, ,DAM PA'I CHOS MNGON PA MDZOD KYI DGONGS 'GREL GYI BSTAN BCOS THUB BSTAN NOR BU'I GTER MDZOD DUS GSUM RGYAL PA'I BZHED DON KUN GSAL LAS GNAS GSUM PA BZHUGS SO,,
, ,NA MO GU RU MANYDZU GHO sh'A YA, RNAM 'DREN STONG LAS BAD DKAR LTAR BSNGAGS NYI MA'I GNYEN, ,MKHYEN RAB BYE BA'I 'OD CAN RGYAL KUN YAB GCIG LHAR, PHYAG BYAS BRTAN DANG G-YO BA'I 'JIG RTEN LAS RNAMS KYIS, ,BKOD PA'I RI MOR NGO MTSAR PHRENG DU SPEL, ,GNYIS BA DE NYID NGES PAR BYED TSUL LA SHES BYA SDUG BSNGAL GYI BDEN BA GTAN LA DBAB PA DANG, SPANG BYA KUN 'BYUNG GI BDEN PA GTAN LA DBAB PA DANG, THOB BYA 'GOG LAM GYI BDEN PA GTAN LA DBAB PA GSUM, DANG PO LA NANG BCUD KYI 'JIG RTEN GYI RNAM BZHAG DANG, PHYI SNOD KYI 'JIG RTEN GYI RNAM BZHAG GNYIS, DANG PO LA SPYIR DBYE BA DANG, RTEN 'BREL BSHAD PA DANG, SKYE BA GNAS THABS DANG, GNAS PA 'CHI 'PHO
, ,BA'I SEMS DANG, SEMS CAN GYI TSOGS GSUM DU SDUD PA DANG LNGA, DANG PO LA, KHAMS GSUM DU DBYE BA DANG, 'GRO BA LNGAR DBYE BA DANG, SKYE GNAS BZHIR DBYE BA DANG GSUM, DANG PO LA, 'DOD KHAMS DANG, GZUGS KHAMS DANG, GZUGS MED KHAMS BSHAD PA GSUM, DANG PO 'CHAD PAR, DMYAL BA YI DVAGS DUD 'GRO DANG, ,NAS, DE NYI SHU, ,ZHES BYUNG, DMYAL BA NAS 'DOD PA'I LHA DRUG MAN CHAD KYI BRTEN PA BCUD KYI 'JIG RTEN DANG RTEN RLUNG GI DKYIL 'KHOR YAN CHAD KYI SNOD DANG BCAS PA CHOS CAN, 'DOD PA'I KHAMS YIN TE, 'DOD BAR SPYI MTHUN GYI LAS KYIS SKYES SHING CHAGS BYA LAM BYAS PA'I KHAMS YIN PA'I PHYIR, RTZA BAR, DMYAL BA, NAS, 'DOD
PA'I KHAMS YIN, ZHES DANG, RANG 'GREL LAS, DE LTAR NA GZHAN 'PHRUL DBANG BYED PA DAG NAS MNAR MED PA'I BAR GYI GNAS NYI SHU BO DE DAG NI 'DOD PA'I KHAMS YIN NO, ,SNOD DANG BCAS PAR BZUNG NA NI RLUNG GI DKYIL 'KHOR GYI BAR YIN NO, ,ZHES GSUNGS PA'I PHYIR, 'DOD PA'I 'GRO BA CHOS CAN, 'GRO BA'I RIGS KYIS PHYE NA LNGA YOD DE, YID DU 'ONG BA MED PA'AM SEMS CAN BSOD NAMS MA YIN PAS KHRID BAS NA DMYAL BA DANG, 'DI NAS SHIN TU PHYIR MI LDOG PAR SONG BAS SAM SKOM PAS YONGS SU NON PAS NA YI DVAGS, DUD DE 'GRO BAS NA DUD 'GRO, YID SHAS CHE BAS NA MI DANG, KHYIM NAM MKHA' LA YOD PAS SAM RTZE BA'AM ROL BAS NA LHA DANG, KHAMS DANG 'KHRIG PA'I 'DOD PAS RAB TU PHYE BAS NA, 'DOD KHAMS DANG, 'KHRIG BA'I 'DOD PAS RAB TU PHYE BA'I LHA YIN PAS 'DOD LHA RIGS DRUG DANG LNGA YOD PA'I PHYIR, 'GREL BSHAD GNYIS LAS BSHAD DO, ,'DOD LHA RIGS DRUG YOD DE, RGYAL CHEN BZHI'I GNAS SAL DBANG PHYUG YOD PAS RGYAL CHEN BZHI'I RIS DANG, LEGS PAR BYAS PA LHAN CIG TU BYAS PA DAG GIS DER SKYES PAS SAM, NYE DBANG SO GNYIS DANG DBANG PO GCIG STE GSUM CU RTZA GSUM GNAS PAS SUM CU RTZA GSUM DANG, BSOD NAMS KYIS SONG BAS SAM 'THAB PA'I SDUG BSNGAL DANG BRAL BAS NA MTHA' BRAL DANG, DGA' BA MANG BO DANG LDAN PAS NA DGA' LDAN DANG, RANG GIS BYAS PA'I LONGS SPYOD SPRUL BAL DGA' BAS NA 'PHRUL DGA' DANG, GZHAN GYIS SPRUL
, ,PA'I LONGS SPYOD LA DBANG SGYUR BAS NA GZHAN 'PHRUL DBANG BYED DANG DRUG YOD PA'I PHYIR TE, RTZA BAR, LHA DRUG DAG ,CES DANG, RANG 'GREL LAS, LHA'I RIS DRUG PO 'DI LTA STE ZHES SOGS GSUNGS PA'I PHYIR, SHES BYA CHOS CAN, 'DOD KHAMS LA GNAS RIGS NYI SHU YOD DE, TSA DMYAL BRGYAD KYI GNAS BRGYAD DANG, YI DVAGS DANG DUD 'GRO'I GNAS GNYIS TE NGAN 'GRO'I GNAS RIGS BCU DANG, MI'I GNAS GLING BZHI DANG, 'DOD LHA RIGS DRUG GI GNAS STENG 'OG DRUG STE NYI SHU YOD PA'I PHYIR TE, DE SKAD DU, RANG 'GREL LAS, DE LA GNAS DU ZHIG YOD CE NA, DMYAL BA DANG, ,GLING DBYE BA LAS DE NYI SHU, ,ZHES BYA BA SEMS TE GNAS RNAMS ZHES BYA BA TSIG GI LHAG MA DANG SPYOR RO, ,ZHES GSUNGS PA'I PHYIR, MTHA' DPYAD PA LA KHO NA RE, NYI SHU'I GRANGS GANG ZAG LA SBYOR TSUL MED PAR THAL, DE GNAS LA SBYOR BA'I PHYIR NA MA KHYAB, RTAGS GRUB STE, DE GNAS LA SBYOR BAR RANG 'GREL 'GREL BSHAD GNYIS KA'I DGONGS PA YIN PA'I PHYIR TE, RANG 'GREL LAS, DE LA GNAS DU ZHIG YOD CE NA, ZHES PA DANG, GANG SPEL LAS KYANG, DE LTAR NA GNAS NYI SHU PO DE DAG NI 'DOD PA'I KHAMS YIN NO,, ZHES PA DANG, 'GREL BSHAD RGYAL SRAS MA LAS, GNAS NYI SHU LA NYI SHU'O, ,ZHES BAR GYI TSIG MI MNGON PAR BYAS PA NI SHIN TU YANG RIGS PA YIN NO, ,ZHES GSUNGS PA'I PHYIR, RTZA BAR 'DOD MI NUS TE, LHA DRUG YAN CHAD
KYIS BRTEN PA BCUD DANG, NYI SHU YAN CHAD KYIS RTEN SNOD GTZO BOR BSHAD CING, 'DOD PA'I KHAMS YIN ZHES BAS DE GNYIS 'DOD KHAMS SU BSTAN KYANG PHAL SHUGS GANG RUNG DU GNYIS KA BSTAN PA'I PHYIR RO, ,'DOD PA NYI SHU DANG 'DOD PA SO DRUG SOGS PHYE NAS BSHAD CHOG PA'I PHYIR, YANG KHA CIG NA RE, GRANG DMYAL RNAMS DANG NYI TSE BA'I DMYAL BA DANG GLING PHRAN RNAMS 'DOD KHAMS SU MI GTOGS PAR THAL 'DOD KHAMS LA GRANGS NYIS SHUR NGES PA'I PHYIR NA MA KHYAB STE, GRANG DMYAL RNAMS TSA DMYAL GYI 'KHOR DANG, GLING PHRAN RNAMS GLING BZHI'I 'KHOR YIN LA, NYI TSE BA LA GNAS DANG TSE NGES PA MED PAS GNAS KYI SKABS SUM BGRANG PA'I PHYIR TE, GANG SPEL LAS, GRANG PA'I DMYAL BA BRGYAD NI YANG SOS LA SOGS PA RNAMS KYI NGOS BZHIN DE DAG GI 'KHOR LTA BUR GNAS TE, DES NA GTZO BO MA YIN PA'I PHYIR GRANG BA'I DMYAL BA RNAMS LOGS SHIG TU MA BSTAN LA, NYI TSE BA'I DMYAL BA RNAMS KYANG YUL DANG GRANGS DANG TSAD MA NGES BAS LOGS SHIG TU MA BSTAN TO, ,ZHES GSUNGS PA'I PHYIR, BYAS PA LA KHO NA RE, GANG SPEL GYIS TSA DMYAL BRGYAD KYI NGOS PA BZHIN GRANG DMYAL BSHAD PA MI 'THAD PAR THAL, RANG 'GREL DANG RNAL 'BYOR SPYOD PAR TSA DMYAL BRGYAD KYI THAD SOR BSHAD PA TZAM LAS MED PA'I PHYIR NA MA KHYAB, YANG KHA CIG NA RE, GLING BCU GNYIS NA MI GNAS PA MI 'THAD PAR THAL, GLING BCU GNYIS PO GANG RUNG GI RTEN CAN GYI RKANG GNYIS PA LA MIS MA KHYAB PA'I PHYIR NA MA
, ,KHYAB STE, RNGA YAB GLING NA SRIN PO YANG YOD PA'I PHYIR TE, RANG 'GREL LAS, KHA CIG NA RE, GCIG NA SRIN PO DAG GNAS SO, ,ZHES ZER RO, ,ZHES PA DANG, GANG SPEL LAS, GCIG NA SRIN PO DAG GNAS SO, ,ZHES GSUNGS PA NI RNGA YAB PO, ,ZHES GSUNGS PA'I PHYIR, RTZA BAR 'DOD MI NUS TE, GLING PHRAN BRGYAD NA GNAS PA'I MI LUS CHUNG BA GNAS PA'I PHYIR TE, GANG SPEL LAS, DE'I BAR GYI GLING BRGYAD NI ZHES BYA BA LA DE DAG THAMS CAD NI LAS NGAN PA'I NGAN PA'I DBANG GIS GRUB PA ZHIG STE, DE NYID KYI PHYIR DE LA GNAS PA'I MI RNAMS NI LUS CHUNG BA YIN NO, ,ZHES PA DANG, RANG 'GREL LAS KYANG, THAMS CAD NA YANG MI RNAMS GNAS SO, , ZHES GSUNGS PA'I PHYIR, KHA CIG NA RE, DMYAL BA'I SGRA DON NA RAG ZHES PA'I NA DGAG PA LA BSHAD NAS, RAG ZHES PA MI RNYED PA'I DON YIN PAS SKYABS MI RNYED PA ZHES BSHAD PA MI 'THAD PAR THAL, DE LTAR NA MI RNYED PA DE DGAG SGRA NAS BKAG PAS RNYED PAR 'GYUR BA'I PHYIR, GNYIS PA 'CHAD PAR, GONG MA'I GNAS DAG BCU BDUN NI, ,NAS, BZHI BAS NI BRGYAD PA YIN, ,ZHES BYUNG, 'DIR TSIG DON DANG, MTHA' DPYAD PA GNYIS LAS; DANG PO NI, 'DOD KHAMS 'DI'I GONG MA GZUGS KHAMS KYI GNAS 'OG MIN PAR BCU BDUN GYI RTEN SA DANG BRTEN PA GANG ZAG RNAMS CHOS CAN, GZUGS KHAMS YIN TE, GZUGS KHAMS SU SPYI MTHUN GYI LAS DANG SO
SO'I LAS KYIS 'PHANGS SHING 'DOD PA LA CHAGS PA DANG BRAL ZHING GZUGS LA CHAGS BRAL MA BYAS PA'I SAS BSDUS YIN PA'I PHYIR TE, GONG MA'I GNAS DAG BCU BDUN NI, ,GZUGS KHAMS YIN, ZHES DANG, RANG 'GREL LAS, DE LTAR NA GNAS BCU BDUN PO 'DI DAG DANG DEN GNAS PA'I SEMS CAN RNAMS DANG BCAS PA NI GZUGS KYI KHAMS YIN NO, ,ZHES SO, ,GZUGS KHAMS DER NI STE DE LA CHOS CAN, KHYOD LA BSAM GTAN DANG PO GNYIS PA GSUM PA BZHI BA SO SO'I SOGS DBYEN BCU BDUN YOD DE, BSAM GTAN DANG PO GSUM LA GSUM GSUM DANG BZHI BA LA BRGYAD YOD PA'I PHYIR, DANG PO GRUB STE, BSAM GTAN DANG PO LA TSANGS RIS TSANGS CHEN GSUM DANG, GNYIS PA LA 'OD CHUNG TSAD MED 'OD 'OD GSAL GSUM DANG, GSUM PA LA DGE CHUNG TSAD MED DGE DGE RGYAS GSUM RNAMS YOD PA'I PHYIR TE, DER SO SOR YI, ,BSAM GTAN NI GSUM PA YIN, ,ZHES DANG, RANG 'GREL LAS, BSAM GTAN DANG PO DANG GNYIS PA DANG GSUM PA DAG NA RE RE ZHING SA GSUM BDAG YIN NO, ,ZHES GSUNGS PA'I PHYIR, GNYIS PA GRUB STE, BZHI PA LA SPRIN MED DANG BSOD NAMS SKYES DANG 'BRAS BU CHE BA STE SO SKYES GNAS GSUM DANG MI CHE BA DANG MI GDUNG BA DANG GYA NOM SNANG BA DANG SHIN TU MTHONG BA DANG THONG MIN TE 'PHAGS BA'I GNAS LNGA DANG BRGYAD YOD PA'I PHYIR TE, BZHI BA SA NI BRGYAD PA YIN, ZHES GSUNGS PA'I PHYIR, MTHA' DPYAD BA LA, KHA CIG NA RE, GZUGS KHAMS GNAS
, ,RIGS BCU BDUN PO GANG RUNG GI RTEN CAN YIN NA LHA YIN PAS KHYAB ZER NA, GZUGS KHAMS KYI RTEN CAN YIN NA LHA YIN PAS KHYAB PAR THAL, 'DOD BA'I PHYIR, 'DOD NA, GZUGS KHAMS KYI BAR SRID PA CHOS CAN, DER THAL, DE'I PHYIR, DER THAL, DE'I BAR SRID KYI RTEN CAN YIN PA'I PHYIR, KHYAB STE, GZUGS KHAMS KYI RTEN CAN GYI GANG ZAG YIN NA, DE SKYE SRID KYI RTEN CAN YIN MI DGOS PA'I PHYIR, MA GRUB NA, ,GZUGS KYI BAR SRID KYI RTEN CAN GYI PHYIR MI 'ONG BAR 'DA' BA DE CHOS CAN; DER THAL, DE'I PHYIR, RTAGS SLA, RTZA BAR 'DOD NA, LHA YIN PAR THAL, 'DOD PA'I PHYIR, 'DOD NA, MA YIN PAR THAL, BAR DO BA DE 'GRO BA LNGA PO GANG RUNG DU MA GTOGS PA'I PHYIR TE, RTZA BAR, SEMS CAN ZHES BYA BAR SRID MIN, ,ZHES PA'I RANG 'GREL DU GDAGS PA'I BSTAN BCOS DRANGS PA LAS, SKYE GNAS BZHIS NI 'GRO BA LNGA BSDUS KYI, 'GRO BA LNGA SA NI SKYE GNAS BZHI MA BSDUS TE, GANG ZHIG MA BSDUS ZHEN SRID PA BAR MA'O, ,ZHES GSUNGS PA'I PHYIR,, ` ,,GSUM PA 'CHANG PAR, GZUGS MED KHAMS NA GNAS MED DO, ,NAS, SEMS KYI RGYUD NI BRTEN PA YIN, ,ZHES BYUNG, GZUGS MED KHAMS CHOS CAN, KHYOD NA GZUGS CAN GYI GNAS MED DE, KHYOD GZUGS CAN MA YIN PAS RTEN SNOD DANG, BRTEN PA SEMS CAN LA KHA DOG DANG DBYIBS SOGS MED PA'I PHYIR TE; GZUGS MED KHAMS NA GNAS MED DO, ,ZHES GSUNGS PA'I PHYIR, JE CHOS CAN, KHYOD GANG DU SHI 'PHOS PA DER SKYE BA 'GRUB PAS BLA 'OG GI GNAS MED KYANG SKYE BA'I BYE BRAG MTHOD MAN GYIS NAM MKHA' MTHA' YAS, RNAM SHES MTHA' YAS, CI YANG
MED PA'I SKYE MCHED DANG, 'DU SHES MED 'DU SHES MED MIN GYI SKYE MCHED BZHI YOD DE, RGYU SNYOMS 'JUG MI 'DRA BA BZHI YOD PA'I PHYIR TE, SKYE BA LAS NI RNAM PA BZHI, ,ZHES SO, ,DE CHOS CAN, KHYOD LA RTEN GZUGS MED BAS BRTEN PA SEMS MED PA'I SKYON MED DE, GZUGS CAN LTAR DER NI RIS 'DRA SKAL MNYAM DANG SROG LA YANG SEMS KYI RGYUD NI BRTEN PA YIN PA'I PHYIR TE, DER NI RIS DANG SROG LA YANG, ,SEMS KYI RGYUD NI BRTEN PA YIN, ,ZHES SO, GNYIS PA 'GRO BA LNGAR DBYE BA LA, DNGOS DANG, DOGS GCOD GNYIS LAS, DANG PO 'CHAD PAR, DER NI DMYAL SOGS 'GRO BA LNGA, ,NAS, BAR SRID MIN, ,ZHES BYUNG, 'DIR TSIG DON DANG, MTHA' DBYANG PA LA GNYIS LAS, DANG PO NI; KHAMS GSUM PO DER NI CHOS CAN, SKYE BA'I 'GRO BA LNGA YOD DE, ,DMYAL BA LA SOGS PA RANG GI MING GIS SNGAR BSTAN PA 'DOD PAR DMYAL BA YI DVAGS DUD 'GRO MI, LHA'I PHYED DANG LNGA DANG KHAMS GONG MA GNYIS NA NI LHA'I 'GRO BA'I PHYED GNAS PA'I PHYIR TE, DER NI DMYAL SOGS, ZHES SO, ,'GRO BA LNGA ZHES BSHAD PA LA CHOS CAN, DGOS PA YOD DE, 'PHEN BYED DGE BAS 'PHANGS PA'I LHA MIN LHA DANG 'PHEN BYED MI DGE BAS 'PHANGS PA'I LHA MIN DUD 'GRO DANG YI DVAGS SU 'DU BA'I PHYIR TE, 'GRO BA LNGA HA, ,RANG GI MING GIS BSTAN, ZHES GSUNGS PA'I PHYIR, 'GRO BA LNGA CHOS CAN, NYON MONGS CAN DANG LUNG DU BSTAN PA MIN TE, DGRA BCOM PA YANG YOD PAS NYON MONGS CAN MIN LA,
, ,DE LA DGE RTZA CHAD PA'ANG YOD BSAM BSGRIBS LUNG MA BSTAN YIN PA'I PHYIR TE, GZHAN DU NA 'GRO BA 'CHOL BAR 'GYUR BA'I PHYIR TE, RANG 'GREL LAS, 'GRO BA LNGA PO GANG DAG YIN PA DE DAG NYON MONGS CAN MIN LUNG BSTAN MIN, ZHES SO, ,DE DAG CHOS CAN, SEMS CAN ZHES BYA BA KHO NA YIN KYANG SRID BA BAR MA'I RANG BZHIN DAG MA NI TE, MNGON PA'I LUNG GNYIS DANG MDO LAS KYANG, 'GRO BA LNGA LAS ZUR DU BSHAD PA'I PHYIR, DANG PO GRUB STE, GDAGS PA DRANGS ZIN CING, CHOS KYI PHUNG PO LAS, MIG GI KHAMS GANG ZHE NA 'BYUNG BA CHEN PO BZHI DAG RGYUR BYAS PA'I GZUGS DANG BA GANG YIN PA, DMYAL BA'AM, DUD 'GRO'I SKYE GNAS BA DANG, YI DVAGS KYI YUL LAS, LHA'AM, MI'AM, BSGOM PA LAS BYUNG BA'AM, SRID BA BAR MA'I MIG DANG, ZHES GSUNGS PA'I PHYIR, GNYIS PA GRUB STE, MDO LAS, SRID BA NI BDUN TE, DMYAL BA'I SRID PA DANG, DUD 'GRO'I SRID BA DANG, YI DVAGS KYI SRID BA DANG, LHA'I SRID PA DANG, MI'I SRID PA DANG, LAS KYIS SRID PA DANG, SRID BA BAR MA'O, ,ZHES GSUNGS PA'I PHYIR, MTHA' DPYAD BA LA, KHA CIG NA RE, GZHUNG 'DI'I SKABS NAS DNGOS SU BSTAN PA'I 'GRO BA LNGA PO GZUNGS YIN [?] [?] [?] [?] [?] [?] [?] BSTAN BZHI BAS GSUM GANG RUNG GI RTEN CAN YIN PAS KHYAB ZER NA, [?] DMYAL BRGYAD
DANG LHA MIN DE RE NAS CHOS CAN, DER THAL, DE'I PHYIR, 'DOD NA, DE'I DNGOS BSTAN GYI 'DOD KHAMS YIN PAR THAL, DE GSUM GANG RUNG GANG ZHIG, GZHAN GNYIS MA YIN PA'I PHYIR, 'DOD NA, DE NYI SHU ZHES PA MI 'THAD PAR THAL; DNGOS BSTAN LA DMYAL BA BCO BRGYAD DANG LHA MIN YANG YOD PA'I PHYIR, YANG KHA CIG NA RE, KHAMS GSUM PO GANG RUNG YIN NA, 'DI'I DNGOS BSTAN GYI BRTEN BA DANG RTEN SNOD GANG RUNG YIN PAS KHYAB ZER NA, KHAMS GSUM RE RE'I DGE BA ZAG BCAS DANG NYON MONGS CAN RNAMS RE RE NAS DANG, 'OG MA GNYIS KYI SRID PA BAR MA RE RE NAS CHOS CAN, DER THAL, DE'I PHYIR, RTAGS SO SOR GRUB CING, 'DOD MI NUS TE, 'GRO BA DANG SNOD GANG RUNG MA YIN PA'I PHYIR TE, RANG 'GREL LAS, GANG GIS NA DE DAG KHAMS DAG TU ZHES BYA BA CI 'GRO BA LAM GTOGS PA'I KHAMS DAG GCIG YOD DAM ZHE NA, YOD DE KHAMS RNAMS NI DGE BA DANG NYON MONGS BA CAN DANG SNOD DANG SRID BA BAR MA'I RANG BZHIN DAG KYANG YIN GYI ZHES GSUNGS PA'I PHYIR, GNYIS PA LA SEMS KYI GNAS PA BDUN BSHAD, SEMS CAN KYI GNAS DGU BSHAD, SEMS KYI GNAS PA BZHI BSHAD PA DANG GSUM, DANG PO 'CHAD PAR; LUS DANG 'DU SHES THA DAD DANG, ,NAS, DA 'JOMS BYED LDAN, ZHES BYUNG, RNAM SHES KYI GNAS BA 'CHOS CAN, BDUN YOD DE, LUS DANG 'DU SHES GNYIS KA THA DAD PA DANG, LUS THA DAD CING 'DU SHES GCIG PA
, ,DANG; DE LAS BZLOG PA LUS GCIG CING 'DU SHES THA DAD PA DANG, GNYIS KA GCIG PA DANG, GZUGS CAN MA YIN PA'I GNAS DANG PO GSUM STE BDUN YOD PA'I PHYIR, LUS DANG 'DU SHES GNYIS KA THA DAD PA YOD DE, DANG POR BYUNG BA MA YIN PA'I 'DOD PA'I LHA MI GNYIS DANG, BSAM GTAN DANG PO BA DANG POR BYUNG BA MA YIN PA GSUM DE YIN PA'I PHYIR TE, DE GSUM LUS KYI CHE CHUNG DANG KHA DOG DANG DBYIBS DANG RTAGS THA DAD CING, 'DU SHES KYANG BDE SDUG BTANG SNYOMS SOGS THA DAD PA'I PHYIR TE, MDO LAS, SEMS CAN GZUGS CAN LUS THA DAD CING 'DU SHES THA DAD PA DAG KYANG YOD DE, 'DI LTA STE, MI RNAMS DANG LHA KHA CIG GO, 'DI NI RNAM PAR SHES PA GNAS PA DANG PO'O, ,ZHES GSUNGS PA'I PHYIR, BSAM GTAN DANG PO NA DANG POR SKYES MA THAG PA RNAMS CHOS CAN, LUS THA DAD CING 'DU SHES GCIG PA YIN TE, LUS SNGA MA DANG 'DRA BA GANG ZHIG, 'DU SHES TSANGS CHEN GYIS BYAS SO SNYAM PAR GCIG PA'I PHYIR, MDO LAS, SEMS CAN GZUGS CAN LUS THA DAD CING 'DU SHES GCIG PA DAG KYANG YOD DE, 'DI LTA STE, TSANGS RIS KYI LHA GANG DAG DANG POR BYUNG BA DE DAG GO ,'DI NI RNAM PAR SHES PA GNAS PA GNYIS PA'O, ,ZHES GSUNGS PA'I PHYIR, BSAM GTAN GNYIS PA BA RNAMS CHOS CAN, LUS GCIG CING 'DU SHES THA DAD PA YIN TE, LUS 'OD LUS SU
GCIG PA GANG ZHIG ,'DU SHES BDE BA DANG BTANG SNYOMS GNYIS RE MOS SU DON DU GNYER BA'I PHYIR TE, MDO LAS, SEMS CAN GZUGS CAN GZUGS CAN LUS GCIG CING 'DUS SHES THA DAD PA DAG KYANG YOD DE, 'DI LTA STE, 'OD GSAL GYI LHA RNAMS SO, ,'DI NI RNAM PAR SHES PA GNAS PA GSUM PA'O, ,ZHES GSUNGS PA'I PHYIR, BSAM GTAN GSUM PA BA CHOS CAN, LUS GCIG CING 'DU SHES YANG RIGS GCIG PA YIN TE, LUS 'OD LAS BDE BAR GCIG PA'I PHYIR TE, MDO LAS, SEMS CAN GZUGS CAN LUS GCIG CING 'DU SHES GCIG PA DAG KYANG YOD DE, 'DI LTA STE, DGE RGYAS KYI LHA RNAMS SO, ,'DI NI RNAM SHES MI GNAS PA BZHI PA'O, ,ZHES GSUNGS PA'I PHYIR, DGE RGYAS MTSON PA STE GSUM GA 'DZIN NO, ,GZUGS MED DANG PO GSUM RIM BZHIN RNAM SHES KYI GNAS PA LNGA BA DANG DRUG PA DANG BDUN PA GSUM DU 'JOG PA YIN TE, MDO LAS, SEMS CAN GZUGS CAN MIN PA DAG CES PA NAS, 'DI LTA STE, NAM MKHA' MTHA' YAS SKYE MCHED DU NYE BAR 'GRO BA'I LHA DAG GO ,'DI NI RNAM PAR SHES PA GNAS PA LNGA PA'O, ,ZHES DANG, ,MDO LAS, 'DI LTA STE, RNAM SHES MTHA' YAS SKYE MCHED DU NYE BAR DGRO BA'I LHA DAG GO ,'DI NI RNAM PAR SHES PA GNAS PA DRUG PA YIN NO, ,ZHES DANG, YANG MDO LAS, 'DI LTA STE, CI YANG MED PA'I SKYE MCHED DU NYE BAR 'GRO BA'I LHA DAG GO ,'DI NI RNAM PAR SHES PA GNAS PA BDUN
, ,PA YIN NO, ,ZHES GSUNGS PA'I PHYIR, SEMS KYI GNAS PA BDUN GYI LHA MA NGAN SONG GSUM DANG BSAM GTAN BZHI BA DANG, SRID RTZE RNAMS RNAM SHES KYI GNAS PA MA YIN TE, DE GSUM NA RNAM SHES 'JOMS BYED DANG LDAN PA'I PHYIR, DER THAL, NGAN SONG GSUM NA SDUG BSNGAL GYIS 'JOMS, BSAM GTAN BZHI BAR 'DU SHES MED PA'I SNYOMS 'JUG GIS 'JOMS, SRID RTZER 'GOG SNYOMS KYIS 'JOMS PA'I PHYIR, DANG PO GRUB STE, RANG 'GREL LAS, DE LA NGAN SONG DAG NA NI 'JOMS PAR BYED PA SDUG BSNGAL GYI TSOR BA YIN TE, GNOD PAR BYED BA YIN PA'I PHYIR, ZHES SO, ,GNYIS PA GRUB STE, RANG 'GREL LAS; BSAM GTAN BZHI BA NA NI 'DU SHES MED PA BA DANG 'DU SHES MED PA'I SNYOMS PAR 'JUG PA DANG YIN NO, ,ZHES GSUNGS PA'I PHYIR, GSUM PA GRUB STE, RANG 'GREL LAS, SRID PA'I RTZE MO NA NI 'GOG PA'I SNYOMS PAR 'JUG PA DANG YIN TE, SEMS KYI RGYUN GCOD PA'I PHYIR, ZHES SO, ,GNYIS PA 'CHAD PAR, SRID RTZE DANG, ,'DU SHES MED PA'I SEMS CAN RNAMS, ,SEMS CAN GYI NI GNAS DGUR BSHAD, ,MI 'DOD PA ZHIN GNAS PHYIR GZHAN MIN, ,ZHES BYUNG, SHES BYA CHOS CAN, SEMS CAN GYI GNAS DGUR BSHAD DU YOD DE, SNGAR BSHAD PA'I RNAM SHES KYI GNAS PA BDUN DANG, SRID RTZE DANG 'DU SHES MED PA'I SEMS CAN DANG DGU BO
DE YIN PA'I PHYIR TE, 'DI DAG TU SEMS CAN RANG 'GAR GNAS PAS SEMS CAN GYI GNAS SU BSHAD PA'I PHYIR TE, RANG 'GREL LAS, 'DI DAG TU SEMS CAN RANG DGA' BAS KUN TU GNAS SO, ,ZHES GSUNGS PA'I PHYIR, SHES BYA CHOS CAN; NGAN SONG GSUM SEMS CAN GYI GNAS SU MI 'CHAD PA'I RGYU MTSAN YOD DE, DER SEMS CAN RNAMS MI 'DOD BZHIN DU LAS KYIS GNAS KYANG DGA' BZHIN DU MI GNAS PA'I PHYIR TE, RTZA BAR, MI 'DOD BZHIN, PHYIR GZHAN MIN, ,ZHES SO, ,GSUM PA 'CHAD PAR, GSAR BDAG NI YANG BZHI STE, ,NAS, BSDUN MU NI BZHI YIN NO, ,ZHES BYUNG, TSIG NGON NI, SHES BYA CHOS CAN, RNAM SHES KYI GNAS BDAG NI BDUN DU MA ZAD YANG BZHI YOD DE, ZAG PA DANG BCAS PA'I GZUGS LA NYE BAR SBYOD PA, DE BZHIN DU TSOR BA DANG 'DU SHES DANG 'DU BYED BZHI LA NYE BAR SPYOD PA BZHI YOD PA'I PHYIR TE, RTZA BAR, GNAS PA DAG NI YANG BZHI STE, ,ZAG DANG BCAS PA'I PHUNG PO BZHI, ,ZHES SO, ,ZAG BCAS RANG GIS BZHIG DGOS TE, SA GZHAN GYI PHUNG PO LAS GZHAN GYI RNAM SHES DGA' BA'I SRID PA MI SKYE BA'I PHYIR TE, RTZA BAR, RANG GI SA BA NYID, CES SO, ,BYE SMRA NA RE, RNAM SHES KYI GNAS PAR RNAM SHES MI 'THAD PAR THAL, GNAS PA PO LA GNAS PAR BSHAD MI RUNG BA'I PHYIR, DPER NA RGYAL PO RGYAL PO'I GAN MIN PA BZHIN DANG, YANG NA 'DI'I GNAS DANG GNAS PA NI GRA DANG MNYON PA LTA BUR GNAS NAS 'GRO
, ,PA ZHIG DGOS NA RNAM SHES RNAM SHES LA DE LTAR MA YIN PA'I PHYIR ZER, GZHAN DAG NA RE, 'O NA, MDO LAS, RNAM PAR SHES PA'I ZAG BCAS LA DGA' BA YANG YOD, 'DOD CHAGS KYANG YOD, GANG LA DGA' BA YANG YOD CING 'DOD CHAGS YOD PA DE LA RNAM PAR SHES PA BRTEN CING GNAS SO, ,ZHES DANG, YANG MDO LAS, RNAM PAR SHES PA GNAS SO, ,ZHES DANG, YANG MDO LAS, RNAM PAR SHES PA GNAS PA BDUN PHUNG PO LNGA'I RANG BZHIN DAG YIN NO ZHES PA DANG 'GAL LO ZHE NA, MNGON PA BA NA RE MI 'GAL TE, LUNG DE GNYIS NI SKYE SRID KYI SKYE MCHED LA DGONGS PA YIN PA'I PHYIR ZER, DES NA RNAM SHES 'BA' ZHIG GNAS PAR MA BSHAD PA'I PHYIR TE, LUNG LAS RNAM SHES KYI GNAS PA BZHI RNAM SHES KYI ZHING DANG, RNAM SHES SA BON DU GSUNGS BA DANG MTHUN PA'I PHYIR TE, RANG 'GREL LAS, GANG DAG RNAM PAR SHES BA DANG LHAN CIG 'BYUNG BA DE DAG NI 'DI'I ZHING GI NGO BOR SHIN TU LEGS PA YIN PAS DE DAG NYID 'DI'I GNAS PA DAG CES BSHAD DO, ,ZHES GSUNGS PA'I PHYIR DANG, NYID SGRAS RNAM SHES GCOD DO, ,RNAM SHES KYI GNAS PA CHOS CAN, KHYOD KYIS BSUD TSUL MU BZHI YOD DE, BSDUN NA BZHI DANG BDUN GYIS BSDUS PA YIN MIN LAM BZHI YOD PA'I PHYIR, BSDUS TSUL SU PA'I YOD DE, BDUN GYIS BSDUS LA BZHIS MA BSDUS PA DANG, BZHIS BSDUS LA BDUN GYIS MA BSDUS PA DANG, GNYIS KAS BSDUS BA, GNYIS KAS MA BSDUS PA DANG BZHI YOD
PA'I PHYIR, DANG PO YOD DE, BDUN GYI NANG TSAN GYI RNAM SHES DE DE YIN PA'I PHYIR, GNYIS PA YOD DE, NGAN SONG BA RNAMS DANG BSAM GTAN BZHI BA DANG SRID RTZE'I RNAM SHES MA YIN PA'I ZAG BCAS KYI PHUNG PO RNAMS DE YIN PA'I PHYIR, GSUM PA YOD DE, BDUN GYI GNAS SKABS KYI ZAG BCAS KYI PHUNG PO DANG PO BZHI DE YIN PA'I PHYIR, BZHI BA YOD DE, NGAN SONG BA DANG BSAM GTAN BZHI PA DANG SRID RTZE BA DAG GI RNAM SHES LTA BU DE YIN PA'I PHYIR, GSUM PA SKYE GNAS BZHIR DBYE BA LA, GANG DU 'JUG PA SKYE GNAS KYI DBYE BA DANG, GANG 'JUG PA BAR SRID KYI RANG BZHIN, DE SKYE GNAS SU 'JUG TSUL DANG GSUM, DANG PO 'CHAD PAR, DER NI SGONG LAS SKYE SOGS, ,SEMS CAN SKYE GNAS BZHI DAG TU, ,NAS, YI DVAGS MNGAL NAS SKYES BA'ANG YIN, ,ZHES BYUNG, 'GRO BA SEMS CAN CHOS CAN, KHYOD LA KHAMS GSUM PO SER NI SKYE BA'I GNAS BZHI DAG TU YOD DE, SGONG NGA LAS SKYE PA DANG SOGS PAS MNGAL SKYE DROD GSHER SKYE RDZUS SKYE RNAMS SU YOD PA'I PHYIR, DANG PO'I NGO BO YOD DE, SGONG BO'I NANG NAS MER MER NUR NUR SOGS SKYE BA DE YIN PA'I PHYIR, MTSAN GZHI NGANG BA KHRUNG KHRUNG RMA BYA NE RTZO SOGS LTA BU, GNYIS PA'I NGO BO YOD DE, MNGAL NAS MER MER NUR NUR NAS SKYE MCHED DOD NAS PHYIR SKYE BA DE YIN GYI MNGAL GYI NANG NAS BYUNG TZAM YIN NA SGONG SKYES KUN MNGAL SKYES SU 'GYUR BAS SKYE GNAS GSUM PAR 'BYUR BA'I PHYIR, MTSAN GZHI GLANG RTA SOGS LTA BU,
, ,GSUM PA'I NGO BO YOD DE, MNGAL SGONG GANG RUNG LAS MA YIN PAR DROD DANG GSHER LAS SKYES PA'I LUS CAN GCIG DE YIN PA'I PHYIR, MTSAN GZHI SPUR BA DANG PHYE MA LE BSOGS LTA BU, BZHI BRDZUS SKYES KYI NGO BO YOD DE, DBANG BO MTSANG BA MED PAR GCIG CAR SKYE PA'I SKYE GNAS DE DE YIN PA'I PHYIR, MTSAN GZHI LHA RNAMS LTA BU, SHES BYA CHOS CAN, MI DANG DUD 'GRO GNYIS LA SKYE GNAS BZHI YOD DE, MI LA BZHI YOD PA GANG ZHIG ,DUD 'GRO LA BZHI YOD PA'I PHYIR, DANG PO GRUB STE, MI LA SGONG SKYES YANG YOD, MNGAL SKYES KYANG YOD, DROD GSHER SKYES KYANG YOD, RDZUS SKYES KYANG YOD PA'I PHYIR, DANG PO GRUB STE, MI SGONG SKYES NI GRU ZHIG PA'I TSONG BA BYA KHRUNG KHRUNG MO DANG RTZES PA'I SGONG NGA LAS SKYES PA DGE SLONG GRAGS DANG NYE BA'I GRAGS GNYIS DANG, RI DVAGS 'DZIN GYI BU SUM CU RTZA GNYIS DANG, RGYAL PO LNGA LEN GYI BU LNGA BRGYA LTA BU YIN PA'I PHYIR, GNYIS PA SLA; GSUM PA GRUB STE, GSO SBYONG 'PHAGS KYI SPYI BO LAS NGA LAS NU, NGA LAS NU'I BRLA G-YAS PA NAS MDZES PA DANG, DE'I BRLA G-YON PA NAS NYE MDZES DANG, RGYAL BO TSANGS BYIN GYI BRAD LAS BU MO SKYES PA THI PA'I PHRENG LDAN MA DANG, CHU SHING GI SDONG NANG NAS BU MO SKYES BA AA MRA SKYONG MA LTA BU YIN PA'I PHYIR TE, RANG 'GREL LAS, DROD GSHER SKYES PA NI 'DI LTA STE, NGA LAS NU DANG, MDZES PA DANG, NYE MDZES DANG, THI
BA'I PHRENG BA CAN MA DANG, AA MRA SKYONG MA LA SOGS PA LTA BU'O, ,ZHES GSUNGS PA'I PHYIR, BZHI PA GRUB STE, BSKAL BA DANG BO'I MI RNAMS DE YIN PA'I PHYIR, RTZA RTAGS GNYIS PA GRUB STE, KLU DANG MKHA' LDING LA SKYE GNAS BZHI YOD PA'I PHYIR TE, KLU MNGAL SKYES NAS RDZUS SKYES KYI BAR MKHA' LDING SKYE GNAS BZHI BAS ZA BAR BSHAD PA'I PHYIR TE, RANG 'GREL LAS, RDZUS TE SKYES PA RNAMS NI KLU DANG 'DAB BZANG LA SOGS PA LTA BU'O, ,ZHES GSUNGS PA'I PHYIR, RDZUS SKYES LA RO MED PAS ZAB MI 'THAD PA'I SKYON MED DE, MA SHI PAR DU ZA BA YIN PA'I PHYIR TE, RANG 'GREL LAS, SHE BA DES TSIS PAR 'GYUR BA MIN NO, ,ZHES DANG, GANG SPEL LAS, 'DIS SNGAR MA SHI BAR ZOS PA GANG YIN PA DE YANG SHI BA'I TSE MI SNANG BAR 'GYUR RO, ,ZHES GSUNGS PA'I PHYIR, KLU DANG MKHA' LDENG LA SKYE GNAS BZHI YOD PAR THAL, MKHA' LDING RDZUS SKYES MCHOG DANG DROD GSHER SKYES NYE MCHOD DANG, MNGAL SKYES PAR MA DANG SGONG SKYES THA MA YIN LA, DE RDZUS SKYES KYIS KLU BZHI KA ZA, DROD GSHER LAS SKYES BAS GSUM ZA, MNGAL SKYES KYIS GNYIS ZA, SGONG SKYES KYIS SGONG SKYES KHON ZA BA'I PHYIR TE, GANG SPEL LAS, KLU DANG NAM MKHA' LDANG DAG NI RNAM PA BZHI YOD DE, DE DAG GI MCHOG NI RDZUS TE SKYES PA'O, ,NYE MCHOG NI DROD GSHER LAS SKYES PA'O, ,PAR MA NI MNGAL NAS SKYES PA'O, ,THA CHAD NI SGONG NGA LAS SKYES PA'O, ,DE LA RDZUS TE SKYES PA'I NAM MKHA'
, ,LDING GIS NI DROD GSHER LAS SKYES PA LA SOGS PA DAG LAS SNGAM SDAM ZOS NAS KLU THAMS CAD BZA' BA'I PHYIR 'BYIN TO, ,ZHES GSUNGS PA'I PHYIR, SHES BYA CHOS CAN, DMYAL BA BRNAMS DANG KHAMS GSUM GYI LHA RNAMS DANG SRID PA BAR MA RNAMS RDZUS TE SKYES PA YIN TE, LAS KYI NUS PA STOBS DANG LDAN PA'I PHYIR, GZUGS MED PA DAG KYANG RDZUGS SKYES YIN TE, RDZUS SKYES LA MING BZHI'I PHUNG PO CAN DANG, PHUNG PO LNGA BA CAN GNYIS YOD SKYE GNAS GZHAN GSUM PHUNG PO LNGA BA CAN KHO NA YIN PA'I PHYIR TE, GANG SPEL LAS, 'DI DAG GI RANG BZHIN YANG RDZUS TE SKYE BA'I GNAS NI PHUNG PO BZHI DANG, LNGA'I RANG BZHIN YIN LA, DE LAS GZHAN RNAMS NI PHUNG PO LNGA'I RANG BZHIN YIN NO, ,ZHES GSUNGS PA'I PHYIR, 'PHAGS YUL GYI SDE PA KHA CIG NA RE, YI DVAGS NI RDZUS SKYES KHO NA ZER BA MI 'THAD PAR THAL, YI DVAGS PHAL CHER RDZUS SKYES YIN KYANG MNGAL SKYES KYANG YOD PA'I PHYIR TE, LUNG LAS, MO'U 'GAL GYI BU CHEN PO LA YI DVAGS MO NA RE, BDAG GIS MTSAN MO LNGA DANG, ,DE BZHIN NYIN MO GZHAN LNGA DAG ,BSKYED NAS DE DAG ZA MOD KYI, ,'ON KYANG BDAG NI TSIM BA MED; ;CES SMRAS PAR GSUNGS PA'I PHYIR DANG, GANG SPEL LAS, KHA CIG NA RE YI DVAGS RNAMS NI RDZUS TE SKYES PA KHO NA YIN NO ZHES ZER TE, DE'I PHYIR DE RNAMS LA MNGAL LAS SKYES PA NYID SGRUB PA'I PHYIR,
TSE DANG LDAN PA MO'U 'GAL GYI BU CHEN PO LA ZHES BYA BA RGYAS PAR 'BYUNG NGO, ,ZHES GSUNGS PA'I PHYIR, SHES BYA CHOS CAN, SKYE GNAS BZHI LA BZANG NGAN YOD DE, RDZUS SKYES RANG GZHAN GNYIS KAR MI GNOD PAR SKYEBS RAB DANG, DROD GSHER SKYES GZHAN LA MI GNOD PAR SKYE BAS RAB 'OG MA DANG, MNGAL SKYES SDUG BSNGAL LAN CIG SDUG BSNGAL BAS 'BRING DANG, SGONG SKYES SDUG BSNGAL LAN GNYIS MYONG PAS THA CHAD YIN PA'I PHYIR, STON PA SANGS RGYAS CHOS CAN, SKYE GNAS BZANG BA GNYIS BZHAG NAS MNGAL DU SKYE BA'I RGYU MTSAN YOD DE, GDUL BYA SPRO BA BSKYED PA DANG NYE DU CHOS LA DGOD PA DANG, MU STEGS BYED SOGS KYIS SGYU MA MKHAN MI NUS NAS 'JIG RTEN ZA'O ZHES PA'I LOG RTOG 'GOG PA'I CHED YIN PA'I PHYIR, GZHAN DAG RDZUS SKYES LA RO MED PAS RING BSREL 'BYUNG BA'I CHED DU YIN ZER BA MI 'THAD PAR THAL, RDZUS SKYES BYAS KYANG RDZU 'PHRUL GYIS RING BSREL BZHAG CHOG PA'I PHYIR TE, NAM MKHA' MDZOD LA MNGA' BRNYES PA'I GANG ZAG YIN PA'I PHYIR, SKYE GNAS BZHI LAS RDZUS SKYES MANG BA YIN PA'I PHYIR, RDZUS SKYES LA 'GRO BA LNGA'I LHA DANG DMYAL BA RIL BO DANG, YI DVAGS DUG 'GRO MI GSUM GYI PHYOGS RE DANG; BANG SRID THAMS CAD DANG, KHAMS GSUM GYI GONG MA GNYIS YI PA PO DANG, 'DOD KHAMS GYI PHAL CHER RDZUS SKYES YIN PA'I PHYIR, ,GNYIS PA BAR SRID LA, NGO BO, ,SGRUB BYED, KHYAD CHOS GSUM LAS,
, ,DANG PO 'CHAD PAR, 'DIR GANG 'CHI DANG SKYE BA YI, ,SRING PA'I PAR DU 'BYUNG BA'O, ,NAS, BYUNG BA MIN, ,ZHES BYUNG, TSIG DON DANG, MTHA' DPYAD PA GNYIS, BAR SRID CHOS CAN, KHYOD KYI NGO BO BZHAG TU YOD DE, 'JIG RTEN 'DIR GANG GI SNGA MA'I 'CHI SRID DANG, PHYI MA'I SKYE BA'I SRID PA'I PAR DU 'BYUNG BA'I SRID PA DE DE YIN PA'I PHYIR TE, 'DIR GANG 'CHI DANG SKYE BA YI, ,SRID PA'I PAR DU 'BYUNG BA'O, ,ZHES SO,, SRID PA PAR MA DE CHOS CAN, ,KHYOD SKYES PA YIN KYANG BYUNG BA MIN TE, BYUNG BA NI BGROD PA'I YUL DU PHYIN ZIN PA LA BYED CING, KHYOD BGROD PA'I YUL DU PHYIN MA ZIN PA'I PHYIR TE, BGROD PA'I YUL DU MA PHYIN PHYIR, ,SRID PA PAR MA BYUNG BA MIN, ,ZHES SO, ,MTHA' DPYAD PA LA, KHA CIG NA RE, BAR DO BA YIN NA BAR SRID RGYUD LA MA SPANGS PAR YOD PAS KHYAB ZER NA, GZUGS KYI PAR DO'I RTEN LA MYANG 'DAS THOB PA'I BAR DO BA CHOS CAN, DER THAL; DE'I PHYIR, 'DOD MI NUS TE, 'KHOR BA CHAGS BAL GYI TSUL GYIS SPANGS PA'I PHYIR, GZHAN YANG, SKYE SRID KYI RTEN CAN YIN NA SKYE SRID RGYUD LDAN YIN DGOS PAR THAL, PAR SRID LA DE'I PHYIR, 'DOD NA, GZUGS KYI SKYE SRID KYI RTEN LA MYANG 'DAS MNGON DU BYAS PA'I NYAN THOS DGRA BCOM CHOS CAN, DER THAL, DE'I PHYIR, 'DOD NA, DO'I RGYUD KYI NYON MONGS CAN GYI SRID PA YOD PAR THAL, DE'I RGYUD KYI SKYE SRID YOD PA'I PHYIR,
KHYAB STE, SRID PA BZHI BO DE DAG LAS, ,SKYE BA'I SRID PA NYON MONGS CAN, ,ZHES GSUNGS PA'I PHYIR, KHA CIG, PAR DO'I RGYUD KYI SKYE SRID DU NYING MTSAMS SBYOR BA'I BLO YIN NA, MNGAL SKYES LTAR CHAGS SDANG GI PHYIN CI LOG TU GYUR BAS NYING MTSAMS SBYOR BYED YIN PAS KHYAB ZER NA, RDZUS SKYES RGYUD KYI SKYE SRID DU NYING MTSAMS SBYOR BYED KYI BLO CHOS CAN, DER THAL, DE'I PHYIR, 'DOD MI NUS TE, DE GNAS DON DU GNYER GYI 'KHRIG PA DON DU GNYER BAS NYING MTSAMS SBYOR BA MA YIN PA'I PHYIR, DER THAL, DROD GSHER LAS SKYEN DRE 'DOD PA DANG RDZUS TE SKYEN GNAS 'DOD PA YIN PA'I PHYIR TE, DRI DANG GNAS LA MNGON 'DOD GZHAN, ,ZHES GSUNGS PA'I PHYIR, YANG KHA CIG ,MNGAL SKYES DANG RDZUS SKYES LA 'KHRIG CHAGS DANG SDANG BA'I BLO PHYIN CI LOG GIS NYING MTSAMS SBYOR BAS KHYAB ZER NA, RGYAL BO GZHON NU DON 'GRUB KYI PAR DO BA'I RGYUD KYI NYING MTSAMS SBYOR BYED KYI BLO CHOS CAN, DER THAL, DE'I PHYIR, 'DOD MI NUS TE, 'JUG GNAS 'BYUNG GSUM LA MA RMONGS PA YIN PA'I PHYIR TE, SANGS RGYAS KYI PAR SRID PA YIN PA'I PHYIR, KHYAB STE, 'KHOR BSGYUR GYI PAR SRID KYIS 'JUG PA SHES LA 'BYUNG GNAS GNYIS MI SHES, RANG RGYAL GYI DAM 'JUG GNAS SHES LA 'BYUNG BA MI SHES, SANGS RGYAS KYI DES GSUM GSHES PA'I PHYIR TE, MNGAL DU 'JUG PA GSUM DAG STE, ,'KHOR LOS BSGYUR DANG RANG BYUNG GNYIS, ,ZHES GSUNGS BA'I PHYIR, 'DIS SEMS
, ,CAN PHAL BA MNGAL 'JUG LA CHAGS SDANG GI PHYIN CI LOG TU 'JUG PAS MA KHYAB PA SHES SO, ,YANG KHA CIG NA RE, YUM SGYUM LHA MDZES KYI MNGAL DU 'JUG KHA MA'I BAR DO BA DE MTSAN DPES SBRAS BAR THAL, STON PA SANGS RGYAS MTSAN DPES SPRAS PA GANG ZHIG ,DE NI 'PHEN PA GCIG PA'I PHYIR, ,SNGON DUS SRID 'BYUNG SHA TSUGS CAN, ,ZHES GSUNGS PA'I PHYIR NA MA KHYAB, 'DOD NA, 'KHOR BSGYUR YANG MTSAN DPES SPRAS PAR THAL, 'DOD PA'I PHYIR, 'DOD MI NUS TE, DE'I MTSAN DPE BTAGS PA BA YIN PA'I PHYIR, YANG KHA CIG NA RE, MI LDOG DE NI DRI ZA'O, ,ZHES GSUNGS PA MI 'THAD PAR THAL, KHYI'I BAR SRID GRUB NAS DER MI SKYE BA YOD PA'I PHYIR NA MA KHYAB, RTAGS GRUB STE, DE GRUB NAS LCE SBYANG DU SKYE BA YOD PA'I PHYIR, DER THAL, DE GNYIS 'GRO BA RIGS MTHUN PA'I PHYIR, YANG KHA CIG NA RE, MI'I BAR SRID YIN NA MI'I SRID PA YIN PAS KHYAB ZER NA, DE MI 'THAD PAR THAL, MI'I SRID PA DANG BAR SRID PA GAL BA'I PHYIR TE, MDO LAS, SRID PA NI BDUN DE, DMYAL BA'I SRID PA DANG, DUNG 'GRO'I SRID PA DANG, YI DVAGS KYI SRID PA DANG, LHA'I SRID PA DANG, MI'I SRID PA DANG, LAS KYI SRID PA DANG, SRID BA BAR MA'O, ,ZHES GSUNGS PA'I PHYIR, YANG KHA CIG NA RE, BAR SRID PA YIN NA SKYE 'GYUR GYI SNGON DUS KYI SRID PA DANG DBANG PO SOGS 'DRA BAS KHYAB PAR THAL, SNGON DUS SRID 'BYUNG SHA TSUGS
CAN; ;ZHES GSUNGS PA'I PHYIR NA MA KHYAB CING, 'DOD MI NUS TE, MA NING MTSAN MED DANG SKYES TZAM NAS MIG MED PA'I LONG BA SOGS KYI BAR SRID PA YANG DBANG PO KUN TSANG BA'I PHYIR TE, MA NING DANG MTSAN MED KYI BAR SRID BA YANG PHO MO GANG RUNG GI RNAM BA CAN MNGAL DU ZHUGS NAS MA NING DU 'GYUR BA YIN PA'I PHYIR, RANG BGREL LAS, 'ON TE MA NING ZHIG YIN NA NI, DE 'DOD CHAGS GANG DANG LDAN PA DE BZHIN DU GNAS SO, ,SRID PA BAR MA NI DBANG PO THAMS CAD TSANG BA YIN PA'I PHYIR, DBANG PO MA TSANG BA MIN TE, DE'I PHYIR MOR GYUR PA DANG PHOR GYUR PA ZHUGS NAS GNAS PA JI LTA BA BZHIN DU GNAS SO, ,PHYIS LUS SKYE ZHING MA NING DU 'GYUR RO, ,ZHES GSUNGS PA'I PHYIR, GNYIS PA SGRUB BYED LA, RIGS PA'I SGRUB BYED DANG, LUNG GIS SGRUB BYED GNYIS, ,DANG PO 'CHAD PAR, 'BRU YI RGYUN DANG CHOS MTHUN PHYIR, ,NAS, RGYUN MIN PHYIR GNYIS LAS GYUR PHYIR, ,ZHES BYUNG, PHAL CHEN SDE BA DANG SA STON SDE BA NA RE, BAR SRID MED DE, SKYE SRID NI 'CHI SRID DANG BAR MA CHAR BAR 'BYUNG BA'I PHYIR ZER TE, RGYAL SRAS MA LAS, 'DI LA SLOB DPON YON TAN BLO GROS NI SLOB DPON DBYIG BSHES DANG BCAS TE RANG GI SDE BA LA BLO ZHEN CING, SOGS SO, ,PHYIS 'BYUNG GI SKYE SRID KYI GZUGS PHUNG CHOS CAN, RANG GI RGYUN DU GYUR PA'I BAR MA'I GZUGS SNGON DU SONG BA YIN TE, RGYUN LDAN GYI GZUGS YIN PA'I PHYIR, DPER
, ,NA 'BRU NUB NAS SHAR DU DRANGS BA'I RGYUN PHYI MA BZHIN, PAR SRID MED BAR 'CHI SRID RGYUN CHAD BA LAS SKYE SRID KYI GZUGS SOGS 'BYUNG BA MA YIN NO, ,'BRU YI RGYUN DANG CHOS MTHUN PHYIR, ,SRID BA CHAD LAS BYUNG BA'O, ,ZHES PA'I DON GZUGS LA SBYAR NAS DE LTAR YANG BSHAD DGOS PA'I PHYIR TE, RGYAL SRAS MA LAS, SKYE BA'I SRID PA'I GZUGS GANG DANG 'BRAL BA DANG GANG DU 'BYUNG BA DE DAG GI PAR MA'I RGYUN LA YOD PA'I GZUGS SNGON DU 'GRO BA CAN YIN TE, RANG GI NYI BAR LEN BA GZUGS KYI RGYUN GYI JO BO NYID YIN PA'I PHYIR RO, ,'BRU'I RGYUN PHYIS 'BYUNG BA'I GZUGS LTA BU'O, ,ZHES GSUNGS PA'I PHYIR, PAR DO SGRUB NA 'DI LTAR DGOS SO; ;'CHI SRID KYI SEMS CHOS CAN, RANG GI RGYUN MI 'CHAD PAR YUL GZHAN DU 'BYUNG STE, RGYUN GYIS YUL GZHAN DU SKYE BA'AM 'JUG PA'I CHOS YIN PA'I PHYIR, DPER NA, 'BRU YUL GZHAN DU DRANGS PA'I RGYUN BZHIN ZHES PHA NI, RANG 'GREL LAS, DE LTA BAS NA SEMS CAN GYI SEMS KYI RGYUN 'DI YANG RGYUN MI 'CHAD PAR YUL GZHAN DU 'BYUNG BA'I TSUL CAN YIN NO, ,ZHES GSUNGS PA'I DGONGS PA YIN NO, ,'DIS 'CHI SRID CHAD TZAM LAS SKYE SRID 'BYUNG BA KHEGS KYANG BAR DO SGRUB MI THUB BO, KHA CIG SA BON LAS MYU GU DANG MYU GU LAS 'BRU'I RGYUN 'BYUNG BA ZHES BSHAD PA MI 'THAD DE, DE NI SRID PA DANG RNAM SHES GONG DU 'PHEL BA TZAM LAS PAR SRID SGRUB
MI THUB PA'I PHYIR, KHYAB STE, 'DIR 'CHIS NAS SA GZHAN GYI SKYE SRID 'GRUB PA LA PAR DO DGOS PA 'BRU'I RGYUN GRONG GCIG NAS GRONG GZHAN DU SPO BA LTA BUR BSHAD DGOS PA'I PHYIR TE, RANG 'GREL LAS, RGYUN MI 'CHAD PAR GZHAN DU 'BYUNG BA MTHONG STE, DPER NA 'BRU'I RGYUN LTA BU'O, ,ZHES DANG, RGYAL SRAS MA LAS, GANG GI TSE 'BRU GRONG NAS GRONG GZHAN DU 'KHYER BA NA 'BRU DE GRONG SNGA MAR 'GAG NAS GRONG DE GNYIS KYI BAR DU MI 'BYUNG BAR DPAG TSAD DU MAS BCAD PAS GRONG GZHAN DU 'BYUNG BA NI MA YIN NO, ,ZHES GSUNGS PA'I PHYIR, GANG SPEL LAS, SHIN TU GSAL YANG LOG PAR BSHAD SNANG NGO, ,DE LA PHAL CHEN DANG SA STON DAG NA RE, 'CHI SRID RGYUN CHAD PA LAS SKYE SRID 'BYUNG BA'I DPE YANG YOD DE, ME LONG GI NGOS SOGS DANG BYAD KYI GZUGS GNYIS PAR 'GYANGS CHEN PO YOD KYANG DER GZUGS BRNYAN 'BYUNG BA BZHIN YIN PA'I PHYIR TE, RANG 'GREL LAS, CHANG NAS 'BYUNG BAR YANG MTHONG STE, DPER NA ME LONG LA SOGS PA DAG GI NANG DU GZUGS LAS GZUGS BRNYAN LTA BU'O, ,ZHES GSUNGS PA'I PHYIR, DE'I DPE DON MI 'THAD PAR THAL, DE'I DPE YANG MA GRUB PA GANG ZHIG ,GAL TE GRUB KYANG MI 'DRA PA'I PHYIR, DANG PO GRUB STE, KHYOD KYIS GZUGS BRNYAN KHA DOG TU 'DOD KYANG DE KHA DOG TU MA GRUB PA'I PHYIR, DER THAL, YUL DE NA ME LONG GI NGOS YANG SNANG GZUGS BRNYAN YANG SNANG KYANG DER KHA DOG THA DAD PA GNYIS GO SA GCIG NA
, ,MED PA'I PHYIR, DER THAL, ME LONG GI NGOS DE LA KHA DOG THA DAD PA GNYIS KYI RTEN 'BYUNG BA THA DAD PA MI'I NGO'I SHA KHRAG GI 'BYUNG BA DANG MKHAR PA'I 'BYUNG BA THA DAD PA GNYIS MED PA'I PHYIR TE, GZUGS BRNYAN MA GRUB PHYIR BA DANG, ,ZHES DANG, GCIG NA LHAN CIG GNYIS MED PHYIR, ,ZHES SO, ,GZUGS BRNYAN GYI KHYAD PAR YOD DE, RANG 'GREL LAS, GANG DE LTAR SNANG BA DE NI TSOGS PA DE'I MTHU DE 'DRA BA YIN TE, TSAS RNAMS KYI MTHU'I BYE BRAG NI BSAM GYIS MI KHYAB PO, ,ZHES GSUNGS PA'I PHYIR, GNYIS PA GRUB STE, BYAD BZHIN GYI GZUGS BRNYAN DE BYAD GZUGS KYI RGYUN MA YIN PAS MI 'DRA LA, GZUGS BRNYAN DE GZUGS NGANG MA LONG STE GTZO BO'I RGYU GNYIS TSOGS PA LAS BYUNG BA BZHIN DU, KHYOD KYIS SKYE SRID DE GTZO BO'I RGYU GNYIS LAS MI 'BYUNG BAR 'CHI SRID GCIG PU LAS 'BYUNG BAR 'DOD PA DANG MI 'DRA BA'I PHYIR, DANG PO GRUB STE, RTZA BAR, MI 'DRA'I PHYIR NA DPE MA YIN, ,RGYUN MIN PHYIR, ,ZHES SO, ,GNYIS PA GRUB STE, RTZA BAR, MI 'DRA'I PHYIR NA DPE MA YIN, ,GNYIS LAS 'BYUNG PHYIR, ,ZHES SO, ,GNYIS PA 'CHAD PAR, MGUR NAS GSUNGS PHYIR YOD DRI ZA, ,LNGAR GSUNGS 'GRO MDO LAS KYANG GRUB, ,CES BYUNG, BAR SRID PA CHOS CAN, KHYOD YOD DE, STON PAS MGUR NAS SRID PA BDUN GSUNGS PAS KHYOD PAR GRUB PA'I PHYIR TE, MDO LAS, SRID PA NI BDUN TE, DMYAL
BA'I SRID PA DANG, YI DVAGS KYI SRID PA DANG, DUD 'GRO'I SRID PA DANG, MI'I SRID PA DANG, LHA'I SRID PA DANG, LAS KYI SRID PA DANG, SRID PA BAR MA'O, ,ZHES GSUNGS PA'I PHYIR DANG, RTZA BAR, MGUR NAS GSUNGS PHYIR YOD CES SO, ,GZHAN YANG, BAR SRID YOD PAR THAL, MDO LAS, GNAS GSUM MNGON DU GYUR NA MA'I MNGAL DU 'CHAGS PAR 'GYUR TE, MA RUNG ZHING ZLA MTSAN DANG LDAN PA DANG, PHAM GNYIS CHAGS PAR GYUR ZHING PHRAD PA DANG; PRI ZA YANG NYE BAR GYUR NA'O, ,ZHES GSUNGS PA'I DRI ZA DE BAR SRID LA BYED PA'I PHYIR, KHO NA RE, DE LTAR DRI ZA ZHES MI 'DON GYI PHUNG BO ZHIG PA NYE BAR GNAS PAR GYUR NA'O ZHES 'DON TO ZHES ZER, SLOB DPON NA RE, DRI ZA DE BAR DO YIN PAR THAL, RTA LEN GYI BU'I MDO LAS, KHYOD KYIS DRI ZA NYE BAR GNAS PA GANG YIN PA 'DI, NAS, BYANG NAS 'ONGS PA ZHIG SHES SAM, ZHES GSUNGS PA'I PHYIR, KHYAB STE, PHUNG PO ZHIG PA NI 'ONGS PAR MI RUNG BA'I PHYIR TE, RTZA BAR, DRI ZA, ZHES SO, ,GZHAN YANG, BAR SRID YOD PAR THAL, PHYIR MI 'ONG LNGAR GSUNGS PA'I 'DA' BDE BAR DO BA YIN PA'I PHYIR TE, MDO LAS, PHYIR MI 'ONG BA NI LNGA STE, BAR MA DOR YONGS SU MYA NGAN LA BAB DANG BA DANG, ZHES GSUNGS PA'I PHYIR TE, RTZA BAR, LNGA GSUNGS, ZHES SO, ,DE LA PHAL CHEN PA NA RE, ,BAR MDO ZHES BYA BA'I LHA ZHIG YOD ZER NA, DE MED CING BAR DO YOD PA'I LUNG GZHAN YANG YOD DE, SKYES 'DAM
, ,PA'I 'GRO BA BDUN ZHES BYA BA'I MDO LAS KYANG, ZHOG MA'I ME STAG DANG LCAGS KYI TSA TSA GNYIS DANG GSUM DPER BYAS NAS BAR 'DA' BA GSUM BSHAD PA'I PHYIR, KHYAB STE, LHA LA YUL DANG DUS KYI KHYAD PAR DE LTAR THA DAD PA GSUM MED PA'I PHYIR, DES NA KHYOD KYI DE RTOG BA ZO YIN BA'I PHYIR TE, RTZA BAR, 'GRO MDO LAS KYANG GRUB, ,CES DANG, RANG 'GREL LAS, BAR MDO ZHES BYA BA'I LHA NI YUL DANG DUS KYI KHYAD PAR GYIS THA DAD PA RNAM PA GSUM PO DE LTA BU'I MED PAS 'DI NI RTOG BA 'BA' ZHIG TU ZAD DO, ,ZHES GSUNGS PA'I PHYIR, DE LA KHO NA RE, BAR SRID YOD NA MDO LAS BDUD SUN 'BYIN BYED KYIS 'OD SRUNG GI NYAN THOS MKHAS BA MGU ZHES PA'I MGO LA RDO'I KHU TSUR BSNUN PAS NYAN THOS DES MA RANGS PA'I SKAD PHYUNG BA DANG BDUD SUN 'BYIN BYED RANG GI LUS KHO NAS MNAR MED PA'I DMYAL BAR LHUNG NGO, ,ZHES GSUNGS PA'I LTAR DRANGS ZHE NA; SKYON MED DE, DE'I DGONGS PA GSON PO KHO NAR DMYAL BA'I MES BSKOR TE SHI NAS DMYAL BAR LHUNG ZHES PA'I DON YIN PA'I PHYIR, RANG 'GREL LAS BSHAD DO, ,'DI LA SNGON GYI MANG PO DANG RANG RE'I 'GA' ZHIG GIS 'OD SRUNG GI NYAN THOS SHI BAS BDUD DE LTAR BYUNG BAR BSHAD PA MI 'THAD PAR THAL, RGYAL SRAS MA LAS, NYAN THOS DE'I MGOR RDO'I KHU TSUR BSNUN PAS SKAD CIG GNYIS BAR RANG GI LUS SNGON GYI tIG CHEN, KYIS SIDHI THAR,
DMYAL BA'I ME MYONG BAR BSHAD, GANG SPEL LAS, BDUD KYIS RNGO'I TSAL BA ZHIG GIS 'OD SRUNG GI NYAN THOS MKHAS PA MGU ZHES PA'I MGO BCAG PAS DE LTAR BSHAD PA MA GTOGS SHI BA'I SKYON YIN PA'I SHES BYED MI SNANG BA'I PHYIR TE; NYAN THOS KYI SNGON PA SKAD CIG GNYIS PAR KHO RANG LHUNG BA'I PHYIR TE, RGYAL SRAS MA LAS, DE'I TSE BDUD SUN 'BYIN BYED CES BYA BA ZHIG GIS KLANG DU KHU TSUR GYIS BSNUN PAS DES MA RANGS BA'I SKANG PHYUNG BA DANG SKAD CIG GNYIS PA LA RANG GI LUS KYIS DMYAL BA CHEN PO MNAR MED PAR LHUNG NGO, ,ZHES DANG, GANG SPEL LAS KYANG, 'OD SRUNG GI NYAN THOS MKHAS PA MGU ZHES BYA BA ZHIG BYUNG BAR GYUR LA, DE'I TSE BDUD SUN 'BYIN PHYED CES BYA BA ZHIG GIS RDO BTZAL BZHI BAS DE'I MGO CAG PAR GYUR TO, ,RANG GI LUS KHO NAS ZHES BYA BA RGYAS PAR 'BYUNG STE, SKAD CIG DE NYID LA'O, ,ZHES GSUNGS PA'I PHYIR, YOD PA SHOD LA MED PA MA SHOD CIG ,GSUM PA 'CHAD PAR DE NI 'PHEN PA GCIG PA'I PHYIR, ,NAS, MI LDOG DE NI DRI ZA'O, ,ZHES BYUNG, SHES BYA CHOS CAN, BAR DO BA'I SHA TSUGS TE BYAD DBYIBS YOD DE, SNGON DUS SRID PA 'BYUNG 'GYUR GYI BYAD DBYIBS CAN YIN PA'I PHYIR, DER THAL; DE DANG SNGON DUS KYI SRID PA 'BYUNG 'GYUR GNYIS LAS KYIS 'PHEN PA GCIG PA YIN PA'I PHYIR TE, DE NI 'PHEN PA GCIG PA'I PHYIR, ,SNGON DUS SRID 'BYUNG SHA TSUGS CAN, ,ZHES DANG, KUN BTUS LAS, GANG DU SKYE
, ,BAR 'GYUR BA DE'I BYAD GZUGS SO, ,ZHES DANG, DE DANG MTHUN BAR RANG 'GREL LAS KYANG, DE NI 'GRO BA GANG DU 'GRO BAR 'GYUR BA'I DER DUS SNGA MA'I SRID BA 'BYUNG BAR 'GYUR BA GANG YIN PA DE'I SHA TSUGS LTA BUR 'GYUR RO, ,ZHES GSUNGS PA'I PHYIR, DUS SNGA MA'I SRID PA ZHES PA'I DON YOD DE, 'BYUNG 'GYUR 'CHI SRID SNGON YIN PAS SNGON DUS SKYE SRID KYI RJES YIN PA SHES PA'I CHED YIN PA'I PHYIR TE, GANG SPEL LAS; SNGON GYI DUS SMOS PA NI 'CHI BA'I SRID PA DANG SKYE BA'I SRID PA LAS KHYAD PAR DU BYA BA'I PHYIR RO, ,ZHES GSUNGS PA'I PHYIR, BAR DO'I KHA DOG YOD DE, DMYAL BA'I BAR DO SNGOD DUM MES TSIG PA LTA BU DANG, DUD 'GRO'I DU BA LTA BU DANG, YI DVAGS KYI CHU LTA BU DANG, 'DOD PA'I LHA MI'I BAR SRID GSER LTA BU, GZUGS KHAMS KYI DKAR PO YIN PA'I PHYIR, BONG TSOD YOD DE, 'DOD PA'I LHA MI'I BAR SRID BYIS PA LO LNGA'AM, DRUG LON PA LTA BU; GZUGS KYI BONG TSONG RDZOGS SHING NGO TSA KHREL YOD PAS GOS DANG BCAS PA YIN LA, 'DOD PAR NGO TSA DANG KHREL MED PAS GCER BU SHAS CHE ZHING, SNGON GYI SMON LAM GYIS DGE SLONG MA DKAR MO SOGS GOS DANG BCAS PA DANG, SRID PA THA MA'I BYANG SEMS KYI BAR SRID YANG GZHON NU MTSAN DPES BRGYAN PA NA BZA' DANG BCAS PA YIN PA'I PHYIR, GLANG PO CHE'I RNAM PAR BSHAD PA SPRUL PA'AM YUM GYI RMI LAM TZAM YIN NO, ,KHO NA RE, SNGON
DUS KYI SRID PA'I RNAM CAN MI 'THAD TE, DE LTAR NA KHYI MO'I MNGAL NAS KYANG 'GRO BA LNGA'I BAR SRID 'GRUB PA ZHIG YOD DGOS PAS KHYI MO'I MNGAL 'TSIG PAR 'GYUR BA'I PHYIR ZER NA, DE LTAR GRUB PA YOD KYANG KHYI MO'I MNGAL MI 'TSIG STE, TSA DMYAL DU SKYES MA THAG PA DANG DER SKYES KYANG NYE 'KHOR DANG BAR NA 'PYAN PA STE 'KHYAMS PA RNAMS KYANG ME MI 'BAR NA DE'I BAR SRID RTAG TU GA LA 'BAR LA, 'BAR DU CHUG KYANG DE'I GZUGS SHIN TU DANG BAS LHA MI PAL BAS MI MTHONG BA LTAR DE'I GZUGS LA MI REG PA'I PHYIR DANG, REG KYANG MI 'TSIG STE, DE TSIG PA DMYAL BA'I LAS LA RAG LAS PA'I PHYIR TE, RANG 'GREL LAS, DMYAL BA'I SRID PA BAR MAS MNGAL 'TSIG PAR 'GYUR RO ZHE NA RE ZHIG SRID PA SNGAM LA YANG DMYAL BAB RNAMS LHAG BA DAG NA 'PHYAN PA, NAS, LAS LA RAG LAS PA'I PHYIR MI 'TSIG GO ,ZHES GSUNGS PA'I PHYIR, SRID PA SNGA MA NI SNGON DUS KYI SRID PA DANG, LHAG PA DAG NA ZHES PA NYE 'KHOR DAG NA ZHES PA'O, ,'DI CHU 'BAB DANG RNAM 'GREL GYI RIGS MTHUN BAG CHAGS SAD PAR BSHAD PA LA MKHO'O, ,SNGON DUS KYI SRID PA CHOS CAN, KHYOD YOD DE, SKYE SRID GRUB PA'I SKAD CIG GNYIS PA PHAN CHAD NAS 'CHI SRID KYI SNGON ROL TSUN CHAD LA 'JOG PA'I PHYIR TE, RTZA BAR, DE NI 'CHI BA'I SNGON ROL TE, ,SKYE BA'I SKAD CIG PAN CHAD DO, ,ZHES GSUNGS PA'I PHYIR, MI'I BAR SRID PA CHOS CAN, KHYOD KYIS LHA'I BAR SRID MI
, ,MTHONG STE, KHYOD KYIS RIGS MTHUN RNAMS MTHONG LA MI MTHUN PA MI MTHONG BA GANG ZHIG ,KHYOD MI'I BAR SRID PA YIN PA'I PHYIR TE, RIGS MTHUN MTHONG, ,ZHES SO, ,SHES BYA CHOS CAN; BAR SRID BA MTHONG BA'I MIG YOD DE, LHA'I MIG SKYON BCU GCIG DANG BRAL BA'I MNGON SHES KYIS MTHONG LA SKYES THOB KYI LHA'I MIG GIS KYANG MI MTHONG BA'I PHYIR TE, LHA MIG DAG PAS MTHONG, ,ZHES DANG, RANG 'GREL LAS, SHIN TU DVANGS PA'I PHYIR SKYES NAS THOB PA'I MIG GIS MI MTHONG NGO, ,ZHES SO, ,SKYON BCU GCIG YOD DE, RGYAL SRAS MA LAS, SKYON DE DAG KYANG THE TSOM DANG, YID LA MI BYED PA DANG, LUS KYI GNAS NGAN YIN DANG, RMUGS BA DANG, GNYID DANG, RGOD PA DANG, BA RTZON 'GRUS BRTZAM DRAG PA DANG, SEMS YA YA BO DANG, BAG TSAB DANG, 'DU SHES SNA TSOGS PA DANG, SMRA BA MANG BA DANG, HA CING SGOM DRAG PA NYID DE, MDO LAS JI SKAD 'BYUNG BA YIN NO, ,ZHES GSUNGS PA'I PHYIR, LHA'I BAR MAS GONG MA MIN PA'I THAMS CAD MTHONG ZER PA YANG YOD, BAR SRID BA CHOS CAN, RDZU 'PHRUL DANG LDAN TE, NAM MKHA' LA 'GRO BA'I LAS KYIS RDZU 'PHRUL DANG LDAN BA'I PHYIR, DE CHOS CAN, SHA [?] GANG BSAMS BA'I SAR SANG CIG GIS S [?] KYI SHUGS MYUR BA SANGS RGYAS KYIS KYANG BZLOG BKA' BA YOD BA'I PHYIR TE, RTZA BAR,
LAS KYI RDZU 'PHRUL SHUGS DANG LDAN, ,ZHES SO, ,DE CHOS CAN, DBANG PO KUN TSANG BA YIN TE, DBANG PO LNGA CHAR TSANG BA'I PHYIR TE, RANG 'GREL LAS, DBANG PO KUN TSAD DBANG PO LNGA CHAR TSANG PA'O, ,ZHES GSUNGS PA'I PHYIR; DE CHOS CAN, THOGS PA MED PA DANG LDAN TE, GANG LA THOGS PA'AM, BTUGS PA MED PA'I PHYIR TE, RDO RJES KYANG MI BZLOG PA'I PHYIR, LCAGS KYI THU LUM GSHAGS PA'I NANG NAS BYUNG BA'I SRID BU YOD BA'I PHYIR TE, THOGS MED LDAN, ,ZHES GSUNGS PA'I PHYIR, SHES BYA CHOS CAN, BAR SRID GRUB NAS GANG DU SKYE BAR 'GYUR BA'I SNGON DUS KYI DE 'GRUB PAR NGES TE, DPER NA MI'I DE GRUB NAS YANG DE MED PAR LHA'I BAR MA'AM GZHAN GYI DE GRUB NAS DER SKYE BA MI SRID BA'I PHYIR TE, MI LDOG, CES GSUNGS, KUN BTUS LAS BZLOG BAR BSHAD CING 'DI BA'I LUGS LA YANG BAR 'DA' BA YOD PAS MA NGES SNANG NGO, ,DE CHOS CAN, KHAMS KYI ZAS KYANG ZA STE, REG PA MA YIN PA'I DRI ZA BA'I PHYIR TE, DE NI DRI ZA'O, ,ZHES SO, ,DBYEN DBANG CHE CHUNG GIS DRI ZHIM MI ZHIM ZA BA GNYIS YOD PAR GRAGS SO, ,DE CHOS CAN, TSE TSAD YOD DE, ZHAG BDUN RING MTHA' DANG CHAGS SDANG GANG RUNG SKYES NA 'CHI LA; SKYE BA'I TSOGS BAM RNYED NA BDUN NAS SHI NAS YANG DER SKYES PA SOGS YIN PA'I PHYIR, TSE TSAD 'DOD TSUL DU MA YOD DE, DBYIG BSHES ZHAG BDUN NAS SKYE BA MA RNYED NA 'CHI 'PHO BA SOGS SNGAR LTAR DANG, GZHAN DAG
, ,BDUN PHRAG BDUN ZER, BYE SMRAN RE, SRID PA TSOL BA YIN PAS NYID MTSAMS MYUR DU SBYOR BAS DUS THUD DU'O, ,ZHES ZER, MDO MYAD 'DAS LAS LO GSUM PA ZHIG BSHAD, MDO SDE BA'I BTZUN PA NA RE, NGES BA MED ZER, KUN 'DUS LAS RE LTAR THOGS NA ZHAG BDUN DU GNAS TE, DE TSUN CHAD KYIS 'PHO'O, ,ZHES DANG, SKYE BA'I RKYEN MA RNYED NA BDUN PHRAG BDUN GYI BAR DU YANG GNAS SO ,ZHES GSUNGS SO, ,BOD DAG GIS 'OL TSED DAG MA BRIS SO, ,GSUM PA SKYE GNAS SU 'GRO BA'I TSUL LA, DNGOS DANG, SKYE GNAS SU 'JUG PA'I DBYE BA GNYIS, DANG PO 'CHAD PAR, BLO NI PHYIN CI LOG GYUR PAS, ,NAS, DMYAL BA YI NI SPYI'U TSUGS YIN, ,ZHES BYUNG, PHAL BA'I MNGAL DANG SGONG NGA LAS SKYE BA'I BAR DO BA GNYIS CHOS CAN, RGYANG RING PO NAS KYANG LAS DBANG GIS RANG GI SKYE GNAS MTHONG NAS 'GRO TSUL YOD DE, CHAGS PAS RTZE BA'AM DGA' BAS PHYIN CI LOG GI YUL DU 'GRO LA, PHYIN CI LOG GIS SDANG BAS SHI NAS SKYE GNAS DER NYID MTSAMS SBYOR PA'I PHYIR TE, BLO NI, NAS, YUL DU 'GRO ,ZHES SO, SHES BYA CHOS CAN, DROD GSHER SKYES DANG RDZUS SKYES GNYIS 'JUG TSUL YOD DE, SNGA MA DRI 'DOD BAS DANG, PHYI MAS GNAS LA MNGON PAR 'DOD PAS 'JUG PA'I PHYIR, DANG PO GRUB STE, SKYE GNAS GTZANG MI GTZANG GI DRI 'DOD PAS SKYE BA'I PHYIR TE, DRIL
MNGON 'DOD GZHAN, ,ZHES SO, ,GNYIS PA GRUB STE, BLO PHYIN CI LOG GIS DMYAL BA LA YANG RLUNG NGAM CHAR PA GRANG MOS BTAB PAS NYEN PA NA, DMYAL BA'I ME MTHONG NAS DER DRO BAR 'DOD NAS TSA DMYAL DANG, YANG RLUNG NGAM NYI MA 'AM MES GDUNG BAS DMYAL BA'I BSIL BA MTHONG NAS 'DOD CING RGYUGS PAS GRANG DMYAL DU SKYE BA'I PHYIR TE, GNAS LA MNGON 'DOD GZHAN, ,ZHES SO, ,SHES BYA CHOS CAN, BAR DO BA'I 'GRO TSUL YOD DE, LTA'I BAR DO STAN NAS LDANG BA BZHIN DU BYEN DANG, MI DANG DUD 'GRO DANG YI DVAGS RNAMS KYI RIM BZHIN MI SOGS BZHIN THAD KA DANG, DMYAL BA'I BAR DO BA MGO THUR DU BSTAN TE SPYI'U TSUGS SU G-YANG LA LHUR BA LTAR 'GRO BA'I PHYIR TE; DMYAL BA YI NI SPYI'U TSUGS YIN, ,ZHES SO, ,GNYIS PA 'CHAD PAR, GCIG NI SHES BZHIN DU 'JUG GO ,NAS, RGYA CHE'I PHYIR NA GO RIM BZHIN, ,ZHES BYUNG, BLO PHYIN CI LOG THAMS CAD LA NGES SAM ZHE NA MA YIN TE, MNGAL DU 'JUG PA BZHI MDO LAS BSHAD PA'I PHYIR, DER THAL, GCIG NI SHES BZHIN DU 'JUG LA GNAS PA DANG 'BYUNG BA SHES BZHIN MIN PA YANG YOD, GZHAN NI 'JUG PAR MA ZAD GNAS PA YANG SHES PA YOD, DE LAS GZHAN NI 'JUG GNAS GNYIS SU MA ZAD 'BYUNG BA YANG SHES PA YOD, DE GSUM LAS GZHAN NI 'JUG GNAS 'BYUNG GSUM THAMS CAD LA RMONGS PA DANG BZHI YOD PA'I PHYIR, ZHES 'CHAD PAR, GCIG NI SHES BZHIN, NAS,
, ,THAMS CAD RMONGS, ,ZHES SO, ,BZHI PA GRUB STE, SGONG SKYES KYI BAR DE NI RANG RGYAL GYI YIN KYANG RMONGS PA YIN PA'I PHYIR TE, RGYAL BO LNGA LEN GYI BTZUN MO LA SGONG NGA LNGA BRGYA LAS KHYE'U LNGA BRGYA BYUNG BA RANG SANGS RGYAS SU BYUNG YANG 'DI RMONGS PAR GANG SPEL LAS BSHAD PA'I PHYIR TE, SGONG PA LAS SKYES RTAG TU'O, ,ZHES SO, ,'DIR BSHAD KYANG SGO NGAR SKYE 'GYUR LA SGONG SKYES ZHES BSHAD KYANG MI 'GAL TE, NAS 'TSAD 'GYUR LA THAG 'THAG ZHES PA BZHIN YIN PA'I PHYIR TE, RANG 'GREL LAS SO, ,MNGAL DU BSAM BZHIN 'JUG PA GSUM RIM PAS YOD DE, 'KHOR BSGYUR DANG PO DANG, RANG BYUNG RANG RGAL GNYIS PA DANG, SANGS RGYAS GSUM PA YIN PA'I PHYIR, DANG PO GRUB STE, 'KHOR BSGYUR SOGS LAS RGYA CHEN PO DANG BSOD NAMS RGYA CHEN PO BYED PA DAG SHES BZHIN DU 'JUG PA'I PHYIR TE, 'KHOR LOS BSGYUR DANG, ZHES SO, ,GNYIS PA GRUB STE, BSE RU'I RANG RGYAL DE YE SHES RGYA CHEN PO THOS PA MANG BA SOGS BYAS PAS 'JUG GNAS GNYIS KA SHES THUB PA'I PHYIR TE, YE SHES SAM RANG BYUNG, ZHES SO, ,GSUM PA GRUB STE, SANGS RGYAS KYI BAR SRID PA NI TSOGS GNYIS RGYA CHEN PO BSAGS PAS GSUM GSHES PA'I PHYIR TE, GNYIS KA RGYA CHE'I PHYIR, ZHES SO, ,SMRAS PA, 'CHI DANG SKYE BA'I CHU BO'I 'GRAM RING BO, ,BAR GYI SRID PA PHRA MOS ZAM LTAR RAM, ,'PHUR PA'I BYA DANG GRIB MA BZHIN
'BREL YANG, ,MA SHES SDE 'GAS RDO LA GTAM RLUNG BZHIN BYAS, ,THUB DBANG ZHAL SKYIN KUN MKHYEN DBYIG GNYEN GYIS, ,LUNG DANG RI GANG PA NYIN BYED 'PHRENG BA BZHIN, ,SPEL YANG NGAN ZHEN ME KHYER MI 'DOD TSE, ,BSTING TSIG 'BRUG SGRAS BLO GROS MDONGS BREL TSIM, ,BAR SRID RGYU DANG THOG MED 'KHYAMS TSUL 'DI, ,LEGS PAR BSAM NA BDAG MED GANGS TSOL CAN, ,'KHOR BAR RMONGS PAS DUR KHROD SKYED TSUL 'DI, ,MA BSAM THAR BA TSOL BA BLUN PO'I LUGS, ,THOG MED DUS NAS SKYE BA'I YUL DANG LUS, ,YANG YANG 'DOR LEN NYO TSONG LTAR BYAS PAS, ,SHA YI RI 'DID SPONG SHES RAB CAN, ,SPONG BYED SDE SNOD GSUM YIN SNYING LTAR ZUNGS, ,ZHES PA BAR SKABS KYI TSIGS SU BCAD PA'O,, ,,GNYIS PA SKYE TSUL RTEN 'BREL GYI RANG BZHIN LA, DNGOS DANG, ZHAR BYUNG SRID PA BZHI'I KHYAD PAR LA DPYAD PA GNYIS, DANG PO LA, 'KHOR BAR 'JUG TSUL GYI SGO NAS MDOR BSTAN PA, GRUB PA'I 'KHOR BRGYAS PAR BSHAD PA DANG, NYON MONGS PA GSUM DPES MTSON TSUL GYI SGOS DON BSDU BA GSUM, DANG PO LA, 'KHOR BAR 'JUG TSUL DNGOS DANG, SRID PA'I RGYUN THOG MED DU BSTAN PA GNYIS, DANG PO 'CHAD PAR, BDAG MED PHUNG PO TZAM NYID DO, ,NAS, MAR ME BZHIN DU MNGAL DU 'GRO ,ZHES BYUNG, PHYI ROL PA NA RE, SHES BYA CHOS CAN, RTAG PA'I BDAG GRUB PAR THAL, KHYOD KYI SEMS CAN 'JIG RTEN GZHAN
, ,DU 'PHO'O, ,ZHES DAM BCAS PA LTAR SEMS CAN 'JIG RTEN SNGA MA NAS 'DIR 'ONGS PA DANG, 'DI NAS PHYI MAR 'PHO BA 'AM 'GRO BA YOD PA'I PHYIR, 'DOD NA, BDAG MED MA YIN PAR THAL LO; ;THER NA, SHES BYA CHOS CAN, RGOL BA KHYOD KYIS RTAG BDAG MED NA SKYE BA SNGA PHYIR MTSAMS SBYOR BA MI RUNG BAR 'DOD MI RIGS PAR THAL, RTAG PA'I BDAG MED KYANG PHUNG PO TZAM LA BDAG TU 'DOGS SHING, PHUNG PO'I RGYUN TZAM GYIS SKYE BA SNGA PHYI DANG NYING MTSAMS SBYOR RIGS PA'I PHYIR TE, MDO LAS, LAS NI YOD, RNAM PAR SMIN PA YOD, CES DANG, RANG 'GROL LAS KYANG, BDAG CI LTA BU ZHIG CE NA, GANG PHUNG PO 'DI DAG 'DOR ZHING PHUNG PO GZHAN DU NYING MTSAMS SBYOR RO, ,ZHES BYA BAR YONGS SU RTOGS PA NANG GI SKYES BU DE LTA BU MED DE, ZHES GSUNGS PA'I PHYIR, 'DIS NANG GI SKYES BU PHUNG POR MA GTOGS PA'I RDZAS YOD BDAG TZAM BKAG PAS, KHA CIG BDAG MED NA, ZHES DANG, SRID PA'I SA BON YOD MED BSHAD PA DAG MDZOD RTZA 'GREL GYI DON GTAN MIN TE, DGAG PA MA SPROS SO, ,PHUNG BO NYID MTSAMS SBYOR TSUL DE LTAR REGS PAR THAL, PHUNG BO COM LA SKYE BA LEN PA'I MTHU MED, SKYE BA SNGA MAR NYON MONGS PAS KUN NAS BSLANGS TE, ZAG BCAS LAS KYIS MNGON PAR 'DU BYAS PA LAS PHUNG BO TZAM GYI BAR SRID KYI RGYUN 'BYUNG, DES SKYE SRID KYI SEMS KYI RGYUN 'BYUNG BDE YIN PA'I PHYIR TE, DPER
NA; MAR ME SKAD CIG MA YIN KYANG RGYUN SNGA PHYIS YUL GZHAN DU 'GRO BA LTAR PHUNG BO SKAD CIG MA MNGAL SOGS SKYE GNAS BA ZHIR 'GRO BA'I PHYIR TE, RTZA BAR, NYON MONGS LAS KYIS MNGON 'DUS BYAS, ,SRID PA BAR MA'I RGYUN GYIS NA, ,MAR ME BZHIN DU MANG LA DU 'GRO ,ZHES GSUNGS PA'I PHYIR, ZHIB PAR BYAS NA SNGA MA RDZAS YOD KYI BDAG MED KYANG SKYE TSUL DANG, PHYI MA MI RTAG CING SKAD CIG MA YIN KYANG SKYE TSUL GYI RIGS PA YIN NO, ,GNYIS PA 'CHAD PAR, JI LTAR 'PHANGS BZHIN RIM GYIS RGYUN, ,NAS, SRID PA'I 'KHOR LO THOG MA MED, ,CES BYUNG, SRID PAR YANG DANG YANG DU SKYE BA'AM 'KHOR BA'I 'KHOR LO 'DI LA CHOS CAN, THOG MA MED KYANG 'KHOR TSUL YOD DE, SNGON MA RIG PAS KUN NAS BSLANGS TE, ZAG BCAS KYI 'PHEN BYED KYI LAS DANG, LAS BSAGS PAS YANG SRID PHYI MAR YANG DANG YANG DU JI LTAR 'PHANGS BA BZHIN DU SO SOR 'KHOR LA SKYE BA SNGA MAR MA RIG PA DANG; TSE SNGA MA'I LAS ZAG BCAS THA DAD PA SNGON DU SONG BA LAS 'DIR JI SRID DU 'PHANGS PA LTAR NUR NUR MER MER NAR NAR 'BRAD 'GYUR DANG RKANG LAG ' [?] PA DANG, SGRA SPU SEN MO RNAMS DANG DBANG BO GZUGS CAN RNAMS DANG MTSAN RIM GYIS GRUB, 'DIR SKYES NAS LAS NYON GYIS YANG SRID PHYI MAR 'GRO LA DE LAS KYANG NYON MONGS KYIS LAS BSAGS PAS DE YANG PHYI MA'I 'JIG RTEN PHA ROL DAG TU 'GRO BA'I PHYIR, ZUR DANG PO GRUB STE, JI LTAR
, ,'PHANGS BZHIN RIM GYIS RGYUN, ,SKYES NAS, ZHES SO, ,GNYIS PA GRUB STE, LAS DANG NYON MONGS KYIS, ,'JIG RTEN PHA ROL DAG TU 'GRO ,ZHES SO, ,'DIR GONG 'OG DU MAR BSHAD PA'I MNGAL DU 'JUG TSUL CUNG ZAD BSHAD NA, MNGAL DU 'JUG PA LA RGYU RKYEN TSANG BA GCIG DGOS TE, RGYU RKYEN MA TSOGS NA MI 'JUG PA'I PHYIR, RGYU RKYEN YANG YOD DE, PHA MA CHAGS SHING PHRAD PA DANG, BAR SRID SLEB PA DANG, PHA MA GNYIS KYI KHU KHRAG RUNG BAR GNAS PA DANG SNGA PHYI MA YIN PAR DUS GCIG TU BYUNG BA DANG, MNGAL NYES PA DANG BRAL CING, DRI ZAS DE PHA MAR BYED PA'I LAS BSAGS PA RNAMS DGOS PA'I PHYIR, MNGAL GYI NYES PA DU MA YOD DE, MNGAL RLUNG MA KHRES PAD KAN DANG KHRAG GIS 'GAGS PA DANG SMAN GYIS BSLAD PA, MNGAL NAS 'DRA BA DANG, GROGS MA'I RKENG PA LTA BU DANG, RNGA MONG KHA LTA BU DANG, SHING RTA'I TSIGS SAM SHING RTA'I SROG SHING LTA BU DANG, SBA LTA BUR 'KHYIL PA DANG, MNGAL GYI NANG NA NAS KYI GRE MA SKYES PA LTA BU SOGS YOD PA'I PHYIR, GZHAN SLA LA, DES LAS BSAGS TSUL YANG YOD DE, PHAM CHO RIGS BTZUN LA BSOD NAMS CHEL; DRI ZA BSOD NAMS CHUNG BA DANG, DE LAS BZLOG PA DANG, GNYIS KA LDAN KYANG PHAN TSUN PHRAD PA'I LAS MA BSAGS NA MNGAL DU MI 'JUG PA'I PHYIR, MNGAL DU LUS GRUB TSUL YOD DE, MNGAL DU YUN ZHAG
BDUN PHRAG SUM CU RTZA BRGYAD SONGS NAS 'BYUNG BA'I PHYIR, BDUN TSAN BCU PHRAG SO SOR 'BYUNG TSUL YOD DE, BCU TSAN DANG PO GNYIS PA GSUM PA BRGYAD TSAN LA GRUB TSUL BZHI YOD PA'I PHYIR, DANG PO GRUB STE, BDUN DANG PO LA MER MER DANG, BDUN GNYIS BAR KUN TU SDUD PA'I RLUNG GIS NUR NUR DANG, BDUN GSUM PAR MDZOD DKA' ZHES PA'I RLUNG GIS LTAR LTAR DANG, DBYIBS NI SMAN GYI GTUN BU LTA BU DANG, BDUN BZHI PAR RAB 'BYED CES PA'I RLUNG GIS 'KHRANG 'GYUR DANG, DBYIBS MCHIG GU LTA BU DANG, BDUN LNGA BAR YAN LAG SDUD PA ZHES PA'I RLUNG GIS YAN LAG 'GYUS BAR BYED TSUL BRLA GNYIS DANG DPUNG GNYIS DANG MGO YAN LAG LNGA MNYAM PA DANG, BDUN DRUG PAR ZAS ZHES BYA BA'I RLUNG GIS LAG NGAR GNYIS DANG RJE NGAR GNYIS KYI MTSAN MA SKYED PA DANG, BDUN BDUN PAR YAN LAG SDUD PA ZHES PA'I RLUNG GIS LAG MTHIL GNYIS DANG RKANG MTHIL GNYIS KYIS MTSAN MA GRUB, BDUN BRGYAD PAR ZLOG CING SKYUR BAR BYED PA ZHES PA'I RLUNG GIS RKANG LAG GI SOR MO NYI SHU'I MTSAN MA 'BYUNG, BDUN DGU PAR RNAM PAR 'BYED PA ZHES PA'I RLUNG GIS MIG RNA BA RNA BA SNA KHA GSHANG GCI'I LAM GYI MTSAN MA 'BYUNG, BDUN BCU BAR SRA BAR BYED PA'I RLUNG GIS LUS GIS LUS SRA ZHING BRTAN PA DANG KUN SGO ZHES PA'I RLUNG GIS LUS BUS PAS KUN TU RGYAS SHING GANG BAR BYED PA'I PHYIR, RTAGS GNYIS PA GRUB STE, BDUN BCU GCIG PAR RDO RJE ZHES PA'I RLUNG GIS STOBS
, ,KYIS LUS KYI BU GA RNAMS 'BYED LA, RLUNG DE'I STOBS KYIS MA DE RES 'GA' MI DGA' BA DANG MNGAL GYI BYIS PA'I KHA NAS KHRAG NAG PO DANG SNA NAS CHU 'BYUNG, BDUN BCU GNYIS PAR YON PA SGO ZHES PA'I RLUNG GIS RTZI BA LOG G-YAS G-YON GYI NANG KHROL RGYU MA RNAMS KYI MTSAN MA 'BYUNG, DE'I TSE RGYUS PA ZHES PA'I RLUNG GIS TSIGS SUM BRGYA DANG NYI SHU DANG NAD BRGYA RTZA BZHI LUS LA GNAS PAR BYED, BDUN BCU GSUM BAR BKRES SHING SKOM PAR BYED BZHES PA'I RLUNG GIS DE NYAMS CHUNG ZHING BKRES SKOM GYI 'DU SHES SKYED LA DE'I TSEMS ZOS PA DANG 'THUNG BA RNAMS DE LA YON NO, ,BDUN BCU BZHI BAR SKUD PA'I SGO ZHES PA'I RLUNG GIS RTZA RGYUS DGU BRGYA BSKYED PAR BYED, BDUN BCO LNGA BAR SMAD CES PA'I RLUNG GIS RTZA RGYUS PA NYI SHU BSKYED NAS BZA' BTUNG RO GANG YIN PA RTZA 'DIR ZHUGS NAS LUS LA PHAN PAR BYED, RTZA NYI SHU YANG LUS KYI MDUN RGYAB G-YAS G-YON [?], DE RE RE LA YAN LAG BZHI BCU BZHI BCU, RTZA DE DAG RE RE LA YANG YAN LAG BRGYAD BRGYAD YOD, LUS KYI MDUN NA YOD PA GSUM NI SA GA ZHES BYA'O, ,RGYAB KYI GSUM NI STOBS DANG; G-YON GYI GSUM NI BRTAN PA, G-YAS PHYOGS KYI GSUM NI MTHU LDAN ZHES DU, DE LTAR RTZA'I YAN LAG GI DBYE BA BRGYAD KHRI YONG LA, DE DAG KYANG SNGON PO SER PO DMAR PO DKAR PO, MANG ZHO 'BRA MAR
GYI KHA DOG CAN, BRGYAD KHRI PO DE DAG RE RE LA YANG RTZA BA RE RE, RTZA BA RE RE LA YANG BUG SNA TSOGS YOD DE, BUG GCIG DANG GNYIS DANG BDUN GYI BAR DANG LDAN TE, RE RE YANG SPU'I BU GDANG PHAN TSUN 'BREL TE SKYED DO, , BDUN BCU DRUG PAR BDUD RTZI ZHES PA'I RLUNG GIS MIG RNA BA SNA KHA'I SGO DANG MID PA DANG SNYING GI SNYING PO'I KHOR YUG GI BUG DGU BO DAG PHYE NAS DBUG PHYI DANG STENG 'OG TU RGYU BA DANG MIG SOGS KYI DBANG PO GZUGS CAN DVANGS PA DANG YONGS SU SMIN PAR BYED, BDUN BCU BDUN PAR 'GRING STONG ZHES PA'I RLUNG GIS MIG GNYIS KUN TU DVANGS PA DANG RNA BA DANG SNA'I DBANG BO LA SOGS PA'ANG RIM GYIS SMIN PAR BYED DO, ,BDUN BCO BRGYAD PAR BSTAN PAR 'GYUR BA ZHES PA'I RLUNG GIS DBANG PO RNAMS MTHAR GYIS YONGS SU SMIN CING YONGS SU GSAL BA DANG, YONGS SU DAG PAR BYED DO, ,BDUN BCU DGU BAR LAS KYI RLUNG GIS MIG RNA BA SNA LCE'I DBANG BO BZHI SMIN PAR BYED, BDUN NYI SHU BAR SRA BA ZHES PA'I RLUNG GIS LUS KYI RUS PA CHEN PO NYES BRGYA SKYED PAR BYED PA'I BAR YIN PA'I PHYIR, RTAGS GSUM PA GRUB STE, BDUN NYER GCIG BAR SKYED PA ZHES PA'I RLUNG GIS LUS KYI SHA RNAMS SKYED ,BDUN NYER GNYIS PAR KUN TU RGYAL BA ZHES PA'I RLUNG GIS KHRAG SKYED, BDUN NYER GSUM PAR SPRIN 'DZIN ZHES PA'I RLUNG GIS SPAGS PA SKYED, BDUN NYER BZHI BAR LAS KYI RLUNG GIS LAG PA BRKYANG BSKU MA DANG MDOG DANG LDAN PAR
, ,BYED; BDUN NYER LNGA BAR LAS RLUNG GRONG KHYER 'DZIN PA ZHES PAS SHA KHRAG 'PHEL BAR BYED, BDUN NYER DRUG PAR SKYE MA NOR SGRUB CES PA'I RLUNG GIS SPU DANG SKRA DANG SEN MO RNAMS SKYED THAMS CAD RTZA RGYUS 'BREL BAR BYED, BDUN NYER BDUN PAR SMAN YON CHEN PO ZHES PA'I RLUNG GIS LUS KYI MTSAN MA MDZES PA LA SOGS PA'I BYA BA BYED, BDUN NYER BRGYAD BAR PHYIN CI LOG GI BDU SHES BRGYAD DANG LDAN PA'I MTSAN MA 'BYUNG, BDUN NYER DGU BAR ME TOG PHRENG ZHES PA'I RLUNG GIS LPAGS PA'I MDOG DANG MTSAN MA RNAMS SNGAR LAS LHAG PAR BYED, BDUN SUM CU BAR LCAGS KYI SGO ZHES PA'I RLUNG GIS SKRA DANG SPU DANG SEN MO RNAMS SKYED PAR BYED PA'I BAR YIN PA'I PHYIR, RTAGS BZHI PA GRUB STE, BDUN SO GCIG PA NAS SO LNGA BA'I BAR DU LUS KYI MTSAN MA RNAMS CHES CHER SKYE BAR 'GYUR LA, YAN LAG RNAMS PHUN SUM TSOGS LA YANGS PAR 'GYUR; BDUN SO DRUG BAR MNGAL NAS 'BYUNG BA 'DOD DANG, MDON BAR MI DGA' BSKYED, BDUN SO BDUN PAR MI GTZANG BA DANG DRI MI ZHIM PA DANG BTZON RA'I 'DU SHES DANG MUN NAG GI 'DU SHES DANG YONGS SU SKYO NAS PHYIR 'BYUNG BA'I 'DU SHES TE GYIN CI 'OG GI 'DU SHES LA 'BYUNG, BDUN PHRAG SO BRGYAD PA [?] MA'I [?] ZHES PA'I RLUNG GIS [?] RAB TU SGYUR BAR BYED, THUR RTA ZHES PA'I RLUNG GIS MGO THUR DU BSTAN NAS LAG PA GNYIS BRKYANG
STE RIM GYIS PHYIR 'BYUNG LA, SKYES NAS ZHAG BDUN LON PA NA SRIN BU'I RIGS STONG PHRAG BRGYAD CU RTZA BZHI SKYES NAS LUS ZA BAR BYED PA DE YIN PA'I PHYIR, 'DI NI SLOB DPON GYIS KYANG RNAL 'BYOR SPYOD PA'I SA SOGS KYIS BSHAD PA BKOD PA LTAR THEG CHEN GYI LUGS YANG CUNG ZAD SHES PA'I PHYIR BKOD DO, ,RGYU MTSAN DES NA SRID BA'I 'KHOR LO LA 'KHOR BA'I THOG MA MED DE, NYON MONGS LAS SDUG BSNGAL GSUM PHAN TSUN GCIG LAS GCIG 'BYUNG BA'I TSUL GYIS 'KHOR BA'I PHYIR DANG, THOG MA GCIG BRTAGS NA RE'I RGYU MED PA NYID DU THAL BAR 'GYUR LA DE LTAR NA YUL DUS SO SOR DES PA LAS MYU GU SOGS SO SOR SKYE BA MI 'THAD BAR 'GYUR PA'I PHYIR TE, RTZA BAR, SRID BA'I 'KHOR LO THOG MA MED, ,CES GSUNGS PA'I PHYIR, GNYIS PA LA, BYE BRAG TU SMRA BA'I LUGS DANG, MDO SDE BA'I LUGS GNYIS, DANG PO LA, RDZOGS TSUL DANG, BSDU BA, 'KHOR TSUL DANG GSUM, DANG PO LA, MDOR BSTAN PA, RGYAS PAR BSHAD PA, DON BSDUS GSUM, DANG PO 'CHAD PAR, DE NI RTEN CING 'BREL 'BYUNG BA'I, ,NAS, YONGS RDZOGS LDAN LA, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI; SHES BYA CHOS CAN, PHUNG PO'I RGYUN SKYE BA'I GNAS SKABS GSUM PO DE NI RTEN 'BREL YAN LAG BCU GNYIS DANG LDAN TE, MA RIG PA, 'DU BYED, RNAM SHES, MING GZUGS, SKYE MCHED [?] DRUG, RIG PA,
, ,TSOR BA, SRED PA, LEN PA, SRID PA, SKYE BA, RGA SHI'I BAR YOD PA'I PHYIR TE, RTZA BAR, DE NI RTEN CING 'BREL 'BYUNG BA'I, ,YAN LAG BCU GNYIS, ZHES BYUNG, ,DE CHOS CAN, SNGON DANG PHYI MA BAR GYI CHA GSUM STE MTHA' GSUM DANG LDAN TE, YAN LAG DANG PO GNYIS SNGON GYI MTHA' 'AM CHA DANG, SKYE RGA GNYIS PHYI MA'I MTHA' 'AM CHA DANG, RNAM SHES NAS SRID PA'I BAR BRGYAD DBUS KYI MTHA' 'AM CHAR 'JOG PA'I PHYIR TE, RTZA BAR, CHA GSUM MO, ,SNGON DANG PHYI MTHA' GNYIS GNYIS DANG, ,BAR DU BRGYAD, CES GSUNGS PA'I PHYIR DANG, RNAM BSHAD RIGS PA LAS, MTHA' NI ZAD DANG MJUG CHA DANG, ,ZHES BSHAD PA'I PHYIR, SHES BYA CHOS CAN, BAR DU BRGYAD YOD PA YONGS RDZOGS LDAN PA'I DBANG DU BYAS KYI MTHA' GCIG TU NGES PA MA YIN TE, SKYE GNAS GZHAN GSUM DANG BAR MA DOR 'CHI BA DANG, GZUGS DANG GZUGS MED NA SPYOD PA YANG DE MA NGES PA'I PHYIR TE, RTZA BAR, BAR DU BRGYAD YONGS RDZOGS LDAN LA, ,ZHES GSUNGS PA'I PHYIR, GNYIS PA MTHA' DPYAD PA LA, ,[?] CHIG NA RE, RTEN 'BREL YAN LAG BCU GNYIS PO DE TSE GSUM LA NGES PAR RDZOGS PAS KHYAB ZER NA, DE MI DGOS BAR THAL, DE TSE GNYIS LA RDZOGS PA YANG YOD PA'I PHYIR, DER THAL, [?] RTEN LA 'DOD LTAR SKYE BA'I 'DU BYED KYI LAS MA RIG PA'I DBANG GIS
RANG GI RNAM SHES KYI STENG DU BSAGS, LAS DE LA SRED LEN GYIS GSOS BTAB PAS SRID PA'I RTEN 'BREL GRUB NAS SKYE BA RJES MAR 'DOD LTAR SKYE BA YOD PA'I PHYIR, DER THAL, 'DOD LTAR SKYE BA'I SKYES NAS MYONG 'GYUR GYI LAS YOD PA'I PHYIR, DER THAL, NYON MONGS GSUM DANG LAS GNYIS DANG LNGA RGYU DANG, GZHI BDUN 'BRAS BUR BYAS NAS KHAS LEN PA'I PHYIR TE, RANG 'GREL LAS, YAN LAG BDUN PO NYID 'BRAS BUR GYUR PA DAG YIN NO, ,LHAG MA LNGA NI LAS DANG NYON MONGS PA'I RANG BZHIN YIN PA'I PHYIR, RGYUR GYUR BA DAG YIN NO, ,ZHES GSUNGS PA'I PHYIR DANG, RTZA BAR, GNYIS KYI RGYU 'BRAS MDOR BSDUS PA, ,ZHES PA'I DON YANG YOD PA'I PHYIR, BYAS PA LA KHO NA RE, BYE SMRAS DE TSE GSUM LA RDZOGS DGOS PAR MI 'DOD PAR THAL, MDZOD RANG LUG LA MI 'DOD PA DE'I PHYIR NA MA KHYAB, RTAGS GRUB STE, RTEN 'BREL MDO 'GREL LAS, DE LTAR NI YAN LAG BDUN DANG LNGAS BSTAN PA YIN NO, ,DE BAS NA LUNG LAS YAN LAG BCU GNYIS 'CHAD PA NYID LEGS PA YIN NO, ,ZHES GSUNGS PA'I PHYIR, RTZA BAR 'DOD MI NUS TE, BYE SMRAS DE LTAR BSHAD NA YE SHES LA 'JUG PA DANG 'GAL BAR 'DOD PA GANG ZHIG ,YE SHES LA 'JUG PA LTAR NA DA LTAR LTA'I DUS NA, YAN LAG DANG PO GNYIS 'DAS PA DANG, PHYI MA GNYIS MA 'ONGS PAR BSHAD, DA LTAR GYI DUS SU BRGYAD CES BSHAD PA'I PHYIR, DANG
, ,PO GRUB STE, SLOB DPON GYIS BSTAN BCOS DANG 'GAL YONG MNGO DANG MI 'GAL BAR BSHAD PA'I PHYIR TE, RTEN 'BRAL MNGO 'GREL LAS, DE LTAR NA BSTAN BCOS DANG 'GAL BAR 'GYUR BA MIN NAM ZHES PA'I LAN DU, DE NYID LAS, BSTAN BCOS DANG 'GAL BA NI TSOD YOD KYI MANG SDE DANG 'GAL NA ME RUNG NGO, ,ZHES GSUNGS PA'I PHYIR, RTAGS GNYIS PA GRUB STE, YE SHES LA 'JUG PA LAS, GANG ZAG GCIG GI SKYE BA 'DI LA 'DAS PA NI DU ZHIG YIN ZHE NA, SMRAS PA, GNYIS TE MA RIG PA DANG 'DU BYED DO, ,MA 'ONGS PA DU ZHIG YIN ZHE NA, SMRAS PA, GNYIS TE SKYE BA DANG RGA SHI'O, ,DA LTAR BYUNG BA DU ZHIG YIN ZHE NA, SMRAS BA BRGYAD DE RNAM PAR SHES PA NAS SRID PA'I BAR RO, ,ZHES GSUNGS PA'I PHYIR, BSTAN BCOS DANG 'DI MI MTHUN PAR THAL, BSTAN BCOS LTAR NA YAN LAG GNYIS PA DANG BCU BA'I KHYAD PAR 'DU BYED KYI LAS NYON MONGS GCIG DANG TSE SNGA MAR BYAS PA DANG TSE 'DI LA SKYE SRID 'BYUNG BA DGOS, SRID PA NI TSE 'DIR BYAS PA DANG SKYE BA PHYI MAR SMIN RGYU DANG NYON MONGS THAMS CAD KYI RKYEN CAN GCIG YIN DGOS PA'I PHYIR, DANG PO GRUB STE, YE SHES LA 'JUG PA LAS, MA RIG PA'I RKYEN GYIS 'DU BYED DANG LEN PA'I RKYEN GYIS SRID PA LA THA DAD BYA BA CI YOD CE NA, SMRAS PA SNGON GYI TSE GZHAN LA LAS GANG BYAS SHING BSAGS PA DANG, LAS GANG
GI RNAM PAR SMIN PA TSE 'DI LA SRID PA RNYED PAR BYED PA DANG LAS GANG GIS SKYA BA NA RNAM SMIN SO SOR MYONG BAR BYED PA'I LAS NGE NYON MONGS GCIG PO RKYEN GYIS YIN PAR BCOM LDAN 'DAS KYIS GSUNGS TE, MA RIG PA STE, 'DI NI MA RIG PA'I RKYEN GYIS 'DU BYED CES BYA'O, ,ZHES GSUNGS PA'I PHYIR, CHAGS SDANG GNYIS LAS GCIG GIS KUN SLONG MI RUNG BAS GCIG GIS BYED DO, ,DER MA ZAD 'DI GNYIS DA LTAR BA MIN DGOS PAR BSHAD DO, , GNYIS PA GRUB STE, YA SHES LA 'JUG PA LAS, GANG ZHIG SKYE BA 'DI NI BYED CING BSAGS PA DANG LAS GANG GI RNAM PAR SMIN BA MA 'ONGS BA NI YIN PAS PHYIS SRING BAR MTSAMS SBYOR BAR BYED PA DANG, LAS GANG GIS SKYE BA NA RNAM PAR SMIN PA PHYIS SO SO'I MYONG BAR 'GYUR BAR BYED PA DE NI NYON MONGS THAMS CAD KYI RKYEN YIN PAR BCOM LDAN 'DAS KYIS GSUNGS TE, 'DI LTA STE, LEN PA STE, 'DI NI LEN PA'I RKYEN GYIS SRID PA ZHES BYA'O,, ZHES GSUNGS PA'I PHYIR DANG, NYON MONGS THAMS CAD KYIS SRID PA SKYED PAR BYED PAS NYON MONGS THAMS CAD KYI RKYEN DU BSHAD DO, ,GZHAN YANG, BYE SMRA'I LUGS LA SNGON MTHA'I RTEN 'BRAL GNYIS PO 'DAS PA DANG 'BRAS BU BYUNG ZIN KHO NAR MI 'JOG PAR THAL, KHYOD KYIS GRUB MTHA' GONG MA DANG RTEN 'BREL MDO 'GREL LTAR BSHAD PA'I PHYIR, 'DOD MI NUS TE, MA RIG PA DANG 'DU BYED 'BRAS BU BYUNG MA ZIN PA DAG NI SRED LEN
, ,SRID PA GSUM GYI NANG DU SDUD LA, 'BRAS BU PHYUNG ZIN PA'I DE GNYIS SNGON MTHA'I RTEN 'BREL DU 'JOG PA'I PHYIR, RTAGS SO SOR GRUB STE, GANG SPEL LAS, 'DIR MA RIG PA DANG 'DU BYED 'BRAS BU PHYUNG ZIN PA RNAMS KHO NA YAN LAG NYID DU RNAM PAR BZHAG STE, 'BRAS BU MA PHYUNG BA RNAMS LA NI SRED PA DANG LEN PA DANG SRING PA ZHES BYA'O, ,ZHES GSUNGS PA'I PHYIR, 'BRAS BU PHYUNG ZIN PA RNAMS KHO NA ZHES PA'I DON YON PA'I PHYIR DANG, MDZOD LAS KYANG, MA RIG NYON MONGS SNGON GNAS SKABS, ,'DU BYED DAG NI SNGON LAS KYI, ,ZHES PA DE GNYIS LA SNGON ZHES 'DAS ZIN GSAL BAR BSHAD PA'I PHYIR RO, ,BOD NGAG GIS GRUB MTHA'I KHYAD PAR 'DI TZAM YANG MA PHYE LA, RTEN 'BREL MDO 'GREL DANG MDZOD 'GREL DANG BCAS PA LA BLTAS TE RJE'I YANG DGONGS PA 'KHRUL MED YIN TE, GSER 'PHRENG LAS, MDO'I DGONGS PA SLOB DPON GYIS BLANGS PA 'DI LTA BU'I GNAD MA SHES PAR BYE BRAG TU SMRA BA DANG, GANGS CAN PA RNAMS KYIS SGRA JI BZHIN PAR BYAS PAS MDO DANG DE'I DGONGS PA SLOB DPON GYIS BKRAL PA GSAL BAR MA NUS SO, ,ZHES GSUNGS PA'I PHYIR RO, ,SPRO BYA MANG NGO; ;GZHAN YANG, BYE BRAG TU SMRA BA'I LUGS LA RGA SHI GNYIS MA 'ONGS PA KHO NAR 'JOG PA MA YIN PAR THAL, MA RIG PA DANG 'DU BYED GNYIS 'DAS PA KHO NAR 'JOG PA MA YIN PA'I PHYIR, 'DOD NA, YAN LAG
BCU GNYIS CHA GSUM MO, ,ZHES PAS YAN LAG BCU GNYIS DUS GSUM SO SOR MA BSHAD PAR THAL, GLUN PO'I 'DOD PA DE'I PHYIR, 'DOD MI NUS TE, RANG 'GREL LAS, CHA GSUM GYI SNGON GYI MTHA' DANG PHYI MA'I MTHA' DANG BAR DAG STE, 'DAS PA DANG, MA 'ONGS PA DANG, DA LTAR BYUNG BA'I SKYE BA NGAG YIN NO, ,ZHES GSUNGS PA'I PHYIR, GZHAN YANG, 'DI NI GNAS SKABS PAR 'DOD LO, ,ZHES GSUNGS PA MA RANGS PA'I TSIG MA YIN PAR THAL, LO ZHES PA BYE SMRA DANG YE SHES LA 'JUG PA LA MA RANGS BA'I TSIG MA YIN PA'I PHYIR, RTAGS KHAS, 'DOD MI NUS TE, DE GNYIS KYIS SNGAR LTAR BSHAD PA LA MA RANGS PA'I TSIG YIN PA'I PHYIR TE, GANG SREL LAS, 'DI NI GNAS SKABS PAR 'DOD LO, ,ZHES BYA BA LA LO ZHES BYA BA'I SGRA NI LUGS GZHAN YIN PAR BSTAN PA'I PHYIR TE, ZHES GSUNGS PA'I PHYIR, 'DIS NI KHA CIG LO TSIG RGYAN ZHES SMRAS PA KHEGS SO, , YANG KHA CIG NA RE, GZUGS CAN GYI SKYE BA GSUM LA RDZOGS PA'I GNAS SKABS PA'I RTEN 'BREL LA YAN LAG BCU GNYIS TSANG BAS KHYAB ZER NA, GZUGS KHAMS PA'I GANG ZAG LA GNAS SKABS KYI RTEN 'BREL YAN LAG BCU GNYIS YOD PAR THAL, DE LA GNAS SKABS KYI RTEN 'BREL TSE GSUM LA RDZOGS PA YOD PA'I PHYIR, DER THAL, DE DANG GZUGS MED GNYIS LA GNAS SKABS KYI RTEN 'BREL MING GZUGS DANG SKYE MA CHED KYI RTEN 'BREL,
, ,MED PAS YAN LAG BCU GNYIS MED PA'I PHYIR TE, GANG SPEL LAS, DE'I PHYIR GZUGS KHAMS NA YAN LAG BCU GNYIS MED DO, ,ZHES DANG, GZUGS MED PAS DE DAG MED DO, , DE'I PHYIR YAN LAG BCU YOD DO, ,ZHES GSUNGS PA'I PHYIR DANG, RANG 'GREL LAS, GZUGS DANG GZUGS MED PA NA SPYOD PA YANG MA YIN TE, ZHES GSUNGS PA'I PHYIR, RTZA BAR 'DOD MI NUS TE, GZUGS DANG GTZAG [?] MED NA MING GZUGS DANG SKYE MCHED DRUG GI RTEN 'BREL RNAM SHES KYI RTEN 'BREL LAS ZUR DU MED PA'I PHYIR, RTAGS SLA, KHYAB STE, SKABS 'DIR, MING DANG GZUGS NI DE PHAN CHAD, ,SKYE MCHED DONG TSUN CHANG NGO, ,SOGS DANG, MDO LAS KYANG, RNAM PAR SHES PA'I RKYEN GYIS MING DANG GZUGS, MING DANG GZUGS KYI RKYEN GYIS SKYE MCHOD DRUG CES BSHAD PA LTAR DGOS PAS RDZUS SKYES LA DE MI 'ONG BA'I PHYIR TE, RANG 'GREL LAS, YANG CI THAMS CAD KYI SKYE BA 'DI LAS NA [?] BRGYAD BO 'DI DAG YOD DAM ZHE NA, SMRAS PA MIN NO, ,ZHES DANG, GANG SBAL LAS, 'DI LTAR MI DANG GZUGS NI DE PHAN CHAD, ,SKYE MCHED DRUG DOD TSUN CHAD DO, ,ZHES BSHAD PAR 'GYUR RO, ,DE'I PHYIR GZUGS KHAMS NA YAN LAG BCU GNYIS MED DO, ,ZHES GSUNGS PA'I PHYIR, YANG KHA CIG NA RE, BYE SMRA'I LUGS LA YAN LAG BCU GNYIS KYI BSHAD
TSUL DE KHON ZER BA DANG, SKYE BA GSUM PA'I SKYE SRID DUS KYI MING GZUGS SOGS KYI RTEN 'BREL LNGA DANG DE 'PHEN BYED KYI MA RIG PA DANG 'DU BYED MED ZER NA, DE DAG LA 'ON SKYE BA GSUM PA'I DUS KYI SNGON MTHA' LA RMONGS PA ZLOG BYED MED PAR THAL, DAM BCA' SO SO NAS 'THAD PA'I PHYIR, 'DOD MI NUS TE, GSUM PA'I DUS SU YANG YAN LAG GSUM PA'I DUS KYI 'PHANGS 'BRAS KYI RGYU GNYIS SRED LEN SRID PA GSUM DU BSDUS NAS BSHAD PA'I PHYIR; DER THAL, MA RIG PA'I DBANG GIS LAS BSAGS TE 'BRAS BU PHYUNG MA ZIN PAR DU DE GNYIS SRED LEN SRID GSUM DU BSDUS, PHYUNG ZIN PA NA SNGON MTHA'I YAN LAG DANG PO GNYIS SU 'JOG PAR GANG SPEL LAS BSHAD ZIN PA DE'I PHYIR, GZHAN YANG, DE GNYIS LA BYE SMRAS MNGON PA SDE BDUN KHAS MI LEN PAR THAL, ,DES MNGON PA LAS RTEN 'BREL DRUG BSHAD PA KHAS MI LEN PA'I PHYIR, MA GRUB NA, RANG 'GREL LAS, CHOS MNGON PAS NI MTSAN NYID PA YIN TE, DE BZHIN DU GNAS SKABS PA DANG SKAD CIG MA DANG RGYUN CHAGS PA DANG, 'BREL BA CAN DANG SEMS CAN DU STON PA DANG SEMS CAN MA YIN PA STON PA ZHES BYA BA THA DAD PA YIN NO, ZHES GSUNGS PA LTAR KHAS LEN PAR THAL, ,MA GRUB BA DE'I PHYIR, 'DOD NA, SKAD CIG MA GCIG GI YUN LA BCU GNYIS RDZOGS PA YOD PAR THAL, SKAD CIG MA'I RTEN 'BREL KHAS LEN PA'I PHYIR, KHYAB STE, RANG
, ,'GREL LAS, SKAD CIG MA CI LTA BU ZHE NA, SKAD CIG MA GCIG LA YAN LAG BCU GNYIS YOD PA STE, ZHES GSUNGS PA'I PHYIR, BYAS PA LA KHO NA RE, MDO LAS MA RIG PA'I RKYEN GYIS 'DU BYED 'DU BYED KYI RKYEN GYIS RNAM PAR SHES PA, ZHES SOGS KHO NA KHAS LEN PAR THAL, MDZOD LAS, MA RIG NYON MONGS SNGON GNAS SKABS, ,ZHES SOGS KYIS KYANG DE LTAR BSHAD PA'I PHYIR NA MA KHYAB STE, MDO LAS DE LTAR BSHAD PA DE DGONGS PA CAN YIN PA'I PHYIR TE, DE THOG MTHA' BAR GSUM GYI RMONGS PA ZLOG CHED YIN PA'I PHYIR, YANG KHA CIG NA RE, BYE SMRA'I LUGS LA GNAS SKABS KYI MA RIG PA YIN NA MA RIG PA YIN PAS KHYAB SER NA, RANG GI GROGS MA RIG PA DANG MTSUNGS LDAN GYI 'JIG LTA CHOS CAN, MA RIG PAR THAL, GNAS SKABS KYI MA RIG PA YIN PA'I PHYIR, RTAGS GRUB STE, DE DANG MTSUNGS LDAN GYI PHUNG PO YIN PA'I PHYIR, KHYAB STE; GTZO BO'I PHYIR NA YAN LAG BSGRAGS, ,ZHES GSUNGS PA'I PHYIR, 'DOD NA, MANG STOBS KYIS RMONGS PAR THAL, 'DOD PA'I PHYIR, KHYAB CING 'DOD MI NUS TE, SHES RAB NGAN PA YIN PA'I PHYIR, RTZA BAR, SHES RAB NGAN PA'O MIN, ZHES GSUNGS PA'I PHYIR, 'DIS YAN LAG GZHAN LA'ANG 'DRA'O, ,GNYIS PA 'CHAD BAR, MA RIG RTON MONGS SNGON GNAS SKABS, ,ZHES PA NAS, GTZO BO'I PHYIR NA YAN LAG BSGRAGS, ,ZHES
BYUNG; SHES BYA CHOS CAN, GNAS SKABS PA'I MA RIG PA YOD DE, TSE SNGA MA LA 'PHEN BYED KYI LAS KYI KUN SLONG NYON MONGS PA'I GNAS SKABS KYI PHUNG PO NGE DE YIN PA'I PHYIR TE, RTZA BAR, MA RIG NYON MONGS STON GNAS SKABS, ,ZHES GSUNGS PA'I PHYIR, YAN LAG GZHAN YANG DE LTAR BA NAS SKABS LA BSHAD DGOS TE, RANG 'GREL LAS, YANG MA RIG PA LA SOGS PA GANG ZHIG CE NA, NAS, MA RIG CES BYA STE, LHAN CIG SPYOD PA'I PHYIR DANG, DE'I DBANG GI DE DAG KUN TU 'BYUNG BA'I PHYIR, RGYAL PO GSHEGS SO ZHES BYAS NA, ZHES GSUNGS PA'I PHYIR, DE CHOS CAN, GNAS SKABS PA'I 'DU BYED KYI NGO BO YOD DE, TSE SNGON MAR 'DU BYED KYI LAS BSOD NAMS SOGS BSEGS PA'I GNAS SKABS KYI PHUNG PO LNGA DE YIN PA'I PHYIR, RTZA BAR, 'DU BYED DAG NI SNGON LAS KYI, ,ZHES DANG, ,RANG 'GREL LAS, GNAS SKABS ZHES BYA BAR SBYAR TE, ZHES GSUNGS PA'I PHYIR, 'DI LA SNGAR SMIN PA'I LAS GCIG DGOS TE, LAS GANG GIS 'DI RNAM PAR SMIN PA'O, ,ZHES GSUNGS PA'I PHYIR, DE CHOS CAN, YAN LAG GSUM PA RNAM SHES KYI DE YOD DE, MNGAL SOGS SKYE GNAS SU NYID MTSAMS SPYOR BA'I SKAD CIG DANG PO'I SKABS KYI PHUNG PO LNGA DE DE YIN PA'I PHYIR TE, RTZA BAR, RNAM SHES MTSAMS SBYOR PHUNG BO YIN, ,ZHES DANG, RANG 'GREL LAS, SKAD CIG MA
, ,LA PHUNG PO LNGA NI RNAM PAR SHES PA YIN NO, ,ZHES GSUNGS PA'I PHYIR, KHYAB STE, YAN LAG GSUM PA DANG BCU GCIG PA SKAD CIG MA YIN LA LHAG MA BCU RGYUN LDAN YIN BA'I PHYIR TE; GANG SPEL LAS, 'DIR RNAM PAR SHES PA DANG SKYE BA'I YAN LAG GNYIS NI SKAD CIG MA YIN LA GZHAN DAG NI RGYUN CHAGS PA YIN PA'I PHYIR SKAD CIG MA MANG PO DAG YIN NO, ,ZHES GSUNGS PA'I PHYIR, DE CHOS CAN; MING GZUGS YOD DE, RNAM SHES DE PHAN CHAD NAS SKYE MCHED DRUG DONG TSUN CHAD KYI PHUNG PO LNGA DE DE YIN PA'I PHYIR TE, RTZA BAR, MING DANG GZUGS, NAS, TSUN CHAD DO, ,ZHES GSUNGS PA'I PHYIR, SHES BYA CHOS CAN, DE'I SKYE MCHED DE NI YOD DE, SKYE MCHED DOD NAS YUL DBANG RNAM SHES GSUM 'DU BA TSUN CHAD KYI PHUNG PO LNGA DE YIN PA'I PHYIR TE, RTZA BAR, DE NI GSUM 'DUS TSUN CHAD DO, ,ZHES GSUNGS PA'I PHYIR, SHES BYA CHOS CAN, DE'I REG PA YOD DE, PHUL DBANG RNAM SHES GSUM 'DUS NAS TSOR BA BDE SDUG SOGS KYI RGYU SHES MI NUS PA'I GNAS SKABS KYI DE DE YIN PA'I PHYIR TE, RTZA BAR, REG PA, NAS, TSUN CHAD DO; ;ZHES SO, ,SHES BYA CHOS CAN, DA'I TSOR BA YOD DE, TSOR BA'I RGYU SHES PA NAS 'KHRIG PA MI SPYOD PA'I SKABS KYI DE DE YIN PA'I PHYIR TE, RTZA BAR, TSOR 'KHRIG TSUN CHAD, CES SO, ,SHES BYA CHOS CAN
DE'I SRED PA YOD DE, 'DOD YON DANG 'KHRIG PA'I CHAGS PA KUN TU SPYOD PA TSOL BA LA ZHUGS SHING THOB PHYIR DU MI RGYUGS PA'I GNAS SKABS KYI PHUNG PO LNGA DE DE YIN PA'I PHYIR TE, RTZA BAR, SRED PA NI, ,LONGS SBYONG 'KHRIG PA CHAGS CAN GYI, ,ZHES GSUNGS PA'I PHYIR, SHES BYA CHOS CAN, DE'I NYE BAR LEN PA YOD DE, DE NAS LONGS SPYOD RNAMS THOB PAR BYA BA'I PHYIR RGYUGS PA'I GNAS SKABS KYI DE LNGA DE YIN PA'I PHYIR, RTZA BAR, NYE BAR LEN BA LONGS SPYOD RNAMS, ,THOB PAR BYA PHYIR YONGS RGYUGS PA'I, ,ZHES SO, ,SHES BYA CHOS CAN, DE'I SRID PA YOD DE, DE LTAR YONGS SU RGYUGS PA NA YANG SRID 'BYUNG BAR 'GYUR BA'I LAS GSOG PA'I GNAS SKABS KYI PHUNG PO LNGA BO DE DE YIN PA'I PHYIR TE, RTZA BAR, DE SRID 'BRAS BU 'BYUNG 'GYUR PA'I, ,LAS BYED DE NI SRID PA YIN, ,ZHES GSUNGS PA'I PHYIR, SHES BYA CHOS CAN, DE'I SKYE BA'I RTEN 'BREL YOD DE, LAS DES YANG 'DI NAS SHI 'PHOS NAS TSE PHYI MAR NYING MTSAMS SBYAR BA'I SKANG CIG MA'I SKABS KYI PHUNG PO DE DE YIN PA'I PHYIR TE, RTZA BAR, NYING MTSAMS SBYOR BA SKYE BA YIN, ,ZHES GSUNGS PA'I PHYIR, SHES BYA CHOS CAN, DE'I RGA SHI YOD DE, DE PHAN CHAD NAS TSOR BA'I BAR GYI PHUNG PO LNGA PO DE YIN PA'I PHYIR TE, RTZA BAR, TSOR BA'I BAR NI RGA SHI YIN, ,ZHES SO, ,DE YANG TSE 'DI'I MING GZUGS NAS TSOR BA'I BAR BZHI'I GNAS SKABS KYI
, ,RTEN 'BREL DANG SNGA MA GSUM LA LTOS PA'I RGA SHI CI RIGS PA'I SKABS KYI RTEN 'BREL GNYIS MI 'GAL TE, RTEN 'BREL GNAS SKABS GSUM DU BSDU TSUL TZAM YIN PA'I PHYIR TE, RANG 'GREL LAS, DE LA YAN LAG BZHI BA MING DANG GZUGS DANG SKYE MCHED DRUG DANG REG PA DANG TSOR BA GANG DAG YIN PA DE DAG NYID RGA SHI YIN NO, ,ZHES GSUNGS PA'I PHYIR RO, ,DE LTAR BSHAD PA'I RTEN 'BREL YAN LAG BCU GNYIS 'DI CHOS CAN, RTEN 'BREL LA, SKAD CIG MA DANG, RGYUN CHAGS PA DANG, 'BREL BA CAN DANG, GNAS SKABS PA BZHI LAS, GNAS SKABS PA'I RTEN 'BREL YIN TE, YAN LAG DE DANG DE'I GNAS SKABS KYI PHYUNG PO LNGA LA RTEN 'BREL DU BZHAG PA'I PHYIR, RTZA BAR, 'DI NI GNAS SKABS BAR 'DOD LO, ,ZHES GSUNGS PA'I PHYIR, LO ZHES SMRAS PA'I DGOS PA YOD DE, MDO SDE BA DANG SLOB DPON, BYE SMRA DANG BSTAN BCOS LAM RANGS BA'I TSIG YIN PA'I PHYIR, SHES BYA CHOS CAN, GNAS SKABS KYI RTEN 'BREL SO SOR BSHAD PA'I RGYU MTSAN YOD DE, RTEN 'BREL DE DANG DE GTZO BO'I PHYIR NA YAN LAG DE DANG DE'I MANG GIS BSGRAGS PA'I PHYIR, DPER NA, RGYAL PO 'KHOR BCAS BYON PA LA RGYAL BO BYON ZHES BRJOD PA BZHIN YIN PA'I PHYIR TE, RTZA BAR, GTZO BO'I PHYIR NA YAN LAG BSGRAGS, ,ZHES GSUNGS PA'I PHYIR, SHES
BYA CHOS CAN, RTEN 'BREL RGYUN CHAGS PA'I NGO BO YOD DE, RGYUN DANG LDAN PA'AM RANG GI DON LA 'PHEL BSGRUB PA'I RGYUN NYID RGYUN CHAGS PA'I NGO BO YIN PA'I PHYIR, GANG SPEL LAS SO, ,DE CHOS CAN, 'BREL BA CAN GYI NGO BO YOD DE, RGYU DANG 'BRAS BUR 'BREL BAR 'BYOR BA'I DNGOS PO DE YIN PA'I PHYIR, DE LA GNYIS YOD DE, SKAL MNYAM GYI 'BREL BA DANG SKAL MNYAM MA YIN PA'I 'BREL BA GNYIS YOD PA'I PHYIR, ,GSUM PA NI RTEN 'BREL LA GNAS SKABS DANG SKAD CIG DANG 'BREL BA DANG RGYUN CHAGS DANG SEMS CAN DU STON PA DANG SEMS CAN DU STON PA MA YIN PA DRUG YOD KYANG, MDO LAS, RTEN CING 'BREL BAR 'BYUNG BA GANG ZHEN MA RIG PA'I RKYEN GYIS 'DU BYED CES SOGS SEMS CAN DU STON PA KHO NAR GSUNGS PA'I RGYU MTSAN YOD DE, SNGON MTHA' DANG PHYI MTHA' DANG BAR MTHA' GSUM LA RMONGS PA BZLOG PA'I CHED YIN PA'I PHYIR TE, BDAG SNGON BYUNG NGAM MA BYUNG SNYAM PA DANG, MA 'ONGS PAR 'BYUNG NGAM MI 'BYUNG SNYAM PA DANG, DA LTAR CI YIN DANG CI YOD CIR 'GYUR SNYAM PA'I RMONGS PA GSUM BZLOG PA'I PHYIR TE, RTZA BAR, SNGON DANG PHYI MTHA' BAR DAG LA, ,RMONGS PA RNAM PAR BZLOG PHYIR RO, ,ZHES GSUNGS PA'I PHYIR, GNYIS PA LA NYON MONGS PA GSUM DU BSDU BA DANG, RGYU 'BRAS GNYIS SU BSDU BA GNYIS, DANG BO 'CHAD BAR, NYON MONGS, NAS, 'BRAS BU YIN, ,ZHES BYUNG,
, ,YAN LAG BCU GNYIS PO 'DI CHOS CAN, NYON MONGS DANG, LAS DANG, GZHI GSUM DU 'DU STE, NYON MONGS LA MA RIG PA DANG SRID LEN GNYIS TE GSUM DANG, LAS LA 'DU BYED DANG SRID PA GNYIS DANG, GZHI PA RNAM SHES SOGS LHAG MA BDUN 'DU BA'I PHYIR, DANG PO GRUB STE, RTZA BAR, NYON MONGS GSUM MO, ,ZHES SO, ,GNYIS PA GRUB TE, RTZA BAR, LAS GNYIS SO, ,ZHES SO, ,GSUM PA GRUB STE, RTZA BAR, GZHI BDUN, ZHES SO, ,GNYIS PA 'CHAD PAR, DE BZHIN 'BRAS BU YIN, ,NAS, DPAG PA LAS, ,ZHES BYUNG, SHES BYA CHOS CAN, BDUN PO GZHI YIN PA DE BZHIN DU 'BRAS BU'I YANG YIN TE, LHAG MA LNGA NI RGYU'I RTEN 'BREL YIN PA'I PHYIR TE, RTZA BAR, DE BZHIN 'BRAS BU YIN, ,ZHES SO, ,SHES BYA CHOS CAN, NYON MONGS GSUM DANG LAS GNYIS TE RGYU LNGA GZHI BDUN 'BRAS BUR BSHAD NAS RGYU LNGA SNGON; 'BRAS BU BDUN PHYI MTHAR BSDUS PA LA CHOS CAN, DGOS PA YOD DE, SNGA PHYI'I MTHA' GNYIS KYIS RIM PA BZHIN RGYU DANG 'BRAS BU MDOR BSDUS PA NI BAR MA'I RGYU 'BRAS RGYA BSKYED PA'I RJES SU DPAG PA LAS SNGA PHYI'I RGYU 'BRAS KYANG RGYAS PAR GO NUS PA'I CHED YIN PA'I PHYIR, RTZA BAR, GNYIS KYIS RGYU 'BRAS MDOR BSDUS PA, ,BAR MA'I RJES SU DPAG PA LAS, ,ZHES GSUNGS PA'I PHYIR, GSUM PA 'KHOR TSUL NI, NYON MONGS
PA LAS, NAS, 'DI NI SRID PA'I YAN LAG LUGS, ,ZHES BYUNG, SHES BYA CHOS CAN, MA RIG PA LA RGYU DANG RGA SHI LA 'BRAS BU YOD PAS YAN LAG BCU GNYIS KYI GRANGS DES NYAMS PA'I SKYON MED DE, NYON MONGS PA SRED PA LAS NYON MONGS PA LEN PA DANG, NYON MONGS PA LEN PA LAS BYA BA STE SRID PA DANG, NYON MONGS PA MA RIG PA LAS BYA BA STE 'DU BYED RNAMS 'BYUNG BA DANG, LAS DE LAS GZHI RNAM SHES DANG, LAS SRID PA DE LAS SKYE BA 'BYUNG BA DANG, GZHI RNAM SHES DE LAS MING GZUGS DANG, SKYE MCHED DANG REG TSOR BZHI 'BYUNG, GZHI SKYE BA'I RTEN 'BREL LAS RGA SHI 'BYUNG BA DANG, GZHI TSOR BA LAS SRED PA 'BYUNG BA SOGS SRID PA'I YAN LAG RNAMS KYI 'BYUNG LUGS RNAM PAR BZHAG PA DE'I PHYIR SKYON DE MED PA'I PHYIR TE, RTZA BAR, NYON MONGS PA LAS, NAS, YAN LAG LUGS, ,ZHES SO, ,'O NA, MDO LAS, DGE SLONG DAG KHYED LA RTEN CING 'BREL BAR 'BYUNG BA DANG, RTEN CING 'BREL BAR BYUNG BA'I CHOS RNAMS KYANG BSTAN PAR BYA'O, ,ZHES GSUNGS PA'I DON YANG JI LTA BU ZHE NA, SHES BYA CHOS CAN, 'BYUNG BA DANG BYUNG BA LA KHYAD PAR YOD DE, 'DIR 'BYUNG BA ZHES BYA BA NI RGYU'I RTEN 'BREL DANG; BYUNG BA NI 'BRAS BU'I RTEN 'BREL GYI DBANG DU BYAS PA YIN PA'I PHYIR, DANG PO GRUB STE, RGYU 'DI LAS 'BYUNG BA'I PHYIR TE, RTZA BAR, 'DIR NI 'BYUNG BA RGYU YIN TE, ,ZHES GSUNGS PA'I PHYIR, GNYIS PA GRUB
, ,STE; 'BRAS BU NI RGYU LAS BYUNG BA YIN PAR 'DOD PA'I PHYIR TE, RTZA BAR, BYUNG BA 'BRAS BU YIN PAR 'DOD, ,CES GSUNGS PA'I PHYIR, BYE SMRA'I LUGS KYI YAN LAG SO SO'I MTSAN NYID DBYE BA SOGS BSHAD NA GNAS SKABS PAR MA BYAS PAR YAN LAG BCU GNYIS LAS, DANG PO DE'I THOG MA'I MA RIG PA CHOS CAN, NGO BO YOD DE, RTEN CING 'BREL BAR 'BYUNG BA TZAM DU MI SHES PA'I LTA MIN GYI SEMS BYUNG RMONGS PA DE DE YIN PA'I PHYIR, DER THAL, RTZAM SGRAS RTEN 'BYUNG LAS GZHAN PA'I BDAG BKAG PAS BDAG MED PAR MI SHES PA'I RMONGS PA GCIG THOG MA'I MA RIG PAR BSTAN NAS; DES NGAR 'DZIN DANG, DE'I RJES SU NGA YIR 'DZIN PAS NGA RGYAL SOGS DANG CHAGS SDANG SOGS KYIS LAS BSKYED PA'I PHYIR TE, RANG 'GREL LAS, BYIS PA RNAMS NI RTEN CING 'BREL BAR 'BYUNG BA 'DU BYED TZAM 'DI MI SHES PAS BDAG TU LTA BA NGA'O SNYAM PA'I, SOGS BYUNG, DE LA DBYE NA DU MA YOD DE, MTSUNGS LDAN SGOS 'DRES MA 'DRES KYI MA RIG PA GNYIS DANG, YUL GYI SGOS SNGON MTHA' MI SHES PA SOGS DU MA YOD PA'I PHYIR TE, RANG 'GREL LAS, MDO LAS NI MA RIG PA GANG ZHE NA SNGON GYI MTHA' MI SHES PA GANG YIN PA'O ZHES RGYAS BAR GSUNGS TE, ZHES GSUNGS PA'I PHYIR, GNYIS PA 'DU BYED KYI NGO BO YOD DE, MA
'DRES PA'I MA RIG PA DANG, BDAG LTA DANG MTSUNGS LDAN GYI MA RIG PA SKYES SHING SGO GSUM CI RIGS KYIS LAS RTZOM PA DE DE YIN PA'I PHYIR, DBYE NA DGE MI DGE MI G-YO BA'I LAS GSUM YOD DE, RANG 'GREL LAS, LUS LA SOGS PA NGAG GI LAS RNAM PA GSUM RTZOM STE, NAS, DE DAG NI 'DI'I MA RIG PA'I RKYEN GYIS 'DU BYED DAG YIN NO, ,ZHES GSUNGS PA'I PHYIR, GSUM PA RNAM SHES KYI NGO BO YOD DE, LAS KYI 'PHEN PA'I DBANG GIS GANG DU SKYE 'GYUR GYI 'GRO BAR 'GRO ZHING NYING MTSAMS SBYOR BA'I RNAM SHES DE DE YIN PA'I PHYIR, RANG 'GREL LAS, LAS KYI 'PHEN PA'I DBANG GIS RNAM PAR SHES PA'I RGYUN, ZHES PA NAS, 'GRO BA DE DANG DER 'GRO BAR 'GYUR TE; DE NI 'DU BYED KYI RKYEN GYIS RNAM PAR SHES PA YIN NO, ,ZHES GSUNGS PA'I PHYIR, DBYEN, RNAM SHES TSOGS DRUG YOD DE, RANG 'GREL LAS, RNAM PAR SHES PA GANG ZHE NA, RNAM PAR SHES PA'I TSOGS DRUG GO ZHES BSHAD BDE 'THAD PA YIN NO, ,ZHES GSUNGS PA'I PHYIR RO, ,KHYAB STE, BAR SRID SBYAR NA DANG GZUGS CAN NAS GZUGS MED DU SKYEN RGYUN SBYAR NA RUNG LA NYING MTSAMS SBYOR BA KHO NA BYAS NA MI RUNG BA'I PHYIR TE, GANG SPEL LAS, SRID PA BAR MA YANG RNAM PAR SHES PA DRUG DANG LDAN PA'I PHYIR DE LTAR BSHAD NA RNAM PAR SHES PA GANG ZHE NA, RNAM PAR SHES PA'I TSOGS DRUG PO ZHES BSHAD PA DE 'THAD PA YIN NO, ,ZHES PA NAS, YID
, ,KYI RNAM PAR SHES PA KHO NAS NYING MTSAMS SBYOR BAS GZHAN DAG MED BAR 'GYUR RO, ,ZHES GSUNGS PA'I PHYIR DANG, RGYAL SRAS MA LAS KYANG, 'DU BYED KYI RKYEN CAN GYI RNAM BAR SHES PA'I RGYUN SRID BA BAR MAR NYING MTSAMS SBYOR BA'I SEMS NAS BZUNG STE, SKYE BA'I SKAD CIG MA'I BAR 'DI THAMS CAD YIN TE, ZHES GSUNGS PA'I PHYIR, 'DIS DE LTAR BSDUS PA TZAM YIN TE, NYING MTSAMS SBYOR BA'I SEMS SKAD CIG MA YIN LA TSOGS LNGA MI 'DOD PA'I PHYIR TE, RGYAL SRAS MA LAS, NYING MTSAMS SBYOR PA'I SKAD CIG MA LA NI RNAM PAR SHES PA LNGA 'BYUNG BA MED DO, ,ZHES GSUNGS PA'I PHYIR, BZHI BA MING GZUGS CI RIGS PA'I RTEN 'BREL GYI NGO BO YOD DE, RNAM SHES KYIS SKYE GNAS SU NYING MTSAMS SBYOR BA'I SKAD CIG MA GNYIS PA NAS SKYE MCHED DRUG TSUN CHAD KYI GZUGS CAN DANG DE MA YIN PA'I PHUNG PO BZHI CI RIGS KYIS BSDUS PA DE DE YIN PA'I PHYIR TE, RANG 'GREL LAS, MING DANG GZUGS PHUNG PO LNGA PO 'GRO BA DE DANG DER SKYE BAR 'GYUR TE, ZHES GSUNGS PA'I PHYIR, LNGA BA SKYE MCHED DRUG CI RIGS KYI RTEN 'BREL GYI NGO BO YOD DE, YID GZUGS SMIN PA'I RIM GYIS SKYE MCHED DUG DOD PA CI RIGS DE DE YIN PA'I PHYIR TE, RANG 'GREL LAS, DE'I 'OG TU MING DANG GZUGS YONGS SU SMIN PA'I RIM GYIS SKYE MCHED DRUG GO, ,ZHES GSUNGS
PA'I PHYIR, DRUG PA REG PA'I RTEN 'BREL GYI NGO BO YOD DE, SKYE MCHED DRUG GI RJES SU YUL DBANG RNAM SHAS GSUM 'DUS PUS YUL BCAD PA'I SEMS BYUNG GCIG LA 'JOG PA'I PHYIR, DBYE NA, DRUG GAM BCO BRGYAD YOD, BDUN PA TSOR BA'I DE YOD DE, DE'I RJES SU BYUNG BA'I BDE SOGS GANG RUNG GI RNAM CAN GYI SEMS BYUNG MYONG PA GCIG DE YIN PA'I PHYIR, DBYE NA GSUM YOD, BRGYAD PA SRED PA'I DE'I NGO BO YOD DE, TSOR BA'I RKYEN GYIS DE'I RJES SU YUL CI RIGS LA MI 'BRAL BA'AM 'BRAL BAR SRED PA'I YUL THOB PHYIR DU RGYUGS PA'I DGA' BA GCIG DE DE YIN PA'I PHYIR, DBYE NA KHAMS GSUM GYI SRED PA GSUM, DGU PA LEN PA'I NGO BO YOD DE, TSOR BA LA SRED PA LAS 'DOD PA SOGS YUL MA THOB BAL 'DUN PA DANG THOB PA LA ZHEN PA CI RIGS PA'I 'DUN PA GCIG DE DE YIN PA'I PHYIR TE, RANG 'GREL LAS, DE DAG NYE BAR LEN PA NI DE DAG LA 'DUN PA DANG, 'DOD CHAGS GANG YIN PA STE, ZHES GSUNGS PA'I PHYIR, DBYE NA 'DOD PA LNGA NYE PAR LEN PA DANG, LTA NGAN RE GNYIS SOGS LTA PA NYE BAR LEN PA DANG, TSUL KHRIMS SAM BRTUL ZHUGS NYE BAR LEN PA DANG, BDAG TU SMRA BA'I LUS NYE BAR LEN PA DANG BZHI YOD PA'I PHYIR TE, RANG 'GREL LAS, SRED PA LAS 'DOD PA LA SOGS PA NYE BAR LEN TO, ,ZHES GSUNGS PA'I PHYIR, BCU PA SRID PA'I NGO BO YOD DE, LEN PAS SOGS BTAB PA'I YANG SRID
, ,PHYI MA 'GRUB NGES KYI LAS GCIG DER 'JOG PA'I PHYIR TE, MDO LAS, KUN DGA' PO TSE PHYI MA LA YANG SRID PA MNGON PAR 'GRUB PAR BYED PA'I LAS GANG YIN PA DE NI 'DIR SRID PA YIN NO, ,ZHES GSUNGS PA'I PHYIR, BCU GCIG PA SKYE BA'I RTEN 'BREL GYI NGO BO YOD DE, SRID PA'I DBANG GIS RNAM PAR SHES BA SKYE GNAS SU 'JUG TSUL GYIS MA 'ONGS PA'I SKYE BA DE YIN PA'I PHYIR, DBYE NA PHUNG PO LNGA YOD DE, RANG 'GREL LAS, SRID PA'I RKYEN GYIS RNAM PAR SHES PA 'JUG PA'I TSUL DU MA 'ONGS PA'I SKYE BA NI SKYE BA STE PHUNG PO LNGA PA YIN NO, ,ZHES GSUNGS PA'I PHYIR, BCU GNYIS PA RGA SHI CI RIGS PA'I RTEN 'BREL GYI NGO BO YOD DE, SKYE BA'I DBANG GIS MGO SKYA BA NAS 'KHOGS PA'I BAR NI RGA BA DANG, SEMS CAN GYI RIS DE 'DOR BA 'CHI BA YIN LA DE GNYIS CI RIGS PA'I RTEN 'BREL DE DE YIN PA'I PHYIR TE, RANG 'GREL LAS, SKYE BA YOD NA RGA SHI 'BYUNG STE; MDO LAS BSHAD PA LTA BU'O, ,ZHES GSUNGS PA'I PHYIR, KHYAB STE, MDO LTAR GYI RGA SHI DE 'DRA DGOS PAS, GANG ZAG GCIG LA RGA BA DE MA BYUNG BAR SHI BA DANG, KHA CIG LA SHI BA DE 'DRA MI 'BYUNG BAS DE GNYIS YAN LAG GCIG TU BYAS PA'I PHYIR, RNAM 'BYED KYI MDO LAS, RGA BA GANG ZHE NA SPYI THER DANG MGO SKYAB NAS 'KHOGS PAR 'GYUR BA GANG YIN PA STE 'DI NI RGA BA ZHES BYA'O, ,ZHES PA NAS, 'CHING 'DI DANG SNGAR GYI RGA BA
'DI GNYIS NI RGA SHI ZHES BYA'O, ,ZHES GSUNGS PA'I PHYIR, GNYIS PA MDO SDE BA'I LUGS LA SKABS BABS RTEN 'BREL BZHI'I RANG BZHIN DANG, LHAG MA BSHAD 'CHAD LA LTOS PAR BSTAN PA GNYIS, DANG PO LA, MA RIG PA DANG, MING DANG, REG PA DANG, TSOR PA'I RTEN 'BREL BSHAD PA BZHI, DANG PO 'CHAD PAR, RIG PA'I MI MTHUN PHYOGS CHOS GZHAN, ,MA RIG MI 'DZA' RDZUN SOGS BZHIN, ,NAS, SHES RAB NYON MONGS BSTAN PHYIR RO, ,ZHES BYUNG, SHES BYA CHOS CAN, MA RIG PA'I MTSAN NYID YOD DE, RIG PA YE SHES DANG 'DZIN STANGS 'GAL BA'I SEMS BYUNG RMONGS PA DE DE YIN PA'I PHYIR, DER THAL, MA RIG PA ZHES PA'I DGAG SGRA'I MA DE MED PA DANG DE LAS GZHAN YANG SMAD SGRA SOGS LA MI RUNG BAS 'GAL ZLA'I CHOS GZHAN STON PA'I DGAG TSIG LA BYED DGOS PA'I PHYIR TE, DPER NA MDZA' BA'I MI MTHUN PHYOGS CHOS GZHAN ZHIG LA MI MDZA' BA DANG BDEN PA'I MI MTHUN PHYOGS CHOS GZHAN ZHIG LA MI BDEN PA DANG SOGS SGRAS CHOS MIN DANG DON MIN DANG BYA MIN SOGS CHOS DON BYA BA SOGS KYI MI MTHUN PHYOGS KYI CHOS SHIG LA 'JOG PA BZHIN YIN PA'I PHYIR, RTAGS ZUR DANG PO GRUB STE, RANG 'GREL LAS, MA RIG PA ZHES BYA BA'I DON GANG YIN SOGS DANG, GANG SPEL LAS, YI GE MA'I DON DU MA NYID YIN PAR MTHONG STE, 'DRI BA NI MA RIG PA'I DON GANG YIN ZHES BYA BA'O, ,ZHES GSUNGS BA'I PHYIR, RTAGS
, ,ZUR GNYIS PA GRUB STE, RTZA BAR, RIG PA'I MI MTHUN PHYOGS CHOS GZHAN, ,MA RIG, CES DANG, RANG 'GREL LAS, MA RIG PA YANG RIG PA'I MI MTHUN PAR GYUR BA CHOS GZHAN ZHIG TU BLTA BAR BYA'O, ,ZHES GSUNGS PA'I PHYIR, RTAGS ZUR GSUM PA DPE DON KYANG GRUB STE, RTZA BAR, MI MDZA' RDZUN SOGS BZHIN, ,ZHES DANG, RANG 'GREL LAS, CHOS LA SOGS PA'I MI MTHUN PAR GYUR BDE BZHIN DU, ZHES DANG, GANG SPEL LAS, SOGS PA'I SMRAS NI MI RIGS PA DANG THA SNYAD MIN PA DANG MI MIN PA LA SOGS PA BSDU 'O, ,CHOS LA SOGS PA'I MI MTHUN PAR GYUR BA ZHES BYA BA LA CHOS DANG DON DANG RIGS PA DANG THA SNYAD DANG MI LA SOGS PA'I MI MTHUN PHYOGS SU GYUR BA YIN GYI, CHOS LA SOGS PA MED PA TZAM MIN LA ZHES SOGS GSUNGS PA'I PHYIR, GZHAN YANG, MA'I DGAG SGRA DON DE LTAR YIN PAR THAL; DE ZHIG DE MED PA LA BYED MI RUNG BA'I PHYIR, MA GRUB NA, MA RIG PA RKYEN DANG KUN SBYOR DANG SOGS PAS 'CHING BA DANG PHRA RGYAS DANG CHU BO DANG SBYOR BAR GSUNGS MI RIGS PAR THAL, DE RIG PA MED TZAM YIN PA'I PHYIR, 'DOD MI NUS TE, MDO 'AS, MA RIG PA'I RKYEN GYIS 'DU BYED, CES DANG, MDO GZHAN LAS, MA RIG PA'I KUN TU SBYOR BA, NAS, MA RIG PA'I SBYOR BA ZHES GSUNGS PA'I BAR YOD PA'I PHYIR, RTZA BAR, KUN SBYOR
SOGS TSIG PHYIR, ZHES SO, ,YANG GAL TE THEG PA CHE CHUNG LA LAN RE, 'DI'I DGAG SGRA SMAD BAR BYAS NAS BU NGAN PA LA BUD MED DAM BU MIN ZER BA BZHIN DU SHES RAB NGAN PA LA MA RIG PA ZER NA'ANG MI 'THAD PAR THAL, SHES RAB LTA BA YIN PA'I PHYIR TE, RTZA BAR, GAL TE, ,SHES RAB NGAN PA'O MIN LTA'I PHYIR, ,ZHES DANG, DE LA KHYAB PA YOD DE, 'JIG LTA SOGS NI MA RIG PA DANG MTSUNGS LDAN YIN LA, SHES RAB KYI RDZAS GNYIS BYAS NA MTSUNGS LDAN NYAMS PA'I PHYIR TE, RTZA BAR, LTA BA DE DANG MTSUNGS LDAN PHYIR, ,ZHES SO, ,GZHAN YANG, SHES RAB GCIG MA RIG PAR 'JOG PA MI 'THAD PAR THAL, BCOM LDAN 'DAS KYIS MDO LAS, MA RIG PAS NYE BAR NYON MONGS BA CAN DU GYUR PA'I SHES RAB NI RNAM PAR MI 'DAG GO ,ZHES GSUNGS PA'I 'DIS MA RIG PA DE SHES RAB NYON MONGS BYED DU BSTAN PA'I PHYIR TE, RTZA BAR, SHES RAB NYON MONGS BSTAN PHYIR, ZHES SO, ,DE LA KHO NA RE, SKYON MED DE, JI LTAR 'DOD CHAGS LA RTZA NYON NYE NYON RIGS THA DAD PA LTAR SHES RAB DANG DE NYON MONGS PAR BYED PA'I SHES RAB NYON MONGS CAN YANG THA DAD PA'I PHYIR, SNGA MA NI SHES RAB DGE BA DANG PHYI MA NI SHES RAB NYON MONGS CAN YIN PAS DE GNYIS 'DRES NA RNAM PAR MI 'DAG PAR BSHAD PA'I PHYIR, 'DRES TSUL YANG RES 'JOG YIN GYI DUS MNYAM MA YIN PAR 'DOD PA'I PHYIR ZER, YANG BTZUN PA DPAL LEN GSUS PO CHE'I MDO
, ,LA BRTEN NAS NYON MONGS THAMS CAD MA RIG PA ZER TE, GSUS PO CHE'I MDO LAS, TSE DANG LDAN PA GSUS PO CHE, RAB TU MI SHES SHING RAB TU MI SHES TE, DE LTA BAS CA MA RIG PA ZHES BYA'O, ,ZHES GSUNGS PA'I PHYIR ZER RO, ,SLOB DPON NA RE, DE MI 'THAD PAR THAL, PHRA RGYAS NANG DU MA RIG PA ZUR DU BSHAD PA MA YIN PAR THAL, BA DANG, LTA BA SOGS DANG MTSUNGS LDAN MA YIN PAR THAL BA'I SKYON SOGS YOD PA'I PHYIR, BTZUN PA CHOS SKYOB NA RE, NGA'O SNYAM DU SEMS CAN LA 'JUG PA MA RIG PA YIN TE, MDO LAS, BDAG GIS DE LTAR SHES DE LTAR MTHONG STE, SRED PA THAMS CAD DANG LTA BA THAMS CAD DANG, 'JUG PA THAMS CAD DANG NGAR 'DZIN PA DANG, ZHES SOGS GSUNGS PA'I PHYIR, KHYAB STE, 'DI'I 'JUG PA THAMS CAD DE NYON MONGS KYI SKABS YIN PAS DGE BAR MI RUNG LA, NYON MONGS GZHAN LA YANG BRJOD MI RUNG BA'I PHYIR ZER, SLOB DPON NA RE, DE YANG MI 'THAD PAR THAL, 'JUG PA ZHES PA'I NGA'O SNYAM PA'I NGA RGYAL LAS GZHAN PA'I NGA RGYAL BSTAN PA'I PHYIR TE, GANG SPEL LAS, MDO 'DI LAS NI NGA'O SNYAM PA'I NGA RGYAL KHO NA RANG GI SGRAS GSUNGS PA KYI, NGA RGYAL GZHAN MA YIN PAS 'JUG PA'I SGRAS PA'O SNYAM PA'I NGA RGYAL LAS GZHAN PA'I NGA RGYAL BSTAN PAR 'GYUR RO ZHES BYA'O, ,ZHES GSUNGS PA'I PHYIR, 'O NA MA RIG PA DE NYON MONGS GZHAN
ZHIG YIN NA DE'I RANG BZHIN JI LTA BU ZHE NA DE YOD DE, MA RTOG PA DANG LOG RTOG GNYIS LAS PHYIN CI LOG TU MA BZUNG BAS MA RTOG PA DANG, BDEN BZHI DKON MCHOG LAS 'BRAS SOGS LA MI GSAL BA'I MUN PA LTA BU LA NYON MONGS ZHIG YIN PA'I PHYIR TE, RANG 'GREL LAS, MA RIG PA CHOS GZHAN ZHIG YIN LA NI REG NA DE'I RANG BZHIN CI YIN, BDEN PA DANG DKON MCHOG DANG LAS DANG 'BRAS BU RNAMS MI GSAL BA'O, ,ZHES GSUNGS PA'I PHYIR, REG NA NI PHRAD NA'AM THUG NA ZHES PA'O, ,'DI RANG STOBS KYI DBANG DU BYAS SHING LAM RIM GYIS BSHAD TSUL DE LTAR RO, ,GNYIS PA MING 'CHAD PAR, MING NI GZUGS CAN MIN PHUNG BO, ,ZHES BYUNG, GZUGS NI RGYAS PAR BSHAD ZIN LA, MING GI RTEN 'BREL CHOS CAN, KHYOD KYI NGO BO YOD DE, GZUGS CAN MA YIN PA'I PHUNG PO BZHI CI RIGS KYIS BSDUS PA'I 'DUS BYAS DE DE YIN PA'I PHYIR, PHUNG BO DE BZHI CHES CAN, KHYOD LA MING NGAM N'A MA ZHES BRJOD PA'I RGYU MTSAN YOD DE, N'A MA 'DUD PA'AM GZHOL BA LA 'JUG CING, NGES TSIG GIS BSHAD NA N'A YA 'KHRID PA DANG M'A NA SEMS PA DANG 'JAL THA LA 'JUG CING, KHYOD DBANG BO DANG DON DANG 'BOD MING GSUM GYI DBANG GIS YUL DE DANG DE LA 'DUD BA STA DMIGS PAR 'DZIN PA'AM GZHOL BA'I PHYIR TE, RANG 'GREL LAS, JI LTAR ZHE NA MING DANG DBANG BO DANG DON GYI DBANG GIS DON RNAMS LA GZHOL BAS NA MING NGO, ,ZHES DANG
, ,GANG SPEL LAS, MING DANG DBANG BO DANG DON DANG GSUM GI DBANG GIS GZUGS LA SOGS PA'I DON RNAMS LA GZHOL PAS MING STE, DMIGS PAR 'DZIN PA 'DUD PA LA BRTEN NAS BRJOD DO, , ZHES GSUNGS PA'I PHYIR, DE DAG CHOS CAN, DE DAG GI DBANG GIS YUL GANG LA 'JUG PA YOD DE, 'BOD MING GI DBANG GIS MNGON LKOG THAMS CAD LA 'JUG ,DBANG BO DANG DON GYI DANG DAG [?] MNGON 'GYUR PA 'JUG PA'I PHYIR; DANG PO GRUB STE, GANG SPEL LAS, DE LA MING GI DBANG GIS NI GZUGS LA SOGS PA MNGON SUM DANG MNGON SUM MA YIN PA DAG LA'O, ,ZHES SO, ,GNYIS PA GRUB STE, GANG SPEL LAS, DBANG [?] PO DANG DON GYI DBANG GIS NI MNGON SUM PA DAG LA GZHOL LO, ,ZHES GSUNGS PA'I PHYIR, 'DI'I DON NI GZUGS SOGS YUL LNGA YIN LA, DER MA ZANG MING GI DBANG GIS YOD MED THAMS CAD LA YANG 'JUG STE, SGRAS BRJOD PA BZHIN DU RTOG PA 'JUG PA'I PHYIR RO, ,SKYE MCHED DRUG SNGAR BSHAD ZIN TO, ,GSUM PA REG PA'I RTEN 'BREL 'CHAD PAR, REG DRUG 'DUS TE BYUNG BA YIN, ,NAS, BDE BA MYONG 'GYUR LA SOGS GSUM, ,ZHES BYUNG, ,ZHES BYUNG, SHES BYA CHOS CAN, RIG PA'I RTEN 'BREL GYI NGO BO YOD DE, YUL DBANG RNAM SHES GSUM 'DUS PA LAS YUL GYI 'GYUR BA RANG STOBS KYIS GCOD PA'I SEMS BYUNG DA DE YIN PA'I PHYIR, RTZA BAR, 'DUS TE BYUNG BA YIN, ZHES
DANG; MED LAS, CHOS GSUM PO 'DI DAG 'BREL CING 'DUS LA TSOGS PA GANG YIN PA DE NI REG PA YIN NO, ,ZHES GSUNGS PA'I PHYIR, 'DI'I REG PA'AM 'BRANG BA'I DON YOD DE, YUL DBANG RNAM SHES GSUM 'DUS BA DE DE'I DON YIN PA'I PHYIR, LA KHO NA RE, YID KYI DBANG BO 'GAGS MTHAG DANG CHOS DANG YID KYI RNAM SHES MA'ONGS PA GSUM YUL YUL CAN BYAS PA'I REG PA MED PAR THAL, DE GSUM CING CAR 'PHRAD PA MAD PA'I PHYIR NA SKYON MED DE, DE GSUM CIG CAR 'PHRAD 'DUS MED KYANG RGYU 'BRAS SU 'DUS PA'AM 'BREL BA DE 'DUS PA'I DON BYAS KYANG RUNG, DE GSUM GYI 'BRAS BU SKYED PA'I BYA BA GCIG PA YANG 'DUS PA'I DON BYAS CHOG PA'I PHYIR, DANG PO GRUB STE, RGYU SA BRTEN NAS 'BRAS BU 'BYUNG BA'I PHYIR TE, RANG 'GREL LAS, CHOS DANG YID KYI RNAM PAR SHES PA MA 'ONGS PA DANG DA LTAR GYI DE DAG JI LTAR 'DU ZHEN, RGYU DANG 'BRAS BU'I DNGOS PO GANG YIN PA 'DI NYID DE DAG GI 'DU BA YIN NO, ,ZHES GSUNGS PA'I PHYIR, GNYIS PA GRUB STE, RANG 'GREL LAS, YANG NA GSUM PO DE DAG THAMS CAD KYANG REG PA BSKYED PAR BYA BAL MTHUN PA YIN PA'I PHYIR, [?] 'GRAS BU GCIG PA'I DON NI 'DUS PA'I DON TO, ,ZHES GSUNGS PA'I PHYIR, BDAG 'BRAS MI GCIG KYANG 'BRAS BU GCIG PA MI 'GAL LO, ,REG PA CHOS CAN, RKYEN GYI SGOS DBYE NA DRUG YOD DE, MIG GI DANG, RNA PA'I DANG, SNA'I DANG, LCE'I DANG, LUS KYI DANG, YID GYI REG PA DANG DRUG YOD PA'I PHYIR
, ,TE, RTZA BAR, REG DRUG ,CES SO, ,DE DAG GI DANG PO LNGA CHOS CAN, THOGS PA'I REG PA YIN TE, THOGS DANG BCAS PA'I DBANG PO GZUGS CAN LA BRTEN PA'I [?] YIN PA'I YIN PHYIR TE, RTZA BAR, LNGA NI THOGS PA'I REG PA YIN, ,ZHES SO, ,DRUG PA YID KYI REG PA CHOS CAN, TSIG BLA DAGS KYI REG PA YIN TE, TSIG GAM MING LA LTAG PAR DMIGS PA'I YID KYI REG PA YIN PA'I PHYIR TE, RTZA BAR, DRUG PA BLA DAGS TSIG CES BYA ,ZHES SO, ,REG PA CHOS CAN, MTSUNGS PAR LDAN GZHI'I SGOS DBYE NA GSUM YOD DE, RIG PA'I REG PA, MA RIG PA'I REG PA, DE GNYIS LAS GZHAN PA'I REG PA GSUM YOD PA'I PHYIR TE, RTZA BAR, RIG DANG MA RIG DANG GZHAN REG, CES GSUNGS PA'I PHYIR TE, DANG PO YOD DE, DRI MED KYI REG PA DANG DON GCIG PA'I PHYIR, GNYIS PA YOD DE, MA RIG PA'I REG PA DE NYON MONGS CAN GYI REG PAR 'JOG PA'I PHYIR TE, DE MA RIG PA DANG MTSUNGS LDAN GCIG DGOS PA'I PHYIR, GSUM PA YOD DE, DE GNYIS KYI LHAG MA DGE BA ZAG BCAS DANG MA BSGRIBS LUNG MA BSTAN GYI REG PA RNAMS DE YIN PA'I PHYIR, RTZA BAR, DRI MED NYON MONGS CAN LHAG MA, ,ZHES SO, ,NYON MONGS CAN GYI REG PA CHOS CAN, DBYE NA GSUM YOD DE, MA RIG PA'I REG PA, GNOD SEMS KYI REG PA, RJES SU CHAGS PA'I REG PA GSUM YOD PA'I PHYIR,
RTZA BAR, GNOD SEMS RJES SU CHAGS PA'I REG, CES DANG, RANG 'GREL LAS, MA RIG PA'I REG PA YANG DANG YANG DU KUN TU 'BYUNG BA'I PHYOGS GCIG SMOS PAS REG PA GNYIS SU 'GYUR TE, ZHES GSUNGS PA'I PHYIR DANG, MA 'DRES PA'I MA RIG PA DANG MTSUNGS LDAN GYI REG PA YOD PA'I PHYIR, DE CHOS CAN, 'BRAS BU'I SGOS GSUM YOD DE, BDE BA MYONG 'GYUR GYI DE, SDUG BSNGAL MYONG 'GYUR GYI DE, BTANG SNYOMS MYONG 'GYUR GYI REG PA GSUM YOD PA'I PHYIR TE, RTZA BAR, BDE BA MYONG 'GYUR LA SOGS GSUM, ,ZHES GSUNGS PA'I PHYIR, BZHI PA LA, SPYIR BSTAN PA DANG, YID TSOR BYE BRAG TU BSHAD PA GNYIS, DANG PO 'CHAD PAR, DE LAS BYUNG BA'I TSOR BA DRUG ,LNGA NI LUS KYI'O SEMS KYI GZHAN, ,ZHES BYUNG, REG PA LAS BYUNG BA'I TSOR BA CHOS CAN, BDAG RKYEN GYIS DBYE NA DRUG YOD DE, MIG GI 'DUS TE REG PA LAS BYUNG PA'I TSOR BA NAS YID KYI 'JUS TE REG PA LAS BYUNG PA'I TSOR BA'I BAR DRUG YOD PA'I PHYIR TE, RTZA BAR, DE LAS BYUNG BA'I TSOR BA DRUG CES SO, ,DANG PO LNGA CHOS CAN, LUS TSOR YIN TE, BDAG RKYEN DBANG PO GZUGS CAN PA LA BRTEN PA'I TSOR BA YIN PA'I PHYIR TE, RTZA BAR LNGA NI LUS KYI'O, ,ZHES GSUNGS PA'I PHYIR, GZHAN PA TSOR BA DRUG PA CHOS CAN, SEMS KYI TSOR BA YIN TE, BDAG RKYEN SEMS TZAM LA BRTEN PA'I TSOR BA YIN PA'I PHYIR TE, RTZA BAR, SEMS KYI GZHAN, ,ZHES SO,
, ,GNYIS PA LA GRANGS KYI SGO NAS MDOR BSTAN PA, YUL LA 'JUG TSUL GYI SGO NAS RGYAS PAR BSHAD PA, NGO BO'I SGOS DON BSDU BA DANG GSUM, DANG PO 'CHAD PAR, DE YID NYE BAR RGYU BA LAS; ;RNAM BDAG NI YANG BCO BRGYAD, ,CES BYUNG, YID TSOR DE NI CHOS CAN, YID YUL LA NYE BAR RGYU BA LAS RNAM BDAG NI SNGAR BSHAD PAR MA ZAD, YANG BCO BRGYAD DU DBYER YOD DE, YUL GZUGS SOGS DRUG LA DMIGS PA'I TSOR BA YIN BDE DRUG DANG, YUL GZUGS SOGS DRUG LA DMIGS PA'I TSOR BA YID MI BDE DRUG DANG, YUL GZUGS SOGS DRUG LA DMIGS PA'I YID TSOR BTANG SNYOMS DRUG DANG BCO BRGYAD YOD PA'I PHYIR TE, RANG 'GREL LAS, YID KYI NYE BAR RGYU BA BCO BRGYAD GANG ZHE NA, YID BDE BA'I NYE BAR RGYU BA DRUG DANG, YID MI BDE BA'I NYE BAR RGYU BA DRUG DANG, BTANG SNYOMS KYI NYE BAR RGYU BA DRUG GO ,ZHES SO, ,YID KYI NYE BAR RGYU BA'I DON JI LTA BU ZHE NA, BYE SMRA NA RE, DE YOD DE, YID LA BRTEN NAS YID BDE BA LA SOGS BDE DAG YUL LA NYE BAR RGYU BA'I PHYIR ZER TE, RANG 'GREL LAS, YID LA BRTEN NAS YID BDE BA LA SOGS PA DE DAG YUL LA NYE BAR RGYU BA'I PHYIR RO, ,ZHES GRAG GO ,ZHES GSUNGS BA'I PHYIR, SLOB DPON SOGS GZHAN DAG NA RE, YUL DAG LA YID NYE BAR RGYU BAR BYED BA DE'I DON YIN TE, TSOR BA'I DBANG GIS RNAM SHES
YUL DAG LA YANG DANG YANG DU RNAM PAR RGYU BA'I PHYIR GSUNGS TE, DE'I RGYU MTSAN GYI LUS TSOR RTOG MED YID KYI RGYU BAR MI RUNG LA, YID TSOR RNAM RTOG DANG BCAS PA YIN PA'I PHYIR RO, ,RANG 'GREL LAS, RNAM PAR MI RTOG PA'I PHYIR NYE BAR RGYU BAR BYED PA YANG MA YIN PAS MI RUNG NGO, ,ZHES GSUNGS PA'I PHYIR, DE LA KHO NA RE, DE MI 'THAD PAR THAL, NYE BAR RGYU BA'I DBANG TSOR LNGA YANG YOD PA'I PHYIR TE, MDO LAS, MIG GI GZUGS DAG MTHONG NAS YID BDE BA'I GNAS LTA BU'I GZUGS RNAMS LA NYE BAR RGYU BA'O, ,ZHES GSUNGS PA'I PHYIR NA MA KHYAB STE, DE MIG GIS GZUGS MTHONG BAS YID NYE BAR RGYU BA'I GZHI SGRUB PA LA DGONGS TZAM YIN PA'I PHYIR, DPER NA DUR KHROD DU MIG GIS BLTAS NAS SGOM PA'I MI SDUG PA BZHIN NO, ,RANG 'GREL LAS, DE NI RNAM BAR SHES PA'I TSOGS LNGAS MNGON PAR SGRUB PA NYID LA DGONGS TE GSUNGS PAR ZAD KYI 'DI DAG NI YID KYI SA PA YIN TE, ZHES GSUNGS PA'I PHYIR, YANG KHA CIG NA RE, GZUGS YID 'ONG YID BDE BA'I GNAS DANG YID MI 'ONG YID MI BDE BA'I DANG, GZUGS PAR MA LAS YID TSOR BTANG SNYOMS KHO NA SKYE BAR THAL, TSOR BA DRUG GSUM BCO BRGYAD SKYE TSUL YONG BA'I PHYIR NA MA KHYAB, 'DOD NA, GZUGS YID 'ONG LAS TSOR BA YID BDE KHO NA SKYE BA DANG, TSOR BA YID MI BDE DANG BTANG SNYOMS GNYIS MI BSKYED PA'I DMIGS YUL SO SOR NGES PAR THAL, 'DOD PA'I
, ,PHYIR; 'DOD MI NUS TE, GZUGS GSUM PO RE RE LA'ANG YID BDE MI BDE BTANG SNYOMS GSUM GA SKYE BA YOD PA'I PHYIR, DER THAL, TSOR BA BTANG SNYOMS KYI DMIGS PAR GYUR BA'I GZUGS YID 'ONG YOD PA'I PHYIR, BSAM GTAN BZHI BA'I TSOR BA'I DMIGS PAR GYUR PA'I DE YOD PAR MA ZAD, 'DOD PAR YANG GNYEN GYI YID NGA'ONG BAR DGRA YI YID DU MI'ONG BA YOD PA'I PHYIR, DER THAL; DE'I RGYU MTSAN GYIS RGYUD KYI DBANG GIS TSOR BA GSUM SO SOR SKYE YANG YUL GYI SGOS MA NGES BA'I PHYIR TE, RANG 'GREL LAS, JI LTAR GZUGS GANG YID BDE PA'I BA NAS LTA BU KHO NA YIN PA DANG, BTANG SNYOMS KYI GNAS LTA BU KHO NA YIN PA'I BAR YOD DAM ZHE NA RGYUD NGES PA NI YOD KYI, DMIGS PAS NI MIN NO, ,ZHES GSUNGS PA'I PHYIR DANG, GANG SPEL LAS, DMIGS PAS NI MIN NO ZHES BYA BA LA CI'I PHYIR GZUGS DE NYID KHA TZIG GI YID BDE BA'I GNAS YIN LA, KHA CIG GI GZHAN DU YIN BA'I PHYIR RO, ,ZHES GSUNGS PA'I PHYIR, 'DI SLOB DPON GYIS DOGS GCOD LEGS PAR BSHAD KYANG MA GO NAS LA LAS GZUGS GSUM TSOR BA GSUM LA SO SOR SPYAR NAS NGE LA KHUL BYAS BA NOR 'KHRUL CHEN POR SNANG YANG MA SPROS KYANG SHES SO, ,GNYIS PA RGYAS BSHAD LA, 'DOD PA, GZUGS, GZUGS MED KYI DBANG DU BYAS PA GSUM
LAS; DANG PO NI; 'DOD NA THAMS CAD RANG DMIGS CAN, ,SPYOD YUL GZUGS CAN BCU GNYIS SO, ,GONG MA GSUM GYI, ZHES BYUNG, SHES BYA CHOS CAN, 'DOD KHAMS KYI YID TSOR BYAS KYAS KHAMS GSUM LA DMIGS TSUL YOD DE, 'DOD PA'I KHAMS NA YID TSOR BA'O BRGYAD PO THAMS CAD YOD LA, DE THAMS CAD YUL RANG SA'I BCO BRGYAD LA DMIGS PA CAN YIN, 'DOD PA'I YID KYI RGYU BAS GZUGS KHAMS KYI YUL LA DMIGS PA BCU GNYIS DANG GONG MA GZUGS MED KHAMS KYI YUL LA DMIGS PA GSUM YOD PA'I PHYIR, DANG PO GRUB STE, RTZA BAR, 'DOD NA THAMS CAD RANG DMIGS CAN, ,ZHES GSUNGS PA'I PHYIR, GNYIS PA GRUB STE, GZUGS KHAMS KYI DRI RO GNYIS LA DMIGS PA'I BDE SDUG BTANG SNYOMS DRUG MA GTOGS PA'I LHAG MA BCU GNYIS YOD PA'I PHYIR TE, RTZA BAR, SPYOD YUL GZUGS CAN BCU GNYIS SO, ,ZHES GSUNGS PA'I PHYIR, GSUM PA GRUB STE; GZUGS MED KYI CHOS KHAMS LA DMIGS PA'I 'DOD PA'I BDE SDUG BTANG SNYOMS GSUM YOD PA'I PHYIR TE, RTZA BAR, GONG MA GSUM GYI, ZHES GSUNGS PA'I PHYIR, GNYIS PA LA, BSAM GTAN DANG PO GNYIS KYI DANG, PHYI MA GNYIS KYI DBANG DU BYAS PA GNYIS, DANG PO NI, BSAM GTAN NI, ,GNYIS NA BCU GNYIS 'DOD 'GRO RNAMS, ,RANG LA DMIGS BRGYAD GZUGS MED PA, ,GNYIS KYI, ZHES BYUNG BA DE CHOS CAN
, ,BSAM GTAN DANG BO DANG, GNYIS BA GNYIS KYI YID TSOR GYIS KHAMS GSUM LA DMIGS PA'I TSE'I GRANGS YOD DE, DE GNYIS KYI YID TSOR 'DOD PA'I YUL DRUG LA 'GRO ZHING DMIGS PA'I TSE BCU GNYIS YOD, RANG SA LA DMIGS PA'I TSE BRGYAD YONG, GZUGS MED LA DMIGS PA'I TSE GNYIS YOD PA'I PHYIR, DANG PO GRUB STE, DE'I TSE YID TSOR SDUG BSNGAL DRUG GI LHAG MA BCU GNYIS KYIS DMIGS PA YIN PA'I PHYIR TE, RTZA BAR, BSAM GTAN NI, ,GNYIS NA BCU GNYIS 'DOD 'GRO RNAMS, ,ZHES SO, ,GNYIS PA GRUB STE, RANG SA'I GZUGS SGRA REG BYA CHOS BZHI LA DMIGS PA'I YID TSOR BDE BA BZHI DANG BTANG SNYOMS BZHI STE BRGYAD YOD PA'I PHYIR TE, RTZA BAR, RANG LA DMIGS BRGYAD, CES SO, ,GSUM PA GRUB STE, CHOS LA DMIGS PA'I YID TSOR BDE BA DANG BTANG SNYOMS GNYIS YOD PA'I PHYIR TE, RTZA BAR, GZUGS MED PA, ,GNYIS KYI, ZHES SO, ,GNYIS PA NI, BSAM GTAN GNYIS NA DRUG ,DRUG GIS 'DOD PA'O RANG NI BZHI'I, ,GONG MA GCIG GI DMIGS PA YIN, ,ZHES SO, ,SHES BYA CHOS CAN, BSAM GTAN GSUM PA DANG, BZHI PA GNYIS NA YID KYI NYE BAR RGYU BA DRUG KHO NA YOD DE, BCO BRGYAD KYI BTANG SNYOMS DRUG LAS LHAG MA BCU GNYIS MED PA'I PHYIR TE, RTZA BAR, BSAM GTAN GNYIS NA DRUG, CES SO, ,SHES BYA CHOS CAN, DE DRUG GIS KHAMS
GSUM LA DMIGS BA'I GRANGS KYI KHYAD PAR YOD DE, 'DOD PAR YUL DRUG LA DMIGS PA'I BTANG SNYOMS DRUG YOD, RANG SA LA NI YUL BZHI LA DMIGS PA'I BTANG SNYOMS BZHI YONG, GONG MA GZUGS MED LA DMIGS PA GCIG YIN PA'I PHYIR, DANG PO GRUB STE, RTZA BAR, DRUG GIS 'DOD PA'O, ,ZHES SO, ,GNYIS PA GRUB STE, RTZA BAR, RANG NI BZHI'I, ZHES SO, ,GSUM PA GRUB STE, RTZA BAR, GONG MA GCIG GI DMIGS PA YIN, ,ZHES SO, , GSUM PA GZUGS MED NI, GZUGS MED NYE BAR BSNGOGS NA BZHI, ,GZUGS 'GRO GONG MAR 'GRO BA GCIG ,DNGOS GZHIN GCIG RANG YUL CAN, ,ZHES BYUNG, SHES BYA CHOS CAN, GZUGS MED KYI NYER BSNGOGS DANG DNGOS GZHI'I TSOR BA'I DMIGS TSUL YOD DE, GZUGS MED NAM MKHA' MTHA' YAS KYI NYER BSNGOGS NA YID TSOR BZHI YOD, DNGOS GZHIN TSOR BA GCIG KHO NA YIN PA'I PHYIR, DANG PO GRUB STE, 'DI'I NYER BSNGOGS NAM MKHA' MTHA' YAS KYI YIN LA, DE NA GZUGS LA DMIGS TSE BZHI YOD, GONG MA GZUGS MED LA 'GRO ZHING DMIGS TSE GCIG LAS MED PA'I PHYIR TE, RTZA BAR, GZUGS MED NYE BAR BSNGOGS NA BZHI, ,GZUGS 'GRO GONG MAR 'GRO BA GCIG ,CES DANG, RANG 'GREL LAS, GZUGS MED PA'I NYER BSNGOGS NA NI 'DIR NAM MKHA' MTHA' YAS SKYE MCHED KYI NYER BSNGOGS YIN TE, ZHES GSUNGS PA'I PHYIR, GNYIS PA GRUB STE, GZUGS MED KYI DNGOS GZHIS
, ,'OG SA LA YANG MI DMIGS LA ZAG MED LA YANG MED BA'I PHYIR TE, RTZA BAR, DNGOS GZHIN GCIG RANG YUL CAN, ,ZHES DANG, RANG 'GREL LAS, GZUGS MED BA'I DNGOS GZHI'I DMIGS BA NI KHAMS 'OG MA MIN NO, ,ZHES 'OG NAS BSHAD PAR BYA'O, ,ZHES GSUNGS PA'I PHYIR, 'OG TU, RTZA BAR, GZUGS MED DNGOS GZHI'I DGE RNAMS KYI, ,SPYOD YUL ZAG BCAS 'OG MA MIN, ,ZHES GSUNGS PA'I PHYIR; GSUM PA SO SO'I NGO BO'I SGO NAS DON BSDU BA NI, BCO BRGYAD THAMS CAD ZAG DANG BCAS, ,ZHES BYUNG, 'DIR BSTAN PA'I YID TSOR BCO BRGYAD PO THAMS CAD CHOS CAN, ZAG BCAS YIN TE, KUN NAS NYON MONGS KYI RTEN 'BREL YIN PA'I PHYIR, 'DI DAG GIS MNGON 'GYUR BA DANG BCAS TSUL BSHAD NAS LKOG 'GYUR BA DANG LDAN TSUL YANG 'DI'I SKABS KYI RANG 'GREL DU SHES PAR BYA'O, ,'DI DAG KHAS LEN KYANG NYER RGYU'I DON SLOB DPON GYI DGONGS PA GZHAN DU MA YOD BA'I PHYIR, RANG 'GREL LAS, GZHAN DAG NA RE, YID KYI NYE BAR RGYU BA RNAMS KYI DON BYE BRAG TU SMRA BA'I LTA BU 'DI YANG YOD MOD KYI MDO'I DON NI GZHAN DU SNANG NGO, ,ZHES GSUNGS PA'I PHYIR, MDO'I DON GZHAN DU GNAS TSUL YOD DE, BLO DANG ZHIG DUL GANG LA CHAGS PA DANG BRAL BA NI YUL DE LA NYE BAR RGYU BA MI 'THAD BA'I PHYIR, KHYAB STE, DGRA BCOM PA RNAMS LA YANG 'JIG RTEN PA'I DGE BA YID BDE YOD BA'I
PHYIR RO, ,MA KHYAB MTSAMS KYI RTAGS DER THAL, DPER NA BLO DES YUL DE BZUNG TZAM MIN PAS DGE BA ZAG BCAS RNAMS KYANG YUL LA NYE BAR RGYU BA PHYED MI RIG PA'I PHYIR, DER THAL, DE'I RGYU MTSAN GYIS NYON MONGS CAN GYI YID BDE SDUG BTANG SNYOMS GSUM GYI TSOR BA LA BYED DGOS PA'I PHYIR, DER THAL, YID TSOR NYON MONGS CAN GSUM GYI RGYU TSUL YANG BDE BA LA CHAGS, SDUG BSNGAL LA SDANG SO SOR MA BRTAGS BA 'AM SHES RAB MED PA RMONGS PAS BTANG SNYOMS SU BYED PA GSUM LA BYED DGOS PA'I PHYIR, DER THAL, DE GSUM GYI YUL DRUG LA RGYU TSUL DRUG DRUG YOD PA'I GNYEN PO SHES RAB KYIS BRTAGS PA'I BTANG SNYOMS DRUG MDOR GNAS PA'I PHYIR TE, MDO LAS, DE MIG GIS GZUGS RNAMS MTHONG NAS YID BDE BAR YANG MI 'GYUR LA, YID MI BDE BA YANG MI 'GYUR LA, DRAN PA DANG LDAN CING SHES BZHIN DU BTANG SNYOMS SU GNAS SO, ,ZHES PA NAS, YID KYIS CHOS MTHONG LA, ZHES PA'I BAR DU GSUNGS BA'I PHYIR, DE SKAD DU RANG 'GREL LAS, 'O NA JI ZHE NA, KUN NAS NYON MONGS PA RNAMS YIN TE, DE DAG GIS YID YUL RNAMS LA NYE BAR RGYU BAR BYED DO, ,ZHES GSUNGS PA'I PHYIR, NYE RGYU SO DRUG YANG BSHAD DO, ,LEGS PAR BSHAD YOD DO, ,GNYIS BA 'CHAD 'GYUR LA LTOS PAR STON PA NI, BSHAD DANG 'CHAD PAR 'GYUR BA GZHAN, ,ZHES BYUNG, SHES BYA CHOS CAN, SKABS
, ,'DIR RTEN 'BREL YAN LAG BZHI KHO NA STON BA'I RGYU MTSAN YOD DE, RNAM SHES DANG SKYE MCHED DANG GZUGS BSHAD ZIN LA, GZHAN BDU BYED DANG SRID PA GNYIS NI LAS SU BSTAN PA DANG SRED LEN GNYIS PHRA RGYAS SU 'CHAD BAR 'GYUR BA'I PHYIR, SMRAS PA, SRID PA'I RTZE MOR LAN BRGYAR NYER PHYIN KYANG, ,BAG LA NYAL GYI SRED RMONGS ZHAGS BA 'DIS, ,BDAG 'DZIN SDONG BOR BTAGS BAS 'OG MA'I SAR, ,YANG YANG BRDA TSUL BSAM NA SKYOB SKYE, ,SKYO YANG BDAG 'DZIN STOD PHUR MA PHYUNG BAR, ,MTHU STOBS LANG TSO SHES RAB KYIS BSNYEMS KYANG, ,MI GROL DE BAS BDAG MED RIGS PA'I MTSON, ,BTZAL TE SRED BA'I DGRA DE GZHOMS PAR GYIS, ,BLO DANG LDAN NAM SNYING STOBS YOD DAM MED, ,PHYUGS DANG MTSUNGS MIN GTAN BDE SGRUB SHES LA, ,LTOS TSUL LAN 'BUM BSAM STE NOR BZANG BZHIN, ,THUB BSTAN SDE SNOD GSUM GYI BCUD BSTEN 'TSAL, ZHES BA'ANG BAR SKABS KYI GLO BAR DGA' BA'I TSIGS SU BCAD PA'O, ,GSUM PA NYON MONGS DPES MTSON TSUL LA, NYON MONGS KYI NYON MONGS DPE LDAS DANG, ,LAS KYI KUN NAS NYON MONGS PA DPE GSUM KYIS DANG, GZHI'I KUN NAS NYON MONGS BA DPE GCIG GIS MTSON TSUL GSUM LAS, DANG PO NI, 'DIR NI NYON MONGS SA BON BZHIN, ,KLU BZHIN RTZA BZHIN LJON SHING BZHIN, ,DE BZHIN
SHUN BA BZHIN DU 'DOD, ,CES BYUNG, NYON MONGS CHOS CAN, KHYOD DPE LNGA DANG MTSUNGS TE, SA BON DANG KLU DANG SHING GI RTZA BA DANG LJEN SHING DANG 'BRAS KYI SHUN LVAGS BZHIN DU 'DOD PA'I PHYIR, DANG PO GRUB STE, SA BON LAS SDONG BU DANG LO MA 'BYUNG BA BZHIN DU NYON MONGS LAS KYANG LAS NGANG GZHI RNAMS 'BYUNG BA'I PHYIR, GNYIS PA GRUB STE, KLU GNAS PA'I MTSO MI SKAM PA LTAR NYON MONGS KYI KLU GNAS PAS SKYE BA'I MTSO YANG RI SKAM BA'I PHYIR, GSUM PA GRUB STE, DPER NA NAGS TSAL RTZA BA NAS MA PHYUNG BA RNAMS BCAD KYANG SLAR SKYE BA LTAR NYON MONGS RTZAD NAS MA SPANGS NA 'KHOR BAR SKYE BA'I PHYIR, BZHI BA GRUB STE, DPER NA SHING LJON BAR DUS DUS ME TOG DANG 'BRAS BU SKYE BA BZHIN DU NYON MONGS KYANG LAS DANG GZHI'I RGYU DUS DUS SU BYED PA'I PHYIR, LNGA BA GRUB STE, SHUN LBAGS DANG BCAS PAS 'BRAS KYIS MYU GU SKYED LA SHUN WAGS MED PA'I 'BRAS KYIS MYU GU MI SKYED PA LTAR NYON MONGS PA'I SHUN LPAGS DANG BCAS PA'I LAS KYIS GZHI'I MYU GU SKYED NYON MONGS MED PAS SKYED MI THUB PA'I PHYIR, GNYIS PA 'CHAD PAR, LAS NI SHUN BCAS 'BRAS DANG 'DRA, ,DE BZHIN SMAN DANG ME TOG BZHIN, ,ZHES BYUNG, LAS CHOS CAN, DPE GSUM DANG MTSUNGS TE, SHUN PA DANG BCAS PA'I 'BRAS DANG SMAN DANG ME TOG BZHIN YIN PA'I PHYIR, DANG PO GRUB STE, DPER NA SHUN WAGS DANG BCAS
, ,BA'I 'BRAS KYIS MYU GU SKYED PA BZHIN DU NYON MONGS DANG BCAS PA'I LAS KYIS GZHI SKYED BA'I PHYIR, GNYIS PA GRUB STE, DPER NA BCUD PHYUNG ZIN BA'I 'BRU DANG SMAN GYIS SLAR 'BRAS BU NI 'BYIN BA BZHIN DU RNAM SMIN PHYUNG ZIN PA'I LAS KYIS KYANG SLAR RNAM SMIN MI 'BYIN PA'I PHYIR, GSUM PA GRUB STE, DPER NA ME TOG NI 'BRAS BU SKYED BA LA NYE BA'I RGYU YIN PA LTAR LAS KYANG 'BRAS BU SA GZHI 'BYIN BA LA NYE BA'I RGYU YIN PA'I PHYIR, GSUM PA 'CHAD PAR, GZHI NI BZA' BTUNG GRUB PA BZHIN, ,ZHES BYUNG, GZHI BDUN CHOS CAN, MTSON PA'I DPE GCIG YOD DE, DPER NA 'ZA' BTUNG G-YOS GRUB PA DE LONGS SPYAD BYA LON YIN PA LTAR KHYOD KYANG RNAM PAR SMIN ZIN KHO NA YIN GYI SKYE BA RJES MA'I RNAM BAR SMIN BYED MA YIN PA'I PHYIR RO, ,GNYIS PA SRID BA BZHI'I KHYAD PAR LA DPYAD PA NI, ,YANG RGYUN GYI RTEN 'BREL CHOS CAN, KHYOD 'BYUNG TSE SRID PA BZHI'I RANG BZHIN GYIS 'BYUNG BA YIN TE, 'CHI BA'I SRID BA DANG, SRID PA BAR MA DANG, SKYE BA'I SRID BA DANG, DUS SNGA MA'I SRID BA'AM SNGON DUS KYI SRID PA DANG BZHI LAS MI 'DI' BA'I PHYIR TE, RANG 'GREL LAS; YANG TSE'I RGYUN DE DE LTAR RTEN CING 'BREL BAR 'BYUNG BA NA, NAS, SRID PA BZHI LAS MI 'DA' STE, ZHES SO, ,DE CHOS CAN, SRID PA BZHI BO DE DAG LAS SKYE BA'I SRID BA NYON MONGS CAN KHO NA YIN GYI,
DGE BA DANG MA BSGRIBS LUNG MA BSTAN MNGON GYUR BA CAN MED BA'I PHYIR TE, RTZA BAR, SRID PA BZHI PO DE DAG LAS, ,SKYE BA'I SRID PA NYON MONGS CAN, ,ZHES SO, ,SKYE SRID CHOS CAN, NYON MONGS PA GANG GIS NYON MONGS CAN DU BYED TSUL YOD DE, RANG SA'I NYON MONGS PA 'DIS MTSAMS MI SBYOR ZHES BKAG PA MED BAS RANG SA'I NYON MONGS THAMS CAD KYIS MTSAMS SBYOR BAR CHOS MNGON PA BA BZHED BA'I PHYIR TE, RTZA BAR, RANG GIS PA'I NYON MONGS KUN, ,CES SO, ,DES NA SLOB DPON RANG LUGS LA ZHIB CHA DE LTAR MA YIN TE, SKYE SRID NI RANG SA'I RTZA NYON CI RIGS KYIS MTSAMS SBYOR LA, PHRAG DOG SOGS KUN DKRIS CHIG SKYA THUB PA LDAS MTSAMS MI SBYOR BA'I PHYIR, DANG PO GRUB STE, RTZA NYON DRUG DANG NGO TSA MED PA KHREL MED PA RMUGS PA DANG RGOD BA DANG GNYIS SOGS KUN DKRIS RANG DBANG CAN MA YIN BAS KYANG MTSAMS SBYOR MA BKAG PA'I PHYIR TE, GANG SPEL LAS, RANG GI SA BA'I NYON MONGS BA RNAMS KHO NA TE, 'DOD CHAGS DANG KHONG KHRO DANG NGA RGYAL DANG GTI MUG DANG LTA BA DANG THA TSOM ZHES BYA BA DAG GIS SO, ,ZHES DANG, RGYAL SRAS MA LAS KYANG, NGO TSA MED BA LA SOGS PA NYON MONGS PA GZHAN DANG MTSUNGS BAR LDAN PA DAG GIS NYING MTSAMS SBYOR BA DGAG PA MED DO, ,ZHES GSUNGS PA'I PHYIR, GNYIS PA GRUB STE, MDO LAS, DE'I TSE DRI ZA LA SEMS GNYIS LAS GANG YANG RUNG BA ZHIG
, ,MNGON DU 'GYUR TE RJES SU CHAGS BA DANG LDAN PA'AM KHONG KHRO BA DANG LDAN PA'O, ,ZHES GSUNGS PA'I PHYIR, KHYAB STE, PHRAG DOG SOGS CHAGS SDANG SOGS DANG MTSUNGS PAR MI LDAN PAS KUN DKRIS CHIG SKYA THUB PAR BSHAD BA GANG ZHIG, DE'I RGYU MTSAN GYIS DE DAG GIS NYING MTSAMS MI SBYOR BA'I PHYIR, DANG PO GRUB STE, GANG SPEL LAS, MA RIG BA LAS GZHAN NYON MONGS PA 'DOD CHAGS LA SOGS PA DANG MTSUNGS PAR MI LDAN PAS NA CHIG SKYA THUB PA ZHES BYA STE, PHRAG DOG DANG SER SNA DANG 'GYOD PA DANG KHRO BA DANG 'TSIG PA LNGA LA CHIG SKYA THUB PA RNAMS ZHES BRJOD DO, ,ZHES GSUNGS PA'I PHYIR, GNYIS PA GRUB STE, RANG 'GREL LAS, NYON MONGS PA RNAMS KHO NAS SBYOR GYI, KUN NAS DKRIS PA CHIG SKYA THUB PA RNAMS KYIS NI MA YIN NO, ,ZHES DANG, GANG SPEL LAS KYANG, RANG DBANG BA RNAMS NI 'DOD CHAGS LA SOGS PA'I NYON MONGS PA RNAMS DANG MTSUNGS PAR MI LDAN PA'I PHYIR, DE DAG GIS NYING MTSAMS SBYOR BA DGAG GO ,ZHES GSUNGS PA'I PHYIR, DE LA KHO NA RE, DE'I TSE LOG LTA SOGS KYIS KYANG NYING MTSAMS SBYOR BA MI 'THAD PAR THAL, RTZA BAR, 'CHI 'PHO SKYE BA BTANG SNYOMS LA, ,ZHES SKYE 'CHI GNYIS LA SEMS ZHAN PAR BSHAD PA'I PHYIR NA MA KHYAB STE, DE TSE SEMS ZHAN KYANG SNGON GOMS PA SHAS CHE BA'I
DBANG GIS NYON MONGS 'BYUNG BA'I PHYIR DANG, DE BZHIN DU BAR SRID DU NYING MTSAMS SBYOR TSUL KYANG 'DRA BAR BSHAD DO, ,SRID PA GZHAN GSUM LA GSUM YOD DE, DE GSUM RE RE LA DGE BA DANG NYON MONGS CAN DANG LUNG MA BSTAN GSUM CHAR YOD PA'I PHYIR TE, RTZA BAR, GZHAN RNAMS GSUM MO, ,ZHES SO, ,DE YANG 'DOD GZUGS LA DMIGS KYIS MA BSAL BAS BZHI KA YOD LA, GZUGS MED LA GSUM YOD DE, DE NA BAR SRID MED PA'I PHYIR TE, RTZA BAR, GZUGS MED GSUM, ,ZHES SO, ,GSUM PA SKYE BA GNAS PA'I THABS LA, ZAS KYI BYED LAS MDOR BSTAN PA, SO SOR RGYAS PAR BSHAD PA, GRANGS NGES KYI DON BSDU PA GSUM, DANG PO 'CHAD PAR, 'GRO BA ZAS KYIS GNAS PA YIN, ,ZHES BYUNG, SHES BYA CHOS CAN, 'GRO BA GZUGS YOD MED THAMS CAD KYI ZAS YOD DE, DE THAMS CAD ZAS KYI DBANG GIS GNAS PAR RE BZHIN GSHEGS PAS GZIGS PA'I PHYIR TE, MDO LAS, BCOM LDAN 'DAS NYID KYIS MNGON PAR MKHYEN CING MNGON PAR RDZOGS PAR SANGS RGYAS NAS CHOS GCIG BKA' STZAL BA'I 'DI LTA STE, SEMS CAN THAMS CAD NI ZAS KYIS GNAS PA'O, ,ZHES GSUNGS PA'I PHYIR, ZAS DE LA BZHI YOD DE, KHAM GYI ZAS, REG PA'I ZAS, SEMS PA'I ZAS, RNAM SHES KYI ZAS BZHI YOD PA'I PHYIR TE, MDO LAS, ZAS NI,
, ,KHAM KYI ZAS NI RAGS PA DANG PHRA BA'O, ,REG PA NI GNYIS BA'O, ,YID LA SEMS PA NI GSUM PA'O, ,RNAM PAR SHES BA NI BZHI BA'O, ,ZHES GSUNGS PA'I PHYIR, GNYIS BA LA GZUGS CAN GYI ZAS DANG, GZUGS CAN MA YIN BA'I ZAS DANG, ZHAR BYUNG BAR SRID KYI RNAM GRANGS GSUM, DANG BO 'CHAD PAR, KHAM GYI ZAS NI, NAS, GROL LA MI PHAN PHYIR, ,ZHES BYUNG, KHAM GYI ZAS CHOS CAN, NGO BO YOD DE, KHAM DU BCAD CING MID BA'I ZAS GCIG LA 'JOG PA'I PHYIR, DBYE NA GNYIS YOD DE, PHRA BA DANG RAGS PA GNYIS YOD BA'I PHYIR, PHRA BO YOD DE, BAR SRID PA DANG LHA RNAMS DANG BSKAL BA DANG BO'I MI RNAMS KYI ZAS DE DE YIN PA'I PHYIR TE, DE DAG GI ZAS BYE MA LA TU THIM BA LTAR YAN LAG SO SO LA 'JUG KYANG RGYU MTHUN GSHANG GCI SOGS MED PA'I PHYIR DANG, YANG SEMS CAN PHRA MO'I ZAS YIN BAS KYANG PHRA MO'I ZAS ZHES ZA MKHAN GYI SGO NAS MING BTAGS PA'I PHYIR, DE CHOS CAN, KHAMS GDAN YOD DANG SKYE MCHED GANG LA 'JOG PA'I KHYAD PAR GNYIS YOD DE, KHAMS GONG MA GNYIS DE LA CHAGS BRAL BYAS PAS DE GNYIS NA MED CING 'DOD PA KHO NAR YOD, DU RO REG BYA'I SKYE MCHED KYI BDAG NYID KYI ZAS 'JOG GI GZUGS KYI SKYE MCHED LA GNAS KYANG ZAS KYI BYA BA MI BYED PA'I PHYIR, DANG PO GRUB STE, RTZA BAR, KHAM GYI
ZAS NI 'DOD PA NA, ,ZHES SO, ,GNYIS PA GRUB STE, RTZA BAR, SKYE MCHED GSUM GYI BDAG NYID DO, ,ZHES SO, ,GSUM PA GRUB STE, KHA ZAS KYI KHA DOG ZOS KYANG DBANG BO DANG 'BYUNG BA LA PHAN MI 'DOGS PA'I PHYIR TE, DE MIG GI YUL YIN GYI SNA LCE LUS GSUM GYI YUL MIN LA MTHONG YANG CHAGS BRAL DANG GROL PA DGRA BCOM LA MI PHAN PA'I PHYIR TE, RTZA BAR, GZUGS KYI SKYE MCHED MA YIN DES, ,RANG DBANG GROL LA MI PHAN PHYIR; ;ZHES GSUNGS PA'I PHYIR DANG, ZA RGYU MED ZER MI RUNG STE, RDUL RDZAS BRGYAD 'DUS KYIS GNOD PA'I PHYIR DANG, RANG 'GREL LAS KYANG, CI'I PHYIR GZUGS KYI SKYE MCHED ZAS MIN TE, DE YANG KHAM DU BYAS NAS MID PAR NI BYED DO ZHEN, NAS, GZUGS KYI SKYE MCHED NI MID PA'I TSE RANG GI DBANG BO'AM DE'I 'BYUNG BA CHEN PO RNAMS LA YANG PHAM MI 'DOGS NA, ZHES SOGS GSUNGS PA'I PHYIR, GNYIS PA 'CHAD PAR, REG DANG SEMS PA RNAMS SHES NI, ,ZAG BCAS ZAS YIN GSUM DAG NA, ,ZHES BYUNG, SHES BYA CHOS CAN, GZUGS CAN MA YIN PA'I ZAS LA ZAG BCAS KYI REG PA DANG SEMS PA DANG RNAM SHES ZAG BCAS GSUM YOD DE, SPYIR 'GRE BA GNAS TSUL LA DBANG BO DANG BCAS BA'I LUS NI KHAM ZAS KYIS GNAS BAR BSHAD ZIN, RTEN PA'AM GNAS MKHAN SEMS DANG SEMS BYUNG RGYAS BYED KYI ZAS REG BAS BYED, SEMS
, ,GNAS PA DANG 'PHEN PA SEMS PAS BYED, MA SKYES PA SKYED PA DANG SKYES ZIN GNAS PA RNAM SHES KYIS BYED PA'I PHYIR, GNYIS PA GRUB STE, TSOR 'DU SOGS SEMS DANG SEMS BYUNG THAMS CAD REG PA LA BRTEN PA'I PHYIR TE, RANG 'GREL LAS, DE DAG RGYAS PAR BYED PA NI REG PA STE, ZHES DANG, MDO LAS KYANG, TSOR BA'I PHUNG PO DANG 'DU SHES KYI PHUNG PO GANG JI SNYED PA DE THAMS CAD REG PA LA BRTEN BA YIN NO, ,ZHES GSUNGS PA'I PHYIR, GSUM PA GRUB STE, MU GE'I TSE THAL BA'I RKYAL BA RTZAM PA'I RKYAL BAR SEMS PAS BU GNYIS MA SHI BA DANG, GCIG GIS KHA PHYE BAS THAL BAR SHES PAS DE MA THAG SHI BA DANG, RGYA MTSOR THANG DU SHES NAS SONG BA CHUR SHES PA DANG SHI BA BZHIN YIN PA'I PHYIR TE, RANG 'GREL LAS, YID LA SEMS PA YANG 'DIR GNAS PAR BYED PA YIN PAR SNANG STE, ZHES SOGS GSUNGS PA'I PHYIR, 'DIS REG PA DANG RNAM SHES KYANG GNAS PA'I ZAS SU BSHAD PA YIN TE, DE DANG MTSUNGS LDAN YIN PA'I PHYIR, BZHI BA GRUB STE, MDO LAS, BDE BA MYONG BAR 'GYUR BA'I REG PA DANG RNAM PAR SHES PA YANG PHAN 'DOGS PAR BYED PA YIN NO, ,ZHES DANG, RANG 'GREL LAS KYANG, 'PHANGS ZIN PA NI LAS KYIS YONGS SU BSGOS PAS RNAM PAR SHES PA'I SA BON LAS MNGON PAR 'GRUB PAS 'DI GNYIS MA SKYES PA'I SRID PA SKYED PA LA
GTZO BO YIN TE, ZHES GSUNGS PA'I PHYIR, GZUGS CAN MA YIN PA'I ZAS GSUM CHOS CAN, KHAMS GSUM NA YOD DE, KHAMS GSUM GYI 'GRO BA SKYE BYED DANG GNAS BYED KYI ZAS YIN PA'I PHYIR TE, ZAG MED ZAS MIN LA ZAG BCAS ZAS SU 'JOG PA'I RGYU MTSAN YANG DE YIN PA'I PHYIR TE, RTZA BAR, ZAG BCAS ZAS YIN GSUM NGAG NA, ,ZHES SO, ,GSUM PA 'CHAD PAR, YID LAS BYUNG DANG SRID TSOL DANG, ,DRI ZA SRID PA BAR MA DANG, ,'GRUB PA'O, ,ZHES BYUNG, BAR SRID PA CHOS CAN, YID LAS BYUNG BAR BRJOD PA'I RGYU MTSAN YOD DE, KHU KHRAG SOGS LUS RAGS PA MED PAR YID TZAM LAS SKYES PA'I PHYIR TE, RTZA BAR, YID LAS BYUNG DANG, ZHES SO, ,DE CHOS CAN, SRID TSOL ZHES BYA STE, SRID PA TSOL BA'I NGANG TSUL CAN YIN PA'I PHYIR, RTZA BAR, SRID TSOL DANG, ,ZHES SO, ,DE CHOS CAN, DRI ZA ZHES BYA STE, ZAS SU DRI TZAM ZA BA'I PHYIR TE, RTZA BAR, DRI ZA, ZHES SO, ,DE CHOS CAN, SRID PA BAR MA ZHES BYA STE, SNGA MA'I 'CHI SRID DANG PHYI MA'I SKYE SRID GNYIS KYI BAR GYI SRID PA YIN PA'I PHYIR TE, RTZA BAR, SRID PA BAR MA DANG, , ZHES SO, ,DE CHOS CAN, MNGON PAR 'GRUB BA ZHES BYA STE, SKYE BA LA MNGON DU PHYOGS PA'I PHYIR TE, RTZA BAR, 'GRUB BA'O, ,ZHES DANG, MDO LAS, GANG GIS MNGON PAR 'GRUB PA'I KUN TU SBYOR BA NI SBYANGS
, ,LA; SKYE BA'I KUN TU SBYOR BA NI MA YIN PA'I GANG ZAG KYANG YOD DE, ZHES DANG, RANG 'GREL LAS KYANG, SKYE BA LA MNGON DU PHYOGS PA'I PHYIR MDON PAR 'GRUB PA STE, ZHES GSUNGS PA'I PHYIR, GSUM PA GRANGS NGES KYI DON BSDU 'CHAD BAR, 'DI LA GNAS DANG NI, ,RTEN PA RGYAS BA'I DON DU GNYIS, ,SRID GZHAN 'PHEN DANG 'GRUB PA YI, ,DON DU GNYIS TE GO RIM BZHIN, ,ZHES BYUNG; SHES BYA CHOS CAN, ZAG MED ZAS SU MA BSHAD PAR MA ZAD ZAG BCAS THAMS CAD KYANG MA BSHAD PAR DE LTAR BZHIR BSHAD PA'I RGYU MTSAN YOD DE, TSE 'DI'I SKYES ZIN PA'I GNAS TE LUS DBANG RGYAS PA'I DON DU KHAM ZAS DANG RTEN PA SEMS DANG SEMS BYUNG RGYAS BA'I DON DU REG PA'I ZAS TE DE GNYIS MA MA LTA BU DANG, YANG SRID PHYI MA 'PHEN PA'I CHED DU SEMS PA'I ZAS DANG LAS KYIS 'PHAGS PA'I BAG CHAGS GSO BA'I DON DU RNAM SHES KYI ZAS TE PHYI MA 'DI GNYIS NI SKYED BA'I MA LTA BU YIN PA'I PHYIR, DANG PO GRUB STE, RTZA BAR, 'DI LA GNAS DANG NI, ,RTEN PA RGYAS PA'I DON DU GNYIS, ,ZHES PA DANG, RANG 'GREL LAS, SNGA MA GNYIS NI SKYES ZIN PA GSO BAR BYED PA YIN PA'I PHYIR MAM LTA BU YIN NO, ,ZHES SO, ,GNYIS PA GRUB STE, RTZA BAR, SRID GZHAN SOGS DANG, RANG 'GREL LAS, PHYI MA GNYIS NI SKYED PAR BYED PA YIN PA'I
PHYIR MA LTA DU DAG YIN NO, ,ZHES GSUNGS PA'I PHYIR, MTHA' DPYAD PA LA KHA CIG NA RE, KHAMS YIN NA ZAS YIN PAS KHYAB ZER NA, ZAG MED KYI KHAMS CHOS CAN, DER THAL, DE'I PHYIR, RTAGS SLA, 'DOD NA; MDO LAS, SEMS CAN BYUNG BA RNAMS GNAS PAR BYED PA DANG 'TSO BAR BYED PA DANG SRID PA TSOL BA RNAMS LA PHAN PAR BYED PA YIN NO, ,ZHES GSUNGS PA LTAR GYI KHYAD CHOS TSANG BAR THAL, ,ZAS YIN PA'I PHYIR; 'DOD MI NUS TE, ZAG MED YIN PA'I PHYIR, KHYAB STE, RANG 'GREL LAS, ZAG PA MED PA'I CHOS RNAMS NI DE LTA MA YIN PAS ZAG PA MED PA DAG MIN NO, ,ZHES GSUNGS PA'I PHYIR, YANG KHA CIG, MDO 'DI'I BYUNG BA DE SKYE BA DANG, SRID PA TSOL BA BAR DO BA KHO NAR SBYOR ZER NA, SHIN TU MI 'THAD PAR THAL, 'DI'I BYUNG BA DGRA BCOM PA DANG, SRID PA TSOL BA SRED LDAN RNAMS LA BYED PA'I PHYIR TE, DBANG PO DANG 'BYUNG NA BYUNG BA NI DGRA BCOM PA'O, ,SRID PA TSOL BA RNAMS NI SRED PA DANG BCAS PA DAG GO ,ZHES GSUNGS PA'I PHYIR, YANG KHA CIG NA RE, KHAM DU BYED PA'I KHAM YIN NA ZAS YIN PAS KHYAB ZER NA, DBANG PO DANG 'BYUNG BA CHEN PO RNAMS KYANG 'JIG PAR BYED PA'I KHAM CHOS CAN, ZAS YIN PAR THAL, KHAM DU BYED PA'I KHAM YIN PA'I PHYIR, KHYAB PA KHAS, RTAGS GRUB STE, KHAM DANG ZAS YIN MIN LA MU BZHI YOD PA'I DANG PO KHAM
, ,YIN LA ZAS MA YIN PA BSHAD MA THAG LTA BU DANG, ZAS YIN LA KHAM MIN PA NI REG PA SEMS PA RNAM SHES GSUM LTA BU DANG, GNYIS KA YIN PA NI KHAM ZAS LTA BU DANG, SGRA DANG SDUG BSNGAL GYI TSOR BA SOGS GNYIS KA MA YIN PA YIN PA'I PHYIR, RTZA BAR 'DONG MI NUS TE, DE 'JIG BYED YIN PA'I PHYIR TE, RANG 'GREL LAS, KHAM YIN LA ZAS MA YIN PA YANG YOD DE, ZHES BYA BA MU BZHI STE, ZHES GSUNGS PA'I PHYIR, YANG KHA CIG NA RE, KHAMS GSUM PO THAMS CAD NA ZAS BZHI KA YOD PAR THAL, 'GRO BA LNGA DANG SKYE GNAS BZHI KAN ZAS BZHI YOD PA'I PHYIR NA MKHYAB, RTAGS GRUB STE, 'GRO BA THAMS CAD DANG SKYE GNAS THAMS CAD NA BAS BZHI YOD PAS MA KHYAB KYANG 'DOD PA'I 'GRO BA LNGA DANG SKYE GNAS BZHI LA ZAS BZHI KA YOD PA'I PHYIR, RANG 'GREL LAS, 'GRO BA GANG NA ZAS DU ZHIG YOD CEN, THAMS CAD NA YOD DE, SKYE GNAS DGAN YANG DE DANG 'DRA'O, ,ZHES GSUNGS PA'I PHYIR, YANG KHA CIG NA RE, ZAS YIN NA DBANG BO'AM RNAM SHES RGYAS BYED YIN PAS KHYAB ZER NA, DMYAL BA'I KHAM ZAS LCAGS KYI THU LU MA DANG, ZANGS ZHUN BSKOL BA'I ZAS CHOS CAN, DER THAL, DE'I PHYIR, RTAGS GRUB CING 'DOD MI NUS TE, DE ZA MKHAN NYAMS BYED DANG ZAS KYI GZHI MTHUN YIN PA'I PHYIR, DER THAL, DES KYANG SNGA MAS BKRES PA DANG PHYI MAS SKOM PA
'JOMS PA'I PHYIR TE, RANG 'GREL LAS, NYAMS PAR 'GYUR BA'I ZAS NI DMYAL BA DAG TU ZAS KYI MTSAN NYID THOB PA'I PHYIR TE, DES KYANG BKRES PA DANG SKOM PA NGAG 'JOMS PAR NUS PA'I PHYIR RO, ,ZHES GSUNGS PA'I PHYIR, DE CHOS CAN, ZAS MA YIN PAR THAL, DE LA GNOD BYED YIN PA'I PHYIR NA MA KHYAB, KHYAB PAR THAL, SNGAR KHAM DANG ZAS LA MU BZHIR BSHAD PA DANG, RAB TU BYED PA LAS, KHAM GYI ZAS GANG ZHEN, KHAM GANG LA BRTEN NAS DBANG PO RNAMS RGYAS PAR 'GYUR ZHING 'BYUNG BA CHEN PO RNAMS KYANG 'PHEL BA DANG 'TSO BA DANG NYE BAR 'TSO BAR 'GYUR RO, ,ZHES GSUNGS PA'I PHYIR NA MA KHYAB STE, DE DAG KYANG RGYAS 'GYUR GYI THAS LA DGONGS PA'I PHYIR TE, RANG 'GREL LAS, RGYAS PAR 'GYUR BA'I ZAS LA DGONGS TE ZHES GSUNGS PA'I PHYIR 'GAL BA MED DO, ,ZHES GSUNGS PA'I PHYIR, DZAMBHU'I TSAL NA 'DUG PA'I BYANG SEMS NI DON GRUB LTA BU YIN PAS RTOGS SLABS MA BSHAD DO, ,BZHI BA GNAS PA 'CHI 'PHO BA'I SEMS LA, SEMS GANG GIS 'CHI BA DANG, TSOR BA GANG GIS 'CHI BA ZHAR BYUNG DANG BCAS PA DANG, LUS KYI PHYOGS GANG NAS 'CHI DANG, GNAD GCOD KYI RGYU BZHI LAS, DANG PO NI, 'CHAD DANG MTSAMS SBYOR 'DOD CHAGS BRAL, ,NYAMS DANG 'CHI 'PHO SKYE BA RNAMS, ,YID KYI RNAM SHES KHO NAR 'DOD, ,CES BYUNG
, ,SHES BYA CHOS CAN, DGE RTZA 'CHAD PA SOGS DRUG YID KYI RNAM SHES KHO NAR 'DOD RIGS TE, LOG LTAS DGE RTZA 'CHAD PA DANG, SLAR YANG YANG DAG PA'I LTA BAR MA'I TSOM GYIS DGE RTZA MTSAMS SBYOR BA'I SEMS DANG KHAMS DANG SA LAS 'DOD CHAGS DANG BRAL BA'I MNYAM BZHAG DANG CHAGS BRAL GYI MNYAM BZHAG DE YONGS SU NYAMS PA DANG, 'CHI 'PHO BA DANG SKYE BA'I SEMS DRUG GI MNYAM GZHAG LAS GZHAN LNGA LA RTEG PA RE DGOS PA'I PHYIR, DANG PO GNYIS LA RNAM RTOG DGOS PAR THAL, LOG LTAR DANG THE TSOM LA RTOG PAR DGOS PA'I PHYIR, GSUM PA LA YID SHES DGOS PAR THAL, DBANG SHES NGO BO NYID KYI RNAM G-YENG YIN PA'I PHYIR, BZHI BA LA RNAM PAR RTOG PA DGOS PAR THAL, TSUL BZHIN MA YIN PA'I YID BYED LA DE DGOS PA'I PHYIR, LNGA BA 'CHI 'PHOL YID SHES DANG DE YANG RNAM RTOG DGOS PAR THAL, 'CHI 'PHO BA'I DBANG PO RNAMS BSDUS NAS 'CHI LUS KYI PHYOGS GANG NAS 'CHI TSUL LTAR YIN CING RNAM RTOG MA YIN PA LA 'CHI SEMS MI RUNG BA'I PHYIR TE, GANG SPEL LAS, 'CHI 'PHO BA NI DBANG PO LTA'I RGYU BA BSDUS SHING RGYUN 'CHAD PA DANG RJES SU 'THUN PA'I RNAM PAR SHES PA LA GNAS PA YOD PA YIN PAS DE YANG YID KYI RNAM SHES KHO NA LA YOD, CES GSUNGS PA'I PHYIR, DRUG PA LA RNAM RTOG DGOS PAR THAL, DE LA
SEMS NYON MONGS CAN DGOS PA'I PHYIR, GNYIS PA NI, 'CHI 'PHO SKYE BA BTANG SNYOMS LA, ,RTZE GCIG SEMS MED LA DE MED, ,MYA NGAN 'DA' LUNG BSTAN MIN GNYIS, ,ZHES BYUNG, SHES BYA CHOS CAN, 'CHI 'PHO BA DANG, SKYE BA LEN PA GNYIS LA TSOR BA GSUM GYI NANG NAS BTANG SNYOMS KHO NAR NGES TE, TSOR BA BDE SDUG GNYIS NI RNAM PA GSAL BAS MI RUNG BA GANG ZHIG, TSOR BA BTANG SNYOMS RNAM PA MI GSAL BAS DER RUNG BA'I PHYIR, DANG PO GRUB STE, RNAM SHES GSAL BAS 'CHI PHO DANG SKYE BAR NYING MTSAMS SBYOR MI THUB PA'I PHYIR TE, RANG 'GREL LAS, TSOR BA GZHAN NI GSAL BA YIN TE, RNAM PAR SHES PA GSAL BA DAG GIS NI 'PHO BA DANG SKYE BAR NI RUNG BA MA YIN NO, ,ZHES GSUNGS PA'I PHYIR, GNYIS PA GRUB STE, DE GNYIS KYI TSE SEMS MI GSAL BA'I PHYIR TE, RTZA BAR, 'CHI 'PHO SKYE BA BTANG SNYOMS LA, ,ZHES DANG; RANG 'GREL LAS, 'DI GNYIS BDE BA YANG MIN SDUG BSNGAL YANG MA YIN PA'I TSOR BA LA YIN TE, DE NI MI GSAL BA'I PHYIR RO, ,ZHES GSUNGS PA'I PHYIR, SHES BYA CHOS CAN, YID SHES KYI SEMS RTZA GCIG PA LA'ANG 'CHI 'PHO DANG SKYE BA LEN PA GNYIS MED DE, SEMS RTZE GCIG PA LA 'CHI 'PHO MED PA GANG ZHIG, DE LA SKYE BA LEN PA MED PA'I PHYIR, DANG PO GRUB STE, 'CHI 'PHO BAS SEMS LA GNOD PAR BYE
, ,LA SEMS RTZE GCIG PA SEMS LA PHAN 'DOGS BYED YIN PA'I PHYIR, GNYIS PA GRUB STE, SKYE SEMS NYON MONGS CAN YIN LA SEMS RTZE GCIG PA DGE BA YIN PA'I PHYIR TE, RTZE GCIG LA DE MED, ,CES DANG, RANG 'GREL LAS, MNYAM PAR BZHAG PA'I SEMS LA 'CHI 'PHO BA'AM, SKYE BA MED DO, ,ZHES GSUNGS PA'I PHYIR, SHES BYA CHOS CAN, 'DU SHES MED PA DANG 'GOG SNYOMS KYI SEMS MED GNYIS LA 'ANG SKYE 'CHI BYED PA MED DE, DE GNYIS LA 'CHI 'PHO MED PA GANG ZHIG, SKYE BA LEN PA MED BA'I PHYIR, DANG PO GRUB STE, RANG MI 'CHI ZHING RDO RJE SOGS PHYI'I SKYEN GANG GIS KYANG GZHIG MI NUS PA'I PHYIR, GNYIS PA GRUB STE, DE GNYIS LA SEMS MED PA'I PHYIR, RTZA BAR, SEMS MED LA DE MED, ,CES DANG, RANG 'GREL LAS, SEMS MED PA LA NI GNOD PAR BYA BA MI NUS SO, ,ZHES GSUNGS PA'I PHYIR, SHES BYA CHOS CAN, 'CHI BA'I SRID PA LA GSUM BSHAD PA'I DGRA BCOM THA MA'I 'CHI SEMS LA RNAM SMIN SKYES DANG SPYOD LAM PA'I LUNG MA BSTAN GNYIS YOD KYI DGE MI DGA'I SEMS MED DE; DE'I TSE LUNG MA BSTAN GNYIS YOD PA GANG ZHIG, SEMS 'CHAD PA LA DGE MI DGE MI RUNG BA'I PHYIR, GNYIS PA SNGAR BSHAD ZIN, DANG PO GRUB STE, 'DOD KHAMS NA RNAM SMIN BTANG SNYOMS PA YOD
NA DE LA DANG DE MED NA SPYOD LAM PA KHO NA LA BRTEN PA'I PHYIR TE, RTZA BAR, MYA NGAN 'DA' LUNG BSTAN MIN GNYIS, ,ZHES SO, ,GSUM PA NI, 'OG MI LHAR 'GRO MIR SKYE RNAMS, ,RIM GYIS 'CHI NA RKANG BA DANG; ;LTE BA SNYING GAR YID 'CHI 'PHO, ,ZHES BYUNG, 'OG TU 'GRO BA STE, NGAN 'GRO BAR SKYE 'GYUR GYI RIM GYIS 'CHI BA'I 'GRO BA CHOS CAN, RKANG BAR YID 'GAG STE 'CHI 'PHO BA YIN TE, KHYOD 'CHI BA'I TSE RNAM SHES KYI RTEN LUS DBANG RKANG BAR BSDUS TE 'GAG PA'I PHYIR TE, DPER NA RDO LEB SREG PA'I THOG TU CHUS BTAB PA THIM PAR GYUR PA BZHIN DU DE'I TSO LUS DBANG RKANG BAR BSDUS NAS 'GAG PA'I PHYIR TE, RTZA BAR, 'OG 'GRO RNAMS, ,RIM GYIS 'CHI NA RKANG BA DANG, ,YID 'CHI 'PHO, ,ZHES GSUNGS PA'I PHYIR, MI'I NANG DU 'GRO BA'I RIM GYIS 'CHI BA'I 'GRO BA CHOS CAN, LTE BAR RNAM SHES 'GAG PAS 'CHI 'PHO BA YIN TE, DE'I TSE RNAM SHES KYI RTEN LUS DBANG LTE BAR BSDUS NAS 'GAG PA'I PHYIR TE, DPER NA RDO LEB SREG PA'I THOG GI CHU BZHIN DU DE'I LUS DBANG DER THIM PA'I PHYIR TE, RTZA BAR, MIR 'GRO RNAMS, ,RIM GYIS 'CHI NA, LTE BAR YID 'CHI 'PHO, ,ZHES SO, ,LHA'I NANG DU 'GRO BA RIM GYIS 'CHI BA'I 'GRO BA CHOS CAN, SNYING GAR YID 'GAG NAS 'CHI 'PHO BYED PA YIN TE, DE'I TSE RNAM SHES KYI RTEN LUS DBANG SNYING GAR BSDUS NAS
, ,'GAG BA'I PHYIR TE, DPER NA RDO LEB PA SREG PA'I THOG GI CHU BZHIN DU RNAM SHES KYI RTEN LUS DBANG SNYING GAR BSDUS TE 'GAG PA'I PHYIR, DPER NA RDO TSA'I CHU BZHIN DU DE'I LUS DBANG DER BSDUS NAS THIM PA'I PHYIR TE, RTZA BAR, LHAR 'GRO RNAMS, ,RIM GYIS 'CHI NA, SNYING GAR YID 'CHI 'PHO, ,ZHES GSUNGS PA'I PHYIR, SLAR 'KHOR BAR MI SKYE BA'I DGRA BCOM PA CHOS CAN, RNAM SHES SNYING GAR 'GAG NAS 'CHI 'BO BA YIN TE, DE'I RTEN LUS DBANG DE'I TSE SNYING GAR BSDUS NAS 'GAG PA'I PHYIR TE, DPER NA RDO TSAN LA BTAB PA'I CHU BZHIN DU LUS DBANG DER BSDUS NAS 'GAG PA'I PHYIR TE, RTZA BAR, MI SKYE RNAMS, ,RIM GYIS 'CHI NA, SNYING GAR YID 'CHI 'PHO, ,ZHES DANG, RANG 'GREL LAS, YANG MI SKYE BAS NA MI SKYE BA STE DGRA BCOM PA DAG GO DE DAG GI RNAM PAR SHES PA YANG SNYING GAR 'GAG, CES GSUNGS PA'I PHYIR, RDZUS SKYES RNAMS 'CHI TSUL YOD DE, YID DANG LUS DBANG THAMS CAD CIG CAR DU 'GAG PA'I PHYIR TE, RANG 'GREL LAS, LUS KYI PHYOGS GANG DU RNAM PAR SHES PA 'GAG CE NA SOGS GSUNGS PA'I PHYIR, NGE LA KHO NA RE, RNAM SHES 'GAG TSUL DE MI 'THAD PAR THAL, YID KYI RNAM PAR SHES PA BSTAN DU MI RUNG BA'I PHYIR ZER NA MA KHYAB STE, RNAM SHES KYI RTEN LUS
DBANG 'GAG PA'I SGOS DE 'GAG PAR BRJOD DGOS PA'I PHYIR TE, GANG SPEL LAS, KHYAD PAR DU YID KYI RNAM PAR SHES PA MI RUNG MOD KYI DE NI 'DIR LUS KYI DBANG BO 'GAG PAR NGES PA'I SGOS BRJOD DO, ,ZHES GSUNGS PA'I PHYIR, ,BZHI PA NI, GNAD GCOD PA NA CHU SOGS KYIS, ,ZHES BYUNG, 'DOD KHAMS KYI MI CHOS CAN, LUS KYI GNAD YOD DE, GANG NYAMS NA 'CHI BAR BYED PA'I LUS KYI CHA'AM, PHYOGS GCIG DE YIN PA'I PHYIR TE, RANG 'GREL LAS, LUS KYI PHYOGS 'GA' ZHIG NYAMS NA 'CHI BAR 'GYUR BA DE DAG NI GNAD RNAMS ZHES BYA'O, ,ZHES GSUNGS PA'I PHYIR, SHES BYA CHOS CAN, LUS KYI GNAD GCOD BYED DANG GCOD TSUL YOD DE, GCOD BYED CHU ME RLUNG GSUM GYES BYED, GCOD TSUL TSOR BA DANG, BYED PA BCAD PA GNYIS YOD PA'I PHYIR, DANG PO GRUB STE, CHUS BAD KAN DANG MES MKHRIS PA DANG RLUNG GIS RLUNG SKYED NAS GCOD KYIS SAS RKYEN ZUR BA SKYED NAS GCOD TSUL ZUR PA MED PA'I PHYIR TE, RANG 'GREL LAS, CI'I PHYIR SA'I KHAMS KYIS MIN ZHE NA SKYON BZHI PA MED PA'I PHYIR TE, SOGS SO, , GNYIS PA GRUB STE, DPER NA MTSON GYIS LUS DE BCAD BA LTA BU'I TSOR BA LUS KYI CHA DER BSKYED BDE BCAD BA'I DON GCIG DANG, SHING BCAD NA MI G-YO BA LTAR LUS DANG RNAM SHES KYI 'BREL BA 'AM LUS KYIS
, ,RNAM SHES RTEN PA'I BYED PA BCAD PA DE BCANG PA'I DON GCIG YIN PA'I PHYIR, DANG PO GRUB STE, RANG 'GREL LAS, DE DAG KYANG CHU DANG ME DANG RLUNG GI KHAMS RNAMS LAS GANG YANG RUNG BA ZHIG DRAG TU 'KHRUG PAR GYUR BA MTSON CHAS BTAB PA DANG 'DRA BA'I TSOR BA MI BZAD PA DAG GIS BCAD PA LTA BU YIN GYI, DE DAG SHING GCOD PA LTA BUR NI MIN NO, ,ZHES GSUNGS PA'I PHYIR, KHYAB STE; SHING BZHIN DU DUM BUR MI BYED PA'I PHYIR, GNYIS PA GRUB STE, RANG 'GREL LAS, YANG NA BCAD PA DANG 'DRA BAR G-YO BA MED PAS NA BCAD PA ZHES BYA'O, ,ZHES GSUNGS PA'I PHYIR, SHES BYA CHOS CAN; 'DOD LHA DAG LA GNAD GCOD MED DE, GNAD GCOD BYED KYI CHU ME RLUNG KHYAD PAR BA MED PA'I PHYIR TE, RANG 'GREL LAS, LHA DAG GI NANG NA NI GNAD 'CHAD PA MED MOD KYI, ZHES GSUNGS PA'I PHYIR, 'DOD PA'I LHA DE DAG LA 'CHI LTAS LNGA TSAN GNYIS YOD DE, MA NGES PA'I LTAS LNGA DANG, NGES PA'I LTAS LNGA YOD PA'I PHYIR, DANG PO LNGA YOD DE, GOS RGYAN LAS SGRA MI SNYAN PA DANG, LUS KYI 'OD CHUD BA DANG, LUS LA KHRUS CHU CHAGS PA DANG, YUL GCIG LA BLO GNAS PA DANG, MI LTAR MIG LDEB PA LNGA LA NYE BA'I 'CHI LTAS SU BSHAD PA'I PHYIR TE, RANG 'GREL LAS, 'O NA KYANG LHA'I BU 'CHI BA'I CHOS CAN LA NI NYE BA'I 'CHI
LTAS LNGA 'BYUNG BAR 'GYUR TE, ZHES GSUNGS PA'I PHYIR, GNYIS PA LNGA YOD DE, GOS LA DRI MA CHAGS PA DANG, ME TOG GIS 'PHRENG BA RNYING BA DANG, MCHAN KHUNG DU RDUL 'BYUNG BA DANG, LUS LA DRING BA DANG, STAN LA MI DGA' BA DANG LNGA 'BYUNG BA'I PHYIR TE, RANG 'GREL DANG BSHES SBRING LTAR RO, ,LNGA BA SEMS CAN GYI TSOGS GSUM DU SDUD PA NI, 'PHAGS DANG MTSAMS MED BYED PA DAG, YANG DAG LOG PA NYID DU NGES, ,ZHES BYUNG, 'PHAGS PA RGYUN ZHUGS SOGS CHOS CAN, TSOGS DANG PO YANG DAG PAR NGES PA YIN TE, NYON MONGS PA ZAD PAR NGES PA'I PHYIR, KHYAB STE, 'DI'I YANG DAG PA NI DUG GSUM ZAD PA LA BYED PA'I PHYIR TE, RANG 'GREL LAS, DE DAG NI NYON MONGS PA ZAD PAR NGES PA'I PHYIR, YANG DAG PA NYING DU NGES PA YIN NO, ,ZHES DANG, MDO LAS, NYON MONGS PA THAMS CAD GTAN NAS SPANGS PA NYID NI YANG DAG PA NYID DO, ,ZHES GSUNGS PA'I PHYIR, MTSAMS MED BYED PA RNAMS CHOS CAN, TSOGS GNYIS PA LOG PA NYID DU NGES PA YIN TE, DMYAL BAR SKYE BAR NGES PA'I PHYIR, KHYAB STE; 'DI'I LOG PA LA NGAN SONG GSUM YOD LA, DER SKYE BAR NGES PA NI LOG PAR NGES PA YIN PA'I PHYIR, DANG PO GRUB STE, RANG 'GREL LAS, LOG PA NYID GANG ZHE NA, DMYAL BA RNAMS DANG, DUD
, ,'GRO DANG YI DVAGS TE 'DI NI LOG PA NYID CES BYA'O, ,ZHES GSUNGS PA'I PHYIR, GNYIS PA GRUB STE, RANG 'GREL LAS, DMYAL BAR NGES PA'I PHYIR, LOG PA NYID DU RES PA YIN NO, ,ZHES GSUNGS PA'I PHYIR, NYAN SA LAS, LAS KYI MTHA' MA LOG PA GANG YIN PA'O, ,ZHES PA'I LAS MTHA' MA LOG CHUL YANG 'DIS SHES DGOS TE, NGAN 'GROR SKYE BA'I LAS MED PAS NGAN 'GROR MI SKYE BA'I DON YIN PA'I PHYIR, DE DAG LAS GZHAN PA'I TSOGS LAM MAN CHAD DU ZHUGS PA DANG MA ZHUGS PA'I SO SKYE CHOS CAN, TSOGS GSUM PA MA NGES PA'I TSOGS YIN TE, RKYEN LA LTOS PA'I DE GNYIS GANG RUNG DU MA NGES PA'I PHYIR, KHYAB STE, MA NGES PA LA DE 'DRA DGOS PA'I PHYIR TE, RA PA 'GREL LAS, NGES PA DAG LAS GZHAN PA NI MA NGES PA'O ZHES BYA BAR GRUB STE, ZHES GSUNGS PA'I PHYIR, SMRAS PA, MUN BSHAD RDO YI YOL GOR SBYAD MIN PA, ,JI LTA JI SNYED 'JAL BA'I AA MRi TA, ,LEGS BSHAD RIN CHEN BU MA BZANG YONGS GANG BA, ,'JAM DBYANGS TZOD KHA BA SOGS YAB SRAS 'BUL, ,RNAM DAG SMON LAM LAS NYON SGYU MA YIS, ,DAG DANG MA DAG SNOD BCUD SGYU 'PHRUL GAR, ,RNAM RTOG RI MO BZHIN DU TSAD BRAL YANG, ,BLO GROS ME LONG PHYIS DANG 'DIR BSTAN BYA, ,
LA LAS GRUB MTHA'I LUGS BSRES MU TO'I PHYE, ,PHAL CHER PHYOGS RE'I KHAB MIG SKAD GSANG STOD, ,'GA' ZHIG NGES NGES SBRE'U SHIG THU LO, ,SNOD DANG BCUD KYI 'JIG RTEN CHAGS RIM DBYIBS, ,TSAD GRANGS RTEN DANG BRTEN BKRA'I LHA RDZAS DAR, ,THUB BSTAN RGYAL MTSAN LHA MA'I DPAL 'DI BA SGRENGS, ,ZHES BYA BA'ANG BAR SKABS KYI TSIGS SU BCAD PA'O,, ,,GNYIS PA PHYI SNOD KYI 'JIG RTEN BSHAD PA LA, THEG PA GONG 'OG BZHED TSUL MI 'KHRUL BA'I PHYIR DU SBYIR BSHAR PA, GZHUNG GI DON DBYIS PHYIN PAR BYED BRAG TU BSHAD PA GNYIS, DANG PO LA, THEG CHEN GYI MDO SNGE NAS BSHAD TSUL DANG, GONG 'OG THUN MONG GI LUGS DU MAS SDES BSHAD TSUL, MDZOD LUGS KYI 'JIG RTEN CHAGS PA'I GO RIM GSUM LAS, DANG PO LA KHYAD PAR DU MA YOD DE, CHAGS PA'I DUS KYI YUN TSAD DANG, CHU DKYIL SOGS KYI CHAD SOGS LA BYAD PAR CHE, RI GLING GI TSAD DBYIBS CHU BO SOGS LA'ANG KHYAD PAR CHEB SOGS YIN PA'I PHYIR, DANG PO GRUB STE, CHAR SPRIN STUG PO SUM CU TONG GSUM GYI KHYOD KHYAB CING YUN TSAD KYANG PAR SKAL NYI SHU'I BAR DU CHAR BABS BAS CHU'I DKYIL 'KHOR GYI RDAMS TSANGS PA'I 'JIG RTEN PAR KHYAB PA SOGS YAB SRAS MJAL PA SOGS LAS BSHAD PA'I PHYIR, BSHAD TSUL MANG, GNYIS PA GRUB STE,
, ,PHAL CHEN SOGS NAS 'JIG RTEN DBYIBS TSANG MTHA' YAS PA BSHAD PA DANG YAB SRAS 'JAL BA SOGS LAS KYANG BSHAD TSUL CHES MANG BA'I PHYIR, DUS 'KHOR GCIG PU MDZOD DANG MI MTHUN SNYAM NAS RMONGS SKAD SNA TSOGS MA SMRA ZHIG, GNYIS PA SA SDE'I LUGS LA YANG PHAL CHER MTHUN KYANG KHYAD PAR MI 'DRA BA DU MA YANG YOD DE, GZHAN DU PHYOGS TZAM CIG SMRAS ZIN PA'I PHYIR ,GSUM PA MDZOD LUGS 'DI'I CHAGS PA'I GO RIM YANG YOD DE, 'JIG RTEN SNGA MA STONG BA'I NAM MKHA' LA GCIG CAR DANG KHYAB PA LTA BU MA YIN PAR YAS NAS RIM GYIS SEMS CAN GYI LAS DBANG GIS RLUNG 'JAM PO 'JAM PO LDANG BA NAS STONG BSKAL RDZOGS PA DANG CHAGS BSKAL NYI SHU'I MGO RTZOM PA YIN PA'I PHYIR, RANG 'GREL LAS, YANG RIM GYIS SEMS CAN RNAMS KYI LAS DBANG GIS NAM MKHA' LA SNOD RNAMS KYI SNGA LTAS SU GYUR BA RLUNG 'JAM PO 'JAM PO DAG LDANG STE DE'I TSE 'JIG RTEN 'DI ZHIG NAS BAR GYI BSKAL BA NYI SHUR 'DUG PA GANG YIN PA NGE LAS NI NGES PAR 'BYUNG BA ZHES BRJOD PAR BYA LA BAR GYI BSKAL BA NYI SHUR CHAGS PAR GYUR PA GANG YIN PA DE NAS NYE BAR 'ONGS PAR BRJOD PAR BYA'O, ,ZHES GSUNGS PA'I PHYIR, KHYAB STE, 'DI'I NGES PAR 'BYUNG BA RDZOGS PA'I DON GANG ZHIG ,NYE BAR 'ONGS PA MOG RTZOM
BA'AM MGO ZUG PA'I DON YIN PA'I PHYIR, ZUR DANG PO GRUB STE, GANG SPEL LAS, DE LA NGES PAR 'BYUNG BA ZHES BRJOD PAR BYA ZHES BYA BA NI YONGS SU RDZOGS ZHES BYA BA'I DON TO, ,ZHES DANG, RGYAL SRAS MA LAS; DE LAS NGES PAR 'BYUNG SHING YONGS SU RDZOGS PA ZHES BSHAD PAR BYA'O, ,ZHES SO, ,ZUR GNYIS PA GRUB STE, GANG SPEL LAS, DE NI NYE BAR 'ONGS PAR BRJOD PAR BYA'O ZHES BYA BA NI 'JUG CES BYA BA'I THA TSIG GO ,ZHES DANG, RGYAL SRAS MA LAS, DE NI NYE BAR 'ONGS PAR BRJOD PAR BYA'O, ,ZHES BYA BA NI DE MGO ZUG PAR BRJOD PAR BYA'O, ,ZHES BYA BA'I THA TSIG GO, ,ZHES GSUNGS PA'I PHYIR, DE NAS CHAGS PA'I MGO RTZOM PA YANG SDA MA ME 'JIGS RJES SU SNOD CHAGS PA'I THOG MAR TSANGS PA'I GZHAL MED KHANG DANG DE'I 'OG TU TSANGS 'DUN GYI GZHAL MED KHANG DANG, DE'I 'OG TU TSANGS RIS KYI KHANG PA DANG, DE'I 'OG TU YAS RIM NAS GZHAN 'PHRUL DBANG BYED KYI DANG, 'PHRUL DGA'I DANG, DGA' LDAN KYI DANG, 'THAB BRAL GYI KHANG BA'I BAR YAS RIM DANG, 'THAB BRAL GYI SNOD KYI RJES SU RLUNG DKYIL CHU DKYIL GSER DKYIL SOGS CHAGS PA DANG SNOD CHAGS PA RJOGS PA DANG BAR BSKAL GCIG RDZOGS PA YIN TE, DE'I TSE TSANGS PA'I KHANG BA DANG POR CHAGS BA GANG ZHIG, DE'I 'OG TU TSANGS 'DUN NAS 'THAB BRAL BAR YAS RIM NAS CHAGS, DE'I RJES SU DKYIL 'KHOR GSUM DANG RI RAB CHAGS PA YIN
, ,LA; RI RAB CHAGS PA DE YAN CHAD KYI SNOD CHAGS ZIN PA'I PHYIR, DANG PO GRUB STE, 'JIG TSE TSANGS PA'I GZHAL MED KHANG RJES LA 'JIG PA'I PHYIR, KHYAB STE, SNGON LA CHAGS PA RJES LA 'JIG PA'I PHYIR TE, GANG SPEL LAS, DANG POR NI TSANGS PA'I GZHAL MED KHANG 'BYUNG NGO, ,ZHES DANG, GANG SPEL LAS, 'JIG RTEN CHAGS PA NA ZHES BYA BA NI GANG GI TSE 'CHAG PAR RTZOM PA NA DANG PO KHO NAR TSANGS PA'I GZHAL MED KHANG SKYE BA'O, ,ZHES DANG, RGYAL SRAS MA LAS, LUGS KYIS NA THA MAR 'JIG PA GANG YIN PA DE NI DANG POR 'CHAG PA YIN NO, ,DE'I PHYIR DANG POR NI TSANGS PA'I GZHAL MED KHANG 'BYUNG NGO, ,ZHES GSUNGS PA'I PHYIR, GNYIS PA GRUB STE, BAR DU ZHES PAS DE LTAR BSTAN PA'I PHYIR TE, RANG 'GREL LAS, DE'I 'OG TU 'THAB BRAL BA'I BAR DU'O, ,ZHES DANG, RGYAL SRAS MA LAS; BAR DU ZHES BYA BA'I SGRAS NI TSANGS PA'I GZHAL MED KHANG GI 'OG TU GZHAN 'PHRUL DBANG BYED KYI GZHAL MED KHANG NGO DE'I 'OG TU 'PHRUL DGA'I GZHAL MED KHANG NGO DE'I 'OG TU 'THAB BRAL BA'I GZHAL MED KHANG GI BAR DU 'BYUNG NGO ZHES BYA BSDU'O, ,ZHES GSUNGS PA'I PHYIR, GSUM PA GRUB STE, 'THAB BRAL GYI SNOD 'JIG PA'I SNGON LA DKYIL 'KHOR GSUM SOGS SA DANG 'BREL BA'I SNOD 'JIG PA'I PHYIR DANG, KHYAB PA YANG
BSGRUB ZIN PA'I PHYIR RO, ,RANG 'GREL LAS, DE'I 'OG TU RLUNG GI DKYIL 'KHOR LA SOGS PA STE, ZHES DANG, RGYAL SRAS MA LAS, 'THAB BRAL BA'I GZHAL MED KHANG 'BYUNG BA DE'I 'OG TU RLUNG GI DKYIL 'KHOR LA SOGS PA'O, ,ZHES GSUNGS PA'I PHYIR, 'DI LTAR MA SHES PAR BLUN PO DAG GIS RLUNG DKYIL SNOD CHAGS PA'I THOG MA YIN ZHES SNGON GYI MNGON PA BA NAS DENG SANG BAR DU 'KHRUL BA LAG BRGYUD KYI YIG HRUL MANG PO BRIS SO, ,BZHI BA GRUB STE, RANG 'GREL LAS, DE TZAM GYIS NA 'DI LTA STE SNOD CHAGS PAS 'JIG RTEN 'DI 'CHAGS PA YIN NO, ,ZHES DANG, RGYAL SRAS MA LAS, 'DI LTA STE SNOD 'CHAGS PA NI SEMS CAN 'CHAGS PA MA YIN NO, ,ZHES GSUNGS PA'I PHYIR, BCUD CHAGS TSUL SLA YANG CHAGS PA DANG GNAS PA'I DUS DKA' BAR YOD DO, ,GNYIS PA GZHUNG DON BYE BRAG TU BSHAD PA LA, RTEN GYI DKYIL 'KHOR GSUM BSHAD PA, RTEN PA RI MTSO GLING GSUM BSHAD PA, TSA GRANG DMYAL BA'I GNAS BSHAD PA, NYI ZLA'I CHAR TSUL DANG TSAD BSHAD PA, LHA RNAMS KYI GNAS BSHAD PA, STONG GSUM NGOS BZUNG BA, 'GRO BA RNAMS KYI LUS DANG TSE CHAD BSHAD PA, TSAD DE GZHAL THABS BSHAD PA, SNOD BCUD KYI KHYAD CHOS BYE BRAG TU BSHAD PA DANG DGU, DANG PO LA, RLUNG CHUS DKYIL BSHAD PA GSUM LAS, DANG PO NI, DE LA
, ,SNOD KYI 'JIG RTEN BYI, ,NAS, GRANGS MED DO, ,ZHES BYUNG, SHES BYA CHOS CAN, 'JIG RTEN GYI KHAMS MTHA' YAS YOD PA DE LA MI MDZOD 'JIG RTEN GYI KHAMS KYI SNOD BCUD GNYIS YOD PA DE LA SNOD STONG GSUM GYI STONG CHEN PO'I 'JIG RTEN GYI KHAMS 'DI LA RI RAB SOGS BYE BA PHRAN BCU 'OG GZHI NAM MKHAR BRTEN PA'I RLUNG DKYIL CHEN PO GCIG LA GNAS PAR 'DOD DE, DANG PHOR BAR SNANG STONG PAR YOD PA LA SEMS CAN GYI LAS KYIS 'JIG RTEN GYI KHAMS CHAGS PA'I SNGA LTAS SU RLUNG 'JAM PO LO DU MAR RIM GYIS 'KHRIGS PA LAS 'THAB BRAL GYI SNOD YAN CHAD CHAGS RJES SU RLUNG GI DKYIL 'KHOR REG BYA RGYA DPANGS KYI KHYAD PAR GSUM LDAN GYI STENG DU GNAS PA'I PHYIR TE, RTZA BAR, DE LA SNOD KYI 'JIG RTEN GYI, ,GNAS PAR 'DOD PA 'OG 'DAS GI ,ZHES DANG, RANG 'GREL LAS, STONG GSUM GYI STONG CHEN PO'I 'JIG RTEN GYI KHAMS NI 'DI LTAR GNAS PAR 'DOD DE, ZHES DANG, GANG SPEL LAS, GLING BZHI BYA BA PHRAG BRGYA GCIG CHAR 'JIG CING 'CHAG LA, SNOD KYI 'JIG RTEN DE'I GNAS PA NI 'DI LTAR 'DOD DO, ,ZHES SO, ,'OG GZHI RLUNG GI DKYIL 'KHOR CHOS CAN, KHYOD KYI REG BYA RGYA DANG RNGAMS TSAD RNAMS KYI KHYAD PAR YOD DE, GANG SPEL LTAR RLUNG 'JAM PO RIM GYIS CHES TE SOR RAM
DRAG PAR SONG RLUNG DKYIL SRA BA TSAN PO CHE'I RDO RJES KYANG GZHIG MI NUS PA'I REG BYA DANG, RGYAR DPAG TSAD GRANGS MED GCIG DANG, RNGAMS SAM DPANGS SU DPAG TSAD SA YA GCIG DANG DRUG 'BUM YOD PA'I PHYIR TE, RTZA BAR, RLUNG GI DKYIL 'KHOR RNGAMS SU NI, ,SA YA DRUG 'BUM GRANGS MED DO, ,ZHES GSUNGS PA'I PHYIR, GNYIS PA NI, CHU RNGAMS 'BUM PHRAG BCU GCIG DANG, ,STONG PHRAG DAG NI NYI SHU'O, ,ZHES BYUNG SHES BYA CHOS CAN, RLUNG DKYIL GYI STENG DU CHU DKYIL CHAGS TSUL YOD DE, RLUNG DKYIL GYI STENG DU SEMS CAN RNAMS KYI LAS KYIS GSER GYI SNYING PO CAN GYI SPRIN 'DUS NAS CHAR GYI RGYUN GNYA' SHING TZAM LO DU MAR BABS PA LAS CHU DKYIL RNGAMS SU DPAG TSAD 'BUM PHRAG BCU GCIG DANG DPAG TSAD NYI KHRI YOD PA BYE BA PHRAG BRGYA CHU'I ZIL PA LTAR CHAGS PA'I PHYIR, GZHAN SLA, BSGRUBS NA GSER 'BYUNG RUNG GI CHAR NI GSER GYI SNYING PO CAN DU 'DOD PA'I PHYIR TE, RANG 'GREL LAS, SEMS CAN RNAMS KYI LAS DAG GIS SOGS SO, ,CHU DE DAG THAD KAR MI 'PHO BA'I RGYU CI ZHE NA KHA CIG NA RE, SEMS CAN GYI LAS DBANG GIS YIN TE, DPER NA BZA' BTUNG SPYAD PA MA ZHU BAR DU LONG KAR MI LTUNG BA BZHIN NO ZER, SA SDE DANG SDE BA GZHAN DAG NA RE, DE YOD DE, RLUNG GIS BANG BA LTAR KUN NAS BSKOR BA'I PHYIR ZER, GSUM PA NI, PHYIS
, ,NI RNGAMS BU 'BUM [?] PHRAG BRGYAD, NAS, KHO YUG TU NI SUM 'GYUR RO, ,ZHES BYUNG, SHES BYA CHOS CAN, GSER DKYIL CHAGS TSUL YOD DE, SNGAR BSHAD PA'I CHU DKYIL DE SEMS CAN SPYI MTHUN GYI LAS KYI DBANG GIS RLUNG GIS BSRUBS PA LAS PHYIS NA CHA'I RNGAMS SU 'BUM PHRAG BRGYAD DU GYUR NAS, LHAG MA STENG GI CHA SUM 'BUM NYI KHRI DAG GSER DKYIL DU GYUR PA'I PHYIR TE, RTZA BAR, PHYIS NI RNGAMS SU 'BUM PHRAG BRGYAD, ,LHAG MA DAG NI GSER DU GYUR, ,CES DANG, RANG 'GREL LAS KYANG, LHAG MA YANG GANG ZHIG CE NA, CHU'I STENG RIM DPAG TSAD SUM 'BUM NYI KHRI GSER GYI RANG BZHIN GYIS GZHIR GYUR PA DE'O, ,ZHES GSUNGS PA'I PHYIR, CHU DANG GSER DKYIL GNYIS CHOS CAN, KHYOD DAG GI RGYA TSAD DANG MTHA' SKOR GYI TSAD YOD DE, KHYOD GNYIS KA'I RGYA TSAB KYI THAD KAR DPAG TSAD 'BUM PHRAG BCU GNYIS DANG DPAG TSAD STONG PHRAG GSUM DANG BRGYA PHRAG PHYED DANG LNGA RNAMS KHO NAR YOD DE, KHOR YUG GAM MTHA' BSKOR DU ZLUM PO THAMS CAD LA RANG RANG GI THAD KA'I SUM 'GYUR YOD PAS DPAG TSAD 'BUM PHRAG SUM CU RTZA DRUG DANG STONG PHRAG BCU DANG BRGYA PHRAG PHYED DANG BZHI YOD PA'I PHYIR, DANG PO GRUB STE, RTZA BAR, CHU DANG GSER GYI DKYIL 'KHOR GYI, THAD KAR 'BUM PHRAG BCU GNYIS DANG, ,
STONG PHREG GSUM DANG BRGYA PHRAG NI, ,PHYED DANG LNGA RNAMS KHO NA'O, ,ZHES GSUNGS PA'I PHYIR, GNYIS PA GRUB STE, RANG 'GREL LAS, KHOR RA KHOR YUG TU RTZI NA NI SUM 'GYUR DU 'GYUR TE, DPAG TSAD SA YA PHRAG GSUM DANG, 'BUM PHRAG DRUG DANG, KHRI SUM BRGYA LNGA BCU'O, ,ZHES GSUNGS PA'I PHYIR, DKYIL 'KHOR GSUM GYI MTHA' SKOR GYI TSAD MI MNYAM STE, STONG GSUM GYI 'OG GZHI RLUNG DKYIL RGYAR DPAG TSAD GRANGS MED YOD PA DE'I STENG DU CHU DANG GSER GYI DKYIL 'KHOR ZIL BA'I THIG PA LTA BU DUM BU DUM BUR BYE BA PHRAG BRGYA CHAGS PA'I PHYIR TE, GANG SPEL LAS, CHU DANG GSER KYI DKYIL 'KHOR BYE BA PHRA BRGYAR GNAS SO, ,ZHES GSUNGS PA'I PHYIR, CUNG ZAD MTHA' DPYAD NA, KHA CIG NA RE, SNOD CHAGS PA'I THOG MA RI RAB KYI 'OG GZHI RLUNG DKYIL CHAGS PA NAS 'JOG ZER NA, ME 'JIG GI RJES SU 'JIG RTEN CHAGS PA'I THOG MAR TSANGS PA'I GZHAL MED KHANG CHAGS PA YIN PAR THAL, ,DE'I THOG MAR 'DOD PA'I RI RAB KYI 'OG GZHI CHAGS PA'I PHYIR, RTAGS KHAS, 'DOD NA, MES 'JIG PA'I TSE DE RJES SU 'JIG PA MA YIN PAR THAL, 'DOD PA'I PHYIR, 'DOD NA, CHAGS PA'I TSE GZUGS KHAMS SNGON DANG 'DAD KHAMS RJES SU DANG 'JIG PA'I TSE 'DOD KHAMS SNGON DANG GZUGS KHAMS RJES MA YIN PAR THAL,
, ,'DOD PA'I PHYIR, 'DOD NA, RANG 'GREL LAS, DANG POR NI TSANGS PA'I GZHAL MED KHANG 'BYUNG NGO, ,ZHES DANG, YANG RANG 'GREL LAS, GANG MJUG TU 'JIG PA DE DANG POR CHAGS PA 'DI NI CHOS NYID YIN NO, ,ZHES GSUNGS PA GNYIS MI 'THAD PAR THAL LO, ,YANG KHA CIG CHAGS BSKAL DE DANG, DE'I THOG MAR CHAGS RGYU'I SNOD LA TSANGS PA'I GZHAL MED KHANG GIS KHYAB ZER NA, CHU 'JIG RLUNG 'JIG GNYIS KYIS ZHIG RJES KYI CHAGS BSKAL GYI THOG MA SNGA MA'I TSE TSAD MED 'OD KYI GZHAL MED KHANG DANG, PHYI MA'I TSE DGE RGYAS KYI GZHAL MED KHANG SNGON LA CHAGS PA MA YIN PAR THAL, 'DOD PA'I PHYIR, YANG KHA CIG NA RE, 'DOD KHAMS KYI SNOD CHAGS PA'I THOG MAR RLUNG DKYIL YIN ZER NA YANG MI 'THAD DE, 'O NA TSANGS RIS KYI SNOD KYI RJES SU GZHAN 'PHRUL DBANG BYED KYI KHANG BA NAS, 'THAB BRAL GYI KHANG BA'I BAR SNONG LA CHAGS CHAS DE'I RJES SU RLUNG DKYIL CHAGS PA MA YIN PAR THAL, ,DAM BCA' 'THAD PA'I PHYIR, 'DOD MI NUS TE, RGYAL SRAS MA LAS, TSANGS PA'I GZHAL MED KHANG GI 'OG TU GZHAN 'PHRUL DBANG BYED KYI GZHAL MED KHANG NGO, ,DE'I 'OG TU 'PHRUL DGA'I GZHAL MED KHANG NGO, ,NAS, DE'I 'OG TU 'THAB 'BRAL GYI GZHAL MED KHANG GI BAR DU
'BYUNG NGO, ,ZHES BYA BA BSDU'O, ,'THAB BRAL PA'I GZHAL MED KHANG 'BYUNG BA DE'I 'OG TU NI RLUNG DKYIL LA SOGS PA'O, ,ZHES GSUNGS PA'I PHYIR, BYAS PA LA KHO NA RE, CHAGS PA DANG PO'I RLUNG NAS NI, , ZHES GSUNGS PA MI 'THAD PAR THAL, 'CHAG BA'I THOG MAR RLUNG DKYIL MA CHAGS BA'I PHYIR NA MA KHYAB, YANG KHA CIG ,DE'I DNGOS BSTAN GYI DANG PO'I RLUNG LA RLUNG DKYIL GYIS KHYAB ZER BA DANG, YANG KHA CIG DE'I DANG PO'I RLUNG LA RLUNG DKYIL [?] RUM BYED KYI RLUNG GIS KHYAB ZER NA, TSANGS PA'I GZHAL MED KHANG RTZOM PA'I SNGA ROL GYI RLUNG 'JAM PO LDANG BDE CHOS CAN, DER THAL, DE'I PHYIR, KHYAB PA KHAS, RTAGS GRUB STE, RLUNG 'JAM PO 'JAM PO ZHES PA'I ZLAS SGRA DANG RIM GYIS ZHES BA DANG SNOD RNAMS KYI SNGA LTAS ZHES PA'I DON GRUB PA'I PHYIR, YANG KHA CIG NA RE, GLING BZHI'I 'OG GZHI'I CHA DANG GSER GYI DKYIL 'KHOR GYI RGYU TSAD DPAG CHOD 'BUM PHRAG BCU GNYIS DANG STONG PHRAG GSUM DANG BRGYA PHRAG PHYED LNGA ZER BA DANG, YANG KHA CIG NA RE, GLING DANG RI'I ZHABS SPOM PAS CHU DANG GSER GYI DKYIL 'KHOR GNYIS DANG CHOD MNYAM ZER NA, DANG BO LA 'O NA, PHYI'I LCAGS RI PHAN CHAD DU PHYOGS G-YAS G-YON RE RE LA YANG DPAG TSAD STONG DANG NYIS BRGYA DANG BRGYAD CU RTZA PHYED DANG BRGYAD DER LHAG PA MA YIN PAR THAL, DAM BCA' DANG PO 'THAD PA'I PHYIR, 'DOD MI
, ,NUS TE, 'DIR TSUN CHAD DU MA TSANG PA'I DPAG TSAD DE SNYED YOD PA'I PHYIR TE, RGYAL SRAS MA LAS, 'DIR MA TSANG BA STONG PHRAG GCIG DANG BRGYA PHRAG GZHAN GNYIS DANG BRGYAD CU RTZA PHYED DANG BRGYAD KHO NA'O ZHES BRJOD PAR BYA'O, ,PHYOGS GCIG SHOS LA YANG DE DANG 'DRA BA KHO NA BRJOD DGOS SO, ,ZHES GSUNGS PA'I PHYIR, 'DI LTAR NA DAM BCA' GNYIS PA YANG MI 'THAD PAR THAL, LCAGS RI'I KHOR YUG GI PHYI ROL DU YANG CHU DANG GSER DKYIL GYI PHYOGS G-YAS G-YON GYI LHAG MA BSNGOM NA DPAG TSAD NYIS STONG DANG LNGA BRGYA DANG BDUN CU RTZA LNGA LHAG PA'I PHYIR TE, RGYAL SRAS MA LAS, DE NI KHOR YUG GI PHYI ROL NA CHU DANG GSER GYI DKYIL 'KHOR DE TZAM LHAG PA'I PHYIR NYES PA MED DO, ,ZHES GSUNGS PA'I PHYIR, BYAS PA LA KHO NA RE, PHYI'I LCAGS RI DES GLING BZHI'I KHOR YUG TU MA BSKOR BAR THAL, LCAGS RI DE GSER DKYIL DANG MI MNYAM PA'I PHYIR NA MA KHYAB STE, DES STENG GI GLING BZHI BSKOR BA YIN GYI CHU DKYIL DANG GSER DKYIL BSKOR BA MA YIN PA'I PHYIR TE, RGYAL SRAS MA LAS, DES NI STENG GI SA KHOR YUG TU BSKOR PA YIN GYI CHU DANG GSER GYI DKYIL 'KHOR NI MA YIN NO ZHES BYA BAR KHONG DU CHUD PAR BYA'O, ,ZHES GSUNGS PA'I PHYIR, DE LA KHO NA RE, LHAG TSUL DE MI 'THAD PAR THAL, RI DANG MTSO RNAMS KHA GTING MNYAM PA KHO NA
YIN NA LHAG TSUL DE LTAR RUNG YANG DE MA YIN PA'I PHYIR, DER THAL, RI GLING RNAMS 'BRU'I PHUNG PO LTAR ZHABS SPOM PAS DKYIL 'KHOR DANG TSAD MNYAM PA'I PHYIR ZER TE, RGYAL SRAS MA LAS, 'O NA CI ZHEN RI LTA BU'I TSUL DU MAN CHAD KYI CHA CUNG ZAD LHAG PA YIN TE, ZHES GSUNGS PA'I PHYIR, 'DI ZHABS SPOM PA TZAM KHAS LEN KYANG GSER DKYIL DANG MI MNYAM PAR BYA, DE YANG MI 'THAD PAR THAL, DE NI MDZOD 'GREL DANG MI MTHUN PA'I PHYIR TE, RTZA BAR, DE DAG RNGAMS SU'ANG 'PHANGS DANG MNYAM, ,ZHES GSUNGS PA'I PHYIR, KHYAB STE, KHYOD LTAR NA TSAD DES BZUNG MI 'THAD PA'I PHYIR, RTAGS KHAS BLANGS, DE LTAR 'DOD YANG MI RUNG STE, LCAGS RI PHAN TSUN GYI BAR MUN PAR BSHAD PA'I PHYIR, GDAGS PA LAS, 'JIG RTEN PAR MTSAMS THAMS CAD DU, ,NYI ZLA DE BZHIN SKAR MA DANG, ,RGYU SKAR TSOGS NI RGYA CHEN KUN, ,'KHOR YUG MI 'DA' 'JIG RTEN GYI, ,BAR MTSAMS THAMS CAD MUN PAR 'DUG, CES GSUNGS PA'I PHYIR, GZHAN YANG, RANG 'GREL LAS, RE RAB LA SOGS PA 'KHOR YUG LA THUG PA'I RI DE DAG NI CHU'I NANG DU BRGYAD KHRI DAG ,NUB PO, ,ZHES KHYAD PAR MED PAR BSHAD PA MI 'THAD PAR THAL, TSAD BRTAGS DKA' BAR KHYOD KYIS 'DOD PA'I PHYIR, ,GNYIS PA LA RI DGU RGYU DANG TSAD DBYIBS KYI SGOS BSHAD PA, MTSO
, ,BRGYAD KYI TSAD DBYIBS BSHAD PA, GLING BZHI GLING PHRAN BRGYAD KYI TSAD DBYIBS BSHAD PA, 'DZAM BU'I GLING GI YON TAN BYE BRAG TU BSHAD PA DANG BZHI, DANG PO NI, DE LA LHUN PO GNYAL SHING 'DZIN, ,NAS, DE DAG RNGAMS SU'ANG 'PHANGS DANG MNYAM, ,ZHES BYUNG, SHES BYA CHOS CAN, RI DGU CHAGS TSUL YOD DE, CHU DANG GSER GYI DKYIL 'KHOR DE DAG GI STENG DU SEMS CAN SBYI MTHUN GYI LAS KYIS NAM MKHA' LA KHAMS RIN PO CHE SNA TSOGS PA'I SNYING PO CAN GYI SBRIN 'KHRIGS, DE LAS CHAR GYI RGYUN GNYA' SHING NGAM MDO LTAR NA SHING RTA'I 'PHANG LO TZAM BABS PAS RGYA MTSO CHEN PO DANG NGAS DPAG TSAD 'KHYAD KHRI YOD PA CHAGS, DE LA RI RAB SOGS SKYED PA'I MTHU CAN GYI RLUNG GIS BSRUNGS BSAGS MAS RAB LAS RI RNAMS KYI DBUS SU RI GZHAN LAS LHUN CING STE SDUG LA BRJID CHAGS BA'I LHUN PO CHAGS, YANG RLUNG GIS DE LTAR BSRUBS BAS BABS 'BRING LAS GSER GYI RI BDUN TE, JI GNYA' SHING 'DZIN DANG, RI BSHOL MANG 'DZIN DANG, RI SENG LDENG CAN DANG, DE BZHIN DU LTAN SDUG RI DANG, RI RTA RNA DANG, RI RNAM 'DUD PA, RI RLUNG LUG 'DZIN DANG BDUN THUB BZHIR BSKOR NAS GNAS SHING YANG RLUNG GIS DE LTAR BSRUBS PAS KHAMS THAM LAS RI BDUN GYI MU KHYUD 'DZIN DE NAS NI PHYI ROL DU GLING BZHI GLING PHRAN BRGYAD
DANG BCU GNYIS RNAMS YOD LA GLING DE DAG GI PHYI ROL NA NI KHOR YUG GI RI RNAMS YOD PA'I PHYIR, DANG PO GRUB STE, RANG 'GREL LAS, YANG DE DAG JI LTAR 'BYUNG ZHEN GSER GYI RANG BZHIN GYI SA GZHI LA CHAR BA'I RGYUN DAG BABS TE, SA BON RNAM PA SNA TSOGS KHONG NA YOD PA'I CHU DE DAG, MTHU RNAM PA DU MA'I BYE BRAG DANG LDAN PA'I RLUNG DAG GIS BSHIGS PA NA RIGS DE DANG DE DAG TU 'GYUR RO, ,ZHES DANG, RNAL 'BYOR SPYOD PA'I SA LAS, YANG RLUNG RNAMS KYIS KUN TU 'THAS SHING SRA BAR BYED DO, ,DER YANG KHAMS BZANG PO MCHOG DANG GTZO BO DANG GYA NOM PA GANG YIN PA DE LAS RLUNG GIS BSRUBS PA'I DBANG GIS NI RI RAB 'BYUNG BAR 'GYUR TE; ZHES GSUNGS PA'I PHYIR, GNYIS PA GRUB STE, RANG 'GREL LAS, RI CHEN PO BRGYAD PO 'DI DAG NI GSER GYI DKYIL 'KHOR LA BRTEN PA YIN TE, RI RAB NI DBUS NA'O, ,LHAG MA RNAMS KYIS RI RAB LA BSKOR TE GNAS SO, ,ZHES DANG, RNAL 'BYOR SPYOD PA'I SA LAS, DE LA KHAMS 'BU DI GANG YIN PA DE LAS NI GSER GYI RI BDUN PO 'DI LTA STE, ZHES GSUNGS PA'I PHYIR, GSUM PA GRUB STE, RANG 'GREL LAS; RI BDUN GYI RABS BSKOR PA DE'I PHYI RIM GANG YIN PA DE NI MU KHYUD 'DZIN NO, ,DE NAS NI GLING RNAMS YIN NO, ,ZHES PA NAS, DES NI GLING BZHI KHOR YUG TU BSKOR RO, ,ZHES DANG, RNAL
, ,'BYOR SPYOD PA'I SA LAS, KHAMS NGAN PA RNAMS LAS NI RI RAB KYI NGOS BZHI DANG GSER GYI RI RNAMS KYI PHYI ROL GYI GLING BZHI DANG GLING PHRAN BRGYAD DANG KHOR YUG 'BYUNG BAR 'GYUR RO; ;ZHES GSUNGS PA'I PHYIR, 'DIS RI RAB KYI NGOS BZHI'I THAD KAR GSER RI RNAMS KYI PHYI ROL GYI GLING DANG LCAGS RI 'GRUB TSUL YIN GYI NGOS BZHI'I RGYU BSTAN PA MIN NO, ,DES NA RANG 'GREL LAS, SA BON RNAM BA SNA TSOGS KHONG NA YOD PA, ZHES SMOS PA'I RNAM BCAD DANG YONGS GCOD KYI DGOS PA YOD DE, GSER DKYIL CHAGS BYED KYI CHAR GSER KHO NA'I SNYING PO CAN YIN LA, 'DI DE 'DRA MA YIN PAS GSER DNGUL NOR BU NAS LCAGS DANG SA PHAL PA SOGS KYI SNYING PO CAN DU BSHAD PA YIN, DE 'DRA'I SNYING PO SNA TSOGS BA SNOD SO SOR 'GRUB PA'I LAS DANG SO SOR DE LTAR 'GRUB PA'I MTHU CAN GYI RLUNG GI KHAMS SO SOR BYAS NAS SO SOR GRUB PA'I PHYIR, DANG PO GRUB STE, GANG SBEL LAS, SA BON SNA TSOGS PA KHONG NA YOD PA ZHES BYA BA NI RGYU SNA TSOGS DANG LDAN BA YIN GYI GONG GI GSER GYIS BON KHO NA YOD PA JI LTA BA BZHIN DU NI MIN TE, ZHES GSUNGS PA'I PHYIR, GNYIS PA GRUB STE, GANG SBEL LAS, DE'I PHYIR 'DI LA GSER DANG DNGUL DANG SA LA SOGS PA'I RDZAS SU THA DAD DO SNYAM DU DGONGS SO, ,ZHES DANG, RGYAL SRAS MA LAS, SA BON
RNAM PA SNA TSOGS KHONG NA YOD PA ZHES BYA BA NI NUS PA SNA TSOGS DANG LDAN PA'O, ,ZHES GSUNGS PA'I PHYIR, GSUM PA DANG BZHI PA GRUB STE, LAS DANG MTHU DU MA CAN GYI RLUNG GIS SO SOR BSHIGS PA NA GSER LA SOGS PA'I KHAMS SO SOR YANG 'GYUR LA, RI DANG GLING SO SOR YANG 'GOD PA'I PHYIR, DANG PO GRUB STE, RANG 'GREL LAS, MTHUN RNAM PA DU MA'I BYE BRAG DANG LDAN PA'I RLUNG DAG GIS BSHIGS PA NA RIGS DE DANG DE DAG TU 'GYUR RO, ,ZHES DANG, GANG SBEL LAS, MTHU RNAM BA DU MA'I BYE BRAG DANG LDAN PA'I RLUNG GIS ZHES BYA BA NI DE SKYED PA LA NUS PA RNAM PA DU MA THA DAD PA DAG GIS ZHES BYA BA'I DON NO, ,ZHES DANG, YANG DE NYID LAS, RIGS DE DANG DE DAG TU 'GYUR RO ZHES BYA BA NI GSER LA SOGS BA'I MTSAN NYID CAN DU'O, ,ZHES GSUNGS PA'I PHYIR, GNYIS PA GRUB STE, RANG 'GREL LAS, DE LTAR BYUNG BA'I GSER LA SOGS BA LAS KYI MTHUS BSKYED PA'I RLUNG DAG GIS BSDUS NAS PHUNG BOR BYED DE DE DAG NI RI DAG TU YANG 'GYUR LA GLING RNAMS SU YANG 'GYUR RO, ,ZHES GSUNGS PA'I PHYIR DANG, SOGS SGRA'I DON YANG, RGYAL SRAS MA LAS; GSER LA SOGS PA ZHES BYA BA NI GSER DANG DNGUL DANG NOR BU DANG SA LA SOGS BA'O, ,ZHES GSUNGS PA'I PHYIR, 'DI LTAR GO NA KHAMS RAB 'BRING THA GSUM GYIS SO SOR GRUB PA'I SHES BYED 'ONG,
, ,DE LAS GZHAN GRUB MTHA' 'DRES PAR 'GYUR BAS ZHIB CHA GYIS, SHES BYA CHOS CAN, GNYA' SHING 'DZIN NAS, KHOR YUG GI RI'I BAR GYI RI BRGYAD KYI NGO BO YOD DE, GNYA' SHING 'DZIN SOGS NANG MA BDUN GSER DANG PHYI MA KHOR YUG GI RI DE LCAGS LAS GRUB PA'I PHYIR, RTZA BAR, BDUN NI GSER YIN DE LCAGS CO, ,ZHES GSUNGS PA'I PHYIR, LHUN PO CHOS CAN, RIN PO CHE BZHI'I RANG BZHIN LAS GRUB PA YIN TE, SHAR DNGUL, LHO BEEd'U R+YA, NUB SHEL, BYANG GSER LAS GRUB PA'I PHYIR, DER THAL, ,DE'I RGYU MTSAN GYIS GLING SO SO'I NAM MKHA' RI RAB KYI NGOS DE'I KHA DOG TU SNANG BA'I PHYIR, DES NA 'DZAM BU GLING BEE d'U R+YA'I KHA DOG TU SNANG BA YANG DE YIN PA'I PHYIR, RTZA BAR, LHUN PO RIN CHEN BZHI'I RANG BZHIN, ,ZHES DANG, RANG 'GREL LAS, RI RAB KYI NGOS GANG ZHIG, ,GANG GI RANG BZHIN YIN PA DE'I MTHUS DE'I NGOS KYI NAM MKHA' YANG DE'I KHA DOG TU SNANG STE SOGS GSUNGS PA'I PHYIR, RI RAB KYI NGOS KYI MDOG RNAL 'BYOR SBYOD PAR YANG 'DRA'O, ,GDAGS PA LAS SHAR PADMA R'A GA DANG, NUB DNGUL DU YOD PAR BSHAD, RED GYA CHOS CAN, KHYOD SO SO'I RNAMS ZHENG DANG DBANGS TSAD YOD DE, RI RAB NAS KHOR YUG GI RI'I BAR GYI RI DGU DANG GLING RNAMS KYANG GSER DKYIL LA THUG PAR CHU'I NANG DU DPAG TSAD
BRGYAD PHYIR RNUB BA GANG ZHIG, RI RAB NI CHU'I STENG DU YANG RNGAMS DANG DPANGS LA DPAG TSAD BRGYAD KHRI RE YOD LA, GNYA' SHING 'DZIN SOGS LHAG MA BRGYAD KYI DPANGS CHU'I STENG DU SNGA MA SNGA MA LAS PHYI MA PHYI MA PHYED PHYED DPYI; DE BRGYAD KYI RNGAMS TSAD YANG RANG RANG GI CHU STE GI 'PHANG DANG MNYAM PA'I PHYIR, DANG PO GRUB STE, RANG 'GREL LAS, RI RAB LA SOGS PA KHOR YUG THUG PA'I RI DE DAG NI CHU'I NANG DU BRGYAD DAG NUB PO, , ZHES GSUNGS PA'I PHYIR, GNYIS PA GRUB STE, DE'I RGYU MTSAN GYIS RI RAB LA DPAG TSAD 'BUM DANG DRUG KHRI YOD PA'I PHYIR TE, RTZA BAR, CHU'I STENG DU YANG, ,DPAG TSAD DAG NI BRGYAD KHRI'O, ,ZHES DANG, RANG 'GREL LAS, DE LTAR NA RI RAB NI 'PHANG DU DPAG TSAD 'BUM DRUG KHRI'O, ,ZHES DANG, RGYAL SRAS MA LAS, ZHES BYA BA NI KHRI PHRAG BCU DRUG GO ,ZHES GSUNGS PA'I PHYIR, GSUM PA GRUB STE, RI RAB KYI CHU YAN CHAD MA PRI, RI LHAG MA BRGYAD PHYED PHYED DPRI BA BSHAD PA'I PHYIR TE, RI RNAMS KYI CHU MTSAMS YAN CHAD KYI TSAD DANG PO LA BZHI KHRI DANG, GNYIS PA LA NYI KHRI DANG, GSUM PA LA CHIG KHRI DANG, BZHI PA LA LTA STONG DANG, LNGA PA LA NYIS STONG LNGA BRGYA DANG, DRUG PA LA CHIG STONG PHYED DANG SUM BRGYA DANG, BDUN PA LA DPAG TSAD DRUG BRGYA NYER LNGA DANG, BRGYAD PA LCAGS RI'I CHU MTSAMS YAN CHAD KYI DPANGS LA
, ,DPAG TSAD GSUM BRGYA DANG PHYED DANG BCU GSUM YOD PA'I PHYIR TE, RTZA BAR, BRGYAD PO 'PHANG DU PHYED PHYED DPRI, ZHES GSUNGS PA'I PHYIR DANG, 'DI'I BRGYAD PAR LCAGS RI BGRANG BA'I PHYIR TE, RANG 'GREL LAS, DE BZHIN DU GZHAN DAG LA YANG MU KHYUD 'DZIN GYI PHYED NI KHOR YUG TE, ZHES SOGS GSUNGS PA'I PHYIR, NGOS BYAS PA MI LEGS TE, NGOS LA 'PHANG KYIS MA KHYAB PA'I PHYIR DANG, RTZA BAR; BRGYAD PO 'PHANG, ZHES GSUNGS PA'I PHYIR, BZHI PA GRUB STE, RI LHAG MA BRGYAD CHU MTSAMS YAN CHAD KYI DPANGS DANG RNGAMS SAM ZHENG MNYAM PAS LCAGS RI BZHIN DU BSKOR NAS YOD PA'I PHYIR TE, RTZA BAR, DE DAG RNGAMS SU 'PHANG DANG MNYAM, ,ZHES GSUNGS PA'I PHYIR, RI LHAG MA BDUN CHOS CAN, KHYOD KYI NGOS RE DANG PHYOGS BZHI'I NGOS BSNGOMS PAS DKYUS TSAD YOD DE, RANG RANG GI SNGA MA'I MTSO'I NGOS TSAD RE'I STENG DU RANG GI RNGAMS TSAD NYIS 'GYUR RE NGOS GCIG GI TSAD DANG MTHA' BSKOR DU BZHI 'GYUR RE YOD PA'I PHYIR TE, DE'I RGYU MTSAN GYIS RI SNGA MA LAS PHYI MA'I DKYUS CHED MTSO RANG GI SNGA MA DANG RANG GI ZHENG TSANG NYIS 'GYUR RES LHAG PA'I PHYIR, GNYA' SHING 'DZIN CHOS CAN, NGOS RE DANG MTHA' BSKOR GYI TSAD GNYIS YOD DE, DPAG TSAD SUM 'BUM NYI KHRI NGOS GCIG GI PHYI ZUR NAS PHYI ZUR BAR GYI TSAD DANG,
DE BZHI 'GYUR RAM SA YA GCIG DANG NYIS 'BUM DANG BRGYAD KHRI PHYI'I MTHA' BSKOR KYI TSAD YIN PA'I PHYIR, DER THAL, ROL MTSO DANG PO'I ZHENG GI SUM 'GYUR DANG KHYOD KYI ZHENG TSAD BZHI KHRI NYIS 'GYUR NGOS GCIG GI TSAD DANG TSAD DES GRU BZHIR BSKOR PA'I PHYIR RO, ,'DIS 'OG MA DAG GI SGRUB BYED KYANG SHES SLA, GNYIS PA GSHOL MDA' 'DZIN CHOS CAN, NGOS RE DANG MTHA' BSKOR GYI TSAD GNYIS YOD DE, NGOS RE LA BZHI 'BUM BZHI KHRI RE DANG MTHA' BSKOR DU SA YA GCIG DANG BDUN 'BUM DRUG KHRI YOD PA'I PHYIR, RGYU MTSAN YANG SNGAR GYI RIGS PAS SO, ,GSUM PA SENG LDENG CAN CHOS CAN, NGOS RE DANG MTHA' BSKOR GYI TSAD GNYIS YOD DE, NGOS RE LA LNGA 'BUM RE DANG MTHA' BSKOR DUS YA GNYIS YOD PA'I PHYIR, BZHI BA LTAN SDUG RI CHOS CAN, TSAD GNYIS YOD DE, NGOS RE LA LNGA 'BUM SUM KHRI RE DANG MTHA' BSKOR DUS YA GNYIS DANG CHIG 'BUM NYI KHRI YOD PA'I PHYIR, LNGA BA RI RTA RNA CHOS CAN, TSAD GNYIS YOD DE, NGOS RE LA LNGA 'BUM BZHI KHRI LNGA STONG RE DANG MTHA' BSKOR DUS YA GNYIS DANG CHAG 'BUM BRGYAD KHRI YOD PA'I PHYIR, DRUG PA RNAM 'DUD RI CHOS CAN, TSAD GNYIS YOD DE, NGOS RE LA LNGA 'BUM LNGA KHRI NYIS STONG LNGA BRGYA RE DANG MTHA' BSKOR DUS YA GNYIS DANG GNYIS 'BUM CHIG KHRI YOD PA'I PHYIR, BDUN PA MU KHYUD 'DZIN RI CHOS CAN, TSAD
, ,GNYIS YOD DE, NGOS RE LA YANG LNGA 'BUM LNGA KHRI DRUG STONG PHYED DANG SUM BRGYA RE DANG MTHA' BSKOR DU SA YA GNYIS DANG NYIS 'BUM DANG NYI KHRI LNGA STONG YOD PA'I PHYIR, RIGS PA SNGAR GYI DE'I PHYIR, RI BDUN CHOS CAN, SO SOR SGRA BSHAD DU YOD DE, NYI ZLA 'CHAR SA'I RTZE MON BRAG SHING RTA'I GNYA' SHING LTA BU YOD PAS GNYA' SHING 'DZIN DANG, RTZE MO GSER GYI GSHOL MDA' LTA BUR YOD PAS GSHOL MDA' 'DZIN DANG, RTZE MON SENG LDENG GI NAGS MDZAS PA YOD PAS SENG LDENG CAN DANG, RTZE MO LTAN SDUG PA'I MDZES PAR YOD PAS LTA NA SDUG DANG, RTZE MO NA RTA'I RNA BA LTA BU YOD PAS RTA RNA DANG, RTZE DBUS KYI PHYOGS LA 'DUD PAR YOD PAS NA RNAM 'DUD DANG, RTZE MO 'KHOR LO'I MU KHYUD LTAR YOD BAS NA MU KHYUD 'DZIN RI ZHES BSHAD PA'I PHYIR TE, MDO LAS, NYI MA DANG ZLA BA BZHI KHRI DANG NYIS STONG GI THAD NAS RGYU ZHES GSUNGS PAS GNYA' SHING 'DZIN DANG, SA SDE LAS, RI DE DAG GI MING NI DE DAG GI RTZE MO'I RNAM PA 'DRA BA'I BYE BRAG LAS BLTA BAR BYA'O, ,ZHES GSUNGS PA'I PHYIR, GNYIS PA 'CHAD PAR, DE DAG BAR BDUN ROL MTSO YIN, ,ZHES PA NAS, 'BUM PHRAG GSUM DANG STONG PHRAG NI, ,NYI SHU GNYIS SO, ,ZHES BYUNG, SHES BYA CHOS CAN, ROL MTSO BDUN YOD DE, LHUN PO NAS MU KHYUD 'DZIN LA THUG PA DE DAG
GI BAR BDUN YAN LAG BRGYAD LDAN GYI CHUS GANG BA ROL MTSOR 'JOG PA'I PHYIR TE, RTZA BAR, DE DAG BAR BDUN ROL MTSO YIN, ,ZHES SO, ,DE BDUN NANG GI ROL MTSO YIN LA, GLING BZHI GNAS PA'I MTSO NI PHYI'I RGYA MTSO ZHES BYA ZHING, DE BDUN CHOS CAN, ROL MTSOR BRJOD PA'I RGYU MTSAN YOD DE, YAN LAG BRGYAD LDAN GYI CHUS GANG BAS KLU'I RGYAL PO RNAMS RTZE ZHING ROL BA'AM SBYOD PA'I MTSO YIN PAS NA DE LTAR BRJOD PA'I PHYIR, JI SKAD DUS SDE LAS, GSER GYI RI BDUN PO DE DAG GI BAR GYI CHU GANG YIN PA DE DAG NI YAN LAG BRGYAD DANG LDAN PA STE, DE NI NANG GI RGYA MTSO YIN NO, ,DE NA KLU RNAMS KYI GNAS YOD DE, KLU'I NANG NA KLU CHEN PO BSKAL BAR GNAS SHING SA 'DZIN PA DGA' BO DANG, NYE DGA' BO DANG, RTA'I GZHI DANG, BTANG BZUNG DANG, GZI CAN DANG, YUL 'KHOR SRUNG DANG, NAG PO CHEN PO DANG, AE LA'I 'DAB DANG BRGYAD PO 'DI DAG 'KHOD DO, ,ZHES GSUNGS PA LTAR 'THAD LA RANG 'GREL DANG 'GREL BSHAD DU MI GSAL LO, ,YAN LAG BRGYAD YOD DE, RANG 'GREL LAS, CHU DE NI BSIL BA DANG, ZHIM PA DANG; YANG BA DANG, 'JAM PA DANG, DANG BA DANG, DRING BA MED PA DANG, 'THUNG PA NA MGRIN PAR MI GNOD PA DANG, 'THUNG NA LTO LA MI GNOD PA'O, ,ZHES GSUNGS PA'I PHYIR, SHES BYA CHOS CAN,
, ,ROL MTSO BDUN GYI GTING TSAD DANG, KHA ZHENG GI TSAD DANG DNGOS RE'I TSAD DANG, MTHA' BSKOR KYI TSAD RNAMS YOD DE, ROL MTSO BDUN GA GTING TSAD DPAG TSAD BRGYAD KHRIR MTSUNGS SHING, ROL MTSO DANG PO RI RAB DANG GNYA' SHING 'DZIN GYI BAR GYI MTSO'I KHA ZHENG LA DPAG TSAD STONG PHRAG BRGYAD CU DANG NGOS RE LA DE'I GSUM 'GYUR RAM GNYIS 'BUM BZHI KHRI RE DANG MTHA' BSKOR LA NGOS RE BZHI 'GYUR RAM DGU 'BUM DRUG KHRI YONG LA, DE NI MTSE BDUN GYI NANG GI RGYA MTSO YIN PA GANG ZHIG ,MTSO LHAG MA'I KHA ZHENG PHYED PHYED KYIS DBRI BA'I PHYA RI, ,DANG PO GRUB STE, KHA ZHENG NI, RTZA BAR, DANG PO STONG PHRAG BRGYAD CU'O, ,DE NA NING GI RGYA MTSO YIN, ,ZHES SO, ,PHYOGS RE'I NGOS TSAD NI, RTZA BAR, DE'I NGOS LA SUM 'GYUR RO, ,ZHES GSUNGS PA'I PHYIR, GNYIS PA GRUB STE, RTZA BAR, ROL MTSO GZHAN NI PHYED PHYED DPRI, ,ZHES SO, ,SHES BYA CHOS CAN, ROL MTSO GNYIS PA'I KHA ZHENG NGOS DANG MTHA' BSKOR GSUM GYI TSAD YOD DE, DE'I KHA ZHENG BZHI KHRI DANG NGOS RE LA BZHI 'BUM RE DANG KHOR YUG TU SA YA GCIG DANG DRUG 'BUM YOD PA'I PHYIR, RIGS PA SNGAR GYI RI DANG 'DRA, DE CHOS CAN, GSUM PA'I DE GSUM GYI TSAD YOD DE, KHA ZHENG LA NYI KHRI DANG NGOS REL BZHI 'BUM BRGYAD KHRI RE DANG KHOR YUG
TU DE BZHI 'GYUR RAM SA YA GCIG DANG DGU 'BUM NYI KHRI YOD PA'I PHYIR, DE CHOS CAN, BZHI BA'I DE GSUM GYI TSAD YOD DE, KHA ZHENG LA TSIG KHRI DANG NGOS RE LA LNGA 'BUM NYI KHRI RE DANG, MTHA' BSKOR DU DE BZHI 'GYUR RAM SA YA GNYIS DANG BA RGYAD KHRI YOD PA'I PHYIR, DE CHOS CAN, LNGA BA'I DE GSUM GYI TSAD YOD DE, KHA ZHENG LA LNGA STONG BRGYA DANG NGOS RE LA LNGA 'BUM BZHI KHRI RE DANG, KHOR YUG TU DE'I BZHI 'GYUR RAM YA GNYIS DANG TSIG 'BUM DRUG KHRI YOD PA'I PHYIR, DE CHOS CAN, DRUG PA'I DE GSUM GYI TSAD YOD DE, KHA ZHENG LA NYIS STONG LNGA BRGYA DANG NGOS RE LA LNGA 'BUM LNGA KHRI RE DANG, KHOR YUG TU DE'I BZHI 'GYUR RAM SA YA GNYIS DANG NYIS 'BUM YOD PA'I PHYIR, DE CHOS CAN, BDUN PA'I DE GSUM GYI TSAD YOD DE, KHA ZHENG LA STONG NYIS BRGYA LNGA BCU DANG, NGOS RE LA LNGA 'BUM LNGA KHRI LNGA STONG RE DANG, KHOR YUG TU DE'I BZHI 'GYUR RAM SA YA GNYIS GNYIS 'BUM NYI KHRI YOD PA'I PHYIR, DE DAG GI NGOS RE'I TSAD RTZI TSUL GYI MAN DAG YOD DE, RI RAB KYI RNGAMS LA BRGYAD KHRI YOD CING NANG GI MTSO'I KHA ZHENG GI BRGYAD KHRI RE RI RAB KYI G-YAS G-YON LA BSNAN NAS SUM 'GYUR YIN PA LTAR MTSO PHYI MA DE'I SDAN GYI DE'I NGOS CHAD KYI STENG DU MTSO PHYI MA DE'I KHA ZHENG GI TSAD G-YAS G-YON DU RE RE BSNAN PA NI MTSO DE'I PHYI ZUR NAS PHYI ZUR GYI NGOS RE'I TSAD YIN PA'I PHYIR TE, RGYAL SRAS
, ,MA LAS, GNYA' SHING 'DZIN GYI NGOS ROL GYI SRID DU DPAG TSAD NYIS 'BUM BZHI KHRI STE BRGYAD KHRI PHRAG GCIG DANG DE'I PHYOGS G-YAS G-YON GZHAN GNYIS SU ROL MTSO DE 'DAL BA'I TSUL GYIS BRGYAD KHRI PHRAG GZHAN GNYIS YOD PAS BRGYAD KHRI PHRAG GSUM STE, ZHES GSUNGS PA'I PHYIR, ,SMRAS PA, ROL MTSO RANG RANG SNGA MA'I RI'I, ,NGOS TSAD STENG DU RANG RANG GI ,ZHENG TSAD GNYIS BSNAN NGOS, RE'I CHAD, ,NGOS TSAD BZHI 'GYUR KHOR YUG STE, ,GRUB ZHIR BSKOR ZHES GNAD DU GCES, ,SHES BYA 'DI LA MTHA' MED CES, ,GRAGS PA'I SNYEMS PA SRID RTZE'I BAR, ,PHYIN KYANG DENG 'DIR MKHAS RNAMS BLOR, ,MI DKA' MKHA' NGO'I 'JIG RTEN BZHIN, ,GNAD KYI SPUL GZHI MA SHES PAS, ,BYIS PA MING BRJOD SGYU MA'I GLUS, ,SGO GSUM DAL BAR MA MDZAD PAR, ,MA BSLAD MIG GIS GNAD LTOS GSAL, ,ZHES PA'ANG BAR SKABS KYI TSIGS SU BCAD PA'O, ,MU KHYUD 'DZIN DANG KHOR YUG GI BAR GYI RGYA MTSO CHOS CAN, PHYI'I RGYA MTSO CHEN PO YIN TE, MTSO BDUN GYI PHYI'I LHAG MA'I RGYA MTSO YIN PA'I PHYIR TE, RTZA BAR, LHAG MA PHYI'I RGYA MTSO YIN, ,ZHES SO, ,DE CHOS CAN, ZHANG TSAD YOD DE, MU KHYUD 'DZIN DANG KHOR YUG GI RI'I BAR GYI KHA ZHENG GI CHOD LA DPAG TSAD 'BUM PHRAG GSUM DANG
STONG PHRAG NYER GNYIS YOD PA'I PHYIR TE, RTZA BAR, 'BUM PHRAG GSUM DANG STENG PHRAG NI, ,NYI SHU GNYIS SO, ,ZHES GSUNGS PA'I PHYIR,, ,,GSUM PA GLING BZHI GLING PHRAN BRGYAD RNAMS TSAD DBYIBS KYI SGOS 'CHANG PAR, DEL NI, ,'DZAM BU'I GLING STE NGOS GSUM LA, ,ZHES PA NAS, G-YO LDAN DANG NI LAM MCHOG 'GRO ,ZHES BYUNG, GLING BZHI GLING PHRAN BRGYAD CHOS CAN, KHYOD GANG LA GNAS PA YOD DE, RI RAB KYI NGOS BZHIR PHYI'I RGYA MTSO DE LA GNAS PA'I PHYIR, RTZA BAR, DE LA NI, ZHES SO, ,RI RAB GYI PHYOGS BZHIN GLING BZHI YOD PA DE LA LHO PHYOGS KYI 'DZAM BU'I GLING CHOS CAN, KHYOD KYI SGRA DON DANG DBYIBS TSAD GSUM YOD DE, SHING 'DZAM BU'I 'BRAS BU MTSO'I NANG DU LHUNG BA NA, 'DZAM BU ZHES PA'I SGRA 'BYUNG BAS NA 'DZAM BU DANG 'DZAM BU SHING DES MTSON PA'I GLING YIN PAS NA 'DZAM BU'I GLING DANG, DBYIBS SHING RTA LTA BU DANG, RI RAB KYI PHYOGS NGOS DANG G-YAS G-YON GNYIS DANG GSUM LA DPAG TSAD STONG PHRAG GNYIS GNYIS DANG NGOS GCIG LHA NGOS LA DPAG TSAD PHYED DANG BZHI YOD CING, DBUS NA DUS GSUM GYI SANGS RGYAS THAMS CAD KYIS RDO RJE LTA BU'I TING NGE 'DZIN THOG MAR SKYED PA'I GNAS RDO RJE GDAN MNGON PAR GRUB PA DANG BCAS PA YIN PA'I PHYIR TE, SA SDE LAS KYANG, MTSO MA DROS PA'I G-YAS ROL NA SHING 'DZAM BU CHEN PO YOD DE, DE'I MING GIS 'OD 'DZAM BU GLING ZHES
, ,BYA BAR GYUR TO, ,ZHES DANG, RTZA BAR 'DZAM BU GLING STE, NAS, GCIG LA DPAG TSAD PHYED DANG BZHI, ,ZHES SO, ,'DZAM GLING 'DI NAS BGRANG BA'I SHAR PHYOGS KYI RI RAB KYI NGOS KYI LUS 'PHAGS GLING CHOS CAN, SGRA DON DANG DBYIBS TSAD YOD DE, LUS 'DZAM GLING PA LAS NYIS 'GYUR GYIS CHER 'PHAGS PAS NA LUS 'PHAGS DANG, BRGYAD STOR BA LTAR MTHA' CHUS BSKOR BAS NA GLING DANG, DBYIBS ZLA GA MA KHA NANG DU BSTAN PA LTA BU NANG DANG G-YAS G-YON GYI NGOS GSUM 'DZAM GLING 'DI DANG 'DRA BAR DPAG TSAD STONG PHRAG GNYIS GNYIS YOD CING, LCAGS RI'I PHYOGS KYI NGOS GCIG LA DPAG TSAD SUM BRGYA LNGA BCU YOD PA'I PHYIR, RTZA BAR, SHAR GYI LUS 'PHAGS ZLAG MA 'DRA, ,NGOS GSUM 'DI DANG 'DRA GCIG LA, DPAG TSAD SUM BRGYA LNGA BCU'O, ,ZHES GSUNGS PA'I PHYIR, SHAR YANG LHO GLING LA LTOS NAS YIN TE, RANG 'GREL LAS, 'DI NAS SHAR PHYOGS KYI RI RAB KYI NGOS RO LAN SHAR KYI LUS 'PHAGS GLING YOD DE, ZHES GSUNGS LA RI RAB KYI SHAR, ZHES MA GSUNGS PA'I PHYIR, RI RAB LA SBYOR TSE B'U RPA MDUN NAM SNGON BYAS NA LEGS SO, ,'DI NAS NUB KYI RI RAB KYI NGOS NA GNAS PA'I BA LANG SPYOD GLING CHOS CAN, SGRA DON DBYIBS TSAD GSUM YOD DE, BA LANG DANG NOR BU LA LONGS SPYOD PAS BA LANG SPYOD DANG MTHA' CHUS BSKOR BAS
GLING DANG, DBYIBS ZLUM PO DANG MTHA' BSKOR DPAG TSAD STONG PHRAG PHYED DANG BRGYAD YIN LA, MCHU ZHENG DAM SRID ZHENG GNYIS LA DPAG TSAD STONG PHRAG PHYED DANG GSUM YOD PA'I PHYIR TE, RTZA BAR, BA LANG SPYOD GLING ZLU MA PO STE, ,STONG PHRAG PHYED DANG BRGYAD YIN NO, ,MCHU ZHENG STONG PHRAG PHYED DANG GSUM, ,ZHES SO, ,GLING 'DI'I BYANG PHYOGS KYI RI RAB KYI NGOS KYI SGRA MI SNYAN GYI GLING CHOS CAN, SGRA DON DBYIBS TSAD GSUM YOD DE, KHYOD NA GNAS PA'I MI RNAMS 'CHI BA'I ZHAG BDUN GYI GONG DU KHYED 'CHI'O ZHES SGRA MI SNYAN PA NAM MKHA' LAS 'BYUNG BAS NA SGRA MI SNYAN DANG, DBYIBS KHRI LTAR GRU BZHI DANG, TSAD NGOS BZHI KA RE RE LA DPAG TSAD NYIS STONG RE YOD PAS MTHA' BSKOR DPAG TSAD STONG PHRAG BRGYAD YOD PA'I PHYIR TE, RTZA BAR, SGRA MI SNYAN BRGYAD GRUB ZHIR MNYAM, ,ZHES SO, ,SHES BYA CHOS CAN, GLING GI SGRA DON DANG KHYAD PAR BSHAD PA GZHAN YANG YOD DE, GLING GANG GI DBYIBS CI 'DRA BA DE NA GNAS PA'I MI RNAMS KYI GDONG YANG DE DANG 'DRA LA GLING DANG GLING PHRAN GYI MI LA CHE CHUNG YANG YOD PA GANG ZHIG, SGRA DON YANG BRGYAD STONG BA LTAR MTHA' CHUS BSKOR BSAN GLING DANG, YUL DER CHU RNAM BA GNYIS SU GYUR BAS NA GBLING ZHES SOGS BSHAD PA DU MA YOD PA'I PHYIR DANG PO GRUB STE, SA GZHI'I DBANG GIS SEMS CAN SO SO CHE CHUNG KHA DOG SO
, ,SOR 'GYUR PA'I PHYIR, DPER NA GANGS RI DANG 'BIGS BYED KYI RI KHROD PA RIM BZHIN DU DKAR SHAM DANG SNGO BSANG DU 'DUG PA BZHIN YIN PA'I PHYIR TE, RANG 'GREL LAS, GLING GANG GI DBYIBS CI 'DRA BA DE NA GNAS PA'I MI RNAMS KYI GDONG GI DBYIBS KYANG DE DANG 'DRA'O, ,ZHES DANG, RGYAL SRAS MA DANG GANG SPEL GNYIS LAS, SA GZHI'I DBANG GIS SEMS CAN RNAM PA SNA TSOGS PA 'DI NI MNGON SUM DU GYUR PA YIN TE, ZHES GSUNGS PA'I PHYIR, GANG SPEL LAS, DE'I BAR GYI GLING BRGYAD NI ZHES BYA LA DE DAG THAMS CAD NI LAS NGAN PA'I DBANG GIS GRUB PA ZHIG STE, DE NYID KYI PHYIR DE NA GNAS PA'I MI RNAMS NI LUS CHUNG BA YIN NO ZHES BRJOD DO, ,ZHES GSUNGS PA'I PHYIR, KHYAB TE, GLING GTZO BO LA LTOS NAS LAS SHUGS STOBS NGAN PA DANG BRJOD DO ZHES PAS BSHAD TSUL BSTAN PA'I PHYIR, RTAGS GNYIS PA GRUB STE, GLING GI SKAD DOD DVA'I BA LA NGES TSIG GIS DE LTAR BSHAD PA'I PHYIR TE, GANG SPEL LAS, YUL DER CHU RNAM PA GNYIS SU GYUR PAS NA GLING NGO, ,ZHES GSUNGS PA'I PHYIR, SHES BYA CHOS CAN, GLING BZHI BO DE'I BAR GYI GLING G-YOG BRGYAD YOD DE, G-YON BSKOR DU SHAR DU LUS DANG LUS 'PHAGS GNYIS DANG, BYANG DU SGRA MI SNYAN DANG SGRA MI SNYAN GYI ZLA GNYIS DANG, NUB TU G-YO LDAN DANG
LAM MCHOG 'GRO GNYIS DANG, LHOR RNGA YAB DANG RNGA YAB GZHAN GNYIS YOD CING, GLING DE GNYIS KYI NANG MI'I CHE CHUNG GI RIGS PAS GLING GTZO BO LAS PHYED KYIS CHUNG BA DANG DBYIBS RANG RANG GLING GTZO BO LTA BU YIN PA'I PHYIR TE, RTZA PAR, DE DAG BAR GYI GLING BRGYAD NI, ,SOGS SO, ,DE THAMS CAD NA MI GNAS LA, RNAL 'BYOR SPYOD PA'I SA DANG RANG 'GREL LTAR NA RNGA YAB GLING NA SRIN PO YANG GNAS TE, RANG 'GREL LAS, GCIG NA SRIN PO DAG GNAS SO, ,ZHES DANG, RNAL 'BYOR SPYOD PA'I SA LAS, GCIG NI SRIN MO'I GLING YIN NO, ,ZHES DANG, GANG SPEL LAS, GCIG NA SRIN PO DAG GNAS SO ZHES BYA BA NI RNGA YAB BO, ,ZHES GSUNGS PA'I PHYIR, RGYAL SRAS MA LAS KYANG NGO, ,BZHI BA 'DZAM BU GLING GI YON TAN BYE BRAG TU 'CHAD PAR, 'DI NAS BYANG DU RI NAG PO, ,NAS, MCHU ZHENG LNGA BCU YOD PA'I MTSO, ,ZHES BYUNG, 'DI LA THEG PA CHE CHUNG GIS BSHAD TSUL RE RE LA'ANG MA 'DRES PAR BKOD NA, SHES BYA CHOS CAN, 'DZAM GLING 'DI KHYAD CHOS DU MA DANG LDAN TE, RDO RJE GDAN 'DI NAS BYANG DU RI NAG PO GSUM 'DAS NAS YANG GSUM DANG YANG GSUM STE RI NAG PO DGU 'DAS PA'I PA ROL NA GANGS RI CHEN PO TI SE ZHES BYA BA RDZU 'PHRUL MA THOB PAS 'GROD MI NUS, DER KHYAD PAR 'PHAGS BSTOD 'GREL BAR DBANG PHYUG CHEN PO'I GNAS YOD PAR BSHAD, LUD SMAN GYI GZHI
, ,LAS THUB PA'I DGE 'DUN DGRA BCOM PA YANG GNAS PAR BSHAD PA GANG ZHIG ,GANGS RI DE NAS DPAG TSAD LNGA BCU NA SPOS DANG LDANG BA'I RI YOD, SPOS DAD LDANG BA NAS DPAG TSAD BCU'I TSUL ROL NA THEG CHEN GYI MDO DANG LEGS LDAN GYIS KLU'I RGYAL BO MA DROS PA GNAS PA'I MTSOM DROS ZHES BYA BA DBYIBS GRUB ZHI MCHU ZHENG GNYIS LA DPAG TSAD LNGA BCU RE YOD PA MTHA' BSKOR DU DPAG TSAD NYIS BRGYA BA YAN LAG BRGYAD LDAN GYI CHUS GANG BA'I KHYAD PAR SOGS YOD PA'I PHYIR, DANG PO GRUB STE, RANG 'GREL LAS, RI NAG PO GSUM YOD DE, DE DAG 'DAS NAS YANG GSUM YOD DO, ,DE NAS YANG GSUM YOD DE, RI NAG PO DGU 'DAS PA'I PHA ROL NA GANGS RI YOD DE, ,ZHES DANG, KHYAD PAR 'PHAGS BSTOD KYI 'GREL BA GRAGS CHE LA, LUNG SMAN GYI GZHI LAS KYANG, GNOD SBYIN GTUM PO MI ZAD GNAS PA YOD 'ONGS SHING, ,ME TOGS SNA TSOGS SHING GIS RNAM PAR MDZES BYAS PA, ,ZHES DANG, LUNG SMAN GZHI LAS, MTSO MA DROS PAR SANGS RGYAS STONG PO THAMS CAD KYIS LAS KYI RGYU BA LUNG STON PA'I CHOS GSUNG BAR BSHAD PA DANG, YANG DE NYID LAS, DE LA RDZU 'PHRUL STOBS THOB PA, ,MA GTOGS MI RNAMS KYI NI MI BGROD PA, ,DER NI THUB PA DGE 'DUN BCAS PAR BZHUGS, ,ZHES GSUNGS PA'I PHYIR DANG, DE LA ZHES PA RI LA SBYOR DGOS PA'I PHYIR, GNYIS PA
GRUB STE, RANG 'GREL LAS, GANGS RI DE'I PHA ROL NA RI SPOS KYI DAD LDANG BA'I, ZHES GSUNGS PA'I PHYIR, GSUM PA GRUB STE, MTSO DE LA KLU MA DROS PA GNAS SHING YAN LAG TSAD DBYIBS BSHAD MA THAG PA LTA BU DANG, DE'I SHAR PHYOGS NAS DNGUL GYI BRAG GLANG PO CHE'I KHA 'DRA BA NAS CHU PO GANG G'AS DNGUL GYI BYE MA 'DREN PA DANG, DE'I LHOR GSER GYI BRAG KHYU MCHOG GI KHA 'DRA BA NAS CHU BO SIDHU ZHES BYA BAS GSER GYI BYE MA 'DREN PA DANG, DE'I NUB NAS BEEd'U R+YA'I BRAG RTA'I KHA 'DRA PA NAS CHU BO PAKshU ZHES PA BEEd'U R+YA'I BYE MA 'DREN PA DANG, DE'I BYANG PHYOGS NAS RDO RJE'I BRAG SENG GE'I KHA 'DRA BA NAS CHU SI TA ZHES BYA BA RDO RJE'I BYE MA 'DREN PA STE, DE BZHI RE RE YANG CHU BRAN LNGA BRGYA DANG BCAS NAS MTSO MA DROS PA LA G-YAS BSKOR LAN BDUN BYAS NAS RANG RANG GI PHYOGS BZHIR 'BAB PA'I PHYIR, DANG PO GRUB STE, RANG 'GREL LAS KYANG, SPOS DAD LDANG BA'I TSUL ROL NA MTSO MA DROS PA ZHES BYA BA GANG LAS CHU PO CHEN PO BZHI BO GANGG'A DANG SIDHU DANG SI TA DANG BAKshU 'BAB PA YOD DO, ,ZHES DANG, RTOG GE 'BAR BA LAS, GANGG'A DANG SIDHU DANG BAKshU DANG SI TA ZHES BYA BA LA CHU BO BZHI RNAMS KYI CHU LA BKRUS PA DANG 'THUNG BA DANG DE'I NANG DU GNAS PA LA SOGS PA NI BYANG CHUB SEMS DPA'I SMON LAM GYI DBANG GIS GSUNGS PA YIN GYI, CHU LA SDIG PA LA SOGS PA ZAD PAR BYED PA'I
, ,NUS PA YOD PA NI MA YIN TE, 'DI LTER MA DROS PA'I MDO LAS, KLU'I RGYAL PO MA DROS PA LAS DANG SKYE BA LA DBANG THOB PA YONGS SU BZUNG NAS MA DROS PA ZHES BYA BA'I MTSE'U CHEN PO'I NANG DU SKYE BSLABS PAR GYUR TE, DE'I SMON LAM NI GANG SROG CHAGS GANG GIS BDAG GI MTSE'U 'DI LAS 'BAB PAR GYUR PA'I CHU RNAMS LA BKRUS PA DANG ZHUGS NAS GNAS PAR BYED PA DE DAG RNAMS LA DE DAG NYID DE RNAMS KYI BYANG CHUB KYI RGYUR 'GYUR LA DE THAMS CAD KYANG RIM GYIS BDAG GIS SANGS RGYAS NYID LA DGOD PAR GYUR CIG CES GSUNGS PA YIN PAS, ZHES GSUNGS PA'I PHYIR, RTAGS PHYI MA RNAMS GRUB STE, GDAGS PA LAS, CHU KLUNG GADHG'A SINDHU BAKsh'A DANG, ,SI TA RBA BRLABS LBU BA'I 'PHRENG BA CAN, ,'BAB CING THAMS CAD BSIL BA'I CHU YIN TE, ,PHYOGS BZHI'I KHONG KHOR YUG DAG NAS BYUNG, ,GANGGA'A SHAR PHYOGS RGYA MTSOR 'GRO BA STE, ,SINHU LHO PHYOGS RGYA MTSOR 'GRO BA YIN, ,BAKshU YANG NI NUB PHYOGS RGYA MTSOR 'GRO, ,DE'I BYANG PHYOGS RGYA MTSOR SI TA 'GRO, ,MCHOG TU BZANG ZHING SO SOR 'BAB PA STE, ,RE RE ZHING YANG LNGA BRGYAR KHYER NAS NI, ,CHU YI RGYUN YANG RGYA MTSO CHEN POR 'GRO ,ZHES DANG, LUNG SMAN GYI GZHI LAS, DE LAS RGYA MTSO DUG CAN DAG DU 'GRO BA YI, ,CHU BO CHEN PO BZHI BO 'DI DAG PHYOGS BZHIR 'BABS,,
GADG'A SINDHU DE BZHIN BAKshU DANG, ,SI HA, ZHES GSUNGS PA'I PHYIR, MTSO MA DROS BA CHOS CAN, KHYAD CHOS DU MA DANG LDAN TE, 'DZAM GLING GI CHU KLUNG THAMS CAD KYI 'BYUNG KHUNGS DANG, ME TOG DANG 'BRAS BU DANG NAGS TSAL LA SOGS PA DANG RGYA MTSO'I RIN PO CHE THAMS CAD KYANG KLU RGYAL MA DROS PA'I MTHU LAS BYUNG BA'I PHYIR TE, MDO SDUD BA LAS, 'DZAM BU GLING 'DIR CHU KLUNG JI SNYED CIG 'BAB CING, ,ME TOG 'BRAS CAN SMAN DANG NAGS TSAL SKYED BYED PA, ,MA DROS GNAS BA'I KLU DBANG KLU BDAG BRTEN NAS BYUNG, ,DE NI KLU'I RGYAL PO DE YI MTHU DPAL YIN, ,ZHES GSUNGS PA'I PHYIR, GLING 'DI CHOS CAN, RI BO CHEN PO GSUM YOD DE, GANGS CAN DANG, 'BIGS BYED DANG, MANDHA RA GSUM YOD PA'I PHYIR, DE CHOS CAN, SHING KHYAD PAR CAN GSUM YOD DE, MA DROS PA'I G-YAS KYI RTZA BA NA 'DZAM BU'I SHING 'BRAS BU CHUR LHUNG BA GSER BZANG POR 'GYUR BA DANG, MTSO DE'I G-YON NA SHING SHAL MA LI RTZE MO SHIN TU MTHO BA RGYAD GRAGS DU MA DANG LDAN PA LA MKHA' LDING RIGS BZHI GNAS PA DANG, RI GANGS CAN GYI NYE 'KHOR RI SPOS DANG LDANG BA'I BYANG PHYOGS DPAG TSAD NYI SHU NA SHING S'A LA'I RGYAL PO RAB BRTAN ZHES BYA BRTZA BA 'DOM BZHI BCU THUR DU ZUG PA, S'A LA'I PHRENG BA RIM PA BDUN GYIS BSKOR BA'I RIM PA DANG PO'I RTZA BA 'DOM BCU GSUM
, ,ZUG BA NAS BDUN PA'I RTZA BA 'DO MA BDUN GYI BAR ZUG PA, S'A LA'I RGYAL PO'I YAL 'DAB KYIS S'A LA'I 'PHRENG BA DANG PO'I YAL 'DAB LA REG PA NAS PHRENG BA BDUN PA'I YAL 'DAB LA REG BAS NAM MKHA' KHYAB PA LTA BU GLANG PO CHE G-YUL NGOR BRTAN PAS SPYOD PA'I KHYAD PAR RNAMS DANG LDAN PA'I PHYIR, DANG PO GRUB STE, RANG 'GREL LAS, DE NYID KYI DRUNG NA GANG LA 'BRAS BU MANG RAB DAG YOD BA SHING 'DZAM BU ZHES BYA BA MNGON PAR GRUB STE, ZHES GSUNGS PA'I PHYIR DANG, YUL DBUS NA YANG YOD PAR RGYA CHE ROL BAR GZHON NU GRIB BSIL LA BZHUGS PAR BSHAD PAS SO, ,'OD LDAN GYI SKAR MA'I BSTAN BCOS LTAR NA RTZE MO MTHO BAR MNGON PAS, KHA CIG GIS CHEN PO MED ZER BA 'KHRUL BAR MNGON LA, DRAN PA NYER GZHAG LAS GLING 'DI'I BYANG NA 'DZAM BU'I PHRENG BA SOGS BSHAD PAS SO, ,GNYIS PA GRUB STE; RNAL 'BYOR SPYOD PA'I SA LAS, DE'I BYANG PHYOGS SHING SHING SHAL MA LI RTZE MO SHIN TU MTHO BA YOD DE, DE LA NAM MKHA' LDING BZHI BO DAG GNAS SO, ,ZHES GSUNGS PA'I PHYIR, GSUM PA GRUB STE, SA SDE LAS; DE NA SHING GI RGYAL PO RAB BRTAN ZHES BYA BA TA LA'I PHRENG BA RIM PA BDUN GYIS BSKOR BA DANG, ZHES GSUNGS LA, GDAGS PA LTAR RO, ,'DZAM GLING CHOS CAN, KHYAD PAR GZHAN YANG YOD DE,
SPOS NGANG LDANG BA NAS BYANG PHYOGS DPAG TSAD NYI SHU NA BRAG GSER GYI BYA SKYIBS LHA MA YIN GYI NGOS ZHES BYA BA DBYIBS GRUB BZHI NGOS RE RE LA DPAG TSAD LNGA BCU RE DANG, MTHA' BSKOR DU DPAG TSAD NYIS BRGYA YOD PA 'PHANG DU DPAG TSAD PHYED DANG BZHI BA MDZES SHING LTAN SDUG PA DANG, KHOR YUG NA GSER GYI BYA SKYIBS BRGYA STONG YOD LA, DE'I BYANG DU DPAG TSAD NYI SHU NA SHING S'A LA RAB BRTAN DANG, SHING DE'I SHAR PHYOGS DPAG TSAD NYI SHU 'DAS PA NA RDZING BU DAL 'BAB CES BYA BRGYA KHYON MA DROS PA JI LTA BA BZHIN DU YOD PA LA 'KHOR DU RDZING BU BRGYA STONG YOD PA DE LA AUDPAL LA SOGS PA'I ME TOG SDONG BU GSHOL MDA' TZAM DANG, ME TOG SHING RTA'I 'PHANG LO TZAM LO MA BA LANG GI GO BA TZAM RTZA BA SKYES BU CHEN PO'I BRAL TZAM SOGS GNAS PAR BSHAD PA'I PHYIR, DANG PO NI, SA SDE LAS, RI'I RGYAL PO GANGS RI'I NYE 'KHOR NA GSER GYI BRAG BYA SKYIBS SU 'DUG PA LHA MA YIN GYI NGOS ZHES BYA BA MCHUR YANG DPAG TSAD LNGA BCU ZHED DU YANG DPAG TSAD LNGA BCU BA ZHIG YOD DO, ,ZHES DANG, GDAGS PAS BSHAD, GNYIS PA NI, SA SDE LAS, RDZING BU DAL GYIS 'THOR ZHES BYA BA RDZING BU LNGA BRGYAS BSKOR BZHIG YOD PA NI, ZHES GSUNGS ZHING, GDAGS PA LAS KYANG NGO, ,SHES BYA CHOS CAN, DE GSUM LA LONGS SPYOD MKHAN KHYAD PAR BA YOD DE, DE GSUM GYI NYE 'KHOR
, ,NA LHA DBANG BRGYA BYIN GYIS G-YUL DOR SBYOD PA'I GLANG PO CHE RAB BRTAN ZHES BYA BA LUS DKAR ZHID MGO SNGON PO'I DBUS DMAR BA MCHE BA DRUG LDAN SRID DU DPAG TSAD PHYED DANG GSUM DANG; ZHED DU DPAG TSAD GCIG 'PHANG DU DPAG TSAD PHYED DANG GNYIS YOD PA 'KHOR GLANG BO BRGYA STENG DANG BCAS PA DGUN ZLA BA BZHIR BRAG GSER GYI BYA SKYIBS SU GNAS, DPYID ZLA BZHA RI SA LA RAB BRTAN DU GNAS, DBYAR ZLA BA BZHIR RJID BU DAL 'BAB TU GNAS PA'I PHYIR, SA SDE DANG GDAGS PA GTZO, GZHAN YANG, 'JAM GLING CHOS CAN, KHYOD KYI KHYAD CHOS GZHAN YANG YOD DE, DBUS NA DUS GSUM GYI SANGS RGYAS KYI GNAS RDO RJE GDAN BYANG CHUB KYI SHING DANG BCAS PA, SHAR NA 'PHAGS PA 'JAM DPAL GYI GNAS RI BO RTZE LNGA, LHO NA SBYAN RAS GZIGS KYI GNAS BO TA LA'AM GRU 'DZIN, NUB NA MKHA' 'GRO'I GSANG MDZOD AO tYI NA DANG, BYANG NA CHOS RGYAL RIGS LDAN SUM CU RTZA GNYIS KYI GNAS SHAM BHA LA RNAMS DANG LDAN PAR GRAGS CHE BA DANG MI CHE BA'I, KHYAD PAR DU MA YOD PA'I PHYIR TE, GLING 'DI LA RANG GI GLING G-YOG LNGA BRGYAS BSKOR BA DANG, GLING 'DI LA YUL PHRAN RGYAS PAR PHYEN STONG DANG, BSDUS NA DRAN PA NYER BZHAG LTAR NA BCO BRGYAD DANG, GNAS 'JOG GI MDO DANG GSANG BA
BSAM GYIS MI KHYAB PA LTAR NA BCU DRUG TU 'DU BA DANG, YUL LJONGS KYI GTZO BO GSUM MAM DRUG DANG GRONG KHYER GSUM LHAG PA'I BRGYA SOGS DANG DER GNAS PA'I TSAD DBYIBS SOGS YONG BA'I PHYIR, DANG PO GRUB STE, DRAN PA NYER GZHAG LAS, 'DZAM BU GLING GI 'KHOR DU GYUR BA'I GLING LNGA BRGYAS YONGS SU BSKOR BA YIN NO, ,ZHES GSUNGS PA'I PHYIR, KHYAB STE, GSER GYI GZHI LDAN SOGS GLING GTZO BO RNAMS LA LHA LA'AM MI 'AM DRI ZA 'AM GRUB PA 'AM GSANG BA BA SOGS RKANG GNYIS GNAS LA DBANG CHEN GYI RI LAS 'DAS PA'I LHO GLING DE LA SKYES BU RKANG GCIG DANG BUD MED KHYI GDONG MA GNAS SHING, DE BZHIN DU GLING PHA LA BA LA MI SNA TSOGS GNAS PA'I PHYIR; DER THAL, DRAN PA NYER GZHAG LAS, 'DZAM BU'I GLING NA YOD PA'I GTZO BOR GYUR PA RNAMS DPER BYAS NA 'DI LTA STE, GSER GYI GZHI DANG LDAN PA DANG, ZHES PA NAS, DE DAG RNAMS NI SKYES BU RKANG BA DANG LDAN PA RNAMS KYIS STE, JI LTAR KHYAD PAR DU GYUR BAS GLING DE DAG RNAMS KYIS 'DZAM BU'I GLING YONGS SU BSKOR BA YIN ZHING, ZHES GSUNGS PA'I PHYIR, RTZA BA'I RTAGS GNYIS PA GRUB PA YIN TE, THEG CHEN GYI MDO LTAR NA YUL KA SHA DANG, BA HU BA DANG, THO GAR YUL DANG, YA BA NA DANG, KA MA PO DZA SOGS YUL STONG GIS GANG BA'I PHYIR TE, GSANG BA BSAM GYIS KHYAB PA'I MDO LAS, 'DI LTA STE,
, ,YUL KA SHA DANG, BA HU BA DANG, THO GAR YUL DANG, YA BA NA DANG, KAM PO DZA DANG, KHA SHA DANG, HU NA DANG, RGYA YUL DANG, DA RA TA DANG, AU RA SHA DANG, ZHES PA NAS; SPAL KHA DANG, KHYI GDONG DANG, WA GDONG DANG, KRI BA SHI'I GDONG DANG, SPYI'U TSUGS PA DANG, GNAM GDONG PO DANG, PHYI PHYOGS GDONG DANG, BYANG 'TSAMS GDONG DANG, RJES SU RGYUGS DANG, RGYA MTSO KHOL BA DANG, YUL MTHA' GTUGS PA DANG, AANG KU RA DANG, MANG KU RA DANG, SNA MED DANG, KLO BKRA DANG, PHYOGS KYI GCER BU DANG, GSHOG THOGS GCER BU DANG, DGUS STE 'GRO BA DANG, RDZOGS BYED RNAMS DANG, 'JIG RTEN GYI BAR NA GNAS PA'I YUL LA SOGS PA YUL STONG GIS 'DZAM BU'I GLING YONGS SU GANG STE, ZHES SOGS GSUNGS PA'I PHYIR, YUL DE THAMS CAD LA CHOS KYANG 'JUG PAR BSHAD PAS THEG CHEN 'DI LTAR NA RUNG DO, ,'DI'I YUL LA ZHIB CHA DGOS SNANG NGO, ,RTZA RTAGS GSUM PA GRUB STE, MDO DRAN PA NYER BZHAG LAS, BA LANG SPYOD KYI YUL LJONGS THAMS CAD BSDUS PAR GYUR NA NI YUL NYI SHU RTZA LNGA YIN NO, ,JI LTAR 'DZAM BU'I GLING GI YUL LJONGS BCO BRGYAD BZHIN NO, ,ZHES GSUNGS PA'I PHYIR, RTZA RTAGS BZHI PA GRUB STE, GSANG BA'I MDO LAS, GANG YUL CHEN PO BCU DRUG TU BSDU BAS BSDUS
PA'I YUL STONG GIS 'DZAM BU'I GLING 'DI YONGS SU GANG STE GDAN MI RNAMS KYI TSIG KYANG GZHAN, BRDA' YANG THA DAD PA DER YANG DE BZHIN GSHEGS PAS SKAD KYIS 'JUG PA JI LTA BA BZHIN DU MING THA DAD PA RNAMS KYIS BDEN PA DAG LA RNAM PAR BKOD DO, ZHES GSUNGS PA'I PHYIR, RTZA RTAGS LNGA BA GRUB STE, LUNG PHRAN TSOGS LAS, MNYAN YOD, SER SKYA, YANGS PA CAN, RGYAL PO'I KHAB DANG, WAR nA SI DANG, TZAM PA KA DRUG BSHAD PA DANG, DRAN PA NYER BZHAG LAS, 'DZAM BU'I GLING NA KA SHI DANG, KO SHA LA DANG, MAG DHA'O, ,ZHES GSUNGS PA'I PHYIR, RTAGS DRUG PA GRONG KHYER DE LTAR YANG BSHAD DE, DRAN PA NYER GZHAG LAS, DE LA JI LTAR 'DZAM BU'I GLING NA, P'A t'A LI PU TRAS MGO DRANGS PAR GYUR BA'I GRONG KHYER GSUM GYI GYIS LHAG PA'I BRGYA YIN NO, ,,ZHES GSUNGS PA'I PHYIR, DES NA MED 'DI SOGS LHANG NA DA LTA GANGS TI SIR GRAGS PA 'DI GLING 'DI'I RI CHEN PA BZHI YOD PA'I NANG GI GANGS CAN DANG TI SE GNYIS KAR 'DOD PA MANG PA BYUNG BA GTAN NAS MI 'THAD PAR THAL, ,DE LTAR 'DOD PA RI BZHI'I TSAD DANG DBYIBS KYI KHYAD PAR DANG YANG 'GAL, GRANGS DANG YANG NGOS SU 'GAL BA'I PHYIR, DANG PO GRUB STE, GANGS CAN DANG TI SE GNYIS BYANG GI RI DANG 'BIGS BYED DANG M'A LA YA GNYIS LHO'I RI YIN PA'I PHYIR, DANG PO GRUB STE, GANGS BCAN DANG TI
, ,SE GNYIS LAS GANGS CAN LA RTZE RNAM PA SNA TSOGS DANG LDAN PA TSAD DPAG TSAD STONG DANG SHING SNA TSOGS SKYES PA NYAMS DGA' BDE LA MI 'AM CI GNOD SBYIN DKA' THUB CAN DANG GRUB THOB RNAMS RGYU BA DANG, GANGS CAN GYI RI DE NAS DPAG TSAD LNGA BRGYA 'DAS PA NA RI ZANGS KYI MDOG CES BYA BA DPAG TSAD NYI SHU PA PHUG STONG DANG LDAN PA YOD, DE NAS DPAG TSAD BRGYA 'DAS PAR CHU KLUNG DPAG TSAD BRGYABS BA SKOR BA YOD, DE NAS RING DU 'DAS PAR TI RTZE ZHES BYA BA'I RI DPAG TSAD BRGYA BA MDOG DKAR BA DNGUL GYI RANG BZHIN RVA LNGA YOD PA'I GSUM DNGUL DANG GNYIS SHEL DANG GSER LAS GRUB PA YIN PA'I PHYIR, DANG PO GRUB STE, DRAN PA NYER GZHAG LAS, BYANG PHYOGS KYI CHA NA RI GANG DAG YOD CE NA, NAS, GANGS CAN ZHES BYA BA'I RI RTZE MO RNAM PA SNA TSOGS PA DANG LDAN PA DANG DPAG TSAD STOD YIN TE, ZHES SOGS GSUNGS PA'I PHYIR, GNYIS PA GRUB STE, MDO DE NYID LAS, GANGS CAN GYI RIN NAS DPAG TSAD LNGA BRGYA NA, ZHES PA NAS, RI GZHAN ZANGS KYI MDOG CES BYA BA DPAG TSAD NYI SHU BA STE PHUG STONG DANG YANG DAG PAR LDAN PA YIN NO, ,ZHES GSUNGS PA'I PHYIR, GSUM PA GRUB STE, MDO DE NYID LAS, DE LAS RIN GDU 'DAS PAR GYUR BA NAS PAR SNANG DPAG TSAD BRGYA THAM
PAR YANG CHU KLUNG GIS YANGS SU BSKOR BA YIN GYI, ZHES PA NAS, DE LAS RING DU BDAS PA NA, TE RTZE ZHES BYA BA'I RI DPAG TSAD LNGA BRGYA BAR GYUR BA, MDOG DKAR BA DNGUL GYI RING BZHIN LA GSER GYI RA PHAB YONGS SU GANG PA YIN TE, DE LA 'PHAGS SKYES PO ZHES BYA BA'I RGYAL PO CHEN PO RAB TU GNAS SO, ,DE LA PADMA'I MTSE'U YOD DE, ZHES SOGS GSUNGS PA'I PHYIR, GONG GI RTAGS GNYIS PA 'BIGS BYED DANG M'A LA YA'I KHYAD PAR PAR YOD DE, 'BIGS BYED RI'I NYE 'KHOR BRGYA YOD PA LAS CHU KLUNG NANG MA D'A DANG, RLABS LDAN DANG, SHUGS LDAN DANG, NAG PO'I KHYIL BA BZHI 'BABS, RI M'A LA YIN TZAN DANG GYI NAGS TSAL GYI RANG BZHIN RING BA'AM SRID LA DPAG TSAD LNGA BRGYA DANG 'PHAGS DPAG TSAD SUM BRGYA YOD PA LAS RLABS CHEN ZHES BYA BA'I CHU KLUNG DANG BE TRA CAN ZHES BYA BA'I CHU KLUNG 'BABS PA'I PHYIR, KHYAD PAR DANG PO NI, MDO DE NYID LAS, DE LA 'BIGS BYED CES BYA BA'I RI'I NYE 'KHOR DU DPAG TSANG BRGYAD YOD PA LAS ZHES SOGS BYUNG BAS SO, ,GNYIS PA 'CHAD PAR, MDO DE NYID LAS, RI M'A LA YA ZHES BYA BA NI TZAN DANG GYI RANG BZHIN DU GYUR PAN MCHOG TU DGA' BA RING BAR GYUR BA'I DOR NI DPAG TSAD LNGA BRGYA YIN LA 'PHANG DU NI DPAG TSAD SUM BRGYA YIN NO ,,ZHES SOGS,, MDO 'DI LTAR NA DE LTAR GCIG TU MI RUNG NGO, ,GNYIS PA GRANGS DANG YANG 'GAL BAR THAL, RI BZIR BSHAD
, ,PA'I DANG PO DANG BZHI BA MI GCIG PA'I PHYIR DANG, TI RTZE LA KEE LA PA ZHES KYANG MDO 'DIR BSHAD PA'I PHYIR TA, MDO DE NYID LAS, DPER NA 'DZAM BU'I GLING RI BZHIS YONGS SU BSKOR BA YIN TE, GANGS CAN DANG 'BIG BYED DANG M'A LA YA DANG TI RTZE'O, ,ZHES DANG, YANG MDO DE NYID LAS, JI LTAR 'DZAM BU'I GLING NA RI CHEN PO RNAMS LA 'DI LTA STE GANGS CAN DANG, 'BIGS BYED DANG, M'A LA YA DANG, KEE LA BA RNAMS BZHIN NO, ,ZHES GSUNGS PA'I PHYIR, MDO 'DI LTAR NA TI RTZE SHAM BHA LA'I GANGS RI DANG 'GRIGS PAR SLA, SPYIR MDO RGYUD DE DAG RANG RANG GI GANGS CAN DANG GANGS RI'I KHYAD PAR MI 'DRA BAS KUN GCIG MA BYED CIG, SMRAS PA, MDO RGYUD SO SO'I BSHAD SROL LHA RDZAS KYI, ,LUGS MANG BKRA BA'I RI MO MO SHES PAR, ,RI GLING MING TZAM BRIS PA'I CHOS MNGON PA, ,BSHAD DANG SHES PAR RLOM PA GNYID NA MDZES, ,BYE MDO'I GRUB MTHA' TZAM YANG MI SHES PAR, ,MDO RGYUD DKA' GNAS MTHONG TSAD BSHAD 'DOD PA'I, ,BLUN SGOM RTZOM PA SMYON PA'I ZLOS GAR DE, ,GCIG MIN BDE 'DIR LUNG BA 'GA' 'GAR YOD; ;SNGON TSE THUB DBANG SPYAN SNGAR KHAS BLANGS PA'I, ,RGYAL SRAS RNAMS DANG LHA KLU DRI ZA'I BAR, ,NONGS SAM GZIMS MA MA THUB BSTAN SDE SNOD GSUM, ,LEGS BSHAD LHA YI RNGA DE DAG RDUNGS SHOG,
RGYAL BA SRAS BCAS KUN GYIS PAD DKAR LTAR, ,BSNGAGS PA DON LDAN 'GRO BA'I GNYEN GCIG GYI, ,GSANG GSUM SPRUL BA'I BKOD PA BYE BA YIS, ,BSTAN PA'I RGYAL MTSAN PHYOGS BCUR BSGRENG PAR MDZOD, CES PA'ANG BAR SKABS KYI TSIGS SU BCAD PA YID LA BRNAG PA'I GLUR SMRAS SO, ,GSUM PA TSA GRANG DMYAL BA'I GNAS 'CHAD PAR, 'DI 'OG STONG PHRAG NYI SHU NA, ,NAS, CHU BUR CAN SOGS GRANG BRGYAD GZHAN, ,ZHES BYUNG; SHES BYA CHOS CAN, 'DZAM GLING 'DI'I 'OG DPAG TSAD STONG PHRAG NYI SHU NA DMYAL BA MNAR MED PA'I YAS STENG YOD DE, DE NAS THUR LA DE'I RNGAMS DPANG DANG RGYA TSAD KYANG DPAG TSAD STONG PHRAG NYI SHU DE TZAM RE YOD PAR MTSUNGS PA'I PHYIR TE, RANG 'GREL LAS, 'DZAM BU'I GLING 'DI NYID KYI 'OG DPAG TSANG NYI KHRI NA DMYAL BA CHEN PO MNAR MED YOD DE, ZHES SOGS BYUNG, 'DI'I 'GO CES PA'I NGES BZUNG GI DON YOD DE, MDZONG LTAR NA GLING 'DI LAS GZHAN GYI 'OG NA YOD PA GCOD PA GANG ZHIG, SA SNGE LTAR NA MA DROS PA'I 'OG TU YONG PAR BSHAD PA'I PHYIR, DANG PO GRUB STE, 'DZAM GLING GI NGOS GSUM LA DPAG TSANG STONG PHRAG GSUM RE DANG GCIG LA DPAG TSAD PHYED DANG BZHI YIN KYANG DMYAL BA CHEN PO BRGYAD NYE 'KHOR DANG BCAS PA DANG DE'I PHA ROL TU GRANG DMYAL SOGS YOD PA NI GLING ZHABS RGYA CHE BA'I DBANG GIS YIN PA'I PHYIR, DPER NA 'BRU PHUNG BO
, ,BZHIN, RANG 'GREL LAS 'DZAM BU'I GLING 'DI TZAM GYI 'OG NA MNAR MED PA LA SOGS PA'I GO SKABS GAL YOD CE NA GLING RNAMS NI 'BRU'I PHUNG PO BZHIN DU ZHABS RGYA CHE BA YIN TE, ZHES SOGS GSUNGS PA'I PHYIR, 'DI LTAR NA MTSO LA ZHIB CHA RE DANG GLING 'DI NA LAS RTZUB PO YOD PA'I DBANG GIS YIN PA'I PHYIR TE, GANG SPEL LAS, 'DZAM BU'I GLING 'DI NYID KYI ZHES BYA BA LA YANG CI'I PHYIR 'DZAM BU'I GLING 'DI NYID KYI YIN GYI GZHAN GYI MA YIN ZHE NA, 'DZAM BU'I GLING KHO NA LAS NGAN PA KUN DU SPYOD PA'I PHYIR DANG, MTSON CHAR 'GYUR BA'I LAS YOD PA'I PHYIR DANG, DBANG PO RNON PO YIN PA'I PHYIR ZHES ZER RO, ,ZHES GSUNGS PA LTAR YIN PA'I PHYIR, RTAGS GNYIS PA GRUB STE, SA LAS GANGS RI NI MA DROS PA'I NYE 'KHOR NA YOD DE, ,DE'I 'OG NA SEMS CAN DMYAL BA CHEN PO RNAMS KYI GNAS YOD DE, SEMS CAN DMYAL BA BRGYAD DANG NYI TSI BA'I SEMS CAN DMYAL BA DANG GRANG BA'I DMYAL BA RNAMS DANG, NYE 'KHOR GYI DMYAL BA RNAMS DANG, DUD 'GRO DANG YI DVAGS KHA CIG GNAS SO, ,ZHES GSUNGS PA'I PHYIR, 'DI DANG 'GAL MI DGOS, SGRA DON YOD DE, SDUG BSNGAL LA BAR CHAD MED BAS NA MNAR MED, CES GSUNGS PA'I PHYIR DANG, KHA CIG BDE BA'I SKABS MED PAS NA ZER BA SOGS YOD, SHES BYA CHOS CAN, DE'I STONG NA TSA
DMYAL BDUN YOD DE, MNAR MED DE'I STENG NA BUM PA'I NANG DU 'TSED PA LTAR SHIN TU TSA BA'I RAB CHA DANG, LCAGS KHANG ME 'BAR BA'I NANG DU BSREG PAS TSA BA DANG, BSREG PA'I SDUG BSNGAL RAB TU CHE BAS CHO DE 'DEBS BAS NA DU 'BOD CHEN PO DANG, BSREGS PA'I SDUG BSNGAL GYIS SKRAG PAS NGA RO 'BYIN PAS DU 'BOD DANG DMYAL SRUNG RNAMS KYIS RI RA LUG SOGS SU BSDUS NAS 'JOMS PAS NA BSDUS 'JOMS DANG, LUS LA DMYAL SRUNG GIS THIG NAG PO BTAB NAS SOG LES GSHAGS PAS NA THIG NAG DANG, PHAN TSUN MTSON GYIS BTAB STE BRGYAL ZHING 'GYEL BA NA RLUNG GIS BTAB PAS SAM NAM MKHA' NAS YANG SOS PAR GYUR CIG GI SGRA 'BYUNG BAS NA YANG SOS TE BDUN PO GONG NAS GONG DU MAS RIM NAS GNAS PA'I PHYIR DANG, MNAR MED PA'I GLO NA GNAS PAR 'DOD MKHAN YANG YOD PA'I PHYIR TE, RANG 'GREL LAS, MNAR MED PA DE'I STENG NA DMYAL BA BDUN PO NAS, GONG NAS GONG DU GNAS SO GZHAN DAG MNAR MED PA'I GLO DAG NA GNAS SO ZHES ZER RO, ,ZHES GSUNGS PA'I PHYIR, TSA DMYAL BRGYAD PO RE RE LA'ANG LHAG MA 'KHOR BCU DRUG BCU DRUG YOD DE, BRGYAD PO DE DAG NGOS BZHI BO RE RE NA ME MA MUR GYI'O BAS DANG, RO MYAGS KYI 'DAM DANG, SPU GRIS GTAMS PA'I LAM SOGS DANG, THAL CHEN GYI CHU BO RAB MED DE BZHI BZHI LA LCAGS RIS BSKOR
, ,BSGO'I THAD DU RIS CHAD PAR GNAS PA'I PHYIR DANG, SOGS SGRAS BSDUS PA RAL GRI LO MA'I NAGS TSAL DANG, LCAGS KYI SHAL MA LA'I SDONG PO DANG, KHYI SRE BO LCAGS KYI MCHE BA CAN DANG; BYA KHA TA LCAGS KYI MCHU CAN DANG, BZHI GCOD PAR 'DRA BAS GRANGS GCIG TU BYAS PA BSDUS PA'I PHYIR TE, RTZA BAR, BRGYAD PO KUN LA LHAG BCU DRUG, CES DANG, MDO LAS KYANG, RE RE LA YANG LHAG BCU DRUG, RTZIG PA BZHI DANG SGO BZHI STE, ,RNAM PHYI RIS SU CHANG BA YIN, ,ZHES SO, ,LHAG PA'I DON GRANGS SAM BLA LHAG GI DON YIN GYI GNOD PA CHER LHAG PA'I DON MA YIN TE, DMYAL BA SNGA MA LAS MI CHE BA'I PHYIR DANG, GANG SPEL LAS, LHAG PA'I SGRA NI BLA LHAG PA'I DON TO, ,'DI DAG TU LHAG PAR 'BYINGS PA LHAG PA YIN GYI LHAG PAR GNOD PA MIN TE, ZHES GSUNGS PA'I PHYIR, TSA DMYAL LAS GZHAN GRANG DMYAL BRGYAD KYANG TSAD MYAL BRGYAD KYI THAD KAN YOD DE, GRANG BAS NYEN PAS LUS CHU BUR CAN DANG, DE BZHIN DU CHU BUR RDOL BA CAN DANG, SO THAM THAM PA DANG, AA CHU ZER BA DANG, KYI HUD ZER BA DANG, LUS GRANG PAS AUTPAL GYI 'DAB BAM LTAR GAS PA DANG, PADMA'I 'DAB MA LTAR GAS PA DANG, PADMA'I 'DAB MA LTAR CHER GAS PA BRGYAD YOD PA'I PHYIR TE, RTZA BAR, CHU BUR CAN SOGS GRANG BRGYAD GZHAN, ,ZHES
DANG; RANG 'GREL LAS, DE DAG KYANG 'DZAM BU'I GLING 'DI NYID KYI 'OG DMYAL BA CHEN PO RNAMS KYI THAD KAN YOD DO, ,ZHES GSUNGS LA, RGYA MTSO DANG NYE BAR GNAS PA DANG LCAGS RI'I NGOS GCIG NA MUN PAR GNAS PA'I LUGS GCIG GANG SPEL LAS BSHAD DO, ,DMYAL SRUNG LA 'DOD TSUL GNYIS YOD DE, THIG NAG PO 'DEBS MKHAN SOGS MDO SDE PAS 'BYUNG BZHI'I KHYAD PAR LA 'DOD, ,BYE SMRAS GANG ZAG TU 'DOD CING, MDO SDE BA LTAR DBU SEMS KYANG 'DOD LA, DMYAL BA'I GSHIN RJE NI GANG ZAG TU THAMS CAD KYIS 'DOD PA'I PHYIR, DES NA KHA CIG GSHIN RJE YANG 'BYUNG BZHI DANG 'KHRUL SNANG DU 'DOD PA NI MA RIGS PAS NONGS SO, ,SHES BYED DANG SGRUB BYED SHIN TU GSAL BAR YOD DE, CHOS LDAN RAB 'BYOR GYIS, SDUG BSNGAL LA DGA' DE DAG NI, ,GSHIN RJE SRIN POR SKYE BAR 'GYUR, ,ZHES DANG, RANG 'GREL LAS, GSHIN RJE SRIN PO ZHES BSHAD KYIS GANG DAG LAS RNAMS BYED PA NI MA YIN NO, ,ZHES DANG, SA LAS, DE'I 'OG TU SEMS CAN GANG YANG RUNG BZHIG BDAG POR 'GYUR BA'I LAS KUN NAS NYON MONGS PA CAN GYIS SEMS CAN DMYAL BA RNAMS NA PA SHIN RJE'I RGYAL POR SKYE BAR 'GYUR RO, ,DE'I 'OG TU SEMS CAN DMYAL BA'I SRUNG MA RNAMS NI SPRUL BA LTA BUR 'BYUNG BAR 'GYUR RO, ,ZHES GSUNGS PA'I PHYIR, NYI TSE BA'I DMYAL BA'I GNAS LA NGES PA MED
, ,DE; DMYAL BA CHEN PO DANG NYE BA NA YANG YOD LA, MI'I YUL RGYA MTSO'I 'GRAM SOGS NA'ANG LUNG DANG RNA BA BYE BA RI'I GTAM RGYUD LTA BU YIN PA'I PHYIR, YI DVAGS KYI GNAS YOD DE; GLING 'DI'I 'OG DPAG TSAD LNGA BRGYA 'DAS PA NA YI DVAGS KYI GRONG KHYER SER SKYA YOD, ,DE LAS RGYAL PO'I KHAB ZHES BYA BA NA GSHIN RJE'I CHOS KYI RGYAL PO LA 'KHOR YI DVAGS RIGS MI 'DRA BA SUM CU RTZA DRUG GIS BSKOR BA YOD PA'I PHYIR TE, RANG 'GREL LAS, YI DVAGS RNAMS KYI RGYAL BO NI GSHIN RJE ZHES BYA BA YIN NO, ,DE DAG GI GNAS KYI RTZA BA NI RGYAL BO'I KHAB NI 'DZAM BU'I GLING 'DI'I 'OG DPAG TSAD LNGA BRGYAS BCAD PA NA YOD DE; ZHES DANG, DRAN PA NYER BZHAG LAS, LTO GUG KHA KHAB LTAR PHRA BA DANG, ZHES SOGS GSUNGS PA'I PHYIR, DE LAS KYANG CHOS KYI RGYAL PO'I PHO BRANG DANG YI DVAGS GZHAN 'GA' ZHIG KYANG GSER GYI KHANG PA SOGS LHA'I DPAL 'BYOR LTA BU YOD DE, DE NI RTZA BA'I GNAS YIN LA DER MA ZAD DRAN NYI LTAR NA RGYA MTSO'I MTHAR NYE BA NA YANG DE LAS 'PHROS PA'I GSHIN RJE'I SRID PA GSER DRI MA MED PA'I KHANG BA RTAB BAB RIN PO CHE SNA TSOGS KYIS SPRAS PA, RGYAR DPAG TSAD BRGYA YOD PA NYI MA GNYIS PA LTA BU YOD LA, DE LAS RGYA MTSO YANG MA NUS PAS MI BSGRIBS PA YIN PA'I PHYIR TE, RANG 'GREL LAS, DE LAS YI DVAGS RDZU 'PHRUL CHEN PO KHA CIG NI LHA'I
DPAL LTA BU YANG NYAMS SU MYONG NGO, ,ZHES DANG, DRAN PA NYER GZHAG LAS KYANG, DE LAS 'DAS PAR GYUR NAS NI DGA' BAR GYUR BA'I GSHIN RJE'I SRID PA YIN TE, LHA RDZA KYI 'DZAM BU'I CHU BO'I GSER DRI MA MED PA'I KHANG BA DANG RTA BABS THAMS CAD KYANG RIN PO CHE RNAMS KYIS MDZES PA, ZHES PA NAS, RGYAR NI DPAG TSAD BRGYA YOD PA NYI MA GNYIS PA DANG MTSUNGS PA YIN NO, ,ZHES SOGS GSUNGS PA'I PHYIR, KHA 'THOR BA MI'I YUL NA'ANG YOD DE, LUNG GZHI LAS, BDAG CAG NGAG RTZUB KHRO LDAN ZHING, ,BDAG CAG SER SNAS 'JUNGS PAS NA, ,SBYIN BA CUNG ZAD MA BTANG DES, ,BDAG CAG YI DVAGS 'JIG RTEN LHAG, ,ZHES SOGS KYIS BSHAD DUD 'GRO'I 'OG NAS YOD DE, RTZA BA'I GNAS PHYI'I RGYA MTSO NA CHANG GI SPANG MA LTAR GNAS SHING, KHA 'THOR BA THANG DANG CHU DANG NAM MKHA' SOGS LA GNAS PA'I PHYIR TE, RANG 'GREL LAS, DUD 'GRO NI THANG DANG CHU DAG NAM MKHA'I SPYOD YUL DAG YIN NO DE DAG GI RTZA BA NI RGYA MTSO CHEN PO YIN TE, GZHAN NI DE LAS 'PHROS PA DAG YIN NO, ,ZHES SO, ,LHA MA YIN GYI GNAS YANG YOD DE, RI RAB KYI CHU MTSAMS MAN CHAD KYI KHONG SENG NA GTZO BOR GNAS LA, KHA 'THOR BA NI DRAN NYE LTAR NA 'DZAM GLING 'DI'I LHO PHYOGS RGYA MTSO NA GNAS PA'I DBANG CHEN RIL RKANG GCIG PA DANG, BU MED KHYI GDONG CAN SOGS DANG, DE'I PHA ROL RGYA MTSOR DPAG TSAD STONG PHRAG NYI
, ,SHU BRGAL BA NA T'A LA'I PHRENG BA ZHES PA'I RI RIN PO CHE SNA TSOGS KYI RANG BZHIN CAN RING SHUNG LA DPAG TSAD STONG PHRAG LNGA DANG 'PHANGS DPAG TSAD BRGYA DANG DNGUL GYI RVA BCO LNGA YOD BA LA LHA MA YIN RDZU 'PHRUL CHEN PO CAN RNAMS GNAS SHING, LHA'I BU MO RI DE LA RTZE BA LA LHA MA YIN GYIS MTHO 'TSAMS BYED PAS LHA DANG LHA MIN 'KHRUG PA DE YIN PA'I PHYIR TE, DRAN PA NYER BZHAG LAS, T'A LA'I PHRENG BA ZHES BYA BA'I RI SHEL DANG BEE d'U R+YA DANG, ZHES PA NAS, DE LA LHA MA YIN GYI RDZU 'PHRUL DANG LDAN PA RNAMS 'DOD PAR GYUR BA'I SGRA DANG REG BYA DANG RO DANG DRI RNAMS KYIS DGA' ZHING RTZE BAR BYED LA YONGS SU SBYOD PAR BYED DO, ,RI 'DI'I RING BAR GYUR BA'I NGO BO NI DPAG TSAD STONG PHRAG LNGAR GYUR BA YIN LA, NAS, DE LA NI LHA'I BU MO RNAMS RTZE BAR BYED DO, ,ZHES SOGS KYIS BSHAD, DE YANG CHU MTSAMS MAN CHAD LA DE GNAS TSUL YOD DE, GDAGS BA LTAR NA CHU MTSAMS NAS DPAG TSAD KHRI DANG TSIG STONG 'DAS PA NA GRONG KHYER 'OD CAN NA LHA MIN GYI SGRA GCAN DANG, DE NAS DE TZAM 'DAS PAR SKAR 'PHRENG NA MGUL PHRENG DANG BRTAN PA GNYIS GNAS, DE'I DBUS SU RGYA MTSO KUN GSAL ZHES BYA BA LA LNGA DANG LHA MIN RGYAL PHAM ME LONG LA GZUGS BRNYAN LTAR 'CHAR BA YOD, DE NAS DPAG TSAD SNGAR LTAR 'DZAS PA NA ZAB PA'I GRONG NA ME
TOG PHRENG DANG, DE NAS DPAG TSAD DE LTAR 'DAS PA NA GRONG KHYER GSER LDAN NA LHA MIN GYI DBANG PO THAG BZANG RIS GNAS SHING, GRONG KHYER DE RNAMS LA DPAG TSAD BRGYA STONG RE YOD PAR MTSUNGS PA'I PHYIR, LHA MIN RNAMS KYI KHYAD CHOS YOD DE, SUM CU RTZA GSUM LTAR SUNG MA DANG, LTAN SDUG GI DOD DU GSER LDAN DANG, SRANG DANG 'O BAS DANG, ZAM PA DANG RNAM PAR RGYAL BA'I KHANG BZANG GI DOD DU PHO BRANG GTAM PA CAN DANG, SHING YONGS 'DU'I DOD DU SHING TZE TA PA LI DANG CHOS BZANG GI DOD DU NOR BZANG DANG, RDO LEB DKAR BO'I DOD RDO LEB BZANG PO DANG, TSAL BZHI'I DOD KUN TU DGA' BA DANG, RAB TU DGA' BA DANG, DGA' BA DANG, KUN TU RAB TU DGA' BA DANG, SA GZHI BZHI'I DOD SA GZHI KUN TU DGA' MA DANG, RAB DGA' MA DANG, DGA' MA DANG, KUN TU RAB DGA' MA STE BZHI DANG, GLANG CHEN G-YUL NGOR SBYOD PA'I DOD GLANG CHEN BZOD DKA' DANG, SKYED MOS TI SA'I DOD GANGS BRTZEGS MA DANG, RTA'I DOD RTA'I RGYAL BO GRANGS 'JIGS ZHES BYA BA THAMS CAD KYANG BRGYA BYIN LA 'GRAN PAR BYED PA'I PHYIR TE, GDAGS PA LAS, SRUNG MA LHA YI GRONG KHYER SRANG DANG RNAM RGYAL BYED, ,CHOS BZANG RGYU BA'I LAM DANG 'OBS DANG SKYED MOS TSAL, ,SA GZHI DANG NI YONGS 'DUS BRDOL GLANG CHEN RNAMS, ,LTA MIN RNAMS KYIS 'ANG DE DANG 'DRA BAR YOD, ,CES SO, ,SMRAS PA, 'PHAGS YUL MA BGROD RGYAN DRUG SLOB BCAS
, ,LUGS, ,MA 'KHRUL MED RGYUD ME LONG NANG BZHIN DU, ,SKAD CIG 'CHAR BA'I LEGS BSHAD KUN GSAL MA, ,NYI MAS GSAL LAM 'OD STONG SPRO DE SU, ,GANGS LJONGS MKHAS DBANG DRANG SRONG BRGYA PHRAG GIS, ,MA THON CHOS MNGON SNOD BCUD RLABS KYI PHRENG, ,MA 'DRES DREGS SGROGS GANGG'A'I RGYUN CHEN PO, ,LEGS PAR DRANGS SO LHA DANG MI RNAMS KYI, ,ZHES PA'ANG BAR SKABS KYI TSIGS SU BCAD PA SNYAN PA'I MA DHU RA'O, ,BZHI PA NYI ZLA'I 'CHAR TSUL LA, DNGOS DANG, DUS TSIG GI RNAM GZHAG BSHAD PA GNYIS, DANG PO 'CHAD PAR, NYI ZLA LHUN PO'I PHYED NA'O, ,NAS, NYI MA PHYED DANG 'CHAR DUS GCIG ,CES BYUNG, SHES BYA TSES CAN, NYI ZLA'I 'CHAR TSUL SOGS KYI KHYAD PAR YOD DE, NYI ZLA'I RTEN GYI DANG, MTHO DMAN GYI DANG, TSAD KYI DANG, NGO BO DANG, BYED LAS DANG, GLING BZHIR BYA DBYED TSUL GYI KHYAD PAR TE DRUG RNAMS SU YOD PA'I PHYIR, DANG PO NI, DE GNYIS CHOS CAN, RTEN GYI KHYAD PAR RLUNG LA BRTEN PA YIN TE, SEMS CAN THAMS CAD KYI THUN MONG GI LAS KYI DBANG GIS PAR SNANG LA NYI ZLA SKAR GSUM 'PHUL BYED KYI RLUNG DAG GRUB STE RLUNG DE DAG GIS RI RAB LA KLONG BZHIN DU 'KHOR BA'I PHYIR, DE YANG DUS 'KHOR GYI GO LAR 'KHRUL NAS RLUNG GCIG TU 'DOD MI RUNG STE, NYI ZLA SKAR GSUM GYI BZHON BA'I RLUNG
SO SOR NGES PA'I PHYIR TE, MGYOG BUL DANG LHO BYANG GI BGROD PA MI GCIG PAR MNGON SUM GYIS GRUB PA'I PHYIR, RANG 'GREL LAS KYANG, YANG NYI MA DANG ZLA BA 'DI DAG CI LA BRTEN ZHE NA RLUNG LA STE, SEMS CAN THAMS CAD KYI THUN MONG GI LAS KYI DBANG GIS BAR SNANG LA NYI MA DANG ZLA BA DANG SKAR MA RNAMS 'PHUL BAR BYED PA'I RLUNG DAG GRUB STE RI RAB LA KLONG BZHIN DU 'KHOR RO, ,ZHES GSUNGS PA'I PHYIR, KHYAB STE, RLUNG DAG CES PAS GCIG MA YIN PAR BSHAD LA NYI MA DANG ZLA BA 'PHUL BYED RE RE DANG SKAR MA PHAL CHER GO LA'I RLUNG GCIG GIS 'PHUL BAR RAGS BSHAD LA 'DIR RUNG BA'I PHYIR, DRAN PA NYER BZHAG LAS, RTA GCIG YIN KYANG BDUN DU 'CHAR BAS NYI MA DRANGS PAR BSHAD RGYAS PAR MTHA' DPYOD DU 'CHAD, KHYAD PAR GNYIS PA 'CHAR SA'I MTHO DMAN BZHAG TU YOD DE, LHUN PO'I CHU MTSAMS YAN CHAD KYI PHYED RI GNYA' SHING 'DZIN GYI RTZE MO DANG MNYAM PA NAS RGYU BA'I PHYIR TE, RANG 'GREL LAS, JI LTAR GNYA' SHING 'DZIN GYI RTZE MO DANG MNYAM PA NAS RGYU'O, ,ZHES SO, ,LHO BYANG BGROD DUS KYI GLING SO SO LA MTHO DMAN MI MNYAM STE, THUR SHING GRIB MAS SHES PA'I PHYIR TE, LHO BGROD DMA' LA BYANG BGROD MTHO BA'I PHYIR RO, ,GSUM PA TSAD YOD DE, ZLA BA'I DKYIL 'KHOR GYI RGYA TSAD NI DPAG TSAD LNGA BCU DANG, NYI MA'I DKYIL 'KHOR GYI RGYA TSAD DPAG TSAD NGA GCIG NGANG GNYIS KA'I MTHA' BSKOR NI SUM 'GYUR DANG, GNYIS KA'I RDAMS SU DPAG TSANG PHYED DANG
, ,DRUG DANG GCIG GI BCO BRGYAD KYI CHA GCIG YOD PA'I PHYIR TE, RTZA BAR, DPAG TSAD LNGA BCU GCIG DANG BCAS, ,ZHES SO, ,BZHI PA NGO BO'I KHYAD PAR YOD DE, NYI MA NI 'OG NGOS KYI RGYU ME SHEL LAS GRUB PA DANG ZLA BA'I 'OG NGOS KYI RGYU CHU SHEL LAS GRUB PA, GNYIS KA'I STENG NA GSER GYI RAB 'PHANG DU DPAG TSAD PHYED PAS BSKOR BDE LA RTZIG SKYAB RIN PO CHE SNA BZHI LAS BYAS PA'I 'OG GZHI TSON SNA BRGYA RTZA GCIG GIS BKRAB DANG RIN PO CHE LAS GRUB PA'I GZHAL YAS KHANG DANG SKYED MOS TSAL DANG DPAG BSAM GYI SHING DANG ME TOG MAN DHA RA PA SOGS DANG BCAS PAR LHA'I BU NYI MA DANG ZLA BA GNYIS 'KHOR BCAS SO SOR GNAS PA DE YIN PA'I PHYIR; SHEL GNYIS KYI NGO BO YOD DE, ME KHAMS SHAS CHE BA'I SHEL NI ME SHEL DANG, CHU KHAMS SHAS CHE PA'I SHEL NI CHU SHEL YIN PA'I PHYIR TE, RANG 'GREL LAS KYANG, NYI MA'I GZHAL MED KHANG GI 'OG GI PHYI ROL NI ME SHEL GYI DKYIL 'KHOR TSA BAR BYED BA DANG, SNANG BAR BYED PA MNGON PAR GRUB BO, ,ZLA BA'I GZHAL MED KHANG GI CHU SHEL BSIL BAR BYED PA, ZHES DANG, GANG SPEL LAS, SHEL NI RNAM PA GNYIS YIN TE, [?] ME'I KHAMS SHAS CHE BA DANG, CHU'I KHAMS SHAS CHE BA'O, ,ZHES GSUNGS BA'I PHYIR, DE LTAR MA SHES PAR BOD RGAN RNAMS KYIS RIN CHEN BRTAGS PAR SHEL DKAR DMAR DANG, NYI MAR BSTAN NAS ME 'BYUNG BA
ME SHEL DANG, ZLA BAR BSTAN NAS [?] 'CHU 'BYUNG BA CHU SHEL DU 'DOD PA SHIN TU BLUN NO, ,DE DAG LA ME CHU 'BYUNG BA NYI ZLA'I DKYIL 'KHOR GSAL BAR 'CHAR THUB PA'I NUS PA YIN GYI, RANG GI KHAMS KYI NUS PA MA YIN NO, ,SKAR MA'I TSAD DANG GRANGS YOD DE, GDAGS PA LAS, CHE BA RGYAD GRAGS BCO BRGYAD DANG 'BRING RGYAD GRAGS BCU NAS BCU GNYIS PAR DANG CHUNG BA RGYAD GRAGS GSUM YOD PAR BSHAD LA, RGYU CHU SHEL LAS GRUB CING STENG 'DRA, GRANGS GLING BZHI GCIG LA SKAR MA DUNG PHYUR GNYIS DANG BYE BA BRGYAD SA YA LNGA YOD PA'I PHYIR, LNGA BA BYED LAS YOD DE, NYE MAS TSA BA DANG, MIG LA GNOD PA DANG, ZLA BAS BSIL [?] BYA DANG MIG LA PHAN PA DANG, GNYIS KAS KYANG YUL DANG DUS KYI GNAS SKABS KYI KHYAD PAR DANG, LUS RANG 'BRAS BU DANG ME TOG DANG LO TOG DANG SMAN RNAMS LA PHAN PA DANG GNOD PA CI RIGS BYED PA'I PHYIR, KHA CIG GIS LUS SOGS LA PHAN PA KHO NAR BSHAD PA 'GREL BSHAD RANG 'GAL BA'I PHYIR TE, RANG 'GREL LAS, CI RIGS BAR MIG DANG LUS, ZHES SOGS DANG, RGYAL SRAS MA LAS, CI RIGS PAR ZHES BYA BA NI DKYIL 'KHOR DE GNYIS YUL DANG DUS KYI GNAS SKABS KYI KHYAD PAR DANG MTHUN PAR MIG LA SOGS PA LA PHAN 'DOGS PAR BYED BA DANG GNOD PAR BYED BDAG YIN NO, ,ZHES GSUNGS PA'I PHYIR RO SLA, DRUG BA BYA BA BYED TSUL YOD DE, GLING BZHI GCIG LA ZLA BA GCIG DANG NYI MA GCIG GIS BYA BA
, ,BYED PA'I PHYIR GLING BZHIR NYI MAS BYA BA GCIG CAR MI BYED DE, SGRA MI SNYAN DU NAM PHYED BA DE'I TSE LUS 'PHAGS LA NYI MA NUB BA DANG, 'DZAM BU'I GLING DU NYI MA PHYED BA DANG BA LANG SPYOD DU NYI MA SHAR BA BZHI DUS MNYAM PA'I PHYIR TE, RTZA BAR, NAM PHYED, SOGS SO, ,DES NA DU MAS NYI MAS GLING BZHIR BYA BA GCIG CAR BYED PAR 'DOD BA MI 'THAD PAR THAL, RANG 'GREL LAS, GLING BZHI PO DAG TU NYI MAS GCIG CAR BYA BA BYED DAM ZHE NA MA YIN NO, ,ZHES GSUNGS PA'I PHYIR DANG, NYI MAS MUN BA NANG MTSAN MO BYED BAR 'DOD BA NYIN BYED CES PA'I MING DON MA MGO BA DANG 'JIG RTEN RGAN PO LAS KYANG RMONGS PA'I PHYIR, ,GNYIS PA 'CHAD BAR, DBYAR GYI ZLA BA GNYIS PA YI, ,NAS, RANG GI GRIB MAS 'GRIB BAR SNANG, ,ZHES BYUNG, 'DI LA TSIG DON, SPYI DON, MTHA' DPYAD PA GSUM, DANG PO NI, SHES BYA CHOS CAN, DUS TSIG LA GSUM DU PHYE BA'I DBYAR ZLA DANG BO GRO ZHUN GYI ZLA BA DANG, DBYAR ZLA GNYIS PA KHRUM ZLA BA'I PHYOGS THAM YAR NGO'I TSES BDUN NAM BRGYAD LA NYIN MTSAN MNYAM PA LAS DGU NAS NYIN MTSAN RING THUNG GO LDOG NAS THANG GCIG RES MTSAN MO RING BAR 'GYUR TE, DE NAS ZLA BA GSUM GYI BAR DU ZLA BA RE LA THANG CIG SUM CU'AM YUD TZAM RE MTSAN MO 'PHEL TE MTSAN MO YUD TZAM BCVO BRGYAD KYI BAR DU 'PHEL PA DANG, DGUN NYI'I 'GROD PA LDOG CING DE
NAS ZLA BA GSUM GYI BAR DU ZLA BA RE LA THANG CIG SUM CU 'AM YUD TZAM RES NYIN MO RING DU SONG BA DANG MTSAN MO THUNG DU GYUR BA LAS DGUN NYI MA LOG BA'I DUS DE NAS ZLA BA PHYED GNYIS 'DAS BA DUS TSIG GSUM DU PHYE BA'I DGUN GYI MGO RGYAL MCHU DBO'I ZLA BA BZHI'I ZLA BA BZHI BA DA BO ZLA'I YAR NGO'I TSES BRGYAD LA DPYID NYIN MTSAN MNYAM PA BYUNG NAS TSES DGU NAS MTSAN MO THANG GCIG RES THUNG DU DANG NYIN MO THANG GCIG RES RING DU 'GYUR ZHING, DE NAS ZLA BA GSUM GYI BAR DU ZLA BA RE LA MTSAN MO YUD TZAM RE BRI, NYIN MO YUD TZAM RE 'PHEL PAS NYIN MO YUD TZAM BCO BRGYAD DANG NYI MA BYANG BGROD MTHAR THUG PA DANG DBYAR NYI LDOG DUS GSUM ZHAG GCIG LA 'BYUNG BA'I PHYIR TE, RANG 'GREL LAS, NYI MA'I BGROS KYI BYE BRAG LAS, 'DI NA NYIN MO DANG MTSAN MO RNAMS RING THUNG DU 'GYUR TE, ZHES PA NAS, DE BZHIN DU DGUN RNAMS KYI ZLA BA BZHI BA'I TSES DGU NAS THUNG DUR ZHES BYA BAR SBYAR TE, ZHES GSUNGS PA'I PHYIR, DES NA MDZOD RTZA 'GREL GYI TSIG ZIN 'DI LTAR NA SNON ZLA'I TSES BRGYAD LA DBYAR NYI LDOG PA, DPYID RA BA DPO ZLA'I TSES BRGYAD LA DPYID NYIN MTSAN MNYAM PA YIN TE, DBYAR NYI LDOG DUS DE LTAR GANG ZHIG ,DPYID MNYAM YANG DE LTAR 'THAD PA'I PHYIR, DANG PO GRUB STE, DBYID RA'I TSES BRGYAD LA DPYID MNYAM BYUNG BA'I PHYIR, RTAGS, DGUN RNAMS KYI NI BZHI BA LA, ,THUNG DUR 'GYUR ROS GRUB, KHYAB STE,
, ,DPYID MNYAM BYUNG BA'I ZHAG DE'I PHYI NYIN NAS NYIN ZHAG DGU BCU LON PA NA DBYAR NYI LDOG PA'I PHYIR, DER THAL, ZHAG DE NAS YUD TZAM GSUM 'PHEL DGOS YUD TZAM RE LA THANG CIG SUM CU YOD CING ZHAG RE LA THANG GCIG RES NYIN MTSAN SKYE PRI BYED PA'I PHYIR TE, RTZA BAR, NYIN MTSAN RING BA THANG CIG GO ,ZHES DANG, DRUG CU LA NI THANG CIG GO ,YUD TZAM NYIN ZHAG ZLA GSUM NI, ,GONG NAS GONG DU SUM CUR 'GYUR, ,ZHES SO, ,GNYIS PA GRUB STE, DGUN ZLA RA BA MGO ZLA'I TSES BRGYAD LA DGUN NYI LHO BGROD MTHAR THUG PA 'BYUNG BA'I PHYIR, DER THAL, STON RA KHRUM ZLA'I TSES BRGYAD LA STON MNYAM 'BYUNG BA'I PHYIR TE, RTZA BAR, DBYAR GYI ZLA BA YI, ,THA MA'I TSES DGU NAS MTSAN RING, ,ZHES PA'I DON GRUB PA'I PHYIR, SHES BYA CHOS CAN, NYIN MTSAN RING THUNG DU 'GYUR BA'I TSAD YOD DE, NYIN MO'AM MTSAN MO RING BA DANG THUNG BAR ZHAG REL THANG CIG RES RING THUD DU 'GYUR PA'I PHYIR, DER THAL, THANG CIG GI CHED ZHAG GCIG LA CHA DGU BRGYAR BYAS PA'I CHA GCIG LA BYED PA'I PHYIR TE, RTZA BAR, NYIN MTSAN RING BA THANG CIG GO ;ZHES SO, ,SHES BYA CHOS CAN, NYIN MTSAN RING THUNG DU 'GYUR BA'I DUS DANG RGYU MTSAN YOD DE, NYI MA LHOR 'GRO TSE MTSAN RING NYIN MO THUNG, BYANG DU 'GRO TSE NYIN MO RING MTSAN MO THUNG BA YIN PA'I PHYIR TE, LHOR
BGROD TSE 'DZAM BU'I GLING LAS DPAG TSAD PHYED DANG DRUG GCIG GI BCO BRGYAD KYI CHA GCIG RGYA MTSO'I STENG NAS 'CHAR BA DE'I TSE BGROD PA DMA' BA'I DBANG GIS 'CHAR 'PHYI LA NUB SNGA BAS NYIN MO THUNG MTSAN MO RANG LA, BYANG BGROD KYI TSE BGROD PA MTHOR SONG BA'I DBANG GIS 'CHAR SNGA LA NUB 'PHYI BA'I DBANG GIS NYIN MO RING LA MTSAN MO THUNG PA'I PHYIR, RANG 'GREL LAS, NYI MA 'DZAM BU'I GLING GI LHO PHYOGS KYI NGOS SU 'KHOR BA NA MTSAN MO RING NGO, , BYANG PHYOGS SU 'GRO BA NA NYIN MO RING NGO, ,ZHES SO, ,DE CHOS CAN, TSES GSUM LA ZLA BA'I DKYIL 'KHOR YONGS SUM RDZOGS PA'I RGYU MTSAN YOD DE, DE'I TSE ZLA BA'I DKYIL 'KHOR NYI MA'I DKYIL 'KHOR DANG NYE BA LAS NYI 'OD ZLA BA'I GZHAL MED KHANG LA BABS PA NA PHA ROL PHYI NGOS SU ZLA BA RANG GI GRIB MA BABS PAS 'GRIB PAR SNANG BAR GRAGS PA'I PHYIR, DPER NA MTSAN MO KA BA LA MAR ME'I 'OD NYE BA NA RANG GI GRIB MAS BSGRIBS PAS CUNG ZAD 'GYUR, SHIN TU NYE BA NA RANG GI GRIB MAS MI SNANG BAR 'GYUR BA BZHIN YIN PA'I PHYIR, 'DIR MANG POS SNA TSOGS BSHAD PA MTHONG YANG MA SPROS, 'GREL BSHAD GNYIS LAS PHAL CHER DE TZAM MO, ,ZLA PA'I NGOS KYI RA RI'I RGYU MTSAN DU MA BSHAD DE, SA SDER RGYA MTSON SROG CHAGS GNAS PA SNANG BAR BSHAD PA DANG, MDO LAS BYANG SEMS RI BONG DU SKYES PA'I GZUGS BRNYAN LHA'I DBANG POS MI RNAMS LA BSTAN PA'I PHYIR DU ZLA BAR
, ,BRIS PAR BSHAD DO, ,GNYIS PA SBYI DON LA, DUS TSIGS GANG LAS BYUNG BA DANG, BYED PO YOD MED DANG, DUS TSIGS SO SOR BSHAD PA DANG GSUM, DANG PO NI, GNAS BSKAL RTZOM PA'I DUS TZAM NA SHED BU DANG SHED LAS SKYES GNYIS KYIS SA'I ZHAG ZOS PAS LUS KYI 'OD NYAMS TE MUN PA BYUNG BAS DE'I TSE NYI ZLA GNYIS DANG DE NAS SKAR MA RNAMS 'GRO BA SPYI MTHUN GYI BSOD NAMS LAS BYUNG STE, GDAGS PA LAS, SEMS CAN DE DAG GIS KHAMS KYI ZAS ZOS PA DES NA DE DAG GI LUS LA MKHRANG BA DANG LCI BZHUGS PAR GYUR TE, 'OD DANG KHA DOG GI MDOG GANG YIN PA DE NI MED PAR GYUR TE, ,ZHES SOGS DANG, CHOS NYID KYIS NA 'JIG RTEN DU MUN BA BYUNG BA NA NYI MA DANG ZLA BA 'DI GNYIS 'JIG RTEN DU BYUNG BAR GYUR TO, ,RGYU SKAR RNAMS DANG MTSAN MO DANG NYIN MO RNAMS DANG, DUS TSIGS RNAMS DANG, SKAD CIG DANG THANG CIG DANG YUD TZAM RNAMS 'JIG RTEN DU BYUNG BAR GYUR TO, ,ZHES SO, ,'DI YANG ZLA NYI'I DBANG GIS BYUNG BA'I DUS TSIGS YIN GYI, SBYIR SKAD CIG THANG CIG SOGS DE'I SNGON NAS KYANG YOD DE, SE GOL GYI CHA RE LNGA SOGS YOD PA'I PHYIR, GNYIS PA MDO NYI MA'I SNYING BO LTAR NA 'JIG RTEN 'DI'I THOG MAR ZHAG ZLA TSES GRANGS ZLA SKAR GYI GO RIMS BYED BO YOD DE, BDAG CAG GI STON PA 'DI SKU TSE SNGA MA ZHIG LA DRANG SRONG RNGA BOD DU GYUR DUS LO DRUG KHRENG DKA' THUB BSGRUBS BAS SRID
PA GSUM NA MTHU CHE BAR GYUR TE, DE'I TSE NYI ZLA SKAR MA THAMS CAD RIS LHAN CIG SOGS NGES MED RGYU BA LA SNGAR 'DI LTAR RGYU ZHES BKA' STZAL BA LTAR TSANGS SOGS LHA RNAMS KYIS DE LTAR RGYU BAR ZHUS PA'I DOR RGYU SKAR SOGS KYI GO RIM MDZAD PA'I PHYIR, MDO NYI MA'I SNYID BO LAS, LO NI DRUG KHRI THAM BAR YANG, ,RKANG PA GCIG GIS DKA' THUB GNAS, ,ZHES BA NAS, RE ZHIG DANG POR SMIN DRUG CES, ,RGYU SKAR DKYIL 'KHOR THAMS CAD LA, , NANGS KYI DANG POR GZHAG BAR BYA, ,ZHES SOGS SO, ,DUS 'KHOR LAS SKYES SKAR SGOS BSHAD, GSUM BA NI, DUS KYI THA SNYAD DU MA YOD DE, SKYES BU GCIG GI MIG 'DZUM BCO BRGYAD LA MTHAR GNAS GCIG DE SUM CU LA SKAD CIG GCIG DANG, DE BCU GNYIS LA YUNG TZAM GCIG ,DE SUM CU LA NYIN ZHAG GCIG ,DE BCO LNGA LA PHYOGS DANG, DE GNYIS LA ZLA BA GCIG, DE GNYIS LA TSIG PA GCIG, DE GSUM LA BGROD BA GCIG, DE GNYIS LA LO GCIG TU 'JOG BA'I PHYIR, 'CHI MED MDZOD LAS, MIG 'DZUM BCO BRGYAD MTHAR GNAS LA, ,DE SUM CU LA SKAD CIG 'GRANG, ,DE NI BCU GNYIS YUD TZAM YIN, ,DE SUM CU LA NYIN ZHAG GCIG ,DE DAG BCO LNGA PHYOGS SU GRAGS, ,SNGA PHYI'I PHYOGS NI DKAR NAG GNYIS, ,DE GNYIS BSNGOMS PA 'JAL BYED DO, ,MCHU ZLA LA SOGS GNYIS GNYIS LA, ,DE TSIG DE GSUM BGROD PA GCIG ,LHO BYANG BGROD PA GNYIS LA LO, ,ZHES
, ,GSUNGS PA'I PHYIR, 'DIR LO LA MING DU MA YOD DE, YONGS BGRANG, BGRANG GZHI, RANG SKYOB, 'DOR BYED, LO, ZLA DRENG SOGS YOD PA'I PHYIR, AA MAR KO shA LAS, YONGS BGRANG BGRANG GZHI RANG SKYOB DANG, ,'DOR BYED CES BYA LO YI MING, ,ZHES DANG, MU TIG PHRENG BA LAS, ,BGRANG BYA 'GRO 'ONG 'DOR BYED LO, ,DUS KYI GNAS DANG ZLA BA'I PHRENG, ZHES SOGS GSUNGS, LO LA RNAM GRANGS KYIS DBYE NA TSES LO NYIN ZHAG GI LO KHYIM LO GSUM DANG, RTZI GZHI RTZI TSUL GYIS KYANG DE LTAR DANG, 'GRO BA PHYE NA 'GRO BA LNGA'I 'AM, 'OG NAS 'CHAD 'GYUR LTAR BDE 'GRO 'AM, NGAN 'GRO RE RE LA'ANG LO TSIG RANG RANG GIR BUGS KYIS RTZI BA SOGS YOD KYANG SKABS 'DIR LO GSUM DANG DE'I NANG NAS KYANG KHYIM LO GTZO BOR BYED DGOS, KHYIM LO'I MTSAN NYID, NYI MAS SKAR KHYIM LA RANG 'GROS RDZOGS PAR SPYOD TSUL GYIS BGROD PA GNYIS RDZEGS PA'I LO DE DE'I MTSAN NYID, KHYIM BCU GNYIS KYI SO SO'I YUN TSAD YOD DE, KHYIM RE RE LA RGYU SKAR GNYIS KYI SKAR KHYIM DANG SKAR RKANG RE RDZOGS DGOS PA'I PHYIR, 'GREL CHEN LAS, KHYIM RNAMS KYI DBYE BA NI RKANG BA DANG BCAS PA'I SKAR MA GNYIS STE, KHYIM SO SO'I KHYIM RNAMS KYI DBYE BA RNAMS TE, ZHES GSUNGS PA'I PHYIR, KHYIM LO GCIG LA NYIN ZHAG SUM BRGYA DANG DRUG CU RTZA LNGA YOD DE, NYIN ZHAG GIS KHYIM ZHAG
GI DOD MI THUB PAS KHYIM LO GCIG LA NYIN ZHAG LNGA NYIN ZHAG GI LO STENG DU BSNAN DGOS PA'I PHYIR, 'JIG RTEN KHAMS LE'I 'GREL CHEN LAS, DE LTAR NYI MA BGROD PA GNYIS KYI LONGS SPYOD KYIS KHYIM GYIS 'KHOR BAS NYI MA'I DKYIL 'KHOR RNAMS DRUG CU RTZA LNGA LHAG PA'I SUM BRGYA'I GRANGS KYIS NYI MAR 'GYUR RO, ,ZHES GSUNGS PA'I PHYIR, GZA' RNAMS KYIS SKAR KHYIM LA SPYOD TSUL YOD DE, NYI ZLA PHUR BU SOGS KYIS RI RAB LA RLUNG 'GROS DANG KHYIM GYI 'KHOR TSUL GYIS G-YAS BSKOR DANG, RANG 'GROS KYIS G-YON BSKOR BYED, SGRA GCAN GYIS RLUNG 'GROS RANG 'GROS GNYIS KANG RI RAB LA G-YAS BSKOR BYED PA'I PHYIR, DANG PO GRUB STE, SKAR KHYIM GYI 'KHOR LO RLUNG GIS RI RAB LA G-YAS SU 'KHOR YANG NYI ZLA SOGS GZA' RNAMS SKAR KHYIM LA G-YON SKOR GYIS RGYU BA'I PHYIR, 'GREL CHEN 'BRO 'GYUR LAS, 'DIR KHYIM GYI 'KHOR LO NI G-YAS BSKOR GYIS 'KHOR STE, GZA' RNAMS NI KHYIM DAG LA G-YAS MIN GYIS RGYU'O, ,ZHES GSUNGS PA'I PHYIR, KHYAB STE, DE DAG KHA SHAR DU BLTAS TE SKAR KHYIM LA G-YON SKOR DU SPYOD CING, LHUN PO LA'ANG RANG 'GROS KHYIM LA SPYOD TSUL GYIS G-YON SKOR BYED PA'I PHYIR TE; RVA 'GYUR LAS, GZA' GZHAN RNAMS NI SHAR PHYOGS SU PHYOGS BAS RI RAB LA G-YAS BSKOR MIN PA BYED DE, KHYIM GYI 'KHOR LO 'PHO BAR BYED DO, ,ZHES DANG, 'BRO 'GYUR LAS, SHAR DU PHYOGS PA'I
, ,MKHA' RNAMS NI LHAN PO LA G-YAS MIN DU BSKOR BA BYED CING KHYIM GYI 'KHOR LO LA YANG DAG PAR BGROD PAR BYED DO, ZHES GSUNGS PA'I PHYIR, RTZA RTAGS GNYIS PA GRUB STE, SGRA GCAN NI KHA NUB TU PHYOGS NAS RIR BA LA 'GROS GNYI SOGS G-YAS BSKOR BYED PA'I PHYIR TE, 'GREL CHEN RVA 'GYUR LAS, JI LTAR KHYIM GYI 'KHOR LO 'KHOR BA DE BZHIN DU SGRA GCAN YANG NUB TU MNGON PAR PHYOGS NAS RI RAB LA G-YAS BSKOR BYED CING YANG DAG PAR RGYU'O, ,ZHES GSUNGS PA'I PHYIR, DES NA KHYIM LO RE LA NYIN ZHAG GI LO LAS ZHAG SNGA RE LHAG DGOS TE, KHYIM ZLA RE LA NYIN ZHAG GI ZLA BA'I CHU CHOS NYI SHU RTZA LNGA CHAD PA'I PHYIR, 'GREL CHEN LAS, BYANG GI BGROD PA NAS BYANG GI BGROD PA'I BAR DU NYI MA LNGA RNAMS LONGS SPYOD KYI DBANG LAS CHAD PAR GYUR CING ZLA BA RE RER CHU TSOD NYI SHU RTZA LNGA 'CHAD PAR 'GYUR TE, ZHES GSUNGS PA'I PHYIR, DES NA GNAM DANG SA LA NYI MA'I DBANG GIS KHYIM GNYIS 'KHOR LUGS MI GCIG STE, GNAM LA NYI MAS RANG 'GROS G-YON BSKOR DU 'KHOR TSUL BSHAD MTHAG GIS GRUB LA, SA LA KHYIM BCU GNYIS DANG DUS BZHI DANG ZLA BA BCU GNYIS G-YAS BSKOR KHON YIN PA'I PHYIR, DANG PO SLA, GNYIS PA GRUB STE, GNAM LA NYI MA LUG GI SKAR KHYIM GCIG DANG SA LA YANG LUG KHYIM GCIG PUN GNAS PA'I ZHAG GCIG LA DUM BU GZHAN DU KHYIM BCU GNYIS DANG ZLA
BA GNYIS RE LA MTSAMS BYAS PA'I MTSAMS DRUG DANG ZLA BA BCU GNYIS DANG ZLA PHYED NYIR BZHI RNAMS 'BYUNG BA GANG ZHIG, KHYIM 'PHO TSO LHO GLING DBUS MAR GNAS PA'I KHYIM BDEN BRAL GYI PHYED SNGA MAR 'PHO, ,BDEN BRAL GYI PHYED SNGA MA'I KHYIM DE'I PHYED PHYI MAR 'PHO, ,DE'I PHYE MAR GNAS PA'I KHYIM BA LANG SPYOD DU 'PHO BA NAS, DBANG LDAN GYI PHYED PHYI MA'I KHYIM SHAR LUS 'PHAGS SU 'PHO BA'I BAR YIN PA'I PHYIR, DANG BO GRUB STE, 'JIG RTEN KHAMS LE'I BSDUS RGYUD LAS, KHYIM GCIG LA NYIMS MTSAMS LA SOGS PA MTHA' DAG ZLA BA DANG ZLA BA PHYED PA RNAMS 'BYED DE, ZHES DANG, DE'I 'GREL CHEN LAS, 'DIR LUG LA SOGS PA DUM BU BCU GNYIS BO GANG DANG GANG KHYIM GCIG TU NI NYI MA GNAS PA LA MTSAMS DRUG DANG ZLA BA BCU GNYIS DANG ZLA BA PHYED PA NYI SHU RTZA BZHI BYED PA NI KHYIM GYI 'KHOR LO'I DBANG GIS SO, ,ZHES GSUNGS PA'I PHYIR, GNYIS BA GRUB STE, 'JIG RTEN KHAMS LE'I 'GREL CHEN LAS, LHO PHYOGS KYI DUM BUR ZLA BA BCU GNYIS NI 'DIR KHYIM GANG DANG GANG DU 'PHO BA'I DBANG GIS YIN TE, PHYI MA'I 'PHOB DER NI G-YAS PHYOGS BDEN BRAL GYI MTSAMS SU 'GRO'O, ,BDEN BRAL GYI MTSAMS PHYED NA GNAS PA PHYI MA'I MTSAMS PHYED DU 'GRO'O, ,PHYI MA'I MTSAMS PHYED NA GNAS PA LHUN PO'I BA LANG SPYOD DU 'GRO'O, ,BA LANG SPYOD NA GNAS BRLUNG GI MTSAMS PHYED DU 'GRO'O, ,ZHES PA NAS, BYANG
, ,SGRA MI SNYAN NA GNAS BA DBANG LDAN GYI MTSAMS PHYED DU 'GRO'O, ,ZHES GSUNGS PA'I PHYIR, KHYAB STE, SA LA DE DAG 'GRO TSUL YANG 'KHOR LO LTAR G-YAS BSKOR DU 'KHOR BA'I PHYIR, 'GREL CHAN LAS, DE LTAR MTSAMS DRUG PO RNAMS DANG ZLA BA BCU GNYIS RNAMS DANG ZLA BA PHYED PA NYI SHU RTZA BZHI RNAMS DUM BU BCU GNYIS RNAMS SU 'KHOR LO'I RNAM PA LTAR 'KHOR BAR SHES PAR BYA, ZHES BA'O,, LHO PHYOGS SU, ZHES SOGS GSUNGS BA'I PHYIR, 'DI LA'ANG NYI ZLOG SBYAR NA DPYAD RGYU YOD MOD, 'DI LTAR MA SHES PAR SNGA MA MANG POS DUS BZHI ZLA BA RNAMS G-YON BSKOR BYAS PA DANG, KHA CIG GIS, SA'I KHYIM LTAR GNAM LA'ANG BYAS PA DAG 'OG TU 'GOG GO ,SHES BYA CHOS CAN, TSES LO DANG NYIN ZHAG GI LO'I KHYAD PAR YOD DE, ZLA BA'I 'PHEL 'GRIB KYI CHA RE LA TSES ZHAG DANG NAM LANG NAS NAM LANG BAR LA NYIN ZHAG DANG DE RE RE'I SUM CU LA RANG RANG GI ZLA BA DANG DE BCU GNYIS RE LA RANG RANG GI LOR 'JOG PA'I PHYIR, LO DE LA MING GI DBYE BA DU MA YOD DE, RGYA NAG PA RNAMS, BYI GLANG STAG YOS 'BRUG SBRUL RTA, ,LUG SBREL BYA KHYI LAG BCU GNYIS, ,ZHES PA LTAR LO SKOR BCU GNYIS DANG, DE LA SHING ME SA LCAGS CHU LNGAS RIM GYIS PHYE NAS SA PHO BYI BA DANG SA MO GLING SOGS LO RGAN DRUG CUR BYED, BYANG SHAM BHA LA'I LUGS LTAR NA, BDE
MCHOG BSTOD 'GRAL LAS, RAB BYUNG RNAM BYUNG DKAR PO DANG, ,RAB MYOS SKYES BDAG AANG GIR, ,NAS, MIG DMAR KHRO BO ZA BYED DANG, ,ZHES GSUNGS PA LTAR YOD PA'I PHYIR, DE GNYIS MI 'GAL TE, LO MGO MI GCIG KYANG RAB BYUNG GI LO DANG ME YOS GCIG ,RNAM BYUNG GI LO DANG SA 'BRUG GCIG ,DKAR PO'I LO DANG SA SBRUL GCIG PA NAS, ZAD BYED KYI LO DANG ME STAG GCIG PA'I BAR YIN PA'I PHYIR, DE'I CHA DBYE NA KHYIM DANG ZLA BA BCU GNYIS RE RE YOD DE, LUG GLANG 'KHRIG PA KARKAtA, ,SENG GE'I BU MO SRANG DANG SDIG ,GZHU DANG CHU SRIN BUM PA NYA, ,ZHES GSUNGS PA LTAR KHYIM BCU GNYIS DANG, MGO, RGYAL, MCHU, DBO; NAG PA, SA GA, SNON, CHU STOD, GRO ZHUN, KHRUMS, THA SKAR SMIN DRUG GI ZLA BA DANG BCU GNYIS YOD PA'I PHYIR, LO MGO 'DZIN TSUL DU MA YOD DE, SPAL TI DANG, KAR LUGS PA KHA CIG GIS RTEN 'GREL GYI YIN KHUL RDZUS MAR BRTEN NAS LO MGO DANG DGUN GYI DANG BO HOR ZLA BRGYAD PA NAS 'DZIN PA DANG, GTZANG DBUS KYI MKHAS PA KHA CIG MDO NYI MA'I SNYING PO LA BRTEN NAS LO MGO DGUN DUS KYI DANG PO HOR ZLA DGU PA NAS 'DZIN PA DANG, SA DGE'I MKHAS MANG SPYI DANG 'DUL 'DZIN YONGS GRAGS KYIS HOR ZLA BCU PA'I MAR NGO NAS LO MGO DANG DGUN GYI DANG PO 'DZIN, HOR DANG RGYA'I RGYAL POS DBO ZLA NAS LO MGO 'DZIN PA DANG,
, ,DUS 'KHOR LTAR NA YAR NGO SNGON 'GRO'I NAG ZLA DANG MAR NGO SNGON 'GRO BYED NAS GNAS LO MGO 'DZIN PA DANG, GSER 'OD LTAR NA DBYAR ZLA BA BSNON ZLA BA NAS LO MGO 'DZIN PA DANG, GDAN BZHI DANG RDO RJE MKHA' 'GRO SOGS LAS DGUN ZLA 'BRING PO RGYAL ZLA NAS LO MGO DANG, NAG RTZIS SO M'A R'A DZA LTAR NA HOR ZLA BCU GCIG PA LA LO MGO DANG, GTZANG DBUS KYI NAG RTZIS PHAL CHER GYIS HOR ZLA BCU GNYIS PAR LO MGO 'DZIN PA'I PHYIR, LO DE LA DUS TSIGS 'BYED TSUL DU MA YOD DE, GSUM BZHI LNGA DRUG RNAMS SU YOD PA'I PHYIR, GSUM DU 'BYED PA'I RGYU MTSAN YOD DE, DUS DRUG GI SOS KA TSABS DBYID DU BSDUS, DGUN STOD GRANG BAS DGUN DU BSDUS, STON NI CHAR 'BAB PAR 'DRA BAS DBYAR DU BSDUS NAS DGUN DBYID DBYAR GSUM BYAS PA'I PHYIR TE, DON GSAL LAS, GSUNG RAB LAS DUS GSUM KHO NA YIN GYI, 'JIG RTEN PA LTA BUR DRUG NI MA YIN TE, DGUN STOD NI GRANG BAR 'DRA BAS DGUN DU SDUD DO, ,SOS KA NI TSA BAR 'DRA BAS DBYID DU BSHAD DO, ,STON NI CHAR 'BAB PAR 'DRA BA'I PHYIR DBYAR DU BSHAD DO, ,STON NI CHAR BA BAB BAR 'DRA BA'I PHYIR DBYAR DU BSHAD DE, DE LTAR NA DGUN DANG DBYID DANG DBYAR ZHES BYA BA YIN NO, ,ZHES SO, ,DE GSUM SO SOR YOD DE, MGO RGYAL MCHU DBO ZLA BA BZHI DANG BO, NAG PAS GA SNRON CHU STOD KYI ZLA BA BZHI GNYIS PA DANG, GRO ZHUN KHRUMS THA SKAR
SMIN DRUG BZHI GSUM PAR 'JOG BA'I PHYIR, GSUM DU BYE BA'I DGOS PA YOD DE, ZLA BA BZHIR SPYAD PA'I GOS DE PHYAG DAR KHROD PAR SHES PA'I CHED YIN PA'I PHYIR, SA GA LHAS, ZLA BZHI LA SOGS LONGS SPYAD PA'I, , GOS DE SNGOM BRTZON GYIS RTOGS NA, ,ZHES DANG, BZHIR 'BYED PA'I RGYU MTSAN YOD DE, DUS MI 'CHUG PA'I GZER BZHI DANG BYA BA BZHIR SO SOR YOD PAS 'JIG RTEN NA GRAGS PA DANG MTHUN PA'I DBYAR DGUN STON DBYID BZHIR BSHAD PA'I PHYIR, RGYA LAS 'GYUR PA'I MYANG 'DAS LAS, ,ZLA BA GSUM NI DPYID KYI DUS, ,ZLA BA GSUM NI DBYAR GYI DUS, ,ZLA BA GSUM NI STON GYI PHYOGS, ,ZLA BA GSUM NI DGUN ZHES BYA, ZHES DANG, GSER 'OD LAS, ZLA GSUM DBYAR TE ZLA GSUM STON DU SHES, ,GSUM NI DGUN DANG GSUM NI DPYID YIN NO, ,ZHES SO, ,'O NA KYANG RGYA GAR NA DPYAD GZHI SOGS SU DGUN DBYID DBYAR STON BZHI'I THA SNYAD GSUNG RAB LTAR YOD KYANG, RA 'BRING THA CHUNG GI THA SNYAD DAM SKAD DOD MED DE, DUS DE BZHI RE RE LA ZLA BA GSUM YOD PA DE YANG DGUN ZLA RA BA LTA BU LA MGO CAN ZLA BA DANG DGUN 'BRING LTA BU LA RGYAL CAN ZLA BA SOGS NYA SKAR GYI MING 'DOGS YOD PA'I PHYIR, RGYA DPER DGUN ZLA RA BA LA M'A RGA SHIRshA MA SI DANG, DGUN 'BRING ZLA BA LA SOsh'I M'A SE ZHES BYUNG BA'I M'A RGA RI DVAGS SH'IRshA MGO M'A SE ZLA BA SO sh'I RGYAL CAN YIN PA'I PHYIR, 'CHI MED MDZOD LAS,
, ,RGYAL DANG LDAN PA'I ZLA BA NYA, ,RGYAL GYI ZLA BA GANG YIN DE, ,MING NI RGYAL YIN MCHU LA SOGS, ,DE BZHIN GZHAN NI BCU GCIG GO ,ZHES SO, ,DES NA 'JIGS RTEN PA'I RA 'BRING THA CHUNG DANG BSTUN ZER BA MI LEGS SO, YANG DUS GO'I SKABS SU DGUN DPYID DBYAR DBYAR THUNG DU DBYAR RING PO LNGAR GSUNGS PA'I DGOS PA YOD DE, DBYAR THUNG DU'I ZHAG GCIG PO DBYAR PHYI MA KHAS LEN GYI DUS SU RTOGS BAR BYA BA'I CHED YIN PA'I PHYIR, RGYA CHER 'GREL LAS, DE NAS ZHAG GCIG STE DBYAR ZLA THA CHUNG GI TSES BCU DRUG GO ,ZHES SOGS SO, ,DE LNGA YOD DE, DANG PO NI MGO SOGS BZHI DANG, GNYIS PA NI NAG PA SOGS BZHI DANG, GSUM BA NI, GRO ZHUN ZLA BA GCIG DANG, BZHI BA NI DBYAR ZLA THA CHUNG GI CHOS BCU DRUG DANG, LNGA BA NI TSES BCU DRUG DE MA GTOGS PA'I STON ZLA GSUM LA BYED PA'I PHYIR, YUNG LAS, DRUG TSOD NI LNGA STE, DGUN GYI DUS DANG, DBYID KYI DUS DANG, DBYAR GYI DUS DANG, DBYAR THUNG DU'I DUS DANG, DBYAR RING PO'I DUS SO, ,ZHES GSUNGS PA'I PHYIR, DUS TSIGS DRUG YOD DE, MDO MYANG 'DAS LAS GNYIS GNYIS DUS TSIGS GCIG BYAS NA, LO GCIG DUS TSIGS DRUG TU 'GYUR, ,ZHES SO, ,DE GSUNGS PA'I DGOS PA YOD DE, ZHAG MI THUB DRUNG GSO SPYOD BCU BZHI BA SHES PA'I CHED YIN PA'I PHYIR TE, LO
DRI BA LAS, RGYAL DANG DBO DANG SA GCAN, ,CHU STOD KHRUMS SMAD SMIN DRUG CAN, ,'DI RNAMS KYI NI NAG PO'I PHYOGS, ,ZLA PHYED GSO SBYONG BCU BZHI BA, ,ZHES DANG, RANG 'GREL LAS, DGUN DANG DBYID DANG DBYAR RNAMS KYI, ,ZLA BA PHYED DANG GNYIS 'DAS SHING, ,ZLA BA PHYED NI LUS PA NA, ,MKHAS PAS ZHAG MI THUB PA DOR, ,ZHES GSUNGS PA'I PHYIR, DES NA 'DUL MNGON LUGS LA ZHI BRTZIS RGYAL BO LTAR DANG RAGS RTZIS DPES BSTAN GNYIS YOD PA LAS RAGS RTZES KYI SHOL LAM LHAG 'DON TSUL YOD DE, TSES ZHAG LAS NYIN ZHAG YUD TZAM PHYED KYIS RING BAS DE LA BRTEN NAS ZLA BA GNYIS GNYIS NA NYIN ZHAG RE MI THUB PAS DUS DRUG GI ZLA BA PHYED DANG GNYIS 'DAS PA NA ZHAG MI THUB KYI GSO SBYONG 'ONGS PA'I PHYIR TE, DE LTAR 'ONGS BA MAR NGO NAS BRTZIS PA'I MAR NGO GNYIS BYUNG BA'I RJES MA LA ZHAG MI THUB PA BTON PA YIN PA'I PHYIR, DER THAL, DE LTAR NA 'DUL MNGON GYIS GTZO BOR BSHAD PA'I LO RE LA NYIN ZHAG GI ZLA BA BCU GNYIS DANG DE RE RE LA NYIN ZHAG SUM CU RE BYED PA GANG ZHIG ,NYIN ZHA GSUM CU RE LA BYAS PA'I ZLA BA BCU GNYIS PO DES KYANG MI TSOG PAR ZHAG MI THUB KYI ZHAG SHOL LAM ZHAG LHAG DRUG DANG BCAS TE NYIN ZHAG SUM BRGYA RE DRUG RE LA ZHING RTZIS SA MA KHYEM LO RE 'JOG DGOS PA'I PHYIR, DANG PO GRUB STE, RTZA BAR, YUD TZAM NYIN ZHAG ZLA GSUM NI, ,GONG NAS GONG DU
, ,SUM CUR 'GYUR, ,ZHES DANG, ZHAG MI THUB DANG BCAS PA YI, ,ZLA BA BCU GNYIS LA LO GCIG ,ZHES GSUNGS BA'I PHYIR, KHYAB STE, ZLA BA BCU GNYIS PO TSANG BA RE YIN BAS DE'I STENG DU KHYIM LO RE LA ZHAG DRUG RE LHAG BA'I BA'I PHYIR, RANG 'GREL LAS, DE LTAR ZLA BA BCU GNYIS BO DA DE GZHAG MI THUB DANG BCAS PA LA LO GCIG ,LO LA NI ZHAG GI SHOL DRUG DOR TE, ZHES GSUNGS BA'I PHYIR, KHYAB STE, ZHAG DRUG DRUG LHAG PA BSAGS BAS LO LNGA LDAN ZLA BA'I SHOL LDA DRUG SUM CU LA BRTEN BA YIN PA'I PHYIR, DGE SLONG RNAMS KYIS ZHAG CHA DMI 'DON BA LO DANG ZLA PHYED LA BTON BA GNYIS KA LA RIM BAS 'PHYA NAS ZLA BA GNYIS GNYIS NA ZHAG LHAG 'DON PAR MDZAD PA DANG, ZLA SHOL MA BTON BA DANG LO RE BZHIN BTON BA GNYIS KA LA RIM BAS 'PHYA NAS LUNG LAS, GSOL BAS DE KA YUL GYI LO DRUG DRUG CING SHOL BOR CIG DRUG LNGA SUM CU STE ZHAG DANG ZLA BA PHYED BO DANG LOR BSGRES NA MNYAM BAS MU STEGS CAN GYIS GLAGS MI RNYED DO, ,ZHES GSUNGS BA'I PHYIR, BSTAN BCOS LAS, ZLA BA'I SHOL 'DOR BA RGYAL BO'I RJES SU 'BRANG BA SAR SHES BAR BYA'O, ,ZHES GSUNGS PA LTAR, 'PHAGS YUL RGYAL BO'I LUGS KYI SHOL DOR TSUL YOD DE, TSES ZHAG SUM CU'I DUS SU DA DUNG NYI MAS KHYIM GCIG GNAS 'PHO
MA THUB BA'I DBANG GIS TSES ZLA PHYED DANG SO GSUM NAS ZLA BA SHOL 'DON PA'I PHYIR, DPER NA NYI MA LUG KHYIM DU ZHUGS NAS GLANG KHYIM DU 'PHO BA'I BAR LA RAGS RTZIS SU TSES ZHAG SUM CU RTZA GCIG DANG, ZHIB TU BRTZIS NA TSES ZHAG SUM CU CHU TSOD GCIG CHU SRANG LNGA BCU DBUGS BZHI 'DOD CHA BRGYAD RDZOGS PA NA KHYIM DE 'PHO BA BZHIN YIN PA'I PHYIR, DER THAL, DE LTAR BRTZIS NA KHYIM ZHAG GSUM BRGYA DANG DRUG CU DANG TSES ZHAG SUM BRGYA DON GCIG YUN TSANG 'GRIG BA'I PHYIR, KHYAB STE, DES NA TSES ZLA PHYED DANG SO GSUM NA ZLA BA RE LHAG PA'I PHYIR, 'GREL CHEN LAS, 'DIR ZLA BA PHYED DANG BCAS BA'I SUM CU RTZA GNYIS NA LHAG PA'I ZLA BAR 'GYUR TE, GNAM STONG LA NYI MA'I 'PHO BA MED PA'I PHYIR RO, ,DES NA LONGS SBYOD BAR MI 'GYUR RO, ,ZHES GSUNGS PA'I PHYIR, RGYA NAG GI LUGS LTAR GYI SHOL YOD DE, LO GSUM GSUM NA ZLA SHOL DANG ZLA BA SO DRUG SOGS CI RIGS RE 'DAS BA NA ZLA SHOL 'DON BA'I PHYIR, LO YANG STAG SPRUL SPREL PHAG BZHI'I RANG RANG GI ZLA BA STAG GI LO LA STAG ZLA LHAG BA LTA BU YIN BA'I PHYIR TE, KONG RTZE ZHU LAN DU, DUG PA CAN GYI LO DAG LA, ,DUG PA CAN GYI ZLA BA 'DON, ,ZHES SO, ,ZHIB BAR BSHAD NA SHOL BZHI YOD DE, THAMS CAD KYI RTZI GZHI DBUGS KYI SHOL, DE BSAGS BAS ZHAG SHOL, DE BSAGS BAS TSES ZLA'I SHOL, DE BSAGS BAS TSES
, ,LO'I SHOL YOD PA'I PHYIR, DE SKAD DU, 'JIG RTEN KHAMS LE LAS, STONG PHRAG NYI SHU RTZA GCIG RO BRGYA LDAN PA DAG LAS SO YI CHA YIS NGES PAR PHYUNG GYUR PAS, ,LUS LA DBUGS LHAG GANG DAG NYIN ZHAG SO SO'I DUS SU 'BYUNG BA RI DANG DUS RNAMS DAG GI GRANGS, ,STONG PHRAG SUM CU RTZA DRUG DAG GIS BSGYUR BA RNAMS KYANG LO BRGYA'I TSANG DU RAB TU GRAGS PA STE, ,STONG DUS ME YIS RAB TU BYE BA RNAMS NI CHU TSED DU 'GYUR DRUG CU'I CHA YI NYIN ZHAG KYANG, ,ZHES GSUNGS PA'I PHYIR, KHYAB STE, DE RGYAS PAR BSHAD NA MANG 'GRO BAS, BSDUS NA 'DIR DBUGS CHU TSOD ZHAG LHAG TSUL YIN KYANG; DON DRIL NA RAGS PA 'PHO RLUNG SUM CU, 'BRING SO GNYIS DANG, PHRAB PHYED BCAS SO GSUM NA, DBUGS SHOL 'DON, DE BZHIN DU ZHAG ZLA LO GSUM RE RE LA YANG RAGS 'BRING PHRA GSUM GYI DBANG GIS RANG RANG GI SUM CU DANG, SO GNYIS DANG, PHYED DANG SO GSUM LA RANG RANG GI SHOL 'DON PA'I PHYIR, NANG GI GLING 'DI'I MI'I RO SKYANG DBUM GSUM LA CHAD LHAG GI RTEN 'BREL GYIS PHYI'I ZLA BA'I DKAR CHA DMAR CHA 'PHEL 'GRIB 'BYUNG BAS DBUGS CHAD LHAG RTZI TSUL DE YIN NO, ,GZHAN SLA, ZLA BA SUM BRGYA DON GSUM MA MA KHYIM LO SO GNYIS NA TSES LO LHAG PA RE 'DON PA YUN MNYAM YANG LO BSHOL 'DON
MI DGOS PA'I PHYIR, DER THAL, ZLA SHOL 'DON PA DUS BZHI'I GZER MI 'CHUG PA'I THABS YIN PAS DE BTON PAS DUS TSOD 'GRIGS SHING LO SHOL LA MI LTOS PA'I PHYIR TE, LO SHOL LA DE 'DRA'I DGOS PA MI SNANG BA'I PHYIR, DE DAG LA LUNG RIGS MNGAL RGYAS PAR PAD DKAR ZHAL LUNG DANG DRIS LAN NYIN BYED DBANG PO SOGS LA LTA'O, ,LHAG MA GZHAN DU BSHAD ZIN TO, ,MTHA' DPYAD PA LA KHA CIG NA RE, TSES NI NYIN ZHAG DANG, GLING DANG LHO BYANG GI BGROD BA DANG ZLA BA'I NGO GANG LA'ANG NYIN ZHAG LAS THUNG BAS KHYAB BAR THAL, NYIN ZHAG LAS TSES ZHAG THUNG BA'I PHYIR NA MA KHYAB STE, DE NI GTZO CHE BAS DE LTAR BZHAG PA'I PHYIR, DRIS LAN NYIN BYED DBANG PO LAS, TSES ZHAG GIS NYIN ZHAG GI DOD MI THUB NYIN ZHAG GIS KHYIM ZHAG GI DOD MI THUB, ZHES GSUNGS PA'I PHYIR, 'DOD MI NUS TE, SBYIR DE LTAR YIN KYANG TSES 'PHEL DUS CHU TSONG RE BZHI'I BAR 'BYUNG YANG; GTZO BO DANG 'GRIB DUS CHU TSO DANG BZHI'I BAR DU 'ONGS PA'I PHYIR, DER THAL, DE'I RGYU MTSAN ZLA BA'I SNGA RKANG LUGS 'BYUNG DUS TSES 'PHEL DUS ZLA BA'I 'PHEL 'GRIB BUL BA DANG, PHYI RKANG LUGS MIN DUS SU TSES 'GRIB DUS YIN PAS ZLA BA'I 'PHEL 'GRIB MGYOGS PA YIN PAS TSES YUN THUNG BA'I PHYIR, DRIS LAN NYIN BYED DBANG PO LAS, TSES 'PHEL DUS CHU TSED RE BZHI'I BAR DU 'BYUNG YANG TSES 'GRIB DUS CHU TSOD NGA BZHI'I
, ,BAR DU 'ONG BAS RKANG BA LUGS 'BYUNG DU SPYOD DUS TSES 'PHEL BAS ZLA BA'I 'PHEL 'GRIB BUL LA, RKANG BA LUGS LDOG GI DUS SU TSES 'GRIB PAS 'PHEL 'GRIB MGYOGS BA'I DON GYIS, ZHES GSUNGS PA'I PHYIR, 'DI PHAL CHER GLING BZHIR LHO BGROD SOGS MNYAM PA'I LUGS SAM DBYAD, BYAS PA LA KHO NA RE, 'O NA NYIN ZHAG LA'ANG RING THUNG YOD PAR THAL, TSES LA DE'I PHYIR ZER NA LKUG PA'I RIGS 'GRE YIN PAS GTAN NAS MA KHYAB, 'DOD MI NUS TE, NYIN MO DANG MTSAN MOL LHO BYANG DU BGROD PA'I DBANG GIS RING THUNG 'BYUNG YANG NYIN ZHAG LA DUS KUN TU CHU TSED DRUG CU'AM YUD TZAM SUM CU 'BYUNG BA MDZOD SOGS MTHUN PA'I PHYIR, RTZA BAR, YUD TZAM NYIN ZHAG ZLA GSUM NI, ,ZHES DANG, BSDUS RGYUD LAS, STONG DUS ME YIS RAB TU PHYE BA RNAMS NI CHU TSOD DU 'GYUR DRUG CU'I CHA YIS NYIN ZHAG KYANG, ,ZHES GSUNGS PA'I PHYIR, 'DI DAG MTHUN PAS GRANGS LA MI MTHUN PA SRE BA MU TO'I PHYE DANG 'DRA'O, ,DES KHYIM ZHAG LA'ANG RING THUNG MED PAR SHES DGOS SO, ,YANG 'DI'I TSE KHYIM NYIN GSUM GYI ZHAG ZLA LO GSUM GANG GCO ZER NA LA LAS KHYIM GYI ZHAG ZLA LA GSUM GTZO, LA LAS NYI MA'I DE GSUM GTZO ZER, LA LAS TSES KYI ZHAG ZLA LO GSUM GCO ZER, MANG POS ZHAG LHAG GI RGYU MTSAN MGO ZHING CANG MI SMRA'O, ,DON MGON LUNG DRANGS
KYANG NE TZOS SLAS BA LTA BU YIN NO, ,DE GSUM GA HA CANG LEGS BA MA YID PAR THAL, ZLA BA'AM PHYOGS GCIG MA LONGS PAR DU NYIN ZHAG SHUGS CHE ZLA BAR RAM PHYOGS GCIG TU LONGS NA TSES ZHAG SHUGS CHE LO LA KHYIM ZHAG SHUGS CHE BA'I PHYIR, DANG PO GRUB STE, ZLA PHYED MA LONGS BAR DU NAM LANGS NAS NAM LANGS BAR DU ZHAG TU MKHAS RMONGS GNYIS KAS 'JOG SLA, TSES ZHAG DANG KHYIM ZHAG GI MTSAMS ZIN PA MKHAS PAS KYANG DKA' BA'I PHYIR; GNYIS PA GRUB STE, ZLA PHYED DAM ZLA BA GANG RUNG DU LONGS NAS NYA GANG BA DMAR CHA RDZOGS TSAR NA NYIN ZHAG GI GRANGS BCO LNGA'AM SUM CU TSANG YANG ZLA PHYED DAM ZLA BAR 'JOG DGOS BA MTSAN MAS SHES PA'I PHYIR, DE 'DRA BYUNG NA GSE SBYONG YANG DE GTZO BAR BSHAD PA'I PHYIR DANG, 'JIG RTEN NA DKAR CHA DANG DMAR CHA RDZOGS PA LA ZLA PHYED DANG NYA GANG BA NAS NYA GANG BAR LA ZLA BAR MKHAS BLUN KUN LA GRAGS PA'I PHYIR TE, 'CHE MED MTSON LAS, SLAB DKAR DANG NAG PO DAG ,SNGA MA PHYI MA'I PHYOGS YIN NO, ,ZHES GSUNGS PA'I PHYIR, GSUM PA GRUB STE, NYIN ZHAG DANG TSES SUM BRGYA DRUG CU LONGS KYANG KHYIM ZHAG SUM BRGYA DRUG CU MTSANG NA DBYAR DGUN STE NA DGYID KYI DUS TSOD JI BZHIN MI 'BYUNG BA'I PHYIR, DER THAL, DES NA SHOL SNGAR LTAR 'THON DGOS PA'I PHYIR, 'DI TZAM ZHAG SHOL DANG ZHAG ZLA LO GSUM SHES PA'I YAN LAG TU MDO LAS ZHIB PAR RGYAL
, ,PO'I RTZIS PA ZHES PA'I GNAD MDO TZAM YIN NO, ,YANG MKHAS CHEN KHA CIG RGYA GAR GYI LUGS LA, RTA BYA BYI BA YOS LA SHOL, ,STON DGUN DBYID DBYAR 'BRING PO GNYIS, , ZHES RTA LO STON ZLA 'BRING PO, BYA LO DGUN 'BRING, BYI BA DPYID 'BRING, YOS LO DBYAR 'BRING RNAMS LA SHOL 'DON PA MI 'THAD PAR THAL, DE LTAR NA ZLA BA NYER BRGYAD LA SHOL 'ONGS DGOS LA, DE NI 'DUL MNGON GYI RAGS RTZIS DANG YANG MI MTHUN, DUS 'KHOR SOGS DKAR RTZIS KYI RAGS 'BRING ZHIB GSUM GYI RTZI TSUL GANG DANG YANG MI MTHUN PA'I PHYIR, RTAGS GNYIS KA GRUB STE, HA CANG SHOL NYE DRAG PA'I PHYIR, YANG KHA CIG DUS BZHI GLING BZHIR CIG CAR BA YIN ZER NA, SHIN TU MI 'THAD PAR THAL, GLING BZHIR DBYAR YOD PAR BYAS KYANG RIM CAR PAR KHAS LEN DGOS PA'I PHYIR, DER THAL, RTEN 'BREL GYIS 'DZAM GLING LAS KYIS BA ZLA BA'I 'PHEL 'GRIB RTAGS MTSAN THAMS CAD LA GLING 'DI GTZO BAS 'DIR DBYAR NYI RING BA MTHAR THUG GI ZLA BA GRUB MA THAG TU BYANG SGRA MI SNYAN LA DE LTAR MA YIN PA'I PHYIR, DER THAL; 'DIR ZLA BA DE'I ZHAG GI DANG PO GRUB PA DANG SGRA MI SNYAN LA DE LTAR MA YIN PA'I PHYIR, RTAGS SHIN TU SLA, GZHAN YANG, 'DZAM BU'I GLING DU NYIN MO YUD TZAM BCO BRGYAD YOD DUS MTSAN MO'ANG YUD TZAM BCO
BRGYAD YOD PAR THAL, 'DIR NYI MA DE LTAR YOD DUS SGRA MI SNYAN LA'ANG NYIN MO YUD TZAM BCO BRGYAD YOD PA'I PHYIR, KHYAB STE, 'DIR NYIN MO'I DUS SU SGRA MI SNYAN DU MTSAN DUS 'BYUNG BA'I PHYIR, 'DOD MI NUS TE, GDAGS BA LAS, LO GCIG LA DUS GCIG TU NYIN MO YUD TZAM BCO BRGYAD DANG MTSAN MO YUNG TZAM BCU GNYIS YOD DE, DE GANG ZHEN DBYAR ZLA THA CHUNG YAR GYI NGO'I TSES BRGYAD LA NYIN MO YUD TZAM BCO BRGYAD MTSAN MO YUD TZAM BCU GNYIS YOD, CES DANG, MDO NYI MA'I SNYING PO LAS, ZLA BA RANG LA GRO ZHUN NO, ,BDAG DBYAR ZLA BA'I RIM BRJOD BYA, ,NYIN PAR BCO BRGYAD THOB NAS KYANG, ,MTSAN ME BCU GNYIS SHES PAR GYIS, ,ZHES GSUNGS PA'I PHYIR, BYAS BA LA KHO NA RE, 'DI'I NYIN MO'I YUN TSAD DANG SGRA MI SNYAN GYI MTSAN MO'I YUN TSAD MNYAM PAR THAL, 'DIR NYIN MO'I DUS SU DER MTSAN MO 'BYUNG BA'I PHYIR NA MKHYAB, ZLA BAR RANG DUS GRO ZHUN ZHES PA NI ZLA BA RDZOGS DUS GRO ZHUN NO, ,GZHAN YANG, GLING 'DIR DGUN NYI THUNG BA MTHAR THUG GI DUS SU SGRA MI SNYAN DU'ANG DGUN NYI THUNG BA MTHAR THUG ZHAG DER 'BYUNG BAR THAL, DBYAR NYI LA DE'I PHYIR, 'DOD NA, 'DIR MTSAN MO YUD TZAM BCO BRGYAD YOD PA'I DUS SU NYIN MO'ANG YUD TZAM BCO BRGYAD KYI DUS YIN PAR THAL, DE DUS SGRA MI SNYAN NA'ANG MTSAN MO YUD TZAM BCO BRGYAD YOD PA'I PHYIR, RTAGS KHAS BLANGS, KHYAB STE, 'DIR NYIN
, ,MO'I GUNG YIN DUS SGRA MI SNYAN DU MTSAN MO'I GUNG GI DUS YIN GYI NYIN DUS MA YIN PA'I PHYIR, MA GRUB NA, GLING BZHI KAR NYIN DUS YIN PAR THAL, 'DZAM GLING DU NYIN GUNG DUS SGRA MI SNYAN DU YANG NYIN DUS YIN PA'I PHYIR, 'DOD MI NUS TE, MDO NYI MA'I SNYING PO LAS, MCHU NI ZLA BA RAB RDZOGS BYED, ,DGUN ZLA THA CHUNG RANG BZHIN YIN, ,MTSAN MO BCO BRGYAD SHES PAR GYIS, ,NYIN PAR YANG NI BCU GNYIS YIN, ,ZHES DANG, GDAGS PA LAS, LO GCIG LA DUS GCIG TU MTSAN MO YUD TZAM BCO BRGYAD NYIN MO YUD TZAM BCU GNYIS YOD DE, DE GANG ZHE NA, DGUN ZLA THA CHUNG GI YAR NGO'I TSES BRGYAD LA MTSAN MO YUD TZAM BCO BRGYAD NYIN MO YUD TZAM BCU GNYIS YOD, CES GSUNGS PA'I PHYIR, YANG MI SHES PA KHA CIG RGYAL ZLA BA'I MAR NGO'I BCU BZHI LA GSO SBYONG BYAS NAS SANG NYIN TSES GCIG MI BYED PAR GNAM STONG DANG GNANG NYIN TSES GCIG BYAS TE DE NYIN NAS BGRANG BA'I NYIN ZHAG BCO LNGA BA LA GSO SBYONG BYED PA MI 'THAD PAR THAL, DE LTAR NA BCU BZHI BA'I RJES KYI DUS 'BREL GYI YAR NGO'I GSO SBYONG SNGA MA LA NYIN ZHAG BCU DRUG PAS KHYAB PA'I PHYIR, RTAGS SLA, KHYAB STE, SHOL ZLA MED PA'I LO GCIG LA DUS 'BREL GYI GSO SBYONG BCU BZHI BA DRUG DANG, BCO LNGA PA BCO BRGYAD 'BYUNG BA'I PHYIR, KHYAB STE, 'DI'I BCU BZHI BA DANG BCO
LNGA PA NYIN ZHAG GIS 'RDOG LA TSES ZHAG GIS NYER BZHI BO THAMS CAD BCO LNGA PA KHO NA YIN PA'I PHYIR TE, MDO RTZA BAR, ZLA BA PHYED PHYED KYI TSES BCO LNGA LA'O, ,ZHES DANG, RGYA CHER 'GREL LAS, DUS TSIGS DRUG PO RE RE LA ZLA BA GNYIS GNYIS TE, ZLA BA PHYED BZHI BZHI YOD PA LA, PHYED DANG PO GNYIS DANG THA MA DANG GSUM LA NI ZHAG BCO LNGA BCO LNGA THUB PAR RTZI'O, ,PHYENG GSUM PA LA NI ZHAG RE RE CHAR CING BCO LNGA MI THUB PAR BCU BZHI THUB PAR BRTZI STE, DE DAG NI GSO SBYONG BCU BZHI BA YIN PAR RIGS PAR BYA'O, ,ZHES SOGS SHIN TU MANG PA'I PHYIR, SMRAS PA, LA LAS MDZUB MOS SDUG BSNGAL MYONG YANG RI MO'I DON MA MYONG, ,'GA' ZHIG TSIG GI LO MA MTHONG YANG DON GYI RO MI SHES, ,PHAL CHER PHYOGS 'GROS SKYA RANGS TZAM LA DON RIG NYI MA LO, ,DE LTAR RTOGS NAS MDO SNGAGS ZHAG ZLA LO KHYAD BDUD RTZIS NGOMS, ,AE MA RAB DKAR GANGS RI'I YUL GYI LUGS, ,SNA TSOGS DPYAD TSE LO NI NYI ZLAS 'JOG ,KUN MKHYEN RLOMS 'GAS GNAS ZLA KHO NA ZER, ,BLUN PO MKHAS RLOMS KHYIM ZLA 'BA' ZHIG 'DOD, ,MKHYEN LNGAN 'GAS KYANG RES GZA' 'DAS 'DOD LO, ,SOM NYI'I DRA BA MKHAS RLOMS DA LTAR 'DAS, ,DUS BZHI G-YON DANG SKYA RENGS NYIN DUS DANG, ,RANG 'GROS RLUNG 'GROS GO LA RAGS PA YANG, ,MI SHES DUS 'KHOR MNGON 'DUL DUS TSIGS MKHAN, ,KHYED RNAMS RMANG
, ,BYUNG NGO MTSAR CAN NO ZHES, ,KUN MKHYEN SANGS RGYAS DE YANG YA MTSAN SNYAM, ,'DI NI RLOMS BRAL LUNG GI TSIG TZAM ZHIG ,BRIS SO RANG BZOS SBYAR BA GA LA SRID, ,SKAR RTZIS 'DUL MNGON LO ZLA ZHAG GSUM GYI, ,RAGS 'BRING PHRA SOGS DE LTAR LUNG LAS SO, ,ZHES PA BAR SKABS KYI TSIGS SU BCAD PA SNGOMS SU BYAS SO, ,LNGA BA LHA RNAMS KYI GNAS BSHAD PA LA, SA DANG 'BREL BA'I GNAS DANG, MA 'BREL BA'I GNAS DANG, SEMS CAN GYI KHYAD CHOS DANG, GONG 'OG PAR GYI THAG TSAD DANG BZHI, DANG PO LA RGYAL CHEN BZHI DANG, SUM CU RTZA GSUM PA'I GNAS GNYIS, DANG PO NI, 'DI LA BANG RIM BZHI YOD DE, ,NAS, RI NI BDUN PO DAG LA YANG, ,ZHES TSIGS BCAD GNYIS BYUNG, SHES BYA CHOS CAN, RI RAB KYI CHU MTSAMS YAN CHAD 'DI LA BANG RIM BZHI YOD DE, DE RE RE'I BAR THAG DPAG TSAD STONG PHRAG BCU BCU YOD PA'I PHYIR, 'DI LA, NAS, STONG PHRAG BCU, ,ZHES GSUNGS PA'I PHYIR, 'DI CHU YAN CHAD KYI PHYED KHEB STE, RANG 'GREL LAS, DE DAG GIS RI RAB KYI PHYED MAN CHAD DU PHYIN TE, ZHES GSUNGS PA'I PHYIR, SHES BYA CHOS CAN, BANG RIM BZHI BO DE RI RAB LAS PHYIR 'PHAGS TSUL BZHI YOD DE, BANG RIM DANG PO RI RAB LAS PHYIR DPAG TSAD STONG PHRAG BCU DRUG
DANG; GNYIS PA PHYIR DPAG TSANG STONG PHRAG BRGYAD DANG, GSUM PA PHYIR DPAG TSAD STONG PHRAG BZHI DANG, BZHI PA DPAG TSAD STONG PHRAG GNYIS 'PHAGS PA'I PHYIR, 'DI 'OG NAS BRTZIS PAR MNGON ZHING LHA GANG GNAS PA YOD DE, BANG RIM BZHI YOD PA DE LA DANG PO LA LAG NA GZHONG THOGS DANG, GNYIS PAR PHRENG THOGS DANG, GSUM PAR RTAG MYOS DANG, BZHI BAR PHYOGS BZHIN DPAG TSAD BRGYA STONG GIS SKOR BA'I PHO BRANG BZHI YOD PA'I SHAR NA YUL 'KHOR SRUNG, LHOR 'PHAGS SKYES PO, ,NUB TU MIG MI BZANG DANG, BYANG NA LCAD LO CAN GYI PHO BRANG NA RNAM SRAS 'KHOR BCAS TE RGYAL CHEN SDE BZHI PHYOGS BZHIR GNAS PA'I PHYIR, YANG SGRAS DE DANG RI BDUN LA GNAS PAR MA ZAD LCAGS RI TSUN CHAD KYI RI BRAG LA'ANG RGYA CHEN SDE BZHI'I 'KHOR GNAS PA'I PHYIR, RTZA BAR, DE LA LAG NA GZHOD THOGS DANG, ,NAS, RI NI BDUN PO DAG LA YANG, ,ZHES SO, ,GNYIS PA LA BSTAN BSHAD GNYIS, DANG PO NI, LHUN BO'I RTZEN SUM CU GSUM, ,NAS, DE YI NGOS LA BRGYAD KHRI'O, ,ZHES BYUNG, KUN BTUS DAR t'IKA LTAR 'JIG RTEN THUN MONG BA LTAR NA GTZO BO NOR LHA BRGYAD, DRAG PO BCU GCIG, NYI MA BCU GNYIS, THA SKAR GYI BU, DBANG P'AM GTZO BO SUM CU RTZA GSUM YOD PAS SUM CU RTZA GSUM MAM, BRGYA BYIN DRAG PO NYE DBANG STE LHA'I GTZO BO GSUM RTZE BA'I GNAS YIN PAS
, ,NA SUM RTZEN PA ZHES BYA LA, DE LTA BU'I SUM CU RTZA GSUM PA'I LHA CHOS CAN, KHYOD KYI GNAS YOD DE, LHUN PO'I RTZE NA GNAS PA'I PHYIR, LHUN PO CHOS CAN, KHYOD KYI RTZE MO'I RGYA TSAD YOD DE, RI THAMS CAD KYI CHU MTSAMS YAN CHAD KYI RDAMS DBANGS MNYAM PAS NA KHYOD KYANG RTZE NAS CHU BAR DANG RTZE DE'I NGOS RE'I RGYA CHAD GNYIS KAR DPAG TSAD BRGYA KHRI RE YOD PA'I PHYIR, LHUN PO LA MA BYAS PAR GNAS KYI TSAD BYED PA MI 'THAD DE, LHUN PO LA BSHAD PA'I PHYIR, RANG 'GREL LAS, YANG LHUN PO'I RTZE MO CI TZAM ZHE NA, ZHES GSUNGS PA'I PHYIR, KHYAB STE, YANG SGRAS LHUN PO SMOS PA'I PHYIR ,GNYIS BA RGYAS BSHAD LA, GNAS DANG, TSAL DANG, SA GZHI DANG, SHING DANG, 'DUN SA BSHAD PA LNGA, DANG PO NI, PHYOGS MTSAMS BRTZEGS PA BZHI LA NI, ,NAS, NGOS LA NYIS BRGYA LNGA BCU'O, , ZHES BYUNG, LHUN PO'I RTZE'I PHYOGS KYI MTSAMS SAM GRVA BZHIN KHANG BRTZEGS BZHI YOD LA DE NA GNAS PA'I LHA YOD DE, LHA RNAMS BAG MED PA'I GNAS LAS BSRUNG BAR BYED BAS GNOD SBYIN LAG NA RDO RJE GNAS PA'I PHYIR, DE CHOS CAN, KHYOD KYI RGYA RDAMS KYI TSAD YOD DE, NGOS RE LA DPAG TSAD BRGYA NYI SHU RTZA LNGA RE DANG DBANGS SU DPAG TSAD LNGA BRGYA GYEN DU 'PHAGS PA YOD PA'I PHYIR, DBANGS DPAG TSAD BRGYA MI
'THANG LA, GDAGS PA LAS, DPAG TSAD PHYED LNGA BAR BSHAD, RTZA BAR, PHYOGS MTSAMS BRTZEGS PA BZHI LA NI, ,LAG NA RDO RJE GNAS, ZHES DANG, SA SDE LAS KYANG, RI RAB KYI STENG GI GZHI'I GRVA BZHI NA RTZE MO BZHI YOD DE, 'PHANG DU DPAG TSAD LNGA BRGYA YOD DO, ,DE DAG LA GNOD SBYIN LAG NA RDO RJE THOGS PA RNAMS GNAS SO, ,ZHES SO, ,RI RAB KYI RTZE MO DE CHOS CAN, KHYOD KYI DBUS NA GNAS YOD DE, LHA RNAMS KYI DBANG PO BRGYA BYIN GYI RGYAL BO'I PHO BRANG GRONG KHYER LTA NA SDUG CES BYA BA YOD BA'I PHYIR, DE CHOS CAN, KHYOD KYI TSAD YOD DE, NGOS RE LA DBANG TSANG NYIS STONG LNGA BRGYA RE NGANG MTHA' BSKOR DU KHRI DANG, 'PHANG DU DPAG TSAD PHYED DANG GNYIS 'PHAGS YOD PA'I PHYIR, DE CHOS CAN, KHYAD PAR DU MA DANG LDAN TE GSER GYI RANG BZHIN LAS GRUB PA, 'DI'I 'OG GIS GZHI TSON SNA BRGYA PHRAG GCIG GIS BKRA BAR BYAS PA, SHING BAL GYI 'DAB MA BZHIN DU REG NA 'JAM PA DANG, RKANG PA BZHAG NA NE MA NE MA BA DANG, BTEGS NA SPAR BAR BYED PAS MNYEN PA SGO STONG DU GCIG GIS MTSAD BDAG YOD CING, RIN PO CHE'I KA BA DRUG KHRI DANG, RIN PO CHE'I RAB 'PHANG DU DPAG TSAD PHYED DANG GSUM PAS BSKOR BA YOD PA DANG, RAB DE LAGS RE DA DUL BEEd'URYA SHIL BZHI LAS BYAS PA'I RTZIG SKYABS DANG MDA' YAB DANG RIN PO CHE SNA BZHI'I ZAM BA RGYUD MA BZHI DANG DUS
, ,DUS SUS GZHIL RLUNG GIS ME TOG MANDH'A RNYING BA GTOR ZHING GSAR BA BUS MO NUS TZAM DU 'GREMS PAR BYED PA YOD PA'I PHYIR, CI RIGS NAS BLANGS SO, ,SHES BYA CHOS CAN, GRONG KHYER DE'I DBUS NA BRGYA BYIN GYI KHANG BZANG RNAM BAR RGYAL BA GNAS SHING DE'I TSAD SOGS YOD DE, DE'I NGOS RE LA DPAG CHED NYIS BRGYA LNGA BCU BA, MTHA' BSKOR DU DPAG TSAD STONG LTA NA SDUG LAS GYE NA DU DPAG CHED PHYED DANG LDA 'PHAGS PA YOD PA'I PHYIR, DE LAS SDE LTAR NA KHYAB PAR GZHAN YANG YOD DE, DE LA BA GAM BRGYA RTZA GCIG DANG BA GAM RE RE LA YANG KHANG BA BRTZEGS PA BRGYA BRGYA DANG, KHANG BRTZEGS RE RE LA YANG KHANG MIG BDUN BDUN, KHANG MIG RE RE LA YANG LHA'I BU MO BDUN BDUN, BU MO RE RE LA YANG G-YOG MO BDUN BDUN, PHYOGS BZHIN SGO BZHI SOGS YOD PA'I PHYIR, SA SDE LAS, DE LAB GAM BRGYA RTZA GCIG ,SOGS SO, ,DER MA ZAD 'DOD LHA DAG GI KHANG BA'I KHYAD PAR GZHAN YANG YOD DE, DE DAG RIN PO CHE BZHI LAS GRUB PA BZHI DANG, KHANG BRTZEGS DANG BA GAM DANG BSIL KHANG NYAMS DGA' BA DAG DANG DE DAG GI STEGS BU DANG SKAR KHUNG TRA BA CAN NOR BU SNA TSOGS KYIS SPUS SHING SNANG BA KUN TU BYED PA DAG YOD PA'I PHYIR, SA SDE LAS, DE DAG GI GZHAL MED KHANG YANG GSER LAS GRUB PA
DANG; DNGUL LAS GRUB PA DANG, SHEL LAS GRUB PA DANG, BEEd'URYA LAS GRUB PA RNAM PA BZHI YOD DO, ,ZHES SO, ,GNYIS PA 'CHAD PAR, RTZA BAR, PHYI ROL SHING RTA SNA TSOGS DANG, RTZU BA 'GYUR 'DRES TSAL DGA' BAS BRGYAN, ,ZHES BYUNG, SHES BYA CHOS CAN, GRONG KHYER LTA NA SDUG DE'I PHYOGS BZHI NA LHA'I TSAL BZHI YOD DE, SHAR NA SHING RTA'I RDZING BU LO MA SNA TSOGS DGOD PA'I SHING RTA SNA TSOGS KYI TSAL DANG; LHO NA RDZING BU LO MA SOGS SLEB PA TZAM GYIS SHES PA RTZUB PAR 'GYUR BA'I TSAL DANG, NUB NA LHA'I BU PHO MO 'DRES NAS 'DOD YON LA SPYOD PA'I TSAL DANG, BYANG NA RDZING BU DANG SHING SOGS YID DGA' BA'I TSAL GNAS PA'I PHYIR, SHING RTA SNA TSOGS KYI TSAL NA GLANG CHEN SA SRUNG YOD CING, DE'I TSAD DANG 'PHRUL YOD DE, LUS DKAR LA YAN LAG BDUN LEGS PAR GNAS PA MGO DMAR BA MCHE BA DRUG LDAN SRID DPAG TSAD DANG; KHOR YUG DU DPAG TSAD BDUN YOD PA 'KHOR GLANG CHEN BRGYA STONG DANG LDAN PA, MGO SUM CU RTZA GSUM SPRUL ZHING MGO RE RE LA MCHE BA DRUG DRUG DANG MCHE BA RE RE LA RDZING BU BDUN BDUN DANG, RDZING BU RE LA PAD SDONG BDUN BDUN, PADMA RE LA BKRA SHIS LHA MO BDUN BDUN, DE RE RE LA G-YOG MO BDUN BDUN GYIS DBANG PO LA SHIS BRJOD DANG DE RE RE LA SIL SNYAN 'KHROL BA BDUN BDUN DANG, MGO GTZO BO LA DBANG PO DANG,
, ,GZHAN SO GNYIS LA NYE DBANG ZHON, 'KHOR RNAMS GLANG BO GZHAN LA ZHON NAS 'GRO BA'I PHYIR, DKON COG T'A LA LAS SO, ,DE BZHI CHOS CAN, DBYIBS TSAD YOD DE, DBYIBS GRUB BZHI BA, TSA DNGOS RE LA DPAG TSAD NYIS BRGYA LNGA BCU DANG MTHA' SKOR STONG YOD PA GSER GYI RA BA 'PHANG DU DPAG TSAD RE YOD PAS BSKOR BRTZIG SKYABS SOGS LTAN SDUG LTAR YOD PA'I PHYIR, ,GSUM PA NI, RTZA BAR; DE DAG GI NI, SOGS BYUNG, SHES BYA CHOS CAN, TSAD DE DAG GI PHYOGS BZHIN DPAG TSAD NYI SHUS BCAD PA NA LHA RNAMS RTZE BA'I GNAS TSAL SO SO DANG MING MTHUN PA TSAD MNYAM PA'I SA GZHI BZANG BO BZHI YOD BA'I PHYIR TE, SA SDE LAS, DE DAG GI PHA ROL NAS GZHI BZANG BO BZANG ZHING LTA NA SDUG LA MDZES PA BZHI YOD DO, ,ZHES SO, ,DE DAG PHYOGS SO, ,BZHI BA NI, RTZA BAR, BYANG SHAR MTSAMS NA YONGS 'DU STE, ,ZHES BYUNG, LTA NA SDUG GI GRONG KHYER DE'I BYANG SHAR MTSAMS NA YONGS 'DUS BRTOL YOD DE, DE'I RTZA BA DPAG TSAD LDA BCU THUR DU ZUG PA, BRGYA GYEN DU 'PHAGS PA, [?] LAG DANG 'DAB MA DANG LO MA DAG GIS DPAG TSAD LNGA BCUR KHYAB PA ME TOG RGYAS PA'I DRI BZANG BO RDZI PHYOGS SU DPAG TSAD BRGYA DANG RDZI PHYOGS MA YIN PAR DPAG TSAD LNGA BCUR LDANG BA'I PHYIR, RANG 'GREL SOGS BLTAS KYANG 'DI LTAR BSHAD PA
LAS MDZOD LUGS LA RTZA BA DPAG TSAD LNGA BCU THUR DU MI 'THAD KYANG, SA SDE LAS, DE'I RTZA BA NI DPAG TSAD LNGA BCU THUR DU ZUG GO ,'PHANG DU NI DPAG TSAD BRGYA YOD DO, ,YAL GA DANG LO MA GZHO NU NU NI DPAG TSAD BRGYAD BCUR KHYAB PAR 'DUG GO, ,ZHES GSUNGS SO, ,LHAG MA MTHUN, SA SDE LAS, DE'I DRUNG NA SUM CU RTZA GSUM PA'I LHA RNAMS DBYAR ZLA BA BZHIR 'DOD PA'I YON TAN LNGA BO DAG GIS RTZE ZHING DGA' PAR BYED DO, ,ZHES SO, ,DE BZHIN DU BZA' BA'I BYUNG BA'I LJON SHING LAS BDUD RTZI'I ZAS SNGON PO DANG SER PO DANG DMAR PO NGANG DKAR PO BZHI 'BYUNG, BTUNG BA 'BYUNG BA'I DE LAS SBRANG RTZI SBRANG CHAD DANG, BZHON PA 'BYUNG BA'I DE LAS SHING RTA DANG KHYOGS DANG KHYOGS G-YOG DANG GOS 'BYUNG BA DANG RGYAN 'BYUNG BA NGANG GLU 'BYUNG BA DANG BA ZHAD GANG 'BYUNG BA SOGS BSAM PAS 'BYUNG ZHING GAS RGYAN SOGS YAL GA DUD NAS STER LA, SGRA MI SNYAN LA DPAG BSAM GYI SHING YOD KYANG RANG GIS LEN DGOS PAR SA SDES BSHAD DO, ,LNGA PA NI, RTZA BAR, LHO NUB MTSAMS NA CHOS BZANG NGO, ,ZHES BYUNG, GRONG KHYER LTAN SDUG GI PHYI ROL LHO NUB MTSAMS NA TSES BZANG LHA'I 'DU NAS YOD DO, ,DE CHOS CAN, KHYOD KYI TSAD DANG KHYAD CHOS YOD DE, TSAD CHU ZHED DU DPAG TSAD SUM BRGYA DANG GRONG KHYER LTAN SDUG LAS GYEN DU 'PHAGS 'OG GZHI DANG YANG THOG DANG SPYI 'DUS KYI
, ,GDUNG LA SOGS BA THAMS CAD SHEL LAS GRUB PA, DBUS NA KA BZUR BRGYAD BA SPYI 'DUS KYI GDUNG LA SKRA'I RTZE MO TZAM ZHIG MA RAG PA DE'I DRUNG NA BRGYA BYIN GYI GSER KHRI DANG, DE'I MTHAR NYE DBANG SO GNYIS KYI KHRI BA SHAMS PA YOD PA'I PHYIR, DER SUM CU RTZA GSUM PA'I LHA RNAMS 'DUS NAS LHA DANG MI'I DON SEMS SHING, 'DI NI BYA BA'O 'DI NI MI BYA BA'O ZHES BGRO BA MDZAD DE, CHOS BRGYAD BCU BZHI BCO LNGA LA 'DZAM GLING DU NYUL TE RGYAL CHEN BZHIS KYANG NYUL NAS DE'I TSE PHA MA DANG DGE SBYONG DANG RIGS KYI RGAN RABS LA CHEN BOR 'DZIN NA CHOS BZANG DU BSGRAGS BAS DGA' BA DANG BZLOG NA MI DGA' BA SOGS DU MA LAS BSHAD DO, ,GZHAN YANG BRGYA BYIN LA G-YUL DOR SPYOD PA'I GLAD CHEN RA BA BA RTAN DANG, SKYED MOS TSAL DU SBYOD BA'I SA SRUNG GI BU GNYIS DANG, RTA'I RGYAL PO SPRIN GYI SHUGS CAN RTA GA YOG BRGYA STONG DANG BCAS PA NUB PHYOGS GLING PHRAN KHAM BU CAN NA GNAS BA MDO GZHAN NAS BSHAD BA 'DIR MI GSAL LHA'I RDA BO CHE YANG MDO DANG RGYUD BLA SOGS NAS BSHAD DO ,SMRAS PA, LHA YUL MA PHYIN RGYAL KHAMS BSKOR MIN KYANG, MDO DANG BSTAN BCOS SHEL GYI ME LONG NGOR, ,BKRA BA'I SNOD BCUD RI MO SHES MTHONG RNAMS, ,RNAM RTOG RGYU BA'I GRANGS BZHIN SUS BRJOD NUS, ,SHES BYA JI SNYED 'JOG TSUL THEM SKAS DANG, ,LAS 'BRAS
MI SHES LONG BAS DA BU MA'I LTA, ,BGROD 'DOD RMONGS BA CHER 'GYUR SUM RTZEN GYI, ,GSHOG BRAL GNYIS SKYES PHUNG PO BZHIN NO GSUNGS, ,STON PA MNYAM MED 'DZUM GSUNGS PA DUD RTZI DE ,SNYING LA LCIBS MDO SNGAGS GANG YIN KYANG, ,THABS SHES NYI TSE MI BYA ZUNG 'BREL DU, ,SKYE DGU YONGS LA THAL MO SBYAR BAR 'TSAL, ,ZHES PA'ANG BAR SKABS KYI TSIGS SU BA CAD PA'O, ,GNYIS BA SA DANG MA 'BREL BA'I GNAS NI, RTZA BAR; DE STENG LHA RNAMS GZHAL MED KHANG, ,ZHES BYUNG, SHES BYA CHOS CAN, DE YOD DE, SUM CU RTZA GSUM, DE'I STENG NA 'THAB BRAL LAM MTSEM DANG, DGA' LNGAN DANG, 'PHRUL DGA' DANG, GZHAN 'PHRUL DBANG BYED DE' 'DOD LHA BZHI, TSANGS RIS NAS, 'OG MIN PAR GYI GNAS BCU DRUG BCU GAM BCU BDUN RNAMS GZHAL MED KHANG NA GNAS BA'I PHYIR, DE YANG 'DOD LHA DKAR DMAR SER GSUM YOD LA GZHAL YAS KHANG YANG CHED DU BYAS MA BYAS CI RIGS YOD LA TSAD LUS KYIS DBAG DGOS, BSAM GTAN DANG PO GSUM GYI 'OG GZHI 'BREL NAS CHAGS LA BZHIB SKAR MA LTA BUR SO SOR CHAGS PAR BSHAD DO, ,GSUM BA SEMS CAN GYI KHYAD CHOS LA, 'DOD PA LA SPYOD PA DANG, 'DOD GZUGS KYI LHA'I SKYE TSUL DANG, 'DOD PA DANG BDE BA SKYE BA'I KHYAD BAR GSUM, DANG PO NI, RTZA BAR, 'DOD PA, NAS, DGOD DANG BLTAS BAS 'KHRIG PA
, ,YID; ;ZHES BYUNG, GZHAL MED KHANG GI LHA'I RIS DE LTAR NYER GNYIS LAS DRUG GIS 'DOD PA SPYOD LA LHAG MAS MI SPYOD DE, RGYAL CHEN BZHI NAS GZHAN 'PHRUL DBANG BYED BAR GYI 'DOD LHAS 'DOD PA SPYOD LA, LHAG MA GZUGS KYI LHA BCU DRUG GIS MI SPYOD PA'I PHYIR, RTZA BAR, 'DOD PA SPYOD PA DRUG YIN NO, ,ZHES SO, ,SHES BYA CHOS CAN, 'DOD LHA DRUG GIS 'DOD PA SPYOD TSUL YOD DE; 'OG MA GNYIS MI LTAR DBANG PO GNYIS SPRAD NAS 'KHRIG PA SPYAD KYANG LUS LA MI GTZANG BA DANG RTZA RGYU MA MANG LA RNAMS MED PAS KHU KHRAG MI 'ONG LA MJUG TU RLUNG NYI TSE 'ONG, 'THAB BRAL BA RNAMS 'KHYUD TZAM GYIS 'KHRIG BDE SPYOD, DGA' LDAN PA RNAMS LAG PA BCAD TZAM GYIS DE SPYOD, 'PHRUL DGA' BA RNAMS DGOD PA TZAM GYIS DE SPYOD, GZHAN 'PHRUL DBANG BYED PA RNAMS PHAN TSUN BLTAS PA TZAM GYIS DE SPYOD PA'I PHYIR, RTZA BAR, GNYIS GNYIS 'KHYUD DANG LAG BCANG DANG, ,DGOD DANG BLTAS PAS 'KHRIG PA YIN, ,ZHES DANG, RANG 'GREL LAS, DE DAG LA KHU CHU MED PA'I PHYIR RLUNG BTANG BAS YONGS SU GDUNG BA DANG 'BRAL LO, ,ZHES DANG, GANG SPEL LAS, DE MED PA DANG DE NA YOD PA'I ZAS LA RGYU MTHUN PA MED PA'I PHYIR, ZHES SO, ,GNYIS PA NI, RTZA BAR, BYIS PA LO LNGA LON PA NAS, ,NAS, KUN RDZOGS GOS DANG BCAS PA NYID, ,ZHES
BYUNG; 'DI LA 'DOD LHA SKYE TSUL DANG, GZUGS GYI LHA SKYE TSUL GNYIS, DANG PO NI, 'O NA DE LTAR 'DOD PA SPYOD PAS PU SKYE NA DE DE'I BU JI LTAR SNYAM NA, DE DAG RDZUS SKYES YIN KYANG PHA MA'I THA SNYAD BYED TSUL YOD DE, LHA PHO MO GANG GI BANG PAR LHA'I BU'AM BU MO BYUNG BA DE DE'I BU'AM BU MOR 'JOG PA'I PHYIR, DE DAG SKYE BA'I BONG TSOD RGYAL CHEN SDE BZHI PA TSE LO BRGYA BA'I BYIS PA LO LNGA LON PA LTAR BU NAS, GZHAN 'PHRUL DBANG BYED PA BYIS PA LO BCU LON PA LTA BU'I BAR 'DOD LHA DRUG PO DE DAG TU SKYE BA'I PHYIR TE, RTZA BAR, BYIS PA LO LNGA LON PA NAS, ,LO BCU LON PA LTA BU'I BAR, ,DE DAG TU SKYES, ZHES SO, ,'DOD LHA THAMS CAD KYI SKYE TSUL DE LTAR MA YIN TE; BRGYA BYIN RDZOGS PAR SKYE ZHING MYUR BAS SNGA PHYI BRJES PA DBANG MO SHA TZIM MA YIN PAS LHA GZHAN GYIS MI SHES PA'I PHYIR, SHES BYA CHOS CAN, GZUGS KHAMS KYI LHA RIM GYIS SKYE BA MA YIN TE, SKYES MA THAG NAS LUS KYI BOD TSOD KUN RDZOGS SHING NGO TSA DANG KHREL YOD PAS GOS DANG BCAS NAS SKYE BA'I PHYIR, RTZA BAR, GZUGS CAN RNAMS, ,KUN RDZOGS GOS DANG BCAS PA NYID, ,CES SO, ,GSUM PA NI, RTZA BAR; 'DOD PA SKYE BA GSUM PO NI, ,NAS, BSAM GTAN GSUM LAS DGU YIN, ,ZHES BYUNG, SHES BYA CHOS CAN, MDO LAS, 'DOD PA SKYE BA GSUM GSUNGS PA DE YOD DE, 'DOD PA'I LHA DANG MIR
, ,BCAS PA LA DE 'JOG PA'I PHYIR, MI DANG LHA'I RIS 'OG MA BZHI CHOS CAN, 'DOD PA SKYE BA DANG PO YIN TE, YUL JI LTAR BYUNG BA LA 'DOD PA YONGS SU LONGS SPYOD PA'I PHYIR, 'DOD LHA LNGA PA CHOS CAN, 'DOD PA SKYE BA GNYIS PA YIN TE, RANG GI 'DOD PA SPRUL NAS DE LA LONGS SPYOD PA'I PHYIR, 'DOD LHA DRUG PA CHOS CAN, 'DOD PA SKYE BA GSUM PA YIN TE, RANG GI 'DOD PA BZHIN BDAG GIS SPRUL PA DANG GZHAN GYIS SPRUL PA LA 'DOD PA YONGS SU SPYOD PA'I PHYIR, SHES BYA CHOS CAN, MDO LAS, BDE PA SKYE BA GSUM GSUNGS PA YOD DE, BSAM GTAN DANG PO GNYIS PA GSUM PA GSUM LAS GSUM GSUM STE DGUR PHYE BA DE YIN PA'I PHYIR, DE DGU BDE BA SKYE BA GSUM DU BZHAG TSUL YOD DE, BSAM GTAN KHYAD PAR CAN MA YIN PA'I BSAM GTAN DANG PO GSUM NA DPEN PA LAS SKYES PA'I DGA' BDE YOD PAS DPEN PA LAS BDE BA SKYE BAR 'JOG ,BSAM GTAN GNYIS PA GSUM NI TING NGE 'DZIN LAS SKYES PA'I BDE BA SKYE PAR 'JOG ,BSAM GTAN GSUM PA GSUM NI DGA' BA MED PA'I BDE BA LAS SKYE BAR 'JOG PA'I PHYIR, DANG PO GRUB STE, DE DAG NI 'DOD PA DANG MI DGE BA LAS DBEN PA LAS SKYES PA'I RTOG DPYOD DANG BCAS PA'I BDE BCAN YIN PA'I PHYIR DANG, BSAM GTAN KHYAD PAR CAN NA DGA' BOD DE MED PA'I PHYIR, GNYIS PA GRUB STE, DE
DAG RTOG DPYOD DANG BRAL PA'I DGA' BDE TZAM YIN PA'I PHYIR, GSUM PA GRUB STE, DE DAG YID BDE DANG YANG BRAL BAS DGA' BA MED PA'I BDE BA LTAR GNAS PA'I PHYIR, BZHI PA PAR GYI THAG RING THUNG NI, RTZA BAR, GNAS NAS GNAS 'OG JI SRID PAR, ,DE NAS DE'I GONG DE SRID, ,CES BYUNG, SHES BYA CHOS CAN, GNAS 'OG MA 'DZAM GLING NAS GONG MA 'OG MIN PAR GYI THAG TSAD PA GRANG DKA' YANG GZHAL TSUL YOD DE, THAMS CAD KYI 'OG MA'I RTZI GZHI 'DZAM GLING BYAS, 'DZAM GLING NAS GNAS GONG MA SHIN TU MTHONG BA MAN CHAD KYI RANG RANG GI 'OG GI BAR THAG GI TSAD DE RANG RANG GI GONG MA'I GNAS KYI BAR THAG GI TSAD YIN PA'I PHYIR, DPER NA, RGYAL CHEN SNGE BZHI NAS 'OG MA 'DZAM GLING BAR LA DPAG TSAD BZHI KHRI YOD PAS NA, RGYAL CHEN SDE BZHI NAS SUM CU RTZA GSUM PAR LA DPAG CHANG BZHI KHRI YOD CING, DE BZHIN DU SUM CU RTZA GSUM NAS 'DZAM GLING BAR LA DPAG TSAD BRGYAD KHRI YOD PAS NA, SUM CU RTZA GSUM DANG 'THAB BRAL BAR LA'ANG BRGYAD KHRI YOD, 'THAB BRAL NAS 'DZAM GLING BAR LA DE KHRI TSE BCU DRUG YOD PA LTAR 'THAB BRAL NAS DGA' LDAN PAR LA DE KHRI TSO BCU DRUG DANG, DGA' LDAN NAS 'DZAM GLING BAR LA DE KHRI TSO SO GNYIS LTAR DE'I GONG MA 'PHRUL DGA' LA'ANG SO GNYIS YOD 'PHRUL DGA' NAS 'DZAM GLING LA KHRI PHRAG RE BZHI YOD PA LTAR DE'I GONG GZHAN 'PHRUL LA RE BZHI
, ,YOD; GZHAN 'PHRUL NAS 'DZAM GLING LA KHRI KHRAG BRGYA DANG NYER BRGYAD YOD PA LTAR, DE NAS DE'I GONG MA TSANGS RIS LA KHRI PHRAG BRGYA DANG NYER BRGYAD YOD PA SOGS 'OG MIN PAR DU RIGS BSGRES PA DE YIN PA'I PHYIR, SDOM NI, RGYAL CHEN RIS NAS DER BZHI KHRI, ,SUM RTZEN GNAS NI BRGYAD KHRI LTAR, ,'THAB BRAL KHRI PHRAG BCU DRUG GIS, ,DGA' LDAN SO GNYIS 'PHRUL DGA' NAS, ,RE BZHI GZHAN 'PHRUL NYER BRGYUD BRGYAS, ,TSANGS RIS NYIS BRGYAD BRGYAD KYIS, ,TSANGS MDUN LNGA BRGYA BCU DRUG GIS, ,TSANGS CHEN STONG DANG SO GNYIS KYIS, ,'OD CHUNG NYIS STONG RE BZHI YIS, ,BZHI STONG NYER BRGYAD BRGYAS TSANG MED, ,DE TSEGS GONG MI'I 'DZAM GLING TSAD, ,DE'I GONG MAS 'DZAM GLING BAR, ,NYIS 'GYUR GYIS SHIG BLO LDAN KYEE, ,NYER BZHI'I GNAS KYI BAR TSAD SNGOM, ,RTZI GZHI DPAG TSAD KHRI PHRAG BYAS, ,ZHES PA LTA BU YIN NO, ,'DI RANG 'GREL GYIS DKA' GSUNGS KYANG SUS MA BSHAD PAS LEGS PAR BKRAL LO, ,SHES BYA CHOS CAN, GNAS 'OG MAR SKYES PAS GONG MA'I GZHAL YAS KHANG DU BGROD MTHONG MI NUS STE; GONG MA GZHAN GYIS DER 'KHRID PA LTA BU GZHAN LA BRTEN PA DANG RANG GIS GONGS DE'I TING NGE 'DZIN THOB PA LTA BU MA YIN PA LA MED PA'I PHYIR, DER THAL, GONG MA GONG MA'I GZUGS DANG SA DANG 'BRAS BU DANG KHAMS
DNGAS RNAMS KYI RGYU DANG 'BRAS BU GONG 'OG THA DANG DU GYUR PA'I PHYIR, GANG SBEL LAS, GZHAN DAG NA RE, DE NI DE LTAR MA YIN TE, GZUGS DANG 'BRAS BU DANG KHAMS DANG SA RNAMS KYI RGYU DANG 'BRAS BU YONGS SU CHAD PA'I PHYIR RO, ,ZHES GSUNGS PA'I PHYIR, SNGAR MIG GIS GONG MA'I GZUGS MIN LTA BU'O, ,DRUG PA STONG GSUM NGOS BZUNG BA NI, RTZA BAR, GLING BZHI PA DANG NYI ZLA DANG, ,NAS, MNYAM DU 'JIG CING 'BYUNG BA YIN; ;ZHES TSIGS BCAD GNYIS BYUNG, SHES BYA CHOS CAN, STONG GSUM 'JIG RTEN GYI KHAMS ZHES PA'I NANG TSAN GYI STONG SPYI PHUNG YOD DE, GLING BZHI RE RE LA STONG, DE BZHIN DU NYI MA STONG, ZLA BA STONG, RI RAB STONG, 'DOD LHA DRUG PO RE RE STONG DANG, TSANGS PA'I 'JIG RTEN STONG LA STONG SBYI PHUD DANG, STONG DANG PO DANG, STOD CHUNG NGUR 'JOG PA'I PHYIR, RANG 'GREL LAS, STONG CHUNG DU'I 'JIG RTEN GYI KHAMS 'DI CI ZHE NA ZHES DANG, DE'I LAN DU, RANG 'GREL LAS, 'DZAM BU'I GLING DANG NAS, TSANGS PA'I 'JIG RTEN STONG 'DI NI, STONG SBYI PHUNG GYI 'JIG RTEN GYI KHAMS ZHES BYA'O, ,ZHES GSUNGS PA'I PHYIR, KUN BTUS LTAR NA STOD DANG PO RE RE LA LCAGS RI RE RES BSKOR BA YIN NO, ,SHES BYA CHOS CAN, STONG GSUM GYI STONG GNYIS PA BAR MA'I 'JIG RTEN GYI KHAMS YOD DE, STONG DANG PO DE STONG LA STONG GNYIS PA DANG STONG BAR MA'I 'JIG
, ,RTEN GYI KHAMS ZHES BYA BA YIN PA'I PHYIR, RANG 'GREL LAS, STONG CHUNG NGU'I 'JIG RTEN GYI KHAMS DE DAG STONG NI STONG GNYIS PA BAR MA'I 'JIG RTEN GYI KHAMS YIN NO, ,ZHES GSUNGS PA'I PHYIR, KUN BTUS LTAR NA 'DI YANG STONG DANG PO LCAGS RI CAN STONG RE LA LCAGS RI RES BSKOR BA YIN NO, ,SHES BYA CHOS CAN, STONG GSUM GYI STONG CHEN PO YOD DE, STONG BAR MA'I 'JIG RTEN STONG LA NI STONG GSUM GYI 'JIG RTEN DANG STONG CHEN PO'I 'JIG RTEN KYI KHAMS ZHES 'JOG PA'I PHYIR, RANG 'GREL LAS, STONG GNYIS PA'I 'JIG RTEN GYI KHAMS DE DAG STONG NI STONG GSUM GYI STONG CHEN PO'I 'JIG RTEN GYI KHAMS YIN TE, ZHES GSUNGS PA'I PHYIR, KUN BTUS LTAR NA 'DI YANG LCAGS RI GCIG GIS BSKOR BA GCIG LAS MED CING STONG CHEN PO LA STONG DANG PO'I GLING BZHI'I LCAGS RI BYE BA PHRAG BRGYA DANG STONG GNYIS PA'I LCAGS RI 'BUM PHRAG BCU DANG STONG DANG PO LCAGS RI BRGYA PHRAG BCU GOR LE GOR LE DONG TZE LTA BUR YOD DGOS SO, ,SHES BYA CHOS CAN, DE LTA BU'I 'JIG RTEN GYI KHAMS GCIG TU 'JOG STE, DE DAG MNYAM DU 'JIG CING 'BYUNG BA 'JIG RTEN GYI KHAMS GCIG CHAGS PA DANG 'JIG PAR 'JOG BA'I PHYIR 'OG TU 'CHAD 'GYUR CHAGS PA DANG NI ZHES SOGS LTAR YIN PA'I PHYIR, BDUN PA 'GRO BA RNAMS KYI LUS TSE'I
TSAD LA, YUL TSAD DANG, TSA TSAN BSHAD PA GNYIS, DANG PO [?] PA'I DANG, LHA'I LUS TSAD GNYIS, DANG PO NI, RTZA BAR, 'DZAM BU'I GLING BA RNAMS KYI TSAD, NAS GNYIS 'GYUR SKYED, ,CES TSIGS BCAD GCIG BYUNG, SHES BYA CHOS CAN, GLING BZHI'I MI RNAMS KYI LUS TSAD YOD DE, TSE LO BRGYA BA'I 'DZAM BU'I GLING GI MI PHAL CHER KHRU PHYED DANG BZHI YIN LA, KHA CIG LA KHRU BZHI DANG, GLING GZHAN GSUM LA KUN TU SHAR GYI MI KHRU BRGYAD, BA LANG SPYOD KYI MI KHRU BCU DRUG ,SGRA MI SNYAN GYI MI KHRU SO GNYIS TE, SNGA MA RNAMS LAS PHYI MA RNAMS RIM PAS NYIS 'GYUR YIN PA'I PHYIR, GNYIS PA LHA'I LUS TSAD LA, 'DOD LHA'I TSAD DANG, GZUGS KHAMS PA'I TSAD GNYIS, DANG PO NI, RTZA BAR, 'DOD DANG LDAN PA'I LHA YI LUS, ,NAS, PHYED DANG GNYIS KYI BAR DU SKYED, ,CES RKANG BA GSUM BYUNG, DE CHOS CAN, 'DOD LHA'I LUS TSAD YOD DE, RGYAL CHEN RIGS PA'I BZHI BA RGYANG GRAGS KYI BZHI CHA DANG, SUM CU RTZA GSUM PA BZHI CHA GNYIS DANG, 'THAB BRAL PA BZHI CHA GSUM DANG, DGA' LDAN PA RGYANG GRAGS GCIG DANG, 'PHRUL DGA' BRGYANG GRAGS GCIG DANG BZHI CHA GCIG ,GZHAN 'PHRUL BRGYANG GRAGS PHYED DANG GNYIS YOD PA'I PHYIR, GNYIS PA NI, RTZA BAR, GZUGS CAN DANG PO DPAG TSAD PHYED, ,NAS, SPRIN MED DPAG TSAD GSUM DOR
, ,RO; ;ZHES TSIGS BCAD GCIG DANG RKANG BA GCIG BYUNG, DE CHOS CAN, DE'I TSAD YOD DE, GZUGS SA CAN DANG PO TSANGS RIS PA'I LUS LA BDAG TSAD PHYED DANG, TSANGS RIS BA'I GONG MA BZHI LA DPAG TSAD PHYED PHYED BSKYED PAS MDUN NA 'DON DPAG TSAD GCIG ,TSANGS CHEN LA PHYED DANG GNYIS, 'OD CHUNG LA DPAG TSAD GNYIS DANG, 'OD CHUNG GI LTAG STE GONG MA RNAMS NYIS BGYUR DU BYAS PAS TSAD MED 'OD KYI LUS LA DPAG TSAD BZHI, 'OD GSAL BA LA DPAG TSAD BRGYAD, DGE CHUNG PA LA BCU DRUG ,TSAD MED DGE LA SO GNYIS, DGE RGYAS PA LA RE BZHI, SPRIN MED LA NYIS 'GYUR LAS DBAG TSAD GSUM DOR PAS BRGYA NYER LNGA DANG, BSOD NAMS SKYES PHYED DANG SUM BRGYA, 'BRAS BU CHE BA LA LNGA BRGYA, MI CHA BA LA STONG, MI GDUNG BA LA NYIS STONG, GYA NOM SNANG BA LA BZHI STONG, SHIN TU MTHONG BA LA BRGYAD STONG, 'OG MIN PA'I LUS LA DPAG TSAD KHRI DRUG STONG YOD PA'I PHYIR, ,GNYIS PA TSE TSAD LA, BDE 'GRO'I TSE TSAD, NGAN 'GRO'I TSE TSAD, MA NGES PA'I 'CHI BA YOD MED DPYAD PA GSUM, DANG PO LA MI'I TSE TSAD DANG, LHA'I TSE TSAD GNYIS, DANG PO NI, RTZA BAR, SGRA MI SNYAN, NAS, DANG PO DPAG TU MED, ,CES TSIGS BCAD GCIG BYUNG, SHES BYA CHOS CAN, GLING BZHI'I
MI RNAMS KYI TSE TSAD YOD DE, SGRA MI SNYAN NA TSE LO STONG DANG, NUB DANG SHAR GNYIS NA DE'I PHYED PHYED SPANGS PA STE RIM PA BZHIN DU LNGA BRGYA DANG, PHYED DANG SUM BRGYA DANG, 'DZAM BU'I GLING 'DIR MA NGES PA STE THA MAR LO BCU DANG BSKAL PA DANG PO'I TSE LO DPAG TU MED PA THUB PA'I PHYIR, PHYI MA GRUB STE, DANG POR 'DZAM BU'I GLING GI TSE LO STONG SOGS KYIS BGRANG MI THUB PA'I PHYIR TE, RANG 'GREL LAS, BSKAL BA DANG PO'I MI RNAMS KYI TSE DPAG TU MED PA YIN TE, STONG LA SOGS PA'I GRANGS KYIS YONGS SU TSAD BZUNG BAR MI NUS SO, ,ZHES GSUNGS PA'I PHYIR, GNYIS PA LA, 'DOD LHA'I TSE DANG, GZUGS KHAMS PA'I TSE, GZUGS MED KYI TSE TSAD GSUM, DANG PO NI, RTZA BAR, MI RNAMS KYI LO LNGA BCU LA, ,NAS, GONG MA GNYIS KA GNYIS 'GYUR RO, ,ZHES BYUNG, SHES BYA CHOS CAN, 'DOD LHA RIGS DRUG GI TSE TSAD YOD DE, MI RNAMS KYI LO LNGA BCU LA 'DOD PA DAG GI LHA 'OG MA RGYAL CHEN RIGS BZHI'I NYIN ZHAG DANG, DE SUM CU LA ZLA BA, DE BCU GNYIS LA LOR BYAS PA'I RANG LO LNGA BRGYA YIN ZHING, DE'I GONG MA SUM CU RTZA GSUM PA YAN CHAD ZHAG DANG LO GNYIS KA NYIS 'GYUR NYIS 'GYUR BYAS PAS, MI LO BRGYA LA SUM CU RTZA GSUM PA'I ZHAG GCIG DE SUM CU LA ZLA BA DANG, DE BCU GNYIS LA LOR BYAS PA'I RANG LO STONG THUB PA NAS, MI LO STONG DANG DRUG BRGYA LA ZHAG
, ,GCIG DE SUM CU LA ZLA BA, DE BCU GNYIS LA LOR BYAS PA'I RANG LO KHRI DRUG STONG GI BAR THUB PA DE'I PHYIR, GNYA' SHING 'DZIN YAN CHAD NA NYI ZLA'I BYA BA MED KYANG LHA RNAMS KYI NYIN ZHAG DANG SNANG BA MED PA'I SKYON MED DE, KU MU TA KHA PHYE DUS DANG PADMA 'DZUM DUS GNYID BRO BA DANG BYA SKAD MI 'BYIN PA DAG MTSAN DANG, DE BZLOG PA NYIN MOR 'JOG LA, RANG LUS 'OD KYIS SGRON ME LTAR SNANG PA BYED PA'I PHYIR TE, RANG 'GREL LAS, GNYA' SHING 'DZIN YAN CHAD NA NYI MA DANG ZLA BA MED PA'I PHYIR, ZHES GSUNGS PA'I PHYIR, DES NA SUM CU RTZA GSUM MAN CHAD CES MA MTHA' 'DZIN PA MDZOD LUGS LA MI 'THAD PAR THAL, LUNG DES SO, ,GNYIS BA NI, RTZA BAR, GZUGS CAN NYIN MTSAN MED TSE NI, ,RANG LUS GZHAL BAS BSKRAL BA YIS, ,ZHES BYUNG, SHES BYA CHOS CAN, GZUGS KHAMS NA NYI ZLA MED KYANG TSE TSAD YOD DE, TSE CHOD NI RANG LUS KYI TSAD GZHAL PA'I DPAG TSAD GRANGS KYIS BAR BSKAL MA YIN PA'I BSKAL BAR BGRANG BAS RTZI BA'I PHYIR, DER THAL, TSANGS RIS PA'I TSE BAR BSKAL BZHI BCU LA BSKAL PA GCIG BYAS PA'I BSKAL BA PHYED DANG, MDUN NA 'DON PAR BSKAL BZHI BCU LA BSKAL BA GCIG BYAS PA'I BSKAL BA GCIG, TSANGS CHEN PA BAR BSKAL BZHI BCU LA BSKAL BA GCIG BYAS PA'I BSKAL PA PHYED GNYIS SAM PAR BSKAL DRUG CU DANG, 'OD
CHUNG YAN CHAD BSKAL CHEN YIN PAS 'OD CHUNG BA BSKAL CHEN GNYIS SOGS NAS 'OG MIN PA BSKAL CHEN KHRI DRUG STONG YOD PAS LUS TSAD LTAR YIN PA'I PHYIR, SNGOM DU BYAS NA, GZUGS CAN DANG PO BSKAL BA PHYED, , DE'I GONG MA PHYED PHYED SKYED, ,'OD CHUNG RNAMS KYI LTAG YAN CHAD, ,TSE NI NYIS 'GYUR NYIS 'GYUR STE, ,SPRIN MED BSKAL CHEN GSUM DOR RO, ,'OD CHUNG YAN CHAD BSKAL CHEN STE, ,'OG MA GSUM NI DE PHYED SOGS, ZHES BYA BA YIN PA'I PHYIR, GSUM PA NI, RTZA BAR, GZUGS MED BSKAL BA STONG PHRAG NI, ,NYI SHU LHAG PAS LHAG PA YIN, ,'OD CHUNG NAS BZUNG BSKAL CHEN TE, ,DE'I 'OG MA PHYED YIN NO, ,ZHES BYUNG; GZUGS MED PA'I TSE TSAD YOD DA, NAM MKHA' MTHA' YAS PA BSKAL BA CHEN PO STONG PHRAG NYI SHU YIN LA, DE'I GONG MA GSUM RIM BAS BSKAL CHEN NYI SHU NYI SHU RE LHAG PA'I PHYIR, RNAM SHES MTHA' YAS PA BSKAL CHEN BZHI KHRI, CI YANG MED PA'I SKYE MCHED PA BSKAL CHEN DRUG KHRI, SRID RTZE BA BRGYAD KHRI YIN PA'I PHYIR, BSKAL BDE DAG BAR BSKAL TZAM MA YIN TE, 'OD CHUNG NAS BZUNG STE SRID RTZE'I BAR BSKAL CHEN GYIS RTZIL, GZUGS KHAMS KYI 'OG MA TSANGS RIS NAS BSKAL CHEN DE'I PHYED LA BSKAL BAR BYAS BA DES RTZI BA'I PHYIR, RTZA BAR, 'OD CHUNG NAS BZUNG BSKAL CHEN TE, ,DE'I 'OG MA PHYED YIN NO, ,ZHES SO, ,DE
, ,DE LA KHA CIG NA RE, TSANGS CHEN PA'I TSE TSAD BSKAL CHEN GYI PHYED BAR BSKAL BZHI BCU LA BYED ZER NA, MI 'THAD BAR THAL, DE'I TSE TSAD BAR BSKAL BZHI BCU LA BSKAL BAR BYAS PA DE PHYED DANG GNYIS LA 'JOG PA'I PHYIR, DER THAL, DE'I TSE TSAD BAR GYI BSKAL BA DRUG CU'AM BAR BSKAL BZHI BCU LA BSKAL BAR BYAS PA'I BSKAL BA PHYED DANG GNYIS LA 'JOG PA'I PHYIR, RANG 'GREL LAS; BAR GYI BSKAL BA DRUG CU PO DE DAG LA TSANGS PA CHEN PO'I BSKAL BA PHYED DANG GNYIS SU BSHAD DE, ZHES GSUNGS PA'I PHYIR, 'DI'I RIGS PAS DANG POR TSANGS CHEN GYI SNOD GZHAL MED KHANG 'OG GZHI DANG BCAS PA DANG, DE'I RJES SU TSANGS CHEN BYUNG, DE'I RJES SU TSANGS MDUN GYI SNOD BCUD RIM BAS CHAGS PA NAS, 'DOD PA'I MI'I SNOD BCUD RIM PAS CHAGS PA SOGS YIN TE, CHAGS BSKAL NYI SHU YANG TSANGS PA'I TSE LA 'JOG ,'JIG BSKAL GYI 'DOD PA'I SNOD ZHIG DUS YANG DA DUNG GZUGS KHAMS KYI BCUD KYANG MA ZHIG NA TSANGS CHEN MI 'JIG PA'I PHYIR, RANG 'GREL LAS, GANG YANG 'JIG RTEN GYI BAR GYI BSKAL BA NYI SHUR CHAGS PA DANG GANG YANG CHAGS NAS PAR GYI BSKAL BA NYI SHUR 'DUG PA DANG, GANG YANG BAR GYI BSKAL PA NYI SHUR 'JIG PA DANG, BAR GYI BSKAL PA DRUG CU PO DE DAG LA TSANGS PA CHEN PO'I BSKAL BA PHYED DANG
GNYIS SU BSHAD DE, ZHES GSUNGS PA'I PHYIR, 'DI LA 'KHRUL NAS MKHAS RLOM KHA CIG ,BSKAL CHEN PHYED GNYIS TSANGS PA'I TSER BSHAD SNYAM NAS DBYIG GNYEN 'GOG MKHAN YANG YOD DE, PHYOGS SNGA'I NAM LANGS PA GAL CHA STE, 'O NA SNOD CHAGS BA LA BAR BSKAL GCIG DANG, BCUD CHAGS PA LA BAR BSKAL BCU DGUR BAR BSHAD PA DANG, 'JIG PA LA'ANG SNOD LA GCIG DANG BCUD LA BCU DGUR BSHAD PA MI 'THAD PAR THAL, 'DOD PA'I SNOD MA CHAGS GONG NAS TSANGS CHEN BYUNG BA'I PHYIR NA MA KHYAB STE, DE LTAR BSHAD PA YUN TSAD BSTAN GYI BSKAL PA SNGA PHYIR 'BYUNG BA'I DON MA YIN PA'I PHYIR, MA GRUB NA, KHAMS GONG 'OG GI BCUD GNYIS CIG NAR STED PAR THAL BA DANG, KHAMS 'OG MA STONG RJES SU KHAMS GONG MA STONG BA MA YIN BAR THAL, CHAGS TSE DANG POR KHAMS GONG MA'I 'JIG RTEN GNYIS CHAGS DE RJES 'OG MA'I 'JIG RTEN GNYIS CHAGS PA MA YIN PA'I PHYIR, 'KHOR GSUM MANG PO ZHIG SKABS 'DIR 'KHYAMS SO, ,DGAG PA MA SPROS SO, ,GNYIS PA NGAN 'GRO PA'I TSE TSAD LA, TSA DMYAL BA'I TSE, DUD 'GRO'I TSE, YI DVAGS KYI TSE, GRANG DMYAL GYI TSE TSAD DANG BZHI, DANG PO NI, RTZA BAR, YANG SOS LA SOGS DRUG RIM BZHIN, ,NAS, BAR GYI BSKAL PA'O, ,ZHES TSIGS BCAD GCIG DANG RKANG BA PHYED GNYIS BYUNG, SHES BYA CHOS CAN, DE DAG GI TSE TSAD YOD DE, YANG
, ,SOS DANG, SOGS BAS THIG NAG DANG, BSDUS 'JOMS DANG, DU 'BOD DANG, DU 'BOD CHEN PO DANG, TSA BA DRUG GI TSE TSANG DANG LO'I RTZI TSUL 'DOD LTA DRUG DANG 'DRA BA'I PHYIR TE; RGYAL CHEN PA RANG LO LNGA BRGYA NAS GZHAN 'PHRUL BA KHRI DRUG STONG LA 'JOG PA LTAR YANG SOS BA RANG LO LNGA BRGYA, THIG NAG PA RANG LO STONG, BSDUS 'JOMS PA GNYIS STONG, DU 'BOD PA BZHIN STONG, DU 'BOD CHEN PO BA BRGYAD STONG, TSAB RANG LO KHRI DRUG STONG LA 'JOG PA DE DE YIN PA'I PHYIR, RTZA BAR, DES NA DE DAG RNAMS KYI TSE, ,'DOD PA'I LHA DANG 'DRA BA YIN, ,ZHES SO, ,RANG LO'I GRANGS 'DRA YANG RING THUNG GTAN NAS MI 'DRA STE, RGYAL CHEN PA'I TSE TSAD DE YANG SOS PA'I ZHAG GCIG DANG, DE SUM CU LA ZLA BA, DE BCU GNYIS LA LOR 'JOG PA BZHIN DU SUM CU RTZA GSUM PA'I TSE TSAD DANG THIG NAG PA'I ZHAG MNYAM, 'THAB BRAL BA'I TSE TSAD DANG BSDUS 'JOMS KYI ZHAG DANG, DGA' LDAN PA'I TSE TSAD DANG DU 'BOD PA'I ZHAG DANG, 'PHRUL DGA'I TSE DANG DU 'BOD CHEN PO'I ZHAG DANG, GZHAN 'PHRUL BA'I TSE DANG TSA BA'I ZHAG GCIG MNYAM BA'I PHYIR, RTZA BAR, YANG SOS LA SOGS DRUG RIM BZHIN, ,'DOD LTA'I TSE DANG NYIN ZHAG MNYAM, ,ZHES SO, ,RAB TSA DANG MNAR MED KYI TSE TSAD YOD DE, SNGA MA BAR BSKRAL PHYED DANG, PHYI MA'I TSE BAR
BSKAL GCIG TU 'JOG PA'I PHYIR, RTZA BAR, RAB TU TSA PHYED MNAR MED PA NI, ,BAR GYI BSKAL BA'O, ,ZHES GSUNGS PA'I PHYIR, MI LO CI TZAM GYI GRAGS SHES 'DOD NA RIN CHEN 'DRAN PA'I SHING RTAR LTOS, GNYIS BA NI; RTZA BAR, DUD 'GRO RNAMS, MCHOD RIN BSKAL BA'O, ,ZHES BYUNG, DUD 'GRO'I TSE TSANG YOD DE, THUNG PA MA DES LA RING MTHA' BAR BSKAL GCIG THUB PA'I PHYIR, BCOM LDAN 'DAS KYIS DGE SLONG DAG KLU BRGYAD PO 'DI DAG NI KLU CHEN PO STE BSKAL BAR GNAS PAS 'DZIN PA'O, ,ZHES GSUNGS PA'I PHYIR, GSUM PA NI, RTZA BAR, YI DVAGS RNAMS, ,ZLA BA NYIN ZHAG GI LNGA BRGYA, ,ZHES BYUNG, YI DVAGS KYI TSE TSAD YOD DE, MI'I ZLA BA GCIG GI YUN TSAD LA ZHAG GCIG ,DE SUM CU LA ZLA BA, DE BCU GNYIS LA LOR BYAS PA'I RANG LO LNGA BRGYA THUB PA'I PHYIR, LHA MIN RNAMS SUM CU RTZA GSUM PA DANG MNYAM PAR THUB PO, , BZHI PA NI, RTZA BAR, TIL SBYANGS NANG NAS LO BRGYA ZHING, ,NAS, GZHAN GYI TSE NI NYI SHUR BSGYUR, ,ZHES TSIGS BCAD GCIG BYUNG, GRANG DMYAL GYI TSE TSAD YOD DE, TIL SBYANG NGAM BANG BA MAG DHA'I BRE PO TSE'I KHAL BRGYAD CUS GANG BA'I NANG NAS LO BRGYA BRGYA ZHING TIL RE RE PHYUNG PAS ZAD BAR GYUR BA'I YUN TSAD DANG, CHU BUR CAN GYI TSE YUN TSAD MNYAM LA, DE NYI SHU CHU BUR RDOL BA'I TSE TSAD DANG, DE BZHIN DU SO THAM
, ,THAM PA DANG, AA CHU BA DANG, KYI HUD PA DANG, AUTPAL LTAR GAS PA DANG, PADMA LTAR GAS PA DANG, PADMA CHEN PO LTAR GAS PA DRUG SNGA MA NYI SHUR BSGYUR BA PHYI MA RE'I TSE TSAD YIN PA'I PHYIR, TSE MTHA'I MDO LAS, DGE SLONG DAG DPER NA 'DI NA YUL MAG DHA'I TIL GYI SBYANGS, ZHES SOGS GSUNGS LA, DER MA ZAD SNGAR GYI TSE TSAD THAMS CAD KYI TSE MTHA'I MDO LTAR YIN NO, ,GSUM BZHER BYUNG NGES MA NGES YOD MED LA DPYAD PA NI, RTZA BAR, SGRA MI SNYAN MA GTOGS PAR 'CHI, ,ZHES BYUNG, SGRA MI SNYAN PA CHOS CAN, KHYOD MA GTOGS ZHES DMIGS KYIS BKAR BA'I RGYU MTSAN YOD DE, KHYOD TSE MA RDZOGS PAR MI 'CHI LA LHA SOGS 'GRO BA LNGA'AM DRUG LA TSE TSAD BSHAD PA MA RDZOGS PAR MI 'CHI BA'I DES PA MED PA'I RGYU MTSAN GYIS YIN PA'I PHYIR, 'O NA 'DZAM GLING BA SOGS LA TSE MA NGES PA KHO NA YIN NAM ZHE NA, SGRA MI SNYAN PA RNAMS MTHA' GCIG TU NGES KYANG DE MIN PA LA TSE NGES PA'I LHA DANG MI DU MA YOD DE, BYANG SEMS SKYE BA GCIG THOGS PA DGA' LDAN NA BZHUGS PA DANG, SEMS CAN SRID PA THA MA PA'I NYAN RANG RNAMS DANG; RGYAL BAS TSE LUNG BSTAN PA DANG, RGYAL BA'I MDUN SAR BTANG PA'I PHO NYA DANG, MTHONG LAM PA ZHUGS PA DANG PA DANG CHOS KYI RJES SU 'BRANG BA DAG DANG, BYANG SEMS SRID PA THA MA PA DANG, 'KHOR LOS
BSGYUR BA MANG LAN GNAS PA'I YUM GNYIS SOGS DE YIN PA'I PHYIR, ,SMRAS PA, SHIN TU MNAG DKA'I DAN SONG SDUG BSNGAL 'DI, ,YANG YANG SOMS LA MI DGE'I LAM RNAMS SPONGS, ,LHA MIR SKYES KYANG GTAN MI BDE'I RGYU, ,NGAR 'DZIN MA RIG TSAD DE 'JIG RE RA NA, ,LAS NYON DE LTAR MA SHES PHYI NANG GI ,CHOS BYED NYON MONGS SPONGS BYED LA 'KHRUL NAS, ,LHAG SPYOD BZHIN 'KHYAMS DE BAS GNAD DAM PA, ,BDAG MED BSGOM LA DE NYID THABS DANG SBREL, ,BDAG MED MTHONG DANG SGOM LAS GSUM GYI, ,BDUD RNAMS BYE BAS BTZAL KYANG NYON MONGS KUN, ,BSKAL PA'I ME DANG PHRAD PA'I BYA SPU BZHIN, ,MI RING SKAD CIG GCIG LA DGRA BCOM 'GYUR, ZHES PA'ANG BAR SKABS KYI TSIGS SU BCAD PAS GDAMS PA'I DON GLUR BLANGS PA'O, ,BRGYAD PA TSAD DE GZHAL THABS RTZOM BYED KYI GZHI DANG, BRTZAMS PA'I 'JAM BYED BSHAD PA GNYIS, DANG PO NI; RTZA BAR, GZUGS MING DUS MTHA' RDUL YIG DANG, ,SKAD CIG ,CES BYUNG, YUL GYI TSAD DANG DUS KYI TSAD KYI RTZOM GZHI GTAN LA 'BEBS PA'I SKABS 'DIR GZUGS KYI CHUNG MTHA' DANG, MING GI THUNG MTHA' DANG, DUS KYI THUNG MTHA' GSUM BSHAD DGOS TE, YUL GYI TSAD 'JAM BYED GYI RTZOM GZHI RDUL PHRA RAB DANG, DUS 'JAL BYED KYI RTZOM GZHI SKAD CIG MA DANG, DE GNYIS SOGS CHOS THAMS
, ,CAD 'JOG PA YANG MING LA RAG LAS PAS MING GI RTZOM GZHI DANG THUNG MTHA' YI GES BSHAD DGOS PA'I PHYIR TE, RANG 'GREL LAS, DE THAMS CAD KYI RNAM PAR BZHAG PA YANG MING YIN PAS DE'I MTHA' YANG BRJOD PAR BYA STE, DE RNAMS YANG DAG PAR BSTAN PA'I PHYIR DANG PO'I RIM PA BRTZOM MO, ,ZHES GSUNGS PA'I PHYIR, SHES BYA CHOS CAN, GZUGS DANG, MING DANG, DUS KYI CHUNG MTHA' YOD DE, RDUL PHRA RAB DE GZUGS KYI CHUNG MTHA' DANG, YI GE GA LTA BU BA LANG GI MING YANG RUNG BAS MING GI THUNG MTHA' DANG, DUS MTHA'I SKAD CIG MA DE DUS KYI THUNG MTHA' YIN PA'I PHYIR, RTZA BAR, GZUGS MING; SOGS SO, ,GZHAN SLA, BAR PA GRUB STE, GA NI DRI DANG BA LANG SOGS DU MA LA 'JUG PAR MNGON BRJOD YI GE GCIG MA SOGS DU MAS GRUB PA'I PHYIR, BOD DAG GIS BOD SKAD KYI BA GLANG ZHES PA MING GI THUNG MTHAR 'DOD PA DANG, GOO KHO NA RA BSHAD PA SOGS 'KHRUL LO, ,SKAD CIG MA'I TSAD YOD DE, RKYEN RNAMS TSAD NA CHOS DE GRUB PA'AM, CHOS 'GRO BA'I SKAD CIG MA RDUL PHRA RAB GCIG BLA'O GA BSGYUR BA LTA BU YIN PA'I PHYIR, RANG 'GREL LAS, YANG SKAD CIG MA'I TSAD CI TZAM ZHE NA, RKYEN RNAMS TSOGS NA JI SRID DU CHOS KYI BDAG NYID THOB PA'AM, CHOS 'GRO BA NA JI SRID DU RDUL PHRA RAB NAS RDUL PHRA RAB GZHAN DU
'GRO BA YIN NO, ,ZHES DANG, RNAM 'GREL LAS, RDUL GCIG SGREL DUS CHUNG BA YI, ,MTHAR THUG DUS KYANG SKAD CIG 'DOD, ,CES PA LTA BU SOGS YIN PA'I PHYIR, ,GNYIS PA LA, YUL GYI TSAD DANG, DUS KYI TSAD BSHAD PA GNYIS, DANG PO NI, RTZA BAR, PHRA RAB RDUL DANG NI, ,NAS, DE BRGYAD DPAG TSANG CES BYA'O, ,ZHES TSIG BCAD GNYIS DANG RKANG BA PHYED GSUM BYUNG, SHES BYA CHOS CAN, RDUL PHRA RAB BSAGS PAS RGYANG GRAGS SOGS 'GRUB TSUL YOD DE, RTZOM BYED DANG PO RDUL PHRA RAB DANG, DE BDUN SGRIL BAS RDUL PHRAN DANG, DE BZHIN DU LCAGS RDUL DANG, CHU RDUL DANG, RI BONG GI RNGUL DANG, LUG RDUL DANG, GLANG RDUL DANG, NYI ZER GYI RDUL DANG, SRO MA DANG, DE LAS BYUNG BA SHIG DANG, SDE BZHIN DU NAS DANG, TSE LO BRGYA BA'I MI'I SOR TSIG RNAMS RIM PA BZHIN DU GONG NAS GONG DU BDUN 'GYUR DU BYAS PA'I SOR MO NYI SHU RTZA BZHI LA KHRU GANG, KHRU BZHI LA GZHU 'DOM GANG, GZHU 'OD MA DE DAG LNGA BRGYA RNAMS LA RGYAD GRAGS GCIG DANG, TSAD DE TZAM GYIS GRONG LAS 'PHAGS PA LA DGON PAR 'DOD PA'I PHYIR DANG, RGYANG GRAGS DE BRGYAD LA DPAG TSAD GCIG 'JOG PA'I PHYIR, ,GNYIS PA LA, LO BSHAD PA DANG, BSKAL PA BSHAD PA GNYIS, DANG PO NI, RTZA BAR, SKAD CIG MA BRGYA NYI SHU LA, ,NAS, ZLA BA BCU GNYIS LA LO GCIG ,ZHES TSIG BCAD
, ,GCIG DANG RKANG BA GSUM BYUNG, SHES BYA CHOS CAN, THANG CIG GI RTZOM GZHI'I DE RTZI TSUL YOD DE, DUS MTHA'I SKAD CIG MA BRGYA NYI SHU LA DE'I SKAD CIG MA GCIG DANG, DE'I SKAD CIG MA DE DAG DRUG CU'I YUN LA NI THANG CIG TU 'JOG BA'I PHYIR, RTZA BAR, SKAD CIG MA BRGYA NYI SHU LA, ,DE YI SKAD CIG DE DAG KYANG, ,DRUG CU LA NI THANG CIG GO ,ZHES SO, ,SHES BYA CHOS CAN, YUD TZAM DANG NYIN ZHAG DANG ZLA BA GSUM RIM PAS BZHAG TU YOD DE, THANG CIG SUM CU LA YUD TZAM GCIG 'JOG ,YUD TZAM SUM CU LA NYIN ZHAG GCIG 'JOG ,NYIN ZHAG SUM CU LA ZLA BA GCIG 'JOG PA'I PHYIR, DANG BO GRUB STE, RANG 'GREL LAS, THANG CIG SUM CU LA NI YUD TZAM MO, ,ZHES GSUNGS PA'I PHYIR, RTAGS GSUM PA GRUB STE, RTZA BAR, YUD TZAM NYIN ZHAG ZLA GSUM NI, ,GONG NAS GONG DU SUM CUR 'GYUR, ,ZHES SO, , SHES BYA CHOS CAN, LO YOD DE, TSES ZHAG DBANG GIS GSO SBYONG DUS ZHAG MI THUB PA DRUG YOD KYANG, DE DAG DANG BCAS PA'I ZLA BA BCU GNYIS LA NYIN ZHAG GI LOR 'JOG PA'I PHYIR, DER THAL, ZHAG DRUG TSES GANG BA DANG STONG PA'I DBANG GIS DOR DGOS KYANG LOR RTZI DUS ZHAG DRUG PO DE YANG MA BRTZIS NA NYIN ZHAG SUM BRGYA DANG DRUG CU MTSANG BAS NYIN ZHAG GI LO YANG MA TSANG NA KHYIM LO LTA CI SMOS PA'I PHYIR, DES NA ZLA BA NYA BA DANG
GSO SBYONG DUS ZHAG CHAD PA BYED KYANG NYIN ZHAG GI LOR LONGS PA LA CHAD PA DRUG KYANG RTZI DGOS, DE MA BRTZIS BAR BZHAG PA'I ZHAG LTAG LO LNGA LDAN ZLA SHOL BTON PAS NYI MA DANG TSES KYI ZHAG ZLA PHYED DANG LO'I BAR 'GRIG PA YIN PA'I PHYIR, DANG PO GRUB STE, RANG 'GREL LAS, LO LA NI ZHAG GI SHOL DRUG DOR TE JI LTAR ZHE NA, DGUN DANG DPYID DANG DBYAR RNAMS KYI, ,ZLA BA PHYED DANG GNYIS 'DAS NAS, ,ZLA BA PHYED NI LUS PA NA, , MKHAS PAS ZHAG MI THUB PA DOR, ,ZHES GSUNGS PA'I PHYIR, LO DRI BAR, RGYAL DANG DBO DANG SAG DANG, ,CHU STOD KHRUMS SMAD SMIN DRUG DANG, ,'DI RNAMS KYI NI NAG BO'I PHYOGS, ,ZLA PHYED GSO SBYONG BCU BZHI BA, , ZHES GSUNGS PA'I PHYIR, GNYIS PA GRUB STE, RTZA BAR, ZHAG MI THUB DANG BCAS PA YI, ,ZLA BA BCU GNYIS LA LO GCIG ,CES DANG, RANG 'GREL LAS, DE LTAR ZLA BA BCU GNYIS PO DE DAG ZHAG MI THUB DANG BCAS PA LA LO GCIG ,CAS GSUNGS BA'I PHYIR DANG, 'DI DAG GI BSHAD GZHI ZHAG LHAG BTON TSUL LUNG LAS BSHAD TSUL, GLENG 'BUM LAS, KHYIM PAS DE RING TSES DU BCO LNGA'O, ,'JIG RTEN BA THAMS CAD DE RING BCU BZHIR BYED NA, KHYED CAG BCO LNGAR BYED, KHYED CAG ZHAG BZLUM PAR MI BYED DAM, MI BYED DO, ,DE GSOL BAS ZHAG ZLU MA PAR GYIS SHIG ,ZLA BA PHYED PHYED CING ZHAG ZLUM PAR BYAS PAS DE RING BCU BZHI'O, ,
, ,GZHAN BCO LNGA BYED NA, KHYED ZLA BA PHYED CING ZHAG ZLUM BAR BYED NGAM BYED DO, ,GSOL BAS, NYIN ZHAG GCIG GIS MI CHOG PAR BYA'O, ,DUS TSIGS RNAMS KYI ZLA BA PHYED LUS PA NYID LA'O, ,ZHES DANG, MDO RTZA BA LAS KYANG, NYIN ZHAG GIS MI CHOG PAR BYA'O, ,DUS TSIG RNAMS KYI ZLA BA PHYED LUS PA NYID LA'O, ,ZHES GSUNGS PA'I PHYIR, 'DI NI TSES ZHAG NYIN ZHAG MNYAM PA'I CHED DU ZHUG RE CHAD TSUL DE BSHAD BA MIN GYI ZHAG LHAG PA DRUG BTON PAS 'JIG RTEN PA DANG ZHAG BSTUN TSUL YIN PA'I PHYIR, ZLA BA DANG BSTUN TSUL 'OG TU 'CHANG PAS 'DIR DNGOS SU MIN NO, ,RTZA RTAGS GSUM PA GRUB STE, LUNG LAS BSHAD TSUL, GLENG 'BUM LAS, KHYIM PA RNAMS LHAG NAS ZLA BA 'DI GANG, DBYAR THA CHUNG NGO, ,GZHAN RNAMS 'BRING POR BYED NA, CI'I PHYIR THA CHUNG, SHOL MA BOR RAM, MA BOR RO, , GSOL BAS, POR SHIG ,LO RE BZHIN BOR BAS, ZLA BA 'DI GANG, DBYAR ZLA 'BRING PO'O, ,GZHAN GYI THA CHUNG NA LO RE BZHIN SHOL 'BOR RAM, 'BOR RO, ,GSOL BAS, DE KA 'PHYAB YUS KYIS LO LNGA LDAN SHOL BOR CIG ,DRUG LNGA SUM CU STE ZHAG DANG ZLA BA PHYED PO DANG LOR BSGRES NA MNYAM PAS MU STEGS CAN GYI GLAGS MI RNYED DO, ,ZHES GSUNGS PA'I PHYIR DANG, 'DI LTAR BYAS PA'I NYIN ZHAG GI LO ZLA
DANG; TSES KYI LO ZLA MNYAM BA YONGS KYANG TSES ZHAG DANG KHYIM ZHAG MI MNYAM PA'I DBANG GIS DUS BZHI JI BZHIN PA DE'I BAR MI 'ONG BAS 'DUL MNGON PAS KYANG LO GSUM GYI NANG DU RAGS 'BRING PHRA ZHIB KYI DBANG GIS ZLA BA SUM CU'AM, ZLA BA SO GNYIS SAM, PHYED BCAS SO GSUM NA ZLA LHAG 'DON DGOS PA'I PHYIR, LUNG LAS BSHAD TSUL GLENG 'BUM LAS, DE LTAR BYAS PA DANG RGYAL PO'I LUGS KYIS GSUM NAS 'DOR BAS BLON PO RNAMS 'PHYA BA GSOL BAS, ZLA SHOL DOR BA NI RGYAL BO'I RJES SU 'BRANGS PAS SO, ,ZHES GSUNGS PA'I PHYIR DANG, MDO RTZA LAS KYANG, ZLA SHOL DOR BA NI RGYAL BO'I RJES SU 'BRANGS PAS SO, ,ZHES GSUNGS PA'I PHYIR, 'DI NI TSES KYI ZHAG DANG KHYIM ZHAG GI KHYAD BAR GYI ZLA SHOL 'DOR BA YIN LA 'DUL MNGON PAS KYANG RJES SU 'BRANG ZHES GSUNGS PAS RANG LUGS BYED DGOS PA'I PHYIR, LUNG LAS KYANG, KHO BO NI 'JIG RTEN DANG MI RTZOD KYI 'JIG RTEN NA GANG YOD PA DE NGES KYANG KHAS LEN, ZHES GSUNGS PA'I PHYIR, KHYED 'DI LTAR RTZI MI DGOS ZER BA'I 'DUL MNGON PA SNYING MA KHREGS PO DE DAG SANGS RGYAS LAS KYANG BZANG BAS SNGON MED PA'I NGO MTSAR CAN ZHIG YIN SNANG, DA DUNG DER MA ZAD ZLA BA SUM CU'I BAR DU BRTZIS NAS ZHAG LHAG GIS ZLA SHOL BTON BA TZAM GYIS KYANG MI CHOG PAR THAL, DE TZAM BYAS KYANG SKAR MA DANG MI MTHUN PAS DE DANG MTHUN CHED DU
, ,ZLA BAS SNGA RKANG NGAM G-YAS BSKOR TU CI TZAM SPYOD DANG, PHYI RKANG NGAM G-YON BSKOR TU RANG 'GROS SU RGYU SKAR LA ZHAG RE JI LTAR SPYOD KYANG SHES DGOS PA'I PHYIR, DER THAL, DE MA SHES BAR ZLA BA SKAR MA MGO DANG 'PHRAD KYANG KHO BO'I LUGS LA SMIN DRUG YIN SMRA BA DANG DUS KYI GZA' DANG SKAR MA 'DAS PAR SMRA BA SOGS GZA' DANG SKAR MED MIN KYANG MNGON SUM LA BSNYON 'DINGS PA BLUN PO MTHAR THUG YIN PA'I PHYIR, RGYU MTSAN DES NA TSES 'PHEL DUS LHAG BA BRGYUD MAR DANG TSES 'GRIB DUS ZHAG CHAD PA BRGYUD MAR 'BYUNG BA'I PHYIR, LUNG LAS BSHAD TSUL, GLENG 'BUM LAS, SKAR MA MI MTHUN BAR RGYU STE, DGE SLONG DAG DE LTAR MI SBYOR BA DANG, SKAR BRTZIS LA MKHAS PA RNAMS 'PHYA NAS GSOL BAS RGYU SKAR RNAMS SKAR MA KHAN GYI RJES SU 'BRANG BAS SHES PAR BYA'O, ,ZHES DANG, MDO RTZA LAS KYANG, DE LTAR BSHAD PA'I PHYIR RO, ,DE DAG NI KHO BO RJE YAB SRAS RGYAN DRUG SOGS MA KHAS MANG GI LEGS BSHAD KYI GRU BO CHER ZHUGS PA'I DAM PA'I NGED DPON MGON DU BYAS TE GRUB MTHA' DANG MDO SNGAGS GSUNG RAB RGYA MTSO'I PHA ROL TU SON PA'I LEGS BSHAD DBANG GI RGYAL PO'I PHRENG MDZES BYIN PA YIN PAS MCHING BU DANG MNYAM PAR MI BYED PAR BLO GSAL MTHA' DAG GI MGUL RGYAN BLA NA MED PAR ZUNGS SHIG ,SMRAS BA, NYI ZER PHRA YANG DNGOS PO CHES
GSAL LTAR, ,TSIG TSOGS CHUNG YANG THUB DBANG DGONGS PA KUN, ,'DI LA 'DI BZHIN 'CHAD PA GZHAN SU KYE, ,DBAG BSAM SHING LA'ANG YONGS 'DU GNYIS MTHONG NGAM, ,BLO GROS PHRA YANG BLA MA LHA'I DRIN LAS, SKU BZHI'I DBANG GI RGYAL BO'ANG THOB NUS NA, ,THOS BSAM BLO GROS TZAM LA NGO MTSAR CI, ,THANG SHING LA BRTEN DBYI MO MKHA' LA SNYEGS, ,ZHES PA'ANG BAR SKABS KYI TSIGS SU BCAD PA'O, ,GNYIS PA LA MDOR BSTAN DANG, RGYAS BSHAD GNYIS, DANG BO NI, RTZA BAR, BSKAL PA RNAM PA MANG BSHAD PA, ,ZHES BYUNG, BSKAL BA RNAM PA MANG PO BSHAD DE, BAR GYI BSKAL PA DANG, 'JIG PA'I BSKAL BA DANG, STONG PA'I BSKAL PA DANG, CHAGS PA'I BSKAL BA DANG, GNAS BA'I BSKAL BA DANG, BSKAL BA CHEN PO SOGS BSHAD PA'I PHYIR, GNYIS BA LA 'JIG BSKAL DANG, CHAGS BSKAL DANG, GNAS BSKAL DANG, ZHIG NAS 'DUG BA'I BSKAL BA DANG, BSKAL CHEN BSHAD PA DANG LNGA LAS, DANG PO NI, RTZA BAR, 'JIG PA'I BSKAL BA DMYAL BA YI, ,SRID PA MED NAS SNOD ZAD PA, ,ZHES BYUNG, DE CHOS CAN, 'JIG BSKAL YOD DE, MNAR MED BA'I DMYAL BA'I SRID BAR SEMS CAN GSAR SKYE MED PA NAS BRTZAMS TE, BSAM GTAN DANG PO GSUM GYI GANG 'JIG RGYU'I SNOD DE ZAD KYI BAR LA 'JOG PA'I PHYIR, 'JIG TSUL BZHI YOD
, ,DE; 'GRO BA LNGA'I 'JIG TSUL DANG, KHAMS GSUM GYI 'JIG TSUL GNYIS DANG, KHAMS GCIG LA'ANG SEMS CAN 'JIG PA SNOD 'JIG PA GNYIS TE BZHI YOD PA'I PHYIR, DANG PO GRUB STE, NGAN SONG GSUM STONG PA NA 'GRO BA GNYIS DANG, GLING BZHI'I BCUD STONG PA NA 'GRO BA LNGA'I GCIG LAS MA LUS LA DE'I TSE NANG GI 'JIG RTEN GYI KHAMS GSUM LAS GCIG STONG ZHING, 'DOD SNOD ZHIG PAS KYANG DE LTAR SHES PA'I PHYIR, GNYIS PA NI, RTZA BAR, CHAGS PA DANG PO'I RLUNG NAS NI, ,DMYAL BA'I SRID PA'I BAR DU'O, ,ZHES BYUNG, CHAGS BSKAL BZHAG TU YOD DE, CHAGS PAR RTZOM PA'I DANG POR RLUNG 'JAM BU 'JAM BU KHAD KYIS LDING BA DE NAS NI BRTZAMS TE, DMYAL BA DAG NA SEMS CAN SRID PA'I BAR LA 'JOG PA'I PHYIR, 'JIG RTEN SNGA MA RLUNG GIS ZHIG NA GSUM PA'I GZHAL MED KHANG RTZOM PA'I RLUNG NAS DE'I GZHAL MED KHANG NAS 'THAB BRAL BAR YAS RIM, CHUS ZHIG NA BSAM GTAN GNYIS PA RTZOM BYED KYI RLUNG NAS DE'I GZHAL MED KHANG NAS 'THAB BRAL BAR YAS RIM DANG, MES ZHIG NA BSAM GTAN DANG PO RTZOM PA'I RLUNG NAS DE'I GZHAL MED KHANG NAS 'THAB BRAL BAR YAS RIM GYIS CHAGS, DE'I RJES SU RLUNG YUN RING DU BSAGS SHING MA KHREGS PA DANG SHUGS CHE BAR SONG BAS 'OG GZHI'I RLUNG DANG CHU DANG
GSER DKYIL LHUN PO SOGS DANG NANG GI 'JIG RTEN YANG SNGAR LTAR CHAGS PA'I PHYIR, DES NA CHAGS BSKAL GYI MGO SNGAR MANG POS BSAM GTAN GSUM PA'I GZHAL MED KHANG NGAM, BSAM GTAN GNYIS PA'I GZHAL MED KHANG NGAM, TSANGS PA'I GZHAL MED KHANG NAS 'DZIN PA DANG, SNGON GYI KUN BTUS KYI tIKA BYED MANG POS KYANG RLUNG DKYIL NAS 'DZIN PA RNAMS MI LEGS TE, SNOD STONG PA LA KHANG BA MA BYUNG BA'I SNGON RLUNG LDANG PA DE NAS 'DZIN PA'I PHYIR, RTZA BAR, CHAGS PA DANG PO'I RLUNG NAS NI, ,ZHES DANG, RANG 'GREL LAS KYANG, DANG PO'I RLUNG NAS BZUNG STE, DMYAL PA DAG NA SEMS CAN SRID PA'I BAR TE, ,ZHES DANG, RGYAL SRAS MA LAS KYANG, DE'I TSE ZHES BYA BA RGYAS PAR 'BYUNG BA NI GANG GI TSE NAM MKHA' LA RLUNG 'JAM PO 'JAM PO DAG LDANG BA DE NAS BZUNG STE, ZHES GSUNGS PA'I PHYIR, GSUM PA LA BAR BSKAL GYI TSAD LA THOG BSHAD PA, BAR GYI KHUG PA BCO BRGYAD BSHAD PA, MTHA'I MA THOG BSHAD PA DANG, YAR 'PHEL BCU DGU'I MTSAMS BSTAN PA, DE RNAMS GNAS BSKAL DU BSHAD PA LNGA, DANG PO NI, RTZA BAR, BAR GYI BSKAL BA, SOGS BYUNG; SHES BYA CHOS CAN, GNAS BSKAL GYI YA THOG DANG DE'I BAR BSKAL DANG PO YOD DE, TSE DPAG MED NAS 'GRIB PA'I MTSAMS CIG NAS, TSE LO BCU PA'I BAR TSAD DE LA 'JOG PA'I PHYIR, RANG 'GREL
, ,LAS; TSE DPAG TU MED PA NAS 'GRIB BA NA TSE LO BCU BA'I BAR DU 'GYUR TE, 'DI NI CHAGS NAS GNAS PA RNAMS KYI BAR GYI BSKAL BA DANG PO YIN NO, ,ZHES SO, ,GNYIS PA NI; RTZA BAR, DE NAS YAR SKYES MAR BRI BA'I, ,BSKAL BA GZHAN NI BCO BRGYAD DANG, ,CES BYUNG, BAR GYI KHUG PA BCO RGYAD YOD DE, TSE LO BCU BA DE NAS YAR BRGYAD KHRI'I BAR SKYE BA'AM 'PHEL BA DANG YANG MAR BCU PA'I BAR BRIB RE BAR GYI BSKAL BA RE DANG BAR GYI KHUG PA RE RE BYAS PA'I DE 'DRA KHUG PA BCO BRGYAD NI YA THOG LAS GZHAN YIN PA'I PHYIR, RANG 'GREL LAS, DE NAS YAR SKYE BA DANG MAR BRI BA GZHAN BCO BRGYAD NGE PAR GYI BSKAL BA BCO BRGYAD DU 'GYUR RO, ,ZHES SO, ,GSUM PA NI, RTZA BAR, YAR SKYE BA NI GCIG YIN TE, ,ZHES BYUNG, MTHA'I MA THOG RING MO YOD DE, KHUG PA BCO BRGYAD KYI RJES DER TSE LO BCU BA NAS BRGYAD KHRI'I BAR DU 'PHEL BA KHO NA YIN LA MAR MI BRI BA DE GNAS BSKAL GYI BSKAL BA THA MA DANG MA THOG DU 'JOG PA'I PHYIR, 'DI DE YAN CHAD LA'ANG MI 'PHEL MAR YANG MI BRI PA'I RGYU MTSAN YOD DE, MA THOG GI BRGYAD KHRIR SLEB PA DANG 'JIG BSKAL GYI MGO RTZOM PA'I PHYIR, DE'I LHAG MA 'PHEL YANG BSKAL BA GZHAN YIN PA'I PHYIR RO, ,RANG 'GREL LAS, BAR GYI BSKAL PA NYI SHU PA GCIG NI YAR SKYE BA KHO NA YIN GYI
MAR BRIB NI MA YIN NO, ,ZHES SO, ,BZHI PA NI, RTZA BAR, DE DAG TSE NI BRGYAD KHRI'I BAR, ,ZHES BYUNG, YAR 'PHEL GYI TSAD YOD DE, LO BCU PA NAS YAR 'PHEL RNAMS BRGYAD KHRI'I BAR DU 'PHEL GYI DE YAN CHAD DU MI 'PHEL PA'I PHYIR, DES NA THOG MTHA' GNYIS RGYANG BA DANG BAR PA RNAMS KHUG PA YIN KYANG YUN TSAD MI MNYAM PA'I SKYON MED DE, RKYANG BA RE LA'ANG KHUG PA RE'I YUN TSAD YOD PA'I PHYIR TE, RKYANG BA GNYIS BUL LA KHUG PA RNAMS MYUR PA'I PHYIR, GANG SPEL LAS, MGYOGS PA DANG MGYOGS PA MA YIN PAR 'GRO BA'I KHYAD PAR LAS TE, 'DI LTAR MTHA'I BSKAL BA GNYIS NI NGAL GYIS 'GRO LA, BAR MA BCO BRGYAD MGYOGS PAR 'GRO BAS THAMS CAD DUS MNYAM PAR 'GYUR RO, ,ZHES GSUNGS PA'I PHYIR, RANG 'GRAL LAS KYANG NGO, ,LNGA PA NI, RTZA BAR, DE LTAR 'JIG RTEN CHAGS PA 'DI, ,BAR GYI BSKAL BA NYI SHUR GNAS, ,ZHES BYUNG, SHES BYA CHOS CAN, GNAS BSKAL YOD DE, DE LTAR 'JIG RTEN CHAGS ZIN PA 'DI BAR BSKAL YA THOG DANG KHUG PA BCO BRGYAD DANG MA THOG DANG BCAS PA'I BAR BSKAL NYI SHUR GNAS PA'I PHYIR; SA SDE'I LUGS LA GNAS PA'I BAR BSKAL THAMS CAD KHUG PA YIN, KUN BTUS DANG PHAL CHER 'DRA, 'DI LA KHA CIG ,TSE LO DPAG MED NAS GNAS BSKAL GYI MGO 'DZIN ZER BA MI 'THAD PAR THAL, TSE
, ,DPAG MED KYI DUS CHAGS BSKAL GYI DUS KHO NA YIN PA'I PHYIR, RANG 'GREL LAS, 'JIG RTEN CHAGS PA NA MI RNAMS KYI TSE DPAG TU MED PA LA BAR GYI BSKAL PA BCU DGU 'DA' BAR 'GYUR RO, ,ZHES GSUNGS PA'I PHYIR, YANG KHA CIG ,SA'I DNGOS GZHI LTAR BRGYAD KHRI NAS 'DZIN ZER NA, DE CHA GCIG LA MDZOD RANG 'GREL DANG 'GREL BSHAD GANG SPEL GZHIR BZHAG NA MI 'THAD PAR THAL, TSE DPAG MED 'GRIB NAS TSE BAR BSKAL BCU DGU SOGS PAR BSKAL THUB KYI BAR GYI MI SHI NAS DMYAL BA RNAMS SU SKYES PA DANG CHAGS BSKAL SOGS RDZOGS NAS GNAS BSKAL GYI SKABS YIN PA'I PHYIR, RANG 'GREL LAS; TSE DPAG TU MED PA NAS 'GRIB PA NAS TSE LO BCU PA'I BAR DU 'GYUR TE, 'DI NI CHAGS NAS GNAS BA RNAMS KYI BAR GYI BSKAL PA DANG PO YIN NO, ,ZHES GSUNGS PA'I PHYIR DANG, SPYIR TSE DPAG MED 'GRIB MA THAG DANG DMYAL BA CHAGS ZIN PA MI MNYAM YANG, 'DI'I 'GRIB DUS DANG DE GNYIS MNYAM LA, DE YANG GLING 'DI'I GCIG DER SKYE DGOS PA'I PHYIR, DANG PO GRUB STE, TSE 'GRIB MA THAG DANG MI DGE CHEN BO BYED BA DUS MNYAM MI SRID PA'I PHYIR DANG, LAN GRANGS GZHAN ZER NAM GTOGS DKA' BA'I PHYIR, GNYIS PA GRUB STE, GANG SPEL LAS, TSE DPAG TU MED PA NYID NAS 'GRIB PA NI ZHES BYA BA NI
DMYAL BA'I SRID PA NAS BRTZAMS NAS SO, ZHES GSUNGS PA'I PHYIR, GSUM PA GRUB STE, 'JIG RTEN 'DI'I GONG MA GONG MA NAS MAR BABS TSUL BSHAD PA DE'I PHYIR DANG, GANG SPEL LAS KYANG, GANG GI TSE TSE DPAG TU MED PA DAG SHI STE DMYAL BA DAG DU SKYE BA DE NAS BZUNG STE RTZI'O, ,DE LTAR NA 'DI NAS CHAGS NAS GNAS PA RNAMS KYI BAR GYI BSKAL BA DANG PO YIN NO ZHES BYA BA 'DI NI MI 'GAL LO, ,ZHES GSUNGS PA'I PHYIR, BLUN PO MI SHES PA LA LA BRGYAD KHRI'I DUS GNAS BSKAL GYI THOG MAR 'DOD PAS RGYAL BO NGA LAS NU 'KHOR DANG BCAS PA BRGYA BYIN SUM CU RTZA DRUG PAR DU BSDAD PAR BSHAD PAS DE LA MI LO CI YOD SOMS SHIG SA SDE DANG MA BSRE ZHIG ,YANG KHA CIG ,TSE LO DPAG MED PRI BDE MI LO BYE BA LA 'DOD PA DANG, YANG KHA CIG ,TSE LO DPAG MED BRI BA DE BRGYAD KHRI'I DUS SU 'DOD BA MDZOD LUGS LA GTAN NAS MI RUNG BAR THAL, TSE DPAG MED KYI MI SNGON MA DAG ,GZUGS TSE SOGS GZUGS KHAMS PA TSANGS RIS PA DANG 'DRA BA'I PHYIR, MA KHYAB NA, KHYAB BAR THAL, DE'I TSE BAR BSKAL NYI SHU YIN PA'I PHYIR, KHYAB STE, RTZA BAR, MI RNAMS KYI LO LNGA BCU, SOGS DANG, 'DOD LHA'I TSE DANG NYIN ZHAG MNYAM PAS DMYAL BA'I TSE TSAD KYI BAR BSKAL GCIG LA DKRIGS PHRAG DGU YOD, BSKAL CHEN GCIG LA MI LO MI 'KHRUG PHRAG BDUN YOD PA'I PHYIR, DES NA KHYED CAG
, ,GI LUGS DE MI 'THAD PA'O, ,RTZA BA'I MA KHYAB MTSAMS LA RTAGS GRUB STE, RTZA BAR, SNGAR BYUNG SEMS CAN GZUGS CAN BZHIN, ,ZHES DANG, RANG 'GREL LAS, BSKAL PA DANG PO'I MI RNAMS KYI NI GZUGS NA SPYOD PA BZHIN DU GYUR TE, ZHES DANG, DE'I SHES BYED, MDO LAS, DE DAG NI GZUGS DANG LDAN PA YID LAS BYUNG BA, YAN LAG DANG NYING LAG THAMS CAD DANG LDAN PA, NAS; RANG GI 'OD CAN NAM MKHA' LA 'GRO BA ZAS SU DGA' BA ZA BA, TSE RENG BA, YUN RING POR GNAS PA YIN NO, ,ZHES GSUNGS PA'I TSE RING BA YUN RING BA GZUGS CAN DANG MTSUNGS TSUL YOD PA'I PHYIR, 'DUL BA LUNG DANG YANG MTHUN NO, ,BZHI PA STONG BSKAL NI, RTZA BAR, CHAGS PA DANG NI 'JIG PA DANG, ,ZHIG NAS 'DUG PA DAG MNYAM MO, ,ZHES BYUNG, SHES BYA CHOS CAN, DE LTAR NA 'JIG RTEN CHAGS PA'I BSKAL BA DANG NI GNAS PA'I BSKAL BA DANG, 'JIG PA'I BSKAL BA DANG ZHIG NAS STONG BAR 'DUG PA'I BSKAL BA BZHI'I TSAD MNYAM, DE BZHI KA LA BAR BSKAL NYI SHU NYI SHU YOD PA'I PHYIR, SNOD CHAGS 'JIG RE REL BAR BSKAL RE RE DANG, BCUD CHAGS 'JIG RE RE LA BAR BSKAL BCU DGU RE 'JOG PA'I PHYIR, LNGA BA LA BSKAL CHEN NGOS BZUNG BA DANG, ZHAR BYUNG SANGS RGYAS SOGS 'BYUNG TSUL GNYIS, DANG PO NI,
RTZA BAR, DE DAG BRGYAD CU LA BSKAL CHEN, ,ZHES BYUNG, BSKAL CHEN GYI TSAD YOD DE, PAR BSKAL DE DAG BRGYAD CU'I YUN LA BSKAL CHEN GCIG 'JOG PA'I PHYIR, GNYIS PA LA, SANGS RGYAS, RANG SANGS RGYAS; 'KHOR BSGYUR 'BYUNG TSUL GSUM LAS, DANG PO NI, RTZA BAR, DE GRANGS MED GSUM LA SANGS RGYAS, ,'BYUNG NGO MAR NI 'GRIB PA YI, ,BRGYA YI BAR LA DE DAG 'BYUNG, ,ZHES BYUNG, SHES BYA CHOS CAN; SANGS RGYAS 'BYUNG TSUL YOD DE, BSKAL CHEN GRANGS MED GSUM DU TSOGS GNYIS BSAGS PA LAS DE 'BYUNG BA'I PHYIR, GRANGS MED DE NI GRANGS GTAN MED MIN TE, GRANGS KYI GNAS DRUG CHUR BKRANG DU MED PAS GRANGS MED CES BSHAD PA'I PHYIR, DE'I GRANGS MED RTZI TSUL YOD DE, LUNG SIL BU LTAR GYI SDOM TSIG LAS, ,GCIG BCU BRGYA STONG KHRI 'BUM DANG, ,SA YA BYE BA DUNG PHYUR RNAMS, ,RKYANG PA'I GRANGS SU SHES PAR BYA, ,CHEN PO'I ZLA DANG BCAS PA NI, ,THER 'BUM KHRAG KHRIG RAB BKRA MA DANG, ,GTAN DKRIG MI 'KHRUG KHYAD PHYIN DANG, ,PANG STENG DED 'DREN MTHA' SNANG DANG, ,RGYU RIG 'OD MDZES DBANG PO DANG, ,LEGS PHYIN RTOGS 'GRO BYING RDUL DANG, ,RGYA RTAGS STOBS 'KHOR BRNGA SHES DANG, ,RNAM 'BYUNG STOBS MIG NYI SHU GCIG ,BAR DU BRGYAD NI MA RNYED PAS, ,RANG GI MING GANG RUNG BA GZHUGS, ,GRANGS MED PAR DU BCU 'GYUR
, ,BSGRES, ,ZHES GSUNGS PA'I PHYIR, RANG 'GREL LAS, STOBS MIG CHEN PO BCU LA GRANGS MED PA, ZHES GSUNGS KYANG PHYAG LEN LA STOBS MIG GI RJES SU 'BYUNG BZHI'AM TSAD MED GANG RUNG CHEN BO'I ZLAR BCAS NAS 'DREN PAR SNANG, 'DIR BLO RAB RNAMS LA GRANGS KYI RNAM GRANGS BKOD NA DU MA YOD DE, 'JAM DPAL RTZA RGYUD DANG, PHAL CHEN LAS BYUNG BAS GRANGS KYI GNAS BRGYA DANG NYER GSUM DANG, SDONG BO BKOD PAS DE MA YIN BA'I GRANGS KYI GNAS BZHI BCU DANG 'JIG RTEN BA'I GRANGS KYI GNAS BRGYA DANG LNGA DANG, RGYA CHEN ROL BA'I BRGYA RTZI SA DANG, CHOS MNGON BA'I GRANGS KYI MING STE RTZI TSUL LNGA; SNGON GYI LO BAn RNAMS KYIS PHYAG LEN MDZAD PA'I PHYIR, DANG BO GRUB STE, BYE BRAG RTOGS BYED LAS, PHAL CHEN GYI GRANGS KYI LE'U LAS BYUNG BA'I MING LA, BRGYA, STONG, BYE BA, THER 'BUM, KHRAG KHRIG ,DKRIGS PA, GTAM, YID YAL, MCHOG YAS, BAN BU NA, PHYAR PHYUR, PHYAD PHYOD, 'TSAMS YAS, ZAM ZIM, PHYAL PHYOL, RIG SDOM, ZAR ZER, KHRAM KHRIM, BSGYUR YAS, YANG YAS, 'PHROS YAS, NA BA NUB, THAB THIB, RGYUD YAS, KHYAD BYIN, BKRA YAR, GRAGS YAS, GZHAL BGRANG, GZHAL DBAG ,YAL YOL, KHRUL YAS,
'PHAGS BA, RNAM DPYOD, RGYAL YAS, BGOD YAS, SNGO YAS, ZANGS YAG ,BSTAN YAS, STOBS YAS, 'PHROG YAS, 'BRUG YAS, RMONGS YAS MTHING YUG, SHUGS 'PHYO, 'THANG YAS; PHYIN TSOD, GZUNG BYIN, BZOD YAS, THAL YAS, TSAD YAS, RTOGS YAS, DGA' YAS, TSAD 'DAS, GZHAL 'PHYO, GZHAL THIM, GZHAL 'KHOR, GZHAL 'GRO ,GZHAL MED; GAR GZHAL, GZHAL SANG, GZHAL THAG ,GZHAL PHUL, YAL, DUS SLABS, NYAR NYER, PHYAG PHYIG ,ZAL ZUL, GTA' YAS, SAL SAL, YANG YOD, PHYOL LAS, PHRANG YAS; BRJOD PA, CES BA NAS, BSAM GYIS MI KHYAB PA, BSAM GYIS MI KHYAB PA 'GRES PA, BRJOD DU MED, BRJOD DU MED BA LA 'GRES PA, BRJOD DU MED PA'I YANG BRJOD DU MED PA LA 'GRES PAR BSTAN PA, ZHES GSUNGS PA'I PHYIR, RTZA RTAGS GNYIS PA GRUB STE, BYE BAG RTOGS BYED LAS, SNGONG BO BKOD PA LAS BYUNG BA'I GRANGS, GCIG ,BCU, BRGYA, STONG, BYE BA, THER 'BUM, ZHES PA NAS, DPAG TU MED PA, BSKYANG DU MED PA, DPAG YAS, GZHAL DU MED PA, BSAM GYIS MI KHYAB PA, ZHES GSUNGS PA'I PHYIR, RTZA RTAGS GSUM PA GRUB STE, BYE BRAG RTOGS BYED LAS, 'JIG RTEN PA'I GRANGS KYI MID
, ,LA; GCIG ,BCU, BRGYA, STONG, KHRI, 'BUM, SA YA, BYE BA, DUNG PHYUR, THER 'BUM, SHU SNGOGS, MCHOG NYAL, ZHES PA NAS, BRJOD DU MED PA'I YANG BRJOD DU MED PA LA BSGRES PA, ZHES GSUNGS PA'I PHYIR, RTZA RTAGS BZHI BA GRUB STE, BYE BRAG RTOGS PHYED LAS, RGYAN CHEN ROL BA NAS BYUNG BA'I GRANGS DANG RTZIS LA, BYE BA PHRAG BRGYA NI THER 'BUM, ZHES BYA'O, ,THER 'BUM PHRAG BRGYA NI KHRAG KHRIG CES BYA'O, ,NAS, RNAM BYUNG PHRAG BRGYA NI DE'I MTSAN NYID CES BYA BA'I RTZIS KYIS NI RI'I RGYAL BO RI RAB RTZI GZHIR BYAS KYANG YOD BAR RUNG NGO, ,DE'I GONG NA RGYAL MTSAN GYI RTZE MO'I NOR BU ZHES BYA BA'I GRANGS YOD, RGYAL MTSAN GYI RTZE MO NGES PAR SGROGS PA ZHES DED 'DREN ZHES GDAGS, ZHES SOGS GSUNGS PA'I PHYIR, PHAL CHER MDZOD DANG 'DRA, RTZA RTAGS LNGA BA GRUB STE, BYE BRAG RTOGS BYED LAS, CHOS MNGON PA LAS BYUNG BA'I GRANGS KYI MING LA, GCIG ,BCU, BRGYA, STONG, KHRI, 'BUM, SA YA, BYE BA, DUNG PHYUR, THER 'BUM, THER 'BUM CHEN PO, NAS, STOBS MIG ,STOBS MIG CHEN PO, ,GRANGS MED, TSAD MED PA, DBAG TU MED PA, BSKYAD DU MED PA, DPAG YAS, GZHAL DU MED PA, GZHAL MED, BSAM GYIS MI KHYAB BA, ZHES GSUNGS
PA'I PHYIR, SHES BYA CHOS CAN, SANGS RGYAS 'BYUNG BA'I DUS YOD DE, YAR 'PHEL LA SEMS CAN SKYO SHAS CHUNG BAS MI 'BYON, MAR 'GRIB KYI BRGYA KHRI NAS BRGYA'I BAR LA 'BYUNG BA'I PHYIR, DANG PO SLA, GNYIS PA GRUB STE, BRGYA PHYIN CHAD KYANG SNYIGS MA LNGA'I DBANG GIS CHOS BZHIN MI 'BYUNG BA'I PHYIR, RTZA BAR, BRGYA YI BAR LA DE DAG 'BYUNG, ,ZHES SO, ,GNYIS PA NI, RTZA BAR, RANG SANGS RGYAS RNAMS GNYIS KA LA, ,ZHES BYUNG, SHES BYA CHOS CAN, RANG SANGS RGYAS 'BYUNG DUS YOD DE, YAR 'PHEL DANG MAR 'GRIB GNYIS KA LA 'BYUNG BA'I PHYIR, RANG RGYAL CHOS CAN, DBYE NA GNYIS YOD DE, 'KHOR DANG LHAN CIG TSOGS SHING CHOS DANG ZANG ZING SBYOD PA'I TSOGS SBYOD PA DANG, RI DVAGS BSE RU LTAR RANG GCIG BUR SBYOD PA'I BSE RU LTA BU GNYIS YOD PA'I PHYIR, DANG PO NA, RANG RGYAL RIGS DES MA YIN TE, NYAN THOS KYI RIGS SU GYUR PA SNGON DU SONG BA'I RANG RGYAL GCIG DGOS PA'I PHYIR, DE LA'ANG CHUNG 'BRING CHE GSUM 'KHOR DANG TSOGS TSUL GYIS YOD DO, ,RANG RGYAL RIGS NGES LA BSE RU LTA BU'I RANG RGYAL DGOS SO, ,RANG RGYAL DE DAG LAS BSE RU LTA BU'I RANG RGYAL DGRA BCOM GYI RGYU YOD DE, BSKAL BA BRGYAR SANGS RGYAS 'BYUNG BA MNYES BAR BYAS TE BYANG CHUB KYI TSOGS BSAGS BA LAS BYUNG BA'I PHYIR, RTZA BAR, BSE RU BSKAL BA BRGYA
, ,YIS RGYUS, ,ZHES SO, ,GSUM PA 'KHOR LOS BSGYUR BA'I RGYAL BO 'BYUNG TSUL LA, TSIG DON, SPYI DON GNYIS, DANG PO LA 'BYUNG DUS, DBYE BA, 'KHOR LOS BSGYUR TSUL; SANGS RGYAS DANG 'KHOR BSGYUR GYI MTSAN GYI KHYAD PAR BZHI, DANG BO NI, RTZA BAR, 'KHOR LOS BSGYUR BA 'BYUNG BA NI, ,STONG PHRAG BRGYAD CU LAS MI 'PHYI, ,ZHES BYUNG, SHES BYA CHOS CAN, 'KHOR LOS BSGYUR BA 'BYUNG DUS YOD DE, MI RNAMS KYI TSE LO DBAG MED NAS BRGYAD KHRI'I BAR KHO NAR 'BYUNG BA'I PHYIR TE, DE BAS THUNG BA'I TSE 'KHOR BSGYUR GYI SNOD MA YIN PA'I PHYIR, SGRA DON YOD DE, 'KHOR LOS SKYE BO LA DBANG BSGYUR BA'I NGANG TSUL CAN YIN PAS 'KHOR BSGYUR ZHES BRJOD PA YIN PA'I PHYIR, RANG 'GREL LAS SO, ,GNYIS PA NI, RTZA BAR, GSER DNGUL ZANGS LCAGS 'KHOR LO CAN, ,NAS, LHAN CIG GNYIS MIN SANGS RGYAS BZHIN, ,ZHES BYUNG, 'KHOR LOS BSGYUR BA CHOS CAN, MCHOG NYE MCHOG 'BRING THA MA BZHI YOD DE, GANG LA GSER GYI 'KHOR LO YONG PAS GSER GYI 'KHOR BSGYUR DANG, DE BZHIN DU DNGUL GYI 'KHOR BSGYUR DANG, ZANGS KYI 'KHOR BSGYUR DANG, LCAGS KYI 'KHOR BSGYUR BZHI YOD PA'I PHYIR, DANG PO MCHOG ,GNYIS PA NYE MCHOG ,GSUM PA 'BRING, BZHI BA THA MA YIN PA'I PHYIR, DE YANG YIN
TE; DANG PO GLING BZHI'I BDAG BO DANG, GNYIS BA BYANG MA GTOGS PA GSUM GYI BDAG PO DANG, GSUM PA LHO DANG SHAR GNYIS KYI BDAG PO DANG, THA MA GLING 'DI GCIG BU'I BDAG PO YIN PA'I PHYIR, RTZA BAR, GSER DNGUL ZANGS LCAGS 'KHOR LO CAN, ,DE DAG GLING GCIG GLING GNYIS DANG, ,GSUM DANG BZHI LA MAS RIM BZHIN, ,ZHES PA'I MAS RIM NI TSIGS BCAD 'DIS SO, ,'DI DAG GANG NAS BSHAD TSUL YOD DE, RGYAL SRAS MA LAS, 'KHOR LOS BSGYUR BA RNAM BA BZHI NI GDAGS PA'I BSTAN BCOS LAS BSTAN PA YIN NO ZHES BYA'O, ,MDO LAS NI, GTZO BO SMOS PA'I PHYIR GSER GYI 'KHOR LOS BSGYUR BA KHO NA BSHAD DO, ,ZHES DANG, RANG 'GREL LAS KYANG, 'DI NI GDAGS BA LAS BSTAN TO, ,ZHES DANG, DE'I 'GREL BA SHAD GANG SPEL LAS, 'DI NI GDAGS BA LAS BSTAN PA YIN NO ZHES BYA BAS NI MDOS MIN NO ZHES BSTAN TO, ,ZHES GSUNGS BA'I PHYIR, 'KHOR BSGYUR CHOS CAN, KHYOD LA SNGA PHYI MED PAR GLING GCIG LA LHAN CIG GAM DUS GCIG TU GNYIS 'BYUNG BA MA YIN TE, 'GRAN ZLA MED BA'I LAS BSAGS BA'I GANG ZAG YIN PA'I PHYIR, DPER NA RDZOGS BA'I SANGS RGYAS BZHIN, MDO LAS, GANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SNGA PHYI MED PAR 'JIG RTEN DU 'BYUNG BA NI GNAS MA YIN ZHING GO SKABS MED DE, 'DI NI GNAS MED KYI GCIG
, ,GANG YIN BA 'DI NI GNAS YOD DO, ,DE BZHIN GSHEGS PA JI LTA BAR 'KHOR LOS BSGYUR BA DAG KYANG DE BZHIN NO, ,ZHES GSUNGS PA'I PHYIR, 'DIR SANGS RGYAS 'JIG RTEN GANG YIN PAR BYAD PA MANG, ,GSUM PA NI, RTZA BAR, PHAS BSU RANG 'GRO G-YUL BSHAM DANG, ,MTSON BRTZAM PAS RGYAL GNOD PA MED, ,CES BYUNG, SHES BYA CHOS CAN, 'KHOR BSGYUR BZHIS SA LA DBANG BSGYUR TSUL BZHI YOD DE, GSER GYI 'KHOR BSGYUR LA KHAMS KYI RGYAL PO 'KHOR BCAS RNAMS KYIS 'DIR 'BYOR BA RGYAS BA BDE BA LO LEGS PA DANG MIS BLTAM PA'I LJONGS 'DI LHA'I LAGS LA BDAG CAG ZHAM 'BRING BYED CING RJES SU BSTAN DU GSOL ZHES PHAS NAS BSUS NAS RGYAL POR BYED, DNGUL GYI 'KHOR BSGYUR GYIS RANG NYID DER SONG BA NA PHYIS 'DUD DE RGYAL POR BYED, ZANGS KYI 'KHOR BSGYUR KYIS DE DAG LA G-YUL BSHAM PA TZAM GYIS 'KHOR LOS BSGYUR, LCAGS KYI 'KHOR BSGYUR GYIS MTSON 'DEBS PAR BRTZAM PA TZAM GYIS DBANG DU BYED PA'I PHYIR, DE DAG THAMS CAD KYIS KYANG GZHAN LA GNOD PA MI BYED PAR RANG NYID RGYAL PA DANG, 'KHOR 'BANGS DGE BCU'I LAM LA 'JOG PA'I PHYIR TE, PHAL CHER RDZOGS LDAN GYI DUS YIN PA'I PHYIR, RTZA BAR, PHAS BSU RANG 'GRO G-YUL BSHAM DANG, ,MTSON BRTZAMS PAS RGYAL GNOD PA MED, ,CES SO, ,BZHI
BA NI; RTZA BAR, THUB MTSAN, SOGS BYUNG, SHES BYA CHOS CAN, 'KHOR BSGYUR LA DER MA ZAD YON TAN GZHAN YANG YOD DE, DE SKYES BU CHEN PO'I MTSAN SUM CU RTZA GNYIS KYIS SPRAS PA'I PHYIR, DPER NA, SANGS RGYAS BZHIN, SANGS RGYAS DANG 'KHOR BSGYUR GYI MTSAN LA KHYAD PAR YOD DE, SANGS RGYAS KYI MTSAN 'KHOR LO SOGS GNAS 'GRUS PAR YUL NA GNAS PA DANG, 'OD CHAGS SAM ZUR PHYIN PAS GSAL PA DANG RTZI BA DANG MU KHYUD SOGS TSANG BAS RDZOGS PA YIN LA 'KHOR BSGYUR LA DE LTAR MA TSANG BA'I PHYIR, RTZA BAR, THUB MTSAN, SOGS DANG, RIN CHEN 'PHRENG BA LAS, 'KHOR LOS BSGYUR BA THAMS CAD LA, ,'DI DAG YOD PAR 'DOD MOD KYI, ,DAG DANG MDZES DANG GSAL BA NI, ,SANGS RGYAS RNAMS KYI CHAR MI PHOD, ,CES GSUNGS PA LTAR YIN PA'I PHYIR, SPYI DON LA, RGYU, DUS, 'BYUNG TSUL, DE'I PHUN TSOGS KYI KHYAD PAR, 'BYUNG PA'I DGOS PA DANG LNGA DANG PO, RGYU YOD DE, BSOD NAMS KYI MTHU CHEN PO LAS BYUNG BA'I PHYIR TE, SANGS RGYAS KYI MCHOD RTEN DANG GTZUG LAG KHANG BYED PA DANG BSKOR BA BYED PA DANG BYAMS PA SGOM PA SOGS LAS BYUNG BA'I PHYIR, MDO LAS, SROG CHAGS KUN LA PHAN PA YI, ,BYANG CHUB TU NI SEMS BSKYED NAS, ,'JIG RTEN MGON PO'I MCHOD RTEN LA, ,SU ZHIG BSKOR BA BYED
, ,BA NI; ;TSE RABS DAG NI THAMS CAD DU, ,ZHES BA NAS, RIS BSKOR RGYA MTSO TSUN CHAD KYI, ,GLING BZHI DAG NI DBANG PHYUG BLA, ,RGYAL BO CHOS DANG LDAN PAR 'GYUR, , 'KHOR LOS BSGYUR BRDZU 'PHRUL CHE, ,RIN CHEN BDUN DANG LDAN PAR 'GYUR, ,ZHES PA LTA BU MANG BA'I PHYIR, GNYIS PA NI, DUS YOD DE, 'KHOR LOS BSGYUR BA BRGYAD KHRI TSUL LA MI 'BYUNG LA STOBS KYI RGYAL BO DE DANG CHA MTHUN PA RGYA BOD HOR SOGS KYI YUL DU DU MA BYUNG BA'I PHYIR, 'DUL BA LUNG LAS KYANG, SA BDAG RTOG PA PO RNAMS BLO GROS 'KHRUL, ,RTZOD BA'I DUS NA 'KHOR LOS BSGYUR MI 'BYUNG, , BSOD NAMS MCHOG GIS CHOS KYI MDZOD 'DI NI, ,NYES LAS RNAM BAR RGYAL NAS SANGS RGYAS 'GYUR, ,ZHES GSUNGS PA'I PHYIR, GSUM PA 'BYUNG TSUL YOD DE, RGYAL PO RGYAL RIGS SBYI BA NAS DBANG BSKUR PA TSES BCO LNGA'I DUS GSO SPYONG LA GNAS PA LA, SA THAMS CAD LA DBANG BYED PA'I GSER GYI 'KHOR LO RTZIBS STONG YOD PA DBANG TSAD LNGA BRGYA BA BRGYA BYIN GYIS STER, DE DANG MNYAM DU RIN CHEN BDUN PO GZHAN RANG SHUGS KYIS GRUB LA, 'KHOR LO DE'I NUS BAS 'KHOR BSGYUR GYI MING DANG RIN CHEN GYI'ANG MING 'BYUNG MA MDO DU MAS BSHAD PA LTAR YIN PA'I PHYIR, RGYA CHE ROL PA LAS, 'KHOR LOS BSGYUR PA'I
RGYAL BO'I 'KHOR LO RIN PO CHE RNAMS PA JI LTA BU DANG LDAN ZHEN, 'DI LA RGYAL BO RGYAL RIGS SBYI BO NAS DBANG BSKUR BA GSO SBYONG GI NYI MA TSES BCO LNGA LA MGO KHRUS BYAS TE, DBU GZUNGS SU GNAS SHING STENG GI KHYAMS NA BUD MED KYIS KUN NAS SKOR ZHING 'DUG PA'I TSE, SHAR GYI PHYOGS NA LHA'I 'KHOR LO RIN PO CHE RTZIBS STONG YOD PA MU KHYUD DANG LDAN PA LTA BA DANG BCAS PA GSER LAS GRUB PA, MGAR BAS MA BYAS PA 'PHANG DU SHING T'A LA BDUN TZAM NAS BYUNG STE, ZHES GSUNGS PA LTAR RO, ,BZHI BA 'BYOR BA PHUN TSOGS KYI KHYAD PAR YOD DE, 'BYOR BA'I GTZO BO RGYAL SRID RIN CHEN SNA BDUN DANG, NYE BA'I RIN CHEN BDUN DANG, YO BYAD RIN CHEN BDUN RNAMS SOGS YOD PA'I PHYIR, DANG PO GRUB STE, RGYA ROL LAS, GZHON NU 'DI NI KHYIM NA GNAS PA'I TSE 'KHOR LOS BSGYUR PA'I RGYAL PO MTHA' BZHI LAS RNAM PAR RGYAL BA CHOS DANG LDAN PA, CHOS KYI RGYAL BO RIN PO CHE SNA BDUN DANG LDAN PAR 'GYUR TE, DE'I RIN PO CHE SNA BDUN NI 'DI LTA STE, 'KHOR LO RIN CHEN PO DANG, GLANG PO RIN PO CHE DANG, RTA RIN PO CHE DANG, BUD MED RIN PO CHE DANG, NOR BU'I BO CHE DANG; KHYIM BDAG RIN PO CHE DANG, BLON PO RIN PO CHE DANG BDUN NO, ,ZHES GSUNGS PA'I PHYIR, 'DI DAG GI KHYAD PAR RGYAS PAR CHOS YANG DAG PAR SDUD PA DANG, DRAN BA NYER BZHAG SOGS DANG, RJE'I 'DZAM
, ,BU CHU BO MA DANG, RIN CHEN 'DREN PA'I SHING RTA LTAR YIN LA, RIN CHEN GZHAN GYIS RGYAL SRID RIN PO CHE'I MING THOG MI THOG 'KHOR LO LA LTOS PAR MDO DU MAS BSHAD DO, ,'KHOR LO NOR BU GLANG BO RTA BZHI NI, DRAN BA NYER BZHAG LAS BRGYA BYIN GYIS STER PAR BSHAD, 'KHOR LOS BSGYUR BA MCHOG GNYIS KYI RIN CHEN BDUN LA DMAG DBON MI 'DREN TE, DE GNYIS KYI DUS NA DMAG MI DGOS PA'I PHYIR, RTZA BAR, PHAS BSU RANG 'GRO ,ZHES GSUNGS PA'I PHYIR, ZANGS LCAGS GNYIS KYI RIN CHEN BDUN LA BLON BO'AM DMAG DBON 'DREN RIGS TE, DE GNYIS KYIS GZHAN LA MI 'TSE YANG G-YUL SHOM PA'I PHYIR, RTZA BAR, G-YUL BSHAM DANG, MTSON BRTZAM PAS RGYAL GNOD PA MED, ,ZHES GSUNGS PA'I PHYIR DANG, 'DIR 'DRAR DGONGS NAS DBAG BSAM KHRI SHING LAS, DE NAS DE'I RIN CHEN BDUN, ,DE TSE 'BYUNG 'GYUR 'KHOR LO RTA, ,NOR BU GLANG BO BUD MED DANG, ,KHYIM BDAG DMAG DBON SNGON 'GRO'O, ,ZHES GSUNGS PA'I PHYIR, GNYIS PA GRUB STE, NYE BA'I RIN CHEN BDUN NI, RA GRI RIN PO CHE 'PHYAR BA TZAM GYIS KUN 'DUD, PAGS PA RIN PO CHE NI MCHUR DPAG TSAD BCU LA, ZHING DU DBAGS TSAD LNGA PA, CHAR GYIS MI RLAN, RLUNG GIS MI G-YO, GRANG DUS DRO, TSA DUS BSIL PA, BUD MED MI SDUG BA MI MTHONG
LA; NYI ZLA'I 'OD SNANG BKRA BA'I KLU'I BAGS PA DANG, KHYIM RIN PO CHE NI, MCHUR DPAG TSAD BCU GNYIS ZHENG DU DPAG TSAD BDUN, RIN PO CHE DANG ZLA BA DANG RGYU SKAR LTA 'DOD NA KHYIM RTEN 'ONGS PA GRANG DRO SDAM LTA BU LA, DER LHA MO 'ONGS NAS ROL MO BYED PA, GOS RIN BO CHE NI 'JAM LA GRANG DRO SNGA MA LTA BU BKRES SKO MNGAL DU BA KYIS MI GNOD PA, MES MI TSIG MTSON GYIS MI CHOD PA'O, ,NAGS TSAL RIN PO CHE NI DER PHYIN PA DANG NAGS TSAL GYI MTHUS LHA'I BU BU MO BYA SOGS YID DU 'ONG PA 'ONGS PA'O, ,MAL RIN PO CHE NI BSAM GTAN BYED NA GROL ZHING BLO GSAL BA KUN NAS NYON MONGS PA DANG BRAL BA DANG, LHA MA RIN PO CHE NI GYON NA CHU LA MI 'BYID 'GRON YUD TZAM GYIS DPAG TSAD BRGYAR SLEB THUB PA'I PHYIR, MDO LAS SO, ,SDOM NI, RAL GRI BAGS PA KHANG BA DANG, ,GOS DANG NAGS TSAL MAL CHA LHAM, ,NYE BA'I RIN CHEN BDUN DU 'DOD, CES BYA'O, , GSUM PA YO BYAD KYI RIN CHEN BDUN YOD DE, BRGYAD STONG BA'I 'GREL BA LAS, MUN SEL GAR BA BEEd'URYA, ,DNGUL DANG SHEL DANG GSER DANG NI, ,MU TIG DMAR BCAS RDO SNYING RNAMS, ,KUN LA GTZO PHYIR RIN CHEN BDUN, ZHES GSUNGS PA LTA BU'O, ,LNGA BA 'BYUNG BA'I DGOS PA YOD DE, BYANG SEMS TSOGS GNYIS KYI MTHU CHEN PO RNAMS SEMS CAN MTHA' YAS PA DGE BA BCU LA 'GOD PA'I CHED DU 'BYUNG BAR THEG
, ,BA GONG 'OG KUN 'DOD PA'I PHYIR, MDO SDE'I RGYAN LAS, BYANG CHUB SEMS DPA' RTAG TU NI, ,KHYIM PA 'KHOR LOS BSGYUR RNAMS SU, ,GYUR NAS SKYE BA THAMS CAD DU, , SEMS CAN RNAMS KYI DON BYED DO, ,ZHES DANG, RTZA BAR, GNYIS SLOB RIGS LAS LOG NAS NI, SANGS RGYAS SU 'GYUR, ZHES DANG, RANG 'GREL LAS, DRO BAR GYUR PA DANG RTZE MO SKYES PA NYAN THOS KYI RIGS LAS BZLOG NAS YANG SANGS RGYAS SU GYUR PA NI SRID KYI BZOD PA THOB BA LA NI DE LTA BU MI SRID DO, ,CI'I PHYIR ZHE NA, DAN SONG BZLOG PA'I PHYIR TE BYANG CHUB SEMS DPA' RNAMS NI GZHAN LA PHAN 'DOGS PAS GZHAN GYI DBANG GIS NGAN SONG DU YANG 'GRO'O ZHES GRAG GO ,ZHES GSUNGS PA'I PHYIR, 'KHOR BSGYUR LA BYANG SEMS KHO NA SKYE MI DGOS STE, LAM MA ZHUGS KYI SEMS CAN THAMS CAD KYANG SNGON SANGS RGYAS DANG 'PHRAD PA DANG, BYANG CHUB SEMS DPA' DANG DGE BA'I BSHES GNYEN GYI MTHUS BSOD NAMS DE LTA BU THOB PA'I THABS SANGS RGYAS KYI SKU'AM GSUNG NGAM MCHOD RTEN BZHENGS PA'AM DGE 'DUN LA 'TSO BA PHUL BA CI RIGS BYAS PAS DE DANG TSANGS SOGS KYI GO 'PHANG GRANGS MED THOB PA THEG PA GONG 'OG KUN NAS 'BYUNG BA'I PHYIR, BSHES SPRINGS LAS, 'KHOR LOS BSGYUR BA NYID DU GYUR NAS KYANG, ,'KHOR BA
BDAG NA YANG BRAN NYID DU 'GYUR, ,SOGS DANG, DRAN PA NYER GZHAG LAS KYANG, LHA'I 'JIG RTEN DU GYUR BA'AM, DUD 'GRO'I 'JIG RTEN DU GYUR BA'AM, YI DVAGS KYI 'JIG RTEN DU GYUR BA RNAMS SAM, STENG DU GYUR PA'AM, 'OG MA'AM, PHYOGS RNAMS SAM PHYOGS MTSAMS RNAMS NA GANG LA YANG SEMS CAN RNAMS MA SKYES BA'AM MA SHI BA'AM 'CHI MA 'PHOS PA'AM, SKYES PAR MA GYUR BA'AM, ZHES PA NAS, 'BRAL BAR MA BYAS PAR GYUR BA NI 'GRO BA LNGA NA SEN MO'I CHA TZAM MAD MIGS TE, ZHES GSUNGS PA'I PHYIR, DES NA PHAL BAS KYANG DGE BA 'DI LAS SANGS RGYAS THOB SNYAM NAS MCHOD RTEN LA SOGS PA LA MCHOD NA LHA MA'I DBANG PO THOB CING NAM YANG MA NYAMS PAR YANG BSHAD DE, MDO LAS, SANGS RGYAS MCHOD RTEN THAL SBYAR PHYAG 'TSAL BA, ,MTHO RIS GNAS SHING TSANGS DANG LHA DBANG 'GYUR, ,MIR GYUR NA YANG MI'I RGYAL BOR 'ONG, ,DE NI NAM YANG YONGS SU NYAMS MI 'GYUR, ,ZHES GSUNGS PA LTA BU'O, ,SMRAS BA, BGRANG BAS NAM YANG MI ZAD YON TAN RMAD, ,LDAN BA'I SANGS RGYAS MTHONG CI MCHOD RTEN KYANG, ,MCHOD BAS LHA MI'I DBANG BO NYI MA BZHIN, ,YANG DANG YANG 'BYUNG 'DI LAS NGO MTSAR GANG, ,KHRON BZANG CHU BZHIN SBYAD KYANG MI 'DZAD BA'I, ,BYANG CHUB SEMS KYI MTSE'U 'DI NYID LA, ,NYON MONGS SKOM BAS GDUNG NAD 'THUNG ZHES, ,RGYAL BA SRAS
, ,BCAS GSUNG DBYANGS GCIG GIS 'DOMS, ZHES PAR SKABS KYI TSIGS SU BCAD PA'O, ,DGU BA SNOD BCUD KYI KHYAD CHOS LA DNGOS DANG, 'JIG BSKAL BYE BRAG TU BSHAD PA GNYIS, DANG PO LA, BSKAL BA DANG PO'I KHYAD PAR, DE LAS 'GRIB TSUL DANG, 'GRIB PA'I MTHAR JI LTAR 'BYUNG TSUL GSUM, DANG PO NI, RTZA BAR, SNGAR BYUNG SEMS CAN ZHES RKANG BA GCIG BYUNG, SHES BYA CHOS CAN, SNGAR RAM DANG PO BSKAL PA CHAGS DUS KYI MI GZUGS CAN GYI LHA DANG 'DRA STE, GZUGS MDZES PA YID TZAM LAS RDZUS TE SKYE BAS YID LAS BYUNG BA, YAN LAG DANG DBANG PO THAMS CAD TSANG PA RANG GI 'OD CAN NAM MKHA' LA 'GRO BA, DGA' BA ZAB TSE LO DPAG MED THUB PAR MDO LAS SDAR LTAR BSHAD PA'I PHYIR, 'DI'I LO DPAG MED NI GRANGS MED BRGYAR MNGON TE, GRANGS MED, TSAD MED, DPAG MED GSUM RIM PAS GNAS GSUM DANG BRTZI TSUL BCU 'GYUR DU SGRE BA'I PHYIR, MNGON PA'I GRANGS KYI RNAM GZHAG NI, BYE BRAG RTOGS BYED LAS, STOBS MIG ,STOBS MIG CHEN PO, GRANGS MED, TSAD MED PA, DPAG TU MED PA, ZHES GSUNGS PA'I PHYIR DANG, DE YANG YIN TE, GRANGS MED YAN NA GRANGS KYI GNAS DU MA 'JIG RTEN PA DANG MDO'I LUGS GNYIS GAR YOD PAR SDAR BSHAD PA'I PHYIR, GNYIS
PA NI, RTZA BAR, DE NAS RIM GYIS ROL CHAGS, ,NAS, TSE THUNG LO NI BCU YIN NO, ,ZHES TSIGS BCAD DANG RKANG PA GCIG BYUNG, SHES BYA CHOS CAN, 'GRIB TSUL YOD DE, GZUGS CAN GYI LHA 'DRA BA'I MI DE 'GRIB BAR RTZOM PA NA SA'I RO SBRANG RTZI'I RO CAN BYUNG BA MYANG BAS LUS LA LCI PA ZHUGS SHING 'OD MED PAR GYUR BAS MYA NGAN BYED PA NA SBYI MTHUN LAS NYI MA DANG NYIN MO'I THA SNYAD BYUNG, YANG DE NUB PAS MTSAN MO DANG DE'I THA SNYAD BYUNG, DE NAS ZLA BA BYUNG PAS TSES KYI THA SNYAD YANG BYUNG BAR MNGON PA'I PHYIR, DE NAS YANG 'GRIB TSUL YOD DE, DE'I TSE MANG DU ZOS PA MDOG NGAN NYUNG BA ZOS BA MDOG BZANG BAS BZANG NGAN LAS BRNYAS SHING NGA RGYAL BAS RO DE NUB LA, YANG SA'I BCUD KHA DOG DONG KA'I ME TOG LTA BU'I SER BO RO SBRANG RTZI MA BSKOL BA LTA BU BYUNG BA LA'ANG SNGAR BZHIN BYAS PAS NUB, YANG MYU GU'I TSAL BRNGAS PA MI MNGON PA KHA DOG KAD MA YU KA'I ME TOG LTA BU LA RO SBRANG RTZI LTA BU LA SNGAR BZHIN BYAS PAS NUB PA SOGS YIN PA'I PHYIR, DE NAS KYANG 'GRIB TSUL YOD DE, DE NAS 'BRAS SA LU KHA DOG DRI RO PHUN SUM TSOGS PA SOR BZHI TZAM PA BRDAS PA NANG NUB TU SKYE BA ZOS PAS ZAS DE RAGS PA DANG LAS KYIS PHO MO'I DBANG PO BYUNG BAS SKYES PA DANG BUD MED KYI THA SNYAD KYANG BYUNG, DE NAS BAG CHAGS GOMS PA'I NGAN PA 'GA' ZHIG PHAN TSUN GYI MTSAN MA LA BLTAS PAS GCIG GIS
, ,CHAGS NAS LOG PA BZHUGS PAS LOG G-YEM KYANG BYUNG STA 'DI BZANG SBYIN DANG RGYUD GCIG YIN PAR GSUNGS, DE LA GZHAN GYIS MI RIGS SO ZHES SA RDO 'THOR BAS, DE SKYOB PHYIR DU KHANG DA BRTZIGS PAS KHYIM GYI DANG PO BYUNG, DE'I TSE LO LO CAN GCIG GI ZHAG KHA SHAS KYIS LU BLANGS BA SOGS 'JOG BYAS PAS BRNGAS PA SLAR MI SKYE BAS GCIG GIS RANG GIS LU ZAD PAS GZHAN GYI DE BLANGS PAS MA BYIN LEN KYANG BYUNG LA DE NOR CAN DANG RGYUD GCIG YIN PAR BSHAD, DE NAS KUN 'DUS NAS MI RGYUD BZANG BA CIG LA ZHING RNAMS BSRUNG PA'I DPON POR BSKOS, KUN GYIS ZHING GI DRUG CHA RE BSTAB PAR BYAS PA DE NAS RGYAL RIGS KYI THOG MA DANG, MANG POS BKUR BAS MANG BKUR PAR GRAGS PA STON PA DANG RGYUD GCIG YIN PA'I PHYIR, RTZA BAR, DE NAS RIM GYIS ROL CHAGS, ,LE LOS SOG 'JOG BYAS NAS NI, ,'DZIN BCAS RNAMS KYIS ZHING DPON BSTABS, ,ZHES SO, ,DE NAS RIGS LHAG MA DANG LAS LAM BYUNG TSUL YOD DE, DE'I TSE MI PHO KHYIM LAS PHYIR PHYOGS PAR NAGS KHROD DU RTZA BA DANG 'BRAS BU ZA BA TSANGS PAR SPYAD PA DE DAG LAS BRAM ZA'AM TSANGS PA BA BYUNG, DA NAS RKU SOGS MI BYED PA'I KHYIM PA LA RJE BO ZHES BKUR PAS RJE RIGS DANG RKU BA DANG GSOD PA SOGS BYED PA LA DMANGS PO ZHES BRJOD PAS DMANGS RIGS BYUNG, DE BZHIN DU BRKUS KYANG MA
BRKUS ZHES RDZUN DANG DE LA KHRIMS BCAD PA SOGS MI DGE BCU'I LAS LAM LHAG PAS TSE RIM GYIS BRI NAS TSE THUNG LO BCU BA'I BAR DU 'GYUR BA'I PHYIR, RTZA BAR, DE NAS LAS KYI LAM LHAG PAS, ,TSE THUNG LO NA BCU YIN NO, ,ZHES SO, ,DES NA PHUNG KHROL DE THAMS CAD KYI RTZA BA'I SKYE GNAS RO LA CHAGS PA DANG LE LO GNYIS YIN PA'I PHYIR, RANG 'GREL LAS, DE'I PHYIR PHUNG KHROL MTHA' DAG GI RTZA BA'I SKYE GNAS NI CHOS GNYIS TE RO LA CHAGS PA DANG LE LO'O, ,ZHES GSUNGS PA'I PHYIR, 'DI SPANGS PAR RIGS SO, ,GSUM PA NI, RTZA BAR, BSKAL BA MTSON DANG NAD DANG NI, ,MU GE DAG GIS TSAR PHYIN TO, ,ZHAG RNAMS DANG NI ZLA BA DANG, , LO BDUN DAG STE GO RIM BZHIN, ,ZHES BYUNG, SHES BYA CHOS CAN, ,SNYIGS MTHAR JI LTAR 'BYUNG TSUL YOD DE, YAS KYI BSKAL PA NAS TSE LO BCU BA'I DUS SU MTSON DANG NAD DANG MU GE GSUM GYIS TSAR PHYIN PA STE RDZOGS PAR BYED PA'I PHYIR, RANG 'GREL LAS, BAR GYI BSKAL PA NI MTSON DANG NAD DANG MU GE DANG GSUM GYIS TSAR PHYIN TO, ,BAR GYI BSKAL PA TSAR PHYIN PA'I TSE MI RNAMS TSE LO BCU BA DANG, ZHES GSUNGS PA'I PHYIR DANG, RGYAL SRAS MA LAS KYANG, TSAR PHYIN PA ZHES BYA BA NI YONGS SU RDZOGS PA'O, ,ZHES SO, ,DE GSUM LA BSKAL BA'I MING BTAGS PA'ANG YOD DE, SA SDE LAS, BSKAL BA BAR MA NI GSUM STE MU
, ,GE'I BSKAL PA BAR MA DANG, NAD KYI BSKAL PA BAR MA DANG, MTSON GYI BSKAL BA BAR MA'O, ,ZHES GSUNGS PA'I PHYIR, MNGON PA GONG 'OG GI DUS MI 'DRA LA, DE GSUM GYI YUN TSAD YOD DE, MTSON BSKAL ZHAG BDUN LA GCIG GIS GCIG MTHONG NA RI DVAGS LA RNGON PA LTAR GSOD 'DOD SKYES PAS LAG TU BONG BA SOGS SLEBS PAS MTSON CHA RNON POR GYUR NAS PHAN TSUN GSOD BAR BYED ,DE'I SNGON DU NAD KYI BSKAL BA ZHAG BDUN DANG ZLA BA BDUN DU 'BYUNG, DE'I SNGON DU SA BON KA BRTZE'I NANG DU SPENG PAS KA BA TSE BA RUS GONG DKAR BO BSDUS TE BSKOL NAS 'THUNG BAS RUS GONG DKAR PO BA DANG, THUR MAS NAS 'BRU RE 'BRU BA DANG, THUR SHING GIS GSUM RES BGOS PAS THUR MA BA ZHES BYA BA'I MU GE'I BSKAL PA LO BDUN ZLA BA BDUN ZHAG BDUN 'BYUNG BA'I PHYIR, RANG 'GREL LAS, MTSON CHAS GSOD PA ZHAG BDUN 'BYUNG NGO; ;NAD NI ZLA BA BDUN DANG ZHAG BDUN DU'O, ,MU GE NI LO BDUN DANG ZLA BA BDUN DANG ZHAG BDUN DU'O, ,ZHES GSUNGS PA'I PHYIR, DE DAG SPANGS PA'I THABS YANG YOD DE, NYI MA 'GA' ZHIG LA SROG GCOD SPONG PA'I SNGOM PA BSRUNGS PAS MTSON BSKAL DU MI SKYE, DE BZHIN DU DGE 'DUN LA AA RU RA SOGS SMAN PHUL BAS NAD BSKAL DU MI SKYE, DGE 'DUN LA BSOD SNYOMS SMAN 'GA' ZHIG GUS PAS PHUL NA MU GE'I BSKAL
BAR MI SKYE BAR RANG 'GREL LAS BSHAD PA'I PHYIR, ,GNYIS PA 'JIG BSKAL BYE BRAG DU BSHAD PA LA, 'JIG BYED KYI RKYEN DANG, 'JIG BYA GANG YIN, 'JIG PA'I RGYU MTSAN, JI LTAR 'JIG PA'I TSUL DANG BZHI LAS, DANG PO NI, RTZA BAR, ME DANG CHU DANG RLUNG DAG GIS, ,'JIG PA DAG NI YANG GSUM YIN, ,ZHES BYUNG, SHES BYA CHOS CAN, SNOD 'JIG BYED KYI RKYEN GSUM YOD DE, DA LTA'I NYI MA LAS REG BYA BZHI 'GYUR GYIS TSA BA'I NYI MA 'DI DANG GZHAN DRUG DANG BDUN BYUNG NAS MES SREG PA DANG, CHAR 'BAB PAS CHUS 'JIG PA DANG, RLUNG DRAG POS RAB TU 'JIG PA GSUM GYIS SNOD KYI CHA SHAS PHRA MO RDUL PHRA RAB TZAM YANG MI LUS PAR BYED PA'I PHYIR; RTZA BA'I YANG SGRAS MU STEGS PAS RDUL PHRA RAB MI 'JIG PAR 'DOD KYANG, 'JIG PAR BSHAD PA'I PHYIR, RANG 'GREL LAS, DE DAG GIS NI SNOD RNAMS KYI CHA SHAS PHRA MO YANG MI LUS BAR BYED DO, ,'DI LA MU STEGS PA KHA CIG NI RDUL PHRA RAB RNAMS NI RTAG PA YIN PAS, DE'I TSE DE DAG LUS SO ZHES BYA BAR 'DOD DO, ,ZHES GSUNGS PA'I PHYIR, CHA SHAS PHRA MO ZHES PAS DE BKAG GO ,GNYIS PA NI, RTZA BAR, BSAM GTAN GNYIS SOGS GSUM PO NI, ,NAS, DE DAG GI RTZE GO RIM BZHIN, ,ZHES BYUNG, SHES BYA CHOS CAN, 'JIG PA GSUM GYIS 'JIG BYA DANG, 'JIG PA'I RTZE MOR LUS PA SO SOR YOD DE, ME 'JIG GI
, ,'JIG BYA LA RANG GIS BSREG BYA'I BSAM GTAN DANG PO MAN CHAD, CHUS 'JIG BYA LA RANG GIS 'JIG BYA'I GNYIS PA MAN CHAD, RLUNG GIS 'JIG BYA LA 'JIG BYA'I BSAM GTAN GSUM PA MAN CHAD 'JOG CING; MI 'JIG GI RTZE MOR LUS PA BSAM GTAN GNYIS PA DANG, CHU 'JIG GI RTZE MOR LUS PA BSAM GTAN GSUM PA DANG, RLUNG 'JIG GI RTZE MOR LUS PA BSAM GTAN BZHI PA YIN ZHES GO RIM BZHIN DU 'JOG PA'I PHYIR, GSUM PA NI, RTZA BAR, DE YI SKYON DANG CHOS MTHUN PHYIR, ,BZHI PA NA MENG MI G-YO'I PHYIR, ,MI RTAG DE YI GZHAL MED KHANG, ,SEMS CAN BCAS TE 'BYUNG 'JIG PHYIR, ,ZHES BYUNG, SHES BYA CHOS CAN, 'JIG PA GSUM GYIS DE LTAR 'JIG PA'I RGYU MTSAN YOD DE, 'JIG BYED ME CHU RLUNG GSUM DANG MTHUN PA'I SKYON GSUM GYI DBANG GIS YIN PA'I PHYIR, DE YANG YIN TE, BSAM GTAN DANG PO NA BSAM GTAN GYI SKYON RTOG DPYOD ME LTA BU YOD PAS DE MES 'JIG ,BSAM GTAN GNYIS PA NA BSAM GTAN GYI SKYON DGA' BA DE CHU LTA BU YOD PAS DE CHUS 'JIG ,GSUM PA NA BSAM GTAN KYI SKYON DBUG 'BYUNG RNGUB KYI RLUNG RANG NYID YOD PAS DE RLUNG GIS 'JIG PA'I PHYIR, DANG PO GRUB STE, RTOG DPYOD KYIS YI DAG DUNG BA ME LTAR BYED PA'I PHYIR, GNYIS PA GRUB STE, SHIN SBYANGS KYI DGA' BAS LUS MNYEN PA CHUS BRLAN PA LTAR BYED PA'I PHYIR,
GSUM PA GRUB STE, RLUNG YIN PA SLA LA DA DAG GIS BSAM GTAN LA SKYON SKYED PAS 'BRAS BU SKYE BA'I BSAM GTAN DE YANG PHYI'I RKYEN DE DAG GIS 'JIG PA'I PHYIR, RANG 'GREL LAS, SNYOMS BAR 'JUG PA'I BSAM GTAN GANG NA NANG GI SKYON CI LTA BAR SKYE BA'I BSAM GTAN DE NA PHYI ROL GYI YANG DE LTA BU YIN NO, ,ZHES GSUNGS PA'I PHYIR, BSAM GTAN BZHI PA NA 'JIG PA DE DAG MED DE, DE DAG GI SGYU BSAM GTAN BZHI BA'I TING NGE 'DZIN LA SKYON DE DAG GI G-YO BA MED PA'I PHYIR, RTZA BAR, BZHI PA NA MENG MI G-YO'I PHYIR, ,ZHES SO, ,'O NA DE RTAG PA YIN NAM ZHE NA, MI RTAG PA YIN TE, BZHI PA DE'I GZHAL MED KHANG SEMS CAN DANG BCAS TE LHAN CIG 'BYUNG BA DANG LHAN CIG 'JIG PA'I PHYIR, KHYAB STE, DE LTAR NA RTAG PA'ANG MIN LA DANG PO BCUD STONG DE NAS SNONG STONG PA SOGS DANG MI MTHUN LA SKAR MA LTAR MA 'BREL BAR GNAS PA'I PHYIR, 'DIS NI 'OG MA GSUM 'OG GZHI 'BREL BAR SHUGS LA BSHAD DO, ,BZHI PA NI, RTZA BAR, ME YIS BDUN NO CHU YIS GCIG ,DE LTAR CHU BDUN THAL NAS KYANG, ,ME YIS BDUN NO DE NAS NI, ,MJUG TU RLUNG GIS 'JIG PA YIN, ZHES BYUNG, SHES BYA CHOS CAN, 'JIG PA GSUM GYIS 'JIG TSUL YOD DE, SNOD SNGA MA STONG PA'I RJES SU CHAGS PA DE THAL NAS MES 'JIG PA DE 'DRA BDUN 'BYUNG, DE NAS CHAGS PA DE CHUS 'JIG PAS, MES
, ,BDUN ZHIG PA'I RJES SU CHUS LAN GCIG 'JIG DGOS TE, DE LTAR MA BYAS NA CHUS 'JIG BYA BSAM GTAN GNYIS PA'I TSE TSAD MA RDZOGS PA'I PHYIR, RTZA BAR, ME YIS BDUN NO CHU YIS GCIG ,CES SO, ,MES 'JIG TSUL YOD DE, BCUD STONG PA NANG LTA'I NYI MA 'DIS RTZI SHING GZHAN RNAMS SKAM NAS BSREG ,BSREG BYA LHAG MA LTENG KA DANG, CHU BO DANG, MTSO MA DROS PA DANG, RGYA MTSO DANG, RI RAB STE BSREG BYA DRUG PO 'JIG PA'I NYI MA SNGA MA SNGA MA LAS PHYI MA PHYI MA BZHI 'GYUR GYI REG BYA TSA BA'I NYI MA DRUG GIS BSREG PA'I PHYIR TE, NYI MA GNYIS PAS LTENG KA CHE CHUNG GSUM PAS CHU BO CHE CHUNG DANG, BZHI PAS MA DROS PA DANG, LNGA BA DANG DRUG PA SHAR TZAM GYIS RGYA MTSO DANG, DRUG PA DANG BDUN PAS RI RAB BSREGS NAS RDUL TZAM DANG DU BA TZAM YANG MED PAR BYED PA YIN PA'I PHYIR, LUNG LAS RGYAL PO CHEN PO 'JIG RTEN 'JIG PAR 'GYUR BA'I TSES CHEN PO 'DI MES 'TSIG PA'AM, CHUS BSHIG PA'AM, RLUNG GIS GTOR BAR 'GYUR PA'I DUS YOD DE, DE MES 'TSIG NA NI DU BA YANG MI MNGON LA, THAL BA'I LHAG MA YANG MI MNGON PAR 'GYUR RO, ,ZHES GSUNGS PA LTAR YIN PA'I PHYIR, CHUS 'JIG TSUL YOD DE, CHAR BABS PAS CHUS RI SOGS LAN TSVA LTAR CHUR ZHU NAS SNOD DANG GNYIS KA LHAN CIG MED PAR 'GYUR PA'I PHYIR, LUNG LAS, CHUS
BSHIG PA'I TSE YANG LHAG MA CI YANG MI MNGON PAR 'GYUR TE, ZHES GSUNGS PA LTAR YIN PA'I PHYIR, RLUNG GIS DE YOD DE, RLUNG GIS RI SOGS THAMS CAD BSHIG NAS, BYE'U 'THOR RLUNG GIS BSHIG PA LTAR GNYIS KA LHAN CIG MED PAR 'GYUR BA'I PHYIR, LUNG LAS, RLUNG GIS GTOR BA'I TSE YANG LHAG MA CUNG ZAD KYANG MI MNGON PAR 'GYUR TE, ZHES DANG, SA SDE LAS, SNOD KYI 'JIG RTEN DE RLUNG GIS LUS SKAM PA BZHIN DU MED PAR BYED DO RLUNG DE YANG DE NYID DANG LHAN CIG MED PAR 'GYUR TE, ZHES GSUNGS PA LTAR YIN PA'I PHYIR, RLUNG 'JIG 'BYUNG BA'I DUS YOD DE, DE LTAR ME 'JIG BDUN RE'I RJES SU CHU 'JIG RE BYAS PA'I CHU 'JIG BDUN BDUN THAL BA'AM SONGS RJES SU ME 'JIG BDUN BYUNG, DE NAS SNOD CHAGS PA DE LA MJUG TU RLUNG GIS 'JIG PA 'BYUNG BA'I PHYIR, DE LTAR 'JIG PA GSUM 'BYUNG BA LA YUN RING THUNG 'BYUNG BA'I RGYU MTSAN YOD DE, ME 'JIG NI BSAM GTAN DANG PO'I TSANGS PA CHEN PO'I TSE BAR BSKAL DRUG CU YOD PA DANG BSTUN NAS SNGAR BSHAD PA LTAR 'BYUNG, CHU 'JIG BSAM GTAN GNYIS PA'I 'OD GSAL BA'I TSE TSAD BSKAL CHEN BRGYAD YOD PA DANG MTHUN PAR 'BYUNG, RLUNG 'JIG NI BSAM GTAN GSUM PA'I DGE RGYAS PA BSKAL CHEN DRUG CU RTZA BZHIR BSHAD PA DANG BSTUN NAS 'BYUNG BA'I PHYIR, RTAGS GSUM KA GRUB STE, NANG GI TING NGE 'DZIN GYI STOBS KYIS BCUD KYI GANG ZAG DANG SNOD YANG KHYAD
, ,BAR DU 'GYUR BA'I PHYIR, RTZA BAR, DE'I SKYON DANG, SOGS DANG, SKABS 'DI'I RANG 'GREL LAS, DE LTAR BSHAD NA GDAGS PA'I BSHAD PA DGE RGYAS KYI LHA RNAMS KYI TSE TSAD NI BSKAL BA DRUG CU RTZA BZHI'O ZHES BYA BA LEGS PAR DRANGS PA YIN NO, ,ZHES GSUNGS PA'I PHYIR DANG, RGYAL SRAS MA LAS KYANG, JI LTAR BSAM GTAN DANG PO PAS BSAM GTAN GNYIS PA'I SNYOMS PAR 'JUG PA KHYAD PAR DU 'PHAGS PA'I PHYIR, BSAM GTAN GNYIS PA'I SA BA'I LUS NGAG GNAS BA YANG KHYAD PAR DU 'PHAGS PA YIN TE, ZHES GSUNGS PA'I PHYIR DANG, RANG 'GREL LAS KYANG, CI'I PHYIR ZHE NA, SEMS CAN DE DAG GI SNYOMS BAR 'JUG PA'I KHYAD PAR LAS LUS DAG GNAS PA'I KHYAD PAR JI LTA BAR SNOD RNAMS KYANG DE BZHIN NO, ,ZHES DANG, DE'I 'GREL BSHAD GANG SPEL LAS, CI'I PHYIR DUS YUN RING MO ZHIG NA CHUS 'JIG LAS, DE BAS KYANG CHES RING BA NA RLUNG GIS 'JIG CE NA, DE'I PHYIR SEMS CAN DE DAG GI SNYOMS PAR 'JUG PA'I KHYAD PAR LAS ZHES BYA BA RGYAS PAR SMOS TE, SNYOMS PAR 'JUG PA'I KHYAD PAR NI BSAM GTAN GNYIS PA DANG GSUM PA'I KHYAD PAR RO, ,ZHES GSUNGS BA'I PHYIR, GNAD DE LTAR BSHAD DGOS SO, ,SMRAS PA, DGE DANG MI DGE TING 'DZIN SO SOL, ,'DOD PA'I 'GRO BA GNYIS DANG GZUGS GZUGS MED, ,SO SO'I SNOD DANG BCUD KYI DBANG PO SOGS, ,YOD MED
LEGS PAR 'GRUB TSUL 'DI RTOGS NA, ,SKYID SDUG NA 'CHI'I BYED PO LHA 'DRE DGRA, ,GZA' SKAR GROGS RNAMS MIN BAR DAG DOD KHUMS, ,DE LTAR MA SHES MKHAS DANG NUS LDAN DU, ,RLOM NAS CHAGS SDANG SPYOD PA KHYOD RE BLUN, ,MA RIG PA LA SUM CU SOGS BSHAD PA, ,SEL BYED RIG PA THOS BSAM SGOM GSUM GYI, ,SGO NAS BDUN BSHAD GAN DE SHES PHYIR DANG, ,GZHAN LAS THOS PA ZHIB PAR BSHAD PA'I PHYIR, ,THOS BSAM BSGOM PAS SANGS RGYAS LEGS PAR 'GRUB, ,CES CHOS MNGON PA MDZOD KYI GNAS GSUM PA LEGS PAR BSHAD ZIN TO,, ,,