S19099 · GMLW-006408

—

נושאיםTopics:Middle-Way PhilosophyEmptinessCompassionthe Ten Levels
נמצא בfound inMIDDLE-WAY PHILOSOPHY (MADHYAMIKA PRASANGIKA SCHOOL)
מהדורהrecensionnot applicable - a collected works, not a canon edition
כותרת בסנסקריטSanskrit titleNAS
פוליוfolios1a–442a
צורהformprose
מצב תרגוםtranslationno English of the text
גשה מייקל לימד אותו בGeshe Michael taught it inDiamond Cutter Classics
ז'אנרgenrethe Textbooka MTHA' DPYOD — the analytical textbook form of the Gelug colleges; the folder is the commentaries on Entering the Middle Way
פירוש עלa commentary onDBU MA LA 'JUG PA — Chandrakirti's Entering the Middle Waythe title names it and the folder is its commentary shelf
הקלאסיקהthe classicMadhyamakavatarathe work analyses it
אסכולהlineageGelugJamyang Shepay Dorje Ngawang Tsundru, whose textbooks are the tradition of Gomang
אנשים ומקומותpeople and places namedJamyang Shepay Dorje Ngawang Tsundru · Puntsok Norbu · Tsamcho Zungthe author; and the printing colophon names the father Puntsok Norbu and the mother Tsamcho Zung, who had it printed in 1992 out of great faith
רמת קושיleveladvanced scholastic
תלות קדםread firstEntering the Middle Waya textbook analyses a root text and assumes it
הכותרת אומתה מול הטקסטtitle verified against the textnoour record has NO title at all, in either language; the title is on the first line of the file and is recoverable

הקבציםThe files

S19099/DBU MA_MIDDLE-WAY PHILOSOPHY (MADHYAMIKA PRASANGIKA SCHOOL)/DBU MA LA 'JUG PA'I 'GREL PA_COMMENTARIES ON 'ENTERING THE MIDDLE WAY' (MADHYAMAKA AVATARA)/'JAM DBYANGS BZHAD PA'I RDO RJE NGAG DBANG BRTZON 'GRUS_JAMYANG SHEPAY DORJE NGAWANG TSUNDRU (1648-1721)

הטקסטThe text

טיבטיתTibetanS190991,162,061 תוויםcharacters
001a

, ,MA DHYA MA K'A BA TA RA SY'A NHA RE BI TZA RA n'A GA MA N+YA YYA NI DHI KO shA GA MBH'I RA AARTHA PRA K'A SHA SU BHA GA N'Am H'I RTHAm N'A MA: BI HA RA TI SMA,, *, ,DBU MA 'JUG PA'I MTHA' DPYOD LUNG RIGS GTER MDZOD ZAB DON KUN GSAL SKAL BZANG 'JUG NGOGS ZHES BYA BA BZHUGS SO,,

001b

[DD1] (BSTAN PA'I BDAG PO SH'AKYA'I GTZO,) #, ,NA MO GU RU MANYDZU GHO sh'A YA, NA MA:SAR SVA STYEE, BLA MA DANG MGON PO 'JAM DPAL DBYANGS DANG DBYER MED PA'I CHOS KYI RGYAL PO TZONG KHA PA YAB SRAS ZHABS LA GUS PA CHEN POS PHYAG 'TSAL ZHING SKYABS SU MCHI'O, ,SKYE BA KUN TU RJES SU BZUNG DU GSOL, ,MANG MANG RGYAL SRAS LHAR BCAS DBUS NA NYI MA STONG BZHIN 'BAR BA'I SKU, ,SNYAN SNYAN TSIG GIS ZAB DANG RGYA CHE RTEN 'BYUNG CHOS SGO BRGYA 'BYED GSUNG, ,GSAL GSAL MKHYEN PAS KUN LA KHYAB KYANG 'KHRUL BRAL GNYIS MED MNYAM BZHAG THUGS, ,YANG YANG RGYAL BA RGYA MTSOS PAD DKAR LTAR BSNGAGS NYI MA'I GNYEN LA 'DUD, ,GANG ZHIG DRAN PA'I NYI ZER ZHUGS TZAM GYIS, ,RMONGS PA'I MUN SANGS BLO GROS PAD TSAL 'BUM, ,BZHAD [DD2] (RGYAL BA'I YAB GCIG 'JAM PA'I DBYANGS,)

002a

[DD1] (ZAB DON GANG LA MDZAD KLU SGRUB ZHABS,) *, ,PA'I LEGS BYAS RI MO BRGYA BKRA BA'I, ,NGO MTSAR MCHOG STER 'JAM MGON GNYIS KYIS SKYONGS, ,SRID ZHI'I MDZES SDUG MA LUS YONGS 'KHYIL MTSOR, , THUGS RJE'I 'DAB BRGYA BZHAD PAR RGYAL KUN GYI, ,GSUNG GSANG DRI ZA'I RGYUD DU 'GUG MKHAS YUM, ,DBYANGS CAN MGRIN MTSOR BYON LA NGAG MCHOG STZOL, ,RGYU SKAR DBUS NA ZLA BA DANG; ;RKANG 'THUNG DBUS NA YONGS 'DU BZHIN, ,MKHAS DBUS RTEN 'BYUNG 'DOMS PA LA, ,ZLA BRAL KLU SGRUB YAB SRAS RGYAL, ,MKHYEN BRTZE MTHU NUS MDZAD 'PHRIN KUN DANG KHYAD PAR DU, ,MTHA' BRAL ZAB MO 'DOMS LA DUS GSUM RGYAL RNAMS KYANG, ,GCIG BSDUS NGUR SMRIG 'DZIN NA KHYOD KYI ZLAR 'OS PA'I, ,'JAM MGON RGYAL BA GNYIS PA LA 'DUD [DD2] (RGYAL BA GNYIS PA BLO BZANG GRAGS, ,)

002b

DUS KUN SPYI BOR BZHUGS, ,KHYOD BSTAN MDO SNGAGS ZAB RGYAS GSER 'KHOR GYIS, ,THUB BSTAN GLING BZHI YONGS LA DBANG BSGYUR BA'I, ,CHOS KYI RGYAL PO KUN MKHYEN DGE LEGS DPAL, ,DUS GSUM MKHAS PA YONGS KYI GTZUG NA MDZES, , SRID ZHI'I KHAMS NA DPE ZLA RANG NYID LAS, ,RNYED MIN RGYAL BA RGYA MTSO 'BYUNG BA'I GNAS, ,PAD DKAR 'DZIN PAS BSTAN 'DI BSKYANGS TSUL LA, ,YANG YANG BSAM NA SNYING NAS BA SPU LDANG, ,MKHYEN DPYOD MKHYEN PA'I GTER LA 'GRAN PAR NUS, ,BZANG PAS THUGS RJE'I LHA DANG ZHI DUL GYIS, ,AU BA LIR 'GRAN BDAG GI BSHES GNYEN TSOGS, ,THUB DBANG ZHAL SKYIN RNAMS LA GUS PAS 'DUD, ,BLO MCHOG RNAMS LA DGA' SKYED DMAN 'BRING GI ,RAB RIB THE TSOM BSAL TE ZAB RGYAS LAM, ,RIN CHEN SGRON ME BZHIN DU GSAL BYED PA'I, ,LUNG RIGS BYE BA'I 'OD STONG 'GYED LA SPRO, ,DE LA 'DIR BSTAN BCOS CHEN PO ZAB RGYAS MA LUS PA GSAL BAR BYED PA'I DBU MA LA 'JUG PA'I DKA' GNAS KYI MTHA' DPYAD PA LA, MTSAN DON, 'GYUR PHYAG , GZHUNG DON, MJUG GI DON BZHI, DANG PO 'CHAD PAR, RGYA GAR SKAD DU, NAS, BOD SKAD DU, DBU MA LA 'JUG PA ZHES BYA BA, ZHES GSUNGS, 'DI'I DON LA DGAG GZHAG SPANGS GSUM LAS, DANG PO LA, KHA CIG ,'DIR 'JUG BYA'I DBU MA DE DBU MA LA BYED ZER NA, 'O NA, 'DI'I 'JUG BYA'I DBU MA DE GZHUNG DBU MA LA BYED PA MA YIN PAR THAL, DE BRJOD BYA DON GYI DBU MA LA BYED PA'I PHYIR, RTAGS KHAS, 'DOD NA, DBU MA ZHES PA'I THA SNYAD 'JUG GZHI YIN NA BRJOD BYA DON GYI DBU MA YIN DGOS

003a

, ,BAR THAL, 'DOD PA'I PHYIR, 'DOD MI NUS TE, DBU MA ZHES PA'I THA SNYAD DBU MA'I GZHUNG DANG, DE'I GRUB MTHA' DANG, DE SGROGS PA PO'I GANG ZAG GSUM LA 'JUG PA LAS 'DIR BSTAN BCOS LA BYED DGOS PA'I PHYIR, DER THAL, DE'I THA SNYAD DE GSUM LA 'JUG PA GANG ZHIG ,'DIR BSTAN BCOS LA BYED DGOS PA'I PHYIR, DANG PO GRUB STE, 'DIR DBU MA'I SKAD DOD MA DHY'A MA KA ZHES PA'I KA ZHES PAS DBU MA DE STON PA'AM SGROGS PA YANG BSTAN PA'I PHYIR TE, SLOB DPON LEGS LDAN GYIS, DBUS NYID DBU MA'O ZHES RANG GI DON DE LA PHAN PA BRJOD PA'O, ,DBU MA'I LAM DE STON PAR BYED CING SGROGS PAR BYED PAS NA KA ZHES BYA STE, ZHES GSUNGS PA'I PHYIR, KHYAB STE, MA DHY'A MA ZHES PAS DBU MA'O ZHES RANG GI NGO BO DE STON PA'I DE PHAN GYI RKYEN BYIN SHUL YIN LA, KA NI SGROGS PA'I BYINGS LAS BSGRUB PAS NA STON MKHAN DANG BSTAN BCOS DANG GRUB MTHA' RNAMS LA YANG 'JUG PA'I PHYIR TE, LEGS LDAN GYIS, SKAD KYI BYINGS KYI SGRA LA BSTAN BCOS BYA BA 'AM; DBU MA ZHES PA'I MING GANG LA YOD PA DE NI DBU MA STE, YANG NA KA ZHES PA'I MING GIS BRJOD PA YIN PAS DBU MA ZHES BYA BA DBU MA'I GRUB PA'I MTHA'O, ZHES GSUNGS PA'I PHYIR, SKAD KYI BYINGS ZHES PA NI SGROGS PA'I BYINGS ZHES PA'I DON YIN TE; SKAD DANG SGRA DANG SGROGS PA RNAMS LA SKAD DOD THUN MONG BA YOD PA'I PHYIR, BYINGS KYI MDO LAS, KEE GEE REE SGRA LA'O, ZHES GSUNGS PA'I PHYIR, 'DIR SGRA SGRUB MA BYAS, RTZA RTAGS GNYIS PA GRUB STE, RANG 'GREL LAS, DBU MA'I BSTAN

003b

BCOS LA 'JUG PAR BYA BA'I PHYIR, ZHES DANG, RNAM BSHAD LAS KYANG, MA DHY'A MA KA'I SKAD KYI BYINGS LAS BRTZAMS NAS DBU MA'I BSTAN BCOS SAM DBU MA'I GRUB MTHA' LA DBU MAR BYAS PAR SHES RAB SGRON MER YANG BSHAD PAS DBU MA ZHES PA TZAM LAS MA BYUNG YANG, 'DIR DBU MA'I BSTAN BCOS LA GO BAR BYA'O, ZHES GSUNGS PA'I PHYIR, YANG KHA CIG, RIGS TSOGS GZHAN RNAMS 'DI'I 'JUG BYA'I DBU MA YIN TE, 'GREL BSHAD LAS, BSTAN BCOS 'DI'I 'JUG BYA'I DBU MA YOD DE, RTZA BA SHES RAB LA SOGS PA'I DBU MA'I BSTAN BCOS RNAMS 'DI'I 'JUG BYA'I DBU MA YIN PA'I PHYIR, ZHES GSUNGS PA'I PHYIR, ZER BA DANG, MDO RGYAS 'BRING SOGS KYANG DER 'DOD ZER NA, 'O NA, RANG 'GREL LAS, 'DIR RIGS TSOGS GZHAN GYI LUNG 'DREN TSE RANG MING NAS SMOS LA, RTZA SHE 'DREN TSE DBU MA LAS ZHES SMOS TSUL MI 'DRA BA MDZAD PA LA DGOS PA MED PAR THAL, DE RIGS TSOGS GZHAN RNAMS 'DI'I 'JUG BYA'I DBU MA MA YIN PAR STON CHED MA YIN PA'I PHYIR, RTAGS SONG, DER THAL; DE RNAMS DE YIN PA'I PHYIR, RTAGS KHAS, 'DOD MI NUS TE, DE RTZA SHE 'DI'I 'JUG BYA'I DBU MA YIN LA, GZHAN RNAMS MA YIN PAR STON CHED YIN PA'I PHYIR, DER THAL, 'DIR LAN DU MAR KHYAD PAR DE LTAR SBYAR BA GANG ZHIG ,DGOS PA CI YANG MED PAR DE LTAR GSUNGS MI SRID PA'I PHYIR, DANG PO GRUB STE, RANG 'GREL LAS, JI SKAD DU DBU MA LAS, RDZOGS SANGS RGYAS RNAMS MA BYUNG ZHING, ZHES SOGS DANG, JI SKAD DU RIN CHEN PHRENG BA LAS, JI SRID PHUNG PO 'DZIN YOD PA, ZHES

004a

, ,SOGS DANG, JI SKAD DU RIGS PA DRUG CU PA LAS, YOD PAS RNAM PAR MI GROL TE, ZHES SOGS DRANGS PA LTA BU YIN PA'I PHYIR, GNYIS PA GRUB STE, DES NA 'DIR 'JUG BYA'I DBU MA LA BSTAN BCOS GCIG DGOS PAS, DBU MA'I MDO SOGS GZHUNG GZHAN DANG GZHI LAM 'BRAS BU'I DBU MA GSUM LTA BU DON GZHAN LA'ANG MI RUNG BAS RTZA SHE LAS 'OS MED YIN PA'I PHYIR TE, RNAM BSHAD LAS, DE YANG 'DI'I 'GREL PAR RTZA SHE KHUNGS SU MDZAD PA NA DBU MA LAS ZHES MANG DU GSUNGS PA LTAR RTZA SHE LA BYA YI, DBU MA'I GZHUNG GZHAN DANG DBU MA'I DON GZHAN LA MI BYA'O, ZHES GSUNGS PA'I PHYIR, 'DIR 'JUG BYA'I DBU MA RTZA SHE LA BSTAN BCOS 'DIS 'JUG TSUL LA, 'GREL BSHAD MKHAN PO DZA YA AA NANTA NA RE, RTZA SHE LAS BDEN GNYIS RGYAS PAR MA BSTAN LA, 'JUG PA 'DIR BDEN GNYIS RGYAS PAR BSTAN PA DE 'JUG PA DE LA 'JUG TSUL DU 'DOD DE, 'GREL BSHAD LAS, 'DI LTAR DBU MA'I BSTAN BCOS SU KUN RDZOB DANG DON DAM PA'I RANG BZHIN RGYAS PAR MA BRJOD LA, DE 'DIR RGYAS PAR BSTAN PAS BSTAN BCOS 'DI DE LA 'JUG PAR 'GYUR BA'O, ZHES DANG, RNAM BSHAD LAS KYANG, 'DI LA KHA CIG BSTAN BCOS DER KUN RDZOB DANG DON DAM PA'I RANG BZHIN RGYAS PAR MA BRJOD LA, 'DIR DE GNYIS RGYAS PAR BSTAN PAS DE LA 'JUG GO ,ZHES ZER RO, ZHES SO, ,'O NA, RTZA SHE LAS DON DAM PA'I RNAM BZHAG 'JUG PA LAS KYANG RGYAS PAR MA BSHAD PAR THAL, DAM BCA' 'THAD PA'I PHYIR, 'DOD MI NUS

004b

TE; RTZA SHE LAS GZHI BDEN BZHI BDEN GNYIS MYANG 'DAS SOGS RE RE'I STENG DU YANG BYA BA DANG BYED PA DANG BYED PA PO GSUM DANG, NYE BAR LEN PA NYE BAR BLANG BYA DANG NGO BO KHYAD PAR SO SO LA SBYAR BA SOGS KYI SGO NAS DON DAM BDEN PA RIGS PA'I RNAM GRANGS MTHA' YAS PAS GTAN LA PHABS LA, 'JUG PA TSOD DE TZAM MI RGYAS PAR MNGON SUM GYIS GRUB PA'I PHYIR TE, RNAM BSHAD LAS, DE KHO NA NYID GTAN LA 'BEBS PA'I RIG PA'I RNAM GRANGS NI, 'JUG PA LAS RTZA BA SHES RAB SHIN TU RGYAS PAR BSHAD PA DE LEGS PAR MA MTHONG NGO, ZHES GSUNGS PA'I PHYIR, RE LA KHA CIG NA RE, RJES 'GREL BSHAD KYI LUNG BSKYAR BA DE MI 'THAD PAR THAL, 'GREL BSHAD LAS RTZA SHE LAS BDEN GNYIS KYI RANG BZHIN RGYAS PAR BRJOD PAR BSHAD KYI MA BRJOD PAR MA BSHAD PA'I PHYIR, 'GREL BSHAD LAS, 'DI LTAR DBU MA'I BSTAN BCOS SU KUN RDZOB DANG DON DAM PA'I RNAM BZHAG RGYAS PAR BSTAN LA, DE 'DIR RGYAS PAR BSTAN PAS BSTAN BCOS 'DI DE LA 'JUG PA'O, ZHES GSUNGS PA'I PHYIR ZER NA, 'GREL BSHAD KYI DPE DU MA LAS DE LTAR BYUNG BA MA DAG PA YIN TE, DE LTAR NA 'DIR LA BZHES PA LTA BU'I YANG SGRA DE DGOS RGYU SNANG BA YANG MA BYUNG BA'I PHYIR DANG, ZLOS SPONG NGAM BSTAN TSUL MI 'DRA BA GCIG DGOS RGYU LA MA BYUNG BAS SO, ,DES NA DGAG SGRA MED PA DPE MA DAG PAR BZHED PA LEGS SO, ,YANG MKHAS PAR GRAGS PA KHA CIG NA RE, RTZA SHE LAS BDEN GNYIS GZHI LDOG RGYAS PAR MA BSTAN BYAS NA 'GREL BSHAD LA RNAM BSHAD KYI SKYON DE 'JUG KYANG, BDEN GNYIS RANG LDOG LA BSAM NA BDEN GNYIS

005a

, ,KYI RNAM BZHAG RTZA SHE LAS 'JUG PA RGYAS PAS DGAG PA MI 'GRO ZER RO, ,'DI LA MNGON SUM GYIS RIG PA DANG LUNG GIS GNOD PA DU MA 'BAB STE 'DI LTAR, 'O NA, RTZA SHE LAS DON DAM BDEN PA RANG LDOG NAS RGYAS PAR MA BSTAN LA, DON DAM BDEN PA GZHI LDOG NAS RIGS PA'I RNAM GRANGS MTHA' YAS PAS BSHAD PAR THAL, KHYOD KYIS KHYAD PAR PHYE TSUL 'THAD PA'I PHYIR, RTAGS KHAS, 'DOD NA, RTZA SHE LAS DON DAM BDEN PA RGYAS PAR BSTAN PAR THAL, DE GZHI LDOG NAS RIGS PA MTHA' YAS PAS BSHAD PA'I PHYIR, RTAGS KHAS, 'DOD NA, RTZA SHE LAS DON DAM BDEN PA RANG LDOG NAS KYANG RGYAS PAR BSTAN PAR THAL, DE LAS DON DAM BDEN PA RGYAS PAR BSHAD PA'I PHYIR, RTAGS KHAS, GZHAN YANG, BDEN GNYIS RANG LDOG NAS STON PA LA RTZA SHE LAS 'JUG PA RGYAS PAR THAL, KHYOD KYIS KHYAD PAR 'THAD PA'I PHYIR, 'DOD MI NUS TE, BDEN GNYIS RANG LDOG NAS STON PA LA'ANG 'JUG PA LAS RTZA SHE RGYAS PA'I PHYIR, DER THAL, RTZA SHE LAS BDEN GNYIS KYI NGO BO DANG BDEN GNYIS MI SHES NA GSUNG RAB KYI DE NYID MI SHES PA DANG, BDEN GNYIS BSTAN PA'I DGOS PA DANG, BDEN GNYIS LA LOG PAR BZUNG BA'I NYES DMIGS DANG, BDEN GNYIS RTOGS DKA' BAS STON PAS KYANG DANG POR MA BSTAN PA'I TSUL LNGA YOD CING, 'JUG PA LAS DE LTAR MA BSHAD PA'I PHYIR, RTAGS ZUR DANG PO GRUB STE, DBU MA LAS, SANGS RGYAS RNAMS KYIS CHOS BSTAN PA, ,BDEN PA GNYIS LA YANG DAG BRTEN,,

005b

'JIG RTEN KUN RDZOB BDEN PA DANG, ,DAM PA'I DON GYI BDEN PA'O, ZHES GSUNGS PA'I PHYIR, RTAGS ZUR GNYIS PA GRUB STE, DBU MA LAS, GANG DAG BDEN PA DE GNYIS KYI, ,RNAM DBYE RNAM PAR MI SHES PA, ,DE DAG SANGS RGYAS BSTAN PA NI,, ZAB MO'I DE NYID RNAMS MI SHES, ZHES GSUNGS PA'I PHYIR, RTAGS ZUR GSUM PA GRUB STE, DBU MA LAS, THA SNYAD LA NI MA BRTEN PAR, ,DAM PA'I DON NI BSTAN MI NUS, ,DAM PA'I DON LA MA BRTEN PAR, ,MYA NGAN 'DAS PA THOB MI 'GYUR,, ZHES GSUNGS PA'I PHYIR, RTAGS ZUR BZHI PA GRUB STE, DBU MA LAS, STONG PA NYID LA BLTA NYES NA, ,SHES RAB CHUNG RNAMS PHUNG BAR BYED, ,JI LTAR SBRUL LA BZUNG NYES DANG, ,RIG SNGAGS NYES PAR BSGRUB PA BZHIN, ZHES GSUNGS PA'I PHYIR; RTAGS ZUR LNGA PA GRUB STE, DBU MA LAS, DE PHYIR ZHAN PAS CHOS 'DI YI, ,GTING RTOGS DKA' BAR MKHYEN GYUR NAS, ,THUB PA'I THUGS NI CHOS BSTAN LAS, ,RAB TU LOG PAR GYUR PA YIN, ZHES GSUNGS PA'I PHYIR, RTAGS ZUR DRUG PA MNGON SUM GYIS GRUB PO, ,DES NA RGYAS PAR BSHAD PA NI TSIG MANG NYUNG GIS MA YIN PAR DON SPRO TSUL GYI SGO NAS YIN TE, TSIG RGYAS KYANG DON MI RGYAS PA BOD KHA CIG GIS BSHAD PA LTA BU DU MA YANG YOD, TSIG NYUNG YANG DON RGYAS PA MNGON RTOGS RGYAN LTA BU YIN PA'I PHYIR, YANG KHA CIG NA RE, RTZA SHE LAS RGYA CHE BA RGYAS PAR MA BSTAN KYANG 'JUG PAS MA TSANG BA KHA SKONG BA'I TSUL GYIS SNYING RJE GSUM DANG SA BCU SOGS BSHAD ZER YANG RGYAL TSAB RJES RTZA SHE LAS RGYA CHE BA RGYAS

006a

, ,BAR BSTAN PAR 'DOD, MKHAS GRUB RJES SNGA RTZOM DANG RJE'I BU CHEN 'GA' ZHIG GIS MA BSHAD PAR GRAGS PA LTAR 'DOD PA SOGS MANG NGO, DE DAG LA 'O NA, RTZA SHE LAS RGYA CHE BA THA SNYAD 'JOG TSUL DANG, BDEN BZHI; LAS 'BRAS, ZHUGS GNAS BRGYAD, DKON MCHO GSUM SOGS 'JIG RTEN DANG 'JIG RTEN LAS 'DAS PA THAMS CAD 'JOG TSUL MA BSHAD PAR THAL, DES RGYA CHE BA RGYAS PAR MA BSTAN PA'I PHYIR, RTAGS KHAS, KHYAB STE; DE LTAR BSTAN NA RGYA CHE BA RGYAS PAR BSTAN DGOS PA'I PHYIR, DER THAL, DE LTAR BSTAN NA GZHI LAM 'BRAS GSUM RE RE'ANG PHYE NAS BSTAN DGOS PA'I PHYIR DANG, DES RGYA CHE BA RGYAS PAR BSTAN PAR MI 'GYUR NA SRIN BU'I GRANGS BSTAN DGOS PAR 'GYUR BA'I PHYIR RO, ,DES NA RTZA SHE LAS 'DI RGYAS PAR DNGOS SU BSTAN KYANG, BSTAN BYA'I GTZO BOR BYAS NAS MA BSTAN PA'I PHYIR, RIN CHEN 'PHRENG BA'I DAR tIKA LAS, GTAN LA 'BEB PA'I GTZO BO'I DBANG DU BYAS KYI GZHAN DU NA RTZA BA SHES RAB KYIS THEG PA CHEN PO'I LAM GYI RIM PA RGYAS PAR BSTAN PAR DBU MA LA 'JUG PAS BSGRUB PA'I PHYIR, ZHES GSUNGS PA'I PHYIR, RTZA SHE'I TSIG 'DI DAG DON CHEN PO CAN YIN PAS, STONG GZHI PHAL BA'I TSUL DU DNGOS BSTAN LA RUNG PA'I PHYIR; RTZA BAR 'DOD MI NUS TE, DE DAG THAMS CAD BSHAD PA'I PHYIR, DER THAL, STONG NYID 'DI 'DRA 'DOD NA DE DAG THAMS CAD MI RUNG BAR 'GYUR ZHES BRTZAD PA'I LAN DU, STONG NYID 'DOD MKHAN DBU MA PA LA DE DAG THAMS CAD RUNG LA, STONG NYID

006b

MI 'DOD PA'I DNGOS SMRA BA LA MI RUNG BAR BSHAD PA'I PHYIR, RTAGS ZUR DANG PO GRUB STE, BRTZAD TSUL DE YANG DBU MA LAS, GAL TE 'DI DAG KUN STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ZHES PA NAS, GAL TE SKYES BU GANG ZAG BRGYAD, ,DE DAG MED NA DGE 'DUN MED, ,'PHAGS PA'I BDEN RNAMS MED PA'I PHYIR, ,DAM PA'I CHOS KYANG YOD MA YIN, ,CHOS DANG DGE 'DUN YOD MIN NA, ,SANGS RGYAS JI LTAR YOD PAR 'GYUR, ZHES DANG, STONG NYID 'BRAS BU YOD PA DANG, ,CHOS MA YIN DANG CHOS NYID DANG, ,'JIG RTEN PA YI THA SNYAD NI, ,KUN LA'ANG GNOD PA BYED PA YIN, ZHES DANG, BUDDHA P'A LI TA LAS KYANG, GAL TE 'GRO BA 'DI DAG KUN STONG NA DE'I PHYIR 'BYUNG PA MED CING 'JIG PA MED DE, ,DE DAG MED PAS 'PHAGS PA'I BDEN PA BZHI PO RNAMS KHYOD LA MED PAR THAL BAR 'GYUR RO, ZHES PA NAS, STONG PA NYID BZUNG NA CHOS MA YIN PA DANG CHOS NYID DANG, DE DAG GIS BYAS PA'I 'BRAS BU YOD PA DANG, 'JIG RTEN PA'I THA SNYAD KUN LA'ANG GNOD PA YIN PAS, DE BAS NA DNGOS PO MED PAS STONG PA MA YIN NO, ZHE NA, ZHES GSUNGS PA'I PHYIR, RTAGS ZUR GNYIS PA GRUB STE, DE'I LAN DU SNGAR BSHAD PA LTAR BDEN GNYIS KYI KHYAD PAR LNGA BSHAD PAS BDEN GNYIS RUNG BAR MA ZAD 'JIG RTEN DANG 'JIG RTEN LAS 'DAS PA THAMS CAD RUNG BAR BSHAD PA'I PHYIR, DBU MA LAS, GANG LA STONG PA NYID RUNG BA, ,DE LA THAMS CAD RUNG BAR 'GYUR, ZHES DANG, DE'I 'GREL BA BUDDHA P'A LI TA LAS

007a

, ,KYANG; GANG NGO BO NYID STONG PA NYID RUNG BA DE'I 'JIG RTEN PA DANG 'JIG RTEN LAS 'DAS PA THAMS CAD RUNG BAR 'GYUR RO, ZHES DANG, DBU MA LAS, GANG GIS RTEN CING 'BREL BAR 'BYUNG, ,MTHONG BA DES NI SDUG BSNGAL DANG; ;KUN 'BYUNG DANG NI 'GOG PA DANG, ,LAM NYID DE DAG MTHONG BA YIN, ZHES DANG, DE'I 'GREL BA BUDDHA P'A LI TA LAS, GANG GIS RTEN CING 'BREL BAR 'BYUNG BA MTHONG BA DES CHOS BZHI PO SDUG BSNGAL DANG KUN 'BYUNG DANG 'GOG PA DANG LAM NYID CES BYA BA DE DAG MTHONG BA YIN NO, ZHES BYUNG, RTAGS ZUR GSUM PA GRUB STE, GANG LA STONG NYID MI RUNG BA, ,DE LA THAMS CAD RUNG MI 'GYUR, ZHES SOGS GSUNGS PA'I PHYIR DANG, DES NA RNAM BSHAD RIGS PA'I RGYA MTSOR LE'U 'DI GNYIS LE'U SNGA MA THAMS CAD KYI GSHAM DU GDAGS PAR BSHAD PA LTAR, 'DI GNYIS LE'U SNGA MA THAMS CAD KYI STONG NYID LA BYA BYED BYED PA PO SOGS 'THAD PAR SGRUB PA'I GZHUNG YIN PA'I PHYIR, SHIN TU SPROS PAS CHOG GO ,BYAS PA LA KHO NA RE; RTZA SHE LAS RGYA CHE BA'I LAM DANG RGYA CHE BA'I PHYOGS BSTAN PA MI 'THAD PAR THAL, DE LAS ZAB MO'I PHYOGS MA GTOGS RGYA CHE BA'I LAM MA BSTAN PA'I PHYIR TE, RNAM BSHAD LAS, RTZA SHE LAS ZAB MO'I PHYOGS MA GTOGS RGYA CHE BA'I THEG CHEN GYI KHYAD CHOS MA BSTAN KYANG, ZHES GSUNGS PA'I PHYIR NA MA KHYAB STE, DE DAG GTZO BOR DNGOS SU MA BSTAN ZHES PA'I DON YIN PA'I PHYIR RO, ,'O NA, RNAM BSHAD LA NANG 'GAL YOD PAR THAL, RTZA SHE LAS ZAB MO'I PHYOGS MA GTOGS RGYA CHE

007b

BA DANG LAM MA BSTAN PA DE'I DGONGS PA GANG ZHIG ,RGYA CHER BSTAN PAR BSHAD ZIN LA, DER LAM BSTAN PA YANG RNAM BSHAD KYI DGONGS PA YIN PA'I PHYIR, RTAGS DANG PO KHAS, GNYIS PA GRUB STE, DER BDEN BZHI 'THAD PAR BSHAD PA'I SKABS GYI LAM LA THEG CHEN GYI RGYA CHE BA'I LAM GYI RIM PA SO SKYE'I SA'I SNYING RJE SOGS CHOS GSUM NAS 'BRAS BU'I SA RNAM MKHYEN GYI BAR YOD PA'I PHYIR, DER THAL, DER BSHAD PA'I LAM LA DBYE BA DE LTAR YOD KYANG, DER TSIG LA MA THON PA 'JUG PAS DE'I DBYE BA RGYAS PAR STON PA DE 'JUG PA RTZA SHE LA RGYA CHE BA'I SGO NAS 'JUG TSUL YIN PA'I PHYIR TE, RNAM BSHAD LAS, DE LTAR NA GZHUNG DER BSTAN PA'I LAM LA THEG PA CHEN PO'I RGYA CHE BA'I LAM GZHAN 'PHAGS PA'I MAN NGAG GIS KHA BSKANG NA SHIN TU LEGS PAS ZHES DANG, DE'I PHYIR GZHUNG 'DI LA BRTEN NAS RTZA SHE'I LAM LA RGYA CHE BA'I SGO NAS 'JUG PA NI DBU MA LA 'JUG PA'I TSUL GNYIS PA'O, ZHES GSUNGS PA'I PHYIR, KHYAB STE, GZHUNG DER BSTAN PA'I LAM LA THEG PA CHEN PO'I RGYA CHE BA'I LAM ZHES DANG, RTZA SHE'I LAM LA ZHES PA DAG GI LAM RE YOD PA'I PHYIR DANG, LAM DE LA DBYE RGYU MED PA GCIG MA YIN PA'I PHYIR RO, ,GNYIS PA RANG LUGS NI, 'DIR BSTAN 'JUG BYA'I DBU MA YIN NA RTZA SHE YIN DGOS TE, SPYIR DBU MA ZHES PA LA DU MA YOD KYANG 'DIR BSHAD PA'I DE YIN NA DBU MA'I GZHUNG YIN DGOS, DE YANG MDO BSTAN BCOS GNYIS KYI BSTAN BCOS YIN DGOS, DE YANG RIGS TSOGS GZHAN LA MI RUNG BAS RTZA SHE YIN DGOS

008a

, ,PAR LUNG RIGS DU MAS GRUB PA DE'I PHYIR, DBU MA RTZA SHE CHOS CAN, KHYOD LA 'JUG PAS 'JUG TSUL GNYIS YOD DE, DBU MA RANG RGYUD PA DANG RNAM RIG PA DANG MTHUN PAR BSHAD MI RUNG BAR BSHAD PA GNYIS ZAB PAS 'JUG TSUL DANG, RTZA SHE LAS BSHAD PA'I LAM DE LA YAN LAG GI SGOS PHYE NAS SO SKYE'I SA'I CHOS GSUM DANG, 'PHAGS PA'I SA BCU DANG, 'BRAS BU'I SA RNAMS KYIS SHIN TU RGYAS PAR KHA SKONG BA DE RGYA CHE BA'I SGO NAS 'JUG TSUL TE GNYIS YOD PA DE'I PHYIR, RNAM BSHAD LAS RANG GI LUGS NI, RTZA BA SHES RAB LA 'JUG PA'I TSUL GNYIS YOD DE, ZAB PA DANG RGYA CHE BA'I SGO NAS SO, ZHES GSUNGS PA'I PHYIR, ZAB PA'I SGO NAS DE LTAR 'JUG TSUL GNYIS YOD DE, CHOS THAMS CAD RANG NGOS NAS MA GRUB CING DE'I RGYU MTSAN GYIS RANG RGYUD MI BZHED PA DANG, BDEN 'DZIN NYON SGRIB TU 'DOD PA SOGS KYI SGO NAS RTZA SHE LA 'JUG PA DE RANG RGYUD PA DANG THUN MONG MA YIN PAR 'JUG TSUL YIN, DE LTAR GRUB PA MED PA'I RGYU MTSAN GYIS KUN GZHI RANG RIG PHYI DON MED PA SOGS MI 'DOD PA DE SEMS TZAM PA DANG THUN MONG MA YIN PAR 'JUG TSUL YIN, SEMS TZAM PA DANG RANG RGYUD PA GNYIS DANG THUN MONG MA YIN PA'I RTZA SHE'I DON 'DIR BSHAD PA LTAR NGES PA DE 'DI'I SGO NAS RTZA SHE LA ZHUGS PA'I TSAD YIN PA'I PHYIR, DANG PO GRUB STE, RANG 'GREL LAS, LUGS 'DI NI THUN MONG MA YIN PA'O ZHES MKHAS PA RNAMS KYIS NGES PAR BYA'O, ZHES DANG, RNAM BSHAD LAS, RANG GIS DBU

008b

MA'I DON GTAN LA PHAB PA DE DBU MA PA GZHAN DANG THUN MONG MA YIN PAR BSTAN PA DANG, ZHES GSUNGS PA'I PHYIR, GNYIS PA GRUB STE, RNAM BSHAD LAS, BSTAN BCOS KYI DON RNAM PAR RIG PA TZAM DANG MTHUN PAR BSHAD DU MI RUNG BA LA NGES PA BSTAN PAR BYA BA'I PHYIR DU DBU MA LA 'JUG PA BRTZAMS PAR GSUNGS TE, ZHES GSUNGS PA'I PHYIR, GSUM PA GRUB STE, RNAM BSHAD LAS, DE'I PHYIR GZHUNG 'DI LA BRTEN NAS DGOS PA DE GNYIS KYI SGO NAS RTZA SHE'I DON LEGS PAR NGES PA NI GZHUNG 'DIS DBU MA LA 'JUG PA'I TSUL GCIG GO ,ZHES GSUNGS PA'I PHYIR, RGYA CHE BA'I SGO NAS 'JUG TSUL YANG SNGAR BSHAD PA DE LTAR YIN TE, RTZA SHE'I LAM LA SHIN TU RGYAS PAR KHA BSKANG RGYU YANG DE LTAR DGOS LA, RTZA SHE'I DON YID LA SEMS PA DANG SGOM PA'I TSE YANG JI LTAR KHA BSKANG BA LTAR ZAB RGYAS GNYIS TSOGS GCIG YID LA BYED PA DE 'JUG PA BRTZAMS PA'I DGOS PA GNYIS PA YIN PA'I PHYIR, DANG PO GRUB STE, RNAM BSHAD LAS, DE SKONG BA LA SO SKYE'I SA'I CHOS GSUM DANG SLOB PA 'PHAGS PA'I SA BCU DANG 'BRAS BU'I SA DANG SA LNGA PA DANG DRUG PA'I GO RIM GYI BSAM GTAN GYI NGO BO ZHI GNAS LA BRTEN NAS, BDAG MED PA GNYIS KYI DE KHO NA NYID LA SO SOR RTOGS PA'I SHES RAB KYIS DPYOD PA'I LHAG MTHONG SGOM PA RNAMS GSUNGS SO, ZHES GSUNGS PA'I PHYIR, GNYIS PA GRUB STE, RNAM BSHAD LAS, DE'I PHYIR, RTZA SHE'I DON YID LA BYED PA'I TSE 'JUG PA LAS GSUNGS PA 'DI RNAMS DRAN NAS ZAB PA DANG RGYA CHE BA GNYIS KA TSOGS

009a

, ,PA'I LAM GYI RIM PA YID LA BYED PA MA BYUNG NA GANG ZAG DE LA DBU MA LA 'JUG PA BRTZAMS PA'I DGOS PA GNYIS STOR BA YIN NO, ZHES GSUNGS PA'I PHYIR, 'DIS SHUGS LA DE LTAR BYUNG NA DGOS PA GNYIS BYUNG BAR BSHAD PA YIN NO, ,GSUM PA RTZOD SPONG LA KHO NA RE, RTZA SHE LAS BRTEN NAS BTAGS PA'I TSUL RGYAS PAR BSHAD PA MI 'THAD PAR THAL, DE DER RGYAS PAR MA BSTAN PAS 'JUG PA LAS SHES DGOS PA'I PHYIR TE, TSIG GSAL LAS BRTEN NAS BTAGS PA'I TSUL DBU MA LA 'JUG PA LAS BTZAL BAR BYA'O, ZHES GSUNGS PA'I PHYIR NA, MA KHYAB STE, DER RGYAS PAR BSHAD KYANG MI GSAL BAS DE LTAR BSHAD PA YIN PA'I PHYIR, YANG KHO NA RE, RTZA SHE LAS RNAM RIG PA'I LUGS KYI BDEN GRUB BKAG PAR THAL, DE LAS GZHI RE RE'I STENG NAS BDEN GRUB RGYAS PAR BKAG PA'I PHYIR, RTAGS KHAS, 'DOD NA, DE LAS RNAM RIG PA'I LUGS BKAG PAR THAL, 'DOD PA'I PHYIR, 'DOD NA, DE LAS RNAM RIG PA'I THUN MONG MA YIN PA'I LUGS BKAG PAR THAL, 'DOD PA'I PHYIR NA MA KHYAB, 'DOD MI NUS TE, DE LAS NYAN THOS SDE PAS 'DOD PA'I BDEN DNGOS GTZO BOR 'GOG CING SEMS TZAM PAS 'DOD PA'I BDEN GRUB YANG ZHAR LA KHEGS PA YIN GYI, SEMS TZAM PA LA DMIGS NAS DGAG PA MA BTANG BA'I PHYIR, DER THAL, RTZA SHE RTZOM DUS DA DUNG SEMS TZAM PA 'PHAGS YUL DU MA BYUNG BA'I PHYIR, 'PHAGS PA KLU SGRUB KYIS CHOS KYI SGRA CHEN PO GSUM

009b

BSGRAGS PA'I GNYIS PA RTZA SHE SOGS STONG PA NYID KYI GTAM SGROGS DUS STON PA 'DAS NAS LO BZHI BRGYA RDZOGS PA'I RJES TZAM YIN PAS SEMS TZAM PA MA BYUNG LA DE'I RGYU MTSAN GYIS SANGS RGYAS BSKYANGS DANG ZLA BAS KYANG 'GREL PAR SEMS TZAM PA PHYOGS SNGAR MA BLANGS PA YIN PA'I PHYIR TE, RNAM BSHAD LAS, RNAM RIG PA'I LUGS DGAG PA RTZA SHE DANG TSIG GSAL MI RGYAS PA 'DIR RGYAS PA'I PHYIR RO, ZHES DANG, RNAM BSHAD RIGS PA'I RGYA MTSO LAS, RNAL 'BYOR SPYOD PA PAS DNGOS PO BDEN PAR SMRA BA'I BSTAN BCOS KYI RNAM BZHAG BYAS PA NI RTZA BA MKHAN PO'I RJES SU BYUNG BAS 'DIR YANG RANG SDE PHYOGS SNGAR LEN PA NA DON SMRA GNYIS PHYOGS SNGAR MDZAD LA, DE DAG LA LUNG GIS GNOD PA STON PA NA'ANG THEG DMAN GYI SDE SNOD NAS 'BYUNG BA NYID KYIS MDZAD DO, ,DE LTA NA'ANG 'DI DAG GI 'DOD PA BKAG PA NA RNAL 'BYOR SPYOD PA PAS DNGOS PO BDEN PAR 'DOD PA YANG KHEGS PAR 'GYUR BAS 'GOG PA'I RIGS PA NI THUN MONG BA KHO NA'O, ZHES GSUNGS PA'I PHYIR; 'DI BRTZAM PA'I DUS KYANG RNAM BSHAD RIGS PA'I RGYA MTSO LAS KYANG DES NA LO BZHI BRGYA NA 'BYON PAR BSHAD PA NI LHO PHYOGS SU 'BYUNG TSUL GNYIS PAR BSHAD PA'I DGONGS PA SOGS 'DI DAG ZHIB PAR KHO BOS GRUB MTHA'I RNAM BSHAD DU BSHAD ZIN PAS 'DIR MI SPRO'O, ,YANG KHO NA RE, RTZA SHE LAS RGYA CHE BA'I LAM BSTAN PA MI 'THAD PAR THAL, 'JUG PAS DE LA RGYA CHE BA'I LAM KHA BSKANG DGOS PA'I PHYIR NA MA KHYAB, KHYAB PAR THAL, KHA BSKANG TSUL YOD

010a

, ,PA'I PHYIR NA YANG MA KHYAB STE, DE LA MA TSANG BA KHA BSKANG TSUL DANG, MI RGYAS PA RGYAS PAR KHA BSKANG TSUL DU MA YOD PA LAS 'DIR DE LAS KYANG SHIN TU RGYAS PAR GTZO BOR KHA SKONG BA'I PHYIR, BYAS PA LA KHO NA RE, DER DE RGYAS PAR MA BSTAN PAR THAL, 'DIR DE LAS KYANG RGYAS PAR KHA SKONG PA'I PHYIR NA YANG MA KHYAB STE, DER DE RGYAS PAR BSTAN KYANG MI GSAL PA DANG GTZO BOR MA BSTAN PAS RTZA SHE'I CHED DU BYA BA'I GDUL BYAS LAM DE DAG GTZO BOR NYAMS SU LEN MI DGOS SNYAM PA ZLOG CHED DU 'DIR GSAL BAR DANG GTZO BOR KHA BSKANG NAS BSHAD PA'I PHYIR, YANG KHO NA RE, GZHI LAM 'BRAS BU'I DBU MA GSUM GANG RUNG YIN NA DBU MA YIN DGOS PAR THAL, GZHI GRUB NA MTHA' GNYIS DANG BRAL BA'I DBUS YIN DGOS PA'I PHYIR NA MA KHYAB, RTAGS SLA, 'DOD NA, SKYE BA SNGA PHYI MED PAR KHAS LEN PA DANG BDAG RTAG PAR KHAS LEN PA RE RE NAS CHOS CAN, KHYOD JI LTA BA BZHIN 'DZIN PA'I LTA BA DE DBU MA'I LTA BAR THAL, KHYOD DBU MA YIN PA'I PHYIR, 'DOD MI NUS LA, KHYAB STE, GZHI DE DBU MA YIN NA DE RANG GI NGOR SHAR NAS BZUNG BA'I LTA BA DES RTAG CHAD KYI MTHA' GNYIS RNAM BCAD LA KHEGS NAS BZUNG BA GCIG DGOS PA'I PHYIR, DER THAL, MDO LAS, 'OD SRUNG YOD CES BYA BA NI MTHA' GCIG GO ,MED CES BYA BA NI MTHA' GNYIS SO, ,MTHA' DE GNYIS KYI DBUS GANG YIN PA DE NI BLTAR MED PA, MTHONG DU MED PA ZHES SOGS GSUNGS

010b

PA'I PHYIR, GNYIS PA 'GYUR PHYAG NI, 'PHAGS PA 'JAM DPAL SOGS BYUNG, 'DI'I SKABS SU GSUM LAS, DANG PO LA KHA CIG NA RE, MNGON PA'I SDE SNOD DANG MDO SDE 'GAL ZER NA, RGYAS 'BRING BSDUS GSUM MNGON PA'I SDE SNOD MA YIN PAR THAL, MDO SDE'I SDE SNOD YIN PA'I PHYIR, RTAGS KUN LA GRAGS PAS KYANG GRUB CING, DER THAL, LHAG PA TING NGE 'DZIN GYI RNAM GRANGS MTHA' YAS PA GTZO BOR STON PA'I GSUNG RAB YIN PA'I PHYIR, RTZA BAR 'DOD MI NUS TE; KUN RDZOB DANG DON DAM PA'I MNGON PA'I SDE SNOD GNYIS PO GANG RUNG YIN PA'I PHYIR, DER THAL, DON DAM PA'I MNGON PA'I SDE SNOD YIN PA'I PHYIR, DER THAL, CHOS RNAMS KYI DON DAM PA'I RANG SPYI'I MTSAN NYID CI RIGS PA GTZO BOR GTAN LA 'BEBS PA'I MNGON PA'I SDE SNOD YIN PA'I PHYIR, RTAGS GRUB STE, DE LTAR GTAN LA PHAB PA'I SGO NAS MNGON DU BYED PA DANG YANG YANG DANG RTOGS PAR BYED PA GSUM PO TSANG BA'I SDE SNOD YIN PA'I PHYIR TE, SHES RAB SGRON ME'I 'GREL BSHAD LAS, 'DI NYID DON DAM PA'I CHOS MNGON PA YIN TE, 'DI LTAR 'DIS CHOS RNAMS KYI DON DAM PA'I MTSAN NYID RNAM PAR 'JOG CING YONGS SU RTOGS PAR BYED CING 'DI NYID KYIS MYA NGAN LAS 'DAS PA MNGON DU BYED CING MYA NGAN LAS 'DAS PA THOB PAR BYED DO, ZHES GSUNGS PA'I PHYIR, KHYAB STE, MNGON DU BYED CES PA DANG, DON DAM PA'I MTSAN NYID CES PA DANG, YONGS SU RTOGS PAR BYED CES PA GSUM GYIS, MDO SDE RGYAN LAS, MNGON DU'I PHYIR DANG YANG YANG

011a

, ,DANG; ;ZIL GNON RTOGS PHYIR MNGON PA'I CHOS, ZHES PA'I DON TSANG BA'I PHYIR RO, ,YANG MKHAS PA DAG NA RE, SKABS 'DIR DON DAM PA'I CHOS MNGON PA DE LTAR 'DOD PAS NA MNGON PA GONG 'OG MNGON PA'I SDE SNOD MIN ZER BA DANG, MNGON PA'I SDE SNOD RNAM DAG MIN ZER, DE GNYIS LA 'O NA THUN MONG GI SDE SNOD GSUM MED PAR THAL, THUN MONG GI SDE SNOD GSUM GYI NANG GI MNGON PA'I SDE SNOD MED PA'I PHYIR, DER THAL, MNGON PA GONG 'OG DE MA YIN PA'I PHYIR, DER THAL, DAM BCA' 'THAD PA'I PHYIR, RTAGS KHAS, 'DOD NA, KUN RDZOB PA'I CHOS MNGON PA'I SDE SNOD MED PAR THAL, 'DOD PA'I PHYIR, KHYAB STE, DE GSUM GYI NANG TSAN GYI DE YIN NA DE YIN DGOS PA'I PHYIR, DER THAL; SHER SGRON 'GREL BSHAD LAS, SDE SNOD GSUM LAS BYUNG BA NI KUN RDZOB PA'I CHOS MNGON PA YIN TE, 'DI LTAR DER NI CHOS RNAMS KYI THA SNYAD PA'I MTSAN NYID SRA BA DANG GSHER BA DANG NGO BA LA SOGS PA DAG BSTAN CING DON DAM PA MA BSTAN PA'I PHYIR RO, ZHES GSUNGS PA'I PHYIR DANG, RJE YAB SRAS DANG KLU BYANG DANG ZLA BA'I ZHABS SOGS KYIS MNGON PA LAS ZHES YANG YANG BSHAD PA RNAMS KYANG MI 'THAD PAR THAL BA SOGS GNOD BYED DU MA 'BYUNG BA'I PHYIR RO, ,SPROS PAS CHOG ,DAM BCA' GNYIS PA LA, SGRA JI BZHIN PA MA YIN NA, RNAM DAG MA YIN PAS KHYAB PAR THAL, 'DOD PA'I PHYIR, GNYIS PA RANG LUGS LA, MDO MNGON GYI SDE SNOD YANG MI 'GAL TE, MDO RGYAS 'BRING BSDUS GSUM DANG DE'I

011b

DGONGS 'GREL 'JUG PA 'DI LTA BU GNYIS KAR RUNG BA'I PHYIR, SKABS 'DIR MNGON PA'I SDE SNOD LA GNYIS YOD DE, KUN RDZOB DANG DON DAM PA'I MNGON PA'I SDE SNOD GNYIS YOD CING, DE GNYIS KYI GO DON SHES BYED DANG BCAS PA BSHAD ZIN PA'I PHYIR TE, DGONGS 'GREL LAS KYANG, 'JAM DPAL GANG DU NGAS MTSAN NYID RNAM PA BCU GCIG BSHAD PA DANG, RNAM PAR PHYE BA DANG BSTAN PA GANG YIN PA DE NI MA MO ZHES BYA'O, ZHES GSUNGS PA'I PHYIR, RTZOD SPONG LA KHO NA RE, RTZA SHE DANG 'JUG PAS LHAG PA SHES RAB KYI BSLAB PA GTZO BOR STON PAR THAL, RNAM BSHAD LAS, 'JAM DPAL LA PHYAG 'TSAL BA NI, GZHUNG 'DI DON DAM PA'I CHOS MNGON PAR RNAM PAR BZHAG PA YIN PAS SHES RAB KYI BSLAB PA GTZO BOR GYUR PA'I PHYIR, SNGON GYI BKAS BCAD PA DANG MTHUN PAR MDZAD PA'O, ZHES GSUNGS PA'I PHYIR, 'DOD NA, GTZO BOR DNGOS SU BSTAN PAR THAL, 'DOD PA'I PHYIR NA MA KHYAB, YANG KHA CIG DE LTAR MA BSTAN PAR THAL, 'DIS LAM GYI SKOR GTAN NAS MA BSTAN PA'I PHYIR, DER THAL, DE LTAR MA BSTAN PAS 'DI THEG PA THUN MONG GI BSTAN BCOS YIN PAR RJE NGED MDA' BA'I RTZA SHE'I RNAM BSHAD DU GSUNGS PA'I PHYIR NA MA KHYAB STE, RNAM BSHAD DE LAS DE LTAR GSUNGS PA MI LEGS KYANG PHYOGS SNGAR BLANGS NAS 'GOG PA MI RIGS PAS RNAM BSHAD 'DI GNYIS KAS LTA BA STON TSUL GYI SGO NAS THEG CHEN THUN MONG MA YIN PA'I BSTAN BCOS YIN PAR BSGRUB PA'I PHYIR RO, ,RNAM BSHAD LAS, RTZA SHE LAS ZAB MO'I PHYOGS MA GTOGS PA RGYA

012a

, ,CHE BA'I THEG CHEN GYI KHYAD CHOS GZHAN MA BSTAN KYANG GZHUNG DE NI THEG PA CHE CHUNG GNYIS KYI NANG NAS THEG CHEN PA'I DBANG DU MDZAD PA YIN TE, RIGS PA'I RNAM GRANGS MTHA' YAS PAS CHOS KYI BDAG MED RGYAS PAR BSTAN PA NI THEG PA CHEN PO'I GDUL BYA KHO NA'I DBANG DU MDZAD PA'I PHYIR DANG RTZA SHER DE BZHIN DU BSTAN PA'I PHYIR RO, ZHES DANG, RNAM BSHAD RIGS PA'I RGYA MTSO LAS KYANG, GZHUNG 'DIR LTA BA LAS MA GTOGS PA'I THEG CHEN GYI KHYAD CHOS MA BSTAN KYANG CHOS KYI BDAG MED RGYAS PAR STON PAS CHED DU BYA BA'I GDUL BYA LA KHYAD PAR YOD DO, ZHES GSUNGS PA'I PHYIR, DES NA GZHUNG 'DIR BSTAN MA BSTAN GYI TSUL YANG GTZO BOR DNGOS SU BSTAN PA LA RTZOD PA'I SKABS YIN PAS GTZO BOR DNGOS SU MA BSTAN PA LA BYED DGOS TE, SKABS DON YOD PA'I PHYIR, GSUM PA GZHUNG DON LA MCHOD BRJOD DANG, BSTAN BCOS KYI LUS, BSTAN BCOS BRTZAMS TSUL, DGE BA BSNGO BA BZHI, DANG PO LA SNYING RJE CHEN PO LAM PHYE BAR BSTOD PA DANG, SO SOR PHYE NAS PHYAG 'TSAL BA GNYIS, DANG PO LA SNYING RJE CHEN PO BYANG SEMS KYI GTZO BO'I RGYUR BSTAN PA DANG, RGYU GZHAN GYI YANG RTZA BAR BSTAN PA GNYIS, DANG PO LA, NYAN RANG THUB DBANG LAS SKYES TSUL DANG, SANGS RGYAS BYANG SEMS LAS 'KHRUNGS TSUL, BYANG SEMS KYI RGYU'I GTZO BO GSUM BSHAD PA GSUM, DANG PO 'CHAD PAR, NYAN THOS SANGS RGYAS 'BRING RNAMS THUB DBANG SKYES, ZHES BYUNG, DE'I TSIG DON 'CHAD PAR, RANG 'GREL

012b

LAS; DE LA GONG NA MED BA'I CHOS KYI DBANG PHYUG PHUN SUM TSOGS PA MNGA' BAS, ZHES PA NAS, YONGS SU RDZOGS PAR 'GYUR BA'I PHYIR RO, ZHES BYUNG, DE LA DOGS PA GCOD PAR, GAL TE YANG KHA CIG GIS RTEN CING 'BREL BAR 'BYUNG BA NAS, RANG SANGS RGYAS SO, ZHES BYUNG, DE DAG GI GRUB DON DE 'CHAD PAR, JI SKAD BSHAD PA'I TSUL GYIS NYAN THOS DANG RANG SANGS RGYAS DE DAG NI DE BZHIN GSHEGS PAS CHOS BSTAN PA LAS NGES PAR 'BYUNG BA NYID KYI PHYIR THUB DBANG LAS SKYES SO, ZHES BYUNG, 'DI LA SPYI DON DANG MTHA' DPYAD PA GNYIS, DANG PO LA THUB DBANG GI DON DANG, NYAN THOS KYI DON DANG, RANG RGYAL GYI DON, THUB DBANG LAS DE GNYIS SKYES TSUL BZHI, DANG PO LA, SANGS RGYAS BCOM LDAN 'DAS LONGS SBRUL DE DAG CHOS CAN, KHYOD LA THUB DBANG ZHES BRJOD BA'I RGYU MTSAN YOD DE, DE LA GONG NA MED PA'I SKU GSUNG THUGS 'PHRIN LAS KYI DBANG PHYUG THOB PA DANG, NYAN RANG BYANG SEMS KYI THUB BA DAG LAS KYANG LHAG PA'I DBANG PHYUG PHUN SUM TSOGS PA THOB PA DANG, NYAN THOS LA SOGS PA LA BKAS MNGA' BSGYUR BA'I PHYIR, SHES 'DOD CHOS CAN DANG CHOS 'CHAD PAR, RANG 'GREL LAS, SANGS RGYAS BCOM LDAN 'DAS RNAMS LA THUB DBANG ZHES BYA'O, ZHES BYUNG, RTAGS ZUR GSUM RIM BZHIN 'CHAD PA LA, RANG 'GREL LAS, DE LA GONG NA MED PA'I CHOS KYI DBANG PHYUG SUM TSOGS PA MNGA' BAS, NYAN THOS DANG, RANG SANGS RGYAS DANG, BYANG CHUB SEMS DPA' RNAMS PAS KYANG DBANG PHYUG DAM

013a

, ,PA PHUN SUM TSOGS PA NYID DANG, NYAN THOS LA SOGS PA RNAMS DE'I BKAS MNGA' BSGYUR BA'I PHYIR, ZHES BYUNG, SGO GSUM MI MTHUN PHYOGS LAS BSDAMS PAS NA THUB PA ZHES PA NYAN RANG SOGS DANG, DBANG PO'I SKAD DOD AINTRA NI BYINGS MDO LAS, AI DI MCHOG GI DBANG PHYUG LA'O ZHES PA LAS GRUB PAS NA, DBANG PO LA DBANG PHYUG DAM PA 'AM DBANG PHYUG PHUN SUM TSOGS PA'I BSHAD PA THOB BO, ,GNYIS PA NI, THEG PA CHUNG NGU'I GANG ZAG CHOS CAN, KHYOD LA NYAN THOS SU BRJOD PA'I RGYU MTSAN GNYIS YOD DE, NYAN THOS KYI SKAD DOD SHRA BKA'AM SRA BA KA NI NYAN THOS DANG THOS SGROGS GNYIS LA 'JUG PA'I PHYIR, NYAN THOS SU BRJOD PA'I RGYU MTSAN YOD DE; YANG DAG PA'I GDAMS NGAG GZHAN LA NYAN NAS 'BRAS BU THOB PA'I TSE GZHAN LA 'DI LTAR BYA BA BYAS SO, ,'DI LAS SRID PA GZHAN MI SHES SO ZHES THOS PAR BYED PAS NA DE LTAR BRJOD PA'I PHYIR TE, RANG 'GREL LAS, DE LAS YANG DAG PA'I GDAMS NGAG GI 'BRAS BU THOS PAR BYED PAS NA NYAN THOS DAG STE, ZHES BYUNG, 'DI NYAN PA'I BYINGS LAS GRUB PA'I BSHAD PA'O, ,THOS SGROGS ZHES BRJOD PA'I RGYU MTSAN YOD DE, 'BRAS BU'I MCHOG SANGS RGYAS SAM DE'I LAM SANGS RGYAS LAS THOS NAS RANG NYAMS SU MI LEN PAR GZHAN LA SGROGS PAS NA DE LTAR BRJOD PA'I PHYIR, RANG 'GREL LAS, YANG NA 'BRAS BU'I MCHOG GAM BLA NA MED PA YANG DAG PAR RDZOGS PA'I SANGS RGYAS KYI

013b

LAM DE BZHIN GSHEGS PA RNAMS LAS THOS NAS DE DON DU GNYER BA LA SGROGS PAR BYED PAS NA NYAN THOS DAG STE, MDO PAD DKAR LAS, MGON PO DE RING BDAG CAG NYAN THOS GYUR, ,BYANG CHUB DAM PA YANG DAG BSGRAGS PAR BGYI; ;BYANG CHUB PA YI SGRA YANG RAB TU BRJOD, ,DE BAS BDAG CAG NYAN THOS MI BZAD 'DRA ZHES GSUNGS PA'I PHYIR, ZHES BYUNG, 'DI THOS PA SGROGS PA'I BYINGS LAS BSHAD PA'O, ,NYAN THOS YIN NA, SGRA BSHAD 'DI YOD PAS MA KHYAB STE; GZUGS MED NYAN THOS YOD PA'I PHYIR DANG, SKAM SKYES KYI PADMA LA MTSO SKYES KYI SGRA BSHAD MED KYANG 'JUG PAS SO, ,GSUM PA NI, THEG PA 'BRING GI GANG ZAG CHOS CAN, KHYOD LA SANGS RGYAS TE DE NYID KHONG DU CHUD PA 'BRING PO DANG RANG SANGS RGYAS ZHES BRJOD PA'I RGYU MTSAN DAG YOD DE, DE KHO NA NYID KHONG DU CHUD PAS NA SANGS RGYAS TET TVA BUDDHA 'AM DE NYID RTOGS PA DANG, NYAN THOS LAS LHAG SANGS RGYAS LAS DMAN PAS 'BRING ZHES BRJOD, RANG SANGS RGYAS KYI SKAD DOD PRA TYE KA BUDDHA ZHES PA'I PRA TI SO SOR AE KA GCIG BUDDHA SANGS RGYAS TE, BDAG SO SOR GZHAN LA MA BRTEN PAR GCIG PUR GNAS PA'AM, BDAG GCIG PU'I CHED DU DE NYID KHONG DU CHUD NAS 'BRAS BU 'THOB PAS NA RANG SANGS RGYAS ZHES BRJOD PA'I PHYIR; RTAGS DANG PO GRUB STE, RANG 'GREL LAS, DES NA SANGS RGYAS KYI SGRAS RANG SANGS RGYAS DAG BSNYAD DO, ZHES PA NAS, 'BRING NGO, ZHES GSUNGS PA'I PHYIR, RTAGS GNYIS PA GRUB STE, RANG 'GREL LAS, DE NYID KYI PHYIR DE DAG

014a

, ,NI NYE BAR MA BRTEN PAR YE SHES 'BYUNG ZHING BDAG NYID GCIG PU'I PHYIR RANG NYID SANGS RGYAS PAS RANG SANGS RGYAS SO, ZHES BYUNG, BZHI PA NI, NYAN RANG RNAMS CHOS CAN, THUB DBANG LAS SKYES PA YIN TE, DE'I GSUNG GIS BSKRUN PA STE BSKYED PA YIN PA'I PHYIR, RANG 'GREL LAS, DE RNAMS LAS NYAN THOS LA SOGS PA DAG CES SOGS BYUNG, BSKYED TSUL YOD DE, THUB DBANG RNAMS BYUNG BA NA RTEN 'BREL ZAB MO STON CING, DE LA THEG PA GSUM GYI RIGS CAN 'DUS PA DAG GIS NYAN BSAM SGOM PA'I RIM PAS RANG RANG GI MOS PA BZHIN 'BRAS BU THOB PA DE BSKYED TSUL YIN PA'I PHYIR TE, RANG 'GREL LAS, CI LTAR ZHE NA SANGS RGYAS RNAMS BYUNG BAR GYUR PA NA, ZHES PA NAS, YONGS SU RDZOGS PAR 'GYUR BA'I PHYIR RO, ZHES BYUNG, GNYIS PA MTHA' DPYAD PA LA DGAG GZHAG SPANGS GSUM LAS, DANG PO LA, 'GREL BSHAD KYI GSUNG NA RE, BYANG CHUB DAM PA DANG BYANG CHUB PA YI ZHES PA GNYIS KYI KHYAD PAR DAM PA MA SMOS PA NYAN THOS KYI BYANG CHUB DANG DAM PA SMOS PA RDZOGS PA'I BYANG CHUB YIN PAR 'DOD DE, 'GREL BSHAD LAS, BYANG CHUB BA NI ZHES PA NI 'DIR ZAD PA DANG MI SKYE BA SHES PA'I MTSAN NYID CAN GYI NYAN THOS KYI BYANG CHUB LA ZER BAS DE'I PHYIR DAM PA'I SGRA MA SMOS SO ZHES DANG, RNAM BSHAD LAS KYANG, KHA CIG RKANG PA GSUM PA LA DAM PA'I SGRA MED PAS ZHES SOGS SO, ,'O NA, RANG 'GREL LAS, 'BRAS BU'I MCHOG GAM BLA NA MED PA YANG DAG PAR RDZOGS PA'I SANGS

014b

RGYAS KYI LAM ZHES PA'I 'BRAS BU'I MCHOG DANG SANGS RGYAS KYI LAM GNYIS PO DE RIM BZHIN MDO'I BYANG CHUB DAM PA DANG BYANG CHUB PAR SO SOR 'JOG PA MA YIN PAR THAL, 'DOD PA'I PHYIR, 'DOD NA, 'DIR YANG THEG DMAN GYI BYANG CHUB GZHAN LA SGROGS TSUL BSHAD PA'I SKABS YIN PAR THAL, 'DOD PA'I PHYIR, 'DOD MI NUS TE, THEG CHEN GYI DE SGROGS TSUL SKABS YIN PA'I PHYIR, KHYAB STE, 'DIR DE LAS GZHAN THEG CHEN GYI LAM 'BRAS SGROGS TSUL SGO NAS THOS SGROGS SU BSHAD PA'I SKABS YIN PA'I PHYIR, DER THAL, THEG CHEN GYI 'BRAS BU'AM DER BGROD PA'I LAM ZAB MO NYAMS SU MI LEN PAR SGROGS PA NYAN THOS DANG MTSUNGS PA BYANG SEMS BDAG CAG RNAMS SMAD PAR 'OS ZHES PA'I DON YIN PA'I PHYIR; DER THAL, RNAM BSHAD LAS, RGYU MTSAN 'DI GNYIS BYANG SEMS LA NI NYAN THOS DANG 'DRA BA'I RGYU MTSAN YIN LA NYAN THOS RNAMS LA THOS SGROGS KYI DON DNGOS SO, ZHES PA NAS, ZER MOD KYANG DANG PO NI THEG CHEN GYI BYANG CHUB DANG; GNYIS PA NI BYANG CHUB DER BGROD PA'I LAM LA BYED PA 'GREL PA'I DGONGS PA'O, ZHES GSUNGS PA'I PHYIR, BYAS PA LA KHO NA RE, BYANG SEMS RNAMS KYANG NYAN THOS SU THAL, SANGS RGYAS LAS GDAMS NGAG NYAN NAS GZHAN LA THOS PAR BYED PA'I PHYIR NA MA KHYAB STE, NYAN THOS KYIS THEG CHEN GYI LAM THOS KYANG NYAMS SU CUNG ZAD KYANG MI LEN PAR SGROGS PA KHO NA YIN LA, BYANG SEMS KYIS NYAMS SU LEN PA'I PHYIR RO, ,YANG KHA CIG, NYAN THOS YIN NA, NYAN

015a

, ,THOS KYI SGRA BSHAD YOD PAS KHYAB ZER NA, GZUGS MED KHAMS KYI NYAN THOS CHOS CAN, DER THAL, DE'I PHYIR, KHYAB PA KHAS, 'DOD MI NUS TE, GZUGS MED KHAMS NA NYAN BSHAD MED PA'I PHYIR, DER THAL, DE 'DOD PAR YONGS DUS SU GZUGS DANG DBANG PO DAG YOD KYANG RGYUN TU MED PAR AA BHYAS BSHAD PA LTAR YIN PA'I PHYIR, YANG KHA CIG, RANG RGYAL YIN NA, DE NYID RTOGS PA 'BRING GI GANG ZAG YIN PAS KHYAB ZER NA, 'O NA, RANG RGYAL YIN NA, STONG NYID RTOGS PAS KHYAD PAR THAL, DAM BCA' 'THAD PA'I PHYIR, 'DOD NA, STONG NYID MA RTOGS PA'I RANG RGYAL TSOGS LAM PA CHOS CAN, DER THAL DE'I PHYIR, KHYAB PA KHAS, RTAGS GRUB STE, DE YOD PA'I PHYIR TE, RGYUD BLA MA LAS, NYI MA'I DKYIL 'KHOR 'OD 'BAR BA, ,MIG MED PAS NI MTHONG BA MED, CES GSUNGS PA'I PHYIR, YANG KHA CIG NA RE, THUB DBANG LAS NYAN THOS DANG SANGS RGYAS 'BRING RANG RGYAL SKYES ZER NA, 'O NA, RANG RGYAL DE SANGS RGYAS 'BRING YIN PAR THAL, 'DOD PA'I PHYIR, 'DOD NA, SANGS RGYAS YIN PAR THAL, 'DOD PA'I PHYIR, KHYAB STE, THEG PA 'BRING YIN NA THEG PA YIN DGOS PA'I PHYIR, 'DOD MI NUS, BYAS PA LA KHO NA RE, 'O NA, RANG 'GREL LAS, SANGS RGYAS KYI SGRA 'DI SANGS RGYAS KYI DE NYID NYAN THOS DANG RANG SANGS RGYAS BLA NA MED PA YANG DAG PAR RDZOGS PA'I SANGS RGYAS GSUM CAR LA 'JUG STE, ZHES GSUNGS PA MI 'THAD PAR THAL, SANGS RGYAS KYI SGRA NYAN RANG

015b

SANGS RGYAS GSUM KA LA MI 'JUG PA'I PHYIR NA MA KHYAB STE, 'DI 'GYUR SHIN TU MI LEGS PAS DES NA SANGS RGYAS KYI SGRA 'DI SANGS RGYAS KYI DE NYID CES PA'I DON NI KHONG DU CHUD PA'I SGRA 'DI DE NYID KHONG DU CHUD PA NYAN THOS DANG RANG RGYAL SANGS RGYAS GSUM CAR LA 'JUG CES PA'I DON YIN PA'I PHYIR, BUDDHA'I SGRA SANGS RGYAS KHO NA LA BSGYUR MI DGOS PA'I PHYIR, DER THAL, BUDDHA'I SGRA GNYID SAD PA DANG PAD 'DAB RGYAS PA MKHAS PA SOGS DU MA LA 'JUG PA'I PHYIR TE; 'OG TU YANG, DE NYID RGYAS LA SANGS RGYAS BSNYAD JI BZHIN, ZHES DANG, SKYABS 'GRO BDUN CU PA LAS, MA RIG GNYID NI SANGS PHYIR DANG, ,SHES BYA LA YANG BLO RGYAS PHYIR, ,SANGS RGYAS, ZHES GSUNGS PA'I PHYIR DANG, BZHI BRGYA BA'I 'GREL PA DANG, RNGA BO CHE'I MDO SOGS DU MA LAS BSHAD PA'I PHYIR, YANG 'GREL BSHAD MKHAN PO NA RE, DE LA 'BRING ZHES BRJOD PA'I RGYU MTSAN YOD DE, SANGS RGYAS LAS DMAN NYAN THOS LAS LHAG PA'I RGYU MTSAN GYIS YIN PA'I PHYIR, NYAN THOS LAS LHAG PA YIN TE, GZUNG 'DZIN RDZAS GZHAN DU 'DZIN PA'I RTOG PA RANG RGYAL GYIS SPANGS, NYAN THOS KYIS MA SPANGS LA, DE'I RGYU MTSAN GYIS BSOD NAMS YANG NYAN THOS LAS LHAG PA YIN PAR 'DOD DE, 'GREL BSHAD LAS, BSOD NAMS DANG YE SHES GONG DU 'PHEL BA'I KHYAD PAR GYIS ZHES BYA BA LA SOGS PA LAS LE SHES GONG DU 'PHEL PA'I KHYAD PAR NI, RANG SANGS RGYAS RNAMS KYIS NI GZUNG BA'I RTOG PA SPANGS LA

016a

, ,NYAN THOS RNAMS KYIS MA SPANGS PAS BSOD NAMS GONG DU 'PHEL BA'I KHYAD PAR NI YE SHES GONG DU 'PHEL BA'I KHYAD PAR LAS SHES PAR BYA'O, ZHES DANG, RNAM BSHAD LAS, KHA CIG NYAN THOS LAS LHAG PA'I DON, GZUNG DON RTOG PA SPONG PHYIR DANG, ZHES GSUNGS PA LTAR YIN ZHES SMRA BA ZHES GSUNGS PA'I PHYIR, 'O NA, SKABS 'DIR 'PHAGS PA GSUM LA LTA BA'I RTOGS RIGS MI 'DRA BA GSUM MNGON RTOGS RGYAN LTAR 'THAD PAR THAL, YE SHES GONG DU 'PHEL BA'I KHYAD PAR DE 'THAD PA'I PHYIR, RTAGS KHAS, 'DOD NA, NYAN RANG RIGS NGES KYI 'PHAGS PA LA STONG NYID MA RTOGS PAS KHYAB PAR THAL, MNGON RTOGS RGYAN LAS BSHAD TSUL GNYIS YOD PA LAS GZUNG RTOG NYAN THOS KYIS MI SPONG BA'I LUGS DE 'THAD PA'I PHYIR, RTAGS KHAS, 'DOD MI NUS TE, 'PHAGS PA SLOB PA GSUM KAS STONG NYID RTOGS PAR MTSUNGS PA ZLA BAS KYANG BSHAD KHYOD KYANG DE 'DOD MKHAN YIN PA'I PHYIR, DER THAL, 'GREL BSHAD LAS, GAL TE NYAN THOS RNAMS KYIS GANG ZAG GI BDAG MED PA SHES PA YIN GYI RTEN CING 'BREL BAR 'BYUNG BA RANG BZHIN MED PAR JI LTAR SHES SHE NA, JI LTAR NYAN THOS LA SOGS PA LA YANG CHOS KYI BDAG MED PA LA SOGS PA SHES PA YOD PAS, DE LTAR RING DU SONG BAR BLO YANG LHAG CES PA 'DIR BSTAN NO, ZHES GSUNGS PA DE'I PHYIR, DE SKAD DU, RNAM BSHAD LAS, MI RIGS TE LUGS 'DIS CHOS THAMS CAD RANG BZHIN

016b

MED PAR RTOGS PA NYAN RANG GNYIS KA LA YOD PAR GSUNGS PA'I PHYIR DANG, DE SKAD DU SMRAS PA DES KYANG GRUB MTHA' DE 'DOD PAR 'DUG PA'I PHYIR RO, ZHES GSUNGS, NYAN RANG BSKRUN TSUL LA, 'GREL BSHAD MKHAN PO NA RE, THUB PAS RTEN 'BREL ZAB MO BSTAN PA LAS NYAN RANG GI 'DOD BYA RDZOGS PA STE DGRA BCOM THOB PA MI 'THAD PAR THAL, RTEN 'BREL BSTAN PA'I TSE DE LA RANG GI 'DOD BYA MA RDZOGS PA'I NYAN RANG DU MA SNANG BAS SO SNYAM NA, DE'I LAN DU KHA CIG CES SOGS BYUNG BAR 'DOD DE, 'GREL BSHAD LAS, GAL TE RTEN CING 'BREL BAR 'BYUNG BA YOD ZIN KYANG NYAN THOS LA SOGS PA'I GO 'PHANG LA LAS MA THOB PAR SNANG BAS PHYIN CI MA LOG PA'I RTEN CING 'BREL BAR 'BYUNG BA BSTAN PAS NYAN THOS LA SOGS PA YONGS SU RDZOGS PAR 'GYUR BA CI'I PHYIR BRJOD CE NA DE'I LAN BSTAN PA'I PHYIR, GAL TE KHA CIG GIS ZHES BYA BA LA SOGS PA SMOS TE, ZHES GSUNGS, RNAM BSHAD LAS, KHA CIG RTEN 'BREL BSTAN YANG, ZHES PA NAS, 'DOD PA DANG ZHES BYUNG, YANG BOD KHA CIG NA RE, RTEN 'BREL GYI DON NYAMS SU BLANGS MA THAG 'BYUNG RIGS PA LAS DE MED PAS PHYIS KYANG 'BRAS BU MI SKYED SNYAM PA'I LAN DU 'DOD DE, RNAM BSHAD LAS, GZHAN RTEN 'GREL SKYE MED KYI DON NYAMS SU BLANGS MA THAG, NAS, LAN STON PAR BSHAD PA NI ZHES BYUNG, DE GNYIS LA, 'O NA, SKABS 'DIR GTZO BOR DOGS PA GCOD SA NYAN RANG GNYIS KA YIN PAR THAL, RTZOD TSUL DANG LAN 'THAD PA'I PHYIR,

017a

, ,'DOD NA, NYAN THOS DGRA BCOM PA RNAMS SANGS RGYAS KYI GSUNG LAS SKYED CES PA DE MI 'THAD SNYAMS PA'I DOGS PA CHE BAR THAL, 'DOD PA'I PHYIR, 'DOD MI NUS TE, NYAN THOS KYI MING DON LAS KYANG DOGS PA CHUNG BA'I PHYIR DANG, GZUNGS RGYAL GYI ZHUS PA LAS, NYAN THOS RNAMS KYI RNAM GROL SGRA SPYIR 'GRO, ZHES PA LTAR GRUB MTHA' BZHI KA 'DOD PA'I PHYIR DANG, MDO DU MAR YANG DON RE RE BSTAN PA'I TSE YANG GANG ZAG 'DI SNYED KYIS 'BRAS BU BZHI SOGS THOB PAR BSHAD PA SHIN TU MANG BA'I PHYIR DANG, DES NA SKABS DON MA RTOGS PA'I RTZOD TSUL DANG LAN YIN PAR SNANG PA'I PHYIR, RNAM BSHAD LAS, SKABS DON MA RTOGS PA'I BSHAD PA STE, ZHES GSUNGS PA'I PHYIR, DES NA DE'I DOGS PA GCOD SA'I GTZO BO NI RANG RGYAL DANG DE'I NANG NAS KYANG RANG RGYAL DGRA BCOM PA LA YIN TE, SPYIR RANG RGYAL TSOGS LAM PA PHAL CHER LA SANGS RGYAS 'KHOR DU 'BYUNG BA RANG MANG LA, 'PHAGS PA'ANG TSOGS SPYOD PA GNYIS NI 'BRAS BU DANG PO GSUM THOB PA YIN KYANG SANGS RGYAS KYI 'KHOR DU BYUNG, RANG RGYAL GSUM KA'I YANG SRID PA THA MA'I TSE SANGS RGYAS DANG DGE BA'I BSHES GNYEN MI BSTEN PAS NA DE SANGS RGYAS KYIS BSKRUN PA MI 'THAD SNYAM PA'I DOGS PA CHE BA'I PHYIR, DANG PO GRUB STE, BSE RU LTA BU'I RANG RGYAL RIGS NGES KYI TSOGS LAM PAS BSKAL PA CHEN PO BRGYAR SANGS RGYAS 'BYUNG BA LA TSOGS BSAGS

017b

NAS DROD YAN CHAD TSE GCIG LA MNGON DU BYED, TSOGS SPYOD PA PHAL CHER YANG TSOGS LAM DUS SU SANGS RGYAS 'BYUNG BA MNYES PA KHO NA YIN PA'I PHYIR TE, DRIN LAN BAS BA PA'I MDO LAS, RANG SANGS RGYAS BSKAL PA CHEN PO BRGYAS TSAR PHYIN PAR 'GYUR RO, ZHES DANG, RTOG GE 'BAR BA LAS, GZHAN DAG NI, SANGS RGYAS MNYES BYAS NGES 'BYED KYI, ,CHA MTHUN SKYED PA RDZOGS BYED DO, ZHES TSOGS SPYOD PA KHA CIG GIS SANGS RGYAS LA SBYOR LA MA DROD RTZE BZOD PA'I BAR DU BSTEN NAS 'BRAS BU MNGON DU MI BYA BAR BSHAD PA DE'I PHYIR, RTZA RTAGS GNYIS PA GRUB STE, RTOG GE 'BAR BA LAS, GZHAN NI SANGS RGYAS 'BYUNG LA 'BRAS, ,THOB BYED DGRA BCOM MNGON MI BYED, CES GSUNGS PA'I PHYIR, KHYAB STE, SANGS RGYAS 'BYUNG BA LA BRTEN NAS DGRA BCOM PA GCIG PU MNGON DU MI BYED KYANG 'BRAS BU DANG PO GSUM THOB PAR BYED CES BSHAD PA'I PHYIR, RTZA RTAGS GSUM PA GRUB STE, DE'I TSE MI BSTEN PA GANG ZHIG, DE'I RGYU MTSAN GYIS DOGS PA CHE BA'I PHYIR, DANG PO GRUB STE, RANG RGYAL GYI RIGS CAN GSUM KA YANG DANG PO NAS NGA RGYAL CAN YIN PAS SLOB DPON MED PAR 'TSANG RGYA BAR SMON LAM BTAB PA BZHIN, SRID PA THA MA'I TSE GZHAN LA MA BRTEN PAR RANG BYUNG GI SGO NAS RANG GI BYANG CHUB MNGON DU BYED PAR 'DRA PA'I PHYIR TE, RTOG GE 'BAR BA LAS, GSUM PO DE DAG NYID DAG GIS, ,SANGS RGYAS MED PAR DGRA BCOM NYID, ,SLOB DPON MED PAR 'THOB DANG LDAN, ZHES

018a

, ,GSUNGS PA'I PHYIR, DES NA 'DI NI BLO GROS MI ZAD PA'I MDO LAS, RANG SANGS RGYAS KYI THEG PA LA MKHAS PA GANG ZHE NA, ZHES SOGS DANG, SA BCU BA'I YANG DGONGS PA YIN LA, SA'I DNGOS GZHI DANG BYANGS DANG, LEGS BSHAD GSER PHRENG SOGS KYI DGONGS PA YIN PAS BLUN POS BLOS BYAS LA MA ZHEN CIG, 'DIS NI RANG RGYAL SKYE 'PHAGS GNYIS SANGS RGYAS 'KHOR DU MI 'ONG SNYAM PA DANG, RANG RGYAL LA ZHUGS GNAS MED SNYAM PA DANG GANG ZAG YA BRGYAD MED SNYAM PA'I LOG RTOG GI BYA BRGYA RIG PA'I 'UR RDO GCIG GIS BDAS PA YIN PAR SHES PAR GYIS, RGYAS PAR GRUB MTHA'I RNAM BSHAD DU SPROS ZIN TO, ,RTAGS GNYIS PA GRUB STE, DE SANGS RGYAS KYIS BSKRUN NA DE LA GZHAN LA MA BRTEN PAS RANG BYUNG DANG RANG RGYAL GYI DON SNGAR BSHAD PA DANG RKYEN TZAM GYIS DON KHONG DU CHUD PAS NA RKYEN RTOGS ZHES PA MI 'THAD DO SNYAM PA'I DOGS PA CHE BA'I PHYIR, KHYAB STE; RNAM BSHAD LAS, DE LTAR NA DE LA DOGS PA CHE BAS DE LA DMIGS KYIS BKAR NAS DOGS PA GCOD DGOS PA LA MA BCAD BDUG PA'I PHYIR, ZHES GSUNGS PA'I PHYIR, YANG KHA CIG GIS, 'DI'I DOGS YUL LA STONG NYID NYEN TZAM MA GTOGS STONG NYID MA RTOGS PAS KHYAB BAR THAL, 'DI'I GTZO BOR DOGS GCOD BYED PA DE SANGS RGYAS LAS CHOS THOS PA'I TSE DE LA 'BRAS GNAS LTA CI, RTEN 'BREL ZAB MO LA BSAM BYUNG DANG SGOM

018b

BYUNG TZAM YANG MA THOB PAR SKYE BA PHYI MA DGRA BCOM THOB NGES KYI RANG RGYAL SKYE 'PHAGS LA DOGS PA GCOD PA YIN PA'I PHYIR, DER THAL, DE 'DRA'I RANG RGYAL DGRA BCOM DES RGYAL BA DE'I THAD DU RTEN 'BREL LA SGOM BYUNG MA THOB PA GCIG DGOS PA'I PHYIR NA MA KHYAB, RTAGS GRUB STE, RANG 'GREL LAS, GAL TE YANG KHA CIG GIS RTEN CING 'BREL BAR 'BYUNG BA NYE BAR BSTAN PA NYAN PA KHO NA LAS DON DAM PA RTOGS PA LA MKHAS SU ZIN KYANG ZHES DANG, RNAM BSHAD LAS, GAL TE RANG RGYAL GYI RIGS CAN KHA CIG STON PAS RTEN 'BREL GSUNG BA NYAN PA KHO NA LAS DON DAM PA RTOGS PA LA MKHAS PA BYUNG YANG, ZHES GSUNGS PA'I PHYIR, KHYAB STE, NYAN PA KHO NA ZHES PA GNYIS KYI RNAM BCAD KYI DON RE YOD PA'I PHYIR; DES NA NYAN PA KHO NA YIN LA RTEN 'BREL STONG NYID MA RTOGS ZER MI RUNG BAR MA ZAD, SANGS RGYAS LAS CHOS THOS PA'I TSE DE LA RANG RGYAL DGRA BCOM GYI GO 'PHANG MNGON DU BYAS PA YANG YOD PAR 'DOD MI RUNG STE, RANG 'GREL LAS, MTHONG BA'I SKYE BA KHO NA LA MYA NGAN LAS 'DAS PA THOB BAR MI 'GYUR MOD KYI, ZHES DANG, RNAM BSHAD LAS, MTHONG BA'I CHOS KYI SKYE BA KHO NA LA RANG RGYAL GYI MYANG 'DAS MI THOB MOD KYANG ZHES PA DANG, SNGAR RANG RGYAL GSUM GYI 'BRAS BU 'GRUB TSUL BSHAD ZIN PA DE'I PHYIR, YANG RANG RGYAL GYI RIGS CAN SANGS RGYAS LA CHOS NYAN PA'I GANG ZAG YIN NA'ANG, SRID PA THA MA'I TSE SANGS RGYAS LA CHOS NYAN NAS MYANG 'DAS MNGON DU BYED PA YOD DE, DE LTAR RANG RGYAL GYI MYANG 'DAS

019a

, ,MNGON DU BYED PA MED KYANG NYAN THOS KYI MYANG 'DAS MNGON DU BYED PA YOD PA'I PHYIR, DER THAL, RANG RGYAL MA NGES PA'I RIGS CAN DE 'DRA BYED PA YOD PA'I PHYIR TE, RNAM BSHAD LAS, RANG RGYAL GYI RIGS CAN KHA CIG CES PA'I RNAM BCAD DANG YONGS GCOD RE YOD PA'I PHYIR, YANG KHA CIG, RANG RGYAL DGRA BCOM YIN NA, 'DIR BSHAD PA LTAR GYI BSOD NAMS DANG YE SHES 'PHEL BA'I KHYAD PAR DANG LDAN PAS KHYAB ZER NA, GCIG CAR BA DANG RGYUD GCIG TU GYUR PA'I RANG RGYAL CHOS CAN, DER THAL, DE'I PHYIR, DER THAL, SMON LAM DBANG GIS SRID PA THA MA'I TSE SANGS RGYAS 'BYUNG BA DANG MA 'PHRAD NA RANG RGYAL DGRA BCOM GO 'PHANG MNGON DU BYED PA GCIG DBU SEMS KUN BZHED PA'I PHYIR TE, KUN BTUS LAS, SANGS RGYAS 'BYUNG BA MED NA RANG RGYAL BAR 'GYUR RO, ZHES DANG, 'GREL PA BUDDHA P'A LI TA LAS, 'DI LTAR DER ZHUGS PA RNAMS KYIS BDAG NYID MNGON SUM DU 'PHRAL KHO NA LA 'GRUB PAR 'GYUR BA'I PHYIR RO, ZHES PA NAS, JI STE YANG 'DI LA CUNG ZAD GOMS PAR BYAS PA RNAMS LA BRGYA LA RDZOGS PA'I SANGS RGYAS RNAMS MA BYUNG BA'AM, NYAN THOS RNAMS KYANG ZAD PAR GYUR TE RKYEN DANG MI LDAN PAR GYUR TU ZIN NA YANG DE DAG GIS SNGON GOMS PA'I RGYU LAS BYUNG BA RANG SANGS RGYAS KYI YE SHES GZHAN LAS SHES PA MIN PA BSTEN PA MED PA TZAM GYI RKYEN LAS RAB TU SKYE BAR 'GYUR RO, ZHES GSUNGS PA'I PHYIR, KHYAB STE, BRGYA LA RDZOGS PA'I

019b

SANGS RGYAS MA BYUNG BA 'AM ZHES SRID MTHA' TZAM DU BSHAD PAS SHUGS LA SANGS RGYAS DANG NYAN THOS BYUNG NA RANG RGYAL DU MI 'GYUR BAR BSHAD BA'I PHYIR DANG, TSIG GSAL LAS KYANG, JI STE JI ZHIG LTAR RDZOGS SANGS RGYAS RNAMS MA BYUNG ZHING, ZHES PA NAS, RANG 'BYUNG RANG SANGS RGYAS KYI YE SHES NI BRTEN PA MED PAR RAB TU SKYE BA YIN NO, ZHES GSUNGS PA'I PHYIR, KHYAB STE, RANG RGYAL RIGS NGES RNAMS NAN GYIS SMON LAM DBANG GIS SANGS RGYAS 'BYUNG BA MED PA KHO NAR 'BRAS BU MNGON DU BYED PAS BRGYA LAM NA ZHES DANG, JI LTAR JI ZHIG LTAR NA ZHES STES DBANG GIS SRID PA TZAM DU STON DON MED PA'I PHYIR RO, ,'DIS NI RNAM BSHAD LAS RANG RGYAL GYI RIGS CAN KHA CIG CES PA'I DON; NYAN THOS 'PHAGS PA RANG RGYAL LAM DU MI 'JUG ZER BA KHEGS SO, ,'DI DAG LA LUNG RIGS KYI SGRUB BYED SHIN TU MANG NGO, ,YANG KHA CIG, RANG RGYAL RGYUD KYI TSOGS GNYIS TSOGS YIN ZER, LA LAS DE'I RGYUD KYI TSOGS MED ZER, GZHAN DAG TSOGS MTSAN NYID PA MIN PA LA TSOGS KYI THA SNYAD MED ZER BA SOGS KYI LOG RTOG MANG NGO, ,DE RNAMS MI 'THAD PAR THAL, RANG RGYAL RGYUD KYI TSOGS GNYIS YOD KYANG TSOGS MTSAN NYID PA MIN, DE'I RGYUD KYI BSOD NAMS SOGS LA TSOGS KYI THA SNYAD MDO LAS BSHAD PA'I PHYIR, DANG PO GRUB STE, DE'I RGYUD KYI TSOGS GNYIS DE TSOGS MA YIN PA'I PHYIR, DER THAL, RANG RGYAL LA TSOGS GNYIS MTSAN NYID PA MED PAS DE SANGS

020a

, ,RGYAS LAS DMAN BA'I PHYIR TE, RANG 'GREL LAS, BSOD NAMS DANG YE SHES KYI TSOGS DANG RNAM PA THAMS CAD MKHYEN PA SOGS MED PAS, ZHES GSUNGS PA'I PHYIR, DES NA DPAL LDAN ZLA BAS TSOGS MA YIN PAR BSHAD PA DE'I PHYIR RO, ,RTAGS GNYIS PA GRUB STE, DE TZAM DU MA ZAD BSOD NAMS DANG YE SHES SPYI TZAM LA TSOGS KYI SGRAS BSNYAD PA MANG DU YOD KYANG, DE DAG LAS 'BRAS BU GZUGS SKU'I LAG RJES 'JOG BYED GYI DON YOD PA TSOGS MTSAN NYID PA DANG, DE MED PA DAG TSOGS BTAGS PA PA'AM PHAL BA YIN PA'I PHYIR, DER THAL, KLU SGRUB YAB SRAS DANG RJE RIN PO CHE SLOB DPON SENG BZANG SOGS KYI DGONGS PA YIN PA'I PHYIR, BLO GROS MI ZAD PA'I MDO LAS, NYAN THOS KYI LTA BU MA YIN PA SBYIN PA'I BSOD NAMS KYI TSOGS BSAGS PA DANG, TSUL KHRIMS KYI BSOD NAMS KYI TSOGS BSAGS PA DANG, THOS BA NYUNG BA LA CHOS KYI NAN TAN BYED PA DANG, SANGS RGYAS BCOM LDAN 'DAS LA YANG RIM GRO DANG BSNYEN BKUR BYED PA LA YANG ZHUM PA MED CING DBANG PO BAR MA STE, ZHES DANG, 'DI DANG MTHUN PAR, RNAM BSHAD LAS, BSOD NAMS DANG YE SHES SPYI LA TSOGS KYI SGRA 'JUG PA YOD KYANG TSOGS KYI SGRA 'JUG PA'I GTZO BO NI, ZHES PA NAS, BLA NA MED PA'I BYANG CHUB PHYIN CI MA LOG PAR SGRUB PA'I THABS KYIS 'BRAS BUR 'DZIN PA LA GSUNGS PA LTAR GYI DON TSANG BA'I BSOD NAMS

020b

DANG YE SHES SO, ,DE MA TSANG BA NI TSOGS PHAL BA'O, ZHES GSUNGS PA'I PHYIR, GNYIS PA RANG LUGS LA, NYAN RANG DGRA BCOM GNYIS RANG RGYU THUB DBANG LAS SKYES TSUL YOD DE, SNGON SLOB PA'I LAM GYI TSE THUB DBANG GI RTEN 'BREL ZAB MO'I CHOS THOS PAS RANG GI 'DOD PA'I 'BRAS BU RDZOGS PA DE BRNYES PA'I PHYIR, RTAGS GRUB ZIN, RANG RGYAL DGRA BCOM RNAMS SRID PA THA MA'I TSE SANGS RGYAS LTA CI, GZHAN GYIS BRJOD PA'I NGAG TZAM LA'ANG MA BRTEN PAR DUR KHROD KYI RUS GONG LTA BU TZAM LA DMIGS NAS RTEN 'BREL YAN LAG LUGS 'BYUNG LDOG TU DPYAD NAS DGRA BCOM PA'I GO 'PHANG MNGON DU BYED KYANG DE RANG RGYU THUB DBANG GSUNG GIS BSKYED PA YIN TE, TSE RABS GZHAN DU THUB DBANG GI GSUNG LAS DE LTAR MNGON DU BYED NGES SU BSGRUB PA'I 'BRAS BU YIN PA'I PHYIR, DPER NA NGES PA'I LAS KYI 'BRAS BU BZHIN, BZHI BRGYA BA LAS, DE NYID SHES PAS GAL TE 'DIR, ,MYA NGAN 'DAS PA MA THOB KYANG, , SKYE BA GZHAN DU 'BAD MED PAR, ,THOB 'GYUR NGES PA'I LAS BZHIN NO, ZHES DANG, DBU MA LAS KYANG, RDZOGS SANGS RGYAS RNAMS MA BYUNG ZHING, ,NYAN THOS RNAMS KYANG ZAD PA NA, ,RANG SANGS RGYAS KYI YE SHES NI, ,BRTEN PA MED PAR RAB TU SKYE, ZHES GSUNGS PA'I PHYIR, THEG PA CHUNG NGU'I DGRA BCOM CHOS CAN, KHYOD LA NYAN THOS DANG THOS SGROGS SU 'BOD PA'I RGYU MTSAN YOD DE, GZHAN LA GDAMS NGAG NYAN NAS RANG GIS 'BRAS BU THOB PA'I TSE

021a

, ,GZHAN LA SGROGS PAS NA NYAN THOS DANG, THEG CHEN GYI LAM 'BRAS GZHAN LAS THOS NAS RANG GIS NYAMS SU CUNG ZAD KYANG MI LEN PAR GZHAN LA SGROGS PAS NA THOS SGROGS SU BRJOD PA YIN PA'I PHYIR, THEG PA 'BRING GI DGRA BCOM CHOS CAN, KHYOD LA DE NYID RTOGS 'BRING ZHES BRJOD PA'I RGYU MTSAN YOD DE, DE NYID RTOGS PA'I SGRA THEG PA GSUM KA'I MI SLOB PA LA 'JUG CING, KHYOD BSKAL CHEN BRGYA LA BSOD NAMS DANG YE SHES LA GOMS PA BSRING NUS PAS NYAN THOS LAS LHAG CING, TSOGS GNYIS DANG SNYING RJE CHEN PO KHYAD PAR CAN DANG RNAM PA THAMS CAD MKHYEN PA MED PAS SANGS RGYAS LAS DMAN PAS NA 'BRING ZHES BRJOD PA'I PHYIR TE, RNAM BSHAD LAS, RANG RGYAL RNAMS NI BSKAL PA BRGYAR, ZHES PA NAS, SANGS RGYAS LAS DMAN PAS NA 'BRING NGO, ZHES GSUNGS PA'I PHYIR, DES NA, NYAN THOS DE NYID RTOGS 'BRING THUB DBANG SKYES, ZHES BSGYUR DGOS TE, NYAN RANG LA SANGS RGYAS SU 'DIR MA GRAGS PA'I PHYIR, NYAN RANG LA TSOGS MTSAN NYID PA MED DE, NYAN RANG MI SLOB PA LA TSOGS GNYIS KYI LAG RJES MTSAN DPE MED PA'I PHYIR, KHYAB STE, SLOB DPON 'PHAGS PAS; SANGS RGYAS RNAMS KYI GZUGS SKU 'DI, ,BSOD NAMS TSOGS LAS 'KHRUNGS PA YIN, ZHES DANG, RIN CHEN PHRENG BA LAS, DE LTA BAS NA TSOGS 'DI GNYIS, ,SANGS RGYAS NYID NI 'THOB PA'I RGYU, ZHES DANG, DE BZHIN

021b

DU 'GREL PA DON GSAL LAS KYANG, YANG DAG PAR 'GRUB PA'I NGO BOS BYANG CHUB CHEN PO 'DZIN PAR BYED PA'I PHYIR NA SNYING RJE CHEN PO LA SOGS PA TSOGS YIN PAS ZHES GSUNGS PA'I PHYIR, TSOGS KYI SGRA BSHAD YANG DE YIN TE, DE'I SKAD DOD DHA RA LA YI GE SAm BSNAN PAS SAm LAS YANG DAG PAR 'GRUB PA THON, BHA LAS NGO BOS BYANG CHUB CHEN PO THON, RA LAS 'DZIN PAR BYED PA THON PA'I PHYIR TE, NYAN RANG LA KHUR DU 'KHYER BA'I SNYING RJE CHEN PO MED PAR MTSUNGS KYANG, BSAM PA DANG RIGS DANG DBANG PO SOGS LA KHYAD MED DU MI 'GYUR BA'I PHYIR TE, SA BCU PA'I MDO LAS, DE'I GONG DU DGE BA BCU'I LAS KYI LAM 'DI DAG NYID NYI TSE'I SEMS DANG KHAMS GSUM PA'I SKRAGS PA'I YID DANG SNYING RJE CHEN PO MED PA DANG GZHAN LAS THOS PA'I RJES SU 'GRO STE, SGRA'I RJES SU 'BRANG BAR SHES RAB KYI RNAM PAS YONGS SU BSGOM NA NYAN THOS KYI THEG PA YONGS SU 'GRUB PAR BYED DO, ,DE'I GONG DU GZHAN GYIS DRING MI 'JOG PA DANG RANG MNGON PAR RDZOGS PAR 'TSANG RGYA BA DANG SNYING RJE CHEN PO DANG THABS MKHAS PA MED PA DANG RKYEN NYID 'DI BA ZAB MO KHONG DU CHUD PAS YONGS SU SPYANGS NA RANG SANGS RGYAS KYI THEG PA 'GRUB PAR BYED DO, ZHES GSUNGS PA BLO GROS MI ZAD PA LTAR YIN PA'I PHYIR, GSUM PA LA KHO NA RE, MGON PO DE RING BDAG CAG NYAN THOS GYUR, CES PA 'DIS 'OD SRUNG DANG SH'A RI'I BU NYAN THOS DGRA BCOM SOGS THOS SGROGS SU BSHAD PAR THAL, DES SANGS RGYAS KYI

022a

, ,'KHOR GYI NYAN THOS GCIG DE LTAR BSTAN PA'I PHYIR, 'DOD NA, 'OD SRUNG DANG SH'A RI'I BU SOGS NYAN THOS YIN PAR THAL, 'DOD PA'I PHYIR NA GTZO CHE BA'I DBANG GIS 'DOD DE, ,'DOD MI NUS TE, DE GNYIS TSE DE LA BYANG SEMS SU GYUR PA YOD PA'I PHYIR NA 'DIR MA KHYAB, DER THAL, NYI KHRI SNANG BA LAS, 'PHAGS PA SH'A RI'I BU LA SOGS PA'I BYANG CHUB SEMS DPA' SEMS DPA' CHEN PO ZHES GSUNGS PA'I PHYIR NA KHA CIG 'DIR MA KHYAB ZER; 'O NA, 'PHAGS PA SH'A RI'I BU LA SOGS PA'I BYANG SEMS ZHES PA'I SH'A RI'I BU DE MCHOG ZUNG NANG GI NYAN THOS SH'A RI'I BU DE YIN PAR THAL, KHYOD KYI SGRUB BYED 'THAD PA'I PHYIR, 'DOD MI NUS TE, DE DE'I MING CAN GYI BYANG SEMS GZHAN GCIG YIN PA'I PHYIR, DER THAL, LEGS LDAN GYIS, NYAN THOS KYI CHA BYAD 'DZIN PA SH'A RI'I BU LA SOGS PA'I MING GIS BRJOD PA'I BYANG CHUB SEMS DPA' RNAMS LUNG BSTAN PA YIN TE, ZHES DANG, NYI SNANG GI LUNG DE'I PHYIR, DES NA KHA CIG, MCHOG ZUNG SOGS SANGS RGYAS DANG RGYUD GCIG PAS SPRUL PA YIN ZER BA 'ANG MI 'THAD PAR THAL, SH'A RI'I BU DBANG PO RNO YANG MOS PA DMAN PAS THEG DMAN DU LHUNG BA GCIG YIN PA'I PHYIR, DER THAL; RTOG GE 'BAR BA LAS, SEMS CAN GYI RIGS GANG DAG DBANG PO RNON PO DANG LDAN DU ZIN NA'ANG DMAN PA'I KHYAD PAR 'DOD CING, ZHES PA NAS, NYAN THOS CHEN PO SH'A RI'I BU LA SOGS PA BZHIN TE, ZHES GSUNGS

022b

PA'I PHYIR, GZHAN YANG, SH'A RI'I BU SOGS TSE DE LA LUNG BSTAN PA YANG YOD LA, SEMS TZAM PA'I SKABS SU TSE DE LA 'JUG PA YOD KYANG LHAG MED KYI TSE MED PA GCIG BSHAD KYANG, LANG GSHEGS LTAR NA LHAG MED NAS KYANG 'JUG PA YOD ZER DGOS SO, ,YANG KHO NA RE, NYAN RANG DGRA BCOM THEG CHEN LAM DU 'JUG PA MI 'THAD PAR THAL, DES SA DANG POR 'KHOR SGYUR DU SKYES NAS SRAS STONG LA SOGS PA BSKRUN TSUL MED PA'I PHYIR, DER THAL, DE LA NYON MONGS MED PA'I PHYIR NA MA KHYAB STE, DE LA NYON MONGS MED KYANG NYON MONGS CHE BA LTAR SPRUL NAS SEMS CAN GYI DON MDZAD PA'I PHYIR DANG, BYANG SEMS 'PHAGS PAS SRAS DE LTAR BSKRUN PA DE NYON MONGS KYI DBANG DU SONG BSAM YIN PA'I PHYIR, RTOG GE 'BAR BA LAS, GANG GI PHYIR SA BRGYAD PA'I BYANG CHUB SEMS DPA' KHO NA NYON MONGS PA DANG BRAL BA DGRA BCOM PA DANG 'DRA NA YANG, THABS KYIS 'DOD PA'I YON TAN LNGA MNGON PAR SPRUL NAS BYANG CHUB SEMS DPA' RNAMS DANG GROS SU MDZAD DE, RGYA CHE ZHING RNAM PA MANG PA'I NYON MONGS PA CAN LTA BU'I SPYOD PA YANG STON PAR MDZAD DE, ZHES PA NAS, DE LTA BAS NA 'DOD CHAGS DANG BRAL BAR GYUR NA YANG SNYING RJE'I DBANG GIS NYON MONGS PA'I SPYOD PA SPRUL PA'I GAR STABS STON PAR MDZAD DE, ZHES GSUNGS PA'I PHYIR; YANG KHO NA RE, SANGS RGYAS CHE 'BRING GI THA SNYAD RUNG BAR THAL, LONGS SKU CHE CHUNG GI THA SNYAD 'THAD PA'I PHYIR ZER NA, 'O NA, LONGS SKU CHUNG BA DE SANGS RGYAS CHUNG BAR THAL, KHYOD KYI ZHE 'DOD 'THAD PA'I PHYIR, 'DOD NA, RANG

023a

, ,RGYAL LAS KYANG CHUNG BAR 'GYUR ZHING 'BREL MED PAS 'DI 'DRA RNAMS MI SPRO, SMRAS PA, 'PHAGS YUL MKHAS MCHOG BZHED YANGS NAM MKHA' LAS, ,RNAM DPYOD 'OD STONG SPRO BAS MKHAS RLOM GYI, , DREGS PA'I ZLA BA NYES BSHAD RGYU SKAR RNAMS, ,BCOM DANG THUB BSTAN PAD TSAL LHAN CIG RGYAS, ` ,GNYIS PA SANGS RGYAS BYANG SEMS LAS 'KHRUNGS TSUL 'CHAD PAR, SANGS RGYAS BYANG CHUB SEMS DPA' LAS 'KHRUNGS SHING, ZHES BYUNG, DE'I DON 'CHAD PAR, 'GREL BAR, RTZOD PA'I TSUL GAL TE BYANG CHUB SEMS DPA' RNAMS KYANG, ZHES PA NAS, 'KHRUNGS SHE NA, ZHES BYUNG, DE'I LAN RIGS PAS 'CHAD PAR, 'DI NI BDEN MOD KYI ZHES PA NAS; 'DON PA YIN NO, ZHES BYUNG, RIGS PA'I GRUB DON 'CHAD PAR, DE'I PHYIR DE LTAR NAS, 'KHRUNGS PAR BSTAN TO, ZHES BYUNG, DE'I LAN LUNG GIS GRUB DON BSHAD NAS SGRUB PAR, DE NYID KYI PHYIR RGYU PHUN SUM TSOGS PA, ZHES PA NAS, LTA BU'O, ZHES BYUNG, DE'I GRUB DON 'CHAD PAR, DE'I PHYIR DE LTAR NA, NAS, 'DIR BSGRUB PA YIN NO, ZHES BYUNG, 'DI LA SPYI DON DANG MTHA' DPYAD PA GNYIS, DANG PO NI, GAL TE BYANG SEMS LAS SANGS RGYAS RNAMS 'KHRUNGS PA MI 'THAD PAR THAL, SNGAR LTAR NYAN RANG RNAMS THUB DBANG LAS 'KHRUNGS PAR MA ZAD BYANG SEMS RNAMS KYANG SANGS RGYAS KYIS GDAMS PA NYE BAR BSTAN PA LAS SKYES PAS NA RGYAL

023b

BA'I SRAS ZHES BRJOD PA MIN NAM STE YIN PA'I PHYIR, DPER NA BU'I PHA NI BU DE LAS SKYE MI RIGS PA BZHIN YIN PA'I PHYIR, 'CHAD PAR, RANG 'GREL LAS, GAL TE BYANG CHUB SEMS DPA' RNAMS KYANG DE BZHIN GSHEGS PAS NYE BAR BSTAN PA LAS SKYES PAR GYUR PAS RGYAL BA'I SRAS ZHES BRJOD PA MA YIN NAM, DE'I PHYIR JI LTAR NA SANGS RGYAS BCOM LDAN 'DAS RNAMS BYANG CHUB SEMS DPA' LAS 'KHRUNGS SHE NA, ZHES BYUNG, BYANG CHUB SEMS DPA' RNAMS KYANG ZHES PAS NYAN RANG 'KHRUNGS PAR MA ZAD CES BSTAN, SKYES PAR GYUR PAS RGYAL BA'I SRAS ZHES PA GNYIS DOGS PA'I GTZO BO YIN NO, ,LAN LA SPYIR DE'I SRAS LA KHYOD KYI 'DOD PA DE LTAR GSUNG LAS 'KHRUNGS PA'I CHA NAS BZHAG PA GCIG DANG, SPYOD 'JUG LAS, DE RING SANGS RGYAS RIGS SU SKYES, ,SANGS RGYAS SRAS SU DA GYUR TO, ZHES PA LTA BU PHA'I SA BON DANG MTSUNGS PA'I THABS KYI SGO NAS SRAS SU BZHAG PA GCIG DANG, 'DI NI DE BZHIN GSHEGS PA RNAMS KYI RIGS SU 'ANG SKYES PA STE, ZHES GSUNGS PA LTA BU SHES RAB KHYAD PAR CAN GYI SGO NAS DE'I SRAS SU BZHAG PA GCIG DANG GSUM SOGS YOD PAS, GSUNG LAS SKYES PA'I SRAS SU BZHAG CHOG PA BDEN MOD KYI, 'ON KYANG KHO BOS THEG PA GSUM GYI MI SLOB PA THAMS CAD KYI RGYU'I RTZA BA SNYING RJE LA THUG PAR SGRUB PA'I CHED YIN PAS KYANG SKYON MED LA, SANGS RGYAS BYANG SEMS LAS 'KHRUNGS TSUL YANG 'CHAD PA LTAR RIGS PA'I PHYIR,

024a

, ,ZHES PA NI, RANG 'GREL LAS, BDEN MOD KYI 'ON KYANG ZHES PA'I DNGOS SHUGS DANG SKABS DON TSOGS PA'I LAN YIN PA'I PHYIR RO, ,RNAM BSHAD LAS KYANG, DE LTAR NA SANGS RGYAS KYIS NYE BAR BSTAN PA LAS BYANG SEMS SKYE BA YIN KYANG THUB DBANG SKYES SKABS SU DE LA NYAN RANG LTAR MI DGOS TE, DE GNYIS THUB DBANG LAS SKYES PAR STON PA NI DE GNYIS KYI RTZA BA YANG MTHAR GTUGS NA SNYING RJE LA THUG PAR BSTAN PA'I PHYIR YIN LA; ZHES GSUNGS PA'I PHYIR, SANGS RGYAS RNAMS BYANG SEMS LAS 'KHRUNGS ZHES PA LA SKYON MED PAR MA ZAD SHIN TU 'THAD DE, DE LUNG RIGS DU MAS GRUB PA'I PHYIR, RANG 'GREL LAS, DE'I PHYIR DE LTAR NA RIGS PA DANG LUNG DAG GIS DE BZHIN GSHEGS PA RNAMS BYANG CHUB SEMS DPA' LAS 'KHRUNGS PA YIN NO, ,ZHES BYA BA 'DI BSGRUB PA YIN NO, ZHES BYUNG, SANGS RGYAS RNAMS BYANG SEMS LAS 'KHRUNGS ZHES PA LA RGYU GNYIS YOD DE, RANG DANG RGYUD GCIG PAS NYER LEN BYED PA DANG, RANG DANG RGYUD THA DAD PAS LHAN CIG BYED RKYEN BYED PA DE'I PHYIR, DANG PO GRUB STE, SANGS RGYAS RNAMS NI BYANG CHUB SEMS DPA'I GNAS SKABS SNGON DU SONG BA CAN KHO NA YIN PA'I PHYIR, DPER NA, BDAG CAG GI STON PA DE BRAM ZE KHYE'U SNANG BYED DANG, RGYAL PO RAB GSAL DANG, NGA LAS NU SOGS KYI BYANG CHUB SEMS DPA'I GNAS SKABS RIM GYIS BRGYUD NAS 'OG MIN DU SANGS RGYAS PA

024b

LTA BU YIN PA'I PHYIR TE, RANG 'GREL LAS, 'ON KYANG RGYU GNYIS GYI ZHES PA NAS, DE BZHIN GSHEGS PA'I GNAS SKABS NI BYANG CHUB SEMS DPA'I GNAS SKABS KYI RGYU CAN YIN PA NYID KYI PHYIR RO, ZHES GSUNGS PA'I PHYIR, GNYIS PA GRUB STE, SANGS RGYAS RNAMS KYIS DANG POR THUGS BSKYED PA SOGS LA SANGS RGYAS BZHUGS MI BZHUGS KYI DUS KUN DU BYANG SEMS KYIS YONGS 'DZIN DANG RKYEN MDZAD NAS RGYAL SRAS KYI LAM LA BCUG PA SHA STAG YIN PAR MDO DU MA LAS BSHAD PA'I PHYIR, DPER NA SNGON 'PHAGS PA 'JAM DPAL BYANG SEMS SU GYUR NAS BDAG CAG GI STON PA DANG DE LAS GZHAN PA'I CHES MANG PO LA BYANG CHUB KYI SEMS 'DZIN DU BCUG PA BZHIN YIN PA'I PHYIR TE, RANG 'GREL LAS YANG DAG PAR 'DZIN DU 'JUG PA LAS NI JI LTAR 'JAM DPAL BYANG CHUB SEMS DPAR GYUR BA NYID KYIS BCOM LDAN 'DAS SH'AKYA THUB PA DANG DE LAS GZHAN PA'I DE BZHIN GSHEGS PA RNAMS CHES THOG MA KHO NAR BYANG CHUB KYI SEMS YANG DAG PAR 'DZIN DU BCUG PAR 'DON PA YIN NO, ZHES BYUNG, DE LTAR 'KHRUNGS PAR BSHAD PA LA RGYU MTSAN CHEN PO YOD DE, BYANG SEMS KYIS SANGS RGYAS KYI NYER LEN DANG LHAN CIG BYED RKYEN GNYIS BYED PAR GO NAS SKAL LDAN LAM DER 'JUG PA DANG MI LDOG PA DANG SPRO BA SOGS KYI RGYU MTSAN MANG PO YOD PA'I PHYIR TE, RANG 'GREL LAS, DE'I PHYIR DE LTAR 'BRAS BU MTHAR THUG PA DE'I RGYU'I GTZO BOR GYUR PA LA LTOS NAS DE BZHIN GSHEGS PA RNAMS BYANG SEMS LAS

025a

, ,'KHRUNGS PAR BSTAN TO, ZHES GSUNGS PA'I PHYIR, 'O NA, RDZOGS PA'I SANGS RGYAS LA BSNGAGS PA GTZO BOR MA BRJOD PAR 'DIR BYANG SEMS LA BRJOD PA'I RGYU MTSAN CI ZHE NA, DE LA RGYU MTSAN DU MA YOD DE, BYANG SEMS RDZOGS PA'I SANGS RGYAS KYI RGYU GCES PA YIN PA DANG, BYANG SEMS LA BSTOD PAS SANGS RGYAS LA'ANG BSTOD PAR SHUGS KYIS 'GRO BA DANG, SMAN GYI LJON SHING GZHON NU GCES PAR BSKYANGS RIGS PA BZHIN SANGS RGYAS KYI LJON SHING GI MYU GU BYANG SEMS GCES PAR BSKYANGS RIGS PA DANG, DUS DER 'DUS PA'I THEG PA GSUM GYI RIGS CAN THEG CHEN LA SBYAR BA'I DGOS PA BZHI'I CHED YIN PA'I PHYIR TE, RANG 'GREL LAS, DE NYID KYI PHYIR RGYU PHUN SUM TSOGS PA ZHES PA NAS, BYANG SEMS LA BSNGAGS PA MDZAD PA YIN NO, ZHES BYUNG, DON 'DI DAG LUNG GIS KYANG GRUB STE, DKON MCHOG BRTZEGS PA LAS, 'OD SRUNG 'DI LTA STE, DPER NA ZLA BA TSES PA LA PHYAG 'TSAL BA LTAR NYA BA LA MA YIN NO, ,'OD SRUNG DE BZHIN DU GANG DAG NGA LA RAB TU DANG BA DE DAG GIS BYANG CHUB SEMS DPA' RNAMS LA PHYAG BYA YI, DE BZHIN GSHEGS PA RNAMS LA NI MA YIN NO, ,DE CI'I PHYIR ZHE NA, BYANG CHUB SEMS DPA' RNAMS LAS NI DE BZHIN GSHEGS PA 'BYUNG NGO, ,DE BZHIN GSHEGS PA RNAMS LAS NI NYAN THOS DANG RANG SANGS RGYAS THAMS CAD 'BYUNG NGO, ZHES GSUNGS PA'I PHYIR, GNYIS PA MTHA' DPYAD PA LA, KHA CIG NA RE, BYANG SEMS RNAMS RGYAL

025b

BA LAS 'KHRUNGS PAR THAL, RANG RGYU RGYAL BA LAS 'KHRUNGS PA'I PHYIR ZER NA, 'O NA, RGYAL BA CHOS CAN, RGYAL BA LAS 'KHRUNGS PAR THAL, RANG RGYU RGYAL BA LAS 'KHRUNGS PA'I PHYIR, KHYAB PA KHAS, 'DOD NA, DE CHOS CAN, KHYOD KHYOD LAS MA 'KHRUNGS PAR THAL, KHYOD BDAG MED YIN PA'I PHYIR, YANG KHA CIG, RGYAL BA'I SRAS RGYAL BA LAS 'KHRUNGS KYANG RGYAL SRAS DE LAS MA 'KHRUNGS PA'I KHYAD PAR PHYE BA LA, KHA CIG NA RE, RGYAL BA'I SRAS GCIG MED PAR THAL, TSOGS LAM PA DE YANG DE MA YIN PA NAS, SA BCU PA PA DE YANG DE MA YIN PA'I PHYIR ZER NA, 'O NA, RGYAL BA LAS 'KHRUNGS PA'I BYANG SEMS GCIG MED PAR THAL, BYANG SEMS TSOGS LAM PA DE YANG DE MA YIN PA NAS, SA BCU PA PA DE YANG DE MA YIN PA'I PHYIR, KHYAB PA KHAS, RTAGS GRUB STE, KHYOD DU GYUR PA'I RGYAL BA'I NYER LEN DANG LHAN CIG BYED RKYEN DU MA YOD PA'I PHYIR, RTAGS KHYOD KYIS KHAS BLANGS SO, ,'ON KYANG RGYAL BA LAS 'KHRUNGS PA LA THUGS RTZE GTAD CING BRJOD BA DE KHYAD BYED NA MA GTOGS RGYAL BA'I SRAS DANG RGYAL SRAS LA KHYAD PAR MED DE, MDO SDE RGYAN LAS, BYANG CHUB SEMS DPA' SEMS DPA' CHE, ,BLO LDAN NYID DANG GSAL BA'I MCHOG ,RGYAL SRAS RGYAL BA'I GZHI DANG NI, ,RGYAL BYED RGYAL BA'I MYU GU DANG, ZHES SOGS RNAM GRANGS YIN CING, RGYAL BA'I SRAS PO 'DI YI SEMS GANG 'GRO BA RNAMS, ZHES GSUNGS PA'I PHYIR, YANG KHA CIG NA RE, SKABS 'DIR RTZOD PA'I RGYAL SRAS

026a

, ,SU 'JOG PA YANG KUN RDZOB BYANG SEMS DANG, DON DAM BYANG SEMS KYI SGO NAS DER BZHAG PA YIN ZHES LAN BTAB CHOG PAR THAL, SPYIR RGYAL SRAS SU 'JOG PA LA BYANG CHUB KYI SEMS GNYIS DANG GSUNG LAS 'KHRUNGS PA DANG, DE BZHIN GSHEGS PA'I SRAS SGRA GCAN 'DZIN ZHES PA LTAR RUS BSKYED PA'I SGO NAS BZHAG PA BZHI YOD PA'I PHYIR NA MA KHYAB, 'DOD MI NUS TE, 'DIR GSUNG LAS BSKYED TSUL LA RTZOD SKABS YIN PA'I PHYIR DANG, RANG 'GREL LAS KYANG, BYANG CHUB SEMS DPA' RNAMS KYANG DE BZHIN GSHEGS PAS NYE BAR BSTAN PA LAS SKYES PAR GYUR PAS RGYAL BA'I SRAS ZHES BRJOD PA MIN NAM, ZHES GSUNGS PA'I PHYIR DANG, DKON BRTZEGS KYI DON YANG YOD PA'I PHYIR, BYAS PA LA KHO NA RE, 'O NA, SH'A RI'I BU CHOS CAN, RGYAL BA'I SRAS YIN PAR THAL, RGYAL BA'I GSUNG LAS SKYES PA'I PHYIR, DER THAL, BDAG CAG GI STON PA'I GSUNG LAS SKYES PA'I PHYIR NA MA KHYAB STE, DE'I SLOB MA DANG GSUNG LAS SKYES PA LA BU 'AM SRAS KYI THA SNYAD YOD KYANG RGYAL SRAS ZHES PA KUN RDZOB BYANG CHUB KYI SEMS KYI SGO NAS 'JOG DGOS PA'I PHYIR, YANG KHA CIG, BYANG SEMS YIN NA RGYAL BA DANG RGYUD GCIG YIN PAS KHYAB ZER NA, RGYAL BA'I GDUL BYA'I BYANG SEMS RGYAL BA DANG DUS MNYAM PA CHOS CAN, RGYAL BA DANG RGYUD GCIG YIN PAR THAL, BYANG SEMS YIN PA'I PHYIR, KHYAB PA KHAS, RTAGS GRUB STE,

026b

DE YOD PA'I PHYIR, RGYAL BAS CHOS 'KHOR BSKOR YUL GYI RIGS CAN GSUM YOD PA'I PHYIR, 'DOD MI NUS, GZHAN YANG, SEMS CAN YIN NA, RGYAL BA DANG RGYUD GCIG YIN DGOS PAR THAL, RGYAL SRAS LA DE'I PHYIR, 'DOD NA; MA NGES PA'I RIGS CAN DANG NGES PA'I RIGS CAN DANG NYAN RANG SOGS RE RE NAS CHOS CAN, DER THAL, DE'I PHYIR, KHYAB PA KHAS, 'DOD NA, RGYAL BA CHOS CAN, KHYOD MA NGES PA'I RIGS CAN SANGS RGYAS PA'I RGYAL BAR THAL; KHYOD DE DANG RGYUD GCIG PA'I RGYAL PA YIN PA'I PHYIR, RTAGS SONG, DER THAL, DE DANG RGYUD GCIG GANG ZHIG, RGYAL BA YIN PA'I PHYIR, BYAS PA LA KHO NA RE, RGYAL BA DANG RGYUD THA DAD PA'I BYANG SEMS YOD PAR THAL, 'DOD PA'I PHYIR, 'DOD NA, DE RNAM MKHYEN DANG RGYUD THA DAD PA'I DE YIN PAR THAL, 'DOD PA'I PHYIR, 'DOD NA, DES RNAM MKHYEN THOB TSUL MED PAR THAL, DE RNAM MKHYEN DANG RGYUD THA DAD PA YIN PA'I PHYIR NA MA KHYAB, KHYAB PAR THAL, RGYUD THA DAD PA'I RNAM MKHYEN THOB TSUL MED PA'I PHYIR NA YANG MA KHYAB STE, RANG DANG RGYUD GCIG PA'I RNAM MKHYEN YOD PA DE 'THOB PAR 'GYUR BA YIN PA'I PHYIR, BYAS PA LA KHO NA RE, RNAM MKHYEN DE DE DANG RGYUD THA DAD PA'I RNAM MKHYEN YIN PAR THAL, DE RNAM MKHYEN DANG RGYUD THA DAD YIN PA'I PHYIR NA MA KHYAB STE, RNAM MKHYEN DE DE DANG RGYUD GCIG DANG THA DAD PA'I RNAM MKHYEN GANG RUNG DU KHAS LEN MI RIGS PA'I PHYIR TE, DE LA DE YIN MIN GNYIS YOD PA'I PHYIR, YANG BOD KHA CIG NA

027a

, ,RE; 'GREL BA'I LAN DES PHA ROL GYI DOGS PA DE MI CHOD PAR THAL, PHA ROL RTZOD SMRA BAS BYANG SEMS RNAMS RGYAL SRAS YIN PAS BYANG SEMS RGYAL BA LAS 'KHRUNGS BAR BSHAD RIGS KYI, RTOG NAS MI RIGS ZHES PA LA 'GREL BAR BDEN KHA BYIN PA'I PHYIR, KHYAB STE, DE LTAR 'KHRUNGS KYANG BYANG SEMS LAS SANGS RGYAS 'KHRUNGS PAR DA DUNG BSHAD DGOS PA'I PHYIR, ZHES PA'I RTZOD TSUL 'CHAD PAR, RNAM BSHAD LAS; PHYOGS SNGA MA SMRA PAS BYANG SEMS RNAMS RGYAL BA'I SRAS YIN PAS, ZHES PA NAS, DOGS PA MI CHOD PA'I PHYIR RO SNYAM NA, ZHES BYUNG, DOGS PA DE MI CHOD PA'I SKYON MED PAR THAL, 'GREL PAR RGYAL SRAS 'GA' ZHIG GIS NYER LEN DANG LHAN CIG BYED RKYEN BYAS NAS SANGS RGYAS PAR BSHAD PA NA, SANGS RGYAS DE'I SRAS BYANG SEMS DE LAS SANGS RGYAS DE 'KHRUNGS PA MA YIN PAR SHES PAS 'GREL PAS KHYOD KYIS ZER BA LTAR BDEN KHA MA BYIN PA'I PHYIR, DER THAL, DPER NA BDAG CAG GI STON PA'I GSUNG LAS SKYES PA'I BYANG SEMS DE BDAG CAG GI STON PA'I SRAS YIN KYANG, BYANG SEMS DE LAS BDAG CAG GI STON PA MA 'KHRUNGS PAR SHES PA'I PHYIR TE RNAM BSHAD LAS, SKYON 'DI MED DE ZHES PA NAS, SANGS RGYAS DE'I SRAS YIN KYANG BYANG SEMS DE LAS SANGS RGYAS DE 'KHRUNGS PA MA YIN PAS RTZOD PA DE NI TSUL DE GNYIS RNAM PAR MA PHYED PA'I RTZOD PAR 'GREL PAS LAN BTAB

027b

PA LA BRTEN NAS SHES RAB YOD NA CI'I PHYIR MI RTOGS, ZHES GSUNGS PA'I PHYIR, GSUM PA BYANG SEMS KYI RGYU'I GTZO BO GSUM 'CHAD PAR BYED PA LA, SNYING RJE'I SEMS DANG GNYIS SU MED BLO DANG, ,BYANG CHUB SEMS NI RGYAL SRAS RNAMS KYI RGYU, ZHES BYUNG, DE LAS DANG PO SNYING RJE'I SEMS SNYING RJE 'CHAD PAR, RANG 'GREL LAS, SNYING RJE NI ZHES SOGS BYUNG, GNYIS SU MED CES PA'I GNYIS MED KYI BLO 'CHAD PAR, RANG 'GREL LAS, GNYIS SU MED PA'I BLO NI ZHES SOGS BYUNG, BYANG CHUB KYI SEMS SHES BYED DANG BCAS 'CHAD PAR, RANG 'GREL LAS, BYANG CHUB KYI SEMS NI 'PHAGS PA CHOS KUN 'GRO BA'I MDO LAS, ZHES PA NAS, JI SKAD BSTAN PA BZHIN NO, ZHES BYUNG, DE'I GRUB DON DE GSUM BYANG SEMS KYI RGYU'I GTZO BOR 'CHAD PA LA, BYANG CHUB SEMS DPA' RNAMS KYI GTZO BO'I RGYU NI, ZHES PA NAS, GSUM PO 'DI DAG YIN NO, ZHES BYUNG, SHES BYED 'CHAD PAR, JI SKAD DU, RIN CHEN PHRENG BA LAS; ZHES PA NAS, ZHES GSUNGS SO, ZHES BYUNG, 'DI LA SPYI DON DANG MTHA' DPYAD PA GNYIS, SNGAR NYAN RANG THUB DBANG DANG DE BYANG SEMS LAS 'KHRUNGS PAR BSHAD NA, DER MA ZAD BYANG SEMS RGYU'I GTZO BO GANG LAS 'KHRUNGS SHE NA, DE RNAMS RANG RGYU CHOS GSUM LAS 'KHRUNGS ZHES 'CHAD PAR, SNYING RJE'I SEMS DANG ZHES SOGS RKANG PA GNYIS BYUNG STE, RANG 'GREL LAS, YANG BYANG CHUB SEMS DPA' DE DAG CI'I RGYU CAN YIN ZHE NA SNYING

028a

, ,RJE'I SEMS DANG NAS, ZHES BYA BA SMOS SO, ZHES DANG, RNAM BSHAD LAS KYANG, GAL TE NYAN RANG GNYIS ZHES PA NAS, BYANG SEMS RNAMS KYI GTZO BO'I RGYU YIN NO, ZHES BYUNG, 'GREL PAR YANG BYANG CHUB SEMS DPA' ZHES PA'I YANG SGRA NI RTZA BA'I DANG SGRA GNYIS KYI 'GREL BA YIN TE, YANG DANG DANG LA SKAD DONG TZA YOD CING 'BYED SDUD KYI TSIG YIN PAS, NYAN RANG SOGS DE LTAR 'KHRUNGS PAR MA ZAD CES SDUD TSIG DANG BYANG SEMS KYI RGYU'I GTZO BO LA DBYE BA 'DI DANG 'DI YOD CES CHOS GSUM LA SBYAR BA 'BYED TSIG LA SBYAR BA YIN PA'I PHYIR, BSHAD TSUL 'DI SKABS DU MAR SHES DGOS SO, DE CHOS GSUM LAS 'KHRUNGS PA MGON PO KLU SGRUB KYI DGONGS PA YIN TE, RIN CHEN 'PHRENG BAR, BDAG NYID DANG NI 'JIG RTEN 'DIS, ,BLA MED BYANG CHUB THOB 'DOD NA, ,DE YI RTZA BA BYANG CHUB SEMS, ,RI DBANG RGYAL PO LTAR BRTAN DANG, ,PHYOGS MTHAS GTUGS PA'I SNYING RJE DANG, ,GNYIS LA MI BRTEN YE SHES LAGS, ZHES BYUNG, 'DIR BSTAN SNYING RJE CHOS CAN, NGO BO RNAM PA DBYE BA RNAMS YOD DE, 'CHAD 'GYUR LTAR NGO BO ZHE SDANG MED PA'I DGE RTZA DANG, RNAM PA SEMS CAN MTHA' DAG SDUG BSNGAL LAS SKYOB 'DOD KYI RNAM PA CAN DANG, DBYE BA DUS KYI SGO NAS THOG MTHA' BAR GSUM DU GAL CHE BA'I SNYING RJE GSUM DANG, DMIGS YUL 'CHAR TSUL GYI SGO NAS SEMS CAN TZAM DANG CHOS DMIGS MED LA DMIGS PA'I SNYING RJE GSUM YOD PA

028b

YIN PA'I PHYIR TE, RANG 'GREL LAS, DE LA SNYING RJE NI BRTZE BA STE 'DI NYID DU 'CHAD PAR 'GYUR BA'I RNAM PA DANG RANG GI NGO BO CAN NO, ZHES BYUNG, RNAM BSHAD LAS KYANG, 'CHAD PAR 'GYUR BA'I SNYING RJE'I SEMS DANG ZHES PAS DBYE BA YANG GRUB PA'I PHYIR, 'DIR BSTAN GNYIS MED KYI BLO CHOS CAN, DMIGS PA RNAM PA DBYE BA RNAMS YOD DE, DMIGS PA CHOS DANG GANG ZAG LA DMIGS NAS DNGOS PO DANG DNGOS MED KYI MTHA' GNYIS PO SOGS LAS RNAM PA GZHAN DANG YOD MED MTHA' GNYIS DANG RTAG CHAD KYI MID PA'I STONG PA'I RNAM PA CAN, DBYE BA BYANG SEMS LAS DANG PO PA'I YANG SNGON DU 'GRO BA GCIG DANG, MOS SPYOD SKABS KYI GCIG DANG, SA THOB PA'I GNYIS MED KYI BLO DANG GSUM YOD PA'I PHYIR; DMIGS RNAM NI, RANG 'GREL LAS, GNYIS SU MED PA'I BLO NI DNGOS PO DANG DNGOS PO MED PA LA SOGS PA MTHA' GNYIS DANG BRAL BA'I SHES RAB BO, ZHES DANG, RNAM BSHAD LAS, MTHA' GNYIS DANG BRAL BA'I SHES RAB LA BSHAD LA, DE YANG BYANG SEMS KYI SNGON DU 'ONG BA MI 'GAL LO, ZHES PA NAS, GNYIS SU MED BLO ZHES PAS THOG MAR ZHUGS PA'I BYANG SEMS KYI RGYU'I SHES RAB KYANG STON DGOS PAS SO, ZHES BYUNG, KYANG SGRAS BYANG SEMS KYI SNGON 'GRO'I DE GTZO BOR BSTAN PAR MA ZAD BYANG SEMS SKYE 'PHAGS DUS KYI DE YANG BSTAN ZHES BSHAD DGOS PA'I PHYIR, 'DI'I SHES BYED, RIN CHEN 'PHRENG BAR, GNYIS LA MI BRTEN YE SHES LAGS, ZHES

029a

, ,GSUNGS PA'I PHYIR, KHYAB STE, YE SHES ZHES PA GTZO BOR 'PHAGS PA LA SBYOR DGOS LA 'GREL PAR DE'I DNGOS SHUGS GNYIS KA'I DON BSHAD PA YIN PA'I PHYIR, SEMS BSKYED DANG SNYING RJE'I SKABS SU YANG ZIN BYED GNYIS MED KYI BLO RE BSHAD PA'I PHYIR, 'DIR BSTAN SEMS BSKYED CHOS CAN, DMIGS RNAM NGO BO DBYE BA RNAMS YOD DE, DMIGS PA GZHAN DON DANG BYANG CHUB CHEN PO LA DMIGS NAS CHED DU BYA BA SEMS CAN THAMS CAD KYI DON DU RNAM PA DE THOB PAR 'DOD PA, NGO BO GNYIS MED KYI BLO DANG SNYING RJE CHEN POS DRANGS PA'I YID KYI RNAM SHES DANG, DBYE BA BYANG SEMS LAS DANG PO PA'I SNGON 'GRO LAM MA ZHUGS KYI BUR SHUN GYI RO LTA BU'I SEMS BSKYED NAS BYANG SEMS SKYE 'PHAGS KYI RGYUD KYI SMON 'JUG GI SEMS BSKYED GNYIS RNAMS YOD PA'I PHYIR TE, RNAM BSHAD LAS, BYANG CHUB KYI SEMS NI 'GREL PAR MDO DRANGS PA LAS BSTAN PA YIN ZHES GSUNGS LA, MDO LAS NI RANG GIS CHOS KYI DE KHO NA NYID RTOGS NAS CHOS NYID 'DI SEMS CAN RNAMS KYIS KHONG DU CHUD PAR BYA'O SNYAM NAS GANG SEMS SKYES PA DE NI BYANG CHUB KYI SEMS SO, ZHES GSUNGS SO, ,MNGON RTOGS RGYAN LAS GSUNGS PA DANG 'DI LA MI 'DRA BA MED DO, ZHES GSUNGS PA'I PHYIR, SNYING RJE SO SO'I SKABS SU SEMS BSKYED TSUL RE BSHAD PAS NI SEMS SKYED KYI DBYE BA BSHAD ZIN LTAR 'GRUB PA'I PHYIR, 'GREL PAR

029b

MDO DRANGS PAS SEMS BSKYED KYI MTSAN NYID RDZOGS PAR DNGOS SU MA BSTAN TE, CHED DU BYA BA'I GZHAN DON THABS SHES GNYIS KYIS ZIN PAR DNGOS SU BSTAN NAS RANG DON BYANG CHUB SHUGS LA BSTAN PA'I PHYIR TE, RNAM BSHAD LAS, 'DI NI SEMS BSKYED KYI CHED DU BYA BA'I PHYOGS GCIG TZAM LA DMIGS PA YIN PAS MTSAN NYID MA RDZOGS LA, ZHES GSUNGS PA'I PHYIR, DE LTAR YIN TE, MDO LAS, BYANG CHUB SEMS DANG SA BYANG CHUB KYI SEMS LAS BYANG CHUB KYI CHOS THAMS CAD KHONG DU CHUD PAR BGYI'O, ,NAS, BYANG CHUB KYI SEMS ZHES BGYI'O, ZHES PA'I BAR GYI MDOR BSTAN, THABS PHAN BDE BLA MED KYI SEMS DANG TSAD MED BZHIS RIM BZHIN MNYEN PA DANG; MI LDOG PA DANG, 'GYOD PA MED PA DANG, CHAGS SDANG GI DRI MA MED PAS ZIN TSUL YANG BSTAN LA, SHES RAB STONG MTSAN SMON MED KYI BLO GSUM GYIS ZIN TSUL YANG BSTAN PA'I PHYIR, DANG PO GRUB STE, MDO LAS, SEMS CAN THAMS CAD LA PHAN PA DANG BDE BA'I SEMS DANG, BLA NA MED PA'I SEMS DANG, BYAMS PAS MNYEN PA'I SEMS DANG, SNYING RJES MI LDOG PA'I SEMS DANG DGA' BAS 'GYOD PA MA MCHIS PA'I SEMS DANG BTANG SNYOMS KYIS DRI MA MA MCHIS PA'I SEMS DANG, ZHES GSUNGS PA'I PHYIR, 'DIS NI SEMS BSKYED LA TSAD MED BZHIS ZIN TSUL YANG SHES PAR GYIS, GNYIS PA GRUB STE, MDO LAS, STONG PA NYID KYIS MI 'GYUR BA'I SEMS

030a

, ,DANG; MTSAN MA MED PAS SGRIB PA MA MCHIS PA'I SEMS DANG, SMON PA MED PAS MI GNAS PA'I SEMS, ZHES GSUNGS PA'I PHYIR RO, ,'DIS NI GNYIS MED KYI BLO LA RNAM THAR SGO GSUM GYI SHES RAB DANG DES SEMS BSKYED ZIN TSUL YANG SHES PAR GYIS, 'DIR BSTAN CHOS GSUM GYI GO RIM YOD DE, DBANG RNON GYIS LAM RGYUD LA SKYED TSUL GYI DBANG DU BYAS NA, GNYIS MED KYI BLO DANG SNYING RJE CHEN PO SEMS BSKYED GSUM RIM GYIS BSKYED PA'I PHYIR, DER THAL, THEG CHEN GYI RIGS CAN DBANG RNON DE MANG DU THOS PA'I GANG ZAG YIN PAS 'KHOR BA'I RTZA BA MA RIG PA LA THUG GI BAR SHES NAS, DE SPONG NUS MI NUS LEGS PAR DPYAD PAS MA RIG PA ZHE NA YUL MED PA'I LOG SHES SPONG NUS SU MTHONG BA NA SEMS BSKYED PA YIN PA'I PHYIR TE, RANG 'GREL LAS, BYANG CHUB KYI SEMS NI 'PHAGS PA CHOS KUN 'GRO BA'I MDO LAS, BYANG CHUB SEMS DPAS BYANG CHUB KYI SEMS LAS CHOS THAMS CAD KHONG DU CHUD PAR BGYI'O, ,NAS, SHES PA POS STONG PA'I PHYIR YONGS SU SHES PAR BGYI BA TZAM DU BAS NA CHOS NYID 'DI LTA BU 'DI SEMS CAN RNAMS KYI KHONG DU CHUD PAR BYA'O SNYAM NAS BYANG CHUB SEMS DPA' LA SEMS GANG SKYES PA 'DI NI BYANG CHUB SEMS DPA'I BYANG CHUB KYI SEMS ZHES BYA'O, ZHES DANG, DBU MA RGYAN LAS, YANG DAG SHES 'TSOL SNGON BTANG STE, ,DON DAM RNAM PAR NGES GYUR NAS, ,LTA NGAN

030b

'THIB GNAS 'JIG RTEN LA, ,SNYING RJE KUN NAS BSKYED NAS SU, ,'GRO DON BYED PA DPA' GYUR PA, ,BYANG CHUB BLO RGYAS MKHAS PA NI, ,BLO DANG SNYING RJES BRGYAN PA YIS, ,THUB PA'I BRTUL ZHUGS YANG DAG SPYOD, CES GSUNGS PA'I PHYIR; DBANG RTUL LA NGES PA MED DE, DBANG RTUL TSIG RJES 'BRANG BA YIN PAS THOG MAR SEMS BSKYED NAS STONG NYID TSOL BA YANG YOD LA, STONG NYID RTOGS NAS SEMS BSKYED PA'ANG 'BYUNG BA'I PHYIR TE, DBU MA RGYAN LAS; YANG DAG DAD PA'I RJES 'BRANG BA, ,RDZOGS PA'I BYANG CHUB SEMS BSKYED NAS, ,THUB PA'I BRTUL ZHUGS BLANGS BYAS TE, ,DE NI YANG DAG SHES 'TSOL BRTZON, ZHES DANG, SNYING PO RGYAN LAS, SEMS MA BSKYED PA'I SNGA ROL TU STONG NYID RTOGS PA SNGON DU 'GRO DGOS PA NI RNON PO LA YIN GYI RTUL PO LA NI NGES PA MED DE, ZHES GSUNGS PA'I PHYIR, GNYIS PA MTHA' DPYAD PA LA KHA CIG NA RE, 'DIR BSTAN CHOS GSUM PO LA BYANG SEMS TSOGS LA MA THOB MA THAG PA'I SNGON DU BA SKYED RGYU'I YON TAN GYIS KHYAB ZER NA, 'O NA, 'DIR BSTAN SNYING RJE DE YIN NA, BYANG SEMS RGYUD KYI SNYING RJE CHEN PO MA YIN PAS KHYAB PAR THAL, DAM BCA' DE'I PHYIR, KHYAB STE, LAM MA ZHUGS DANG, BYANG SEMS SKABS DANG, SANGS RGYAS SA'I SKABS SU THOB RGYU'I YON TAN GSUM 'GAL BA KHO NA YIN PA'I PHYIR, DER THAL, SANGS RGYAS KYI SAR THOB RGYU'I YON TAN LAM MA ZHUGS NA 'THOB PA DPE LA MI SRID PA'I

031a

, ,PHYIR RO, ,'DOD MI NUS TE, 'DIR BSTAN SNYING RJE CHEN PO LA 'CHAD 'GYUR LTAR NGO BO'I SGO NAS SEMS CAN CHOS DMIGS MED LA DMIGS PA'I SNYING RJE CHEN PO GSUM DANG RNAM PA SEMS CAN THAMS CAD SDUG BSNGAL LAS SKYOB 'DOD KYI RNAM PA CAN SOGS KYI KHYAD PAR 'THAD PA'I PHYIR TE, RANG 'GREL LAS, DE LA SNYING RJE NI BRTZE BA STE, 'DI NYID DU 'CHAD PAR 'GYUR BA'I RNAM PA DANG RANG GI NGO BO CAN NO, ZHES GSUNGS PA'I PHYIR RO, ,GZHAN YANG, 'DIR BSTAN SEMS BSKYED PA PO LA BYANG SEMS GCIG MED PAR THAL, DAM BCA' 'THAD PA'I PHYIR, 'DOD MI NUS TE, RANG 'GREL DU MDO DRANGS PA LAS, BYANG CHUB SEMS DPA' LA SEMS GANG SKYE BA 'DI NI BYANG CHUB SEMS DPA'I BYANG CHUB KYI SEMS ZHES BYA'O, ZHES GSUNGS PA'I PHYIR, GZHAN YANG, BYANG CHUB SEMS NI RGYAL SRAS RNAMS KYI RGYU, ZHES PA'I DNGOS BSTAN GYI BYANG SEMS LA BYANG SEMS TSOGS LAM PAS KHYAB PAR THAL, DAM BCA' 'THAD PA'I PHYIR, 'DOD NA, DE LA THUB DBANG DNGOS SU SKYED PA'I BYANG SEMS GCIG KYANG MED PAR THAL, 'DOD PA'I PHYIR, 'DOD MI NUS TE, DE LA THUB DBANG RANG LAS DNGOS SU 'KHRUNGS PA'I BYANG SEMS SA BCU PA BA GCIG KYANG YOD PA'I PHYIR TE, RNAM BSHAD LAS, GAL TE NYAN RANG GNYIS THUB DBANG LAS DANG, THUB DBANG RNAMS BYANG SEMS LAS 'KHRUNGS NA BYANG SEMS DE DAG GI RGYU GANG YIN ZHE NA,

031b

'CHAD PAR 'GYUR BA'I SNYING RJE'I SEMS DANG, ZHES GSUNGS PA'I PHYIR, YANG GO SH'AKA SOGS KHA CIG, 'DIR BSTAN SEMS BSKYED THEG CHEN SEMS BSKYED MTSAN NYID PA DANG, 'DIR BSTAN BYANG SEMS DE BYANG 'PHAGS LA BYED ZER NA, 'O NA, 'DIR BSTAN SNYING RJES DRANGS TE SEMS BSKYED PA'I SEMS BSKYED DE YIN NA, SBYOR LAM PA YAN CHAD RGYUD KYI DE YIN DGOS PAR THAL, DE LAS DNGOS SU 'KHRUNGS PA'I 'DIR BSTAN BYANG SEMS YIN NA, BYANG 'PHAGS YIN DGOS PA'I PHYIR, RTAGS KHAS, MA GRUB NA, 'KHOR GSUM, 'DIR BSTAN BYANG SEMS LA SO SKYE GCIG YOD PAR THAL, 'DOD PA'I PHYIR, 'KHOR GSUM, RTZA BAR 'DOD NA, DE LTAR SEMS BSKYED PA'I TSOGS LAM THOB MA THAG PA'I 'JUG PA'I CHED DU BYA BA'I GDUL BYA'I RGYUD KYI 'DIR BSTAN SEMS BSKYED CHOS CAN, DER THAL, DE'I PHYIR, 'KHOR GSUM, RTAGS GRUB STE, DE YOD PA'I PHYIR, DER THAL, THOG MAR GAL CHE BA'I SNYING RJES DRANGS PA'I TSOGS LAM PA'I RGYUD KYI 'DIR BSTAN SEMS BSKYED YOD PA'I PHYIR, RANG 'GREL LAS, 'DI LTAR SNYING RJE CAN GYIS GZHAN GYI SDUG BSNGAL GYI SDUG BSNGAL NYID KYIS SEMS CAN SDUG BSNGAL BAR GYUR PA MA LUS PA YONGS SU BSKYABS PA'I PHYIR GDON MI ZA BAR BDAG GIS 'JIG RTEN 'DI MTHA' DAG SDUG BSNGAL LAS BTON TE SANGS RGYAS NYID LA NGES PAR SBYAR BAR BYA'O SNYAM DU NGES PAR SEMS BSKYED PAR BYED DO, ZHES

032a

, ,GSUNGS PA'I PHYIR, KHA CIG, RANG 'GREL GYI GZHUNG 'DIS BSTAN PA'I SEMS BSKYED YIN NA, SEMS BSKYED YIN PAS KHYAB ZER NA YANG MI 'THAD DE, 'O NA, 'DIR BSTAN SEMS BSKYED YIN NA; BCOS MIN GYI MYONG BA THON PAS KHYAB PAR THAL, DAM BCA' 'THAD PA'I PHYIR, 'DOD NA, DE LA RTZOL BCAS KYI MYONG BA BUR SHUN GYI RO LTA BU'I SEMS BSKYED GCIG MED PAR THAL, 'DOD PA'I PHYIR, 'DOD NA, DE LA SEMS BSKYED BSGOM DUS KYI DE 'DRA GCIG MED PAR THAL, 'DOD PA'I PHYIR, 'DOD NA, DE LA 'DIR BSTAN BYANG SEMS TSOGS LAM THOB MA THAG PA'I SNGON DU 'GRO RGYU'I SEMS BSKYED GCIG MED PAR THAL, 'DOD PA'I PHYIR, 'DOD MI NUS TE, SNYING RJE CHEN PO THOG MAR GAL CHE TSUL YOD PA'I PHYIR, KHYAB STE, BYANG SEMS RNAMS KYIS THOG MAR SEMS BSKYED PA YANG SNYING RJE LA RAG LAS PAS SNYING RJE THOG MAR GAL CHE BAR BSHAD PA'I PHYIR TE, RNAM BSHAD LAS, BYANG SEMS KYI SNGON DU 'GRO PA'I SEMS BSKYED NI SEMS BSKYED BSGOM PA'I SKABS LA DGONGS KYI, ZHES PA NAS, SANGS RGYAS THOB PAR BYA'O SNYAM PA TZAM NI TSIG RJES 'BANG BA'I GO BA TZAM YIN PAS BUR SHING GI SHUN PA'I RO DANG 'DRA STE, DE LA SEMS BSKYED ZER YANG SEMS BSKYED DNGOS MA YIN NO, ZHES GSUNGS PA'I PHYIR, YANG KHA CIG, BCOS MIN GYI SNYING RJES DRANGS PAS SEMS BSKYED YIN NA, SEMS

032b

BSKYED YIN PAS KHYAB ZER NA, 'O NA, LAM MA ZHUGS NA SEMS BSKYED MTSAN NYID PA YOD PAR THAL, DE NA DE LTAR SEMS BSKYED PA YOD PA'I PHYIR, KHYAB PA KHAS, RTAGS GRUB STE, SNYING RJE CHEN PO RGYUD LA SKYES NAS SEMS BSKYED RGYUD LA MA SKYES PA'I GANG ZAG YOD PA'I PHYIR, DER THAL, SNYING RJE CHEN PO LA BCOS MIN GYI MYONG BA THON NAS SEMS BSKYED LA BCOS MIN GYI MYONG BA MA THON PA'I GANG ZAG YOD PA'I PHYIR TE, RGYU 'BRAS MAN NGAG BDUN RGYUD LA SKYE TSUL DANG SNYING RJE CHEN PO THOG MAR GAL CHE TSUL YOD PA'I PHYIR DANG, SEMS BSKYED NA SEMS BSKYED RGYUD LA SKYES PAS MA KHYAB PA'I PHYIR SOGS MANG NGO, ,YANG SEMS BSKYED YIN NA, SGOM BYUNG YIN PAS KHYAB SNYAM NA, 'O NA, BUR SHUN GYI RO 'DRA'I SEMS BSKYED DE BSAM BYUNG GI BLO YIN PAR THAL, 'DOD PA DE 'THAD PA'I PHYIR, 'DOD MI NUS TE, DE THOS BYUNG GI BLO YIN PA'I PHYIR TE, RNAM BSHAD LAS, TSIG RJES 'BRANG BA'I GO BA TZAM YIN PAS, ZHES SOGS GSUNGS PA'I PHYIR, KHYAB STE, BSAM BYUNG YIN NA TSIG RJES 'BRANG BA'I GO BAR 'GAL PA'I PHYIR, DER THAL, THOS BSAM SGOM PA'I SHES RAB GSUM GYI KHYAD PAR YOD PA'I PHYIR, GZHAN YANG, BUR SHUN GYI RO 'DRA'I DE THOS BYUNG YIN PAR THAL, SEMS BSKYED BSGOM PA'I TSE THOS BSAM RIM GYIS 'BYUNG BA MDO SDE RGYAN LTAR YIN PA'I PHYIR, DER THAL, SEMS BSKYED DE DANG PO TSIG

033a

, ,SPYI LA BRTEN NAS SGOM PA'I TSE DE LA THOS BLOS BSGOM SKABS YIN PA'I PHYIR, DER THAL, DE LA TSIG LA BRTEN MI DGOS PAR 'GRO SDOD DANG SEMS CAN MTHONG TSE BSGOM PA LTAR SEMS NGAM NGAM SHUGS KYIS SKYES 'ONG TSE SEMS BSKYED RGYUD LA SKYES TSAR PA'I PHYIR, KHYAB STE, DE'I TSE DE LA BSAM BYUNG GI SKABS YIN GYI SGOM BYUNG MA THOB PA'I PHYIR, DER THAL, DE'I TSE SEMS BSKYED BSGOM PA'I BLO YIN NA, MNYAM BZHAG GI SAS BSDUS MA YIN PAS KHYAB PA'I PHYIR, DER THAL, DE'I TSE SEMS BSKYED STENG NAS ZHI GNAS MA THOB PA'I PHYIR, KHYAB STE, BSAM GTAN GYI NYER BSDOGS MA THOB BAR DU SGOM BYUNG MI 'ONG BAR LAM RIM LAS BSHAD PA'I PHYIR, RTZA BA'I MA KHYAB MTSAMS LA RTAGS GRUB STE, RNAM BSHAD LAS, BYANG CHUB KYI SEMS SBYONG BA'I MAN NGAG BZHIN DU SBYANGS PA LA BRTEN NAS YID LEGS PAR 'KHUL THUB PA'I MYONG BA KHYAD PAR CAN SKYES PA NI SHUN PA'I NANG GI BUR SHING DNGOS KYI RO DANG 'DRA BAS SEMS BSKYED MTSAN NYID PA YIN TE, ZHES DANG, MDO LAS, JI LTAR SHUN PA DE BZHIN SMRA BA STE, ,RO LTA BU NI 'DI LA DON SEMS YIN, ZHES GSUNGS PA'I PHYIR, LUNG 'DIS KYANG SMRA BA ZHES PAS TSIG SPYI DE BSHAD, DON SEMS ZHES PAS TSIG SPYI MA YIN PAR DON LA SEMS PA GCIG BSHAD KYANG SGOM BYUNG MA BSHAD PAS SO, ,RJE YAB SRAS GSUM GYI

033b

GSUNG GANG NA'ANG SNYING RJE SEMS BSKYED NGES 'BYUNG DAD PA SOGS LA SGOM BYUNG DGOS PAR BSHAD PA TSIG ZUR TZAM YANG MED DO, ,DER MA ZAD SEMS GNAS DGU'I DANG PO THOS PA DANG LHAG MA BSAM PA DANG BSAM BYUNG YIN KYANG SGOM YIN LA SGOM BYUNG MA YIN PA DANG, SGOM BYUNG THOB PA LA SHIN SBYANGS DGOS PAR LAM RIM LAS BSHAD LA SEMS BSKYED LA DE TZAM SGOM MI DGOS PA'I PHYIR RO, YANG KHA CIG, 'DIR BSTAN BYANG SEMS YIN NA, STONG NYID RTOGS PAS MA KHYAB PAR THAL, BYANG SEMS DBANG PO RNO RTUL GANG RUNG YIN NA, STONG NYID RTOGS PAS MA KHYAB PA'I PHYIR ZER NA MA KHYAB, RTAGS GRUB STE, SEMS TZAM PAR GYUR PA'I BYANG SEMS YOD PA'I PHYIR, DER THAL, SLOB DPON PHYOGS GLANG DE DE YIN PA'I PHYIR TE, RANG 'GREL LAS, GAL TE GNAS BRTAN DBYIG GNYEN DANG, PHYOGS KYI GLANG PO DANG, CHOS SKYONG LA SOGS PA BSTAN BCOS MDZAD PA PO BYON ZIN PAR GYUR PA DE DAG GIS KYANG YI GE TZAM THOS PAS 'JIGS TE, RTEN CING 'BREL BAR 'BYUNG BA'I DON PHYIN CI MA LOG PAR STON PA 'DI SPANGS SAM ZHE NA DE SKAD DU SMRA'O, ZHES GSUNGS PA'I PHYIR DANG, PHYOGS KYI GLANG PO GZHAN LA PHAN PA'I BSAM PA CAN DANG, ZHES GZHAN PHAN BYANG SEMS YOD PAR BSHAD PA'I PHYIR, RTZA BAR 'DOD NA, BYANG SEMS DBANG PO RNO RTUL GANG RUNG YIN NA, 'DIR BSTAN BYANG SEMS YIN DGOS PAR THAL, 'DOD

034a

, ,PA'I PHYIR, 'DOD MI NUS TE, 'DIR THEG CHEN RIGS NGES DBANG RNON GYI LAM BGROD TSUL YIN PA'I PHYIR, DER THAL, 'DIR BSTAN BYANG SEMS RNAMS RANG RGYU CHOS GSUM LAS 'KHRUNGS PA'I PHYIR, RANG 'GREL LAS, YANG BYANG CHUB SEMS DPA' DE DAG CI'I RGYU CAN YIN ZHE NA, SNYING RJE'I SEMS DANG GNYIS SU MED BLO DANG, ZHES SOGS DANG, YANG RANG 'GREL LAS, DAM BCA' BA 'DI YANG GNYIS SU MED PA'I YE SHES SPANGS PAS BSGRUB PAR MI NUS PAS GNYIS SU MED PA'I YE SHES KHO NA LA YANG 'JUG STE, ZHES DANG, SNGAR SEMS BSKYED TSUL KYI MDO DON RNAMS GRUB PA'I PHYIR, GZHAN YANG, 'JUG PA'I CHED DU BYA BA'I GDUL BYA LA STONG NYID RTOGS PAS MA KHYAB PAR THAL, 'DOD PA'I PHYIR, 'DOD MI NUS TE, 'JUG PA'I BSHAD PA LTAR LA MA NYAMS SU LEN PA LA STONG NYID RTOGS DGOS PA'I PHYIR RO, ,YANG BOD SNGA MA KHA CIG NA RE, SKABS 'DI'I GNYIS MED KYI BLO GZUNG 'DZIN GNYIS MED KYI BLO LA BYED ZER NA, 'DI'I GNYIS PO DE GZUNG 'DZIN GNYIS DANG, MED TSUL DE RDZAS GZHAN DU MED PA DANG YUL YUL CAN RGYANG CHAD DU MED PA CI RIGS SU 'JOG RIGS PAR THAL, DAM BCA' 'THAD PA'I PHYIR, 'DOD MI NUS TE, DE MTHA' GNYIS DANG, DER MA GRUB PA LA RIM BZHIN BYED PA'I PHYIR, RANG 'GREL LAS, GNYIS SU MED PA'I BLO NI DNGOS PO DANG DNGOS PO MED PA

034b

LA SOGS PA'I MTHA' GNYIS DANG BRAL BA'I SHES RAB BO, ZHES GSUNGS PA'I PHYIR DANG, RNAM BSHAD LAS, GNYIS SU MED PA'I BLO NI GZUNG 'DZIN GNYIS SU SNANG BA MED PA MIN GYI 'GREL PAR MTHA' GNYIS DANG BRAL BA'I SHES RAB LA BSHAD LA, ZHES GSUNGS PA'I PHYIR, YANG 'GREL BSHAD MKHAN PO NA RE, 'DIR BSTAN CHOS GSUM YOD DE, BYANG SEMS RGYUD KYI SNYING RJE DANG, DON DAM SEMS BSKYED DU GYUR PA'I GNYIS MED KYI BLO DANG, RAGS PA BRDA' LAS BYUNG BA'I SEMS BSKYED GSUM LA 'JOG PA'I PHYIR, ZHES 'DOD DE, 'GREL BSHAD LAS, BYANG CHUB SEMS DPA' DE RNAMS KYI SNYING RJE DANG LDAN PA'I SEMS DANG DON DAM PA'I BYANG CHUB TU SEMS BSKYED PA'I RANG BZHIN GNYIS SU MED PA'I BLO DANG BRDA' LAS BYUNG BA'I BYANG CHUB TU SEMS BSKYED PA NI RGYU YIN ZHES PA'O, ,ZHES GSUNGS PA'I PHYIR, 'O NA, 'DIR BSTAN CHOS GSUM PO DE LA LAM DU ZHUGS MA THAG PA'I RGYU RE MED PAR THAL, 'DIR BSTAN GNYIS MED KYI BLO DON DAM SEMS BSKYED YIN PA'I PHYIR, RTAGS DNGOS, 'DOD NA, RANG 'GREL LAS, YANG DAG PAR RDZOGS PA'I SANGS RGYAS DANG BYANG CHUB SEMS DPA' RNAMS PAS KYANG THOG MAR, BCOM LDAN 'DAS SNYING RJE CHEN PO SANGS RGYAS NYID KYI RGYU PHUN SUM TSOGS PA DANG PO SEMS CAN 'KHOR BA'I BTZON RAR BSDAMS PA SKYABS MED PA DPAG TU MED PA MA

035a

, ,LUS PA YONGS SU SKYOB PA'I MTSAN NYID CAN, ZHES PA NAS, TSIGS SU BCAD PA GNYIS SMOS SO, ZHES GSUNGS PA'I DON GCIG MED PAR THAL, RGYU PHUN SUM TSOGS PA DANG PO ZHES PA'I DANG PO YANG MED, SNYING RJE CHEN POS RANG RGYUD LDAN KYI 'KHOR BA'I SEMS CAN SKYABS MED PA DPAG MED SKYOB TSUL YANG MED, TSIGS BCAD RTZA 'GREL GYIS NYAN RANG THUB DBANG LAS DANG THUB DBANG BYANG SEMS LAS DANG BYANG SEMS RNAMS 'DIR BSTAN CHOS GSUM LAS 'KHRUNGS PAR MA BSTAN PA'I PHYIR, DANG PO GRUB STE, DE BYANG SEMS KYI THOG MA 'AM SNGON DU 'GRO RGYU LA MI BYED PA'I PHYIR, 'DIR BSTAN SNYING RJE LA DE 'DRA GCIG MED PA'I PHYIR, DE BYANG SEMS KYI RGYUD KYI DE YIN PA'I PHYIR, RTAGS DNGOS, GNYIS PA GRUB STE, DES SKYOB RGYU'I SKYABS MED PA DE LA LAM MA ZHUGS GCIG MED PA'I PHYIR, DER THAL, DE DANG LHAN CIG 'JUG PA'I GNYIS MED KYI BLO RANG GI GROGS SU BYAS PA'I SNYING RJE RGYUD LA SKYES NAS SKYOB RGYU'I SKYABS MED PA DANG 'KHOR BA'I BTZON RAR BSDAMS PA'I LAM MA ZHUGS GCIG MED PA'I PHYIR, DER THAL, GNYIS MED KYI BLO RGYUD LDAN LA BYANG 'PHAGS KYIS KHYAB PA'I PHYIR; RTAGS SONG, KHYAB STE, BYANG SEMS 'PHAGS PA LA SKYABS MED PA DANG 'KHOR BA'I BTZON RAR BSDAMS PA MI RUNG BA'I PHYIR TE, RGYUD BLA MA LAS, 'PHAGS PAS NA DANG RGA BA DANG, ,'CHI BA'I SDUG BSNGAL RTZAD NAS

035b

SPANGS, ,LAS DANG NYON MONGS DBANG GIS SKYE, ,DE LA DE MED PHYIR DE MED, CES GSUNGS PA'I PHYIR, LAS NYON GYI GZHAN DBANG DU MI 'GRO PHYIN 'KHOR BA'I BTZON RAR BSDAMS PA'I THA SNYAD YANG MI 'THOB PAS BYANG SEMS TSOGS LAM CHEN PO NAS LAS NYON GYI DBANG DU MI 'GRO BAR MDO DU MA LAS GRUB PA'I PHYIR, GSUM PA MA GRUB NA, KHYOD KYIS 'DIR BSTAN GNYIS MED KYI BLO DON DAM SEMS BSKYED LA BYED PA 'BREL MED PAR THAL, DE LA BYANG SEMS KYI THOG MAR 'GRO RGYU GCIG KYANG YOD PA'I PHYIR, DON 'DI DAG NI RJE RIN PO CHE'I DGONGS PA'O, ,JI SKAD DU RNAM BSHAD LAS, DON DAM PA'I SEMS BSKYED LA 'CHAD PA NI SHIN TU MA 'BREL TE, GNYIS SU MED BLO ZHES PAS THOG MAR ZHUGS PA'I BYANG SEMS KYI RGYU'I SHES RAB KYANG STON DGOS PAS SO, ZHES GSUNGS PA'I PHYIR, YANG KHA CIG, 'JUG PA 'DIR SANGS RGYAS BYANG SEMS LA MCHOD BRJOD MA MDZAD PAR SNYING RJE CHEN PO KHO NA LA YIN TE, RANG 'GREL LAS, SANGS RGYAS DANG ZHES SOGS GSUNGS PA'I PHYIR ZER NA, 'O NA, 'DIR NYAN RANG SANGS RGYAS BYANG SEMS RNAMS LA 'ANG DON GYIS MCHOD BRJOD MA MDZAD PAR THAL, DE DAG LA 'DIR MCHOD BRJOD GTAN NAS MA BYAS PA'I PHYIR, RTAGS KHAS, 'DOD MI NUS TE, DE DAG GI RTZA BA'I RGYU LA MCHOD BRJOD MDZAD PA'I PHYIR, RTAGS SLA, KHYAB STE, DE LTAR MDZAD PAS DE DAG DON NAM RANG SHUGS KYIS BSNGAGS

036a

, ,PAR 'GYUR BA'I PHYIR, DPER NA RGYU NOR BU LA KHAMS CHE BAR BSNGAGS PAS RGYU DE LAS GRUB PA'I SKU GZUGS SOGS LA KHAMS CHE BAR RANG SHUGS KYIS BSNGAGS PAR 'GRO BA BZHIN YIN PA'I PHYIR, RANG 'GREL LAS, RGYU LA MCHOD PAR BRJOD PAS KYANG 'BRAS BU LA MCHOD PAR DON GYIS 'PHANGS PAR DGONGS TE, ZHES GSUNGS PA'I PHYIR, RANG LUGS LA, 'DIR BSTAN CHOS GSUM GYI NGO BO SOGS YOD DE, SPYI DON SKABS SU BSHAD ZIN LTAR YIN PA'I PHYIR, SA MTSAMS YOD DE, LAM MA ZHUGS NAS SANGS RGYAS KYI SA'I BAR DU YOD PA'I PHYIR TE, 'DIR BSTAN SNYING RJE LA DE LTAR YOD PA SKABS 'DIR BSTAN CING SNYING RJE SO SO'I SKABS SEMS BSKYED RE BSHAD PA'I PHYIR DANG, 'DIR BSTAN GNYIS MED KYI BLO LA DE LTAR YOD KYANG SKABS 'DIR MA BSHAD PA SA BCU'I SKABS SU BSHAD PA LA DGONGS PA'I PHYIR, DPER NA SA DANG PO LNGA DANG PHYI MA GSUM GYI SKABS SU YUL STONG NYID RGYAS PAR BSGOM KYANG BRJOD BA DE KHYAD KYIS SA DRUG PAR RGYAS PAR BSHAD LA GZHAN GYI SKABS SU MA BSHAD PA BZHIN YIN PA'I PHYIR, BSHAD TSUL 'DI SNGA MA MANG POS MA THON KYANG, TSIGS BCAD GONG 'OG GI RNAM BSHAD DANG RANG 'GREL GYI DGONGS PA KHO BOS BSHAD PA YIN PAS BLO GSAL GZUR GNAS RNAMS DGA' BAR GYIS SHIG, RTZOD SPONG LA,

036b

RGYAL SRAS KYI LAM LA PHYOGS SHES YOD PA'I DPYOD LDAN KHA CIG NA RE, 'DIR BSTAN CHOS GSUM BYANG SEMS KYI THOG MA'I RGYUR BSHAD PA MI 'THAD PAR THAL, DE 'DRA'I BYANG SEMS DE'I MA MTHA' LAM LA ZHUGS MA THAG LA BYED NA SEMS BSKYED DANG GNYIS MED KYI BLO DE'I RGYUR MI RUNG BA'I SKYON YOD, MI BYED NA GONG DU ZLA TSES DANG MYU GU LTA BU'I BYANG SEMS SU BSHAD PA DANG 'GAL BA'I SKYON YOD PA'I PHYIR, DANG PO GRUB STE, SEMS BSKYED BYANG SEMS KYI SNGON DU MI 'GRO BA GANG ZHIG, GNYIS MED KYI BLO LA DE'I PHYIR, SEMS BSKYED RGYUD LA SKYE BA DANG BYANG SEMS SU 'GYUR BA DUS MNYAM PA'I PHYIR TE, SPYOD 'JUG LAS, BYANG CHUB SEMS SKYES GYUR NA SKAD CIG GIS, ZHES SOGS GSUNGS PA'I PHYIR, GNYIS PA GRUB STE, THOG MAR SEMS BSKYED NAS PHYIN DRUG SLOB SKABS GNYIS MED KYI BLO SKYED PA YIN PA'I PHYIR, ZHES PA'I RTZOD TSUL DE, RNAM BSHAD LAS, DE LTAR NA 'DI GSUM NAS; 'GYUR RO ZHE NA, ZHES BYUNG, DE LA SKYON DE MED PAR THAL, 'DIR BSTAN BYANG SEMS DE TSOGS LAM THOB MA THAG NAS 'JOG KYANG SKYON DE MI 'JUG PA'I PHYIR, DER THAL, 'DIR BSTAN SEMS BSKYED SNGON DU 'GRO RGYU DE YANG BYANG SEMS KYI SNGON 'GRO'I SEMS BSKYED SGOM DUS KYI SEMS BSKYED LA BYED CING, GNYIS MED KYI BLO DE YANG DON DAM SEMS BSKYED MA YIN PAR STONG NYID KYI LTA BA LA BYED PA'I PHYIR TE, RNAM BSHAD LAS,

037a

, ,SNGAR BKOD BA'I SKYON NI MED DE, NAS, SKYON GNYIS PA YANG MED PA NI 'CHAD PAR 'GYUR RO, ,ZHES GSUNGS PA'I PHYIR, YANG RJE'I LUGS LA SDANG BA'I BLUN PO MKHAS RLOM PA KHA CIG NA RE, KHYOD KYI BSHAD TSUL 'DI MI 'THAD PAR THAL, 'DI KLU SGRUB KYI GZHUNG DANG YANG 'GAL, BYAMS PA'I GSUNG DANG YANG 'GAL, RANG GI KHAS BLANGS DANG YANG 'GAL BA'I SKYON GSUM YOD PA'I PHYIR, DANG PO GRUB STE, CHOS DBYINGS BSTOD BA LAS, JI LTAR TSES PA'I ZLA BA LA, ,SKAD CIG SKAD CIG 'PHEL BAR MTHONG, ,ZHES SOGS KYIS BSHAD PA'I ZLA TSES LTA BU'I BYANG SEMS SA DANG PO BAR BSHAD PA DANG 'GAL PA'I PHYIR, GNYIS PA GRUB STE, RGYUD BLA MA LAS, JI LTAR MYUG SOGS RIM SKYES PAS, ,SA BON SHUN PA GCOD PA LTAR, ,ZHES BYANG SEMS MTHONG LAM PA MYU GU LTA BU'I BYANG SEMS SU BSHAD PA DANG 'GAL BA'I PHYIR, GSUM PA GRUB STE, BYAMS PA'I RNAM THAR GYI MDO LAS BSHAD PA'I RGYAL PO'I BU SKYES MA THAG PA LTA BU DANG, MKHA' LDING GI PHRUG GU LTA BU'I BYANG SEMS DE TSOGS LAM PA LA BYED RIGS PAR THAL, DKON BRTZEGS DANG 'JUG 'GREL GYI ZLA TSES LTA BU DANG LJON SHING GI MYU GU LTA BU GNYIS TSOGS LA MA PA LA BYED PA'I PHYIR, 'DOD NA, KHYOD RANG GIS 'GREL BSHAD BKAG PA DANG 'GAL ZER, 'DI BZHAD GAD KYI RGYU KHO NAR SNANG BAS RE ZHIG BZHAD GAD 'DI BYA STE, 'O NA, MDO BSTAN BCOS

037b

GANG NA ZLA TSES LTA BU ZHES BSHAD PA'I DON YIN NA, DKON MCHOG BRTZEGS PA LAS, 'OD SRUNG ZLA BA TSES PA LA ZHES SOGS KYI ZLA BA LTA BU DE YIN PAS KHYAB PAR THAL, KHYOD KYI CHOS DBYINGS BSTOD PA'I DON 'THAD PA'I PHYIR, 'KHOR GSUM, DES NA ZLA TSES DKON BRTZEGS KYIS BYANG CHUB SEMS DPA'I DPER BKOD LA CHOS DBYINGS BSTOD PAS 'GOG BDEN GYI DPER BKOD 'DUG PA 'DI MA MTHONG NGAM KHO BOS 'CHAD PAR 'GYUR RO, , GZHAN YANG, MDO BSTAN BCOS NAS MYU GU LTA BU ZHES BSHAD PA'I MYU GU LTA BU YIN NA, 'JUG 'GREL GYI SMAN GYI LJON SHING GI MYU GU ZHES SOGS KYI MYU GU LTA BU DE YIN PAS KHYAB PAR THAL, RGYUD BLA MA'I DE'I PHYIR, 'DOD NA, MING GZUGS DANG MTHONG LAM SOGS DU MA DER 'GYUR BA AE SHES, RGYUD BLA MA'I DE MTHONG LAM YIN GYI BYANG CHUB SEMS DPA' MA YIN PA'I PHYIR RO, ,DES NA KHYED CAG DE LTAR RTZOD CING SEMS DE 'DRA 'CHANG NAS 'TSANG RGYA BAR 'DOD DAM, KA YE MDZUB MO KHUG CIG CES 'DOMS PAR BYED DO, ,GNYIS PA BYANG SEMS KYI RGYU GZHAN GNYIS KYI YANG RTZA BAR 'CHAD PA LA, GANG PHYIR PA RTZE NYID RGYAL BA'I LO TOG PHUN TSOGS 'DI'I, ,SA BON DANG NI SPEL LA CHU 'DRA YUN RING DU, ,ZHES SOGS TSIGS BCAD GCIG BYUNG, DE MTSAMS SBYAR GYI SGO NAS 'CHAD PAR, RANG 'GREL LAS, BYANG CHUB KYI SEMS

038a

, ,DANG GNYIS SU MED PA'I YE SHES GNYIS KYI RTZA BA YANG SNYING RJE YIN PA'I PHYIR NA SNYING RJE GTZO BO NYID DU BSTAN PAR 'DOD PAS ZHES BYUNG, DE THOG MTHA' BAR GSUM DU GAL CHE BA'I DPE GSUM 'CHAD BAR, RANG 'GREL LAS, JI LTAR PHYI ROL GYI NAS, DE BZHIN DU, ZHES BYUNG, SNYING RJE KHO NA YANG DUS GSUM CAR DU DE GSUM DANG 'DRA BAR 'CHAD BA LA, SNYING RJE KHO NA NAS, YIN NO, ZHES BYUNG, THOG MA'I SNYING RJE 'CHANG BAR, 'DI LTAR SNYING RJE CAN NAS, ZHES GSUNGS SO, ZHES BYUNG, BAR DU GAL CHE BA'I BYANG SEMS KYI SNYING RJE 'CHAD BAR, BYANG CHUB KYI SEMS BSKYED DU ZIN KYANG, NAS, 'GYUR RO, ZHES BYUNG, THA MAR GAL CHE BA'I 'BRAS BU SANGS RGYAS KYI SNYING RJE 'CHAD PAR, 'BRAS BU MTHA' YAS PA'I NAS, MI 'GYUR RO, ZHES BYUNG, 'DI LA SPYI DON DANG, MTHA' DPYAD PA GNYIS, DANG PO NI, DPAL LDAN ZLA BAS SNYING RJE LA THOG MAR BSTOD PA'I RGYU MTSAN YOD DE, SNYING RJE SNGAR LTAR NYAN RANG SANGS RGYAS BYANG SEMS KYI RTZA BA YIN PAR MA ZAD CHOS PHYI MA SEMS BSKYED DANG GNYIS MED KYI BLO GNYIS KYI YANG RTZA BA'I RGYU'I GTZO BO YIN PA'I PHYIR TE, RANG 'GREL LAS BYANG CHUB KYI SEMS DANG GNYIS SU MED PA'I YE SHES GNYIS KYI RTZA BA YANG SNYING RJE YIN PA'I PHYIR NA SNYING RJE GTZO BO NYID DU BSTAN PAR 'DOD PAS GANG PHYIR, NAS, ZHES BYA BA SMOS SO, ZHES BYUNG, SNYING RJE CHEN PO DE RGYAL BA'I LO

038b

TOG PHUN TSOGS SKYED PA LA RGYU'I GTZO BO YIN TE, DE DE LA THOG MA BAR MA THA MA'I DUS GSUM DU GAL CHE BA'I PHYIR, DPER NA LO TOG PHUN TSOGS LA THOG MA'I SA BON DANG, BAR GYI CHU, THA MA LEGS PAR SMIN PA GSUM GAL CHE PA BZHIN YIN PA'I PHYIR TE, DPE RIGS THA DAD PA GSUM LTAR DON YANG MIN TE, DPE GSUM LAS, DON SNYING RJER RIGS GCIG PA KHO NA 'CHAD PA'I CHED DU NYID SGRA SMOS PA'I PHYIR TE, RANG 'GREL LAS, JI LTAR PHYI ROL GYI 'BRU LA SOGS PA PHUN SUM TSOGS PA THOG MA DANG BAR DANG THA MA RNAMS SU SA BON DANG CHU DANG SMIN BA RNAMS GTZO BO NYID DU GYUR PAS NYE BAR MKHO BA NYID YIN PA DE BZHIN DU, SNYING RJE KHO NA DUS GSUM CAR DU YANG RGYAL BA'I LO TOG PHUN SUM TSOGS PA LA NYE BAR MKHO BA NYID DU STON PA YIN ZHES DANG, RNAM BSHAD LAS, NYID KYI SGRAS NI, ZHES PA NAS, GAL CHE BAR BSTAN TO, ZHES GSUNGS, SNYING RJE DANG PO GAL CHE BA SA BON LTA BU YIN TE, SNYING RJE LA BRTEN NAS SEMS CAN THAMS CAD SDUG BSNGAL MTHA' DAG LAS BTON TE SANGS RGYAS SU DGOD SNYAM PA'I CHED DU BYA BA LA DMIGS PA DANG, DE LAS SANGS RGYAS THOB DGOS PAS BDAG SANGS RGYAS THOB PAR BYA SNYAM PA'I THOB BYA BYANG CHUB LA DMIGS TE SEMS SKYED PAR BYED CING, DE YANG GNYIS MED KYI BLO MA THOB PAR DE THOB PAR MI NUS PAR SHES NAS SPYOD PA PHYIN DRUG TSANG BAR SLOB PA YIN PA'I PHYIR TE, DPER NA SA BON MA BTAB PAR MYU GU MI 'BYUNG LA

039a

, ,BTAB NA 'BYUNG BA BZHIN SNYING RJE'I SA BON LA BYANG SEMS KYI MYU GU RAG LAS PA'I PHYIR, 'DI LTAR SNYING RJE CAN NI GZHAN GYI, ZHES PA NAS, DES PA KHO NAR 'JUG STE, ZHES GSUNGS PA'I PHYIR, 'DIS DBANG RTUL GYI CHOS PHYI MA GNYIS KYI RTZA BA YIN TSUL BSHAD LA DE LTAR BSHAD PA'I RGYU MTSAN YOD DE, SNGAR BYANG SEMS CHOS GSUM LAS 'KHRUNGS PAR BSHAD PA'I SKABS SU DBANG RNON GYI CHOS GSUM BSKYED TSUL BSHAD LA, 'DIR BSTAN GTZO BO YANG DBANG RNON GYI YIN YANG, DBANG RTUL LA PHAN GDAGS PA'I CHED DU SNYING RJE DANG PO'I SHUGS BSTAN 'GREL PA'I TSIG ZIN LA BKOD PA YIN PA'I PHYIR, DE LTAR 'GREL PAS BSHAD KYANG DBANG RNON GYI CHOS PHYI MA GNYIS KYI RTZA BAR 'GYUR TSUL MI RTOGS PA'I SKYON MED DE, SNGAR CHOS GSUM LAS BYANG SEMS DBANG RNON THOG MAR 'KHRUNGS TSUL BSHAD PAS 'DI'I SEMS BSKYED DANG GNYIS MED KYI BLO GO BZLOG NAS SKYE BAR SHUGS LA GO NUS PA'I PHYIR, GO NUS TSUL YOD DE, THEG CHEN GYI RIGS CAN DBANG RNON LAM MA ZHUGS DE SNYING RJE CHEN POS YID YANG YANG BSKYOD NAS SEMS CAN THAMS CAD SDUG BSNGAL LAS BSGRAL NA DANG SANGS RGYAS THOB NA SNYAM PA YANG YANG 'BYUNG YANG, DES NGES PAR BDAG GIS SANGS RGYAS THOB PAR BYA ZHES THAG BCAD PA'I TSUL GYIS SEMS SKYED PA LA SANGS RGYAS THOB DGOS SHING DE THOB NUS PAR TSAD MAS NGES DGOS, DE LA SNYING

039b

RJE CHEN PO DANG LHAG BSAM RNAM DAG RGYU DANG BCAS PA LEGS PAR NGES PAS SANGS RGYAS THOB DGOS PAR TSAD MAS NGES DGOS, SANGS RGYAS THOB PAR 'GYUR BAR TSAD MAS NGES PA LA STONG NYID PHU THAG CHOD PA DANG DE'I 'KHOR THA SNYAD SGYU MA LTA BU LA 'KHOR 'DAS 'JOG SHES DGOS PA'I PHYIR, DANG PO GRUB STE, RGYUD BLA MA'I RNAM BSHAD LAS, THEG PA CHEN PO'I RIGS CAN DBANG PO RNON PO NI THOG MAR SEMS CAN THAMS CAD KYI DON DU SANGS RGYAS THOB DGOS PA DANG THOB NUS PA GNYIS TSAD MAS LEGS PAR GRUB NAS, DE'I RJES SU SEMS CAN THAMS CAD KYI DON DU SANGS RGYAS THOB PAR BYA'O SNYAM DU SEMS BSKYED PA'I DAM BCA' 'JOG PA YIN GYI, RGYU MTSAN YANG DAG MA MTHONG BAR DAM BCA' BA DBANG PO RTUL PO'I LUGS YIN PA'I PHYIR RO, ZHES GSUNGS PA'I PHYIR, GNYIS PA GRUB STE, RGYU 'BRAS MAN NGAG BDUN GYI RNAM BZHAG LEGS PAR RTOGS NA SEMS CAN THAMS CAD KYI DON DU SANGS RGYAS MI THOB PA'I THABS MED PAR RTOGS NUS PA'I PHYIR TE, RGYUD BLA MA'I RNAM BSHAD LAS, DE YANG SNYING RJE CHEN PO LHAG BSAM RNAM PAR DAG PA DANG BCAS PA'I SKYED TSUL LEGS PAR KHONG DU CHUD BA LAS NI, SEMS CAN THAMS CAD KYI DON DU SANGS RGYAS 'THOB DGOS PAR RTOGS LA ZHES DANG, SLOB SPRINGS LAS, NYE DU 'KHOR BA'I RGYA MTSO'I KHONG DU CHUD GYUR PA, ,KLONG GI NANG DU LHUNG BA LTA BUR SNANG BZHIN DU, ,

040a

, ,SKYE 'CHI 'PHOS PAS NGO MA SHES PA DE BOR NAS, ,GAL TE GCIG THAR BYED NA DE LAS KHREL BOR MED, CES DANG, DPA' BOS KYANG, SHES RAB MIG NYAMS 'GROS 'KHYAR GYUR PA LA, ,'JIG RTEN DON SGRUB RGYAL BA'I RGYAL RIGS NI, ,SNYING RJE MI SKYED SKYES BU GANG ZHIG YOD, ,DE DAG RMONGS BSAL BRTZON 'GRUS SU MI RTZOM, ZHES GSUNGS PA'I PHYIR DANG, DON GNYIS 'GRUB PA LA 'TSANG RGYA DGOS PAR SHES DGOS PA SOGS LAM RIM LTAR YIN PA'I PHYIR RO, RTAGS GSUM PA GRUB STE, RGYUD BLA MA'I RNAM BSHAD LAS, STONG NYID 'KHOR DANG BCAS PA RTOGS PA LAS NI SANGS RGYAS 'THOB NUS PAR RTOGS PA YIN NO, ,DON 'DI LA DPAG NAS DBANG PO RNON PO THAR PA TZAM DON GNYER GYI BLO SKYE BA LA YANG STONG NYID RTOGS PA SNGON DU SONG BA DGOS PAR SHES PAR GYIS, ZHES GSUNGS PA'I PHYIR, SNYING RJE CHEN PO CHOS CAN, BAR DU GAL CHE BA CHU DANG 'DRA TSUL YOD DE, SNYING RJES DANG POR BYANG CHUB TU SEMS BSKYED KYANG BAR DU YANG YANG SNYING RJE MA BSKYED NA GZHAN DON BOR NAS DMAN LAM DU GOL BAR 'GRO BAS SNYING RJE YANG YANG BSKYED PAS RGYAL SRAS KYI MDZAD PA MTHAR PHYIN PAR 'GYUR BA'I PHYIR, DPER NA ZHING LA SA BON BTAB TU ZIN KYANG CHUS YANG YANG MA BRAN NA MYU GU LEGS PAR MI SKYE LA YANG YANG BRAN NA SKYE BA BZHIN DU BAR DU RGYAL SRAS KYI MYU GU 'PHEL BA SNYING RJE LA RAG LAS PAS CHU LTA BUR BSHAD PA'I PHYIR, RANG 'GREL LAS, BYANG CHUB KYI

040b

SEMS BSKYED DU ZIN KYANG SNYING RJE'I CHUS ZHES SOGS GSUNGS PA'I PHYIR, 'DIR LAM RIM GNYIS DANG RANG 'GREL RNAM BSHAD GNYIS KAR, SNYING RJE DANG CHU DPE DON SBYAR GYI LUD DANG MA SBYAR LA, LUD ZHING LA THOG MAR SKYEL GYI NYIN RE BZHIN CHU LTAR MI DGOS PAS DPE DON MI 'GRIGS PAS NGAG NAS GANG THON GYI CAL RGYUG MA BYED CIG, SNYING RJE CHEN PO THA MAR GAL CHE BA LO TOG SMIN PA LTA BU YIN TE, BLA MED BYANG CHUB THOB KYANG NYAN RANG DGRA BCOM LTAR ZHI BAR MI MNAL BAR GDUL BYA'I SKAL BA DANG 'TSAM PAR CHOS BSTAN NAS 'PHAGS PA GSUM GYI TSOGS RGYUN MI 'CHAD PAR 'PHEL BA YANG SNYING RJES SMIN TSUL LA RAG LAS PA'I PHYIR, DPER NA MYU GU LA 'BRAS BU MANG DU CHAGS KYANG MA SMIN NA PHAN MI THOGS LA LEGS PAR SMIN NA LONGS SPYOD 'DOD DGUR 'BYUNG BA BZHIN DU SNYING RJES SMIN PA LA RGYAL BA'I LO TOG PHUN TSOGS LTOS PA'I PHYIR TE, RANG 'GREL LAS, 'BRAS BU MTHA' YAS PA'I GNAS SKABS THOB TU ZIN KYANG ZHES SOGS GSUNGS PA'I PHYIR, GNYIS PA MTHA' DPYAD PA LA, 'BREL MED MANG DU SNANG YANG DOR NAS DOGS PA LEGS PA 'GA' ZHIG BSHAD NA, 'DI MA KHA CIG, NYAN RANG LA SNYING RJE CHEN PO PHAL BA TZAM YANG MED LA, DE GNYIS LA TSOGS GNYIS MTSAN NYID PA YOD PAR 'DOD, YANG LA LA DE GNYIS LA SNYING RJE CHEN PO MTSAN NYID PA YOD LA TSOGS GNYIS DNGOS GNAS PA MED PAR 'DOD CING, SNYING RJE CHEN PO SKYES

041a

, ,BU CHEN PO'I CHOS SKOR DU 'DOD, MANG PO ZHIG 'DIR BSTAN SNYING RJE CHEN PO DANG SNYING RJE CHEN PO'I MTSAN NYID LA KHYAD PAR CI YANG MED PAR 'DOD PA SOGS MANG, DE DAG THAMS CAD NI NANG 'GAL DANG RANG GI RNAM BSHAD TZAM LAS RJE YAB SRAS KYI GSUNG RAB GUNG BSGRIG MA THUB PA'I NANG RTAGS PHYIR BSTAN PA YIN TE, 'CHAD 'GYUR LTAR LUNG RIGS DANG RANG GI KHAS BLANGS 'GAL BA SOGS DU MAS GNOD PA'I PHYIR RO, ,'O NA, SNYING RJE CHEN PO YIN NA, SEMS CAN MA LUS PA SDUG BSNGAL MA LUS BA LAS SKYOB 'DOD CAN YIN DGOS PAR THAL, 'DIR BSTAN DE LA DE DGOS PA'I PHYIR, KHYAB PA KHAS, RTAGS GRUB STE, RANG 'GREL LAS, 'KHOR BA'I BRTZON RAR BSDAMS PA SKYABS MED PA DPAG TU MED PA MA LUS PA YONGS SU SKYOB PA'I MTSAN NYID CAN LA BSTOD PAR 'OS PA, ZHES GSUNGS PA'I PHYIR, 'DOD NA, SEMS CAN THAMS CAD SDUG BSNGAL DANG BRAL NA SNYAM ZHING SKYOB 'DOD MED PA'I SNYING RJE CHEN PO CHOS CAN, DER THAL, DE'I PHYIR, KHYAB PA KHAS, RTAGS GRUB STE, DE YOD PA'I PHYIR, DE LA SEMS CAN THAMS CAD SDUG BSNGAL DANG BRAL NA SNYAM PA GCIG DANG, BRAL BAR GYUR CIG SNYAM DU SMON PA GCIG DANG, BRAL PAR BYA'O SNYAM PA'I KHUR 'KHYER BA'I SNYING RJE CHEN PO GSUM YOD PA GANG ZHIG SNGA MA GNYIS NYAN RANG DGRA BCOM LA'ANG YOD KYANG PHYI MA SKYES BU CHEN PO DANG THEG CHEN PA KHO NA LA YOD PA'I PHYIR RO, ,DANG PO GRUB STE,

041b

LAM RIM LAS RNAM PA NI SDUG BSNGAL DE DAG DANG BRAL NA SNYAM PA DANG BRAL BAR GYUR CIG SNYAM PA DANG, BRAL BAR BYA'O SNYAM PA'O, ZHES RNAM PA MI 'DRA BA GSUM BSHAD PA'I PHYIR, KHYAB STE, RNAM RTOG GCIG LA 'DZIN STANGS DE 'DRA GSUM MI RUNG BA'I PHYIR, GNYIS PA GRUB STE, SNYING RJE CHEN PO DANG SEMS BSKYED PAR DU LHAG BSAM BCUG PA LA DGOS PA YOD PA'I PHYIR TE, LAM RIM GNYIS LAS DE LTAR BLO RIM GYIS SBYANG BAS SNYING RJE SKYES PA NA SEMS CAN GYI DON DU SANGS RGYAS LA THOB 'DOD DE TZAM GYIS CHOG MOD PAR DER LHAG BSAM BCUG PAS CI BYA SNYAM NA, SEMS CAN BDE BA DANG PHRAD PA DANG SDUG BSNGAL DANG BRAL NA SNYAM PA'I BYAMS PA DANG SNYING RJE TSAD MED PA NI NYAN RANG LA YANG YOD KYANG, SEMS CAN THAMS CAD LA BDE BA SGRUB PA DANG SDUG BSNGAL SEL BA KHUR DU BZHES PA NI THEG CHEN PA MIN PA LA MED PAS, SNYING STOBS KYI BSAM PA LHAG PAS LHAG BSAM BSKYED DGOS TE, RGYUD BLA MA'I 'GREL PAR, BLO GROS RGYA MTSOS ZHUS PA'I MDO DRANGS PA LAS SHES SO, ZHES SOGS GSUNGS PA'I PHYIR, BYAS PA LA KHO NA RE, LAM RIM LAS, SNYING RJE TSAD MED PA NI NYAN RANG LA'ANG YOD GSUNG GI SNYING RJE CHEN PO MA GSUNGS SO ZER NA, 'DI 'DRA RJE YAB SRAS KYI GSUNG DANG MKHAS PA'I BSTAN BCOS GUNG BSGRIG MI SHES BA KUN ZER RO, ,NYAN RANG LA SNYING RJE CHEN PO PHAL BA YOD PAR THAL, DE LA SEMS CAN THAMS CAD LA BU GCIG BU DONG DU SHOR BA 'AM CHUS KHYER BA LA MA'I BRTZE

042a

, ,BA LTA BU'I SNYING RJE YOD PA GANG ZHIG, DE 'DRA'I SNYING RJE SKYES PA NA DE LA SNYING RJE CHEN PO'I MING 'THOB PA'I PHYIR, RGYUD BLA MA'I RNAM BSHAD LAS, NYAN THOS DGRA BCOM PA YANG SDUD PA NI BU GCIG PU MI GTZANG BA'I DONG DU LHUNG BA'I MA LA BRTZE BA YOD PA LTA BU'I SEMS CAN THAMS CAD SDUG BSNGAL DANG BRAL NA SNYAM PA YOD KYANG SDUG BSNGAL DANG BRAL BA RANG GI KHUR DU BLANGS PA'I RJES SU BRTZE BA MED PA DE NYID KYIS PHYIR, ZHES GSUNGS PA'I PHYIR; GNYIS PA GRUB STE, DANG POR MA DANG GNYEN DANG BAR MA DANG DGRA LA PHYE NAS BSGOM PA'I MTHAR SEMS CAN THAMS CAD LA SNYING RJE DE 'DRA SKYES PA NA DE LTAR MING 'THOB LA MTSAN NYID KYANG TSANG BA'I PHYIR TE, SGOM RIM DANG PO DANG BAR PA GNYIS GA LAS, GANG GI TSE YID DU 'ONG BA'I BU MI BDE BA BZHIN DU SEMS CAN THAMS CAD LA SDUG BSNGAL GTAN NAS BYANG BAR 'DOD PA'I RNAM PA'I SNYING RJE RANG GI NGANG GIS 'JUG PAR GYUR PA DE'I TSE MTSAN NYID RDZOGS PA YIN PAS SNYING RJE CHEN PO'I MING 'THOB STE ZHES DANG, LAM RIM GNYIS LAS, BU CHUNG NGU SNYING DU CHES SDUG PA SDUG BSNGAL BAR GYUR PA LA MA DE JI TZAM BRTZE BA SKYE BA DO TZAM PA'I BLO TSOD GCIG SEMS CAN THAMS CAD LA SNYING RJE RANG GI NGANG GIS SKYES PA NA SNYING RJE CHEN PO'I MTSAN NYID TSANG BAR GSUNGS SO, ZHES GSUNGS PA'I PHYIR, DE LA KHO NA RE, LAM RIM LAS SEMS CAN LA ZHES 'BYUNG GI SEMS CAN THAMS CAD THEG CHEN SKABS SU

042b

SBYAR NAS DAR tIKA LTAR MI 'THAD PA'I SKYON MED ZER NA, 'O NA, NYAN RANG DGRA BCOM GYIS SDUG BSNGAL CAN GYI SEMS CAN THAMS CAD SDUG BSNGAL GYIS MNAR TSUL MI SHES PAR THAL, DE LTAR SHES NA DE LA SNYING RJE SKYE BA LUNG RIGS DU MAS GRUB PA'I PHYIR, 'DOD NA, DE DAG KHAMS GSUM GYI SDUG BSNGAL MTHA' DAG LA YID MA LOG PAR THAL LO, ,YANG KHA CIG, 'JUG PA'I MCHOD BRJOD KYI DNGOS BSTAN GYI SNYING RJE LA THOG MTHA' BAR GSUM DU GAL CHE BA'I SNYING RJE SO SO BA GSUM MED ZER NA, 'O NA RNAM BSHAD LAS, THOG MAR GAL CHE BA SA BON LTA BU YIN TSUL NI, ZHES PA NAS, SANGS RGYAS KYI CHOS KUN GYI SA BON NI SNYING RJE CHEN PO YIN NO, ZHES GSUNGS PA MI 'THAD PAR THAL, RTZA BAR, SA BON LTA BUR 'DOD GYUR PA, DE'I PHYIR BDAG GIS SNYING RJE ZHES PA'I DNGOS BSTAN GYI LAM MA ZHUGS KYI SNYING RJE GCIG MED PA'I PHYIR, DER THAL, MCHOD BRJOD KYI DNGOS BSTAN LA DE'I PHYIR, RTAGS KHAS, GZHAN YANG, RNAM BSHAD LAS, THOG MAR SEMS BSKYED DU ZIN KYANG DUS PHYIS SNYING RJES CHUS YANG DANG YANG DU MA BCUS NA, ZHES PA NAS, NGES PAR NYAN RANG GANG RUNG GI MYA NGAN LAS 'DAS PA MNGON DU BYED LA, SNYING RJE'I CHUS YANG YANG BCUS NA DE LTAR MI 'GYUR RO, ZHES PA'I DON MED PAR THAL, SPEL LA CHU LTA BU ZHES SOGS KYI TSOGS LAM NAS SA BCU PA'I BAR DU SNYING RJE CHEN PO YANG YANG SEMS CAN LA MA BSGOM NA ZHI MTHAR LTUNG BAS

043a

, ,RANG RGYUD KYI SNYING RJE CHEN PO YANG YANG SKYED DGOS PA MA YIN PA'I PHYIR, DER THAL, DE'I DNGOS BSTAN GYI DE RNAMS KYI RGYUD KYI SNYING RJE CHEN PO MED PA'I PHYIR, DAM BCA' 'THAD PA'I PHYIR, GZHAN YANG, RNAM BSHAD LAS, RGYAL BA'I GO 'PHANG THOB TU ZIN KYANG SNYING RJES SMIN PA DANG BRAL NA ZHES PA NAS, 'BRAS BU'I SAR SNYING RJE CHEN PO RGYUN LDAN DU 'JUG NA DE LAS BZLOG STE 'BYUNG BA'O, ZHES GSUNGS PA MI 'THAD PAR THAL, RTZA BAR, SMIN PA LTA BUR 'DOD GYUR PA, ZHES SOGS KYIS RGYAL BA'I THUGS RGYUD KYI SNYING RJE DE LO TOG SMIN PA DANG 'DRA BAR DNGOS SU BSTOD PA MA YIN PA'I PHYIR, DER THAL, DE DE'I DNGOS BSTAN GYI DE MA YIN PA'I PHYIR, DAM BCA' 'THAD PA'I PHYIR, GZHAN YANG SNYING RJE LA THOG MTHA' BAR GSUM GYI YA GYAL PHYE NAS MA BSTOD PAR THAL BA DANG, SNYING RJE SPYI LDOG LA BSTOD PAR THAL BA DANG, SPYI LDOG DE LAM MA ZHUGS KYI YON TAN DANG BYANG SEMS KYI YON TAN DANG SANGS RGYAS KYI YON TAN SOGS KYI GZHI MTHUN PAR THAL BA SOGS 'PHEN SHES PAR BYA'O, ,BYAS PA LA KHO NA RE, MCHOD BRJOD YUL DU GYUR PA'I SNYING RJE THOG MA'I SNYING RJE GTZO BO YIN KYANG, BYANG CHUB SEMS DPA'I SNYING RJE GZHAN RNAMS KYANG YIN PAS ZHES GSUNGS PA MI 'THAD PAR THAL, MCHOD BRJOD DNGOS BSTAN LA 'BRAS BU'I SNYING RJE MED PAR THOG MA'I SNYING RJE KHO NA STON PA MA YIN PA'I PHYIR NA MA KHYAB STE, RGYAL SRAS RNAMS KYI RGYU,

043b

ZHES PA'I TSIG GI DNGOS BSTAN GYI GTZO BO LA DGONGS PA'I PHYIR, YANG KHO NA RE, SNYING RJE CHEN PO DE SNYING RJE'I SEMS DANG ZHES PA'I DNGOS BSTAN GYI SEMS YIN PAR THAL, DE'I SEMS DE YOD PA'I PHYIR NA MA KHYAB CING, 'DOD MI NUS TE; SNYING RJE CHEN PO DE DE'I DNGOS BSTAN GYI SNYING RJE DANG SNYING RJE'I SEMS DE DE'I DNGOS BSTAN GYI SEMS YIN PA'I PHYIR, DE'I SEMS DE 'OG GI SEMS BSKYED DU 'GYUR RGYU YIN PAR SHES PA'I CHED YIN PA'I PHYIR, KHYAB STE, SNYING RJE'I SEMS YIN NA SEMS YIN DGOS PA'I PHYIR, DER THAL, NYON MONGS KYI SEMS YIN NA SEMS YIN DGOS PA'I PHYIR, ` RANG LUGS LA, 'DIR BSTAN SNYING RJE CHEN PO LA THOG MA'I SA BON LTA BU LAM MA ZHUGS KYI GCIG DANG, BAR DU GAL CHE BA CHU LTA BU BYANG SEMS KYI RGYUD KYI GCIG DANG, THA MAR GAL CHE BA 'BRAS BU SMIN PA LTA BU GSUM YOD, SEMS CAN THAMS CAD SDUG BSNGAL GYIS MTSON PA'I PHONGS PA LAS SKYOB 'DOD KHUR DU 'KHYER BA'I BCOS MIN GYI BRTZE BA DE SKYES BU CHEN PO'I SNYING RJE CHEN PO'I MTSAN NYID, SA MTSAMS LHAG BSAM GYI SNGA ROL SKABS NAS SANGS RGYAS KYI SA'I BAR DU YOD, DE 'DRA'I 'DIR BSTAN BRTZE BA DE 'DIR BSTAN SNYING RJE CHEN PO'I MTSAN NYID, DBYE BA SNGAR BSHAD ZIN, SA MTSAMS THEG CHEN LAM MA ZHUGS NAS SANGS RGYAS KYI SA'I BAR DU YOD, DMIGS PA SEMS CAN THAMS CAD LA DMIGS NAS RNAM PA SDUG BSNGAL DANG BRAL NA DANG SDUG BSNGAL DANG BRAL BAR GYUR CIG DANG, SDUG

044a

, ,BSNGAL DANG BRAL BAR BYA'O GANG RUNG GI RNAM BA CAN MA BU GCIG PA LA BRTZE BA LTA BU'I BCOS MIN GYI MYONG BA THON PA'I BRTZE BA DE SNYING RJE CHEN PO'I MTSAN NYID, 'DI LA THEG PA GSUM GYI DE GSUM DANG, LAM LA ZHUGS MA ZHUGS KYI DE GNYIS SOGS YOD, THEG PA CHE CHUNG GI SNYING RJE CHEN PO LA RGYA CHE CHUNG GI KHYAD PAR YOD DE, THEG DMAN GYI SEMS CAN THAMS CAD LA DMIGS DUS NA YANG SEMS CAN THAMS CAD KYI DBYE BA RE RE NAS MI SEMS PAR BSDUS NAS BYED PAS DMIGS YUL YANG RGYA CHUNG, SDUG BSNGAL DANG BRAL NA TZAM LAS MED PAS RNAM PA 'ANG CHUNG, YANG YANG DER DPYAD PA MTHA' YAS BAS MI SGOM PAS BRTZE GDUNG CHUNG, DE'I RGYU MTSAN GYIS SNYING RJE BYED LAS DANG STOBS RNAMS CHUNG BAS SNYING RJE CHEN PO'I MTSAN NYID TSANG TZAM YOD KYANG PHAL BA LAS MED PAS SA BCU PA'I MDO SOGS LAS SNYING RJE CHEN PO MED CES BSHAD LA, THEG CHEN GYI SNYING RJE CHEN PO DE LAS BZLOG PA YIN PA'I PHYIR; DMIGS PA'I KHYAD PAR DE LTAR YIN TE, NYAN RANG GI NYAN SA LTAR DANG THEG CHEN GYI RANG 'GREL SNGAR DRANGS PA LTAR YIN PA'I PHYIR, RNAM PA'I KHYAD PAR YANG 'THAD DE, NYAN RANG GI SEMS CAN SDUG BSNGAL SPYI LAS SGROL 'DOD TZAM DANG; BYANG SEMS KYI SEMS CAN GYI NYES PA MTHA' DAG LAS SKYOB PAR KHUR DU 'KHYER PA'I PHYIR RO, ,BRTZE GDUNG LA KHYAD PAR YOD DE, NYAN RANG GI PAGS PA LA ME PHOG PA LTA BU DANG BYANG SEMS KYI SHA LA ME PHOG PA LTA BU YIN

044b

PA'I PHYIR TE, GZUNGS RGYAL GYIS ZHUS PA LAS, NYAN THOS DANG RANG SANGS RGYAS RNAMS KYI SNYING RJE NI PAGS PA'I RNAM PA LTA BU'O, ,BYANG CHUB SEMS DPA' RNAMS KYI SNYING RJE NI SHA'I RNAM PA LTA BU'O, ZHES GSUNGS PA'I PHYIR, BYED LAS KYI KHYAD PAR YOD DE, THEG DMAN GYI LAN LA RE, BYANG SEMS KYI GZHAN SMIN CHED YIN PA'I PHYIR, MDO DE LAS, NYAN THOS KYI SNYING RJE NI BYAMS PA LA LTOS PA'O, ,BYANG CHUB SEMS DPA' RNAMS KYI SNYING RJE NI SEMS CAN YONGS SU SMIN PA LA LTOS PA'O, ZHES BYUNG, STOBS CHE CHUNG GI KHYAD PAR YOD DE, THEG DMAN GYI DE STOBS CHUNG BAS GZHAN DON GYI BYA BA LA SKYOL, BYANG SEMS KYI DE CHE BAS DE LA MI SKYO BA'I PHYIR, MDO DE LAS, NYAN THOS RNAMS KYI SNYING RJE NI RTZOM PAR YONGS SU SKYO BA'O, ,BYANG CHUB SEMS DPA' RNAMS KYI SNYING RJE NI RTZOM PA NYAMS 'OG TU CHUNG PA'O, ,ZHES GSUNGS PA'I PHYIR, SNYING RJE CHEN PO DANG SNYING RJE TSAD MED GNYIS LA MU BZHI YOD DE, ZHI LHAG MA THOB PA'I BYANG SEMS KYI RGYUD KYI SNYING RJE CHEN PO DE, DE CHEN PO YIN LA TSAD MED MA YIN PA'I MU YIN, PHYI ROL PA'I RGYUD KYI SNYING RJE TSAD MED DE, SNYING RJE CHEN PO MIN LA TSAD MED YIN PA'I MU YIN, BYANG 'PHAGS KYI RGYUD KYI SNYING RJE TSAD MED DE GNYIS KA YIN PA'I MU YIN, TSIG SPYI TZAM GYI SNYING RJE DANG PHUG RON GYI BU LA BRTZE BA LTA BU NI GNYIS KA MA YIN PA'I MU YIN, RTZOD SPONG LA KHO NA RE, 'GREL PA DON GSAL LAS, SNYING RJE CHEN PO

045a

, ,LA SOGS PA NI TSOGS YIN LA, ZHES GSUNGS PA MI 'THAD PAR THAL, NYAN RANG LA TSOGS KHYAD PAR CAN MED KYANG BRTZE BA CHEN PO YOD PA'I PHYIR NA MA KHYAB STE, RANG 'BRAS BYANG CHEN 'BYIN PA'I SNYING RJE CHEN PO SOGS TSOGS KHYAD PAR CAN DU BSTAN TZAM YIN PA'I PHYIR, YANG KHO NA RE, RNAM 'GREL LAS, SNYING RJE DMAN PA NYID PHYIR YANG, ,GNAS PA'I 'BAD RTZOL CHEN PO MED, ,GANG DAG BRTZE BA CHEN PO BA, ,GZHAN GYI NGOR NI BZHUGS PA YIN, ZHES GSUNGS PA MI 'THAD PAR THAL, NYAN RANG LA SNYING RJE CHEN PO YOD PA'I PHYIR NA MA KHYAB STE, THEG CHEN GYI DE LA LTOS TE DE CHUNG BA DANG THEG CHEN GYI DE NYAN RANG GI DE LAS 'PHAGS PAR BSTAN TZAM YIN PA'I PHYIR, YANG KHO NA RE, SNYING RJE CHEN PO LA SGOM BYUNG GCIG MED PAR THAL, DE GSAR DU RGYUD LA SKYE BA LA SGOM BYUNG MI DGOS PA'I PHYIR NA MA KHYAB, 'DOD MI NUS TE, BSAM GTAN GYI DNGOS GZHIS SEMS RTEN BYAS PA'I DE YOD PA'I PHYIR, BYAS PA LA KHO NA RE, DE RGYUD LA GSAR DU SKYE BA SGOM BYUNG LA LTOS PAR THAL, DE RGYUD LA GSAR DU SKYE BA LA BSAM PA TZAM GYIS MI CHOG PAR YANG YANG SGOM DGOS PA'I PHYIR NA MA KHYAB, RTAGS GRUB STE, BCOS MIN GYI MYONG BA 'GRO 'DUG DANG BSRE THUB PA GCIG DGOS LA DE LA YANG YANG SGOM DGOS PA'I PHYIR TE, TZANTRA GO MIS, SEMS KYI SHING NI THOG MA MED DUS CAN, ZHES SOGS DANG, SGOM RIM DANG LAM RIM DAG LAS

045b

GSUNGS PA'I PHYIR, RTZA BAR 'DOD MI NUS TE, DE RGYUD LA SKYE BA ZHI GNAS LA LTOS PAR HA CANG THAL BAR LAM RIM LAS BSHAD PA'I PHYIR, YANG KHO NA RE, THEG CHEN GYI RIGS CAN DBANG RNON GYIS THAR PA DON GNYER GYI BLO SKYED PA'I SNGA ROL NAS STONG NYID RTOGS DGOS PAR THAL, DES THAR PA 'THOB PAR DAM BCA' PA'I SNGA ROL TU STONG NYID RTOGS DGOS PA'I PHYIR NA MA KHYAB CING, RTAGS GRUB STE, DES SANGS RGYAS THOB PAR DAM MA BCAS PAR THAR PA TZAM 'THOB PAR DAM BCA' BAR MI BYED PA'I PHYIR RO, ,RTZA BAR 'DOD MI NUS TE, LAS RGYU 'BRAS DANG THAR PA'I PHAN YON 'KHOR BA'I NYES DMIGS GANG YANG MA BSTAN PAR STONG NYID STON MI RUNG BA'I PHYIR TE, RIGS PA DRUG CU PA LAS DE NYID TSOL LA THOG MAR NI, ,THAMS CAD YOD CES BRJOD PAR BYA, ,DON RNAMS STON CING CHAGS MED LA, ,PHYIS NI RNAM PAR DBEN PA'O, ZHES DANG, DE'I 'GREL PAR, SKYE BO BLO GROS MA BYANG BA LA THOG MA KHO NAR STONG PA NYID KYI LTA BA RAB TU SBYAR NA, SHIN TU RMONGS PA SKYED PAR 'GYUR TE DE'I PHYIR 'PHAGS PA RNAMS THOG MA KHO NAR STONG PA NYID CES DANG, RIGS PA DRUG CU PA LAS, LAS RNAMS 'BRAS BUR BCAS NYID DANG, ,'GRO BA DAG KYANG YANG DAG BSHAD, , DE YI RANG BZHIN YONGS SHES DANG, ,SKYE BA MED PA DAG KYANG BSTAN, ZHES GSUNGS PA'I PHYIR, GNYIS PA SO SOR PHYE NAS PHYAG 'TSAL BA LA, SEMS CAN LA DMIGS PA'I DE LA DANG, CHOS DANG DMIGS MED LA DMIGS PA'I

046a

, ,DE LA PHYAG 'TSAL TSUL GNYIS, DANG PO NI, RTZA BAR, DANG PO RANG ZHES BDAG LA ZHEN GYUR CING, ,SOGS TSIGS BCAD GCIG BYUNG, SNYING RJE GSUM MTSAMS SBYAR GYI SGO NAS 'CHAD PA LA RANG 'GREL LAS, DE NI DMIGS PA'I BYE BRAG LA 'JUG PA'I SGO NAS KYANG SNYING RJE'I RANG GI NGO BO'I KHYAD PAR MNGON PAR GSAL BAR BYAS TE DE NYID LA PHYAG 'TSAL BA BRTZAM PAR 'DOD PAS ZHES BYUNG, DE'I DMIGS RNAM DANG BCAS TE 'CHAD PAR, RANG 'GREL LAS, 'DI NI ZHES PA NAS, SEMS CAN LA DMIGS PA'O, ZHES BYUNG, 'DI LA SPYI DON NI, MI RTAG PA DANG BDAG MED KYIS KHYAD PAR DU MA BYAS PA'I SEMS CAN TZAM LA DMIGS NAS SDUG BSNGAL LAS SKYOB PAR 'DOD PA'I BRTZE BA DE SEMS CAN TZAM LA DMIGS PA'I SKYES BU CHEN PO'I SNYING RJE CHEN PO'I MTSAN NYID, DE 'DRA'I 'DIR BSTAN BRTZE BA DE, 'DIR BSTAN SNYING RJE CHEN PO'I MTSAN NYID YIN PA'I PHYIR TE, RNAM BSHAD LAS, SNYING RJE DANG PO LA DE 'DRA'I KHYAD PAR GYIS KHYAD PAR DU BYAS PA MA YIN PAR SEMS CAN TZAM ZHIG DMIGS PAR GSUNGS PAS, ZHES GSUNGS PA'I PHYIR, SGRA DON YOD DE, MI RTAG PA DANG BDAG MED PA PHRA RAGS GANG GIS KYANG KHYAD PAR DU MA BYAS PA'I SEMS CAN TZAM LA DMIGS PA LA TSIG BRJOD BDE BA'I DBANG DU BYAS NAS KHYAD PAR GZHAN DANG TZAM SGRA BSDUS NAS SEMS CAN LA DMIGS PA ZHES

046b

BSHAD PA'I PHYIR, RNAM BSHAD LAS, DE LA DGONGS NAS SEMS CAN LA DMIGS PA'I SNYING RJE ZHES PA YANG THA SNYAD BDE BA'I PHYIR, NYE BAR BSDU PA'I MING NGO, ZHES GSUNGS PA'I PHYIR, SA MTSAMS LAM MA ZHUGS NAS SA BDUN PA'I BAR RO, ,DMIGS RNAM SO SOR BSHAD DE, RTZA BAR, 'GRO LA ZHES DANG, 'GREL PAR, 'JIG RTEN 'DI NI ZHES PA GNYIS KYIS DMIGS PA DANG, DANG POR NGA ZHES BDAG LA ZHEN GYUR CING, ,BDAG GI 'DI ZHES DNGOS LA CHAGS BSKYED PA, ,ZO CHUN 'PHYAN LTAR RANG DBANG MED PA, ZHES DANG, 'GREL PAR, BDAG GIR MNGON PAR ZHEN PA'I SNGA ROL, ZHES PA NAS, MA 'DAS PA ZHIG STE, ZHES DANG, DE'I SDUG BSNGAL GYIS SDUG BSNGAL BA NYID KYIS DE LA SHIN TU SNYING RJES DMIGS NAS BSKYAB PAR SPRO BA ZHES PA DAG GIS RNAM PA'I KHYAD PAR BSTAN PA'I PHYIR, RTZA BAR, SNYING RJER GYUR GANG ZHES BA'I SHUGS BSTAN SNYING RJE SKYED PA PO'I BYANG SEMS YANG YOD DE, RANG 'GREL LAS, GANG PHYIR BYANG CHUB SEMS DPA' DE'I SDUG BSNGAL GYIS, ZHES GSUNGS PA'I PHYIR, SNYING RJE SKYE BA'I RKYEN 'GRO BA SDUG BSNGAL GYIS MNAR TSUL ZO CHUN GYI 'KHRUL 'KHOR LTAR KHYAD PAR DRUG YOD DE, BCINGS BAR 'DRA BA THAG PAS BSDAMS PA LTAR SEMS CAN DE DAG KYANG LAS NYON GYIS BCINGS PA DANG, BYED POS 'DRA BA ZO CHUN 'KHOR MI 'KHOR GANG ZAG LA RAG LAS PA LTAR DE 'KHOR PAR 'KHYAMS MI 'KHYAMS RNAM SHES LA RAG LAS PA DANG, 'KHOR

047a

, ,TSUL GYIS 'DRA BA ZO CHUN DE KHRON PA'I RTZA TZE KUN DU 'KHOR BA LTAR DE DAG SRID RTZE NAS MNAR MED DU 'KHOR BA DANG, 'BAD RTZOL GYIS 'DRA BZO CHUN DE THUR LA 'GRO SLA GYEN LA 'BAD KYANG DKA' BA LTAR DE DAG NGAN SONG DU 'GRO BSLA LA, DE NAS BDE 'GROR SKYE BA 'BAD KYANG DKA' BA, GO RIM MA NGES PAS 'DRA BA ZO CHUN DE 'KHOR BA'I SNGA PHYI'I RIM PA MA NGES PA LTAR 'GRO BA YAN LAG BCU GNYIS KYI 'KHOR BA'I NYON MONGS LAS SDUG BSNGAL GYI LAM GSUM GYI GO RIM MA NGES PA DANG, MNAR BAS 'DRA BA ZO CHUN DE NYIN RE BZHIN RTZIGS PAS GCOG PA LTAR 'GRO BA SDUG BSNGAL GSUM GYIS MNAR BA DANG DRUG BO DE YIN PA'I PHYIR, RNAM BSHAD LAS, BYED PO GANG GIS 'KHOR DU BCUG NA SHIN TU MA ZHI ZHING MA DUL BA'I SEMS 'DI NYID GYIS SO, ZHES PA NAS, LAN CIG MA YIN PAR MNAR BA RNAMS SEMS PA'O, ZHES BYUNG, DE LTAR BSHAD PA GO BA SKYED CHED YIN TE, SNGAR YANG YANG GAL CHE BAR BSHAD PA'I SNYING RJE SKYE TSUL 'DI LTAR BSGOM PA LA RAG LAS PAR STON CHED YIN PA'I PHYIR TE, RNAM BSHAD LAS, SNGAR THEG CHEN LA 'JUG 'DOD PA'I ZHES SOGS BYUNG, DE BSGOM PAS SNYING RJE CHEN PO SKYE TSUL YOD DE, KHYAD PAR DRUG BO RANG STENG DU BSAMS NAS DANG, GZHAN STENG DU BSAMS NAS SNYING RJE SKYE BA YIN PA'I PHYIR TE, RNAM BSHAD LAS, 'DI YANG SNGON DU RANG NYID NAS, GZHAN LA BSGOM PAR BYA'O ZHES BYUNG, RGYU DE TZAM GYIS

047b

THEG CHEN SNYING RJE SKYE 'AM SNYAM NA MIN TE, DE LA GROGS YID 'ONG GI BLO YANG DGOS PA'I PHYIR, DER THAL, DPER NA, DGRA LA SDUG BSNGAL MTHONG NA DGA' BA SKYE, BAR MA LA MTHONG NA BTANG SNYOMS SKYE, MDZA' BSHES LA BYUNG NA MI BZOD LA DE YANG YID DU 'ONG BA CI TZAM DU CHE BA DE TZAM DU SNYING RJE SKYE BA BZHIN YIN PA'I PHYIR TE, RNAM BSHAD LAS, 'O NA SEMS CAN GZHAN LA NAS, GNOD CHEN PO'I, ZHES GSUNGS PA'I PHYIR, DES NA YID 'ONG GI RNAM PA DE YANG RIM GYIS SKYED DGOS TE, SEMS CAN THAMS CAD MAR SHES PA DANG, DRIN DRAN BA DANG, DRIN BZO GSUM GYIS YID DU 'ONG BA SHUGS BRTAN PO 'GRUB PA'I PHYIR, SLOB SPRINGS LAS, NYE DU 'KHOR BA'I RGYA MTSO'I KHONG DU CHUD GYUR PA, SOGS DANG, DPA' BOS, SHES RAB MIG NYAMS SOGS SO, ,'O NA SNYING RJE CHEN PO TZAM GYIS SNGAR BSHAD PA'I THEG CHEN GYI SEMS BSKYED SKYE 'AM ZHEN MIN TE, DE SKYES KYANG DA DUNG GZHAN DON KHUR DU 'KHYER PA'I LHAG BSAM LA BLO SBYONG DGOS PA SNGAR LTAR LAM RIM GNYIS LAS BSHAD PA DE'I PHYIR, GNYIS PA CHOS DANG DMIGS MED LA DMIGS PA'I SNYING RJE CHEN PO DE GNYIS 'CHAD PAR, 'GRO BA G-YO BA'I CHU YI NANG GI ZLA BA LTAR; ;G-YO DANG RANG BZHIN NYID KYIS STONG BAR MTHONG BA YI, ZHES DANG, DE SNGA 'GREL SGO NAS 'CHAD PAR, RANG 'GREL LAS, CHOS LA DMIGS PA DANG, ZHES SOGS BYUNG, DE GNYIS KYI DMIGS RNAM 'CHAD PAR, RANG

048a

, ,'GREL LAS, SNYING RJER GYUR GANG ZHES SOGS BYUNG, THEG CHEN GYI RIGS CAN DBANG RNON GYIS SEMS CAN MI RTAG PA DANG STONG BAR SNGON DU RTOGS NAS DE RJES BYANG CHUB TU SEMS BSKYED TSUL 'CHAD BAR, RANG 'GREL LAS, RANG BZHIN GYIS STONG BAR MTHONG BA NA DE DAG GI MI RTAG PA NYID KYI SDUG BSNGAL 'JOMS PA LTA BUR GYUR BA, DAM PA'I CHOS KYI BDUD RTZI'I RO PHUL DU BYUNG BA 'BYUNG BA'I RGYU NAS, SANGS RGYAS NYID YANG DAG PAR THOB PAR 'DOD PA YIN NO, ZHES BYUNG, 'DI LA SPYI DON DANG MTHA' DPYAD PA GNYIS, ZLA BA'I ZHABS KYIS SNYING RJE GNYIS LA PHYAG 'TSAL TSUL YOD DE, 'GRO BA CHU NANG GI ZLA BA G-YO BA LTA BU SKAD CIG GIS 'JIG BA'I KHYAD PAR DU BYAS PA'I SEMS CAN LA DMIGS PA'I CHOS DMIGS KYI SNYING RJE LA YANG PHYAG 'TSAL BA YIN LA, YANG CHU NANG GI ZLA BA ZLA BAR SNANG YANG DES STONG BA BZHIN DU SEMS CAN DON DAM PAR SEMS CAN DU SNANG YANG DES STONG BA'I KHYAD PAR DU BYAS PA'I 'GRO BA LA DMIGS PA'I DMIGS MED KYI SNYING RJE LA PHYAG 'TSAL BA'I PHYIR, DANG PO GRUB STE, 'GRO BA G-YO BA'I CHU YI ZLA BA LTAR, ,G-YO DANG SNYING RJER GYUR GANG DE LA 'DUD, CES BYUNG, GNYIS PA GRUB STE; 'GRO BA CHU YI NANG GI ZLA BA LTAR, ,RANG BZHIN NYID KYIS STONG BAR MTHONG BA YI, ,SNYING RJER GYUR GANG DE LA 'DUD, CES BYUNG, CHOS LA DMIGS PA'I SNYING RJE CHEN PO'I MTSAN NYID YOD DE, DMIGS PA MI RTAG PA DANG

048b

GANG ZAG GI BDAG MED RAGS PA GANG RUNG GIS KHYAD PAR DU BYAS BA'I SEMS CAN LA DMIGS NAS RNAM BA SDUG BSNGAL LAS SKYOB 'DOD KYI BRTZE BA CHEN PO DE YIN PA'I PHYIR, DER THAL, 'DI'I CHOS NI PHUNG SOGS DANG MI RTAG PA DANG RANG SKYA THUB PAS STONG PAS KHYAD PAR DU BYAS BA CIG DGOS PA'I PHYIR TE, RNAM BSHAD LAS, MI RTAG PA'I SEMS CAN ZHES BA NI MTSON PA TZAM STE, RANG SKYA THUB PA'I RDZAS YOD DU MED PA'I SEMS CAN DMIGS PAR BYED PA LTA BU LA YANG CHOS LA DMIGS PA ZHES BYA'O, ZHES GSUNGS PA'I PHYIR, SGRA DON YOD DE, GDAGS GZHI PHUNG SOGS KYI CHOS YIN LA, CHOS DE TZAM LA BTAGS PA'I SEMS CAN LA DMIGS PA LA LHAG MA PHYIS NAS CHOS LA DMIGS PA ZHES BSHAD PA'I PHYIR TE, RNAM BSHAD LAS, CHOS TZAM LA BTAGS PA'I SEMS CAN LA DMIGS PA LA CHOS LA DMIGS PA ZHES PA NI BAR GYI TSIG MI MNGON PAR BYAS PA'O, ZHES GSUNGS PA'I PHYIR, DMIGS MED LA DMIGS PA'I SNYING RJE CHEN PO'I MTSAN NYID YOD DE, DMIGS PA BDEN MED KYIS KHYAD PAR DU BYAS BA'I SEMS CAN THAMS CAD LA DMIGS NAS, RNAM PA SDUG BSNGAL LAS SKYOB 'DOD KYI BRTZE BA CHEN PO DE YIN PA'I PHYIR TE, DMIGS PA MED RGYU DE BDEN MED LA SNYEGS RIGS PA'I PHYIR TE, RNAM BSHAD LAS, DMIGS PA MED PA NI MTSAN 'DZIN GYIS BZUNG BA LTAR GYI ZHEN YUL MED PA BDEN MED DO, ZHES GSUNGS PA'I PHYIR, SGRA DON

049a

, ,YOD DE, BDEN GRUB KYI DMIGS PA MED PAS KHYAD PAR DU BYAS PA'I SEMS CAN LA DMIGS PA LA, TSIG GZHAN MI MNGON PAR BSDUS NAS DMIGS MED LA DMIGS PA ZHES THA SNYAD BYAS PA'I PHYIR TE, RNAM BSHAD LAS, BDEN MED GYIS KHYAD PAR DU BYAS PA'I SEMS CAN LA DMIGS PA LA DMIGS PA MED PA LA DMIGS PA ZHES SAM, DMIGS PA MED PA'I SNYING RJE ZHES BAR GYI TSIG MI MNGON PAR BYAS PA'O, ZHES GSUNGS PA'I PHYIR, 'DI GNYIS KYI KHYAD PAR YUL TZAM GYIS 'BYED MI THUB STE, SNYING RJE GSUM KAS 'GRO BA LA DMIGS PAR MTSUNGS PA'I PHYIR, RNAM PAS KYANG MI THUB STE, SNYING RJE GSUM KA SEMS CAN SDUG BSNGAL LAS SKYOB 'DOD CAN DU MTSUNGS PA'I PHYIR, 'ON KYANG KHYAD MED DU MI 'GYUR TE, DMIGS PA'I RNAM PA 'CHAR TSUL SGO NAS GSUM DU BZHAG PA'I PHYIR, DER THAL, SEMS CAN TZAM LAS MI RTAG PA SOGS KYI RNAM PA MA SHAR BA'I CHA NAS SNYING RJE DE DANG PO DANG, DMIGS PA DE BDAG MED RAGS PA DANG MI RTAG PA SOGS KYI RNAM PA SHAR BA'I CHA NAS SNYING RJE GNYIS PA DANG, DMIGS PA DE RANG BZHIN GYIS STONG PAR SHAR BA'I CHA NAS SNYING RJE DE GSUM BAR BZHAG PA'I PHYIR TE, RANG 'GREL LAS, DA NI DMIGS PA'I BYE BRAG LA 'JUG PA'I SGO NAS KYANG SNYING RJE'I RANG GI NGO BO'I KHYAD BAR MNGON PAR GSAL BAR BYAS TE, DE NYID LA PHYAG 'TSAL BA BRTZAM PAR

049b

'DOD PAS, ZHES GSUNGS PA'I PHYIR, KHYAB STE, DMIGS PA LA KHYAD PAR MED KYANG DMIGS PA'I BYE BRAG GAM KHYAD PAR LA BLO DE 'JUG TSUL GCIG DGOS PA DE, RANG 'GREL LAS DMIGS PA'I BYE BRAG LA 'JUG PA'I SGO NAS ZHES PA'I DON YIN PA'I PHYIR TE, BYE BRAG DANG KHYAD PAR SKAD DOD GCIG PA'I YANG PHYIR RO, ,SA MTSAMS YOD DE, CHOS LA DMIGS PA'I SNYING RJE MI RTAG PA RTOGS PA NAS DANG, DMIGS MED LA DMIGS PA'I DE NI BDEN MED RTOGS PA NAS, GNYIS KA SANGS RGYAS KYI SA'I BAR DU YOD PAS 'DI GNYIS MI 'GAL BAR YANG RUNG, GNYIS PA MTHA' DPYAD PA LA, KHA CIG NA RE, SEMS CAN THAMS CAD SDUG BSNGAL LAS SKYOB 'DOD LA BCOS MIN GYI MYONG BA THON PA'I BLO DE'I MTSAN NYID ZER NA, 'O NA, DE 'DRA'I GTZO SEMS CHOS CAN, DER THAL, DE'I PHYIR, KHYAB PA KHAS, RTAGS GRUB STE, DE YOD PA'I PHYIR TE, SNYING RJE DANG MTSUNGS LDAN GYI RNAM SHES YOD PA'I PHYIR, YANG KHA CIG, DE 'DRA'I SEMS BYUNG ZER NA, 'O NA, DE DANG MTSUNGS LDAN GYI TSOR 'DU SOGS SEMS BYUNG KUN 'GRO LNGA PO RE RE NAS CHOS CAN, DER THAL, DE'I PHYIR, RTAGS GRUB STE, DE YOD PA'I PHYIR, SNYING RJE DANG MTSUNGS LDAN GYI DE LNGA YOD PA'I PHYIR TE, SNYING RJE DANG MTSUNGS LDAN GYI RNAM SHES YOD PA'I PHYIR, KHYAB STE, KUN 'GRO LNGA 'KHOR DU MED PA'I RNAM SHES MI SRID PA'I PHYIR, 'DOD NA, DE CHOS CAN, MI 'TSE BA

050a

, ,YIN PAR THAL, 'DOD PA'I PHYIR, 'DOD NA, KHYOD KYI 'GAL ZLA MI MTHUN PHYOGS 'TSE BA LA BYED RIGS PAR THAL, 'DOD PA'I PHYIR, RTAGS KHAS, KHYAB STE, RIG PA YE SHES KYI 'GAL ZLA MI MTHUN PHYOGS MA RIG PAR 'JOG PA'I PHYIR DANG, RIG PA'I MI MTHUN PHYOGS PHYIR DANG, ZHES SOGS DANG, PHUNG PO LNGA LAS, RNAM PAR MI 'TSE BA GANG ZHE NA, RNAM PAR 'TSE BA'I GNYEN PO STE SNYING RJE'O, ,ZHES GSUNGS PA'I PHYIR DANG, DGE BA BCU GCIG DANG KUN 'GRO LNGA 'GAL PA'I PHYIR RO, ,YANG SNGON GYI BOD tIKA BYED KHA CIG NA RE, SNYING RJE GSUM GYI KHYAD PAR YOD DE, SNYING RJE DANG PO RTAG GCIG RANG DBANG CAN GYI SEMS CAN LA DMIGS PA DANG, SNYING RJE GNYIS PAS SEMS CAN SKAD CIG GIS 'JIG PAR DMIGS PA DANG, SNYING RJE GSUM PAS RANG BZHIN MED PAR DMIGS PA'I PHYIR ZER, JI SKAD DU RNAM BSHAD LAS, SNYING RJE DANG PO 'DIS RTAG GCIG RANG DBANG CAN GYI SEMS CAN LA DMIGS DGOS PAR 'DOD PA NI ZHES DANG, DE NYID LAS, BOD GYI tIKA BYED MANG POS ZHES SOGS BYUNG, DE LA SNYING RJE GNYIS PAS SKAD CIG MAR BZUNG BA DANG, SNYING RJE GSUM PAS RANG BZHIN MED PAR BZUNG BAR THAL, SNYING RJE GNYIS PAS SKAD CIG MAR DMIGS, SNYING RJE GSUM PAS RANG BZHIN MED PAR DMIGS PA'I PHYIR, RTAGS KHAS, KHYAB STE, TSAD MAS DMIGS PA DE DE'I BZUNG DON

050b

YIN PA'I PHYIR, DER THAL, BDEN 'DZIN GYIS DMIGS ZHES PA DANG DE'I DMIGS YUL LA KHYAD PAR YOD PA'I PHYIR, DER THAL, DES DMIGS PA'I GTAD SO GZHI MA GRUB PA'I PHYIR, DER THAL, BDEN 'DZIN GYIS DMIGS PA'I GTAD SO DANG, DE'I ZHEN SA DANG, DE'I ZHEN YUL DON GCIG PA'I PHYIR, 'DOD NA, SKAD CIG GIS 'JIG PA DANG RANG BZHIN MED PA SNYING RJE GNYIS KYI RNAM PAR THAL LO, ,'DOD MI NUS TE, RANG 'GREL LAS, MA LUS PA SKYOB PAR 'DOD PA ZHES GSUNGS PA LTAR, SNYING RJE DE GNYIS SDUG BSNGAL LAS SKYOB 'DOD KYI RNAM PA CAN DU KHAS LEN DGOS PA'I PHYIR, RTAGS KHAS, MA KHYAB NA, SNYING RJE DE GNYIS SEMS CAN SDUG BSNGAL LAS BSGRAL BAR BYA'O SNYAM PA DANG SKAD CIG GIS 'JIG PA'I RNAM CAN DANG RANG BZHIN MED PA'I RNAM CAN GNYIS KA YIN PAR THAL, MA KHYAB PA DE'I PHYIR, 'DOD MI NUS TE, RTOG PA GCIG LA 'DZIN STANGS 'GAL BA GNYIS MI 'ONG BA'I PHYIR, DER THAL, KHYOD KYIS DE SKAD SMRA BA DMIGS RNAM GNYIS KYI KHYAD PAR MA SHES PA'I RTAGS YIN PA'I PHYIR TE, RNAM BSHAD LAS, 'DI DAG GIS DMIGS RNAM LEGS PAR MA RTOGS PA'I BSHAD PA STE, SNYING RJE GNYIS NI SEMS CAN SDUG BSNGAL DANG BRAL 'DOD KYI RNAM PA CAN DU KHAS LEN DGOS LA, SKAD CIG MA DANG RANG BZHIN MED PA GNYIS RNAM PA'I YUL DU 'DOD NA SNYING RJE GCIG LA 'DZIN STANGS KYI RNAM PA GNYIS

051a

, ,SU 'GYUR RO, ZHES GSUNGS PA'I PHYIR, GZHAN YANG, SNYING RJE DANG PO RGYUD LDAN GYI GANG ZAG GI RGYUD KYI YID KYI BLO YIN NA RTAG PA'O SNYAM PA'I BLO YIN DGOS PAR THAL, SNYING RJE DANG PO LA RTAG PAS KHYAD PAR DU BYAS PA'I SEMS CAN LA DMIGS DGOS PA'I PHYIR, KHYAB PA KHAS, RTAGS KHAS, 'DOD NA, SGRA MI RTAG PAR MA RTOGS PA'I GANG ZAG DE'I RGYUD KYI YID BLO LA RTAG PA'O SNYAM PA'I BLO GCIG DGOS PAR THAL, 'DOD PA'I PHYIR, 'DOD NA, SGRA BDEN MED DU MA RTOGS PA'I GANG ZAG GI RGYUD KYI YID BLO LA SGRA BDEN GRUB PO SNYAM PA'I BLO GCIG DGOS PAR THAL, 'DOD PA'I PHYIR, 'DOD NA, SNYING RJE DANG PO RGYUD LDAN GYI GANG ZAG GI RGYUD KYI YID KYI BLO LA 'DZIN STANGS DE GNYIS YOD PAS KHYAB PAR THAL, GANG ZAG DE SGRA BDEN MED DANG MI RTAG PA GNYIS KA MA RTOGS PA'I GANG ZAG YIN PA'I PHYIR, 'DOD MI NUS TE, RANG GI MYONG BAS GRUB PA DANG 'GAL BA'I PHYIR, DER THAL, SGRA MI RTAG PAR MA RTOGS PA'I GANG ZAG GIS KYANG SGRA DMIGS RES KYIS RTAG PAR DMIGS MI DGOS PA'I PHYIR TE, DE'I RGYUD LA RTAG MI RTAG GANG GIS KYANG KHYAD PAR DU MA BYAS PAR SGRA TZAM 'DZIN PA'I BLO DU MA YOD PA'I PHYIR, DER THAL, STONG NYID RTOGS PA'I GANG ZAG YIN KYANG YUL DE DMIGS RES KYIS BDEN MED KYI KHYAD PAR DU BYED DGOS PA MA YIN PA'I PHYIR, DER THAL, DE'I LTA BA BRJED NAS BDEN GRUB

051b

TU 'DZIN PA'I BLO MNGON GYUR DU LAN DU MAR SKYES PA YOD PA'I PHYIR, RNAM BSHAD LAS, MI RIGS PAR SMRA BA STE, BDAG MED LTA BA MA RNYED PA'I NAS, BUM PA DMIGS PAR 'JOG RES GYIS RTAG PAS KHYAD PAR DU BYAS PA'I BUM PA DMIGS PAR MI 'JOG PA BZHIN NO, ZHES BYUNG, YANG KHA CIG NA RE, SNYING RJE GSUM DMIGS PA TZAM GYI SGO NAS 'BYED PAR THAL, DE GSUM RNAM BAS MI 'BYED PAR DMIGS BAS 'BYED PA'I PHYIR TE, RANG 'GREL LAS, CHOS LA DMIGS PA DANG DMIGS PA MED PA'I SNYING RJE YANG DMIGS PA'I SGO NAS GSAL BAR BYA BA'I PHYIR, ZHES DANG, RNAM BSHAD LAS, 'DIR 'GREL BAR SNYING RJE GSUM RNAM PAS MI 'BYED PAR DMIGS YUL GYIS 'BYED PAR GSUNGS PAS, ZHES GSUNGS PA'I PHYIR NA MA KHYAB STE, DE'I DON NI SNYING RJE GSUM GYI KHYAD PAR GTZO BOR DMIGS PA'I STENG NAS 'BYED KYANG RNAM PA'I STENG NAS MI 'BYED CES PA 'DON YIN GYI, DE GSUM KYI DMIGS PA LA RGYA CHE CHUNG MED PA'I PHYIR, DER THAL, SEMS CAN THAMS CAD LA DMIGS PA LA YANG 'DRA BAR 'GREL BAS BSHAD PA'I PHYIR, DER THAL, SNYING RJE DANG PO'I DMIGS PA'I SKABS 'GRO LA SNYING RJE ZHES DANG, PHYI MA GNYIS KYI SKABS SU YANG 'GRO BA G-YO BA ZHES GSUNGS PA'I PHYIR DANG, RNAM BSHAD LAS, SEMS CAN DMIGS PA YIN PA LA YANG 'DRA STE, ZHES GSUNGS PA'I PHYIR, 'DIS NI SNGAR SNYING RJE GSUM RNAM PAS 'BYED 'DOD PA YANG

052a

, ,KHEGS PA YIN NO, ,GZHAN YANG, SNYING RJE GSUM DMIGS YUL TZAM GYIS 'BYED PA MI 'THAD PAR THAL, DE GSUM KAS SEMS CAN THAMS CAD LA DMIGS PA YIN LA, MI RTAG PA DANG BDEN MED SOGS LA MI DMIGS BA'I PHYIR, RTAGS SNGAR RNAM BSHAD KYIS SEMS CAN LA DMIGS PAR MTSUNGS PAR BSHAD PA DANG GZHAN 'GOG SKABS KYI RIGS PAS GRUB PO, ,GZHAN YANG DE GSUM DMIGS PA TZAM GYIS 'BYED PA MI RUNG BAR THAL, DE GSUM DMIGS PA TZAM MTSUNGS KYANG DE GSUM GYI DMIGS PA'I KHYAD PAR GYI STENG NAS DE GSUM 'BYED DGOS PA'I PHYIR, DER THAL, DE GSUM GYI DMIGS YUL GYI KHYAD PAR GSUM SNYING RJE LA 'CHAR TSUL SGO NAS DE GSUM GYI KHYAD PAR BZHAG PA'I PHYIR, DER THAL, DMIGS YUL DE SNYING RJE DE LA KHYAD PAR GZHAN GNYIS MA SHAR BAR SEMS CAN SDUG BSNGAL BA'I KHYAD PAR TZAM SHAR BA'I SGO NAS SNYING RJE DANG PO BZHAG, DMIGS YUL DE SNYING RJE DE LA BDEN MED KYI KHYAD PAR MA SHAR BAR MI RTAG PA DANG RAGS PA'I BDAG MED GANG RUNG GI RNAM PA SHAR BA'I CHA NAS SNYING RJE GNYIS PA BZHAG, DMIGS YUL DE SNYING RJE DE LA BDEN MED KYI RNAM PA SHAR BA'I CHA NAS DMIGS MED KYI SNYING RJE BZHAG PA'I PHYIR, DANG PO GRUB STE, SNYING RJE DE LA DMIGS YUL GYI SEMS CAN SDUG BSNGAL BAR SNANG YANG DMIGS YUL DE MI

052b

RTAG PA DANG BDEN MED KYI RNAM PAR MI SNANG BA'I PHYIR, KHYAB STE, SEMS CAN TZAM ZHES PA'I SGRAS KHYAD PAR DE GNYIS GCOD PA'I PHYIR, RNAM BSHAD LAS, SNYING RJE DANG PO LA DE 'DRA BA'I KHYAD PAR GYIS KHYAD PAR DU BYAS PA MA YIN PAR SEMS CAN TZAM ZHIG DMIGS PAR GSUNGS PAS, ZHES GSUNGS PA'I PHYIR, GNYIS PA GRUB STE, SNYING RJE DE GNYIS RGYUD LDAN GYI GANG ZAG GI SNYING RJE DE'I SNGON DU MI RTAG PA SOGS NGES PA'I BLO'I SHUGS MA DOR BA'I STOBS KYIS SNYING RJE DE DANG MTSUNGS LDAN GYI SEMS KYI SNANG NGOR MI RTAG PA SOGS KYI RNAM PAR SNANG BA LAS SEMS CAN SKYOB 'DOD KYI RNAM PAR SKYES PA'I PHYIR TE, RNAM BSHAD LAS, DES NA CHOS LA DMIGS PAS NI SEMS CAN TZAM ZHIG LA DMIGS PA MIN GYI, NAS, SKAD CIG GIS MI RTAG PAS KHYAD PAR DU BYAS PA'I SEMS CAN DMIGS PA'O, ZHES GSUNGS PA'I PHYIR, TSUL 'DIS SNYING RJE DANG POS MI RTAG PAS KHYAD PAR DU BYAS PA'I SEMS CAN LA DMIGS ZER BA LEGS PAR KHEGS PA YIN NO, ,'O NA; BLO DE LA BDEN PAR SNANG NA, BDEN GRUB KYIS KHYAD PAR DU BYAS PAS KHYAB PAR THAL, BDEN MED LA DE'I PHYIR NA MI MTSUNGS TE, KHYAD PAR DU BYAS ZHES PA NI BLO SNGA MAS KHYAD PAR DU BYAS PA'AM, RTZIS ZIN PA YIN CING, DPER NA MYA NGAN GYIS ZIN PA'I ZAS ZANG MYA NGAN MIN KYANG MYA NGAN DU RE DRAN PA LTA BU YIN LA, BDEN SNANG NI BLOS MA ZIN KYANG BAG CHAGS GOMS

053a

, ,PAS KYANG 'CHAR BA DGRA BCOM RGYUD KYI MIG SHES LTA BU YIN PA'I PHYIR RO, ,GSUM PA GRUB STE, SPYIR SEMS CAN DE BDEN MED KYI KHYAD PAR LHAG PA'I MI CHOG PAR SNYING RJE DE LA SEMS CAN DE BDEN MED KYI RNAM PAR SHAR YANG BDEN MED SNYING RJE DE'I 'DZIN STANGS MA YIN PA'I KHYAD PAR TSANG DGOS PA'I PHYIR, RNAM BSHAD LAS, DMIGS MED LA DMIGS PA'I SNYING RJES KYANG SEMS CAN TZAM LA DMIGS PA MIN GYI, DMIGS PA KHYAD PAR BA RANG BZHIN GYIS GRUB PAS STONG PA'I SEMS CAN LA DMIGS SO, ZHES GSUNGS PA'I PHYIR, BYAS PA LA KHO NA RE, DE GSUM GYI DMIGS YUL YIN KHYAB MNYAM YIN PAR THAL, DE GSUM DMIGS PA TZAM GYIS MI 'BYED PA'I PHYIR NA MA KHYAB, 'DOD NA, BDEN MED KYIS KHYAD PAR DU BYAS PA'I SEMS CAN CHOS CAN, SNYING RJE DANG POS KHYOD LA DMIGS PAR THAL, KHYOD DE GSUM PO'I DMIGS PA YIN PA'I PHYIR, RTAGS SLA, KHYAB PA KHAS, 'DOD MI NUS TE, DE LA DES MA DMIGS PAR RNAM BSHAD LAS BSHAD PA'I PHYIR, GZHAN YANG KHYAD PAR GNYIS KYIS KHYAD PAR DU MA BYAS PA'I SEMS CAN CHOS CAN, SNYING RJE PHYI MA GNYIS GYI DMIGS PAR THAL, DANG PO'I DMIGS PA YIN PA'I PHYIR, KHYAB PA KHAS, 'DOD MI NUS TE, DES RIGS PA GZHAN SPRO TSUL YANG SHES DGOS PA'I PHYIR, YANG SNGON GYI RJE'I BU CHEN 'GA' ZHIG GI SLOB

053b

MA KHA CIG NA RE, KHYAD PAR GNYIS KYIS KHYAD PAR DU MA BYAS PA'I SEMS CAN TZAM SNYING RJE DANG PO'I DMIGS PA DANG, MI RTAG PA DANG BDEN STONG GIS KHYAD PAR DU BYAS PA'I SEMS CAN SNYING RJE PHYI MA GNYIS KYI DMIGS PA ZHES KHYAD 'BYED PA MI 'THAD PAR THAL, KHYAD PAR GNYIS KYIS KHYAD PAR DU MA BYAS PA'I SEMS CAN MED PA'I PHYIR, SEMS CAN YIN NA KHYAD PAR GNYIS KYIS KHYAD PAR DU BYAS PA'I SEMS CAN YIN DGOS PA'I PHYIR, MDO SDE PAS PHYI DON GYI KHYAD PAR DU BYAS PA'I GZUGS GZHAL BYA, DE'I RNAM PA SHAR NAS DE LA MI SLU BA'I RIG PA TSAD MA, SHES PA'I BDAG NYID DU GYUR PA'I GZUGS DNGOS SU RTOGS PA'I TSAD MA 'BRAS BUR BYAS PA'I TSAD 'BRAS KYI RNAM BZHAG DANG, DE BZHIN DU SEMS TZAM PA SOGS KYIS DU MA SMRA BAR BYED CING, DES NA RNAM BSHAD LAS, MI RTAG PAS KHYAD PAR DU BYAS PA'I SEMS CAN LA DMIGS BA ZHES DRUG SGRA BYAS PA MI LEGS LA MI RTAG PAS KHYAD PAR DU BYAS NAS SEMS CAN LA DMIGS ZHES ZER DGOS TE, SNYING RJE GSUM DNGOS RGYU'I SGO NAS 'BYED PA'I PHYIR, ZHES SOGS MANG DU SMRA, DE LA RNAM BSHAD KYI TSIG ZIN TZAM LA GTZO BOR BYED PA'I MKHAS PA DE'I RJES SU BYUNG BA LA LA NA RE, DE MI 'THAD PAR THAL, RNAM BSHAD LAS, DE GNYIS KYIS KHYAD PAR DU BYAS BA ZHES GSUNGS PA'I PHYIR, ZHES BKAG NAS, SNYING RJE PHYI MA GNYIS MI RTAG PAR RTOGS PA'I BLO DANG STONG NYID RTOGS

054a

, ,PA'I BLOS DNGOS SU ZIN DGOS PA RANG LUGS BYAS NAS, DAG SAR SNYING RJE DANG PO MED PAR BSHAD DO, ,YANG PHYIS KYI MKHAS PA GZHAN DAG GIS KYANG LUGS SNGA MA 'THAD PA 'DRA ZHIG BYAS NAS SNYING RJE THUN MONG MA YIN PAR 'DREN PA'I DNGOS RGYU'I SGO NAS 'BYED PAR MDZAD DO, ,LUGS DANG PO LA, CHOS DE BDEN MED YIN NA BYED PO SOGS LA MA LTOS PAR BDEN MED KYIS KHYAD PAR DU BYAS NAS YOD PAR THAL, GZHI GRUB NA, BDEN MED KYIS KHYAD PAR DU BYAS PAS KHYAB PA'I PHYIR, RTAGS KHAS, 'DOD NA, RTAG PA CHOS CAN, DE DAG GANG RUNG LA MA LTOS PAR BDEN MED KYIS KHYAD PAR DU BYAS PAR THAL, 'DOD PA DE'I PHYIR, KHYAB PA KHAS, 'DOD MI NUS TE, RGYU DANG GANG ZAG SGRA BLO BZHI PO GANG LA YANG MA LTOS PAR DE DE'I KHYAD PAR BYED TSUL MED PA'I PHYIR, GNYIS PA'I THE TSOM DE YANG BSAL LO, ,DER MA ZAD SPYIR DE BDEN MED KYI KHYAD PAR DANG LDAN PAS KHYAB KYANG, BLO DE'I DOR BDEN MED KYI KHYAD PAR DANG LDAN PA'I DE YOD MI DGOS PA'I PHYIR SOGS DU MA 'PHEN PAR BYA STE, 'O NA, BDEN GRUB KYIS KHYAD PAR DU BYAS PA'I SEMS CAN LA DMIGS NAS NGA'O SNYAM PA'I 'JIG LTA MED PAR THAL, BDEN GRUB KYIS KHYAD PAR DU BYAS PA'I SEMS CAN MED PA'I PHYIR, RTAGS SONG, DER THAL, BDEN GRUB YIN PA'I SEMS CAN MED PA'I PHYIR, KHYAB PA KHAS, 'KHOR GSUM LTA BU MANG NGO, ,GZHAN YANG SGRA RTZOD GZHIR BZUNG NA, BDEN MED

054b

KYIS KHYAD PAR DU BYAS PA'I SGRA RTZOD GZHIR BZUNG BAS KHYAB PAR THAL, BLO DES SGRA BZUNG NA, BLO DES BDEN MED KYIS KHYAD PAR DU BYAS PA'I SGRA BZUNG BAS KHYAB PA'I PHYIR, RTAGS SONG, 'DOD NA, SANGS RGYAS PAS GRANGS CAN LA SGRA MI RTAG PAR SGRUB PA LA MI RTAG PAS KHYAD PAR DU MA BYAS PA'I SGRA RTZOD GZHIR 'DZIN PA MA YIN PAR THAL, 'DOD PA'I PHYIR, 'DOD MI NUS TE, TSIGS GSAL DANG 'GAL BA'I PHYIR, GZHAN YANG, GRANGS CAN LA BDEN MED KYIS KHYAD PAR DU BYAS PA'I SGRA SNANG BAR THAL, DE LA SGRA SNANG BA'I PHYIR, KHYAB PA KHAS, RTAGS SLA, 'DOD NA, DE LA BDEN MED KHYAD CHOS BYAS PA'I SGRA SNANG BAR THAL, 'DOD PA'I PHYIR, 'DOD NA, DE LA BDEN GRUB KYIS KHYAD PAR DU BYAS PA'I SGRA MI SNANG BAR THAL LO, ,'DOD MI NUS TE, DE LA DBU MA PAS BDEN MED SGRUB TSE CHOS CAN MTHUN SNANG MED PA'I RGYU MTSAN YOD PA'I PHYIR TE, TSIG GSAL LAS, PHYIN CI LOG PA DANG PHYIN CI MA LOG PA DAG THA DAD PA NYID DU RNAM PAR BZHAG GO, ZHES GSUNGS PA'I PHYIR, DES NA 'DI NI RJE RGYAL BA GNYIS PA YAB SRAS DANG ZLA BA'I ZHABS SOGS KYI LUGS LAS PHYI ROL TU GYUR PA YIN TE, LAM RIM LAS, BDEN PAR GRUB MA GRUB GANG GIS KYANG KHYAD PAR DU MA BYAS PA'I NGA TZAM DU 'DZIN PA'I BLO THA SNYAD TSAD MAR BSHAD PA DANG, RNAM BSHAD 'DI LAS BUM SOGS DMIGS RES KYI BDEN MED DANG MI RTAG PAS KHYAD PAR DU BYED MI DGOS PAR LAN DU MAR GSUNGS

055a

, ,BA DANG, STONG THUN GYI GZHUNG DU MA DANG, RGYUD BLA DANG MNGON RTOGS RGYAN SOGS KYI DAR tIKA DU MA DANG RGYAB 'GAL YIN PA'I PHYIR DANG, RIGS PA'I GNOD BYED KYANG MI ZAD BRJOD? PA'I PHYIR, G-YANGS LTA BUR SPANG BAR GYIS SHIG, YANG LUGS GNYIS PA LA YANG, SA BRGYAD PA MNYAM BZHAG PA'I RGYUD KYI DMIGS MED LA DMIGS PA'I SNYING RJE CHEN PO CHOS CAN, STONG NYID KYI LTA BAS DNGOS SU ZIN PAR THAL, DMIGS MED LA DMIGS PA'I SNYING RJE YIN PA'I PHYIR, KHYAB PA KHAS, RTAGS GRUB STE, DE LKOG GYUR PA YOD PA'I PHYIR, DER THAL, DE YIN NA MNGON GYUR YIN MI DGOS PA'I PHYIR DANG, SEMS BSKYED LKOG GYUR PA YOD PA RNAM BSHAD LTAR KHYED RANG YANG 'DOD PA DE'I PHYIR, RTZA BAR 'DOD MI NUS TE, DE'I TSE GANG ZAG DE'I NGOR SNYING RJE SOGS GNYIS SNANG MTHA' DAG LOG PA'I PHYIR, RTAGS STONG NYID LA MNGON SUM DU MNYAM PAR BZHAG PA'I SLOB PA MNYAM BZHAG PA YIN PAS 'GRUB CING, KHYAB PA YANG YOD DE, DE'I RGYUD KYI BLO YIN NA DES DNGOS SU ZIN PAS MA KHYAB PA'I PHYIR, MA GRUB NA NYAN THOS MTHONG LAM MNYAM BZHAG PA'I RGYUD KYI NYON MONGS DANG DBANG SHES RNAMS STONG NYID KYI LTA BAS DNGOS SU ZIN PAR THAL BA DANG, SO SKYE BYANG SEMS TSOGS LAM PA'I RGYUD KYI NYON MONGS DANG DBANG SHES RNAMS KYANG SEMS BSKYED KYI RTZIS DNGOS SU ZIN PAR THAL BA SOGS YOD PA'I PHYIR RO, ,GZHAN YANG, LTA BA DES

055b

SNYING RJE DE DNGOS SU ZIN NA LTA BA DE SNYING RJE DE'I DNGOS RGYU YIN DGOS PAR THAL, KHYOD KYI DE DES DNGOS SU ZIN TSUL 'THAD PA'I PHYIR, 'DOD MI NUS TE, DE DE'I DNGOS RGYU MIN KYANG DE DES DNGOS SU ZIN PA DU MA 'ONG BA'I PHYIR TE, DPER NA DAG PA SA GSUM GYI BYANG 'PHAGS RNAMS STONG NYID LA MNYAM PAR BZHAG NAS RJES THOB TU LANGS PA NA, YUN SHIN TU RING BAR YANG MNYAM BZHAG DE'I RTZI MA YAL BAR GANG SNANG YANG STONG PA SGYU MA LTA BUR 'CHAR DUS KYI SNYING RJE RNAMS MNYAM BZHAG GI LTA BA DES BYED PAS DNGOS SU ZIN PA YIN PA'I PHYIR, DER THAL, DE DUS MNYAM BZHAG GI LTA BA DE 'GAG KYANG DE'I BYA BAS SNYING RJE DE DNGOS SU ZIN PA MI 'GAL BA'I PHYIR DANG, DE'I SNYING RJE SKAD CIG PHYI MA RNAMS DE'I DNGOS 'BRAS MA YIN PA'I PHYIR, YANG KHO NA RE, SO SKYE GZHIR BZHAG ZER NA'ANG MI 'THAD PAR THAL, STONG NYID RTOGS PA'I LHAG MTHONG LA MNYAM BZHAG BRTAN PA THOB PA DAG KYANG RJES THOB TU RE ZHIG GI BAR DU LTA BA'I RTZI MI YAL BAR 'JUG PA'I PHYIR, BYAS PA LA KHO NA RE, NGED KYI DAM BCA' 'THAD PAR THAL, DMIGS MED LA DMIGS PA'I SNYING RJER 'GYUR PA LA RANG GI SNGON DE MA THAG RANG RGYUD LDAN GYI GANG ZAG DE'I STONG NYID RTOGS PA'I BLO MNGON GYUR DU SKYED PA GCIG DGOS PA'I PHYIR, DER THAL, KHYAD CHOS GNYIS KYIS KHYAD PAR DU BYAS PA'I SEMS CAN LA DMIGS PA'I SNYING RJE YIN NA, RANG GI SNGON DE MA THAG GANG ZAG DES MI RTAG PA DANG BDEN PAR

056a

, ,MED PAR RTOGS PA'I BLO MNGON GYUR BA GCIG BSKYED DGOS PA'I PHYIR TE, RNAM BSHAD LAS, DES NA KHYAD PAR GNYIS KYIS KHYAD PAR DU BYAS PA'I SEMS CAN SNYING RJE'I DMIGS PAR 'JOG PA LA, SNYING RJE GNYIS RGYUD LDAN GYI GANG ZAG GIS SEMS CAN SKAD CIG MA DANG RANG BZHIN MED PAR SNGON DU NGES ZIN PA LA BRTEN NAS KHYAD CHOS GNYIS KYI RNAM PA SHAR BA GCIG DGOS KYI, ZHES GSUNGS PA'I PHYIR NA MA KHYAB STE, KHYAD CHOS GNYIS KYIS KHYAD PAR DU BYAS PA'I SEMS CAN LA SNYING RJES DMIGS PA LA, SNYING RJE GNYIS RGYUD LDAN GYI GANG ZAG DES DE'I SNGON DU MI RTAG PA DANG STONG NYID KYI LTA BA RNYED DGOS PA DANG, KHYAD PAR DU SNYING RJE'I DUS NA YANG LTA BA'I NUS PAS KHYAD CHOS GNYIS KYI RNAM PA SHAR BA GCIG DGOS ZHES PA'I DON YIN GYI, DE YIN NA DE'I SNGON DE MA THAG TU DGOS PAR STON PA MA YIN PA'I PHYIR, SHIN TU SPRO SLA, YANG KHA CIG, MI RTAG PAS KHYAD PAR DU BYAS PA'I SEMS CAN LA DMIGS PA'I SNYING RJE SNYING RJE GNYIS PA DANG, BDEN MED KYIS KHYAD PAR DU BYAS PA'I SEMS CAN LA DMIGS PA'I SNYING RJE SNYING RJE GSUM PAR BYAS NAS SNYING RJE DE GNYIS 'GAL ZER, LA LAS DE LTAR BYAS NAS SLOB LAM NA DE GNYIS 'GAL ZER RO, ,LUGS DANG PO LA, SANGS 'PHAGS RGYUD KYI CHOS LA DMIGS PA'I DE CHOS CAN, DMIGS MED LA DMIGS PA'I DE MA YIN PAR THAL, CHOS LA DE'I PHYIR,

056b

'DOD MI NUS TE, KHYAD CHOS GNYIS KA'I RNAM PA SHAR BA'I SNYING RJE YIN PA'I PHYIR, RTAGS SLA, KHYAB PA RNAM BSHAD LAS KYANG GRUB, LUGS GNYIS PA LA, SA BCU PA PA'I RGYUD KYI SEMS CAN SNANG STONG SGYU MA LTA BU'I NGANG NAS SKYE 'JIG SGYU MA'I SENG GE DANG GLANG PO LTAR SNANG BA'I CHOS LA DMIGS PA'I SNYING RJE CHEN PO CHOS CAN, DMIGS MED KYI DE MA YIN PAR THAL, CHOS LA DMIGS PA'I DE YIN PA'I PHYIR, KHYAB PA KHAS, RTAGS GRUB STE, DE YOD PA'I PHYIR, DER THAL, DE 'DRA RGYUD LDAN GYIS BCU PA PA DE LA BDEN MED DANG, SEMS CAN SKYE 'JIG GNYIS KA MNGON SUM DU SNANG BA'I PHYIR, KHYAB STE, RNAM BSHAD LAS, SNYING RJE GNYIS RGYUD LDAN GYI GANG ZAG GIS NAS, KHYAD CHOS GNYIS KYI RNAM PA SHAR BA GCIG DGOS KYI, ZHES GSUNGS PA'I PHYIR, RTZA BAR 'DOD MI NUS TE, BDEN MED KYI RNAM PA SHAR BA'I SNYING RJE YIN PA'I PHYIR TE, CHOS CAN DE'I PHYIR, YANG KHO NA RE, SO SKYE GZHIR BZHAG ZER NA'ANG, BYANG SEMS SBYOR LAM BZOD PA PA'I RGYUD KYI SEMS CAN SNANG STONG SGYU MA LTA BU'I MI RTAG PAR SNANG BA'I SNYING RJE CHEN PO CHOS CAN, DMIGS MED KYI DE MA YIN PAR THAL, CHOS LA DMIGS PA'I DE YIN PA'I PHYIR, KHYAB PA KHAS, RTAGS GRUB CING, 'DOD MI NUS TE, SNYING RJE PHYI MA GNYIS KA YIN PA'I PHYIR, DER THAL, MI RTAG PA DANG BDEN MED GNYIS KA'I RNAM BA SHAR BA'I SNYING RJE YIN PA'I PHYIR, DE DER THAL, DE 'DRA CIG YOD PA'I PHYIR, DER

057a

, ,THAL; DE GNYIS KA'I RNAM PA DUS GCIG TU SHAR BA'I SBYOR LAM BZOD PA PA YOD PA'I PHYIR, DER THAL, DE 'DRA'I DROD RTZE BA YANG YOD PA'I PHYIR, MNGON RTOGS RGYAN LAS, RMI LAM NA YANG CHOS RNAMS KUN, RMI LAM LTA BUR LTA LA SOGS, ZHES DANG, DGONGS 'GREL KUN GYI YANG RTZE 'JAM DPAL ZHAL LUNG LAS, SGYU MA'I SPRUL PA'I SENG GE DE DON DU MED PAR SHES BZHIN DU SENG GE DES SGYU MA'I GLANG PO BSAD PA SOGS MNGON SUM DU MTHONG NAS NGES SHES 'DRONGS PA LTAR, ZHES SOGS DANG, RIN CHEN 'PHRENG BAR, JI LTAR SGYU MA'I GLANG PO LA, ,SKYE DANG 'JIG PA NYID SNANG YANG, ,DE LA DON GYI YANG DAG TU, ,SKYE DANG 'JIG PA NYID MED LTAR, ,DE BZHIN SGYU 'DRA'I 'JIG RTEN LA, SKYE DANG 'JIG PA NYID SNANG YANG, ,DAM PA'I DON DU SKYE BA DANG, ,'JIG PA NYID NI YOD MA YIN, ZHES GSUNGS PA'I PHYIR, 'DI GNYIS 'GAL BA'I LUNG RIGS CI YANG MED DO; ;RANG LUGS LA, SNYING RJE GSUM GYI MTSAN NYID, DMIGS RNAM DBYE BA, SA MTSAMS SPYI DON LTAR YIN, SNYING RJE GSUM GA DMIGS PA TZAM GYIS MI 'BYED KYANG DMIGS PA'I BYE BRAG STE KHYAD PAR GYIS KHYAD PAR DU BYAS TSUL GYI SGO NAS GSUM 'BYED DE, DE LTAR LUNG RIGS DU MA'I GRUB PA'I PHYIR, SNYING RJE DANG PO DANG PHYI MA DAG 'GAL TE, KHYAD PAR GNYIS KYIS KHYAD PAR DU MA BYAS PA DANG BYAS PA'I BLO 'GAL BA'I PHYIR,

057b

SNYING RJE PHYI MA GNYIS MI 'GAL TE, BLO DANG SNYING RJE LA DE GNYIS KA'I KHYAD PAR DU BYAS PA'I RNAM PA 'CHAR BA DU MA ZHIG YOD PA'I PHYIR, SKABS 'DIR RTZOM PAR DAM BCAS TSUL YOD DE, DNGOS SU SNYING RJE LA BSTOD NAS SHUGS LA RTZOM PAR DAM BCAS PA'I PHYIR, RNAM BSHAD LAS, SHUGS LA DAM BCA' BA YOD DO, ZHES SO, ,'JUG PA 'DI CHOS CAN, DGOS SOGS CHOS BZHI YOD DE, ZAB RGYAS GNYIS BRJOD BYA DANG, THAL 'GYUR PA'I THUN MONG MA YIN PA'I KHYAD PAR BRGYAD SOGS RTOGS PA THUN MONG MA YIN PA'I DGOS PA DANG, NYING DGOS LA TSOGS SBYOR MTHONG SGOM GYI LAM BZHI GNAS SKABS KYI DE DANG, 'BRAS BU RNAM MKHYEN THOB PA MTHAR THUG GI NYING DGOS DANG, PHYI MA RNAMS RIM PAS SNGA MA RNAMS LA BRTEN NAS BYUNG BA NI 'BREL PA YIN PA'I PHYIR, RNAM BSHAD LAS, BRJOD BYA NI ZAB PA DANG RGYA CHE BA GNYIS YIN LA, NAS, 'BREL BA'O, ZHES GSUNGS SO; ;DES NA 'DI NGES DON GYI BSTAN BCOS MA YIN TE, ZAB RGYAS KHYAD MED DU RGYAS PAR STON PA'I PHYIR DANG, DE GNYIS TSOGS KUN RDZOB BDEN PA YIN TE, SNANG STONG GNYIS TSOGS DE YIN PA BZHIN YIN PA'I PHYIR, RTZOD SPONG LA KHO NA RE, BDEN MED KYI RNAM PA SHAR BA'I SNYING RJE CHOS CAN, BDEN MED KYI RNAM PA CAN YIN PAR THAL, KHYOD BDEN MED KYI RNAM PA SHAR PA'I BLO YIN PA'I PHYIR NA MA KHYAB, 'O NA, BDEN GRUB KYIS KHYAD PAR DU BYAS PA'I

058a

, ,BUD MED MI RTAG PAR RTOGS PA'I RJES DPAG CHOS CAN, BUD MED BDEN GRUB KYI RNAM PA CAN YIN PAR THAL, KHYOD BUD MED BDEN GRUB KYI RNAM BA SHAR BA'I BLO YIN PA'I PHYIR, KHYAB PA 'GRIG, 'DOD MI NUS SHING, RTAGS GRUB STE, BUD MED BDEN GRUB KYI SNANG BA SHAR BA'I BLO YIN PA'I PHYIR, RTAGS GRUB STE, DE 'DRA'I BUD MED MI RTAG SDUG BSNGAL STONG BDAG MED MIG TZANG BA LNGAR RTOGS PA'I BLO YOD PA'I PHYIR; LHAG BSAM BRTAN PAS ZHUS BA LAS, DPER NA MI LA LA ZHIG GIS SGYU MA MKHAN GYI ROL MO BYUNG BA'I TSE SGYU MA MKHAN GYIS SPRUL PA'I BUD MED MTHONG NAS, ZHES PA NAS, 'DI NA DGE SLONG DANG DGE SLONG MA DANG, DGE BSNYEN DANG DGE BSNYEN MA KHA CIG MA SKYES SHING MA BYUNG BA'I CHOS RNAMS LA MI SDUG PAR YID LA BYED CING, MI RTAG PA DANG SDUG BSNGAL BA DANG STONG PA DANG BDAG MED PAR YID LA BYED PA GANG YIN PA DE DAG KYANG DE DANG 'DRA BAR BLTA BAR BYA'O, ZHES DANG, RNAM BSHAD LAS, SGYU MA'I BUD MED LA BUD MED DNGOS SU BZUNG NAS, DE LA MI RTAG PA SOGS SU YID LA BYED PA DANG, PHUNG POR BDEN PAR BZUNG NAS PHUNG PO MI RTAG PA LA SOGS PA LNGAR YID LA BYED PA GNYIS DPE DON DU SBYAR BA LA, ZHES SOGS GSUNGS PA'I PHYIR DANG, BUM 'DZIN RTOG PA BUM PA BDEN SNANG GI BLO YIN PA'I PHYIR DANG, BLO LA SHAR BA'I DON GTZO BOR 'DZIN STANGS LA 'JOG KYANG BLO LA

058b

'CHAR TSUL LA SNANG NGO DANG NGES NGO GNYIS YOD PA'I PHYIR DANG, KHYOD RGYUN MTHA' MA YIN PA'I SLOB PA'I RGYUD KYI KUN RDZOB PA'I RNAM PA SHAR BA'I BLO YIN PA'I PHYIR, RTAGS RNAM BSHAD KYIS GRUB BO, ,SMRAS BA, SNYING RJE'I RTZA BRTAN SEMS SKYED DPAG BSAM SHING, ,PHYIN DRUG YAL GA BSDU BZHI'I ME TOG RGYAS, ,MKHAS BTZUN DANG LDANG GRAGS SNYAN RGYAN PHRENG GA-YO, ,PHAN BDE'I GRIB BSIL RGYAS 'DI AE MA RMAD, ,THOG GSUM SNYING RJE'I DMIGS RNAM DBYE BA LA, ,'KHRUL BA'I RAB RIB RIGS LAM GSAR THUR GYIS, ,LEGS PAR BSAL ZIN LEGS BSHAD ME LONG 'DIR, ,RAB RGYAS THEG GSUM RI MO CHES BKRA LTOS, ,DPYAD GSUM DAG PA'I SNYING PO MI LDAN ZHING, ,THE TSOM ZER SGROS LO MA'I KHUR CHE BA'I, ,tIKA SPYI THAL PHRENG AE RA ntA DAG DANG, ,MTSUNGS MIN GSAR BSHAD TZAN DAN MCHOG 'DI ZUNGS, ZHES PA'ANG BAR SKABS KYI TSIGS SU BCAD PA'O,, GNYIS PA BSTAN BCOS KYI LUS LA, RGYU'I SA DANG, 'BRAS BU'I SA GNYIS, DANG PO LAS SO SO'I RNAM BZHAG DANG, SA BCU'I YON TAN BSTAN PA GNYIS, DANG PO LA RAB DGA' SOGS LNGA BSHAD PA DANG, SA DRUG PA MNGON DU GYUR PA BSHAD PA DANG, SA BDUN PA RING DU SONG BA SOGS BSHAD PA GSUM, DANG PO LA, SA DANG POR BA DGA', GNYIS PA DRI MA MED PA, GSUM PA 'OD BYED PA, BZHI PA 'OD 'PHRO BA, LNGA BA SBYANGS DKA' BA BSHAD

059a

, ,PA LNGA; DANG PO LA, SA'I NGO BO MDOR BSTAN PA, SA'I YON TAN RGYAS PAR BSHAD PA, MJUG BSDU BA GSUM, DANG PO NI, RTZA BAR, RGYAL BA'I SRAS PO 'DI YI SEMS GANG 'GRO BA RNAMS, ZHES SOGS TSIGS BCAD GCIG BYUNG, DE MTSAMS SBYOR SGO NAS 'CHAD PA LA, RANG 'GREL LAS, BYANG CHUB SEMS DPA' RNAMS KYI BYANG CHUB KYI SEMS KYI DBYE BA RNAM PA BCU BRJOD PAR 'DOD PAS JI LTAR BYANG CHUB KYI SEMS DANG PO'I DBANG DU BYAS NAS, ZHES BYUNG, SA'I SGRA DON DBYE BA SOGS KYI SGO NAS 'CHAD PAR, RANG 'GREL LAS, BYANG CHUB SEMS DPA' RNAMS KYIS ZAG PA MED PA'I ZHES PA NAS, DE NYID LAS RNAM PAR BSHAD DO,, ZHES BYUNG, 'DI LA'ANG SPYI DON DANG, MTHA' DPYAD PA GNYIS DANG PO LA, 'DI LTAR STON PA'I GZHUNG DANG, 'DIR SA'I KHYAD PAR BSHAD PA GNYIS, DANG PO NI, 'PHAGS PA YAB SRAS RJES 'BRANGS RNAMS KYI LAM GYI LUS STONG NYID RTOGS PA'I THABS SHES ZUNG 'BREL DANG SEMS BSKYED DANG ZHI LHAG PHYIN DRUG DANG SA BCU 'BRAS BU CHOS GZUGS 'PHRIN LAS DANG BCAS PA RNAMS PHAL CHER 'DRA STE, SLOB DPON 'PHAGS PAS RIN CHEN 'PHRENG BA, CHOS DBYINGS BSTOD PA, MDO KUN BTUS GSUM DU DE DAG BSHAD LA, BZHI BRGYA PA LAS KYANG PHYIN CI LOG SPONG BA SOGS BSHAD, BSLAB SPYOD GNYIS GYIS PHYIN DRUG GI LE'U SOGS BYAS PA GRAGS CHE, RANG RGYUD PA'I

059b

GZHUNG YANG DBU MA SNYING PO, DBU MA RGYAN, SGOM RIM GSUM RNAMS MTHUN PAR THABS SHES ZUNG 'BREL DANG SNYING RJE DANG SEMS BSKYED SPYOD PA PHYIN DRUG LA BSNGAGS PA'I PHYIR, DANG PO RIN CHEN PHRENG BAS LAM RIM TSANG BAR BSTAN TE, RIN CHEN PHRENG BAR, DE LA BYANG CHUB SEMS DPA' YI, ,YON TAN MDOR BSTAN BYA BA NI, ,SBYIN DANG TSUL KHRIMS BZOD BRTZON 'GRUS, ,NAS, BDUN PO 'DI DAG MA LUS PA,, CIG CAR PHA ROL PHYIN PA YIS, , YE SHES BSAM GYIS MI KHYAB YUL, ,'JIG RTEN MGON PO NYID THOB 'GYUR, ZHES SOGS GONG 'OG DU MAR GSUNGS PA'I PHYIR, CHOS DBYINGS BSTOD PA LAS KYANG LAM 'BRAS BU DANG BCAS PA TSANG BAR BSTAN TE, DE NYID LAS GANG ZHIG 'KHOR BA'I RGYUR GYUR PA, ,DE NYID SBYANGS PA BYAS PA LAS, ,DAG PA DE NI MYA NGAN 'DAS, ,CHOS KYI SKU YANG DE NYID DO, ZHES SOGS KYIS RIGS KYI KHYAD PAR BSTAN, YANG DE NYID LAS, SA BON GYUR PA KHAMS DE NYID; ;CHOS RNAMS KUN GYI RTEN DU 'DOD, ,RIM GYIS SBYANGS BAR GYUR PA LAS, ,SANGS RGYAS GO 'PHANG THOB PAR 'GYUR, ZHES GSUNGS PA'I KHAMS SBYONG BYED NI, DE NYID LAS, SANGS RGYAS CHOS DANG DGE 'DUN LA; ;RTAG TU MOS PA BRTAN PO YIS, ,SEMS DE YANG DAG BSKYED BYAS NAS, ,PHYIR MI LDOG PA YANG YANG 'BYUNG, ZHES SKYABS 'GRO DANG SEMS BSKYED DANG, YANG DE NYID LAS, DKA' SPYAD SNA TSOGS SBYIN PA

060a

, ,DANG, ,TSUL KHRIMS SEMS CAN DON SDUD DANG, ,NAS, STOBS LA NGES GNAS YE SHES DE, ,KHAMS RGYAS BYED PA'I CHOS BZHI PO, ZHES PAS PHAR PHYIN BCU DANG, DE NYID LAS, NAG PO'I GZHI NAS RNAM SPANGS TE, ZHES SOGS KYIS SA BCU DANG, SANGS RGYAS RNAMS KYI CHOS KYI NI, ZHES SOGS KYIS SA BCU PAR DBANG BSKUR DANG LONGS SKU ZHING KHAMS DANG BSAM GYIS MI KHYAB TSUL DANG BCAS PA BSHAD PA'I PHYIR TE, RNAM BSHAD LAS, CHOS DBYINGS BSTOD PA LAS KYANG ZHES SOGS GSUNGS PA'I PHYIR, MDO KUN BTUS LAS MDO LAS BSHAD PA MA GTOGS SLOB DPON GYI MTSAMS SBYAR TZAM LAS MED LA RNAM BSHAD LTAR BSHAD DE, BSTAN BCOS 'DIR DE GSUM DANG MTHUN PAR SKYE 'PHAGS GNYIS KA'I LAM BSHAD DO, ,RANG RGYUD PA RNAMS KYIS KYANG DE LTAR BSHAD DE, DBU MA SNYING PO LAS, BYANG CHUB SEMS NI MI GTONG DANG, ,THUB PA'I BRTUL ZHUGS YANG DAG BSTAN, ,DE NYID SHES PA TSOL BA NI, ,DON KUN BSGRUB PA'I SPYOD PA YIN, ZHES SOGS KYIS BYAMS SNYING RJES SEMS BSKYED MI GTONG BA DANG, THUB PA'I BRTUL ZHUGS NI; DE NYID BRTUL ZHUGS LE'U LAS, SNYING RJES BSKYED PA'I SBYIN PA DANG, ,SKYE BO'I TSOGS RNAMS THAMS CAD KYI, ,SDUG BSNGAL CHU BO KUN ZHI'I PHYIR, ,THAMS CAD MKHYEN NYID 'DOD PA BSKYED, ,TSUL KHRIMS DRI MED CHU

060b

KHRUS DANG, ,BZOD PA'I SER LA PHRENG DKAR DANG, ,BRTZON 'GRUS RAL PA'I KHUR BCANG DANG, BSAM GTAN LTA BUR LHUR LEN DE, ZHES SOGS KYIS PHYIN DRUG RGYAS PAR BSHAD, DE NYID TSOL BA'I LE'U LAS, MKHAS RNAMS SEMS NI MNYAM BZHAG PHYIR, ZHES SOGS KYIS ZHI LHAG SOGS SGOM RIM LTAR BSHAD CING, RGYAL SRAS MDZAD PA THAMS CAD SEMS BSKYED PA, SPYOD PA BRTUL ZHUGS, DE NYID TSOL BA GSUM DU BSDUS LA, DBU MA RGYAN LAS KYANG SNGAR DRANGS PA SEMS BSKYED TSUL GNYIS DANG RGYAL SRAS KYI BRTUL ZHUGS LA SPYOD PA SOGS BSHAD LA, SGOM RIM DANG PO LAS, THAMS CAD MKHYEN PA NYID MYUR DU THOB PAR 'DOD PAS, MDOR NA SNYING RJE DANG, BYANG CHUB KYI SEMS DANG; SGRUB PA DANG, GNAS 'DI GSUM LA 'BAD PAR BYA'O, ZHES GSUNGS PA'I BYANG CHUB KYI SEMS LA KUN RDZOB DANG DON DAM PA'I SEMS GNYIS DANG, YANG DE NYID LAS, BYANG CHUB SEMS DPA'I BSGRUB PA DE YANG PHA ROL TU PHYIN PA DANG, TSAD MED PA BZHI DANG, BSDU BA'I DNGOS PO LA SOGS PA'I BYE BRAG YIN PA'I PHYIR BLO GROS MI ZAD PAR BSTAN PA DANG, ZHES GSUNGS PA'I PHYIR, 'DI DAG MTHUN PAR GON STAG TSANG PAS THAL RANG GI SGOM TZAM YANG MI MTHUN PAR 'DOD PA DANG, BOD KHA CIG GIS SANGS RGYAS LA SEMS MED PAR 'DOD PA SOGS KHEGS PA'I DGOS PA YOD PAS SO, ,DON DAM PA'I SA DANG PO CHOS CAN, KHYOD NGO BO GROGS MING 'THOB TSOL

061a

, ,SGRA DON BZHI SA 'DIR BSHAD DE, NGO BO ZAG MED YE SHES, GROGS SNYING RJE SEMS BSKYED SOGS KYIS ZIN PA DANG, NGO BO ZIN BYED LHAN CIG PA DANG, YON TAN BRGYA PHRAG BCU GNYIS KYI NUS PA NA MA THOB PA'I TSE SA ZHES PA'I MING 'THOB CING, YON TAN GYI RTEN BYED PAS NAS ZHES BRJOD PA'I PHYIR, DANG PO GRUB STE, RANG 'GREL LAS, BYANG CHUB SEMS DPA' RNAMS KYI ZAG PA MED PA'I YE SHES ZHES BYUNG, GNYIS PA GRUB STE, RANG 'GREL LAS, SNYING RJE LA SOGS PAS YONGS SU ZIN PA, ZHES BYUNG, GSUM PA GRUB STE, RANG 'GREL LAS, NYID CHAR RNAM PAR PHYE BAS NA, SA ZHES BYA BA'I MING 'THOB STE, ZHES DANG, RNAM BSHAD LAS, BYANG SEMS 'PHAGS PA'I SAR 'JOG MI 'JOG GI KHYAD PAR NI SNYING RJE CHEN PO'I GZHAN DPANG DU GYUR MA GYUR DANG YON TAN BRGYA PHRAG BCU GNYIS SOGS KYI NUS PA YOD MED KYI DBANG GIS YIN NO, ZHES GSUNGS, NYID SGRAS DON DAM PA'I SA BCU MI RTOG YE SHES KHO NA LA DANG, CHAR PHYE BA ZHES PA'I DON YOD DE, ZAG MED YE SHES LA SNGA PHYI'I CHAR PHYE NAS SA BCU DANG, ZAG MED KYI YE SHES LA YON TAN GYI CHA SHAS BCU GNYIS KYIS KHYAD PAR DU PHYE BA ZHES PA'I DON, RNAM BSHAD LAS, CHAR PHYE BA NA, ZHES SOGS DANG, SA DANG PO TZAM LA SBYAR NAS KYANG CHOG PA'I PHYIR, BZHI PA GRUB STE, SA'I SKAD DOD BHU MI ZHES PA RTEN DANG

061b

GNAS LA'ANG 'JUG CING 'DIR YON TAN DPAG MED KYI RTEN NAM GNAS YIN PA'I PHYIR, RANG 'GREL LAS, YON TAN GYI RTEN DU GYUR PA'I PHYIR RO, ZHES DANG, BSHES SPRING LAS KHRIMS NI RGYU DANG MI RGYU'I SA BZHIN DU, ,YON TAN KUN GYI GZHI RTEN LEGS PAR GSUNGS, ZHES GSUNGS PA'I PHYIR DANG, RNAM BSHAD LAS, YON TAN GYI GNAS SAM RTEN BYED PAS SA DANG 'DRA BAS DE LTAR BSNYAD PA'O, ZHES GSUNGS SO, ,SA'I GRANGS RAB DGA' SOGS BCUR GNAS SKABS KYI DBANG GIS DBYER YOD DE, NYAN THOS KYI SDE SNOD NAS ZHUGS 'BRAS DBANG GIS SA STE GNAS SKABS BRGYAD BSHAD PA BZHIN DU THEG CHEN GYI SDE SNOD LAS RAB TU DGA' BA SOGS BCUR BSHAD PA'I PHYIR, RANG 'GREL LAS, JI LTAR NYAN THOS KYI THEG PA LA ZHUGS PA DANG 'BRAS BU LA GNAS PA'I DBYE BAS NYAN THOS KYI SA BRGYAD RNAM PAR 'JOG PA BZHIN DU THEG PA CHEN POR YANG BYANG CHUB SEMS DPA' RNAMS KYI BYANG CHUB SEMS DPA'I SA BCU'O, ZHES GSUNGS PA'I PHYIR, 'O NA, 'DI BYANG CHUB SEMS DPA' YIN TSAD KYI LAM GYI GNAS SKABS KUN SA BCU'I SKABS LA BSDUS SAM SNYAM NA MA YIN TE, NYAN THOS NGES PAR 'BYED PA ZHUGS PA'I GNAS SKABS MIN PA BZHIN DU 'DIR YANG SPYOR LAM MAN CHAD MA BSDUS PAR 'PHAGS PA'I GNAS SKABS KHO NA MDO SDE 'DIR SA BCUR BSHAD PA'I PHYIR TE, RANG 'GREL LAS, JI LTAR NYAN THOS NGES PAR 'BYED PA'I CHA DANG MTHUN PA'I GNAS SKABS SKYES PA NI 'BRAS BU DANG PO LA ZHUGS PA'I GNAS SKABS

062a

, ,YIN PAR MI 'DOD PA DE BZHIN DU 'BYUNG BAR 'GYUR BA'I BYANG CHUB SEMS DPA' YANG YIN TE, ZHES GSUNGS PA'I PHYIR, SA BCUR KHYAD PAR BZHIS 'JOG STE, SA DANG POR YON TAN BRGYA PHRAG BCU GNYIS, GNYIS PAR STONG PHRAG BCU GNYIS SOGS YON TAN GYI GRANGS GONG DU 'PHEL BA DANG, SA DANG POR MTHONG SPANG SPONG NUS LA GNYIS PAR SGOM SPANG CHEN PO'I CHEN PO SPONG NUS PA SOGS TSOGS GNYIS KYI NUS PA'I KHYAD PAR DANG, SA DANG POR SBYIN PA'I PHAR PHYIN, GNYIS PAR TSUL KHRIMS KYI PHAR PHYIN SOGS PHAR PHYIN LHAG PA'I KHYAD PAR, SA DANG POR 'DZAM BU GLING LA DBANG BA'I 'KHOR SGYUR SOGS RNAM SMIN GYI SKYE BA'I KHYAD PAR BZHIS 'BYED PA'I PHYIR, RANG 'GREL LAS, DE YANG GONG NAS GONG DU YON TAN GYI GRANGS DANG, MTHU PHUL DU BYUNG BA DANG, SBYIN PA LA SOGS PA'I PHA ROL TU PHYIN PA LHAG PA DANG, RNAM PAR SMIN PA 'PHEL BA'I BYE BRAG GIS SA RAB TU DGA' BA LA SOGS PA'I RNAM PAR DBYE BA BCUR BZHAG GI, ZHES GSUNGS PA'I PHYIR, KHYAD PAR DE BZHIS SA BCUR 'BYED KYANG YE SHES RANG GI NGO BO LA ZAG PA MED TSUL DANG RNAM PAS MI 'DRA PAR 'BYED MI NUS TE, MKHA' LA MKHA' LDING BCUS BGROD PA'I RJES DANG TSON SO SOS BYUG PA'I RJES SO SO MI 'DRA BA MED PAR THOG REG BKAG TZAM DU MTSUNGS KYANG, 'PHAGS PA RNAMS KYIS GZIGS PA JI BZHIN DU GZHAN LA BRJOD DU MED PA BZHIN YIN

062b

PA'I PHYIR, RANG 'GREL LAS, 'DI LA RANG GI NGO BO'I KHYAD PAR GYIS BYAS PA'I BYE BRAG NI YOD PA MA YIN NO, ZHES DANG, SA BCU PA'I MDO LAS, JI LTAR BAR SNANG BYA RJES MKHAS RNAMS KYIS, ,BRJOD PAR NUS MA YIN ZHING MI MTHONG BA, ,DE LTAR RGYAL BA'I SRAS KYIS KUN KYANG, ,BRJOD MI NUS NA NYAN PAR GA LA NUS, ZHES SO, ,CHOS NYID MTHONG BA LA KHYAD PAR MED KYANG DRI MAS RIM GYIS DAG PA'I TSE CHOS SKUR 'GRO RGYU'I 'GOG BDEN RANG STENG DU MTHONG TSUL LA KHYAD PAR YOD DE, SA DANG POR RANG STENG DU MTHONG SPANG GIS DAG PA'I 'GOG PA MTHONG YANG NYON SGRIB KYIS DAG PA'I DE MA MTHONG BA NAS, SA DGU PA'I TSE SHES SGRIB CHEN POS DAG PA'I 'GOG PA MTHONG YANG CHUNG DUS DAG PA'I 'GOG PA MA MTHONG LA, SANGS RGYAS KYI SAR SGRIB GNYIS MTHA' DAG DAG PA'I CHA RDZOGS PA'I 'GOG PA MTHONG BA DE YIN PA'I PHYIR TE, CHOS DBYINGS BSTOD PA LAS, JI LTAR TSES PA'I ZLA BA LA, ,SKAD CIG SKAD CIG 'PHEL BAR MTHONG, ,DE BZHIN SA LA ZHUGS RNAMS KYI, ,RIM GYI RIM GYIS 'PHEL BAR MTHONG, ,JI LTAR YAR BO'I BCO LNGA NA, ,ZLA BA'I DKYIL 'KHOR RDZOGS PAR GSAL, ,DE BZHIN SA YI MTHAR THUG NA, ,CHOS KYI SKU YANG RDZOGS PAR GSAL, ZHES GSUNGS PA'I PHYIR, DER MA ZAD 'GOG BDEN DE MTHONG BA DANG THOB PA LAS CHOS SKU THOB PA'I THA SNYAD BYAS PA YANG DBU SEMS 'DOD DE, THOS BSAM GYI DUS NA DE MED PA DANG, MOS SPYOD KYIS

063a

, ,NA SGOM BYUNG GI SNANG BA DANG BCAS PA DANG, SA THOB NAS DE 'THOB PAR 'GYUR ZHING, DAG SA LA DE RDZOGS PAR 'GYUR ZHES BSHAD PA'I PHYIR, MDO SDE RGYAN LAS, SKU MED PA DANG BCAS DANG SKU THOB DANG, ,YONGS SU RDZOGS DANG, ZHES DANG, DE'I 'GREL PAR DBYIG GNYEN GYIS, SKU MED PA NI THOS PA DANG BSAM PA LAS BYUNG BA STE CHOS KYI SKU DANG BRAL BA'I PHYIR RO, ,SKU DANG BCAS PAS NI MOS PAS SPYOD BA NA SGOM PA LAS BYUNG BA'O, ,SKU THOB PA NI SA BDUN DAG LA'O, ,SKU YONGS SU RDZOGS PA NI SA LHAG MA RNAMS LA'O, ZHES DANG, BYANG CHUB SEMS DPA'I SDE SNOD LAS, BCOM LDAN 'DAS KYIS BKA' STZAL PA, SH'A RI'I BU BYANG CHUB SEMS DPA'I CHOS KYI SKU NI, BRTAN PA, SRA BA, MI SHIG PA, RDO RJE'I SKU, 'CHI 'PHO BA MED PA, MI SKYE BA STE, DE NI SKU THA DAD PAS 'DUL BA SEMS CAN RNAMS 'DUL BA'I DBANG GIS THA DAD PAR GYUR KYANG MES MI 'TSIG, MTSON GYIS MI TSUGS TE, ZHES DANG, DE BZHIN DU GSANG BA BSAM GYIS MI KHYAB PA'I MDO LAS KYANG, BYANG CHUB SEMS DPA'I LUS NI, SRA BA BRTAN PA 'CHI 'PHO BA MED PA, NAS, MES MI 'TSIG ,MTSON GYIS MI TSUGS SHING, DNGOS RDO RJE LTAR SRA ZHING BRTAN TE MI SHIGS PA'O, ZHES DANG, ZHI BA'I BLO GROS CHOS KYI SKUS RAB TU PHYE BA'I PHYIR, 'DI YANG BYANG CHUB SEMS DPA'I LUS KYI GSANG BA'O, ,ZHI BA'I BLO GROS BYANG CHUB

063b

SEMS DPA' CHOS KYI SKU DANG LDAN PA RNAMS KYI LUS NI ZAS SKOM GYIS BSKYED PA MA YIN, ZHES PA NAS, DE CHOS KYI SKU DANG LDAN, CHOS KYI ZAS DANG LDAN, CHOS KYI STOBS DANG LDAN ZHING CHOS LA BRTEN NAS, ZHES GSUNGS PA'I PHYIR, GZHAN YANG BYANG CHUB SEMS DPA'I CHOS KYI SKU YOD PAR THAL, BYANG CHUB SEMS DPA'I RDO RJE'I LUS YOD CING DE CHOS SKU BTAGS PA PA DANG RDO RJE'I LUS MTSAN NYID PA YIN PA'I PHYIR, DER THAL, DES SA BRGYAD PA NAS RANG GI LUS BDEN MED DU RTAG TU RTOGS PAS KHYAD PAR DU BYAS PA DANG SMON LAM DBANG GIS RDO RJE'I LUS THOB PA GANG ZHIG, SANGS RGYAS KYI CHOS SKU RJES MTHUN PA DE DANG 'DRA BA'I 'BAD RTZOL RAGS PA ZHI BA'I SKU THOB PA'I PHYIR, DANG PO GRUB STE, DES 'BYUNG BZHI RAGS BA DANG BRAL BA'I CHOS SKU 'CHI 'PHO DANG BRAL BA THOB PA'I PHYIR, GSANG BA'I MDO DE NYID LAS, BYANG CHUB SEMS DPA' CHOS KYI SKU DANG LDAN PA LA SKYE BA DANG, 'CHI 'PHO DANG, 'BYUNG BA MED KYANG, ZHES DANG, DE NYID LAS, DE BZHIN NYID KYI YE SHES KYIS DE BZHIN GSHEGS PA'I SKU LA RTOG SO, ,DE BZHIN GSHEGS PA'I SKU MNYAM PA NYID KYIS BDAG GI LUS MNYAM PA NYID LA RTOGS SO, ,NAS, SHES NAS CHOS KYI SKU MNGON PAR SGRUB PO; ;DE CHOS KYI SKU MNGON PAR BSGRUB PAS CHOS KYI SKU NYID DU 'GYUR TE, PHUNG PO DANG, KHAMS DANG, SKYE MCHED KYI LUS NI MA YIN NO, ZHES GSUNGS PA'I PHYIR, SHIN TU GSAL LO, ,GNYIS PA GRUB STE, DPER NA 'TSO BYED

064a

, ,GZHON NUS SMAN SNA TSOGS LAS BUD MED KYI GZUGS BYAS PA DE MTHONG BA SOGS KYIS NAD MED PAR BYED KYANG GZUGS DE LA RNAM RTOG RAGS PA MED PA BZHIN YIN PA'I PHYIR TE, MDO DE NYID LAS, DE CHOS KYI SKUS RAB TU PHYE BAS NA MTHONG BAS KYANG SEMS CAN RNAMS KYI DON BYED DO, ,THOS PA DANG, REG PAS KYANG SEMS CAN RNAMS KYI DON BYED DO, ,ZHI BA'I BLO GROS, DPER NA, SMAN PA'I RGYAL PO 'TSO BYED KYIS, ZHES PA NAS; DE NI 'DI LTAR BYANG CHUB SEMS DPA' DE NYID SNGON GYI SMON LAM SHIN TU DAG PA'I PHYIR RO, ,ZHI BA'I BLO GROS CHOS KYI SKUS RAB TU PHYE BA'I PHYIR 'DI YANG BYANG CHUB SEMS DPA'I LUS KYI GSANG BA'O, ZHES GSUNGS PA'I PHYIR, 'DI YANG SANGS RGYAS BYANG SEMS KYI GSANG GSUM GNYIS LAS BYANG CHUB SEMS DPA'I GSANG GSUM BSHAD PA'I SKABS YIN PA'I PHYIR, LUNG RIGS LA BSNYON PA MED DO, ,DES NA KHA CIG, BYANG SEMS THAMS CAD CHOS SKU DANG MTSUNGS LDAN GYI SEMS BSKYED CAN ZER, KHA CIG DE'I CHOS SKU LA CHOS SKUS KHYAB PAR 'DOD PA GNYIS KA MI 'THAD PAR THAL, CHOS SKU DANG MTSUNGS LDAN ZHES PA'I CHOS SKUS BRGYAD PA NAS 'THOB PAS KHYAB PA'I PHYIR, DER THAL, DPER NA STON PA 'DI'I THEG CHEN THUN MONG BA LTAR NA GRANGS MED GSUM PA'I THOG MAR MAR ME MDZAD KYIS LUNG BSTAN PA DANG MNYAM DU BYANG SEMS KYI CHOS SKU DANG SA BRGYAD PA THOB PA

064b

SOGS YIN PAR MDO DU MAS BSHAD PA'I PHYIR, BYANG SEMS KYI SDE SNOD LAS, SH'A RI'I BU BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD KYI SANG LUNG BSTAN MA THAG TU NGAS CHOS KYI SKU THOB PAR GYUR TE, NGA CHOS KYI SKU DANG LDAN PAR GYUR NAS, ZHES SOGS KYIS DE RJES SU BRGYA BYIN MIG MDZES SU SKYES TSE KU RU'I GRONG DANG NYE BA RANG SROG CHAGS NGES PAR SKYES PAR BSHAD PA DANG, DE BZHIN DU, GSANG PA BSAM GYIS MI KHYAB PA'I MDO LAS, ZHI BA'I BLO GROS 'DI NI DE BZHIN GSHEGS PA MAR ME MDZAD TSUN CHAD, BYANG CHUB SEMS DPA'I LUS KYI GSANG BA DANG, LUS KYI LAS YONGS SU DAG PA'O; ZHES GSUNGS PA'I PHYIR, BYAS PA LA KHO NA RE, BYANG SEMS SA BRGYAD PA BA'I RGYUD KYI CHOS SKU CHOS SKU YIN PAR THAL, DE YOD PA'I PHYIR NA MA KHYAB, 'O NA, SGYU MA'I RTA RTA YIN PAR THAL, SGYU MA'I RTA YOD PA'I PHYIR; KHYAB PA KHAS, KHAS LEN STABS BDE YONGS GRAGS DANG MTHUN PAR 'DOD NA, DE'I RGYUD KYI CHOS SKU BTAGS PA BAR BYAS NA'ANG RUNG NGO, ,MDO BSTAN CHOS DU MA NAS 'DI'I SNGA MA LTAR BSHAD PA MANG YANG 'DIR MA BRIS SO, ,SA BCU LAS DANG POR BA DGA' LA MTSAN NYID YOD DE, RANG GI YON TAN GYI RTEN BYED PA'I SA DANG PO'I BYANG 'PHAGS KYI MNGON RTOGS DE DE YIN PA'I PHYIR, DBYE NA DMIGS TSUL SGO NAS KUN RDZOB DANG DON

065a

, ,DAM PA'I SA GNYIS YOD DE, MNYAM BZHAG ZAG MED KYI YE SHES DANG, RJES THOB ZAG BCAS KYI YE SHES GNYIS YOD PA'I PHYIR, SA MTSAMS KYIS DBYE NA RGYAL TSAB LTAR NA MTHONG SGOM BZHI YOD DE, MTHONG LAM MNYAM RJES GNYIS DANG, SGOM LAM MNYAM RJES GNYIS TE BZHI YOD PA'I PHYIR, RGYAL TSAB GSUNG LAS, SA DANG PO'I SGOM LAM YANG YOD DE, SA DANG PO'I YUN LA MYUR YANG BSKAL CHEN BYE BA 'BUM PHRAG DU MA DGOS PA'I PHYIR TE, BYANG SA LAS, GNAS PA RE RE YANG BSKAL BA CHEN PO BYE BA 'BUM PHRAG DU MA 'AM YANG NA DE BAS KYANG CHES MANG BAS 'THOB CING 'GRUB PAR 'GYUR RO, ZHES GSUNGS PA'I PHYIR, SNYAM DU DGONGS SNANG NGO, ,'DIR GNAS PA ZHES PA SA'I MED DO, ,DE LA RTZA BAR KHYAB PA YANG YOD DE, BDEN PA MNGON SUM DU GSAR DU MTHONG BAS MTHONG LAM MO ZHES BRJOD DGOS SHING, DE THOB NAS SKYE BA KHA SHAS LTA BU LA'ANG YUN RING MA SONG BAS GSAR MTHONG GI THA SNYAD 'JUG SRID PA DPER NA MI GSAR 'PHRAD LA ZHAG KHA SHAS SU GSAR BA'I THA SNYAD 'JUG PA BZHIN YIN KYANG, BDEN PA MTHONG NAS BSKAL CHEN GYI BAR DU GOMS PAR BYAS SHING GOMS 'DRIS CHER SONG BA LA GSAR MTHONG GI THA SNYAD MI 'JUG PA'I PHYIR, DER THAL, DE 'DRA'I GOMS PA BYAS KYANG DA DUNG SGOM LAM DU MA 'PHOS NA SGOM LAM MI SRID PAR 'GYUR BA'I PHYIR,

065b

RNAM BSHAD SNYING PO RGYAN LAS, SA DANG PO'I YUN ZHES SOGS GSUNGS SO, ,GSUNG 'DI LA DPYAD RGYU YOD KYANG RE ZHIG 'DI GZHIR BZHAG BYAS, BDEN PA MNGON SUM DU MTHONG BA'I RGYUN GOMS PAR BYED PA'I LAM GCIG SGOM LAM DU GRUB MTHA' BZHIN 'DOD LA 'DIR DE'I SKABS KYI BDEN PA MI SGOM PA'I LAM GZHAN RNAMS KYANG GNAS SKABS SGO NAS SGOM LAM DU 'JOG PAS NA SGOM LAM LA SGOM GYIS MA KHYAB LA, SA DANG PO'I SGOM SPANGS NYON MONGS CHEN PO'I CHEN PO RAGS PA'I DNGOS GNYEN BAR CHAD MED LAM DANG RNAM GROL LAM GNYIS YOD CING DE SGOM LAM GYI THOG MAR 'ONGS PA'I GSUNG RGYUN LTAR SHES PAR BYA, 'DIR KUN DU BZANG PO'I BSNGO BA SMOS PA'I RGYU MTSAN YOD DE, SA BCU PA LAS, SMON LAM CHEN PO BCU LA SOGS PA'I SMON LAM 'BUM PHRAG GRANGS MED BA BCU SA DANG PO BAS 'DEBS PAR GSUNGS PA DE RNAMS RGYAL SRAS KUN BZANG GI SMON LAM BZANG SPYOD DU 'DU BAR SHES CHED YIN PA'I PHYIR, DE'I SMON LAM KUN 'JAM DPAL DPA' BO SOGS KYI TSIGS BCAD GNYIS SU 'DU ZHING BLA NA MED PAR, BSLAB BTUS DANG RNAM BSHAD LAS GSUNGS PA LTAR YIN TE, TSIGS BCAD DANG POS 'JAM DBYANGS DANG KUN BZANG LTAR SLOB CING SPYOD PAR BSNGOS LA, GNYIS PAS DUS GSUM RGYAL BA KUN GYIS BSNGOS PA LTAR SMON PHYIR BLA NA MED PA YIN PA'I PHYIR, SPYIR RGYAL SRAS RNAMS KYIS SANGS RGYAS KYI MDZAD PA DANG

066a

, ,SEMS CAN THAMS CAD KYI SPYOD PA DANG BSTUN PA'I SMON LAM 'DEBS PAS MTHA' YAS KYANG BSDUS NA, BYANG SA LAS, DE LA BYANG CHUB SEMS DPA' RNAMS KYI BYANG CHUB SEMS DPA'I SMON LAM GANG ZHE NA, DE NI RNAM PA LNGAR BLTA BAR BYA STE, SEMS BSKYED PA'I SMON LAM DANG, SKYE BA'I SMON LAM DANG, SPYOD YUL GYI SMON LAM DANG, YANG DAG PA'I SMON LAM DANG, SMON LAM CHEN PO'O, ZHES GSUNGS PA LTAR LNGA YOD DE, 'DI'I SMON LAM CHEN PO NI YANG DAG PA'I SMON LAM DU 'JOG PA YIN PA'I PHYIR TE, BYANG SA LAS, PHYI MA LA MDO 'AM RGYAS PAR BYANG CHUB SEMS DPA' DGE BA THAMS CAD BSDU BA DANG, YON TAN THAMS CAD BSDU BA'I PHYIR SMON PA NI BYANG CHUB SEMS DPA'I YANG DAG PA'I SMON LAM ZHES BYA'O, ,BYANG CHUB SEMS DPA'I SMON LAM CHEN PO NI YANG DAG PA'I SMON LAM DE NYID LAS RIG PAR BYA'O, ,DE YANG RNAM PA BCU STE, ZHES GSUNGS PA'I PHYIR, SMON LAM CHEN PO BCU YOD DE, DANG PO RGYAL BA THAMS CAD LA MCHOD PA DANG RIM GRO'I DANG, GNYIS PA RGYAL BA THAMS CAD LAS DAM CHOS BZUNG BA'I DANG, GSUM PA SANGS RGYAS THAMS CAD KYI GAM DU 'GRO BA'I DANG, BZHI PA RGYAL SRAS KYI SPYOD DO COG THAMS CAD SGRUB PA'I DANG, LNGA PA SEMS CAN THAMS CAD SMIN PAR MDZAD PA'I DANG, DRUG PA 'JIG RTEN GYI KHAMS RGYAS PA PHRA RAGS SPYI'U TSUGS PA DANG

066b

YANGS PA SOGS YOD DO COG TU 'JUG PA'I DANG, BDUN PA SANGS RGYAS KYI ZHING THAMS CAD SPYOD PA'I DANG, BRGYAD PA SPYOD PA THAMS CAD DU THEG PA CHEN POR 'DZUD PA'I DANG, DGU PA SPYOD PA THAMS CAD DON YOD PA'I DANG, BCU PA MNGON PAR RDZOGS PAR BYANG CHUB PA THAMS CAD DU THEG PA CHEN PO MNGON PAR SGRUB BRGYUN MI 'CHAD PA'I SMON LAM CHEN PO RNAMS YIN PA'I PHYIR TE, SA BCU PA LAS, 'DI LTA STE SANGS RGYAS MA LUS PA LA MCHOD PA DANG, ZHES PA NAS, SMON LAM GYI SGO BCU PO 'DI DAG LA SOGS PA SMON LAM 'BUM PHRAG BRGYA STONG GRANGS MED PA PHRAG BCU TSANG BA DE DAG BYANG CHUB SEMS DPA' SA RAB TU DGA' BA LA GNAS PA'I BYANG CHUB SEMS DPAS MNGON PAR SGRUB PO, ZHES GSUNGS PA'I PHYIR, SMON LAM CHEN PO YIN TE, SEMS CAN DANG 'JIG RTEN DANG, NAM MKHA' DANG MYANG 'DAS DANG, SANGS RGYAS 'BYUNG BA DANG, SANGS RGYAS KYI YE SHES DANG, SEMS KYI DMIGS PA DANG, SANGS RGYAS YE SHES KYI YUL DANG, RGYUD DE DE RE RE LA YANG KHAMS MTHA' YAS ZHES SBYOR BAS KHAMS MTHA' YAS PA BCU LA DMIGS NAS BSGRUB PA'I PHYIR, SA BCU PA LAS, SMON LAM DE DAG KYANG MTHAR THUG PA'I GNAS BCU PA MNGON PAR BSGRUB STE, ZHES SO, ,SA DANG PO CHOS CAN, RAB DGA' ZHES BRJOD PA'I RGYU MTSAN YOD DE, SA BCU BA LAS, SANGS RGYAS CHOS SOGS DRAN PA'I RAB DGA' BCU SOGS DANG, BDAG

067a

, ,NGAN 'GRO LAS LOG GO ,BDAG SANGS RGYAS DANG NYE'O, ,BDAG SO SKYE LAS RING NGO, ,BDAG YE SHES DANG NYE'O, ,BDAG SEMS CAN THAMS CAD KYI STON PAR 'GYUR RO, ,SNYAM PA SOGS SLAR YANG MCHOG TU DGA' BA MANG BA DE'I PHYIR, MDO SDE DGONGS 'GREL LAS, SA DANG PO NI DON CHE BA, 'DRIS PA MA YIN PA 'JIG RTEN LAS 'DAS PA'I SEMS THOB PAS DGA' BA DANG MCHOG TU DGA' BA RGYA CHE BA'I PHYIR RAB TU DGA' BA ZHES BYA'O, ZHES DANG, RIN CHEN 'PHRENG BA LAS, DE DAG DANG PO RAB DGA' BA, ,BYANG CHUB SEMS DPA' DGA' BYED PHYIR, ZHES DANG, CHOS DBYINGS BSTOD PAR, SANGS RGYAS CHOS DANG DGE 'DUN LA, ,RTAG TU MOS PA BRTAN PO YIS, ZHES PA NAS, DE TSE DO NI DES RTOGS PAS, ,DGA' BZHES NI MNGON PAR BRJOD, CES SO, ,GNYIS PA MTHA' DPYAD PA LA DGAG BZHAG SPANGS GSUM, DANG PO LA 'GREL BSHAD MKHAN PO DANG BOD KHA CIG NA RE, 'DI'I ZAG BCAS DMIGS PA DANG MTSUNGS LDAN GANG RUNG GI SGO NAS ZAG BA RGYAS PAR 'GYUR RUNG, DE MIN PA ZAG MED YIN TE, MDZOD LAS, ZAG BCAS GANG PHYIR DE DAG LA, ,ZAG RNAMS KUN TU RGYAS PAR 'GYUR, ZHES DANG, MDZOD RANG 'GREL LAS, LAM GYI RANG BZHIN LA ZAG PA RGYAS PAR MI 'GYUR TE, ZHES SOGS GSUNGS PA'I PHYIR ZER TE 'GREL BSHAD LAS KYANG, ZAG PA DE RNAMS LA RGYAS PAR MI

067b

'GYUR TE, 'DI LTAR STONG PA NYID DANG SNYING RJES YONGS SU ZIN PA'I SHES PA DE LAM GYIS BSDUS PA YIN LA, LAM GYI RANG BZHIN SHES PA LA ZAG PA RGYAS PAR MI 'GYUR TE, BDAG TU LTA BA DANG BDAG LA SRED PAS RLAN PAR MA BYAS PA DE LA ZAG PA RGYAS PAR MI 'GYUR TE, RDO TSAN LA RKANG PA BZHIN NO, ZHES GSUNGS, 'O NA, MCHOG GI SPRUL SKU CHOS CAN, ZAG BCAS SU THAL, MTSAN NYID DE'I PHYIR TE, DE LA DMIGS NAS BDEN 'DZIN SKYE BA YOD PA'I PHYIR, DER THAL, DE BDEN GRUB TU 'DZIN PA'I SO SKYE YOD PA'I PHYIR, RTZA BAR 'DOD MI NUS TE, ZAG ZAD YIN PA'I PHYIR, DER THAL, ZAG PA KUN ZAD KYI GANG ZAG YIN PA'I PHYIR, DER THAL, GTZANG BA DE RTAG BDAG DAM PA BZHI'I MTHAR SON PA'I GANG ZAG YIN PA'I PHYIR, GZHAN YANG SKABS 'DI'I ZAG BCAS ZAG MED KYI DON THUN MONG MA YIN PA GCIG MED PAR THAL, MDZOD LTAR YIN PA DE'I PHYIR, RTAGS KHAS, 'DOD MI NUS TE, SKABS 'DI'I ZAG PA MA RIG PA DANG DE'I BAG CHAGS GANG RUNG LA 'DZIN CING, DE GNYIS GANG RUNG GIS BSLAD BA ZAG BCAS DANG MA BSLAD PA ZAG MED DU 'JOG PA'I PHYIR, TSIG GSAL LAS, MA RIG PA'I RAB RIB DANG BRAL BDAG GI YE SHES ZAG PA MED PA'I YUL GYI RANG BZHIN LA LTOS NAS NI MA YIN NO, ZHES GSUNGS PA'I PHYIR, DE SKAD DU, RNAM BSHAD LAS, MDZOD NAS BSHAD PA LTAR GYI ZAG PA RGYAS SU MI RUNG BA LA ZAG MED DU 'CHAD PA NI,

068a

, ,LUGS 'DI'I ZAG MED DU 'JOG PA'I DON THUN MONG MA YIN PA MA RTOGS PAR SNANG BAS, ZHES PA NAS, YIN TE, ZHES SO, ,YANG KHO NA RE, DAG SA'I MA RIG BAG CHAGS KYIS SA KUN NAS BSLANGS PA'I ZAG MED KYI LAS CHOS CAN, ZAG MED YIN PAR THAL, ZAG MED KYI LAS YIN PA'I PHYIR NA MA KHYAB, 'DOD MI NUS TE, ZAG BCAS YIN PA'I PHYIR, DER THAL, MA RIG PA'I BAG CHAGS KYIS BSLAD PA'I SHES PA YIN PA'I PHYIR, DER THAL, SLOB PA'I RJES THOB KYI SHES PA YIN PA'I PHYIR, RTAGS CHOS CAN GYIS GRUB, KHYAB STE, SANGS MA RGYAS TSUN CHAD DU 'PHAGS PA'I MNYAM BZHAG MI RTOG PA'I YE SHES DANG RGYUN MTHA'I RGYUD KYI SEMS BSKYED LTA BU MA YIN PA LA MA RIG PA'I BAG CHAGS KYIS MA BSLAD PA'I SHES PA MED PA'I PHYIR, DER THAL, DE TSUN CHAD MNYAM RJES RES 'JOG LAS DUS GCIG PA DANG NGO BO GCIG PA MI 'ONG LA, MNYAM LANG GI TSE BAG CHAGS KYIS BSLAD PA CAN DU SKYE BA YIN PA'I PHYIR, DER THAL, RANG RGYUD PA LTAR CHOS CAN MTHUN SNANG BA MED PA'I RGYU MTSAN YOD PA'I PHYIR, RNAM BSHAD LAS, DE YANG SANGS RGYAS MA THOB TSUN CHAD, NAS, BSLAD PA CAN DU SKYE'O, , ZHES GSUNGS PA'I PHYIR, BYAS PA LA KHO NA RE, 'DI'I ZAG PA LA MA RIG PA 'JOG KYANG DE'I BAG CHAGS 'JOG PA MI 'THAD PAR THAL, TSIGS GSAL LAS KYANG MA RIG PA'I RAB RIB DANG BRAL BA TZAM LAS BAG CHAGS MA

068b

GSUNGS LA, RANG 'GREL LAS, MA RIG PA'I RAB RIB KYIS GNOD PA BYAS PA, ZHES GSUNGS PA'I PHYIR NA MA KHYAB STE, ZAG PA LA GNYIS YOD PAS 'DI NI NYON MONGS CAN GYI MA RIG PA SLOD BYED GTZO BO YIN PA LA, DGONGS TZAM DANG MTSAN GZHI TZAM YIN PA'I PHYIR TE, GZHAN DU NYON MONGS CAN MA YIN PA'I MA RIG PA'I ZAG PA MED PAR THAL BA DANG, GTZANG BA DAM PA'I PHA ROL TU PHYIN PA'I DGRA BCOM GNYIS DANG BYANG 'PHAGS KYANG YOD PAR THAL, 'DI'I ZAG PA LA SHES SGRIB GCIG MED PA'I PHYIR SOGS BYA LA, RTZA BAR 'DOD NA, DGRA BCOM GNYIS DANG DAG SA'I BYANG 'PHAGS RGYUD KYI ZAG BCAS YE SHES MED PAR THAL, DE DAG GI RGYUD LA DE SLONG BYED KYI MA RIG PA MED PA'I PHYIR, RTAGS KHYAB SONG, RTAGS GRUB STE, SA BDUN PA BAR DU NYON MONGS CAN GYI DE YOD KYANG SA BRGYAD PA NAS SPANGS PAR BSHAD PA'I PHYIR, 'DOD NA, SKRA SHAD 'DZAG SNANG GI RAB RIB LTA BU'I ZAG PA DE SANGS RGYAS KHO NAS SPANGS LA GZHAN GYIS MA SPANGS PA'I KHYAD PAR MI 'THAD PAR THAL, 'DOD PA'I PHYIR, 'DOD MI NUS TE, RANG 'GREL LAS, PHUNG PO LA SOGS PA DE DAG NYID MA RIG PA'I BAG CHAGS DANG BRAL BA SANGS RGYAS BCOM LDAN 'DAS RNAMS KYIS RAB RIB CAN MA YIN PAS SKRA SHAD MTHONG BA'I TSUL DU, ZHES GSUNGS PA'I PHYIR, KHYAB STE, LUNG 'DIS MA RIG PA'I BAG CHAGS RAB RIB LTA BU DANG, DE SPANGS PA'I SANGS RGYAS

069a

, ,RAB RIB MED PA'I GANG ZAG LTA BUR BSHAD PA'I PHYIR, DES NA RNAM BSHAD LAS, SA BDUN PA'I BAR DU NI MA RIG PA'I SLOD PA YOD LA, SA BRGYAD PA NAS DANG DGRA BCOM PA GNYIS LA NI SLOD BYED KYI MA RIG PA ZAD NAS DES BSLAD PA MED KYI MA RIG PA'I BAG CHAGS KYIS BSLAD PA NI YOD DO, ZHES GSUNGS, YANG KHA CIG NA RE, ZAG PA'I SGO DRUG CI RIGS DANG 'BREL BA ZAG BCAS DANG, DE DANG BRAL BA ZAG MED YIN TE, KUN BTUS LAS; CI'I PHYIR ZAG PA DANG BCAS PAR RNAM PAR BZHAG CE NA, ZAG PA YOD PA NYID DANG, ZAG PAS BCING PA DANG, ZAG PA DANG 'BREL BA ZHES SOGS GSUNGS PA'I PHYIR ZER, 'O NA, DGRA BCOM GNYIS DANG DAG SA'I BYANG 'PHAGS KYI LUS NGAG GI GNAS NGAN LEN GYI DRI MA PHRA MO CHOS CAN, ZAG MED DU THAL, DE DRUG GANG RUNG DANG BRAL BA'I PHYIR, KHYAB PA KHAS RTAGS GRUB STE, NYON MONGS SPANGS PA'I GANG ZAG YIN PA'I PHYIR, KHYAB STE, KUN BTUS KYI ZAG PA LAS NYON KHO NAR BZHAG PA'I PHYIR, RTZA BAR 'DOD MI NUS TE, ZAG BCAS YIN PA'I PHYIR, NYON MONGS KYI BAG CHAGS YIN PA'I PHYIR, YANG KHA CIG, MA RIG PA DANG DE'I BAG CHAGS GANG RUNG GIS BSLAD PA'I SHES PA ZAG BCAS KYI MTSAN NYID ZER NA, SO SO SKYE BO DANG NYER LEN GYI GZUGS PHUNG RE RE NAS CHOS CAN, MTSAN NYID DER THAL, ZAG BCAS YIN PA'I PHYIR, KHYAB PA KHAS, RTAGS GRUB STE, ZAG BCAS KYI GANG ZAG DANG ZAG BCAS KYI PHUNG PO YIN PA'I

069b

PHYIR, 'DOD MI NUS TE, SHES PA MA YIN PA'I PHYIR, YANG KHA CIG GIS, TSOGS LAM NA ZHI GNAS KYIS STONG NYID LA DMIGS PA'I TSE GNYIS SNANG YOD LA, YE SHES DE STONG NYID LA ZUG PA LTAR GNYIS SNANG NUB PA LTAR SONG BA DANG SBYOR LAM DROD DU 'PHOS ZER NA, SO SKYE'I SBYOR LAM DROD KYI DUS SU GNYIS SNANG NUB PA LTA BUR SNANG BA'I YE SHES THOB PAR THAL, 'DOD PA'I PHYIR, 'DOD MI NUS TE, DROD RTZE GNYIS KYI SKABS SU GNYIS SNANG YOD PA RANG GIS MYONG BAS NGES NUS LA, BZOD PA NAS GNYIS SNANG NUB PA LTAR YOD PAS NGES MI NUS PA'I KHYAD PAR 'THAD PA'I PHYIR TE, RNAM BSHAD SNYING PO RGYAN LAS, DE LTA BU'I STONG NYID RTOGS PA'I ZHI LHAG ZUNG 'BREL THOG MAR SKYES PA NA SBYOR LAM DROD SKYES PA ZHES BYA LA, DE'I TSE MNYAM PAR BZHAG BZHIN PA'I DUS NYID NA YANG GNYIS SNANG YOD PA MYONG STOBS KYIS NGES NUS KYANG, SBYOR LAM BZOD PA SOGS KYI TSE DE LTAR NGES MI NUS PAS, NYAN THOS KYIS LAS GNYIS SNANG NUB PA LTAR SNANG GI GNYIS SNANG NUB PA NI MA YIN NO, ZHES GSUNGS PA'I PHYIR, DE 'PHAGS PA THOGS MED KYI YANG DGONGS PA YIN TE, STONG NYID LA GSAL SNANG CHUNG NGU DANG STONG NYID LA SKRAGS PA CHEN PO'I CHEN PO ZHI NAS MI SKRAG PA CHUNG NGU'I CHUNG NGU THOB TSE DROD DANG, DE BZHIN DU 'BRING THOG TSE RTZE MO DANG, DE BZHIN DU MI SKRAG PA CHUNG NGU'I CHEN PO THOB TSE SBYOR LAM BZOD PA THOB CING, DE'I TSE YUL YUL CAN GYI SNANG BA NUB PA LTAR YOD KYANG NUB PA

070a

, ,MA YIN PA'I PHYIR TE, NYAN SA LAS, DMIGS PAR BYA BA DANG DMIGS PAR BYED PA MNYAM ZHING MTSUNGS PA'I YE SHES BZOD PA CHUNG NGU DANG LDAN PA DE LTA BUR GYUR PA GANG YIN PA DE NI DRO PAR GYUR PA ZHES BYA'O, ,BZOD PA 'BRING GIS YANG DAG PAR BSDUS PA GANG YIN PA DE NI RTZE MO ZHES BYA'O, ,BZOD PA CHEN POS YANG DAG PAR BSDUS PA GANG YIN PA DE NI, BDEN PA DANG RJES SU MTHUN PA'I BZOD PA ZHES BYA'O, ,NAS, DE'I TSE DE'I SEMS 'GAG PA LTA BUR YANG SNANG MOD KYI DE 'GAG PA MA YIN NO, ,DMIGS PA MED PA LTA BUR YANG SNANG MOD KYI DE DMIGS PA MED PA YANG MA YIN NO, ,DE'I SEMS RAB TU ZHI ZHING MED PA LTA BUR YANG SNANG MOD KYI DE MED PA YANG MA YIN NO, ,ZHES GSUNGS PA'I PHYIR, SGOM RIM DANG YANG MTHUN LA, RGYAL TSAB RJES KYANG 'DI LA DGONGS SO, ,YANG KHA CIG NA RE, RANG 'GREL LAS, GNYIS SU MED PA'I YE SHES KYI MING CAN ZHES PA'I GNYIS MED DE YUL YUL CAN RGYANG CHAD KYI GNYIS MED LA MI BYED PAR MTHA' GNYIS SU MED PA LA BYED PAR THAL, MTHA' GNYIS DBU MA PAS GTZO BOR 'GOG PA'I PHYIR NA MA KHYAB, 'DOD NA, MTHA' GNYIS SPANGS PA'I YE SHES TSOGS SBYOR GNYIS KYANG SKABS 'DIR DNGOS SU BSTAN PAR THAL, 'DOD PA'I PHYIR, 'DOD MI NUS TE, YUL YUL CAN RGYANG CHAD KYI GNYIS SNANG MED PA CHU LA CHU BZHAG PA LTA BU LA BYED DGOS PA'I PHYIR TE, DON DAM

070b

SEMS BSKYED KYI SKABS YIN PA'I PHYIR, RNAM BSHAD LAS, YANG 'GREL BAR SA DANG PO LA GNYIS SU MED PA'I YE SHES KYI MING CAN, ZHES GSUNGS PA NI, YUL YUL CAN RGYANG CHAD DU GNYIS SU SNANG BA MED PA LA ZER GYI MTHAR GNYIS SPANGS PA TZAM GYI YE SHES LA MI BYA'O, ,ZHES GSUNGS, YANG TSIG GSAL DANG 'JUG PA'I BSHAD PA BYED MKHAN BOD KYI DMAR RTZEGS SOGS NA RE, SANGS RGYAS KYI SA NA DANG LHAG MED DU SEMS DANG RIG PA KUN LDOG STE, MA RIG PA DANG DE'I BAG CHAGS ZAD PA NA SEMS RIG KYANG LDOG PA'I PHYIR TE, MA RIG PA DANG DE'I BAG CHAGS RIG PA'I KHYAB BYED YIN PA'I PHYIR ZER, DE BZHIN DU KHA CIG GIS MNYAM BZHAG NA YANG YE SHES MED ZER, DE DAG LA 'O NA, MA RIG PA DANG DE'I BAG CHAGS GNYIS KA DANG BRAL BA'I RIG PA MED BAR THAL, DE GNYIS LOG NA RIG PA LDOG DGOS PA'I PHYIR, RTAGS KHAS, DER THAL, MNYAM BZHAG DANG LTAG MED SANGS RGYAS SA GSUM NA YE SHES MED PA'I RGYU MTSAN DE'I PHYIR, RTZA BAR 'DOD NA, SLOB DPON ZLA GRAGS KYIS RTZA 'JUG BZHI BRGYA PA RIGS PA DRUG CU PA'I 'GREL BA RNAMS SU MA RIG PA'I RAB RIB DANG BRAL BA'I SHES RAB DANG YE SHES LAN DU MAR GSUNGS PA MI 'THAD PAR THAL, 'DOD PA'I PHYIR, 'DOD MI NUS TE, DE LTAR SMRA BA GCER SPYOD GNYIS GYIS DRI MA ZAD NA SEMS KYANG ZAD BAR 'DOD PA'I CHAD SMRA'I SKUR 'DEBS CHEN PO YIN PA'I PHYIR DANG, KHYED RANG GIS KYANG ZLA BA'I LUGS 'DOD PA DE'I PHYIR TE,

071a

, ,BSHAD LAS, SLOB DPON 'DI'I GZHUNG DU MA RIG PA'I RAB RIB DANG BRAL BA'I SHES RAB DANG YE SHES ZHES DU MA ZHIG ,NAS, MNYAM BZHAG NA YE SHES MED ZER BA YANG DE DANG 'DRA'O, ZHES GSUNGS PA'I PHYIR; GZHAN YANG, RIN CHEN PHRENG BA LAS, DE PHYIR DE LTAR MTHONG BA GROL, ,GANG GIS MTHONG BAR 'GYUR ZHE NA, ,THA SNYAD DU NI SEMS LA BRJOD, CES GSUNGS PA MI 'THAD PAR THAL, DE BZHIN NYID MNGON SUM DU MTHONG BA DANG GROL BAR BYED PA'I SEMS ?SHIG THA SNYAD DU 'JOG MI RIGS PA'I PHYIR, RTAGS SONG, DER THAL, DRI MA LAS GROL BA'I SEMS MED PA'I PHYIR, RTAGS KHAS, GZHAN YANG, SEMS RANG BZHIN GYIS 'OD GSAL ZHING DRI MA BLO BUR BA MA YIN PAR THAL LO, ,DRI MA ZAD NA SEMS KYANG 'DZAD DGOS PA'I PHYIR, RTAGS KHAS, 'DOD MI NUS TE, SEMS DANG DRI MA THOG MA MED PA NAS LHAN CIG SKYES PA YIN KYANG DRI MA SEMS KYI RANG BZHIN LA MA ZHUGS PAR CHU DANG CHU'I RNYOG PA BZHIN 'BRAL RUNG YIN PAS, SEMS RANG BZHIN GYIS 'OD GSAL BA DANG DRI MA BLO BUR BA'I THA SNYAD MDZAD PA'I PHYIR, DER THAL, YE SHES KYI MES SEMS STENG GI DUG GSUM GYI DRI MA BSREGS NAS MED PAR BYED KYANG SEMS BSREGS NAS MED PAR MI BYED PA'I PHYIR TE, DPER NA RDO RGYUS KYI GOS DRI MA CAN MER BCUG PAS DRI MA 'TSIG KYANG GOS MI 'TSIG PA BZHIN YIN PA'I PHYIR, MGON

071b

PO KLU SGRUB KYI CHOS DBYINGS BSTOD PA LAS, ,JI LTAR ME YIS DAG PA'I GOS, ,SNA TSOGS DRI MAS DRI MA CAN, ,JI LTAR ME YI NANG BCUG NA, ,DRI MA 'TSIG 'GYUR GOS MIN LTAR, ,DE BZHIN 'OD GSAL BA YI SEMS, ,'DOD CHAGS LAS SKYES DRI MA CAN, ,YE SHES ME YIS DRI MA BSREGS, DE NYID 'OD GSAL MA YIN NO, ZHES GSUNGS PA'I PHYIR, YANG 'GREL BSHAD NA RE, 'DI'I KHYAD PAR GNYIS PA MTHU PHUL DU BYUNG BA ZHING BRGYA G-YO BA SOGS LA 'DOD DE; 'GREL BSHAD LAS, MTHU NI ZHING KHAMS BRGYA G-YO BAR BYED DO, ZHES BYA BA LA SOGS PA'O, ZHES GSUNGS, DE LA 'O NA, ZHING BRGYA G-YO BA DE YON TAN GYI GRANGS GONG 'PHEL GYI NANG DU BGRANG MA TSAR BAR THAL, DE KHYAD PAR GNYIS PA 'DIR 'DREN RIGS PA'I PHYIR, RTAGS KHAS, MA KHYAB NA LAN GNYIS BGRANG BAR 'GRO BA RTOGS SLA, 'DOD MI NUS TE, YON TAN BRGYA PHRAG BCU GNYIS GONG 'PHEL GYI GCIG YIN PA'I PHYIR, RANG 'GREL LAS, 'JIG RTEN GYI KHAMS BRGYA G-YO BAR BYED PA DANG ZHING BRGYAR YANG 'GRO BA DANG, ZHES GSUNGS PA'I PHYIR, GNYIS PA RANG LUGS NI, 'DI'I YE SHES ZAG MED YIN LUGS THUN MONG MA YIN PA GCIG DGOS TE, RANG RGYUD PA MAN CHAD KYI ZAG MED DU 'DOD TSUL DANG MI MTHUN PAR BSHAD ZIN PA DE'I PHYIR,, DPER NA MA RIG BAG CHAGS KYIS SA SKYED PA'I ZAG MED KYI LAS ZAG BCAS SU BSGRUB TSUL DE BZHIN NO, ,ZAG PA LA LAS KYI ZAG PA DANG, NYON MONGS

072a

, ,KYI GRAG PA DANG, DUG GSUM BAG CHAGS KYI ZAG PA GSUM YOD DE, GZUNGS RGYAL GYIS ZHUS PA LAS, DE BZHIN GSHEGS PA'I ZAG PA ZAD PA NI RNAM PA THAMS CAD KYI MCHOG DANG LDAN PA NAS DE CI'I PHYIR ZHE NA, DE BZHIN GSHEGS PA LA LAS KYI BAG CHAGS MED, NYON MONGS PA'I BAG CHAGS MED, SPYOD LAM 'KHRUL PA'I BAG CHAGS MED DO, ,'DI LTA STE, DPER NA NAM MKHA' RANG BZHIN GYIS YONGS SU DAG PAS RDUL DANG DU BA DANG LHAN CIG MI GNAS PA DE BZHIN DU DE BZHIN GSHEGS PA'I ZAG PA ZAD PA MKHYEN PA DE YANG LAS DANG NYON MONGS PA'I BAG CHAGS THAMS CAD DANG LHAN CIG MI GNAS SO, ZHES GSUNGS PA'I PHYIR, ZAG MED YE SHES LA NYAN RANG BYANG 'PHAGS SANGS RGYAS KYI ZAG MED YE SHES BZHI YOD DE, DE DAG GI 'KHRUL PA DANG PO GSUM GYI DMIGS RNAM KHYAB MNYAM YIN ZHING, THAMS CAD KYI YANG NGO BO LA DRI MAS CUNG ZAD KYANG BSLAD PA MA ZHUGS KYANG SPANGS MA SPANGS KYI KHYAD PAR YOD PA'I PHYIR, MDO DE NYID LAS, NYAN THOS THAMS CAD ZAD PA ZAD PA BAG CHAGS LEGS PAR MA BCOM PA'O, ,RANG SANGS RGYAS THAMS CAD KYI ZAG PA ZAD PA NI TSAD YOD PA SNYING RJE CHEN PO DANG BRAL BA SPOBS PA BRAL BA'O, ,DE BZHIN GSHEGS PA'I ZAG ZAD SOGS SNGAR LTAR GSUNGS PA'I PHYIR, JI SKAD DU RANG 'GREL LAS, DE NI ZAG PA MED PA'I LAM GYIS NYON MONGS PA SPANGS SU ZIN KYANG NYAN THOS DANG RANG SANGS

072b

RGYAS THAMS CAD KYIS SPANGS PAR MI NUS TE, ZHES PA NAS, DE NI ZAG PA ZAD PA MKHYEN PA'I STOBS SU RNAM PAR BZHAG STE, ZHES GSUNGS PA'I DGONGS PA'O, ,'DI'I RGYU MTSAN GYIS LHAG BCAS LHAG MED KYANG MI 'DRA STE, DRI MA DAG PA'AM ZAD LUGS MI 'DRA BA'I PHYIR RO, ,SPROS PAS CHOG GO ,'DI ZHIB BSHAD DGOS PAR SNANG YANG YI GES 'JIGS NAS MA BRIS SO, ,DES NA ZLA BA'I ZHABS KYIS BAG CHAGS ZAG PAR 'JOG PA MDO 'DI'I DGONGS PAR SNANG NGO, ,GSUM PA LA KHO NA RE, BYANG 'PHAGS DANG NYAN RANG 'PHAGS PA'I MNYAM BZHAG YE SHES LA MA RIG PA'I BAG CHAGS KYIS CUNG ZAD KYANG MA BSLAD PAR THAL, DE GSUM RNAM MKHYEN DANG BZHI KA'I NGO BO LA DRI MAS CUNG ZAD KYANG MA BSLAD PA MTSUNGS PA'I PHYIR, RTAGS KHAS, 'DOD NA, NYAN RANG BYANG 'PHAGS GSUM GYI MNYAM BZHAG YE SHES LA BYANG 'PHAGS KYI SAR 'JOG MI 'JOG GI KHYAD PAR MED PAR THAL, 'DOD PA'I PHYIR NA MA KHYAB STE, NGO BO ZAG PA MED TZAM DANG DMIGS RNAM GYIS KHYAD PAR MI 'BYED KYANG GROGS DANG MTHU NUS KYIS 'BYED DGOS PA'I PHYIR, DER THAL, GROGS SDUG BSNGAL KHUR 'KHYER GYI SNYING RJE DANG YON TAN BRGYA PHRAG SOGS KYI MTHU YOD MED KYI KHYAD PAR GYI SGO NAS 'JOG PA'I PHYIR, DER THAL, NYAN RANG LA DE 'DRA MED KYANG BYANG 'PHAGS KYI DE YOD PA'I PHYIR TE, RNAM BSHAD LAS, BYANG SEMS 'PHAGS PA'I MNYAM BZHAG YE SHES DANG, NAS, DBANG GIS YIN NO, ,NYAN RANG GI SA'I KHYAD PAR YANG GROGS MTHU'I SGO NAS DBYE'O,,

073a

, ,ZHES GSUNGS PA'I PHYIR, GZHAN YANG, DE DAG LA DE 'DRA BA'I ZAG MED TZAM LA KHYAD PAR MED KYANG DBYER YOD PAR THAL, THEG PA GSUM GYI TSOGS SBYOR SKABS SU ZAB DON LA BSKAL CHEN GRANGS ME KYI BAR DU RIGS PA'I RNAM GRANGS MTHA' YAS PA'I SGO NAS BLO RGYAS PA DANG MA RGYAS BA'I STONG NYID MNGON SUM DU RTOGS PA DANG MA RTOGS PA'I KHYAD PAR SHIN TU CHE BA'I PHYIR TE, THEG CHEN GYIS DE'I SKABS SU BSKAL CHEN GRANGS MED BAR DU DE LTAR ZAB DON LA BLO RGYAS PAR BYAS PA'I SGO NAS STONG NYID MNGON GUM DU RTOGS PA'I NUS MTHU'I YON TAN BRGYA PHRAG BCU GNYIS SOGS DANG TING 'DZIN MTHA' YAS PA THOB NUS LA, THEG DMAN GNYIS KYIS DE LTAR MA BYAS BAS STENG NYID MNGON SUM DU RTOGS KYANG NUS PA MED PA'I PHYIR, RNAM BSHAD LAS, GZHAN YANG SNGAR BSHAD PA LTAR TSEGS SBYOR GYI SKABS SU, NAS, KHYAD PAR YANG SHIN TU CHE'O, ZHES GSUNGS PA'I PHYIR, YANG KHO NA RE, THEG PA GSUM GYI MTHONG LAM THOB MA THAG NAS DRI MA THAMS CAD DANG BRAL BA'I YE SHES GCIG THOB PAR THAL, TSIG GSAL GYI LUNG DON GRUB PA'I PHYIR NA MA KHYAB, 'DOD NA, BAR CHAD MED PA'I RTZE SBYOR YANG THOB PAR THAL, 'DOD PA'I PHYIR, YANG KHO NA RE, DE'I TSE YE SHES DE DRI MA THAMS CAD DANG BRAL PAR THAL, DE'I TSE YE SHES DE LA DRI MA CUNG ZAD KYANG MED PA'I PHYIR NA MA KHYAB, RTAGS GRUB STE, DE'I TSE YE SHES DE LA DRI MAS

073b

CUNG ZAD KYANG MA GOS PA DANG MA BSLAD PA RE RE NAS YIN PA'I PHYIR, RTAGS SLA, RTZA BAR 'DOD NA, YE SHES DE GNYEN PO'I STOBS KYIS DRI MA DANG BRAL BAR THAL, DRI MA DE YE SHES DE LA MED PAR BYED PA GNYEN PO'I NUS PA YIN PA'I PHYIR; RTAGS SLA, 'DOD MI NUS TE, YE SHES DE DRI MA DANG BRAL DGOS YIN PA'I PHYIR, DER THAL, MTHONG LAM YIN BA'I PHYIR, YANG KHO NA RE, SA DANG PO YIN NA GZHUNG 'DI'I DNGOS BSTAN YIN DGOS PAR THAL, 'DIS SA DANG PO KHYAD PAR BZHI'I SGO NAS BSHAD PA'I PHYIR NA MA KHYAB CING, 'DOD MI NUS TE, 'DI'I DNGOS BSTAN DON DAM SEMS BSKYED DANG MNYAM BZHAG GI DBANG DU BYAS BA'I PHYIR TE, GZHUNG LHAG MAS SBYIN SOGS SKABS SU RJES THOB YE SHES BSHAD CING DE DAG KYANG SA DANG POR BZHAG DGOS PA'I PHYIR TE, SA DANG PO'I YONG SBYONGS KYI SKABS YIN PA'I PHYIR, RNAM BSHAD LAS, DES NAS SO SO'I, NAS, RJES THOB KYI YON TAN RNAMS KYANG SA DE DANG DER BSDU DGOS PAS MNYAM BZHAG KHO NA LA MI BYA'O, ZHES GSUNGS, YANG RNAM DPYOD YANGS PA CAN NA RE, RNAM BSHAD LTAR SA DANG PO'I SGOM LAM 'DOD PA MI 'THAD PAR THAL, SGOM LAM THOB PA DANG SA GNYIS PAR 'PHOS BA DUS MNYAM PA NI LUNG RIGS GNYIS KYIS SHES NUS PA'I PHYIR TE, BYANGS SA BCU PA LA BRTEN LA, SA BCU PAR SA DANG POR SANGS RGYAS MANG PO LA BSNYEN BKUR BSHAD KYANG BSKAL BA'AM DUS 'DI TZAM BYED MA BSHAD LA, SA GNYIS PA SOGS

074a

, ,DGU'I SKABS SU BSKAL PA 'BUM PHRAG SOGS SU SBYANG PAR GSUNGS PA'I PHYIR, SA GNYIS PAR MDO DE NYID LAS, BYANG CHUB SEMS DPA' SA DRI MA MED PA 'DI LA GNAS PA'I BYANG SEMS YANG BSKAL PA DU MA NAS BSKAL BA BYE BA KHRAG KHRIG BRGYA STONG DU MA'I BAR DU SER SNA DANG 'CHAL BA'I TSUL KHRIMS KYI DRI MA BSAL BAS, ZHES DANG, SA GSUM PAR DE NYID LAS, SA 'OD BYED PA 'DI LA GNAS PA'I BYANG SEMS YANG BSKAL PA BRGYA PHRAG DU MA NAS BSKAL BA BYE BA KHRAG KHRIG BRGYA STONG DU MA'I BAR DU LOG PA'I 'DOD CHAGS 'BRI BAR BYA BA MIN PA SPONG BAR 'GYUR RO, ZHES DUG GSUM LA DE LTAR GSUNGS PA'I LUNG GIS GRUB PA'I PHYIR, RIGS PAS KYANG 'GRUB PAR THAL, SA DANG POR RNAM BSHAD LTAR BSKAL CHEN DU MAR BYUNG NA SGOM LAM GCIG RUNG YANG DE LTAR MI 'GOR BA'I PHYIR TE, SA DANG PO NAS GNYIS PAR 'PHOS PA'I YON TAN LA KHYAD PAR BCU 'GYUR LAS MA BYUNG LA, SA GZHAN LA YON TAN GYI GRANGS GONG MA BRGYA 'GYUR DU SONG BA'I PHYIR TE, SA DANG POR YON TAN BRGYA DANG, GNYIS PAR STONG DANG, GSUM PAR 'BUM SOGS YIN PA'I PHYIR, SMRA STE DPYAD GZHI CHE BA KHO NAR SNANG; GNYIS PA KHYAD CHOS SA'I YON TAN LA GSUM, RANG RGYUD MDZES PA'I YON TAN DANG, GZHAN RGYUD ZIL GYIS GNON PA'I YON TAN DANG, LHAG MA'I YON TAN GZHAN BSTAN PA GSUM MO, ,DANG PO LA SO SOR PHYE STE

074b

BSTAN BA DANG, MDOR BSDUS TE BSTAN PA GNYIS, DANG PO LA DON LDAN GYI MTSAN THOB PA'I YON TAN DANG, RIGS SU SKYE BA SOGS BZHI'I YON TAN DANG, SA GONG MA GNON PA SOGS GSUM GYI YON TAN DANG GSUM LAS, DANG PO 'CHAD BAR, RTZA BAR, DE NAS BZUNG STE SOGS RKANG PA GNYIS BYUNG, GNYIS PA 'CHAD PAR, RTZA BAR, 'DI NI DE BZHIN GSHEGS PA RNAMS KYI SOGS SHO LO KA GCIG BYUNG, GSUM PA 'CHAD PAR, RTZA BAR, SA NAS SAR GNON SOGS SHO LO KA GCIG BYUNG, GNYIS PA MDOR BSDUS TE 'CHAD BA LA, RTZA BAR, 'DI NI 'PHAGS PA BRGYAD PA JI LTA DE LTAR NYE BAR BSTAN, ZHES BYUNG, 'DI'I MTHA' DPYAD PA LA GSUM LAS, DANG PO LA KHA CIG NA RE, TSOGS SBYOR BA GANG RUNG YIN NA, BYANG SEMS MA YIN PAS KHYAB STE, RTZA BAR, DE NAS BZUNG STE DE NI THOB PAR GYUR PA YI, ,BYANG CHUB SEMS DPA' ZHES BYA ZHES DANG, DKON MCHOG SPRIN LAS, SA DANG POR DE MA THAG TU THOB PAR GNAS PA 'DI NI BYANG CHUB SEMS DPA'I BYANG CHUB KYI SEMS MA BSKYED PA'I SA'O, ZHES GSUNGS BA'I PHYIR ZER, 'O NA, SA DANG PO MAN CHAD NA BYANG SEMS MED PA MDO DKON MCHOG SPRIN GYI DGONGS PAR THAL, KHYOD KYIS BSHAD TSUL 'THAD PA'I PHYIR, 'DOD NA, MDO DE NYID LAS, BYANG CHUB SEMS DPA' BYANG CHUB KYI SEMS MA BSKYED PA'I SA ZHES PA'I SA DE BYANG SEMS KYI SAR 'JOG MI RIGS PAR THAL, 'DOD PA'I PHYIR, 'DOD MI NUS TE, DE BYANG SEMS GYI SA YIN

075a

, ,PAR MDO RANG LAS KYANG BSHAD PA'I PHYIR, DER THAL, DER BYANG SEMS KYI SA BCU GCIG SANGS RGYAS KYI SA DANG BCU GNYIS BSHAD PA'I DANG PO YIN PA'I PHYIR TE, MDO DE NYID LAS, DE LA SA BCU GNYIS GANG ZHE NA; 'DI LTA STE, BYANG CHUB KYI SEMS MA BSKYED PA'I SA DANG, RAB TU DGA' BA DANG, DRI MA MED PA DANG, 'OD BYED PA DANG, NAS, CHOS KYI SPRIN DANG, SANGS RGYAS KYI SA KUN TU 'OD DE SA BCU GNYIS PO DE DAG GO ,DE LA SEMS MA BSKYED PA'I SA GANG ZHE NA, BYANG CHUB SEMS DPA' BYIS PA'I SPYOD PA DANG, ZHES PA NAS, DE MA THAG TU THOB PAR GNAS PA 'DI NI BYANG CHUB SEMS DPA' BYANG CHUB KYI SEMS MA BSKYED PA'I SA'O, ZHES GSUNGS PA'I PHYIR, KHYAB STE; BYANG CHUB SEMS DPA' BYANG CHUB KYI SEMS MA BSKYED PA'I SA ZHES PA'I BYANG CHUB SEMS DPA' ZHES PAS BYANG SEMS YIN PAR BSTAN, BYANG CHUB TU SEMS MA BSKYED PA ZHES PAS DON DAM BYANG CHUB TU SEMS MA BSKYED PA ZHES BSHAD PA YIN PA'I PHYIR TE, DON DE LTAR DPE'I SGO NAS 'CHAD PA LA LUNG DE'I 'PHRO NYID DU, MDO DE NYID LAS, RIGS KYI BU 'DI LTA STE DPER NA 'KHOR LOS SGYUR BA'I RGYAL PO NI MI'I KHA DOG LAS NI 'DAS LA LHA'I KHA DOG NI MA THOB PA YIN TE, DE BZHIN DU BYANG CHUB SEMS DPA' YANG 'JIG RTEN PA DANG NYAN THOS DANG RANG SANGS RGYAS KYIS THAMS CAD LAS 'DAS PA YIN TE, DON DAM PA'I BYANG CHUB SEMS DPA'I SA NI MA THOB PA YIN NO, ,ZHES

075b

GSUNGS PA'I PHYIR DANG, RNAM BSHAD LAS KYANG, 'GREL PAR NYAN THOS SBYOR LAM PA NAS, SNGAR BSHAD ZIN LA ZHES PA'I DGONGS PA'O, ,GZHAN YANG, BSLAB PA KUN BTUS LAS, SO SO SKYE BO LA YANG BYANG CHUB KYI SEMS SKYE STE, 'DI TSIG TZAM NI MA YIN NO, ZHES BYA BAR JI LTAR SHES SHE NA, MDO SDE DU MA MTHONG BA LAS TE, ZHES GSUNGS PA MI 'THAD PAR THAL, SO SKYE LA BYANG SEMS YOD PA MDO DU MA'I DGONGS PA MA YIN PA'I PHYIR, RTAGS SONG, GZHAN YANG, DRI MA MED PAR GRAGS PAS BSTAN BA LAS, 'JIG TSOGS LA LTA BA RI RAB DANG MNYAM PA BRAL NAS BYANG CHUB KYI SEMS SKYE ZHING, ZHES DANG, DKON MCHOG GI ZA MA TOG GI MDO LAS, SGO BA'I NANG GI KA LA PING KA'I PHRU GU DPER BYAS NAS MA RIG PA'I SGO BA'I SPUB NANG NA 'DUG PAS SANGS RGYAS KYI SGRA 'BYIN PAR BSHAD PA DANG, CHOS THAMS CAD 'BYUNG BA MED PA LAS, BYANG SEMS RGYAL PA'I BLO GROS STONG NYID LA MA DAD PAS SA'I MTHONG SA PHYE NAS DMYAL PAR LTUNG BAR BSHAD PA DANG, NGES MA NGES LA 'JUG PA PHYAG RGYA'I MDO LAS, PHYUGS KYI SHING RTA LTA BU'I BYANG SEMS PHYIR LDOG PAR BSHAD PA RNAMS KYIS BYANG SEMS SO SKYE'I BYED TSUL MA BSHAD PAR THAL, SO SKYE LA BYANG SEMS MED PA'I PHYIR RTAGS KHAS, 'DOD MI NUS TE, BYANG 'PHAGS LA DE LTAR MDZAD PA MI 'ONG PA'I PHYIR DANG, BSLAB BTUS LAS DKON MCHOG GI ZA MA TOG GI MDO LAS KYANG SO SO SKYE BO LA BYANG CHUB SEMS DPA' ZHES BYA BAR SHES TE, ZHES GSUNGS

076a

, ,PA'I PHYIR DANG, SGRUB PA NAN TAN DANG BRAL BA'I BYANG SEMS YOD PA'I PHYIR DANG, RTZA LTUNG BYUNG BA'I BYANG SEMS YOD PA'I PHYIR DANG, NAM SNYING GI MDO LAS RTZA LTUNG BCO BRGYAD BSHAD PA ZLA GRAGS KYANG BZHED PA'I PHYIR, JI SKAD DU RNAM BSHAD LAS, BSLAB BTUS LAS KYANG, NAS, LOG PAR 'CHAD PA'O, ZHES GSUNGS, YANG KHA CIG NA RE, BYANG SEMS SBYOR LAM PA DON DAM PA'I BYANG CHUB SEMS DPA' LA LTOS PA'I BYANG SEMS SU MI 'DOD PA'I DPER NYAN THOS SBYOR LAM PA 'BRAS BU DANG PO'I ZHUGS PAR MI 'DOD PA GZHIR BZHAG BYED PA MI 'THAD PAR THAL, MNGON PA KUN BTUS KYIS DE 'DRA'I ZHUGS PA BSHAD CING DE MDO GCIG GIS BSHAD TSUL YIN PA'I PHYIR NA MA KHYAB STE, ZHUGS PA DANG PO SBYOR LAM STAN GCIG NAS 'DZIN PA DANG MTHONG LAM BAR CHAD MED LAM NAS 'DZIN TSUL MDO DANG BSTAN BCOS KYIS BSHAD TSUL GNYIS YOD PA LAS 'DIR PHYI MA'I DBANG DU BYAS PA'I PHYIR TE, DE KLU SGRUB KYI MDO KUN BTUS DANG YANG MTHUN PA'I PHYIR, MDO KUN BTUS LAS, DAD PA'I STOBS BSKYED PA'I MDO LAS, DE BZHIN DU DGE SLONG DANG, DAD PA'I RJES SU 'BRANG BA DANG, CHOS KYI RJES SU 'BRANG BA DANG, BRGYAD PA DANG, RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA DANG, RANG SANGS RGYAS DAG STE, RIGS KYI BU 'AM RIGS KYI BU MO GANG LA LA ZHIG GIS, 'JIG RTEN GYI

076b

KHAMS THAMS CAD KYI RDUL PHRA RAB KYI RDUL SNYED KYI RANG SANGS RGYAS RNAMS LA BSKAL PA GANGGA'I KLUNG GI BYE MA SNYED DU NYIN GCIG BZHIN DU ZAS RO SNA BRGYA PA BYIN PA DANG LHA'I GOS BYIN PAS, NAS, DE BZHIN GSHEGS PA'I GZUGS RI MOR BRIS PA DANG 'JIM PA LAS BYAS PA MTHONG BA 'DI YANG BSOD NAMS CHES GRANGS MED PAR BSKYED NA, ZHES GSUNGS PA'I PHYIR, KHYAB STE, BRGYAD PA DANG, ZHES GSUNGS PA DGRA BCOM NAS BGRANG BA'I 'PHAGS PA BRGYAD PA LA 'GRIG GI GZHAN LA MI 'GRIG PA'I PHYIR TE, DE SKAD DU RNAM BSHAD LAS, NYAN THOS SBYOR LAM STAN GCIG NAS ZHES PA NAS, GSAL BA'I PHYIR RO, ,ZHES GSUNGS, GNYIS PA RANG LUGS LA, 'DI'I BYANG CHUB SEMS DPA' DE DON DAM PA'I BYANG CHUB SEMS DPA' LA DGONGS PA YIN TE, 'DI'I TSIG ZUR GYI BYANG CHUB LA DON DAM GCIG DGOS, SEMS DPA' DE RTOGS PA LA BYED PA'I PHYIR, RTAGS ZUR DANG PO GRUB STE, SHER PHYIN NYIS STONG LNGA BRGYA PA LAS, DE CI'I PHYIR ZHE NA, BYANG CHUB NI RNAM PAR MA BRTAGS PA'O, ,BYANG CHUB NI MA SGRUB PA'O, ,BYANG CHUB NI DMIGS PA MED PA'O, ZHES PA NAS, CHOS THAMS CAD MA DMIGS PA'I PHYIR BYANG CHUB CES BYA STE, DE LTA BU NI SANGS RGYAS KYI BYANG CHUB CES BYA YI, ZHES GSUNGS PA'I PHYIR, KHYAB STE, LUNG 'DI SKABS 'DIR SHES BYED DU DRANGS LA DE'I DON BYANG CHUB KHONG DU CHUD PA LA BYAS NAS 'DI KHONG DU CHUD PA DANG 'DIS KHONG DU CHUD PA GNYIS LA SBYAR DGOS PAR SNANG BA'I

077a

, ,PHYIR TE, MA DMIGS PA DANG MTSAN NYID MED PA LA BSHAD PA'I PHYIR, GNYIS PA GRUB STE, 'DI'I SEMS DPA' LA SO SKYE MA YIN PA'I THEG CHEN 'PHAGS PA GCIG DGOS PA'I PHYIR TE, RANG 'GREL LAS, SEMS DE THOB PA NI RNAM PA THAMS CAD DU SO SO SKYE BO'I SA LAS 'DAS PA'I GNAS SKABS SU BYANG CHUB SEMS DPA'I SGRA KHO NAS BRJOD PAR BYA BA YIN GYI RNAM PA GZHAN GYIS NI MA YIN TE, DE'I TSE 'PHAGS PA YIN PA'I PHYIR, ZHES DANG, MDO DE NYID LAS KYANG BYANG CHUB SEMS DPA' ZHES BYA BA NI, NAS, DE'I PHYIR BYANG CHUB SEMS DPA' ZHES BYA'O, ZHES SOGS DANG, RNAM BSHAD LAS KYANG, BYANG SEMS DE NI DON DAM PA'I SEMS DE THOB PAR GYUR PA YIS, ZHES PA NAS, BYANG SEMS KHYAD PAR BA'I MING GIS BSNYAD PAR SHES PAR BYA'O, ZHES GSUNGS PA'I PHYIR, GSUM PA LA KHO NA RE, 'DI'I BYANG CHUB DE LTAR 'DOD PA MI 'THAD PAR THAL, 'DI'I BYANG CHUB LA SPANGS RTOGS GNYIS BYAS NAS DE SEMS DPA' GCIG LA BSHAD DGOS PA'I PHYIR TE, SPYIR BYANG CHUB LA SPANGS RTOGS GNYIS YOD PA'I PHYIR NA MA KHYAB, GNYIS PA GZHAN RGYUD ZIL GYIS GNON PA'I YON TAN LA, SA 'DIR NYAN RANG RIGS KYI SGO NAS ZIL GYIS GNON PA DANG, SA BDUN PAR NYAN RANG BLO STOBS KYIS ZIL GYIS GNON PA DANG, DE'I GRUB DON 'PHROS DANG BCAS PA GSUM, DANG PO 'CHAD PAR, RTZA BAR, RDZOGS PA'I BYANG CHUB SEMS LTA DANG PO LA GNAS KYANG, ZHES SOGS RKANG PA GSUM DANG, RANG 'GREL LAS, BYANG CHUB SEMS

077b

DPA' 'DI ZHES SOGS NAS, LTA BU'O, ZHES BYUNG, MTHA' DPYAD PA LA GSUM LAS, DANG PO LA 'GREL BSHAD MKHAN PO NA RE, MDO 'DIS BYANG CHUB TU SEMS BSKYED NAS RING PO MA LON PA ZHES DANG, BYANG CHUB TU SEMS DANG PO BSKYED PA ZHES PA'I SKABS KYI SEMS BSKYED DE RAGS PA BRDA' LAS BYUNG BA'I SEMS BSKYED DANG, BYANG CHUB SEMS DPA' LAS DANG PO BZHES BDE TSOGS LAM PA LA BYED PAR 'DOD DE, 'GREL BSHAD LAS, BYANG CHUB TU SEMS BSKYED NAS RING PO MA LON PA ZHES BYA BA 'DIS NI BRDA' LAS BYUNG BA'I SEMS BSKYED PA BSTAN PA YIN NO, ,DE NYID KYI PHYIR BYANG CHUB SEMS DPA' LAS DANG PO PA ZHES SMOS SO, ZHES GSUNGS, DE MI 'THAD PAR THAL, 'DI'I SEMS BSKYED DON DAM SEMS BSKYED DANG, LAS DANG PO BA LA BA DON DAM SEMS BSKYED KYI BYA BA LA THOG MAR ZHUGS PA LA BYED PA'I PHYIR, DE 'DRA'I BYANG SEMS LAS DANG PO PA DE'I RANG RGYUD MDZES PA'I YON TAN, 'DI NI DE BZHIN GSHEGS PA RNAMS KYI RIGS SU'ANG SKYES PA STE, ZHES SOGS KYIS BSHAD NAS, DE 'DRA'I BYANG SEMS KYI RIGS KYI CHE BAS GZHAN ZIL GYIS GNON PA 'CHAD PA LA, RDZOGS PA'I BYANG CHUB SEMS LTA SOGS DANG MDO DE BYUNG BA'I PHYIR TE, DE'I GONG GI 'PHAGS BA BRGYAN PA DANG MTSUNGS PA'I BYANG SEMS DANG, 'DI'I BYANG SEMS GNYIS GCIG YIN PA'I PHYIR TE, RANG 'GREL LAS, MDOR NA JI LTAR 'PHAGS PA RGYUN DU ZHUGS PA LA NAS, SKYON ZAD PAR RGYUN DU ZHUGS PA'I DPE'I SGO NAS GSAL BAR BYAS

078a

, ,PA YIN NO, ,BYANG CHUB SEMS DPA' 'DI RDZOGS PA'I BYANG CHUB SEMS LTA DANG PO LA GNAS KYANG, NAS, ZHES BYA BA GANG YIN PA 'DI NI KHYAD PAR GZHAN YIN TE, JI SKAD DU 'PHAGS PA BYAMS PA'I RNAM THAR LAS, ZHES GSUNGS PA'I PHYIR, KHYAB STE, BYANG CHUB SEMS DPA' 'DI ZHES SNGA MA DE GZHIR BZHAG NAS DE'I YON TAN KHYAD PAR GZHAN YIN PAR BSHAD PA'I PHYIR, RNAM BSHAD LAS, 'GREL BSHAD LAS LUNG 'DI GNYIS KYI DON BRDA' LAS BYUNG BA'I SEMS BSKYED LA 'CHAD MOD KYANG, LAS DANG PO PA DANG, SEMS BSKYED NAS RING DU MA LON PA ZHES GSUNGS PA NI DON DAM SEMS BSKYED LA LTOS NAS YIN LA, ZHES GSUNGS PA'I PHYIR, GZHAN YANG BYAMS PA'I RNAM THAR LAS, DE BZHIN DU BYANG CHUB SEMS DPA' LAS DANG PO PA BYANG CHUB TU SEMS BSKYED NAS RING PO MA LON PA DE BZHIN GSHEGS PA CHOS KYI RGYAL PO'I RIGS SU SKYES PAS KYANG, ZHES PA'I RIGS SU SKYE BA DES DANG PO'I SKABS KYI DE BZHIN GSHEGS PA'I RIGS SU SKYES PA LA 'CHAD MI RIGS PAR THAL, 'DI TSOGS LAM SKABS LA BYED PA'I PHYIR, RTAGS KHAS, 'DOD MI NUS TE, 'DIR RGYAL PO'I BU DANG SNGAR RTZA BAR DE BZHIN GSHEGS PA'I RIGS SU SKYES ZHING YON TAN DANG SKYON ZAD PA'I DPER 'PHAGS PA BRGYAD PA GSUNGS PA GNYIS DPE SO SO PA MA GTOGS DON 'JAL RGYUS DANG PO PA GCIG PU YIN PA'I PHYIR TE, RTZA BA'I TSIG RKANG GSUM GYIS 'PHAGS PA BRGYAD PA DANG MTSUNGS PA'I

078b

SA DANG PO PA'I YON TAN BSHAD PAR SGRUB ZIN PA DE'I PHYIR, KHYAB STE, BYAMS PA'I RNAM THAR GYI MDO'I DON RTZA BA'I RKANG PA GSUM GYIS BSHAD PA'I PHYIR TE, GZHAN DU NA RTZA 'GREL MA 'BREL BAR 'GYUR BA'I PHYIR DANG, MDO 'DI NAS LHAG BSAM DAG PA'I SEMS BSKYED BSHAD PA PA DANG PO'I YON TAN MA YIN PAR THAL BA'I SKYON SOGS 'OD PA'I PHYIR TE, RNAM BSHAD LAS, SNGAR DE BZHIN GSHEGS PA'I RIGS SU SKYES PAS DANG PO NAS YIN PAR GSUNGS PA DANG, LUNG SNGA PHYI GNYIS KA NI DPE SO SO BA TZAM MA GTOGS DON GCIG YIN PA'I PHYIR, ZHES PA NAS, MANG PO LAS GSUNGS PA'I PHYIR, ZHES GSUNGS PA'I PHYIR, RNAM BSHAD KYIS DANG PO NAS YIN PAR GSUNG BA DANG LUNG SNGA PHYI GNYIS KA NI NGO BOS LO TZAM MA GTOGS ZHES PA'I DON LA KHA CIG NA RE, LUNG SNGA PHYI GNYIS BYAMS PA'I RNAM THAR DE LA BYED ZER BA MI 'THAD PAR THAL, SNGA MA DE SNGAR DE BZHIN GSHEGS PA'I RIGS SU GSUNGS PA DE LA BYED DGOS PA'I PHYIR, DON DE BZHIN GSHEGS PA'I RIGS SU SKYES PA SNGA PHYIR BSHAD PA LA DPE THA DAD BKOD PA'I LUNG GNYIS DGOS PAR SHIN TU GSAL BA'I PHYIR, YANG KHA CIG, DE BKAG NAS SNGA MA 'OG TU 'DREN RGYU'I SA BCU PA DANG, PHYI MA BYAMS PA'I RNAM THAR GYI NAM MKHA' LDING GI PHRU GU SOGS LA 'CHAD PA'ANG MI 'THAD PAR THAL, SA BCU PA LA RIGS SU SKYES PA YOD KYANG BYAMS PA'I RNAM THAR TSAN PA PHYI MA DE LA RIGS SU SKYES PA MED PA'I PHYIR DANG, SNGAR ZHES PA'I SGRA DON MI 'BYOR BA'I PHYIR RO, ,KHYAB

079a

, ,STE, SNGAR DE BZHIN GSHEGS PA'I RIGS SU SKYES BA SOGS RANG RGYUD MDZES PA'I YON TAN BSHAD NAS, DE MDOR BSDUS TE RGYUN ZHUGS ZHUGS PA LA RANG GI SPANGS RTOGS KYI 'BYUNG BA DPER BYAS NAS, DE BZHIN GSHEGS PA'I RIGS SU SKYES PA'I SA DANG PO BA LA RANG GI SA'I SKYON ZAD PA DANG YON TAN 'BYUNG BAR BSHAD PA LA BYED DGOS PA'I PHYIR TE, RNAM BSHAD LAS, BYANG SEMS 'DI YANG SA DANG PO THOB PA LAS SKYON ZAD PA DANG YON TAN 'GYUR BA BRGYAD PA JI LTA BA DE LTAR NYE BAR BSTAN TE, ZHES GSUNGS PA'I PHYIR, YANG KHA CIG NA RE, 'PHAGS PA BRGYAD BRGYUN ZHUGS ZHUGS PA LA BYED MI RIGS PAR THAL, DE 'BRAS GNAS LA BYED PA'I PHYIR, RANG 'GREL LAS, MDOR NA 'PHAGS PA RGYUN DU ZHUGS PA LA, ZHES GSUNGS PA'I PHYIR NA MA KHYAB STE, DE ZHUGS PA LA BYED PA'I PHYIR, RTZA BAR 'DOD MI NUS TE, DE YAS MAS GANG NAS BGRANG YANG BRGYAD PA MA YIN PA'I PHYIR, GNYIS PA RANG LUGS NI, 'DI'I LAS DANG PO BA DON DAM PA'I BYANG SEMS LAS DANG PO BA DANG, SEMS BSKYED MA THAG BA DON DAM PA'I SEMS BSKYED MA THAG LA BYED DE, SA GNYIS PA SOGS MA ZAD DON DAM PA'I BYANG CHUB TU SEMS BSKYED MA THAG BYANG 'PHAGS DES KYANG NYAN RANG SNYING RJE DANG KUN RDZOB BYANG CHUB SEMS KYI ZIL GYIS GNON NUS PA'I PHYIR TE, DPER NA 'KHOR SGYUR RGYAL PO'I BU SKYES MA THAG PA MTSAN DPE LDAN PA'I RIGS KYI TSE BAS BLON PO'I TSOGS BZHIN YIN PA'I PHYIR TE, BYAMS

079b

PA'I RNAM THAR LAS, RIGS KYI BU 'DI LTA STE, DPER NA RGYAL PO'I BU SKYES NAS RING PO MA LON PA RGYAL PO'I MTSAN DANG LDAN PA NI BLON PO'I TSOGS RGAN PO GTZO BOR GYUR PA THAMS CAD KYANG RIGS KYI BDAG NYID CHE BA'I DBANG GIS ZIL GYIS GNON TO, ,DE BZHIN DU BYANG CHUB SEMS DPA' LAS DANG PO BA BYANG CHUB TU SEMS BSKYED NAS RING PO MA LON PA DE BZHIN GSHEGS PA CHOS KYI RGYAL PO'I RIGS SU SKYES PAS KYANG BYANG CHUB KYI SEMS DANG SNYING RJE'I DBANG GIS NYAN THOS DANG RANG SANGS RGYAS YUN RING DU TSANGS BAR SPYAD PA RNAMS ZIL GYIS GNON TO, ZHES GSUNGS PA'I PHYIR, SNGAR RTZA BAR DE BZHIN GSHEGS PA'I RIGS SU SKYES PAR BSHAD PA DANG, BYAMS PA'I RNAM THAR GYI RIGS SKYES 'DI GNYIS DPE MI GCIG KYANG; DON DE BZHIN GSHEGS PA CHOS KYI RGYAL PO'I RIGS SU SKYES PA GCIG PU LA BYED, SA DANG PO BA GCIG GI RANG RGYUD MDZES PA'I YON TAN DANG GZHAN RGYUD ZIL GNON GYI YON TAN BSHAD PA'I GNAS SKABS THA DAD TZAM PA BYED PA'I PHYIR, BSHAD PA DE GNYIS SKABS KYI DPE THA DAD YIN TE, RANG RGYUD SPANGS RTOGS KYIS MDZES PA'I SKABS SU SA BCU PAR RGYAL PO'I BU BKOD KYANG, RTZA BAR 'PHAGS PA BRGYAD PA BKOD, GZHAN RGYUD ZIL GNON SKABS SU DON KYI RGYAL PO'I BU DANG MKHA' LDING GI PHRU GU BKOD PA'I PHYIR TE, RGYUN ZHUGS DPER BKOD PA YANG SA BCU PA'I DGONGS PA YIN TE, 'DI'I THAD KYIS BCU PA LAS, SEMS BSKYED PA DE BSKYED MA THAG TU BYANG CHUB SEMS DPA' BYIS

080a

, ,BA SO SO SKYE BO'I SA LAS SHIN TU 'DAS PA YIN, BYANG CHUB SEMS DPA'I SKYON MED PAR ZHUGS PA YIN, DE BZHIN GSHEGS PA'I RIGS SU SKYES PA YIN, ZHES GSUNGS PA'I PHYIR, DES NA LUNG SNGA PHYI RTZA BA DANG MDO 'DI GNYIS LA BYA'O, ,DER MA ZAD DPE GZHAN GYIS KYANG BSHAD DU YOD DE, DE 'DRA'I SEMS BSKYED THOB NAS, DON DAM PA'I DE BZHIN GSHEGS PA MKHA' LDING GI RIGS SU SKYES NAS RING PO MA LON PA'I THAMS CAD MKHYEN PAR SEMS BSKYED PA'I GSHOG STOBS DANG LHAG BSAM DAG PA'I SNYING RJE'I MIG GI YON TAN DES BSKAL PA BRGYA STONG DU NGES BAR 'BYUNG BA'I NYAN RANG RNAMS ZIL GYIS GNON PA'I PHYIR TE, DPER NA MKHA' LDING PHRU GU'I GSHOG PA'I RLUNG SHUGS DANG, MIG DAG PA'I RING PO MTHONG BA'I YON TAN DE BYA'I TSOGS RGAS PA GZHAN LA MED PA BZHIN YIN PA'I PHYIR TE, BYAMS PA'I RNAM THAR LAS, RIGS KYI BU 'DI LTA STE DPER NA NAM MKHA' LDING GI DBANG PO CHEN PO'I PHRU GU, ZHES PA NAS, RANG SANGS RGYAS THAMS CAD LA YOD PA MA YIN NO, ZHES GSUNGS PA'I PHYIR, GSUM PA RTZOD SPONG LA KHO NA RE, TSOGS LAM GYI SKABS RIGS KYI CHE BA DANG BSOD NAMS DBANG GIS NYAN RANG ZIR GYIS GNON MI NUS PAR THAL, RTZA BAR, BSOD NAMS DAG GI DBANG GIS PHAM BYAS RNAM PAR 'PHEL, ZHES SA DANG POR GSUNGS PA'I PHYIR NA MA KHYAB STE, GNON LUGS KHYAD PAR BA GCIG YIN PA'I PHYIR, 'DOD MI NUS TE, SMON

080b

SEMS KYI SKABS NAS ZIL GYIS GNON PA'I PHYIR TE, BYAMS PA'I RNAM THAR LAS, RIGS KYI BU 'DI LTA STE, DPER NA RDO RJE RIN PO CHE NI CHAGS KYANG GSER GYI RGYAN KHYAD PAR DU 'PHAGS PA THAMS CAD ZIL GYIS GNON CING RDO RJE RIN PO CHE'I MING YANG MI 'DOR LA, DBUL BA THAMS CAD KYANG RNAM BAR BZLOG GO ,RIGS KYI BU DE BZHIN DU THAMS CAD MKHYEN PAR SEMS BSKYED PA'I RDO RJE RIN PO CHE NAN TAN DANG GRAL YANG NYAN THOS DANG RANG SANGS RGYAS KYI YON TAN GYI GSER GYI RGYAN THAMS CAD ZIL GYIS GNON CING, BYANG CHUB SEMS DPA'I MING YANG MI 'DOR LA, 'KHOR BA'I DBUL BA THAMS CAD KYANG RNAM PAR BZLOG GO ZHES GSUNGS PA'I PHYIR, KHYAB STE, BSLAB BTUS SU SPYOD PA DANG BRAL BA'I SEMS BSKYED LA DRANGS LA DE SMON SEMS GTZO ZHING, RDO RJE RIN PO CHE CHAGS ZHES BA LTAR NA, 'JUG SDOM SHOR NAS 'JUG SEMS LA GNAS PA LA YANG SBYAR RUNG BA'I PHYIR TE, RNAM BSHAD LAS, MDO 'DI BSLAB BTUS LAS BYANG SEMS KYI SPYOD BA DANG BRAL BA LA LAS BRNYAS PAR MI BYA BA'I SHES BYED DU DRANGS BA'I PHYIR DANG, SA THOB LA SEMS BSKYED SPYOD PA DANG BRAL BA MI SRID PA'I PHYIR, ZHES GSUNGS PA'I PHYIR, GNYIS PA SA BDUN PAR NYAN RANG BLO STOBS KYI ZIL GYIS GNON TSUL 'CHAD PAR, RTZA BAR, RING DU SONG BAR BLO YANG LHAG PAR 'GYUR, ZHES DANG, MDO SA BCU PA LAS, KYE RGYAL PA'I SRAS DAG 'DI LTA STE, NAS, 'DAS PA YIN NO, ZHES GSUNGS, DE'I DON RANG 'GREL GYIS

081a

, ,'CHAD PAR, DE'I PHYIR DE LTAR NA RING DU SONG BA KHO NA NAS BZUNG NAS NI BYANG CHUB SEMS DPA'I RANG GI SLO'I STOBS BSKYED PAS KYANG NYAN THOS DANG RANG SANGS RGYAS THAMS CAD DAG ZIL GYIS GNON PAR 'GYUR GYIS THOG MA RNAMS SU NI MA YIN NO, ZHES BYA BAR SHES BAR BYA'O, ZHES GSUNGS, MTHA' DPYAD PA LA GSUM LAS, DANG PO LA SA DANG POR NYAN RANG BLO STOBS KYIS ZIL GYIS GNON MI NUS LA, BDUN PA NAS NUS PA'I RGYU MTSAN LA KHA CIG NA RE, DE'I RGYU MTSAN YOD DE, DRUG PA MAN CHAD DANG BDUN PA'I YE SHES GNYIS KYI NGO BO LA SGRIB PA'I ZAG PA MED PAR MTSUNGS KYANG, DRUG PA MAN CHAD KYIS RANG GI NGOS SKAL GYI SHES SGRIB SPONG MI NUS LA, BDUN PAS BDEN 'DZIN GYI SA BON SPONG NUS SHING SA BON NI SHES SGRIB YIN PA'I PHYIR ZER NA, RNAM BSHAD LAS, DON 'DI LA KHA CIG SA DRUG PA NAS, ZHES PA DANG, ZHES SO, ,'O NA, SA BDUN PA NAS BDEN 'DZIN CHUNG NGU DANG RANG GI NGOS SKAL GYI SHES SGRIB GNYIS BDUN PA'I BAR CHAD MED LAM GYIS DUS GCIG LA DNGOS GNYEN BYAS NAS SPONG THUB PAR THAL, BDEN 'DZIN SA BON TZAM LA SHES SGRIB TU BZHAG NAS SPONG TSUL BSHAD PA DE'I PHYIR, 'DOD MI NUS TE, NYON SGRIB MA SPANGS PAR SHES SGRIB SPONG MI NUS PA'I PHYIR TE, SHES SGRIB NI BDEN 'DZIN GYI SA BON TZAM MA YIN GYI BDEN 'DZIN SOGS DUG GSUM GYI BAG CHAGS LA 'JOG PA'I PHYIR, KHYAB STE, SNAM BU LTA BU TIL MAR

081b

GYIS GOS PA LA TIL MAR MA BSAL BAR DE'I DRI MA SEL MI NUS LA TIL MAR SONG YANG DRI MA LUS PA LTA BU YIN PA'I PHYIR, RANG 'GREL LAS, TIL MAR DANG ME TOG LA SOGS PA BSAL DU ZIN KYANG BUM PA DANG SNAM BU LA SOGS PA RNAMS LA DE DANG, DANG PHRAD NAS YON TAN PHRA MO DMIGS PA BZHIN NO, ,'DI LTAR NYON MONGS PA SPANGS KYANG BAG CHAGS YOD PAS, ZHES GSUNGS PA'I PHYIR, DE SKAD DU RNAM BSHAD LAS, DE'I DANG PO NI MI RIGS TE NAS, BDEN 'DZIN GYI SA BON SPONG BA SHES SGRIB SPONG BA MA YIN NO, ZHES GSUNGS PA'I PHYIR, YANG KHA CIG GIS, DE'I RGYU MTSAN YOD DE, SA BDUN PA MAN CHAD NAS THOD RGAL DU SNYOM PAR 'JUG MI THUB PA'I PHYIR ZER, DE MI 'THAD PAR THAL, BDUN PA MAN CHAD DE MI THUB PA'I SHES BYED MED CING THUB PA'I SHES BYED YOD PA'I PHYIR TE, THOD RGAL ZHES PA BRDA' RNYING BAR SNREL ZHI ZER ZHING DE'I DON RIM PA 'TSOL BA'I TING 'DZIN LA SNREL ZHI'I TING 'DZIN DU BSHAD PA'I PHYIR, KHYAB STE, DE 'DRA'I TING 'DZIN LA SNYOM PAR ZHUGS PA'I NYAN THOS YANG YOD, THEG CHEN SNREL ZHI'I TING 'DZIN THOB PA'I SA DRUG PA PA YANG YOD PA'I PHYIR MDZOD LAS, GCIG RGAL SONG ZHING 'ONGS NAS NI, ZHES SOGS DANG, MNGON RTOGS RGYAN LAS; GCIG DANG GNYIS GSUM BZHI DANG LNGA, ,DRUG DANG BDUN DANG BRGYAD BRGAL NAS, ,'GOG PA'I BAR DU MI 'DRAR 'GRO, ZHES PA'I BSHAD BYA'I MDO DANG BSTAN CHOS KYI DON GRUB PA'I PHYIR, RNAM BSHAD LAS, GNYIS PA YANG MI

082a

, ,RIGS TE NAS, SHES BYED MED PA'I PHYIR RO, ZHES GSUNGS, YANG KHA CIG GIS, DE'I RGYU MTSAN YOD DE, SA BDUN PA'I YE SHES BRGYAD PAR MNGON DU PHYOGS LA, DRUG PA MAN CHAD MA YIN PA'I PHYIR ZER; DE MI 'THAD PAR THAL, DE RTZOD GZHI RTAGS SU BKOD PA LTAR SONG 'DUG PA'I PHYIR DANG, SA DRUG PA NI PHYIR MI LDOG PA SOGS RDZOGS PA'I SANGS RGYAS KYI CHOS LA MNGON DU PHYOGS PA'I PHYIR, RTZA BAR, RDZOGS PA'I SANGS RGYAS CHOS LA MNGON PHYOGS SHING, ZHES GSUNGS PA'I PHYIR, 'DI DAG PHYOGS LA'ANG MA SONG LA DON LA BCAR BA'I 'GREL BSHAD SOGS KYI LUGS DPYAD NA, 'GREL BSHAD MKHAN PO NA RE, DE YOD DE, SA DRUG PA MAN CHAD NYAN RANG DANG BCAS PA LA MED PA'I MTSAN MED RTZOL BCAS KYI TING 'DZIN NI 'DI NAS THOB PA'I PHYIR, DER THAL, DRUG PA MAN CHAD DU MTSAN BCAS RTZOL BCAS GNYIS KA DGOS LA SA BDUN PA 'DIR BYANG PHYOGS SOGS LAM LA 'JUG PA NA KHO BO 'JUG PAR BYA SNYAM PA'I RTZOL BA DGOS KYANG MDO LA SOGS PA'I SGRA SPYI BRGYUD MI DGOS PA'I PHYIR ZER TE, 'GREL BSHAD LAS, RING DU SONG BA ZHES BYA BA NI SA 'DIR BYANG CHUB KYI PHYOGS DANG, BDEN PA BZHI DANG RTEN CING 'BREL BAR 'BYUNG BA LA SOGS PA DMIGS PA'I MTSAN MA MED PA LA GNAS NAS RTZOL BAS 'JUG PA'I PHYIR RING DU SONG BA ZHES BYA STE MTSAN MA MED PA LA GNAS PA SNGAR MED PA DA LTA THOB PAS SO, ZHES DANG, YANG 'GREL BSHAD LAS, SA BDUN PA'I SNGA ROL TU SA DRUG

082b

PA LA SOGS PAR BYANG CHUB SEMS DPA' RNAMS KYIS MDO LA SOGS PA'I MTSAN MA MNGON DU BYAS NAS, LAM LA 'JUG PA'I MTSAN MA DE MNGON DU MA BYAS PAR SA BDUN PA NAS LAM LA 'JUG PA YIN NO, ,DE NYID KYI PHYIR DE'I SKABS NA KHO BO LAM LA 'JUG PAR BYA'O SNYAM PA'I RNAM PAR RTOG PA YOD KYANG, MDO LA SOGS PA'I MTSAN MA MNGON DU MI BYED PAS RTZOL BA DANG BCAS PA DANG MTSAN MA MED PA'I LAM ZHES BRJOD DO, ZHES SO, ,JI SKAD DU RNAM BSHAD LAS, 'GREL BSHAD LAS SA BDUN PAR KHO BO LAM LA 'JUG PAR BYA'O, ,NAS, GSUNGS KYANG, ZHES GSUNGS, 'GREL BSHAD MKHAN POS KYANG BLO STOBS KYI BLO LA STONG NYID RTOGS PA'I BLO GCIG 'DOD DE, 'GREL BSHAD LAS, RANG GI BLOS RNAM PAR DPYAD PAS KYANG ZHES BYA BA NI SHES RAB KYIS RANG BZHIN MED PAR SHES PA'I SGO NAS SO ZHES PA'I DON NO, ,DE LTAR LUNG GI SGO NAS MA YIN NO, ZHES DANG, 'GREL BSHAD LAS, DON DAM PA'I BYANG CHUB KYI SEMS LA NYAN THOS DANG RANG SANGS RGYAS THAMS CAD ZIL GYIS GNON PA'I NUS PA YOD PA NYID DU BSTAN PAR BYA BA'I PHYIR, 'PHAGS PAS BCU PA LAS ZHES GSUNGS PA'I PHYIR DANG, LUNG PHYI MAS STONG NYID RTOGS PA'I MNYAM BZHAG YE SHES GCIG KYANG BSTAN TO, ,DES NA 'GREL BSHAD KYIS BSHAD TSUL DE MI 'THAD PAR THAL, DPAL LDAN ZLA BAS BLO YANG LHAG CES PA LA STONG NYID RTOGS PA'I BLO GCIG DGOS PA'I PHYIR TE, 'DI SA BCU PA'I DON BKOD TZAM MIN GYI LEGS

083a

, ,LDAN 'GOG PA'I CHED DU BLO DON DAM SEMS BSKYED KYIS SA BDUN PA'I BAR DU NYAN RANG ZIL GYIS GNON MI NUS SO ZHES BSTAN PA'I CHED YIN PA'I PHYIR, KHYAB STE, GTZO BO BOR BA'I BSHAD TSUL DU SONG BA'I PHYIR; RNAM BSHAD LAS, 'DI LA DE KHO NA NYID KYI RTOGS PA'I STENG NAS KHYAD PAR BZHAG DGOS PAR SNANG NGO, ZHES GSUNGS, 'DI ZHIB PAR 'OG TU 'CHAD DO, ,YANG KHA CIG, GZHUNG 'DI'I DNGOS BSTAN LA MA SBYAR YANG NYAN RANG BYANG PHYOGS SOGS BLO KUN RDZOB PA'I SNYOMS PAR 'JUG LDANG SGO NAS ZIL GYIS MI GNON PAR 'DOD NA MI 'THAD PAR THAL, DE'I SGO NAS DUS SHIN TU YUN THUNG BAR BYANG PHYOGS PHYIN DRUG SOGS RDZOGS PAR SNYOMS PAR 'JUG LDANG THUB LA NYAN RANG SOGS LA DE MED PA'I PHYIR, BYANG SA LAS, DE NI SKAD CIG RE RE LA PHA ROL TU PHYIN PA BCU LA SOGS PA BYANG CHUB KYI PHYOGS DANG MTHUN PA'I CHOS THAMS CAD KHYAD PAR DU 'PHAGS PAR YONGS SU RDZOGS PAR RTOGS PAR 'GYUR RO, ,GNAS PA GZHAN DAG LA NI DE LTAR MIN TE, ZHES DANG, SA BCU PA LAS, BYANG CHUB SEMS DPA'I SA RING DU SONG BA LA GNAS PA'I BYANG CHUB SEMS DPA' DE'I PHA ROL TU PHYIN PA DE DAG SKAD CIG RE RE LA YONGS SU RDZOGS PAR 'GYUR RO, ,BSDU BA'I DNGOS PO BZHIS KYANG YONGS SU RDZOGS PAR 'GYUR RO, ,GNAS BZHI DANG, BYANG CHUB KYI PHYOGS KYI CHOS SUM CU RTZA BDUN DANG, RNAM PAR THAR PA'I SGO GSUM YANG YONGS SU RDZOGS PAR 'GYUR TE, MDOR NA

083b

BYANG CHUB KYI YAN LAG GI CHOS THAMS CAD SKAD CIG RE RE LA YONGS SU RDZOGS PAR 'GYUR RO, ZHES PA NAS, BYANG CHUB SEMS DPA'I SA BDUN PA 'DI LA LHAG PAR YONGS SU RDZOGS PAR 'GYUR RO, ZHES GSUNGS PA'I PHYIR, 'DI'I SKAD CIG DE LAS 'OG MAS SNYOMS PAR 'JUG LDANG MI THUB PA'I THUNG BA GCIG YIN TSUL 'CHAD PAR 'GYUR BA'I PHYIR DANG, RGYAL SRAS RNAM GROL ZLA BAS SA GZHAN LA'ANG BYANG CHUB KYI PHYOGS SOGS JI LTAR RDZOGS DRIS PA'I LAN DU RDO RJE SNYING POS BYANG SA LTAR MDO 'DIR BSHAD MA THAG PA DE'I PHYIR RO, ,GZHAN YANG, MDO DE NYID LAS, DE NI STONG GSUM GYI STONG CHEN PO'I 'JIG RTEN GYI KHAMS NA SLOB DPON DU BYA BA YIN TE, ZHES PA NAS, DE DAG BSAM PA'AM SBYOR PAS MNYAM PA SU YANG MED DO, ,BSAM GTAN RNAMS DANG, TING NGE 'DZIN RNAMS DANG, ZHES SOGS KYIS SANGS RGYAS DANG SA BRGYAD BA MAN CHAD DE LA MNYAM PA MED PAR BSHAD PA MI 'THAD PAR THAL, DE'I RGYU MTSAN DUS BDUN BAR BSAM SBYOR DANG THABS SHES DANG TING 'DZIN GZHAN LAS LHAG PA YOD PAR BSHAD PA LTAR MA YIN PA'I PHYIR, SOGS SPROS PAS CHOG, YANG 'GREL BSHAD MKHAN PO DANG, PHYIS KYI MKHAS PA MANG PO YANG GZHUNG GI DNGOS BSTAN GYI BLO'I YUL LA DE BZHIN NYID SPYI TZAM GYIS CHOG PAR 'DOD PA YANG MI 'THAD PAR THAL, DE LA GTZO BOR 'GOG PA GCIG DGOS PA'I PHYIR, DER THAL, DE LTAR DGOS PA 'PHAGS PA YAB SRAS KYI DGONGS PA YIN PA'I PHYIR TE, 'PHAGS PA

084a

, ,YAB SRAS GNYIS KAS SKAD CIG RE RE LA 'GOG PA LA SNYOMS PAR 'JUG LDANG BYED PAR DMIGS KYIS BSAL BA'I DGOS PA YOD PA'I PHYIR, RIN CHEN PHRENG BA LAS, GANG PHYIR SKAD CIG SKAD CIG LA, ,DER NI, 'GOG LA SNYOMS PAR 'JUG, CES DANG, 'DIR YANG, RING DU SONG 'DIR 'DI NI SKAD CIG DANG, ,SKAD CIG LA NI 'GOG PAR 'JUG 'GYUR ZHING, ZHES DANG, RNAM BSHAD LAS KYANG, SEMS KYI SKAD CIG RE RE LA 'GOG PA YANG DAG MTHA' LA 'JUG LDANG BYED PAS 'DI NAS NUS LA, ZHES GSUNGS PA'I PHYIR, BYAS PA LA KHO NA RE, DE BZHIN NYID 'GOG PA YIN TE, DE LA 'GOG PA'I THA SNYAD RANG 'GREL LAS BSHAD PA'I PHYIR NA MA KHYAB STE, DE SPROS PA 'GOG PA RANG BZHIN GYI 'GOG PA LA DGONGS TZAM YIN PA'I PHYIR, 'O NA, RANG BZHIN GYI MYANG 'DAS YIN NA MYANG 'DAS YIN DGOS PAR THAL, RANG BZHIN GYI 'GOG PA YIN NA 'GOG PA YIN DGOS PA'I PHYIR, RTAGS SONG, 'DOD MI NUS, GZHAN YANG 'DI'I DNGOS BSTAN GYI BLO DE 'GOG PA'I SNYOMS 'JUG LA MI BYED PAR THAL, DE STONG NYID MNGON SUM DU RTOGS PA'I MNYAM BZHAG TZAM LAS BSHAD RGYU KHYOD LA MI SNANG BA DE'I PHYIR, 'DOD NA, 'DI'I DNGOS BSTAN GYI SNYOMS 'JUG DE LAS DANG PO BAS KYANG SNYOMS PAR 'JUG TZAM THUB KYANG YUN RING THUN GI KHYAD PAR 'BYED RIGS BAR THAL, 'DI'I DNGOS BSTAN GYI SNYOMS PAR 'JUG YUL DANG SA DANG PO'I DON DAM SEMS BSKYED KYI YUL LA KHYAD PAR MED PA'I PHYIR, RTAGS

084b

KHAS; 'DOD MI NUS TE, 'DI'I 'GOG SNYOMS KYI TING 'DZIN RGYAL SRAS KYIS SA DRUG PA NAS THOB CING DE LA SNYOMS PAR 'JUG NUS KYANG, DUS THUNG DUL SA BDUN PA YAN CHAD KYIS NUS PA'I KHYAD PAR 'THAD PA'I PHYIR, MDO 'DI NYID LAS, KYE RGYAL BA'I SRAS BYANG CHUB SEMS DPA'I SA GANG YAN CHAD BYANG CHUB SEMS DPA' 'GOG PA LA SNYOMS PAR 'JUG BYANG SEMS RDO RJE SNYING POS SMRAS PA, KYE RGYAL BA'I SRAS BYANG CHUB SEMS DPA' SA DRUG PA YAN CHAD BYANG CHUB SEMS DPA' 'GOG PA LA SNYOMS PAR 'JUG STE, BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' NI SEMS KYI SKAD CIG SEMS KYI SKAD CIG LA YANG 'GOG PA LA SNYOMS PAR 'JUG STE, 'GOG PA MNGON DU BYAS ZHES NI MI BYA'O, ZHES GSUNGS PA'I PHYIR DANG, RIN CHEN PHRENG BA LAS KYANG, DRUG PA MNGON PHYOGS ZHES BYA STE, ,SANGS RGYAS CHOS LA MNGON PHYOGS PHYIR, ,ZHI GNAS LHAG MTHONG GOMS PA YIS, ,'GOG PA THOB NAS RGYAL BA'I PHYIR, ZHES SA DRUG PAR 'GOG PA THOB PAR BSHAD PA'I PHYIR, GZHAN YANG 'GREL BSHAD SOGS KYI BSHAD TSUL DES TING 'DZIN YUN SHIN TU THUNG BA LA SNYOMS BAR 'JUG LDANG THUB PA'I GO DON TSANG BAR BSHAD MI NUS PAR THAL, MTSAN MA MED PA DE TING 'DZIN LA MYUR DU SNYOMS PAR 'JUG PA'I RGYU MTSAN GYI CHA SHAS SU SONG YANG MYUR DU LDANG THUB BA LA CI YANG MI PHAN PA'I PHYIR, GAL TE TING 'DZIN 'DI LAS KHO BO LDANG NGO SNYAM MI DGOS PAS ZHES KYANG SMRA MI RIGS PAR THAL, DE BZHIN NYID KYI

085a

, ,MNYAM BZHAG GI TSE DE 'DRA'I BLO MI SRID PA'I PHYIR, DER THAL, DE'I TSE LDANG SEMS MED KYANG SBYOR BA'I DUS KYI 'PHEN PA DANG SNGON THABS SHES LA GOMS PA'I DBANG GIS LDANG 'JUG DE LTAR THUB BO ZHES RGYAL BA'I BKA' BZHIN DU MGRIN PA BTEGS NAS SMRA RIGS PA'I PHYIR, MDO SDE DGONGS 'GREL LAS, 'JAM DPAL SNGON THABS DANG SHES RAB GOMS PA MNGON PAR 'DU BYAS PA'I PHYIR TE, 'JAM DPAL 'DI LTA STE, DPER NA, GNYID LOG PA SEMS MED PA LA PHYIR SAD PAR MNGON PAR 'DU BYA BA MED KYANG, SNGON MNGON PAR 'DU BYAS PA'I DBANG GIS PHYIR SAD PAR 'GYUR BA DANG, 'GOG PA LA SNYOMS PAR 'JUG PA LA LDANG BAR MNGON PAR 'DU BYA BA MED KYANG, SNGON MNGON PAR 'DU BYAS PA'I DBANG KHO NAS LDANG BAR 'GYUR TE, ZHES GSUNGS PA'I PHYIR DANG, SA BCU BRTZA 'GREL SOGS LAS KYANG DE LTAR BSHAD TSUL 'CHAD PAR 'GYUR BA'I PHYIR RO, ,SHIN TU SPROS BAS CHOG GO ,YANG KHA CIG GIS, DE'I RGYU MTSAN YOD DE, BYA RDZOGS KYI THUNG MTHA'I SKAD CIG MA GCIG GI YUN LA DE BZHIN NYID LA SNYOMS PAR 'JUG LDANG GNYIS KA THUB PA'I PHYIR, ZHES PA GZHUNG GI DNGOS BSTAN LA 'DOD PA MI 'THAD PAR THAL, DE LTAR THUB PA YOD KYANG SKAD CIG MA YANG DE MA YIN ZHING SNYOMS BAR 'JUG LDANG SKAD CIG SO SO LA BSHAD PA'I PHYIR TE, MDO 'DI NYID LAS, SA BDUN PA 'DI LA GNAS PA'I BYANG CHUB SEMS DPA' NI SEMS KYI SKAD CIG SEMS KYI

085b

SKAD CIG LA YANG 'GOG BA LA SNYOMS BAR 'JUG CING LDANG STE, ZHES DANG, RIN CHEN PHRENG BAR, GANG PHYIR SKAD CIG SKAD CIG LA, ,DER NI 'GOG LA SNYOMS PAR 'JUG, CES DANG, 'JUG PAR YANG SKAD CIG LA ZLOS SGRA BYUNG LA, THUB PA DGONGS RGYAN LAS KYANG, SA BDUN PA LA NI SEMS KYI SKAD CIG NAS SEMS KYI SKAD CIG LA 'GOG PA LA SNYOMS PAR 'JUG CING LDANG STE, ZHES GSUNGS PA'I PHYIR, KHYAB STE, LUNG DE RNAMS KYI SKAD CIG LA ZLOS SGRA YOD PA DANG; KHYAD PAR DU LUNG PHYI MAS SKAD CIG SNGA MA LA SNYOMS PAR ZHUGS NAS SKAD CIG GNYIS PA LA LDANG BAR GSAL BA'I PHYIR, YANG MANG PO ZHIG SKAD CIG THANG CIG CES PA'I SKAD CIG DUS MTHA'I SKAD CIG LA 'DOD CING, DUS MTHA'I SKAD CIG MA LA BYA BA THUB PA'I SEMS CAN MED ZER BA DANG, YANG KHA CIG GIS, SKAD CIG THANG CIG GI SKAD CIG DE BYA RDZOGS KYI THUNG MTHAR BYAS NAS, DUS MTHA'I SKAD CIG MA LA BYA BA THUB PA'I SEMS CAN MED ZER RO, ,'O NA, SKAD CIG THANG CIG YUD TZAM GSUM PO RE RE'I YUN LA'ANG TING 'DZIN 'BUM PHRAG RE LA SNYOMS PAR 'JUG THUB PA'I BYANG 'PHAGS MED BAR THAL, KHYED CAG GI DAM BCA' 'THAD PA'I PHYIR, KHYAB STE, SKAD CIG THANG CIG CES PA'I SKAD CIG DE DUS MTHA' DANG BYA RDZOGS KYI THUNG MTHA' GANG YIN KYANG DE'I YUN LA TING 'DZIN 'BUM GYI BYA BA THUB PA'I PHYIR, KHYAB STE, TING 'DZIN DE DAG CIG CAR MA YIN PAR RIM GYIS MNGON DU BYED DGOS PA'I PHYIR, RTZA BAR 'DOD MI NUS TE, DE 'DRA'I

086a

, ,BYANG SEMS SA GSUM BA BA YANG YOD PA'I PHYIR TE, ,RANG 'GREL LAS DE LA SEMS GSUM PA BSKYED PA'I BYANG CHUB SEMS DPA' NI JI SKAD BSHAD PA'I YON TAN RNAMS DGU MTHONG PA'O, ,ZHES DANG, ,THUB DGONGS LAS, ,SKAD CIG GCIG GIS TING 'DZIN BRGYA PHRAG STONG 'THOB PA DANG, ,SANGS RGYAS 'BUM MTHONG BA DANG, ,ZHES SOGS GSUNGS PA'I PHYIR, ,SHIN TU MANG, ,YANG PHYOGS RE RE MIG CAN MANG PO NA RE, ,SKAD CIG THANG CIG YUD TZAM GSUM GYI THA SNYAD GANG BSHAD THAMS CAD MDZOD LTAR BYED DGOS TE, ,DES NA MDO 'DIR SKAD CIG DANG SKAD CIG LA SNYOMS BAR 'JUG CES PA SKAD CIG THANG CIG CES PA'I SKAD CIG LA BYED CING DE BYA RDZOGS KYI THUNG MTHAR 'JOG GO SNYAM PA MANG NGO, ,SKAD CIG THANG CIG YUD TZAM GYI THA SNYAD GANG BSHAD THAMS CAD MDZOD LTAR MA YIN PAR THAL, ,PAn GRUB CHEN PO BH'A LVA BHA DRAS GSUNGS PA LTAR SKAD CIG THANG CIG YUD TZAM CHU TSOD SOGS MDO SNGAGS NAS MI 'DRA BA DU MA BSHAD PA'I PHYIR, ,DER THAL, ,MIG 'DZUM BCU LA SKAD CIG TU BSHAD PA YANG YOD, ,DBUG GCIG LA YUD TZAM DU BSHAD PA YANG YOD, ,SKAD CIG BCU GNYIS LA YUD TZAM DU BSHAD PA YANG YOD, ,YUD TZAM DRUG LA SKAD CIG DANG DE DRUG LA THANG CIG TU BZHAG PA YANG YOD PA'I PHYIR, ,DANG PO GRUB STE, ,'JAM DPAL RTZA RGYUD LAS, ,MIG NI 'BYED 'DZUM BCU LA NI, ,SKAD CIG TZAM DU RAB TU BRTAGS, ,SKAD CIG BCU ZHES BSHAD PA NI, ,YUD TZAM DU NI YONGS SU BRTAGS, ,

086b

ZHES GSUNGS PA'I PHYIR, ,GNYIS PA GRUB STE, ,MGON PO KLU SGRUB KYI RIM LNGA LAS, ,SKAD CIG SE GOL GTOGS PAR BSHAD, ,THANG CIG YUNGS KAR 'KHOR BA TZAM, ,YUD TZAM DBUGS NI RDUB BA DANG, ,ZHES GSUNGS PA'I PHYIR GSUM PA GRUB STE, ,'CHI MED MDZOD LAS, ,MIG 'DZUM BCO BRGYAD DE YI GNAS, ,DE NI SUM CU CHA SHAS TE, ,DE YI SUM CU SKAD CIG GO ,DE NI BCU GNYIS YUD TZAM DANG, ,DE SUM CU NI NYIN MTSAN GCIG, ,CES GSUNGS PA'I PHYIR, ,BZHI PA GRUB STE, ,RDO RJE MKHA' 'GRO LAS, ,MIG 'DZUM DRUG LA CHA SHAS NI, ,GCIG CES BYA BAR BRJOD BA YIN, ,YUD TZAM DRUG NI SKAD CIG STE, ,SKAD CIG DRUG NI THANG CIG YIN, ,THANG CIG DRUG NI CUNG ZAD YIN, ,ZHES GSUNGS PA LTA BU MED PA'I PHYIR RO, ,YANG KHA CIG NA RE, ,DUS MTHA'I SKAD CIG MA DANG, ,DUS KYI SKAD CIG MA THUNG SHOS MED PAR THAL, ,CHA SHAS MED PA'I SKAD CIG MA MED PA'I PHYIR NA MA KHYAB, 'DOD MI NUS TE, ,DE YOD PAR ZLA BA'I ZHABS BZHED PA'I PHYIR TE BZHI BRGYA PA LAS, ,SU LA GSON PA ZHES BYA BA, ,SEMS KYI SKAD CIG LAS GZHAN MED, ,CES PA'I 'GREL PAR, ,ZLA BA'I ZHABS KYIS, ,DE LA SKAD CIG CES BYA BA NI DUS 'GRIB PA MTHAR THUG PA LA BYA STE, ,ZHES GSUNGS PA'I PHYIR, ,YANG STAG LO DANG DE'I RJES 'THUG KHA CIG NA RE, ,DUS MTHA'I SKAD CIG MA CHA MED YIN ZER, ,'O NA, ,DUS MTHA'I SKAD CIG MA CHOS CAN, ,CHA MED MA YIN PAR THAL, ,THOG MTHA' BAR GSUM GYI CHA DANG LDAN PA'I PHYIR

087a

, ,'KHOR GSUM SONG, MA GRUB NA, DE CHOS CAN, DER THAL, SKAD CIG MA GCIG YIN PA'I PHYIR, RTAGS KHAS, KHYAB STE, JI SRID SKAD CIG MA'I RNAM PA SNANG GI BAR DU CHA GSUM LDAN PAR KHAS LEN DGOS SHING, DUS MTHA'I SKAD CIG MA BSIL NA SKAD CIG MA'I SNANG PA 'GAG 'GRO BA'I PHYIR, RIN CHEN PHRENG BA LAS, JI LTAR SKAD CIG MTHA' YOD PA, ,DE BZHIN THOG MTHA' DBUS BRTAGS DGOS, ,DE LTAR SKAD CIG GSUM BDAG PHYIR, ,'JIG RTEN SKAD CIG GNAS PA MIN, ZHES GSUNGS PA'I PHYIR, YANG KHA CIG NA RE, SKYES BU NAD MED KYIS SE GOL GTOGS PA'I YUN LA CHA DRUG CU RE LNGAR PHYE BA'I CHA GCIG LAS DUS THUNG BA MED ZER NA, 'O NA, SE GOL GTOGS PA'I YUN LA CHA SUM BRGYA DANG RE LNGAR BGO MI NUS PAR THAL, SE GOL GTOGS PA'I YUN LA RE LNGAR PHYE BA'I CHA GCIG PO DE LAS DUS THUNG BA MED PA'I PHYIR, RTAGS KHAS, KHYAB STE, DE'I YUN LA SUM BRGYA DANG RE LNGAR PHYE BA'I CHA LNGA LAS KYANG RE LNGAR PHYE BA'I CHA GCIG LHAG PA'I PHYIR, RTZA BAR 'DOD MI NUS TE, THEG CHEN GYI MDO DANG BSTUN NA SE GOL GCIG GI YUN LA CHA SUM BRGYA DANG RE LNGA DANG SUM BRGYA RE BRGYAD SOGS KYANG BGO THUB PA'I PHYIR TE, THEG PA THUN MONG LA DE LTAR MA BSHAD KYANG THUN MONG MA YIN PA LA RUNG BA'I PHYIR, DPER NA THEG PA THUN MONG BA LA SO SKYEL PHRA BA'I MI RTAG PA MNGON SUM DU RTOGS PA MED KYANG THAL 'GYUR BA'I LUGS LA BSAM GTAN DPE MKHYUD KYI MDO BZHIN

087b

YOD PAR RUNG BA BZHIN YIN PA'I PHYIR TE, LAM SGRIGS THEG CHEN SGO 'BYED LAS, SE GOL GTOGS PA'I YUN LA SKAD CIG MA SUM BRGYA DRUG CU RE LNGA 'DA' BA'I TSUL BSAM NA YID BRTAN DU RUNG BA CUNG ZAD KYANG MED PA'I MI RTAG PA'I 'DU SHES BSGOM PAR BYA'O, ZHES GSUNGS PA'I PHYIR DANG, PHAR PHYIN 'GREL BSHAD TSIG GSAL LAS DE LA CHA SUM BRGYA DANG RE BRGYAD DU PHYE BA'I PHYIR DANG, DE 'DRA'I MDO TSIG MED NA PAn CHEN DE 'DRAS MI 'GOD PA'I PHYIR DANG, RIGS PAS KYANG 'GRUB PA'I PHYIR RO, ,GSER PHRENG LAS DE NOR BAR BSHAD PA MDZOD DANG BSTUN NA NOR ZHES PA'I DON YIN NO, ,YANG KHA CIG NA RE, DUS MTHA'I SKAD CIG MA'I YUN LA TING 'DZIN SGOM NUS PA'I SEMS CAN MED PAR THAL, DE MED PAR MDZOD RTZA 'GREL GYIS DNGOS SU BSTAN PA'I PHYIR NA MA KHYAB, RTAGS GRUB STE, BSAM GTAN SPEL SGOM GYI SPEL GZHI'I ZAG BCAS ZAG MED LA DE LTAR BSHAD PA'I PHYIR TE, MDZOD LAS, SKAD CIG MA NI BSRES PAS 'GRUB, CES DANG, DE'I 'GREL PAR; DE'I PHYIR SANGS RGYAS MA GTOGS PA, ,SKAD CIG SPEL BAR MI NUS PAS, ZHES GSUNGS PA'I PHYIR, RTZA BAR 'DOD NA, DUS MTHA'I SKAD CIG MA'I YUN LA SANGS RGYAS KYIS KYANG TING 'DZIN GCIG LAS SNYOMS PAR 'JUG MI NUS PAR THAL, BYE SMRA KHA CIG DE LTAR 'DOD MKHAN YOD PA LTAR KHYOD KYIS KYANG SMRAS PA'I PHYIR, 'DOD MI NUS TE, GZUNGS RGYAL GYI MDO LAS, DE BZHIN GSHEGS PA'I TING 'DZIN GCIG GIS TING 'DZIN THAMS CAD MNGON PAR

088a

, ,'GRUB STE, ZHES SOGS DANG, MKHYEN PA'I SKAD CIG GCIG GIS KYANG, ,SHES BYA'I DKYIL 'KHOR KUN KHYAB CAN, ZHES GSUNGS PA LTA BU'I MNYAM RJES RO GCIG PA BSAM LAS 'DAS PA GCIG DGOS PA'I PHYIR DANG, MDO 'DI SGRA JI BZHIN PA YIN PAS, RANG 'GREL DU'ANG LUNG DRANGS TZAM LAS DON ZUR DU MA BSHAD PA'I PHYIR RO, ,'DI DAG LA SPRO BYA MANG YANG YI GES 'JIGS SO, ,GNYIS PA RANG LUGS LA, SA BDUN PAR NYAN RANG ZIL GYIS GNON BLO DANG, DE'I SGO NAS DUS SKAD CIG MAR SNYOMS PAR 'JUG LDANG BYED PA'I SKAD CIG MA'I KHYAD PAR DANG, SKAD CIG GI THUNG MTHA' DE 'DRA LA SNYOMS PAR 'JUG LDANG NUS PA'I RGYU MTSAN 'KHRUL MED NGOS BZUNG BA DANG, DE 'DRA'I THUN MONG DANG THUN MONG MA YIN PA LA MKHAS DGOS PA DANG, ZHAR LA 'GOG PA'I SNYOMS 'JUG THUN MONG MA YIN PA BSHAD PA DANG LNGA LAS, DANG PO NI, SPYIR RGYAL RIGS NAR SON PA'I BLO STOBS KYIS BLON PO'I TSOGS ZIL GYIS GNON PA'I BLO STOBS LTA BU'I SA BDUN PAR NYAN RANG ZIL GYIS GNON PA'I BLO DE LA KUN RDZOB PA'I RNAM PA CAN DANG, DON DAM PA'I RNAM PA CAN GNYIS YOD DE, KUN RDZOB PA'I RNAM PA CAN GYI BYANG PHYOGS SNYING RJE SOGS SGOM PA GCIG KYANG YOD PA'I PHYIR TE, SA DANG PO SOGS SU LHAG BSAM DAG PA'I SNYING RJE DANG LDAN CING NYAN RANG LA DE MI LDAN PA TZAM GYIS ZIL GYIS MNAN PA YIN GYI RANG GI BLOS SNYING RJE CHEN PO LA DPYAD PA'I SGO NAS ZIL GYIS

088b

GNON MI NUS PA'I PHYIR TE, NYAN RANG GIS KYANG MI SGOM PA MA GTOGS SGOM 'DOD NA SA DANG PO BA LTAR SNYING RJE CHEN PO LA SNYOMS PAR 'JUG LDANG THUB LA, SA BDUN PAR SKAD CIG THUNG SHOS LA DE LA SNYOMS PAR 'JUG LDANG BYED PA LTAR MI THUB PA'I PHYIR, MDO 'DI NYID LAS, DE THABS DANG SHES RAB KYIS YONGS SU SBYANGS PA'I TING 'DZIN DE DAG RAB TU THOB NAS SNYING BRTZE BA DANG, SNYING RJE'I STOBS KYIS NYAN THOS DANG RANG SANGS RGYAS KYIS LAS SHIN TU 'DAS PA YIN NO, ,SHES RAB DANG YE SHES KYIS RNAM PAR DPYAD PA'I SA MNGON DU GYUR BA YIN NO, ZHES DANG, YANG MDO 'DI NYID LAS, KYE RGYAL BA'I SRAS SA DANG PO LA GNAS PA'I BYANG CHUB SEMS DPA'I LUS DANG NGAG DANG YID KYI LAS TSAD MED PA YANG CI NYAN THOS DANG RANG SANGS RGYAS THAMS CAD KYI SPYOD PA LAS SHIN TU 'DAS PA MA YIN NAM, BYANG CHUB SEMS DPA' RDO RJE SNYING POS SMRAS PA, KYE RGYAL BA'I SRAS DE LTAR YANG YIN TE, DE NI SANGS RGYAS KYI CHOS LA LHAG PAR DMIGS PA'I CHE BA NYID KYIS GYUR TU ZAD KYI, RANG GI BLOS RNAM PAR DPYAD PAS NI MA YIN NO, ZHES GSUNGS PA'I PHYIR, KHYAB STE, LUNG DANG POS THABS SHES KYIS SBYANGS PA'I TING 'DZIN GYI MTHUS SNYING RJE SOGS KYIS LHAG PAR BSTAN PA LA LUNG GNYIS PAS SA DANG POR SNYING RJE LHAG BAR BSHAD PAS DOGS PA BKOD NAS LAN DUS DANG POR SNYING RJES LHAG PA NI DMIGS PA'I YUL GYIS CHE BA YIN LA, 'DIR SNYING RJES LHAG PA NI RANG GI BLOS

089a

, ,YUN THUNG SHOS LA DPYAD PA'I SGO NAS YIN NO, ,ZHES BSHAD PA'I PHYIR DANG, ,THUB DGONGS LAS, ,'O NA, ,SA DANG PO KHO NAR NYAN THOS LA SOGS PA'I SPYOD PA LAS 'DAS PA MA YIN NAM, ,SLAR YANG 'DIR ZHE NA, ,DE NI SANGS RGYAS KYI CHOS LA DMIGS PA'I BDAG NYID CHEN PO NYID KYIS TE RANG GI BLOS RNAM PAR DPYAD PAS NI MA YIN NO, ,ZHES GSUNGS PA'I PHYIR, ,NYAN RANG ZIL GNON GYI BLO LA BYANG PHYOGS SOGS YOD PA SNGAR LTAR YIN TE, ,SA BDUN PA PAS BYANG PHYOGS SOGS LA SNYOMS PAR 'JUG LDANG KHO NAR MA ZAD YON TAN BRGYA PHRAG BCU GNYIS PO RE RE'I SGO NAS KYANG DUS THUNG BA GCIG LA THUB PA LTAR NYAN THOS LTA ZHOG RANG SANGS RGYAS DANG SA DRUG PA BAS KYANG MI THUB PA'I PHYIR TE, ,SKAD CIG THANG CIG CES PA'I SKAD CIG GCIG GI YUN LAS DRUG PA BAS YON TAN PHRAG BCU GNYIS PO RE RE LA BYE BA 'BUM RE THOB LA, ,DE'I YUN LAS BDUN PA PAS YON TAN BCU GNYIS PO RE RE LA BYE BA PHRAG KHRIG 'BUM RE THOB PA'I PHYIR DANG, ,RANG 'GREL LAS, ,SEMS DRUG PA BSKYED PA'I BYANG CHUB SEMS DPAS NI BYE BA 'BUM, THOB BO, ,SEMS BDUN PA BSKYED PA'I BYANG CHUB SEMS DPAS NI YON TAN DE DAG NYID BYE BA KHRAG KHRIG PHRAG 'BUM THOB PAR SHES PAR BYA'O, ,ZHES DANG, ,'DI 'DRA LA DGONGS NAS, ,SPYOD 'JUG LAS, ,RNAL 'BYOR PA YANG BLO KHYAD KYIS, ,GONG MA GONG MA RNAMS KYIS GNOD, ,CES GSUNGS PA'I PHYIR, ,DE LTAR YIN KYANG LHAG

089b

RGYU'I BLO'I GTZO BO DON DAM BDEN PA'I YUL CAN ZHIG YIN TE, DE BZHIN NYID KHYAD PAR BA 'GOG PA'I SNYOMS PAR 'JUG PA YIN PAR MDO DANG 'PHAGS PAS BSHAD CING KHYAD PAR DU DPAL LDAN ZLA BAS DE GTZO BOR BSHAD PA'I PHYIR MDO LAS DE LTAR BSHAD PA YIN TE, THEG CHEN RIGS NGES KYIS DRUG PA MAN CHAD 'GOG PA'I TING 'DZIN LA DBANG MA THOB LA BDUN PA 'DIR SKAD CIG LA SNYOMS PAR 'JUG PA'I DBANG THOB PAR BSHAD PA'I PHYIR, KHYAB STE, ,DE 'DRA'I DBANG THOB PA DE RANG GI YUL SHES PAS NYAN RANG ZIL GYIS GNON PA'I GTZO BOR BSHAD PA'I PHYIR TE, DE 'DRA DE NYAN RANG LAS 'DAS PA'I SGO GSUM BSAM LAS 'DAS PA YOD PA'I SGRUB BYED KYI GTZO BO DANG YA MTSAN PA'I GNAS SU BSHAD PA'I PHYIR, ,MDO 'DI NYID LAS, ,BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' NI RANG GI YUL GYI YE SHES LA GNAS PAS NYAN THOS DANG RANG SANGS RGYAS THAMS CAD KYI BYA BA LAS SHIN TU 'DAS SO, ,KYE RGYAL BA'I SRAS BYANG SEMS BYANG CHUB SEMS DPA'I SA BDUN PA 'DI LA GNAS PA'I TSE LUS DANG NGAG DANG YID KYI LAS, ,ZHES PA NAS, ,SEMS KYI SKAD CIG DANG SEMS KYI SKAD CIG LA YANG 'GOG PA LA SNYOMS PAR 'JUG CING LDANG STE, ,'GOG PA MNGON DU BYAS ZHES NI MI BYA'O, ,DES NA BSAM GYIS MI KHYAB PA'I LUS DANG NGAG DANG YID KYI LAS DANG LDAN PA ZHES BYA'O, ,KYE RGYAL BA'I SRAS DE LTAR BYANG CHUB SEMS DPA' YANG DAG PA'I MTHA' LA

090a

, ,GNAS PAS KYANG GNAS LA 'GOG PA YANG MNGON DU MI BYED DO, ZHES GSUNGS PA'I PHYIR, DES NA 'DI'I DNGOS BSTAN GYI BLO DE BZHIN NYID TZAM LA MNGON SUM DU SNYOMS PAR 'JUG PA TZAM MA YIN TE, DE DE BZHIN NYID LA 'GOG PA'I SNYOMS 'JUG CIG LA BYED DGOS LA DE RIG SA NGES KYIS SA DRUG PA BAR DU MA THOB PAR BSHAD PA'I PHYIR TE, DE BZHIN NYID LA MNGON SUM DU MNYAM PAR BZHAG PA MTHONG LA GNAS THOG PA'I PHYIR TE, RNAM BSHAD LAS, 'DI LA DE KHO NA NYID KYI RTOGS PA'I STENG NAS KHYAD PAR BZHAG DGOS PAR SNANG NGO, ZHES GSUNGS PA'I PHYIR, KHYAB STE, 'DI LA ZHES PA BLO YANG LHAG CES PA'I DNGOS BSTAN GYI DON 'DI LA DE NYID RTOGS PA GZHIR BZHAG LA 'GOG PA'I SNYOMS 'JUG TU 'JOG PA'I KHYAD PAR NGES PAR DGOS PAR SNANG ZHES PA'I DON YIN PA'I PHYIR TE, GZHUNG GI 'BREL LA'ANG SA DRUG PAR 'GOG SNYOMS THOB, BDUN PAR 'GOG SNYOMS LA DBANG THOB, SA BRGYAD BAR DE MNGON DU BYA BA'I TSUL GYIS SNYOMS PAR 'JUG PA LA RGYAL BA RNAMS KYIS 'GOG PA LAS SLONG BAR MDZAD PA'I PHYIR TE, RTZA BAR, RGYAL BA RNAMS KYIS 'GOG LAS SLONG BAR MDZAD, CES DANG, RIN CHEN PHRENG BAR, DE BZHIN BRGYAD PA GZHON NU'I SA, ,MI G-YO BA STE MI RTOG PHYIR, ZHES DANG, RNAM BSHAD LAS, SA BRGYAD PAR RNAM PAR MI RTOG PA'I YE SHES LA DBANG BSGYUR THOB NAS, DE TZAM LA MNYAM PAR BZHAG PA NA DE LAS BSLANGS NAS

090b

ZHES GSUNGS PA'I PHYIR, DE BZHIN NYID LA MNGON SUM DU SNYOMS PAR 'JUG PA TZAM SKABS 'DI'I 'GOG BA'I SNYOMS 'JUG MA YIN TE, DE THOB PAS DRUG PA LA MI LTOS LA 'GOG PA LA SNYOMS PAR 'JUG PA SA DRUG PA NAS SA THOB PA DE'I PHYIR, ZHES RNAM DPYOD CAN RNAMS KYIS BSAM PA'I RIGS SO, ,SPROS PAS CHOG GO ,GNYIS PA RNYOMS PAR 'JUG LDANG BYED PA'I SKABS 'GI'I SKAD CIG MA NGOS BZUNG DU YOD DE, DE NYAN RANG DANG SA DRUG PA MAN CHAD KYIS BDEN GNYIS GANG LA'ANG SNYOMS PAR 'JUG LDANG MI THUB PA'I SKAD CIG MA ZHIG LA 'JOG DGOS PA'I PHYIR TE, SA DRUG PA BAS SKAD CIG LA BYE BA 'BUM THOB PA'I TING 'DZIN GCIG LA SNYOMS PAR 'JUG PA'I YUN LA KHRAG KHRIG TU BGOS PA'I CHA GCIG DE LA 'JOG PA'I PHYIR TE, 'DI RNAL 'BYOR BA'I DBANG PHYUG DAG GI THUGS NGOR BRTAGS PA MTHA' BZUNG BYAS PA YIN PHYI SO SKYE LTA CI 'PHAGS PA PHAL CHER GYI YANG SPYOD YUL MA YIN PAR BSHAD PA'I PHYIR TE, DKON MCHOG T'A LA PAS, 'BYUNG PO KUN GYI LUS LA MNYAM BZHAG CING, ,SPU'I SGO GCIG NYID NAS NI RNAM PAR LDANG, ,NAS, RDUL GCIG LA NI MNYAM PAR BZHAG GYUR CING, ,MA LUS RDUL RNAMS KUN LAS RNAM PAR LDANG, ,NAS, YON NYAN BAS NA YAS BSAGS PA DE DAG GI ,TING 'DZIN RNAM THAR DE DAG BSAM MI KHYAB, ,RGYAL BA KUN GYIS BSKAL BA BSAM YAS SU, ,BSHAD PA MDZAD KYANG ZAD PAR MDZAD MI SPYONG, CES GSUNGS PA'I PHYIR, 'O NA, SA DRUG PA'I

091a

, ,YUN TSAD KYI SKAD CIG DE LA TING 'DZIN LA SNYOMS PAR 'JUG LDANG BYED THUB PA'I NYAN RANG YOD DAM ZHE NA, YOD PAR MNGON TE, NYAN THOS LAS RANG SANGS RGYAS TING NGE 'DZIN CHES SHIN TU LHAG CING NYAN THOS 'PHAGS PA MCHOG ZUNG LTA BU LA TING NGE 'DZIN DANG RDZU 'PHRUL DE 'DRA YOD PA'I PHYIR TE, MKHA' LDING GI SHUGS LAS MGYOGS PA'I SHING RTA'I 'KHOR LO 'KHOR BA'I SKAD CIG DE'I YUN LA SBRUL GYIS SKONG BA BDUN THUB PA'I SKOR BA GCIG GI SKAD CIG DE'I YUN LA KUN DGA' BOS CHOS BCU BSHAD CING DON GO BAR BYED THUB, DE'I CHOS GCIG BSHAD PA'I SKAD CIG DE'I YUN LA SH'A RI'I BUS CHOS STONG BSHAD CING DON GO BAR BYED THUG DES CHOS GCIG BSHAD PA'I SKAD CIG GI YUN LA MO'U GAL GYI BUS 'JIG RTEN GYI KHAMS STONG PHRAG BRGYAD KHRI 'DA' NUS, DE'I KHAMS GCIG 'DA' BA'I SKAD CIG DE'I YUN LA RGYAL BAS 'JIG RTEN GYI KHAMS THAMS CAD DU MDZAD PA BCU GNYIS SOGS GSANG GSUM GYI BKOD PA MTHA' YAS STON THUB BAR BSHAD PA'I PHYIR TE, SANGS RGYAS PHAL BO CHE LAS, DE LA MI LA LA ZHIG LCAGS KYI SHING RTA'I 'KHOR LO RTZIBS STONG YOD PA MKHA' LDING GI SHUGS LAS DRAG PA'I RTA MGYOGS PAS, ZHES PA NAS, SBRUL GDUG PAS SHING RTA 'KHOR BA'I SKAD CIG DE LA DGE SLONG KUN DGA' BOS CHOS RNAM PA BCU BSHAD DE, ,DON KYANG GO BAR BYED, SKAD CIG GANG GIS KUN DGA' BOS CHOS RNAM PA GCIG BSHAD PA'I SKAD CIG DE LA DGE SLONG SH'A RI'I BUS

091b

CHOS RNAM PA STONG BSHAD DE, DON KYANG GO BAR BYED, SKAD CIG GANG GIS SH'A RA DVA TI'I BUS CHOS RNAM PA GCIG BSHAD PA'I SKAD CIG DE LA DGE SLONG MO'U GAL BUS 'JIG RTEN GYI KHAMS STONG PHRAG BRGYAD KHRI SHIN TU 'DA', ZHES SOGS GSUNGS PA'I PHYIR, RNAL 'BYOR PA'I YID NGOR BRTAGS PA MTHA' BZUNG GI SKAD CIG DBYE TSUL YANG 'DI DANG YON TAN GYI GRANGS KYI SKABS KYI MDO LAS SHES PAR GYIS, THAL 'GYUR BA'I LUGS 'DI LA'ANG DUS MTHA'I SKAD CIG MDZOD LTAR BSHAD PA GRUB MTHA' GONG 'OG THUN MONG BA YIN TE, ZLA BA'I ZHABS KYIS BZHI BRGYA PA'I 'GREL PA LAS, 'DI LTAR YI GE AA LA SOGS PA'I YIG 'BRU RNAMS CHES SKYEN PAR BRJOD PA NA, YIG 'BRU RE RE ZHING RNAM PA THA DAD PAS DE LA DMIGS PA'I SEMS LA DUS DANG RNAM PA THA DAD PAR RTOGS LA DUS DANG RNAM PA THA DAD PA LAS KYANG SEMS SKAD CIG MA GCIG NYID DU GRUB BO, ,SKAD CIG CES BYA BA NI DUS 'GRIB PA'I MTHAR THUG PAR GYUR PA LA BYA LA; SKYES BU STOBS DANG LDAN PAS SE GOL GTOGS PA TZAM GYIS SKAD CIG DRUG CU RTZA LNGAR 'DA' STE, RNAM PA DE LTA BU'I SKAD CIG GIS RNAM PAR SHES PA SKAD CIG MA YIN NO, ZHES DANG, MDZOD RANG 'GREL LAS KYANG, CHES MNGON PA BA RNAMS NA RE, SKYES BU STOBS DANG LDAN PA'I SE GOL GTOGS PA TZAM GYIS SKAD CIG MA DRUG CU RTZA LNGA 'DA' ZHES ZER RO, ZHES GSUNGS PA'I PHYIR, DUS MTHA'I SKAD CIG DANG, BYA RDZOGS KYI THUNG MTHA'I SKAD CIG MA'I KHYAD PAR

092a

, ,YOD DE, RDUL PHRA RAB GCIG GI GO SA 'PHOS PA DANG BLA 'OG 'GYUR BA DANG SE GOL GTOGS PA'I YUN LA RE LNGAR PHYE BA'I CHA GCIG RNAMS DUS MTHA'I SKAD CIG MA'I TSAD DANG, SE GOL GCIG DANG MIG 'DZUM GCIG DANG AA THUNG BRJOD PA DANG, SO SKYE'I BYA BA THUNG SHOS GCIG RNAMS BYA RDZOGS KYI THUNG MTHAR 'JOG PA'I PHYIR, DANG PO GRUB STE, MDZOD LAS, GZUGS MING DUS MTHA' RDUL YIG DANG, SKAD CIG CES PA'I MDZOD RANG 'GREL LAS, DUS KYI MTHA' NI SKAD CIG MA'O, ZHES DANG, YANG SKAD CIG MA'I TSAD CI TZAM ZHE NA RKYEN RNAMS TSOGS NA JI SRID CHOS KYI BDAG NYID THOB PA'AM, CHOS 'GRO BA NA JI SRID DU RDUL PHRA RAB NAS RDUL PHRA RAB GZHAN DU 'GRO BA YIN NO ZHES DANG, RNAM 'GREL LAS, RDUL GCIG SGRIL DUS CHUNG BA YI, ,MTHAR THUG DUS KYANG SKAD CIG 'DOD, ,CES GSUNGS PA'I PHYIR, THUN MONG MA YIN PA SNGAR BSHAD ZIN, GNYIS PA GRUB STE, RNAM 'GREL LAS, YI GE'I BDAG NYID KUN MTHA' YANG, ,MIG 'DZUM TSAD DUS GNAS PA YIN, ,DE YANG RIL GYIS RDUL PHRA NI, ,DU MA DAG TU 'BREL BAS RDZOGS, ,ZHES DANG, SLOB DPON 'PHAGS PAS, SKAD CIG SE GOL GTOGS PAR BSHAD, ,CES PA LTA BU RNAMS YIN PA'I PHYIR, SKAD CIG THANG CIG YUD TZAM RNAMS KYANG, MDZOD LAS, SKAD CIG MA BRGYA NYI SHU LA, ,DE YI SKAD CIG DE DAG KYANG, ,DRUG CU LA NI THANG CIG GO ,YUD TZAM NYIN ZHAG ZLA GSUM NI, ,GONG NAS GONG DU

092b

SUM CUR 'GYUR, ,GSUNGS PA LTA BU YANG 'DOD DE, 'JUG PA RANG 'GREL LAS, SKAD CIG THANG CIG YUD TZAM ZHES PA'I 'GREL BSHAD LAS, GANG LA CHA'I DBYE BA MI SRID PA DE NI DUS KYI MTHAR THUG PA STE SKAD CIG MA ZHES BYA'O, ,SKAD CIG MA BRGYA NYI SHU NI DE'I SKAD CIG MA'O, ,DE'I SKAD CIG DRUG CU NI THANG CIG GO ,THANG CIG SUM CU NI YUD TZAM GCIG STE, DUS DE TZAM NA SNYOMS PAR 'JUG CING LDANG BA'O, ZHES GSUNGS PA'I PHYIR, SKAD CIG MA LA PHAL BO CHE'I LUNG DE LTAR MANG BAS ZHIB CHA SHES PAR GYIS, GSUM PA SKAD CIG THUNG SHOS DE 'DRA'I YUN LA SA BDUN PAR THABS SHES GANG LA'ANG SNYOMS PAR 'JUG LDANG NUS LAS 'OG MAR MI NUS PA'I RGYU MTSAN YOD DE, THABS SHES KHYAD PAR CAN ZUNG 'BREL BCU LA MNGA' BRNYES PA'I STOBS DANG, TING NGE 'DZIN 'BUM SOGS BSGOM PA'I STOBS DANG, DES ZIN PA'I SNYING RJE'I STOBS KYI DBANG GIS YIN PA'I PHYIR TE, MDO 'DI NYID LAS, DE DAG LA SOGS PA YE SHES DANG MNGON PAR SHIS PA CHEN PO'I TING NGE 'DZIN SA YONGS SU SBYONG BAR BYED PA BRGYA STONG PHRAG BCU TSANG BA LA SNYOMS PAR 'JUG GO ,DE THABS DANG SHES RAB KYIS YONGS SU SBYANGS PA'I TING NGE 'DZIN DE DAG RAB TU THOB NAS SNYING BRTZE BA DANG SNYING RJE'I STOBS KYIS NYAN THOS DANG RANG SANGS RGYAS KYI SA LAS SHIN TU 'DAS PA YIN NO, ,SHES RAB DANG YE SHES KYIS DPYAD PA'I SA MNGON DU GYUR PA YIN NO, ZHES DANG, SA BCU'I 'GREL PA DBYIG GNYEN GYIS MDZAD PA LAS, DE NAS NYAN

093a

, ,THOS DANG RANG SANGS RGYAS KYIS LAS RGYU GNYIS KYIS 'DA' BAR GSAL BAR BYAS TE THABS DANG BSGOM PA'I STOBS DANG SNYING RJE'I STOBS KYIS SO, ZHES GSUNGS PA'I PHYIR, DE YANG YIN TE, DPER NA GSER BZANG PO RIN PO CHE THAMS CAD KYIS SPRAS NA RGYAN GZHAN GYIS MI 'PHROG PA BZHIN DUS BDUN PA'I RGYAL SRAS KYI BYANG PHYOGS SOGS KYI DGE RTZA RNAMS THABS DANG SHES RAB DANG YE SHES KYIS MNGON PAR BSGRUB PAS NYAN RANG GIS MI 'PHROG PA DANG, NYI MA'I 'OD SKAR MA DANG ZLA 'OD KYIS MI 'PHROG LA RLAN SKEM PAR BYED PA BZHIN DU SA BDUN PA'I RGYAL SRAS KYI BYANG PHYOGS SOGS KYI DGE BA NYAN RANG GIS MI 'PHROG CING NYON MONGS KYI RLAN SKEM PAR BYED PA'I PHYIR TE, MDO 'DI NYID LAS, DPER NA GSER GYIS LI SBRAM DE NYID RIN PO CHE THAMS CAD KYIS SPRAS NA, NAS, SA RING DU SONG BA 'DI LA GNAS PA'I BYANG CHUB SEMS DPA' DE'I DGE BA'I RTZA BA THABS DANG SHES RAB DANG; YE SHES KYIS MNGON PAR BSGRUB PA DE DAG KYANG DE BAS CHES SHIN TU RAB TU SBYANGS PA DANG, SHIN TU 'OD GSAL BAR 'GYUR TE NYAN THOS DANG RANG SANGS RGYAS THAMS CAD KYIS MI 'PHROG PAR 'GYUR RO, ZHES SOGS GSUNGS PA'I PHYIR, THABS SHES KHYAD PAR CAN ZUNG 'BREL BCU YOD DE, RNAM THAR SGO GSUM SHIN TU SGOM PA DANG BSOD NAMS KYI TSOGS CHEN PO BSOG PA'I DANG, BDAG MED BSGOM LA TSAD MED BZHI SGRUB PA DANG,

093b

PHYIN DRUG SGRUB LA GANG LA'ANG BDEN ZHEN MED PA DANG, KHAMS GSUM LAS DBEN LA DE'I RGYAN SGRUB PA DANG, NYON MONGS ZHI LA SEMS CAN THAMS CAD KYI NYON MONGS ZHI BAR BYED PA DANG, SGYU MA SOGS LTAR GNYIS SU MED PAR SHES LA LAS DANG BYA BA'I RNAM DBYE TSAD MED PAR SEMS PA DANG, ZHING KHAMS MKHA' LTAR BSGOM LA ZHING GI RGYAN RNAMS SGRUB PA DANG, RGYAL BA'I SKU'I GNAS LUGS BSGOM LA SKU GZUGS MTSAN DPE SGRUB PA DANG, GSUNG RANG BZHIN GYIS ZHI BAR SHES LA YAN LAG DRUG CU SOGS SGRUB PA DANG, RGYAL BAS DUS GSUM MNYAM NYID DU THUGS SU CHUD PAR 'JUG LA SEMS CAN GYI BSAM PA BZHIN THA DAD PAR SHES PA LA 'JAG PA BCU PO DE YIN PA'I PHYIR TE, MDO 'DI NYID LAS, DE THABS DANG SHES RAB KYIS MNGON PAR BSGRUB PA'I LAM GZHAN BRTZAM PA'I KHYAD PAR BCUS GNON TO, ZHES GSUNGS PA'I PHYIR, SPYIR BYANG PHYOGS SOGS LA'ANG DON DAM PA'I RNAM PA CAN YOD CING, KHYAD PAR 'GOG PA YANG DAG MTHA' LA SKAD CIG THUNG SHOS DE 'DRA LA SNYOMS PAR 'JUG LDANG BYED PA THABS SHES KYI PHAR PHYIN GNYIS KA MA LHAG PAR MI THUB STE, SANGS MA RGYAS TSUN CHAD DU YUL DE BZHIN NYID TZAM LA YANG MNGON SUM DU SNYOMS PAR ZHUGS NAS MA LANGS BAR DU LDANG SEMS SKYED THUB PA MI SRID PA'I PHYIR, DER THAL, DE'I BAR DU BDEN GNYIS NGO BO THA DAD DU 'DZIN PA MA SPANG BA'I PHYIR DANG, YUL DANG

094a

, ,YUL CAN RO GCIG TU CHU LA CHU BZHAG PA LTAR SONG BAS MOS SPYOD KYI SKABS LTAR DE BZHIN NYID LA LDANG 'JUG MI THUB PA'I PHYIR TE, SA DRUG PA MAN CHAD DU STONG NYID SGOM PA'I TSE DON SPYI BRGYUD DGOS PAS MNGON DU 'GYUR BA SHIN TU THUNG BAS MI NUS SHING LDANG BA LA THABS SHES KYIS MYUR DU LDANG BA'I 'PHEN GOMS SHUGS CAN MA THOB PAS SHIN TU DKA' BA'I PHYIR TE, RNAM BSHAD LAS, DE YANG YANG DAG PA'I MTHA'I DE KHO NA NYID LA 'JUG LDANG GI SGO NAS YIN NO, ZHES PA NAS, 'JUG LDANG GI TSUL DE SHIN TU DKA' BA'I PHYIR, ZHES GSUNGS, DES NAS BDUN PAR 'GOG PA YANG DAG MTHA' LA SKAD CIG DE 'DRA LA SNYOMS PAR 'JUG PA DANG DE 'DRA GCIG LA LDANG NUS PA'I RGYU MTSAN YOD DE, STONG NYID BSGOM BAR BYA SNYAM PA'I RTZOL BA CHUNG NGU YOD KYANG SGOM BLO LA DON SPYI CAN GYI RTOG PA BRGYUD MI DGOS PAS STONG NYID LA 'JUG PAR SLA ZHING TING 'DZIN MTHA' YAS PA LA YUN THUNG BAR LDANG BAR BSLAB PA LA GOMS SHING, SA DRUG PAR 'GOG PA'I SNYOMS PAR 'JUG LDANG LA GOMS PAR BYAS PAS 'PHEN PA GOMS PA TSAR PHYIN PAS CHU LA CHU ZHUGS PA LTAR SONG YANG MYUR DU LDANG SLA BA YIN PA'I PHYIR TE, SA BCU BA'I MDO 'GREL LAS, MTSAN MA MED PA LA GNAS PA'I SBYOR BA MTHAR THUG PAR SONG BA'I DON DANG, 'JIG RTEN PA DANG DMAN PA'I 'JIG RTEN LAS 'DAS PA'I LAM LAS RING DU SONG BA'I DON GYIS RING DU SONG BA

094b

ZHES BYA'O, ZHES GSUNGS PA'I PHYIR, DE YANG SA DRUG PAR 'GOG PA THOB CING DE LA SNYOMS PAR 'JUG LDANG GOMS PA LA RAG LAS LA DE SHER PHYIN LHAG PAR THOB PA LA RAG LAS SHING, DE BSAM GTAN GYI PHAR PHYIN LHAG PAR THOB PA LA RAG LAS PA SOGS YIN PA'I PHYIR TE, RANG 'GREL LAS, BYANG CHUB SEMS DPA' SA LNGA PAR BSAM GTAN GYI PHAR PHYIN YONGS SU DAG PA THOB PAS SA DRUG BAR MNYAM PAR BZHAG PA'I SEMS LA GNAS SHING, RTEN CING 'BREL BAR 'BYUNG BA ZAB MO'I DE NYID MTHONG BA'I BYANG CHUB SEMS DPA' NI SHES RAB KYI PHA ROL TU PHYIN PA YONGS SU DAG PAS THOB PAR 'GYUR GYI SNGA ROL TU NI MA YIN TE, SHES RAB LHAG PAR GYUR BA MED PA'I PHYIR TE, SBYIN PA LA SOGS PA PHA ROL TU PHYIN PA PHUL DU BYUNG BA DANG LDAN PAS NI 'GOG PA THOB PAR MI NUS SO, ZHES GSUNGS PA'I PHYIR, 'DI RIN CHEN 'PHRENG BA'I DGONGS PA YIN NO, ,'O NA, NYAN RANG LA 'GOG SNYOMS MED PA'AM SNYAM NA DE MA YIN TE, NYAN RANG GI MTHAR GNAS SNYOMS 'JUG DGU YOD PA'I PHYIR, RTAGS SLA, BZHI PA DE 'DRA'I SKAD CIG RING THUNG THUNG MONG BA DANG 'GOG SNYOMS THUN MONG MA YIN PA DANG RNAL 'BYOR PA'I NUS PA'I CHOS SKAD DANG SPYIR BTANG GI SKAD CIG SOGS MA 'DRES DGOS TE, DE DAG 'DRES NA YANG NA GRAGS PA DANG 'GAL BA DANG YANG NA SANGS RGYAS BYANG SEMS KYI MTHU DANG 'GAL PA GANG RUNG YONG PA'I PHYIR TE, DPER NA SPYIR BTANG LA BA SPU GCIG GI KHUNG BUR 'JIG RTEN

095a

, ,GYI KHAMS KUN SHONG BA LTA CI, BSAM NA'ANG MI 'CHAR BA DANG DE LTAR YIN KYANG SANGS RGYAS BYANG SEMS KYIS SPRUL TSE SGYU MA BZHIN DU BA SPU'I BUG CHER MA SONG 'JIG RTEN GYI KHAMS RNAMS CHUNG NGUR MA SONG BAR MNGON SUM LA SNANG RGYU 'ONGS PA LTA BU YIN PA'I PHYIR, 'DI LA SPRO BYA MANG YANG BZHAG GO ,LNGA PA NI SKABS 'DI'I 'GOG PA LA SNYOMS PAR 'JUG TSUL DANG, DE TSOR 'DUR GSAB BKAG TZAM GYI KUN RDZOB YIN NA MA KHYAB SEMS KYI 'GOG PA MNGON DU MI BYA BA'I DON JI LTA BU SNYAM NA, DANG PO DE LA SNYOMS PAR 'JUG TSUL YOD DE, BSAM GTAN GZUGS MED BRGYAD LA SNYOMS PAR 'JUG RJES SU YUL DE BZHIN NYID LA TSOR 'DU DANG SEMS SEMS BYUNG GI SNANG BA BKAG PA'I 'GOG PA LA SNYOMS PAR 'JUG PA'I PHYIR TE, CHOS YANG DAG PAR SDUD PA'I MDO LAS, DE LA BYANG CHUB SEMS DPA' RNAMS KYI MTHAR GYIS GNAS PA'I SNYOMS PAR 'JUG PA DGU GANG ZHE NA, 'DI LA BYANG CHUB SEMS DPA' NI 'DOD PA DAG LAS DPEN PA, ZHES PA NAS, DE RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS TE, 'DU SHES MED 'DU SHES MED MIN SKYE MCHED RDZOGS PAR BYAS NAS GNAS SO, ,DE 'DI SNYAM DU SEMS TE, GANG LA 'DU SHES MED 'DU SHES MED MIN DE LA DGA' BA CI ZHIG YOD SNYAM NAS DE BLO DE LAS GONG DU BSKYOD DO, ,DE BLO DE LAS GONG DU BSKYOD NAS, SKYE BA MED PA DANG, 'GAG PA MED

095b

PA'I CHOS MNGON DU 'GYUR TE, DE CHOS THAMS CAD MA SKYES PA DANG MA 'GAG PAR MTHONG NGO, ,DE CHOS THAMS CAD RANG BZHIN GYIS 'GAG BAR MTHONG NAS YANG MI 'JUG MI LDOG GO ,DE DE'I PHYIR MI SKYE BA'I CHOS LA BZOD PA YONGS SU DAG PA YIN NO, ,DE DE LAS GONG NAS GONG DU LHUN GYIS GRUB PA RGYUN MI 'CHAD PAR 'JUG STE, 'DI DAG NI BYANG CHUB SEMS DPA' RNAMS KYI MTHAR GYIS GNAS PA'I SNYOMS PAR 'JUG PA DGU'O, ZHES DANG, MDO DKON MCHOG SPRIN LAS KYANG, DE 'DOD PA DAG LAS DBEN PA, ZHES PA NAS, DE CI YANG MED PA'I SKYE MCHED LAS YANG DAG PAR 'DAS NAS 'DU SHES MED 'DU SHES MED MIN SKYE MCHED RDZOGS PAR BYAS TE GNAS SO, ,DE'I GONG NA GANG SEMS KYI MTSAN MA MED PA, RGYU BA THAMS CAD 'GAG PA, SGRIB BA THAMS CAD DANG BUL BA 'DI NI 'GOG PA ZHES BYA STE, ZHES GSUNGS PA'I PHYIR, CHOS YANG DAG PAR SDUD PA LAS SNYOMS 'JUG DGU PO STONG NYID KYI RNAM PA CAN DU SGOM TSUL SHIN TU GSAL BAR BSHAD LA, RNAM THAR BRGYAD KYANG BDEN MED KYI RNAM CAN DU BSHAD CING 'GOG PA'I RNAM THAR YANG STONG NYID KYI 'GOG PAR BSHAD DE, CHOS YANG DAG PAR SDUD PA'I MDO LAS, DE LA JI LTAR NA GZUGS CAN GZUGS LA LTA ZHE NA, RTEN CING 'BREL BAR 'BYUNG BA DANG STONG PA DANG G-YO BA MED PAR LTA BA STE, DE LTAR LTA BAS RNAM PAR GROL TE, DE'I PHYIR RNAM PAR THAR PA ZHES BYA'O, ,NAS, DE RNAM PA THAMS CAD DU 'DU SHES

096a

, ,MED 'DU SHES MED MIN SKYE MCHED LAS YANG DAG PAR 'DAS TE, 'DU SHES DANG TSOR BA 'GOG PA RDZOGS PAR BYAS NAS GNAS ZHES BYA BA NI, DE 'DI SNYAM DU SEMS TE, ,'DU SHES NI SMIG SGYU LTA BU, TSOR BA NI CHU'I CHU BUR LTA BU STE, 'DU SHES NYID TSOR BA, TSOR BA NYID 'DU SHES YIN PAS, 'DI LA SHES PA BO MED, ,TSOR BA BO MED DO SNYAM NAS DE LTAR MTHONG BAS RNAM PAR GROL TE, ,DE'I PHYIR RNAM PAR THAR BZHIN BYA STE, 'DI DAG NI RNAM PAR THAR PA BRGYAD DO, ,ZHES GSUNGS PA'I PHYIR, DES NA THAL 'GYUR BA'I LUGS KYI 'GOG SNYOMS NI SRID RTZE LAS KYANG GYEN DU BSKYOD PA'I TING 'DZIN YUL 'GOG PA YANG DAG PA'I MTHA' LA SNYOMS BAR 'JUG PA GCIG DGOS TE, ,SKABS 'DIR MTHAR GNAS KYI 'GOG PA DANG RNAM THAR GYI 'GOG PA LA DE LTAR DGOS PA'I PHYIR, ,SKABS 'DIR DE BZHIN NYID GCIG LA 'GOG PAR 'JOG LA GRUB MTHA' 'OG MA LTAR TSOR 'DU RAGS BA BGAG TZAM GYI DNGOS PO LA 'GOG PAR MI 'JOG BA'I RGYU MTSAN YOD DE, 'GOG PA DE BZHIN NYID KYIS SPROS PA KUN 'GOG CIG SHOS DE LTAR MA YIN PA'I PHYIR TE, ,RANG 'GREL LAS, ,'GOG PA LA SNYOMS PAR 'JUG PA NI YANG DAG PA'I MTHA' LA SNYOMS PAR 'JUG PA YIN PAS, DE BZHIN NYID LA 'GOG PA ZHES BRJOD DO, ,'DIR SPROS PA THAMS CAD 'GAG PAR 'GYUR BA'I PHYIR RO, ,ZHES GSUNGS PA'I PHYIR, KHYAB STE, ,LUNG NGES MDO RNAMS

096b

NAS 'GOG SNYOMS BSHAD PA NI YANG DAG MTHA' LA SNYOMS PAR 'JUG PA GCIG DGOS PAR 'CHAD PA LA, 'GOG PA NAS, YIN PAS YAN CHAD BYUNG, LHAG MAS DE'I RGYU MTSAN BSTAN PA'I PHYIR RO, ,JI SKAD DU CHOS YANG DAG PAR BRJOD PA LAS, ,NAM SDUG BSNGAL DE SNGON GYI MTHA' NAS KYANG MA 'ONGS, ,PHYI MA'I MTHAR YANG MI 'PHO, ,DA LTAR BAL YANG MI GNAS TE, ,THOG MA MED PA CAN YIN LA, ,RANG BZHIN GYIS 'GAG PA, ,RANG BZHIN GYIS STONG PA, RANG BZHIN GYIS DBEN PAR SHES PA 'DI NI 'GOG PA ZHES BYA'O, ,NAS, ,RIGS KYI BU 'GOG PA NI CIR YANG BRJOD PAR BYA BA MA YIN NO, ,ZHES SOGS KYIS KYANG SHES PA'I PHYIR, ,'DIS NI THAL 'GYUNG BAS GYANG 'GOG SNYOMS LA KUN RDZOB PA TSOR 'DU BKAG TZAM GCIG 'DOD SNYAM PA YANG BKAG PA SHES PAR GYIS, ,'DI DANG LHAG MED KYI TSE TSOR 'DU DANG PHUNG BO ZAD PAR GSUNGS PA NI DE BZHIN NYID KYI DOR DGONGS, GZHAN DUN SKUR 'DEBS SU 'GYUR RO, ,'O NA, BYANG SEMS SA BDUN PA BAS 'GOG SNYOMS MNGON DU BYED DAM SNYAM NA, ,DES DE LA MNGON SUM DU SNYOMS PAR 'JUG PA TZAM GYIS MNGON DU BYAS PAR MI 'JOG STE, DE DE LA SNYOMS PAR 'JUG PA RTZAL SBYAR SA TE SHES PA'I CHED DU SNYOMS PAR 'JUG GI, DE LA MNGON PAR DGA' NAS LDANG SEMS MED PA'I TSUL GYIS SNYOMS PAR 'JUG BAS GNAS PA MIN PAS MNGON DU BYAS BAR MI 'JOG PA'I PHYIR TE, ,MDO 'DI NYID LAS, ,'GOG PA LA

097a

, ,SNYOMS BAR 'JUG CING LDANG STE, ,'GOG BA MNGON DU BYAS ZHES NI MI BYAS, ,ZHES DANG, ,MDO DKON MCHOG SPRIN LAS, DE'I GONG NA GANG SEMS KYI MTSAN MA MED PA RGYU BA THAMS CAD 'GAG PA, ,SGRIB PA THAMS CAD DANG BRAL BA 'DI NI 'GOG PA ZHES BYA STE, DE NI SHES PAR BYA'O SNYAM NAS BYANG CHUB SEMS DPA' SNYOMS PAR 'JUG GI, DE LA MNGON PAR DGA' BA'I RTEN GYI GNAS MI SKYED DO, ,ZHES GSUNGS PA'I PHYIR, KHYAB STE, MDO PHYI MAS DGOS PA DANG, ,DE LA MNGON PAR DGA' BA'I ZHES PAS KUN SLONG DANG, ,RTEN GYI GNAS MI SKYED DO, ZHES PAS YUN RING POR MI GNAS PA BSTAN PA'I PHYIR DANG, ,DE BZHIN DU GZUNG RGYAL GYI MDO LAS KYANG, ,DE RNAM PA THAMS CAD DU 'DU SHES MED 'DU SHES MED MIN SKYE MCHED LAS YANG DAG PAR 'DAS TE, ,'DU SHES DANG TSOR BA 'GOG PA'I SNYOMS PAR 'JUG PA LA SNYOMS PAR 'JUG KYANG, ,THABS MKHAS PAS YANG DAG PA'I MTHA' MNGON SUM DU YANG MI BYED LA SNGON GYIS BYIN GYI BRLABS KYIS YANG LANGS NAS SEMS CAN RNAMS KYANG YONGS SU SMIN PAR BYED BA STE, ,ZHES GSUNGS PA'I PHYIR, ,SKABS 'DIR 'GOG PA MNGON DU BYAS NA NYAN RANG GI SAR LTUNG STE, ,MDO LAS, BYANG CHUB SEMS DPA' 'GOG BA MNGON DU MI BYED DE, ,BYANG CHUB SEMS DPA' GANG 'GOG BA MNGON DU BYED PA DE NI NYAN THOS DANG RANG SANGS RGYAS KYI SAR LTUNG NGO, ZHES GSUNGS PA'I PHYIR, 'GOG BA MNGON DU BYED MI BYED KYI GO DON

097b

DANG BSHAD TSUL DU MA YOD DO, ,GZHAN YANG DE BZHIN NYID DANG 'GOG PA MNGON SUM DU MTHONG PA DANG SNYOMS PAR 'JUG PA TZAM GYIS SEMS DES MNGON DU BYAS PAR MI 'JOG STE, SEMS KYIS 'GOG PA MNGON SUM DU RTOGS KYANG 'GOG PA LUS KYIS MNGON DU BYAS PA'I THA SNYAD 'DOGS PA'I PHYIR, DER THAL, DE'I RGYU MTSAN DE'I TSE 'GOG PA DANG DE BZHIN NYID LA YUL YUL CAN GYI SNANG BA'ANG GTAN NAS LOG CING SEMS SEMS BYUNG GI RGYU BA YANG MED PAS SEMS KYIS MNGON DU BYAS PAR MI 'JOG PAR LUS KHO NAS MNGON DU BYAS PAR 'JOG DGOS PA'I PHYIR TE, ,DKON MCHOG SPRIN LAS, ,BCOM LDAN 'DAS GANG SHES RAB KYIS MNGON DU BGYI BDE, ,RANG GI RIG PA KHONG DU CHUD BA NYID MA LAGS SAM; BKA' STZAL BA, ,RIGS KYI BU MA YIN NO, ,DE CI'I PHYIR ZHE NA, ,SHES RAB KYIS NI CHOS RNAMS YANG DAG PA JI LTA BA BZHIN DU MTHONG NGO, ,LUS KYIS NI MNGON DU BYED DO, ,ZHES DANG, ,RANG 'GREL LAS, ,DE LTAR NA YE SHES KYI YUL DE KHO NA NYID LA RNAM PA THAMS CAD DU DE'I YUL CAN SEMS DANG SEMS LAS BYUNG BA RNAMS MI 'JUG PAS SKU KHO NAS MNGON SUM DU MDZAD PAR KUN RDZOB TU RNAM PAR BZHAG GO ,ZHES GSUNGS PA'I PHYIR, KHYAB STE; ,MDO MANG PO LAS 'GOG PA LUS KYIS MNGON DU BYED DO, ,ZHES GSUNGS PA RNAMS KYI DON 'DI PAS BSHAD TSUL YOD PA'I PHYIR, ,LEGS PAR BSHAD DO, ,MDO 'DI DAG BSLAB BTUS DANG RANG 'GREL DU GTZO BOR GSUNGS

098a

, ,PA LTAR 'DIR YANG BKOD PAR BYAS SO, ,GSUM PA RTZOD SPONG LA KHO NA RE, SKAD CIG THANG CIG YUD TZAM LA TING 'DZIN BRGYA SOGS LA SNYOMS PAR 'JUG LDANG BYED PA RIM GYIS BYED PA MI 'THAD PAR THAL, DE DAG CI RIGS KYI YUN LA TING 'DZIN BRGYA SOGS LA SNYOMS 'JUG CIG CAR DU BYED PA'I PHYIR TE, DGONGS 'GREL LAS, SKAD CIG DANG THANG CIG DANG YUD TZAM GCIG LA CIG CAR TING 'DZIN MANG PO LA SNYOMS PAR 'JUG PA ZHES BYANG SEMS GNAS DRUG LA MKHAS PA'I YON TAN BSHAD PA'I SKABS SU GSUNGS PA'I PHYIR NA MA KHYAB STE, DE SKAD CIG GAM THANG CIG DE LTA BU'I YUN LA BYAS PA LA CIG CAR GYI THA SNYAD BTAGS PA TZAM YIN PA'I PHYIR TE, DPER NA MDO DER DBANG MNGON DANG YID MNGON DUS CIG CAR BSHAD PA LTA BU YIN PA'I PHYIR, YANG KHA CIG GIS, DUS MTHA'I SKAD CIG LA RING THUNG YOD PAR THAL, DUS MTHA'I SKAD CIG THUN MONG BA DANG, DE THUN MONG MA YIN PA LA RING THUNG YOD PA'I PHYIR KHA CIG MA KHYAB ZER, 'DOD MI NUS TE, KUN GYI THUNG SHOS GCIG LA DUS MTHA'I SKAD CIG MAR 'JOG DGOS PA'I PHYIR TE, DE'I DON YOD PA'I PHYIR NA MA KHYAB, KHO RANG LA DUS MTHA'I SKAD CIG MA DU MA MED BAR THAL, DE KUN GYI THUNG SHOS LA 'JOG PA'I PHYIR, RTAGS KHAS, KHYAB STE, DE LTAR DPYAD NA KUN GYI THUNG SHOS SHES BYA LA MI SRID PA'I PHYIR, YANG THUN MONG GI DE CHOS CAN, KHYOD LAS THUNG BA MED PAR THAL, KHYOD DUS MTHA'I SKAD CIG MA YIN PA'I

098b

PHYIR NA YANG MA KHYAB, YANG KHO NA RE, RDUL PHRA RAB GCIG GOS 'PHO BA'I YUN LA SKAD CIG SNGA PHYI BYE BA KHRAG KHRIG 'BUM YOD PAR THAL, RNAL 'BYOR PA SA BDUN PA PAS DE'I YUN LA TING 'DZIN SKAD CIG SNGA PHYI DE LTAR THUB PA'I PHYIR NA MA KHYAB, YANG DE'I YUN LA SKAD CIG DE SNYED YOD PAR THAL, RNAL 'BYOR PA SA BDUN BA PAS DE'I YUN LA SKAD CIG SNGA PHYI BYE BA KHRAG KHRIG 'BUM 'JOG PA DANG 'BYED PA GNYIS RE RE NAS THUB PA'I PHYIR NA YANG SHIN TU MA KHYAB, 'O NA, DE'I YUN LA BSKAL CHEN GCIG YOD PAR THAL, SA BDUN PA PAS DE'I YUN LA BSKAL CHEN GCIG 'JOG THUB PA'I PHYIR, KHYAB PA KHAS, RTAGS GRUB STE, SKAD CIG BSKAL PAR DANG, BSKAL PA SKAD CIG TU BYIN GYIS RLOB THUB PA'I PHYIR; RTAGS SLA, GZHAN YANG RDUL PHRA RAB GCIG GI GO SAR 'JIG RTEN KHAMS KYI SNOD BCUD KUN SHONG PAR THAL, SA BCU PA PAS DE LTAR SHONG BAR NUS PA'I PHYIR, KHYAB PA KHAS, RTAGS GRUB CING, 'DOD MI NUS TE, RNAL 'BYOR PAS NUS TSAD KUN 'JIG RTEN GYI THA SNYAD LA PHABS NA THA SNYAD KUN ZHIG 'GRO BA'I PHYIR TE, DPER NA, RNAL 'BYOR LA DBANG THOB PAS SKAD CIG BSKAL BAR BYIN GYIS RLOB PA RGYU MTSAN BYAS NAS BSKAL BA DANG SKAD CIG MA'I YUN MNYAM PAR KHAS LEN MI RUNG BA BZHIN YIN PA'I PHYIR TE, GSER PHRENG LAS, DBANG THOB PA RNAMS KYIS SKAD CIG BSKAL PAR BYIN GYIS RLOB NUS PAS 'GAL BA MED PAR YANG SMRA MI NUS TE, DBANG THOB PA'I RNAM BZHAG BYED NA RNAM BZHAG

099a

, ,THAMS CAD 'JIG PAR 'GYUR BAS SO, ZHES GSUNGS PA'I PHYIR, YANG KHO NA RE, BLO YANG LHAG CES PA'I DNGOS BSTAN DANG, RANG GI BLOS RNAM PAR DPYAD PA'I ZHES PA'I DNGOS BSTAN GTZO BO LA KUN RDZOB RNAM PA CAN GCIG YOD PAR THAL, SA BDUN PA PAS NYAN RANG ZIL GNON GYI BLO LA DE 'DRA BZHAG PA'I PHYIR NAM KHYAB CING, 'DOD MI NUS TE, BSTAN BYA'I PHAL BA LA DE YOD KYANG GTZO BO LA MED SNGAR? BSHAD ZIN PA'I PHYIR TE, SKAL BZANG MIG 'BYED LAS SA BCU PA'I MDO LAS RANG GI YUL SHES PA'I CHE BA LA GNAS PAS ZHES GSUNGS PA'I DON YANG BYANG SEMS RANG GI YUL 'GOG PA YANG DAG PA'I MTHA' SHES PA'I CHE BA'O, ZHES GSUNGS PA'I PHYIR, YANG KHO NA RE, TSOR 'DU BKAG PA'I 'GOG SNYOMS 'GOG SNYOMS MA YIN PAR THAL, GRUB MTHA' 'OG MAS 'DOD PA'I TSOR 'DU BKAG PA'I 'GOG SNYOMS LDAN MIN DE 'GOG SNYOMS MA YIN PA'I PHYIR NA GTAN NAS MA KHYAB, 'DOD MI NUS TE, STONG NYID LA DMIGS PA'I TSOR 'DU 'GOG PA'I 'GOG SNYOMS KYI MING DON GNYIS KA GZUNGS RGYAL GYI MDO SOGS KYIS BSHAD ZIN PA'I PHYIR, ` GSUM PA LA SA BCU PA'I MDO LA BRTEN NAS NYAN RANG LA CHOS THAMS CAD RANG BZHIN MED PAR RTOGS PA YOD PAR BSTAN PA DANG, DE SGRUB PA'I MDO BSTAN BCOS KYI KHUNGS BSTAN PA DANG, DE LA RTZOD PA SPANGS PA GSUM LAS, DANG PO NI, RANG 'GREL LAS, LUNG 'DI LAS NI

099b

NYAN THOS DANG RANG SANGS RGYAS THAMS CAD LA YANG CHOS THAMS CAD RANG BZHIN MED PAR SHES PA YANG YOD DO ZHES BYA BAR GSAL BAR NGES TE, ZHES PA NAS, PHUNG PO LA DMIGS PA'I PHYIR RO, ZHES BYUNG, GNYIS PA NI, RANG 'GREL LAS, JI SKAD DU RIN PO CHE'I PHRENG BA LAS, JI SRID PHUNG PO 'DZIN YOD PA, ZHES PA NAS, MED PA GNYIS KA DGAG PA MDZAD, CES GSUNGS SO, ,GSUM PA NI, RANG 'GREL LAS, GANG ZHIG GAL TE NYAN THOS KYI THEG PA LAS KYANG CHOS LA BDAG MED PA BSTAN NA DE'I TSE THEG PA CHEN PO BSTAN PA DON MED PAR 'GYUR RO SNYAM DU SEMS PA, ZHES PA NAS, ZHAR LA 'ONGS PAS CHOG GO ZHES BYUNG, 'DI RNAMS LA SPYI DON DANG MTHA' DPYAD PA GNYIS, DANG PO NI; RGYAL SRAS MA ZAD NYAN RANG RNAMS LA YANG CHOS THAMS CAD RANG BZHIN MED PAR RTOGS PA YOD DE, SA BCU PA'I MDO LAS SA BDUN PA MAN CHAD DU NYAN RANG BLO STOBS KYI ZIL GYIS MI GNON BAR BSHAD PA'I PHYIR, KHYAB STE; NYAN RANG LA DE LTAR RTOGS PA MED LA BYANG SEMS LA DE LTAR YOD NA DES DE ZIL GYIS MNAN PAR 'JOG DGOS PA'I PHYIR TE, DPER NA THEG CHEN SEMS BSKYED MED PAS RGYAL SRAS SO SKYES KYIS KYANG DE ZIL GYIS MNAN BAR BSHAD PA DANG, DE LA LHAG BSAM DANG GZHAN DON KHUR 'KHYER BA'I SNYING RJE MED PAS SA DANG PO NAS ZIL GYIS MNAN PAR BSHAD PA BZHIN NO, ,JI SKAD DU, RANG 'GREL LAS, LUNG 'DIS NI NAS, GSAL BAR NGES TE, ZHES DANG, RNAM

100a

, ,BSHAD LAS, SA BCU PA LAS SA DRUG PA MAN CHAD DU NAS, NGES TE, ZHES GSUNGS PA'I PHYIR, TSUL DE LAS BZLOG NAS SMRA MI RIGS TE, DE LTAR SMRAS NAS DANG PO PAS KYANG RTOGS PA'I ZIL GYIS GNON PAR THAL BA DANG, DE GNYIS KYIS NYON MONGS KUN MA SPANGS PAR THAL BA DANG, DE GNYIS KYIS GANG ZAG GI BDAG MED MTSAN NYID PA MA RTOGS PAR THAL BA'I RIGS PA GSUM LUNG BDUN NAM DGU DANG 'GAL BA'I SKYON RNAMS YONGS PA'I PHYIR TE, RANG 'GREL LAS, DE LTAR MA YIN NA, ZHES BYUNG, 'DIR RIGS PA GSUM DANG SHES BYED KYI MDO BSTAN CHOS RNAMS SBYAR NAS BSHAD NA, SKYON DANG PO NI, 'O NA, NYAN RANG DGRA BCOM DE DAG GIS KHAMS GSUM LA CHAGS PA DANG BRAL BA DE PHUNG KHAMS SKYE MCHED RANG BZHIN MED PAR SHES TE BSGOM PA'I DBANG GIS MA YIN PAR THAL, DE DAG GIS PHUNG SOGS RANG BZHIN MED PAR MA RTOGS PA DE'I PHYIR, 'DOD NA, DE PHYI BA'I DRANG SRONG LTAR KHAMS GSUM LA CHAGS PA DANG BRAL YANG 'KHOR RTZA'I GNYEN PO MED PAR THAL, DES PHUNG PO DANG BDAG RANG BZHIN MED PAR MA RTOGS PA'I PHYIR DANG, PHUNG PO BDEN 'DZIN 'KHOR RTZA YIN PA'I PHYIR DANG, PHUNG SOGS BDEN PAS KHYAD PAR DU BYAS NAS MI RTAG SDUG BSNGAL STONG BDAG MED SGOM PA NI THAR PA LA MI PHAN PA'I LOG LAM YIN PA'I PHYIR TE, RIN CHEN PHRENG BA LAS, JI SRID PHUNG PO 'DZIN YOD PA, ,DE SRID DE LA NGAR 'DZIN YOD, ,DAR 'DZIN YOD

100b

NA YANG LAS TA, ,DE LAS YANG NI SKYE BA YIN, ZHES GSUNGS, LHAG BSAM BRTAN PAS ZHUS PA LAS, RIGS KYI BU 'DI LTA STE, DPER NA MI LA LA ZHIG GIS SGYU MA MKHAN GYI ROL MO BYUNG PA'I TSE, SGYU MA MKHAN GYIS SPRUL PA'I BUD MED MTHONG NAS 'DOD CHAGS KYI SEMS SKYED DE, DE 'DOD CHAGS KYIS DKRIS NAS 'KHOR GYIS 'JIGS SHING BAG TSA STE, STAN LAS LANGS NAS SONG STE, DE SONG NAS BUD MED DE NYID LA MI SDUG PAR YID LA BYED CING, MI RTAG PA DANG SDUG BSNGAL BA DANG STONG PA DANG BDAG MED PAR YID LA BYED NA, ZHES PA NAS, MI DE'I MNGON PAR BRTZON PA DE NI LOG PA LAGS SO, ,BCOM LDAN 'DAS KYIS BKA' STZAL PA, RIGS KYI BU 'DI NA DGE SLONG DANG DGE SLONG MA DANG, DGE BSNYEN DANG DGE BSNYEN MA KHA CIG MA SKYES MA BYUNG PA'I CHOS LA MI SDUG PAR YID LA BYED CING, MI RTAG PA DANG SDUG BSNGAL BA DANG STONG PA DANG BDAG MED PAR YID LA BYED PA DE DAG KYANG DE DANG 'DRA PAR BLTA BAR BYA'O, ,NGA NI MI BLUN PO DE DAG LA LAM SGOM PA YIN NO ZHES MI SMRA STE, DE DAG NI LOG PAR ZHUGS PA ZHES BYA'O, ZHES SOGS GSUNGS PA'I PHYIR DANG, RNAM BSHAD LAS KYANG, SGYU MA'I BUD MED LA BUD MED DNGOS SU BZUNG NAS DE LA MI RTAG PA SOGS SU YID LA BYED PA DANG, PHUNG PO BDEN PAR BZUNG NAS PHUNG PO LA MI RTAG PA SOGS LNGAR YID LA BYED PA GNYIS DPE DON DU SBYAR LA BDEN PA'I PHUNG PO LA DMIGS NAS MI RTAG PA SOGS YID LA BYED PA GCIG KYANG YOD LA, DE NI ZHEN YUL LA 'KHRUL

101a

, ,PA'I LOG SHES RKYANG PA YIN PAS, ZHES GSUNGS PA'I PHYIR, 'DOD NA, SA DANG PO PAS KYANG DON DAM SEMS BSKYED SGO NAS NYAN RANG DGRA BCOM PA DAG ZIL GYIS GNON PAR THAL, 'DOD PA DE'I PHYIR TE, RANG 'GREL LAS, DNGOS PO RANG BZHIN MED PAR YONGS SU SHES PA DANG BRAL BA'I PHYIR, 'JIG RTEN PA'I 'DOD CHAGS DANG BRAL BA LTAR DE DAG KYANG SEMS DANG PO BSKYED PA'I BYANG CHUB SEMS DPAS KYANG RANG GI BLOS RNAM PAR DPYAD PAS KYANG ZIL GYIS GNON PAR 'GYUR LA, ZHES GSUNGS PA'I PHYIR DANG, RNAM BSHAD LAS KYANG, DE GNYIS LA SHES RAB DE MED NA, NAS, PHYIR RO, ZHES SO, ,'DOD NAS BCU PAS BSAL LO, ,RIGS PA GNYIS PA NI NYAN RANG DGRA BCOM CHOS CAN, KHAMS GSUM GYI PHRA RGYAS MA SPANGS PAR THAL, STONG NYID MNGON SUM DU RTOGS PA'I YE SHES GOMS PA MED PA'I PHYIR, DPER NA PHYI ROL PA'I DRANG SRONG BZHIN, RANG 'GREL LAS, PHYI ROL PA BZHIN DU KHAMS GSUM NA SPYOD PA'I PHRA RGYAS THAMS CAD SPANGS PAR YANG MI 'GYUR RO, ZHES DANG, RNAM BSHAD LAS, PHYI ROL MU STEGS BYED BZHIN DU, NAS, STONG NYID LEGS PAR RTOGS NAS GOMS PA MED NA NYON MONGS KYI SA BON ZAD PAR BYED MI NUS, 'JIG RTEN PA'I LAM ZHI RAGS KYI RNAM PA CAN DANG 'DRA BAR BSTAN TO, ZHES GSUNGS PA'I PHYIR, DON 'DI NI THEG PA CHE CHUNG GI MDO DU MA'I DGONGS PA YIN TE, LHAG BSAM BRTAN PAS ZHUS PA LAS, DPER

101b

NA MI LA LA ZHIG GNYID LOG PA'I RMI LAM DU BDAG GI KHYIM DU RGYAL PO'I BTZUN MO 'ONGS PA DE DANG LHAN CIG NYAL BAR BYED DE, ZHES PA NAS, RIGS KYI BU 'DI NA DGE SLONG DANG DGE SLONG MA DANG DGE BSNYEN DANG, DGE BSNYEN MA KHA CIG 'DOD CHAGS MED PAR 'DOD CHAGS KYI 'DU SHES BSKYED NAS 'DOD CHAGS KYIS 'JIGS SKRAG STE, 'DOD CHAGS LAS NGES PAR 'BYUNG BA YONGS SU TSOL PA DANG, DE BZHIN DU ZHE SDANG MED PA LA ZHE SDANG GI 'DU SHES BSKYED, GTI MUG MED PAR GTI MUG GI 'DU SHES BSKYED PAS GTI MUG GIS 'JIGS SKRAG STE, GTI MUG LAS NGES PAR 'BYUNG BA YONGS SU TSOL BA YANG DE DANG 'DRA BAR BLTA BAR BYA STE, NGA NI MI BLUN PO DE DAG LA LAM BSGOM PA YIN NO, ZHES MI SMRA STE, DE DAG NI LOG PAR ZHUGS PA ZHES BYA'O, ZHES DANG, BSAM GTAN DPE MKHYUD KYI MDO LAS KYANG, 'JAM DPAL 'PHAGS PA'I BDEN PA RNAMS YANG DAG PA JI LTA BA BZHIN MA MTHONG BAS SEMS CAN PHYIN CI LOG BZHIS SEMS PHYIN CI LOG TU GYUR BA RNAMS 'KHOR BA YANG DAG PA MA YIN PA 'DI LAS 'DA' BAR MI 'GYUR RO, ZHES THEG CHEN GYI MDO DU MA DANG, LUNG PHRAN TSEGS KYI KA TA YAN LA GDAMS PA LAS, KA TA YAN GANG GI PHYIR 'JIG RTEN 'DI NI PHAL CHER YOD PA NYID DANG MED PA NYID LA MNGON PAR ZHEN TE, DES NA SKYE BA DANG RGA BA DANG NA BA DANG 'CHI BA DANG MYA NGAN DANG SMRE SNGAGS 'DON PA DANG, SDUG BSNGAL BA DANG YID MI BDE BA DANG, 'KHRUG PA DAG LAS YONGS SU GROL BAR MI 'GYUR, 'GRO BA LA'I

102a

, ,'KHOR BA LAS GROL BAR MI 'GYUR, 'CHI BA'I SDUG BSNGAL LAS GROL BAR MI 'GYUR, ZHES GSUNGS PA LTA BU'I THEG DMAN GYI MDO DU MAS GRUB PA'I PHYIR, RIGS PA GSUM PA NI, NYAN RANG DGRA BCOM CHOS CAN, GANG ZAG GI BDAG MED MTSAN NYID TSANG BA MA RTOGS PAR THAL, GZUGS LA SOGS PA'I PHUNG PO LA BDEN PAR DMIGS PA'I BLO PHYIN CI LOG GI ZHEN YUL SUN CUNG ZAD KYANG MA PHYUNG BA'I PHYIR, RTAGS KHAS, KHYAB STE, BDAG PHUNG PO LAS YAN GAR BA MED CING BDAG DANG GANG ZAG GI GDAGS GZHI PHUNG PO LA BDEN 'DZIN GYI ZHEN PA SUN CUNG ZAD KYANG MA PHYUNG BA'I PHYIR, RANG 'GREL LAS, GZUGS LA SOGS PA'I RANG GI NGO BO LA DMIGS PAS PHYIN CI LOG TU GYUR PA'I PHYIR, GANG ZAG GI BDAG MED PA RTOGS PAR YANG MI 'GYUR TE, BDAG TU GDAGS PA'I RGYU PHUNG PO LA DMIGS PA'I PHYIR RO, ,JI SKAD DU RIN PO CHE'I PHRENG BA LAS, JI SRID PHUNG PO 'DZIN YOD PA, ,DE SRID DE LA PAR 'DZIN YOD, CES GSUNGS PA'I PHYIR DANG, RNAM BSHAD LAS, DE KHO NA NYID RTOGS PA DANG BRAL NA, NAS, YUL SUN PHYUNG BA MED PA'I PHYIR RO, ZHES SO, ,'DI NI BDAG MED GNYIS LA PHRA RAGS MED LA STONG GZHIS 'JOG PA'I RGYU MTSAN GYIS YIN CING, MDO DU MA'I DGONGS PA YIN TE, BSAM GTAN DPE MKHYUD KYI MDO LAS, BCOM LDAN 'DAS GANG LA NYE BAR DMIGS PAS SEMS CAN RNAMS 'KHOR BA LAS 'DA' BAR MI 'GYUR

102b

BA BSTAN DU GSOL, BCOM LDAN 'DAS KYIS BKA' STZAL PA, 'JAM DPAL BDAG DANG BDAG GI BAR DMIGS PAS SEMS CAN RNAMS 'KHOR BA LAS MI 'DA'O, ,DE CI'I PHYIR ZHE NA, 'JAM DPAL BDAG DANG GZHAN DU YANG DAG PAR MTHONG BA GANG YIN PA DE NI LAS MNGON PAR 'DU BYED PAR 'GYUR RO, ,'JAM DPAL BYIS PA SO SO SKYE PO THOS PA DANG MI LDAN PA DE NI CHOS THAMS CAD SHIN TU MYA NGAN LAS 'DAS PAR MI SHES PAS BDAG DANG GZHAN DU DMIGS PAR BYED DO, ZHES SOGS GSUNGS PA'I PHYIR, KHYAB STE, BDAG GI PA LA PHUNG PO YANG YOD LA, YANG DAG PAR MTHONG PA ZHES PAS BDEN PAR BZUNG BA BSTAN LA, CHOS THAMS CAD SHIN TU MYA NGAN LAS 'DAS PAR MI SHES PA ZHES PAS CHOS THAMS CAD BDEN GRUB KYI MYA NGAN LAS SHIN TU 'DAS PA MI SHES PAR BSTAN PA'I PHYIR RO, ,'DI 'DRA'I MDO MANG PO, ,DE LA DOGS PA DANG, LAN GNYIS LAS, DANG PO YOD DE, GZHUNG LUGS RAB 'BYAMS LA BLO KHA PHYOGS PA'I DPYOD LDAN NA RE, ZLA BA'I ZHABS KYIS RANG BZHIN MED PA'I STONG NYID MA RTOGS NA KHAMS GSUM GYI PHRA RGYAS SPONG MI NUS GSUNGS PA MI 'THAD PAR THAL, GANG ZAG RANG SKYA THUB PA'I RDZAS YOD KYIS STONG PA DANG, MNGON PA GONG 'OG NAS BSHAD PA'I MI RTAG SOGS BCU DRUG RTOGS NAS GOMS PAR BYED PA 'ONG BA GANG ZHIG, DE YUN RING BAR GOMS NA MNGON SUM DU RTOGS PA YANG 'ONG, DE LTAR NA MTHONG SGOM GYI LAM GRUB PAS PHRA RGYAS KAN BTAGS DANG LHAN SKYES SPONG THUB

103a

, ,PA'ANG 'GRUB PA'I PHYIR, DANG PO GRUB STE, MNGON PA GONG 'OG DANG DE DAG GI BSHAD GZHI'I 'KHOR LO DANG PO'I CHED DU BYA BA'I GDUL BYA YOD PA'I PHYIR, RTAGS GRUB CING, KHYAB STE, DE DAG NYAMS SU LEN MKHAN MED NA GSUNGS PA DGOS PA MED PA'I PHYIR, DE SKAD DU RNAM BSHAD LAS, GAL TE GANG ZAG RANG SKYA ZHES PA NAS, DE'I GDUL BYA'I GTZO BO RNAMS KYIS DE LA SHIN TU GOMS PAR BYED PA YANG 'ONG NGO, ZHES SO, ,RTZA RTAGS GNYIS PA GRUB STE, DE LTAR 'ONG BA RNAL 'BYOR MNGON SUM SGRUB PA'I RIGS PAS 'GRUB PA'I PHYIR, DER THAL, RTOGS ZIN GOMS BYED KYI YAN LAG DANG MA BRAL NA SHES PA DE YUL DE LA GSAL SNANG 'ONG BA CHOS NYID YIN PA'I PHYIR, DER THAL; RTEN BRTAN PA GOMS ZIN 'BAD RTZOL SKYAR MA LA MI LTOS PA'I SEMS KYI YON TAN GYI RTAGS KYIS GRUB PA'I PHYIR, JI SKAD DU RNAM BSHAD LAS, DE BYAS NA GANG ZAG GI BDAG MED DE MNGON SUM DU RTOGS PA 'ONG BA NI RNAL 'BYOR MNGON SUM SGRUB PA'I RIGS PA RNAMS KYIS GRUB PO, ZHES SO, ,RTZA RTAGS GSUM PA GRUB STE, DE MNGON SUM DU MTHONG MA THAG PA MTHONG LAM DANG DES KUN BTAGS SPONG, DE MNGON SUM MTHONG ZIN GOMS PA SGOM LAM DANG DES LHAN SKYES SPONG BA 'GRUB PAS PHRA RGYAS THAMS CAD SA BON DANG BCAS PA SPONG NUS PA'I PHYIR, DER THAL, CHOS MNGON PA GNYIS SOGS KYIS BSHAD TSUL DON YOD PA'I PHYIR NA 'DI KHO NAR MA KHYAB STE, RANG SKYA THUB PA'I BDAG

103b

MED DANG DE 'DRA'I MI RTAG SOGS MNGON SUM DU RTOGS PA'I BLO DE RNAL 'BYOR MNGON SUM YIN KYANG 'PHAGS LAM MA YIN PAS MTHONG SGOM GANG YANG MA YIN LA DES NA PHRA RGYAS RAGS PA GNYIS MNGON GYUR BA TZAM SPONG YANG DE'I SA BON SPANGS MI NUS PA'I PHYIR, RNAM BSHAD LAS, DE LTA NA DE RTOGS PA'I MTHONG LAM GYIS, ZHES PA NAS, NYON MONGS THAMS CAD ZAD PAR NUS SO ZHE NA ZHES PA YAN CHAD KYIS RTAGS ZUR GSUM PA BSHAD NAS, DE LA MA KHYAB CING DE 'PHAGS LAM MIN TSUL SOGS 'CHAD PA LA, RNAM BSHAD LAS, 'DI LA BSHAD PAR BYA STE, ZHES PA NAS, DE'I PHYIR MTHONG SPANG DANG SGOM SPANG GANG GI YANG SA BON SPONG MI NUS PAS ZHES GSUNGS PA'I PHYIR, DES NA DE 'DRA'I LAM MTHONG SGOM GYI LAM DU BSHAD PA DANG, LAM DE 'DRA RKYANG BAS DGRA BCOM THOB PAR BSHAD PA SKABS 'DIR SGRA JI BZHIN PAR MI 'DOD PA'I LUGS DANG DE DRANG DON DU 'GREL RIGS TE, LAM DE 'DRAS MTHONG SPANG SGOM SPANG GANG YANG SA BON DANG BCAS PA SPONG MI NUS PA'I PHYIR, DPER NA SEMS TZAM PAS BSHAD PA LTAR GNYIS STONG RTOGS PA'I RNAL 'BYOR MNGON SUM 'ONG YANG DE 'DRAS NYON MONGS SPONG BA DE'I STENG NAS SA BCU DANG LAM PHYI MA MTHONG SGOM MI SLOB LAM GSUM BGROD PA DBU MA PAS DRANG DON DU 'GREL PA BZHIN, RNAM BSHAD LAS, LAM DE MTHONG LAM DANG NAS, BZHIN NO, ZHES SO, ,DE LTAR BSHAD PA DRANG DON DU 'GREL YANG RIGS LA DRANG DON DU

104a

, ,'GREL PA'I LUGS KYANG YIN TE, DE 'DRA'I BDAG MED DANG MI RTAG SOGS NI 'JIG LTA LHOD PAR BYED PA'I LAM TZAM YIN GYI DE'I SA BON SPONG PA'I LAM MA YIN PAR SLOB DPON 'PHAGS PA KLU SGRUB KYANG BZHED, AARYA DE BA YANG BZHED, SLOB DPON ZLA GRAGS KYANG BZHED, ZHI BA LHA YANG BZHED PA'I PHYIR, RTAGS DANG PO GRUB STE, RIN PHRENG LAS, KHA CIG LA NI SDIG PA LAS, ,RNAM PAR ZLOG PHYIR CHOS STON NO, ,KHA CIG BSOD NAMS 'GRUB PA'I PHYIR, ,KHA CIG LA NI GNYIS BRTEN PA, ,KHA CIG LA NI GNYIS MI RTEN, ,ZAB MO KHU 'PHRIGS CAN 'JIGS PA, ,STONG NYID SNYING RJE'I SNYING PO CAN, ,BYANG CHUB SGRUB PA KHA CIG LA'O, ZHES GSUNGS PA'I PHYIR DANG, BYANG CHUB SEMS 'GREL DANG, GZUNGS RGYAL GYI MDO LAS, DE BZHIN DU DE BZHIN GSHEGS BAS YONGS SU MA DAG PA'I SEMS CAN GYI KHAMS RIG NAS MI RTAG PA DANG, SDUG BSNGAL BA DANG, BDAG MED PA DANG, MI SDUG PA YID 'BYUNG BAR 'GYUR BA'I GTAM ZHES SOGS KYIS, DE RJES SU RNAM THAR SGO GSUM DANG, DE RJES SU PHYIR MI LDOG PA'I 'KHOR LO'I GTAM 'KHOR GSUM YONGS DAG GIS BKRI TSUL GSUM BSHAD PA'I PHYIR, GNYIS PA GRUB STE, BZHI BRGYA PA LAS; BSOD NAMS MIN PA DANG POR BZLOG ,BAR DU BDAG NI BZLOG PA DANG, ,THA MAR LTA ZHIG KUN BZLOG PA, ZHES GSUNGS PA'I PHYIR, KHYAB STE, BAR DU BDAG ZLOG PA RIGS PA'I BDAG MED YIN PA'I PHYIR, GSUM PA GRUB

104b

TE; TSIG GSAL LAS, GANG DAG DGE BA'I LAS BYED CING MI DGE BA LAS LOG PA BDAG YANG DAG PAR LTA BA MKHREGS PA BYA SRAD BU SHIN TU RING BAS BRTOD PA LTAR SHIN TU RING POR PHYIN YANG KHAMS GSUM LAS SHIN TU 'DAS NAS MYA NGAN LAS 'DAS PA'I GRONG KHYER ZHI BAR 'GRO BAR MI NUS PA GDUL BYA BAR MA DE DAG 'JIG TSOGS LA LTA BAR MNGON PAR ZHEN PA LHOD PAR BYA BA'I PHYIR DANG, MYA NGAN LAS 'DAS PA LA 'DUN PA BSKYED PAR BYA BA'I PHYIR NI, SANGS RGYAS BCOM LDAN 'DAS RNAMS KYIS BDAG MED CES KYANG BSTAN PAR 'GYUR RO, ZHES GSUNGS PA'I PHYIR, KHYAB STE, BDAG YANG DAG PAR LTA BA MKHREGS PA ZHES PAS BDEN 'DZIN GYI 'JIG LTA SRA BAR BSTAN, BYA NAS RING POR PHYIN YANG ZHES PAS MNGON PA'I DGRA BCOM LTA BU BSTAN CING, MYANGS 'DAS SU RE ZHIG 'GRO BAR MI NUS PA LA BDAG MED RAGS PA DE 'JIG LTA LHOD PAR BYA BA'I CHED DU BSTAN PAR KHAMS GSUM LAS MAN CHAD KYIS BSHAD PA'I PHYIR, RNAM BSHAD LAS, KHUNGS MANG MOD KYANG TSIG MANG DOGS NAS MA BRIS SO, ZHES GSUNGS PA'I PHYIR, BZHI PA GRUB STE, BDEN BZHI'I KHYAD CHOS MNGON PA'I MI RTAG SOG BSGOM PAS NYON MONGS SPONG THUB PAS NA THEG CHEN GYI BDEN GRUB KYIS STONG PAS CI BYA BRTZAD PA'I LAN GYIS SHES PA'I PHYIR TE, DE'I LAN DU BDEN GRUB KYI DNGOS POR LTA BA'I MTSAN MA'I 'DU SHES CAN LA THAR PA MED PAR LUNG YUM GSUM LAS BSHAD PA'I PHYIR TE, SPYOD 'JUG LAS, BDEN PA MTHONG BAS GROL 'GYUR GYI, ,STONG NYID MTHONG

105a

, ,BAS CI ZHIG BYA, ZHES PA'I LAN DU, GANG PHYIR LUNG LAS LAM 'DI NI, ,MED PAR BYANG CHUB MED PAR GSUNGS, ZHES SO, ,JI SKAD DU YUM LAS, GZUGS LA SPYOD NA MTSAN MA LA SPYOD KYI SHER PHYIN LA SPYOD PA MA YIN PAR GSUNGS PA DANG, NYAN THOS KYIS LA SLOB PAR 'DOD PAS KYANG SHER PHYIN LA BSLAB PAR BYA'O, ZHES DANG, MDO SDUD PA LAS, GANG DAG BDE GSHEGS NYAN THOS 'GYUR BAR BYA SNYAM DANG, ,RANG SANGS RGYAS DANG DE BZHIN CHOS RGYAL 'GYUR 'DOD PA, ,BZOD PA 'DI LA MA BRTEN THOB PAR MI NUS TE, ,DPER NA PHA ROL TSU ROL 'GRO DGOS MI MTHONG BZHIN, ZHES SO, ,MNGON PA NAS BSHAD PA'I MI RTAG SOGS BCU DRUG GIS NYON MONGS THAMS CAD SPONG MI NUS PAR THAL, DER BSHAD PA'I NYON MONGS MNGON GYUR PA DE TZAM SPANGS PAS NYON MONGS THAMS CAD LAS GROL NA MNGON PA NAS BSHAD PA'I RDO RJE LTA BU'I TING NGE 'DZIN DE'I DE MA THAG TU DUG GSUM GYI ZAG PA KUN ZAD PAR 'GYUR BA'I PHYIR, DER THAL, MNGON PA NAS BSHAD PA'I MI RTAG SOGS BCU DRUG MNGON SUM DU MTHONG ZIN GOMS PAS NYON MONGS THAMS CAD SPONG THUB PA'I PHYIR, RTAGS KHAS, DE SKAD DU SPYOD 'JUG LAS, NYON MONGS SPANGS PAS GROL NA DE'I, ,DE MA THAG TU DER 'GYUR RO, ZHES GSUNGS PA'I PHYIR, 'DOD MI NUS TE, DUS RE ZHIG DE 'DRA'I DGRA BCOM LA BDAG 'DZIN RAGS PA DANG DES DRANGS PA'I CHAGS SDANG SOGS KYI NYON MONGS RAGS PA

105b

MNGON GYUR PA 'GAG PAS MED KYANG LAS KYI NUS PAS DMYAL BA SOGS SU SKYE BA LEN PA TSAD MAS MTHONG BA'I PHYIR, DER THAL, DE 'DRA'I BDAG 'DZIN DANG CHAGS SOGS MED PAS BDAG GIS DGRA BCOM THOB SNYAM PA LAS 'CHI GA SKYE BA LEN PAR MTHONG NAS STONG NYID ZAB MO DANG SANGS RGYAS LA YID MI CHES PA'I SOM NYI LAS DMYAL BAR SKYE BA'I PHYIR, 'PHAGS PA BSAM GTAN DPE MA KHYUD LAS, DE GCIG PU DBEN PAR SONG NAS CHOS DE DAG YID LA BYED PA NA ZHI GNAS THOB PAR 'GYUR RO ZHES PA NAS, DE 'DI SNYAM DU BDAG SDUG BSNGAL THAMS CAD LAS GROL BAR GYUR TE, YANG PHYIS BYA BA CI YANG MED CING BDAG NI DGRA BCOM PAR GYUR TO, ZHES BYA BAR BDAG NYID SHES SO, ,DE 'CHI BA'I TSE BDAG NYID SKYE BAR MTHONG NAS DE SANGS RGYAS KYI BYANG CHUB LA THE TSOM DANG SOM NYIR 'GYUR RO, ,DE SOM NYIR LHUNG STE 'CHI BA'I DUS BYAS NAS DMYAL BA CHEN PO DAG TU LTUNG BAR 'GYUR RO, ,DE CI'I PHYIR ZHE NA, JI LTAR SKYE BA MED PA'I CHOS RNAMS LA BRDEG NAS DE BZHIN GSHEGS PA LA SOM NYI DANG YID GNYIS SKYED PAR BYED PA'I PHYIR RO, ZHES GSUNGS PA'I PHYIR, JI SKAD DU SPYOD 'JUG LAS, NYON MONGS MED KYANG DE DAG LA, ,LAS KYI NUS PA MTHONG PA YIN, ZHES SO, DES NA DES MNGON PA NAS BSHAD PA'I NYON MONGS KYI SA BON SPANGS PA MA YIN PAR THAL, DES DE MNGON GYUR PA TZAM 'GAG PAR BYAS KYANG SLAR SKYE BA'I PHYIR, DER THAL, STONG NYID KYI LTA BA SGOM PA DANG BRAL BA'I SGO NAS SEMS DE

106a

, ,RE ZHIG 'GAG PA TZAM YIN PA DE'I PHYIR, DPER NA 'DU SHES MED PA'I SNYOMS 'JUG BZHIN, SPYOD 'JUG LAS, STONG PA NYID DANG BRAL BA'I SEMS, ,'GAG PA SLAR YANG SKYE 'GYUR TE, ,'DU SHES MED PA'I SNYOMS 'JUG BZHIN, ZHES SO, ,DE LA KHO NA RE, DE LAS DBANG GIS SKYE BA MI LEN TE, YANG SRID SKYED BA'I RGYU MNGON PA NAS BSHAD PA'I SRED LEN GNYIS MI RTAG SOGS KYIS MED PAR BYAS PA'I PHYIR, ZHE NA, DE 'DRA'I DGRA BCOM PA SKYE BA LEN PA LA GSOS 'DEBS PA'I SRED PA 'DI MNGON PA NAS BSHAD PA'I NYON MONGS CAN MA YIN KYANG SRED PA YIN PAR THAL, SRED PA LA RMONGS PA BDAG 'DZIN RAGS PAS DRANGS BA DANG RMONGS PA SHER PHYIN 'BUM PA SOGS LAS BSHAD PA'I GANG ZAG BDEN GRUB TU 'DZIN PAS DRANGS PA'I SRED PA GCIG STE GNYIS YOD PA'I PHYIR, DER THAL, MA RIG PA LA GNYIS YOD PA DE BZHIN DU DE DANG MTSUNGS LDAN GYI SRED PA'ANG GNYIS YOD PA'I PHYIR, DER THAL, CHAGS SDANG GNYIS DANG GTI MUG MI 'GAL BAR YUL LA 'JUG PA'I PHYIR TE, LUS DBANG MIG SOGS BZHIN RTEN PA'I PHYIR TE, BZHI BRGYA PA LAS, LUS LA LUS DBANG JI BZHIN DU, ,GTI MUG KUN LA GNAS GYUR TE, ZHES GSUNGS PA'I PHYIR, JI SKAD DU SPYOD 'JUG LAS, RE ZHIG NYER LEN SRED PA NI, ,MED CES NGES PA NYID CE NA, ZHES BRTZAD PA'I LAN DU DE NYID LAS, SRED 'DI NYON MONGS CAN MIN YANG, ,

106b

KUN RMONGS BZHIN DU CI STE MED, CES SO, ,DE LTAR NA 'DIR THUN MONG MA YIN PA'I DUG GSUM KYANG YOD DE, ,MNGON PA NAS BSHAD PA'I 'DZIN STANGS CAN GYI DUG GSUM DANG, SHER MDO LAS BSHAD PA'I BDAG MED 'GAL ZLA'I RNAM CAN GYI DUG GSUM YOD PA'I PHYIR, DER THAL, DE 'DRA'I 'JIG LTA GNYIS YOD PA'I PHYIR, DER THAL, GANG ZAG GI BDAG MED PHRA RAGS GNYIS YOD PA'I PHYIR, KHYAB STE, DE LTAR 'DOD PHYIN 'JIG LTA SOGS KYI NGOS 'DZIN MNGON PA SOR BZHAG BYAS NA NOR BA CHEN POR 'GYUR BA'I PHYIR DANG, BDEN 'DZIN RANG RGYUD PAS SHES SGRIB TU BZHAG KYANG THAR PA THOB PA LA DE SPONG DGOS PAS NYON MONGS DANG NYON SGRIB TU BZHAG DGOS PA'I PHYIR TE, RNAM BSHAD LAS, NYON MONGS MNGON GYUR SPONG ZHES PA'I NYON MONGS KYANG MNGON PA GNYIS LAS GSUNGS PA LTAR GYI DMIGS RNAM CAN GYI NYON MONGS YIN GYI, LUGS 'DIS BDEN 'DZIN NYON MONGS CAN GYI MA RIG PAR BSHAD PA DANG, DE'I DBANG DU BYAS PA'I LTA BA DANG LTA MIN GYI NYON MONGS MNGON PA LAS BSHAD TSUL LAS GZHAN RNAMS NI MNGON GYUR YANG SPONG BAR MI NUS SO, ZHES DANG, YANG DE NYID LAS, DE LTAR THUN MONG MA YIN PA'I GANG ZAG GI BDAG MED KYI 'JOG TSUL MDZAD PHYIN CHAD, GANG ZAG GI BDAG MED THUN MONG BA TZAM GYI DBANG DU MDZAD NAS 'JIG LTA LA SOGS PA'I NGOS 'DZIN MDZAD PA'I NYON MONGS KYI RNAM BZHAG SOR BZHAG TU MDZAD NA THUN MONG MA YIN PA'I

107a

, ,GRUB MTHA' MTHA' MCHOD PA'I NOR BA CHEN POR 'GYUR BAS, DE LA MKHAS PA'I DBANG PO 'DI 'KHRUL PA GAL SRID CES SO, ,DPAL LDAN ZLA BAS NYAN RANG LA CHOS RANG BZHIN MED PAR RTOGS PA YOD PAR LUNG BDUN DANG DGUS KYANG BSGRUBS TE, RIN CHEN PHRENG BA'I LUNG DANG PO, JI SRID PHUNG PO 'DZIN YOD PA, ,SOGS KYIS PHUNG PO BDEN MED MA RTOGS NA GANG ZAG GI BDAG MED MTSAN NYID TSANG BAR MI RTOGS PA DANG, LUNG GNYIS PA YANG, JI LTAR MIG NI 'KHRUL PA YIS, ZHES SOGS KYIS NYAN RANG BYANG SEMS GSUM GAS RANG BZHIN MED PAR RTOGS PAR BSHAD PA DANG, LUNG GSUM PA, THEG PA CHE LAS SKYE MED BSTAN, ,SOGS KYIS THEG CHEN GYI MDO LAS SKYE MED DU BSHAD PA, THEG DMAN GYI MDO LAS SDUG BSNGAL DANG PHUNG PO MTHA' DAG ZAD PAR GSUNGS PA GNYIS KA DON DAM PAR DE LTAR GSUNGS PAR MTSUNGS PA DANG, LUNG BZHI PA NYAN THOS LA GDAMS PAR PHUNG PO LNGA DBU BA SOGS DANG MTSUNGS PAR BSHAD PA BDEN MED LA DGONGS PAR BSHAD PA DANG, LUNG LNGA PA KA TYA YA NA'I MDO LAS MTHA' GNYIS SPANGS PAR BSHAD PA DANG LNGA 'DRIR BKOD LA, TSIG GSAL DU 'BUM LAS THEG PA GSUM GAS SHER PHYIN LA SLOB PA DANG, SDUD PA'I LUNG STE BDUN DANG, YANG TSIG GSAL DU LHAG BSAM BRTAN PA'I MDO DANG, BSAM GTAN DPE MKHYUD KYI MDO GNYIS KYANG DE DANG 'DRA BAR LUNG DGUS 'GRUB PA'I PHYIR, DE LA RTZOD PA

107b

SPANGS TSUL YOD DE, SLOB DPON SANGS RGYAS BSKYANGS KYIS RAB BYED BDUN PA'I 'GREL PAR THEG DMAN GYI MNGON CHOS THAMS CAD BDAG MED PAR GSUNGS PA'I DON BDEN MED LA BSHAD PA LA SHES RAB SGRON MER THEG CHEN BSTAN PA DON MED DU 'GYUR ZHES DGAG PA MDZAD PA DE SKABS 'DIR SEL BAR MDZAD PA'I PHYIR, KHYAB PA MA GRUB PA NI RIGS PA DANG 'GAL BA YIN LA, SNGAR GYI LUNG DAG DANG YANG 'GAL BA'I PHYIR, RANG 'GREL LAS, GANG ZHIG GAL TE NYAN THOS KYI THEG PA LAS KYANG CHOS LA BDAG MED PA BSTAN NA DE'I TSE THEG PA CHEN PO BSTAN PA DON MED PAR 'GYUR RO SNYAM DU SEMS PA DE'I LUGS DE YANG 'DI LTAR RIGS PA DANG LUNG DANG 'GAL BAR RTOGS SO, ZHES GSUNGS PA'I PHYIR; ZHES SO, ,THEG DMAN LAS CHOS KYI BDAG MED BSTAN NA THEG CHEN DON MED DU MI 'GYUR BAR THAL, DE LAS DE BSTAN KYANG THEG CHEN BSTAN PA DE DON MED DU MI 'GYUR BA GANG ZHIG, DER DE BSTAN KYANG THEG CHEN DU CHOS KYI BDAG MED BSTAN PA YANG DON MED MA YIN PA'I PHYIR, DANG PO GRUB STE, THEG CHEN GYI MDO RNAMS NI CHOS KYI BDAG MED TZAM STON PA MA YIN PA'I PHYIR, DER THAL, DE LAS SPYOD PA PHYIN DRUG BSNGO SMON SNYING RJE CHEN PO SOGS THABS CHA RGYAS PAR STON PA'I PHYIR, DER THAL, MDO DAG LAS DNGOS SU GSAL BA DANG 'PHAGS PA'I YANG DGONGS PA YIN PA'I PHYIR TE, RIN PHRENG LAS, BYANG CHUB SEMS DPA'I SMON LAM DANG, ,SPYOD PA YONGS BSNGO MA BSHAD DES, BYANG CHUB

108a

, ,SEMS DPAR GA LA 'GYUR, ,BYANG CHUB SPYOD LA GNAS PA'I DON, ,MDO SDE LAS NI BKA' MA STZAL, ,THEG PA CHE LAS BKA' STZAL BA, ,DE PHYIR MKHAS PA RNAMS KYIS GZUNG, ZHES GSUNGS PA'I PHYIR, GNYIS PA GRUB STE, RGYAS MI RGYAS DANG TSANG BAR RA MA RDZOGS PAR STON MI STON GYI KHYAD PAR YOD PA'I PHYIR, 'JIG RTEN LAS 'DAS PHAR BSTOD PA LAS, MTSAN MA MED PAR MA RTOGS PAR, ,KHYOD KYIS THAR PA MED PAR GSUNGS, ,DE PHYIR KHYOD KYIS THEG CHEN LAS, ,DE NI TSANG BAR BSTAN PA LAGS, ZHES SO, ,'O NA, MNGON RTOGS RGYAN LAS, RANG RGYAL GYI LAM GZUNG 'DZIN RDZAS GZHAN SPANGS BA DANG NYAN THOS KYI LAM MI RTAG SOGS BCU DRUG RTOGS PA'I RTOGS RIGS GSUM GSUNGS PA DANG 'GAL SNYAM NA, MNGON RTOGS RGYAN DANG YANG 'DI LTAR BSHAD PA GNYIS MI 'GAL BAR THAL, DE LAS DE LTAR GSUNGS PA NYAN RANG STONG NYID MA RTOGS PA THOG MAR DER KHRID NAS, BZHI BRGYA BA LAS BAR DU BDAG NI ZLOG PAR BSHAD PA BZHIN RGYUD SMIN PA NA THA MAR MTHAR LTA THAMS CAD ZLOG PA'I BDEN MED LA 'KHRED PA'I CHED YIN PA'I PHYIR, DER THAL, NYAN RANG LA STONG NYID RTOGS MA RTOGS GNYIS YOD PA'I MA RTOGS PA'I LAM RGYAS PAR BSHAD PA TZAM MA GTOGS NYAN RANG GI LAM PHYI MA BGROD PA LA STONG NYID RTOGS DGOS PAR BZHED PA'I PHYIR, DER THAL, THEG PA GSUM KA'I RIGS BDEN MED DU 'JOG PA LA KHYAD MED DU

108b

GSUNGS PA'I PHYIR TE, RGYAN LAS, CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,BRTEN PA'I CHOS KYI BYE BRAG GIS, DE YI DBYE BA YONGS SU BRJOD, CES GSUNGS PA'I PHYIR DANG, RNAM BSHAD LAS, RJES SU BZUNG RGYU'I THEG DMAN LA YANG ZAB MO'I SNOD DU GYUR MA GYUR GNYIS YOD CING, DE GNYIS LA'ANG PHYI MA CHES MANG BAS PHAL CHER DE'I LAM MANG DU GSUNGS SO, ZHES GSUNGS PA'I PHYIR, 'DIR RANG RGYAL LA SEMS TZAM PA'I LTA BA STON PA'I RGYU MTSAN YOD DE, THEG CHEN GYI RIGS CAN KHA CIG DGONGS 'GREL LTAR SEMS TZAM LA THOG MAR MA KHRID NA DBU MA'I LTA BA MI RNYED PA LTAR RANG RGYAL LA'ANG DE 'DRA MANG BAS DE LTAR BSHAD LA NYAN THOS KYI DE 'DRA YOD KYANG NYUNG BAS MA BSHAD PA YIN PA'I PHYIR TE, RNAM BSHAD LAS, THEG CHEN LA THOG MAR SEMS TZAM LA MA KHRID PAR DBU MA'I LTA BA MI RNYED PA SNANG BA BZHIN TU, RANG RGYAL LA YANG YOD LA DE NI NYAN THOS LA'ANG YOD PAR MNGON, ZHES GSUNGS PA'I PHYIR, KHYAB STE, NYAN THOS LA MNGON TZAM LAS MA GSUNGS PA'I PHYIR, GNYIS PA MTHA' DPYAD PA LA DGAG BZHAG SPANGS GSUM LAS, DANG PO LA 'GREL BSHAD MKHAN PO NA RE, MNGON PAS BSHAD PA'I MI RTAG SOGS BCU DRUG GI LAM GYIS NYON MONGS KUN BTAGS SPONG NUS KYANG LHAN SKYES SPONG MI NUS ZER BA MI 'THAD PAR THAL, LAM DES THUN MONG BA'I NYON MONGS RAGS PA KUN BTAGS DANG LHAN SKYES MNGON GYUR RE ZHIG SPONG NUS PAR YANG

109a

, ,MTSUNGS LA KUN BTAGS LHAN SKYES GNYIS KYI SA BON SPONG MI NUS PAR YANG MTSUNGS PA'I PHYIR TE, DPER NA 'JIG RTEN PA'I ZHI RAGS RNAM CAN GYIS BSAM GZUGS THOB TSE 'DOD PA'I CHAGS SDANG KUN BTAGS LHAN SKYES GNYIS MNGON GYUR PA GANG YAR MED KYANG DE GNYIS KYI SA BON MA SPANGS PA BZHIN YIN PAR RANG 'GREL DANG SPYOD 'JUG GIS GRUB PA'I PHYIR, RNAM BSHAD LAS, DE LTAR NA 'GREL BSHAD LAS, NAS, SA BON SGOD MI NUS PA YANG GNYIS KA LA 'DRA BA'I PHYIR RO, ZHES SO, ,YANG RGYA BOD KYI SPYOD 'JUG 'GREL BYED KHA CIG NA RE, LAM 'DI NI, MED PAR BYANG CHUB MED CES PA'I BYANG CHUB DE BLA MED BYANG CHUB KHO NAR 'DOD PA MI 'THAD PAR THAL, DE THEG BA GSUM KA'I BYANG CHUB LA BYED DGOS PA'I PHYIR, DER THAL, CHOS THAMS CAD RANG BZHIN MED PAR MA RTOGS PAR BYANG CHUB GSUM PO GANG THOB PA MED CES BSHAD DGOS PA'I PHYIR, DER THAL, LUNG LAS ZHES PA YUM MDO LAS DNGOS PO'I 'DU SHES CAN LA THAR BA MED PAR BSHAD PA DANG RGYUN ZHUGS NAS RANG RGYAL GYI BAR RNAMS SHER PHYIN 'DI LA BRTEN DGOS PAR BSHAD PA'I DON BKOD PA YIN PA'I PHYIR, RNAM BSHAD LAS, SPYOD 'JUG 'GREL CHEN LAS, NAS, DON MA YIN NO, ZHES SO, ,YANG RGYA BOD KHA CIG NA RE, NYON MONGS MED KYANG DE DAG LA, ,LAS KYI NUS PA MTHONG ZHES PA'I NYON MONGS SA BON DANG BCAS PA SPANGS NAS MED KYANG DU:KHA LAS GROL BA MA

109b

YIN TE, SNGON SO SKYE'I DUS KYI LAS NGAN PA'I NUS PAS MO'U GAL BU'I PHYAG ZHABS BCOM PA LTA BU RNAMS YIN PA'I PHYIR ZER CING, NYON MONGS SPANGS PAS GROL NA DE'I, ZHES PA'I DON YANG DE LTAR BSHAD DO, ,'O NA, NYAN THOS SDE PA'AM GRUB MTHA' 'OG MA GSUM GANG RUNG GIS NYON MONGS SPANGS TZAM NAS SDUG BSNGAL YANG SPANGS PAR KHAS LEN PAR THAL, 'DIR DE 'DRA'I KHAS LEN BKAG PA'I PHYIR, MA GRUB NA, KHAS LEN MED PA'I DGAG PA DGOS MED DU 'GYUR RO, ,KHYAB CING, 'DOD MI NUS TE, DE GSUM GAS LHAG BCAS MYANG 'DAS 'DOD PA'I PHYIR DANG, DE'I LAS KYI NUS PA TSE 'DIR SDUG BSNGAL SKYED PA MA YIN GYI YANG SRID PHYI MA 'PHEN PA'I NUS PA MTHONG ZHES BSHAD DGOS PA'I PHYIR TE, 'DI NI BSAM GTAN DPE MKHYUD KYI MDO LAS BDEN BZHI'I MI RTAG SOGS KYIS MI GROL PA'I DON BSDUS NAS BKOD PAR GSAL BA'I PHYIR TE, STONG BA NYID DANG BRAL BA'I SEMS, ,'GAG PA SLAR YANG SKYE 'GYUR TE, ZHES SNGAR NYON MONGS SPANGS PAR BSHAD PA DE SLAR YANG SKYE BAR BSHAD PA'I PHYIR DANG, SRED 'DI NYON MONGS CAN MIN ZHES SOGS KYIS SHES PA'I PHYIR TE, RNAM BSHAD LAS, 'GREL PA 'GA' ZHIG DANG BOD RNAMS NAS, NYON MONGS MNGON GYUR SPANGS PA RE ZHIG 'ONG BA'I DON NO, ZHES SO, ,YANG KHA CIG GIS, BDEN PA MTHONG BAS GROL 'GYUR ZHES SOGS KYI PHYOGS SNGA SMRA BA PO SEMS TZAM PA DANG RANG RGYUD PA YIN ZER, KHA CIG NYAN THOS SDEB KHO NA YIN ZER NA

110a

, ,DANG PO LA, 'O NA, 'DI'I PHYOGS SNGA SMRA BA PO LA THEG CHEN BKAR SGRUB MI DGOS PAR THAL, DAM BCA' 'THAD PA'I PHYIR, 'DOD MI NUS TE, GANG PHYIR LUNG LAS LAM 'DI NI, ,MED PAR BYANG CHUB MED BAR GSUNGS, ,GAL TE THEG CHEN MA GRUB NA, ZHES SOGS KYIS BKAR SGRUB PA'I PHYIR DANG, DES NA 'DI'I PHYOGS SNGA'I GTZO BO NYAN THOS SDE PA LA THEG CHEN BKAR 'DOD MI 'DOD GNYIS YOD PA'I MI 'DOD MKHAN YIN ZHING ZHAR LA THAR BA THOB PA LA BDAG MED RTOGS MI DGOS PAR 'DOD PA'I SDEB GONG 'OG RNAMS KYANG YIN PA'I PHYIR, SPYOD 'JUG DAR tIKA LAS, NYAN THOS SDE PA KHA CIG SANGS RGYAS THOB PAR BYANG BA LA STONG NYID RTOGS MI DGOS PAR MA ZAD CHOS KYI BDAG MED KYI MING TZAM YANG KHAS MI LEN CING THEG PA CHEN PO'I MDO SDE BKAR KHAS MI LEN PA DE DAG PHYOGS SNGA'I GTZO BO YIN LA ZHAR LA THEG PA CHEN PO'I MDO SDE TSAD MAR BZHED KYANG DGRA BCOM PA'I 'BRAS BU THOB PA LA CHOS KYI BDAG MED RTOGS PA MI DGOS PAR BZHED PA DE DAG KYANG BKAG NAS, ZHES GSUNGS PA'I PHYIR, YANG SLOB DPON ZHI 'TSO YAB SRAS DANG DZE TA RI CHEN PO DANG RGYAN MKHAN PO SOGS RNAM 'GREL DBU MAR 'GREL MKHAN RNAMS NA RE, RNAM 'GREL LAS, STONG NYID LTA PAS GROL 'GYUR GYI, ZHES PA'I STONG PA BDEN GRUB KYIS STONG PAR 'DOD ZER NA, 'O NA DE MI RTAG SDUG BSNGAL STONG BDAG MED BZHI'I PHYI MA GNYIS LA BYED MI RIGS PAR

110b

THAL; 'DOD PA'I PHYIR, 'DOD MI NUS TE, DE DE LA BYED CING RNAM 'GREL GYI LUGS LA BDEN GRUB 'DOD PA'I PHYIR, DON DAM PAR DON BYED NUS PA'I DNGOS PO DE RANG MTSAN DU 'DOD PA'I PHYIR TE, RNAM 'GREL LAS, DON DAM DON BYED NUS BA GANG, ,DE 'DIR RANG GI MTSAN NYID 'DOD, CES GSUNGS PA'I PHYIR, RNAM BSHAD LAS, ,STONG NYID LTA BA ZHES PA'I TSIG TZAM LA 'KHRUL NAS RGYA GAR PA 'GA' ZHIG GIS KYANG DE KHO NA NYID RTOGS PA'I LTA BA LA 'DOD PA DON MA YIN PAS, GANG ZAG RANG SKYA THUB PA'I RDZAS YOD KYIS STONG PA'I LTA BA YIN NO, ZHES SO, ,'DIR STAG LOS DE DAG GI DBUM PA RNAM RDZUN PA YIN ZER BA MI 'THAD PAR GRUB MTHA'I RNAM BSHAD DU BKAG ZIN TO, ,YANG BOD KYI RIGS PA'I DBANG PHYUG CHAB DANG BRTZEGS DBANG PHYUG SENG GE SOGS NA RE, SPYOD 'JUG LAS, TSOR BA'I RKYEN GYIS SRED PA YIN, ,TSOR BA DE DAG LA YANG YOD, CES GSUNGS PA MI 'THAD PAR THAL, RGYU TSOR BA YOD NA 'BRAS BU SRED PA YOD PAS KHYAB PA SGRUB MI THUB PA'I PHYIR, SOGS DGAG PA BYED PA MI 'THAD PAR THAL, KHYED CHA BRTZEGS SOGS KYIS DGAG BA DE NI PHAR PHYIN GYI CHOS SKAD GRAGS PA CHER BSAM YANG PHYOGS SNGA MA SPYOD 'JUG GIS 'JAM DPAL RNAM ROL SOGS KYI MDO DON BKOD PA MA SHES PA'I SKYON DANG, KLU SGRUB YAB SRAS GNYIS KYI RIGS TSOGS DANG BSTOD CHOGS DU MAR STONG NYID MA RTOGS NA THAR BA MED PAR GSUNGS PA'I DON 'DIR BKOD PA MA SHES

111a

, ,PAR PHYOGS SNGA'I NAM MA LANGS PAR DGAG PA'I NYI MA SHAR BA'I PHYIR DANG, MDO DAG LAS KYANG, TSOR BA'I RKYEN GYIS SRED BZHES BA'ANG BKAG PAR SONG BA DE'I PHYIR, STONG THUN SKAL BZANG MIG 'BYED LAS TSOR BA'I RKYEN GYIS SRED PA YIN, ZHES SOGS LA CHAB DANG, NAS, BOD KYI MKHAS PA DAG LA 'DI 'DRA'I RNAM 'GYUR SHIN TU MANG NGO, ZHES DANG, RNAM BSHAD LAS, TSOR BA YOD PA'I RGYU MTSAN GYIS NAS, RIGS PA BRLING BO'I DON ZHIB TU MA RNYED BAR MKHAS PA CHEN PO LA GYA TSOM DU SKYON BZUNG BA'I NOR BA CHEN PO'O, ZHES SO, ,YANG RTZOD DUS KYI KUN MKHYEN CHEN PO BU RIN PO CHE DANG, PAn CHEN BCOM RAL SOGS DANG PHYIS BLUN PO MKHAS RLOM PA PHRAG DOG GIS MYOS BA MANG POS ZLA BA'I ZHABS LA DGAG PA LTAR SNANG 'BREL MED DU MA BYED DE, KUN MKHYEN CHEN PO SOGS NA RE, ZLA BAS CHOS KYI BDAG MED MA RTOGS NA GANG ZAG GI BDAG MED RTOGS PA YANG MI 'THAD GSUNGS PA MI 'THAD PAR THAL, MDO SDE PAS KYANG GANG ZAG GI BDAG MED LUNG RIGS GNYIS KAS GTAN LA PHABS KYANG CHOS KYI BDAG MED MA RTOGS PA'I PHYIR SOGS DANG, DGRA BCOM GYIS CHOS KYI BDAG MED RTOGS PA BDEN 'DZIN NYON MONGS SU 'DOD PA DANG, NYAN THOS DGRA BCOM GYIS DE KUN SPANGS PA SOGS KYANG NANG 'GAL YIN TE, SA BDUN PA PAS NYAN RANG BLO STOBS KYI ZIL GYIS MI NON PAR THAL, DE'I DGRA BCOM GYIS DE SPANGS SA BDUN PA BSAM

111b

SPANGS PA'I PHYIR, DE'I DGRA BCOM GYIS MTHONG LAM RTZE SBYOR THOB PAR THAL, MTHONG SPANG GZUNG RTOGS SPANGS PA'I PHYIR, RGYUN ZHUGS MTHONG CHOS ZHI CHOS CAN, LAS DBANG GIS 'KHOR BAR SKYE BAR THAL, PHUNG PO BDEN 'DZIN YOD PA'I PHYIR, SOGS THAL BA DU MA 'PHEN CING, YANG DGRA BCOM PAS 'KHOR BAR 'CHING BA'I NYON SGRIB SPANGS KYANG BAG LA NYAL GYI NYON SGRIB SPONG PA'I NUS PA MA THOB SOGS SMRA BA'I PHYIR DANG, KUN MKHYEN GYIS KYANG 'DZIN BA BDEN SMRA'I RANG RGYAL DANG, NAS, MKHAS PA MTSAR ZHES BZHAD GANG KYANG PHYED PA'I PHYIR TE, RNAM BSHAD LAS, DE BZHIN DU ZLA PA'I ZHABS LA BOD RNAMS KYIS SKYON BZUNG BA 'GA' ZHIG SNANG BA YANG PHYOGS SNGA MA ZHIB TU YEM GO BAR SKYON LTAR SNANG BRJOD PAS, RANG GI DE NYID STON PA MKHAS PAS MTHONG NA SHIN TU NGO TSA'I GNAS KHO NAR SNANG NGO, ZHES PA DANG, SKAL BZANG MIG 'BYED LAS, BRDOL THABS SMRA BA KHA CIG NA RE, NAS, DON YIN NO, ZHES ZER RO, ZHES SO, ,DE LA THAL BA DANG PO LA 'BREL MED PAR THAL, MDO SDE PAS NGES PA'I GANG ZAG GI BDAG MED DANG 'DI'I BDAG MED MI 'DRA BA'I PHYIR DANG, BDAG MED PHRA MO GNYIS LA PHRA RAGS MED PAR MA SHES PA'I BAB COL YIN BA'I PHYIR TE, DE NYID LAS, THAL BA DANG PO NI 'BREL MED PA YIN TE, NAS, RTZOD GZHI MA YIN PA'I MA NGES PA BSTAN RGYU YOD NA SMROS SHIG, CES SOGS GSUNGS SO, ,THAL BA GNYIS PA LA, SA DANG PO PAS

112a

, ,KYANG NYAN RANG DGRA BCOM BDAG MED RTOGS PA'I BLO YIS GNON PAR THAL, DES MTHONG SPANG GZUNG RTOG BRGYA RTZA BRGYAD SPONG BA'I GNYEN PO CHOS KYI BDAG MED RTOGS PA'I SHES RAB THOB CIG SHOS KYIS MA THOB PA'I PHYIR, 'KHOR GSUM KHAS, SA DANG PO NAS GANG ZAG GI BDAG MED RTOGS PA'I BLOS KYANG DE GNON PAR THAL, SA DANG PO PA'I RGYUD KYI DE MTSAN 'DZIN GYIS MA BCIL LA CIG SHOS KYI DE BCING PA'I PHYIR, 'KHOR GSUM KHAS, SKAL BZANG MIG 'BYED LAS, SA DANG PO LAS KYANG NYAN RANG DGRA BCOM BDAG MED, NAS, KHAS BLANGS SO, ZHES GSUNGS PA'I DON BSDUS PA YIN NO, ,DES GZHAN GO SLA LA RGYAS PAR SKAL BZANG MIG 'BYED LA BLTA DGOS, MKHAS PAR 'DOD PA DANG PO TI CHEN PO MI BLTA BA RGYA BA 'GAL YIN PAS 'DI DAG GIS MIG BYAS NAS RJE YAB SRAS KYI GSUNG LA ZHIB PAR DPYAD NA THAMS CAD MKHYEN PA LAG RTZE NA YOD PA SHES PAR GYIS YANG BU RIN PO CHE'I ZHABS SOGS DANG PHYIS KYI KHA CIG NA RE, BSTAN PA'I RTZA BA DGE SLONG DGRA BCOM PA YIN ZHES PA'I RGYU MTSAN, SO SOR THAR PA DE BSTAN PA'I RTZA BA DANG DGRA BCOM DE NYAMS SU LEN PA'I GTZO BO YIN DGOS ZER; 'O NA, SKABS 'DI'I BSTAN PA DE LA SO SOR THAR PA YANG 'JOG MI RIGS PAR THAL, DE RANG NYID RANG NYID KYI RTZA BAR MI RIGS PA'I PHYIR, RTAGS SLA, KHYAB CING, 'DOD MI NUS TE, DE LA LUNG SDE SNOD GSUM DANG,

112b

BSLAB PA GSUM YOD CING, KHYOD RANG YANG 'DOD 'DUG PA'I PHYIR, GZHAN YANG SKABS 'DI'I BSTAN PA'I RTZA BA DE GANG ZAG DANG SDOM PA GNYIS LAS SDOM PA LA THUG PAR BSHAD RIGS PAR THAL, DAM BCA' 'THAD PA'I PHYIR, 'DOD MI NUS TE, BSTAN PA'I RTZA BA NYON MONGS SPANGS PA'I DGE SLONG YIN PAR BSHAD PA'I SKABS YIN PA'I PHYIR, DER THAL, KHYOD LTAR SEMS BDEN GRUB KYI DMIGS GTAD DANG BCAS PA LA NYON MONGS BCOM PA'I DGE SLONG DE DKA' ZHES BSHAD DGOS PA'I PHYIR TE, SPYOD 'JUG LAS, BSTAN RTZA DGE SLONG NYID YIN NA, ,DGE SLONG NYID KYANG DKA' BAR GNAS, ,SEMS NI DMIGS DANG BCAS RNAMS KYIS, ,MYA NGAN 'DA' BA DKA' BAR GNAS, ZHES GSUNGS PA'I PHYIR, KHYAB STE, RKANG PA PHYI MA GNYIS KYIS MYANG 'DAS DKA' BA DE RKANG BA SNGA MA GNYIS KYI DGE SLONG DKA' BA'I RGYU MTSAN YIN PA'I PHYIR, DES NA 'DI'I BSTAN PA LA BSLAB PA GSUM DANG SDE SNOD GSUM YOD CING DE 'DZIN PA'I RTZA BA, MDO LAS, DGE SLONG NI RNAM PA LNGA STE, 'DI LTA STE, SLONG BA'I DGE SLONG DANG, KHAS 'CHE BA'I DGE SLONG DANG, MING GI DGE SLONG DANG, NYON MONGS BCOM PA'I DGE SLONG DANG, GSOL BA DANG BZHI'I LAS KYIS BSNYEN PAR RDZOGS PA'I DGE SLONG NGO, ZHES GSUNGS PA LTAR DGE SLONG LNGA YOD PA'I NYON MONGS BCOM PA'I DGE SLONG NYID YIN ZHES BSHAD DGOS TE, LUNG RTOGS KYI BSTAN PA DE 'DRA'I RTZA BA 'OD SRUNG NYE BAR 'KHOR KUN

113a

, ,DGA' BO GSUM DANG BSTAN PA'I GTAD RABS BDUN DANG GNAS BRTAN BCU DRUG DANG BKA' BSDU BA SO SO'I DUS KYI DGRA BCOM RNAMS YIN PA'I PHYIR TE, DE DAG GIS BSTAN PA 'DI 'DZIN SKYONG SPEL GSUM GYI RTZA BAR MDZAD PA'I PHYIR TE, SPYOD 'JUG DAR tIKA LAS, DGRA BCOM PA RNAMS KYIS SANGS RGYAS LAS MNGON SUM DU THOS NAS DE'I RJES SU GSUNG RAB LA BSDU BA MDZAD PA YIN PAS DGE SLONG DU MA BSHAD PA'I NANG NAS BSTAN PA'I RTZA BA DGE SLONG DGRA BCOM PA NYID YIN NA STE YIN PA LA DGE SLONG DGRA BCOM PA NYID KYANG DKA' BAR GNAS PA STE, NAS, YANG NA RKANG PA SNGA MA GNYIS DAM BCA' BYAS NAS PHYI MA RTAGS SU BYAS TE, BDEN 'DZIN JI SRID YOD PA DE SRID DU MYANG 'DAS MI THOB PA'I PHYIR ZHES BSHAD DO, ZHES GSUNGS PA'I PHYIR, DPAL LDAN ZLA BA'I NYAN RANG LA CHOS KYI BDAG MED RTOGS PA YOD PAR SGRUB PA'I RIGS PA GSUM PA'I DON LA BOD SNGA MA MANG POS 'BREL MED SMRAS PA BKAG TSUL STONG THUN NAS BSHAD ZIN PA LTAR DANG, RANG RE'I MKHAS PA DU MAS KYANG SNA TSOGS ZHIG SMRAS TE, MDOR BSDUS NA KHA CIG GANG ZAG GI BDAG 'DZIN GYI ZHEN YUL SUN PHYUNG NA PHUNG PO BDEN 'DZIN GYI ZHEN YUL SUN PHYUNG BAS KHYAB PAS NA GANG ZAG GI BDAG MED RTOGS NA CHOS KYI BDAG MED RTOGS PAS KHYAB ZER, LA LA GANG ZAG GI BDAG MED DANG CHOS KYI BDAG MED GNYIS SNGA PHYIR RTOGS DGOS PAR BSHAD NAS

113b

BDAG 'DZIN SNGA MA'I ZHEN YUL SUN PHYUNG NA PHUNG PO BDEN 'DZIN GYI ZHEN YUL SUN PHYUNG BAR SONG BAS MA KHYAB ZER, 'GA' ZHIG CHOS GANG BDEN MED DU RTOGS NA'ANG RTAGS SBYOR LA BRTEN DGOS SHING, RTAGS CHOS GNYIS LDAN GYI MTHUN DPE BDEN MED DU RTOGS PA SNGON DU SONG BAS KHYAB ZER, GZHAN DAG GANG ZAG GI BDAG MED RTOGS NA DE'I SNGON DU ME LONG NANG GI BYAD BZHIN GYI GZUGS BRNYAN RANG BZHIN MED PAR RTOGS PA SNGON DU SONG BAS KHYAB ZER, LUGS DANG PO LA, 'O NA, BDAG MED GNYIS LA 'JUG RIM DANG POR GANG ZAG RANG BZHIN MED PAR RTOGS NAS DE RJES PHUNG SOGS KYI CHOS RANG BZHIN MED PAR RTOGS PAR BYED PA MA YIN PAR THAL, GANG ZAG BDEN MED RTOGS NA PHUNG PO BDEN MED DU RTOGS PAS KHYAB PA'I PHYIR, RTAGS KHAS, 'DOD NA, STON PA DANG SLOB DPON 'PHAGS PA DANG SANGS RGYAS BSKYANGS ZLA BA'I ZHABS ZHI BA LHA RNAMS KYI GSUNG LAS BZLOG NAS KHAS LEN RIGS PAR THAL; 'DOD PA'I PHYIR, RTAGS KHAS, KHYAB STE, DE RNAMS KYIS BDAG MED GNYIS LA 'JUG RIM DANG POR GANG ZAG GI BDAG MED RTOGS NAS DE RJES CHOS KYI BDAG MED RTOGS DGOS PAR BZHED PA'I PHYIR TE, TING 'DZIN RGYAL PO LAS, JI LTAR KHYOD KYIS BDAG GI 'DU SHES NI, SHES PA DE BZHIN KUN LA BLOS SBYAR BYA, ,ZHES DANG, RIN CHEN PHRENG BA LAS, SKYES BU KHAMS DRUG 'DUS PA'I PHYIR, YANG DAG MA YIN JI LTA BAR, ,DE BZHIN

114a

, ,KHAMS NI RE RE YANG, ,'DUS PHYIR YANG DAG NYID DU MIN, ZHES SNGON DU SKYES BU YANG DAG PAR MA GRUB PA DANG, DE NAS GDAGS GZHI'I KHAMS RNAMS YANG DAG PAR MA GRUB PAR GTAN LA 'BEBS PAR BSHAD PA DANG, LAM RIM LAS, TSIG GSAL DANG BUDDHA P'A LI TAS KYANG DE KHO NA NYID LA 'JUG PA NA THOG MAR GANG ZAG GI BDAG MED NAS 'JUG PAR BSHAD PA'I PHYIR DANG, ZHIB LTAS KYANG DE BZHIN DU GSUNGS PA'I PHYIR RO, ,ZHES SO, ,'DI DAG GIS RIM GYIS RTOGS PAR BSHAD PA DNGOS SU RTOGS TSUL GTZO BOR BYAS SO, ,'DI DAG GI SHES BYED DANG GNOD BYED LHAG MA BAG 'OG TU 'CHAD PAR BYA'O, ,LUGS GNYIS PA LA, 'O NA, RANG 'GREL DANG P'A LI TAS 'JIG RTEN PA'I THA SNYAD RAGS PA'I DBANG DU BYAS PAS 'DIR DE GZHIR BZHAG NAS GANG ZAG RANG BZHIN MED PAR RTOGS PA'I BLO DES PHUNG PO RANG BZHIN GYIS GRUB PAR 'DZIN PA'I SGRO 'DOGS MI GCOD PAR THAL, DES DE'I ZHEN YUL 'GOG MI NUS PA'I PHYIR, RTAGS KHAS, 'DOD MI NUS TE, GANG ZAG RANG BZHIN MED PAR RTOGS PA'I BLO DES PHUNG PO RANG BZHIN MED DO SNYAM DU MA BZUNG YANG PHUNG PO RANG BZHIN GYIS GRUB PAR 'DZIN PA'I SGRO 'DOGS GCOD NUS PA'I PHYIR TE, BDAG RANG BZHIN GYIS GRUB BA BLO DES DNGOS SU KHEGS PA NA, BDAG DE'I BDAG GI BA PHUNG PO YANG RANG BZHIN GYIS GRUB PA KHEGS PA'I PHYIR TE, SHING RTA TSIG NA DE'I YAN LAG MI GNAS PA BZHIN YIN PA'I PHYIR, LAM

114b

RIM CHEN MO LAS, GANG ZAG RANG BZHIN MED PAR RTOGS PA'I BLO DE NYID KYIS PHUNG PO RANG BZHIN MED DO SNYAM DU MI 'DZIN KYANG BLO DES GZHAN LA LTOS MED DU PHUNG PO RANG BZHIN MED PAR NGES PA'I NGES SHES 'DREN NUS PAS NA PHUNG PO LA RANG BZHIN DU SGRO 'DOGS PA'I SGRO 'DOGS GCOD PAR NUS PA YIN NO, ZHES GSUNGS PA'I PHYIR DANG, RTZA SHE LAS KYANG, BDAG NYID YOD PA MA YIN NA, ,BDAG GI YOD PAR GA LA 'GYUR, ZHES DANG, DE'I 'GREL PA TSIG GSAL LAS, ,BDAG MI DMIGS PA'I PHYIR, BDAG TU GDAGS PA'I GZHI BDAG GI BA'ANG SHIN TU CHES DMIGS PAR MI 'GYUR RO, ,JI LTAR SHING RTA TSIG NA DE'I YAN LAG DAG KYANG TSIG PAS MI DMIGS PA DE BZHIN DU, ZHES GSUNGS PA'I PHYIR, BYAS PA LA KHO NA RE, 'O NA, BLO DES RANG DUS NA PHUNG PO LA SGRO 'DOGS GCOD PAR THAL, 'DOD PA'I PHYIR NA MA KHYAB, 'DOD MI NUS TE, DES RANG DUS DANG DNGOS SU PHUNG PO LA SGRO 'DOGS MI GCOD KYANG BLO DE'I BYED PAS BCAD PA LA BLO DES BCAD CES THA SNYAD RAGS PA LA DE LTAR BSHAD PA'I PHYIR RO, ,GZHAN YANG, BDEN PA'I GCIG DANG DU BRAL GYI RTAGS KYIS GANG ZAG BDEN MED NGES TSE PHUNG PO BDEN GRUB KYI DAM BCA' MA BTANG BAR THAL, DE'I TSE GANG ZAG DES PHUNG PO BDEN GRUB LA GNOD BYED MA MTHONG BA'I PHYIR TE, RTAGS DE'I TSE PHUNG PO BDEN 'DZIN GYI ZHEN YUL LA MA GNOD PAR 'DOD PA DE'I PHYIR, RTAGS KHAS, KHYAB STE, DE LTAR GRUB PA LA

115a

, ,GNOD BYED MTHONG TSE DE LTAR GRUB PAR 'DZIN PA'I GRUB MTHA' 'DOR BA'I PHYIR TE, LAM RIM LAS, DE LTAR RANG BZHIN KHAS BLANGS PA LA GNOD BYED BSTAN PA RNAMS MA THOB BA NA, RANG GI NGO BOS GRUB PA'I RANG BZHIN YOD PAR 'DZIN PA'I GRUB MTHA' 'DOR BAR 'GYUR LA, ZHES GSUNGS PA'I PHYIR, GONG DU 'DOD MI NUS TE, GANG ZAG GI STENG DU RANG BZHIN MED PA TSAD MAS NGES PA'I GANG ZAG YIN PA'I PHYIR, KHYAB STE, GANG ZAG DES PHUNG SOGS KYI CHOS GZHAN LA BLO KHA PHYOGS TZAM GYIS BDAG MED NGES NUS KYI RIGS PA'I SGRUB BYED GZHAN MI DGOS PA'I PHYIR TE, STONG GZHI THA DAD YIN KYANG STONG TSUL LA MI 'DRA BA DANG PHRA RAGS GANG YANG MED PAS DE LTAR RTOGS THUB PA'I PHYIR TE, GZHAN DU NA CHOS RE RE LA'ANG GTAN TSIGS RE RE DRAN TZAM BYAS NAS GTAN LA 'BEBS DGOS NA SANGS MA RGYAS BAR DU CHOS THAMS CAD GTAN LA 'BEBS MI NUS PA'I PHYIR TE, SHES BYA LA PHA MTHA' MED CING RE RE NAS GTAN TSIGS RES SO SOR GTAN LA 'BEBS DGOS PA DE'I PHYIR TE, STONG THUN LAS, GANG ZAG GI STENG DU RANG BZHIN MED PA MTSAN NYID TSANG BA TSAD MAS NGES NA PHUNG PO RANG BZHIN GYIS GRUB PAR DAM BCAD MI SRID TE, RIGS PA GANG LA BRTEN NAS GANG ZAG GI STENG DU DBU MA'I LTA BA MTHAR THUG PA NGES PA'I RIGS PA DES PHUNG SOGS KYI STENG DU'ANG BDAG MED LA BLO KHA PHYOGS TZAM GYIS NGES PAR BYED NUS PA'I PHYIR TE, GZHAN

115b

DU NA CHOS THAMS CAD BDAG MED DU RIGS STOBS KYIS NGES PAR BYED PA LA SHES BYA'I GSAL BA'I DBYE BA SRID TSAD RE RE NAS BDAG MED DU RTAGS KYIS SGRUB DGOS PAR 'GYUR ZHING, DE LTA NA SANGS RGYAS MA THOB PAR DU CHOS THAMS CAD BDAG MED DU RIGS STOBS KYIS NGES PA MI SRID PAR 'GYUR RO, ZHES DANG, 'JAM DPAL ZHAL LUNG LAS, DNGOS PO GCIG STONG PA NYID DU RTOGS NA GZHAN RNAMS KYANG RTOGS NUS PAS, ZHES PA NAS, THOS BSAM? GYI TSE DPER BRJOD KYANG 'GA' ZHIG BYAS PAS MI GROL NA RE DOGS 'DZUB RTZIS KYI G-YENG BA BSHOL NAS BEM PO ZHAL DRIL GYI TING NGE 'DZIN LA MNYAM PAR 'JOG PA ZHU, ZHES GSUNGS PA'I PHYIR, GZHAN YANG, BDEN PA'I GCIG DU BRAL GYI RTAGS KYIS GANG ZAG GI BDAG MED TSAD MAS NGES MA THAG PA CHOS CAN, KHYOD DNGOS SMRA BA YIN PAR THAL, KHYOD GANG ZAG TZAM MA GTOGS PA'I DNGOS PO THAMS CAD BDEN GRUB TU DAM BCA' BA'I GRUB MTHA' SMRA BA'I GANG ZAG YIN PA'I PHYIR, RTAGS SONG, DE DER THAL, DE DE LTAR DAM BCA' BA'I GANG ZAG YIN PA'I PHYIR, RTAGS KHAS, 'DOD NA, DE CHOS CAN, DNGOS SMRA BA MA YIN PAR THAL, DNGOS SMRA BA'I GRUB MTHA' BTANG BA'I GANG ZAG YIN PA'I PHYIR TE, DBU MA PA YIN PA'I PHYIR, DBU MA'I LTA BA MTHAR THUG RNYED PA'I GANG ZAG YIN PA'I PHYIR TE, STONG NYID RTOGS PA'I GANG ZAG YIN PA'I PHYIR, MA GRUB NA, DE CHOS CAN, DER THAL,

116a

, ,DNGOS PO GANG YANG RUNG BA ZHIG RANG BZHIN MED PAR TSAD MAS RTOGS PA'I GANG ZAG YIN PA'I PHYIR, RTAGS CHOS CAN GYIS GRUB CING, KHYAB STE, LAM RIM LAS, GANG GI TSE DNGOS PO 'GA' ZHIG RANG GI NGO BO PA GRUB PA MED PAR TSAD MAS RTOGS PA NAS DNGOS POR SMRA BA'I GRUB MTHA' BTANG BA YIN NO, ZHES GSUNGS PA'I PHYIR, GZHAN YANG, GANG ZAG BDEN MED RTOGS LA PHUNG PO BDEN MED MA RTOGS PA'I GANG ZAG DE CHOS CAN, KHYOD KYIS BDEN GRUB LHAG MA MED PAR TSAD MAS MA KHEGS PAR THAL, KHYOD KYIS BDEN GRUB KHEGS PA'I STONG GZHI'I STENG DU BDEN GRUB LA BYA BYED LAS SOGS RUNG NGAM SNYAM PA'I SGRO 'DOGS PA TSAD MAS KHEGS KYANG SGRA RTOGS SEL 'JUG YIN PAS BYA BYED SOGS LA DE LTAR DU MA BZUNG BAR BYED PA PO BDAG TZAM MED PAR DNGOS SU BZUNG BA'I KHYAD PAR MI 'THAD PA'I PHYIR, RTAGS SONG ZHING SLA, KHYAB STE, DE LTAR SGRO 'DOGS TSAD MAS MA BSAL BAR DU BDEN GRUB LHAG MA MED PAR MI KHEGS PA'I PHYIR TE, BDEN GRUB YUL GCIG GI STENG DU MI 'THAD PAR SHES KYANG BYA BYED GDAGS GZHI SOGS LA BDEN PAR DAM BCA' MA NYAMS PAR YOD PA'I PHYIR TE; DPER NA SEMS TZAM PAS KUN BTAGS LA BDEN MED KHAS BLANGS KYANG CHOS GZHAN THAMS CAD BDEN GRUB TU KHAS LEN PA'I RGYU MTSAN GYIS BDEN GRUB KHAS LEN PA'I GRUB MTHAR 'JOG PA BZHIN NO, ,TSUL 'DI JI

116b

SKAD DU RNAM BSHAD LAS, 'DIS NI GDAGS GZHI'I PHUNG PO LA BDEN PAR ZHEN PA'I ZHEN YUL SUN MA PHYIN NA, BTAGS CHOS GANG ZAG LA BDEN PAR 'DZIN PA'I ZHEN YUL YANG SUN MI PHYIN PAS, ZHES DANG, SNGAR LAM RIM GYIS DNGOS SMRA BA'I GRUB MTHA' GTONG TSAD BSHAD PA SOGS KYIS SHES SO, ,RTZA BAR 'DOD NA, BDEN MED LHAG MA MED PAR MA RTOGS PAR THAL, 'DOD PA'I PHYIR, 'DOD NA, BDAG MED RAGS PA TZAM RTOGS LA BDAG MED MTSAN NYID TSANG BA MA RTOGS PAR THAL, 'DOD PA'I PHYIR, 'DOD MI NUS TE, BDEN MED PHRA MO RTOGS PA'I GANG ZAG YIN PA'I PHYIR TE, GANG ZAG RANG BZHIN MED PAR RTOGS PA'I GANG ZAG YIN PA'I PHYIR, RTAGS KHAS; KHYAB STE, CHOS GCIG BDEN MED DU SHES NA CHOS GZHAN KUN LA 'DI BDEN MED DO SNYAM DU DNGOS SU MI 'DZIN YANG BDEN GRUB TU SGRO 'DOGS PA LA GNOD PA MTHONG BAS SGRUB BYED GZHAN LA MI LTOS PAR DE LA BLO KHA PHYOGS TZAM NAS BDEN MED KYI NGES SHES 'DREN PA'I PHYIR TE, CHOS RNAMS KYI GNAS LUGS LA PHRA RAGS KYI KHYAD PAR MED PA'I PHYIR TE, DPER NA GZHI GANG GI STENG GI NAM MKHA' 'JOG PA NA THOG REG BKAG TZAM LA 'JOG PA BZHIN DU CHOS THAMS CAD RANG RANG GI NGO BO NYID MED PA LA KHYAD PAR MED PA'I PHYIR, MDO TING 'DZIN RGYAL PO LAS, JI LTAR KHYOD KYIS BDAG GI 'DU SHES NI, ,SHES PA DE BZHIN KUN LA BLOS SBYAR BYA, ,CHOS RNAMS THAMS

117a

, ,CAD DE YI NGO BO NYID, ,YONGS SU DAG PA NAM MKHA' LTA BU YIN, ,GCIG GIS KYANG NI THAMS CAD SHES, ,GCIG GIS KYANG NI THAMS CAD MTHONG, ZHES GSUNGS PA'I PHYIR DANG, DE'I RKANG BA DANG PO GNYIS KYIS BDAG MED GNYIS LA 'JUG RIM DANG, CHOS NAS, YONGS SU DAG PA NAM MKHA' LTA BU YIN, ZHES PA'I RKANG PA GNYIS KYIS CHOS DE DANG DE'I NGO BO NYID YONGS SU DAG PA DE'I GNAS LUGS BYED PA LA KHYAD PAR MED PAR BSHAD NAS DES NAM MKHA' THOGS REG BKAG TZAM LA 'JOG PAR BSHAD PAS, BOD MANG POS NAM MKHA' MTHA' DBUS MED PA CHOS NYID NGOS BZUNG MED PA 'AM MTHA' DBUS MED PA'I DPER 'DOD PA YANG KHEGS LA; RKANG PA PHYI MA GNYIS KYI DANG POS RANG 'GREL DANG RNAM BSHAD LTAR CHOS GCIG GI STONG NYID RTOGS NA'ANG GZHAN THAMS CAD KYI STONG NYID LA BLO KHA PHYOGS PAS RTOGS NUS PA DANG, RKANG PA GNYIS PAS STONG NYID MNGON SUM DU RTOGS TSE CIG CAR RTOGS TSUL BSTAN PA'I PHYIR RO, ,'DI LA GNOD BYED SHIN TU MANG NGO, ,LUG SA GSUM PA NGANG BZHI PA LA, 'O NA, STONG NYID RTOGS MA THAG PA'I GANG ZAG YIN NA RTAGS SBYOR BKOD PA LAS DNGOS SU SKYES PA'I RJES DPAG GIS RTOGS DGOS PA DE, 'JUG PA LAS, DNGOS RNAMS MTHA' DAG DNGOS PO MED PAR RTOGS SU GZHUG PAR NI, ZHES SOGS RTZA 'GREL GYI DGONGS PAR THAL, KHYOD DE LTAR DGOS PA'I

117b

SHES BYED LUNG DE DAG DRANGS PA'I DGOS PA YOD PA'I PHYIR, RTAGS KHAS, 'DOD NA, STONG NYID RTOGS MA THAG PA YIN NA, GZHAN DON SKABS KYI RTAGS YANG DAG LA BRTEN NAS STONG NYID RTOGS PAS KHYAB PAR THAL, DE YIN NA SNGA RGOL PHYI RGOL BYAS NAS STONG NYID RTOGS PAS KHYAB PA'I PHYIR TE, DE YIN NA, RTZA BAR, DNGOS RNAMS MTHA' DAG DNGOS PO MED PAR RTOGS SU GZHUG PAR NI, ZHES SOGS RTZA 'GREL GYI DNGOS BSTAN LTAR RTOGS DGOS PA'I PHYIR RTAGS SONG, KHYAB STE, DNGOS RNAMS MTHA' DAG DNGOS PO MED PAR RTOGS, ZHES SOGS KYIS RGOL BAS PHYI RGOL LA RTAGS SBYOR LA BRTEN NAS LTA BA SKYED TSUL KHO NA DNGOS SU BSHAD PA'I SKABS YIN PA'I PHYIR TE, SNGA RGOL DBU MA PAS PHYI RGOL DNGOS SMRA LA LTA BA DE LTAR SKYED TSUL TZAM DNGOS SU BSHAD PA'I SKABS YIN PA'I PHYIR TE, ,RNAM BSHAD LAS, GZHAN YANG JI LTAR SGYU MA DANG RMI LAM LA SOGS PA PHYI RGOL RANG GI PHYOGS LA'ANG GRUB PA'I DPE KHO NAS, PHYI RGOL GYIS 'JIG RTEN GYI DNGOS PO RNAMS MTHA' DAG DBU MA PAS DNGOS PO DE RANG BZHIN GYIS GRUB PA MED PAR RTOGS SU GZHUG PAR NI CHES SLA BA, ZHES GSUNGS PA'I PHYIR, RTZA BAR 'DOD NA, RDOR GCOD DANG, BRGYAD STONG PA DANG, RTZA SHES KYI CHED DU BYA BA'I GDUL BYA DBANG RNON STONG NYID RTOGS MA THAG PA GSUM RE RE NAS CHOS CAN, GZHAN DON SKABS KYI RTAGS YANG DAG LA BRTEN NAS STONG NYID RTOGS PAR THAL, STONG NYID RTOGS MA THAG PA YIN PA'I PHYIR, KHYAB PA KHAS, ,RTAGS

118a

, ,GRUB STE, DE GSUM YOD PA'I PHYIR, 'DOD NA, GDUL BYA DE GSUM RE RE NAS CHOS CAN, GZHUNG DE GSUM GYI DON 'GREL BA'I TSUL GYIS MA BSHAD PAR RTOGS MI NUS PAR THAL, DE BSHAD DGOS PAR MA ZAD RGOL BA'I RTZOD ZLA MA BYAS BAR DU RTOGS MI NUS PA'I PHYIR, RTAGS SONG, 'DOD MI NUS TE, 'GREL BA MED KYANG GZHUNG DE KHO NA LA BRTEN NAS GZHUNG DE'I DON RTOGS NUS PA'I GANG ZAG YIN PA'I PHYIR, DER THAL, KHYOD DE'I CHED DU BYA BA'I GDUL BYA DBANG RNON YIN PA'I PHYIR, KHYAB PA GRAGS CHE ZHING, RTZA 'GREL GYI CHED DU BYA BA'I GDUL BYA LA RNO RTUL CHEN PO BSHAD PA SOGS DU MAS GRUB, BYAS PA LA KHO NA RE, 'O NA, DE DAG LA BLA MAS DE'I DON MA BSHAD PAR YANG RTOGS NUS PAS KHYAB PAR THAL, KHYOD KYIS SGRUB TSUL 'THAD PA'I PHYIR NA MA KHYAB STE, DE 'DRA'I DBANG RNON LA DE LTAR RTOGS NUS PA GCIG KYANG YOD LA GZHAN RNAMS LA 'ANG DNGOS BSTAN BSKYAR TZAM GYIS RTOGS SHING 'GREL BA MI DGOS PA'I PHYIR, GZHAN YANG, KHYOD KYI DAM BCA' MI 'THAD PAR THAL, PHAL CHER MANG SHOS RNAMS KYI STONG NYID KYI LTA BA DE RGOL BA MED KYANG RANG DON SKABS KYI RTAGS YANG DAG LA BRTEN NAS SKYES PA'ANG MANG LA RTAGS SBYOR MED KYANG RGYU MTSAN YANG DAG MTHONG BA LAS SKYES PA'ANG MTHA' YAS PA'I PHYIR TE, LTA NGAN MUN SEL LAS, DE LTAR GRUB PA RANG GI BLO NGOR 'GOG PA NA, DNGOS SU CHOS CAN DANG THAL DANG PHYIR SOGS SBYAR MA SBYAR GANG YIN

118b

KYANG 'DRA YI, DPYOD TSUL THAL 'GYUR BA'I DON DAM DPYOD BYED KYI RIGS PA YANG DAG TU 'GRO NGES SHES PA'I DPYOD TSUL ZHIG GIS DPYOD PA'I TSE, ZHES PA NAS, THAL 'GYUR BA'I RTAGS KYI DGAG BYA'I TSUL JI LTAR 'DUG PA'I SNANG TSUL DE LTAR GRUB PA CUNG ZAD KYANG MED PA'I NGES PA YANG DAG PA SKYE BA YOD KYI, ZHES SO, ,GZHAN YANG DE LA RTAGS SBYOR LA BRTEN PAS MA KHYAB PAR THAL, THAL 'GYUR GYI BYED PA LA BRTEN NAS STONG NYID KYI LTA BA RNYED PA'ANG YOD PA'I PHYIR TE, LAM RIM LAS, DE'I PHYIR DNGOS PO RNAMS LA RANG BZHIN MED PA YANG DE LANG RTEN NAS NGES PAR 'GYUR TE, 'DI NI THAL 'GYUR BYAS PA'I TSE DE'I BYED PA LA BRTEN NAS RJES DPAG SKYES BA YIN GYI, DNGOS SU DAM BCA' SGRUB BA'I SBYOR DAG MED DO, ZHES GSUNGS PA'I PHYIR, BYAS PA LA KHO NA RE, 'O NA, RNAM BSHAD LAS, 'DIS NI BDEN MED SGRUB PA'I GTAN TSIGS RTEN 'BREL LTA BU LA, BDEN MED KYIS KHYAB PA MTHUN DPE'I STENG DU MA NGES PAR BDEN MED CHOS CAN GYI STENG DU TSAD MAS NGES PA BYAR MED PAR GSUNGS SO, ZHES GSUNGS BA MI 'THAD PAR THAL, RANG 'GREL LAS, JI LTAR RMI LAM DANG SGYU MA LA SOGS PA RANG GI PHYOGS LA GRUB PA'I DPE RNAMS KHO NAS, 'JIG RTEN GYI DNGOS PO RANG BZHIN MED PA NYID DU RTOGS SU GZHUG PAR NUS PA DE LTAR 'GA' ZHIG DNGOS PO RNAMS RANG BZHIN DANG BCAS PAR 'DZIN DU GZHUG PAR NUS PAR SLAB MA YIN TE, GNYIS KA LA GRAGS PA'I DPE MED PA'I PHYIR RO, ,

119a

, ,ZHES PAS STONG NYID RTOGS PA MTHUN DPE'I STENG DU STONG NYID NGES DGOS PA YANG MA YIN, PHYI RGOL LA STONG NYID KYI LTA BA SKYED PA LA SNGON LA RGOL PA GNYIS KA LA GRAGS PA'I DPE'I STENG DU STONG NYID RTOGS DGOS PAR GSUNGS PA YANG MA YIN PA'I PHYIR NA SHIN TU MA KHYAB STE, SNGA RGOL GYI TSUL GSUM TSANG PA'I RTAGS KYIS PHYI RGOL LA DE SGRUB KYI NGES PA SKYED PA LA DPE RGOL BA GNYIS KAR GRAGS PA GCIG MED NA, DE SGRUB KYI BSGRUB BYA NGES MI NUS ZHES PA RANG 'GREL GYI LUNG DON YIN PA'I PHYIR DANG, RNAM BSHAD KYIS KYANG RTEN 'BREL GYI RTAGS LTA BUS DE LTAR SGRUB PA LA RTEN 'BREL LA BDEN MED KYIS KHYAB PA MTHUN DPE'I STENG DU MA NGES PAR CHOS DE BDEN MED DU PHYI RGOL LA TSES MTHUN SPYOR GYI SGRUB DAG GIS NGES PA BSKYED BYAR? MED PA'I DON YIN NO, GZHAN YANG STONG NYID RTOGS KHAM YIN NA DNGOS SMRA BA YIN DGOS PAR THAL, DE YIN NA 'DI'I DNGOS BSTAN GYI PHYI RGOL YIN DGOS PA'I PHYIR, KHYAB RTAGS KHAS, 'DOD MI NUS TE, STONG NYID RTOGS KHA MA'I THAL RANG GNYIS YOD PA'I PHYIR, DER THAL, DE 'DRA'I DBU MA RANG RGYUD PA YOD PAR MA ZAD DE 'DRA'I THAL 'GYUR BA GCIG KYANG YOD PA'I PHYIR, DER THAL, STONG NYID YID DPYOD KYIS NGES PA'AM THAL 'GYUR BA'I GZHUNG LA GO BA YANG DAG THOB NAS DE LTAR KHAS LEN KYANG TSAD MA'I NGES BA MA THOB BA YOD PA'I PHYIR DANG, DE 'DRA DE STONG NYID LA THOS BYUNG GI SHES RAB THOB KYANG BSAM BYUNG GI NGES PA MA THOB PA'I STONG NYID

119b

TSAD MAS RTOGS DGOS SU BZHAG DGOS PA'I PHYIR TE, RIN PO CHE GSUM GYI GTAM GYI SBYOR BA LAS, GAL TE YANG DAG DAM BCA' TZAM ZHIG GIS, ,NGES BRNYED KYANG SGRUB DANG SUN 'BYIN GYI, ,TSAD MA'I STOBS KYIS THE TSOM MA CHOD PHYIR, ,'DAM LA BTAB PA'I PHUR BA BZHIN GYUR BA'I, ,YANG DAG BAG CHAGS BRTAN PO 'JOG MI NUS, ZHES GSUNGS PA'I PHYIR, 'DI LA TSAD MA DANG MI 'GA' TSUL DANG, YUL LA LTOS NAS DAM BCA' YANG DAG YIN KYANG YUL CAN LA LTOS NAS DAM BCA' YANG DAG TU SONG PA MA YIN PA'I ZHIB CHA SHES PAR BYA'O, ,LUGS BZHI PA LA, 'O NA STONG NYID GSAR DU RTOGS MI SRID PAR THAL, DE LA CHOS GANG BDEN MED DU RTOGS KYANG SNGON LA DPE DE BDEN MED DU RTOGS DGOS SHING DPE DE YANG BDEN MED DU RTOGS PA LA RTAGS 'GOD PA DANG DE'I DPE BDEN MED DU RTOGS PA SNGON DU 'GRO DGOS PAS DPE DON THUG MED KYI SKYON YONGS PA'I PHYIR RO, ,BYAS PA LA KHO NA RE, DPE DON THUG MED DU SONG NAS STONG NYID RTOGS MI NUS PA'I SKYON MED PAR THAL, RTEN 'BREL GYI RTAGS KYIS GANG ZAG LTA BU BDEN MED DU SGRUB PA'I DPER ME LONG NANG GI GZUGS BRNYAN 'GOD, DE BDEN MED DU SGRUB PA'I DPER NAM MKHA' 'GOD, DE BDEN MED SGRUB PA'I DPER NAM MKHA'I ME TOG LTA BU 'GOD PAS THUG MED DU MI 'GYUR BA'I PHYIR ZER ZHING, CHOS THAMS CAD RTAGS SBYOR DANG DPE'I SGO NAS RTOGS PA tIKA CHEN GYI DGONGS PAR 'DOD DO, ,'O NA, DE LA 'DI DPE DON SUM

120a

, ,BRTZEGS DE 'DRA SUS KYANG MA BSHAD PAS MI 'THAD LA, GAL TE DE LTAR BYAS KYANG CHOS GCIG BDEN MED DU RTOGS PA LA DPE DON THUG MED MI YONGS SU CHUG KYANG SANGS MA RGYAS PAR DU CHOS THAMS CAD BDEN MED DU RTOGS MI SRID PAR THAL, CHOS CAN RE RE NAS BKAR NAS RTAGS KYIS GTAN LA 'BEBS DGOS SHING, DE RE RE LA YANG DPE SUM BRTZEGS RES GTAN LA 'BEBS DGOS PA'I PHYIR, RTAGS KHAS, KHYAB PA STONG THUN DANG 'JAM DPAL ZHAL LUNG SOGS DANG RIGS PAS SNGAR BSGRUBS ZIN, GZHAN YANG GANG ZAG RANG BZHIN MED PAR RTOGS PA LA RTAGS SBYOR 'GOD DGOS PAR THAL, DE RTOGS PA LA GZUGS BRNYAN STENG GI STONG NYID PHRA MO RTOGS PA SNGON DU 'GRO DGOS PA'I PHYIR, RTOGS DNGOS, 'DOD MI NUS TE, LHAG MTHONG CHE CHUNG DANG MKHAS GRUB THAMS CAD MKHYEN PA DANG MKHAS GRUB SHER SENG YAB SRAS NAS BRGYUD PA'I LTA KHRID LTAR BSGOM PA'I LTA BA RNYED MKHAN SNGON 'DAS SOGS MTHA' YAS PA'I PHYIR DANG, DE DAG GI 'KHRID TSUL DE LAS LHAG RKYAL BAS KYANG GSUNG RGYU MED PA'I PHYIR DANG, LTA NGAN MUN SEL GYI LUNG SNGAR DRANGS PA DE'I PHYIR, BYAS PA LA KHO NAR, 'O NA, RIN CHEN PHRENG BA'I DAR tIKA SNYING PO'I DON GSAL LAS, DPE DON DE DAG BSHAD PA NI, GANG ZAG DANG PHUNG PO CHOS CAN RANG BZHIN GYIS GRUB PAS STONG STE, RTEN 'BREL YIN PA'I PHYIR, DPER NA GZUGS BRNYAN BZHIN ZHES PA'I RTEN 'BREL GYI GTAN TSIGS BSHAD PA YIN NO, ,ZHES GSUNGS

120b

PA MI 'THAD PAR THAL, GANG ZAG BDEN MED DU RTOGS PA LA 'DI LTAR BSAMS NAS STONG NYID RTOGS MI DGOS PA'I PHYIR NAM KHYAB STE, 'O NA, KHYOD RANG LA DE YIN NA RTEN 'BREL GYI RTAGS DGOS PA DANG BDAG MED GNYIS SNGA PHYIR GTAN LA 'BEBS MI DGOS PA GNYIS KA YIN PAR THAL, LUNG 'DI LTAR BDAG MED GNYIS CIG CAR RTEN 'BREL GYI SBYOR BA GCIG GIS GTAN LA PHABS NAS SGOM DGOS PA'I PHYIR, RTAGS DNGOS, 'DOD MI NUS TE, LUNG DU MA DANG 'GAL ZHING GCIG DU BRAL DANG RDO RJE GZEGS MA SOGS KYI SGO NAS STONG NYID RTOGS PA'ANG YOD PA'I PHYIR TE, DE DAG GI SGO NAS GTAN LA 'BEBS TSUL BSHAD PA LA DGOS PA YOD PA'I PHYIR, GZHAN YANG, LAM RIM CHUNG BA LAS, 'JIG RTEN NA RDZUN BAR GRAGS PA'I DPE 'DI RNAMS THOG MAR RANG BZHIN MED PAR RTOGS SU BCU GNAS, DE NAS 'JIG RTEN NA RDZUN PAR MA GRAGS PA'I CHOS GZHAN RNAMS RANG BZHIN MED PAR RTOGS PA SKYED DGOS SHING ZHES PA'I DNGOS BSTAN GYI CHOS GZHAN ZHES PA DE LA GANG ZAG GCIG 'JOG RIGS PAR THAL, LUNG 'DIS GZUGS BRNYAN GANG ZAG LAS BDEN PAR MED PAR RTOGS SLA BAR DNGOS SU BSTAN PA'I PHYIR, RTAGS KHAS, MA GRUB NA DNGOS 'GAL, 'DED MI NUS TE, 'DI'I DNGOS BSTAN GYI CHOS GZHAN ZHES PA DE CHOS DANG GANG ZAG GNYIS SU PHYE BA'I CHOS LA 'JOG DGOS PA'I PHYIR TE, DE GZUGS SGRA SOGS KYI CHOS GZHAN LA BYED DGOS SHING GZUGS

121a

, ,BRNYAN DPER BKOD PA YANG GZUGS SGRA SOGS LAS BDEN MED DU RTOGS SLA BA'I RGYU MTSAN GYIS YIN ZHES BSHAD DGOS PA'I PHYIR TE, LAM RIM CHUNG BA LAS, 'ON KYANG 'DI DAG DPER LEN PA NI GZUGS SGRA SOGS KYI CHOS GZHAN RNAMS LAS, 'DI RNAMS RANG BZHIN MED PAR RTOGS SLA BA'I RGYU MTSAN GYIS YIN LA, ZHES GSUNGS PA'I PHYIR, KHYAB STE, GZUGS SGRA SOGS KYI CHOS GZHAN ZHES DMIGS KYIS BKAR BA'I RNAM BCAD KYI DGOS PA YOD PA'I PHYIR, GZHAN YANG LAM RIM GYIS GZUGS BRNYAN DANG SGYU MA RMI LAM SOGS BRDZUN PA'I DPE BSHAD PA DE RNAMS THOS MAR GANG ZAG SOGS BDEN MED DU SGRUB PA'I DUS KYI DPER GTZO BOR BSHAD PAR THAL; KHYOD KYIS GANG ZAG BDEN MED RTOGS PA LA'ANG SNGON LA ME LONG NANG GI GZUGS BRNYAN BDEN MED RTOGS DGOS PA DANG, DE DE LAS RANG BZHIN MED PAR RTOGS SLA BAR 'DOD PA'I RGYU MTSAN DE'I PHYIR, 'DOD MI NUS TE, LAM RIM GNYIS LAS SGYU MA SOGS KYI DPE BSHAD PA NI STONG NYID RTOGS RJES SU THA SNYAD 'JOG MI THUB DOGS NAS THA SNYAD LA NGES PA 'DREN PA'I CHED YIN PA'I PHYIR DANG, RDZUN PA SGYU MA LTA BU LA BDEN MED RTOGS PA SNGON DU 'GRO DGOS PA'I PHYIR TE, LAM RIM CHUNG BA LAS, DE LTAR GSUNGS PA'I SGYU MA LTA BU'I DON NI GNYIS TE, DON DAM BDEN PA SGYU MA LTA BUR GSUNGS PA LTA BU YOD TZAM DU GRUB KYANG BDEN PA KHEGS PA LA BYAS PA DANG, STOB BZHIN DU

121b

SNANG BA'I SGYU MA LTA BU GNYIS LAS 'DIR NI PHYI MA'O, ZHES GSUNGS PA'I PHYIR, BYAS PA LA KHO NA RE, LAM RIM LAS, 'JIG RTEN NA RDZUN PAR GRAGS PA'I DPE 'DI RNAMS THOG MAR ZHES SOGS KYIS BDEN MED GTAN LA 'BEBS DUS KYI DPE MA BSHAD PAR THAL, LAM RIM GYI LUNG DRANGS MA THAG PA DE'I PHYIR NA MA KHYAB STE, 'DIR RJES THOB SGYU MA LTA BU LA GNYIS YOD PA'I SNANG BA SGYU MA LTA BU 'CHAD PA'I ZHAR BYUNG LA RTAGS SBYOR GYI TSE SGYU MA SOGS DPER LEN TSUL 'CHAD PA LA, LAM RIM LAS, 'ON KYANG, ZHES PA NAS, SKYED DGOS SHING, ZHES PA'I BAR GSUNGS PA'I PHYIR, 'DIS NI 'JUG PA RTZA 'GREL DANG, DE'I RNAM BSHAD DANG, LAM RIM CHEN MO RNAMS KYIS SGYU MA SOGS KYI DPE BSHAD TSUL YANG SHES PAR BYA'O, ,'DIR BSHAD RGYU DU MA YOD KYANG RANG LUGS DANG DGAG BYA NGOS 'DZIN SKABS SOGS SU 'CHAD PAR 'GYUR RO, ,RTZOD SPONG LA, 'GREL PA'I DON LA KHA CIG NA RE, THEG CHEN BSTAN PA DON MED DU THAL BA 'GOG YUL LA SLOB DPON LEGS LDAN MI 'JOG ZER NA, 'O NA, RAB BYED BDUN PA'I 'GREL PA SHES RAB SGRON ME LAS, KHUNGS DE NI NYAN THOS KYI THEG PA LAS GANG ZAG GI BDAG MED PA'I SGRA'I DON BDE BLAG TU RTOGS PAR BYA BA YIN PA'I PHYIR, CHOS BDAG MED PA NYID BSTAN PAR MI NUS SO, ,NUS PAR GYUR NA NI THEG PA GZHAN YONGS SU BZUNG BA DON MED PA NYID DU 'GYUR, ZHES GSUNGS PA 'DI PHYOGS SNGAR BLANGS NAS 'JUG PA RANG 'GREL GYIS LAN BTAB

122a

, ,BA MA YIN BAR THAL, KHYOD KYIS THEG CHEN BSTAN BA DON MED DU THAL BA 'PHEN PA PO LA LEGS LDAN GTAN MI 'JOG PA'I PHYIR, RTAGS KHAS, 'DOD MI NUS TE, RAB BYED BDUN PA'I 'GREL PA BUDDHA B'A 'I TAS, DE BZHIN DU BCOM LDAN 'DAS KYIS 'DU BYED RNAMS BDAG MED PA'I SGYU MA DANG BRAG CHA DANG, NAS, CHOS THAMS CAD BDAG MED DO, ZHES GSUNGS PA LA BDAG MED PA ZHES BYA BA NI NGO BO NYID MED PA'I DON TE, BDAG CES BYA BA'I SGRA NI NGO BO NYID KYI TSIG YIN PA'I PHYIR RO, ZHES DRANGS MA THAG PA'I THEG DMAR GYI MDO NGES SGYU MA SOGS DBER BKOD PA'I PHUNG SOGS KYI CHOS THAMS CAD BDAG MED BA'I DON RANG BZHIN NA MA NGO BO NYID MED PA'I DON DU BSHAD PA LA LEGS LDAN GYIS MDO DE'I BDAG MED BA'I SGRA DON GANG ZAG GI BDAG MED LA BYED DGOS PAS CHOS KYI BDAG MED BSTAN MI NUS LA NUS NA THEG CHEN LOGS SU BZUNG BA DON MED DU 'GYUR ZHES BRTZAD PA LA RANG 'GREL GYI GZHUNG 'DI GSUNGS PA'I PHYIR TE, RNAM BSHAD LAS, LUGS DE YANG 'DI LTAR RIGS PA DANG LUNG DANG 'GAL BAR RTOGS SO ZHES PA'I PHYOGS SNGA MA SMRA BA NI SLOB DPON LEGS LDAN YIN TE, ZHES PA NAS, ZHES DGAG PA MDZAD DO, ZHES GSUNGS PA'I PHYIR, BYAS PA LA KHO NA RE, DE MI 'THAD PAR THAL, LEGS LDAN GYIS THEG DMAN GYI SDE SNOD LAS CHOS KYI BDAG MED BSTAN PAR TSIG GSAL BZHIN BZHED PA'I PHYIR, DER THAL, RTZA SHE LAS, 'DUS BYAS

122b

THAMS CAD SLU BA'I CHOS, ,DES NA DE DAG RDZUN PA YIN, ZHES DANG, DE'I 'GREL PA SHES RAB SGRON ME LAS, NYAN THOS KYI THEG PA LAS KYANG 'DI LTA STE, 'DUS BYAS GANG YIN PA DE NI RDZUN PA SLU BA'I CHOS SO, ZHES SOGS DANG, RTZA SHE LAS, KHA CIG SDUG BSNGAL BDAG GIS BYAS, ZHES PA'I SHER SGRON LAS, NYAN THOS KYI THEG PA LAS KYANG BKA' STZAL TE, KYE GO'U TAM, SDUG BSNGAL 'DI BA DAG GIS BYAS SAM, TSE DANG LDAN PA MA YIN NO, ,GZHAN KYIS BYAS SAM, TSE DANG LDAN PA MA YIN NO, ,GNYIS KAS BYAS SAM, TSE DANG LDAN PA MA YIN NO, ,BDAG GIS KYANG MA BYAS GZHAN GYIS KYANG MA BYAS SAM, ZHES SOGS RGYA CHER GSUNGS PA DES BDEN PA'I SKYE MED BSTAN PAR BZHED LA, RTZA SHE LAS, BCOM LDAN DNGOS DANG DNGOS MED PA, ZHES PA'I SHER SGRON LAS, KA TA YA NA 'JIG RTEN 'DI NI SOGS DANG, KUN DGA' BO YOD CES BYA BA NI RTAG PAR 'GYUR LA, MED CES BYA BA NI CHAD PAR 'GYUR RO, ZHES GSUNGS PA DRANGS PA'I PHYIR NA MA KHYAB, 'O NA, MDO DE DAG CHOS KYI BDAG MED STON PA'I THEG DMAN GYI MDOR LEGS LDAN BZHED PAR THAL, KHYOD KYI SGRUB BYED 'THAD PA'I PHYIR, 'DOD NA, LEGS LDAN LUGS GZHIR ZHOG, MDO TSAN DE GSUM RE RE NAS CHOS CAN, KHYOD KYI CHED DU BYA BA'I GDUL BYA THEG DMAN PA YOD PAR THAL, KHYOD THEG DMAN GYI MDO YIN PA'I PHYIR, RTAGS KHAS, 'DOD NA, KHYOD KYIS BSHAD PA LTAR GTZO BOR NYAMS SU LEN PA'I THEG DMAN

123a

, ,PA YOD PAR THAL, 'DOD PA DE'I PHYIR, RTAGS DNGOS, KHYAB STE, BCOM LDAN 'DAS KYIS DE LTAR GSUNGS PA DE NYAMS SU LEN PA KHO NA'I CHED YIN PA'I PHYIR, GONG DU 'DOD NA, BDEN MED GTZO BOR SGOM PA DANG BDEN 'DZIN GTZO BOR SPONG BA'I THEG DMAN PA YOD PAR THAL, 'DOD PA'I PHYIR, RTAGS KHAS, 'DOD NA, BDEN 'DZIN SPANGS PA'I THEG DMAN DGRA BCOM YOD PAR THAL BA DANG, BDEN 'DZIN SHES SGRIB MA YIN PAR THAL BA SOGS GNOD BYED CHAR LTAR 'BAB PAS RANG RGYUD PA'I LUGS KUN DANG RGYAB 'GAL DU 'GYUR BAS RJE DANG ZLA BA'I GZHUNG SGRA JI BZHIN PA KHO NA MDZES SO, ,DES NA STONG NYID STON PA'I MDO YIN PHYIN LEGS LDAN SOGS KYI LUGS LA THEG CHEN GYI MDOR 'GRUB PO, ,BYAS PA LA KHO NA RE, 'O NA, SHER SGRON LAS NYAN THOS KYI THEG PA LAS KYANG ZHES DRANGS PA MI 'THAD PAR THAL, DE DAG NYAN THOS KYI LUNG MA YIN PA'I PHYIR NA MA KHYAB STE, NYAN THOS KYI SDE SNOD NANG NAS MDO TSIG 'DI 'DRA 'BYUNG ZHES PA TZAM YIN PA'I PHYIR TE, NYAN THOS KYI THEG PA LAS ZHES 'BYUNG KHUNGS TZAM LAS MI SNANG BA'I PHYIR, BYAS PA LA KHO NA RE, DE THEG DMAN THUN MONG MA YIN PA'I MDO MA YIN KYANG THEG DMAN THUN MONG BA'I YIN ZER NA, 'O NA MDO DE DAG NYAN THOS DANG THUN MONG BA'I NYAMS LEN ZHIG GTZO BOR STON PA'I MDOR THAL, 'DOD PA DE'I PHYIR, 'KHOR GSUM KHAS, 'DOD NA, STONG NYID DE DE YIN PAR THAL

123b

LO, ,'DOD NA SNGAR LTAR 'GOG, YANG KHO NA RE, RANG 'GREL LAS BYANG SEMS KYI SPYOD PA SOGS MA BSHAD PAR SGRUB YUL LA LEGS LDAN MI RIGS PAR THAL, DE NYAN THOS SDE PA YIN PA'I PHYIR, RIN PHRENG LAS, BYANG CHUB SEMS DPA'I ZHES SOGS LA DE'I PHYIR NA MA KHYAB, YANG KHO NA RE, 'O NA LEGS LDAN GYIS THEG DMAN GYI LUNG LAS RGYAL SRAS KYI SPYOD PA DANG SMON LAM RGYA CHEN PO MA BSTAN PAR KHAS MI LEN PAR THAL, MA KHYAB PA DE'I PHYIR NA YANG MA KHYAB STE, MA BSTAN PAR KHAS LEN KYANG MTHA' DPYAD PA TZAM YIN PA'I PHYIR, RIN CHEN PHRENG BA LAS, THEG PA CHE LAS SOGS KYI DON GCIG LUGS LA BOD KHA CIG NA RE, NYAN THOS SDE PA RNAMS DNGOS PO LA ZAD PA KHAS LEN NA, RANG BZHIN YOD NA ZAD MI REGS PAS, ZAD PA KHAS LEN NA DANG PO NAS RANG BZHIN MED PA KHAS LEN DGOS PAS ZAD BA DANG RANG BZHIN MED PA DON GCIG ZER, 'O NA, DBU MA PAS KYANG MYU GU SOGS DANG STONG NYID GNYIS DON GCIG TU 'DOD RIGS PAR THAL, RANG BZHIN YOD NA ZAD SOGS MI 'THAD LA DE KHAS LEN NA DANG PO NAS RANG BZHIN MED PAR KHAS LEN DGOS PA'I PHYIR, RTAGS KHYAB KHAS, 'KHOR GSUM, RNAM BSHAD LAS, 'DI GNYIS DON GCIG LUGS LA KHA CIG NA RE, ZHES SOGS GSUNGS PA'I PHYIR, YANG RIN CHEN PHRENG PA'I 'GREL PA NA RE, THEG CHEN GYI SKYE MED DANG NYAN THOS SDE PA'I SKAD CIG MA LA DON GYI KHYAD PAR 'GAL MED PAS DON GCIG ZER, 'O NA, NYAN THOS SDE

124a

, ,PA'I SKAD CIG MA'I DON RTOGS NA THEG CHEN GYI SKYE MED ZAB MO'I DON RTOGS PAS KHYAB PAR THAL, DAM BCA' 'THAD PA'I PHYIR, 'DOD NA, NYAN THOS SDE PAS KYANG DBU MA'I LTA BA RTOGS PAR THAL LO, , RNAM BSHAD LAS, RIN CHEN PHRENG BA'I 'GREL BAR SOGS BYUNG, YANG KHA CIG NA RE, THEG DMAN GYI MDO LAS, GANG SDUG BSNGAL 'DI MA LUS PAR SPANGS PA, NGES PAR SPANGS PA, BYANG BAR GYUR PA, ZAD PA ZHES SOGS KYIS BSTAN PA'I ZAD PA'I STONG NYID DANG, SHER PHYOGS KYIS SKYE BA MED PAR BSTAN PA'I STONG NYID GNYIS DON GCIG PA DE DE'I DON ZER NA, 'O NA THEG DMAN GYI MDO DES STONG NYID RGYAS PAR BSTAN PAR THAL BA DANG, DES GZUGS NAS RNAM MKHYEN GYI BAR GYI CHOS RE RE NAS BDEN PA'I SKYE BA MED PAR BSTAN PAR THAL, DON GCIG LUGS 'DOD PA DE'I PHYIR, RTAGS KHAS, 'DOD MI NUS TE, MDO GNYIS LAS SKYE BA MED PA DANG, ZAD PA MED PA'I DON STONG NYID STON PA TZAM DU DON GCIG CES PA YIN PA'I PHYIR TE, RNAM BSHAD LAS, THEG CHEN GYI MDO DES RANG BZHIN GYI SKYE BA MED PA STONG NYID DU BSTAN BA DANG, GZHAN TE THEG DMAN GYI MDOS NI STONG NYID STON PA NA 'DAS BYAS ZAD PAR BSTAN NAS STONG NYID STON PA GNYIS DON GCIG PAS, ZHES GSUNGS PA'I PHYIR, KHYAB STE, BSTAN PA'I STONG NYID DON GCIG MI GSUNG BAR STONG NYID STON PA GNYIS DON GCIG PAS, ZHES GSUNGS PA'I PHYIR RO, ,NYAN

124b

THOS SDE PA NA RE, MDO DES KLU SGRUB 'DOD PA LTAR STONG NYID BSTAN PA MA YIN PAR THAL, DES LHAG MED MYANG 'DAS KYI TSE BEM RIG ZAD PAR BSTAN PA'I PHYIR ZER, 'O NA, LHAG MED DE MNGON DU BYAS NAS GANG SDUG BSNGAL 'DI KUN ZAD DO, ZHES GSUNGS PA PO MI SRID PAR THAL, KHYOD KYI ZAD PA'I MDO DON 'THAD PA'I PHYIR, 'DOD MI NUS TE, THEG DMAN GYI MDO LAS, DGRA BCOM PA SO SOS RANG GI RTOGS PA BRJOD PA NA GANG YANG BDAG GIS SKYE BA ZAD DO, ,TSANGS PAR SPYOD PA BSTEN TO, ,BYA BA BYAS SO, ,'DI LAS SRID PA GZHAN MI SHES SO, ZHES GSUNGS PA'I PHYIR, KHYAB STE, SKYE PA'I RGYUN 'JUG BZHIN DU DE ZAD DO ZHES SMRA MI RIGS PA'I PHYIR, RIGS PA DRUG CU PA'I 'GREL PA LAS, PHUNG PO RGYUN CHAD PA'I NGO BO LA NI 'GA' YANG MI SRID PAS 'GOG PA DE SU LA MNGON SUM DU 'GYUR, ZHES PA NAS, RE ZHIG JI SRID DU DE'I PHUNG PO'I RGYUN RGYU DANG RKYEN GYI STOBS KYIS 'PHANGS PA 'BYUNG BA DE SRID DU ZAD PAR KHONG DU CHUD PAR MI NUS TE, SKYE PA DANG LDAN PA NYID KYI PHYIR RO, ZHES GSUNGS PA'I PHYIR, DE LA KHO NA RE, SKYON DE MED PAR THAL, SKYE BA ZAD DO ZHES PA MA 'ONGS PA LA DGONGS PA'I PHYIR TE, MDO LAS, 'DI LAS SRID PA GZHAN MI SHES SO, ZHES MA 'ONGS PA LA DGONGS PA'I PHYIR ZER, RIGS PA DRUG CU PA'I 'GREL PA LAS, GAL TE 'DI LAS SRID PA GZHAN MI SHES SO, ZHES GSUNGS PA'I PHYIR, MA 'ONGS PA'I SKYE BA MA MTHONG NAS DE DE SNYAM DU SEMS SO ZHES SO, ,DE MI 'THAD

125a

, ,PAR THAL, DE'I SKYE BA ZAD PA DANG SRID PA GZHAN MI SHES PA GNYIS DUS GCIG LA SBYOR MI RIGS PA'I PHYIR, DER THAL, SKYE BZAD PA DA LTAR GYI DANG SRID PA GZHAN MI SHES PA MA 'ONGS PA LA SBYAR DGOS KYI GZHAN DU NA ZLOS SKYON YOD PA'I PHYIR TE, 'GREL PA LAS, DE'I PHYIR 'DIR YANG SKYE BA ZAD DO ZHES BYA BA'I TSIG NI DA LTAR BA'I MI SKYE BA MTSON PAR STON PAR BYED PA YIN LA, 'DI LAS SRID PA GZHAN MI SHES SO ZHES BYA BA'I TSIG 'DI NI MA 'ONGS PA'I SDUG BSNGAL LA LTOS PA YIN NO, ZHES BYA BAR NGES SO, ZHES GSUNGS PA'I PHYIR, GZHAN YANG, DE MA 'ONGS PA KHO NA LA 'CHAD MI RIGS PAR THAL, DE'I RGYAS BSHAD DU, MDO DE NYID LAS, GANG SDUG BSNGAL 'DI; ZHES GSUNGS PA'I PHYIR, KHYAB STE, MA 'ONGS PA LA 'DI ZHES DA LTAR BA'I SGRA MI RUNG BA'I PHYIR, DER THAL, MDO DE'I DON LA DA LTA BA DANG MA 'ONGS PA GNYIS KA'I DON GSAL BAR SNANG BA'I PHYIR, DER THAL, DA LTAR GYI SDUG BSNGAL ZAD TSUL GYI DBANG DU BYAS NAS, MDO DE NYID LAS, GANG SDUG BSNGAL 'DI MA LUS PAR SPANGS PA, NGES PAR SPANGS PA, BYANG BAR GYUR PA, ZAD PA, 'DOD CHAGS DANG BRAL BA, 'GOG PA NYE BAR ZHI BA, NUB PA, ZHES GSUNGS LA, MA 'DAS PA'I DBANG DU BYAS NAS, MDO DE NYID LAS, SDUG BSNGAL GZHAN GYIS MTSAMS MI SBYOR ZHING MI 'BYUNG MI SKYE BA 'DI NI ZHI BA, 'DI NI GYA NOM PA STE, 'DI LTA STE, PHUNG PO THAMS CAD NGES PAR SPANGS PA,

125b

SRID PA ZAD PA 'DOD CHAGS DANG BRAL BA, 'GOG PA MYA NGAN LAS 'DAS PA'O, ZHES GSUNGS PA'I PHYIR TE, RIGS PA DRUG CU PA'I 'GREL PA LAS, MDO SDE LAS NI GANG SDUG BSNGAL 'DI, ZHES GSUNGS PA'I PHYIR, DA LTAR GYI SDUG BSNGAL KHO NA'I DBANG DU MDZAD NAS MA LUS PAR SPANGS PA NAS NUB PA ZHES PA'I BAR DU GSUNGS SO, ,MA 'ONGS PA'I SDUG BSNGAL GYI DBANG DU MDZAD NAS SDUG BSNGAL GZHAN GYIS MTSAMS MI SBYOR PA NAS MYA NGAN LAS 'DAS PA'O, ZHES BYA BA'I BAR DU GSUNGS SO, ZHES GSUNGS PA'I PHYIR, 'DI LA'ANG DA DUNG NYAN THOS SDE PAS LAN BYAS TSUL DANG LHAG BCAS LHAG MED KYI TSUL 'OG TU 'CHAD DO, ,DE LA KHO NA RE, SDUG BSNGAL 'DI NYER LEN GYI PHUNG PO LNGA LA MI BYED PAR THAL, DE SPYI SGRA BYE BRAG TU NYON MONGS LA 'JUG PA'I PHYIR ZER NA, DE MI 'THAD PAR THAL, SPYI SGRA SPYI LA MI 'JUG PA'I TSE DE LTAR RUNG YANG, 'DIR SPYI SGRA PHUNG PO LNGA ZAD PA LA BSHAD DU YOD PA'I PHYIR, DER THAL, 'DI'I ZAD TSUL MAR ME RLUNG GES BSAD PA LTAR GNYEN POS ZAD PA MA YIN PAR GDOD MA NAS CHOS DBYINGS KYI NGOR ZAD BA LA BYED DGOS PA'I PHYIR TE, NGES DON GYI MDO DU MA LAS, MA SKYES PA MA 'GAG PA GZOD MA NAS ZHI BA, RANG BZHIN GYI MYA NGAN LAS 'DAS PA'O, ZHES GSUNGS PA'I PHYIR, KHYAB STE, LAM GYI STOBS KYIS YIN NA, GZOD MA NAS ZHI BA DANG, RANG BZHIN GYI MYANG 'DAS SU MI RUNG BA'I PHYIR TE, DER MA ZAD KHYOD LTAR NA MDO DE DAG GI DON BSHAD MI RUNG BA GANG

126a

, ,ZHIG; KHO BO CAG LTAR NA MDO DANG SHING RTA CHEN PO KLU SGRUB DANG BYAMS PA'I GSUNG LTAR RUNG PA'I PHYIR, DANG PO GRUB STE, KHYOD RGYUD BLA MAS, NYON MONGS GDOD NAS ZAD PHYIR RO, ZHES GSUNGS PA LTAR GNAS LUGS KYI NGOR ZAD PA LA MI BYED PAR THA SNYAD DU MAR ME ZAD PA LTA BUR 'DOD PA'I PHYIR, KHYAB STE, DE LTAR NA DGRA BCOM PA DE 'DRA THOB PA MI 'ONG PA'I SKYON SNGAR LTA 'ONG PA'I PHYIR, RNAM BSHAD LAS, SDUG BSNGAL PHUNG PO 'DI ZHES PA DE GNYIS KYI, ZHES PA NAS, MDO DE BSHAD PAR MI NUS PAR 'GYUR RO, ZHES PA'I BAR BYUNG, GNYIS PA GRUB STE, RNAM BSHAD LAS, KHO BO CAG LTAR NA 'DI'I ZAD PA NI, NAS, ZHIB TU BSHAD NGO'I BAR BYUNG BA'I PHYIR, YANG SLOB DPON 'DIS THEG PA CHE CHUNG GIS CHOS KYI BDAG MED RDZOGS PAR DANG TSANG BAR STON MI STON DANG, DE GNYIS KYI LAM DU'ANG DE RDZOGS PAR SGOM MI SGOM SO SOR BSHAD PA'I DON GANG YIN SMRAS NA, SNGA MA KHA CIG NA RE; THEG CHEN PAS CHOS THAMS CAD RANG BZHIN MED PAR RTOGS PA YOD CING DE LTAR SGOM PA DANG, NYAN RANG LA DE MED PAR SHES BYA NYI TSE BA GCIG RANG BZHIN MED PAR RTOGS SHING DE LTAR SGOM PA DE DAG SO SO'I DON YIN ZER NA, DE MI 'THAD PAR THAL, DE 'DRA'I RTOGS TSUL YANG MI 'THAD, SGOM TSUL YANG MI 'THAD PA'I PHYIR, DANG PO GRUB STE, CHOS GCIG GI STONG NYID RTOGS NA DE NAS CHOS GZHAN LA BLO KHA PHYOGS TZAM GYIS RTOGS NUS PAR BSGRUB

126b

ZIN PA'I PHYIR TE, RNAM BSHAD LAS, DE NI THEG CHEN LA, NAS, NUS PA'I PHYIR RO'I BAR BYUNG, GNYIS PA GRUB STE, 'JIG RTEN GYI KHAMS NA YOD TSAD KYI MDO SDE RTZAD BCAD MI NUS, MDO SDE GCIG GI DE KHO NA NYID RTZAD BCAD NAS DON RTOGS NA MDO SDE THAMS CAD KYI GNAS LUGS DE 'DRA DE RTOGS PAR SONG BA GANG ZHIG ,SGOM TSE YANG CHOS CAN GCIG GI STONG NYID RTOGS NAS SGOM NA CHOS CAN THAMS CAD KYI STONG NYID SGOM PAR 'GRO BAS CHOS CAN RE RE NAS BKAR NAS STONG NYID SGOM MI DGOS PA'I PHYIR, RTAGS DANG PO GRUB STE, ZLA BA SGRON ME'I MDO LAS, 'JIG RTEN KHAMS NI STONG PHRAG TU, ,NGA YIS MDO RNAMS GANG GSUNGS PA, ,YI GE THA DAD DON GCIG STE, ZHES DANG, RNAM BSHAD LAS, 'JIG RTEN ZHES PA'I RKANG PA BZHI NI, NAS, DE'I PHYIR 'JIG RTEN GYI KHAMS NA MDO SDE YOD TSAD LAM LA SLOB PA'I LAS DANG PO PAS RTZAD BCAD PAR MI NUS PAS MDO SDE GANG YIN PA ZHIG GI DE KHO NA NYID DON RTZAD BCAD CES PA YIN TE, ZHES GSUNGS PA'I PHYIR, GNYIS PA GRUB STE; ZLA BA SGRON ME'I MDO LA GDONGS PO GCIG NI BSAM BYAS NA, ,DE DAG THAMS CAD BSGOM 'GYUR TE, ZHES DANG, RNAM BSHAD LAS, DNGOS PO GCIG NI ZHES PA GNYIS NI CHOS CAN GCIG GI DE KHO NA NYID LEGS BAR SHES NAS BSGOMS NA, CHOS CAN THAMS CAD KYI DE KHO NA NYID BSGOMS PAR 'GRO BAS, CHOS CAN RE RE NAS KYI CHOS NYID SO SOR SGOM MI DGOS BA'I DON NO, ZHES GSUNGS PA'I PHYIR DANG, CHOS GCIG GI LTA BO KUN GYI LTA BOR BZHAD PA DANG GCIG

127a

, ,MTHONG SOGS MANG BA'I PHYIR DANG, DE LTA MA YIN NA CHOS CAN RE RE NAS MA SHES PAR DE DAG BDEN PAR 'DZIN PA MI LDOG PAR YANG 'GYUR TE, BDEN 'DZIN DE'I ZHEN YUL SUN MA PHYUNG BA'I PHYIR SOGS MANG STE; SPROS PAS CHOG LA SNGAR YANG BSHAD DO, ,BYAS PA LA KHO NA RE, 'O NA, CHOS GCIG GI STONG NYID RTOGS NA RTZA SHE NAS BSHAD PA LTAR GYI STONG NYID RTOGS PAS KHYAB PAR THAL, DE RTOGS NA CHOS THAMS CAD KYI STONG NYID RTOGS PAS KHYAB BAR SONG PA'I PHYIR NA MA KHYAB STE, DON DAM LA DPYOD PA MIN KYANG DON DAM LA DPYOD PAR SONG BA DU MA YOD PA'I PHYIR, YANG KHA CIG, NYAN RANG LA CHOS KYI BDAG MED RDZOGS PAR BSGOM PA MED KYANG GANG ZAG GI BDAG MED RDZOGS PAR BSGOM PA YOD DE, NYAN RANG LA NYON MONGS SPONG BA'I GNYEN PO YOD PA'I PHYIR DANG, CHOS KYI BDAG MED LA RDZOGS PAR BSGOM PA MED PAR DMIGS KYIS BKAR PA'I RNAM BCAD YONGS GCOD YOD PA'I PHYIR ZER NA, DE LA GANG ZAG GI BDAG MED RIGS PA'I RNAM GRANGS MTHA' YAS PAS GTAN LA PHABS PAR BYAS NAS SGOM PA YOD PAR THAL, DE LA GANG ZAG GI BDAG MED RDZOGS PAR BSGOM PA YOD PA'I PHYIR, RTAGS KHAS, 'DOD MI NUS TE, DE LA DE LTAR BSGOM PA MED KYANG NYON MONGS KYI SA BON GYI GNYEN PO RDZOGS PAR BSGOM PA YOD PA GNYIS MI 'GAL BA'I PHYIR TE, RNAM BSHAD LAS, GANG ZAG BDEN GRUB 'GOG PA'I RIGS PA'I RNAM GRANGS MTHA'

127b

YAS PA'I SHES RAB MI SKYED KYANG NYON MONGS KYI SA BON GYI GNYEN PO RDZOGS PAR BSGOM PA NI YOD LA, SHES BYA'I SGRIB PA'I GNYEN PO RDZOGS PAR BSGOM PA NI MED DO, ZHES GSUNGS PA'I PHYIR, GZHAN YANG, NYAN RANG LA CHOS KYI BDAG MED RDZOGS PAR SGOM PA YANG YOD PAR THAL, DES GANG ZAG GI BDAG 'DZIN SPONG BA LA GANG ZAG GI BDAG MED RDZOGS PAR BSGOM DGOS PA GANG ZHIG, DES CHOS KYI BDAG 'DZIN YANG SPONG DGOS PA'I PHYIR, RTAGS DANG PO DANG KHYAB PA KHAS, 'DOD MI NUS TE, CHOS KYI BDAG MED RIGS BA DANG DUS KYI SGO NAS RDZOGS PAR BSGOM TSUL GNYIS BO GANG YANG MED PA'I PHYIR, DER THAL, RIGS PA MDOR BSDUS LAS MED PAS RIGS PA'I SGO NAS KYANG MED, DUS YUN RING POR MI SGOM PAS DUS KYI SGO NAS KYANG RDZOGS PAR BSGOM PA MED PA'I PHYIR TE, RNAM BSHAD LAS, DE DAG LA SNGAR BSHAD PA LTAR CHOS KYI BDAG MED PA RNAM GRANGS DANG DUS KYI SGO NAS YONGS SU RDZOGS PAR SGOM PA MED DE, 'ON KYANG KHAMS GSUM NYON MONGS KYI SA BON SPONG BA'I THABS TZAM ZHIG NI YOD DO, ZHES GSUNGS PA'I PHYIR, DES NA BDAG MED GNYIS MA LUS PAR SGOM PA YOD KYANG, BDAG MED GNYIS RDZOGS PAR BSGOM PA'I DON MA YIN TE, CHOS THAMS CAD KYI STONG NYID BDAG MED GNYIS SU BSDUS NAS SGOM PA YOD PA'I PHYIR, SPROS BAS CHOG GO, GNYIS PA RANG LUGS PHAL CHED SPYI DON SKABS SU BSHAD ZIN LA, GANG ZAG GI BDAG MED RDZOGS PAR RTOGS NA CHOS

128a

, ,KYI BDAG 'DZIN GYI ZHEN YUL SUN PHYUNG BAS KHYAB STE, DE 'DRA'I GANG ZAG DES NGA DANG NGA YI RA 'DZIN PA'I BDAG 'DZIN GNYIS KA'I ZHEN YUL SUN PHYUNG BAS PHUNG SOGS LA BLO KHA PHYOGS TSE BDEN GRUB TU DAM MI BCA' BA'I PHYIR, MNGON BA GONG 'OG NAS BSHAD PA'I THUNG MONG MA YIN PA'I DGRA BCOM DE DGRA BCOM MA YIN ZHING NYON MONGS MA SPANGS TE, DE LTAR DU MDO DANG SPYOD 'JUG SOGS DU MAS GRUB PA'I PHYIR, DE DANG PHYI ROL PA'I CHAGS BRAL PA GNYIS NYON MONGS KYI SA BON MA SPANGS PAR MTSUNGS KYANG, CHAGS BRAL LA KHYAD PAR MED PA MA YIN TE, DES SRID RTZE MAN CHAD KYI BDAG 'DZIN RAGS PA DANG DES DRANGS PA'I CHAGS SOGS MNGON GYUR PA RE ZHIG SPANGS LA, PHYI ROL PA SUS KYANG RANG SKYA THUB PA'I RDZAS YOD DU 'DZIN PAR MA ZAD RTAG GCIG RANG DBANG CAN DU GRUB PAR 'DZIN PA MNGON GYUR PA DANG SRID RTZE'I CHAGS SOGS MNGON GYUR PA GANG YANG MA SPANGS PA DE'I PHYIR, ,PHUNG PO BDEN 'DZIN GYI ZHEN YUL SUN MA PHYUNG BAR DU GANG ZAG GI BDAG MED MTSAN NYID RDZOGS PA RTOGS MI SRID DE, PHUNG PO'I RNAM BA MA SHAR BAR BLO LDAN SKYES LA BDAG GI RNAM PA MI 'CHAR LA, BLO LHAN SKYES LA SHAR TSE YANG PHUNG BO'I BDAG NYID DU SNANG LA, BDAG MED GNYIS KYI STONG TSUL LA KHYAD PAR MED PA'I PHYIR, BDAG MED RTOGS PA THAMS CAD RTAGS SBYOR BKOD BA LA LTOS PA'I NGES PA MED DE, DE LA RTAGS SBYOR MA BKOD KYANG RGYU MTSAN YANG DAG GCIG MTHONG

128b

NA'ANG DE LA BRTEN PA'I RJES DPAG SKYES YOD PA'I PHYIR, DPER NA PHYUGS RJE'I RGYUD KYI LA PHAR RGYAB KYI DU BA MTHONG PA LA BRTEN NAS ME YOD PAR RTOGS PA'I RJES DPAG LTA BU YIN PA'I PHYIR, RGYU MTSAN YANG DAG MTHONG BA LA RTAGS SBYOR DANG THAL BA 'GOD MI DGOS LA, RTAGS BKOD PA LA YANG GZHAN GRAGS DANG THAL BA GNYIS KA YOD DE, DE GNYIS KAS BSGRUB BYA NGES PA'I RJES DPAG SKYE THUB PAR 'DI PA 'DOD PA'I PHYIR, SKABS 'DIR PHYI RGOL LA GZHI DE BDEN MED DU SGRUB PA'I CHO RGYUD MA SMIN PA'I DNGOS SMRA LA MTHUN DPE RDZUN PA RAGS PA DANG, RGYUD SMIN PA'I RGOL BSKABS BABS SAM DBU MA PA DE LA MTHUN DPE RANG BZHIN DU GRUB PAR SNANG YANG MA GRUB PA'I RDZUN PA PHRA MO 'GOD PA YIN PA'I PHYIR, DANG PO GRUB STE, RGYU DAM SMIN PA LA RANG GIS GRUB PA'I RDZUN PA RAGS PA 'GOD PA 'DI STON PA DANG SHING RTA CHEN PO KLU GRUB YAB SRAS DANG RJE YAB SRAS SOGS DU MA'I DGONGS PA YIN PA'I PHYIR TE, MDO TING 'DZIN RGYAL PO LAS JI LTAR CHU SHING RLON PA'I SDONG PO LA, ,SNYING PO 'DOD MIS RIM PAS BSHIG BYAS KYANG, ,PHYI DANG NANG NA SNYING PO YOD MIN LTAR, ,CHOS RNAMS THAMS CAD DE BZHIN SHES PAR GYIS, ZHES DANG, RIN 'PHRENG LAS, JI LTAR CHU SHING YAN LAG DAG, MA LUS BCAS TE BSHIG BYAS NA, ,CI YANG MED LTAR SKYES BU YANG, ,KHAMS BCAS BSHIG NA DE DANG 'DRA, ,ZHES DANG, DE'I DAR tIKA LAS, JI LTAR CHU SHING GI SDONG PO'I YAN LAG DAG MA LUS PA DANG BCAS TE SNYING PO

129a

, ,YOD MED BRTAG PA'I CHED DU BSHIG PAR BYAS NA SNYING PO CI YANG MED PA LTAR SKYES BU KHAMS DRUG DANG BCAS PA CHA DANG CHAR PHYI NAS BSHIG NA DE DANG 'DRA BAR RANG BZHIN GYIS GRUB PA'I SNYING PO RDUL TZAM YANG MED DO, ZHES DANG, STONG NYID BDUN CU PA'I RANG 'GREL LAS KYANG, GANG GI PHYIR 'DU BYED RNAMS NI DRI ZA'I GRONG KHYER DANG SGYU MA DAG DANG 'DRA BA DE'I PHYIR LAS RANG BZHIN GYIS MED DO, ZHES GSUNGS PA LTA BU MANG LA, RNAM BSHAD LAS KYANG, SKABS 'DIR GZUGS BRNYAN SOGS BKOD PA NI 'JIG RTEN PA'I GRUB ZIN DPER 'GOD PA YIN GYI DBUM PAS RDZUN PAR BZHAG PA GRUB ZIN PA ZHIG DPER 'GOD PA MA YIN NO, ,ZHES DANG, LAM RIM LAS KYANG, DE LTAR YIN NA'ANG RANG BZHIN MED PA'I DPER RUNG LUGS NI GANG DU SNANG BA DE'I DNGOS POS STONG PAS, GANG DU SNANG BA MED PA MNGON SUM GYIS GRUB PAS, DE NYID DPER BYED PA YIN NO, ,ZHES DANG, STONG THUN LAS, BYAD BZHIN GYI GZUGS BRNYAN DPER BYED PA NI, BYAD BZHIN GYI GZUGS BRNYAN LA DNGOS SMRA BAS BDEN MED TSAD MAS NGES ZIN PA'I RGYU MTSAN GYIS MTHUN DPER BYED PA MA YIN TE, ZHES PA NAS, 'O NA MTHUN DPER BYED PA CI SNYAM NA, MYU GU SOGS BDEN PAR KHAS LEN PA NI MYU GU SOGS BDEN PAR SNANG BA 'DI SNANG BA LTAR GRUB PAR KHAS LEN CING, BYANG BZHIN GYI GZUGS BRNYAN JI LTAR SNANG BA LTAR DU MI BDEN PAR DBU MA'I LTA BA MA GO BDAG GIS KYANG NGES ZIN

129b

PAS; DE NYID DPER BYED PA YIN NO, ,ZHES GSUNGS PA'I PHYIR, 'DIR DNGOS SMRA BAS, ZHES GSUNGS PAS 'GOD YUL BSTAN PAS RGYUD SMIN PA MA YIN NO, ,'O NA, MNGON SUM DU NGES ZIN DE DPER BKOD PA STONG NYID RTOGS PA LA JI LTAR PHAN SNYAM NA, DE'I PHAN TSUL YOD DE, GZUGS BRNYAN GTZO BOR GANG DU BYANG BZHIN DU SNANG BA LTAR MA GRUB BZHIN DU BUM SOGS RANG NYID GANG DU SNANG BA LTAR MA GRUB PAR RTOGS NA STONG NYID RTOGS PAR 'JOG DGOS LA; GZUGS BRNYAN CHA GANG NAS SNANG BA LTAR MA GRUB KYANG YOD PAR 'JOG SHES NA BUM SOGS SNANG BA LTAR CHA GANG NAS KYANG MA GRUB KYANG YOD PAR 'JOG SHES PA'I KUN RDZOB SGYU MA LTA BU 'GRUB PA'I PHYIR, DANG PO GRUB STE, BUM SOGS BDEN PAR SNANG BA'I CHA CUNG ZAD KYANG MA GRUB PAR DNGOS SMRA MAN CHAD KYIS MI SHES PA'I RGYU MTSAN GYIS YIN PA'I PHYIR TE, DBU MA'I LTA BA MA RNYED PAR DU BDEN PAR YOD PA DANG YOD PA GNYIS KYI KHYAD PAR MI SHES SHING BDEN MED DANG MED PA GNYIS KYI YANG KHYAD PAR MI SHES PA'I PHYIR TE, LAM RIM LAS, GANG DU SNANG BA DE'I RANG BZHIN GYIS STONG PA DE MYU GU LA SOGS PA'I STENG DU TSAD MAS GRUB NA NI MYU GU'I RANG BZHIN MED PAR RTOGS PA YIN PAS GZUGS BRNYAN SOGS DANG MI 'DRA ZHES DANG, BRGYA PA'I 'GREL PA LAS, DNGOS PO YOD PAR SMRA BA'I LTAR NA JI SRID DU DNGOS PO DE'I YOD PA NYID YIN PA DE SRID DU RANG GI DNGOS PO YANG YIN PA NYID LA, GANG GI TSE RANG GI DNGOS PO DANG BRAL BA DE'I

130a

, ,CHO DE LA DNGOS PO DE RNAMS RNAM PA THAMS CAD DU MED PA'I PHYIR, ZHES SOGS LTA BU MANG BA'I PHYIR RO, ,GNYIS PA GRUB STE, RNAM BSHAD LAS, BYAD BZHIN GYI GZUGS BRNYAN LA DER GANG SNANG GI CHA THAMS CAD NAS SNANG BA LTAR DU MED KYANG GZUGS BRNYAN MED PAR MI 'GRO BA ZHIG 'JOG SHES NA SNGON PO LA YANG RANG MTSAN GYIS GRUB PAR SNANG BA'I CHA THAMS CAD NAS SNANG BA LTAR GYI DON DU MED KYANG, SNGON PO YOD PAR NGES PAR 'JOG NUS PA ZHIG 'ONG NGO, ZHES GSUNGS PA'I PHYIR, RGYUD SMIN PA'I RGOL BA SKABS BABS DE LA RDZUN PA PHRA MO 'GOD PA YIN TE, RGOL BA DES DE LTAR BKOD PA THOG MAR MTHUN DPE'I STENG DU STONG NYID RTOGS NAS RTZOD GZHI MYU GU BDEN MED RJES SU NGES DGOS PAR SNGAR BSHAD PA LTAR YIN PA'I PHYIR TE, DE LTAR YIN PA'I RGYU MTSAN GYIS STON PA SOGS KYIS KYANG RDZUN PA PHRA MO MTHUN DPER BKOD PA DU MA YOD PA'I PHYIR TE, YAB SRAS MJAL PA'I MDO LAS, ME LONG SHIN TU YONGS DAG LA, ,JI LTAR RANG BZHIN MED PA YI, ,GZUGS BRNYAN SNANG BA DE BZHIN DU, ,LJON PA CHOS RNAMS SHES PAR GYIS, ZHES DPE LA RANG BZHIN MED PA SPYAR BA DANG, DE'I DON 'CHAD PA NA, RANG 'GREL LAS KYANG, GZUGS BRNYAN RANG BZHIN MED PA'I RGYU DANG 'BRAS BU'I RNAM PAR BZHAG PA YANG SHES BZHIN DU MKHAS PA SU ZHIG GZUGS BRNYAN DANG NAS, DE'I PHYIR YOD PAR DMIGS KYANG RANG

130b

BZHIN GYIS SKYE BA MED DO, ZHES GSUNGS LA, STONG NYID BDUN CU PA'I RANG 'GREL LAS, GANG GI PHYIR PHYI DANG NANG GI SKYE MCHED LA BRTEN NAS RNAM PAR SHES PA SKYE BA'I PHYIR RNAM PAR SHES PA DE YANG MED DE, SMIG RGYU DANG SGYU MA BZHIN DU STONG NGO, ZHES DANG, RIN 'PHRENG LAS, JI LTAR SGYU MA'I GLANG PO LA, ,SKYE DANG 'JIG PA NYID SNANG YANG, ,DE LA DON GYI YANG DAG TU, ,SKYE DANG 'JIG PA NYID MED LTAR, ZHES DANG, STONG THUN LAS, BYAD BZHIN GYI GZUGS BRNYAN DE JI LTAR SNANG BA BZHIN DU MI BDEN PAR NGES ZIN LA, MYU GU DANG BUM PA SOGS LA NI JI LTAR SNANG BA BZHIN DU MI BDEN PA'I CHA DE TZAM YANG MA NGES PA DE'I PHYIR, MYU GU SOGS DANG BYAD BZHIN GYI GZUGS BRNYAN LA BDEN MED NGES DKA' SLA KHYAD SHIN TU TSE BAS GZUGS BRNYAN DPER BRJOD PA YIN LA, ZHES GSUNGS PA'I PHYIR DANG, LAM RIM CHUNG BA DRANGS PA LTAR RO, ,DES LAM RIM DANG STONG THUN GYI DON SLA BAR BKOD NA MYU GU DANG ME LONG GI GZUGS BRNYAN GYI STONG NYID PHRA MO LA PHRA RAGS MED KYANG RTOGS DKA' SLA YOD PAS NA DE DE BDEN MED DU SGRUB PA'I DPER 'GOD RIGS TE, ME LONG NANG GI GZUGS BRNYAN GYI STENG NAS SNANG TSUL DANG GNAS TSUL MI MTHUN PA RGAN PO BRDA BYANG YAN CHAD KYIS GRUB ZIN, MYU GU LA DBU MA'I LTA BA MA RNYED PAR DU DE 'DRA'I RDZUN SNANG MI 'ONGS PA'I PHYIR RO, ,RGYU MTSAN 'DI LTAR MI SHES PAR LA LAS DE SGRUB KYI MTHUN DPER RDZUN PA PHAL BA 'GOD

131a

, ,PAS GZUGS BRNYAN RANG BZHIN MED PA DPER MI 'DOD CING, GZHAN DAG GIS BZLOG NAS SMRA BA DANG, DE GNYIS KAS KYANG RJE YAB SRAS KYIS BSHAD PA PHYOGS GZHAN DE 'DOR BA DANG, SNYING KHAMS CAN MAD PAS LAM RIM CHE CHUNG MI MTHUN PAR SMRA BA MTHONG NAS NYUNG GSAL LEGS PAR BSHAD YOD PAS BLO GSAL RNAMS KYIS SNYING POR ZUNGS SHING, 'O NA, MYU GU BDEN MED DU SGRUB PA'I SKABS BABS KYI RGOL BA LA JI 'DRA ZHIG DGOS SNYAM NA, RGOL BA'I RNAM BZHAG PHAL CHER RNAM 'GREL LE'U BZHI BA LTA BU NAS SHES DGOS LA KHYAD PAR CUNG ZAD YOD DE, MYU GU BDEN MED DU SGRUB PA'I PHYI RGOL YANG DAG LA THAL BA LA LTOS PA'I DE DANG, GZHAN GRAGS LA LTOS PA'I DE GNYIS 'DI PA 'DOD LA TSAD MA PA DANG RANG RGYUD PA DAG DANG PO DE 'DRA MI 'DOD PA'I PHYIR, DE GNYIS KYI MTSAN NYID SO SOR YOD DE, DE SGRUB KYI THAL 'GYUR DANG GZHAN GRAGS GNYIS PO DE THAL 'GYUR DANG GZHAN GRAGS YANG DAG TU SOR BA'I PHYI RGOL GNYIS PO DE DE GNYIS KYI MTSAN NYID DU SO SOR PHYE NAS 'JOG RIGS PA'I PHYIR, MTSAN GZHI RIM BZHIN YOD DE, MYU GU CHES CAN, RTEN 'BYUNG MA YIN PAR THAL, RANG BZHIN GYIS GRUB PA'I PHYIR, ZHES PA'I THAL BA YANG DAG TU SONG NAS BDEN GRUB LA RTEN 'BREL MI 'THAD PAR RTOGS PA'I PHYI RGOL YANG DAG DANG PO DANG, MYU GU CHOS CAN, BDEN PAR MED DE, RTEN 'BYUNG YIN PA'I PHYIR, DPER NA

131b

MA LONG GI GZUGS BRNYAN BZHIN ZHES PA'I GZHAN GRAGS KYI SBYOR BA YANG DAG TU SONG BA'I DE SGRUB KYI PHYOGS KHYAB NGES LA BSGRUB BYA LA THE TSOM ZA BA'I PHYI RGOL GNYIS PA YIN PA'I PHYIR, NYAN RANG 'PHAGS PAS KYANG STONG NYID RTOGS PAS KHYAB STE, DE LTAR RDOR GCOD 'BUM NYI KHRI BSTOD TSOGS DU MAS BSHAD TSUL STONG THUN LTAR YIN PA'I PHYIR TE, DER BLTA DGOS SO, ,DES NA SKABS 'DIR THEG PA GSUM GYI LTA BA THA DAD PA MNGON RTOGS RGYAN LTAR MA YIN TE DE GSUM GYI STONG NYID RTOGS TSUL RGYAS BSDUS MA GTOGS KHYAD PAR MED PA'I PHYIR TE, NYI KHRI LAS, BCOM LDAN 'DAS RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA'I SHES RAB DANG GANG YANG RANG SANGS RGYAS KYI SHES RAB DANG BYANG CHUB SEMS DPA' SEMS DPA' CHEN PO'I SHES RAB DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI SHES RAB GANG LAGS PA'I SHES RAB DE DAG THAMS CAD NI DBYE BA MED PA, DBEN PA, MA SKYES PA, NGO BO MED PA, STONG PA LAGS SHING, BCOM LDAN 'DAS DBYE BA MED PA, DED NA PA, MA SKYES BA NGO BO MED PA, STONG PA LA NI THA DAD DU BYA BA'AM KHYAD PAR DMIGS SUM MCHIS NA; ZHES SOGS GSUNGS PA'I PHYIR, KHYAB STE, 'DIS DE LTAR ZHUGS 'BRAS BRGYAD SOGS THEG PA GSUM GYI 'PHAGS PA RNAMS KYIS STONG NYID LA CHUL CHU BZHAG LTAR SONG TSE KHYAD PAR MED NA BYANG SEMS SHER PHYIN LA NYIN

132a

, ,GCIG SPYOD PAS NYAN RANG THAMS CAD KYI SHES RAB ZIL GYIS JI LTAR GNON DRIS PA LA LAN DU, DE 'DRA'I SHES RAB CHU LA CHU BZHAG TZAM LA 'DRA YANG THABS KYI RNAM PA THAMS CAD KYI MCHOG DANG LDAN MI LDAN DANG SEMS BSKYED KYIS ZIN MA ZIN SOGS KYI KHYAD PAR GYIS SHES RAB SGOM PA'I MCHOG DMAN YONG PAR BSHAD PA'I PHYIR TE, NYI KHRI LAS, SH'A RI'I BU DE JI SNYAM DU SEMS, BYANG CHUB SEMS DPA' CHEN PO SHER PHYIN LA SPYOD PA'I SHES RAB NYIN GCIG BSGOM PA RNAM PA THAMS CAD KYI MCHOG DANG LDAN PA'I RNAM PA THAMS CAD MKHYEN PA NYID LA SPYOD PA DANG, BDAG GIS SEMS CAN THAMS CAD KYI DON BYED PA DANG SOGS GSUNGS PA'I PHYIR TE, STONG THUN LAS, DES NA THEG PA GSUM GYI 'PHAGS PA'I GANG ZAG THAMS CAD KYI NAS, DES NA DE 'DRA'I SHES RAB KYI CHAL DBYE BA MED KYANG THABS KYI RNAM PA THAMS CAD KYI MCHOG DANG LDAN MI LDAN DANG SEMS BSKYED KYIS ZIN MA ZIN SOGS KYI KHYAD PAR GYIS SHES RAB SGOM PA'I MCHOG DMAN GYI KHYAD PAR DE LTA BU 'THAD DO, ZHES GSUNGS PA'I PHYIR, DES NA RNAL 'BYOR SPYOD PA'I DBU MA PA MA GTOGS GRUB MTHA' BZHI PO SU YANG BDAG MED PA'I RTOGS RIGS THA DAD PA GSUM MI 'DOD TSUL GRUB MTHA'I RNAM BSHAD DU BSHAD ZIN TO, ,DE LTAR MNGON SUM DU RTOGS PAR 'PHAGS PA THAMS CAD MTSUNGS KYANG SPYIR BDAG MED GNYIS DANG DE'I NANG NAS CHOS KYI BDAG MED GTAN LA

132b

'BEBS TSUL DANG SGOM TSUL LA TSANG MA TSANG DANG RGYAS MI RGYAS KYI KHYAD CHEN PO YOD DO, ,THEG DMAN BAS BDAG MED GANG YIN KYANG GZHI DE'I STENG DU RNAM THAR SGO GSUM TZAM MAM DE CI RIGS LTA BU GTAN LA 'BEBS KYI, RTZA SHE LTAR CHOS CAN SO SO LA RIGS PA SO SO DAR CHOS CAN GCIG GI STENG DU YANG RIGS PA MTHA' YAS BAS GTAN LA MI 'BEBS PAS MA TSANG BA DANG MI RGYAS PA'I THA SNYAD 'DOGS PA DE BZHIN DU STONG NYID LA BLO GROS RGYAS PA'I SGO NAS MI SGOM PAS THA SNYAD DE LTAR 'DOGS LA, THEG CHEN PAS RTZA GE LTAR GTAN LA 'BEBS SHING STONG NYID LA SHES RAB MCHED PA'I SGO NAS SGOM PAS DE TSANG BA DANG RGYAS PA'I THA SNYAD 'DOGS PA'I PHYIR TE, RNAM BSHAD LAS, DES NA THEG CHEN PAS NI RTZA SHE LAS GSUNGS PA BZHIN DU NAS, BDAG MED SGOM BA RDZOGS MA RDZOGS SU GSUNGS SO, ZHES DANG, STONG THUN LAS KYANG DE LTAR GSUNGS PA'I PHYIR, DE GNYIS KYIS DE LTAR SGOM PA'I RGYU MTSAN YOD DE, BDAG 'DZIN TZAM SPONG BA LA RIGS PA MDOR BSDUS KYIS CHOG PAS NYAN RANG GIS DE TZAM LAS MI SGOM LA, SHES SGRIB SPONG BA LA DE BZHIN NYID LA RIGS PA MA CHED PA GCIG DGOS LA DES NA SPYIR BDAG MED GNYIS DANG DE BAS KYANG CHOS KYI BDAG MED LA BYANG SEMS KYI SHES RAB MCHED BA'I SGO NAS SGOM PA YIN PA'I PHYIR TE, DES BDAG MED GNYIS DANG DE BAS KYANG CHOS KYI BDAG MED LA SHES RAB MCHED PA'I RGYU MTSAN CHOS GANG ZAG GNYIS LAS CHOS MNGAL, GANG ZAG

133a

, ,GCIG GI STENG NA YANG CHOS SHIN TU MANG BAS CHOS DE DAG GI NGO BO GTAN LA 'BEBS TSUL GCIG PU YANG MTHA' YAS PA'I SHES RAB MCHED SLA BA'I RGYU MTSAN GYIS YIN PA'I PHYIR TE, SDE SNOD GONG 'OG GIS BSTAN TSUL DANG SKAD CIG RE RE LA'ANG SANGS RGYAS BRGYA LA CHOS NYAN PA DANG CHOS SGO BRGYA 'BYED PA LTA BUS KYANG SHES PA'I PHYIR TE, RNAM BSHAD LAS, DE LTAR 'ONG BA YANG NYAN RANG RNAMS NI NYON MONGS SPONG BA'I PHYIR BRTZON PA YIN LA DE LA NI DE KHO NA NYID KYI DON MDOR BSDUS PA DE TZAM ZHIG RTOGS PAS CHOG GO ,THEG CHEN PA SHES SGRIB SPONG BA LHUR LEN PAS, DE LA DE KHO NA NYID LA SHES RAB MCHED PAS BLO SHIN TU RGYAS PA ZHIG DGOS PA YIN NO, , ZHES GSUNGS PA'I PHYIR, 'DI SKOR LA SPRO BYA MANG YANG YI GE MANGS DOGS SO, ,GSUM PA RTZOD PA SPONG BA LA STAG LO NA RE, SO SKYE'I RGYUD KYI BDAG MED RAGS PA RTOGS PA'I RNAL 'BYOR MNGON SUM 'JOG PA MI 'THAD PAR THAL, SO SKYE'I RGYUD KYI RNAL 'BYOR MNGON SUM MI 'ONG BAS DE 'DRA YOD NA'ANG YID MNGON DU 'JOG DGOS PA'I PHYIR TE, GRUB MTHA' 'OG MAS SO SKYE'I RGYUD KYI RNAL 'BYOR MNGON SUM MED PAR 'DOD PA'I PHYIR NA MA KHYAB STE DE 'DRA'I RNAL 'BYOR MNGON SUM YOD PAR SPYOD 'JUG DANG 'JAM DPAL RNAM ROL SOGS DU MAS BSHAD ZIN PA'I PHYIR, GZHAN YANG RAGS PA'I MI RTAG SOGS RTOGS PA'I RNAL 'BYOR MNGON SUM SKABS 'DIR YANG KHAS LEN PAR THAL, RIGS PA

133b

DRUG CU PA'I 'GREL PAR DE RNAL 'BYOR MNGON SUM YIN PA MI 'GOG PAR DE'I SGOM TSUL DANG MNGON DU GYUR TSUL LA DGAG PA BTANG BA'I DGOS PA YOD PA'I PHYIR, GZHAN YANG MNGON PA 'OG MA'I CHED DU BYA BA'I GDUL BYAS RNAL 'BYOR MNGON SUM DE 'DRA THOB DUS MI SRID PAR THAL, THOB DUS KYI GANG ZAG DE'I RGYUD KYI RNAL 'BYOR MNGON SUM MI SRID PA'I PHYIR, MA GRUB NA, GANG ZAG DE 'PHAGS PAR THAL, MA GRUB PA DE'I PHYIR, 'DOD NA, NYAN RANG SANGS RGYAS GYI SA GSUM LA SLOB PAR 'DOD PAS RANG BZHIN GYIS STONG PA'I SHER PHYIN LA SLOB MI DGOS PAR THAL, MNGON PA 'OG MA TZAM LA BSLANG PAS KYANG 'PHAGS LAM THOB NUS PA'I PHYIR, 'DOD NA, SPYOD 'JUG LAS, GANG PHYIR LUNG LAS LAM 'DI NI, ,MED PAR BYANG CHUB MED PAR GSUNGS, ,ZHES PA DANG, MDO LAS NYAN THOS GYI SA LA SLOB PAR 'DOD PAS KYANG SHER PHYIN 'DI LA SLOB PAR GSUNGS PA LTA BU SHIN TU MANG PO DANG 'GAL BA'I PHYIR, SPROS PAS CHOG GO ,YANG GO BO NA RE, KHYOD KYIS 'GOG BDEN DON DAM BDEN PAR BZHED PA LEGS KYANG NANG 'GAL YOD PAR THAL, RAGS PA'I MI RTAG SOGS BCU DRUG MNGON SUM DU RTOGS PA'I SO SKYE YOD PA'I PHYIR NA MA KHYAB, KHYAB PAR THAL, DE'I NANG TSAN 'GOG BZHI PA GYA NOM NGES 'BYUNG BZHI MNGON SUM DU RTOGS PA YOD PA'I PHYIR NA DE BAS KYANG MA KHYAB STE, 'O NA, KHYOD RANG LA RAGS PA'I 'GOG BDEN MNGON SUM DU RTOGS NA 'GOG BDEN MNGON SUM DU RTOGS PAS KHYAB PAR THAL,

134a

, ,NANG 'GAL GYI RGYU MTSAN STON TSUL DE'I PHYIR, 'DOD NA, RAGS PA'I MI RTAG SOGS MNGON SUM DU RTOGS ZIN GOMS PAS SRID RTZE'I BAR GYI BDAG 'DZIN RAGS PA RE ZHIG SPANGS PA MNGON SUM DU RTOGS PA'I GANG ZAG CHOS CAN, DER THAL, DE'I PHYIR, KHYAB PA KHAS, RTAGS GRUB STE, DE DAG GI LUGS LA RANG BZHIN GYIS STONG PA LA 'GOG BDEN MI RUNG BA'I PHYIR, MA GRUB NA, GAL TE 'DI DAG KUN STONG NA, ,NAS, 'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ,ZHES PA'I RTZOD PA SMRA MKHAN MED PAR THAL, MA GRUB PA DE'I PHYIR, GZHAN YANG, RAGS PA'I 'GOG ZHI GYA NOM NGES 'BYUNG MNGON SUM DU RTOGS NA, 'GOG BDEN GYI KHYAD CHOS 'GOG ZHI GYA NOM NGES 'BYUNG BZHI MNGON DU GYUR PAS KHYAB PAR THAL, KHYOD KYI KHYAB SKOR GNYIS PA DE'I PHYIR, 'DOD NA, RAGS PA'I BDAG 'DZIN RE ZHIG 'GOG PA'I 'GOG BDEN RAGS PA DANG, DE 'DRA'I ZHI BA SOGS MNGON SUM DU RTOGS PA'I GANG ZAG CHOS CAN, DER THAL, DE'I PHYIR, KHYAB PA KHAS, RTAGS GRUB CING, 'DOD MI NUS TE, DE 'DRA'I SO SKYE YOD PA'I PHYIR DANG, DE 'DRA'I 'GOG PA SOGS 'GOG PA SOGS MA YIN PA'I PHYIR SOGS SPRO BAR BYA'O, ,YANG KHA CIG NA RE, GANG ZAG GI BDAG MED PHRA MO GSAR DU RTOGS MA THAG PA DES PHUNG PO BDEN MED DU DNGOS SU RTOGS PAR THAL, DES PHUNG PO BDEN 'DZIN GYI ZHEN YUL MED PAR DNGOS SU

134b

RTOGS PA'I PHYIR, DER THAL, DES PHUNG PO BDEN 'DZIN GYI ZHEN YUL SUN PHYUNG BA'I PHYIR NA MA KHYAB, RTAGS GRUB STE, DES PHUNG PO BDEN 'DZIN GYI ZHEN YUL LA GNOD BYED CHEN PO BSTAN PA'I PHYIR TE, DES PHUNG PO LA BLO KHA PHYOGS PA NA BDEN GRUB TU DAM MI 'CHA' BA'I RGYU MTSAN YOD PA'I PHYIR, GZHAN YANG DE LA KHYAB PA MED PAR THAL, PHUNG PO LTA BU SOGS GANG YANG BDEN MED DU MA RTOGS KYANG 'DI BDEN PAR YOD DAM MED PHAL CHER MED LAS CHE SNYAM PAS KYANG DE'I ZHEN YUL LA GNOD PA THUB NA CHOS GANG YANG RUNG BA GCIG LEGS PAR BDEN MED DU RTOGS NA LTA CI SMOS PA'I PHYIR TE, BRGYA BA LAS, THE TSOM ZOS PA TZAM GYIS KYANG, ,SRID PA HRUL POR BYED PAR 'GYUR, ,ZHES GSUNGS PA'I PHYIR, ,GSUM PA LA, SA DANG PO LA GNAS PA'I SBYIN PA DANG, RTEN DMAN PA'I SBYIN PA DANG, BYANG SEMS KYI SBYIN PA DANG, SBYIN PA'I PHAR PHYIN GYI DBYE BA BZHI, DANG PO NI, RTZA BAR, DE TSE DE LA RDZOGS SANGS BYANG CHUB RGYU, ,SOGS SHO LO KA GCIG BYUNG, GNYIS PA NI, RTZA BAR, SKYE BO 'DI KUN BDE BA MNGON 'DOD CING, ,SOGS SHO LO KA GSUM BYUNG, GSUM PA NI, RTZA BAR, 'GRO LA PHAN PAR DAM BCAS YID CAN RNAMS, ,ZHES SOGS SHO LO KA GSUM BYUNG; BZHI PA NI, RTZA BAR, SBYIN PA SBYIN BYA LEN PO GTONG BOS STONG, ,ZHES SOGS SHO LO KA GCIG BYUNG, DE LA 'JIG RTEN DANG 'JIG RTEN LAS 'DAS PA'I SBYIN PA'I PHAR PHYIN GNYIS YOD CING SGRA BSHAD DANG BCAS PA 'CHAD

135a

, ,PA LA; RANG 'GREL LAS, DE LA PHA ROL ZHES BYA BA NI GANG 'KHOR BA'I RGYA MTSO'I PHAR 'GRAM DANG NGOGS TE, ZHES SOGS BYUNG, 'DIR SBYIN PA'I PHAR PHYIN GYI SGRA BSHAD LA 'THAD LDAN BZHAG PA DANG; 'KHRUL PA DGAG PA GNYIS, DANG PO LA SGRA SGRUB PA DANG, SGRA BSHAD PA DANG, DE LA RTZOD PA SPONG BA GSUM, DANG PO NI, SBYIN PA'I PHAR PHYIN GYI SKAD DOD LA D'A NA P'A RA MI TA ZHES PA YOD LA, DE SGRUB NA, BYINGS MDO LAS; d'A DRA NYRA SBYIN PA LA'O, ,ZHES PA'I BYINGS BZHAG ,DE'I tA NYRA PHYIS YU PHYIN, YU AA NAR BYAS MTSAMS SBYAR BAS D'A NA GRUB, YANG BYINGS MDO LAS, ,tU DA NA SBYIN PA LA'O, ZHES PA'I BYINGS BZHAG dU DANG NA'I AA PHYIS GHANYRA BYIN, 'PHEL BA BYAS, GHA NYRA PHYIS LA AA BZHAG ,MTSAMS SBYAR BAS D'A NA GRUB, DE GNYIS LA BDAG SGRA DRUG PA'I NGAS BYIN SYA BYAS PAS D'A NA SYA GRUB STE SBYIN PA'I ZHES PA YIN, BYINGS MDO LAS, PRi SKYONGS PA LA 'OS BRi BZHAG ,GHANYA SNGAR LTAR BYIN PAS PRi'I Ri AAR BYAS NYA 'GRO BA LA 'OS 'PHEL BA BYAS PAS P'AR GRUB STE PHA ROL ZHES PA YIN, DE LA RNAM DBYE GNYIS PA LAS SU BYA BA'I GCIG TSIG AA MRA, tI'I AA PHYIS, AAMRA BYIN PAS, P'A RA MRA GRUB STE PHA ROL LA'AM PHA ROL TU ZHES PA YIN, 'GRO BA'I BYINGS AInRA LA, NIshthA 'OS KTA BYIN, nA DANG KA PHYIS PAS AI TA GRUB, DE LA RNAM DBYE DANG PO'I GCIG TSIG KA SVA GNYIS LTAR NA SI DANG PA TZANRA GNYIS

135b

LTAR NA SU BYIN, AU AI GNYIS BRJOD DON YIN PAS PHYIS, SA RNAM BCAD BYAS, AI TA: GRUB STE, 'GRO BA'AM PHYIN PA ZHES PA'O, ,D'AN SYA P'A RA MI TA: GRUB STE 'BREL BSHAD LTAR NA 'DI RTZOD GZHI BYAS PAR MNGON, MO RTAGS MA YIN PAR GSAL TE, SU TSIG SDUD PAR DU MA PHYIS PAS SO, ,GNYIS PA SGRA BSHAD LA SBYIN PA'I DANG, PHAR PHYIN GYI SGRA BSHAD GNYIS, DANG PO NI, NGES TSIG GIS BSHAD NA DBUL BA 'DOR BAR BYED PAS NA SBYIN PA ZHES BSHAD RIGS TE, D'A RI TRA DBUL BA DANG, DAD 'DOR BA LA 'JUG PA'I PHYIR TE, MDO SDE'I RGYAN LAS, DBUL BA 'DOR BYED BSIL BYED PHYIR, ZHES PA RTZA 'GREL LAS GRUB PA'I PHYIR, BYINGS KYI SGO NAS BSHAD NA GTONG BAS NA SBYIN PA DANG, GTUB PAS NA SBYIN PA SOGS DU MA BSHAD DU YOD DE, BYINGS SGRUB LAS BSHAD PA'I PHYIR, DES NA SBYIN PA'I SGRA BYINGS DU MA LAS BSGRUB TU YOD PAS DON YANG DU MA LA 'JUG STE, BRGYA PA LAS, 'CHI DANG CHOS DANG SRID PA GZHAN, SBYIN PA'I SGRA YIS GSAL BYED PA, ZHES GSUNGS PA'I PHYIR, DES NA SBYIN PA'I SGRA 'CHI BA DANG, CHOS DANG, SRID PA GSUM LA BYINGS KYI SGO NAS 'JUG TSUL YOD DE, BYINGS MDO LAS, DO NI GTUB PA LA'O, ZHES GTUB PA'I BYINGS DO DANG, MDO LAS, D'A BA NI RNGA BA LA'O, ZHES RNGA BA'I BYINGS D'A BA GNYIS LAS BSGRUB NA 'CHI BA LA YANG 'JUG LA, YANG DES dU D'A NYRA NI SBYIN PA LA'O, ZHES DANG, DA NA NI SBYIN PA LA'O, ZHES SBYIN PA'I BYINGS GNYIS

136a

, ,LAS SGRUB TSE CHOS LA 'JUG CING, SBYIN PA LA GSUM YOD CING, ZANG ZING GI SBYIN PA DANG, MI 'JIGS PAS BZOD PA DANG TSUL KHRIMS BSDUS, CHOS KYIS BSAM GTAN DANG SHES RAB SDUD LA, YANG DE NYID LAS, DE DRA NI SRUNG BA LA'O, ZHES SRUNG BA'I BYINGS DE DRA DANG, DE BA NI SBYONG BA LA'O ZHES SBYONG BA'I BYINGS DE BA GNYIS LAS BSGRUB TSE SGO GSUM SRUNG BAS SRID PA GZHAN BSGRUB PA'I PHYIR SRID PA GZHAN GSAL BAR BYED PA'I PHYIR, ZLA BA'I 'GREL BA LAS, DO NI GTUB PA LA'O, ZHES PA NAS, SRID PA GZHAN GSAL BAR BYED PA'I PHYIR SBYIN PA'I SGRA BYANG CHUB SEMS DPA' RNAMS LA SNYAN ZHES GSUNGS PA LTA BU'I SGRA BSHAD MANG PO THOB PA'I PHYIR TE, TSIG GCIG KYANG BYINGS DU MA LAS BSGRUBS PA DANG, BYINGS GCIG LA RKYEN DU MAS GZUGS DANG TSIG DU MAR BSGRUBS PA SOGS YOD PA'I PHYIR, SPROS BAS CHOG GO ,GNYIS PA PHAR PHYIN GYI SGRA BSHAD PA LA PHA ROL GYI SGRA DON YOD DE, P'A RA PHA ROL DANG GZHAN SOGS DU MA LA 'JUG KYANG 'DIR 'KHOR BA'I PHAR 'GRAM MAM PHAR NGOGS SAM PHA ROL YIN PAS SGRIB GNYIS SPANGS PA'I SANGS RGYAS KYIS LA DE LTAR BRJOD PA'I PHYIR, RANG 'GREL LAS, DE LA PHA ROL ZHES BYA BA NI GANG 'KHOR BA'I RGYA MTSO'I PHAR 'GRAM DANG NGOGS TE NYON MONGS PA DANG SHES BYA'I SGRIB PA MA LUS PA SPANGS PA'I RANG BZHIN MNGA' BA'I SANGS RGYAS NYID DO,

136b

ZHES BYUNG, PHYIN PA CHOS CAN, SGRA BSHAD YOD DE, 'KHOR BA'I PHA ROL SGRIB GNYIS SPANGS PA'I SA LA 'DIS PHYIN PAR BYED PAS NA PHAR PHYIN DANG, 'KHOR BA'I PHA ROL 'DIR PHYIN ZIN PAS NA PHAR PHYIN ZHES BRJOD PA'I PHYIR TE, RANG 'GREL LAS; PHA ROL TU SON PA NI PHA ROL TU PHYIN PA'O, ZHES GSUNGS PA'I PHYIR, GSUM PA DE LA RTZOD PA SPONG BA NI, 'DI LA BRDA SPROD PA DAG NA RE, KHYED KYI D'A NA P'A RA MI TA ZHES PA 'DI MI 'THAD PAR THAL, D'A NA SYA P'A RA MI T'A LA TSIG SDUD BYED TSE RNAM DBYE RNAMS PHYIS NAS D'A NA P'A RE TA ZHES SBYAR DGOS PA'I PHYIR TE, SBYIN PA'I ZHES PA'I DRUG SGRA SYA DANG PHYIN PA'I RJES KYI DANG PO SU BSDUS NAS PHA ROL TU ZHES PA'I LAS KYI AA MA MI SDUD PA MI 'THAD PA'I PHYIR TE, PA nI SOGS LAS, DER GNAS RNAM DBYE RNAMS DBYE'O, ZHES GSUNGS PA LTAR 'THAD PA'I PHYIR TE, RNAM BSHAD LAS, TSIG BSDU BAR BYAS NA AAMRA DANG SU MI MNGON PAR 'GRO BA YIN NA'ANG, ZHES SO, ,'DI 'GREL BSHAD KYI YANG YIN NO, ,DE LA ZLA BA'I ZHABS NA RE; PHAR PHYIN GYI SKAD DOD LA P'A RE TA ZHES MA BSDUS KYANG SKYON MED PAR THAL, DE RNAM DBYE GNYIS PA'I AAM YIN KYANG SKYON MED PA GANG ZHIG ,DE LA CI MDZES SAM CI LEGS KYI BSHAD PA BYAS KYANG SKYON MED PA'I PHYIR, DANG PO GRUB STE, SPYIR TSIG SDUD LA RNAM DBYE RJES 'BRANG DANG BCAS PA BSDU DGOS KYANG PHA ROL NA TSIG GI 'PHRO MTSAMS SBYAR RGYU YOD TSE, TSU ROL GSAL BYED KYI MTHA' MI DBYE PAR BSHAD PAS 'DIR MRA MA PHYIS PA'I PHYIR TE, SGRA GZHUNG LAS, TSIG PHYI

137a

, ,MA YOD NA'ANG MI MNGON PAR MI BYA'O, ,ZHES GSUNGS PA'I PHYIR, DE SKAD DU RANG 'GREL LAS, TSIG PHYI MA YOD NA MI MNGON PAR MI BYA'O ZHES BYA BA'I MTSAN NYID 'DIS LAS KYI RNAM PAR DBYE BA MI MNGON PAR MA BYAS BAR GZUGS SU 'GYUR BA'AM, ZHES GSUNGS PA'I PHYIR, RTZA RTAGS GNYIS PA GRUB STE, YANG NA 'DIR SHAN TI PAS PHAR PHYIN LA MCHOG GI BSHAD PA MDZAD PA LTAR MCHOG GI YANG SKAD DOD P'A RA MA ZHES PA'I MA'I SROG GI AA PRi shO DA RA'I CI MDZES KYI BSDU BA'I NGOR PHYIS NAS P'A RA MA ZHES MA'I MTHA' CAN BYAS MTSAMS SBYAR BA YIN PA'I PHYIR TE, PA nI LAS, PRi shO DA RA LA SOGS PA CI MDZES SU BYA'O, ZHES GSUNGS PA'I PHYIR, JI SKAD DU RANG 'GREL LAS; PRi shO DA RA LA SOGS PA YIN PA'I PHYIR MA'I MTHA' CAN NYID DU BZHAG GO ,ZHES GSUNGS PA'I PHYIR, 'DI'I SOGS KHONG NAS DU MA YOD DE, TZANTRA PA RTZA 'GREL LAS BYUNG BA'I, D'U DHYA:DANG, TU DYA:DANG, B'ADBU LI SOGS DANG; 'CHI MED MDZOD RTZA 'GREL LAS BYUNG BA'I, A'U LU KA DANG, SU KA RA DANG, AA SHVA STHA SOGS DANG, KA LA BA'I 'GREL BA CI RIGS LAS, SHMA SH'A NA SOGS LTA BU DU MA YOD SDANG BA RNAMS ZLOG PAR BYED, DRIS NAS SMRA, NGAG SMRA'I BU; PA'I PHYIR, 'DI'I CI MDZES SAM CI LEGS SU BSHAD TSUL DU, STENG GI RNA BA CAN TE 'UG BA, GTZANG BYED DO PHAG ,RTA GNAS, MA YOD DE, YI GE BSGYUR BA'I DANG, YI GE DUR KHROD, BSGYUR NYAMS GNYIS KA'I DANG, YI GE NYAMS PA'I CI MDZES DANG,

137b

YI GE BSNOL BA'I CI MDZES DANG, YI GE GLO BUR GYI CI MDZES SOGS YOD PA'I PHYIR, DANG PO GRUB STE, RMA BYA'I MING MA HYA MA RO TI ZHES SA STENG DU SGRA SGROGS PAR BYED PA LA PRi shO DA RA LA SOGS PAS H'I SROG BCAS Y'U BYAS NAS GZHAN PHYIS PAS MA Y'U RA:SAR SGROGS TE RMA BYAR GRAGS PA DANG, M'A 'JAL BA LA'O, ZHES PA'I BYINGS M'A DANG AU KHI 'GRO BA'I DON DAG LA AAm TZRA RKYEN BYIN PRi shO DA RA SOGS GYIS, AU YU BYAS PAS MA YU KHA STE 'JAL 'GRO LTA BU MANG BA'I PHYIR, RTZA RTAGS GNYIS PA GRUB STE, SHA BA SYA SHA YAN MA RO 'AM NYAL BA STE DUR KHROD LA PRi shO DA RA SOGS KYIS BA MA BYAS BA SOGS BYAS SHMA SH'A NA BYAS PAS YI GE BSGYUR NYAMS GNYIS KA'I CI MDZES SU BYAS PA DE 'DRA SHIN TU MANG BA'I PHYIR, RTZA RTAGS GSUM PA GRUB STE, KA SOO TRIshthA TI KA PITTHA ZHES SPRE'U LA GNAS PA LAS KA PITTHA SPRE'U GNAS DANG, DA DH'I BA TIshthA TI DA DH'I TTHA ZHES ZHO BZHIN GNAS PA LAS, DA DH'I TTHA, RA TI MA NA:YID DGA' BA LA, TI'I AI DANG MA SROG BCAS PHYIS PAS RATNA: STE RIN CHEN NAM DKON MCHOG SHING KA PED, GI MING BYAS PAS YI GE NYAMS PA LTA BU MANG BA'I PHYIR RO, ,RTZA RTAGS BZHI PA DANG LNGA PA GRUB STE, YI GE GLO BUR BA NI G'A BENTRA SOGS DANG, YI GE BSNOL BA NI HA DRAS ZHES PA'I SA DANG HA GONG 'OG BSNOL BA'I SIDHA STE SENG GE LTA BU SOGS YIN PA'I PHYIR, PRi shO DA RA SOGS KYI BSDU BA NI PRi shO DA RA SOGS KYI CI MDZES KYI BYE BRAG YIN NO, 'DI LA SNGA MA MANG POS NGO TSA BA BSHAD SNANG BAS PHYIS KYI MANG DU THOS PA 'DOD PA DAG LA

138a

, ,SGO PHYOGS TZAM BSTAN TO, ,GNYIS PA 'KHRUL PA DGAG PA LA LO TZ'A BA MDO SDE 'BAR GYI GSUNG RGYUN LAS, PHYI ROL PA 'GA' ZHIG GIS KHYED KYI STON PAS SGRA MI SHES TE, P'A RE TA ZER RGYU LA, P'A RA MI TA BYAS SO GSUNGS BA LAGS LA, GOL BY'A KAR nA'I LUNG GNYIS KYIS LAN 'DEBS GSUNGS NAS, PRE SHA SKEM PA AU DHA RA LTO BA STE, LTO SKEM ZHES PA 'BREL MED YIN PAS ZHES BYUNG ZHING PRE SHO DHA RA SOGS 'BREL MED KYI GRVA RA BZHAG 'DUG LA, AI'I GI GU DANG AA PHRAL GSUNGS SNANG YANG LO CHEN GYI GSUNG MIN NAM SNYAM, BYA ZHING BA NA RE, GZHAN 'DRA BA LA KHYED KYI LTO SKEM MA 'BREL ZHES BSHAD DO, ,DE GNYIS KA LA LON 'DIR BY'A KA RA nA'I LUNG GNYIS RANG LUGS LA KHAS MI LEN PAR THAL, LUNG GNYIS PA PRi shO DA RA SOGS 'BREL MED YIN PA'I PHYIR, RTAGS KHAS, 'DOD MI NUS TE, P'A RA MI TA ZHES PA 'DI RNAM DBYE GNYIS PA'I AA MRA GZUGS DANG, YANG NA PRi shO DA RA SOGS KYI NANG TSAN YIN PAS SKYON MED CES LAN 'DEBS DGOS PA'I PHYIR TE, RANG 'GREL LAS, MTSAN NYID 'DIS LAS KYI RNAM PAR DBYE BA MI MNGON PAR MA BYAS PAS GZUGS SU 'GYUR BA'AM, PRi shO DA RA LA SOGS PA YIN PA'I PHYIR, ZHES GSUNGS PA'I PHYIR, KHYAB STE, 'AM DANG LA SOGS PA YIN PA'I PHYIR GYI DON YOD PA'I PHYIR, PRi shO DA RA LTO SKEM DANG 'BREL MED GNYIS KA MA YIN PAR THAL, PRi shA TA RI DVAGS KHRA BO THEG LE CAN DANG RGYAS PA SOGS LA 'JUG ,AU DAR LTO BA LA 'JUG PA'I PHYIR, RTAGS GNYIS

138b

PA SLAR DANG PO GRUB STE, 'DOD 'JO LAS, BRi shA TRA, THEG LE KHRA BA CAN TE, RIN CHEN MDZED LAS, BRi shA TRA RI DVAGS KHRA BO'O, ,ZHES GSUNGS PA'I PHYIR, YANG KUN MKHYEN GO BO NA RE, P'A RA LA RNAM DBYE GNYIS PA'I GCIG TSIG AA MRA BYIN TE, AA YIG BRJOD PA'I DON YIN PAS PHYIS NAS MA SROG MED YAR SBYAR ZHES DANG, SPYIR RNAM DBYE BYIN NAS TSIG TU GRUB ZIN PA'I RJES SU RNAM DBYE MI MNGON PAR BYA BA LAS, ZHES DANG, PRi shO DA RA'I BSDU BA STE, GZUGS MDZES PA'I CHED DU YANG MA'I MTHA' CAN NYID DU BZHAG GO ,ZHES AA MRA GYI MA MA PHYIS PRi BRi shO DA RA'I BSDU BAR MDZAD SNANG, DE LA AA MRA GYI AA BRJOD DON MA YIN PAR THAL, DE GSAL BYED KYI MTHA' CAN RE RE TZAM MA YIN PA THAMS CAD LA RKYEN DU BYIN NAS MTSAMS SBYOR DGOS PAR MA ZAD DBYANGS KYI YANG PHAL CHER LA MTSAMS SBYAR BA KHO NA YIN PA'I PHYIR TE, MKHAS GRUB CHEN PO 'JAM DPAL GRAGS PA'I SI SOGS KYI BYA BA LAS, DE LA KA'I SDE PA'I MTHA' CAN RAB TU GRAGS BA MED DO, ,TZA'I MTHA' CAN GA MU TZA'I SGRA STE, GA MU TZAM ZHES DANG, BHU BH'U DZAM ZHES DANG, MA TU TA MA ZHES DANG, KRA BYA D'A MA DANG MRI GA BI DHA MDA LTA BU SOGS DANG, DBYANGS KYI MTHA' CAN LA'ANG RE RE LA AA MA BYIN PAS T'A YA MA DAR; GLOO LA AA MA BYIN PAS GLU LVAm LTA BU SOGS KA TZA NA SOGS DU MA LAS BYUNG STE SPROS PAS CHOG ,GZHAN YANG DBYANGS CAN LAS, GSAL BYED MTHA' LAS SI 'JIG CES GSAL BYED DMIGS KYIS BKAR BA DANG,

139a

, ,SI DMIGS KYIS BKANG BA'I DGOS PA MED PAR THAL, GSAL BYED KYI MTHA' YIN KYANG SI MA YIN PA'I RNAM DBYE GZHAN PHAL CHER LA MI 'JIG PA MA YIN PA'I PHYIR TE, TSIG TU GRUB PA DANG RNAM DBYE MI MNGON PAR BYED PA'I PHYIR, RTAGS KHAS, YANG AA MA GYI MA BZHAG NAS MA'I MTHA' CAN BYAS PA DE BRi shO DA RA'I BSDU BA YIN PA MI 'THAD PAR THAL, DE LA BSDUS PA GANG YANG MI SNANG BA'I PHYIR, BRi shO DA RA'I BSDU BA LA BSGYUR BSNOL DAR DBYI BA GANG RUNG GCIG DGOS PA'I PHYIR TE, DPER NA BYINGS LAS, BRi shA DANG BRi KU DANG MRi shA DANG AUKshA BKRU PA LA'O ZHES PA'I BRi shA BZHAG ,AUn LA SOGS PA MANG POR ROS RKYEN AA TI PHYIN, BYINGS KYI AU DANG RKYEN GYI AI PHYIS, MTSAMS SBYAR BAS BRi shA TA GRU BA, Ri 'GRO BA LA AA TZA RKYEN DU BYIN, Ri AAR BYAS, NYER BSGYUR AUTRA SNGON DU BZHAG PAS BRi shA DU DAR GRUB STE, TZA N'A BA LAS, BRi shO DAR LA SOGS PAS BRi shA TRA KYI TRA BYIS PAS BRi shO DA RA GRUB PA LTA BU'I DBYI BA DANG BSGYUR BA LTA BU SOGS GANG RUNG DGOS PA'I PHYIR TE, ,BRi shO DA RA SOGS CI MDZES THAMS CAD DE'I BSDU BA MA YIN PA'I PHYIR, YANG GZUGS MDZES PA'I CHED DU ZHES YI GE'I GZUGS KHO NA MDZES PA LA SBYOR MI RIGS PAR THAL, DE LA 'DI'I MDZES PA'I DON GANG LEGS LA BSHAD CING YI GE'I SGRA LEGS PA LA YANG BSHAD DGOS PA'I PHYIR, TZA NTRA BA LAS, BRi shE DA RA LA SOGS PA RNAMS SO, ZHES DANG, DE'I 'GREL PAR BRi shO DA RA LA SOGS PA'I GZUGS RNAMS

139b

LEGS BA RNAMS SU 'GYUR TE, ZHES SO, ,YANG DA LTA'I RANG 'GREL PAR MA LAS, PHYI MA'I MTHA' CAN ZHES DANG, NAG TSO'I 'GYUR LAS, RKYEN PHYIS NAS TSIG PHYI MA'I MTSAN NYID CAN SBYAR PA'I NGO BO NYID DO, ZHES PA LA BSAMS NA PHYI MA'I MTHA' CAN LEGS ZER BA'ANG MI 'THAD PAR THAL, PHYI MA'I MTHA' CAN GYI THA SNYAD SGRA GZHUNG LA MED CING GO RGYU YANG MED PA'I PHYIR, YANG RNAM BSHAD LAS, DANG PO'I GCIG TSIG SU NI MA DAG PA 'DRA BAS SI YIN NA MA DPYAD GSUNGS BAS, MANG PO ZHIG RJES KA TZAN GYI RNAM DBYE DANG PO'I GCIG TSIG MI 'DRA BA MA MKHYEN PAR SMRA BA SOGS SNANG YANG, RNAM DBYE DANG PO'I GCIG TSIG LA SU MI LEGS SI LEGS ZHES PA'I RTZOD TSUL GCIG YOD CES PA YIN TE, SI BYAS NA AI MTHA' LAS SI'O ZHES SMRAS TSE BDUN PA'I MANG TSIG SUB KYI SA DANG MI NOR LA, DANG PO'I GCIG TSIG LA SU BYAS NA SU 'O SMRAS TSE BDUN PA DANG NOR DOGS YOD PA'I PHYIR TE, 'JAM DPAL GRAGS PAS, A'I YIG MTHA' LAS AI'O ZHES PA LA SOGS PA RNAMS DON DANG LDAN PA 'DZIN PA NA SUB BA'I SA YIG 'DZIN PA MA YIN NO, ZHES GSUNGS PA'I PHYIR, DE LA GCIG TSIG SU 'DOD PA DAG NA RE, RNAM DBYE DANG PO DANG BDUN PA'I SU GNYIS NOR DOGS MED PAR THAL, RJES 'BREL BA YIG MED PA DANG YOD PA'I KHYAD PAR YOD PA'I PHYIR, DE SKAD DU 'JAM DPAL GRAGS PAS, RJES SU 'BREL BA MED PA 'DZIN PA NA RJES SU 'BREL BA DANG BCAS PA'I MA YIN NO ZHES GZHAN DAG GO ZHES GSUNGS PA'I PHYIR, RTZOD TSUL 'DI TZAM YANG MA MTHONG BAR

140a

, ,'JAM DBYANGS LA SMOD PA KHYOD RNAM DPYOD CAN ZHIG GO ,'DI YANG KHO BO KHO NA'I RNAM DPYOD KYI YUL LAGS SO ZHES MGRIN PA BSAD STE SMRA'O, ,'DI YANG BDAG GI MKHAN PO NGES PA DON GYI THAMS CAD MKHYEN PA 'JIG RTEN DBANG PHYUG GI RJES SU 'BRANG STE RGYAL BA'I DBANG PO DE NYID MA NYES PA'I ROL MOR 'BUL LA MKHAS PA DPYOD LDAN RNAMS KYANG RJES SU YI RANG PAR MDZAD DU GSOL, GSUM PA NI, RTZA BAR, DE LTAR NAS, MUN PA STUG PO THAMS CAD RNAM PAR BSAL NAS RGYAL, ZHES BYUNG, SMRAS PA, 'PHAGS BOD MKHAS GRUB DAG KYANG SOM NYI'I YUL, ,SAR GNAS 'PHAGS CHEN SPYOD YUL DKA' GNAS KYI, ,'KHRUL BA'I MUN BSAL LEGS BSHAD LHA DBANG GI, GTZUG RGYAN TSIG DON NOR BU'I 'OD 'DI BKRA ,'JAM DBYANGS MIN KYANG SMRA BA'I DBANG PHYUG GYUR, ,DBYANGS CAN MIN KYANG SNYAN TSIG MTHAR SON PA'I, ,NYIN BYED 'BUM LAS MKHYEN RAB GSAL BA KYEE, ,TSIG DON TSON RIS GSAR BA 'BUM DE STON, ,DUNG DUNG LHA DANG BLA MA GUS BSTEN PA'I, ,MKHAS MKHAS KUN KYANG MKHYEN RAB 'DI LTA BUS, ,ZAB ZAB SHES BYA 'BYED PA'I RIGS PA'I MTHIL, ,YANG YANG BTZAL KYANG RNYED MIN 'DIR 'GAL 'CHAD, ,RANG BLOS MIN KYANG RIGS KYI CHE PA'I GZIS, ,NYAN RANG LAS 'DAS DON GNYIS DGA' TSAL RGYAS, ,LEGS SMON RGYAN 'BUM 'BAR BA'I RGYAL KHAB TU, ,LHAG BSAM SPYAN YANGS RGYAL BA'I SRAS 'DI RMAD, CES

140b

BAR SKABS KYI TSIGS SU BCAD PA'O, ` ,GNYIS PA SA GNYIS PA DRI MA MED PA'I 'DI 'CHAD PA LA, RTZA BAR, DE TSUL PHUN TSOGS YON TAN DAG LDAN PHYIR, ZHES SOGS BYUNG, MTHA' DPYAD PA LA GSUM LAS, DANG PO LA KHA CIG NA RE, TSUL KHRIMS KYI 'KHOR GSUM RANG BZHIN GYIS GRUB PAR LTA PA'I GANG ZAG YIN NA TSUL KHRIMS RNAM DAG DANG MI LDAN PAS KHYAB PA DANG TSUL KHRIMS 'CHAL BA YIN PAS KHYAB PA DE 'OD SRUNG LE'U 'DIR DRANGS PA DE'I DON YIN ZER NA, BYE SMRAR GYUR BA'I TSUL KHRIMS DANG 'TSO BA DANG CHO GA GSUM DAG PA'I DGE SLONG RNAM DAG CHOS CAN, DER THAL, DE'I PHYIR, RTAGS GRUB CING, 'DOD MI NUS TE, DE 'DRA'I DGE SLONG DE TSUL KHRIMS DANG CHO GA DANG 'TSO BA GSUM RNAM DAG YOD KYANG LTA BA RNAM DAG THUN MONG MA YIN PA MED PAR KHAS LEN DGOS PA'I PHYIR, DER THAL, 'OD SRUNG LE'U LAS, 'OD SRUNG 'DI NA DGE SLONG KHA CIG TSUL KHRIMS DANG LDAN PA YIN TE, SO SOR THAR PA'I SDOM PAS BSDAMS SHING GNAS CHOG DANG SPYOD YUL PHUN SUM TSOGS PA KHA NA MA THOB PHRA RAGS RNAMS LA YANG 'JIGS PAR LTA, YANG DAG PAR BLANGS TE BSLAB PA'I GZHI RNAMS LA SLOB CING LUS DANG NGAG DANG YID KYI LAS YONGS SU DAD PA DANG LDAN PAR GYUR PAS 'TSO BA YONGS SU DAG KYANG DE BDAG TU SMRA BA YIN TE, 'OD SRUNG DE NI TSUL KHRIMS 'CHAL BA TSUL KHRIMS DANG LDAN PA LTAR BCOS PA DANG PO'O, ZHES GSUNGS PA'I PHYIR, KHYAB STE, SO SOR THAR PA'I SDOM

141a

, ,PAS BSDAMS SHING CHO GA DANG SPYOD YUL PHUN SUM TSOGS PA ZHES DANG, 'TSO BA YONGS SU DAG KYANG ZHES PA'I DON YOD PA'I PHYIR, BYAS PA LA KHO NA RE, TSUL KHRIMS DANG CHO GA DANG 'TSO BA DANG LTA BA BZHI DAG PA'I SEMS TZAM PA MAN CHAD KYI DGE SLONG MED PAR THAL, LTA BA DAG PA'I SEMS TZAM PA MAN CHAD KYI DE MED PA'I PHYIR, DER THAL, THUN MONG MA YIN PA'I LTA BA DAG PA'I DE MED PA'I PHYIR NA MA KHYAB CING, 'DOD MI NUS TE, SEMS TZAM BA MAN CHAD KYI LTA BA DAG PA'I DE YOD PA'I PHYIR, DER THAL, LTA NGAN RE GNYIS PO GANG DANG MI LDAN PA'I DE YOD PA'I PHYIR, RTAGS KHYAB SLA, YANG KHA CIG ,RANG BZHIN GYIS GRUB PAR LTA BA'I DE YIN NA, BYANG SEMS KYI TSUL KHRIMS 'CHAL BA YIN PAS KHYAB ZER NA, SEMS TZAM PAR GYUR PA'I BYANG SEMS KYI SDOM PA DANG LDAN PA'I GANG ZAG CHOS CAN, DER THAL, DE'I PHYIR, RTAGS GRUB CING, 'DOD MI NUS TE, 'JUG SDOM RGYUD LDAN KYI SEMS TZAM PA YOD PA'I PHYIR, DER THAL, 'JUG SDOM BLA BRGYUD KYI SHANTI PA SOGS GZHI GRUB PA'I PHYIR, YANG KHA CIG ,BYANG SEMS KYI SDOM PA'I TSUL KHRIMS 'CHAL NA BYANG SEMS KYI TSUL KHRIMS 'CHAL BAS KHYAB ZER NA, 'O NA RTZA LTUNG BCO BRGYAD PO GANG RUNG BYUNG LA SMON SEMS MA NYAMS PA'I BYANG SEMS CHOS CAN, DER THAL, DE'I PHYIR, KHYAB PA KHAS, RTAGS GRUB CING, 'DOD MI NUS TE, BYANG SEMS KYI TSUL KHRIMS YIN NA BYANG SDOM YIN MI DGOS PA'I PHYIR, DER THAL, 'JUG

141b

SDOM MA THOB PA'I BYANG SEMS RGYUD KYI PHYIN DRUG YOD PA'I PHYIR, YANG KHA CIG, GZHAN GNOD GZHI BCAS SPONG BA'I SEMS PA BYANG SEMS KYI TSUL KHRIMS KYI MTSAN NYID ZER NA, NYAN RANG GI RGYUD KYI DE 'DRAS MA NGES LA, BYANG SEMS KYI TSUL KHRIMS GZHIR BZHAG ZER NA'ANG, 'O NA, TSUL KHRIMS GSUM DU 'DIR BSHAD PA LA DGOS PA MED PAR THAL, PHYIN DRUG GI MI MTHUN PHYOGS SER SNA LTA BU SPONG BA TZAM GYIS MI CHOG PAR GTONG SEMS RGYUN TU SBYANGS DGOS PA MA YIN PA'I PHYIR, MA KHYAB NA, NYAN RANG DGRA BCOM LA YANG PHAR PHYIN YOD PAR THAL, MA KHYAB PA DE'I PHYIR, GONG DU MA GRUB NA, DER THAL, 'DI DANG SPYOD 'JUG SOGS NAS SPONG PA'I SEMS BA BSHAD PA DE SDOM PA'I TSUL KHRIMS GTZO CHE BA'I DBANG DU BYAS PAR LAM RIM DANG, TSUL KHRIMS LE'U'I RNAM BSHAD SOGS LAS BSHAD PA'I PHYIR RO, ,YANG KHA CIG ,BYANG SEMS KYI TSUL KHRIMS KYI NGO BO LUS NGAG TZAM GYI SPONG BA'I STENG NAS 'JOG PAR THAL, RANG 'GREL LAS, DE YANG SPONG BA BDUN GYI MTSAN NYID CAN NO ZHES DANG, TSUL KHRIMS LE'U LAS KYANG, TSUL KHRIMS GSUM GYI SKABS SU LUS NGAG GI LAS LAS MA BSHAD PA'I PHYIR NA MA KHYAB STE, YID LAS SHUGS LA GO BA'I DBANG DU BYAS PA YIN PA'I PHYIR, DE LTAR MA YIN NA 'ON, BYANG SEMS KYI LUS NGAG GI KHA NA MA THOB MA SPYAD KYANG YID TZAM GYIS RTZA LTUNG 'BYUNG PA MED PAR THAL, DE LA NYAN THOS LTAR LUS NGAG GI SDOM PA MA GTOGS YID KYI SDOM PA MED

142a

, ,PA'I PHYIR, RTAGS KHAS, 'DOD NA, YID TZAM GYIS BYANG CHUB KYI SEMS BTANG BA'I RTZA LTUNG DANG, SEMS CAN BLOS SPONG BA'I RTZA LTUNG BYUNG BA'I BYANG SEMS RE RE NAS CHOS CAN, KHYOD LA BYANG SEMS KYI RTZA LTUNG DANG DE'I TSUL 'CHAL MA BYUNG BAR THAL, KHYOD KYIS LUS NGAG GI RTZA LTUNG MA SPYAD PA'I PHYIR, RTAGS KHYAB KHAS, 'DOD MI NUS TE, BYANG SEMS LA YID KHO NAS KYANG RTZA LTUNG YOD LA NYAN THOS LA YID KHO NAS DE MED PA'I SGO GSUM GYI SDOM PA YOD MED SGO NAS KHYAD 'BYED PA'I PHYIR TE, THEG BSDUS LAS, BYANG CHUB SEMS DPA' RNAMS KYI TSUL KHRIMS NI LUS DANG NGAG DANG SEMS KYI'O, ,NYAN THOS RNAMS KYI NI LUS DANG NGAG GI'O, ,DE NYID KYI PHYIR BYANG CHUB SEMS DPA' RNAMS SEMS KYI YANG LTUNG BAR 'GYUR GYI, NYAN THOS RNAMS KYI NI MA YIN NO, ZHES GSUNGS PA'I PHYIR, YANG tIKA BYED KHA CIG, DE TSUL PHUN TSOGS ZHES SOGS KYIS TSUL KHRIMS PHUN SUM TSOGS PA DANG, YON TAN DAG BA SO SOR MI 'CHAD PA MI 'THAD PAR THAL, TSUL KHRIMS RAB YIN PAS PHUN SUM TSOGS PA DANG, RGYU DES SGO GSUM GYI SPYOD BDAG CING ZHI BA DUL BA LTA BU'I YON TAN DAG PA SO SOR BSHAD DGOS PA'I PHYIR TE, DPER NA SROG MI GCOD PA TSUL KHRIMS DANG, GZHAN LA BRDEG 'TSOG TZAM YANG MI BYED PA SPONG BA DANG PO'I YON TAN DAG PA'I DON YIN PA'I PHYIR, RANG 'GREL LAS KYANG, TSUL KHRIMS PHUN SUM TSOGS PA NI TSUL KHRIMS RAB TU GYUR PA'O, ,YON TAN

142b

RNAMS DAG PA NI YON TAN DAG PA STE, ZHES SOGS DANG, SA BCU PA LAS KYANG, BYANG CHUB SEMS DPA' NI RANG BZHIN GYIS SROG GCOD PA SPANGS PA YIN TE, DBYUG PA SPANGS, MTSON CHA SPANGS ZHES SOGS GSUNGS PA'I PHYIR, GNYIS PA RANG LUGS NI, BYANG SEMS KYI TSUL KHRIMS LA SDOM PAS MA KHYAB PAR MA ZAD BYANG SEMS KYI TSUL KHRIMS DANG PHAR PHYIN GNYIS YIN MIN LA MU BZHI YOD DE, DE LTAR THOGS MED KYIS BSHAD PA'I PHYIR, BYANG SEMS KYI SDOM PA'I TSUL KHRIMS LA LUS NGAG GI LAS GTZO STE, RTZA LTUNG PHAL CHER LA DE MANG BA'I PHYIR, DE LTAR YIN KYANG SA BCU PA SOGS SU MI DGE BCU SPONG BSHAD PA'I RGYU MTSAN YOD DE, BYANG SEMS LA SEMS TZAM GYIS KYANG RTZA LTUNG 'BYUNG BA YOD PAS DE 'GOG PA'I DBANG DU BYAS PA'I PHYIR, DER THAL, DE 'GOG PA'I CHED DU KUN SLONG TSUN CHAD NAS 'GOG PA DANG BYANG SEMS KYIS GNOD SEMS MA BKAG NA BYAMS SNYING RJE BYANG SEMS GSUM CHAR LA GNOD PA DANG, BRNAB SEMS CHEN BDAG BSTOD GZHAN SMOD SOGS 'BYUNG NYE BA DANG, BDAG MED PHRA MO MA BSGOMS NA DANG POR NGAR 'DZIN SKYE DE NAS LTA NGAN KUN SKYE BA DANG, YANG DANG POR NGAR 'DZIN SKYE BA SOGS CHAGS SDANG SKYE SLA BA'I RGYU MTSAN GYIS YIN PA'I PHYIR, RTOGS BRJOD LAS, LTA BA KUN GYI MAR GYUR PA'I, ,'JIG TSOGS LTA BA SKYE BA DANG, ,ZHES DANG, RANG 'GREL LAS, DE'I PHYIR KUN NAS SLONG BAR BYED PA DANG BCAS PA'I TSUL KHRIMS KYI DBANG DU BYAS NAS LAS KYI LAM BCUR RNAM PAR

143a

, ,BSHAD DO, ,ZHES GSUNGS SHING, SDUD PA SOGS MANG BA'I PHYIR RO, ,'OD SRUNG LE'U DANG, GAL TE DE NI KHRIMS DAG RANG BZHIN LTA, ,ZHES PA GNYIS KYI DON YOD DE, BDEN GRUB TU BZUNG NA GANG ZAG DE'I 'JIG RTEN LAS 'DAS PA'I TSUL KHRIMS DAG PAR MI 'GYUR ZHING, KHYAB MTHAB MA YIN KYANG BDEN PAR 'DZIN NA GANG ZAG DE'I TSUL KHRIMS NGAN PA'AM 'CHAL BAR BYED PAS NA BDEN GRUB TU LTA BA LA GNAS MI RIGS ZHES PA'I DON YIN PA'I PHYIR TE, SA BCU PAR YANG DGE MTSAN GYI LTA BA DANG BKRA SHIS KYI LTA BA SOGS TSUL 'CHAL GYI LTA BAR GSUNGS PA LTA BU YIN PA'I PHYIR TE, SA BCU PA LAS, DGE MTSAN DANG BKRA SHIS RNAM PA SNA TSOGS DANG TSUL KHRIMS NGAN PA'I LTA BA CAN DANG BRAL BA YIN TE, ZHES GSUNGS PA'I PHYIR, TSUL KHRIMS NGAN PA DANG TSUL 'CHAL 'GYUR KHYAD YIN TE, TSUL 'CHAL GYI SKAD DOD LA, BYE BRAG RTOG BYED LAS, DU: SH'I LA ZHES GSUNGS PA DANG 'OD SRUNG LE'U'I 'GREL PA'I 'GYUR LAS, 'OD SRUNG BZHI PO 'DI DAG NI NGANG TSUL NGAN PA CAN TSUL KHRIMS DANG LDAN PA 'DRA PA YIN TE, ZHES GSUNGS PA'I PHYIR, DES NA DE TSUL SOGS BYANG 'PHAGS TSUL KHRIMS KYI DBANG DU BYAS KYANG GAL TE SOGS ZHAR BYUNG DU SO SKYE'I RNAM GRANGS KYI TSUL 'CHAL BSHAD PA YIN TE, 'OD SRUNG LE'U'I DON RTZA TSIG LA BKOD PA YIN PA'I PHYIR, KHYAB STE, 'OD SRUNG GI LE'U'I TSUL 'CHAL GYI GANG ZAG BZHI PO SO SKYE YIN PA'I PHYIR, DER THAL, DE BDAG 'DZIN SOGS KYIS BYANG

143b

SEMS KYI THUN MONG MA YIN PA'I TSUL 'CHAL LA GNAS PA BRDA'I SDOM PA CAN YIN PA'I PHYIR TE, 'OD SRUNG LE'U'I 'GREL PAR BLO BRTAN GYIS, BRDA'I SDOM PA LA GNAS PA GANG ZHE NA, BZHI PO 'DI DAG DU RIG PAR BYA'O, ,DE DAG KYANG BDAG TU LA NI PA LA SOGS PAS RGYUN NYAMS PA'I PHYIR BRDA'I SDOM PA LA GNAS PA ZHES BYA'O, ZHES GSUNGS PA'I PHYIR, SA 'DI'I MING DON SOGS MDO RGYAN RTZA 'GREL DANG DGONGS 'GREL DANG CHOS DBYINGS BSTOD PA DANG, DE'I 'GREL PA NYAN SH'AKA PAS LEGS PA GCIG MDZAD SNANG BA SOGS LAS SHES PAR BYA'O, ,GSUM PA RTZOD SPONG LA KHO NA RE, KHYOD KYIS RJE BLA MA'I BYANG CHUB GZHUNG LAS DU BYANG SEMS LA LUS NGAG GI BDUN GNANG PA'I SKABS YOD KYI YID KYI GSUM MA GNANG BAR BSHAD PA MI 'THAD PAR THAL, BYANG SEMS LA SROG GCOD SOGS LAS LAM BCU KA GNANG BAR THEG BSDUS LAS BSHAD PA'I PHYIR NA MA KHYAB STE, DE DE DAG GI GZUGS BRNYAN TZAM GNANG BA LA DGONGS NAS YIN PA'I PHYIR TE, THEG BSDUS LAS, GANG BYANG CHUB SEMS DPA' THABS LA MKHAS PA RNAM PA DE LTA BUS SROG GCOD PA LA SOGS PA'I LAS RNAM PA BCU SPYOD GANG GIS KHA NA MA THO BAR MING GYUR LA, BSOD NAMS TSAD MED PA YANG SKYED CING, ZHES GSUNGS PA'I PHYIR, KHYAB STE, KHA NA MA THO BAR MI 'GYUR LA ZHES NYES PAR MI 'GYUR BAR BSHAD LA, GNOD SEMS NI RANG BZHIN GYI KHA NA MA THO BA TSE SHOS GCIG YIN PA'I PHYIR, 'DIR DKA' GNAS RNAMS KYI DPYOD PA'I SGO NYUNG GSAL BYAS YOD PAS BLO LDAN RNAMS KYIS THUGS LA BCANG BAR BYA'O, ,SMRAS PA, TSUL KHRIMS DAG PA'I

144a

, ,DKYIL 'KHOR YONGS SU RGYAS, ,YON TAN DAG BA'I BDUD RTZI'I 'OD DKAR GYIS, ,'KHRUL BA'I MUN BSAL THUB BSTAN SNANG BA DANG, ,PHAN BDE'I KU MU TA RGYAS KHYOD RGYAL SRAS DBYING, CES PAR SKABS KYI TSIGS SU BCAD PA'O, ` ,GSUM PA 'OD BYED PA'I SA BSHAD PA LA SA'I NGES TSIG DANG, SA'I YON TAN DANG, MJUG SDUD GSUM LAS, DANG PO NI, RTZA BAR, SHES BYA'I BUD SHING MA LUS SREG PA'I ME'I, ZHES SOGS RTZA 'GREL BYUNG, GNYIS PA LAS 'DIR BZOD PA LHAG TSUL DANG, BZOD PA BSTEN TSUL DANG, BZOD PA'I PHAR PHYIN GYI DBYE BA DANG, SA 'DIR 'BYUNG BA'I DAG PA'I YON TAN GZHAN BSHAD PA BZHI, DANG PO NI, GAL TE GNAS MIN, ZHES SOGS BYUNG, GNYIS PA NI, GNOD PA BYAS PA'I ZHES SOGS RTZA 'GREL BYUNG, GSUM PA NI, RDZOGS SANGS RGYAS KYI ZHES SOGS BYUNG, 'DIR, GANG PHYIR RGYAL SRAS RNAMS LA KHROS PA YIS, ZHES SOGS KYI MTHA' DPYAD PA LA GSUM LAS, DANG PO LA KHA CIG NA RE, 'DI'I DNGOS BSTAN GYI KHRO YUL LA BYANG SEMS SHIG DGOS ZER, KHA CIG MI DGOS ZER BA'I PHYI MA MI 'THAD PAR THAL, 'DI'I DNGOS BSTAN GYI KHRO YUL LA BYANG SEMS SHIG DGOS PA'I PHYIR, DER THAL, 'DI'I KHRO YUL DANG KHRO BA'I RTEN GNYIS KA BYANG SEMS KYI DBANG DU BYAS PA GANG ZHIG; DE KLU SGRUB KYI MDO KUN BTUS KYI YANG DGONGS PA YIN PA'I PHYIR, DANG PO GRUB STE, RANG 'GREL LAS, GAL TE BYANG CHUB SEMS DPA' BDAG NYID CHEN PO DES GANG ZAG GI KHYAD PAR DU NGES BA DANG BRAL BA'I PHYIR LA, DE NA PA YIN DU ZIN KYANG NYON MONGS GOMS PA LA

144b

RAG LAG NAS 'JUG PA NYID KYI PHYIR BYANG CHUB TU SEMS BSKYED PA RNAMS LA ZHES SOGS GSUNGS PA'I PHYIR, KHYAB STE, LUNG 'DIS BYANG SEMS KYIS KHRO YUL BYANG SEMS SU MA NGES PA DANG, NGES KYANG NYON MONGS DBANG GIS BYANG SEMS LA KHROS PA'I RGYU BDEN RDZUN GANG YIN KYANG BSKAL PA BRGYA'I SBYIN PA DANG TSUL KHRIMS KYI DGE RTZA 'JOMS PAR BSHAD PA'I PHYIR, RNAM BSHAD LAS, 'GREL PAR YUL RTEN GNYIS KA BYANG SEMS KYI DBANG DU BYAS PAR GSUNGS PA NI, ZHES SO, RTAGS GNYIS PA GRUB STE, 'JAM DPAL RNAM ROL GYI MDO 'DIR YUL RTEN GNYIS MI GSAL YANG MDO KUN BTUS SU SNGON LA BYAMS PA SENG GE'I SGRA'I MDO DRANGS PA DER YUL RTEN GNYIS KA BYANG SEMS SU GSUNGS PA DRANGS PA DANG, DE RJES SU DMIGS YUL MED PAR MDO 'DI DRANGS PA'I SHES BYED GCIG PA LA BRTEN PA'I PHYIR, RNAM BSHAD LAS, MDO DE LAS KHONG KHRO BA'I YUL RTEN GNYIS MI GSAL YANG, ZHES PA NAS, YUL RTEN GNYIS KA BYANG SEMS LA GSUNGS PA DE LA BRTEN NAS MDZAD PAR MNGON NO, ZHES SO, ,BYAMS PA SENG GE'I SGRA'I MDO LAS, KHRO BA'I YUL RTEN GNYIS KA BYANG SEMS YIN PA DANG, DGE RTZA 'JOMS TSUL BSHAD PA YIN TE, BYANG SEMS KYIS STONG GSUM GYI SEMS CAN THAMS CAD LA BSDIGS BRDUNGS KYANG BYANG SEMS LA RMA MI 'BYUNG ZHING MI SMAS LA, BYANG SEMS DES BYANG SEMS GCIG LA'ANG THAN GNOD SEMS TZAM GYIS KYANG RMA 'BYUNG BA DANG SMAS PAR GSUNGS PA'I PHYIR, KHYAB STE, RMA BYUNG BA DANG SMAS PA DGE RTZA BCOM PA'I

145a

, ,DON YIN PA'I PHYIR TE, MDO DE NYID LAS, BYANG CHUB SEMS DPA' GANG LA LA ZHIG GIS STONG GSUM GYI STONG CHEN PO'I ZHES PA NAS, BYANG CHUB SEMS DPA' GANG GIS BYANG CHUB SEMS DPA' GCIG LA THA NA GNOD SEMS DANG, THA NA ZHE SDANG GI SEMS BSKYED PA DE TZAM GYIS BYANG CHUB SEMS DPA' LA RMA 'BYUNG ZHING SMRAS PAR 'GYUR RO, ZHES GSUNGS PA'I PHYIR, DE LA KHA CIG NA RE, 'DIR BSKAL PA BRGYA'I DGE RTZA 'JOMS TSUL BSHAD PA MI 'THAD PAR THAL, SLOB DPON DPA' BO DANG ZHI BA LHA GNYIS KAS KHONG KHROS BSKAL PA STONG GI DGE RTZA 'JOMS PAR BSHAD PA'I PHYIR ZER BA LA, KHA CIG GIS SKYON DE MED PAR THAL, SEMS CAN PHAL BA LA KHROS BAS KYANG BSKAL PA STONG PHRAG DU MA'I DGE RTZA 'JOMS PA'I PHYIR; DER THAL, SPYOD 'JUG GI RGYA 'GREL KHA CIG LAS GSUNGS PA'I PHYIR NA MA KHYAB STE, DE LTAR BSHAD PA LA SHES BYED RNAM DAG MED PAS YID CHES DKA' BA'I PHYIR TE, RNAM BSHAD LAS, 'O NA, SLOB DPON DPA' BO DANG ZHI BA LHAS, ZHES PA NAS, YID CHES PAR DKA'O, ZHES SO, ,GZHUNG 'DI GNYIS KYI KHROS PAS BSKAL PA BRGYA DANG STONG GI DGE RTZA 'JOMS PA LA KHRO YUL LA SEMS CAN PHAL BAS MI CHOG PAR THAL, DE'I YUL LA BYANG SEMS GCIG DGOS PA'I PHYIR, DER THAL; 'JUG PA'I BSKAL PA BRGYA'I DGE RTZA 'JOMS PA NI BYANG SEMS CHE BAS BYANG SEMS CHUNG BA LA KHROS PA YIN PA GANG ZHIG ,DE'I RIGS PAS BSKAL PA STONG GI DGE RTZA 'JOMS PA NI BYANG SEMS MA YIN PA'I GANG ZAG KHYAD PAR BAS BYANG

145b

SEMS LA KHROS PAR GRUB PA'I PHYIR, DANG PO GRUB STE, RANG 'GREL LAS RTEN GYI SKABS BYANG SEMS LA BDAG NYID CHEN PO'I SGRA BYUNG LA YUL LA CHEN PO'I SGRA MA BYUNG BA'I RGYU MTSAN YOD PA'I PHYIR, RNAM BSHAD LAS, BSKAL PA BRGYA STONG DU NAS, CHE BA GCIG 'DRA'O, ZHES SO, ,GNYIS PA GRUB STE, RNAM BSHAD LAS, BYANG SEMS MA YIN PAS BYANG SEMS LA KHROS NA BSKAL PA STONG DU MNGON TE, ZHES GSUNGS PA'I PHYIR, GZHAN YANG SPYOD 'JUG GI RGYA 'GREL KHA CIG SEMS CAN GANG LA'ANG KHROS TZAM GYIS BSKAL PA STONG PHRAG DU MA'I DGE RTZA 'JOMS PAR 'DOD PA DANG, 'JUG PA'I DON BSHAD PA'I BOD KHA CIG GIS BSKAL PA BRGYA'I DGE RTZA 'JOMS PA LA SEMS CAN GANG LA'ANG KHROS PAS CHOG PAR 'DOD PA GNYIS LA, 'O NA BYANG SEMS KYIS SEMS CAN PHAL BA SHIN TU MANG PO LA YID KYIS KHRO BA DANG NGAG GIS GSHE BA DANG, LUS KYIS BRDEG NA BYANG SEMS DE'I DGE RTZA LA RMA 'BYUNG BA DANG SMRAS PAR 'GYUR BAR THAL, DE'I YUL SEMS CAN GANG LA'ANG DE 'DRA LTA CI KHROS BA TZAM GYIS BSKAL PA BRGYA DANG STONG GI DGE RTZA 'JOMS PA DE'I PHYIR, RTAGS KHAS, 'DOD MI NUS TE, BYANG SEMS KYIS STONG GSUM GYI SEMS CAN PHAL BA THAMS CAD LA DE LTAR SGO GSUM GYIS 'TSE BA BYAS KYANG DGE RTZA LA RMA SMAS MI 'BYUNG LA NGAN SEMS KYI GRANGS LTAR BSKAL PAR GZHI NAS GO CHA BGO MI DGOS PA'I PHYIR TE, BYAMS PA SENG GE'I SGRA'I MDO LAS, BYANG CHUB SEMS DPA' GANG LA LA ZHIG GIS STONG GSUM GYI STONG CHEN PO'I 'JIG RTEN GYI KHAMS SU GTOGS PA'I SEMS

146a

, ,CAN THAMS CAD LA SPYOS PA DANG, BRGYAD PA DANG, DBYUG PA DANG KHU TSUR GYIS BRDEG PA DE TZAM GYIS, BYANG CHUB SEMS DPA' LA RMA BYUNG ZHING RMAS PAR MI 'GYUR GYI, ZHES GSUNGS PA'I PHYIR, DE SKAD DU RNAM BSHAD LAS, STONG GSUM GYI ZHES PA NAS, GO CHA BGO BA MI DGOS PAR SHES SO, ZHES GSUNGS PA'I PHYIR, 'O NA, DE 'DRA'I BYANG SEMS LA NYES PA CHEN PO MI 'ONG BAR THAL, DE LTAR BYAS KYANG DGE RTZA MA BCOM PA'I PHYIR NA SHIN TU MA KHYAB PA KHO NAR SHES PAR BYA'O, ,'DI LA DRI BA LHAG BSAM RAB DKAR DU YANG DA LTA'I SEMS CAN KHONG KHRO CAN KUN GYI RGYUD LA SNGAR YOD GYI DGE RTZA KUN BCOM PAR SMRA AE NUS, ZHES GSUNGS PA'I SKYON SOGS KYANG 'JUG GO ,GANG YANG KHA CIG GIS BYAMS PA SENG GE SGRA'I MDO 'DI 'DRA LA 'KHRUL NAS BYANG SEMS KYIS BYANG SEMS MA YIN PA'I SEMS CAN GANG LA YANG GSHE BRDEG 'PHROGS KYANG BYANG SEMS DE'I DGE RTZA GANG YANG MI 'JOMS PAR THAL, MDO DE LAS, STONG GSUM GYI SEMS CAN THAMS CAD LA ZHES GSUNGS PA'I PHYIR NA MA KHYAB STE, DE SEMS CAN RAB BYUNG SOGS MA YIN PA'I PHAL BA LA DGONGS PA'I PHYIR, DE LTAR MA YIN NA, 'O NA, RGYAL SRAS BYANG SEMS KYI SDOM LDAN GYIS NYON MONGS DRAG PO'I SGO NAS, DGE SLONG PHAM PA BYUNG BA KHYI RO RUL BA LTA BU'I LAM MA ZHUGS YIN KYANG DE'I GOS 'PHROGS PA'AM, LUS KYIS GZHU BRDEG BYAS SAM BYED DU BCUG NA DE LA BYANG SEMS KYI RTZA LTUNG 'BYUNG ZHING DE'I SNGON BYAS KYI DGE RTZA PHAL CHER 'JOMS PA MA

146b

YIN PAR THAL, BYANG SEMS KYIS GZHAN LA GNOD PA BYAS PAS DGE RTZA 'JOMS YUL LA BYANG SEMS YAN CHAD GCIG DGOS PA'I PHYIR, RTAGS KHAS, 'DOD MI NUS TE, DKON MCHOG GI DKOR 'PHROGS PA'I RTZA LTUNG DANG, CHOS SPONG BA'I RTZA LTUNGS DANG, TSUL KHRIMS 'CHAL BA'I NGUR SMRIG 'PHROGS PA SOGS KYI RTZA LTUNG DANG, MTSAMS MED BYAS PA'I RTZA LTUNG DANG, MI DGE BCU BYED PA'I RTZA LTUNG SOGS RE RES KYANG DGE RTZA 'JOMS PA'I PHYIR TE, NAM SNYING GI MDO LAS, RTZA BA'I LTUNG BA DE DAG GIS RGYAL RIGS SPYI BO NAS DBANG BSKUR BA'I DGE BA'I RTZA BA SNGON BSKYED PA THAMS CAD THAL BAR BRLAG STE PHAM PAR 'GYUR ZHING, ZHES GSUNGS PA'I PHYIR, DE SKAD DU RNAM BSHAD LAS, NAM SNYING GI MDOR RTZA LTUNG RNAMS KYIS SNGON BSKYED PA'I DGE RTZA 'JOMS PA DANG, ZHES GSUNGS PA'I PHYIR, 'DIS RTZA LTUNG LHAG MA SKYON DU 'PHEN SHES PAR BYA'O, ,GO BO NA RE, SPYOD 'JUG GI BSKAL PA STONG DU BSAGS PA'I DGE RTZA 'JOMS PA BYANG SEMS CHUNG BAS CHES LA KHROS PAR MNGON GSUNGS PA MI 'THAD DE, 'O NA, LUNG BSTAN MA THOB PA'I BYANG SEMS KYIS LUNG BSTAN THOB PA LA LAN GCIG KHROS NA YANG BSKAL PA STONG PHRAG DU MA'I DGE RTZA 'JOMS PAR THAL, BYANG SEMS DMA' BAS MTHO BA TZAM LA KHONG KHRO GCIG BYAS BAS BSKAL PA STONG PHRAG GI DE BCOM PA'I PHYIR, RTAGS SONG, KHYAB STE, LUNG BSTAN THOB PA NI DE BAS KYANG GNYAN PA'I PHYIR, 'DOD MI NUS TE, BYAMS PA SENGGE'I SGRA'I DE LUNG BSTAN MA THOB PAS LUNG BSTAN THOB

147a

, ,PA LA KHROS BAR GSAL ZHING, DE LAS BYANG SEMS LA RMA SMAS BYAD PA'I NGOS 'DZIN LA SDANG SEMS KYI GRANGS LTAR BSKAL BAR GZHI NAS GO BGO DGOS PAR BSHAD PA LAS SHES PA'I PHYIR, DER THAL, DE BSKAL PA GCIG GI DMYAL BAR GNAS DGOS PA DANG, BSKAL PA GCIG GI LAM LA GZHI NAS GO BGO DGOS PA GNYIS LAS LHAG SPYOD 'JUG DANG RAB ZHI RNAM NGES GYI MDO SOGS LAS MI GSAL BA'I PHYIR TE, RNAM BSHAD LAS, LUNG BSTAN THOB BA LA MA THOB PAS KHROS NA NI DMYAL BAR GNAS PA BSHAD MA THAG PA DANG 'DRA LA DE SNYED KYI BSKAL PAR GZHI NAS GO CHA BGO DGOS PA DANG GNYIS YOD DE, ZHES GSUNGS PA'I PHYIR, GZHAN YANG YUL RTEN GNYIS BO BYANG SEMS MA YIN KYANG KHONG KHROS DGE RTZA 'JOMS BAR MA ZAD CHEN PO 'JOMS PA YOD PAR THAL, DGE SLONG GI LUS KYIS JI TZAM NON PA'I RGYA KHYON GYI DPANGS DPAG TSAD BRGYAD KHRI BZHI STONG GI RDUL GRANGS KYI 'KHOR LOS SGYUR BA'I RGYAL SRID STONG 'GYUR GYI BSOD RNAMS YANG GROGS TSANGS PA MTSUNGS PAR SPYOD PA PHAN TSUN LA GNOD SEMS BYAS NA BCOM PA RAB 'BRING THA GSUM CI RIGS 'BYUNG BA'I PHYIR TE, NYE BAR 'KHOR GYIS ZHUS PA LAS, NYE BAR 'KHOR TSANGS PA MTSUNGS PAR SPYOD PA LA RMA PHYUNG BA DANG SMAS PAR BYAS PA DA LTA BU NGAS MTHONG STE, NYE PAR 'KHOR DES DGE BA'I RTZA BA CHEN PO 'DI DAG BSRABS PA DANG, YONGS SU BYANG BA DANG YONGS SU ZAD PAR 'GYUR RO, ZHES GSUNGS PA'I PHYIR DANG MDO TING 'DZIN RGYAL PO LAS KYANG, PHAN

147b

TSUN GNOD PA'I SEMS SU GANG BYED PA, ,DE LA TSUL KHRIMS THOS PAS SKYOB MI BYED, ,BSAM GTAN DANG NI DGON PAS MI SKYOB STE, ,SBYIN DANG SANGS RGYAS MCHOD BAS SKYOB MI BYED, ,CES GSUNGS PA 'DIS PHAN TSUN KHROS NA TSUL KHRIMS SOGS, DRUG GIS DGE RTZA 'JOMS PA SKYOB MI THUB PAR BSHAD PA'I PHYIR RO, ,BCOM BYA'I DGE RTZA LA KHA CIG NA RE, BYANG SEMS DANG DES ZIN PA'I DGE RTZA RNAMS DANG RDZOGS BYANG DU BSNGOS PA RNAMS KHONG KHROS GZHOM BYA MA YIN TE, BLO GROS MI ZAD PA LAS RDZOGS BYANG DU BSNGOS PA MI RGYAD PAR GSUNGS PA DANG, SDONG PO BKOD PA LAS DNGUL CHUS LCAGS 'DZAD PA LTAR BYANG CHUB KYI SEMS LAS NYON GYIS MI ZAD PAR GSUNGS PA'I PHYIR NA MA KHYAB STE, 'BRAS BU PHYUNG BAS MI ZAD PA SNGA MA'I DON DANG, SEMS BSKYED KYIS LAS NYON GTAN ZAD LTAR TSUR MI THUB PAR BSHAD TZAM YIN PA'I PHYIR, DGE RTZA BCOM PA'I DON LA KUN MKHYEN CHEN PO KHA CIG NA RE, DGE RTZA DES 'BRAS BU MYUR DU SKYED PA THAG BSRING PA TZAM YIN GYI, DA GDONG RKYEN DANG PHRAD KYANG RANG GI 'BRAS BU MI 'BYIN PA MA YIN TE, 'JIG RTEN PA'I LAM GANG GIS KYANG SPANG BYA'I SA BON SPONG MI THUB, NYON MONGS KYIS DGE RTZA'I SA BON DE BAS KYANG MI NUS PA'I PHYIR GSUNGS TE, THAMS CAD MKHYEN DNGOS BU STON RIN PO CHES BZHED PA'O; ;DE LA RJE RIN PO CHE'I LHAG BSAM RAB DKAR NA YANG DGAG PA'I DRI BA MANG LA, 'DI GAL CHE YANG, RGYAS PAR BDAG GIS RTEN 'BREL GYI MTHA' DPYOD SOGS SU BSHAD ZIN LA, MDOR BSDUS NA, 'O NA, LAS DE'I SA BON YOD NA DE

148a

, ,GDOD RKYEN DANG 'PHRAD NA 'BRAS BU 'BYIN PAS KHYAB PAR THAL, DE LTAR KHYAB PA DE MDO LAS, TSOGS SHING DUS LA BABS PA NA, ,'BRAS BU SMIN PA NYID DU 'GYUR, ,ZHES PA'I DON DU MDZAD PA'I PHYIR, RTAGS KHYAG KHAS 'DOD NA, SO SKYES KYIS STOBS BZHIS SDIG PA LEGS PAR DAG PA DES KYANG DAG ZOD RKYEN DANG 'PHRAD NA RNAM SMIN 'BYIN PAR THAL, DES DE'I SA BON MA SPANGS PA'I PHYIR, KHYAB PA KHAS, 'DOD MI NUS TE, STOBS BZHIS LAS DE'I SA BON GYI NUS PA NYAMS PAR BYAS PA'I PHYIR, RTAGS SLA, DPER NA, SA BON DE RUL BA'AM NYAMS NA RKYEN DANG 'PHRAD KYANG 'BRAS BU 'BYIN MI SRID PA BZHIN YIN PA'I PHYIR TE, DBU MA SNYING PO'I 'GREL PA RTOG GE 'BAR BA LAS, RKYEN NYE BAR GNAS SU ZIN KYANG, SA BON TSIG PA'AM RUL LAM, SNANG BA LAS KYANG MA YIN LA, RKYEN GANG YANG RUNG BA ZHIG MA TSANG NA YANG MYU GU MNGON PAR 'BYUNG BAR MI 'GYUR BA BZHIN NO, ,DE BZHIN DU, ZHES PA NAS, GANG GI DGE BA YANG LTA BA LOG PA 'AM GNOD SEMS KYIS NYAMS PAR GYUR PA'AM, MI DGE BA YANG SMOD PA DANG, SDOM PA DANG, 'CHAGS PA LA SOGS PA'I GNYEN POS STOBS NYAMS PAR GYUR PA DE DAG NI, RKYEN TSOGS PA YOD DU ZIN KYANG, DGE BA DANG MI DGE BA'I SA BON GYI NUS PA NYAMS PAS, GANG LAS 'BRAS BU GANG ZHIG 'BYUNG BAR 'GYUR, ZHES GSUNGS PA'I PHYIR, GZHAN YANG, SBYOR LAM BZOD PA BA YANG NGAN SONG DU SKYE BAR THAL BA DANG, DE'I RGYUD KYI DGE RTZA LOG LTAS GCOD PAR THAL

148b

LO; ;DES DE GNYIS KYI SA BON MA SPANGS PA'I PHYIR, KHYAB PA KHAS, GZHAN YANG LAS DGE SDIG GANG CHE BA DES CHUNG BA DE 'JOMS PAR THAL, BCOM TSUL 'THAD PA'I PHYIR, 'DOD NA, GANG ZAG DE'I RGYUD KYI LAS CHE CHUNG DU MA'I RNAM SMIN DANG RDZOGS 'BRAS SO SOR MI 'BYUNG BAR THAL, LAS CHE CHUNG KUN PHAN TSUN GCIG GIS GCIG BCOM PA'I PHYIR, RTAGS BCOM TSUL LA KHAS, 'DOD NA, ZHING GCIG LA GRO NAS SRAN MA MANG NYUNG BYAS NAS BTAB TSE NYUNG BA RNAMS KYI 'BRAS BU MI 'BYIN PAR THAL, 'DOD PA DE'I PHYIR, KHYAB STE, 'DI GNYIS SHIN TU MTSUNGS PAR LEGS LDAN SOGS KYIS BSHAD PA'I PHYIR, YANG KHA CIG GIS, 'DI'I BCOM BYA LA BDAG MED RTOGS PA'I YE SHES KYI TSOGS YOD ZER NA, 'O NA, RANG 'GREL LAS, BSOD NAMS KYI TSOGS ZHES DMIGS KYIS BKAR BA LA DGOS PA MED PAR THAL, 'DOD PA DE'I PHYIR, YANG KHA CIG GIS, ZHI GNAS SOGS SGOM BYUNG GI DGE RTZA YANG 'JOMS ZER NA, ZLA BA'I ZHABS KYIS MDO'I DON GZHI GSUM GYI DGE BA'I NANG NAS SBYIN PA DANG TSUL KHRIMS BKAR BA LA DGOS PA MED PAR THAL, 'DOD PA DE'I PHYIR, GNYIS PA RANG LUGS PHAL CHER SNGAR BSHAD PAS RTOGS NUS LA DKA' GNAS 'GA' BKOD NA, 'JUG PA'I SKABS 'DIR KHRO BA'I RTEN BYANG SEMS SO SKYER NGES TE, BYANG SEMS KYI RTZE MO YAN CHAD KYI DGE RTZA GCOD 'JOMS GNYIS KA MED PAR RTAGS LAS SHES PA'I PHYIR, SPYIR KHRO YUL GYI BYANG SEMS LA SA THOB MA THOB DU MA YOD DE, MDO DANG SKYES RABS SOGS LAS SHES

149a

, ,PA'I PHYIR, BYANG SEMS MA YIN PAS BYANG SEMS LA KHROS PAS DGE RTZA 'JOMS TSUL YOD DE, DE LTAR KHROS PA GCIG GIS BSKAL PA STONG GI BSOD NAMS BCOM PA YANG YOD, RNAM SMIN BSAM GYIS MI KHYAB PA YANG YOD PA'I PHYIR, DANG PO GRUB STE, ZHI BA LHAS, BSKAL PA STONG DU BSAGS BA YI, ,SBYIN DANG BDE GSHEGS MCHOD LA SOGS, ,LEGS SPYAD GANG YIN DE KUN KYANG, KHONG KHRO GCIG GIS 'JOMS PAR BYED, ,CES DANG, DE'I 'GREL PAR DKON BRTZEGS KYI LUNG DRANGS PA LAS, KHONG KHRO BA ZHES BYA BA NI BSKAL PA STONG DU BSAGS PA'I BSOD NAMS DAG KYANG 'JOMS PAR BYED CING 'BRAS BU 'JOMS PAR BYED DO, ,RTEN BSREG PAS GZHAN SREG PAR BYED DO, ,DE BAS NA ZHE SDANG LA KHONG KHRO BA ZHES BYA'O, ,ZHES GSUNGS PA'I PHYIR, YANG DKON BRTZEGS KYI BYANG SEMS SDE SNOD LAS BSKAL PA BRGYA STONG GI 'JOMS PAR BSHAD LA, LEGS SPYAD CES PA DGE LHAS PA DANG DAR tIKA SOGS NAS TSUL KHRIMS LA BSHAD, RTAGS GNYIS PA GRUB STE, RANG 'GREL LAS, KHONG KHRO BA'I BSAM PA SKAD CIG TZAM ZHIG SKYED NA YANG, DE TZAM GYIS KYANG BSKAL PA BRGYAR BSAGS PA'I BSOD NAMS KYI TSOGS SNGAR BSTAN PA'I SBYIN PA DANG TSUL KHRIMS KYI PHAR PHYIN GOMS PA LAS SKYES PA 'JOMS PAR 'GYUR NA, BYANG SEMS MA YIN PAS BYANG SEMS RNAMS LA BSKYED PA LTA CI SMOS TE, DE'I PHYIR RGYA MTSO CHEN PO'I CHU'I TSAD SRANG GRANGS KYIS NGES PAR MI NUS PA LTAR, DER RNAM PAR SMIN PA'I MTSAMS NGES PAR MI NUS PA

149b

DE'I PHYIR, ZHES GSUNGS PA'I PHYIR, 'DI DAG MTSAN GZHI YIN GYI KHYAB MTHA' MA NGES TE, YUL GYI CHE CHUNG GI KHYAD PAR DANG KHRO SEMS KYI CHE CHUNG GI KHYAD PAR MTHA' YAS PA'I PHYIR RO, ,GZHAN MTHA' YAS KYANG YUL RTEN GNYIS KA BYANG SEMS YIN PA 'DI LA RTEN GYI SGO NAS BCOM TSUL GSUM YOD DE, BYANG SEMS STOBS CHE BAS CHUNG BA LA DANG, CHUNG BAS CHE BA LA DANG, MNYAM PAS MNYAM PA LA KHROS PA GSUM GYI DE YOD PA'I PHYIR, DE DAG NGOS 'DZIN RIGS PA KHO NAS MI THUB STE, SHIN TU LKOG 'GYUR YIN PA'I PHYIR, KHYAB STE, DE DPYAD GSUM GYI DAG PA'I LUNG LA BRTEN NAS DPYAD PAR BYA BA YIN PA'I PHYIR, RNAM BSHAD LAS, DE LTAR BYANG SEMS, ZHES PA NAS, DPYAD PAR BYA'O, ,ZHES GSUNGS PA'I PHYIR, DES NA DE GSUM GYI KHONG KHRO'I SEMS RE RES BSOD NAMS KYI TSOGS 'DI TZAM BCOM ZHES LUNG LA BRTEN NAS NGOS 'DZIN TSUL YOD DE, CHE BAS CHUNG BA LA KHRO SEMS GCIG GIS BSKAL PA BRGYA'I DE 'JOMS PA'I PHYIR TE; RTZA BAR, SBYIN DANG KHRIMS BYUNG DGE BA BSKAL PA BRGYAR, ,BSAGS PA SKAD CIG GIS 'JOMS DE YI PHYIR, ZHES DANG, RANG 'GREL LAS, BYANG SEMS BDAG NYID CHEN PO DES, ZHES DANG, KHONG KHRO BA'I BSAM PA SKAD CIG TZAM ZHIG BSKYED NA YANG, DE TZAM GYIS BSKAL PA BRGYAR BSAGS PA'I BSOD NAMS KYI TSOGS, ZHES GSUNGS PA'I PHYIR, 'DI DMYAL BAR SKYE BAR YANG MA BSHAD LA, LAM LA GZHI NAS GO BGO DGOS PAR YANG MA BSHAD PAS DNGOS BSTAN

150a

, ,'DI BCOM TSUL CHUNG NGUR MNGON NO, ,GNYIS PA CHUNG BAS CHEN PO LA KHROS NA BCOM TSUL YOD DE, LUNG BSTAN MA THOB PA'I CHUNG BAS CHEN PO LUNG BSTAN THOB PA LA KHRO SEMS GCIG BSKYED NA, DMYAL BAR BSKAL PA GCIG GNAS PA DANG BSKAL PA GCIG GI BSOD NAMS KYI TSOGS GTAN BCOM BYAS PAS BSKAL PA GCIG LA GZHI NAS LAM LA SLOB DGOS PA'I PHYIR, DER THAL, DPER NA GANG ZAG DES BYANG SEMS LUNG BSTAN THOB PA LA 'DI BRDUNG NGO SNYAM PA LTA BU'I SDANG SEMS KYI GRANGS DANG MNYAM PAR BSKAL PAR DMYAL BAR SKYE BA DANG, DE SNYED KYI BSKAL PAR GZHI NAS GO CHA BGO DGOS PA'I PHYIR TE, SDUD PA LAS, LUNG BSTAN MA THOB BYANG CHUB SEMS DPA' GANG ZHIG GIS, ,LUNG BSTAN THOB LA SEMS KHROS RTZOD PA RTZOM BYED NA, ,THA BA SKYON LDAN SEMS KYI SKAD CIG JI SNYED PA, ,DE SNYED BSKAL PAR GZHI NAS GO CHA BGO DGOS SO, ZHES DANG, BYAMS PA SENGGE'I SGRA'I MDO LAS, BYANG CHUB SEMS DPAS BYANG CHUB SEMS DPA' GCIG SHOS LA GNOD SEMS DANG THA BA DANG SDANG BA'I SEMS JI SNYED DU BSKYED PA DE SNYED KYI BSKAL PAR GO CHA GZOD 'GO DGOS SO, ZHES GSUNGS PA'I PHYIR, BGO DGOS TSUL YOD DE, TSOGS LAM CHEN PO NAS SBYOR LAM DU MYUR DU 'PHO THUB PA GCIG GIS LUNG BSTAN THOB PA'I DE LA KHROS NA KHRO SEMS KYI GRANGS KYI BSKAL PAR SBYOR LAM DU 'PHO MI THUB PAR LAM LA GZHI NAS SLOB PA LTA BU YIN PA'I PHYIR, 'DI NI BCOM PA CHEN PO GCIG YIN TE, BYANG SEMS MI DGE BA GZHAN

150b

GYIS DMYAL BAR SKYE YANG MI THUB LA, SKYES KYANG MYUR DU THAR PA GANG ZHIG, 'DI NGAN SEMS KYI GRANGS KYI BSKAL PA DU MAR DMYAL BAR SKYE BA DANG, DE SNYED KYI BSKAL BAR LAM LA GZHI NAS SLOB DGOS PA'I PHYIR, GNYIS PA SLA, DANG PO GRUB STE; MDO SDE RGYAN LAS, RING MO ZHIG NAS NGAN SONG DU, ,'GRO ZHING MYUR DU THAR PAR BYED, CES GSUNGS PA'I PHYIR, LUNG BSTAN MA THOB PA'I BYANG SEMS CHUNG NGUS LUNG BSTAN MA THOB PA'I BYANG SEMS CHEN PO LA KHROS NA DMYAL BAR GNAS TSUL SOGS 'DRA YANG LAM LA GZHI NAS SLOB MI DGOS TE, LAM LA GZHI NAS SLOB PA LA LUNG BSTAN THOB PA SDUD PAR DMIGS GYIS BKAR BA'I RNAM BCAD YOD PA'I PHYIR TE, RNAM BSHAD LAS, DE LTA BU'I YUL NI LUNG BSTAN THOB PA'I SEMS DPA' DANG, RTEN NI LUNG BSTAN MA THOB PA'I SEMS DPAR MNGON TE, ZHES SO, ,BYANG SEMS NANG PHAN TSUN STOBS MNYAM PAS MNYAM PA LA LAN GCIG LTA BUR KHROS NA BSOD NAMS 'JOMS TSUL YOD DE, BSKAL PA DU MA'I DGE RTZA 'JOMS PA DANG, NGAN SEMS LAN GCIG YIN NA DMYAL BAR BSKAL PA GCIG GNAS PA LTA BU'I NGAN SEMS KYI GRANGS LTAR BSKAL PA DE SNYED DU DMYAL BAR GNAS DGOS PA'I PHYIR TE, SPYOD 'JUG LAS, GANG ZHIG DE 'DRA'I RGYAL SRAS SBYIN BDAG LA, ,GAL TE NGAN SEMS SKYED PAR BYED NA DE, ,NGAN SEMS BSKYED PA'I GRANGS BZHIN BSKAL PAR NI, ,DMYAL BAR GNAS PAR 'GYUR ZHES THUB PAS GSUNGS, ,ZHES DANG, STON PAS GSUNGS TSUL tIKKA DAG DANG BSLAB BTUS SU

151a

, ,RAB ZHI RNAM NGES CHO 'PHRUL GYI MDO DRANGS PA LAS, BYANG CHUB SEMS DPA' LA KHONG KHRO BA'AM BRNYAS PA'I SEMS BSKYED PA DE CI TZAM BA DE SNYED KYI BSKAL PAR BYANG CHUB SEMS DPA' DES SEMS CAN DMYAL BA RNAMS SU GNAS PAR GO CHA BGO BAR BYA'O, ZHES GSUNGS PA'I PHYIR DANG, RNAM BSHAD LAS KYANG, BYANG SEMS LA KHRO BA'I SEMS, ZHES PA NAS, NYES DMIGS KYANG YOD LA, ZHES GSUNGS PA'I PHYIR, 'DI MNYAM PA'I BCOM TSUL LA SBYAR DGOS PAR MNGON TE, RNAM BSHAD KYI CHUNG BAS CHE BA LA DANG, MNYAM PAS MNYAM PA LA ZHES PA'I SA BCAD DANG, MDO SDUD PA DANG SPYOD 'JUG RIM PAS BKOD RIM YANG MTHUN LA, RAB ZHI'I MDO LUNG LAS KYANG YUL RTEN GYI BYANG SEMS LA TSIG GI KHYAD PAR MI SNANG BA'I PHYIR RO, ,DE LAS GZHAN DU NA DOGS PA DE LTAR BKOD PA 'BREL MED DU 'GRO STE, RJE'I MDO SNGAGS KYI GSUNG RAB GZHAN GANG NA YANG ZUR TZAM YANG MI SNANG LA DOGS PA MI CHOD KYANG BKOD NA SRIN BU'I GRANGS KYI DOGS PA LTA BUR 'GYUR LA, CHOD BZHIN DU MA BCAD PAR BKOD PA YIN NA THE TSOM CAN GYI SKYON YOD PA'I PHYIR RO, ,BCOM BYA'I DGE RTZA YOD DE, TSOGS GNYIS LAS BSOD NAMS KYIS DANG, GZHI GSUM LAS SBYIN TSUL GNYIS KYIS BSDUS PA GCIG DGOS PA'I PHYIR, RTAGS SNGAR BSHAD ZIN LA, RNAM BSHAD DGONGS RGYAN LAS, SGOM BYUNG GI DGE RTZA YANG MA YIN PAR BSHAD PA LEGS BSHAD BLA MED YIN TE, SGOM BYUNG LA ZHI GNAS YAN CHAD KHAMS GONG MA'I SEMS SEMS BYUNG

151b

GCIG DGOS LA DE LA 'OG MA'I ZHE SDANG GIS MI GNOD PA'I PHYIR, DER THAL, 'OG MA'I SKYON GYIS GONG MA'I SEMS SLOD MI THUB PA'I PHYIR, BCOM PA'I GO DON YOD DE, DES DE'I 'BRAS BU 'BYIN PA'I NUS PA LA GNOD PA BYAS PA DE YIN PA'I PHYIR; RNAM BSHAD LAS, DGE BA 'JOMS PA YANG KHONG KHRO SKYES MA THAG RGYUD LA MED PAR 'GRO BA MA YIN GYI 'BRAS BU 'BYIN PA'I NUS PA LA GNOD PA BYED PA'O, ZHES SO, ,DE LA DBYE NA BCOM PA RAB 'BRING THA MA GSUM YOD DE, 'BRAS BU MA BCOM PAR SKYED CHUNG NGUR BTANG BA DANG YUN THUNG NGUR BTANG BA NI BSRABS PA DANG BCOM PA CHUNG NGU YIN, RNAM SMIN GYI 'BRAS BU CHUNG NGU LAS MA LUS PA NI BYANG BA DANG BCOM PA 'BRING YIN, RNAM SMIN GYI 'BRAS DU CUNG ZAD KYANG MA LUS PAR ZAD PAR BYAS PA NI YONGS SU ZAD PA DANG BCOM PA CHEN PO'I DON YIN PA'I PHYIR, NYE BAR 'KHOR GYIS ZHUS PA LAS, DGE BA'I RTZA BA CHEN PO 'DI DAG BSRABS PA DANG, YONGS SU BYANG BA DANG, YONGS SU ZAD PAR 'GYUR RO, ZHES DANG, RNAM BSHAD LAS, 'BRAS BU THAMS CAD MA BCOM PA ZAD PA CHUNG NGU'O, ,BYANG BA NI ZAD PA 'BRING NGO, ,GTUGS PA NI ZAD PA CHEN POR MNGON NO, ZHES GSUNGS PA'I PHYIR, SKABS 'DIR BCOM TSUL GNYIS YOD DE, LAM GSAR SKYE MYUR BA'I NUS PA BCOM PA DANG, BDE 'GRO SOGS KYI RNAM SMIN GYI 'BRAS BU LA GNOD PA BYAS PA GNYIS YOD PA'I PHYIR, DANG PO LA YANG DU MA YOD DE, CHE BA LAM LA GZHI NAS GO 'GO DGOS BA DANG, 'BRING BSKAL PAR BGO DGOS PA DANG, THA MA TSE DE'AM SKYE BA 'GA' ZHIG LA

152a

, ,LAM DE SKYE MI RUNG BAR BYAS PA LTA BU YIN PA'I PHYIR, RNAM BSHAD LAS, DE LTAR NA GNOD PA SKYEL TSUL LA NAS, GNYIS SO ZHES BYUNG, GZHAN YANG DE'I TSUL DU MA YOD DE, RNAM SMIN GYI 'BRAS BU BCOM YANG BYED PA RGYU MTHUN MA BCOM PAS DGE RTZA DE SKYE SLA BA GCIG DANG, DE LAS BZLOG PA GCIG DANG, LAM LTA BU'I DGE RTZA DE MA NYAMS KYANG BUL DU BYAS PA LTA BU DU MA YOD PA'I PHYIR, LAM RIM LAS, KHA CIG LA SBYIN PA BTANG BA DANG, ZHES PA NAS, LTA BU STE ZHES SO, ,DE DAG GI MTSAN GZHI RIM BZHIN YOD DE, YUL BYANG SEMS MA YIN PA'I NGUR SMRIG 'PHROG PAS RTZA LTUNG BYUNG YANG GSO RUNG DE'AM, BYANG SEMS KYIS BYANG SEMS DMA' BA LA SMAD PA LTA BU DANG PO DANG, BYANG SEMS LAS THAR GYI PHAM PA BYUNG BA LTA BU GNYIS PA DANG, BYANG SEMS LA CHOS SPONG PHAL BA BYUNG BA LTA BU GSUM PA YIN PA'I PHYIR RO, ,DE LTAR NA DGE MI DGE'I 'JOMS TSUL SHES PAR BYAS NAS BSHAGS BSDAM DANG, BYANG CHUB KYI SEMS SBYONG BA DANG, STONG NYID BSGOM BA SOGS BYAS NA SDIG PA SHIN TU 'DAG SLA STE, ZHI BA LHAS, DE NI DUS MTHA'I ME BZHIN SDIG CHEN RNAMS, ,SKAD CIG GCIG GIS NGES PAR SREG PAR BYED, ,CES PA LTA BU'I LUNG RIGS DU MAS GRUB PA'I PHYIR RO, , LHAG MA SLA, GSUM PA RTZOD SPONG LA KHO NA RE, RAB ZHI RNAM NGES CHO 'PHRUL GYI MDO LAS, 'JAM DPAL BYANG CHUB SEMS DPA' LA SKU RAB BTAB PA MA GTOGS PAR BYANG CHUB SEMS DPA' LAS GZHAN GANG GIS KYANG LOG PAR LTUNG BAR BYED

152b

MI NUS SO, ZHES GSUNGS PA DANG, DAD PA'I STOBS SKYED PA'I MDO SOGS LAS KYANG DE LTAR GSUNGS PA MI 'THAD PAR THAL, KHYOD KYIS NAM SNYING GI MDO DON 'THAD PA'I PHYIR NA MA KHYAB STE, MDO SNGA MA DAG GIS DE LTAR GSUNGS PA SPYIR BTANG YIN LA NAM SNYING GIS DE LA DMIGS KYIS BSAL BA YIN PA'I PHYIR, KHYAB STE, SPYIR BTANG LAS DMIGS BSAL MTHA' BTZAN LA DE'I RNAM DBYE SHIN TU GAL CHE BA'I PHYIR TE, RIN CHEN 'PHRENG BA LAS, SPYIR BTANG DMIGS KYIS BSAL BA DAG; BSTAN CHOS KUN LA RAB TU GCES, ,ZHES GSUNGS PA'I PHYIR, YANG KHO NA RE, LUNG BSTAN MA THOB PA'I BYANG SEMS CHUNG NGUS, DE MA THOB PA'I STOBS CHE BA LA KHROS PA DANG, MNYAM PAS MNYAM PA LA KHROS PA GNYES LA NYES PA CHE CHUNG MED PAR THAL; DE GNYIS KA'I MTSAN GZHIR KHYOD KYIS NGAN SEMS KYI GRANGS LTAR BSKAL PAR DMYAL BAR GNAS PA DANG, GO BGO MI DGOS PA RE BZHAG PA'I PHYIR NA MA KHYAB STE, DE LA BSKAL BA DU MA'I DGE RTZA 'JOMS MI 'JOMS KYI YANG KHYAD PAR YOD LA, DE GNYIS DMYAL BA MI GCIG LA DMYAL BA GCIG KYANG LUS CHE CHUNG SOGS KYIS SDUG BSNGAL CHE CHUNG SHIN TU MI 'DRA BA'I PHYIR, DER THAL, DPER NA, LHAS SBYIN LA MNAR MED NA MNAR MED PA GZHAN LAS SDUG BSNGAL SHIN TU CHE BA LTA BU YIN PA'I PHYIR TE, MDO DE NYID LAS, BSKAL PA DAG NI DU MAR YANG, ,LUS NI DPAG TSAD LNGA BRGYAR 'GYUR, ,DE LA MGO YANG LNGA BRGYA STE, ,DE LAS NYUNG BAR MI 'GYUR RO, ,ZHES SOGS KYIS BYANG SEMS KYIS BYANG SEMS GZHAN LA MI DGA' BA DANG, SMOD

153a

, ,PA SOGS KYIS BSKAL PA DU MAR DMYAL BA DE 'DRAR SKYE BAR BSHAD PA'I PHYIR RO, ,YANG KHA CIG GIS, BYANG SEMS DMAN PAS BYANG SEMS MTHON PO LA KHROS NA KHRO SEMS KYI GRANGS LTAR DMYAL BAR BSKAL PAR GNAS PA LAS CHE MED PAR THAL, SPYOD 'JUG GIS DE LAS MA BSHAD PA'I PHYIR NA MA KHYAB, 'DOD MI NUS TE, DE LAS CHE BSHAD PA 'DUG PA'I PHYIR, DER THAL, DPER NA RGYAL PO DPA' BAS SBYIN GYIS ME TOG ZLA MDZES BKRONGS PA'I RNAM SMIN LTA BU YIN PA'I PHYIR TE, RAB ZHI'I MDO LAS, GANG DAG SDOM PAR MI BYED CING, ,BYANG CHUB SEMS DPAR GNOD BYED PA, ,DE NI SEMS CAN DMYAL RNYED DE, ,NAS, BSKAL PA BYE BA STONG RNAMS DANG, ,BRGYA DANG KHRAG KHRIG RNAMS SU YANG; ;MNAR MED PAR NI SDUG BSNGAL RNYED, CES GSUNGS PA'I PHYIR, DES NA YUL BYANG SEMS LA PHAN PA CHUNG DU BYAS NA'ANG RNAM SMIN SHIN TU CHE STE, MDO LAS 'JIG RTEN KHAMS KYI SEMS CAD THAMS CAD BRTZON RA NAS BTON 'KHOR SGYUR LA BKOD PA BAS BYANG SEMS LA DANG BA'I SEMS KYIS LTA BA DANG BSNGAGS PA BSOD NAMS CHE BAR BSHAD PA'I PHYIR, DE YANG SO SKYE LA YIN TE, BSLAB BTUS LAS, PHAN PA BYED PA DANG GNOD PA BYED PA 'DI BYANG CHUB SEMS DPA' GANG GI DBANG DU BYAS SHE NA, SO SO SKYE BO NYID GYI DBANG DU BYAS PA STE, ZHES GSUNGS PA'I PHYIR, GZHAN YANG RNYED BKUR LA ZHEN PA SOGS KYIS DGE RTZA 'JOMS PAR BSLAB BTUS SU DKON BRTZEGS DRANGS PA

153b

SOGS, RIGS PA 'DIS LEGS PAR SHES PAR BYA'O, ,BZHI PAS 'DIR LHAG PA'I YON TAN 'CHAD PA LA, RTZA BAR, SA DER RGYAL SRAS BSAM GTAN MNGON SHES DANG, ,'DOD CHAGS ZHE SDANG YONGS SU ZAD PAR 'GYUR, ZHES SOGS RTZA 'GREL BYUNG, 'DI'I MTHA' DPYAD PA LA GSUM LAS, DANG PO LA KHA CIG, 'DI'I DNGOS BSTAN GYI DUG GSUM ZAD PA DE GTAN ZAD LA BYED ZER NA, 'O NA, 'DI'I DNGOS BSTAN GYI ZAD PA LA GTAN ZAD DANG, MNGON GYUR MGO MNAN PA'I CHAGS BRAL GCIG STE GNYIS 'JOG MI RIGS PAR THAL, DE GTAN ZAD KHO NA YIN PA'I PHYIR, 'DOD MI NUS TE, DE LA DE 'DRA GNYIS YOD PA'I PHYIR TE, 'DI'I MDO LAS, DE DE BAS KYANG SHAS CHER 'DOD PA'I 'CHING BA THAMS CAD BSRABS PAR 'GYUR RO, ZHES SOGS KYIS CHAGS BRAL GYIS ZAD PA DE BSTAN PA GANG ZHIG, MDO DE NYID LAS, LOGS PA'I 'DOD CHAGS 'GRIB PAR BYA BA MA YIN PA SPONG BAR 'GYUR, ZHES SOGS KYIS GTAN ZAD KYI TSUL BSTAN, DE LTAR BYED PA RANG 'GREL GYI DGONGS PA YANG YIN PA'I PHYIR, DANG PO GRUB STE, RNAM BSHAD LAS, ZAD PA'I DON NI GTAN ZAD MA YIN TE, ZHES SOGS GSUNGS PA'I PHYIR, GNYIS PA GRUB STE, RNAM BSHAD LAS, SA 'DIR SPONG BAR GSUNGS PA NI SA BON SPONG BA LA DGONGS LA, ZHES GSUNGS PA'I PHYIR, GSUM PA GRUB STE, RANG 'GREL LAS, 'DI YANG MDO JI LTA BA BZHIN TE, ZHES PA NAS, SPONG BAR 'GYUR RO, ZHES GSUNGS PA LTA BU'O, ,DE LTAR NA DE'I 'DOD CHAGS DANG, ZHE SDANG DANG GTI MUG YONGS

154a

, ,SU ZAD PAR 'GYUR RO, ZHES GSUNGS BA'I PHYIR, KHYAB STE, MDO TSAN GNYIS KA DRANGS NAS DE GSUM GYI ZAD TSUL DE LTAR YIN PAR BSHAD PA'I PHYIR RO, ,SNGA MA KHA CIG NA RE, MDO 'DIR BSHED PA'I LTA BA'I 'CHING BSNGA NAS SPANGS PA'I DON, LOG LTA DANG TSUL KHRIMS BRTUL ZHUGS MCHOG 'DZIN GYI LTA BA DANG, LTA BA MCHOG 'DZIN GYI LTA BA GSUM KHO NA MTHONG LAM DU SPANGS PA LA BYED ZER NA MI 'THAD PAR THAL, LTA BA KUN BTAGS LNGA SA DANG POR SPANGS PA LA BSHAD DGOS PA'I PHYIR, YANG KHA CIG BDEN 'DZIN GYI SA BON SHES SGRIB YIN ZER NA, DE CHOS CAN, KHYOD SPANGS PA'I NYAN RANG DGRA BCOM MED PAR THAL, KHYOD SHES SGRIB YIN PA'I PHYIR, RTAGS KHAS, 'DOD MI NUS TE, NYAN RANG DGRA BCOM GYIS BDEN 'DZIN DE SNGAR MI SKYE BA'I TSUL GYIS SPANGS PA'I PHYIR, KHYAB STE, DE LTAR SPANGS PA LA SA BON SPANGS DGOS PA'I PHYIR, DER THAL, SA BON MA SPANGS NA DE'I RKYEN? MTSANG PA TZAM YIN GYI MI SKYE BA'I TSUL GYIS SPANGS PA MIN ZER DGOS PA'I PHYIR TE, RNAM BSHAD LAS, BDEN 'DZIN THAMS CAD NYON MONGS CAN GYI MA RIG PAR BZHED LA, DE SLAR MI SKYE BA'I TSUL GYIS SPANGS BA LA DE DAG GI SA BON SPANGS DGOS SHING, ZHES SOGS GSUNGS PA'I PHYIR, GZHAN YANGS BRGYAD PA MA THOB GONG DU YANG SPANGS RGYU'I SHES SGRIB YOD PAR THAL, BDEN 'DZIN GYI SA BON SHES SGRIB YIN PA'I PHYIR, RTAGS KHYAB SLA, 'DOD NA, PHYIR MI LDOG PA'I SA MA THOB BA'I

154b

SNGON DU THOGS SGRIB CI RIGS SPANGS BA'I 'PHAGS PA'I DGE 'DUN YOD PAR THAL, 'DOD PA'I PHYIR, 'DOD MI NUS TE, DE YIN NA PHYIR MI LDOG PA'I SA YAN CHAD KYI DGE 'DUN YIN DGOS PA'I PHYIR TE, RGYUD BLA MA YAS, DRI MED DBYINGS LA CHAGS MED DANG, ,THOGS MED PHYIR DE DAG PA YIN, ,YE SHES GZIGS PA DAG BAS NA, ,SANGS RGYAS YE SHES BLA MED PHYIR, ,'PHAGS PA PHYIR MI LDOG PA NI, ,ZHES DANG, DE'I THOGS 'GREL LAS, MDOR BSDU NA RGYU GNYIS KYIS NA CIG SHOS NYI TSE'I YE SHES KYIS MTHONG BA LA LTOS NAS SHIN TU RNAM PAR DAG PA ZHES BRJOD DO, ,GNYIS BO GANG DAG GIS SHE NA, CHAGS BA MED PA'I PHYIR DANG THOGS PA MED BA'I PHYIR RO, ,ZHES DANG, DE LTAR PHYIR MI LDOG PA'I SA LA GNAS PA'I BYANG CHUB SEMS DPA' RNAMS KYIS GZIGS BDE NI ZHES GSUNGS PA'I PHYIR, KHYAB STE, PHYIR MI LDOG PA'I SAS BRGYAD PA'I MING GI RNAM GRANGS YIN LA THOGS SGRIB LAS GROL BA'I YE SHES KYI MA MTHA' 'DI NAS BZUNG BA LA DGOS PA YOD PA'I PHYIR, 'DI LA DGONGS NAS, RNAM BSHAD LAS, SA BON DE LAS GZHAN PA'I BAG CHAGS KYI SGRIB PA SHES SGRIB DU 'JOG PA NI, SA BRGYAD PA MA THOB PAR DU SPONG BA MA YIN PA'I PHYIR RO, ZHES GSUNGS PA'I PHYIR, YANG KHA CIG NA RE, SNYOMS 'JUG GI SGRIB BA SGRIB PA YIN ZER, SKYON 'PHEN BA'I SNGA DUS KYI MANG PO NA RE, 'O NA, LAS SGRIB SGRIB LA YIN PAR THAL, SNYOM 'JUG GI SGRIB PA SGRIB PA YIN BA'I PHYIR, ZHES SGRA NA MA KHYAB, 'O NA, DE GNYIS SGRIB PA YIN MIN MTSUNGS PAR THAL, SGRUB BYED

155a

, ,'THAD PA'I PHYIR, 'DOD NA, SNYOMS 'JUG GI SGRIB PA YIN NA SGRIB PA MA YIN PAS KHYAB PAR THAL, CIG SHOS LA DE'I PHYIR, RTAGS PAS, 'DOD NA, BYING RGOD GNYIS CHOS CAN, DER THAL, DE'I PHYIR, KHYAB PA LAS 'KHOR GSUM, RTAGS GRUB STE, RGYUD BLA MA LAS, GNYIS MED LAS SU RUNG PA'I PHYIR, ZHES GSUNGS PA'I GNYIS PO MED RGYU DE YOD PA'I PHYIR, KHYAB STE, DE'I DAR tIKA LAS, SNYOMS 'JUG GI SGRIB PAS BSDUS BA'I BYING RGOD GNYIS MED PAS TING NGE 'DZIN SGOM BA LAS SU RUNG BA'I PHYIR, ZHES GSUNGS PA'I PHYIR, BYAS PA LA KHO NA RE, DE CHOS CAN, SGRIB GNYIS GANG RUNG YIN PAR THAL, SGRIB PA YIN PA'I PHYIR NA RMA KHYAB, KHYAB PAR THAL, SGRIB PA LA DE GNYIS SU GRANGS NGES BA'I PHYIR NAM KHYAB, 'O NA, KHYOD RANG LA LONGS SKU'I PHYAG SEN CHOS CAN, SKU BZHI GANG RUNG YIN PAR THAL, SANGS RGYAS KYI SKU YIN PA'I PHYIR, KHYAB PA KHAS, 'KHOR GSUM, MA KHYAB ZER NA, KHYAB BAR THAL, SANGS RGYAS KYI SKU LA DEB ZHIR GRANGS NGES PA'I PHYIR, 'KHOR GSUM, GZHAN YANG SLOB DPON SENG BZANG RGYUD KYI SGRIB PA CHOS CAN, DE GANG RUNG YIN PAR THAL, SGRIB PA YIN PA'I PHYIR, 'KHOR GSUM, GZHAN YANG DES SA GONG MA'I YON TAN THOB BA LA GEGS BYED PA'I SGRIB PA CHOS CAN, SGRIB GNYIS GANG RUNG YIN PAR THAL, SGRIB PA YIN PA'I PHYIR, KHYAB PA KHAS, 'KHOR GSUM, KHYAB PAR THAL, SGRIB PA LA GNYIS SU GRANGS NGES PA'I PHYIR, KHYAB BA KHAS, 'KHOR GSUM, RTAGS GRUB STE

155b

DBUS MTHA' LAS, NYON MONGS PA YI SGRIB PA DANG, ,SHES BYA YI NI SGRIB PA STE, ,DER NI SGRIB PA THAMS CAD BSTAN, ,DE ZAD PAS NI GROL BAR 'DOD, CES GSUNGS PA'I PHYIR, YANG KHA CIG, DE NYON SGRIB YIN PAR THAL, DAR tI KA GI LUNG DE'I PHYIR NA, MA KHYAB STE, MTSAN GZHI TZAM BSTAN BA YIN PA'I PHYIR, 'DOD NA, DE CHOS CAN, DGRA BCOM RGYUD KYI KHYOD MED PAR THAL, KHYOD NYON SGRIB YIN PA'I PHYIR, RTAGS KHAS, 'DOD MI NUS, YANG KHA CIG NA RE, SHES SGRIB DANG SHES PA'I GZHI MTHUN MED ZER NA, SHES SGRIB TU GYUR PA'I MA RIG PA MED PAR THAL, DAM BCA' 'THAD BA'I PHYIR, 'DOD NA, DE RGYUD LDAN GYI DGRA BCOM DANG BYANG 'PHAGS MED PAR THAL, 'DOD PA'I PHYIR, 'DOD MI NUS TE, RANG 'GREL LAS, SHES BYA'I SGRIB PA'I MTSAN NYID CAN GYI MA RIG PA KUN TU SPYOD PA ZHES PA'I DON YOD PA'I PHYIR, 'KHOR GSUM, GZHAN YANG NYON MONGS CAN MA YIN PA'I MA RIG PA MED PAR THAL, SHES SGRIB TU GYUR PA'I MA RIG PA MED PA'I PHYIR, DER THAL, DE DANG SHES BA'I GZHI MTHUN MED PA'I PHYIR, RTAGS BAS, 'DOD NA, NYAN RANG DGRA BCOM RNAMS LA DE SBONG PA'I PHYIR DU SANGS RGYAS KYIS BSKUL MI RIGS PAR THAL, 'DOD PA'I PHYIR, 'DOD MI NUS TE, DE LTAR BSKUL NAS DE SPANGS TSO 'JIG RTEN GYI 'DREN PA SANGS RGYAS SU 'GYUR PA'I PHYIR TE, ZLA BA'I SKYABS 'GRO BDUN CU PA LAS, MI SHES NYON MONGS MIN SPANGS PHYIR, ,PHYIS NAS SANGS RGYAS KYIS BSKUL LAS, ,BYANG CHUB KYI NI TSOGS BSAGS NAS, ,DE YANG

156a

, ,'JIG RTEN 'DREN PAR 'GYUR, ,ZHES GSUNGS PA'I PHYIR, LANG GSHEGS DANG YANG 'GAL BAR 'GYUR RO, ,GZHAN YANG DE NYID LAS, MA RIG NYON MONGS MIN YOD PAS, ,RNAM PA KUN MKHYEN SPANGS PA NYID, , CES GSUNGS PA MI 'THAD PAR THAL, NYON MONGS CAN MA YIN PA'I MA RIG PA MED PA'I PHYIR, RTAGS KHAS, MA GRUB NA, RDZAS SPYI SOGS BZHAG NAS DE SHES SGRIB YIN PAR THAL, SGRIB PA GANG ZHIG NYON SGRIB MA YIN PA'I PHYIR, DANG PO GRUB STE, CHOS CAN DE'I PHYIR, BYAS PA LA KHO NA RE, 'O NA, DE 'DRA'I MA RIG PA MA RIG PA YIN PAR THAL, 'DOD PA'I PHYIR, 'DOD NA, LAS 'BRAS KYI 'BREL BA SHIN TU PHRA BA LA RMONGS PA'I MA RIG PA MA RIG PA YIN PAR THAL, 'DOD PA'I PHYIR, 'DOD NA; DE CHOS CAN, BDAG MED RTOGS PA'I RIGS PA YE SHES KYI 'GAL ZLA MI MTHUN PHYOGS YIN PAR THAL, MA RIG PA YIN PA'I PHYIR NA MA KHYAB, KHYAB BAR THAL, RNAM BSHAD LAS, NYON MONGS CAN GYI MA RIG PA NI BDAG MED PA'I DE KHO NA NYID RIG PA'I MI MTHUN PHYOGS DANG, NAS, 'GAL ZLA MI MTHUN PHYOGS GANG ZAG DANG, CHOS RANG BZHIN GYIS GRUB BAR SGRO 'DOGS PA'O, ,ZHES GSUNGS PA'I PHYIR NA GTAN NAS MA KHYAB STE, DE NYON MONGS CAN GYI MA RIG PA'I NGOS 'DZIN THUN MONG MA YIN PA TZAM BSTAN PA YIN PA'I PHYIR TE, RNAM BSHAD LAS, LUGS 'DI LA NYON MONGS KYI NGOS 'DZIN MNGON PA GONG 'OG NAS BSHAD PA DANG MI MTHUN PA'I THUN MONG MA YIN PA GCIG YOD PA DE SHES PA GAL CHE BAS DE BSHAD NA, DNGOS PO

156b

BDAN 'DZIN LA GANG ZAG DANG CHOS BDEN 'DZIN GNYIS YOD LA, ZHES GSUNGS BA'I PHYIR, MA KHYAB NA, 'O NA, 'DI BAS THUN MONG MA YIN PA'I NYON MONGS DANG MA RIG PA MA GTOGS THUN MONG BA'I NYON MONGS DANG MA RIG PA GCIG KHAS MI LEN PAR THAL; MA KHYAB PA DE'I PHYIR, 'DOD MI NUS TE, 'DI'I MDO LAS, MA RIG PA'I 'CHING BA BSRABS PAR 'GYUR RO, ZHES GSUNGS PA'I PHYIR, DE'I 'DOD SRED DANG MA RIG PA'I 'CHING BA RNAMS MNGON PAS BSHAD PA'I THUN MONG GI 'CHING BA LA BSHAD DGOS DE LTAR MA YIN NA 'OG TU, MDO LAS, LOG PA'I GTI MUG 'GRIB PAR BYA BA MA YIN PA SPONG BAR 'GYUR RO, ,ZHES GSUNGS BA DANG ZLOS 'GAL GNYIS KA YOD PA'I PHYIR, RTAGS ZUR DANG PO GRUB STE, RNAM BSHAD LAS, DES NA BSRABS PA ZHES GSUNGS PAR MNGON NO, ,'CHING BA YANG MNGON PA NAS BSHAD PAR MNGON NO, ZHES GSUNGS PA'I PHYIR, RTAGS GNYIS PA SLA, GZHAN YANG, MA RIG PA YIN NA, RNAM BSHAD KYI GZHUNG DE'I DNGOS BSTAN YIN DGOS PAR THAL, 'DOD PA'I PHYIR; DE YIN NA BDEN 'DZIN YIN DGOS PAR THAL, 'DOD BA'I PHYIR, 'DOD NA, GANG ZAG RANG SKYA THUB PA'I RDZAS YOD DU 'DZIN PA'I MA RIG PA CHOS CAN, DER THAL, DE'I PHYIR, KHYAB PA KHAS, RTAGS GRUB STE, 'PHAGS PAS MDZAD PA'I SA LU LJANG PA'I MDO 'GREL LAS, GANG DAG RIL SOGS 'DU SHES PA, ,DE NI MA RIG CES DANG, MDO LAS, MA RIG PA'I 'CHING BA BSRABS BA, ZHES GSUNGS BA'I PHYIR, GZHAN YANG MA RIG PA LA LAS 'DRAS LA RMONGS PA DANG, GANG ZAG GI

157a

, ,BDAG MED LA RMONGS PA GNYIS MED PAR THAL, DAM BCA' 'THAD PA'I PHYIR, 'DOD NA, RIGS PA'I RGYA MTSO LAS, RIN CHEN PHRENG BA LAS, DE BZHIN SMIG RGYU LTA BU YI, ,'JIG RTEN YOD CE'AM MED PA ZHES, ,'DZIN PA DE NI RMONGS PA STE, ,RMONGS PA YOD NA MI GROL LO, ,ZHES GSUNGS PA'I MED 'DZIN GYI RMONGS PA NI LAS 'BRAS LA RMONGS PA'I MA RIG PA YIN PAS 'DIR SKABS MA YIN NO, ,'JIG RTEN YOD PAR 'DZIN PA NI BDEN 'DZIN GYI MA RIG PA'O ZHES 'JIG RTEN BDEN PAR YOD 'DZIN DANG THA SNYAD DU MED 'DZIN GYI LTA BA GNYIS KA MA RIG PAR BSHAD PA MI 'THAD PAR THAL, KHYOD KYI DAM BCA' 'THAD PA'I PHYIR, GZHAN YANGS LU'I MDO 'GREL KA MA LA SH'I LAS MDZAD PA LAS, MA RIG PA NI RNAM PA GNYIS TE; RGYU DANG 'BRAS BU LA RMONGS PA'I MTSAN NYID DANG, DE KHO NA NYID LA RMONGS PA'I MTSAN NYID DO, ZHES DANG, THOGS MED KYIS DE LTAR BSHAD PA DANG, MDO 'DI LAS, 'DU BYED LA RMONGS PA GANG YIN PA DE NI MA RIG PA'O, ZHES DANG, RIN CHEN PHRENG BA'I DAR tIKA DANG RTEN 'BREL GYI MDO LAS MA RIG PA MANG DU BSHAD PA SOGS MDO DANG SHING RTA CHEN PO RNAMS KYI GZHUNG RNAMS MI 'THAD PAR THAL, 'DOD PA DE'I PHYIR, GZHAN YANG RIG PA YE SHES YIN NA, BDAG MED PHRA MO RTOGS PA'I RIG PA YIN DGOS PAR THAL BA SOGS SKYON MANG, YANG KHA CIG, DGRA BCOM RTOGS PA SNGON SONG GI MA DAG SA BDUN GYI BAR CHAD MED LAM GYI NGOS SKAL GYI SGRIB PA MED PAR THAL, DER GYUR PA'I SGRIB GNYIS GANG RUNG MED PA'I PHYIR NA MA KHYAB STE,

157b

SNGAR BKAG ZIN TO, ,'O NA, DGONGS 'GREL LAS, BCOM LDAN 'DAS DE DAG LA KUN TU RMONGS PA DU MCHIS, GNAS NGAN LEN MI MTHUN PHYOGS NI DU MCHIS ZHES PA'I LAN DU, SPYAN RAS GZIGS DBANG PHYUG KUN TU RMONGS BA NYI SHU RTZA GNYIS DANG GNAS NGAN LEN MI MTHUN PA'I PHYOGS ZHES GSUNGS PA MI 'THAD PAR THAL, SA DANG PO NAS BCU GCIG PA KUN TU 'OD GYI RNAM GROL LAM GYI SPANG BYA'I SGRIB PA DE LTAR YOD PA MA YIN PA'I PHYIR, MA GRUB NA, DER THAL, THEG DMAN DGRA BCOM PA YIN NA DE'I DANG PO KUN RMONGS BCU BZHI PO MA LUS BAR MA SPANGS PAS KHYAB PA MA YIN PA'I PHYIR, KHYOD KYI DAM BCA' 'THAD PA'I PHYIR, KHYAB STE, DE SPANGS NA DE THOB PAS KHYAB PA'I PHYIR, MA GRUB NA, RGYAL SRAS KYI LTUNG BA'I KUN SLONG DANG NYES BYAS PHRA MO LA 'KHRUL PA'I RMONGS PA DANG SEMS CAN DON BYED KYI LAS KYI RNAM PA SNA TSOGS LA RMONGS PA GNYIS SPANGS PA'I THEG DMAN DGRA BCOM YOD PAR THAL, MA GRUB PA DE'I PHYIR, 'DOD NA, DE CHOS CAN, RTZA BAR, RMI LAM DU YANG 'CHAL KHRIMS DRI MA SPANGS, ZHES SOGS LTA BU'I TSUL KHRIMS KYI YON TAN DANG LDAN PAR THAL, 'DOD PA'I PHYIR, 'DOD NA, DE CHOS CAN, TSUL KHRIMS KYI PHAR PHYIN LHAG PAR THOB PA'I GANG ZAG YIN PAR THAL, 'DOD PA'I PHYIR, 'DOD NA, MA YIN PAR THAL, THEG DMAN GANG ZAG YIN PA'I PHYIR, DES SA GZHAN LA RIGS PA 'GRE SLA, YANG KHA CIG, DAR tIKA LA BRTEN NAS SHES SGRIB KUN BTAGS YOD ZER NA, 'O NA, SHES SGRIB LA MTHONG SPANG SGOM SPANG GNYIS YOD PAR THAL, DE LA KUN BTAGS DANG LHAN SKYES GNYIS YOD PA'I PHYIR, RTAGS

158a

, ,KHAS; 'DOD NA, MTHONG LAM BAR CHAD MED LAM GYIS KYANG NYON MONGS PA'I SA BON MA YIN PA'I MTHONG SPANG NYON MONGS KYI BAG CHAGS KYANG 'JOMS NUS PAR THAL, 'DOD PA'I PHYIR, 'DOD MI NUS TE, NYON MONGS KYI SA BON DANG BCAS PA MA SPANGS PAR DU SEMS STENG GI NYON MONGS KUN BTAGS DANG LHAN SKYES KYIS BZHAG PA'I BAG CHAGS KYI CHA CUNG ZAD KYANG SPANGS MI THUB PA'I PHYIR TE, DPER NA, SNAM BU'I STENG DU SNAM LHUNG BA'I SNUM DE MA ZAD BAR DU SNUM GYIS GOS PA'I DRI MA SEL MI THUB PA BZHIN YIN PA'I PHYIR, RANG 'GREL LAS, TIL MAR DANG ME TOG LA SOGS PA BSAL DU ZIN KYANG BUM PA DANG SNAM BU LA SOGS PA RNAMS LA DE DAG DANG PHRAD PA'I YON TAN PHRA MO DMIGS PA BZHIN NO, ,'DI LTAR NYON MONGS PA GRANGS KYANG BAG CHAGS YOD PAS, ZHES GSUNGS PA'I PHYIR, DE SKAD DU STONG THUN LAS, SHES SGRIB LA KUN BTAGS DANG LHAN SKYES GNYIS YOD PA MA YIN TE, NAS, 'GAL BA'I PHYIR RO, ZHES SO, ,DE LA KHO NA RE, DBANG SHES LA YUL BDEN PAR SNANG BA 'THAD PAR 'DZIN PA SHES SGRIB KUN BTAGS YIN PAR DAR tIKA LAS BSHAD PAS SKYON MED ZER NA, 'O NA, BDEN 'DZIN GANG YIN NYON SGRIB MA YIN PAR THAL, DAM BCA' 'THAD PA'I PHYIR, KHYAB STE, DPYAD NAS DE LTAR 'THAD PAR BZUNG NA BDEN 'DZIN KUN BTAGS YIN LA, MA DPYAD PAR DE LTAR 'THAD BAR 'DZIN PA BYUNG NA YANG BDEN 'DZIN LHAN SKYES YIN PAS KUN BTAGS KYI DON MED PAS NYON SGRIB LAS MI 'DA' BA'I PHYIR, STONG THUN LAS, CI STE DBANG SHES LA, ZHES PA NAS, KUN BTAGS KYI DON

158b

MED DO, ,ZHES GSUNGS, SPONG TSUL LA YANG KHA CIG GIS, BDEN 'DZIN CHUNG NGU SKOR GSUM MED ZER NA, 'O NA, BDEN 'DZIN 'BRENG GI SKOR MED PAR THAL, BDEN 'DZIN CHUNG NGU MED PA'I PHYIR, RTAGS KHAS, KHYAB STE, 'BRING CHE CHUNG LA LTOS NAS 'JOG PA'I PHYIR, 'DOD MI NUS, YANG KHA CIG ,BDEN 'DZIN SKOR DGU MED ZER NA, 'O NA THEG DMAN GYI SGOM SPANG BDEN 'DZIN SKOR DGU MED PAR THAL, DAM BCA' 'THAD PA'I PHYIR, 'DOD NA, SKABS 'DIR NYAN THOS ZHUGS 'BRAS BRGYAD MED PAR THAL, PHYIR 'ONG 'TSE GCIG PAR CHAD GCIG PA MED PA'I PHYIR, RTAGS SONG, MA GRUB NA, DER THAL, 'DOD NYON CHUNG NGU SKOR GSUM DANG BDEN 'DZIN CHUNG DU SKOR GSUM MED PA'I PHYIR, KHYAB STE, BAR CHAD GCIG PA DE YOD PA'I PHYIR, GONG DU 'DOD NA, ZHUGS 'BRAS BRGYAD PO DGE 'DUN DKON MCHOG MA YIN PAR THAL, 'DOD PA'I PHYIR 'DOD MI NUS TE, SKYABS 'GRO BDUN CU PA LAS, SKYES BU GANG ZAG ZUNG BZHI PO, ,MI PHYED DGE 'DUN ZHES BSHAD DO, ,ZHES GSUNGS PA'I PHYIR, BYAS PA LA KHO NA RE, LAM ZHUGS SO SKYE YANG SLOB PA YIN PAR THAL, DE DANG DGRA BCOM MA YIN PA'I 'PHAGS PA GNYIS KA SLOB PAR THOGS MED BZHED PA'I PHYIR NA SKABS 'DIR MA KHYAB, RGYUD BLA THOGS 'GREL LAS, SLOB PA NI RNAM PA GNYIS TE SO SO'I SKYE BO DANG 'PHAGS PA'O, ,ZHES GSUNGS PA'I PHYIR, RTZA BAR 'DOD MI NUS TE, SO SKYE RNAMS SLOB MI SLOB GANG YANG MA YIN PA'I PHYIR TE, SKYABS 'GRO LAS, GANG ZHIG 'PHAGS LAM MA SKYES PA'I, ,BYIS RMONGS SO SO SKYE BO DAG, DE NI SLOB DANG MI SLOB PA, ,MIN ZHES BSTAN CHOS LAS BSHAD DO, ,ZHES GSUNGS PA'I PHYIR, YANG KHA

159a

, ,CIG; BDEN 'DZIN CHUNG NGU SKOR GSUM DANG SHES SGRIB CHEN PO SKOR GSUM GNYIS CIG CAR DU SA BRGYAD PA'I BAR CHAD MED LAM GYIS SPONG ZER BA MI 'THAD PAR THAL, NYON MONGS MA SPANGS PAR DU SHES SGRIB SPONG BA'I MGO MI RTZOM PA'I PHYIR TE, RNAM BSHAD LAS, NYON MONGS THAMS CAD MA ZAD PAR DU SHES SGRIB MI SPONG BA'I PHYIR, SHES SGRIB NI DAG PA SA GSUM GYI GNAS SKABS SU SPONG NGO, ZHES GSUNGS PA'I PHYIR, YANG KHA CIG, SA BDUN PA'I TSE NYON MONGS MNGON GYUR DU 'BYUNG ZER BA DANG, LA LAS BAR CHAD GCIG PA'I RIGS PAS, BYANG SEMS KYI LAM GYI TSE YANG BDEN 'DZIN CHUNG NGU'I 'BRING DANG CHUNG NGU GNYIS KA'I SKABS SU MNGON GYUR DU 'BYUNG ZER BA GNYIS MI 'THAD PAR THAL, NYAN THOS KHA CIG LA DE LTAR SRID KYANG BYANG SEMS LAM GYI SKABS SU DE LTAR MI SRID PA'I PHYIR, DER THAL, SA BDUN PA'I TSE NYON MONGS MNGON GYUR DU MI 'BYUNG BAS NYON MONGS DANG BCAS PA'I THA SNYAD MI RUNG LA SA BON MA SPANGS PA DANG, SANGS RGYAS THOB 'DOD LTA BU'I RNAM GRANGS KYI NYON MONGS YOD PAS NYON MONGS MED PA'I THA SNYAD MI BYED PA'I PHYIR TE, SA BCU PA'I MDO LAS, SA BDUN PA 'DI LA GNAS PA'I BYANG CHUB SEMS DPA' NI 'DOD CHAGS LA SOGS PA NYON MONGS PA'I TSOGS THAMS CAD LAS KYANG SHIN TU 'DAS TE, ZHES PA NAS, NYON MONGS PA RNAMS KUN TU MI 'BYUNG BAS NYON MONGS PA DANG BCAS PA ZHES MI BYA'O, ,DE BZHIN GSHEGS PA'I YE SHES MNGON PAR 'DOD PA DANG, BSAM PA YONGS SU MA RDZOGS PAS NYON MONGS MED PA ZHES KYANG MI BYA'O, ZHES

159b

GSUNGS PA'I PHYIR, YANG SNGA MA KHA CIG GIS, SA BRGYAD PA'I SKABS SU DGRA BCOM DANG MYANG 'DAS THOB PAR 'DOD PA LA, SNGA MA LA LA NA RE, DE 'DRA'I SA BRGYAD PA PA CHOS CAN, DGRA BCOM PA MA YIN PAR THAL, THEG CHEN DGRA BCOM DANG THEG DMAN DGRA BCOM GANG YANG MA YIN PA'I PHYIR NA MA KHYAB, DE LA 'O NA, NYAN RANG DGRA BCOM GYI RTOGS PA SNGON DU SONG BA'I BYANG SEMS TSOGS LAM PA CHOS CAN, DGRA BCOM MA YIN PAR THAL, THEG CHEN DGRA BCOM DANG THEG DMAN DGRA BCOM GANG RUNG MA YIN PA'I PHYIR, KHYAB PA KHAS, RTAGS GRUB STE, CHOS CAN DE'I PHYIR, 'DOD MI NUS TE, THAR PA THOB ZIN PA'I GANG ZAG YIN PA'I PHYIR, DER THAL, CHOS CAN DE'I PHYIR, GZHAN YANG SA BRGYAD PA PA DE THEG CHEN DGRA BCOM MIN KYANG THEG CHEN DGRA BCOM KYI KHONGS SU GTOGS PA MA YIN PAR THAL, KHYOD KYI DAM BCA' 'THAD PA'I PHYIR, 'DOD NA, DE SANGS RGYAS DKON MCHOG GI KHONGS SU MI GTOGS PAR THAL, 'DOD PA'I PHYIR, 'DOD MI NUS TE, 'KHOR SGYUR GYI SRAS MTSAN DPE DANG LDAN PA'I GZHON NU DE 'KHOR SGYUR MIN KYANG, DE'I KHONGS SU GTOGS PA BZHIN YIN PA'I PHYIR TE, SKYABS GSUM BDUN CU PA LAS, 'DI DAG DKON MCHOG GSUM GZHAN MIN, ,SANGS RGYAS KHONGS SU GTOGS PAR 'DOD, ,CES GSUNGS PA'I PHYIR, 'DI DGE 'DUN DKON MCHOG MA YIN PAR THAL; DAM BCA' 'THAD PA'I PHYIR NA MA KHYAB, 'DOD MI NUS TE, TSIG GSAL DU SA DANG PO NAS DGE 'DUN DKON MCHOG GI KHONGS SU GTOGS PAR BSHAD PA'I PHYIR RO, ,GNYIS PA RANG LUGS NI, GZHAN RNAMS SNGAR BSHAD PAS RTOGS SLA, 'KHOR

160a

, ,BA'I SDUG BSNGAL SPANGS PA TZAM GYI THAR BA THOB PA LA GTZO BOR BAR DU GCOD PA'I SGRIB PA'I RIGS SU GNAS PA NYON SGRIB KYI MTSAN NYID, DE LA DBYE NA, NYON SGRIB KUN BTAGS DANG LHAN SKYES GNYIS YOD, GRUB MTHAS BSLAD PA'I DBANG GIS BYUNG BA'I NYON MONGS MTSUNGS LDAN PA DANG DE SKYED PA'I SA BON CI RIGS DE DE KUN BTAGS KYI MTSAN NYID, MTSAN GZHI RANG SKYA THUB PA'I RDZAS YOD 'THAD SNYAM PAS DRANGS PA'I DUG GSUM KUN BTAGS DANG, BDEN GRUB 'THAD SNYAM BAS DRANGS PA'I DUG GSUM KUN BTAGS GNYIS YIN, GRUB MTHAS BSLAD PA LAM LTOS BAR THOG MED NAS BRGYUD DE 'ONGS PA'I BAG CHAGS TZAM LAS SKYES PA'I NYON MONGS MTSUNGS LDAN PA'AM, DE'I SA BON GANG RUNG YIN PA DE DE LHAN SKYES KYI MTSAN NYID, MTSAN GZHI GRUB MTHAS MA BSLAD PA'I BDAG 'DZIN PHRA RAGS GNYIS KAS DRANGS PA'I DUG GSUM SOGS NYON MONGS THUN MONG BA DANG THUN MONG MA YIN PA GNYIS GNYIS YOD DE, STONG THUN LAS, DE LTAR NYON MONGS CAN GYI MA RIG PA'I 'JOG LUGS MI MTHUN PA'I DBANG GIS NYON MONGS PA GZHAN RNAMS KYI RNAM BZHAG LA YANG MI MTHUN PA'I KHYAD PAR CHEN PO YOD DE, 'DI LTAR GANG ZAG RANG SKYA THUB PA'I RDZAS YOD DU 'DZIN PA'I 'JIG LTA DANG, DE'I DBANG GIS BYUNG BA'I RTZA NYON DRUG DANG NYE NYON NYI SHU LA SOGS PA, ZHES PA NAS, DE'I PHYIR 'DOD CHAGS DANG, ZHE SDANG DANG, NGA RGYAL DANG SRED PA LA SOGS PA NYON MONGS PA RE RE LA YANG GANG ZAG RANG SKYA THUB PA'I RDZAS YOD DU 'DZIN PA LA BRTEN NAS BYUNG BA DANG, DE LA MA LTOS PAR

160b

BDEN 'DZIN TZAM GYI DBANG GIS BYUNG BA GNYIS YOD PAS, ZHES GSUNGS PA'I PHYIR, NYON SGRIB KUN BTAGS DANG LHAN SKYES GNYIS RE RE LA YANG MNGON GYUR DANG SA BON GNYIS GNYIS YOD, NYON SGRIB GANG DMIGS RNAM 'DZIN PA'I BLO, ,NYON SGRIB MNGON GYUR GYI MTSAN NYID, MTSAN GZHI BDEN 'DZIN DANG RDZAS YOD DU 'DZIN PA'I MA RIG PA LTA BU, NYON SGRIB GANG DMIGS RNAM MI 'DZIN KYANG DE'I NYER LEN BYED PA'I NUS PA'I NGO BO DE, NYON SGRIB SA BON PA'I MTSAN NYID, MTSAN GZHI CHAGS BRAL BA'I RGYUD KYI 'DOD PA'I DUG GSUM DANG, GZUGS GZUGS MED 'GRUB PA'I DUG GSUM LKOG GYUR PA LTA BU, NYON MONGS PA'I BAG LA NYAL DANG NYON MONGS SA BON RNAMS DON GCIG LA DE NYON SGRIB KYANG YIN TE, THOGS 'GREL LAS, DE LA 'JIG RTEN PA'I 'DOD CHAGS DANG BRAL PA'I RGYUD LA YOD PA'I NYON MONGS PA, ZHES PA NAS, DE DAG NI 'DOD CHAGS DANG ZHE SDANG DANG GTI MUG GI BAG LA NYAL GYI MTSAN NYID CES BYA'O, ,ZHES GSUNGS PA'I PHYIR, BLO GCIG GIS DUS GCIG LA SHES BYA BDEN PA GNYIS KA MNGON SUM DU RTOGS PA LA GTZO BOR BAR DU GCOD PA'I SGRIB PA'I RIGS GNAS DE SHES SGRIB KYI MTSAN NYID, SHES SGRIB DANG THOGS SGRIB DON GCIG, SGRA BSHAD SHES BYA KUN YONGS SU GCOD PA SGRIB PAS NA SHES SGRIB DANG, SHES BYA KUN LA THOGS PA MED PAR 'JUG PA LA YONGS SU SGRIB PAS THOGS SGRIB CES BYA STE, DANG PO NI, RANG 'GREL LAS, DE LAM RIG PA'I BAG CHAGS NI SHES BYA YONGS SU GCOD PA'I GEGS SU GYUR PA YIN LA, ZHES BYUNG, GNYIS PA NI, RGYUD BLA MA LAS, SHES BYA'I SGRIB KUN

161a

, ,DAG PA'I PHYIR, ,THAMS CAD DU NI THOGS PA MED, ,CES DANG, THOGS 'GREL LAS, JI LTAR YOD PA NYID KYIS SHES BYA'I DNGOS PO MTHA' MED PA'I YUL CAN GYI PHYIR THOGS PA MED PA YIN NO, ZHES SO, ,SHES SGRIB LA DBYE NA MNGON GYUR PA DANG, SA BON GNYIS, DE GANG DMIGS RNAM 'DZIN PA'I SGRIB PA DE, SHES SGRIB MNGON GYUR PA'I MTSAN NYID, MTSAN GZHI DGRA BCOM PA DANG DAG SA'I BYANG SEMS RGYUD KYI MA RIG PA DAG DANG, BDEN SNANG GI CHA LTA BU MTSAN GZHI DNGOS DANG, DGRA BCOM PAS KYANG SPANG DGOS PA'I MA DAG SA BDUN GYI KUN RMONGS BCU BZHI SHES SGRIB RJES MTHUN PAR BYA, DMIGS RNAM MI 'DZIN PA'I SHES SGRIB DE, SHES SGRIB SA BON PA'I MTSAN NYID, MTSAN GZHI DNGOS NI, DUG GSUM GYI SA BON LAS GZHAN PA'I DE'I BAG CHAGS RNAMS DANG, DE 'DRA'I LUS NGAG YID GSUM GYI BAG CHAGS GNAS NGAN LEN PHRA MO RNAMS YIN, RJES MTHUN PA SA BCU'I NGOS SKAL GYI SPANG BYA'I RMONGS PA NYI SHU'I SA BON DANG GNAS NGAN LEN BCU GCIG BZHAG DGOS SAM DPYAD, 'DI DAG GI SHES BYED DANG SGRUB BYED RGYAS PAR STONG THUN LAS SHES DGOS SO, ,GTZO BOR 'GOG SNYOMS LA CI DGAR SNYOMS PAR 'JUG PA LA BAR DU GCOD PA'I SGRIB PA'I RIGS GNAS DE, SNYOMS 'JUG GI SGRIB PA'I MTSAN NYID, 'DI LA YANG MNGON GYUR PA DANG SA BON GNYIS YOD PAR MNGON, MTSAN GZHI BYING RGOD GNYIS LTA BU DANG, DE'I BAG CHAGS SAM LUS SEMS KYI GNAS NGAN LEN 'GOG SNYOMS LA SNGAR LTAR SGRIB PA LTA BU, RGYUD BLA MA LAS,

161b

GNYIS MED LAS SU RUNG BA'I PHYIR, ,RTZUB PA'I REG DANG BRAL BA YIN, ZHES DANG, MDZOD LAS, 'GOG THOB GNYIS KA LAS RNAM GROL, ZHES GSUNGS PA'I PHYIR, SGRIB PA LA SGRAS BRJOD DANG DNGOS KYI DBYE BA DU MA YOD CING DGOS PA SO SOR YOD DE, SGRIB PA LA THEG PA CHE CHUNG GI THOB BYA'I GTZO BO LA SGRIB TSUL SGO NAS NYON SGRIB SHES SGRIB GNYIS DANG, STOBS BCU LA DNGOS BRGYUD CI RIGS SU SGRIB PA'I SGO NAS NYON MONGS SHES BYA SNYOMS 'JUG GI DE GSUM DANG, THAR PA DANG THAMS CAD MKHYEN PA DANG, DE GNYIS KYI LAM GYI SKABS SU 'GOG PA'I SNYOMS 'JUG KHYAD PAR CAN LTA BU LA SGRIB PA'I SGO NAS KYANG DE GSUM DANG, THEG CHEN GYI CHOS LA MOS PA DANG, LHAG PA'I SHES RAB DANG, TING 'DZIN DANG, SNYING RJE BZHI LA MI MTHUN PHYOGS KYI SGRIB PA'I SGO NAS 'DOD CHEN PA'I DANG, MU STEGS PA'I DANG, NYAN THOS PA'I DMAN PA'I DANG, RANG SANGS RGYAS KYI DMAN PA'I SGRIB PA BZHI BZHAG PA SOGS YIN PA'I PHYIR, DANG PO GRUB STE, DE LTAR BZHAG CING GRANGS NGES YANG PHUNG GSUM SEL BYED MA YIN PA'I PHYIR, DBUS MTHA' RTZA 'GREL DANG 'JUG BA RTZA 'GREL GYI DON GRUB PA'I PHYIR, GNYIS PA GRUB STE, RGYUD BLA MA LAS, STOBS SOGS RNAMS LAS STOBS DRUG DANG, ,GSUM DANG GCIG GIS RIM PA BZHIN, ,SHES BYA SNYOMS PAR 'JUG PA DANG, ,BAG CHAGS BCAS PA KUN BSAL BAS, ZHES GSUNGS PA'I PHYIR, GSUM PA GRUB STE, RGYUD BLA MA LAS, NYON MONGS SHES BYA SNYOMS 'JUG GI ,SGRIB GSUM LAS NI NGES GROL TE, ZHES GSUNGS PA'I PHYIR, BZHI PA GRUB STE, DE BZHI'I MTSAN GZHI RIM PA BZHIN DU, CHOS LA KHRO BA DANG, BDAG LTA DANG, GZHAN DON GYI SDUG

162a

, ,BSNGAL GYIS 'JIGS PA DANG, SEMS CAN GYI DON LA MI LTOS PA BZHI RIM BZHIN YIN PA GANG ZHIG ,DE BZHI'I GNYEN PO RIM BZHIN DU BYANG SEMS KYIS THEG CHEN LA MOS PA SGOM PA DANG, SHER PHYIN SGOM PA DANG, NAM MKHA' MDZOD LA SOGS PA'I TING 'DZIN SGOM PA DANG, SNYING RJE CHEN PO SGOM PA BZHIR BZHAG PA'I PHYIR, DANG PO GRUB STE, RGYUD BLA MA LAS, CHOS LA KHONG KHRO BDAG LTA DANG, ,'KHOR BA'I SDUG BSNGAL GYIS 'JIGS DANG, ,SEMS CAN DON LA LTOS MED NYID, ,'DOD CHEN MU STEGS NYAN THOS DANG, RANG BYUNG RNAMS KYI SGRIB RNAM BZHI, ,ZHES GSUNGS PA'I PHYIR, 'DI'I PHYI MA GNYIS DMAN SGRIB YIN NO, ,GNYIS PA GRUB STE, RGYUD BLA MA LAS, CHOS MOS LHAG PA'I SHES RAB DANG, ,TING 'DZIN SNYING RJE LAS BYUNG BA, ZHES GSUNGS PA'I PHYIR, SKABS 'DIR SPANG BYA NYON SGRIB DBYE TSUL LA, SGOM SPANG BDEN 'DZIN CHEN PO DANG, 'BRING DANG CHUNG DU GSUM RE RE LA YANG THEG DMAN LAM LA LTOS NAS GSUM PHYE BAS SGOM SPANG SKOR DGU SGOM LAM BAR CHAD MED LAM DGU'I NGOS SKAL DU SO SOR 'JOG PA SOGS YIN PA'I PHYIR, THEG CHEN LAM LA LTOS NAS SGOM SPANG BDEN 'DZIN SKOR BDUN LAS MI BYED DE, CHE 'BRING LA SKOR DRUG PHYE BAS BDUN PA MAN CHAD KYIS SPONG BA GANG ZHIG, CHUNG DU LA DE LTAR MI DGOS PAR SPONG BA'I PHYIR, DANG PO GRUB STE, RNAM BSHAD LAS, SGOM SPANG LHAN SKYES CHE 'BRING DRUG SA GNYIS PA NAS BDUN PA'I BAR GYIS SPONG BAS, ZHES GSUNGS PA'I PHYIR, RTAGS GNYIS PA GRUB STE, SA BDUN PA MAN CHAD DU BSKAL PA 'BUM LA SPONG MI

162b

THUB PA YANG BA 'DIS SKAD CIG LA SPONG THUB PA'I PHYIR, DER THAL, DE'I RGYU MTSAN SA 'DIR 'BAD RTZOL RAGS BZHI BA'I MDZAD PA LHUN GRUB YOD PA'I RGYU MTSAN GIS YIN PA'I PHYIR TE, DPER NA GRU BO CHE RGYA MTSOR MA PHYIN GONG DU DKA' LA PHYIN NAS NYIN RE LA YANG LO BRGYA'I LAM BGROD THUB PA LTA BU YIN PA'I PHYIR TE, MDO LAS, LHUN GYIS GRUB PA'I YE SHES KYIS YUD TZAM GCIG LA THAMS CAD MKHYEN PA'I YE SHES CI TZAM NON PA DE NI SNGON GYI CHED DU BYA BA'I LAS KYIS BSKAL PA 'BUM DU YANG DE SNYED DPAG TU MED PA GNON PAR MI NUS SO, ZHES GSUNGS PA'I PHYIR, SHES SGRIB LA CHE 'BRING GNYIS DANG CHUNG DU GNYIS DANG BZHI LAS MI BYED DE, SA BRGYAD PAR NYON MONGS SPANGS RJES SU, SHES SGRIB CHEN PO'I DNGOS GNYEN SA BRGYAD PA'I DKYIL STOD KYI BAR CHAD MED LAM GYIS SPONG, 'BRING DANG DGU PA'I DE SBYOR, CHUNG DU'I CHEN PO DANG BCU PA'I THOG MA'I BAR CHAD MED LAM SBYOR, CHUNG NGU'I CHUNG NGU DANG RGYUN MTHA'I BAR CHAD MED LAM SBYOR BA'I PHYIR, GSUM PA RTZOD SPONG LA KHO NA RE, SA BRGYAD PA'I BAR CHAD MED LAM GYI SPANG BYA BDEN 'DZIN CHUNG NGU LA SKOR GSUM MED PAR THAL, BAR CHAD MED LAM DE LA LTOS NAS SKOR GSUM MED PA'I PHYIR NA MA KHYAB, RTAGS GRUB STE, BAR CHAD MED LAM GCIG LAS MED PAS DE'I SGO NAS GSUM DBYE RGYU MED PA'I PHYIR; 'DOD NA, 'O NA BAR CHAD MED LAM LA MA LTOS PAR DE'I SPANG BYA LA CHUNG 'BRING CHEN PO'I CHA GSUM DBYER MED PAR THAL, 'DOD PA'I PHYIR, 'DOD NA, DUG GSUM GYI SPYOD PA NYI KHRI CHIG STONG RE SO SOR DBYE MI THUB PAR THAL, BAR CHAD MED LAM

163a

, ,DE SNYED MED PA'I PHYIR, RTAGS SLA, KHYAB PA KHAS, 'DOD MI NUS TE, BLO GROS MI ZAD PA'I MDO DANG DKON MCHOG SPRIN SOGS NAS DE YOD PAR BSHAD PA'I PHYIR, YANG KHO NA RE, NYON SGRIB LHAN SKYES CHOS CAN, DE MTSUNGS LDAN PA YIN PAR THAL, DE GANG RUNG GANG ZHIG, SA BON PA MA YIN PA'I PHYIR NA MA KHYAB STE, GO THOB BYAS LA KHO RANG LA, KA BUM GANG RUNG CHOS CAN, KA BA DANG GCIG PAR THAL, KA BUM GANG RUNG DANG GCIG GANG ZHIG, BUM PA DANG GCIG MA YIN PA'I PHYIR, 'KHOR GSUM, DES KUN BTAGS SOGS LA RTZOD SPONG RIGS 'DRA'O, ,YANG KHO NA RE, SA BRGYAD PA PA DGRA BCOM YIN PAR THAL, DE'I RNAM GROL LAM PA PAS MYANG 'DAS THOB PA'I PHYIR TE, RANG 'GREL LAS, DE DE NYID KYI TSE YONGS SU MYA NGAN LAS 'DA' BAR 'GYUR TE, ZHES GSUNGS PA'I PHYIR DANG, 'DI KHAMS GSUM LAS 'DOD CHAGS DANG BRAL BA NYID SRID PA YIN TE, ZHES GSUNGS PA'I PHYIR NA MA KHYAB STE, 'DIS DE'I TSE 'DOD CHAGS MA SPANGS NA MDO LAS MYA NGAN LAS 'DA' BAR GSUNGS MI RIGS PAR BSHAD PA TZAM YIN PA'I PHYIR, DE'I MJUG TU, RANG 'GREL LAS, 'DOD CHAGS DANG MA BRAL BA LA MYA NGAN LAS 'DAS PA THOB PA SRID PA MED PA'I PHYIR RO, ZHES GSUNGS PA'I PHYIR, DE LAS GZHAN DU NA 'O NA SA BRGYAD PA PAS DE'I TSE MYANG 'DAS DE MNGON DU MDZAD PAR THAL, KHYOD KYI RIGS PA 'THAD PA'I PHYIR, 'DOD NA, DE'I TSE RGYAL BA RNAMS KYIS MNGON DU MDZAD PA DE MA BKAG BAR THAL, 'DOD PA'I PHYIR, KHYAB CIG, 'DOD MI NUS TE, DE MA BKAG NA DE MNGON DU MDZAD RGYU YIN KYANG BKAG PAR MDZAD BA'I PHYIR TE, RTZA BAR, RGYAL

163b

BA RNAMS KYIS 'GOG LAS SLONG BAR MDZAD, ,CES DANG, MDO LAS, MA MDZAD DU ZIN NA, DE DE NYID KYI TSE YONGS SU MYA NGAN LAS 'DA' BAR 'GYUR TE, ZHES GSUNGS PA'I PHYIR, 'DI DGRA BCOM PAR MI 'DOD PA MANG BA'I LUGS BYAS LA, GAL TE DGRA BCOM PAR 'DOD TSE MYANG 'DAS THOB KYANG NYAN RANG LTAR DE MNGON DU BYED PA BKAG BYAS NA LEGS SO, ,YANG KHA CIG, DE'I TSE MA BKAG NA THEG DMAN DU LTUNG ZER NA, 'O NA, SHER MDO LAS DE LTAR MA BKAG NA BAR MDOR YONGS SU MYA NGAN LAS 'DA' BAR 'GYUR GSUNGS PA MI 'THAD PAR THAL, DAM BCA' 'THAD PA'I PHYIR, 'DI LTAR LUNG RIGS DU MAS BSHAD PA GRAGS 'DOD SOGS MA YIN GYI, MDO DANG SHING RTA CHEN PO DAG GI GZHUNG LA BLO GROS RGYAS SHING DKA' GNAD KYI GRANGS NGES 'BYED PA LA ZLA MED PA'I MKHAS PA MANG PO SHOG CIG GU SNYAM NAS DANG RANG NYID BAG CHAGS BZANG BA'I CHED DU BRIS PAS RJE YAB SRAS KYI RJES 'JUG MTHA' DAG GI RGYAN DU PHUL BA LAGS SO, ,RTZA BAR, SBYIN SOGS CHOS GSUM DE DAG PHAL MO CHER, ,ZHES SOGS SKABS SU MTHA' DPYAD PA LA KHA CIG NA RE, PHAR PHYIN DANG PO GSUM BSOD NAMS KYI TSOGS DANG, PHAR PHYIN PHYI MA GNYIS YE SHES KYI TSOGS DANG BRTZON 'GRUS TSOGS GNYIS KAR GTOGS PA KHO NA ZER NA, BDAG MED PA'I CHOS LA NGES SEMS KYI BZOD PA'I PHAR PHYIN CHOS CAN; BSOD NAMS KYI TSOGS SU THAL, DANG PO GSUM GANG RUNG YIN PA'I PHYIR, RTAGS KHAS, KHYAB PA KHAS, 'DOD MI NUS TE, YE SHES KYI TSOGS YIN PA'I PHYIR, CHOS CAN DE'I PHYIR DANG, BAR BA GSUM LA TSOGS GNYIS KA'I CHA YOD PA'I

164a

, ,PHYIR TE, MDO SDE RGYAN LAS, SBYIN DANG TSUL KHRIMS BSOD NAMS KYI, ,TSOGS YIN SHES RAB YE SHES KYI, ,GSUM PO GZHAN NI GNYIS KA STE, ,LNGA CHAR YANG NI YE SHES TSOGS, ZHES GSUNGS PA'I PHYIR, YANG KHA CIG, BSAM GTAN YE SHES KYI TSOGS KHO NA ZER NA, 'O NA, BDAG MED PHRA RAGS KYI LTA BAS MA ZIN PA'I BSAM GTAN GYI PHAR PHYIN CHOS CAN, DER THAL, DE'I PHYIR, KHYAB PA KHAS, RTAGS GRUB STE, STONG NYID RTOGS PA'I GANG ZAG GI RGYUD KYI DE DAG LA DES ZIN BAS MA KHYAB PA'I PHYIR, 'DOD MI NUS TE, DE 'DRA'I PHAR PHYIN DANG PO LNGA BSOD NAMS KYI TSOGS YIN PA'I PHYIR TE, RGYUD BLA MA LAS, BSOD NAMS PHA ROL PHYIN PA LNGA, ZHES GSUNGS PA'I PHYIR, RANG LUGS YOD DE, MKHAS GRUB CHEN PO NYAN SH'AKA PAS MDZAD PA'I CHOS DBYINGS BSTOD PA'I t'IKKA LTA NGAN MUN SEL LAS, DE LA RGYUD MAS NI STONG NYID RTOGS PA'I LTA BAS MA ZIN PA'I PHAR PHYIN LNGA'I DBANG DU BYAS LA, 'JUG PAS NI DANG PO GSUM GTZO CHE BA DANG, BSAM GTAN YE SHES KYI TSOGS KHYAD PAR CAN GI RTEN DU BYAS LA ,MDO SDE RGYAN GYIS NI DANG PO GNYIS DANG PHYIR TSO GNYIS TSOGS KYI NGO BO'I DBANG DU BYAS SHING, BAR PA GSUM LA TSOGS GNYIS KA YOD PA'I DBANG DU BYAS SO, ZHES GSUNGS PA LTAR YIN PA'I PHYIR, SMRAS PA, SHES SGRIB SREG PA'I MNYAM BZHAG 'OD RNO YANG, ,BZOD PA'I BDUD RTZI MCHOG TU BSIL 'BAB BA'I, ,'OD BYED RGYAL SRAS SNYOMS 'JUG DKYIL 'KHOR GYI, ,'PHRUL BRGYA'I 'OD KYIS THUB BSTAN GLING BZHI GSAL, ,ZHES PA'ANG

164b

BAR SKABS KYI TSIGS SU BCAD PA STE, SEMS BSKYED GSUM PA'I DKA' GNAS BSHAD ZIN TO,, ,,SA BZHI PA 'OD 'PHRO 'CHAD PA LA MING DON DANG, SA'I YON TAN DANG, SPANGS PA'I KHYAD PAR BSHAD PA GSUM, DANG PO NI, RTZA BAR, YON TAN MA LUS BRTZON 'GRUS RJES 'GRO ZHING, ,SOGS TSIGS BCAD GCIG BYUNG, GNYIS PA NI GO SLA, GSUM PA NI, RTZA BAR, RANG DU LTA BA DANG 'BREL YONGS SU ZAD, ,CES GSUNGS, MTHA' DPYAD PA LA KHA CIG NA RE, RANG SKYA THUB PA'I RDZAS YOD DU 'DZIN PA'I 'JIG LTA LHAN SKYES MED ZER NA, 'O NA SA BCU PA LAS, SA 'OD 'PHRO BA 'DI LA GNAS PA'I BYANG CHUB SEMS DPA' DE 'JIG TSOGS LA LTA BA SNGON DU 'GRO BA'I BDAG DANG, SEMS CAN DANG, SROG DANG, GSO BA DANG, SKYES BU DANG, GANG ZAG DANG, ZHES SOGS KYI DNGOS BSTAN GYI RANG SKYA THUB PA'I RDZAS YOD KYI BDAG DANG SEMS CAN SOGS SU LTA PA'I BDAG 'DZIN CHOS CAN, SGOM SPANG MA YIN PAR THAL, DE 'DRA GANG ZHIG, LHAN SKYES MA YIN PA'I PHYIR, RTAGS GNYIS PA KHAS, DANG PO GRUB STE, DE YOD PA'I PHYIR, 'DOD NA; SA BZHI PA'I NGOS SKAL GYI SPANG BYA MA YIN PAR THAL, SGOM SPANG MA YIN PA'I PHYIR, RTAGS KHAS, 'DOD NA, MDO DANG RTZA BA GNYIS KA MI 'THAD PAR THAL, 'DOD PA DE'I PHYIR TE, RNAM BSHAD LAS, MDO LAS KYANG 'JIG LTA LHAN SKYES YOD PAR BSTAN NO, ZHES GSUNGS PA'I PHYIR, YANG KHA CIG NA RE, SA 'DIR 'JIG LTA RAGS PA LHAN SKYES DE ZAD PAR THAL, MDO DANG RTZA BA'I LUNG DON GRUB PA'I PHYIR NA MA KHYAB STE, DES 'DI'I SPANG BYA LA DGONGS PA'I PHYIR, RTZA BAR 'DOD MI NUS TE, NYON SGRIB MA SPANGS PAR DU MI 'DZAD PA'I PHYIR TE, RNAM

165a

, ,BSHAD LAS, ZAD PA'I DON YANG SA DE'I SPANG BYAR GYUR PA'I BDAG 'DZIN GNYIS KYI SA BON SPANGS PA YIN GYI THAMS CAD ZAD PA MA YIN NO, ZHES GSUNGS PA'I PHYIR, BYAS PA LA KHO NA RE, 'O NA, RANG RGYU BDAG 'DZIN PHRA MO LA MA LTOS PAR THOG MA NAS NGA'O SNYAM DU RANG SKYA THUB BA'I RDZAS YOD DU 'DZIN PA'I 'JIG LTA YOD PAR THAL, DE RAGS PA LHAN SKYES YOD PA DE'I PHYIR NA MA KHYAB, 'DOD MI NUS TE, THOG MAR PHRA BA'I NGA 'DZIN 'JIG LTA SKYE BA LA LTOS PA'I PHYIR TE, RNAM BSHAD LAS, PHRA BA'I 'JIG LTAS RANG STE BDAG TU LTA BA DANG 'BREL BA STE SNGON DU 'GRO BA'I BDAG DANG SEMS CAN SOGS RANG SKYA'I RDZAS YOD DU 'DZIN PA, ZHES DANG, MDO LAS KYANG, 'JIG TSOGS LA LTA BA SNGON DU 'GRO BA'I BDAG DANG SEMS CAN DANG, ZHES GSUNGS PA'I PHYIR; KHO NAR LA 'O NA, RANG RGYU 'JIG LTA LA MA LTOS PAR THOG MA NAS NGA RGYAL BA GCIG YOD BAR THAL, NGA RGYAL LHAN SKYES YOD BA'I PHYIR, 'KHOR GSUM KHAS, DE LA KHO NA RE, 'JIG LTA PHRA MO SKYES RES KYIS DE SKYE BAR THAL, DAM BCA' 'THAD BA'I PHYIR NA MA KHYAB CING, 'DOD MI NUS TE, DE RAGS PA SKYES NA PHRA MO SKYES PA SNGON DU SONG BAS KHYAB KYANG BZLOG PA LA MA KHYAB PA'I PHYIR RO, ,DE LA KHO NA RE, RANG RGYUD BA MAN CHAD KYIS 'DOD BA'I RANG SKYA THUB PA'I RDZAS YOD LHAN SKYES DE SKABS 'DIR YANG LHAN SKYES SU KHAS LEN PAR THAL, SKABS 'DIR YANG RANG SKYA THUB PA'I RDZAS YOD LHAN SKYES GCIG 'DOD PA'I PHYIR NA MA KHYAB, RTAGS GRUB STE, SNGAR BSGRUBS ZIN PA'I PHYIR, 'DOD NA, PHUNG PO DANG MTSAN NYID MI MTHUN PA'I RDZAS YOD 'DZIN PA'I

165b

LHAN SKYES YOD PAR THAL, RANG RGYUD PA MAN CHAD KYIS DE LAS PHRA BA'I LHAN SKYES MI SHES PA'I PHYIR TE, LEGS BSHAD SNYING PO LAS, GANG ZAG GI BDAG MED NI RANG SDE THEG PA CHE CHUNG GRUB MTHA' SMRA BA GZHAN GYI LTAR NA GANG ZAG PHUNG PO DANG MTSAN NYID MI MTHUN PA'I RANG SKYA THUB PA'I RDZAS SU MED PA TZAM LA 'DOD DE, ZHES PA NAS, DES NA RJE KHOL LTAR PHUNG PO DANG MTSAN NYID MI MTHUN PAR RANG SKYA BAR SNANG LA DE BZHIN DU YOD PAR ZHEN PA NI RDZAS SU YOD PAR 'DZIN PA'O, ZHES GSUNGS PA'I PHYIR, RTZA BA 'DOD MI NUS TO, PHUNG PO DANG MTSANG NYID MI MTHUN BAR 'DZIN PA'I LHAN SKYES MED KYANG PHUNG PO'I BDAG NYID CAN GYI RANG SKYA THUB PA'I RDZAS YOD DU 'DZIN PA'I LHAN SKYES YOD PA'I KHYAD PAR 'BYED DGOS PA'I PHYIR TE, RNAM BSHAD LAS, GANG ZAG RANG SKYA THUB PA'I RDZAS YOD DU 'DZIN PA NI GRUB MTHAS BLO MA BSGYUR BA LA YANG YOD MOD KYANG, PHUNG PO DANG MTSAN NYID MI MTHUN PA'I GZHAN DU YOD PAR 'DZIN PA NI GRUB MTHAS BLO MA BSGYUR BA LA MED DO, ZHES GSUNGS PA'I PHYIR, BYAS PA LA KHO NA RE, RANG RGYUD PA MAN CHAD KYI LUGS LA 'JIG LTA KUN BTAGS DANG LHAN SKYES GNYIS MED PAR THAL, 'DI BAS RANG RGYUD PA'I LHAN SKYES DE YANG MU STEGS BAS BRTAGS PA'I KUN BTAGS SU KHAS LEN PA'I PHYIR NA MA KHYAB, RTAGS GRUB STE, RTZA BAR, BDAG MED MTHONG CHE RTAG PA'I BDAG SPONG ZHING, ZHES SOGS DANG, DE'I DON LEGS BSHAD SNYING PO LAS, GZHAN YANG RANG SKYA THUB PA'I RDZAS YOD KYI BDAG DE NI PHYI ROL PAS PHUNG PO LAS DON GZHAN DU KUN BTAGS PA'I NANG GI BYED PA'I SKYES BU YOD PAR BZUNG PA'I YUL YIN LA, ZHES SOGS GSUNGS PA'I PHYIR, RANG LUGS LA,

166a

, ,'DI BAS LHAN SKYES RAGS PA'I RDZAS YOD DANG, RANG SDE GZHAN GYIS LHAN SKYES KYI RDZAS YOD DANG, RANG SDE KUN GYIS KUN BTAGS SU 'DOD PA'I RDZAS YOD GSUM GYI KHYAD PAR YOD DE, TSONG DPON TSONG BA LAS ZUR DU MI BKAR BA LTAR PHUNG PO LAS ZUR DU MI BKAR BAR PHUNG PO'I RANG BZHIN GYI PHUNG PO LA DBANG BSGYUR ZHING PHUNG PO TSUR BDAG LA LTOS KYANG BDAG PHAR LA MI LTOS PA TSONG DPON LTAR GRUB PA DE DANG PO DANG, DPER NA PHYUGS RDZIS PHYUGS LA DBANG BSGYUR BA DANG PHYUGS DANG MI MTHUN PA LTAR PHUNG PO DANG MTSAN NYID MI MTHUN PAR RJE LO LA LTAR DBANG BSGYUR BA POR GRUB PA DE GNYIS PA DANG, MI 'JIG PA'I RTAG PA DANG CHA MED PA'I GCIG BUR GRUB PA DE GSUM PA'I DON YIN PA'I PHYIR, 'DIS NI RANG SDE GZHAN GYI KUN BTAGS DANG LHAN SKYES SHES PAR SLA'O, ,'DI YANG KHO BO KHO NAS RJE YAB SRAS KYI LEGS BSHAR KYI DKA' BA'I PAD 'DAB LEGS PAR 'BYED PA'I BLO GROS KYI NYI MA'I 'OD ZER GYI CHA SHAS GCIG YIN NO, ,SMRAS PA, BRTZON PA'I BUM PA BRGYAR SKYES 'KHOR LO YIS, PHUN TSOGS YON TAN GLING BZHIR DBANG BSGYUR NAS, 'OD 'PHRO'I RNAM PAR RGYAL BA'I KHANG BZANG DU, ,LEGS GNAS LE LO'I LHA MIN BZLOG 'DI RMAD, CES PA'ANG BAR SKABS KYI TSIGS SU BCAD PA STE, 'OD 'PHRO'I SA'I DKA' GNAS BSHAD ZIN TO,, ,,SA LNGA PA BSHAD PA LA, SA'I NGES TSIG DANG, BSAM GTAN LHAG CING BDEN PA LA MKHAS PAR BSTAN PA GNYIS, DANG PO NI RKANG PA GNYIS KYIS BSTAN TE GO SLA, GNYIS PA NI, RTZA BAR, BSAM GTAN LHAG CING BLO BZANG BDEN RANG BZHIN, ,ZHIB

166b

LO RTOGS LA'ANG SHIN TU MKHAS PA 'THOB, CES PA RTZA 'GREL BYUNG, MTHA' DPYAD PA LA GSUM LAS, DANG PO LA KHA CIG NA RE, BDEN BZHI RAGS PA DANG BDEN BZHI PHRA BA GNYIS 'BYED MI THUB ZER NA, 'O NA, BDEN BZHI SO SO LA MNGON BA NAS BSHAD PA LTAR GYI BDEN BZHI SO SOS KHYAB PAR THAL, DAM BCA' 'THAD PA'I PHYIR, 'DOD MI NUS TE, 'DI LA MNGON PA GONG 'OG NAS MA BSHAD PA'I SDUG BDEN YOD PA GANG ZHIG, DE 'DRA'I KUN 'BYUNG YANG YOD, DE 'DRA'I 'GOG BDEN YANG YOD, DE 'DRA'I LAM BDEN YOD YOD PA'I PHYIR, RTAGS DANG PO GRUB STE, BDEN 'DZIN PHRA MOS THOG MA'I MA RIG PA BYAS PA'I 'PHANGS 'BRAS BDEN STONG SGYU MA LTA BU'I SDUG BDEN YOD PA'I PHYIR, KHYAB STE, MNGON PA GNYIS KYIS DE 'DRA MA BSHAD PA'I PHYIR TE, STONG NYID BDUN CU BA LAS, RGYU DANG RKYEN LAS SKYE DNGOS RNAMS, ,YANG DAG PAR NI RTOGS PA GANG, ,DE NI STON PAS MA RIG GSUNGS, ,DE LAS YAN LAG BCU GNYIS 'BYUNG, ZHES GSUNGS PA'I PHYIR, 'DIS RTAGS GNYIS PA YANG RTOGS SLA, GNYIS PA GRUB STE, BDEN 'DZIN DANG MTSUNGS LDAN GYI CHAGS SOGS NYON MONGS PA'I KUN 'BYUNG DANG DES DRANGS PA'I LAS KYI KUN 'BYUNG YOD PA'I PHYIR, KHYAB PA SLA, RTAGS GRUB STE, BZHI BRGYA PA LAS, LUS LA LUS DBANG JI BZHIN DU, ,GTI MUG KUN LA RTEN GYUR CING, ZHES DANG, DKON MCHOG SPRIN LAS, MA RIG PA 'GAG PAS MA RIG BA'I RKYEN LAS SKYES PA, MA RIG PA LAS BYUNG BA, MA RIG PA SNGON DU 'GRO BA, MA RIG PA LA BRTEN PA'I CHOS 'DI DAG 'GAG PAR 'GYUR RO, ,RIGS

167a

, ,KYI BU 'DI LTA STE, SROG GI DBANG PO 'GAGS NA DBANG PO LHAG MA RNAMS KYANG 'GAG BAR 'GYUR RO, ZHES GSUNGS PA'I PHYIR, RTAGS GSUM PA GRUB STE, SNGAR GYI SPYOD 'JUG DANG BSAM GTAN DPE MKHYUD SOGS KYI DON GRUB PA'I PHYIR, RTAGS BZHI PA GRUB STE, BDEN MED MNGON SUM DU RTOGS PA'I LAM BDEN SGYU MA LTA BU GRUB PA'I PHYIR, KHYAB PA SNGAR BZHIN SGRUB, RTZA SHE LAS KYANG, LAM LA RANG BZHIN YOD NA NI, ,SGOM PA 'THAD PAR MI 'GYUR RO, ZHES GSUNGS PA'I PHYIR, DES NA BDEN PA BZHI PHRA RAGS GNYIS GNYIS DGOS TE, RNAM BSHAD LAS, 'DIR BDEN PA RAGS PA DANG PHRA BA LA MKHAS PA'I, ZHES GSUNGS PA'I PHYIR, BYAS PA LA KHO NA RE, BDEN BZHI PHRA RAGS GNYIS GNYIS 'THAD KYANG KHYAD CHOS BCU DRUG LA PHRA RAGS GNYIS GNYIS MED ZER NA'ANG MI 'THAD PAR SNGAR BSHAD PAS SHES SLA, YANG KHA CIG, 'PHAGS PA'I BDEN PA'I SGRA DON GRUB MTHA' 'OG MA DANG MTHUN ZER NA, 'O NA, DE DAG 'PHAGS PA RNAMS KHO NA LA BDEN PAS NA 'PHAGS PA'I BDEN PA ZHES BSHAD RIGS PAR THAL, NYAN SA LAS, CI'I PHYIR 'PHAGS PA RNAMS KHO NA'I BDEN PA DAG YIN ZHE NA, ZHES SOGS LTAR BSHAD PA MANG BA'I PHYIR, KHYAB PA KHAS, 'DOD NA, BCOM LDAN 'DAS KYIS 'DUS BYAS THAMS CAD RDZUN PA SDU BA'I CHOS SO, ZHES GSUNGS PA MI 'THAD PAR THAL, 'DOD PA DE'I PHYIR, DE SKAD DU CHOS YANG DAG PAR SDUD PA LAS, BTZUN PA RAB 'BYOR BCOM LDAN 'DAS KYIS 'DUS BYAS THAMS CAD RDZUN PA SLU BA'I CHOS SO, ZHES MA GSUNG NGAM, ZHES SOGS GSUNGS

167b

PA'I PHYIR, DE LA KHO NA RE, DE MI 'THAD PAR THAL, 'PHAGS PA RNAMS LA BDEN PA YIN PAS 'PHAGS PA'I BDEN PAR RUNG LA 'PHAGS MIN KHO NA LA BDEN PA YIN NA 'PHAGS PA'I BDEN PA'I THA SNYAD MI 'THAD PA'I PHYIR, ZHES RTZOD TSUL NI, MDO SDE LAS, RIGS KYI BU SDUG BSNGAL 'PHAGS PA'I BDEN PA DANG, KUN 'BYUNG 'PHAGS PA'I BDEN PA DANG, 'GOG PA'I BDEN PA DANG, LAM GYI BDEN PA BZHI MED DAM, ZHES DANG, RIGS PA DRUG CU PA'I 'GREL PA LAS, GAL TE 'DI DAG 'PHAGS PA RNAMS LA BDEN PA YIN NA, DE'I TSE 'PHAGS PA'I BDEN PA DAG TU RIGS PAR 'GYUR RO, ,NAS, DE NI 'PHAGS PA'I THA SNYAD BRGYAD JI LTAR RIGS PAR 'GYUR, ZHES BYUNG, DE LA ZLA BA'I ZHABS KYI GSUNG LAS, BDEN BZHI DE DAG 'PHAGS PA RNAMS KHO NA'I THA SNYAD SGO NAS BDEN PA MA YIN PAR THAL, 'JIG RTEN GYI'ANG THA SNYAD SGO NAS KYANG BDEN PAR 'JOG DGOS PA'I PHYIR, DER THAL, DE BDEN PA 'PHAGS PA'I MNYAM BZHAG ZAG MED MA YIN PAR THA SNYAD PA'I ZAG BCAS YIN PA'I PHYIR TE, DE SKAD DU 'GREL PA DE NYID LAS, DE DAG NI 'PHAGS PA RNAMS KHO NA'I MA YIN TE, 'ON CI ZHE NA 'JIG RTEN GYI YANG YIN TE THA SNYAD DE DAG NI ZAG PA DANG BCAS PA YIN PA NYID KYI PHYIR RO, ZHES GSUNGS PA'I PHYIR, DE'I TSIG ZUR GYI 'PHAGS PA ZHES PA DE 'PHAGS PA'I DGE 'DUN KHO NA LA SBYAR MI DGOS PAR THAL, 'JIG RTEN GYI DNGOS PO LA YANG 'PHAGS PA'I SGRA 'DUG PA'I PHYIR, DER THAL, DE RANG GI NGO BO JI LTA BA BZHIN DU GNAS PA LAS MA 'DAS PAR KHYAD PAR DU GNAS PA DE'I SGO NAS 'PHAGS PA'I BRJOD PA'AM THA SNYAD THOB PA'I

168a

, ,PHYIR, DER THAL, A'ARYA ZHES PA 'JIG RTEN PA'I RJE RIGS SAM JO BO DANG, 'PHAGS PA'I SKAD CES PA LTA BU'I LEGS SBYAR GYI SKAD DANG, 'JIG RTEN PA'I SA LAS RING DU 'PHAGS PA GSUM KA LA 'JUG PA'I PHYIR TE, KA L'A PA LAS, A'ARYA RJE RIGS LA'O, ,ZHES GSUNGS PA'I PHYIR, DE SKAD DU 'GREL PA DE NYID LAS, DE'I PHYIR 'JIG RTEN GYI DNGOS PO LA LANG GANG GI RANG GI NGO BO JI LTA BA BZHIN DU GNAS PA LAS MA 'DAS PAR RNAM PAR GNAS PA DES NI 'PHAGS PA'I BRJOD PA 'THOB PO, , ZHES GSUNGS PA'I PHYIR, KHYAB STE, DE'I PHYIR ZHES PA'I 'PHAGS PA KHO NA'I MA YIN PAR 'JIG RTEN PA'I YANG YOD PA DE'I PHYIR ZHES PA DANG, 'JIG RTEN PA'I DNGOS PO LA YANG ZHES PAS THA SNYAD 'JUG GZHIR STAN NAS DE MAN CHAD KYIS 'JUG PA'I RGYU MTSAN STON LA RNAM PAR GNAS PA NI KHYAD PAR DU GNAS PA'I DON TE 'PHAGS PA'I DON YIN PA'I PHYIR RO, ,GZHAN YANG 'PHAGS PA ZHES PA LA 'PHAGS PA'I GANG ZAG BZHAG KYANG KHYOD LTAR BSHAD MI DGOS BAR THAL, DE LTAR BYAS KYANG BDEN PA DE 'PHAGS PA KHO NA LA SPYAR MI DGOS PA'I PHYIR, DER THAL, GANG LA DMIGS NA 'PHAGS BAR BYED PA'I BDEN PA DAG NI 'PHAGS PA'I BDEN PA ZHES BSHAD CHOG PA'I PHYIR, KHYAB STE, DE'I BDEN PA'I DON THA SNYAD DU DMIGS PA DE YOD PA TZAM LA BYAD BA'I PHYIR, 'GREL PA DE NYID LAS, YANG NA 'PHAGS PAR KHYED PA'I BDEN PA RNAMS NI 'PHAGS PA'I BDEN PA DAG GO ,ZHES DANG, GANG LA DMIGS PA DE YOD PA'O, ZHES GSUNGS PA'I PHYIR, GZHAN YANG 'PHAGS PA LA SBYAR YANG DE LA BSHAD TSUL GZHAN YANG

168b

YOD PAR THAL, 'PHAGS PAS BSTAN PA'I BDEN PA RNAMS YIN PAS NA 'PHAGS PA'I BDEN PA ZHES BSHAD CHOG PA'I PHYIR, DER THAL, DE'I BDEN PA'I DON YANG YOD PA TZAM GYIS CHOG PA'I PHYIR TE, 'GREL BA DE NYID LAS, YANG NA 'PHAGS BAS BSTAN PA'I BDEN PA RNAMS NI 'PHAGS PA'I BDEN PA DAG STE GANG LA DMIGS PA DE YOD PA'O, ,ZHES GSUNGS PA'I PHYIR, 'DIR YOD TZAM SGO NAS BDEN PA'I THA SNYAD RIGS PAR THAL, SDUG BDEN LA BDEN PAR 'DZIN PA LTAR THA SNYAD DU YANG MA GRUB PAS PHYIN CI LOG GI THA SNYAD GYID, DE NYID SDUG BSNGAL PAR 'DZIN PA LTAR KUN RDZOB TU BDAG NYID YOD PAS NA PHYIN CI MA LOG PA'I THA SNYAD RIGS PA'I PHYIR TE, 'GREL PA DE NYID LAS, DE LA PHYIN CI LOG NI BDE BA LA SOGS PA NYID DU 'DZIN PA, NAS, PHYIN CI MA LOG PA NI SDUG BSNGAL LA SOGS PA NYID DE 'DZIN PA STE, DNGOS PO DE KUN RDZOB TU BDAG NYID DER YOD PA NYID KYI PHYIR RO, ,ZHES GSUNGS PA'I PHYIR, YANG GCIG, SDUG BDEN PHRA RAGS KYI MI RTAG PA DANG SDUG BSNGAL LA PHRA RAGS MED PAS, RANG GI KHYAD CHOS STONG BDAG MED MNGON SUM DU RTOGS PA LA 'PHAGS LA MTHOB DGOS PA'I SDUG BDEN SDUG BDEN PHRA MO'I MTSAN NYID ZER NA, DE MI 'THAD PAR THAL, DE 'DRA'I STONG PA DAG MED GNYIS BDEN MED LA BYED PA MI RUNG BA GANG ZHIG, RANG SKYA THUB PA'I RDZAS YOD KYIS STONG BDAG MED LA BYED NA'ANG MI 'THAD PA'I PHYIR, DANG PO GRUB STE, SDUG BDEN PHRA RAGS GNYIS BDEN MED DU MNGON SUM DU RTOGS PA LA 'PHAGS LAM THOB DGOS PA LA KHYAD PAR MED PA'I PHYIR TE, MDO TING 'DZIN RGYAL PO LAS,

169a

, ,GCIG MTHONG NA NI THAMS CAD MTHONG, ,ZHES GSUNGS PA'I PHYIR, GNYIS PA GRUB STE, RANG GI PHUNG PO LNGA RDZAS YOD KYIS STONG PAR MNGON SUM DU RTOGS PA'I SO SKYE YOD PA GANG ZHIG, DE 'DRA'I SDUG BDEN PHRA MO GCIG YOD PA'I PHYIR, RTAGS GNYIS PA SLA, RTAGS DANG PO GRUB STE, DE LTAR MNGON SUM DU RTOGS NA DE'I STONG GZHI MNGON SUM DU RTOGS PAS MA KHYAB PA'I PHYIR, DER THAL, RNAM MKHYEN RANG SKYA THUB PAS STONG PAR MNGON SUM DU RTOGS PA'I SO SKYE YOD PA'I PHYIR, GZHAN YANG RAGS PA'I SDUG BDEN MI RTAG SDUG BSNGAL BAR MNGON SUM DU RTOGS NA, PHRA BA'I SDUG BDEN MI RTAG SDUG BSNGAL BAR MNGON SUM DU RTOGS PAS KHYAB PAR THAL, SDUG BDEN PHRA RAGS KYI MI RTAG PA DANG SDUG BSNGAL BA LA PHRA RAGS MED PA'I PHYIR, 'DOD NA, NYAN THOS SDE PAR GYUR PA'I MNGON PA NAS BSHAD PA'I MI RTAG SOGS MNGON SUM DU RTOGS PA'I SO SKYE CHOS CAN, DER THAL, DE'I PHYIR, KHYAB PA KHAS, RTAGS BSGRUBS ZIN, 'DOD NA, SDUG BDEN PHRA MO KHAS LEN PAR THAL, DE MI RTAG PAR MNGON SUM DU RTOGS PA'I PHYIR, RTAGS KHAS, 'DOD MI NUS TE, BDEN 'DZIN KUN 'BYUNG BDEN PA PHRA MOR MI 'DOD PA'I PHYIR, DER THAL, NYAN THOS SDE PA YIN PA'I PHYIR, DES BDEN BZHI LA RIGS PA 'GRE SLA, GNYIS PA RANG LUGS NI, RANG RGYU BDEN 'DZIN SOGS KUN 'GYUR BDEN PA PHRA MOS BSKYED PA'I SDUG BSNGAL BA'AM ZAG BCAS NYER LEN GYI PHUNG PO YIN PA DE, RANG NYID PHRA PA'I SDUG BDEN YIN PA'I MTSAN NYID, DE LTA BU'I TSUL GYIS THUNG MTHA' SKAD CIG MA GCIG GI YUN LA 'JIG PA'I

169b

MI RTAG PA DANG, DE'I PHYIR SDUG BSNGAL BA DANG, DE BDEN PAS STONG PA DANG, RANG DBANG BA'I BDAG MED PA RNAMS SDUG BDEN GYI KHYAD CHOS PHRA MOR 'JOG, BDEN 'DZIN GYIS THUN MONG MA YIN PAR DRANGS PA'I LAS NYON CI RIGS PAS BSDUS PAS RANG 'BRAS SDUG BDEN GYI RGYU DE KUN 'GYUR BDEN PA PHRA MO'I MTSAN NYID, DE 'DRA'I LAS NYON DES RGYU DANG KUN 'BYUNG DANG RKYEN DANG RAB SKYE BYAS CHA RNAMS DE'I KHYAD CHOS PHRA MO YIN, LAM BDEN STOBS KYIS SGRIB GNYIS GANG RUNG SPANGS PA'I CHOS NYID DE PHRA BA'I 'GOG BDEN GYI MTSAN NYID, DE 'DRA'I TSUL GYIS RANG GI SPANG BYA 'GOG PA DANG DE ZHI BA DANG, DE MCHOG YIN PAS GYA NOM PA DANG, DE LAS SLAR MI LDOG PA'I NGES 'BYUNG GI CHA BZHI DE'I KHYAD CHOS PHRA MO YIN, LAM SOGS KHYAD CHOS BZHI LDAN GYI 'PHAGS LAM DE LAM BDEN GYI MTSAN NYID, DE 'DRA'I LAM GYI BDEN PAR MTSON PA LA BDEN MED MNGON SUM DU RTOGS PA'I GNAS SKABS LA LTOS PA'I LAM RIG PA SGRUB PA NGES 'BYIN BZHI LAM BDEN GYI KHYAD CHOS PHRA MO YIN, 'DI DAG GI SHES BYED RGYUD BLA DANG, RTZA SHE LAS, GAL TE 'DI KUN MI STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ZHES SOGS DANG, DE'I 'GREL PA SANGS RGYAS BSKYANGS DANG ZLA BAS MDZOD PA DANG, GZUNGS RGYAL GYI MDO DANG CHOS YANG DAG PAR SDUD PA SOGS LAS SHES DGOS SO, 'DIR BDEN BZHI PHRA RAGS LA MKHAS TSAD YOD DE, DE LTAR BDEN BZHI'I NGO BO PHRA RAGS GNYIS YOD CING DE'I TSUL SA LNGA PA'I SKABS LTAR

170a

, ,ZHIB MO'I BLOS RTOGS PA DE SKABS 'DIR BDEN BZHI SHES PA ZHIB MOS RTOGS PA LA MKHAS PA'I TSAD YIN PA'I PHYIR TE, RNAM BSHAD LAS, 'PHAGS PA'I BDEN PA'I RANG BZHIN NAS, SHES RAB CAN DU 'GYUR RO, ZHES DANG, RANG 'GREL LAS, SHES PA ZHIB MO'I KHONG DU CHUD PAR BYA BA'I RANG BZHIN NI RANG BZHIN ZHIB MO STE, DE NI BLO GROS BZANG POS BDEN PA RNAMS KYI RANG GI NGO BO PHRA MO SHES PA LA CHES MKHAS PAR 'GYUR RO, ZHES GSUNGS PA'I PHYIR, SA LNGA PAR BDEN BZHI LA MKHAS PAR BSHAD TSUL YOD DE, SNGON DANG PHYI MA'I MTHAS PHYE NAS SDUG BDEN LA ZHIB MOR SEMS BA DANG, DUG LNGA'I DBANG GIS 'KHOR BAR SNGON DANG PHYI MTHAR DKRUGS TSUL GYIS KUN 'BYUNG LA DANG, DE 'DRA'I SDUG KUN PHRA MO NAS 'GOG TSUL GYIS 'GOG BDEN LA DANG, SANGS RGYAS KYI ZHING DANG MTSAN DPE NAS 'PHRAL GYI 'JIG RTEN PA'I RTZIS DANG RGYA DANG SHOD THABS SOGS LA ZHIB MOR SEMS PAS LAM BDEN LA MKHAS PA'I BAR YIN PA'I PHYIR, DANG PO GRUB STE, MDO LAS, DE LTAR 'DU BYED DU GYUR PA THAMS CAD KYI SNGON GYI MTHA' DANG PHYI MA'I MTHA' LA RTOGS TE, ZHES SOGS BYUNG, GNYIS BA GRUB STE, MDO LAS, NGA RGYAL DANG LTA BA'I ZUG RDU MI 'BYIN ZHES SOGS BYUNG BA'I PHYIR, GSUM PA GRUB STE, MDO LAS, RNAM PA JI LTA BUS SEMS CAN DE DAG SHIN TU RNAM PAR DAG PAR 'GYUR, NAS, DE SEMS CAN THAMS CAD MYA NGAN LAS 'DA' BA'I PHYIR RTZOM STE, ZHES BYUNG, BZHI BA GRUB STE, MDO LAS, SHIN TU NGES PA'I YE SHES KYI BLO GROS DANG LDAN PA YIN, NAS,

170b

'JIG RTEN NA YI GE DANG BSTAN CHOS DANG RTZIS DANG RGYA DANG SHOD THABS LA SOGS PA GANG DAG YOD PA DE DAG MNGON PAR SGRUB PO, ZHES SOGS BYUNG BA'I PHYIR, GAL TE YAB SRAS MJAL BA LAS, GANG ZHIG KUN RDZOB DE BZHIN DON DAM STE, ,BDEN PA GSUM PA GANG YANG MA MCHIS SO, ,ZHES DANG, RTZA SHE LAS KYANG BDEN PA GNYIS BSHAD PAS BDEN PA BZHIR DBYER MI RUNG SNYAM NA, DE'I SKYON MED PAR THAL, KUN NYON DANG RNAM BYANG GI RGYU 'BRAS SHES CHED DU BDEN PA BZHIR BSHAD LA, DE YANG NGO BO'I SGO NAS BDEN PA GNYIS SU 'GYUR BA'I PHYIR, DANG PO GRUB STE, RANG 'GREL LAS, DE LTA NA YANG BLANG BAR BYA BA DANG SPANG BAR BYA BA DAG RE RE'I RGYU DANG 'BRAS BU'I DNGOS PO BSTAN PAR BYA BA'I PHYIR, 'DIR 'PHAGS PA'I BDEN PA BZHI BSNYAD DO, ZHES GSUNGS PA'I PHYIR, GNYIS PA GRUB STE, RANG 'GREL LAS, DE LA SDUG BSNGAL DANG KUN 'BYUNG DANG LAM GYI BDEN PA NI KUN RDZOB KYI BDEN PA'I KHONGS SU GTOGS SO, ,'GOG PA'I BDEN PA NI DON DAM PA'I BDEN PA RANG GI NGO BO'O, ZHES GSUNGS PA'I PHYIR, SKABS 'DIR MYANG 'DAS GNYIS KYI NGO BO YOD DE, NYON MONGS SPANGS KYANG 'JUG SHES DRUG CI RIGS MNGON GYUR PA LA YUL BDEN SNANG GI LHAG MA TZAM LUS PA DANG BCAS PA'I MYANG 'DAS DE LHAG BCAS MYANG 'DAS KYI MTSAN NYID DANG, NYON MONGS SPANGS PAR MA ZAD 'JUG SHES GANG LA YANG BDEN SNANG GI LHAG MA DANG DUS GSUM GYI SDUG BSNGAL MA LUS PA CHOS DBYINGS SU ZAD CING DE 'DRA'I SNANG BA DANG TSOR SOGS ZHI BA'I MNYAM BZHAG DANG BCAS PA'I MYANG 'DAS DE LHAG MED MYANG 'DAS KYI MTSAN

171a

, ,NYID YIN PA'I PHYIR, DANG PO GRUB STE, STONG THUN LAS, DE LAS LANGS PA'I RJES THOB KYI DON PHUNG SOGS BDEN SNANG GI LHAG MA YOD PAS LHAG MA DANG BCAS PA'I MYANG 'DAS ZHES BYA BAR 'JOG CING, ZHES GSUNGS PA'I PHYIR, GNYIS PA GRUB STE, STONG THUN LAS, 'GOG PA MNGON DU BYAS BA'I MNYAM BZHAG GI NGOR BDEN SNANG GI LHAG MA MED PAS LHAG MA MED PA'I MYA NGAN LAS 'DAS PA DANG, ZHES DANG, RIGS PA DRUG CU PA LAS, GAL TE PHUNG PO MA 'GAG NA; ;NYON MONGS ZAD KYANG 'DAS MI 'GYUR, ,ZHES DANG, MDO LAS, SDUG BSNGAL 'DI MA LUS BAR SPANGS PA SOGS GSUNGS PA'I PHYIR, DES NA SNGON LA LHAG BCAS DANG, DE NAS LHAG MED THOB PA YANG MI 'THAD PAR THAL, SNGON LA LHAG MED MYANG 'DAS MNGON DU BYAS NAS RJES THOB TU LHAG BCAS LA LDANG BA'I PHYIR, DER THAL, DPER NA 'PHAGS PA SH'A RI'I DUS SNGON LA LHAG MED KYI DE MNGON DU BYAS NAS, MYANG 'DAS DE GZHAN LA RJES SU BZLAS PA LTA BU YIN PA'I PHYIR TE, 'GREL BA DE NYID LAS; 'PHAGS PA SH'A RI'I BUS MYA NGAN LAS 'DAS PA MNGON SUM DU BYAS NAS MDO 'DI BSHAD DO ZHES DANG, MDO LAS KYANG, SNGON BYAS MYA NGAN 'DAS SO ZHES, ,SH'A RI'I BU YIS BSHAD PA YI, ,RJES SU BZLAS 'DI LEGS BRJOD YIN, ,ZHES GSUNGS BA'I PHYIR, GSUM BRTZOD SPONG LA KHO NA RE, BCOM LDAN 'DAS KYI THUGS RGYUD KYI MYANG 'DAS CHOS CAN, LHAG BCAS MYANG 'DAS YIN PAR THAL, 'JUG SHES LA YUL BDEN SNANG DANG BCAS PA'I MYANG 'DAS YIN PA'I PHYIR, DER THAL, SANGS RGYAS KYI

171b

'JUG SHES LA YUL BDEN PAR SNANG BA'I PHYIR, DER THAL, DE LA YUL BDEN PAR SNANG BA SNANG BA'I PHYIR NA MA KHYAB STE, SANGS RGYAS RANG GI NGOS NAS BDEN SNANG KUN ZAD PA YIN KYANG GDUL GYA LA SNANG BA SNANG MI 'GAL BA'I PHYIR, RTZA BAR 'DOD MI NUS TE, LHAG MED KYI DE KHO NA YIN PA'I PHYIR, YANG BOD SNGA MA KHA CIG NA RE, ZLA BAS 'GOG BDEN DON DAM BDEN PAR BSHAD PA MI 'THAD PAR THAL, DE KUN RDZOB BDEN PA YIN PA'I PHYIR, DER THAL, DE DON DAM BDEN PA YIN NA SHES BYA MA YIN PAR 'GYUR BA'I PHYIR ZER NA, 'O NA, DE DON DAM BDEN PAR THAL, DE DE YIN PAR LUNG RIGS DU MAS GRUB PA LA KHYOD LA LAN MED PA GANG ZHIG, DE KUN RDZOB BDEN PAR 'DOD PA NI SHING RTA CHEN PO RNAMS KYI LUGS MTHA' MCHOD PA'I GTAM YIN PA'I PHYIR, DANG PO GRUB STE, RNAM BSHAD LAS, GZHAN YANG RIGS PA DRUG CU PA'I 'GREL PAR, ZHES PA NAS, 'BAD MA DU MAS BSGRUB PAS NA, ZHES GSUNGS PA'I PHYIR, GNYIS PA GRUB STE, 'PHAGS YUL GYI CHEN PO RNAMS KYIS 'GOG BDEN DON DAM BDEN BAR BZHED PA'I PHYIR TE, MNGON PA KUN BTUS LAS, DE BZHIN NYID LA DMIGS NAS GANG DU ZAG PA DANG BCAS PA'I DNGOS PO 'GAG PA DE 'GOG PA'I MTSAN NYID DO, ,ZHES SEMS TZAM SKABS SU YANG DE LTAR GSUNG LA, RGYUD BLA MAS KYANG, NYON MONGS GDOD NAS ZAD PHYIR RO, ,ZHES DANG, DE'I THOGS 'GREL LAS, DES NYE BA'I NYON MONGS PA GDOD MA NAS ZAD CING 'GAG PAR MTHONG BA'I PHYIR RO, ,ZHES DANG, RIN CHEN 'PHRENG BAR, ZAD DANG MI SKYE DON DU NI, ,GCIG PA DE'I PHYIR, ZHES

172a

, ,DANG; SNGAR GYI MDO DRANGS PA DE'I PHYIR, DE SKAD DU RNAM BSHAD LAS, 'GOG BDEN KUN RDZOB BDEN PAR SMRA BA NI MTHA' MCHOD PA'O, ZHES DANG, STONG THUN LAS KYANG, 'GOG BDEN YIN NA DE BZHIN NYID YIN PAS KHYAB PAR 'DOD PA LA DBU SEMS KYI MKHAS PA SU YANG MI MTHUN PA MED DO, ZHES GSUNGS PA'I PHYIR, BYAS PA LA KHO NA RE, PHAR PHYIN SKABS SU 'DIR BSTAN YANG DAG MTHA' DE BZHIN NYID LA BYED RIGS PAR THAL, 'PHAGS SENG GIS KYANG 'GOG BDEN DON DAM BDEN PAR BZHED PA'I PHYIR NA MA KHYAB STE, MNGON RTOGS RGYAN GYI DGONGS PA MTHAR THUG TU GNAS PAS 'GOG BDEN DE BZHIN NYID YIN KYANG STONG NYID MA RTOGS PA'I GDUL BYA MANG PO BKRI BA'I CHED DU MTSAN 'DZIN GYIS BCINGS PA'I GZHI SHES SOGS MANG DU BSHAD PA LTAR 'GOG BDEN KUN RDZOB BDEN PA'I PHYOGS MANG TZAM BSTAN PA YIN PA'I PHYIR, SPROS PAS CHOG GO, YANG KHA CIG NA RE, GNYEN PO'I STOBS KYIS DE BZHIN NYID DRI MA DANG BRAL BA DANG, DE BZHIN NYID DRI MA SPANGS PA RNAMS 'GOG BDEN MIN LA KUN RDZOB YIN ZER NA, 'O NA, MDO LAS, GANG SDUG BSNGAL 'DI MA LUS PAR SPANGS BA, NGES BAR SPANGS BA, BYANG BAR GYUR BA, ZAD PA, 'DOD CHAGS DANG BRAL BA, 'GOG PA NYE BAR ZHI BA NUB PA, NAS, MYA NGAN LAS 'DAS PA'O ZHES GSUNGS PA'I DNGOS BSTAN GYI SPANGS PA ZAD PA NUB PA 'GOG BZHING KYA NOM PA NGES PAR SPANGS PA RNAMS STONG NYID MA YIN PAR THAL, KHYOD KYI DAM BCA' 'THAD PA'I PHYIR, RTAGS KHAS, KHYAB STE, CHOS NYID DRI MA DE

172b

DANG GNYEN PO'I STOBS KYIS BRAL TSE NAM MKHA' LA SPRIN ZAD PA LTAR DE BZHIN NYID MA YIN PA'I ZAD CHA MED PA'I PHYIR, DER THAL, DE LTAR MED PA'I RGYU MTSAN GYIS 'KHRUL BA ZAD PA DE KHO NA NYID DANG CHOS SKUR GSUNGS PA DU MA YOD PA'I PHYIR, TSIG GSAL LAS NANG DANG PHYI'I DNGOS PO MA DMIGS PAS NANG DANG PHYI LA BDAG TU 'DZIN PA DANG BDAG GIR 'DZIN PA RNAM PA THAMS CAD DU ZAD PA 'DI NI 'DIR DE KHO NA NYID DO, ZHES DANG, DE'I DON LAM RIM LAS, PHYI DANG NANG GI CHOS SNA TSOGS PA DE KHO NA MA YIN BZHIN DU DE KHO NA NYID DU SNANG BA 'DI THAMS CAD BAG CHAGS DANG BCAS PA NYE BAR ZHI BAS BDAG DANG BDAG GIR 'DZIN PA RNAM PA THAMS CAD DU ZAD PA NI 'DIR THOB PAR BYA BA'I DE KHO NA NYID CHOS KYI SKU'O, ZHES GSUNGS PA'I PHYIR, RTZA BAR 'DOD MI NUS TE, ZAD DANG MI SKYE DON DU NI, ZHES SOGS GSUNGS PA'I PHYIR, BYAS PA LA KHO NA RE, NYON MONGS GNYEN POS ZAD PA DE BZHIN NYID DANG 'GOG BDEN DU THAL, NYON MONGS GNYEN POS CHOS DBYINGS SU ZAD PA DE BZHIN NYID DANG 'GOG BDEN YIN PA'I PHYIR NA MA KHYAB, 'DOD NA, GNYEN POS NYON MONGS SEMS STENG DU ZAD PA YANG DER THAL, 'DOD PA'I PHYIR, 'DOD MI NUS TE, NYON MONGS SEMS LA MED PA DE BZHIN NYID MIN CHOS NYID LA MA DMIGS PA GNAS LUGS YIN PA'I PHYIR, DER THAL, NYON MONGS GDOD NAS ZAD PHYIR RO, ZHES SOGS DU MAS GRUB PA'I PHYIR, YANG KHO NA RE, 'GOG BDEN CHOS CAN, KHYOD KYI DGAG BYA SHES BYA LA MI SRID PAR THAL, KHYOD DON DAM BDEN PA YIN PA'I PHYIR NA MA KHYAB, KHYAB PAR THAL, GZHI 'GA' ZHIG GI STENG NAS

173a

, ,DGAG BYA BDEN GRUB BCAD TZAM LA DON DAM DU BYED PA'I PHYIR NA YANG MA KHYAB STE, GZHI 'GA' ZHIG GI STENG NAS DON DAM DE LTAR 'JOG KYANG DON DAM BDEN PA YIN NA RANG GI DGAG BYA SHES BYA LA MI SRID PAS MA KHYAB PA'I PHYIR, MA GRUB NA, 'O NA, CHOS DBYINGS BSTOD PA LAS, GANG ZHIG KUN TU MA SHES NA, ,SRID PA GSUM DU RNAM 'KHOR LA, ,SEMS CAN KUN LA NGES GNAS PA'I, ,CHOS KYI DBYINGS LA PHYAG 'TSAL 'DUD, ,GANG ZHIG 'KHOR BA'I HYUR GYUR PA, ,DE NYID SBYANGS PA BYAS PA LAS, ,DAG PA DE NYID MYA NGAN 'DAS, ,CHOS KYI SKU YANG DE NYID DO, ,ZHES GSUNGS PA 'DIS DAG MA DAG GI CHOS NYID GNYIS KYI KHYAD PAR MA BSHAD PAR THAL, TSIGS BCAD SNGA MAS CHOS DBYINGS MA SHES PAS 'KHOR BAR 'KHOR BA DANG SEMS CAN KUN LA YOD PAR BSTAN, TSIGS BCAD PHYI MAS MA SHES NA 'KHOR BAR 'KHOR BYED KYI CHOS DBYINGS DE NYID SBYONG BYED DMAN LAM GYIS SBYANGS NAS DAG PA NA MYANG 'DAS DANG DE NYID SA BCUS SBYANGS NAS DAG PA NA CHOS SKUR BSHAD PA MA YIN PA'I PHYIR, MA GRUB NA, DE 'DRA'I DAG PA'I CHOS NYID CHOS CAN, KHYOD KYI DGAG BYA MED PAR THAL, KHYOD DON DAM BDEN PA YIN PA'I PHYIR, 'KHOR GSUM, MA KHYAB NA, KHYAB PAR THAL, KHYOD KYIS KHYAB SGRUB DE'I PHYIR, 'KHOR GSUM, 'DOD MI NUS TE, KHYOD DAG PA'I CHOS NYID DU 'JOG PA'I DAG RGYU'I DGAG BYA YOD PA'I PHYIR, DER THAL, KHYOD RANG GI DGAG BYA SGRIB GNYIS CI RIGS KYI DRI MAS DAG PAS DAG PA'I CHOS NYID DANG

173b

'GOG BDEN SOGS SU BSHAD PA'I MDO BSTAN CHOS MANG BA'I PHYIR TE, RNAM BSHAD LAS, GZHI 'GA' ZHIG GI STENG DU, ZHES PA NAS, DAG PA'I CHOS NYID KYI DGAG BYA DRI MAR GSUNGS PA DU MA ZHIG YOD PA'I PHYIR DANG, ZHES GSUNGS PA'I PHYIR, GZHAN YANG 'DOD CHEN PA'I SGRIB PA SOGS SGRIB BZHIS CHOS NYID RIM GYIS DAG PA'I TSE CHOS SKU DANG, GTZANG BA DE RTAG BDAG BZHI'I PHAR PHYIN BZHI THOB PA MA YIN PAR THAL, DE BZHIN NYID YIN NA RANG GI DGAG BYA'I DRI MA MED PAS KHYAB PA'I PHYIR, RTAGS KHAS; 'DOD NA, RGYUD BLA MA LAS, GTZANG BDAG BDE DANG RTAG NYID KYI, ,YON TAN PHA ROL PHYIN PA 'BRAS, ZHES MDOR BSTAN NAS, DE NYID LAS, 'DI DAG 'BRAS NI MDOR BSDU NA, ,CHOS KYI SKU LA PHYIN CI LOG, RNAM PA BZHI LAS BZLOG PA YI, ZHES DANG, 'GREL PAR, MOS PA LA SOGS PA NAS, GO RIM JI LTA BA BZHIN DU PHYIN CI LOG RNAM PA BZHI BZLOGS PA'I GNYEN POR DE BZHIN GSHEGS PA'I CHOS KYI SKU LA YON TAN GYI PHA ROL TU PHYIN PA RNAM PA BZHIR BLTA'O, ,ZHES GSUNGS PA MI 'THAD PAR THAL, 'DOD PA DE'I PHYIR, DE SOGS MANG NGO, GZHAN YANG, KHYOD KYIS LAM BSGOMS PA'I NGAL BA 'BRAS BU MED PAR THAL KHYOD KYI SEMS RGYUD KYI CHOS NYID DRI BRAL DU 'GRO MI SRID PA'I PHYIR, RTAGS SONG, MA GRUB NA, CHOS NYID DRI MA DANG BRAL BA DE'I DGAG BYA YOD PAR THAL, MA GRUB PA DE'I PHYIR TE, RNAM BSHAD LAS, CHOS NYID DRI BRAL DU SONG BA MI SRID NA, NGAL BA 'BRAS BU MED PAR 'GYUR BA'I PHYIR DANG, SRID NA DE'I DGAG BYA SHES BYA LA YOD PA'I PHYIR RO, ,ZHES GSUNGS PA'I PHYIR, GZHAN YANG 'GOG

174a

, ,BDEN ZHES PA'I 'GOG RGYU'I DGAG BYA DANG, MYA NGAN LAS 'DAS ZHES PA'I 'DA' RGYU'I DGAG BYA GNYIS LA YOD PAS KHYAB PA DANG, DGAG BYA GANG BKAG PA'I CHOS NYID MED DGAG TU 'JOG PA'I DGAG BYA LA MED PAS KHYAB PA GNYIS MI 'GAL BAR THAL, SANGS RGYAS KYI CHOS NYID DRI BRAL 'GOG BDEN LA DGAG BYA DE GNYIS KA BKAG PA GCIG DGOS PA'I PHYIR, DER THAL, DE BZHIN NYID TZAM LA DGAG BYA BDEN GRUB LTA BU BKAG PAS CHOG KYANG MI GNAS PA'I MYANG 'DAS LA DGAG BYA DRI MAS KYANG DAG DGOS PAS LAM DANG RIGS PA GNYIS KA'I DGAG BYA GNYIS KYIS DAG PA DGOS KYI RIGS PA'I DGAG BYA BDEN GRUB LTA BU PHYOGS RE DAG PAS MI CHOG PA'I PHYIR TE, DPER NA RI BONG RVA MED CES PA'I DGAG BYA MED PA DGOS, BUM MED CES PA'I DGAG BYA LA YOD PA DGOS KYANG BUM MED DE RI BONG RVA MED DANG BUM MED GNYIS KA YIN PA BZHIN NO, ,RNAM BSHAD LAS, DAG MA DAG GI ,NAS, ZER BA YIN NO, ZHES DANG, DPER NA RI BONG GI RVA MED PA'I NAS, BZHIN NO, ,ZHES GSUNGS PA'I PHYIR, GZHAN YANG 'GOG BDEN DANG BDEN MED KYI THUN MONG MA YIN PA'I DGAG BYA YOD MED MI MTHUN KYANG SKYON MED PAR MA ZAD KHYAB CHE CHUNG SGO NAS KYANG SKYON MED PAR THAL, CHOS NYID CES PA'I DGAG BYA BDEN GRUB BKAG PA'I BDEN MED KYIS DAG MA DAG GI CHOS KUN LA KHYAB PA DANG, 'GOG BDEN ZHES PA'I DGAG BYA DRI MA ZAD PAS KUN LA MA KHYAB KYANG 'GOG BDEN DE DON GNYIS KA YIN PA MI 'GAL PA'I PHYIR TE, DPER NA RI

174b

BONG RVA MED KYIS KUN LA KHYAB PA DANG, BUM MED KYIS KUN LA MA KHYAB KYANG BUM MED GNYIS KA YIN PA BZHIN NO, ,RNAM BSHAD LAS, DAG MA DAG GI SOGS DANG, DPER NA RI BONG GI RVA MED CES SOGS GSUNGS PA'I PHYIR, DE LA KHO NA RE, MYANG 'DAS KYI DGAG BYA DANG 'GOG BDEN GYI DGAG BYA LA YOD PAS KHYAB PAR THAL, DE GNYIS KYIS MYA NGAN LAS 'DA' RGYU'I DGAG BYA DANG, 'GOG RGYU'I DGAG BYA LA YOD PAS KHYAB PA'I PHYIR NA MA KHYAB, 'DOD NA, DGRA BCOM RGYUD KYI NYON SGRIB LAS GROL BA'I RNAM GROL LAM BDEN GRUB CHOS CAN, YOD PAR THAL, MYANG 'DAS KYI DGAG BYA YIN PA'I PHYIR, KHYAB PA KHAS, MA GRUB NA, DE 'DRA'I RNAM GROL LAM PA'I RGYUD KYI MYANG 'DAS CHOS CAN, RNAM GROL LAM DE 'DRA'I BDEN GRUB KHYOD KYI DGAG BYA YIN PAR THAL, KHYOD DE BKAG PA'I MED DGAG YIN PA'I PHYIR RO, ,DES 'GOG BDEN LA YANG 'DRA, BYAS PA LA KHO NA RE, MYANG 'DAS KYI 'DA' RGYU'I MYA NGAN LA YOD PAS MA KHYAB PAR THAL, RANG BZHIN GYIS MYA NGAN LAS 'DA' RGYU'I MYA NGAN LA YOD PAS MA KHYAB PA'I PHYIR NA MA KHYAB CING, RTAGS GRUB STE, BDEN GRUB DE DE YIN PA'I PHYIR DANG, RANG BZHIN GYI MYANG 'DAS DE MYANG 'DAS MA YIN PA'I PHYIR RO, ,YANG KHO NA RE, 'DIR BSHAD PA'I BDEN PA BCU BDEN BZHIR 'DU PAR THAL, DE BCU BDEN GNYIS SU 'DU BA'I PHYIR NA MA KHYAB, RTAGS GRUB STE, RANG 'GREL LAS, DE BZHIN DU BDEN PA GZHAN GANG CUNG ZAD CIG YOD PA DE YANG CI RIGS PAR BDEN PA GNYIS KYI KHONGS SU GTOGS PA KHO NAR SHES

175a

, ,BAR BYA'O, ZHES GSUNGS PA'I PHYIR, 'DOD MI NUS TE, RANG 'GREL LAS, YANG CI BDEN PA BZHI LAS THA DAD PA'I BDEN PA GZHAN YANG YOD DAM, ZHE NA, BSHAD PA YOD DE, ZHES GSUNGS PA'I PHYIR, KHYAB STE; THA DAD LUGS DANG DOGS BA ZUR DU BKOD PA'I DGOS PA YOD PA'I PHYIR RO, ,SMRAS PA, BDEN BZHI PHRA ZHIB MKHYEN PA'I SPYAN STONG BGRAD, ,RDZU 'PHRUL SA SRUNG STENG 'GYING BSAM GTAN GYI, ,RTZE BA RGYAS BDUD SDE LHA MIN G-YUL BZLOGS PA'I, ,SBYANGS DKA'I SEMS DPA' LHA DPANG KHYOD BSNGAGS 'OS, ,DBU MA RANG LUGS 'PHAGS PA'I BDEN PA YI, ,MTSAN DPE MA THOB RANG BZO'I HA STA'I NGOR, ,DA YAN SDE'I BDEN BZHI LCAGS BSREG 'KHOR LO SOGS, BKOD MDZES RLOM PA'I DE BA DATTA MTSANG, ,BLO GROS MKHA' BZHIN YANGS NGOR SHES BYA'I CHOS, ,NYI MA BZHIN GSAL BLO GROS CI MTSAR GYI, ,SNYING STOBS YANGS PA'I KUN BZOD MA 'DI LA, ,SRID ZHI'I BRTAN G-YO'I DPAL 'BYOR BKRA MIN NAM, ZHES PAR SKABS KYI TSIGS SU BCAD PA STE, SBYANGS DKA'I SA BSHAD ZIN TO,, ,,SPYI BOR BLA MA SNYING LA 'JAM DBYANGS ZHABS, ,LCE LA DBYANGS CAN BKOD PA'I LEGS BSHAD KYIS, STONG NYID RGYUD STONG DBYANGS SU SGYU MA'I CHOS, ,RTEN 'BYUNG GAR DU BSGYUR LA CI YANG BREL, ,GNYIS PAS DRUG PA MNGON DU GYUR BA 'CHAD PA LA SA'I NGES TSIG DANG, SHER PHYIN LHAG PAR BSTAN PA, SHER PHYIN GYI BSNGAGS PA, RTEN 'BYUNG GI

175b

DE NYID BSHAD PA, MJUG BSDU BA DANG BZHI, DANG PO NI, RTZA BAR, MNGON DU PHYOGS PAR MNYAM BZHAG SEMS GNAS TE, ZHES SOGS TSIGS BCAD GCIG BYUNG, DE'I DON 'CHAD PAR, RANG 'GREL LAS, BYANG CHUB SEMS DPA'I ZHES SOGS BYUNG, MTHA' DPYAD PA LA KHA CIG NA RE, RANG 'GREL LAS, SHES RAB KYI PHA ROL TU PHYIN PA YONGS SU LHAG PAS 'GOG PA THOB PAR 'GYUR GYI SNGA ROL TU NI MA YIN TE, ZHES SA DRUG PA'I SNGON DU THEG CHEN RIGS NGES KYIS 'GOG SNYOMS MI THOB PAR BSHAD PA MI 'THAD PAR THAL, MTHONG LAM RTZE SBYOR SKABS NAS DE THOB PA'I PHYIR TE, DE'I THAD KYI MDO LAS, DE RNAM PAR THAR PA BRGYAD PO DE DAG DANG MTHAR GYIS GNAS PA'I SNYOMS PAR 'JUG PA DGU PO DE DAG RNAM PAR PHYE ZHING SENG GE RNAM PAR BSKYINGS BA'I TING NGE 'DZIN LA SNYOMS PAR 'JUG GO ,ZHES GSUNGS PA'I PHYIR NA 'DIR MA KHYAB STE, 'GOG PA'I RNAM THAR RJES MTHUN PA DANG 'GOG SNYOMS RJES MTHUN PA THOB NAS SNYOMS PAR 'JUG PA BSTAN TZAM YIN GYI, GZHAN DU NA 'PHAGS PA YAB SRAS DANG SA BCU BA SOGS DANG 'GAL BAR 'GYUR BA BSHAD ZIN TO, ,YANG KHA CIG NA RE, SNYOMS 'JUG DGU PA STONG NYID KYI TING NGE 'DZIN DANG THOD RGAL GYI YAR SONG GI SPEL CHOS THUN MONG BA'I 'GOG SNYOMS LDAN MIN LA BYED PAR THAL, GZHAN DU NA DGU PA DANG SPEL CHOS KHYAD MED DU 'GYUR BA'I PHYIR NA MA KHYAB STE, DBU SEMS SU'I LUGS LA'ANG SNYOMS 'JUG DGU PA DE SPEL CHOS BYAS NAS GCIG RGAL NAS 'GOG SNYOMS LA 'JUG BA DANG GNYIS RGAL NAS DE LA 'JUG PA SOGS RTZAL

176a

, ,SBYONG PA'I CHED YIN PA'I PHYIR RO, ,GZHAN YANG KHYOD KYIS MDO DU MA LAS BSHAD ZER BA YANG MI 'THAD PAR THAL, DE STONG NYID LA BSHAD KYANG GRUB MTHA'I 'DOD TSUL GYIS LDAN MIN DU BKRAL BA TZAM YIN PA'I PHYIR TE SNGAR BSHAD ZIN TO, ,YANG KHA CIG NA RE, SA DRUG PA MAN CHAD KYI SPANG BYA SPANGS PA'I 'GOG BDEN LA 'DIR SNYOMS PAR 'JUG PA RANG 'BREL GYI DON ZER NA, 'O NA CHOS THAMS CAD BDEN MED DU MNGON SUM DU RTOGS PA'I MNYAM BZHAG MTHONG LAM NAS KYANG MI THOB PAR THAL, DAM BCA' 'THAD PA'I PHYIR, 'DOD MI NUS TE, DE'I CHOS NYID MNGON SUM DU RTOGS NA STONG GZHI MNGON SUM DU RTOGS PAS MA KHYAB PA'I PHYIR RO, ,LHAG MA BSHAD ZIN TO, ,GNYIS PA NI, RTZA BAR, JI LTAR LONG BA'I TSOGS KUN BDE BLAG TU, SOGS TSIGS BCAD RTZA 'GREL BYUNG, GSUM PA LA ZAB DON BSHAD PAR DAM BCA' BA DANG, DE'I SNOD NGOS BZUNG BA DANG, SNOD DE LA BSHAD NA YON TAN 'BYUNG TSUL DANG, NYAN PAR BSKUL PA DAG DE KHO NA NYID JI LTAR BSHAD PA'I TSUL LNGA, DANG PO NI, RTZA BAR, JI LTAR DE YIS CHOS ZAB CHOS RTOGS PA, ZHES SOGS TSIGS BCAD GCIG SNGA 'GREL GYIS BSHAD PAR, RANG 'GREL LAS, 'DIR SMRAS PA ZHES SOGS DANG, PHYI 'GREL SGO NAS BSHAD PAR RANG 'GREL LAS, SHES RAB KYI PHA ROL TU PHYIN PA LA SBYOD PA'I, ZHES PA NAS, NYAN PA PO RNAMS LA STONG PA NYID KYI LTA BA BSHAD PAR BYA'O, ZHES GSUNGS, MTHA' DPYAD PA LA, SNGON GYI BOD KYI MKHAS PA MANG POS SPRIN

176b

CHEN NAS KLU SGRUB STON PA 'DAS NAS LO BZHI BRGYA LON PA NA BYUNG BAR BSHAD GSUNGS PA LA, RTZOD DUS KYI KUN MKHYEN GYI GSUNG LAS, DE MI 'THAD PAR THAL, SPRIN CHEN BOD DU 'GYUR BA LAS DE DUS MA BSHAD PA'I PHYIR NA MA KHYAB CING, 'DOD MI NUS TE; BOD KYI MDO 'DIR BZHI BRGYA NAS MA GSUNGS KYANG SPRIN CHEN STONG PHRAG BCU GNYIS PA LAS GSUNGS PA ZLA BAS 'DIR DRANGS PA DE'I PHYIR, YANG KHA CIG GIS, SLOB DPON 'DI MI RNAMS TSE LO BRGYAD CU PA'I DUS SU BYUNG ZHING LO BRGYA LAS MA BZHUGS PAR THAL, RNGA BO CHE'I MDO LAS, GANG GI TSE LO BRGYAD CU PA LA BSTAN PA NYAMS PAR GYUR PA DE'I TSE, ZHES SOGS GSUNGS PA'I PHYIR NA MA KHYAB STE, SLOB DPON LHO PHYOGS SU LAN GSUM PHEBS PA'I THA MA'I DUS KYI LUNG BSTAN YIN PA'I PHYIR TE, RNAM BSHAD RIGS PA'I RGYA MTSO LAS, RNGA BO CHES DE LTAR LUNG BSTAN PA DE LHO PHYOGS SU 'BYUNG BA'I THA MA ZHIG YIN PAR GSUNGS PAS, ZHES GSUNGS PA'I PHYIR, RTZA BAR 'DOD NA, DE DUS SLOB DPON SKU NA TSOD MTHO BA'I SKABS MA YIN PAR THAL, DE DUS 'KHRUNGS DUS YIN PA'I PHYIR, RTAGS KHAS, 'DOD MI NUS TE, DE DUS DGUNG LO MTHON PO DANG, RNGA BO CHE'I MDO 'CHAD PA'I MGO TSUGS SHING LO BRGYAR MDO 'DI BSHAD PA DANG CHOS SGRA CHEN PO LAN GSUM SGROGS PA'I THA MA'I DUS YIN PAR tIKA CHEN LTAR MDO DE NYID LAS GSUNGS PA'I PHYIR TE, RNGA BO CHE LAS, MGON PO MYA NGAN LAS 'DAS PA'I 'OG TU BSTAN PA NUB PA'I DUS KYI TSE LO BRGYAD CU PA NA DGE SLONG BLO 'CHANG ZHES PAR GYUR

177a

, ,NAS RANG GI SROG LA MI LTA BAR MDO 'DI 'BYIN PAR 'GYUR RO, ,DE NAS LO BRGYA LON PA'I 'OG TU SHI NAS ZHES DANG, MDO DE LAS, GSUM PA SEMS CAN GYI KHAMS BRTAG PA'I GTAM DANG RNGA PO CHE'I GTAM SMRA PAR 'GYUR, ZHES PA NAS, PHYIS MDO 'DI THOS NAS DE NA TSOD CHEN POR GYUR TE LO BRGYAR MDO 'DI'I GTAM SMRA ZHING CHOS KYI CHAR 'BEBS PAR 'GYUR RO, ,LO BRGYA 'DAS PA'I 'OG TU LHO PHYOGS DER MI RNAMS KYI NANG DU RNAM PAR 'PHRUL PA CHEN POS RNAM PAR 'PHRUL ZHING YONGS SU MYA NGAN LAS 'DAS PA STON PAR 'GYUR RO, ZHES GSUNGS PA'I PHYIR, 'DIS BOD KYI LOG RTOG DU MA BKAG PAR SHES PAR BYA'O, ,YANG KHA CIG NA RE, SLOB DPON 'DIS SKYE BA LAN GSUM LA CHOS SGRA RE SGROGS PAS CHOS SGRA LAN GSUM BSGRAGS PA'I LUNG BSTAN GYI DON DANG BOR 'DIR SKYE BA PHYI MA GNYIS KYIS CHOS SGRA PHYI MA GNYIS BSGRAGS PAR 'DOD PA MI 'THAD PAR THAL, DE SLOB DPON GYI SKU SKYE BA DE'I DANG POR RUNG BA MA YIN PA'I GZHI CHEN PO SPONG BA'I CHOS SGRA DANG, DE NAS GNYIS PAR THEG CHEN GYI STONG NYID KYI GTAM GYI CHOS SGRA CHEN PO DANG, GSUM PAR SEMS CAN GYI KHAMS BRTAGS PA'I CHOS KYI SGRA CHEN PO GSUM BSGRAGS NAS DE NAS MYA NGAN LAS 'DA' BAR BSHAD PA'I PHYIR TE, SPRIN CHEN LAS, GZHAN YANG NGA'I NYAN THOS DE BZHIN GSHEGS PA DANG MING MTHUN PA'I DGE SLONG GIS CHOS KYI SGRA CHEN PO LAN GSUM MNGON PAR BSGRAGS NAS 'CHI BA'I DUS BYED PAR 'GYUR

177b

BA'I CHE BA LA LTOS, ZHES GSUNGS PA'I PHYIR DANG, RNGA BO CHES SHIN TU GSAL BA'I PHYIR RO, ,YANG KHA CIG NA RE, SLOB DPON 'DI SA DANG PO BA YIN TE, DANG POR SO SKYE YIN PA LAS PHYIS SA DANG PO THOB PAR SPYAN RAS GZIGS BRTUL ZHUGS KYIS BSHAD PA'I PHYIR NA MA KHYAB STE, DE SNANG BA TSUL BSTAN GYI BSHAD PA TZAM YIN PA'I PHYIR RO, ,RTAGS GRUB CING, RTZA BAR 'DOD MI NUS TE, DNGOS PO'I GNAS TSOD LA DANG POS BDUN PA PA DANG TSO DE LAS BRGYAD PA BRNYES PAR KHAS LEN DGOS PA'I PHYIR TE, RNGA BO CHE LAS, DE NI NGAS SA BDUN PA LA BZHAG STE MI PHAL BA ZHIG TU BYIN GYIS BRLABS NAS GANG GI TSE LO BRGYAD CU PA LA, ZHES SOGS GSUNGS PA'I PHYIR, KHYAB STE, MI PHAL BA ZHIG TU ZHES PA'I DON YOD PA'I PHYIR RO, ,RANG LUGS NI SLOB DPON 'DI CHO GCIG LA 'PHAGS YUL LHO PHYOGS SU LAN GSUM BYUNG BA DANG CHOS SGRA GSUM BSGRAGS PA YIN TE, 'JAM DPAL RTZA RGYUD DANG SPRIN CHEN LTAR STON PA 'DAS NAS BZHI BRGYA LON PA NA 'KHRUNGS SHING, DE NAS CHOS SGRA DANG PO BSGRAGS, DE NAS GRUB PA BRNYAS TE LNGA BCU PHAN CHAD BRGYA TSUN CHAD KYI LO CI RIGS LA KLU YUL DU PHEBS SHER PHYIN SPYAN DRANGS TE LHO PHYOGS SU 'BYUNG TSUL GNYIS PA DANG, RTZA SHE SOGS BSNAMS? TE, THEG CHEN GYI STONG NYID KYI CHOS SGRA GNYIS PA LO LNGA BRGYA'I BAR DU BSGRAGS PA DANG, DE NAS SGRA MI SNYAN DU BYON SLAR YANG LHO PHYOGS SU LAN GSUM BYUNG BA'I THA MA'I DUS RNGA BO CHE DANG SPRIN CHEN SOGS BSNAMS TE CHOS SGRA

178a

, ,GSUM PA KHAMS BRTAGS PA'I GTAM LO BRGYAR BSGRAGS PA DE YIN PA'I PHYIR, 'JAM DPAL RTZA RGYUD DANG LANG GSHEGS LTAR SNANG TSUL LA SO SKYE GCIG GIS TSE DE LAS RAB DGA' THOB TSUL BSTAN KYANG GNAS TSONG LAS BDUN PA PA YIN TE, LUNG RIGS DU MAS GRUB PA'I PHYIR, 'DI DAG RGYAS PAR GRUB MTHA'I RNAM BSHAD THUB BSTAN KUN GSAL LUNG RIGS RIN CHEN GTER MDZOD DU BSHAD ZIN TO, ,DES NA ZLA GRAGS KYANG SKU TSE'I SMAD KYI SLOB MA YIN TE, JO BO CHEN POS, KLU SGRUB SLOB MA ZLA GRAGS YIN, ZHES GSUNGS PA'I PHYIR, YANG KHA CIG KLU SGRUB RJES SU A'ARYA DE BA MI RANG SA GCIG LA BZHUGS PAR BSHAD PA MI 'THAD PAR THAL, SLOB DPON DANG DE GNYIS MNYAM DU GSHEGS PAR SLOB DPON BYANG CHUB BZANG POS GSUNGS PA'I PHYIR, DE LA KHO NA RE, ZLA GRAGS SLOB DPON GYI DNGOS SLOB MA YIN PAR THAL, 'JUG PA RANG 'GREL BRTZAMS DUS SLOB DPON DBYIG GNYEN DANG CHOS SKYONG DANG, PHYOGS GLANG SOGS SNGAR NAS MYA NGAN LAS 'DAS PAR BSHAD PA'I PHYIR NA MA KHYAB STE, SLOB DPON GYI CHOS SGRA GSUM PA DANG, THOGS MED SKU MCHED DANG PHYOGS GLANG SOGS DUS RAGS PA MNYAM LA PHYOGS GLANG GI SPEL BSTOD LAN DPA' BOS BRTZAMS PA DANG ZLA BA'I ZHABS LO SUM BRGYA BZHUGS PAR RDO RJE GDAN PA'I GSUNG SGROS LAS BYUNG BA'I PHYIR RO, ,GNYIS PA NI, RTZA BAR, SO SO SKYE PO'I DUS NA ZHES

178b

SOGS RTZA 'GREL BYUNG, GSUM PA NI, RTZA BAR, RTAG TU TSUL KHRIMS YANG DAG ZHES SOGS RTZA 'GREL BYUNG, BZHI PA NI, RTZA BAR, ZAB CING RGYA CHE ZHES SOGS RTZA 'GREL BYUNG, 'DI'I SKABS KYI PHAN YON RNAMS SHES PAR BYAS LA ZAB ME'I DON NYAN BSAM SGOM GSUM LA SGRA DBYANGS SRAS PO DANG BCOM LDAN 'DAS KYI SKYES RABS LTAR LUS SROG LA MI LTA BA'I BRTZON PA BYA RIGS TE, 'KHOR BAR LUNG SROG KUN DON MED DU SONG 'DUG PAS, DENG NAS DON LDAN RIGS PA'I PHYIR RO, ,LNGA PA LA GSUM, YANG DAG PA'I DON LUNG GIS BSHAD TSUL, LUNG DON RIGS PAS SGRUB PA, RIGS PAS GRUB DON STONG NYID KYI RAB DBYE GSUM, DANG PO LA LUNG LAS GSUNGS TSUL DANG, DE NYID SHES PA'I MI MTHUN PHYOGS NGOS BZUNG BA GNYIS, DANG PO NI, SA BCU BA LAS, BYANG CHUB SEMS DPA' DE BYANG CHUB SEMS DPA'I SA DRUG PA LA 'JUG STE, DE CHOS MNYAM PA NYID BCUS 'JUG GO ,BCU GANG ZHE NA, 'DI LTA STE, CHOS THAMS CAD MTSAN MA MED PAR MNYAM PA NYID DANG, CHOS THAMS CAD MTSAN NYID MED PAR MNYAM PA NYID DANG, DE BZHIN DU SKYE BA MED PA DANG, MA SKYES PA DANG, DBEN PA DANG, GDOD MA NAS RNAM PAR DAG PA DANG, SPROS PA MED PA DANG, BLANG BA MED PA DANG, DOR BA MED PA MNYAM PA NYID DANG, CHOS THAMS CAD SGYU MA DANG RMI LAM DANG MIG YOR DANG BRAG CHA DANG CHU ZLA DANG GZUGS BRNYAN DANG SPRUL BA LTA BUR MNYAM PA NYID DANG, CHOS THAMS CAD

179a

, ,DNGOS PO DANG DNGOS PO MED PA GNYIS SU MED PAR MNYAM PA NYID DO, ,DE CHOS THAMS CAD KYI RANG BZHIN DE LTAR RAB TU RTOGS PA NA RNO ZHES RJES SU MTHUN PA'I BZOD PAS BYANG CHUB SEMS DPA'I SA DRUG PA MNGON DU GYUR PA RJES SU 'THOB STE ZHES BYUNG, SA LNGA PA PA DRUG PAR 'JUG TSUL YOD DE, MTSAN MA MED PA MNYAM NYID NAS, SPROS PA MED PA MNYAM NYID KYI BAR BDUN DANG, BLANG DOR MED PA MNYAM NYID DANG, SGYU MA'I DPE BDUN LTAR MNYAM NYID DANG, DNGOS PO DANG DNGOS PO MED PAR MNYAM PA NYID DE'I SGO NAS RTEN 'BREL GYI GNAS LUGS DE MNGON DU BYAS NAS 'JUG PA'I PHYIR, RNAM BSHAD LAS, DE GNYIS MNYAM NYID GCIG DANG SGYU MA SOGS BDUN LTAR MNYAM PA RNAMS MNYAM PA NYID GCIG TU BYA ZHING, THA MA GNYIS KYANG GCIG TU BYA'O ZHES SO, ,MNYAM NYID BCU NGOS BZUNG DU YOD DE, DKAR DMAR SOGS KYI MTSAN MA RNAMS DE BZHIN NYID LA MNYAM BZHAG GI NGOR MED PAR MNYAM PA DE DANG PO DANG, CHOS KUN RANG GI MTSAN NYID KYIS MED PAR MNYAM PA DE GNYIS PA DANG, CHOS KUN MA 'ONGS PA NA RANG GI MTSAN NYID KYIS SKYE BA MED PAR MNYAM PA DE GSUM PA DANG, 'DAS PA DANG DA LTAR GYI CHOS KUN RANG MTSAN GYIS SKYE BA DANG 'GAG PA MED PAR MNYAM PA DE BZHI PA DANG, DNGOS PO SKYE 'GYUR DANG, SKYE BA RANG MTSAN GYIS DBEN PA STE STONG PAR MNYAM PA DE LNGA PA DANG, LUNG RIGS KYIS

179b

MA YIN PAR CHOS KUN GDOD NAS TE SNGON NAS RANG MTSAN GYIS RNAM PAR DAG PAR MNYAM PA DE DRUG PA DANG, CHOS KUN DE NYID LA MNYAM BZHAG GI NGOR GNYIS SNANG GI SPROS PA MED PAR MNYAM PA DE BDUN PA DANG, CHOS KUN DON DAM PAR BLANG DOR MED PAR MNYAM PA DE BRGYAD PA DANG, CHOS KUN SGYU MA'I DPE BDUN LTAR RANG BZHIN GYIS GRUB PAS STONG PAR MNYAM PA DE DGU PA DANG, 'DU BYAS KYI CHOS DNGOS PO DANG 'DU MA BYAS KYI CHOS DNGOS MED DU RANG BZHIN MED PAR MNYAM PA DE BCU PA YIN PA'I PHYIR, RNAM BSHAD LAS, DE LA DANG PO NAS, 'DRA BA'O, ZHES GSUNGS PA'I PHYIR, MNYAM NYID RNAMS LA KHYAB CHE CHUNG YOD DE, DANG PO GNYIS KHYAB CHE LA LHAG MA BRGYAD DE GNYIS KYI KHYAD PAR PHYE BA TZAM YIN PA'I PHYIR, DER THAL, MNYAM NYID BDUN PA DANG PO'I KHYAD PAR DANG, MNYAM NYID GSUM PA DANG BZHI PA LNGA PA RNAMS MNYAM NYID GNYIS PA'I KHYAD PAR DANG, LHAG MA RNAMS LA GNYIS KA'I KHYAD PAR YOD PA YIN PA'I PHYIR TE, RNAM BSHAD LAS, DE GNYIS NI SPYIR BSTAN PA'O, ,GZHAN BRGYAD NI SPYIR BSTAN PA DE NYID KHYAD PAR DU PHYE NAS STON PA STE NAS, DE YANG MNYAM NYID GNYIS PA'I SKABS KYI RANG GI MTSAN NYID KYIS KHYAD PAR DU BYAS, ZHES DANG, GNYIS SNANG GI SPROS PA MED PA NI DANG PO DANG SBYAR LA ZHES SOGS GSUNGS PA'I PHYIR, DE YANG RNO BA NI SHES RAB MYUR BA DANG RJES SU MTHUN PA NI SA BRGYAD PA'I MI SKYE BA'I CHOS LA BZOD PA DANG RJES SU MTHUN PA YIN TE, SBYOR LAM

180a

, ,BZOD PA DANG, MTHONG LAM BZOD PA DANG, SA BRGYAD PA'I BZOD PA STE STONG NYID LA MI SKRAG PA'I BZOD PA CHUNG 'BRING CHE GSUM YOD PA DE'I PHYIR, KHYAB STE, DE GSUM GYI RANG RANG GI LAM 'OG MA'I LTA BA DE RANG RANG GI RJES SU MTHUN PAR BYA DGOS PA'I PHYIR, RNAM BSHAD LAS, RJES SU MTHUN PA'I BZOD PA 'DI LA SKABS STOBS KYIS MI 'DRA BA MANG DU SNANG ZHES GSUNGS PA'I PHYIR, NGOS 'DZIN THOGS MED SKU MCHED KYI LUGS SOR BZHAG MA YIN TE, DE GNYIS KYI LUGS KYANG MI MTHUN LA DE DANG LUGS 'DI'I STONG TSUL GTAN NAS MI GCIG PA'I PHYIR, DE GNYIS KYI NGOS 'DZIN MI MTHUN TE, BYANG SA LAS GZHAN DU BSHAD LA, SA BCU PA'I MDO 'GREL DU SPYI LA DANG PO DANG LHAG MA DGUS KHYAB PAR DU STON PAR BSHAD PA'I PHYIR, DANG PO GRUB STE, BYANG SA LAS, CHOS THAMS CAD LA DON DAM PAR YOD PA'I NGO BO NYID KYI MTSAN MA MED PAR MNYAM PA NYID DANG, BRJOD PA MNGON PAR 'DU BYED PA SNANG BA MTSAN NYID MED PA'I MNYAM PA NYID DANG, DE'I MTSAN NYID MED PAS BDAG NYID MA SKYES PA'I MNYAM PA NYID DANG RGYU LAS KYANG MA SKYES PA'I MNYAM PA NYID DANG, RANG DANG RGYU LAS KYANG MA SKYES PA'I GZOD MA NAS SHIN TU ZHI BA'I MNYAM NYID DANG, YOD PA'I DNGOS PO 'DZIN PA'I SHES PA SPROS BA MED PA'I MNYAM NYID DANG, BLANG BA DANG DOR PAR BYA BA'I MNGON PAR 'DU BYED PA DANG BRAL BA'I MNYAM NYID DANG, DE NYON MONGS PA DANG SDUG BSNGAL GYI KUN NAS NYON MONGS PA DANG BRAL BA'I PHYIR DBEN PA'I MNYAM

180b

NYID DANG, RNAM PAR BRTAGS PA'I SHES BYA'I NGO BO NYID SGYU MA DANG SPRUL BA LTA BU'I MNYAM NYID DANG, RNAM PAR MI RTOG PA'I YE SHES KYI SPYOD YUL GYI NGO BO NYID KYI DNGOS PO DANG DNGOS PO MED PA GNYIS SU MED PA'I MNYAM NYID DE, 'DI NI CHOS MNYAM NYID BCU PO DE DAG GI DON RNAM PAR PHYE PA YIN PAR RIG PAR BYA'O, ZHES GSUNGS PA'I DON DE NI YONGS GRUB KYI NGO BO LA MI 'DRA BA MED PA DANG PO, KUN RTOG GIS BTAGS PA LTAR MED PA GNYIS PA SOGS YIN LA, BDUN PA BRGYAD PA DGU PA GANG ZAG LA SBYAR RO, ,RTAGS GNYIS PA GRUB STE, SA BCU PA'I MDO 'GREL LAS, DE LA SKYE MCHED BCU GNYIS PO RNAMS KYI KUN BTAGS PA'I NGO BO NYID MED PAR MNYAM NYID NI CHOS THAMS CAD MTSAN MA MED PAR MNYAM NYID DE, DE YANG MTSAN MA THA DAD PA'I GNYEN POR RNAM PA DGUR THA DAD DE, MTSAN MA RNAM PA DGU LA SKYE MCHED BCU GNYIS PO DAG GI RANG GI MTSAN NYID KYI MTSAN MA NI GANG GI PHYIR CHOS THAMS CAD MTSAN NYID MED PAR MNYAM NYID CES GSUNGS SO, ,SKAD CIG GCIG NAS GCIG TU 'BYUNG BA'I MTSAN MA NI GANG GI PHYIR CHOS THAMS CAD 'BYUNG BA MED PAR MNYAM NYID CES GSUNGS SO, ,SKYE BA GCIG NAS GCIG TU 'BYUNG BA'I MTSAN MA NI GANG GI PHYIR CHOS THAMS CAD SKYE BA MED PAR MNYAM NYID CES GSUNGS SO, ,KUN NAS NYON MONGS PA'I MTSAN MA NI GANG GI PHYIR CHOS THAMS CAD DBEN PAR MNYAM NYID CES GSUNGS SO, ,RNAM PAR BYANG BA'I MTSAN

181a

, ,ME NI GANG GI PHYIR CHOS THAMS CAD GDOD MA NAS RNAM PAR DAG PA MNYAM NYID CES GSUNGS SO, ,THA SNYAD KYI MTSAN MA NI GANG GI PHYIR CHOS THAMS CAD SPROS PA MED PAR MNYAM NYID CES GSUNGS PA'O, SKYE BA DANG 'CHI 'PHO BA'I MTSAN MA NI GANG GI PHYIR CHOS THAMS CAD BLANG PA DANG DOR BA MED PAR MNYAM NYID CES GSUNGS PA'O, ,GANG ZAG LA MNGON PAR ZHEN PA'I MTSAN MA NI GANG GI PHYIR CHOS THAMS CAD SGYU MA DANG RMI LAM DANG MIG YOR DANG BRAG CHA DANG CHU ZLA DANG GZUG BRNYAN DANG SPRUL PA LTA BUR MNYAM NYID CES GSUNGS PA'O, ,DAR BA DANG RGUD PA'I MTSAN MA NI GANG GI PHYIR CHOS THAMS CAD DNGOS PO DANG DNGOS PO MED PA GNYIS SU MED PAR MNYAM NYID CES GSUNGS PA'O, ZHES SO, ,CHOS RENG GANG ZAG LA SBYAR NAS GSUNGS TE SHIN TU RTOGS LA'O, ,'DI YANG RNAM BSHAD LTA BA LA PHAN PA'I CHED DU BKOD PAS GCES PAR ZUNGS SHIG ,GNYIS PA LA, DGAG BYA NGOS 'DZIN DGOS PA'I RGYU MTSAN DANG SBYAR TE BOD KYI DGAG BYA NGOS 'DZIN LTAR SNANG DGAG ,THAL RANG GI DGAG BYA SO SOR NGOS 'DZIN PA GNYIS, DANG PO NI, RNAM BSHAD LAS, CHOS RNAMS BDEN MED DU GTAN LA 'BEBS PA 'DI LA, NAS; SHIN TU CHUNG BA'I PHYIR, ZHES BYUNG, SNGON GYI BOD RGAN MANG PO NA RE, DRI BA LHAG BSAM RAB DKAR DU GSUNGS PA LTAR DGAG BYA NGOS MA ZIN KYANG YUL CI YANG BLO LA MA SHAR ZHING MA BSAM PA DE GNAS LUGS

181b

MTHONG BA DANG RTOGS PA SOGS SU SMRA BA MANG NGO, ,DE DAG LA 'O NA, RANG GIS MI SHES PA'I 'JIG RTEN KHAMS KYI BRTAN G-YO DE DAG THAMS CAD KYI GNAS LUGS KHYOD KYIS RTOGS PAR THAL, KHYOD KYI BLO LA YUL DE DAG GI RNAM PA CI YANG MI 'CHAR LA, DE MA SHAR BA YUL DE DAG GI GNAS LUGS MTHONG BA'I DON YIN PA'I PHYIR, 'DOD NA, LTA MIN GYI MA RIG PA YIN NA STONG NYID RTOGS PAS KHYAB PAR THAL LO, ,GZHAN YANG STONG NYID KYI RNAM PA 'CHAR BA'I TSE RANG GI DGAG BYA BKAG PA'I RNAM PA MI 'CHAR BAR THAL, BLO LA CI YANG MA SHAR BA DE STONG NYID RTOGS PA YIN PA'I PHYIR, RTAGS KHAS, 'DOD NA, DE'I TSE RANG GI DGAG BYA BDEN GRUB BKAG PA'I CHA DE MI 'CHAR BAR THAL, 'DOD PA'I PHYIR, 'DOD MI NUS TE, BDEN GRUB BKAG PA'I MED DGAG YIN PA'I PHYIR, KHYAB STE, MED DGAG RNAMS KYI DON SPYI 'CHAR BA'I TSE RANG GI DGAG BYA DNGOS SU BKAG NAS CHOS GZHAN DNGOS SHUGS GANG LA YANG MA 'PHANGS PA GCIG DGOS LA, DE LA SNGON DU DGAG BYA'I DON SPYI BLO LA MA SHAR BAR DE BKAG PA'I DNGOS MED BLO LA MI 'CHAR BA'I PHYIR, SPYOD 'JUG LAS, BTAGS PA'I DNGOS LA MA REG PAR, ,DE YI DNGOS MED 'DZIN MA YIN, ZHES GSUNGS PA'I PHYIR, GZHAN YANG STONG NYID RTOGS PA LA YUL KUN RDZOB RAGS PA'I SNANG BA MA SHAR BA TZAM GYIS MI CHOG PAR THAL, DE LA YUL DE DAG GI NGO BO NYID MED PA'I RNAM PA SHAR BA GCIG DGOS KYI DE MA SHAR BAR

182a

, ,YUL DE DAG MI SNANG BA TZAM GYIS MI CHOG PA'I PHYIR, DER THAL, DPER NA SKYE BA SNGA PHYI LTA BU LA DE LTAR DGOS PAR SLOB DPON SANGS RGYAS BSKYANGS BZHED PA GANG ZHIG ,ZLA BA'I ZHABS KYANG DE LTAR BZHED PA'I PHYIR, DANG PO GRUB STE, BUDDHA P'A LI TA LAS, DE GNYIS LA KHYAD PAR CHE BA DE BZHIN DU, 'DI LA YANG 'JIG RTEN 'DI MED DO ZHES BYA BA LA SOGS PA DE LTAR MTHONG BA NI MA RIG PAS KUN TU RMONGS PA'I SEMS PA DANG LDAN PA YIN GYI DNGOS PO THAMS CAD NGO BO NYID STONG PA'I PHYIR MA SKYES PA DANG MA 'GAG PAR MTHONG BA CIG SHOS NI SHES PA SNGON DU BTANG BA YIN PAS DE GNYIS LA KHYAD PAR SHIN TU CHE'O, ,ZHES GSUNGS PA'I PHYIR, KHYAB STE, MED LTA PAS DE LTAR MTHONG BA MA RIG PA'I DBANG DANG DBU MA PAS DNGOS PO THAMS CAD KYI NGO BO NYID MED PA'I RGYU MTSAN GYIS MA SKYES PA SOGS SU LTA BAS KHYAD PAR CHE BAR BSHAD PA'I PHYIR RO, ,GNYIS PA GRUB STE, TSIG GSAL LAS; 'DIR KHA CIG DBU MA PA NI MED PA PA DANG KHYAD PAR MED PA YIN TE, ZHES PA NAS, DE LTAR NI MA YIN TE, DBU MA PA DAG NI RTEN CING 'BREL BAR 'BYUNG BA SMRA BA YIN LA, RTEN CING 'BREL BAR 'BYUNG BA'I PHYIR 'JIG RTEN 'DI DANG 'JIG RTEN PHA ROL LA SOGS PA THAMS CAD RANG BZHIN MED PAR SMRA BAR BYED DO, ,MED PA PA DAG GIS NI DE LTAR RTEN CING 'BREL BAR 'BYUNG BA YIN PA'I PHYIR, RANG BZHIN GYIS STONG NYID KYI SGO NAS 'JIG RTEN PHA ROL LA SOGS PA DNGOS

182b

PO MED PAR RTOGS PA MA YIN TE, ZHES GSUNGS PA'I PHYIR, LUNG SNGA PHYI 'DI GNYIS KYIS LTA BA RTOGS TSAD KYANG SHES PAR GYIS, YANG STAG LO NA RE, THA SNYAD LA ZHIB MO MI SHES KYANG STONG NYID RTOGS NUS PAS STONG NYID RTOGS PA LA THA SNYAD TSAD GRUB MI DGOS TE, DON DAM PA KUN RDZOB LAS GZHAN YIN PA'I PHYIR ZER NA, THA SNYAD TSAD GRUB 'JOG MI SHES PAR RANG BZHIN MED PA RTOGS MI SRID PAR THAL, TSAD GRUB 'JOG MI SHES PAR RANG BZHIN MED PAR BZUNG BAS STONG NYID RTOGS PAR 'JOG MI THUB PA'I PHYIR, DER THAL, SKYE BA SNGA PHYI LTA BU LA DE'I PHYIR, DER THAL, DPER NA, RGYANG PHAN PAS SKYE BA SNGA PHYI RANG BZHIN MED PAR BZUNG BA DE STONG NYID KYI LTA PA MA YIN PA'I PHYIR, DER THAL, DE CHAD LTA YIN LA DBU MA PAS SKYE BA SNGA PHYI RANG BZHIN MED PAR BZUNG BA DE LTA BA RNAM DAG YIN PA'I RGYU MTSAN RIM BZHIN DU THA SNYAD DU GRUB PA MI 'DOD PA DANG, 'DOD PA'I DBANG GIS YIN PA'I PHYIR TE, TSIG GSAL LAS, GAL TE DE LTA NA YANG DE DAG GI DNGOS PO'I RANG BZHIN GYI NGO BOR YOD PA MIN PA NYID DU RTOGS PA'I PHYIR RE ZHIG LTA BA 'DI'I SGO NAS MTSUNGS PA YOD DO ZHEN MED DE DBU MA PA DAG GIS KUN RDZOB TU YOD PAR KHAS BLANGS PA'I PHYIR LA, DE DAG GIS KHAS MA BLANGS PA'I PHYIR MI MTSUNGS SO, ,ZHES GSUNGS PA'I PHYIR, RJE RIN PO CHES LTA BA MA RNYED PAR DU RANG BZHIN MED PA DANG MED PA'I KHYAD PAR MI PHYED GSUNGS PAS KYANG SHES SO, ,DE LA KHO NA RE, RGYANG PHAN PAS SKYE BA SNGA PHYI RANG BZHIN

183a

, ,MED PAR BZUNG BA CHAD LTA MA YIN PAR THAL, DES DE LTAR MA RTOGS KYANG DBU MA'I LTA BA DANG BZUNG TSUL MTHUN PA'I PHYIR, DER THAL, SKYE BA SNGA PHYI LA RANG BZHIN MED PA GANG ZHIG ,DE GNYIS KAS DE RANG BZHIN MED PAR BZUNG BA'I PHYIR NA MA KHYAB STE, YUL SKYE BA SNGA PHYI LA RANG BZHIN MED PAR MTSUNGS KYANG RTOGS PA PO'I BLO'I ZHE PHUG THA DAD PA'I DBANG GIS DBU MA'I LTA BA YIN MIN SO SOR BZHAG PA'I PHYIR, DER THAL, DPER NA MI RKUN MA GCIG LA RKUN MAR NGO SHES MA SHES GNYIS KAS 'DI RKUN MA YIN ZHES SMRAS TSE RKUN MA SHES PAS RKUN MA NGOS ZIN PA DANG CIG SHOS KYIS NGOS MA ZIN PAR 'JOG PA BZHIN YIN PA'I PHYIR, BUDDHA P'A LI TA LAS, GZHAN YANG DPER NA KHA CIG RTZOD PA NA, ZHES PA NAS, DE BZHIN DU DNGOS PO THAMS CAD STONG NYID YIN ZHING STONG PA'I PHYIR MA SKYES PA DANG MA 'GAG PA DE YIN DU ZIN KYANG DE LA GANG LA MNGON SUM GYIS SHES PA YOD PA DE NYID LEGS PA DANG LDAN ZHING BSNGS PA YIN GYI, CIG SHOS NI STONG NYID MNGON SUM DU MA GYUR PA'I PHYIR, LTA BA'I SKYON GYIS KYANG GOS LA MKHAS PA RNAMS KYIS SMAD PAR YANG 'GYUR BAS DE'I PHYIR DE GNYIS KHYAD PAR SHIN TU CHE STE ZHES GSUNGS PA'I PHYIR, KHYAB STE, LTA BA'I SKYON GYIS KYANG GOS LA ZHES PA'I DON YOD PA'I PHYIR DANG, TSIG GSAL LAS KYANG, GAL TE DNGOS PO MTSUNGS SO ZHE NA GAL TE YANG DNGOS PO MA GRUB PA MTSUNGS

183b

PA NYID YIN PA DE LTA YANG RTOGS PA PO THA DAD PAS MI MTSUNGS PA NYID DO, ,'DI LTA STE, DPER NA RKUS BYAS PA'I MI ZHIG LA, ZHES SOGS GSUNGS PA'I PHYIR, KHO NA RE, RGYANG PHAN RGYUD KYI SKYE BA SNGA PHYI RANG BZHIN MED PAR LTA BA DBU MA'I LTA BA YIN PAR THAL, SKYE BA SNGA PHYI RANG BZHIN MED PA GNAS LUGS MTHAR THUG YIN PA'I PHYIR NA MA KHYAB, 'O NA BYE SMRA'I RGYUD KYI LONGS SKU'ANG BZHIN MED PAR LTA BA DBU MA'I LTA BA YIN PAR THAL, LONGS SKU RANG BZHIN MED PA GNAS LUGS MTHAR THUG YIN PA'I PHYIR, 'KHOR GSUM, DE BZHIN DU SEMS TZAM PA'I KUN BTAGS RANG GI MTSAN NYID KYIS MA GRUB PAR LTA BA SOGS LA SBYOR SHES PAR BYA, YANG KHO NA RE, RGYANG PHAN RGYUN KYI DE 'DRA DE RTOG PA DON MTHUN YIN PAR THAL, RTAGS SNGAR GYI DE'I PHYIR NA YANG MA KHYAB, 'O NA BYE SMRA'I RGYUD KYI LONGS SKU DE LTAR LTA BA DE RTOG PA DON MTHUN YIN PAR THAL, RTAGS SNGAR BZHIN, 'KHOR GSUM, YANG GO BO NA RE, RJE RIN PO CHES RTOG PAS GANG BZUNG GI YUL THAMS CAD DE KHO NA NYID LA DPYOD PA'I RIGS PAS 'GOG PAR 'DOD PA'I LOG RTOG THAMS CAD LDOG PAR 'GYUR RO GSUNGS PA MI 'THAD PAR THAL, SHER PHYIN GYI MDO'I DGONGS PA GZUGS STONG MI STONG MTHA' BZHI DANG, DE DANG BRAL BA'I DBUS GANG DU BLOS BZUNG BA MTHAR 'DZIN YIN PAS DGAG DGOS PAR BSHAD LA KHYED RANG BDEN PA 'BA' ZHIG BKAG NAS DBUS LA GNAS PAR 'DOD PA MI 'THAD ZER NA, 'O NA DON

184a

, ,DAM DPYOD BYED KYI RIGS PAS RANG BZHIN 'GOG LA RTEN 'BYUNG SGYU MA LTA BU'I GZUGS SOGS MI 'GOG PA'I KHYAD PAR MI BYED PAR THAL, RIGS PA DES YUL GANG YIN THAMS CAD 'GOG PA'I PHYIR, RTAGS KHAS, 'DOD NA, TSIG GSAL LAS, KHO BO CAG NI LAS DANG BYED PA PO DANG 'BRAS BU LA SOGS PA MED DO ZHES SMRA BA MA YIN TE, 'O NA CI ZHEN RANG BZHIN MED DO ZHES RNAM PAR 'JOG PA YIN NO ZHES GSUNGS PA SOGS MDO DANG BSTAN BCOS DU MA DANG 'GAL BAR 'GYUR RO, ,YANG RNAM BSHAD SOGS LAS MU STEGS PA DANG GRUB MTHA' SMRA BA KHO NAS BTAGS PA'I YUL BKAG PAS THOGS MED NAS ZHUGS PA'I LHAN SKYES KYI BDEN 'DZIN LA MI GNOD GSUNGS BA LA, STAG TSANG PA NA RE, DE MI 'THAD PAR THAL, LHAN SKYES KYI BLO LA'ANG RTAG 'DZIN DANG SNGA PHYI GCIG 'DZIN YOD PA'I PHYIR ZER NA MA KHYAB STE, KHO NA ZHES PA'I RNAM BCAD YOD PA'I PHYIR, KHO RANG LA 'O NA RTAG 'DZIN YIN NA DE'I YUL MU STEGS PAS BDAG RTAG PAR SGRO BTAGS PA LTAR BZUNG BAS KHYAB PAR THAL, LHAN SKYES KI RTAG 'DZIN GYIS DE LTAR BZUNG BA'I PHYIR, RTAGS KHAS, 'DOD NA, DUD 'GRO SOGS GRUB MTHAR MA ZHUGS PA'I RGYUD LA BDAG RGYU RKYEN GANG LAS MA SKYES PA'I RTAG 'DZIN YOD PAR THAL, BDAG MA SHI BAR DU MI 'JIG PA'I RTAG 'DZIN YOD PA'I PHYIR, RTAGS SNGA, 'DOD NA, RTZA BAR, GANG DAG DUD 'GROR BSKAL MANG

184b

BSKYAL GYUR PA, ,DES KYANG MA SKYES RTAG 'DI MA MTHONG LA, ,ZHES GSUNGS PA MI 'THAD PAR THAL LO, ,GZHAN YANG BYE MDO SOGS KYIS DBU MAR MA ZHUGS KYANG BDEN 'DZIN GYI ZHEN YUL LA GNOD PA THUB PAR THAL, DAM BCA' 'THAD PA'I PHYIR, BOD KYI DGAG BYA KHYAB CHE BA THANG SAG BDAG DANG KHYAB CHUNG BA DGAG SLA, 'DI DAG NI RNAM BSHAD KYI DNGOS ZIN TZAM MA YIN PAR DGONGS PA'I GTZO BO BSHAD PA YIN NO, ,YANG SNGON GYI KHA CIG NA RE, RIGS PA YANG DAG GI DGAG BYA LA YOD MED GNYIS 'JOG LA, RIGS PA YANG DAG GI DGAG BYA DANG RTAGS YANG DAG GI BSGRUB BYA'I BZLOG ZLAR GYUR BA'I DGAG BYA DON GCIG PAR 'DOD, DE LA SNGON GYI GZHAN DAG NA RE, BDEN 'DZIN CHOS CAN, BDEN MED DU SGRUB PA'I RTAGS YANG DAG GI DGAG BYA MA YIN PAR THAL, RTAGS YANG DAG GI BSGRUB BYA YIN PA'I PHYIR NA MA KHYAB ZER, DE LA 'O NA DE SGRUB KYI BSGRUB BYA'I CHOS YIN NA DE SGRUB KYI BSGRUB BYA YIN DGOS PAR THAL, BDEN 'DZIN RTAGS YANG DAG GI BSGRUB BYA YIN PA'I PHYIR, 'DOD NA, NGO MTSAR CHE, YANG DAM BCA' DANG PO LA, BDEN 'DZIN CHOS CAN, RTAGS YANG DAG GI BSGRUB BYA'I BZLOG ZLAR GYUR PA'I DGAG BYA YIN PAR THAL, RIGS PA YANG DAG GI DGAG BYA YIN PA'I PHYIR, DER THAL, BDEN MED DU SGRUB PA'I RIGS PA YANG DAG GI DGAG BYA YIN PA'I PHYIR, DER THAL, DE SGRUB KYI 'THAD PA YANG DAG GI DGAG BYA YIN PA'I PHYIR, KHYAB STE, RIGS PA DANG 'THAD

185a

, ,PA DON GCIG YIN PA'I PHYIR, MA KHYAB MTSAMS KYI RTAGS GRUB STE, DES BZUNG BA LTAR MI 'THAD PAS DE 'THAD PA YANG DAG GI DGAG BYAR SONG BA'I PHYIR, DER THAL, DE'I RGYU MTSAN GYIS DE'I DGAG BYA LA BDEN 'DZIN ZHEN YUL DANG BCAS PA GNYIS KA 'JOG DGOS PA'I PHYIR, RTZOD ZLOG LAS, YANG NA KHA CIG SPRUL PA YI, ,BUD MED LA NI BUD MED SNYAM, ,LOG 'DZIN 'BYUNG BA SPRUL PA YIS, ,'GOG BYED 'DI NI DE LTA YIN; ;ZHES MI KHA CIG GIS SPRUL PA'I BUD MED BUD MED DNGOS GNAS SU 'DZIN PA SBRUL PAS 'GOG PA NI, 'GOG BYED CES PA YAN CHAD KYIS STON LA, 'DI NI DE LTA YIN ZHES PAS TSIG SPRUL PA LTA BUS RANG BZHIN YOD 'DZIN ZLOG PAR BSHAD PA'I PHYIR RO, ,RTZA BAR 'DOD NA, DE CHOS CAN, MED PAR THAL, RTAGS YANG DAG GI BSGRUB BYA'I BZLOG ZLAR GYUR PA'I DGAG BYA YIN PA'I PHYIR, RTAGS KHAS, MA KHYAB NA, RTAGS YANG DAG GIS DE SGRUB KYI BSGRUB BYA SGRUB MI THUB PAR THAL DE SGRUB KYI BSAB BYA'I BZLOG ZLA DGAG BYA YOD PA'I PHYIR, RTAGS KHAS, KHYAB STE, DE YOD NA DE LTAR DGAG MI NUS PA'I PHYIR, LAM RIM LAS, 'DI YANG RTEN 'BREL GYI RTAGS KYIS GANG ZAG DANG CHOS KYI STENG DU RANG GI NGOS NAS GRUB PA'I RANG BZHIN YOD PA 'GOG PA LTA BU RNAMS YIN NO, ,DGAG BYA 'DI NI SHES BYA LA MED PA GCIG DGOS TE, YOD NA DGAG PAR MI NUS PA'I PHYIR RO, ZHES

185b

GSUNGS PA'I PHYIR, BYAS PA LA KHO NA RE, RTAGS YANG DAG GI BSGRUB BYA'I BZLOG ZLA DGAG BYA LA MED PAS MA KHYAB PAR THAL, MYU GU MED PA DE MYU GU YOD PAR SGRUB PA'I RTAGS YANG DAG GI BSGRUB BYA'I BZLOG ZLA DGAG BYA YIN PA'I PHYIR; ;DER THAL, MYU GU YOD PA DE SGRUB KYI BSGRUB BYA YIN PA'I PHYIR NA MA KHYAB STE, DE SGRUB KYI BSGRUB BYA'I BZLOG ZLA LA MYU GU MED PA YIN PA DE 'JOG PA'I PHYIR RO, ,KHO RANG LA BDAG YOD PA DE, RTEN 'BREL GYI RTAGS KYIS PHUNG PO BDAG MED DU SGRUB PA'I BSGRUB BYA'I DGAG BYAR THAL LO, ,MYU GU'I 'DOD TSUL 'THAD PA'I PHYIR, 'DOD NA, KHYAD GZHI YANG DPAG RIGS PAR THAL LO, ,RANG LUGS LA, SKABS 'DIR STONG NYID NGES PA LA THOG MAR DGAG BYA NGOS ZIN DGOS TE, DE NGOS MA ZIN NA DE BKAG PA'I STONG PA NGOS MI ZIN PA'I PHYIR, SPYIR DGAG BYA LA LAM GYI DGAG BYA DANG RIGS PA'I DGAG BYA GNYIS YOD PA LAS LAM GYI DGAG BYA LA YOD PA GCIG DGOS TE, DE MED NA SEMS CAN THAMS CAD RANG GROL DU 'GRO BA DANG, LAM SGOM PA'I NGAL BA DON MED DU 'GYUR BA'I PHYIR RO, ,RIGS PA YANG DAG GI DGAG BYA LA LOG 'DZIN DANG DES BZUNG PA'I YUL LA DGAG BYAR BYAS PA GNYIS YOD DE, DPER NA LTOS PA'I RIGS PA'I DGAG BYA LA DNGOS PO RGYU RKYEN LA MA LTOS PAR BZUNG BA DANG DE'I YUL GNYIS KA MI 'THAD PA'AM MI RIGS PAS NA DGAG BYAR MDZAD PA LTA BU YIN PA'I PHYIR, RIGS PA YANG

186a

, ,DAG LA LTOS PA'I DANG 'THAD PA SGRUB PA'I DANG BYA BA BYED PA'I DANG CHOS NYID KYI RIGS PA BZHI YOD KYANG BSDUS NA GNYIS SU 'DU STE, DON DAM DPYOD PA DANG THA SNYAD DPYOD PA'I RIGS PA GNYIS SU 'DU PA'I PHYIR, 'THAD PA DANG RUNG BA DANG RIGS PA DON GCIG STE, RNAM BSHAD RIGS BAR DE LTAR GSUNGS PA'I PHYIR, 'THAD RIGS DANG BLO RIG GI RIG PA DON MI GCIG STE, BOD SKAD LAS MTHA' YOD MED MI 'DRA LA, RGYA SKAD LA YANG YOshIR 'THAD RIGS DANG, BI DYA BLO RIG LA 'JUG PAS SGRA YANG MI 'DRA LA DON MI 'DRA BA YANG SNGAR GYI DES SHES PA'I PHYIR, DES NA 'THAD PA'I BZLOG ZLA LA RIGS PA'I DGAG BYAR BYA STE, RIGS PA BZHI'I BZLOG ZLA MI RIGS PA BZHI LA DGAG BYAR BYED PAR RJE YAB SRAS KYI GSUNG RAB KUN GO BSDUR NA THON PA DE'I PHYIR, RIGS PA YANG DAG DANG RTAGS YANG DAG DON MI GCIG PAS DE DAG GI DGAG BYA YANG DON MI GCIG LA, RTAGS YANG DAG GI DGAG BYA MED PAR MKHAS DBANG CHOS 'BYUNG DANG STAG LUNG GRAG PA'I GSUNG LTAR LEGS TE, SNGAR GYI LUNG RIGS DE DAG SOGS MANG BA'I PHYIR RO, ,'DIR YANG DE'I DBANG DU BYAS SO, ,RTZOD SPONG LA KHO NA RE, BDEN 'DZIN GYIS BDEN PAR BZUNG BA CHOS CAN, MI 'THAD PAR THAL, RIGS PA YANG DAG GI DGAG BYA YIN PA'I PHYIR, RTAGS KHAS, 'DOD NA, DE CHOS CAN, MED PAR THAL, MI 'THAD PA'I PHYIR NA MA KHYAB, KHO RANG LA, PHYI

186b

ROL PA'I GANG ZAG GI BDAG YOD PAR SGRUB PA'I RIGS PA DANG BSHAD TSUL RE RE NAS CHOS CAN, MED PAR THAL, MI 'THAD PA'I PHYIR, 'KHOR GSUM, YANG KHO NA RE, BDEN 'DZIN CHOS CAN, DON DAM DPYOD PA'I RTAGS KYI DGAG BYA YIN PAR THAL, DON DAM DPYOD BYED KYI RIGS SHES RJES DPAG GI DGAG BYA YIN PA'I PHYIR NA SHIN TU MA KHYAB, 'O NA, BDEN MED RTOGS PA'I SHES RAB DE BDEN MED DU SGRUB PA'I RTAGS YANG DAG GI BSGRUB BYAR THAL, DAM BCA' 'THAD PA'I PHYIR, GNYIS PA LA RANG RGYUD PA'I LUGS DANG, THAL 'GYUR BA'I LUGS KYI DGAG BYA BSHAD PA GNYIS, DANG PO NI, RNAM BSHAD LAS, RANG RGYUD PA'I GZHUS NAS PA NAS, 'DIR BSHAD PA YIN NO ZHES BYUNG; MTHA' DPYAD PA LA DGAG GZHAN SPANGS GSUM LAS, SNGON GYI BOD KYI DBU MA PA DANG BYAMS CHOS PA KHA CIG NA RE, RIGS SHES KYI DPYAD BZOD DGAG BYA DANG RIGS SHES KYI DPYAD BZOD DANG DE'I RNYED DON DON GCIG ZER, 'O NA; CHOS NYID CHOS CAN, DGAG BYAR THAL, DON DAM DPYOD PA'I RIGS SHES KYI RNYED DON YIN PA'I PHYIR, KHYAB PA KHAS, RTAGS GRUB STE, RTZA BAR, YANG DAG MTHONG YUL GANG DE DE NYID DE, ,ZHES GSUNGS PA'I PHYIR, YANG KHA CIG NA RE, CHOS NYID SHES BYA MA YIN TE, DE RIGS SHES KYI YUL YIN NA DPYAD BZOD DU 'GRO BA'I PHYIR ZER NA, 'O NA, YANG DAG MTHONG YUL ZHES GSUNGS PA MI 'THAD PAR THAL, DAM BCA' 'THAD PA'I PHYIR, YANG SNGON

187a

, ,GYI RIGS SMRA'I DBANG PO CHA BA DANG PHYIS KYI JO SH'AKA GO KAR RNAMS NA RE, CHOS NYID DON DAM PAR GRUB PAR THAL, DON DAM PAR YOD PA'I TSAD DE KHO NA NYID 'JAL BA'I RIGS SHES KYIS YOD PAR GRUB PA LA BYED PA'I PHYIR, DBU MA SNANG BA LAS, DON DAM PAR SKYE BA MED DO, ZHES BYA BA NI 'DI DAG YANG DAG PA'I SHES PAS SKYE BAR MA GRUB BO, ZHES BSHAD PAR 'GYUR RO ZHES GSUNGS PA'I PHYIR NA MA KHYAB, DE LA KHYAB PAR THAL, LUNG DES SKYE SOGS RIGS SHES KYI YUL DU MA GRUB PA NI DE DAG DON DAM PAR MA GRUB PA'I DON DU DNGOS SU BSHAD NAS SHUGS LA SKYE SOGS RIGS SHES KYI YUL DU GRUB PA SKYE SOGS DON DAM PAR GRUB PAR BSTAN PA'I PHYIR NA YANG MA KHYAB, 'DOD NA, DON DAM PAR GRUB MA GRUB RTZOD PA'I DON DAM DE RIGS SHES DANG DON DAM DU GRUB MA GRUB RIGS SHES DE'I NGOR GRUB MA GRUB KHO NA LA 'CHAD RIGS PAR THAL, KHYED DAG GI ZHE 'DOD 'THAD PA'I PHYIR, 'DOD NA, GZUGS NAS RNAM MKHYEN BAR GYI CHOS RNAMS RE RE NAS DON DAM BAR MA GRUB PA DANG, THA SNYAD DU YOD MTSUNGS MA YIN PAR THAL, STONG NYID BCO BRGYAD DON DAM PAR GRUB PA'I PHYIR, RTAGS SONG, 'DOD MI NUS TE, CHOS THAMS CAD LA KHYAD PAR MED PAR DON DAM PAR MED PAR BSHAD PA'I DON DAM PA DANG DER GRUB PA GNYIS KA MED PA'I PHYIR, DER THAL, DE NI DBU MA PA'I THA SNYAD DU YOD PA'I ZLAS DRANGS

187b

PA'I BDEN GRUB LA BYED DGOS PA'I PHYIR, DER THAL, BDEN 'DZIN GYI YUL DE DON DAM DANG DER GRUB PA DON DAM DU GRUB PA'I DON DU 'JOG RIGS PA'I PHYIR, YUM LAS, YANG BYANG CHUB SEMS DPA' SEMS DPA' CHEN PO NI 'JIG RTEN GYIS BTAGS PA LA BRTEN NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA YI, DON DAM PAR NI GANG BYANG CHUB PAR BYA BA'I PHYIR SPYOD PAR 'GYUR BA GZUGS SAM TSOR BA'AM 'DU SHES SAM 'DU BYED DAM RNAM PAR SHES PA GANG CUNG ZAD KYANG YOD PA MA YIN LA, DE BZHIN DU KHAMS BCO BRGYAD DANG REG PA DRUG DANG, ZHES PA NAS, 'BRAS BU BZHI DANG LAM SHES PA NYID DANG BLA NA MED PA YANG DAG PAR RDZOGS PA'I BYANG CHUB KYANG MED DE, CHOS 'DI DAG THAMS CAD NI 'JIG RTEN GYI THA SNYAD LA BRTEN NAS BTAGS KYI DON DAM PAR NI MA YIN NO, ZHES GSUNGS PA'I PHYIR, KHYAB STE, LUNG 'DIS NI THA SNYAD DU YOD PA MA YIN PA'I YOD PA DE DON DAM PAR YOD PAR BSHAD LA DE 'DRA'I DON DAM DANG DER GRUB PA GNYIS KA MED LA, RIGS SHES LA DON DAM DU BYAS PA'I DON DAM DANG DE'I YUL DON DAM DER GRUB PA GNYIS KA YOD CES KHYAD 'BYED DGOS PA'I PHYIR, DER THAL, DE LTAR 'BYED MA SHES NA SNGAR GYI SKYON DE DAG 'ONGS PA'I PHYIR, RNAM BSHAD LAS, DGAG BYA LA DON DAM GYI KHYAD PAR SBYAR BA'I DON DAM LA GNYIS SHES DGOS TE, ZHES PA NAS, GNAD RNAMS SHES

188a

, ,PAR 'GYUR RO, ,ZHES GSUNGS PA'I PHYIR DANG, SKAL BZANG MIG 'BYED LAS KYANG, DON DAM PAR MED CES PA'I DON DAM LA 'JOG TSUL GNYIS YOD PA THAL RANG GNYIS KA'I SKABS SU SHES PA GNAD DU CHE STE, ZHES PA NAS, GNYIS KA MI SRID DO, ,ZHES GSUNGS PA'I PHYIR, YANG GZHAN PHYOGS PA KHA CIG NA RE, DBU MA SNANG BA MA GTOGS PA'I RANG RGYUD PA'I GZHUNG KHUNGS THUB NAS DON DAM DU GRUB TSAD GSAL BAR MA BSHAD PA MI 'THAD PAR THAL, BDEN GNYIS LAS, BLA LA SNANG BA 'DI KHO NA, ,KUN RDZOB GZHAN NI CIG SHOS SO, ,ZHES GSUNGS PA 'DIS KUN RDZOB TU GRUB TSAD DANG DON DAM DU GRUB TSAD GNYIS KA BSTAN PA'I PHYIR ZER LA, RJE DRUNG SHES RAB DBANG PO'I DBU MAR YANG DE LTAR BSTAN PA LEGS ZHES GSUNGS SHING, PHYIS KYI RANG RE'I MKHAS PA 'GA' ZHIG GIS DBYAD GSUNGS SO, ,DE LA 'O NA, LUNG DE'I KUN RDZOB CES PA YAN CHAD KYIS KUN RDZOB TU GRUB PA NI BA LANG RDZI YAN CHAD KYI BLO LA SNANG BA 'DI KHO NA YIN LA, ZHES BSHAD PA DANG, LHAG MAS NI DON DAM DU GRUB TSAD BA LANG RDZI SOGS LA MI SNANG BAR BSTAN PAR THAL, BLO DE PA LANG RDZI YAN CHAD KYI BLO LA BYED, SNANG ZHES PA'I CIG SHOS MI SNANG BA LA BYED CING, KHYOD KYIS DE GNYIS GRUB TSAD GNYIS LA SBYAR BA'I PHYIR, RTAGS SLA, 'DOD NA, BA LANG RDZI SOGS GROL ZIN PAR THAL, DE DAG LA CHOS GANG YANG BDEN GRUB TU MI SNANG PA'I PHYIR, 'KHOR GSUM,

188b

GZHAN YANG DE DAG GIS DBU MA'I DBU MA'I LTA BRNYED ZIN PAR THAL, DE DAG LA CHOS THAMS CAD THA SNYAD DU GRUB PAR SNANG BA'I PHYIR, 'KHOR GSUM, GZHAN YANG GZHUNG DE KUN RDZOB BDEN PA DANG DON DAM BDEN PA NGOS 'DZIN GYI GZHUNG MA YIN PAR THAL, DE GRUB TSAD GNYIS LA SBYAR BA'I PHYIR, RTAGS KHAS, MA KHYAB NA, DON DAM BDEN PA YIN PAR GRUB NA BDEN GRUB YIN DGOS PAR THAL LO, ,RTZA BAR 'DOD MI NUS TE, DE NYID LAS, BDEN GNYIS RNAM DBYE SHES PA DAG ,CES SOGS TSIGS BCAD GCIG GIS DGOS PA BSTAN, DE NAS DE NYID LAS, KUN RDZOB DANG NI DAM PA'I DON, ,BDEN PA GNYIS SU THUB PAS GSUNGS, ,ZHES PAS GSUNGS TSUL BSTAN, DE NAS, JI LTAR SNANG BA 'DI KHO NA; ;KUN RDZOB GZHAN NI CIG SHOS YIN, ZHES PAS BDEN GNYIS KYI NGOS 'DZIN BSTAN PA'I PHYIR, DANG PO SLA, RTAGS GNYIS PA GRUB STE, BDEN GNYIS RANG 'GREL LAS, MDO SDE DE DANG DER ZHES BYA BA NI TSIG GI LHAG MA'O; ;ZHES DANG, DE'I 'GREL BSHAD LAS, DE DANG DER ZHES BYA BA NI SPYIR BTANG BA'I TSIG GIS MDO SDE MANG BA NYID DU STON TO ZHES GSUNGS PA'I PHYIR, GSUM PA GRUB STE, BDEN GNYIS 'GREL BSHAD LAS, BDEN PA GNYIS RNAM PAR DBYE BA'I DON KYANG BYA'O, ZHES STON PA JI LTAR SNANG BA 'DI KHO NA ZHES BA BSTAN PA NI RIG PA JI LTA BA BZHIN DU MA YIN NO, ZHES BSTAN PA'I PHYIR RO, ,KUN RDZOB SMOS PA NI KUN RDZOB KYI BDEN PA STE TSIG THA MA KHONG

189a

, ,NAS DBYUNG BA'I PHYIR RO, ,GZHAN NI ZHES BYA BA NI JI LTAR SNANG BA LAS GZHAN PA'O, ,DE'I PHYIR 'DI NI RIGS PA JI LTA BA BZHIN NYID NI DON DAM PA'I BDEN PA'O ZHES STON TO, ZHES DANG, BDEN GNYIS RANG 'GREL LAS KYANG, JI LTAR SNANG BA 'DI KHO NA, ,KUN RDZOB GZHAN NI CIG SHOS YIN, DON DAM PA'I BDEN BZHES BYA BA'I THA TSIG GO JI LTAR PA LANG RDZI MO LA SOGS PA YAN CHAD KYIS MTHONG BA DE LTAR KUN RDZOB TU BDEN PA RNAM PAR GNAS KYI ZHES SOGS GSUNGS PA'I PHYIR, SHIN TU RTOGS SLA, YANG KHA CIG NA RE, GZUGS SOGS STENG GI DON DAM PAR MED CES PA'I DGAG BYA BDEN PA GANG YIN DBANG SHES LA SNANG ZER NA, 'O NA GZUGS SOGS RIGS SHES NGOR DON DAM PAR SKYE BA YANG DBANG SHES LA SNANG BAR THAL, GZUGS SOGS KYI DON DAM PA GNYIS KA'I SKYE BA DBANG SHES LA SNANG BA'I PHYIR, DER THAL, KHYOD KYI DAM BCA' 'THAD PA'I PHYIR, 'DOD MI NUS TE, GZUGS SOGS LNGA DANG DE LNGA BDEN GRUB LNGA DBANG SHES SO SO LA SNANG LA, DE DAG YANG DAG PA'I SKYE BA LNGA DANG RIGS NGO'I BDEN GRUB KYI SKYE BA LNGA MED PA'I KHYAD PAR BSHAD PA'I PHYIR, BDEN GNYIS RANG 'GREL LAS, YANG DAG PA'I SKYE SOGS DNGOS PO SNANG BA NA MI SNANG BAS, ZHES DANG, RNAM BSHAD LAS, MTHONG BA NI RTOG PA YIN GYI DBANG SHES MA YIN TE, BDEN GNYIS 'GREL PAR DGAG BYA BDEN PA DBANG SHES

189b

LA MI SNANG BAR BSHAD PA 'DIR YANG 'DRA BA'I PHYIR RO, ZHES GSUNGS PA'I PHYIR, 'DI RIGS NGO'I BDEN GRUB KYI DBANG DU BYAS PA YIN TE, RANG RGYUD PA'I GZHUNG RNAMS LAS BDEN GRUB 'GOG SKABS RIGS NGO'I BDEN SKYE SOGS BKAG PA YIN PA'I PHYIR TE, LEGS BSHAD SNYING PO LAS, GSUM GSUNGS PA'I PHYI MA NI SKABS KYI DON YIN TE, RTOG GE 'BAR BAS DON DAM PA RNAM PA GNYIS TE, ZHES PA NAS, DE LTAR NA DBU MA PA DANG GZHAN DAG DON DAM YOD MED DPYOD PA'I GZHI DE DON DAM PAR MED CES PA'I DON NI GZHI DE DON DAM DPYOD PA'I RIGS NGOR MED PA STE, DES MA GRUB CES PA'I SLOB DPON 'DI'I GZHUNG GI SKOR NAS DE LAS GSAL BA MA BSHAD LA SLOB DPON YE SHES SNYING PO'I BDEN GNYIS KYI SKOR DANG DBU MA RGYAN RANG 'GREL DANG BCAS PA LAS KYANG GSAL BAR NGOS BZUNG BA MI SNANG NGO, ZHES GSUNGS PA'I PHYIR, 'DI 'DRA'I DGAG BYA DBANG SHES LA MI SNANG STE DES GRUB PA'I DON DAM DE GNAS LUGS LA BYED PA'I PHYIR RO, ,YANG KHA CIG, RANG RGYUD PAS KYANG CHOS THAMS CAD RTOG PAS BTAGS TZAM DU 'DOD ZER NA, DE MI 'THAD PAR THAL, 'DI PAS CHOS THAMS CAD RTOG PAS BTAGS TZAM MA YIN PAR RANG NGOS NAS GRUB PAR YANG 'DOD PA GANG ZHIG ,CHOS THAMS CAD BLO LA SNANG BA'I DBANG GIS BZHAG TZAM YIN KYANG SGRA RTOG GIS BTAGS TZAM MA YIN PA MI 'GAL BAR YANG 'DOD, CHOS THAMS CAD MING GIS BTAGS TZAM MA

190a

, ,YIN PAR BTZAL BAS RNYED PAR YANG 'DOD, RGYU 'BRAS SOGS MING GI THA SNYAD KYI DBANG GIS BZHAG PA'I YOD PAR YANG KHAS MI LEN PA'I PHYIR, RTAGS DANG PO GRUB STE, BYANG CHUB BLA MA'I DRIS LAN LAS; DBU MA RANG RGYUD PA RNAMS KYIS THA SNYAD DU YANG RANG GI MTSAN NYID KYIS GRUB PA'I DON BZHED PAS 'DI BA'I LUGS KYI BDEN STONG SGYU MA LA'ANG RTOG PAS BTAGS TZAM MA YIN PA'I DON TSANG NGO, ZHES GSUNGS PA'I PHYIR; GNYIS PA GRUB STE, RNAM BSHAD LAS, DE LTAR BLO LA SNANG BA'I DBANG GIS BZHAG PA MA YIN PA'I SDOD LUGS MED KYANG, DE'I DBANG GIS BZHAG PA'I SDOD LUGS MING DU BTAGS PA TZAM MA YIN PA GCIG YOD PA LUGS 'DI LA MI 'GAL BAS, ZHES GSUNGS PA'I PHYIR, GSUM PA GRUB STE, RIGS PA'I RGYA MTSO LAS, RANG RGYUD PA RNAMS NI SNGAR LTAR DPYOD PA DE TZAM DE KHO NA NYID DU GRUB PA DPYOD PA MA YIN PAR 'DOD PAS DE 'DRAS BTZAL BA'I DON YOD PAR YANG 'DOD LA ZHES GSUNGS PA'I PHYIR, BZHI PA GRUB STE, DE NYID LAS, RGYU 'BRAS LA SOGS PA RNAMS MING GI THA SNYAD KYI DBANG GIS BZHAG PA'I YOD PAR MI 'DOD PAS, ZHES GSUNGS PA'I PHYIR, BYAS PA LA KHO NA RE, 'DI BAS MING GIS BTAGS TZAM GYI TZAM SGRAS RANG MTSAN DANG RANG NGOS NAS GRUB PA GNYIS GCOD PAR MI BZHED PAR THAL, SEMS TZAM PAS KYANG TZAM SGRAS RANG NGOS NAS GRUB PA MI GCOD PAR 'DOD PA'I

190b

PHYIR NA MA KHYAB CING, 'DOD MI NUS TE, SEMS TZAM PA'I 'DOD TSUL LA LEGS LDAN GYIS DGAG PA MDZAD NAS BDEN GRUB TU KUN BTAGS PA MTSAN NYID KYI NGO BO MED RGYU DANG, BDEN GRUB TU MING BRDAS BZHAG TZAM DE KUN BTAGS MING BRDAS BZHAG PA'I DON YIN PA'I PHYIR, DER THAL, LEGS LDAN GYI 'DOD TSUL SKABS KYI LEGS BSHAD SNYING PO LAS, DE'I TSE KUN BTAGS LA MTSAN NYID NGO BO NYID MED DO, ZHES GSUNGS PA'I KUN BTAGS NI ZHEN YUL DER DON DAM PAR KUN BTAGS PA YIN LA, DE MING DANG BRDAS BZHAG PAR GSUNGS PA NI, SGRA RTOG GIS BTAGS PA TZAM DU ZAD PA'I DON NO, ZHES GSUNGS PA'I PHYIR, RJE RIN PO CHES GSUNGS PA 'DI LTAR ZHI 'TSO YAB SRAS KYANG BZHED DE, DBU MA SNANG BA LAS, GZHAN GYI DBANG GI NGO BO NYID SGYU MA LA SOGS PA DANG KHYAD PAR MED PA DE NYID LA RTAG PA MI RTAG PA LA SOGS PA DON DAM PA'I RANG GI NGO BOR SGRO 'DOGS PA GANG YIN PA DE NI KUN BTAGS PA'I NGO BO NYID DO, ,DE YANG JI LTAR KUN BTAGS PA'I MTSAN NYID DU MA GRUB PA'I PHYIR, MTSAN NYID NGO BO NYID MED PA NYID DU RNAM PAR BZHAG GO ,ZHES GSUNGS PA'I PHYIR, BYAS PA LA KHO NA RE, MING GIS BTAGS TZAM GYI CHOS YOD PAR THAL, GZUGS SOGS DE YIN PA'I PHYIR TE, 'GREL PA DON GSAL LAS, GZUGS NAS SANGS RGYAS ZHES BYA BA'I BAR GYI CHOS THAMS CAD BRDAR BTAGS PA'I CHOS THA SNYAD PA YIN NO, ZHES DANG, YUM GYI

191a

, ,MDO LAS, GZUGS NI GLO BUR DU MING GIS BTAGS PA'O, ,NAS, RNAM PA THAMS CAD MKHYEN PA NYID NI GLO BUR DU MING GIS BTAGS PA'O, ZHES DANG, 'GREL CHEN LAS, 'DI DAG THAMS CAD MING TZAM STE, ,SNANG TZAM NYID NAS RANG BZHIN MED, CES GSUNGS PA'I PHYIR NA MA KHYAB STE, LUNG DANG POS CHOS BRDAS THA SNYAD BTAGS PAR BSHAD KYI THA SNYAD BTAGS TZAM DU MA BSHAD LA, MDO'I LUNG DON GZUGS SOGS BDEN GRUB TU GLO BUR DU MING GIS BTAGS TZAM YIN ZHES PA'I DON YIN TE, DANG PO NAS BDEN PAR MA GRUB PAS NA GLO BUR DANG, BDEN GRUB TU MING BRDAS BZHAG TZAM YIN ZHES BSHAD DGOS PA'I PHYIR, NYI KHRI RNAM NGES LAS, DANG PO NYID NAS NGO BO NYID MED PA NI GLO BUR DU BYUNG BA'O, ,BRDAR BTAGS PA NI MING DU BTAGS PA'O, ZHES GSUNGS PA'I PHYIR, YANG KHA CIG, RTA GLANG DU MI SNANG NA RTA GLANG DU SNANG BA MED PAS KHYAB ZER NA, 'O NA SHES BYA CHOS CAN, RTA GLANG DU SNANG BA MED PAR THAL, RTA GLANG DU MI SNANG PA'I PHYIR, KHYAB PA KHAS, MA GRUB NA, BDAG MED YIN NA RTA GLANG DU SNANG BA YIN DGOS PAR THAL, MA GRUB PA DE'I PHYIR, RTZA BAR 'DOD NA, SHES BYA RTA GLANG DU 'DZIN PA'I RTOG PA MED PAR THAL, 'DOD PA'I PHYIR, 'DOD NA, 'KHRUL PA'I MTHA' KHEGS PAR THAL LO, ,GZHAN YANG CHOS NYID CHOS CAN, BDEN GRUB TU SNANG BA MED PAR THAL, BDEN

191b

GRUB TU MI SNANG BA'I PHYIR, KHYAB PA KHAS, MA GRUB NA, DE CHOS CAN, SNANG BA LTAR MA GRUB PAR THAL, MA GRUB PA DE'I PHYIR, 'DOD NA, DE CHOS CAN, BDEN PA MA YIN PAR THAL, 'DOD PA DE'I PHYIR, KHYAB STE, BDEN RDZUN GYI KHYAD PAR SNANG TSUL LTAR CHOS DE GRUB MA GRUB KYIS 'JOG DGOS PA'I PHYIR, RTZA BAR 'DOD NA, CHOS NYID BDEN 'DZIN MED PAR THAL LO, ,YANG KHA CIG NA RE, BDEN PA'I GCIG DANG DU MA GANG RUNG DANG THAL BA MYU GU BDEN MED DU SGRUB PA'I RTAGS YANG DAG ZER NA, 'O NA, BDEN PA'I GCIG DANG DU MA SO SOR 'JOG MI RIGS PAR THAL, DAM BCA' 'THAD PA'I PHYIR, 'DOD MI NUS TE, BUM PA'I CHOS NYID DE BDEN PA'I GCIG DANG, KA BUM GYI CHOS NYID GNYIS BDEN PA'I DU MA YIN PA'I PHYIR, DANG PO GRUB STE, BDEN PA DANG GCIG GI GZHI MTHUN YIN PA'I PHYIR, DE DER THAL, BDEN PA DANG GCIG MI 'GAL BA'I PHYIR, GNYIS PA GRUB STE, BDEN PA DANG DU MA'I GZHI MTHUN YIN PA'I PHYIR, DER THAL, BDEN PA DANG GNYIS KYI GZHI MTHUN YIN PA'I PHYIR, YANG MKHAS GRUB THAMS CAD MKHYEN PA SOGS BDEN GRUB KYI GCIG DANG DU MA GANG RUNG DANG BRAL BA DE GANG ZAG BDEN MED DU SGRUB PA'I THA SNYAD 'BA' ZHIG SGRUB KYI RTAGS YANG DAG YIN GSUNGS PA LA, MKHAS MCHO LEGS CHOS PA'I DOGS BA BKOD PA NA RE, 'O NA, GANG ZAG PHUNG PO DANG BDEN GRUB KYI GCIG DANG DU MA GANG RUNG DU MA GRUB PA DE GANG

192a

, ,ZAG BDEN MED KYI DON YIN PAR THAL, DE LTAR MA GRUB PA DE DE SGRUB KYI THA SNYAD 'BA' ZHIG SGRUB KYI RTAGS YANG DAG YIN PA'I PHYIR, RTAGS KHAS, 'DOD NA, GANG ZAG PHUNG PO DANG BDEN GRUB KYI GCIG MA YIN PA DE BDEN MED KYI DON DU THAL, 'DOD PA'I PHYIR NA 'DIR MA KHYAB, 'DOD NA, SGRA RTAG PA DANG GCIG TU MA GRUB PA SGRA RTAG PAS STONG BA'I DON DU THAL LO, ,YANG KHO NA RE, DES NA BDEN GRUB KYI GCIG MED PA DANG, BDEN GRUB KYI DU MA MED PA DAG BDEN MED KYI DON MIN GSUNGS PA DPYAD GZHI CHE YANG, RE ZHIG 'DI LTAR, 'O NA, GCIG GI GNAS LUGS MED PAR THAL, BDEN PAR GRUB PA'I GCIG MED PA DE DE MA YIN PA'I PHYIR, MA GRUB NA, BDEN GRUB KYI GCIG DE BDEN TSAD GTAN MA YIN PA BUD, RTZA BAR MA KHYAB PA DANG, 'DOD NA, MI 'THAD PAR THAL, 'PHAGS PA'I MNYAM BZHAG ZAG MED KYI YUL LA LTOS NAS SKYE BA MED PA 'GAG PA MED PA NAS, YUL DE LA DON DU MA MED PA DANG, DON GCIG PA YOD PA MA YIN PA BRGYAD KA GNAS LUGS YIN PA'I PHYIR TE, TSIG GSAL LAS, DE NI RTEN CING 'BREL BAR 'BYUNG BA KUN RDZOB PA DE NYID RANG BZHIN GYIS MA SKYES PA NYID KYI PHYIR 'PHAGS PA'I YE SHES LA LTOS NAS 'DI LA 'GAG PA YOD PA MIN PA NAS 'DI LA DON GCIG PA YOD PA MIN PA ZHES BYA BA'I BAR 'GAG PA MED PA LA SOGS PA KHYAD PAR BRGYAD KYIS

192b

KHYAD PAR DU BYED DE, ZHES DANG, BUDDHA B'A LI TA LAS, DON DAM BA'I BDEN PA MCHOG TU ZAB PA 'GAG PA MED PA, SKYE BA MED PA, CHAD PA MED PA, RTAG PA MED PA, 'ONGS BA MED PA, 'GRO BA MED PA, DON THA DAD PA MIN PA, DON GCIG PA MIN PA, ZHES DANG, RIGS PA'I RGYA MTSO LAS, MNYAM BZHAG ZAG MED KYI YUL GYI RANG BZHIN LA LTOS NAS, ZHES SOGS GSUNGS PA'I PHYIR, KHYAB STE, LUNG DE DAG GIS KUN RDZOB DANG DON DAM ZHES BSHAD PA'I RNAM BCAD YONGS GCOD YOD PA'I PHYIR, GZHAN YANG SKYE 'GAG SOGS BRGYAD PO CHOS CAN, 'PHAGS PA'I MNYAM BZHAG ZAG MED KYI NGOR KHYOD MED PA KHYOD KYI GNAS LUGS YIN PAR THAL, KHYOD KUN RDZOB YIN PA'I PHYIR, MA KHYAB NA MDO SDUD PA SOGS NGES DON GYI MDO BSTAN BCOS DU MA DANG 'GAL LO, ,GZHAN YANG, NGA BDEN PAR MED PA STONG NYID YIN LA BDEN GRUB KYI NGA MED PA STONG NYID MA YIN PA'I KHYAD PAR 'THAD PAR THAL, GCIG 'DREN PAR MED PA STONG NYID YIN LA BDEN GRUB KYI GCIG MED PA STONG NYID MA YIN PA'I PHYIR, RTAGS KHAS, 'DOD NA, BDEN GRUB KYIS KHYAD PAR DU BYAS PA'I NGA'O SNYAM DU 'DZIN PA'I LTA BA DE 'JIG LTA PHRA MO MA YIN PAR THAL LO, ,BYAS PA LA KHO NA RE, GNAS LUGS KYI SKYE BA MED PA SEMS TZAM PAS TSAD MAS MA NGES PAR THAL, BDEN PA'I SKYE BA MED PA LA DE'I PHYIR, RTAGS KHAS, 'DOD NA, SEMS TZAM PAS GNAS LUGS DNGOS

193a

, ,MED DU TSAD MAS MA RTOGS PAR THAL, 'DOD PA'I PHYIR NA MA KHYAB, 'O NA, NAM MKHA' DNGOS MED DU SEMS TZAM PAS 'DOD PA LAS PHRA BA'I DNGOS PO MED LUGS GCIG THAL 'GYUR BA 'DI BAS 'DOD PAR THAL, NAM MKHA' GNAS LUGS SU GRUB TSAD LA SEMS TZAM PA LAS PHRA PA GCIG THAL 'GYUR BA 'DI BAS 'DOD PA'I PHYIR, 'KHOR GSUM, DER THAL, THAL 'GYUR BA 'DI BAS NAM MKHA' RANG NGOS NAS GRUB PA DE, NAM MKHA' GNAS LUGS SU GRUB TSAD DU 'DOD, RANG RGYUD PA MAN CHAD SU YANG DE LTAR MI 'DOD PA'I PHYIR, 'KHOR GSUM, BYAS PA LA KHO NA RE, RTZA BAR 'DOD PA YIN TE, RANG NGOS NAS MA GRUB PA'I NAM MKHA' DNGOS MED YIN PA'I PHYIR ZER NA, 'O NA THAL 'GYUR BA'I LUGS LA GZHI DNGOS MED DU RTOGS PA LA YANG RANG BZHIN MED PAS KHYAD PAR DU BYED DGOS PAR THAL, 'DOD PA'I PHYIR, 'DOD NA, BUM PA DNGOS POR RTOGS PA'I NGA RANG BZHIN MED PAS KHYAD PAR DU BYED DGOS PAR THAL LO, ,'DOD NA, THAL 'GYUR BA MA GTOGS SUS KYANG CHOS GANG YANG TSAD MAS MA GRUB PAR 'GYUR RO, ,GZHAN YANG DNGOS SMRA BAS BDAG PHUNG RANG NGOS NAS NGO BO GCIG LA RANG NGOS NAS LDOG PA THA DAD DU KHAS BLANGS PA LA BDAG PHUNG BDEN GRUB KYI GCIG DANG THA DAD GNYIS KAR KHAS BLANGS SONG BA'I SKYON MED PAR THAL, DNGOS SMRA BAS BDAG PHUNG GNYIS

193b

BDEN GRUB YIN KYANG BDEN GRUB KYI GCIG DANG DU MA GNYIS YIN ZHES MI 'DOD PA'I PHYIR, KHYAB PA KHAS, RTAGS SONG, DER THAL, DES BDAG PHUNG BDEN GRUB KYI GCIG MA YIN PAR RTOGS ZIN PA'I PHYIR, RTAGS KHAS, DER THAL, BDAG PHUNG RANG DES NAS NGO BO GCIG TU MA GRUB PA STONG NYID MA YIN PA'I PHYIR, GZHAN YANG BDEN GRUB KYI GCIG DU BRAL DE, BDAG DANG PHUNG PO BDEN MED DU SGRUB PA'I THA SNYAD 'BA' ZHIG SGRUB KYI RTAGS YANG DAG DU THAL, DE SGRUB KYI PHYI RGAL YANG DAG GIS BDEN MED KYI DON BLO NGOR GRUB ZIN KYANG, DE SGRUB KYI BSGRUB BYA LA BDEN MED KYI BRDA DANG THA SNYAD KHO NA SGRUB PA YIN PA'I PHYIR, DER THAL, DE'I TSE RTAGS LAS BDEN MED KYI DON DES KYANG BSGRUB BYA LA 'DI BDEN MED DO SNYAM PA'I BRDA DANG BDEN MED DO ZHES PA'I SGRA'I THA SNYAD SBYAR BA DON YOD PA'I PHYIR TE, DPER NA, NOG DANG LKOG SHAL DANG LDAN PA'I SEMS CAN GYI GONG BU MTHONG BA NA BA GLANG GI DON GRUB KYANG BRDA SBYAR DGOS KYI GANG ZAG LA 'DI NI BA GLANG NGO ZHES BRDA 'BA' ZHIG SBYAR BA DON YOD PA BZHIN YIN PA'I PHYIR, DBU MA RGYAN RANG 'GREL LAS, GTAN TSIGS 'DI LA DAM BCAS PA'I DON GYI PHYOGS GCIG PA YANG MED DE GRUB PA'I YUL GYIS YUL CAN GYI SHES PA DANG SGRA'I THA SNYAD RNAMS SGRUB PA'I PHYIR TE, DPER NA, 'DI NI BA GLANG STE LKOG SHAL LA SOGS PA 'DUS PA'I BDAG NYID YIN PA'I PHYIR RO, ZHES

194a

, ,GSUNGS PA'I PHYIR, 'DI SKOR DKA' GNAS YIN PAS SMRA RGYU MANG PO SNANG YANG DKYUS KYI DON LA GNOD DOGS NAS BZHAG GO ,YANG KHA CIG, SGYU MA RTA GLANG DU SNANG YANG DES STONG PA BZHIN DU BUM SOGS THAMS CAD BUM SOGS SU SNANG YANG BUM SOGS KYIS STONG BA RANG STONG KLU SGRUB LUGS SU 'DOD ZER NA, 'O NA, CHOS GANG YANG RANG YIN PA MI SRID PAR THAL, BUM SOGS CHOS GANG YANG RANG RANG GIS STONG BA DE RANG SGYU MA LTA BU'I DON YIN PA'I PHYIR, RTAGS KHAS, 'DOD NA, RANG STONG CHOS CAN, RANG STONG MA YIN PAR THAL LO, ,RNAM BSHAD LAS, DES NA SGYU MA RTA GLANG DU SNANG YANG NAS, DE DNGOS MA YIN PAR 'GYUR BA'I PHYIR RO, ZHES GSUNGS SO, ,YANG KHA CIG, CHA BCAS GZUGS CAN KHO NA DANG LA LA 'DUS BYAS KHO NA LA SBYOR BA RNAMS MI 'THAD PAR THAL, DE GZUGS SOGS 'DUS BYAS DANG NAM MKHA' DANG MYANG 'DAS SOGS 'DUS MA BYAS THAMS CAD LAM KHYAB PA MED PAR SPYAR DGOS PA'I PHYIR, DER THAL, DE LTAR BYED PA ZHI 'TSO YAB SRAS DANG BCOM LDAN 'DAS KYI DGONGS PA YIN PA'I PHYIR, DBU MA RGYAN RANG 'GREL LAS, DE LA KHYAB PA NI NAM MKHA' LA SOGS PA'O, ,MA KHYAB PA NI RAGS PA DANG RDUL PHRA RAB RNAMS SO, ,DE DAG THAMS CAD KYANG GCIG PU'I RANG BZHIN DANG 'GAL BAR RTEN PA, THA DAD PHYOGS DANG 'BREL BAS NA, KHYAB RNAMS GCIG PUR GA LA 'GYUR, ZHIG

194b

PA NAS, NAM MKHA' LA SOGS PA 'DUS MA BYAS MTHA' DAG KYANG SNGAR BSAL ZIN TE, KHAMS BCO BRGYAD PO DAG GI NI RANG BZHIN MED PA NYID DU BSAL LO, ZHES DANG, 'GREL BSHAD LAS, GCIG PA ZHES BYA BA NI CHA MED PA NYID DO ZHES SOGS DANG, LANG GSHEGS LAS, GCIG DANG GZHAN NYID SPANGS PA YI, ,GZUGS NI JI LTAR ME LONG LA, ,SNANG YANG DE NA YOD MA YIN, ,DE BZHIN DNGOS PO'I NGO BO NYID, CES DANG, YAB SRAS MJAL BA SOGS LAS GCIG DU BRAL GYI GTAN TSIG BSHAD PA DE'I PHYIR, JI SKAD DU RNAM BSHAD LAS, DE LTAR BYED PA ZHI 'TSO YAB SRAS KYI BZHED PA YIN PAS CHA DANG CHA CAN DNGOS PO KHO NA LA RTZIB BLO GROS CHUNG BA'I SKYON NO, ZHES SO; ;GNYIS PA RANG LUGS NI, LUGS 'DI'I BDEN PAR GRUB TSAD DANG THA SNYAD DU GRUB TSAD GNYIS YOD DE, BLO GNOD MED LA SNANG BA'I DPANG GIS BZHAG TZAM MA YIN PAR RANG GI SDOD LUGS SU GRUB PA DE BDEN GRUB KYI TSAD DANG, BLO GNOD MED LA SNANG BA'I DBANG GIS BZHAG TZAM DU GRUB PA KUN RDZOB TU GRUB TSAD DANG, DE LTAR GRUB PAR 'DZIN CING GRUB MTHAS MA BSLAD PA'I BLO NI BDEN 'DZIN GYI RTOG PA LHAN SKYES YIN PA DANG, BDEN 'DZIN DES YANG DAG PA'I DE NYID LA GOS KYIS 'GEB PA LTAR SGRIB PAS KUN RDZOB CES BSHAD PA'I PHYIR, DANG PO GRUB STE, GRUB TSUL GCIG GZHIR BZHAG LA THA SNYAD DU GRUB PA'I BZLOG ZLA BDEN GRUB LA BYED DGOS PA'I PHYIR TE, LANG

195a

, ,GSHEGS LAS, DNGOS RNAMS SKYE BA KUN RDZOB TU, ,DAM PA'I DON DU RANG BZHIN MED, CES DANG, YUM GYI MDO LAS, GZUGS SOGS 'JIG RTEN THA SNYAD DU YOD KYI DON DAM PAR MED PAR GSUNGS PA'I RGYU MTSAN LAS SHES PA'I PHYIR, RNAM BSHAD LAS, RANG RGYUD PA'I GZHUNG KHUNGS THUB GZHAN LAS DGAG BYA NGOS 'DZIN GSAL BAR MI 'BYUNG LA, DBU MA SNANG BA'I KUN RDZOB TU YOD TSUL BSHAD PA'I BZLOGS PHYOGS KYI YOD PA NI DON DAM PAR RAM BDEN YOD DU SHES PAS, ZHES GSUNGS PA'I PHYIR, GNYIS PA GRUB STE, KUN RDZOB TU GRUB PA DANG THA SNYAD DU GRUB PA ZHES PA'I KUN RDZOB DANG THA SNYAD LA RANG GI GZHAL BYA'I DON LA TSAD MAS MI GNOD PA GCIG DGOS PA 'DI DE LA BYED PA'I PHYIR, DER THAL, 'DI'I KUN RDZOB BDEN 'DZIN GYI KUN RDZOB MA YIN PA'I PHYIR, LANG GSHEGS LAS, DNGOS RNAMS SKYE BA KUN RDZOB TU, ,ZHES DANG, DE'I DON BSHAD PAR, DBU MA SNANG BA LAS, DE'I PHYIR DE DAG GI BSAM PA'I DBANG GIS DNGOS PO RDZUN PA'I NGO BO THAMS CAD NI KUN RDZOB TU YOD PA KHO NA'O, ,ZHES DANG, RNAM BSHAD LAS, SROG CHAGS DE DAG GI BSAM PA NI RTOG PA KHO NA MA YIN GYI RTOG MED KYI SHES PA LA YANG BYA STE, DE GNYIS KYI DBANG GIS YOD PAR BZHAG GI ZHES PA NAS, DON MA YIN NO, ,ZHES GSUNGS PA'I PHYIR, GSUM PA GRUB STE, DE LTAR 'KHRUL PA THOG MED KYI DUS

195b

NAS BYUNG BAS LHAN SKYES YIN LA DBANG SHES LA BDEN 'DZIN MI 'THAD PAS RTOG PA YIN DGOS PA'I PHYIR, DER THAL, DBANG SHES LA BDEN 'DZIN YOD NA DBANG SHES DANG SGRIB PA'I GZHI MTHUN YOD DGOS PAS 'KHOR BAR 'CHING BYED DBANG SHES LA MI RUNG BAR STONG THUN LTAR YIN PA'I PHYIR, LANG GSHEGS LAS, RANG BZHIN MED LA 'KHRUL PA GONG, ZHES DANG, DE'I 'KHRUL PA'I DUS DANG 'KHRUL TSUL YANG DBU MA SNANG BA LAS, DE YANG THOG MA MED PA'I 'KHRUL PA'I BAG CHAGS YONGS SU SMIN PA'I DBANG GIS BYUNG LA, DES KYANG SROG CHAGS THAMS CAD LA YANG DAG PA'I DNGOS PO'I BDAG NYID LTA BUR NYE BAR BSTAN PA MTHONG BAR 'GYUR TE, ZHES DANG, RNAM BSHAD LAS; DE YANG NAS BYUNG BA'I BAR GYIS BDEN 'DZIN LHAN SKYES SU STON NO, ,ZHES SOGS GSUNGS PA'I PHYIR, LANG GSHEGS LAS DE NI YANG DAG KUN RDZOB 'DOD, CES DANG, DE'I DON, DBU MA SNANG BA LAS, DNGOS PO YANG DAG PAR NGO BO NYID MED PA DAG LA YANG DE LAS BZLOG PA'I RNAM PAR SGRO 'DOGS PA'I 'KHRUL PA'I BLO GANG YIN PA DE NI KUN RDZOB CES BYA STE 'DI'AM 'DI'I DE KHO NA NYID SGRIB PA LTA BUR BYED 'GEBS PA LTA BUR BYED PA'I PHYIR RO; ,ZHES DANG, RNAM BSHAD LAS, DE NI ZHES PA YAN CHAD CES PA NAS, SGRIB PAR BYED PA'O, ,ZHES GSUNGS PA'I PHYIR, LHAG MA BSHAD ZIN TO, ,SKABS 'DIR SGYU MA'I DPE DANG DON SBYOR TSUL YOD DE, SGYU MA SPRUL PA'I

196a

, ,TSE MIG BSLAD PA DANG STONG NYID MA RTOGS PA'I SEMS CAN MTSUNGS, DE BZHIN DU SGYU MA MKHAN DANG LTA BA RTOGS PA'I GANG ZAG DANG, MIG MA BSLAD PA DANG BYANG 'PHAGS MNYAM BZHAG PA MTSUNGS PA YIN PA'I PHYIR, DANG PO MTSUNGS TE, MIG BSLAD PAS SGYU MA'I RTA GLANG BLO 'KHRUL PAS SNANG BAR MI 'DOD PAR DON GYI RTA GLANG DU 'DZIN PA LTAR STONG NYID MA RTOGS PA LA CHOS THAMS CAD BLO LA SNANG BAS BZHAG PAR MI 'CHAD BAR DON GYI SDOD LUGS SU 'CHAR BA MTSUNGS PA'I PHYIR, GNYIS PA MTSUNGS TE, DPE DES DER SNANG YANG BLO'I DBANG GIS YIN SNYAM PA LTAR LTA BA RTOGS PAS KYANG DER SNANG BA BLO MA 'KHRUL BA'I DBANG GIS BZHAG TZAM LAS MED PAR RTOGS PA'I PHYIR, GSUM PA GRUB STE, DPE LA SNANG ZHE NA GANG YANG MED PA LTAR DON DE'I MNYAM BZHAG GI DON BDEN SNANG DANG BDEN ZHE NA GNYIS KA MED PA'I PHYIR, SGYU MA'I RTA GLANG GI SNANG BA 'JAL BYED YOD DE, RNAL 'BYOR SPYOD PA'I DBU MA BA LTAR NA DE'I RTA GLANG SEMS KYI STANG CHA YIN PAS SEMS DE 'JAL BA'I RANG RIG GIS SHUGS LA RTOGS PAS RANG RIG MNGON SUM DANG, MDO SDE SPYOD PA'I DBU MA PA LTAR NA DE'I RTA GLANG PHYI DON DANG KUN BTAGS PA'I GZUGS KYI SKYE MCHED YIN PAS SA PHYOGS DANG BAR SNANG CI RIGS 'DZIN PA'I DBANG MNGON GYIS 'GRUB PA'I PHYIR, RNAM BSHAD LAS, DE LTAR SGYU MA'I SNANG BA NI, NAS, 'GRUB LA ZHES SO, ,'DI 'OG

196b

TU 'CHAD PAR 'GYUR RO, ,GSUM PA LA KHO NA RE, RI BONG RVA CHOS CAN, YOD PAR THAL, THA SNYAD DU DANG KUN RDZOB TU GRUB PA'I PHYIR, DER THAL, BLO LA SNANG BA'I DBANG GIS BZHAG TZAM DU GRUB PA'I PHYIR NA MA KHYAB, BYAS PA LA KHO NA RE, 'O NA, CHOS THAMS CAD BLO'I DBANG GIS BZHAG TZAM YIN PAR THAL, MA KHYAB PA DE'I PHYIR, 'DOD NA, RANG NGOS NAS MA GRUB PAR THAL, 'DOD PA'I PHYIR NA MA KHYAB STE, 'DI BAS BLO'I DBANG GIS MA BZHAG PA'I RANG NGOS NAS GRUB PA MI 'DOD KYANG DE LTAR BZHAG PA DANG RANG MTSAN GYIS GRUB PA MI 'GAL BA'I PHYIR, BYAS PA LA KHO NA RE, CHOS THAMS CAD CHOS CAN, RTOG PA LA SNANG BA'I DBANG GIS BZHAG TZAM YIN PAR THAL, BLO LA SNANG BA'I ZHES PA'I BLO LA RTOG PA DANG RTOG MED GNYIS YOD PA NI DE DAG GI BSAM PA'I DBANG GIS ZHES PA'I DON YIN PA'I PHYIR, 'DOD NA, RTOGS PAS BTAGS TZAM YIN PAR THAL, RTOG PA LA SNANG BA'I DBANG GIS BZHAG TZAM YIN PA'I PHYIR NA MA KHYAB STE; DE GNYIS KYI DON MI 'DRA BA'I PHYIR, DER THAL, RTOG PA GNOD MED LA SNANG BA'I DBANG GIS BZHAG PA'I DON NI DES BZUNG BA LTAR SDOD LUGS SU SONG BA'I DON GCIG DGOS LA, RTOG PAS BTAGS TZAM ZHES PAS DES SGRO BRTAGS PA'I SDOD LUGS LTAR MIN PA GCIG DGOS PA'I PHYIR, DER THAL, BLO'AM RTOG PA'I DBANG GIS ZHES PA DANG, DE DAG GI SSNANG BA'I DBANG GIS ZHES PA DON 'DRA BA'I PHYIR, RNAM BSHAD LAS, DE LTAR BYAS NA BLO

197a

, ,LA SNANG BA 'AM BLO'I DBANG GIS BZHAG PA MA YIN PAR SDOD LUGS SU YOD BA, ZHES GSUNGS PA'I PHYIR, YANG KHO NA RE, DNGOS SMRA BAS KYANG GZUGS SOGS RANG SPYI GNYIS KUN RDZOB TU GRUB PAR RTOGS PAR THAL, DE DAG GIS TSAD MA GNYIS KYI DBANG GIS GZHAL BYA GNYIS 'JOG SHES PA GANG ZHIG ,TSAD MA GNYIS BLO GNOD MED YIN PA'I PHYIR NA MA KHYAB STE, DE GNYIS KYI GO DON GTAN NAS MI 'DRA BA'I PHYIR, 'DI BAS BLO GNOD MED LA SNANG BA DE KA YUL DE'I SDOD LUGS SU 'DOD LA, SNANG BA'I DBANG GIS PHAR BZHAG PA LAS MED LA, TSAD MA GNYIS KYIS GZHAL BYA'I SDOD LUGS GZHAL PA LA GZHAL BYA BZHAG PAR 'DOD PA'I PHYIR RO, ,RNAM BSHAD LAS, GZHI DER SNANG BA DE SHAR BA NA SNANG BA LTAR GYI SDOD LUGS SU 'GRO BA DANG MI 'GRO BA GNYIS YOD DE, DE LEGS PAR PHYED NA, ZHES PA NAS, DE DANG SNGA MA GNYIS GTAN MI 'DRA BA'I PHYIR RO, ZHES SO, YANG KHO NA RE; THAL RANG GNYIS KYI DGAG BYA LA PHRA RAGS MED PAR THAL, RANG BZHIN MED PAR GNYIS KAS DE LTAR 'DOD PA GANG ZHIG ,DE LAS PHRA BA BKAG NA CHAD MTHAR LTUNG BA'I PHYIR, DANG PO DER THAL, DBU MA RGYAN LAS; RANG BZHIN MED DE ZHES BRTZA 'GREL DANG, DE'I 'GREL BSHAD DANG DBU MA SNANG BA SOGS LAS RANG BZHIN MED CES BSHAD PA SHIN TU MANG BA'I PHYIR NAM KHYAB STE, TSIG LA DE 'DRA MANG BA KHYOD BDEN KYANG DON LA LEGS

197b

PAR DPYAD NA GTAN NAS BLO NGO NA MI 'DRA BA'I KHYAD PAR YOD PA'I PHYIR, DER THAL, 'DI DAG GIS BYIS PA YAN CHAD LA GZUGS SOGS SNANG BA LTAR GRUB PAR 'DOD LA, THAL 'GYUR BAS DE LTAR GRUB PA DGAG BYAR BYED PA'I PHYIR, DANG PO GRUB STE, DBU MA RGYAN RANG 'GREL LAS, BYIS BA'I GNAS SKABS NAS BZUNG STE, THAMS CAD MKHYEN PA'I YE SHES KYI BAR DU MYONG BA GANG MA BRTAGS GCIG PHUN YID DU 'ONG BA'I RANG BZHIN KHO BOS BKAG PA MED DE, ZHES DANG, BDEN GNYIS LAS, CI YI PHYIR NA RGYU 'DI LAS, ,DER SNANG BA 'DI SMRA BAR BYOS, ZHES DANG, DE'I RANG 'GREL LAS, 'O NA GAL TE DON DAM PAR CI YANG MA SKYES PA KHO NA YIN NA DE'I TSE CI'I PHYIR NA RGYU 'DI LAS, ,ZHES SOGS KYI LAN DU, RANG 'GREL LAS, 'DI'I LAN LON PAR BYED DE, 'DI 'DRA 'DI NI RGYU 'DI LAS, ,SNANG STE CI ZHIG SMRA BAR BYA, ,KHYOD LA CI TZAM SNANG BA DE TZAM KHO BO LA YANG SNANG NA DE LA KHO BO CIG LA CI ZHIG DRI, DRIS NA YANG KHO BOS DE TZAM KHO NA ZHIG SMRA BAR GYI? SNGON MA MYONG BA NI CI YANG SMRA BAR MI BYED DE, ZHES DANG, YANG BDEN GNYIS LAS, SNANG BA'I NGO BO GAR YIN PA, ,DE NI 'GOG PA MA YIN NYID, , NYAMS SU MYONG BA GANG YANG NI, ,DGAG PAR RIGS PA MA YIN NO, ZHES DANG, DE'I RANG 'GREL LAS, MNGON SUM DANG 'GAL BAR 'GYUR RO SNYAM DU BSAM PA YIN NO, ZHES DANG, LEGS LDAN GYIS KUN BTAGS DANG

198a

, ,MTSAN GYIS MA GRUB PA BKAG PA SOGS KYIS SHES PA'I PHYIR, GNYIS PA GRUB STE, CHOS CAN MTHUN SNANG GA MED PA'I RGYU MTSAN SOGS SHIN TU MANG PA'I PHYIR, LEGS BSHAD SNYING PO LAS, RANG RGYUD PA RNAMS KYIS THA SNYAD DU YOD PAR 'JOG PA'I SHES PA GNOD MED NI SNANG YUL LAM ZHEN YUL RANG GI MTSAN NYID KYIS GRUB PA'I DON LA MA 'KHRUL PA ZHIG LA 'DOD LA, 'DI LA SNANG YUL LA 'KHRUL PAS DE NA 'JOG NUS PA DU MA ZHIG YOD PAS 'DI GNYIS KYI SHES PA GNOD PA YOD MED KYANG KHYAD PAR CHE, ZHES GSUNGS PA'I PHYIR, 'DI NI BRGYA PA'I 'GREL PA LAS, RNAM PA GZHAN DU GNAS PA'I DNGOS PO LA RNAM PA GZHAN DU SNANG BA'I PHYIR RO, ZHES PA'I DGONGS PA'O, ,DES NA THAL RANG GNYIS LA TSIG 'DRA BA MANG YANG DE DAG GI DON YID DON MI 'DRA BA SHIN TU MANG BAR THAL, MA BRTAGS NYAMS DGA' DANG MA DPYAD NA YOD LA DPYAD NA MED PA DANG, BLO'I DBANG GIS BZHAG PA DANG MING BRDAS BZHAG SOGS TSIG 'DRA YANG DON MI 'DRA BA DU MA YOD PA'I PHYIR, RNAM BSHAD LAS, DBU MA PA GNYIS KYI DGAG BYA LA BLO NGOR MI 'DRA BA CHEN PO 'ONGS, ZHES DANG, LEGS BSHAD SNYING PO LAS, DBU MA RANG RGYUD PA RNAMS NI THA SNYAD 'DOGS PA'I BLO'I DBANG GIS GZUGS TSOR SOGS 'JOG MI NUS LA, DBANG PO'I SHES PA SOGS LA SNANG BA'I DBANG GIS THA SNYAD TU YOD PA 'JOG NUS PAR 'DOD PAS BLO'I DBANG GIS BZHAG MA BZHAG GI BLO

198b

LA YANG KHYAD PAR CHE'O, ZHES PA NAS, TZAM GYI SGRAS GANG GCOD KYANG MI MTHUN NO, ZHES GSUNGS PA'I PHYIR, BYAS BA LA KHO NA RE, MING BRDAS BZHAG TZAM YOD KYANG TZAM SGRAS GANG GCOD THAL RANG MI MTHUN PA'I KHYAD PAR 'THAD PAR THAL; LEGS BSHAD SNYING PO'I LUNG DE GSUNGS PA GANG ZHIG, 'DI BAS BLO GNOD MED LA BRDAR BYAS PA'I BZHAG TZAM YOD PA'I PHYIR NA MA KHYAB TSUL SNGAR BSHAD ZIN TO, ,GNYIS PA THAL 'GYUR PA'I LUGS KYI DGAG BYA NI, RNAM BSHAD LAS, LUGS 'DI LA CHOS RNAMS RTOG PA'I DBANG GIS 'JOG TSUL SHES NA, ZHES PA NAS, 'DIR MA SPROS ZHES BYUNG, 'DI'I DON LEGS PAR BSHAD DU YOD DE, CHOS THAMS CAD RTOG PAS PHAR BTAGS TZAM DU BSTAN PA DANG, DE'I BZLOG ZLA BDEN PAR GRUB TSAD DU BSHAD PA DANG, MING BRDAS PHAR BTAGS TZAM LA BYA BYED THAMS CAD RUNG BAR BSHAD PA DANG, DE LTAR 'GREL PA'I MKHAS PA NGOS BZUNG BA BZHI'I SGO NAS LEGS PAR BSHAD DU YOD PA'I PHYIR, DANG PO YOD DE, GZUGS NAS RNAM MKHYEN GYI BAR GYI CHOS THAMS CAD LA MING RKYANG PHAR BTAGS TZAM YOD KYI GDAGS GZHI'I NGOS NAS RDUL TZAM YANG MED PA'I PHYIR, DER THAL, RANG GI GDAGS GZHI'I PHUNG KHAMS LA GANG ZAG DANG NGA ZHES MING RKYANG PHAR BTAGS TZAM MA GTOGS GDAGS GZHI'I TSOGS TZAM DANG RGYUN DANG RE RE BA DE DAG GI CHA GANG YANG GANG ZAG DANG NGA MA YIN PA'I PHYIR, DER THAL, DPER NA BRAG PHUG LTA BU'I MUN PA

199a

, ,BABS PA'I THAG KHRA 'KHYIL LUGS KHA DOG SOGS SBRUL 'DRA BA LA 'KHRUL NAS 'DI SPRUL LO SNYAM PA'I TSE DE LA SBRUL GYI MING BRDAS PHAR BTAGS TZAM MA GTOGS THAG PA'I CHA GANG YANG SBRUL DU MED PA BZHIN YIN PA'I PHYIR, RIN CHEN PHRENG BAR, GZUGS KYI DNGOS PO MING TZAM PHYIR, ,NAM MKHA' YANG NI MING TZAM MO, ,'BYUNG MED GZUGS LTA GA LA YOD, ,DE PHYIR MING TZAM NYID KYANG MED, ,CES DANG, BZHI BRGYA PA LAS, RTOG PA MED PAR 'DOD CHAGS LA, ,SOGS LA YOD NYID YOD MIN NA, ZHES SOGS DANG, DE'I 'GREL PAR, RTOG PA YOD PA KHO NAS YOD PA NYID DANG RTOG PA MED PAR YOD PA NYID MED PA DE DAG NI GOR MA CHAG PAR THAG PA BSDOGS PA LA BTAGS PA'I SPRUL LTAR RANG GI NGO BOS MA GRUB PAR NGES SO, ZHES DANG, YAB SRAS MJAL BA'I MDO LAS, RGYAL PO CHEN PO SKYES BU GANG ZAG NI KHAMS DRUG PA, REG PA'I SKYE MCHED DRUG PA YID KYI NYE BAR SPYOD PA BCO BRGYAD PA'O, ZHES PA NAS, SA'I KHAMS NI THA SNYAD TZAM MA GTOGS PAR SA'I KHAMS NYID DU MI DMIGS TE, THA SNYAD DE YANG BUD MED MIN SKYES PA MIN GYI, RGYAL PO DE LTAR DE YANG DAG PA JI LTA BA BZHIN DU SHES RAB KYIS RTOGS SHIG, CES DANG, DE BZHIN DU KHAMS LHAG MA THAMS CAD LA YANG GSUNGS PA'I PHYIR, MDO DE'I DON YANG YOD DE, MI DMIGS TE YAN CHAD KYIS MING GIS BTAGS TZAM LAS MED PAR BSHAD, THA SNYAD DE YANG BUD MED MIN SKYES PA MIN ZHES PAS GDAGS GZHI

199b

DE DAG GDAGS CHOS SKYES PA DANG BUD MED MA YIN PAR BSHAD PA'I PHYIR RO, ,DE'I DON BSDUS NAS, RIN CHEN PHRENG BA LAS, SKYES BUS MIN CHU MA YIN, ,ME MIN RLUNG MIN NAM MKHA' MIN, ,RNAM SHES MA YIN KUN MIN NA, ,DE LAS GZHAN NA SKYES BU GANG, ZHES GSUNGS PA YIN TE RNAM SHES MA YIN ZHES PA YAN CHAD KYIS GDAGS GZHI RE RE NAS MA YIN PAR BSHAD, KUN MA YIN ZHES PAS GDAGS GZHI TSOGS PA YANG MIN PAR BSHAD, DE LA MA GZHAN NA ZHES PAS GDAGS GZHI LA MA LTOS PAR YANG MED PAR BSHAD PA'I PHYIR RO, ,GNYIS PA DE'I BZLOG ZLA BDEN PAR GRUB TSAD YIN TE, CHOS THAMS CAD RANG RANG GI MING DANG RTOG PAS PHAR BTAGS TZAM LAS MED PA DE DAG GI GNAS LUGS MTHAR THAG YIN PA'I PHYIR, DER THAL, MING GIS BTAGS TZAM MA YIN PAR ZHEN NA BDEN 'DZIN DU 'GYUR BAS ZHEN MI RIGS PA'I PHYIR, YAB SRAS MJAL BA LAS, RGYAL PO CHEN PO CHOS RNAMS NI RE RE NAS BTZAL NA THA SNYAD TZAM MA GTOGS MIG GI SKYE MCHED MI DMIGS SO, ZHES DANG, YANG DE NYID LAS, DE LTAR CHOS THAMS CAD MA DMIGS NA SANGS RGYAS NI GANG BYANG CHUB SEMS DPA' NI GANG LUNG BSTAN PA NI GANG GZUGS NI GZUGS KYIS STONG PA NAS, RNAM PAR SHES PA'I BAR DU'O, ZHES DANG, DE BZHIN DU 'DI DAG NI THA SNYAD TZAM MING TZAM BRDA TZAM KUN RDZOB TZAM BRJOD PA TZAM GDAGS PA TZAM STE, DE LA MKHAS PA RNAMS KYIS MNGON PAR BYA'I MI 'PHYA'O, ZHES GSUNGS PA'I PHYIR, GSUM

200a

, ,PA CHOS THAMS CAD MING RKYANG BTAGS YOD TZAM LAS MED PA THAG KHRA LA SBRUL DU BTAGS PA'AM, SPYOD 'JUG LAS, DBYIBS SU BKOD PA'I KHYAD PAR GYIS, ,THO YOR LA NI MI BLO BZHIN, ZHES GSUNGS PA LTAR; RGYANG RING PO NAS THO YOR LA MIR BTAGS PA DANG KHYAD PAR MED KYANG BYA BYED RUNG MI RUNG LA KHYAD PAR YOD DE, CHOS RNAMS KYI RANG RANG GI GDAGS GZHI LA RANG RANG GI MING PHAR BTAGS TZAM DES CHOS DE'I BYA BYED KYI THA SNYAD RUNG LA, DPE GNYIS LA MING DE LTAR BTAGS PAS SBRUL DANG MI'I BYA BA MI THUB PA'I PHYIR, DER THAL, MING TZAM DE LA BYA BYED SOGS KHAS MA BLANGS NA CHAD MTHAR LTUNG BA'I PHYIR, DER THAL, BYA BYED SOGS THA SNYAD TSAD GRUB 'JOG MA SHES PAR MED PA MIN ZHES SMRAS KYANG CHAD MTHAR LTUNG BA LA MI PHAN PA'I PHYIR TE, BUDDHA P'A LI TA LAS, JI LTAR ZHE NA, YOD PA DANG MED PA NYID DU BRJOD PA NI LTA BA'I DBANG GIS TE, KHO BO NI DNGOS PO RNAMS RI BONG GI RVA BZHIN DU MED PA DE NYID MTHONG LA, TSIG GI SKYON YONGS SU SPANGS PA'I PHYIR YOD PA NYID KYANG MA YIN LA MED PA NYID KYANG MA YIN NO, ZHES MI SMRA'O, ZHES GSUNGS PA'I PHYIR, 'DIS BOD RGAN RNAMS KYIS CHOS RNAMS YOD PA'ANG MA YIN MED PA'ANG MA YIN ZER BA LEGS PAR BKAG LA SHES BYED MANG YANG SNGAR BSHAD PAS SHES NUS SO, ,BZHI PA YOD DE, KLU SGRUB YAB SRAS KYI GZHUNG GI TSIG 'GREL DANG DE'I DON 'GREL MKHAN PO

200b

RNAMS LAS SANGS RGYAS BSKYANGS DANG ZHI BA LHA DANG ZLA BA'I ZHABS GSUM GYIS MING TZAM DE LA BYA BYED 'THAD PAR MDZAD PA LTAR YIN PA'I PHYIR, DER THAL, SANGS RGYAS BSKYANGS KYIS DKON BRTZEGS LA BRTEN NAS LHA SKU GANG YIN RTZOD PA BDEN RDZUN 'BYED PA DPER BKOD NAS DE LTAR BSGRUBS, ZHI BA LHAS YAB SRAS MJAL BA LA BRTEN NAS SGYU MA DPER BKOD NAS DE LTAR BSGRUBS, ZLA BA'I ZHABS KYIS THEG DMAN GYI MDO LA BRTEN NAS SHING RTA'I DPE'I STENG NAS DE LTAR BSGRUBS PA'I PHYIR, DANG PO GRUB STE, BTAGS DON BTZAL NA ME RNYED KYANG 'JIG RTEN PA'I MING TZAM DE LA YIN MIN BYA BYED THAMS CAD RUNG BA'I PHYIR TE, DPER NA, LHA KHANG DU MI GNYIS KYI GCIG GIS 'KHOR LO CAN DBANG PHYUG DANG RTZE GSUM CAN KHYAB 'JUG GO, ZHES SMRAS, GZHAN PA NA RE DE LAS BZLOG PA'O, ZHES RTZOD PA LA DPANG PO NA RE, 'DI NA LHA DE GNYIS MED, 'DI RI MO YIN NO MI ZER PAR 'JIG RTEN DANG BSTUN NAS GNYIS PA LA KHYOD BDEN LA GZHAN DANG PO DES SMRAS PA MI BDEN ZER BA LTA BU YIN PA'I PHYIR, BUDDHA P'A LI TA LAS, 'DI LTAR BCOM LDAN 'DAS KYIS KYANG GANG 'JIG RTEN NA YOD PAR GRAGS PA DE NGA YANG YOD PAR SMRA'O, ,GANG 'JIG RTEN NA MED PAR GRAGS PA DE NGA YANG MED PAR SMRA'O, ZHES GSUNGS PAS, DE'I PHYIR GANG GI TSE 'JIG RTEN GYI THA SNYAD BYA BA DE'I TSE NA GANG 'JIG RTEN NA YANG DAG PA NYID DU GRAGS PA DE BCOM LDAN 'DAS KYIS KYANG YANG DAG PA NYID DO ZHES SOGS DANG, DPER NA GRONG MI

201a

, ,GNYIS SHIG BYA BA 'GA' ZHIG LA GRONG KHYER DU DONG BA NA LTAD MO'I PHYIR LHA KHANG DU ZHUGS NAS, ZHES PA NAS, DE LA KUN TU RGYU DES JI LTAR 'DI NA DBANG PHYUG CHEN PO YANG 'GA' YANG MED LA SRED MED KYI BU YANG MED DE; 'DI DAG NI RTZIG PA LA BRTEN PA'I RI MO BRIS PA'O ZHES BYA BA DE LTAR SHES MOD KYI 'JIG RTEN GYI THA SNYAD KYI DBANG GIS 'DI NI BDEN NO 'DI NI MI BDEN NO, ZHES SMRAS PA, ZHES GSUNGS PA'I PHYIR, GNYIS PA GRUB STE, SKYES BU GDAGS GZHI KHAMS DRUG LA MING TZAM LAS MED PA SGYU MA DANG MTSUNGS KYANG SGYU MA DANG DE GNYIS BSAD PAS SKYES BU BSAD PA'I SDIG PA YOD MED MI MTHUN PA'I PHYIR, DER THAL, DE GNYIS KA LA MING RKYANG LAS MED KYANG SGYU MA'I MI LA SEMS MED PAS MI'I SDIG PA MED LA, SKYES BU LA SEMS YOD PAS BSAD NA MI'I SDIG PA YONGS PA YOD PA'I KHYAD PAR 'THAD PA'I PHYIR, SPYOD 'JUG LAS, SGYU MA'I SKYES BU BSAD SOGS LA, ,SEMS MED PHYIR NA SDIG MED RE, ,SGYU MA'I SEMS DANG LDAN PA LA, ,BSOD NAMS DANG NI SDIG PA 'BYUNG, ZHES DANG, BSLAB BTUS LAS, DE LA JI LTAR CHOS THAMS CAD BDAG MED KYANG LAS DANG 'BRAS BUR 'BREL BA MI 'GAL BA DANG, RANG BZHIN MED KYANG JI LTAR MTHONG BZHIN PA'I CHOS THAMS CAD MI 'GAL BA DE LTAR NI YAB DANG SRAS MJAL BA'I MDO LAS BSTAN TE ZHES GSUNGS PA'I PHYIR, LUNG 'DIS GANG ZAG GI BDAG MED KYANG LAS 'BRAS SOGS RUNG BA DANG, RANG NGOS NAS CHOS GANG YANG

201b

MA GRUB PA DANG MTHONG BA LTAR MA GRUB KYANG MTHONG BA'I GZUGS SOGS GRUB PAR BSHAD DO, ,GSUM PA 'CHAD PAR 'GYUR LA, 'DI LTAR BSHAD PA 'DI DBU MA'I LTA BA'I DKA' SA MTHAR THUG YIN TE, MING GIS PHAR BTAGS TZAM LAS RAGS PA'I DGAG BYA BKAG KYANG RTAG MTHA' MI KHEGS PAS DBU MA'I DON RNAL MA MI RNYED, MING RKYANG LAS GDAGS GZHI'I STENG NAS MA GRUB PA'I DON SPYI SHAR BA NA RI BONG RVA LTAR TSAD GRUB 'JOG MA SHES NA CHAD MTHAR LHUNG NAS DBU MA'I DON MI SHES PA'I PHYIR RO, ,RNAM BSHAD LAS, RTOG PAS BZHAG PA DE LA BYA BYED 'THAD PA NI, NAS, DBU MA'I LTA BA MTHAR THUG PA'I DKA' SA YANG 'DI NYID DO, ZHES GSUNGS PA'I PHYIR, MING RKYANG BTAGS YOD KYI DON YOD DE, MING RKYANG ZHES PAS RANG NGES NAS GRUB PA DANG RTAG MTHA' KHEGS, BTAGS YOD CES PAS DON DE, THA SNYAD DE 'JUG TU YOD PAS RI BONG RVA LTAR MA YIN PAR BSTAN NAS CHAD MTHA' DANG MED MTHA' SOGS SEL BA'I PHYIR RO, ,DES NA MING GIS BTAGS TZAM LA YOD PAS MA KHYAB KYANG, MING RKYANG BTAGS YOD LA YOD PAS KHYAB STE, YOD PA DANG DE GNYIS PHAN TSUN YIN DGOS PA'I PHYIR, DER THAL, YOD PA BTAGS YOD GNYIS LA PHAN TSUN YIN PAS KHYAB PA'I PHYIR, 'O NA SANGS RGYAS KYI SA NA RTOG PA MED PAS RNAM MKHYEN SOGS RTOG PAS BZHAG TZAM MA YIN PAR 'MYUR SNYAM NA SKYON DE MED PAR THAL, MING MED PA'I CHOS MED LA SGRA RTOG RANG YUL LA

202a

, ,'JUG MTSUNGS YIN PAS RNAM MKHYEN 'JOG BYED THAMS CAD SANGS RGYAS KYI SA NA YOD MI DGOS PA'I PHYIR, DER THAL, RNAM MKHYEN GYI MING RGYUD LDAN GYI SEMS CAN YOD KYANG RNAM MKHYEN RGYUD LDAN GYI SEMS CAN YOD MI DGOS PA'I PHYIR RO, ,SMRAS PA, THAL RANG DGAG BYA'I PHRA RAGS CHER BSHAD PAS, SKAL LDAN BLO MIG SLONG PA'I RAB RIB TSOGS, ,THO RANG RGYU SKAR RNAMS BZHIN CHOS DBYINGS SU, ,BDAS PA MED KYANG BROS NAS MI SNANG MTSAR, ,AA HO MKHA' NGOS MA SGRIB DBANG PO'I GZHUS, ,SPRAS BZHIN STONG PA MI 'GOG RNAM KUN MCHOG ,'CHAR BA'I SGYU MA 'DI LA GZIGS MO'I TSAD, ,MI 'CHAR RNAM PA GANG YOD AEE MA HO; ;STONG PA SNANG BA ZAD PA'I GNAS LUGS DANG, ,KUN RDZOB CI YANG 'CHAR BA'I CHOS CAN GNYIS, ,'DU DANG 'BRAL MED GZUGS DANG NAM MKHA' BZHIN, ,RTOGS PA'I RNAL 'BYOR DBANG PO DBU MA BA'O, ,ZHES BAR SKABS KYI TSIGS SU BCAD BA'O, ` ,GNYIS PA LA CHOS KYI BDAG MED RIGS PAS SGRUB PA DANG, ,GANG ZAG GI BDAG MED RIGS PAS SGRUB PA GNYIS, DANG PO LA, MTHA' BZHI'I SKYE BA BDEN PA GNYIS CHAR DU DGAG PA; DE LA RTZOD PA SPANGS BA, RTEN 'BYUNG GI SKYE BAS MTHAR 'DZIN 'GOG TSUL, ,RIGS PAS DPYAD PA'I 'BRAS BU NGOS BZUNG BA DANG BZHI, ,DANG PO NI, SPYIR DGAG BYA BDAG GNYIS PO DE 'GOG BYED KYI RIGS BA DU MA YOD DE, THAL

202b

'GYUR GYI DE DU MA DANG, RTAGS KYI DBANG DU BYAS PA'I DE DU MA YOD PA'I PHYIR, DANG PO DU MA YOD DE, GZHAN GRAGS KYI RJES DPAG SKYED BYED KYI THAL 'GYUR, RGYU MTSAN MTSUNGS PA MGO SNYOMS KYI THAL 'GYUR, 'GAL BRJOD KYI THAL 'GYUR, 'GAL BRJOD DANG 'DOD PA SGRUB PA'I THAL 'GYUR, SGRUB BYED BSGRUB BYA DANG MTSUNGS PA'I THAL 'GYUR LNGA YOD PA'I PHYIR, DANG PO NI, MYU GU CHOS CAN, RTEN 'BREL MA YIN PAR THAL, RANG NGOS NAS GRUB PA'I PHYIR LTA BU, GNYIS PA NI YOD DE, SGRA 'DZIN NYAN SHES KYIS GZUGS MTHONG PAR THAL, GZUGS 'DZIN MIG SHES KYIS DON DAM PAR GZUGS LA LTA BA'I PHYIR LTA BU YIN PA'I PHYIR, GSUM PA NI, BA SPYI RTAG DNGOS CHOS CAN, RANG GI GSAL BA DU MA LA MA KHYAB PAR THAL, CHA MED PA'I GCIG PU YIN PA'I PHYIR LTA BU, BZHI PA NI, MYU GU CHOS CAN, SLAR YANG SKYE BA DON MED PAR THAL, RANG GI BDAG NYID THOB ZIN PA'I PHYIR LTA BU, LNGA PA NI, GZUGS PHUNG RANG BZHIN GYIS GRUB PAR THAL; TSOR PHUNG RANG BZHIN GYIS GRUB PA'I PHYIR THER BA LA, TSOR PHUNG RANG BZHIN GYIS GRUB PA'I RTAGS KYIS GZUGS PHUNG RANG BZHIN GYIS GRUB BAR SGRUB MI NUS PAR THAL, SGRUB BYED TSOR PHUNG RANG BZHIN GYIS GRUB BA DANG BSGRUB BYA GZUGS PHUNG RANG BZHIN GYIS GRUB PA GNYIS LA BSGRUB DKA' SLA'I KHYAD PAR MED PA'I PHYIR LTA BU YIN PA'I PHYIR, GTAN TSIGS KYANG DU MA YOD DE, CHOS RNAMS KYI NGO BO LA DPYOD PA GCIG DU BRAL GYI GTAN TSIGS DANG, RGYU LA

203a

, ,DPYOD PA RDO RJE GZEGS MA'I GTAN TSIGS DANG, 'BRAS BU LA DPYOD PA YOD MED SKYE 'GOG GI GTAN TSIGS DANG, RGYU 'BRAS GNYIS KA LA DPYOD PA MU BZHI SKYE 'GOG GI GTAN TSIGS DANG, CHOS KUN GYI NGO BO DANG RGYU 'BRAS GSUM KA LA DPYOD PA RIGS PA'I RGYAL PO RTEN 'BREL GYI GTAN TSIGS LNGA YOD PA'I PHYIR, DANG PO YOD DE, MYU GU CHOS CAN, RANG BZHIN GYIS MED DE, RANG BZHIN GYIS GRUB PA'I GCIG DANG DU MA GANG RUNG DU MED PA'I PHYIR LTA BU, GNYIS PA YOD DE, MYU GU CHOS CAN, RANG BZHIN GYIS MI SKYE STE, MTHA' BZHI GANG LAS KYANG MI SKYE BA'I PHYIR LTA BU, GSUM PA YOD DE, MYU GU CHOS CAN, RANG BZHIN GYIS MI SKYE STE, RANG GI RGYU DUS SU YOD PA YANG MI SKYE GTAN NAS MED PA YANG MI SKYE BA'I PHYIR LTA BU, BZHI PA YOD DE, MYU GU CHOS CAN, RANG BZHIN GYIS MI SKYE STE, RANG BZHIN GYIS GRUB PA'I RGYU GCIG KHO NAS 'BRAS BU DU MA YANG MI SKYED, RANG BZHIN GYIS RGYU DU MAS 'BRAS BU GCIG KHO NA YANG MI SKYED, RANG BZHIN GYIS RGYU DU MAS 'BRAS BU DU MA YANG MI SKYED, RANG BZHIN GYIS RGYU GCIG KHO NAS 'BRAS BU GCIG KHO NA YANG MI SKYED PA'I PHYIR LTA BU, LNGA PA YOD DE, MYU GU CHOS CAN, RANG BZHIN GYIS MED DE, RTEN 'BREL YIN PA'I PHYIR LTA BU YIN PA'I PHYIR, DE RNAMS KYI NANG NAS 'PHAGS PA YAB SRAS KYIS RDO RJE GZEGS MA'I SGO NAS MNYAM NYID DANG PO SKYE BA MED PA MNYAM NYID GTZO BOR BSHAD PA'I RGYU MTSAN YOD DE, DE

203b

RTOGS NA MNYAM NYID GZHAN SGRUB SLA BAR DGONGS NAS RTZA SHE LAS RDO RJE GZEGS MA GTZO BOR BSHAD PA 'DIR YANG GTZO BOR BSHAD LA, RIGS TSOGS GZHAN RIN PHRENG SOGS LAS GCIG DU BRAL SOGS RTAGS GZHAN CI RIGS RGYAS PAR BSHAD PA 'GA' ZHIG 'DIR ZHAR BYUNG DU 'CHAD PA'I PHYIR RO, ,DANG PO GRUB STE, RANG 'GREL LAS, DE'I PHYIR 'DIR CHOS SKYE BA MED PAR MNYAM PA NYID KHO NA RIGS PAS BSTAN PA NYID KYIS CHOS MNYAM PA NYID GZHAN BSTAN PA SLA BAR DGONGS TE SLOB DPON GYIS DBU MA'I BSTAN BCOS KYI DANG POR, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES NYE BAR BKOD PA YIN NO, ,ZHES GSUNGS, TSIG BCAD 'DIS DAM BCA' TZAM BSTAN PA YIN TE, DE'I BSTAN TSUL BRTEN PA PHYI NANG GI DNGOS PO GANG DAG NAM YANG GANG NA YANG STE, YUL DUS GRUB MTHA' 'GAR YANG BDAG LAS DANG GZHAN LAS DANG, DE GNYIS LAS DANG RGYU MED LAS SKYE BA MED CES DAM BCAS PA'I PHYIR, DER THAL, DNGOS PO GANG DAG CES PAS BRTEN PA MI SKYE RGYU DE STON, NAM YANG DANG GANG NA YANG ZHES BAS RTEN GZHI GANG DU MED TSUL BSTAN PA'I PHYIR, DER THAL, YUL 'GA' ZHIG TU GUR GUM MI SKYE BA YUL GYI DBANG LTA BU DANG, DGUN DUS LO THOG MI SKYE BA LTA BU DUS KYI DBANG GIS DANG, DBU MA'I GRUB MTHA'I DBANG GIS MI SKYE YANG, DNGOS SMRA BA'I GRUB MTHA'I DBANG GIS SKYE'O SNYAM PA BCAD PA'I

204a

, ,PHYIR DE LTAR GSUNGS PA'I PHYIR TE, RANG 'GREL LAS, DES NA PHYI NANG GI DNGOS PO RNAMS NI YUL DANG DUS DANG GRUB PA'I MTHA' 'GAR YANG BDAG LAS SKYE BA SRID PA MA YIN NO, ZHES 'DI LTAR SBYAR BAR BYA'O, ZHES DANG, DE BZHIN DU DAM BCA' GZHAN GSUM LA YANG SBYAR BAR BYA'O, ZHES SO, ,'DIR DON DE 'CHAD PA LA DAM BCA' BZHAG PA DANG, SGRUB BYED KYI RIGS PA DANG, GRUB MTHA'I DON GSUM, DANG PO NI, RTZA BAR, DE NYID DE LAS 'BYUNG MIN GZHAN DAG LAS LTA GA LA ZHIG ,GNYIS KA LAS KYANG MA YIN RGYU MED PAR NI GA LA YOD, CES DANG, DE'I RANG 'GREL LAS, DAM BCA' BZHI PO DE RJES SU BRJOD NAS SOGS BYUNG, GNYIS PA LA BDAG SKYE DGAG PA, GZHAN SKYE DGAG PA, GNYIS KA LAS SKYE BA DGAG PA, RGYU MED LAS SKYE BA DGAG PA BZHI, DANG PO LA 'GREL PA'I RIGS PAS DGAG PA, RTZA SHES KYI RIGS PAS DGAG PA GNYIS, DANG PO LA, GRUB MTHA' MKHAN GYI LUGS DGAG PA, GRUB MTHA' PA MA YIN PA'I THA SNYAD LA MED PA DANG, DON BSDU BA GSUM, DANG PO NI, RTZA BAR, DE NYID DE LAS 'BYUNG NA YON TAN 'GA' YANG YOD MA YIN, ZHES PA NAS, DE YANG GZUNG DU YOD 'GYUR DE'I PHYIR 'DI NI KHAS MI BLANGS, ZHES PA RTZA 'GREL BYUNG, GNYIS PA NI, RTZA BAR, GANG PHYIR RGYU ZHIG NA YANG SOGS RKANG PA GNYIS RTZA 'GREL BYUNG, GSUM PA NI, RTZA BAR, DE PHYIR DNGOS PO ZHES SOGS RTZA 'GREL BYUNG, GNYIS PA NI, RTZA BAR, BDAG LAS SKYE BAR 'DOD NA BSKYED PAR BYA DANG SKYED BYED DANG, ,

204b

ZHES SOGS TSIGS BCAD GCIG RTZA 'GREL BYUNG, 'DI LA SPYI DON DANG MTHA' DPYAD PA GNYIS, DANG PO LA, SANGS RGYAS BSKYANGS KYIS BDAG SKYE BKAG TSUL, DE LA LEGS LDAN GYIS SKYON BRJOD TSUL, SANGS RGYAS BSKYANGS LA SKYON MED PAR ZLA BAS BSHAD TSUL GSUM LAS, DANG PO LA GRANGS CAN PA NA RE, NAS MYUG LTA BU'I 'BRAS BU GCIG GI RGYU SA BON DANG RKYEN CHU LUNG RNAMS LA SPYI'AM GTZO BO'AM RANG BZHIN CHA MED GCIG PHAR YIN TSUR YIN GYI KHYAB PA'I RJES SU 'GRO BA YOD PAR THAL, RGYU RKYEN DE DAG LA 'BRAS BU THUN MONG BA DMIGS PA'I PHYIR, SKYE LDAN THAMS CAD RANG RGYU'I DUS NAS YOD DE, DE DAG RANG RGYU'I DUS SU RGYU'I RANG BZHIN DU GNAS PA'I PHYIR, DPER NA RDZA BUM RGYU 'JIM PA'I DUS SU 'JIM PA'I RANG BZHIN DU YOD PA BZHIN, DES NA RGYU RKYEN GYI RANG BZHIN DANG 'BRAS BU'I RANG BZHIN YANG CHA MED GCIG YIN PAS PHAN TSUN YIN KHYAB MNYAM DU 'DOD DE, RNAM BSHAD LAS, 'DI LA GRANGS CAN RNAMS, ZHES PA NAS, 'DOD TSUL ZHES SO, ,YANG GRANGS CAN KHA CIG ,SPYI LAS DE SKYE BAR MI 'DOD LA GSAL BAR 'DOD DE, 'DIS KYANG SPYI GSAL GNYIS NGO BO GCIG TSUL DANG GRUB TSUL SNGA MA LTAR 'DOD PA'I PHYIR RO, ,DE LTAR 'DOD PA LA SLOB DPON SANGS RGYAS BSKYANGS KYIS THAL 'GYUR 'PHANGS TSUL YOD DE, SANGS RGYAS BSKYANGS KYIS DNGOS PO RNAMS BDAG GI BDAG NYID LAS SKYE BA MED CES DAM BCA' BZHAG PA LA KHO NA RE, BDAG LAS

205a

, ,SKYEN CI NYES SNYAM PA LA, DE DAG GI SKYE BA DE DON MED DU 'GYUR BA DANG, DER MA ZAD THUG MED DU YANG 'GYUR BA'I SKYON 'ONG PA'I PHYIR, ZHES THAL 'GYUR GNYIS KYIS GNOD BYED MING GI SGO NAS MDOR BSTAN PA'I PHYIR, BU DDHA P'A LI TA LAS, DNGOS PO RNAMS BDAG GI BDAG NYID LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SHIN TU THAL BAR 'GYUR BA'I PHYIR RO, ZHES SO, ,SKYE BA DON MED DU THAL BA 'PHANGS TSUL YOD DE, MYU GU CHOS CAN, SLAR YANG SKYE BA DON MED DU THAL, RANG GI RGYU DUS NAS YOD PA'I PHYIR ZHES 'PHANGS PA'I PHYIR, DE LA GRANGS CAN GYIS MA KHYAB ZER BA LA, THAL 'GYUR GNYIS PA THUG MED DU THAL BA 'PHANGS TSUL YOD DE, MYU GU CHOS CAN, KHYOD KYI SKYE BA LA THUG PA MED PAR THAL, RANG GI RGYU DUS NAS GRUB JI NA KYANG SLAR YANG SKYE BA LA DGOS PA'AM DON YOD PA'I PHYIR, ZHES 'PHANGS PA'I PHYIR, BUDDHA P'A LI TA LAS, DNGOS PO BDAG GI BDAG NYID DU YOD PA RNAMS LA NI YANG SKYE BA LA DGOS BA MED DO, ,CI STE YOD KYANG SKYE NA NAM YANG MI SKYE BAR MI 'GYUR RO, ZHES GSUNGS PA'I PHYIR, 'DI LA'ANG MA KHYAB ZER BA YIN TE, YOD KYANG MI GSAL BA GSAL BAR SKYE DGOS PAS THAL 'GYUR SNGA MAR MA KHYAB LA, GSAL ZIN NAS SKYE MI DGOS PAS THAL 'GYUR 'DI LA MA KHYAB SNYAM PA'I PHYIR TE, RIGS PA'I RGYA MTSO LAS, DE LA PHA ROL POS NUS PA'I NGO BOR MI GSAL BAR

205b

YOD PA GSAL BAR SKYE DGOS PA DANG, GSAL ZIN NAS SKYE MI DGOS PAS THAL BA SNGA PHYI GNYIS LA KHYAB PA MED CES SMRA MONG KYANG SKYON SPONG MI NUS TE, ZHES GSUNGS PA'I PHYIR, THAL 'GYUR DE GNYIS LA MA KHYAB KYI LAN BTAB KYANG LAN RNAM DAG MI THENG PAR THAL, DE LA GSAL BA CHOS CAN, SLAR YANG MI SKYE BAR THAL, RGYU DUS NAS YOD PA'I PHYIR, MA GRUB NA, 'O NA, SKYE LDAN THAMS CAD SNGAR YOD RKYEN GYIS GSAL PAR SKYE BA MA YIN PAR THAL, GSAL BA LA DE'I PHYIR, GONG DU MA KHYAB NA, GSAL BA CHOS CAN, KHYOD KYI SKYE BA THUG MED YIN PAR THAL, KHYOD RANG RGYA'I DUS NAS YOD KYANG SLAR SKYE BA DGOS PA DANG BCAS PA'I PHYIR, RIGS PA'I RGYA MTSO LAS, SMRA MOD KYANG SKYON SPONG MI NUS TE, GSAL BA SNGA NAS YOD NA DER SKYE MI DGOS LA SNGA NAS YOD KYANG SKYE NA THUG MED SON GNAS SHING GSAL BA SNGAR MED NA RGYU LA SNGAR YOD KHO NA SKYE BA'I PHYOGS NYAMS SO, ZHES SO, GNYIS PA DE LA LEGS LDAN GYIS SKYON BRJOD TSUL YOD DE, SKYON BRJOD KYI GZHI SANGS RGYAS BSKYANGS KYI 'GREL BA'I MDOR BSTAN RGYAS BSHAD DE LTAR YIN PAR MA DGONGS SHING, DES NA MDOR BSTAN GYIS SLAR YANG SKYE BA DON MED DANG THUG MED DU 'PHANGS PAR MA DGONGS NAS MDOR BSTAN GYI GZHUNG KHO NA LA SKYON BRJOD MDZAD PA'I PHYIR TE, SHES RANG SGRON ME LAS, 'DI LA GZHAN GYIS DNGOS PO RNAMS BDAG GI BDAG NYID LAS SKYE BA MED DE, DE DAG GI SKYE BA DON MED PA NYID DU

206a

, ,'GYUR BA'I PHYIR DANG, THUG PA MED PAR 'GYUR BA'I PHYIR RO, ZHES RNAM PAR 'CHAD PAR BYED DO, ,DE NI RIGS PA MA YIN TE, GTAN TSIGS DANG DPE MA BRJOD PA'I PHYIR DANG, GZHAN GYIS SMRAS PA'I NYES PA MA BSAL BA'I PHYIR RO, ,GLAGS YOD PA'I TSIG YIN PA'I PHYIR, SKABS KYI DON LAS BZLOG PAR 'GYUR BA DANG, DE'I CHOS BZLOG PA'I DON MNGON PAS DNGOS PO RNAMS GZHAN LAS SKYE BAR 'GYUR BA DANG, SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA YOD PAR 'GYUR BA'I PHYIR MDZAD PA'I MTHA' DANG 'GAL BAR 'GYUR RO, ZHES GSUNGS PA'I PHYIR, 'DI'I DON NI SLOB DPON LEGS LDAN GYI BYAD SANGS RGYAS BSKYANGS KYI DE DAG SKYE 'GOG PA'I 'GREL BA'I TSIG DE NI MI RIGS TE, DES BSTAN PA'I SPYOR BA DES BDAG SKYE MED PA SGRUB NUS KYI RTAGS DANG DPE MA BRJOD PA'I SKYON DANG, GRANGS CAN GYIS GRUB ZIN SGRUB PA'AM KHYAB PA 'GAL BA'I SKYON BRJOD YOD PA MA BSAL BA'I SKYON DANG, RGOL BA GZHAN GYIS KLAN KA'I GLAGS YOD PA'I SKYON GSUM 'BYUNG BA'I PHYIR, DANG PO GRUB STE, KHYOD KYI 'GREL BAS SBYOR BA DNGOS PO RNAMS CHOS CAN, BDAG GI BDAG NYID LAS SKYE BA MED DE, SKYE BA DON MED DANG THUG MED YIN PA'I PHYIR, ZHES TSIG ZIN LA BKOD KYANG BAS MTSOD LA DON BCAS DANG THUG BCAS YIN PA'I PHYIR ZHES BKOD PA DE'I PHYIR, RTAGS SLA, KHYAB STE, DE LTAR NA DAM BCA'

206b

TZAM DU ZAD KYI SBYOR BA DES BDAG SKYE MED PAR SGRUB MI THUB PA'I PHYIR, DER THAL, MIG SOGS NANG GI SKYE MCHED RNAMS CHOS CAN, DON DAM PAR BDAG LAS MI SKYE STE, YOD PA'I PHYIR, DPER NA SHES PA YOD PA NYID BZHIN ZHES PA LTA BU'I BDAG SKYE 'GOG NUS KYI GTAN TSIGS DANG DPE MA BRJOD PA'I PHYIR, SHES RAB SGRON ME LAS, GTAN TSIGS DANG DPE MA BRJOD PA'I PHYIR DANG, ZHES DANG, RIGS PA'I RGYA MTSO LAS, LEGS LDAN GYIS DE NI MI RIGS TE, SBYOR BA DES BDAG SKYE MED PAR SGRUB PA'I RTAGS DANG DPE GANG YANG MA BRJOD PAS DAM BCAS PA TZAM DU ZAD PA'I PHYIR DANG, ZHES SO, ,GNYIS PA GRUB STE, GRANGS CAN GYIS KHYOD KYIS BDAG NYID LAS ZHES PA'I DON 'BRAS BU MNGON GSAL GYI BDAG NYID LAS ZER RAM, RGYU MI GSAL BA GTZO BO'I BDAG NYID LAS 'DOD, DANG PO LTAR NA GRUB ZIN SGRUB PA YIN TE, KHO BO YANG 'BRAS BU MNGON PAR GSAL ZIN PA'I BDAG NYID LAS SKYE BAR MI 'DOD PA'I PHYIR, GNYIS PA LTAR NA KHYAB PA 'GAL BAR 'GYUR TE, SKYE LDAN THAMS CAD DE LAS SKYE BA'I PHYIR, ZHES SMRA BA'I NYES PA MA BSAL BA'I PHYIR, SHES RAB SGRON ME LAS, GZHAN GYIS SMRAS PA'I NYES PA MA BSAL BA'I PHYIR DANG, ZHES DANG, RIGS PA'I RGYA MTSO LAS, GRANGS CAN GYIS BDAG LAS ZHES PA'I DON 'BRAS BU GSAL BA'I BDAG NYID LAS YIN NA NI GRUB ZIN SGRUB PA DANG, RGYU MI GSAL BA NUS

207a

, ,PA'I BDAG NYID LAS YIN NA NI SKYE LDAN THAMS CAD DE LAS SKYE BA KHO NA YIN PAS NA KHYAB PA 'GAL BAR 'GYUR RO, ZHES DAM BCA' LA BRTAGS NAS SKYON BRJOD PA MA BSAL BA'I PHYIR RO, ZHES SO; ;RTZA RTAGS GSUM PA GRUB STE, SKABS KYI DON DNGOS BSTAN DON MED THUG MED RTAGS SU BKOD PA'I SBYOR BA MI 'THAD PAS 'GREL PA'I DNGOS ZIN GYI SBYOR BA DE LAS BZLOG DGOS BZLOG PAS GZHAN GYI KLAN KA'I GLAGS YOD PA'I SKYON YOD BA'I PHYIR, SHES RAB SGRON ME LAS, GLAGS YOD PA'I TSIG YIN PA'I PHYIR SKABS KYI DON LAS BZLOG PAR 'GYUR BA DANG ZHES DANG, RIGS PA'I RGYA MTSO LAS, RGOL BA GZHAN GYI KLAN KA'I GLAGS YOD PA'I TSIG YIN PA'I PHYIR YANG MI RIGS SO, ZHES DANG, GLAGS YOD PAR JI LTAR 'GYUR NA SKABS KYI DON SBYOR BA DE LAS BZLOG PAS 'GYUR RO, ZHES SO, ,SKABS KYI DON DNGOS BSTAN GYI SBYOR BA LAS BZLOG PAS GLAGS YOD KYI TSIG TU 'GYUR TSUL YOD DE, DNGOS ZIN GYI DNGOS PO RNAMS BDAG LAS SKYE BA MED DE ZHES PA'I BSGRUB BYA BZLOG PAS GZHAN LAS SKYE BAR 'GYUR BA DANG, DE LTAR BSGRUB PA'I CHOS TE RTAGS DON MED THUG MED GNYIS BZLOG PAS DON BCAS THUG BCAS BKOD PAS DBU MA RANG GI GRUB MTHA' MTHA' BZHI'I SKYE MED MED DGAG BYED PA'I GRUB MTHA' DANG 'GAL BAR 'GYUR BA'I PHYIR, SHER SGRON LAS, BSGRUB PAR BYA BA DANG

207b

NAS; 'GAL BAR 'GYUR RO, ZHES DANG, tIKA CHEN LAS, SKABS KYI DON LAS BZLOG BAS, ZHES SOGS NAS ZER RO ZHES DANG, SKAL BZANG MIG 'BYED LAS, GLAGS JI LTAR YOD NA, 'DI LTAR SBYOR BA'I TSIG ZIN LAS BZLOG DGOS PAS GLAGS YOD PAR 'GYUR TE, SBYOR BA'I TSIG ZIN LTAR NA DNGOS PO RNAMS BDAG LAS SKYE BA MED PA BSGRUB BYA DANG SKYE BA DON MED THUG MED GTAN TSIGS YIN NA RTAGS PHYOGS CHOS MA GRUB PAR 'GYUR ZHING, BDAG LAS SKYE NA DON MED DANG THUG MED DU 'GYUR PA GTAN TSIGS YIN NA YANG PHYOGS CHOS GRUB NA BSGRUB BYA GRUB PAR 'GYUR BA'I PHYIR DNGOS ZIN LTAR MI 'THAD CING 'DI'I BZLOG DON GNYIS SANGS RGYAS BSKYANGS RANG NYID KYIS 'DOD PAR MNGON ZHES LEGS LDAN GYIS SANGS RGYAS BSKYANGS KYI 'DOD PA BLANGS SO, ZHES SO, ,SKABS 'DIR RTAGS CHOS SOGS RE RE LA YANG THA SNYAD DU MA SNANG BA SHES DGOS TE, DE SHES NA 'OG GI 'CHAD 'GYUR DU MA LA PHAN PA DANG; DBU TSAD KYI THA SNYAD MI 'DRA BA'I RNAM DBYE LA MKHAS PAR 'GYUR BA'I PHYIR RO, ,YOD PA'I RTAGS KYIS MYU GU DON DAM PAR MI SKYE BAR SGRUB PA'I SBYOR BA DANG SBYOR NAS BSHAD NA, DE SGRUB KYI PHYOGS DANG BSGRUB BYA DANG DAM BCA' RNAMS DON GCIG STE, DE SGRUB KYI CHOS CAN DANG CHOS KYI TSIGS DON PHYOGS SOGS YIN PAR DBU TSAD MTHUN PA'I PHYIR, PHYOGS ZHES PA NI PA KshI ZHES PA GNYIS LA 'JUG PA DE YIN NO, ,DE SGRUB KYI CHOS DANG BSGRUB BYA'I CHOS RNAMS

208a

, ,DON GCIG PAR MTHUN TE, GZHI GANG GI STENG DU BSGRUB PAR BYA BA'I KHYAD PAR GYI CHOS YIN PA'I PHYIR, RJES SU DPAG PAR BYA BA'I GZHI DANG PHYOGS CHOS ZHES PA'I PHYOGS DANG RTZOD GZHI DANG GZHI'I CHOS CAN RNAMS DON GCIG PAR MTHUN TE, CHOS CAN ZHES PA'I CHOS RTAGS CHOS GNYIS LA BYAS NAS DE GNYIS DANG LDAN PA'I CHOS CAN ZHES BSHAD PA'I PHYIR TE, 'GREL BSHAD BRTUL ZHUGS LAS, CHOS CAN ZHES BYA BA NI RJES SU DPAG PAR BYA BA'I GZHI GANG LA BSGRUB PAR BYA BA DANG, SGRUB PA'I CHOS GNYIS YOD PA DE NI CHOS CAN TE, ZHES GSUNGS PA'I PHYIR, DES NA SGRUB PA'I CHOS DANG PHYOGS CHOS DANG GTAN TSIGS DANG RTAGS DANG RGYU MTSAN RNAMS DON GCIG PAR MTHUN TE, 'GREL BSHAD DE NYID LAS, SGRUB PA'I CHOS ZHES BYA BA NI SKYE BA MED PA'I SGRUB PA'I CHOS TE GTAN TSIGS SO ZHES DANG, DE'I PHYIR YOD PA'I PHYIR ZHES BYA BA NI CHOS DANG CHOS CAN BSDUS PA'I PHYOGS DE'I GTAN TSIGS KYI CHOS YIN PAS PHYOGS KYI CHOS ZHES BYA'O, ZHES GSUNGS PA'I PHYIR, RANG RGYUD KYI GTAN TSIGS DANG RANG RGYUD KYI RTAGS DANG RANG RGYUD KYI RJES SU DPAG PA DON GCIG STE, RGOL PHYI RGOL LA TSUL GSUM MTHUN SNANG DU RANG DBANG GIS GRUB PA'I SGO NAS PHYI RGOL LA RJES DPAG SKYED PA GCIG LA 'DOD PA'I PHYIR, DER THAL, RANG RGYUD KYI DON RANG DBANG DU GRUB PA LA BYED DGOS PA'I PHYIR, 'GREL BSHAD DE NYID LAS, SKABS 'DIR NI NANG GI SKYE MCHED RNAMS

208b

ZHES BYA BA GZHI GANG LA BSGRUB PAR BYA BA, CHOS BDAG LAS SKYE BA MED PA ZHES BYA BA RGOL BA DANG PHYIR RGOL BA GNYIS KA LA GRAGS PA DANG, BDAG LAS SKYE BA MED PA DE SGRUB PA'I CHOS YOD PA NYID CES BYA BA RGOL BA DANG PHYIR RGOL BA GNYIS KA LA GRAGS PA, DE GNYIS YOD PA DE NI CHOS CAN ZHES BYA'O, ZHES DANG, 'CHI MED MDZOD LAS, RANG RGYUD RANG DBANG BDAG DBANG DANG, ,ZHES GSUNGS PA'I PHYIR, RANG GRAGS KYI RTAGS DANG DE'I RJES DPAG DANG GZHAN GRAGS KYI RTAGS DANG DE'I RJES SU DPAG PA RNAMS DON GCIG LA THAL 'GYUR BA MA YIN PA'I YANG DAG MI 'DOD DE, SNGA RGOL DBU MA PAS PHYI RGOL DNGOS SMRA LA DNGOS PO BDEN MED SGRUB TSE PHYI RGOL RANG NYID LA GRAGS PAS NA RANG GRAGS DANG SNGA RGOL LAS GZHAN PA'I PHYI RGOL LA GRAGS PAS NA GZHAN GRAGS ZHES BSHAD PA'I PHYIR, DER THAL, DBU MA'I LTA BA MA RNYED PAR DU DBU MA PA LA GRAGS PA LTAR GYI RTAGS SOGS PHYI RGOL LA BSTAN PA'AM BLO LA GRAGS MA THUB PA'I RGYU MTSAN GYIS RGOL BA GNYIS KAR MTHUN SNANG GI TSUL GSUM MI YONG PAR 'DOD PA'I PHYIR RO, ,MED DGAG SGRUB BYAR BYED PA'I DBU MA'I GRUB MTHA' DANG 'GAL TSUL YOD DE, DNGOS ZIN GYI RTAGS BZLOG NAS DON BCAS THUG BCAS 'GOD NA DNGOS KYI DAM BCA' YANG BZLOG NAS DNGOS PO GZHAN LAS SKYE BA BSGRUB PAR BYED DGOS PAS GRUB MTHA' DANG 'GAL BA GANG ZHIG, SPYIR THAL 'GYUR DANG RTAGS GANG BKOD KYI DE LTAR BZLOG DGOS

209a

, ,PA MTSUNGS PA MA YIN KYANG SANGS RGYAS BSKYANGS KYIS MTHA' BZHI'I SKYE BA 'GOG PA'I SKABS 'DIR DE LTAR DGOS ZHES ZHIB CHA 'BYED DGOS PA'I PHYIR, DANG PO GRUB STE, DNGOS ZIN GYI RTAGS BZLOG PA LTAR, DNGOS ZIN GYI BSGRUB BYA YANG BZLOG NAS DNGOS PO RNAMS GZHAN LAS SKYE STE ZHES BSGRUB BYAR 'GOD PA MI THUNG YANG SHUGS BSTAN GYI BSGRUB BYAR 'GYUR BA GANG ZHIG, DE LTAR BYAS NA MA YIN DGAG DNGOS KYI BSGRUB BYAR SONG BAS GRUB MTHA' DANG 'GAL PA'I SKYON YOD PA'I PHYIR, DANG PO GRUB STE, RIGS PA'I RGYA MTSO LAS, DES NA BZLOG DON GNYIS RTAGS SO, ,DNGOS ZIN GYI RTAGS BZLOG DGOS NA DNGOS ZIN GYI DAM BCA' YANG BZLOG DGOS TE MTSUNGS PA'I PHYIR, DE LA RTAGS BZLOG PA LTAR BYAR MED PAS BDAG SKYE RNAM PAR BCAD TZAM MA YIN PA BZLOG PA'I DON NO, ZHES GSUNGS PA'I PHYIR, GNYIS PA GRUB STE, DBU MA'I BSTAN BCOS KYIS SPROS PA THAMS CAD GCOD PA'I CHED YIN PAS SKABS 'DIR MED DGAG GCIG DGOS KYI MA YIN DGAG BYAS NA BCOM LDAN 'DAS KYIS MTSAN MA LA MI SPYOD PAR GSUNGS PA'I GRUB MTHA' DANG 'GAL PA'I PHYIR TE, SHES RAB SGRON ME LAS, MA YIN PAR DGAG PA YONGS SU BZUNG NA NI DE SGRUB PA GTZO CHE BA'I PHYIR, CHOS RNAMS MA SKYES SO ZHES SGRUB PAS SKYE BA MED PA STON PA'I PHYIR, MDZAD PA'I MTHA' DANG BRAL BAR 'GYUR TE, LUNG LAS GZUGS SKYE BA MED PA LA SPYOD NA SHES RAB KYI PHA ROL TU

209b

PHYIN PA LA SPYOD PA MA YIN NO ZHES GSUNGS PA'I PHYIR, ZHES SO, ,'DI LTAR MGO BAR SNA TSOGS SMRAS KYANG 'KHRUL LO, ,GNYIS PA GRUB STE, SANGS RGYAS BSKYANGS KYIS MTHA' BZHI'I SKYE BA 'GOG SKABS SKYE MED TZAM MA YIN BAR SKYE BA THA SNYAD DU YOD PA SGYU MA LTA BUR SGRUB 'DOD LA, DE LTAR NA SKYE BA NI DON BCAS THUG BCAS YIN PAS, BDAG LAS MI SKYE SMRAS PAS SHUGS LA GZHAN SKYE 'PHEN PA'I PHYIR, RTAGS ZUR DANG PO GRUB STE, BUDDHA P'A LI TA LAS, 'DIR SMRAS PA RE ZHIG SKYE BAR BRJOD PA THA SNYAD TZAM YIN PA DE LTAR RAB TU STON CIG, BSHAD PA DE DANG POR BSTAN PAR BYA'O, ,BDAG LAS MA YIN GZHAN LAS MIN, ZHES PA NAS, GZHAN LAS KYANG SKYE BA MED DE, CI'I PHYIR ZHE NA, THAMS CAD LAS THAMS CAD SKYE PAR THAL BAR 'GYUR BA'I PHYIR RO, BDAG DANG GZHAN GNYIS LAS KYANG SKYE BA MED DE, GNYIS KA'I SKYON DU THAL BAR 'GYUR BA'I PHYIR RO, ,RGYU MED PA LAS KYANG SKYE BA MED DE, RTAG TU THAMS CAD LAS THAMS CAD SKYE BAR THAL BAR 'GYUR BA'I PHYIR DANG, RTZOM PA THAMS CAD DON MED PA NYID DU 'GYUR BA'I PHYIR RO, ,DE LTAR GANG GI PHYIR DNGOS PO SKYE PA RNAM BA THAMS CAD DU MI 'THAD PA DE'I PHYIR, SKYE BA MED PAS SKYE BAR BRJOD PA NI THA SNYAD TZAM YIN NO, ZHES GSUNGS PA'I PHYIR SNYAM DU LEGS LDAN GYIS DGONGS PAR MNGON PA'I PHYIR, DPYAD GZHI CHE MOD KYANG SKYON MED DE, RTZA SHES KYIS DON DAM BAR MED PA DANG, MING BRDA TZAM LA THAMS

210a

, ,CAD DU RUNG BAR BSHAD PA'I MDOR BSTAN LA, 'DIR YANG MTHA' BZHI LAS MI SKYE BA MED DGAG YIN KYANG SKYE BA MING TZAM YOD PAR MDZAD PAS SHIN TU LEGS SO ZHES BSHAD DGOS PA'I PHYIR TE, STONG THUN LAS, THAL 'GYUR DANG RTAGS GANG YIN THAMS CAD LA SPYIR DE LTAR SMRA BA MA YIN GYI, ZHES PA NAS, SKYE BA GZHIR BYAS LA BDAG SKYE GZHAN SKYE GNYIS SU KHA TSON CHOD PAS DNGOS PO RNAMS SKYE BA YIN ZHING BDAG LAS MI SKYE ZHES SMRAS PA NYID KYIS GZHAN LAS SKYE BA 'PHEN PA'I PHYIR, LHAS BYIN TSON PO DANG NYIN PAR MI ZA BAR SMRAS PA'I SHUGS KYIS MTSAN MO ZA BAR 'PHEN PA BZHIN NO SNYAM DU BSAM ZHES GSUNGS PA'I PHYIR; 'DI YANG SMRA PO LA 'PHEN 'DOD MED NA MI 'PHEN TE, MDO LAS, GANG ZHIG RKYEN LAS SKYE BA DE MA SKYES, ZHES DANG, LEGS LDAN RANG NYID KYANG GZUGS CHOS CAN, DON DAM PAR MED DE, YOD PA'I PHYIR, SGYU MA BZHIN ZHES PA DAG GIS THA SNYAD DU SKYE BA DANG YOD PAR SHUGS LA 'PHEN PAR SU YANG MI 'DOD PA'I PHYIR RO, ,GSUM PA SANGS RGYAS BSKYANGS LA SKYON MED TSUL ZLA BAS BSHAD TSUL LA, SANGS RGYAS BSKYANGS LA SKYON MED TSUL DANG, LEGS LDAN GYI LUGS DGAG PA GNYIS, DANG PO LA, SKYEN DANG PO GNYIS MI 'JUG PA'I TSUL DANG, GSUM PA MI 'JUG PA'I TSUL LO, ,DANG PO LA RANG RGYUD KYI DBANG DU BYAS PA'I SKYON MED TSUL DANG, GZHAN GRAGS KYI DBANG DU BYAS PA'I

210b

SKYON MED TSUL GNYIS, DANG PO LA RANG RGYUD MA BKOD PA'I TSUL DANG, RANG RGYUD LA SMRAS PA'I NYES PA SEL MI DGOS PA'I TSUL GNYIS, DANG PO LA RANG RGYUD LA DGOS PA MED PA DANG, DE LA NUS PA MED PA DANG, RANG RGYUD KHAS LEN MI RIGS PA GSUM, DANG PO NI, LEGS LDAN GYI SKYON THAMS CAD MI RIGS TE, 'CHAD 'GYUR LTAR ZLA BA'I ZHABS KYIS GZIGS PA'I PHYIR TE, TSIGS GSAL LAS, SKYON 'DI DAG THAMS CAD NI RIGS PA MA YIN PAR KHO BO CAG GIS MTHONG NGO, ZHES SO, ,LEGS LDAN GYIS SKYON BRJOD DU MA'I NANG GI RANG RGYUD KYI GTAN TSIGS DANG DPE MA BRJOD PA'I BDAG SKYE 'GOG MI NUS PA'I SKYON MED PAR THAL, KHYOD KYIS RANG RGYUD KYI RTAGS DANG DPE BKOD PA'I DGOS PA'AM 'BRAS BU BDAG SKYE MED PAR KHAS LEN PA'I NUS PA SANGS RGYAS BSKYANGS KYIS 'GAL BRJOD KYI THAL 'GYUR GYIS BRTZAD NAS KYANG THUB PA'I PHYIR TE, DE NYID LAS, GANG LAS GTAN TSIGS DANG DPE BKOD PA 'BRAS BU DANG BCAS PAR 'GYUR BA 'DI TZAM ZHIG GIS BRTZAD BA CI PHA ROL PO KHAS LEN PAR MI BYED DAM, ZHES SO, ,'DI TZAM ZHIG CES PA'I TZAM SGRAS THAL 'GYUR TZAM GYIS SKYED THUB PAR BSTAN PA LTAR YIN TE, DE LA THAL 'GYUR GNYIS BRJOD PA'I BDAG SKYE LA NANG 'GAL BSTAN ZHING, BSTAN PA LTAR MTHONG YANG NUS, BDAG SKYE YOD PA'I 'THAD PA RIGS PA DANG BRAL BA YIN PAR STON THUB PA'I PHYIR, DANG PO GRUB STE, DE NYID LAS, GANG GI PHYIR

211a

, ,ZHES BYA BA NI YOD PA RGYU NYID DANG DE NYID SKYE'O ZHES SMRAS PA YIN LA, YOD PA NI YANG SKYE BA LA DGOS PA MA MTHONG ZHING THUG PA MED PAR YANG MA MTHONG LA ZHES SO, ,GNYIS PA GRUB STE, DE NYID LAS, KHYOD KYIS SKYES PA SLAR YANG SKYE BAR MI 'DOD CING THUG PA MED PAR YANG MI 'DOD DO, ,ZHES SO, ,GSUM PA GRUB STE, GANGS CAN GYIS SANGS RGYAS PA LA DE LTAR SGRUB PA'I SKYES ZIN SLAR YANG SKYE PA'I DPE MI RNYED PA'I PHYIR, DE NYID LAS, DE'I PHYIR KHYED CAG GI RTZOD PA NI 'THAD PA DANG BRAL BA DANG, RANG GI KHAS BLANGS DANG 'GAL BA YIN NO ZHES PHA ROL PO BDAG LAS SKYE BAR 'DOD PA LA 'DRI BAR BYED PA YIN TE, ZHES SOGS GSUNGS PA'I PHYIR, 'DI LA TSAD MA PA'I 'GAL BRJOD THAL 'GYUR GYIS SKYED TSUL DANG MI 'DRA BAR MA ZAD PHYOGS SNGA'I GTZO BO YIN PAS DE 'DREN PA 'KHRUL PA CHEN POR 'GYUR RO, ,GNYIS PA NI, DE LTA BU'I NANG 'GAL STON THUB CING NANG 'GAL MTHONG YANG KHAS MI LEN PAR BSNYON 'DING NA, DE LA RANG RGYUD KYI RTAGS DANG DPE BSTAN KYANG NUS BA MED PAR THAL, DE'I TSE YANG SKYON MTHONG YANG BSNYON PAR BYED PA'I PHYIR, KHYAB STE, THAL 'GYUR PA KHO BO NI RGOL BA'I 'OS MA YIN PA'I BSNYON PA DANG MI RTZOD LA, LEGS LDAN KHYED RANG NI DE 'DRA RTZOD PA'I GNAS MA YIN PAR YANG RANG RGYUD KYI RTAGS DPE 'TSANG GA BYED PA NI GTAN TSIGS SMRA BA LA DGA' BA TZAM YIN PA'I PHYIR TE, DE NYID LAS, 'ON TE

211b

PHA ROL PO RANG GI KHAS BLANGS DANG 'GAL BAS BRTZAD PAS KYANG MI BZLOG NA DE'I TSE NGO TSA MED PA NYID KYIS GTAN TSIGS DANG DPE GNYIS KYIS KYANG LDOG PAR MI 'GYUR RO, ,NAS, YIN NO ZHES BYUNG, GSUM PA RANG RGYUD BYED MI RIGS PA NI; MTHA' THAMS CAD MDO NYID 'DZIN RGYAL PO LTAR BKAG PA'I DBU MA PA YIN NA TSUL GSUM RANG NGOS NAS GRUB PA'I RANG RGYUD KYI RJES SU DPAG PA STE RTAGS SBYOR BYA MI RIGS PAR THAL, MTHA' BZHI LA SOGS PA'I PHYOGS GZHAN GYI KHAS LEN MED PA'I PHYIR, DER THAL, RANG BZHIN GYIS YOD PA'I YOD MTHA' DANG, GTAN NAS MED PA'I MED MTHA' DANG, RANG BZHIN GYIS YOD PA DANG RANG BZHIN GYIS 'JIG PA'I YOD MED GNYIS KA'I MTHA' DANG, YOD MED KYI MTHA' GNYIS SPANGS PA'I STONG PA'AM DBUS BDEN GRUB KYI MTHA' GANG YANG KHAS LEN PA'I PHYOGS MED PA GANG ZHIG, DBU MA'I LUGS DANG 'GAL BA'I DAM BCA' GANG YANG NGA LA MED CES 'PHAGS PA'I ZHABS GSUNGS PA'I PHYIR, DANG PO GRUB STE; BZHI BRGYA PA LAS, YOD DANG MED DANG YOD MED CES, ,GANG LA PHYOGS NI YOD MIN PA, ,ZHES GSUNGS PA'I PHYIR, GNYIS PA GRUB STE, RTZOD ZLOG LAS, GAL TE NGAS DAM BCAS 'GA' YOD, ,DES NA NGA LA SKYON DE YOD, ,NGA LA DAM BCA' MED PAS NA, ,NGA NI SKYON MED KHO NA YIN, ,ZHES GSUNGS PA'I PHYIR, JI SKAD DU DE NYID LAS, DBU MA PA YIN NA RANG RGYUD KYI RJES SU DPAG PA BYAR RIGS PA MA YIN TE, PHYOGS GZHAN KHAS LEN PA MED PA'I PHYIR, ZHES SO,,

212a

, ,DBU MA PA YIN NA RANG RGYUD KHAS LEN MI RIGS KYANG DE KHAS BLANGS NA DBU MA PA MA YIN PAS MA KHYAB STE, DBU MA RANG RGYUD PA DU MA YOD PA'I PHYIR, KHYAB STE, DE DAG GIS KYANG CHOS THAMS CAD BDEN MED DU RIGS PA MTHA' YAS PAS SGRUB PAS SEMS TZAM PA LAS MTHO BAS NA DBU MA PA LAS GRUB MTHA' GZHAN DU MI RUNG BA GANG ZHIG, DBU MA PAS KHAS LEN MI RUNG BA KHAS LEN PA DANG DBU MA PA MI 'GAL BA NI, BCAS RKYANG PHRA MO DANG 'GAL BA DANG DGE SLONG MI 'GAL BA BZHIN YIN PA'I PHYIR, DANG PO GRUB STE, LEGS BSHAD SNYING PO LAS, MKHAS PA DE DAG KYANG CHOS THAMS CAD BDEN PAR YOD PA'I GRUB MTHA' RIGS PA'I SGO DU MA NAS 'GOG CING BDEN MED DU LEGS PAR ZHAL GYIS BZHES PAS DBU MA PA NI YIN NO, ZHES GSUNGS PA'I PHYIR, GNYIS PA GRUB STE, LEGS BSHAD SNYING PO LAS, DBU MA PA YIN NA RANG RGYUD MI RIGS PAR GSUNGS PA DANG MI 'GAL TE BCAS LDAN DGE SLONG GIS BCAS PA DANG 'GAL BA MI RIGS KYANG, DE DANG 'GAL BA TZAM GYIS DGE SLONG MA YIN MI DGOS PA BZHIN NO, ZHES SO, ,RTZOD ZLOG DANG BZHI BRGYA PAS DBU MA PA LA DAM BCA' MED PAR BSTAN PA MA YIN TE, MTHA' BZHI LAS SKYE BA MED PA'I DAM BCA' BZHI BZHAG PAR BSHAD PA'I PHYIR, TSIG GSAL LAS, DE BZHIN DU DAM BCA' BA GSUM PO LA YANG SBYAR BAR BYA'O, ZHES GSUNGS PA'I PHYIR, 'DIS BOD

212b

MANG PO 'GAG STE MTHA' DPYOD DU 'CHAD PAR 'GYUR RO, ,GNYIS PA RANG RGYUD LA GZHAN GYIS SMRAS PA'I NYES PA SEL MI DGOS PA'I TSUL NI, SANGS RGYAS BSKYANGS GYIS SKABS 'DIR GZHAN GYIS SMRAS PA'I NYES PA MA BSAL YANG SKYON MED PAR THAL, SANGS RGYAS BSKYANGS KYIS RGOL PHYI RGOL GNYIS LA MTHUN SNANG DU TSAD MAS GRUB PA'I RANG RGYUD TZAM YANG KHAS MA BLANGS LA LEN YANG MI RIGS PA DE'I PHYIR, DE SKAD DU DE NYID LAS, SLOB DPON SANGS RGYAS BSKYANGS KYIS DA'I LAN BRJOD GAR BYA BA MA YIN NO ZHES DANG, GANG GI TSE DE LTAR DBU MA PAS RANG RGYUD KYI RJES SU DPAG PA MI BRJOD PA DE'I TSE ZHES GSUNGS, SHES BYED GONG DU MA KHYAB NA KHYAB PAR THAL, DE LTAR NA LEGS LDAN GYIS MIG SOGS CHOS CAN, BDAG LAS SKYE BA MED DE, YOD PA'I PHYIR, DPER NA SHES PA YOD BA NYID BZHIN ZHES PA'I RANG RGYUD MA BKOD PAS DAM BCA' DANG RTAGS LA NYES PA MA BSAL PA'I SKYON MED PA'I PHYIR, DER THAL, DAM BCA' LA BDAG LAS SKYE BA MED CES PA 'BRAS BU'I BDAG NYID LAS MI SKYE BAR SGRUB NA GRUB ZIN SGRUB PA'I SKYON DANG RGYU'I BDAG NYID LAS MI SKYE BAR SGRUB NA 'GAL BAR 'GYUR PA'I NYES PA SEL DGOS PA'I DAM BCA' BDAG LAS SKYE BA MED DE ZHES PA'I DAM BCA' GA LA YOD, DE BZHIN DU RTAGS LA BRTAGS NAS YOD PA'I PHYIR BDAG LAS MI SKYE BAR SGRUB PA'I YOD PA 'DI RGYU'I BDAG NYID LAS YOD PA ZER NA 'GAL BA DANG, 'BRAS BU GSAL

213a

, ,PA'I DUS SU YOD PA ZER NA GRUB ZIN SGRUB PAR 'GYUR BA'I SKYON SPONG DGOS PA'I RTAGS KYANG MA BKOD PA'I PHYIR, DANG PO GRUB STE, KHO BOS BDAG LAS SKYE BA MED PA THAL 'GYUR 'DI GNYIS KYI BSGRUB BYA'I CHOS SU MA BKOD PA'I PHYIR, DE NYID LAS, GANG LA GRANGS CAN GYI DAM BCA'I DON 'DI GANG YIN, CI BDAG LAS ZHES BYA BA 'BRAS BU'I BDAG NYID LAS SAM 'ON TE RGYU'I BDAG NYID LAS YIN GRANG, DE LAS CIR 'GYUR, GAL TE 'BRAS BU'I BDAG NYID LAS YIN NA NI GRUB PA LA SGRUB PA YIN LA, RGYU'I BDAG NYID LAS YIN NA NI 'GAL BA'I DON NYID DU 'GYUR TE, SKYE LDAN THAMS CAD NI RGYU'I BDAG NYID DU YOD PA KHO NAS SKYE BA'I PHYIR RO, , ZHES PAR GANG LA GRANGS CAN PA DAG PHYIR ZLOG PAR BYED PAR 'GYUR BA NANG GI SKYE MCHED RNAMS BDAG LAS SKYE BA MED DE ZHES BYA BA RANG RGYUD KYI DAM BCA' BA LTA GA LA YOD CES SO, ,GNYIS PA GRUB STE, THAL 'GYUR PA KHO BOS 'GREL TSIG DES YOD PA'I PHYIR ZHES PA'I RANG RGYUD KYI RTAGS MA BKOD PAR RANG GI BDAG NYID DU YOD ZIN PA THAL 'GYUR GYI RTAGS SU BKOD PA'I PHYIR, DE NYID LAS, KHO BO CAG LA NI GANG ZHIG, GRUB PA LA SGRUB PA NYID DAM 'GAL PA'I DON NYID DU 'GYUR ZHING, GRUB BA LA SGRUB PA NYID GANG YIN PA DANG, 'GAL BA'I DON NYID GANG YIN PA SPANG BAR BYA BA'I PHYIR 'BAD PAR BYED PAR 'GYUR BA YOD PA'I PHYIR, ZHES BYA BA'I GTAN TSIGS

213b

KYANG GA LA YOD CES GSUNGS PA'I PHYIR, RTAGS CHOS LA SMRA BA'I NYES PA MED TSUL SO SOR 'DI LTAR BSHAD DGOS KYANG THAL ZLOG PA SNGA MA SUS MA THON PAS LEGS PAR PHYE YOD DO, ,'DIS NI MIG SOGS CHOS CAN, BDAG LAS SKYE BA MED DE, YOD PA'I PHYIR, DPER NA SHES PA YOD PA BZHIN ZHES PA'I GZHAN GRAGS BKOD NA YANG GZHAN GYIS SMRAS PA'I NYES PA LEGS LDAN LTAR SEL DGOS TE, DE LA DOGS PA DE SKYE LA DE 'DRA'I GZHAN GRAGS KYI RJES DPAG YOD PA'I PHYIR, GNYIS PA LA GZHAN GRAGS KYI DBANG DU BYAS PA'I GTAN TSIGS DANG DPE MA BRJOD PA'I SKYON SON GNAS PA'I RTZOD PA DANG, DE'I LAN GNYIS, DANG PO NI, BRTAGS PA MTHA' BZUNG GI DOGS PA NI, SLOB DPON LEGS LDAN NA RE, SNGAR BKOD PA'I GTAN TSIGS DANG DPE MA BRJOD PA'I SKYON DANG GZHAN GYIS SMRAS PA'I NYES PA MA BSAL BA'I SKYON DA DUNG SPONG MI THUB PAR THAL, RANG RGYUD KYI DE GNYIS ZLA GRAGS KHYOD KYIS SPANGS SU CHUG KYANG, GZHAN GRAGS KYI RTAGS DPE MA BRJOD PA DANG DE'I NYES PA MA BSAL BA'I SKYON YOD PA'I PHYIR, RTAGS ZUR DANG PO GRUB STE, DBU MA PA LA BDEN MED DU SGRUB PA'I RTAGS SOGS MTHUN SNANG BA MED PAS RANG RGYUD KYIS GZHAN GRANGS CAN GYI BDAG SKYE'I DAM BCA' LA GNOD PA MA BSTAN PA BDEN PA'I PHYIR, DE NYID LAS, CI STE YANG DBU MA BA RNAMS KYI LTAR NA PHYOGS DANG GTAN TSIGS DANG DPE DAG MA GRUB PAS, NAS, MA GYUR MOD CES BYUNG,

214a

, ,RTAGS GNYIS PA GRUB STE, GRANGS CAN RANG NYID LA PHYOGS TE BSGRUB BYA DANG, GTAN TSIGS DANG DPE SKYON DANG BRAL BA 'GOD DGOS PA DANG DE LA SMRAS PA'I NYES PA SEL DGOS PA LA DE DAG MA BRJOD PA DANG DE'I NYES PA SEL BA GANG YANG MA BYAS PA DE'I PHYIR, DE NYID LAS, GZHAN GYI DAM BCA' BA LA RANG GI RJES SU DPAG PAS 'GAL BA BRJOD PA NI BYA DGOS PAS, RANG NYID LA PHYOGS LA SOGS PA PHYOGS DANG RTAGS KYI DANG DPE'I SKYON DANG BRAL BDAG YOD PAR BYA DGOS SO DE'I PHYIR DE MA BRJOD PA'I PHYIR DANG, DE'I NYES PA MA BSAL BA'I PHYIR, NYES PA DE NYID DU 'GYUR RO SNYAM NA ZHES GSUNGS PA'I PHYIR, GNYIS PA LAN LA RTZOD PA DE'I SKYON DANG PO MED TSUL DANG, SKYON GNYIS PA SMRAS PA'I NYES PA 'DIR MA BSAL YANG SKYON MED TSUL GNYIS, DANG PO LA, 'DIR GTZO BOR GZHAN GRAGS MA BSHAD PA'I RGYU MTSAN DANG, GZHAN GRAGS BRJOD DGOS NA'ANG BRJOD PAR BSHAD PA GNYIS, DANG PO NI, PHYI RGOL KUN LA RANG GRAGS KYI GTAN TSIGS NGES PAR 'GOD DGOS PA DE LTAR MA YIN PAR THAL, THAL 'GYUR GYIS KYANG SNGAR LTAR NANG 'GAL DANG, 'THAD PA MED PAR STON THUB PA'I RGYU MTSAN DES NA SKABS 'DIR NGES BZUNG DU PHYI RGOL LA GZHAN GRAGS KYI RJES DPAG BSTAN PA'I DGOS PA LHAG PO DA GDOD CI YANG MED PA'I PHYIR, DE NYID LAS, DE NI DE LTA MA YIN NO CI'I PHYIR ZHE NA ZHES DANG,

214b

'DIR RJES SU DPAG PA'I GNOD PA BRJOD PA LA DGOS PA KO CI ZHIG YOD CES SO, ,KO ZHES PA DA GDOD KYI BRDA RNYING YIN NO, ,SNGAR GYI THAL 'GYUR GNYIS KYI SKABS LTAR BRJOD PA'I GZHAN GRAGS KYI GTAN TSIGS MED KYANG GRANGS CAN LA NANG 'GAL DANG BDAG SKYE YOD PA'I 'THAD PA MED PAR STON THUB PAR THAL, SNGAR LTAR THAL 'GYUR GNYIS KYIS BRTZAD PA'I GRANGS CAN LA RANG 'GAL 'GYUR TSUL BSGRUBS ZIN LA, DE'I SKABS KHYED CAG GI RTZOD PA 'DI NI 'THAD PA DANG BRAL BA YIN NO ZHES SMRAS PA 'DI 'DI'I SUN 'BYIN GSAL SHOS YIN PA'I PHYIR, DER THAL, DE SUN 'BYIN GSAL SHOS GANG ZHIG, DE MA YIN NA GRANGS CAN GYIS DE LAS BZLOG STE BDAG SKYE YOD PAR SGRUB DGOS LA, GRANGS CAN GYIS SANGS RGYAS PA LA BDAG SKYE YOD PAR SGRUB MI THUB PA'I PHYIR, RTAGS ZUR DANG PO GRUB STE, DE NYID LAS, DE'I PHYIR 'THAD PA DANG BRAL BA'I PHYOGS KHAS BLANGS PAS 'DI NI BDAG NYID KHO NA LA SLU BAR BYED PAS GZHAN LA NGES PA SKYED PAR MI NUS SO, ZHES DANG, GANG RANG GI DAM BCA'I DON GYI SGRUB PAR BYED PA LA NUS PA MED PA 'DI NYID 'DI'I SUN 'BYIN PA CHES GSAL BO YIN TE, ZHES GSUNGS PA'I PHYIR, RTAGS ZUR GNYIS PA GRUB STE, DE'I TSE GRANGS CAN GYIS SNGA RGOL BYAS NAS GZHAN DBU MA PA LA BDAG SKYE YOD PA'I SGRUB BYED RIGS PA'I PHYIR, DER THAL, DE LTAR NA RANG GI DAM BCAS PA'I DON GZHAN LA STON 'DOD PA'I SNGA RGOL

215a

, ,GYIS RANG GI DAM BCA'I DON DE SGRUB PA'I SGRUB BYED 'GOD PA NI RGOL BA'AM RIGS SMRA SPYI'I LUGS YIN PA'I PHYIR, DE NYID LAS, GANG GI PHYIR DON GANG ZHIG GANG GIS DAM BCAS PA DE NI RANG NYID KYIS NGES PA BZHIN DU GZHAN DAG LA NGES PA SKYED BAR 'DOD PAS, DON 'DI 'THAD PA GANG GI SGO NAS KHONG DU CHUD PA'I 'THAD PA DE NYID GZHAN LA BSNYAD PAR BYA DGOS SO, ,DE'I PHYIR RANG GIS KHAS BLANGS PA'I DAM BCAS PA'I DON GYI SGRUB PAR BYED PA NI PHA ROL KHO NAS DGONG PAR BYA BA GANG YIN PA 'DI NI RE ZHIG LUGS YIN NO ZHES SO, ,GONG GI RTAGS ZUR GSUM PA GRUB STE, GRANGS CAN GYIS SANGS RGYAS PA LA BDAG SKYE YOD PAR SGRUB PA'I GTAN TSIGS 'DI NI GZHAN DBU MA PA LA GTAN TSIGS YANG DAG PA MA YIN PA'I PHYIR, DER THAL, GRANGS CAN GYIS RGYU DUS NA MNGON PAR MI GSAL PA'I MYU GU CHOS CAN, RANG GI BDAG NYID LAS SKYE STE, MED PA MI SKYE PA'I PHYIR DANG, RGYU SO SOR NGES PA'I PHYIR ZHES BKOD PA'I RTAGS SOGS DBU MA PA LA MA GRUB PA'I PHYIR, DER THAL, DE'I TSE DE'I RTAGS DANG RTAGS CHOS GNYIS LDAN GYI DPE MED PA'I PHYIR, KHYAB STE, DES NA SGRUB BYED RANG GI KHAS BLANGS KYI RJES SU 'BRANGS BA TZAM LAS SGRUB BYED MED PA DE YIN PA'I PHYIR, DE NYID LAS, 'DI NI GZHAN LA GTAN TSIGS KYANG MA YIN NO, ,GTAN TSIGS DANG DPE MED PA'I PHYIR RANG GI DAM BCA' PA'I

215b

DON GYI SGRUB PAR BYED PA NI RANG NYID KHAS 'CHE BA'I RJES SU 'BRANG BA 'BA' ZHIG NYE PAR BKOD PA YIN TE, DE'I PHYIR ZHES SO, ,GNYIS PA GZHAN GRAGS BRJOD DGOS NA'ANG BRJOD PA NI, LEGS LDAN NA RE SKABS 'DIR YANG RANG GRAGS KYI RJES SU DPAG PA NGES PAR BRJOD RIGS PAR THAL, BCOM LDAN 'DAS KYIS MDO DU MAR YANG GTAN TSIGS LNGA SOGS BSHAD LA KLU SGRUB KYI GZHUNG NA'ANG DU MA YOD PAS THAL 'GYUR KHO NA BSHAD PA DE DAG DANG MI MTHUN PAR 'GYUR PA'I PHYIR, ZHES PA'I RTZOD TSUL NI, DE NYID LAS, CI STE YANG RANG GI RJES SU DPAG PAS 'GAL BA GDON MI ZA BAR BRJOD PAR BYA BA YIN NO ZHE NA ZHES SO, LAN LA GZHAN GRAGS KYI RJES DPAG STON DGOS NA YANG SANGS RGYAS BSKYANGS KYIS BRJOD PAR THAL, SANGS RGYAS BSKYANGS KYI 'GREL PA LAS DNGOS PO RNAMS BDAG LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR ZHES BSHAD PA'I PHYIR, MA KHYAB NA KHYAB PAR THAL, GZHUNG 'DIS RANG GI RGYU'I NUS PA'I NGO BOR GYUR CING MNGON PAR MI GSAL BA'I MYU GU SOGS DNGOS PO RNAMS CHOS CAN, SLAR YANG SKYE BA DON NAM DGOS PA MED DE, RANG GI BDAG NYID DU YOD ZIN PA'I PHYIR, DPER NA MNGON PAR GSAL ZIN GYI BUM PA BZHIN, ZHES PA'I RTAGS SPYOR RNAM DAG GCIG KYANG BSTAN PA'I PHYIR, DER THAL, GZHUNG 'DIS DE 'DRA'I CHOS CAN DANG DPE BSTAN PA GANG ZHIG,

216a

, ,GTAN TSIGS KYANG BSTAN, BSGRUB BYA'I CHOS KYANG BSTAN PA'I PHYIR, DANG PO GRUB STE, MDOR BSTAN GYI DE DAG GI ZHES PAS DPE RANG GI BDAG NYID DU GRUB PA DANG CHOS CAN YANG BSTAN PA'I PHYIR, DER THAL; RGYAS BSHAD KYI DNGOS PO BDAG GI BDAG NYID DU YOD PA DAG LA NI YANG SKYE BA LA DGOS PA MED DO ZHES PA 'DI MDOR BSTAN GYI RGYAS BSHAD YIN PA'I PHYIR, KHYAB STE, RGYAS BSHAD KYI NGAG 'DIS RTAGS CHOS GNYIS LDAN GYI MTHUN DPE BZUNG BA YIN PA'I PHYIR, DE NYID LAS, DE YANG SLOB DPON SANGS RGYAS BSKYANGS KYIS BRJOD PA YIN NO, ZHES PA NAS, MDOR BZHAG PA'I NGAG DE'I 'GREL PA'I NGAG YIN LA, NGAG 'DIS NI CHOS MTHUN PA'I DPE GZHAN LA RAB TU GRAGS PA BSGRUB PAR BYA BA DANG SGRUB BAR BYED PA'I CHOS DANG LDAN PA NYE BAR BZUNG BA YIN NO, ZHES SO, RTAGS GNYIS PA GRUB STE, DE NYID LAS, DE LA RANG GI BDAG NYID DU YOD PA ZHES BYA BA 'DIS NI GTAN TSIGS 'DZIN PA YIN NO, ZHES SO, ,RTAGS GSUM PA GRUB STE, DE NYID LAS, SKYE BA DON MED PA NYID DU 'GYUR BA'I PHYIR DANG ZHES BYA BA 'DIS NI BSGRUB PAR BYA BA'I CHOS 'DZIN PA YIN NO, ZHES SO; ;YANG BDAG SKYE MED PA DAM BCA' BYAS PA'I GZHAN GRAGS YANG DAG GCIG KYANG BSTAN TE, SKYES BU LAS THA DAD PA'I DON RNAMS CHOS CAN, BDAG LAS SKYE BA MED DE, RANG GI BDAG NYID DU YOD PA'I PHYIR, SKYES

216b

BU BZHIN NO ZHES BKOD PA'I PHYIR, DES NA SANGS RGYAS BSKYANGS LA GZHAN GRAGS KYI DBANG DU BYAS KYANG RTAGS DANG DPE MA BRJOD PA'I SKYON MED PAR THAL, 'GREL TSIG DES SGRUB NGAG YAN LAG LNGA LDAN GYI SGO NAS BSHAD PA'I PHYIR; DER THAL, 'GREL TSIG DES DNGOS PO RNAMS SLAR YANG SKYE BA DON MED DE, DNGOS PO RANG GI LAN GNYID DU YOD NA SLAR YANG SKYE BA DON MED PAS KHYAB PA'I PHYIR, DPER NA MNGON PAR GSAL ZIN GYI BUM PA BZHIN, MNGON PAR GSAL ZIN GYI BUM PA RANG GI BDAG NYID DU GRUB ZIN PA DE BZHIN DU DNGOS PO RNAMS RANG GI BDAG NYID DU GRUB ZIN PA YIN NO, ,DE BAS DNGOS PO RANG GI BDAG NYID DU GRUB ZIN PA'I PHYIR, DNGOS PO RNAMS SLAR YANG SKYE BA DON MED DO, ZHES PAS RANG GI BDAG NYID DU YOD PA RTAGS YANG DAG TU BSTAN PA'I PHYIR TE, DPER NA SGRA NI MI RTAG STE, BYAS NA MI RTAG PAS KHYAB PA'I PHYIR, BYAS NA MI RTAG PAS KHYAB STE, DPER NA BUM PA BZHIN, BUM PA BYAS PA DE BZHIN DU SGRA YANG BYAS, DE'I PHYIR SGRA YANG BYAS PA'I PHYIR MI RTAG PA YIN NO ZHES PA'I NYE BAR SBYAR BAS BYAS PA RTAGS YANG DAG TU BRTAN PA BZHIN YIN PA'I PHYIR, DE NYID LAS, DE LA JI LTAR SGRA MI RTAG STE, BYAS PA MI RTAG PA'I PHYIR RO, ZHES PA NAS, GTAN TSIGS DANG DPE MA BRJOD PA'I PHYIR DANG ZHES CI STE BRJOD PAR BYED CES SO, ,YAN LAG LNGA'I NGOS 'DZIN MI MTHUN PA MANG YANG DNGOS BSTAN DANG SBYAR NA, DAM BCA' DANG, KHYAB

217a

, ,BA DANG, DPE DANG, NYER GTOD DANG, MJUG SDUD LNGAR RANG RE MKHAS PA MANG POS BSHAD PA LTAR BYA STE, SNGAR BSHAD PA 'DI DE'I DBANG DU BYAS PA'I PHYIR RO, ,DE DANG SBYAR TSUL YOD DE, SGRA MI RTAG CES PA DAM BCA' DANG BYAS NA MI RTAG PAS KHYAB CES PAS KHYAB PA DANG, DES KHYAB STE, DPER NA BUM PA BZHIN ZHES PAS DPE DANG, BUM PA BYAS PA BZHIN DU SGRA YANG BYAS ZHES PAS NYER GTOD DANG, LHAG MAS MJUG SDUD BSTAN PA'I PHYIR, YANG MKHAS DBANG STAG LUNG GRAGS PA'I GSUNG LTAR DNGOS ZIN SBYAR NA SHIN TU LEGS TE, SGRA NI MI RTAG STE, BYAS PA MI RTAG PA'I PHYIR, BYAS NA MI RTAG PAS KHYAB PAR MTHONG STE BUM PA BZHIN, BUM PA BZHIN DU SGRA YANG BYAS PA YIN, DE'I PHYIR BYAS PA NYID KYI PHYIR SGRA MI RTAG PA YIN ZHES DAM BCA' DANG, RTAGS DANG, DPE LA KHYAB PA BSTAN PA DANG, DPE DON NYER SBYAR DANG, MJUG SDUD DA YAN LAG LNGA 'GREL PAS GSAL BAR BSHAD PA'I PHYIR, RTAGS DANG PO GRUB STE, DE NYID LAS, DE LA JI LTAR SGRA MI RTAG STE ZHES DAM BCA' BSHAD PA'I PHYIR, GNYIS PA GRUB STE, DE NYID LAS, BYAS PA MI RTAG PA'I PHYIR ZHES PAS RTAGS BSTAN PA'I PHYIR, GSUM PA GRUB STE, DE NYID LAS, BYAS PA NI MI RTAG PAR MTHONG STE DPER NA BUM PA BZHIN ZHES PAS DPE LA KHYAB PA BSTAN TSUL SHIN TU GSAL BA'I PHYIR, BZHI PA GRUB STE, DE NYID LAS, DE

217b

BZHIN DU SGRA YANG BYAS PA YIN TE, ZHES PAS DPE DON NYER SBYAR SHIN TU GSAL BA'I PHYIR, LNGA PA GRUB STE, DE NYID LAS, DE'I PHYIR BYAS PA NYID KYI PHYIR MI RTAG PA YIN NO ZHES PAS MJUG SDUD BSTAN PA'I PHYIR, YAN LAG LNGA BSHAD TSUL 'DI GNYIS LAS GZHAN MI RIGS TE, ZLA BA'I 'GREL PA DANG MI 'BYOR PA'I PHYIR, GNYIS PA SMRAS PA'I NYES PA 'DIR MA BSAL YANG SKYON MED PAR THAL, RANG GI BDAG NYID DU YOD PA'I RTAGS KYIS DNGOS PO MI GSAL BA SLAR YANG SKYE BA DON MED DU SGRUB NA'ANG GRUB ZIN DANG 'GAL BA DANG MA NGES DOGS PA'I NYES PA MED PA GANG ZHIG, RTAGS DES GRANGS CAN NGOR? SKYES BU MIN PA'I DNGOS PO RNAMS BDAG LAS SKYE BA MED PAR SGRUB NA'ANG 'GAL MA NGES KYI DOGS PA'I NYES PA MED PA'I PHYIR, DANG PO GRUB STE, DE'I TSE GRUB ZIN SGRUB 'GAL DOGS PA MED PA GANG ZHIG, DE'I TSE MA NGES DOGS PA YANG MED PA'I PHYIR, DANG PO MA GRUB NA, SANGS RGYAS BSKYANGS LA GZHAN GRAGS KYI DBANG DU BYAS KYANG RTAGS DANG DPE MA BRJOD PA'I SKYON MED PAR MA ZAD GZHAN GYIS SMRAS PA'I NYES PA MA BSAL BA'I SKYON YANG MED PAR THAL, SLOB DPON GYIS GRANGS CAN GYI NGOR RGYU DUS NA MNGON PAR MI GSAL BA'I RDZA BUM CHOS CAN, SLAR YANG SKYE BA DON MED DE, RANG GI BDAG NYID DU GRUB ZIN NAS YOD PA'I PHYIR, DPER NA MNGON GSAL GYI BUM PA BZHIN ZHES BKOD

218a

, ,PA'I PHYIR, RTAGS BSGRUBS ZIN KHYAB STE, DE'I TSE GRANGS CAN GYIS DAM BCA' LA BRTAGS NAS GRUB ZIN SGRUB PA'I PHYOGS KYI SKYON MED PA GANG ZHIG, GTAN TSIGS 'GAL PA'I SKYON YANG MED PA'I PHYIR DANG PO GRUB STE, GRANGS CAN KYIS DE 'DRA'I RDZA BUM SLAR YANG SKYE BA DON MED DU MA RTOGS PA 'DIR BSGRUB BYAR BZUNG NAS SGRUB PA YIN GYI MNGON PAR GSAL ZIN SLAR YANG SKYE BA MED PAR SGRUB PA MA YIN PAS GRUB ZIN SGRUB PA'I DOGS PA MED PA'I PHYIR, DE NYID LAS, GRANGS CAN PA DAG NAS YIN PA'I PHYIR LA ZHES DANG, GRUB PA LA SGRUB PA'I PHYOGS KYI SKYON NYID DU DOGS PA GA LA YOD CES SO, ,GNYIS PA GRUB STE, DE NYID LAS, NUS PA'I NGO BOR GYUR CING, NAS, BSGRUB PAR BYA BA YIN PA NYID KYI PHYIR ZHES DANG, GTAN TSIGS 'GAL BA'I DON NYID DU DOGS PA GA LA YOD CES SO, ,RTAGS GNYIS PA GRUB STE, KHO NA RE, 'O NA RDZA BUM SOGS ZHES PAS SKYE LDAN THAMS CAD LA DE LTAR MI SGRUB PAR THAL, KHYOD KYIS BUM SOGS TZAM LAS MA SMRAS PA'I PHYIR ZER NA MA KHYAB STE, SOGS SGRAS SKYE LDAN THAMS CAD 'DZIN PA'I PHYIR, DER THAL, DES NA SNAM SOGS KYIS 'DIR MA NGES PA YANG MED PA'I PHYIR, DE NYID LAS, BUM PA LA SOGS PA ZHES PA'I SOGS PA'I SGRAS NI SKYE BAR 'DOD PA'I DNGOS PO MA LUS PA BSDU BAR 'DOD PA'I PHYIR SNAM BU LA SOGS BDAG GIS MA NGES PAR GYUR PA YANG MAS

218b

YIN NO, ,ZHES SO, ,RTZA RTAGS GNYIS PA GRUB STE, SLOB DPON GYI 'GREL TSIG 'DI LA GRUB ZIN 'GAL PA DANG MA NGES PA DE 'DRA MED PAR THAL, 'GREL TSIG 'DIS GRUB ZIN DANG 'GAL MA NGES PA SOGS MI 'ONG BA'I SBYOR BA GZHAN GCIG KYANG BSTAN PA'I PHYIR, DER THAL, GRANGS CAN GYI NGOR SKYES BU LAS GZHAN PA'I DNGOS PO RNAMS CHOS CAN, BDAG NYID LAS SKYE BA MED DE, RANG GI BDAG NYID DU YOD PA'I PHYIR, SKYES BU BZHIN NO ZHES PA 'DI SLOB DPON GYI 'GREL BA LAS DNGOS PO RNAMS BDAG GI BDAG NYID LAS SKYE BA MED DE, DE DAG GI ZHES PA MDOR BSTAN GYI GZHUNG 'DI'I DPER BRJOD PA'I PHYIR DANG, 'DI LA LEGS LDAN GYI SKYON GSUM GANG GI YANG DOGS PA MI YONG BA RTOGS SLA PA'I PHYIR, DE NYID LAS, YANG NA SBYOR BA 'DI NI TSUL GZHAN YIN TE, NAS, DPER BRJOD PAR BYA'O, ,ZHES SO, ,DE YANG GRANGS CAN PA KHA CIG RANG GI BDAG NYID LAS SKYE BAR MI 'DOD PAR GSAL BAR 'DOD PA MI KHEGS SNYAM NA DE LTAR MA YIN PAR THAL, 'DIR MNGON PAR GSAL BA LA YANG SKYE BA'I SGRAS BSDUS NAS BKAG PA'I PHYIR, DER THAL, SKYE BA DANG GSAL BA GNYIS SNGON DANG PHYIS MI MNGON PAR CHOS MTHUN PA'I PHYIR, DE NYID LAS, GAL TE YANG SKYE BA BKAG PAS, NAS, MA YIN NO ZHES SO, ,'DI LA LEGS LDAN NA RE, GZHAN GRAGS KYI BSTAN TSUL DE 'DRA MI 'THAD PAR THAL, TSIG 'DIR BRJOD DON DE 'DRA

219a

, ,STON PA'I RJOD BYED MA MTHONG PA'I PHYIR ZER, JI SKAD DU, DE NYID LAS, YANG JI SKAD SMRAS PA'I DON GYI RJOD PAR BYED PA MED PAR RNAM PAR DPYAD PA 'DI LTA BU GA LAS RNYED CE NA ZHES SO, ,DE LA TSIG DE LTAR BYAS PAR MA BSTAN KYANG DON DE LTAR BSHAD PAR THAL, SLOB DPON GYI GSUNG 'DIS BSDUS NAS DON DE THAMS CAD STON PAS DON CHEN PO CAN YIN PA'I PHYIR, DE NYID LAS, BSHAD PAR BYA STE DON GYI DAG 'DI NI DON CHEN PO CAN YIN PAS, NAS, 'DIR MA BSTAN PA CUNG ZAD KYANG MI SRED DO, ZHES SO, ,GNYIS PA SKYON GSUM PA BZLOG DON KHAS LEN DGOS PA'I SKYON MED TSUL NI, 'GREL TSIG 'DIS THAL 'GYUR GNYIS KYI BZLOG DON KHAS BLANGS NAS GRUB MTHA' DANG 'GAL BA'I SKYON MED PAR THAL, THAL 'GYUR GNYIS GYI BZLOG DON DANG GRANGS CAN KHO NA 'BREL GYI SLOB DPON LA MA YIN PA DANG, THAL 'GYUR 'DI GNYIS KYIS BZLOG PA MI 'PHEN BA DANG, DE 'PHAGS PA'I DGONGS PAR BSTAN PA DANG, 'GREL PAS KYANG SBYOR DAG NGES PAR MI DGOS PA BZHI PO DE'I PHYIR, DANG PO GRUB STE, KHO BO CAG GIS LEGS LDAN KHYOD NYID KYIS DGONGS PA LTAR GYI DNGOS PO CHOS CAN, SKYE BA DON MED PAR THAL, BDAG LAS SKYE BA'I PHYIR, DE CHOS CAN, SKYE BA THUG PA MED PAR THAL, BDAG LAS SKYE BA'I PHYIR ZHES PA'I THAL 'GYUR MA BKOD PAR SLAR YANG SKYE BA DON MED DANG THUG MED BKOD PA MIN PA'I PHYIR, DER THAL,

219b

MDOR BSTAN LA SLAR YANG GI SGRA MED KYANG DON RGYAS BSHAD LTAR BYED DGOS PA KHYOD KYIS MA DGONGS LA, GRANGS CAN LA SLAR YANG SKYE BA DON MED DANG THUG MED KYI BZLOG PA'I KHAS LEN YOD PA'I PHYIR, DANG PO GRUB STE, RIGS PA'I RGYA MTSO LAS, LEGS LDAN GYIS KYANG SLAR YANG SKYE BA DON MED DANG THUG MED DU 'PHANGS PAR MA DGONGS PAR SPYIR SKYE BA DON MED DANG THUG MED DU THAL BA 'PHANGS PAR BZUNG NAS BZLOG DON KHAS LEN DGOS ZHES SMRAS PA'O, ZHES DANG, STONG THUN LAS, DES NA LEGS LDAN GYIS SANGS RGYAS BSKYANGS KYI DGONGS PA BLANGS PA NI, DNGOS PO RNAMS CHOS CAN, SKYE BA DON MED PAR THAL, BDAG LAS SKYE BA'I PHYIR, DE CHOS CAN, THUG MED DU SKYE BAR THAL, BDAG LAS SKYE BA'I PHYIR, ZHES PA'I THAL 'GYUR 'DI GNYIS ZHES SOGS GSUNGS PA'I PHYIR, GNYIS PA GRUB STE, DE NYID LAS, THAL BAR 'GYUR BA BZLOG PA'I DON DANG YANG PHA ROL PA NYID 'GREL GYI KHO BO CAG NI MA YIN TE, RANG LA DAM BCA' BA MED PA'I PHYIR, ZHES PA NAS GSUNGS PA NYID GA LA YOD CES SO, ,BOD DAG GIS 'DI DBU MA PA LA DAM BCA' SPYIR MED PAR BSHAD PA MI 'THAD PAR RTOGS SLA; RTZA RTAGS GNYIS PA GRUB STE, SKABS 'DIR RANG BZHIN MED SMRA THAL 'GYUR BAS RANG BZHIN SMRA BA GRANGS CAN LA SLAR YANG SKYE BA DON MED DANG THUG MED DU THAL PA BSGRUB PA NA BZLOG PA 'PHEN PA'I THAL 'GYUR DU MI 'GYUR PA'I

220a

, ,PHYIR; DER THAL, THAL BA BZLOG PA 'PHEN 'DOD NAS BKOD PA MA YIN PAR PHA ROL GYI DAM BCA' 'GOG CHED DU DE LA MI 'DOD PA'I THAL BA TZAM YIN PA'I PHYIR, KHYAB STE, SGRA RNAMS NI SMRA PA PO DBANG MED BYED PA MA YIN GYI SMRA BA BO'I BRJOD 'DOD KYI RJES SU BYED PA'I PHYIR, DPER NA NANG PA'I SHES PA ZHES PA DANG GRANGS CAN GYI SHES PA ZHES PA'I TSIG BZHIN NO SNYAM PA STE, DE NYID LAS, RANG BZHIN MED PAR SMRA PAS RANG BZHIN DANG BCAS PAR SMRA BA LA SGRUB BA NA THAL BA LAS BZLOG PA'I DON CAN DU GA LA 'GYUR TE, NAS, DE'I PHYIR THAL BA SGRUB PA NI PHA ROL BO'I DAM BCA' BA 'GOG PA TZAM GYI 'BRAS BU CAN YIN PA'I PHYIR, THAL BA LAS BZLOG PA'I DON DU 'GYUR BA YOD PA MA YIN NO, ZHES SO, ,'DI YANG BSHAD ZIN LTAR YIN GYI THAL 'GYUR KUN LA MA YIN NO, ,RTZA RTAGS GSUM PA GRUB STE, THAL BAS DE LTAR 'GOG PA 'PHAGS PA'I DGONGS PA YIN PA'I PHYIR, RTZA SHE LAS, GAL TE MTSAN LAS SNGA 'GYUR NA, ,MTSAN NYID MED PAR THAL BAR 'GYUR, ,ZHES DANG, GZUGS KYI RGYU NI MA GTOGS PAR, ,GZUGS NA GZUGS NI RGYU MED PAR, ,THAL BAR 'GYUR TE ZHES SOGS GSUNGS PA'I PHYIR, DE NYID LAS, DE LTAR YANG SLOB DPON NI, NAS, PHAL CHER THAL BA SGRUB PA KHO NAS GZHAN GYI PHYOGS SEL BAR MDZAD DO ZHES SOGS GSUNGS PA'I PHYIR, RTZA RTAGS BZHI PA GRUB STE, KHYOD

220b

KYIS SBYOR NGAG RGYAS PAR 'GOD PA 'GREL BA MKHAN GYI LUGS YIN PAR 'DOD MI RIGS PA'I PHYIR, DER THAL, RTZOD ZLOG RANG 'GREL LAS SBYOR NGAG MA GSUNGS PA'I PHYIR, DE NYID LAS, 'ON TE SBYOR BA'I NGAG NAS, SLOB DPON GYIS KYANG SBYOR BA'I NGAG MA GSUNGS PA'I PHYIR RO, ZHES SO, ,GNYIS PA LEGS LDAN GYI LUGS DGAG PA LA, RANG RGYUD 'GOG PA'I RIGS PA MDOR BSTAN, RGYAS PAR BSHAD PA GNYIS, DANG PO NI, DE NYID LAS, GZHAN YANG RTOG GE PA 'DIS BDAG NYID RTOG GE BSTAN BCOS LA SHIN TU MKHAS PA TZAM ZHIG BSTAN PAR 'DOD NAS DBU MA'I LTA BA KHAS LEN BZHIN DU YANG RANG RGYUD KYI SBYOR BA'I NGAG BRJOD PA GANG YIN PA DE NI CHES SHIN TU NYES PA DU MA'I GNAS SU RTOGS TE, JI LTAR ZHE NA, DE LA RE ZHIG 'DI SKAD DU 'DIR SBYOR BA'I TSIG TU GYUR PA NI, DON DAM PAR NI NANG GI SKYE MCHED RNAMS BDAG LAS SKYE BA MED PAR NGES TE, YOD PA'I PHYIR, DPER NA SHES PA YOD PA NYID BZHIN NO, ZHES SMRAS PA ZHES GSUNGS, DON NI MDO SDE RGYAN LTAR RTOG GE STE GTAN TSIGS LA BRTEN NAS LKOG DON SMRA DGOS PAS NA RTOG GE PA LEGS LDAN 'DIS RANG NYID RTOG GE STE GTAN TSIGS SMRA BA LA SHIN TU MKHAS PA TZAM ZHIG BSTAN 'DOD NAS DBU MA'I LTA BA KHAS LEN BZHIN DU TSUL GSUM RGOL PHYI RGOL LA TSAD GRUB MTHUN SNANG BA'I RTAGS SBYOR BKOD PA RNAMS NI NYES PA DU MA'I GNAS SU THAL, DE 'DRA'I

221a

, ,RTAGS SBYOR MANG PO'I NANG NAS RE ZHIG BDAG SKYE 'GOG PA'I RANG RGYUD GCIG LA'ANG PHYOGS MA GRUB PA SOGS DU MA'I SKYON MTHONG BA'I PHYIR, DER THAL, DON DAM PAR NI NANG GI SKYE MCHED RNAMS BDAG LAS SOGS KYI RTAGS SBYOR RANG RGYUD GCIG BKOD PA'I PHYIR, ZHES PA'O, ,GNYIS PA LA PHYOGS SOGS MA GRUB PAS BDAG SKYE 'GOG PA'I RANG RGYUD 'GOG PA DANG, BDAG SKYE 'GOG PA'I RTAGS MA GRUB PAR THAL BA LEGS LDAN GYIS KHAS BLANGS TSUL DANG, RANG RGYUD KYI SBYOR BA GZHAN LA MA GRUB PA'I SKYON DANG, MA NGES PA'I SKYON DANG SKYON DE RANG GI GZHAN GRAGS LA MI 'JUG PA'I RGYU MTSAN LNGA LAS, DANG PO LA, DON DAM PA'I KHYAD PAR SPYAR BA DON MED PAR BSHAD, CHOS CAN SPYI TZAM 'DZIN PA'I LAN DGAG PA GNYIS, DANG PO LA CHOS KYI KHYAD PAR DU SBYAR DGOS PA DGAG PA DANG, CHOS CAN GYI KHYED PAR LA SBYAR DGOS PA DGAG PA GNYIS, DANG PO LA, DRI BA DANG LAN DGAG PA GNYIS, DANG PO NI, LEGS LDAN GYIS SNGAR MCHOD BRJOD KYI SKABS SKYE 'GAG SOGS MA DMIGS PA MNYAM BZHAG GI NGO'I DON DAM LA MDZAD PA LTAR MTHA' BZHI'I SKYE BA YANG DE'I DON MED TSUL BSHAD 'DOD NAS DON DAM PAR NA MIG SOGS NANG GI SKYE MCHED RNAMS BDAG LAS SKYE BA MED PAR NGES TE, YOD PA'I PHYIR, DPER NA SHES PA YOD PA NYID BZHIN ZHES GSUNGS PA LA, ZLA BA'I ZHABS KYI GSUNG LAS

221b

KHYOD KYI SBYOR BA 'DI MI 'THAD PAR THAL, 'DIR DON DAM PA'I KHYAD PAR DGOS PA CI'I PHYIR DU YUL GANG LA SBYOR MI NGES SHING SKYON YOD PA'I PHYIR ZER, DE NYID LAS, 'DIR DON DAM PA'I KHYAD PAR CI'I PHYIR NYE BAR BKOD PA YIN ZHES SO, ,GNYIS PA NI LEGS LDAN NA RE, SKYE BA KUN RDZOB TU 'GOG MI RUNG STE, KUN RDZOB TU SKYE BA KHAS BLANGS PA'I PHYIR, KHYAB STE, DE NAS YANG 'GOG NA RANG GI KHAS BLANGS DANG 'GAL BAS GNOD PA'I PHYIR, DES NA DGOS PA DE'I CHED DU BSGRUB CHOS LA DON DAM SBYAR ZER NA ZHES BRTAGS PA MTHA' BZUNG BA NI, DE NYID LAS, GAL TE 'JIG RTEN GYI KUN RDZOB TU SKYE BAR KHAS BLANGS PA DGAG PAR BYA BA MA YIN PA'I PHYIR DANG, 'GOG NA YANG KHAS BLANGS PAS GNOD PAR 'GYUR BA'I PHYIR RO, ZHE NA ZHES BYUNG, DE LTAR SBYAR BA'I DGOS PA DE MI 'THAD PAR THAL, DE DBU MA PA RANG LA YANG MI DGOS, GZHAN GRANGS CAN LA LTOS NAS KYANG MI DGOS, 'JIG RTEN RANG DGA' BA LA LTOS NAS KYANG MI DGOS PA'I PHYIR, DANG PO GRUB STE, DBU MA PAS SKYE BA KUN RDZOB TU KHAS BLANGS KYANG BDAG SKYE KUN RDZOB TU YANG KHAS MA BLANGS PA'I PHYIR, KHYAB STE, DE'I RGYU MTSAN GYIS STON PAS KYANG SPYIR BKAG GI DON DAM PAR MA SBYAR BA BZHIN DU KLU SGRUB KYIS KYANG MDZAD PA'I PHYIR, SA LU LJANGS PA SOGS MDO DU MA LAS, SA BON GYI RGYU LAS BYUNG BA'I MYU GU DE YANG SKYE BA NA, BDAG GIS MA BYAS GZHAN GYIS MA

222a

, ,BYAS; GNYIS KAS MA BYAS ZHES SOGS DANG, RTZA SHE LAS, GANG LA BRTEN NAS GANG 'BYUNG BA, ,DE NI RE ZHIG DE NYID MIN, ,ZHES SOGS GSUNGS PA'I PHYIR, JI SKAD DU DE NYID LAS, 'DI NI RIGS PA MA YIN TE, BDAG LAS SKYE BA KUN RDZOB TU YANG KHAS MA BLANGS PA'I PHYIR RO, ZHES SO, ,RTAGS GNYIS PA GRUB STE, BDEN GNYIS LAS NYAMS PA'I MU STEGS KYI LUGS KUN RDZOB TU DANG DON DAM PA GNYIS KAR BKAG NA LEGS PA'I PHYIR, DE NYID LAS, BDEN GNYIS PHYIN CI MA LOG PAR MTHONG BA NYAMS PA'I MU STEGS PA DAG NI JI SRID DU GNYIS KA'I SGO NAS 'GOG PA DE SRID DU YON TAN YIN PAR RTOGS SO, ,ZHES SO, ,RTAGS GSUM PA GRUB STE, 'JIG RTEN PAS KYANG BDAG SKYE MI 'DOD PA'I PHYIR, DER THAL, 'JIG RTEN RANG DGA' BA LA MTHA' BZHI LAS SKYE'AM SNYAM PA DE LTA BU MED PAR RGYU SA BON LAS 'BRAS BU MYU GU 'BYUNG BA TZAM KHAS LEN PA'I PHYIR, KHYAB STE; BCOM LDAN 'DAS KYIS KYANG 'JIG RTEN NA GANG YOD PA DENG YANG 'DOD GSUNGS LA, SLOB DPON 'PHAGS PAS THA SNYAD KYI RNAM BZHAG LA DPYAD PA DE 'DRA MI BYED PAR 'JIG RTEN PA LTAR MDZAD PA'I PHYIR, DE NYID LAS, 'JIG RTEN PAS KYANG BDAG LAS SKYE BAR MI RTOGS TE, ZHES PA NAS, SLOB DPON YANG DE LTAR RNAM PAR BZHAG PA MDZAD PA YIN TE ZHES SO, ,GNYIS PA CHOS CAN KHYAD PAR LA SBYOR BA DGAG PA NI LEGS LDAN NA RE, PHA ROL

222b

BO DON DAM PAR 'DOD PA'I MIG SOGS LA SKYE BA KUN RDZOB TU YANG 'GOG PAS DON DAM PA CHOS CAN LA SBYOR ZER NA, 'O NA DE'I TSE LEGS LDAN RANG LA LTOS NAS CHOS CAN GZHI MA GRUB PA'I PHYOGS SAM RTAGS KYI SKYON DU 'GYUR BAR THAL, DON DAM PA'I MIG SOGS CHOS CAN DU BZUNG PA'I PHYIR, KHYAB STE, RANG GIS DON DAM PA'I MIG SOGS KHAS MA BLANGS PA'I PHYIR, DE NYID LAS, GZHAN YANG GAL TE KUN RDZOB TU SKYE BA DGAG PAR 'DOD NAS KHYAD PAR 'DI 'GOD PAR BYED NA NI, DE'I TSE RANG LA GZHI MA GRUB PA'I PHYOGS SAM RTAGS KYI SKYON DU 'GYUR TE, RANG GIS DON DAM PAR MIG LA SOGS PA'I SKYE MCHED KHAS MA BLANGS PA'I PHYIR, ZHES SO, ,BYAS PA LA KHO NA RE; DON DAM PAR MIG SOGS MA GRUB KYANG KUN RDZOB PA'I MIG YOD LA DE RTZOD GZHIR 'DZIN PAS PHYOGS RTAGS MA GRUB PA'I SKYON MED ZER NA, 'O NA, DON DAM PA'I KHYAD PAR SBYAR BA MED PAR THAL, CHOS DANG CHOS CAN GANG LA'ANG MA YIN PA DE'I PHYIR, JI SKAD DU DE NYID LAS, GAL TE KUN RDZOB TU MIG LA SOGS PA YOD PAS SKYON MED DO, ,ZHE NA, 'O NA DON DAM PA ZHES BYA BA 'DI GANG GI KHYAD PAR YIN ZHES SO, ,DE LA KHO NA RE, MIG SOGS KUN RDZOB BRTZOD GZHI BYAS KYANG DON DAM PA'I KHYAD PAR SBYOR TSUL YOD DE, MIG SOGS KUN RDZOB PA RTZOD GZHI DANG, DON DAM PAR SKYE BA MED PA CHOS SU BYED PA'I PHYIR ZER NA, DE YANG MI 'THAD PAR THAL, KHYOD KYIS DE SKAD

223a

, ,DU MA SMRAS PA GANG ZHIG, SMRAS KYANG PHA ROL GRANGS CAN LA LTOS NAS GZHI MA GRUB PA'I PHYOGS SKYON YOD PA'I PHYIR, DANG PO GRUB STE, KHYOD KYI SBYOR BA DE'I TSIG LA KUN RDZOB PA'I TSIG MED PA'I PHYIR, DE NYID LAS, GAL TE MIG LA SOGS PA KUN RDZOB PA RNAMS DON DAM PAR SKYE BA 'GOG PA'I PHYIR, NAS, DE SKAD DU MA SMRAS SO ZHES SO, ,GNYIS PA GRUB STE, GRANGS CAN GYIS MIG SOGS DBU MA PA'I 'DOD PA LTAR GYI KUN RDZOB TU KHAS MI LEN PA'I PHYIR, DER THAL, DES MIG SOGS DBU MA PA'I 'DOD PA LTAR GYI RDZAS YOD DU 'DOD KYI BTAGS YOD DU MI 'DOD PA'I PHYIR, DE NYID LAS, SMRAS NA YANG PHA ROL PO DAG GIS MIG LA SOGS PA RDZAS SU YOD PA NYID DU KHAS BLANGS PA'I PHYIR DANG, BTAGS PAR YOD PAR KHAS MA BLANGS PA'I PHYIR, GZHAN LA GZHI MA GRUB PA'I PHYOGS KYI SKYON DU 'GYUR BAS 'DI NI MI RIGS SO, ,ZHES SO, ,GRANGS CAN GYIS SHES BYA NYER LNGA'I RTZA BA'I RANG BZHIN DANG SKYES BU DON DAM BDEN PA, LHAG MA KUN RDZOB BDEN PAR 'DOD PAS DBU MA PA'I 'DOD PA'I KUN RDZOB CES MA SBYAR NA MI RUNG NGO, ,GNYIS PA, CHOS CAN SPYI TZAM 'DZIN PA'I LAN DGAG PA NI, LEGS LDAN NA RE, KUN RDZOB DANG DON DAM PA'I KHYAD PAR DE LTAR MI SBYAR BAR MIG SOGS RGOL PHYI RGOL GNYIS KA'I THUN MONG BA'I SPYI TZAM ZHIG 'DZIN LA DES NA SKYON DE DAG MED PAR

223b

THAL; GRUB MTHA' SO SO NAS RTZOD PA'I TSE CHOS DANG CHOS CAN LA SPYI TZAM 'DZIN DGOS KYI GRUB MTHA' RANG RANG GI 'DOD PA'I KHYAD PAR SBYAR NA RJES SU DPAG PA DANG RJES SU DPAG PAR BYA BA'I THA SNYAD MI RUNG BA'I PHYIR, DER THAL; CHOS CAN LA DE LTAR DGOS PA GANG ZHIG, CHOS LA YANG DE LTAR DGOS PA'I PHYIR, DANG PO GRUB STE, DPER NA SANGS RGYAS PAS BYE BRAG PA LA SGRA MI RTAG CES DAM BCAS NAS SGRUB PA'I TSE 'BYUNG GYUR GYI SGRA ZHES RTZOD GZHIR BYAS NA BYE BRAG PA LA MI 'GRUB, NAM MKHA'I YON TAN GYI SGRA ZHES BZUNG NA SANGS RGYAS PA RANG LA MI 'GRUB, DE BZHIN DU BYE BRAG PAS GCER BU PA LA SGRA MI RTAG CES BZUNG TSE BYAS PA'I SGRA ZHES SMRAS NA GCER BU PA LA MI 'GRUB, SNGAR YOD RKYEN GYIS GSAL BA'I SGRA ZHES SMRAS NA BYE BRAG BA RANG LA MI 'GRUB PA BZHIN YIN PA'I PHYIR, DE NYID LAS, CI STE JI LTAR SGRA MI RTAG CES BYA BA LA CHOS DANG CHOS CAN GNYIS KYI SPYI NYID BZUNG BA YIN GYI KHYAD PAR NI MA YIN TE, KHYAD PAR 'DZIN NA RJES SU DPAG PA DANG RJES SU DPAG BAR BYA BA'I THA SNYAD MED PAR 'GYUR RO 'DI LTAR 'BYUNG PA CHEN PO BZHI LAS GYUR PA'I SGRA 'DZIN NA PHA ROL PO LA MA GRUB BO, ,NAS, 'ON TE GSAL BAR BYA BA YIN NA NI DE RANG LA MA GRUB BO, ZHES SO, ,GNYIS PA GRUB STE, SANGS RGYAS PAS BYE BRAG PA LA GRUB MTHA'I 'DOD PA'I KHYAD PAR DOR BA'I CHOS CAN MTHUN SNANG BA'AM RGOL BA GNYIS KA'I 'DOD PA'I SPYI

224a

, ,TZAM 'DZIN DGOS PA DE BZHIN DU MI RTAG STA, ZHES PA'I BSGRUB CHOS MI RTAG PA LA'ANG KHYAD PAR DOR BA'I SPYI TZAM PA 'DZIN DGOS PA'I PHYIR, DER THAL, DPER NA SANGS RGYAS PAS BYE BRAG PA LA SGRA MI RTAG PAR SGRUB PA'I TSE RANG NYID 'JIG PA RGYU DANG BCAS PA'I MI RTAG PA YIN TE, ZHES GSUNGS NA DE SANGS RGYAS PA RANG LA MI 'GRUB, RANG NYID 'JIG PA'I RGYU MED PA'I MI RTAG PA YIN TE, ZHES CHOS SU BZUNG NA GZHAN BYE BRAG PA LA MI 'GRUB PA BZHIN YIN PA'I PHYIR, DE NYID LAS, DE BZHIN DU CI RIGS PAR 'JIG PA'ANG GAL TE RGYU DANG BCAS PA YIN NA NI DE SANGS RGYAS PA RANG LA MA GRUB PA YIN LA, 'ON TE RGYU MED PA YIN NA NI DE PHA ROL PO LA MA GRUB PA YIN NO, , ZHES SO, ,'DIR CHOS LA'ANG DE LTAR SPYI TZAM PA MTHUN SNANG DGOS PA'I RGYU MTSAN YOD DE, DE SGRUB KYI BSGRUB BYA 'GRUB BA LA SNGON DU DPER GANG BKOD PA'I CHOS MTHUN GYI DPE MTHUN SNANG BA 'GRO DGOS PAR 'DOD PA'I PHYIR RO, , LAM RIM LAS, JI LTAR CHOS CAN MTHUN SNANG DU GRUB PA DGOS PA DE BZHIN DU CHOS MI RTAG PA'ANG KHYAD PAR DU MA BYAS PA'I SPYI TZAM ZHIG GNYIS KAS GRUB DGOS TE, DE YANG DPER GANG BKOD PA LA MTHUN SNANG DU GRUB PA ZHIG BSGRUB BYA GRUB PA'I SNGON DU DGOS PA YIN NO, ,ZHES SO, ,LEGS LDAN GYI DE MI 'THAD PAR THAL, DON DE LTAR YIN PA YANG MI RUNG LA, DE'I DPE DON YANG MI MTHUN PA'I PHYIR, DE NYID LAS, DE NI DE LTAR MIN TE 'DI LTAR ZHES SO, ,

224b

LEGS LDAN KHYOD KYIS MIG DANG GZUGS SOGS RIGS SHES KYI NGO'I DON DAM PAR BDAG LAS MI SKYE PAR SGRUB PA'I SKABS SU BDEN GNYIS KYI KHYAD PAR DOR PA'I SPYI TZAM MAM MTHUN SNANG BA ZHIG 'DOD PA MI 'THAD PAR THAL, DE LTAR SGRUB PA'I TSE CHOS CAN DE 'JAL PA'I TSAD MA NI MIG SOGS KYI RANG BZHIN LA MA 'KHRUL PA GANG ZHIG ,MA 'KHRUL PA'I SHES PA'I RNYED DON LA RDZUN PA GCIG MI 'ONG BA'I PHYIR, RTAGS DANG PO GRUB STE, MIG GZUGS GNYIS 'JAL BA'I MNGON SUM TSAD MA NI DE GNYIS RANG GI MTSAN NYID KYIS GRUB PA LA MA 'KHRUL PA YIN PA'I PHYIR, DER THAL, GZHI GRUB NA RANG MTSAN GYIS GRUB DGOS PA'I LUGS LA DE LA 'KHRUL PA'I BLO TZAM GYIS YUL DE RNYED PA DANG 'JOG PA MIN LA LEGS LDAN KHYOD KYIS KYANG DE LTAR KHAS BLANGS PA'I PHYIR, DE NYID LAS, GANG GI TSE 'DIR SKYE BA BKAG PA BSGRUB BYA'I CHOS SU 'DOD PA DE'I TSE DE KHO NAR DE'I RTEN CHOS CAN PHYIN CI LOG TZAM GYIS BDAG GI NGO BO RNYED PA NI NYAMS PAR GYUR PA 'DIS RANG NYID KYIS KHAS BLANGS PA NYID DO, ,ZHES GSUNGS PA'I PHYIR, KHYAB STE, DE KHO NAR ZHES PA YAN CHAD KYIS RIGS SHES KYI NGO'I DE KHO NAR SKYE BA BKAG PA BSGRUB BYA'I CHOS YIN PA'I TSE ZHES BSHAD, DE'I RTEN CHOS CAN ZHES PAS BSGRUB BYA'I CHOS KYI KHYAD GZHI 'AM RTZOD GZHI BSTAN, PHYIN CI LOG TZAM GYIS ZHES PAS YUL CAN PHYIN CI LOG SHES PA 'KHRUL PA

225a

, ,TZAM GYIS ZHES BSTAN, RANG GI NGO BO ZHES PAS CHOS CAN RANG GI NGO BO ZHES BSTAN PA'I PHYIR, DER THAL, LEGS BSHAD SNYING PO LAS, YOD PA GANG YIN RANG GI NGO BOS YOD PAR 'DOD PA'I LUGS LA RANG MTSAN SNANG BA LA LTOS TE 'KHRUL PAR SONG NA DES RANG GI GZHAL BYA RNYED PAR 'JOG MI NUS PAS ZHES DANG, MIG SOGS KYI CHOS CAN GYI RANG GI NGO BO DE PHYIN CI LOG TZAM GYIS RNYED PA MA YIN PAR LEGS LDAN RANG NYID KYIS KHAS BLANGS LA, ZHES GSUNGS PA'I PHYIR, 'DI'I PHYIN CI LOG YUL CAN LA BYA RIGS TE, RNYED MKHAN GYI PHYOGS LAS BSHAD PA'I PHYIR RO, ,LAM RIM LAS KYANG BSHAD TSUL 'OG TU 'CHAD DO, ,RTZA RTAGS GNYIS PA GRUB STE, 'KHRUL PA'I SHES PA'I RNYED DON YUL PHYIN CI LOG RDZUN PA DANG, MA 'KHRUL PA'I SHES PA'I RNYED DON YUL PHYIN CI MA LOG PA BDEN PA GNYIS THA DAD DE DNGOS 'GAL YIN PA'I PHYIR, DE NYID LAS, PHYIN CI LOG DANG PHYIN CI MA LOG PA DAG NI THA DAD PA YIN NO ZHES DANG, LEGS BSHAD SNYING PO LAS, PHYIN CI LOG MA LOG THA DAD PA STE, DNGOS 'GAL YIN PA LA SOGS PA'I RIGS PA BSTAN NAS BKAG GO ,ZHES GSUNGS PA'I PHYIR RO, ,'DI'I PHYIN CI LOG MA LOG YUL LA 'THAD KYI YUL CAN LA MI RUNG STE, DNGOS 'GAL DU BSHAD PA'I PHYIR RO, ,SHES PA 'KHRUL MA 'KHRUL GYI RNYED DON GNYIS DNGOS 'GAL YIN KYANG SHES PA MA 'KHRUL PA'I YUL LA MIG SOGS KUN RDZOB

225b

PA GCIG KYANG MED PAS MA KHYAB KYANG ZER MI THUB LA DE GNYIS KYI YUL DNGOS 'GAL YIN PA'I RTAGS KYANG GRUB PAR THAL, MIG SOGS RANG GI MTSAN NYID KYIS GRUB PAR SNANG BA'I SHES BA LA 'KHRUL PAS KHYAB PA GANG ZHIG ,DE LTAR MI SNANG BAR RANG BZHIN GZIGS PA'I SHES PA MA 'KHRUL PA YIN PA'I PHYIR, DANG PO DER THAL, MIG DE LTAR SNANG BA LTAR GYI DON CUNG ZAD KYANG MED PA'I 'KHRUL SHES YIN PA'I PHYIR, DPER NA RAB RIB CAN LA SNANG BA'I SKRA SHAD CUNG ZAD KYANG MED PA BZHIN NO, ,JI SKAD DU, DE NYID LAS, GANG GI TSE RAB RIB CAN GYI SKRA SHAD LA SOGS PA LTAR PHYIN CI LOG GIS YOD PA MA YIN PA YOD PA NYID DU 'DZIN PA DE'I TSE NA YOD PAR GYUR PA'I DON CHA TZAM YANG DMIGS PAR GA LA 'GYUR, ZHES GSUNGS PA'I PHYIR, KHYAB STE, PHYIN CI LOG GIS ZHES PA YAN CHAD KYIS DPE'I STENG NAS SHES PA 'KHRUL PA NGOS BZUNG NAS, YOD PA MA YIN PA LA YOD PA NYID DU 'DZIN PA ZHES PAS DBANG SHES LA RANG MTSAN DU SNANG BA LA BZUNG BA'I THA SNYAD BSHAD NAS LHAG MAS DE LTAR SNANG BA'I DON MED PAR BSHAD PA'I PHYIR, RTAGS GNYIS PA GRUB STE, RANG BZHIN LA MA 'KHRUL PA'I MNGON SUM GYI DON KUN RDZOB RDZUN PA RDUL GYI CHA TZAM YANG MED PA'I PHYIR, DPER NA RAB RIB MED PA'I NGO NA NAM MKHAR SKRA SHAD MI DMIGS PA BZHIN NO, ,DE NYID LAS, GANG GI TSE RAB RIB CAN MA YIN PA'I SKRA SHAD LA SOGS PA LTAR PHYIN CI MA LOG PAS YANG DAG PA

226a

, ,MA YIN PAR SGRO MI 'DOGS PA DE'I TSE NA YANG GANG GIS NA DE'I TSE KUN RDZOB TU 'GYUR BA YOD PA MA YIN PAR GYUR PA'I DON CHA TZAM DMIGS PA GA LA YOD CES GSUNGS PA'I PHYIR, KHYAB STE, PHYIN CI MA LOG PAS YAN CHAD KYIS DPE LTAR MA 'KHRUL PA'I SHES PA BSTAN NAS, YANG DAG PA MA YIN PAR SGRO MI 'DOGS PA DE'I TSE ZHES PAS MED KYANG YOD PAR SNANG BA MI SNANG BAR BSHAD, LHAG MAS DE'I NGOR RDZUN PA MI 'ONGS PA'I RGYU MTSAN BSHAD PA'I PHYIR, 'DI NI STONG NYID MNGON SUM DU MA RTOGS TSUN CHAD NAM 'KHRUL PA'I SHES PA MED PA'I RGYU MTSAN GYIS YIN NO, ,DES NA LEGS LDAN GYI RANG RGYUD KYI SBYOR BA LA PHYOGS TE CHOS CAN DANG CHOS MTHUN SNANG PA MA GRUB PA'I SKYON DANG, RTZOD GZHI MA GRUB PA'I SGO NAS PHYOGS CHOS MA GRUB PA'I GTAN TSIGS KYI SKYON DAG YOD PAR THAL, 'KHRUL MA 'KHRUL GYI SHES PA GNYIS KYI YUL RDZUN PA DANG BDEN PA PHAN TSUN DNGOS 'GAL YIN PAS MIG SOGS BDEN MED DU SGRUB PA'I RGOL BA GNYIS CHOS CAN TSAD MAS GRUB TSUL RGOL BA GNYIS LA MTHUN SNANG BA MED PA DE'I PHYIR ZHES PA'I THAL CHOS 'CHAD PAR, DE NYID LAS, GZHI MA GRUB PA'I PHYOGS KYI SKYON DANG GZHI MA GRUB PA'I GTAN TSIGS KYI SKYON BZLOG PA MED PA NYID KYIS ZHES DANG, LEGS BSHAD SNYING PO LAS, DE'I PHYIR CHOS CAN MA GRUB PA'I SKYON SPANG MI NUS SO, ZHES BYUNG, RTAGS DE 'CHAD PAR, DE NYID LAS, GANG GI PHYIR DE LTAR PHYIN CI LOG DANG

226b

PHYIN CI MA LOG PA DAG THA DAD PA DE'I PHYIR PHYIN CI MA LOG PA'I GNAS SKABS NA PHYIN CI LOG YOD PA MA YIN PA'I PHYIR NA, GANG ZHIG CHOS CAN NYID DU GYUR PA MIG KUN RDZOB PA GA LA YOD, DE'I PHYIR ZHES SO, ,'ON RTEN CHOS CAN MA GRUB PA 'AM NYES PA BLO 'KHRUL PAS MA RNYED PA KHO NA LA SBYAR NAS DGOS SAM ZHE NA, DE MI DGOS PAR THAL, RTEN CHOS CAN PHYI CI LOG GI RNYED PA RNAMS DE KHO NA NYID DU NYAMS PA STE MA GRUB CES BSHAD CHOG PA'I PHYIR, DER THAL, LEGS LDAN GYI DBU MA SNYING POS MNYAM BZHAG ZAG MED KYI NGO NA 'KHRUL PA THAMS CAD BZLOG PAR BSHAD PAS DE LA SBYAR NAS KYANG BSHAD CHOG PA'I PHYIR, LEGS BSHAD SNYING PO LAS, RTEN CHOS CAN DE KHO NAR GRUB PA NYAMS PAR KHAS BLANGS PA'I STENG NAS KYANG, GZHAN DU BSHAD PA DANG TSUL 'DI GNYIS MI MTHUN KYANG, RANG RGYUD 'GOG PA'I GRUB MTHA' MI MTHUN PA MA YIN NO, ZHES SO, ,RTZA BA'I RTAGS GNYIS PA LEGS LDAN GYIS CHOS CAN SPYI TZAM 'DZIN PAR 'DOD PA'I DON MI 'THAD PAR MA ZAD DON DE DPE DANG YANG MI MTHUN PAR THAL, SANGS RGYAS PAS BYE BRAG PA LA SGRA MI RTAG PAR SGRUB PA DER NI SGRA DANG MI RTAG PA SPYI TZAM PA RGOL BA SO SO'I THUN MONG MA YIN PA'I KHYAD PAR DOR BA LA TSAD GRUB MTHUN SNANG BA RUNG BA GANG ZHIG, MIG DON DAM PAR MI SKYE BA DANG BDAG LAS MI SKYE BAR SGRUB PA LA THAL 'GYUR BA DANG PHYI RGOL DNGOS SMRA GNYIS LA RANG BZHIN GYIS GRUB MA GRUB GANG LA YANG TSAD MAR MA SONG PA'I SPYI TSAD GRUB MTHUN SNANG BA

227a

, ,'DZIN MI THUB PA'I PHYIR, DANG PO GRUB STE, DE NYID LAS, DPE LA YANG 'DRA BA YOD PA MA YIN NO, ,DER NI SGRA'I SPYI DANG MI RTAG PA NYID KYI SPYI KHYAD PAR BRJOD PAR MI 'DOD PA GNYIS KA LA YANG YOD NA ZHES SO, ,'DI KHYAD PAR LEGS LDAN GYIS SMRAS TSUL LTAR 'BYUNG 'GYUR SOGS THUN MONG MA YIN PA YIN RTAG MI RTAG LA MA YIN TE, DE MI SRID PA'I PHYIR RO, ,RTAGS GNYIS PA GRUB STE, DE NYID LAS, MIG GI SPYI NI STONG PA NYID DANG STONG PA NYID MA YIN PAR SMRA BA DAG GIS KUN RDZOB TU YANG KHAS MA BLANGS LA DON DAM PAR YANG MA YIN PAS DPE LA 'DRA BA YOD PA MA YIN NO, ,ZHES DANG, LEGS BSHAD SNYING PO LAS KYANG, MIG SOGS BDAG LAS MI SKYE BAR SGRUB PA'I RANG BZHIN GYIS STONG PAR SMRA BA DANG RANG BZHIN GYIS MI STONG PAR SMRA BA LA NI GNYIS KA LA YANG RANG GI NGO BOS YOD PA DANG RANG GI NGO BOS MA GRUB PA GNYIS GANG YANG MI 'JAL YANG CHOS CAN GYI NGO BO 'DI 'DRA ZHIG GZHAL LO ZHES PHAN TSUN STON PAR MI NUS PAS MI 'DRA'O, ,ZHES GSUNGS PA'I PHYIR, GNYIS PA RTAGS MA GRUB PAR THAL BA LEGS LDAN KYIS KHAS BLANGS TSUL NI, DES NA DNGOS SMRA DANG DBU MA PA LA CHOS CAN DANG CHOS KYI TSOGS DON PHYOGS MTHUN SNANG MA GRUB PA'I SKYON RANG RGYUD KYI RTAGS YOD PA'I PHYIR ZHES PA 'DI LA YANG MTHUN SNANG BA MA GRUB PA'I SKYON YOD PAR THAL, DE 'DRA'I RTAGS LA'ANG PHYI RGOL DNGOS SMRA'I BLO RANG BZHIN LA 'KHRUL PA DANG, SNGA RGOL DBU MA PA'I BLO RANG BZHIN

227b

LAM 'KHRUL BA RNYED DON THUN MONG BA MI YOD TSUL SNGAR LTAR YIN PA'I PHYIR, STONG THUN LAS, TSUL DES DNGOS SMRA BA DANG DBU MA PA LA SBYOR BA'I GTAN TSIGS KYANG MTHUN SNANG DU GRUB BA MA YIN PAR STON PA NI, TSIG GSAL LAS; GZHI MA GRUB PA'I PHYOGS KYI NYES PA BRJOD PA'I TSUL GANG YIN PA 'DI NYID NI YOD PA'I PHYIR ZHES BYA BA'I GTAN TSIGS 'DI LA MA GRUB PA'I SKYON BRJOD PA LA YANG SBYAR BAR BYA'O, ,ZHES GSUNGS PA'I PHYIR, DES NA PHYOGS DANG RTAGS LA BRTAGS NA MA GRUB PA'I SKYON 'DI LEGS LDAN RANG NYID KYIS DNGOS SU KHAS MA BLANGS KYANG KHAS BLANGS PAR SONG ZHING KHAS LEN DGOS PAR THAL, SHES RAB SGRON ME LAS, NANG GI SKYE MCHED RNAMS CHOS CAN, RGYU YOD PA KHO NA YIN TE, DE LTAR DE BZHIN GSHEGS PAS GSUNGS PA'I PHYIR, ZHES SDE PA GZHAN GYIS BKOD PA LA LEGS LDAN GYIS DE'I RTAGS SU SONG TSOD KYI DON DE DON DAM PAR GRUB PA DANG KUN RDZOB TZAM DU GRUB PA GANG YANG MA YIN PA'I PHUNG GSUM MI SRID PAS DE GNYIS GANG DU 'DOD, DON DAM PAR GRUB NA DBU MA PA LA MA GRUB, KUN RDZOB TZAM DU ZER NA DNGOS SMRA LA MA GRUB PAS GTAN TSIGS DE RGOL BA GNYIS KA LA MA GRUB PA'I SKYON YOD CES BSHAD PA GANG ZHIG; DE LTAR NA LEGS LDAN RANG NYID BDAG SKYE 'GOG PA'I RANG RGYUD LA YANG RTAGS DANG CHOS CAN MA GRUB PA'I SKYON 'ONG BA'I PHYIR, DANG PO GRUB STE, DE NYID LAS, DON 'DI NI RTOG GE PA 'DIS RANG NYID KYIS KHAS BLANGS PA YIN

228a

, ,NO; ;ZHES PA NAS, DON DAM PAR BSGRUB PAR BYA BA DANG SGRUB PAR BYED PA NYID MA GRUB PA'I PHYIR GTAN TSIGS MA GRUB PA'I DON NYID DANG 'GAL BA'I DON NYID DO ZHES 'DIS SKYON 'DI SMRAS PA NYID DO ZHES DANG, STONG THUN LAS; DE BZHIN GSHEGS PAS GSUNGS PA'I PHYIR ZHES PA'I RTAGS SU SONG TSOD CES PA'I DON DE DON DAM PAR GRUB PA DANG KUN RDZOB TZAM DU GRUB PA GANG YANG MA YIN PA'I PHUNG GSUM MI SRID PAS DE GNYIS GANG DU 'DOD, DON DAM PAR GRUB PA YIN NA DBU MA PA LA MA GRUB LA, KUN RDZOB TZAM YIN NA PHA ROL PO LAM GRUB PAS GTAN TSIGS RGOL BA GNYIS KA LAM GRUB PA'I SKYON DU 'GYUR ZHES GSUNGS PA LA ZHES SO, ,LUNG 'DIS RTAGS SU SONG TSOD CES PA'I DON SHES DGOS SO, ,STONG THUN GYI 'DI LAS GSAL DANG LEGS MI SNANG LA BZHAN MANG PO ZHIG 'KHRUL SNANG NGO, ,RTAGS GNYIS PA DER THAL, DE LTAR KHYED RANG LA YANG NANG 'GAL DANG PHYOGS RTAGS GNYIS SOGS MTHUN SNANG BA MA GRUB PA'I SKYON YOD PA'I PHYIR, DER THAL, DE LTAR NA DNGOS SMRA PA'I NGOR BDAG SKYE MED PAR SGRUB PA'I RTAGS BKOD PA RNAMS LA YANG 'KHRUL MA 'KHRUL GYI TSAD MA GNYIS KYI RNYED DON MA YIN PA'I PHUNG GSUM MI SRID CING; CHOS CAN DANG RTAGS MA 'KHRUL BA'I TSAD MA'I RNYED DON YIN NA DBU MA PA LAM GRUB PA DANG, 'KHRUL PA'I TSAD MA'I RNYED DON YIN NA DNGOS SMRA PA LA MA GRUB PAS RTAGS SOGS MA GRUB PA'I SKYON YOD PA'I PHYIR, DER

228b

THAL; DBU MA PAS SLOB LAM NA MNYAM BZHAG YE SHES MA YIN PA'I MA 'KHRUL PA MI 'DOD LA, DNGOS SMRAS GZUGS SOGS KYI KUN RDZOB PA'I RANG BZHIN LA YANG DBANG MNGON MA 'KHRUL PAR 'DOD PA'I PHYIR, DES NA KHYED RANG GIS NYAN THOS SDE PA'I RTAGS LA DE LTAR SMRA BA DANG BDAG SKYE MED PAR SGRUB PA'I CHOS DANG CHOS CAN MTHUN SNANG SPYI TZAM PA 'DZIN 'DOD PA NANG 'GAL YIN NO, ,DE SKAD DU STONG THUN LAS, DPAL LDAN ZLA BAS LEGS LDAN DANG NYID KYIS DNGOS SMRA BA'I NGOR BDEN PA'I SKYE MED SGRUB PA'I RTAGS, ZHES PA NAS, CHOS CAN DANG GTAN TSIGS MA GRUB PA'I SKYON DU 'GYUR BAR LAS LEN DGOS TE, LEGS LDAN 'BYED RANG NYID KYIS PHA ROL PO LA BRTAGS PA BYAS NAS GTAN TSIGS MA GRUB PA'I SKYON BSTAN PA DE DANG RIGS PA MTSUNGS PA'I PHYIR RO, ZHES BYA BA'I DON TE ZHES SO, ,LEGS LDAN RANG NYID KYIS MIG SOGS KUN RDZOB LA YANG MA 'KHRUL PA'I TSAD MA 'DOD LA ZLA BAS MI 'DOD PAS DE LTAR GSUNGS PA YIN TE, DE'I RGYU MTSAN YANG LEGS LDAN GYIS RANG MTSAN DU GRUB PAS NA DE LTAR SNANG BA DANG MA 'KHRUL PAR 'DOD, ZLA BAS RANG MTSAN GYIS MA GRUB PAS NA DE LTAR SNANG BA DANG BZUNG BA 'KHRUL PAR BZHED PA'I RGYU MTSAN GYIS YIN PA'I PHYIR, STONG THUN LAS, LEGS LDAN 'BYED LTAR NA CHOS CAN DANG RTAGS THA SNYAD TZAM DU DBU MA PA'I LUGS LA YANG MA 'KHRUL PA'I TSAD MA'I RNYED DON YIN PAS, RGOL BA GNYIS KA'I

229a

, ,LUGS LA MTHUN SNANG DU GRUB PA'I SKYON MED CES BSHAD MOD, DPAL LDAN ZLA BAS GZUGS SOGS BDEN PAR GRUB PAS STONG PA DANG MIG SHES GZUGS SOGS LA MA 'KHRUL PA'I TSAD MA YIN PA LA NANG 'GAL BSTAN NAS 'GOG PA YIN NO, ZHES SO, ,TSIG GSAL GYI LUNG LHAG MA SLA BSAM BRIS, GSUM PA RANG RGYUD KYI SBYOR BA GZHAN LA'ANG MA GRUB SKYON NI, LEGS LDAN GYIS MIG SOGS CHOS CAN, DON DAM PAR RKYEN GZHAN LAS SKYE BA MED DE, GZHAN YIN PA'I PHYIR, DPER NA BUM PA BZHIN ZHES SOGS DANG, BRTEN PA DANG BCAS PA'I MIG CHOS CAN, DON DAM BAR GZUGS LA MI LTA STE, MIG GI DBANG PO YIN PA'I PHYIR, DPER NA DE MTSUNGS KYI MIG BZHIN ZHES SOGS KYI DNGOS PO GTAN TSIGS SU BKOD PA'I RANG RGYUD THAMS CAD LA SNGAR LTAR CHOS CAN PAR? RTAGS SOGS MA GRUB PA'I SKYON YOD PAR THAL, DE LTAR RANG NYID GYIS DE BZHIN GSHEGS PAS GSUNGS PA'I RTAGS LA DPYAD NAS MA GRUB PO ZHES LEGS LDAN RANG NYID KYIS SMRAS TSUL DE'I PHYIR, ZHES PA'I RTZOD GZHI NI, DE NYID LAS, 'DI LTA STE DON DAM PAR NANG GI SKYE MCHED RNAMS DE DAG GI RKYEN GZHAN LAS SKYE PA MED DE, GZHAN YIN PA'I PHYIR, DPER NA BUM PA BZHIN ZHES PA NAS, SA NI SRA PA'I NGO BO MA YIN TE, 'GYUNG BA YIN PA'I PHYIR DPER NA RLUNG BZHIN ZHES BYA BA LA SOGS PA DAG TU ZHES BYUNG, RTAGS CHOS GNYIS 'CHANG

229b

PAR; DE NYID LAS, GANG GI PHYIR DE LTAR 'DIS RANG NYID KYIS TSUL 'DIS GTAN TSIGS MA GRUB PAR KHAS BLANGS PA DE'I PHYIR, DNGOS PO GTAN TSIGS SU BKOD PA'I RJES SU DPAG PA THAMS CAD LA GTAN TSIGS LA SOGS PA RANG LAM GRUB PA'I PHYIR SGRUB PAR BYED PA THAMS CAD RNAM PAR 'JIG PAR 'GYUR TE ZHES SO, ,BZHI PA RTAGS MA NGES BA NI, LEGS LDAN KHYOD KYIS, MIG SOGS CHOS CAN, DON DAM PAR BDAG LAS MI SKYE STE, YOD PA'I PHYIR ZHES PA'I RTAGS 'DI PHYI RGOL LA LTOS NAS MA GRUB PA'I SKYON DU MA ZAD MA NGES PA'I SKYON YANG YOD PAR THAL, 'DI LA CI MIG SOGS RNAMS YOD PA'I PHYIR SHES PA YONG BA LTAR BDAG LAS MI SKYE BA ZHIG GAM 'ON TE BUM SOGS BZHIN DU BDAG LAS SKYE BA ZHIG YIN ZHES MA NGES PA'I SKYON YOD PA'I PHYIR, DE NYID LAS, YOD PA'I PHYIR ZHES BYA PA'I GTAN TSIGS 'DI LA YANG PHA ROL PO'I LTAR NA, NAS, BDAG LAS SKYE BA ZHIG YIN ZHES MA NGES PA YIN NO ZHES SO, ,LNGA BA SKYON DE RANG GI GZHAN GRAGS LA MI MTSUNGS PA NI, LEGS LDAN NA RE, ZLA GRAGS KHYOD KYIS LEGS LDAN KHO BO CAG GCIG PU LA SKYON DE SKAD SMRA MI RIGS PAR THAL, KHYOD KYIS GZHAN LEGS LDAN KHO BOS RJES DPAG GI SBYOR BA LA CHOS CAN SOGS MA GRUB TSUL KHYOD LA YANG YOD PAS KHYOD RANG GI RTAGS SBYOR LA YANG RGOL BA SO SO LA LTOS NAS MA GRUB PA'I SKYON 'BYUNG BA'I PHYIR, DE SKAD DU, DE NYID LAS, GAL TE GZHAN GYI

230a

, ,RJES SU DPAG PA DAG LA SKYON JI SKAD SMRAS PA NAS, 'GYUR RO ZHE NA ZHES SO, ,DE LA ZLA BA'I ZHABS NA RE, LEGS LDAN KHYOD KYI RANG RGYUD LTAR GYI SKYON KHO BO'I GZHAN GRAGS LA MED TSUL KHYOD LA BRJOD PAR BYA BA YOD PAR THAL, RANG RGYUD KYI RTAGS LA MA GRUB PA SOGS KYI SKYON DE LTAR 'ONG PA GANG ZHIG, KHO BOS RANG RGYUD KYANG MI SBYOR LA, GZHAN GRAGS LA SKYON DE LTAR MI 'ONG BA'I PHYIR, DANG PO GRUB STE, DE LA RGOL BA GNYIS KYI TSAD MAS GRUB PAS MI CHOG PAR CHOS CAN SOGS GRUB TSUL MTHUN NANG BA DGOS PAS SKYON DE LTAR 'ONG BA'I PHYIR, DE NYID LAS, BRJOD PAR BYA STE RANG RGYUD KYI RJES SU DPAG PA SMRA BA DAG LA NYES PA 'DIR 'GYUR GYI ZHES DANG, STONG THUN LAS, CHOS CAN DE NYID SNGA RGOL GYI TSAD MAS KYANG GRUB PHYI RGOL GYI TSAD MAS KYANG GRUB PA TZAM GYIS MI CHOG GI, SNGA RGOL PHYI RGOL GNYIS KA'I LUGS LA MTHUN SNANG DU GRUB PA ZHIG DGOS SHING, DAM BCA' DE NYID SGRUB PA'I RTAGS KYI TSUL GSUM YANG SNGA RGOL PHYI RGOL GNYIS KA'I LUGS LA MTHUN SNANG DU GRUB PA'I SGO NAS TSANG MAS GRUB PA ZHIG DGOS SO, ZHES GSUNGS PA'I PHYIR, CHOS CAN MTHUN SNANG GI DON STONG THUN 'DI LTAR SHES DGOS SO, , RTAGS GNYIS PA GRUB STE, RTZA SHE LAS KYANG GZHAN GRAGS KYIS PHYI RGOL GYI DAM BCA' BKAG PA'I PHYIR, DE NYID LAS, KHO BO CAG NI RANG RGYUD KYI RJES SU DPAG PA MI SBYOR TE ZHES SOGS DANG, GSUM PA GRUB STE, KHO BO CAG GIS

230b

RTZA SHE'I RAB BYED GSUM PA LAS GANG ZHIG BDAG LA MI LTA BA ,DE DAG GZHAN LA JI LTAR LTA, ZHES GSUNGS PA'I DON LTAR MIG CHOS CAN, GZHAN GZUGS LA'ANG NGO BO NYID KYIS MI LTA STE, BDAG LA MI LTA BA'I PHYIR, DPER NA BUM PA BZHIN ZHES PA LTA BU PHYI RGOL RANG LA GRAGS PA'I RJES DPAG STE SBYOR BA BKOD NAS DE'I LOG RTOG ZLOG PA LA CHOS CAN MTHUN SNANG BA MA GRUB KYANG CHOS CAN TZAM GRUB PAS SKYON DE DAG MED PA'I PHYIR, DE NYID LAS, GANG GI PHYIR RJES SU DPAG PA DAG GIS 'DI TZAM ZHIG BRJOD PAR BYA BA YIN PAS GANG LA NYES PA MTSUNGS PAR 'GYUR BA KHO BO CAG GI PHYOGS LA JI SKAD BSNYAD PA'I SKYON 'JUG PA GA LA YOD CES SO, ,'O NA GZHAN GRAGS KYI RTAGS DE'I PHYOGS KHYAB JI LTAR SGRUB PA DANG, GZHAN GYI DAM BCA' JI LTAR SEL SNYAM NA LAM RIM LTAR ZLA BA'I LUGS SHES PA LA MED MI RUNG DANG DKA' GNAS MTHAR THUG YIN PAS DE DAG RIM PA NYUNG GSAL ZHIG BSHAD NA, GZHAN GRAGS KYI RTAGS DE'I RTAGS DANG KHYAB 'GREL SGRUB TSUL DANG GZHAN GYI DAM BCA' SEL TSUL GSUM SO SOR YOD DE, DE'I RTAGS DANG DPE DANG CHOS CAN RNAMS SGRUB MI DGOS, KHYAB PA RJES SU 'GRO LDOG GI SGO NAS DES PAR BYED, DE LTAR NGES PAS RANG BZHIN GYIS GRUB PA'I DAM BCA' DOR BA DANG RANG BZHIN MED PA'I DBU MA'I LTA BA SKYE BA DUS MNYAM PA'I PHYIR, DANG PO GRUB STE, DE RNAMS PHYI RGOL RANG GIS KHAS BLANGS PA'I PHYIR, DE NYID LAS, 'DI LTAR

231a

, ,MIG LTA'O ZHES BYA BAR RTOGS PA DE NI MIG RANG GI BDAG NYID LA MI LTA PA'I CHOS KYANG 'DOD LA ZHES DANG, STONG THUN LAS, RTAGS DE'I TSUL SGRUB PA LA, CHOS CAN DANG RTAGS DBANG PO RNAMS NI PHYI RGOL RANG NYID KYIS KHAS BLANGS PAS DE'I NGOR SGRUB MI DGOS LA ZHES SO, ,GNYIS PA GRUB STE, DANG PO RJES SU 'GRO LDOG GNYIS KYI SGO NAS SPYI KHYAB NGES SU BCUG NAS, DE NGES PA'I TSE RJES SU 'GRO LDOG SGO NAS SKABS KYI DON GYI KHYAB PA NGES PAR BYED PA'I PHYIR; RTAGS DANG PO GRUB STE, DNGOS PO RNAMS LA RANG GI NGO BOS GRUB PA'I RANG BZHIN YOD NA DE THOG MAR RANG LA DMIGS NAS DE DANG LDAN PA GZHAN LA YANG RANG BZHIN DE DMIGS DGOS PA NI TSUL RLAN YOD PAS DE LDAN GYI SA LA BLA NA DMIGS PA DANG, SNA MA'I ME TOG LA DRI ZHIM DMIGS PAS DE LDAN GYI GOS LA DRI ZHIM DMIGS PA LTA BU ZHES LDOG KHYAB DANG DNGOS PO GANG RANG GI BDAG NYID LA RANG BZHIN DE MA DMIGS NA DE DANG LDAN PA'I DNGOS PO GZHAN LA'ANG RANG BZHIN DE MI LDAN PAS KHYAB STE, DPER NA SNA MA'I ME TOG LA DRING BA MED PAS DE DANG LDAN PA'I GOS LA'ANG DRING BA MA DMIGS PA BZHIN ZHES SPYI'I RJES KHYAB NGES SU 'JUG PA'I PHYIR, BUDDHA P'A LI TA LAS, DE LA DNGOS PO RNAMS KYI NGO BO NYID NI RANG GI BDAG NYID LA DMIGS PAS DE DANG LDAN PA'I GZHAN GYI BDAG NYID LA YANG DMIGS PAR 'GYUR TE, NAS, SNA MA'I ME TOG LA DRI ZHIM PA NYID MTHONG NA DE DANG LDAN PA'I GOS LA YANG

231b

DMIGS PA YIN NO, ,DNGOS PO GANG RANG GI BDAG NYID LA MI SNANG BA DE GZHAN LA JI LTAR DMIGS PAR 'GYUR TE 'DI LTAR SNA MA'I ME TOG LA DRING BA NYID MA DMIGS NA GOS LA YANG DMIGS PAR MI 'GYUR BA LTA BU'O, ZHES LDOG KHYAB RDZAS KHYAB GNYIS SPYIR BSHAD LA, DE NYID LAS KYANG, GZHAN LTA BA'I CHOS MED NA MI 'BYUNG BA NYID DU KHAS BLANGS PA YIN TE, ZHES LDOG KHYAB DANG, YANG DE NYID LAS, DE'I PHYIR GANG DANG GANG LA RANG GI BDAG NYID LA LTA BA MED PA DE DANG DE NI GZHAN LA LTA BA YANG YOD PA MA YIN TE, DPER NA BUM PA BZHIN ZHES RJES KHYAB SPYIR BSHAD PA'I PHYIR, RTAGS ZUR GNYIS PA GRUB STE, SPYI KHYAB DE LTAR BSTAN NAS SKABS KYI DON LA SPYOR BA NA MIG LA'ANG RANG GI BDAG NYID LA LTA BA YOD NA DE NAS GZHAN GZUGS DANG CHOGS PA NA DE LA NGO BO NYID KYIS LTA BA YANG 'THAD NA MIG LA RANG LA LTA BA MED PAS GZHAN GZUGS LA YANG NGO BO NYID KYIS LTA BA MED PA'I PHYIR, ZHES STON PA'I PHYIR, BU DDHA P'A LI TA LAS, DE'I PHYIR GAL TE LTA PA RANG GI BDAG NYID LA LTA BAR BYED NA NI DES NA GZUGS LA LTA PAR BYED PAS LTA'O ZHES BYA BA DE 'THAD PAR 'GYUR BA ZHIG NA, LTA BA NI RANG GI BDAG NYID LA LTA BAR MI BYED DO, ,DE GAR RANG GI BDAG NYID LA LTA BAR MI BYED PA DE, GZHAN DAG LA JI LTAR LTA BAR BYED DE, ZHES DANG, DE NYID LAS, MIG LA YANG RANG GI BDAG NYID LA MI LTA BA YOD PA YIN TE, DE'I PHYIR GZHAN LTA BA YANG 'DI LA MED DO, ZHES DANG,

232a

, ,LAM RIM LAS, PHYI RGOL RANG LA GRAGS PA'I 'THAD PAS RJES SU 'GRO LDOG NGES SU BCUG NAS DE NAS SKABS KYI DON LA SBYOR BA NA ZHES GSUNGS PA'I PHYIR, RTZA RTAGS GSUM PA DE LTAR GNOD BYED BSTAN PA LTAR GNOD BYED DU NGES PA NA DBU MA'I LTA BA RANG BZHIN MED PAR NGES PAR THAL, DE'I TSE DNGOS SMRA BA'I DAM BCA' DANG GRUB MTHA' YANG DE RAL RANG BZHIN MED KYANG TSAD GRUB SOGS KYI BYA BYED RUNG BAR YANG SHES PA DUS MNYAM PA'I PHYIR, LAM RIM LAS, DE LTAR KHAS BLANGS PA LA GNOD BYED BSTAN PA RNAMS MTHONG BA NA, RANG GI NGO BOS GRUB PA'I RANG BZHIN YOD PAR 'DZIN PA'I GRUB MTHA' 'DOR BAR 'GYUR LA, DE NAS RANG BZHIN MED PA LA BYA BYED 'THAD PA YANG RTOGS PAR NUS PAS RANG BZHIN MED PA DANG MED PA SO SOR PHYED PAR 'GYUR LA ZHES SOGS GSUNGS PA'I PHYIR, GNOD BYED MTHONG TSUL YOD DE, RANG LA MI LTA BA DANG NGO BO NYID KYIS GZHAN LA LTA BA 'GAL BAR MTHONG BA SOGS YIN PA'I PHYIR, DE NYID LAS, DE'I PHYIR RANG GI BDAG NYID LA MI LTA BA DANG 'GAL BA SNGON PO LA SOGS PA GZHAN LA LTA BA RANG LA GRAGS PA'I RJES SU DPAG PA DANG 'GAL BA YIN NO; ;ZHES DE LA GRUB PA'I RJES SU DPAG PAS SEL BAR BYED DO, ZHES SO, ,DE LA LEGS LDAN NA RE, ZLA GRAGS CI RGOL BA GNYIS LA CHOS CAN GRUB TSUL MTHUN SNANG BA MED PAR RGOL BA RANG RANG GANG RUNG LA TSAD

232b

MAS GRUB PAS KYANG GNOD BYED KYI RTAGS YANG DAG YOD PAR THAL, KHYOD KYI GZHAN GRAGS KYI RTAGS DE'I PHYIR ZER NA, DE YOD PAR SHIN TU 'DOD DE, PHYI RGOL RANG NYID LA TSAD MAS GRUB PA'I GTAN TSIGS GNOD BYED YIN GYI SNGA RGOL LA MTHUN SNANG DU GRUB PA MI DGOS PA'I PHYIR, DPER NA 'JIG RTEN NA RES 'GA' DPANG PO'I TSIG GIS RGYAL PHA MA DANG RES 'GA' RTZOD ZLA GNYIS RANG RANG GI TSIG GYIS RGYAL PHAM 'BYED PA MTHONG BA'I PHYIR, KHYAB STE, 'JIG RTEN NA JI LTAR YIN PA BSTAN BCOS LA YANG SKABS SU BABS PA'I PHYIR, DER THAL, BCOM LDAN 'DAS KYIS 'JIG RTEN NA GANG BDEN PA DE NGA YANG BDEN PAR BYED SOGS DANG, 'PHAGS PA LHAS, JI LTAR KLA KLO SKAD GZHAN GYIS, ,BZUNG BAR MI NUS DE BZHIN DU, ,'JIG RTEN PA YI MA GTOGS PAR, ,'JIG RTEN BZUNG BAR NUS MA YIN, ,ZHES GSUNGS PA'I PHYIR, JI SKAD DU DE NYID LAS, YANG CI GANG YANG RUNG BA LA GRUB PA'I ZHES PA NAS, 'JIG RTEN PA'I THA SNYAD KHO NA RIGS PA'I BSTAN BCOS KYI SKABS SU BABS PA YIN PA'I PHYIR RO, ZHES DANG, LEGS BSHAD SNYING PO LAS, GANG YANG RUNG BA LA GRUB PAS MI CHOG GAM SNYAM PA LA 'JIG RTEN PA'I RTZOD PA DPER BYAS NAS DES CHOG PA DANG ZHES GSUNGS PA'I PHYIR, DES NA RTOG GE PA RNAMS CHOS CAN DANG TSUL GSUM SOGS PHYI RGOL LA TSAD MA GANG GIS GRUB PA DES SNGA RGOL LA YANG GRUB DGOS PAR 'DOD KYI GZHAN PHYI RGOL KYIS TSAD MAS GRUB PAS MI CHOG PAR 'DOD PA'I DBYIG

233a

, ,GNYEN SOGS DANG, TSAD MA KUN BTUS LAS, DE PHYIR, GNYIS KA LA YANG GRUB PA NYID, ,SGRUB PAR BYED PA'AM SUN 'BYIN YIN, ,ZHES PA LTAR SGRUB PA DANG SUN 'BYIN GNYIS KA LA RGOL BA GNYIS KAS GRUB DGOS PAR 'DOD PA'I PHYOGS GLANG GIS KYANG GZHAN GRAGS KYI TSUL 'DI KHAS LEN RIGS TE, BZLOG PA LA LUNG GIS GNOD PA LA GNYIS KA LA GRUB MI DGOS PA DANG, RANG DON RJES DPAG LA RANG LA GRUB PAS CHOG GI GNYIS KA LA MI DGOS BA DE'I PHYIR, DE NYID LAS, DE NYID KYI PHYIR 'GA' ZHIG GIS, ZHES PA NAS, TSUL 'DI NYID KHAS BLANGS PAR BYA STE 'DI LTAR LUNG GIS GNOD PA NI GNYIS KA LA GRUB PA'I LUNG KHO NA'I SGO NAS MA YIN TE, 'O NA CI ZHE NA, RANG LA GRUB PA'I SGO NAS KYANG YIN NO, ,RANG DON GYI RJES SU DPAG PAR NI THAMS CAD DU RANG LA GRUB PA NYID BRLING BA YIN GYI GNYIS KA LA GRUB PA NI MA YIN NO, ZHES SO, ,DES NA RTOG GE'I MTSAN NYID RGOL BA GNYIS KA'I MTHUN GRUB DANG THAL 'GYUR TZAM GYIS RJES DPAG SKYED MI THUB PA SOGS BRJOD PA 'DIR DON MED PAR THAL, SANGS RGYAS KYIS KYANG 'JIG RTEN PA RANG LA GRAGS PA'I SGO NAS PHAN BTAGS PA DE'I PHYIR DANG, LUNG RIGS SPRO 'DOD NA CI 'DOD SPROS PAS CHOG PA'I PHYIR; DE NYID LAS, DE NYID KYI PHYIR RTOG GE'I MTSAN NYID BRJOD PA DGOS PA MED DE, SANGS RGYAS RNAMS KYIS RANG LA JI LTAR GRAGS PA'I 'THAD PAS DE KHO NA MI SHES PA'I GDUL BYA'I SKYE BO LA PHAN GDAGS PA'I PHYIR RO, ,SHIN TU

233b

SPROS PAS CHOG GO ZHES GSUNGS PA'I PHYIR, GNYIS PA MTHA' CUNG ZAD DPYAD PA LA, MKHAS PA KHA CIG NA RE, MYU GU CHOS CAN, SLAR YANG SKYE BA DON MED PAR THAL, RANG GI RGYU'I DUS SU GRUB ZIN YOD PA'I PHYIR, ZHES PA SANGS RGYAS BSKYANGS KYI THAL 'GYUR ZER NA, 'O NA, 'GREL PA DE LAS DNGOS PO BDAG GI BDAG NYID DU YOD PA ZHES PA'I DON RANG GI RGYU DUS SU YOD PA LA 'CHAD RIGS PAR THAL, KHYOD KYI THAL 'GYUR 'THAD PA'I PHYIR, 'DOD NA, GZHUNG DES GZHAN GRAGS KYI RTAGS YANG DAG GCIG MA BSTAN PAR THAL, 'DOD PA'I PHYIR, KHYAB STE, RANG GI RGYU DUS SU GRUB PA MED PA'I PHYIR, 'DOD MI NUS TE, DES RANG GI BDAG NYID DU YOD PA'I RTAGS KYIS MYU GU SLAR YANG SKYE BA DON MED DU SGRUB PA'I GZHAN GRAGS KYI RTAGS BSTAN PA'I PHYIR, DER THAL, TSIG GSAL LAS, DE LA RANG GI BDAG NYID DU YOD PA ZHES BYA BA 'DIS NI GTAN TSIGS 'DZIN PA YIN NO, ZHES GSUNGS PA'I PHYIR, YANG KHO NA RE, DON BSDUS NA SKYE BA DON MED DANG THUG MED DU THAL, BDAG LAS SKYE BA'I PHYIR ZHES KYANG 'PHANGS ZER NA, 'O NA LEGS LDAN GYIS DGONGS TSOD LTAR BDAG LAS SKYE BA MED DE, ZHES PAS RTAGS BSTAN PAR THAL, KHYOD KYI DAM BCA' GANG ZHIG, DNGOS PO BDAG GI BDAG NYID DU YOD PA ZHES PAS RTAGS DE MA BSTAN PA'I PHYIR, MA GRUB NA, BDAG GI BDAG NYID DU YOD PA'I DON BDAG SKYE LA BYED PAR THAL LO, ,RTZA BAR 'DOD NA, MI 'THAD PAR THAL, DE LTAR TSIG GSAL LAS MA BSHAD LA SKYON YANG MI 'ONG BA'I PHYIR, YANG

234a

, ,KHA CIG GIS, BDAG SKYE 'GOG PA'I 'GREL NGAG RGYAS BSHAD DANG POS BSTAN PA'I THAL 'GYUR YIN NA, RTAGS TSAD MAS GRUB PAS KHYAB ZER BA YANG MI 'THAD PAR THAL, DES SHUGS LA BSTAN PA'I BZLOG DON 'PHEN PA'I THAL 'GYUR YOD PA'I PHYIR, 'GREL NGAG DES BSTAN PA'I GRANGS CAN GYIS SKYE BAR 'DOD PA'I MYU GU CHOS CAN, RANG GI BDAG NYID MA THOB PAR THAL, SLAR YANG SKYE BA DON YOD PA'I PHYIR, ZHES PA'I THAL 'GYUR YOD PA'I PHYIR, DER THAL; GZHUNG DE'I DNGOS BSTAN GYI GZHAN GRAGS BZLOG DON DU 'PHEN PA'I THAL 'GYUR YOD PA GANG ZHIG, DE SKABS 'DIR STON PA SKABS SU BABS PA'I PHYIR, RTAGS DANG PO GRUB STE, BDAG MED YIN PA'I PHYIR, GNYIS PA GRUB STE, THAL 'GYUR BA'I SLAR YANG SKYE BA DON MED 'CHAD PA'I SKABS YIN PA'I PHYIR, KHYAB STE, GZHAN GYI LOG RTOG GTZO BOR THAL 'GYUR GYIS 'GOG PA'I PHYIR, LEGS LDAN GYIS SKYON BRJOD LUGS LA CHOS RJE RGYAN BZANG PA NA RE, LEGS LDAN GYIS SKYON BRJOD PA'I GZHI DNGOS PO RNAMS BDAG LAS SKYE BA, NAS, NAM YANG MI SKYE BAR MI 'GYUR RO ZHES PA'I MDO RGYAS GNYIS KA 'DZIN, SKYON BRJOD TSUL RANG RGYUD KYIS 'GOG GAM THAL 'GYUR GYIS 'GOG, RANG RGYUD YIN NA GTAN TSIGS DANG DPE MA BRJOD PA DANG GZHAN GYIS NYES PA MA BSAL BA'I SKYON YOD, THAL 'GYUR YIN NA SGRUB BYED MI 'PHEN PAS 'GOG MI NUS PAS SGRUB BYED 'PHEN DGOS PAS MYU GU CHOS CAN, BDAG LAS SKYE BA MED DE, SLAR YANG

234b

SKYE BA DON BCAS DANG THUG BCAS YIN PA'I PHYIR, ZHES BAR 'GYUR PAS SLAR YANG SKYE BA DON BCAS MI BZHED PA'I SLOB DPON GYI GRUB MTHA' DANG 'GAL BA DANG SHUGS LA GZHAN SKYE 'PHEN BAS GZHAN SKYE MI BZHED PA'I GRUB MTHA' DANG 'GAL ZHES SMRAS PA YIN LA, LEGS LDAN GYIS SLAR YANG GI DON MA DGONGS NA ZLA BAS THAL 'GYUR GYI BZLOG DON KHAS MI LEN SMRAS PA LA 'BREL MED, RJE RIN PO CHES GSUNGS PA LTAR SBYOR BA'I RTAGS CHOS BZLOG TSUL NA NA BSGYUR DE 'DRA LEGS LDAN RTZOD PA LA MKHAS PAS MI BYED DAM GSUNG NGO, ,'DI MKHAS GRUB THAMS CAD MKHYEN PA'I GSUNG LTAR BKAG NA, 'O NA LEGS LDAN LTA BU'I PAn CHEN DES YA MTSAN PA'I 'BREL MED KYI RTZOD PA GCIG SMRAS PAR THAL, MYU GU CHOS CAN, BDAG LAS MI SKYE STE, SLAR YANG SKYE BA DON BCAS DANG THUG BCAS YIN PA'I PHYIR ZHES BKOD PA'I PHYOGS CHOS MA GRUB PA DANG 'GAL KHYAB TU SONG BA LA SKYON CI YANG MI RNYED PAR SLAR YANG SKYE BA DON BCAS THUG BCAS MI BZHED BA DANG 'GAL ZHES PA TZAM ZHIG SMRAS PA'I PHYIR, DE SKAD DU SKAL BZANG MIG 'BYED LAS, BZLOG TSUL DE 'DRA CHES MI 'THAD DE, SKYE BA DON BCAS DANG THUG BCAS MYU GU BDAG LAS MI SKYE BA'I RTAGS SU KHAS LEN NA RTAGS DE'I PHYOGS CHOS MA GRUB LA KHYAB PA YANG 'GAL KHYAB TU SONG 'DUG CING RTAGS KYI SKYON LA DE 'DRA LAS CHI BA JI ZHIG YOD, DE LTAR NA'ANG SKYON DE DAG BRJOD RGYU GCIG KYANG MI RNYED PAR SLOB DPON SLAR YANG SKYE BA DON BCAS DANG THUG BCAS

235a

, ,MI BZHED PA'I GRUB MTHA' DANG 'GAL ZHES PA TZAM ZHIG ZER DGOS PA BYUNG ZHING, LEGS LDAN 'BYED LTA BU'I PAndI TA CHEN PO DE BAS KYANG MTSAR CHE'O, ,ZHES GSUNGS PA'I PHYIR, GZHAN YANG LEGS LDAN GYIS SANGS RGYAS BSKYANGS KYIS SKYES ZIN SLAR YANG MI SKYE BAR BZHED PA MA DGONGS PAR THAL, DES SANGS RGYAS BSKYANGS KYI 'GREL PA'I RGYAS BSHAD DANG PO LTAR MDOR BSTAN GYIS SLAR YANG SKYE BA DON MED DU 'PHANGS PAR SHES NAS DE'I BZLOG DON SANGS RGYAS BSKYANGS KYIS KHAS BLANGS ZHES DGAG PA MDZAD PA'I PHYIR, DER THAL, SLAR YANG SKYE BA DON BCAS MI BZHED PA DANG 'GAL ZHES BKAG PA'I PHYIR, RTAGS KHAS, GONG DU MA KHYAB NA, TSIG GSAL LAS, THAL BAR 'GYUR BA BZLOG PA'I DON DANG YANG PHA ROL PO NYID 'BREL GYI KHO BO CAG NI MA YIN TE, ZHES LEGS LDAN LA SGRUB MI DGOS PAR THAL, DE 'DRA'I THAL 'GYUR 'PHANGS PAR MA DGONGS PA LA BSGRUB PA MA YIN PA'I PHYIR, RTAGS KHYAB GNYIS KHAS, 'DOD MI NUS; DE SKAD DU RIGS PA'I RGYA MTSO LAS, ZLA BAS THAL BA BZLOG PA'I DON DANG RANG MA 'BREL BAR BSTAN PA 'DIS NI LEGS LDAN GYIS SLAR YANG SKYE BA DON MED DANG THUG MED DU 'PHANGS PAR MA DGONGS PAR SPYIR SKYE BA DON MED DANG THUG MED DU 'PHANGS PAR BZUNG NAS BZLOG DON KHAS LEN DGOS ZHES SMRAS PAR BSTAN TO, ZHES GSUNGS PA'I PHYIR, GZHAN YANG, SHES RAB SGRON ME LAS, SKYE BA 'BRAS BU DANG BCAS PA NYID DU 'GYUR BA DANG SKYE BA THUG PA YOD PAR 'GYUR

235b

PA'I PHYIR, ZHES GSUNGS PA MI 'THAD PAR THAL, SLAR YANG SKYE BA 'BRAS BU DANG BCAS PA ZHES SMRA DGOS PA'I PHYIR, DER THAL, DE SKYE BA DON MED THUG MED KYI BZLOG DON MA YIN PAR SLAR YANG SKYE BA DON MED THUG MED KYI BZLOG DON YIN PA'I PHYIR, RTAGS KHAS, GZHAN YANG THAL 'GYUR GYI RTAGS KYI BZLOG DON DNGOS PO RNAMS GZHAN LAS SKYE BA DANG, THAL CHOS KYI BZLOG DON SKYE BA DON BCAS DANG THUG BCAS YIN PAR THAL, KHYOD KYIS SHES RAB SGRON ME'I GLAGS YOD PA BZHAG NAS TSIG GSAL LAS THAL BAR 'GYUR BA'I TSIG YIN PAS ZHES PA'I DON BSHAD TSUL 'THAD PA'I PHYIR, 'DOD MI RUNG BAR THAL, DNGOS PO RNAMS KYI GZHAN LAS SKYE BA THAL 'GYUR GYI RTAGS KYI BZLOG DON YIN PAS DOGS PA YANG MED PA GANG ZHIG ,PHYI MA YANG THAL CHOS KYI BZLOG DON LA 'CHAD MI RIGS PA'I PHYIR, DANG PO GRUB STE, DNGOS PO RNAMS BDAG LAS SKYE BA MED DE ZHES PA'I BSGRUB BYA'I BZLOG DON YIN PA'I PHYIR, SHES RAB SGRON ME LAS, BSGRUB PAR BYA BA BZLOG PA'I DON MNGON PAS, ZHES GSUNGS PA'I PHYIR, DE SKAD DU RIGS PA'I RGYA MTSO LAS, 'DI THAL CHOS KYI RTAGS BZLOG PA MA YIN TE, BSGRUB PAR BYA BA BZLOG PAS, ZHES GSUNGS PA'I PHYIR DANG BDAG SKYE MED PA RTAGS SU MA SMRAS PA'I PHYIR, ZHES GSUNGS PA'I PHYIR, GNYIS PA GRUB STE, DE'I CHOS ZHES PA BSGRUB BYA'AM PHYOGS DE'I CHOS ZHES GTAN TSIGS LA BSHAD DGOS PA'I PHYIR DER THAL, 'GREL BSHAD LAS, BSGRUB PA'I CHOS ZHES BYA BA NI SKYE BA MED PA BSGRUB PA'I CHOS TE

236a

, ,GTAN TSIGS SO ZHES DANG, RIGS PA'I RGYA MTSO LAS, BSGRUB PA'I CHOS RTAGS BZLOG PA'I DON MNGON PAS SKYE BA DON BCAS DANG THUG BCAS SU 'GYUR BAS, ZHES GSUNGS PA'I PHYIR, YANG KHA CIG NA RE, SHES RAB SGRON ME LAS, SKABS KYI DON LAS BZLOG PAS ZHES PAS BSGRUB BYA DANG, DE'I CHOS ZHES PAS GTAN TSIGS MA BSTAN ZER NA, DE MI 'THAD PAR THAL, BSGRUB BYA BZLOG TSUL SNGAR LTAR GANG ZHIG, DE'I CHOS BZLOG BRTAGS BZLOG PA LA BSHAD DGOS PA'I PHYIR, DANG PO GRUB STE, 'GREL BSHAD LAS, BSGRUB PAR BYA BA ZHES BYA BA NI DNGOS PO BDAG GI BDAG NYID LAS SKYE BA MED DE, ZHES BSGRUB BAR BYA'O, ,DE BZLOG PA'I DON MNGON BAS ZHES BYA BA NI, DNGOS PO BDAG GI BDAG NYID LAS SKYE BA MED DE ZHES BYA BA BZLOG PA'I DON DNGOS PO RNAMS GZHAN LAS SKYE BA ZHES BYA BA MNGON BAS SO ZHES GSUNGS PA'I PHYIR, GNYIS PA GRUB STE, 'GREL BSHAD LAS, DE'I CHOS ZHES BYA BA NI BSGRUB PAR BYA BA DE'I CHOS TE, DNGOS PO BDAG GI BDAG NYID LAS SKYE BA MED DE, ZHES BYA BA DA'I PHYOGS KYI CHOS DE DAG GI SKYE BA DON MED PA NYID DU 'GYUR BA'I PHYIR DANG, SKYE BA THUG BA MED PA NYID DU 'GYUR BA'I PHYIR ZHES BYA'O, ,DE BZLOG PA'I DON MNGON PAS ZHES BYA BA NI SKYE BA DON MED PA NYID DU 'GYUR BA'I PHYIR ZHES BYA BA BZLOG BA'I DON SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA MED PAR 'GYUR BA'I PHYIR ZHES BYA BA BZLOG BA'I DON SKYE BA THUG PA YOD PAR 'GYUR PA'I PHYIR ZHES BYA'O,,

236b

ZHES GSUNGS PA'I PHYIR, YANG RGYAN BZANG BAS RTAGS CHOS SO SOR BZLOG PA YIN PAS RTAGS BZLOG NA BSGRUB BYA BZLOG DGOS PA MI 'THAD GSUNGS PA YANG DE BAS CHAS CHER MI 'THAD PAR THAL, SPYIR RJE DANG LEGS LDAN GANG GIS KYANG SBYOR BA DE'I RTAGS BZLOG NA BSGRUB BYA BZLOG DGOS GSUNGS PA MA YIN LA, SANGS RGYAS BSKYANGS KYI MDOR BSTAN GYI 'GREL NGAG 'DI LA DE LTAR DGOS SAM SNYAM BA'I DOGS PA CHE BA'I PHYIR, DER THAL, LEGS LDAN GYIS SANGS RGYAS BSKYANGS KYIS SKABS 'DIR DON DAM PAR MTHA' BZHI LAS SKYE BA BGAG TZAM MA YIN LA THA SNYAD DU SKYE BA YANG SGRUB 'DOD PAS, DE LTAR NA DNGOS BO RNAMS BDAG LAS MI SKYE SKYE BA DON BCAS DANG THUG BCAS YIN ZHES GSUNGS PA NA SHUGS LA GZHAN SKYE 'PHANGS SAM SNYAM DU DGONGS PA'I PHYIR, KHYAB STE, DE LTAR NA DNGOS SU RTAGS LA SKYE BA DON MED DANG THUG MED BKOD KYANG DGONGS TSOD BZLOG DON DON BCAS THUG BCAS YIN PA LTAR BSGRUB BYA LA YANG DNGOS PO RNAMS BDAG LAS SKYE BA MED DE ZHES GSUNG YANG SKYE BA THA SNYAD BSGRUB 'DOD PAS NA BDAG SKYE BKAG PAS GZHAN SKYE 'OS MED KYIS 'PHANGS PA'I PHYIR, DPER NA LHAS SBYIN TSON BO NYIN PAR MI ZA ZHES PAS SHUGS LA MTSAN MO ZA BAR 'PHANGS PA BZHIN YIN PA'I PHYIR, STONG THUN LAS, SKYE BA GZHIR BYAS LA BDAG SKYE GZHAN SKYE GNYIS SU KHA TSON CHOD PAS DNGOS PO RNAMS SKYE BA YIN ZHING BDAG LAS MI SKYE ZHES SMRAS PA NYID KYIS GZHAN LAS SKYE BAR 'PHEN TE, ZHES SOGS

237a

, ,GSUNGS PA'I PHYIR, GONG DU MA KHYAB MTSAMS KYI RTAGS GRUB PA DANG, STONG THUN LTAR LEGS LDAN LA DOGS PA DE SKYE TSUL GNYIS KA 'THAD PAR THAL, SANGS RGYAS BSKYANGS KYI 'GREL BAR MTHA' BZHI LAS SKYE BA BKAG TZAM MA YIN LA SKYE BA THA SNYAD PA YANG ZHAR LA SGRUB BAS MA YIN DGAG BSGRUB BYAR SONG NGAM SNYAM PA'I DOGS GZHI CHE BA'I PHYIR, 'GREL PA BUDDHA P'A LI TA LAS, 'DIR SMRAS PA RE ZHIG JI LTAR SKYE BAR BRJOD PA THA SNYAD TZAM YIN PA DE LTAR RAB TU STON CIG, BSHAD PA DE BRJOD PAR BYA'O, ,BDAG LAS MA YIN GZHAN LAS MIN, ,ZHES PA NAS, DE LTAR GANG GI PHYIR DNGOS PO SKYE BA RNAM PA THAMS CAD DU MI 'THAD PA DE'I PHYIR, SKYE BA MED PAS SKYE BAR BRJOD PA NI THA SNYAD TZAM YIN NO; ;ZHES GSUNGS PA'I PHYIR, RGYU MTSAN 'DI 'DRA DU MA LA DGONGS NAS RJE RIN PO CHES DE LTAR GSUNG BA MA SHES PAR RJE'I BU CHEN RGYAN BZANG PA LTA BU SOGS KYIS NYES BSHAD SNA TSOGS SNANG BAS RIGS PA ZHIB MO DGOS KYANG YI GE MANG BAS 'JIGS PAS THO RE 'GOD PAR BYA, YANG RGYAN BZANG PAS GRUB PA'I MTHA' DANG 'GAL ZHES PA'I DNGOS BSTAN GYI 'GAL CHOS LA SLAR YANG SKYE BA DON BCAS THUG BCAS DANG DON DAM PAR GZHAN SKYE 'JOG PA DANG, YANG MANG PO ZHIG GIS DE'I DNGOS BSTAN 'GAL CHOS LA DON DAM PAR GZHAN SKYE 'JOG BA DANG, MKHAS RLOM KHA CIG DON DAM PAR SKYE BA 'JOG PA SOGS MI 'THAD PAR THAL, DE LTAR NA SGRUB BYED BSGRUB BYA GCIG TU SONG BA'I SKYON YOD PA'I PHYIR, MA GRUB NA, SKYE BA DON

237b

BCAS THUG BCAS SU 'GYUR BA DNGOS PO RNAMS GZHAN LAS SKYE BAR 'GYUR BA RNAMS RGYU MTSAN DU BYAS NAS GRUB MTHA' DANG 'GAL BAR SGRUB PA MA YIN PAR THAL, DE DAG 'GAL CHOS BSGRUB BYA DE YIN PA'I PHYIR, RTAGS KHAS, 'DOD MI NUS TE; SHES RAB SGRON ME LAS, DNGOS PO RNAMS GZHAN LAS SKYE BA DANG, NAS BCAS PAR 'GYUR PA'I PHYIR GRUB PA'I MTHA' DANG 'GAL BAR 'GYUR RO ZHES GSUNGS PA'I PHYIR, GZHAN YANG 'DI'I DNGOS BSTAN GYI GRUB PA'I MTHA' DANG 'GAL PA LA DON DAM PAR SKYE BA GCIG DGOS LAM YIN DGAG BSGRUB BYAR BYAS NA 'GAL BA MI YONG BA'I KHYAD PAR 'THAD PAR THAL, RJE RIN PO CHES BDAG SKYE RNAM PAR BCAD TZAM MA YIN PAS GRUB MTHA' DANG 'GAL BAR BSHAD PA LAS BZLOG NAS SNA TSOGS SMRA BA'I RGYU MTSAN YOD PA'I PHYIR, 'DOD NA SPYIR SLOB DPON 'PHAGS PAS MA YIN DGAG KHAS LEN PAS SKABS 'DIR YANG DE'I SGO NAS 'GAL MI NUS PA LA BLO RTZE GTOD RIGS PAR THAL, MTHA' GZHAN KHEGS PA'I PHYIR, 'DOD MI NUS TE, DE LTAR MA YIN PAR DNGOS PO RNAMS BDAG SKYE MED PAR SGRUB PA'I BSGRUB BYA MED DGAG BYED PA NI SPROS PA MTHA' DAG 'GOG CHED YIN PA GANG ZHIG, DE SGRUB KYI BSGRUB BYA MA YIN DGAG LA BYAS NA SPROS PA MI CHOD PAS BCOM LDAN 'DAS KYI GRUB MTHA' DANG 'GAL SKYON YOD PA'I PHYIR, RTAGS DANG PO GRUB STE, SHES RAB SGRON ME LAS, BDAG LAS MA YIN ZHES PA'I DGAG PA 'DI MED PAR DGAG PA'I DON DU BLTA BAR BYA STE, DGAG PA GTZO CHE PA'I PHYIR DANG, ZHES DANG, 'DI

238a

, ,LTAR RTOG PA MA LUS PA'I DRA BA DGAG PAS RNAM PAR MI RTOG PA'I YE SHES SHES BYA MA LUS PA DANG LDAN PA 'GRUB PAR DGONGS PA'I PHYIR RO, ,ZHES GSUNGS PA'I PHYIR, DE LTAR THAL 'GYUR BA YANG YIN PAR THAL, TSIG GSAL LAS, GAL TE BDAG LAS SKYE BA MA YIN PA NYID DO ZHES BYA BAR NGES PAR BZUNG BA NA, GZHAN LAS SKYE'O ZHES MI 'DOD PA NYID DU 'GYUR BA MA YIN NAM ZHE NA, MA YIN TE MED PAR DGAG PA BRJOD PAR 'DOD PA'I PHYIR RO, ,ZHES GSUNGS PA'I PHYIR, GNYIS PA GRUB STE, SPYIR BDAG SKYE MED PA YOD PAR 'THAD KYANG 'DI'I BSGRUB BYAR DE 'DRA'I MA YIN DGAG BZUNG NA RANG BZHIN GYI SHER PHYIN SPYOD PAS SANGS RGYAS KYI GRUB MTHA' DANG 'GAL BA YIN PA'I PHYIR TE, SHES RAB SGRON ME LAS, MA YIN PAR DGAG PA YONGS SU BZUNG NA NI DE SGRUB PA GTZO CHE BA'I PHYIR, CHOS RNAMS MA SKYES SO ZHES BSGRUBS NAS SKYE BA MED PA NYID STON PA'I MDZAD PA'I MTHA' DANG 'GAL TE, LUNG LAS GZUGS GYI SKYE BA MED PA LA SPYOD NA SHES RAB KYI PHAR PHYIN LA SPYOD PA MA YIN NO ZHES GSUNGS PA'I PHYIR, 'DIR ZHES SOGS YANG YANG DE 'DRA GSUNGS PA'I PHYIR, BYAS PA LA KHO NA RE, GRUB MTHA' DE STON PA KHO NA LA 'CHAD RIGS PAR THAL, BSHAD TSUL 'THAD PA'I PHYIR NA MA KHYAB STE, STON PA DANG SLOB DPON GNYIS KAS MDZAD PA'I PHYIR, DES NA DON 'DI RJE YAB SRAS DANG RNAM BSHAD DGONGS RGYAN SOGS DU MA'I DGONGS PA YIN, BYAS PA LA KHO NA RE, 'O NA RGYAL TSAB

238b

RTZA SHE'I SPYOR tIKA DANG DBU MA'I MTHA' DPYOD GRU RDZING GNYIS LAS DON DAM PAR SKYE BA MI BZHED PA'I 'PHAGS PA'I GRUB MTHA' DANG 'GAL ZHES BSHAD PA MI 'THAD PAR THAL, 'DI'I DNGOS BSTAN GYI 'GAL CHOS LA DON DAM PAR SKYE BA MI 'JOG PA'I PHYIR NA SHIN TU MA KHYAB STE, 'GAL TSUL DE 'DRA YANG YOD CES PA TZAM YIN GYI DNGOS BSTAN GYI 'GAL CHOS LA DE LTAR DGOS PA ZUR TZAM YANG MA GSUNGS PA'I PHYIR, MKHAS PA MANG POS SBYOR tIKA DE MI 'THAD GSUNGS SO, , YANG KHA CIG DANG RGYAN BZANG PAS LEGS LDAN GYIS SANGS RGYAS BSKYANGS KYI 'GREL DAG GI SLAR YANG DON DGONGS ZER, LA LAS RGYAS BSHAD KYI YANG SLAR YANG MA DGONGS ZER, GZHAN DAG GIS YANG SGRA GZIGS KYANG DON MA DGONGS ZER BA RNAMS MI 'THAD PAR THAL, LEGS LDAN GYIS MDOR BSTAN GYI 'GREL NGAG BKAG LA RGYAS BSHAD MA BKAG PA'I RGYU MTSAN SPYI DON DU BSHAD PA LTAR YIN PA'I PHYIR, RTAGS GRUB STE, SHES RAB SGRON MER RGYAS BSHAD MA DRANGS PA LA RGYU MTSAN YOD PA'I PHYIR, GONG DU MA KHYAB NA, LEGS LDAN GYIS MDOR BSTAN DES SLAR YANG SKYE BA DON MED THUG MED DU 'PHANGS PAR DGONGS PAR THAL, LEGS LDAN GYIS 'DI LA YANG SGRA DGONGS PA'I PHYIR, RTAGS KHAS 'DOD NA, BZLOG DON SKABS SU YANG SGRA 'BYUNG BAR THAL LO, ,BYAS PA LA KHO NA RE, 'O NA LEGS LDAN GYIS RGYAS BSHAD LA YANG DGAG PA DNGOS SU MA MDZAD PAR THAL, KHYOD KYI DAM BCA' 'THAD PA'I PHYIR, 'DOD MI NUS TE, TSIG GSAL LAS MDOR BSTAN

239a

, ,RGYAS BSHAD GNYIS KA LA DGAG PA MDZAD PAR BSHAD PA'I PHYIR, DER THAL, DE NYID LAS, SLOB DPON SANGS RGYAS BSKYANGS KYIS KYANG, DNGOS PO BDAG LAS SKYE BA MED DE, ZHES PA NAS, NAM YANG MI SKYE BAR MI 'GYUR RO, ZHES GSUNGS SO, ,'DI LA KHA CIG, DE NI RIGS PA MA YIN TE, ZHES SOGS GSUNGS PA'I PHYIR NA MA KHYAB STE, MDOR BSTAN RGYAS BSHAD YIN PAR BSTAN PA'I CHED DANG MDOR BSTAN LA DNGOS SU BKAG PAS RGYAS BSHAD LA YANG DON GYIS SONG BA TZAM LA DGONGS PA'I PHYIR, YANG KHA CIG, THAL BAR 'GYUR BA'I TSIG YIN PAS ZHES PA THAL 'GYUR KHO NA LA 'CHAD PA MI 'THAD PAR THAL, 'DI'I DNGOS BSTAN THAL BAR 'GYUR BA'I TSIG DE GTZO BOR SBYOR DAG GI TSIG LA BYED DGOS PA'I PHYIR, DER THAL, DE MDOR BSTAN GYI 'GREL NGAG DANG LEGS LDAN GYIS DGONGS TSOD KYI DNGOS ZIN GYI SBYOR NGAG LA RGOL BA'I GLAGS YOD TSUL DANG HA CANG THAL 'GRO TSUL STON PA'I GZHUNG YIN PA'I PHYIR, DER THAL; 'DI'I THAL BAR 'GYUR BA ZHES PA NI THAL 'GRO BA ZHES PA DANG GLAGS YOD PA ZHES PA'I DON YIN PA'I PHYIR, SHES RAB SGRON ME LAS, GLAGS YOD PA'I TSIG YIN PA'I YANG PHYIR TE, ZHES GSUNGS LA, YANG SGRAS SKYON SNGA MA GNYIS SU MA ZAD GLAGS YOD PA'I SKYON YANG YOD PAR 'GREL BSHAD LAS BSHAD PA'I PHYIR, DE LA KHO NA RE, 'O NA LEGS LDAN GYIS GTAN TSIGS MA BRJOD PAR GSUNGS BA MI 'THAD PAR THAL, SKYE BA DON BCAS THUG

239b

BCAS RTAGS SU BSTAN PAR 'DOD PA'I PHYIR NA MA KHYAB STE, DE LTAR SGRUB NUS KYI RTAGS YANG DAG MA BSTAN PA LA DGONGS PA'I PHYIR, BYAS PA LA KHA CIG NA RE, SKYE BA DON BCAS THUG BCAS DE MYU GU BDAG LAS MI SKYE BAR SGRUB PA'I RTAGS YANG DAG MA YIN PAR THAL, LUNG DON 'THAD PA'I PHYIR, 'DOD MI NUS TE, SKYE BA DON BCAS DE DE LTAR SGRUB PA'I RTAGS YANG DAG YIN PA'I PHYIR ZER NA, SKYE BA DON BCAS DE MYU GU RANG RGYU'I DUS SU MED PAR SGRUB PA'I RTAGS YANG DAG YIN PAR THAL, DE MYU GU RANG RGYU'I DUS SU YOD PA MI SKYE BAR SGRUB PA'I RTAGS YANG DAG YIN PA'I PHYIR, RTAGS KHAS, DE LA MA KHYAB DANG MA GRUB GANG SMRAS NA YANG BDAG SKYE'I DON MI SHES PA YIN TE, MYU GU BDAG LAS SKYE ZHES PA DE MYU GU SNGON PO GSAL TSAR BA DE GSAL TSAR BA DE LAS SKYE PA'I DON MA YIN GYI RANG GI RGYU'I DUS NAS MYU GU YOD LA YOD PA DE LAS SKYE BA LA 'DOD PA'I PHYIR, DER THAL, TSIG GSAL LAS, GANG GI PHYIR BDAG LAS ZHES BYA BA NI YOD PA RGYU NYID DANG DE NYID SKYE'O, ,ZHES SMRAS PA YIN LA, ZHES GSUNGS PA'I PHYIR, KHYAB STE, YOD PA RGYU NYID CES PAS SKYE LDAN THAMS CAD RANG GI YOD PAS RGYU BYED TSUL BSTAN, DE NYID SKYE'O ZHES PAS SKYE LDAN THAMS CAD RANG RANG GI YOD PA DE LAS SKYE TSUL BSTAN PA'I PHYIR, RTZA BAR 'DOD MI NUS TE, DBANG RTUL 'DRA MA GTOGS DBANG RNON LA DE DE SGRUB KYI RTAGS YANG DAG TU MI RUNG PA'I PHYIR, DER THAL, SKYE BA DON DANG BCAS PA'I DON RTOGS PA NA RANG

240a

, ,RGYU'I DUS NA MED PAR GRUB ZIN PA'I PHYIR, RTAGS SLA, YANG TSAD MA LA MKHAS PA MANG PO NA RE, 'GAL BRJOD THAL 'GYUR DANG PO'I DNGOS KYI BYED PA LAS BYUNG BA'I BDAG SKYE MED PAR RTOGS PA'I RJES DPAG YOD PAR THAL, 'GAL BRJOD KYI THAL 'GYUR TZAM LA BRTEN NAS BDAG SKYE 'DOD PA'I LOG RTOG BZLOG NUS PA'I PHYIR, KHA CIG 'DIR MA KHYAB ZER NA, SHIN TU KHYAB PAR THAL, THAL 'GYUR DE GNOD BYED YANG DAG TU PHYI RGOL LA SONG BA NA, LOG RTOG YANG LDOG LA BDAG SKYE'I DAM BCA' YANG DOR TSAR ZHING BDAG SKYE MED PAR YANG RTOGS ZIN PA'I PHYIR, DPER NA ME CHOS CAN, KHYOD KYIS RANG NYID SREG PAR THAL, RANG DANG RANG BZHIN GYIS GCIG PA'I BUD SHING SREG PA'I PHYIR, YANG ME CHOS CAN, KHYOD KYIS BUD SHING YANG MI SREG PAR THAL, BUD SHING DANG RANG BZHIN GYIS THA DAD YIN PA'I PHYIR ZHES PA'I THAL 'GYUR GYIS PHYI RGOL LA ME DANG BUD SHING RANG BZHIN GYIS GCIG DANG THA DAD MA YIN PAR RTOGS THUB PA BZHIN YIN PA'I PHYIR, BZHI BRGYA PA LAS, MES NI TSA PA NYID SREG STE, ,TSA BA MA YIN JI LTAR SREG ,CES DANG, DE BZHIN DU DE'I DON DU, LAM RIM LAS, DE LTAR RANG BZHIN KHAS BLANGS PA LA GNOD BYED RNAMS MTHONG BA NA RANG GI NGO BOS GRUB PA'I RANG BZHIN YOD PAR 'DZIN PA'I GRUB MTHA' 'DOR BAR 'GYUR LA, DE NAS RANG BZHIN MED PA ZHES SOGS GSUNGS PA'I PHYIR, RTZA BAR 'DOD NA, DE 'DRA'I RJES DPAG CHOS CAN, KHYOD RANG GI RTEN RTAGS

240b

YANG DAG LA BRTEN NAS BYUNG BAR THAL, KHYOD RJES DPAG YIN PA'I PHYIR NA GTAN NAS MA KHYAB, BYAS PA LA KHO NA RE, DE LA KHYAB PA YOD PAR THAL, RJES DPAG YIN NA RANG GI RTEN RTAGS SBYOR YANG DAG LA BRTEN NAS GZHAL BYA LKOG GYUR LA MI SLU PA'I RIG PA YIN PAS KHYAB PA'I PHYIR, DER THAL, TSIG GSAL LAS, LKOG TU GYUR PA'I YUL CAN RTAGS BSGRUB PAR BYA BA LA MI 'KHRUL PA LAS SKYE BA'I SHES PA NI RJES SU DPAG PA'O, ,ZHES GSUNGS PA'I PHYIR NA DE PAS CHIS MA KHYAB, AE MA RMONGS PA'I BRTUL ZHUGS LA AANG, 'O NA RJES DPAG YIN NA DE'I DNGOS BSTAN YIN DGOS PAR THAL, KHYOD KYI KHYAB SGRUB 'THAD PA'I PHYIR, 'DOD NA, YID CHES RJES DPAG CHOS CAN, DER THAL, DE'I PHYIR, KHYAB PA KHAS, RTAGS GRUB STE, DE YOD PA'I PHYIR, 'DOD NA, DE CHOS CAN, DNGOS STOBS RJES DPAG YIN PAR THAL, 'DOD PA'I PHYIR, KHYAB STE, GZHUNG DE DNGOS STOBS RJES DPAG DNGOS SU 'CHAD BYED YIN PA'I PHYIR, DER THAL, DE'I RJES SU YID CHES RJES DPAG ZUR DU BSHAD PA'I PHYIR, DER THAL, TSIG GSAL LAS, DBANG PO LAS 'DAS PA'I DON ZHES SOGS GSUNGS PA'I PHYIR, GZHAN YANG, BA GLANG BA MIN DANG 'DRA BAR 'DZIN PA'I NYER 'JAL RJES DPAG DANG, MYU GU SNANG BA LTAR MA GRUB PA ME LONG NANG GI BYANG BZHIN DANG 'DRA BAR 'DZIN PA'I NYER 'JAL GYI RJES DPAG RE RE NAS CHOS CAN, DER THAL, DE'I PHYIR, KHYAB PA KHAS, RTAGS GRUB STE, DE YOD PA'I PHYIR, TSAD MA BZHI YOD PA'I PHYIR, RTZA BAR 'DOD MI NUS PAR SNGAR BSHAD ZIN, GZHAN YANG LKOG

241a

, ,GYUR YIN NA LKOG TU GYUR PA'I YUL CAN ZHES PA'I DNGOS BSTAN YIN DGOS PAR THAL, RJES DPAG LA DE'I PHYIR, 'DOD NA, SHIN TU LKOG GYUR CHOS CAN, DER THAL, DE'I PHYIR, 'DOD MI NUS TE, CUNG ZAD LKOG GYUR MA YIN PA'I PHYIR, DER THAL, DNGOS STOBS RJES DPAG GI GZHAL BYA MA YIN PA'I PHYIR, KHYAB CING, RTAGS GRUB STE, TSAD MA BZHIR 'BYED PA GZHAL BYA MNGON LKOG THA DAD PA'I SGO NAS BZHAG PA'I PHYIR, TSIG GSAL LAS, TSAD MA'I GRANGS 'JUG PA GZHAL BYA'I GZHAN GYI DBANG YIN PAS, ZHES GSUNGS PA'I PHYIR, RGYAS PAR 'OG TU 'CHAD DO, ,YANG KHA CIG NA RE, MYU GU CHOS CAN, RTEN 'BREL MA YIN PAR THAL, BDEN PAR GRUB PA'I PHYIR, ZHES PA'I THAL 'GYUR DE SGRUB BYED 'PHEN PA'I THAL 'GYUR YANG DAG TU SONG BA'I BYED PA LA BRTEN NAS SKYES PA'I MYU GU BDEN MED DU RTOGS PA'I RJES DPAG YOD PAR THAL, 'GAL BRJOD LA 'DOD TSUL DE'I PHYIR, 'DOD NA, DE 'DRA'I THAL 'GYUR SGRUB BYED 'PHEN PA'I THAL 'GYUR YANG DAG TU 'GOD PA SKABS SU BABS PA'I GANG ZAG DANG MYU GU BDEN MED DU RTOGS PA'I RJES DPAG RANG RGYUD LA SKYE KHA MA'I GANG ZAG GI GZHI MTHUN YOD PAR THAL, 'DOD PA DE'I PHYIR, 'DOD NA, RTEN 'BREL RTAGS KYIS MYU GU BDEN MED DU SGRUB PA SKABS SU BABS PA'I GANG ZAG DANG, DE 'DRA'I SGRUB BYED 'PHEN PA'I THAL 'GYUR YANG DAG 'GOD PA SKABS SU BABS PA'I GANG ZAG GI GZHI MTHUN YOD PAR THAL, 'DOD PA'I PHYIR NA KHA CIG 'DIR

241b

MA KHYAB ZER YANG TSAD ZHEN YIN, KHO BO 'DOD DO, ,'DOD NA, DE 'DRA'I GANG ZAG KHO KHO RANG YIN PAR THAL, DE 'DRA'I GZHI MTHUN YIN PA YOD PA DE'I PHYIR, 'DOD NA, DE 'DRA'I GANG ZAG CHOS CAN, MYU GU BDEN GRUB TU BDEN ZHEN GYIS 'DOD PA'I GANG ZAG YIN PAR THAL, DE 'DRA'I THAL 'GYUR 'GOD PA SKABS BABS KYI GANG ZAG YIN PA'I PHYIR NA 'DIR MA KHYAB STE, DE 'DRA'I THAL 'GYUR 'GOD PA SKABS BABS LA STONG NYID RTOGS RUNG YIN KYANG BDEN ZHEN GYIS DAM BCA' BA GCIG DANG, DON 'GYUR GYI THE TSOM CAN SOGS DU MA YOD PA'I PHYIR, DER THAL, STONG NYID RTOGS PA'I SNOD RUNG GI DNGOS SMRA PA LTA BU DE DANG PO DANG, DE 'DRA'I DNGOS SMRA PAS DBU MA'I BSTAN BCOS LA SBYANGS PAS THE TSOM DON MTHUN THOB PA LTA BU GNYIS PA YIN PA'I PHYIR, RTZA BAR 'DOD MI NUS TE, RTEN 'BREL RTAGS KYIS MYU GU BDEN MED DU SGRUB PA SKABS SU BABS PA'I GANG ZAG YIN PA'I PHYIR, RTAGS DNGOS, KHYAB STE, DE 'DRA'I RTAGS YANG DAG 'GOD PA SKABS BABS KYI GANG ZAG DE LA MYU GU BDEN MED DU YID DPYOD KYIS NGES PA GCIG DANG, DON 'GYUR GYI THE TSOM MAM RTZE GNYIS MTSUNGS PA'I THE TSOM CAN GANG RUNG GCIG DGOS KYI BDEN ZHEN SHIN TU CHE BA DANG, BDEN MED RTOGS ZIN DAG DE SGRUB KYI SKABS BABS KYI PHYI RGOL DU MI RUNG BA'I PHYIR, RTAGS GRUB STE, RTAGS ZUR DANG PO GRUB PA GANG ZHIG, GNYIS PA YANG GRUB PA'I PHYIR, DANG PO GRUB STE, RNAM 'GREL LAS, DE SBYAR MED KYANG BRJOD 'DOD LAS, ,DE DAG DON

242a

, ,GYIS RTOGS PAR 'GYUR, ,DPER NA NAG PA 'PHONGS SKYEN NAM, ,SRED SGRUB 'PHONGS SKYEN ZHES PA BZHIN, ,ZHES SO, ,GNYIS PA GRUB STE, RNAM 'GREL LAS, GTAN TSIGS THE TSOM LA BRJOD PHYIR, ,BSAL BA GTAN TSIGS RTEN MA YIN, ,RJES SU DPAG PAS DBYE BA YIS, ,GNOD PA DE NI RNAM BZHIR BSHAD, ,CES RKANG PA DANG POS GTAN TSIGS SKABS BABS BSTAN, GNYIS PAS TSAD MAS BSAL BA GTAN TSIGS KYI RTEN MA YIN PAR BSTAN NAS, RTAGS DANG KHAS BLANGS LA GNOD PA'I TSAD MA DU YOD CE NA, MNGON SUM DANG DNGOS STOBS RJES DPAG DANG, YID CHES RJES DPAG DANG, GRAGS PA'I RJES DPAG GSUM PHYE BAS BZHI YOD CES BSHAD PA'I PHYIR TE, PHYOGS GLANG GIS, MNGON SUM DON DANG RJES DPAG DANG, ,YID CHES GRAGS PA RANG RTEN LA'O, ,ZHES GSUNGS PA'I DON YIN PA'I PHYIR, BYAS BA LA KHO NA RE, MYU GU CHOS CAN, RTEN 'BREL MA YIN PAR THAL, BDEN PAR GRUB PA'I PHYIR ZHES PA'I THAL 'GYUR THAL 'GYUR YANG DAG TU 'GRO KHA MA'I GANG ZAG DANG DE 'DRA'I THAL 'GYUR THAL 'GYUR YANG DAG TU SONG MA THAG PA'I PHYI RGOL LA MYU GU BDEN MED DU YID DPYOD KYIS NGES PA DANG DE LA DON 'GYUR GYI THE TSOM CAN GNYIS YOD PAR THAL, DE 'DRA'I THAL 'GYUR 'GOD PA SKABS SU BABS PA'I PHYI RGOL LA DBYE BA DE YOD PA'I PHYIR NA SKABS 'DIR GTAN NAS MA KHYAB STE, 'DI BAS DE 'DRA'I YID DPYOD DANG THE TSOM CAN LA YANG GZHAN GRAGS DANG THAL BA GANG BKOD NA YANG ZAB MO'I LTA PA

242b

SKYED THUB PAR BZHED PA'I PHYIR, DER THAL, DE LTAR SKYED THUB BAR MA ZAD GZHAN GRAGS LAS KYANG THAL 'GYUR LHAG PAR BZANG BAR 'DOD PA'I PHYIR, DER THAL, THAL 'GYUR GYIS BDEN ZHEN CHE BA LTA BU'I LOG RTOG CHE BA'I RTZE YANG GCOG THUB PAR DBU TSAD KUN MTHUN LA MTHAR BDEN MED KYI LTA BA YANG SKYED THUB PAR 'DI BA 'DOD PA'I PHYIR, DER THAL, RDO RJE GZEGS MA'I GZHAN GRAGS KYIS RANG BZHIN MED PAR RTOGS PA LA MTHA' BZHI 'GOG PA'I THAL 'GYUR GYIS LOG RTOG RTZE GCOG DGOS KYI THOG MA NAS RANG GRAGS DE LA BKOD KYANG MI THUB PA GANG ZHIG ,DBANG RNON LA GZHAN GRAGS MED KYANG MTHA' BZHI'I SKYE BA 'GOG PA'I THAL 'GYUR GYIS RANG BZHIN MED RTOGS KYI RJES DPAG SKYED THUB PA'I PHYIR, DANG PO GRUB STE, LAM RIM LAS, GANG GI PHYIR NA BDAG DANG GZHAN DANG GNYIS KA LAS SKYE DANG, ,RGYU LAM LTOS YOD PA MIN PAS DNGOS RNAMS RANG BZHIN BRAL, ,ZHES MTHA' BZHI LA GNOD BYED BRJOD PA RNAMS KYI DON BSDUS NAS GSUNGS PA NI THAL PA BKOD PA'I 'BRAS BU LA RTAGS LA BRTEN NAS RJES DPAG JI LTAR SKYE BA'I TSUL BSTAN PA YIN GYI DANG PO NAS PHYI RGOL LA GZHAN GRAGS DE LTAR BKOD PA MA YIN NO, ZHES GSUNGS PA'I PHYIR, SHIN TU GSAL LO, ,RTAGS GNYIS PA GRUB STE, LAM RIM LAS, DE LTAR MU BZHI'I SKYE BA LA GNOD PA MTHONG BA LA BRTEN NAS MTHA' BZHI LAS SKYE BA MED PA 'GRUB LA, DE LA NI RANG BZHIN GYIS SKYE BA MED PAS KHYAB PA SNGAR MTHA' GZHAN 'GOG PA'I SKABS SU BSHAD PA LTAR

243a

, ,'GRUB BO, ,DE'I PHYIR DNGOS PO RNAMS LA YANG RANG BZHIN MED PA YANG DE LA BRTEN NAS NGES PAR 'GYUR TE, 'DI NI THAL 'GYUR BYAS PA'I TSE DE'I BYED PA LA BRTEN NAS RJES DPAG SKYES PA YIN GYI, DNGOS SU DAM BCA' SGRUB PA'I SBYOR NGAG MED DO, ZHES GSUNGS PA'I PHYIR, 'DIS NI THAL 'GYUR LA BRTEN NAS RJES DPAG SKYE TSUL GSAL BAR BSHAD DE, DE LTAR NAS, 'GRUB LA YAN CHAD KYIS 'GREL PA BUDDHA P'A LI TA DANG TSIG GSAL GYI THAL 'GYUR GYIS MTHA' BZHI BKAG PA 'GRUB LUGS BSHAD, DE LA NI NAS, 'GRUB BO YAN CHAD MTHA' BZHI'I SKYE BA KHEGS NA RANG BZHIN GYIS MI SKYE BAS KHYAB PA 'GRUB TSUL BSHAD, DE'I PHYIR NAS, NGES PAR 'GYUR TE ZHES PAS RDO RJE GZEGS MA'I BSGRUB BYA 'GRUB TSUL BSHAD, 'O NA GZHAN GRAGS RDO RJE GZEGS MA BKOD DAM SNYAM PA LA, DE 'DRA'I BSGRUB BYA NGES PA'I RJES DPAG 'DI NI RDO RJE GZEGS MA'I GZHAN GRAGS KYI BZLOG DON 'GOG PA'I THAL 'GYUR RIM PAS BKOD PA'I TSE SKYES BA YIN GYI DNGOS SU DNGOS PO RNAMS RANG BZHIN GYIS SKYE BA MED PA'I DAM BCA' SGRUB PA'I SBYOR NGAG MED CES BSHAD PA LA, 'DI NI ZHES SOGS LHAG MA GSUNGS PA'I PHYIR, RTZA BAR 'DOD MI NUS TE, DE 'DRA'I THAL 'GYUR THAL 'GYUR YANG DAG TU 'GRO KHA MA DANG SONG MA THAG LA CU GU BDEN ZHEN GYI 'DOD PAS KHYAB PA'I PHYIR, PHYI MA DER THAL, DE 'DRA'I THAL 'GYUR GYI RTAGS KHYAB LA LAN MI 'DEBS SHING MI THEB PAR MTHONG BA'I GANG ZAG YIN

243b

PA'I PHYIR, DER THAL, CHOS CAN DE'I PHYIR, GZHAN YANG MTHA' BZHI'I SKYE BA THAL 'GYUR GYIS BKAG PAS PHYI RGOL DBANG RNON LA RANG BZHIN GYIS SKYE BA MED PA'I LTA BA SKYED THUB PAR THAL, DE LTAR SKYED THUB PAR RGYAL SRAS CHEN PO SANGS RGYAS BSKYANGS DANG ZLA BA'I ZHABS DANG RJE RIN PO CHE RNAMS BZHED PA'I PHYIR, DER THAL, MTHA' BZHI BKAG PA'I GRUB DON BSHAD PA NA, BUDDHA P'A LI TA LAS, DE LTAR GANG GI PHYIR DNGOS PO RNAMS SKYE BA RNAM PA THAMS CAD DU MI 'THAD PA DE'I PHYIR SKYE BA MED PAS ZHES DANG, ZLA BAS DE'I GRUB DON 'CHAD PA NA, TSIG GSAL LAS, DE'I PHYIR SKYE BA YOD PA MA YIN NO ZHES BYA BA 'DI BSGRUB PA YIN LA ZHES DANG, RNAM BSHAD LAS KYANG, MTHA' BZHI'I SKYE BA KHEGS NA RANG BZHIN GYIS SKYE BA DGAG PA YANG SHUGS KYIS 'GRUB PAS ZHES SOGS DANG, RANG 'GREL LAS, DAM BCA' BA BZHI PO DE NAS, MI 'DOD PA MA YIN NO, ZHES GSUNGS PA'I PHYIR, GZHAN YANG THAL RANG GI KHYAD PAR DBU MA'I LTA BA 'GAL BRJOD THAL 'GYUR TZAM GYIS SKYED THUB PAR 'DOD PA THAL 'GYUR BA, DE SKYED PA LA RANG RGYUD KYI SGRUB NGAG DGOS PAR 'DOD PA DBU MA RANG RGYUD PA'I DON MA YIN PAR THAL, THAL 'GYUR TZAM GYIS DE SKYED MI THUB PA'I PHYIR, RTAGS KHAS, 'DOD NA, LAM RIM LAS, DON DAM PA STONG NYID NGES PA'I LTA BA RGYUD LA SKYED TSUL GYI SGO NAS MING 'DOGS NA'ANG THAL RANG GNYIS SU NGES PA YIN NO, ,ZHES GSUNGS PA MI 'THAD PAR THAL LO, ,DE BZHIN DU KHYAD CHOS BRGYAD KYI ZIN BRIS DANG YANG 'GAL LO, ,GZHAN

244a

, ,YANG, TSIG GSAL LAS, GANG LAS GTAN TSIGS DANG DPE BKOD PA 'BRAS BU DANG BCAS PAR 'GYUR BA, 'DI DAG TZAM ZHIG GIS BRTZAD PA NA CI PHA ROL PO KHAS LEN PAR MI BYED DAM, ZHES GSUNGS PA MI 'THAD PAR THAL, BDAG SKYE MED PAR SGRUB PA'I RTAGS DANG DPE BKOD NAS JI LTAR SGRUB THUB PA LTAR BDAG SKYE 'GOG BA'I 'GAL BRJOD THAL 'GYUR TZAM GYIS KYANG THUB BA MA YIN PA'I PHYIR, DAM BCA' 'THAD PA'I PHYIR, BYAS PA LA KHO NA RE, RTZA BAR MA KHYAB STE, THOG MAR THAL 'GYUR GYIS LOG RTOG BZLOG NAS DE RJES DAM BCA' SGRUB BA'I RTAGS 'GOD PA'I PHYIR ZER NA, 'O NA LUNG DE'I 'DI TZAM ZHES PA'I TZAM SGRAS GCOD RGYUD MED PAR THAL, TZAM SGRAS RTAGS SBYOR 'GOD PA GCOD PA MA YIN PA'I PHYIR, RTAGS KHAS, RANG RGYUD GCOD ZER NA'ANG MI 'THAD PAR THAL, 'DI'I SKABS SU RANG RGYUD DANG GZHAN GRAGS GANG YANG MA BKOD KYANG THAL 'GYUR GYIS CHOG BAR SGRUB BA'I SKABS YIN PA'I PHYIR, MA GRUB NA TSIG GSAL MA MTHONG BAR ZAD, GZHAN YANG, TSIG GSAL LAS, GZHAN GYIS DAM BCA' BA LA RANG GI RJES SU DPAG PAS 'GAL BA BRJOD PA NI BYA DGOS PAS, ZHES PA NAS, 'DIR RJES SU DPAG PAS GNOD PA BRJOD PA LA DGOS PA KO CI ZHIG YOD CES GSUNGS BA MI 'THAD PAR THAL, GZHAN GRAGS KYI DBANG DU BYAS KYANG THAL 'GYUR LAS LHAG MIN TSUL KHAS LEN MI RIGS PA'I PHYIR, RTAGS KHAS, BYAS PA LA KHO NA RE, 'O NA RGOL BA DBANG BO RNO RTUL GANG GI DBANG DU BYAS NA'ANG

244b

'GAL BRJOD KYI THAL 'GYUR TZAM GYIS CHOG PAS KHYAB PAR THAL, KHYOD KYI GZHUNG DON 'CHAD TSUL 'THAD PA'I PHYIR NA MA KHYAB STE, DBANG RTUL 'GA' ZHIG LA 'GAL BRJOD KYI THAL 'GYUR RJES SU GZHAN GRAGS KYI SBYOR NGAG DGOS PA YOD PA'I PHYIR, DER THAL, 'JUG PA'I BSHAD TSUL DRANGS ZIN PA DANG TSIG GSAL LAS KYANG GZHAN GRAGS CIS KYANG BRJOD DGOS NA BRJOD PAR BSHAD PA'I RGYU MTSAN YOD PA'I PHYIR, GZHAN YANG, RIGS PA'I RGYA MTSO LAS, PHYI RGOL THAMS CAD LA GZHAN GRAGS NGES PAR BRJOD MI DGOS SHING 'GA' ZHIG LA BRJOD DGOS NA'ANG BRJOD PA YIN TE, ZHES GSUNGS PA MI 'THAD PAR THAL, DE BRJOD MI DGOS PA'I RGYU MTSAN DBANG RNON LA THAL BA TZAM GYIS CHOG PA'I DON MA YIN PA'I PHYIR, RTAGS KHAS, DER THAL, THAL BAS RJES DPAG SKYED MI THUB BA'I PHYIR, GZHAN YANG, 'PHAGS YAB SRAS SOGS KYIS GTZO BOR THAL 'GYUR SGO NAS GZHAN GYI LOG TOG BKAG NAS 'DOD BA SGRUB PA MA YIN PAR THAL, RTAGS SBYOR LA MA BRTEN PAR THAL 'GYUR GCIG PUS RJES DPAG SKYED MI THUB PA'I PHYIR, RTAGS KHAS 'DOD NA, RTZA SHE LAS, GAL TE MTSAN LAS SNGA GYUR NA, ,MTSAN NYID MED PAR THAL BAR 'GYUR, ,ZHES DANG, MYA NGAN 'DAS PA DNGOS PO MIN, ,RGA SHI'I MTSAN NYID THAL BAR 'GYUR, ,ZHES DANG, TSIG GSAL LAS, ZHES BYA BA LA SOGS PAS PHAL CHER THAL BA BSGRUB PA KHO NA'I SGO NAS GZHAN GYI PHYOGS SEL BAR MDZAD DO ZHES GSUNGS PA MI 'THAD PAR THAL LO

245a

, ,DE BZHIN DU SANGS RGYAS PA SKYANGS KYI 'GREL PA DANG TSIG GSAL GNYIS KYI THAL BAS MTHA' BZHI'I SKYE BA DANG RANG BZHIN GYIS SKYE BA MI KHEGS BAR THAL BA DANG, KUN TU RGYU SEN RING GIS STON PA LA KHO BOS CI YANG MI BZOD ZHUS TSE STON PAS KHYOD KYIS CI YANG MI BZOD BA DE YANG MI BZOD DAM ZHES SOGS THAL BA MDO DU MAR BSHAD PA KUN MI 'THAD PAR THAL, THAL 'GYUR GYIS RJES DPAG SKYED MI THUB PA'I PHYIR, SOGS SHIN TU SPROS PAS CHOG GO ,DE LA KHO NA RE, MTHA' BZHI'I SKYE BA MED PAR DAM BCA' BZHAG PA DE RANG BZHIN GYIS SKYE BA MED PA'I DAM BCA' YIN PAR THAL, RNAM BSHAD LAS, RANG BZHIN GYIS SKYE BA MED PA'I DAM BCA' BZHAG PA DANG ZHES GSUNGS LA, DE'I DAM BCA' LA MTHA' BZHIR MI SKYE PA'I DAM BCA' BZHAG BA'I PHYIR, 'DOD NA, DNGOS SU RANG BZHIN GYIS SKYE BA MED PA'I DAM BCA' YIN PAR THAL, DE'I DAM BCA' GANG ZHIG ,SHUGS KYI DAM BCA' MA YIN PA'I PHYIR ZER NA, RNAM PA GCIG TU NA 'DOD RUNG BA GZHAN SKYE LA BSAM NA CHOG BA LTAR SNANG YANG, RE ZHIG RTAGS GNYIS PA MA GRUB BYAS PA LA KHO NA RE, 'O NA MTHA' BZHI'I SKYE BA MED PA MED DGAG MA YIN PAR THAL, DE DNGOS SU BRJOD PA'I DAM BCA'I SHUGS LA RANG BZHIN GYIS SKYE BA MED PA YANG BZUNG PA'I PHYIR NA MA KHYAB PAR MNGON TE, MED DGAG YIN NA RANG DNGOS SU BRJOD PA'I SHUGS LA CHOS GZHAN MA YIN DGAG DANG SGRUB PA 'PHEN MI RUNG YANG MED DGAG 'PHANGS PA YOD PA'I PHYIR,

245b

DER THAL, KHYAD GZHI NGA RANG BZHIN YOD PA DNGOS SU KHEGS PAS KHYAD CHOS RANG BZHIN GYIS NGA YI MIG SOGS MED PA SHUGS LA 'PHEN PA'I PHYIR, DER THAL, MO GSHAM BU MO MED CES PAS SHUGS LA MO GSHAM BU MO'I MDZES MI MDZES SOGS MED PAR GO BA'I PHYIR DANG, SNGAR CHOS GCIG GI STONG NYID BSGOM NA KUN GYI STONG NYID BSGOM PAR 'GRO BA DANG, PHUNG PO BDEN 'DZIN GYI ZHEN YUL SUN MA PHYUNG BAR DU GANG ZAG RANG BZHIN MED BAR MI RTOGS PAR BSHAD PA KUN MTHUN NAM SNYAM STE DPYAD PAR BYA LA, RNAM BSHAD LAS KYANG, MTHA' BZHI'I SKYE BA KHEGS NA RANG BZHIN GYIS SKYE BA DGAG PA YANG SHUGS KYIS SGRUB PAS ZHES DANG, RTZA SHE LAS, BDAG NYID YOD PA MA YIN NA, ,BDAG GI YOD PAR GA LA 'GYUR, ,ZHES DANG, TSIG GSAL LAS, JI LTAR SHING RTA TSIG NA DE'I YAN LAG KYANG TSIG PAS MI DMIGS PA DE BZHIN DU RNAL 'BYOR PA DAG GIS GANG GI TSE BDAG MED PAR RTOGS PA DE NYID KYI TSE PHUNG BO'I DNGOS PO BDAG GI BA YANG BDAG MED PAR RTOGS PAR 'GYUR RO, ,ZHES GSUNGS PA'I PHYIR NA MA KHYAB STE, BLO RJES MAS RTOGS TSUL BSHAD SNYAM NA YANG 'DIR 'JIG RTEN GYI THA SNYAD RAGS PA YIN PAS DE MI 'THAD PAR THAL, BDAG MED RTOGS PA DE'I TSE BDAG GI BA PHUNG BO YANG BDAG MED DU RTOGS PAR BSHAD PA'I PHYIR, DER THAL, DE NYID LAS, GANG GI TSE BDAG MED PAR RTOGS PA DE NYID KYI TSE PHUNG PO'I DNGOS PO ZHES DUS GCIG LA RTOGS BAR GSUNGS, DNGOS SU RTOGS PA SNGAR MI 'THAD PAR BSHAD

246a

, ,PA'I PHYIR DANG, BUDDHA B'A LI TA LAS KYANG, BDAG DE YANG MED DE DE MED NA DE YI 'DI YIN NO ZHES BYA BA JI LTAR 'THAD BAR 'GYUR, ZHES GSUNGS PA'I PHYIR, DE 'DRA SHIN TU MANG NGO, ,DE LA KHO NA RE, GANG ZAG RANG BZHIN MED BA CHOS CAN, MA YIN DGAG YIN PAR THAL, DGAG PA GANG RANG RTOGS PA'I RJES DPAG GIS RANG NYID DNGOS SU 'JAL BA'I SHUGS LA CHOS GANG YANG RUNG BA GCIG GZHAL BA'I PHYIR NA MA KHYAB STE, DNGOS SU DE LTAR GZHAL BA'I DNGOS SHUGS GANG RUNG LA MA YIN DGAG DANG SGRUB PA GANG RUNG GZHAL BA'AM 'PHANGS NA MED DGAG MA YIN PAR 'GYUR GYI, RANG DANG DGAG BYA RIGS GCIG PA'I MED DGAG GZHAN DNGOS SHUGS GANG LA 'PHANGS SAM GZHAL KYANG SKYON MED PA'I PHYIR, MA GRUB NA, RTEN 'BREL RTAGS KYIS KA BUM SOGS DNGOS PO RNAMS BDEN PAR MED PAR RTOGS PA'I RJES DPAG GI GZHAL BYA KA BA'I CHOS NYID CHOS CAN, MA YIN DGAG YIN PAR THAL, DGAG PA GANG RANG GZHAL BA'I RJES DPAG GIS RANG LAS GZHAN PA'I CHOS GANG YANG RUNG BA GCIG DNGOS SHUGS GANG RUNG LA GZHAL PA'I PHYIR, 'KHOR GSUM KHAS, RTAGS DER THAL, DE LAS GZHAN PA'I BUM PA'I CHOS NYID SOGS DNGOS PO DU MA'I CHOS NYID GZHAL PA'I PHYIR, DER THAL, CHOS CAN DE'I PHYIR, DER THAL, DE 'DRA'I RJES DPAG YOD PA'I PHYIR, DE BZHIN DU BAR CHAD MED LA MA GYI GZHAL BYA GANG ZAG GI BDAG MED PHRA MO SOGS 'PHEN NO, ,DE LA KHO NA RE, 'O NA MED DGAG

246b

YIN PHYIN GANG 'PHANGS NA YANG SKYON MED PAR THAL, KHYOD KYIS RANG DANG DGAG BYA RIGS GCIG PA'I MED DGAG GZHAN GZHAL KYANG SKYON MED PAR 'DOD PA'I PHYIR NA MA KHYAB STE, BDEN GRUB LTA BU'I RIGS GCIG DANG, THOGS REG LTA BU'I RIGS GCIG DGOS PAR SHES PA'I CHED DU DGAG BYA RIGS GCIG SMOS PA'I PHYIR, 'DOD MI NUS TE, NAM MKHA'I CHOS NYID GZHAL BA'I RJES DPAG GIS NAM MKHA' DNGOS SHUGS GANG LA YANG GZHAL MI RUNG PA'I PHYIR, DES GZHAN LA REGS BSGRE BYA DES NA STAG LOS LAM RIM LAS 'DI LA DNGOS SU DAM BCA' SGRUB PA'I SBYOR NGAG MED GSUNGS PA LA SGRUB NGAG YOD PA DANG RJES DPAG MED PA 'GAL ZHES SMRAS PA YANG PHYOGS SNGA MA GO BAR 'DIS SHES PAR BYA'O, ,YANG TSIG GSAL LAS RANG LA DAM BCA' MED PA'I RGYU MTSAN GYIS RANG RGYUD MED PAR BSHAD PA DANG, MTHA' BZHI 'GOG SKABS DAM BCA' BZHI BSHAD PA'I 'GAL SPONG LA PA TSAB DANG SA SKYA PA NA RE, DE'I DGONGS GZHI YOD DE, SNGA MA YONGS GCOD KYI DAM BCA' MED PA LA DGONGS, 'DIR RNAM BCAD DGAG PA'I DAM BCA' LA DGONGS PA'I PHYIR ZER, YANG BYANG YE DANG GANGS GNYAN RNAMS NA RE, DE'I KHYAD PAR YOD DE, GZHAN SNGA MA LTAR LA RNAM BCAD DGAG PA'I DAM BCA' PHA ROL GYI BLO NGOR YIN GYI DBU MA PA RANG LUGS LA DAM BCA' MED PA'I PHYIR ZER CING DBU MA BA LA DAM BCA' MED PAR KUN MTHUN NO, ,KHYED RNAMS KYI GSUNGS DE RNAMS MI 'THAD PAR THAL, RANG LUGS LA DAM BCA' MED ZER TSUL DE THA SNYAD DU YANG MI RUNG, DON DAM PAR YANG MI RUNG BA'I

247a

, ,PHYIR; RTAGS DANG PO GRUB STE, RNAM BCAD DANG YONGS GCOD KYI DAM BCA' GNYIS RE RE NAS YOD PA'I PHYIR, DER THAL, BDAG LAS MA YIN GZHAN LAS MIN, ,ZHES SOGS LTA BU'I RNAM BCAD KYI DAM BCA' DANG, BYANG CHUB SEMS 'GREL LAS, BRTEN NAS BYUNG BA'I BYA BA NI, ,KHO BO RMI LAM SGYU 'DRAR 'DOD, ,CES PA LTA BU'I YONGS GCOD KYI DAM BCA' STE LHAG MTHONG CHEN MOR BSHAD PA LTAR SHIN TU MANG BA'I PHYIR, RTAGS GNYIS PA GRUB STE, DON DAM PA'I NGOR DGAG BYA DANG DE 'GOG PA'I DAM BCA' SOGS SPROS PA CI YANG MED PA'I PHYIR TE, RTZOD ZLOG LAS, DGAG BYA CI YANG MED PAS NA, ,DA NI CI YANG MI 'GOG GO ,ZHES PA LTA BU SHIN TU MANG LA, LEGS LDAN GYIS KYANG NYAN THOS SDE PA LA DON DAM PAR NI RI BONG RVA YANG MED PAR SGRUB MI NUS PAR GSUNGS PA LTAR THAL RANG KUN MTHUN PA'I PHYIR, SGRUB NGAG YAN LAG LNGA LDAN BSTAN TSUL LAS SKYA PA NA RE, SGRA NI MI RTAG STE, BYAS PA YIN PA'I PHYIR ZHES PA LTA BU ZER BA MI 'THAD PAR THAL, DES MJUG SDUD SOGS MA BSTAN PA'I PHYIR DANG GZHUNG DANG MI MTHUN PA'I PHYIR RO, ,ZHANG THANG SAG PA DANG MKHAS PA BSOD NAMS TSUL KHRIMS SOGS NA RE, DE BSTAN TSUL YOD DE, GRANGS CAN GYI GZHUNG LAS, GTAN TSIGS BSGRUB BYA'I RJES 'GRO BA, ,BSGRUB BYA MED NA MED PA NYID, ,LNGA PA DE NI DPE YIN TE, ,GTAN TSIGS NYE BAR SBYAR BA LAS, ,ZHES GSUNGS PA LTAR DAM BCA' DANG, RTAGS DANG, DPE KHYAB GCIG BYAS PA DANG, NYER SPYAR DANG, MJUG

247b

SDUD DE YAN LAG LNGA DANG DPE NI THANG SAG PAS KHYAB PAS BSTAN ZER BA DANG, MA TI SHRI LA NA RE, SKYE BA DON MED DU 'GYUR BA'I PHYIR ZHES KHYAB PA STON PA LNGAS SHUGS LA BSTON ZER BA DOG MI 'THAD PAR THAL, GRANGS CAN GYI GZHUNG DRANGS PA 'BREL MED YIN LA YAN LAG GI 'DREN TSUL YANG MA YIN LA DPE BSTAN TSUL DE YANG MI 'THAD PA'I PHYIR, DER THAL, 'DIR GZHAN RTOGS SLA ZHING DPE YANG DNGOS SU BSTAN PA'I PHYIR, DER THAL, MDOR BSTAN DU DE DAG GI ZHES PA DANG RGYAS BSHAD DU RANG GI BDAG NYID DU YOD PA ZHES PAS RTAGS CHOS GNYIS LDAN GYI DPE DANG DPE DON NYER SBYAR GNYIS DNGOS SU BSTAN PA'I PHYIR, DER THAL, TSIG GSAL LAS, 'DI NI MDOR BZHAG PA'I NGAG DE'I 'GREL PA YIN LA, NGAG 'DIS NI CHOS MTHUN PA'I DPE GZHAN LA RAB TU GRAGS PA BSGRUB PAR BYA BA DANG SGRUB PAR BYED PA'I CHOS DANG LDAN PA NYER BAR BZUNG BA YIN NO ZHES DPE BSTAN TSUL DANG, YANG DE NYID LAS, 'DI NA JI LTAR BUM PA LA SOGS PA MDUN NA GNAS SHING GSAL BA RANG GI BDAG NYID DU YOD PA NI YANG SKYE BA LA MI LTOS PAR MTHONG BA DE BZHIN DU, 'JIM PA'I GONG BU LA SOGS PA'I GNAS SKABS NA YANG GAL TE RANG GI BDAG NYID DU YOD PA'I BUM PA ZHES NYER SBYAR LA YANG RANG GI BDAG NYID DU YOD PA SBYAR 'DUG PA DE'I PHYIR, YANG KHA CIG, YAN LAG LNGA LDAN 'DOD MI 'DOD THAL RANG KHYAD PAR 'DOD PA MI 'THAD PAR THAL, THAL 'GYUR BAS 'DIR BKOD PA YANG 'GREL PAS BSHAD TSUL YIN GYI PHYI RGOL LA RTZOD DUS 'PHANGS PA'I NGES PA MI SNANG LA, BSHAD DUS DBU TSAD GZHAN GYIS KYANG YAN LAG

248a

, ,LNGA LDAN BKOD PA DU MA YOD PA'I PHYIR RO, YANG KHA CIG, ZLA BAS LEGS LDAN LA RTAGS GANG GI SGO NAS SGRUB KYANG DE SGRUB KYI CHOS CAN MA GRUB NA PHYOGS KYI SKYON 'GYUR ZHES BKAG PAR THAL, TSIG GSAL LAS, RANG LA GZHI MA GRUB PA'I PHYOGS KYI NYES PA 'AM GZHI MA GRUB PA'I GTAN TSIGS KYI SKYON DU 'GYUR TE ZHES GSUNGS PA'I PHYIR NA MA KHYAB, 'DOD NA; MA SKYES PA'I RTAGS KYIS MU STEGS PAS BTAGS PA'I RTAG GCIG RANG DBANG CAN GYI BDAG MU STEGS PAS SGRO BTAGS PA LTAR MED PAR SGRUB PA'I TSUL GSUM MED PAR THAL, RTAG GCIG RANG DBANG CAN GYI BDAG MED PA'I PHYIR, KHYAB STE, DE DE SGRUB KYI RTZOD GZHI YIN PA'I PHYIR, KHYAB PA KHAS, RTAGS SLA, 'DOD MI NUS TE, MA SKYES PA DE DE SGRUB KYI DGAG RTAGS YANG DAG YIN PA'I PHYIR, DER THAL, RTZA BAR, MO GSHAM BU LTAR SKYE BA DANG BRAL PHYIR, ,DE LTAR GYUR PA'I BDAG NI YOD MIN ZHING, ,ZHES GSUNGS PA'I PHYIR, KHYAB STE, RTAGS DES CHOS CAN BKAG KYANG RTAGS CHOS GNYIS KA MED DGAG YIN PAS RTAGS SKYON MED CES BSHAD DGOS PA'I PHYIR, RNAM BSHAD LAS, RTAGS DES SMRAS PA'I CHOS CAN BKAG KYANG SKYON MED PA NI RTAGS DANG CHOS GNYIS KA RNAM BCAD TZAM YIN PA'I GNAD KYIS SO ZHES GSUNGS PA'I PHYIR DANG; ZHI BA TSO YAB SRAS KYIS KYANG CHOS CAN MA GRUB PA'I SKYON SGRUB RTAGS LA YIN GYI DGAG RTAGS LA CHOS CAN MED KYANG SKYON MED PAR BSHAD PA'I PHYIR, BYAS PA LA KHO NA RE, DGAG PA GNYIS PO GANG RUNG BSGRUB CHOS BYAS PA'I DE SGRUB

248b

KYI RTAGS YANG DAG YIN NA CHOS CAN MA GRUB KYANG SKYON MED PAS KHYAB PAR THAL, DGAG RTAGS LA DE'I PHYIR ZER NA RNAM PA GCIG TU 'DIR YANG MA KHYAB CING, 'DI LA ZHIB CHA YOD PA'I PHYIR, 'O NA KHYOD RANG LA DGAG PA GNYIS PO GANG RUNG BSGRUB CHOS BYAS PA'I RTAGS LA DE SGRUB KYI DGAG RTAGS KYIS KHYAB PAR THAL, KHYOD KYI ZHE 'DOD 'THAD PA'I PHYIR, 'DOD NA, BYAS PA CHOS CAN, KHYOD SGRA MI RTAG PAR SGRUB PA'I DGAG RTAGS YIN PAR THAL, KHYOD DE SGRUB KYI DGAG PA GNYIS PO GANG RUNG BSGRUB CHOS SU BZUNG PA'I RTAGS YIN PA'I PHYIR, KHYAB PA KHAS, RTAGS GRUB STE, KHYOD KHYOD KYI RTAGS KYIS DE SGRUB KYI DNGOS KYI BSGRUB CHOS YANG YIN DGAG PA GNYIS PO GANG RUNG YIN PA GCIG SGRUB PA'I RTAGS YIN PA'I PHYIR, DER THAL, MI RTAG PA DE DE YIN PA'I PHYIR, DER THAL, MI RTAG PA DE SGRUB KYI DNGOS KYI BSGRUB CHOS GANG, MA YIN DGAG YIN PA'I PHYIR, DANG PO MA GRUB NA, MI RTAG PA CHOS CAN KHYOD SGRA KHYOD DU SGRUB PA'I DNGOS KYI BSGRUB BYA'I CHOS YIN PAR THAL, KHYOD BDAG MED YIN PA'I PHYIR, RTAGS GNYIS PA GRUB STE, RANG ZHES BRJOD PA'I SGRAS RANG GI DGAG BYA RTAG PA DNGOS SU BKAG NAS 'JIG PA'I DNGOS POR STON PA'I CHOS YIN PA'I PHYIR, DER THAL, RANG GI DGAG BYA RTAG PA DE MI ZHES PA'I SGRAS BKAG PA'I PHYIR, DER THAL, DE'I TSIG ZUR GYI MI ZHES PA DGAG TSIG YIN PA'I PHYIR, DER THAL, MI RTAG SDUG BSNGAL STONG BDAG MED CES PA'I MI RTAG PA'I SKAD DOD NI RI TYA YOD LA NI DGAG TSIG DANG RI TYA RTAG PA LA 'JUG PA'I PHYIR, GZHAN YANG MI SKYE BA DANG MI 'JIG PA DANG MI

249a

, ,'GAG PA SOGS KYANG DGAG PA MA YIN PAR THAL, MI RTAG CES PA DGAG PA MA YIN PA'I PHYIR SOGS BYA, GZHAN YANG RTAG DNGOS KYIS STONG PA'I DU BA DE DU LDAN LA LA RTAG DNGOS KYIS STONG PA'I ME YOD PAR SGRUB PA'I SGRUB RTAGS YANG DAG MA YIN PAR THAL, RTAG DNGOS KYIS STONG PA'I ME MA YIN DGAG YIN PA'I PHYIR, KHYAB PA KHAS, 'DOD MI NUS TE, DE DE SGRUB KYI 'BRAS RTAGS YANG DAG YIN PA'I PHYIR, KHYAB STE, DE SGRUB KYI 'BRAS RANG GI RTAGS YANG DAG GNYIS LA SGRUB RTAGS KYIS KHYAB PA'I PHYIR, GONG GI RTAGS DER THAL, DE DE SGRUB KYI 'BRAS BU'I TSUL GSUM YIN PA'I PHYIR, RTAGS SO SO NAS BSGRUB SLA LA, MA GRUB NA, DU BA YANG DU LDAN LA LA ME YOD PAR SGRUB BA'I 'BRAS RTAGS YANG DAG MA YIN PAR THAL LO, ,'DIR DGAG RTAGS KYI BSGRUB CHOS DANG CHOS CAN MA GRUB BYANG SKYON MED TSUL KA MA LA SHI LAS RGYAS PAR BSHAD PA GZHAN DU BSHAD 'DOD LA, 'DIR NYER MKHO TZAM BKOD NA, GZHAN YANG DGAG PA GNYIS PO GANG RUNG BSGRUB BYA'I CHOS SU BKOD PA'I RTAGS YIN NA DGAG RTAGS YIN PAS MA KHYAB PAR THAL, DE SGRUB KYI DGAG RTAGS YANG DAG YIN NA DE SGRUB KYI BSGRUB BYA'I CHOS LA MED DGAG GCIG BZUNG BAS KHYAB PA'I PHYIR, DER THAL, DE SGRUB KYI MA DMIGS PA'I RTAGS YANG DAG LA DE LTAR KHYAB PA'I PHYIR, DER THAL, DE SKAD DU, MKHAS GRUB THAMS CAD MKHYEN PA'I SDE BDUN DKA' 'GREL YID KYI MUN SEL LAS, RANG LUGS NI, MA DMIGS PA'I RTAGS YANG DAG GI MTSAN NYID DE SGRUB

249b

KYI TSUL GSUM TSANG BA'I GTAN TSIGS GANG ZHIG, DE SGRUB KYI BSGRUB BYA'I CHOS YIN NA MED DGAG YIN DGOS PA ZHES BYA'O, ,ZHES GSUNGS PA'I PHYIR, BYAS PA LA KHO NA RE, 'O NA DE SGRUB KYI MA DMIGS PA'I RTAGS DANG DGAG RTAGS YANG DAG GANG RUNG YIN NA DE SGRUB KYI BKOD TSOD KYI BSGRUB BYA'I CHOS DANG SONG CHOD KYI BSGRUB BYA'I CHOS YIN NA MED DGAG YIN DGOS PAR THAL, LUNG DON DE 'THAD PA'I PHYIR NA KHA CIG MA KHYAB STE, DE BSGRUB KYI BSGRUB BYA'I CHOS DGAG PA'AM YOD PA RNAMS LA DGONGS PA'I PHYIR ZER; 'DOD MI NUS TE, MED NGES DE MU STEGS PAS BTAGS PA'I BDAG RTAGS GCIG RANG DBANG CAN MED NGES SU SGRUB PA'I BKOD TSOD KYI BSGRUB BYA'I CHOS YIN PA'I PHYIR NA MA KHYAB STE, DE 'DRA'I DGAG RTAGS YANG DAG MED PA'I PHYIR, DER THAL, DE SGRUB KYI BSGRUB CHOS LA MED PAS KHYAB PA'I PHYIR, GZHAN YANG DGAG RTAGS YANG DAG YIN NA DE SGRUB KYI BSGRUB BYA'I CHOS LA MED DGAG GCIG BSGRUB BAS KHYAB PAR THAL, 'BRAS RANG GI RTAGS YANG DAG GNYIS KYIS KYANG BSGRUB BYA'I CHOS LA DGAG PA MANG YANG DE DAG GI BSGRUB CHOS KYI DGAG PA LA MA YIN DGAG GIS KHYAB PA DANG, MA DMIGS PA'I RTAGS YANG DAG GI BSGRUB CHOS DGAG PA LA MED DGAG KHO NAS KHYAB PA'I PHYIR, SDE BDUN GYI DKA' 'GREL YID KYI MUN SEL LAS, 'ON KYANG 'BRAS RANG GI RTAGS GNYIS KYIS NI ZHES PA NAS, MA YIN DGAG SGRUB PA YIN LA MI DMIGS PA'I RTAGS KYIS NI RANG GI BSGRUB BYA'I CHOS YIN NA MED DGAG DNGOS SU SGRUB PAR BYED PAS KHYAB PA'I PHYIR, SGRUB RTAGS DANG DGAG RTAGS GNYIS

250a

, ,SO SOR NGES BA YIN PA DE'I PHYIR, 'DIS NI DNGOS LA'ANG DNGOS PO'I CHA, KHAS BLANGS MED PAR DGAG PA NYID, ,SGRUB BYED SNGA MA DAG GIS NI, ,MA YIN SGRUB BAR BYED PHYIR RO, ZHES GSUNGS PA YIN NO, ZHES GSUNGS PA'I PHYIR, KHYAB STE, DES TSAD MA'I LUNG DRANGS PA'I RKANG BA DANG PO GNYIS KYIS MA DMIGS PA'I RTAGS KYI BSGRUB CHOS LA MED DGAG DGOS PA DANG, RKANG PA PHYI MA GNYIS KYIS 'BRAS RANG GI RTAGS KYI BSGRUB CHOS DGAG PA MA YIN DGAG TU BSHAD PA'I PHYIR, BYAS PA LA KHO NA RE, 'O NA MA GRUB PA'I RTAGS LA DON DANG BLO DANG RGOL BA LA LTOS PA'I MA GRUB PA GSUM GYI NANG TSAN DANG PO LA, RTAGS KYI NGO BO MI SRID PA DANG, CHOS CAN GYI NGO BO MI SRID PA DANG, GZHI RTAGS KYI 'BREL PA MED NAS MI SRID PA DANG, RTAGS KYI PHYOGS GCIG CHOS CAN LA MI SRID BA DANG, CHOS CAN GYI PHYOGS GCIG LA RTAGS MI SRID NAS MA GRUB PA LNGAR BSHAD PA MI 'THAD PAR THAL, DE SGRUB KYI RTAGS DANG CHOS CAN GYI NGO BO GANG RUNG MI SRID NA DE SGRUB KYI RTAGS YANG DAG MED PAS MA KHYAB PA'I PHYIR NA MA KHYAB STE, BSGRUB BYA'I CHOS SGRUB PA'I RNAM CAN SGRUB PA LA MA GRUB PA'I RTAGS BKOD NA RTAGS KYI NGO BO MA GRUB PA'I SKYON YOD LA, BSGRUB BYA'I CHOS MED DGAG GI RNAM CAN LA RTAGS DE GZHI MA GRUB KYANG SKYON MED LA, RTAGS LA YANG DNGOS PO SOGS BKOD NA CHOS CAN MA GRUB NA MA GRUB PA'I SKYON 'ONGS LA DGAG BYA BCAD TZAM LA SKYON MED PA'I PHYIR, DANG PO GRUB STE, DE NYID LAS, BSGRUB BYA'I CHOS SGRUB PA'I RNAM PA CAN SGRUB PA LA RTAGS GZHI

250b

MA GRUB PA BKOD NA MA GRUB PA'I RTAGS SU 'GYUR PA YIN GYI, BSGRUB BYA'I CHOS DGAG BYA BCAD TZAM GYI MED DGAG SGRUB PA LA RTAGS GZHI MA GRUB PA BKOD KYANG SKYON DU MI 'GYUR LA ZHES DANG, DBU MA SNANG BA LAS KYANG, GANG LA MI RTAG PA LA SOGS PA DNGOS PO'I CHOS YOD PA'I NGO BOR SGRUB PAR 'DOD PA DE LA NI GDON MI ZA BAR THA SNYAD KYI SGO NAS DNGOS POR GYUR PA'I CHOS CAN LA SOGS PA DGOS TE, NAS, DE NYID LA DE LTA BU'I GZHI MED NA BSGRUB PAR BYA BA BKAG PA'I PHYIR GZHI MA GRUB PA NYID KYI NYES PA BRJOD PAR BYED PA YIN NO, ZHES GSUNGS PA'I PHYIR, GNYIS PA GRUB STE, DE NYID LAS, RTAGS YONGS BCOD KYI CHOS RTAGS SU BKOD PA LA CHOS CAN MA GRUB NA MA GRUB PA'I RTAGS SU 'GYUR BA YIN GYI, RTAGS RNAM PAR BCAD TZAM BKOD PA LA CHOS CAN GZHI MA GRUB SKYON DU 'GYUR BA MA YIN NO, ZHES DANG, DBU MA SNANG BA LAS KYANG, GANG LA DNGOS PO'I CHOS YOD PA'I NGO BOR SGRUB PAR MI 'DOD KYI, 'ON KYANG SGRO BTAGS PA'I CHOS RNAM PAR BCAD PA SGRUB PA TZAM ZHIG BRJED PAR 'DOD PA DE LA NI THA SNYAD DU YANG DNGOS POR GYUR PA'I CHOS CAN MI DGOS TE, ZHES PA NAS, DE MA GRUB TU ZIN KYANG BSGRUB PAR BYA BA MED NA MI 'BYUNG BA'I GTAN TSIGS MNGON PAR SGRUB PA LA GEGS BYED PA MED PA'I PHYIR RO, ZHES DANG, TSIG GSAL LAS KYANG, DE'I PHYIR DNGOS PO'I CHOS GTAN TSIGS BKOD PA'I RJES SU DPAG PA THAMS CAD LA GTAN TSIGS LA SOGS PA RANG LA MA GRUB PA'I PHYIR, ZHES GSUNGS PA'I PHYIR, KHYAB STE, DNGOS PO RTAGS SU BKOD PA DMIGS

251a

, ,KYIS BSAL NAS DE LA MA GRUB PA'I SKYON BSHAD PA'I PHYIR RO, ,BYAS PA LA KHO NA RE, 'O NA, DE SGRUB KYI BSGRUB CHOS MED DGAG BYAS PA'I DGAG RTAGS LA CHOS CAN MA GRUB KYANG SKYON MED PAS KHYAB PAR THAL, RTAGS ZUR DANG PO'I LUNG GNYIS KYI DON 'THAD PA'I PHYIR NA MA KHYAB, 'DOD NA, LEGS LDAN GYIS DON DAM PAR MA SONG BA LA 'GRO BA MED DE, LAM YIN PA'I PHYIR, SONG BA'I LAM BZHIN NO, ,DON DAM PAR RTEN BCAS KYI MIG GIS GZUGS LA LTA PAR MI BYED DE, MIG GI DBANG PO YIN PA'I PHYIR, DPER NA DE MTSUNGS KYI DBANG PO BZHIN, ZHES LAM DANG MIG DBANG RTAGS SU BKOD PA'I RTAGS SBYOR LA MA GRUB PA'I SKYON MI 'BYUNG BAR THAL, DE SGRUB KYI DGAG RTAGS YIN PA'I PHYIR, 'DOD MI NUS TE, TSIGS GSAL LAS, GTAN TSIGS LAM NYID RANG NYID LA MA GRUB PA'I DON NYID DU SBYAR BAR BYA LA, NAS, ZHES BYA BA LA SOGS PA DGAG TU YANG GTAN TSIGS LA SOGS PA RANG NYID LA MA GRUB PAR SBYAR BAR BYA'O, ZHES GSUNGS PA'I PHYIR, GZHAN YANG, PHYOGS GLANG GIS; MNGON SUM DON DANG RJES DPAG DANG, ,YID CHES GRAGS PAS RANG RTEN LA, ,ZHES TSAD MA BZHIS RANG GI RTEN GZHI GRUB DGOS NA MA BSAL BA GCIG DGOS ZHES BSHAD KYI RANG GI RTEN GZHI GRUB MI DGOS PA LA MI GNOD PAR THAL, DE MI GNOD PAR CHOS GRAGS KYIS BSHAD PA'I PHYIR, TSAD MA LAS, 'DOD PA'I BSGRUB PAR BYA BA LA, ,GNOD PA CI YANG MED PA NYID, GNYIS KA'ANG BSGRUB BYA NYID YIN NA, ,CHOS CAN LA NI GNOD PA GANG, ,BSGRUB PAR BYA BA'I CHOS 'GOG PAS,

251b

DES NI DE LA GNOD CES BRJOD, ,CES RKANG PA DANG PO GNYIS KYIS CHOS CAN DE YIN PA LA MI GNOD PA DANG LHAG MAS SGRUB PA'I RNAM CAN LA CHOS CAN MED NA GNOD PAR BSHAD PA'I PHYIR, DES NA DE MED PAR SGRUB PA'I CHOS CAN MED KYANG CHOS CAN MA GRUB PA'I SKYON MED PAR THAL, DE 'DRA'I CHOS CAN DANG MED PA'I TSOGS DON BSGRUB BYA YIN PA'I PHYIR, DE MA GRUB KYANG RTAGS PHYOGS CHOS MA GRUB PA'I SKYON YANG MED PAR THAL, CHOS CAN MED KYANG DE'I RTAGS TSAD MAS GRUB PA MI 'GAL BA'I PHYIR, DER THAL, CHOS CAN ZHES PA RTAGS KYIS DGAG SGRUB BYED PA'I GZHI YIN PAS CHOS CAN ZHES BTAGS PA'I PHYIR, KHYAB STE, GZHI MA GRUB KYANG RTAGS NGES PA'I RTZOD GZHIR MI 'GAL BA'I PHYIR, DPER NA GZHI MA GRUB KYANG KHYAB PA NGES PA'I MTHUN DPER MI 'GAL BA BZHIN NO, ,CHOS CAN MA GRUB PA'I RTAGS LA DGAG RTAGS YANG DAG DANG DE MA YIN PA GNYIS YOD DE, MA SKYES PA'I RTAGS KYIS RTAGS PA'I BDAG MU STEGS PA'I SGRO BTAGS PA LTAR THA SNYAD DU MED PAR SGRUB PA DANG PO DANG, PHUNG PO DANG GCIG THA DAD GANG RUNG DU MED PA'I RTAGS KYIS RTAG PA'I BDAG GTAN MED DU SGRUB PA GNYIS PA YIN PA'I PHYIR, DER THAL, SNGA MA'I BSGRUB CHOS LA MED DGAG GIS KHYAB, PHYI MA'I DE LA MED PAS KHYAB PA'I PHYIR RO, ,'DI DAG NI RNAM NGES tIKA CHEN DANG SA BCAD CHEN MO SOGS KYI DGONGS PA YANG YIN NO, ,YANG RGYAN BZANG BAS, MYU GU CHOS CAN, SLAR YANG SKYE BA DON MED YIN TE, YOD PA'I PHYIR, DPER NA MNGON GSAL GYI BUM PA BZHIN ZHES PA'I GZHAN GRAGS GCIG SANGS RGYAS BSKYANGS KYIS

252a

, ,DNGOS SU BKOD PAR 'DOD PA MI 'THAD PAR THAL, DE LTAR NA RTAGS LA LTOS PA'I 'GAL MA GRUB KYI NYES PA MA BSAL BA'I SKYON SPONG DGOS PAS SANGS RGYAS BSKYANGS KYIS YOD PA RTAGS SU MA BKOD PA'I PHYIR, DER THAL, TSIG GSAL LAS, GRUB PA LA SGRUB PA NYID GANG YIN PA DANG 'GAL BA'I DON NYID GANG YIN PA SPONG PAR BYA BA'I PHYIR 'BAD PAR BYED PAR 'GYUR BA YOD PA'I PHYIR ZHES BYA BA'I GTAN TSIGS KYANG GA LA YOD, CES GSUNGS PA'I PHYIR, KHO NA RE, YOD PA RTAGS SU 'DIR 'GOD PAR THAL, RIGS PA'I RGYA MTSO LAS, YOD PA RTAGS DANG YANG SKYE BA DON MED PA BSGRUB BYA'O, ZHES GSUNGS PA'I PHYIR NA MA KHYAB STE, RANG GI BDAG NYID DU YOD BRTAGS DANG YANG SKYE BA LA DGOS PA MED PA BSGRUB BYA'I CHOS YIN ZHES PA'I TSIG BSDUS NAS BKOD PA TZAM YIN PA'I PHYIR, DER THAL, DE NYID LAS, RANG GI BDAG NYID DU YOD PA LA NI YANG SKYE BA LA DGOS PA MED CES GSUNGS PA NI DE DAG GIS ZHES SOGS KYI 'GREL PA'I NGAG YIN PAS YOD PA RTAGS DANG YANG SKYE BA DON MED PA BSGRUB BYA'O, ZHES GSUNGS PA'I PHYIR DANG, GZHAN YANG TSIG GSAL LAS, 'DI NI MDOR BZHAG PA'I NGAG ,DE'I 'GREL BA'I NGAG YIN LA, ZHES PA NAS, DE LA RANG GI BDAG NYID YOD PA ZHES BYA BA 'DIS NI GTAN TSIGS 'DZIN PA YIN NO, ,SKYE BA DON MED PA NYID DU 'GYUR BA'I PHYIR DANG ZHES BYA BA 'DIS NI BSGRUB PAR BYA BA'I CHOS 'DZIN PA YIN NO ZHES GSUNGS PA MI 'THAD PAR THAL, SKABS 'DIR MYU GU SLAR YANG SKYE BA DON MED DU SGRUB PA'I GZHAN GRAGS KYI RTAGS LA RANG

252b

GI BDAG NYID DU YOD PA 'DZIN MI RIGS PA'I PHYIR, RTAGS DNGOS, MA GRUB NA, RTZA SHE'I tIKA CHEN GYIS DE LTAR BSHAD DE 'DI'I DGONGS 'GREL YIN PA'I PHYIR, BYAS PA LA KHO NA RE, SKABS 'DIR YOD PA RTAGS SU BYAS PA'I GZHAN GRAGS BKOD KYANG SMRAS PA'I NYES PA SEL MI DGOS PA GCIG MA BSTAN PAR THAL, MYU GU DE LTAR SGRUB PA LA DE'I PHYIR NA MA KHYAB STE, YOD PA'I RTAGS KYIS SKYES BU LAS THA DAD PA'I SKYE LDAN GYI DNGOS PO RNAMS BDAG LAS MI SKYE BAR SGRUB PA'I GZHAN GRAGS LA DGOS PA DE MI YONG BA'I PHYIR, SNGAR BSHAD PA'I BOD DAG NA RE, THAL 'GYUR BA'I LUGS LA BZLOG PA 'PHEN PA'I THAL 'GYUR MED PAR THAL, RANG LA KHAS LEN MED PA'I RGYU MTSAN GYIS YIN PA'I PHYIR TE, TSIG GSAL LAS; RANG BZHIN MED PAR SMRA PAS RANG BZHIN DANG BCAS PAR SMRA BA LA THAL BSGRUB PA NA THAL BA LAS BZLOG PA'I DON CAN DU GA LA 'GYUR ZHES GSUNGS PA'I PHYIR NA MA KHYAB STE, LUNG 'DIS SANGS RGYAS BSKYANGS LA 'GAL BRJOD BZLOG DON KHAS LEN 'DOD MED PA'I RGYU MTSAN GYIS BZLOG PA MI 'PHEN TSUL BSHAD PA YIN PA'I PHYIR, RTZA BAR 'DOD NA, RANG 'GREL LAS, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, 'O NA ME LCE LAS KYANG MUN PA 'THUG PO 'BYUNG 'GYUR ZHING STE, GZHAN NYID YIN PA'I PHYIR RO, ,DE NI MTHONG BA'AM RIG PA YANG MA YIN TE, DE'I PHYIR 'DI NI YOD PA MA YIN NO, ,DE NYID KYI PHYIR RGYU DANG 'BRAS BU GZHAN NYID DU NAM YANG 'THAD PAR MI 'GYUR RO, ZHES GSUNGS PAS DPE

253a

, ,DON GNYIS KAR BZLOG PA 'PHANGS PA'I PHYIR DANG, THAMS CAD LAS KYANG THAMS CAD SKYE BAR 'GYUR TE GANG GI PHYIR, ZHES PA RTZA 'GREL GYIS BZLOG PA 'PHANGS PA MI 'THAD PAR THAL LO, ,YANG KHA CIG GIS, RGOL PHYI RGOL GNYIS KAS DE SGRUB KYI CHOS CAN TSAD MAS MA GRUB PAR THAL, CHOS CAN MTHUN SNANG BA MED PA'I PHYIR NA MA KHYAB STE, SKABS 'DI'I CHOS CAN MTHUN SNANG BA'I DON NI RGOL BA GNYIS KAR CHOS CAN RANG MTSAN GYIS GRUB PAR SNANG LA, RANG MTSAN GYIS GRUB PAR TSAD MAR SONG BAR 'DOD PA DE YIN PA'I PHYIR TE, BDEN GNYIS LAS, RGOL BA GNYIS KA'I SHES PA LA, JI TZAM SNANG BA'I CHA YOD PA, ,DE TZAM DE LA BRTEN NAS NI, CHOS CAN CHOS LA SOGS PAR RTOG ,CES SOGS DANG, DE'I RANG 'GREL LAS, RJES SU DPAG PA DANG RJES SU DPAG PAR BYA BA'I THA SNYAD DAG NI RGOL BA DANG PHYIR RGOL BA DAG GI BLO'I BDAG NYID LA SNANG BA'I CHOS CAN DANG CHOS DANG, DPE NYID DU RNAM PAR BZHAG PA 'BYUNG ZHES SOGS LTA BUS SGRUB PA'I PHYIR, RTZA BAR 'DOD MI NUS TE, SKABS 'DIR YANG SGRUB RTAGS LA CHOS CAN RGOL BA GNYIS KA'I TSAD MAS GRUB DGOS PA'I PHYIR, DER THAL, GZHAN DU NA 'BEN MA NGES PAR MDA' 'PHEN PA DANG KHYAD GZHI YOD PA'I KHYAD CHOS KYIS BSGRUB PAR 'GRO BA'I PHYIR, 'PHAGS PAS, RANG GIS NGES BZHIN GZHAN DAG LA, ,NGES PA SKYED PAR 'DOD PA YIS, ,ZHES GSUNGS PA'I PHYIR, BYAS PA LA KHO NA RE, 'O NA TSIG GSAL LAS, RGOL BA GANG RUNG LA GRUB PAS CHOG

253b

PAR BSHAD PA'I DON MED PAR THAL, RGOL BA GNYIS KA'I TSANG MAS GRUB DGOS PA DE'I PHYIR NA YANG MA KHYAB STE, DE'I DON NI LAM RIM LTAR JI SRID PHA ROL POS LTA BA MA RNYED PAR DU RANG BZHIN LA TSAD MAR RLOM PA BKAG NAS SGRUB THUB LA, LTA BA RNYED PA DANG RANG BZHIN LA TSAD MAR SONG BA MI 'THAD PA RNAMS DUS MNYAM DU RNYED 'ONG PAS RE ZHIG PHYI RGOL RANG LA GRUB TSUL LA 'KHRIS NAS 'GOG PA DE'I DON YIN PA'I PHYIR, DER THAL, DE LTAR 'KHRIS NAS THAL RTAGS GANG RUNG GIS 'GOG PA'I RTAGS LA GZHAN GRAGS DANG RANG GRAGS SOGS SU BSHAD PA YIN PA'I PHYIR, RGYAS PAR LAM RIM DU BLTAS NA SHES PAR 'GYUR RO, ,SMRAS PA, DBU TSAD GZHUNG BRGYA'I RNAM SAD RKANG 'THUNG 'DAB, ,RIGS LAM PHYE BA'I RIN CHEN RGYAN 'PHYANG 'PHRUL, ,YAB SRAS RNAM BSHAD YONGS 'DU DPAL SDUG CAN, ,MKHAS GRUB LHA PHRAN BYE BAS ROL TSUL RNAMS, ,KHO BO'I LEGS BSHAD ME LONG TSAL 'DI NA, ,NGO MTSAR LTAD MO'I GTER KHA PHYE BA BZHIN, ,RANG GZHAN GRUB MTHA'I RGYA MTSOR MA PHYIN PAR, ,DBU TSAD THAL RANG SGRUB DANG SUN 'BYIN GTAM, ,SMRA LA DGA' DE DGA' BA TZAM MTHONG NAS, ,RANG GZHAN GRUB MTHA'I RTZER SON GTAM 'DI BYAS, ,'KHOR BAR YID SKYO SNGON SBYANGS BAG CHAGS SAD, ,THAL RANG ZAB GNAD BRTZAD TSUL SHES 'DOD DES, ,LEGS BSHAD LHA DBANG GTZUG RGYAN 'DI LONG LA, ,BLO GROS BZHIN RAS MDZES SLANG THOD DU CHONGS, ,LA LA TSAD MAR ZHEN NAS THAL BA BKAG ,GZHAN DAG RGYU MTSAN MA SHES

254a

, ,TSIG SPYI BRIS, ,'GA' YIS PHYOGS MTHONG SKABS 'GAR 'KHYAM MTHONG NAS, ,BRTZE BAS 'KHRUL BRAL NYI MA GSAL 'DI BSKRUN, ,MKHAS GRUB RGYU SKAR KHROD NA ZAB RGYAS KYI, ,BDUD RTZI RAB RGYAS ZLA BA'I GA BUR ZER,, BTUNG PA'I BDAG BLO'I KU MUNG DGA' BA'I KHA, ,RMONGS BAS SBUBS KYI MAM BCINGS CHES CHER BZHAD, ,CES PAR SKABS KYI TSIGS SU BCAD PA'O,, ,,GNYIS PA GZHAN SKYE DGAG PA LA SPYIR DGAG PA, SEMS TZAM PA'I LUGS BYE BRAG TU DGAG PA GNYIS, DANG PO LA GZHAN SKYE BKAG PA DNGOS DANG, DE LA 'JIG RTEN GYI RTZOD PA SPANGS PA DANG, BKAG PA'I YON TAN DANG, RANG BZHIN GYIS MI SKYE BA DANG, BDEN PA GNYIS CAR DU RANG BZHIN GYIS SKYE BA BKAG PA'I YON TAN LNGA, DANG PO LA, GZHAN SKYE SPYIR DGAG PA DANG, BYE BRAG TU DGAG PA DANG, MU BZHIR DPYAD NAS DGAG PA GSUM, DANG PO NI, RTZA BAR, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, , ZHES SOGS BYUNG, GNYIS PA NI, RTZA BAR, MYU GU SA BON DANG NI DUS MNYAM YOD PA MA YIN TE, ,ZHES SOGS BYUNG, GSUM PA NI, RTZA BAR SKYED PAR BYED PA BSKYED BYA GZHAN SKYED PA DE RGYU YIN NA, ,ZHES SOGS TSIGS BCAD GCIG BYUNG, MTHA' DPYAD BA LA STAG LO NA RE, GZHAN SKYE YOD PAR THAL, RGYU 'BRAS GNYIS GZHAN YIN PA'I PHYIR NA MA KHYAB, 'O NA GZHAN SKYE'I GZHAN DE THA SNYAD DU GZHAN YIN PA LA BYED PAR THAL, KHYOD KYI BYA BA

254b

BA GRUB PA'I PHYIR, RTAGS KHAS, 'DOD NA, DE YOD PAR THAL, DE THA SNYAD DU RGYU 'BRAS GZHAN YIN PA TZAM LA BYED PA'I PHYIR, 'DOD NA, RTZA BAR, GZHAN NYID MED PAR ZHES DANG, RANG 'GREL LAS KYANG, GZHAN NYID MED NA GZHAN LAS SKYE'O ZHES BYA BA 'DI YOD PA MA YIN NO, ZHES GSUNGS PA MI 'THAD PAR THAL LO, ,GZHAN YANG GZHAN SKYE THA SNYAD DU YOD PAR THAL, 'DOD PA'I PHYIR, 'DOD NA, RANG MTSAN GYIS GZHAN LAS SKYE BA THA SNYAD DU YOD PAR THAL, , 'DOD PA'I PHYIR, KHYAB STE, 'DIR GZHAN SKYE'I GZHAN NI RANG MTSAN GYIS GZHAN LA BYED DGOS PAS SKABS 'DIR MA GRUB PA'I PHYIR, RTZA BAR, GZHAN LAS SKYE BA 'JIG RTEN LAS KYANG MED, ,CES GSUNGS LA, RNAM BSHAD LAS KYANG DE LTAR NA GZHAN SKYE'I GZHAN NI GZHAN TZAM ZHIG MA YIN GYI, RANG BZHIN GYIS GRUB PA'I GZHAN YIN PAS, ZHES GSUNGS PA'I PHYIR, GZHAN YANG, TSIG GSAL LAS, RKYEN NYID 'DI BA TZAM GYIS KUN RDZOB TU GRUB PAR KHAS LEN GYI, PHYOGS BZHI KHAS BLANGS PA'I SGO NAS NI MA YIN TE, DNGOS PO RANG BZHIN DANG BCAS PAR THAL BAR 'GYUR BA'I PHYIR, ZHES GSUNGS PA MI 'THAD PAR THAL, GZHAN SKYE YOD PA'I PHYIR, YANG KHA CIG, RANG RGYUD PAS GZHAN SKYE MI 'DOD ZER NA, 'O NA RANG 'GREL LAS, 'DIR SMRAS PA DON DAM PAR SKYE BA MED PAS BDAG DANG GZHAN LAS SKYE BA DGAG LA RAG MOD, CES PA NAS, DE'I PHYIR GZHAN LAS SKYE BA YOD PA NYID DO, ZHES GSUNGS PA'I RGOL BA DE MI 'THAD PAR THAL, DBU MA RANG

255a

, ,RGYUD PA GCIG MA YIN PA'I PHYIR, KHYAB STE, SEMS TZAM PAS SKYE BA DON DAM PAR GRUB PAR 'DOD PA'I PHYIR, KHYAB STE, 'DIS NI DON DAM PAR GZHAN LAS MI SKYE YANG RANG BZHIN GYIS GZHAN LAS SKYE BAR 'DOD 'DUG PA'I PHYIR, DER THAL, RANG 'GREL LAS, DON DAM PAR SKYE BA MED PAS, ZHES PA NAS, DE DAG GI RANG BZHIN GDON MI ZA BAR GZHAN LAS SKYE BAR 'GYUR RO, ZHES GSUNGS PA'I PHYIR, YANG MKHAS PA MANG PO GZHAN SKYE MED PA DON DAM BDEN PA MA YIN GSUNG PA MI 'THAD PAR THAL, RANG BZHIN GYIS GRUB PA'I MYU GU RANG BZHIN GYIS GRUB PA'I RGYU GZHAN LAS SKYE BA MED PA STONG NYID YIN PA'I PHYIR, DER THAL, RANG BZHIN GYIS RGYU 'BRAS GNYIS GZHAN DU MA GRUB PA STONG NYID YIN PA'I PHYIR, DER THAL, DE GNYIS RANG BZHIN GYIS THA DAD MED PA STONG NYID YIN PA'I PHYIR, RTZA SHE'I MCHOD BRJOD KYI DON GRUB PA'I PHYIR, BYAS PA LA KHO NA RE, MTHA' BZHI LAS MI SKYE BA DE MYU GU RANG BZHIN MED PAR SGRUB PA'I RTAGS YANG DAG MA YIN PAR THAL, GZHAN SKYE MED PA STONG NYID YIN PA'I PHYIR NA MA KHYAB STE, DE DE SGRUB KYI THA SNYAD 'BA' ZHIG SGRUB KYI RTAGS YANG DAG YIN PA'I PHYIR, KHO RANG LA, BDEN GRUB TU TSAD MAS MA DMIGS PA CHOS CAN, MYU GU BDEN MED DU SGRUB PA'I RTAGS YANG DAG MA YIN PAR THAL LO, ,STONG NYID YIN PA'I PHYIR, KHYAB PA KHAS 'DOD MI NUS, BYAS PA LA KHO NA RE, MYU GU GZHAN SKYE MED PA STONG NYID MA YIN PAR

255b

THAL; MYU GU'I STONG NYID MA YIN PA'I PHYIR NA MA KHYAB STE, MYU GU SKYE BA'I STONG NYID YIN KYANG MYU GU'I STONG NYID MA YIN PA'I PHYIR, KHO NA RE, MYU GU BDEN MED DU SGRUB PA'I RTAGS YANG DAG LA THA SNYAD 'BA' ZHIG SGRUB KYIS KHYAB PAR THAL, MTHA' BZHI'I SKYE BA MED PA DE YANG DE SGRUB KYI DE GANG, BDEN GRUB KYI GCIG TU BRAL GYI RTAGS KYIS MYU GU DE LTAR SGRUB PA YANG THA SNYAD 'BA' ZHIG SGRUB KYI RTAGS YIN PA'I PHYIR NA MA KHYAB CING, 'DOD MI NUS TE, MYU GU BDEN MED DU SGRUB PA'I DON SGRUB KYI RTAGS YANG DAG YOD PA'I PHYIR, DER THAL, RTEN 'BREL DE DE YIN PA'I PHYIR, GNYIS PA GZHAN SKYE BKAG PA LA 'JIG RTEN GYI GNON PA SPANGS PA LA, 'JIG RTEN GYI GRAGS PAS GZHAN SKYE KHAS BLANGS NAS 'JIG RTEN GYI GNOD PA SPANGS PA DANG, 'JIG RTEN THA SNYAD DU YANG GZHAN SKYE MED PAS GNOD PA SPANGS PA GNYIS, DANG PO LA RTZOD PA DANG LAN GNYIS, DANG PO NI, RTZA BAR, GANG ZHIG RANG LTA LA GNAS 'JIG RTEN TSAD MAR 'DOD PAS NA, ,ZHES SOGS SHO LO KA DANG, DE'I RANG 'GREL LAS, DON GANG ZHIG 'JIG RTEN NYID LAS GRUB PA DER NI RIGS PAS CI YANG BYA BA MED DE, 'JIG RTEN GYIS MTHONG BA NI SHIN TU STOBS DANG LDAN PA'I PHYIR RO, ZHES PA NAS, GZHAN LAS SKYE BA YOD PA KHO NA'O ZHEN ZHES BYUNG, GNYIS PA LAN LA, BDEN GNYIS SPYI'I RNAM BZHAG DANG, SKABS KYI DON LA SBYAR BA DANG, BDEN GNYIS SO SO'I NGO BO DANG, DE BKAG PA LA 'JIG RTEN GYIS GNOD PAR 'DOD PA LA GNOD BYED

256a

, ,DANG; 'JIG RTEN GYIS GNOD PA'I GNOD TSUL LNGA, DANG PO LA CHOS RNAMS LA NGO BO GNYIS YOD PA DANG BDEN GNYIS KYI DBYE BA 'CHAD PAR, RTZA BAR, DNGOS KUN YANG DAG RDZUN PA MTHONG BA YIS, ,NAS, MTHONG BA RDZUN BA KUN RDZOB BDEN PAR GSUNGS, ZHES BYUNG, DE'I MTHONG BA RDZUN PA KUN RDZOB LA 'JIG RTEN LA LTOS NAS YANG LOG GNYIS SU 'CHAD PA NI, RTZA BAR, MTHONG BA RDZUN PA'ANG RNAM PA GNYIS 'DOD DE, ,NAS, 'JIG RTEN NYID LAS LOG PAR RNAM PAR BZHAG, CES SHO LO KA GNYIS BYUNG, ZHEN YUL LA 'KHRUL PA'I ZHEN YUL THA SNYAD DU YANG MED CES 'CHAD PAR, RTZA BAR, MI SHES GNYID KYIS RAB BSKYOD MU STEGS CAN, ,NAS, DE DAG 'JIG RTEN LAS KYANG YOD MIN NYID, ,CES TSIGS BCAD GCIG BYUNG, GNYIS PA SKABS DON GZHAN SKYE BKAG PAS DON DAM LA MI GNOD PA NI, RAB RIB CAN GYIS RAB RIB MED PA LA MI GNOD PA BZHIN ZHES BSHAD PA LA, RTZA BAR, MIG NI RAB RIB CAN GYIS DMIGS PA YIS, ,NAS, DRI MED BLO LA GNOD PA YOD MA YIN, ,ZHES BYUNG, GSUM PA BDEN GNYIS SO SO'I NGO BO LA KUN RDZOB BDEN PA'I NGO BO NI, RTZA BAR, GTI MUG RANG BZHIN SGRIB PHYIR KUN RDZOB STE, ,ZHES SOGS TSIGS BCAD GCIG BYUNG, DON DAM PA'I NGO BO NI, RAB RIB MTHU YIS SKRA SHAD LA SOGS PA'I, ,NAS, MTHONG DE DE NYID DE BZHIN 'DIR SHES KYIS, ,ZHES TSIGS BCAD GCIG BYUNG, 'DIR BDEN GNYIS KYI MTHA' DPYAD PA LA

256b

DGAG GZHAG SPANGS GSUM LAS, DANG PO NI, DBYE GZHI DANG, DBYE NGO DANG, GCIG THA DAD DANG, SO SO'I NGO BO DANG, SGRA DON LNGA LA DPYAD NA, DBYE GZHI LA 'DOD LUGS DU MA YOD DE, KHA CIG, DON DAM BDEN PA SHES BYA MA YIN PAS SNANG TZAM 'DI BDEN GNYIS KYI DBYE GZHI ZER, LA LAS, GZUGS NAS RNAM MKHYEN PAR GYI NGO BO BDEN GNYIS KYI DBYE GZHI ZER, GZHAN DAG SGRO MA BTAGS PA'I YUL BDEN GNYIS KYI DBYE RNGOG LO, GZHI ZER, MKHAS RLOM STAG LO SOGS MA BRTAGS MA DPYAD PA'I SHES BYA BDEN THANG SAG, GNYIS KYI DBYE GZHIR 'DOD PA SOGS MANG BA'I PHYIR TE, LAM RIM CHUNG 'OD RGAN, BA DANG RNAM BSHAD LAS, BDEN GNYIS KYI DBYE GZHI LA SNGA MA RNAMS LA 'DON TSAL MANG DU YOD KYANG ZHES GSUNGS PA'I PHYIR, DANG PO LA 'O NA, SNANG TZAM LA BDEN PA GNYIS SU GRANGS NGES PAR THAL, DBYE GZHI 'THAD PA'I PHYIR, 'DOD NA, SNANG TZAM LA BDEN GNYIS GANG RUNG GIS KHYAB PAR THAL, DE LA DE GNYIS SU GRANGS NGES LA DE YANG PHUNG GSUM SEL BA YIN PA'I PHYIR, RANG 'GREL LAS, DE BZHIN DU BDEN PA GZHAN GANG CUNG ZAD CIG YOD PA DE YANG CI RIGS PAR BDEN PA GNYIS KYI KHONGS SU GTOGS PA KHO NAR NGES PAR BYA'O, ZHES GSUNGS PA'I PHYIR, 'DOD NA, ZLA GCIG ZLA GNYIS YIN PA DANG SMIG RGYU CHU YIN PA RE RE NAS CHOS CAN, DER THAL DE'I PHYIR, 'DOD MI NUS TE, MED NGES YIN PA'I PHYIR, DE SOGS MANG, GNYIS PA LA, 'O NA GZUGS KYI NGO BO DE GNYIS KYI DBYE GZHIR

257a

, ,THAL; DAM BCA' 'THAD PA'I PHYIR, 'DOD NA, BDEN GNYIS DE'I YA GYAL YIN PAR THAL LO, ,'DOD PA'I PHYIR, GSUM PA LA, SGYU MA DANG SMIG RGYU RE RE NAS CHOS CAN, SGRO MA BTAGS PA'I YUL YIN PAR THAL, BDEN GNYIS GANG RUNG YIN PA'I PHYIR, KHYAB PA GRANGS NGES KYIS GRUB, 'DOD NA, DBANG PO 'KHRUL PAS SGRO BTAGS PA'I CHA MA YIN PAR THAL LO, ,BZHI PA LA, DON DAM BDEN PA CHOS CAN, MA BRTAGS MA DPYAD PA'I SHES BYAR THAL, DAM BCA' 'THAD PA'I PHYIR, 'DOD NA, MA DPYAD PA'I SHES BYAR THAL, 'DOD PA'I PHYIR, 'DOD MI NUS TE, DON DAM DPYOD PA'I RIGS SHES KYI RNYED DON YIN PA'I PHYIR, 'KHOR GSUM KHAS, YANG KHA CIG GIS, BDEN GNYIS KYI DBYE GZHIR BDEN PA 'JOG PA MI 'THAD PAR THAL, KUN RDZOB BDEN PA YIN NA RDZUN PA YIN DGOS PA'I PHYIR, KHYAB STE, BDEN RDZUN DNGOS 'GAL YIN TSUL 'CHAD PAR 'GYUR PA'I PHYIR RO, ,YANG DON DAM BDEN PA SHES BYA MA YIN PA SPYOD 'JUG GI DGONGS PAR 'DOD PA RNAMS LA STONG THUN GYI SKYON BRJOD BKOD NA, 'O NA DON DAM BDEN PA SHES BYA 'DIR ZAD PA STE SDUD MI RIGS PAR THAL, DAM BCA' 'THAD PA'I PHYIR, 'DOD NA, SPYOD 'JUG DANG BSLAB BTUS NANG 'GAL BAR THAL, BSLAB BTUS LAS YAB SRAS KYI MDO LAS, SHES PAR BYA BA YANG KUN RDZOB DANG DON DAM PA'I BDEN PA GNYIS PO 'DIR ZAD DO, ZHES GSUNGS PA'I MDO DRANGS PA'I PHYIR, STON PAS DON DAM MI MKHYEN BZHIN DU BSTAN

257b

PAR THAL, DE SHES BYA YANG MA YIN BLO GANG GI YANG YUL MA YIN PA'I PHYIR, RTAGS KHAS, 'DOD NA, YAB SRAS MJAL BA LAS, DE YANG BCOM LDAN 'DAS KYIS STONG NYID RAB TU GZIGS RAB TU MKHYEN, LEGS PAR MNGON DU BYAS PAS DE'I PHYIR THAMS CAD MKHYEN PA ZHES BYA'O, ,GSUNGS PA MI 'THAD PAR THAL, 'DOD PA'I PHYIR, YANG MDO TING 'DZIN RGYAL PO SOGS SU STONG NYID TSOL PA'I TSE LUS SROG BU CHUNG MA SOGS BSKAL PA DU MAR BTANG BAR BSHAD PA MI 'THAD PAR THAL, DE LTAR BTANG BA DON MED PA'I PHYIR, RTAGS KHAS, DER THAL, RANG BZHIN DE MED PA'I PHYIR, RTAGS KHAS, KHYAB STE, GNAS LUGS DE MED NA DE LTAR RTZOM PA DON MED PAR 'JUG 'GREL DANG DKON MCHOG SPRIN LAS BSHAD PA'I PHYIR, GZHAN YANG KA BUM SOGS KYI SNANG TSUL 'DI 'DI DAG GI SDOD LUGS SAM GNAS LUGS SU THAL, DE LAS GZHAN PA'I DE'I GNAS LUGS MED PA'I PHYIR, 'DOD NA, SEMS CAN THAMS CAD GROL ZIN PAR THAL, DE DAG LA GNAS LUGS MNGON DU GYUR NAS BSKAL PA DPAG MED SONG PA'I PHYIR, RTAGS KHAS, DE SKAD DU STONG THUN LAS, LO TZTSA BA CHEN PO SOGS, ZHES PA NAS, SO SKYE DANG 'PHAGS PA'I GANG ZAG THAMS CAD KYI SDANG TSUL LA KHYAD PAR CUNG ZAD KYANG MED PAR THAL PA'I PHYIR RO, ZHES PA'I DON YIN NO, ,DE LA STOD LUNG RGYA DMAR SOGS, KHO NA RE, KHYOD KYIS BSHAD TSUL DE SPYOD 'JUG DANG MI MTHUN PAR THAL, DON DAM BLO YI SPYOD YUL MA YIN PA'I PHYIR, DER THAL, DE'I RGYU MTSAN

258a

, ,RTOG PA DANG RTOG MED KYI BLO GANG GI YUL YIN NA KUN RDZOB YIN DGOS PA'I PHYIR ZER ZHING, TSIG RKANG SNGA MA DAM BCA' DANG PHYI MA SGRUB BYED DU 'CHAD DO, ,DE SKAD DU SPYOD 'JUG DAR tIK LAS, SNGON GYI STOD LUNG RGYA DMAR LA SOGS PA KHA CIG, DON DAM BLO YI SPYOD YUL MIN, ,ZHES RKANG PA DANG PO DAM BCA' DANG PHYI MA RTAGS SU BYAS NAS DON DAM BDEN PA RTOG PA DANG RTOG MED KYI SHES PA GANG GI YANG YUL DU MI RUNG STE, BLO DANG BLO'I YUL YIN NA KUN RDZOB BDEN PA YIN PAS KHYAB PA RKANG BA 'OG MAS BSTAN NAS GRUB PO ZHES 'DOD PA NI GSUNGS SO, ,'O NA THEG CHEN 'PHAGS PA'I MNYAM BZHAG NA BLO MED PAR THAL, KHYOD KYIS 'CHAD TSUL DE'I PHYIR, 'DOD NA, RGYANG PHAN GYI LUGS 'DIR KHAS LEN RIGS PAR THAL, DES 'CHI KHA TSUN CHAD DU RIG PA 'DOD CING SHI BA DANG RGYUN CHAD PAR 'DOD PA LTAR KHYOD KYIS KYANG SBYOR LAM TSUN CHAD DU RIG PA KHAS BLANGS LA GNAS LUGS KYI DON LA MNYAM PAR BZHAG PA'I TSE MED PAR 'DOD PA'I PHYIR, GZHAN YANG, DRI MA ZAD PA'I SANGS RGYAS DANG SEMS CAN MED PAR THAL, DON GANG ZHIG MNGON SUM DU RTOGS PA'I DRI MA ZAD BYED KYI SHES BYA GCIG MED PA'I PHYIR, RTAGS SONG, MA GRUB NA, DON DAM YUL DANG DE RTOGS PA'I BLO YANG YOD PAR THAL, MA GRUB PA DE'I PHYIR, 'DOD NA DNGOS, GZHAN YANG DON DAM GTAN NAS MED PAR THAL, KUN RDZOB YIN NA DE MI 'JAL BAS KHYAB, DON DAM RANG NYID KYIS

258b

RANG GZHAL BA MI SRID PA'I PHYIR, KHYOD KYIS BSHAD TSUL DE MI 'THAD PAR THAL, BSLAB BTUS SU DRANGS PA'I MDO DON, SPYOD 'JUG LAS, KUN RDZOB DANG NI DON DAM STE, ,'DI NI BDEN PA GNYIS SU 'DOD, ,DON DAM BLO YI SPYOD YUL MIN, ,BLO NI KUN RDZOB YIN PAR 'DOD, ,CES TSIG BCAD 'DIS BDEN GNYIS KYI DBYE GZHI DBYE BCAS DANG, SO SO'I NGOS 'DZIN RNAMS KYI SGO NAS BSHAD PA'I PHYIR, DER THAL, RKANG PA DANG PO GNYIS KYIS MDO LTAR DBYE GZHI DANG DBYE BA'I GRANGS NGES BSHAD PA GANG ZHIG ,RKANG PA GSUM PAS MDO LTAR DON DAM GYI DANG, BZHI PAS MDO LTAR KUN RDZOB BDEN PA'I NGO BO BSHAD PA'I PHYIR, DANG PO GRUB STE, SPYOD 'JUG LAS, 'DI NI ZHES PAS DBYE GZHI SHES BYA BSTAN CING, RKANG PA GNYIS PA 'DIS GRANGS NGES KYANG BSTAN PA'I PHYIR, DER THAL, MDO LAS, 'DI LTAR DE BZHIN GSHEGS PAS KUN RDZOB DANG DON DAM PA GNYIS THUGS SU CHUD DE ZHES PAS DBYE BA BSTAN PA DE'I DON SPYOD 'JUG GI RKANG PA DANG POS BSTAN, MDO LAS, SHES PAR BYA BA YANG KUN RDZOB DANG DON DAM PA'I BDEN PA GNYIS PO 'DIR ZAD DO ZHES PA'I DON RKANG PA GNYIS PAS BSTAN PA'I PHYIR, DER THAL, 'DIR ZAD CES PA GRANGS NGES STON PA'I TSIG YIN PA'I PHYIR, RNAM BSHAD LAS, RKANG PA DANG PO GNYIS KYIS DBYE BA BSTAN LA ZHES DANG, DAR tIK LAS, DES NA SHES PAR BYA BA 'DI NI DBYE GZHI, DBYE NA BDEN PA GNYIS SU YOD CING GRANGS NGES PAR 'DOD DO, ZHES GSUNGS

259a

, ,PA'I PHYIR, 'DI NI ZHES PA DBYE GZHI LA BSHAD PA'I PHYIR RO, ,RTZA RTAGS GNYIS PA GRUB STE, GNYIS SNANG 'KHRUL PA'I BLO'I SPYOD YUL MA YIN PA'I SHES BYA GCIG DON DAM BDEN PA'I NGO BOR MDO LAS BSHAD PA LTAR RKANG PA GSUM PAS BSHAD PA YIN PA'I PHYIR, DER THAL, 'DI DANG RKANG BA BZHI PA'I BLO GNYIS KA GNYIS SNANG CAN YIN GYI BLO TZAM MA YIN PA'I PHYIR, DER THAL, MDO DE LAS, DON DAM PA GANG YIN PA DE NI BRJOD DU MED PA STE; SHES PAR BYA BA MA YIN PA, RNAM PAR SHES PAR BYA BA MA YIN PA YONGS SU SHES PAR BYA BA MA YIN PA MA BSTAN ZHES PA'I DON DANG MTHUN PAR, SPYOD 'JUG LAS, DON DAM BLO YI SPYOD YUL MIN, ,ZHES GSUNGS PA'I PHYIR DANG; DAR tIK LAS, BLO SNGA PHYI GNYIS SNANG CAN GYI BLO YIN GYI BLO TZAM MIN ZHES DANG, RNAM BSHAD LAS, DE LA DON DAM BDEN PA SHES PAR BYA BA MA YIN PAR BSHAD PA'I DON 'OG NAS BDEN PA GNYIS LA 'JUG PA'I MDO DRANGS PA'I DON 'CHAD PAR 'GYUR BA LTAR DU BLO YI YUL DU MI 'GYUR BA YIN NO, ZHES GSUNGS PA'I PHYIR, RTZA RTAGS GSUM PA GRUB STE, MDO DE LAS, DE LA KUN RDZOB NI 'JIG RTEN GYI SPYOD PAR DE BZHIN GSHEGS PAS GZIGS SO, ,ZHES PA'I 'JIG RTEN NI SKABS 'DIR BLO LA BYED CING DE'I DON BKOD PA YIN PA'I PHYIR, DER THAL, 'JIG RTEN TE BLO THA SNYAD PA'I YUL NI KUN RDZOB YIN PAR 'DOD CES BSHAD PA YIN PA'I PHYIR, RNAM BSHAD LAS, KUN RDZOB BDEN PA'I NGES

259b

'DZIN BLO RKYANG PA DER 'JOG PA'I DON MIN GYI BLO YI YUL YIN LA, DE YANG 'JIG RTEN GYI SPYOD PAR GSUNGS PAS, 'JIG RTEN TE THA SNYAD PA'I SHES PA RDZUN BA 'JA' BA'I SPYOD PAR TE SBYOR YUL DU RNYED PA'I DON YIN PAS, BLO'I YUL KUN RDZOB PAR 'DOD PAS DON DE BZHIN DU BYA'O, ZHES GSUNGS PA'I PHYIR DANG, RANG 'GREL LAS, DMIGS PA NI THA SNYAD KYI BDEN PAS BSDUS PA NYID KYIS 'JIG RTEN PA NYID YIN PA'I PHYIR, ZHES GSUNGS PA'I PHYIR, YANG MANG PO ZHIG BDEN GNYIS KYI DBYE GZHI DBYE TSUL SOGS LA RTOG DPYOD MED PAR BDEN GNYIS KYI SKOR MANG PO LAB BA YANG MI 'THAD PAR THAL, KHYOD KHYAD GZHI MA SHES PAR DE'I YAN LAG GI SPROS PA BYED MKHAN YIN PA'I PHYIR, DPER NA RTZA BA MED PAR SDONG PO'I YAL GA LA 'GRO 'DOD PA BZHIN NO, ,YANG KHA CIG, SHES BYA LA KUN RDZOB BDEN PA DANG DON DAM BDEN PA DANG KUN RDZOB TZAM DANG GSUM 'DOD PA YANG MI 'THAD PAR THAL, SHES BYA LA BDEN PA GNYIS SU GRANGS NGES PA'I PHYIR, RTAGS SLA; MA KHYAB NA KHYAB PAR THAL, SHES BYA LA BDEN PA GNYIS SU GRANGS NGES PA DE DE GNYIS GANG YANG MA YIN PA'I PHUNG GSUM SEL BA'I GRANGS NGES YIN PA LUNG RIGS GNYIS KAS GRUB PA'I PHYIR, DE LTAR PHUNG GSUM SEL BA'I GRANGS NGES SU LUNG GIS GRUB PAR THAL, PHUNG GIS SHES BYA LA BDEN PA GNYIS DBYER YOD LA DE LAS GZHAN MED PAR BSHAD PA'I PHYIR, DER THAL, YAB SRAS MJAL BA LAS, SHES PAR BYA BA LA KUN RDZOB DANG DON DAM PA'I

260a

, ,BDEN PA GNYIS PO 'DIR ZAD DO, ZHES DANG, YANG DE NYID LAS, 'JIG RTEN MKHYEN PAS GZHAN LA MA GSAN PAR, ,BDEN PA 'DI GNYIS NYID KYIS STON PAR MDZAD, ,GANG ZHIG KUN RDZOB DANG NI DON DAM STE; ;BDEN PA GSUM PA GANG YANG MA MCHIS SO, ,ZHES DANG, 'PHAGS PA DE NYID NGES BSTAN GYI TING 'DZIN GYI MDO LAS KYANG, GANG ZHIG KUN RDZOB DE BZHIN DON DAM STE, ,BDEN PA GSUM PA GANG YANG MA MCHIS SO, ,ZHES DANG, 'DI LTAR DU DBU MA LAS KYANG, SANGS RGYAS RNAMS KYIS CHOS BSTAN PA, ,BDEN PA GNYIS LA YANG DAG BRTEN, ,ZHES DANG, RANG 'GREL LAS KYANG, DE BZHIN DU BDEN PA GZHAN GANG CUNG ZAD CIG YOD PA DE YANG CI RIGS PAR BDEN PA GNYIS KYI KHONGS SU GTOGS PA KHO NAR NGES PAR BYA'O, ZHES GSUNGS PA'I PHYIR, KHYAB STE, SHES BYA YANG BDEN GNYIS SU ZAD CES PA DANG BDEN PA GNYIS LAS GZHAN GSUM PA MED PAR BSHAD PA SOGS KYI PHYIR RO, RIGS PAS KYANG SHES BYA LA BDEN GNYIS SU GRANGS NGES PA NI PHUNG GSUM SEL BA'I GRANGS NGES YIN PAR THAL, SHES BYA LA GZHI GANG ZHIG RDZUN PAR YONGS SU BCAD NA RNAM BCAD LA DON DAM PA MI SLU BA YIN PA KHEGS DGOS PA'I PHYIR, DER THAL, SLU MI SLU GNYIS PHAN TSUN SPANGS PA'I DNGOS 'GAL YIN PA'I PHYIR, DBU MA SNANG BA LAS, PHAN TSUN SPANGS TE GNAS PA'I MTSAN NYID KYI CHOS DAG NI CIG SHOS DGAG PA GZHAN SGRUB PA

260b

MED NA MED PA'I PHYIR, GNYIS KA MA YIN PA'I PHYOGS SU GTOGS PA YANG RIGS PA MA YIN NO, ,ZHES GSUNGS PA'I PHYIR, KHYAB STE, 'DIS RNAM BCAD YONGS GCOD SGO NAS DNGOS SU 'GAL TSUL DANG GNYIS MIN PHUNG GSUM SEL TSUL DNGOS SU BSTAN PA'I PHYIR, DES NA SHES BYA GANG LA YANG SLU MI SLU GANG YANG MA YIN PA'I GNYIS MIN GYI PHUNG PO GSUM PA DANG SLU MI SLU GNYIS KA YIN PA'I GNYIS YIN GYI PHUNG GSUM PA SEL BAR THAL, RNAM BCAD YONGS GCOD KYI DNGOS 'GAL DE NI SHES BYA'I RNAM PA MTHA' DAG LA KHYAB PAR BYED PA'I PHYIR, RNAM BSHAD LAS, DE YIN NA SHES BYA THAMS CAD LA KHYAB PAR BYED PAS GNYIS DANG GNYIS MIN GYI PHUNG GSUM SEL BA YIN TE; ZHES DANG, DBU MA SNANG BA LAS, GANG ZHIG YONGS SU GCOD PA GANG RNAM PAR BCAD PA MED NA MED PA DE GNYIS NI PHAN TSUN SPANGS TE GNAS PA'I MTSAN NYID YIN NO, ,GANG PHAN TSUN SPANGS TE GNAS PA'I MTSAN NYID YIN PA DE DAG NI RNAM PA THAMS CAD LA KHYAB PAR BYED PA DAG YIN NO, ,GANG RNAM PA THAMS CAD LA KHYAB PAR BYED PA YIN PA DE DAG NI, PHUNG PO GZHAN SEL BAR BYED PA YIN TE, DPER NA LUS CAN DANG LUS CAN MA YIN PA LA SOGS PA'I BYE BRAG LTA BU'O; ;ZHES GSUNGS PA'I PHYIR, BDEN GNYIS GCIG THA DAD KYI TSUL LA SNGA RABS PA MANG PO NA RE, (RNGOG YAB SRAS SOGS,) BDEN PA GNYIS NI GCIG PA BKAG PA'I THA DAD YIN PAR THAL, SPYIR THA DAD TSUL LA BUM SNAM LTA BU'I RO MO YANG

261a

, ,THA DAD PA DANG, BYAS MI RTAG GNYIS LTA BU NGO BO GCIG LA LDOG PA THA DAD PA DANG, GNYIS KYI GANG RUNG GCIG DNGOS POR MED PA'I THA DAD NI GCIG PA BKAG PA'I THA DAD DE GSUM SNGA MA GNYIS 'DUS BYAS MA YIN PA LA MED PA'I PHYIR ZER TE, LAM RIM LAS, 'DI LA SNGA RABS PA MANG PO BUM PA DANG SNAM BU NGO BO THA DAD PA DANG, NAS, BDEN GNYIS NI GCIG PA BKAG PA'I THA DAD DU SMRA LA ZHES BYUNG, YANG KHA CIG, NGO BO GCIG LA LDOG PA THA DAD ZER BA LA GZHAN DAG NA RE, BDEN GNYIS NGO BO GCIG DANG THA DAD GANG YANG MA YIN PAR THAL, DE RE RE LA SKYON BZHI BZHI YOD PA'I PHYIR, DGONGS 'GREL LAS, 'DU BYED KHAMS DANG DON DAM MTSAN NYID NI, ,GCIG DANG THA DAD BRAL BA'I MTSAN NYID DO, ,GCIG DANG THA DAD NYID DU GANG RTOG PA, ,DE DAG TSUL BZHIN MA YIN ZHUGS PA YIN, ,ZHES GSUNGS PA LTA BU MANG PA'I PHYIR ZER BA SOGS YOD DE, RNAM BSHAD LAS, PHYE BA'I DON LA YANG MI 'DRA BA DU MA ZHIG 'DUG KYANG ZHES DANG, STONG THUN LAS, DES NA SNGA MA MANG PO DAG BDEN GNYIS NGO BO GCIG DANG THA DAD GANG YANG MA YIN PAR SMRA BA NI BDEN GNYIS GZHI MA GRUB PAR SMRA BA'O ZHES GSUNGS, LUGS DANG PO'I 'DU MA BYAS LA NGO BO GCIG PA MI RUNG BAR 'DOD PA MI 'THAD PAR THAL, 'DU MA BYAS LA'ANG NGO BO GCIG PA YOD PA'I PHYIR, DER THAL, RTAG PA SHES BYA DANG NGO BO GCIG YIN PA'I PHYIR, DER THAL, DE DE DANG BDAG NYID GCIG PA'I 'BREL BA

261b

GRUB PA'I PHYIR, DER THAL, DE DE DANG 'BREL LA RTEN BYUNG 'BREL MA YIN PA'I PHYIR, RTAGS ZUR DANG PO GRUB STE, DE DE'I BYE BRAG YIN PA'I PHYIR, GNYIS PA GRUB STE, DE GNYIS 'DUS MA BYAS YIN PA'I PHYIR, GZHAN YANG 'DUS MA BYAS LA NGO BO GCIG PA RUNG BAR THAL, DE LA BDAG NYID GCIG PA'I 'BREL BA RUNG BA'I PHYIR, DER THAL, GZHAN DU NA BDEN PAR GRUB PA'I GCIG DU BRAL GYI RTAGS KYIS MYU GU BDEN MED DU SGRUB PA'I RTAGS DANG BSGRUB BYA'I CHOS SU BZUNG BYA'I 'BREL BA MED DGOS PA LA GRUB PA'I PHYIR, DER THAL, DE SGRUB KYI RJES KHYAB DANG LDOG KHYAB GNYIS GRUB PA'I PHYIR, DES NA 'DUS MA BYAS LA BDAG GCIG GI 'BREL BA GRUB PA MI 'GAL TE, DE SKAD DU DBU MA SNANG BA LAS, GAL TE DNGOS PO KHO NA LA DE'I BDAG NYID KYI 'BREL BA YIN GYI GZHAN LA MA YIN NO ZHE NA, DE NI RIGS PA MA YIN TE, DE'I BDAG NYID NI THA DAD PA MED PA'I RNAM GRANGS YIN PA'I PHYIR LA, DE NI DNGOS PO MED PA DAG KYANG BDAG MED PA NYID DU MTSUNGS PAS 'GAL BA MED PA KHO NA'O, ,ZHES GSUNGS PA'I PHYIR, 'DI 'DRA DU MA LA DGONGS NAS, LAM RIM LAS, DBU MA SNANG BA LAS BDAG NYID GCIG PA'I 'BREL BA NI DNGOS POR MED PA LA'ANG MI 'GAL BAR GSUNGS PA LTAR LEGS PAS, THA DAD RGYU GNYIS KA DNGOS POR MED PA DANG GANG RUNG GCIG DNGOS POR MED PA GNYIS CHAR LA'ANG NGO BO GCIG LA LDOG PA THA DAD MI 'GAL LO, ,ZHES GSUNGS SO, ,'DI LA CHOS KUN LA KUN RDZOB

262a

, ,DANG DON DAM PA'I NGO BO GNYIS BSHAD PA MI 'THAD PAR THAL BA SOGS MANG NGO, ,LUGS GNYIS PA GSUM PAS BGAG BA DE MI 'THAD PAR THAL, BDEN GNYIS NGO BO GCIG DANG THA DAD GANG RUNG YIN PA'I PHYIR, MA GRUB NA, BDEN GNYIS KYI NGO BO MED PAR THAL, DE GNYIS KYI NGO BO GCIG DANG THA DAD GANG RUNG MA YIN PA'I PHYIR, RTAGS KHAS, KHYAB STE, YOD PA LA GCIG DANG DU MA GANG RUNG GIS KHYAB CING DE GNYIS PHAN TSUN SPANGS 'GAL YIN PA'I PHYIR, DBU MA SNANG BA LAS, GCIG DANG DU MA NYID DAG GIS RNAM PA THAMS CAD LA KHYAB STE, DE DAG NI PHAN TSUN SPANGS 'GAL YIN PA'I PHYIR ZHES SO, ,DE SKAD DU LAM RIM LAS, BDEN GNYIS NGO BO GCIG MA YIN NA, NAS, KHYAB PA'I PHYIR RO, ZHES GSUNGS PA'I PHYIR, GZHAN YANG DE GNYIS NGO BO GCIG DANG THA DAD GANG RUNG YIN PAR THAL, DE GNYIS NGO BO GCIG LA LDOG PA THA DAD PA YIN PA'I PHYIR, DER THAL, DE GNYIS NGO BO GCIG GANG ZHIG, LDOG PA THA DAD YIN PA'I PHYIR, DANG PO GRUB STE; DE GNYIS NGO BO GCIG MA YIN NA SKYON BZHI SOGS YOD PA'I PHYIR, DER THAL, DPER NA, GZUGS SOGS DE RANG GI BDEN STONG LAS NGO BO THA DAD NA DE BDEN STONG DE DAG GI GNAS LUGS MA YIN PAR THAL BA DANG, DE DAG BDEN MED RTOGS PAS DE DAG MTSAN 'DZIN ZIL GYIS MI NON PAR THAL BA DANG, RNAL 'BYOR BAS LAM GONG MA BSGOMS PA DON MED PAR THAL BA DANG, SANGS RGYAS KYIS KYANG MTSAN MA'I 'CHING BA DANG GNAS PA NA LEN GYI DRI MA MTHA' DAG MA SPANGS

262b

PAR THAL BA'I SKYON YOD PA'I PHYIR, DGONGS 'GREL LAS, GAL TE 'DU BYED KYI MTSAN NYID DANG DON DAM PA'I MTSAN NYID THA DAD PA YIN PAR GYUR NA NI, DES NA 'DU BYED RNAMS KYI BDAG MED PA TZAM DANG NGO BO NYID MED PA TZAM NYID DON DAM PA'I MTSAN NYID YIN PAR YANG MI 'GYUR RO ZHES DANG, DE BZHIN DU THA DAD PA YIN PAR GYUR NA, DES NA BDEN PA MTHONG BA RNAMS KYANG 'DU BYED KYI MTSAN MA DANG MA BRAL BAR 'GYUR ZHES SOGS DANG, DBU MA'I MAN NGAG GI 'GREL BA LAS KYANG, THA DAD NA NI CHOS CAN DANG CHOS NYID YANG MI 'GYUR LA, 'DU BYAS KYI MTSAN MA ZIL GYIS GNON PAR MI 'GYUR TE LAM BSGOMS PA YANG DON MED PAR 'GYUR RO, ZHES GSUNGS PA'I PHYIR, RTAGS GNYIS PA GRUB STE, DE GNYIS LDOG PA THA DAD MA YIN NA KUN RDZOB 'KHRUL PA SPONG BA BZHIN DU DON DAM KYANG SPONG BAR THAL BA DANG, KUN RDZOB LA MI 'DRA BA'I THA DAD MANG BA LTAR DON DAM LA YOD PAR THAL BA DANG, KUN RDZOB DRI BCAS BZHIN DU DON DAM YANG DRI BCAS SU THAL BA DANG, SO SO SKYE POS KYANG DON DAM MNGON SUM DU RTOGS PAR THAL BA'I SKYON BZHI YONGS BA GANG ZHIG, DE BAS NA NGO BO GCIG LA LDOG PA THA DAD PA BYAS MI RTAG DANG DUNG DANG DUNG GI DKAR PO LTA BU'I BDAG GCIG 'BREL YIN PA'I PHYIR, DANG PO GRUB STE, DGONGS 'GREL LAS 'DU BYED KYI MTSAN NYID DANG DON DAM PA'I MTSAN NYID THA DAD PA MA YIN PAR GYUR NA, 'DU BYED KYI MTSAN NYID KUN NAS NYON MONGS PA'I MTSAN NYID DU GTOGS PA BZHIN DU, DON DAM PA'I MTSAN NYID KYANG KUN NAS NYON MONGS PA'I MTSAN

263a

, ,NYID DU GTOGS PAR 'GYUR RO, ,ZHES DANG, DE BZHIN DU THA DAD PA MA YIN PAR GYUR NA, DES NA SO SO SKYE BO THAMS CAD BDEN PA MTHONG BA YIN PAR YANG 'GYUR ZHES SOGS DANG, DBU MA'I MAN NGAG GI 'GREL PA LAS KYANG, KUN RDZOB SPONG BA BZHIN DU DON DAM PA YANG SPONG BAR 'GYUR, ,KUN RDZOB THA DAD PA BZHIN DU DON DAM PA YANG THA DAD PA NYID DU 'GYUR, KUN RDZOB PA DRI MA DANG BCAS PA BZHIN DU DON DAM PA YANG DRI MA DANG BCAS PAR 'GYUR, ZHES GSUNGS PA'I PHYIR, RTAGS GNYIS PA GRUB STE, DE GNYIS BDEN STONG DU DBYER MED KYANG RANG RANG GI LTOS GZHI'I LDOG CHA NAS THA DAD PAR GRUB PA'I PHYIR, BYANG CHUB SEMS 'GREL LAS, KUN RDZOB LAS NI THA DAD PAR, ,DE NYID DMIGS PA MA YIN TE, KUN RDZOB STONG PA NYID DU BSHAD, ,STONG NYID KHO NA KUN RDZOB YIN, ,MED NA MI 'BYUNG NGES PA'I PHYIR, ,BYAS DANG MI RTAG DAG BZHIN NO, ,ZHES GSUNGS PA 'DI'I DON 'OG TU 'CHAD LA, SHER PHYIN GYI MDO LAS KYANG, BCOM LDAN 'DAS KYIS BKA' STZAL PA, RAB 'BYOR 'JIG RTEN GYI KUN RDZOB KYANG GZHAN LA DON DAM PA YANG GZHAN NI MA YIN TE, 'JIG RTEN GYI DE KHO NA NYID GANG YIN PA DE NYID DON DAM PA'I DE KHO NA NYID YIN NO, ,ZHES DANG, DBU MA SNANG BA LAS KYANG, YE SHES KYI BDAG NYID KYI DON DAM PA NI SGYU MA LA SOGS PA DANG KHYAD PAR MED PA'I PHYIR YANG DAG PA'I KUN RDZOB KYI NGO BO NYID KYANG YIN LA DE KHO NA NYID RTOGS PA DANG MTHUN PA'I PHYIR, DON DAM PA'I NGO BO NYID KYANG YIN PAS,

263b

LTOS PA'I BYE BRAG GIS GCIG LA GNYIS KA'I NGO BO NYID KYANG MI 'GAL LO ZHES GSUNGS PA DANG LDOG CHA DON MTHUN PA'I PHYIR, BYAS PA LA KHO NA RE, 'O NA MDO DANG BSTAN BCOS GANG GI YANG BDEN GNYIS GCIG DANG THA DAD GANG DU YANG BZUNG MI RUNG BAR BSHAD PA THAMS CAD BSHAD MA THAG PA LTAR 'CHAD RIGS PAR THAL, DGONGS 'GREL GYI BSHAD TSUL 'THAD PA'I PHYIR NA MA KHYAB CING, 'DOD MI NUS TE, DE GNYIS GCIG THA DAD GANG DU BZUNG BA'AM SPYOD NA MTSAN MA LA SPYOD PAR GSUNGS PA DANG, DBU MA LAS, THA DAD DON MIN DON GCIG MIN, ,ZHES GSUNGS PA LTA BU DAG BDEN GNYIS BDEN GRUB TU GCIG DANG THA DAD DU MI RUNG BA LA DGONGS LA, DGONGS 'GREL LTAR GCIG DANG THA DAD GANG DU YANG MI RUNG ZHES PA 'GA' ZHIG NI NGO BO THA DAD DANG LDOG PA GCIG TU MI RUNG BAR BSHAD DGOS PA'I PHYIR, DER THAL, DE GNYIS BSHAD DGOS PA SKYON BSTAN LUGS LA BLTAS NA SHES PAR 'GYUR BA'I PHYIR, DE SKAD DU LAM RIM LAS, GZHUNG 'GA' ZHIG LAS BDEN GNYIS GCIG DANG THA DAD GANG YANG MIN PAR GSUNGS PA'I KHA CIG NI RANG BZHIN GYIS GRUB PA'I GCIG DANG THA DAD LA DGONGS LA, KHA CIG NI NGO BO THA DAD PA DANG LDOG PA GCIG PA GNYIS CHAR MA YIN PA LA DGONGS SO, ,ZHES GSUNGS PA'I PHYIR, LHAG MA GO SLA, SO SO'I NGO BO LA, MTHONG BA RDZAN BA KUN RDZOB BDEN PAR GSUNGS, ,ZHES SOGS KYI DON LA STAG LON RE, KUN RDZOB BDEN BA 'JOG BYED MA RIG PA KHO NA DANG, KUN RDZOB TZAM PO 'JOG BYED DGRA

264a

, ,BCOM PA DANG DAG SA'I SLOB PA 'PHAGS PA'I RJES THOB KYI SHES PAS BYED LA SANGS RGYAS 'PHAGS PA LA KUN RDZOB KYI SNANG BA GTAN NAS MI MNGA' BA YIN TE, RANG 'GREL LAS, NYON MONGS PA CAN GYI MA RIG PA'I DBANG GIS KUN RDZOB KYI BDEN PA RNAM PAR BZHAG GO ZHES DANG, BDEN PA NI MA YIN TE BDEN PAR MNGON PAR RLOM PA MED PA'I PHYIR RO, ZHES DANG, SANGS RGYAS RNAMS LA ZHES SOGS GSUNGS PA'I PHYIR ZER BA NI 'GAL KHYAB GSAL SHOS KHO NA YIN NO, ,DE LA 'O NA KUN RDZOB BDEN PA YIN NA BDEN 'DZIN GYIS BZHAG PAS KHYAB PAR THAL, DE 'JOG BYED BDEN 'DZIN KHO NA YIN PA'I PHYIR, RTAGS KHAS, 'DOD NA, BUM SNAM SOGS CHOS CAN THA SNYAD DU YANG MED PAR THAL, BDEN 'DZIN GYIS BZHAG PA'I YUL YIN PA'I PHYIR, RTAGS KHYAB KHAS, DE SKAD DU RNAM BSHAD LAS, BDEN 'DZIN DES BZHAG PA NI, RANG GI THA SNYAD DU YANG MI SRID PAR BZHED PA'I PHYIR RO ZHES GSUNGS PA'I PHYIR, 'DOD MI NUS TE, SHES BYA LA BDEN PA GNYIS SU GRANGS NGES PAR BSHAD ZIN PA'I PHYIR, BYAS PA LA KHO NA RE, KUN RDZOB BDEN PA LA MA RIG PAS BZHAG PAS KHYAB PAR THAL, RANG 'GREL LAS, MA RIG PA'I DBANG GIS KUN RDZOB KYI BDEN PA RNAM PAR BZHAG GO ,ZHES GSUNGS PA'I PHYIR NA MA KHYAB STE, BUM SOGS KUN RDZOB PA GANG GI NGOR BDEN PAR 'JOG PA'I KUN RDZOB NGOS BZUNG NAS BUM SOGS DE KHO NA'I NGO TZAM DU BDEN GYI SPYIR RDZUN PAR BSHAD

264b

PA YIN PA'I PHYIR, DER THAL, BUM SOGS RNAMS MA RIG PA DES BSKRANG BA'I MIG SOGS NGOR SNANG TSUL DANG GNAS TSUL MTHUN PAR SNANG BAS BDEN LA, GZUGS BRNYAN SOGS MA RIG PA DANG DES BSLAD PA'I BRDA BYUNG GI DBANG SHES LA SNANG TSUL DANG GNAS TSUL MI MTHUN PAR SNANG BAS SHES NGO DER MI BDEN PAS SHES PA DE'I DON KUN RDZOB BDEN PAR MI 'JOG PAR BSHAD PAS SHES PA'I PHYIR, RTAGS DANG PO GRUB STE, RANG 'GREL LAS, SNGON PO LA SOGS PA GZUGS DANG SEMS DANG TSOR BA LA SOGS PA CUNG ZAD CIG NI BDEN PAR SNANG STE ZHES DANG, DE LTA NA RE ZHIG SRID PA'I YAN LAG GIS YONGS SU BSDUS PA NYON MONGS CAN GYI MA RIG PA'I DBANG GIS KUN RDZOB KYI BDEN PA RNAM PAR BZHAG GO ZHES DANG, RNAM BSHAD LAS KYANG, MA RIGS BDEN 'DZIN DE'I DBANG GIS KUN RDZOB KYI BDEN PA 'JOG CES PA NI, BDEN PA KUN RDZOB PA GANG GI NGOR 'JOG PA'I 'JOG TSUL STON PA MIN GYI ZHES SOGS GSUNGS PA'I PHYIR, STAGS GNYIS PA GRUB STE, RANG 'GREL LAS, GZUGS BRNYAN DANG BRAG CHA BA SOGS PA CUNG ZAD CIG NI RDZUN YANG ZHES DANG, DE'I PHYIR DE DANG GANG ZHIG KUN RDZOB TU YANG RDZUN BA NI KUN RDZOB KYI BDEN PA MA YIN NO, ZHES DANG, RIGS PA'I RGYA MTSO LAS, GANG ZHIG KUN RDZOB TU YANG RDZUN PA DE NI KUN RDZOB KYI BDEN PA MA YIN PAR GSUNGS PA NI, BRDA LA BYANG BA'I 'JIG RTEN PA'I KUN RDZOB KYI NGOR BYAD BZHIN GYI GZUGS BRNYAN LTA BU DPYAD BZHIN DU MI BDEN PAS DE LA LTOS PA'I KUN RDZOB BDEN PA MA

265a

, ,YIN NO, ZHES GSUNGS PA'I PHYIR, RANG 'GREL GYI CUNG ZAD CIG CES PA 'GA' ZHIG TU NAG TSOS BSGYUR BA LTAR YIN NO, ,BYAS PA LA KHO NA RE, GZHI DE BLO DE'I NGOR MI BDEN NA BLO DE'I NGOR KUN RDZOB BDEN PA MA YIN PAS KHYAB BAR THAL, ME LONG NANG GI GZUGS BRNYAN SOGS BRDA BYANG GI BLO NGOR MI BDEN PAS BLO DE LA LTOS PA'I KUN RDZOB BDEN PA MA YIN PA'I PHYIR NA MA KHYAB CING, RTAGS GRUB STE, BLO DE'I NGOR YANG MI BDEN LA BLO DES GZHI GZUGS BRNYAN DE MA RIG PA'I NGO TZAM DU BDEN PAR MA RTOGS PA'I BLO DES KUN RDZOB BDEN PAR YANG MA RTOGS PA'I PHYIR, DER THAL, KUN RDZOB BDEN PAR RTOGS PA LA MA RIG PA'I NGO TZAM DU BDEN PA RTOGS DGOS, DE LA BDEN GRUB KHEGS DGOS PA'I PHYIR, DER THAL, BUM SOGS LA KUN RDZOB BDEN PA ZHES PA'I TSIG ZUR GYI BDEN PAR 'JOG PA NA BLO NGOR 'JOG DGOS KYI DON LA BDEN PAR MI 'JOG PAR RTOGS DGOS PA'I PHYIR, RTAGS GRUB CING, KHYAB STE, DE LTAR RTOGS PA NA BLO KUN RDZOB PA'I NGO MA SBYAR NA BDEN PAR MI 'GRUB CING RDZUN PAR 'GRO LUGS RTOGS DGOS PA'I PHYIR, DER THAL, KUN RDZOB DE MA RIG PA DANG DE'I NGOR BDEN PA GCIG SKABS 'DI'I BDEN TSUL YIN PA'I PHYIR, RNAM BSHAD LAS, BUM SOGS LA KUN RDZOB BDEN PA ZHES PA'I TSIG ZUR GYI BDEN PA 'JOG PA NA, BLO DANG DON GNYIS LAS, DON LA BDEN PAR MI 'JOG PAR BDEN 'DZIN KUN RDZOB PA'I NGO NYID DU BDEN PAR BZHAG DGOS PAR MTHONG BA NA KHYAD PAR DE MA SBYAR NA BDEN PAR MI 'GRUB CING

265b

RDZUN PA YIN PAR MTHONG DGOS PA'I GNANG KYIS SO, ZHES GSUNGS PA'I PHYIR, RTZA BAR 'DOD NA, BUM SOGS CHOS CAN, DGRA BCOM PA DANG DAG SA'I SLOB PA 'PHAGS PA'I RJES THOB KYI YE SHES KYI NGOR KUN RDZOB BDEN PA MA YIN PAR THAL, DE'I NGOR BDEN PA MA YIN PA'I PHYIR, KHYAB PA KHAS, RTAGS DER THAL, DE 'DRA'I RJES THOB YE SHES KYIS BDEN PAR MI 'DZIN PA'I PHYIR, DER THAL, KHYOD BDEN 'DZIN SPANGS PA'I GANG ZAG GI RJES THOB YE SHES YIN PA'I PHYIR, RANG 'GREL LAS; DE YANG NYAN THOS DANG RANG SANGS RGYAS DANG BYANG CHUB SEMS DPA' NYON MONGS PA CAN GYI MA RIG PA SPANGS PA, 'DU BYED GZUGS BRNYAN LA SOGS PA'I YOD PA NYID DANG 'DRA BAR GZIGS PA RNAMS LA BCOS MA'I RANG BZHIN YIN GYI BDEN PA NI MA YIN TE, BDEN PAR MNGON PAR RLOM PA MED PA'I PHYIR RO, ZHES GSUNGS PA'I PHYIR, BYAS PA LA KHO NA RE, RTZA BAR 'DOD PA YIN TE, DE 'DRA'I RJES THOB YE SHES KYI NGOR KUN RDZOB TZAM YIN LA KUN RDZOB BDEN PA MA YIN PA'I KHYAD PAR BSHAD PA'I PHYIR TE, RANG 'GREL LAS, DE LAS GZHAN PA RNAMS LA NI SGYU MA LA SOGS PA LTAR RTEN CING 'BREL BAR 'BYUNG BA NYID KYIS KUN RDZOB TZAM DU 'GYUR RO, ZHES GSUNGS PA'I PHYIR NA MA KHYAB STE, LUNG DES BUM SOGS YE SHES DE'I NGOR RDZUN PA KUN RDZOB SGYU MA LTA BU TZAM YIN GYI MA BCOS PA'I BDEN GRUB MA YIN PAR BSHAD PA TZAM YIN PA'I PHYIR, DER THAL, NYAN THOS DGRA BCOM SOGS GSUM GYI NGOR MI BDEN PAS DNGOS PO RNAMS RTOG PAS BCOS MA TZAM YIN PA

266a

, ,DANG GANG ZAG DE GSUM GYI KUN RDZOB PA'I NGOR MI BDEN PAS KYANG KUN RDZOB TZAM ZHES GSUNGS PA'I PHYIR, LUNG DE'I DON DU RNAM BSHAD LAS, GANG ZAG GSUM PO GANG GI NGOR MI BDEN PA'I RTOG PAS BCOS PA'I BCOS MAR GYUR PA'I DNGOS PO NI DE'I KUN RDZOB PA'I NGOR MI BDEN PAS KUN RDZOB TZAM ZHES BYA'O, ZHES GSUNGS PA'I PHYIR, RTZA BAR 'DOD NA, BUM SOGS BDEN PAR MA GRUB KYANG, ,BDEN 'DZIN GYI KUN RDZOB PA'I NGOR BDEN PAR YOD TSUL MKHYEN PA'I DE 'DRA'I RJES THOB YE SHES MED PAR THAL, DE 'DRA'I RJES THOB YE SHES KYI NGOR BUM SOGS KUN RDZOB BDEN PA MA YIN PA'I PHYIR, RTAGS KHAS, 'DOD NA, BLO DES BDEN PAR MA BZUNG NA BLO DE'I NGO NA BLO GZHAN GYIS BDEN PAR MTHONG BA MED DGOS PAR THAL, 'DOD PA'I PHYIR, 'DOD NA, GANG ZAG DE DAG GI RGYUD KYI GZHAN SEMS SHES PA'I MNGON SHES MED PAR THAL BA DANG, 'JUG 'GREL BSLAB BTUS MDO KUN BTUS SOGS SU SHES BYED YANG YANG DRANGS PA'I DKON MCHOG SPRIN DANG GZUNGS RGYAL GYIS ZHUS PA LAS, CHOS THAMS CAD NI SPROS PA MED PA YIN NA SEMS CAN RNAMS NI SPROS PA LA DGA' 'O ZHES DE'I PHYIR SEMS CAN RNAMS LA DE BZHIN GSHEGS PA'I THUGS RJE CHEN PO SKYE'O, ,CHOS THAMS CAD NI STONG PA YIN NA SEMS CAN RNAMS NI LTA BA LA ZHEN TO, ZHES DE'I PHYIR SEMS CAN RNAMS LA DE BZHIN GSHEGS PA'I THUGS RJE CHEN PO SKYE'O, ,CHOS THAMS CAD NI MTSAN

266b

MA MED PA YIN NA SEMS CAN RNAMS NI MTSAN MA LA SPYOD DO, ZHES SNGAR LTAR DANG, CHOS THAMS CAD NI SMON PA MED PA YIN NA, SEMS CAN RNAMS NI SMON PA LA SPYOD DO, ZHES SNGAR LTAR GSUNGS PA'I SNYING RJE SKYE TSUL MI 'THAD PAR THAL LO, ,'DOD PA'I PHYIR, 'DOD MI NUS TE, DE 'DA'I LUNG SA BCU PA SOGS MANG BA'I PHYIR, STONG THUN LAS KYANG, BLO DES BDEN PAR MA GZIGS KYANG DE'I DON BLO GZHAN GYIS BDEN PAR MTHONG BA MED MI DGOS SO ZHES GSUNGS PA'I PHYIR, DES NA BLO DE LA SNANG TZAM LA BZUNG BA DANG GZHAL BAS MA KHYAB PAR THAL, GANG ZAG DE GSUM GYI RJES THOB YE SHES LA GZUGS SOGS BDEN PAR SNANG YANG BDEN PAR MA BZUNG BA'I PHYIR, STONG THUN LAS, 'GREL BA'I DE'I DON NI, 'PHAGS PA DE DAG GI RGYUD LA BLO GANG GI NGOR BDEN PAS KUN RDZOB BDEN PAR 'JOG PA'I BLO KUN RDZOB PA MED DE, DE DAG GIS BDEN 'DZIN MA LUS PAR SPANGS BAS GZUGS SOGS RNAMS KUN RDZOB TZAM DU GZIGS KYI, BDEN PAR NAM YANG MA GZIGS PA'I PHYIR ZHES PA'I DON YIN LA, ZHES GSUNGS PA'I PHYIR DANG, RANG 'GREL LAS, 'DU BYED GZUGS BRNYAN LA SOGS PA'I YOD PA DANG 'DRA BAR GZIGS PA RNAMS LA ZHES DANG, RNAM BSHAD LAS, 'DUS BYAS THAMS CAD GZUGS BRNYAN BZHIN DU RANG BZHIN GYIS STONG YANG DER SNANG BAR MNGON SUM DU RTOGS PA NI KHYAD PAR GCIG GO ,ZHES GSUNGS PA'I PHYIR, KHYAB STE, LUNG 'DIS DER SNANG DANG DES STONG GNYIS TSOGS SU BSHAD PA'I PHYIR RO, ,'O NA GZUGS SOGS

267a

, ,RNAM MKHYEN LA YANG BDEN PAR SNANG YANG DES STONG BA'I GNYIS TSOGS SGYU MA LTA BUR YOD PAR THAL, GANG ZAG GSUM LA DE'I PHYIR NA MA KHYAB CING, 'DOD MI NUS TE, GANG ZAG GSUM LA DE LTAR 'ONGS PA MA RIG PA'I BAG CHAGS DBANG GIS YIN LA SANGS 'PHAGS LA 'KHRUL BA THAMS CAD ZAD PA'I PHYIR, DER THAL, DE'I RGYU MTSAN GYIS SANGS 'PHAGS LA CHOS DE BDEN PAR MI SNANG YANG CHOS DE BDEN PAR SNANG BA SNANG BA'I PHYIR, DER THAL, SANGS 'PHAGS RNAMS LA 'KHRUL BA'I RGYU SEMS KYI RGYU BA RNAM RTOG SKYED BYED KYI RLUNG MED PAS RNAM RTOG MED PAR BSHAD PA'I PHYIR, RANG 'GREL LAS, SANGS RGYAS RNAMS LA NI CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PA'I PHYIR, SEMS DANG SEMS LAS BYUNG BA'I RGYU BA GTAN LOG PAR 'DOD PA YIN NO, ZHES GSUNGS PA'I PHYIR, GZHAN YANG DGRA BCOM GNYIS DANG DAG SA'I BYANG 'PHAGS RGYUD KYI RJES THOB YE SHES YUL DANG BCAS PA CHOS CAN KUN RDZOB BDEN PA YIN PAR THAL, THA SNYAD KYI BRDA DANG, THA SNYAD KYI DON DANG, THA SNYAD KYI SHES PA DANG, THA SNYAD PA'I SHES BYA BZHI BO GANG RUNG YIN PA'I PHYIR, RTAGS CHOS CAN GYIS GRUB LA, MA KHYAB NA KHYAB PAR THAL, DE BZHI PO THAMS CAD KUN RDZOB BDEN PAR ZLA BAS KYANG BZHED, MDO LAS KYANG GSUNGS, RJE RIN PO CHES KYANG DE LTAR BSHAD PA'I PHYIR, RTAGS DANG PO GRUB STE, TSIG GSAL LAS, BRJOD BYA RJOD BYED DANG SHES PA DANG SHES BYA LA SOGS

267b

BA'I THA SNYAD MA LUS PA 'DI DAG THAMS CAD NI 'JIG RTEN GYI KUN RDZOB BDEN PA ZHES BYA'O, ZHES GSUNGS PA'I PHYIR, GNYIS PA GRUB STE, BLO GROS MI ZAD PA'I MDO LAS, DE LA KUN RDZOB KYI BDEN PA GANG ZHE NA, JI SNYED DU 'JIG RTEN GYI THA SNYAD YI GE DANG SGRA DANG BRDAS BSTAN PA'O, ZHES GSUNGS PA'I PHYIR, DE BZHIN DU DKON BRTZEGS KYI BYANG SEMS KYI SDE SNOD SOGS DU MA LAS BSHAD DO, ,GSUM PA GRUB STE, tIK CHEN RIGS PA'I RGYA MTSO LAS, THA SNYAD PA'I DON THAMS CAD KUN RDZOB BDEN PAR GSUNGS PAS ZHES GSUNGS PA'I PHYIR, DE LA KHO NA RE, MYU GU BDEN MED CHOS CAN, KUN RDZOB BDEN PAR THAL, THA SNYAD PA'I DON YIN PA'I PHYIR, DER THAL, SGRA RTOG GANG RUNG GI YUL YIN PA'I PHYIR NA MA KHYAB, 'O NA RTOG PA YIN NA THA SNYAD PA'I BLO YIN DGOS PAR THAL, DE'I YUL YIN NA THA SNYAD KYI YUL YIN DGOS PA'I PHYIR, RTAGS KHAS, 'DOD NA, MYU GU BDEN MED DU RTOGS PA'I RIGS SHES RJES DPAG CHOS CAN, DER THAL, DE'I PHYIR, 'DOD NA, THA SNYAD PA'I TSAD MAR THAL LO, ,YANG KHO NA RE, KUN RDZOB BDEN PA ZHES DANG, KUN RDZOB TU YOD CES PA'I TSIG ZUR GYI KUN RDZOB GNYIS DON GCIG ZER NA, 'O NA KUN RDZOB tU YOD CES PA'I TSIG ZUR GYI KUN RDZOB LA YUL CAN SHES PA KHO NAS KHYAB PAR THAL, KUN RDZOB BDEN PA ZHES PA'I TSIG ZUR GYI KUN RDZOB LA SHES PAS KHYAB PA'I PHYIR, RTAGS SNGAR BSHAD ZIN, 'DOD MI NUS TE, DE LA PHAN TSUN LTOS PA DANG BRJOD BYA RJOD BYED SHES PA SHES BYA SOGS DU MA YOD PA'I PHYIR

268a

, ,TSIG GSAL LAS, YANG NA KUN RDZOB NI PHAN TSUN RTEN PAS NA KUN RDZOB STE, PHAN TSUN RTEN PA NYID KYIS NA ZHES BYA BA'I DON NO, ,YANG NA KUN RDZOB NI BRDA STE, 'JIG RTEN GYI THA SNYAD LA ZHES BYA BA'I THA TSIG GO ,DE YANG BRJOD PA DANG BRJOD BYA DANG SHES PA DANG SHES BYA LA SOGS PA'I MTSAN NYID CAN NO, ZHES GSUNGS PA'I PHYIR, YANG KHA CIG NA RE, KUN RDZOB KYI SGRA DON RDZUN PA KHO NA LA 'CHAD DGOS ZER BA MI 'THAD PAR THAL, KUN RDZOB YIN NA RDZUN PA YIN PAS KHYAB KYANG, KUN RDZOB KYI SGRA DON RDZUN PA KHO NA'I STENG DU BSHAD MI DGOS PA'I PHYIR, DER THAL, KUN RDZOB KYI SKAD DOD SAM BRI TA, YANG DAG SGRIB DANG, BSDAMS PA DANG GDENG BA SOGS LA YANG 'JUG CING, ZLA BAS KYANG KUN RDZOB KYI DON DE KHO NA NYID LA SGRIB BA DANG, PHAN TSUN RTEN PA'I DON DANG 'JIG RTEN GYI THA SNYAD GSUM LA BSHAD PA'I PHYIR, LAM RIM LAS, TSIG GSAL LAS KUN RDZOB LA DE KHO NA NYID LA SGRIB BA DANG PHAN TSUN RTEN PA'I DON DANG 'JIG RTEN GYI THA SNYAD GSUM BSHAD CING ZHES GSUNGS PA'I PHYIR, TSIG GSAL GYI DANG PO SNGAR BSHAD LA PHYI MA GNYIS KYI YANG NA KUN RDZOB NI PHAN TSUN BRTEN NAS ZHES SOGS DRANGS MA THAG PA DE YIN NO, ,DE LA GONG DU LUNG DRANGS MTSAMS LA KHYAB PA YOD DE, GZHI DE GSUM GYI NANG NAS PHAN TSUN RTEN PAR RTOGS NA RDZUN PAR RTOGS DGOS KYI GZHAN GNYIS RTOGS NA RDZUN PAR RTOGS PAS MA KHYAB PA'I PHYIR, DER THAL, RJE RIN PO CHES DE GSUM GYI DON BSHAD PA'I SKABS SU PHAN

268b

TSUN RTEN PA KHO NA LA RDZUN PAR BSHAD NAS, GZHAN GNYIS LA DE LTAR MA BSHAD PA'I PHYIR RO, ,RIGS PA'I RGYA MTSO LAS, YANG NA KUN RDZOB NE PHAN TSUN RTEN PA'I DON NO, ,'DI NI PHAN TSUN RTEN DGOS PAS NA RANG LA TSUGS THUB KYI RANG BZHIN YOD PA MI BDEN PA'I DON NO, ZHES GSUNGS PA'I PHYIR, BYAS PA LA KHO NA RE, PHAN TSUN RTEN PA YIN NA KUN RDZOB BDEN PA YIN DGOS PAR THAL, LUNG DE'I PHYIR NA MA KHYAB STE, KUN RDZOB KYI SGRA DON YIN ZHING DE LA KHYAB MTHA' NGES MI DGOS PA'I PHYIR, DPER NA MTSO SKYES KYI SGRA BSHAD BZHIN NO, ,DE LA KHO NA RE, 'O NA BUM PA 'JIG RTEN SHES NGO LA LTOS TE YANG DAG KUN RDZOB TU BZHAG KYANG SKYON MED PAR THAL, KUN RDZOB KYI SGRA DON BSHAD TSUL 'THAD PA'I PHYIR NA RNAM PA GCIG TU NA MA KHYAB PA STONG THUN GYI DGONGS PA LTAR SNANG YANG, 'DOD BYAS PA LA KHO NA RE, BUM PA CHOS CAN, 'JIG RTEN SHES NGO LA LTOS TE KUN RDZOB YIN PAR THAL, DE 'JIG RTEN SHES NGO LA LTOS TE YANG DAG KUN RDZOB YIN PA'I PHYIR NA, KHA CIG 'DOD DE, 'JIG RTEN SHES NGO LA LTOS TE THA SNYAD YIN PA'I PHYIR ZER BA LTAR RUNG TZAM YOD KYANG RANG LUGS STONG THUN DANG MTHUN PA'I CHED DU MA KHYAB, 'DOD MI NUS TE, 'JIG RTEN PA'I BLO RANG DGA' BA'I DON KA BUM SOGS KUN RDZOB MA YIN PA'I PHYIR, MA GRUB NA, BUM PA 'JIG RTEN RANG DGA' BA'I BLO GCIG PO DE'I DON YANG DAG DANG KUN RDZOB GNYIS KA YIN PAR THAL LO, ,'DOD NA, BLO DE'I DON BDEN PA DANG RDZUN PA GNYIS KAR THAL LO, ,STONG THUN LAS, 'JIG RTEN PA'I BLO RANG DGA' BA'I DON KA BUM SOGS KUN RDZOB

269a

, ,MA YIN PA'I PHYIR DANG BLO GANG GI NGO LA LTOS NAS BDEN PAR 'JOG PA'I BLO DE'I NGO LA LTOS NAS RDZUN PAR 'JOG PA HA CANG THAL LO, ZHES GSUNGS PA'I PHYIR, YANG KHA CIG NA RE, MDO BSTAN BCOS DAG LAS 'JIG RTEN KUN RDZOB CES PA'I 'JIG RTEN DE GANG ZAG LA BYED DE, RTZA SHE'I DON TSIG GSAL LAS GANG ZAG LA BSHAD PA'I PHYIR GANG ZAG SO SKYE YIN ZER, LA LA NA RE, DE'I 'JIG RTEN SHES PA LA BYED DE, ZLA BAS SKABS DU MAR 'JIG RTEN PA'I SHES PA BSHAD PA MANG PA'I PHYIR, 'JIG RTEN PA'I SHES PA RANG DGA' BA YIN ZER DANG PO LA 'O NA SPYOD 'JUG LAS, DE LA 'JIG RTEN RNAM GNYIS MTHONG, ,RNAL 'BYOR BA DANG BAL BA'O, ,RNAL 'BYOR PA YANG BLO KHYAD KYIS, GONG MA GONG MA RNAMS KYIS GNOD, ,CES GSUNGS PA LTAR THA SNYAD DU BDEN GNYIS 'CHAD RTZOD KYI 'JIG RTEN GYI GANG ZAG DE LA PHAL BA DANG RNAL 'BYOR PA GNYIS YOD CING RNAL 'BYOR PA LA SKYE 'PHAGS GONG 'OG DU MA MED PAR THAL, MDO DANG RTZA SHE'I 'JIG RTEN PA DBU MA'I LAM NYAN PA DANG 'CHAD PA PO LA DE MED PA'I PHYIR, RTAGS KHAS, 'DOD NA, SRID ZHI MNYAM NYID KYI SBYOR BA SOGS KYI SKABS KYI BDEN PA GNYIS RUNG MI RUNG LA BRGAL LAN 'PHAGS PA DAG GIS MDZAD PA MI 'THAD PAR THAL LO,, 'DOD PA'I PHYIR, KHYAB STE, DE'I DNGOS BSTAN RTZA SHES GTZO BOR 'GREL PA'I PHYIR, DER THAL, RTZA SHE SOGS RIGS TSOGS RNAMS SHER MDO RGYAS 'BRING BSDUS GSUM GYI DNGOS BSTAN STONG NYID GTZO BOR GTAN LA 'BEB BYED YIN PA'I

269b

PHYIR; 'KHOR GSUM, GZHAN YANG DE'I TSIG ZUR GYI 'JIG RTEN YIN NA MA DAG PA'I 'JIG RTEN YIN DGOS PAR THAL, 'DOD PA'I PHYIR, 'DOD NA, RGYAS 'BRING BSDUS GSUM GYI MDO LAS, 'JIG RTEN GYI THA SNYAD DU YOD KYI DON DAM PAR MED PAR BSHAD PA'I 'JIG RTEN LA DE LTAR DGOS PAR THAL, 'DOD PA'I PHYIR, 'DOD NA, DE'I 'JIG RTEN LA MI SLOB PA GSUM GYI RGYUD KYI THA SNYAD PA'I YE SHES RE MED PAR THAL LO, ,GZHAN YANG 'JIG RTEN KUN RDZOB CES PA'I 'JIG RTEN DES KUN RDZOB LA LONGS SPYOD TSUL MED PAR THAL, 'JIG RTEN DES KUN RDZOB SPYOD TSUL LA 'JIG RTEN PHYIN CI LOG MA LOG GNYIS KYI SGO NAS SPYOD TSUL MED PA'I PHYIR, DER THAL, DE 'DRA'I 'JIG RTEN PHYIN CI LOG MA LOG GNYIS KYI SPYOD TSUL 'CHAD PA LA, 'JUG PA LAS, 'JIG RTEN NYID LAS BDEN YIN LHAG MA NI, ,'JIG RTEN NYID LAS LOG PAR RNAM PAR BZHAG CES GSUNGS PA MA YIN PA'I PHYIR, DER THAL, 'JIG RTEN DE LA SHES PA GCIG MED PA'I PHYIR, RTAGS KHAS; RTZA BAR 'DOD MI NUS TE, MDO LAS, KUN RDZOB NI 'JIG RTEN GYIS SPYOD PAR DE BZHIN GSHEGS PAS GZIGS SO, ZHES GSUNGS PA'I PHYIR, GZHAN YANG 'JIG RTEN PA'I SHES PA RANG DGA' BA KHO NA LA 'DOD PA YANG MI 'THAD PAR THAL; 'JIG RTEN KUN RDZOB CES PA'I 'JIG RTEN DE LA GANG ZAG YANG YOD LA DE'I GANG ZAG GI GTZO BO SO SKYE LA 'JOG DGOS PA'I PHYIR, DER THAL, DE'I GANG ZAG GI GTZO BO MA RIG PAS BLO MIG MA LUS PAR BSGRIBS PA'I GANG ZAG

270a

, ,GCIG LA 'JOG KYANG 'PHAGS PA YOD PA YANG MI 'GAL BA'I PHYIR, RTZA SHE LAS, 'JIG RTEN KUN RDZOB BDEN PA DANG, ,ZHES PA'I 'GREL PA TSIG GSAL LAS, BDEN PA GNYIS GANG ZHEN 'JIG RTEN GYI KUN RDZOB KYI BDEN PA DANG DON DAM PA'I BDEN PA'O, ,DE LA, 'JIG RTEN PHUNG PO RAB GRAGS PA, ,DE LA 'JIG RTEN NGES PAR BRTEN, ,ZHES BYUNG BA LAS NI PHUNG PO LA BRTEN NAS BTAGS PA'I GANG ZAG LA 'JIG RTEN ZHES BRJOD DO ZHES DANG, GANG ZAG DE'I GTZO BO YANG; 'JUG PA RANG 'GREL LAS, GZHAN NI SO SO SKYE BO MA RIG PA'I RAB RIB KYI LING THOG GIS BLO'I MIG MA LUS PAR KHEBS PA RNAMS KYIS MTHONG BA RDZUN PA'I STOBS LAS BDAG GI NGO BO YOD PA RNYED PA YIN TE, ZHES DANG, DE'I RNAM BSHAD LAS, DON DAM PA LAS GZHAN KUN RDZOB PA'I NGO BO NI, SO SO SKYE BO MA RIG PA'I RAB RIB CES PA NAS, KUN RDZOB RNYED PA LA RNYED MKHAN SO SKYE RANG DGA' BA LA GSUNGS PA YANG, KUN RDZOB PA'I MTSAN GZHI PHYI NANG GI DNGOS PO RNAMS MA RIG PA'I GZHAN DBANG GIS MTHONG BA'I GTZO BO LA DGONGS KYI, 'PHAGS PA'I RGYUD KYI THA SNYAD PA'I TSAD MAS DNGOS PO DE RNAMS MI RNYED PAR BZHED PA MA YIN NO, ZHES GSUNGS PA'I PHYIR, GZHAN YANG STAG LOS 'JIG RTEN KUN RDZOB CES 'JIG RTEN SBYAR BAS 'PHAGS RGYUD KYI THA SNYAD TSAD MAS KUN RDZOB BDEN PA GZIGS PA GCOD ZER BA MI 'THAD PAR THAL, 'JIG RTEN SMOS PA NI DNGOS PO JI LTAR GNAS PA BRJOD PA'I CHED YIN GYI DE 'DRA'I DPYAD PA 'JUG PA'I

270b

CHED MA YIN PA'I PHYIR, TSIG GSAL LAS, CI 'JIG RTEN KUN RDZOB CES GANG LAS DE LTAR KHYAD PAR DU BYED PA 'JIG RTEN MA YIN PA'I KUN RDZOB KYANG YOD DAM ZHE NA, 'DI NA DNGOS PO JI LTAR GNAS PA RJES SU BRJOD PA YIN GYI, 'DIR DPYAD PA DE MI 'JUG GO ,ZHES GSUNGS PA'I PHYIR, DE LA KHO NA RE, 'O NA 'JIG RTEN GYI KUN RDZOB LA 'JIG RTEN GYI YANG DAG PA'I KUN RDZOB DANG, 'JIG RTEN GYI LOG PA'I KUN RDZOB GNYIS MI BYED PAR THAL, 'JIG RTEN SMOS PA NI JI LTAR GNAS PA'I CHED YIN PA'I PHYIR, 'DOD NA, KHYOD KYIS 'JUG PAR 'JIG RTEN PA'I KUN RDZOB LA 'JIG RTEN SHES NGOR YANG DAG DANG LOG PA GNYIS BSHAD PA MI 'THAD PAR THAL LO ZHE NA, RNAM PA GCIG TU NA RTZA BAR MA KHYAB STE, MIG SER SOGS DBANG PO NYAMS PA'I SHES PA BYIN CI LOG STE RDZUN PA NI 'JIG RTEN PA GANG GI NGOR YANG DAG 'JOG PA'I 'JIG RTEN MA YIN PAS DE'I RGYU MTSAN SHES PA'I CHED DU 'JIG RTEN KUN RDZOB BDEN PA ZHES SMOS PA'I PHYIR, TSIG GSAL LAS, RNAM PA GCIG TU NA YOD DE, RAB RIB DANG LING THOG SNGON PO DANG MIG SER LA SOGS PAS DBANG PO NYAMS PAS MTHONG BA PHYIN CI LOG LA GNAS PA DE DAG NI 'JIG RTEN MA YIN TE, NAS, KHYAD PAR DU BYAS SO, ZHES GSUNGS PA'I PHYIR, 'DI DAG MKHAS BA SNGA MA DU MAS KYANG MA SHOD SNANG BAS NYUNG GSAL LEGS PAR BRIS SO, ,YANG KHA CIG, THA SNYAD PA'I TSAD MA'I RNYED DON KUN RDZOB BDEN PA DANG, DON DAM DPYOD BYED KYI TSAD MA'I SNYED DON DON DAM BDEN PA'I MTSAN NYID ZER NA, LA LA NA

271a

, ,RE; GANG ZAG BDEN STONG CHOS CAN, KUN RDZOB BDEN PA YIN PAR THAL, THA SNYAD PA'I TSAD MA'I RNYED DON YIN PA'I PHYIR, DER THAL, SLOB PA 'PHAGS PA'I RGYUD KYI BDEN STONG SGYU MA LTA BU MNGON SUM DU RTOGS PA'I RJES THOB YE SHES KYI RNYED DON YIN PA'I PHYIR, DER THAL, DE 'DRA'I YE SHES LA GANG ZAG BDEN STONG DANG DE SGYU MA LTA BU GNYIS KA'I RNAM PA SHAR BA'I PHYIR NA MA KHYAB STE, DE 'DRA'I BDEN GNYIS KYI TSOGS DON KUN RDZOB BDEN PA YIN PA'I PHYIR, MA GRUB NA, 'O NA, DE 'DRA'I YE SHES DE BDEN PA GNYIS KA MNGON SUM DU RTOGS PA'I YE SHES YIN PAR THAL, MA GRUB PA DE'I PHYIR, MA KHYAB MTSAMS LA RTAGS DER THAL, SKYE 'PHAGS GNYIS KYIS SGYU MA LTA BUR RTOGS TSUL LA KHYAD PAR YOD PA'I PHYIR, DE LA KHYAB PA YOD PAR THAL, SPROS PA BCAD TZAM GYI MED DGAG DBANG SHES LA MI 'CHAR YANG BDEN PA'I SKYE BA BKAG PA'I MA YIN DGAG GI STONG PA, DBANG SHES LA YANG 'CHAR NA DE 'DRA'I YE SHES LA LTA CI SMOS PA'I PHYIR, RIGS PA'I RGYA MTSO LAS, 'ON KYANG DON DAM PA'I SKYE BA SOGS PHUNG PO DANG GANG ZAG GI STENG DU BKAG PA'I MA YIN DGAG GI STONG PA NI STONG GZHI DE DAG MNGON SUM DU SNANG BA'I THA SNYAD PA'I TSAD MA MIG SHES LA SOGS PA LA SNANG DGOS PAS, ZHES GSUNGS PA'I PHYIR, GZHAN YANG STONG NYID RTOGS PA'I SBYOR LAM MNYAM BZHAG GI SHES PA LA STONG NYID KYI DON SPYI SNANG BA CHOS CAN, DON DAM BDEN PAR THAL,

271b

RIGS SHES TSAD MA'I RNYED DON YIN PA'I PHYIR, DER THAL, DE 'DRA'I MNYAM BZHAG GI RNYED DON YIN PA'I PHYIR, DER THAL, DE'I GZHAL BYA YIN PA'I PHYIR NA MA KHYAB BO, ,DE BZHIN DU STONG NYID DNGOS SU RTOGS PA'I RJES DPAG GI RNYED DON SOGS 'PHEN PA LA'ANG MA KHYAB PO, ,'O NA BDEN SNANG BDEN 'DZIN GYI RNYED DON YIN PAR THAL, DE'I GZHAL BYA YIN PA'I PHYIR, 'DOD NA, MED PAR THAL LO, ,'DOD PA'I PHYIR, KHYAB STE, DE'I RNYED DON LA MED PA DGOS PA RNAM BSHAD LAS BSHAD PA'I PHYIR; YANG KHA CIG, THA SNYAD MKHYEN PA'I RNAM MKHYEN GYI RNYED DON YIN NA, THA SNYAD PA'I TSAD MA'I RNYED DON YIN PAS KHYAB PA DANG, JI LTA BA MKHYEN PA'I RNAM MKHYEN GYI RNYED DON YIN NA, DON DAM DPYOD BYED KYI RIGS SHES KYI RNYED DON YIN PAS KHYAB ZER BA YANG MI 'THAD PAR THAL, SANGS 'PHAGS KYI MIG SHES KYI BZUNG BYA YIN NA MIG SHES KYI BZUNG BYA YIN MI DGOS PA'I PHYIR, GZHAN YANG THA SNYAD TSAD MA DANG RIGS SHES PHYI RNYED DON DANG GZHAL BYA TZAM DON GCIG BYAS NAS BDEN GNYIS SO SO'I MTSAN NYID DU SKABS 'DING YANG 'JOG PA MI 'THAD PAR THAL, 'DIR SHES PAS YUL GZHAL TSUL RANG RGYUD PA MAN CHAD DANG MI MTHUN PA'I KHYAD PAR YOD PA'I PHYIR, DER THAL, RANG RGYUD PA MAN CHAD KYIS 'KHRUL SHES RNAMS KYI SNANG YUL SHES PA DE'I GZHAL BYAR MI 'JOG KYANG 'DIR DE DER 'JOG PA'I PHYIR, KHYAB STE, DE LTAR NA TSAD MA GNYIS PO YUL DE LA THA SNYAD PA'I TSAD MAR SONG PA'I RNYED DON DANG, YUL DE LA DON DAM DPYOD PA'I TSAD MAR SONG BA'I RNYED DON ZHES KHYAD

272a

, ,PAR SBYAR DGOS PA'I PHYIR, LAM RIM DANG RNAM BSHAD GNYIS LAS DE LTAR SBYAR BA'I RGYU MTSAN YOD PA'I PHYIR, GZHAN YANG SNANG PA TZAM LA DE'I RNYED DON GYIS MA KHYAB PAR THAL, DGRA BCOM RGYUD KYI RJES THOB YI SHES LA BDEN PAR SNANG YANG BDEN GRUB MA RNYED PA'I PHYIR, DER THAL, RNYED PA LA BLO DE'I NGOR YOD DGOS PA'I PHYIR, GZHAN YANG SHUGS RTOGS LA BLO DES MA RNYED PAS KHYAB PAR THAL, RNYED PA LA BLO LA RNAM PA 'CHAR DGOS PA'I PHYIR, DPER NA DMIGS RTEN RNYED PA'I TSAD RNAM PA 'CHAR DGOS PAR LAM RIM LAS BSHAD PA DANG, BDEN GNYIS LAS MI SNANG BA BLOS MA RNYED PAR BSHAD PA DANG, RANG 'GREL 'DIR YANG DE LTAR BSHAD PA MANG ZHING SKABS BZHIR RNYED DON BDEN PA SO SOR BSHAD PA DE'I PHYIR, YANG KHA CIG, 'PHAGS PA'I BAR CHAD MED LAM GYI SNANG YUL KUN RDZOB BDEN PAR 'DOD PA MI 'THAD PAR THAL, DE DON DAM BDEN PA YIN PA'I PHYIR, DER THAL, BAR CHAD MED LAM DE'I DNGOS GZHAL YIN PA'I PHYIR, BYAS PA LA KHO NA RE, BAR CHAD MED LAM LA STONG NYID SNANG BA'I SNANG CHA DON DAM BDEN PAR THAL, DE'I MNGON SUM GYI YUL DON DAM BDEN PA YIN PA'I PHYIR NA MA KHYAB STE, SNANG CHA DE BAR CHAD MED LAM LA MI SNANG BA'I PHYIR, DER THAL, BAR CHAD MED LAM DE'I SNANG NGOR RANG NYID KYIS YUL GZHAL BA'I CHA SOGS BYA BYED THAMS CAD LOG PA'I PHYIR, DBU MA LAS, SGROS PA RNAMS KYIS MA SGROS PA, ,ZHES DANG, TSIG

272b

GSAL LAS KYANG, SPROS PA THAMS CAD LAS 'DAS PA YIN GYI DE NI BSTAN PAR BYA BA MA YIN ZHING SHES PA YANG MA YIN TE, ZHES DANG, RIGS PA'I RGYA MTSO LAS, DE LA SPROS PA NI 'DIR RTAGS KYI DGAG BYA'I SPROS PA TZAM MA YIN GYI SNANG BA'I SPROS PA YANG YIN NO, ,DE LAS 'DAS TSUL NI DE KHO NA NYID MNGON SUM DU GZIGS PA'I NGOR GNYIS SNANG GI SPROS PA THAMS CAD NUB PA LA BYA'I, ZHES GSUNGS PA'I PHYIR, YANG SNGON DANG PHYIS KYI BONG KHA CIG GIS 'JIG RTEN SHES NGO LA YANG LOG GNYIS BYED PA'I RGYU MTSAN GYIS THAL 'GYUR BA'I LUGS LA RTA DANG SGYU MA'I RTA LA YANG BDEN RDZUN THA SNYAD DU YANG MI 'BYED ZER NA, 'O NA, KUN RDZOB BDEN PA'I RNAM BZHAG KYANG THAL 'GYUR BAS KHAS MI LEN PAR THAL, DE'I RNAM BZHAG 'JIG RTEN SHES NGO LA MA LTOS PAR 'JOG MI THUB PA'I PHYIR, DER THAL, 'JIG RTEN SKRAG PA SPANGS PA DANG DON DAM LA 'JUG PA'I CHED DU KUN RDZOB RNAMS BSTAN PA'I PHYIR, CHOS YANG DAG PAR SDUD PA LAS, GANG 'DI BCOM LDAN 'DAS KYIS 'DUS KYANG KYI CHOS THAMS CAD NI SKYE'O 'GAG GO ZHES GSUNGS NA DE BZHIN GSHEGS PAS 'DI CI LA DGONGS TE GSUNGS, SMRAS PA RIGS KYI BU 'JIG RTEN GNAS PA SKYE BA DANG 'GAG PA LA MNGON PAR CHAGS PAS DE LA DE BZHIN GSHEGS PA THUGS SDE CHEN POS 'JIG RTEN DNGANGS PA'I GNAS BSAL BA'I PHYIR THA SNYAD KYI DBANG GIS SKYE'O 'GAG GO ZHES GSUNGS TE 'DI LA CHOS GANG YANG SKYE BA DANG 'GAG PA MED DO, ZHES GSUNGS PA'I PHYIR, 'DOD NA,

273a

, ,THAL 'GYUR BA CHOS CAN, KHYOD LOG PA'I LAM LA ZHUGS PAR THAL, KHYOD BDEN GNYIS RNAM BZHAG KHAS MI LEN PA'I GANG ZAG YIN PA'I PHYIR, RTAGS KHAS, KHYAB PA THAL RANG KUN MTHUN, 'DOD MI NUS TE, KHYOD BDEN GNYIS LEGS PAR MKHYEN PA'I DBU MA PA YIN PA'I PHYIR, DER THAL, CHOS CAN DE'I PHYIR, TSIG GSAL LAS, KHYOD NI DON DAM PA DANG KUN RDZOB KYI BDEN PA LA MI MKHAS PAS LA YAR 'THAD PA BCUG NAS RIGS PA MA YIN PA LAS DE 'JIG PAR BYED PA YIN NO, ,KHO BO CAG NI KUN RDZOB KYI BDEN PA RNAM PAR 'JOG PA LA MKHAS PA'I PHYIR RO, ZHES GSUNGS PA'I PHYIR, 'DI LA GNOD BYED MANG, DBU MA RANG LUGS LA KUN RDZOB LA YANG LOG MI BYED CES PA DANG, 'PHAGS PA LA LTOS NAS DE LTAR GSUNGS PA DE MNYAM BZHAG DANG RIGS SHES KYI NGO LA DGONGS PA MA YIN PAR THAL, BYAD BZHIN DANG DE'I GZUGS BRNYAN GNYIS LA THA SNYAD DU YANG BDEN RDZUN DBU MA BAS MI BZHED PA'I PHYIR; RTAGS KHAS, MA KHYAB NA DANG RTZA BAR 'DOD MI NUS TE, GZUGS SGRA DE GNYIS 'DZIN PA'I SHES PA GNYIS RDZUN PA STE 'KHRUL PA'AM LOG PAR RTOGS PA RIGS SHES DANG 'PHAGS PA'I GZIGS PA THUN MONG MA YIN PA DGOS PA'I PHYIR, LAM RIM CHUNG PA LAS, DE YANG 'JIG RTEN PA'AM THA SNYAD PA'I TSAD MA NYID LA LTOS NAS YANG DAG DANG LOG PA'I KUN RDZOB TU 'JOG GI, 'PHAGS PA'I GZIGS PA'I RJES SU 'BRANG PA'I RIGS SHES LA

273b

LTOS NAS MA YIN PAS, ZHES GSUNGS PA'I PHYIR, KHYAB STE, RIGS SHES LA LTOS NAS MI BDEN PAS MI BDEN PA DANG DE LA LTOS NAS MA GRUB PAS MA GRUB PAR 'JOG MI THUB PA'I PHYIR, TSIGS GSAL LAS, DE LTAR MA YIN NA KUN RDZOB 'THAD PA DANG LDAN PA MA YIN NAM, DES NA DE KHO NA NYID DU 'GYUR GYI KUN RDZOB TU NI MI 'GYUR RO, ZHES SOGS GSUNGS PA'I PHYIR, GZHAN YANG TSIG GSAL LAS, 'JIG RTEN LA YOD KYI 'PHAGS PA RNAMS LA MA YIN NO, , CI 'PHAGS PA RNAMS LA RIGS PA MI MDA' 'AM ZHE NA, YOD PA'AM MED PA 'DI SUS SMRAS, 'PHAG PA RNAMS KYI DON DAM PAR NI CANG MI GSUNGS PA YIN TE ZHES GSUNGS PA'I 'PHAGS PA LA RIGS PA MI MNGA' LA, 'JIG RTEN GYI SGO NAS 'JOG PAR BSHAD PA DE 'PHAGS PA'I MNYAM BZHAG GI DON MED LA THA SNYAD DU YOD PA'I DON MA YIN PAR THAL, 'DIR 'PHAGS PA'I THUN MONG MA YIN PA'I GZIGS PA LA LTOS NAS KHAS MI LEN NA THA SNYAD DU YANG KHAS MI LEN PAS KHYAB PA'I PHYIR, DER THAL, SGYU MA'I RTA DANG RTA GNYIS LA THA SNYAD DU YANG BDEN RDZUN MED PA'I PHYIR, GZHAN YANG DKON BRTZEGS KYI LE'U SDOM PA GSUM BSTAN PA LAS, 'JIG RTEN PA DANG LHAN CIG RTZOD KYI NGA NI 'JIG RTEN DANG MI RTZOD DE; GANG 'JIG RTEN NA YOD PAR 'DOD PA DE NI NGA YANG YOD PAR BZHED DO, ,GANG 'JIG RTEN NA MED PAR 'DOD PA DE NI NGA YANG MED PAR BZHED DO, ZHES PA'I LUNG DON MA GRUB PAR THAL, 'JIG RTEN NA DE LTAR GRAGS LA DE LTAR GRUB PA

274a

, ,DE STON PA SANGS RGYAS KYANG MI BZHED PA'I PHYIR, DER THAL, SGYU MA'I RTA DANG RTA LA BDEN RDZUN 'JIG RTEN LA GRAGS KYANG SANGS RGYAS MI BZHED PA'I PHYIR, BYAS PA LA KHO NA RE, 'O NA SGYU MA'I RTA RDZUN PA DANG RTA DNGOS GNAS PA BDEN PA YIN PAR THAL, DE GNYIS LA BDEN RDZUN SANGS RGYAS BZHED PA'I PHYIR NA MA KHYAB, 'O NA RDZUN PA YIN NA RDZUN PAS KHYAB PA DANG, BDEN NA BDEN PA YIN PAS KHYAB PAR THAL, KHYOD LA DE BZHI LA KHYAD MED PA'I PHYIR, RTAGS KHYAB SONG, 'DOD NA, RGYU DGE BA LAS 'BRAS BU BDE BA 'BYUNG BA CHOS CAN, RDZUN PAR THAL, RDZUN PA YIN PA'I PHYIR, KHYAB PA KHAS, DER THAL, 'DUS BYAS YIN PA'I PHYIR, RTZA BAR 'DOD NA, MI 'THAD PAR THAL, BDEN PA'I PHYIR; DER THAL, MI SLU BA'I PHYIR, DER THAL, CHOS THAMS CAD MING GIS PHAR BTAGS LAS MED KYANG NAGS TSAL SOGS KYI RTZI SMAN RANG RANG GI 'BRAS BU MA 'CHOL BAR 'BYUNG BA KUN RDZOB TU MI SLU BA'I PHYIR, DER THAL, SLO DPON DPA' BOS BYANG CHUB SEMS SGOM PADMA SPUNGS PA LAS, NAGS TSOGS RGYU 'BRAS SO SO YIS, ,KUN RDZOB SLU BA MED PA STON, ,ZHES GSUNGS PA'I PHYIR 'DI GNAS DANG GNAS MIN MKHYEN STOBS KYI MDO DU MA DANG 'GAL LO, ,GZHAN YANG RTZA SHE LAS, THAMS CAD YANG DAG YANG DAG MIN, ,YANG DAG YANG DAG MA YIN NYID, ,CES PA'I DON MED PAR THAL, SNGAR GYI MDO LTAR 'JIG RTEN NA YANG DAG PAR GRAGS LA DE LTAR GRUB PA DANG YANG DAG MA YIN PAR GRAGS LA

274b

GRUB PA DANG, GZUGS SOGS SO SKYE PHAL BA LA YANG DAG PA DANG 'PHAGS PA'I RJES THOB YE SHES LA PHRA BA'I RTAG MIN GYI RDZUN PA MA YIN PA'I PHYIR, RTAGS KHAS, KHYAB STE, 'DI'I 'GREL PA BUDDHA P'A LI TA LAS, GANG GI TSE 'JIG RTEN GYI THA SNYAD BYA BA DE'I TSE NA GANG 'JIG RTEN NA YANG DAG PA NYID DU GRAGS PA DE BCOM LDAN 'DAS KYIS KYANG YANG DAG PA NYID DO ZHES GSUNGS SO, ZHES SOGS GSUNGS PA'I PHYIR, YANG KHA CIG GIS, 'JIG RTEN SHES NGO'I YANG LOG GNYIS THAL 'GYUR PAS THA SNYAD DU KHAS MI LEN ZER NA, 'O NA THAL 'GYUR BAS 'JIG RTEN GYI SHES PA LA GRAGS SHING GRUB PA RNAMS KHAS MI LEN PAR THAL, 'JIG RTEN GYI SHES PA'I YUL YANG DAG DANG LOG PAR GRAGS SHING GRUB PA RNAMS KHAS MI LEN PA'I PHYIR, MA KHYAB NA KHYAB PAR THAL, 'JIG RTEN PA'I SHES PA'I YUL GRAGS GRUB RNAMS 'PHAGS PA RNAMS KYIS KYANG KHAS LEN PA'I PHYIR, DER THAL, DE LTAR KHAS BLANGS NAS DE'I STENG DU DE DAG GI GNAS LUGS SGRUB BYED KYI RIGS PAS DON DAM STON PA'I PHYIR, TSIG GSAL LAS, 'ON KYANG 'JIG RTEN KHO NA LA RAB TU GRAGS PA'I 'THAD PA GANG YIN PA DE DAG GZHAN RTOGS PAR BYA BA'I PHYIR ZHAL GYIS BZHES NAS DE NYID KYIS 'JIG RTEN KHONG DU CHUD PAR MDZAD DO ZHES DANG, CHOS YANG DAG PAR SDUD PA LAS, BTZUN PA RAB 'BYOR 'JIG RTEN NI BSRUNG BAR BYA BA YIN TE, DON DAM PAS DNGOS SU 'ONGS ZHES DE LA 'PHAGS PA RNAMS SNYING RJE CHEN POS BDEN PA YANG DAG PAR BTANG NAS, BYIS BA RNAMS LA LOG PAR THA

275a

, ,SNYAD 'DOGS KYI, 'PHAGS PA RNAMS LAM YIN TE, ZHES GSUNGS PA'I PHYIR, KHYAB STE, LUNG SNGA MAS 'JIG RTEN KHO NA'I SGRAS DON DAM GCOD, ZHAL GYIS BZHES ZHES PAS 'PHAGS PAS KYANG BZHED PAR BSTAN LA, DE YANG THA SNYAD KYI RNAM BZHAG GI TSE DON DAM PAS GZIGS PA DANG RIGS SHES DOR NAS THA SNYAD BYED DGOS PAS LUNG PHYI MAS BDEN PA BTANG NAS ZHES GSUNGS PA'I PHYIR, YANG KHA CIG, KUN RDZOB BDEN PA LA 'JIG RTEN SHES NGO LA LTOS PA'I YANG LOG GNYIS SU GRANGS NGES ZER NA, 'O NA 'JIG RTEN SHES NGO'I YANG LOG GANG RUNG YIN NA KUN RDZOB BDEN PA YIN DGOS PAR THAL, DAM BCA' 'THAD PA'I PHYIR, 'DOD NA, GZUGS BDEN GRUB DANG DE BDEN 'DZIN GYI ZHEN YUL CHOS CAN, KUN RDZOB BDEN PAR THAL, DE GANG RUNG YIN PA'I PHYIR, KHYAB PA KHAS, DER THAL, DE LTAR 'DZIN PA'I BDEN 'DZIN LHAN SKYES GNYIS SKABS 'DIR YUL CAN YANG DAG DANG DE'I ZHEN YUL GNYIS SKABS 'DI'I YUL YANG DAG YIN PA'I PHYIR, RNAM BSHAD LAS, BDAG 'DZIN LHAN SKYES GNYIS KYI NAS, THA SNYAD DU YANG MED DO ZHES GSUNGS PA'I PHYIR, YANG KHA CIG GIS, 'JIG RTEN SHES NGO LA LTOS PA'I YUL YANG DAG YIN NA YOD MI DGOS KYANG, DE LA LTOS PA'I YUL CAN YANG DAG YIN NA YUL CAN YIN PAS KHYAB ZER NA, 'O NA GZUGS KYI RANG MTSAN LA MI SLU BA'I MIG SHES CHOS CAN, YUL CAN YIN PAR THAL, 'JIG RTEN

275b

SHES NGO LA LTOS TE YUL CAN YANG DAG YIN PA'I PHYIR, DER THAL, 'JIG RTEN RANG DGA' BA RNAMS KYIS RANG GI MIG SHES LA GZUGS SNANG BA LTAR GRUB PAR 'DOD PA'I PHYIR, RTAGS SLA, KHYAB STE, DE 'DRA'I MIG SHES MA 'KHRUL PAR 'DZIN PA'I 'JIG RTEN SHES NGO LA LTOS NAS YUL CAN YANG DAG YIN PA'I PHYIR, DER THAL, DE'I MIG SHES MA 'KHRUL PAR 'DZIN PA'I 'JIG RTEN PA'I SHES PA RANG DGA' BA DE 'JIG RTEN NYID LAS BDEN YIN ZHES PA'I 'JIG RTEN PA'I SHES PAR 'JOG PA'I PHYIR, DER THAL, CHOS CAN DE'I PHYIR, YANG KHA CIG, 'JIG RTEN SHES NGO LA LTOS NAS YANG LOG GNYIS SU 'BYED PA'I GANG GI NGOR 'JOG PA'I SHES PA DE SNGA PHYI GCIG 'DZIN GYI SHES PAR 'DOD, LA LAS DE TSAD MAR KHAS BLANGS NAS TSAD MA GCIG GIS YANG LOG GNYIS BYED ZER, KHA CIG, DE 'JIG RTEN PA'I SHES PA RANG DGA' BA TSAD MIN KHO NAR BYAS NAS SHES PA GCIG GIS YANG LOG GNYIS BYAS PAR 'DOD PA STONG THUN GYI DGONGS PAR SMRA BA SOGS MANG NGO, ,DE DAG THAMS CAD LA 'O NA, 'JIG RTEN NYID LAS LOG PAR RNAM PAR BZHAG, ,CES PA'I 'JIG RTEN NYID PHYI MA'I DNGOS BSTAN GYI SHES PA YIN NA 'JIG RTEN NYID LAS BDEN YIN ZHES PA'I 'JIG RTEN SNGA MA'I DNGOS BSTAN GYI SHES PA YIN DGOS PAR THAL, KHYED DAG GI DAM BCA' 'THAD PA'I PHYIR, 'DOD NA, GNOD MED KYI DBANG PO DRUG GI SHES PA TSAD MA DRUG CHOS CAN, DER THAL, DE'I PHYIR, KHYAB PA KHAS, DER THAL, GNOD BCAS KYI DBANG PO DRUG GI SHES PA YUL BCAS PHYIN CI LOG TU GNOD MED

276a

, ,KYI DBANG SHES DRUG GIS RIM BZHIN 'JOG PA'I PHYIR, DER THAL, RTZA BAR, SKYON LDAN DBANG CAN RNAMS KYI SHES PA NI, ,DBANG PO LEGS GYUR SHES LTOS LOG PAR 'DOD, ,CES GSUNGS PA'I PHYIR, 'KHOR GSUM, RTZA BAR 'DOD NA, SKABS 'DIR YANG YANG DAG KUN RDZOB YOD PAR THAL LO, ,DE YANG DAG TU 'JOG BYED KYI 'PHRAL GYI GNOD MED KYI TSAD MA DRUG YOD PA'I PHYIR, DER THAL, GNOD MED KYI TSAD MA DRUG 'JIG RTEN PA'I SHES PA GANG GI NGOR YANG DAG 'JOG PA'I SHES PA DE YIN PA'I PHYIR, RTAGS SONG, DER THAL, 'JIG RTEN NYID LAS BDEN YIN ZHES PA'I TSIG ZUR GYI 'JIG RTEN DER BZHAG PA'I PHYIR, RTAGS DNGOS, 'KHOR GSUM, GZHAN YANG GANG ZAG GI BDAG MED RAGS PA RTOGS PA'I RJES DPAG TSAD MA DANG, BDAG 'DZIN RAGS PA 'KHRUL SHES YIN PAR RTOGS PA'I RJES DPAG TSAD MA RE RE NAS CHOS CAN, 'JIG RTEN ZHES PA'I SHES PA SNGA MA DE YIN PAR THAL, 'JIG RTEN ZHES PA PHYI MA'I 'JIG RTEN PA'I SHES PA YIN PA'I PHYIR, KHYAB PA KHAS, RTAGS GRUB STE, RNAM BSHAD LAS, GTZO BO LA SOGS PA YIN LA, DE DAG PHYIN CI LOG TU 'JIG RTEN PA'I BLO RANG DGA' BAS MI RTOGS KYANG, DE KHO NA NYID LA MNGON DU MA PHYOGS PA'I THA SNYAD PA'I TSAD MAS LOG PAR RTOGS NA 'JIG RTEN PA'I SHES PAS LOG PAR RTOGS PA YIN NO, ZHES GSUNGS PA'I PHYIR, 'DOD NA, 'JIG RTEN PA'I SHES PA RANG DGA' BA YIN PAR THAL, 'DOD PA'I PHYIR, KHYAB STE, RNAM BSHAD LAS, 'JIG RTEN PA'I

276b

BSAM PA RANG DGA' BA LA LTOS NAS YANG DAG PA SOGS DANG, LAM RIM LAS KYANG GSUNGS PA'I PHYIR, 'DOD MI NUS TE, DE LTAR RTOGS PA'I BLO YIN PA'I PHYIR, KHYAB STE, RNAM BSHAD LAS, YID LA GRUB MTHA' NGAN PA'I GNOD PA YOD PAS LOG PAR BZUNG BA'I DON RNAMS 'JIG RTEN PA'I BLO RANG DGA' BAS PHYIN CI LOG TU MI RTOGS PAS ZHES GSUNGS PA'I PHYIR, GZHAN YANG GZUGS YANG DAG PAR 'DZIN PA DANG GZUGS BRNYAN RDZUN PAR 'DZIN PA'I SHES PA GCIG YOD PAR THAL, DE GNYIS YANG LOG SHES PA GCIG GIS 'BYED PA'I PHYIR, 'DOD NA, DE 'DRA'I SHES PA CHOS CAN, LOG SHES SU THAL, GZUGS YANG DAG PAR 'DZIN PA'I SHES PA YIN PA'I PHYIR, RTAGS KHAS, 'DOD NA, TSAD MAR YANG THAL LO, ,BYAD BZHIN GYI GZUGS BRNYAN RDZUN PAR 'DZIN PA'I BLO YIN PA'I PHYIR, 'KHOR GSUM, YANG KHA CIG GIS, ME LONG NANG GI GZUGS BRNYAN 'JIG RTEN SHES NGO LA LTOS PA'I LOG PA'I KUN RDZOB MIN ZER NA, DE YIN PAR THAL, DE 'JIG RTEN SHES NGO LA LTOS PA'I LOG PA GANG ZHIG, KUN RDZOB YIN PA'I PHYIR, DANG PO GRUB STE, RTZA BAR, LHAG MA NI, 'JIG RTEN NYID LAS LOG PAR RNAM PAR BZHAG ,CES GSUNGS PA'I PHYIR, RTAGS GNYIS PA GRUB STE, KUN RDZOB YIN PAR MA ZAD KUN RDZOB BDEN PA YIN PA'I PHYIR, DER THAL, MTHONG BA RDZUN PA'I RNYED DON YIN PA'I PHYIR, KHYAB STE, RTZA BAR, MTHONG BA RDZUN BA KUN RDZOB BDEN PAR GSUNGS, ,ZHES GSUNGS PA'I PHYIR, RNAM BSHAD GNYIS LAS, DE LTAR NA'ANG SHES BYA RDZUN

277a

, ,PA SLU PA'I DON MTHONG BA'I RNYED DON YIN PAS KUN RDZOB BDEN PA'O, ZHES GSUNGS PA'I PHYIR, 'DI DAG LA GNOD BYED MANG NGO, ,YANG KHA CIG, THAL 'GYUR BA'I LUGS LA GZUGS SOGS YUL LNGA DANG YUL CAN LNGA YANG DAG KUN RDZOB DANG LOG PA'I KUN RDZOB GANG DU YANG KHAS MI LEN PAR THAL, RNAM BSHAD LAS, GAL TE YANG DAG PA'I KUN RDZOB MI 'DOD PAS YANG LOG GNYIS SU MI BYED KYANG MA RIG PAS BSLAD PA'I YUL YUL CAN RNAMS LOG PA'I KUN RDZOB TU CI'I PHYIR MI 'JOG CE NA, KUN RDZOB NI THA SNYAD PA'I TSAD MAS 'JOG DGOS PA'I PHYIR, LOG PA'I KUN RDZOB 'JOG NA YANG DE LA LTOS NAS 'JOG DGOS NA MA RIG PA'I BAG CHAGS KYIS BSLAD PA NI 'KHRUL PAR THA SNYAD PA'I TSAD MAS MI 'GRUB PA'I PHYIR RO, ZHES GSUNGS PA'I PHYIR NA MA KHYAB STE, SKABS 'DI'I DNGOS BSTAN GYI 'JIG RTEN SHES NGO LA LTOS TE LOG PA'I KUN RDZOB MIN ZHES PA'I DON YIN TE, MA RIG PAS BSLAD PA'I YUL YUL CAN STONG NYID LA BLO KHA MA PHYOGS PA'I THA SNYAD BA'I TSAD MAS LOG PAR MI RTOGS PAR BSHAD KYI DE DAG THA SNYAD PA'I TSAD MAS PHYIN CI LOG TU MI RTOGS PA MA YIN PA'I PHYIR, MA GRUB NA, 'O NA, DE DAG PHYIN CI LOG TU MI 'JOG PAR THAL, DE DAG DON DAM PAR PHYIN CI LOG TU MI 'JOG LA, DE DAG THA SNYAD DU YANG PHYIN CI LOG TU MI 'JOG PA'I PHYIR, DANG PO GRUB STE, DGAG BYA'I DON DAM DU MA ZAD MNYAM BZHAG DON DAM GYI DON YANG

277b

DGAG BYA 'GOG BYED SOGS KYI SPROS PA KUN LOG PAR SNGAR BSHAD ZIN PA'I PHYIR, GNYIS PA GRUB STE, DE DAG THA SNYAD PA'I TSAD MA'I DON PHYIN CI LOG MA YIN PA'I PHYIR, RTAGS KHAS, KHYAB STE, LAM RIM LAS, GZUGS SOGS LA RANG GI NGO BOS GRUB PA'I RANG BZHIN RIGS PAS 'GOG PA NI DON DAM DU BYA MI RUNG BAS THA SNYAD DU BYA DGOS LA DE 'DRA'I THA SNYAD PA'I SHES NGO DER NI DBANG PO'I SHES PA RNAMS 'KHRUL PA YIN LA, ZHES GSUNGS PA'I PHYIR, DE LA KHO NA RE, DE DAG THA SNYAD PA'I TSAD MA'I DON YANG LOG GNYIS KA YIN PAR THAL, DE DAG SHES PA THA SNYAD PA'I DON YANG DAG GANG ZHIG, DE DAG SHES PA THA SNYAD PA'I DON LOG PA YIN PA'I PHYIR NA MA KHYAB STE, THA SNYAD PA'I SHES PA DE GNYIS 'GAL BA YIN PA'I PHYIR, LAM RIM LAS; THA SNYAD DU 'KHRUL PA'I THA SNYAD DANG SHES PA GANG LA LTOS NAS PHYIN CI MA LOG PAR BZHAG BA'I THA SNYAD PA'I SHES PA GNYIS GCIG YIN NA 'GAL BA YIN YANG THA SNYAD DE GNYIS NI SO SO BA YIN PAS, ZHES GSUNGS PA'I PHYIR, GZHAN YANG GZUGS SOGS KUN RDZOB PA YIN NA LOG PA'I KUN RDZOB YIN PAS KHYAB PAR THAL, DA YIN NA THA SNYAD DU LOG PA'I KUN RDZOB YIN PAS KHYAB PA'I PHYIR, DER THAL, DE YIN NA THA SNYAD DU LOG PA DANG KUN RDZOB GNYIS KA YIN PAS KHYAB PA'I PHYIR, DER THAL; DE YIN NA THA SNYAD DU RDZUN PA YIN PAS KHYAB PA'I PHYIR, KHYAB STE, DE DE GNYIS KYI DON YIN PA'I PHYIR, MA KHYAB MTSAMS LA DER THAL, KUN RDZOB PA THAMS CAD THA SNYAD DU RDZUN PA PHYIN CI LOG TU 'JAL BA THA SNYAD PA'I TSAD MA DANG, GZUGS

278a

, ,SOGS THA SNYAD PA'I SHES NGOR YANG DAG TU 'JOG PA'I BLO LA 'JIG RTEN RANG DGA' BA'I BLOS KHYAB PA'I PHYIR TE, LAM RIM LAS, DON DAM DU MI RUNG BAS THA SNYAD DU BYA DGOS LA DE 'DRA'I THA SNYAD PA'I SHES NGO DER NI DBANG PO'I SHES PA RNAMS 'KHRUL PA YIN LA, DE LAS GZHAN PA'I THA SNYAD PA'I SHES PA RANG DGA' BA RNAMS KYI NGOR NI 'KHRUL PA MA YIN PAS, ZHES GSUNGS PA'I PHYIR, BYAS PA LA KHO NA RE, GZUGS SOGS LNGA 'JIG RTEN SHES NGOL LTOS TE YANG DAG PA YIN PAR THAL, DE LNGA 'JIG RTEN NYID LAS ZHES PA'I DNGOS BSTAN GYI 'JIG RTEN SHES NGO LA LTOS TE YANG DAG YIN PA'I PHYIR NA SHIN TU MA KHYAB, 'DOD NA, GZUGS KUN RDZOB YIN PA DANG GZUGS LOG PA YIN PA CHOS CAN; KUN RDZOB BDEN PA MA YIN PAR THAL, 'JIG RTEN PA'I SHES PA'I NGOR MA GRUB PA'I PHYIR, MA GRUB NA DNGOS, MA KHYAB NA KHYAB PAR THAL, 'JIG RTEN PA'I SHES PA'I RNYED DON YIN PA'I PHYIR, DER THAL, KUN RDZOB BDEN PA YIN PA'I PHYIR, KHYAB STE, KUN RDZOB NI 'JIG RTEN GYIS SPYOD PAR DE BZHIN GSHEGS PAS GZIGS SO, ,ZHES GSUNGS PA'I PHYIR DANG, STONG THUN GYIS KUN RDZOB BDEN PA'I RNAM BZHAG KYANG 'JIG RTEN SHES NGON BYED PAR GSUNGS PA DE'I PHYIR, GZHAN YANG SKABS 'DI'I 'JIG RTEN SHES NGO'I YANG LOG 'BYED BYED 'JIG RTEN PA'I SHES PA RANG DGA' BA KHO NA DANG 'JIG RTEN PA'I SHES PA GCIG GIS YANG LOG GNYIS 'BYED PA'I DON MA YIN PAR THAL, SKABS

278b

'DI'I 'JIG RTEN PA'I SHES PA GANG GI NGOR GZUGS SOGS YANG DAG TU 'JOG PA'I SHES PA LA 'JIG RTEN RANG DGA' BA'I SHES PA TSAD MIN GCIG DGOS PAR LAM RIM RNAM BSHAD KUN LAS GSUNGS SHING GRUB LA, 'JIG RTEN PA'I SHES PA GANG GI NGOR SGYU MA SOGS LOG PAR 'JOG PA'I SHES PA LA TSAD MAS KHYAB LA, TSAD MA DE LA LHAN SKYES KYI BLO RANG DGA' BA DANG DE MA YIN PA'I THA SNYAD PA'I RJES DPAG TSAD MA GNYIS YOD PA'I PHYIR, RTAGS ZUR DANG PO GRUB STE, BLO DE'I NGOR YANG DAG PA'AM BDEN PA YIN NA DE'I 'DZIN STANGS NGOR BDEN PA YIN DGOS, SNANG NGOR BDEN PAS BLO DE'I NGOR BDEN PAR 'JOG MI THUB PA'I PHYIR, DER THAL, DGRA BCOM GNYIS DANG DAG SA'I BYANG 'PHAGS KYI BLO NGOR BDEN MI BDEN LA DE LTAR BSHAD PA'I PHYIR, RANG 'GREL LAS, 'DU BYED GZUGS BRNYAN LA SOGS PA'I YOD PA NYID DANG 'DRA BAR GZIGS PA RNAMS LA NI BCOS MA'I RANG BZHIN YIN GYI BDEN PA MA YIN TE BDEN PAR MNGON PAR RLOM PA MED PA'I PHYIR, ZHES GSUNGS PA'I PHYIR, DE DAG GI BLO NGOR MI BDEN PA'I RGYU MTSAN DU BDEN PAR RLOM PA MED PAR BSHAD PA'I PHYIR DANG, RNAM BSHAD LAS KYANG, DE GSUM GYI NGOR MI BDEN PA'O ZHES SOGS DANG, STONG THUN LAS KYANG, GZUGS SOGS RNAMS 'JIG RTEN PA'I BLO GANG GIS 'DZIN STANGS KYI DON YANG DAG PAR GRUB PA'I BLO NI BDEN 'DZIN YIN PAS TSAD MAR MI RUNG BA'I PHYIR ZHES GSUNGS PA'I PHYIR DANG, DGRA BCOM DE DAG GI RJES THOB KYI BLO'I SNANG NGO NA BDEN SNANG YOD PA'I PHYIR RO, ,RTAGS

279a

, ,GNYIS PA GRUB STE, LAM RIM CHUNG BA LAS, ,DE YANG 'JIG RTEN PA'AM THA SNYAD TSAD MA NYID LA LTOS NAS YANG DAG DANG LOG PA'I KUN RDZOB TU 'JOG GI ZHES PAS YANG LOG RIM BZHIN 'JIG RTEN RANG DGA' BA'I SHES PA DANG THA SNYAD TSAD MAS 'JOG PAR BSHAD LA, 'AM SGRAS LOG PAR 'JOG PA'I 'JIG RTEN RANG DGA' BA'I SHES PA YANG TSAD MAR BSHAD PA'I PHYIR, DER THAL, DE RNAM BSHAD KYI YANG DGONGS PA YIN PA'I PHYIR, RNAM BSHAD LAS, 'O NA DBANG PO GZUGS CAN PA ZHES PA NAS, DUS SU SGYU MA'I RTA GLANG DANG SMIG RGYU CHUR SNANG BA LA CHUR 'DZIN PA RNAMS PHYIN CI LOG YIN PA'I PHYIR 'JIG RTEN PA'I BLO RANG DGA' BAS KYANG RTOGS MOD KYANG, ZHES PA NAS, 'JIG RTEN PA'I BSAM PA DANG DGA' BA LA LTOS NAS YANG DAG LA'AM BDEN PA YIN MOD KYANG THA SNYAD DU YANG MED DE, ZHES GSUNGS PA'I PHYIR, DES NA STONG THUN LAS KYANG, 'JIG RTEN PA'I BLO LHAN SKYES RANG DGA' BAS YANG LOG GNYIS KYI DBYE BA BYED PA'I DON YIN GYI ZHES GSUNGS PA YANG GTZO CHE BA LA DGONGS PA'I PHYIR RO, ,DE YANG 'JIG RTEN PA'I SHES PA GANG GI DON YANG DAG PA DANG SNANG TSUL DANG GNAS TSUL MTHUN PA DANG GZUGS 'DZIN DBANG MNGON SOGS MA 'KHRUL PA YIN PA RNAMS 'JOG PA'I SHES PA LA TSAD MIN GCIG DGOS PA YIN GYI, SHES PA GANG GI NGOR GZHI DE BDEN ZHES PA'I THA SNYAD DANG MA 'KHRUL ZHES PA'I THA SNYAD 'JOG PA LA TSAD MIN GYIS MA KHYAB PAR THAL, THA SNYAD PA'I TSAD MA

279b

RANG DGA' BA'I DON, DPER NA DBANG PHYUG GI SKU LA DBANG PHYUG GI SKU YIN PAR 'DZIN PA MA 'KHRUL BA DANG BDEN LA, DE LA KHYAB 'JUG GI SKUR 'DZIN PA NI 'KHRUL BA DANG MI BDEN PAR 'JOG DGOS PA'I PHYIR, BUDDHA B'A LI TA LAS, DE'I GCIG LA NI KHYOD ZER BA BDEN NO ZHES SMRAS, CIG SHOS LA 'DI NI MI BDEN NO ZHES SMRAS NA, ZHES PA NAS, 'JIG RTEN GYI THA SNYAD KYI DBANG GIS 'DI NI BDEN NO 'DI NI MI BDEN NO ZHES SMRAS PA LA RDZUN GYI TSIG GI SKYON DU MA GYUR BA DE BZHIN DU BCOM LDAN 'DAS KYIS KYANG DNGOS PO RNAMS NGO BO NYID STONG BAR GZIGS KYANG 'JIG RTEN GYI THA SNYAD KYI DBANG GIS 'DI NI YANG DAG BA NYID DO, ,'DI NI YANG DAG PA NYID MA YIN NO, ZHES SOGS GSUNGS PA'I PHYIR, GZHAN YANG SKABS 'DI'I 'JIG RTEN SHES NGO LA YANG DAG DANG LOG PAR 'JOG PA'I DON KUN LA SNANG TSUL GNAS TSUL MTHUN PA DANG BDEN GRUB KYI CHA NAS BSHAD MI DGOS PAR THAL, SBYIR GZUGS DANG GZUGS BRNYAN LTA BU YUL RDZUN PA DANG DE GNYIS SNANG BA'I DBANG SHES GNYIS YUL CAN 'KHRUL BAR 'DRA YANG, 'JIG RTEN PA'I SHES DON SNANG BA LTAR GRUB PA MI SRID KYANG 'JIG RTEN PA'I SHES DON SNANG BA DANG RJES SU MTHUN PA'I DON YOD MED GNYIS KYI SGO NAS RIM BZHIN GZUGS DANG GZUGS BRNYAN DANG DE 'DZIN GYI DBANG SHES GNYIS DAG LA YUL YANG LOG DANG YUL CAN YANG LOG TU BZHAG DGOS PA'I PHYIR, DER THAL, DE LTAR SKABS 'DI'I SHES NGOR 'JOG PA RJE RIN PO CHOS BZHED PA GANG ZHIG ,ZLA GRAGS KYANG BZHED, ZHI BA LHA YANG

280a

, ,BZHED LA, SANGS RGYAS BSKYANGS KYIS BZHED PAR BSHAD ZIN PA'I PHYIR, DANG PO GRUB STE, LAM RIM LAS, DBANG SHES RNAMS SNANG YUL LA 'KHRUL PAR 'DRA YANG 'JIG RTEN PA'I NGOR SNANG BA DANG RJES SU MTHUN PA'I DON YOD PA DANG MED PA'I SGO NAS GZUGS BRNYAN SOGS SNANG BA'I DBANG SHES RNAMS LOG PA'I KUN RDZOB YIN LA DE LAS GZHAN PA'I DBANG SHES GNOD MED RNAMS YANG DAG KUN RDZOB YIN NO, ZHES GSUNGS PA'I PHYIR, SHIN TU GSAL LO, ,RTAGS GNYIS PA GRUB STE, LUS GTZANG BDE RTAG BDAG BZHIR 'DZIN PA'I SHES PA'I GZUNG DON MED PAS 'JIG RTEN SHES NGO'I LOG PA DANG, LUS MI GTZANG BA SDUG BSNGAL ME RTAG BDAG MED BZHIR 'DZIN PA'I SHES PA'I GZUNG DON YOD PAS SHES PA DE BZHI PO 'JIG RTEN SHES NGOR YUL CAN YANG DAG DANG YUL RNAMS YUL YANG DAG TU BZHAG PA'I PHYIR, DER THAL, RIGS PA DRUG CU PA'I 'GREL PA LAS, DMIGS PA DE YANG RNAM PA GNYIS TE PHYIN CI LOG DANG PHYIN CI MA LOG PA'O, ,DE LA PHYIN CI LOG NI BDE BA LA SOGS PA NYID DU 'DZIN PA GANG YIN PA STE, KUN RDZOB TU YANG BDAG NYID DER DNGOS PO DE RNAM PAR MI GNAS PA YIN PA NYID KYI PHYIR RO, ,PHYIN CI MA LOG PA NI SDUG BSNGAL LA SOGS PA NYID DU 'DZIN PA STE, DNGOS PO DE KUN RDZOB TU BDAG NYID DER YOD PA NYID KYI PHYIR RO, ZHES GSUNGS PA'I PHYIR, KHYAB STE, THA SNYAD DON DER YOD TSUL DE TZAM ZHIG GIS BDEN ZHES PA'I THA SNYAD MA ZAD 'PHAGS PA'I BDEN PA'I

280b

THA SNYAD KYANG 'JIG RTEN SHES NGOR 'JOG PA'I PHYIR, 'GREL PA DE LAS, DE TZAM ZHIG LA LTOS NAS 'PHAGS PA'I THA SNYAD BZHIN DU 'PHAGS PA'I BDEN PA DAG CES BYA'O, ZHES GSUNGS PA'I PHYIR, RTAGS GSUM PA GRUB STE, LUS MI RTAG SOGS SU RTOGS PA LA LUS KYI DE NYID MTHONG ZHES PA NI 'JIG RTEN PA'I RTAG 'DZIN LA LTOS NAS DE LTAR BSHAD PAR GSUNGS PA'I PHYIR, SPYOD 'JUG LAS, 'JIG RTEN LA LTOS DE NYID MTHONG, ,ZHES DANG, DE'I DAR tIKA LAS, 'O NA MI RTAG SOGS MTHONG BA DE NYID MTHONG BAR BSHAD PA DANG 'GAL ZHE NA MI 'GAL TE, 'JIG RTEN PA GTZANG BDE SOGS SU ZHEN PA LA LTOS NAS DE NYID MTHON BAR BZHED PA TZAM YIN PA'I PHYIR, ZHES GSUNGS PA'I PHYIR, YANG KHA CIG GIS, 'PHRAL GYI 'KHRUL RGYUS MA BSLAD PA'I YUL CAN SHES PA RNAMS 'JIG RTEN SHES NGO'I YANG DAG ZER NA, 'O NA 'PHRAL GYI 'KHRUL RGYUS MA BSLAD PA'I GTZANG BDE RTAG BA DAG SO SOR 'DZIN PA'I SHES PA BZHI RE RE NAS CHOS CAN, 'JIG RTEN SHES NGOR YANG DAG YIN PAR THAL, DES MA BSLAD PA'I SHES PA YIN PA'I PHYIR, DER THAL, DE BZHI YOD PA'I PHYIR, RTAGS SLA, 'DOD MI NUS TE, SKABS 'DI'I 'JIG RTEN SHES NGO'I LOG PA YIN PA'I PHYIR, RIGS PA DRUG CU PA'I 'GREL PA LAS, PHYIN CI LOG NI BDE BA LA SOGS PA NYID DU 'DZIN PA GANG YIN PA STE, ZHES GSUNGS PA'I PHYIR, YANG KHA CIG NA RE, KUN RDZOB GANG, RIGS SHES LA MA LTOS PAR THA SNYAD TSAD MAS KHYOD 'KHRUL PAR RTOGS NUS PA'I

281a

, ,SHES PA DE 'JIG RTEN SHES NGO'I YUL CAN LOG PA'I MTSAN NYID ZER NA, 'O NA, BUM 'DZIN RTOG PA DANG SGRA MI RTAG RTOGS KYI RJES DPAG GNYIS RE RE NAS CHOS CAN, 'JIG RTEN SHES NGO LA LTOS TE YUL CAN LOG PA YIN PAR THAL, MTSAN NYID DE'I PHYIR, DER THAL, KHYOD RIGS SHES LAM LTOS PAR RANG GI SNANG TSUL LA 'KHRUL PAR RTOGS PA'I MDO SDE PA'I RGYUD KYI TSAD MA YOD PA'I PHYIR, RTAGS SLA, RTZA BAR 'DOD NA, DE CHOS CAN, RIGS SHES LA MA LTOS PAR THA SNYAD PA'I TSAD MAS KHYOD LOG SHES SU RTOGS NUS PAR THAL, KHYOD 'DI'I 'JIG RTEN SHES NGO'I YUL CAN LOG PA YIN PA'I PHYIR, RTAGS KHAS, 'DOD MI NUS TE, KHYOD RTOG PA DON MTHUN YIN PA'I PHYIR; GZHAN YANG BUM PA DANG SGRA MI RTAG PA GNYIS 'DI'I 'JIG RTEN SHES NGO'I LOG PA YIN PAR THAL, ,BUM 'DZIN RTOG PA DANG SGRA MI RTAG RTOGS KYI RJES DPAG DE'I NGO'I YUL CAN LOG PA YIN PA'I PHYIR, 'DOD NA, RIGS SHES LA MA LTOS PAR THA SNYAD PA'I TSAD MAS SNANG BA LTAR MA GRUB PAR RTOGS NUS PAR THAL, ,'DOD PA'I PHYIR, 'DOD MI NUS TE, DE LTAR RTOGS MI NUS PA'I PHYIR, DER THAL, KHYOD 'JIG RTEN SHES NGO LA LTOS TE YANG DAG YIN PA'I PHYIR, SGRA BSHAD LA KHA CIG, KUN NI THAMS CAD DANG SNA TSOGS LA BYA, RDZOB NI RDZUN PA DANG, BDEN PA NI GTI MUG DE'I NGOR BDEN PA ZHES BSHAD PA DANG, YANG KHA CIG, MNYAM PAR RDZUN PAS KUN RDZOB ZER BA SOGS MI

281b

'THAD PAR THAL, KHYED CAG GI SGRA BSHAD DE KUN RDZOB BDEN ZHES PA'I GANG GI NGOR BDEN PA'I KUN RDZOB KYI SGRA BSHAD YIN PAS DE'I TSE KUN DANG RDZOB KYI SGRA DON MA YIN PA'I PHYIR, DER THAL, DE'I TSE KUN ZHES PA'I SKAD DOD SI YANG DAG DANG BDEN PA'AM YANG NA YI GE BSNAN NAS KUN NAS LA BYAS, RDZOB KYI SKAD DOD PRI TA SGRIB PA DANG G-YOG PA LA BSHAD DGOS PA'I PHYIR, RTZA BAR, GTI MUG RANG BZHIN SGRIB PHYIR KUN RDZOB STE, ,ZHES DANG, MDO LAS KYANG, DE NI YANG DAG KUN RDZOB 'DOD, ,CES GSUNGS PA'I PHYIR, BYAS PA LA KHO NA RE, BUM PA LTA BU'I YUL KUN RDZOB LA DE LTAR 'CHAD SNYAM NA'ANG MI 'THAD PAR THAL, DE'I TSE YANG KUN RDZOB CES PA PHAN TSUN LTOS PA DANG BRDA'I DON LA BYAS NAS BSHAD DGOS PA'I PHYIR TE, 'OG TU SHES BYED 'CHAD 'GYUR LTAR YIN PA'I PHYIR RO, ,RANG LUGS LA, BDEN GNYIS 'CHAD TSUL YOD DE, DE GANG LAS DBYE BA'I GZHI DANG, JI LTAR DU PHYE BA'I GRANGS NGES DANG, DE LTAR DU PHYE BA'I DON DANG, BDEN GNYIS SHES PA'I PHAN YON DANG, MA SHES PA'I NYES DMIGS DANG, PHYE BA SO SO'I DON BSHAD PA DRUG GI SGO NAS BSHAD PA'I PHYIR, DANG PO DBYE GZHI YOD DE, SHES BYA DE DE YIN PAR LUNG RIGS KYIS GRUB PA'I PHYIR, GNYIS PA DBYE BA NI, SHES BYA LA KUN RDZOB BDEN PA DANG DON DAM BDEN PA GNYIS SU DBYER YOD DE, DE LA MTHONG BA LTAR GNAS TSUL LA MA GRUB PA'I TSAD MA'I RNYED DON GCIG DANG, SNANG TSUL DANG GNAS TSUL MTHUN PAS SNANG TSUL

282a

, ,LA MA 'KHRUL PA'I MNYAM BZHAG ZAG MED KYI DNGOS KYI RNYED DON GNYIS YOD PA'I PHYIR, DE LA DE GNYIS SU PHYE BA DE PHUNG GSUM SEL NGA'I GRANGS NGES YIN TE, SHES PAR BYA BA DE LA SNANG TSUL DANG GNAS TSUL MI MTHUN PA'I RDZUN PA GCIG DANG, SNANG TSUL GNAS TSUL MTHUN PA'I DON DAM PA GNYIS YOD LA, GZHI GANG LA BLO GANG GIS DE RDZUN PAR YONGS GCOD LA BCAD NA GZHI DE RNAM BCAD LA BDEN PA YIN PA KHEGS SHING, BLO GANG GIS GZHI DE YONGS GCOD LA BDEN PA YIN PAR BCAD NA DE RNAM BCAD LA RDZUN PA YIN PA KHEGS PA'I PHYIR, GSUM PA DE GNYIS PHYE BA'I THA DAD TSUL YOD DE, THA DAD LA BUM SNAM LTA BU'I NGO BO THA DAD PA DANG, BYAS MI RTAG LTA BU'I NGO BO GCIG LA LDOG PA THA DAD PA GNYIS LAS 'DI GNYIS KYANG NGO BO GCIG LA LDOG PA THA DAD YIN PA'I PHYIR, DER THAL, DE GNYIS LA NGO BO YOD PAS NGO BO GCIG DANG THA DAD GANG RUNG YIN DGOS LA NGO BO THA DAD NA SKYON DU MA YONGS LA LDOG CHA'I THA DAD 'BYED DGOS PA'I PHYIR; DANG PO GRUB STE, DE GNYIS NGO BO GCIG DANG THA DAD GANG RUNG MA YIN NA DE GNYIS MED DGOS PA'I PHYIR, JI SKAD DU, GANG DAG DNGOS PO GCIG PA DANG, ,DNGOS PO GZHAN PA NYID DU NI, ,'GRUB PAR 'GYUR BA YOD MIN NA, ,DE GNYIS GRUB PA JI LTAR YOD, ,CES GSUNGS PA'I PHYIR, RTAGS PHYI MA GNYIS LA SKYON BZHI BZHI SNGAR BRJOD PAS BSGRUBS PA DE'I PHYIR, BZHI PA BDEN GNYIS SHES PA'I PHAN YON YOD DE, CHOS THAMS CAD DON DAM PAR BRJOD DU MED KYANG THA SNYAD DU MING TZAM BRDA

282b

TZAM KYI SGYU MA LTA BU'I BSOD NAMS DANG RGYA CHE BA LA MKHAS SHING, MING TZAM GYI RGYU 'BRAS SOGS MA 'KHRUL PAR SO SOR 'BYUNG YANG DON DAM PAR ZHEN PA MED PAR GNAS LUGS NAM MKHA' LTA BU'I MNYAM BZHAG SKYONG MKHAS PA'I TSOGS GNYIS KYI GSHOG YANGS BSKYOD DE LEGS SMON RLUNG GI SHUGS KYIS RGYAL BA'I YON TAN RGYA MTSO'I MTHAR PHYIN PAR BYED PA'I PHYIR, DKON MCHOG SPRIN LAS, 'JIG RTEN PA'I CHOS SU'ANG 'DOGS LA DON DAM PAR 'JIG RTEN PA'I CHOS RNAMS SU'ANG MI DMIGS SHING MNGON PAR MI CHAGS SO, ,SANGS RGYAS KYI CHOS RNAMS SU'ANG 'DOGS LA DON DAM PAR NA SANGS RGYAS KYI CHOS RNAMS SU'ANG MI DMIGS SHING MNGON PAR MI CHAGS SO ZHES DANG, BDEN GNYIS LAS, BDEN GNYIS RNAM DBYE SHES PA DAG ,DE DAG MA LUS TSOGS BSAGS TE, ,PHUN TSOGS PHA ROL 'GRO BA NYID, ,CES DANG, RTZA BAR, KUN RDZOB DE NYID GSHOG YANGS DKAR PO RGYAS GYUR PA, NAS, MCHOG TU 'GRO, ,ZHES SO, ,LNGA PA MA SHES PA'I NYES PA YOD DE, DON DAM MA SHES NA THAR PA MI THOB LA SBYOR LAM TZAM YANG THOB MI SRID, KUN RDZOB 'JOG MA SHES NA THAR PA LTA CI SMOS BA DE 'GRO YANG MI 'THOB PA'I PHYIR, DBU MA LAS, GANG DAG BDEN PA DE GNYIS KYI, ,RNAM DBYE RNAM PAR MI SHES PA, ,DE DAG SANGS RGYAS BSTAN PA NI, ,ZAB MO'I DE NYID RNAM MI SHES, ,ZHES DANG, RTZA BAR, BDEN GNYIS RNAM DBYE GANG GIS MI SHES PA, ,DE NI RNAM RTOG LOG PA'I LAM NGAN ZHUGS, ,ZHES DANG, DKON MCHOG SPRIN LAS, KUN RDZOB

283a

, ,KYI CHOS RNAMS MED PAR YANG DON DAM PA BSTAN PAR MI NUS SO, ZHES GSUNGS PA'I PHYIR, DRUG PA PHYE BA SO SO'I DON LA KUN RDZOB BDEN PA'I DON DANG, DON DAM BDEN PA'I DON BSHAD PA GNYIS, DANG PO LA MTSAN NYID, DBYE BA SGRA DON GSUM LAS, DANG PO NI, RANG 'JAL BYED KYI THA SNYAD PA'I TSAD MA DE KHYOD LA THA SNYAD PA'I TSAD MAR SONG BA'I RNYED DON YIN PA DE KHYOD KUN RDZOB BDEN PA YIN PA'I MTSAN NYID, MTSAN GZHI BUM PA SOGS YUL DANG SHES BYA THA SNYAD PA RNAMS DANG, BUM 'DZIN RTOG PA SOGS SHES PA THA SNYAD PA RNAMS DANG, BUM PA'I MING SOGS RJOD BYED THA SNYAD PA THAMS CAD YIN TE, TSIG GSAL LAS, BRJOD BYA RJOD BYED DANG SHES PA SHES BYA LA SOGS PA'I THA SNYAD MA LUS PA DE DAG THAMS CAD NI 'JIG RTEN GYI KUN RDZOB KYI BDEN PA YIN NO, ZHES GSUNGS PA'I PHYIR, THA SNYAD BDEN PA KUN RDZOB BDEN PA 'JIG RTEN KUN RDZOB BDEN PA DANG SLU PA'I CHOS DANG, KUN RDZOB PA DANG, SNANG TSUL LTAR MA GRUB PA'I CHOS RNAMS DON GCIG STE, DE LTAR LUNG RIGS DU MAS GRUB PA'I PHYIR, DE LA DBYE NA SHES NGO LA LTOS TE YANG LOG GNYIS SU YOD DE, SHES PA GANG GI NGOR YANG DAG GAM LOG PAR 'JOG PA'I 'JIG RTEN SHES PA DE LA LOG SHES GCIG DANG TSAD MA GCIG STE GNYIS YOD PAR BSHAD ZIN PA'I PHYIR, DE GNYIS GANG RUNG YIN NA STONG NYID RTOGS PA'I BLO MA YIN PAS KHYAB STE, GZUGS DANG BUM PA RNAMS

283b

SKABS 'DI'I SHES NGO'I YANG DAG TU 'JOG GI LOG PAR MI 'JOG PA'I RGYU MTSAN YOD PA'I PHYIR, 'JIG RTEN PA'I SHES PA RANG DGA' BA LA SNANG BA GANG ZHIG ,YUL YIN NA RANG SNANG BA LTAR MA GRUB PAR DE KHO NA NYID LA BLO KHA MA PHYOGS PA'I THA SNYAD PA'I TSAD MAS MI 'GRUB PA DANG, YUL CAN YIN NA RANG NYID LOG SHES SU DE 'DRA'I THA SNYAD PA'I TSAD MAS MI RTOGS PA DE 'JIG RTEN SHES NGO LA LTOS PA'I YANG DAG GI MTSAN NYID, 'DI GO BA'I DBANG DU BYAS LA GZHAN RTOGS SLA, GZUGS SOGS BDEN GRUB DANG BDEN 'DZIN GNYIS KYANG 'DI'I YANG DAG YIN KYANG GZUGS SOGS BDEN MED 'DI'I YANG DAG TU MI RIGS TE, DE 'JIG RTEN PA'I SHES PA RANG DGA' BA LA MI SNANG BA'I PHYIR, RANG 'GREL LAS, RANG BZHIN NI MA RIG PA DANG LDAN PA RNAMS LA RNAM PA THAMS CAD DU MI SNANG NGO, ZHES GSUNGS PA'I PHYIR, BYAS PA LA KHO NA RE, STONG NYID BDEN 'DZIN MED PAR THAL, STONG NYID KYI RNAM PA SHAR NAS DE BDEN PAR 'DZIN PA MED PA'I PHYIR NA MA KHYAB STE, STONG NYID MA RTOGS PA LA STONG NYID DANG MED PA'I RNAM PA SO SOR MI SNANG BA'I PHYIR, RTZA BAR 'DOD MI NUS TE, SGRA SPYI'I SGO NAS BDEN 'DZIN PHAL BA LA YANG SRID PA'I PHYIR, 'JIG RTEN PA'I THA SNYAD TSAD MA'AM SHES PA RANG DGA' BA LA SNANG BA GANG SNANG BA DE LTAR MA GRUB PA DANG, YUL CAN YIN NA RANG NYID LOG SHES SU 'JIG RTEN PA'I THA SNYAD PA'I TSAD MA DE KHO NA NYID LA BLO MA PHYOGS PAS RTOGS NUS PA DE, 'DI'I 'JIG RTEN SHES NGO'I LOG PA'I MTSAN NYID, MTSAN GZHI NI LUS

284a

, ,GTZANG BA DE RTAG BDAG TU 'DZIN PA BZHI YUL DANG BCAS SOGS SO, ,DBANG PO LA GNOD PA'I PHYI RKYEN TIL MAR CHU ME LONG, SMIG RGYU KHRAG PHUG ,SNGAGS RDZAS DANG, RANG SDOD PA'I GRU SOGS YIN TE NANG GI GNOD PA'I SKYON MED KYANG DE DAG GIS DBANG PO 'KHRUL PAR BYED PA'I PHYIR, DBANG PO LA GNOD PA'I NANG GI RKYEN RAB RIB DANG MIG SER DANG THANG KHROM ZOS PA DANG SOGS SGRAS RIMS DANG GDON GYI GNOD PA SOGS YIN TE, DBANG PO LA PHYI'I 'KHRUL PA'I RKYEN MED KYANG DE DAG GIS 'KHRUL PAR BYED PA'I PHYIR, YID KYI GNOD PA'I RKYEN SNGAGS RDZAS DE DAG DANG GRUB MTHA' NGAN PAS GTZO BOR BSLAD PA DANG GTAN TSIGS LTAR SNANG DANG RMI LAM DANG, SOGS SGRAS CHANG SOGS RNAMS 'DREN RIGS TE, DBANG PO'I 'KHRUL RGYU LA MA LTOS PAR DE DAG GIS KYANG YID LA GNOD PA'I PHYIR, 'O NA DBANG PO DANG YUL LA GNOD PA'I 'KHRUL RGYU THAMS CAD 'DI'I 'JIG RTEN SHES NGO'I YIN NAM, SOGS KHONG NAS KYANG 'DON RGYU MED DAM SNYAM NA DE MA YIN TE, CHOS DANG GANG ZAG GI BDAG 'DZIN PHRA MO GNYIS YID DBANG 'KHRUL RGYU YIN KYANG SKABS 'DI'I SHES NGO'I 'KHRUL RGYU MA YIN PA'I PHYIR, DER THAL, DE DAG GI LAG RJES KYIS 'KHRUL BA'I CHA, DE NYID LA BLO KHA MA PHYOGS PA'I THA SNYAD TSAD MAS NGES MI NUS PA'I PHYIR, DE LTA NA YANG SKABS 'DI'I 'KHRUL RGYU'I SOGS SGRA DANG BCAS PA LEGS PAR NGES MI NUS PA'I SKYON YANG MED DE, LHAN SKYES KUN BTAGS SAM 'KHRUL RGYU GANG YIN PA

284b

DES BSKYED PA'I YUL CAN YIN NA LOG SHES DANG, YUL YIN NA RANG SNANG BA LTAR MA GRUB PAR 'JIG RTEN RANG DGA' BA'I TSAD MA'AM DE KHO NA NYID LA MI DPYOD PA'I THA SNYAD DPYOD BYED KYI 'JIG RTEN PA'I TSAD MAS RTOGS NUS KYI 'KHRUL RGYU DE 'JOG PA'I PHYIR, LUS GTZANG BA DE RTAG BDAG BZHIR 'KHRUL PA SKYED PA'I 'JIG RTEN PA'I GRAGS PA LUS GTZANG PAR GRAGS PA DANG, 'DOD YON MANG BA BDE BAR GRAGS PA DANG, NYI MA SNGA PHYI'I SGO NGA'I DBYIBS LTA BU 'DRA RNAM RJES SU 'JUG PA DANG, 'JIG RTEN GRAGS PA LA BDAG SKYE BA SNGA PHYI'I LUS LEN PA POR GRAGS PA SOGS 'KHRUL RGYUR 'JOG PA'I PHYIR, DE SKAD DU, RNAM BSHAD LAS, DE LTAR THOG MA MED PA NAS ZHUGS PA'I BDAG TU 'DZIN PA GNYIS KYI MA RIG PA LA SOGS PAS BSLAD PAS GNOD PA NI GNOD PA'I RGYUR MI GZUNG GI ZHES PA NAS, GTZO BO SOGS YIN LA DE DAG PHYIN CI ZHES SOGS GSUNGS PA'I PHYIR DANG, RIGS PA DRUG CU PA'I 'GREL PA DE'I PHYIR, 'DI NI KHO BO KHO NAS LEGS PAR BSHAD YOD DO, ,'DI'I 'JIG RTEN SHES NGO LA YANG LOG DE LTAR YIN KYANG 'PHAGS PA'I GZIGS PA DANG RIGS SHES DANG DBU MA RANG LUGS DE LTAR MA YIN TE, KUN RDZOB BDEN PA YIN NA LOG PA'I KUN RDZOB YIN PAS KHYAB PA'I PHYIR TE, 'PHAGS PA'I MNYAM BZHAG YE SHES DANG STOBS SOGS RNAM MKHYEN RNAMS KYANG YUL CAN LOG PA MA YIN KYANG YUL LOG PA YIN PA'I PHYIR, YUL CAN MA LOG PA YIN TE, MA 'KHRUL BA'I SHES PA YIN PA'I PHYIR, YUL LOG PA YIN TE,

285a

, ,KHYOD SNANG BA LTAR MA GRUB PA'I CHOS YIN PA'I PHYIR, KHYAB STE, RTZA SHE LAS, 'DUS BYAS THAMS CAD SLU PA'I CHOS ,DES NA DE DAG RDZUN PA YIN, ,ZHES GSUNGS PA'I PHYIR, DE LA KHO NA RE, BUM PA RNAM MKHYEN LA SNANG BA CHOS CAN, SNANG BA LTAR MA GRUB PAR THAL, RDZUN PA YIN PA'I PHYIR, KHYAB PA KHAS, RTAGS GRUB STE, KUN RDZOB YIN PA'I PHYIR, 'DOD NA, RNAM MKHYEN CHOS CAN, KHYOD 'KHRUL PAR THAL, SHES PA GANG BUM PA KHYOD LA SNANG BA SNANG BA LTAR MA GRUB PA'I PHYIR NA MA KHYAB STE, BUM PA RNAM MKHYEN LA SNANG BA LTAR MA GRUB NA RNAM MKHYEN 'KHRUL PAR 'GRO YANG, BUM PA RNAM MKHYEN LA SNANG BA SNANG BA LTAR MA GRUB KYANG RNAM MKHYEN 'KHRUL PAR MI 'GRO PA'I PHYIR, DER THAL, SNANG BA PHYI MA SPYIR BTANG LA SONG PA'I PHYIR, YANG KHO NA RE, RNAM MKHYEN CHOS CAN, BDEN PA YIN PAR THAL, SNANG TSUL DANG GNAS TSUL MTHUN PA'I PHYIR, DER THAL, RANG NYID MNGON SUM DU RTOGS PA'I MNGON SUM RNAMS LA RANG NYID SNANG BA LTAR GRUB PA'I PHYIR NA MA KHYAB, RTAGS GRUB STE, RNAM MKHYEN MNGON SUM DU RTOGS PA LA SANGS RGYAS GCIG DGOS PA'I PHYIR, SKABS 'DIR YANG KHA CIG, LOG SHES RNAMS YUL CAN PHYIN CI LOG DANG TSAD MA RNAMS YUL CAN PHYIN CI MA LOG PAR 'DOD DE, DE GNYIS LA LOG SHES DANG DE MA YIN PA'I MI SLU PA'I SHES PAR TSAD MAS GRUB PA'I PHYIR ZER NA MA KHYAB MOD, 'DI LA'ANG DPYAD

285b

RGYU YOD YI GE MANG DGOS SO, ,GSUM PA SGRA DON YOD DE, KUN RDZOB KYI DE DANG BDEN PA'I SGRA DON GNYIS YOD PA'I PHYIR, KUN RDZOB KYI SGRA DON MI 'DRA BA GSUM YOD DE, BDEN 'DZIN LA KUN RDZOB BYAS PA'I DE DANG, RDZUN PA LA KUN RDZOB ZER BA'I DON DANG, 'JIG RTEN BA'I THA SNYAD LA KUN RDZOB ZER PA'I SGRA DON GSUM YOD PA'I PHYIR, DANG PO YOD DE, DE'I TSE SAm PRi TA'I SAm YANG DAG DANG YI GE BSNAN NAS SA MANTA TE KUN NAS LA BYA STE PRi TA SGRIB PA'AM G-YOGS PA'AM SBUBS SOGS LA 'JUG PAS, GNAS LUGS LA KUN NAS SGRIB PA DANG 'GEBS PA LTAR BYED PAS NA BDEN 'DZIN LA KUN RDZOB CES BSHAD PA'I PHYIR, TSIG GSAL LAS, KUN NAS SGRIB PAS NA KUN RDZOB STE, MI SHES PA NI DNGOS PO'I DE KHO NA NYID LA KUN NAS 'GEBS PA'I PHYIR KUN RDZOB CES BYA'O ZHES DANG, tIKA CHEN LAS, 'DI NI KUN RDZOB KYI SKAD DOD SGRIB PA LA'ANG 'JUG PAS DE'I CHA NAS BSHAD PA YIN GYI KUN RDZOB THAMS CAD SGRIB BYED LA 'CHAD PA MA YIN NO ZHES GSUNGS PA'I PHYIR, GNYIS PA NI, BUM PA CHOS CAN, KHYOD LA RDZUN PA'I KUN RDZOB TU BSHAD DU YOD DE, KHYOD RANG 'DOGS BYED KYI SGRA RTOG DANG PHAN TSUN BRTEN PA YIN PAS NA SAm PRi ZHES BSHAD PA'I PHYIR; ;DE YIN TE PHAN TSUN BRTEN PA TZAM DU JI LTAR GNAS PAS NA DE TZAM GYIS BDEN ZHES THA SNYAD BYAS PA'I PHYIR, TSIG GSAL LAS, YANG NA PHAN TSUN BRTEN PAS NA KUN RDZOB STE PHAN TSUN BRTAN PA NYID KYIS NA ZHES BYA PA'I DON

286a

, ,TO; ;ZHES GSUNGS PA'I PHYIR, GSUM PA YOD DE, SAm PRI TA BRDA LA 'JUG PA'I PHYIR, DE LTA NA'ANG KHYAB CHUNG BA'I SKYON MED DE, BRDA'I DON THA SNYAD LA BYED LA SPYIR THA SNYAD CES PA YUL CAN SHES PA DANG BRJOD PA STE SGRA LA GRAGS KYANG, 'DIR DE GNYIS SU MA ZAD SHES PA THA SNYAD PA'I YUL SHES BYA THA SNYAD PA DANG RJOD BYED THA SNYAD PA'I BRJOD BYA THA SNYAD PA RNAMS KYANG 'DZIN LA THA SNYAD PA ZHES PAS KHYAB CHE BA'ANG SEL BA'I PHYIR, TSIG GSAL LAS, KUN RDZOB NI BRDA STE 'JIG RTEN GYI THA SNYAD LA ZHES BU BA'I DON TO, ,DE YANG BRJOD PA DANG BRJOD BYA DANG SHES BA SHES BYA LA SOGS PA'I MTSAN NYID CAN NO, ZHES GSUNGS PA'I PHYIR, DES NA KUN RDZOB BDEN PA ZHES PA'I KUN RDZOB DANG THA SNYAD BDEN PA ZHES PA'I THA SNYAD GNYIS KYANG MI 'DRA LA DE'I BDEN PA GNYIS KA'I DON YANG MI 'DRA BA'I PHYIR, KUN RDZOB DE LA MA RIG PAS KHYAB, THA SNYAD DER NI KUN RDZOB BDEN PA THAMS CAD YOD PA'I PHYIR, DKON MCHOG SPRIN LAS, GANG MING DANG 'DOGS PA DANG THA SNYAD DE NI KUN RDZOB CES BYA STE ZHES DANG, LHAG MTHONG CHUNG BA LAS, PHYI MA NI BRJOD BYA RJOD BYED DANG SHES PA SHES BYA LA SOGS PA'I MTSAN NYID CAN DU BSHAD PAS YUL CAN GYI THA SNYAD SHES BRJOD TZAM MA YIN PA SHES BYA DANG BRJOD BYA GANG YIN THAMS CAD KYANG KUN RDZOB BDEN PAR MI GZUNG NGO, ,ZHES GSUNGS PA'I PHYIR, GNYIS PA GRUB STE, MA RIG PA'I NGOR BDEN PA KUN RDZOB BDEN PA'I SGRA DON DANG,

286b

THA SNYAD PA'I YUL DU DON GYIS MI STONG BA'AM YOD PA LA THA SNYAD BDEN BA ZHES BDEN TSUL DE LTAR DGOS PA'I PHYIR, DER THAL, DE'I DON YOD PA LA BYED PAR RIGS PAS SNGAR BSGRUBS ZIN CING YOD PA LA BDEN PA'I SGRA YANG 'JUG PA'I PHYIR, DER THAL, DAM PA DANG BSNGAGS PA DANG MCHOD 'OS DANG LEGS PA DANG YOD PA DANG RIG PA'I 'JAL BA RNAMS LA BDEN PA'I SKAD DOD SA TA ZHES PA 'THONG PA'I PHYIR, 'CHI MED MDZOD LAS, BDEN DANG LEGS NAS YOD PA DANG, ,BSNGAGS PA MCHOD 'OS RNAMS LAS TA, CES GSUNGS PA'I PHYIR, TSIG GSAL SOGS NA SHIN TU GSAL LO, ,GNYIS PA BDEN PA'I NGES SHES SO, ,RTZOD SPONG LA KHO NA RE, 'JIG RTEN SHES NGOR YANG DAG 'JOG PA'I SHES PA DE BDEN 'DZIN GCIG LA 'JOG PAR THAL, KHYOD KYI DAM BCA' 'THAD PA'I PHYIR, 'DOD NA, BDEN 'DZIN RNAMS DE YIN PAR THAL, 'DOD PA'I PHYIR NA MA KHYAB STE, DE LA SNANG BA DE LTAR DU GRUB BAR 'DZIN PA GCIG DGOS KYI BDEN 'DZIN TZAM GYIS MI CHOG BA'I PHYIR, DER THAL, GZUGS LTA BU GCIG GI BDEN 'DZIN LA'ANG GZUGS RANG GI NGO BOS GRUB TZAM DU 'DZIN PA DANG SNANG BA LTAR GRUB PAR 'DZIN PA GNYIS LAS PHYI MA KHO NA 'JOG DGOS PA'I PHYIR, GONG DU 'DOD NA, CHOS NYID BDEN 'DZIN DANG SGYU MA'I RTA BDEN 'DZIN RNAMS RE RE NAS CHOS CAN, DE YIN PAR THAL, BDEN 'DZIN YIN PA'I PHYIR, MA KHYAB NA 'BUD, 'DOD MI NUS TE, SGYU MA'I RTA SNANG BA LTAR MA GRUB PAR 'JIG RTEN

287a

, ,PA'I BLO RANG DGA' BAS KYANG RTOGS LA CHOS NYID 'DIR MI SNANG BAR BSHAD PA'I PHYIR, YANG KHO NA RE, KUN RDZOB YIN NA KUN RDZOB BDEN BA YIN DGOS BA MI 'THAD PAR THAL, DE GNYID, 'GAL BA YIN PA'I PHYIR, DER THAL, BCOM LDAN 'DAS KYIS KUN RDZOB BDEN PA DANG KUN RDZOB TZAM ZHES GSUNGS PA GNYIS YOD PA'I PHYIR NA MA KHYAB, RTAGS GRUB STE, BDEN GNYIS KYI YA GCIG BSTAN BA'I CHED DU KUN RDZOB BDEN PA DANG CHOS THAMS CAD BDEN BAR MA GRUB BAR KUN RDZOB TZAM DU YOD PAR BSTAN PA'I CHED DU KUN RDZOB TZAM GSUNGS PA'I PHYIR, RANG 'GREL LAS, DE LTAR NA RE ZHIG BCOM LDAN 'DAS DES KUN RDZOB KYI BDEN PA DANG KUN RDZOB TZAM GSUNGS PA YIN NO, ZHES GSUNGS PA'I PHYIR, KHO RANG LA 'O NA MDO LAS KUN RDZOB TZAM ZHES GSUNGS PA DE YIN NA KUN RDZOB YIN DGOS PAR THAL, RANG 'GREL LAS BCOM LDAN 'DAS DES KUN RDZOB BDEN PA DANG KUN RDZOB TZAM GSUNGS ZHES PA'I KUN RDZOB TZAM GSUNGS PA DE LA KUN RDZOB KYIS KHYAB PA'I PHYIR, RTAGS KHAS, 'DOD NA, GZUGS NAS RNAM MKHYEN PAR GYI CHOS THAMS CAD RE RE NAS CHOS CAN, KUN RDZOB YIN PAR THAL, MDO LAS KUN RDZOB TZAM ZHES GSUNGS PA DE YIN PA'I PHYIR, KHYAB BA KHAS, RTAGS GRUB STE, YAB SRAS MJAL BA LAS, DE LTAR CHOS THAMS CAD MI DMIGS NA SANGS RGYAS NI GANG, ZHES PA NAS, 'DI DAG NI THA SNYAD TZAM BRDA

287b

TZAM KUN RDZOB TZAM BRJOD PA TZAM GDAGS PA TZAM STE, ZHES GSUNGS PA'I PHYIR, 'DOD NA, DE'I BAR GYI 'GOG BDEN DANG STONG NYID BCO BRGYAD KYANG KUN RDZOB YIN PAR THAL, DE RE RE NAS KUN RDZOB YIN PA'I PHYIR, RTAGS KHAS, 'KHOR GSUM, 'DOD MI NUS TE, DE DAG LA KUN RDZOB TZAM ZHES GSUNGS PA NI DE DAG KUN RDZOB PA YIN ZHES PA'I DON MIN CING DON DAM DU MED PAS KUN RDZOB TZAM DU YOD PA DANG THA SNYAD TZAM DU YOD PA SOGS KYI DON YIN PA'I PHYIR, MDO DE NYID LAS, CHOS GANG LA NGO BO NYID MA MCHIS PA DE NI DNGOS PO MA MCHIS PA'O, ZHES PA NAS, GANG DU DUS GSUM DU MI 'THAD PA DE NI MING MA MCHIS PA MTSAN NYID MA MCHIS PA MTSAN MA MA MCHIS PA GDAGS SU MA MCHIS PA STE, SEMS CAN RNAMS GZUNG BA'I PHYIR MING TZAM DANG BRDA TZAM DANG THA SNYAD TZAM DANG KUN RDZOB TZAM DANG BRJOD PA TZAM DANG GDAGS PA TZAM NI MA GTOGS SO ZHES GSUNGS PA LTA BU MANG BA'I PHYIR, KUN RDZOB TZAM ZHES PAS RANG GZHAN DU MAS LOG RTOG BYED BA SNANG BAS LOG RTOG BRGYA DUS GCIG TU RTZAD NAS PHYUNG BA YIN NO, ,YANG KHO NA RE, GZUGS CHOS CAN, KUN RDZOB TU BDEN PA YIN PAR THAL, KUN RDZOB BDEN PA YIN PA'I PHYIR, KHYAB STE, TSIG GSAL LAS, 'JIG RTEN GYI KUN RDZOB TU BDEN PA NI 'JIG RTEN KUN RDZOB BDEN PA STE, ZHES GSUNGS PA'I PHYIR NA MA KHYAB STE, KUN RDZOB GSUM YOD PA'I DANG PO MA RIG PA'I KUN RDZOB LA BDEN PAS KUN RDZOB BDEN PAR BRJOD CES SGRA BSHAD TZAM YIN PA'I PHYIR, 'DOD MI NUS TE, THA SNYAD

288a

, ,DU BDEN PA MA YIN PA'I PHYIR, KHYAB STE, THA SNYAD DU YOD PA DANG KUN RDZOB TU YOD PA DON GCIG PA'I PHYIR, MA KHYAB MTSAMS LA RTAGS DER THAL, GZUGS DE THA SNYAD DU RDZUN PA YIN PA'I PHYIR, DER THAL, MYANG 'DAS DE THA SNYAD DU BDEN PA DANG GZUGS DE THA SNYAD DU KUN RDZOB PA YIN PA'I PHYIR, DER THAL, THA SNYAD DU BDEN GNYIS KYI RNAM BZHAG YOD PA'I PHYIR, BYAS PA LA KHA CIG NA RE, MYANG 'DAS DON DAM BDEN PA MA YIN PAR THAL, DE KUN RDZOB BDEN PA YIN PA'I PHYIR, RIGS PA DRUG CU PA'I 'GREL BA LAS, DE'I PHYIR MYA NGAN LAS 'DAS PA NI KUN RDZOB KYI BDEN PAR YONGS SU BRTAGS PA KHO NA'O, ZHES GSUNGS PA'I PHYIR NA MA KHYAB STE, MYANG 'DAS BDEN PA YIN PA NI KUN RDZOB TU 'JOG GI DON DAM PAR MA GRUB CES PA'I DON YIN PA'I PHYIR TE, DE'I SHES BYED DU MYANG 'DAS LAS LHAG PA GCIG YOD NA DE YANG RMI LAM LTA BU SGYU MA LTA BU GSUNGS PA DRANGS PA'I PHYIR RO, ,KUN RDZOB BSHAD ZIN TO, ,DON DAM RNAM BZHAG LA, RTZA BAR, RAB RIB CES SOGS KYI DON LA 'KHRUL PA RAGS PA DGAG PA DANG, RJE YAB SRAS KYI BZHED PA 'GOD, DE'I DON RIGS PA PHRA MOS GTAN LA 'BEBS PA GSUM GYI DANG PO LA KHA CIG NA RE, DON DAM BDEN PA BLO GANG GI YANG YUL MA YIN PAR THAL, RANG 'GREL LAS, GAL TE RNAM PA DE LTA BU'I RANG BZHIN NI MTHONG BA MED PA NYID MA YIN NAM, DE'I PHYIR JI LTAR DE DAG GIS GZIGS SHE NA, BDEN

288b

MOD KYI 'ON KYANG MA GZIGS PA'I TSUL GYIS DE DAG GIS GZIGS SO, ZHES BRJOD DO ZHES GSUNGS PA'I PHYIR NA MA KHYAB STE, GAL TE GNYIS SNANG THAMS CAD NUB PA'I RNAM PA DE LTA BU'I CHOS DBYINGS NI MTHONG BA DE MED PA MA YIN NAM, DES NA SANGS RGYAS DE DAG GIS JI LTAR GZIGS ZHES DRIS PA'I LAN DU, GNYIS SNANG NUB BAS NA GZHAL BYA GNYIS SNANG TSUL GYIS MA GZIGS PA BDEN MOD, 'ON KYANG STONG NYID NI GNYIS SNANG MA GZIGS PA'I TSUL GYIS GZIGS ZHES PA'I DON YIN PA'I PHYIR, DE LAS GZHAN DU NA 'DI RIM GZIGS RGYU DANG GZIGS RGYU GNYIS GA GCIG LA BYED PAR THAL, DE BZHIN NYID MA GZIGS PA DER KHYOD KYIS BZHAG PA'I PHYIR, RTAGS KHAS, 'DOD NA, GZUGS SOGS KYI JI LTA BA RTOGS PA'I RNAM MKHYEN GYIS GZUGS SOGS DNGOS PO BYAS PA MA GZIGS PA'I TSUL GYIS DE DAG GI DE NYID GZIGS PA MA YIN PAR THAL, 'DOD PA'I PHYIR, RTAGS KHAS, 'DOD MI NUS TE, PHUNG SOGS RNAMS MA GZIGS PA'I TSUL GYIS GZUGS SOGS KYI GNAS LUGS GZIGS DGOS PA GANG ZHIG, GZIGS NGO DER PHUR SOGS MA GRUB PA PHUNG SOGS KYI DE NYID YIN PA'I PHYIR, DANG PO GRUB STE, RANG 'GREL LAS, DNGOS PO BYAS PA CAN LA MA REG PAR RANG BZHIN 'BA' ZHIG MNGON DU MDZAD DE, ZHES GSUNGS PA'I PHYIR, KHYAB STE, DON DAM MKHYEN PA'I RNAM MKHYEN GYIS RANG BZHIN GZIGS NGOR CHOS CAN LA MA REG PAR CHOS NYID 'BA' ZHIG GZIGS PAR BSHAD PA'I PHYIR,

289a

, ,GNYIS PA GRUB STE, MDO LAS, MTHONG BA MED PA NI MTHONG BA DAM PA'O, ZHES GSUNGS PA'I PHYIR, KHYAB STE, YE SHES DE'I NGOR SPROS BA MTHA' DAG ZAD NAS MA MTHONG BA DE YE SHES DES SPROS BRAL MTHONG BA'I DON YIN PA'I PHYIR, DPER NA THOGS REG YOD NA MTHONG DUNG BA LAS MA MTHONG BAS NAM MKHA' MTHONG BAR 'JOG PA BZHIN YIN PA'I PHYIR, DER THAL, 'DI'I MTHONG MA MTHONG GZHI THA DAD LA BYED PA'I PHYIR, MDO SDUD PA LAS, GZUGS RNAMS MI MTHONG TSOR BA DAG KYANG MI MTHONG ZHING, ,'DU SHES MTHONG BA MED LA SEMS BA MI MTHONG ZHING, ,GANG LA RNAM PAR SHES DANG SEMS YID MTHONG MED PA, ,'DI NI CHOS MTHONG YIN ZHES DE BZHIN GSHEGS PAS BSTAN,, NAM MKHA' MTHONG ZHES SEMS CAN TSIG TU RAB BRJOD PA, ,NAM MKHA' JI LTAR MTHONG ZHES DPE 'DI BRTAGS PAR GYIS, ,DE LTAR CHOS MTHONG BA YANG DE BZHIN GSHEGS BAS BSTAN, ,MTHONG BA DPE GZHAN GYIS NI BSNYAD PAR NUS MA YIN, ,ZHES MI MTHONG BA PHUNG PO LNGA DANG MTHONG BA CHOS TE DE NYID LA BSHAD CING TSIGS BCAD GZHAN GYIS NAM MKHA'I STENG NAS DPE DON SBYAR NAS BSHAD PA'I PHYIR, GZHAN YANG MTHONG MI MTHONG GI TSUL DE LTAR 'THAD PAR THAL, 'PHAGS PA YAB SRAS KYIS ZAB MDO DRANGS PA DU MA'I DGONGS PA YIN PA'I PHYIR, 'PHAGS PA'I MDO KUN BTUS LAS, CHOS ZAB MO NI GANG, CHOS ZAB MO LA YOS PA NI JI LTA BU YIN ZHE NA, BYANG CHUB SEMS

289b

DPA'I SDE SNOD LAS BYUNG BA 'PHAGS PA'I YANG DAG PA'I LTA BA 'BYUNG BA NI ZHES GNAS, BYANG CHUB SEMS DPA' DE LTAR TSUL BZHIN DU SBYOR BAS JI LTAR NA TSUL BZHIN DU MTHONG ZHE NA, DE 'DI LTAR SLOB STE, GANG GI TSE BYANG CHUB SEMS DPA' CHOS THAMS CAD RANG BZHIN GYIS 'GAG PAR MTHONG BA DE'I TSE TSUL BZHIN MTHONG NGO, ,GANG GI TSE CHOS THAMS CAD RANG BZHIN GYIS NYE BAR ZHI BAR MTHONG BA DE'I TSE TSUL BZHIN MTHONG NGO, ,ZHES GSUNGS PA'I PHYIR, KHYAB STE, CHOS THAMS CAD RANG BZHIN GYIS 'GAG ZHI RNAMS MTHONG BAR BSHAD PAS CHOS CAN MI MTHONG LA CHOS NYID MTHONG BAR SHIN TU GSAL BA'I PHYIR DANG, TING 'DZIN RGYAL PO LAS KYANG, CHOS KYI RANG BZHIN DNGOS MED RAB MKHYEN LA, ,BRJOD DU MED PA TSIG TU BRJOD PAR MDZAD, CES GSUNGS PA SHIN TU MED PA'I PHYIR, YANG STAG TSANG BA NA RE, DE NYID MNGON SUM MTHONG ZHES PA RNAM PA MA SHAR BAR MTHONG ZER BA MI 'THAD PAR THAL, DE KHO NA NYID KYI RNAM PA GSAL BAR SHAR NAS MKHYEN PA YIN PA'I PHYIR, RTZA BA NAG TSO'I 'GYUR LAS, DE TSE DE YI DE NYID RTOGS PA DE YI RNAM PA 'DZIN PA NYID YIN TE, ,ZHES GSUNGS PA'I PHYIR, YANG SNGA PHYI MANG POS JI SNYED BA KUN MI MKHYEN ZER NA, 'O NA SANGS 'PHAGS GYI STOBS BCUS CHOS NYID MNGON SUM DU MI MKHYEN PAR THAL, 'DOD PA'I PHYIR, 'DOD MI NUS TE, DE DE THAMS CAD MNGON SUM DU RTOGS PA'I TSAD MA YIN PA'I PHYIR, CA PAR, RNAM KUN MKHYEN NYID YE SHES NI, ,MNGON SUM

290a

, ,MTSAN NYID CAN DU 'DOD, ,GZHAN NI NYI TSE BA NYID KYIS, ,MNGON SUM NYID DU MI 'DOD DO, ,ZHES DANG, DPA' BOS, KHYOD 'BA' ZHIG GI YE SHES KYIS, ,SHES BYA THAMS CAD KHYAB LAGS KYI, ,KHYOD LAS GZHAN BA THAMS CAD KYI, ,SHES BYA KHO NA LHAG PA LAGS, ,ZHES DANG, MDO TING 'DZIN RGYAL PO LAS, SEMS CAN KUN GYI SPYOD PA RAB TU MKHYEN, ,CHOS RNAMS KUN LA MNGON PAR MKHYEN PA 'JUG ,CES GSUNGS PA'I PHYIR, YANG KHO NA RE, SANGS RGYAS 'PHAGS PA LA 'KHRUL PA YOD PAR THAL, MA RIG BAG CHAGS KYIS BSLAD PA'I MA DAG PA'I SNANG BA SNANG BA'I PHYIR NA MA KHYAB, RTAGS GRUB STE, THAMS CAD MKHYEN PA'I PHYIR, RTZA BAR 'DOD MI NUS SHING MA KHYAB PA'I RGYU MTSAN YOD PAR THAL, GDUL BYA LA SNANG PA'I SGO NAS SNANG GI DER MA LTOS PAR SANGS RGYAS RANG GI NGOS NAS MI SNANG PA'I PHYIR, DPER NA MIG SER CAN GYIS GSER DANG DUNG DKAR LAG TU THOG NAS 'DI GNYIS GSER DU SNANG SMRAS TSE GANG ZAG GZHAN DE LA'ANG DUNG LA GSER SNANG GI RNAM PA RTOG PA LA SHAR YANG RANG NGOS NAS MA YIN PA BZHIN NO, ,'DI DAG RGYAS PAR SKABS BRGYAD PA'I MTHA' DPYOD DU BSHAD ZIN TO, ,GNYIS PA RJE'I BU CHEN SO SO'I BZHED TSUL LA SPYOD 'JUG DAR tIKA GI TSIG ZIN LTAR NA MI RUNG STE, TSIG ZIN LA SANGS RGYAS KYI YE SHES DE NYID LA RANG NYID GNYIS SNANG YOD NA RANG LAS THA DAD DANG NUB NA DON DAM PAR 'GYUR BAS RANG NYID LAS LDOG PA

290b

THA DAD PA'I RANG DANG GRUB BDE NGO BO GCIG PA MTHA' DAG SNANG NAS RTOGS KYANG RANG NYID LA RANG NYID MI SNANG YANG RTOGS PA YIN PAR BSHAD PA LA MKHAS PA DU MAS DE DAG DGONGS PAR BYAS NAS DGAG PA MDZAD PA'I PHYIR, TSIG ZIN LA DE NYID LAS; SANGS RGYAS KYI YE SHES DE NYID LA RANG NYID SNANG BAR 'DOD PA NI RIGS PA DANG 'GAL TE, NAS, RANG NYID LA RANG NYID MI SNANG YANG RTOGS PA'O, ZHES GSUNGS PA'I PHYIR, DES NA DGONGS CHAL CHA CAN YAN GAR PA'I SNANG BA MI 'CHAR BA LA 'DOD PAR BYA'O, ,GZHAN DU 'CHAD 'GYUR GYI GNOD PA KUN 'BAB BO, ,STONG THUN GYI TSIG ZIN KYANG MI 'THAD PA LTAR YOD DE, STONG THUN LTAR SHIN TU 'THAD KYANG 'DRA RNAM MA YIN PA'I RNAM PA DNGOS SU MA GSUNGS PA DANG MKHYEN TSUL ZHAL MI GSAL BA LA MKHAS PAS SKYON DU MA BKOD PA YOD PA'I PHYIR, BSHAD TSUL NI DE NYID LAS, GAL TE RANG GIS RANG NYID DNGOS SU RIG NA, RANG LA RANG GI RNAM PA 'CHAR DGOS LA, DE LTAR NA RANG NYID RANG DANG 'DRA BAR THAL BA'I SKYON 'BYUNG NGO ZHE NA, RANG GIS RANG NYID DNGOS SU RIG NA RNAM PA MA SHAR BAR RIG DGOS SO, ,ZHES KHO BOS BZLOG LA SMRA YI GNOD BYED STON CIG ,YUL GCIG RNAM MED DU DNGOS SU RIG NA YUL THAMS CAD RNAM MED DU DNGOS SU RIG DGOS SO, , ZHE NA ZHES SOGS GSUNGS SO, ,'DI LA RNAM PA TZAM LA 'DRA RNAM GYIS MA KHYAB PA DANG RNAM BSHAD TSAD 'GOG DANG MTHUN NAM SNYAM STE 'CHAD PAR 'GYUR RO, ,RGYAL TSAB KYI GSUNG DE LA STONG THUN LAS GSUNGS TSUL NI, RGYAL TSAB NA RE

291a

, ,SANGS RGYAS KYI YE SHES DE SANGS RGYAS KYI YE SHES DE LA DNGOS SU SNANG MI RUNG BAR THAL, DE DE LA DNGOS SU SNANG NA RANG NYID RANG NYID LA RIG BYA RIG BYED GNYIS KAR 'GYUR BA'I PHYIR, MA KHYAB NA, 'O NA BYA BYED GCIG TU THAL, YE SHES DE RANG NYID RANG NYID LA RIG BYA RIG BYED GNYIS KAR KHAS BLANGS PA'I PHYIR GSUNGS, MKHAS GRUB THAMS CAD MKHYEN PA NA RE, 'O NA KHYOD RANG LA YANG YE SHES DE'I BYA BYED GNYIS GCIG TU THAL, YE SHES DE RANG NYID RANG NYID LA SHUGS KYIS RIG BYA RIG BYED DU KHAS BLANGS PA'I PHYIR GSUNGS PA 'DI GNYIS KYI THAL 'GYUR PHYI MA GNYIS LA MA KHYAB STE, YE SHES DE RANG NYID RANG NYID LA RIG BYA RIG BYED GNYIS KAR KHAS BLANGS KYANG BYA BYED LDOG PA THA DAD DU KHAS BLANGS CHOG PA'I PHYIR, DER THAL, YE SHES DE RANG NYID LA RIG BYA RIG BYED PHAN TSUN YIN KHYAB MNYAM YIN KYANG YE SHES RANG NYID LA YUL KYI CHA LAS SU BYA BA DANG RANG NYID 'JAL BA BYED PA'I LDOG PA THA DAD KHAS BLANGS KYANG SKYON MED PA'I PHYIR, DER THAL, SANGS RGYAS KYI YE SHES GCIG NYID JI LTA JI SNYED MKHYEN PA'I YE SHES SU LDOG PA THA DAD PHAN TSUN KHYAB MNYAM MI 'GAL BA BZHIN YIN PA'I PHYIR, GZUNGS RGYAL GYI MDO STOBS BCU'I THAD DU DRANGS PA LAS, DE BZHIN GSHEGS PA'I TING NGE 'DZIN GCIG GIS TING NGE 'DZIN THAMS CAD MNGON BAR 'GRUB STE, ZHES GSUNGS PA'I PHYIR, KHYAB STE, TING NGE 'DZIN GCIG PUS TING NGE 'DZIN THAMS CAD YUL DU BYAS

291b

NAS SNYOMS PAR 'JUG PAR BSHAD LA DE LTA NA RANG NYID KYANG YUL DU SHIN TU GSAL LA, SNYOMS 'JUG DGU SOGS TING NGE 'DZIN SNGA MA LAS MA LANGS PAR PHYI MAR 'JUG PA DANG DE DAG GI LDOG PA YANG 'DRES MI DGOS PA YIN PA'I PHYIR; DANG PO GRUB STE, LUNG DE'I MJUG TU DE NYID LAS, DE BZHIN GSHEGS PA NI TING NGE 'DZIN GCIG LAS MA LANGS PAR TING NGE 'DZIN THAMS CAD LA SNYOMS PAR 'JUG KYANG DE BZHIN GSHEGS PA LA SEMS GCIG NAS GCIG TU 'JUG PA MED, DE BZHIN GSHEGS PA LA SEMS MNYAM PAR MA BZHAG PA MED CES GSUNGS PA'I PHYIR, SHIN TU GSAL LO, ,GNYIS PA GRUB STE, MDO DE NYID LAS, RNAM PAR THAR PA BRGYAD LA LUGS DANG MTHUN PAR YANG SNYOMS PAR 'JUG GO ,LUGS DANG MI MTHUN PA DANG SNREL ZHIR YANG NGO, TING NGE 'DZIN NI SNYOMS PAR 'JUG PAR STON SNYOMS PAR 'JUG PA NI TING NGE 'DZIN DU STON KYANG DE BZHIN GSHEGS PA'I TING NGE 'DZIN LA 'DRES PA GANG YANG MED CING, ZHES GSUNGS PA'I 'DRES PA MED TSUL YOD PA'I PHYIR, DES NA MKHYEN TSUL 'DI BSAM MI KHYAB YIN NO, ,SANGS RGYAS KYI YE SHES DE YE SHES RANG NYID LA GNYIS SNANG DANG BCAS PA'I TSUL GYIS SNANG BAR THAL, SANGS RGYAS KYI YE SHES DE YE SHES RANG NYID LA SNANG BA GANG, GNYIS SNANG NUB PA'I TSUL GYIS MI SNANG BA'I PHYIR NA KHA CIG MA KHYAB ZER YANG, 'DOD PA KHO NA'O, ,'O NA SANGS RGYAS KYI YE SHES CHOS CAN, SANGS RGYAS KYI YE SHES DANG THA

292a

, ,DAD YIN PAR THAL, SANGS RGYAS KYI YE SHES KYIS GNYIS SNANG DANG BCAS PA'I TSUL GYIS RTOGS PA GANG ZHIG, DE SNANG YUL LA MA 'KHRUL BA'I PHYIR NA SHIN TU MA KHYAB, 'O NA GNYIS SNANG GI DON YUL CAN RANG LAS THA DAD PA DANG, GNYIS SNANG NUB PA'I DON YUL CAN RANG LAS THA MI DAD LA BYED PAR THOL, YUL CAN SANGS RGYAS KYI YE SHES DES YUL CAN DE GNYIS SNANG DANG BCAS PA'I DON SANGS RGYAS KYI YE SHES RANG NYID DANG THA DAD PA LA BYED PA'I PHYIR; 'KHOR GSUM, 'DOD NA, SANGS RGYAS KYI YE SHES CHOS CAN, KHYOD GNYIS SNANG NUB PA'I TSUL GYIS MNGON SUM DU MKHYEN PA'I YE SHES YOD PAR THAL, KHYOD RANG DANG GCIG PAR MKHYEN PA'I RNAM MKHYEN YOD PA'I PHYIR, KHYAB PA KHAS; 'DOD NA, DE CHOS CAN, DON DAM BDEN PAR THAL, ,'DOD PA'I PHYIR, RTAGS KHAS, 'KHOR GSUM KHYAB STE, DE MNGON SUM DU RTOGS PA'I YE SHES YIN NA DE GNYIS SNANG DANG BCAS PA'I TSUL GYIS RTOGS PAS KHYAB PA'I PHYIR, DER THAL, DE MNGON SUM DU RTOGS PA'I YE SHES YIN NA DA CHA CAN GYI SNANG BA DANG BCAS NAS RTOGS PAS KHYAB PA'I PHYIR, KHYAB CING RTAGS GRUB STE, KHYOD KUN RDZOB BDEN PA YIN PA'I PHYIR, GZHAN YANG STONG NYID CHOS CAN, KHYOD LA RNAM MKHYEN GYIS GNYIS SNANG MA NUB PAR THAL, RNAM MKHYEN GYIS KHYOD RANG LAS THA DAD PAR RTOGS PA'I PHYIR, KHYAB PA KHAS, MA GRUB NA, DE RNAM MKHYEN LAS THA DAD BA CHOS CAN, RNAM MKHYEN GYIS

292b

KHYOD RTOGS PAR THAL, KHYOD GZHI GRUB PA'I PHYIR, GZHAN YANG SANGS RGYAS KYI YE SHES CHOS CAN, KHYOD DANG GRUB BDE DBYER MED KYI RDZAS GCIG RNAMS SANGS RGYAS KYI YE SHES LA MNGON SUM DU SNANG BAR THAL, KHYOD DANG GRUB BDE DBYER MED KYI RDZAS GCIG RNAMS SANGS RGYAS KYI YE SHES DANG PHAN TSUN THA DAD KYI KUN RDZOB YIN PA'I PHYIR, RTAGS SLA, MA KHYAB NA, SANGS RGYAS KYI YE SHES CHOS CAN, SANGS RGYAS KYI YE SHES DANG PHAN TSUN THA DAD KYI KUN RDZOB YIN NA KHYOD KYIS MNGON SUM DU RTOGS PAS KHYAB PAR THAL, KHYOD RNAM MKHYEN DANG GCIG YIN PA'I PHYIR, 'KHOR GSUM KHAS, RTZA BAR 'DOD NA, SANGS RGYAS KYI YE SHES CHOS CAN, SANGS RGYAS KYI YE SHES KYI MI RTAG PA DANG DE SHES PA YIN PA'I CHA DANG SGRIB GNYIS DANG BRAL BA'I DE'I GSAL CHA DANG RIG PA RNAMS KYANG MNGON SUM DU RTOGS PAR THAL, KHYOD RNAM MKHYEN GANG, DE RNAMS KHYOD DANG PHAN TSUN THA DAD PA'I KUN RDZOB YIN PA'I PHYIR, 'DOD NA; SANGS RGYAS KYI YE SHES CHOS CAN, KHYOD LA SANGS RGYAS KYI YE SHES MNGON SUM DU SNANG BAR THAL, KHYOD LA SANGS RGYAS KYI YE SHES SGRIB GNYIS DANG BRAL BA'I GSAL CHA GRUB BDE RDZAS GCIG YIN TSAD SNANG BA'I PHYIR, RTAGS SNGAR BZHIN THA DAD KYIS GRUB, MA KHYAB NA, 'O NA SANGS RGYAS KYI YE SHES DNGOS SU SNANG BA LA DE YAN GAR BA SNANG BA GCIG DGOS PAR THAL, DE'I GDAGS GZHI DANG MTSON BYED SNANG BAS DE'I SNANG GO MI CHOD PA'I

293a

, ,PHYIR; MA GRUB NA DNGOS, 'DOD MI NUS TE, DE YAN GAR BA GZHI MA GRUB PA'I PHYIR DANG, GDAGS GZHINGS YUG GI PHYOGS GCIG TSIG PAS RAG YUG TSIG PAR 'JOG PA DANG YANG 'GAL LA BTAGS DON BTZAL BAR YANG SONG PA'I PHYIR, GZHAN YANG SANGS RGYAS KYI YE SHES LA MI SNANG PA'I SHUGS RTOGS MI RUNG BAR THAL, SANGS RGYAS KYI YE SHES KYIS CHOS THAMS CAD MNGON SUM DU MKHYEN PAR STOBS BCU'I SKABS SU BSHAD PA'I PHYIR, RNAM BSHAD LAS, DE LTAR STOBS RNAMS KYIS SHES BYA MTHA' DAG MKHYEN PAR GSUNGS PA'I MNGON GYUR DU YIN LA, SANGS RGYAS KYI MNGON SUM LA SHUGS RTOGS MI RUNG BAS SNANG NAS MKHYEN DGOS SO, , ZHES GSUNGS PA'I PHYIR, YANG KHA CIG, SANGS RGYAS KYI YE SHES RANG NYID KYIS RANG NYID DNGOS SU RTOGS KYANG RNAM PA MA SHAR ZER NA'ANG MI 'THAD PAR THAL, DES DE MNGON SUM DU RTOGS PHYIN RNAM PA 'CHAR DGOS, DE MA SHAR BAR BYE SMRA LTAR RNAM MED THUG PHRAD DU DNGOS SU MI 'JAL PA'I PHYIR, RNAM BSHAD LAS, DE YANG RNAM PA MA SHAR BAR MKHYEN PA 'DI'I LUGS MA YIN PA NI RIGS PA DRUG CU PA'I 'GRAL BAS GSAL BAR BSHAD DO,, ZHES DANG, RIGS PA DRUG CU PA'I 'GREL PA LAS KYANG, DE LTA NA YANG RNAM PAR SHES PA DE'I RNAM PA LA STON PAS MNGON SUM NYID DU GDAGS SO, ,GZHAN DAG GIS KYANG YUL GYI RANG GI MTSAN NYID KYI RNAM PA'I RJES SU BYED

293b

PA NYID KYIS SNGON PO LA SOGS PA'I RNAM PAR SHES PA GZHAN YANG MNGON SUM NYID DU BSTAN TO, ,'DI LA YANG DE YOD PAS MNGON SUM NYID DU MI 'GAL LO, ZHES GSUNGS PA'I PHYIR, BYAS PA LA KHO NA RE, YE SHES DE LA YE SHES DE'I RNAM PA YANG MI SNANG, BYE SMRA LTAR RNAM MED THUG PHRAD DU YANG MA BZUNG YANG DNGOS SU RTOGS ZER NA, 'O NA SKABS 'DIR YE SHES DE YE SHES DE LA RANG RIG MNGON SUM YIN PAR THAL, MNGON SUM DU BZUNG TSUL DE'I PHYIR, YANG KHA CIG, STONG NYID RTOGS PA'I SHUGS LA YUL CAN YE SHES RANG NYID RTOGS ZER BA LA, STONG THUN GYI RJES 'BRANG DANG BCAS PA NA RE, 'O NA YE SHES DE'I DNGOS YUL GYI STONG NYID CHOS CAN, MA YIN DGAG TU THAL, DGAG PA GANG, KHYOD MNGON SUM DU RTOGS PA'I SHUGS LA YUL CAN YE SHES RANG NYID RTOGS PA'I PHYIR NA KHA CIG MA KHYAB STE 'O NA RNAM MKHYEN GYI GZHAL BYAR GYUR PA'I STONG NYID CHOS CAN, MA YIN DGAG TU THAL, DGAG PA GANG, RANG MNGON SUM DU RTOGS PA'I RNAM MKHYEN GYIS RANG NYID LAS GZHAN PA'I CHOS THAMS CAD MNGON SUM DU RTOGS PA'I PHYIR ZER RO, ,PHYI MA 'DI LA 'O NA, RNAM MKHYEN GYIS STONG NYID LA GZIGS PA'I NGO BO GNYIS SNANG MTHA' DAG NUB PA'I TSUL GYIS GZIGS PA MA YIN PAR THAL RNAM MKHYEN GYIS STONG NYID LA GZIGS PA'I DO NA'ANG STONG NYID LAS GZHAN PA'I CHOS THAMS CAD YOD PA'I PHYIR, RTAGS KHAS, 'KHOR GSUM, 'DOD NA, RANG 'GREL LAS,

294a

, ,DNGOS PO BYAS PA CAN LA MA REG PAR RANG BZHIN 'BA' ZHIG MNGON DU MDZAD NAS DE NYID THUGS SU CHUD PA'I PHYIR SANGS RGYAS ZHES BRJOD DO, ZHES RNAM MKHYEN GYIS STONG NYID GZIGS NGOR CHOS CAN MA GZIGS PAR RANG BZHIN KHO NA GZIGS PAR BSHAD PA MI 'THAD PAR THAL LO, ,BYAS PA LA KHO NA RE, 'O NA RNAM MKHYEN GYIS BDEN GNYIS TSOGS PAR GZHAL BA'I STONG NYID DE MA YIN DGAG YIN PAR THAL, DE DGAG SGRUB GANG RUNG GANG, MED DGAG MA YIN PA'I PHYIR ZER NA, 'DOD BYAS PA LA KHO NA RE, 'DOD PA MI 'THAD PAR THAL, DE DON DAM BDEN PA YIN PA'I PHYIR, DE DER THAL, DE'I TSE YE SHES DE'I NGO NA BDEN PA GNYIS KA TSOGS PA'I PHYIR ZER NA 'GAL KHYAB YIN TE, BLO DE'I NGO NA GZUGS SOGS CHOS CAN DANG DE'I BDEN MED GNYIS TSOGS KYI MA YIN DGAG KUN RDZOB BDEN PAR BSHAD PA'I PHYIR, RIGS PA'I RGYA MTSO LAS, RIGS PA 'DIS SANGS RGYAS KYI JI SNYED PA MKHYEN PA'I YE SHES DANG, 'PHAGS PA 'OG MA'I RJES THOB KYI YE SHES MA YIN DGAG SGYU MA LTA BU'I DON 'JAL BA RNAMS KYI YUL RNAMS KYANG RNAM GRANGS PA'I DON DAM DU SHES PAR BYA'O, ZHES GSUNGS PA'I PHYIR, GANG ZAG SOGS DON DAM PAR SKYE BA MED PA MED DGAG DANG STONG NYID YIN KYANG RANG GI SNANG NGOR STONG GZHI DANG BCAS PAR 'CHAR BA'I MA YIN DGAG GI STONG PA STONG NYID YIN PAR THAL, YE SHES DE'I NGO NA BDEN PA GNYIS TSOGS

294b

KYI STONG PA DE DON DAM BDEN PA YIN PA'I PHYIR, RTAGS KHAS, 'KHOR GSUM, 'DOD MI NUS TE, DE DON DAM BTAGS PA BA DANG KUN RDZOB DNGOS GNAS PA YIN PA'I PHYIR, RIGS PA'I RGYA MTSO LAS, 'ON KYANG DON DAM PA'I SKYE BA SOGS PHUNG PO DANG GANG ZAG GI STENG DU BKAG PA'I MA YIN DGAG GI STONG PA NI, ZHES PA NAS, RANG MNGON SUM DU MTHONG BA'I BLO'I NGOR GNYIS SNANG DANG BCAS PAR 'CHAR GYI GNYIS SNANG DANG BRAL BAR MI 'CHAR BAS DON DAM BTAGS PA BA KUN RDZOB MTSAN NYID PA'O, ZHES GSUNGS PA'I PHYIR, 'DI SKOR LA STONG THUN RANG RGYUS CHE BAR SNANG NGO, ,SHIN TU SPROS PAS CHOG GO ,YANG KHA CIG, STONG NYID DBYE BA'I SKABS SU RIGS SHES RJES DPAG GI YUL BDEN MED CHOS CAN, DON DAM BDEN PA MA YIN PAR THAL, MTHUN PA'I DON DAM YIN PA'I PHYIR NA MA KHYAB, YANG KHO NA RE, RNAM GRANGS MA YIN PA'I DON DAM DANG DON DAM BDEN PA DON GCIG ZER RO, ,KHYOD KYI DAM BCA' DE GNYIS MI 'THAD PAR THAL, MTHUN PA'I DON DAM DANG RNAM GRANGS MA YIN PA'I DON DAM GNYIS KA LA YUL DON DAM BDEN PA RE DANG YUL CAN DON DAM PA GNYIS GNYIS YOD PA'I PHYIR, DER THAL, RIGS SHES RJES DPAG GI YUL MYU GU BDEN MED DE YUL MTHUN PA'I DON DAM DANG DON DAM DNGOS GNAS PA DANG, DE RTOGS KYI RJES DPAG YUL CAN MTHUN PA'I DON DAM GANG ZHIG, 'PHAGS PA'I MNYAM BZHAG ZAG MED KYI YUL DE YUL

295a

, RNAM GRANGS MA YIN PA'I DON DAM DANG, DE 'DRA'I MNYAM BZHAG DE YUL CAN RNAM GRANGS MA YIN PA'I DON DAM YIN PA'I PHYIR, DUS GSUM RNAM MKHYEN GYIS MKHYEN TSUL LA KHA CIG NA RE, DE RING GI RNAM MKHYEN GYIS DUS GSUM THAMS CAD MKHYEN PAR THAL, DE RNAM MKHYEN YIN PA'I PHYIR, 'DOD NA, DE RING GI DUS SU DUS GSUM MTHA' DAG YOD PAR THAL, DE RING GI RNAM MKHYEN GYIS RANG DUS SU DE THAMS CAD MKHYEN PA'I PHYIR NA MA KHYAB STE, MKHYEN DUS DANG YUL KYI GRUB DUS THA DAD YIN PA'I PHYIR, DER THAL, TSUR KHA'I RI'I STENG GI GANG ZAG GIS PHAR KHA'I RI MTHONG YANG PHAR KHA'I RI TSUR KHA'I MTHONG SA NA YOD MI DGOS PA BZHIN YIN PA'I PHYIR, RANG LUGS NI, DON DAM BDEN PA'I MTSAN NYID, DBYE BA, SGRA BSHAD, MKHYEN TSUL DANG, DBYE BA'I RTZOD SPONG LNGA, DANG PO NI, RANG MNGON SUM DU RTOGS PA'I BLOS GNYIS SNANG NUB PA'I TSUL GYIS RTOGS PAR BYA BA DE, RANG DON DAM BDEN PA YIN PA'I MTSAN NYID YIN TE, MA 'KHRUL PA'I SHES PA'I RNYED DON DANG 'PHAGS PA'I MNYAM BZHAG ZAG MED KYI RNYED DON DANG, DON DAM BDEN PA RNAMS DON GCIG YIN PA'I PHYIR, RTZA BAR, YANG DAG MTHONG YUL GANG DE DE NYID DE, ,ZHES GSUNGS PA'I PHYIR, KHYAB STE, YANG DAG PAR MTHONG BA NI MA 'KHRUL PAR MTHONG BA'I DON YIN PA'I PHYIR TE, RANG 'GREL LAS, DE LA DON DAM PA NI YANG DAG PAR GZIGS PA RNAMS KYIS

295b

YE SHES KYI KHYAD PAR GYI YUL NYID KYIS BDAG GI RANG GI NGO BO RNYED PA YIN GYI ZHES DANG, TSIG GSAL LAS PHYIN CI LOG MA LOG THA DAD DU BSHAD PA DE'I PHYIR, 'O NA, GZHI GRUB NA MA 'KHRUL PA'I SHES PA'I RNYED DON YIN DGOS PAR THAL; GZHI GRUB NA MA 'KHRUL PA'I RNAM MKHYEN GYI RNYED DON YIN DGOS PA'I PHYIR NA MA KHYAB STE, 'DIR SPYIR BTANG GI SKABS YIN LA SANGS RGYAS KYI YE SHES KYI MKHYEN TSUL GANG YIN BLO DANG SHES PA'I SHES TSUL LA SBYOR NA 'JIG RTEN PA'I THA SNYAD THAMS CAD 'JIG PAR 'GYUR BA'I PHYIR, SNGAR YANG BSHAD LA, RNAM BSHAD LAS KYANG, RNAM BZHAG 'DI GNYIS 'GAL BAR 'GYUR RO SNYAM NA MI 'GAL TE BDEN GNYIS KYI MTSAN NYID SNGAR BSHAD PA NI SPYIR BTANG LA DGONGS LA, SANGS RGYAS KYI YE SHES KYIS MKHYEN TSUL NI SA BCU PA MAN CHAD DANG THUN MONG MA YIN PA DMIGS BSAL GYI DBANG DU BYAS PA YIN PA'I PHYIR RO, ZHES GSUNGS PA'I PHYIR, YANG RIGS SHES SPYI DANG RNAM MKHYEN THUN MONG SGO NAS DON DAM BDEN PA'I MTSAN NYID KYANG YOD DE, RIGS SHES TSAD MA JI LTA BAR TSAD MAR SONG BA'I RNYED DON DE YIN PA'I PHYIR, GNYIS PA NI, DE'I DBYE BA YOD DE, RGYAS PAR NA STONG GZHI DGOS PA CI RIGS KYIS STONG NYID NYI SHU SOGS DANG, 'BRING DNGOS PO DANG, DNGOS MED DANG RANG DANG GZHAN GYI STONG NYID DANG BZHI, SHIN TU BSDUS NA BDAG MED GNYIS KYI BAR YOD PA'I PHYIR, YANG MKHYEN TSUL GYI GNYIS SNANG GI SPROS PA GCOD TSUL SGO NAS GNYIS YOD

296a

, ,DE; MTHUN PA'I DON DAM MAM DON DAM RDZAS MTHUN PA DANG, RNAM GRANGS MA YIN PA'I DON DAM GNYIS SU YOD PA'I PHYIR, 'DI SGRAS BRJOD KYIS DBYE BAR ZAD DE, ,GSUM PA SGRA BSHAD NI, RNAM MKHYEN BDEN STONG CHOS CAN, DON DAM BDEN PA ZHES BRJOD PA'I RGYU MTSAN YOD DE, MNYAM BZHAG ZAG MED KYI RNYED DON YIN PAS NA DON DANG, GNAS LUGS YANG DAG YIN PAS NA DAM PA DANG, SNANG TSUL DANG GNAS TSUL MTHUN PAS NA BDEN PA ZHES BSHAD PA'I PHYIR, TSIG GSAL LAS, DON YANG DE YIN LA DAM PA YANG YIN PAS DON DAM PA'O, ,DE NYID BDEN PA YANG YIN PAS DON DAM PA'I BDEN PA'O, ZHES DANG, BUDDHA P'A LI TA LAS, DE NI BDAG NYID LA DON DAM PAR BDEN PA NYID YIN PAS DON DAM PA'I BDEN PA'O, ZHES GSUNGS PA'I PHYIR, BZHI PA NI JI LTA BA MKHYEN TSUL YOD DE, SA BCU PA MAN CHAD DU GNYIS SNANG NUB PA'I MNYAM BZHAG YE SHES DANG JI SNYED PA LA GNYIS SNANG DANG BCAS PA'I RJES THOB YE SHES GNYIS RES 'JOG DGOS KYI NGO BO GCIG PA MA THOB PA'I PHYIR, DER THAL, DE MAN CHAD DU BDEN GNYIS NGO BO THA DAD DU 'DZIN PA'I SHES SGRIB MA SPANGS PA'I PHYIR, SANGS RGYAS KYI SAR YE SHES SKAD GCIG MA GCIG GIS KYANG CHOS THAMS CAD CIG CAR MKHYEN TE, DE LTAR MKHYEN PA'I BAR GCOD SHES SGRIB SPANGS PA'I PHYIR, DES NA MNYAM RJES KYI YE SHES GNYIS NGO BO GCIG LA LDOG PA THA DAD YIN TE, YE SHES SKAD CIG MA

296b

GCIG YIN KYANG YUL JI SNYED PA DANG JI LTA BA LA MKHYEN TSUL THA DAD PA GNYIS 'ONGS PA SANGS RGYAS KHO NA'I YON TAN YIN PA'I PHYIR, RNAM BSHAD LAS, YE SHES GNYIS NGO BO GCIG YIN KYANG YUL GNYIS LA LTOS PA'I MKHYEN TSUL MI 'DRA BA GNYIS 'ONGS BA LA 'GAL BA CUNG ZAD KYANG MED PA NI SANGS RGYAS BCOM LDAN 'DAS NYAG GCIG GI KHYAD CHOS SU 'DUG PA LA ZHES SOGS GSUNGS PA'I PHYIR, MI SNANG YANG SHUGS LA RTOGS PA'I RNAM MKHYEN MED PAR THAL, STOBS BCU'I SKABS SU MDO LAS MKHYEN TSUL BSHAD PA MNGON GYUR LA DGONGS PA'I PHYIR, MDO DE NYID LAS, SEMS CAN GANG DAG SNANG BAR GYUR PA DANG ZHES PA NAS, SHING RTA'I 'PHANGS LO TZAM GYI PHYOGS NA SNANG BAR MA GYUR BA'I SEMS CAN GANG DAG DE BZHIN GSHEGS PA LA SNANG BAR GYUR BA DE DAG NI CHES MANG GI ZHES DANG, DE'I DON RIGS PA'I RGYA MTSO LAS, PHYI ROL BA'I DRANG SRONG MNGON SHES LNGA LDAN DANG NYAN RANG DANG BYANG SEMS LA SHING RTA'I 'PHANGS LO TZAM GYIS PHYOGS NA MI SNANG BA SANGS RGYAS LA SNANG BA'I SEMS CAN CHES MANG PAR GSUNGS PA LTAR SNANG NAS MKHYEN PA YIN GYI MI SNANG BA MA YIN NO, ,ZHES GSUNGS PA'I PHYIR, RNAM BSHAD SONG ZIN, SNANG NAS MKHYEN PA DE YANG RNAM BCAS KYI YIN TE, RTZA BAR, DE TSE DE RNAM STEN LAS DE YI DE NYID RTOGS PA NYID YIN TE, ,JI LTAR SEMS NI GANG GI RNAM PA CAN DU 'GYUR BA DE YIS YUL, ,DE YONGS SHES PA DE BZHIN ZHES DANG, RANG 'GREL LAS, 'DI NI DE'I

297a

, ,RNAM PA'I RJES SU BYED PA NYID 'DZIN PA NA RNAM PAR SHES PAS YUL RIG GO ,ZHES BRJOD DE ZHES SOGS GSUNGS PA'I PHYIR, DES NA SANGS RGYAS KYI YE SHES RANG NYID LA RANG NYID KYI RNAM PA SHAR NAS DNGOS SU MKHYEN PA YIN TE, RANG DANG GRUB PA DE RDZAS GCIG PA'I THUN MONG MA YIN PA'I GSAL CHA SOGS SHAR BA'I PHYIR, DES NA 'JIG RTEN SHES NGO'I YANG LOG DANG RAB RIB YOD MED BZHI LA GNOD TSUL DANG MI GNOD TSUL BSHAD PA'I RGYU MTSAN YOD DE, THA SNYAD 'JOG TSE RIGS SHES KYIS MI RNYED KYANG MI GNOD PA DANG, DON DAM 'JOG TSE THA SNYAD PA'I DBANG PO DRUG GIS MI RNYED KYANG MI GNOD PAR SHES PA'I CHED YIN PA'I PHYIR, SKABS 'DIR THA SNYAD DU YOD PA'I DON YOD DE, DON DE THA SNYAD LA GRAGS SHING DE LA THA SNYAD PA'I TSAD MA DANG RIGS SHES GNYIS GANG GIS KYANG MI GNOD PA DE DE YIN PA'I PHYIR, LNGA PA CHOS NYID KUN PHAN TSUN YIN KHYAB MNYAM YIN NAM DE MA YIN NA CHOS DBYINGS DBYER MED PAR BSHAD PA MI RUNG BA'I PHYIR SNYAM NA, DE KUN YIN KHYAB MNYAM MA YIN KYANG DBYER MED DU BSHAD PA MI 'GAL TE, CHOS CAN THA DAD PA MI 'DRA YANG DE RNAMS BDEN MED KYI DON KHYAD PAR CUNG ZAD KYANG MED PA'I PHYIR, RTZOD SPONG LA KHO NA RE, KUN RDZOB PA CHA DANG BCAS NA RANG NYID MNGON SUM DU SNANG BA'I BLO LA GNYIS SNANG DANG BCAS PAS KHYAB PAR THAL, KUN RDZOB YIN NA GNYIS SNANG DANG BCAS PAS KHYAB PA'I PHYIR, 'DOD NA, RDUL PHRA RAB

297b

GCIG CHOS CAN, GNYIS SNANG DANG BCAS PAR THAL, KUN RDZOB PA CHA BCAS GCIG YIN PA'I PHYIR, 'DOD NA, GNYIS SU SNANG BAR THAL, 'DOD PA'I PHYIR NA MA KHYAB, 'DOD MI NUS TE, GCIG TU SNANG BA'I PHYIR, DER THAL, GCIG TU SNANG BA'I KUN RDZOB YOD PA'I PHYIR, YANG KHO NA RE, RNAM MKHYEN DE JI LTA BA LA LTOS KYANG RNAM PA THAMS CAD MKHYEN PA'I YE SHES YIN PAR THAL, RNAM MKHYEN GYIS JI LTA BA GZIGS PA'I DUS NA YANG THAMS CAD MKHYEN PA'I PHYIR NA MA KHYAB; RTAGS DER THAL, DES JI LTA BA GZIGS PA'I DUS NA JI LTA BA LA GNYIS SNANG NUB PA DANG JI SNYED PA LA GNYIS SNANG MA NUB PA GNYIS KA YIN PA'I PHYIR, DER THAL, DES DE'I TSE BDEN GNYIS SO SOR GZIGS TSUL 'GAL YANG YE SHES GCIG YIN PAS MI 'GAL BA SANGS RGYAS KYI KHYAD CHOS YIN PA'I PHYIR, RTZA BAR 'DOD MI NUS TE, RNAM MKHYEN DE JI LTA BA LA LTOS TE JI SNYED PA MKHYEN PA'I YE SHES MA YIN PA'I PHYIR, DER THAL, JI LTA BA LA CHOS THAMS CAD BZHAG TU MED PA'I PHYIR, DER THAL, DE JI LTA BA LA LTOS NAS GNYIS SNANG THAMS CAD NUB PA'I MKHYEN PA YIN PA'I PHYIR, YANG KHO NA RE, BDEN 'DZIN CHOS CAN, DON DAM DPYOD BYED KYI RIGS PA'I DGAG BYA MA YIN PAR THAL, DON DAM DPYOD BYED KYI RIGS PAS MI GNOD PA'I PHYIR, MA GRUB NA, DER THAL, THA SNYAD PA'I TSAD MAS GRUB PA'I PHYIR NA MA KHYAB, KHYAB PAR THAL, DON DAM DPYOD BYED KYI RIGS SHES DANG THA SNYAD TSAD MA

298a

, ,GNYIS PHAN TSUN GCIG GIS GCIG GI GRUB CHA LA MI GNOD PA'I PHYIR NA YANG MA KHYAB STE, THA SNYAD TSAD MAS BDEN 'DZIN YOD PAR GRUB LA BDEN 'DZIN YOD PA TZAM RIGS SHES KYIS KYANG MI 'GOG CING RIGS SHES KYIS ZHEN YUL BKAG PA'I SGO NAS GNOD CING BDEN 'DZIN GYI ZHEN YUL THA SNYAD TSAD MAS KYANG MA GRUB PA'I PHYIR, 'DI LA MA RIM GYI DGAG BYA NGOS 'DZIN GYI DGONGS PA YIN PAS RGYAS BAR DER LTOS SHIG ,YANG KHO NA RE, RTA RTAR SNANG BA DANG SGYU MA'I RTA RTAR SNANG BA GNYIS LA THAL 'GYUR BA'I SKABS 'DIR BDEN RDZUN MED PAR THAL, DE GNYIS SNANG BA LTAR MA GRUB PAR KHYAD PAR CUNG ZAD KYANG MED PA'I PHYIR NA MA KHYAB, RTAGS GRUB STE, SNANG TSUL GNYIS KA LA BDEN 'DZIN GYIS MA BSLAD PA CUNG ZAD KYANG MED PA RNAM BSHAD LAS GSUNGS PA'I PHYIR, 'DOD MI NUS TE, SNGA MA'I SNANG GZHI'I GTZO BO THA SNYAD TSAD MAS GRUB LA, PHYI MA'I SNANG GZHI'I GTZO BO MED PAR THA SNYAD TSAD MAS GRUB PA'I PHYIR, 'DI YANG LAM KHRID 'JAM DPAL ZHAL LUNG LAS GSUNGS SO, ,YANG KHA CIG NA RE, GZUGS MED PA CHOS CAN, GZUGS KYI GNAS LUGS YIN PAR THAL, BAR CHAD MED LAM GYI NGOR KHYOD GZUGS KYI GNAS LUGS YIN PA'I PHYIR NA SBYOR LUGS SKYON CAN YIN KYANG MA KHYAB, YANG KHO NA RE, BAR CHAD MED LAM GYI NGOR SPROS PA MA LOG PAR THAL, BAR CHAD MED LAM GYI NGOR YOD PA YOD PA'I PHYIR NA MA KHYAB STE, BAR CHAD MED LAM GYI NGOR YOD PA YIN NA

298b

CHOS DBYINGS YIN PAS KHYAB PA'I PHYIR, YANG SKABS 'DIR MNGON SUM YIN NA SHUGS RTOGS MED PAS KHYAB PAR THAL, RNAM BSHAD LAS, SANGS RGYAS KYI MNGON SUM LA SHUGS RTOGS MI RUNG PAS SNANG NAS MKHYEN DGOS SO; ;ZHES GSUNGS PA'I PHYIR NA MA KHYAB STE, SANGS RGYAS KYI MNGON SUM TSAD MA LA CHOS KUN MNGON DU MA GYUR BA MED PAS SHUGS RTOGS MI RUNG ZHES PA'I DON TZAM YIN GYI MNGON SUM SPYI'I SKABS MA YIN PA'I PHYIR, RTZA BAR 'DOD NA, 'O NA MI RTAG PA MNGON SUM DU RTOGS PA'I MTHONG LAM DANG, GZUGS SGYU MA LTA BU MNGON SUM DU RTOGS PA'I MTHONG LAM SOGS MA YIN DGAG DNGOS SU RTOGS PA'I SLOB LAM RE RE NAS CHOS CAN, KHYOD KYI SHUGS RTOGS MED PAR THAL, KHYOD MNGON SUM TSAD MA YIN PA'I PHYIR, 'KHOR GSUM, 'DOD MI NUS TE, KHYOD MED DGAG SHUGS LA 'PHEN BA'I MA YIN DGAG GCIG DNGOS SU RTOGS PA'I SLOB PA'I MNGON SUM YIN PA'I PHYIR, 'KHOR GSUM, SMAS PA, GNAS LUGS MKHA' NGOS DAG PAR JI LTA BA'I, ,SHES RAB BCU GNYIS BDAG PO RAB TU GSAL, ,JI SNYED MKHYEN PA'I 'OD KYIS BLO GROS 'DAB, ,RAB RGYAS RGYAL SRAS 'DAB BRGYA 'BUM 'DIR BZHAD, ,RMI LAM DGA' SDUG LONGS SPYOD 'BUM MYONG YANG, ,'KHRUL NGO TZAM LAS SAD DUS MED BZHIN DU, ,THOG MED RMONGS NGO'I DGA' SDUG SKYE 'CHI SOGS, ,RIG NGOR KUN ZHI NAM MKHA'I REG BYA BZHIN, ,GDOD MA'I GSHIS LA SKYE 'CHI SA LAM

299a

, ,SOGS, ,YOD MA MYONG YANG DER NGO MA SHES PAR, ,'KHRUL PA'I RAB RIB DBANG GIS 'GRO DRUG TU, ,ZO CHUN 'PHYAN LTAR 'KHOR BAR SHIN TU SKYO, ,GNAS LUGS NGO 'DIR SU YANG 'KHOR MIN KYANG, ,'KHRUL PA'I THA SNYAD SGYU MA'I SNGAGS RDZAS 'DI, ,MA LOG PAR DU SGYU MA JI BZHIN DU, ,SNA TSOGS KUN RDZOB SPYOD DO SHES RAB CAN, ,SGYU MA BZANG PO'I SGYU MA'I 'DOD YON LA, ,BCOM LDAN 'KHOR BCAS ROL PAS TSIM PA LTAR, ,KUN RDZOB THA SNYAD BSOD NAMS TSOGS BSAGS PAS, ,RGYAL SRAS RNAMS KYIS SGYU 'DRA'I SANGS RGYAS THOB, ,CES PAR SKABS KYI TSIGS SU BCAD PA'O,, ,,LNGA PA BDEN PA RANG BZHIN GYIS GRUB PA BKAG PA'I YON TAN LA, RTAG CHAD KYI LTA BA SPANGS SLA BA'I YON TAN DANG, LAS 'BRAS KYI 'BREL BA SHIN TU 'THAD PA'I YON TAN GNYIS, DANG PO NI, RTZA BAR, BDEN PA GNYIS SU RANG BZHIN MED PA'I PHYIR, ,DE DAG RTAG PA MA YIN CHAD PA MIN, ,ZHES PA RTZA 'GREL BYUNG, GNYIS PA LA KUN GZHI SOGS KHAS BLANGS MI DGOS PA'I YON TAN DANG, LAS 'GAG PA LAS 'BRAS BU 'BYUNG BA'I DPE DANG, DE LA RTZOD PA SPONG PA GSUM, DANG PO 'CHAD PAR, RTZA BAR, GANG PHYIR RANG BZHIN GYIS DE MI 'GAG PA, ,ZHES SOGS TSIGS BCAD GCIG DANG, DE'I SNGA 'GREL LAS, DE'I PHYIR DE LTAR BDEN PA GNYIS KAR YANG RANG BZHIN MED PAS RTAG PA DANG CHAD PAR LTA BA RGYANG RING DU SPANGS PA 'BA' ZHIG TU MA ZAD KYI,

299b

LAS RNAMS 'GAG NAS YUN RING DU LON YANG ZHES SOGS BYUNG, GNYIS PA DE'I DPE 'CHAD PAR, RTZA BAR, RMI LAM DMIGS PA'I YUL DAG MTHONG NAS NI, ,ZHES SOGS RKANG PA BZHI RTZA 'GREL BYUNG, 'DI DAG GI MTHA' DPYAD PA LA GSUM LAS, DANG PO LA, DUS GSUM DANG ZHIG PA GANG YIN LAS KYI BAG CHAGS BSGO GZHI RNAMS LA RIM BZHIN CUNG ZAD DPYAD NA MKHAS PA KHA CIG, BZHI BRGYA PA'I 'GREL PA'I DON DU BYAS NAS, SKYES LA MA 'GAG PA DA LTAR BA'I MTSAN NYID, SKYES ZIN 'GAG PA 'DAS PA'I MTSAN NYID, SKYE BA'I RGYU YOD LA MA SKYES PA MA 'ONGS PA'I MTSAN NYID ZER NA, 'DAS PA CHOS CAN, DA LTAR BAR THAL, SKYES LA MA 'GAG PA'I PHYIR, KHYAB PA KHAS, DER THAL, SKYES PA GANG ZHIG, MA 'GAG PA'I PHYIR, RTAGS RE RE NAS GRUB STE, 'DUS BYAS YIN PA'I PHYIR, 'DOD MI NUS TE, CHOS CAN DE'I PHYIR, KHYAB STE, DUS GSUM GYI DA LTAR BA GTZO BO DANG 'DAS MA 'ONGS PHAL BAR 'JOG PA'I PHYIR; BRGYA PA'I 'GREL PA LAS, DA LTAR BYUNG BA NI DA LTAR DMIGS PA'I PHYIR GTZO BO YIN GYI MA 'ONGS PA DANG BRGAL BA DAG GIS MA 'ONGS PA DANG 'DAS PA'I DUS GNYIS RNAM PAR 'JOG PA NI GTZO BO MA YIN NO, ZHES GSUNGS PA'I PHYIR; DE BZHIN DU MA 'ONGS PA'I SKYON 'PHEN NO, ,YANG KHA CIG, LUNG 'DI LA BSAMS NAS DA LTAR BA 'JOG PA DUS GZHAN GNYIS LA MI LTOS PAS DA LTAR BA GTZO BO DANG GZHAN GNYIS 'JOG PA DA LTAR BA LA LTOS PAS DUS

300a

, ,GZHAN GNYIS PHAL BA YIN ZER, 'O NA 'DAS MA 'ONGS GANG RUNG LA MA LTOS PAR DA LTAR BA 'JOG THUB PAR THAL, DA LTAR BA GTZO BO YIN TSUL 'THAD PA'I PHYIR, 'KHOR GSUM, 'DOD NA, SKYES LA ZHES PAS RKYEN MA TSANG BAS RE ZHIG MA SKYES PA'I MA 'ONGS PA GCOD PA DANG MA ZHIG PA ZHES PAS 'DAS PA BKAG NAS DE 'DRA'I DUS GCIG DA LTAR BAR 'JOG PA MA YIN PAR THAL, DA LTAR BA 'JOG PA LA DUS GZHAN GNYIS KYI RNAM PA SHAR NAS DE GNYIS GANG RUNG MA YIN PA GCIG MI DGOS PA'I PHYIR, RTAGS KHAS, 'KHOR GSUM, 'DOD NA, BZHI BRGYA BA'I 'GREL BA LAS, DA LTAR BA NI SKYES LA MA 'GAG PA'O, ZHES GSUNGS PA'I DON MA GRUB PAR THAL, SNGA MA LA 'DOD PA DE'I PHYIR, 'KHOR GSUM, 'DOD MI NUS SHING, KHYAB STE, DUS GSUM PHAN TSUN LTOS GRUB DANG, DUS GANG 'JOG PA LA YANG DUS GZHAN GNYIS MED NA 'JOG MI THUB PAS KHYAB PA'I PHYIR, BRGYA BA'I 'GREL PA LAS, DUS GSUM PO DE DAG KYANG PHAN TSUN LTOS PA NYID DU GNAS TE GNYIS GNYIS LA MA LTOS PAR RE RE MED PA'I PHYIR RO, ZHES DANG, RIGS PA'I RGYA MTSO LAS, DE LAS MA BRGAL BA 'AM MA 'DAS BA LA DA LTAR BA BZHAG DGOS PAS DA LTAR BA 'DAS PA LA MI LTOS PA 'GAL LA, DE'I PHYIR MA 'ONGS PA YANG BRGYUD NAS 'DAS PA LA LTOS DGOS TE DA LTAR DU MA 'ONGS BAS MA 'ONGS PAR BZHAG PA'I PHYIR RO, ZHES GSUNGS PA'I PHYIR, 'KHOR

300b

GSUM, GZHAN YANG, MA 'ONGS PA'I BUM PA 'JOG PA LA 'DAS PA DANG DA LTAR BA'I BUM PA GNYIS LA LTOS MI DGOS PAR THAL, DE LA 'DAS PA'I BUM PA MI DGOS PAR DA LTAR BA'I BUM PA GCIG PUS CHOG PA'I PHYIR, RTAGS SONG 'DOD MI NUS TE, 'DAS PA LA MA LTOS PAR DA LTAR BA MI 'GRUB DA LTAR BA MA GRUB NA MA 'ONGS PA YANG MI 'GRUB PA'I PHYIR, DER THAL, 'DI BAR DU MA 'DAS LA 'DI NAS 'DAS PA DANG 'DI BAR DU MA 'ONGS LA ZHES DUS GSUM GYIS MTSAMS 'BYED SHES DGOS PA'I PHYIR, BRGYA BA LAS, MA 'ONGS BUM LA DA LTAR BA'I, ,BUM YOD MA YIN 'DAS PA MED, ,CES DANG, DE'I 'GREL PA LAS, MA 'ONGS PA'I DUS NYE BAR MTSON PA'I DON DU MA 'ONGS PA'I BUM PA NYE BAR BKOD LA, ZHES PA NAS, 'DAS PA DANG DA LTAR BA GNYIS LA MA LTOS PAR NI MA 'ONGS PA'I DUS RNAM PAR BZHAG MI NUS TE, MA 'ONGS PA NI MA 'ONGS PA LAS YIN LA, MA 'ONGS PA'I RANG GI NGO BO DE GANG DU MA 'ONGS PA 'DAS PA DANG DA LTAR GYI DUS GNYIS PO DE GDON MI ZA BAR 'GYUR DGOS SO, ZHES GSUNGS PA'I PHYIR, YANG KHO NA RE, DA LTAR GYI DUS SU MA PHYIN PA MA 'ONGS PA YIN PAR THAL, DE DE'I MTSAN NYID YIN PA'I PHYIR, DER THAL, BRGYA 'GREL LAS, MA 'ONGS PA NI DA LTAR BYUNG BA'I DUS SU MA PHYIN PA'O, ZHES GSUNGS PA'I PHYIR NA MA KHYAB STE, RGYU YOD KYANG DA LTAR GYI DUS SU MA PHYIN PA NI MA 'ONGS PA'I MTSAN NYID DU BSTAN PA'I PHYIR, MNGON PA LAS, RGYU

301a

, ,YOD KYANG MA BYUNG BA ZHES GSUNGS PA'I PHYIR, RTZA BAR 'DOD NA, DNGOS POR THAL LO, ,'DOD PA'I PHYIR, 'DOD NA, NAM MKHA' DANG RI BONG RVA SOGS KYANG MA 'ONGS PA DANG DNGOS POR THAL, 'DOD PA DE'I PHYIR, 'DOD NA, DE DAG CHOS CAN, SPYIR RANG GI RGYU YOD KYANG RANG NYID KYIS DE'I RGYU 'BRAS GNYIS KYI GANG YANG MA SPYAD PA YIN PAR THAL, MA 'ONGS PA YIN PA'I PHYIR, KHYAB STE, MA 'ONGS PA DNGOS POR 'DOD MI 'DOD MI MTHUN KYANG DE TZAM ZHIG MDO SEMS DBU MA PA KUN MTHUN PA'I PHYIR, DBUS MTHA' LAS, DE BZHIN MA SPYAD GZHAN YIN NO, ,ZHES DANG, DE'I 'GREL PAR DBYIG GNYEN GYIS, 'BRAS BU DANG RGYU MA SPYAD PA'I PHYIR MA 'ONGS PA'I DUS SO, ZHES DANG, tIKA CHEN LAS, 'DI LA MA 'ONGS PAS 'BRAS BU DANG RGYU GNYIS KA RANG GI BYA BA BYAS NAS ZHIG PA MA YIN PAS RGYU 'BRAS GNYIS SPYAD MA ZIN PA ZHES DBUS MTHA' SOGS LAS GSUNGS SO, ZHES GSUNGS PA'I PHYIR, DE LA KHO NA RE; 'O NA GANG DU MA 'ONGS PA DA LTAR BA DANG, DER GANG MA 'ONGS NA MYU GU LA SOGS PA'I 'BRAS BU MA 'ONGS PA RNAMS 'JOG PA YIN PAR THAL, DUS GSUM DNGOS PO GANG ZHIG DER MA 'ONGS PA DANG MA 'ONGS RGYU GNYIS THA DAD YIN PA'I PHYIR, 'DOD NA, 'BRAS BU RNAMS MA 'ONGS PA'I DUS SU 'JOG PAR THAL, SNGA MA LA 'DOD PA DE'I PHYIR NA MA KHYAB STE, MA 'ONGS PA LA RANG NYID DA LTAR BA'I RGYU DANG DA LTAR BA GNYIS KA SPYAD MA ZIN PA GCIG DGOS

301b

PA'I PHYIR, 'DOD MI NUS TE, tIKA CHEN DE NYID LAS, GANG ZHIG MA 'ONGS PA NI MYU GU LA SOGS PA'I 'BRAS BU NAMS YIN KYANG 'BRAS BU RNAMS MA 'ONGS PA'I DUS SU 'JOG PA MA YIN NO ZHES GSUNGS PA'I PHYIR, YANG KHO NA RE, CHOS MNGON LAS, 'DAS PA'I MTSAN NYID DU, BYUNG NAS ZHIG PA ZHES GSUNGS PA'I BYUNG BA DE YANG 'DAS PA LA BYED PAR THAL, 'DAS PA'I MTSAN NYID KYI SKABS YIN PA'I PHYIR NA MA KHYAB, 'DOD MI NUS TE, DA LTAR BA ZHIG PA DE DA LTAR BA DE ZHIG PA LA BYED PA'I PHYIR, DER THAL, DA LTAR BA ZHIG PAS NI DA LTAR BA'I RGYU DANG DE'I 'BRAS BU DA LTAR BA GNYIS KA SPYAD ZIN PAS DE 'DAS PAR BSHAD PA'I PHYIR, DBUS MTHA' LAS, 'BRAS BU RGYU RNAMS SPYAD ZIN DANG, ,ZHES DANG, DBYIG GNYEN 'GREL PAR, 'BRAS BU DANG RGYU SPYAD ZIN PA'I PHYIR 'DAS PA'I DUS SO, ,ZHES DANG, tIKA CHEN DE NYID LAS, BYUNG BA ZHES PA NI 'DAS PA LA MI BYED KYI GANG 'DAS PA'I 'DAS RGYU'I MYU GU LA BYA'O, ZHES GSUNGS PA'I PHYIR, YANG KHA CIG, BUM PA 'DAS PA DANG BUM PA LA LTOS TE 'DAS PA DON GCIG, DE BZHIN DU MA 'ONGS PA ZER BA DANG, YANG LA LA NA RE, DUS GSUM PHAL BA YANG YIN RANG NYID DNGOS PO GANG LA LTOS NAS DUS GSUM GANG RUNG DU 'JOG PA'I DNGOS PO DE'I DUS SU THAL ZIN PA DE 'DAS PA'I MTSAN NYID, DE GANG ZHIG RANG NYID DNGOS PO GANG LA LTOS NAS DUS GSUM GANG RUNG DU 'JOG PA'I DNGOS PO DE'I

302a

, ,DUS SU RANG NYID MA SKYES PA'AM MA PHYIN PA MA 'ONGS PA'I MTSAN NYID, DE GANG ZHIG, RANG NYID DNGOS PO GANG LA LTOS NAS DUS GSUM GANG RUNG DU 'JOG PA'I DNGOS PO DE'I DUS SU SKYES LA MA 'GAG PA DA LTAR PA'I MTSAN NYID ZER BA DANG, GZHAN DAG BUM PA'I DUS SU 'DAS PA DANG BUM PA 'DAS PA GNYIS DON GCIG PA DANG DE BZHIN DU MA 'ONGS PAR YANG 'DOD PA RNAMS LA, SHES BYA CHOS CAN, BUM PA ZHIG PA BUM PA LA LTOS TE 'DAS PA YIN PAR THAL, BUM PA DE DUS GSUM 'JOG BYED GTZO BO YIN PA'I PHYIR, KHYAB PA KHAS, RTAGS SNGAR BSHAD ZIN, 'DOD MI NUS TE, BUM PA ZHIG PA DE BUM PA LA LTOS TE MA 'ONGS PA YIN PA'I PHYIR, DER THAL, BUM PA DE BUM PA ZHIG PA'I RGYU YIN PA'I PHYIR, MA GRUB NA, BUM PA CHOS CAN, KHYOD ZHIG PA KHYOD KYI 'BRAS BU YIN PAR THAL, KHYOD DNGOS PO YIN PA'I PHYIR, GZHAN YANG, BUM PA MA 'ONGS PA CHOS CAN, BUM PA LA LTOS TE MA 'ONGS PA YIN PAR THAL, BUM PA MA 'ONGS PA YIN PA'I PHYIR, RTAGS SLA, KHYAB PA KHAS, 'DOD MI NUS TE, BUM PA LA LTOS TE THAL ZIN PA'I PHYIR, DER THAL, BUM PA'I DUS SU THAL ZIN PA'I PHYIR, DER THAL, DE BUM PA'I RGYU YIN PA'I PHYIR, MA GRUB NA, BUM PA CHOS CAN, KHYOD MA 'ONGS PA KHYOD KYI RGYU YIN PAR THAL, KHYOD DNGOS PO YIN PA'I PHYIR, GZHAN YANG, BUM PA MA 'ONGS PA BUM PA LA LTOS TE THAL ZIN PAR THAL, BUM PA DE

302b

RJES SU BYUNG BA GANG ZHIG, MCHOD SBYIN KHA SHAR DU BLTAS NAS 'GRO BA'I TSE MDUN GYI LAM MA BGROD PA RNAMS 'GOM BZHIN PA'I DA LTAR GYI LAM LA LTOS TE 'GRO BA'I BYA BA MA SKYES BA'I LAM DANG, BGROD ZIN PA'I RGYAB NGOS KYI LAM RNAMS BGROD BZHIN PA'I LAM LA LTOS PA'I 'GAG PA'I LAM DU 'JOG RIGS PA'I PHYIR, YANG KHA CIG, BUM PA ZHIG PA CHOS CAN, DA LTAR BAR THAL, SKYES LAM 'GAG PA'I PHYIR NA MA KHYAB STE, RANG NYID SKYES LA RANG NYID MA 'GAG NA RANG NYID SKYES LA MA 'GAG PA YIN PAS MA KHYAB PA'I PHYIR, DER THAL, BUM PA ZHIG PA LTA BU 'GAG DGOS PA YIN PAS RANG NYID MA 'GAG KYANG DANG DNGOS PO GZHAN BUM PA'I ZHIG CHA YIN PAS 'DAS PA DANG 'GAG PA GNYIS YIN PA'I PHYIR, DER THAL, BUM PA LTA BU ZHIG CHA LA MI 'JOG PAS SKYES LA MA 'GAG PA DANG BUM PA ZHIG PA LTA BU'I ZHIG CHA DE SKYES LA MA 'GAG KYANG DNGOS PO GZHAN GYI 'GAG CHA YIN PAS GTAN NAS MI 'DRA BA'I PHYIR, RTZA SHE'I RAB BYED BCU DGU PA LAS, GAL TE DUS NI DNGOS STEN NA, ,ZHES PA'I tIKA CHEN DE NYID LAS, DE LTAR 'DAS PA'I RIGS 'DRA JI SNYED CIG BYUNG YANG DNGOS PO GZHAN GCIG ZHIG PA'I SGO NAS RANG GI NGO BO BZHAG DGOS PAS DUS GZHAN GNYIS DANG KHYAD PAR CHE ZHES GSUNGS PA'I PHYIR, YANG KHO NA RE, MYU GU MA 'ONGS PA CHOS CAN, MA 'ONGS PA MA YIN PAR THAL, DA LTAR BA YIN PA'I PHYIR, DER THAL, SKYES PA GANG ZHIG, MA 'GAG PA YANG YIN PA'I PHYIR NA MA

303a

, ,KHYAB STE, DE SKYES PA DANG DNGOS PO GZHAN MA 'GAG PA YANG YIN KYANG DNGOS PO GZHAN ZHIG MA SKYES PA'I CHA YIN LA, DA LTAR BA NI DNGOS PO GZHAN MA SKYES PA'I CHA MA YIN LA SKYES SHING MA 'GAG PA YIN ZHING DNGOS PO GZHAN GYI 'GAG CHA YANG MA YIN PA GCIG DGOS PAS DUS GSUM GA SKYES LA MA 'GAG TZAM DU MTSUNGS KYANG GTAN NAS MI 'DRA BA'I KHYAD PAR CHE BA GANG ZHIG ,MA 'ONGS PA NI RANG NYID SKYES KYANG DNGOS PO GZHAN ZHIG MA SKYES PA'I CHA NAS RANG GI NGO BO 'JOG DGOS PA'I PHYIR, RTAGS DANG PO GRUB STE, tIKA CHEN DE NYID LAS, DE LTAR NA DA LTAR BA NI DNGOS PO GZHAN GCIG ZHIG PA DANG MA SKYES PA'I SGO NAS BZHAG MI DGOS PAS SKYES LA MA 'GAG PA LTA BU YIN PAS MA 'ONGS PA'I SKAD CIG MA SKYES LA MA 'GAG PA RNAMS DANG KHYAD PAR CHE'O, ZHES GSUNGS PA'I PHYIR, RTAGS GNYIS PA GRUB STE, tIKA CHEN DE NYID LAS, DE BZHIN DU MA 'ONGS PA'I RIGS 'DRA JI SNYED CIG BYUNG YANG DNGOS PO GZHAN GCIG MA SKYES PA KHO NA'I SGO NAS RANG GI NGO BO BZHAG DGOS PAS 'DAS DA LTAR GNYIS DANG KHYAD PAR SHIN TU CHE'O, ZHES GSUNGS PA'I PHYIR, BYAS PA LA KHO NA RE, MYU GU SKYE BZHIN PA DANG DNGOS PO'I GZHI MTHUN YOD PAR THAL, MYU GU MA 'ONGS PA DNGOS PO YIN PA'I PHYIR, RTAGS KHAS, 'DOD NA, MYU GU SKYE BZHIN PA DE DE YIN PAR THAL, 'DOD PA'I PHYIR, 'DOD NA, MYU GU SKYE BZHIN PA CHOS CAN, SKYES

303b

PAR THAL, 'DU BYAS YIN PA'I PHYIR, RTAGS KHAS, 'DOD NA, DE CHOS CAN, MA SKYES PAR THAL, SKYE BZHIN PA YIN PA'I PHYIR, DER THAL, MYU GU SKYE BZHIN PA YIN PA'I PHYIR NA MA KHYAB, KHYAB PAR THAL, MYU GU MA 'ONGS PA YIN NA MA 'ONGS PA YIN DGOS PA'I PHYIR NA YANG MA KHYAB PO, ,DE CHOS CAN, SKYES ZIN PAR THAL, SKYES PA'I PHYIR, 'DOD MI NUS TE, RANG DUS SU MA 'ONGS PA YIN PA'I PHYIR NA MA KHYAB, YANG KHA CIG NA RE, BUM PA ZHIG PA'I RIGS 'DRA PHYI MA THAMS CAD BUM PA 'DAS PA YIN PAR THAL, DE THAMS CAD 'DAS PAR 'JOG PA'I DA LTAR BA LA BUM PA 'JOG PA'I PHYIR NA MA KHYAB, 'DOD NA, BUM PA ZHIG PA ZHIG PA DE YANG BUM PA ZHIG PA YIN PAR THAL, 'DOD PA'I PHYIR; 'DOD NA, BUM PA ZHIG PA ZHIG PA CHOS CAN, KHYOD BUM PA ZHIG PA DE MA YIN PAR THAL, KHYOD KYI DUS SU BUM PA ZHIG PA 'GAG ZIN PA'I PHYIR, MA KHYAB NA, KHYAB PAR THAL, 'GAG RGYU DANG 'GAG CHA GNYIS DGAG BYA DANG DE BKAG PA'I 'GAG CHA LA 'JOG DGOS PA'I PHYIR TE, DPER NA BSREG RGYU BUD SHIN DANG DE BSREGS PA'I THAL BA BZHIN NO, ,GONG DU MA KHYAB MTSAMS LA, BUM PA ZHIG PA CHOS CAN, KHYOD ZHIG PA'I DUS SU KHYOD 'GAG PAR THAL, KHYOD ZHIG PA KHYOD KYI 'BRAS BU YIN PA'I PHYIR, DER THAL, KHYOD ZHIG PA YOD PA'I PHYIR, ZHIG PA DNGOS PO YIN PAR THAL, DE DNGOS PO YIN PAR NI LUNG GIS KYANG GRUB, RIGS PAS KYANG GRUB, 'JIG RTEN PA'I GRAGS PAS KYANG GRUB PA'I

304a

, ,PHYIR; DANG PO DE LTAR LUNG GIS GRUB STE, ZHIG PA LA RGYU YOD PA SDE SNOD GSUM GAS BSHAD, ZHAG PA'I 'BRAS BU YOD PAR YANG BSHAD PA'I MDO DU MA SNANG BA'I PHYIR, DANG PO GRUB STE, SDE SNOD GSUM GA'I RTEN 'BREL YAN LAG BCU GNYIS STON PA THAMS CAD LAS, SKYE BA'I RKYEN GYIS RGA SHI'O ZHES GSUNGS PA'I PHYIR, KHYAB STE, 'GRO BA DE SHI BA NI, DE ZHIG PA YIN LA SHI BA DE RGYU SKYE BA'I RKYEN GYIS BYUNG BAR BSHAD PA'I PHYIR, GNYIS PA GRUB STE, SA BCU PA'I MDO SOGS LAS, 'CHI BA YANG BYA BA GNYIS SU NYE BAR GNAS PA YIN TO, 'DU BYED 'JIG PAR YANG BYED PA DANG, YONGS SU MI SHES PA RGYUN MI 'CHAD PA'I RGYU YANG 'BYIN PA'O, ZHES GSUNGS PA'I PHYIR, KHYAB STE; SEMS CAN DE SHI BSAM RIG PA SKYED PAR BSHAD PA DE'I PHYIR, BCOM LDAN 'DAS KYIS GSUNGS PAR MA ZAD ZHIG PA DNGOS PO YIN PA 'PHAGS PAS KYANG BZHED PA YIN TE, DNGOS PO MYU GU DANG MYU GU'I DNGOS MED MYU GU ZHIG PA GNYIS KA 'DU BYAS YIN PA'I PHYIR, RTZA SHE LAS, DNGOS DANG DNGOS MED 'DU BYAS YIN, ,ZHES GSUNGS PA'I PHYIR, GNYIS PA RIGS PAS KYANG ZHIG PA DNGOS POR GRUB PAR THAL, ZHIG PA DNGOS PO MA YIN NA SKYE 'JIG SOGS 'DUS BYAS KYI MTSAN NYID DU BSHAD PA MI 'THAD PAR THAL BA DANG, GANG YANG RGYU LAS MI SKYE BAR THAL BA DANG, SNGAR MED GSAR SKYE'I RIGS PA GSUM SOGS YOD PA'I PHYIR, DANG PO NI, MYU GU 'JIG PA 'DU BYAS KYI SHES BYED KYI MTSAN NYID DU MI RUNG

304b

BAR THAL, MYU GU 'JIG BZHIN PA DANG 'JIG PA'I BYA BA LA RGYU MED PA'I PHYIR, DER THAL, MYU GU'I 'JIG PA'I BYA BA'I GTZO BO ZHIG PA LA RGYU MED PA GANG ZHIG ,MYU GU ZHIG PA MYU GU'I 'JIG PA'I BYA BA'I GTZO BO YIN PA'I PHYIR, RTAGS DNGOS, RTAGS GNYIS PA GRUB STE, MYU GU 'JIG BZHIN PA DES MYU GU ZHIG PAR BYAS PA'I PHYIR, KHYAB STE, DE LTAR NA 'JIG BZHIN PA BYED PA DANG, ZHIG PA DE'I BYA BAR SHIN TU GSAL BA'I PHYIR, MA KHYAB MTSAMS LA RTAGS DER THAL, MYU GU SKYE BZHIN PAS MYU GU SKYES PA SGRUB PA'I PHYIR, DER THAL, MYU GU SKYE BZHIN PA DE MYU GU SKYES PA'I RGYU YIN PA'I PHYIR, MA GRUB NA, MYU GU CHOS CAN, KHYOD SKYE BZHIN PA KHYOD SKYES PA'I RGYU YIN PAR THAL, KHYOD 'DUS BYAS YIN PA'I PHYIR, RTZA BAR 'DOD NA, MYU GU CHOS CAN, 'DUS BYAS MA YIN PAR THAL, KHYOD KYI SKYE BA DANG 'JIG PA DANG GNAS PA LAS RGA BA GSUM GYI SGO NAS KHYOD 'DUS BYAS SU MI MTSON PA'I PHYIR, RTAGS DNGOS, 'DOD NA, MDO LAS BCOM LDAN 'DAS KYIS, DGE SLONG DAG GSUM PO 'DI NI 'DUS BYAS KYI MTSAN NYID DAG STE, 'DUS BYAS SKYE BAR YANG MNGON 'JIG PAR YANG MNGON GNAS PA GZHAN DU 'GYUR BAR YANG MNGON NO, ZHES GSUNGS PA THAMS CAD DANG MI 'GRIGS PAR THAL LO, ,TSIG GSAL LAS, GANG ZHIG 'JIG PA RGYU MED PA NYID DU KHAS BLANGS NAS 'DUS BYAS RNAMS SKAD CIG MAR SMRA BO DE'I LTAR NA ZHES PA NAS, MI 'GRIGS PA NYID DU 'GYUR RO, ZHES DANG, RIGS PA'I

305a

, ,RGYA MTSO LAS, SNGON PO'I 'JIG PA'I BYA BA LA NI RANG GI DUS GNYIS PAR ZHIG PA YANG YOD LA DE LDAN MIN YIN NA RANG GI RGYU RKYEN GYIS 'DU BYED DGOS PAS ZHIG PA RGYU BCAS SU GRUB BO, ZHES GSUNGS PA'I PHYIR; SNGON PO BYED PA PO DANG SNGON PO SKYE BA'I BYA BA DANG 'JIG PA'I DANG GNAS PA'I DANG RGA BA'I BYA BA BZHIS SNGON PO 'DUS BYAS SU MTSON PAR THAL, SNGON PO RANG NYID RANG GI BYA BAR 'GAL ZHING SNGON PO 'DUS BYAS SU MTSON BA'I SNGON PO RANG GI BYA BA YOD PA'I PHYIR, 'DOD NA, SNGON PO SKYE 'JIG GNAS RGA BZHI LDAN MIN 'DU BYED DU THAL, DE BZHI GZUGS SOGS PHUNG PO GZHAN BZHI MA YIN LA MTSUNGS LDAN 'DU BYED KYANG MA YIN PA'I PHYIR, MA GRUB NA, SNGON BO CHOS CAN, KHYOD SKYE 'JIG GNAS RGA BZHI PHUNG PO GZHAN BZHI DANG MTSUNGS LDAN 'DU BYED DE LNGA BO GANG RUNG MA YIN PAR THAL, KHYOD 'DUS BYAS YIN PA'I PHYIR, RTZA BAR 'DOD NA, SNGON PO 'JIG PA RGYUS BSKYED PA LTAR SNGON PO ZHIG PA LA YANG RGYU YOD PA DANG SNGON PO RANG DUS GNYIS PAR MI SDOD PA LA RGYU YOD PA LTAR SNGON PO RANG DUS GNYIS PAR MA BSDAD PA LA YANG RGYU YOD DGOS PAR THAL, SNGON PO'I SKYE 'JIG GNAS RGA'I BYA BA BZHI LDAN MIN 'DU BYED GANG ZHIG ,SNGON BO'I 'JIG PA'I CHA LA SNGON PO ZHIG PA YANG YOD PA'I PHYIR, RIGS PA'I RGYA MTSO LAS, SNGON PO 'JIG PA'I BYA BA YIN PA'I ZHIG PA BZHAG DGOS PA'I RGYU MTSAN NI SNGON PO RANG DUS KYI MA ZHIG PA DANG DUS GNYIS PAR ZHIG PA GNYIS DNGOS PO

305b

YIN MIN MTSUNGS PAR STON PAS DE LTA NA DE'I ZHIG PA YANG DE'I MI RTAG PAR 'GYUR BAS SO, ,ZHES GSUNGS PA'I PHYIR, RGYAS PAR tIKA CHEN LTA DGOS, 'DOD NA, DE DAG RGYU GCIG LAS DUS MNYAM DU SKYES PAR THAL LO, ,DE BZHI LA RGYU YOD MED MTSUNGS PA'I PHYIR NA MA KHYAB CING, 'DOD MI NUS TE, SNGON PO 'JIG PA DANG DUS GNYIS PAR MI SDOD PA GNYIS SNGON PO DANG DUS MNYAM PAS SNGON PO'I RGYUS BSKYED LA, SNGON PO ZHIG PA DANG DUS GNYIS PAR MA BSDAD PA SNGON PO'I GNAS RKYEN ZAD PAS BSKYED CING SNGON PO'I 'BRAS BU YIN PA'I PHYIR, DPER NA, MAR ME GNAS PA'I RGYU MAR DANG SDONG BU ZAD PAS MAR ME SHI BA BZHIN YIN PA'I PHYIR, RIGS PA DRUG CU PA LAS, RGYU ZAD NYID LAS ZHI BA NI, ,ZAD CES BYA BAR DMIGS PA STE, ,ZHES DANG, DE'I 'GREL PAR, GNAS PA'I RKYEN MA TSANG NA 'JIG PA'I PHYIR RO, ,DE LTAR NA 'JIG RTEN NA RGYU ZAD PA KHO NA LAS ZHI ZHING LOG PA GANG YIN PA DE NI ZAD CES BYA BAR DMIGS TE, ZHES DANG, GANG DAG GIS DNGOS PO RNAMS KYI 'GAG PA RGYU MED PA KHO NAR RTOGS PA DE DAG GI LTAR NA 'GAG PA DE DNGOS PO LA RTEN PAR MI 'GYUR TE, NAM MKHA'I ME TOG LA SOGS PA BZHIN DU RGYU MED PA NYID KYI PHYIR RO, ,ZHES 'GAG PA RGYU LA MI LTOS PAR THAL BA 'PHANGS PA'I PHYIR RO, ,GANG YANG RGYU MED PAR THAL BA NI, MDO SEMS DAG NA RE, DNGOS PO SNGON PO LTA BU SNGA MA ZHIG PA DE LA RGYU MED PAR THAL, DE SNGON PO LTA BU DNGOS PO ZHIG NAS MED PA'I CHA DE YIN PA'I PHYIR,

306a

, ,DE SKAD DU, TSIG GSAL LAS, CI STE 'JIG PA ZHES BYA BA NI DNGOS MED YIN NA, GANG ZHIG DNGOS PO MED PA DE LA RGYUS CI ZHIG BYED CES SO, ,DE LA ZLA BA'I ZHABS NA RE, 'O NA, DNGOS PO LA YANG RGYU MED PAR THAL; DNGOS PO GRUB ZIN PA RGYUS BYED RGYU MED PA'I PHYIR, KHYAB PA KHYOD RANG LA KHAS, 'DOD NA, THAMS CAD GANG LA YANG RGYU MED PAR THAL, DNGOS PO LA RGYU MED PA'I PHYIR, RTAGS KHAS, TSIG GSAL LAS, DNGOS PO LA YANG RGYU MED PAR 'GYUR BA MA YIN NAM, 'DI LTAR DNGOS PO NI YOD PA YIN LA, YOD PA GANG YIN PA DE LA RGYUS DGOS PA CI ZHIG YOD, NAS, 'DI NI MI RIGS SO ZHES SO, ,DE LA KHO NA RE, THAL BA SNGA MA LA MA KHYAB STE, DNGOS PO YOD ZIN RGYUS MI BYED KYANG DNGOS PO YOD PA DE RGYUS BSKYED PAS DNGOS PO LA RGYU YOD PA'I PHYIR ZHES ZER NA, DE LA YANG SNGON PO ZHIG PA DA GDOD RGYUS MI SKYED KYANG SNGON PO ZHIG PA'I RGYU MED MI DGOS PAR THAL, SNGON PO ZHIG PA DA GDOD RGYUS MI SKYED KYANG SNGON PO GNAS RKYEN MA TSANG BAS SNGON PO ZHIG PA BYUNG PA'I PHYIR, TSIG GSAL LAS, GANG ZHIG DNGOS PO MED PA DE LA RGYUS CI ZHIG BYED CES SMRAS PA DE YANG MI RIGS TE, GANG GI PHYIR KHO BO CAG NI 'JIG PA LA RGYUS CUNG ZAD CIG BYED PAR MI 'DOD KYI, DON CI ZHE NA, 'ON KYANG 'JIG PA NYID BYED PA YIN NO, ZHES SMRA'O, ZHES GSUNGS PA'I PHYIR, KHYAB STE, CUNG ZAD CIG BYED PAR MI 'DOD CES PA DA GDOD GZHAN MI BYED

306b

PA'I DON DANG, 'JIG PA NYID BYED PA YIN ZHES PA NI MYU GU LTA BU ZHIG PA NYID RGYUS BYED CES PA'I DON YIN PA'I PHYIR TE, RIGS PA'I RGYA MTSO LAS, KHO BO CAG KYANG DE LA RGYU SAD GZOD GZHAN GCIG BYED PAR MI 'DOD KYI MYU GU ZHIG PA NYID RGYUS BYED PA YIN NO, ZHES GSUNGS PA'I PHYIR, DE LA KHO NA RE, MYU GU ZHIG BA DE DNGOS POR THAL, RGYUS BSKYED PA'I PHYIR ZHE NA, ZLA BA'I ZHABS NA RE, MYU GU ZHIG PA DNGOS PO YIN PAR 'DOD RIGS PAR THAL, MYU GU ZHIG PA DE RANG GI NGO BO LA LTOS NAS DNGOS PO DANG MYU GU LA LTOS NAS DNGOS MED YIN PA'I PHYIR, DER THAL, DE RANG GI NGO BO LA LTOS NAS MA ZHIG PAS DNGOS PO DANG MYU GU LA LTOS NAS MYU GU'I DNGOS PO 'GAG NAS MED PA GNYIS KA YIN PA'I PHYIR TSIG GSAL LAS, GAL TE, NAS, 'DI NI 'DOD PA NYID YIN TE, RANG GI NGO BO LA LTOS NAS DNGOS PO YIN LA, GZUGS LA SOGS PA'I CHOS LOG PA'I RANG BZHIN YIN PA'I PHYIR NA NI DNGOS PO MED PA YIN NO, ZHES GSUNGS PA'I PHYIR; RIGS PA GSUM PA, MYU GU ZHIG PA YANG DNGOS PO YIN PAR THAL, DE MYU GU SKYED LA LTOS NAS BYUNG PA'I PHYIR, DPER NA MYU GU'I DNGOS 'BRAS BZHIN, DE LA MA KHYAB NA, 'O NA MYU GU SKYES BA YANG DNGOS PO MA YIN PAR THAL, DE SNGAR MED GSAR DU BYUNG PAS DNGOS POR MI RIGS PA'I PHYIR, ZHIG PA LA DE LTAR 'DOD PA DE'I PHYIR, TSIG GSAL LAS, GZHAN YANG JI LTAR SNGAR MED PA'I PHYIR DANG PHYIS YOD PA'I PHYIR, SKYE BA RGYU DANG BCAS PA YIN PA DE BZHIN,

307a

, ,BU 'JIG PA YANG YIN PAR 'DOD PAR BYA'O, ZHES GSUNGS PA'I PHYIR, ZHIG PA DNGOS POR 'JIG RTEN GRAGS PAS SGRUB PA NI, ZHIG PA DNGOS PO YIN PAR THAL, CHU ZAD NAS MED BAS 'BRU BRLAGS PA DANG ZAS ZAD NAS MED PAS BU BRLAGS BA MTHONG BA'I PHYIR, DER THAL, DE LTAR 'JIG RTEN NA GRAGS SHING SKABS 'DIR 'JIG RTEN PA'I THA SNYAD KYI SKABS YIN PA'I PHYIR, MA KHYAB NA KHYAB PAR THAL, 'JIG RTEN PA'I DNGOS PO RANG DGA' BA 'JOG BA NI RIGS PAS DPYAD NA 'GAL BAR 'GYUR BAS MA BRTAGS MA DPYAD PAR GRAGS PA LTAR 'JOG DGOS PA'I PHYIR, MDO LAS KYANG, GANG 'JIG RTEN NA YOD PA DE NGA YANG YOD PAR 'DOD CES DANG, 'PHAGS PA LHAS KYANG, 'JIG RTEN PA YI MA GTOGS PAR, ,'JIG RTEN BZUNG BAR NUS MA YIN, ,ZHES GSUNGS PA LTA BU SHIN TU MANG BA'I PHYIR, JI SKAD DU RIGS PA DRUG CU PA'I 'GREL PA LAS, 'JIG RTEN PA'I DNGOS PO RNAMS NI RNAM PAR DPYAG CING DBYAD NAS KHAS BLANG PAR BYA BA MA YIN GYI, 'O NA CI ZHE NA 'JIG RTEN NA JI LTAR GRAGS PA LTAR RO, ZHES GSUNGS PA' PHYIR, DES NA GANG ZAG DE'I GZUGS MIG GIS MTHONG BA LA GANG ZAG DE MIG GIS MTHONG BA SOGS 'JIG RTEN PA'I THA SNYAD RANG DGA' BA DANG, GZUGS BRNYAN DANG GZUGS SGYU MA LTA BU'I RANG DGA' BA MA YIN PA'I 'JIG RTEN GYI THA SNYAD GNYIS LA MI 'GAL LUGS DANG RGYA CHE CHUNG YOD PAS ZHIB CHA DU MA SHES DGOS SO, ,GONG GI

307b

MA KHYAB MTSAMS KYI RTAGS GRUB STE, RIGS PA DRUG CU PA'I 'GREL PA LAS, 'JIG RTEN NA NI MED PA YANG RGYU NYID DU YOD DE, 'DI LTAR CHU MED NA NGA'I 'BRU MA RUNG BAR 'GYUR RO, ,ZAS MED BAS NGA'I PU SHI'O ZHES DE SKAD DU 'BRU DANG BU DAG BRLAGS PA CHU DANG ZAS MED PAS BYAS PAR SMRA'O, ,GZHAN YANG 'JIG RTEN NA GRAGS PA'I DON NI 'JIG RTEN NA GRAGS PA KHO NAS BZHAG PAR BYA YI 'THAD PAS NI MA YIN TE 'JIG RTEN PA'I THA SNYAD NI 'THAD PA DANG 'GAL BA'I PHYIR RO, ZHES GSUNGS PA'I PHYIR, DE LA KHO NA RE, 'O NA CHU MED PA DANG ZAS MED PA MED DGAG MA YIN PAR THAL, DE RGYU YIN PA'I PHYIR, 'DOD NA, CHU CHOS CAN, KHYOD MED PA MED DGAG YIN PAR THAL, KHYOD DNGOS PO YIN PA'I PHYIR NA GTAN NAS MA KHYAB, 'O NA RGYAL BA TSE DPAG CHOS CAN, KHYOD MED PA MED DGAG YIN PAR THAL, KHYOD DNGOS PO YIN PA'I PHYIR, 'KHOR GSUM, 'DOD NA, RGYAL BA TSE DPAG MED GANG ZAG YIN PAR THAL, MGON PO 'OD DPAG MED DANG SNANG BA MTHA' YAS GANG ZAG YIN PA'I PHYIR, MA KHYAB DANG, MA GRUB NA BZHAD GAD YIN NO, ,GZHAN YANG, DGE RTZA GSUM MED PAR THAL, 'DOD CHAGS MED PA ZHE SDANG MED PA GTI MUG MED PA GSUM DE MA YIN PA'I PHYIR, MDO SEMS DAG NA RE, MAR DANG SDONG BU ZAD PA MAR ME SHI BA'I RGYU MA YIN PAR THAL, DE GNYIS ZAD PA NI MAR ME SKAD CIG THA MAS MAR ME'I RIGS 'DRA MA 'ONGS PA SKYED PA'I RKYEN MA TSANG BA YIN LA, MA

308a

, ,'ONGS PA YANG RKYEN MA TSANG BAS MA SKYES PA YIN PA'I PHYIR ZER TE, RIGS PA DRUG CU PA'I 'GREL PA LAS, CI STE MAR DANG SDONG BU ZAD PA NI, ZHES PA NAS, DE LTAR RKYEN MA TSANG PAS MA 'ONGS PA 'DIR MA SKYES SO SNYAM DU SEMS NA ZHES SO, ,'ON ZHIG PA GZHAN GCIG ZHIG PA DE LAS GZHAN GCIG GI RGYU YIN PAR MA ZAD MAR ME MA 'ONGS PA'I RGYU YANG KHYOD KYIS KHAS LEN RIGS PAR THAL, KHYOD KYIS KYANG DE LTAR GSAL BAR 'DOD 'DUG PA'I PHYIR; DER THAL, MAR SDONG ZAD NAS MAR ME'I RIGS 'DRA PHYI MA SKYE BA'I RKYEN MA TSANG BA DE MAR ME'I RIGS 'DRA PHYI MA MA 'ONGS PA MI SKYE BA'I RGYU YIN PA'I PHYIR, DER THAL, DE 'DRA'I RKYEN MA TSANG BA MA YIN NA MA 'ONGS PA DE YANG SKYE PA'I PHYIR, RTAGS KHAS BLANGS LA, KHYAB PAR THAL, RKYEN MA TSANG NA MI SKYE LA TSANG NA SKYE RUNG NGAM SKYE RGYU DE 'DUS BYAS YIN PA'I PHYIR, JI SKAD DU RIGS PA DRUG CU PA'I 'GREL PA LAS, DE LA NI 'O NA RKYEN MA TSANG BA MA 'ONGS PA MI SKYE BA LA RGYUR GNAS TE, GAL TE RKYEN MA TSANG BAR MA GYUR NA NI DE NGES PAR SKYE BAR 'GYUR RO, ,ZHES GSUNGS PA'I PHYIR, MA 'ONGS PA DNGOS POR LUNG 'DI LAS SHES DGOS, GZHAN LUNG ZHAL GSAL BA MI SNANG NGO, ,LAS KYI BAG CHAGS BSGO GZHI DANG LAS CHUD MI ZA BA'I DON LA 'PHAGS YUL GYI MKHAS PA RNAM KYANG MI MTHUN PA MANG YANG YI GES MI LANGS LA RE ZHIG THAL 'GYUR PA'I LUGS TZAM LA DBYAD NA KHA CIG NA RE, SKABS 'DIR LAS KYI

308b

BAG CHAGS BSGO GZHI LA GANG ZAG GIS KHYAB PAR THAL, SEMS SOGS BZHAG NA 'PHAGS PA'I MNYAM BZHAG DANG DGE RTZA CHAD PA'I DUS SU SKYE BA 'PHEN BYED KYI LAS MED PAR THAL BA'I SKYON YOD PA'I PHYIR, RNAM BSHAD LAS, 'O NA MTHONG LAM BAR CHAD MED LAM GYI DUS SU DE'I SPANG BYA MTHONG SPANG MED MOD KYANG, SGOM SPANG GI BAG LA NYAL YOD DGOS LA, DE'I TSE YID KYI SHES PA NI GNYIS SNANG 'KHRUL PA'I BAG CHAGS KYIS MA BSLAD PA'I ZAG MED YIN PAS, DE'I NGO BOR BAG LA NYAL DE GNAS PA MI RIGS LA, DBANG SHES KYANG DE'I RTEN DU MED CING, GZUGS KYANG DE'I RTEN DU MI RIGS LA KUN GZHI YANG MI 'DOD PAS DE'I RTEN MED PAR 'GYUR RO SNYAM NA, SKYON MED DE, DE'I TSE NGA TZAM ZHIG SGOM SPANG GI BAG LA NYAL GYI RTEN YIN PA'I PHYIR TE, SPANGS GNYEN GZHAN LA YANG DE BZHIN DU SHES PAR BYA'O, ZHES GSUNGS PA'I NGA TZAM ZHIG GI DON YOD PA'I PHYIR NA MA KHYAB STE, DE'I TSE SHES PA MNGON GYUR PA DANG GZUGS DANG KUN GZHI BAG CHAGS KYI RTEN MA YIN PAS, DE'I NGA TZAM DE BAG CHAGS BSGO GZHIR BSTAN GYI BAG CHAGS KYI BSGO GZHI LA NGA YIN PAS MA KHYAB PA'I PHYIR, DER THAL, BAG CHAGS BSGO GZHI'I SEMS RGYUD LA GANG ZAG DANG SEMS RGYUD GNYIS BYED DGOS PA'I PHYIR, MA KHYAB NA KHYAB PAR THAL, SEMS KYI RGYUD DE LA BRTEN NAS BTAGS PA'I GANG ZAG GCIG YOD KYANG, SEMS RGYUD GANG ZAG MA YIN PA'I PHYIR, DER THAL, GDAGS GZHI BTAGS CHOS MA

309a

, ,YIN PA'I PHYIR, RTAGS SLA, MA KHYAB MTSAMS LA RTAGS DER THAL, THOG MA MED PA NAS BSAGS PA'I BAG CHAGS 'DZIN PA'I BSGO GZHI LA NGA'O SNYAM PA'I BLO LHAN SKYES KYI DMIGS YUL GCIG DGOS KYANG, GNAS SKABS KYI BAG CHAGS BSGO GZHI LA SEMS KYI RIGS 'DRA'I RGYUD YOD PA'I PHYIR, RTAGS ZUR DANG PO GRUB STE, RANG 'GREL LAS, THOG MA MED PA'I 'KHOR BAR DNGOS PO'I BAG CHAGS BZHAG PA YONGS SU SMIN PA DNGOS PO LA MNGON PAR, ZHES GSUNGS PA'I PHYIR DANG, DE'I MTSAN GZHIR NGAR 'DZIN DMIGS YUL GYI NGA RJE BDAG NYID CHEN POS BZHAG PA'I PHYIR, DER THAL, SEMS TZAM PAS DE LA KUN GZHIR GYUR PA'I NGA GCIG 'JOG ,DBU MA RANG RGYUD PAS YID KYI RNAM SHES SU GYUR PA'I NGA 'JOG PA BZHIN DU 'DI PAS KYANG BRTEN NAS BTAGS PA'I NGAR 'DZIN GYI DMIGS YUL GYI NGA 'JOG PA'I PHYIR, RNAM BSHAD LAS, DE YANG BAG CHAGS 'JOG PA'I GZHI, ZHES PA NAS, DE BZHIN DU LUGS 'DIS KYANG NGA'O SNYAM PA TZAM GYI BLO LHAN SKYES KYI DMIGS PA DE NYID BAG CHAGS BSGO BA'I GZHIR BZHED DO, ZHES GSUNGS PA'I PHYIR, DE LA KHO NA RE, DE MI 'THAD PAR THAL, SKABS 'DIR SEMS KYI RIGS 'DRA'I RGYUD KHO NA BAG CHAGS BSGO GZHIR BYED DGOS PA'I PHYIR, DER THAL, STOBS BCU'I SKABS KYI RANG 'GREL LAS, GANG GIS SEMS KYI RGYUD 'BAG PAR BYED CING BSGO BAR BYED LA, ZHES GSUNGS PA'I PHYIR NA MA KHYAB STE, 'DI'I DNGOS

309b

BSTAN GYI SEMS RGYUD LA SEMS DANG GANG ZAG KYANG YOD PA'I PHYIR, RNAM BSHAD LAS, 'O NA 'JUG 'GREL LAS, SEMS KYI RGYUN BAG CHAGS KYI GZHIR GSUNGS PA JI LTAR YIN ZHE NA, NGA TZAM DE NYID RNAM SHES LA BRTEN NAS BTAGS PA'I RGYUD YIN PAS SEMS KYI RGYUD CES KYANG BYA LA ZHES DANG, RTZA SHE'I tIKA CHEN LAS, SKYON MED DE GANG ZAG DE'I SEMS KYIS GZUGS MTHONG BAS GANG ZAG DE MTHONG BA BOR 'JOG PA MI 'GAL BA LTAR DE'I SHES RGYUD BAG CHAGS BSGO BA'I GZHI YIN PA DANG DE LA BTAGS PA'I GANG ZAG BAG CHAGS KYI GZHIR 'JOG PA MI 'GAL BA'I PHYIR RO, ,ZHES GSUNGS PA'I PHYIR, 'DI SKABS DU MAR SHES DGOS SO, ,GONG GI RTZA BA'I RTAGS ZUR GNYIS PA GNAS SKABS KYI BAG CHAGS BSGO GZHIR SEMS KYI RIGS RGYUN YANG YOD PAR THAL, RNAM BSHAD LAS, SEMS KYI RIGS 'DRA LA DE'I RGYUD CES PA LTAR NA, DE YANG RES 'GA' BA'I BAG CHAGS BSGO PA'I GZHIR 'GYUR RO, ZHES GSUNGS PA'I PHYIR, 'DI LA KHA CIG NA RE, BAG CHAGS BSGO GZHI'I GANG ZAG LA GTAN GYI BSGO GZHIS KHYAB PA, BAG CHAGS BSGO GZHI'I SEMS RGYUD LA RES 'GAR BSGO GZHIS KHYAB PAR THAL, RNAM BSHAD KYI LUNG DE'I PHYIR NA MA KHYAB, 'DOD NA, 'O NA THEG CHEN SEMS BSKYED KYI BAG CHAGS BSGO GZHI'I MI YIN PA'I CHA CHOS CAN, SEMS BSKYED KYI GTAN GYI BAG CHAGS BSGO GZHI YIN PAR THAL, SEMS BSKYED KYI BAG CHAGS BSGO GZHI'I GANG ZAG YIN PA'I PHYIR, KHYAB PA KHAS, RTAGS MA GRUB NA,

310a

, ,DE DER THAL, BDAG MED YIN PA'I PHYIR, GONG DU 'DOD NA, DE CHOS CAN, KHYOD GTAN DU MI LDOG PAR THAL, KHYOD GTAN GYI BAG CHAGS BSGOS SHING 'DZIN PA DE YIN PA'I PHYIR, 'KHOR GSUM, 'DOD NA, KHYOD 'GRO BA GZHAN DU SKYE MI SRID PAR THAL, KHYOD MI YIN PA GTAN DU MI LDOG PA'I PHYIR, 'DI tIKA CHEN DGONGS PA YIN TSUL 'CHAD PAR 'GYUR RO, ,GZHAN YANG, GANG ZAG GI GDAGS GZHI'I SEMS RGYUD LA THOG MED NAS 'ONGS PA MED PAR THAL; THOG MED NAS BAG CHAGS BSGOS PA'I SEMS YOD KYANG SEMS KYI RGYUD MED PA'I KHYAD PAR MI 'THAD PA'I PHYIR, KHYAB STE, GDAGS GZHI LA DE MI SRID NA BTAGS CHOS LA YANG DE MI LDAN PAS KHYAB PA'I PHYIR, 'DOD NA, RNAM SHES RGYUN 'CHAD MA MYONG BA MA YIN PAR THAL BA DANG SEMS MED PA'I GANG ZAG YOD PAR THAL LO, ,BAG CHAGS KYI DON LA KHA CIG NA RE, BAG CHAGS YIN NA, RANG 'GREL LAS, GANG GIS SEMS KYI RGYUD 'BAG PAR BYED CING BSGO BAR BYED LA, RJES SU BGROD PAR BYED PA DE NI BAG CHAGS TE, NYON MONGS PA'I MUR THUG PA DANG, GOMS PA DANG, RTZA BA DANG, BAG CHAGS ZHES BYA BA NI RNAM GRANGS DAG GO ZHES SOGS KYI DNGOS BSTAN GYI BAG CHAGS YIN PAS KHYAB ZER BA DANG, LA LAS DE LTAR MA KHYAB KYANG DGE MI DGE GANG RUNG GI BAG CHAGS YIN NA DE'I DNGOS SU BSTAN TSUL LTAR BZHAG PAS KHYAB ZER NA, DANG PO LA DGE BA'I LAS KYI BAG CHAGS CHOS CAN, DER THAL,

310b

DE'I PHYIR, KHYAB PA KHAS, 'DOD NA, NYON MONGS KYI BAG CHAGS YIN PAR THAL, 'DOD PA'I PHYIR, KHYAB STE, RANG 'GREL LAS, NYON MONGS PA'I MUR THUG PA DANG ZHES SOGS GSUNGS PA'I PHYIR, 'DOD MI NUS TE, CHOS CAN DE'I PHYIR, GNYIS PA LA, 'O NA GTI MUG GI SA BON NYON SGRIB CHOS CAN, GZHUNG DE'I BSTAN TSUL LTAR BZHAG PA'I BAG CHAGS YIN PAR THAL, BAG CHAGS YIN PA'I PHYIR, 'DOD NA, DE CHOS CAN, KHYOD SEMS RGYUD LA BSGO BYED KYI NYON MONGS SA BON DANG BCAS PA SPANGS KYANG MI LDOG PA'I BAG CHAGS YIN PAR THAL, KHYOD GZHUNG DE'I DNGOS SU BSTAN PA LTAR BZHAG PA'I NYON MONGS KYI BAG CHAGS YIN PA'I PHYIR, 'DOD MI NUS TE, KHYOD NYON SGRIB YIN PA'I PHYIR, KHYAB STE, GZHUNG 'DI'I DNGOS BSTAN GYI BAG CHAGS LA NI SA BON GYI NGO BOR GYUR PA'I BAG CHAGS DANG, SA BON ZAD KYANG MI LDOG PA'I DRI MA'I NGO BOR GYUR PA'I BAG CHAGS GNYIS LAS PHYI MA KHO NAS KHYAB PA'I PHYIR, RANG 'GREL LAS, BAG CHAGS DE YANG SANGS RGYAS KHO NA LA LDOG PAR 'GYUR GYI, ZHES DANG, YANG DE NYID LAS, DE NI ZAG PA MED PA'I LAM GYIS NYON MONGS PA SPANGS SU ZIN KYANG NYAN THOS DANG RANG SANGS RGYAS KYIS SPANGS PAR MI NUS TE, NAS, YON TAN PHRA MO DMIGS PA BZHIN NO, ZHES GSUNGS PA'I PHYIR, GZHAN YANG, BAG CHAGS YIN NA LUNG MA BSTAN YIN PAS KHYAB PAR THAL, DE YIN NA 'DI'I DNGOS BSTAN GYI BAG CHAGS YIN PAS KHYAB PA'I PHYIR, KHYAB STE, 'DI'I DNGOS

311a

, ,BSTAN GYI BAG CHAGS LA, DGE MI DGE GANG YANG MED PA'I PHYIR, DER THAL, DGRA BCOM RGYUD KYI DUG GSUM GYI BAG CHAGS SGRIB PA YIN KYANG MI DGE BA MA YIN PA'I PHYIR, DER THAL, DGRA BCOM PA LA MI DGE BA'I LAS GSAR BA MED PA'I PHYIR, RTZA BAR 'DOD NA, 'PHEN BYED DGE PA'I LAS DANG TSAR GCIG PA'I BCU PA SRID PA'I RTEN 'BREL CHOS CAN, DER THAL, DE'I PHYIR, KHYAB PA KHAS, RTAGS GRUB STE, BCU PA SRID PA'I RTEN 'BREL LA LAS SU GSUNGS PA BAG CHAGS LA DGONGS PA YIN PA'I PHYIR, DBYIG GNYEN GYI RTEN 'BREL MDO 'GREL LAS, LAS NI GNAS SKABS GNYIS YIN TE, RANG GI NGO BO'I GNAS SKABS DANG, BAG CHAGS KYI GNAS SKABS SO, , SEMS KYI RGYUD LA BAG CHAGS KYI BYE BRAG DE LAS SKYES PA YOD PA YANG LAS KYI MING THOB STE, ZHES PA NAS, LEN PA'I RKYEN GYIS SRID PA ZHES BRJOD PA DE'I TSE NI BAG CHAGS KYI GNAS SKABS LA SRID PA'I MING THOB PA YIN NO, ZHES GSUNGS PA'I PHYIR, 'DI TZAM DBU SEMS KUN MTHUN NO, ,GONG DU 'DOD MI NUS TE, DGE BA YIN PA'I PHYIR, DER THAL, 'BREL BA'I DGE BA YIN PA'I PHYIR, DER THAL, DGE BA'I BAG CHAGS SA BON GYI NGO BOR GNAS SHING RKYEN GZHAN GYIS MA BCOM ZHING RNAM SMIN 'BYIN NGES DE YIN PA'I PHYIR, 'DIS NI LAS 'GAG PA LA DGE BA 'JOG LUGS KYANG SHES PAR BYA'O, ,'DI DAG DKA' GNAS MTHAR THUG TU SNANG YANG DBU MA'I tIKKA DANG MTHA' DPYOD BYED PA PO

311b

SNGA MA DAG GIS ZUR TZAM YANG MA THON ZHING, THAL BSDUS KYI TSIG 'KHRI NYOG NYOG POS NYI MA 'PHUL THABS CHEN PO BRIS SNANG YANG GRUB MTHA'I BRDA CHAD TZAM YANG MED PAR MTHONG NAS RIGS PA RE RES KYANG GNAD BRGYA 'GROL BA RE BRIS PAS PHYIS KYI DPYOD LDAN KUN DGYES PAR MDZAD DU GSOL, RANG LUGS YOD DE, DUS GSUM GYI RNAM BZHAG THUN MONG MA YIN PA DANG, ZHIG PA SOGS DNGOS POR SGRUB PA DANG, LAS KYI BAG CHAGS BSGO GZHI'I KHYAD PAR DANG, ZHIG PA'I STENG NAS KYANG DGE SOGS GSUM 'THAD TSUL RNAMS YOD PA'I PHYIR, DNGOS PO GZHAN ZHIG SKYES ZIN ZHIG PA'I TSE, 'DAS PA'I MTSAN NYID, MTSAN GZHI MYU GU ZHIG PA LTA BU YIN TE, DE SKAD DU BRGYA PA'I 'GREL PA LAS, 'DAS PA NI DE NYID LAS 'DAS PA'O, ZHES GSUNGS LA, DE NYID CES PA DA LTAR BA LA BYED PA'I PHYIR, DNGOS PO GZHAN ZHIG RANG SKYED BYED KYI RGYU YOD KYANG RKYEN MTSAD PAS MA SKYES PA'I CHA DE, MA 'ONGS PA'I MTSAN NYID, MTSAN GZHI DPER NA MYU GU MA 'ONGS PA LA RGYU YOD KYANG MYU GU DA LTAR BA'I DUS SU MA SLEB PA LTA BU YIN TE, BRGYA PA'I 'GREL PA LAS, DE LA MA 'ONGS PA NI DA LTAR BYUNG BA'I DUS SU MA PHYIN PA'O, ZHES GSUNGS PA'I PHYIR, DNGOS PO GZHAN ZHIG PA'I CHA DANG DNGOS PO GZHAN MA 'ONGS PA'I CHA GANG YANG MA YIN ZHING SKYES LA MA 'GAG PA DE, DA LTAR BA'I MTSAN NYID, MTSAN GZHI MYU GU SKYES PA LTA BU YIN TE, BRGYA BA'I 'GREL PA LAS, DA LTAR BYUNG BA NI SKYES LAM 'GAG PA'O, ZHES GSUNGS PA'I PHYIR, DUS GSUM GYI GTZO PHAL

312a

, ,YOD DE, DA LTAR BA DE RANG NYID SKYES LA MA ZHIG PA KHO NA YIN PAS GTZO BO DANG, GZHAN MA 'ONGS PA 'DAS PA GNYIS KYI NGO BO DA LTAR BA MA SKYES PA DANG ZHIG PA'I SGO NAS 'JOG PAS PHAL BA YIN PA'I PHYIR, BRGYA PA'I 'GREL PA LAS, DA LTAR BA NI ZHES SOGS GSUNGS PA'I PHYIR, DE LTA NA YANG DUS GSUM PHAN TSUN LTOS PA DANG, GCIG GI RNAM PA 'CHAR BA LA GZHAN GNYIS KYI RNAM PA 'CHAR DGOS PA LA KHYAD PAR MED DE, DE LTAR SNGAR BSHAD ZIN PA'I PHYIR BRGYA PA'I 'GREL PA LAS KYANG, DE MED NA NI GANG DU MA 'ONGS PA LAS 'DI MA 'ONGS PA NYID DU 'GYUR TE, DUS GZHAN GNYIS KYI RNAM PAR BZHAG PA LA YANG DE DANG 'DRA BAR SBYAR BAR BYA'O, ,ZHES GSUNGS PA'I PHYIR, DE LTAR 'DOD PA LA BYE BRAG SMRA BA MA GTOGS GRUB MTHA' GZHAN GSUM MTHUN LA, 'DAS MA 'ONGS GNYIS RANG RGYUD PA SOGS KYIS MED DGAG YIN PAS DNGOS MED DANG THAL 'GYUR BAS ZHIG PAS MA ZHIG PA GCOD, MA 'ONGS PAS SKYE RGYU ZHIG BCAD KYANG DGAG BYA DE GNYIS BCAD TZAM MA YIN GYI DNGOS PO GZHAN ZHIG 'PHEN PAR 'DOD PA'I PHYIR, DER THAL, MYU GU ZHIG PA'I SGRAS MYU GU ZHIG BA MYU GU LA BRTEN NAS BYUNG BA 'PHEN, MYU GU MA 'ONGS PA'I SGRAS MYU GU MA 'ONGS PA LA MYU GU SKYE PA'I RKYEN MA TSANG BAS RE ZHIG MA SKYES LA RKYEN TSANG NA SKYE BA 'PHEN PA'I PHYIR RAM, YANG NA MYU GU MA 'ONGS PA'I SGRAS MYU GU MA 'ONGS PA LA MYU GU SKYE BA'I RKYEN MA TSANG BA'I DNGOS POR 'PHEN PA 'DI ZLA BA DANG RJE'I DGONGS PAR MNGON PA'I PHYIR TE,

312b

RNAM BSHAD LAS, LUGS DANG PO LA NI, ,ZHES PA NAS, ZHIG PA DE DNGOS PO GTAN MA YIN PAR 'DOD DE, ,ZHES DANG, SKAD CIG DANG PO DUS GNYIS PAR ZHIG PA NI, NAS, ZHIG RGYU DE BCAD BA TZAM MA YIN GYI DE BCAD PA'I DNGOS PO ZHIG 'PHANGS PA'I PHYIR RO, ,ZHES GSUNGS PA'I PHYIR, RIGS PA DRUG CU PA LAS, RGYU ZAD NYID LAS ZHI BA NI, ,ZAD CES BYA BAR DMIGS PA STE, ,ZHES PA RTZA 'GREL LAS BSHAD PA'I PHYIR, DUS GSUM DNGOS PO RANG RANG GI DA LTAR BA LA LTOS NAS BZHAG DGOS KYI 'JOG MKHAN GANG ZAG GI SGO KHO NAS MI RUNG STE, GANG ZAG GCIG KHO NA'I DUS GSUM GYIS SO SO'I GO CHOD LA DNGOS PO GZHAN GYI DUS GSUM GYIS SO SO'I GO MI CHOD PA SKUR 'DEBS SU 'GYUR BA'I PHYIR, SKABS 'DIR KUN GZHI DANG, BU LON GYI DPANG RGYA STE YI GE LTA BU'I CHUD MI ZA BA ZHES BYA BA'I LDAN MIN LAS DANG BSGO GZHI LAS THA DAD PA DANG, LAS DE LDAN BYED KHAL THAG LTA BU'I THOB PA DANG, LAS DE BSAGS PA NAS RNAM SMIN MA MYONG BAR DU BSGO GZHI'I RNAM SHES YIN BZHIN PA'I SEMS KYI RGYUN RNAMS KHAS MA BLANGS KYANG LAS 'BRAS KYI 'BREL BA SHIN TU 'THAD DE, LAS RANG BZHIN GYIS MI 'GAG CING LAS KYI ZHIG PA'I STENG NAS LAS DGE SDIG GANG YIN DE 'THAD PA'I PHYIR, DE YANG YIN TE, LAS ZHIG NAS BAG CHAGS TZAM LAS MED KYANG RNAM SMIN MA ZAD PA'I LAS DGE BA'I ZHIG PA DGE BA, DE MA ZAD PA'I MI DGE BA'I ZHIG PA MI DGE BA YIN PA'I PHYIR, DPER NA 'PHEN BYED KYI DGE BA'I LAS BSAGS NAS 'GAG LA SRED LEN GYIS GSOS MA BTAB PA'I

313a

, ,LAS DE'I BAG CHAGS SA BON BA DE YAN LAG GNYIS PA DGE BA'I LAS DANG, YANG SRID 'GRUB NGES KYI BAG CHAGS SA BON PA DE BCU PA SRID PA'I RTEN 'BREL DANG, GNYIS KA LA YANG DGE BA'I LAS LUS NGAG GI RNAM PAR RIG BYED MA YIN PA'I GZUGS YOD PA YIN PA'I PHYIR, SLOB DPON 'PHAGS PAS, GNYIS PA BCU PA LAS YIN TE, ,ZHES DANG, DE'I RANG 'GREL LAS, LAS DE GANG ZHE NA, GNYIS PA DANG BCU PA LAS YIN TE, GNYIS PA NI 'DU BYED, BCU PA NI SRID PA STE CHOS GNYIS NI LAS SU BSDU BAR SHES PAR BYA'O, ,ZHES DANG, RTZA SHE LAS, SRID PA DE YANG PHUNG PO LNGA, ,ZHES DANG, DE'I 'GREL PA TSIG GSAL LAS, DE LA LUS DANG NGAG GI LAS NI GZUGS KYI PHUNG PO'I RANG BZHIN YIN LA, YID KYI LAS NI PHUNG PO BZHI'I RANG BZHIN TE, DE LTAR NA SRID PA DE YANG PHUNG PO LNGA YIN NO, ,ZHES DANG, RTZA BAR, RMI LAM DMIGS PA'I YUL DAG MTHONG NAS NI, ,NAS, LAS LAS KYANG NI 'BRAS BU YOD PA NYID, ,CES DANG; SRID PA 'PHO BA'I MDO LAS, DUS GZHAN CI TZAM ZHIG NA 'CHI BA'I DUS DANG TSOD NYE BAR GNAS PA'I TSE, ZHES PA NAS, YID LAS DE NYID LA MNGON DU PHYOGS PAR 'GYUR RO, ,ZHES DANG, DE'I DON RNAM BSHAD LAS, 'CHI KHA'I TSE TSE PHYI MAR GANG SMIN PA'I LAS KYI NUS PA SAD PA'I LAS DE LA YID PHYOGS PAR 'GYUR GYI DRAN PA MA YIN NO, ZHES GSUNGS PA'I PHYIR, ZHES 'DIS 'CHI KHA SKYE BA DPAG MED SNGA ROL GYI LHAR SKYE BA'I LAS DKON MCHOG MCHOD PA LTA BU BYAS

313b

YOD PA DE DE DUS MI DRAN KYANG LAS DE DANG 'DRA BA'I SEMS PA ZHIG MNGON DU GYUR 'ONGS PAR BSHAD PA'I PHYIR, BAG CHAGS BSGO GZHI YOD DE, SEMS RGYUD LA BTAGS PA'I NGA DANG SEMS KYI RIGS 'DRA'I RGYUN GNAS SKABS PA GNYIS GNYIS DGE MI DGE LAM SOGS GANG GI DBANG DU BYAS KYANG YOD PA'I PHYIR, RNAM BSHAD LAS, DGE MI DGE'I BAG CHAGS LA SOGS PA'I BAG CHAGS GZHAN LA YANG GZHI GNYIS SU 'GYUR BA JI LTAR RIGS PAR SBYOR, ZHES GSUNGS PA'I PHYIR, RTZOD SPONG LA KHO NA RE, SHES SGRIB PHRA MO ZHIG PA SANGS 'PHAGS KYI RGYUD LA YOD PAR THAL, DE SANGS 'PHAGS KYI RGYUD LA ZHIG PA'I PHYIR NA KHA CIG 'DOD ZER YANG MA KHYAB, 'O NA RI BONG RVA MA 'ONGS PA YIN PAR THAL, RI BONG RVA MA 'ONGS PA'I PHYIR; 'KHOR GSUM, GONG DU 'DOD NA, SANGS 'PHAGS RGYUD LA SHES SGRIB 'DAS PA YOD PAR THAL, 'DOD PA'I PHYIR, 'DOD MI NUS TE, DE SANGS 'PHAGS KYI RGYUD LA LHAG MED DU CHOS DBYINGS SU GTAN ZAD DU SONG BA'I PHYIR, RTAGS SLA, KHYAB STE, 'DAS MA 'ONGS SU 'JOG PA LA GTAN MED DANG GTAN BRLAG MA YIN PA ZHIG DGOS PA'I PHYIR, YANG STAG LO NA RE, BUM PA ZHIG PA THUG MED YIN PAR THAL, BUM PA ZHIG PA'I YANG ZHIG PA YOD PA'I PHYIR NA MA KHYAB, 'O NA, BUM PA MI RTAG PA YANG THUG MED YIN PAR THAL, BUM PA MI RTAG PA'I YANG MI RTAG PA YOD PA'I PHYIR, KHYAB PA KHAS, YANG KHO NA RE, BUM PA ZHIG PA DANG YANG DE'I ZHIG PA GZHAN DANG GZHAN THUG MED YIN PAR THAL, 'DOD PA'I PHYIR NA 'DOD PA

314a

, ,KHO NA'O, ,'O NA, BUM PA ZHIG PA MI 'GRUB PAR THAL, DE'I ZHIG PA GZHAN DANG GZHAN THUG MED YIN PA'I PHYIR NA MA KHYAB, 'O NA, BUM PA SKYE BA MI 'GRUB PAR THAL, BUM PA SKYE DUS BUM PA'I RGYU DUS DANG YANG DE'I RGYU'I DUS THUG MED YIN PA'I PHYIR, 'KHOR GSUM KHAS, SPROS PAS CHOG GO ,SMRAS PA, DUS GSUM RNAM BZHAG 'CHAD TSE DUS KUN TU, ,PHRA ZHIB RNAM DBYE PHRA MO PHYE BA'I TSE, ,'JAM MGON RGYAL BA GNYIS PA 'JAM DBYANGS BZHIN, ,NGES RNYED KHYOD LA PHYAG 'TSAL NGES DON DU'O, ,GSAL GSAL RANG BLO'I DON NYIN MO BZHIN, ,LHANG LHANG SHES BYA 'CHAR LA MTHA' MED KYANG, ,CHUNG CHUNG BLO GSAL YI GES SKRAG SPANGS PHYIR, ,DAM DAM DKA' GNAS RNAM DPYOD RAL GRIS BCAD, ,TSIG DON 'DI BZHIN 'DI NA SUS BZUNG BA, ,BLO CHEN GZHAN BZHIN GZHAN GYIS ZLA MED PHYIR, ,NOR BZANG JI BZHIN JI MYUR RTAG 'GRUS KYIS, ,RGYAL SRAS CHOS 'PHAGS CHOS LA MKHAS BZHIN 'GYUR, ,ZHES BAR SKABS KYI TSIGS SU BCAD PA'O,, ,,RTZA BAR, GZUNG BA MED PAR 'DZIN PA MA MTHONG ZHING, ,ZHES SOGS KYIS SEMS TZAM PA'I LUGS BYE BRAG TU 'GOG PA LA, PHYI DON MED PA'I SHES PA RANG BZHIN GYIS GRUB PA DGAG PA DANG, GZHAN DBANG RANG BZHIN GYIS GRUB BA DGAG PA DANG, SEMS TZAM DU GSUNGS PA'I TZAM SGRAS PHYI DON MI 'GOG TSUL GSUM LAS, DANG PO NI, RTZA BAR, GZUNG BA MED PAR 'DZIN PA MA MTHONG ZHING, ,NAS, YOD DANG SPROS KUN YUL MIN

314b

RANG BZHIN YOD, ,CES PAS PHYI DON MED KYANG SHES PA RANG BZHIN GYIS YOD PAR 'DOD TSUL BRJOD NAS, DE DGAG PA LA, DPE DGAG PA DANG, DON DGAG PA DANG, DE LTAR BKAG KYANG MI SDUG PA SGOM PA DANG MI 'GAL BA GSUM GYI DANG PO NI RTZA BAR, PHYI ROL MED SEMS DPA NI GANG DU YOD, ,NAS, DE LTA MA YIN DE PHYIR DE YOD MIN, ,ZHES BYUNG, GNYIS PA NI, RTZA BAR, GANG PHYIR MTHONG BA DAG LA BLO NUS NI, ,NAS, 'GAR YANG DNGOS PO YOD CES MA BSTAN TO, ,ZHES BYUNG, GSUM PA NI, RTZA BAR, RNAL 'BYOR PA YIS BLA MA'I MAN NGAG LAS, ,NAS, CHU 'BAB KLUNG LA YI DVAGS RNAG BLO YANG, ,ZHES BYUNG, 'DI'I MTHA' DPYAD PA LA GSUM LAS, DANG PO LA YANG CHOS KYI SKYE MCHED PA'I GZUGS YOD MED LA DPYAD PA DANG, GZHAN GYI LOG RTOG RAGS PA LA DPYAD PA DANG, PHYOGS MTHONG YANG PHRA BA LA RMONGS PA SOGS LA LUNG RIGS KYI SKYA BAR NAS BTON TE CUNG ZAD RE DPYAD NA DANG PO LA SNGON DUS KYI GZHUNG LUGS PHYOGS RE SBYANGS PA MANG PO NA RE, RNAM PAR RIG BYED MA YIN PA'I GZUGS BYE SMRA LAS GRUB MTHA' GONG MA GSUM GYIS MI 'DOD ZER NA, 'O NA GRUB MTHA' GONG MA GSUM GYIS, MDO LAS, GZHAN GSUM GYI GZUGS KYIS GZUGS BSDUS PA YIN TE, BSTAN DU YOD LA THOGS PA DANG BCAS PA'I GZUGS KYANG YOD, BSTAN DU MED LA THOGS PA DANG BCAS PA'I GZUGS KYANG YOD, BSTAN DU YANG MED LA THOGS PA YANG MED PA'I GZUGS KYANG YOD DO, ,ZHES GSUNGS PA MI 'THAD PAR THAL, MIG GI YUL DU

315a

, ,BSTAN DU YOD PA DANG THOGS BCAS DANG, MIG GI YUL DU BSTAN DU MED LA THOGS PA DANG BCAS PA DANG, MIG GI YUL DU BSTAN DU MED PA DANG THOGS PA MED PA'I GZUGS GSUM MED PA'I PHYIR, RTAGS KHAS, DER THAL, GZUGS KYI SKYE MCHED DE DANG PO DANG, SGRA DRI RO REG GI SKYE MCHED RNAMS GNYIS PA DANG, CHOS KYI SKYE MCHED KYI GZUGS LNGA PHYI MAR 'JOG PA MA YIN PA'I PHYIR, KHYOD KYI DAM BCA' 'THAD PA'I PHYIR, RTZA BAR 'DOD MI NUS TE, MDO SDE PAS KYANG RNAM RIG MA YIN PA'I GZUGS 'DOD, DE BZHIN DU THOGS MED SKU MCHED KYANG BZHED, 'PHAGS PA YAB SRAS GNYIS KYANG BZHED, DE GNYIS KYI LUGS 'DZIN GTZO BO ZLA BA SKYANGS GNYIS KYANG BZHED, RJE RIN PO CHES KYANG GSAL BAR BSHAD PA'I PHYIR, RTAGS DANG PO GRUB STE, MDO SDE PAS RNAM RIG MA YIN PA'I GZUGS YOD KYANG GZUGS MTSAN NYID PA MA YIN ZHES 'DOD PA'I PHYIR, 'PHAGS PA LHA RIGS LDAN 'JAM GRAGS DZE T'A RI RNAMS KYI GZHUNG LAS, RNAM RIG MIN PA'I GZUGS YOD MIN, ,ZHES PA'I DUS 'KHOR tIKA CHEN DE NYID SNANG BA LAS, SO SOR THAR PA'I SDOM PA LTA BU BSTAN DU MED CING THOGS PA MED PA'I RNAM PAR RIG BYED MA YIN PA'I GZUGS GZUGS MTSAN NYID PAR GYUR PA YOD PA MA YIN NO, ,ZHES GSUNGS PA'I PHYIR, RTAGS GNYIS PA GRUB STE, KUN BTUS LAS, RGYUR BYAS PA'I GZUGS GANG ZHE NA, MIG GI DBANG PO DANG RNA BA'I DBANG PO DANG SNA'I DBANG PO DANG LCE'I DBANG PO DANG LUS KYI DBANG PO DANG, GZUGS

315b

DANG SGRA DANG DRI DANG RO DANG REG BYA'I PHYOGS GCIG DANG, CHOS KYI SKYE MCHED PA'I GZUGS SO, ZHES DANG, DBYIG GNYEN GYI PHUNG PO LNGA'I RAB BYED LAS, SA CHU SOGS BZHIS RGYUR BYAS PA'I GZUGS GANG ZHE NA, MIG GI DBANG PO, RNA BA'I DBANG PO, SNA'I DBANG PO, LCE'I DBANG PO, LUS KYI DBANG PO, GZUGS DANG SGRA DANG DRI DANG RO DANG REG BYA'I PHYOGS GCIG DANG, RNAM PAR RIG BYED MA YIN PA'O, ,ZHES GSUNGS PA'I PHYIR, SA SDE GZHAN GYIS KYANG BSHAD DO, ,RTAGS GSUM PA GRUB STE, RTZA SHE LAS, SRID PA DE YANG PHUNG PO LNGA, ,ZHES DANG, DE'I RANG 'GREL DU GRAGS PA GA LE 'JIGS MED LAS KYANG, GANG GI PHYIR NYE BAR LEN PA DANG BCAS PA DE'I PHYIR, DE'I SRID PA 'BYUNG BAR 'GYUR TE, SRID PA DE YANG PHUNG PO LNGA YIN PAR SHES PAR BYA'O, ,ZHES DANG, 'PHAGS PA LHAS SPYOD BSDUS LAS, RANG RIG PA TZAM 'BA' ZHIG GI RNAM PAR RIG BYED MA YIN PA NI ZHES GZUGS KYI DBYE BA LNGA BAR BSHAD PA'I PHYIR RO, ,RTAGS BZHI PA GRUB STE, RAB BYED NYER DRUG PA'I 'GREL PA BUDDHA P'A LI TA LAS, GAL TE NYE BAR LEN PA MED NA DES NA GROL BAR 'GYUR TE, DE'I SRID PA 'BYUNG BAR MI 'GYUR BA ZHIG NA GANG GI PHYIR NYE BAR LEN PA DANG BCAS PA DE'I PHYIR, DE'I SRID PA 'BYUNG BAR 'GYUR TE, SRID PA DE YANG PHUNG PO LNGA YIN PAR SHES PAR BYA'O ZHES DANG, SRID PA'I RTEN 'BREL PHUNG PO LNGA PA YIN TSUL, TSIG GSAL LAS, SRID PA RE YANG PHUNG PO LNGA STE GANG ZHIG NYE BAR LEN PA LAS RAB TU 'BYUNG BA DE NI PHUNG PO LNGA'I RANG BZHIN DU RIG PAR BYA'O, ,LUS DANG NGAG DANG YID KYI LAS

316a

, ,RNAM PA GSUM CHAR YANG 'DI LAS MA 'ONGS PA'I PHUNG PO LNGA 'BYUNG BAS NA SRID PA ZHES BYA BAR BSNYAD DO, ZHES GSUNGS PA'I PHYIR, RTAGS LNGA PA GRUB STE, RIGS PA'I RGYA MTSO LAS, SRID PA DE YANG PHUNG PO LNGA'I RANG BZHIN DU RIG PAR BYA STE, LUS DANG NGAG DANG YID KYI LAS DGE MI DGE GSUM CHAR YANG MA 'ONGS PA'I PHUNG PO LNGA'I SRID PA 'BYUNG BAS RGYU LA 'BRAS BU'I MING GIS BTAGS NAS SRID PA ZHES BYA'O, ,DE LA LUS DANG NGAG GI LAS NI GZUGS KYI PHUNG PO YIN LA YID KYI LAS NI PHUNG PO BZHI'I RANG BZHIN YIN NO, ZHES GSUNGS PA'I PHYIR, DE LA KHO NA RE, LUS NGAG GI LAS GZUGS CAN YIN PA MI 'THAD PAR THAL, DE SLOB DPON DBYIG GNYEN GYIS BKAG LA, LAM RIM LAS KYANG SKYES BU CHUNG NGU'I SKABS SEMS PA LA BSHAD PA'I PHYIR NA MA KHYAB STE, LAM RIM GYIS MDO SEMS DBU MA RANG RGYUD PA SOGS SPYI'I BSHAD PA DE LTAR DANG, KHAMS GONG GI LUS RTEN LA MTHONG LAM MI THOB PAR BSHAD PA SPYI TZAM YIN LA DBYIG GNYEN GYI GSUNG LTAR 'DIR KHAS MI LEN PA'I PHYIR, RIGS PA'I RGYA MTSO LAS, DE LA GZHUNG GZHAN LAS BYE BRAG TU SMRA BAS LUS NGAG GI LAS GZUGS CAN DU 'DOD PA BKAG NAS LUS NGAG GI BYA BA LA 'JUG DUS KYI SEMS PA LA BSHAD MOD KYANG ZLA BAS GZUGS CAN DU BZHED DO, ,YID KYI LAS NI SEMS PA YIN MOD KYANG SEMS PA DANG MTSUNGS LDAN GYI SEMS SEMS BYUNG GZHAN RNAMS DE DANG NGO BO GCIG PAS YID LAS PHUNG PO BZHI'I RANG BZHIN DU

316b

BSHAD DO, ,ZHES DANG, TSIG GSAL LAS KYANG, DE LA LUS DANG NGAG GI LAS NI GZUGS KYI PHUNG PO'I RANG BZHIN YIN LA YID KYI LAS NI PHUNG PO BZHI'I RANG BZHIN TE, ZHES GSUNGS PA'I PHYIR, GZHAN YANG RNAM PAR RIG BYED MA YIN BA'I GZUGS YOD PAR THAL, CHOS KYI SKYE MCHED PA'I GZUGS LNGA YOD PA'I PHYIR, DER THAL, MNGON PA KUN BTUS LAS, CHOS KYI SKYE MCHED PA'I GZUGS GANG ZHE NA, DE NI RNAM PA LNGAR BLTA STE, BSDUS PA LAS GYUR SA DANG, MNGON PAR SKABS YOD PA DANG, YANG DAG PAR BLANGS PA LAS GYUR BA DANG, KUN BTAGS PA DANG, DBANG 'BYOR PA'O, ,ZHES GSUNGS PA'I PHYIR, BYAS PA LA KHO NA RE, MA KHYAB STE, DE SEMS TZAM PAS SGRO BTAGS TZAM YIN PA'I PHYIR ZER, DE SEMS TZAM PA'I SGRO BTAGS TZAM YIN PA MI 'THAD PAR THAL, DE LNGA NI MDO LAS KYANG BSHAD CING RIGS PAS KYANG GRUB PAS ZLA GRAGS RANG NYID KYANG BZHED PA'I PHYIR, RNAM BSHAD LAS, DE LA CHOS KYI SKYE MCHED PA'I GZUGS LNGA NI DNGOS POR SMRA PA'I GRUB MTHAS BRTAGS PA MA YIN GYI, MDO LAS GSUNGS SHING, RANG NYID KYANG DE LTAR BZHED DO, ,ZHES GSUNGS PA'I PHYIR, RDUL PHRA RAB CHOS CAN, CHOS KYI SKYE MCHED PA'I GZUGS YIN PAR THAL, YID SHES KHO NA LA SNANG BA'I GZUGS YIN PA'I PHYIR, DES NA KHA DOG DANG DBYIBS YIN NA YANG GZUGS KYI SKYE MCHED YIN PAS MA KHYAB PAR THAL, RDUL PHRA RAB KYI DE GNYIS YOD PA'I PHYIR, RDUL PHRA RAB KYI DBYIBS ZLUM PO KHO NAR NGES LA KHA DOG LA SNA TSOGS YOD PA'I PHYIR, DE LNGA'I

317a

, ,MTSAN GZHI YOD DE, RDUL PHRA RAB NI BSDUS PA LAS GYUR BA'I CHOS KYI SKYE MCHED KYI GZUGS, YID SHES KHO NA LA BAR SNANG SKYA SENGS SNANG BA NI CHOS KYI SKYE MCHED PA'I MNGON PAR SKABS YOD KYI GZUGS YIN LA MIG SHES LA DE LTAR SNANG BA GZUGS KYI SKYE MCHED YIN PAS MNGON PAR SKABS YOD SKABS GNYIS KAR BSHAD PA SO SOR SHES DGOS, LUS NGAG GI SDOM PA DANG SDOM MIN NI GSUM PA DANG, DON LA GZUGS SU DE LTAR MA GRUB KYANG YID SHES KHO NA LA RMI LAM GYI RTA GANG KHANG PA SOGS YUL LNGAR SNANG BA RNAMS DANG, SA GZHI KENG DUS KYIS KHYAB PAR SNANG BA LTA BU BZHI PA DANG, ZAD PAR SA CHU'I TING NGE 'DZIN GYI SNANG TSUL GYIS CHU SOGS LTA BU NI LNGA PA YIN PA'I PHYIR, RNAM BSHAD LAS, RMI LAM NA DBANG SHES MED PAS YUL LNGAR SNANG BA RNAMS NI YID SHES KHO NA LA SNANG BAS NA, DE LA GZUGS KYI SKYE MCHED SOGS LNGA BZHAG TU MED KYANG, YID TZAM GYI NGOR KENG RUS GSAL BAR SNANG BA LTA BU CHOS KYI SKYE MCHED DU 'JOG PA DANG 'DRA BAS, CHOS KYI SKYE MCHED KYI GZUGS YIN LA, DE YANG DE'I GZUGS LNGAS KUN BTAGS PA'I GZUGS YIN NO, ,'DIS NI 'DI 'DRA MANG PO ZHIG SHES PAR BYA'O, ,ZHES GSUNGS PA'I PHYIR, YANG KHA CIG, GZUGS BRNYAN SOGS SHES PA'I RNAM PA TZAM DU SKABS 'DIR YANG 'DOR PA DANG, LA LAS BYE SMRA DANG MDO SDE BA GNYIS MA GTOGS 'DOD PA MTHUN SNYAM PA MI 'THAD PAR THAL, ME LONG GI GZUGS BRNYAN DE RGYAL DPOG SOGS KYIS MIG GI 'OD ZER ME LONG

317b

LA PHOG PA PHYIR LOG BAS RANG GI BZHIN MTHONG BAR 'DOD, BYE SMRA SOGS KYIS DER GZUGS GZHAN DVANGS BA ZHIG 'BYUNG BAR 'DOD, MDO SEMS RNAL 'BYOR SBYOD PA'I DBU MA RANG RGYUD PA RNAMS KYIS DE BKAG NAS SEMS KYI 'KHRUL SNANG SEMS LAS DON GZHAN MA YIN PAR 'DOD, THAL 'GYUR PAS 'KHRUL BA'I DPANG SHES KYI BZUNG BYA'I GZUGS BRNYAN SOGS DANG SGRA BRNYAN THAMS CAD KYANG PHYI DON DU 'DOD, DER MA ZAD THAL 'GYUR PA DANG MDO SDE SPYOD PA'I RANG RGYUD PA LEGS LDAN SOGS KYANG RMI LAM GYI YID SHES 'KHRUL BA'I SNANG YUL 'DOD YON LNGAR SNANG BA YANG PHYI DON DU 'DOD LA, RNAL 'BYOR SPYOD PA'I DBU MA RANG RGYUD PAS DE LTAR MI 'DOD PA'I PHYIR, RTAGS DANG PO GRUB STE, DBU MA RGYAN RANG 'GREL LAS, ME LONG GI NGOS LA MIG GI 'OD ZER PHOG NAS PHYIR LOG PAS RANG GI BZHIN LA SOGS PA DE LTAR DMIGS PA'I PHYIR RO, ,ZHES DANG, DE'I 'GREL BSHAD LAS, RGYAL DPOG PA LA SOGS PA NA RE, GDONG LA SOGS PA DE LTAR DMIGS PA LA GZUGS BRNYAN GYI THA SNYAD RTEN TO ZHES ZER RO, ,ZHES GSUNGS PA'I PHYIR, RTAGS GNYIS PA GRUB STE, 'GREL BSHAD DE NYID LAS, BYE BRAG TU SMRA BA LA SOGS PA NA RE, ME LONG LA SOGS PAR GZUGS GZHAN KHO NA ZHIG 'BYUNG NGO ZHES ZER, ZHES DANG; MDZOD RTZA 'GREL NA SHIN TU GSAL BA'I PHYIR, GSUM PA GRUB STE, DBU MA RGYAN RANG 'GREL LAS, DNGOS PO'I NUS PA BSAM GYIS MI KHYAB PA'I MTHUS DE LTAR SNANG PA'I RNAM PAR SHES PA TZAM 'BYUNG PA'I PHYIR RO, ZHES DANG, DE'I

318a

, ,'GREL BSHAD LAS, MDO SDE PA LA SOGS PA NA RE, SHES PA KHO NA DE LTAR 'KHRUL BAR SNANG NGO, ,ZHES ZER TE ZHES DANG, MDZOD RTZA 'GREL NA GSAL ZHING DBYIG GNYEN YANG DE LTAR 'DOD PAR MNGON PA'I PHYIR, BZHI PA GRUB STE, THAL 'GYUR BAS GZUGS BRNYAN DANG DE SNANG GI MIG SHES THA SNYAD DU NGO BO THA DAD PAR 'DOD PA'I PHYIR, DER THAL, DES THA SNYAD DU GZUGS BRNYAN DE RANG 'DZIN PA'I MIG SHES KYI DMIGS RTEN DANG THA SNYAD DU GZUGS BRNYAN LAS RANG 'DZIN PA'I MIG SHES SKYE PAR 'DOD PAS DE GNYIS RGYU 'BRAS DANG NGO BO THA DAD YIN LA, DE BZHIN DU RAB RIB CAN GYI SKRAR SNANG DANG SMIG RGYU SOGS GZUGS KYI SKYE MCHED DANG BRAG CHA SOGS SGRA'I SKYE MCHED YIN PA'I PHYIR, RTZA BAR, JI LTAR DER NI GZUGS BRNYAN SOGS STONG LAS, ,SHES PA DE YI RNAM PAR SKYE 'GYUR, ZHES DANG, DE'I RANG 'GREL LAS, GZUGS BRNYAN RANG BZHIN MED PA'I RGYU DANG 'BRAS BU'I RNAM PAR BZHAG PA ZHES DE GNYIS RGYU 'BRAS SU BSHAD PA DANG RNAM BSHAD LAS, 'DIR GZUGS BRNYAN LAS NI DE 'DZIN PA'I MIG SHES SKYE BAR GSUNGS PAS, ZHES PA NAS, MIG SHES KYI DMIGS RTEN YIN PAS GZUGS KYI SKYE MCHED DU BZHED PA YIN TE, ZLA GNYIS DANG SKRA SHAD DU SNANG BA DANG RGYU MA SOGS DANG SGRA BRNYAN SOGS LA'ANG SHES PAR BYA'O, ZHES GSUNGS PA'I PHYIR, 'DI BCOM LDAN 'DAS KYI YANG DGONGS PA YIN TE, MDO LAS, MIG DANG GZUGS LA BRTEN NAS MIG GI RNAM PAR SHES PA SKYE'O, ZHES GSUNGS

318b

PA'I PHYIR, SHIN TU SPROS PAS CHOG GO ,LNGA PA GRUB STE, RTZA BAR, JI LTAR KHYOD KYI PHYI YUL RMI LAM DU, ,ZHES SOGS DANG, DE'I RANG 'GREL LAS, GZUGS MTHONG BA NI MIG DANG GZUGS DANG YID DE GSUM PO NYE BAR GYUR PA DE BZHIN DU RMI LAM DU YANG YUL YONGS SU GCOD PA NA GSUM 'DUS PAR DMIGS PA YIN NO, ZHES DANG, RTOG GI 'BAR BA LAS KYANG, DES NA RMI LAM LA SOGS PA'I SHES PA NI DMIGS PA MED PA MA YIN TE, MIG GI NUS PA SHIN TU NYAMS PAR GYUR PA'I DMUS YOD DAG GIS KYANG TSE RABS GZHAN NA MTHONG BA NYID KYI BAG CHAGS KYI DBANG GIS KHA DOG DANG DBYIBS RNAM PA THA DAD BA DU MA NGO BO THA DAD KYI SNANG BA 'BYUNG BAR 'GYUR BA YIN PAS, ZHES GSUNGS PA'I PHYIR, BCOM LDAN 'DAS KYI YANG DGONGS PA YIN TE, MDO LAS, BZANG SKYONG, DMUS LONG GI RMI LAM GYI NANG DU GZUGS LA SOGS PA MTHONG BA NI SHES PAS BSDUS PA'I MIG GIS MTHONG BA YIN GYI, SHA'I MIG GIS NI MA YIN NO, ZHES GSUNGS PA'I PHYIR, YANG KHA CIG, DON LA DE LTAR MA GRUB KYANG MI ZER BAR SA GZHI KENG RUS KYIS KHYAB BAR SNANG BA DE RNAMS CHOS KYI SKYE MCHED PA'I KUN BTAGS PA'I GZUGS ZER NA, 'O NA, SA GZHI KENG RUS KYIS KHYAB PAR SNANG BA'I TING NGE 'DZIN GYIS SPRUL PA'I SNANG BA YIN NA DE YIN PAS KHYAB PAR THAL, KHYOD KYI DAM BCA' 'THAD PA'I PHYIR, 'DOD NA, DGRA BCOM GNYIS DANG DAG SA'I BYANG 'PHAGS KYIS DNGOS SU DE LTAR SGRUL NAS SNANG BA CHOS CAN, DER THAL, DE'I PHYIR

319a

, ,KHYAB PA KHAS, 'DOD MI NUS TE, DBANG 'BYOR PA'I DE YIN PA'I PHYIR, CHOS CAN DE'I PHYIR, DE LA KHA CIG NA RE, DE DAG CHOS CAN, CHOS KYI SKYE MCHED MA YIN PAR THAL, GZUGS KYI SKYE MCHED YIN PA'I PHYIR, DER THAL; GANG ZAG PHAL BA'I MIG SHES LA YANG SNANG BA'I PHYIR ZER NA MA KHYAB, THEG BSDUS LAS, YI DVAGS DUD 'GRO MI RNAMS DANG, ,LHA RNAMS JI LTAR RIGS RIGS SU, ,DNGOS GCIG YID NI THA DAD PHYIR, ,DON MA GRUB PAR 'DOD BA YIN, ,ZHES PA TZAM ZHIG GSUNGS LA, DE'I BSHAD SBYAR BTZUN PA NGO BO NYID MED PAS SBYAR BA LAS, CHU KLUNG GI DNGOS PO LA RANG RANG GI LAS KYI RNAM SMIN GYI DBANG GIS YI DVAGS KYIS RNAG LA SOGS PAS GANG BAR MTHONG BA DANG, DE NYID LA DUD 'GRO LA SOGS PAS GNAS KYI BLOS GNAS PAR BYED PA DANG, MI RNAMS KYIS DNGAR BA DANG DVANGS PA DANG BSIL BA'I CHUR RTOG CING KHRUS BYED DO, ,'THUNG NGO, ,DER 'JUG GO ,NAM MKHA' MTHA' YAS SKYE MCHED LA SNYOMS PAR ZHUGS BA'I LHA RNAMS KYIS NI NAM MKHAR MTHONG STE GZUGS KYI 'DU SHES RNAM PAR BSHIG PA'I PHYIR RO, ZHES GSUNGS BA'I DON SNGON GYI BOD DO HA BA SOGS MANG PO NA RE, CHOS THAMS CAD SEMS KYIS GANG BZOS BZOS YIN GYI DON LA CI YANG MED DE, CHU LTA BU'I DNGOS PO GCIG LHA LA BDUD RTZI DANG MI LA CHU DANG YI DVAGS LA RNAG KHRAG SOGS SU SNANG BA'I PHYIR ZER, 'O NA, DMYAL BA YI DVAGS DUD 'GRO LHA RNAMS LA SEMS CAN SPYI MTHUN MA YIN PA'I RANG RANG GI THUN

319b

MONG MA YIN PA'I LAS KYIS LUS DANG LONGS SPYOD BYUNG BA MED PAR THAL, LHA'I LUS MJOS PA DANG LONGS SPYOD LHA'I GOS DANG, BDUD RTZI SOGS BYUNG, MI LA GZUGS 'BRING DANG LONGS SPYOD BZANG NGAN 'DRES MA CHU SOGS DANG, YI DVAGS LA LUS RID CING MDOG NGAN LA LONGS SPYOD RNAG KHRAG SOGS DANG ME SOGS BYUNG BA DANG, DMYAL BA LUS SHA RLO ZHING MI SDUG PA SOL BA LTA BU DANG LONGS SPYOD TSAD MYAL PA LA MES BSREGS PA KHRO CHU BTUNG BA SOGS BYUNG BA GZHI MA GRUB PA'I PHYIR, DER THAL, DE LTAR SNANG ZHING MYONG BA NI SEMS KYIS GANG BZOS BZOS KYIS CHOG PA'I PHYIR, RTAGS KHAS, MA KHYAB NA KHYAB PAR THAL, DE 'DRA'I RNAM SMIN MA BYUNG GONG DU DGE PAS BZLOG THUB KYANG RNAM PAR SMIN ZIN PA LA SANGS RGYAS KYIS KYANG BZLOG DKA' NA KHYOD KYI BLUN MOS TZAM GYIS LTA CI SMOS PA'I PHYIR, BCOM LDAN 'DAS KYIS THEG 'CHE CHUNG GI MDO DU MA LAS, LAS KYI RNAM PAR SMIN PA NI MA GTOGS SO, ZHES DANG, SPYOD 'JUG LAS, MGON PO BAG MED BDAG GIS NI, ,'JIGS PA 'DI 'DRA MA 'TSAL BAS, ,MI RTAG TSE 'DI'I CHED DAG DU, ,SDIG PA MANG PO NYE BAR BSGRUBS, ,ZHES PA NAS, GNAS DER SKYABS YOD MA YIN NA, ,DE TSE BDAG GIS CI BYAR YOD, ,CES DANG,, TSOMS LAS BROS KYANG MI THAR PAR BSHAD PA LTA BU MANG BA'I PHYIR, RTZA BAR 'DOD MI NUS TE, 'GRO BA DE DAG GI LUS DANG LONGS SPYOD RANG RANG GI THUN MONG MA YIN PA'I LAS KYIS BYUNG BA YANG YOD LA, DE NI DE 'DRA'I LAS LA BSAGS PA'I

320a

, ,'GRO BA GZHAN GYIS MI MYONG PA'I PHYIR, RTAGS DANG PO GRUB STE, CHOS MNGON LAS, LAS LAS 'JIG RTEN SNA TSOGS SKYES, ,ZHES DANG, DBU MA SNANG BA'I LE'U DGU PA LAS, SEMS CAN RNAMS KYI LAS DPANG GIS; ;RTZA BA'I MUN PA DUS SU SKYE, ,DMYAL BA DANG NI MTHO RIS KYI, ,MTSON DANG DPAG BSAM SHING BZHIN NO, ,ZHES GSUNGS PA'I PHYIR, RTAGS GNYIS PA GRUB STE, MDO TING 'DZIN RGYAL PO LAS, GZHAN GYIS BSAGS PA GZHAN GYIS MYONG BA'ANG MED, CES GSUNGS PA'I PHYIR DANG, KHYAD PAR 'PHAGS BSTOD LAS, KHYOD KYIS BYAS CHUD MI ZA DANG, ,MA BYAS PA DANG 'PHRAD MED GSUNGS, ,ZHES GSUNGS PA'I PHYIR, DES NA STONG THUN LAS, 'DI LA GANG DAG ,NAS, CHES BLUN PA GO BAR BYED PA STE ZHES PA'I DGONGS PA'O, ,YANG SNGON GYI KHA CIG ,LHA MI YI DVAGS SOGS KYI MTHONG BYED SHES PA TSAD MIN ZER BA'ANG NGES KHEGS LA GRUB MTHA' KUN SHES DANG STONG THUN CHUNG BA LAS, RAB RIB CAN GYIS SKRA SHAD DANG, DE 'DRA'I LAS CAN GYI LHA DANG YI DVAGS KYIS RLAN GSHER STENG GI BDUD RTZI DANG RNAG KHRAG MTHONG BA'I DON DNGOS GNAS LA GRUB MA GRUB KYI KHYAD PAR MED PAS MED PAR 'DOD PA RNAMS LA, 'O NA, NAM MKHAR SKRA SHAD 'DZEG SNANG GI SNANG GZHI'I DON MA GRUB LA, CHU KLUNG LA DE 'DRA'I LAS CAN GYI LHA DANG YI DVAGS LA BDUD RTZI DANG RNAG KHRAG SNANG PA'I DON DNGOS GNAS PA GRUB PA'I KHYAD PAR MI 'THAD PAR THAL, KHYED RNAMS KYI ZHE 'DOD DE'I PHYIR, RTAGS

320b

KHAS; 'DOD MI NUS TE, DE 'DRA'I KHYAD PAR 'THAD PA'I PHYIR, DER THAL, DE 'DRA'I SKRA SHAD DANG SMIG RGYU SOGS KYI SNANG BA'I DON DNGOS GNAS PA MED KYANG DBANG PO 'KHRUL PAS SNANG BA YIN LA, DE 'DRA'I LAS CAN GYI LHA DANG YI DVAGS KYIS SO SOR SNANG GZHI'I BDUD RTZI DANG RNAG KHRAG DNGOS GNAS LA GRUB PA'I PHYIR, DANG PO GRUB STE, DE LTAR SEMS TZAM PAS KYANG KHAS LEN LA THAL 'GYUR BAS KYANG KHAS LEN PA'I PHYIR, KUN BTUS 'GREL PA RGYAL SRAS MAR THEG BSDUS KYI LUNG DRANGS PA LAS, 'DAS SOGS DE BZHIN RMI LAM DANG, ,GZUGS BRNYAN RNAM PA GNYIS PO YANG, ,MED PHYIR DMIGS PA MED PAR YANG, ,DE NI DMIGS PAR RUNG PA YIN, ,ZHES MED PA SNANG RUNG GI DPER RMI LAM GYI GLANG PO SOGS DANG, 'DAS MA 'ONGS DA LTAR MED PA'ANG SNANG RUNG BAR BSHAD LA, RTZA BAR YANG, SGYU MA SMIG RGYU SOGS LA BRTAGS PA GANG, ,DE DAG 'JIG RTEN LAS KYANG YOD MIN NYID, ,CES GSUNGS PA'I PHYIR, RTAGS GNYIS PA GRUB STE, YI DVAGS LA SNANG BA'I RNAG DE LAS NGAN GYI DBANG GI 'BRAS BU DANG, LHA LA BDUD RTZI LA LONGS SPYOD PA SOGS SANGS RGYAS LA KHRUS PHUL BAS KYANG BYUNG BA YOD PA'I PHYIR, MDO LAS, 'OD SRUNG DGE SLONG ZHAL TA BYED PA GANG LA LAS DGE 'DUN GYI RNYED PA 'DUS SHING 'DUS PA BZHAG STE DUS SU MI SBYIN ZHING MTHO BRTZAM LA GTZES NAS SBYIN PA DANG, KHA CIG MA BYIN NA NI MI DGE BA'I RTZA BA DES YI DVAGS KYI SKYE GNAS SKYAGS 'JIM BYIN PA NUB CES BYA BAR SKYE BAR 'GYUR RO, ,NAS, CI STE BRGYA LA BRGYA LAM NA ZAS RE

321a

, ,THOB KYANG NGAN SGYUG DANG RNAG KHRAG TU 'GYUR RO, ,ZHES GSUNGS PA LTA BU MTSAN GZHI DANG, DPA' BO'I LEGS BSHAD ZA MA TOG LAS, 'DZAM BU CHU BO'I GSER 'DRA'I PADMA'I GE SAR GYI, ,RDUL RNAMS GTOR BA YIS NI DRI ZHIM LA, ,NGAL GYIS 'BAB PA'I NANG DU LHA YI TSOGS, ,RGYUN DU CHU RNAMS LA NI RTZE BYED PA, ,GANG ZHIG DGA' BA SNA TSOGS DRI ZHIM CHUS, ,RJE BTZUN KHRUS GSOL BA YI 'BRAS DE YIN, ,ZHES GSUNGS PA LTA BU MANG BA'I PHYIR, DE LA KHONG RNAMS NA RE; RAB RIB CAN DANG RMI LAM GYI SHES PA DANG, CHU KLUNG LA RNAG MTHONG BA'I YI DVAGS KYI MIG SHES DANG, DE LA BDUD RTZI MTHONG BA'I LHA'I MIG SHES RNAMS KYI YUL YOD MED THA SNYAD DU YANG MTSUNGS PAR THAL, RTZA BAR, RAB RIB DANG LDAN DBANG PO CAN MTSUNGS PA, ,CHU 'BAB BA KLUNG LA YI DVAGS RNAG BLO YANG, ,ZHES GSUNGS PA'I PHYIR NA MA KHYAB STE, RAB RIB CAN GYI RANG GI YUL RANG BZHIN MED PAS YUL CAN RANG NYID KYANG RANG BZHIN MED PAR BSHAD PA LTAR CHU KLUNG LA RNAG MTHONG BA'I BLO LA YANG DE LTAR SHES BAR BYA ZHES PA'I DON YIN PA'I PHYIR TE, DE DAG GI GRUB DON 'CHAD PA NA, RANG 'GREL LAS, SHES BYA RANG BZHIN MED PA JI LTA BA DE BZHIN DU SHES BYA'I RNAM BA CAN GYI BLO YANG RANG GI BDAG NYID KYIS MA SKYES PAR RIG PAR BYA'O, ,ZHES GSUNGS PA'I PHYIR, RTZA BAR 'DOD NA, RAB RIB CAN DANG RMI LAM GYI SHES PA 'JIG RTEN SHES NGO'I LOG BA DANG, DE 'DRA'I LHA DANG YI DVAGS KYI MIG SHES 'JIG RTEN SHES NGO'I YANG DAG MA YIN PAR THAL,

321b

'DOD PA'I PHYIR, 'DOD NA, 'GRO BA RIGS DRUG GZHAN GYI DBANG SHES LA 'JIG RTEN SHES NGO'I LOG PAS KHYAB PAR THAL LO, ,'DOD PA'I PHYIR, 'DOD NA, DE LA 'PHRAL GYI 'KHRUL RGYUS BSLAD PAS KHYAB PAR THAL, 'DOD PA'I PHYIR, KHYAB STE, RTZA BAR, GNOD PA MED PA'I DBANG PO, NAS, 'JIG RTEN GYIS RTOGS TE, ZHES GSUNGS PA GANG, DE GNYIS KYI SNANG BA'I DON GRUB PA'I PHYIR, GONG DU 'DOD MI NUS PA DANG, RTAGS GRUB PA GNYIS KA YIN PAR THAL, DE DAG GI SNANG PA'I DON MCHOG ZUNG SOGS 'PHAGS BA DAG GI DBANG POS KYANG GRUB PA'I PHYIR TE, SRID PA'I 'KHOR LO 'BRI BA'I GLENG GZHI LAS SHES PA'I PHYIR, DE DAG MI MTSUNGS PAR THAL, DE DAG SEMS TZAM LUGS LA'ANG 'KHRUL MA 'KHRUL SO SOR BZHAG PA'I PHYIR, DER THAL, DE'I LUGS LA RAB RIB SOGS 'KHRUL SHES DANG, PHYI MA GNYIS MNGON SUM YIN PA'I PHYIR, DER THAL, 'PHRAL GYI 'KHRUL RGYUS MA BSLAD PA'I DBANG SHES GZUNG DON CAN YIN PA'I PHYIR, KUN BTUS 'GREL PA LAS, DE LA RNAM PA BZHI'I DPER BRJOD NI, YI DVAGS DUD 'GRO MI RNAMS DANG, ,ZHES SOGS KYIS LHA DANG YI DVAGS SOGS KYI MIG SHES DE DAG MI MTHUN PA'I DMIGS RTEN CAN DU BSHAD PA'I PHYIR RO, ,YANG STONG THUN CHUNG BA NA RE, BLTA BYA RLAN GSHER PHOR GANG DE LHA LA BDUD RTZI DANG, YI DVAGS LA RNAG DANG, MI LA CHU DVAGS SHING BSIL BAR SNANG LA, DE LTAR SNANG BA'I DBANG SHES GSUM YANG TSAD MA YIN ZER NA, 'O NA RLAN GSHER PHOR GANG PO DE CHOS CAN, CHU RNAG BDUD RTZI GSUM KA

322a

, ,YIN PAR THAL, KHYOD RNAG YIN PA GANG ZHIG ,BDUD RTZI YANG YIN, CHU YANG YIN PA'I PHYIR, DANG PO GRUB STE, KHYOD RNAG TU BZUNG BA'I TSAD MA YOD PA'I PHYIR, DER THAL, KHYOD RNAG TU BZUNG BA'I YI DVAGS KYI MIG SHES TSAD MA YIN PA'I PHYIR, RTAGS KHAS, 'KHOR GSUM, GNYIS PA GRUB STE, KHYOD BDUD RTZIR RTOGS PA'I LHA'I MIG SHES TSAD MA YIN PA'I PHYIR, RTAGS KHAS, 'KHOR GSUM, GSUM PA GRUB STE, KHYOD CHUR RTOGS PA'I MI'I MIG SHES TSAD MA YIN PA'I PHYIR, RTAGS KHAS 'KHOR GSUM, DE DAG LA MA KHYAB NA 'GAL BA LA MI 'KHRUL PA'I TSAD MA YOD PAR THAL BA DANG TSAD GRUB LA YID BRTAN MI RUNG BAR THAL LO, ,YANG STONG THUN CHUNG BA NA RE, DE'I TSE MI'I MIG SHES KHO NA TSAD MA YIN LA, DE 'DRA'I LHA DANG YI DVAGS KYI MIG SHES TSAD MA MA YIN TE, RANG RANG GI LAS KYIS BSLAD PA'I PHYIR ZER, 'O NA, MI'I MIG SHES KYANG TSAD MA MA YIN PAR THAL, RANG GI LAS KYIS BSLAD PA'I PHYIR, DE'I 'BRAS BU YIN PA'I PHYIR, KHYAB PA BLO RTZE GTAD SAR KHAS, GZHAN YANG 'GRO BA GZHAN GYI RGYUD LA TSAD MA MED PAR THAL, DE'I DBANG PO DRUG GI SHES PA RE RE NAS TSAD MAR MI RUNG BA'I PHYIR, RTAGS KHAS, 'DOD NA, 'GRO BA GZHAN GYIS RANG GZHAN SOGS KYI KHYAD PAR DANG ZA RUNG MI RUNG SOGS GANG YANG MI SHES PAR THAL BA DANG, CHOS GANG LA YANG SGRO 'DOGS LEGS PAR CHOD PA MI SRID PAR THAL, 'DOD PA'I PHYIR, 'DOD NA, LHA KLU SOGS KYI YUL NAS THEG

322b

CHEN SPYAN DRANGS PA DANG 'GRO BA GZHAN GYIS BZOS PA'I RGYAN DANG SPYAD KYI KHYAD PAR MANG DU 'ONGS PA MTHA' DAG LA SKUR BA 'DEBS RIGS PAR THAL, 'DOD PA'I PHYIR, DE SKAD DU SKAL BZANG MIG 'BYED LAS, 'GRO BA GZHAN GYI MIG SHES TSAD MA MA YIN NA RNA BA'I SHES PA SOGS GZHAN LA'ANG MTSUNGS PAS, ,ZHES DANG, 'GRO BA GZHAN RNAMS LA PHAN TSUN NGO SHES PA TZAM YANG MI SRID PAR 'GYUR BAS, ,ZHES GSUNGS PA'I PHYIR, DE LA KHO NA RE, 'O NA 'DOD PA'I LHA MI YI DVAGS DE 'DRA'I LAS CAN GSUM GYIS BTUD NAS YOD PA DE'I TSE RLAN GSHER PHOR GANG GI STENG GI RNAG THOGS BCAS RAGS PA DANG BDUD RTZI THOGS BCAS RAGS PA DANG CHU DE 'DRA GSUM YOD PAR THAL, DE'I TSE RLAN GSHER PHOR GANG LA 'DOD PA'I LHA MI YI DAGS DE 'DRA'I LAS CAN GSUM GYIS MTHONG PA'I RNAG SOGS MOD LA, DE YANG 'DOD PA'I SAS BSDUS KYI GZUGS RAGS PA YIN PA'I PHYIR, 'DOD NA, DE'I TSE MI DES CHU BZHIN DU DE 'DRA'I RNAG KYANG MTHONG BAR THAL, MI DES MI'I SBYAD BYA'I CHU DANG SHA RUL GYI RNAG SOGS MTHONG BA'I PHYIR NA MA KHYAB STE, CHU DE'I STENG GI RNAG NI YI DVAGS KHO NA'I LAS KYIS BYUNG BAS NA LAS DBANG GIS MI MTHONG BA YIN PA'I PHYIR, 'O NA KHO RANG LA DE'I TSE MI DES CHU DE LA BTUD NAS YOD PA'I YI DVAGS KYI GZUGS MDOG MI SDUG PA DANG LUS LA LBA BA'I RNAG KHRAG ZAG GI YOD PA'I THOGS BCAS RAGS PA DE MTHONG BAR THAL, MI DES MI DANG MI'I YUL GYI DUD 'GRO GZHAN GYI GZUGS DANG RNAG KHRAG SOGS MTHONG

323a

, ,PA'I PHYIR, 'DOD NA, SHA ZA BSKAL DON DU GRAGS PA'I GO BA TZAM YANG MA CHAGS PAR GSAL BAR BSTAN TE, LKOG TU GYUR TSUL LA SPYIR GANG ZAG DE'I GZUGS MNGON GYUR YIN KYANG DUS RING PO SONG BAS DE DUS MI GSAL BA DUS KYI BSKAL DON DANG, 'DI NAS 'OD ZER CAN LTA BU'I 'JIG RTEN MI GSAL BA YUL GYI BSKAL DON DANG, LHA DANG YI DVAGS SOGS MI MTHONG BA 'GRO BA DANG LAS KYI BSKAL PA DANG, KHAMS GONG GI LHA MI MTHONG BA KHAMS KYI SGO NAS BSKAL DON DU SONG BA SOGS MED PAR 'GYUR RO, ,GAL TE RTZA BA'I THAL 'GYUR LA KHYAB PA MED DE, LAS DBANG GIS YIN PA'I PHYIR ZER NA, SNGA MA LA YANG KHYAB PA MED PAR THAL, LAS DBANG GIS YIN PA'I PHYIR; 'KHOR GSUM, YANG KHO NA RE, DE'I TSE MIS RNAG GI 'OG GI CHU MI MTHONG BAR THAL, RNAG DE THOGS BCAS RAGS PA YIN PA'I PHYIR, DPER NA DA LTA RNAG KHAR YOD PA'I 'OG GI CHU BZHIN ZHE NA MA KHYAB, 'O NA DE'I TSE YI DVAGS DE'I 'OG GZHI'I SA DE MI DES MI MTHONG BAR THAL, YI DVAGS DE'I GZUGS THOGS BCAS RAGS PA YIN PA'I PHYIR, DPER NA MIS NON PA'I 'OG GZHI'I SA BZHIN NO, ,KHYAB PA KHAS, 'KHOR GSUM, DE LA KHO NA RE, YI DVAGS DE'I GZUGS THOGS BCAS RAGS PA YIN KYANG LAS DBANG GIS MI DE LA MI SNANG BAS NA DES 'OG GZHI'I SA SGRIB PAR MI SNANG BA YIN NO ZER NA, 'O NA BDUD RTZI DANG RNAG LA DE LTAR SHIN TU MTSUNGS PAR THAL, MI DE LA GZHAN

323b

GNYIS DE LTAR MI SNANG BAS CHU KHO NA SNANG BA'I PHYIR, 'KHOR GSUM, YANG STONG THUN CHUNG BA SOGS NA RE, DE'I RLAN GSHER PHOR GANG PO DE'I STENG DU RNAG CHU BDUD RTZI GSUM DNGOS GNAS PA YOD PA MI 'THAD PAR THAL, CHU KLUNG GI 'GRAM DU DE 'DRA'I LAS CAN GYI YI DVAGS LHA MI GSUM GYIS BLTAS TSE RNAG THIG PA GCIG KYANG MED PA'I PHYIR, DER THAL, NYI SHU PA'I 'GREL BSHAD DU DUL BA LHAS, DER NI RNAG THIG PA 'GA' YANG MED NA, RNAG GIS GANG BA'I KLUNG GA LA YOD DE, LAS KYI RNAM PAR SMIN PA'I DGANG GIS NA DE DAG GIS DE MTHONG NGO, ,ZHES GSUNGS PA'I PHYIR NA MA KHYAB STE, DE'I DON NI SEMS TZAM PA'I LUGS LA RLAN GSHER GYI CHU DE'I STENG NA PHYI ROL DON DU GRUB PA'I RNAG THIG PA 'GA' YA ? MA PHYI DON GYI RNAG GIS GANG GA'I KLUNG GA LA YOG DES NA RLAN GSHER DE'I RNAG NI SEMS KYI NGO BO YIN TE, 'GRO BA RANG RANG GI LAS KYI BAG CHAGS SEMS LA SMIN PA'I DBANG GIS MI LA LAS DANG MTHUN PAR CHU DVANGS BSEL DANG, YI DVAGS LA LAS DANG MTHUN PAR RNAG DANG PHYIS SOGS BYUNG ZHING SNANG LA, LAS DE 'DRA MED PA LA MI SNANG BA'I PHYIR ZHES PA'I DON YIN PA'I PHYIR, DER THAL, GZHUNG DE PHYI DON DU GRUB PA'I RNAG SOGS 'GOG PA'I GZHUNG YIN GYI SPYIR RNAG DANG GZUGS SOGS YOD MED GSUNGS PA'I SKABS MA YIN PA'I PHYIR, DER THAL, DE DAG GI MJUG TU RNAG DE PHYI DON GYI ZAS SU MA GRUB KYANG SEMS KYI BDAG NYID KYI RNAG GIS YI DVAGS LA

324a

, ,ZAS KYI BYA BA BYED PA YIN PA'I PHYIR, DPER NA PHYI DON GYI ZAS MED KYANG SHES PA'I BDAG NYID KYI ZAS LA RMI LAM DU ROL PA BZHIN YIN PA'I PHYIR ZHES BSHAD PA'I PHYIR TE, NYI SHU PA LAS, BYA BYED RMI LAM GNOD PA 'DRA, ,ZHES GSUNGS PA'I PHYIR, KHYAB STE, DON MA GRUB KYANG BYA BA DE BYED PAR SNANG TZAM GYIS YUL DES BYA BA DE BYED THUB PAR DBU SEMS SU YANG MI 'DOD PA'I PHYIR, DER THAL, RAB RIB CAN LA SNANG BA'I SKRA SHAD KYI BYA BA 'CHING BA DANG, SBRANG BUR SNANG BA TZAM GYIS SBRANG BU'I BYA BA LUS LA ZA BA DANG, SMIG RGYUS KYANG CHU'I BYA BA BYED MI THUB PA'I PHYIR, RTZA BAR 'DOD NA, DE 'DRA'I YI DVAGS DANG LHA'I MIG SHES TSAD MA MA YIN PAR THAL, DE DAG GI SNANG GZHI'I RNAG DANG BDUD RTZI CUNG ZAD KYANG MED PA'I PHYIR, KHYAB STE, TSAD MAS GRUB PA LA GZHI GRUB GCIG DGOS PA'I PHYIR, ,'DOD MI NUS TE, DE'I TSE CHU KLUNG GI CHA SHAS LA RNAG CIG SKYES PA YI DVAGS KYI MIG SHES KYI TSAD MAS GRUB CING, CHA SHAS CHUR SKYES PA MI'I MIG SHES KYI TSAD MAS GRUB KYANG RNAG MA GRUB PA TZAM YIN PAS, GNYIS KA TSAD MA YIN KYANG YUL SO SO BA YIN LA GCIG GI GRUB DON LA GCIG GIS GNOD PA MA YIN PA'I PHYIR; DPER NA MIG RNA'I DBANG SHES GNYIS YUL 'GAL ZHING GCIG GIS GCIG GI YUL PHAN TSUN MA BZUNG YANG PHAN TSUN MI GNOD PA BZHIN NO, ,RNAM BSHAD LAS, TSAD MAS GRUB PA'I DON GNYIS KYANG DNGOS PO SO SO BA

324b

YIN PAS, DE GNYIS GCIG GIS GRUB PA'I DON DE NYID GCIG SHOS KYIS DE'I BZLOG PHYOGS GRUB PA GA LA YIN, ZHES GSUNGS PA'I PHYIR, GZHAN YANG, KHYOD RANG LA SEMS TZAM LUGS LA GZUGS SOGS SKYE MCHID DRUG GZHI MA GRUB PAR THAL, NYI SHU PA'I RANG 'GREL LAS, DE BZHIN DU BCOM LDAN 'DAS KYIS GZUGS LA SOGS PA'I SKYE MCHED YOD PAR GSUNGS PA DE BSTAN NAS GDUL BA'I SKYE BO'I CHED DU STE, BKA' DE NI DGONGS PA CAN NO, ,ZHES GSUNGS PA'I PHYIR, KHYAB PA 'GRIGS, MA KHYAB STE, LUNG DE PHYI DON GYI SKYE MCHED LA DGONGS ZER NA, 'O NA NYI SHU PA'I 'GREL BSHAD KYI DON YANG PHYI DON LA BYED RIGS PAR THAL, 'DI GNYIS KYIS 'GOG TSUL GCIG PA'I PHYIR, YANG KHO NA RE, GZUGS CAN THOGS BCAS GCIG GIS RANG GI GO SAR GZUGS CAN GYI DNGOS PO THOGS BCAS GZHAN 'BYUNG BA'I GO MI 'GOG PAR THAL, DE 'DRA'I LAS CAN GYI LHA MI YI DVAGS GSUM GYIS RLAN GSHER PHOR GANG LA THUN MONG DU BLTAS PA'I TSE RLAN GSHER PHOR GANG PO DE'I SHO SA NA RNAG CHU BDUD RTZI DNGOS GNAS PA GSUM CIG CAR YOD PA'I PHYIR NA 'DIR MA KHYAB, 'O NA, KHO RANG LA GZUGS CAN DNGOS PO THOGS BCAS GCIG GIS RANG GI GO SAR GZUGS CAN GYI DNGOS PO THOGS BCAS GZHAN 'BYUNG BA'I GO MI 'GOG PAR THAL, CHA CAN THOGS BCAS KYI GZUGS CAN BUM PA GCIG GI GO SA NA THOGS BCAS KYI GZUGS CAN BUM PA'I MCHU ZHABS SOGS

325a

, ,DU MA GNAS PA'I PHYIR, KHYAB PA KHAS, GZHAN YANG, GZUGS CAN THOGS BCAS KYI DNGOS PO GCIG GIS RANG GI GO SAR THOGS BCAS KYI GZUGS CAN GZHAN 'BYUNG BA LA GEGS MI BYED PAR THAL, RLAN ZHING GSHER PA PHOR GANG GI GO SAR CHU DVANGS SHING BSIL PA DANG 'O MA DANG KHRAG DANG CHANG BZHI CIG CAR GNAS PA SRID PA'I PHYIR, KHYAB PA KHAS, RTAGS DER THAL, CHU DVANGS SHING BSIL PA DANG 'O MA DANG KHRAG CHANG BZHI BSRES NAS PHOR BA GCIG GANG TSE DE LTAR GNAS PA'I PHYIR, RTZA BAR 'DOD MI NUS TE, MDZOD LAS, THOGS DANG BCAS PA GZUGS CAN BCU, ,ZHES PA'I THOGS BCAS KYI DON YOD PA'I PHYIR, YANG KHA CIG NA RE, GZUGS CAN YIN NA RANG GI GO SAR GZUGS CAN GZHAN 'BYUNG BA MED PAS KHYAB ZER, LA LA THOGS BCAS KYI GZUGS CAN YIN NA RANG GI GO SAR GZUGS CAN GZHAN 'BYUNG BA LA GEGS BYED PAS KHYAD PAR BA GNYIS LA, 'O NA, BAR DO PA'I LUS DE CHOS CAN, LCAGS KYI GONG BU DANG RDO RJE LA YANG MI THOGS PA MA YIN PAR THAL, GZUGS CAN YIN PA'I PHYIR, ,KHYAB PA KHAS, RTAGS GRUB CING, 'DOD MI NUS TE, KHYOD GZUGS CAN YIN KYANG THOGS BCAS KYI GZUGS CAN GZHAN LA THOGS PA MED PA DE YIN PA'I PHYIR, DER THAL, BAR DO PA'I LUS YIN PA'I PHYIR, KHYAB STE, MDZOD LAS, DBANG PO KUN TSAD THOGS MED RGYU, ,ZHES DANG, RNAM 'GREL LE'U GNYIS PA SAS KYANG, YUL CAN YIN KYANG BRA BA'I PHYIR, ,'GA'

325b

ZHIG THOGS PA MED PA YIN, ,ZHES GSAL BAR GSUNGS PA'I PHYIR, DE LA KHO NA RE, DE MI 'THAD PAR THAL, MDZOD LAS, GCIG NA LHAN CIG GNYIS MED PHYIR, ,ZHES GSUNGS PA'I PHYIR NA MA KHYAB STE, PHAN TSUN GNYIS KA THOGS BCAS LA DGONGS PA'I PHYIR, YANG PAndI TA DVAGS PO BKRAS RNAM PA DANG GO BO SOGS NA RE, KHYOD KYIS DE GSUM GYIS BLTAS TSE RNAG SOGS GSUM YOD PA MI 'THAD PAR THAL, CHU KLUNG GCIG LA DE 'DRA'I LAS CAN GYI LHA MI YI DVAGS GSUM GYIS BLTAS TSE CHU RNAG BDUD RTZI GSUM GRUB KYANG PHAN TSUN LAS GZUGS KYIS BSGRIBS NA SKYES BU GCIG LA DGRA GNYEN GNYIS KYIS BLTAS TSE YID DU 'ONG MI 'ONG CHA GNYIS SU GNAS KYANG GNYIS KAS GNYIS KA MI MTHONG STE, PHAN TSUN LAS GZUGS KYIS BSGRIBS PA'I PHYIR RO ZHES SMRA BA CHOS GRAGS KYIS BKAG PA'I PHYIR RO, ,DER THAL, RNAM 'GREL LAS, GAL TE DER YANG MTHONG MED LA, ,BRTEN NAS GZUGS GZHAN 'BYUNG 'GYUR NA, ,ZHES SOGS GSUNGS PA'I PHYIR NA MA KHYAB STE, SHIN TU BZHAD GAD KYI GNAS SO, ,KHYOD KYI LUNG RIGS DE GNYIS LA 'BREL CI YANG MED PAR THAL, GAL TE DER YANG MTHONG MED LA, ,ZHES SOGS KYIS LAS GZUGS SGO NAS MTHONG TSUL BCAD KYANG SKYES BU GCIG GI LUS DE MDZES MI MDZES DU MAR 'GYUR MI 'GYUR MA BSHAD PAR SNGON PO LTA BU NYE RING GIS GSAL MI GSAL RTZOD PA YIN LA, DE'I GONG DU RNAM 'GREL LAS, PHYI ROL DON NI YOD NA

326a

, ,YANG; ;ZHES PA'I SKABS SU YANG MDO SDE PAS SKYES BU'I GZUGS GCIG MDZES MI MDZES GNYIS KAR KHAS MA BLANGS PA'I PHYIR, DER THAL, GANG ZAG SUS KYANG GZHUNG GONG 'OG GI SKABS GANG DU YANG KHAS MA BLANGS LA GZUGS DE LAS GZUGS KYIS SGRIB PAR YANG MA BSHAD PA'I PHYIR, SKAL BZANG MIG 'BYED LAS, SKYES BU GCIG LA DGRA GNYEN GNYIS KYIS BLTA BA'I DUS SU YID DU 'ONG MI 'ONG CHA GNYIS SU GNAS KYANG GNYIS KAS GNYIS KA MI MTHONG STE PHAN TSUN LAS GZUGS KYIS SGRIB PA'I PHYIR RO ZHES SMRA BA CHOS KYI GRAGS PAS RIGS PAS BKAG GO ,ZHES SMRAS PAS NI, ZHES PA NAS, THAL BA 'PHEN PA YIN GYI SKYES BU GCIG GI GZUGS YID DU 'ONG MI 'ONG CHA GNYIS SU GNAS PAR SUS KYANG GANG DU'ANG KHAS MA BLANGS SHING, DE 'DRA 'GOG PA LA GZHUNG DE DAG SBYOR BA LAS 'BREL MED KYI BSHAD PA YA MTSAN PA GZHAN MED LA, ZHES GSUNGS PA'I PHYIR, BYAS PA LA KHO NA RE, GAL TE DER YANG ZHES SOGS KYIS DE LTAR MA BSHAD PAS KHYOD BDEN ZHING KHO BO NOR YANG STONG THUN LAS SKYES BU GCIG GI GZUGS YID DU 'ONG MI 'ONG GNYIS KAR SUS KYANG GANG DU'ANG KHAS MA BLANGS GSUNGS PA MI 'THAD PAR THAL, RNAM 'GREL LAS, THA DAD BAR NI MYONG MI 'GYUR, ,ZHES YID DU 'ONG MI 'ONG GNYIS YOD PAR KHAS BLANGS PA LA THAL BA 'PHANGS PAR SKYON MED DE, DE LAS GZUGS KYIS SGRIB PA'I PHYIR, ZHES BSHAD PA'I PHYIR TE, DE NYID

326b

KYI MJUG TU, MA MTHONG SGRIB PHYIR MIN ZHE NA, ,ZHES GSUNGS PA'I PHYIR NA MA KHYAB STE, DE LAS KYIS SGRIB PA YIN GYI LAS GZUGS LA BSHAD NA 'GAL BAR 'GYUR BA'I PHYIR RO, ,'O NA SKABS 'DIR SKYES BU GCIG GI GZUGS KYI CHA SHAS LA GNYIS YOD MED RTZOD PA MA YIN GYI SKYES BU DE'I GZUGS SPYI BA MA DE YID DU 'ONG MI 'ONG LA RTZOD PA YIN PAR THAL, SKYES BU DE'I LUS KYI CHA 'GA' ZHIG YID DU 'ONG YANG DE LAS CHA GZHAN ZHIG YID DU MI 'ONG BA TZAM ZHIG DGRA GNYEN LA KHYAD MED PAR BLO KHA NANG DU PHYOGS PA TZAM GYIS SHES PA'I PHYIR RO, ,'DOD NA, SKABS 'DI'I PHYOGS SNGA SMRA BA POS MCHOD SBYIN LTA BU'I SKYES BU GCIG GI GZUGS SPYI BA MA YID DU 'ONG MI 'ONG GNYIS KAR KHAS MA BLANGS PAR THAL, PHYI DON GYI RANG GI NGO BOS RNAM PA GTAD NA DE LTA NA MCHOD SBYIN GYI GZUGS GCIG PO DE YID DU 'ONG MI 'ONG DU MA'I BDAG NYID DU THAL BA PHYOGS SNGA SMRA BA PO LA 'PHANGS PA'I PHYIR, KHYAB STE, KHAS BLANGS ZIN PA ZHIG LA DA DUNG DER THAL PA 'PHEN PA NI RGOL BA TSAR GCOD KYI GNAS SU BSHAD PA'I PHYIR TE, GRUB ZIN SGRUB PA'I SKYON CHEN PO YANG YIN PA'I PHYIR, MA KHYAB MTSAMS LA RTAGS GRUB STE, RNAM 'GREL LAS, RANG NGO BOS, MA YIN DU MA'I BDAG SKYON PHYIR, ,ZHES DANG, RJE'I GSUNG ZIN BRIS SU GRAGS BA RGYAL BA GONG MA'I tIKA CHUNG LAS, DON RANG GI NGO BOS RNAM PA GTAD NAM YIN PA'I PHYIR TE, DE LTA NA GZUGS GCIG YID DU 'ONG MI 'ONG DU MA'I BDAG NYID DU THAL BA'I

327a

, ,SKYON YOD PA'I PHYIR, ZHES GSUNGS PA'I PHYIR, KHYAB STE, 'DIS MI 'DOD PA'I THAL BA YOD PA'I SKYON RTAGS SU BKOD NAS GRUB PA'I PHYIR RO, ,THAL BA BKOD LUGS MCHOD SBYIN GYI GZUGS GCIG PO CHOS CAN DGRA GNYEN GYI DBANG SHES LA SNANG BA LTAR YID DU 'ONG MI 'ONG GNYIS KAR THAL, KHYOD DBANG SHES DE GNYIS KYIS DE LTAR BZUNG BDE MNGON SUM TSAD MAR SONG BA'I SGO NAS PHYI ROL NAS RNAM PA TSUR GTAD PA DE YIN PA'I PHYIR, ZHES BA'I THAL CHOS 'CHAD PAR, DU MA'I BDAG SKYON ZHES BYUNG, RTAGS DE 'CHAD PAR, PHYIR, ZHES BYUNG BA'I PHYIR, GZHAN YANG SKABS 'DI'I PHYOGS SNGAS SKYES BU GCIG GI GZUGS SPYI BA MA DE YID DU 'ONG MI 'ONG GNYIS KAR KHAS MA BLANGS PAR THAL, THAL BA SNGA MA DE 'PHANGS PA LA PHYOGS SNGA MAS KHO BOS MI 'DOD MOD GAL TE 'DOD NA YANG SKYON CI YOD CES BRTAGS PA MTHA' BZUNG GI 'DOD LAN TZAM BTAB PA'I PHYIR TE, RNAM 'GREL LAS LUNG DE'I BA PHRO NYID DU, KHAS BLANGS NA YANG, ZHES GSUNGS PA'I PHYIR, KHYAB STE, KHAS BLANGS NA ZHES BRTAGS PA MTHA' BZUNG BYAS SHING, YANG SGRAS MI 'DOD PAS SKYON MED PAR MA ZAD 'DOD NA YANG SKYON CI YOD CES BSHAD DGOS PA'I PHYIR TE, SGRA DE GNYIS KYI RNAM BCAD YONGS GCOD KYI DON RE YOD PA'I PHYIR, RGYAL BA GONG MA'I tIKA CHUNG LAS KYANG, YID DU 'ONG MI 'ONG DU MAR KHAS BLANGS NA YANG SKYON CI YOD, CES GSUNGS PA'I PHYIR DANG,

327b

RNAM BSHAD SOGS 'DI DANG SHIN TU MTHUN NO, ,KHAS BLANGS DE LA 'O NA, DGRA GNYEN GYI MIG SHES GNYIS CHOS CAN, MCHOD SBYIN GYI GZUGS DE YID DU 'ONG MI 'ONG SO SO THA DAD PAR MYONG BAR MI 'GYUR BAR MIG SHES RE RE LA'ANG DE GNYIS GNYIS 'CHAR BAR THAL, DE'I GZUGS DE DE GNYIS SU GRUB PA GANG, KHYOD DE SNANG LA MA 'KHRUL PA'I MNGON SUM YIN PA'I PHYIR, DE SKAD DU RNAM 'GREL LAS, GNYIS PO DAG ,THA DAD PAR NI MYONG MI 'GYUR, ,ZHES GSUNGS PA'I PHYIR, DE LA KHO NA RE, MIG SHES DE GNYIS RE RES KYANG GZUGS YID DU 'ONG MI 'ONG GNYIS KA MTHONG MI DGOS PAR THAL, MIG SHES DES MI MTHONG BA NI MI MTHONG BA'I LAS KYIS SGRIB PA'I PHYIR ZHES ZER, DE SKAD DU RNAM 'GREL LAS, MA MTHONG SGRIB PHYIR MIN ZHE NA, ,ZHES GSUNGS PA'I PHYIR, 'DI LA'ANG DGRA GNYEN GYI MIG SHES GNYIS RE RE NAS CHOS CAN, KHYOD LA MCHOD SBYIN GYI GZUGS SNANG BA DE PHYI ROL GZUNG DON DBANG GIS RTOGS PAR MI 'GYUR BAR THAL, MCHOD SBYIN GYI GZUGS LA DE GNYIS YOD PA GANG, KHYOD KYIS YID DU 'ONG BA'AM MI 'ONG BA LTA BU RE RE KHO NA BZUNG PA'I PHYIR, RTAGS KHAS, RNAM 'GREL LAS, DON GYI DBANG GIS RTOGS MI 'GYUR, ,ZHES GSUNGS PA'I PHYIR, GNYIS PA GZHAN YANG MA MTHONG BA'I LAS DE CHOS CAN, MIG SHES DE RE RE LA PHYI DON JI LTAR MTHONG BAR BYED PAR 'GYUR TE MI 'GYUR PAR THAL, MCHOD SBYIN GYI GZUGS DE YID DU 'ONG MI 'ONG GNYIS KA YIN

328a

, ,PA LA KHYOD KYIS GZUGS KYI DNGOS PO DE LA GNYEN GYI MIG SHES YID DU 'ONG BA GCIG GI BDAG NYID DU MTHONG BAR BYAS PA'I PHYIR, RNAM 'GREL LAS, MA MTHONG BA DE JI LTAR NA, ,DON MTHONG BYED BAR 'GYUR BA YIN; ;ZHES GSUNGS PA'I PHYIR, YANG GAL TE MDO SDE PA NA RE, KHYOD KYIS DU MA'I BDAG NYID DU THAL BA'I SKYON KHO BO LA MED PAR THAL, GZUGS GCIG NYED 'DOD PA DANG MI 'DOD PAR SNANG BA'I BLO RTOG PA YIN LA DE SNANG YUL LA 'KHRUL SHES YIN LA DON RANG MTSAN SNANG BA'I MNGON SUM MA YIN PA'I PHYIR ZHES ZER, RNAM 'GREL LAS, GAL TE 'DOD DANG MI 'DOD PAR, ,SNANG BA RTOG YIN DON BLO MIN, ,ZHES GSUNGS, DE YANG MI 'THAD PAR THAL, SKYES BU GCIG GI DBANG SHES DE LA'ANG LHA'I KHANG PA DANG TSAL LTA BU SNGAR YID DU 'ONG BAR SNANG BA 'CHI LTAS KYIS ZIN PA'I TSE YID DU 'ONG BAR MTSAMS MI SBYOR BAR YID DU MI 'ONG BAR SNANG BA DANG SOGS SGAS DE BZHIN DU NA BA DANG MYA NGAN DANG MI SDUG PA'I YID BYED SOGS KYI DBANG GIS DE LTAR SNANG BA'I PHYIR, RNAM 'GREL LAS, DE LA'ANG 'CHI LTAS LA SOGS PAR, ,MTSAMS SBYOR MED SEMS MTHONG BA YIN, ,ZHES GSUNGS PA'I PHYIR, YANG LAS GZUGS KYIS SGRIB LUGS LA YANG KHA CIG, SNGAR GYI GZHAN SMRA 'GOG SKABS LAS GZUGS KYIS SNGON PO SGRIB PAR KHAS BLANGS NA CHOS GRAGS RTZOD PA LA MI MKHAS PAR THAL, RNAM 'GREL LAS, SNANG BA DE YANG CIS MI

328b

GSAL, ,SGRIB PHYIR DE 'DIR CIS MA YIN, ,ZHES LAS GZUGS KYIS BSGRIBS MA BSGRIBS DA DUNG DRIS NAS 'GOG PA'I PHYIR ZER, YANG LA LAS, YUL DBANG LAS GZUGS GSUM LAS SNGON PO LTA BU'I YUL KHO NA SGRIB BAR 'CHAD PA SOGS MANG NGO, ,DE DAG MI 'THAD PAR THAL, SNANG BA DE YANG CIS MI GSAL, ,ZHES PA LAS GZUGS SKABS MA YIN LA, LAS GZUGS GSAL MI GSAL GNYIS KA YANG SNGON PO'AM BUM PA MTHONG BYED YIN PA'I PHYIR, DER THAL, DE LTAR YIN TSUL BYE BRAG SMRA BA'I RNAM MED BKAG TSUL BSHAD NA SHES PA'I PHYIR RO, ,BYE SMRAS DBANG SHES KYIS GZUGS SOGS RNAM MED DU 'DZIN GYI RNAM BCAS SU MA YIN PAR 'DOD PA LA THAL BAS DGAG PA DANG, NYAS SPONG DAG , BA; GRUB DON GSUM GYI DANG PO NI, ,'O NA, NYE RING LA SOGS KHYAD PAR GYIS BUM PA LA LTA BA'I DBANG SHES CHOS CAN, BUM GZUGS GSAL MI GSAL MI RUNG BAR THAL, KHYOD KYIS BUM GZUGS RNAM MED DU RIG PA'I PHYIR, RTAGS KHAS; DE SKAD DU RNAM 'GREL LAS, NYE RING LA SOGS KHYAD PAR GYIS, GSAL DANG MI GSAL MI RUNG NGO, ,ZHES GSUNGS, GNYIS PA NYES SPONG DGAG TSUL YOD DE, SPYIR SNANG BA'I KHYAD PAR GYIS NYES SPONG DGAG PA DANG, NYE RING KHYAD PAR GYIS NYES SPONG DGAG PA DANG, SNANG BA GSAL MI GSAL KHYAD PAR GYIS NYES SPONG DGAG BA DANG, SGRIB RDUL GYI SNANG BA'I KHYAD PAR GYIS NYES SPONG DGAG PA DANG, LAS GZUGS KHYAD PAR GYIS NYES SPONG DGAG PA DANG,

329a

, ,MTHONG MED KYI LAS KYIS NYES SPONG DGAG PA DRUG YOD PA'I PHYIR, DANG PO YOD DE, BYE SMRA NA RE, THAL BA'I SKYON DE MED DE, SNANG BA GSAL MI GSAL GYIS BUM GZUGS GSAL MI GSAL BYUNG ZHES PA'I 'DOD PA 'CHAD PAR DE NYID LAS, GAL TE SNANG KHYAD LAS DE 'GYUR, ,ZHES BYUNG, DE DGAG PA LA RNAM 'GREL LAS, DE NI CHOD DANG MCHOD DAG ,MTHONG NGAM MI MTHONG MTSUNGS PAR 'GYUR, ,ZHES BYUNG, GNYIS PA YOD DE, KHO NA RE, THAG RING NAS CHA 'GA' ZHIG MI GSAL BAS GSAL MI GSAL THA DAD DO, ,ZHES PA'I LAN DE NYID LAS, GAL TE SNANG BA MI GSAL BAS, ,DE CHA PHRA MO 'GA' ZHIG NI, ,MA MTHONG DE PHYIR THA DAD NA, ,ZHES BYUNG, DE DGAG PA LA, PHYI ROL DON GCIG MTHONG BA DANG, ,ZHES SOGS TSIGS BCAD GCIG BYUNG, GSUM PA YOD DE, KHO NA RE, SNANG BA GSAL MI GSAL GYIS BUM GZUGS GSAL MI GSAL BYUNG BAS SKYON MED CES 'CHAD PA LA, GAL TE SNANG BA GSAL MI GSAL, ,KHYAD PAR GYIS BLO THA DAD NA, ZHES BYUNG, DE DGAG PAR, GZHAN THA DAD PAS THA DAD MED, ,GANG LAS THA DAD SNANG BAR 'GYUR, ,SNANG BA DE YANG CIS MI GSAL, ,ZHES BYUNG, BZHI PA YOD DE, KHO NA RE, RDUL GYIS SGRIB PAS MI GSAL ZHE NA, 'O NA NYE BA'I BUM PA'ANG RDUL GYIS CIS MA BSGRIBS DRIS BA LA KHO NA RE, DE LA RDUL BSRABS PA'I PHYIR ZHES PA'I DRIS LAN 'CHAD PAR, SGRIB PHYIR DE 'DIR CIS MA YIN, BSRABS PHYIR ZHES

329b

BYUNG; DE DGAG PAR, SNANG BA DE LTA NYID, ,GZHAN TU BSRABS MIN YOD PA NYID, ,CES BYUNG, DE LA KHO NA RE, THAG NYE RING GIS YIN ZHE NA, DE DGAG PAR, SHIN TU NYE LA SNANG BA NI, ,CHER GSAL DE YANG SNANG BAR 'GYUR, ZHES BYUNG, 'DI DAG GI DON tIKKAR LTA LA SA BCAD 'DI TZAM GYIS KYANG SNGAR GYI DE DAG GI 'KHRUL PA SHES PAR 'GYUR RO, ,LNGA PA NI GAL TE NYE RING KHYAD PAR GYIS BUM GZUGS GSAL MI GSAL MI RUNG BA'I SKYON MED PAR THAL, BUM GZUGS LA NYE RING NAS LTA BA DER YANG MTHONG MED KYI DGE BA DANG MI DGE BA'I LAS LA BRTEN NAS LAS GZUGS GSAL BA DANG LAS GZUGS MI GSAL BA GZHAN BYUNG BAS BUM PA GSAL BA DANG MI GSAL BAR MTHONG BA'I PHYIR, ZHES 'CHAD PAR; RNAM 'GREL LAS, GAL TE DER YANG MTHONG MED LA, ,BRTEN NAS GZUGS GZHAN 'BYUNG 'GYUR NA, ,ZHES BYUNG, 'DIR MTHONG MED KYI DGE MI DGE'I LAS GZUGS GNYIS GNYIS YOD DE, LHA'I MTHONG MED DGE BA'I LAS GZUGS KYIS MTHONG BAR MI 'OS PA'I YI DVAGS KYI GZUGS LTA BU SGRIB KYANG LHA'I GZUGS MTHONG 'OS MTHONG BAR BYED PAS SNGAR GYI DE DAG GIS PHYOGS TZAM MA MTHONG SNANG BA'I PHYIR, DE BZHIN DU MI DGE BA'I LAS GZUGS LA YANG SBYAR RO, ,BYE SMRA KHYOD KYI 'DOD LUGS DE MI 'THAD PAR THAL, LAS GZUGS GSAL MI GSAL DE DAG PHAN TSUN SGRIB PA YANG MA YIN, DE DAG PHAN TSUN MI SGRIB PA YANG MA YIN PA'I PHYIR, DANG PO MA GRUB CE NA, DE DAG

330a

, ,CHOS CAN, MIG SHES DE LA GCIG KHO NA SNANG BAR 'GYUR BAR THAL, MIG SHES LA SNANG RUNG GANG ZHIG ,MIG SHES LA SNANG BA NI PHAN TSUN SGRIB BYED YIN PA'I PHYIR, RTAGS KHAS, ZHES 'CHAD PAR, RNAM 'GREL LAS, DE DAG RNAMS NI PHAN TSUN DU, ,SGRIB 'GYUR DE PHYIR SNANG BA NI, ,SGRIB BYED DE LA GCIG SNANG 'GYUR, ,ZHES BYUNG, KHYAB STE, SGRIB 'GYUR YAN CHAD KYIS RTAGS LAN DANG, DE'I PHYIR SNANG BA NI, SGRIB BYED CES PAS RTAGS BSTAN, DE LA GCIG SNANG 'GYUR, ZHES PAS THAL CHOS BSHAD PA'I PHYIR, RTZA RTAGS GNYIS PA MA GRUB CE NA, BUM GZUGS LA NYE RING NAS LTA BA'I MIG SHES CHOS CAN, CIG CAR NI LAS GZUGS GSAL MI GSAL GNYIS KA'I RANG BZHIN DAG MTHONG BAR THAL, DE DBANG SHES KYIS MTHONG RUNG GANG ZHIG ,PHAN TSUN MI SGRIB PA'I PHYIR, DE SKAD DU, RNAM 'GREL LAS, DE MI SGRIB NA CIG CAR NI, ,GSAL DANG MI GSAL RANG BZHIN DAG ,MTHONG 'GYUR, ZHES GSUNGS PA'I PHYIR, KHYAB STE, DE MI SGRIB NA ZHES PAS RTAGS BSTAN, LHAG MAS THAL CHOS BSHAD NAS RTZOD GZHI SHUGS LA 'PHANGS PA'I PHYIR, DE LTAR NA LAS GZUGS KYIS KYANG YUL SGRIB PAR MA BSHAD PAS SNGAR GYI GZHAN BSHAD DAG 'KHRUL BA SBOM POR SHES PAR BYA'O, ,DRUG PA NI, KHO NA RE, BUM GZUGS LA NYE RING NAS LTA BA'I MIG SHES GNYIS KAS BUM GZUGS GSAL MI GSAL GYIS LAS GZUGS GNYIS

330b

MI MTHONG BAR THAL, DE MTHONG BA LA SKYES BU DE GNYIS RGYUD KYI MTHONG MED KYI DGE MI DGE'I LAS KYIS GCIG SHOS SGRIB PA'I PHYIR ZHES PA'I KHO'I 'DOD TSUL 'CHAD PAR, RNAM 'GREL LAS, MTHONG MED KYIS GCIG SGRIB, CES BYUNG, DE LA 'O NA; BUM GZUGS LA NYE RING NAS LTA BA'I SKYES BU DE CHOS CAN, KHYOD LA MA MTHONG BA'I LAS KYIS CI BYED DE MI BYED PAR THAL, MA MTHONG PA'I LAS GANG GIS DON PHAN PA DANG DON MIN MI PHAN PA MED PA'I PHYIR, ZHES 'CHAD PAR, RNAM 'GREL LAS, GANG GIS DON DANG DON MIN MED, ,DE LA MA MTHONG BAS CI BYED, ,CES GSUNGS PA'I PHYIR, KHYAB STE, RKANG PA DANG POS RTAGS DANG, DE ZHES PAS RTZOD GZHI DANG, LHAG MAS THAL CHOS BSHAD PA'I PHYIR, GSUM PA GRUB DON NI, DE PHYIR DON RTEN SKYES GYUR PA'I, ,ZHES SOGS TSIGS BCAD GCIG BYUNG NGO, ,'KHRUL PA RAGS PA DAG BCAD ZIN TO, ,GSUM PA PHRA BA'I GNAS LA 'KHRUL PA PHRA RAGS SNA TSOGS SNANG BA LA CUNG ZAD DPYAD NA PHRA BA'I GNAS LA RAGS PA'I 'KHRUL PA NI KHA CIG NA RE, BLTA BYA RLAN GSHER GYI DNGOS PO PHOR GANG LA LHA MI YI DVAGS GSUM GYIS BLTAS TSE DNGOS PO GCIG LA MTHONG TSUL THA DAD PA BYUNG BA MA YIN PAR THAL, DE'I TSE RNAG SOGS BLTA BYA 'GAL BA GSUM SO SOR MTHONG BA'I PHYIR NA MA KHYAB, 'DOD MI NUS TE, DNGOS GCIG YID NI THA DAD PHYIR, ,ZHES GSUNGS PA'I DON YIN PA'I PHYIR, KHO RANG LA 'O NA, SKYES BU GCIG GI YAN LAG LNGAS BYA BA LNGA BYAS PA'I TSE BYED PA PO

331a

, ,SKYES BU GCIG GIS BYAS PA MA YIN PAR THAL, DE'I TSE YAN LAG LNGA PO YANG BYA BA SO SO'I BYED PA PO YIN PA'I PHYIR, KHYAB PA KHAS, MA KHYAB STE, DE DAG SKYES BU GCIG GI CHA SHAS YIN PAS BYA BA THA DAD PA LNGA PO YANG BYED PA PO SKYES BU GCIG GIS BYAS PAR 'JOG GO ZHE NA, SNGA MA LA YANG MA KHYAB PAR THAL, DE'I RNAG SOGS CHA CAN RLAN ZHING GSHER BA'I DNGOS PO GCIG GI CHA YIN PAS DON GCIG LA'ANG MTHONG TSUL GSUM BYUNG BA MI 'GAL ZHES BSHAD CHOG PA'I PHYIR, YANG KHA CIG NA RE, DE'I TSE RLAN GSHER THUN MONG BA PHOR GANG GI GO SAR RNAG CHU SOGS PHOR BA GSUM YOD PAR THAL, DE LTAR YOD PAR tIKA CHEN DE NYID SNANG BAS BSHAD PA'I PHYIR NA MKHAS PA MANG POS MA KHYAB STE, STONG THUN DANG 'GAL PA'I PHYIR ZER BA NI 'KHRUL PA RAGS PA YIN PAR THAL, DE'I TSE RLAN GSHER PHOR BA GANG GI GO SAR RNAG PHOR GANG DANG CHU PHOR GANG BDUD RTZI PHOR GANG STE PHOR BA GSUM YOD KYANG SKYON MED PA'I PHYIR, DER THAL, KHRAG CHANG 'O MA PHOR BA GSUM GYIS PHOR BA GCIG BKANG CHOG PA'I PHYIR, DER THAL, PHOR BA GSUM SHONG PA'I PHOR BA YOD PA'I PHYIR, RTZA BAR 'DOD NA, STONG THUN LAS, BDAG GI RJE THAMS CAD MKHYEN PA NI RLAN GSHER PHOR GANG LA DUS KHYAD PAR BA DE 'DRA'I TSE RNAG DANG BDUD RTZI LA SOGS PAR SKYES BA'I CHA SHAS DU MA DUS GCIG TU YOD PAR BZHING KYI, RLAN ZHING GSHER BA PHOR GANG GI GO SA NA RNAG PHOR GANG BDUD RTZI PHOR GANG

331b

CHU DVANGS SHING BSIL BA PHOR GANG YOD PA SOGS DANG, CHU RDUL GCIG GI GO SA NA BDUD RTZI'I RDUL GCIG DANG RNAG GI RDUL GCIG DUS GCIG TU YOD PA SOGS GTAN MI BZHED CING ZHES GSUNGS PA MI 'THAD PAR THAL, 'DOD PA DE'I PHYIR NA MA KHYAB STE, DE TSANG MTSUNGS KYI PHOR BA GZHIR BZHAG LA DGONGS PA'I PHYIR, YANG KHO NA RE, DE'I TSE CHU PHOR GANG PO DE'I GO SAR RNAG TSAD MTSUNGS 'BYUNG BA GCIG MI SRID PAR THAL, STONG THUN GYI LUNG DE'I PHYIR NA MA KHYAB STE, CHU DE YI DVAGS KHO NAS LONGS SPYOD DU THOB PA'I CHA KUN RNAG TU SONG BAS TSAD MTSUNGS KYI RNAG PHOR GANG SNGAR GYI CHU SOGS KYI GO SAR GNAS PA'I PHYIR, DER THAL, SNGA PHYI'I DE LTAR GNAS PA YOD PAS DE GCAD PA'I PHYIR DU DUS GCIG TU ZHES GSUNGS PA'I PHYIR, BYAS PA LA KHO NA RE, DE'I TSE RLAN GSHER PHOR GANG GI CHA SHAS RNAG CHU BDUD RTZI PHOR BA GSUM PHAN TSUN GCIG GCIG GI GO SAR GNAS PAR THAL, DE'I TSE DE GSUM CHA CAN RLAN GSHER GYI PHOR PA GCIG GI GO SAR GNAS PA'I PHYIR NA MA KHYAB STE, DPER NA CHA CAN MTSO MA DROS PA'I GO SAR DE'I PHYOGS BZHI'I CHA GNAS KYANG DE'I PHYOGS BZHI'I CHA RNAMS GCIG GCIG GI GO SAR MI GNAS PA BZHIN YIN PA'I PHYIR, tIKA CHEN DE NYID SNANG BA LAS, GANG GI RLAN ZHING GSHAR PA PHOR GANG GI NYE 'KHOR DU MI DANG LHA DANG YI DVAGS GSUM 'ONGS PA'I TSE, ZHES PA NAS, RLAN ZHING GSHER BA PHOR GANG GI GO SA NA BDUD RTZI PHOR GANG DANG RNAG PHOR GANG DANG CHU DVANGS SHING BSIL BA PHOR GANG STE PHOR GANG BA GSUM

332a

, ,YOD KYANG CHA SHAS PHOR GANG PA GCIG GI GOS NA TSAN PA GSUM YOD PA YANG MA YIN TE, TSUL 'DI NYID DOGS PA'I MTHA' MA LUS PAR BCAD NAS RIGS PA YANG DAG GIS SHIN TU RGYAS PAR PHYOGS GZHAN DU KHO BOS GTAN LA PHAB ZIN TO, ,ZHES GSUNGS PA'I PHYIR, 'DIS STONG THUN LAS GSAL BAR BSHAD TSUL GSUNGS PAS MI MTHUN PAR 'DOD PA MUN SBRUL LO, ,DE LA KHO NA RE, DE'I TSE LHA MI YI DVAGS GSUM GYIS CHA GSUM SO SOR MTHONG BA MI 'THAD PAR THAL, CHU BO GANGG'A'I 'GRAM NAS DE GSUM GYI LHA'I MIG SHES LA BDUD RTZIS GANG BA'I KLUNG DU SNANG LA, DE BZHIN DU MI'I MIG SHES LA CHUS GANG BA'I KLUNG DANG, YI DVAGS KYI MIG SHES LA RNAG GIS GANG PA'I KLUNG DU SNANG BA BZHIN DU PHOR BA GANG LA'ANG SNANG TSUL MTSUNGS BA'I PHYIR NA MA KHYAB, KHYAB PAR THAL, DE GSUM GYI MIG SHES GSUM SNANG GZHI'I CHE CHUNG LA'ANG TSAD MA YIN PA'I PHYIR, DER THAL, DE GSUM GYI MIG SHES SNANG GZHI GSUM LA TSAD MA YIN PA'I PHYIR NA YANG MA KHYAB STE, SNANG GZHI DE LA TSAD MAR SONG NA DE'I TSAD SOGS LA TSAD MAR 'GRO MI DGOS PA'I PHYIR TE, DPER NA RGYA MTSO'I NANG GI NYA CHUNG NGU DE RGYA MTSO'I CHU LA TSAD MAR SONG YANG TSAD DBYIBS SOGS LA TSAD MA MA YIN PA BZHIN NO, ,DE SKAD DU STONG THUN LAS, GAL TE DE'I TSE RNAG DANG BDUD RTZI SOGS PHOR GANG GI TSAD MTSUNGS SU SNANG DGOS KYANG KHO BO CAG LA GNOD PA CI YANG MED DE, MIG SHES DE DAG BYA BA BYED NUS KYI RNAG

332b

TZAM DANG SNANG GZHI BYA BA BYED NUS KYI BDUD RTZI TZAM LA TSAD MAR SONG GI TSAD CI TZAM DU SNANG PA'I TSAD KYI CHA LA TSAD MAR MA SONG NGO ZHES SMRAS PAS SUS KYANG DGAG TU MED PA'I PHYIR RO ZHES GSUNGS PA'I PHYIR, DE LA YANG KHO NA RE, GANGG'A LA DUS RGYUN DU RNAG DANG BDUD RTZI'I CHA GANGG'A'I RGYUN LTAR 'JUG PAR THAL, LHA SOGS DE 'DRA GSUM TSOGS TSO CHA GSUM DNGOS GNAS LA GRUB PA'I PHYIR NA MA KHYAB, KHYAB PAR THAL, CHU DNGOS GNAS PA DE DE'I KHA NAS MI GZHAN DU SONG YANG MI LDOG PA'I PHYIR NA YANG MA KHYAB STE, 'GRO BA DE 'DRA'I LHA DANG YI DVAGS DE DER MA BSDAD NA BDUD RTZI DANG RNAG DE LDOG PA GANG ZHIG ,MI GCIG PO DE'I KHAR MA BSDAD KYANG CHU BO DE LDOG MI DGOS PA'I PHYIR, DANG PO GRUB STE, DE 'DRA'I RNAG SKYE PA DANG 'GAG PA NI YI DVAGS GCIG PO DE 'GRO 'ONG GIS YIN LA LHA LA DE BZHIN DU YIN PA'I PHYIR, MA GRUB NA, DE 'DRA'I RNAG CHOS CAN, KHYOD DE 'DRA'I YI DVAGS YOD NA YOD PA DANG DE MED PA NA KHYOD KYANG 'JIG PAR THAL, KHYOD 'GRO BA SPYI'I LAS DBANG GIS BYUNG BA MA YIN PA'I PHYIR, YI DVAGS DE 'DRA DE KHO NA'I LONGS SPYOD DU DE'I LAS KYI BDAG 'BRAS SU GRUB PA'I PHYIR, DE BZHIN DU DE 'DRA'I BDUD RTZI LA YANG RIGS 'GREL BYA, BYAS PA LA KHO NA RE, 'GRUB TSUL DANG 'GAG TSUL DE MI 'THAD PAR THAL, DE KHO BO CAG GI BLOR MI SHONG BA'I PHYIR ZER NA, 'O NA, 'GRO BA'I DGE SDIG GI 'BRAS BU SKYE TSUL DANG 'GAG TSUL RTOG GE PA KHYOD KYI BLOR MI SHONG NA MED PAS KHYAB PAR THAL, DAM BCA' 'THAD PA'I PHYIR,

333a

, ,'DOD MI NUS TE, LHA MI'I RTEN LA DGE BA'I RNAM SMIN 'BYUNG TSUL YANG SO SKYES BSAM GYIS MI KHYAB PA GANG, MI DGE BA'I RNAM SMIN NGAN SONG GSUM NA SMIN TSUL YANG DE LTAR YIN PA'I PHYIR, DANG PO GRUB STE KUN BTUS LAS, LAS DGE BA'I RNAM PAR SMIN PA LHA DANG MI RNAMS KYI NANG DU 'DOD PA NI BSAM GYIS MI KHYAB BO, ,ZHES GSUNGS PA'I PHYIR, RTAGS GNYIS PA GRUB STE, KUN BTUS LAS, MI DGE BA'I LAS KYI RNAM PAR SMIN PA SEMS CAN DMYAL BA DANG, DUD 'GRO DANG, YI DVAGS DANG, NGAN SONG NGAN 'GRO LOG BAR LTUNG BA RNAMS SU MI 'DOD PA ZHES BYA BA NI BSAM GYIS MI KHYAB BO, ,ZHES GSUNGS PA'I PHYIR, GONG GI RTZA RTAGS GNYIS PA GRUB STE, CHU BO DE MI DE GCIG PU'I LAS KYI MA YIN GYI MI'I 'GRO BA 'KHOR BCAS SPYI MTHUN GYI LAS KYI BDAG RKYEN CAN YIN PA'I PHYIR, GZHAN YANG SO SKYE'I GZUGS PHUNG YIN NA LAS NYON GYIS BLANGS PA'I PHUNG PO YIN PAS KHYAD PAR THAL, SPYIR BTANG LA SO SKYE'I GZUGS PHUNG NYER LEN GYI PHUNG PO DANG 'KHOR BAR 'JOG PA'I PHYIR, 'DOD NA, BDE BA CAN GYI LAM MA ZHUGS SO SKYE'I GZUGS PHUNG DE CHOS CAN, DER THAL, DE'I PHYIR, KHYAB PA KHAS, RTAGS GRUB STE, DE YOD PA'I PHYIR; RTZA BAR 'DOD NA, BDE BA CAN DE MA DAG PA'I ZHING DU THAL, DER SKYES PA'I SO SKYE'I PHUNG PO LAS NYON GYIS 'PHANGS BA'I SDUG BDEN DANG BCAS BA DE YIN PA'I PHYIR, KHYAB STE, DAG MA DAG GI KHYAD PAR YANG YOD LA, DER

333b

SKYES PA NI DGE BA'I RTZA BA DANG, SANGS RGYAS KYI MTHU DANG SMON LAM KHO NA'I DBANG GIS SKYE BA GANG, DE LTAR RGYU'I KHYAD PAR SANGS RGYAS KHO NA'I MNGON SUM GYI SPYOD YUL YIN LA RTOG GES JI LTA BA BZHIN BSAMS MI NUS PA'I PHYIR, DANG PO GRUB STE, 'CHI MED RNGA SGRA LAS, SANGS RGYAS YON TAN BSAM MI KHYAB, ,BSAM MI KHYAB LA DAD BYAS PAS, ,RNAM PAR SMIN PA'ANG BSAM MI KHYAB, ,RNAM DAG ZHING DER SKYE BAR 'GYUR, ,ZHES DANG, MNGON PA KUN BTUS LAS, YONGS SU DAG PA'I 'JIG RTEN GYI KHAMS DE DAG NI SDUG BSNGAL GYI BDEN PA MA YIN PAR BLTA STE, LAS DANG NYON MONGS PAS BSKYED PA MA YIN LAS DANG NYON MONGS PA'I DBANG GIS BYUNG BA MA YIN GYI SMON LAM DANG DGE BA'I RTZA BA'I DBANG GIS BYUNG BA DAG GO ,ZHES GSUNGS PA'I PHYIR, GNYIS PA GRUB STE, KUN BTUS LAS, DE LTA BAS NA SKYE BA'I GNAS DE DAG SANGS RGYAS RNAMS KYI YUL YIN PA'I PHYIR, SKYE BA'I GNAS DE DAG NI BSAM GYIS MI KHYAB STE, DE DAG NI BSAM GTAN PA RNAMS KYI YUL YANG MA YIN NO, RTOG GE PA RNAMS KYI YUL MA YIN PA LTA SMOS KYANG CI DGOS, ZHES GSUNGS PA'I PHYIR, YANG PHRA BA'I GNAS LA 'KHRUL PA PHRA BA NI, YANG KHA CIG NA RE, TSA BA'I REG BYA DANG GRANG REG GI GZHI MTHUN YOD SRID KYANG TSA BA'I REG BYA DANG GRANG BA'I REG BYA'I GZHI MTHUN SRID PA MED PAR THAL, ME'I REG BYA DANG GRANG REG GI GZHI MTHUN SRID BA GCIG YOD PA'I PHYIR NA MA KHYAB, KHYAB PAR THAL, DE 'DRA'I ME'I REG

334a

, ,BYAR GYUR PA'I GRANG REG DE TSA PA'I REG BYA YIN PA'I PHYIR, MA GRUB NA, DE 'DRA'I GRANG REG CHOS CAN, CHO PA'I REG BYAR THAL, ME'I REG BYA YIN PA'I PHYIR NA YANG MA KHYAB, KHYAB PAR THAL, KUN BTUS PAS, ME'I KHAMS GANG ZHEN TSA BA'O, ,ZHES GSUNGS PA'I PHYIR NA DE BAS KYANG MA KHYAB STE, ME DANG ME'I KHAMS YIN MIN LA MU BZHI BYED DGOS PA'I PHYIR, 'O NA DE 'DRA'I GRANG REG CHOS CAN, GRANG BA MA YIN PAR THAL, TSA BA YIN PA'I PHYIR, RTAGS SONG; DER THAL, ME'I KHAMS YIN PA'I PHYIR, KHYAB PA KHAS, DER THAL, KHAMS DRUG DANG BZHI GANG RUNG GANG, CHU SOGS KYI KHAMS GZHAN MA YIN LA, ME'I KHAMS YIN NA TSABS KHYAB PA KUN BTUS KYI LUNG DON DU KHYOD KYIS 'DOD PA'I PHYIR, 'KHOR GSUM, DE LA MI SHES PA 'GA' ZHIG NA RE, LCAGS GONG DMAR 'BAR BA YANG YIN RANG GI REG BYA LA TSA BA'I REG BYA DANG GRANG BA'I REG BYA YANG YOD PA'I LCAGS GONG DMAR 'BAR BA CHOS CAN, KHYED KYI STENG DU GRANG REG MED BAR THAL, KHYOD ME STOBS CHEN POS KHYAB PAR NON PA'I GZHI YIN PA'I PHYIR NA MKHAS PA KHA CIG MA KHYAB GSUNGS PA LTAR SPYIR KHYAB PA MED KYANG DA DUNG 'DIR RTAGS MA GRUB, BYAS PA LA KHO NA RE, DER THAL, KHYOD ME YIN PA'I PHYIR NA 'DIR MA KHYAB, 'O NA DE 'DRA'I LCAGS GONG DMAR 'BAR BA CHOS CAN, KHYOD KYI ME'I NUS STOBS PHAL CHER RIG SNGAGS KYIS BCOM NAS STOBS CHUNG NGUR BYAS PA DE MA YIN PAR THAL, KHYOD ME STOBS CHEN PO DANG

334b

LDAN PA DE YIN PA'I PHYIR, 'KHOR GSUM KHAS, 'DOD MI NUS, DE DE YIN PAR THAL, ME YIN LA RANG GI TSA BA RIG SNGAGS KYI NUS PAS BCOM NAS GRANG REG DANG LDAN PA GCIG YOD PA'I PHYIR, DER THAL, DE 'DRA SPYIR BTANG LA MED KYANG RIG SNGAGS KYIS DE LTAR BYAS PA YOD PAS NA GSANG SNGAGS KYI NUS MTHU BSAM GYIS MI KHYAB PAR BSHAD PA'I PHYIR TE, RNAM PAR SNANG MDZAD MNGON PAR BYANG CHUB PA'I RGYUD LAS, MA MO ZHES BYA BA'I LHA MO RNAMS NI GSANG SNGAGS KYIS NAD 'GO BA GTONG NGO, ,'DI LTA STE, GSANG SNGAGS KYIS NI ME'I TSE BA MED PAR BYAS NAS GRANG BAR BYED PAR 'GYUR RO, ,ZHES SOGS DANG, KUN BTUS LAS, NOR BU DANG SNGAGS DANG, SMAN DANG MA KHYUD SPYAD DANG LDAN PA'I LAS BSAM GYIS MI KHYAB CES GSUNGS PA'I PHYIR, DE LA KHO NA RE, TSA BA'I REG BYA LA GRANG PA'I REG BYA GCIG SRID PAR THAL, TSA BA'I REG BYA LA RIG SNGAGS NUS MTHUS GRANG BA'I REG BYAR BSGYUR PA YOD PA'I PHYIR NA MA KHYAB STE, TSAB SNGAGS KYIS MI TSA BAR BYAS PA DE TSAB MA YIN PA'I PHYIR, DE LA KHO NA RE, DE MI 'THAD PAR THAL, RNAM BSHAD LAS, LCAGS GONG DMAR 'BAR BA'I REG BYA LA GNYIS SRID PA GCIG BSHAD PA'I PHYIR NA MA KHYAB STE, DE LCAGS GONG LA SNGAGS MA BTAB PA'I DPAR DU BYAS SHING, 'DI LA ZHIB CHA ZHIG SHES DGOS PA'I PHYIR, DER THAL, TSA PA'I REG BYA GRANG BA'I REG BYAR BYED PA'I SNGAGS KYIS LCAGS GONG DMAR 'BAR BA'I CHA KUN LA BTAB NA DE PHYIN CHAD LCAGS DE LA TSA PA'I REG

335a

, ,BYA MI 'ONG LA, LCAGS DE LA SNGAGS MA BTAB PAR LAG PA SOGS LA SNGAGS BTAB PA DES REG PA NA GANG REG PA'I CHA DE REG BZHIN PA'I SKABS SU TSA REG MED KYANG, CHA GZHAN LA YOD CING? MA REG PA'I TSE CHA KUN TSA BAR YOD PA'I PHYIR, DER THAL, DE 'DRA'I SNGAGS KYIS LCAGS DE LA MER MA BSREGS PA'I GONG DU SNGAGS BTAB NA ME'I DNGOS POR YANG BYED MI THUB PA'I PHYIR TE, DPER NA, RAS LA SNGAGS BTAB NAS ME'I GDAN BYAS KYANG MI 'TSIGS PA BZHIN NO, ,YANG KHA CIG NA RE, NYI MA'I 'OD LA MUN PA'I CHA YOD PAR THAL, NYI MA'I 'OD KYI REG BYA LA LAS NGAN DBANG GIS GRANG REG SKYES PA YOD PA'I PHYIR NA MA KHYAB STE, DE 'DRA'I LAS NGAN GYIS YI DVAGS KHA CIG LA DE 'DRA BYUNG BA YOD PA'I PHYIR; BSHES SPRING LAS, YI DVAGS RNAMS LA SOS KA'I DUS SU NI, ,ZLA BA'ANG TSA LA DGUN NI NYI MA'ANG GRANG, ,ZHES GSUNGS PA'I PHYIR, 'DI LA'ANG CHA GNYIS YOD PAR RTOGS SLA, DE LA KHO NA RE, 'O NA YI DVAGS THAMS CAD LA NYI ZLA DE LTAR SNANG BA DANG CHU KLUNG RNAG TU SNANG BAS KHYAB PAR THAL, YI DVAGS RNAMS ZHES GSUNGS PA'I PHYIR NA MA KHYAB STE, DE 'DRA 'BYUNG BA MANG PO YOD KYANG YI DVAGS KUN LA DE LTAR MA YIN PA'I PHYIR, DE'I RGYU MTSAN GYIS DE 'DRA'I LAS CAN ZHES SMRAS PA LHA LA'ANG SHES PAR BYA'O, ,YANG KHA CIG NA RE, ME YIN LA MI TSA BA'I REG BYA CHE BA CAN ZHIG KHAS LEN MI RUNG PAR THAL, DE 'JIG RTEN GYI THA SNYAD SPYIR GRAGS PA DANG 'GAL BA'I PHYIR NA MKHAS PA KHA CIG MA KHYAB

335b

STE; SPYIR BTANG DMIGS BSAL YOD PA'I PHYIR GSUNG YANG, RE ZHIG MA KHYAB MTSAMS LA RTAGS MA GRUB KYI LAN THEB PAR THAL, SNGAGS KYI NUS PAS DE LTAR THUB PAR 'JIG RTEN NA MNGON SUM TSAD MAS GRUB PA'I PHYIR ZHES BRJOD PAR BYA'O, ,LHAG MA PHAL CHER RING SONG SKABS SU BSHAD PA RNAMS KYANG SHES PAR BYA'O, ,GNYIS PA RANG LUGS LA, SKABS 'DIR YANG RNAM PAR RIG BYED MA YIN PA'I GZUGS YOD DE, LUS NGAG GI LAS RE RE LA YANG RNAM PAR RIG BYED DANG RIG BYED MIN PA GNYIS GNYIS YOD PA'I PHYIR, THEG DMAN GYI MDO LAS, 'DI LTAR 'DAS PA'I LAS YOD DO, ,'DAS PA'I GZUGS YOD DO, ,MA 'ONGS PA YOD DO, ,DA LTAR BYUNG BA YOD DO, ,ZHES GSUNGS PA'I PHYIR, SKABS 'DIR MI SDUG PA'I TING 'DZIN DANG, SKRA SHAD 'DZAG SNANG GI DBANG SHES DANG CHU 'BAB KLUNG GI YI DVAGS KYI RNAG BLO GSUM LA KHYAD PAR CHER YOD DE, SNGA MA GNYIS TSAD MIN DANG, PHYI MA TSAD MA YIN PAR BSHAD ZIN PA'I PHYIR, DANG PO GRUB STE, MI SDUG PA'I TING 'DZIN DE ZHEN YUL MED PA'I RNAM RTOG YIN KYANG LOG SHES MA YIN PA'I PHYIR, DER THAL, ZHE THAG PA NAS KENG RUS KYIS SA GZHI KHYAB PAR 'KHRUL NAS MI 'DZIN PAR DGOS DBANG GIS DE LTAR MOS PA TZAM YIN PA'I PHYIR, DES NA TSAD MA MA YIN TE, RTOG PA GANG ZHEN YUL MED PA'I PHYIR, RLAN GSHER GYI DNGOS PO PHOR GANG BA LTA BU ZHIG LA SNANG TSUL MI 'DRA BA DRUG SNANG BA'I DON DRUG KYANG YOD DE, DE LTAR SNANG BA'I 'GRO BA DE DRUG GI LAS KYI BDAG RKYEN BSAM

336a

, ,MI KHYAB LAS GRUB PA GANG ZHIG ,DE LTAR SHES PA PHYI DON BDEN MED DU SHES PA'I KHYAD CHOS BZHI'I GCIG YIN PA'I PHYIR, DANG PO GRUB STE, BSAM MI KHYAB LNGA SOGS BSHAD PA'I PHYIR, KUN BTUS LAS, LAS 'DIS LUS SNA TSOGS SU 'GYUR ZHES BYA BA 'DI NI BSAM GYIS MI KHYAB PO, ,LAS DGE BA DANG MI DGE BA DE NYID GNAS DANG DNGOS PO DANG RGYU DANG RNAM PAR SMIN PA DANG RAB TU DBYE BA BSAM GYIS MI KHYAB STE, PHYI'I DNGOS PO SNA TSOGS MNGON BAR 'GRUB PAR BYED PA'I LAS BSAM GYIS MI KHYAB, NOR BU DANG SNGAGS DANG SMAN DANG MA KHYUD SPYANG DANG LDAN PA'I LAS BSAM GYIS MI KHYAB, RNAL 'BYOR PA THAMS CAD KYI MTHU'I LAS BSAM GYIS MI KHYAB, BYANG CHUB SEMS DPA' RNAMS KYI DBANG GI LAS BSAM GYIS MI KHYAB CES DANG, MDO LAS KYANG, SEMS CAN RNAMS KYI LAS KYI RNAM PAR SMIN PA BSAM GYIS MI KHYAB, SNGAGS DANG SMAN GYI NUS PA BSAM GYIS MI KHYAB, RNAL 'BYOR PA'I TING NGE 'DZIN GYI MTHU BSAM GYIS MI KHYAB, DE BZHIN GSHEGS BA'I SPRUL PA BSAM GYIS MI KHYAB BA'O, ,ZHES GSUNGS PA'I PHYIR, GNYIS PA GRUB STE, THEG BSDUS SU DRANGS PA'I MDO LAS, BYANG CHUB SEMS DPA' CHOS BZHI DANG LDAN NA RNAM BAR RIG PA THAMS CAD KYI DON MED PAR KHONG DU CHUD PAR 'GYUR TE, RNAM PAR SHES BA MI MTHUN PA'I RGYU MTSAN NYID SHES BAS NI, DPER NA YI DVAGS DANG, DUD 'GRO DANG MI DANG LHA RNAMS KYIS DNGOS PO GCIG LA RNAM BAR RIG BA THA DAD BAR

336b

MTHONG BA LTA BU DANG ZHES SOGS DE'I DON TSIGS BCAD SGO NAS 'CHAD PAR THEG BSDUS RTZA 'GREL SNGAR DRANGS PA DAG 'BYUNG BA'I PHYIR, 'GRO BA SO SO LA DE LTAR SNANG BA DANG DE'I SKYE BA DANG, 'GAG BA MI 'DRA BAR SO SOR 'BYUNG PA'I RGYU MTSAN YOD DE, 'GRO BA DE DAG GIS SNGON LAS BSAGS DUS KYI KUN SLONG DANG LAS KYI BSAGS TSUL SNA TSOGS YIN PAS 'GRO BA YANG THA DAD DU SKYES PA LTAR, DE DAG GZHI GCIG LA TSOGS KYANG LONGS SPYOD DANG LONGS SPYOD KYI GEGS BYED MI BYED SOGS MI 'DRA PA'I PHYIR, DPER NA LCAGS GONG DMAR 'BAR BA GCIG LA MI 'TSIG PA'I SNGAGS CAN GYIS GANG REG PA DE'I REG BYA BSIL BA GCIG DANG GZHAN GYIS REG NA 'TSIG PA'I REG BYA GNYIS YOD CING MYONG BYED THA DAD YIN PA BZHIN NO; ;ME STOBS CHEN BOS KHYAB PAR NON PA'I DNGOS PO DE, DE 'DRA'I SHAR GZHIR GRANG REG RGYUN CHAGS SU GNAS BA MED PAR SGRUB PA'I RTAGS YANG DAG YIN KYANG, GRANG REG CUNG ZAD KYANG MED PAR SGRUB MI THUB PA'I PHYIR, ME STOBS CHUNG DANG ME TZAM DE SGRUB KYI RTAGS YANG DAG MA YIN TE, SPOS KYI ME DANG RIG SNGAGS KYIS TSA BA'I CHA BCOM PA'I ME DAG GIS MA NGES PA'I PHYIR, 'JIG RTEN GRAGS PA DANG MTHUN PAR BYAS NA CHA CAN RLAN GSHER PHOR GANG GI GO SA NA DE'I CHA SHAS KYI CHU DVANGS BSIL DANG RNAG DANG BDUD RTZI GSUM DE 'DRA'I LAS CAN GYI MI YI DVAGS LHA GSUM TSOGS PA NA YOD BA GCIG SRID CING LHA DANG YI DVAGS LTA BU BYUNG BA NA SKYE BA DANG, SOR BA NA LDOG PA DAG YOD DE DE 'DRAR SPYAD PA'I LAS KYI

337a

, ,BDAG RKYEN TZAM GYIS BYUNG PA YIN PA'I PHYIR, DPER NA GZUGS KHAMS KYI LHA 'GA' ZHIG LA BSOD NAMS KYIS KHANG BA DANG LHAN CIG 'BYUNG, DGE BA STOBS CAN 'GA' ZHIG GI MTHUS NAM MKHA' NAS RIN PO CHE'I CHAR BABS PA 'KHOR LOS BSGYUR BANG LAS NU DANG DE'I YANG TSA GRAGS PA LTA BU DANG, MI DGE BA'I LAS CAN YI DVAGS 'GA' ZHIG LA CHAR BA THOG TU BABS PA, DMYAL BAR RANG RANG LAS KYIS DMYAL SRUNGS 'GRO BA'I RNAM PA CAN GYIS BRDEG 'TSOG BYED BA DANG, LEGS 'ONGS LTA BU LA RANG GIS ZAS MI RNYED PAR MA ZAD GROGS KYIS KYANG MI RNYED, DUS 'GA' ZHIG TU SA'I CHAR BABS PA LTA BU DANG, GZHAN YANG MI BSOD NAMS SKYES LA LHA'I LONGS SPYOD BYUNG BA DANG, BA GLANG SKYONG LA GSER GYI GLANG CHEN BYUNG BA DANG, RNA BA BYE BA RI 'KHRUNGS PA DANG NANG DU GTER GSAR DU BYUNG PA DANG, MI BSOD NAMS CAN GYI SHING GRIB LA SNGA DRO BSDAD PAS PHYI DRO YANG GRIB MA SNGA DRO BZHIN MI G-YO BA BZHIN YIN PAS BSAM GYIS MI KHYAB PA'I PHYIR, DBU MA SNYING PO LAS, SEMS CAN RNAMS KYIS LAS DBANG GIS, ZHES SOGS KYI, RANG 'GREL LAS, SNOD KYI 'JIG RTEN MA LUS PA NI SEMS CAN GYI LAS BDAG POR GYUR PA NYID LAS KUN TU BYUNG BA YIN NO, ,ZHES SOGS GSUNGS PA'I PHYIR, DER MA ZAD DON DE DAG RE RE YANG MDO BSTAN BCOS KYI SHES BYED MANG PO MTHONG MOD KYANG NAM MKHA' MDZOD KYI BSHAD PA GCIG PUS KYANG GSAL BAR BSTAN TE, THEG

337b

CHEN BKAR SGRUB SKABS KYI DBU MA SNYING PO'I RANG 'GREL RTOG GE 'BAR BA LAS, NAM MKHA' MDZOD KYI SMON LAM LA SOGS PA YANG TSIG TZAM PA YIN TE, 'BRAS BU MTHONG BA'I PHYIR, ZHES GSUNGS PA LA KHO NA RE, DE'I 'BRAS BU MTHONG BA MI 'THAD PAR THAL, DE MTHONG NA DA LTA SKYE BO RNAMS KYIS MTHONG DGOS PA LAS MA MTHONG BA'I PHYIR ZHE NA, DA LTA MI MTHONG BA DE'I RGYU MTSAN STON PA LA RTOG GE 'BAR BA LAS, DGE BA'I RTZA BAS DBUL BAR GYUR PA'I RGYUD LA 'BRAS BU YOD BZHIN DU YANG NYAMS PAR 'GYUR BA 'AM PHYIN CI LOG TU MTHONG BA YIN TE, GANG G'A'I KLUNG DU SKAM PA'AM RNAG GAM ME MA MUR DU MTHONG BA BZHIN TE JI LTAR CHU BO GANG G'A'I 'GRAM NA YI DVAGS BRGYA STONG MANG PO GNAS PA RNAMS BDAG NYID LA SKAL BA MED PAR GYUR PA'I DBANG GIS GANGG'A'I KLUNG YONGS SU SKAM PA'AM RNAG GAM ME MA MUR DU 'BAB PA MTHONG BA BZHIN NO, ,DE BZHIN DU BYANG CHUB SEMS DPA'I SMON LAM LAS YONGS SU GYUR PA'I NOR GYI CHAR BAB PAR GYUR KYANG, DGE BA'I RTZA BA MA BSAGS PA'I SEMS CAN RNAMS KYI KHAMS RNAMS LA 'BAB BAR MI 'GYUR TE, NAM MKHA' NYID DU MED PAR GYUR PA'AM THOG LA SOGS PA'I NGO BOR GYUR NAS 'BAB PAR 'GYUR TE, ZHES SOGS GSUNGS PA'I PHYIR, DE LA YANG KHO NA RE; NAM MKHA' MDZOD KYI BYANG SEMS KYI SMON LAM LA SEMS CAN GZHAN LA PHAN PA'I NUS PA MED PAR THAL, SEMS CAN 'BYOR RGUD RANG RANG GI LAS KYIS BYAS PA'I PHYIR ZHE NA, DE LA KHYAB PA MED CING SKYON DE MI 'ONG BAR THAL, RGYU'I TSOGS

338a

, ,BA TSANG NA 'BYUNG BA LA GEGS MED PA YIN PA'I PHYIR, DE SKAD DU DE NYID LAS, GZHAN LA PHAN PA 'BYUNG BA NI TSOGS PA LAS 'BYUNG BA YIN PA'I PHYIR NUS PA MED PA MA YIN TE, JI LTAR SA DANG CHU DANG ME DANG RLUNG DANG NAM MKHA' RNAMS TSOGS PA LAS MYU GU 'BYUNG GI RKYEN GCIG MA TSANG NA YANG 'BYUNG BAR MI 'GYUR RO, ,DE BZHIN DU GTONG BA DANG, SOR SNA SPANGS PA DANG, 'DOD PA MED PA MANG DU GOMS PA DANG, MNYAM PA'I SEMS DANG, 'DOD PA LA SBYIN BA RDZOGS PAR BYED PA DANG, LAN DU PHAN 'DOGS PA LA RE BA MED PA DANG, 'BRAS BU LA 'DOD PA MI SKYED PA DANG, SEMS CAN THAMS CAD DANG THUN MONG BAR BYAS PA'I SBYIN PAS NI, NOR GYI CHAR 'BAB PA LA SOGS PA THOB BAR 'GYUR BA'I 'BRAS BU RNAM PAR SMIN PA YONGS SU 'DZIN CING GSAL BAR BYED PA YIN GYI, DE LAS RKYEN GANG YANG RUNG BA GCIG MA TSANG NA 'BYUNG BAR MI 'GYUR RO, ,ZHES GSUNGS PA'I PHYIR, 'DIS THOG LA SOGS PA'I DNGOS POR GYUR NAS ZHES PAS NGO BO 'GYUR LUGS BSHAD PAS DER SNANG YANG SNANG GZHI MED PAR 'DOD PA LEGS PAR KHEGS SO, ,DES NA DE 'DRA'I LAS CAN GYI LHA MI YI DVAGS GSUM 'DUS PA'I DUS DE'I TSE CHA CAN RLAN GSHER PHOR BA GANG GI GO SAN DE'I CHA SHAS KYI RNAG CHU DVANGS BSIL BDUD RTZI PHOR BA GSUM YOD PAR MA ZAD, DNGOS PO'I GNAS TSOD LA 'JIG RTEN GYI KHAMS GCIG LA YANG TSAD DBYIBS DPANGS KYI CHA SHAS GCIG KHO NAR NGES PA MED DE, DUS GCIG LA YANG TSAD

338b

DBYIBS MI 'DRA BA ZLUM PO SOGS LA LONGS SPYOD DGOS KYI GDUL BYA MANG PO DANG GRU BZHI SOGS LA LONGS SPYOD DGOS KYI GDUL BYA MANG PO YOD NA DE 'DRA'I RI RAB ZLUM PO DANG GRU BZHI GNYIS KYANG CHA CAN RI RAB GCIG GI GO SAR CIG CAR GRUB SRID PA GANG ZHIG ,RI'AM GLING GCIG LA YANG SEMS CAN BSOD NAMS CHEN PO CAN BYUNG DUS CHE ZHING BZANG BA DANG, SEMS CAN SDIG PA CAN BYUNG DUS NGAN PA DANG CHUNG DUR 'GYUR BA NI LUNG DANG RIGS PA DANG SNGON BYUNG GI RABS DU MAS GRUB PA'I PHYIR, DANG PO GRUB STE, GDUL BYA SHIN TU MANG PO'I LAS DANG BSAM PAS RI RAB GCIG GI GO SAR DE LTAR GRUB CING SHONG BAR MA ZAD, RNAL 'BYOR BA GCIG GI BSOD NAMS DANG MOS PAS KYANG MI GCIG GI GO SAR 'KHOR LO SGYUR PA'I DPUNG GI TSOGS YAN LAG BZHI PA CHUD CING DOG PA MED PAR BYED THUB PA'I PHYIR, DUS 'KHOR 'GREL CHEN DRI MED 'OD LAS, DON DAM PAR NI 'JIG RTEN GYI KHAMS LA TSAD GZHAL DU MED DE, SEMS CAN RNAMS KYI BSOD NAMS DANG SDIG PA'I DBANG GIS SO, ,'DIR PHUG KHRU LNGA'I TSAD GANG DU 'DOD CHAGS DANG BRAL BA'AM BYANG CHUB SEMS DPA' GNAS PA'I PHUG DER BSOD NAMS DANG YE SHES BSTEN PA DE'I MTHU DANG RDZU 'PHRUL GYI STOBS KYIS 'KHOR LO SGYUR BA SDE DANG BCAS PA 'ONG ZHING RAB TU 'JUG STE, DE SUS KYANG MA BSKYED CING PHUG DER ZHUGS PA'I 'KHOR LO SGYUR BA'I SDE YANG DOG PA NYID MA YIN NO, ,ZHES DANG, DE'I tIKA CHEN DE NYID SNANG BA LAS, DON DAM PAR TE DNGOS PO LA NI 'JIG RTEN GYI KHAMS GCIG LA YANG TSAD DANG DPANGS KYI CHA SHAS RIGS

339a

, ,GCIG TU NGES PA MED DE, SEMS CAN RNAMS KYI BSOD NAMS KYI LAS RIGS MI 'DRA BA DANG SDIG PA'I LAS RIGS MI 'DRA PA'I DBANG GIS LAS DE DAG GI BDAG 'BRAS SU GYUR PA'I BDE 'GRO DANG NGAN 'GRO'I 'JIG RTEN GYI TSAD DBYIBS KYI CHA SHAS MI 'DRA BA SNA TSOGS PAR 'GYUR BAS SO, ZHES SOGS KYIS DE'I DON RGYAS PAR BSHAD PA'I PHYIR, RTZA RTAGS GNYIS PA GRUB STE, BSKAL PA DANG POR SA GZHI LA YANG RO ZHAG KHYAD PAR CAN YOD, MI RNAMS KYANG 'OD GZUGS CAN YIN PA LAS SEMS CAN RE GNYIS KYI SPYOD PAS RKYEN BYAS NAS NUB CING, DA GDOD GSER RA GAN DANG DNGUL ZHA NYER 'GYUR PA SOGS 'ONG LA, YANG BYAMS PA BSGOMS STOBS KYIS SNOD BCUD YAR SKYES TE BYAMS PA'I DUS SU TSER MA DANG TSVA SGO MED PA SOGS 'GYUR BAR BSHAD PA DANG, DRANG SRONG MARKAntA'I GSER GYI RIL PA BZHIN YIN PA'I PHYIR, MDZOD LAS, 'DI NA MA NGES THA MAR NI, ,LO BCU DANG PO DPAG TU MED, ,CES DANG, 'DUL BA LUNG DANG BYAMS PA MNGON 'BYUNG GI MDO SOGS LAS SHES PA'I PHYIR, GSUM PA RTZOD SPONG LA KHO NA RE, 'O NA, LCAGS GONG DMAR 'BAR BA YANG YIN BSIL BAR BYED PA'I RIG SNGAGS KYIS MI TSA BAR BYAS PA'I GZHI MTHUN GYI LCAGS GONG DE CHOS CAN, ME MA YIN PAR THAL, ME'I BYED LAS DANG MI LDAN PA'I PHYIR, DER THAL, KHYOD LA SREG PA'I NUS PA MED LA BSIL BA'I REG BYA CAN YIN PA'I PHYIR NA MA KHYAB STE, 'JA'I KHA DOG DMAR BA DES MI SREG KYANG ME'I BYED LAS YIN PA'I PHYIR, MDO

339b

LAS; 'BYUNG BA CHEN PO'I DBANG GIS NAM MKHA' LA 'JA' 'BYUNG YANG, NAS, DE LA KHA DOG SKYA BOR SNANG BA DE NI SA'I KHAMS KYI DBANG NGO, ,DE LA KHA DOG SNGON POR SNANG BA DE NI CHU'I KHAMS KYI DBANG NGO, ,DE LA KHA DOG DMAR POR SNANG BA DE NI ME'I KHAMS KYI DBANG NGO, ,GANG GZHU'I DBYIBS LTAR 'DUG PA'AM ZLUM POR 'DUG PA DE NI RLUNG GI KHAMS KYI DBANG NGO, ,ZHES GSUNGS PA'I PHYIR, GZHAN YANG, 'O NA ME'I BYED LAS LA SREG PA'I BYED LAS DANG SMIN PAR BYED PA'I BYED LAS DANG, MI SREG PAR DRO BAR BYED PA'I BYED LAS SOGS DU MA MED PAR THAL, GZHI DE LA SREG PA'I BYA BA MED NA GZHI DE LA ME'I BYED LAS MI LDAN PAS KHYAB PA'I PHYIR, RTAGS KHAS, 'KHOR GSUM, MA KHYAB NA, 'BYUNG BA BZHI KA'I BYED LAS MI LDAN PA'I 'BYUNG BA YOD PAR THAL LO, ,MA KHYAB PA DE'I PHYIR, 'DOD MI NUS TE, GZHI 'BYUNG BA DE'I G-YO BA RLUNG GI DANG THOGS PA SA'I DANG SDUD PA CHU'I DANG SMIN PA ME'I BYED PA YIN ZHING DE DAG GCIG MED NA'ANG MI RUNG BA'I PHYIR, DBU MA RIN CHEN PHRENG BA LAS, GANG GSUM MED PAR RE RE MED, ,GCIG MED PAR YANG GSUM MED DO, ,ZHES DANG, 'ON TE SO SO RANG YOD NA, ,BUD SHING MED PAR ME CIS MED, ,G-YO DANG THOGS DANG SDUD PA DAG ,CHU DANG RLUNG DANG SA DE BZHIN, ,ZHES DANG, DE'I DAR tIKA LAS, DE BZHIN G-YO DANG THOGS PA DANG, ,SMIN PA MED PAR CHU CIS MED, ,CES PA DANG, THOGS SMIN BSDUS PA DAG MED PAR RLUNG YOD PAR THAL BA DANG, G-YO SMIN SDUD PA DAG MED PAR SA YOD PAR

340a

, THAL, ZHES GSUNGS PA'I PHYIR DANG, SA LU LJANG BA'I MDO LAS KYANG DE LTAR BSHAD DO, ,RTZA BAR 'DOD MI NUS TE, YAB SRAS MDO LAS, ME'I KHAMS NI RNAM PA GNYIS TE NANG DANG PHYI ROL GYI'O, ,NANG GI ME'I KHAMS GANG ZHE NA, GANG CI YANG RUNG STE LUS 'DI LA ME DANG ME'I RNAM PA DANG, DRO BA DANG DRO BA'I RNAM PA ZHES DANG, PHYI ROL GYI ME'I KHAMS GANG ZHE NA, GANG PHYI ROL GYI ME DANG ME'I RNAM PA DANG, DRO BA DANG DRO BA'I RNAM PA DANG ZHES DANG, SA LU LJANG BA'I MDO LAS, GANG LUS KYI ZOS PA DANG, 'THUNG BA DANG 'CHOS PA DANG, MYONG BA RNAMS 'JU BAR BYED PA 'DI NI ME'I KHAMS SHES BYA'O, ,ZHES GSUNGS PA'I PHYIR, YANG KHA CIG NA RE, 'O MA CHOS CAN, CHU KHAMS YIN PAR THAL, NANG GI CHU KHAMS YIN PA'I PHYIR, DER THAL, NANG GI GSHER BA YIN PA'I PHYIR, CHOS CAN DE'I PHYIR, KHYAB STE, YAB SRAS MDO LAS NANG GI CHU'I KHAMS GANG ZHE NA, GANG CI YANG RUNG STE LUS 'DI LA NANG GI KHONG NA CHU DANG CHU'I RNAM PA DANG CHU NYID DANG RLAN PA DANG RLAN PA'I RNAM PA DANG RLAN PA NYID DANG GSHER PA NYID DANG, ZHES GSUNGS PA'I PHYIR, RTZA BAR 'DOD NA, CHU YIN PAR THAL, RLAN GSHER YIN PA'I PHYIR NA KHA CIG MA KHYAB ZER, 'DOD NA, CHU DANG 'O MA GNYIS SU PHYE BA'I CHU YIN PAR THAL, 'DOD PA'I PHYIR NA 'DIR MA KHYAB, 'O NA GCIN CHOS CAN, CHU DANG GCIN GNYIS SU PHYE BA'I CHU YIN PAR THAL, CHU YIN PA'I PHYIR, KHYAB PA KHAS, DER THAL, RLAN ZHING GSHER PA YIN PA'I PHYIR,

340b

RTZA BAR 'DOD NA, GCIN LAS GZHAN PA'I CHUR THAL, 'DOD PA'I PHYIR, GZHAN YANG, BDUD RTZI CHOS CAN, CHU DANG BDUD RTZI GNYIS SU PHYE BA'I CHU YIN PAR THAL, CHU YIN PA'I PHYIR, KHYAB PA KHAS, RTAGS GRUB STE, LHA'I CHU YIN PA'I PHYIR, MA KHYAB NA, LHA'I ME ME MA YIN PAR THAL, LHA'I CHU CHU MA YIN PA'I PHYIR, GZHAN YANG, STONG THUN LAS CHU DVANGS BSIL ZHES DVANGS BSIL SMOS BA LA DGOS PA MED PAR THAL, DE BDUD RTZI DANG 'O MA GNYIS CHU YIN KYANG DVANGS BSIL MA YIN PAR STON BYED MA YIN PA'I PHYIR, RTAGS SONG, YANG KHA CIG NA RE, RANG GIS BLTAS PA'I THAD KYI GANG G'A'I KLUNG RNAG GIS GANG BAR SNANG BA'I YI DVAGS KYI MIG SHES LA SNANG BA'I THAD KYI KLUNG GI CHA RNAG YIN PA GCIG MI SRID PAR THAL, CHU KLUNG LA RNAG MTHONG BA'I YI DVAGS KYI MIG SHES YIN NA DE'I CHA KUN LA TSAD MAR SONG BA YANG MI DGOS, CHU KLUNG RNAG TU SNANG YANG RNAG DNGOS GNAS PA DE LA MA GRUB PA YANG YOD PA'I PHYIR NA MA KHYAB, RTAGS DANG PO GRUB STE, DE'I CHA KUN LA TSAD MAR SONG BA'I YI DVAGS KYI MIG SHES MED PA'I PHYIR, DER THAL, DE'I CHAR GYUR BA'I RDUL PHRA RAB DANG REG BYA SOGS DU MA YOD PA'I PHYIR, DPER NA BUM PA'I GZUGS MNGON SUM DU MTHONG YANG DE'I CHA KUN MTHONG MI DGOS PA BZHIN NO, ,BRGYA BA LAS, GZUGS MTHONG TSE NA BUM PA NI, THAMS CAD KHO NA MTHONG MI 'GYUR, ZHES GSUNGS PA'I PHYIR, RTZA RTAGS GNYIS PA GRUB STE, PHYI'I SGRIB PA CAN GYI

341a

, ,YI DVAGS KYIS DE LA BLTA BA TZAM BYAS LA LONGS SPYOD DU CHU DE'I CHA CUNG ZAD KYANG MA THOB PA'I TSE DE DE'I MTSAN GZHI YIN PA'I PHYIR, DER THAL, LHA YIN TSAD LA BDUD RTZI DANG YI DVAGS YIN TSAD LA RNAG DNGOS GNAS PA 'BYUNG MI DGOS LA, DE 'DRA'I LAS CAN LA YANG LONGS SPYOD DU DBANG BA GCIG BYUNG BA NA 'BYUNG GI DE'I SNGON DU MA YIN PAR SHIN TU GSAL PA'I PHYIR, STONG THUN LAS, RLAN ZHING GSHER BA PHOR GANG LA BLTAS PA NA BDUD RTZI'I SNANG PA 'CHAR BA LHA 'GA' ZHIG LA YIN GYI THAMS CAD LA SNANG BA DE 'CHAR BAS MA KHYAB LA, RNAG KHRAG TU SNANG BA'ANG YI DVAGS THAMS CAD LA MA YIN NO, ,ZHES GSUNGS PA'I PHYIR, RTZA BAR 'DOD MI NUS TE, DE 'DRA'I LAS CAN GYI YI DVAGS LTO BA RI TZAM PA'I CHEN PO GANG G'A'I DKYIL DU ZHUGS NAS GANG G'A'I SKED KYI CHU KUN LA LONGS SPYOD CING, LHA MI SOGS 'GRO BA GZHAN MTHA' DER MED TSE 'OG DANG GONG GI KLUNG CHU YIN KYANG YI DVAGS DE'I GANG THOB KYI SKED KYI CHA RNAG TU SKYES PA GCIG YOD PA'I PHYIR, DER THAL, DE 'DRA'I YI DVAGS DE KHO NAS BDAG THOB CING LONGS SPYOD PA GCIG YOD PA'I PHYIR, RTAGS GRUB CING KHYAB PA YANG YOD DE, DPER NA DE 'DRA'I LHA KHO NAS BDAG THOB CING DE LTAR SPYOD PA'I BDUD RTZIS DE LTAR KHYAB YOD PA'I ZHIB CHA 'DI 'BYED DGOS PA'I PHYIR, STONG THUN LAS, DE YANG RLAN ZHING GSHER BA PHOR BA GANG PO DE NYID MI DANG YI DVAGS LHA GSUM GYIS THUN MONG DU BLTAS PA'I TSE NA GSUM GA'I BLTA

341b

BYA THUN MONG BAR SONG BA'I DBANG GIS CHA SHAS GSUM LDAN DU SKYES PA YIN GYI, DE NAS SNOD DE YI DVAGS KYIS LAG DU BLANGS NAS 'THUNG BAR BRTZAMS PA NA, YI DVAGS KYI KHAR SLEB NAS CHA THAMS CAD RNAG KHRAG KHO NAR SKYES TE, YI DVAGS KHO NA'I SPYOD YUL DU GYUR PA'I PHYIR RO, ,TSUL DES GZHAN GNYIS LA'ANG 'DRA'O, ,ZHES GSUNGS PA'I PHYIR, GSUNG 'DIS KHYAB PA BCAD TSUL DE SHES DGOS SO, ,YANG DUS 'KHOR DANG MNGON PA GANG RUNG RE LA CUNG ZAD SBYANGS NAS ZHEN PA'I BOD 'GA' ZHIG NA RE, DUS 'KHOR DANG MNGON PA MDZOD GANG RUNG GCIG KHAS BLANGS LA CIG SHOS DRANG DON DU RIGS PAR THAL, DUS 'KHOR GYIS LHUN PO ZLUM PO YIN PAR BSHAD, MDZOD KYIS LHUN PO GRU BZHI YIN PAR BSHAD PA'I PHYIR; DER THAL, DE GNYIS KYI BSHAD TSUL GCIG YOD PA'I PHYIR NA MA KHYAB, 'O NA 'JIG RTEN GYI KHAMS KYI LHUN PO YIN NA DUS 'KHOR LUGS LA ZLUM PO DANG MDZOD KYI LUGS LA GRU BZHIS KHYAB PAR THAL LO, ,KHYOD KYI BSHAD TSUL GNYIS 'THAD PA'I PHYIR, DE LA 'DOD MKHAN MI SRID LA MI MJED 'JIG RTEN KHAMS KYI LHUN PO GZHIR BZHAG ZER NA YANG, 'O NA DUS 'KHOR GYIS MI MJED 'JIG RTEN 'DI'I GLING BZHI'I DBUS KYI LHUN PO LA DBYIBS ZLUM PO DANG DPANGS 'BUM PHRAG GCIG KHO NA YIN NO ZHES BSHAD PAR THAL, KHYOD KYI DUS 'KHOR DANG MDZOD KYIS BSHAD TSUL 'THAD PA'I PHYIR, RTAGS KHAS, 'DOD MI RIGS PAR THAL, DUS 'KHOR GYIS SEMS CAN GYI MOS PA DANG, BSAM DBANG GIS STON

342a

, ,PAS KYANG 'JIG RTEN GYI KHAMS 'DI'I DBYIBS TSAD SNA TSOGS GSUNGS SHING, GSUNGS PA LTAR GRUB CING SEMS CAN SO SO'I MNGON SUM TSAD MA LA RAB TU SNANG BAR BSHAD PA GANG ZHIG ,RGYU MTSAN DE'I PHYIR, DON DAM PAR TE DNGOS PO'I GNAS TSOD LA MI MJED 'JIG RTEN GYI KHAMS GCIG PU LA YANG TSAD 'BUM LTA BU GCIG DANG DBYIBS ZLUM PO LTA BU GCIG KHO NAR GZHAL DU MED PA SEMS CAN GYI LAS RIGS SNOD BCUD 'GRUB BYED LA RIGS GCIG KHO NAR MA NGES PA'I DBANG GIS SO ZHES BSHAD PA'I PHYIR, DANG PO GRUB STE, 'GREL CHEN DRI MED 'OD LAS, 'DIR 'JIG RTEN KUN RDZOB TU MOS PA SNA TSOGS PA'I SEMS CAN GYI BSAM PA'I DBANG GIS 'JIG RTEN GYI KHAMS KYI TSAD SEMS CAN RNAMS LA GSUNGS SHING RAB TU SNANG NGO, ,ZHES GSUNGS PA'I PHYIR DANG, PHAL PO CHE DANG DRAN PA NYER BZHAG DANG MNGON PA GONG 'OG LAS RI SOGS MI 'DRA BA RE GSUNGS PA'I PHYIR, tIKA CHEN DE NYID SNANG BAR SHES PAR BYA'O; ;RTAGS GNYIS PA GRUB STE, CHA CAN LHUN PO GCIG GI GO SAR DE'I CHA LAS GRUB PA'I LHUN PO THA DAD PA GNYIS YOD PA'I DPE DGRA BCOM PA DANG BYANG SEMS DBANG THOB PAS PHUG PA KHRU LNGA'I NANG DU 'KHOR BSGYUR YAN LAG BZHI'I DPUNG DANG BCAS PA DOG PA MED CING SHONG BA DANG PHUG PA YANG CHER SKYED MI DGOS PA BZHIN YIN TSUL DPE DANG BCAS TE BSHAD PA'I PHYIR, 'GREL CHEN LAS, DON DAM PAR NI 'JIG RTEN GYI KHAMS LA TSAD GZHAL DU MED DE, NAS

342b

PHUG DER ZHUGS PA'I 'KHOR LO SGYUR PA'I SDE YANG DOG PA NYID MA YIN NO, ,DON DAM PAR 'JIG RTEN KHAMS KYI TSAD KYANG DE BZHIN DU RIG PAR BYA'O, ,ZHES GSUNGS PA'I PHYIR, DES NA MNGON PA MDZOD KYI BYE SMRA'I LUGS LA LHUN PO GNYIS DE LTAR MI RUNG YANG THEG CHEN SKABS DUS 'KHOR LUGS LA LHUN PO GNYIS DE LTAR MI 'DOD PA NI DPE DON GSAL BAR BSHAD PA DANG DNGOS 'GAL DU SHES PAR GYIS, DE LA KHO NA RE, DUS 'KHOR GYI DPE DE 'JIG RTEN THA SNYAD LA BCUG NA 'JIG RTEN GYI THA SNYAD 'JIG PAR THAL, DE 'DRA'I DGRA BCOM PA DANG BYANG SEMS DBANG THOB PA'I NUS PA DE BSAM MI KHYAB YIN PA'I PHYIR NA MA KHYAB STE, 'JIG RTEN GYI SNOD BCUD KYI SKYE GNAS 'JIG GSUM BYED PA'I LAS KYI NUS PA DANG, DE 'DRA'I TING NGE 'DZIN GYI NUS PA GNYIS BSAM GYIS MI KHYAB CING 'JIG RTEN GYI THA SNYAD LA YONGS SU GRAGS PA GNYIS KA YIN PA'I PHYIR, DER THAL, KHYOD DE 'DRA'I KUN RDZOB BDEN PA YIN PA'I PHYIR, BYAS PA LA KHO NA RE, 'O NA, DE 'DRA'I BSAM MI KHYAB DE 'JIG RTEN GYI THA SNYAD LA BCUG NA 'GAL TSUL GCIG MED PAR THAL, DE 'DRA'I DPE SHONGS TSUL 'JIG RTEN GYI RI GLING THA DAD PA GNAS PA'I DPE LA MI 'GAL BA'I PHYIR NA MA KHYAB, 'DOD MI NUS TE, DE 'DRA'I TING 'DZIN BSAM MI KHYAB DE BSAM MI KHYAB GCIG GI DPER 'JIG RTEN THA SNYAD LA YANG MI 'GAL KYANG, DNGOS PO GANG LA'ANG CHAD 'DI TZAM DANG YUN 'DI TZAM ZHES GCIG LA YANG NGES BZUNG MI RUNG BA'I SGRUB BYED DU BSAM MI KHYAB DE 'DRA 'GOD NA 'JIG RTEN GYI THA SNYAD THAMS CAD

343a

, ,'JIG PA YIN PA'I PHYIR TE, DPER NA PHAR PHYIN 'GREL BSHAD TSIG GSAL LA BRTEN NAS BOD SNGA MA MANG POS SKAD CIG SBYOR GYI SKAD CIG MA'I YUN TSAD NGES PA MED DE, BSKAL BA SKAD CIG TU BYIN GYIS RLOBS PA DANG SKAD CIG BSKAL PAR SANGS RGYAS KYI BYIN GYIS RLOBS THUB PA'I PHYIR, ZHES PA LTA BU GTAN NAS MI RUNG BA'I PHYIR, JI SKAD DU GSER PHRENG LAS, SKAD CIG MA'I TSAD JI TZAM ZHE NA, TSIG GSAL DU, ZHES PA NAS, DPANG THOB PA RNAMS KYIS SKAD CIG KYANG BSKAL BAR BYIN GYIS RLOBS NUS PA'I PHYIR RO, ,ZHES DANG, DE 'GOG PA LA, GSER PHRENG LAS, DBANG THOB PA RNAMS KYIS SKAD CIG BSKAL PAR BYIN GYIS RLOBS NUS PAS 'GAL BA MED PAR YANG SMRA MI NUS TE, DBANG THOB PA'I RNAM BZHAG BYAD NA RNAM BZHAG THAMS CAD 'JIG PAR 'GYUR BAS SO, ,ZHES GSUNGS PA'I PHYIR, DE LTA MA YIN NA BSAM MI KHYAB GCIG KYANG KHAS LEN MI RIGS PAR THAL, DE 'JIG RTEN GYI THA SNYAD DU 'JOG TSE LANG KHAS LEN MI RIGS LA DON DAM PAR DE BAS KYANG MI RIGS PA'I PHYIR, RIGS PA BZHI YANG MI RUNG BAR THAL, CHOS NYID KYI RIGS PAS BSAM MI KHYAB RNAMS GRUB PA MA YIN PA'I PHYIR SOGS SPROS PAS TSOG GO ,YANG KHO NA RE; YI DVAGS 'GA' ZHIG GIS BLTAS TSE CHU KLUNG SKAM PAR THAL, BSHES SPRINGS LAS, BLTAS PA TZAM GYIS KLUNG YANG SKAM PAR 'GYUR, ,ZHES GSUNGS PA'I PHYIR NA MA KHYAB STE, CHU KLUNG MA MTHONG BAR GRAM PA MTHONG NAS MED

343b

PAR 'DZIN PA LA DGONGS PA'I PHYIR, 'O NA DE'I MIG SHES TSAD MA MA YIN PAR THAL, DE'I MIG SHES LA CHU KLUNG MED PAR SNANG BA'I PHYIR, DER THAL, DE'I MIG SHES LA CHU KLUNG MED PAR GRAM PA SNANG BA'I PHYIR NA MA KHYAB STE, DE'I MIG SHES DE TSAD MA DANG MIG SHES DES MA MTHONG BA'I CHU MED PAR 'DZIN PA'I RTOG PA LOG SHES YIN PA'I KHYAD PAR 'THAD PA'I PHYIR, MA KHYAB MTSAMS LA KHO RANG LA, 'O NA BLTA BYA THUN MONG BRLAN GSHER PHOR GANG LA LHA MI YI DVAGS GSUM 'DUS NAS BLTAS PA'I TSE MI'I MIG SHES KYANG TSAD MA MA YIN PAR THAL, DE'I TSE MI DE'I MIG SHES KYIS LHA DANG YI DVAGS GNYIS KYI GZUGS MED PAR MTHONG BA'I PHYIR, KHYAB PA SONG, DER THAL, DE'I TSE MI DE'I MIG SHES LA LHA DANG YI DVAGS KYI GZUGS MED PAR DE GNYIS KYI 'OG GZHI'I SA SNANG BA'I PHYIR, KHYAB PA 'GRIGS, 'KHOR GSUM KHAS, YANG KHO NA RE, YI DVAGS DES CHU KLUNG MA MTHONG BAR THAL, DE LA SKAM PAR SNANG BA'I PHYIR, DER THAL, BLTAS PA TZAM GYIS ZHES GSUNGS PA'I PHYIR NA MA KHYAB STE, BTUNG NAS BLTAS PA TZAM GYIS DON YIN PA'I PHYIR, RTZA BAR 'DOD MI NUS TE, DES CHU KLUNG MTHONG NAS DER RGYUGS PA SOGS BYAS PA'I PHYIR, SLOB SPRINGS LAS, MI BZAD SKOM PAS RGYANGS NAS CHU KLUNG DRI MED PA, ,MTHONG NAS BTUNG BAR 'DOD DE SONG NAS DE NYID KYANG, ,SKRA SHAD, CES SOGS KYIS LA LAR SKRA SHAD DANG RNAG SOGS DANG ME SOGS DANG SKAM PAR 'GYUR TSUL SOGS BSHAD PA'I PHYIR, YANG KHO NA RE, NGAN SONG

344a

, ,GSUM GYI YI DVAGS KHA ME 'BAR BAS 'TSIG PA DANG, DMYAL BAR MES SREGS PA RNAMS DON DNGOS GNAS LA MA GRUB KYANG SDIG SEMS KYI SNANG BA TZAM YIN PAR THAL, SPYOD 'JUG LAS, SEMS CAN DMYAL BA'I MTSON CHA RNAMS, ,SU ZHIG GIS NI CHED DU BYAS, ,LCAGS BSREGS SA GZHI SU YIS BYAS, ME TSOGS DE DAG CI LAS BYUNG, ,DE 'DRA DE DAG THAMS CAD NI, ,SDIG SEMS 'BYUNG BAR THUB PAS GSUNGS, ,ZHES GSUNGS PA'I PHYIR NA 'GAL KHYAB YIN TE, MU STEGS PAS 'DOD PA'I DBANG PHYUG SOGS BYED PA PO MIN PA NI SU ZHIG GIS ZHES DANG, SUS BYAS ZHES PA'I DON YIN LA, 'O NA DE BYED PA PO DE GANG YIN ZHE NA RANG GI TSE SNGON GYI SEMS BYED PA PO DANG, SEMS DE LAS BYUNG BAR BSHAD PA'I PHYIR, 'DOD NA, DE'I MES BSREGS PA DE GANG ZAG DE DAG LAS 'PHAGS PA DAG GIS MI GZIGS PAR THAL BA DANG, CHOS BYED PA DANG, SDIG PA BYED PA'I BZANG NGAN GYI KHYAD PAR MED PAR THAL PA DANG, NGAN SONG GSUM GZHI MA GRUB PAR THAL LO, ,'DOD PA DE'I PHYIR, 'DOD MI NUS TE, SA'I DNGOS GZHI LAS, NYI TSE BA'I SEMS CAN DMYAL BA DE DAG KHA CIG NI MI RNAMS KYI NANG NA YANG DMIGS TE, GNAS BRTAN MO'U GAL GYI BUS JI SKAD DU, NGAS SEMS CAN 'BAR ZHING RAB TU 'BAR LA, KUN TU MCHED CING RAB TU 'BAR TE ME LCE GCIG TU GYUR PA MTHONG NGO ZHES BYA BA LA SOGS PA GSUNGS PA LTA BU'O, ,ZHES DANG, BRLAB BTUS SU LUNG DRANGS PA LAS, DGE 'DUN

344b

SRUNG, KHYOD KYIS SEMS CAN SHING LTA BU DANG, LO MA LTA BU DANG; 'BRU LTA BU GANG DAG MTHONG BA DE DAG KYANG SNGON DGE SLONG YIN TE, DE DAG GIS DGE 'DUN GYI SHING DANG LO MA DANG ME TOG DANG 'BRAS BU GANG ZAG GIR YONGS SU SPYAD PAS NA DE'I PHYIR SHING DANG LO MA DANG, ME TOG DANG 'BRAS BU LTA BUR ZHES GSUNGS PA'I PHYIR, 'DIS NI SPYOD 'JUG GI DGONGS PA GSAL BAR BSHAD LA, 'DI 'DRA'I LUNG SHIN TU MANG LA DBU SEMS SU YANG DE LTAR MI 'DOD PAR SHES PAR BYA'O, ,YANG KHO NA RE, SEMS CAN GCIG GI LAS DBANG GIS CHU KLUNG GI SKED KYI CHA RNAG TU BYED THUB PA GCIG MI SRID PAR THAL, SEMS CAN GZHAN GYI LAS KYI 'BRAS BU SEMS CAN GCIG GI LAS KYI MTHUS BZLOG PA MED BA'I PHYIR ZER NA, RTAGS MA GRUB PA YIN PAR THAL, PHA ROL GYI DBANG GI 'BRAS BU YOD PA'I PHYIR, KHYAB CING, RTAGS GRUB STE, SANGS RGYAS DANG BYANG SEMS MTHO BA DANG 'KHOR SGYUR GYI DBANG GI 'BRAS BUS SEMS CAN GZHAN GYI LAS NGAN PA'I 'BRAS BU RIMS SOGS MI 'BYUNG BA GANG ZHIG ,'KHOR SGYUR MTHUS RIN CHEN SNA BDUN DANG, NOR BU'I MTHUS GRANG TSE DRO BA DANG TSA BAS GDUNGS TSE BSIL BA DANG DPAG TSAD BRGYA'I BAR 'OD KYIS KHYAB CING, DE TSUN CHAD DU NAD RIMS DUS MIN 'CHI BA SOGS MI 'BYUNG LA GANG BSAM 'GRUB PA DE YIN PA'I PHYIR, RTAGS DANG PO GRUB STE, RNAL 'BYOR SPYOD PA'I SA LAS, PHA ROL GYI DBANG GI 'BRAS BU TSE 'DI LA MYONG BAR 'GYUR BA YANG YOD DE, 'DI LTAR

345a

, ,GNAS GANG NA DE BZHIN GSHEGS PA BZHUGS PA DER YAMS GYI NAD RNAMS DANG, GNOD PA RNAMS DANG 'GO BA'I NAD RNAMS MI 'BYUNG STE, NAS, SANGS RGYAS JI LTA BA BZHIN DU 'KHOR LOS SGYUR BA DANG, BYAMS PA LA GNAS PA'I BYANG CHUB SEMS DPA' RNAMS KYANG DE DANG 'DRA'O, ,ZHES GSUNGS PA'I PHYIR, RTAGS GNYIS PA GRUB STE, CHOS KUN TU 'GRO BA LAS, 'KHOR LOS SGYUR BA'I DGE BA BCU'I LAS KYI LAM GYI SDOM PA'I RKYEN GYIS RIN PO CHE SNA BDUN DANG 'BRAS SA BON MA BTAB MA RMOS PAR 'BYUNG YANG, ZHES DANG, NOR BU RIN PO CHE NI ZUR BRGYAD PA MKHAN BZOS MA BYAS PA, 'OD PHUN SUM TSOGS PA, ME DANG NYI MA'I 'OD ZIL GYIS GNON PA, GAR DGA' MGUR 'GRO BA PHUN SUM TSOGS PA, 'DOD DGU PHUN SUM TSOGS PA SBYIN PA, BSAM PA THAMS CAD YONGS SU RDZOGS PAR BYED PA STE ZHES GSUNGS PA'I PHYIR, SMRAS PA, RIGS DRUG SO SO'I LAS DANG SPYI MTHUN GYI, , LAS KYI RNAM SMIN BDAG 'BRAS MI PHYED DANG, ,PHYOGS 'DRA PHYED KYANG MI YI BLO KHO NA, ,TSAD MAR SMRA SOGS THUB PA'I LUGS MIN BLUN, ,SHES BYA MING GI RI MO TZAM LAS GZHAN, ,MED KYANG RIGS DRUG TSAD MAS GRUB PA'I YUL, ,SPYI DANG BYE BRAG LAS 'BRAS SGRO SKUR BRAL, ,MA 'DRES MKHYEN DE DBU MA'I LUGS CHES MKHAS, ,GANGS LJONGS SNGON GYI CHES RGAN AA SU RAS, ,MA THOB MA MYONG ZAB MO AA MRi TA'I, BUM BZANG LA SPYOD MKHAS GRUB BYE BA BRGYAS, ,MTHA' GNYIS

345b

CHU BOR MA SPYAD RNAM SAD RMAD, ,CES PA'ANG BAR SKABS KYI TSIGS SU BCAD PA'O,, ,,GNYIS PA GZHAN DBANG RANG MTSAN GYIS GRUB PA'I SGRUB BYED DGAG PA LA DE'I SGRUB BYED RANG RIG DGAG PA DANG, SEMS TZAM PA'I LUGS BDEN GNYIS LAS NYAMS PAR BSTAN PA DANG, DES NA KLU SGRUB KYI LUGS KHO NA'I RJES SU 'BRANG BAR RIGS PA DANG, GZHAN DBANG RANG MTSAN GYIS GRUB PA BKAG PA DANG 'JIG RTEN PA'I LUGS BKAG PA GNYIS MI MTSUNGS BAR BSTAN PA BZHI, DANG PO 'CHAD PAR, RTZA BAR, GAL TE GZUNG MED 'DZIN PA NYID BRAL ZHING, ,NAS, GZHAN LA MO GSHAM BUS GNOD CI ZHIG BSKYAL, ,ZHES PA RTZA 'GREL BYUNG, GNYIS PA NI, RTZA BAR, GANG TSE GZHAN DBANG CUNG ZAD YOD MIN NA, ,NAS, 'JIG RTEN GRAGS PA'I RNAM BZHAG KUN KYANG BRLAG ,CES PA RTZA 'GREL BYUNG, GSUM PA NI, RTZA BAR, SLOB DPON KLU SGRUB ZHABS KYI LAM LAS NI, ,NAS, DE NI RNAM RTOG LOG PA'I LAM NGAN ZHUGS, ,ZHES PA RTZA 'GREL BYUNG, BZHI PA NI, RTZA BAR, JI LTAR KHYOD KYIS GZHAN DBANG DNGOS 'DOD LTAR, ,NAS, PHYI NAS STOBS LDAN BDAG GIS BSTEN PAR BYA, ZHES PA RTZA 'GREL BYUNG, GAL TE GZUNG MED CES SOGS KYI MTHA' DPYAD PA LA RANG RIG DGAG PA DANG, THAL 'GYUR PA'I TSAD MA'I LUGS GNYIS, DANG PO LA RANG RIG GI 'DOD TSUL LA DANG, SKABS 'DI'I 'DOD MKHAN LA DANG, RANG 'GREL GYI TSIG LA DOGS PA GCOD PA DANG, THAL 'GYUR BA DANG GZHAN GYI DRAN PA'I KHYAD BAR LA DPYAD PA BZHI

346a

, ,LAS; DANG PO LA KHA CIG NA RE, CHAGS SOGS RANG RIG YIN ZER BA MI 'THAD PAR THAL, RANG RIG 'JOG NA RTOG BRAL GCIG LA 'JOG DGOS PA'I PHYIR, SGRUB BYED SOGS GZHAN DU BSHAD ZIN TO, ,GNYIS PA SKABS 'DI'I RANG RIG 'GOG YUL GYI GTZO BO LA MDO SDE PA DAD SEMS TZAM PA GNYIS 'JOG ZER NA, 'O NA MDO SDE PA YIN NA RANG RIG 'DOD PAS KHYAB PAR THAL, MDO SDE PA DE SKABS 'DI'I DE'I GTZO BO YIN PA'I PHYIR, RTAGS KHAS, KHYAB CING, 'DOD MI NUS TE, MNGON PA MDZOD LTAR 'DOD PA'I LUNG GI RJES 'BRANG GI MDO SDE PAS RANG RIG 'DOD PAR 'GREL PA 'GREL BSHAD SUS KYANG MA BSHAD PA'I PHYIR, GZHAN YANG, RTZA BAR, GAL TE GZUNG MED 'DZIN PA NYID BRAL ZHING, ,ZHES SOGS TSIGS BCAD GCIG GIS DRI BA DANG DGAG PA MDZAD YUL GYI GTZO BO LA SEMS TZAM PA GCIG MI DGOS PAR THAL, DE LA MDO SEMS GNYIS YOD PA'I PHYIR, RTAGS KHAS, 'DOD NA, DE LA GZUNG 'DZIN RDZAS GZHAN DU MED PA'I SHES PA BDEN GRUB 'DOD MKHAN GCIG MI DGOS PAR THAL, ,'DOD PA'I PHYIR, 'DOD NA, RTZA BAR, GNYIS KYIS STONG PA'I GZHAN DBANG DNGOS YOD NA, ,'DI YI YOD PA GANG GIS SHES PAR 'GYUR, , ZHES DANG, DE'I RANG 'GREL LAS, GAL TE GZUNG BA DANG 'DZIN PA ZHES BYA BA GNYIS KYIS STONG PA'I GZHAN GYI DBANG YOD NA, DE YOD PA DE KHYOD KYIS SHES PA GANG GIS DMIGS, DE NYID KYIS DE 'DZIN PA MI 'THAD DE, RANG GI BDAG NYID

346b

LA BYED PA 'GAL BA'I PHYIR RO, ,ZHES GSUNGS PA MI 'THAD PAR THAL LO, ,BYAS PA LA KHO NA RE, SKABS 'DI'I RANG RIG DGAG YUL LA MDO SDE PA GCIG MED PAR THAL, SKABS 'DI'I GTZO BOR DE MED PA'I PHYIR NA MA KHYAB, YANG KHO NA RE, SKABS 'DI'I GTZO BOR RANG RIG DGAG YUL LA MDO SDE PA GCIG 'JOG PAR THAL, SKABS 'DI'I RANG RIG SGRUB BYED KYI GTZO BO DE MDO SDE PA'I RIGS PA YIN PA'I PHYIR NA MA KHYAB STE, MDO SDE PA'I RANG RIG GI SGRUB BYED DE SEMS TZAM PA KHA CIG GIS KYANG KHAS BLANGS NAS SGRUB BYED DE 'GOD PA YIN PA'I PHYIR, RANG 'GREL LAS, 'DIR KHA CIG GIS MDO SDE PA'I PHYOGS KHAS BLANGS NAS RANG RIG PA RAB TU SGRUB PA'I PHYIR, ZHES DANG, RNAM BSHAD LAS KYANG, 'DIR KHA CIG GIS TE SEMS TZAM PAS MDO SDE PA'I PHYOGS KHAS BLANGS NAS RANG RIG SGRUB PA'I PHYIR, ZHES GSUNGS PA'I PHYIR, BYAS PA LA KHO NA RE, 'O NA SEMS TZAM PA DE SKABS 'DI'I RANG RIG SGRUB MKHAN DANG 'DOD MKHAN YIN PAR THAL, RANG 'GREL DANG RNAM BSHAD KYI LUNG DON GRUB PA'I PHYIR NA MA KHYAB SNYAM, 'DOD MI NUS TE, SLOB DPON THOGS MED KYIS SDE'I RJES 'BRANG GI SEMS TZAM PAS RANG RIG MI 'DOD PA'I PHYIR, DER THAL, SA SDE LAS RANG RIG MA BSHAD CING MNGON SUM TSAD MA LA DBANG MNGON YID MNGON RNAL 'BYOR MNGON SUM GSUM DANG, YANG DBANG MNGON YID MNGON 'JIG RTEN GYI MNGON SUM DANG, DAG PA'I MNGON SUM BZHIR NGES PA'I PHYIR, RNAL 'BYOR SPYOD PA'I SA LAS, MNGON SUM NI BZHI

347a

, ,STE; DBANG PO GZUGS CAN GYI MNGON SUM DANG YID KYI MNGON SUM DANG, 'JIG RTEN PA'I MNGON SUM DANG, DAG PA'I MNGON SUM MO, ,ZHES GSUNGS PA'I PHYIR, MA KHYAB NA KHYAB PAR THAL, DBANG MNGON YID MNGON GNYIS KA 'JIG RTEN PA'I MNGON SUM YIN LA, 'JIG RTEN BA'I DE DANG DE MA YIN PA'I 'PHAGS RGYUD KYI RNAL 'BYOR MNGON SUM NI DAG PA'I MNGON SUM YIN PA'I PHYIR, RTAGS ZUR DANG PO GRUB STE, RNAL 'BYOR SPYOD PA'I SA'I RIG PA'I GNAS LNGA BSHAD PA'I SKABS SU DE NYID LAS, DBANG PO GZUGS CAN GYI MNGON SUM GANG ZHE NA, JI SKAD BSTAN PA'I MNGON SUM GYI MTSAN NYID KYI DBANG PO GZUGS CAN LNGA PO RNAMS KYI SPYOD YUL TE YUL GANG YIN PA'O, ,YID KYI MNGON SUM GANG ZHE NA; JI SKAD BSTAN PA'I MNGON SUM GYI MTSAN NYID KYI YID KYI SPYOD YUL TE YUL GANG YIN PA'O, ,'JIG RTEN PA'I MNGON SUM GANG ZHE NA, DE GNYIS GCIG TU BSDUS PA NI 'JIG RTEN GYI MNGON SUM ZHES BYA'O, ,ZHES GSUNGS PA'I PHYIR, RTAGS ZUR GNYIS PA GRUB STE, DE NYID LAS, 'JIG RTEN PA'I MNGON SUM GANG YIN PA NI DAG PA'I MNGON SUM YANG DE YIN NO, ,DAG PA'I MNGON SUM YIN LA 'JIG RTEN PA'I MNGON SUM MIN PA YANG YOD DE, 'JIG RTEN LAS 'DAS PA'I YE SHES KYI SPYOD YUL GANG YIN PA STE, ZHES PA NAS, 'DI NI MNGON SUM GYI TSAD MA ZHES BYA'O, ,ZHES GSUNGS PA'I PHYIR, DE BZHIN DU DBYIG GNYEN GYI GZHUNG NA'ANG RANG RIG DNGOS SU BSHAD PA MI SNANG BA'I PHYIR RO, ,YANG RANG 'GREL LAS

347b

RNAM PAR SHES PA AUTPA LA'I 'DAB MA BRGYA 'BIGS PA LTAR RIM GYIS 'BYUNG BA RNAMS 'JUG PA MYUR BAS CIG CAR DU 'JUG PA LTA BUR MNGON PA YIN NO, ,ZHES PA'I DON LA RNAM SHES DANG 'DOD MKHAN GANG YIN LA 'DOD PA MTHA' MCHOD PA'I SNA TSOGS SNANG STE, PHAL CHER GYIS LOG PAR BSHAD LA RNAM BSHAD KYI RJES 'JUG SNGON CHAD KYI MTHA' DPYOD RNAMS KYIS KYANG SOM NYI DANG 'DI SKOR LA CI YANG MI SMRA BAR SMAD 'KHYER SMRA BA MTHONG BA'I PHYIR RO, ,DE YANG 'GREL BSHAD MKHAN PO NA RE; GAR MKHAN GYI KHANG BAR ZHUGS PA NA GAR GYI GZUGS SGRA SOGS YUL LNGA 'DZIN PA'I RNAM SHES LNGA CIG CAR DU MI SKYE 'AM ZHES DRIS PA'I LAN DU, RANG RIG SGRUB PA'I MDO SEMS GNYIS NA RE, YUL LNGA 'DZIN PA'I RNAM SHES RNAMS RIM GYIS SKYE YANG 'JUG PA MYUR BAS CIG CAR SKYE BAR MNGON NO, ,ZHES SMRA BA STE, RANG 'GREL LAS, SEMS CAN RNAMS RNAM PAR SHES PA'I RGYUD GCIG YIN PA'I PHYIR RO, ,RNAM PAR SHES PA AUTPA LA'I ZHES SOGS KYI DON DU 'DOD DO, ,'DI SHIN TU 'KHRUL BA RAGS PA YIN PAR THAL, RANG RIG 'DIR SGRUB PA'I MDO SEMS DE GNYIS KYIS RNAM SHES RIGS MI MTHUN PA DU MA CIG CAR SKYE BAR 'DOD PA GANG ZHIG ,RNAM SHES RIGS MTHUN DU MA SEMS CAN GCIG GI RGYUD LA DUS GCIG TU MI SKYE BAR 'DOD PA'I PHYIR, DANG PO GRUB STE, RIGS MI MTHUN GYI MIG DANG RNA BA'I RNAM SHES GNYIS LTA BU DU MA CIG CAR SKYE YANG DE'I 'JUG THOGS SU YID KYI RNAM SHES GCIG LAS MI 'BYUNG ZHES BSHAD PA'I PHYIR, DER THAL,

348a

, ,DE'I RGYU MTSAN RNAM SHES RIGS MI MTHUN DU MA SKYES KYANG SEMS SHIN TU GSAL BA GCIG GIS GZHAN GYI NUS PA BCOM PA'I RGYU MTSAN GYIS YIN ZHES BSHAD PA'I PHYIR, RNAM 'GREL LAS, CIG CAR RIGS MI MTHUN SKYE YANG, ,SHIN TU GSAL PA'I SEMS GCIG GIS, ,NUS PA NYAMS PAR BYAS PA'I PHYIR, ,KUN GZHI LAS GZHAN 'BYUNG BA MIN, ,ZHES DANG, RNAM BSHAD LAS, RIGS MI MTHUN GYI RNAM SHES CIG CAR DU MI SKYE BA LA 'DOD PA GTAN MA YIN PA'I PHYIR RO, ,ZHES GSUNGS PA'I PHYIR, RTAGS GNYIS PA GRUB STE, DE GNYIS KYIS, MDO LAS, SEMS CAN RNAMS NI RNAM PAR SHES PA'I RGYUD RE RE BA'O, ,ZHES PA'I DON RNAM SHES RIGS MTHUN LA BYED PA YIN PA'I PHYIR, RNAM 'GREL LAS, DE RNAMS RIGS MTHUN PA NYID LAS, ,NUS PA NGES PAR GYUR BA YIN, ,'DI LTAR RNAM PAR RTOG PA RNAMS, ,RIM GYIS 'BYUNG BAR YANG DAG RTOGS, ,ZHES GSUNGS PA'I PHYIR, KHYAB STE, DE RNAMS RIGS MTHUN PA ZHES DMIGS GYIS BSAL BA'I PHYIR RO SOGS SKYON MANG NGO, ,YANG BOD DBU TSAD PA MANG PO ZHIG NA RE, ZA 'OG LTA BU'I KHRA BO LA LTA BA'I DKAR DMAR SOGS 'DZIN PA'I SHES PA DU MA CIG CAR SKYE BA MIN NAM ZHES PA'I LAN DU, SHES PA DE RNAMS RIM GYIS 'BYUNG YANG CIG CAR SKYE BAR SNANG NGO ZHES ZER, 'O NA, MDO LAS, RNAM PAR SHES PA'I RGYUD RE RE BA'O, ,ZHES GSUNGS PA RNAM SHES RIGS MTHUN LA MI SBYOR BAR SHES PA TZAM LA SBYOR BAR THAL, KHYOD KYIS 'CHANG TSUL 'THAD PA'I PHYIR, 'DOD NA,

348b

YUL GCIG 'DZIN PA LA YANG SEMS BYUNG KUN 'GRO LNGA DANG GTZO BO SEMS GCIG RNAMS KYIS MTSUNGS LDAN DU MI 'DZIN PAR THAL, DKAR PO SOGS 'DZIN PA'I SHES PA DU MA DUS GCIG TU MI SKYE BA'I PHYIR, RTAGS KHAS, 'KHOR GSUM, GZHAN YANG RNAM SHES GCIG GIS DU MA YANG MI 'DZIN PAR THAL PA DANG, KHRA 'DZIN MIG SHES MED PAR THAL BA SOGS GNOD BYED DU MA 'JUG PAR THAL, DAM BCA' DE'I PHYIR, RNAM BSHAD LAS, BOD MANG POS, NAS, KHRA BO 'DZIN PA'I MIG SHES KYANG MA RTOGS PAR SNANG NGO, ,ZHES GSUNGS PA'I PHYIR, GSUNG 'DI'I DON LA RANG GZHAN KHA CIG NA RE, KHRA 'DZIN MIG SHES KHAS LEN MKHAN YIN NA ZA 'OG GI DKAR PO DANG, SNGON PO SOGS TSOGS PA'I KHRA BO 'DZIN PAS KHYAB PA DANG, KHRA BO'I DKAR SNGON GNYIS 'DZIN PA'I RNAM SHES GCIG PAR 'DOD PAS KHYAB PAR THAL, RNAM BSHAD LAS, MIG GI RNAM SHES GCIG GIS KHA DOG MI 'DRA BA DU MA 'DZIN PA YANG MA SHES PAR KHRA BO 'DZIN PA'I MIG SHES KYANG MA RTOGS PAR SNANG ZHES GSUNGS PA'I PHYIR NA MA KHYAB STE, RNAM 'GREL DANG SKABS 'DI'I RANG LUGS LA DE LTAR KHAS LEN MI RUNG BAR BSTAN PA YIN LA, RGYA GAR PA KHA CIG GIS KHAS BLANGS PA LA YANG KHRA 'DZIN MIG SHES MED PAR THAL BA BSTAN PA YIN GYI; DE 'DRA'I KHAS LEN MKHAN MED PAR MA BSTAN PA'I PHYIR RO, ,RTZA BAR 'DOD MI NUS TE, DE 'DRA 'DOD PA'I MDO SEMS GNYIS KA YOD PA'I PHYIR, DER THAL, DE 'DRA 'DOD PA'I MDO SEMS GZUNG 'DZIN GRANGS MNYAM PA GNYIS

349a

, ,GNYIS YOD PA'I PHYIR, DER THAL, KHRA BO'I STENG GI SDO DKAR SOGS JI SNYED KYI GRANGS DE SNYED KYI MIG GI RNAM SHES RIGS MTHUN THA DAD PA SKYE BAR 'DOD PA'I GZUNG 'DZIN GRANGS MNYAM GYE MDO SDE BA YOD PA GANG ZHIG ;DE 'DOD PA'I GZUNG 'DZIN GRANGS MNYAM GYI SEMS TZAM PA YANG YOD PA'I PHYIR, RTAGS DANG PO GRUB STE, DUS GCIG LA GZUGS SGRA SOGS YUL LNGA MNGON DU GYUR PA'I TSE DBANG SHES RIGS MI MTHUN LNGA CIG CAR SKYE BA BZHIN DU KHA DOG SNA LNGA'I KHRA BO'I CHA DKAR SNGO SOGS SO SOR 'DZIN PA'I MIG GI RNAM SHES THA DAD PA LNGA SKYE ZHES KHAS LEN PA'I PHYIR, DBU MA RGYAN LAS, RI MO BRKYANGS PA MTHONG BA'I TSE, ,DE LA DE BZHIN SEMS MANG PO, ,CI STE GCIG CHA'I TSUL GYIS SU, ,'BYUNG BAR 'GYUR BAR 'DOD NA KO ,ZHES GSUNGS PA'I PHYIR, KHYAB STE, RI MO NI RI MO CAN NAM KHRA BO LA SKAD DOD GCIG PA YOD PAS KHRA BO YIN ZHING BRKYANGS PA NI BKRAM PA'I MING YIN LA, DE LA DE BZHIN SEMS MANG PO, ,ZHES PAS KHA DOG GI GRANGS BZHIN DU SEMS RIGS MTHUN MANG PO SKYE BA DANG, GCIG CHA'I TSUL ZHES PAS DUS GCIG TU SKYE BAR BSTAN PA'I PHYIR, DER THAL, DE'I RANG 'GREL LAS, GANG DAG RIGS MTHUN PA'I SHES PA RNAMS KYANG RNAM PA'I GRANGS BZHIN DU RI MO BRKYANGS PA LA SOGS PA LA LHAN CIG TU 'BYUNG STE, GZUGS DANG SGRA LA SOGS PA SHES PA'I RIGS MI MTHUN PA BZHIN NO SNYAM DU SEMS PA DE DAG GI LUGS BSTAN PAR BYA'O, ,ZHES DANG, DE'I 'GREL BSHAD LAS

349b

KYANG; GANG DAG CES BYA BA PHYI ROL GYI DON YOD PAR SMRA BA KHA CIG KHO NAS TE, DE DAG GI LUGS SHES PA RNAM PA DANG BCAS PA YIN KYANG RI MO BRKYANGS BA ZHES SOGS GSUNGS PA'I PHYIR, 'DI GTZO BOR MDO SDE PAR BSHAD DGOS LA 'DI 'DRA'I SEMS TZAM PA YANG YOD LA, PHYI ROL PA NI DE LTAR 'DOD MKHAN YOD KYANG 'OG TU DBU MA RGYAN LAS, PHYI GZHUNG RNAMS LA'ANG RNAM SHES NI, ,ZHES SOGS KYIS ZUR DU BKAG PAR 'GRAL PA DANG 'GREL BSHAD GNYIS LAS BSHAD PA'I PHYIR RO, ,GONG GI RTZA RTAGS GNYIS PA DE LTAR 'DOD PA'I GZUNG 'DZIN GRANGS MNYAM GYI SEMS TZAM PA YANG YOD PAR THAL, DE LTAR KHAS LEN PA'I SEMS TZAM PA YOD PAR ZHI 'TSOS PHYOGS SNGAR BKOD PA'I PHYIR, DER THAL, SEMS TZAM PA'I THAD KYI DBU MA RGYAN RANG 'GREL LAS, GANG DAG BDE BA LA SOGS PA LTAR SNGON PO LA SOGS PA'I RNAM PA RNAMS KYANG MYONG BA'I BDAG NYID KHO NA STE, SHES PA DE DAG KYANG MANG LA DE DAG KYANG RIGS MTHUN PA SHA STAG STE, RIGS MI MTHUN PA'I SHES PA BZHIN DU 'BYUNG NGO ZHE NA, ZHES GSUNGS PA'I PHYIR, 'DI SEMS TZAM PA KUN GZHI 'DOD MKHAN PHYI MA ZHIG YIN TE, 'DI LA KHYOD KYI RNAM SHES RIGS MTHUN DU MA DUS GCIG TU 'BYUNG BA NI MDO DAG DANG 'GAL BA YIN ZHES BRTZAD PA'I LAN GYIS SHES PA'I PHYIR, DBU MA RGYAN RANG 'GREL LAS, SMRA BA DE DAG GIS NI GANG SNGA PHYI MED PAR SEMS GNYIS 'BYUNG BA 'DI NI GNAS MA YIN TE, GO SKABS MED DO ZHES BYA BA DANG, DE

350a

, ,BZHIN DU SEMS CAN THAMS CAD NI RNAM PAR SHES PA'I RGYUD GCIG PA'O, ,ZHES BYA BA'I LUNG DANG 'GAL BA BZLOG PAR DGA'O, ,ZHES GSUNGS PA'I PHYIR, DE LA KHO NA RE, LUNG DE GNYIS DANG MI 'GAL BAR THAL, LUNG DE GNYIS NI KUN GZHI'I RNAM SHES GCIG LAS MI 'BYUNG BA LA DGONGS PA'I PHYIR, JI SKAD DU, DBU MA RGYAN RANG 'GREL LAS, RNAM PAR SMIN PA'I RNAM PAR SHES PA'I DBANG DU MDZAD DE DE SKAD GSUNGS PAR 'DOD DO ZHE NA, ZHES GSUNGS PA'I PHYIR, DE LA ZHI 'TSO SOGS NA RE, DE LTA NA'ANG KUN GZHI LUS DANG LONGS SPYOD DANG GNAS SOGS KYI RNAM PAR SNANG BAR BSHAD PAS KUN GZHI YANG DUS GCIG LA DU MAR THAL BA DANG, KHYOD KYI LUNG DON DE YANG MI 'THAD PAR THAL, SNGON GYI SLOB DPON CHOS GRAGS KYIS MDO DE GNYIS KYI DON RIGS MTHUN GYI RNAM SHES GCIG LAS MI 'BYUNG BA LA BSHAD PA'I PHYIR, DBU MA RGYAN RANG 'GREL LAS, GAL TE DE LTAR NA 'DI NI SNGON GYI SLOB DPON GYI TSUL, DE DAG RNAMS LA RIGS MTHUN PA'I, ,RNAM PAR SHES LA NGES PAR 'GYUR, ,'DI LTAR RNAM PAR RTOG PA RNAMS, ,RIM GYIS 'BYUNG BAR YANG DAG RTOGS, ,ZHES BYA BA DANG 'GAL LO, ,ZHES GSUNGS PA'I PHYIR, RNAM BSHAD LAS KYANG LUNG 'DI DRANGS PA'I RGYU MTSAN YANG 'GREL PA 'DI BLTA DGOS PA'I DON YIN LA MDO LUNG GNYIS KYI DON CHOS GRAGS KYIS BKRAL TSUL SHES PA'I CHED SOGS YIN NO, ,DE LA YANG DNGOS SMRA 'DI PA NA RE, LUNG DES RNAM SHES GCIG LAS MED PAR BSHAD PA MIN PAR PHYI DON

350b

MED PAR BSTAN PAR THAL, MDO LAS RNAM PAR SHES PA'I RGYUD GCIG PA'O ZHES PA'I GCIG GI DON GRANGS KYI GCIG MIN GYI SEMS 'BA' ZHIG GO ,ZHES PA'I DON YIN PA GANG ZHIG ,MDO LAS SNGA PHYI MED PAR SEMS GNYIS 'BYUNG BA GNAS MED PA MI MTHUN PHYOGS NYON MONGS KYI SEMS DANG, DE'I GNYEN PO'I SEMS LA DGONGS PAR DNGOS SMRA KHO BOS RIGS PAS SGRUB PA'I PHYIR, RTAGS ZUR DANG PO DE SKAD DU SMRA BA YIN TE, DBU MA RGYAN RANG 'GREL LAS, GCIG CES BYA BA'I SGRA NI 'BA' ZHIG CES BYA BA'I RNAM GRANGS SU GTOGS PA YIN GYI, GRANGS KYI TSIG NI MA YIN GYI, DE DAG LA BDAG DANG BDAG GI DANG GZUNG BA DANG 'DZIN PA LA SOGS PA DANG BRAL BA'I SEMS NYID YOD KYI GZHAN NI CI YANG MED DO ZHES BSTAN PAR 'GYUR RO ZHES DANG, DE'I 'GREL BSHAD LAS, GCIG CES BYA BA'I SGRA NI 'BA' ZHIG CES BYA BA'I RNAM GRANGS SU GTOGS PA YIN GYI ZHES BYA BA LA SOGS PA SMOS TE, DE LTA YIN NA, PHYI ROL GYI DON DGAG PAR BSTAN PAR BSHAD PA YIN NO, ,ZHES GSUNGS PA'I PHYIR, RTAGS ZUR GNYIS PA DE LTAR DU SMRA BA YANG YIN TE, DBU MA RGYAN RANG 'GREL LAS, DE'I TSE MI MTHUN PA'I PHYOGS DANG GNYEN PO'I SEMS GYI DBANG DU MDZAD NAS, SEMS GNYIS LHAN CIG 'BYUNG BA BKAG PA STE; RIGS PAS SHIN TU GSAL BAR KHO BO DE SKAD DU SMRA'O, ,ZHES GSUNGS PA'I PHYIR, YANG KHA CIG NA RE, RANG 'GREL LAS, RNAM PAR SHES PA AUTPA LA'I 'DAB MA BRGYA 'BIGS ZHES SOGS 'DI MDO SEMS GANG GI YANG LUGS SU

351a

, ,'JOG MI THUB PAR THAL, GZHUNG 'DIS KHRA BO'I SNGO SER SOGS 'DZIN PA'I RNAM SHES RIGS MTHUN RIM CAN DU SKYE YANG 'JUG PA MYUR PAS CIG CAR SKYE BAR MNGON PA STE SNANG ZHES BSHAD DGOS PA GANG ZHIG ,RNAM SHES KYI 'JUG PA MYUR BA CIG CAR SNANG BA'I RGYU YIN PA RNAM 'GREL DU BKAG PA'I PHYIR NA MA KHYAB, RTAGS DANG PO GRUB STE, RANG 'GREL LAS, RNAM PAR SHES PA AUTPA LA'I 'DAB MA BRGYA 'BIGS PA LTAR RIM GYIS 'BYUNG BA RNAMS 'JUG PA MYUR BAS CIG CAR 'JUG PA LTA BUR MNGON PA YIN NO, ,ZHES GSUNGS PA'I PHYIR, KHYAB STE, 'PHONGS RKYEN PA'I MDAS AUTPA LA'I 'DAB MA BRGYA RIM GYIS PHUG KYANG MDA'I SHUGS MYUR BAS RIM CAN DU MI SNANG BAR CIG CAR PHUG PAR SNANG BA BZHIN, RIGS MTHUN GYI MIG GI RNAM SHES LTA BU ZA 'OG GI DKAR SNGO SO SOR 'DZIN PA'I RNAM SHES RNAMS KYANG RIM GYIS 'BYUNG YANG 'JUG PA MYUR BAS CIG CAR 'BYUNG BAR SNANG ZHES PA'I DPE DE 'CHAD PAR, RANG 'GREL LAS; AUTPA LA'I 'DAB MA BRGYA 'BIGS PA LTAR ZHES BYUNG, DON DE 'CHAD PAR, RANG 'GREL LAS, RNAM PAR SHES PA RIM GYIS 'BYUNG BA RNAMS 'JUG PA MYUR BAS CIG CAR DU 'JUG PA LTA BUR MNGON PA YIN NO, ,ZHES GSUNGS PA'I PHYIR; DE SKAD DU, RNAM BSHAD LAS, DES NA RNAM SHES RIGS MTHUN PA CIG CAR SKYE BAR BRTZAD PA'I LAN DU, DE RNAMS 'JUG KHA MYUR BAS RIM GYIS SKYE YANG CIG CAR DU SKYE BAR MNGON ZHES BSHAD DGOS PA 'DRA ZHES GSUNGS PA'I

351b

PHYIR; RTZA RTAGS GNYIS PA GRUB STE, RNAM 'GREL LAS, RTOG BCAS RTOG PA MED PA'I YID, ,CIG CAR DU NI 'JUG PHYIR RAM, ,'JUG PA MYUR PHYIR BLUN PO DAG ,DE DAG LA NI GCIG TU ZHE NA, ,ZHES DANG, MGAL ME LA SOGS MYUR BA 'JUG PA'I, ,RJES SU 'GRO BA'I GNOD PA CAN, ,MIG LA 'KHOR LOR 'KHRUL SKYE YI, ,DE MTHONG MTSAMS SBYOR LAS MA YIN, ,ZHES GSUNGS PA'I PHYIR, RTZA BAR 'DOD NA, ZA 'OG GI DKAR SNGO SOGS KYI RNAM PA'I GRANGS DANG MNYAM PA'I MIG GI RNAM SHES RIGS MTHUN DU MA RIM GYIS 'BYUNG YANG CIG CAR SNANG BA NI 'JUG PA MYUR BA'I DBANG GIS YIN PAR 'DOD PA'I MDO SEMS GZUNG 'DZIN GRANGS MNYAM RIM 'BYUNG BA GNYIS MED PAR THAL, 'DOD PA DE'I PHYIR, RTAGS KHAS, 'DOD MI NUS TE, DE LTAR 'DOD PA'I RANG SDE DNGOS SMRA BA GCIG YOD PA GANG ZHIG, DE 'DRA'I BYE SMRA YANG MED, DE 'DRA'I DBU MA PA LA DOGS PA YANG MED PA'I PHYIR, RTAGS DANG PO GRUB STE, DBU MA RGYAN LAS, DKAR PO DAG LA SOGS PA YI, ,SHES PA DE NI RIM 'BYUNG STE, ,MGYOG PAR 'BYUNG PHYIR BLUN PO DAG ,GCIG CHA'O SNYAM DU SHES PA YIN, ,ZHES DANG, DE'I RANG 'GREL LAS, ME TOG AUTPA LA'I 'DAB MA BRGYA 'BIGS PA BZHIN DU SHIN TU MYUR PA'I PHYIR RIM GYIS DNGOS PO LA GCIG CHA'O SNYAM DU SHES SO ZHES 'DZER TO ZHES SOGS GSUNGS PA'I PHYIR, GONG GI RTZA RTAGS GNYIS DANG KHYAB PA GSUM GA GRUB PAR THAL, 'DI 'DOD MKHAN RANG SDE YIN LA DNGOS PO BDEN GRUB KHAS

352a

, ,LEN ZHING SHES PA RNAM BCAS 'DOD MKHAN YIN PA'I PHYIR, DER THAL, DBU MA RGYAN LAS, SHES GCIG THA DAD MA YIN PAS, ,ZHES PA NAS, DRUG PAR BZHAG PAR BYAS PA YIN, ,ZHES PA'I BAR GYIS RANG SDE DNGOS SMRA RNAM SHES RNAM BCAS SU 'DOD PA'I SNA TSOGS RIM 'BYUNG BA DANG, GZUNG 'DZIN GRANGS MNYAM PA DANG, SNA TSOGS GNYIS MED PA GSUM GA BKAG PA'I PHYIR TE, DE'I 'GREL BSHAD LAS, GAL TE DE LTA NA SHES PA RNAM PA DANG BCAS PA NYID NI RUNG NGO ZHES BYA BA LA SOGS PA SMRAS SO, ,'DI LA YANG RNAM PA BDEN PAR 'GYUR BA'AM, YANG NA RDZUN PAR 'GYUR GRANGS NA ZHES BYA BA PHYOGS GNYIS TE, DE LA PHYOGS DANG PO LTAR NA, ZHES PA NAS, 'ON KYANG DON DAM PAR NA DE NI YUL MED PA KHO NA YIN NO, ,DE LTA MOD KYI SGRA'I RNAM PAR SKYE BA'I PHYIR SHES PA YANG SNA TSOGS PA'I RNAM PA NYID LAS MI 'DA' 'O, ,RE ZHIG RE LTAR RANG GI SDE PA'I LUGS KYI SHES PA THAMS CAD SNA TSOGS PAR BSTAN PA YIN NO, ,ZHES GSUNGS PA'I PHYIR SHIN TU GSAL LO, ,GZHAN YANG GNOD BYED MANG NGO, ,YANG KHA CIG NA RE, AUTPA LA'I DPE RE RANG RIG 'DOD PA'I MDO SEMS GNYIS KYI LUGS LA 'JOG MI RIGS PAR THAL, DE 'DRA'I LUGS DE RANG RIG 'DOD PA'I MDO SEMS GNYIS KYI LUGS SU 'JOG DKA' BA'I PHYIR, DER THAL, RNAM BSHAD LAS, GZHUNG 'DI DE GNYIS KYI LUGS SU 'JOG DKA' BAR SNANG STE, ZHES GSUNGS PA'I PHYIR NA SHIN TU MA KHYAB STE, LUNG 'DI'I

352b

DON NI RNAM 'GREL RANG LUGS KYI RANG RIG 'DOD PA'I MDO SEMS RIGS PA'I RJES 'BRANG GNYIS KYI LUGS LA 'JOG DGA' ZHES PA'I DON YIN GYI, SPYIR RANG RIG 'DOD PA'I MDO SEMS GANG RUNG LA RNAM 'GREL RANG LUGS KYIS MA KHYAB PA'I PHYIR; DER THAL, DE 'DOD PA'I MDO SEMS GANG RUNG LA RIGS PA'I RJES 'BRANG GI SNA TSOGS GNYIS MED PAS MA KHYAB PA GANG ZHIG ,RNAM 'GREL RANG LUGS SNA TSOGS GNYIS MED PA'I LUGS YIN PA'I PHYIR, RTAG PA DANG PO GRUB STE; RTZOD ZLOG LAS, JI LTAR ME YIS GZHAN BDAG NYID, ,GSAL BYED DE BZHIN RANG BDAG LTAR, ,DE BZHIN TSAD MA RNAMS KYANG NI, ,RANG GZHAN BDAG NYID SGRUB CE NA, ,ZHES GSUNGS PA'I PHYOGS SNGAR BKOD PA'I RANG SDE DE GNYIS YOD PA'I PHYIR TE, DE 'GOG PA'I LANG GSHEGS DANG GTZUG NA RIN PO CHE'I MDO DRANGS PA'I RANG SDE YOD PA'I PHYIR, RTAGS GNYIS PA GRUB STE, DZE T'A RI'I GRUB MTHA'I RANG 'GREL LAS, BSHAD PA MDZAD PAS NI SHES RAB PHUL DU BYUNG BA LDAN PAS RLOM STE GSUNGS PAS RNAL 'BYOR SPYOD PA'I TSUL SGRUB PA NA DE SKAD GSUNGS PA YIN TE, SNA TSOGS GNYIS SU MED PA KHO NA RNAL 'BYOR SPYOD PA RNAMS KYI SKYABS YIN NO, ,ZHES GSUNGS PA'I PHYIR, 'DIR SNA TSOGS GNYIS MED PA LA RNAM SHES GCIG PUR SMRA BA DANG RNAM SHES TSOGS DRUG 'DOD MKHAN GNYIS LAS PHYI MA YIN NO, ,RTZA BAR 'DOD MI NUS TE, 'DI YANG RANG RIG 'DOD MKHAN YIN PAR RANG 'GREL LAS BSHAD PA'I PHYIR TE, RANG 'GREL LAS,

353a

, ,'DIR KHA CIG GIS MDO SDE PA'I PHYOGS KHAS BLANGS NAS, ZHES PA NAS, DE'I PHYIR THUG PA MED PA'I SKYON YONGS SU SPANG BAR BYA BA'I PHYIR GDON MI ZA BAR RANG RIG PA KHAS BLANG PAR BYA DGOS SO, ,ZHES GSUNGS PA'I PHYIR; KHYAB STE, BAR DER LUGS GSUM BSHAD NAS GZHAN GNYIS RANG RIG 'DOD MKHAN GYIS BKAG LA GSUM PA MA BKAG CING GRUB DON MTHUN PAR DE'I PHYIR ZHES PA MAN CHAD KYIS BSHAD PA'I PHYIR, BYAS PA LA DPYOD LDAN KHA CIG NA RE, DE LA KHYAB PA MED PAR THAL, RANG 'GREL GYIS DE LTAR BSHAD KYANG RANG 'GREL GYI DPE MA DAG ZER DGOS PA'I PHYIR, RNAM BSHAD LAS, GZHUNG 'DI DE GNYIS KYI LUGS SU 'JOG DKA' BAR SNANG STE PHAL CHER RGYA DPE MA DAG PA'I SKYON YIN NAM, ZHES GSUNGS PA'I PHYIR ZER NA, 'DI SPYIR DPYAD DKA' YANG RE ZHIG KHYAB SKOR DE LA KHYAB PA MED PAR THAL, RNAM BSHAD KYI DON NI RNAM 'GREL GYI RANG LUGS 'DZIN PA'I MDO SEMS DE GNYIS KYI LUGS LA MI RUNG ZHES PA'I DON YIN PA'I PHYIR TE, RNAM BSHAD LAS, RANG RIG SGRUB MKHAN DE GNYIS KYIS 'JUG PA MYUR BA CIG CAR DU 'KHRUL PA'I RGYU YIN PA YANG RNAM 'GREL DU BKAG PAS NA GZHUNG 'DI DE GNYIS KYI LUGS SU 'JOG DKA' BAR SNANG, ZHES GSUNGS PA'I PHYIR, KHYAB STE, RANG RIG SGRUB MKHAN DU MA YOD PAS SPYIR BTANG MA BYAS PAR RNAM 'GREL DU 'JUG PA MYUR BA CIG CAR DU 'KHRUL RGYUR BKAG PAS NA ZHES DMIGS KYIS BKAR BA'I PHYIR RO,,

353b

GZHAN YANG, RNAM 'GREL DU AUTPA LA'I 'DAB MA BRGYA CIG CAR 'BIGS BAR SNANG BA'I 'JUG PA MYUR BA CIG CAR SNANG BA'I 'KHRUL RGYUR BKAG PAR THAL LO, ,KHYOD KYI DAM BCA' 'THAD PA'I PHYIR, 'DOD NA, RNAM 'GREL LAS, MGAL MEL SOGS MYUR 'JUG PA'I, ,ZHES PA'I DON DU t'IKKAS MA BSHAD KYANG KHYOD KYIS SOGS KHONG NAS 'DREN RIGS PAR THAL, GZHAN DOGS PA MED PA'I PHYIR, 'DOD NA, AUTPA LA'I 'DAB MA 'BIGS PA MYUR BA'I DPER 'GOD MKHAN DANG MGAL ME'I 'KHOR LO DPER 'GOD MKHAN GNYIS LUGS THA DAD PA GNYIS LA SKABS 'DIR BYED MI RIGS PAR THAL, KHYOD KYI LUNG DON DE'I PHYIR, 'DOD MI NUS TE, DBU MA RGYAN RANG 'GREL LAS, ME TOG AUTPA LA'I 'DAB MA BRGYA 'BIGS PA BZHIN DU SHIN TU MYUR BA'I PHYIR RIM GYIS DNGOS PO LA YANG GCIG CHA'O SNYAM DU SHES SO ZHES 'DZER TO, ,DPER NA MGAL ME'I 'KHOR LO MTHONG BA BZHIN TE, MTHONG BA DE NI MYUR DU BSKOR BA'I PHYIR RO, ,ZHES ZER TO, ,ZHES GSUNGS PA'I PHYIR, KHYAB STE, 'DZER TO ZHES PA'ANG ZER ZHES PA'I BRDA RNYING YIN PAS ZER ZHES PA LAN GNYIS SU SO SOR SMRAS SHING 'OG TU DPE DON SBYOR TSUL SO SOR BKAG PA'I PHYIR RO, ,DES NA RANG 'GREL GYI MA DAG PA'I DOGS GCOD KYANG 'OG TU 'CHAD PA LTAR SHES PAR BYA'O, ,BZHI PA DRAN PA SKYE TSUL GYI KHYAD PAR LA KHA CIG NA RE, SKABS 'DIR SNGON 'DZIN DBANG MNGON GYI DUS SU DE MYONG BYED KYI RANG RIG MED KYANG, PHYIS SU YUL DANG YUL CAN DRAN PA'I DRAN SHES

354a

, ,SKYE BA'I RGYU MTSAN YOD DE, SNGON 'DZIN GYIS SNGON 'DZIN LAS GZHAN YUL SNGON PO MYONG BA'I STOBS KYIS RGYUD GCIG TU 'BREL BA'I RGYU MTSAN GYIS PHYIS SU NGAS SNGON PO 'DI MTHONG SNYAM DU YUL SNGON PO DNGOS SU DRAN PA'I STOBS KYIS SNGON 'DZIN YANG DRAN PA'I PHYIR, ZHES PA, SPYOD 'JUG LAS, GZHAN MYONG BA DANG 'BREL BA LAS, ,DRAN 'GYUR ZHES PA'I DON ZER NA, 'O NA SKABS 'DI'I 'BREL TSUL DE SNGA PHYI'I RGYUD GCIG TU 'BREL BA LA BYED PAR THA; ;KHYOD KYIS BSHAD TSUL 'THAD PA'I PHYIR, 'DOD NA, 'BREL BA DE LNGA PHYI RGYU 'BRAS KYI 'BREL BA LA 'JOG PAR THAL, 'DOD PA'I PHYIR, 'DOD MI NUS TE, 'DI'I 'BREL TSUL NI SNGA PHYI'I 'BREL BA DANG SHES RGYUD GCIG TU 'BREL BA TZAM LA MI BYED PAR YUL YUL CAN PHAN TSUN 'BREL BA'AM PHAN TSUN SGRAGS PA'I DON LA BYED PA'I PHYIR, DER THAL, PHA ROL PO SANGS SNGAR SNGON PO 'DI MTHONG ZHES DRAN TSUL DE RANG RIG GI LAG RJES YIN PA 'GOG CHED DU RANG RIG GIS BZUNG BA LTAR MI DRAN PAR YUL YUL CAN SPRAGS NAS GNYIS SNANG DANG BCAS NAS DRAN PAR BSHAD PA YIN PA'I PHYIR, DER THAL, RANG RIG LTAR YUL CAN YAN GAR BA KHER RKYANG MI DRAN PAR YUL YUL CAN SBRAGS NAS DRAN PA'I PHYIR, DER THAL, SNGON PO 'DI ZHES DRAN PAS YUL DANG, NGAS MTHONG ZHES DRAN PAS YUL CAN DRAN PA'I PHYIR, JI SKAD DU SPYOD 'JUG 'GREL CHEN SHER 'BYUNG GIS MDZAD PA LAS, 'BREL BA LAS ZHES GSUNGS TE YUL DRAN

354b

PA NA 'BREL BA LAS SHES PA DRAN PAR 'GYUR RO, ,ZHES PA NAS, YUL SPANGS PA'I SHES PA NYID 'BA' ZHIG NI DRAN PA MA YIN PA'I PHYIR, NYES PA MED DE ZHES DANG, RNAM BSHAD LAS, NYES PA MED DE, YUL MYONG BA LAS YUL CAN DRAN PA SKYE BA NA SHES PA SPANGS NAS DRAN PA MIN GYI, SNGAR GZUGS 'DI MTHONG NGO ZHES YUL YUL CAN GNYIS 'BREL BA LAS TE 'BREL BAR DRAN PA'I PHYIR RO, ,ZHES GSUNGS PA'I PHYIR DANG, GZHAN MYONG DANG 'BREL BA GNYIS KA'I DOGS PA THA DAD PA GNYIS BZLOG RGYU YIN GYI KHYOD KYI LTAR MA YIN PA'I PHYIR RO, ,YANG KHA CIG NA RE, ZLA BA'I ZHABS KYIS KYANG THA SNYAD DU RANG RIG KHAS LEN PAR THAL, SKABS 'DIR YANG 'JIG RTEN GYI THA SNYAD DU NGA RANG GIS NGA RANG RIG PA'I THA SNYAD LTAR KHAS LEN PA'I PHYIR NA MA KHYAB, RTAGS GRUB STE, RTZA BAR, DE'I PHYIR NGA YIS MTHONG SNYAM DRAN 'GYUR TE, ,'DI YANG 'JIG RTEN THA SNYAD TSUL LUGS YIN, ,ZHES GSUNGS PA'I PHYIR, RTZA BAR 'DOD NA, SKABS 'DIR RANG RIG DON DAM DANG KUN RDZOB GANG DU YANG MA GRUB PAR MA BSHAD PAR THAL, 'DOD PA'I PHYIR, 'DOD MI NUS TE, DE DON DAM DU MA GRUB BAR BSHAD PA GANG ZHIG ,KUN RDZOB TU YANG MA GRUB BAR BSHAD PA'I PHYIR, RTAGS DANG PO GRUB STE, RDZAS GRUB KYI RANG RIG DANG DRAN PA DANG BDAG GZHAN LAS SKYE BA BZHI MED MTSUNGS YIN PA'I PHYIR, RANG 'GREL LAS, GAL TE RE ZHIG RDZAS GRUB PAR BYED PA YIN PA'I DBANG DU BYAS NAS DE SKAD DU SMRAN NI, DE'I TSE BDAG DANG GZHAN LAS SKYE BA MED

355a

, ,PA'I PHYIR, RNAM PA THAMS CAD DU DRAN PA MI SRID PAS, ZHES GSUNGS PA'I PHYIR, RTAGS GNYIS PA GRUB STE, RANG 'GREL LAS, 'ON TE 'JIG RTEN GYI THA SNYAD KYI DBANG DU YIN NA DE LTAR NA YANG RANG RIG PA'I RGYU CAN GYI DRAN PA MI SRID PA NYID DO, ,NAS, RANG RIG BDE NI DA DUNG YANG MA GRUB BAS, ,ZHES GSUNGS PA'I PHYIR, YANG KHA CIG NA RE, RANG MYONG YOD PAR THAL, RANG GIS RANG MNGON SUM DU RTOGS PA'I SHES PA YOD PA'I PHYIR NA MA KHYAB, RTAGS GRUB STE, RNAM MKHYEN YOD PA'I PHYIR, RTZA BAR 'DOD NA, RANG MTSAN GYIS GRUB PA YOD PAR THAL, RANG MYONG YOD PA'I PHYIR, MA KHYAB NA KHYAB PAR THAL, SHES PA DES DE MYONG ZHES PA'I MING TZAM GYIS PHAR 'JOG NA RANG MYONG GI DON MI TSANG LA DE TZAM GYIS MA BZHAG PAR SHES PA DE RANG GIS MYONG NGAM SHES PA DE LAS GZHAN GYIS MYONG DPYAD NAS RANG GIS MYONG BAR RNYED PA RANG MYONG GI DON DANG, DE LTAR DPYAD NAS GZHAN GYIS MYONG BAR RNYED PA GZHAN MYONG GI DON YIN PAS SKABS 'DIR MYONG BA YOD KYANG RANG MYONG GZHAN MYONG GANG YANG MED CES KHAS LEN DGOS PA'I PHYIR, DER THAL, DPER NA MING GIS BTAGS TZAM GYI SKYE BA YOD KYANG BDAG SKYE GZHAN SKYE GANG YANG MED PA BZHIN DU MYONG TZAM YOD KYANG RANG MYONG GZHAN MYONG GANG YANG MED PA KLU SGRUB YAB SRAS KYI DGONGS PA YIN PA'I PHYIR, LEGS BSHAD SNYING PO LAS MYONG BA LA RANG MYONG GZHAN MYONG GNYIS SU KHA TSON CHOD MCHOD MI GSAL YANG MCHOD PA DGONGS PA YIN NO, ,ZHES GSUNGS

355b

PA'I PHYIR, KHYAB STE, 'DIS NI 'JUG 'GREL GYI SKABS DE LTAR GSAL BAR MA BSTAN KYANG KLU SGRUB YAB SRAS KYI GZHUNG GZHAN LAS 'BYUNG BAS 'PHAGS PA YAB SRAS KYI DGONGS PA YIN ZHES BSHAD PA'I PHYIR, 'DIR GSUNGS PA LTAR RANG MYONG GZHAN MYONG GANG YANG MED PA KLU SGRUB YAB SRAS KYI DGONGS PA YIN PAR THAL, RANG MYONG MED PA DE LTAR YIN PA GANG ZHIG ,GZHAN MYONG MED PA YANG DE LTAR YIN PA'I PHYIR, RTAGS DANG PO GRUB STE, RANG MYONG DANG RANG RIG DON GCIG BYAS NAS 'DIR BKAG PA'I PHYIR, DER THAL, RTZA BAR, DE NYID KYIS DE MYONG BAR GRUB MA YIN, ,ZHES PA RTZA 'GREL DANG, RTZOD ZLOG LAS, GAL TE RANG LAS TSAD MA GRUB, ,GZHAL BYA RNAMS LA MA LTOS PAR, ,KHYOD KYI TSAD MA 'GRUB PAR 'GYUR, ,ZHES GSUNGS PA'I PHYIR, RTAGS GNYIS PA GRUB STE, GZHAN MYONG YOD NA RANG MTSAN GYIS GRUB PA'I GZHAN MYONG YOD DGOS PAS NGAS SNGAR MTHONG NGO SNYAM PA MI DRAN PA'I SKYON YOD PA'I PHYIR, DER THAL, DPER NA BYAMS PA'I SKYE BA SNGON MAR RGYUD GZHAN GYI NYER SBAS KYIS RANG NYID SKYES PAR MI DRAN PA BZHIN YIN PA'I PHYIR DANG, THUG MED KYI YANG SKYON YOD PA'I PHYIR, DER THAL, RTZA BAR, GZHAN PHYIR MA SHES RGYUD LA SKYES PA BZHIN, ,GTAN TSIGS 'DIS NI KHYAD PAR DAG KYANG 'JOMS, , ZHES GSUNGS, RANG 'GREL LAS, DE YANG YOD PA MIN TE, GANG GI PHYIR, GTAN TSIG 'DIS NI, ZHES PA NAS, DRAN PA'I SHES PA'I SKAD CIG NYAMS SU MYONG BA'I DUS PHYIS 'BYUNG BA NI GZHAN YIN PA'I PHYIR, RGYUD GZHAN GYI SHES PA BZHIN DU

356a

, ,NYAMS SU MYONG BA'I SHES PA DANG RGYUD GCIG TU GTOGS PA MIN LA ZHES DANG, RTZOD ZLOG LAS, GAL TE TSAD MA GZHAN RNAMS KYIS, ,'GRUB BO SNYAM NA THUG PA MED, ,CES PA LTA BU MANG BA'I PHYIR, DE SKAD DU RNAM BSHAD LAS; GZHAN GYI LUGS KYIS MYONG DRAN DANG DE'I DUS KYI YUL GNYIS RANG GI MTSAN NYID KYIS GRUB PA'I GZHAN DU 'JOG PAS, MYONG DRAN GNYIS YUL GCIG PA DANG DE GNYIS RGYUD GCIG TU 'DOD MOD KYANG DENG 'JOG MI NUS PA NI SNGAR MANG DU BSHAD ZIN TO, ,ZHES GSUNGS PA'I PHYIR, GZHAN YANG RANG MYONG GZHAN MYONG GANG YANG MED PA 'PHAGS PA'I DGONGS PAR THAL, TSAD MA RANG MYONG MA YIN LA, TSAD MA GZHAN MYONG DANG RGYU MED MIN KYANG TSAD GRUB MING GIS BTAGS TZAM YONG KYIS SO SOR PHYE NAS BZHAG DGOS PA'I PHYIR, RTZOD ZLOG LAS, TSAD MA RNAMS NI RANG NYID KYIS, ,'GRUB MIN PHAN TSUN GYIS MIN PA'AM, ,TSAD MA GZHAN GYIS MA YIN LA, ,GZHAL BYAS MA YIN RGYU MED MIN, ,CHOS KYI GNAS SKABS RAB MKHAS PA, ,DGE BA YIS NI CHOS RNAMS KYI, ,DGE BA'I RANG BZHIN CHOS RNAMS GANG, ,DE LTAR RAB PHYE BRJOD BYA YIN, ,ZHES GSAL BAR GSUNGS PA'I PHYIR, SHIN TU SPROS PAS CHOG ,'DIS NI PHYIS KYI DRAN PAS RNAM SHES SNGA MA DRAN PA GZHAN RIG TU 'DOD PA YANG LEGS PAR BKAG PA YIN NO, ,RANG LUGS LA, RANG RIG 'DOD MI 'DOD KYI KHYAD PAR YOD DE, RANG RIG 'DOD MKHAN DANG, RANG RIG GI GO DON DANG, GZHAN GYIS DE YOD PAR SGRUB TSUL DANG,

356b

DBU MA PAS BKAG TSUL BZHI YOD PA'I PHYIR, DE 'DOD MKHAN YOD DE, MDO SDE PA DANG, RIG PA'I RJES 'BRANG SEMS TZAM PA RNAMS DANG LUNG GI RJES 'BRANG KHA CIG DANG, RNAL 'BYOR SPYOD PA'I DBU MA PA PHAL CHER GYIS 'DOD LA, RANG SDE LHAG MAS MI 'DOD PA'I PHYIR, SPYIR RANG RIG 'DOD MKHAN MDO LAS BKAG CING, KLU SGRUB KYIS KYANG BKAG PAS RANG RIG 'DOD MKHAN SNGA DUS NAS YOD KYANG, LEGS LDAN YAB SRAS DANG ZLA BA'I ZHABS KYI PHYOGS SNGA'I GTZO BO PHYOGS GLANG CHOS GRAGS GNYIS DANG, DE'I RJES 'BRANG DAG YIN TE, BDEN GNYIS RANG 'GREL LAS, SHES PA RNAM PA MED PAR SMRA BAS DE SKAD BRGAL BA LA, MTSAN NYID DANG RNAM 'GREL BYED PA'AM, GZHAN YANG RUNG BA GANG GIS YUL GYI RNAM PA NYID KYI TSAD MA 'GRUB PA JI SKAD BRJOD PAR BYA, ZHES DANG, DE'I 'GREL BSHAD LAS, MTSAN NYID DANG 'GREL PA BYED PA SMOS PA NI, DE GNYIS KHYOD KYI NANG NA RTOG GE PA'I MCHOG YIN NO, ,GZHAN YANG RUNG BA ZHES BYA BA SMOS PA NI, RIGS PA 'DI'I RJES SU 'BRANG BA KHYED YIN TE, CI YANG BYAR MED DO, ,ZHES DANG, 'JUG PA RANG 'GREL LAS, 'DIR KHA CIG GIS MDO SDE PA'I PHYOGS KHAS BLANGS NAS RANG RIG PA RAB TU SGRUB PA'I PHYIR, ZHES GSUNGS PA'I PHYIR, SKABS 'DI'I PHYOGS SNGA'I GTZO BO SEMS TZAM PA YIN TE, DE LTAR BSHAD ZIN PA'I PHYIR, GNYIS PA RANG RIG GI MTSAN NYID 'DOD TSUL YOD DE, 'DZIN PA'I RNAM PA YAN GAR BA'AM 'DZIN PA'I RNAM PA YA RKYANG TZAM RTOGS PA'I SHES PA DE DER 'DOD PA'I PHYIR,

357a

, ,RNAM BSHAD LAS, DE 'DRA'I 'DZIN RNAM YAN GAR BA MI SRID PAS, ZHES DANG, RNAM NGES LAS, DE'I PHYIR 'DZIN PA'I RNAM PA RANG RIG PA'I SGRUB PAR BYED PAR 'DOD DE, DE LAS DE'I DNGOS PO RNAM PAR 'JOG PA'I PHYIR RO, ,ZHES DANG, DE'I 'GREL PA 'THAD LDAN LAS, DE'I PHYIR RNAM PAR SHES PA SMRA BA'I TSUL LA 'DZIN PA'I RNAM PA RTOGS PA'I RANG BZHIN NI, RANG RIG PA'I SGRUB PAR BYED PAR 'DOD DE, ZHES GSUNGS PA'I PHYIR, DES NA KHA CIG 'DZIN RNAM YAN GAR BA LDAN MIN 'DU BYED LA 'DOD PA DANG, KHA CIG RTOG GE 'BAR BA'I LUNG LA BRTEN NAS RANG RIG RNAM SHES SU 'DOD PA GNYIS KA 'DIS KHEGS LA, DER MA ZAD RANG RIG LDAN MIN 'DU BYED DANG RNAM SHES GNYIS GANG DU YANG MI 'THAD PAR THAL, MDO SEMS DE GNYIS KAS CHAGS SOGS SEMS SEMS BYUNG MTHA' DAG LA DE STENG GI RANG RIG 'DZIN PA'I RNAM PA YAN GAR PAR GYUR PA'I MNGON SUM RE KHAS BLANGS PA'I PHYIR, KHYAB STE, DE'I LUGS LA MNGON SUM LA SHES PAS KHYAB PA'I PHYIR, MA KHYAB MTSAMS LA RTAGS DER THAL, CHAGS SOGS SEMS SEMS BYUNG GZHAL BYA, DE DAG RANG RANG GI STENG GI BDAG NYID 'BA' ZHIG RIG PA'I RANG RIG TSAD MA, BDAG NYID RTOGS PAR BYED PA'I RANG BZHIN NI 'BRAS BUR BZHAG PA'I PHYIR, RNAM NGES LAS, DPER NA 'DOD CHAGS SOGS TSOR BZHIN, ,DER BDAG YUL DU BYED BA NA, ,GZHAL BYA 'JAL BYED 'BRAS GNAS PA, ,'DI NI KUN LA SPYAR BAR BYA, ,ZHES DANG, DE'I 'GREL

357b

BA 'THAD LDAN LAS, SEMS DANG SEMS LAS BYUNG BA RNAMS KYI RANG RIG PA'I MNGON SUM LA, BDAG NYID RIG PAR BYA BA, RIG PAR BYED PA RTOGS PA'I RANG BZHIN NYID NI TSAD MA, BDAG NYID RTOGS PAR BYED PA'I RANG BZHIN NYID NI 'BRAS BU YIN ZHING; NAS, RNAM PAR SHES PA SMRA BA LA SHES PA THAMS CAD LA, GZHAL BYA DANG, 'JAL BYED DANG, 'BRAS BU GNAS PA 'DI NI KUN LA SBYAR BAR BYA'O, ,ZHES GSUNGS PA'I PHYIR, KHYAB STE, SEMS SEMS BYUNG STENG GI RNAM SHES GCIG NI SU BLUN NA YANG MI 'JOG PA'I PHYIR, DES NA SHES PA RANG GIS RANG RIG TZAM DE RANG RIG MIN GYI GZHAN RIG GI SHES PA THAMS CAD KYI STENG NA RANG NYID GSAL TZAM DANG RIG TZAM PA PHYI ROL GYI CHOS LA MA LTOS PAR NANG SHES PA 'BA' ZHIG LA PHYOGS PA GZHAL BYA 'JAL BYED SOGS GNYIS SNANG RAGS PA THAMS CAD LOG PA GCIG LA 'DOD DE, TSAD MA MDO'I RANG 'GREL LAS, 'DIR SHES PA NI GNYIS SU SNANG BA SKYE STE, RANG GI SNANG BA DANG, YUL GYI SNANG BA'O, ,ZHES DANG, RTOG GE 'BAR BA LAS, SEMS TZAM PAS RNAM SHES NI GNYIS SU SNANG STE RANG SNANG BA DANG YUL SNANG PA'O, ,ZHES DANG, RNAM 'GREL LAS, BLO LA 'DZIN PAR BYED PA'I BLO, ,RTAG TU BDAG LA NANG MNGON PHYOGS, ZHES DANG, ZHI BA TSO'I DBU MA RGYAN LAS, RNAM SHES BEM PO'I RANG BZHIN LAS, ,BZLOG PAR RAB TU SKYE BA STE, ,BEM MIN RANG BZHIN GANG YIN PA, ,DE 'DI'I BDAG NYID SHES PA YIN, ,ZHES DANG, DE'I RANG 'GREL LAS, DE LA RE ZHIG GNYIS KYI TSUL RNAM BA MED PA'I RNAM PAR SHES PA'I PHYOGS

358a

, ,NI RNAM PAR SHES PA YUL GYI SNANG BA DANG MA PHRAD PA BDAG TZAM RIG PA TZAM LA GZHOL BA KHO NAR ZAD PAS BDAG DANG THA DAD PA'I DON MYONG BA'I BDAG NYID DU MI RUNG NGO, ,ZHES DANG, DBU MA RGYAN LAS, GCIG PA CHA MED RANG BZHIN LA, ,GSUM GYI RANG BZHIN MED PA'I PHYIR, ,DE YI RANG GI RIG PA NI, ,BYA DANG BYED PA'I DNGOS PO MIN, ,ZHES DANG, DE'I 'GREL PAR, RANG RIG PA LA NI DE LTA BU RNAM PAR BZHAG PA MI 'THAD DE, NAS, RIG PAR BYA BA DANG, RIG PA PO DANG RIG PA'I BYE BRAG GIS GSUM GYI TSUL DU MI RIGS PA'I PHYIR RO, ,ZHES GSUNGS PA'I PHYIR, GSUM PA GZHAN GYIS DE YOD PAR SGRUB TSUL DU MA YOD DE, DMIGS MYONG SO SOR 'BYED PA'I RIGS PA DANG GSAL PA'I RANG BZHIN GYI RIGS PA DANG, DRAN PA DANG MYONG BA'I GTAN TSIGS SOGS DU MA 'GOD PA'I PHYIR, DPE YANG DU MA 'GOD DO, MAR ME DANG SHEL DANG, MIG SMAN DANG, GZHAN SEMS SHES PA'I MNGON SHES SOGS DU MA 'GOD PA'I PHYIR, RGYAS PAR DBU MA SNYING PO RTZA 'GREL BDEN GNYIS SPYOD 'JUG SOGS SU BLTA BAR BYA'O, ,'DIR RANG 'GREL GYI DON MDOR BSDUS TZAM BKOD NA, THAL 'GYUR BA SOGS RANG RIG MI 'DOD PA DAG NA RE, DNGOS SMRA KHYOD KYI GNYIS STONG GI RNAM SHES BDEN GRUB MED PAR THAL, DE MYONG BYED KYI TSAD MA MED PA'I PHYIR, DER THAL, GZHAN MYONG KHYOD MI 'DOD LA, RANG MYONG NI NGED KYIS MED PAR LUNG RIGS KYIS GRUB PA'I PHYIR, RTZA BAR, 'DI YI YOD PA GANG GIS SHES PAR 'GYUR, ,MA BZUNG BAR YANG YOD CES BYAR MI RUNG,,

358b

ZHES DANG, RANG 'GREL LAS, GAL TE, NAS, RANG GI GRUB PA'I MTHA' DANG 'GAL BA'I PHYIR TE, ZHES SO, ,DE LA KHO NA RE, SEMS DE MYONG BYED GZHAN RIG MED KYANG RANG RIG YOD PAR THAL, DE 'DZIN PA'I RANG MYONG RANG GSAL DE RGYU LAS DON GZHAN LA MI LTOS PAR SKYES TZAM NAS RANG CHAS SU BSKYED PA'I PHYIR, DER THAL, SHES PA THAMS CAD BEM PO MA YIN PAR DE LTAR GSAL BA'I RANG BZHIN DU SKYES PA'I PHYIR, DE SKAD DU BDEN GNYIS RANG 'GREL LAS, GAL TE SHES PA DE'I NGO BO NYID NI 'DI 'DRA STE, RANG GI RGYU LAS SKYES SHING DES DE LTAR 'GYUR RO ZHE NA, ZHES DANG, SPYOD 'JUG 'GREL CHEN LAS, GANG GI PHYIR RANG GI RGYU RKYEN LAS BEM PO'I RANG BZHIN LAS BZLOG PA'I BDAG NYID DU BSKYED PA'I SHES PA NYID GSAL PA GZHAN LA MA LTOS PAR BDAG NYID GSAL BA NA RANG RIG PAR BRJOD DE, ZHES DANG, RANG 'GREL LAS, 'DIR SMRAS PA, GZHAN GYIS YOD PAR 'DZIN PA YOD PA NI MA YIN MOD KYI, DE LTA NA YANG RANG RIG PA NI YOD PA YIN NO ZHES SO, ,DE LA THAL 'GYUR BA SOGS NA RE, RNAM SHES DE RANG GIS RANG RIG PA MI 'THAD PAR THAL, RANG LA RANG GI BYED PA 'GAL BA'I PHYIR, BYAS PA LA KHO NA RE, RANG RIG YOD CING RANG GI BYED PA'ANG MI 'GAL BAR THAL, RNAM SHES KYIS DUS GCIG LA RANG GZHAN GNYIS GCIG CAR GSAL PAR BYED PA MI 'GAL PA'I RIGS PA DANG DPE YOD PA'I PHYIR, DER THAL, MAR MES CIG CAR RANG DANG GZHAN GNYIS GSAL BAR BYED KYI DE LA GSAL BYED GZHAN NAM RIM GYIS GSAL BA MIN PA LTAR

359a

, ,RNAM SHES KYIS KYANG CIG CAR YUL DANG RANG GNYIS KA GSAL BAR BYED PA GANG ZHIG, NOR BUR SHEL SKONG DE YUL SNGON PO DANG PHRAD PA'I TSO SNGON PO'I RANG BZHIN YIN PA DANG RANG NYID DVANGS PA'I RANG BZHIN YIN PA MI 'GAL BA BZHIN DU RNAM SHES KYANG YUL SNGON PO'I RNAM PA CAN YIN PA DANG RANG NYID RANG GSAL TZAM YIN PA MI 'GAL BA'I PHYIR, RTAGS DANG PO GRUB STE, JI SKAD DU ZHIB MO RNAM 'THAG LAS, TSAD MA RNAMS NI MAR ME BZHIN RANG DANG GZHAN SGRUB PAR BYED BA YIN NO, ,TSAD MA RNAMS LA TSAD MA MED DO, ZHES DANG, RANG 'GREL LAS, JI LTAR ME NI SKYES PA NA, ZHES PA NAS, ,DE PHYIR RANG RIG PA ZHES BYA BA YOD PA KHO NA YIN NO, ,ZHES DANG, SPYOD 'JUG 'GREL CHEN LAS, 'DIR SEMS TZAM NYID DU SMRA BAS RANG LA 'GAL BA BSAL BAR 'DOD CING RANG GI PHYOGS BSGRUB PA'I CHED DU DPE BRJOD BA, JI LTAR MAR ME ZHES BYA BA LA SOGS PA GSUNGS TE, ZHES GSUNGS PA'I PHYIR DANG, RNAM 'GREL LAS KYANG, DE'I PHYIR NGED KYI BLO RANG NYID, ,GSAL PA'I NGO BO RAB GSAL ZHING, ,GZHAN DER NGO BO 'PHO BA YI, ,GSAL BA NA NI RAB GSAL NYID, ,CES DANG, DE YI NGO BOS RAB GSAL YIN, ,DPER SGRON ME BZHIN MAR ME DANG, ,BUM PA DAG KYANG DER BRTEN NAS, GSAL BYA GSAL BYED, CES GSUNGS PA'I PHYIR, RTAGS GNYIS PA GRUB STE, JI SKAD DU SPYOD 'JUG LAS, SHEL BZHIN SNGON PO SNGO NYID LA, SOGS DANG, ,RTOG GE 'BAR BA LAS, RNAM PAR SHES PA NI RANG SNANG BA DANG YUL SNANG

359b

BA ZHES BYA BA GNYIS YOD DE, RANG GI RANG BZHIN DU GNAS PA DANG, GZHAN GYI RNAM PAR SNANG BA 'BYUNG BA NI NOR BU SHEL SGONG BZHIN TE, JI LTAR NOR BU SHEL SGONG GI NGO BO NYID NI DVANGS PA YIN LA, SNGON PO LA SOGS PA NYE BAR BSGYUR BA'I KHYAD PAR GYIS, SNGON POR SNANG BA YANG MTSON PA YIN NO, ,ZHES GSUNGS PA'I PHYIR, GZHAN YANG RANG RIG MI 'DOD PA KHYED CAG LA, SNGAR SNGON PO 'DI MTHONG NGO ZHES DUS PHYIS YUL DRAN PA DANG, SNGON PO DE SNGAR NGAS MTHONG NGO ZHES YUL NYAMS MYONG STE YUL CAN MYONG BA DRAN MI SRID PAR THAL, SNGAR SNGON PO MTHONG DUS YUL TZAM LAS YUL TZAM SHES PA MA MYONG BA'I PHYIR, RTAGS KHAS, MA GRUB NA, DER THAL, DE DUS YUL MYONG BA'I GZHAN RIG DANG YUL CAN MYONG BA'I RANG RIG GNYIS MED PA'I PHYIR, RTAGS DNGOS, 'KHOR GSUM KHAS SNYAM PA'O, ,RTZA BAR MA KHYAB NA KHYAB PAR THAL, DRAN PA NI MYONG BA'I YUL CAN YIN PAS NYAMS SU MA MYONG PAR MI DRAN LA KHYOD KYIS SNGAR SNGON PO MTHONG DUS SNGON 'DZIN MA MYONG BAR 'DED BA DE'I PHYIR, 'KHOR GSUM SNYAM PA STE, SLOB DPON PHYOGS GLANG GIS KUN BTUS LAS, DUS PHYIS DRAN PA LAS KYANG STE, ,TSUL GNYIS DANG NI RANG RIG GRUB, ,MA MYONG BA'I 'DI MED PHYIR RO, ,ZHES GSUNGS PA'I RKANG PA PHYI MAS BSTAN PA'I PHYIR, DE SKAD DU RANG 'GREL LAS, GANG ZHIG MI 'DOD PA NGES KYANG, ZHES PA NAS, MA MYONG BAS DRAN PA YOD PAR MI 'GYUR RO, ,ZHES GSUNGS PA'I PHYIR, DE'I GRUB DON SBYOR NGAG TU BKOD NA, DON SNANG GI SHES PA

360a

, ,CHOS CAN, MYONG BYED YOD DE, DRAN PA YOD PA'I PHYIR, DPER NA GZUGS BZHIN ZHES PA LAS GRUB PAR 'DOD DE, RNAM 'GREL LAS, DRAN PA LAS KYANG BDAG RIG GRUB, ,CES GSUNGS PA'I PHYIR, 'DOD NA, DE CHOS CAN; RANG MYONG YOD PAR THAL, MYONG BA YOD PA GANG ZHIG, GZHAN MYONG KHEGS PA'I PHYIR, MA KHYAB NA, DE CHOS CAN, MYONG BA TZAM YANG MED PAR THAL, RANG MYONG GZHAN MYONG GANG YANG MED PA'I PHYIR, RTZA BAR 'DOD NA, RANG RIG YOD PAR 'GYUR RO, ,DE SKAD DU RNAM BSHAD LAS, SNGON 'DZIN LA MYONG BA YOD PAR GRUB NA, DE'I MYONG BA LA RANG GIS DANG GZHAN GYIS MYONG BA GNYIS SU KHA TSON BCAD NAS DANG NGO KHYOD LA MI RUNG LA, GNYIS PA RANG LUGS KYIS BKAG PA NA MYONG PA'I KHYAB BYED KHEGS PA NA, MYONG BA TZAM YANG MI SRID PAR 'GYUR RO ZHES 'GOG PA YIN TE, RANG RIG SGRUB PA'I RIGS PA DRAG SHOS YIN NO, ZHES GSUNGS PA'I PHYIR, DE'I TSUL NI, GZHAN YANG MYONG TZAM YANG MED PAR THAL, RANG MYONG MED PA GANG, GZHAN MYONG YANG MED PA'I PHYIR, RTAGS DANG PO KHAS, RTAGS GNYIS PA GRUB STE, SNGON 'DZIN MIG SHES SNGA MA LTA BU LA MYONG BYED GZHAN KHAS BLANGS NA THUG MED KYI SKYON YANG YOD LA GZUGS SGRA SOGS DON GZHAN MI GCOD PAR THAL PA'I SKYON YANG YOD PA'I PHYIR, DANG PO GRUB STE, SNGON 'DZIN MYONG BYED DE LA YANG MYONG BYED GZHAN DGOS PAS THUG MED DU 'GYUR BA'I PHYIR, TSAD MA KUN BTUS LAS, SHES PA GZHAN GYIS NYAMS MYONG NA

360b

THUG MED CES DANG, RTZOD ZLOG LAS, GAL TE TSAD MA GZHAN RNAMS KYIS, ,'GRUB PO SNYAM NA THUG PA MED, ,DE YANG DANG PO 'GRUB MIN LA, ,BAR BA MIN ZHING THA MA MIN, ,ZHES GSUNGS PA'I PHYIR, DE SKAD DU RANG 'GREL LAS, SHES PA GZHAN KYIS NYAMS SU MYONG NA THUG PA MED PAR THAL BAR 'GYUR RO, ,NAS, DE LA YANG GZHAN ZHIG DGOS PAS THUG PA MED PA'I SKYON DU 'GYUR RO, ,ZHES GSUNGS PA'I PHYIR, RTAGS GNYIS PA GRUB STE, MIG GI RNAM SHES PHYI MA RNAMS SNGA MA SNGA MA'I YUL CAN YIN PA'I PHYIR, RTAGS KHAS, KHYAB STE, MIG GI RNAM SHES SNGA MA SNGA MA PHYI MA PHYI MAS GCOD NA DE DAG GZUNG DON BYAS NAS GCOD DGOS, DE LTAR NA NANG GI NYE BA'I RNAM SHES 'DZIN PA BOR NAS PHYI'I DON LA 'PHO MI THUB PA'I PHYIR, KUN BTUS LAS, SHES PA GZHAN GYIS NYAMS MYONG NA, ,THUG MED DE LA'ANG DRAN BA DE, ,DE BZHIN YUL GZHAN LA 'PHO BA, ,MED 'GYUR RE YANG MTHONG PHYIR RO, ,ZHES DANG, RNAM 'GREL LAS, GAL TE SNGA BLO DE NYID NA, ,YUL GZHAN LA NI 'PHO MI 'GYUR, ,ZHES GSUNGS PA'I PHYIR, DE SKAD DU RANG 'GREL LAS, SHES PA YUL GZHAN YONGS SU MI GCOD PAR YANG 'GYUR TE, RNAM PAR SHES PA'I RGYUN LUGS MTHA' DAG SHES PA GZHAN GYI YUL CAN YIN PA'I PHYIR, ZHES GSUNGS PA'I PHYIR, DE LA RANG GI SDE PA KHA CIG NA RE, (MDO SEMS GNYIS,) SKYON MED DE, SNGON 'DZIN MIG SHES DANG MNYAM DU MIG SHES DE 'DZIN PA'I MIG SHES GCIG KYANG SKYE ZER, LA LAS SNGON 'DZIN MIG SHES GCIG PUS YUL SNGON PO DANG MIG

361a

, ,SHES GNYIS KA 'DZIN ZER, DE GNYIS MI 'THAD PAR THAL, DANG PO MI 'THAD PA GANG ZHIG ,GNYIS PA YANG MI 'THAD PA'I PHYIR, DANG PO GRUB STE, SEMS CAN RNAMS RNAM PAR SHES PA RIGS MTHUN RGYUD GCIG PA YIN PA'I PHYIR; MDO LAS, GANG SNGA PHYI MED PAR SEMS GNYIS 'BYUNG BA 'DI NI GNAS MED DE, GO SKABS MED DO, ,ZHES PA DANG, SEMS CAN THAMS CAD RNAM PAR SHES PA'I RGYUD GCIG PA'O, ,ZHES GSUNGS PA'I PHYIR, 'DI'I BRTZOD TSUL BSHAD ZIN, DE SKAD DU RANG 'GREL LAS SEMS CAN RNAMS SOGS SO, ,'DIS KHRA BO'I SNGO SOGS GYI RNAM PA'I GRANGS MNYAM GYI MIG GI RNAM SHES CIG CAR 'DOD PA YANG BKAG GO ,GNYIS PA GRUB STE, DPANG SHES RNAMS PHYI KHO NA'I YUL CAN DU NGES PA'I PHYIR, RNAM 'GREL LAS, GCIG GIS GNYIS SHES MA YIN TE, ,DPANG PO'I SEMS NI NGES PHYIR DANG, ,ZHES GSUNGS PA'I PHYIR DANG MNGON PA DANG 'GAL LO, ,DE SKAD BYAS PA LA MDO SEMS KHA CIG NA RE, KHO BO'I LUGS LA KHRA BO'I SNGO SER GYI CHA SO SOR 'DZIN PA'I RNAM SHES RE YOD KYANG RNAM SHES RIGS MTHUN CIG CAR DU SKYE BAR YANG MI 'GYUR BAS BKA' DANG YANG MTHUN LA RIM GYIS SKYE YANG CIG CAR SNANG BA'I RGYU MTSAN YOD DE, BLO'I 'JUG PA MYUR PA'I PHYIR; DPER NA 'PHONG RKYEN GYIS MDAS AUTPA LA'I 'DAB MA BRGYA RIM GYIS PHUG KYANG MYUR BAS CIG CAR PHUG PAR SNANG BA'I PHYIR RO, ,RANG 'GREL LAS, RNAM PAR SHES PA AUTPA LA'I SOGS DANG, RNAM BSHAD LAS, DES NA RNAM SHES

361b

RIGS MTHUN CIG CAR DU SOGS SO, ,DES NA 'DIR RANG 'GREL LAS BRTZOD TSUL DE LTAR GSAL BAR MI 'ONGS PA DANG RANG RIG DANG GZHAN RIG GANG LA YIN DANG, AUTPA LA'I 'DAB MA 'BIGS PA'I DPE 'GOD MKHAN DANG, GONG GI RANG RIG SGRUR MKHAN GCIG PA LTAR MDZAD PA NI, ZHI 'TSO LTAR NA RANG 'GREL KUN LA DE LTAR YOD PAR MI MNGON YANG DA LTA'I BOD DPE 'DI'I PHYI MO RGYA DPE MA DAG PA DANG 'GYUR SKYON GANG RUNG YIN PAR MNGON TE, ZHI 'TSOS ZLA BA'I RJES SU 'BRANG NAS DBU MA RGYAN NGA? DNGOS SMRA 'GOG SKABS SNGAR BSHAD PA LTAR BYUNG BA'I PHYIR, RNAM BSHAD LAS, PHAL CHER RGYA DANG MA DAG PA'I SKYON NAM 'ON KYANG BLO GROS DANG LDAN PA RNAMS KYIS DPYAD PAR BYA'O, ,ZHES GSUNGS PA'I PHYIR, DBYAD TSUL YANG DE LTAR SO SO'I GRUB MTHA' DANG ZLA BA'I RJES 'BRANG GI RIGS PA LA BRTEN NAS DE LEGS PAR DPYAD DGOS KYI RMONGS ZHEN DANG SPYI BRTOL GYIS MI RUNG NGO, ,RANG RIG BKAG TSUL YOD DE, RTZOD ZLOG DANG RTZA SHE LA BRTEN PA'I RIGS PA DANG, ZHIB MO RNAM 'THAG SOGS KYI RIGS PA DANG, LEGS LDAN YAB SRAS KYI RIGS PA DANG, MDO DANG SPYOD 'JUG GI RIGS PA DANG, MDO DANG ZLA BA'I ZHABS KYIS RIGS PAS BKAG TSUL LNGA YOD PA'I PHYIR, DANG PO NI, DNGOS SMRA KHYOD KYIS MAR MES RANG DANG GZHAN GSAL BAR BYED PA LTAR SHES PAS KYANG RANG GZHAN GNYIS KA GSAL BAR BYED PA SGRUB BA MI 'THAD PAR THAL, DE'I DPE MA GRUB CING MI MTHUN PA'I PHYIR, DER THAL, ME YIS RANG GSAL BAR MI BYED PA'I PHYIR, DER THAL, ME LA MUN KHUNG GI

362a

, ,BUM PA LTA BU'I BSAL RGYU'I MUN PA MED PA'I PHYIR, RTZOD ZLOG LAS, SMRAS PA DE NI MI MTHUN TE, ,MUN KHUNG NANG GI BUM PA LTAR, ,DE LA MA DMIGS MA MTHONG BAS, ,ME NI RANG GZHAN GSAL BYED MIN, ,ZHES GSUNGS PA'I PHYIR, BYAS PA LA KHO NA RE, ME LA BSAL BYA'I MUN PA MED KYANG RANG GZHAN GSAL BAR BYED DO ZER, 'O NA, MES GZHAN SREGS PA LTAR RANG YANG SREGS PAR THAL BA DANG, MUN BAS KYANG GZHAN SGRIB PA LTAR RANG YANG SGRIB PAR THAL LO, ,ME LA BSAL BYA'I MUN PA MED KYANG RANG GIS RANG GSAL BAR BYED PA'I PHYIR, RTAGS KHAS, RTZOD ZLOG LAS, GAL TE KHYOD KYIS TSIG GIS NI, ,ME YIS RANG BDAG GSAL BYED NA, ,'O NA ME YIS GZHAN BZHIN DU, ,RANG NYID SREGS PA'ANG BYED PAR 'GYUR, ,ME BZHIN DU NI MUN PA YANG, ,RANG GZHAN BDAG NYID SGRIB PAR 'GYUR, ,ZHES DANG, RTZA SHE LAS, MAR MES RANG DANG GZHAN GYI DNGOS, ,GAL TE SNANG BAR BYED 'GYUR NA, ,MUN PAS RANG DANG GZHAN GYI DNGOS, ,SGRIB PAR 'GYUR BAR THE TSOM MED, ,CES GSUNGS PA'I PHYIR, RTZA SHE'I RAB BYED BDUN PA DANG RTZOD ZLOG LTA LA SNANG MUN GYI DPES SGRIB PA SPANGS TSUL 'BRAS BU'I SKABS SU BSHAD PAR BYA'O, ,GNYIS PA NI, SEMS KYI RANG RIG YOD PA'I DPER MAR MES RANG GSAL BAR 'DOD PA MI 'THAD PAR THAL, ,DE'I DON MI 'THAD PA GANG ZHIG ,DPE MA GRUB CING MI MTHUN PA'I PHYIR, DANG PO GRUB STE, TSAD MA RNAMS LA NI RANG LA RANG RIG PA'I TSAD MA MED PA'I PHYIR, DER THAL, RANG GIS RANG LA BYED NA GNYIS

362b

SU 'GYUR PA'I PHYIR, ZHIB MO RNAM 'THAG LAS, RANG LAS MA GRUB PA'I PHYIR RO, ,ZHES DANG, TSAD MA RNAMS LA TSAD MA MED DO, ,ZHES GSUNGS PA'I PHYIR, RTAGS GNYIS PA GRUB STE, ZHIB MO RNAM 'THAG LAS, MA YIN TE, DPE DANG 'GAL PA'I PHYIR RO, ,ZHES DANG, MAR ME NI RANG GI BDAG NYID GSAL BAR BYED BA MIN TE, MUN PA MED PA'I PHYIR RO, ,ZHES SOGS DANG, SPYOD 'JUG LAS, MAR ME GSAL BAR BYA MIN TE, ,GANG PHYIR MUN GYIS SGRIB PA MED, CES GSUNGS PA'I PHYIR, GSUM PAS BKAG TSUL NI, SEMS LA YUL SNANG PA'I GZHAN RIG GI NGO BO DANG YUL MI SNANG YANG RANG KHO NA YAN GAR DU SNANG PA'I RANG RIG GI NGO BO GNYIS 'DOD PA MI 'THAD PAR THAL, SEMS LA YUL GYI RNAM PA SNANG BA LAS GZHAN DE MA SHAR BA'I 'DZIN RNAM DE 'DRA MI SRID PA'I PHYIR, DBU MA SNYING PO LAS, YUL DU SNANG BAR GYUR PA YI, ,SEMS NYID DMIGS PAR 'DOD CE NA, YUL DU SNANG LAS GZHAN GYUR PA'I, ,SEMS NYID CI 'DRA BA ZHIG SNANG, ,ZHES GSUNGS PA'I PHYIR, GONG GI RTAGS MA GRUB NA, KHYOD KYIS RANG RIG TU 'DOD PA'I SNGON 'DZIN MIG SHES KYI NGO BO GSAL TZAM RIG TZAM CHOS CAN, KHYOD LA RANG NYID MNGON SUM DU RTOGS PA'I RANG RIG GI DON MED PA YIN TE, KHYOD RANG GI RNAM PA SNANG BAS STONG PA'I PHYIR, DPER NA GZHAN RIG TU GRAGS PA'I SHES PA BZHIN, RTAGS KHAS BLANGS SO, ,BDEN GNYIS RANG 'GREL LAS, SHES PA NI BDAG GIS BDAG SHES PA MA YIN TE, RANG SNANG BAS STONG PA'I PHYIR, SHES PA GZHAN BZHIN NO, ,

363a

, ,ZHES GSUNGS PA'I PHYIR, DE LA RTAGS MA GRUB NA DNGOS 'GAL YIN LA, 'O NA DE CHOS CAN, KHYOD LA RANG NYID YAN GAR BA RANG GI YUL DANG YUL CAN DU SNANG BAR THAL, MA GRUB PA DE'I PHYIR, 'DOD NA, RANG NYID RANG DANG THA DAD YIN PAR THAL, RANG NYID YAN GAR BA RANG DANG YUL YUL CAN DU SNANG BA GANG ZHIG ,DE LTAR SNANG BA LA MA 'KHRUL PA'I SHES PA YIN PA'I PHYIR, DPER NA SNGON PO DANG SNGON 'DZIN BZHIN, RTAGS GNYIS KHAS BLANGS, DE SKAD DU BDEN GNYIS RANG 'GREL LAS, RANG SNANG BAR KHAS LEN NA NI THA DAD PAR THAL BAR 'GYUR TE, SNGON PO DANG DE SHES PA BZHIN NO, ,ZHES GSUNGS PA'I PHYIR, RANG RIG LA RTZOD PA'I SKABS YIN PAS YAN GAR ZHES KHYAD PAR SBYAR BA GZHIR BZHAG LA DE LTAR NA THA DAD DU THAL BA MI LDOG CING THAL 'GYUR BAS RNAM MKHYEN LA RNAM MKHYEN SNANG BAR 'DOD PA DANG MI MTSUNGS TE, THAL 'GYUR BAS RNAM MKHYEN GYI GDAGS GZHI SHAR BAS RNAM MKHYEN SHAR BAR 'DOD CING GDAGS GZHI MA SHAR BAR RNAM MKHYEN RANG LDOG DANG YAN GAR BA SOGS 'CHAR MI SRID PAR 'DOD PA'I PHYIR RO, ,DE LA KHO NA RE, RTZA BA'I SBYOR BA SNGA MA'I RTAGS MI MTHUN PHYOGS LAS LDOG PA LA THE TSOM CAN YIN PAR THAL, BDAG SHES PA'AM RANG RIG KYANG YIN BA DANG, RANG GI RNAM PAS STONG PA LA 'GAL BA MED PA'I PHYIR, DER THAL, RIG PA'I NGO BO NYID YIN PA'I PHYIR ZER, DE SKAD DU, BDEN GNYIS RANG 'GREL LAS, RIG PA'I NGO BO NYID YIN PA'I PHYIR YANG MA YIN TE HA CANG THAL BA'I PHYIR RO

363b

ZHES DANG, DE'I 'GREL BSHAD LAS, GAL TE RIG PA'I NGO BO NYID YIN PA'I PHYIR BDAG SHES PA YANG YIN LA, RANG GI RNAM PAS STONG PA YANG YIN TE, 'DI GNYIS LA 'GAL BA CI ZHIG YOD, DE BAS GTAN TSIGS 'DI NI MI MTHUN PA'I PHYOGS LAS LDOG PA LA THE TSOM YOD PA YIN NO ZHE NA, ZHES GSUNGS PA'I PHYIR, DE LA HA CANG THAL LUGS NI SLOB DPON YE SHES SNYING PO NA RE, MA RIG PA SOGS MI SHES PA THAMS CAD KYANG THAMS CAD RIG PA BOR THAL, ,RIG PA'I NGO BO NYID YIN NA RANG RIG PAS KHYAB PA'I PHYIR, RTAGS KHAS, 'DOD NA, SHES PA YIN NA DNGOS PO CI YANG MI SHES PA MED PA'I NGO BO NYID YIN DGOS PAR THAL, 'DOD PA DE'I PHYIR, 'GREL BSHAD DE NYID LAS, RIG PA'I NGO BO NYID YIN PA'I PHYIR YANG MA YIN TE, ZHES BYA BA SMOS TE BDAG SHES PA ZHES BYA BAR BSNYEGS SO, ,DE CI'I PHYIR ZHE NA, HA CANG THAL BA'I PHYIR RO, ,DE LTAR NA MI SHES PA THAMS CAD KYANG THAMS CAD RIG PA BOR 'GYUR TE, SHES PA GANG YANG DNGOS PO CI YANG MI SHES PA MED PA'I NGO BO NYID DU 'GYUR RO, ,ZHES GSUNGS PA'I PHYIR, DE LA KHO NA RE, HA CANG THAL BAR MI 'GYUR TE, RANG RIG PA'I NGO BO NYID YIN PA'I PHYIR ZER NA, RGYU MTSAN DE YANG MI RIGS PAR THAL, NANG KHO NA YAN GAR BA DE LTAR NYE BA'I RGYU MTSAN MED PA'I PHYIR DANG, SNGAR BKAG CING DE 'DRA'I TSAD MA YANG MED PA'I PHYIR, BDEN GNYIS RANG 'GREL LAS, DE YANG MI RUNG STE, NYE BA'I RGYU MED PA'I PHYIR RO, ,NAS, MI SLU BA'I TSAD MA MED PA'I PHYIR RO, ,ZHES GSUNGS PA'I PHYIR, BZHI PA

364a

, ,MDO DANG SPYOD 'JUG LAS BKAG TSUL NI, KHYOD KYIS DPYAD TSUL DE LTAR BYAS NAS RANG RIG 'JOG MI THUB PAR THAL, DE LTAR DBYAD NAS SEMS KYIS SEMS MTHONG BA MI RUNG BA'I PHYIR, DER THAL, DE LTAR DBYAD NAS SEMS DE YUL DANG YUL CAN GNYIS KYI RNAM PA CAN BYAS NA GNYIS SU 'GYUR LA, YUL DANG YUL CAN GYI RNAM PA MED PA'I GCIG PUR KHAS BLANGS NA RANG RIG PAR MI RUNG PA'I PHYIR, DPER NA, GCAD BYA GCOD BYED SO SOR MED PAR RAL GRI GCIG PUS RANG MI GCOD PA DANG, REG BYA REG BYED SO SOR MED PAR SOR MO GCIG GIS RANG GI RTZE MO LA MI REG PA DANG, ZHON BYA ZHON BYED GNYIS MED PAR RANG GI PHRAG PAR ZHON MI THUB PA DANG, ME GCIG GIS RANG MI SREGS PA DANG, MIG GIS RANG LA MI LTA BA LTA BU RNAMS YIN PA'I PHYIR, GTZUG NA RIN PO CHES ZHUS PA'I MDO LAS, DE SEMS KUN TU TSOL BA NA, ZHES PA NAS, CI DMIGS PA DE YANG GZHAN LA SEMS DE YANG GZHAN NAM, 'ON TE DMIGS PA GANG YIN PA DE NYID SEMS YIN, GAL TE DMIGS PA YANG GZHAN LA SEMS KYANG GZHAN NA SEMS DE GNYIS SU 'GYUR RO, ,'ON TE DMIGS PA GANG YIN PA DE NYID SEMS YIN NA SEMS KYIS SEMS JI LTAR MTHONG BAR 'GYUR TE, 'DI LTA STE DPER NA RAL GRI'I SO DE NYID KYIS RAL GRI'I SO DE NYID GCOD PAR MI NUS PA DANG, SOR MO'I RTZE MO DE NYID KYIS SOR MO'I RTZE MO DE NYID LA REG PAR MI NUS ZHES SOGS DANG, SPYOD 'JUG LAS, 'JIG RTEN GYI NI MGON POS KYANG, ,SEMS KYIS SEMS MI MTHONG

364b

ZHES GSUNGS, ,RAL GRI'I SO NI RANG LA RANG, ,JI LTAR MI GCOD DE BZHIN YID, ,CES GSUNGS PA'I PHYIR, GZHAN YANG, SHEL SNGON POR RKYEN GYIS SNANG TSE ME SNGO BA'I DVANGS CHA MED PAS SEMS LA YUL GYI RNAM PA SHAR BA'I TSE YANG DE MIN PA'I RANG RIG MED PA SOGS BSHAD DO, ,DE LA DNGOS SMRA BA NA RE, 'O NA SNGON PO 'DI DAG MTHONG NGO SNYAM DU DRAN PA MI 'THAD PAR THAL, RANG RIG MED PA'I PHYIR, ZHES PA'I THAL BA DANG, DE'I BZLOG DON GYI SBYOR BA GNYIS LA MA KHYAB PAR 'DI PAS BZHED BAR THAL, RNAM BSHAD LAS, PHYOGS SNGA MA'I THAL BA DANG BZLOG PA GNYIS KA LA'ANG KHYAB BA MED PA'I LAN 'DEBS PAS ZHES GSUNGS PA'I PHYIR, RANG RIG MED KYANG DRAN PA SKYE BA SHIN TU 'GRUB BAR THAL, SEMS LAS GZHAN PA'I RANG GI YUL SEMS NGES MYONG PA NA, YUL MYONG BA'I SEMS LAS RNAM SHES YUL CAN DRAN PA 'BYUNG BA'I PHYIR, SPYOD 'JUG LAS, GZHAN MYONG BA NA, ZHES GSUNGS PA'I PHYIR, DE LA KHO NA RE, YUL GZHAN MYONG BA LAS DE DUS MA MYONG BA'I YUL CAN SEMS DRAN PA MI RIGS TE, MA BZUNG BA THAMS CAD DRAN PAR THAL BA LTA BU'I HA CANG THAL BAR 'GYUR BA'I PHYIR ZHE NA, HA CANG THAL BA'I NYES PA DE MI 'BYUNG BAR THAL, YUL MYONG BA LAS DUS PHYIS DRAN PA SKYE BA'I TSE, YUL CAN SEMS SPANGS NAS YUL KHO NA DRAN PA MIN PAR NGAS SNGAR 'DI MTHONG NGO ZHES YUL DANG YUL CAN SBRAGS NAS DRAN GYI KHYOD KYI RANG RIG LTAR YUL CAN YAN GAR YANG MI DRAN PA'I PHYIR, DER THAL, DPER NA DGUN DUS BYI BAS LUS LA DMUGS PA NA BYI DUG

365a

, ,ZHUGS KYANG MUGS PA MYONG GI DUG MA MYONG YANG DUS PHYIS 'BRUG GI SGRU LAS NAD LANGS PA NA, SNGAR MUGS PA'I DUG ZHUGS PA DRAN PA BZHIN YIN PA'I PHYIR, SPYOD 'JUG LAS, 'BREL BA LAS, ,DRAN 'GYUR BYI BA'I DUG BZHIN NO, ,ZHES GSUNGS PA'I PHYIR, RGYAS PAR RNAM BSHAD DANG STONG THUN BLTA'O, ,LNGA PA ZLA BAS RANG RIG LUNG RIGS GNYIS KYIS BKAG STE, LUNG LANG GSHEGS DANG GTZUG RIN GYI MDOS BKAG CING, RIGS PA BZHI SOGS KYIS BKAG PA'I PHYIR, DER THAL, RIGS BA DANG PO SGRUB BYED BSGRUB BYA DANG MTSUNGS PAS BKAG ,GNYIS PA RANG RIG GRUB TU CHUG KYANG RANG MTSAN GYIS GZHAN LA DRAN PA MI SRID PAG BKAG ,GSUM PA RANG RIG MED KYANG DRAN PA SKYE BA'I TSUL DANG, BZHI BA BYA BYED GCIG TU THAL BAS BKAG PA DE'I PHYIR, RTAGS DANG PO GRUB STE, RANG RIG GIS BZUNG BA LTA BU'I GNYIS SNANG RAGS PA NUB PA'I DRAN PA YANG MI SRID NA DE RGYU MTSAN DU BYAS NAS RANG RIG SGRUB MI THUB PA'I PHYIR TE, DPER NA SGRA RTZOD GZHIR BYAS NAS RTAG PAR SGRUB PA LA MIG SHES KYI BZUNG BYA BKOD PA BZHIN YIN PA'I PHYIR, RTZA BAR, MA GRUB 'DI NI SGRUB PAR BYED PA MIN, ,ZHES GSUNGS PA'I PHYIR, RTAGS GNYIS PA GRUB STE, DE GNYIS RANG MTSAN, GYIS GZHAN YIN PA'I PHYIR, DPER NA RGYUD THA DAD PA'I LHAS BYIN GYIS RANG GIS MA BYAS PA'I MCHOD SBYIN GYI BYA BA MI DRAN PA BZHIN NO, ,RTAGS KHAS, KHYAB STE, RANG MTSAN GYIS GZHAN LA RGYUD GCIG MI RUNG BAR BSHAD ZIN PA'I PHYIR, RTZA BAR

365b

DE LTA'ANG DRAN PA'I DRAN PA RIGS MIN TE, ,GZHAN PHYIR MA SHES RGYUD LA SKYES PA BZHIN, ,ZHES GSUNGS PA'I PHYIR, RTAGS GSUM PA GRUB STE, RANG RIG MED KYANG NGAS SNGAR AUTPAL SNGON PO MTHONG NGO SNYAM PA'I DRAN PA SKYE BA'I PHYIR, DER THAL, SNGAR SNGON PO MTHONG BA'I MIG SHES DANG PHYIS DRAN PA'I SHES PA GNYIS RANG BZHIN GYIS SO SO YANG MIN LA NGA'I MIG SHES KYIS MTHONG BA NGAS MTHONG BAR 'JOG NUS SHING, SNGAR MIG SHES KYIS MTHONG BA'I AUTPAL DANG PHYIS KYI DRAN SHES KYIS DRAN PA'I AUPTAL GNYIS DON GCIG LA 'JUG PAR MTSUNGS PAS DE LTAR DRAN PA YIN PA'I PHYIR, DER THAL, KHYOD KYIS RANG RIG LA DPYAD PA LTA BU'I DPYAD PA ZHIB MOS MTHONG DRAN SOGS MI RUNG YANG MA BRTAGS MA DPYAD PA'I 'JIG RTEN GYI THA SNYAD KYI LUGS LA MTHONG DRAN GYI YUL GCIG PA DANG, NGA'I MIG SHES KYIS MTHONG BA DANG NGAS MTHONG BAR 'JOG PA LA GRUB MTHA' SMRA BA KUN MTHUN PA'I PHYIR, RTZA BAR, DRAN PA 'DI GZHAN NGAL YOD MIN PA, ,DE PHYIR NGA YIS MTHONG SNYAM DRAN 'GYUR TE, ,'DI YANG 'JIG RTEN THA SNYAD TSUL LUGS YIN, ,ZHES GSUNGS PA'I PHYIR, 'DIR MTHONG DRAN YUL GCIG PAR BSHAD PA DANG BZHI BRGYA PA'I 'GREL BAR RNAM SHES GNYIS KYIS DON GCIG MI SHES PAR BSHAD PA MI 'GAL TSUL 'OG TU BSHAD PAR BYA'O RTAGS BZHI PA GRUB STE, GNYIS SNANG MED PA'I MYONG TZAM LA RANG RIG GO ZHES RIG BYA LAS DANG RIG PAR BYED BA'I BYED PA GNYIS 'JOG NA BYA BYED LAS GSUM GCIG TU THAL BA'I SKYON 'JUG PA'I PHYIR, DER THAL, DE LTAR NA BYA BYED LAS

366a

, ,GSUM GCIG TU 'GYUR BAR MA ZAD DE 'DRA'I MYONG TZAM LA YID CI TZAM GTAD KYANG BYA BYED LAS GSUM GYI RNAM PA MI 'CHAR BA'I PHYIR, RTAGS KHAS, KHYAB STE, RNAM PA MI 'CHER BA LA SEMS KYI THA SNYAD MI THUB PA'I PHYIR, DPER NA RDUL PHRA RAB LA CHA MED PA'I THA SNYAD BZHIN NO, ,RTZA BAR, BYED PO LAS DANG BYA BA GCIG MIN PAS, ,DE NYID KYIS DE MYONG BAR GRUB MA YIN, ,ZHES DANG, RANG 'GREL LAS, MA BZUNG BA LA YOD PA NYID MED DO, ,ZHES DANG, BDEN GNYIS RANG 'GREL LAS KYANG, SHES PA'I BDAG NYID LA NI RDUL PHRA RAB DANG GNYIS PO MED PA'I DNGOS PO'I NGO BO MI SNANG NGO, ,MI SNANG BA LA NI THA SNYAD MED DO, ,ZHES GSUNGS PA'I PHYIR, 'DI LANG GSHEGS KYI RIGS PA'O, ,RTZOD SPONG NI, DPYOD LDAN DAG NA RE, 'O NA, KHYOD KYI LUGS LA'ANG SNGON 'DZIN SOGS YUL CAN SHES PA RNAMS MI RUNG BAR THAL, SNGON 'DZIN DE RANG GIS RANG RIG NA RANG RIG TU 'GYUR BA DANG, DE LAS GZHAN GYIS RIG NA THUG MED DU 'GYUR BAS GNYIS KA MI RUNG BAR YANG KHYOD KYIS SMRAS PA'I PHYIR LA KHYAB PA YANG YOD DE, TSAD MAS MA BZUNG BAR YOD PA'I THA SNYAD MI RUNG BA'I PHYIR TE, RTZA BAR, MA BZUNG BAR YANG YOD CES BYAR MI RUNG, ,ZHES GSUNGS PA'I PHYIR ZER NA, 'DI DKA' GNAS MTHAR THUG YIN PAS DOGS LAN 'KHRUL MED NYUNG GSAL BKOD NA, TSAD MAS MA BZUNG NA YOD PA'I THA SNYAD MI RUNG BA DANG KHYOD LTAR GYI RANG GIS RIG PA DANG GZHAN GYIS RIG PA MI 'THAD KYANG SNGON 'DZIN MI RUNG BA'I SKYON MED PAR THAL, KHYOD LTAR GYI RANG RIG

366b

GZHAN RIG DPYAD NAS MI 'JOG KYANG 'JIG RTEN PA'I SHES PA LHAN SKYES SAM BTAGS DON LA MA BRTAGS MA DPYAD PA'I SHES NGO LA SNGON 'DZIN MIG SHES YOD PA RANG GIS KYANG 'GRUB LA, MIG SHES DE LAS GZHAN PA'I DRAN SHES YID MNGON CHAD MAS KYANG SHIN TU GRUB PA'I PHYIR, RTAGS ZUR DANG PO GRUB STE, SNGON 'DZIN MIG SHES LA SNGON POS PHYI ROL NAS TSUR LA RANG 'DRA'I RNAM PA SHAR NAS YUL CAN DANG YUL RGYANG CHAD DU GNYIS SU SNANG BA'I PHYIR, RTAGS MYONG BAS GRUB CING SEMS TZAM RNAM RDZUN PA KHA CIG GIS MA GRUB ZER SRID KYANG DE LTAR SNANG BAR KUN 'DOD PAS GRUB LA GAL TE MA KHYAB NA, 'O NA MIG SHES DE LA SNGON PO DANG SNGON 'DZIN RANG NYID GNYIS THA DAD DU SNANG BAR THAL, MA KHYAB PA DE'I PHYIR, 'DOD NA, SNGON 'DZIN MIG SHAS LA SNGON 'DZIN RANG NYID YOD PA SNANG BAR THAL, SNGON 'DZIN MIG SHES LA SNGON PO DANG SNGON 'DZIN RANG NYID GNYIS THA DAD DU SNANG BA'I PHYIR, RTAGS KHAS, 'DOD NA, SNGON 'DZIN MIG SHES DE RANG NYID YOD PA LA TSAD MAR YANG SONG BAR THAL, SNGON 'DZIN MIG SHES DES RANG RIG MED KYANG GZHAL BYA SNGON PO'I RNAM PA 'CHAR TSUL DE TZAM GYIS SNGON 'DZIN MIG SHES RANG NYID KYI NGO BO YOD PA RNYED PAS NA SNGON 'DZIN MIG SHES TSAD MA DE DAG GI RANG GI NGO BO RNAM PAR 'JOG PA'I PHYIR, DER THAL; GNYIS SNANG CAN GYI TSAD MA YIN NA RANG GI NGO BO YOD PAR RNYED TSUL DE LTAR BYED PAS KHYAB PA'I PHYIR, TSIG GSAL LAS, GZHAL BYA'I RNAM PA'I RJES SU BYED PA TZAM GYIS RANG GI NGO BO YOD PAR RNYED PA'I TSAD MA DAG GIS RANG GI NGO BO RNAM PAR

367a

, ,'JOG PA'I PHYIR, ZHES GSUNGS PA'I PHYIR, KHYAB STE, 'DIR RANG RIG MED KYANG TSAD MA GANG YIN THAMS CAD KYIS RANG RANG GI NGO BO 'JOG THUB CES PA'I DAM BCA' NI, TSIG GSAL GYI LUNG DE'I NANG GI TSAD MA DAG GIS RANG GI NGO GO RNAM PAR 'JOG PA'I PHYIR, ZHES GSUNGS PAS BSTAN PA'I PHYIR, DER THAL, DE LTAR GNYIS SNANG CAN GYI TSAD MA RNAMS KYIS RANG RANG GI NGO BO 'JOG THUB PA'I RGYU MTSAN DU TSAD MA DAG GIS RANG GI NGO BO YOD PAR RNYED PA'I PHYIR ZHES PA'I GTAN TSIGS BKOD PA'I PHYIR, DER THAL, TSIG GSAL LAS, RANG GI NGO BO YOD PAR RNYED PA'I ZHES PAS GTAN TSIGS DE BSTAN BA'I PHYIR, DER THAL, TSAD MAS RANG GI NGO BO YOD PAR RNYED PA YANG RANG RIG LTAR MIN PAR GNYIS SNANG DANG BCAS PA'I GZHAL BYA RANG LAS THA DAD DU YOD PAR GRUB PA DE NYID TZAM GYIS GRUB CES BSHAD PA LA, TSIG GSAL LAS, GZHAL BYA'I RNAM PA'I RJES SU BYED PA TZAM GYIS RANG GI NGO BO YOD PAR RNYED PA'I, ZHES GSUNGS PA'I PHYIR, DE SKAD DU RNAM BSHAD LAS; TSAD MA LA GZHAL BYA'I RNAM PA SHAR BA'I DBANG GIS 'JAL BYED KYI TSAD MAS RANG GI NGO BO YOD PAR 'JOG LA TZAM GYIS ZHES PA NI, ZHES SOGS DANG, RNAM BSHAD LAS, DE LTAR NA SNGON 'DZIN NI GZHAN YUGS LTAR RANG RIG GIS MI 'GRUB KYI, DBANG PO'I MNGON SUM TSAD MAS 'GRUB PAR BSTAN TE, DE YOD PA NI SNGON 'DZIN GYIS GZHAL BYA GRUB PA DE NYID KYIS RTOGS PA'I PHYIR RO, ,DE'I PHYIR TSAD MA GANG YIN THAMS CAD RANG GI GZHAL BYA GRUB PA DE NYID KYIS 'GRUB

367b

BO; ;ZHES GSUNGS PA'I PHYIR, KHYAB STE, DE'I RTOGS BYA KUN DE'I GZUNG BYA YANG YIN MI DGOS LA, RNAM BSHAD GYI LUNG SNGA PHYI 'DI DAG TSIG GSAL GYI LUNG DE'I 'BRU 'GREL YIN PA'I PHYIR, GONG GI RTZA RTAGS GNYIS PA MIG SHES DE LAS GZHAN PA'I DRAN SHES TSAD MA YID MNGON GYIS KYANG 'GRUB PAR THAL, DPYAD NA MI RNYED KYANG MA DPYAD NA SNGON PO 'DIR RANG GI MIG GIS MTHONG BA NGA RANG GIS DRAN SNYAM PA'I DRAN SHES TSAD MA SKYE BA YOD PA'I PHYIR, DER THAL, RTZA BAR, DRAN PA 'DI GZHAN SOGS KYI RANG 'GREL LAS, BDAG GIS MTHONG NGO ZHES BYA BAR YANG 'GYUR RO, ,'DI YANG 'JIG RTEN TSUL LUGS YIN GYI SHIN TU DPYAD PAR BYA BA MIN TE ZHES DANG, DE RTZA 'GREL GYI MTHA' DPYOD PA'I RNAM BSHAD LAS, DES NA NGA RANG GIS MTHONG BA NGA RANG GIS DRAN SNYAM ZHES PA LTA BU'I THA SNYAD NI RANG GIS KYANG KHAS LEN LA, DE KHAS BLANGS KYANG BKAG PA'I RANG RIG DANG MI 'DRA BA YANG 'DI LA BRTEN NAS SHES PAR BYA'O, ,ZHES GSUNGS PA'I PHYIR, BYAS PA LA KHA CIG NA RE, 'JIG RTEN PA'I THA SNYAD RAGS PA LA'ANG SEMS RANG GIS RANG MTHONG BAR KHAS LEN MI RIGS PAR THAL, STONG THUN LAS, DE LTA NA SNGON 'DZIN MIG SHES SNGON 'DZIN MIG SHES DANG RIG BYA RIG BYED DU KHAS LEN DGOS PAS, NAS, BYA BYED GCIG TU 'GYUR BA'I PHYIR ZHES PA'I GNOD PA BSTAN PA THAMS CAD JI LTA BAR MTSUNGS PAR 'GYUR BA'I PHYIR DANG, DES RTOGS NA DNGOS RTOGS SHUGS RTOGS GANG RUNG ZHIG TU 'DOD DGOS PA LA DE GNYIS GANG YANG 'DOD DU MI RUNG BA'I PHYIR, ZHES

368a

, ,GSUNGS PA'I PHYIR NA MA KHYAB PA CHEN PO YIN TE, DE NI BYA BYED LAS GSUM DU PHYE BA'I 'JIG RTEN GYI THA SNYAD ZHIB MO'I DBANG DU BYAS LA DE'I TSE DE LTAR KHAS LEN PA DANG 'JIG RTEN GYI THA SNYAD RAGS PA'I DON MI GCIG PA'I PHYIR; DER THAL, MIG GIS GZUGS MTHONG BA SOGS DANG SNGAR MTHONG BA'I SNGON PO DE DBANG MNGON DANG YID GNYIS KA'I YUL YIN PA DANG, SEMS MA G-YENG BAR GSAL LE LA DMIGS PA LA SEMS LA DMIGS PAR BSHAD PA DANG; ;RTEN DANG BRTEN PA MA PHYE BAR NYI MA'I DKYIL 'KHOR GYI 'OD LA NYI MA'I 'OD DU BZHAG PA DANG, ZLA BA'I DKYIL 'KHOR BRI GANG LA ZLA BA BRI GANG DU BZHAG PA DANG, RAS YUG GI PHYOGS GCIG CHUNG NGU TSIG PA LA RAS YUG TSIG PAR BSHAD PA DANG, RI RAB GLING BZHI LTA BU GNAS BSKAL GYI RING LA MA ZAD PA LA GNAS BSKAL GYI RING LA RTAG CES BSHAD PA LTA BU'I THA SNYAD THAMS CAD 'JIG RTEN GYI THA SNYAD RAGS PA'I DBANG DU BYAS SHING KHAS LEN DGOS PA GANG ZHIG , 'JIG RTEN PA'I THA SNYAD ZHIB MO'I DBANG DU BYAS NA DE THAMS CAD MIN KYANG THA SNYAD DE 'DRA ZHIG KHAS LEN DGOS PA'I PHYIR, DANG PO GRUB STE, SHES BYED NI RIM PA BZHIN DU, BRGYA PA'I 'GREL PA LAS, 'DI NA MIG LA SOGS PA LNGA BO RNAMS 'BYUNG BA LAS GYUR PA NYID DU NYE BAR STON LA DE RNAMS KYI BYA BA NI YUL THA DAD PAS THA DAD CIG GO 'DI LTAR MIG GIS GZUGS KHO NA MTHONG GI SGRA MI THOS LA ZHES DANG, RANG 'GREL LAS, NYAMS SU MYONG BAS SHES PAS YONGS SU BCAD PA GANG

368b

YIN PA DE DRAN PAS YONGS SU MA BCAD PA MA YIN PAS, ZHES DANG, LAM RIM LAS, ZHI GNAS SKABS SU SEMS BYING DMIGS PA LA BZHAG NAS SEMS KYI ZUR GCIG GIS SEMS DMIGS PA PHA G-YENG MA G-YENG LTA BAR BSHAD PA DKON SPRIN SOGS LAS SEMS NYE BAR BZHAG SKABS PHYI NANG GI SEMS GNYIS LAS NANG GI SEMS LA YANG RANG SPYI DANG DUS GSUM DPYAD PA LTA BU GSUM PA'I SHES BYED DANG, BSHES SPRINGS LAS, NYI MA ZLA BA NYID THO BA RANG LUS KYI, ,'OD KYIS 'JIG RTEN MTHA' DAG SNANG BYAS SHING, ,ZHES PA RTEN BRTEN PA MA PHYE BAR LAM RIM DU BSHAD PA LTA BU BZHI BA DANG LNGA PA'I SHES BYED DANG, ZLA BAS LAN DU MAR RAS YUG LA DE LTAR BSHAD PA DRUG PA'I SHES BYED DANG, RTZA SHE LAS, DE'I PHYIR YANG DAG YANG DAG MIN, ,ZHES PA'I RAGS PA'I MI RTAG PA SNOD BCUD CHAGS 'JIG DANG PHRA BA'I MI RTAG PA DUS MTHA'I SKAD CIG MA BSTAN PA NI, RIGS PA'I RGYA MTSO LAS, DE LTAR DUS DANG POR RGYUN GYI MTHA'I MI RTAG PA MA GTOGS PA SKAD CIG RE RE LA GZHAN 'GYUR MED PA'I ZHES SOGS DANG; SDOM PA GSUM BSTAN PA SOGS SNGAR BDEN GNYIS SKABS SU DRANGS ZIN PA'I PHYIR RO, ,RTAGS GNYIS PA GRUB STE, MIG DBANG RKYANG PAS YUL 'DZIN NA DE MTSUNGS KYI DBANG POS KYANG 'DZIN PAR THAL BAR 'GYUR YANG MIG GIS GZUGS MI MTHONG BYAS NA MNGON SUM LA BSNYON PAR 'GYUR BA DANG, DBANG MNGON DANG YID MNGON GNYIS RIM CAN DU SKYE BA LTAR DE GNYIS KYI DUS KYI GZUGS GNYIS KYANG RIM CAN DU SKYE 'JIG BYED PAS MI GCIG LA DE BZHIN DU LHAG MA RNAMS DPYAD NA MI

369a

, ,'THAD KYANG THA SNYAD KHAS LEN DGOS PA'I PHYIR, DER THAL, SHES BYED GNYIS NI RIM BZHIN DU, BRGYA BA'I 'GREL BA LAS, MTHONG BA LA NI BSNYON PAR MI NUS LA GANG MIG 'BYUNG BA LAS GYUR BA YIN YANG GZUGS KHO NA MTHONG GI SGRA MI THOS SO, ,ZHES BYA BA 'DI NI MTHONG BA YANG YIN NO, ,ZHES DANG, GNYIS PA'I SHES BYED NI, BRGYA PA LAS, DE'I PHYIR RNAM PAR SHES GNYIS KYIS, ,DON GCIG RNAM PAR MI SHES SO, ,ZHES DANG, BRGYA BA'I 'GREL PA LAS; 'O NA CHOS MNGON PA LAS 'DON PA JI LTAR DRANGS SHE NA, ZHES PA NAS, 'JIG RTEN GYI THA SNYAD DU RNAM PAR SHES PAR BYA BA BSHAD DO, ,ZHES GSUNGS PA'I PHYIR, 'DIS NI 'JIG RTEN GYI THA SNYAD ZER TSAD LA PHRA RAGS MI 'BYED PAR GCIG TU 'DZIN PA SOGS BKAG PA YIN TE, RGYAS PAR BDEN GNYIS SU BSHAD PA LTAR SHES DGOS SHING BSHAD ZIN PA'I PHYIR, BYAS PA LA KHO NA RE, 'DIR 'JIG RTEN GYI THA SNYAD LA PHRA RAGS DE 'DRA GNYIS 'BYED PA MI 'THAD PAR THAL, SNGON 'DZIN MIG SHES KYIS GZUNG BA DRAN TSUL STONG THUN GYIS BYA BYED LAS GSUM DU BSHAD PA LTA BU MIN PA'I RIGS PA DE 'DRA RJES KYANG MA GSUNGS LA ZLA BAS KYANG MA MDZAD PA'I PHYIR, DER THAL, STONG THUN GYI DE DE GNYIS KYI DGONGS 'GREL YIN PA'I PHYIR NA MA KHYAB, KHO RANG LA, 'O NA, RTZA BAR, DRAN PA 'DI GZHAN NGAL YOD MIN PA, ,ZHES SOGS KYIS STONG THUN LTAR MIG SHES DANG DE DRAN PA'I DRAN SHES THA DAD DANG, DE BZHIN DU DRAN PA DANG DRAN MKHAN SO SOR BSHAD

369b

PAR THAL, STONG THUN GYIS GZHUNG 'DI'I DON 'CHAD BYED DU DE LTAR GSUNGS PA'I PHYIR, KHYAB PA KHAS, RTAGS MTHUN GRUB BO, 'KHOR GSUM KHAS, 'DOD NA, 'JIG RTEN PA'I BLO LHAN SKYES LA SNGAR GYI YUL SNGON PO MYONG BA DANG PHYIS KYI DRAN SHES GCIG 'DZIN MED PAR RANG MTSAN GYIS SO SOR 'DZIN PA DANG, SNGAR MTHONG BA'I SNGON PO DANG, PHYIS SU DRAN PA'I YUL GCIG TU MI 'DZIN PAR THAL LO, ,GZHUNG 'DI'I BSHAD TSUL DE'I PHYIR, RTAGS DNGOS, 'KHOR GSUM KHAS, 'DOD NA, MA YIN PAR THAL, DANG PO DE LTAR MA YIN PA GANG ZHIG ,PHYI MA YANG DE LTAR MA YIN PA'I PHYIR, DANG PO GRUB STE, 'DI'I THAD KYI RNAM BSHAD LAS, SNGAR GYI YUL MYONG DANG PHYIS KYI DRAN PA'I RGYU 'BRAS LA YANG 'JIG RTEN PA'I BLO LHAN SKYES LA RANG MTSAN GYIS GRUB PA'I GZHAN DU 'DZIN PA MED DO, ,ZHES GSUNGS PA'I PHYIR, MA KHYAB NA, 'JIG RTEN GYI THA SNYAD PA'I TSAD MA YIN NA 'JIG RTEN PA'I BLO LHAN SKYES YIN PAS KHYAB PAR THAL, MA KHYAB PA DE'I PHYIR, 'DOD NA, NGO MTSAR CHE SHOS YIN PA MA SHES NAS SNA TSOGS LAB PA MTHONG NGO, ,RTZA RTAGS GNYIS PA GRUB STE, 'JIG RTEN PA'I LHAN SKYES YUL CAN RGYU 'BRAS LA DE LTAR MED PAR MA ZAD AUTPAL SNGON PO NYI MA SNGA PHYIR MTHONG BA'I AUTPAL GNYIS GCIG PA LTA BU'I THA SNYAD BYED PA'I PHYIR, RNAM BSHAD LAS, DE MED PA TZAM DU MA ZAD SNGAR SNGON 'DZIN KYIS MTHONG BA'I YUL PHYIS DRAN PA NA 'DI NGAS SNGAR YANG MTHONG NGO ZHES THA SNYAD BYED DO, ,ZHES GSUNGS PA'I PHYIR, YANG BLUN PO SNYING KHAMS CAN SPYI BRTOL BA KHA CIG NA

370a

, ,RE; RTZA SHE'I tAm KA CHEN DANG, STONG THUN LUGS LA SNGON 'DZIN RANG GIS RANG YOD PAR RTOGS PA DANG THA SNYAD RAGS PA DE 'DRA MED LA, RNAM BSHAD 'DIR SNGON 'DZIN RANG GIS RANG YOD PAR MA ZAD RANG YANG RTOGS PA DANG THA SNYAD RAGS PA DE 'DRAR BSHAD PAS LUGS MI MTHUN ZER NA, MI 'THAD PAR THAL, STONG THUN LAS KYANG THA SNYAD RAGS PA DE YANG BSHAD, THA SNYAD PHRA MO RGYAS PAR BSHAD PA GANG ZHIG ,RNAM BSHAD LAS KYANG SNGON 'DZIN RANG GIS RANG MA MTHONG PA'I THA SNYAD PHRA MO YANG BSHAD PA'I PHYIR, DANG PO GRUB STE, STONG THUN LAS, SNGAR MIG SHES DES MTHONG PA'I DON DANG PHYIS DRAN SHES DES DRAN PA'I DON GNYIS DON GCIG PA'I, ZHES GSUNGS PA'I PHYIR, GNYIS PA GRUB STE, RNAM BSHAD LAS, DE'I TSE YUL CAN RANG GIS RANG MA MYONG BA NI DMUGS PA'I TSE DUG MA MYONG BA DANG 'DRA'O, ,ZHES GSUNGS PA'I PHYIR, BYAS PA LA KHO NA RE, SNGON 'DZIN MIG SHES RANG GIS RANG RTOGS PAR THAL, DES YUL GZHAL STOBS KYIS RANG YOD PAR RTOGS PA'I PHYIR NA MA KHYAB, YANG KHA CIG NA RE, MNYAM BZHAG YE SHES KYIS RANG NYID YOD PAR RTOGS PAR THAL, SNGON 'DZIN SOGS GNYIS SNANG CAN GYI SHES PAS DE LTAR RTOGS PAS KHYAB PA'I PHYIR NA, ,RNAM PA GCIG TU NA RTAGS MA GRUB PA YANG YOD KYANG RE ZHIG MA KHYAB, 'DOD MI NUS TE, MNYAM BZHAG RNAM PAR MI RTOGS PA'I YE SHES RANG NYID KYIS RANG NYID DNGOS SHUGS GANG DU YANG MA RTOGS KYANG MNYAM BZHAG YE SHES KYIS RANG NYID STOBS SHUGS KYIS RTOGS

370b

PA YIN PA'I PHYIR, DER THAL, DANG PO DNGOS SHUGS GANG RUNG DU MA RTOGS PA GANG ZHIG ,GNYIS PA RANG NYID KYI STOBS SHUGS KYIS RANG NYID RTOGS PAR 'JOG PA'I PHYIR, DANG PO GRUB STE, RANG NYID DNGOS SU RTOGS NA GNYIS SNANG CAN DANG SHUGS LA RTOGS NA YUL DE NYID MA YIN DGAG TU 'GYUR BA'I PHYIR, RTZA SHE'I tIKA CHEN LAS, DE'I PHYIR DGAG BYA BCAD TZAM MA YIN PA'I CHOS GZHAN SHUGS LA 'PHANGS PA'ANG MA YIN DGAG YIN PAS MED DGAG YIN PA NYAMS SO, ,ZHES GSUNGS PA'I PHYIR; GNYIS PA GRUB STE, DPER NA SGRA MI RTAG PAR SGRUB PA'I TSUL GSUM TSAD MAS NGES PA NA RJES KHYAB NGES PA'I TSAD MAS SGRA MI RTAG PA DNGOS SHUGS GANG LA YANG MA NGES KYANG RJES KHYAB RTOGS PA'I TSAD MA'I STOBS SHUGS KYIS NGES PA BZHIN DU MNYAM BZHAG MI RTOGS PA'I YE SHES DANG BDEN MED RTOGS PA'I RJES DPAG GNYIS KYIS KYANG RANG NYID YUL BCAS YOD PA GNYIS STOBS SHUGS KYIS RTOGS PAR KHAS LEN DGOS PA'I PHYIR TE, RNAM BSHAD LAS, MNYAM BZHAG RNAM PAR MI RTOGS PA'I YE SHES KYIS RANG GI GZHAL BYA CHOS NYID GRUB PA NA, DE'I STOBS KYIS YUL CAN GYI YE SHES 'GRUB PA LA ZHES DANG, RTZA SHE'I tIKA CHEN LAS, RIGS SHES LA BRTEN NAS SGRO 'DOGS GCOD MOD KYANG RIGS SHES KYIS SGRO 'DOGS DE BCAD BA MA YIN NO, ,'DI DPER BRJOD NA SGRA MI RTAG PAR SGRUB PA'I, ZHES PA NAS, SGRA MI RTAG PA TSAD MA SNGA MAS SHUGS LA GRUB PA DANG SGRA RTAG 'DZIN GYI SGRO 'DOGS TSAD MA SNGA MAS BCAD PA MIN PA BZHIN NO, ,ZHES GSUNGS PA'I PHYIR, 'DIS NI BLO DE'I

371a

, ,SHUGS RTOGS DANG BLO DE'I STOBS SHUGS KYIS RTOGS PA GNYIS MI GCIG PAR GSUNGS PA LTAR 'DOD DGOS PAR THAL, DE GNYIS DON MI GCIG PA'I PHYIR, DER THAL, BLO DE LA YUL DE'I RNAM PA MA SHAR YANG YUL DE LA SGRO 'DOGS BLO DES RANG DUS NAS KYANG BCAD PA DE BLO DE'I SHUGS RTOGS KYI DON DANG, BLO DE LA YUL DE'I RNAM PA'ANG MA SHAR LA BLO DE'I RANG DUS SU DE LA SGRO 'DOGS MA BCAD KYANG DE LA SGRO 'DOGS RANG NYID KYI RJES DER TSANG MA GZHAN LA MA LTOS PAR GCOD PA DE BLO DE'I STOBS SHUGS KYIS RTOGS PA'I DON YIN PA'I PHYIR, DER THAL, DE 'DRA'I RTOGS TSUL THA DAD PA GNYIS YOD PA'I PHYIR, RNAM BSHAD DANG tIKA CHEN GYI LUNG 'DI GNYIS KYIS SNGON 'DZIN MNGON SUM DANG MNYAM BZHAG YE SHES GNYIS GYIS RANG NYID YOD PA 'GRUB LUGS KHYAD PAR CI YANG MED PAR 'DOD PA RNAMS KYANG BKAG PA YIN TE, SNGON 'DZIN LA GNYIS SNANG YOD LA MNYAM BZHAG ZAG MED LA GNYIS SNANG MED PA'I PHYIR, KHYAB STE, SNGA MAS RANG DUS NAS YUL YUL CAN GNYIS KA YOD PA GRUB PHYI MAS DE DUS MA GRUB KYANG MNYAM BZHAG GI STOBS KYIS ZHES PA'I GSUNG GNANG BA YIN PA'I PHYIR, DER THAL, SNGON 'DZIN SOGS KYIS 'GRUB LUGS LA STOBS KYIS MI GSUNG BAR YUL GZHAL BA DE NYID KYIS GSUNGS LA MNYAM BZHAG ZAG MED LA STOBS KYIS GSUNGS PA'I DGOS PA YOD PA'I PHYIR, YANG KHA CIG, RANG RIG YOD PAR THAL, 'DZIN RNAM YOD PA'I PHYIR, DER THAL, RANG MYONG YOD PA'I PHYIR, DER THAL, RANG DANG GRUB BDE GCIG PA'I

371b

BDE BA MYONG BA'I TSOR BA YOD PA'I PHYIR NA MA KHYAB STE, DE LA YUL YUL CAN GYI RNAM PAR YOD LA, RANG MYONG DANG 'DZIN RNAM LA GNYIS SNANG NUB PA'I PHYIR, RNAM BSHAD LAS, MYONG BYA DANG MYONG BYED THA DAD PA NYID DU SNANG BA'I PHYIR NA PHYOGS SNGA MA'I RANG RIG DANG MI GCIG GO ,ZHES GSUNGS PA'I PHYIR, YANG KHO NA RE, MNYAM BZHAG ZAG MED LA GNYIS SNANG THAMS CAD NUB PAR THAL, MNYAM BZHAG SPROS BRAL YIN PA DE'I PHYIR, 'DOD NA, YUL CHOS NYID DANG YUL CAN YE SHES SU MI 'THAD PAR THAL, YUL YUL CAN GYI GNYIS SNANG YANG NUB PA'I PHYIR NA MA KHYAB, KHYAB PAR THAL, RANG RIG LA GNYIS SNANG NUB PAS RANG NYID RANG LA YUL YUL CAN YIN PA MI 'THAD PA'I PHYIR NA MA KHYAB STE, BLO GZHAN GYIS DPYAD NA RANG RIG GI DE LA YID CI TZAM GTAD KYANG RIG BYA RIG BYED DU MI 'CHAR LA, MNYAM BZHAG GI NGOR GNYIS SNANG LOG KYANG YUL CHOS NYID SPROS BRAL DANG YUL CAN GSAL RIG GI DNGOS PO SO SOR 'CHAR BAS THA DAD DU DANG YUL YUL CAN DU LEGS PAR GRUB PA'I PHYIR; RNAM BSHAD LAS, YID CI TZAM GTAD KYANG RIG BYA RIG BYED KYI SNANG BA GNYIS MI 'CHAR LA, SNGA MA LA NI YID GTAD DE BLTAS BA NA YUL CAN SHES PA DANG YUL CHOS NYID KYI RNAM PA THA DAD PA DES PAR 'CHAR BA'I PHYIR RO, ZHES GSUNGS PA'I PHYIR, BYAS PA LA KHO NA RE, BDEN GNYIS DANG RNAM BSHAD LAS RANG RIG GI TSUL LA DE LTAR SNANG BA MI 'CHAR BAR BSHAD PA MI 'THAD PAR THAL, DE LTAR YID LA SNANG BA 'CHAR BA'I PHYIR, DER THAL, DE LTAR 'DZIN PA'I RTOG PA YOD PA'I PHYIR NA MA KHYAB STE, DE

372a

, ,GRUB MTHA'I DBANG GIS BZUNG BA YIN GYI SNANG BA SHAR BA'I DBANG GIS MA YIN PA'I PHYIR DANG, DE LTAR BZUNG NA DE LTAR SNANG BAS KYANG MA KHYAB PA'I PHYIR RO, ,BYAS PA LA KHO NA RE, DE LTAR SNANG BA YANG 'CHAR BAR THAL, DE LTAR SNANG BA 'CHAR NGA GCIG YOD PA'I PHYIR NA SPYIR KHYAB BA MED KYANG 'DIR DA DUNG RTAGS MA GRUB BYAS PA LA KHO NA RE, DER THAL, RNAM 'GREL LAS RNAL 'BYOR MNGON SUM SKABS MI SRID PA DU MA BSGOMS NA'ANG RTOG PA LA SNANG BA 'BYUNG BAR BSHAD PA'I PHYIR NA MA KHYAB STE, DE SNANG BA 'CHAR BA'I DBANG DU BYAS LA 'DIR NI RANG NYID GCIG YIN PA LA RANG NYID RIL PO GCIG GCIG GI PHRAG PAR ZHON PAR 'CHAR NA, DE 'CHAR DGOS PA LA MI 'CHAR BA'I PHYIR, RNAM BSHAD LAS, PHYI MA LA GRUB MTHAS BTAGS PA'I YUL YUL CAN MA GTOGS ZHES GSUNGS PA'I PHYIR, GNYIS PA THAL 'GYUR BA'I TSAD MA'I RNAM BZHAG LA DGAG GZHAG SPANG GSUM LAS, DANG PO LA, DGOS PA LA DANG, SGRA DON LA DANG, MTSAN NYID LA DANG, DBYE BA 'BYED BYED LA DANG, DBYE BA'I RGYU MNGON LKOG GI SGRA DON LA DANG, PHYE BA SO SO'I DON LA STE DRUG LA CUNG ZAD DPYAD NA, DANG PO LA, BOD RGAN MKHAS BLUN KHA CIG NA RE, TSAD MA'I RNAM BZHAG THAR PA DON GNYER LA MI DGOS PAR THAL, DE MU STEGS KYI RGOL BZLOG BYED TZAM YIN PA'I PHYIR TE, JO BO'I BDEN GNYIS LAS, MNGON SUM RJES DPAG DGOS PA MED, ,MU STEGS RGOL BA BZLOG PA'I PHYIR, ,MKHAS PA RNAMS KYIS BYAS PA YIN, ,ZHES GSUNGS PA'I PHYIR NA MA KHYAB STE, SDE BDUN GYI TSAD MA'I RNAM BZHAG DNGOS SMRA'I

372b

LUGS SU BKOD PA DE RTZOD NGOR DE LTAR YIN ZHES DGOS PA DE LTAR GSUNGS TZAM YIN PA'I PHYIR, GZHAN YANG, KHYOD KYI DGOS PA DE MI 'THAD PAR THAL, 'DI'I TSAD MA BKAG PA DE DNGOS SMRA'I MNGON SUM GYI SNANG YUL LA DON DAM DU GRUB PA GCIG DGOS ZHES PA DE DBU MA SNANG BA'I GZHUNG BZHIN DU BKAG PA YIN PA'I PHYIR, DER THAL, KHYOD KYI DE LTAR YIN NA SEMS CAN THAMS CAD KYIS DE NYID MTHONG BAR THAL BA DANG, DON DAM MNGON SUM DU RTOGS PAS NA GRUB MTHA' LA RTZOD PA MED PAR THAL BA DANG, BSTAN CHOS RTZOM PA DON MED DU THAL BA SOGS KYIS DBU MA SNANG BAR BKAG PA DE 'DIR BKOD PA TZAM YIN PA'I PHYIR, DBU MA SNANG BA LAS, DE LTAR MA YIN PAR GAL TE TSAD MA THAMS CAD DON DAM PA'I DNGOS PO'I YUL CAN ZHIG TU 'GYUR NA NI THAMS CAD DE KHO NA NYID MTHONG BAR 'GYUR TE; DE'I PHYIR DE KHO NA NYID MTHONG BAR 'DOD PA RNAMS 'PHAGS PA'I LAM BSGOM PAR SGRIM PA DON MED PAR 'GYUR RO, ,SMRA BA PO RNAMS DE KHO NA NYID LA RTZOD PAR YANG MI 'GYUR TE, THAMS CAD DON DAM BA RTOGS PA NYID KYIS YID GNYIS MED PA'I PHYIR, TSAD MA'I MTSAN NYID KYI BSTAN BCOS BYED PA YANG DON MED PAR THAL BAR 'GYUR TE, DE'I 'BRAS BU NI RMONGS PA RNAM PAR BZLOG PA YIN PA'I PHYIR, ZHES SOGS RGYAS PAR BSHAD PA BZHIN DU, BDEN GNYIS 'DI LAS KYANG, GNYIS POS STONG NYID RTOGS SO ZHES; ;TSU ROL MTHONG BA'I RMONGS PA SMRA, ,MU STEGS NYAN THOS RNAMS KYIS KYANG, ,CHOS NYID RTOGS PAR THAL BAR 'GYUR, ,ZHES SOGS GSUNGS PA'I PHYIR, YANG STAG LO SOGS KHA CIG NA RE, TSAD MA MED KYANG CHOS THAMS CAD 'JOG THUG ZER BA MI 'THAD

373a

, ,PAR THAL, GZHAL BYA SOGS 'GRUB BA TSAD MA LA RAGS LAS PA'I PHYIR, RTZOD ZLOG LAS, 'ON TE TSAD MA MED PAR YANG, ,DE RNAMS GRUB NA SMRA BA NYAMS, ,ZHES DANG, TSIG GSAL LAS, GZHAN YANG GZHAL BYA RTOGS PA TSAD MA LA RAGS LAS BA YIN NA, ZHES GSUNGS PA'I PHYIR, SGRA DON LA TSAD MA'I MING BRA M'A nA ZHES PA'I PRA'I DON DANG PO'AM THOG MA LA BYAS SHING M'A nA 'JAL BA YIN PAS NA GSAR DU MI SLU BAR 'DOD PA MI 'THAD PAR THAL, DE LTAR BYAS NA GSAR DU'I DON MI 'GRUB PA'I PHYIR, DER THAL, DE'I TSE THOG MA MI 'GRUB, PAR BA DANG THA MA GNYIS KYANG MI 'GRUB PA'I PHYIR, RTZOD ZLOG LAS, DE YANG DANG PO 'GRUB MIN LA, ,BAR BA MA YIN THA MA MIN, ,ZHES GSUNGS PA'I PHYIR, 'DI GZHAN RIG DANG GSAR DU GNYIS KA LA SKYON DU 'GYUR RO, ,GZHAN YANG PRA'I DON PRA THA MA BYAS NA DANG PO DANG THOG MA LA 'JUG KYANG 'DIR DE MI 'THAD PAR THAL, DON DAM PAR TSAD MA SOGS MI RUNG BAS NA 'JIG RTEN PA'I BLO LHAN SKYES RANG DGA' BAS RANG GI 'JUG YUL GYI GZHAL BYA'AM GZHAL BYA'I GTZO BO LA MI SLU BA LA TSAD MAR 'JOG PA LTAR DGOS PA GANG ZHIG, RTOG GE PA DAG GIS TSAD MA'I MTSAN NYID KYI ZUR DU GSAR DU DGOS PAR SGRUB PA RNAMS MI 'THAD PA'I PHYIR, DANG PO GRUB STE, BTAGS DON LA 'JIG RTEN RANG DGA' BAS MA BRTAGS MA DPYAD PAR RANG GI GZHAL BYA'I GTZO BO 'JUG YUL YIN LA DE LA MI SLU BAS NA TSAD MA ZHES BZHAG DGOS PA'I PHYIR, DER THAL, PRA'I DON RANG GI GZHAL BYA'I GTZO BO LA BSNYEGS NAS DE LA MI SLU BAS NA TSAD MAR BZHAG NA 'JIG RTEN PA'I THA SNYAD DANG MTHUN

373b

PA'I PHYIR, DER THAL, 'JIG RTEN NA PRA'I DON PRA nI DHA BYAS NA RAB DANG PHUL DANG GTZO BO ZHES PA DANG SHIN TU MTHUN PA'I PHYIR, KHYAB STE, 'JIG RTEN GYI LHAN SKYES LA BTAGS DON LA DPYAD NAS TSAD MA 'JOG PA MED PA'I PHYIR, SKAL BZANG MIG 'BYED LAS; TSAD MA LA GSAR DU MI SLU BA DGOS PAR THA SNYAD PA'I TSAD MAS MI 'GRUB CING, ZHES DANG, GLO BUR 'KHRUL RGYUS GNOD PA MED CING MA BRTAGS MA DPYAD PAR 'JUG PA'I 'JIG RTEN PA'I BLO LHAN SKYES RANG DGA' BAS RANG GI GZHAL BA'I DON LA MI SLU BA TZAM LA TSAD MAR THA SNYAD BYED KYI GSAR DU SLU MI SLU'I SGO NAS THA SNYAD BYED PA CUNG ZAD KYANG MED PA'I PHYIR, ZHES GSUNGS PA'I PHYIR, GNYIS PA GRUB STE, GSAR DU DGOS PA'I SGRUB BYED RNAMS BTAGS DON TSOL BA KHO NAR SNANG PA'I PHYIR, DER THAL, SKAD CIG SO SO DANG BYA BYED LAS SOGS SU PHYE NAS RANG GI YUL RDZAS YOD LTA BU RE TSAD MA'I GSAR DU MI SLU BA'I DON LA BZHAG PA'I PHYIR, SKAL BZANG MIG 'BYED LAS, RTOG GE PA DAG GIS, NAS, TSAD MAR SONG TSUL RIGS PAS DPYAD NAS RNYED PA'I DON LA TSAD MAR 'JOG PA'I DBANG DU BYAS PA YIN PA'I PHYIR RO, ,ZHES GSUNGS PA'I PHYIR, BYAS PA LA KHO NA RE, TSAD MA YIN NA 'JIG RTEN PA'I LHAN SKYES DANG DGA' BA'I DONG 'JOG PAS KHYAB PAR THAL, STONG THUN LAS, 'JIG RTEN PA'I BLO LHAN SKYES RANG DGA' BAS RANG GI GZHAL BYA'I DON LA MI SLU BA TZAM LA TSAD MAR THA SNYAD BYED KYI ZHES GSUNGS PA'I PHYIR NA MA KHYAB STE, LHAN SKYES RANG DGA' BA LTAR BTAGS DON MA BTZAL BAR 'JOG CES PA'I DON TZAM YIN PA'I PHYIR, 'DOD NA, BDEN STONG SGYU MA LTA BU'I

374a

, ,RNAL 'BYOR MNGON SUM DANG RANG SKYA THUB PA'I RDZAS YOD KYIS STONG PA'I DE DANG, BYA BYED LAS GSUM SO SOR PHYE NAS BYED PA TZAM GYI MNGON SUM RNAMS CHOS CAN, DER THAL, DE'I PHYIR, KHYAB PA KHAS, 'DOD NA, LHAN SKYES RANG DGA' BA'I KUN RDZOB RDZUN PA'ANG 'JOG PAR THAL, 'DOD PA'I PHYIR, 'DOD MI NUS PAR BDEN GNYIS SKABS SU BSHAD ZIN PA'I PHYIR, DES GZHAN YANG SHES PAR BYA'O, ,GZHAN YANG, DE'I PRA'I DON DANG PO DANG GSAR DU LA MI BYED PAR RAB TU DANG YANG DAG DANG RAB LA BYED RIGS PAR THAL, DE LTAR BYED PA BCOM LDAN 'DAS KYI DGONGS PA YIN PA'I PHYIR, DER THAL, TSAD MA'I MTSAN GZHI SHES RAB KYI STENG NAS DE LTAR BSHAD PAS SHES PA'I PHYIR TE, BLO GROS MI ZAD PA'I MDO LAS; DGE BA DANG MI DGE BA'I CHOS RNAMS RAB TU SHES PA NI SHES RAB BO, ,NGES PAR 'BYED PA'I CHOS RNAMS LA RAB TU RTOGS PA NI SHES RAB BO, ,'PHAGS PA'I CHOS MNGON DU GYUR PAS NA SHES RAB NI TSAD MAR GYUR PA'O, ZHES GSUNGS LA, DE BZHIN DU DKON BRTZEGS KYI BYANG CHUB SEMS DPA'I SDE SNOD LAS KYANG GSUNGS PA'I PHYIR, BYAS PA LA KHO NA RE, YANG DAG PAR RTOGS PA YOD PAR THAL, SGRA DON DE'I PHYIR, 'DOD NA, TSAD MAS RANG GI GZHAL BYA YANG DAG PA YIN PAR RTOGS PAR THAL; 'DOD PA'I PHYIR NA 'DIR MA KHYAB, KHO RANG LA, BAR CHAD MED LAM CHOS CAN, DON DAM BDEN PA YANG DAG PA YIN PAR GZHAL BAR THAL, DON DAM BDEN PA YANG DAG PAR GZIGS PA'I PHYIR, KHYAB PA KHAS, DER THAL, DE LA YANG DAG PAR

374b

MNYAM PAR BZHAG PA'I PHYIR, DER THAL, DE LA PHYIN CI MA LOGS PAR MNYAM PAR BZHAG PA'I PHYIR, DER THAL, DE LA 'KHRUL PAS BSLAD PA CUNG ZAD KYANG MED PAR MNYAM PAR BZHAG PA'I PHYIR, DER THAL, 'PHAGS RGYUD KYI DE NYID LA MNYAM PAR BZHAG PA'I YE SHES YIN PA'I PHYIR, KHYAB CING RTAGS GRUB STE, TSIG GSAL LAS, PHYIN CI LOG DANG PHYIN CI MA LOG PA DAG NI THA DAD PA ZHES PA'I DON GRUB PA'I PHYIR, RTZA BAR 'DOD NA, STONG NYID DON DAM YIN PA'I CHA KUN RDZOB MA YIN PAR THAL BA DANG, MNYAM BZHAG SPROS BRAL MA YIN PAR THAL BA SOGS MANG NGO, ,YANG KHO NA RE, 'O NA DE'I PRA'I DON YUL LA BYED PAR THAL, RANG GI GZHAL BYA'I GTZO BO LA BYED PA'I PHYIR, RTAGS KHAS, 'DOD MI NUS TE, RAB TU GZHAL BA ZHES BSHAD RIGS PA'I PHYIR NA MA KHYAB STE, TSIG GCIG LA DON DU MA MI 'GAL BA MDO BSTAN CHOS THA SNYAD THAMS CAD LA RAB TU GRAGS PA'I PHYIR, DPER NA RI shI DANG R'U BA SOGS BZHIN, SPROS PAS CHOG GO ,MKHAS PA STAG TSANG BA NA RE, TSAD MA'I DON MI SLU BA DANG ME SLU BA'I DON TSUG THUB DANG BDEN PA KHO NA LA DNGOS SMRA DANG DBU MA PA KHYAD MED ZER, 'O NA DNGOS SMRA'I LUGS LA DNGOS MED DANG GANG ZAG SOGS BTAGS YOD TSAD MAS MA GRUB PAR THAL, 'DOD PA DE'I PHYIR, 'DOD NA, RANG MTSAN MA YIN PA'I TSAD GRUB MED PAR THAL, 'DOD PA'I PHYIR, 'DOD NA, RNAM 'GREL LAS, GZHAL BYA GNYIS PHYIR TSAD MA GNYIS, ,ZHES GSUNGS PA MI 'THAD PAR THAL LO, ,DE SOGS MANG, GZHAN YANG, SKABS 'DIR TSAD MAR 'JOG PA LA RDZAS YOD DAM TSUG THUB KYI

375a

, ,SHES PA KHAS LEN MI DGOS PAR THAL, RANG GI 'DZIN STANGS KYI YUL LAM RANG GI 'JUG YUL GYI GZHAL BYA RAB TU 'JAL BA DE SKABS 'DI'I MI SLU BA'I DON DANG TSAD MA'I DON YIN PA'I PHYIR, DER THAL, DE LTAR DU 'JIG RTEN THA SNYAD LA'ANG YIN, BCOM LDAN 'DAS KYIS KYANG DE LTAR GSUNGS, DGONGS 'GREL MKHAN POS KYANG BKRAL BA'I PHYIR, DANG PO GRUB STE, 'JIG RTEN NA'ANG 'DIS 'DI YANG DAG PAR 'JAL BAS MI SLU ZHES DANG, DE LTAR 'JAL BAS TSAD MA RANG YIN ZHES GRAGS PA'I PHYIR, BRGYA PA'I 'GREL PA LAS, MI SLU BA'I SHES PA NI 'JIG RTEN NA TSAD MA NYID DU MTHONG NA ZHES GSUNGS PA'I PHYIR, GNYIS PA GRUB STE, BLO GROS MI ZAD PA LAS, SHES RAB NI TSAD MAR GYUR PA'O ZHES RAB TU SHES PA PO TSAD MAR BSHAD LA, CHOS YANG DAG PAR SDUD PA LAS, NGES PAR SEMS PA, RIG PA, MTHONG BA, KHONG DU CHUD PA MNGON PAR RTOGS PA, SHES PA SHES BYA LA MI SLU BA STE ZHES SHES BYA LA MI SLU BA'I DON SHES BYA DE NGES PAR SEMS PA DANG, DE RIG PA DANG, DE MTHONG BA DANG, DE KHONG DU CHUD PA DANG, DE MNGON PAR RTOGS PA DANG, DE SHES PA STE DRUG PO RE RE NAS DE LTAR BZHAG PA'I PHYIR DANG, DE BZHIN DU 'JUG 'GREL DU BDEN BZHI'I SHES BYED PHYE STE STON PA'I BDEN BZHI'I SKABS SU SA BCU PA DRANGS PA'I PHYIR RO, ,GSUM PA GRUB STE, RIN CHEN PHRENG BA LAS, JI SKAD GSUNGS PA DE BZHIN DU, ,MDZAD PA'I BRTUL ZHUGS RTAG BRTAN MDZOD, ,DES NA DPAL LDAN SA STENG DU, ,TSAD MA YI NI DAM PAR 'GYUR, ,ZHES GSUNGS PAS SGO

375b

GSUM LEGS BSDAMS KYI BRTUL ZHUGS KYIS SA STENG DU MI SLU BA'I TSAD MA'I SKYES BUR 'GYUR BAR BSHAD PA DANG, DPA' BOS KYANG SPEL BSTOD LAS, DON GZIGS PAS NA MI SLU BA, ,ZHES DON DE GZIGS PA NI DON DE LA MI SLU BAR BSHAD PA'I PHYIR SOGS MANG LA GZHAN DU SPROS ZIN TO, ,DES NA TSAD MA'I SGRA DON BSHAD ZIN TO, ,TSAD MA'I MTSAN NYID LA DPYAD PA NI PHAL CHER SGRA DON GYIS SHES LA, STAG TSANG PA NA RE, TSAD MA MTSON TSUL RANG GIS NGES SAM GZHAN GYIS NGES SOGS DPYAD PA MANG PO MI DGOS LA 'JIG RTEN PA'I LHAN SKYES RAGS PA SNGA PHYI GCIG 'DZIN GYIS TSAD MA BZHI SOGS 'JOG ZER, 'O NA TSAD MA'I RANG BZHIN NAM MTSAN NYID YANG DAG PA ZHIG SHES PA LA GZHAL BYA 'GRUB PA TSAD MA LA RAGS LAS PA DANG TSAD MA RANG NYID KYANG 'GRUB TSUL SOGS DPYAD MI DGOS PAR THAL, DAM BCA' DE'I PHYIR, 'DOD NA, RTZOD ZLOG LAS 'PHAGS PAS DE LTAR BSHAD PA DANG ZLA BAS DE LTAR MANG DU BSHAD PA DE BSHAD MI DGOS PA ZHIG BSHAD PAR THAL, 'DOD PA'I PHYIR, 'DOD MI NUS TE, MDO DU MA LAS KYANG DE LTAR BSHAD PA LTAR MA NGES PAR TSAD MA'I RNAM BZHAG LEGS PAR 'JOG MI THUB PA'I PHYIR TE, TSIG GSAL LAS, GZHAN YANG GAL TE GZHAL BYA RTOGS PA TSAD MA LA RAGS LAS PA YIN NA, TSAD MA DE DAG GANG GIS YONGS SU GCOD PAR BYED CES BYA BA LA SOGS PAS RTZOD BZLOG PA LAS BSHAD PA'I SKYON DE MA SPANGS PAS, YANG DAG PA'I MTSAN NYID GSAL BAR BYED PA NYID KYANG YOD PA MA YIN NO, ,ZHES GSUNGS PA'I PHYIR, TSAD MA THAMS CAD LHAN SKYES

376a

, ,RAGS NGOR 'JOG PA SNGAR BKAG ZIN TO, ,CHOS RJE RGYAN BZANG PA NA RE, SHES PA DANG TSAD MA'I 'JOG BYED GCIG YIN PAR SEMS ZHES GSUNGS NAS TSAD MIN GYI SHES PA MED ZER, DE LA 'O NA, BZHI BRGYA PA'I 'GREL BA LAS DE LTAR GYUR PA NI TSAD MA NYID DU BRTAG PAR RIGS PA MA YIN TE, RNAM PAR SHES PA THAMS CAD KYANG TSAD MA NYID DU THAL BA'I PHYIR RO, ,ZHES GSUNGS PA 'DIS RNAM SHES THAMS CAD TSAD MA YIN PA HA CANG THAL BAR BSHAD PA MA YIN PAR THAL; RNAM SHES THAMS CAD TSAD MA YIN BZLA BA'I LUGS LA 'DOD PA KHO NA YIN PA'I PHYIR, RTAGS KHAS, 'DOD MI NUS TE, SHES PA THAMS CAD TSAD MA YIN ZER BA'I GRUB MTHA' SU YANG MED PAS DE LTAR THAL BA 'PHANGS PA'I PHYIR, DER THAL; SKABS 'DIR YANG BLO LA TSAD MA DANG, TSAD MIN GYI RNAM BZHAG SHIN TU 'THAD PA'I PHYIR, DER THAL, RANG LA SNANG BA'I YUL MNGON GYUR PA LA LTOS NAS MNGON SUM TSAD MAR 'GRO BA MTSUNGS KYANG BDAG GNYIS DANG SGRA RTAG 'DZIN GYI ZHEN RIG DANG ZLA GCIG ZLA GNYIS SU SNANG BA'I DBANG SHES LTA BU'I LOG SHES RNAMS TSAD MA MIN LA, BDAG MED GNYIS DANG SGRA MI RTAG RTOGS PA'I RJES DPAG DANG MNGON SUM RNAMS TSAD MA YIN PA'I PHYIR, DER THAL, SKABS 'DIR YANG RANG GI 'DZIN STANGS KYI YUL LA SLU MI SLU'I SGO NAS TSAD MA YIN MIN DU 'JOG PA'I PHYIR, KHYAB PAR THAL, LOG SHES RNAMS 'DZIN STANGS YUL LA MI SLU BAR SONG BA MED CING, RJES DPAG DANG MNGON SUM TSAD MA DAG 'DZIN STANGS

376b

KYI YUL LA'ANG MI SLU BA YIN PA'I PHYIR, DER THAL, 'DZIN STANGS KYI YUL SNGA MA 'JAL BYED MED PHYI MA YOD PA'I PHYIR, DER THAL, 'DZIN STANGS SNGA MA'I YUL GZHI MA GRUB PHYI MA GZHI GRUB PA'I PHYIR, RNAM BSHAD LAS, DE LTAR SHES PA RNAMS YUL DU SNANG BA'I SNANG YUL MNGON GYUR GRUB PAR 'DRA LA, BDAG GNYIS DANG, BDAG MED GNYIS DANG GZUGS SOGS RTAG MI RTAG SOGS LA TSAD MAR 'GRO MI 'GRO'I KHYAD PAR CHEN PO YOD PAS, BLO LA TSAD MA DANG TSAD MIN GYI RNAM PAR BZHAG PA'ANG 'GRUB BO, ,ZHES GSUNGS PA'I PHYIR, YANG KHA CIG ,GZHAL BYA LA MI SLU BA'I SHES PA TSAD MA'I MTSAN NYID ZER NA, 'O NA, SGRA RTAG 'DZIN RTOG PA CHOS CAN, DER THAL, DE'I PHYIR, KHYAB PA KHAS, RTAGS GRUB STE, SGRA RTAG SNANG YONG BA GANG ZHIG ,DE SGRA RTAG SNANG LA TSAD MAR SONG BA'I PHYIR, DANG PO GRUB STE, SGRA RTAG 'DZIN RTOG PA YOD PA'I PHYIR, GNYIS PA GRUB STE, DE RANG GI SNANG BA LA MNGON SUM TSAD MA YIN PA'I PHYIR, DER THAL, KHYOD GNYIS SNANG CAN GYI SHES PA YIN PA'I PHYIR, KHYAB STE, TSIG GSAL LAS, 'JIG RTEN NA YOD NA NI THAMS CAD MNGON SUM DU DMIGS PAR BYA BA YIN PA'I PHYIR, ZHES DANG, DE'I YUL CAN GYI RNAM PAR SHES PA DANG LHAN CIG MNGON SUM NYID DU RNAM PAR BZHAG GO, ,ZHES GSUNGS PA'I PHYIR, RTZA BAR 'DOD MI NUS TE, TSAD MIN GYI SHES PA YIN PA'I PHYIR, DE DER THAL, TSAD MIN GYI SHES PA YOD PA'I PHYIR, YANG KHA CIG NA RE, GSAR DU MI SLU BA TSAD MA'I MTSAN NYID DU 'THAD PAR THAL, RANG RGYUD PA MAN CHAD

377a

, ,KUN 'DOD PA'I PHYIR NA MA KHYAB, RTZA BAR 'DOD NA, SNGON 'DZIN DBANG MNGON GYIS DRANGS PA'I SNGON PO NGES PA'I NGES SHES CHOS CAN, GSAR DU MI SLU BAR THAL, TSAD MA YIN PA'I PHYIR, KHYAB PA KHAS, RTAGS GRUB STE, RANG GI 'DZIN STANGS KYI YUL DU GYUR PA'I SNGON PO LA MI SLU PA'I SHES PA YIN PA'I PHYIR, KHYAB STE, DE LTAR YIN PA DE TSAD MA'I DON YIN PA'I PHYIR, BZHI BRGYA PA'I 'GREL PA LAS, MI SLU BA'I SHES PA NI 'JIG RTEN NA TSAD MA NYID DU MTHONG NA, ZHES GSUNGS PA'I PHYIR, GONG GI MA KHYAB MTSAMS LA RTAGS DER THAL, CHOS CAN DE'I PHYIR, RTZA BAR 'DOD MI NUS TE, RTOGS ZIN RTOGS PA'I RIG PA YIN PA'I PHYIR, DER THAL, BCAD SHES YIN PA'I PHYIR, DER THAL, CHOS CAN DE'I PHYIR, YANG KHA CIG ,SNGON 'DZIN MIG SHES CHOS CAN, RANG GI 'DZIN STANGS KYI YUL LA MI SLU BAR THAL, TSAD MA YIN PA'I PHYIR, KHYAB RTAGS KHAS, 'DOD NA, RANG GI 'DZIN STANGS KYI YUL SNGON PO LA MI SLU BAR THAL, 'DOD PA GANG, SNGON PO DE'I 'DZIN STANGS KYI YUL YIN PA'I PHYIR, RTAGS DANG PO KHAS, GNYIS PA MA GRUB NA, SNGON 'DZIN DBANG MNGON CHOS CAN, SNGON PO KHYOD KYI 'DZIN STANGS KYI YUL YIN PAR THAL, KHYOD SNGON PO NGES YUL DU BYED PA'I MNGON SUM TSAD MA YIN PA'I PHYIR TE, CHOS CAN DE'I PHYIR, GONG DU 'DOD MI NUS TE, KHYOD SNGON PO LA SLU BA'I SHES PA YIN PA'I PHYIR, DER THAL, KHYOD SNGON PO LA GNAS TSUL GZHAN DU GNAS KYANG, SNANG TSUL LOG PAR SNANG BA'I BLO YIN PA'I PHYIR NA MA KHYAB STE, DE BZUNG TSUL

377b

LA SLU BA'I DON MIN LA SNANG TSUL LA SLU BA'I DON YIN PA'I PHYIR DANG, GZUNG YUL DANG SNANG YUL GNYIS CHES THA DAD YIN PA'I PHYIR, GONG GI MA KHYAB MTSAMS LA RTAGS GRUB STE, GNAS TSUL DANG SNANG TSUL MI MTHUN PA'I BLO YIN PA'I PHYIR; DER THAL, KHYOD SEMS CAN RGYUD KYI DBANG MNGON YIN PA'I PHYIR, KHO NA RE, GONG DU MA KHYAB MTSAMS LA KHYAB PAR THAL, DE 'DRA'I SNANG TSUL CAN YIN NA MI SLU BA'I SHES PA MA YIN PAS KHYAB PA'I PHYIR, BRGYA PA'I 'GREL PA LAS, DE NI MI SLU 'AM YIN TE, RNAM PA GZHAN DU GNAS PA'I DNGOS PO LA RNAM PA GZHAN DU SNANG BA'I PHYIR RO, ,ZHES GSUNGS PA'I PHYIR NA MA KHYAB STE, DBANG MNGON RNAMS GZUGS SOGS YUL LNGA'I RANG MTSAN LA MI SLU BA'I SHES PA MA YIN TE, RANG MTSAN RDUL TZAM MA GRUB KYANG DER SNANG BA TZAM YIN PA'I PHYIR ZHES PA'I DON YIN PA'I PHYIR, DER THAL, DE LTAR YIN KYANG RANG MTSAN LA TSAD MA YIN PA MI 'GAL ZER NA SHES PA THAMS CAD TSAD MAR THAL BA 'PHEN PA LA, BRGYA PA'I 'GREL PA LAS, DE LTAR GYUR PA NI TSAD MA NYID DU BTAGS PAR RIGS PA YANG MA YIN TE, RNAM PAR SHES PA THAMS CAD KYANG TSAD MA NYID DU THAL BA'I PHYIR RO, ,ZHES GSUNGS PA YIN PA'I PHYIR, DER THAL, DNGOS SMRAS MNGON SUM CHAD MA'I KHYAD PAR RTOG BRAL DANG, RANG GI SNANG YUL DNGOS PO'I RANG MTSAN LA MI SLU BA DANG, SGRA BSHAD DBANG PO DANG DBANG PO LA BRTEN PA ZHES GSUM LDAN DU BZHED PA GANG ZHIG, DE'I KHYAD PAR GNYIS PA 'GOG PA LA 'DI BYUNG BA'I PHYIR, DANG PO GRUB STE, DNGOS SMRA'I 'DOD TSUL 'GOD

378a

, ,SKABS, BRGYA BA'I 'GREL PA LAS, SMRAS BA, SHES PA MNGON SUM YIN NO, ,SHES PA JI 'DRA BA ZHIG ,GANG RTOG PA DANG BRAL BA'O, ,RTOG PA YANG CI ZHIG ,GANG DON LA MING DANG RIGS SU LHAG PAR SGRO 'DOGS PAR ZHUGS PA 'DU SHES G-YER BO STE, DE DANG BRAL PA'I PHYIR, DBANG PO'I RNAM PAR SHES PA LNGA NI RANG GI MTSAN NYID BRJOD DU MED PA TZAM ZHIG LA 'JUG PA'I PHYIR, MNGON SUM GYI SGRAS BRJOD PAR BYA STE, DBANG PO DANG DBANG PO LA GNAS PA'I PHYIR RO, ZHES GSUNGS PA'I PHYIR, KHYAB STE, 'DU SHES G-YER BO STE DE DANG BRAL BA'I PHYIR YAN CHAD KYIS RTOG BRAL DBANG PO'I RNAM PAR SHES PA LNGA NI RANG GI MTSAN NYID BRJOD DU MED PA TZAM ZHIG LA 'JUG CES PAS DBANG MNGON RANG MTSAN LA TSAD MAR SONG TSUL BSHAD, LHAG MAS MNGON SUM GYI SGRA BSHAD BYAS TSUL BKOD PA YIN PA'I PHYIR, RTZA RTAGS GNYIS PA GRUB STE, KHYAD PAR DANG PO RTOG BRAL 'GOG PA BRGYA BA'I 'GREL PAR MA MDZAD KYANG, TSIG GSAL LAS, RTOG PA DANG BRAL BA'I SHES PA NYID DU KHAS BLANGS PA'I PHYIR DANG, NAS, LUNG LAS KYANG RTOG PA DANG BRAL BA'I RNAM PAR SHES PA KHO NA MNGON SUM NYID MA YIN PAS 'DI NI MI RIGS SO ZHES BYUNG, KHYAD PAR GNYIS PA RANG MTSAN LA TSAD MAR SONG BA 'GOG PA LA, BRGYA BA'I 'GREL BA LAS, DE YANG CHES SHIN TU MA 'BREL BA ZHIG STE, NAS, GANG ZHIG RDZUN PA SLU BA'I CHOS CAN DANG SGYU MA LTA BU YIN PA DE NI MI SLU BA MA YIN TE, ZHES SOGS DRANGS MA THAG PA BYUNG, KHYAD PAR GSUM PA 'GOG PA LA, BRGYA BA'I 'GREL PA LAS, DBANG PO'I RNAM PAR

378b

SHES PA'I SKAD CIG MA GCIG JI LTAR MNGON SUM NYID YIN, DE NI DBANG PO DANG DBANG PO LA BRTEN NAS 'JUG PA MA YIN TE, THUN MONG MA YIN PA'I PHYIR DANG, DBANG PO DANG RNAM PAR SHES PA'I SKAD CIG MA DAG SKYES MA THAG TU 'JIG PA NYID KYI PHYIR, ZHES GSUNGS PA'I PHYIR, YANG STAG LON RE, GZUGS 'DZIN DBANG MNGON CHOS CAN, RANG YUL GZUGS LA SLU BA'I SHES PAR THAL, RANG YUL GZUGS LA 'KHRUL PA'I SHES PA YIN PA'I PHYIR NA MA KHYAB, RTAGS GRUB STE, RGYUN MTHA' MA THOB TSUN CHAD KYI DBANG SHES YIN PA'I PHYIR, RTZA BAR 'DOD MI NUS TE, KHYOD DE LA MI SLU BA'I SHES PA YIN PA'I PHYIR, DER THAL, KHYOD RANG YUL GYI GZUGS RAB TU 'JAL BA'I SHES PA YIN PA'I PHYIR, KHYAB PAR THAL, TSAD MA'I SGRA DON YANG DE LA TSAD LA, DE 'DRA'I GZHAL YUL LA BLO GANG GIS KYANG MI GNOD PAS NA DE DE LA MI SLU BAR STON PA DANG SHING RTA CHEN POS BZHED PA YIN PA'I PHYIR, DKON BRTZEGS LAS, DGE BA DANG MI DAG PA'I CHOS RAB TU SHES PA NI SHES RAB BO, ,SHES RAB NI TSAD MAR GYUR PA'O, , ZHES DANG, DPA' BOS, DON GZIGS PAS NA MI SLU BA, ,ZHES GSUNGS PA'I PHYIR, GONG GI MA KHYAB MTSAMS LA RTAGS DER THAL, DE GZUGS DA LTA BA YONGS SU GCOD BYED YIN PA'I PHYIR, DER THAL, KHYOD GZUGS 'DZIN DBANG MNGON YIN PA'I PHYIR, BRGYA PA'I 'GREL PA LAS, GANG DBANG PO GZUGS CAN LAS SKYES PA'I RNAM PAR SHES PA DE NI YUL DA LTA BA'I RNAM PA YONGS SU GCOD PAR BYED PAR SKYE LA ZHES GSUNGS PA'I PHYIR, BYAS PA LA KHO NA RE, DE CHOS CAN,

379a

, ,RANG YUL GYI GZUGS LA MI GLU BA MA YIN PAR THAL, GZUGS DE RDZUN PA YIN PA'I PHYIR NA SHIN TU MA KHYAB, KHYAB PAR THAL, BRGYA PA'I 'GREL PA LAS, GANG ZHIG RDZUN PA SLU PA'I CHOS CAN DANG SGYU MA LTA BU YIN PA DE NI MI SLU BA MA YIN TE, ZHES GSUNGS PA'I PHYIR NA YANG MA KHYAB STE, GZHI DE LA SLU PA'I SHES PA YIN NA DE LA TSAD MA DANG MI SLU BA MIN DGOS PAS DBANG MNGON DE RANG MTSAN LA MI SLU BA'I SHES PA MIN ZHES PA'I DON YIN TSUL BSHAD ZIN PA'I PHYIR, RTZA BAR 'DOD NA, 'DUS BYAS GANG LA'ANG MI SLU PAR SONG BA'I TSAD MA MED PAR THAL, 'DOD PA'I PHYIR, 'DOD NA, DE GANG LA'ANG YANG DAG PA JI LTA BA BZHIN DU DE DANG DE'O ZHES RAB TU RTOGS PA MED PAR THAL, DE LA MI SLU BAR SONG BA'I TSAD MA MED PA'I PHYIR, KHYAB STE, YANG DAG PA JI LTA BA BZHIN LAS LHAG PA'I MI SLU LUGS RVA CAN ZHIG MI DGOS PAR MKHAS BLUN GANG GIS BSAMS NA'ANG GO BA'I PHYIR, MA KHYAB MTSAMS LA, 'DOD NA, NYER LEN GYI PHUNG PO LA 'DI NI SDUG BSNGAL 'PHAGS PA'I BDEN PA'O, ,ZHES YANG DAG PA JI LTA BA BZHIN DU RTOGS PA'I 'PHAGS LAM MED PAR THAL, ,'DOD PA'I PHYIR, 'DOD MI NUS TE, DE 'DRA'I SA LNGA PA'I YE SHES YOD PA'I PHYIR, DER THAL, RTZA BAR, BLO BZANG BDEN RANG BZHIN, ,ZHIB MOR RTOGS LA SHIN TU MKHAS PA THOB, ,CES DANG, DE'I THAD KYI SA BCU PA'I MDO 'DIR DRANGS PA LAS, 'DI NI SDUG BSNGAL 'PHAGS PA'I BDEN PA'O ZHES YANG DAG PA JI LTA BA BZHIN DU RAB TU SHES SO, ,'DI

379b

NI SDUG BSNGAL KUN 'BYUNG BA'O, ,NAS, YANG DAG PA JI LTA BA BZHIN RAB TU SHES SO, ,ZHES GSUNGS PA'I PHYIR, DE BZHIN DU CHOS RNAMS KYI RANG SPYI DANG, DBYE BA DANG, PHUNG KHAMS SKYE MCHED KYI RNAM BZHAG RNAMS GZHAL BA'I SA LNGA PA'I YE SHES MED PAR THAL, RDZUN PA YIN NA RANG LA MI SLU BAR SONG BA'I BLO MED PAS KHYAB PA'I PHYIR, RTAGS KHAS, 'DOD NA, MTSAN NYID KYI BDEN PA SOGS RAB TU SHES PA'I BLO MED PAR THAL LO, ,'DOD MI NUS TE, 'DI'I THAD KYI MDO LAS, RANG DANG SPYI'I MTSAN NYID RTOGS PAS MTSAN NYID KYI BDEN PA RAB TU SHES SO, ,CHOS RNAM PAR DBYE BA RNAM PAR BZHAG PA RTOGS PAS RNAM PAR DBYE BA'I BDEN PA RAB TU SHES SO, ,PHUNG PO DANG KHAMS DANG SKYE MCHED KYI RNAM PAR BZHAG PA RJES SU RTOGS PAS PHYE STE RTOGS PA'I BDEN PA RAB TU SHES SO, ,ZHES GSUNGS PA'I PHYIR, GZHAN YANG, MDO DES 'DI NI KUN 'BYUNG BA'O, ZHES YANG DAG PA JI LTA BA BZHIN DU RAB TU RTOGS PAR BSHAD PA MI 'THAD PAR THAL, DE LTAR GZHAL BA MED PA'I PHYIR, MA GRUB NA, KUN 'BYUNG BA'O ZHES GZHAL BA'I TSAD MA YOD PAR THAL, DE LTAR GZHAL BA'I GZHAL BYA YOD PA'I PHYIR, 'KHOR GSUM KHAS, 'DOD NA DNGOS, MA KHYAB NA, TSAD MA LA MA LTOS PAR GZHAL BYA BZHAG CHOG PAR THAL, KUN 'BYUNG LA DE LTAR CHOG PA'I PHYIR, RTAGS KHAS, 'DOD NA, RTZOD ZLOG LAS, GAL TE YOD NA GZHAL BYA LA, ,LTOS NAS TSAD MA GRUB YIN NA, ,TSAD MA RNAMS LA MA LTOS PAR, ,GZHAL BAR BYA BA 'GRUB PAR 'GYUR, ,ZHES MI 'DOD PA'I

380a

, ,THAL BA LA 'DOD RIGS PAR THAL BA DANG, TSAD MA DANG GZHAL BYA PHAN TSUN LTOS GRUB MA YIN PAR THAL LO, ,DE SOGS DU MA 'BYUNG BAS SPROS PAS CHOG GO ,YANG KHO NA RE, TSAD MA THAL 'GYUR BAS KHAS MI LEN PAR THAL, BRGYA BA'I 'GREL BAR 'JIG RTEN NA MI SLU BA'I SHES PA SOGS GSUNGS PA'I PHYIR NA MA KHYAB TSUL BSHAD ZIN, KHYAB PAR THAL, KUN RDZOB LA YANG LOG RANG LUGS LA KHAS MI LEN PA'I BSHAD TSUL YOD PA'I PHYIR ZER RO, ,'O NA KHYOD RANG LA, RTZA BAR, 'JIG RTEN NYID LAS, ZHES PAS GZHI DE YANG LOG GANG DU 'JOG PA DE 'JIG RTEN LHAN SKYES NGOR 'JOG LA THAL 'GYUR BAS GANG YANG KHAS MI LEN PAR BSHAD PAR THAL, KHYOD KYIS DE LTAR BSHAD PA'I PHYIR, 'DOD NA, 'PHRAL GYI 'KHRUL RGYUS BSLANG PA'I DBANG SHES DAG DANG GZUGS BSNYAN DANG BRAG CHA DANG, RTAG GCIG RANG DBANG CAN DU 'DZIN PA'I GDAG 'DZIN RNAMS RE RE NAS CHOS CAN, KHYOD THAL 'GYUR BAS RDZUN PAR MI 'DOD PAR THAL, KHYOD 'JIG RTEN SHES NGO'I RDZUN PA YIN PA'I PHYIR, 'KHOR GSUM, RTAGS GRUB CING, KHYAB PA YANG KHAS BLANGS TE, RTZA BAR, LHAG MA NI, 'JIG RTEN NYID LAS LOG PAR RNAM PAR BZHAG ,CES GSUNGS PA'I PHYIR, 'DOD MI NUS TE, KHYOD 'DUS BYAS YIN PA'I PHYIR, 'KHOR GSUM, DE RJE RIN PO CHE LA KHYOD KYIS LTAG CHOD 'PHANGS PA JI 'DRA BYUNG, MTSAN NYID LA DPYAD ZIN, DBYE BA 'BYED BYED LA KHA CIG NA RE, RNAM 'GREL LTAR YUL RANG SPYI GNYIS KYI SGO NAS MNGON SUM DANG RJES DPAG TSAD MA GNYIS 'JOG

380b

ZER NA, DE DAG GIS RANG MTSAN DANG SPYI MTSAN DPYAD NAS TSAD MA GNYIS 'JOG PA LTAR SKABS 'DIR MI RUNG BAR THAL, DE LTAR MTSAN NYID GNYIS KYI RTEN NAM CHOS CAN YOD NA GZHAL BYA PHUNG GSUM YIN PAS TSAD MA GNYIS MI 'THAD LA RTEN NAM MTSAN GZHI MED NA MTSAN NYID GNYIS KYANG MED DGOS PA SOGS KYIS TSAD MA GNYIS MI 'THAD PA GANG ZHIG ,RTOG GE PA LTAR GYI MTSAN NYID DANG TSAD MA KUN RDZOB TU YANG MA GRUB LA, DON DAM PAR DE BAS KYANG MA GRUB PA'I PHYIR, DANG PO GRUB STE, TSIG GSAL LAS, GZHAN YANG, GAL TE RANG SPYI'I MTSAN NYID GNYIS KYI DBANG GIS TSAD MA GNYIS SMRA NA NI, CI MTSAN NYID DE GNYIS GANG LA YOD PA'I MTSAN GZHI DE YANG YOD DAM 'ON TE MED, GAL TE YOD NA NI DE'I TSE DE DAG LAS GZHAN PA'I GZHAL BYA YOD PAS JI LTAR TSAD MA GNYIS YIN, 'ON TE MED NA NI DE'I TSE RTEN MED PAS MTSAN NYID KYANG YOD PA MA YIN PAS JI LTAR TSAD MA GNYIS SU 'GYUR TE, ZHES GSUNGS PA'I PHYIR, GNYIS PA GRUB STE, TSIG GSAL LAS, DE'I PHYIR GAL TE 'JIG RTEN PA'I THA SNYAD DU YIN NA NI, DE'I TSE MTSAN NYID BZHIN DU MTSAN GZHI YANG GDON MI ZA BAR BYA DGOS TE, DE'I PHYIR NYES PA DE NYID DU 'GYUR RO, ,ZHES GSUNGS PA'I PHYIR, GSUM PA GRUB STE, TSIG GSAL LAS, 'ON TE DON DAM PAR YIN NA NI, DE'I TSE MTSAN GZHI MED PAS MTSAN NYID GNYIS KYANG MED PAS TSAD MA GNYIS SU GA LA 'GYUR, ZHES GSUNGS PA'I PHYIR, DGAG PA RGYAS PAR BYAS TSUL RNAM BSHAD ZAB RGYAS KUN GSAL DU BSHAD ZIN TO, ,GZHAN

381a

, ,YANG, RANG SPYI GNYIS KYI SGO NAS 'JIG RTEN THA SNYAD DU YANG TSAD MA GNYIS SO SOR 'JOG MI THUB PAR THAL, YID MNGON PHAL CHE BA SPYI MING DE BZUNG YUL DU SPYI MTSAN BYED PA YIN LA, RJES DPAG RNAMS KYANG RANG RANG GI SNANG BA LA LTOS TE MNGON SUM TSAD MA YIN PA'I PHYIR, RTAGS DANG PO GRUB STE, SEMS CAN RGYUD KYI MNGON SHES MA YIN PA'I YID MNGON YUL LNGAR 'JUG PA RNAMS RTOG BRAL MA YIN PA'I PHYIR, DER THAL, DE DAG YUL DE LA DBANG SHES LTAR GSAL SNANG CAN MA YIN PA'I RTOG PA YIN PA'I PHYIR, BZHI BRGYA BA'I 'GREL PA LAS, DE NI DBANG PO LAS SKYES PA'I RNAM PAR SHES PA'I RNAM PA RNAM PAR RTOG CING 'BYUNG BA NA, ZHES GSUNGS PA'I PHYIR, KHYAB STE, DBANG SHES KYI RNAM PA RNAM PAR RTOG PAR GSUNGS PA'I PHYIR DANG, MIG GIS GZUGS MTHONG BA NA 'DI NI 'DI 'DRA ZHIG GO SNYAM PA'I BLO 'BYUNG BA MYONG BAS GRUB PA'I PHYIR, RTZA RTAGS GNYIS PA GRUB STE, TSIG GSAL LAS, GAL TE RANG GI MTSAN NYID DAM ZHES SOGS GSUNGS PA'I PHYIR, GZHAN YANG, TSAD MA LA KHYOD LTAR GYI MNGON RJES GNYIS LAS DBYE BA GZHAN MI THUB PA YANG MA YIN PAR THAL, TSAD MA'I GZHAL BYA LA KHYOD LTAR GYI RANG SPYI GNYIS SU GNAS PA MED PA DE'I PHYIR, TSIG GSAL LAS, GANG GI TSE DE LTAR GZHAL BYA GNYIS GNAS PA MED PA DE'I TSE LUNG LA SOGS PA RANG DANG SPYI'I MTSAN NYID KYI YUL CAN MIN PA NYID KYI SGO NAS TSAD MA GZHAN NYID MA YIN BA MA YIN NO, ,ZHES GSUNGS PA'I PHYIR, RTZA BAR MA KHYAB MA KHYAB BAR THAL, TSAD

381b

MA'I GRANGS GZHAL BYA'I DBANG GIS 'JOG PA LA RANG RE GNYIS MTHUN SNANG YIN LA DE LTAR NA GZHAL BYA LA YUL MNGON GYUR DANG, CUNG ZAD LKOG GYUR DANG, SHIN TU LKOG GYUR TE GNAS GSUM DANG, DPE DON 'DRES PA'I LKOG GYUR TE GZHAL BYA'I KHYAD PAR BZHI'I DPANG GIS MNGON SUM TSAD MA DANG, DNGOS STOBS RJES DPAG DANG, LUNG GI TSAD MA DANG, DPE NYER 'JAL GYI TSAD MA'I DBYE BA BZHI GTZO BOR BSHAD DGOS PA'I PHYIR, JI SKAD DU DRANGS MA THAG PA LAS, LUNG LA SOGS PA, NAS, TSAD MA GZHAN NYID MA YIN PA MA YIN NO, ,ZHES DANG, TSAD MA'I GRANGS 'JUG PA GZHAL BYA'I GZHAN GYI DBANG YIN PA'I PHYIR, ZHES GSUNGS PA'I PHYIR, GZHAN YANG, TSAD MA GNYIS SU SDUD NA'ANG RANG SPYI'I SGO NAS MI RIGS PAR BSHAD ZIN LA, RANG GI 'DZIN STANGS KYI YUL GZHAL BYA MNGON LKOG GNYIS KYI SGO NAS TSAD MA GNYIS 'JOG RIGS BAR THAL, SKABS 'DIR 'JIG RTEN GYI THA SNYAD KYI SKABS YIN LA 'JIG RTEN GYI THA SNYAD LA YUL MNGON GYUR GYI SGO NAS YUL CAN LA MNGON SUM 'JOG CING, LKOG TU GYUR PA LA RGYU MTSAN YANG DAG LA BRTEN NAS RJES SU DPOG PAR BYED PA YIN PA'I PHYIR, TSIG GSAL LAS, MNGON SUM GYI SGRA 'JIG RTEN LA GRAGS PA NI YOD MOD KYI, DE JI LTAR 'JIG RTEN NA YIN PA DE LTAR NI KHO BO CAG GIS SMRAS PA NYID DO, ,'JIG RTEN PA'I DON JI LTAR GNAS PA SPANGS NAS DE BYE BRAG TU 'CHAD PAR BYED PA LA NI RAB TU GRAGS BA'I SGRA YANG SPONG BAR 'GYUR RO, ,ZHES DANG, BRGYA BA'I 'GREL PA LAS KYANG, DNGOS

382a

, ,PO THAMS CAD MNGON SUM DU SHES PAS GO BAR BYA BA NI MA YIN GYI RJES SU DPAG PAS RTOGS PAR BYA BA YANG YOD DO, ,ZHES GSUNGS PA'I PHYIR, LNGA BA DBYE BA'I RGYU MNGON LKOG GNYIS KYI SGRA DANG MNGON LKOG GI DON LA KHA CIG NA RE, GZHI GRUB NA MNGON LKOG GNYIS KA YIN PAS KHYAB STE, GZHI GRUB NA MNGON GYUR YIN PAS KHYAB PA GANG ZHIG ,DE YIN NA LKOG GYUR YIN DGOS PA'I PHYIR, DANG PO DER THAL, GZHI GRUB NA MNGON SUM GYI YUL YIN PAS KHYAB PA'I PHYIR NA MKHAS PA DAG MA KHYAB ZER, DER THAL, GZHI GRUB NA RANG MNGON SUM DU RTOGS PA'I MNGON GSUM YOD PAS KHYAB PA'I PHYIR NA 'DI KHO NAR MA KHYAB, KHYAB PAR THAL, RANG GZHAL BA'I TSAD MA YOD NA TSAD MA'I GZHAL BYA YIN DGOS PA'I PHYIR NA SHIN TU MA KHYAB CING MI MTSUNGS PA ZHIG GO ,RTZA RTAGS GNYIS PA GRUB STE, GZHI GRUB NA RJES DPAG GI GZHAL BYA YIN DGOS PA'I PHYIR NA MKHAS PA DAG GIS MA KHYAB ZER, DER THAL, GZHI GRUB NA RANG RTOGS PA'I RJES DPAG YOD PAS KHYAB PA'I PHYIR NA 'DI KHO NAR MA KHYAB PO, ,'O NA, GZHI GRUB NA MNGON SUM TSAD MA'I SGO NAS RTOGS PAR BYA BA'AM GO PAR BYA BA YIN PAS KHYAB PAR THAL, GZHI GRUB NA MNGON SUM TSAD MA'I RTOGS BYA YIN PAS KHYAB PA'I PHYIR, RTAGS SONG, 'KHOR GSUM KHAS, 'DOD NA, MNGON SUM GYI TSAD MA'I RTOGS PAR BYA BA MA YIN PA'I DNGOS PO ZHIG MED PAR THAL LO, ,'DOD PA'I PHYIR, 'KHOR GSUM, 'DOD MI NUS TE, BRGYA BA'I 'GREL BA LAS, DNGOS PO THAMS

382b

CAD MNGON SUM DU SHES PAS GO BAR BYA BA NI MA YIN GYI, ZHES GSUNGS PA'I PHYIR, GZHAN YANG, MNGON SUM GYI TSAD MA GANG YANG RUNG BA ZHIG LA MNGON GYUR YIN NA MNGON SUM GYI TSAD MA LA MNGON GYUR YIN PAS KHYAB PAR THAL, GZHI GRUB NA MNGON SUM TSAD MA'I GZHAL BYA YIN PAS KHYAB PA'I PHYIR, 'KHOR GSUM, 'DOD NA, MNGON SUM GYI TSAD MA GANG YANG RUNG BA ZHIG LA LKOG TU MA GYUR PA YIN NA MNGON SUM GYI TSAD MA LA'ANG LKOG TU MA GYUR PA YIN PAS KHYAB PAR THAL, ,'DOD PA'I PHYIR, 'DOD NA, RNAM MKHYEN SOGS CHOS THAMS CAD CHOS CAN, MNGON SUM TSAD MA LA LKOG TU MA GYUR PAR THAL, MNGON SUM GYI TSAD MA GANG YANG RUNG BA ZHIG LA DE LTAR YIN PA'I PHYIR, KHYAB PA KHAS, 'DOD NA, MNGON SUM GYI TSAD MA CHOS CAN, SHES SGRIB SPANGS PA'I SHES PAR THAL, KHYOD CHOS THAMS CAD MNGON SUM DU RTOGS PA'I SHES PA YIN PA'I PHYIR, MA KHYAB NA, SHES SGRIB SPANGS PA DON MED PAR THAL LO, ,DE LA DE SPANGS MI DGOS PA'I PHYIR, MA KHYAB MTSAMS LA RTAGS DER THAL, KHYOD KYIS CHOS THAMS CAD MNGON SUM DU RTOGS PA GANG ZHIG, SHES PA YIN PA'I PHYIR, 'KHOR GSUM, GONG DU 'DOD MI NUS TE, SGRIB BCAS KYI MNGON SUM TSAD MA THAMS CAD KHYOD YIN PA'I PHYIR, 'KHOR GSUM, GZHAN YANG, RNAM MKHYEN CHOS CAN, MNGON SUM GYI TSAD MA LA LKOG TU GYUR MA GYUR GNYIS KA YIN PAR THAL, DE LA LKOG TU MA GYUR PA GANG ZHIG, DE LA LKOG TU GYUR PA'I PHYIR, DANG PO DER

383a

, ,THAL; KHYOD MNGON SUM GYI TSAD MA GANG YANG RUNG BA ZHIG LA LKOG TU MA GYUR PA YIN PA'I PHYIR, KHYAB PA KHAS, 'KHOR GSUM, RTAGS RNAM MKHYEN LA DE'I PHYIR, 'KHOR GSUM, RTAGS GNYIS PA DER THAL, MNGON SUM GYI TSAD MA GANG YANG RUNG BA ZHIG LA DE'I PHYIR, 'KHOR GSUM, DER THAL, SLOB PA'I MNGON SUM GYI TSAD MA LA DE'I PHYIR, 'KHOR GSUM, GZHAN YANG, DBANG MNGON GYI TSAD MA GANG RUNG ZHIG GI GZHAL BYA YIN NA, DBANG MNGON GYI TSAD MA'I GZHAL BYA YIN DGOS PAR THAL, MNGON SUM TSAD MA LA DE'I PHYIR, 'DOD NA, STONG NYID CHOS CAN, DER THAL, DE'I PHYIR, 'KHOR GSUM, DER THAL, KHYOD MNGON SUM DU RTOGS PA'I DBANG MNGON YOD PA'I PHYIR, DER THAL, GZHI GRUB PA'I PHYIR, 'KHOR GSUM, GZHAN YANG, MIG SHES GANG RUNG ZHIG GI BZUNG BYA YIN NA MIG SHES KYI BZUNG BYA YIN DGOS PAR THAL, DAM BCA' PA'I PHYIR, 'KHOR GSUM, 'DOD NA, SGRA CHOS CAN, DER THAL, DE'I PHYIR; RTAGS DER THAL, KHYOD MNGON SUM DU RTOGS PA'I MIG SHES YOD PA'I PHYIR, DER THAL, GZHI GRUB PA'I PHYIR, RTZA BAR 'DOD MI NUS TE, SGRA'I SKYE MCHED YIN PA'I PHYIR, KHYAB STE, RNAM 'GREL LAS, DPANG BO'I SEMS NI NGES PHYIR DANG, ,ZHES DANG, BRGYA PA LAS, GAL TE DE LTAR 'GYUR NA NI, ,GNYIS KA YANG NI MIG NYID KYIS, ,'DZIN PAR CI YI PHYIR MI 'GYUR, ,ZHES MIG GIS REG BYA'I SKYE MCHED DANG GZUGS KYI SKYE MCHED GNYIS KA 'DZIN PAR THAL BA

383b

'PHANGS PA'I PHYIR, SHIN TU MANG, GZHAN YANG, RNAL 'BYOR MNGON SUM DANG YID MNGON LA'ANG RIGS PA DE LTAR BSGRES NAS MIG SHES KYIS KYANG SNYOMS 'JUG NUS PA SOGS 'PHEN, GZHAN YANG, RJES DPAG GANG RUNG ZHIG GI GZHAL BYA LA RJES DPAG GI GZHAL BYAS KHYAB PAR THAL LO, ,'DOD NA, RANG GI DPANG POS GCOD BZHIN PA CHOS CAN, RJES DPAG GI GZHAL BYAR THAL, KHYOD RTOGS PA'I RJES DPAG CIG YOD PA'I PHYIR, MA GRUB NA, DER THAL, LKOG GYUR YIN PAR 'GAL BAR MA ZAD KHYOD GANG ZAG GCIG LA LKOG GYUR DU SONG BA YOD PA'I PHYIR, DER THAL, GZHI GRUB PA'I PHYIR, RTZA BAR 'DOD NA, RTAGS STOBS KYIS RTOGS PAR BYA BA YIN PAR THAL, 'DOD PA'I PHYIR, 'DOD NA, GRUB ZIN SGRUB PA'I SKYON MED PAR THAL BA DANG, GZHAL BYA'I GNAS DANG PO LA RJES DPAG MI 'JUG PAR BSHAD PA MI 'THAD PAR THAL LO, ,'DOD PA'I PHYIR, KHYAB STE, DE 'DRA RTAGS STOBS KYIS RTOGS PA DANG RJES DPAG GIS GZHAL DGOS PA NI BZHAD GAD KYI GNAS CHEN PO YIN PA'I PHYIR, LAM RIM LAS, MKHAS PA'I BZHAD GANG KYI GNAS YIN TE, SLOB MAS MNGON SUM GYIS GRUB PA LA SLOB DPON GYIS RJES DPAG GI SGO NAS SGRUB PAR 'DOD PA'I PHYIR RO, ,DE'I PHYIR GTAM DE 'DRA BA NI RIGS PA SHES PA RNAMS KYI MDUN DU SMRA BAR MI BYA'O, ,ZHES GSUNGS PA'I PHYIR, GZHAN YANG ,GZHI GRUB NA CUNG ZAD LKOG GYUR DANG SHIN TU LKOG GYUR GNYIS KA YIN PAS KHYAB PAR THAL, GZHI GRUB NA DNGOS STOBS RJES DPAG DANG YID CHES

384a

, ,RJES DPAG GNYIS KA'I GZHAL BYA YIN DGOS PA'I PHYIR, DER THAL, GZHI GRUB NA RANG NYID RTOGS PA'I RJES DPAG DE GNYIS RE YOD PAS KHYAB PA'I PHYIR, KHYAB PA KHAS, DER THAL, RANG NYID SHIN TU LKOG GYUR DU YUL DUS RNAM PA CI RIGS SGO NAS SONG BA'I GANG ZAG YOD PA'I PHYIR, YANG KHYAB PA KHAS, DER THAL, KHYOD GZHI GRUB PA'I PHYIR, RTZA BAR 'DOD NA, SGRA MI RTAG PA CHOS CAN, DER THAL, DE'I PHYIR, RTAGS KHAS, 'KHOR GSUM, 'DOD NA, DE CHOS CAN, KHYOD RTOGS PA LUNG RNAM DAG GI SHES BYED MED PAR RTOGS MI THUB PAR THAL, KHYOD RTOGS PA LUNG RNAM DAG LA LTOS PA'I PHYIR, RTAGS DANG PO DER THAL, KHYOD SHIN TU LKOG GYUR YIN PA'I PHYIR, KHYAB STE, GZHAL BYA'I GNAS GSUM PA RIGS PA RKYANG PAS RTOGS MI NUS PAS DE LA LUNG 'DREN PA MKHAS PA'I LUGS YIN PA'I PHYIR, RNAM 'GREL LAS, GNAS GSUM PAR NI 'PHOS PA NA, ,LUNG 'DREN PA NI MKHAS PA'I LUGS, ,ZHES GSUNGS PA SOGS MANG BA'I PHYIR, GONG DU 'DOD MI NUS TE, KHYOD GZHAL BYA'I GNAS GNYIS PA YIN PA'I PHYIR, RTAGS CHOS CAN GYIS GRUB LA, MA KHYAB NA, KHYAB PAR THAL, RNAM 'GREL LAS, YONGS BTAGS YONGS SU LEN PA'I PHYIR, ,RJES SU DPAG PA'I YUL LA TSIG ,TSAD MA NYID DU 'DOD MA YIN, ,DER NI RJES DPAG 'JUG MI 'GYUR, ,ZHES GSUNGS PA'I PHYIR, GZHAN YANG, DPYOD PA KUN GYI YUL RTOGS PA LUNG LA LTOS PAR THAL, GZHAL BYA'I GNAS DANG PO RTOGS PA

384b

LA'ANG LUNG LA LTOS PA'I PHYIR, 'KHOR GSUM, KHYAB CING, 'DOD MI NUS TE, RNAM 'GREL LAS, DPYOD PA KUN LA BSTAN BCOS DAG ,ZUNGS ZHES LUGS 'DI SU YIS BYAS, ,ZHES GSUNGS PA'I PHYIR, DE BZHIN DU MDUN GYI BUM PA CHOS CAN, RTAGS STOBS KYIS RTOGS PAR BYA BA YIN PAR THAL, RJES DPAG GI GZHAL BYA YIN PA'I PHYIR, 'KHOR GSUM, 'DOD NA, DBANG PA'I DNGOS YUL MA YIN PAR THAL BA DANG, YANG KHYOD RTOGS PA LUNG LA LTOS PAR THAL, KHYOD YID CHES RJES DPAG GI GZHAL BYA YIN PA'I PHYIR SOGS SPROS PAS CHOG GO ,GZHAN YANG, RANG SPYI GANG YIN THAMS CAD MNGON GYUR YIN ZHING LKOG GYUR MIN ZHES, TSIG GSAL LAS, 'JIG RTEN NA YOD NA NI THAMS CAD MNGON SUM DU DMIGS PAR BYA BA YIN PA'I PHYIR LKOG TU MA GYUR PA YIN TE, ZHES GSUNGS PA 'DIS BSTAN PAR THAL, GZHI GRUB NA MNGON GYUR YIN DGOS PA'I SHES BYED YOD PA'I PHYIR, RTAGS KHAS, 'DOD NA, LUNG DE'I RJES SU DE NYID LAS, LKOG TU GYUR PA'I YUL CAN ZHES SOGS GSUNGS PA MI 'THAD PAR THAL, 'DOD PA'I PHYIR, KHYAB CING 'DOD MI NUS TE, LUNG DES RANG SPYI GANG YIN THAMS CAD MNGON GYUR DANG LKOG GYUR MA YIN PAR STON PA MA YIN PA'I PHYIR TE, RNAM BSHAD LAS, RANG SPYI GANG YIN THAMS CAD MNGON GYUR YIN GYI LKOG GYUR MA YIN PAR STON BA'ANG MA YIN NO, ,ZHES GSUNGS PA'I PHYIR DANG, BZHI BRGYA BA'I 'GREL BA'I LUNG DE'I PHYIR, GZHAN YANG, BDEN MED CHOS CAN, MNGON GYUR MA YIN BAR THAL, LKOG

385a

, ,TU MA GYUR PA MA YIN PA'I PHYIR, KHYAB STE, DE GNYIS DON GCIG YIN PA'I PHYIR, TSIG GSAL LAS, MNGON SUM GYI SGRA NI LKOG TU MA GYUR PA'I DON GYIS BRJOD PAR BYA BA STE ZHES GSUNGS PA'I PHYIR, GZHAN YANG, DE CHOS CAN; RTAGS LA MA LTOS PAR DBANG PO DRUG PO GANG RUNG GI YUL DU 'JIG RTEN NA GRAGS PA DE YIN PAR THAL, KHYOD MNGON GYUR YIN PA'I PHYIR, RTAGS KHAS, KHYAB PAR THAL, MNGON SUM DANG MNGON GYUR DANG, DBANG PO'I YUL RNAMS DON GCIG YIN PA'I PHYIR, TSIG GSAL LAS, DBANG PO MNGON DU PHYOGS PA'I DON NI MNGON SUM MO ZHES DANG, 'CHI MED MDZOD LAS, MNGON SUM DANG NI DBANG PO'I YUL, ZHES GSUNGS PA'I PHYIR, 'DI LA'ANG MA KHYAB ZER NA; 'O NA, SKABS 'DIR MNGON LKOG GI BTAGS DON BTZAL NAS 'JOG RIGS PAR THAL, DBANG PO DRUG GANG RUNG GI YUL DU GRAGS SHING RGYU MTSAN LA MA LTOS PAR RTOGS NUS PA MNGON GYUR DANG, DBANG PO DRUG GANG RUNG GI YUL LAS 'DAS SHING RGYU MTSAN LA LTOS PA LKOG GYUR DU 'JOG PA MA YIN PA'I PHYIR, RTAGS KHAS, KHYAB CING 'DOD MI NUS TE, BUM PA LTA BU'I MNGON LKOG GI BTAGS DON TSOL NA 'JIG RTEN NA GRAGS PA DES MTSIM PAR 'DI YUL CAN GANG RUNG GCIG LA MNGON LKOG YIN PAS MNGON LKOG GI GO CHOD MI CHOD BTZAL BA DE YIN PA'I PHYIR, DER THAL, BUM PA'I BTAGS DON DANG DE'I MNGON LKOG GI BTAGS DON TSOL TSUL SO SO BA RE YOD PA'I PHYIR DANG, MDO SEMS KYIS MNGON

385b

LKOG DPYOD TSUL BTAGS DON BTZAL BAR SONG BA'I PHYIR, LEGS BSHAD SNYING POR LTA DGOS, SGRUB BYED KYI RIGS PA'I 'GAG MDO DE KHO NA YIN PAS BSAM DGOS SO, ,DRUG PA PHYE BA'I MNGON RJES SO SO'I DON LA TSAD MA SDE BDUN LA ZHEN CHE BA MANG PO DANG THAL 'GYUR BAR RLOM PA KHA CIG NA RE, MNGON RJES GNYIS MDO DANG SDE BDUN LTAR ZER NA, 'O NA, TSIG GSAL DANG BRGYA BA'I 'GREL PA'I MNGON SUM TSAD MA'I RNAM BZHAG SKABS KYI PHYOGS SNGA SMRA BA PO LA TSAD MA MDO'I LUGS SOGS 'JOG PA MA YIN PAR THAL, SKABS 'DIR YANG DE LTAR 'DOD PA'I PHYIR, RTAGS DNGOS, KHYAB CING 'DOD MI NUS TE, TSAD MA MDO SOGS KYI MNGON SUM GYI SGRA YUL CAN SHES PA LA DNGOS DANG YUL LA BTAGS NAS 'JUG PAR 'DOD PA GANG, 'DIR YUL LA DNGOS DANG YUL CAN LA DE LA LTOS NAS BTAGS PAR 'JUG PA'I PHYIR, DANG PO GRUB STE, BZHI BRGYA PA'I LE'U BCU GSUM PA'I 'GREL PA LAS, 'DI LA RTOG GE BA RNAMS NA RE, BUM PA LA MNGON SUM NYID YOD PA MA YIN PA KHO NA STE, GZUGS LA SOGS PA RNAMS KYI RANG GI MTSAN NYID NI BSTAN DU MED PA YIN LA MNGON SUM GYI BSNYAD PAR BYA BA MIG LA SOGS PA'I RNAM PAR SHES PA'I YUL YIN PA'I PHYIR, MNGON SUM ZHES BYA BAR 'DOGS SO; ;NAS, KHYOD KYI MNGON SUM GANG YIN GANG ZHIG YIN ZHES BRGAL ZHING BRTAG PAR BYA'O, ,SMRAS PA SHES PA MNGON SUM YIN NO, ,ZHES GSUNGS PA'I PHYIR, GNYIS PA GRUB STE, BRGYA PA'I 'GREL PA DE NYID LAS, DE'I PHYIR, 'JIG RTEN

386a

, ,NA YUL KHO NA DNGOS KYI 'JUG PAS MNGON SUM YIN LA, SHES PA NI GDAGS PA LAS SO, ,ZHES GSUNGS PA'I PHYIR, GZHAN YANG, YUL YUL CAN LTOS TSE YUL MNGON SUM BTAGS PA DANG YUL CAN LA MNGON SUM DNGOS KYI THA SNYAD TSAD MA MDO LTAR MI RIGS PAR THAL, DE 'JIG RTEN GYI THA SNYAD DANG MI MTHUN PA'I PHYIR, DER THAL, 'JIG RTEN NA ZLA CHOS SOGS YUL GCIG LA'ANG CIG CAR DU RGYUD DU MA'I DBANG PO'I SHES PAS MTHONG PA 'JUG PA'I PHYIR, KHYAB STE, MNGON BRJOD LAS, MNGON SUM DANG NI DBANG PO'I YUL, ,ZHES GSUNGS PA LTAR 'DI NGAS MNGON SUM YIN NO ZHES 'JIG RTEN NA GRAGS PA'I PHYIR, DE LTAR RTAGS SNGA PHYI GNYIS KA GRUB PAR THAL, BRGYA PA'I 'GREL PA LAS, DE LTAR NA SHES PA LA MNGON SUM DU RTOGS PA MI RIGS SO, ,YUL LA NI RIGS TE, DE LA NI ZLA BA TSES PA LA SOGS PA CIG CAR RGYUD DU MA LA SKYES PA'I DBANG PO'I YUL GCIG MTHONG NGO, ,'JIG RTEN PA'I DON LA 'JIG RTEN PA'I MTHONG BA SPANGS NAS DON GZHAN LA BRTEN PAR RIGS PA YANG MIN NO, ,ZHES GSUNGS PA'I PHYIR, DE 'DRA SHIN TU MANG NGO, ,GZHAN YANG, MNGON SUM TSAD MA ZHES PA'I MNGON SUM GYI SKAD DOD PRA TYA KshA ZHES PA PHRAL PA'I PRA TI'I DON ZLOS PA LA SKABS 'DIR BSHAD PAR THAL, TSAD MA PAS DE LTAR BSHAD PA'I PHYIR, KHYAB PA KHAS, RTAGS DER THAL, CHOS MCHOG GI 'THAD LDAN CHUNG BA LAS, PRA TI'I TSIG SDUD PA LA SO SOR BRTEN PA STE DBANG PO DANG DBANG PO

386b

LA BRTEN PA'I DON NI MNGON SUM MO, ,ZHES DANG, SNGAR DBANG PO DANG DBANG PO LA BRTEN PAR BSHAD PA DE'I PHYIR, RTZA BAR 'DOD NA, DBANG PO BYA RDZOGS KYI SKAD CIG MA GCIG LA BRTEN PA'I RNAM SHES SKAD CIG MA GCIG CHOS CAN, DBANG PO DANG DBANG PO LA BRTEN PA YIN PAR THAL, PRA TYA KshA GANG ZHIG, ZLOS PA'I SGRA DON DE'I PHYIR, 'KHOR GSUM KHAS, 'DOD MI NUS TE, RTEN DBANG GCIG LAS MID PA'I PHYIR, KHYAB CING RTAGS GRUB STE, TSIG GSAL LAS, ZLOS PA'I DON MED PA'I PHYIR, DBANG PO'I SKAD CIG MA GCIG GI RTEN CAN MIG GI RNAM PAR SHES PA GCIG MNGON SUM NYID DU YANG MI 'GYUR LA, RE RE LA MNGON SUM MED NA NI MANG PO RNAMS LA YANG MI 'GYUR RO, ,ZHES GSUNGS PA'I PHYIR; 'KHOR GSUM KHAS, GZHAN YANG, MNGON SUM GYI TSAD MA LA RTOG BRAL DGOS PAR 'DIR YANG 'DOD PAR THAL, TSAD RANG DAG GIS DE LTAR 'DOD PA'I PHYIR, KHYAB PA KHAS, DER THAL, TSAD RANG DAG GIS, MDO LAS, MIG GI RNAM PAR SHES PA DANG LDAN PAS SNGON PO SHES KYI SNGON PO'O SNYAM DU NI MA YIN NO, ,ZHES PAS DE LTAR BSTAN PAR 'DOD PA'I PHYIR, TSAD MA'I DE NYID DKA' 'GREL LAS, MNGON SUM GYI MTSAN NYID NI 'KHRUL PA DANG RTOG PA DANG BRAL BA NYID DE, DE YANG BCOM LDAN 'DAS KYIS MIG GI ,NAS, ZHES GSUNGS TE 'DI LTAR SNGON PO ZHES BYA BA 'DIS NI PHYIN CI MA LOG PA'I YUL CAN DU BSTAN PA'I PHYIR MA 'KHRUL PA BRJOD LA, SNGON PO'I SNYAM DU MA YIN NO, ,ZHES BYA BA 'DIS NI MING DANG 'BREL BA'I

387a

, ,DON 'DZIN PA SPANGS PA'I PHYIR RTOG PA DANG BRAL BA BRJOD DO, ,ZHES GSUNGS PA'I PHYIR DANG, PHYOGS GLANG GIS KYANG GSUNGS SO, ,RTZA BAR 'DOD MI NUS TE, DE LA RTOG BRAL 'JOG PA 'JIG RTEN DANG MI MTHUN PA GANG ZHIG MNGON SUM GYI TSAD MAR SGRUB 'DOD NAS RTOG BRAL BYAS KYANG MI PHAN PA YIN, MDO'I LUNG DON YANG MA YIN PA'I PHYIR, DANG PO GRUB STE, 'JIG RTEN NA MNGON SUM TSAD MAS YUL GCOD TSUL DBANG MNGON LTAR RTOG BRAL GYIS GCOD PA DANG, RTOG BRAL MIN KYANG TSOR BA BDE SDUG NYAMS MYONG GIS GCOD TSUL GNYIS YOD PA'I PHYI MA KUN GYI THA SNYAD KHYOD KYIS MA BYAS PA'I PHYIR, TSIG GSAL LAS, RTOG PA DANG BRAL BA'I SHES PA NYID MNGON SUM NYID DU KHAS BLANGS PA'I PHYIR DANG, DES KYANG 'JIG RTEN PA'I THA SNYAD BYED PA MED PA'I PHYIR, ZHES GSUNGS PA'I PHYIR, RTAGS GNYIS PA GRUB STE, RTOG BRAL LOG SHES SOGS MA ZAD RTOG BRAL GYI MNGON SUM PHAL CHER YANG TSAD MIN GYI BCAD SHES SU KHAS BLANGS PA'I PHYIR, TSIG GSAL LAS, RTOG PA DANG BRAL BA'I SHES PA NYID CES DANG, 'JIG RTEN PA'I TSAD MA DANG GZHAL BYA'I THA SNYAD BSHAD PAR 'DOD PA'I PHYIR NA MNGON SUM TSAD MA NYID DU RTOGS PA NI DON MED PA NYID DU 'GYUR RO, ,ZHES GSUNGS PA'I PHYIR, RTAGS GSUM PA GRUB STE, LUNG DE MNGON SUM GYI TSAD MA SPYIR BSHAD PA'I SKABS KYANG MIN LA, LUNG DON YANG DBANG SHES BLUN PAS YUL GYI SPU RIS MI 'BYED PAR STON PA TZAM YIN PA'I PHYIR, TSIG GSAL

387b

LAS; ZHES BYA BA'I LUNG YANG MNGON SUM GYI MTSAN NYID BRJOD PA'I DON CAN GYI SKABS MA YIN PA'I PHYIR DANG, DBANG PO'I RNAM PAR SHES PA LNGA PO BLUN PA NYID DU STON PAR BYED PA NYID YIN PA'I PHYIR DANG, ZHES GSUNGS PA'I PHYIR, 'DIS NI STONG THUN LAS RTOG BRAL MNGON SUM MTSAN NYID ZUR DU SMOS PA 'GOG PA TSIG GSAL DANG BZHI BRGYA PA'I 'GREL PA GNYIS KA LAS RGYAS PAR GSUNGS MOD KYI ZHES GSUNGS PA'I BZHED PA MKHAS PA SNGA MA DAG GIS RGYAS PAR MA BSHAD SNANG BAS 'DIR BSHAD NA RANG BLO GROS 'PHEL BA DANG, SKAL MNYAM LA'ANG PHAN PHYIR NYUNG GSAL BRIS PAS BLO GSAL RNAMS DGYES PAR MDZOD CIG, GZHAN YANG, SGRA MI RTAG PA DANG SGRA BDEN MED LTA BU'I RANG GI 'DOD PA'I BSGRUB BYA RJES DPAG GIS RTOGS PA LA THOG MAR THAL 'GYUR DANG DE RJES SU GTAN TSIGS 'GOD NGES PAR DGOS PA 'DI BAS KYANG 'DOD PAR THAL, TSAD MA PAS RJES DPAG DANG 'DI PAS RJES DPAG 'DOD TSUL MTHUN PA GANG ZHIG, TSAD MA PAS THAL 'GYUR GYIS THOG MAR LOG RTOG RTZE 'JOMS NUS KYANG GTAN TSIGS LA MA LTOS PAR DE SGRUB KYI BSGRUB BYA NGES PA'I RJES DPAG SKYED MI THUB PAR 'DOD PA'I PHYIR, RTAGS DANG PO KHAS, RTAGS GNYIS PA GRUB STE, DNGOS SMRA'I RTZOD TSUL 'CHAD PA'I SKABS SU, DBU MA SNANG BA LAS, THAL BA SGRUB PA'I SGO NAS NI GZHAN GYI PHYOGS LA GNOD PA TZAM DU 'GYUR GYI, RANG GI PHYOGS 'GRUB PA NI MA YIN TE, DE NI GNYIS KA LA GRUB PA'I GTAN TSIGS GZHAN LA LTOS PA'I PHYIR RO, ,ZHES GSUNGS PA'I PHYIR,

388a

, ,'DI NI RIGS TSOGS LAS BDEN GRUB 'GOG PA LA SBYOR NGAG MA BKOD PAR THAL BAS BKAG PA LA DNGOS SMRA BAS SKYON BRJOD BYAS TSUL YIN NO, ,RTZA BAR 'DOD MI NUS PAR THAL, RGOL BA DBANG RTUL LA MI 'DOD PA'I THAL BA DANG DON DE SGRUB PA'I SBYOR NGAG 'GOD DGOS YOD KYANG DBANG RNON GYIS THAL BA LA BRTEN NAS BDEN GRUB LA SKYON GO NUS PA GANG ZHIG, DE GO NA BDEN MED 'THAD PAR YANG GO NUS PA DANG RTOGS PAR 'GYUR BAS RTAGS SBYOR LA DGOS PA LHAG PO MED PA'I PHYIR, DANG PO GRUB STE, BDEN GRUB MI 'THAD PA'I SKYON STON BYED KYI THAL SBYOR NGAG GSUM GANG RUNG ZHIG YOD PA'I PHYIR, KHYAB STE, DAM BCA' BA TZAM DANG KHYAB PA BRJOD PA TZAM GYIS DE'I SKYON GO MI THUB PAS SBYOR NGAG DANG SGRUB PA GNYIS LA NUS PA MED PA RANG RES MTHUN SNANG YIN PA'I PHYIR, TSIG GSAL LAS, KHYED CAG GI RTZOD PA NI 'THAD PA DANG BRAL BA DANG, RANG GI KHAS BLANGS PA DANG 'GAL BA YIN NO, ,ZHES BSHAD PA, NAS, 'DI DAG TZAM ZHIG GIS BRTZAD PA NA CI PHA ROL PO KHAS LEN PAR MI BYED DAM, ZHES GSUNGS PA'I PHYIR, SNGAR BSHAD ZIN, RTAGS GNYIS PA GRUB STE, DE LTAR GO NUS KYANG GZHAN DON RJES DPAG RTAGS SBYOR SOGS 'GOD PA NI, DON MED PA DANG GNAS MA YIN PA LA BKOD PA'I SKYON SOGS 'BYUNG BA'I PHYIR, TSIG GSAL LAS, 'DI NYID SUN 'BYIN PA CHES GSAL PO YIN TE, 'DIR RJES SU DPAG PAS GNOD PA BRJOD PA LA KO DGOS PA CI ZHIG YOD

388b

CES DANG, SLOB DPON NI GNAS MA YIN PAR YANG SOGS GSUNGS PA'I PHYIR, GZHAN YANG, SKABS KYI RGOL BA DBANG RNON LA SGRA CHOS CAN, GANG LA YANG MA LTOS PAR THAL, BDEN PAR GRUB PA'I PHYIR, ZHES PA'I THAL 'GYUR 'DI 'PHANGS PA NA RGOL PA DES 'DI SGRUB BYED 'PHEN PA'I THAL 'GYUR DU MI GO BAR THAL, DE LA THAL 'GYUR BKOD RJES SU SLAR YANG THAL 'GYUR DES 'PHANGS PA'I RTAGS SBYOR 'GOD DGOS PA'I PHYIR, RTAGS KHAS, KHYAB STE, KHYOD THAL 'GYUR DU 'PHANGS PAS RTAGS SBYOR DE 'DRA GO BA'I GANG ZAG YIN PA'I PHYIR, BYAS PA LA KHO NA RE, SBYOR BA GO ZIN KYANG DON MA GO BA GO CHED YIN ZER NA YANG, 'O NA, DE LA BRTEN NAS DBANG RNON LA DGOS PA LHAG PO MED PAR THAL, THAL 'GYUR DU 'PHANGS NAS TSUL GSUM 'PHEN TSUL GO BAR MA ZAD THAL 'GYUR DE'I DNGOS SHUGS KYI DON BSAMS PA NA SGRUB BYED LEGS PAR GO 'GRO BA'I PHYIR, DER THAL, DE 'DRA LA DGONGS NAS 'PHAGS PA YAB SRAS KYIS SBYOR BA CHER MI MDZAD PAR THAL 'GYUR LA GTZO BOR BRTEN PA'I PHYIR, TSIG GSAL LAS, DE LTAR SLOB DPON NI, ZHES PA NAS, PHAL CHER THAL BSGRUB PA KHO NA'I SGO NAS GZHAN GYI PHYOGS SEL BAR MDZAD DO, ,ZHES SOGS GSUNGS PA'I PHYIR, SPRO SLA'O, ,GZHAN YANG DNGOS SMRA PAS RJES DPAG RNAMS RANG RANG GE SNANG BA DANG ZHAN YUL GNYIS KA LA TSAD MAR 'DOD PAR THAL, 'DI BAS DE LTAR 'DOD PA'I PHYIR, RTAGS SLA, KHYAB STE, MNGON RJES 'DOD TSUL MTHUN PA'I PHYIR, RTAGS KHAS, RTZA BAR 'DOD NA, DE SNANG BA

389a

, ,LA MNGON SUM TSAD MAR 'DOD PAR THAL, DE LA TSAD MAR 'DOD, DE LA RJES DPAG TU MI 'DOD PA'I PHYIR, RTAGS GNYIS SLA, 'DOD NA, DNGOS SMRA BA CHOS CAN, KHYOD KYIS RJES DPAG DE RJES DPAG DE'I SNANG BA LA RTOG BRAL MA 'KHRUL PAR 'DOD PAR THAL, KHYOD DE DE LA MNGON SUM TSAD MAR 'DOD PA'I DNGOS SMRA BA YIN PA'I PHYIR, RTAGS KHAS, KHYAB STE, RANG RGYUD PA MAN CHAD LUGS LA DE LA MNGON SUM YIN NA RTOG BRAL MA 'KHRUL PA YIN DGOS PA'I PHYIR, TSAD CHEN DKA' 'GREL LAS, MNGON SUM GI MA 'KHRUL PA DANG RTOG PA DANG BRAL BA NYID DE, ZHES GSUNGS PA'I PHYIR, GZHAN YANG GNYIS SNANG CAN GYI SHES PA RNAMS RANG GI SNANG BA LA TSAD MAR 'DOD PA THAL 'GYUR PA'I KHYAD CHOS MA YIN PAR THAL LO, ,'DOD PA'I PHYIR SOGS MANG, YANG KHA CIG NA RE, RANG GI 'DZIN STANGS KYI YUL DU GYUR PA'I GZHAL BYA MNGON GYUR BA LA MI SLU BA'I SHES PA MNGON SUM TSAD MA'I MTSAN 'DI ZER BA DANG MNGON LKOG 'GAL ZER BA STONG THUN LA BSTUN KHUL DU SNANG YANG TSIG 'KHRI CHOD PAR BYAS NAS MTSAN NYID DE CHOS CAN, MNGON SUM GYI TSAD MA YOD NA KHYOD YOD PAS KHYAB PAR THAL, KHYOD DE'I MTSAN NYID YIN PA'I PHYIR, 'DOD NA, RI BONG RVA CHOS CAN, DER THAL; DE'I PHYIR, 'KHOR GSUM KHAS, 'DOD NA, DE CHOS CAN, RANG GI 'DZIN STANGS KYI YUL DU GYUR PA YOD PAR THAL LO, ,GZHAN YANG, BAR CHAD MED LAM CHOS CAN, MTSAN NYID DER THAL, MNGON SUM TSAD MA YIN PA'I PHYIR, KHYAB

389b

PA KHAS, RTAGS GRUB STE, RNAL 'BYOR MNGON SUM YIN PA'I PHYIR, DER THAL, CHOS CAN DE'I PHYIR, RTZA BAR 'DOD NA, DE CHOS CAN, RANG GI 'DZIN STANGS YUL DU GYUR PA'I GZHAL BYA MNGON SUM PA YOD PAR THAL, 'DOD PA'I PHYIR, 'DOD NA; BDEN MED DE YIN PAR THAL, 'DOD PA'I PHYIR, 'DOD MI NUS TE, DE DE'I 'DZIN STANGS YUL DU GYUR PA'I GZHAL BYA LKOG GYUR BA YIN PA'I PHYIR, DER THAL, KHYOD DE'I 'DZIN STANGS KYI YUL DU GYUR BA DANG GZHAL BYA LKOG GYUR PA'I GZHI MTHUN YIN PA'I PHYIR, 'KHOR GSUM KHAS, DER THAL, GZHI MTHUN DE YOD PA'I PHYIR, MA GRUB NA, BAR CHAD MED LAM CHOS CAN, KHYOD KYI 'DZIN STANGS YUL DANG GZHAL BYA LKOG GYUR GYI GZHI MTHUN YOD PAR THAL, RNAL 'BYOR MNGON SUM YIN PA'I PHYIR, GZHAN YANG, DE'I 'DZIN STANGS YUL GYI GZHAL BYA MNGON SUM YIN NA DE'I 'DZIN STANGS YUL DU GYUR PA'I GZHAL BYA MNGON SUM PA YIN DGOS PAR THAL, 'DOD PA'I PHYIR, 'DOD NA, SGYU MA'I RTA YIN NA SGYU MAR GYUR PA'I RTA YIN DGOS PAR THAL, 'DOD PA'I PHYIR, 'DOD NA, SGYU MA YIN PA DANG RTA YIN PA'I GZHI MTHUN YOD PAR THAL LO, ,YANG KHA CIG NA RE, MNGON SUM GYI TSAD MA LA DBANG MNGON YID MNGON RNAL 'BYOR MNGON SUM GSUM BYAS NAS, RNAL 'BYOR MNGON SUM GYI MTSAN NYID, BSAM GTAN GYI DNGOS GZHI LA BRTEN NAS RANG GI YUL LA BSGO MAS STOBS KYIS 'JUG PA'I RNAL 'BYOR PA'I RGYUD KYI TSAD MA ZER NA, 'O NA RGYUN ZHUGS DANG PHYIR 'ONG ZHUGS 'BRAS

390a

, ,BZHI RE RE'I RGYUD KYI BDEN MED MNGON SUM DU RTOGS PA'I RNAL 'BYOR MNGON SUM RE RE NAS CHOS CAN, MTSAN NYID DER THAL, MTSON BYA DE'I PHYIR, KHYAB PA KHAS, RTAGS GRUB STE, KHYOD BDAG MED PHRA RAGS GANG RUNG MNGON SUM DU RTOGS PA'I YE SHES YIN PA'I PHYIR, RTZA BAR 'DOD NA, ZHUGS 'BRAS DE BZHI'I RGYUD KYI BSAM GTAN GYI DNGOS GZHI YOD PAR THAL, 'DOD PA'I PHYIR, 'DOD NA, BSAM GTAN GYI DNGOS GZHI THOB PA'I RGYUN ZHUGS DANG PHYIR 'OD YOD PAR THAL, 'DOD PA'I PHYIR, 'DOD MI NUS TE, CIG CAR BAS BSAM GTAN GYI DNGOS GZHI MA THOB KYANG BSAM GTAN DANG PO'I NYER BSDOGS LA BRTEN NAS SRID BA ZLOG PAR BYED PA YIN PA'I PHYIR, BSNGAGS 'OS BSNGAGS BSTOD LAS, KHYOD KYI BSTAN PA'I RJES 'GRO BA, ,BSAM GTAN DNGOS GZHI MA THOB KYANG, ,BDUD KYI MIG RAS BTZA' BZHIN DU, ,SRID PA DAG NI ZLOG PAR BYED, ,CES GSUNGS PA'I PHYIR, GZHAN YANG, PHYI ROL PA'I RGYUD KYI BSAM GTAN GYI DNGOS GZHI LA BRTEN NAS GZHAN GYI SKYE 'CHI SOGS NGAN RTAGS BRGYAD SHES PA'I MNGON SHES CHOS CAN, RNAL 'BYOR MNGON SUM DU THAL, DE'I MTSAN NYID DE TSANG BA'I PHYIR, KHYAB PA KHAS, RTAGS GRUB STE, CHOS CAN DE'I PHYIR, RTZA BAR 'DOD NA, BDEN BZHI'I KHYAD CHOS MI RTAG SOGS BCU DRUG DANG BDAG MED GNYIS PHRA RAGS GANG RUNG MNGON SUM DU RTOGS PAR THAL, 'DOD PA'I PHYIR, GZHAN YANG, RNAL 'BYOR GYI MA MTHA'

390b

BSAM GTAN GYI DNGOS GZHI NAS 'JOG PAR THAL, RNAL 'BYOR MNGON SUM ZHES PA'I RNAL 'BYOR LA DE'I PHYIR, DER THAL, DAM BCA' 'THAD PA'I PHYIR, KHYAB STE, GZHAN BSAM GTAN GYI DNGOS GZHI DGOS PA'I RGYU MTSAN MED PA'I PHYIR, RTZA BAR 'DOD MI NUS TE, ZHI LHAG ZUNG 'BREL NAS 'JOG PA MKHAS GRUB KUN GYI DGONGS PA YIN PA'I PHYIR, SPYOD 'JUG LAS, RNAL 'BYOR PA DANG PHAL BA'O, ,ZHES PA'I 'GREL PAR DGE BA'I LHAS, RNAL 'BYOR ZHES BYA BA NI ZHI GNAS DANG LHAG MTHONG ZUNG DU 'BREL BAR 'JUG PA, DRAN PA'I THAG PAS BTAGS PA DANG LDAN PAS RNAL 'BYOR TE, TING NGE 'DZIN YIN TE, DE GANG LA YOD PA DE NI RNAL 'BYOR BA'O, ,ZHES DANG, TSAD MA KUN BTUS DAR tIKA LAS, ZHI LHAG ZUNG 'BREL GYI TING NGE 'DZIN DANG LDAN PAS RNAL 'BYOR PA ZHES SOGS GSUNGS PA'I PHYIR, BYAS PA LA BLO LDAN KHA CIG NA RE, 'O NA RNAL 'BYOR MNGON SUM LA RTOG BRAL STONG THUN NAS BSHAD PA LTAR MI DGOS PAR THAL, SBYOR LAM DROD NAS STONG NYID RTOGS PA'I MNGON SUM TSAD MA THOB PA GANG ZHIG, DER GYUR PA'I ZHI LHAG ZUNG 'BREL DE RNAL 'BYOR YIN PA'I PHYIR NA MA KHYAB, GNYIS PA SLA, RTAGS DANG PO GRUB STE, DE'I RGYUD KYI STONG NYID LA MNYAM PAR BZHAG PA'I ZHI LHAG ZUNG 'BREL DE MNGON SUM GYI TSAD MA YIN PA'I PHYIR, MA GRUB NA, DE CHOS CAN, KHYOD MNGON SUM TSAD MA YIN PAR THAL, KHYOD RANG GI 'DZIN STANGS KYI YUL GYI GZHAL BYA MNGON SUM PA LA MI SLU BA'I SHES PA YIN PA'I PHYIR, DER THAL, KHYOD KYI 'DZIN STANGS KYI

391a

, ,YUL GYI GZHAL BYA MNGON SUM PA YOD PA GANG ZHIG, KHYOD DE LA MI SLU BA YIN PA'I PHYIR, DANG PO GRUB STE, STONG NYID DE DE YIN PA'I PHYIR, MA GRUB NA, STONG NYID CHOS CAN, KHYOD DE 'DRA'I SBYOR LAM GYI 'DZIN STANGS KYI YUL GYI GZHAL BYA MNGON SUM PA YIN PAR THAL, KHYOD DE 'DRA'I SBYOR LAM GYIS RTAGS LA MA BRTEN PAR NYAMS MYONG GIS 'DZIN STANGS SU BYAS PA'I GZHAL BYA YIN PA'I PHYIR, RTAGS CHOS CAN GYIS GRUB LA, MA KHYAB NA KHYAB PAR THAL, CHOS DE SHES PA DES RTAGS LA MA LTOS PAR GZHAL BA DE DE LA MNGON GYUR GYI DON YIN PA'I PHYIR, RTZA SHE'I RNAM BSHAD LAS, RTAGS LA MA LTOS PAR RANG BZHIN MED PA MED PAR 'DZIN PA'I SGRO 'DOGS GCOD PAR YANG NUS PAS RANG BZHIN MED PA YOD PA NI MNGON GYUR RO, ,ZHES GSUNGS PA'I PHYIR, RTAGS GNYIS PA DER THAL, KHYOD DE RTOGS PA'I MNYAM BZHAG GI TSAD MA YIN PA'I PHYIR, MA GRUB NA, DE CHOS CAN, TSAD MA MA YIN PAR THAL, MNGON RJES KYI TSAD MA GNYIS GANG RUNG MA YIN PA'I PHYIR, RDZAS SPYI SOGS CHOD, DER THAL, MNGON SUM GYI TSAD MA MA YIN PA GANG ZHIG, RJES DPAG MA YIN PA'I PHYIR, DANG PO KHAS, GNYIS PA GRUB STE, KHYOD SGOM BYUNG YIN PA'I PHYIR, 'DOD MI NUS TE, YID KYI MNGON SUM TSAD MA YIN PA'I PHYIR, DER THAL, KHYOD RANG GI BDAG RKYEN YID DBANG TZAM LA BRTEN NAS RANG GI 'DZIN STANGS KYI YUL GZHAL BYA MNGON SUM PA LA MI SLU BA'I RIG PA YIN PA'I PHYIR, RTAGS CHOS

391b

CAN GYIS GRUB, MA KHYAB NA KHYAB PAR THAL, MNGON SUM TSAD MA BSDU NA DBANG MNGON YID MNGON GNYIS SU GRANGS NGES PA'I PHYIR DANG, BDAG RKYEN DBANG PO GZUGS CAN LA BRTEN NAS DE LTAR GZHAL BA DBANG MNGON GYI MTSAN NYID YIN PA'I PHYIR, RNAM BSHAD LAS, DBANG PO GZUGS CAN LA DNGOS SU BRTEN PA'I TSAD MA DANG, YID KYI DBANG PO TZAM LA BRTEN PA'I TSAD MA GNYIS LAS NI MED DO, ,ZHES GSUNGS PA'I PHYIR, DE LTAR MA BYAS NA SGOM BYUNG DMA' BA MTHA' DAG TSAD MIN DU 'GYUR RO, ,RTZA BAR 'DOD MI NUS TE, RNAL 'BYOR MNGON SUM RIGS PA DRUG CU PA'I 'GREL PAR RGYAS LA, DER YANG MNGON DU GYUR RGYU DANG GYUR TSUL GZHAN BKAG KYANG RTOG BRAL MA BKAG CING MDO DAG KYANG DE LTAR 'BREL CHE PA'I PHYIR, BYAS PA LA KHO NA RE, DE 'DRA'I SBYOR LAM CHOS CAN, TING NGE 'DZIN LA MA BRTEN PAR THAL, YID MNGON YIN PA'I PHYIR NA MA KHYAB, KHYAB PAR THAL, STONG THUN LAS, TING NGE 'DZIN LA MA BRTEN PAR RANG GI 'DZIN STANGS ZHES SOGS GSUNGS PA'I PHYIR NA MA KHYAB STE, DE NI MNGON SUM TSAD MA LA GNYIS SU PHYE PA'I YID MNGON GYI MTSAN NYID MA YIN ZHING DE LA DBANG YID RNAL 'BYOR MNGON SUM GSUM DU PHYE BA'I DE'I MTSAN NYID YIN PA'I PHYIR RO, ,DE LAS GZHAN DU NA 'PHAGS PA MA YIN PA'I RGYUD KYI TING NGE 'DZIN LA BRTEN PA'I YUL DRUG GI RNAM CAN GYI TSOR BA RNAMS DANG SNYOMS 'JUG RNAMS TSAD MA MA YIN PAR 'GYUR RO, ,YANG KHA CIG NA RE, GNYIS SNANG CAN GYI TSOR BA RNAMS

392a

, ,MNGON SUM TSAD MA ZER BA DANG YID TSOR LA DE LTAR ZER NA, RJES DPAG TU GYUR BA'I DE 'DRA'I TSOR BA DANG YID TSOR RE RE NAS CHOS CAN, RANG GI 'DZIN STANGS KYI YUL GYI GZHAL BYA MYONG STOBS KYIS RTOGS PAR THAL, KHYOD YID MNGON YIN PA'I RGYU MTSAN DE'I PHYIR, RTAGS SONG, 'DOD MI NUS TE, RTAGS STOBS KYIS DE RTOGS BYED YIN PA'I PHYIR, RTAGS RJES DPAG GIS GRUB LA, MA KHYAB NA, DE'I 'DZIN YUL CHOS CAN, MNGON LKOG GNYIS KAR THAL, MYONG STOBS DANG RTAGS STOBS GNYIS KAS RTOGS BYA YIN PA'I PHYIR, BYAS PA LA KHO NA RE, DE 'DRA'I TSOR BA CHOS CAN, RANG GI 'DZIN STANGS KYI YUL GYI GZHAL BYA MYONG STOBS KYIS RTOGS PAR THAL, RANG GI DE 'DRA'I GZHAL BYA BA DE SDUG BTANG SNYOMS GANG RUNG TSUL DU MYONG BYED YIN PA'I PHYIR NA MA KHYAB, RTAGS GRUB STE, TSAD MAR GYUR PA'I TSOR BA YIN PA'I PHYIR, KHO NA RE, MA KHYAB MTSAMS LA KHYAB PAR THAL, BZHI BRGYA BA'I 'GREL BA LAS, TSOR BA LA SOGS PA LTAR NYAMS SU MYONG BA'I RNAM PA YANG MIN LA, ZHES SOGS GSUNGS PA'I PHYIR NA SHIN TU MA KHYAB STE, DUS GSUM NI LKOG GYUR YIN PAS DUS LDAN BUM SOGS DANG RTAGS LAM BRTEN PAR DBANG YID MNGON SUM GYI TSAD MA GNYIS KYIS RTOGS TSUL MED BAR BSHAD PA TZAM YIN PA'I PHYIR, BZHI BRGYA PA'I LE'U BCU GCIG PA DUS BRTAGS PA'I SNGA 'GREL LAS, DUS GSUM PO GANG DAG ,NAS, DE DAG GIS BSNYAD BAR BYA BA DNGOS PO'I KHYAD PAR BUM PA LA SOGS PA'I SGO NAS NI RNAM PAR BZHAG PAR

392b

NUS SO, ,DE DAG NI DNGOS PO LAS THA DAD PA'I RANG BZHIN YIN ZHING, TSOR BA LA SOGS PA LTAR ZHES SOGS GSUNGS PA'I PHYIR, YANG KHO NA RE, DES DE MYONG STOBS KYIS RTOGS PAR THAL, DES DE MYONG BA'I SGO NAS RTOGS PA'I PHYIR NA YANG MA KHYAB; RTAGS GRUB STE, DES DE TSOR BA'I SGO NAS RTOGS PA'I PHYIR, DER THAL, CHOS CAN GANG, RTZA BAR, TSOR BA MYONG BA'O, ,ZHES GSUNGS PA'I PHYIR, YANG KHA CIG NA RE, TSOR BA BDE BA YIN NA YUL CAN BDE BA GZHAN ZHIG MYONG BAS KHYAB; DE BZHIN DU TSOR BA LHAG MA GNYIS LA RIGS 'GRE BA RNAM BSHAD KYI DGONGS PA ZER, DE LA SKYON 'PHEN PA'I MKHAS PA GZHAN DAG NA RE, BAR CHAD MED LAM DU GYUR PA'I TSOR BA BDE BA CHOS CAN, BDE BAR NYAMS SU MYONG BAR THAL, TSOR BA BDE BA YIN PA'I PHYIR, RTAGS KHYAB KHAS, 'DOD NA, BDE BA KHYOD KYI GZHAL BYA YIN PAR THAL, 'DOD PA'I PHYIR ZER BA LA KHO NA RE, RNAM BSHAD KYI DE GNYIS SNANG CAN GYI TSOR BA PHAL BA LA YIN ZER RO, ,DE GNYIS KA LA, 'O NA SKABS 'DI'I TSOR PA BDE BA MYONG BYA'I BDE BA YIN NA SHES PA YIN DGOS PAR THAL, DE LA YUL CAN BDE BAS KHYAB PA'I PHYIR, 'KHOR GSUM, 'DOD NA, ZAG BCAS BDE BAS MYONG BYA'I GZUGS YID DU 'ONG BA CHOS CAN, DER THAL, PHYIR; 'KHOR GSUM KHAS, DER THAL, DES MYONG BYA'I ZAG BCAS KYI BDE BA YIN PA'I PHYIR, DER THAL, DES MYONG BYA'I ZAG BCAS KYI YUL YIN PA'I PHYIR, RTAGS CHOS CAN GYIS GRUB, MA KHYAB NA KHYAB PAR THAL, SKABS 'DI'I

393a

, ,ZAG BCAS KYI BDE BA DE TSOR BA KHO NA MIN LA DE MTSUNGS KYI SEMS SEMS BYUNG YUL ZAG BCAS THAMS CAD DE'I MTSAN GZHIR 'JOG PA'I PHYIR, DER THAL, DE RNAMS ZAG BCAS KYI BDE BA DANG, 'GYUR BA'I SDUG BSNGAL KYI GZHI MTHUN YIN PA'I PHYIR, LAM RIM LAS, PHOL MIG GAM 'BRAS SHIN TU TSA BA DE LA CHU BSIL BA BTAB NA BDE BAR SNANG BA LTA BU NI 'KHOR BA PA RNAMS KYI TSOR BA BDE BA STE, NAS, DE YANG TSOR BA DE KHO NA MIN GYI DE DANG MTSUNGS PAR LDAN PA'I SEMS SEMS BYUNG GZHAN RNAMS DANG, GANG LA DMIGS NAS SKYES PA'I YUL ZAG BCAS RNAMS KYANG 'GYUR BA'I SDUG BSNGAL LO, ,ZHES GSUNGS PA'I PHYIR, GZHAN YANG, TSOR BA SDUG BSNGAL GYI MYONG BYA'I SDUG BSNGAL LA YUL CAN SDUG BSNGAL GYIS KHYAB BAR THAL, 'DOD PA'I PHYIR, 'DOD MI NUS TE, DE LA'ANG TSOR BA SOGS SNGAR LTAR YOD PA'I PHYIR, LAM RIM LAS, SDUG BSNGAL GYI SDUG BSNGAL TE MKHAL MA'I ZUG ZER BZHIN, DE YANG TSOR BA GCIG PU MIN PA NI SNGAR LTAR RO, ,ZHES GSUNGS PA'I PHYIR DANG, ZAG BCAS THAMS CAD SDUG BSNGAL BA ZHES KHAS LEN DGOS PA'I PHYIR, GZHAN YANG, GZUGS SOGS YID 'ONG LA BDE BA DANG CHAGS PA SKYE, YID MI 'ONG LA MI BDE BA'AM SDUG BSNGAL DANG ZHE SDANG SKYE, BAR MA LA BTANG SNYOMS DANG GTI MUG SKYE BAR BSHAD PA MI 'THAD PAR THAL, TSOR BA'I MYONG BYA'I BDE SDUG SOGS LA YUL GZUGS SOGS RE YANG MED PAR YUL CAN TSOR BA KHO NA 'JOG PA'I PHYIR,

393b

'KHOR GSUM KHAS, 'DOD NA, LAM RIM SOGS DANG 'GAL, YANG DAM BCA' GNYIS PA LA, 'O NA, STONG NYID LA MNGON SUM DU DMIGS PA'I TSOR BA BDE BA MED PAR THAL, DE 'DRA'I TSOR BA BDE BA DES YUL STONG NYID YID DU 'ONG BA DANG ZHI BA DANG NYAMS SU BDE BA'I TSUL GYIS MNGON SUM DU RTOGS PA MA YIN PA'I PHYIR, MA KHYAB NA KHYAB PAR THAL, YUL DE SDUG BSNGAL BA'I TSUL GYIS RTOGS NA DE DAG GI BZLOG ZLA YID DU 'ONG BA SOGS KYI TSUL DU RTOGS DGOS KYI SDUG BSNGAL DE 'DZIN STANGS SU BYED MI DGOS PA'I PHYIR, DGA' BO MNGAL 'JUG LAS, DES 'CHAGS PA DE LA DE SDUG BSNGAL KHO NAR SO SOR MYONG BAR 'GYUR ZHING DRAG PA NYID DANG RTZUB PA NYID DANG, MI BZAD PA NYID DANG YID DU MI 'ONG BA SO SOR MYONG BAR 'GYUR, ZHES PAS SDUG BSNGAL 'DZIN TSUL BSHAD PA'I PHYIR, MA KHYAB MTSAMS LA RTAGS DER THAL, STONG NYID BDE BA'I TSUL GYIS MNGON SUM DU RTOGS KYANG STONG NYID BDE BA YIN PAR MA RTOGS PA'I KHYAD PAR MI 'THAD PA'I PHYIR, RTAGS KHAS, KHYAB STE, STONG NYID YUL CAN RANG NYID LAS GNYIS SNANG NUB PA'I TSUL GYIS RTOGS KYANG STONG NYID RANG NYID DANG GNYIS SNANG MED PAR RTOGS MI DGOS PA'I PHYIR, 'KHOR GSUM, YANG KHA CIG, RJE YAB SRAS KYIS BDE SDUG MYONG BA'I TSOR BA RANG RIG TU SONG DOGS PA LA DON MA GO BAR SNA TSOGS SMRA BA DANG KHA CIG LUNG DE LA BSAMS NAS TSOR BA RANG STENG GI CHA GCIG MI MYONG BSAM PA DAG LA, 'O NA YID KYI TSOR BA BDE BAS SNGAR DBANG SHES KYIS BZUNG BA'I YUL GYI RNAM PA RANG LA SHAR BA

394a

, ,DE YID DU 'ONG BA'I TSUL GYIS MI MYONG BAR THAL, DE LA RNAM PA SHAR BA DE TSOR BA'I NGO BO YIN PA'I PHYIR, DER THAL, SHES PA DE LA RNAM PA SHAR BA'I RNAM PA DE SHES PA YIN PA'I PHYIR, RTZA BAR 'DOD NA, KHYOD KYIS RANG LA SHAR BA'I RNAM PA MI MYONG BAR THAL, 'DOD PA'I PHYIR, 'DOD MI NUS TE, KHYOD BDE BA MYONG BA'I TSOR BA YIN PA'I PHYIR, KHYAB PAR THAL, BDE SDUG GANG LA DE LTAR YIN PA'I PHYIR, CHOS YANG DAG PAR SDUD PA LAS, SDUG BSNGAL LA SDUG BSNGAL DU TSOR BA DANG, ZHES DANG, 'JIG RTEN NA YANG BDE BA MYONG NGO, ,SDUG BSNGAL MYONG NGO ZHES PA'I MYONG TSUL YOD PA'I PHYIR, TSIG GSAL LAS, GAL TE MTSAN GZHI'AM ZHES SOGS KYI DON LA KHA CIG NA RE, GNYIS SNANG CAN GYI SHES PA YIN NA RANG NYID RANG GI SNANG BA LA MNGON SUM TSAD MA DANG, SNANG BA DE DE LA MNGON SUM DNGOS GNAS PA YIN ZHES BSHAD ZER NA, 'O NA DE DES GTZO BOR BSHAD PAR THAL, KHYOD KYIS 'DI'I DON LA DE TZAM ZHIG BSHAD PA'I PHYIR; RTAGS KHAS, 'DOD NA, DE 'DRA BA DE MNGON RJES GNYIS KYI MNGON SUM TSAD MA'I DON YIN PAR THAL, 'DOD PA GANG, GZHUNG 'DI MNGON SUM TSAD MA GTZO BOR 'CHAD BYED YIN PA'I PHYIR, DANG PO KHAS, GNYIS PA GRUB STE, DE 'CHAD BYED TSIG GSAL GYI GZHUNG YOD PA'I PHYIR, STONG THUN LAS, MNGON RJES GNYIS SU PHYE BA'I MNGON SUM TSAD MA NGOS 'DZIN PA'I SKABS YIN PAS, ZHES DANG RNAM BSHAD LAS, TSAD MA BZHIR PHYE BA'I MNGON SUM NGOS

394b

'DZIN PA'I SKABS YIN PA'I PHYIR, ZHES GSUNGS PA'I PHYIR, GZHAN YANG, LOG SHES RNAMS DANG TSAD MIN GYI SHES PA GNYIS SNANG CAN RNAMS RANG GI SNANG BA LA MNGON SUM TSAD MA YIN PAR GTZO BOR DNGOS SU 'CHAD BYED YIN PAR THAL 'DOD PA'I PHYIR, 'DOD NA, DE RNAMS DE'I YUL CAN GYI RNAM PAR SHES PA DANG ZHES PA'I DNGOS BSTAN GTZO BO YIN PAR THAL, 'DOD PA'I PHYIR, 'DOD NA, MNGON SUM GYI TSAD MAR THAL, 'DOD PA'I PHYIR, GZHAN YANG, TSIG GSAL LAS; DE'I RJES SU ZLA BA GNYIS LA SOGS PA DAG NI RAB RIB CAN MA YIN PA'I SHES PA LA LTOS NAS, ZHES SOGS KYIS RANG GI SNANG BA LA LOG SHES SOGS TSAD MIN RNAMS TSAD MAR 'GRO TSUL RGYAS PAR BSHAD MI DGOS PAR THAL, SNGA MA'I SKABS SU BSHAD ZIN PA'I PHYIR, YANG DPYOD LDAN MANG POS STONG THUN DGONGS PAR BSAMS NAS, DNGOS SMRAS RANG SPYI GANG RUNG DU KHAS BLANGS PA'I CHOS DNGOS YUL DU BYED PA'I GNYIS SNANG CAN GYI SHES PA YIN NA, SHES PA DE LA YUL DE'I SNANG BA 'CHAR BAS KHYAB CING, SHES PA GANG LA YUL GANG GI SNANG BA SHAR BA'I SNANG BA DE SHES PA DE'I YUL MNGON SUM PA YIN PAS KHYAB PA SOGS ZER NA, 'O NA, DNGOS SMRAS RANG SPYI GANG RUNG DU KHAS BLANGS PA'I CHOS YIN NA MTSAN GZHI'AM SOGS KYI DNGOS BSTAN GYI MNGON SUM TSAD MA'I GZHAL BYA MNGON SUM YIN DGOS PA DANG, DE DNGOS YUL DU BYED PA'I GNYIS SNANG CAN GYI SHES PA YIN NA TSIG GSAL LAS, DE'I YUL CAN SOGS KYI DNGOS BSTAN GYI MNGON SUM TSAD MAS KHYAB PAR

395a

, ,THAL; 'DOD PA'I PHYIR, 'DOD NA, RANG RIG CHOS CAN, DER THAL, DE'I PHYIR, GZHAN YANG, RANG MTSAN SPYI MTSAN SKABS 'DIR KHAS MI LEN PAR THAL, GZHUNG DE LA DNGOS SMRA'I KHYAD PAR SBYOR DGOS PA'I PHYIR, 'DOD MI NUS TE, BDAG MED SOGS SPYI MTSAN DANG GZUGS RUNG SOGS RANG MTSAN LA BYED RIGS PA'I PHYIR, RNAM BSHAD LAS, DES NA RANG SPYI GNYIS GANG LA DMIGS PA'I SHES PA LA'ANG ZHES SOGS GSUNGS PA'I PHYIR, KHYAB STE, DNGOS SMRA'I KHYAD PAR MA SBYAR BAR BSHAD PA'I PHYIR, BYAS PA LA KHO NA RE, STONG THUN GYI DE MI 'THAD PAR THAL, DAM BCA' 'THAD PA'I PHYIR NA MA KHYAB STE, YUL YOD MED GANG YIN KYANG SNANG CHA LA TSAD MAR 'GRO TSUL BSHAD PA TZAM YIN PA'I PHYIR; GZHAN YANG, TSIG GSAL LAS, DE'I YUL CAN GYI RNAM PAR SHES PA DANG LHAN CIG TU MNGON SUM NYID DU RNAM PAR BZHAG GO ,ZHES PA'I DNGOS BSTAN GYI RNAM SHES LA GNYIS SNANG CAN GYI SHES PAS KHYAB PAR THAL, DE YUL GANG GI RANG SPYI LA DNGOS SMRA BAS 'DOD PA'I RANG SPYIS KHYAB PA SOGS YIN PA'I PHYIR, RTAGS KHAS, 'DOD NA, GZHUNG 'DI'I DNGOS BSTAN GYI YUL DE LA GZUGS SOGS MNGON SUM PA DANG, STONG NYID DANG MI RTAG SOGS BCU DRUG DANG, YUL CAN GYI MNGON SUM TSAD MA LA DBANG YID RNAL 'BYOR MNGON SUM GYI TSAD MA GSUM MED PAR THAL, 'DOD PA'I PHYIR, 'DOD NA, GZHUNG 'DI MNGON SUM TSAD MA DE GSUM GYI MTSAN NYID, MNGON SUM TSAD MA SPYI'I MTSAN NYID STENG NAS

395b

'CHAD PA'I GZHUNG MA YIN PAR THAL, 'DOD PA'I PHYIR, 'DOD NA, GZHUNG 'DIS THAR PA DON GNYER LA MKHO BA'I MNGON SUM TSAD MA'I RNAM BZHAG MA BSHAD PAR THAL LO, ,'DOD NA, TSIG GSAL GYIS KYANG DE MA BSHAD PAR 'GYUR RO, , GZHAN YANG, GZHUNG 'DI'I DNGOS BSTAN GYI YUL MNGON GYUR PA LA MNGON GYUR PAS KHYAB PAR THAL, DE LA STONG NYID CIG BZHAG NAS DE MNGON SUM DU RTOGS PA'I BAR CHAD MED LAM DE LA MNGON SUM TSAD MAR BSHAD PA MA YIN PA'I PHYIR MA GRUB NA DNGOS, MA KHYAB NA, KHYAB PAR THAL, GZHUNG 'DIS MNGON SUM TSAD MA GSUM LTA BU'I SHES PA GANG DANG GANG LA, GZUGS SOGS DANG STONG NYID LTA BU'I YUL GANG DANG GANG GI RNAM PA MYONG STOBS KYIS SHAR NA GANG GI SNANG BA 'CHAR GZHI'I STONG NYID DANG STONG SNANG LTA BU DE THAMS CAD SHES PA DE LA MNGON SUM YIN NA SHES PA DE YUL DE RNAMS LA MNGON SUM TSAD MAS KHYAB PAR BSHAD PA'I PHYIR, TSIG GSAL LAS, 'JIG RTEN NA YOD NA NI THAMS CAD MNGON SUM DU DMIGS PAR BYA BA YIN PA'I PHYIR, LKOG TU MA GYUR PA YIN TE, DE'I PHYIR DE'I YUL CAN SOGS DANG, RNAM BSHAD LAS, SHES PA GANG LA GANG GI RNAM PA SNANG BA'I SNANG BA THAMS CAD SHES PA DE'I YUL MNGON SUM YIN NA, SNANG BA DE SHES PA DE LA MNGON GYUR YIN ZHING, ZHES GSUNGS PA'I PHYIR, KHYAB STE, 'DI'I SKABS KYI SNANG CHA TZAM DU MA ZAD MNGON SUM TSAD MA BSHAD SKABS YIN PAS SNANG GZHI YANG YOD DGOS PAS, TSIG GSAL LAS, 'JIG RTEN NA YOD NA

396a

, ,ZHES DANG, DE SNANG GZHI BYED PA'I RGYU MTSAN RNAMS GANG GI RNAM PA SNANG BA'I ZHES GSUNGS PA SOGS YIN PA'I PHYIR, GZHAN YANG, RNAM BSHAD LAS GNYIS SNANG CAN GYI SHES PA YIN NA RANG GI SNANG CHA TZAM LA MNGON SUM YIN PAS KHYAB PA TZAM BSTAN PAR THAL, DAM BCA' 'THAD PA'I PHYIR, 'DOD NA, GANG GI RNAM PA SNANG GZHI'I 'DZIN STANGS KYI YUL DANG SNANG CHA LA MNGON SUM TSAD MAR 'GRO MI 'GRO'I KHYAD PAR MA BSHAD PAR THAL BA DANG, GZHUNG 'DI MNGON SUM TSAD MA'I MTSAN NYID 'CHAD BYED MA YIN PAR THAL, 'DOD PA DE'I PHYIR, 'DOD MI NUS TE, 'DZIN STANGS KYI RNAM PA YANG SNANG BA DANG DE LA MNGON SUM TSAD MAR 'GRO TSUL BSHAD PA'I PHYIR, RNAM SHAD LAS, GANG GI RNAM PA SNANG BA'I SNANG BA THAMS CAD CES GSUNGS PA'I PHYIR, KHYAB STE, SNANG CHA TZAM LA GANG GI RNAM PA ZHES SMOS MI DGOS PA'I PHYIR, 'KHOR GSUM KHAS, DES NA MDOR BSDUS NA, YID KYI MNGON SUM TSAD MA CHOS CAN, KHYOD RANG GI 'DZIN STANGS KYI YUL DE KHYOD LA SNANG NA KHYOD 'DZIN STANGS KYI YUL DE DANG DE'I SNANG BA THAMS CAD MYONG STOBS KYIS KHYOD LA MNGON GYUR YIN CING MI SLU BA YIN NA, KHYOD SNANG GZHI'I 'DZIN STANGS YUL DANG DE'I SNANG BA RANG LA MNGON GYUR GANG YIN THAMS CAD LA MNGON SUM GYI TSAD MA YIN DGOS PAR THAL, KHYOD SHES PA YIN PA'I PHYIR, ZLA BA DANG RJE GNYIS KYI DGONGS PA DRI MED YIN NO, ,'O NA, DE LTA NA'ANG SGRA MI RTAG PA RTOGS PA'I RJES DPAG RANG GI 'DZIN STANGS YUL GYI SGRA MI RTAG PA

396b

LA DANG, BAR CHAD MED LAM RANG GI SNANG CHA LA MNGON SUM TSAD MAR MI 'GYUR PAR THAL, DANG PO DE LA SGRA MI RTAG PA MNGON GYUR MIN PA GANG ZHIG, BAR CHAD MED LAM GYI SNANG CHA BAR CHAD MED LAM LA MNGON GYUR MA YIN PA'I PHYIR, DANG PO GRUB STE, DE DES RTAGS STOBS KYIS RTOGS PAR BYA BA YIN PA'I PHYIR, GNYIS PA GRUB STE, DE DE LA MI SNANG BA'I PHYIR, RNAM BSHAD LAS, SHES PA GANG LA GANG GI RNAM PA SNANG BA THAMS CAD SHES PA DE'I YUL MNGON SUM YIN NA ZHES GSUNGS PA'I PHYIR, KHYAB STE, SHES PA DE'I YUL MNGON SUM YIN NA ZHES BRTAG PA MTHA' BZUNG NI 'DI GNYIS LTA BU SOGS KHEGS SHING, LHAG MAS SNANG CHA LA TSAD MAR 'GRO TSUL ZHAR LA BSTAN PA'I PHYIR, YANG KHA CIG NA RE, RTOG MED SHES PA'I 'DZIN STANGS MED PAR THAL, DE'I ZHEN STANGS MED PA'I PHYIR NA MA KHYAB STE, ZHEN STANGS DANG 'DZIN STANGS DON MI GCIG PA'I PHYIR, DER THAL 'DZIN STANGS ZHES PA 'DZIN TSUL LA BYED PA'I PHYIR, RTAGS KHYAB SOGS SLA, RTZA BAR 'DOD NA, BAR CHAD MED LAM GYI 'DZIN STANGS MED PAR THAL, 'DOD PA'I PHYIR, 'DOD NA, BDEN 'DZIN DANG BAR CHAD MED LAM GNYIS DMIGS PA GCIG LA DMIGS NAS 'DZIN STANGS DNGOS 'GAL DU ZHUGS PA MA YIN PAR THAL, 'DOD PA'I PHYIR, 'DOD NA, DNGOS 'GAL LO, ,YANG STONG THUN LAS, GNYIS SNANG CAN GYI SHES PA LA RANG GI SNANG BA LA MNGON SUM TSAD MAS KHYAB GSUNGS PA LA RTOG GE PA KHA CIG NA RE, THUNG MTHA'I SKAD CIG MAR GYUR BA'I RNAM SHES CHOS CAN, DER THAL,

397a

, ,DE'I PHYIR, ZER BA DE LAS BLO BZANG POR RLOM PA'I RTOG GE BA LA LAN RE, DE LA 'DOD DO, PHRA BA'I MI RTAG PA MNGON SUM DU RTOGS PA'I SO SKYE YOD PA'I PHYIR, DES NA PHRA BA'I MI RTAG PA NGES MI NUS PA'I 'JIG RTEN PHAL BA'I RGYUD KYI RNAM SHES CHOS CAN, DER THAL, DE'I PHYIR ZER, DE DAG LA 'ON RJES DPAG LTA BU'I TSAD MAS YUL GZHAL PA'ANG 'GOG RIGS PAR THAL, TSAD MA'I SKAD CIG THUNG SHOS SO SOR BKAR NA SKAD CIG DE RE RES SGRO 'DOGS DE BCAD PA MA YIN PA'I PHYIR, KHYAB PA KHAS, DER THAL, MTHONG LAM BAR CHAD MED LAM YANG SKAD CIG THUNG MTHA' SO SOR PHYE NAS 'JOG NA SKAD CIG RE RE NAS BAR CHAD MED LAM MA YIN PA'I PHYIR, DER THAL, MAR MES SDONG BU RDZOGS PAR SREGS PA SKAD CIG RE RES MI THUB PA'I PHYIR, BYAMS PAS, MAR ME'I DPE YI TSUL GYIS NI, ,SOGS DANG, DPYAD NA SHES PA DANG BDEN 'DZIN GYIS KYANG BDEN PAR 'DZIN PA DANG 'DOD CHAGS KYIS CHAGS PA SOGS MI RUNG BAR YANG YANG BSHAD ZIN PA DE'I PHYIR, GZHAN YANG, TSIG GSAL LAS, DE LTAR TSAD MA BZHIS 'JIG RTEN GYI DON RTOGS ZHES DANG, STONG THUN LAS 'JIG RTEN LHAN SKYES RAGS PA'I NGOR 'JOG GSUNGS PA DAG LA NUS PA MED PAR THAL, KHYOD KYI LHAN SKYES LTAR MI BYED PAR SKAD CIG MAR DPYAD NAS TSAD MA DANG SHES PA'I YUL BZUNG TSUL DE'I PHYIR, YANG KHA CIG NA RE, RJES DPAG YIN NA RANG GI RTEN RTAGS YANG DAG LA DNGOS SU BRTEN PAS KHYAB ZER, DE LA KHA

397b

CIG NA RE, SGRA MI RTAG RTOGS KYI RJES DPAG SKAD CIG GNYIS THUNG MTHA' GSUM DU PHYE BA'I GNYIS PA CHOS CAN, DER THAL, DE'I PHYIR, DER THAL, RJES DPAG LA SKAD CIG DE GSUM DBYER YOD PA'I PHYIR, DER THAL, RJES DPAG GI SKAD CIG DE GSUM YOD PA'I PHYIR NA MA KHYAB STE, DE'I SKAD CIG THUNG MTHA' YIN PA BKAG ZIN PA'I PHYIR, 'O NA, SNGON PO'I RDUL PHRA RAB RE RE NAS GZUGS KYI SKYE MCHED YIN PAR THAL, SNGON PO GZUGS KYI SKYE MCHED GANG, DE'I RDUL PHRA RAB SNGON PO RE RE YOD PA'I PHYIR, 'DOD MI NUS TE, RNAM PAR RIG BYED MA YIN PA'I GZUGS YIN PA'I PHYIR, DAM BCA' DANG PO LA 'O NA THAL 'GYUR LA BRTEN PA'I DE DANG RANG DON SKABS KYI RJES DPAG RNAMS MED PAR THAL, KHYOD KYIS DE RTEN RTAGS SBYOR LA BLO RTZE GTANG 'DUG PA'I PHYIR, 'DOD NA, TSIG GSAL LAS, LKOG TU GYUR PA'I YUL CAN RTAGS BSGRUB PAR BYA BA LA MI 'KHRUL PA LAS SKYES PA'I SHES PA NI RJES SU DPAG PA'O, ,ZHES GSUNGS PA'I DNGOS BSTAN GYI RTAGS BSGRUB BYA LA MI 'KHRUL PA'I THAL 'GYUR ZHIG MOD PAR THAL, DE'I DNGOS BSTAN GYI DE LA RTAGS SBYOR GYIS KHYAB PA'I PHYIR, 'KHOR GSUM, 'DOD NA, DE 'DRA'I THAL 'GYUR GTAN NAS MI SRID PAR THAL, 'DI'I DNGOS BSTAN GYI DE 'DRA MED PA'I RGYU MTSAN YOD PA'I PHYIR, 'DOD NA; DNGOS PO RNAMS CHOS CAN, SLAR YANG SKYE BA DON MED PAR THAL, RANG GI BDAG NYID DU GRUB ZIN YOD PA'I PHYIR ZHES PA'I THAL 'GYUR GYI RTAGS BSGRUB BYA LA MI 'KHRUL PA MA YIN PAR THAL LO, ,'DOD NA, RANG GI BDAG NYID DU GRUB ZIN DE, DNGOS PO

398a

, ,RNAMS SLAR YANG SKYE BA DON MED DU SGRUB PA'I RTAGS YANG DAG MA YIN PAR THAL LO, ,'KHOR GSUM KHAS, DE SOGS MANG NGO SPROS PAS CHOG GO ,YANG STONG THUN GYI DGONGS PA MA LON PA MANG PO NA RE, SGRA MI RTAG PA RTOGS PA'I RJES DPAG DE RANG GI ZHEN YUL LA 'KHRUL PAR THAL, RJES DPAG DE LA SGRA MI RTAG PA RANG GI MTSAN NYID KYIS GRUB PAR SNANG BA'I PHYIR, DES NA RJES DPAG RNAMS RANG GI ZHEN YUL LA 'KHRUL ZER NA KHA CIG MA KHYAB STE, SNANG YUL DANG ZHEN YUL MI GCIG PA'I PHYIR ZER, 'DI LA 'O NA STONG NYID RTOGS PA'I RIGS SHES RJES DPAG GIS STONG NYID NGES NGOR BDEN SNANG GIS BSLAD PAR THAL, STONG NYID RTOGS PA'I RJES DPAG GI SNANG NGO MA YIN PA'I NGES NGOR BDEN SNANG YOD PA'I PHYIR, DER THAL, DE'I NGES NGO'I STONG NYID LA BDEN SNANG ZHUGS PA'I PHYIR, DER THAL, DES STONG NYID NGES PA'I 'DZIN STANGS YUL LA BDEN SNANG ZHUGS PA'I PHYIR, DER THAL, DE RANG GI ZHEN YUL LA 'KHRUL PA'I PHYIR, RTAGS DNGOS, KHYAB STE, RANG GI ZHEN YUL LA 'KHRUL NA RANG GI ZHEN NGO'I YUL DE LA 'KHRUL SNANG ZHUGS PA ZHIG DGOS PA'I PHYIR, DER THAL, SNANG NGO LA 'KHRUL PA ZHUGS TSUL DANG ZHEN NGO LA 'KHRUL PA ZHUGS TSUL LA KHYAD CHEN PO YOD PA'I PHYIR, DER THAL, DE'I RGYU MTSAN GYIS PHUNG PO MI RTAG PA SOGS SU 'DZIN PA'I YID MNGON NI SNANG NGO LA LTOS NAS 'KHRUL KYANG ZHEN NGO LA LTOS NAS PHYIN CI MA LOG PA DANG MA 'KHRUL PAR 'JOG, DBANG MNGON LA DE LTAR MED PA'I KHYAD PAR BSHAD PA'I PHYIR, LAM RIM LAS, DE LTAR PHUNG PO MI RTAG

398b

SOGS SU 'DZIN PA'I RTOG PA NI SNANG YUL LA 'KHRUL YANG NGES PA'I 'DZIN STANGS LA TSAD MA'I GNOD PA MED PAS PHYIN CI MA LOG PA'AM MA 'KHRUL PA ZHES BYA LA, DBANG PO'I SHES PA RNAMS NI SNANG YUL LA 'KHRUL ZHING MA 'KHRUL PA'I CHA GZHAN YANG MED PAS MA 'KHRUL PA ZHES MI BYA'O, ,ZHES DANG, ZLA BAS RIGS PA DRUG CU PA'I 'GREL PA LAS KYANG PHYIN CI MA LOG PA NI SDUG BSNGAL LA SOGS PA NYID DU 'DZIN PA STE, ZHES GSUNGS PA'I PHYIR, SHIN TU GSAL LO, ,RTZA BAR 'DOD MI NUS TE, STONG NYID RTOGS PA'I RJES DPAG GI SNANG NGOR GNYIS SNANG GI SPROS PA MA BCAD KYANG STONG NYID NGES PA'I NGES NGOR SPROS PA MTHA' DAG BCAD PAR STONG THUN DANG DUS 'KHOR tIKA CHEN LAS BSHAD PA'I PHYIR, DE 'DRA STONG THUN GYI DON MIN LA SGRA MI RTAG PA LA 'KHRUL LA DE ZHEN YUL YANG YIN PAS DE'I ZHEN YUL LA'ANG SNANG PA'I SGO NAS 'KHRUL ZHES PA YIN PAS LAM RIM DANG SHIN TU MTHUN NO, ,GNYIS PA RANG LUGS NI, TSAD MA LEGS PAR BSHAD TSUL YOD DE, MTSAN NYID DANG, SGRA BSHAD DANG; DBYE BA DANG, SO SO'I DON DANG BZHI'I SGO NAS BSHAD DU YOD PA'I PHYIR, DANG PO YOD DE, MI SLU BA'I SHES PA TSAD MA'I MTSAN NYID, YANG NA RANG GI 'DZIN STANGS KYI YUL LA MI SLU BA'I SHES PA DE'I MTSAN NYID, SGRA BSHAD YOD DE, RAB TU 'JAL BAS NA TSAD MA ZHES BRJOD PA'I PHYIR, DBYE BA BSDUS NA MNGON RJES GNYIS SU YOD DE, MNGON GYUR PA 'JAL PA'I MNGON SUM GYI TSAD MA DANG, LKOG GYUR PA 'JAL BA'I RJES DPAG GNYIS SU 'DU BA'I PHYIR, TSIG GSAL

399a

, ,LAS, DNGOS PO THAMS CAD MNGON SUM DU SHES PAS GO BAR BYA BA MIN GYI RJES SU DPAG PAS RTOGS PAR BYA BA YANG YOD DO, ,ZHES GSUNGS PA LA BRTEN NAS RJE YAB SRAS KYIS MNGON RJES GNYIS SU 'DU BAR BSHAD PA DE'I PHYIR, SPROS NA MNGON SUM GYI TSAD MA DANG, RJES DPAG DANG, LUNG GI TSAD MA, DPE NYER 'JAL BZHI RTZOD ZLOG DANG MDO LAS BSHAD LA DE'I RGYU MTSAN YANG YOD DE, GZHAL BYA'I GNAS MNGON GYUR DANG, CUNG ZAD LKOG GYUR DANG SHIN TU LKOG GYUR GSUM GYI DBANG GIS DANG PO GSUM BZHAG, RJES DPAG GZHAN LTA CI SMOS YID CHES RJES DPAG KYANG DPE LA RAG LAS PAS DPE NYER 'JAL ZUR DU BSHAD PA 'DI RTZOD ZLOG DON DU BSHAD ZIN PA'I PHYIR, DANG PO GRUB STE, MDO DGONGS 'GREL LAS, DE LTAR NA 'THAD PA SGRUB PA'I RIGS PA DE NI MNGON SUM GYI TSAD MA DANG, RJES SU DPAG PA'I TSAD MA DANG, YID CHES PA'I LUNG GI TSAD MA'I MTSAN NYID LNGA PO DAG GIS YONGS SU DAG PA YIN NO, ,ZHES GSUNGS PA'I PHYIR, RTAGS GNYIS PA SGRUB STE, STONG NYID STON PA'I MDO DPER BKOD NAS SHIN TU LKOG GYUR THAMS CAD MKHYEN PA STON PA'I MDO YANG TSAD MAR BSGRUBS PA'I PHYIR, BZHI BRGYA PA LAS, SANGS RGYAS KYI GSUNG LKOG GYUR LA, ,GANG ZHIG THE TSOM SKYES GYUR BA, ,DE YIS STONG PA NYID BSTEN TE, ,'DI NYID KHO NAR YID CHES BYA, ,ZHES DANG, DE'I 'GREL BA LAS KYANG, RJES SU DPAG PAR BYA BA NUS PA YANG YIN TE, DPE YOD PA'I PHYIR RO, ,ZHES DANG, BCOM LDAN 'DAS KYI GSUNG

399b

MNGON SUM MA YIN PA'I DON STON PAR BYED PA YANG RANG NYID KYI TSUL GYIS DON JI LTA BA BZHIN NO ZHES RTOGS PAR BYA STE, DE BZHIN GSHEGS PAS BSTAN PA'I PHYIR, STONG NYID KYI DON BRJOD PAR BYED PA'I GSUNG BZHIN NO, ,ZHES GSUNGS PA'I PHYIR, MNGON SUM TSAD MA'I MTSAN NYID YOD DE, 'DZIN STANGS KYI YUL GYI GZHAL BYA MNGON SUM PA LA MI SLU BA'I SHES PA DE DE YIN PA'I PHYIR, TSIG GSAL LAS, GAL TE MTSAN GZHI SOGS GSUNGS PA'I PHYIR, SGRA BSHAD YOD DE, DBANG PO MNGON DU PHYOGS PA'I YUL LA MNGON SUM ZHES BYA LA DE GCOD PAS NA YUL GYI SGO NAS YUL CAN LA'ANG MNGON SUM DANG DBANG BO'I YUL ZHES BSHAD PA'I PHYIR, DE LA DBANG MNGON DANG YID MNGON GNYIS YOD DE, BDAG RKYEN SGO NAS DE GNYIS SU 'DU BA'I PHYIR, DBANG PO GZUGS CAN GYI BDAG RKYEN LA BRTEN PA'I MNGON SUM TSAD MA, DBANG PO'I MNGON SUM TSAD MA'I MTSAN NYID, DBYE NA LNGA YOD DE, MIG GI NGANG RNA BA'I DANG SNA'I DANG LCE'I DANG LUS KYI DBANG PO'I MNGON SUM TSAD MA LNGA YOD PA'I PHYIR DANG, YANG NA GZUGS 'DZIN DBANG MNGON NAS, REG 'DZIN DBANG MNGON TSAD MA'I PAR LNGA'O, ,RANG GI BDAG RKYEN YID DBANG TZAM LA BRTEN PA'I TSAD MA, YID MNGON GYI TSAD MA'I MTSAN NYID, DBYE NA GNYIS, YANG MNGON SUM TSAD MAR DBYE NA, DPANG MNGON YID MNGON RNAL 'BYOR MNGON SUM GSUM, DANG PO BSHAD PA DANG 'DRA, 'DIR GNYIS PA'I MTSAN NYID, BDAG RKYEN YID DPANG ZHIG LA BRTEN CING ZHI LHAG ZUNG 'BREL LAM BRTEN PA'I MNGON SUM TSAD MA DE, GSUM DU PHYE BA'I YID MNGON GYI

400a

, ,MTSAN NYID, BDAG RKYEN ZHI LHAG ZUNG 'BREL ZHIG LA BRTEN NAS BDEN BZHI'I KHYAD CHOS SAM BDAG MED PHRA RAGS CI RIGS MNGON SUM DU RTOGS PA'I TSAD MA, RNAL 'BYOR MNGON SUM GYI MTSAN NYID, SPYIR RNAL 'BYOR MNGON SUM YIN NA YID MNGON YIN DGOS KYANG, GSUM DU PHYE BA'I DE GNYIS 'GAL BA YIN NO, ,MYONG STOBS KYIS RTOGS PAR BYA DGOS PA'I CHOS, MNGON GYUR GYI MTSAN NYID, MNGON SUM DANG, MNGON GYUR DANG, DBANG PO'I YUL, LKOG TU MA GYUR PA'I CHOS BZHI MING GI RNAM GRANGS YIN, RGYU MTSAN NAM RTAGS SAM DPYAD PA LA BRTEN NAS RTOGS DGOS PA'I CHOS, LKOG GYUR GYI MTSAN NYID, LKOG GYUR DANG MNGON SUM MIN PA'I CHOS DANG DPANG PO'I YUL MA YIN PA'I CHOS DANG RJES DPAG GI YUL RNAMS RNAM GRANGS SO, RGYU MTSAN BSGRUB BYA LA MI 'KHRUL PA LA DNGOS SU BRTEN NAS RANG GI 'DZIN STANGS KYI YUL GYI GZHAL BYA LKOG GYUR PA LA MI SLU BA'I SHES PA YIN PA DE, RANG RJES SU DPAG PA'I TSAD MA YIN PA'I MTSAN NYID YIN TE, RGYU MTSAN BSAM PA'AM DPYAD STOBS KYIS DNGOS SU SKYES PA'I TSAD MA RJES DPAG YIN, DE LTAR RTOGS DGOS PAS NA RTAGS LA BRTEN PAR BSHAD PA'I PHYIR, RTZA SHE'I tIKA CHEN LAS; RANG BZHIN MED PA KHYAD GZHIR GRUB NAS YOD MED KYI DON DANG THA SNYAD GANG LA'ANG DPYAD PA MED PAS, RTAGS KYIS GRUB PA MIN ZHING ZHES DANG, BRGYA PA'I 'GREL BA LAS, DNGOS PO THAMS CAD MNGON SUM DU SHES PAS GO

400b

BAR BYA BA MA YIN GYI RJES SU DPAG LAS RTOGS PAR BYA BA YANG YOD DO, ,ZHES GSUNGS PA GNYIS LA BRTEN NAS GRUB PA'I PHYIR, SGRA BSHAD KYANG YOD DE RTAGS 'DZIN SEMS LA BRTEN NAS DE'I RJES SU 'BREL BA DRAN PA'I SGO NAS BSGRUB BYA'I DON DE RJES SU DPAG PA STE RJES SU GZHAL BAS NA RJES DPAG ZHES BYA BA YIN PA'I PHYIR TE, AA NU M'A NA'I, AA NU RJES SU DANG, M'AN 'JAL BA LA 'JUG PA'I PHYIR, SHES BYER GZHAN DU SPROS ZIN, DE LA RTEN NA MA RGYU MTSAN SGO NAS DBYE NA THAL 'GYUR LA BRTEN PA DANG, TSUL GSUM PA'I RTAGS LA BRTEN BA GNYIS, YANG RANG DON SKABS KYI RTAGS LA BRTEN PA DANG, GZHAN DON SKABS KYI RTAGS LA BRTEN PA GNYIS, DE GNYIS KYI RE RE LA'ANG THAL PA LA BRTEN PA DANG GZHAN GRAGS LA BRTEN PA GNYIS RE YOD DE, BYANG CHUB SEMS DPA'I SDE SNOD LAS, 'PHAGS PA'I YANG DAG PAR LTA BA 'BYUNG BA NI RGYU GNYIS PAR RKYEN GNYIS TE, GNYIS GANG ZHE NA, GZHAN GYI SGRA DANG BDAG NYID TSUL BZHIN YID LA BYED PA'O, ,ZHES DANG, RANG 'GREL LAS KYANG, SHES PA RANG BZHIN MED PAR RES 'GA' RANG NYID KHO NAS RTOGS PAR 'GYUR LA, RES 'GA' NA CUNG ZAD CIG NYE BAR BSTAN PA TZAM GYIS 'GYUR BAR ZHES GSUNGS PA'I PHYIR DANG, THAL PA MANG DU BKOD PA DE'I PHYIR, RJES DPAG LA THOS BYUNG BSAM BYUNG GNYIS KYANG YOD DE, RANG DON SKABS KYI PHAL CHER BSAM BYUNG, GZHAN DON SKABS DANG BLO BUR BA'I RTAGS LA BRTEN PA'I THOS BYUNG YANG MANG BA'I PHYIR, DER THAL, SDE BDUN GYI RGYAN YID KYI MUN SEL LAS, THOS

401a

, ,BYUNG GI SHES RAB NI GANG ZAG GZHAN GYI NGAG THOS PA'I STOBS GYIS TSUL GSUM LA DRAN PA SKYE PA'I RTAGS LA BRTEN NAS SKYES PAS KHYAB PA'I PHYIR, THOS BYUNG GI SHES RAB SKYE BA'I RTEN RTAGS YANG DAG LA GZHAN DON GYI RTAGS YANG DAG CES BYA'O, ,BSAM BYUNG GI SHES RAB NI, GANG ZAG GZHAN GYIS BSTAN PA LAM LTOS PAR RANG NYID KYIS TSUL BZHIN BSAMS PA'I STOBS KYIS RNYED PA'I SGRUB BYED YANG DAG LA BRTEN NAS DPAG PAR BYA BA'I DON RTOGS PA'I RJES DPAG DANG, DES DRANGS PA'I DPYAD SHES KYI NGO BO GNYIS SU NGES PA YIN LA, DE'I PHYIR BSAM BYUNG GI SHES RAB KYI RTEN DU GYUR PA'I RTAGS YANG DAG NI RANG DON GYI RTAGS ZHES BYA'O, ,ZHES GSUNGS LA 'DI TSUL GSUM PA'I RTAGS KYI DBANG DU BYAS KYANG THAL 'GYUR LA'ANG RIGS PA 'DRA LA DBU SEMS KYI KHYAD PAR SOGS SHES DGOS SO, ,YANG DE LA DBYE NA DNGOS STOBS RJES DPAG DANG, YID CHES RJES DPAG DANG, NYER 'JAL GYI RJES DPAG GSUM YOD, RTAGS BSGRUB BYA LA MI 'KHRUL PA LA DNGOS SU BRTEN NAS RANG GI 'DZIN STANGS KYI YUL GYI GZHAL BYA'I GNAS GNYIS PA GZHAL BA'I RJES DPAG YIN PA DE, RANG DNGOS STOBS RJES DPAG YIN PA'I MTSAN NYID, MTSAN GZHI SGRA MI RTAG RTOGS DANG STONG NYID RTOGS PA'I RJES DPAG GNYIS LTA BU, TSIG GSAL LAS, LKOG TU GYUR PA'I YUL CAN RTAGS BSGRUB PAR BYA BA LA MI 'KHRUL PA LAS SKYES PA'I SHES PA NI RJES SU DPAG PA'O, ,ZHES GSUNGS PA'I PHYIR, RANG GI 'DZIN STANGS KYI YUL GYI GZHAL BYA SHIN

401b

TU LKOG GYUR LA MI SLU BA'I RJES DPAG YIN PA DE, RANG NYID LUNG GI TSAD MA YIN PA'I MTSAN NYID, LUNG GI TSAD MA DANG, YID CHES RJES DPAG DON GCIG, LUNG TSAD MA DANG DPYAD GSUM GYIS DAG PA'I LUNG DON GCIG, DE GNYIS GYI MTSAN GZHI SLA, TSIG GSAL LAS, DBANG PO LAS 'DAS PA'I DON MNGON SUM DU RIG CING YID CHES PAR GYUR PA DAG GI TSIG GANG YIN PA DE NI LUNG NGO, ,ZHES GSUNGS PA 'DIS LUNG DANG YID CHES ZHES PAS YID CHES RJES DPAG BSTAN PA YIN NO, ,SGRA BSHAD YOD DE, NYES PA MA LUS PA SPANGS PA YID CHES PA DAG LAS 'ONG BAS NA LUNG DANG, KUN NAS GO BAR BYED PAS NA LUNG STE, DE NYID GO BAR BYED PA ZHES BYA LA, MNGON DU PHYOGS NAS 'GRO BAS NA LUNG STE, DE LA BRTEN NAS 'JIG RTEN MYA NGAN LAS 'DAS PAR 'GRO BA'I DON YIN PA'I PHYIR, DER THAL, LUNG GI SKAD DOD A'A GA MA LA YI GE BSNAN PA SOGS KYIS DE LTAR BSHAD PA'I PHYIR, TSIG GSAL LAS, DE NYID KYI PHYIR NYES PA MA LUS PA SPANGS PA YID CHES PA DAG LAS 'ONGS PA'I PHYIR RAM, KUN TU GO BAR BYED PA STE DE KHO NA NYID KUN NAS GO BAR BYED PA'I PHYIR RAM, MNGON DU PHYOGS NAS 'GRO BA STE DE LA BRTEN NAS 'JIG RTEN MYA NGAN LAS 'DAS PAR 'GRO BA'I PHYIR, ZHES GSUNGS PA'I PHYIR, RANG GI 'DZIN STANGS YUL GYI GZHAL BYA'I 'DRA CHOS LKOG GYUR BA GZHAL BA'I RJES DPAG YIN PA DE, RANG NYID NYER 'JAL RJES DPAG YIN PA'I MTSAN NYID, MTSAN GZHI NI BA MEN NI BA LANG 'DRA'O SNYAM PA'I RJES DPAG DANG, MYU GU NI MI BDEN PA ME LONG GI

402a

, ,GZUGS BRNYAN LTA BU'O ZHES RTOGS PA'I RJES DPAG DANG, TSOGS GNYIS RDZOGS PA LAS RNAM MKHYEN 'THOB PAR GSUNGS PAS MI SLU BA NI STONG NYID STON PA'I MDO LTA BU'O ZHES RTOGS PA'I RJES DPAG RNAMS YIN TE, 'DI LA DPE DON 'DRAR 'DZIN ZHIG DGOS PA'I PHYIR, TSIG GSAL LAS, 'DRA BA LAS NYAMS SU MYONG BA'I DON RTOGS PA NI NYE BAR 'JAL BA STE, DPER NA BA MEN NI BA LANG DANG 'DRA'O SNYAM PA LTA BU'O, ,ZHES GSUNGS PA'I PHYIR, NYER 'JAL GYI SKAD DOD AU PA M'A NA DPE LA'ANG 'JUG GO, ,GZHAL BYA 'GRUB TSUL SNGAR BSHAD PA LTAR RO, ,GSUM PA RTZOD SPONG LA KHO NA RE, BAR CHAD MED LAM DU GYUR PA'I TSOR BA BDE BA CHOS CAN, STONG NYID BDE BA YIN PA KHYOD KYIS GZHAL BAR THAL, KHYOD STONG NYID LA BDE BAR MNYAM PAR BZHAG PA'I YE SHES YIN PA'I PHYIR NA MA KHYAB, YANG DE CHOS CAN, GSAL BA DER THAL, KHYOD KYIS STONG NYID BDE BAR GZHAL BA'I PHYIR NA YANG MA KHYAB, KHO RANG LA 'O NA, BAR CHAD MED LAM CHOS CAN, STONG NYID MNGON SUM YIN PA KHYOD KYIS GZHAL BAR THAL, KHYOD STONG NYID MNGON SUM DU RTOGS PA'I BLO YIN PA'I PHYIR, 'KHOR GSUM KHAS, YANG DE CHOS CAN, STONG NYID SHIN TU GSAL BA DE KHYOD KYI GZHAL BYA YIN PAR THAL, KHYOD STONG NYID SHIN TU GSAL BAR GZIGS PA'I MKHYEN PA YIN PA'I PHYIR, 'KHOR GSUM, YANG KHO NA RE, BUM PA CHOS CAN, RJES DPAG GI GZHAL BYA YIN PAR THAL, KHYOD RTOGS PA'I RJES DPAG YOD PA'I PHYIR NA TSAD MA PA'I LUGS LA KHYAB PA

402b

YOD KYANG 'DIR GTAN NAS MA KHYAB, 'O NA RJES DPAG GI GZHAL BYA YIN PA LA RJES DPAG YIN TSAD KYIS GZHAL DGOS PAR THAL, RJES DPAG GANG RUNG ZHIG GIS GZHAL BYAS RJES DPAG GIS GZHAL BA'I GO MI TSED PA'I PHYIR NA YANG MA KHYAB STE, GTZO CHE CHUNG SGO NAS DANG MNGON SUM GYIS MA GZHAL BA'I SGO NAS 'JOG DGOS PAR BSHAD ZIN PA'I PHYIR, KHO RANG LA 'O NA, STONG NYID CHOS CAN, MIG SHES KYI BZUNG BYA YIN PAR THAL, KHYOD KHYOD BZUNG BYAR BYED PA'I MIG SHES KYI BZUNG BYA YIN PA'I PHYIR, KHYAB PA KHAS, MA KHYAB NA, MIG SHES KYI BZUNG BYA YIN NA MIG SHES YIN TSAD KYI BZUNG BYA YIN DGOS PAR THAL, GANG RUNG ZHIG GIS MI CHOG PA DE'I PHYIR, 'KHOR GSUM KHAS, BYAS PA LA, MI SHES PA KHA CIG NA RE, SEMS CAN GZHIR GZHAG ZER NA, 'O NA SGRA CHOS CAN, MIG SHES KYI BZUNG BYA YIN PAR THAL, KHYOD BZUNG BYAR BYED PA'I SEMS CAN GYI MIG SHES YOD PA'I PHYIR, 'KHOR GSUM KHAS, DER THAL, KHYOD BZUNG BYAR BYED PA'I SBRUL GYI MIG SHES YOD PA'I PHYIR, DER THAL, SBRUL GYI MIG SHES KYIS SGRA NYAN PAR BYED PA YIN PA'I PHYIR, TSAD MA'I DE KHO NA NYID LAS, SBRUL RNAMS MIG GIS NYAN PA YIN, ,DE YANG DE LTAR GRAGS PA YIN, ZHES GSUNGS PA'I PHYIR, BYAS PA LA KHO NA RE, MI GZHIR BZHAG ZER NA, 'O NA YANG SGRA DANG DRI GNYIS RE RE NAS CHOS CAN, MIG SHES KYI BZUNG BYAR THAL, KHYOD BZUNG BYAR BYED PA'I MI'I MIG SHES KYI BZUNG BYA YIN PA'I PHYIR, DER THAL, KHYOD BZUNG BYAR BYED PA'I BA LANG SPYOD KYI MI'I

403a

, ,MIG SHES YOD PA'I PHYIR, tIKA CHEN DE NYID SNANG BA LAS, MDO DRAN PA NYER BZHAG LAS BA LANG SPYOD PA'I MI RNAMS NU MA GSUM PA DANG, 'DZAM BU GLING BA'I SBRUL GYIS MIG GI SGO NAS SGRA THOS PA LTAR, BA LANG SPYOD PA'I MI RNAMS KYIS MIG GI SGO NAS SGRA THOS SHING DRI 'DZIN LA, RI LA SOGS PAS BAR DU CHOD PA'I GZUGS RNAMS KYANG MTHONG BA DANG, ZHES DANG, MDO DRAN PA NYER BZHAG LAS KYANG, 'DZAM BU GLING NA SBRUL NYID KYI MIG GIS SGRA THOS PA DE BZHIN DU BA LANG SPYOD NA MI NYID KYIS THOS PA'O, ,ZHES GSUNGS PA'I PHYIR, GONG DU MA KHYAB NA SNGAR LTAR RO, ,KHAMS GONG GI GZUGS KYI SKYE MCHED CHOS CAN, MI'I MIG SHES KYI BZUNG BYA YIN PAR THAL, MIG SHES KYI BZUNG BYA YIN PA'I PHYIR; RTAGS KHAS, KHYAB STE, MIG SHES KYI BZUNG BYA ZHES PA MI GZHIR BZHAG YIN PA'I PHYIR, RTAGS KHAS, 'DOD MI NUS TE, KHAMS GONG GI DE YIN PA'I PHYIR, KHYAB STE, MDZOD LAS, MIG GIS GONG MA'I GZUGS MA YIN, , ZHES GSUNGS PA'I PHYIR, YANG KHO NA RE, 'O NA SANGS 'PHAGS LA MNGON GYUR YIN NA MNGON GYUR YIN MI DGOS PAR THAL, GZHI GRUB NA MNGON GYUR YIN MI DGOS PA DE'I PHYIR, 'DOD NA, MNGON LKOG GI RNAM BZHAG 'JOG PA'I SHES PA LA SANGS RGYAS KYI YE SHES MI BRLING BAR THAL, 'DOD PA DE'I PHYIR NA MA KHYAB STE, SANGS RGYAS KYI MKHYEN TSUL THA SNYAD KYI YUL LAS 'DAS PA'I PHYIR, SANGS RGYAS MKHYEN PA BSAM MI KHYAB, ,CES PA'I LUNG DON YOD PA'I PHYIR, KHO RANG

403b

LA 'O NA, SANGS 'PHAGS KYI MIG SHES KYI BZUNG BYA LA MIG SHES KYI BZUNG BYAS MA KHYAB PAR THAL, GZHI GRUB TSAD MIG SHES KYI BZUNG BYAR KHYOD KYIS MI 'DOD PA'I PHYIR, 'DOD NA, DE 'JOG PA LA SANGS RGYAS KYI YE SHES MI BRLING BAR THAL, 'DOD PA'I PHYIR, 'KHOR GSUM KHAS, YANG KHO NA RE, BUM PA RTOGS PA'I YID CHES RJES DPAG CHOS CAN, RANG GI 'DZIN STANGS KYI YUL GYI GZHAL BYA SHIN TU LKOG GYUR LA MI SLU PA'I SHES PAR THAL, YID CHES RJES DPAG YIN PA'I PHYIR, KHYAB PA KHAS, RTAGS DER THAL, BUM PA SHIN TU LKOG GYUR DU SONG BA'I GANG ZAG YOD PA'I PHYIR, DER THAL, BUM PA MED PA'I SA PHYOGS YUL KYI DUS DU MA YOD, DE'I TSE LUNG LA BRTEN NAS RTOGS DGOS PA'I PHYIR, DER THAL, RANG RE RNAMS LA SUM BCU RTZA GSUM SHIN TU LKOG GYUR YIN PA'I PHYIR, DES GZHAN LA'ANG RIGS PA 'GRE, RTZA BAR 'DOD NA, RANG GI 'DZIN STANGS YUL GYI GZHAL BYA SHIN TU LKOG GYUR YOD PAR THAL, 'DOD PA'I PHYIR, 'DOD NA, BUM PA DE SHIN TU LKOG GYUR YIN PAR THAL, 'DOD PA'I PHYIR NA MA KHYAB STE, DE LA SHIN TU LKOG GYUR YIN NA SHIN TU LKOG GYUR YIN MI DGOS PA'I PHYIR, 'DI'ANG GZHAN LA RIGS PA 'DRA, YANG KHO NA RE, SO SKYES KYI GZUGS 'DZIN DBANG MNGON CHOS CAN, RTOG MED LOG SHES YIN PAR THAL, KHYOD KYI YUL GYI GTZO BO SNANG YUL SGO NAS KHYOD KYI 'DZIN STANGS KYI YUL LA 'KHRUL PAS MA BSLAD PA CUNG ZAD KYANG MED PA'I PHYIR ZER NA RTAGS LAM RIM GYIS GRUB LA, KHYAB

404a

, ,PA MED PAR THAL, SKABS 'DIR LOG SHES SU 'JOG PA LA 'DZIN STANGS 'GAL PA'I TSAD MA ZHIG YOD DGOS KYI 'KHRUL PA DE 'DRAS MI CHOG PA'I PHYIR, DER THAL, RGYUN MTHA' MAN CHAD KYI SEMS CAN RGYUD KYI DBANG MNGON LA DE LTAR MA 'KHRUL PA MI SRID PA'I PHYIR, STONG THUN LAS, DES NA LUGS 'DI LA RANG DANG 'DZIN STANGS DNGOS SU 'GAL BA'I TSAD MA YOD MED KYIS LOG SHES YIN MIN DU 'JOG GI, ZHES SOGS GSUNGS PA'I PHYIR, YANG KHA CIG, RANG GI ZHEN YUL LA 'KHRUL PA'I SHES PA LOG SHES KYI MTSAN NYID ZER NA, 'O NA LOG SHES YIN NA RTOG PA YIN DGOS PAR THAL LO, ,YANG KHA CIG, SNANG TSUL 'GAL BA'I TSAD MA YOD PA DE LOG SHES GYI MTSAN NYID ZER BA DANG, LA LA DE RTOG MED LOG SHES KYI MTSAN NYID ZER NA, DANG PO LA SGRA RTAG 'DZIN RTOG PA CHOS CAN, KHYOD DANG SNANG TSUL 'GAL BA'I TSAD MA YOD PAR THAL, KHYOD LOG SHES YIN PA'I PHYIR, 'KHOR GSUM KHAS, DER THAL, KHYOD DANG 'DZIN STANGS 'GAL PA'I SGRA MI RTAG PAR RTOGS PA'I RJES DPAG TSAD MA YOD PA'I PHYIR, 'DOD MI NUS TE, KHYOD RANG GI SNANG BA LA MNGON SUM GYI TSAD MA YIN PA'I PHYIR, DAM BCA' GNYIS PA LA, ZLA GCIG ZLA GNYIS SU SNANG BA'I DBANG SHES CHOS CAN, KHYOD DANG SNANG TSUL DNGOS SU 'GAL BA'I TSAD MA YOD PAR THAL, KHYOD RTOG MED LOG SHES YIN PA'I PHYIR, KHYAB PA KHAS, RTAGS DER THAL, RTOG MED GANG KHYOD DANG 'DZIN STANGS DNGOS SU 'GAL BA'I TSAD

404b

MA YOD PA'I PHYIR, DER THAL, ZLA BA DE NYID GCIG TU RTOGS PA'I MNGON SUM DANG RJES DPAG DE DE YIN PA'I PHYIR, RTZA BAR 'DOD MI NUS TE, KHYOD DANG SNANG TSUL DNGOS SU 'GAL BA'I TSAD MA MED PA'I PHYIR, DER THAL, KHYOD RANG GI SNANG BA LA MNGON SUM GYI TSAD MA YIN PA'I PHYIR, DE SKAD DU, STONG THUN LAS, ZHEN YUL LA 'KHRUL MA 'KHRUL DANG, RANG DANG SNANG TSUL 'GAL BA'I TSAD MA YOD MED SOGS KYIS LOG SHES YIN MIN DU 'JOG PA MIN NO, ,ZHES GSUNGS PA'I PHYIR; BYAS PA LA CHOS RJE RGYAN BZANG PA NA RE, ZLA GCIG ZLA GNYIS SU SNANG BA SOGS RTOG MED KYI SHES PA LA LOG SHES MED PAR THAL, RTOG MED KYI SHES PA'I YUL GYI GTZO BO SNANG YUL LA BYED CING, RANG GI SNANG BA LA MNGON SUM TSAD MA YIN PA'I PHYIR NA MA KHYAB STE, SNANG BA TZAM RTOG MED DE'I SNANG YUL GTZO BO MIN SNANG GZHIR GYUR PA'I SNANG BA GZHI GRUB DGOS PA'I PHYIR, DE LTAR NA TSAD MA'I RNAM BZHAG MTHA' CHOD PAR TSIG NYUNG DUS DKA' GNAD MKHAS PA SNGA MAS G-YAS 'JOG MDZAD PA KUN KYANG LEGS PAR BSHAD YOD PAS RJES SU DGA' BAR GYIS, SMRAS PA, MI DMAN SBYANGS PA'I DBANG PHYOGS SA 'DZIN RTZER, ,LEGS BSHAD RNAM DPYOD 'OD STONG RTZE DGA' YIS, ,PHAN DANG BDE BA'I 'OD SNANG RGYAS DANG LHAN, THUB GZHUNG PADMA'I TSAL BZHED MGO LCOG LDEM, ,LUNG RIGS BRAL BA'I BSDUS GRVA'I THAL BA TZAM, ,DBU MA'I BSTAN BCOS YIN NA GONG 'OG GI ,SHING RTA CHE RNAMS SMRA MI MKHAS 'GYUR PHYIR, ,DE 'DRA'I ZLA BA'I LUGS 'DOD RE BA SKYUNGS, RTOG

405a

, ,GE'I TSAD MA'I CHU DANG THAL 'GYUR BA'I, ,TSAD MA RNAM BZHI'I CHES MNGAR 'O MA GNYIS, ,BRTZAD NGOR DBYER MED 'DRES BA 'BYED NUS PA'I, ,'KHOR LO'I LAG CAN 'DI LAS GNYIS SKYES GANG, ,ZHES BAR SKABS KYI TSIGS SU BCAD PA'O, ,GSUM PA SGRUB BYED KYI LUNG GIS DGAG PA LA, RTZA BAR, MNGON GYUR MNGON PHYOGS BYANG CHUB SEMS DPA' YIS, NAS, STONG NYID DON CAN NGES DON SHES PAR GYIS, ,ZHES BYUNG, 'DI NYID LA MTHA' CUNG ZAD DMYAD NA; STAG LO NA RE, THAL 'GYUR PA'I SKABS 'DIR YANG KUN GZHI YOD PAR THAL, RDO KHAB LEN GYIS LCAGS G-YO BA LTAR BDEN PAR MED KYANG YOD PAR SNANG BA'I KUN GZHI'I SEMS KYIS 'GRO 'ONG BYED PA DANG SRID PA 'DZIN PA SOGS YIN PA'I PHYIR, BYANG CHUB SEMS 'GREL LAS, JI LTAR KHAB LONG DANG NYE BAS, ,NAS, SEMS DANG LDAN BZHIN SNANG BAR 'GYUR, ,DE BZHIN KUN GZHI'I RNAM SHES NI, ,BDEN MIN BDEN PA BZHIN DU NI, ,GANG TSE 'GRO 'ONG G-YO BAR 'GYUR, ,DE TSE SRID PA 'DZIN PAR BYED, ,CES SOGS GSUNGS PA'I PHYIR NA MA KHYAB STE, SEMS BDEN PAR MED NA 'GRO 'ONG SOGS MI 'THAD CES PA'I LAN DU, SEMS MED PA'I KHAB LONG DBANG GIS SEMS BDEN GRUB YOD PA LTAR LCAGS G-YO BA BZHIN DU, KUN GZHIS BDEN PAR MED KYANG YOD PA LTAR G-YO BAR SNANG ZHES PA'I DON YIN BAR RNAM BSHAD LAS BSHAD LA, 'DI LA SEMS SHIG 'JOG KYANG KUN GZHI MED PA NI YE SHES RDO RJE KUN LAS BTUS KYI RNAM BSHAD DU

405b

RGYAS PAR BSHAD PAS DER BLTA'O, ,KHO RANG GIS RTZA BAR 'DOD NA, TSOGS DRUG LAS NGO BO THA DAD PA'I PHYI DON MED KYANG DE'I DBANG GIS SNOD BCUD MTHA' DAG SNANG BA'I RNAM SHES BRGYAD PO DE YOD PAR THAL, 'DOD PA'I PHYIR, KHYAB STE, MDO BSTAN BCOS KUN GZHI'I RNAM BZHAG STON PA KUN MTHUN PAR DE LTAR BSHAD PA'I PHYIR, 'DOD NA, PHYI DON MED PAR THAL LO, ,'DOD MI NUS TE, PHYI DON DANG RNAM SHES YOD MNYAM YIN PA'I PHYIR, BYANG CHUB SEMS 'GREL LAS, SHES PAS SHES BYA RTOGS PA STE, ,SHES BYA MED PAR SHES PA MED, ,CES GSAL BAR GSUNGS PA'I PHYIR, RANG 'GREL LAS 'DIS KUN GZHI 'DOD PA DANG DBANG PHYUG PAS DBANG PHYUG 'DOD BAR KHYAD MED PAR BSHAD PA MI 'THAD PAR THAL, DE YOD PA'I PHYIR SOGS SLA, SKABS 'DIR KUN GZHI KHAS MI LEN PA YANG LEGS LDAN GYI RJES SU 'BRANG BA YIN TE, LEGS LDAN GYIS KUN GZHI'I RNAM SHES 'DOD PA NI RIG BYED PA'I SKYES BU'I 'DOD TSUL LA MING BSGYUR BA TZAM YIN PAR BSHAD PA'I PHYIR, DBU MA SNYING PO LAS, RNAM SHES ZHES BYA'I RNAM GRANGS KYIS, ,BDAG NI NGES PAR BSTAN PA YIN, ,ZHES DANG, RTOG GE 'BAR BA LAS, BDAG TU SMRA BA RNAMS KYIS KYANG YUL SNA TSOGS SKYED BAR BYED PA, GCIG YU NUS PA THAMS CAD DANG BCAS PA'I BDAG YOD DO SNYAM DU SEMS LA, KHYOD KYANG RNAM PAR SHES PA ZHES BYA BA'I TSIG GIS BDAG DE NYID BSNGAGS PAR BYED DO, ,ZHES GSUNGS PA'I PHYIR DANG, 'DI YANG LANG GSHEGS LA BRTEN PAR MNGON, DES NA YE SHES SNYING PO DANG ZHI

406a

, ,'TSOG MA LA SHI LA AA BHYAS RNAMS KYANG KUN GZHI MI 'DOD DE, KA SHIS 'CHI 'PHO'I SEMS MDZOD LTAR BSHAD PA SOGS YIN PA'I PHYIR, BYAS PA LA KHO NA RE, AA BHYAS KUN GZHI BZHED PAR THAL, SNGAGS RIM LAS PHYI DON MED PA KUN GZHI 'DOD TSUL ZHIG BSHAD PA'I PHYIR NA MA KHYAB CING, 'DOD MI NUS TE, AA BHYAS PHYI DON YOD PAR YANG BSHAD LA KUN GZHI RES YOD RES MED PAR BSHAD KYANG MED PA DGONGS PA YIN PA'I PHYIR, DER THAL, GSAL SGRON LAS RTZOM PA SNGA PHYI'I DBANG GIS 'GAL BAR BSHAD GSUNGS BA LTAR YIN PA'I PHYIR, RNAM BSHAD LAS, ZHI 'TSO YANG KUN GZHI RNAM SHES MI BZHED BAR GSAL LO, ,AA BHYAS KYANG DE DANG 'DRA, ZHES GSUNGS PA'I PHYIR, GZHAN YANG AA BHYAS PHYI DON BZHED PAR THAL, AA BHYAS ZLA BA'I ZHABS LTAR SEMS TZAM LA LUNG RIGS GNYIS KAS GNOD BYED BSTAN PA'I PHYIR, THUB DGONGS LAS, KUN RDZOB TU NI RNAM PAR SHES PA BZHIN DU PHYI'I DON YANG GNAS TE, GZHAN DU NA 'PHAGS PA SA BCU PAR SA BRGYAD PA LA BYANG CHUB SEMS DPAS 'JIG RTEN GYI KHAMS SU GTOGS PA'I RDUL PHRA RAB KYI GRANGS LA SOGS PA YONGS SU SHES PA GANG GSUNGS PA DE DANG 'GAL TE, JI SKAD DU GSUNGS PA 'JIG RTEN GYI KHAMS GANG NA SA'I RDUL PHRA RAB JI SNYED YOD PA DE SNYED RAB TU SHES SO SOGS LUNG DANG, YANG DE NYID LAS, GRAGS PA DANG YANG 'GAL TE, RNAM PAR SHES PA BZHIN DU PHYI'I DON YANG GRAGS PA'I PHYIR RO, ,SOGS KYIS RIGS PA DAG BSTAN

406b

PA'I PHYIR, DES NA MAN SNYE SOGS LAS KUN GZHI DANG RNAM SHES TSOGS BRGYAD BSHAD PA YANG RGYUD KYI BSHAD TSUL BKOD PA TZAM YIN LA RNAM SHES BRGYAD SEMS TZAM PA DANG MI 'DRA BA LEGS LDAN DANG YE SHES RDO RJE KUN BTUS RNAM BSHAD LTAR YANG BSHAD RUNG BAR SNANG BAS ZHIB BAR DPYOD DGOS SO, ,YANG KHO NA RE, SLOB DPON ZLA BAS KUN GZHI STON PA'I MDO'I DON BSHAD TSUL DANG, LEGS LDAN GYIS BSHAD TSUL MTHUN PAR THAL, KUN GZHI MI 'DOD PA DE LA BRTEN PA'I PHYIR NA MA KHYAB STE, ZLA BAS MDO DES DE BSTAN KYANG DGONGS GZHI STONG NYID LA BSHAD, LEGS LDAN GYIS MDO LAS, THOG MA MED PA'I DUS KYI KHAMS, ,ZHES DANG, RTZA BA'I RNAM SHES ZHES PAS BSTAN PA'I RNAM SHES KUN GZHI MA YIN PA'I RNAM SHES LA BSHAD PA'I PHYIR, DANG PO GRUB STE, STONG NYID DE KUN LA KHYAB PAS NA KUN GZHI DANG RNAM SHES ZHES BA BYED PA BO DANG, BYED PA DANG, YUL 'DI RNAM PAR SHES PA GSUM DU BSHAD PAS YUL GYI RNAM PAR SHES PAR DGONGS NAS KUN GZHI'I RNAM SHES ZHES BSHAD PAR 'DOD PA'I PHYIR, RANG 'GREL LAS, DNGOS PO THAMS CAD KYI RANG BZHIN GYI RJES SU ZHUGS PA'I PHYIR, STONG NYID KHO NA KUN GZHI RNAM PAR SHES PA'I SGRAS BSTAN PAR RIG PAR BYA'O, ,ZHES GSUNGS PA'I PHYIR, GNYIS PA GRUB STE, RNAM SHES TSOGS BRGYAD BYAS NAS KUN GZHI DANG, NGAR SEMS PA DANG, 'JUG SEMS GSUM KHYOD LTAR MED KYANG, MDO'I DON YID KYI RNAM SHES KYI GNAS SKABS KYI KHYAD PAR LA BTAGS PA YIN PA'I PHYIR, RTOG GE 'BAR

407a

, ,PA LAS, JI LTAR THOG MA MED PA'I DUS KYI DBYINGS, ZHES PA NAS, GANG GI PHYIR SEMS RDZAS SU MED PA DE'I PHYIR RNAM PAR SMIN PA DANG, NGAR SEMS PA DANG RNAM PAR RIG PA ZHES BYA BA RNAM PAR SHES PA GSUM DU GYUR PA DE BDAG CAG GIS MI 'DOD DE, 'ON KYANG DE NI SEMS KYI GNAS SKABS KYI KHYAD PAR YIN PAR 'DOD DO, ,ZHES GSUNGS PA'I PHYIR, LEGS BSHAD SNYING POR PHYI ROL MED PA LEGS LDAN GYIS MDO GANG GI YANG DGONGS PAR MI 'DOD PAR BSHAD PA LA CHOS RJE RGYAN BZANG PA NA RE, DE MI 'THAD PAR THAL, KUN GZHI YOD PAR STON PA'I MDO KHAS LEN PA'I PHYIR, DER THAL, DES KUN GZHI STON PA'I LANG GSHEGS SOGS KYI MDO DE MTHONG BA'I PHYIR NA MA KHYAB STE, DE'I NGOR DE KUN GZHI STON BYED MIN PAR RNAM SHES SHIG GIS GNAS SKABS LA 'KHOR 'DAS KYI GZHI BYED PA DANG, 'JIG LTA DANG LHAN DU 'JUG DUS LA DGONGS PAR BZHED PA'I PHYIR, RTOG GE 'BAR BA LAS, RNAM PAR SMIN PA DANG, NGAR SEMS PA DANG, NAS, 'ON KYANG DE NI SEMS KYI GNAS SKABS KYI KHYAD PAR YIN PAR 'DOD DO, ,ZHES GSUNGS PA'I PHYIR, KHYOD LA 'O NA, PHYI DON MED PA DES MDO'I DON DU 'DOD PAR THAL, DES PHYI DON MED PAR STON PA'I MDO, ,LUS DANG LONGS SPYOD GNAS 'DRA BA, ZHES PA'I MDO MTHONG BA'I PHYIR, KHYAB PA KHAS, YANG KHA CIG, RNAM PA DE LHA'I MDO SDE GZHAN YANG NI, ,DRANG DON NYID DU LUNG 'DIS GSAL BAR BYED, ,CES PA'I DRANG DON DU 'GREL RGYU LA SEMS TZAM PA LTAR GYI

407b

MTSAN NYID GSUM STON PA DANG KUN GZHI STON PA STE, DGONGS 'GREL GYI LUNG DNGOS SU 'GREL PAR BKOD PA GNYIS DANG 'GREL BA'I SOGS SGRAS PHYI DON MED PAR STON PA'I BYAMS ZHUS DANG, MTHAR THUG THEG PA GSUM BU STON PA'I DGONGS 'GREL GYI LUNG BZHI GANG RUNG GIS KHYAB PAR THAL, RNAM BSHAD LAS, LUGS 'DIS NI SNGAR BSHAD PA'I DON TSAN BZHI KA DRANG DON DU 'GREL GYI ZHES GSUNGS PA'I PHYIR NA MA KHYAB STE, RANG 'GREL GYIS SKABS 'DIR DNGOS SU SMOS PA'I BRJOD DON SGO NAS GSUM DANG MDO KUN BTUS KYIS BSHAD PA'I THEG GSUM MTHAR THUG STON PA BRJOD DON SGO NAS GCIG STE BSDUS NAS BRJOD DON SGO NAS BZHIR BSHAD PA GTZO BO TZAM YIN GYI, RJOD BYED THA DAD DANG DBYE BA'I SGO NAS RGYAS PAR BSHAD NA SHIN TU MANG PO YOD PA'I PHYIR, DER THAL, DPER NA MTHAR THUG THEG PA GSUM DU STON TSUL LA RIGS BDEN GRUB SO SOR YOD PA DANG, DGRA BCOM PA SLAR 'PHOS NAS MI SKYE BA DANG DE DAG GI RGYUD LA CI TZAM BSGOMS KYANG SNYING RJE CHEN POR GYUR BA'I LHAG BSAM DANG SEMS BSKYED MI SKYE BA LTA BU STON PA'I LUNG DU MA YOD PA'I PHYIR, DER THAL, DE DAG RE RE NAS DRANG DON DU 'GREL BYED KYI LUNG SO SO DANG DON GCIG LA MDO THA DAD PA DU MA MDO KUN BTUS LAS BKOD ZIN PAS 'DIR DNGOS SU MA DRANGS PA TZAM YIN PA'I PHYIR, MDO KUN BTUS LAS, THEG PA GCIG LA MOS PA'I SEMS CAN DE DAG NI SHIN TU RNYED PAR DKA' STE, THEG PA GCIG TU ZAD PA NI MDO SDE DU MA LAS GSUNGS PA'I PHYIR RO, ,ZHES GSUNGS PA'I PHYIR DANG, DE'I

408a

, ,SHES BYED DU YANG SNYING RJE PAD DKAR DANG BDEN PA PO'I LE'U DANG, SHER PHYIN GYI MDO DANG, 'DUS PA CHEN PO'I LE'U DANG, GZUNGS RGYAL GYI MDO DANG, PHYIR MI LDOG PA'I 'KHOR LO'I MDO DANG, DPAL PHRENG SENG GE'I SGRA'I MDO DANG, LANG GSHEGS KYIS DGRA BCOM PA YANG TING NGE 'DZIN LAS LANGS NAS CHOS SKU 'THOB PA RNAMS KYIS THEG PA GCIG TU SGRUB PA DANG, DGRA BCOM PA YANG SKYE BA LEN TSUL RNAMS BSHAD 'DUG PA'I PHYIR, RTZA BAR 'DOD NA, DGONGS 'GREL LAS, MNGON PAR BRJOD PA NI DNGOS PO MED PA CAN MA YIN NO, ,DNGOS PO DE YANG GANG ZHE NA, 'PHAGS PA'I YE SHES DANG, 'PHAGS PA'I GZIGS PA'I BRJOD DU MED PA NYID DU MNGON PAR RDZOGS PAR SANGS RGYAS PA GANG YIN PA STE; BRJOD DU MED PA'I CHOS NYID DE KHO NA MNGON PAR RDZOGS PAR 'TSANG RGYA BAR BYA BA'I PHYIR 'DU BYAS ZHES BYA BA DANG ZHES PA'I MDO CHOS CAN, SNGAR SMOS PA'I MDO BZHI PO GANG RUNG DU THAL, SKABS 'DIR DRANG DON DU 'GREL RGYU'I MDO YIN PA'I PHYIR; KHYAB PA KHAS, DER THAL, LUNG DES SEMS TZAM PA'I 'DOD PA LTAR GNAS GYUR PA'I SEMS KYI DAG PA'I DNGOS PO RANG BZHIN GYIS GRUB PA ZHIG 'PHAGS PA'I MNYAM BZHAG SO SO RANG RIG GI SPYOD YUL DU STON BYED YIN PA'I PHYIR, MA KHYAB NA KHYAB PAR THAL, DE 'DRA DE SEMS TZAM PAS NGES DON DU 'DOD PA GANG ZHIG, DE 'DRA'I MDO RNAMS SKABS 'DIR DRANG DON DU BSHAD PA'I PHYIR, DANG PO GRUB STE, SEMS TZAM PAS DE LTAR 'DOD PA BYANG CHUB SEMS 'GREL DU BKAG PA'I PHYIR,

408b

RNAM BSHAD LAS, RNAL 'BYOR SPYOD PA BA RNAMS KYIS GNAS GYUR PA'I SEMS KYI DAG PA RANG BZHIN GYIS GRUB BA ZHIG SO SO RANG RIG PA'I SPYOD YUL DU GRUB PA KHAS BLANGS PA BKAG PA'I TSE ZHES GSUNGS PA'I PHYIR, GNYIS PA GRUB STE, GDUL BYA'I DBANG GIS GSUNGS PA'I SEMS TZAM PAS NGES DON DU 'DOD PA THAMS CAD SKABS 'DIR DRANG DON DU BSHAD RIGS PA'I PHYIR, RANG 'GREL LAS, DE'I PHYIR RNAM PA DE LTA BU'I MDO SDE RNAM PAR SHES PA SMRA BA RNAMS KYIS NGES PA'I DON NYID DU KHAS BLANGS PA THAMS CAD DRANG PA'I DON NYID YIN PAR LUNG 'DIS MNGON PAR GSAL BAR BYAS NAS ZHES GSUNGS PA'I PHYIR DANG, RTZA BAR, GANG TSE ZHI BA DE NYID YIN NA DE LA BLO GROS 'JUG MI 'GYUR, ,ZHES SOGS KYI RTZOD PA 'GOD PA'I KHUNGS YIN PA'I PHYIR, GONG GI MA KHYAB MTSAMS KYI RTAGS GRUB STE, LUNG DE DRANGS NAS SEMS TZAM BRTZAD CING LANG GSHEGS LAS GDUL BYA SKRAG PA SPANG PA'I PHYIR GSUNGS PAR BSHAD PA'I PHYIR, DBU MA SNANG BA LAS, BCOM LDAN 'DAS KYI BKA' 'PHAGS PA'I YE SHES KYI SPYOD YUL SO SO RANG GIS RIG PAR BYA BA DNGOS PO'I NGO BO NYID DU YOD PAR STON PAR BYED PA 'DI JI LTAR DRANG ZHEN ZHES DANG, LANG GSHEGS LAS, BCOM LDAN 'DAS CI'I SLAD DU KHYOD KYIS SEMS CAN RNAMS LA YOD PA DANG MED PA NYID DU LTA BA BZLOGS NAS, YANG 'PHAGS PA'I YE SHES KYI SPYOD YUL SO SOR BSHAD PAS 'PHAGS PA'I YE SHES KYI YUL LA ZHEN PA'I YOD PA NYID DU 'GOD PAR MDZAD, CES PA NAS, BLO GROS CHEN PO

409a

, ,'ON KYANG NGA NI SEMS CAN THOG MA MED PA'I DUS NAS, DNGOS PO'I NGO BO NYID KYI MTSAN NYID LA MNGON PAR ZHEN PA RNAMS SKRAG PA SPANG PA'I PHYIR 'PHAGS PA'I YE SHES KYI SKYOD YUL DNGOS PO'I NGO BO NYID DU MNGON PAR ZHEN PA'I MTSAN NYID KYI LTA BA'I SGO NAS RNAM PAR DBEN PA'I CHOS STON PAR BYED DO, ,ZHES GSUNGS PA'I PHYIR, DE BZHIN DU LANG GSHEGS KYIS SEMS TZAM PA LTAR MTSAN NYID GSUM STON PA DANG, PHYI DON MED PAR STON PA DANG, RGYAN STUG BKOD PA SOGS RE RE NAS 'PHEN, YANG KHO NA RE, SEMS TZAM PAS NGES DON DU 'DOD PA'I MDO THAMS CAD 'DIS SGRA JI BZHIN MA YIN PA'I DRANG DON DU BSHAD PAR THAL, RANG 'GREL LAS, NGES PA'I DON NYID DU KHAS BLANGS PA THAMS CAD DRANG BA'I DON NYID DU LUNG 'DIS ZHES GSUNGS PA'I PHYIR NA MA KHYAB STE, SEMS TZAM PA'I THUN MONG MIN PA'I 'DOD PA LTAR STON PA DGOS KYI, GZHAN PHYIN DRUG GI RNAM BZHAG SOGS STON PA'I MDO DBU SEMS GNYIS KAS SGRA JI BZHIN PAR BZHED PA'I PHYIR DANG, RANG 'GREL LAS KYANG RNAM PA DE LTA BU'I SMOS PA'I DON YOD PA'I PHYIR, RTZA BAR 'DOD NA, SA BCU PA'I MDO LAS, KHAMS GSUM PO 'DI NI SEMS TZAM MO, ,ZHES DANG, CHOS MNGON PA'I MDO LAS; THOG MA MED PA'I DUS KYI KHAMS, ,ZHES SOGS SKABS 'DIR SGRA JI BZHIN PAR KHAS MI LEN PAR THAL, SEMS TZAM PAS RANG GI THUN MONG MA YIN PA'I 'DOD PA STON BYED DU 'DOD PA'I PHYIR, 'DOD MI NUS TE, LUNG SNGA MAS

409b

PHYI DON MI 'GOG PAR MU STEGS PA'I RTAG BDAG SOGS BYED PO GZHAN BKAG NAS, SNOD BCUD THAMS CAD GTZO BOR SEMS KYIS BYED PAR BSHAD, PHYI MA RGYUD BLA MA LTAR SEMS CAN THAMS CAD LA KHAMS BDE GSHEGS SNYING PO RANG BZHIN GNAS RIGS YOD PAR STON BYED YIN PA'I PHYIR, YANG KHA CIG NA RE, DGONGS 'GREL GYI MTSAN NYID GSUM GYI MDO SGRA JI BZHIN MA YIN PA'I DRANG DON DU 'GREL MI RIGS PAR THAL, NYI KHRI'I BYAMS ZHUS KYIS MTSAN NYID GSUM BSHAD PA KHAS LEN PA GANG ZHIG, SLOB DPON SHANTI PAS LE'U DE DGONGS 'GREL DANG MTHUN PAR BSHAD PA'I PHYIR NA MA KHYAB STE, SHANTI PA LTAR SEMS TZAM SKABS SU KHAS MI LEN PA'I PHYIR, DER THAL, NYI KHRI'I BYAMS ZHUS LAS GZUGS NAS RNAM MKHYEN BAR DON DAM PAR MED MNYAM DANG THA SNYAD DU YOD MNYAM DU GSUNGS PA'I PHYIR, MDO DE NYID LAS GZUGS SOGS JI LTAR MCHIS ZHUS PA'I LAN DU, 'JIG RTEN GYI BRDA DANG THA SNYAD KYIS YOD KYI DON DAM PAR NI MA YIN NO ZHES RNAM MKHYEN PAR LA DE LTAR GSUNGS PA'I PHYIR, BYAS PA LA KHO NA RE, DE MI 'THAD PAR THAL, MDO DES MTSAN NYID GSUM LA BDEN PAR YOD MED PHYE NAS DGONGS 'GREL LTAR GSUNGS PA'I PHYIR, DER THAL, GZUGS KYI KUN BTAGS NI KUN BTAGS KYI GZUGS DANG, GZUGS NI NAM BTAGS KYI GZUGS DANG, GZUGS KYI CHOS NYID NI CHOS NYID KYI GZUGS ZHES GSUNGS SHING, DE'I DANG PO RDZAS YOD MIN PA DANG, GNYIS PA RDZAS YOD YIN PAR BSHAD PA'I PHYIR, DER THAL,

410a

, ,MDO DE NYID LAS, BYAMS PA GANG KUN BTAGS PA'I GZUGS DE NI RDZAS SU MED PAR BLTA BAR BYA'O, ,RNAM PAR BTAGS BA'I GZUGS GANG YIN PA DE NI RNAM PAR RTOG PA RDZAS SU YOD PA'I PHYIR, RDZAS SU YOD PAR BLTA BAR BYA STE, RANG DBANG 'BYUNG BA'I PHYIR NI MA YIN NO, ,ZHES GSUNGS PA'I PHYIR NA MA KHYAB STE, 'DI'I RDZAS SU MED PA NI GZHAN DBANG DON DAM DU GRUB PA MED PA'I DON DANG, GZHAN DBANG RDZAS YOD DU GSUNGS PA MING BRDAS BZHAG TZAM DANG YOD TZAM LA BYED PA'I PHYIR, DER THAL, 'DI'I RDZAS SU YOD MED GSUNGS PA'I RDZAS NI YOD TZAM LA BYED LA GZHAN LA MI BYED PA'I PHYIR, LEGS BSHAD SNYING PO LAS, DE'I PHYIR BYAMS ZHUS LAS RDZAS SU YOD MED GSUNGS PA'I RDZAS NI GZHUNG GZHAN LAS RDZAS GNYIS SU BSHAD PA'I RDZAS KYANG MIN LA, DBU MA PAS RANG GI MTSAN NYID KYIS GRUB PA LA RDZAS SU BSHAD PA YANG MIN PAS YOD PA TZAM MO ZHES GSUNGS PA'I PHYIR, YANG STONG THUN CHEN MO LAS, SKABS 'DIR DRANG DON DU SGRUB DGOS KYI LUNG LNGA YOD DE, SEMS CAN THAMS CAD KYI RGYUD LA MTSAN DPE GSAL RDZOGS KYI BDEN GRUB YOD PAR STON PA'I MDO DANG, KUN GZHI'I DE DANG, MTSAN NYID GSUM LA BDEN PAR YOD MED STON PA'I DE DANG, MTHAR THUG THEG GSUM STON PA'I BAR LNGA YOD PA'I PHYIR, GSUNGS PA LA KHA CIG NA RE, SEMS CAN THAMS CAD LA MTSAN DPE GSAL RDZOGS KYI BDEN GRUB YOD PAR STON PA'I MDO CHOS CAN, SEMS TZAM PAS DES DON GYI MDOR KHAS LEN PAR THAL, SKABS

410b

'DIR DRANG DON DU 'GREL RGYU'I MDO YIN PA'I PHYIR NA SHIN TU MA KHYAB, KHYAB PAR THAL, RANG 'GREL LAS, NGES DON DU KHAS BLANGS PA THAMS CAD DRANG DON DU LUNG 'DIS ZHES GSUNGS PA'I PHYIR NA CHES SHIN TU MA KHYAB, AE MA RIG PA SPOM PO 'JIG RTEN RGAN RAB LTA BU LA AANG, LUNG DES DE 'DRA BA'I SEMS TZAM PAS NGES DON DU 'DOD PA THAMS CAD DRANG DON DU BSHAD MI GSUNG BAR 'DIS DRANG DON DU BSHAD PA THAMS CAD SEMS TZAM PAS NGES DON DU 'DOD GSUNGS 'DUG GAM, DE GNYIS LA KHYAD MED DAM, MED NA LHAS SBYIN MI YIN BYAS PAS MI LHAS SBYIN YIN SMRAS PAR 'GYUR RO, ,DNGOS SU RJE YAB SRAS KYI MTSAN SMOS NAS 'GOG PA BLUN SNYING CHE'O, ,RTZA BAR 'DOD MI NUS TE, DE SEMS TZAM PAS KYANG DRANG DON DU 'DOD LA SKABS 'DIR YANG LANG GSHEGS KYIS SGRA JI BZHIN MA YIN PA'I DRANG DON DU BSHAD PA'I PHYIR, DER THAL, DE LTAR SKABS 'DIR LANG GSHEGS KYIS DE DRANG DON DU BSHAD PAS KUN GZHI YANG DRANG DON DU BSHAD PA'I PHYIR, DER THAL, MTSAN DPE CAN GYI BDE GSHEGS SNYING PO DANG KUN GZHI GNYIS MDO GNYIS LAS RTAG MI RTAG SO SOR BSHAD, LANG GSHEGS KYIS DGONGS GZHI DGOS PA DNGOS LA GNOD BYED GSUM GYIS SKABS 'DIR DRANG DON DU BSHAD PA'I PHYIR, LANG GSHEGS LAS; JI LTAR NAD PA SOGS DANG, YANG LANG GSHEGS LAS, BCOM LDAN 'DAS KYI MDO BRJOD PA LAS DE BZHIN GSHEGS PA'I SNYING PO GSUNGS PA DE BCOM LDAN 'DAS KYIS 'OD GSAL BA RNAM PAR DAG PAS THOG MA NAS RNAM PAR DAG PA

411a

, ,NYID MTSAN SUM CU RTZA GNYIS DANG LDAN PA SEMS CAN THAMS CAD KYI LUS KYI NANG NA MCHIS PAR BRJOD DO, ,NAS, 'DI NI MU STEGS BYED KYIS BDAG TU SMRA BA DANG JI LTAR 'DRA BA MA LAGS ZHES SOGS GSUNGS PA'I PHYIR, SHIN TU SLA, GZHAN YANG, JI LTAR NAD PA NA BA LA, ,ZHES SOGS KYIS LANG GSHEGS KYI LUNG GNYIS KYIS MTSAN DPE RTAG BRTAN GYI SNYING PO CAN GYI RNAM BZHAG STON PA'I MDO TSIG DE DRANG DON DU MA BSHAD PAR THAL, LUNG 'DIS GSAL BAR BYED CES PA'I DRANG DON DU BSHAD RGYU TZAM YANG MA YIN PA'I PHYIR, RTAGS KHAS, DAM BCA' 'THAD PA'I PHYIR, 'DOD NA, RNAM BSHAD LAS, DES JI LTAR NAD PA ZHES SOGS KYIS SEMS TZAM DU SMRA BA DRANG DON DU BSHAD PA BZHIN DU; RTAG BRTAN GYI SNYING PO DRANG DON DU GSUNGS PAS KYANG DGONGS 'GREL SOGS LAS KUN GZHI'I RNAM SHES GSUNGS PA SGRA JI BZHIN PA MA YIN PAR BSGRUBS PA YIN NO, ,ZHES GSUNGS PA 'DI YANG MI 'THAD PAR THAL LO, ,RNAM PA DE LTA'I ZHES SOGS KYI SKABS 'DI'I LANG GSHEGS KYI LUNG GNYIS KYIS DE DRANG DON DU SGRA JI BZHIN MA YIN PAR MA BSHAD PA'I PHYIR, SPROS PAS CHOG GO ,'DI'I MTSAN NYID GSUM STON PA'I 'GREL PA'I TSIG GYONG PO ZHIG 'DUG PAS CUNG ZAD BSHAD NA, RANG BZHIN GNAS LUGS NI GZHAN DBANG 'DU BYAS LA SNANG BA LTAR MED BZHIN DU SGRO BTAGS NAS SNANG BA YIN TE, GZHAN DBANG RANG GI SDOD LUGS SU YOD PA MED BZHIN DU YOD PAR SNANG BA SGRO BTAGS PA YIN PA'I PHYIR,

411b

DPER NA SBRUL DE THAG PA LA MED BZHIN DU SGRO BTAGS PA LTA BU YIN PA'I PHYIR, GZHAN YANG 'DI LA RTZA SHE NAS BSHAD PA'I RANG BZHIN BCOS MIN SOGS KYI DON MA TSANG BAS SO, ,'DIS KUN BTAGS KYI MTSAN NYID KYANG BSHAD DO, ,BZUNG BZHIN NAM MTHONG BZHIN PA'I GZHAN DBANG SNANG TSUL GNAS TSUL MI MTHUN PA'I GZUGS CAN RANG BZHIN GSHIS LUGS NI SANGS RGYAS KYIS GZIGS PA LTAR YONGS GRUB DNGOS YIN TE, DE LA MED BZHIN DU YOD PAR SGRO MA BTAGS PAR GZIGS PA'I PHYIR, DPER NA SBRUL DE SBRUL DNGOS LA SGRO MA BTAGS PAR BZUNG PA'I DON YONGS SU GRUB PA BZHIN YIN PA'I PHYIR, 'DIS YONGS GRUB KYI MTSAN NYID DANG SGRA BSHAD KYANG BSTAN PAS GZHAN DBANG DE GNYIS KYI SGRO 'DOGS PA DANG STONG GZHIR BSTAN PA YIN NO, ,LEGS PAR BSHAD YOD DO, ,GNYIS PA GANG ZAG GI BDAG MED RIGS PAS SGRUB PA LA GSUM, THAR 'DOD KYIS THOG MAR BDAG RANG BZHIN GYIS GRUB PA DGAG DGOS PAR BSTAN PA DANG, BDAG DANG BDAG GI BA RANG BZHIN GYIS GRUB PA 'GOG TSUL DANG, BDAG DANG SHING RTA'I DPYAD PA DNGOS PO GZHAN LA YANG BSGRE BA BSTAN PA'O, ,DANG PO NI, RTZA BAR, NYON MONGS SKYON RNAMS NAS, 'GOG PAR BYED KYI BAR SHO LO KA GCIG RTZA 'GREL BYUNG, 'DI'I MTHA' DPYAD PA LA, STONG THUN CHUNG BA PA NA RE, 'KHOR BA'I RTZA BAR GYUR PA'I MA RIG PA LA GNYIS YOD DE, LAS 'BRAS LA RMONGS PA DANG, DE KHO NA NYID LA RMONGS PA GNYIS ZER ZHING, MTSAN GZHI KHA GRUB MTHA' BZHI

312a

, ,YOD DE, DA LTAR BA DE RANG NYID SKYES LA MA ZHIG PA KHO NA YIN PAS GTZO BO DANG, GZHAN MA 'ONGS PA 'DAS PA GNYIS KYI NGO BO DA LTAR BA MA SKYES PA DANG ZHIG PA'I SGO NAS 'JOG PAS PHAL BA YIN PA'I PHYIR, BRGYA BA'I 'GREL PA LAS, DA LTAR BA NI ZHES SOGS GSUNGS PA'I PHYIR, DE LTA NA YANG DUS GSUM PHAN TSUN LTOS PA DANG, GCIG GI RNAM PA 'CHAR BA LA GZHAN GNYIS KYI RNAM PA 'CHAR DGOS PA LA KHYAD PAR MED DE, DE LTAR SNGAR BSHAD ZIN PA'I PHYIR, BRGYA PA'I 'GREL PA LAS KYANG, DE MED NA NI GANG DU MA 'ONGS PA LAS 'DI MA 'ONGS PA NYID DU 'GYUR TE, DUS GZHAN GNYIS KYI RNAM PAR BZHAG PA LA YANG DE DANG 'DRA BAR SBYAR BAR BYA'O, ,ZHES GSUNGS PA'I PHYIR, DE LTAR 'DOD PA LA BYE BRAG SMRA BA MA GTOGS GRUB MTHA' GZHAN GSUM MTHUN LA, 'DAS MA 'ONGS GNYIS RANG RGYUD PA SOGS KYIS MED DGAG YIN PAS DNGOS MED DANG THAL 'GYUR BAS ZHIG PAS MA ZHIG PA GCOD, MA 'ONGS PAS SKYE RGYU ZHIG BCAD KYANG DGAG BYA DE GNYIS BCAD TZAM MA YIN GYI DNGOS PO GZHAN ZHIG 'PHEN PAR 'DOD PA'I PHYIR, DER THAL, MYU GU ZHIG PA'I SGRAS MYU GU ZHIG PA MYU GU LA BRTEN NAS BYUNG BA 'PHEN, MYU GU MA 'ONGS PA'I SGRAS MYU GU MA 'ONGS PA LA MYU GU SKYE PA'I RKYEN MA TSANG BAS RE ZHIG MA SKYES LA RKYEN TSANG NA SKYE BA 'PHEN PA'I PHYIR RAM, YANG NA, MYU GU MA 'ONGS PA'I SGRAS MYU GU MA 'ONGS PA LA MYU GU SKYE BA'I RKYEN MA TSANG BA'I DNGOS POR 'PHEN PA 'DI ZLA BA DANG RJE'I DGONGS PAR MNGON PA'I PHYIR TE,

312b

RNAM BSHAD LAS, LUGS DANG PO LA NI, ,ZHES PA NAS, ZHIG PA NGE DNGOS PO GTAN MA YIN PAR 'DOD DE, ,ZHES DANG, SKAD CIG DANG PO DUS GNYIS PAR ZHIG PA NI, NAS, ZHIG RGYU DE BCAD PA TZAM MA YIN GYI DE BCAD PA'I DNGOS PO ZHIG 'PHANGS PA'I PHYIR RO, ,ZHES GSUNGS PA'I PHYIR, RIGS PA DRUG CU PA LAS, RGYU ZAD NYID LAS ZHI BA NI, ,ZAD CES BYA BAR DMIGS PA STE, ,ZHES PA RTZA 'GREL LAS BSHAD PA'I PHYIR, DUS GSUM DNGOS PO RANG RANG GI DA LTAR BA LA LTOS NAS BZHAG DGOS KYI 'JOG MKHAN GANG ZAG GI SGO KHO NAS MI RUNG STE, GANG ZAG GCIG KHO NA'I DUS GSUM GYIS SO SO'I GO CHOD LA DNGOS PO GZHAN GYI DUS GSUM GYIS SO SO'I GO MI CHOD PA SKUR 'DEBS SU 'GYUR BA'I PHYIR, SKABS 'DIR KUN GZHI DANG, BU LON GYI DPANG RGYA STE YI GE LTA BU'I CHUD MI ZA BA ZHES BYA BA'I LDAN MIN LAS DANG BSGO GZHI LAS THA DAD PA DANG, LAS DE LDAN BYED KHAL THAG LTA BU'I THOB PA DANG, LAS DE BSAGS PA NAS RNAM SMIN MA MYONG BAR DU BSGO GZHI'I RNAM SHES YIN BZHIN PA'I SEMS KYI RGYUN RNAMS KHAS MA BLANGS KYANG LAS 'BRAS KYI 'BREL BA SHIN TU 'THAD DE, LAS RANG BZHIN GYIS MI 'GAG CING LAS KYI ZHIG PA'I STENG NAS LAS DGE SDIG GANG YIN DE 'THAD PA'I PHYIR, DE YANG YIN TE, LAS ZHIG NAS BAG CHAGS TZAM LAS MED KYANG RNAM SMIN MA ZAD PA'I LAS DGE BA'I ZHIG PA DGE BA, DE MA ZAD PA'I MI DGE BA'I ZHIG PA MI DGE BA YIN PA'I PHYIR, DPER NA 'PHEN BYED KYI DGE BA'I LAS BSAGS NAS 'GAG LA SRED LEN GYIS GSOS MA BTAB PA'I

413a

, ,GNYIS 'JIG LTAR 'JOG PA, ZHES GSUNGS PA'I PHYIR NA MA KHYAB STE, RANG RGYUD KYI NGA LA 'DZIN TSUL SNGA MA GZHIR BZHAG LA DGONGS PA YIN TE, RIGS PA'I RGYA MTSO LAS KYANG, NGA'O SNYAM PA SKYE BA'I GZHI NGA LA DMIGS NAS RNAM PA RANG GI MTSAN NYID KYIS GRUB PAR 'DZIN PA NI NGAR 'DZIN GYI 'JIG LTA LHAN SKYES DANG GANG ZAG GI BDAG TU RMONGS PA GNYIS KA'O, ,ZHES GSUNGS PA'I PHYIR, BYAS PA LA KHO NA RE, GZHAN MCHOD SBYIN RGYUD KYI NGA LA NGA'O SNYAM DU 'DZIN PA'I LHAS SBYIN RANG RGYUD KYI 'JIG LTA YOD PAR THAL, GZHAN MCHOD SBYIN RGYUD KYI NGA BDEN GRUB TU 'DZIN PA'I LHAS SBYIN RGYUD KYI BDAG 'DZIN YOD PA'I PHYIR NA MA KHYAB STE, LHAS SBYIN LA MCHOD SBYIN NGA'O SNYAM PA MI SKYE YANG MCHOD SBYIN LA'ANG NGA ZHIG YOD PAR 'DZIN PA'I BLO ZHIG SKYE PA'I PHYIR RO, ,GZHAN YANG, NGA YI BAR 'DZIN PA'I 'JIG LTA LHAN SKYES GANG ZAG GI BDAG 'DZIN MIN PA YANG RJE'I GSUNG DANG 'GAL BA KHO NAR 'OG TU 'CHAD DO, ,YANG KHA CIG NA RE, NGA YI BA RANG LDOG GANG ZAG DANG GZHI LDOG GAM MTSAN GZHI RNAMS GANG ZAG MIN PA STONG THUN DGONGS PAR 'DOD, LA LA NA RE, NGA YIR 'DZIN PA'I 'JIG LTA GANG ZAG GI BDAG 'DZIN YIN KYANG RANG RGYUD KYI NGA YI BA RANG GI MTSAN NYID KYIS GRUB PAR 'DZIN PA'I BLO CHOS KYI BDAG 'DZIN ZER BA SOGS KHUNGS MCHOD PA'I RTOG GE NGAN PA SNA TSOGS SMRAS MOD RE RE NAS SMOS BYIS GA LA LANGS, DES NA 'DIR ZLA BA'I ZHABS SANGS RGYAS BSKANGS RJE YAB SRAS KYI DGONGS PA

413b

ZUR TZAM YANG MA NOR BAR RIGS PA DANG GSUNG NGAG SBRAGS NAS BSHAD PAR BYA'O, ,'O NA NGA YI BA LA DMIGS ZHES PA'I NGA YI BA LA MIG RNA SOGS 'JOG RIGS PAR THAL, NGA YI BA'I YA KYAL LA DE DAG KHYOD KYIS BZHAG PA'I PHYIR, RTAGS KHAS, 'KHOR GSUM, 'DOD NA, NGA YIR 'DZIN PA'I NGA YI BA LA DMIGS ZHES PA'I DMIGS YUL NGA YI BA LA MIG RNA SOGS 'JOG RIGS PAR THAL LO, ,'DOD PA'I PHYIR, DE DAG GI THAL BA SNGA PHYI GANG LA YANG 'DOD MI RIGS TE, DE DAG 'DI'I 'JIG LTA GNYIS KYI DMIGS YUL SKABS KYI NGA YI BA MIN PAS NGA YI BA LA DMIGS ZHES PA YANG DE DAG LA DMIGS PA MA YIN PA'I PHYIR, RIGS PA'I RGYA MTSO LAS, NGA YI BA LA DMIGS ZHES PA NI DE DAG LA DMIGS BA MA YIN NO, ,ZHES GSAL BAR GSUNGS PA'I PHYIR, GZHAN YANG MIG RNA SOGS CHOS CAN, NGA YI BA YIN PAR THAL, NGA YI BA'I MTSAN GZHI YIN PA'I PHYIR, RTAGS KHAS, 'KHOR GSUM, 'DOD NA, DE CHOS CAN, KHYOD NGA YI BA MA YIN PAR THAL, KHYOD NGA YI BA'I GDAGS GZHI YIN PA'I PHYIR, MA KHYAB NA, GANG ZAG GI GDAGS GZHI PHUNG PO LNGA YANG GANG ZAG YIN PAR THAL, NGA YI PA'I GDAGS GZHI MIG RNA SOGS NGA YI BA YIN PA'I PHYIR, RTAGS KHAS, 'KHOR GSUM, MA KHYAB MTSAMS LA RTAGS DER THAL, KHYOD NGA'I YIN RGYU'I GZHI DANG KHYOD BDAG DE'I YIN PA LA BRTEN NAS BDAG GI BA'AM BDAG GI CAN ZHES BZHAG PA'I PHYIR, DPER NA NOR CAN LA NOR BA DANG, RTA CAN LA RTA BA BZHIN NO,,

414a

, ,RIGS PA'I RGYA MTSO LAS, NGA YI BA'I GZHI MIG RNA SOGS LA DMIGS NAS DE LTAR 'DZIN PA NI CHOS KYI BDAG 'DZIN YIN PAS, NGA YI BA LA DMIGS ZHES PA NI DE DAG LA DMIGS PA MA YIN NO, ,ZHES GSUNGS PA'I PHYIR, KHYAB STE, NGA YI BA'I GZHI ZHES GSAL BAR BSHAD LA, DE YANG DPE BRIS MA SHIN TU DAG BA DANG DPAR MA GNYIS KAR DE LTAR 'BYUNG BA'I PHYIR, BYAS PA LA KHO NA RE, DE MI 'THAD PAR THAL, RANG RGYUD KYI MIG RNA SOGS NI NGA YI BA DANG CHOS DANG GANG ZAG GNYIS KYI NANG NAS CHOS LA 'JOG PA GNYIS KA YIN PA'I PHYIR, DER THAL, STONG THUN LAS, RANG RGYUD KYIS BSDUS PA'I MIG RNA SOGS NI NGA YI BA'I MTSAN GZHI DANG GANG ZAG DANG CHOS GNYIS SU PHYE BA'I YA GYAL GYI CHOS KYI MTSAN GZHI GNYIS KA YIN LA, ZHES GSUNGS PA'I PHYIR, SPYIR DE LTAR SNANG PAS RNAM PA GCIG TU tIKA CHEN DANG MI MTHUN PA LTAR SNANG YANG ZHIB PAR DPYAD NA MA KHYAB PA KHO NA YIN TE, LUNG DES RANG RGYUD KYI DE DAG NGA YI BAS NGA YIR BYED RGYU'I MTSAN GZHIR BSTAN PA TZAM YIN GYI NGA YI BA RANG NYID YIN PAR MA BSTAN PA'I PHYIR, DER THAL, NGA YI BA NI RANG RGYUD KYI MIG RNA SOGS BLO LHAN SKYES LA NGA YI BAR SNANG BA'AM DE DAG BLO LHAN SKYES LA NGA YI BA'I RNAM PAR SHAR BA DE LA BYED CING DE RANG MTSAN GYIS 'DZIN PA'I LTA BA NGA YI BAR 'DZIN PA'I 'JIG LTA YIN PA'I PHYIR, DER THAL, DE SKAD DU LUNG DE'I MJUG TU STONG THUN

414b

LAS; MTSAN GZHI GNYIS KA YIN LA, DE DAG BLO LHAN SKYES LA YUL GYI RANG NGOS NAS GRUB PA'I NGA YI BAR SNANG ZHING DE 'DRA'I NGA YI PA LA DMIGS NAS RANG GI MTSAN NYID KYIS GRUB PAR ZHEN PA NI NGA YIR 'DZIN PA LHAN SKYES YIN, ZHES GSUNGS PA'I PHYIR, KHYAB STE, NGA YI BAR SNANG ZHING ZHES PAS NGA YI BA SNANG GZHI'I MIG SOGS LA MI 'JOG PAR DE DAG LA BLOS SNANG TZAM PA'I NGA YI BAR BSHAD CING, LHAG MAS DE LA DMIGS PA'I NGA YI BAR 'DZIN PA SKYE TSUL BSTAN PA'I PHYIR, GZHAN YANG, NGA 'JOG PA NA GDAGS GZHI PHUNG PO MI 'JOG PAR PHUNG PO LA NGAR SNANG TZAM DE 'JOG PA MA YIN PAR THAL, NGA YI BA 'JOG PA NA NGA YI BAR BYED RGYU'I PHUNG PO LNGA DANG MIG SOGS NGA YI BAR MI 'JOG PAR NGA YIR BYED RGYU 'AM GDAGS GZHI DE DAG LA NGA YI BAR SNANG BA TZAM DE NGA YI BAR 'JOG PA MA YIN PA'I PHYIR, 'KHOR GSUM, MA KHYAB NA, NGA YI BA'I GDAGS GZHI MIG SOGS NGA YI BAR 'JOG RIGS PAR THAL BA DANG, NGA YI BA GDAGS GZHI PHUNG PO DANG MIG SOGS LA MING DANG BLOS PHAR BZHAG TZAM DANG SNANG TZAM MA YIN PAR THAL, NGA YI BA'I GDAGS GZHI YOD PA GANG, DE DAG LA NGA YI BAR SNANG TZAM ZHIG LA NGA YI BA 'JOG PA MA YIN PA'I PHYIR, 'KHOR GSUM KHAS; THAL 'GYUR SNGA PHYI GANG LA MA KHYAB SOGS SMRAS TSE DBU MA PA'I DRI MI BRO DA DUNG DNGOS 'DZIN STUG POR SNANG NGO, DA DUNG BSHES GNYEN DAM PA BSTEN LA BSAGS SBYANGS DANG SLOB SBYONG LA REMS, BSKAL CHEN KHA SHAS LA YANG YOD

415a

, ,DKA' BAR 'DUG GO ,GONG GI MA KHYAB MTSAMS LA RTAGS DER THAL, GANG ZAG GANG GI RGYUD KYI NGA YI BA LA YANG DE LTAR MI 'JOG PA'I PHYIR, DER THAL, NGA YI PA'I GDAGS GZHI'I MIG SOGS NGA YI BA YIN PA'I PHYIR; 'KHOR GSUM, GZHAN YANG, SO SKYE'I MIG SOGS CHOS CAN, KHYOD LA DMIGS NAS RANG RGYUD KYI BLOS KHYOD RANG GI MTSAN NYID KYIS GRUB PAR 'DZIN PA'I LTA BA NGA YIR 'DZIN PA'I 'JIG LTA YIN PAR THAL, KHYOD SO SKYES RGYUD KYI NGA DANG NGA YI BA GNYIS SU PHYE BA'I NGA YI BA YIN PA'I PHYIR, RTAGS DNGOS, SHIN TU KHYAB PAR THAL, RANG RGYUD KYI NGA YI BA LA DMIGS NAS RANG MTSAN GYIS GRUB PAR 'DZIN PA'I 'JIG LTA GANG YIN PA NI NGA YIR 'DZIN PA'I 'JIG LTA DANG GANG ZAG GI BDAG GI BA LA RMONGS PA'I MA RIG PA GNYIS KA YIN PA'I PHYIR, RIGS PA'I RGYA MTSO LAS, NGA YI BA LA DMIGS NAS RNAM PA RANG GI MTSAN NYID KYIS GRUB PAR 'DZIN PA NI, NGA YIR 'DZIN PA'I 'JIG LTA LHAN SKYES DANG, GANG ZAG GI BDAG GI BA LA RMONGS PA'I MA RIG PA GNYIS KA'O, ,ZHES GSUNGS PA'I PHYIR DANG, STONG THUN LAS KYANG, RANG RGYUD KYI MIG SOGS LA DMIGS NAS RANG GI MTSAN NYID KYIS GRUB PAR 'DZIN KYANG NGA YI BAR 'DZIN PA'I 'DZIN STANGS MED PA ZHES GSUNGS PA'I PHYIR, 'DOD MI NUS TE, KHYOD LA DE LTAR 'DZIN PA CHOS KYI BDAG 'DZIN YIN PA'I PHYIR, DER THAL, KHYOD CHOS DANG GANG ZAG GNYIS SU PHYE BA'I CHOS YIN PA'I PHYIR, RTAGS

415b

DANG KHYAB PA GNYIS KA GRUB STE, RIGS PA'I RGYA MTSO LAS, NGA YI BA'I GZHI MIG RNA SOGS LA DMIGS NAS DE LTAR 'DZIN PA NI CHOS KYI BDAG 'DZIN YIN PAS, ZHES GSUNGS PA'I PHYIR, GZHAN YANG, STONG THUN LAS KYANG, DE DAG NGA YI BAR SNANG BA'I NGA YI BA RANG GI MTSAN NYID KYIS GRUB PAR 'DZIN BA NI NGA YI BAR 'DZIN PA YIN GYI CHOS KYI BDAG 'DZIN MIN LA GSUNGS PA MI 'THAD PAR THAL, MIG SOGS DE DAG LA NGA YI BAR SNANG BA NGA YI BA DANG DE RANG GI MTSAN NYID KYIS GRUB PAR 'DZIN PA YIN PA'I KHYAD PAR MI 'THAD PA'I PHYIR, DER THAL, DE DAG LA NGA YI BAR SNANG BA NGA YIR 'DZIN PA'I LHAN SKYES KYI DMIGS PAR GYUR BA'I NGA YI BA YIN KYANG DE DAG NGA YI BA MA YIN PA'I KHYAD PAR MI 'THAD PA'I PHYIR SOGS SHIN TU MANG, YANG KHA CIG NA RE, 'JIG LTA KUN BTAGS YANG YIR 'DZIN PA'I 'JIG LTA KUN BTAGS PHRA MO DANG, 'JIG LTA KUN BTAGS RAGS PA BDAG GZUGS SU LTA BA SOGS NYI SHU BO STE GNYIS YOD ZER NA, 'O NA 'JIG LTA LHAN SKYES PHRA RAGS GNYIS KA 'JIG LTA YIN PAR THAL, 'JIG LTA KUN BTAGS PHRA RAGS GNYIS KA 'JIG LTA YIN PA'I PHYIR, RTAGS DNGOS, 'DOD NA, DE GNYIS KA'I ZHEN YUL BYED PA RE RE NAS GANG ZAG GI BDAG MED PHRA MOR THAL, DE GNYIS KA GANG ZAG GI BDAG 'DZIN YIN PA'I PHYIR, 'DOD MI NUS, YANG RTOG GE BA MANG PO NA RE, NGA'O SNYAM PA'I THA SNYAD PA'I BLO LHAN SKYES DANG, 'JIG LTA LHAN SKYES GANG YIN KYANG RANG RGYUD LA LDAN PA'I GANG ZAG DANG BDAG DE LA DMIGS PAS

416a

, ,KHYAB STE, RGYUD GZHAN GYI BDAG GAM GANG ZAG LA DMIGS PA'I 'JIG LTA MED PA'I PHYIR ZER BA NI MGO BA CHE SHOS SU SNANG NGO, ,LHAS SBYIN RGYUD KYI NGA'O SNYAM PA'I BLO'I DMIGS YUL YIN NA LHAS SBYIN YIN DGOS PAR THAL, DE'I RGYUD KYI NGA'O SNYAM PA'I BLO'I DMIGS PA YIN NA BLO DE RGYUD LA LDAN PA'I BDAG YIN DGOS PA'I PHYIR, RTAGS KHAS, 'KHOR GSUM, 'DOD NA, LHAS SBYIN RGYUD KYI MNGON SHES LA BRTEN NAS 'TSE SNGA MA 'GA' ZHIG LA LHA DE DANG MI DE 'DRAR GYUR TO SNYAM BA'I TSE RABS DRAN BA'I DMIGS YUL DU GYUR BA'I LHA DANG MI RE RE NAS CHOS CAN, LHAS SBYIN YIN PAR THAL LO, ,DE'I RGYUD KYI NGA'O SNYAM PA'I BLO'I DMIGS YUL YIN PA'I PHYIR, KHYAB PA KHAS, RTAGS GRUB STE, DE 'DRA'I NGA'O SNYAM PA'I MNGON SHES KYI DMIGS YUL YIN PA'I PHYIR, 'DOD NA, LHAS SBYIN DE BDAG DU MAR THAL BA DANG DE LHA MI SNGA PHYI GSUM GA DUS GCIG TU YOD PAR THAL, 'DOD PA DE'I PHYIR, DE SKAD DU RIGS PA'I RGYA MTSO LAS, TSE 'DI'I MI LHAS BYIN GYIS SNGON GYI SKYE BA DRAN PA NA NGA SNGAR DE DANG DER SKYES 'DUG SNYAM DU DRAN BA YIN GYI TSE 'DI'I DUS KYIS KHYAD PAR DU BYAS NAS NGA SNGAR DE DANG DER SKYES 'DUG SNYAM DU MI DRAN NO, ,DES NA TSE 'DI'I LHAS BYIN GYIS GANG LA DMIGS NAS NGA'O SNYAM BSKYE BA'I DMIGS PAR GYUR BA'I BDAG NI TSE RABS SNGA MA RNAMS SU YANG YOD PAS DE LTAR DRAN BA MI 'GAL LA, ZHES GSUNGS PA'I PHYIR, 'DI LA BRTEN NAS DE DAG LA DMIGS

416b

BA'I 'JIG LTA DANG NGA RGYAL LHAS BYIN LA SKYE TSUL SHES PAR GYIS, DE BZHIN DU GZHAN YANG 'JIG LTA'I DMIGS YUL GYI BDAG LA 'JIG LTA DE RANG RGYUD LDAN DUS KYI GANG ZAG DE KHO NAS KHYAB PAR THAL, DE LA SKYE BA SNGA PHYI DANG LO ZLA ZHAG DUS SNGA PHYI'I BDAG RE YANG MED PAR RANG DUS KYI BDAG KHO NA LA DMIGS PAS KHYAB PA'I PHYIR, RTAGS KHAS, 'DOD MI NUS TE, NGA'O SNYAM DU YUL DUS SO SOR MA PHYE BAR 'DZIN PA'I 'JIG LTA YOD PA'I PHYIR, KHYAB STE, NGA'O SNYAM DU YUL DUS SO SOR MA PHYE BAR 'DZIN PA'I 'JIG LTA'I DMIGS YUL LA DE LTAR YOD PA'I PHYIR, RAB BYED DGU PA'I RIGS PA'I RGYA MTSO LAS, DE BZHIN DU MA 'ONGS PA'I SKYE BA LA YANG TSE 'DI'I DUS KYI GANG ZAG DE NYID SKYE BA PHYI MAR MI 'GRO YANG, NGA'O SNYAM PA'I NGA TZAM ZHIG DER YANG RJES SU 'GRO BAS, ZHES PA NAS, 'DI THAMS CAD YUL DUS 'DI'I BDAG CES SO SOR MI 'BYED PAR SPYIR BDAG BDE BA THOB PA DANG, SDUG BSNGAL DANG BRAL BAR 'DOD NAS BYED LA BDAG TZAM YANG DUS DE DAG TU RJES SU 'GRO BAS NGES YUL LA 'KHRUL BA MA YIN NO, ,ZHES GSUNGS PA'I PHYIR, 'DI THA SNYAD TSAD MAR GYUR BA'I NGA'O SNYAM PA SKYE TSUL YIN KYANG DE'I RIGS PA 'JIG LTA LA'ANG SBYAR RO, ,MIS RGYUD THA DAD PA'I LHA'I RGYUD KYI GANG ZAG LA NGA'O SNYAM PA MI SKYE YANG RGYUD GCIG PA'I 'GRO BA THA DAD LA'ANG SKYE BA YOD PAR THAL, MI LHAS SBYIN GYIS DUS SO SOR MA PHYE BAR NGA'O SNYAM PA'I DMIGS PA LA DE LTAR YOD PA'I PHYIR, DER THAL, DE'I RGYUD KYI SO SOR MA PHYE BAR NGA'O SNYAM PA SKYE

417a

, ,BA'I DMIGS PA LA DU MA YOD LA SO SOR PHYE NAS LHA DANG MI'I NGA LA DMIGS PA LA DE LTAR MED PA'I KHYAD PAR BSHAD PA'I PHYIR, RIGS PA'I RGYA MTSO LAS, LHAS SBYIN GYI DUS SNGA PHYI SO SO MA PHYE BAR NGA'O SNYAM PA'I DMIGS PA'I GZHIR GYUR PA'I BDAG NI THOG MA MED PA NAS ZHUGS PA'I NGA TZAM YIN PAS, ZHES PA NAS, LHAS SBYIN GYI SKYE BA SO SOR PHYE BA'I BDAG LA NGA'O SNYAM DU BZUNG BA'I BDAG NI TSE RE RE'I BDAG PHYOGS RE BA YIN NO, ,ZHES GSUNGS PA'I PHYIR, 'DI YANG THA SNYAD TSAD MA YIN KYANG 'JIG LTA GNYIS KAR SPYAR TSUL SHES PAR BYA, YANG KHA CIG NA RE, 'JIG LTA LHAN SKYES LA NGA'O SNYAM PA DANG NGA YI'O SNYAM PA GCIG DGOS PAS LHA'O SNYAM PA DANG MI'O SNYAM PA'I 'JIG LTA MED PA tIKA CHEN DANG LAM RIM DGONGS PA ZER NA, 'O NA 'JIG LTAS NGAR BZUNG TSUL LA 'GRO BA DRUG GI NGAR BZUNG TSUL RE DANG MI RIGS BZHI'I NGAR BZUNG TSUL SOGS MED PAR THAL, DAM BCA' 'THAD PA'I PHYIR, RTAGS KHAS, 'DOD NA, DES BZUNG TSUL LA YUL GYI BDAG LA SO SOR MA PHYE PAR NGA TZAM DANG SO SOR PHYE BA'I 'GRO BA SO SO'I NGA GNYIS YOD PA BZHIN NGAR 'DZIN YANG SO SOR PHYE MA PHYE GNYIS MED PAR THAL, 'DOD PA'I PHYIR, RTAGS KHAS, 'DOD MI NUS TE, RTZA BAR, NGAR 'DZIN DE DAG LA YANG 'JUG MTHONG STE, ,ZHES DANG, RIGS PA'I RGYA MTSO LAS, YUL GYI BDAG BZHIN DU YUL CAN GYI NGAR 'DZIN YANG SO SOR PHYE BA DANG MA PHYE BA'I 'DZIN STANGS CAN DU SHES PAR BYA'O, ,ZHES

417b

GSUNGS PA'I PHYIR, YANG STAG TSANG BA NA RE, BDAG 'DZIN DPYOD DUS PHUNG PO DANG THA DAD PA'I BDAG DNGOS 'DZIN 'GOG PA DANG PHUNG PO RJES SU 'GOG PA MI 'THAD PAR THAL, LHAN SKYES LA DE GNYIS GCIG TU SNANG BA'I PHYIR, RTZA BAR, PHUNG PO MA GTOGS DE 'DZIN MA GRUB PHYIR, ,ZER NAS LHA KHRID DAG LA ZUR ZA BA LTAR RANG PHYOGS KYI RTOG GE BA KHA CIG KYANG BDAG DANG PHUNG PO THA DAD DU 'DZIN PA LHAN SKYES LA MED DO ZER, 'DI GNYIS KAS G-YAG ZHAR GYIS RTZA LTAR PHYOGS MTHONG RE'I NGAN SKAD YIN TE, 'O NA, BLO LHAN SKYES LA YANG NGA'I LUS NGA'I SEMS ZHES THA DAD DU 'DZIN PA MI 'THAD PAR THAL, DAM BCA' 'THAD PA'I PHYIR, 'KHOR GSUM, GZHAN YANG, BDAG PHUNG RJE KHOL LTAR 'DZIN PA'I LHAN SKYES MED PAR THAL, DAM BCA' 'THAD PA'I PHYIR, 'KHOR GSUM, 'DOD NA, RANG DU LTA BA DANG 'BREL YONGS SU ZAD, ,GSUNGS PA MI 'THAD PAR THAL LO, ,GZHAN YANG, RTZA BAR, PHUNG PO MA GTOGS DE 'DZIN MA GRUB PHYIR, ,ZHES PAS PHUNG PO DANG MTSAN NYID MI MTHUN PA DANG; PHUNG PO LA MA LTOS PA'I RTAG BDAG LHAN SKYES LA 'DZIN PA MED PAR BSHAD KYANG THA DAD TZAM MA BKAG PA'I KHYAD PAR MI 'THAD PAR THAL, DAM BCA' 'THAD PA'I PHYIR, 'KHOR GSUM, 'DOD MI NUS TE, RTZA BAR, NGES KYANG MA SKYES RTAG 'DI MA MTHONG LA, ,NGAR 'DZIN DE DAG LA YANG 'JUG MTHONG STE, ,DES NA PHUNG PO LAS GZHAN BDAG 'GA' MED, ,CES GSAL BAR GSUNGS PA'I PHYIR, YANG KHA CIG NA RE, NGA'O SNYAM PA'I BLO THAMS CAD BDAG 'DZIN ZER NA, 'O NA BUM PA'I

418a

, ,SNYAM PA'I BLO BUM PA BDEN 'DZIN YIN PAR THAL, NGA'O SNYAM PA'I BLO GANG ZAG GI BDAG 'DZIN YIN PA'I PHYIR, RTAGS KHAS, 'DOD NA, BUM PA BDEN GRUB TU THAL BA DANG, BUM PA GANG YANG MIN PA BUM PA'I GNAS LUGS YIN PAR THAL BA DANG DON DAM DE THA SNYAD 'JIG BYED DU THAL LO, ,'DOD PA'I PHYIR, 'DOD MI NUS TE, RTZA BAR, STONG NYID DNGOS PO 'JIG PA'I RGYUR 'GYUR NA, ZHES SOGS KYIS BKAG PA'I PHYIR, GZHAN YANG, SANGS 'PHAGS KYI RGYUD LA NGA'O SNYAM PA'I BLO MED PAR THAL, 'DOD PA'I PHYIR, 'DOD NA, DE'I RGYUD LA MI 'JIGS PA'I DAM BCA' BZHI MED PAR THAL LO, ,GZHAN YANG, SANGS RGYAS MYA NGAN LAS MA 'DAS GONG DU DE'I RDZAS RIN THANG TSANG BA BRKUS NA PHAM PA BCAS LDAN LA 'GYUR ZHING MYA NGAN LAS 'DAS RJES SU DE LTAR BRKUS KYANG PHAM PA MI 'BYUNG BA'I KHYAD PAR MI 'THAD PAR THAL, SANGS 'PHAGS RGYUD LA NGA'O SNYAM PA DANG NGA'I NOR RO SNYAM PA MED PA'I PHYIR, MA KHYAB NA, BDAG TU 'THUNG BA MED PAS KYANG PHAM PA SKYED PAR 'GYUR RO, ,RTZA BAR 'DOD MI NUS TE, DE LTAR LUNG LAS GSUNGS PA'I PHYIR, DER THAL, MDO RTZA LAS KYANG, MYA NGAN LAS 'DAS PA NI LHA NYID DO, ,ZHES PA'I BSHAD BYA'I MDO RTZA 'GREL GRUB BA'I PHYIR, YANG KHO NA RE, PHYI'I YO BYAD KYIS KHYAD PAR DU BYAS PA'I BDAG GI BA LA DMIGS NAS RANG MTSAN GYIS GRUB PAR 'DZIN PA'I LTA BA NGA YIR 'DZIN PA'I 'JIG LTA YIN PAR THAL, PHYI NANG LA NGA YIR 'DZIN PA'I 'JIG LTA YOD PA'I PHYIR, 'DOD NA,

418b

PHYI'I YO BYAD NGA YIR 'DZIN PA'I 'JIG LTA YOD PAR THAL, 'DOD PA'I PHYIR NA 'DIR MA KHYAB STE, YO BYAD BDAG TU BZUNG BAS 'JIG LTAR MI 'GYUR BA'I PHYIR, DER THAL, DE YO BYAD LA BDAG TU BZUNG BA'I DON YIN PA'I PHYIR RO, ,RGYAS PAR 'DI SKOR RTZA SHE'I tIKA CHEN LAS RJE YAB SRAS KYI GSUNG GZHAN MI RGYAS PAS BLO GROS YOD NA DER BA LTA'O, ,RANG LUGS NI, 'JIG LTA'I MTSAN NYID YOD DE, RANG RGYUD KYI GANG ZAG LA DMIGS NAS RANG NGOS NAS NGA DANG NGA YI GANG RUNG GI RNAM PAR ZHUGS PA'I SHES RAB NYON MONGS CAN DE, 'JIG LTA'I MTSAN NYID YIN PA'I PHYIR, GO THOB BYAS SO, ,RANG RGYUD KYI NGA TZAM LA DMIGS NAS RANG NGOS NAS NGAR ZHEN PA'I 'JIG LTA DE NGAR 'DZIN 'JIG LTA'I MTSAN NYID, DES NGAR ZHEN TSUL GYI DBYE NA DU MA YOD DE, YUL KYI BDAG GI KHYAD PAR SO SOR MA PHYE BAR RANG NGOS NAS NGA TZAM DU ZHEN PA ZHIG DANG, BDAG NI MI'O, ,BDAG NI MI BZANG BO'O, ,BDAG NI RGYAL PO'O ZHES PA LTA BU'I YUL GYI BDAG SO SOR PHYE NAS RANG NGOS NAS ZHEN PA DU MA SOGS YOD PA DE'I PHYIR, NGAR 'DZIN GYI DMIGS YUL LTAR NGA RKYANG MA YIN PAR GTZO BOR BDAG GI BA'I GDAGS GZHI'I KHYAD PAR DU BYAS PA'I NGA YI BA LA DMIGS NAS RANG NGOS NAS GRUB PAR LTA BA DE, NGA YIR 'DZIN PA'I 'JIG LTA'I MTSAN NYID, DBYE BA RTOGS TSUL RIGS PA BSGRE, 'JIG LTA GNYIS 'GAL LA, 'JIG LTA GNYIS LA BDAG 'DZIN GYIS KHYAB KYANG BDAG 'DZIN LA 'JIG LTAS MA KHYAB STE, GZHAN RGYUD LA DMIGS PA'I BDAG 'DZIN YOD PA'I PHYIR, RGYUD

419a

, ,MI GCIG PA LA RGYUD GZHAN GYI 'JIG LTA MI 'JUG KYANG RGYUD GCIG PA'I 'GRO BA THA DAD LA'ANG 'JUG PA ZHIG YOD DE, DE LA NGA'O SNYAM PA'I TSAD MA YANG 'JUG PAR BSHAD PAR 'GYUR BAS SHES PA'I PHYIR, 'JIG LTA RAGS PA LA 'DI KUN BTAGS DANG LHAN SKYES GNYIS YOD CING, PHRA BA LA YANG GNYIS YOD DE, DE LA GRUB MTHAS BSLAD MA BSLAD GNYIS YOD PA'I PHYIR DANG, MTHONG SGOM GYI SPANG BYA GNYIS YOD PA'I PHYIR, RTZOD PA SPONG BA LA KHO NA RE, LUGS 'DI LA GANG ZAG GI BDAG THA SNYAD DU YOD PAR THAL, 'JIG LTA'I YUL YOD PA'I PHYIR NA MA KHYAB, RTAGS GRUB STE, DE'I DMIGS YUL YOD PA'I PHYIR, DER THAL, DE BDAG YIN PA'I PHYIR, RANG 'GREL LAS, DE'I DMIGS PA NI BDAG KHO NA YIN TE, NGAR 'DZIN PA NI DE'I YUL CAN YIN PA'I PHYIR, ZHES GSUNGS PA'I PHYIR, BYAS PA LA KHO NA RE, 'JIG LTA'I DMIGS PA BDAG MA YIN PAR THAL, DE RTAG PA YIN PA'I PHYIR, MA GRUB NA, DE CHOS CAN, KHYOD KYI DMIGS PA RTAG PAR THAL, KHYOD KYI DMIGS PA YOD PA'I PHYIR NA GTAN NAS MA KHYAB STE, DE RTOG GE PAS 'DOD TSUL TZAM YIN PA'I PHYIR, MA GRUB NA, 'O NA DE'I DMIGS YUL BDAG KHO NAR BSHAD PA'I RNAM BCAD YONGS GCOD MED PAR THAL, DE RTAG PA DANG BDAG MA YIN PA'I GZHI MTHUN YIN PA'I PHYIR, RTAGS KHAS, GNYIS PA BDAG DANG BDAG GI PA BDAG MED PAR GTAN LA DBAB PA LA BDAG RANG BZHIN MED PA DANG, BDAG GI BA RANG BZHIN MED

419b

TSUL GNYIS, DANG PO LA, RANG SDE'I 'DOD PA DGAG PA DANG, GZHAN SDE'I SGRO BTAGS DGAG PA GNYIS, DANG PO NI, RTZA BAR, ZA BO RTAG DNGOS BYED PO MIN PA'I BDAG, CES SOGS TSIGS BCAD GCIG GIS GZHAN SDE'I 'DOD PA BRJOD NAS, DA DGAG PAR, RTZA BAR, MO GSHAM BU LTAR, NAS, DES NA PHUNG PO LAS GZHAN BDAG 'GA' MED, CES PA'I BAR BYUNG, RANG SDE'I 'DOD PA, RTZA BAR, KHA CIG BDAG LTA'I RTEN DU PHUNG PO NI, ,LNGA CHAR YANG 'DOD KHA CIG SEMS GCIG 'DOD, ,CES BYUNG, DE DGAG PAR, RTZA BAR, GAL TE PHUNG PO BDAG NA DE PHYIR DE, ,ZHES PA NAS, YOD MIN DE NYID DANG NI GZHAN NYID MED, ,CES BYUNG, GNYIS PA BDAG GI BA RANG BZHIN MED TSUL 'CHAD PAR, RTZA BAR, GANG LA RTAG TU 'GRO RNAMS NGAR 'DZIN BLO, ,NAS, RNAL 'BYOR PA DE RNAM PAR GROL BAR 'GYUR, ZHES BYUNG, 'DI'I MTHA' DPYAD PA LA GSUM LAS, DANG PO LA, 'JIG LTA'I DMIGS PA LA DANG, GDAGS GZHI GDAGS CHOS 'JOG TSUL LA DANG, 'GOG TSUL LA DANG, RGYUD GCIG GI BDAG GI LDOG PA 'BYED TSUL LA DPYAD PA LNGA LAS, 'DIR MU STEGS PAS BDAG TU SGRO BTAGS TSUL BSHAD NA MANG BAR 'GYUR LA RGYAS PAR GZHAN DU BSHAD PAS DER BLTA'O, ,KHA CIG NA RE, 'JIG LTA'I YUL LA BDAG GAM GANG ZAG MI DGOS ZER NA, DE DGOS PAR THAL, DE LA BDAG KHO NAS KHYAB PA'I PHYIR, RANG 'GREL LAS, DE'I DMIGS PA NI BDAG KHO NA YIN TE, NGAR 'DZIN PA NI DE'I YUL CAN YIN PA'I PHYIR, ZHES GSUNGS

420a

, ,PA'I PHYIR, YANG KHA CIG, 'JIG LTA'I DMIGS PA LA SEMS 'DOD PA NI RANG SDE LA GNAS MA BU BA KHO NAR NGES ZER NA, SLOB DPON LEGS LDAN YAB SRAS SOGS RANG RGYUD BA DU MAS KYANG KHAS MI LEN PAR THAL, 'DOD PA'I PHYIR, 'DOD MI NUS TE, DE DAG GIS PHUNG PO MA GTOGS PA'I BDAG MED PAS NA BDAG LTA'I DMIGS BA LA PHUNG PO'I TSOGS BA DANG GTZO BOR SEMS RAB 'JOG PA YIN PA'I PHYIR, DER THAL, MANG BA GUR BAS DE LTAR 'DOD PA'I PHYOGS LA BRTEN NAS SMRA BA'I PHYIR, RTZA BAR, PHUNG PO LAS GZHAN BDAG GRUB MED PA'I PHYIR, ,BDAG LTA'I DMIGS PA PHUNG PO KHO NA'O, ,ZHES DANG, DE'I RANG 'GREL LAS, 'DIR RANG GI SDE BA DAG NA RE, ZHES DANG, DE'I PHYIR BDAG NI PHUNG PO TZAM KHO NA YIN NO ZER RO, ,PHYOGS 'DI NI RANG GI SDE BA MANG POS BKUR BA RNAMS KYI YIN NO, ,ZHES GSUNGS PA'I PHYIR, KHYAB STE, RANG GI SDE BA DAG CES SPYIR BTANG DU SMRAS PA'I PHYIR RO, ,GZHAN YANG DE LTAR YIN PAR THAL, DE LTAR DU LEGS LDAN SOGS BZHED BA GANG ZHIG, DBUS MTHA'I RJES 'BRANG DBU SEMS MANG PO YANG 'DOD PA'I PHYIR, DANG PO DER THAL, LEGS LDAN GYIS MU STEGS BA LA THA SNYAD DU SEMS BA DAG YIN PAR BSGRUBS NA KHO BO LA KHYOD KYIS GRUB BA LA SGRUB BAR 'GYUR ZHES BZHED PA'I PHYIR, RTOG GE 'BAR BA LAS, GRUB PA LA SGRUB BA NYID KYANG YIN TE, 'DI LTAR KHO BO CAG KYANG THA SNYAD DU RNAM PAR SHES BA LA BDAG GI SGRA DNGOS SU 'DOGS TE, 'DI LTAR RNAM PAR SHES PA NI SRID

420b

BA LEN PA'I PHYIR BDAG YIN NO, ZHES GSUNGS PA'I PHYIR, KHYAB STE, BDAG YIN NO ZHES DANG, BDAG GI SGRA DNGOS SU 'DOGS ZHES DNGOS MING DU 'JUG PAR BSHAD PA'I PHYIR, RTAGS GNYIS PA DER THAL, DE DAG GIS RNAM SHES ZHES PA'I BYED PA PO LA RNAM SHES SHIG BZHAG PA'I PHYIR, DER THAL, BYED PA PO GANG GIS YUL RNAM PAR SHES RGYU DE BYED PA GANG GIS SHES DRIS PA'I LAN DU, RNAM SHES BYED PA PO DANG, SEMS BYUNG SHES PA BYED PA DANG, YUL DE RNAM PAR SHES PAR BYA BAR BZHAG PA'I PHYIR, TSIG GSAL LAS, GZHAN YANG GAL TE SHES PA BYED PA YIN NA YUL YONGS SU GCOD PA'I BYED PA PO NYID GANG YIN, ZHES DANG, DE'I LAN DU CI STE SEMS BYED PA PO NYID DU RTOGS NA DE YANG MI RIGS ZHES DBUS MTHA'I LUNG DRANGS PA'I PHYIR, GRUB DON 'CHAD PA NA DE NYID LAS, DES NA SHES PA BYED PA NYID MA YIN LA, SEMS KYANG BYED PA PO NYID MA YIN NO, ,ZHES GSUNGS PA'I PHYIR, YANG RTOG GE 'BAR BA'I LUNG DE'I DON LA STAG TSANG BA NA RE, LUNG DES RNAM SHES PA DAG TU MA BSTAN BAR THAL, LUNG DES RNAM SHES KHO NA GDAGS GZHIR BSHAD ZER, YANG 'JUG PA'I LUNG DE DAG GIS KYANG GNAS MA BU PAS PHUNG PO LNGA GDAGS GZHIR 'DOD PA DANG KUN GZHI TZAM GDAGS GZHIR 'DOD PAR BSTAN ZER RO, ,DAM BCA' DANG PO LA 'O NA, LEGS LDAN GYIS BDAG GI GDAGS GZHIR PHUNG PO LNGA MI 'DOD PAR THAL LO, ,DES RNAM SHES KHO NA DER 'DOD PA'I PHYIR, RTAGS KHAS

421a

, ,'DOD NA, DES MI LTA BU'I PHUNG PO LNGA PA CAN LA PHUNG PO LNGA KA TSOGS PA DE 'JOG PA DANG, SRID PA GSUM DU RGYUN MI 'CHAD PAR SNGAR 'KHOR MKHAN LA GTZO BOR RNAM SHES 'JOG PA'I KHYAD PAR MI 'THAD PAR THAL; ;DAM BCA' 'THAD PA'I PHYIR, 'DOD MI NUS TE, RTOG GE 'BAR BA LAS, 'DI LTAR RNAM PAR SHES PA NI SRID PA LEN PA'I PHYIR BDAG YIN NO, ,ZHES LUS DANG DBANG PO'I TSOGS DAG LA NYE BAR 'DOGS PA'I PHYIR, ZHES GSUNGS PA'I PHYIR, KHYAB STE, BDAG YIN NO YAN CHAD KYIS SRID PA RGYUN DU LEN MKHAN GYI BDAG LA RNAM SHES BZHAG CING, LUS DANG DBANG PO'I TSOGS DAG CES PA MAN CHAD KYIS LUS DANG DBANG PO TSOGS TZAM BDAG DANG LUS SOGS PHUNG PO LNGA GDAGS GZHIR BSTAN PA'I PHYIR, DER THAL, DPER NA SHING RTA'I YAN LAG TSOGS TZAM SHING RTA DANG, DE'I YAN LAG GDAGS GZHIR 'DOD PA BZHIN ZHES BSHAD PA'I PHYIR, DE'I SHES BYED DU, JI SKAD DU, DPER NA YAN LAG TSOGS PA LA, ,SHING RTA ZHES NI DRAN PA LTAR, ,DE BZHIN PHUNG PO RNAMS BRTEN NAS, ,KUN RDZOB TU NI SEMS CAN BRJOD, ,CES GSUNGS PA BKOD PA'I PHYIR, DES NA KHYOD KYIS DPE KLOG YANG MA BYAS PAR 'OL TSOD BYAS SNANG NGO, ,GZHAN YANG, ZLA BAS PHUNG PO TSOGS TZAM BDAG TU 'DOD PA DANG, SHING RTA'I YAN LAG TSOGS TZAM SHING RTAR 'DOD PA BKAG PA MI 'THAD PAR THAL, DE LTAR KHAS LEN MKHAN MED PA'I PHYIR, GZHAN YANG, ZLA BAS

421b

RNAM SHES DANG PHUNG PO LNGA BDAG GI GDAGS GZHIR MI 'DOD PAR THAL, LEGS LDAN SOGS KYIS DE 'DOD PA ZLA BAS BKAG PA'I PHYIR, RTAGS KHAS, GZHAN YANG, DE DAG GIS BDAG RANG NGOS NAS GRUB PAR KHAS MI LEN PAR THAL, DE DAG GIS BDAG BTZAL TSE RNYED PAR MI 'DOD PA'I PHYIR, MA KHYAB NA, RTZA BAR, MA BRTAGS GRAGS PAR GTI MUG LAS YIN NO, ,ZHES BTAGS DON DPYAD MI RUNG ZHES DPYAD PA 'GOG YUL MED PAR THAL LO, ,GONG GI RTAGS MA GRUB NA; DER THAL, DE'I TSE BDAG CES BTAGS PA'I GDAGS GZHI DE GANG RUNG ZHIG DER 'JOG PA MA YIN PA'I PHYIR, DE BZHIN DU NYE BAR LEN PA SOGS KYIS KYANG DPYAD LA DGAG GO ,BYAS PA LA KHO NA RE, 'O NA DE DAG GIS BDAG BTAGS YOD DU MI 'DOD PAR THAL, BDAG DE'I MTSAN GZHI RNAM SHES DANG, KUN GZHI RNAMS RDZAS YOD DU 'DOD PA'I PHYIR NA MA KHYAB STE, DE DAG GIS BDAG DANG GANG ZAG GI RANG LDOG BTAGS YOD DANG, GZHI LDOG LA RDZAS YOD KHAS LEN PA MI 'GAL BAR 'DOD PA'I PHYIR TE, 'DUS BYAS LDAN MIN BTAGS YONG YIN KYANG MTSAN GZHI LA DE LTAR MI DGOS PA BZHIN NO SNYAM DU SEMS PA'I PHYIR, MDO TING 'DZIN RGYAL PO LAS, GANG 'DOD CHAGS PA DANG, GANG LA 'DOD CHAGS PA DANG, GANG GIS 'DOD CHAGS PA DANG, GANG ZHE SDANG BA DANG, GANG LA ZHE SDANG BA DANG, GANG GIS ZHE SDANG BA DANG, GANG GTI MUG PA DANG, GANG LA GTI MUG BA DANG, GANG GIS GTI MUG BAR 'GYUR BA'I CHOS DE YANG DAG PAR RJES SU MI MTHONG NGO,,

422a

, ,ZHES GSUNGS PA'I GANG 'DOD CHAGS PA STE CHAGS MKHAN DANG, CHAGS YUL DANG, CHAGS BYED KYI NYON MONGS BDEN PAR MI DMIGS PAR BSHAD PA'I DON 'CHAD PAR, RTZA SHE LAS, GAL TE 'DOD CHAGS SNGA ROL NA, ,'DOD CHAGS MED PA'I CHAGS YOD NA, ,ZHES GSUNGS PA MI 'THAD PAR THAL LO, ,CHAGS YOD NA ZHES PA'I 'DOD CHAGS KYI RTEN DE NGOS 'DZIN PA LA LEGS LDAN DANG ZLA BA'I LUGS MI MTHUN PA MA YIN PA'I PHYIR, KHYAB PAR THAL, DE GNYIS KYI DE LA LUGS MI MTHUN PA'I PHYIR, DER THAL, LEGS LDAN GYIS DE LA SEMS SHIG 'DOD PA GANG ZHIG, ZLA BAS GNAS SKABS KYI BAG CHAGS BSGO GZHI LA SEMS DANG GTZO BOR GANG ZAG CIG LA 'JOG PA'I PHYIR, DANG PO GRUB STE, DBU MA SNYING PO LAS, GANG TSE SEMS NI 'GAG PA LA, ,MNGON DU PHYOGS SHING SKYES PA'I TSE, ,GANG LA GANG GIS CHAGS PAR 'DOD, ,CHAGS PA 'GA' LA'ANG MI 'DOD DO, ,ZHES DE BZHIN BSHAD LA SEMS KYI SNANG BA 'GAGS PA'I TSE CHAGS PA'I BYA BYED LAS GSUM MI DMIGS PAR BSHAD LA, 'DOD CHAGS KYI RTEN CHAGS PA NGOS 'DZIN PA NA, DE'I 'GREL PA LAS, 'DOD CHAGS DANG LHAN CIG SKYES PA'I SEMS LA CHAGS PA ZHES THA SNYAD GDAGS PA YIN NA ZHES GSUNGS PA'I PHYIR, KHYAB STE, SEMS LA RTEN CHAGS PAR BYED PA DE'I PHYIR, ZHE SDANG BA DANG GTI MUG PA SOGS KYANG DES SHES PAR BYA'O, ,GNYIS PA GRUB STE, TSIG

422b

GSAL LAS, 'DOD CHAGS DANG CHAGS ZHEN DANG LHAG PAR ZHEN PA DANG, PHRAD ZHEN DANG, MNGON PAR ZHEN ZHES BYA BA DAG NI RNAM GRANGS SO, ,CHAGS PA NI 'DOD CHAGS KYI RTEN YIN TE ZHES DANG, RIGS PA'I RGYA MTSO LAS, DE LA 'DOD CHAGS NI ZAG BCAS KYI YUL YID DU 'ONG BA LA DMIGS NAS SRED PA'I RNAM PA CAN GYI SEMS BYUNG NGO, ,CHAGS PA NI YUL LA CHAGS PA'I SEMS SAM GANG ZAG STE 'DOD CHAGS KYI RTEN NO, ,ZHES DANG, SNGAR LAS 'GAG PA'I RTEN GYI RNAM BSHAD BKOD PAS SHES LA, 'GREL PA BUDDHA P'A LI TA LAS, 'DI LTAR CHAGS PA YOD NA 'DOD CHAGS KYANG 'DI'I 'DOD CHAGS 'DI'O ZHES 'THAD PAR 'GYUR RO, ,CHAGS PA MED NA DE SU'I 'DOD CHAGS SU 'GYUR TE, 'DI STAR GZHI MING PA LA 'DOD CHAGS MI 'THAD PAS ZHES GSUNGS PA'I PHYIR, 'DI SHIN TU GANG ZAG KHO NAR GSAL LO, ,YANG KHA CIG, MANG BKUR BA KHA CIG GIS PHUNG PO LNGA KA DANG DE RE RE NAS 'JIG LTA'I DMIGS PA DANG BDAG TU 'DOD PAR THAL, RNAM BSHAD LAS, MANG BKUR BA KHA CIG GIS BDAG LTA'I RTEN DU STE DMIGS PAR NI, RANG GI PHUNG PO LNGA CHAR YANG 'DOD CING, BDAG TU ZHEN PA YANG PHUNG PO LNGA PO DE LAS YIN NO, ,ZHES GSUNGS PA'I PHYIR NA MA KHYAB CING, 'DOD MI NUS TE, RANG GI PHUNG PO LNGA TSOGS PA DANG BSDOMS PA 'DOD KYI RE RE TZAM LA MI 'DOD PAR BSHAD PA'I PHYIR, DER THAL, DE LTAR SHES PA'I CHED DU BDAG LTA LA 'JIG TSOGS LA LTA BA ZHES BCOM LDAN 'DAS KYIS THA SNYAD MDZAD

423a

, ,PA'I PHYIR, DER THAL, BDAG RTAG PA DANG GCIG BU DE MA YIN GYI PHUNG PO 'JIG PA YIN PA DANG, DE YANG DU MA TSOGS PA ZHIG DGOS PAR SHES PA'I CHED DU 'JIG TSOGS LA LTA BA ZHES BTAGS PAR 'DOD PA'I PHYIR, RANG 'GREL DANG RNAM BSHAD GNYIS LAS, DE NYID KYI PHYIR DE DAG LA KHYED CAG GI LTA BA 'DI NI 'JIG PA'I BDAG NYID CAN GYI TSOGS BA LA YIN GYI, ZHES GSUNGS PA'I PHYIR, GZHAN YANG, GAL TE PHUNG PO BDAG NA DE PHYIR DE, ,MANG BAS SOGS KYIS KYANG PHUNG PO BDAG YIN PAR BRJOD PA LA BDAG DU MAR THAL BA 'PHANGS PA YIN NO, ,'DIS NI MIG RNA SOGS NGA YI BA YIN PA DANG NGA YI BA GANG ZAG YIN ZER BDAG BKAG PA YIN TE, 'O NA SKYES BU GCIG PO DE'I BDAG DU MAR THAL, DE'I 'JIG LTA'I DMIGS PA RANG RGYUD KYI NGA YI BA DU MA YOD PA'I PHYIR, DER THAL, DE'I RANG RGYUD KYI MIG RNA RE RE NAS NGA YI BA YIN PA'I PHYIR, KHYAB CING, GAL TE MIG SOGS BDAG GI BA YIN NA, ,DE DAG MANG PHYIR BDAG GI BA MANG 'GYUR, ,ZHES 'DON BA BSGYUR CHOG BA'I PHYIR, RTZA BAR 'DOD NA, MDO LAS, SEMS CAN SKYE BA DANG 'CHI BA NA BDAG GCIG BU SKYE BA DANG 'CHI BAR BSHAD PA MI 'THAD PAR THAL LO, ,'DOD PA'I PHYIR, YANG RANG SDE RANG BZHIN GRUB PAR SMRA BA MANG PO NA RE, NYAN SA LAS, MIR GYUR PA GANG ZHE NA, 'DI LTAR 'DI NA LA LA MI RNAMS DANG SKAL BA MNYAM PAR SKYES PA'I DBANG PO DANG LDAN PA'I MI BUD MED DU SKYES PA YIN TE, ZHES GSUNGS PA LTA BU'I MDO

423b

DANG; 'GRO BA DRUG SOGS LUS RTEN GYI BKOD PAS PHYI BAR BSAMS NAS PHUNG PO TSOGS TZAM BDAG LTA'I DMIGS PA DANG BDAG MIN KYANG GZUGS SOGS KYI PHUNG PO RNAMS KYI BKOD PA TZAM BDAG YIN TE, GZUGS SOGS PHUNG PO RNAMS KYI BKOD PA SO SO'I KHYAD PAR LAS 'GRO BA SO SO'I MING DANG THA SNYAD 'THOB PA'I PHYIR, DPER NA SHING RTA'I YAN LAG SIL BUR SPUNGS PA YANG SHING RTA MIN LA, YAN LAG BSGRIGS NAS DBYIBS KHYAD PAR CAN MGO DANG RKANG LAG GI DOD 'PHANG LO BZHI SOGS LDAN PAR GYUR PA DE'I TSE SHING RTA'I MING RNYED PAR 'GYUR PA BZHIN NO, ZHES 'DOD PAR MNGON TE, RANG 'GREL LAS, CI STE 'PHANG LO LA SOGS PA TSOGS PA TZAM NYID NI SHING RTA MA YIN TE, 'O NA CI ZHE NA, GANG GI 'PHANG LO LA SOGS PA RNAMS KHYAD PAR CAN DANG LDAN PAR GYUR PA DE'I TSE SHING RTA'I MING RNYED PAR 'GYUR RO, ,DE BZHIN DU GZUGS LA SOGS PA RNAMS KYI BKOD PA TZAM BDAG YIN NO SNYAM NA, ZHES GSUNGS PA'I PHYIR, 'DI YANG PHUNG PO LA BDAG TU 'DOD TSUL GYI KHYAD PAR ZHIG YIN LA GZHAN LAS ZHIB PA YOD DO, ,'DI LA 'O NA, BDAG GZUGS SOGS DBYIBS KYI KHYAD PAR LA 'JOG PAR THAL, 'GRO BA SO SO LUS DBYIBS KYI KHYAD PAR SGO NAS BZHAG PA'I PHYIR; KHYAB BA KHAS, RTAGS DER THAL, 'GRO BA SO SOR 'BYED BYED YOD, LUS LA MA LTOS PAR SEMS TZAM GYIS SO SOR 'BYED MI THUB PA'I PHYIR, RTAGS GZHAN SLA, GZUGS MED PA YANG LUS RAGS BA MED PAS BZHAG PA'I

424a

, ,PHYIR DANG 'GRO BA SO SO DANG SKAL BA MNYAM PAR SKYE TSUL YOD PA'I PHYIR, RTZA BAR 'DOD NA, GZUGS KHO NA'I KHYAD PAR LA BDAG 'JOG CING PHUNG PO LHAG MA BZHI LA MI 'JOG PAR THAL, 'DOD PA'I PHYIR, RTZA BAR, DBYIBS ZHEN DE GZUGS CAN LA YOD PHYIR, ,KHYOD LA DE DAG NYID BDAG CES 'GYUR GYI, ,SEMS SOGS TSOGS NI BDAG NYID 'GYUR MIN TE, ,GANG PHYIR DE DAG LA DBYIBS YOD MA YIN, ,ZHES GSUNGS PA'I PHYIR, 'DOD NA DNGOS SU 'GAL LO, ,GDAGS GZHI GDAGS CHOS 'JOG TSUL LA KHA CIG NA RE, LAG PA GCIG PU YANG NGA DANG NGA YI BA GNYIS KAR 'JOG PAR THAL, LAG PA LA REG PA NA NGA LA RAG GO SNYAM PA'I BLO THA SNYAD PA'I TSAD MA YIN, LAG PA BDAG GI'O SNYAM PA'I THA SNYAD PA'I 'JIG RTEN GRAGS PA'I TSAD MA YANG YOD, YANG LAG BA NA BA DANG SOS PAS GANG ZAG DEN BA DANG SOS PAR YANG 'JOG ,NGA'I LAG PA NA BA DANG SOS PA'I THA SNYAD 'THAD PA'I PHYIR NA MA KHYAB STE; 'DI LTAR SMRA BAS 'JIG RTEN GYI THA SNYAD KYI DON MA RTOGS PA'I PHYIR, DER THAL, GZHAN LA DOGS PA SLA LA, LAG PA LA REG PAS BDAG LA REG PAR 'CHAR GYI LAG PA BDAG GO SNYAM PA MI 'CHAR BA'I PHYIR DANG, NAD SOS TZA NA'ANG BDAG NA BA DANG SOS BAR 'CHAR KYANG NAD SOS KYI CHA DE BDAG GO SNYAM DU MI 'CHAR BA'I PHYIR, tIKA CHEN LAS, LAG PA GCIG NYID NGA DANG NGA YI BA GNYIS KAR 'JOG PA MA YIN NAM, NAS, LAG PA LA NGA'O SNYAM

424b

DU MI 'DZIN PA'I PHYIR RO, ,ZHES GSUNGS PA'I PHYIR DANG, 'DI LA DGONGS NAS BDAG GI MKHAN PO RGYAL BA THAMS CAD KYI BDAG POS, LAM KHRID 'JAM DPAL ZHAL LUNG LAS, RES PHUNG PO SO SO'I STENG NA YOD PA 'DRA BA SOGS 'CHAR TSUL SNA TSOGS SHIG CES GSUNGS PA YIN TE, SHES MKHAN DANG SHOD MKHAN SNGAR YANG DKON PAR BYUNG SNANG NGO, ,YANG KHA CIG NA RE, MI DE'I RGYUD KYI GANG ZAG GI THA SNYAD DUS GCIG LA GANG YOD YIN KHYAB MNYAM YIN PAR THAL, DE'I TSE DUS GCIG LA DE'I RGYUD LA RGYUD DUM YANG MED RGYUD 'GAL BA YANG MED PA'I PHYIR NA MA KHYAB, 'DOD NA, DA LTA'I RGYAL PO SLAR BCAS LDAN DGE SLONG BYAS BA ZHIG GI RGYUD KYI TSE DE'I BDAG DANG MI DANG RGYAL PO DANG DGE SLONG RNAMS CHOS CAN, PHAN TSUN YIN KHYAB MNYAM DU THAL, TSE DE'I GANG ZAG RGYUD KYI DUS GCIG GI BDAG YIN PA'I PHYIR, DE DER THAL, DE 'DRA'I DUS MNYAM PA'I DE DAG YOD PA'I PHYIR, 'DOD NA, KHYOD RNAMS GRUB PA DANG 'GAG PA DUS MNYAM PAR THAL LO, ,KHYOD RNAMS DON GCIG MING GI RNAM GRANGS DANG 'DUS BYAS YIN PA'I PHYIR, 'DOD NA, SKYES TZAM NAS RGYAL PO DANG DGE SLONG YIN PA YOD PAR THAL BA DANG, GANG ZAG DE TSE 'PHOS PA DANG SKYE BA'I SNGA ROL TU YANG MI YIN PAR THAL LO, ,DE DAG GI TSE YANG BDAG MI LDOG PA'I PHYIR, 'DOD NA, GZHAN SLA, MI'I LUS RTEN MI MA YIN KYANG MI'I THA SNYAD DE LA RAGS MA LAS PAR THAL, tIKA CHEN LAS, DES NA NGA'O

425a

, ,SNYAM DU THA SNYAD 'DOGS MKHAN GYI MI DANG THA SNYAD GDAGS PA'I GZHI BDAG GNYIS KHYAB MNYAM DU MI BZUNG BAR MI DE BDAG DE'I CHA GCIG YIN PAR SHES PAR BYOS SHIG, CES DANG, LTA BA PHU THAG CHOD PAR DPYOD NA DE LTAR DGOS PAS, RGYAL PA'I DBANG BO'I GSUNG DE NYID LAS, DES LUS KYI STENG NA YOD PA 'DRA BA ZHES GSUNGS PA'I PHYIR, GZHAN YANG, MI DE TSE RABS KUN TU MI YIN BZHIN DU SKYE BA DANG SKAD CIG SNGA PHYI 'GAGS KYANG MI MI LDOG PAR 'ONG BAR THAL, DE 'DRA'I DGE SLONG RGYUD KYI NGA DANG BDAG TZAM LA DE'I PHYIR, 'DOD MI NUS SHING, RTAGS GRUB STE, tIKA CHEN LAS, LHAS PHYIN GYI DUS SNGA PHYI'I BDAG SO SOR MA PHYE BAR NGA'O SNYAM DU 'DZIN BA'I GZHIR GYUR BA'I BDAG NI THOG MA MED PA NAS ZHUGS BA'I NGA TZAM YIN PAS, LHA LA SOGS PA'I LUS BLANGS DUS KYI 'GRO BA SO SO PA'I BDAG RNAMS NI SNGA MA'I BYE BRAG GO ,ZHES DANG, BDAG DANG TZAM SEMS RGYUD LTAR 'JUG BAS NA, NGES PA DON GYI THAMS CAD MKHYEN PA RGYAL DBANG THAMS CAD KYI RANG GZUGS MKHAN CHEN GYI GSUNG DE NYID LAS, RES SEMS KYI STENG NA YOD PA 'DRA BA ZHES GSUNGS PA'I PHYIR, 'O NA LHA LA SOGS PA'I 'GRO BA SO SO'I LUS BLANGS DUS KYI LTA'I BDAG SOGS THOG MED NAS YOD PAR THAL, LHA SOGS RGYUD KYI NGA TZAM THOG MED NAS YOD PA'I PHYIR NA MA KHYAB, MA GRUB NA, LHA SOGS CHOS CAN, KHYOD KYI RGYUD KYI NGA

425b

TZAM GYI THOG MA MED PAR THAL, KHYOD THOG MED NAS 'GRO BA SNA TSOGS SU 'KHOR BA'I 'GRO BA YIN PA'I PHYIR, DER THAL, 'GRO BA YIN PA'I PHYIR, KHYAB STE, THOG MED GYUR KYANG THA MA DANG LDAN PA, ,ZHES GSUNGS PA'I PHYIR, RTZA BAR 'DOD MI NUS TE, NAM LHA SOGS KYI LUS BLANGS PA NAS LHAR 'JOG GI LHAR MA SKYES GONG NAS MI 'JOG PA'I PHYIR, tIKA CHEN LAS, 'GRO BA SO SO'I BDAG RNAMS NI SNGA MA'I BYE BRAG RE'O, ,ZHES GSUNGS PA'I PHYIR, BYAS PA LA KHO NA RE, 'O NA LHA'I LUS LHA YIN PAR THAL, DE NA MA GRUB PA NA LHA DE GRUB, DE NA MA DOR BA NA LHA'I 'GRO BA DOR BA'I PHYIR NA MA KHYAB STE, 'O NA MI'I LAG PA DE MI YIN PAR THAL, DE NA BAS MI DE NA BA DANG SOS PAS MI DE SOS PAR 'JOG BA'I PHYIR, KHYAB PA KHAS, 'DOD NA, DE LA NGA'I LAG PA MI SNYAM PAR NGA'I NGA'O SNYAM PAR THAL LO, ,'DOD PA'I PHYIR, YANG KHA CIG GIS, ,BA SO BA CHEN PO'I LTA KHRID LAS, GDAGS GZHI PHUNG PO'I SNYED NAS BDAG RDUL TZAM YANG MA GRUB PAR GSUNGS PA MI 'THAD PAR THAL, GDAGS GZHI PHUNG PO'I STENG NAS BDAG GRUB BA'I PHYIR, DER THAL, PHUNG PO'I STENG DU BDAG GI THA SNYAD CHAGS PA'I PHYIR NA MA KHYAB, 'O NA PHUNG PO'I CHA SHAS SAM TSOGS TZAM MAM, PHUNG BO GANG RUNG ZHIG BDAG TU 'JOG PAR THAL, GDAGS GZHI PHUNG PO'I STENG NAS BDAG GCIG YOD PA'I PHYIR, RTAGS KHAS, 'KHOR GSUM, MA KHYAB NA, KHYAB PAR THAL, NAS ZHES PA 'BYUNG KHUNG GI TSIG YIN PAS GDAGS

426a

, ,GZHI'I NGOS NAS GRUB PAR YANG 'GYUR LA PHUNG PO'I NANG NAS DE LTAR MI 'JOG NA 'JOG TSUL MED PA'I PHYIR, YANG RJE YAB SRAS KYI LTA BA'I YIG CHUNG LAS, NGA'I SNANG TSUL NGA HRANG HRANG BA DANG PHOB PHOB PA LTA BU PHUNG PO DANG DBYER MED PAR 'CHAR BAR BSHAD PA LA STAG LO SOGS NA RE, NGA SNANG TSUL DE LTAR 'DOD PA GTAN NAS MI 'THAD PAR THAL, NGA LDAN MIN YIN PAS LDAN MIN 'DU BYED LA DE 'DRA MI 'CHAR BA'I PHYIR DANG, NGA GZUGS CAN MA YIN BA'I PHYIR SOGS ZER RO, ,DE LA 'O NA LHAN SKYES LA LUS CAN GYI BDAG SNANG BA NA PHUNG PO SNANG BA'I SGO NAS SNANG MI DGOS PAR THAL, NGA SNANG TSUL LA HRANG HRANG BA SOGS SNANG BA MI SRID PA DE'I PHYIR, 'KHOR GSUM, 'DOD NA; LHAN SKYES LA NGA SNANG BA'I TSE GDAGS GZHI PHUNG PO MI SNANG BAR BTAGS CHOS NGA GZUGS DANG SHES PA MIN TZAM GYI SNANG BA 'CHAR BAR THAL, ,'DOD PA'I PHYIR, 'DOD NA, RTZA BAR, PHUNG PO MA GTOGS DE 'DZIN MA GRUB PHYIR; ;ZHES GSUNGS PA MI 'THAD PAR THAL BA DANG, KHYOD RANG GIS KYANG PHUNG PO LAS YAN GAR BA MI 'THAD CES SMRAS PA DANG 'GAL LO, ,GZHAN YANG, 'JIG LTA'I DMIGS YUL LA NGA HRANG HRANG BA DANG PHOB PHOB PA SOGS MED PAR THAL; DE 'DRA'I NGA 'CHAR TSUL MED BA'I PHYIR, 'DOD MI NUS TE, LHAN SKYES LA NGA'I GDAGS GZHIG DAGS CHOS DBYER MED 'O CHU 'DRES PA LTA BU'I NGOS NAS NGA'I SNANG TSUL 'CHAR BA'I PHYIR, DER THAL, DE'I TSE GDAGS

426b

CHOS DANG PHUNG PO'I SNANG TSUL 'DRES BAR SNANG BA'I SGO NAS NGA SNANG DGOS KYI GZHAN DU NA PHUNG PO LAS ZUR DUNG SNANG BAR 'GYUR DGOS LA, DE LTA NA BDAG LA GDAGS GZHI PHUNG PO'I MTSAN NYID MI TSANG BAR 'GYUR BA'I PHYIR, DBU MA LAS, GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, ,ZHES PA DANG, 'JAM DPAL ZHAL LUNG LAS, 'CHAR TSUL SNA TSOGS ZHIG BYUNG BA'I MTHAR LUS SEMS GNYIS PO 'O CHU 'DRES PA BZHIN DBYER MED PA ZHIG GI STENG NAS NGA DE NGA'I NGOS NAS YOD PA'I, ,NAS, NGA DE DANG RANG GI PHUNG PO LNGA PO RNAMS CHU LA CHU BZHAG BA LTA BU'I TSUL GYIS, ZHES GSUNGS PA'I PHYIR, 'DI NI KLU SGRUB YAB SRAS KYI GZHUNG DON MYONG THOG NAS BSHAD PA SNGON MED PA'I LEGS BSHAD CIG SNANG NGO, BYAS PA LA KHO NA RE, 'O NA NGA LDAN MIN MA YIN PAR THAL, NGA SGOR KHYIL LEB YOD PA'I PHYIR NA MA KHYAB STE, NGA SGOR SGOR YIN PAR KHAS MA BLANGS PA'I PHYIR, RTA DKAR PO YOD KYANG DKAR PO YIN ZER MKHAN MI YOD PA'I PHYIR, YANG KHO NA RE, NGA PHUNG PO DE LA MING GIS BTAGS TZAM MA YIN PAR THAL, NGA DE 'DRA YOD PA'I PHYIR NA YANG MA KHYAB, KHO RANG LA, 'O NA NGA LA GDAGS GZHI PHUNG PO'I MTSAN NYID RNAMS MED PAR THAL; NGA DE PHUNG PO LA MING RKYANG PHAR BTAGS PA TZAM YIN PA'I PHYIR, DPER NA THAG KHRA LA SBRUL BTAGS PA BZHIN NO, ,KHYAB PA KHAS, 'DOD NA, NGA DKAR SHAM DANG, NGA TSOR BA PO DANG, NGA 'DU SHES PA PO DANG, NGA LAS SOGS

427a

, ,'DU BYED PA PO DANG, YUL RNAM PAR SHES PA PO'I NGA RNAMS MI 'THAD PAR THAL BA DANG, PHUNG PO SKYE 'JIG BYAS PAS NGA YANG SKYE 'JIG DANG LDAN PA MA YIN PAR THAL, ,DE LA GDAGS GZHI PHUNG PO DE DAG GI MTSAN NYID MED PA'I PHYIR, 'DOD NA, BDAG RTAG PAR THAL BA DANG, BDAG GI DON DU RTZOM PA THAMS CAD DON MED PAR THAL BA DANG, BDAG RTAG PA LA KHYAD PAR DU 'GYUR DU MED PAR THAL BA DANG, YANG BDAG YOD BAR RTOGS PA DON MED BAR THAL, BDAG LA CUNG ZAD KYANG 'JUG PA DANG LDOG PA BYED RGYU MED PA'I PHYIR, BUDDHA P'A LI TA LAS, CI STE BDAG PHUNG PO RNAMS LAS GZHAN YIN PAR 'GYUR NA, DE LTAR NA PHUNG PO'I MTSAN NYID MA YIN BAR 'GYUR TE, PHUNG BO RNAMS NI SKYE BA DANG 'JIG PA'I MTSAN NYID YIN PAS, DES NA BDAG PHUNG PO RNAMS LAS GZHAN PA'I PHYIR SKYE BA DANG 'JIG PA'I MTSAN NYID MA YIN PAR 'GYUR RO, ,DE LTA NA RTAG PAR BDAG RTAG PA YIN NA RTZOM PA THAMS CAD DON MED PA NYID DU 'GYUR TE, 'DI LTAR RTAG PA MI 'GYUR BA LA CI ZHIG BYAR YOD, DE LTA NA BDAG YOD PAR RTOG PA DON MED PA NYID DU 'GYUR TE, DE LA CUNG ZAD KYANG 'JUG PA'AM LDOG PAR MI 'GYUR RO, ,ZHES GSUNGS PA'I PHYIR, YANG STAG LO NA RE; BUM PA LA SOGS PA BTAGS CHOS KYI DNGOS PO THAMS CAD LDAN MIN 'DU BYED YIN PAR THAL, PHUNG BO LNGA LA BTAGS BA'I BDAG LDAN MIN 'DU BYED YIN PA'I PHYIR ZER BA SOGS DU MA SMRAS SO, ,'O NA BUM PA YANG GDAGS

427b

GZHI PHUNG PO LNGA'I MTSAN NYID KYI CHA TSANG DGOS PAS PHUNG PO GZHAN BZHIR MI RUNG BAR 'DU BYED KYI PHUNG POR 'JOG PAR THAL, BUM PA LDAN MIN DU 'JOG PA'I RGYU MTSAN BDAG DANG MTSUNGS PA'I PHYIR, KHYAB STE, BDAG LDAN MIN DU BYED PA'I RGYU MTSAN PHUNG PO LNGA'I MTSAN NYID TSANG DGOS PAS PHUNG PO LNGA'I GZHAN DU MI 'THAD PAS DE LTAR BZHAG GI BTAGS CHOS YIN PAS DE LTAR MA YIN PA'I PHYIR, MA GRUB NA, DNGOS PO LA LDAN MIN GYIS KHYAB PA DANG GZHI GRUB NA YANG DE LTAR KHYAB PAR THAL LO, ,RTZA BAR 'DOD MI NUS TE, BUM PA'I GDAGS GZHI GZUGS KHO NA YIN PA'I PHYIR, 'GOG BYED RIGS PA LA KHA CIG NA RE, THAL 'GYUR GYIS BDAG MED GTAN LA 'BEBS MI THUB PAR 'DOD PA DANG, SKABS 'DI'I GZHAN GRAGS KYI MI DMIGS PA'I RTAGS YANG DAG LA YANG CHOS CAN GZHI GRUB DGOS PAR THAL, BYANG CHUB LAM RIM LAS, DES NA GZHAN GRAGS KYI SBYOR BA'I CHOS CAN DANG CHOS DANG RTAGS RNAMS THA SNYAD DU YOD PA ZHIG DGOS, ZHES GSUNGS PA'I PHYIR NA MA KHYAB STE, THAL 'GYUR GYIS DE LTAR MI THUB PA DANG THUB PAR 'DOD PA NI THAL RANG GI KHYAD YIN PAR BSHAD ZIN, MI DMIGS PA'I RTAGS LA YANG DE LTAR DGOS PAR DNGOS SMRA KHA CIG GIS 'DOD KYANG; PHYOGS GLANG CHOS GRAGS DANG DBU MA THAL RANG GIS SKYON NGE MED PAR 'DOD PA'I PHYIR DANG, LAM RIM GYI LUNG NI SGRUB PA'I CHOS GTAN TSIGS SU BKOD PA'I GZHAN GRAGS LA YIN PAR SHIN TU GSAL BAR NYUNG NGUR BRDZOG?

428a

, ,ZIN TO, ,GZHAN DU NA MA SKYES PA DE MU STEGS PAS BTAGS PA'I BDAG MU STEGS PAS SGRO BTAGS PA LTAR MED PAR SGRUB PA'I RTAGS YANG DAG MA YIN PAR THAL LO, ,DE SGRUB KYI CHOS CAN MED PA'I PHYIR; KHYAB PA KHAS, 'DOD NA, DE SGRUB KYI PHYOGS CHOS MA GRUB PAR THAL LO, ,'DOD PA GANG ZHIG, TSUL GZHAN GNYIS LA DGOS PA MED PA'I PHYIR, 'DOD NA, DE SGRUB KYI CHOS CAN MA GRUB PA'I SKYON DANG PHYOGS CHOS MA GRUB PA'I SKYON 'BYUNG BA'I GTAN TSIGS SU THAL LO, ,'DOD PA'I PHYIR, 'DOD NA, RNAM BSHAD LAS, RTAGS DES SMRAS PA'I CHOS CAN BKAG KYANG SKYON MED PA NI GSUNGS PA MI 'THAD PAR THAL, DE SKYON DU MA DANG BCAS PA DE'I PHYIR, GZHAN YANG DBU MA SNANG BA DANG RNAM 'GREL DANG 'GAL TSUL GZHAN DU SHES PAR BYA'O, ,GZHAN YANG, DPAL LDAN ZLA BA CHOS CAN, KHYOD RGOL BA MI MKHAS PAR THAL, KHYOD KYIS SKABS 'DIR GTZO BOR MU STEGS PAS 'DOD PA'I BDAG 'GOG BYED KYI GZHAN GRAGS LA GTAN TSIGS LTAR SNANG TZAM BKOD PA'I PHYIR RO, ,MED DGAG RTAGS SU BKOD PA'I MA DMIGS PA LA CHOS CAN MA GRUB KYANG SKYON MED PA NI RJE'I SA BCAD CHEN MO DANG, RNAM NGES tIKA CHEN DANG, MKHAS GRUB RJE'I GSUNG DU MA'I DGONGS PA YIN PAS DOR BAR MI BYA LA, 'DIR DKYUS KYI DON LA SPROS PAS MANG 'GRO ZHING NGAL BAS MA SMRAS SO, ,BDAG LDOG PAS 'BYED TSUL DE DAG GIS GO BAR NUS

428b

LA, STAG LO NA RE, SKABS 'DI'I BDAG LA SOGS PA DNGOS PO DANG KUN RDZOB THAMS CAD 'JIG RTEN GRAGS PA TZAM GYIS 'JOG GI TSAD GRUB MA YIN TE, YUL DE RDZUN PA DANG YUL CAN MI SLU BAR 'GRO BA 'GAL BA'I PHYIR DANG, RTZA BAR; MA BRTAGS GRAGS PAR GTI MUG LAS YIN NO, ,ZHES DANG, DE LAS GZHAN DU GYUR PAR 'JIG RTEN GRAGS PA'I SGO NAS YOD PA YIN, ,ZHES SOGS LAN DU MAR BSHAD PA DANG, SPYOD 'JUG LAS KYANG, GZUGS SOGS MNGON SUM NYID KYANG NI, ,GRAGS PAS YIN GYI TSAD MAS MIN, ZHES GSUNGS PA'I PHYIR ZER RO, ,'O NA 'DI'I 'JIG RTEN GRAGS PA RNAMS THA SNYAD 'JOG BYED KYI TSAD MA MA YIN PAR THAL, DAM BCA' 'THAD PA'I PHYIR, 'DOD MI RIGS PAR THAL, DE DAG MNGON SUM GYI TSAD MA YIN PA'I PHYIR, DER THAL, SKABS 'DIR BSHAD PA'I NGA 'JOG PA'I NGA'O SNYAM PA'I 'JIG RTEN GRAGS PA DE MNGON SUM TSAD MA GANG, SPYOD 'JUG GI GRAGS PAS YIN GSUNGS PA'I GRAGS PA DE MANG MNGON SUM GYI TSAD MA YIN PA'I PHYIR, DANG PO MA GRUB NA, DE LTA BU'I NGA THA SNYAD DU 'JOG BYED KYI 'JIG RTEN PA'I BLO LHAN SKYES NGA'O SNYAM PA'I 'DZIN STANGS LA TSAD MAS MI GNOD PA DE CHOS CAN, KHYOD MNGON SUM GYI TSAD MA YIN PAR THAL, KHYOD RTAGS LA MA BRTEN PAR RANG GI 'DZIN STANGS YUL GYI GZHAL BYA MNGON GYUR PA'I NGA RAB TU GZHAL BA'I SHES PA YIN PA'I PHYIR, KHYAB PAR THAL, DE'I 'DZIN STANGS KYI YUL GYI NGA GZHI GRUB PA'I

429a

, ,PHYIR; KHYAB STE, RAB BYED DANG PO'I tIKA CHEN LAS, NGA'O SNYAM PA'I DMIGS PA LA, ZHES SOGS DANG, DGU PA'I tIKA CHEN LAS, NGA'O SNYAM PA'I DMIGS PA NGA TZAM ZHIG DER YANG RJES SU 'GRO BAS, NAS BDAG TZAM YANG DUS DE DAG TU RJES SU 'GRO BAS NGES YUL LA 'KHRUL PA YANG MA YIN NO, ,ZHES GSUNGS PA'I PHYIR, KHYAB STE, NGA'O SNYAM PA'I THA SNYAD TSAD MAS NGES YUL YOD PAR BSHAD PA DANG, TSIG GSAL LAS, 'JIG RTEN NA YOD NA NI THAMS CAD MNGON SUM GYIS DMIGS PAR BYA BA YIN PAS ZHES GSUNGS PA'I DNGOS BSTAN GYI NGA YOD PA'I PHYIR, 'KHOR GSUM, RTAGS GNYIS PA DER THAL, THAL 'GYUR BA'I SKABS 'DI'I 'JIG RTEN GRAGS PA NI 'JIG RTEN THA SNYAD PA'I SHES PA LA SNANG BA'AM MYONG BA'I THA SNYAD GNYIS GANG RUNG ZHIG LA 'JOG PA GANG ZHIG, SPYOD 'JUG GI 'DI YANG 'JIG RTEN PA'I GRAGS PA MNGON SUM GYI TSAD MA THA SNYAD PAS GZUGS SOGS GRUB KYI; DON DAM DPYOD PA'I TSAD MA 'DIS MIN ZHES PA'I DON YIN PA'I PHYIR, DANG PO DER THAL, SHES PA DE LA GRAGS PA DANG, SHES PA DE LA SNANG BA DANG MYONG BA'I THA SNYAD DON GCIG YIN PAS 'JIG RTEN PA'I THA SNYAD DE 'DRA SKYE 'PHAGS GANG GI RGYUD LA YOD KYANG SKABS 'DI'I 'JIG RTEN GRAGS PA'I DON YIN GYI 'JIG RTEN RGAN PO KHO NA LA THA SNYAD 'DI MI DGOS PA'I PHYIR, LHAG MTHONG CHEN MO LAS, DES NA 'JIG RTEN NAS, SHES PA DE LA GRAGS PA NI SNANG

429b

BA 'AM MYONG PA'I THA SNYAD 'DOGS PA'I GZHIR GYUR PA RNAMS SO, ,ZHES DANG, STONG THUN LAS BSHAD DO, ,RTAGS GNYIS PA GRUB STE, ZLA BA'I RJES SU 'BRANG BA'I SPYOD 'JUG 'GREL CHEN LAS KYANG, 'JIG RTEN PA'I YONGS SU GRAGS PA YIN LA TSAD MAS MIN TE, NAS, MNGON SUM LA SOGS PA THA SNYAD PA'I TSAD MA NYID YIN PA'I PHYIR RO, ,DES RTOGS PA'I GZUGS LA SOGS PA YANG KUN RDZOB NYID YIN TE, 'JIG RTEN PA'I TSAD MAS YANG DAG PAR RTOGS PAR BYA BA DE KHO NA NYID KYI RANG BZHIN NI MA YIN TE, SKYI BO THAMS CAD KYIS DE KHO NA NYID RTOGS PAR THAL BA'I PHYIR RO, ,GANG GSUNGS PA, ,GANG ZHIG DBANG POS RTOGS PA DE, ,GAL TE DE NYID YIN GYUR NA, ,ZHES SOGS SHES BYED DANG BCAS PA DANG, TSIG GSAL LAS, GAL TE MTSAN GZHI 'AM, NAS, MNGON SUM DU DMIGS PAR BYA BA ZHES PA'I DNGOS BSTAN GYI MNGON SUM DU DMIGS BYED KYI GZUGS 'DZIN MNGON SUM TSAD MA DANG, MNGON SUM DU DMIGS PAR BYA RGYU'I GZUGS YOD PA'I PHYIR, 'KHOR GSUM, GNYIS PA RANG LUGS NI, SKABS 'DIR GANG ZAG GI RNAM BZHAG YOD DE, MTSAN NYID DANG, SGRA BSHAD DANG, DBYE BA, THA SNYAD DU 'JOG TSUL BZHI YOD PA'I PHYIR, GDAG SA GZHI'I PHUNG PO LA BRTEN NAS NGA DANG NGA YI BA GANG RUNG GI THA SNYAD 'JUG PA'I DON DE BDAG GI MTSAN NYID, BDAG DANG GANG ZAG SKYES BU SOGS RNAM GRANGS SO, ,SGRA BSHAD YOD DE, BDAG TU NGA RGYAL BAS NA BDAG DANG, SKYE MCHED KYI SGO NAS YUL

430a

, ,LA ZAG BAS NA GANG ZAG DANG, NUS PA DANG LDAN PAS NA SKYES BU DANG, BDAG LA PHAN 'DOGS PAS NA BDAG GI BA ZHES BYA BA YIN PA'I PHYIR, SPYIR GRUB MTHA' SO SOS SGRA BSHAD TSUL MI MTHUN PA MANG YANG ZLA BA'I GSUNG LTAR RO, ,DBYE NA BDAG DANG, BDAG GI BA GNYIS SOGS YOD, BDAG 'JOG TSUL YOD DE, GDAGS GZHI LA RNAM PA BDUN DU BTZAL KYANG MI RNYED PAS NA GDAGS GZHI LA MING RKYANG PHAR BTAGS LA 'JOG PA YIN PA'I PHYIR, GDAGS GZHI DER 'JOG MI RUNG STE, BDAG DU MAR THAL BA SOGS DANG, GDAGS GZHI GDAGS CHOS KYI DBYE BA MED PAR 'GYUR BA'I PHYIR, 'O NA BDAG PHUNG PO LAS NGO BO THA DAD PAR 'DOD SNYAM NA, 'O NA BDAG LUS CAN DANG TSOR BA PO SOGS SU MI RUNG BAR THAL LO, ,BDAG LA GDAGS GZHI PHUNG PO LNGA'I MTSAN NYID MI TSANG BA'I PHYIR, TSIG GSAL LAS, GAL TE BDAG PHUNG PO LAS THA DAD NA DE PHUNG PO MA YIN PA'I MTSAN NYID CAN DU 'GYUR TE, PHUNG PO LNGA NI GZUGS SU RUNG BA DANG, NYAMS SU MYONG BA DANG, MTSAN MAR 'DZIN PA DANG MNGON PAR 'DU BYED PA DANG, YUL SO SOR RNAM PAR RIG PA YIN NA, NAS, DE'I PHYIR PHUNG PO LAS THA DAD PA YOD PA MA YIN NO, ,ZHES GSUNGS PA'I PHYIR, 'O NA BDAG DE'I BYA BYED SOGS MI 'THAD PAR 'GYUR SNYAM NA BDAG GDAGS GZHI'I STENG DU MING GIS PHAR BTAGS LAS MED KYANG BDAG 'GRO BSDAD SOGS KYI THA SNYAD RGYUN MI 'CHAD DE, GDAGS GZHI 'GRO BSDAD LAS BDAG

430b

'GRO BSDAD 'JOG PA SOGS YIN PA'I PHYIR, RTZOD SPONG LA KHO NA RE, NGA'O SNYAM PA'I 'JIG LTA LA PHUNG PO BDAG GI YIN PAS KHYAD PAR DU BYAS NAS BDAG MI 'CHAR BAR NGA'O SNYAM DU 'DZIN PAR THAL, KHYAD KYIS 'JIG LTA GNYIS KYI KHYAD PAR 'THAD PA'I PHYIR, 'DOD NA, PHUNG PO'I RNAM PA MA SHAR BAR NGAR 'DZIN GYI DE SKYE BAR THAL, 'DOD PA'I PHYIR NA MA KHYAB STE, PHUNG PO BDAG GI YIN PA'I RNAM PAR 'CHAR MI DGOS KYANG PHUNG PO'I RNAM PA MA SHAR BAR NGAR 'DZIN LHAN SKYES MI SKYE BA'I PHYIR, DER THAL, MDO LAS 'JIG LTA NYI SHU BSHAD PA'I RGYU MTSAN DE YIN PA'I PHYIR, RANG 'GREL LAS, 'DI LTAR PHUNG PO MA GTOGS PAR NI 'GA' LA YANG BDAG TU MNGON PAR ZHEN PA MED PAS 'JIG TSOGS LA LTA BA'I RNAM PA LNGA PA MI SRID DO, ,ZHES GSUNGS PA'I PHYIR, BYAS PA LA KHO NA RE, PHUNG PO LAS NGO BO THA DAD DU LTA BA'I 'JIG LTA MED PAR THAL LO, ,LUNG DE'I MJUG GI LTA BA'I RNAM PA LNGA PA MI SRID PA NYID DO, ,ZHES GSUNGS PA'I PHYIR NA MA KHYAB STE, MU STEGS PA'I RGYUD KYI DE 'DRA'I KUN BTAGS DO BA'I PHYIR, DER THAL, DE 'GOG PHYIR DU RTZA SHE LAS GZUGS LA BDAG YIN BA DA LTA BA DANG, BDAG GZUGS DANG NGO BO NYID KYIS LDAN PA DANG, GZUGS LA BDAG RANG BZHIN GYIS YOD PA DANG, BDAG LA GZUGS RANG BZHIN GYIS YOD PA STO MDO LAS BSHAD PA BZHI DANG PHUNG PO GZHAN LA DE LTAR PHYE BAS NYI SHU DANG, BDAG GZUGS DANG NGO BO NYID KYIS GZHAN DU YOD PA SOGS LNGAR PHYE NAS BKAG PA'I PHYIR, DER THAL, RTZA SHE

431a

, ,LAS; PHUNG MIN PHUNG PO LAS GZHAN MIN, ,DE LA PHUNG MED DER DE MED, ,DE BZHIN GSHEGS PA PHUNG LDAN MIN, ,ZHES GSUNGS PA'I PHYIR, BYAS PA LA KHO NA RE, 'JIG LTA KUN BTAGS THAMS CAD NYER LNGAR 'DU ZER, LA LAS NYER BZHI KHO NAR 'DU ZER, RGYUN ZHUGS KYIS SPANGS PA'I RTZA BA'I 'JIG LTA NGAR 'DZIN KUN BTAGS DANG NGA YIR 'DZIN PA'I KUN BTAGS GNYIS CHOS CAN, DE NYER BZHI DANG NYER LNGA GANG RUNG YIN PAR THAL, 'JIG LTA KUN BTAGS YIN PA'I PHYIR, DER THAL, GRUB MTHA' NGAN PAS RANG GI 'DZIN TSUL 'THAD DAM SNYAM NAS NGA DANG NGA YIR 'DZIN PA'I DE YOD PA'I PHYIR, RNAM BSHAD LAS, GANG DANG LHAN CIG TU NYI SHU RGYUN ZHUGS KYIS SPANGS PA'I RTZA BA'I 'JIG LTA YANG KUN BTAGS YIN LA, DE YANG RANG GI MTSAN NYID KYIS GRUB PAR 'DZIN PA TZAM LA MI BYED, DE'I 'DZIN STANGS 'THAD LDAN DU GRUB MTHA' NGAN PA LA BRTEN NAS 'DZIN PA'I SA BON RGYUN ZHUGS KYIS SPANGS PA'O, ,ZHES GSUNGS PA'I PHYIR, BYAS PA LA KHO NA RE, 'JIG LTA KUN BTAGS PHRA RAGS THAMS CAD LA RTZA BA'I 'JIG LTA DANG RTZE MO NYER LNGA GANG RUNG GIS KHYAB ZER NA, 'O NA PHUNG PO'I TSOGS TZAM BDAG TU LTA BA'I 'JIG LTA CHOS CAN, RTZA BA'I 'JIG LTAR THAL, ,RTZE MO NYER LNGA DANG RTZA BA'I 'JIG LTA GANG RUNG GANG ZHIG, RTZE MO NYER LNGA GANG YANG MA YIN PA'I PHYIR, RTAGS RE RE NAS GRUB STE, CHOS CAN DE'I PHYIR, KHYAB STE, RTOG

431b

PA GCIG LA 'DZIN STANGS THA DAD PA GNYIS MI YONG PA'I PHYIR DANG, RTOG PA SEL 'JUG YIN PA'I PHYIR, RTZA BAR 'DOD NA, KHYOD KYI 'DZIN STANGS MED PA GANG ZAG GI BDAG MED PHRA MOR THAL BA DANG, 'JIG LTA LHAN SKYES KYI 'DZIN STANGS DANG RIGS GCIG PAR THAL, 'DOD PA'I PHYIR, 'DOD MI NUS TE, CHOS CAN DE'I PHYIR DANG, PHUNG PO TSOGS TZAM BDAG MIN PA STONG NYID MA YIN PA'I PHYIR, GZHAN YANG, PHUNG PO'I BKOD PA'I KHYAD PAR BDAG TU 'DZIN PA'I 'JIG LTA RAGS PA YANG CHOS CAN ZHES SNGA MA LTAR 'PHEN NO, ,DE BZHAN DU RTAG GCIG RANG DBANG CAN GYI 'JIG LTA SOGS 'PHEN, BYAS PA LA MANG BKUR BA KHA CIG NA RE, PHUNG PO BDAG YIN PAR THAL, RANG GI PHUNG PO DE 'JIG LTA'I DMIGS PAR MDO LAS BSHAD PA'I PHYIR, DER THAL, MDO LAS, PHUNG PO LNGA PO 'DI DAG KHO NA LA BDAG GO SNYAM DU BLTA'O, ,ZHES GSUNGS PA'I PHYIR NA MA KHYAB STE, MDO DES RNAM BCAD LA PHUNG PO LAS GZHAN PA'I BDAG BKAG CING YONGS GCOD SGRUB PA'I TSUL DU YANG PHUNG PO TSOGS PA BDAG TU STON NA YANG MI 'THAD PA'I PHYIR, GZHAN YANG, PHUNG PO BDAG TU 'DOD MI RIGS PAR THAL, BDAG DE GDAGS GZHI'I PHUNG PO YANG MIN LA, BDAG PHUNG PO LAS ZUR DU GZHAN YANG MIN; BDAG PHUNG PO DANG NGO BO NYID KYIS LDAN PA YANG MIN, BDAG YAN LAG LA MKHAR GZHONG NANG GI RGYA SHUG LTAR NGO BO NYID KYIS PHAR BRTEN PA'ANG MIN, YAN LAG TSUR BDAG LA LHAS BYIN LA RE LDE BRTEN PA LTAR NGO BO NYID KYIS BRTEN PA

432a

, ,YANG MIN, BDAG YAN LAG TSOGS TZAM YANG MIN, BDAG GDAGS GZHI'I PHUNG PO'I BKOD PA'I KHYAD PAR YANG MA YIN PA'I PHYIR, DPER NA SHING RTA DE RANG GI YAN LAG LAS NGO BO GZHAN YANG MIN, YAN LAG RNAMS KYANG DE MIN, YAN LAG DANG NGO BO NYID KYIS LDAN PA YANG MIN, DE YAN LAG LA PHAR NGO BO NYID KYIS RTEN PA DANG, YAN LAG DE DAG TSUR NGO BO NYID KYIS RTEN PA YANG MIN, YAN LAG 'DUS TZAM YANG DE MIN, YAN LAG GI DBYIBS KHYAD PAR BA YANG DE MIN PA BZHIN YIN PA'I PHYIR, RTZA BAR, SHING RTA RANG YAN LAG LAS GZHAN 'DOD MIN, ,GZHAN MIN MA YIN DE LDAN YANG MIN ZHING, ,YAN LAG LA MIN YAN LAG DAG DER MIN, ,'DUS PA TZAM MIN DBYIBS MIN JI BZHIN NO, ,ZHES GSUNGS PA'I PHYIR, BYAS PA LA KHO NA RE, 'O NA GCIG DU BRAL GYI RTAGS TZAM GYIS GANG ZAG GI BDAG MED RTOGS MI THUB PAR THAL, RNAM BDUN GYIS DPYAD PAS SNGAR GYI 'JIG LTA NYI SHU DANG NYER LNGA SOGS KYI ZHEN YUL SUN 'BYIN PA LTA BU'I SO SOR DPYOD PAS DE NYID BDE BLAG TU RTOGS PA'I PHYIR NA MA KHYAB, RTAGS GRUB STE, RTZA BAR, RNAM BDUN GYIS MED GANG DE JI LTA BUR, ,ZHES PA NAS, DES DE NYID LA BDE BLAG 'JUG 'GYUR BAS, ,ZHES GSUNGS PA'I PHYIR, RTZA BAR 'DOD MI NUS TE, RNAM PA BDUN PO DE YANG BSDUS NA PHUNG PO DANG GCIG PA DANG, PHUNG PO LAS GZHAN PA'I PHYOGS GNYIS SU 'DU BA'I PHYIR DANG, DES KYANG BDAG MED PAR NGES NUS

432b

PA'I PHYIR, BUDDHA P'A LI TA LAS, 'DI LA DE KHO NA MTHONG BAR 'DOD PA YONGS SU RTOGS PA DANG LDAN PAS 'DI LTAR SO SOR YANG DAG PAR BRTAGS PAR BYA STE, BDAG CES BYA BA GANG YIN PA NGA CI PHUNG PO RNAMS NYID DAM, 'ON TE PHUNG PO LAS GZHAN YIN, NAS, 'DIR RNAM PA GZHAN DU SMRA BA GANG YIN PA DE DAG THAMS CAD KYANG GZHAN DANG GZHAN MIN PA NYID DU SMRA BA DAG KHO NAR 'DUS TE, GNYIS KA LTAR YANG MI 'THAD DO, ,ZHES GSUNGS PA'I PHYIR, YANG KHO NA RE, KHYOD KYIS BDAG GDAGS GZHI MA YIN PAR 'JOG KYANG GDAGS GZHI'I SGO NAS NGA LA KHYAD PAR DU MA 'BYED PA DE BLO BZO YIN PAR THAL, RJE YAB SRAS KYIS DE 'DRA RGYAS PAR MA BSHAD PA'I PHYIR NA MA KHYAB STE, RJE YAB SRES KYIS SKABS 'DIR MA BSHAD KYANG RTZA SHE'I tIKA CHEN SOGS LAS GSUNGS SHING, DER MA ZAD BCOM LDAN 'DAS KYIS MDO DU MAR DE LTAR BSHAD PA 'PHAGS PA YAB SRAS BZHED PA'I PHYIR TE, RAB BYED BCO BRGYAD PA'I, NGAR 'DZIN NGA YIR 'DZIN MED GANG, ,ZHES SOGS KYIS BDAG MED RTOGS MKHAN YOD MED RTZOD PA'I, BUDDHA P'A LI TA LAS, DE LTAR NGAR 'DZIN PA MED PA DANG, NGA YIR 'DZIN PA MED PA ZHES BYA BA GANG YIN PA DE YANG YOD PA MIN TE, DE NI NYE BAR LEN PA LA BRTEN NAS GDAGS PA YIN PAR STON TE, 'DI LTAR BCOM LDAN 'DAS KYIS KYANG TSE DANG LDAN PA 'DI'I MING 'DI ZHES BYA, RUS NI 'DI ZHES BYA BA GANG YIN PA DE NI NYE BAR LEN PA MA GTOGS PAR GANG ZAG GI MING DANG RUS DAG MED DO, ,ZHES GSUNGS ZHES GSAL BAR GSUNGS

433a

, ,PA'I PHYIR DANG, DE BZHIN DU TSIG GSAL SOGS SU BLTAS NA SHES PAR 'GYUR RO, ,KHA CIG NA RE, DE LA BDEN PA'I GCIG DANG DU MA GANG RUNG DANG BRAL BA'I RTAGS KYIS SGRA BDEN MED DU SGRUB PA'I RJES KHYAB NGES PA'I TSAD MA DES BDEN PA'I GCIG DU BRAL GYI GSAL BA'I DBYE BA MTHA' DAG LA BDEN GRUB KYIS STONG PAS KHYAB PA NGES SAM MA NGES SHE NA, SNGON DANG PHYIS KYI KHA CIG NA RE, MA NGES TE, DE NGES NA BYAS RTAGS KYIS SGRA MI RTAG PAR SGRUB PA'I BSGRUB BYA 'JAL BA'I RJES DPAG GIS SGRO 'DOGS GSAR DU MI GCOD PAR 'GYUR BA RNAM BSHAD SNYING PO'I RGYAN GYI DGONGS PA ZER, KHA CIG GIS, RNAM BSHAD SNYING PO'I DE MI 'THAD PAR THAL, DE LTAR NGES PA'I PHYIR TE, SPYIS STONG NA BYE BRAG GIS STONG PAR NGES PA DE THAR LAM GSAL BYED LTAR 'THAD PA'I PHYIR ZER, LA LAS CI YANG SMRA MI NUS LA SNA TSOGS PAR SMRA BA SNGON BYUNG SNANG NGO, ,DE LA 'O NA BYAS NA MI RTAG PAS KHYAB PAR 'JAL BA'I TSAD MA DES BYAS PA LTA BU GZHI GCIG GI STENG DU BYAS PA LA RTAG BA'I GSAL BA'I DBYE BA MTHA' DAG GI SGRO BTAGS PA'I SGRO 'DOGS CHOD NA, SGRA'I STENG DU RTAG PA'I SGRO 'DOGS CHOD DGOS PAR THAL, KHYOD KYIS SPYIS STONG PAR NGES NA BYE BRAG GIS STONG PAR NGES TSUL 'THAD PA'I PHYIR, 'DOD NA, KHYOD BYAS PA LA RTAG STONG GIS MA KHYAB PA'I SGRO 'DOGS BCAD NAS SGRA'I RTAG STONG NGES DGOS MA YIN PAR THAL, 'DOD PA'I PHYIR, 'DOD MI NUS TE, DE 'DRA'I PHYI RGOL DU MA YOD PA'I PHYIR, THAR LAM GSAL BYED

433b

LAS; TSAD MA DES RTAG PA BYAS PA'I GSAL BA'I DBYE BA MTHA' DAG GIS STONG PAR NGES KYANG, RJES KHYAB NGES NA DGAG BYA KHEGS PAR MI 'GYUR TE, RJES KHYAB NGES PA'I TSAD MA DES KHYAD GZHI BYAS PA'I STENG DU SGRA'I RTAG PAS STONG PAR GRUB KYANG; SGRA KHYAD GZHIR BZUNG BA LA RTAG PA MA KHEGS PA'I PHYIR, ZHES GSUNGS PA'I PHYIR, KHYAB STE, RJES KHYAB NGES PA'I ZHES SOGS KYI DON YOD PA'I PHYIR DANG, SDE BDUN GYI RGYAN LAS KYANG, GNOD PA CAN GYI TSAD MA DES BYAS BRTAG PA'I GSAL BA'I DBYE BA MTHA' DAG LA 'JUG MI SRID PAR MA NGES KYANG, 'JUG PAR 'DZIN PA'I SGRO 'DOGS BCAD, CES PA NAS, 'O NA RJES KHYAB NGES PA'I TSAD MA DES BYAS PA'I GSAL BA MTHA' DAG LA MI RTAG PAS MA KHYAB PAR 'DZIN PA'I SGRO 'DOGS GCOD NUS PAR 'GYUR LA, DE LTA NA RJES KHYAB DES NA BSGRUB BYA LA SGRO 'DOGS CHOD PAS KHYAB PAR THAL LO, ,ZHE NA MI MTSUNGS TE, SPYIS KHYAB KYANG DE'I BYE BRAG GIS KHYAB MI DGOS SHING, SPYI KHEGS NA DE'I BYE BRAG KYANG KHEGS DGOS ZHES GSUNGS PA'ANG SNGA MA DANG MTHUN PA'I PHYIR RO, ,SPYIS STONG NA BYE BRAG GIS STONG TSUL DE LTAR YIN NO, DES NA 'DI DANG SNYING PO'I RGYAN MI 'GAL BAR THAL, SNYING PO'I RGYAN GYIS KYANG BYAS NA MI RTAG PAS KHYAB PA BYAS PA'I STENG DU NGES PA'I TSAD MAS SGRA'I DE LTAR MA NGES PAR STON PAS SHIN TU MTHUN PA'I PHYIR TE, RNAM BSHAD SNYING PO'I RGYAN LAS, DE LTA NA BYAS NA MI RTAG PAS KHYAB PA NGES PA'I TSAD MA DES SGRA BYAS NA SGRA MI RTAG PAS MA KHYAB PAR 'DZIN PA'I SGRO 'DOGS GCOD

434a

, ,DGOS PAS RTAGS DE LA BRTEN PA'I RJES DPAG GIS SGRO 'DOGS GSAR DU MI GCOD PAR 'GYUR RO, ,ZHES GSUNGS PA'I PHYIR, KHYAB STE, BYAS PA'I STENG DU SPYIS STONG NA BYE BRAG GIS STONG PAR NGES PA DANG, BYAS PA'I STENG DU SPYIS STONG NA BYE BRAG GIS STONG BAR NGES PAS MA KHYAB PAR 'DZIN PA'I SGRO 'DOGS YANG BCAD PAR BSHAD NAS, SGRA'I STENG DU DE STAR CHOD NA BSGRUB BYA 'DZIN PA'I RJES DPAG GIS SGRO 'DOGS GSAR GCOD MED PAR THAL BA'I SKYON BSHAD PA'I PHYIR NA SHIN TU MTHUN LA RJE'I YANG DGONGS PAR GSAL LO, ,RIGS PA'I RGYA MTSO LAS, 'DI DPER BRJOD NA, ZHES PA NAS, SGRA RTAG 'DZIN GYI SGRO 'DOGS TSAD MA SNGA MAS BCAD BA MIN PA BZHIN NO, ,ZHES GSUNGS PA'I PHYIR, RGYAS PAR GZHUNG DE DAG NA GSAL LA GNAD 'GAG NI SNGAR SMRAS KHO NA'O, ,DES NA GNAD BDUN GYIS BTZAL NA MED PA'I ZAB MO DANG, GRAGS PA'I TSAD MAS GRUB BA'I RGYA CHE BA'I LAM GNYIS 'JOG PA NI 'KHOR BA'I RGYA MTSO'I PHA ROL TU BGROD BYED RGYAL SRAS NGANG PA'I RGYAL BOS RANG GI 'KHOR RIGS CAN GSUM GYI GDUL BYA'I NGANG BA'I TSOGS MTHA' YAS PAS BSKOR NAS SKU GSUM GYI RIN PO CHE'I DGA' TSAL YANGS PAR 'JUG BYED YIN TE, RTZA BAR, KUN RDZOB DE NYID GSHOG YANGS DKAR PO RGYAS GYUR BA, ,DANG BA'I RGYAL PO DE NI SKYE BO'I DANG BA YIS, ,MDUN DU BDAR NAS DGE BA'I RLUNG GI SHUGS STOBS KYIS, ,RGYAL BA'I YON TAN RGYA MTSO'I PHA ROL MCHOG TU 'GRO, ,ZHES GSUNGS PA'I PHYIR, SMRAS PA, TSUL GSUM DKA' GNAD

434b

BKRAL TSE CHOS GRAGS KYIS, ,'JIGS MED DAM BCA'I SENG KHRIR KHYOD SDOD LA, ,RIGS PA'I CHOS KYI RGYAL RDA KHYOD KYIS SGROGS, ,KHO BO MKHA' SPYOD 'GRO ZHES DBUGS DBYUNG BZHIN, ,LUS SEMS THO YOR 'DI LA BDAG 'DZIN GYIS, ,MI'O SNYAM BA'I RE DOGS BRGYAS BREL BA, ,NYER BAR LEN BO BLA DBYAS NYER BTZAL TSE, ,MA RNYED 'KHRUL BA'I MTSAD BRGYA RTZAD NAS PHYUNGS, ,'JIG RTEN 'PHOS MED CHAD MIN RTAG MIN TSUL, ,KHA THON MAR MA RGYA DANG GZUGS BRNYAN BZHIN, ,RTEN 'BYUNG RIG SNGAGS RTZI MA GHI 'CHANG BAS, ,RGUNG BA'I NAD KYIS MI MNAR RANG GI GSHIS, ,GTI MUG MUN BAR PHUNG PO'I THAG KHRAL, ,BDAG TU BZUNG BAS SBRUL 'JIGS SDUG BSNGAL TSOGS, ,RNAM BDUN RIGS PA'I 'PHRUL LAS NYI SHAR TSA, ,'KHRUL BA'I MUN SANGS GTAN BDE'I 'DAB BRGYA BZHAD, ,CES PAR SKABS KYI TSIGS SU BCAD PA'O, ,SEMS BSKYED DRUG PA'I MTHA' DPYOD NYUNG GSAL LEGS PAR BSHAD ZIN TO, ,GSUM PA RANG SONG SOGS SA BZHI 'CHAD PAR, RTZA BAR, RING DU SONG BA 'DIR NI SKAD CIG DANG, ,NAS, LHUN GRUB CHOS CHAR 'BEBS, ,ZHES BYUNG, MTHA' CUNG ZAD DPYAD NA, KHA CIG NA RE, PHAR PHYIN PHYI MA BZHI YANG DANG PO DRUG LTAR SO SOR 'JOG ZER NA, 'O NA PHYI MA THABS MKHAS KYI DANG, SMON LAM GYI DANG, STOBS KYI DANG, YE SHES KYI PHAR PHYIN BZHI SHES RAB PHAR PHYIN GYI RNAM PA KHYAD PAR CAN DU 'GYUR TSUL SGO NAS PHYE BA MA YIN PAR THAL, ,DAM BCA' 'THAD PA'I PHYIR, 'DOD MI NUS TE, RANG 'GREL LAS, SHES RAB NYID RNAM PA

435a

, ,KHYAD PAR CAN DU ZHUGS PA THABS DANG, SMON LAM DANG, STOBS DANG, YE SHES ZHES SHES PAR BYA STE, ZHES GSUNGS PA'I PHYIR, YANG KHA CIG, 'DIS PHAR PHYIN PHYI MA 'BYED TSUL DANG 'DI BZHI GTZO BOR SHER PHYIN GYI GROGS SU 'JOG ZER BA DANG, LA LA BZHI KA DRUG PO RE RE'I GROGS SU 'JOG BA LA KHYAD MED ZER NA, PHYI MA BZHIR PHYE BA'I RGYU MTSAN DE LTAR MA YIN PAR THAL, PHAR PHYIN DANG PO GSUM GYI GROGS SU THABS DANG, PHYI MA GSUM LA SMON LAM SOGS RIM PAS BZHAG PA'I PHYIR, DER THAL, BZHIR BSHAD PA'I RGYU MTSAN PHAR PHYIN DANG PO GSUM GYIS GDUL BYA BSDUS NAS THABS MKHAS KYIS CHOS LA 'JOG PAS NA DE GSUM LA THABS MKHAS KYI PHAR PHYIN GYIS GROGS BYED, KHAMS DMAN PAS BRTZON MI NUS BA LA SMON LAM DANG, TSUL BZHIN BSAM GTAN MI NUS PA LA STOBS DANG, 'JIG RTEN PA'I SHES RAB LAS 'JIG RTEN LAS 'DAS PA'I SHES RAB THOB PAR 'GYUR BAS SHER PHYIN LA YE SHES GROGS SU BZHAG PA'I PHYIR TE, DGONGS 'GREL LAS, DE'I PHYIR NGAS THABS LA MKHAS PA'I PHAR PHYIN NI SA NI GSUM PO DE DAG GI GROGS SU GYUR PA YIN PAR YONGS SU BSTAN TO ZHES DANG, DE'I PHYIR SMON LAM GYI PHA ROL TU PHYIN PA NI BRTZON 'GRUS KYI PHA ROL TU PHYIN PA'I GROGS SU GYUR PA YIN NO, ,ZHES DANG, DE'I PHYIR STOBS KYI PHA ROL TU PHYIN PA NI BSAM GTAN GYI PHA ROL TU PHYIN PA'I GROGS SU ZHES DANG, DE'I PHYIR YE SHES KYI PHA ROL

435b

TU PHYIN PA NI SHES RAB KYI PHA ROL TU PHYIN PA'I GROGS SU ZHES GSUNGS PA'I PHYIR, ,GNYIS PA 'BRAS BU'I SA 'CHAD PAR, RTZA BAR, GANG PHYIR NAM MKHA' DRI MA MED LA, ZHES SOGS KYIS DANG POR SANGS RGYAS TSUL LONGS SKU DANG BCAS PA BSHAD, SLAR YANG MI G-YO'I SKU MNGA' KHYOD KYIS SRID GSUM BYON NAS, ZHES SOGS KYIS SPRUL SKU BSHAD, LHAG MAS MTHAR THUG THEG PA GCIG PA DANG, DUS JI SRID 'KHOR BA MA STONG BAR RGYAL BA BZHUGS TSUL BSHAD DO, ,'DI LA MTHA' CUNG ZAD DPYAD NA, KHA CIG NA RE, BDAG CAG GI STON PA 'DI THOG MAR GSAR DU SANGS RGYAS PA'I DUS DE SGRON BSKAL 'DI LA 'JOG ZER BA DANG, KHA CIG NA RE, CHOS BSHES KYIS BSHAD BA LTAR DKA' SPYAD MDZAD PA'I DUS DER RNAM SMIN GYI LUS 'DIR BZHAG SPRUL PA'I LUS KYIS SONG NAS 'OG MIN DU SANGS RGYAS NAS SLAR 'DIR PHEBS ZER NA, TSUL BSTAN TSUL LA SKYON MED KYANG DE LTAR SANGS RGYAS PAR THEG CHEN GYI THUN MONG MIN PA'I SKABS 'DIR YANG 'DOD NA, 'O NA BDAG CAG GI STON PA SNGON BSKAL BA DPAG TU MED PA'I SNGA ROL TU YANG RGYAL BA DBANG PO'I TOG TU GYUR BAR YAB SRAS MJAL BA DANG RJES 'GREL MCHAN DU BSHAD PA MI 'THAD PAR THAL, SANGS RGYAS PA'I DUS TSOD DE'I PHYIR, 'GREL BSHAD MKHAN PO NA RE, PHRA RAB RDUL GYI RDUL RNAMS BDOG BA JI SNYED BA, ,BYANG CHUB MCHOG RAB DAM BAR GSHEGS PA'I BSKAL BA'ANG DE SNYED DE, ,ZHES GSUNGS

436a

, ,PA SANGS RGYAS THAMS CAD KYI CHOS SKU GCIG YIN PA'I DBANG DU BTANG ZER NA, SANGS RGYAS THAMS CAD KYI CHOS SKU SNGA PHYI SO SO BA MED PAR THAL, 'DOD PA'I PHYIR, 'DOD NA, SEMS CAN GCIG SANGS RGYAS PA NA THAMS CAD SANGS RGYAS PAR THAL LO, ,GZHAN YANG, STON PA SNGON NAS SANGS RGYAS KYANG SLAR YANG BSKAL BZANG LTAR SEMS BSKYED PA'I TSUL RANG BSKAL BA 'DING SANGS RGYAS PA'I TSUL DANG DA DUNG MA 'ONGS PA NA DU MA STON PA MA YIN PAR THAL, DAM BCA' 'THAD PA'I PHYIR, 'DOD NA, YAB SRAS MJAL BAR, DA DUNG DANG POR THUGS BSKYED PAR, ,DE DANG DE NI YONGS BSTAN TE, ,DA DUNG DU YANG 'DREN PA KHYOD, ,SANGS RGYAS MANG PO STON PAR MDZAD, ,CES GSUNGS PA MI 'THAD PAR THAL, 'DOD PA'I PHYIR, YANG SHES BYED MED PAR STAG LO NA RE, MDZAD PA BCU GNYIS STON PA'I SPRUL SKU NI 'BYUNG BZHI'I KHYAD PAR YIN GYI MKHYEN LDAN MIN LA LONGS SKU'I GZUGS BRNYAN LTA BU YIN ZER NA, 'O NA MCHOG GI SPRUL SKU DE LA RANG DBANG BA'I MKHYEN PA MED LA GZHAN DBANG BA'I MKHYEN PA YOD PA'I KHYAD PAR MI 'THAD PAR THAL, DAM BCA' 'THAD PA'I PHYIR, 'DOD NA, DGONGS 'GREL LAS, CI DE BZHIN GSHEGS PA'I SPRUL BA LA SEMS MCHIS SAM MA MCHIS ZHES BGYI, 'JAM DPAL SEMS YOD PA YANG MIN, MED PA YANG MIN TE,

436b

SEMS RANG DBANG BA MED PA NYID DANG, SEMS GZHAN GYI DBANG NYID YIN PA'I PHYIR RO, ,ZHES GSUNGS PA MI 'THAD PAR THAL LO, ,GZHAN YANG, DE BZHIN GSHEGS PAS SKU GSUNG THUGS GSUM KA SPRUL MI THUB PAR THAL, SBRUL PA GCIG LA'ANG THUGS MED PA'I RGYU MTSAN YOD PA'I PHYIR, 'DOD MI NUS TE, SANGS RGYAS KYI SKU GSUNG THUGS GSUM GA SPRUL PA MTHA' YAS PA YOD PA'I PHYIR, THUB DGONGS SU SHES BYED DRANGS PA LAS, SANGS RGYAS RNAMS KYI SKU DANG GSUNG DANG THUGS NI SPRUL BA STE RAB TU SBYOR BA'I THABS KYI LAS CAN NO, ,ZHES GSUNGS PA'I PHYIR, GZHAN YANG, THUB DGONGS BZHED PAR 'DOD KYANG MI RIGS PAR THAL, LUNG DE DRANGS PA LA BDEN PA DANG RANG YANG DE 'DOD PAR BSHAD PA'I PHYIR TE, THUB DGONGS LAS, BDEN TE 'BOD MOD NYE BAR LEN PA YOD NA STE, ZHES GSUNGS PA'I PHYIR, KHYAB STE, SEMS KYI NYER LEN MED PA'I BEM PO RKYANG PA LA SEMS MI SBRUL BAR BSHAD PA'I PHYIR, GAL TE RTOG GE 'BAR BA LAS, 'DIR 'KHRUNGS PA'I SBRUL PA'I SKU YANG GZUGS DANG, SGRA DANG, RO DANG, REG BYA ZHES BYA BA SKYE MCHED BZHI'I BDAG NYID CAN SGYU MA MKHAN GYIS SPRUL PA'I SKYES BU BZHIN DU SEMS CAN MA YIN PAR GRAGS PAS, DE YANG SKYES BU YIN PAR MA GRUB CES GSUNGS PA MI 'THAD PAR THAL, MCHOG GI SBRUL SKU LA THUGS YOD PA'I PHYIR NA MA KHYAB STE, DE SBRUL BA SPYI LDOG DANG SPRUL PA

437a

, ,PHAL BA LA DGONGS KYI MCHOG GI SPRUL SKU DANG LONGS SKU GNYIS KYI SKU GSUNG THUGS YON TAN STOBS BCU SOGS SANGS RGYAS KYI CHOS MA 'DRES PA SUM BRGYA SOGS THUN MONG DU GONG DU RGYAS PAR BSHAD PA'I PHYIR, DER THAL; DBU MA SNYING PO LAS, DBANG PO CHEN PO'I GZHU 'DRA BA, ,'DOM GANG 'OD KYIS KUN TU BSKOR, ,ZHES SOGS KYI 'GREL PA RTOG GE 'BAR BA LAS, DE NI LONGS SPYOD RDZOGS PA DANG SPRUL BA'I MTSAN NYID CAN GYI SKU BRJOD PAR BYA STE, ZHES PA NAS, SANGS RGYAS KYI RNAM PAR THAR PA BCU STE, SANGS RGYAS KYI CHOS MA 'DRES PA SUM BRGYA BO 'DI DAG NI, DE BZHIN GSHEGS PA BCU'I MDO LAS BSTAN TE, ZHES SOGS GSUNGS PA'I PHYIR, GZHAN YANG, DBU MA SNYING PO LAS, DE LAS DNGOS NYID MI GZHAN DANG, ,DES NI THUGS SU CHUD PA'I PHYIR, ,DE BZHIN GSHEGS PA'I SKUR 'DOD DE, ,GZHAN GYI MIN TE MI RTOGS PHYIR; ;ZHES SOGS RTZA 'GREL GYIS SKU'I KHYAD PAR SGRA BSHAD SOGS SHES BYED DANG BCAS NAS 'CHAD PA'I PHYIR, YANG SNGON GYI PAndI TA CHEN PO KHA CIG GIS, 'PHAGS PA SPYAN RAS GZIGS DANG, BYAMS PA SOGS KHYIM PAR BYAS NAS NGES BSNYEN PAR RDZOGS PA YANG KHYIM PAS BSNYEN RDZOGS SU GSUNGS PA 'DI CUNG ZAD DPYAD DGOS PAR LA MCHOG tIKA CHEN LAS GSUNGS PAS DPYAD NA DE DAG KHYIM PA DANG, DE DAG GIS BSNYEN RDZOGS BYAS PA

437b

KHYIM PAS BSNYEN RDZOGS KYI KHUNGS MA YIN PAR THAL, THEG CHEN GYI DPANG DU BYAS NA'ANG MIN, NYAN THOS KYI DBANG DU BYAS NA DE LTAR STON PA'I DKON BRTZEGS KHAS MI LEN PA'I PHYIR, DANG PO GRUB STE, DE DAG KHYIM PA MA YIN PA'I PHYIR, MA GRUB NA, BYAMS 'JAM DBYANGS SPYAN RAS GZIGS GSUM CHOS CAN, KHYIM PA MA YIN PAR THAL, KHYOD TSANGS SPYOD YONGS SU RDZOGS PA'I SO THAR GYI SDOM BAS BRDZAMS PA'I GANG ZAG YIN PA'I PHYIR, DER THAL, KHYOD DA LTA YANG ZHING KHAMS 'GA' RE NA MCHOG GI SBRUL SKU'I MDZAD PA MDZAD BZHIN PA YIN PA'I PHYIR, JI SKAD DU SHING RTA CHEN PO LEGS LDAN GYIS RTOG GE 'BAR BA LAS, 'JIG RTEN DBANG PHYUG LA SOGS PA'I BYANG CHUB SEMS DPA' RNAMS NI KHYIM PA MIN TE, CHAGS PA THAMS CAD YONGS SU SPANGS BA DANG, SO SOR THAR BA'I SDOM PA YANG DAG PAR BLANGS PA DANG, BYANG CHUB SEMS DPA'I SDOM PAS BYANG CHUB GYI SNYING POR GNAS KYI BAR DU BSDAMS PA'I PHYIR RO, ,ZHES GSUNGS PA'I PHYIR, KHYAB STE, NYON MONGS SPANGS BAR BSHAD PAS NYON MONGS BCOM PA'I DGE SLONG DU BSTAN LA TSIG GNYIS PAS SO SOR THAR PA BLANGS PAR BSHAD PA'I PHYIR, ,DE DAG GIS KHYIM PA'I CHA BYAD MDZAD PA SBRUL PA'I SKU DU LA BYA'I CHED YIN PA'I PHYIR, 'O NA SPRUL PA'I KHYIM PA'I CHA BYAD CAN GYI DGE SLONG YOD PAR THAL, SPYAN RAS GZIGS SOGS KHYIM PA MA YIN PA'I PHYIR NA THEG CHEN GYI SKABS 'DIR

438a

, ,SHIN TU 'DOD DE, RAL BA DANG RGYAN CHA LUGS YOD KYANG SNGAR GYI KHYAD PAR TSANG NA, DGE SLONG YIN PA YANG YOD PA'I PHYIR, DPER NA RGYAL PO KA PI NA GDUL PA'I CHED DU STON PA 'KHOR BCAS ZLA BA KHA SHAS LA 'KHOR LOS BSGYUR BA'I CHA BYAD BZUNG YANG DGE SLONG YIN PA MI 'GAL BA BZHIN YIN PA'I PHYIR TE, MDO LAS KYANG, RGYAN GYIS BRGYAN PAR GYUR KYANG CHOS SPYOD DE, ,ZHI DANG DUL DANG YANG DAG SDOM TSANGS SPYOD, ,SEMS CAN KUN LA CHAD PA SPANGS BA NI, DE DE BRAM ZE DGE SBYONG DE DGE SLONG, ZHES DANG, RTOG GE 'BAR BA LAS KYANG, DE DAG KHYIM PA LA SOGS PA'I GZUGS SU GNAS PA NI SPRUL PA STON PA YIN TE, ZHES SOGS GSUNGS PA'I PHYIR, RTZA RTAGS GNYIS PA GRUB STE, DE DAG GIS DKON BRTZEGS LAS DE DAG LA DGE SLONG DAG GIS PHYAG BYAS PAR BSHAD PAS 'DI BKA' MIN ZHES BRTZAD PA'I PHYIR, DES NA NYAN THOS LUGS BYAS NAS LUNG DE 'DREN PA NI GRUB MTHA'I SHAN MA PHYED PA'O, ,'DI LA SHES BYED MANG YANG GZHAN DU BSHAD LA LEGS PAR BSHAD PA'O ZHES DPYOD LDAN DAG GIS SHES PAR BYA'O, ,'DIS NI MDZAD PA BCU GNYIS KYI KHYIM PA DANG RAB BYUNG GI MDZAD PA LA'ANG THUN MONG DANG THUN MONG MIN PA DU MA SHES DGOS SO, ,YANG KHA CIG NA RE, RGYUN MTHA' BA'I RGYUD LA GNYIS SNANG 'KHRUL PA DANG SHES SGRIB KYI 'JIGS PA YOD ZER NA, MI 'THAD PAR

438b

THAL; DE'I TSE SKYON MTHA' DAG DANG BRAL YANG MA SPANGS PA'I KHYAD PAR 'THAD PA'I PHYIR, MNGON RTOGS RGYAN LAS, GANG TSE CHOS DKAR THAMS CAD KYI, ,ZHES SOGS GSUNGS PA'I PHYIR, BYAS PA LA KHO NA RE, DE SHES SGRIB KYI 'JIGS PA DANG BCAS PA'I RGYU MTSAN GYIS SKYABS MTHAR THUG TU MA BZHAG PA MA YIN PAR THAL, DE SHES SGRIB KYI 'JIGS PA DANG MA BCAS PA'I PHYIR, 'DOD MI NUS TE, RGYUD BLA MA LAS, CHOS RNAMS GNYIS DANG 'PHAGS PA'I TSOGS, ,GTAN GYI SKYABS GNAS MA YIN TE, ,MED PHYIR 'JIGS DANG BCAS PA'I PHYIR, ,ZHES GSUNGS PA'I PHYIR NA MA KHYAB STE, SGRIB GNYIS KYI 'JIGS BCAS RTAGS SU BKOD NAS DE LA SKYANGS MTHAR THUG MA YIN PAS KHYAB PAR BSHAD KYI SKYABS MTHAR THUG MA YIN PA RTAGS SU MA BKOD CING BZLOG NAS MA BSHAD PA'I PHYIR, YANG KHA CIG GIS, DGRA BCOM DAG DANG DAG SA GSUM GYI BYANG SEMS LA 'CHI 'PHO MTSAN NYID PA PHRA MO YOD PAR THAL, DE DAG LA BSAM GYIS MI KHYAB PA'I 'CHI 'PHO YOD PA'I PHYIR NA, MA KHYAB, RTAGS GRUB STE, DPAL PHRENG SENG GE'I NGA RO LAS, DGRA BCOM PA DANG RANG SANGS RGYAS DANG BYANG CHUB SEMS DPA' DBANG THOB PA'I YID KYI LUS CAN RNAMS KYI 'CHI 'PHO BA NI BYANG CHUB KYI SNYING PO LA THUG GI BAR DU BSAM GYIS MI KHYAB PAR YONGS SU BSGYUR BA LAGS SO, ,ZHES GSUNGS PA'I PHYIR DANG, 'DI NI 'CHI 'PHO BA'I TSUL BSTAN YIN PA'I PHYIR

439a

, ,RO; ;DES NA MDO 'DIR 'CHI BA GNYIS BSHAD PA YANG SGRAS BRJOD TZAM MO, ,RTZA BAR 'DOD MI NUS TE, SA BRGYAD PA NAS RDO RJE'I SKU THOB PAS SKU DE GZHAN NGOR NGOR TSUL TZAM LAS MI 'DOR BAR GSANG BA BSAM GYIS MI KHYAB PA DANG, BYANG SEMS SDE SNOD LAS RGYAS PAR GSUNGS PA'I PHYIR, YANG KHA CIG NA RE, DGRA BCOM PA TSE DE'I LUS MA DOR BAR SDUG BSNGAL PHUNG PO'I LHAG MA YOD TSE THEG CHEN DU MI 'JUG ZER NA MI 'THAD PAR THAL, SH'A RI'I BUS TSE DE LA SEMS BSKYED NAS LUNG BSTAN PA'I PHYIR, DER THAL, PAD DKAR LAS, MA 'ONGS DUS NA SH'A RI'I BU KHYOD KYANG, ,PADMA CAN ZHES BYA BA'I RGYAL BAR 'GYUR, ,ZHES LUNG BSTAN PA DANG, YANG SH'A RI'I DUS, MGON PO DE RING BDAG CAG NYAN THOS GYUR, ,ZHES SOGS GSUNGS PAR BSHAD PA'I PHYIR, YANG KHA CIG NA RE, LONGS SKU'I GNAS NGES BZUNG MED CING GDUL BYA'I SNANG NGO TZAM ZER NA, 'O NA DE GNAS GTZANG LNGA'I STENG GI DBANG PHYUG CHEN PO'I GNAS ZHES BYA BA'I 'OG MIN DER BZHUGS PA MA YIN PAR THAL, DAM BCA' 'THAD PA'I PHYIR, 'DOD MI NUS TE, GNAS DER GZHAL YAS KHANG DPANGS RGYA NAM MKHA' DANG 'DRA BAR BZHUGS PAR THOGS MED KYI RNAL 'BYOR SPYOD PA DANG 'PHAGS PA YAB SRAS KYIS KYANG BSHAD PA'I PHYIR TE, CHOS DBYINGS BSTOD PA LAS, DBANG PHYUG CHEN PO'I GNAS

439b

MCHOG DANG, ,'OG MIN NYID DE RNAM MDZES PA, ,SHES PA GSUM PO GCIG NYID DU, ,'DRES PAR GYUR LA BDAG SMRA'O, ,ZHES DANG, SKYABS GSUM BDUN CU PA LAS, 'OG MIN GZHAL YAS KHANG DU NI, , YANG DAG MNGON SUM MDZAD PAR 'DOD, ,CES DANG, RTOG GE 'BAR BA LAS, GZHAL YAS KHANG GI BSNGAGS BRJOD PA, ,STENG G-YOGS KAB 'BAR BAS BRGYAN, ,MU TIG PHRENG BA 'PHYANG BA DANG, ,RIN CHEN SNA TSOGS DU MA LAS, SNA TSOGS LAS KYIS BZO SGYAR BAS, ,ZHES PA NAS, MTHO KHYAD NAM MKHA' LA REG PA NI SHIN TU MTHO BA NAM MKHA' DANG MNYAM PA'O, ,ZHES GSUNGS PA'I PHYIR, YANG KHA CIG NA RE, SEMS 'GAG PAS DE SKU YIS MNGON SUM MDZAD, ,CES GSUNGS PAS SANGS RGYAS LA SEMS SEMS BYUNG THAMS CAD 'GAGS ZER BA DANG, LA LA SNANG BA THAMS CAD 'GAGS ZER BA DAG MI 'THAD PAR THAL, STOBS BCU YOD PA'I PHYIR DANG, SEMS 'GAG RGYU DE YANG RNAM RTOG GI RANG BZHIN GYI SEMS SEMS BYUNG MTHA' DAG ZAD BAS DUS NAM YANG MNYAM BZHAG LAS LDANG MI DGOS PAR GDUL BYA'I DON DU MDZAD PA SNA TSOGS PA 'KHOR BA JI SRID PAR DU STON PA DANG THUGS RNAM PAR MI RTOG KYANG 'GRO BA'I PHAN BDE THAMS CAD SKYE BA DANG 'PHEL BA'I RTEN RGYUN MI 'CHAD DU 'JUG PA'I PHYIR TE, DPER NA YID BZHIN GYI NOR BU DBANG GI RGYAL PO BZHIN NO, ,RANG 'GREL LAS, YANG

440a

, ,JI LTAR SEMS DANG SEMS LAS BYUNG BA MED PA'I RANG BZHIN RNAM PAR RTOG PA MED PA NI ZHES PA NAS, DE LA GANG GIS NA RTOG PA MED PAR GYUR DU ZIN KYANG GDUL BYA'I BYA BA JI LTAR 'TSAMS PA LTAR 'JUG PAS SEMS CAN GYI KHAMS MTHA' YAS PA'I DON BYED PAR 'GYUR BA JI LTAR SANGS RGYAS BCOM LDAN 'DAS 'DI DAG DA LTAR DE LTAR RNAM PAR RTOG PA MI MNGA' ZHING YID BZHIN GYI NOR BU DANG DPAG BSAM GYI SHING DANG 'DRA BAR ZHES SOGS DANG, SANGS RGYAS THAMS CAD KYI YON TAN DANG YE SHES KYI YUL LA 'JUG PA LAS KYANG, 'JAM DPAL DE BZHIN DU DE BZHIN GSHEGS PA LA GNAS DE BZHIN GSHEGS PA LA BRTEN NAS SEMS CAN THAMS CAD KYI DGE BA'I RTZA BA THAMS CAD SKYE ZHING 'PHEL TE SHIN TU RGYAS PA NYID DU 'GYUR YANG, DE BZHIN GSHEGS PA NI MI RTOG RNAM PAR MI RTOG STE, 'ON KYANG LHUN GYIS GRUB PAS CIR YANG RNAM PAR MI RTOG PAR DE MDZAD PA DE LTA BU DE 'GYUNG NGO, ,ZHES GSUNGS PA LTA BU SHIN TU MANG BA'I PHYIR RO, ,'DI DAG GI SHES BYED RGYAS PAR KHUNGS SU GANG BKOD DE DAG LA BLTA DGOS SO, ,SMRAS PA, SRID ZHI'I MDZES SDUG NYING KHU THUB DBANG ZHAL, ,MCHOG GI PADMO'I 'DZUM ZER GE SAR GYIS, ,ZAB MO'I DBYANGS SNYAN THOS 'DZIN MA DHU RAR, ,DGA' BZHIN ROL PA DENG MDZOD,

440b

RNAM 'DREN TOG ,RGYAL SRAS 'BYAMS KLAS RDUL GYI GRANGS DBUS NA, ,RGYU SKAR KHROD KYI NYA RGYAS ZLA BA BZHIN, ,DANG SEMS KUNDA'I MIG KHYOD LA LTA NA, ,BDAG 'DZIN SPUBS RGYA GROL CIG MKHYEN PA'I GTER, ,MTSAR SDUG BZHIN LA RGYAL RNAMS NGO MTSAR MDZAD, ,RGYUD STONG DBYANGS KYIS MKHAS KUN YID RAB BZUNG, ,DRAN PAS CHOS KUN RAB GSAL TSANGS SRAS KYE, ,RO 'DZIN SMRA DBANG PAD MTSOR DANG BZHAD MDZOD, ,THUB DBANG RDZU 'PHRUL BYE BAS MNGON BOS PA'I, ,RAB 'BYAMS ZHING GI RGYAL SRAS TIL GANG TSOGS, NGES DON ZAB MO DRUG CU'I DBYANGS SNYAN GYIS, ,TSIM MDZAD SKAL LDAN YONGS KYI BLO MIG PHYE, ,KLU SGRUB LUGS BZANG KUN GSAL STONG PA'I MKHA', ,LTA NGAN SPRIN TSOGS STUG POS MI SNANG BA; ;THAL 'GYUR RNAM DPYOD RLUNG GIS RAB PHYE BAS, ,STONG PA'I MKHA' GSAL THUB BSTAN 'OD RIS BKRA, ,BLO GROS MKHA' DOR MI 'DZUM DAG ZHING GI ,NYI MAS THUB BSTAN KHRAG KHRIG BRGYA GSAL TSE, ,BSTAN BCOS NYIN BYED GZHAN 'GA' ME KHYER BZHIN, ,MI GSAL NOR 'KHRUL RI BONG CAN RNAMS ZUM, ,DAM DAM RDO RJE LTA BU'I DKA' GNAD

441a

, ,KUN; ;HRIG HRIG SEMS KYIS LAN 'BUM MANG DPYAD DE, ,GSAL GSAL DVANGS SHEL NANG GI GZUGS JI BZHIN, ,'GRIGS 'GRIGS LUNG RIGS NYUNG DUS RNAM BKRA RMAD; ;'DIR 'BAD DGE BAS MA RGAN 'GRO BA RNAMS, ,THEG CHEN ZUNG 'BREL NGA LAS NUS 'KHOR LOS, ,LEGS BYAS LAM LNGA'I THEM SKAS RTZER SON PA, ,SKU GSUM LHA DBANG GDAN LA MYUR SPYOD SHOG ,'JAM DPAL KUN BZANG SOGS KYIS BSAM MI KHYAB, ,THUGS BSKYED SMON LTAR SPYOD LA DPA' BA LTAR, ,RANG GZHAN DUS GSUM DGE RNAMS DE LTAR DU, SMON CING SPYOD LA DPA' BAS 'GRO 'DREN SHOG ,DUS GSUM DGE TSOGS RANG GZHAN GANG BSAGS PA, ,RGYAL BA RNAMS KYI SMON PA'I CHU KLUNG GIS, ,RAB 'BYAMS RGYAL BA'I MDZAD SPYOD RGYA MTSO CHER, ,MA LUS SPYOD PAR MCHOG GSUM MTHUS 'GRUB SHOG ,TSUL 'DI SGRUB LA MTHUN RKYEN GROGS MDZAD PA'I, ,SKYE 'GRO KUN KYANG RGYAL BA'I BSTAN PA LA, ,TSE RABS THOS BSAM SGOM PAS LEGS SPYOD PA'I, ,DAL BA'I RTEN LA DON GNYIS 'GRUB PAR SHOG ,SNGON TSE ZAB MO'I BSTAN PA BSRUNG NGO ZHES, ,ZHAL BZHES GSANG BA'I BDAG DANG LHA'I

441b

DBANG PO, ,LEGS LDAN NAG PO SOGS KYIS G-YAR DAM BZHIN, ,DBU MA'I LUGS BZANG PHYOGS BCUR RGYAS PAR MDZOD, ,CES DBU MA 'JUG PA'I MTHA' DPYOD LUNG RIGS GTER MDZOD ZAB DON RAB GSAL SKAL BZANG 'JUG NGOGS 'DI NI MDO SNGAGS RAB 'BYAMS SMRA BA MANG POS YANG YANG BSKUL ZHING, LHAG PAR RGYAL BSTAN 'DZIN PAR LHAG BSAM SHIN TU CHE BA RGYAL MKHAN CHEN BDE THANG SPRUL SKU BLO BZANG TSANGS DBYANGS PHYOGS LAS RNAM RGYAL AER TI NI HO THOG THUS RIN PO CHE'I GA'U DANG MA RIG GNYID SANGS DANG GOS YUG KHYAD 'PHAGS BCAS BSKUL BA DANG, KHYAD PAR DU GZHUNG BRGYA SMRA BA MDO SNGAGS THUB BSTAN DBANG LUNG YONGS RDZOGS KYI DGE BSHES BDE CHEN CHOS RJE GRAGS PA RGYA MTSOS YANG YANG BKAS DNGOS SU BSKUL BA DANG, GANGS CAN MKHAS 'DUS BLO GSAL GLING GI SPO 'BOR RAB 'BYAMS SMRA BA DBANG LUNG KHRID SOGS THOS SOGS 'PHAGS NOR GYIS PHYUG PA NGAG DBANG 'JAM DBYANGS DPAL LDAN GYIS ME SHEL GCIG DANG BCAS BSKUL BA DANG, GZHUNG BRGYA RAB 'BYAMS SMRA BA BLO RIG GSAL BA RIN CHEN RGYA MTSOS NYIN BDE LEGS PA BCAS YANG YANG BSKUL BAS RNA BA TSA ZHING, RANG YANG BRJED PA BYANG BA'I CHED DU MANG DU THOS PA'I SPONG BA PA MTHA' BRAL DBU MA PA 'JAM DBYANGS BZHAD PA'I RDO RJES, BLO BZO DANG

442a

[DD1] *, ,PHYOGS ZHEN MA BYAS PAR, 'PHAGS PA YAB SRAS KYI GZHUNG GANG YOD DANG, DER SHES BYED DRANGS PA'I MDO DAG DANG, RJE YAB SRAS KYI GZHUNG RNAMS LA ZHIB MOR DPYAD NAS, CHO 'PHRUL ZLA BA'I TSES LNGA LA MKHA' SPYOD GUR KHANG BDE LDAN NYI 'OD 'KHYIL BAR SUG BRIS BGYIS BA 'DIS KYANG DBU MA'I LUGS BZANG PHYOGS DUS KUN TU DAR ZHING RGYAS PAR GYUR CIG ,DGE'O, BSAM MKHAN SPRUL RIN PO CHE BSTAN 'DZIN PHYOGS GLANG NAS GZHUNG CHEN BKA' POD LNGA LA GSAN BZHES LEGS GRUB BYUNG BA'I DGA' STON SPYI 'BUL DU DGE 'DUN RNAMS KYI GZIGS DPE GAL CHE BA KUN MKHYEN 'JAM DBYANGS BZHAD PA NGAG DBANG BRTZON 'GRUS KYIS MDZAD PA'I DBU MA CHEN MO TSAR SUM BRGYA BCO LNGA YAB PHUN TSOGS NOR BU DANG, YUM MTSAMS GCOD ZUNG NAS DVANG BA CHEN POS DPAR BSKRUN ZHUS TE PHUL, , 1992 SARBA MANGGA LAm, BKRA SHIS,, [DD2]