I RTOGS PA GNYIS THOB PA'I PHYIR, DANG PO GRUB STE; RTZA BAR, ZAG MED 'DOD CHAGS BRAL BA YIS, ZHES DANG, RANG 'GREL LAS, DE DANG MI LDAN PA LAS 'THOB CES BYA BAR SBYAR, ZHES GSUNGS PA'I PHYIR DANG, GANG SPEL LAS, ZAG PA MED PA NI BSAM GTAN NA MA GZUGS MED PA LAS 'DOD CHAGS DANG BRAL BAS TE DE DANG MI LDAN PA LAS 'THOB BO ZHES GSUNGS PA'I PHYIR, GNYIS PA GRUB STE, RANG 'GREL LAS, DE DANG LDAN PA NI ZAD PA SHES PA LAS KYANG MI SLOB PA 'THOB LA ZHES GSUNGS PA'I PHYIR, GSUM PA GRUB STE, RANG 'GREL LAS KYANG, DBANG PO 'PHO BA LAS KYANG SLOB PA DANG MI SLOB PA 'THOB PO ZHES GSUNGS PA'I PHYIR DANG, GANG SPEL LAS, DBANG PO 'PHO PA LAS DAD PAS MOS PA ZAG PA MED PA DANG LDAN PA KHO NA MTHONG BAS THOB BAR GYUR NAS, SLOB PA 'THOB BO, ,DE BZHIN DU DUS KYIS RNAM PAR GROL PA YANG MI G-YO BA RTOGS PA NI MI SLOB PA 'THOB PO ZHES GSUNGS PA'I PHYIR, RTZA RTAGS GSUM PA YANG GRUB STE, NYON MONGS CAN BSAM GTAN DE DANG MI LDAN

020b

BA KHO NAS THOB LA DE YANG NYAMS PAS THOB PA DANG GONG SA NAS, 'OG MAR SKYE BA NAS DE'I SKYE BAS THOB PA GNYIS YOD PA'I PHYIR, RTZA BAR, NYON MONGS CAN NYAMS SKYE BA YIS, ZHES DANG, RANG 'GREL LAS, DE DANG MI LDAN PA LAS 'THOB CIS BYA BA KHO NAR SBYAR TE ZHES GSUNGS PA'I PHYIR, GNYIS PA NI, ZAG PA MED PA'I MJUG THOGS SU, BA LTAG 'OG GSUM PA'I BAR DGE BA, ,SKYE 'O DAG PA LAS DE BZHIN, ,RANG GI SA PA'I NYON MONGS KYANG, ,NYON MONGS CAN LAS RANG DAG DANG, ,NYON MONGS SA 'OG MA'I DAG GCIG KYANG, ,SHI 'PHO DAG LAS NYON MONGS KUN, NYON MONGS CAN LAS GONG MA MIN, ZHES BYUNG, SNYOMS 'JUG GI RDZAS GANG GI MJUG THOGS SU SNYOMS 'JUG DU ZHIG SKYE TSUL YOD DE; ;ZAG MED KYI BSAM GTAN DANG PO'I MJUG TU RANG GIS PA DANG GNYIS PA DANG GSUM PA'I DAG PA RE DANG ZAG MED RE STE DRUG SKYE, CI YANG MED PA'I SKYE MCHED KYI MJUG THOGS SU RANG SA DANG RNAM SHES MTHA' YAS DANG, NAM MKHA' MTHA' YAS KYI DAG PA DANG ZAG MED GNYIS DANG SRID RTZE'I DAG PA GCIG DANG BDUN SKYE, BSAM GTAN GNYIS PA'I ZAG MED MJUG THOGS SU RANG SA GSUM PA BZHI PA DANG PO'I DAG PA PA DANG ZAG MED GNYIS GNYIS TE BRGYAD SKYE, DE BZHIN DU RNAM SHES MTHA' YAS ZAG MED KYI MJUG TU DGU DANG BSAM GTAN DANG GZUGS MED GZHAN GYI MJUG THOGS SU BCU SKYE BA SOGS SBYOR PA'I PHYIR, DANG PO GRUB STE, DE'I 'OG SA MED PAS RANG SA DANG GONG SA'I GSUM PA'I BAR GYI DE DRUG TU NGES

021a

, ,PA'I PHYIR, RTZA BAR, ZAG PA MED PA'I MJUG THOGS SU, ,LTAG 'OG GSUM PA'I BAR DGE PA SKYE'O ZHES GSUNGS PA'I PHYIR, RANG 'GREL LAS, DGE BA SMOS PAS NI DAG PA BA DANG, ZAG PA MED PA GZUNG STE ZHES GSUNGS PA'I PHYIR, DES NA ZAG MED KYI DGE PA'I LAS DANG DKAR PO'I LAS MA SHES NA 'DI DAG DU MAR 'GAL LO, ,'DI'I RIGS PAS SRID RTZE'I MJUG TU LNGAR SHES PAR BYA'O, ,GNYIS PA GRUB STE, CI YANG MED PA'I SKYE MCHED KYI GONG SA SRID RTZE'I LAS MED CING, DE LA ZAG MED MED CING 'OG SA GSUM PA'I BAR GYI DRUG DANG SRID RTZE'I DAG PA GCIG DANG BDUN DU NGES PA'I PHYIR, RTZA BAR, 'OG GSUM PA'I BAR DGE BA, SKYE 'O ZHES DANG RANG 'GREL LAS, CI YANG MED PA'I SKYE MCHED KYI MJUG THOGS SU BDUN TE ZHES GSUNGS PA'I PHYIR, GSUM PA GRUB STE, DE'I RIGS PAS BSAM GTAN GNYIS PA'I BRGYAD KYANG GRUB PA'I PHYIR, RTZA BAR, LTAG 'OG SOGS DANG, RANG 'GREL LAS, BSAM GTAN GNYIS PA'I MJUG THOGS SU BRGYAD DE, ZHES GSUNGS PA'I PHYIR, BZHI BA GRUB STE, RTZA BAR, LTAG 'OG GSUM PA'I ZHES DANG, RANG 'GREL LAS, RNAM SHES MTHA' YAS SKYE MCHED KYI MJUG THOGS SU DGU STE, ZHES GSUNGS PA'I PHYIR DANG, SRID RTZE'I DAG PA GCIG LAS MED PAS SO, ,LNGA BA GRUB STE, RANG RANG GI GONG DANG 'OG GIS GNYIS KYI BZHI BZHI DANG RANG SA'I GNYIS DANG BCU YANG YOD PA'I PHYIR, RTZA BAR, ZAG PA MED PA'I MJUG THOGS SU, ,LTA

021b

'OG GSUM PA'I BAR DGE BA, ,SKYE'O ZHES DANG, RANG 'GREL LAS, DE BZHIN DU BSAM GTAN DANG GZUGS MED PA GZHAN GYI MJUG THOGS SU YANG RDZAS BCU SBYAR BAR BYA'O ZHES GSUNGS PA'I PHYIR, 'DI NYAN THOS KYI GSUM PHAN CHAD BRGAL MI THUNG PA'I DBANG DU BYAS LA THEG CHEN SKABS SU BSAM GTAN DANG PO'I MJUG TU RANG SA NAS SRID RTZE'I DAG PA BRGYAD DANG ZAG MED BRGYAD DANG SNYOMS 'JUG BCU DRUG DANG DE BZHIN DU SNYOMS 'JUG BRGYAD KA'I MJUG TU SNYOMS 'JUG BCU DRUG DANG, 'GOGS SNYOMS BYAS BCU BDUN YANG SHES PAR BYA'O, ,SO SO'I BZHED DON DPYIS PHYIN PAR GO DGOS SO, ,BSAM GTAN SNYOMS 'JUG DAG SA BA'I MJUG TU SNYOMS 'JUG RDZAS DU SKYE TSUL YOD DE, DAG PA LAS RANG GIS PA'I NYON MONGS CAN SKYE BA YOD CING ZAG MED LA SKYE BA MED LA GZHAN GRANGS LHAG MA ZAG MED DE BZHIN YIN PA'I PHYIR, RTZA BAR, DAG PA LAS DE BZHIN, RANG GI SA PA'I NYON MONGS KYANG, ZHES SO, ,NYON MONGS CAN GYI MJUG THOGS SU RDZAS DU SKYE TSUL YOD DE, SNYOMS 'JUG NYON MONGS CAN LAS RANG SA'I DAG PA DANG NYON MONGS CAN DANG 'OG SA'I DAG PA GCIG KYANG SKYE BA YOD PA'I PHYIR, RTZA BAR, NYON MONGS CAN LAS RANG DAG DANG, ,NYON MONGS 'OG MA'I DAG GCIG KYANG, ZHES SO, ,'TSE 'PHO BA'I SKYES THOB KYI BSAM GTAN DAG PA BA'I MJUG THOGS SU RANG SA DANG 'OG SA DANG GONG SA'I NYON MONGS KUN SKYE BA YOD DE, DAG PA BA'I 'CHI SEMS BYAS PA LAS RANG SA DANG 'OG SA DANG GONG SAR SKYE BA YOD PA'I PHYIR,

022a

, ,RTZA BAR, 'CHI 'PHO DAG LAS NYON MONGS KUN, ZHES SO, ,SNYOMS 'JUG NYON MONGS CAN GYI 'CHI SEMS BYAS PAS RANG SA DANG 'OG SAR SKYE YI GONG SAR MI SKYE STE, 'OG MA'I NYON MONGS DANG BCAS BZHIN DU GONG MAR MI SKYE BA'I PHYIR, RTZA BAR, NYON MONGS CAN LA GONG MA MIN, ZHES BYUNG, GSUM PA DAG PA BA'I DBYE BA NI, DAG PA NYAMS PA CHA MTHUN SOGS, ,RNAM BZHI DE NI GO RIM BZHIN, ,NYON MONGS SKYE DANG RANG SA DANG, ,GONG DANG ZAG MED RJES MTHUN PA'O, ,NYAMS CHA MTHUN PHYOGS MJUG THOGS SU, ,GNYIS DANG GSUM DANG GSUM DANG GCIG ,ZHES BYUNG, SNYOMS 'JUG DAG PA CHOS CAN, DBYE NA RNAM PA BZHI YOD DE, NYAMS PA CHA MTHUN SOGS SGRAS GNAS PA CHA MTHUN DANG KHYAD PAR CHA MTHUN DANG NGES 'BYED CHA MTHUN RNAMS SU YOD PA'I PHYIR, RTZA BAR, DAG PA NYAMS PA CHA MTHUN SOGS, ,RNAM BZHI ZHES SO, ,DE BZHI'I NGO BO SO SOR YOD DE, RANG GI MJUG GAM DE MA THAG TU RANG SA'I NYON MONGS SKYE PA DANG RJES SU MTHUN PA DE DANG PO DANG, RANG GI DE MA THAG TU RANG SA'I DAG PA SKYE BA DANG RJES SU MTHUN PA DE GNYIS PA DANG RANG GI DE MA THAG TU GONG SA'I DAG PA SKYE BA DANG, RJES SU MTHUN PA DE GSUM PA DANG, ,RANG GI DE MA THAG TU ZAG MED SKYE BA DANG RJES SU MTHUN PA'I SNYOMS 'JUG DGE BA DE, SNYOMS 'JUG DAG PA NGES 'BYED CHA MTHUN GYI MTSAN NYID DU 'JOG PA'I PHYIR, RTZA BAR, DE NI GO RIM BZHIN, ,NYON MONGS

022b

SKYE DANG RANG SA DANG, GONG DANG ZAG MED RJES MTHUN PA, ZHES SO, ,DE DAG GI MJUG THOGS SU DE BZHIN DU 'BYUNG BA YOD DE, DANG PO'I DER NYAMS GNAS GNYIS DANG, GNYIS PA'I DER NGES 'BYED CHA MTHUN MA GTOGS PA'I GSUM DANG, GSUM PA'I DER NYAMS PA CHA MTHUN MA GTOGS GSUM DANG, BZHI PA'I DER THA MA GCIG BU SKYE PA'I PHYIR, RTZA BAR, NYAMS CHA MTHUN PHYOGS MJUG THOGS SU, ,GNYIS DANG GSUM DANG GSUM DANG GCIG ,CES SO, ,BZHI PA ZHAR BYUNG THOD RGAL NI; RTZA BAR, SA BRGYAD RNAM PA GNYIS 'BREL DANG, ,GCIG RGAL SONG ZHING 'ONGS NAS NI, ,RIS MI MTHUN PA GSUM PAR 'GRO, ,THOD RGAL GYI NI SNYOMS 'JUG YIN, ZHES BYUNG, 'DIR THOD RGAL GYI SNYOMS 'JUG LA SBYOR BA, DNGOS GZHI SGRA BSHAD, RTEN BZHI, DANG PO LA RING SBYOR NYE SBYOR GNYIS LAS, RING SBYOR YOD DE BSAM GTAN GZUGS MED KYI SNYOMS 'JUG GI SA BRGYAD LA ZAG BCAS ZAG MED RNAM PA GNYIS KYI SGOS 'BREL BA STE GO RIM MA MA LUGS MTHUN DU YAR ZAG BCAS BRGYAD LA SONG ZHING LUGS MI MTHUN DU MAR ZAG BCAS BRGYAD LA 'ONG BA'I ZAG BCAS RING SBYOR DANG, DE BZHIN DU YANG ZAG MED SRID RTZE MA GTOGS PA'I SA BDUN LA LUGS MTHUN YAR SONG DANG LUGS MI MTHUN MAR 'ONG LA ZAG MED RING SBYOR YIN PA'I PHYIR RTZA BAR, SA BRGYAD RNAM GNYIS 'BREL BA DANG, ZHES DANG, RANG 'GREL LAS, ZAG PA DANG BCAS PA'I SA BRGYAD DANG ZAG PA MED PA'I SA BDUN LUGS DANG MTHUN PA DANG LUGS DANG MI MTHUN PAR SNYOMS PAR 'JUG PA'I SGOS BYANG BAR

023a

, ,BYAS NAS, ZHES GSUNGS PA'I PHYIR, NYE SBYOR YOD DE, RING SBYOR LA BYAD BA'I RJES SU BSAM GTAN DANG PO ZAG BCAS LA SNYOMS PAR ZHUGS NAS BSAM GTAN GNYIS PA GCIG BU RGAL BA STE BOR NAS ZAG BCAS KYI BSAM GTAN GSUM PAR 'JUG ,DE NAS BSAM GTAN BZHI PA GCIG BU RGAL BA 'AM BOR NAS ZAG BCAS KYI NAM MKHA' MTHA' YAS LA 'JUG ,DE NAS RNAM SHES MTHA' YAS GCIG BU RGAL NAS ZAG BCAS KYI CI YANG MED LA 'JUG CING DE BZHIN DU LUGS MI MTHUN PAR 'JUG PA ZAG BCAS NYE SBYOR DANG, ZAG MED KYI BSAM GTAN DANG PO NAS GCIG RGAL TE ZAG MED BSAM GTAN GSUM PA DE NAS GCIG RGAL TE ZAG MED NAM MKHA' MTHA' YAS KYI TING NGE 'DZIN DANG, DE NAS GCIG RGAL TE ZAG MED CI YANG MED PA'I TING NGE 'DZIN LA 'JUG CING LUGS MI MTHUN PAR YANG DE LTAR 'JUG PA ZAG MED NYE SBYOR YIN PA'I PHYIR, RTZA BAR, GCIG RGAL SONG ZHING 'ONG NAS NI, ZHES DANG RANG 'GREL LAS, PHYIS ZAG PA DANG BCAS PA'I BSAM GTAN DANG PO NAS ZAG PA DANG BCAS PA GSUM PA SNYOMS PAR 'JUG CING, ZHES PA NAS, ZAG PA MED PA RNAMS KYANG RE RE RGAL ZHING, LUGS DANG MTHUN PA DANG LUGS DANG MI MTHUN PAR SNYOMS PAR 'JUG PA NI THOD RGAL DU SNYOMS PAR 'JUG PA'I SBYOR BA YIN NO ZHES GSUNGS PA'I PHYIR, DNGOS GZHI'I SNYOMS 'JUG YOD DE, NYE RING GI SBYOR BA GNYIS KYI RJES SU ZAG BCAS BSAM GTAN DANG PO NAS ZAG

023b

BCAS DANG RIS MI MTHUN PA'I ZAG MED BSAM GTAN GSUM PA LA 'JUG ,DE NAS ZAG MED DANG RIS MI MTHUN PA'I ZAG BCAS NAM MKHA' MTHA' YAS LA DE NAS ZAG BCAS DANG RIS MI MTHUN PA'I ZAG MED CI YANG MED PA'I SKYE MCHED LA SNYOMS PAR 'JUG CING DE BZHIN DU LUGS MI MTHUN PAR YANG ZAG BCAS ZAG MED RIS MI MTHUN PA GSUM PAR SPEL NAS 'OD BDE'I TSE THOD RGOL GYI TING NGE 'DZIN GRUB PA'I PHYIR, RTZA BAR, RES MI MTHUN PAR GSUM PAR 'GRO ZHES DANG, RANG 'GREL LAS; GANG TSE ZAG PA DANG BCAS PA DANG PO NAS ZAG PA MED PA'I GSUM PA LA ZHES PA NAS, DE'I RIS MI MTHUN PA'I RDZAS GSUM PAR 'GRO BA'I PHYIR MNGON PAR 'GRUB PA YIN NO, ,ZHES GSUNGS PA'I PHYIR, DE DAG CHOS CAN THOD RGAL GYI SNYOMS 'JUG ZHES BRJOD PA'I RGYU MTSAN YOD DE, SNYOMS 'JUG GIS BRGYAD LA RIM PA MTHAR CHAGS SU MA YIN PAR THOD RGAL RE RE RGAL BA'AM BOR NAS SNYOMS PAR 'JUG PA'I TING 'DZIN YIN PA'I PHYIR, RTZA BAR, THOD RGAL GYI NI SNYOMS 'JUG YIN, ZHES GSUNGS PA'I PHYIR, DE DANG POR MNGON DU BYED PA'I RTEN, GLING GSUM GANG RUNG GI RTEN DANG DGRA BCOM MI G-YO BA'I CHOS CAN KHO NAS MNGON DU BYED DE, DES NYON MONGS MED PA DANG TING NGE 'DZIN LA DBANG THOB PA'I PHYIR DANG, SLOB PAS NYON MONGS MED PA MA THOB LA, DGRA BCOM GZHAN GYIS TING NGE 'DZIN LA DBANG MA THOB PA'I PHYIR, RANG 'GREL LAS, NYON MONGS PA MED PA'I PHYIR DANG, TING NGE 'DZIN LA DBANG THOB PA'I PHYIR RO, ,ZHES GSUNGS

024a

, ,PA'I PHYIR, GNYIS PA THOB ZIN MNGON DU BYED TSUL NI, BSAM GTAN GZUGS MED RANG DANG NI, ,'OG SA'I RTEN CAN 'OG DGOS MED, ,SRID RTZER 'PHAGS PA'I CI YANG MED, ,MNGON DU BYAS NAS ZAG PA ZAD, CES BYUNG, BSAM GTAN DANG GZUGS MED SNYOMS 'JUG GI RTEN RANG SA DANG 'OGS GANG RUNG YIN TE, SRID RTZE'I SNYOMS 'JUG RANGS SRID RTZE'I RTEN DANG NI 'DOD PA'I BAR 'OG SA BRGYAD KYI RTEN LA'ANG DE MNGON DU BYED LA, DE BZHIN DU BSAM GZUGS GZHAN RNAMS KYANG RANG SA NAS 'OG SA 'DOD PA'I BAR GYI RTEN LA SKYED PA'I PHYIR, RTZA BAR, BSAM GTAN GZUGS MED RANG DANG NI, ,'OG SA'I RTEN CAN ZHES SO, ,SPYIR GONG SA'I RTEN LA 'OG SA'I SNYOMS 'JUG GI RDZAS SKYED PA'I DGOS PA MED DE, 'OG MA DMAN PA'I MI GOS LA GONG SA'I KHYAD 'PHAGS YOD PA'I PHYIR, RTZA BAR, 'OG DGOS MED CES SO, ,DMIGS BSAL LA SRID RTZER SKYES PA'I 'PHAGS PA SRID PA THA MA PAS ZAG MED KYI CI YANG MED PA MNGON DU BYED DGOS TE, RANG SA'I ZAG MED MED LA DE'I GONGS MI SRID CING, ,CI YANG MED NYE BAS DE'I ZAG MED MNGON DU BYAS NAS ZAG BA ZAD PAR BYED DGOS PA'I PHYIR, RANG 'GREL LAS, RANG GI MED PA'I PHYIR DANG, DE YANG NYE BA'I PHYIR RO ZHES GSUNGS PA'I PHYIR, GSUM PA DMIGS PA'I KHYAD PAR NI, SRED BCAS RANG GI SRID LA DMIGS, ,BSAM GTAN DGE YUL YOD DGU YIN, ,GZUGS MED DNGOS GZHI DGE RNAMS KYI, ,SPYOD YUL ZAG BCAS 'OG MA MIN, ZHES

024b

BYUNG; SNYOMS 'JUG SRED BCAS KYI RANG SA'I ZAG BCAS KHO NA LA DMIGS PA YIN TE, DES 'OG MAR CHAGS PA DANG BRAL ZHING ZAG MED LA DMIGS NA DGE BAR 'GYUR LA SA RNAMS SRED PAS YONGS SU BCAD PAS GONG SAR YANG MA DMIGS PAS RANG SA'I SRID PA KHO NA LA DMIGS PA'I PHYIR, RANG 'GREL LAS, SRID PA SMOS PAS NI ZAG PA DANG BCAS PA'I DNGOS PO GZUNG NGO ZHES GSUNGS PA'I PHYIR, BSAM GTAN DGE BA DAG PA BA DANG ZAG PA MED PA'I YUL YOD DGU COG YIN TE, 'DU BYAS 'DU MA BYAS KYI CHOS THAMS CAD YIN PA'I PHYIR, RTZA BAR, DGE YUL YOD DGU YIN ZHES SO, ,GZUGS MED KYI DNGOS GZHI DGE BA DAG PA ZAG MED RNAMS KYI SPYOD YUL NI SA 'OG MA'I ZAG BCAS MIN TE, DES ZAG BCAS RANG GIS DANG GONG MA LA DMIGS PA'I PHYIR TE, DNGOS GZHI SMOS PA'I NYER BSDOGS GCOD LA DES 'OG SAR DMIGS PA GANG ZHIG GZUGS MED DMIGS PAS 'DA' BAS DE LTAR BSHAD LA BSAM GTAN MIN PA'I PHYIR, DANG PO GRUB STE, GANG SPEL LAS, DNGOS GZHI SMOS PAS NYER BSDOGS BSAL BA'I PHYIR TE, NAS, ZAG BCAS SMOS PAS NI ZAG MED LA DMIGS PA YIN NO, ,ZHES GSUNGS PA'I PHYIR, GANG SPEL LAS, DE NYID KYI PHYIR RNAM PA THAMS CAD DU YANG DAG PAR 'DAS PA ZHES BSHAD KYI BSAM GTAN DAG LA MIN TE, BSAM GTAN DAG NI DMIGS PA LAS 'DA' BA MED PAS ZHES GSUNGS PA'I PHYIR, ,BZHI PA SPANG BYA SPANG TSUL NYER BSDOGS DANG BCAS PA LA, SPANG BYA SPONG TSUL, NYER

025a

, ,BSDOGS KYI DBYE BA, BSAM GTAN GYI SNYOMS 'JUG KHYAD PAR CAN BSHAD PA GSUM, DANG PO NI, ZAG PA MED PAS NYON MONGS RNAMS, ,SPONG NGO NYER BSDOGS DAG PAS KYANG, ZHES BYUNG, BSAM GTAN GZUGS MED KYI SNYOMS 'JUG ZAG MED PAS NYON MONGS SPONG GYI, SNYOMS 'JUG DAG BA BAS KYANG DE MI SPONG NA NYON MONGS CAN GYIS LTA CI SMOS TE, DE DAG 'OG SAR 'DOD CHAGS BRAL BAS 'OG GI NYON MONGS MI SPONGS LA, RANG SA'I NYON MONGS KYI YANG GNYEN PO MA YIN PA'I PHYIR, RTZA BAR, ZAG PA MED PA'I NYON MONGS RNAMS, ,SPONG NGO, ZHES SO, ,GZUGS GZUGS MED KYI NYER BSDOGS ZAG MED DU MA ZAD DAG PA BAS KYANG NYON MONGS PA SPONG STE, DE DAG 'OG SA'I GNYEN PO YIN PA'I PHYIR TE DE SUN 'BYIN BYED YIN PA'I PHYIR, RTZA BAR, NYER BSDOGS DAG PAS KYANG, ZHES SO, ,GNYIS PA NI, DE DAG LAS NI NYER BSDOGS BRGYAD, ,DAG 'BAD MIN SDUG BSNGAL MIN, ,DANG PO 'PHAGS PA'ANG KHA CIG GSUM, ZHES BYUNG, DE DAG GI NYER BSDOGS BRGYAD YOD DE, BSAM GTAN GZUGS MED KYI DNGOS GZHI LA 'JUG PA'I SBYOR BA RE YOD PA'I PHYIR, DE DAG GI NGO BO DANG TSOR BA RANG RANG GI DNGOS GZHI DANG MI 'DRA STE NYER BSDOGS BRGYAD NI NGO BO DAG PA BA KHO NA YIN GYI NYON MONGS CAN SOGS MA YIN PA GANG ZHIG ,TSOR BA RANG GI BTANG SNYOMS DANG MTSUNGS PAR LDAN PA'I PHYIR, DANG PO GRUB STE, SA 'OG MA LAS YID

025b

'BYUNG DANG MA BRAL BAS RO MYANG DANG MTSUNGS LDAN MIN LA 'DOD CHAGS DANG 'BRAL BYED YIN PA'I PHYIR, KHYAB STE, DE LA NYON MONGS KYI DAG PA GCIG DGOS PA'I PHYIR, RTZA BAR, DAG PA, ZHES DANG, RANG 'GREL LAS, 'DOD CHAGS DANG BRAL BA'I LAM YIN PA'I PHYIR, ZHES DANG, RGYAL SRAS MA LAS, SRED PA DANG MTSUNGS PAR LDAN PA'I LAM GYIS NYON MONGS PA SPONG BAR MI 'GYUR RO, ,ZHES GSUNGS PA'I PHYIR, GNYIS PA GRUB STE, 'BAD DE DRANGS PAR BYA BA'I LAM YIN PA'I PHYIR, KHYAB STE, 'BAD RTZOL GYI 'DU BYA BA MED PA'I LAM YANG DGA' BDE DANG MI LDAN NA DE SMOS MI DGOS PA'I PHYIR DANG, SA 'OG MA'I YID 'BYUNG CAN YIN PAS TSOR BA BTANG SNYOMS DANG LDAN PA'I PHYIR, RTZA BAR, BDE MIN SDUG BSNGAL MIN, ZHES DANG, RANG 'GREL LAS, 'BAD DE DRANGS PAR BYA BA YIN PA'I PHYIR DANG SOGS GSUNGS PA'I PHYIR, 'DIR YANG MA BSHAD KYANG SPRO NA NYER BSDOGS BRGYAD KYI RE RE LA'ANG LAS DANG PO BAS YID BYED ZHI GNAS DANG DE RJES SU MTSAN NYID SO SOR RIG PA'I MOS PA'I RAB DBEN GYI DGA' SDUD KYI DPYOD PA'I SBYOR MTHA'I YID BYED BDUN YOD PAR SHES DGOS TE, NYER BSDOGS KYIS 'DOD NYON SKOR DGU'I GNYAN PO DANG SGOM TSUL NYAN SA LTAR DGOS PA'I PHYIR, KUN BTUS LAS; YID LA BYED PA BDUN GYIS BSAM GTAN DANG PO LA SNYOMS PAR 'JUG STE, 'DU SHES MED 'DU SHES MED MIN SKYE MCHED KYI BAR DU'ANG DE BZHIN NO, ,YID LA BYED PA BDUN GANG ZHE NA, MTSAN NYID RAB TU RIG PA'I YID LA BYED

026a

, ,PA DANG, MOS PA LAS BYUNG BA DANG, RAB TU DBEN PA LAS BYUNG BA DANG DGA' BA SDUD PA DANG, DPYOD PA DANG, SBYOR BA'I MTHA' DANG, SBYOR BA'I MTHA'I 'BRAS BU YID LA BYED PA'O, ,ZHES GSUNGS PA'I PHYIR DANG; SBYOR MTHA'I 'BRAS BU YID BYED NI DNGOS GZHI YIN NO, ,THA SNYAD MA BYAS KYANG DON SHES DGOS SO, ,BSAM GTAN DANG PO'I NYER BSDOGS LA DAG PA BAR MA ZAD 'PHAGS PA STE ZAG MED 'DAS LAM 'ANG YOD, RGYUN ZHUGS DANG; PHYIR 'ONG GIS 'DOD NYON SPONG PA'I BAR CHAD MED LAM DE DAG NYER BSDOGS YIN PA'I PHYIR, RTZA BAR, DANG PO 'PHAGS PA'ANG, ZHES GSUNGS PA'I PHYIR, NYER BSDOGS SEMS KYIS NYING MTSAMS SBYOR PA NYON MONGS CAN YIN KYANG NYER BSDOGS DNGOS KYI NYING MTSAMS SBYOR BA MED DE, GONG MA'I SEMS KYI 'DOD SOGS 'OG SAR MTSAMS SBYOR BA'I MNYAM BZHAG GIS 'CHI 'PHO MED PA'I PHYIR DANG, NYER BSDOGS MNYAM BZHAG NYON MONGS CAN MED PA'I PHYIR, RANG 'GREL LAS, MNYAM PAR BZHAG PA LA NI NYON MONGS PA CAN NYID DAG GO ,ZHES DANG, RGYAL SRAS MA LAS, BSAM GTAN DANG GZUGS MED PA BRGYAD CAR NA YANG GANG GIS NYER BSDOGS GANG YIN PA DE'I NYER BSDOGS KYI SEMS NYON MONGS PA CAN MNYAM PAR BZHAG PA MA YIN PA DES NYING 'TSAMS SBYOR RO, ,ZHES BYA BA 'DI NI GRUB PA'I MTHA' YIN NO, ,ZHES GSUNGS PA'I PHYIR, KHA CIG NA RE, NYER BSDOGS MI LDOGS MED PA NYON

026b

NYON MONGS CAN YANG YOD DE, DNGOS GZHI LA 'GRAN BZOD PAS NA GSUM YOD PA'I PHYIR ZER, RTZA BAR, KHA CIG GSUM, ZHES SO, ,GSUM PA NI, RTOG MED BSAM GTAN KHYAD PAR CAN, ,RNAM GSUM PA DE MIN SDUG BSNGAL MIN, ,DE NI TSANGS CHEN 'BRAS BU CAN, ZHES BYUNG, BSAM GTAN GYI DNGOS GZHI KHYAD PAR CAN YOD DE, RTOG PA MED CING DPYOD PA DANG BCAS PA'I BSAM GTAN GYI DNGOS GZHI'I SNYOMS 'JUG DE DE YIN PA'I PHYIR, RTZA BAR, RTOG MED BSAM GTAN KHYAD PAR CAN, ZHES SO, ,DE LA RDZAS KYI SGOS GSUM YOD DE, RO MYANG DAG PA ZAG MED RNAM PA GSUM YOD PA'I PHYIR, RTZA BAR, RNAM GSUM, ZHES SO, ,DE BDE BA YANG MA YIN SDUG BSNGAL YANG MA YIN PA'I TSOR BA BTANG SNYOMS DANG MTSUNGS PAR LDAN TE 'BAD PA'I DRANGS PAR BYA BA YIN PA'I PHYIR, KHYAB STE, DES NA DGA' BA YANG MED LA BDE BA YANG MED PAS LAM DKA' BA DE YIN PA'I PHYIR TE, RTZA BAR, BDE MIN SDUG MIN, ZHES SO, ,DE'I DAG PA PA'I 'BRAS BU YOD DE, DE NI TSANGS PA CHEN PO'I 'BRAS BU CAN YIN PA'I PHYIR, RTZA BAR, DE NI TSANGS CHEN 'BRAS BU CAN, ZHES SO, ,'DI DANG NYER BSDOGS KHYAD PAR DRI BA NI RTOG PA 'GOG PA GNYIS PA'I NYER BSDOGS DANG 'DRA BA'I YIN NO, , GSUM PA TING NGE 'DZIN GYI DBYE BA LA, KHAMS KYI SGOS RTOG BCAS SOGS GSUM DANG, LAM GYI SGOS RNAM THAR SGO GSUM DANG, LAM SUN 'BYIN PA'I SGOS GSUM DANG, BYED PA'I SGOS MTHONG CHOS LA BDE BAR 'GYUR BA SOGS BZHIR

027a

, ,BSHAD PA BZHI, DANG PO NI, ,MAN CHAD RTOG DPYOD BCAS PA YI, ,TING 'DZIN YAN CHAD GNYIS KA MED, ,ZHES BYUNG, MDO LAS, RTOG PA DANG BCAS LA DPYOD PA DANG BCAS PA'I TING NGE 'DZIN, RTOG PA MED LA DPYOD PA TZAM GYI TING NGE 'DZIN, RTOG PA YANG MED DPYOD PA YANG MED PA'I TING NGE 'DZIN ZHES SU GSUNGS PA YOD DE, BSAM GTAN KHYAD PAR CAN MAN CHAD KYI BSAM GTAN DANG PO'I DNGOS GZHI TZAM PO NYER BSDOGS DANG BCAS PA DE RTOG BCAS DPYOD BCAS KYI DE YIN, BSAM GTAN KHYAD PAR CAN DE RTOG MED DPYOD BCAS KYI DE YIN, KHYAD PAR CAN YAN CHAD KYI GNYIS PA'I NYER BSDOGS KYI DNGOS GZHI GNYIS NAS SRID RTZE'I BAR NYER BSDOGS DNGOS GZHI DAG RTOG MED DPYOD MED KYI DE YIN PA'I PHYIR, GNYIS PA NI, RTZA BAR, ,MTSAN MED ZHI BA'I RNAM PA DANG, ,STONG NYID BDAG MED STONG NYID DU, ,'JUG PA'O SMON PA MED PA NI, ,DE LAS GZHAN BDEN RNAM PA CAN, ,DAG DANG DRI MA MED DE DAG, ,DRI MED RNAM THAR SGO GSUM MO, ,ZHES BYUNG, MDO LAS, STONG PA NYID DANG, MTSAN MA MED PA DANG, SMON PA MED PA'I TING NGE 'DZIN ZHES GSUM GSUNGS PA BZHAG TU YOD DE, MTSAN MED KYI TING NGE 'DZIN 'GOG BDEN GYI 'GOG ZHI GYA NOM NGES 'BYUNG GI RNAM PA STE DE DAG RTOGS PA'I SHES RAB DANG MTSUNGS LDAN GYI TING NGE 'DZIN YIN, STONG NYID KYI TING NGE 'DZIN NI, SDUG BDEN LA BDAG MED DANG STONG NYID DU 'JUG PA'I RNAM PA STE

027b

SHES RAB DANG MTSUNGS PAR LDAN PA'I TING NGE 'DZIN YIN, SMON MED KYI TING 'DZIN NI 'GOG BDEN GYI BZHI DANG SDUG BDEN GYI RNAM PA DANG PO GNYIS DANG DRUG MA GTOGS PA'I RNAM PA GZHAN SDUG BDEN GYI MI RTAG SDUG BSNGAL GNYIS DANG; KUN 'BYUNG GI BZHI DANG, LAM GYI BZHI STE BCU'I RNAM PA STE DE DAG RTOGS PA'I SHES RAB DANG MTSUNGS PAR LDAN PA'I TING NGE 'DZIN DE YIN PA'I PHYIR, DANG PO GRUB STE, MYANG 'DAS GZUGS SOGS YUL LNGA PHO MO SKYE 'GAG GNAS GSUM GYI MTSAN MA BCU MED CING, DE LA DMIGS PA'I TING NGE 'DZIN YIN PA'I MTSAN MED KYI TING NGE 'DZIN YIN PA'I PHYIR, RTZA BAR, MTSAN MED ZHI BA'I RNAM PA DANG, ZHES DANG, RANG 'GREL LAS, MYA NGAN LAS 'DAS PA NI MTSAN MA BCU DANG BRAL BAS MTSAN MA MED PA YIN, ZHES PA NAS, MTSAN MA BCU NI YUL LNGA DANG PHO DANG MO DANG, 'DUS BYAS KYI MTSAN NYID RNAMS SO, ,ZHES GSUNGS PA'I PHYIR DANG, GANG SPEL LAS, YUL LNGA ZHES BYA BA NI YUL RNAMS SHIN TU 'PHROG PAR BYED PA NYID YIN PA DE LTAR DBANG PO RNAMS MA YIN PAS YUL SMOS SO, ,'DUS BYAS KYI MTSAN NYID GSUM ZHES BYA BA SKYE BA DANG RGA BA DANG MI RTAG PA NYID DO, ,ZHES GSUNGS, GNYIS PA GRUB STE, BDAG MED DANG STONG NYID KYIS RNAM PA GNYIS KYIS NGA DANG NGA YIR 'DZIN PA'I 'JIG LTA'I GNYEN PO BYED PAS STONG NYID TING 'DZIN LA RNAM PA GNYIS YOD PA'I PHYIR, RTZA BAR, STONG NYID BDAG MED STONG NYID DU, 'JUG PA'O, ,ZHES

028a

, ,GSUNGS PA'I PHYIR, GSUM 'GRUB STE, MI RTAG SDUG BSNGAL GNYIS KYI SDUG BDEN LA YID 'BYUNG, RGYU KUN 'BYUNG RAB SKYE RKYEN BZHIS KUN 'BYUNG LAS YID 'BYUNG LA, LAM YANG GDON MI ZA BAR MTHAR THUG GI GZING LTAR BSTEN PA 'JOG PAS NA SMON PA MED PA YIN PA'I PHYIR DANG, STONG BDAG MED GNYIS KYIS MYANG 'DAS DANG 'DRA BAR YID MI 'BYUNG BA'I PHYIR RO, ,RTZA BAR, SMON PA MED PA NI, DE LAS GZHAN BDEN RNAM PA DANG, ZHES GSUNGS PA'I PHYIR DANG, RANG 'GREL LAS, MYA NGAN LAS 'DAS PA DANG 'DRA PA'I PHYIR, STONG PA DANG BDAG MED PA DAG GIS NI YID MI 'BYUNG NGO, ,ZHES GSUNGS PA'I PHYIR, TING NGE 'DZIN DE GSUM LA LAM GYI SGO NAS DAG PA BA DANG DRI MED PA GNYIS YOD, DAG PA BA NI 'JIG RTEN PA SBYOR LAM GYIS BSDUS PA SA BCU GCIG NA YOD, DRI MA MED PA ZAG MED NI MTHONG LAM SOGS KYIS BSDUS PA SRID RTZE MA GTOGS PA'I 'DAS LAM GANG NA YOD PA'I SA DGU NA YOD PA'I PHYIR, DANG PO GRUB STE, RTZA BAR, DAG DANG, ZHES DANG, GANG SPEL LAS, DAG PA BA NI NGES PAR 'BYED PA'I CHA DANG MTHUN PA'I GNAS SKABS SO, ,NAS, 'DOD PA'I KHAMS DANG MI LCOGS MED PA DANG, BSAM GTAN KHYAD PAR CAN DANG, BSAM GTAN DANG GZUGS MED PA'I DNGOS GZHI BRGYAD NA'O, ,ZHES GSUNGS PA'I PHYIR, GNYIS PA GRUB STE, RTZA BAR, DRI MA MED, ZHES DANG, GANG SPEL LAS, DRI MA MED PA NI MTHONG BA'I LAM GYI GNAS SKABS SO, ,ZHES

028b

DANG; SRID PA'I RTZE MO MA GTOGS PA SA GZHAN DGU NA'O, ,ZHES GSUNGS PA'I PHYIR, RNAM THAR SGO GSUM YOD DE, TING NGE 'DZIN DE DAG DRI MA MED PA RNAM PAR THAR PA THOB PA LA SGO DANG 'DRA BA DE YIN PA'I PHYIR, RTZA BAR, DE DAG, DRI MED RNAM THAR SGO GSUM MO, ,ZHES GSUNGS PA'I PHYIR, ` GSUM PA NI, STONG NYID STONG NYID CES LA SOGS, ,GZHAN YANG TING NGE 'DZIN GSUM MO, ,GNYIS NI STONG DANG MI RTAG PAR, ,MI SLOB PA LA DMIGS PA YIN, ,MTSAN MA MED PA MTSAN MED NI, ,ZHI BAR MA BRTAGS ZAD PA LA, ,ZAG BCAS MI'I NANG MI G-YO LA, ,NYER BSDOGS BDUN NI MA GTOGS SO, ,ZHES BYUNG, TING NGE 'DZIN GZHAN GSUM YANG YOD DE, ,STONG NYID STONG NYID CES PA'I TING 'DZIN DANG, LA SOGS PA'I SMON PA MED PA SMON PA MED PA'I TING 'DZIN DANG, MTSAN MA MED PA MTSAN MA MED PA'I TING 'DZIN DANG GSUM YOD PA'I PHYIR, RTZA BAR, STONG NYID STONG NYID CES LA SOGS, ,GZHAN YANG TING NGE 'DZIN GSUM MO, ,ZHES GSUNGS PA'I PHYIR, DE DAG GI NGO BO YOD DE, DANG PO GNYIS NI RIM BZHIN DU MI SLOB PA'I RGYUD KYI STONG PA NYID KYI TING NGE 'DZIN LA STONG PA'I RNAM PAR DMIGS PA DANG, SMON PA MED PA'I TING NGE 'DZIN LA MI RTAG PA'I RNAM PAR 'JUG LA, MTSAN MA MED PA MTSAN MED NI, ,MA BRTAGS ZAD PA STE BRTAGS MIN 'GOG PA LA DMIGS NAS ZHI BA'I RNAM PAR 'JUG PA YIN PA'I PHYIR, DANG PO GNYIS GRUB STE, RTZA BAR, GNYIS NI STONG DANG MI

029a

, ,RTAG PAR, ,MI SLOB PA LA DMIGS PA YIN, ZHES SO, ,GSUM PA GRUB STE, RTZA BAR, MTSAN MA MED PA MTSAN MED NI, ,ZHI BAR MA BRTAGS ZAD PA LA, ZHES GSUNGS PA'I PHYIR DANG, NGO BO ZAG BCAS YIN TE, 'PHAGS LAM LA RGYAB KYIS PHYOGS PA 'AM SDANG BA'I PHYIR, RTZA BAR, ZAG BCAS, ZHES SO, ,KHAMS GSUM LAS 'DOD KHAMS DANG, MI'I NANG DU MNGON DU BYED DE, BLO GSAL LA LHA SOGS KYI RTEN LA MA YIN PA'I PHYIR; RTZA BAR, MI'I NANG, ZHES SO, ,GANG ZAG MI G-YO CHOS CAN GYI MNGON DU BYED, SLOB PA DANG DUS KYI RNAM GROL BYA BA LHAG MA DANG BCAS PA'I LAM LA MI SDANG LA, DGRA BCOM PA GZHAN NI 'PHAGS LAM SRUNG BA BRTZON PA DAG KYANG LAM SUN 'BYIN MI BYED PA'I PHYIR, GANG SPEL LAS SO, ,RTZA BAR, MI G-YO LA ZHES GSUNGS PA'I PHYIR, SA BCU GCIG GIS BSDUS TE, NYER BSDOGS THA MA BDUN MA GTOGS PAS BSDUS PA'I PHYIR, RTZA BAR, NYER BSDOGS BDUN NI MA GTOGS SO, ,ZHES GSUNGS PA'I PHYIR, BZHI PA NI, DGE BA'I BSAM GTAN DANG PO NI, ,BDE 'GYUR TING 'DZIN BSGOM PA YIN, ,MIG GI MNGON SHES MTHONG 'GYUR 'DOD, ,SBYOR BA LAS BYUNG BLO DBYE 'GYUR, ,RDO RJE LTA BU'I BSAM GTAN MTHA'I, ,GANG YIN DE ZAG ZAD 'GYUR BSGOM, ,ZHES BYUNG, MDO LAS, MTHONG BA'I CHOS LA BDE 'GYUR GYI DANG, SHES PA MTHONG 'GYUR GYI DANG, RAB TU BLO DBYE BAR 'GYUR BA'I DANG, ZAG PA ZAD 'GYUR GYI TING NGE

029b

'DZIN ZHES GSUNGS PA BZHI YOD DE, DGE BA'I BSAM GTAN DANG PO BSGOM PA NI MTHONG CHOS LA BDE 'GYUR GYI TING NGE 'DZIN BSGOM PA YIN, LHA'I MIG GI MNGON SHES DANG MTSUNGS LDAN GYI SHES RAB NI MTHONG BAR 'GYUR BA'I TING NGE 'DZIN BSGOM PA DANG, DE'I RJES KYI YID SHES DANG, MTSUNGS LDAN GYI SHES RAB NI SHES PAR 'GYUR BA'I TING NGE 'DZIN BSGOM PA YIN PAS DE GNYIS GCIG BYAS NAS SHES PA MTHONG BAR 'GYUR PA'I TING NGE 'DZIN DU 'DOD DO, ,SBYOR BA LAS BYUNG BA'I ZAG BCAS ZAG MED KYI YON TAN KUN BLO SHES RAB TU DBYE BA STE RGYAS PAR 'GYUR BA'I TING 'DZIN BSGOM PA YIN TE, RDO RJE LTA BU'I TING 'DZIN BSAM GTAN MTHA' BZHI PA LA BRTEN PA GANG YIN PA DE ZAG PA ZAD PAR 'GYUR BA'I TING 'DZIN BSGOM PA ZHES BYA BA'I PHYIR, DANG PO GRUB STE, 'DOD PA LAS DBEN PA'I DGA' BA BDE BA MYANG BAR 'GYUR BA'I PHYIR TE, DER MA ZAD BSAM GTAN GZHAN YANG MTSON PA'I PHYIR, RTZA BAR, DGE BA'I BSAM GTAN DANG PO NI, BDE 'GYUR TING 'DZIN SGOM PA YIN, ZHES SO, ,MDO LAS, TING 'DZIN BSGOM PA KUN TU BSTEN GOMS PAR LAN MANG DU BYAS PA'I RGYUS MTHONG BA'I CHOS LA BDE BAR GNAS PAR 'GYUR, ZHES PA NAS, ZAG PA KUN ZAD PAR 'GYUR BA YANG YOD, ZHES GSUNGS PA'I PHYIR, GANG SPEL LAS, YANG BSAM GTAN THAMS CAD MTHONG BA'I CHOS LA BDE BAR GNAS PA NYID YIN BZHIN DU YANG MDO LAS DANG PO KHO NA BSHAD CE NA, ZHES PA NAS, 'PHAGS PA'I LAM THAMS CAD KYI BDE BA YANG DMIGS PA'I PHYIR,

030a

, ,ZHES SOGS GSUNGS PA'I PHYIR, GNYIS PA GRUB STE, RTZA BAR, MIG GI MNGON SHES MTHONG 'GYUR 'DOD, CES SO, ,'DI LA MDZOD DANG GZHAN GYI 'DOD PA GNYIS YOD, GSUM PA GRUB STE, RTZA BAR, SBYOR BA LAS BYUNG BLO DBYE 'GYUR, ZHES SO, ,BZHI PA GRUB STE, RTZA BAR, RDO RJE LTA BU BSAM MTHA'I, GANG YIN DE ZAG ZAD 'GYUR BSGOM, ZHES GSUNGS PA'I PHYIR, ` ,BZHI PA DE LA BSTEN PA'I YON TAN LA TSAD MED DANG, RNAM THAR DANG; ZIL GNON DANG, ZAD PAR DANG, DE DAG GI THOB TSUL RTEN DANG BCAS PA LNGA, DANG PO NI, TSAD MED PA NI BZHI YIN NO, ,GNOD SEMS LA SOGS GNYEN PO'I PHYIR, ,ZHE SDANG MED BYAMS SNYING RJE YANG, ,YID BDE BA NI DGA' BA YIN, ,BTANG SNYOMS MA CHAGS RNAM PA NI, ,KYE MA BDE 'GYUR SDUG BSNGAL DANG, DGAR 'GYUR SEMS CAN RNAMS SNYAM PA, ,SPYOD YUL 'DOD PA'I SEMS CAN RNAMS, ,DGA' BA BSAM GTAN GNYIS NA YOD, ,GZHAN NI DRUG NA KHA CIG LNGA, ,DE YIS MI SPONG MI DAG GI ,NANG DU SKYED DO NGES GSUM LDAN, ZHES BYUNG, TSAD MED BZHI YOD DE, DMIGS YUL SEMS CAN TSAD MED PA LA DMIGS PA DANG, BSOD NAMS TSAD MED PA DANG LDAN PA'I BYAMS PA DANG SNYING RJE DANG, DGA' BA DANG, BTANG SNYOMS TSAD MED PA'I BAR BZHI YOD PA'I PHYIR, SGRA DON YANG YIN TE, RTZA BAR, TSAD MED PA NI BZHI YIN NO, ,ZHES GSUNGS PA'I PHYIR, BZHIR GRANGS NGES STE, GNOD SEMS DANG SOGS PAS BSDUS

030b

PA RNAM PAR 'TSE BA DANG, GZHAN GYI PHUN TSOGS LA MI DGANG BA DANG, GNOD SEMS DANG CHAGS PA MANG PA'I GNYEN POR BZHIR NGES PA'I PHYIR, RTZA BAR, GNOD SEMS LA SOGS GNYEN PO'I PHYIR, ZHES SO, ,MI SDUG PA DANG BTANG SNYOMS KYIS CHAGS PA'I GNYEN PO BYED TSUL LA, BYE SMRA NA RE, DE YOD DE, MI SDUG PA KHA DOG LA CHAGS PAS GNYEN PO DANG, BTANG SNYOMS 'KHRIG PA LA CHAGS PA'I GNYEN PO YIN ZER SLOB DPON NA RE, MI SDUG PA 'KHRIG PA DANG, BTANG SNYOMS NYE DU LA CHAGS PA'I GNYEN PO YIN GSUNGS, NGO BO'I KHYAD PAR YOD DE, BYAMS PA DANG SNYING RJE RE RE NAS ZHE SDANG MED PA'I DGE BA YIN, DGA' BA NI YID BDE BA YIN, BTANG SNYOMS NI MA CHAGS PA YIN PA'I PHYIR, DANG PO GRUB STE, RTZA BAR, ZHE SDANG MED BYAMS SNYING RJE YANG, ZHES SO, ,GNYIS PA GRUB STE, 'DIR GNA' RABS KYI LUGS YIN PA'I PHYIR, RTZA BAR, YID BDE BA NI DGA' BA YIN, ZHES SO, ,GZHAN DAG DGA' BA DANG LHAN CIG PA'I 'DU BYED LA 'DOD PA YANG YOD, GSUM PA GRUB STE, RTZA BAR, BTANG SNYOMS MA CHAGS, ZHES GSUNGS PA'I PHYIR, MA CHAGS PA'I RANG BZHIN YIN NA CHAGS PA'I GNYEN POR RUNG MOD, GNOD SEMS KYI GNYEN POR MI RUNG SNYAM NA, BYAMS PA BTANG SNYOMS GNYIS GNOD SEMS KYI GNYEN PO TZAM DU 'DRA YANG KHYAD PAR YOD DE, BYAMS PA NI ZHE SDANG MED PA'I RANG BZHIN YIN PAS GNOD SEMS THAMS CAD KYI GNYEN PO DANG, BTANG SNYOMS NI MA CHAGS

031a

, ,PA'I RANG BZHIN YIN PAS MI MDZA' BAS BSKYED PA'I SDANG BA'I GNYEN PO YIN PA'I PHYIR, DES NA BTANG SNYOMS MA CHAGS PA DANG ZHE SDANG MED PA GNYIS KA'I RANG BZHIN YIN NA CHAGS PA DANG GNOD SEMS KYI GNYEN POR RUNG BA'I PHYIR, RANG 'GREL LAS, 'DI NI GNYIS KA'I RANG BZHIN YIN NA RUNG NGO, ,ZHES GSUNGS PA'I PHYIR, 'DOD TSUL MANG YANG MA SPROS, DE BZHI'I RNAM PA'I KHYAB PAR YOD DE, KYE MA SEMS CAN RNAMS BDE BAR GYUR CIG SNYAM DU YID LA BYED PA BYAMS PA DANG, KYE MA SEMS CAN RNAMS SDUG BSNGAL LO SNYAM DU YID LA BYED PA SNYING RJE DANG, KYE MA SEMS CAN RNAMS DGA' BAR GYUR CIG SNYAM DU YID LA BYED PA DGA' BA DANG, SEMS CAN RNAMS 'DRA BA'AM SNYAMS SO SNYAM DU YID LA BYED PA BTANG SNYOMS YIN PA'I PHYIR, RTAGS RIM BZHIN DU, RTZA BAR, RNAM PA NI, KYE MA BDE GYUR ZHES DANG, SDUG BSNGAL DANG, ZHES DANG, DGA' 'GYUR, ZHES DANG, KYE MA ZHES PA SBYOR LA, SEMS CAN SNYOMS PA ZHES GSUNGS PA'I PHYIR, BTANG SNYOMS KYIS SEMS CAN MNYAM LUGS CHAGS SDANG MED PA'I BAR MAR GNAS PA YIN TE, CHAGS SDANG GI PHYOGS SU MA LHUNG BA'I BAR MA YIN LA CHAGS MED DANG SDANG MED KYI DGE RTZA SEMS BYUNG GNYIS YIN PA MED PA'I PHYIR, RANG 'GREL LAS, BAR MAR GNAS PA YIN PA'I PHYIR RO, ,ZHES DANG, GANG SPEL LAS, 'DIR BAR MAR GNAS PA MA CHAGS PA DANG ZHE SDANG MED PA'I RANG BZHIN

031b

LA BTANG SNYOMS KYI SGRAR BRJOD KYI CHOS GCIG DU MA'I RANG BZHIN YIN PA NI MED DO, ,ZHES DANG, RGYAL SRAS MA LAS, CHAGS PA YANG MED ZHE 'DRES PA YANG MED CES BYA BA'I THA TSIG GO ,ZHES GSUNGS PA'I PHYIR, BYAMS SOGS DE DAG GIS SU DE LTAR MI 'GYUR NA DON MED DE ZHE NA, DON MED MIN TE, DE'I SGOS GNOD SEMS SOGS RANG RANG GI MI MTHUN PHYOGS GNON PA'I PHYIR RO, ,TSAD MED BZHI CHOS CAN, DMIGS PA 'DOD PA NA SPYOD PA'I DGRA GNYEN BAR MA'I SEMS CAN RNAMS LA DMIGS PA YIN TE, DE LA DMIGS PA'I GNOD SEMS DANG SOGS PAS RNAM PAR 'TSE BA DANG, YID MI DGA' BA DANG CHAGS PA DANG GNOD SEMS DAG GI GNYEN PO'I RNAM PAS ZHUGS PA'I PHYIR, RTZA BAR, SPYOD YUL 'DOD PA'I SEMS CAN RNAMS, ZHES DANG, RANG 'GREL LAS, DE LA DMIGS PA'I GNOD SEMS LA SOGS PA'I GNYEN PO YIN PA'I PHYIR RO, ,ZHES GSUNGS PA'I PHYIR, TSAD MED BZHI SA GANG NA YOD KYI KHYAD PAR YOD DE, DGA' BA TSAD MED BSAM GTAN DANG PO GNYIS NA YOD, TSAD MED GZHAN BYAMS PA SNYING RJE BTANG SNYOMS TSAD MED GSUM NI BSAM GTAN SA DRUG NA YOD PA'I PHYIR, DANG PO GRUB STE, SGOM BYUNG GI YID BDE YIN PA'I PHYIR, RTZA BAR, DGA' BA BSAM GTAN GNYIS NA YOD, CES SO; ;GNYIS PA GRUB STE, GZUGS MED NA 'DOD PA LA DMIGS PA MED PA'I PHYIR, RTZA BAR, GZHAN NI DRUG NA, ZHES SO, ,'DOD PA GZHAN YANG YOD DE, KHA CIG DE DAG BSAM GTAN DNGOS GZHI KHYAD PAR CAN DANG DNGOS GZHI LNGA NA YOD

032a

, ,BAR 'DOD, GZHAN DAG SBYOR DNGOS THAMS CAD BSDUS NAS 'DOD PA DANG BSAM GTAN GYI NYER BSDOGS BZHI DANG DNGOS GZHI LNGA STE SA BCU NA YOD PAR 'DOD PA'I PHYIR, DANG PO NI, RTZA BAR, KHA CIG LNGA, ZHES SO,, GNYIS PA NI, RANG 'GREL LAS, GZHAN DAG NA RE, 'DOD PA'I KHAMS DANG NYER BSDOGS BSNAN NAS BCU NA YOD DO, ,CES PA NAS, DNGOS GZHI DANG SBYOR PA SMOS PA'I PHYIR RO, ,ZHES GSUNGS PA'I PHYIR DANG, GANG SPEL LAS, DNGOS GZHI DANG SBYOR BA SMOS PA'I PHYIR, ZHES BYA BA LA BYAMS PA LA SOGS PA 'GA' ZHIG NI MNYAM PAR BZHAG PA'I SA PA YIN LA 'GA' ZHIG NI MNYAM PAR MA BZHAG PA'I SA PA YIN ZHING, KHA CIG NI DNGOS GZHI'I GNAS SKABS NA YOD LA KHA CIG NI SBYOR PA'I GNAS SKABS NA YOD DE, NYER BSDOGS KYI GNAS SKABS NA YOD CES PA'I THA TSIG GO ,ZHES GSUNGS PA'I PHYIR, TSAD MED BZHIS GNOD SEMS SOGS MI SPONG KYANG GNYEN POR BSHAD PA'I RGYU MTSAN YOD DE, DE DAG GNOD SEMS SOGS KYI 'GAL ZLA'I GNYEN POR BZHAG LA, SBYOR BA'I DUS NA GNOD SEMS SOGS ZIL GYIS GNON, DNGOS GZHI'I DUS LAM GZHAN GYIS DE DAG BRAL ZIN PA THEG SRID PAR BYED PA'I PHYIR, RNAM 'GREL LAS, BYAMS SOGS RMONGS DANG 'GAL MED PHYIR, ,SHIN TU NYES PA TSAR GCOD MIN, ,ZHES DANG, RTZA BAR, DE YIS MI SPONG, ZHES GSUNGS PA'I PHYIR, LAS DANG PO BAS

032b

KYANG BYAMS PA YID LA BYED TSUL YOD DE, BDAG NYID KYI BDE BA NYAMS MYONG LA YOD PA'AM, SANGS RGYAS DANG BYANG SEMS DANG DGRA BCOM PA'I BDE BA THOB PA DE LTA BU KYE MA SEMS CAN RNAMS DE LTAR BDE BAR GYUR CIG CES SEMS CAN RNAMS LA BDE BAR MOS PAR BYED PA DE YIN PA'I PHYIR, RANG 'GREL LAS, YANG LAS DANG PO PA BYAMS PA LA JI LTAR SBYOR ZHE NA, ZHES GSUNGS PA'I PHYIR, GAL TE NYON MONGS SHAS CHE BAS SKYE DKA' NA DE DAG GI BSGOM TSUL YOD DE, THOG MAR MDZA' BO'I PHYOGS LA DUNG SEMS CHE BA MA DANG, 'BRING PHA DANG, DUNG SEMS CHUNG NGU GZHAN GSUM DU PHYE NAS SNGA MA LA SKYE BA DANG, GNYIS PA LA SGOM PA SOGS KYIS MDZA' BO CHE 'BRING CHUNG GSUM LA BSKYED, DE DAG LA BYAMS PA SKYES PA NA, DE NAS DGRA GNYEN GANG YANG MIN PAS BAR MA LA BYAMS PA BSGOM, DE'I 'OG TU DGRA BO'I PHYOGS LA GNOD PA CHUNG 'BRING CHEN PO GSUM LA RIM PAS SGOM PA DE YIN PA'I PHYIR, DANG PO GRUB STE, RANG 'GREL LAS; NYON MONGS PA'I 'JUG PA SHAS CHE BA'I PHYIR, ZHES PA NAS, CHUNG NGU LA MOS PAR BYED DO, ,ZHES GSUNGS PA'I PHYIR, GNYIS PA GRUB STE, RANG 'GREL LAS, DE DAG LA BYAMS PA MNYAM PA THOB NA, DE'I 'OG TU THA MAL PA'I KHYOGS LA MOS PAR BYED DO, ,ZHES GSUNGS PA'I PHYIR, GSUM PA GRUB STE, RANG 'GREL LAS, DE'I 'OG TU DGRA BO'I PHYOGS LA RNAM PA GSUM DU PHYE NAS CHUNG NGU LA BDE BA DE MOS PAR BYED DO, ,DE NI 'BRING DANG CHEN PO LA MOS PAR BYED DO,,

033a

, ,ZHES GSUNGS PA'I PHYIR, DGRA LA'ANG MDZA' BO CHEN PO MA LTA BUR BDE BAR MOS PA MI LDOG PA'I TSE, RIM GYIS KHYIM GANG BA DANG GRONG DANG YUL 'KHOR NAS PHYOGS GCIG GI 'JIG RTEN THAMS CAD NAS PHYOGS THAMS CAD DU KHYAB PA NYAN SA DANG MDO LTAR SGOM PA YIN TE, RANG 'GREL LAS, DE'I 'OG TU RIM GYIS KHYIM DANG, NAS, BYAMS PAS RGYAS PAR BYED DO, ,ZHES GSUNGS PA'I PHYIR, BYAMS PA SKYE SLA BA'I GANG ZAG YOD DE, MDO LTAR SEMS CAN THAMS CAD KYI YON TAN 'DZIN PA DE LA BYAMS PA SKYE SLA BA'I PHYIR, RANG 'GREL LAS, GANG ZHIG THAMS CAD DU YON TAN 'DZIN PA DE NI BYAMS PA MYUR DU SKYED BAR BYED DO, ,ZHES GSUNGS PA'I PHYIR, SNYING RJE YANG DE DANG 'DRA LA BTANG SNYOMS LA THA MAL BA SNGON LA SGOM PA SOGS YIN PA'I PHYIR, RTEN GLING GSUM GYI MI DAG GI NANG DU SKYED DO, GZHAN DU DE GSAR SKYED MI RUNG BA'I PHYIR, RTZA BAR, MI DAG GI ,NANG DU SKYED DO, ,ZHES SO; ;LDAN TSUL YOD DE, BYAMS SNYING RJE BTANG SNYOMS TSAD MED GSUM NI GANG RUNG RE RE DANG LDAN NA GSUM GA DANG LDAN DGOS LA, DGA' BA NI BSAM GTAN GSUM PA DANG, BZHI PA LA MI LDAN PA'I PHYIR, RTZA BAR NGES GSUM LDAN; ZHES SO, ,GNYIS PA RNAM THAR NI, RTZA BAR, RNAM PAR THAR BRGYAD DANG PO GNYIS, MI SDUG BSAM GTAN GNYIS NA YOD, ,GSUM PA MTHA' NA DE MA CHAGS, ,GZUGS MED MNYAM BZHAG DGE RNAMS SO, ,'GOG PA'I SNYOMS

033b

BAR 'JUG PA'O, ,PHRAB PHRA BA'I MJUG THOGS SU, ,RANG GI DAG DANG 'OG MA YI, 'PHAGS PA'I SEMS KYIS DE LAS LDANG, ,DANG PO 'DOD GTOGS SNANG YUL CAN, ,GANG DAG GZUGS CAN MIN DE DAG ,SPYOD YUL GONG DANG RANG GI SA'I, ,SDUG BSNGAL SOGS DANG RJES SHES PHYOGS, ,ZHES BYUNG, RNAM PAR THAR PA CHOS CAN, BRGYAD YOD DE, GZUGS CAN GZUGS LA LTA BA'I RNAM THAR, ,GZUGS MED GZUGS LA LTA BA'I RNAM THAR, SDUG PA'I RNAM THAR GZUGS MED KYI RNAM THAR BZHI DANG 'GOG PA'I RNAM THAR RNAMS SU YOD PA'I PHYIR, RTZA BAR, RNAM PAR THAR BRGYAD, CES SO, ,RNAM THAR BRGYAD KYI DANG PO GNYIS CHOS CAN, KHYAD CHOS GSUM DANG LDAN TE, NGO BO RNAM PAR SDOS PA SOGS KYI MI SDUG PA DANG, KHA DOG LA CHAGS PA'I GNYEN PO MA CHAGS PA, ,SA BSAM GTAN DANG PO DANG GNYIS PA NA YOD PA'I PHYIR, DANG PO GRUB STE, RTZA BAR, DANG PO GNYIS, MI SDUG CES SO, ,GNYIS PA GRUB STE, 'DOD PA DANG BSAM GTAN DANG PO'I SAS BSDUS KYI KHA DOG LA CHAGS PA'I GNYEN PO YIN PA'I PHYIR, GSUM PA GRUB STE, 'DOD PA DANG BSAM GTAN DANG PO'I KHA DOG LA CHAGS PA'I GNYEN PO BSAM GTAN DANG PO DANG GNYIS PA NA YOD KYI BSAM GTAN GSUM PA DANG BZHI PA NA MED PA'I PHYIR TE, BSAM GTAN GNYIS PA'I KHA DOG LA CHAGS PA'I GNYEN PO MED PA'I PHYIR DANG, GNYIS PA'I SAS BSDUS KYI MIG SHES MED PA'I PHYIR, KHYAB STE, YUL LA CHAGS PA DANG BRAL NA DE'I SHES PA LA'ANG CHAGS BRAL GYIS KHYAB PA'I PHYIR,

034a

, ,RTZA BAR, BSAM GTAN GNYIS NA YOD, CES DANG, GANG SPEL LAS, MIG GI RNAM PAR SHES PA MED PA'I PHYIR, GANG ZHIG YUL GANG LAS 'DOD CHAGS DANG BRAL BA DE NI NGES PAR DE 'DZIN PAR BYED PA'I RNAM PAR SHES PAS KYANG 'DOD CHAGS DANG BRAL BA YIN, ZHES GSUNGS PA'I PHYIR, RNAM THAR GSUM PA SDUG PA'I RNAM THAR CHOS CAN, KHYAD PAR GSUM DANG LDAN TE, SA'I KHYAD PAR BSAM GTAN MTHA' BZHI PA NA YOD PA, NGO BO MA CHAGS PA YIN PA, RNAM PA SDUG PA'I RNAM CAN YIN PAS MI SDUG PA'I RNAM CAN MIN PA'I KHYAD PAR GSUM DANG LDAN PA'I PHYIR, DANG PO NI, RTZA BAR, GSUM PA MTHA' NA, ZHES SO, ,GNYIS PA NI, RTZA BAR, DE MA CHAGS, ZHES SO, ,GSUM PA NI, RANG 'GREL LAS, SDUG PA'I RNAM PA CAN YIN PA'I PHYIR, MI SDUG PA'I TING NGE 'DZIN MA YIN NO, ,ZHES GSUNGS PA'I PHYIR, GZUG MED KYI RNAM THAR YOD DE, GZUGS MED KYI MNYAM BZHAG DGE BA STE, DNGOS GZHI'I SNYOMS 'JUG DAG PA BA DANG ZAG MED RNAMS DANG NYER BSDOGS RNAM GROL LAM MNYAM PAR BZHAG PA RNAMS GZUGS MED KYI RNAM THAR YIN GYI MNYAM PAR MA BZHAG BA DANG, 'GOG LAM LA DMIGS PA'I NYER BSDOGS KYI BAR CHAD MED LAM RNAMS GZUGS MED KYI RNAM THAR MA YIN TE, RNAM THAR GYI DON RGYAB KYIS PHYOGS PA'I DON YIN PA'I PHYIR TE, RNAM THAR DANG PO GNYIS KYI KHA DOG GI CHAGS PAR RGYAB KYIS PHYOGS, GSUM PA MI SDUG PA LA GZUGS MED

034b

'JUG ,SA 'OG MA DANG DMIGS PA THAMS CAD LA DANG 'GOG PA TSOR 'DUL RGYAB KYIS PHYOGS PA'I PHYIR, RTZA BAR, GZUGS MED MNYAM BZHAG DGE RNAMS SO, ,ZHES SO, ,RANG 'GREL LAS, BAR CHAD MED PA'I LAM RNAMS NI MA YIN TE, RNAM PAR THAR PA'I DON NI RGYAB KYIS PHYOGS PA'I DON YIN NO, ,ZHES GSUNGS PA'I PHYIR, 'GOG PA'I RNAM THAR YOD DE, GNAS GNYIS PAR BSHAD PA'I 'GOG SNYOMS DE YIN PA'I PHYIR, RTZA BAR, 'GOG PA'I SNYOMS PAR 'JUG PA'O, ,ZHES SO, ,'GOGS PA LA SNYOMS PAR 'JUG LDANG GI SEMS KYI KHYAD PAR YOD DE, KHAMS GSUM GYI SEMS PHRA BA SRID RTZE'I SEMS YIN LA, DE LAS KYANG PHRA PAR BYAS PA'I SEMS KYIS SNYOMS PAR 'JUG LA SRID RTZE RANG GI SA PA'I DAG PA BA DANG 'OG MA'I CI YANG MED KYI SA PA'I 'PHAGS PA ZAG MED PA'I SEMS KYIS 'GOG PA'I SNYOMS 'JUG DE LAS LDANG BAR BYED PA'I PHYIR, DANG PO GRUB STE, RTZA BAR, PHRA BA PHRA BA'I MJUG THOGS SU, ZHES GSUNGS PA'I PHYIR; GNYIS PA GRUB STE, RTZA BAR, RANG GI DAG DANG 'OG MA YI, ,'PHAGS PA'I SEMS KYIS DE LAS LDANG, ,ZHES GSUNGS PA'I PHYIR, RNAM THAR DE RNAMS KYIS SPYOD YUL GYI KHYAD PAR YOD DE, RNAM THAR BRGYAD KYI DANG PO GSUM 'DOD PAR GTOGS PA'I SNANG BA GZUGS KYI YUL CAN DANG, GZUGS CAN MA YIN PA'I RNAM THAR BZHI'I DE DAG GI SPYOD YUL GONG DANG RANG GI SA'I SDUG BSNGAL DANG SOGS PA'I KUN 'BYUNG DANG 'GOG PA DANG RJES SHES PHYOGS DANG MTHUN

035a

, ,PA'I LAM THAMS CAD YIN PA'I PHYIR, DANG PO GRUB STE, RTZA BAR, DANG PO GTOGS 'DOD SNANG YUL CAN, ZHES GSUNGS PA'I PHYIR, GNYIS PA GRUB STE, RTZA BAR, GANG DAG GZUGS CAN MIN DE DAG ,SPYOD YUL GONG DANG RANG GI SA'I, ,SDUG BSNGAL SOGS DANG RJES SHES PHYOGS, ZHES GSUNGS PA'I PHYIR, RNAM PAR THAR PA RNAMS SKYED PA'I RGYU MTSAN GNYIS YOD DE, NYON MONGS MED PA SMON NAS SHES PA LA SOGS PA'I YON TAN MNGON PAR SGRUB PA DANG 'PHAGS PA'I RDZU 'PHRUL NI SA GSER DU BYED PA LTA BU DNGOS PO BSGYUR BA DANG, DNGOS PO BRTAN PA RING THUNG 'DI TZAM DU GYUR CES BYIN GYIS RLOBS PA DANG, TSE GTONG BA YANG DE LTAR DANG RI RAB PHRA RAB TU 'JUG PA SOGS KYI CHED YIN PA'I PHYIR TE, RANG 'GREL LAS, RGYU GNYIS KYIS RNAM PAR THAR PA, ZHES PA NAS, DE YANG GANG GIS DNGOS PO YONGS SU BSGYUR BA DANG, BYIN GYIS RLOBS PA DANG, ZHES GSUNGS PA'I PHYIR, ,GSUM PA NI, RTZA BAR, ZIL GYIS GNON PA'I SKYE MCHED BRGYAD, ,GNYIS NI RNAM THAR DANG PO BZHIN, ,GNYIS NI GNYIS PA BZHIN NO GZHAN, ,SDUG PA'I RNAM PAR THAR PA BZHIN, ,ZHES BYUNG, MDO LAS GSUNGS PA'I ZIL GYIS GNON PA'I SKYE MCHED BRGYAD YOD DE, NANG GZUGS SU 'DU SHES PAS PHYI ROL GYI GZUGS CHUNG NGU DANG CHEN PO LA LTA BA GNYIS DANG, NANG GZUGS MED PAR 'DU SHES PAS PHYI ROL GYI GZUGS CHUNG NGU CHEN PO SOGS LA LTA BA GNYIS STE DBYIBS ZIL GYIS GNON

035b

PA'I BZHI DANG, NANG GZUGS MED PAR 'DU SHES PAS PHYI ROL GYI GZUGS SNGON PO DANG, SER PO DANG, DMAR PO DANG, DKAR PO LA LTA BA STE KHA DOG ZIL GYIS GNON PA'I BZHI STE BRGYAD YOD PA'I PHYIR, ZIL GNON DANG PO GNYIS CHOS CAN, KHYAD PAR BZHI DANG LDAN PA RNAM THAR DANG PO BZHIN YIN TE, NGO BO MA CHAGS PA'I DGE BA DANG SA BSAM GTAN DANG PO GNYIS KHO NAR YOD PA, 'DOD PA'I GZUGS KYI KHA DOG LA CHAGS PA'I GNYEN PO BYED PA DMIGS YUL 'DOD PA'I GZUGS YID DU 'ONG BA RNAMS LA DMIGS YUL BYED PA'I PHYIR, DPER NA RANG GI RGYU RNAM THAR DANG PO DE BZHI DANG LDAN PA BZHIN NO, ,RTZA BAR, GNYIS NI RNAM THAR DANG PO BZHIN, ZHES DANG, GANG SPEL LAS, ZIL GYIS GNON PA'I SKYE MCHED GNYIS PA 'DI DAG KYANG RANG BZHIN DANG SA DANG RNAM PA'I BYE BRAG GI SGOS DE DANG 'DRA BAR LTA BAR BYA STE, 'DI GNYIS NI RNAM PAR THAR PA DANG PO'I 'BRAS BU YANG YIN NO, ,ZHES GSUNGS PA'I PHYIR, ZIL GNON GSUM PA DANG BZHI PA CHOS CAN, KHYAD PAR BZHI DANG LDAN PA RNAM THAR GNYIS PA BZHIN YIN TE, NGO BO MA CHAGS PA'I DGE BA, SA BSAM GTAN DANG PO GNYIS KHO NAR YOD, BSAM GTAN DANG PO'I KHA DOG LA CHAGS PA'I GNYEN PO DANG 'DOD PA'I GZUGS YID DU 'ONG MI 'ONG RNAMS YUL DU BYED PA'I PHYIR, DPER NA RANG GI RGYU RNAM THAR GNYIS PA DE BZHI DANG LDAN PA BZHIN YIN PA'I PHYIR, RTZA BAR, GNYIS NI GNYIS PA BZHIN NO, ,ZHES GSUNGS PA'I PHYIR, GZHAN KHA DOG ZIL GYIS GNON

036a

, ,BA'I SKYE MCHED BZHI CHOS CAN, KHYAD PAR BZHI DANG LDAN PA SDUG PA'I RNAM THAR BZHIN YIN TE, NGO BO MA CHAGS PA'I DGE BA YIN, SA BSAM GTAN BZHI PA NA YOD PA, CHAGS PA'I GNYEN PO BYED PA 'DOD PA'I GZUGS YID DU 'ONG BA DMIGS PA'I YUL YIN PA'I PHYIR, DPER NA RANG GI RGYU SDUG PA'I RNAM THAR LA DE LTAR BSGOM PAS DMIGS PA LA 'DOD DGUR DBANG BSGYUR ZHING ZIL GYIS GNON PA NA ZIL GNON DU GYUR PA DE YIN PA'I PHYIR, RTZA BAR, GZHAN, SDUG PA'I RNAM PAR THAR PA BZHIN, ZHES GSUNGS PA'I PHYIR, RNAM THAR DE GSUM DANG ZIL GNON RNAMS KHYAD PAR BZHIR 'DRA YANG KHYAD PAR YOD DE, RNAM THAR NI DMIGS PA DE ZIL GYIS MI NON KYANG DE LA RGYAB KYIS PHYOGS TZAM YIN LA, DER MA ZAD JI LTAR 'DOD PAR DBANG BSGYUR BA DANG DE LA NYON MONGS MI SKYE BA GNYIS TSANG BA DE ZIL GYIS GNON PA'I DON YIN PA'I PHYIR, RANG 'GREL LAS, DE DAG GIS NI RGYAB KYIS PHYOGS PA TZAM DU ZAD LA, 'DI DAG GIS NI DMIGS PA ZIL GYIS GNON TE, JI LTAR 'DOD PA BZHIN MOS PA'I PHYIR DANG, NYON MONGS PA MI SKYE PA'I PHYIR RO, ,ZHES GSUNGS PA'I PHYIR, GANG SPEL LAS, RNAM PAR THAR PA DAG GI NI, ZHES PA NAS, GAL TE KUN NAS NYON MONGS PA'I DNGOS PO LA SDUG PAR 'DZIN YANG NYON MONGS PA MI SKYE NA DE LTAR NA DE DAG GI DMIGS PA ZIL GYIS MNON PA YIN NO, ,ZHES GSUNGS PA'I PHYIR, BZHI PA NI, RTZA BAR, ZAD PAR BCU'O

036b

BRGYAD MA CHAGS, ,BSAM GTAN MTHA' NA SPYOD YUL NI, ,'DOD PA GNYIS NI GZUGS MED DAG ,SPYOD YUL RANG GI PHUNG PO BZHI, ,ZHES BYUNG, ZAD PAR GYI TING NGE 'DZIN CHOS CAN, BCU YOD DE, ZAD PAR SA DANG, CHU DANG, ME DANG; RLUNG DANG, SNGON PO DANG, SER PO DANG, DMAR PO DANG, DKAR PO DANG, NAM MKHA' DANG, ZAD PAR RNAM PAR SHES PA'I SKYE MCHED KYI TING NGE 'DZIN BCU YOD PA'I PHYIR, MDO LAS, LA LA ZAD PAR SA'O ZHES STENG DANG 'OG DANG THAD KAR GNYIS SU MED PAR 'DU SHES SU BYED, DE BZHIN DU, CHU DANG, ME DANG, RLUNG DANG, SNGON PO DANG, SER PO DANG, DMAR PO DANG, DKAR PO DANG, NAM MKHA' DANG, ZAD PAR RNAM PAR SHES PA'I SKYE MCHED KYANG YIN TE, 'DI DAG NI ZAD PAR GYI SKYE MCHED BCU'O, ,ZHES GSUNGS PA'I PHYIR, DE'I DON YOD DE, ZAD PAR ZHES PA RNAM PA DANG STENG DANG 'OG DANG THAD KAR ZHES PHYOGS, GANG DU YID ZAD PAR 'JUG PA'I YUL DANG GNYIS SU MED PA NI BAR 'TSAMS MED PAR KHYAB PAR DANG TSAD MED PA NI MTHA' YAS PAR MOS TE, STENG 'OG THAD KAR PAR 'TSAMS MED PAR SA MTHA' YAS SO SNYAM DU MOS PAR BYED PA DE ZAD PAR SA'I SKYE MCHED NAS RNAM SHES KYI BAR 'DRA BA'I PHYIR, GANG SPEL LAS, BAR MED CING 'TSAMS MED PA'I NGO BOR GANG ZHIG SNGAR MOS PA DE THAMS CAD SRA BAR RGYAS PAR BYED DE KHYAB PAR BYED CES BYA BA'I THA TSIG GO JI LTAR ZHE NA, SA MTHA' YAS SO SNYAM DU MOS PA'I STE, RNAM PAR SHES PA'I BAR LA YANG BRJOD PAR

037a

, ,BYA'O; ;ZHES GSUNGS PA'I PHYIR, DE BCU CHOS CAN, ZAD PAR GYI SGRA BSHAD YOD DE, GANG SPEL LAS, DE'I PHYIR DE LTAR BAR MED CING 'TSAMS MED PAR RGYAS PAR YID LA BYED PAS GNAS PA'I PHYIR ZAD PAR GYI SKYE MCHED CES BYA'O, ,ZHES GSUNGS PA'I PHYIR, ZAD PAR DANG PO BRGYAD CHOS CAN, KHYAD PAR BZHI DANG LDAN TE, NGO BO MA CHAGS PA'I DGE BA DANG, CHAGS PA'I GNYEN PO BYED PA, SA BSAM GTAN GYI MTHA' BZHI PA KHO NAR YOD PA, 'DOD PA'I GZUGS KYI SKYE MCHED KYI YUL CAN YIN PA'I PHYIR, GNYIS PA SLA, DANG PO DANG GSUM PA GRUB STE, RTZA BAR BRGYAD, CES DANG, BSAM GTAN MTHA' NA, ZHES SO, ,BZHI PA GRUB STE, 'DI'I SA SOGS KYANG SNGAR GNAS DANG POR 'JIG RTEN GYI NI THA SNYAD DU, KHA DOG DBYIBS LA SA ZHES BRJOD, CHU ME YANG NGO, ,ZHES GSUNGS PA LTAR KHA DOG DANG DBYIBS KYIS SPRUL BA DE YIN PA'I PHYIR, RTZA BAR, SPYOD YUL NI, 'DOD PA ZHES DANG, RANG 'GREL LAS, 'DOD PA NA SPYOD PA'I GZUGS KYI SKYE MCHED YIN NO, ,ZHES GSUNGS PA'I PHYIR, 'GREL BSHAD GNYIS LAS KYANG NGO, ,ZAD PAR PHYI MA GNYIS CHOS CAN, KHYAD PAR GSUM DANG LDAN TE, DE GNYIS RIM PA BZHIN DU GZUGS MED NAM MKHA' MTHA' YAS DANG RNAM SHES MTHA' YAS KYI SNYOMS 'JUG DAG PA BA DANG, DMIGS PA'I SPYOD YUL RANG SA'I PHUNG PO BZHI YIN PA'I PHYIR, RTZA BAR, GNYIS NI GZUGS MED DAG SPYOD YUL RANG GI PHUNG PO BZHI, ,ZHES GSUNGS PA'I PHYIR,

037b

'DI DAG SPRO BYA MANG YANG MA BRIS, DE GSUM GYI SNGA MA SNGA MA LAS PHYI MA PHYI MA 'BYUNG BA YIN TE, ZIL GNON NI RNAM THAR GYI 'JUG PA 'AM 'JUG SGO BYAS NAS BYUNG, ZAD PAR YANG ZIL GNON GYIS 'JUG PA LAS BYUNG BA'I PHYIR TE, DE GSUM GONG NAS GONG DU 'PHEL BA LAS BYUNG BA'I PHYIR, RANG 'GREL LAS, GONG NAS GONG DU KHYAD PAR DU 'PHAGS PA'I PHYIR RO, ,ZHES DANG, GANG SPEL LAS, JI LTAR GONG NAS GONG DU 'PHAGS ZHE NA, RGYAB KYIS PHYOGS PA TZAM DANG ZIL GYIS GNON PA DANG, ZAD PAR BYED PA'I PHYIR, ZHES GSUNGS PA'I PHYIR, RGYAL SRAS MA LAS, RIM CAN DU SKYE BA DE'I DON DU BSHAD DO, ,LNGA PA NI, RTZA BAR, 'GOG PA BSHAD ZIN LHAG MA NI, ,'DOD CHAGS BRAL DANG SBYOR BAS THOB, ,GZUGS MED CES BYA KHAMS GSUM GYI, ,RTEN CAN LHAG MA MI LAS SKYE, ,KHAMS GNYIS DAG TU GZUGS MED PA, ,RGYU DANG LAS KYI STOBS KYIS SKYES, ,GZUGS KYI KHAMS SU BSAM GTAN RNAMS, ,DE DAG DANG CHOS NYID KYIS KYANG, ,ZHES BYUNG, 'GOG PA MA GTOGS SKYE 'PHAGS THUN MONG GI YIN LA, YON TAN BRGYAD GSUM DANG GNYIS DE NYER DRUG GI THOB TSUL YOD DE, 'GOG PA'I RNAM THAR THOB TSUL GNAS GNYIS PAR BSHAD ZIN LA, LHAG MA NYER LNGA NI SNGAR 'DRIS NA 'DOD CHAGS DANG BRAL BAS THOB PA DANG, MA 'DRIS NA SBYOR BAS THOB PA'I PHYIR, DANG PO NI, RTZA BAR, 'GOG PA BSHAD ZIN, ZHES SO, ,GNYIS PA GRUB STE, RTZA BAR, LHAG MA NI, 'DOD CHAGS BRAL DANG SBYOR BAS 'THOB, ,ZHES GSUNGS PA'I

038a

, ,PHYIR; DE RNAMS KYI RTEN GYI KHYAD PAR YOD DE, GZUGS MED CES BYA RNAM THAR BZHI DANG, ZAD PAR GNYIS TE, DRUG NI KHAMS GSUM GA'I RTEN CAN YOD, LHAG MA BCU DGU LUNG LA BRTEN NAS SKYE DGOS PAS MI LAS SKYE BA'I PHYIR, DANG PO GRUB STE, RTZA BAR, GZUGS MED CES BYA KHAMS GSUM GYI, ,RTEN CAN, ZHES SO, ,GNYIS PA GRUB STE, KHAMS GONG NA 'CHAD NYAN MED MI LA YOD PA'I PHYIR, RTZA BAR, LHAG MA MI LAS SKYE, ZHES GSUNGS PA'I PHYIR, GANG SPEL LAS, DE DAG NI MI'I RTEN KHO NA YIN NO, ,CI'I PHYIR ZHE NA, LUNG GIS MTHUS BSKYED PA'I PHYIR DANG, LHA LA SOGS PA GZHAN NA LUNG MED PA'I PHYIR RO, ,ZHES GSUNGS PA'I PHYIR, KHO NA RE, KHAMS GONG MA GNYIS SU BSAM GTAN DANG GZUGS MED PA'I TING NGE 'DZIN MI SKYE 'AM, DER LUNG MED PAS SO SNYAM NA, LUNG MED CING DE GNYIS SU MI SKYE BA'I SKYON MED DE, KHAMS GONG MA GNYIS DAG TU GZUGS MED PA SNGON GOMS PA'I SKAL MNYAM RGYU DANG GZUGS MED SKYE 'GYUR GYI LAN GRANGS GZHAN LA MYONG 'GYUR GYI LAS KYI STOBS KYIS SKYE GZUGS KHAMS SU BSAM GTAN RNAMS SNGON GOMS PA'I SKAL MNYAM RGYU DANG LAN GRANGS GZHAN LA MYONG 'GYUR GYI LAS KYIS STOBS DE DAG DANG, CHOS NYID KYIS KYANG SKYE BA'I PHYIR, DANG PO GRUB STE, RTZA BAR, KHAMS GNYIS DAG DU GZUGS MED PA, ,RGYU DANG LAS GYI STOBS KYIS SKYES, ZHES SO, ,GNYIS PA GRUB STE, RTZA BAR,

038b

GZUGS KYI KHAMS SU BSAM GTAN RNAMS, ,DE DAG DANG CHOS NYID KYIS KYANG, ZHES GSUNGS PA'I PHYIR, SMRAS PA, YANG DAG RDZOGS PA'I SANGS RGYAS ZHAL LUNG GI ,BDUD RTZI MYANG BA'I SNYOMS 'JUG BRGYAD KYIS SKOR, ,LUNG RIGS RNAM SAD DPAG BSAM LJON PA LAS, ,SKYES PA'I RIN CHEN BRGYAN 'PHRENG DA LONGS KYE, ,BSAM GZUGS LA BRTEN TING 'DZIN RNAM THAR DANG, ,ZIL GNON ZAD PAR SKYE MCHED PHUL GYIS GTAM, ,RNAM GROL BDUD RTZI'I GOS 'DZIN 'O MA'I MTSO, ,MKHOS MCHOG DBYANGS CAN RAB BKRA 'BYUNG BA'I GNAS, ,BLO CHEN MES POS MYANG YANG MA TSIM MO, ,'KHOR 'DAS PHUN TSOGS RIN CHEN 'BYUNG BA'I GNAS, ,RNAM DPYOD GTING ZAB CHOS MNGON PADMA'I MTSO; ;THOS BSAM BSGOM PAS ROL 'DOD GNYIS SKYES KUN, ,DGA' BDES RLABS DANG LHAN CIG ROL BA'I BREL, ,ZHES PA'ANG BAR SKABS KYI TSIGS SU BCAD PA'O, ,CHOS MNGON PA MDZOD KYI DGONGS 'GREL GYI BSTAN BCOS THUB BSTAN NOR BU'I GTER MDZOD DUS GSUM RGYAL BA'I BZHED DON KUN GSAL LAS GNAS BRGYAD PA LEGS PAR BSHAD ZIN TO,, ` ,,GSUM PA RTZOM PA MTHAR PHYIN PA'I BYA BA LA, ,BSTAN PA'I GNAS TSAD DANG, NONGS PA BZOD PAR GSOL BA, THAR 'DOD KYIS BAG YOD BSTEN RIGS PA GSUM, DANG PO NI, RTZA BAR, STON PA'I DAM CHOS RNAM GNYIS TE, ,LUNG DANG RTOGS PA'I BDAG NYID DO, ,DE 'DZIN BYED PA SMRA BYED PA, ,SGRUB PAR BYED PA KHO NA YIN, GZHES BYUNG,

039a

, ,'DI LA TSIGS DON DANG, SPYI DON GNYIS, DANG PO NI, STON PA'I DAM CHOS CHOS CAN, LUNG RTOGS KYIS DAM CHOS GNYIS YOD DE, LUNG GI DAM CHOS MDO SDE 'DUL BA MNGON PA'I SDE SNOD GSUM DANG, RTOGS PA'I DAM CHOS BYANG PHYOGS SO BDUN DANG BCAS PA YOD PA'I PHYIR, RTZA BAR, STON PA'I DAM CHOS RNAM GNYIS TE, ,LUNG DANG RTOGS PA'I BDAG NYID DO, ,ZHES SO, ,DAM PA'I CHOS GNYIS 'DZIN PAR BYED PA'I TSUL YOD DE, LUNG SDE SNOD GSUM GZHAN LA PHYIN CI MA LOG PAR SMRA BA'I SGOS STON PA DANG, BYANG PHYOGS SO BDUN SOGS SGRUB PA LAG LEN LA BYED PA SGRUB PA YIN PA'I PHYIR TE, DE GNYIS GNAS KYI BAR DU BSTAN PA GNAS PA DE YIN PA'I PHYIR, RTZA BAR; DE 'DZIN BYED PA SMRA BYED PA, ,SGRUB PAR BYED PA KHO NA YIN, ZHES SO, ,RANG 'GREL LAS, DE'I PHYIR DE NYID JI SRID DU GNAS PA DE SRID DU DAM PA'I CHOS GNAS PAR RIG PAR BYA'O, ,ZHES GSUNGS PA'I PHYIR, GNYIS PA SPYI'I DON LA; BSTAN PA'I GNAS TSAD STON PAS GSUNG TSUL DANG, RGYA BOD KYI MKHAS PAS BKRAL TSUL, 'THAD LDAN BZHAG PA GSUM, DANG PO NI, BSTAN PA GNAS TSAD DRANG DON NGES DON DU MA GSUNGS PA YOD DE, MDO SDE BSKAL BZANG LAS BSTAN PA YANG DAG LO LNGA BRGYA GZUGS BRNYAN LO LNGA BRGYA DANG STONG GNAS PAR GSUNGS, SOR 'PHRENG CAN GYI RTOGS BRJOD LAS KYANG, SH'AKYA THUB PA'I BSTAN PA LO STONG DU GNAS SHING, ZHES GSUNGS, ZLA BA'I SNYING

039b

PO'I MDO LAS, NGA MYA NGAN LAS 'DAS NAS DAM PA'I CHOS KYI GZUGS BRNYAN LO NYIS STONG GNAS PAR 'GYUR RO, ,ZHES DANG, SNYING RJE PAD DKAR DU BDAG MYA NGAN LAS 'DAS NAS LO STONG DU DAM PA'I CHOS GNAS PAR GYUR CIG ,YANG LO LNGA BRGYAR DAM PA'I CHOS KYI GZUGS BRNYAN GNAS PAR GYUR CIG CES LO STONG PHRAG PHYED GNYIS GNAS PAR GSUNGS PA SOGS DRANG DON DU MA DANG, NGES DON NI, LHA MO DRI MA MED PAS ZHUS PA LAS, LO NYIS STONG LNGA BRGYA NA GDONG DMAR CAN GYI YUL DU DAM PA'I CHOS RGYAS PAR GSUNGS, SHER PHYIN LAS, BSTAN PA BYANG PHYOGS NAS BYANG PHYOGS RGYA MTSO'I MTHA'I BAR DU RGYAS PAR 'GYUR BAR GSUNGS PA DANG, 'JAM DPAL RTZA RGYUD DU RGYA GAR BAL PO BOD RGYA LI SOGS SU BSTAN 'DZIN DU MA LUNG BSTAN PA DANG, KHYAD PAR DUS 'KHOR LAS DUS BZHI CHE CHUNG GNYIS BSHAD PA DE YIN PA'I PHYIR, RGYA GAR MKHAS PAS BSHAD TSUL LA YANG MDO'I DBANG GI DU MA YOD DE, MDZOD RANG 'GREL LAS, DE DAG LO STONG DU GNAS SO, ,ZHES BSHAD DO, ,GZHAN DAG NA RE, RTOGS PA NI DE LTA BU YIN GYIS LUNG NI RING DU GNAS SO, ,ZHES ZER RO, ,ZHES GSUNGS PA'I SNGA MA LUNG LAS GSUNGS TSUL DANG, GZHAN DAG MAN CHAD SLOB DPON YAB SRAS BZHED DE, GANG SPEL LAS, RTOGS PA NI DE LTA BU YIN ZHES BYA BA NI LO STONG DU GNAS PA'O, ,LUNG NI RING DU GNAS SO, ,ZHES BYA BA NI LO STONG GI PHYI NAS KYANG ZHES BYA BA'I THA TSIG STE, PHYOGS 'DI NYID RIGS PAR

040a

, ,MTHONG NGO, ,ZHES DANG, RGYAL SRAS MA LAS KYANG, DE LTAR BSHAD PA DANG, BLO GROS MI ZAD PA'I MDO'I 'GREL BAR SLOB DPON DBYIG GNYEN GYIS SH'AKYA THUB PA'I BSTAN PA 'BRAS BU THOB PA DANG SHIN TU RGYAS PA'I DUS NI, LO STONG ZHIG 'DZAM BU GLING DU GNAS DE SOGS DANG, RDO RJE GCOD PA'I 'GREL BAR SLOB DPON KLA MA LA SH'I LAS LNGA BRGYA THA MA ZHES BYA BA LA BRGYA PHRAG LNGA TSOGS NI LNGA BRGYA STE, SANGS RGYAS KYI BSTAN PA LNGA BRGYA PHRAG LNGA'I BAR DU GNAS SO, ,ZHES GRAGS PA DE'I PHYIR, THA MA ZHES BYE BRAG TU MDZAD DO, ,ZHES DANG, THUB DGONGS LAS KYANG DE LTAR GSUNGS PA DAG DRANG DON DANG, NGES PA'I DON CAN DAG 'BUM tIKA DU LNGA STONG GNAS PAR BSHAD PA, SLOB DPON 'JAM DPAL GRAGS PA'I KYANG DE LTAR BSHAD PA DANG DUS 'KHOR GYI RTZIS LO MTHUN PAS 'THANG LDAN YIN PA'I PHYIR, 'BUM tIKA GNOD 'JOMS LAS, LNGA BRGYA BA PHRAG BCUR GNAS PAS DANG PO LA, DGRA BCOM PA, GNYIS PA LA PHYIR MI 'ONG, ,GSUM PA LA 'BRAS BU DANG PO GNYIS 'BYUNG BA'I DE DAG 'BRAS BU'I DUS DANG, BZHI PA LA SHES RAB, LNGA PA LA TING NGE 'DZIN, DRUG PA LA TSUL KHRIMS LA SLOBS PA SHAS CHE BAS DE DAG SGRUB PA'I DUS DANG, BDUN PA LA MNGON PA, BRGYAD PA LA MDO SDE, DGU PA LA 'DUL BA SHAS CHER SPYOD PAS DE DAG LUNG GI DUS DANG, BCU BA NI RTAGS TZAM 'DZIN PA'O, ,ZHES GSUNGS PA'I PHYIR, GZHAN

040b

YANG DE DAG DANG MI 'DRA BA 'PHAGS PA DGA' BAS BSHES GNYEN RTOGS BRJOD DU MI RNAMS TSE LO BCU PA NAS YAR 'PHEL TE LO DRUG BRGYA BA'I BAR DU GNAS SHING BDUN BRGYA BA'I DUS NUB PAR BSHAD PA DANG, GDAGS PAR TSE LO BCU PA'I DUS SU BSTAN PA 'GRIB BAR BSHAD PA LTA BU YANG YOD PA'I PHYIR, RANG LUGS LO LNGA STONG DU GNAS PA 'THAD LDAN YIN TE, LUNG RIGS DU MAS GRUB TSUL SNGAR BSHAD PAS SHES NUS PA'I PHYIR DANG, GZHAN YANG DU MA YOD PA'I PHYIR TE LNGA BRGYA PA PHRAG BCUR BYAS BAS PHRAG DANG PO GSUM GYI DANG PO LA DGRA BCOM DANG, GNYIS PAR PHYIR MI 'ONGS, GSUM PAR RGYUN ZHUGS DANG, PHYIR 'ONGS GI 'BRAS BU THOB PA MANG DU 'BYUNG BAS 'BRAS BU'I LE'U GSUM DANG, GNYIS PA GSUM GYI DANG PO LA SHES RAB KYI BSLAB PA, GNYIS PAR TING NGE 'DZIN GYI BSLAB PA, GSUM PAR TSUL KHRIMS KYI BSLAB PA 'DZIN PA MANG DU 'BYUNG BA'I SGRUB PA'I LE'U GSUM DANG, GSUM PA GSUM GYI DANG PO LA MNGON PA, GNYIS PAR MDO SDE, GSUM PAR 'DUL BA 'DZIN PA MANG BAS LUNG GI LE'U GSUM DANG, BCU BAR LTA SPYOD RNAM DAG MED PAR RTAGS TZAM 'DZIN PA'I LE'U THA MA YIN PA'I PHYIR, DE SKAD DU SLOB DPON 'JAM DPAL GRAGS PAS KYANG MNGON PAR RTOGS PA'I DUS, SGRUB PA'I DUS, LUNG GI DUS, RTAGS TZAM 'DZIN PA'I DUS SO, ,ZHES GSUNGS PA'I PHYIR DES NA STONG DANG NYIS STONG DANG NYIS STONG LNGA BRGYA GNAS BAR GSUNGS PA DAG DANG MI 'GAL STE, DE DAG NI DGONGS

041a

, ,GZHI DGOS PA DNGOS LA GNOD BYED GSUM TSANG BA'I DRANG DON YIN PA'I PHYIR, DGONGS GZHI YOD DE, SGRUB PA NYAMS PA SOGS LA DGONGS PA'I PHYIR, THUB PA DGONGS RGYAN LAS, DAM PA'I CHOS NYAMS PA NI SGRUBS PA YONGS SU NYAMS PA YIN NO, ,ZHES DANG, RDOR GCOD 'GREL BA LAS KYANG, DE'I RAB TU RNAM PAR 'JIG PA NA MOS PA DANG, KLOG PA DANG, KHA DON BYED PA DANG, NYAN PA DANG, SEMS PA RNAMS NYAMS PAR 'GYUR RO, ,ZHES GSUNGS PA'I PHYIR, DGOS PA YOD DE, GDUL BYA LA SKYO BA BSKYED PA'I RTOGS PA'I BSTAN PA SKYE SLA BA'I CHED YIN PA'I PHYIR, BZHI BRGYA BA LAS, GANG LA 'DIR SKYO YOD MIN PA, DE LA ZHI GUS GA LA YOD, ZHES GSUNGS PA'I PHYIR, DNGOS LA LUNG RIGS GNYIS KA'I GNOD BYED YOD DE, LUNG NI SHER MDO DANG, 'JAM DPAL RTZA RGYUD DANG, LHA MO DRI MA MED PA'I 'OD LUNG BSTAN PA'I MDO LAS KYANG, NGA MYA NGAN LAS 'DAS NAS LO NYIS STONG LNGA BRGYA NA GDONG DMAR CAN GYI YUL DU DAM PA'I CHOS RGYAS PAR 'GYUR RO, ,ZHES GSUNGS PA DANG, RIGS PAS NI DENG DUS YANG SDE SNOD GSUM PHYIN CI MA LOG PAR BSHAD NYAN BYED PA CHES MANG BA MNGON SUM DU GRUB PAS MNGON SUM TSANG MAS GNOD PA DANG, DE'I RGYU MTSAN GYIS RTOGS PA'I BSLAB PA GSUM YANG TSUL BZHIN SGRUB PA'I GSUM LDAN GYI DGE SLONG GNAS BRTAN CHEN PO GSER GYI RI PO BSGRIGS PA BZHIN PHYOGS DU MAR 'BYON BZHIN PA MNGON SUM GYIS GRUB PA'I RJES DPAG LA MI LTOM PA'I PHYIR RO, ,SKAL

041b

LDAN RNAM DPYOD CAN RNAMS KYI THAMS CAD LA DAD PA'I SPU LONG SDANG BAR BYA ZHING GUS BAR BYOS SHIG CES GSOL BA 'DEBS SO, ,BSTAN PA'I GNAS TSAD LAS CI TZAM 'DAS ZHE NA, SPYIR SANGS RGYAS PA'I TSUL BSTAN PA NAS BSTAN PA BYUNG, SANGS RGYAS 'GA' ZHIG GI BSTAN PA RANG NYID DANG MNYAM PAR BSHAD PA DANG, 'GA' ZHIG SKAL BZANG LTAR MYA NGAN LAS 'DAS NAS KYANG BSTAN PA GNAS PAR BSHAD PA LTAR PHAL CHER GYIS DUS DE NAS BRTZIS PA YIN PA'I PHYIR, STON PA DE NYID CHOS DBYINGS SU ZHUGS NAS LO DU SONG GIS KHYAD PAR YOD DE, BSHAD TSUL MANG YANG 'THAD LDAN tIKA CHEN LTAR NA ZIL GNON ME RTA'I SA GA ZLA BAR SKU 'KHRUNGS, NYER DGU BA SHING PHAG LA RAB TU BYUNG, SO LNGA PA LCAGS SBRUL LA SANGS RGYAS TE LO ZHE BZHIR CHOS 'KHOR RIM PA GSUM DU BSKOR ZHING BRGYAD CU BA ME PHO STAG LA ZHI BAR GSHEGS PA DE NAS LO NYIS STONG LNGA BRGYA ZHE GCIG 'DAS SHING ZHE GNYIS PA ME PHAG 'DI YIN PAS SO, ,'DI LTAR NA LNGA BRGYA PA PHRAG BCU LA LO NYIS STONG LNGA BRGYA DANG ZHE GCIG GIS SBYANGS PA'I 'BRAS BU'I LE'U GSUM DANG, SGRUB PA'I LHAG MTHONG DANG TING NGE 'DZIN GYIS LE'U GNYIS MYANG? 'DAS NAS TSUL KHRIMS LE'U LNGA BRGYA PA PHRAG GCIG GI NYAG MA ZHE GCIG 'DAS SHING, LHAG MA BZHI BRGYA DANG NGA DGU DANG LUNG GI LNGA BRGYA PA GSUM DANG RTAGS TZAM GYI LNGA BRGYA BA RNAMS LUS PAS DRIL NA RNAM DAG LO STONG DANG DGU BRGYA DANG NGA DGU LUS PA DE YIN PA'I PHYIR, BU DANG DPAL 'DZIN DANG MKHAS PA SPYAN SNGA GNYIS DANG

042a

, ,KHRI RIN PO CHE RIN CHEN 'OD ZER DANG, PAn CHEN BSOD NAMS GRAGS PA, MKHAS PA DNGOS GRUB RGYA MTSO, PAn CHEN SGOM SDE NAM MKHA' RGYAL MTSAN SOGS DE LTAR BZHED 'DUG PAS BRIS SO, , YANG LCAGS SBREL LA BLTAM PA'I LUGS KYI ZHI BAR GSHEGS NAS LNGA BRGYA BA PHRAG LNGA RDZOGS NAS TSUL KHRIMS LE'U LO NYAG MA DON BRGYAD 'DAS SHING DON DGU PA ME PHAG KYI STENG NA GNAS PA'I PHYIR TE, 'DI GRAGS CHE BSAM SPROS GZHAN DU BSHAD ZIN TO, ,GNYIS PA NI, RTZA BAR, BDAG GIS MNGON PA'I CHOS 'DI PHAL CHER NI, KHA CHE BYE BRAG SMRA BA'I TSUL GRUB BSHAD, NYES PAR ZIN GANG DE 'DIR BDAG GIS NYES, ,DAM CHOS TSUL LA THUB RNAMS TSAD MA YIN,, ZHES BYUNG, SHES BYA CHOS CAN, SLOB DPON DBYIG GNYEN GYIS MNGON PA MDZOD KYI RTZA BA 'DI LUGS GANG DANG MTHUN PAR BSHAD TSUL YOD DE, BSTAN BCOS 'DI PHAL CHER NI BYE BRAG SMRA BA'I BZHED TSUL DU GRUB PA STE SGRUB PA'I TSUL DU BSHAD CING; MDO SDE PA DANG NYI 'OG LUGS KYANG CUNG ZAD BSHAD PA YIN PA'I PHYIR, RTZA BAR, BDAG GI MNGON PA'I CHOS 'DI PHAL CHER NI, KHA CHE BYE BRAG SMRA BA'I TSUL GRUB BSHAD, CES SO, ,BSTAN BCOS 'DI'I TSIG DON GYI CHA LA GZUL BA'I NYES PAR MKHAS PA RNAMS KYIS ZIN PA GANG YIN PA DE NI RTZOM PA BDAG GIS NYES PA YIN ZHES PA NI MTHOL BA DANG BSHAGS PAS BZOD RIGS TE, LUNG DANG RTOGS PA'I DAM PA'I CHOS KYI TSUL LA THUB PA SANGS RGYAS RNAMS KHO

042b

NA DANG, SANGS RGYAS KYI SRAS DGRA BCOM PA CHEN PO RNAMS TSAD MA YIN PA'I PHYIR, RTZA BAR, ,NYES PAR ZIN GANG DE 'DIR BDAG GIS NYES, ,DAM CHOS TSUL LA THUB RNAMS TSAD MA YIN, ,ZHES DANG, RANG 'GREL LAS, SANGS RGYAS RNAMS KHO NA DANG, SANGS RGYAS KYIS SRAS RNAMS TSAD MA YIN NO, ,ZHES GSUNGS PA'I PHYIR, SANGS RGYAS KYI SRAS KYANG TSAD MA YIN PA 'OG DU DBANG GYUR DANG MTHUN NO, ,GSUM PA NI, STON PA 'JIG RTEN MIG NI ZUM GYUR CING, DBANG GYUR SKYE BO PHAL CHER ZAD PA NA, ,DE NYID MA MTHONG RANG DGAR GYUR PA YI, ,DON RTOGS RNAMS KYIS BSTAN PA 'DI DKRUGS SO, ,RANG BYUNG RANG BYUNG BSTAN PA GCES 'DZIN RNAMS, ,MCHOG TU ZHIR GSHEGS 'GRO MGON MED PA NA, ,'DOMS MED YON TAN 'JOMS PAR BYED PA YI, ,DRI MAS DGA' MGUR DENG SANG 'DI NA SPYOD, ,DE LTAR THUB PA DAG GI BSTAN PA NI, ,LKOG MAR SROG PHYIN 'DRA DANG DRI MA RNAMS, ,STOBS DANG LDAN PA'I DUS SU RIGS NAS NI, ,THAR PA 'DOD PA DAG GIS BAG YOD BYOS, ,ZHES BYUNG, STON PA 'JIG RTEN GYI MIG NI ZUM PA BZHIN DU MYA NGAN LAS 'DAS PAR GYUR CING CHOS KYI DBANG DU GYUR PA'I SKYE BO 'PHAGS PA DANG LUNG JI BZHIN MKHYEN CING SMRA BA'I SKYE BO PHAL CHER ZAD PAS MANG PO MED PA DANG DE NYID MA MTHONG BA'I SO SKYE? MA RIG PAS MDONGS PA RNAMS KYI RANG DGAR GYUR PA'I RTOG GE NGAN PA LA BRTEN PA'I NGAN RTOGS RNAMS KYIS BSTAN PA 'DI'I TSIG DANG DON GYI CHA DKRUGS SO, ,DE'I RGYU MTSAN GYIS, RANG BYUNG SANGS RGYAS DANG RANG

043a

, ,BYUNG DE'I BSTAN PA LA GCES PAR 'DZIN PA'I 'PHAGS PA RNAMS PHUNG PO LHAG MA MED PAR MCHOG TU ZHI BAR GSHEGS SHING, 'GRO BA MGON MED PA NA GDAMS NGAG 'DOMS PA MED CING BSLAB PA GSUM GYI YON TAN 'JOMS PAR BYED PA'I DRI MA DUG GSUM GYIS DGA' MGUR SPYOD PA'I PHYIR NA THUB BA DAG GI BSTAN PA NI 'CHI BA'I TSE LKOG MAR SROG PHYIN PA DANG 'DRA BA DANG DRI MA RNAMS STOBS DANG LDAN PA'I DUS SU RIG NAS CI THAR PA 'DOD PAS BAG YOD PAR GYIS SHIG GDAMS RIGS TE, BAG YOD PA'I YON TAN THAMS CAD THOB PA'I PHYIR TE MDO DKON MCHOG SPRIN LAS, SEMS NI CHOS THAMS CAD KYI SNGON DU 'GRO BA STE SEMS YONGS SU SHES NA CHOS THAMS CAD YONGS SU SHES PAR 'GYUR RO,, ZHES GSUNGS PA'I PHYIR, DES NA RGYAL BA'I BSTAN PA YANG NAM YANG NUB PAR MI 'GYUR TE, GSER 'OD LAS, SANGS RGYAS MYA NGAN YONGS MI 'DA', ,CHOS KYANG NUB PAR MI 'GYUR ZHING, ,ZHES DANG, MNGON RTOGS RGYAN LAS, 'GRO LA BAN PA SNA TSOGS DAG ,MNYAM DU MDZAD PA'I SKU DE NI, ,THUB PA'I SPRUL SKU RGYUN MI 'CHAD, ,DE BZHIN 'KHOR PA JI SRID 'DI'I, ,LAS NI RGYUN MI 'CHAD PAR 'DOD, ZHES GSUNGS PA'I PHYIR, GSUM PA MJUG GI DON LA MDZAD PA BO DANG LO PAn GANG GIS BSGYUR PA GNYIS, DANG PO NI, CHOS MNGON PA MDZOD KYI TSIG LE'UR BYAS PA SLOB DPON SH'AKYA'I DGE SLONG DBYIG GNYEN GYIS MDZAD PA RDZOGS SO, ,ZHES BYUNG, CHOS MNGON PA MDZOD KYI TSIG LE'UR BYAS PA CHOS CAN,

043b

KHYOD MDZAD PA PO'I SLOB DPON YOD DE, SANGS RGYAS KYI BSTAN PA LA DGE SLONG GI BRTUL ZHUGS RDZOGS PAR SRUNGS PA'I SH'AKYA'I DGE SLONG DBYIG GI GNYEN NAM NOR GYI RTZA LAG ZHES BYA BA 'BUM SDE DGU BCU THUGS LA MNGA' ZHING BSLAB PA GSUM DANG BYANG CHUB KYI SEMS DANG TING NGE 'DZIN MTHA' YAS PA LA MNGA' BRNYES PA KUN MKHYEN GNYIS PAR GRAGS PA DES MDZAD PA'I TSIG DON DKA' BA'I GNAS LEGS PAR BSHAD ZIN PA'I PHYIR, GNYIS PA LO PAn GANG GIS BSGYUR BA YOD DE, RGYA GAR GYI MKHAN PO DZIN RGYAL BA MI TRA BSHES GNYEN TE, RGYAL BA'I BSHES GNYEN DANG, ZHU CHEN LOTZTSA BA BANDHE BTZUN PA DPAL BRTZEGS KYIS RGYA SKAD LAS BOD SKAD DU BSGYUR CING ZHUS TE 'CHAD NYAN GYIS LEGS PAR GTAN LA PHAB PAS CHOS KYI MIG BYIN PAS BKA' DRIN BLA LHAG CHE BA DE YIN PA'I PHYIR, SMRAS PA, RGYAL BSTAN SPYI DANG TSE GCIG SANGS RGYAS CHOS, ,RGYAL BA GNYIS PA'I MDO SNGAGS BSTAN PA DANG, ,PHRAD PA SKAL BZANG RMAD DU BYUNG SNYAM DU, ,THOS BSAM BSGOM PA'I SNYING PO LONGS DANG KYEE, ,THUB BSTAN LNGA PHRAG DRUG PA'I ZHE GCIG PAR, ,SLEBS PAS LHAG MA'I TSUL BSAM BLANG DOR LA, ,DAM CHOS SGRON ME BZUNG BA'I DUS 'DI RU, ,SPYANG KRUNGS GLEN PA'I 'DAM KA MA NOR GCES, ,SNYIGS MA'I DANG TSUL MTHONG NAS MOD BZHIN DU, ,GSONG DANG 'TSE BA'I RTOG NGO'I DGRA 'DRE YANG, ,GRANGS MED GCES PA'I MA DANG PHAR BYAS TSUL, ,YANG YANG SOM LA SNYING RJE SEMS BSKYED RIGS, ,DMAN PA'I REGS CAN YIN YANG SPYIR 'KHOR BA, ,SMYON PA'I GAR DANG NYON MONGS

044a

, ,BTZON SA BZHIN ,YANG YANG BSAM NA NGES 'BYUNG BDAG MED LTA, ,LEGS BSGOM 'KHOR BAR PHYI PHYAG MI DGA' 'AM, ,RIG CHAD DMAN PA'I GANG ZAG YIN 'GAS KYANG, ,RIN CHEN GLING NAS STONG LOG MI BYED PAR,, LAS NGAN BSHAGS DANG TSOGS BSAGS DAD MOS KYIS, ,MNGON MTHO'I KHANG BZANG BRGYUD NA DGA' 'AM SNYAM, ,DE LTAR BRO BA'I GLU 'DRA'I CHOS BSHAD MKHAN, ,SNYIGS DUS CHOS DANG DAM PA MANG BSTEN KYANG, ,RNAM G-YENG RLUNG GIS G-YO BA'I DGE SBYONG ZHIG ,RANG DANG GZHAN LA TSIG LAB GROS DE LO, ,THUB BSTAN SDE SNOD KUN GYI MA MO CHE, ,MDO DANG MKHAS PAS LUNG MANG RIGS PA'I TSOGS, ,DRI MED BYED SA LEGS PAR GSAL BYAS MOD, NONGS PA GANG MCHIS BLA MA LHAG LA 'CHAGS, ,MI DMAN BSOD NAMS KHA BA DUNG LTA BU, ,DKAR BA GANG DES MKHA' MNYAM MA RNAMS KYI, ,SEMS RGYUD CHOS LA KHOS ZHING THUB DBANG ZHAL, ,MTHONG KYANG MI NGOMS GSUNG BZHIN SGRUB GYUR CIG ,GONG 'OG THEG PA GRUB MTHA'I THEM SKAS KYIS, ,'GROS TSUL MANG YANG BLA MED BYANG CHUB KYI, ,SNYING PO 'GRO LA KHYAB BDAG RGYAL RNAMS KYI, ,THUGS BSKYED BZHIN DU BYANG CHUB MYUR THOB SHOG ,LHUN PO RGYA MTSO BDUN GYI RKENG CHING CAN, ,GLING BZHI'I 'DAB MA JI SRID GNAS KYI BAR, ,LEGS BSHAD 'DIS KYANG THUB BSTAN GSAL BYED KYI, ,NYI MA'I 'OD BZHIN SNANG BAR GYUR CIG GU, ZHES CHOS MNGON PA MDZOD KYI DGONGS 'GREL GYI BSTAN BCOS THUB BSTAN NOR BU'I

044b

GTER MDZOD DUS GSUM RGYAL BA'I BZHED DON KUN GSAL ZHES BYA BA 'DI NI 'DZAM GLING MKHAS PA'I 'BYUNG GNAS BKRA SHIS SGO MANG GI THOG MAR KHANG TSAN SO SOS BSKUL KYANG DUS DBANG GIS DKA' SNYAM PA DANG, SLAR YANG CHOS GRVA NAS BSLAB PA GSUM LDAN MANG DU THOS PA'I DGE 'DUN RNAMS KYIS MAndAL DANG KHANG TSAN SO SOS KYANG NAN CHER 'DUL MDZOD GNYIS BSKUL ZHING GZHUNG LUGS DANG LO RGYUS LA DEB SNGON PA LTA BU MKHAS PA GSER KHANG CHOS RJE GU NA MA TI'I CHAB SHOG GI RGYU MTSAN 'GREL LDAN DANG DNGOS SU NAN CHER GYIS KHAS LEN DGOS BYUNG ZHING, GZHUNG LUGS SMRA BA PHUG KHANG BLA MA BSOD NAMS MCHOG GRUB KYIS DUNG DKAR DANG RIN CHEN NOR BU'I GZUGS CAN GYIS DANG, DES SOGS DU MAS BSKUL ZHING, PHYIS SU RGYAL BA'I BSTAN PA 'PHEL NA SNYAM PA'I THUGS DGONGS CHES CHE BA KHRI RIN PO CHE 'OD ZER BA SOGS DAM PA DU MA'I SKYE BAR BRGYUD PA BDE THANG SPRUL SKU MKHAN PO AER DHE NAS BLO BZANG GRAGS BSTAN MA DANG, MA RIG GNYID SANGS RTAGS BRGYAD BCOM LDAN YUG DNGUL GYI GA'U RIN PO CHE'I RGYAN KHYAD 'PHAGS BCAS BSKUL BA'I NGOR, MKHAN CHEN DUS GSUM RGYAL BA'I RANG GZUGS RGYAL BA'I DBANG PO DANG, 'JAM MGON BLA MA MI'I GAR MKHAN KHRI RIN PO CHE NGAG DBANG BLO GROS RGYA MTSO'I ZHAL SNGA NAS YAB SRAS BZHI DANG, RDO RJE 'CHANG SMIN GROL CHOS KYI RGYAL PO, ,PAn CHEN BKA' 'GYUR PA SBYIN PA RGYA MTSO DANG, RGYAL PA'I SRAS MCHOG MER RGAN RIN PO CHE SOGS DAM PA RNAMS KYI ZHABS RDUL

045a

, ,SPYI BOR LEN PA SH'AKYA'I DGE SLONG MANG THOS 'JAM DBYANGS BZHAD PA'I RDO RJE BDE MCHOG STOD 'GREL LUGS KYI THAMS CAD 'DUL DANG, KONG RTZE'I LUGS KYI ME PHAG GI LO GRO ZHUN ZLA BA'I DKAR PHYOGS KYI RDZOGS PA GSUM PA'I NYIN CHOS GRVA CHEN PO DPAL LDAN 'BRAS SPUNGS KYI GAR BZHUGS THEG CHEN GNYER MDZOD DU SBYAR BA'I YI GE BA NI YIG RIGS DU MA DANG DKA' BCU LEGS PAR SMRA BA SOG PO BLO BZANG NGAG DBANG DANG TSE BLOS BTANG GI MDO SMAD PA DGE SLONG CHOS BSAM 'GRUB GNYIS KYIS BGYIS PA 'DIS KYANG RGYAL BA'I BSTAN BSGO THAMS CAD NAS PHYOGS DUS GNAS SKABS THAMS CAD DU RGYAS PAR GYUR CIG ,BKRA SHIS PAR GYUR CING, ,MANGKA LAM,, ,,

045b

[BLANK PAGE]