The Latter Section of A Necklace for Those with Clear Minds, A String of Beautiful Wish-Fulfilling Jewels, Fulfilling All the Hopes of the Fortunate and Elminating all Error: An Analysis of Difficult Points in the Study of Vowed Morality

, ,'DUL BA'I DKA' GNAS RNAM PAR DPYAD PA 'KHRUL SPONG BLO GSAL MGUL RGYAN TZINDA MA nI'I PHRENG MDZES SKAL BZANG RE BA KUN SKONG LAS GZHI SMAD BZHUGS SO,,

, ,NA MA SSVA RA SVA SDYEE TZA MANYDZU GHO sh'A YA, MTSAN DPE'I RIN CHEN 'PHYUR SPUNGS GSER ZHAL SNYIGS MUN MTHAR MDZAD PA'I, ,LHA YI LHAR GYUR THUB DBANG SRAS BCAS THUB BSTAN GTAD RABS BDUN, ,RGYAN DRUG MCHOG GNYIS RGYAL BA GNYIS PA YAB SRAS BRGYUD BCAS SOGS, ,CHOS GOS GSUM LDAN 'DUL 'DZIN MKHAS RNAMS GSER RI'I PHRENG LTAR BRJID, ,DE LTAR MI MTHUN PHYOGS NGO SHES PA'I SGOS BSLAB PA YONGS SU BSRUNG BA'I TSUL BSHAD NAS, DA NI BSLAB PA YONGS SU SBYONG BA'I SGOS SRUNG BA DANG BDE BAR GNAS PA'I RKYEN SOGS BSTEN PA'I SRUNG BA RNAMS 'CHAD PA LA, GZHI BCU BDUN GYI SPYI'I DON DANG, SO SO'I DON BSHAD PA GNYIS, DANG PO LA DBYE BA DANG, BSDU BA DANG, GRANGS NGES DANG, GO RIM DANG, SGRA BSHAD LNGA LAS, DANG PO NI, GZHI

, ,BCU BDUN YOD DE, LUNG GZHI LAS, RAB BYUNG GSO SBYONG GZHI DANG NI, ,DGAG DBYED BYAR DANG KO LPAGS DANG, SMAN DANG GOS DANG SRA BRKYANG DANG, ,KO SHAMBHI DANG LAS KYI GZHI, ,DMAR SER CAN DANG GANG ZAG DANG, ,SPO DANG GSO SBYONG BZHAG PA DANG, ,GNAS MAL DANG NI RTZOD PA STE, ,DGE 'DUN DBYEN RNAMS BSDUS PA YIN, ,ZHES GSUNGS PA'I PHYIR, GNYIS PA BCU BDUN PO DE BSDUS NA MA THOB PA THOB PAR BYED PA DANG, THOB PA MI NYAMS PAR SRUNG BA DANG, NYAMS NA PHYIR BCOS PA'I THABS GSUM DU 'DU STE, RAB BYUNG GI GZHI DANG POR 'DU, GNYIS PAR BSLAB PA YONGS SBYONG GI GZHI GSUM DANG, BDE BAR GNAS PA'I RKYEN BSTEN PA'I GZHI LNGA STE GZHI BRGYAD 'DU, GSUM PAR PHYIR BCOS KYI GZHI BDUN 'DU, LAS GZHI GSUM KAR

GTOGS PA'I PHYIR, DANG PO SLA, RTZA RTAGS GNYIS PA GRUB STE, YONGS SBYONG GI GZHIS GSO SBYONG DBYAR DGAG DBYE GSUM BSDUS PA GANG ZHIG, BDER GNAS KYI GZHIS SU BRKYANG DANG GOS KO LPAGS TE GOS GZHI GSUM DANG SMAN DANG GNAS MAL GYI GZHI GNYIS TE LNGA BSDUS PA'I PHYIR, DANG PO GRUB STE, RIN CHEN PHRENG BA LAS, BZHI PA GSO SBYONG LA SOGS PA GZHI GSUM GYIS BSTAN ZHES GSUNGS PA'I PHYIR, GNYIS PA GRUB STE, RIN CHEN PHRENG BA LAS, LNGA PA GOS DANG SMAN DANG GNAS MAL TE GZHI LNGAS BSTAN ZHES GSUNGS PA'I PHYIR, GSUM PAR PHYIR BCOS KYI BDUN BSTAN TE, SDOM LAS, KO SHAMBHI DANG RTZOD PA DANG, ,DMAR SER CAN DANG GANG ZAG DANG, ,GSO SBYONG BZHAG DANG DGE 'DUN 'BYED, ,SBO MGU SPYOD DANG PHYIR BCOS BDUN, ZHES PA LTAR YIN PA'I PHYIR TE, RIN CHEN PHRENG BA LAS, GSUM PA PHYIR BCOS PA'I THABS NI LTUNG BRTZOD PA PHYIR BCOS PA STE, PHYIR BCOS KYI GZHI LA SOGS PA BDUN GYIS BSTAN TO, ,ZHES GSUNGS PA'I PHYIR, BZHI BA LAS GZHI GSUM KAR GTOGS TE, GSUM KAR LAS BYED DGOS PA'I PHYIR TE, RIN CHEN PHRENG BA LAS, DE THAMS CAD LA LAS DGOS BAS LAS BYA TSUL LAS KYI GZHIS BSTAN, ZHES GSUNGS PA'I PHYIR, DE DAG GZHAN SLA LA, LAS PHYE BA'I GZHI LA KO SHAMBHI'I GZHI ZHES BRJOD PA'I RGYU MTSAN YOD DE, KO SHAMBHI'I DGE SLONG DANG YANGS PA CAN GYI DGE SLONG GNYIS LAS THA DAD DU DBYE BAS MING DE LTAR BTAGS PA'I PHYIR, PHYIR BCOS KYI GZHI LA DMAR SER CAN GYI GZHI ZHES

, ,BRJOD PA'I RGYU MTSAN YOD DE, DMAR SER CAN GYI DGE SLONG LA NAN TUR GYI SGOS PHYIR BCOS BYED DU BCUG PA'I CHA NAS DE LTAR BRJOD PA'I PHYIR, DUS DANG DUS MIN BSDUS PA 'BYUNG BA'I GZHI LA GANG ZAG GI GZHI ZHES BRJOD PA'I RGYU MTSAN YOD DE, GANG ZAG 'DI LA BRTEN NAS 'DI TZAM BCAS KYI GRANGS SHES DGOS PA'I CHA NAS DE SKAD BRJOD PA'I PHYIR, SA GZHAN NA GNAS PA SPYOD PA'I GZHI LA SPO BA'I GZHI ZHES BRJOD PA'I RGYU MTSAN YOD DE, SPO SPYOD DANG MGU SPYOD SOGS SPYOD PA LA PHYOGS GCIG GI MING BTAGS PA'I PHYIR, YONGS SBYONG GI GZHI LA GSO SBYONG BZHAG PA'I GZHI ZHES BRJOD PA'I RGYU MTSAN YOD DE, LTUNG BA GLENG BA BSGO BA RNA LA GZHON NA DE DANG LHAN DU GSO SBYONG BYED PA BZHAG, DES MDUL NA DGAG DBYE BZHAG PA SOGS KYI SGOS NYES PA SPYOD PAS PHYOGS GCIG GI SGOS MING BTAGS PA'I PHYIR, GSUM PA GRANGS NGES YOD DE, LHAG PA TSUL KHRIMS KYI BSLAB PA THOB SRUNG PHYIR BCOS KYI BSLAB PA'I GZHI LA GZHI BCU BDUN YOD CING DER MA 'DUS PA MED PA'I PHYIR, BZHI PA GO RIM YOD DE, PHAL CHER LUNG GI GO RIM YIN LA, DBYAR DGAG GNYIS LUNG GI GO RIM MIN KYANG RGYU 'BRAS KYI RIM PA DANG, GOS SMAN NI GTZO BO YO BYAD KYI GTZO PHAL GYI SGOS DANG DE BZHIN DU GOS GZHI GSUM SOGS DANG LAS GZHI GTZO BO YIN PAS DBUS DANG, LHAG MA PHYOGS MTHUN DANG BRJOD BYA NYUNG BA SNGON DU BSTAN PA'I PHYIR, LNGA PA SGRA BSHAD YOD DE, RAB TU BYUNG BA DANG GSO SBYONG DANG DBYAR DANG DGAG DBYE LA

SOGS PA RNAMS KYI DON RTOGS PAR BYED PA'I GZHI'AM RTEN DU GYUR PAS NA GZHI ZHES BYA STE, GZHI'I SKAD DOD BSTU ZHES PA GZHI 'AM RTEN DU 'JUG PA'I PHYIR TE, GZHI 'GREL LAS, GZHI ZHES BYA BA NI RTEN TE, RAB TU BYUNG BA LA SOGS PA'I RTEN DU GYUR PA NYE BAR STON PA'I GZHUNG NI GZHI'I SGRAR GSUNGS SO ZHES GSUNGS PA'I PHYIR, GNYIS PA SO SOR BSHAD PA LA, BSLAB PA YONGS SU SBYONG BA'I GZHI DANG, BDE BAR GNAS PA'I RKYEN BSTEN PA'I GZHI DANG, BYA BA'I THABS LAS KYI GZHI DANG, GSO BA PHYIR BCOS KYI GZHI DANG, DE THAMS CAD KYI RTEN GNAS MAL GYI GZHI DANG LNGA LAS, DANG PO LA GSO SBYONG DANG, DBYAR GNAS, DGAG DBYE GSUM LAS, DANG PO 'CHAD BAR, SPYOD YUL DU ZHUGS PAS RNAL 'BYOR SGOM PAR MI BYA; ZHES SOGS BYUNG, GSO SBYONG BSHAD TSUL YOD DE, GLENG GZHI, DBYE BA, BSDU BA, MTSAN NYID, GRANGS NGES, GO RIM, NGES TSIG, JI LTAR BYA TSUL BRGYAD YOD PA'I PHYIR, GLENG GZHI YOD DE, SANGS RGYAS RGYAL PO'I KHAB NA BZHUGS PA'I TSE, DGE BSNYEN 'GA' ZHIG MU STEGS BYED KYI NANG DU SONG STE GTAM SNA TSOGS BYAS PAS MU STEGS BYED KHA CIG NA RE, SHES LDAN BDAG CAG 'BA' ZHIG LA 'DUG PA DANG, BYA BA DANG GSO SBYONG YOD DAM, 'ON TE SH'AKYA'I BU DGE SBYONG DAG LA'ANG YOD, 'GA' ZHIG NA RE, 'U CAG KHO NA LA YOD KYI, DE DAG NI SNYING RJE CHUNG BA DANG 'DU 'DZIL DGA' BAS MED ZER BA, DGE BSNYEN RNAMS KYIS GTAM DE THAMS CAD BCOM LDAN 'DAS LA GSOL TE GSO SBYONG BYED PAR ZHUS PAS, CANG

, ,MI GSUNG BAR GNANG STE, DE RJES DGE SLONG DAG, DENG PHYIN CHAD 'DUG PA DANG BYA BA DANG GSO SBYONG GYIS SHIG, CES GSUNGS PAS, DGE SLONG KUN GYIS JI LTAR BYED MA SHES PAR ZHUS PAS BCOM LDAN 'DAS KYIS 'DUG PA NI RNAL 'BYOR TE LUS 'DI LA RKANG MTHIL YAN CHAD SKRA MAN CHAD LA MI GTZANG BA'I RDZAS SO DRUG GIS GANG BAR RTOGS SHIG, CES GSUNGS PAS ZHIG NAS KYI GSO SBYONG DE BSTAN, LUNG LAS, BYA BA NI ZHES PAS GSOL BA 'BA' ZHIG PA DANG GSOL GNYIS KYI LAS DANG GSOL BZHI'I LAS GNANG NGO, ,GSO SBYONG NI ZLA BA PHYED PHYED SO SO THAR PA'I MDO 'DON PAS SO ZHES PAS MTHUN PA'I GSO SBYONG RNAMS GNANG NGO, ,ZHES GSUNGS SO, ,GNYIS PA NI, DE LA DBYE NA DRUG YOD DE, ZHI GNAS KYI GSO SBYONG, MTHUN PA'I GSO SBYONG, BKRA SHIS KYI GSO SBYONG, GNOD PA PHYIR BZLOG GI GSO SBYONG, GSO SBYONG BCU BZHI PA, GSO SBYONG BCO LNGA PA RNAMS SU YOD PA'I PHYIR, GSUM PA YOD DE, ZHIG NAS KYI GSO SBYONG DANG MTHUN PA'I GSO SBYONG DU LHAG MA BZHI 'DU BA'I PHYIR, BZHI BA MTSAN NYID YOD DE, NYES PA PHYIR 'TSOS KYI DNGOS GZHI DANG DBYAR DGAG GSUM GANG RUNG MA YIN PA'I CHOS 'DI BA'I DGE SBYONG GI BSLAB PA YONGS SU SBYONG BA'I CHA NAS BZHAG PA'I DGE BA DE CHOS 'DI BA'I GSO SBYONG GI MTSAN NYID DU 'THAD, CHOS 'DI BA ZHES PAS GZHAN SDE'I DE GCOD, PHYIR BCOS DBYAR DGAG SOGS YANG GCOD CING, BSLAB PA YONGS SBYONG DANG CHA BZHAG GIS LHAG MA GCOD PA'I

PHYIR; GSO SBYONG LA ZHI GNAS SGOM PA DANG LAS KYI CHO GA LNGA DANG TSIGS BCAD 'DON PA DRUG YOD KYANG MTSAN NYID 'DI LAS MI 'DA' BA'I PHYIR, LNGA PA GRANGS NGES YOD DE, DE LA DGAG SGRUB KYI DGOS PA LA LTOS NAS ZHI GNAS KYI DE DANG MTHUN PA'I GSO SBYONG GNYIS SU GRANGS NGES PA'I PHYIR, DER THAL, SPANG BYA DGAG PA LA LTOS NAS DER GRANGS NGES PA GANG ZHIG, BLANG BYA SGRUB PA LA YANG DER GRANGS NGES PA'I PHYIR, DANG PO GRUB STE, SPANG BYA SNGAR BSAGS SBYONG BA'I DBANG DU BYAS NAS ZHI GNAS KYI DE BZHAG, PHYI MA SDOM PA'I DBANG DU BYAS NAS PHYI MA LNGA BZHAG PA'I PHYIR, GNYIS PA BLANG BYA LA LTOS NAS KYANG DER GRANGS NGES TE, NYAMS SU BLANG BYA BSLAB PA GSUM DU NGES SHING, TSUL KHRIMS KYI BSLAB PA GTZO BOR SGRUB PA'I DBANG DU BYAS NAS MTHUN PA'I GSO SBYONG BZHAG, TING NGE 'DZIN DANG SHES RAB KYI BSLAB PA GTZO BOR SGRUB PA'I DBANG DU BYAS NAS ZHI GNAS KYI GSO SBYONG BZHAG PA'I PHYIR, DRUG PA GO RIM YOD DE, ZHI GNAS KYI GSO SBYONG DE YI GE NYUNG BA DANG GTZO BO YIN PAS DANG POR BSHAD, MTHUN PA'I GSO SBYONG DE LTAR MA YIN PAS RJES SU BSHAD PA YIN PA'I PHYIR TE, MDZOD LAS, 'BRAL BA'I DON DU SGOM GTZO'I PHYIR, ZHES DANG, t'IKKA LAS, GSO SBYONG YIN PA'I PHYIR DANG BRJOD PAR BYA BA NYUNG BA'I PHYIR DANG POR ZHI GNAS KYI GSO SBYONG BSHAD PAR BYA'O, ZHES GSUNGS PA'I PHYIR, BDUN PA NGES TSIG YOD DE, BSLAB PA GSUM GSO ZHING SBYONG BAS GSO SBYONG ZHES BRJOD PA'I PHYIR TE, BAM LNGA LAS, GSO

, ,SBYONG ZHES BYA BA NI BSLAB PA GSUM GSO ZHING SBYONG BAR BYED PA'O, ,ZHES GSUNGS PA'I PHYIR, BSLAB PA GSUM GSO ZHING SBYONG BA YIN TE, MTHUN PA'I GSO SBYONG GIS TSUL KHRIMS KYI BSLAB PA GSO ZHING SPYOD, ZHI GNAS KYI DES SEMS DANG SHES RAB KYI BSLAB PA GSO ZHING SBYONG BAR BYED PA'I PHYIR TE, BAM PO LNGA BCU PA LAS, DE YANG RNAM PA GNYIS TE, MTHUN PA'I GSO SBYONG DANG ZHI GNAS KYI GSO SBYONG NGO, ,DE LA MTHUN BA'I GSO SBYONG NI LHAG PA'I TSUL KHRIMS KYI DBANG DU BYAS TE GNAS DANG TSOGS PA DANG TSOGS MTHUN PAR BYA BA'O, ,ZHI GNAS KYI GSO SBYONG NI LHAG PA'I SEMS DANG LHAG PA'I SHES RAB KYI DBANG DU BYAS TE SPONG BA'I YAN LAG BSGOM PA'O, , ZHES GSUNGS PA'I PHYIR, SGRA BSHAD YANGS PAR BYAS NA DGE BA RNAMS GSO ZHING SDIG PA RNAMS SBYONG BAS GSO SBYONG ZHES BRJOD PA YIN TE, GZHI 'GREL LAS, DGE BA MA LUS BA RNAMS GSO ZHING SDIG PA MA LUS PA RNAMS SBYONG BA STE DGE BA GSO ZHING SDIG PA SBYONG BA'I PHYIR BDE BAR GSHEGS PAS GSO SBYONG ZHES BKA' STZAL TO, ,ZHES GSUNGS PA'I PHYIR, BRGYAD PA JI LTAR BYA BA'I TSUL YOD DE, ZHI GNAS KYI GSO SBYONG JI LTAR BYA TSUL DANG, MTHUN PA'I GSO SBYONG JI LTAR BYA TSUL GNYIS YOD PA'I PHYIR, ZHI GNAS KYI GSO SBYONG GI DGOS PA YOD DE, DNGOS SU BYING RGOD SPONG BA DANG, BRGYUD NAS NYON MONGS MTHA' DAG SPONG PA'I DGOS PA YOD PA'I PHYIR, ZHI GNAS KYI GSO SBYONG BSHAD DU YOD DE, GNAS GANG DU SGOM

PA DANG, RTEN GANG GIS SGOM PA DANG, DNGOS PO GANG SGOM PA DANG, TSUL JI LTAR SGOM PA RNAMS SU YOD PA'I PHYIR, GNAS YOD DE, TING 'DZIN SKYE BA DANG GNAS PA DANG RJES SU MI MTHUN PA'I GNAS SPANGS NAS DE SKYE BA DANG RJES SU MTHUN PA'I GNAS SU BSGOM PAR BYA BA YIN PA'I PHYIR, 'CHAD PAR GLENG GZHI DGE SLONG RNAMS KYIS SPYOD YUL DU ZHUGS TSE YANG BSGOM PAS GLANG PO SOGS KYIS GTZOS PAS, SPYOD YUL DU ZHUGS PAS SOGS DANG, GLENG GZHI LAM SOGS SU BSGOM PAS BYIS PA SOGS KYIS 'TSE BAS SPONG KHANG RTZIG BAR BYA'O SOGS GSUNG, RTEN GYI GANG ZAG CHOS BZHI LDAN ZHIG DGOS TE, TSUL KHRIMS DAG CING MANG DU THOS PA DANG, 'DOD PA CHUNG ZHING CHOG SHES PA DANG, GDAMS NGAG DANG LDAN PA DANG; LUS SEMS DBEN PA BZHI DGOS PA'I PHYIR, DANG PO GRUB STE, MDZOD LAS, TSUL GNAS THOS DANG BSAM LDAN PAS ,SGOM PA LA NI RAB TU SBYOR, ,ZHES DANG, SO THAR LAS, MANG DU THOS PA NAGS KYI NAD DAG TU, ,LANG TSO YOL BA RNAMS KYI GNAS PA BDE, ,ZHES GSUNGS PA'I PHYIR, GNYIS PA GRUB STE, MDZOD LAS, BSRINGS GNYIS LDAN CHOG MI SHES DANG, ,'DOD CHEN CAN LA MA YIN NO, ,ZHES GSUNGS PA'I PHYIR, GSUM PA GRUB STE, GDAMS NGAG MED NA TING 'DZIN MI 'GRUB PA'AM SKYON SKYED PA'I PHYIR TE, LAM CHUNG GI BYUNG BA BZHIN NO, ,RTZA BAR, GDAMS NGAG MED PAR SGOM PAR MI BYA'O, ,ZHES GSUNGS PA'I PHYIR, BZHI BA GRUB STE, LUS SEMS MI DBEN

, ,NA MNYAM PAR 'JOG MI THUB PA'I PHYIR TE, LUNG LAS, MNGON BAR 'DU BAR YANG MI BYA'O, ,ZHES GSUNGS PA'I PHYIR, DNGOS PO GANG SGOM PA YOD DE, MOS BA BSGOM PA DANG, DE KHO NA NYID SGOM PA GNYIS YOD PA'I PHYIR, DANG PO YOD DE, CHAGS PA'I GNYEN POR MI SDUG BSGOM, ZHE SDANG GI GNYEN POR BYAMS PA DANG, GTI MUG GI GNYEN POR PHUNG KHAMS SKYE MCHED KYI RAB DBYE DANG RTEN 'BREL SGOM PA YIN PA'I PHYIR TE; LUNG MA MO LAS, SKYIL MO KRUNG BCAS TE LUS DRANG POR BSRANGS LA DRAN PA MNGON DU BZHAG STE, LUS 'DI LA RIG PAR BYA BA BRGYAD SPANG BAR BYA'O, ,'DI LTA STE, NAD DO, ,SKRAN NO, ,MTSON NO, ,DUG GO, MI RTAG PA'O, SDUG BSNGAL LO, ,STONG PA'O, ,BDAG MED PA'O, ,SNYAM DU BSAM STE 'DUG LA ZHES SOGS GSUNGS PA'I PHYIR, BZHI PA DE SGOM TSUL YOD DE, ZHI GNAS SGOM TSUL DANG, LHAG MTHONG SGOM TSUL GNYIS YOD PA'I PHYIR, ZHI GNAS SGOM TSUL YOD DE, SEMS GNAS DGU DANG YID BYED BZHI DANG NYES PA LNGA SPONG 'DU BYED BRGYAD SGOM PA YIN PA'I PHYIR, KUN BTUS LAS, ZHI GNAS GANG ZHEN ZHES SOGS BYUNG, LHAG MTHONG SGOM TSUL YOD DE, SGO GSUM DANG TSOL BA DRUG DANG YID BYED BZHI'I SGOS SGOM PA YIN PA'I PHYIR TE, KUN BTUS LAS, LHAG MTHONG GANG ZHE NA ZHES SOGS BYUNG, ZHI GNAS DMIGS PA YID LA BYED TSUL YOD DE, GSUNG RAB YAN LAG BCU GNYIS KYI DON GCIG TU BSDUS

TE CHOS SO SNYAM BA LTA BU'I PHUNG KHAMS SKYE MCHED KYI DBYE BA BSDUS NAS GCIG LA RTZE GCIG PAS SGOM PA DE YIN PA'I PHYIR TE, MDO SDE RGYAN LAS, CHOS KYI MING NI SDOM PA 'DI, ,ZHI GNAS LAM DU SHES PAR BYA, ,ZHES GSUNGS PA'I PHYIR; LHAG MTHONG GI DMIGS PA YID LA BYED TSUL YOD DE, GSUNG RAB YAN LAG BCU GNYIS LAS BSHAD PA'I PHUNG KHAMS SKYE MCHED DAM BDAG MED SOGS BSHAD PA LTAR DPYAD NAS SGOM PA DE YIN PA'I PHYIR TE, MDO SDE RGYAN LAS, LHAG MTHONG LAM NI DE DON RNAMS, ,RNAM PAR DPYOD PAR SHES PAR BYA, ZHES GSUNGS PA'I PHYIR, 'DIR BYING RMUGS 'GOG PAR, MDOR, GNYID BRON GDOS BU GDAGS PAR BYA'O, ,ZHES DANG, RGOD PA 'GOG BAR, MDOR, SPONG BA PA'I ZHAL TA BA BSKO BAR BYA'O, ,ZHES GSUNGS, GDOS BU LA GSUM YOD DE, CHU TSOD KYI SNOD LTA BU CHUS BKANG BA RNA BAR DPYAD PA GCIG DANG, BYANG BU'I RNAM PA'I SHING MTHO GANG BA RNA BA'AM MGO LA BZHAG RGYU GCIG DANG, RIL BA CHUNG DU LTA BU'I SNOD CHUS BKANG BA RNA BAR DPYAD PA GSUM YOD PA'I PHYIR, DANG PO GRUB STE, NYID KYI RNAM BSHAD LAS, SHING LA SOGS PA LAS BYAS PA'I GDOS BU CHU TSOD KYI SNOD 'DRA BA CHUNG NGU LA BYAS TE, DE'I LUNG MI GNAS SKUD BA BTAGS TE BSAM GTAN PA RNAMS GNYID BRON GDOS BU DE RANG GI RNA BA LA BTAGS TE DPYAD BAR BYA'O, ,ZHES GSUNGS PA'I PHYIR, tIKA CHEN LAS KYANG NGO, ,GNYIS PA GRUB STE, PHRAN TSEGS 'GREL BA LAS, GDOS BU NI BYANG BU'I RNAM PA

, ,CAN DU SHING GZHOGS PA MTHO GANG GI TSAD DU BYAS PA DE SKUD PAS RNA BA LA DBYANG BA'AM, MGO BO LA BZHAG NA RAB TU G-YO BA'I TSE, DE'I YAN LAG GI PHYOGS NA PHOG PAS GNYID SANGS PA'I THABS YIN NO; ;ZHES GSUNGS SO, ,GSUM PA GRUB STE, PHRAN CHO GAS KYI 'GRAL BA LAS, RIL BA CHUNG NGU CHUS YONGS SU BKANG BA RKEL SKUD PAS BTAGS PA RNA BA LA DPYAD PA NA GANG GIS GNYID LOG PAR GYUR NAS G-YO BAR GYUR PA DE'I TSE; CHU YONGS SU BO BA GDONG LA BAB PA DES GNYID SAD PAR 'GYUR RO, ,ZHES BSHAD PA'I PHYIR, SPONG BA BA'I ZHAL TA BA BSKO TSUL YOD DE, DE'I DGOS PA DANG, YUL GANG BSKO BA DANG, BYED PA PO GANG GIS BSKO BA DANG, TSUL JI LTAR BSKO BA DANG, BSKOS PA'I BSLAB BYA LNGA YOD PA'I PHYIR, DGOS PA YOD DE, SPONG BA PA RNAMS BDE BAR GNAS PA DANG MI G-YENG BA'I CHED YIN PA'I PHYIR, GNYIS PA GANG BSKO BA YOD DE, BSKO YUL CHOS BCU GCIG DANG LDAN PA ZHIG BSKO BAR BYA BA YIN PA'I PHYIR, CHOS BCU GCIG YOD DE, DGE SLONG CHOS DRUG LDAN GYI STENG DU SDOM LAS, ,MTSAMS KYI NANG GNAS 'GRO BA BZHI DANG BRAL, ,SPRO DANG SNGAR BSKOS MIN DANG TSOGS LONG MIN, ,ZHES PA LTAR MTSAMS NANG GNAS PA DANG, 'GRO BA BZHI DANG BRAL BA, SPRO BAR BYAS PA DANG, SNGAR BSKOS MIN PA DANG, TSOGS SUM LONG BA LNGA TSANG DGOS PA'I PHYIR, PHYI MA LNGA'I DANG PO GRUB STE, RTZA BAR, MTSAMS GZHAN NA GNAS PA NI,

ZHES GSUNGS PA'I PHYIR, GNYIS PA GRUB STE, RTZA BAR, 'DUN PA DANG ZHE SDANG DANG GTI MUG DANG 'JIGS PAS 'GRO PA DANG BRAL BA, ZHES GSUNGS PA'I PHYIR, 'DIR 'GRO BA NI BRJOD PA LA BYA STE, 'GRO PA'I SKAD DOD BRJOD PA LA'ANG 'JUG PAS SO,, GSUM PA GRUB STE, BSKO BA'I LAS LA SPRO BA MA DRIS NA CHOS MIN GYI LAS SU 'GYUR BA'I PHYIR TE, RTZA BAR, SPRO BAR BYAS TE BSKO'O, ,ZHES GSUNGS PA'I PHYIR, BZHI BA GRUB STE, RTZA BAR, SNGAR BSKOS PA NI MA BSKOS PA NYID MA YIN NO, ,ZHES GSUNGS PA'I PHYIR, LNGA PA GRUB STE, TSOGS LA TSOGS KYIS LAS MI CHAGS PA'I PHYIR TE, RTZA BAR, TSOGS KYIS MI BYA'O, ,ZHES GSUNGS PA'I PHYIR, GSUM PA BYED PA PO RTEN GANG GIS BSKO BA YOD DE, DGE 'DUN MTSAN NYID BZHI LDAN GYIS BSKO BA'I PHYIR, BZHI BA CHO GA YOD DE, SBYOR BA SPRO BA DRI BA DANG, DNGOS GZHI GSOL GNYIS KYI LAS KYIS BSKO BA DANG, MJUG SDUD BRJOD PA RNAMS YIN PA'I PHYIR, LNGA PA BSLAB BYA YOD DE, MDOR, DE'I BYA BA NI 'DAS MA THAG KHO NAR CHAG CHAG GDAB PA DANG, PHYAG PA DAR BYA BA DANG ZHES SOGS LTAR YIN PA'I PHYIR, GNYIS PA MTHUN PA'I GSO SBYONG 'CHAD PAR, RTZA BAR, GSO SBYONG BYA'O, ,ZLA BA PHYED KYI TSES BCO LNGA LA'O, ,SO SOR THAR PA'I MDO 'DON PAS SO, ,ZHES SOGS BYUNG, 'DI LA DGOS DON, SPYI DON, MTHA' DPYAD PA GSUM, DANG PO NI, MTHUN PA'I GSO SBYONG BYAS PA'I DGOS PA YOD DE, TSUL KHRIMS DAG PA DANG, CHOS RNAM PAR DAG PA DANG, GSO

, ,SBYONG MA BYAS PA'I NYES PA KHEGS PA GSUM YOD PA'I PHYIR, DE BYAS PAS TSUL KHRIMS RNAM PAR DAG BAR 'GYUR TE, DGE SLONG RNAMS GSO SBYONG LA ZHUGS PA'I TSE LTUNG BA BSHAGS PA DANG, BSDAM BA DANG, BYIN GYIS RLOB BA SOGS LA ZHUGS BAS DE RNAM PAR DAG PAR 'GYUR BA'I PHYIR, DE LA BRTEN NAS CHOS RNAM PAR DAG BAR 'GYUR TE, DE'I TSE DGE BA'I BSAM PAS BSLAB PA YONGS RDZOGS KYI NYES PA SBYONG ZHING KHRIMS NYIS BRGYA SOGS DANG BSTAN PA RING DU GNAS 'DOD MNGON DU BYED BAS DGE BA GSO BA DANG, DUS DRAN 'BYUNG 'GYUR BRJOD BAS 'CHI BA MI RTAG BA DRAN NAS CHAGS SDANG ZHI BAR 'GYUR BA SOGS KYI DGOS PA YOD PA'I PHYIR TE; LUNG LAS, TSUL KHRIMS RNAM PAR DAG PA'I PHYIR NI GSO SBYONG BYA LA CHOS RNAM PAR DAG PA'I PHYIR NI DGAG DBYE BYA, ZHES GSUNGS PA'I PHYIR, 'DIR SO SOR SBYAR BA GNYIS KA LA YOD PAR RTOGS BA DANG DE GNYIS KYI LDOG PA CHE CHUNG GI CHED YIN PA'I PHYIR, GNYIS PA LA SANGS RGYAS RAB BDUN GYI GSO SBYONG DANG, MTHUN PA'I GSO SBYONG RGYAS PAR BSHAD PA GNYIS, DANG PO LA BDUN YOD DE, SANGS RGYAS RAB BDUN GYI GSO SBYONG GDUL BYA'I DBANG GIS BDUN YOD PA'I PHYIR, DANG PO SANGS RGYAS RNAM GZIGS KYI DE YOD DE, DE'I TSE NYAN THOS RNAMS NYES BA CHUNG YANG GZHAN GYI SKYON LA RTOG PA'I NYES PA YOD BAS DE SPANGS PA'I PHYIR, BCOM LDAN 'DAS KYIS ZLA BA PHYED PHYED

DU GSO SBYANG MDZAD PA'I TSE, BZOD PA DKA' THUB BZOD BA DAM PA NI, MYA NGAN 'DAS PA MCHOG CES SANGS RGYAS GSUNGS, RAB TU BYUNG BA GZHAN LA GNOD PA DANG, ,GZHAN LA 'TSE BA DGE SBYONG MA YIN NO, ,ZHES PA 'DI 'DON PA'I PHYIR; GNYIS PA SANGS RGYAS GTZUG TOR CAN GYI DUS KYI GSO SBYONG YOD DE, ZLA BA PHYED PHYED DU GSO SBYONG MDZAD PA'I TSE, MIG LDAN 'GRO BA YOD PA YIS, ,NYAMS NGA BA DAG JI BZHIN DU, ,MKHAS PA 'TSO BA'I 'JIG RTEN DU, ,SDIG PA RNAMS NI YONGS SU SPONG, ,SKUR BA MI GDAB GNOD MI BYA, ,SO SOR THAR BA'ANG BSDAM PAR BYA, ,ZAS KYI TSOD KYANG RIG PAR BYA, ,BAS MTHA'I SEMS LA GNAS PAR BYA, ,LHAG PA'I SEMS LA YANG DAG SBYOR, ,'DI NI SANGS RGYAS BSTAN PA YIN, ,ZHES 'DON PA DE DUS GZHAN GYI SKYON RTOG PA CHE BAS DE SPANGS CHED YIN PA'I PHYIR, GSUM PA SANGS RGYAS THAMS CAD SKYOB KYI GSO SBYONG MDZAD TSUL YOD DE, DE'I TSE ZLA BA PHYED PHYED DU GSO SBYONG MDZAD PA NA, ,JI LTAR BUNG BA ME TOG LAS; ;KHA DOG DRI LA MI GNOD PAR, ,KHU BA 'JIB NAS 'PHUR BA LTAR, ,DE BZHIN THUB BA GRONG DU RGYU, ,ZHES 'DON PA DE'I TSE KHYIM PAR 'GROGS PAR DGA' BA SPANGS PA'I CHED YIN PA'I PHYIR, BZHI PA SANGS RGYAS 'KHOR BA 'JIG GI GSO SBYONG NI NYAN THOS DAG GIS GZHAN SKYON RTOG PA DGAG CHED YIN TE, ZLA BA PHYED PHYED DU GSO SBYONG MDZAD PA NA, BDAG GI RIG DANG MI RIG LA, ,BRTAGS PAR BYA STE GZHAN RNAMS KYI, ,MI MTHUN PA DANG GZHAN DAG GIS, ,BYAS DANG MA BYAS RNAMS LA MIN, ,

, ,ZHES 'DON PA'I PHYIR, LNGA BA GSER THUB KYI GSO SBYONG NI NYAN THOS RNAMS NI BSAM GTAN BZHI LA SRED PA SEL BA'I CHED DU YIN TE, DE'I TSE ZLA BA PHYED PHYED DU GSO SBYONG MDZAD PA NA, LHAG PA'I SEMS LA BAG BYA STE, ,THUB PA'I THUB GZHI RNAMS LA BSLAB, ,NYER ZHI DRAG TU DRAN LDAN PA'I, ,SKYOB PA MYA NGAN MED PA YIN, ,ZHES 'DON PA'I PHYIR, DRUG PA 'OD SRUNG GI GSO SBYONG NI NYAN THOS RNAMS SBYIN PAR DGA' DRAG BA DANG DGRA MANG BAS DE SPANGS CHED YIN TE, ZLA BA PHYED PHYED DU GSO SBYONG MDZAD PA NA, SBYIN PAS BSOD NAMS RAB TU 'PHEL, ,LEGS BSDAM DGRA SOGS MI 'GYUR RO, ,DGE DANG LDAN PA'I SDIG PA SPONGS, ,NYON MONGS ZAD PAS MYA NGAN 'DA', ,ZHES 'DOD PA'I PHYIR, BDUN PA SH'AKYA THUB PA'I GSO SBYONG NI NYAN THOS RNAMS MI DGE BCU SPONG BA'I CHED YIN TE, BSTAN BA SKYON MED DU GNAS KYI BAR DU ZLA BA PHYED PHYED DU GSO SBYONG MDZAD PA NA, SDIG PA THAMS CAD MI BYA STE, ,DGE BA PHUN SUM TSOGS PAR SPYAD, ,RANG GI SEMS NI YONGS SU 'DUL, ,'DI NI SANGS RGYAS BSTAN PA YIN, ,LUS KYI SDOM PA LEGS PA STE, ,NGAG GI SDOM PA'ANG LEGS PA YIN, ,YID KYI SDOM PA'ANG LEGS PA STE, ,THAMS CAD DU NI SDOM PA LEGS, ,KUN TU BSDAMS PA'I DGE SLONG NI, ,SDUG BSNGAL KUN LAS RAB TU GROL, ,NGAG RNAMS SRUNG SHING YID KYI RAB BSDAMS TE, ,LUS KYIS MI DGE BDAG MI BYED CING, ,LAS LAM GSUM PO 'DI DAG RAB SBYANGS NA, ,DRANG

SRONG GSUNGS PA'I LAM NI THOB PAR 'GYUR, ZHES PA TZAM 'DON PA YIN PA'I PHYIR RO, ,'DI DAG YANG SANGS RGYAS BDUN DANG DE DAG GI NYAN THOS RNAMS DRAN NAS BAG CHAGS GSO 'PHEL CHED KHO NAR BRIS SO, ,GNYIS PA MTHUN PA'I GSO SBYONG BYA TSUL YOD DE, SBYOR BA, DNGOS GZHI, MJUG SDUD GSUM YOD PA'I PHYIR, DANG PO YOD DE, GSO SBYONG GI GNAS THABS DANG BCAS PA DANG, RANG GZHAN GYI LTUNG BA DAG PAR BYED BA DANG, GTZUG LAG KHANG GI BYA BA RJES SU SGRUB PA DANG, CHOS NYAN BSHAD BYA BA DANG, DGE BSKOS KYIS TSUL SHING BRIM NAS BGRANG STE MA 'DUS NA 'DUN PA DANG YONGS DAG BLANG BA DANG, DGE SLONG GIS ME TOG PHUL NAS SO SOR THAR PA'I MDO 'DON BAR GSOL BA GDAB PA DRUG RNAMS YOD PA'I PHYIR, DANG PO YOD DE, GNAS KYI KHYAD PAR DANG, GNAS DER MCHOD PA DANG BCAS TE STON PA'I SKU BSHAMS PA DANG, DKAR GTOR CHA BZHI BSHAMS PA, DGE 'DUN BSDU BA'I PHYIR GAndI BRDUNG BA RNAMS YOD PA'I PHYIR, DANG PO GNAS KYI KHYAD PAR LA RANG LUGS DANG DOGS GCOD GNYIS, DANG PO LA GSUM YOD DE, BLO MTHUN PAR BYED PA'I GNAS DANG, MTSAMS DANG BCAS PA'I GNAS DANG, MTSAMS MED PA'I GNAS GSUM YOD PA'I PHYIR, DANG PO 'CHAD BAR, RTZA BAR, GSO SBYONG GI GNAS LA BLO MTHUN PAR BYA'O, ,ZHES GSUNGS, GSO SBYONG GI GNAS KHYAD PAR BZHI LDAN LA DGE 'DUN GYIS GSOL GNYIS KYIS BLO MTHUN BYED CING DE'I DGOS BA YOD DE, GNAS GSUM GANG RUNG YIN PA DANG NYE 'KHOR 'DOM GANG DANG

, ,LDAN PA DANG DGE 'DUN GYIS BZHED PA DANG SNGAR BLO MTHUN MA BYAS PA DANG, DER BLO MTHUN BYA DGOS PA GNYIS SOGS YOD PA'I PHYIR, DANG PO GRUB STE, BSKAL BA CHAGS PA'I GNAS RANG GRUB PA DANG, BYA BA'I GNAS DANG, SKYES BUS SGRUB PA'I GNAS GSUM GANG RUNG MA YIN PA LA GNAS KYI BLO MI 'BYUNG BAS BLO MTHUN MI CHAGS PA'I PHYIR TE, RTZA BAR, GRUB PA'AM BYAS PA'AM ZIN PA LA'O ZHES GSUNGS PA'I PHYIR, GNYIS PA GRUB STE, GZHAN DU NA MI BDE PA'I PHYIR TE, RTZA BAR, NYER 'KHOR 'DOM GANG DANG LDAN PA'O, ,ZHES GSUNGS PA'I PHYIR, GSUM PA GRUB STE, GZHAN DU NA KUN SLONG MI TSANG PA'I PHYIR TE, RTZA BAR, DGE 'DUN 'DOD NA'O, ,ZHES GSUNGS PA'I PHYIR, BZHI PA GRUB STE, RTZA BAR, SNGAR GNANG BA MA THOB PA LA'O, ,ZHES GSUNGS PA'I PHYIR, LNGA PA GRUB STE, GLAG COR MI 'BYUNG BA DANG THUGS MTHUN PA DANG MA BYAS PA'I NYES PA KHEGS PA RNAMS YIN PA'I PHYIR TE, GLENG GZHIS SHES SO, ,MTSAMS CHE CHUNG DANG DKYIL 'KHOR BAR BLO MTHUN PA'I GNAS DE GSUM NI 'DUL BA'I LAS THAMS CAD KYI GNAS SU RUNG STE, RTZA BAR, LAS GZHAN GYI GNAS YANG DE YIN NO, ,ZHES DANG, GZHI 'GREL LAS, 'DIR LAS BRGYA RTZA GCIG PO DAG NYI TSE BZUNG BAR MA ZAD DE, 'DUL BA DANG LDAN PA'I LAS THAMS CAD BSDUS PAR RIG PAR BYA'O, ,ZHES GSUNGS PA'I PHYIR, DER BLO MTHUN BYA TSUL YOD DE, DGE 'DUN MTSAN NYID BZHI LDAN GYIS CHOG GSOL GNYIS GYI LAS

KYIS BYED PA'I PHYIR, BLO MTHUN 'JIG RGYU YOD DE, LAS KYIS GZHIG PA 'AM MTSAMS DER DGE SLONG MED PAR SKYA RENGS SHAR BA'AM, RTEN ZHING MIN PA 'AM GNAS ZHING MIN PA GANG RUNG BYUNG BA NA DE 'JIG PA'I PHYIR, GNYIS PA MTSAMS KYI GNAS LA GNYIS YOD DE, LAS KYI MTSAMS DANG, RTZIG PA'I MTSAMS GNYIS YOD PA'I PHYIR, DANG PO 'CHAD PAR, RTZA BAR, MTSAMS BCAD PAR BYA'O SOGS BYUNG, GNYIS PA 'CHAD PAR, RTZA BAR, MTSAMS MA BCAD PA'I GNAS SU NI LAS LA RTZIG BA MTSAMS YIN NO, ,SOGS BYUNG, GSUM PA MTSAMS MA BCAD PA'I GNAS LA YANG LAS KYI MTSAMS GSUM YOD DE, RA BA MED PA'I KHANG BA SOGS KYI WA KHA NAS CHU 'DZAG PA TSUN CHAD DANG, GRONG LA NYE 'KHOR GYI MTHA' TSUN CHAD DANG, DGON PA LA RGYANG GRAGS KYI MTHA' TSUN CHAD DE YIN PA'I PHYIR TE, RTZA BAR, MTSAMS MA BCAD PA'I GNAS SU NI LAS LA RTZIG PA MTSAMS YIN NO, ,WA NAS CHU 'DZAG PA GANG DU BAB PA YANG NGO, , GRONG LA NI NYE 'KHOR GYI MTHA' TSUN CHAD DO, ,DGON PA LA NI PHYOGS PHYOGS SU RGYANG GRAGS KYI MTHA' TSUN CHAD DO, ,ZHES GSUNGS PA'I PHYIR, DE'I MTSAMS MA BCAD CES PA THOG MA'I GSAL BYED DANG, MTSAMS YIN NO ZHES PA PAR GYI GSAL BYED YIN PAS TSIG PHYI MA GSUM LA SBYOR BA'I PHYIR, LAS KYI MTSAMS BCAD PA LA GSUM YOD DE, DBUS NAS PHYOGS SO SOR DPAG TSAD PHYED DANG GSUM RE YOD PA'I MTSAMS PO CHE DANG, DBUS NAS PHYOGS SO SOR DPAG TSAD

, ,GNYIS NAS GDING BA BZHI BCU SHONG BA'I BAR MTSAMS BU CHUNG DANG, DE LA MTSAMS BU CHUNG DANG GDING BA BZHI BCU SHONG BA'I DKYIL 'KHOR BA GNYIS DANG GSUM YOD PA'I PHYIR TE, ZHU BA LAS, MTSAMS BO CHE CHOD CIG CES GSUNGS NA TSAD JI TZAM LAGS, AU BA LI, DPAG TSAD PHYED DANG GSUM MO, ,DE TSUN CHAD NI THAMS CAD CHUNG NGU STE, DKYIL 'KHOR GANG DU GRANGS BZHI BCU BSGO BA SHONG BA'O, ,ZHES GSUNGS PA'I PHYIR, DES NA DKYIL 'KHOR BA LA MTSAMS BU CHUNG GIS KHYAB KYANG DKYIL 'KHOR BA MA YIN PA'I MTSAMS BU CHUNG MANG PO YOD DE, MTSAMS BU CHUNG LA DPAG TSAD GNYIS DANG DPAG TSAD GCIG DANG, DES DPAG TSAD PHYED NAS GRANGS LNGA BCU SHONG BA RNAMS NI DE YIN KYANG DKYIL 'KHOR BA MA YIN PA'I PHYIR TE, ZHU BA LAS, DKYIL 'KHOR BA GANG DU GRANGS BZHI BCU BSGO BA SHONG BA, ZHES GSUNGS PA'I PHYIR, MTSAMS PO CHE NI KHYAD PAR LNGA DANG LDAN TE, TSAD DBUS NAS DPAG TSAD PHYED DANG GSUM KHO NAR NGES PA DANG, PHYOGS BZHIR MTSAN MA BRTAN PO DANG LDAN PA DANG, CHU SOGS MTSAMS GZHAN MIN PA DANG, SNGAR MTSAMS BCAD BA DANG MA 'BREL BA DANG, GZHAN GYIS MTSAMS BCAD PA'I RJES SU MTSAN MA BRTAN PO BTZUGS PA MAN BA RNAMS DGOS PA'I PHYIR, DANG PO GRUB STE, DE LAS LHAG BA MI CHAGS LA DE LAS CHUNG BA MTSAMS CHUNG BA YIN PA'I PHYIR TE, ZHU BA LAS, DPAG TSAD PHYED DANG GSUM YAN CHAD KYANG MTSAMS ZHES BGYI 'AM,

AU PA LI MA YIN NO, ,ZHES DANG, RTZA BAR, YANG DPAG TSAD PHYED DANG GSUM GYI MTHA' TSUN CHAD DU 'OD NGO, ,ZHES GSUNGS PA'I PHYIR, GNYIS PA GRUB STE, GZHAN DU NA RTEN MED PAS MTSAMS MI CHAGS PA'I PHYIR, SH'A TAm LAS, DGE SLONG GNAS PA DANG GNYUG MAR GNAS PA RNAMS KYIS MTSAMS CHEN PO'I MTSAN MA BRTAN PO BTZUGS PA DAG BRJOD PAR BYA'O, ,ZHES GSUNGS PA LTAR RTZA BA DANG LUNG LAS KYANG NGO, ,GSUM PA GRUB STE, RTZA BAR, MTSAMS SU CHU NI MTSAMS GZHAN DANG 'DRA'O, ,ZHES DANG, LUNG GZHI DANG SH'A TA LAS, GRONG DANG GRONG GI NYE 'KHOR MA GTOGS PAR MTSAMS PO CHE BCAD DO, ,ZHES GSUNGS PA'I PHYIR, BZHI PA GRUB STE, RTZA BAR, SNGA MA BAG YANGS SU MA BYAS BAR BCAD PA GZHAN MI CHAGS SO, ,ZHES GSUNGS PA'I PHYIR, LNGA PA GRUB STE, RAB TU BYUNG BA GZHAN LA GNOD PA DANG, ZHES GZHAN LA GNOD PA BKAG PA'I PHYIR, MTSAMS BU CHUNG LA YANG TSAD MA GTOGS PHYOGS KYI MTSAN MA SOGS LHAG MA 'DRA STE, SH'A TAm LAS, DGE 'DUN THAMS CAD 'DUG CING MTHUN PAR GYUR PA LA DGE SLONG GNAS PA DANG GNYUG MAR GNAS PA RNAMS KYIS MTSAMS BU CHUNG GI PHYOGS BZHI'I MTSAN MA BRTAN PO BTZUGS PA DAG BRJOD PAR BYA'O, ,ZHES GSUNGS PA'I PHYIR, MTSAMS PO CHE'I GLENG GZHI DANG DGOS PA BZHI YOD DE, DGE SLONG KA BIN SA DGE SLONG GZHAN GSO SBYONG LA 'DUS KYANG MA 'DUS PA LA BRTEN NAS BCAS, DGOS PA SPYIR LAS LA DGE SLONG THAMS CAD 'DU DGOS PA DANG BYE BRAG

, ,TU DGAG DBYE DANG GSO SBYONG LA THAMS CAD 'DUS PAS KUN DGA' BAR 'GYUR BA DANG, CHOS GOS DANG 'BRAL BA SPANG SLA PA DANG, DBYAR 'BRAL BA'I NYES PA SPANGS PA DANG, GNAS GZHAN DU DBYAR KHAS BLANGS KYANG SRA BRKYANG GI PHAN YON 'THOB PA BZHI YOD PA'I PHYIR, DE BYED TSUL YOD DE, BYED PA PO DGE 'DUN MTSAN NYID BZHI LDAN GYIS CHO GA SBYOR DNGOS MJUG GSUM GYIS SBYOR BA GNYUG MAR GNAS PA'I DGE SLONG GIS GAndI BRDUNGS DGE 'DUN BSDUS NAS MTSAN MA BRJOD PA DANG DNGOS GZHI GSOL GNYIS KYI LAS DANG, MJUG LAS KYI MJUG SDUD BRJOD PA DANG BCAS PA YIN PA'I PHYIR TE, SH'A TAm LAS, DE'I GNAS MAL BZHAMS PA BYAS NAS GAndI BRDUNGS TE, DRIS PA'I TSIG GIS DGE SLONG RNAMS LA YANG DAG PAR BSGO NAS DGE 'DUN THAMS CAD 'DUS SHING MTHUN PAR GYUR PA LA, DGE SLONG GNAS PA DANG GNYUG MAR GNAS PA RNAMS KYIS MTSAMS PO CHE'I PHYOGS BZHI'I MTSAN MA BRTAN PO BTZUGS PA DAG BRJOD PAR BYA'O, ,DE'I 'OG TU DGE SLONG GCIG GIS GSOL PA BYAS TE LAS BYA'O, ,ZHES GSUNGS PA'I PHYIR, MTSAMS CHUD LA YANG DE LTAR RO, ,RGYAS PAR SH'A TAm DANG LUNG GZHIR LTOS, MTSAMS GSUM 'JIG RGYU YOD DE, DER DGE SLONG MED PAR SKYA RENG SHAR BA DANG RTEN ZHING MA YIN PAR GYUR PA DANG, MTSAMS GZHAN BYUNG BA DANG CHOGS GZHIG PA BZHI YOD PA'I PHYIR, MTSAMS BU CHUNG DANG DKYIL 'KHOR BAR BLO MTHUN BYAS PA'I DGOS PA

YOD DE, DGE 'DUN 'DU CHAS PA SPANGS PA DANG DGE SLONG RNAMS KYI DGE BA'I BYA BA GZHAN MI NYAMS PA'I CHED YIN PA'I PHYIR TE, GLENG GZHIR DGE SLONG RNAMS BZHI'I TSOGS KYI LAS BYA BA SOGS LA YANG MTSAMS PO CHE'I DE NA YOD PA THAMS CAD SDUD PAR BYED PAS DGE SLONG RNAMS KYI DGE TSOGS NYAMS PAS DKYIL 'KHOR BA BCAD PAR BYA'O, ,ZHES GSUNGS PA'I PHYIR, RTZA BAR, THAMS CAD KYI CHED DU DKYIL 'KHOR BAR BLO MTHUN PAR BYA'O, ,ZHES GSUNGS PA'I PHYIR, DE'I 'JIG RGYU MTSAMS PO CHE DANG 'DRA STE, MTSAMS PO CHE'I NANG NA DGE SLONG YOD NA DKYIL 'KHOR BAR DGE SLONG MED KYANG MI 'JIG PA'I PHYIR TE, t'IKKA LAS, GNAS RANG DBANG MED PA YIN PAS DE'I PHYIR ZHES BSHAD DE GNAS DE 'JIG PA LA RANG DBANG MED PA YIN PAS DE'I PHYIR ZHES PA'O, ,ZHES GSUNGS PA'I PHYIR, MTHA' DPYAD PA LA, MTSAMS BU CHUNG DANG DKYIL 'KHOR BA GCIG GAM THA DAD CE NA, 'DUL 'DZIN KHA CIG NA RE, THA DAD PA 'GAL BA YIN ZER, 'DUL 'DZIN CHEN PO KHA CIG NA RE, GCIG YIN ZER, DE GNYIS GCIG PA MI 'THAD PAR THAL, DE GNYIS THA DAD DU BSHAD PA CHES MANG BA'I PHYIR TE, SH'A TAm LAS, DKYIL 'KHOR RGYA, BA DANG MTSAMS PO CHE DANG MTSAMS BU CHUNG BCAD CES DANG, t'IKKA BYA, LAS KYANG; MTSAMS CHEN DANG MTSAMS CHUNG NGU DANG DKYIL 'KHOR PA'I MTSAMS ZHES PA DANG, BSDUS PA LAS KYANG, MTSAMS BCAD PAR BYA, YANG DKYIL 'KHOR PA BCAD PAR BYA, ZHES GSUNGS PA'I PHYIR, DE GNYIS 'GAL BA YANG

, ,MI 'THAD PAR THAL, DE GNYIS PHAL CHER DON GCIG PA'I PHYIR TE, DKYIL 'KHOR BA'I SKABS KYI LUNG GZHI LAS, MTSAMS BCAD CING, DKYIL 'KHOR PAR BLO MTHUN PAR BYA'O, ,ZHES DANG, DE'I GZHI 'GREL LAS, MTSAMS BU CHUNG ZHES BYA BA NI DKYIL 'KHOR PA STE DE'I PHYIR, MTSAMS BU CHUNG BCAD CING DKYIL 'KHOR BAR BLO MTHUN PAR BYA'O, ,ZHES GSUNGS SO, ,ZHES GSUNGS PA'I PHYIR, KHA CIG NA RE, THANG STONG LA BLO MTHUN BYA STE, GRUB PA'I BYE BRAG GIS YIN PA'I PHYIR ZHES ZER BA DE'I THANG STONG DU GRUB PA'I GNAS YIN PA MI 'THAD DE, DE LA SKYABS KYI BLO MI 'BYUNG BA'I PHYIR TE, NYID KYI RNAM BSHAD LAS, GRUB PA ZHES BYA, BYA BA NI 'CHAGS PA'I BSKAL BA'I TSE RANG GRUB PA'AM, DE'I 'OG TU BRDIB CHAD PA LA SOGS PAS RANG GRUB PA STE, DPER NA RI'I BYA SKYIBS LA SOGS PA LTA BU STE, ZHES GSUNGS PA'I PHYIR, t'IKKA DANG GZHI 'GREL LAS KYANG NGO, ,YANG KHO NA RE, DUS KUN TU LAS LA RTZIG PA MTSAMS YIN PAS RTZIG PA'I PHYI ROL NYE 'KHOR 'DOM GANG SRUNG MI DGOS ZER, 'O NA MTSAMS PO CHE BCAD PA'I TSE YANG RTZIG PA MTSAMS YIN PAR THAL, DUS KUN TU LAS LA RTZIG PA MTSAMS SU YIN STAB, PA'I PHYIR, 'DOD MI NUS TE, MTSAMS GSUM BCAD TSE DE'I NANG GI RTZIG MTSAMS GROL BA STE MTSAMS MI THUB PA'I PHYIR TE, ZHU BA LAS, MTSAMS GROL BAR 'GYUR BA MCHIS SAM, AU PA LI YOD DE, LAS KYIS MTSAMS BCAD NA RTZIG PA'I

MTSAMS GROL BA ZHES BYA'O, ,ZHES GSUNGS PA'I PHYIR, 'DI LA 'KHRUL NAS LAS KYI MTSAMS DANG 'BRAL SPANGS MTSAMS GCIG PAR 'DOD PA MI 'THAD DO, ,YANG 'DUL 'DZIN CHEN PO KHA CIG GSUNGS LAS, MTSAMS PO CHE BCAD NA THANG DANG 'DRA BAS DER CHOS GOS DANG MI 'BRAL BA'I GNANG BA NGES PAR SBYIN DGOS ZER, LA LAS DKYIL 'KHOR BAR CHOS GOS DANG MI 'BRAL BA'I GNANG BA MI 'BYUNG ZER, DE GNYIS MI 'THAD PAR RGYA, THAL, MTSAMS GSUM BCAD BA DER CHOS GOS DANG MI 'BRAL BA'I GNANG BA DE NGES PAR SGRUB DGOS KYI BSLAB BYA MA YIN PA'I PHYIR, DER THAL, DE CI GAR GNANG BA'I BSLAB PA YIN PA'I PHYIR TE, SH'A TAm LAS, DKYIL 'KHOR BA'I BLO MTHUN PAR BYAS PA'I NANG DU CHOS GOS DANG MI 'BRAL BA'I GNANG BA NI GCIG TU MA NGES TE GAL TE 'DOD NA SBYIN PAR BYA'O, ,ZHES GSUNGS PA'I PHYIR, KHYAB STE, MA NGES DANG 'DOD NA ZHES PA'I DON GRUB PA'I PHYIR, 'O NA, MTSAMS PO CHER MI 'BRAL BA'I GNANG BA BYIN PAS MTSAMS PO CHE'I NANG KHOD NA YOD PA'I DKYIL 'KHOR BAR CHOS GOS BZHAG STE MTSAMS PO CHER DGE SLONG NYAL NA CHOS GOS DANG 'BRAL LAM MI 'BRAL ZHE NA, DER 'BRAL BA YIN TE, DKYIL 'KHOR BAR BCAD PA'I LAS LA LTOS PA'I MTSAMS GZHAN GCIG YIN PA'I PHYIR TE, MTSAMS PO CHE DANG DKYIL 'KHOR BA GNYIS NI LAS KYI MTSAMS THA DAD YIN PA'I PHYIR, KHYAB STE, MTSAMS PO CHE GNANG YANG DKYIL 'KHOR BAR GNANG PA'I GO MI CHOD PA'I PHYIR, MA KHYAB MTSAMS LAM GRUB NA, DKYIL

, ,'KHOR BA'I DGOS PAR 'GAL LO, ,LCAGS RI GCIG GIS BSKOR BA LTA BU RANG BZHIN GYIS MTSAMS GCIG PA'I MTSAMS KHONG GI DKYIL 'KHOR BAR CHOS GOS BZHAG STE RANG BZHIN GYIS MTSAMS GCIG PA DAR NYAL NA 'BRAL BA MI 'BYUNG STE, DKYIL 'KHOR BAR BCAD PAS LAS LA LTOS PA'I MTSAMS THA DAD DU GYUR KYANG 'BRAL PA LA LTOS PA'I MTSAMS THA DAD DU 'GYUR BA MED PA'I PHYIR, 'DI'I DON RGYAS PAR 'BRAL SPANGS SKABS SU BSHAD DO, ,GAndI BRDUNG TSUL LNGA YOD DE, BRDUNG BA'I GNAS KHANG STENG SOGS GNAS MTHON PO NAS RDUNG LA DE YANG DGE 'DUN THAMS CAD CHOS LA 'DU PA'I CHED DU RGYUD GSUM DANG TOG SGRA CHEN PO GSUM BRDUNG BA DANG; LAS LA 'DU BA'I DON DU RGYUD GCIG DANG TOG GSUM DANG, SHI PA'I RO DBYUNG BA'I CHED DU RGYUD GCIG DANG MJUG TU TOG MED PA'I BYI PO BRDUNGS PA DANG, SER BA SOGS GNOD PA BZLOG PA'I GAndI JI TZAM CHOG GI BAR RIM PAS BRDUNG BA DANG, DGE 'DUN ZAS LA 'DU BA'I GAndI CHE CHUNG GNYIS KA BRDUNG BA DANG LNGA YOD PA'I PHYIR TE, BRDUNG TSUL SO SOR BYAS PA CI'I CHED YIN PA SHES PA'I PHYIR, GLENG 'BUM LAS, GAndI RGYA CHER MI BRDUNG GI GAndI NI LNGA STE, DGE 'DUN NAS; CHO GA'I BAR RO, ,ZHES GSUNGS PA'I PHYIR, DANG PO GRUB STE, RTZA BAR, BSDU PA'I PHYIR GAndI BRDUNG NGO, ,DE'I GNAS NI KHANG STENG NGO, ,ZHES GSUNGS PA'I PHYIR, GNYIS PA GRUB STE, RTZA BAR, DGE 'DUN BSDU PA'I

PHYIR NA RGYUD GSUM DANG DE SNYED KYI TOG DAG GO ,ZHES SO, ,GSUM PA GRUB STE, LUNG KHA CIG LAS RGYUD GSUM DANG TOG GNYIS YANG BSHAD PA'I PHYIR TE, RTZA BAR, LAS BYA BA'I DON DU NI RGYUD GCIG DANG TOG GSUM ME, ,KHA CIG LAS NI RGYUD GSUM DAD TOG GNYIS SO ZHES BYA'O, ,ZHES GSUNGS PA'I PHYIR, BZHI PA GRUB STE, LUNG KHA CIG LAS RGYUD GCIG DANG TOG GCIG YANG BSHAD PA'I PHYIR TE, RTZA BAR, SHI BA LA PHRAG BAS DBYUD PA'I DON DU GYI BA'O, ,KHA CIG LAS NI RGYUD GCIG DANG TOG GCIG GO ZHE'O, ,ZHES GSUNGS PA'I PHYIR, LNGA PA GRUB STE, RTZA BAR, GNOD PA BYUNG BA NA NI JI TZAM GYIS CHOG PA'O, ,ZHES GSUNGS PA'I PHYIR, DRUG PA GRUB STE, THOG MAR GAndI CHUNG NGU BRDUNG LA KHANG SKYONG SOGS KYIS GTZUG LAG KHANG DANG DGE 'DUN GYI LHUNG BZED BKRU SOGS BYAS, DE NAS GAndI CHEN PO BRDUNG BA GNYIS PAR 'GYANG BCAD PAS BYED PA'I PHYIR TE, RTZA BAR, ZAN GYI PHYIR 'DU PA'I DON DU NI GAndI DANG GAnd'I CHUNG NGU GNYIS KA BRDUNG DO PAR DU GCAD DE'O, BSKYANG BAS SO, ,ZHES GSUNGS PA'I PHYIR, GAndI'I KHYAD PAR YOD DE, GAndI MDO LAS BSHAD PA DANG TSAD LDAN GZHAN GYIS BSHAD PA GNYIS YOD PA'I PHYIR, DANG PO YOD DE, GAndI'I RGYU DANG, TSAD DANG, DBYIBS DANG, KHA DOG DANG, BYE BRAG GAM DBYE BA DANG RAB GNAS JI LTA BU DANG, ,BSAM PA JI LTAR BYAS NAS RDUNG BA DANG, GANG ZAG GANG GIS RDUNG PO DANG, DUS GANG GI TSE RDUNG BA DANG, TSAD DANG MI LDAN PA'I NYES DMIGS DANG, LDAN PA'I PHAN YON, 'JOG PA'I

, ,GNAS DANG BCU GNYIS YOD PA'I PHYIR TE, GAndI'I MDO LAS, BCOM LDAN 'DAS 'DI'I TSAD NI JI TZAM LAGS, MDOG NI JI 'DRA BA LAGS, BYE BRAG NI DU ZHIG LAGS, BRDUNG PA NI JI LTA BU LAGS GANG GIS BRDUNG BAR BGYI, GANG GI TSE GANG GI DUS NA JI SRID DU BRDUNG BAR BGYI STE, JI LTAR BZHAG PAR BGYI, ZHES GSUNGS PA'I PHYIR, DANG PO RGYU BCU DRUG YOD DE, TZAN DAN DKAR PO DANG BA LA SHA NAS, 'OL SE'AM SING LDING GI BAR BCU DRUG GANG RUNG LA BYED DGOS, DE GANG RUNG MED NA MI RUNG BA'I PHYIR TE, GAndI'I MDO LAS, TZAN DAN BIL BA PA LA SHA, ,AA SHVATA THA DANG TZAN DAN DMAR, ,RGYA STAR TA LA KENG SHU KA ,SHING SHA BA DANG TA MA LA, , AA SMRA STAR BU SKYU RU RA, ,TI NA TI SAR AA SHVA KA ,'DI DAG THAMS CAD MED NA YANG, ,'OL SEL NI 'BAD DE BYA, ,RGYAL PO 'BAD PAS THAMS CAD DU, ,'DI DAG MED NA MI BYA'O, ,ZHES GSUNGS PA'I PHYIR, GNYIS PA TSAD YOD DE; CHUNG TSAD DKYUS SAM SRID LA SOR BRGYAD CU RTZA BZHI DANG ZHENG DU SOR DRUG DBANGS SOR GNYIS DANG, CHE TSAD DKYUS LA SOR BRGYA DANG BRGYAD DANG DE'I BAR 'BRING TSAD BU DANG 'DUL 'DZIN RIN PO CHES BSHAD PA LTAR RUNG BA'I PHYIR TE; GAndI'I MDO LAS, TSAD NI CHUNG NGU SOR TSAD KYIS, ,BRGYAD CU RTZA BZHI NYID BYA ZHING, ,ZHENG DU SOR NI DRUG BYA STE, ,DBANGS SU YANG NI GNYIS BYA'O, ,ZHES GSUNGS PA'I PHYIR, MDO DANG RIN CHEN PHRENG BAR DRANGS PA

LTAR RO, ,'DIR KHA CIG, MDO 'DIR DBYE BA MI GSAL ZHES DANG, LUNG YANG CHUNG NGU ZHES PA MCHU RU ZHES PA 'DON PA RNAMS MI 'THAD PAR THAL, MDO 'DIR GAndI'I DBYE BA DANG CHE CHUNG BSHAD PA'I PHYIR, DER THAL, GSAL RGYAL GYIS BCOM LDAN LUNG RIGS, 'DAS LA RTZOD PA'I DUS SU DUG LNGA SOGS DANG NAD RIMS 'KHRUGS SOGS MI SHIS PA THAMS CAD ZHI BA, SEMS CAN THAMS CAD LA PHAN PA DANG BDE BA SKYED PA DANG SANGS RGYAS CHOS DGE 'DUN SOGS BSRUNG BA'I THABS GSOL BA BTAB PAS BCOM LDAN 'DAS KUN TU SGRA SGROGS PA'I TING NGES 'DZIN LA SNYOMS PAR ZHUGS NAS GAndI DE LTA BU'I THABS SU BYIN GYIS RLABS TE GSUNG BA NA RGYAL POS TSAD KHA DOG DBYE BA SOGS ZHUS PA YIN PA'I PHYIR TE, MDO DE LAS, BCOM LDAN 'DAS MA 'ONGS PA'I DUS KYI TSE, ZHES PA NAS, DE NAS BCOM LDAN 'DAS KUN TU SGRA SGROGS PA ZHES BYA PA'I TING NGE 'DZIN LA SNYOMS PAR ZHUGS SO, ,ZHES PA NAS, GSAL RGYAL SEMS DAD PA SKYES NAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS 'DI'I TSAD NI JI TZAM LAGS, MDOG NI JI 'DRA BA LAGS, BYE BRAG NI DU ZHIG MCHIS, ZHES GSUNGS PA'I PHYIR, KHYAB STE, BYE BRAG TU YOD DRIS SHING, DNGOS SUM DO DE LAS, TSAD NI CHUNG NGU SOR DAG GI, ZHES GSUNGS PA'I PHYIR, YANG KHA CIG, ZUR BZHI ZER BA'ANG MI 'THAD PAR THAL, ZUR BRGYAD DGOS PA'I PHYIR TE, ZHENG SOR DRUG DANG DBANGS SONG GNYIS, ZUR BZHI LA SOR

, ,GNYIS GNYIS DGOS PAR SHIN TU GSAL PA'I PHYIR, YANG KHA CIG, ZUR BRGYAD NGOS BRGYAD MNYAM PAR 'DOD PA YANG MI 'THAD PAR THAL, DPANGS DANG ZUR BZHI SOR GNYIS PAR MNYAM YANG ZHENG LA SOR DRUG ZUR DU BSHAD PA'I PHYIR, BYAS PA LA KHO NA RE, NGOS BRGYAD SOR GNYIS PAR LUNG RIGS, MNYAM PAR THAL, MDO DE LAS, LEGS MNYAM NYID DANG SHIN TU GSAL, ZHES GSUNGS PA'I PHYIR NA MA KHYAB STE, 'DI NI TSAD MNYAM PA'I DON MIN GYI NGOS SO SOR SGANG GSHONG DANG MTHO DMAN MNYAM ZHING RTZI SOGS KYI 'OD GSAL BA DGOS PA'I DON YIN PA'I PHYIR RO, ,GSUM PA DBYIBS YOD DE, BRGYAD GZHOGS LEB LEB PA GLO G-YAS G-YON GYI ZUR DPANGS DANG ZUR BZHI'I RTZIBS DRUG LA SOR GNYIS RE STENG 'OG GI RTZIBS KYI LEB ZHENG SOR DRUG PA DANG RTZE GNYIS KYI GLO NAS DBUS SU ZHUM PA STENG 'OG NAS KYANG SOR GNYIS RE RTZIBS LTAR ZHUM PA RUS SBAL GYI MGO LTA BU DGOS PA'I PHYIR TE; MDO DE LAS, ZHENG DU SOR DRUG BYA BA STE, DPANGS SU YANG NI GNYIS BYA'O, ,SOR MO'I TSIGS KYI TSAD DAG GIS, ,ZUR BZHIR TSAD NI GNYIS PA YIN, ,LEGS MNYAM NYID DANG SHIN TU GSAL, ,RTZE GNYIS SBAL PA'I MGO BZHIN NO, ,ZHES GSUNGS PA'I PHYIR, 'DI CHUNG NGU'I DBYIBS TSAD YIN LA MTHA' SKOR SOR NYER BZHI PA LEGS SO, ,RDUNG BYED SHING DE NYID LAS SGRUB PA YU BA SOR BCU GNYIS MI THE PA'I SHING SOR BCU GNYIS PA ZLUM PO 'JAM

PA RTZE NE'U LE'I MGO LTA BU YIN TE, MDO DE LAS, DE NAS RDUNG BAR BYED PA YANG, ,SHING DE NYID LA 'BAD DE BYA, ,SOR BCU GNYIS KYI TSAD DAG LA, ,SOGS GSUNGS PA'I PHYIR, BZHI PA KHA DOG YANG DMAR PO GTZO CHE YANG SER PO SOGS KYANG RUNG STE, 'DI'I SHING PHAL CHER DMAR PO YIN LA, KHYAD PAR DU SENG LDENG GTZO BOR BSHAD PAS DMAR PO YIN PA'I PHYIR DANG, MDO 'DI LAS KYANG, MDOG NI JI 'DRA BA LAGS, ZHES DANG, MKHAS GRUB CHEN PO DHAR BAN GYIS, DMAR BA'I TSON GYIS 'BAR ZHINGS BZANG SKYES, ,BRDUNG NA DBYANGS BZANG PO NI GAndI'O, ,ZHES GSUNGS PA'I PHYIR, 'DIS GAndI BZHI KA KHA DOG GCIG PAR BSHAD DO, ,LNGA PA DBYE NA LNGA DANG BZHI'AM GSUM MAM GNYIS SUM BCU DRUG YANG YOD DE, BRDUNG TSUL SGOS LNGA DANG, TSAD KYI SGOS BZHI'AM GSUM CHE CHUNG GNYIS DANG, RGYU'I SGOS BCU DRUG KYANG MDO 'DIR BSHAD PA'I PHYIR DANG, RTZA BAR, ZAN GYI PHYIR 'DU PA'I DON DU NI GAndI DANG GAndI CHUNG NGU GNYIS KA BRDUNG NGO, ,ZHES GSUNGS PA'I PHYIR, SPONG BA PA'I GAndI CHUNG NGU'I TSAD SOR BCU GNYIS SAM NYI SHU RTZA BZHIR YANG RUNG STE, DE'I TSAD NI GZHI GSUM CHO GA 'GA' ZHIG LTAR YANG RUNG BAR MNGON PA'I PHYIR TE, BYA BA BSDUS PA LAS, DE NYID BCU DRUG RNAM PA YIS, ,DE TSAD ZLUM PO GZHAN NI DBUS, ,BDEN PA BCU GNYIS KHYAD PAR LAS, ,ZLUM PO'I BDAG NYID GAndI'O, ,ZHES GSUNGS PA'I PHYIR, 'DI GAndI BTAGS PA BAR BYAS NA MDO 'DI DANG MTHUN NO, ,KHA CIG, SPONG BA PA'I GAndI MKHAR SIL

, ,DU 'DOD PA MI 'THAD PAR THAL, MKHAR SIL DE'I DOD BYED PAR GZHI 'GREL LAS BSHAD PA'I PHYIR, DRUG PA RAB GNAS YOD DE, SKYE 'GAG GNAS GSUM BDAG MED PA'I SHER PHYIN DU MOS PA DE YIN PA'I PHYIR TE, MDO DE LAS, DE YI RAB GNAS BYA BA NI, ,SHIN TU BRTAN PA CHOS KYI SKU, ,SKYE BA MED CING 'JIG PA MED, ,GDOD NAS MA SKYES PA DGE PA, ,DE LTAR RAB GNAS BYAS NAS NI, ,ZHES GSUNGS PA'I PHYIR, BDUN PA YOD DE; GAndI SHER PHYIN DU MOS LA CHOS 'KHOR BSKOR BAR SKUL BA DANG SGRA SEMS CAN THAMS CAD LA CHOS STON PA'I SGRAR MOS PA YIN PA'I PHYIR TE, DE YANG SHER PHYIN DANG DKON MCHOG GSUM DU MOS NAS PHYAG 'TSAL TE, SHANG TSA GSUM SNGON DU BYAS NAS GCIG NAS BCO BRGYAD PAR DU JE CHE DANG, BCO BRGYAD NAS GCIG GI BAR JE CHUNG BTANG STE SO DRUG RDUNG BA RGYUD GCIG SOGS NYA GANG BA LTAR RDUNG PA'I PHYIR TE, DE NYID LAS, DE 'OG GTZUG LAG KHANG KUN TU, ,KLU BDUN GYIS NI BRGYAN PA LTAR, ,BSKYED PA'I RIM GYIS BRDUNG BAR BYA, ,DE'I 'OG DKON MCHOG GSUM LA NI, ,PHYAG 'TSAL NAS NI BRDUNG BYA STE, ,SHANG TSA LAN GSUM BYAS NAS NI, ,CHOS KYI RNGA RNAMS RDUNG BAR BYA, ,ZHES GSUNGS PA'I PHYIR; BRGYAD PA YOD DE, RAB BYUNG SDE LNGA DANG DGE BSNYEN GYIS KYANG SKABS 'GA' ZHIG TU BRDUNG RUNG PA'I PHYIR TE, DE NYID LAS, DGE SLONG RNAMS DANG DGE TSUL GYIS, ,DUS RNAMS RTAG TU BRDUNG BYA ZHING, ,GSO SBYONG LA NI GNAS

PA'I TSE, ,DGE BSNYEN GYIS KYANG BRDUNG BAR BYA, ,ZHES GSUNGS PA'I PHYIR, DGU PA DUS GANG GI TSE BRDUNG BA YOD DE, SPYIR ZLA BA SO SO LA NYI MA 'CHAR NUB KYI BRDUNG BA'I DUS TSOD GAndI'I DUS KYI MDOR BSHAD PA LTA BU DANG, KHYAD PAR DGOS PA NAM BYUNG DUS BRDUNG BA SOGS YOD PA'I PHYIR TE, DE NYID LAS, ZAN ZA NYI MA 'CHAR NUB TSE, ,DUS GSUM LA NI LAN GSUM STE, ,SKU KHRUS TSE NA LAN GNYIS BSNGAGS, ,GLO BUR GNOD PA CHAR MI 'BABS, ,DE BZHIN 'THAB DANG RTZOD PA DANG, ,GLOG DANG GNOD PA CHEN PO DANG, ,GNAS BRTAN RNAMS NI SPYAN 'DREN DANG, ,NAD DANG MU GE ZHI BA'I PHYIR, ,MA 'CHOL RIM GYIS BRDUNG BAR BYA, ,ZHES GSUNGS PA'I PHYIR, BCU PA YOD DE, TSAD DANG MI LDAN PA DANG RGYU SHING NGAN PAR BYAS PA DANG BRDUNG YANG SGRA MI 'BYUNG BA DANG BAG MED PAR BRDUNG NA MI SHIS PA MANG PO 'BYUNG PA'I PHYIR TE, DE NYID LAS, TSAD MIN SHING NGAN LAS BYAS DANG, BRDUNG DANG SGRA NI MI 'BYUNG PA'I, ,SANGS RGYAS YUM 'DI BRDUNG NA NI, ,YUL 'KHOR 'TSE BA NGES PAR 'BYUNG, ,GTZUG LAG KHANG DU DGE SLONG RNAMS, ,DE BZHIN BLO NI MI MTHUN DANG, ,NYE BAR 'TSE BA 'BYUNG 'GYUR ZHING, ,RNAM PA DU MAR RTZOD PAR 'GYUR, ,MU STEGS CAN GYI DBANG 'GYUR ZHING; ;BDUD KYANG 'BYUNG BAR 'GYUR PA YIN, ,GDUG PA'I KLU NI DU MA YIS, ,'BRU RNAMS KYANG NI NYAMS PAR BYED, ,NAS, DGE 'DUN SHIN TU MA BSDAM BYED, ,DE LTAR YANG DAG SHES NAS KYANG, ,LEGS PAR YONGS SU

, ,BRTAGS TE BYA, ,ZHES GSUNGS PA'I PHYIR, DE LTAR GAL SHIN TU CHE YANG SANGS RGYAS LA MO MA RNO SHOS SU MI RTZI BA'I BLUN PO DAG GIS, TSAD DANG DBYIBS SHING SOGS DANG RDUNG TSUL RDUNG DUS THAMS CAD MI RUNG BA KHO NAR BYED GI YOD DO, ,BCU GCIG PA YOD DE, RGYU TSAD DBYIBS RDUNG TSUL SOGS LEGS NA CHOS DANG 'JIG RTEN GYI DGE LEGS THAMS CAD 'BYUNG BAR SANGS RGYAS KYIS BYIN GYIS RLABS PA DA LTA YANG SER BA ZLOG BA SOGS MNGON SUM DU YIN PA'I PHYIR TE, DE NYID LAS, MTSAN NYID THAMS CAD RDZOGS PA DANG, ,KLU BDUN GYIS NI BRGYAN PAR BYA, ,RGYAL PO GANG TSE YUL 'KHOR DU, ,GAndI 'DI NI GRAGS GYUR PA, ,DER NI DPAL DANG GRAGS PA DANG, ,'DOD PA DANG NI LO LEGS 'GYUR, ,PHA ROL DBUNG GIS 'JIGS MED CING, ,'BRU RNAMS KYANG NI NYAMS MI 'GYUR, NAS, DES NI DGE 'DUN 'DUL BAR LDAN, ,MKHAS PA RNAMS KYANG 'PHEL BAR 'GYUR, ,'DOD CHAGS ZHE SDANG GTI MUG RNAMS, ,DER NI NUB PAR 'GYUR BA YIN, ,RGYAL PO TSE RING CHOS LDAN ZHING, ,ZHES SOGS LTAR YIN PA'I PHYIR, BCU GNYIS PA YOD DE, GTZUG LAG KHANG GI SGONG KHANG NGAM, ,GTZUG LAG KHANG DBUS MA'I NANG DU KHRI'I STENG DU BSNYEN BKUR DANG BCAS TE 'JOG PA'I PHYIR TE, DE NYID LAS GANG PHYIR DE BRDUNG BZHAG BYA YI, ,'OG TU YANG NI KHRI BYA STE, ,GTZUG LAG KHANG GI SGO KHANG NGAM, YANG NA DBUS MA'I STENG DU BZHAG ,CES GSUNGS

PA'I PHYIR, GNYIS PA TSAD LDAN GZHAN GYIS BSHAD TSUL YOD DE, DBYE BA SO SO'I MTSAN NYID DAG PA DANG BCAS PA DANG, KHA DOG DANG BRDUNG TSUL DAG PA DANG BCAS BA DANG, PHAN YON DRUG LAS, DANG PO DBYE NA BZHI YOD DE, SANGS RGYAS BYANG SEMS KYI SKU'I TSAD BZHIN DU GAndI YANG CHE BA 'BRING CHUNG BA BZHI YOD PA'I PHYIR TE, BYA BA BSDUS PA LAS, GAndI RNAM PA BZHI NI SKU'I MTSAN NYID KYI RAB TU DBYE BAS SHES BAR BYA'O, ,ZHES GSUNGS PA'I PHYIR, GAndI CHEN PO'I CHE BA'I TSAD DBYIBS YOD DE, SRID DU SOR BRGYA NYI SHU ZHENG TSAD MTHA' SKOR SOR NYER BZHI DANG, DBYIBS LEGS BA CHA BCU DRUG PA, LNGA CHA GCIG DBUS KYI 'CHANG BZUNG BYAS BA YIN PA'I PHYIR, DANG PO GRUB STE, BYA BA BSDUS PA LAS, THAMS CAD DU BLA NA MED PA'I DAG BAS NYI SHU LHAG PA'I CHA BRGYA NI SRID DE, ZHES GSUNGS PA'I PHYIR, GNYIS PA GRUB STE, DE NYID LAS, 'JIG TSOGS LA LTA BA'I RI'I RTZA MO NYI SHU RNAM PAR BSNYIL BA'I DON DU'O, ,RGYAR NI BZHI LHAG PA'I CHA NYI SHUR YANG DAG PAR LTA'O, ,ZHES GSUNGS PA'I PHYIR, GSUM PA GRUB STE, DE NYID LAS, BDEN PA'I RNAM PA BCU DRUG GIS DE NI CHA BCU DRUG PAR BSHAD DO, ,ZHES GSUNGS PA'I PHYIR, BZHI PA GRUB STE, DE NYID LAS, DBUS KYI CHA LNGA'I CHA GCIG NI DMA' BA ZLUM PO'I CHA STE, ZHES SOGS GSUNGS PA'I PHYIR, DES DAG PA YANG SHES SO, ,GNYIS PA CHEN PO'I CHUD DU'I TSANG DBYIBS YOD DE, ,SRID DU SBYOR LAM BRGYA DANG BCU LTAR SOR BRGYA DANG BCU DANG ZHENG TSAD MTHA'

, ,SKOR DU SEMS SKYED LTAR SOR NYER GNYIS, ZUR BCU GNYIS BRTEN 'BREL BCU GNYIS RNAM PAR DAG PA, LNGA CHA 'CHANG BZUNG DANG BCAS PA YIN PA'I PHYIR TE, DE NYID LAS, RING BAR SOR BRGYAD DANG BCU NI RAB TU SBYOR BA'I LAM GYI RNAM PA SHES PA'I RNAM PAR DAG PA'O, ,DE'I RGYAR NI NYI SHU RTZA GNYIS TE SEMS SKYED PA NYI SHU RTZA GNYIS RNAM PAR DAG PA'O, ,ZUR BCU GNYIS DANG LDAN PA, ZHES GSUNGS PA'I PHYIR, GSUM PA 'BRING TSAD YOD DE, SRID DU SGOM LAM GO BRGYAD LTAR SOR DGU BCU RTZA BRGYAD DANG, RGYAR STONG NYID NYI SHU DANG MTHUN PA'I MTHA' SKOR DU SOR NYI SHU DANG RNAM THAR BRGYAD DAG PAS ZUR BRGYAD PA DE YIN PA'I PHYIR TE, DE NYID LAS, NYON MONGS PA DGU BCU RTZA BRGYAD RAB TU NYAMS BAS LAM SGOM PA'I RNAM PAS DE'I TSAD NI DE NYID DU RING BA'O, ,STONG PA NYID KYI RNAM PA NYI SHU 'KHOR YUG TU'O, ,RNAM PAR THAR PA BRGYAD RNAM PAR DAG PAS ZUR BRGYAD KYIS BRGYAN PA'I GAndI 'O, ,ZHES GSUNGS PA'I PHYIR, CHUNG BA'I TSAD DBYIBS SNGAR BSHAD PA LTAR YIN TE, DE NYID LAS, SOR MO BZHI DANG MNYAM LDAN BA'I, ,SOR MO BRGYAD CU SRID DU BSTAN, ,SRID NI CHOS KYI PHUNG PO'O, ,MA 'DRES CHOS KYI RNAM PA YI, ,YONGS SU SKOR BA BCO BRGYAD DE, ,ZHES GSUNGS PA'I PHYIR, LHAG MA SNGAR DANG 'DRA BAS MA SPROS SO, ,SMRAS PA, RGYAL BA SKYO RGU'I MUN SEL NYI MA'I 'OD, ,KUN LA SNANG BYED THUGS RJE SPANGS RTOGS KYI, ,SKYED TSAL 'DAB BRGYA MA LUS CIG CAR DU, ,

BZHAD PA'I LEGS GSUNGS 'DI YIS GLO BA DOM, ,DKAR PO'I BAG CHAGS MDOG BRAL RIGS TSAD KYI, ,GZAN GSOL SNYING LA NGES LEGS SPRANG RTZI'I TSAL, ,MI DMAN SNGON GYI LAS SHUGS BZHIN SONG YANG, ,THEG GSUM LHA MI'I YID 'DZIN DGA' TSAL RMAD, ,GANG SMRAS DUS KYIS GO BA CHES DGA' YANG, ,RANG SEMS GOMS SLAD THUB GSUNG DGONGS 'GREL BCAS, ,CUNG ZAD SBYAR BA SNA TSOGS BZO BO YIS, ,RNAM PAR RGYAL BA'I PHO BRANG LA 'GRON SHOG, CES PA'ANG BAR SKABS KYI TSIGS SU BCAD PA'O,, ,,GSUM PA RANG GZHAN GYI LTUNG BA DAG BAR BYA TSUL YOD DE, DGE SLONG RNAM DAG GSO SBYONG LA 'JUG PA'I TSE BSHAGS 'OS BSHAGS, BSDAM 'OS BSDAM, DE'I NYIN BSHAGS BA MI GRUB PA'I LTUNG BA BYIN GYIS RLABS PAS DAG PAR BYED PA DE YIN PA'I PHYIR TE, SH'A TAm LAS, 'DI LA DGE SLONG THAMS CAD KYIS GSO SBYONG GI GNAS SU 'DU BA'I MDUN ROL KHO NAR GSO SBYONG SNGA MA 'DAS PA'I MTHA' TSUN CHAD KYI ZLA BA PHYED KYI LTUNG BA LA SO SOR BRTAG BAR BYA STE LTUNG BA SHES PA BSHAGS BA'AM, BSDAM PA'AM, BYIN GYIS RLABS PAS PHYIR BCOS TE LAS KYI GNAS SU 'DUG BAR BYA'O, ,ZHES GSUNGS PA'I PHYIR, BYIN GYIS RLABS 'OS YOD DE, LHAG MA DANG SPANG LTUNG RNAMS YIN LA LTUNG BYED 'BA' ZHIG PA YANG THAMS CAD LA THUN MONG YIN NA BYIN GYIS RLABS 'OS YIN KYANG GZHAN MA YIN TE, SH'A TAm LAS, DGE 'DUN LHAG MA DANG NYES PA SPOM PO DANG SPANG BA'I LTUNG BYED KYI LTUNG BA GANG YANG RUNG BA ZHIG SHES NA BYIN GYIS BRLAB PAR BYA'O, ,

, ,ZHES GSUNGS PA'I PHYIR, 'BA' ZHIG PA SOGS BSHAGS PA'I TSUL YOD DE, LHAM PHUD RGAN NA PHYAG DANG GZHON NU 'DUD DE, BLA GOS PHRAG PA GCIG TU BYAS TE TZOG TZOG PUR THAL MO SBYAR NAS, SNGAGS TSE DANG LDAN PA'AM BTZUN PA DGONGS SU GSOL, BDAG DGE SLONG MING 'DI ZHES BGYI BA LA LTUNG BA CHE GE MO 'DI DANG 'DI BYUNG STE, BDAG DGE SLONG MING 'DI ZHES BGYI BA'I LTUNG BA DE DAG PA'I MTHA' TSUN CHAD NAS BZUNG STE TSE DANG LDAN PA'I MDUN DU MTHOL LO, ,'CHAGS SO, ,MI 'CHAB PO, ,MTHOL ZHING BSHAGS NA BDAG BDE BA LA REG PAR GNAS PAR 'GYUR GYI MA MTHOL MA BSHAGS NA NI MI 'GYUR RO, ,LAN GSUM DANG MTHONG SDOM DRI BA GSUM, THABS LEGS BYA BA YIN PA'I PHYIR, BYIN GYIS RLABS PA'I TSUL SPYOD LAM DANG YUL SNGA MA LTAR LA, SNGAGS NI, TSE DANG LDAN PA DGONGS SU GSOL, BDAG DGE SLONG MING 'DI ZHES BGYI BA LA LTUNG BA 'DI LTA BU BYUNG STE, BDAG DGE SLONG MING 'DI ZHES BGYI BAS DENG LTUNG BA DE TSE DANG LDAN PA'I MDUN DU BYIN GYIS RLABS TE, GSO SBYONG BGYI'O, ,SANG NANG BAR LTUNG BA DE CHOS BZHIN DU SLAR BGYI'O GSUM DANG, MTHONG SDOM GSUM, THABS LEGS BYA BA YIN PA'I PHYIR, YANG BYIN GYIS RLABS TSUL GNYIS YANG YOD DE, GANG ZAG GI LTUNG BA GANG ZAG GI MDUN DU SNGAGS SNGAR LTAR DANG, DGE 'DUN GYI LTUNG PA THUN MONG BA DGE 'DUN GYI DBUS SU GSOL PA 'BA' ZHIG PAS BYIN GYIS RLABS BA DE YIN PA'I PHYIR, PHYIN GYIS

RLABS PAS DAG PAR GSUNG BA LAS LA MI SGRIB PAS DE LTAR GSUNGS PA YIN GYI RTZA BA NAS DAG PA MA YIN TE, SLAD KYIS DGE SLONG GI MDUN DU BSHAGS PAR SMRAS PA'I PHYIR RO, ,BZHI BA GTZUG LAG KHANG GI DE YOD DE, PHYAG DAR SOGS LA PHAN YON LNGA BSHAD PA LTAR YIN TE, RTZA BAR, CHAG CHAG DANG PHYAG BDAR DANG BA LCIS BYUG PAR BYA BA DANG SENG GE'I KHRI BSHAMS PA DANG SOGS BYUNG, LNGA PA CHOS BSHAD NYAN BYED TSUL YOD DE, SPYIR CHOS 'CHAD PA PO SDE SNOD 'DZIN PA BSU TSUL DANG, NYE 'KHOR TU BSNYEN BKUR TSUL DANG, CHOS NYAN PA PO SDOD TSUL DANG, BYE BRAG YAR NGO MAR NGO'I DUS DRUG LA MTSAN MO BSHAD PA'I RGYU MTSAN SOGS YOD PA'I PHYIR, DANG PO 'CHAD BAR, RTZA BAR, MDO SDE 'DZIN PA 'OD BA GDUGS DANG RGYAL MTSAN DANG BA DAN LA SOGS PA DAG GIS BSU BAR BYA'O, ,'DUL BA DANG MA MO YANG NGO ZHES SOGS GSUNGS PA'I PHYIR, GNYIS PA GRUB STE, RTZA BAR, NGAG GI BSHES PA'I TSIG GIS BSUS NAS LHUNG BZED DANG CHOS GOS DAG BLANG BAR BYA'O KHRUS BYA'O SOGS DANG, KHRI SOGS YOD MED LA RGAN PA MANG NA RANG GDAN LA BSDAD NAS CHOS BSHAD TSUL STON PAR, RTZA BAR, GAL TE MANG BA NYID YIN NA SOGS BYUNG, GSUM PA GRUB STE, GRU BZHI 'AM ZLA GAM DU TSOGS PA SOGS YIN PA'I PHYIR TE, RTZA BAR, KHYAMS SU CHOS NYAN PA'I GRAL ZLA GAM GYI RNAM PA LTA BU 'AM, RDZING BU'I RNAM PA LTA BUR BSHAMS PAR BYA'O, ,ZHES GSUNGS PA'I PHYIR, BZHI PA GRUB STE, DE'I TSE LHA DAG 'ONG BAS

, ,CHOS BSHAD NA DGA' LA MI DGE BA SPYAD NA KHROS NAS MI SHIS BAS MTSAN THOG THAG CHOS BSHAD PA'AM MA NUS NA CHOS BSGRAGS KYI MDO 'DON PAS LEGS PAR 'GRUB PA'I PHYIR TE, RTZA BAR, TSES BRGYAD DANG BCU BZHI DANG BCO LNGA'I NUB MO CHOS NYAN PAR BYA'O, ,ZHES DANG, RIN CHEN PHRENG BA LAS, TSES BRGYAD DANG NYER GSUM LA NGOS BZHI'I MGON PO DANG LHA BRAN GYI G-YOG DANG BCU BZHI DANG NYER DGU LA LHA BRAN GYI BU DANG BCO LNGA GNYIS LA NGOS BZHI'I MGON PO DANG LHA BRAN DNGOS CHOS NYAN DU 'ONG BAR GDAGS PAR BSHAD PAS SGRUB PA'I BSLAB PA'O ZHES GSUNGS PA LEGS BSHAD YIN PA'I PHYIR, LNGA PA 'DUN PA DANG YONGS DAG LEN PA'I DGOS PA DANG KHYAD PAR YOD DE, DGE LEGS BSHES GNYEN GYIS, 'DUN PA DANG YONGS SU DAG PA GNYIS LA BYE BRAG JI YOD CE NA, 'DUN PA 'BUL BA NI LAS LA MTHUN PA GRUB PA'I PHYIR RE, ,YONGS SU DAG PA 'BUL BA NI, BDAG NYID KYIS GSO SBYONG NYAMS SU MYONG BAR BYA BA'I PHYIR RO, ,DE'I PHYIR DGE SLONG DES BDAG NYID YONGS SU DAG PAR BYA BA'I PHYIR YONGS SU DAG PA 'BUL BAR BYAS SHING, DGE 'DUN GYI LAS MTHUN PAR BYA BA'I PHYIR, DE'I 'DUN PA YANG BLANG BAR BYA'O, ,DE LTA BAS NA GSO SBYONG DANG DGAG DBYE GNYIS LA NI DGE 'DUN GYIS 'DUN PA DANG YONGS SU DAG PA GNYIS KA BLANG BAR BYA LA MTSAMS BCAD PA MA GTOGS PA'I LAS GZHAN LA NI 'DUN PA 'BA' ZHIG BLANG BAR BYA'O, ,ZHES GSUNGS PA'I PHYIR, LEN TSUL YOD DE, 'DUN PA DANG

YONGS DAG LEN PA PO LA GANG ZAG DANG DGE 'DUN GNYIS YOD CING, 'BUL BA LA'ANG DE GNYIS YOD LA, SPYOD LAM GANG ZAG SOGS KYIS BSHAGS PA'I SKABS LTAR BYAS NAS SNGAGS 'DUN PA DANG YONGS DAG SO SO'I SNGAGS DANG, DE GNYIS CIG CAR 'BUL BA'I SNGAGS GANG RUNG LAN GSUM BRJOD NAS 'BUL BA DE YIN PA'I PHYIR, CIG CAR RUNG TSUL YANG LUNG GZHI'I GSO SBYONG SKABS KYI LUNG LAS, GSO SBYONG GI GNAS SU 'DU MI NUS PA YOD NA DE DAG NYID YONGS SU DAG PAR BYA BA'I PHYIR DANG, DGE 'DUN DANG MTHUN PA'I PHYIR DE DAG GI YONGS SU DAG PA DANG 'DUN PA CIG CAR BLANG DU YANG RUNG NGO, ,ZHES GSUNGS PA'I PHYIR DANG, MANG PO RUNG TSUL SH'A TAm LAS, DGE SLONG YONGS SU DAG PA LEN PA GCIG YONGS SU DAG PA 'BUL BA GCIG DANG GNYIS DANG RAB TU MANG PO RNAMS KYI YANG RUNG STE, ZHES GSUNGS PA'I PHYIR, SO SO'I SNGAGS SLA, CIG CAR 'BUL BA'I SNGAGS YOD DE, TSE DANG LDAN PA DGONGS SU GSOL, DENG DGE 'DUN GYI GSO SBYONG BCO LNGA PA LAGS LA, BDAG BRO 'TSAL PA SDUG BSNGAL BA BRO 'TSAL BA CHE GE ZHES BGYI BA'I GSO SBYONG YANG BCO LNGA PA LAGS TE, BDAG DGE SLONG BRO 'TSAL BA SDUG BSNGAL BA BRO 'TSAL BA MING 'DI ZHES BGYI BA BAR CHAD KYI CHOS RNAMS YONGS SU DAG GO ZHES BDAG MCHI'O, ,DGE 'DUN CHOS BZHIN MDZAD PA LA 'DUN PA 'BUL LO, ,BDAG GSO SBYONG YANG YONGS SU DAG PA DANG 'DUN PA DANG YONGS SU DAG PA YANG BRJOD DO, ,BRJOD PA YANG RIG PAR BGYID DO GSUM BRJOD PA DE YIN PA'I PHYIR, DE DAG 'CHAD PAR, 'DUN PA 'BUL BA

, ,LAS DE DANG MTHUN PA 'GRUB PO, ,ZHES DANG, YONGS SU DAG PA 'BUL BA DANG YANG GCIG BA NYID DO, ,GSO SBYONG DANG DGAG DBYE LA'O, ,ZHES SOGS GSUNGS, DRUG PA MDO 'DON PAR GSOL PA SOGS SLA, GNYIS PA DNGOS GZHI LA, BYA BA'I DUS DANG, BYA BA'I CHO GA GNYIS, DANG PO 'CHAD PAR, ZLA BA PHYED PHYED KYI TSES BCO LNGA LA'O, ,ZHES GSUNGS, 'DIR DUS 'BREL GYI GSO SBYONG NYER BZHI NGES CAN YOD DE; LO LA ZLA BA SHOL MED DUS ZLA BA BCU GNYIS YOD CING, ZLA BA RE RE'I YAR NGO DANG MAR NGO LA GSO SBYONG RE RE YOD PA'I PHYIR TE, RTZA BAR, ZLA BA PHYED PHYED KYI TSES BCO LNGA LA'O, ,ZHES DANG, DGE SLONG GI LO DRI BAR, GSO SBYOR DU YOD, ,NYI SHU RTZA BZHI STE, DGUN ZLA 'BRING PO DANG, DPYID ZLA RA BA DANG THA CHUNG, DBYAR ZLA 'BRING BO DANG, STON ZLA RA BA DANG THA CHUNG RNAMS KYI MAR GYI NGO'I GSO SBYONG NI BCU BZHI BA'O, ,LHAG MA NI BCO LNGA BA'O, ,ZHES GSUNGS PA'I PHYIR; DUS 'BREL GYI GSO SBYONG BCU BZHI BA DANG BCO LNGA BA 'BYUNG DUS YOD DE, DGUN STOD DANG DGUN SMAD DANG DPYID STOD SMAD DANG DBYAR STOD DBYAR SMAD DRUG LA ZLA BA GNYIS GNYIS YOD PAS ZLA BA PHYED DANG GNYIS 'DAS, PHYED LUS PA'I MAR NGO DRUG LA BCU BZHI BA RE RE STE DRUG DANG LHAG MA BCO BRGYAD BCO LNGA BA YIN PA'I PHYIR TE, MDZOD 'GREL LAS, DGUN DANG DBYID DANG DBYAR RNAMS KYI, ,ZLA BA PHYED DANG GNYIS 'DAS SHING, ,ZLA BA PHYED NI LUS PA NA, ,MKHAS PAS ZHAG MI THUB PA DOR, ,

ZHES DANG, SH'A TAm LAS, DE LA GSO SBYONG BCU BZHI BA DANG BCO LNGA BA NI, DUS TSIGS DRUG PO DAG GI ZLA BA BCU GNYIS LA GSO SBYONG NYI SHU RTZA BZHI YOD PAS DRUG NI GSO SBYONG BCU BZHI BA YIN LA BCO BRGYAD NI GSO SBYONG BCO LNGA PA YIN TE, ZHES GSUNGS PA'I PHYIR, GSO SBYONG BCU BZHI BA ZLA BA GANG LA BYED PA YOD DE, RGYAL, DBO, SA GA CHU STOD, KHRUMS, SMIN DRUG RNAMS KYI MAR NGO LA BCU BZHI LA 'BYUNG STE, LO DRI BAR, RGYAL DANG DBO DANG SA GA DANG, CHU STOD KHRUMS SMAD SMIN DRUG BCAS, ,'DI RNAMS KYI NI NAG PO'I PHYOGS, ,ZLA PHYED GSO SBYONG BCU BZHI BA, ZHES GSUNGS PA'I PHYIR, DUS TSIGS LHAG MA MTHA' DPYOD DU 'CHAD DO, ,MTHUN PA'I GSO SBYONG LHAG MA GSUM GYI DUS NGES PA MED DE, DUS NAM BABS SU BYED BA'I PHYIR TE, SH'A TAm LAS, BKRA SHIS KYI GSO SBYONG DANG GNOD BA MI 'BYUNG BA'I GSO SBYONG DANG BZLUM PA'I GSO SBYONG DAG NI GANG GI TSE BYA DGOS PA DE'I TSE BYA BAR ZAD KYI DUS NGES PA NI MED DO, ,ZHES GSUNGS PA'I PHYIR, GNYIS PA CHO GA LA, TSAD LDAN BYED TSUL DANG, CHOS MIN GYI CHO GA SPANGS PA GNYIS, DANG PO LA, RAB BYUNG BSNYEN PAR MA RDZOGS PA'I DBANG DU BYAS PA DANG, BSNYEN PAR RDZOGS PA'I DBANG DU BYAS PA GNYIS, DANG PO NI, SBYOR BA BSNYEN PAR RDZOGS PA DANG LHAN CIG CHOS BSGRAGS SOGS NYAN NAS DNGOS GZHIS DGE SLONG GI MDUN DU GSO SBYONG GI SNGAGS LAN GSUM BRJOD PA YIN NO, ,GNYIS PA CHO GA NI SO SOR THAR BA'I MDO 'DON PA'I SKOS GSO SBYONG BYED PA YIN PAS DE LA 'DON

, ,BA PO GANG ZAG DANG, TSUL JI LTAR 'DON PA GNYIS LAS, DANG PO YOD DE, SO THAR MDO TSIG PHYED KYANG MA 'KHRUL BAR 'DON NUS PA'I GNAS BRTAN GYIS 'DON LA, DES MA LCOGS NA RGAN PA GNYIS BAS 'DON, DES MA LCOGS NA GSUM PAS 'DON, DES MA NUS NA 'DON NUS PA'I DGE SLONG RNAMS RES MOS KYI TSUL GYIS 'DON DGOS TE, RTZA BAR, LEGS PAR THON PAS GDON TO, ,TSIG PHYED KYANG MA 'KHRUL BA NYID NA'O, , DGE 'DUN GYI GNAS BRTAN GYI'O, ,MI NUS PA NYID YIN NA GNYIS PA'I 'O, ,DES KYANG NA GSUM PA'I 'O, ,DES KYANG NA RES KYIS SO, ,ZHES GSUNGS PA'I PHYIR, GNYIS PA 'DON TSUL YOD DE, GNAS BRTAN GYIS SENG GE'I KHRI LA BSDAD DE SO SOR THAR PA'I MDO'I STO DAR DANG DUS DANG POR BYA BA DAG DANG POR BTON NAS, DE'I 'OG GSOL PA'I LAS DANG, LTUNG BA LA BSHAGS BSDAMS BYED PA SNGON DU BTANG NAS SO SOR THAR PA'I MDO 'DON PA LNGA PO GANG RUNG BYED PA YIN PA'I PHYIR TE; LUNG GZHI LAS, GSOL PA BYAS TE SO SOR THAR PA'I MDO 'DON PAS GSO SBYONG BYA'O, ,ZHES DANG, SH'A TAm LAS, 'DON PAR BYED PA SO SOR THAR PA'I MDO 'DON PA'I GSOL PA NI 'DI LTAR BYA STE, MDO GDON PA SENG GE'I KHRI LA 'DUG NAS SO SOR THAR PA'I MDO'I STO DAR DANG DUS DANG POR BYA BDAG JE BTON NAS DE'I 'OG TU GSOL BA 'BA' ZHIG GI LAS BYA'O, ,ZHES GSUNGS PA'I PHYIR, MDO 'DON PA LNGA YOD DE, GZHI 'GREL LAS, SO SOR THAR PA'I

MDO GDON PA RNAM PA LNGA STON TE, GLENG GZHI GDON PA DANG, PHAM PAR GYUR PA GDON PA DANG, DGE 'DUN LHAG MA GDON PA DANG, MA NGES BA GDON PA DANG, RIL GYIS GDON PA'O, ,ZHES GSUNGS PA'I PHYIR, GNYIS PA CHOS MIN PAS GDON BA SPANGS DGOS TE, CHOS MIN BAS GDON NA GSO SBYONG MI CHAGS PA'I PHYIR, CHOS MIN BA DU MA YOD DE, 'DON BYA MIN PA DANG, TSAD MIN PA DANG, DUS MIN PA DANG, 'DON PAR BYED PA DE KHO NA BZHIN MIN BA RNAMS YOD PA'I PHYIR, DANG PO 'DON BYA MIN BA YOD DE, SO SOR THAR BA'I MDO LAS GZHAN PA'I PHRAN TSEGS LA SOGS PA 'DON PA DE YIN PA'I PHYIR, GNYIS PA TSAD MIN PA YOD DE, GLENG GZHI MI 'DON PA DANG LHAG MA THOS BA BSGRAGS PA TZAM YANG MI BYED PA GANG BRTZAMS PA'I SDE TSAN RDZOGS PAR MA BTON BA SOGS YIN PA'I PHYIR TE, SH'A TAm LAS, MGO BRTZAMS PA'I SDE TSAN RDZOGS PAR BYA DGOS PA DE DAG MA RDZOGS NA MI 'CHAGS SO, ,ZHES GSUNGS PA'I PHYIR, GSUM PA DUS MIN PA YOD DE, GSO SBYONG GI DUS LAS GZHAN PA'I DUS SU 'DON PA DE YIN PA'I PHYIR, BZHI BA 'DON PAR BYED PA MIN PA YOD DE, BSNYEN RDZOGS DANG LTA BA DANG MTSAN DANG, TSUL KHRIMS BZHI MTHUN PA LAS GZHAN BAS 'DON PA DE YIN PHYIR TE, DE RNAMS JI SKAD DU LUNG DANG SH'A TAm LAS, CHOS MIN BAS 'DON NA MI CHAGS TE 'DON PAR BYA BA DANG DE'I TSAD DANG DUS DANG 'DON PAR BYED PA RNAMS DE KHO NA BZHIN NYE BAR MA BZUNG BA NI CHOS MA YIN PA'O, ,ZHES GSUNGS PA'I

, ,PHYIR; GSUM PA MJUG GI KHYAD PAR YOD DE, SO SOR THAR PA BTON PA YIS, ,ZHES SOGS KYI BSNGO BA DANG, BRTZAM PAR BYA ZHING DBYUNG BAR BYA, ,ZHES SOGS TSIGS BCAD GNYIS DANG, KLU RGYAL DGA' BO NYER DGA'O, ,ZHES SOGS KLU GNYIS KYI MING NAS BOS BA'I BSNGO BA YON BSHAD RNAMS BYA BA YIN PA'I PHYIR, GNYIS BZHAR BYUNG DMIGS BSAL LNGA YOD DE, GNAS KYI DMIGS BSAL, RTEN GYI DMIGS BSAL, SPYOD LAM GYI DMIGS BSAL, CHO GA'I DMIGS BSAL, DUS KYI DMIGS BSAL DANG LNGA YOD PA'I PHYIR, DANG PO YOD DE, MDOR THAMS CAD KYI CHED DU DKYIL 'KHOR BAR BLO MTHUN PAR BYA'O, ,ZHES GSUNGS YANG DMIGS BSAL MTSAMS PO CHE'I NANG DU GSO SBYONG MA GRUB TSE DKYIL 'KHOR BAR MTSAMS BCAD PA'I GNAS SU YANG RUNG LA, 'GRON GYI SKABS LAM NAS KYANG BTON CHOG PA DAG YOD PA'I PHYIR, GNYIS PA RTEN GYI DMIGS BSAL YOD DE, BSLAB BYIN DGE TSUL GYIS KYANG GSO SBYONG RUNG BA'I PHYIR TE, DGE TSUL LUNG LAS 'DIR DNGOS SUM GSUNGS KYANG DGE TSUL GYI DGAG DBYE GSUNGS PAS DON GYIS THOB PA'I PHYIR RO, ,GSUM PA SPYOD LAM GYI DMIGS BSAL YOD DE, SPYIR DGE SLONG GI DGE 'DUN GYIS GSO SBYONG 'DUG NAS BYED KYANG CHOM RKUN SOGS KYIS 'JIGS NA THAMS CAD 'GRO BZHIN DU CHOG PA'I PHYIR TE, RTZA BAR, 'GRON PA MI SDOD NA 'GRO BZHIN DU BYA'O, ,ZHES GSUNGS PA'I PHYIR, GSUM

PA CHO GA'I DMIGS BSAL BZHI YOD DE, YONGS DAG GI GSO SBYONG DANG BYIN GYIS RLABS PA'I GSO SBYONG DANG, MDOR BSDUS PA'I GSO SBYONG DANG, DGAG DBYE'I GSO SBYONG BZHI YOD BA'I PHYIR, DANG PO SNGAR YONGS DAG BSHAD ZIN LTA BU, GNYIS PA YOD DE, RTEN BZHIR MTSANG NA BYIN GYIS RLOB TSANG NA GSO SBYONG BYED PA YIN PA'I PHYIR TE, RTZA BAR, DE TZAM NA YANG BYIN GYIS RLAB BO, ,ZHES DANG, BZHIR MTSANGS DUS KYI BAR DU BSDAD DE BYIN GYIS RLAB PAR BYA'O, ,ZHES GSUNGS PA'I PHYIR, BYIN GYIS RLAB TSUL YOD DE, GCIG LAS MED NA RANG TZOG PUR BSDAD DE, LHA LA DGONGS GSOL BYAS NAS SNGAGS 'DON, GNYIS YOD NA GCIG GI MDUN DU GCIG 'DUG PA DANG, GSUM YOD NA GRAL LA 'KHONG NAS SNGAGS TSIG LAN GSUM BRJOD PA DE YIN PA'I PHYIR TE, RTZA BAR, 'BA' ZHIG NA 'DUG STE'O, ,LHAG MA GZHAN DANG BCAS PA NYID YIN NA MDUN DU'O, ,GSUM NI 'KHOD DE'O, ,ZHES GSUNGS PA'I PHYIR, 'DIS BZHIS KYANG GSO SBYONG RUNG BAR BSHAD DO, ,GSUM PA YOD DE, SPYIR SO THAR GYI GLENG GZHI'I DON DGOS KYANG DMIGS BSAL SROG DANG TSANGS SPYOD KYI GEGS YOD TSE GSOL BA 'BA' ZHIG BYAS PA'I 'OG TU, SH'AKYA SENG GE'I BYAS PA YI, ,SDIG PA CI YANG MI BYA ZHING, NAS, DRANG SRONG LAM NI THOB PAR 'GYUR, ZHES PA TZAM GYIS KYANG 'GRUB PA'I PHYIR TE, RTZA BAR, SKRA MI 'DOD NA MDOR BSDUS BAS KYANG NGO, ZHES GSUNGS PA'I PHYIR, GANG BYIN GYIS BRLAB RGYU BCU

, ,BZHI PA DANG BCO LNGA PA GANG RUNG GIS KHYAB STE, BKRA SHIS SOGS DUS NGES PA MED LA 'DIR DUS LAS 'DAR MI RUNG BA'I PHYIR, BZHI PA YOD DE, DGAG DBYE BYAS PAS GSO SBYONG GI GO CHOD PA'I PHYIR TE, RTZA BAR, 'DI BYAS PAS GSO SBYONG MI 'GRUB PA NI MA YIN NO, ,ZHES DANG, SA GA LHAS, SDIG PA'I SMAN GYI GSO SBYONG NI, ,DGAG DBYE BYAS NAS YANG MI BYA, ,GSO SBYONG DAG PAR BYA PHYIR TE, ,DGAG DBYE YANG NI DE NYID YIN, ,ZHES GSUNGS PA'I PHYIR, LNGA PA DUS KYI DMIGS BSAL YOD DE, SPYIR GSO SBYONG BCU BZHI PA DANG BCO LNGA PA GNYIS DUS LAS 'DAS NA MI CHAGS PA NI, GZHI 'GREL LAS, GDON PAR BYA BA DANG TSAD DANG DUS DANG GDON PAR BYED PA NYID NYE BAR 'DZIN BAR BYED PA DE NI 'DI MI CHAGS PA BYED PA YIN PAS CHOS MA YIN PAR SHES PAR BYA'O, ,ZHES GSUNGS PA LTAR YIN KYANG, DMIGS BSAL LA TSES BCO LNGA'I MTSAN MO 'DAS KYANG BCU DRUG GI NYI MA SHAR DUS BYAS KYANG CHAGS PA'I PHYIR TE, RTZA BAR, LAS LAS 'DAS NA NI NYI MA SHAR PA'I'O, ,ZHES GSUNGS PA'I PHYIR, MTHA' DPYAD PA LA, KHA CIG NA RE, GSO SBYONG YIN NA TSES BCO LNGA LA BYAS PAS KHYAB STE, BAM PO LNGA BCU BA LAS, GSO SBYONG NYI SHU RTZA BZHI YOD DE, DE DAG KYANG TSES GRANGS KYI YANG DAG PA LA LTOS NA NI THAMS CAD GSO SBYONG BCO LNGA PA YIN NO, ,'JIG RTEN PA'I THA SNYAD KYI DUS LA LTOS NA NI DRUG NI GSO SBYONG BCU BZHI PA YIN NO, ,ZHES GSUNGS PA'I PHYIR NA MA

KHYAB STE, DE TSES GRANGS LA LTOS PA'I BCO LNGA PA YIN PAR BSHAD PA TZAM YIN PA'I PHYIR, KHYAB STE, BCU BZHI PA NI TSES ZHAG GIS MI 'JOG PAR NYIN ZHAG GI BCU BZHI PA GCIG DGOS PA'I PHYIR TE, RTZA BAR, NYIN ZHAG GCIG GIS MCHOG PA'O; ;ZHES DANG, t'IKKA LAS, ZLA BA'I NGO LA NYIN ZHAG GCIG GIS BCO LNGAR MCHOG PAR BYA'O, ,ZHES DANG, t'IKKA LAS, 'DI LTAR TSES GCIG NAS BCO LNGA'I BAR GYI NYI MA GANG YANG RUNG BA LAS NYI MA GCIG CHAD PAS SPYIR ZHAG BCU BZHI YOD PA'I PHYIR, 'JIG RTEN PA'I DBANG DU BYAS NAS BCOM LDAN 'DAS KYIS KYANG SO SOR THAR PA'I MDO LAS, GSO SBYONG BCU BZHI PA ZHES GSUNGS PAR ZAD KYI, ZHES GSUNGS PA'I PHYIR, 'DIS TSES ZHAG GI BCO LNGA PA LA BCO LNGA BAS KHYAB PA YANG KHEGS SO, ,RTZA BAR 'DOD NA, ZHI GNAS KYI GSO SBYONG CHOS CAN, DER THAL, DE'I PHYIR, 'DOD MI NUS TE, MTHUN PA'I GSO SBYONG MA YIN PA'I PHYIR, YANG KHA CIG, MTHUN PA'I GSO SBYONG LA BCU BZHI PA DANG BCO LNGA PA GANG RUNG GIS KHYAB ZER NA, BKRA SHIS KYI GSO SBYONG SOGS GSUM CHOS CAN, DER THAL, DE'I PHYIR, 'DOD MI NUS TE, DE DAG DUS NAM DGOS SU BYED PA'I PHYIR, SH'A TAm LAS BSHAD ZIN TO, ,YANG KHA CIG, DUS 'BREL GYI MTHUN PA'I GSO SBYONG LA BCU BZHI PA DANG BCO LNGA PA GANG RUNG GIS KHYAB ZER NA, DUS 'BREL GYI GSO SBYONG NGAM DE GNYIS CHOS CAN, DER THAL, DE'I PHYIR, YANG KHA CIG, TSES BCO LNGA LA BYAS PA'I GSO SBYONG YIN NA DUS NGES CAN GYI GSO SBYONG YIN PAS KHYAB ZER NA,

, ,BCO LNGA'I NYIN BYAS PA'I BKRA SHIS KYI GSO SBYONG CHOS CAN, DER THAL, DE'I PHYIR, RTAGS GRUB STE, DE YOD PA'I PHYIR, RTAGS GRUB CING RTZA BAR 'DOD MI NUS TE, DUS NGES MED KYI DE YIN PA'I PHYIR TE, KARMA SH'A TAm LAS, BKRA SHIS KYI GSO SBYONG DANG GNOD PA BZLOG PA GSO SBYONG DANG BZLUM PA'I GSO SBYONG DAG GI GANG GI TSE DE DAG BYA DGOS PA DE'I TSE BYA BAR ZAD KYI DUS NGES PA NI MED DO, ,ZHES GSUNGS PA'I PHYIR, YANG KHA CIG BCO LNGA PA DANG BKRA SHIS KYI GSO SBYONG 'GAL ZER NA, DE GNYIS KA'I CHED DU BYAS PA'I GSO SBYONG BCO LNGA PA CHOS CAN, BCO LNGA PA MA YIN PAR THAL, BKRA SHIS KYI DE YIN PA'I PHYIR, RTAGS GRUB STE, CHOS CAN DE'I PHYIR, DER THAL, GTZO BOR BSLAB PA SBYONG BA DANG GTZO BOR BKRA SHIS PA GNYIS KA'I CHED DU BYAS PA'I GSO SBYONG YOD PA'I PHYIR TE, GTZO BOR DGE 'DUN GYI GNAS MAL DU BKRA SHIS PA'I CHED DU BYAS PA'I GSO SBYONG BCO LNGA PA ZHIG YOD PA'I PHYIR TE, DE'I DUS GCIG NAS BCO LNGA'I BAR GANG LA BYAS KYANG CHOG BA'I PHYIR, YANG KHA CIG NA RE, GSO SBYONG BCO LNGA BA YIN NA TSES ZHAG BCO LNGA LA BYAS PAS KHYAB ZER NA, NOR NAS BCU BZHI LA BYAS PA DANG BCU DRUG LA BYAS PA RE RE NAS CHOS CAN, DER THAL, DE'I PHYIR, YANG KHA CIG, YAR NGO'I DE BCO LNGA BA YIN NA TSES BCO LNGA LA BYAS PAS KHYAB ZER NA, YAR NGO SNGON 'GRO'I TSES BCU DRUG GI NYI MA MA SHAR TZAM LA BYAS PA'I GSO SBYONG CHOS CAN, DER THAL, DE'I PHYIR, DE YOD

PA'I PHYIR TE, RTZA BAR, LAS LA 'DAS NA NI NYI MA SHAR PA'I'O, ,ZHES GSUNGS PA'I PHYIR, ` DUS TSIGS LA 'DOD TSUL MANG YANG CHOS MNGON RIN CHEN 'DREN PA'I SHING RTA'I BZHED PA SNYING POR DRIL NAS CUNG ZAD BSHAD NA, GZHAN LUGS DGAG PA, RANG LUGS SPYI DON SGO NAS BZHAG PA, DE LA RTZOD SPONG GSUM LAS, DANG PO LA, LHA MI SPYI'I LO ZLA ZHAG GSUM LA DBYAD PA DANG, GLING BZHI GLING PHRAN DANG BCAS PA'I LO ZLA ZHAG GSUM LA DPYAD PA DANG, ZHAR LA DUS CHEN NGOS BZUNG BA DANG GSUM, DANG PO LA, KHA CIG GIS, KHYIM LO DANG, TSES LO DANG, NYIN ZHAG GI DBANG DU BYAS PA'I LO GSUM PO GANG RUNG YIN NA, LO MTSAN NYID PA YIN PAS KHYAB CES PA DANG, KHA CIG GIS, DE BKAG NAS LO YIN NA KHYIM LO YIN PAS KHYAB CES PA DANG, YANG KHA CIG GIS, 'DUL MNGON PA'I LUGS LA LO LA DE GSUM PO GANG RUNG GIS KHYAB ZER BA DAG LA, DANG PO GNYIS LA, 'O NA, LO YIN NA MI'I KHO YIN PAS KHYAB PAR THAL, DE YIN NA KHYIM LO YIN PAS KHYAB PA'I PHYIR, RTAGS KHAS, KHYAB STE, KHYIM LO ZHES PA DE NYI MAS RGYU SKAR LA LONGS SPYOD TSUL DANG, SA LA DUS BZHI 'KHOR TSUL GYI SGO NAS 'JOG PA GANG ZHIG, DE RGYAL CHEN RIGS BZHI MAN CHAD DANG, GLING BZHI GLING PHRAN DANG BCAS PA'I DBANG DU BYAS NAS 'JOG DGOS LA, RI RAB KYI CHU MTSAMS BZHI KHRI YAN CHAD SOGS LA DE 'DRA'I RNAM BZHAG MI 'THAD PA'I PHYIR, DANG PO GRUB STE, DUS BZHI MI 'GYUR BA'I GZER STON PA'I BSDUS RGYUD LAS, GANG PHYIR RI LA ZHES SOGS KYI SNGA

, ,'GREL LAS, DA NI STENG DU NYI MA 'KHOR BA'I DBANG GIS DUM BU BCU GNYIS LA SA'I GO LA BSUNGS PA, ZHES GSUNGS PA'I PHYIR, KHYAB STE, STENG DU NYI MAS SKAR KHYIM LA SPYOD TSUL DBANG GIS SA DUM BU BCU GNYIS SAM GLING GI CHA BCU GNYIS LA KHYIM BCU GNYIS 'BYUNG PA'I PHYIR TE, BSDUS RGYUD LAS, 'DIR NI G-YON BGROD 'GYUR ZHES PA'I MTSAMS SBYOR GYI 'GREL CHEN LAS, DA NI NYI MA 'KHOR BA'I DBANG GIS SA DUM BU BCU GNYIS SU BYAD DU BGROD BA BCU GNYIS DANG, LHOR BGROD PA BCU GNYIS GSUNGS PA, ZHES GSUNGS PA'I PHYIR DANG, DBYANGS 'CHAR LAS KYANG, LUG RNAMS LUG GU SLEBS DUS DANG, ZHES SOGS DANG, 'JIG RTEN KHAMS LE'I 'GREL CHEN LAS, DE LTAR SA BCU GNYIS SU KHYIM BCU GNYIS DBANG GIS NYI MA 'CHAR BA DANG NUB PA'I RNAM PAR DBYE BAS ZLA BA BCU GNYIS DANG MTSAMS DRUG RNAMS SU 'GYUR RO, ,ZHES GSUNGS PA'I PHYIR, GNYIS PA GRUB STE, MDZOD LAS, NYI ZLA LHUN PO'I PHYED NA'O, ,ZHES DANG, MI RNAMS KYI LO LNGA BCU LA, ,'DOD PA DAG GI LHA RNAMS LAS, ,'OG MA DAG GI NYIN ZHAG GCIG, ,CES GSUNGS PA'I PHYIR, BYAS PA LA KHO NA RE, 'O NA MI'I LO LNGA BCU RGYAL CHEN SDE BZHI'I ZHAG GCIG YIN PAR THAL, MDZOD LUNG DE'I PHYIR NA MA KHYAB STE, DE DAG SO SO DANG YUN MNYAM PA'I LHA'I DUS DE LHA'I ZHAG ZLA LOR 'JOG PA TZAM BSHAD PA'I PHYIR, ZHIB CHA 'DI KUN LA DGOS SO, ,

DES 'DUL MNGON PA'I LUGS LA LO LA DE GSUM GANG RUNG GIS KHYAB PA YANG KHEGS TE, 'DUL MNGON DU LHA MI SO SO'I LO ZLA ZHAG GSUM SO SOR BSHAD PA'I PHYIR, RTZA BAR 'DOD NA, 'THAB BRAL YAN CHAD KYI LHA'I LO CHOS CAN, MI'I LO YIN BAR THAL, LO YIN PA'I PHYIR, DER THAL, LHA'I LO YIN NA LO YIN DGOS BA'I PHYIR TE, LHA'I BSKAL BA YIN NA BSKAL BA YIN DGOS PA'I PHYIR, RTAGS GRUB CING 'DOD MI NUS TE, LO DANG BSKAL BA DU MA BSHAD PA'I PHYIR TE, MDZOD LAS, BSKAL BA RNAM PA MANG BSHAD PA, ZHES GSUNGS PA'I PHYIR, KHYAB STE, BSKAL PA'I BRTZI GZHI LO ZLA DGOS PA'I PHYIR, YANG KHA CIG LO YIN NA NYI ZLA SKAR GSUM LA RTEN NAS BZHAG PA'I LO YIN PAS KHYAB ZER NA, 'O NA DUS MTHA'I SKAD CIG MA BRGYA NYI SHU LA DE'I SKAD CIG MA GCIG DANG, DE DRUG BCU LA THANG CIG DANG, YUD TZAM NYIN ZHAG ZLA BA GSUM GONG NAS GONG DU SUM CUR BSGYUR NAS LO ZLA ZHAG GSUM GYI RNAM BZHAG BRTZI TSUL ZHIG MED PAR THAL, DAM BCA' 'THAD PA'I PHYIR, 'DOD NA, NYI ZLA MA BYUNG GONG DU CHAGS 'JIG GNAS STONG GI BSKAL BA BZHI'I BRTZI GZHI ZHIG MED PAR THAL, 'DOD PA'I PHYIR, 'DOD MI NUS TE, MDZOD LAS, SKAD CIG MA BRGYA NYI SHU LA, NAS, YUD TZAM NYIN ZHAG ZLA GSUM NI, ,GONG NAS GONG DU SUM CUR 'GYUR, ZHES GSUNGS PA'I PHYIR DANG, 'CHI MED MDZOD DUS 'KHOR SOGS DANG 'GAL LO, ,GZHAN YANG, LO ZLA ZHAG GSUM PO GANG RUNG YIN NA, NYI ZLA'I BGROD PA LA BRTEN PA'I DE YIN PAS MA KHYAB PAR THAL, DBUGS

, ,NYI KHRI CHIG STONG DRUG BRGYA LA ZHAG GCIG, DE SUM CU LA ZLA BA, DE BCU GNYIS LA LOR BYAS PA'I LO ZLA ZHAG GSUM GYI BRTZI TSUL ZHIG YOD BA'I PHYIR, DER THAL, SROG CHAGS PHRA MO SHIG NAS BZUNG STE, SRID RTZE'I BAR GYI 'GRO BA RANG RANG GI DBUGS NYI KHRI CHIG STONG DRUG BRGYA LA ZHAG GCIG, DE SUM CU LA ZLA BA, DE BCU GNYIS LA LOR BYAS TE BSKAL CHEN GYI BAR DU BRTZI TSUL ZHIG YOD BA'I PHYIR TE, DPAL DUS KYI 'KHOR LO'I 'JIG RTEN KHAMS LER, PHRA DBUGS ZHES SOGS KYIS 'GRUB PA'I PHYIR, DER THAL, 'DI'I THAD KYI KHAMS LE MDOR BSDUS BRGYAD PA'I 'GREL BA LAS, PHRA ZHES BA NI MI'I DBUGS 'JUG BA DANG 'BYUNG BA DRUG BRGYA LHAG PA'I STONG PHRAG NYI SHU RTZA GCIG TU GYUR PA'I CHA GCIG NI PHRA MO'I DBUGS SO, ,DBUGS DE DRUG NI LUS SKYES SRIN BU'I RIGS LA SOGS PA'I CHU SRANG GCIG DANG, CHU SRANG DRUG CU NI CHU TSOD DANG, CHU TSED DRUG CU NI NYIN ZHAG GCIG STE, NYIN ZHAG CES BYA BA NI, LUS SKYES LA SOGS PA RNAMS KYI DBUGS 'JUG BA DANG 'BYUNG BA DRUG BRGYA LHAG PA'I STONG PHRAG NYI SHU RTZA GCIG GI GRANGS SO, ,ZHES DANG, DE'I THAD KYI RVA 'GYUR LAS, PHRA MO'I DBUGS ZHES BYA BA LA SOGS PA MI'I DBUGS 'BYUNG BA DANG, RDUB BA GCIG LA PHRA MO'I DBUGS NI SRIN BU STE, DRUG BRGYA LHAG BA'I STONG PHRAG NYI SHU RTZA GCIG TU 'GYUR RO, ,ZHES SOGS GSUNGS PA'I PHYIR, BYAS BA LA KHO NA RE, LO LA MI'I LOS KHYAB

PAR THAL, DE LTAR MA YIN NA KHYOD KYI MI'I ZHAG TU GYUR BA'I LO GCIG KHAS LEN DGOS PA'I PHYIR, DER THAL, MI'I ZHAG DANG YUN TSAD MNYAM PA'I SROGS CHAGS PHRA MA'I LO GCIG KHAS LEN DGOS PA'I PHYIR NA MA KHYAB STE, LO LA 'GRO BA GCIG LA SBYAR TE MTHA' GCIG TU 'DI TZAM ZHES NGES BZUNG BYAS BA PHYI NANG GI BSTAN 'CHOS GANG LAS KYANG MA BSHAD PA'I PHYIR DANG, SROGS CHAGS PHRA MO'I DBUGS GCIG KYANG DBUGS GCIG TU 'JOG DGOS PA'I PHYIR, MA KHYAB MTSAMS LA, KHYOD RANG LA 'DZAM BU'I GLING GI NYIN MOR GYUR PA'I MTSAN MO ZHIG YOD PAR THAL, DE DANG YUN TSAD MNYAM PA'I MTSAN MO ZHIG YOD PA'I PHYIR, DER THAL, DE DANG YUN TSAD MNYAM PA'I SGRA MI SNYAN GYI MTSAN MO ZHIG YOD PA'I PHYIR TE, MDZOD LAS, NAM PHYED NYI MA NUB BA DANG, ,NYI MA PHYED DANG, ZHES GSUNGS PA'I PHYIR, BYAS PA LA KHO NA RE, SGRA MI SNYAN GYI MTSAN MO DANG 'DZAM BU'I GLING GI NYIN MO'I GZHI MTHUN YOD PAR THAL, DE GNYIS DUS MNYAM DU GRUB PA YOD BA'I PHYIR NA MA KHYAB STE, DE GNYIS DUS GCIG TU GRUB NA DE GNYIS KYI DUS GCIG YIN MI DGOS BA'I PHYIR, DER THAL, SEMS CAN DANG SANGS RGYAS DUS GCIG TU BYUNG YANG DUS SAM GNAS SKABS THA DAD YIN PA'I PHYIR, SEMS CAN GYI GNAS SKABS KYI SANGS RGYAS DANG SANGS RGYAS KYI GNAS SKABS THOB BA'I SEMS CAN MED PA'I PHYIR DANG, GZHI GCIG LA GNAS KYANG 'OG GZHI'I GOS THA DAD BA'I ZANGS GSER GYI BUM PA GNYIS YOD PA'I PHYIR DANG, KA BUM GNYIS

, ,DNGOS POR RDZAS GCIG KYANG PHAN TSUN DNGOS BO'I GZHI MTHUN MED PA'I PHYIR, RAGS BSHAD LA DUS GCIG BYAS KYANG RTZOD TSE ZHIB PAR DUS MA 'DRES DGOS PA MANG, 'ON DUS MNYAM DU GRUB PA'I SNANG MUN GNYIS KYI GZHI MTHUN YOD PAR THAL, DE GNYIS DUS MNYAM YIN PA'I PHYIR, 'KHOR GSUM, YANG KHO NA RE, GLING DE GNYIS KYI NYIN MTSAN DUS GNYIS KYI GZHI MTHUN YOD PAR THAL, DE GNYIS DUS MNYAM DU GRUB PA'I PHYIR NAM YANG KHYAB; 'DOD NA, 'DZAM BU'I GLING GI NYIN MOR GLING 'DIR SGRA MI SNYAN GYI MTSAN MO'I MUN PA'I DUS 'BYUNG BAR THAL, 'DOD PA'I PHYIR, DE BZHIN DU SGRA MI SNYAN GYI RI RAB GYI GRIB MA 'BAB PA YANG 'BYUNG BAR THAL, 'DOD PA'I PHYIR, DE GNYIS LA 'DOD MI NUS TE, GLING GNYIS KA'I NYIN MTSAN GYI DUS GLING GNYIS KA LA SO SOR GNAS PA'I PHYIR, 'KHOR GSUM, DE BZHIN DU ZHIB CHA MANG NGO, ,DE YAN CHAD KYIS LHA MI SPYI'I LO ZLA ZHAG GSUM GYI RNAM BZHAG BSHAD NAS, BYE BRAG TU MI MJED 'JIG RTEN GYI GLING BZHI GLING PHRAN DANG BCAS PA'I DBANG DU BYAS NA YANG, LO LA KHYIM LO TSES LO NYIN ZHAG GI DBANG DU BYAS PA'I LO GANG RUNG GIS MA KHYAB PAR THAL, NYI ZLA MA BYUNG GONG DU YANG, SKAD CIG MA BRGYA NYI SHU LA, ZHES SOGS KYIS BSHAD PA LTAR, STONG BSKAL, CHAGS BSKAL MTHA'I 'JIG BSKAL SOGS KYI BRTZI GZHIR GYUR PA'I LO ZLA ZHAG GSUM GYI RNAM BZHAG YOD PAR, MNGON PA MDZOD, 'CHI MED MDZOD, 'DUL BA, RGYAL RABS

SOGS LAS GSAL BAR BSHAD PA'I PHYIR, RTAGS DANG PO GRUB ZIN, GNYIS PA GRUB STE, MA GA 'DZUM BCO BRGYAD LA MTHAR GNAS GCIG DANG, DE SUM CU LA SKAD CIG MA GCIG DANG, DE BCU GNYIS LA YUD TZAM DANG, DE SUM CU LA NYIN ZHAG DANG, DE BCO LNGA LA PHYOGS GCIG DANG; DE GNYIS LA ZLA BA GCIG DANG, DE GNYIS LA TSIGS GCIG DANG, TSIGS GSUM LA BGROD PA GCIG DANG, DE GNYIS LA LO GCIG TU 'DZAG PA'I PHYIR TE, 'CHI MED MDZOD LAS, MIG 'DZUM BCO BRGYAD MTHAR GNAS LA, ,DE SUM CU LA SKAD CIG BGRANGS, ,DE NI BCU GNYIS YUD TZAM YIN, ,DE SUM CU LA NYIN ZHAG GCIG ,DE DAG BCO LNGA PHYOGS SU GRAGS, ,SNGA PHYI'I PHYOGS NI DKAR NAG GNYIS, ,DE GNYIS BSDOM PA 'JAL BYED DO, ,MCHU ZLA LA SOGS GNYIS GNYIS LA, ,DE TSIGS DE GSUM BGROD PA LA, ,LHO BYANG BGROD PA GNYIS LA LO, ,ZHES GSUNGS PA'I PHYIR, RTAGS PHYI MA GNYIS SLA, GZHAN YANG, LO ZLA ZHAG GSUM GYI 'GO 'DZIN TSUL LA, KHA CIG GIS, MGO ZLA BA NAS 'DZIN LA, DE YANG MGO ZLA BA'I MAR NGO'I TSES GCIG NAS 'DZIN RIGS PA YIN TE, MDZOD 'GREL LAS, SANGS RGYAS PA RNAMS MAR GYI NGO SNGA LA, ZHES GSUNGS PA'I PHYIR NA MA KHYAB STE, DE NI THUN MONG MA YIN PA'I RAGS RTZIS KYI DBANG DU BYAS PA TZAM YIN PA'I PHYIR, 'O NA, KHYOD RANG LA KHYIM LO'I 'GO YANG DE NAS 'DZIN DGOS PAR THAL, LO MGO DE NAS 'DZIN DGOS PA'I PHYIR, KHYAB STE, 'DUL MNGON PA'I LUGS

, ,LA KHYIM LO, TSES LO, NYIN ZHAG GI LO DANG GSUM YOD PA'I PHYIR TE, BYANG BA'I DRIS LAN MKHAS GRUB CHOS RJES MDZAD PA LAS KYANG, CI STE MNGON PA NAS BSHAD PA LTAR GYI ZHAG MI THUB BA DOR BA; ZHES PA NAS, DE NI RE ZHIG MNGON PA LAS RE ZHIG RAGS RTZIS TZAM ZHIG GI DBANG DU MDZAD PA STE, DE'I PHYIR 'DUL PA LAS KYANG, ZLA BA'I SHOL DOR BA DANG, RGYU SKAR LA SOGS PA ZHIB PAR SKAR RTZIS MKHAN PO'I RJES SU 'GRENG BAR GSUNGS SO, ,ZHES GSUNGS PA'I PHYIR, 'DIS LOG RTOG KUN BZLOG GO ,'DOD MI NUS TE, KHYIM LO NI NYI MA'I 'CHAR NUB KYI DANG PO DANG, ZLA BA'I 'PHEL 'GRIB KYI DANG PO LA MI LTOS PAR KHYIM SLEBS RI MO NAM SHAR PA NA; DE 'DZIN DGOS PA'I PHYIR, DER THAL, DE YANG ZLA BA'I MAR NGO LA 'CHAR NA MAR NGO'I TSE GCIG NAS GNAM GANG GI BAR GANG RUNG LA 'CHAR ZHING, ZHAG LA YANG NYIN MA'I SNGA DRO GUNG PHYI DRO MTSAN MO SOGS NAM SHAR PA'I TSE DE'I 'OG 'DZIN DGOS PA'I PHYIR, GZHAN YANG, 'DUL MNGON PA'I LUGS KYI LO YIN NA, DE'I THUN MONG MA YIN PA'I LO YIN DGOS PAR THAL, 'DOD PA'I PHYIR, 'DOD NA, 'DUL MNGON NAS BSHAD PA'I LO YIN NA DE YIN DGOS PAR THAL, 'DOD PA'I PHYIR, 'DOD NA, 'DUL BA NAS BSHAD PA'I LO LA DES KHYAB PAR THAL, 'DUL MNGON LA DE'I PHYIR, KHYAB STE, MDO SDE PA YAN CHAD KYIS 'DUL BA NAS CHOS RNAMS KYI RANG SPYI'I MTSAN NYID STON PA'I CHA

LA MNGON PAR 'DOD PA'I PHYIR, 'DOD NA, KHYIM NYIN TSES KYI LO GSUM RE RE NAS CHOS CAN, DER THAL, DE'I PHYIR, 'DOD MI NUS TE, RGYAL PO'I LUGS YIN PA'I PHYIR, ME TOG 'PHRENG RGYUD LAS, LO DANG ZLA BA ZLA SHOL DAG RGYAL PO'I BKA' YIS KYANG NI BSNGAGS, BKA' BTZAN GRAGS LDAN SHES RAB CAN, ,DBUNG LDAN DE YI RJES 'BRANG BYA, ,ZHES GSUNGS PA'I PHYIR, SHIN TU GSAL LO, ,GZHAN YANG, 'DUL BA NAS BSHAD PA'I LO LA PHYI NANG THUN MONG PA'I LO GCIG MED PAR THAL, DE LA DE'I THUN MONG MA YIN PA'I DES KHYAB PA'I PHYIR, 'DOD NA, KARMA SH'A TAm LAS, ZLA SHOL DOR BA NI RGYAL PO'I RJES SU 'BRANG BAS DOR BAR BYA'O, ,RGYU SKAR NI SKAR MKHAN GYI RJES SU 'BRANG BAS SHES PAR BYA'O; ;ZHES DANG, 'DUL BA LAS, ZHIB PAR RGYAL PO'I DRUNG NA GNAS PA'I RTZIS MKHAN RNAMS KYI RJES SU 'BRANG BAR BYA'O, ,ZHES GSUNGS PA MI 'THAD PAR THAL LO, GZHAN YANG, LO 'GO 'DZIN TSUL LA, NYI MA 'CHAR NUB KYI DANG PO DANG, ZLA BA'I 'PHEL 'GRIB KYI DANG PO LA LTOS MI DGOS PAR THAL, KHYIM LO TSES LO NYIN ZHAG GI LO GSUM GANG RUNG MA YIN PA'I DBUGS DANG SKAD CIG MA'I BRTZI GZHI BYAS PA'I LO RE YOD PA'I PHYIR, DER THAL, DE LA SKAD CIG MA BRGYA NYI SHU LA, ZHES SOGS KYIS BSHAD PA LTAR DUS MA BA'I SGAD CIG MA THUNG DU BRTZI GZHIR BYAS NAS LO ZLA ZHAG GSUM GYI 'GO 'DZIN TSUL GCIG KYANG YOD, DBUGS NYI KHRI CHIG STONG LA ZHAG BYAS PA'I ZHAG ZLA LO GSUM GYI

, ,'GO 'JOG TSUL KYANG YOD PA'I PHYIR, GZHAN YANG, KHYIM LO DANG TSES LO NYIN ZHAG GI LO GSUM GYI 'GO YAR NGO'I TSES GCIG GI SKYA RENG DANG PO SHAR PA NAS 'DZIN PAS MA KHYAB PAR THAL, DUS BZHI RDZOGS MTSAMS MTHA'I CHA'I LO DRUG CU SONG BA'I RJES SU RAB BYUNG RE BYUNG BA'I TSE, DUS GSUM GYI 'GO DUS MNYAM PA'I DBANG DU BYAS NA YANG LO KUN LA DES MA KHYAB PA'I PHYIR, DER THAL, 'GREL CHEN LAS KYANG, DUS BZHI'I MTHAR GZA'I TSOGS PA RGYU BA NAM GRU'I MTHAR KHYIM NI STONG PA DAG LA GNAS SO, ,ZHES DANG, MKHAS GRUB CHOS RJES BYANG BDAG PO'I DRIS LAN DU, DUS BZHI'I MTHAR ZAD BYED KYI LO DPYID ZLAR BA'I GNAM STONG LA GZA' THAMS CAD SKAR MNAM GRU'I STENG DU STONG PA LA ZHUGS NAS NGES PA THAMS CAD STONG PAR 'GYUR ZHING, SLAR YANG NANGS PAR NAS NGES BA THAMS CAD KYI 'GO RTZOM PA NA, LO RAB BYUNG ZLA BA DPYID ZLA 'BRID BO NAG PAS NYE BA, GZA' NYI MA SKAR MA THA SKAR, SBYOR BA RNAMS SEL, BYED PA BHA WAm RNAMS SHAR NAS NGES PA THAMS CAD RIM BZHIN DU 'BYUNG BA YIN PAS, DE'I PHYIR LO'I DANG BO RAB BYUNG DANG, ZLA BA'I DANG PO NAG ZLA DANG, RGYU SKAR DANG PO THA SGAR, GZA'I DANG BO NYI MA, SBYOR BA'I DANG PO RNAM SEL, BYED PA'I DANG PO BHA WI DU BYAS BA LAGS, ZHES GSUNGS PA'I PHYIR, KHYAB STE, DE GSUM GYI 'GO DUS MNYAM DU TSUGS BA'I LO GNYIS PA'I DPYID 'BRING NAG BA ZLA BA'I YAR NGO LA LUG KHYIM GYI RI MO 'CHAR

YANG; TSES BCU GCIG TSUN LA MI 'CHAR ZHING ,TSES BCU GCIG 'DAS RDZAS SU 'CHAR BA YANG NGO SNGON 'GRO CAN GYI NAG ZLA DANG POR 'DZIN DGOS PA'I PHYIR, DER THAL, DE'I LO GSUM PA LA, TSES ZHAG BCU GCIG PHRAG GNYIS PHYI NUR BYAS PAS, YAR NGO LA LUG KHYIM GYI RI MO MI 'CHAR BAS NAG ZLA DANG POR MI RUNG ZHING, RAGS RTZIS KYI DBANG DU BYAS NA MAR NGO'I NYED GNYIS LA LUG KHYIM GYI RI MO 'CHAR BA'I RGYU MTSAN GYIS MAR NGO SNGON 'GRO CAN GYIS GA ZLA BA DANG PO DANG LO 'GO DE NAS 'DZIN PA YIN PA'I PHYIR, DER THAL, TSES ZHAG GI ZLA BA DANG KHYIM ZHAG GI ZLA BA GNYIS DO BSNGOS PA NA TSES ZHAG GI ZLA BAS KHYIM ZHAG GI ZLA BA'I DOD MA THUB PAS, ZHAG RE BAG MED RE LHAG PAS, KHYIM ZLA BCU GNYIS RDZOGS PA NA, ZHAG BCU GCIG BAG MED RE LHAG PA YIN PA'I PHYIR, DER THAL, KHYIM LO GCIG LA NYIN ZHAG SUM BRGYA DANG RE DRUG CUNG MA LONGS TZAM DANG TSES ZHAG SUM BRGYA DANG BDUN CU DON GCIG RE RNAMS DGOS PA'I PHYIR, DER THAL, NANG LE'I DON DRUG PA LAS, PHYOGS LA ZLA BA RANG GI RGYU BAS NYIN ZHAG CES BYA'I RKANG PA DAG KYANG BU LON DAG TU BYED, SLAR YANG ZLA BA GNYIS KYIS GZHAN PA DAG KYANG NYIN ZHAG LO YI SBYOR BA DAG LAS 'PHEL BA NI, RDZOGS PA'I LO LA NYIN ZHAG DRUG TU 'GYUR TE; ZHES GSUNGS PA'I PHYIR, KHYAB STE, RDZOGS PA'I LO LA NYIN ZHAG DRUG TU 'GYUR ZHES PA'I DON YOD PA'I PHYIR, CHOS MNGON RIN CHEN 'DREN PA'I SHING RTA LAS, KHYIM ZLA RE DANG TSES ZLA RE DO BSNGOS PAS ZHAG RE BAG MED RE MA

, ,THUB PAS DE GNYIS DO MNYAM PA LA ZHAG RE BAG MED RE BSNAN PA, ZHES PA NAS, DE BSAGS PA'I LO GCIG LA ZHAG BCU GCIG RJES 'BRANGS DANG BCAS PA LHAG PA'I PHYIR, ZHES GSUNGS PA'I PHYIR, GZHAN YANG, DER MA ZAD TSES ZLA DANG NYIN ZHAG GI ZLA BA GNYIS KYI 'GO YANG YAR NGO'I TSES GCIG GI SKYA RENGS DANG PO SHAR BA NAS 'DZIN PA'I NGES PA MED PAR THAL, DE GNYIS KYI NYIN ZHAG GI YUN CHAD DANG ZLA BA'I 'PHEL 'GRIB KYI YUN TSAD GNYIS LA RING THUNG YOD PA'I PHYIR, DER THAL, DE'I RGYU MTSAN GYIS ZHAG MI THUB PA 'BYUNG BAS TSES ZLA DANG NYIN ZHAG GI ZLA BA MTHUN PA'I CHED DU LO LNGA LA LNGA DRUG SUM CU BYAS NAS SHOL 'DON PA'I PHYIR, LE'U DANG PO'I LO 'PHO'I 'GREL CHEN LAS, BYANG GI BGROD PA NAS BYANG GI BGROD PA'I BAR DU NYI MA LNGA RNAMS LONGS SPYOD KYI DBANG LAS 'CHAD PAR 'GYUR ZHING ZLA BA RE RER CHU TSOD NYI SHU RTZA LNGA 'CHAD PAR 'GYUR TE, ZHES GSUNGS PA'I PHYIR DANG, CHOS MNGON RIN CHEN 'DREN PA'I SHING RTA LAS, TSES ZHAG GIS NYIN ZHAG GI DOD MA THUB PA LA BRTEN NAS LO LNGA LNGA LA ZLA SHOL RE 'DON PA DANG, ZHES GSUNGS PA'I PHYIR, GZHAN YANG, SNGON GYI DUS 'KHOR BA MANG POS 'GREL CHEN DRI MED 'OD 'DI LAS, LUG KHYIM DANG NAG PA ZLA BA'I YAR NGO'I TSES GCIG SBYAR NAS YANG YANG BSHAD PAS RKYEN BYAS NAS, LUG KHYIM NAG PA ZLA BA'I YAR NGO'I TSES GCIG KHO NA LA SBYOR BA MI 'THAD DE, DPYID

ZLA 'BRING PO'I MAR NGO LA LUG KHYIM GYI RI MO SHAR PA'I TSE MAR NGO SNGON 'GRO CAN GYI SA GA ZLA BA DANG SBYOR BAR BYED CING, DE'I TSES GA ZLA BA DE LO'I DANG POR 'DZIN DGOS PA'I PHYIR, DER THAL, SA DUM BU BCU GNYIS LA KHYIM BCU GNYIS 'KHOR PA'I TSE LHO GLING DBUS MA 'DIR LUG KHYIM DANG SA GA ZLA BA GNYIS SBYOR BA ZHIG YOD PA'I PHYIR TE, 'GREL CHEN DRI MED 'OD LAS, LHUN PO'I LHO'I DUM BU 'DIR LUG LA NYI MA GNAS PAS DPYID KYI DUS SA GA ZLA BAR BYED DO, ,ZHES DANG; DE NYID LAS, BCU GNYIS PA NAG PA NYAL BABS PA BAN SHRI DHA N+YA KKA tA KA RA ZHES SOGS KYIS NAG PA ZLA BA BCU GNYIS PAR BSHAD PA'I DON YOD PA'I PHYIR, KHA CIG, 'DUL MNGON PA'I LUGS LA NYIN ZHAG GI DANG PO SKYA RENGS DANG PO KHO NA LA SBYOR BA MI 'THAD DE, SKYA RENG DANG PO'I DUS MTSAN MO'I DUS YIN PA'I PHYIR, DER THAL, MTSAN MO'I DUS YIN KYANG DGOS DBANG KYIS DGE SBYOR LA BRTZON PA DANG, DGE SLONG GIS SNGA DRO'I ZAS ZA BA'I SA MTSAMS STON PA'I CHED DU NYIN MO'I THA SNYAD BTAGS PA YIN PA'I PHYIR TE, SUM BRGYA BA LAS, RANG GLING SKYA RENG DANG PO NAS BZUNG STE, ,NYI MA PHYED BAR 'DI NI DUS YIN TE, ,DE YOL GANG ZHIG DUS RUNG ZAD BYED DO, ZHES PA RTZA 'GREL DANG, GSO SBYONG BZHAG PA'I GZHI LAS, BTZUN PA MTSAN MO'I THUN THA MA LA BABS TE, ZHES DANG, 'OD LDAN LAS, THUN THA MA NI NAM GYI CHA GSUM PA YIN NO, ,NAS, CHA THA MA DE LA SKYA RENG 'CHAR BA'I DUS YIN PA'I PHYIR, ZHES DANG, 'OD

, ,LDAN LAS, JI STE 'O NA NYI MA MA SHAR KYANG SKYA RENG DANG PO SHAR NA NYI MOR THA SNYAD GDAGS SAM ZHEN BSHAD PA SNANG BA YOD PA'I PHYIR, ZHES GSUNGS PA'I PHYIR, GZHAN YANG, DE MTSAN DUS YIN PAR THAL, DE NAM GYI THUN MA LA GSUM DU PHYE BA'I DANG PO 'DAS MA THAG PA YIN PA'I PHYIR, DER THAL, MNGON BYUNG GI MDO LAS, SA GA ZLA BA'I TSES BCO LNGA'I MTSAN MO'I THUN THA MA'I RNGA BRDUNG DU NYE BA NA, ZHES DANG, RGYA CHER ROL BA LAS, SKYA RENG DANG PO 'CHAR BA'I TSE ZHES PA RNAMS KYI DON GRUB PA'I PHYIR, GZHAN YANG, DE MTSAN DUS YIN PAR THAL, DE'I TSE MUN PA MA SANGS PA'I PHYIR, KHYAB STE, SNANG BA BYUNG NAS MUN PA MA BYUNG GI BAR GYI DUS DE NYIN DUS DANG, MUN PA BYUNG NAS SNANG BA MA BYUNG GI BAR GYI DUS DE MTSAN DUS YIN PA'I PHYIR, DE SKAD DU MDZOD LAS, JI SRID 'TSO DANG NYIN ZHAG TU, ,ZHES PA'I THAD KYI MDZOD 'GREL DU, ,NAM SNANG BA BYUNG BA'I TSE GLING DE LA NYIN MO ZHES BYA LA NAM MUN PA BYUNG BA'I TSE MTSAN MO ZHES BYA'O, ,ZHES GSUNGS PA'I PHYIR DANG, 'OD LDAN LAS KYANG, BSTAN BCOS LAS SNANG BA'I GNAS SKABS NI NYIN MO YIN LA, MUN PA'I GNAS SKABS NI MTSAN MO YIN NO, ,ZHES GSUNGS PA DANG YANG MI 'GAL TE, SKYA RENG DANG PO LA SOGS PA NAS SNANG BA RTZOM PA YIN PA'I PHYIR RO, ,ZHES GSUNGS PAS, NYIN DUS MIN KYANG DE RTZOM DUS YIN PAR BSHAD PA'I PHYIR, KHA CIG,

NYIN ZHAG GI 'GO SKYA RENG DANG PO SHAR PA NAS 'DZIN PA MI 'THAD PAR THAL, DE LTAR NA THUN THA MA'I SKYA RENG SHAR PA NAS DGUNG MO NYI MA'I SKYA 'OD NAM MKHA' LA RGYU BA'I BAR NYIN MOR 'JOG DGOS LA, MTSAN MO YIN NA NAM GUNG KHO NA YIN PAS KHYAB PA'I SKYON 'ONG BA'I PHYIR TE, 'OD LDAN DU SKAR MA'I BSTAN BCOS LAS, MTSAN MO'I BRGYAD CHA LUS PA'I THUN LA RNGA BRDUNG BAR BYA'O, ,ZHES DANG, 'OD LDAN LAS, RNGA BRDUNG DU NYE BA'I MTSAN MO ZHES BYA BA NI THUN PHYED LUS PA'I MTSAN MO YIN TE, ZHES GSUNGS PA'I PHYIR, GZHAN YANG, SKYA RENG DANG PO SHAR PA NAS BZUNG STE, DGUNG MO SKYA 'OD NAM MKHA' LA RGYU BA'I BAR NYIN MO BYED NA STON DPYID NYIN MTSAN MNYAM PA DANG, DGUN MTSAN MO SHIN TU RING BA MTHAR THUG YONGS GRAGS LTAR 'BYUNG BA MI SRID PAR THAL, KHYOD KYI DAM 'CHA' DE SHIN TU 'THAD PA'I PHYIR, 'DOD MI NUS TE, DE 'DRA'I NYIN DUS LAS NAM GUNG RING BA ZHIG MI 'BYUNG PA'I PHYIR, KHYAB STE, MTSAN DUS LA NAM GUNG GIS KHYAB PA'I PHYIR, MA GRUB NA DNGOS, DER THAL, MTSAN MO'I THUN GSUM PO GANG RUNG LA MTSAN DUS KYIS MA KHYAB PA'I PHYIR, 'KHOR GSUM KHAS, DE LA MKHAS PA BLO BZANG BSHES GNYEN PAS, DGAG BA MDZAD PA LEGS PAR SNANG NGO, ,BYAS PA LA KHO NA RE, NYIN GYI DANG PO SKYA RENG DANG PO SHAR PA NAS 'JOG RIGS PAR THAL, TSES GCIG NAS BZUNG STE TSES BCU'I THA MA'I SKYA RENG DANG PO SHAR PA NA ZHAG BCU 'DAS PA YIN PA'I PHYIR,

, ,DER THAL, BCAS LDAN DGE SLONG GIS TSES GCIG LA CHOS GOS GSUM PO GANG RUNG RNYED NAS BYIN GYIS MA BRLABS PA TSES BCU'I THA MA'I SKYA RENG SHAR BA'I TSE ZHAG BCU 'CHAD SPANG 'BYUNG BA'I PHYIR NA MA KHYAB, DE'I TSE ZHAG BCU RNAL MA MA RDZOGS KYANG BCAS DBANG GIS ZHAG BCU GCIG GI NGO MTHONG BA'I PHYIR, DPER NA, NYIN PAR GNYID MI NYAL ZHES PA'I SKYA RENG DANG PO SHAR PA NAS BZUNG STE, DGUNG MO SKYA 'OD NAM MKHA' LA RGYU BA'I BAR NYIN MOR 'JOG PA BZHIN YIN PA'I PHYIR TE, 'OD LDAN LAS, DE NYID KYI PHYIR ZHAG BCU GCIG PA'I SKYA RENG SHAR PA NA ZHES GSUNGS PA YIN NO, ,ZHES DANG, BSHES SPRINGS LAS KYANG, RIGS PA'I BDAG NYID NYIN PAR MTHA' DAG DANG, ,MTSAN MO'ANG THUN GYI STOD SMAD 'DAS NAS NI, ,ZHES DANG, DE'I 'GREL BAR, RIGS PA'I BDAG NYID NYIN MOR KHO NAR MA ZAD, CES PA NAS, MTSAN MO YANG CHA STOD CHA SMAD 'DAS NAS ZHES DANG, DER MDO DRANGS PA LAS KYANG, NYIN BAR 'CHAGS PA DANG 'DUG PA DAG GIS SGRIB PAR 'GYUR BA'I CHOS RNAMS LA SEMS YONGS SU SBYANGS NAS, MTSAN MO THUN DANG PO LA 'CHAGS PA DANG, ZHES PA NAS; SENG GE'I NYAL THABS SU NYAL BAR BYED DO, ,DE THUN THA MA LA MYUR BA MYUR BAR LANGS NAS, ZHES DANG, JO BO RJES KYANG, NAM GYI CHA STOD CHA SMAD LA, ,MI NYAL RNAL 'BYOR BRTZON BAR BYA, ,ZHES DANG, MTSAN

MO'I CHA GSUM BGO BYA STE, ,THA MA'I CHA LAS LDANG BAR BYA, ,ZHES DANG, NYAN SA LAS KYANG, NYIN MO DANG MTSAN MO'I THUN DANG PO LA MI NYAL BAR, ZHES GSUNGS PA'I PHYIR, KHYAB STE, DE DAG GIS NYIN MO DANG MTSAN MO'I CHA STOD SMAD SO SOR BSHAD KYANG KHYOD KYIS DA DUNG MTSAN DUS NYIN DUS YIN PAR MA SMRAS SAM DRAN PAR GYIS SHIG, KHA CIG, NYIN ZHAG CES PA'I NYIN DE NYIN MTSAN GYI NYIN MO LA BYED PAR THAL, DE SNYOG MTSAMS SHIG YOD PA'I PHYIR ZER NA MA KHYAB, 'DOD MI NUS TE, DE NYIN MTSAN GYI ZLAS PHYE BA'I NYIN MO LA MI BYED PA'I PHYIR, GZHAN YANG, DUS 'KHOR SHES PAR RLOM PA KHA CIG GIS KHYIM GYI GO DON MTSAN NYID KYI TSUL DU 'JOG PA'I TSE, LUG KHYIM NI NYI MA NAG PA'I SKAR KHYIM DU SLEBS PA NAS BZUNGS RI YONGS RDZOGS DANG SA GA'I BZHI CHA LA LONGS SPYOD PA'I BAR LA MTHA' GCIG TU 'JOG DGOS ZER NA, 'O NA LO RE BZHIN SA GA'I BZHI CHA YAN CHAD NAS LUG KHYIM RDZOGS DGOS PAR THAL; 'DOD PA'I PHYIR, 'DOD MI NUS TE, NAG BA'I BZHI TSA NAS BZUNG SA GDANG LUG KHYIM DUS MNYAM DU RDZOGS PA ZHIG YOD PA'I PHYIR, DER THAL, MAR NGO SNGON 'GRO CAN GYI SA GA ZLA BA DANG LUG KHYIM SBYAR BA ZHIG YOD PA'I PHYIR; DAR THAL, NYI ZLA SNGA NUR PHYI NUR BYAS PA'I DBANG GIS ZLA BA'I 'PHEL 'GRIB SOGS 'JOG DGOS PA'I PHYIR TE, 'GREL CHEN LAS, LHUN PO'I DUM BU 'DIR LUG LA NYI MA GNAS PAS DPYID KYI DUS SU SA GA'I ZLA BAR BYED DO, ,

, ,ZHES GSUNGS PA'I PHYIR, GZHAN YANG, KHYOD KYIS LUG KHYIM GYI GO DON NYI MAS RGYU SKAR LA LONGS SPYOD PA KHO NA'I SGO NAS 'JOG PA MI 'THAD PAR THAL, DES LA 'BYUNG BA SOGS 'ONG TSUL LA'ANG LTOS DGOS PA'I PHYIR, DER THAL, RGYA GAR DU LUG LA LU GU SKYE DUS DE LUG KHYIM DANG, GLANG LA RMOS RMO DUS DE GLANG KHYIM SOGS SU 'DZOGS DGOS PA'I PHYIR, DER THAL, NYIN ZHAG GI LO RDZOGS KYANG SA LA DUS TSOD MA RDZOGS PA ZHIG YOD PA'I ZLA SHOL 'DOR DGOS BAS KHYIM BCU GNYIS ZUR DU BRTZIS PA DE YIN PA'I PHYIR TE, DBYANGS 'CHAR SOGS LAS KYANG, LUG RNAMS LU GU SKYE DUS DANG, GLANG GIS RMOS BYED DUS DANG NI, ZHES SOGS KYIS GRUB BA'I PHYIR, GZHAN YANG, DUS BZHI 'KHOR TSUL LA, SNGA PHYI LA DPYAD PA DANG, G-YAS SKOR G-YON SKOR LA DPYAD PA GNYIS LAS, DANG PO LA GCIG CAR BA DANG, RIM CHAR GNYIS LAS, DANG PO NI, KHA CIG GIS, GLING BZHIR DUS BZHI GCIG CAR DU 'BYUNG ZER NA, 'O NA, 'DZAM BU'I GLING 'DIR DPYID 'BRING DANG, BA GLANG SPYOD DU DGUN 'BRING DANG, SGRA MI SNYAN DU STON 'BRING DANG, LUS 'PHAGS GLING DU DBYAR 'BRING 'CHAR BA DUS MNYAM PAR THAL; 'DOD PA'I PHYIR, 'DOD NA, 'DZAM BU'I GLING DU DPYID 'BRING NAG PA ZLA BA'I TSES GCIG GI NYIN ZHAG GI DANG PO SKYA RENG 'CHAR BA DANG, GLING GZHAN GSUM DU 'BRING GZHAN GSUM GYI NYIN ZHAG GI DANG PO SKYA RED 'CHAR BA DUS

MNYAM PAR THAL, 'DOD PA'I PHYIR, 'DOD NA, 'DZAM BU'I GLING 'DIR DPYID 'BRING NAG PA ZLA BA'I TSES GCIG GI NYI MA 'CHAR BA DANG, GLING GZHAN GSUM DU'ANG 'BRING PO GSUM GYI NYI MA 'CHAR BA DUS MNYAM PAR THAL, 'DOD PA'I PHYIR 'DOD NA, NAM PHYED NYI MA NUB PA DANG, ZHES SOGS RANG LUGS LA 'CHAD MI RIGS PAR THAL, 'DOD PA'I PHYIR, 'DOD MI NUS TE, 'DZAM BU'I GLING 'DIR DPYID 'BRING NAG BA ZLA BA'I TSES GCIG GI NYI MA 'CHAR BA DANG, NAG PA ZLA BA'I ZHAG GI 'GO 'DZIN PA DUS MNYAM, ZHAG DE'I NYIN PHYED KYI DUS DANG, BA GLANG SPYOD DU DGUN ZLA 'BRING PO'I NYI MA 'CHAR BA DANG ZLA BA DE'I ZHAG GI 'GO 'DZIN PA DUS MNYAM, GLING 'DIR ZHAG DE'I NYI MA NUB PA DANG, SGRA MI SNYAN GYI STON ZLA 'BRING PO'I NYI MA 'CHAR BA ZLA BA DE'I ZHAG GI 'GO 'DZIN PA DUS MNYAM, ZHAG DE'I NAM PHYED DANG LUS 'PHAGS GLING GI DBYAR 'BRING GI TSES GCIG GI NYI MA 'CHAR BA DANG ZLA BA DE'I ZHAG GI 'GO 'DZIN PA DUS MNYAM PA'I PHYIR, DER THAL, DE'I TSE ZHAG GCIG LAS DUM BU BCU GNYIS LA ZLA BA BCU GNYIS SO SOR 'CHAR BA'I PHYIR TE, KHAMS LE'I NGA GSUM PA'I 'GREL CHEN LAS, SHAR GYI PHYED DU LUG GO ,DBANG LDAN DU GLANG NGO, ,BYANG GI PHYED DU 'KHRIGS PA'O, ,SLAR YANG BYANG GI PHYED DU GA RKA tE'O; ;RLUNG DU SENG GE'O, ,NUB KYI PHYED DU BU MO'O, ,SLAR YANG NUB KYI PHYED DU SRANG NGO, ,BDEN BRAL DU SDIG PA'O, ,LHO'I PHYED DU GZHU'O, ,SLAR YANG LHO'I PHYED DU CHU SRIN NO, ,ME DU BUM PA'O, ,SHAR GYI PHYED DU NYA'O ZHES PA NI GOL LA

, ,KHYIM 'GOD PA'O, ,'DIR LUG SHAR PA NA SRANG NUB BO, ,ZHES GSUNGS PA'I PHYIR, 'DI LA ZHIB CHA DGOS SO, ,GZHAN YANG, 'DUL MNGON PA NYA SKAR LA RTOG DPYOD MA BYAS PA DAG NA RE, 'DZAM BU'I GLING 'DIR, DPYID 'BRING NAG PAS NYA BA'I TSE GLING GZHAN GSUM DU RGYAL SOGS KYIS NYA BA YIN ZER NA, ZHAG GCIG LA GLING BZHIR NYA SKAR MI 'DRA BA BZHI 'BYUNG BAR THAL, 'DOD PA'I PHYIR, 'DOD NA, ZHAG GCIG LA ZLA BAS GLING BZHIS DUM BU BCU GNYIS LA NYA SKAR MI 'DRA BA BCU GNYIS LONGS SPYOD PAR THAL, 'DOD PA'I PHYIR, 'DOD NA, ZLA BA ZHAG GCIG LA RGYU SKAR NYER BDUN LA LONGS SPYOD NUS PAR THAL, 'DOD PA'I PHYIR, 'DOD MI NUS TE, ZLA BAS ZHAB RE LA SKAR KHYIM RE RE LHAG LA LONGS SPYOD MI NUS PAR MNGON SUM GYIS 'GRUB PA'I PHYIR, GZHAN YANG, DUS 'KHOR 'GREL CHEN SOGS KYI DPE TZAM MTHONG BA KHA CIG NA RE, GLING BZHIR KHYIM BCU GNYIS 'KHOR TSUL YOD DE, 'DZAM BU'I GLING 'DIR MAR NGO SNGON 'GRO'I SA GA ZLA BA DANG SBYOR BA'I TSE, ME'I MTSAMS LA GLANG KHYIM DANG, DBYAR RA SNRON GYIS NYA BA SOGS YIN PA'I PHYIR, DE LTAR DUS 'KHOR RTZA RGYUD KYI TSIGS BCAD DRUG CU PA'I THAD KYI 'GREL CHEN LAS, LHUN PO'I LHO'I DUM BU 'DIR LUG LA NYI MA GNAS PAS DPYID KYI DUS SU SA GA'I ZLA BA BYED DO, ,ME'I ZUR GYI PHYED DUM BU GNYIS PA LA SNRON GYI ZLA BA BYED DO, ,ZHES GSUNGS PA'I PHYIR ZER NA, MA KHYAB STE, ZLA BA DE DAG GI NYA SKAR GYI ZLA BA'I

DOD THUB TZAM LA DGONGS KYI SKAR MA DE DAG GIS NYA BA MA YIN PA'I PHYIR TE, RVA 'BRO GNYIS KA'I 'GYUR LAS, NYA SKAR GYI MING MI 'BYUNG BA'I PHYIR TE, 'BRO 'GYUR LAS, 'DIR NYI MA LUG LA GNAS PA'I LHUN PO'I DUM BUR DPYID KYI DUS DPYID ZLA THA CHUNG DU BYED DO, ,ME'I ZUR PHYED DUM BU GNYIS PA NI DBYAR ZLAR BA'I ZLA BAR BYED DO ZHES SOGS GSUNGS LA, RVA 'GYUR LAS KYANG RA 'BRING THA MAR BSGYUR BA'I PHYIR, RVA 'GYUR LAS KYANG, 'DIR LHUN PO'I LHO PHYOGS KYI SA'I DUM BU NYI MA LUG LA SOGS LA GNAS PA DPYID KYI MTSAMS DPYID ZLA THA CHUNG ZLA BAR BYED DO, ,ME MTSAMS KYI PHYED DUM BU GNYIS PAR DBYAR ZLA NGA BA'I ZLA BAR BYED DO, ,DE LTAR ME MTSAMS KYI PHYI MA'I PHYED KYI DUM BU GSUM PAR DBYAR ZLA 'BRING POR BYED DO, ,ZHES GSUNGS PA'I PHYIR, GZHAN YANG, SNGON GYI MKHAS PA 'JAM GSAR BA SOGS DUS 'KHOR BA DANG 'DUL MNGON PA KHA CIG NA RE, GLING BZHIR DUS BZHI CIG CAR BA YIN TE, 'BYAR DBYAR MNYAM STON STON MNYAM PA SOGS YIN PA'I PHYIR, DER THAL, 'DZAM BU'I GLING 'DIR DPYID 'BRING NAG BA ZLA BA'I TSES GCIG SHAR BA'I DUS SU GLING GZHAN GSUM LA'ANG, DPYID 'BRING GI TSES GCIG 'CHAR BA'I PHYIR, 'DIR DPYID 'BRING BCO LNGAR NAG PAS NYA BA'I ZLA BA DE YONGS RDZOGS LA GLING GZHAN GSUM LA'ANG 'CHAR BA'I PHYIR ZER NA MA KHYAB STE, DE 'CHAR KYANG DE'I TSE GLING BZHIR DUS MI 'DAB BZHI 'ONG BA'I PHYIR, DE'I TSES DUM BU BCU GNYIS LA KHYIM

, ,BCU GNYIS 'BYUNG BA'I PHYIR TE, KHAMS LE'I TSIGS BCAD NGAG GRUM PA'I 'GREL BA LAS, 'DIR SHAR GYI PHYED DU LUG GO ,DBANG LDAN DU GLING NGO, ,BYANG GI PHYID DU 'KHRIG PA'O, ,SLAR YANG BYANG GI PHYED DU KA RKA tA'O, ,RLUNG DU SENG GE'O, ,NUB KYI PHYED DU BU MO'O, ,SLAR YANG NUB KYI PHYED DU SRANG NGO, ,BDEN BRAL DU SDIG PA'O, ,LHO'I PHYED DU GZHU'O, ,SLAR YANG LHO'I PHYED DU CHU SRIN NO, ,ME RU BUM PA'O, ,SHAR GYI PHYED DU NYA'O, ,ZHES GSUNGS PA'I PHYIR, KHO NA RE, DBYAR DBYAR MNYAM SOGS YIN PAR THAL, DE LTA MA YIN NA GLING 'DIR DPYID 'BRING GI DUS SU SHAR NUB GNYIS LA LHO BSGROD BYANG BSGROD MTHAR THUG DANG, LHO BYANG GNYIS LA NYI MA MTHO DMAN GYI TSUL DU 'KHYOGS PAR 'GRO BAR THAL, 'DOD PA'I PHYIR, 'DOD NUS TE, DE LTAR MA YIN PAR MNGON SUM GYIS 'GRUB PA'I PHYIR ZER NA MA GRUB STE, DE LTAR LUNG RIGS DU MAS GRUB PA'I PHYIR, DUS 'KHOR YE LE'I 'GREL CHEN LAS, ZLA BA DANG NYI MA'I RGYU BA RNAM PA BZHI STE, MYUR BA DANG DAL BA DANG, 'KHYOGS BO DANG 'BYUNG BA'I RKANG PA RNAMS KYI NOR 'PHEL BA DANG 'GRIB PA DANG, BU LON 'PHEL BA DANG 'GRIB PA'I DBYE BAS SO, ,ZHES GSUNGS PA'I PHYIR, LUNG GIS GNOD DE, DUS 'KHOR 'GREL CHEN LAS, 'DZAM BU'I GLING GI DUM BU PHYED LA LUG GI KHYIM LA BYED DO, ,ME'I MTSAMS LA GLANG GI KHYIM LA BYED DO, ,SHAR GYI DUM BU PHYED LA 'KHRIG PA'I KHYIM LA BYED DO, ,DE'I

DUM BU GZHAN LA KARKA tA'O, ,ZHES SOGS GSUNGS PA'I PHYIR, GZHAN YANG, DGUN 'DZAM GLING 'DIR MTSAN MO YUD TZAM BCO BRGYAD YOD DUS SGRA MI SNYAN LA'ANG MTSAN MO YUD TZAM BCO BRGYAD YOD PAR THAL, GLING BZHIR DGUN MNYAM PA'I PHYIR; RTAGS KHAS, 'DOD MI NUS TE, DE'I TSE GLING 'DI'I MTSAN MO DANG SGRA MI SNYAN GYI NYIN MO MNYAM PA'I PHYIR TE, MDO NYI MA'I SNYING PO LAS, MCHU NI ZLA BA RAB RDZOGS BYED, ,DGUN ZLA THA CHUNG RANG BZHIN YIN, ,MTSAN MO BCO BRGYAD SHES PAR GYIS, NYIN BAR YANG NI BCU GNYIS YIN, ,ZHES DANG, GDAGS PA LAS KYANG, LO GCIG LA DUS GCIG TU MTSAN MO YUD TZAM BCO BRGYAD DANG NYIN MO YUD TZAM BCU GNYIS YOD, ,DE GANG ZHE NA, DGUN ZLA THA CHUNG GI YAR NGO'I TSES BRGYAD LA MTSAN MO YUD TZAM BCO BRGYAD NYIN MO YUD TZAM BCU GNYIS YOD DO, ,ZHES GSUNGS PA'I PHYIR, YANG KHA CIG, DUS TSIGS LA GSUM DU PHYE PA DANG BZHIR PHYE BA DANG LNGAR PHYE PA DANG DRUG TU PHYE PA'I DUS DE, DUS DE DANG DE MTSAN NYID PA YIN ZER NA, DUS TSIGS LA GSUM DU PHYE BA'I DGUN DUS DGUN DUS MTSAN NYID PA DANG, DPYID DUS DPYID DUS MTSAN NYID PA SOGS YIN PAR THAL, 'DOD PA'I PHYIR, 'DOD NA, DUS TSIGS LA BZHIR PHYE BA'I DGUN DUS DE, DGUN DUS MTSAN NYID PA YIN PA NAS STON DUS DE STEN DUS MTSAN NYID PA YIN PAR THAL, 'DOD PA'I PHYIR, 'DOD NA, DGUN DUS GSAR DU 'BYUNG BA'I DUS SHIG MED PAR THAL, SMIN DRUG ZLA BA'I MAR NGO'I TSES GCIG NAS

, ,GSAR DU GRUB PA MA YIN, MGO ZLA BA'I YAR NGO'I TSES GCIG NAS GRUB PA'ANG MA YIN PA'I PHYIR, DANG PO MA GRUB NA, DE MA YIN PAR THAL, DE GSAR DU GRUB PA LA SLAR YANG ZHAG BCO LNGA 'DAS DGOS PA'I PHYIR, DER THAL, DE MGO ZLA BA'I YAR NGO'I TSES GCIG LA GSAR DU GRUB DGOS PA'I PHYIR, RTAGS KHAS, GNYIS PA MA GRUB NA, DE MI 'THAD PAR THAL, DE DUS DE GSAR DU GRUB NAS ZHAG BCO LNGA 'DAS PA'I PHYIR, DER THAL; SMIG DRUG ZLA BA'I MAR NGO'I TSES GCIG LA GSAR DU GRUB PA'I PHYIR, RTAGS KHAS, YANG KHA CIG, DPYID KYI ZLA BA YIN NA DPYID DUS YIN PAS MA KHYAB ZER NA, DPYID DUS YIN NA DUS TSIGS LA GSUM DU PHYE BA'I DPYID DUS YIN DGOS PAR THAL, 'DOD PA'I PHYIR, 'DOD NA, DBO ZLA BA CHOS CAN, DER THAL, DE'I PHYIR, SOS KA NI TSA BAR 'DRA BA'I PHYIR DPYID DU BSHAD DO, ,ZHES PA'I LUNG LA BLO RTZE GTAD NAS KHAS BLANGS PA'I PHYIR, 'DOD MI NUS TE, DPYID DUS YIN PA'I PHYIR, DPYID KYI DUS GSUM PO GANG RUNG YIN PA'I PHYIR, DER THAL, DPYID KYI LO ZLA ZHAG GSUM GANG RUNG YIN PA'I PHYIR, GZHAN YANG, DUS TSIGS LA BZHIR PHYE BA'I DBYAR ZLA YIN NA, DUS TSIGS LA GSUM DU PHYE BA'I DBYAR YIN DGOS PAR THAL, STON SMAD NI CHAR 'BABS PAR 'DRA BA'I PHYIR DBYAR DU BSHAD DE, ZHES PA'I LUNG LA BRTEN NAS DUS TSIGS GANG DANG GANG GI LO ZLA ZHAG GSUM PO DE DANG DE'I DUS MTSAN NYID PA YIN

PA'I PHYIR, 'DOD NA, DUS TSIGS LA BZHIR PHYE BA'I DBYAR ZLA THA CHUNG CHOS CAN, DUS TSIGS LA GSUM DU PHYE BA'I DBYAR ZLA YIN PAR THAL, DUS TSIGS LA BZHIR PHYE BA'I DBYAR ZLA YIN PA'I PHYIR, 'DOD NA, MAR NGO SNGON 'GRO CAN GYI ZLA BA YIN PAR THAL, DUS TSIGS LA GSUM DU PHYE BA'I ZLA BA YIN PA'I PHYIR, 'DOD MI NUS TE, YAR NGO SNGON 'GRO CAN GYI ZLA BA YIN PA'I PHYIR TE, 'JIG RTEN PA'I LUGS DANG MTHUN PAR DUS TSIGS LA BZHIR PHYE BA'I YAR NGO SNGON 'GRO CAN GYI ZLA BA YIN PA'I PHYIR, KHA CIG, DBYAR DUS KYI ZLA BA YIN NA, YAR NGO SNGON 'GRO CAN DANG MAR NGO SNGON 'GRO CAN GYI ZLA BA GANG RUNG YIN PAS KHYAB ZER NA, DBYAR DUS KYI KARKA tA'I KHYIM ZLA CHOS CAN; DER THAL, DE'I PHYIR, DER THAL, DBYAR DUS KYI KHYIM ZLA YIN PA'I PHYIR, 'DOD MI NUS TE, DE LA RAGS RTZIS KYI DBANG DU BYAS KYANG YAR NGO DANG MAR NGO SNGON 'GRO GNYIS YOD CING, ZHIB TU BRTZIS PA NA YAR NGO MAR NGO SOGS LA MI LTOS PAR, RANG GI KHYIM SLEBS KYI RI MO SHAR PA NAS 'GO BRTZAMS NAS, KHYIM DE'I MJUG MA RDZOGS KYI BAR LA 'JOG DGOS PA'I PHYIR, DES KHYIM ZLA'I 'GO YANG YAR NGO MAR NGO'I TSES GCIG SOGS LA SBYOR DGOS PAR 'DOD PA YANG KHEGS SO, ,ZLA SHOL 'DOR TSUL LA KHA CIG, RTA BYA BYI BA YOS LA SHOL, ZHES SOGS KYIS BSHAD PA LTAR LO GSUM GSUM NAS ZLA SHOL 'DON ZER NA, DE MI 'THAD PAR THAL, RAGS RTZIS KYI DBANG DU BYAS NA MI 'THAD PA

, ,GANG ZHIG, ZHIB RTZIS KYI DBANG DU BYAS NA'ANG MI 'THAD PA'I PHYIR, DANG PO GRUB STE, BCOM LDAN 'DAS KYIS DGE SLONG DAG LO LNGA LNGA NAS SHOL DOR CIG, CES GSUNGS PA LTAR LO RE RE LA ZHAG DRUG DRUG LHAG PAS ZLA SHOL 'DOR BA RAGS RTZIS KYI DBANG DU BYAS KYI, DE LAS GZHAN PA'I MKHAS PA SUS KYANG MA MDZAD PA'I PHYIR, GNYIS PA GRUB STE, SHOL 'DOR BA'I ZLA BA DE'I RJES MA NAS BZUNG STE ZLA BA SUM CU RTZA GNYIS 'DAS SHING SO GSUM PA LA SHOL 'DOR DGOS PA'I PHYIR, 'GREL CHEN LAS, 'DIR ZLA BA PHYED DANG BCAS PA'I SUM CU RTZA GNYIS NA LHAG PA'I ZLA BAR 'GYUR TE, GNAM STONG LA NI NYI MA'I 'PHO BA MED PA'I PHYIR RO, ,DES NA LONGS SPYOD PAR MI 'GYUR RO, ,ZHES GSUNGS PA'I PHYIR, KHYAB STE, PHYED DANG SO GNYIS DANG PHYED DANG BCAS PA'I SO GNYIS MI 'DRA BA'I PHYIR, KHYIM ZLA PHYED DANG SO GSUM DANG NYIN ZHAG GI ZLA BA SO GSUM PA LA ZLA LHAG 'DON PA'I PHYIR, DER THAL, LO GCIG GI KHYIM ZHAG DANG TSES ZHAG GNYIS DO BSNGOS PA'I TSES ZHAG GIS KHYIM ZHAG GI DOD MA THUB PAS TSES ZHAG BCU GCIG RJES 'BRANG DANG BCAS PA LHAG PA'I PHYIR, DER THAL, DE LTAR CHOS MNGON RIN CHEN 'DREN PA'I SHING RTA LTAR 'THAD PA'I PHYIR; YANG GSO SBYONG BCU BZHI PA 'BYUNG TSUL LA KHA CIG, THUB PA'I RJES SU THUB PA MI THUB PA'I RJES SU MI THUB PA 'BYUNG ZER, KHA CIG, MI THUB PA'I RJES SU THUB PA THUB PA'I RJES SU MI THUB PA 'BYUNG ZER NA, 'O NA, LO

GCIG LA RGYAL ZLA GNYIS BYUNG BA'I RGYAL ZLA DANG POR BCU GZHI PA GNYIS PA'I MAR NGOR GSO SBYONG BCO LNGA PA 'BYUNG BAR THAL, KHYOD KYIS ZHAG GCIG LHAG LONG MED PAR MI THUB PA'I RJES SU THUB PA 'BYUNG BA'I PHYIR, 'DOD NA, MCHU ZLA BA'I MAR NGOR GSO SBYONG BCU BZHI PA GCIG 'BYUNG BAR THAL, THUB PA'I RJES SU MI THUB PA 'BYUNG PA'I PHYIR, 'DOD MI NUS TE, MDZOD 'GREL LAS, DGUN DANG DPYID DANG DBYAR RNAMS KYI ZLA BA PHYED DANG GNYIS 'DAS SHING, ZHES SOGS DANG; LO DRI BAR, RGYAL DANG PO DANG SA GA DANG, ,ZHES SOGS LTAR, LO GANG DANG GANG GI ZLA BA DE DANG DER NGES PA'I PHYIR, DER THAL, BCOM LDAN 'DAS KYIS DGE SLONG DAG LO LNGA LNGA NAS SHOL DOR CIG CES GSUNGS PA YANG DUS TSIGS LA DRUG TU PHYE STE GSO SBYONG BCU BZHI PA NGOS 'DZIN PA'I PHYIR DU GSUNGS PA YIN PA'I PHYIR, YANG KHA CIG, DBYAR GYI ZLA BA GNYIS PA YI, ,THA MA'I TSES DGU NAS MTSAN RING, ,DGUN RNAMS KYI NI BZHI PA LA, ,THUNG NGUR 'GYUR RE NYIN MO LDOG ,CES PA'I GZHUNG 'DIS DGUN GYI NYI LDOG DNGOS SU BSHAD CING, DE'I RGYU MTSAN GYIS MDZOD RTZA 'GREL MA DAG ZER NA, 'O NA, DBYAR GYI ZLA BA GNYIS PA YI, ,THA MA'I TSES DGU NAS MTSAN RING, ,ZHES PA'I GZHUNG 'DIS DBYAR NYI RING BA MTHAR THUG DANG NYI MA BYANG BGROD MTHAR THUG DNGOS SU BSTAN NAS, DGUN RNAMS KYI NI BZHI PA LA, ,THUNG NGUR 'GYUR RO NYIN MO LDOG ,CES PAS DGUN NYI THUNG BA MTHAR THUG DANG NYI MA LHO BGROD MTHAR

, ,THUG DNGOS SU BSHANG BAR THAL, KHYOD KYIS MDZOD RTZA 'GREL MA DAG PAR KHAS LEN PA DE'I PHYIR, 'DOD NA, DBYAR GYI ZLA BA GNYIS PA YI, ,THA MA'I TSES DGU NAS MTSAN RING, ZHES PAS DUS TSIGS LA GSUM DU PHYE BA'I DBYAR ZLA GNYIS PA'I TSES BRGYAD LA NYIN MTSAN YUD TZAM BCO LNGA RES MNYAM ZHING TSES DGU NAS MTSAN MO THANG CIG RES RING BAR 'GYUR BA DANG, DGUN RNAMS KYI NI BZHI PA LA, THUNG NGUR 'GYUR RO ZHES PA'I GZHUNG 'DIS DGUN GYI ZLA BA BZHI PA'I TSES BRGYAD LA NYIN MTSAN YUD TZAM BCO LNGA RES MNYAM ZHING, DE'I TSES DGU NAS MTSAN MO LAS NYIN MO RING PAR 'GYUR BAR BSTAN PAR THAL, KHYOD KYI NYIN MTSAN RING THUNG DU 'GYUR TSUL DE'I PHYIR, 'DOD NA, DE'I SNGON DU DBYAR NYI LOG NAS NYIN ZHAG GI ZLA BA GSUM 'DAS PAR THAL, 'DOD PA'I PHYIR, KHYAB STE, DBYAR NYI LOG NAS NYIN ZHAG GI ZLA BA GSUM MA 'DAS PAR STON DPYID NYIN MTSAN MNYAM PA 'BYUNG MI SRID PA'I PHYIR, DER THAL, NYIN MTSAN RING BA THANG CIG RE 'BYUNG BA YIN PA'I PHYIR TE, RTZA BAR, NYIN MTSAN RING BA THANG CIG GO ,ZHES GSUNGS PA YIN PA'I PHYIR, KHYAB STE, THANG CIG SUM CU LA YUD TZAM GCIG TU 'JOG DGOS PAS, ZLA RE LA YUD TZAM RE LHAG RE LAS 'PHEL 'GRIB MI 'BYUNG BA DE YIN PA'I PHYIR, YANG KHA CIG, DBYAR GYI ZLA BA GNYIS PA YI, ,ZHES PA NAS, NYIN MO LDOG CES PA'I TSIG ZUR GYI LDOG PA DE NYIN MTSAN RING

THUNG GO LDOG PA DANG, NYIN MTSAN RING THUNG DU 'GYUR BA KHO NA LA BYED ZER NA, BON DE LA NYI MA'I BGROD BA LDOG PA ZHIG MED PAR THAL, 'DOD PA'I PHYIR, 'DOD MI NUS TE, NYI MA'I LHO BYANG GI BGROD PA LDOG PA GNYIS DANG NYIN MTSAN RING THUNG GO LDOG PA GNYIS DANG BZHI YOD PA'I PHYIR, DER THAL, GLING GANG DANG GANG GI LHO BGROD KYI TSE 'CHAR SA DMA' PAS 'CHAR 'PHYI LA NUB SNGA BAS NYIN MO THUNG BAS MTSAN MO RING BA DANG BYANG BGROD KYI SKABS SU 'CHAR SA MTHO BAS 'CHAR SNGA LA NUB 'PHYI BAS NYIN RING ZHING MTSAN THUNG NGUR 'GYUR BA DE YIN PA'I PHYIR, DER THAL, NYI MA'I 'GROS KYIS NYIN MTSAN RING THUNG DU 'GYUR BA YIN PA'I PHYIR TE, RANG 'GREL LAS, NYI MA'I BGROD PA'I BYE BRAG GIS NYIN MTSAN RING THUNG DU 'GYUR RO; ;ZHES DANG, RTZA BAR, NYIN MTSAN RING BA THANG CIG GO ,NYI MA LHO BYANG BGROD CHE'O, ,ZHES GSUNGS PA'I PHYIR, YANG KHA CIG, THUNG NGUR 'GYUR RO NYIN MO LDOG, CES PA'I GZHUNG 'DIS NYI LDOG DNGOS SU BSTAN PAR THAL, MTSAMS SBYOR GYI RANG 'GREL LAS, NYI MA'I BGROD PA'I BYE BRAG GIS NYIN MTSAN RING THUNG DU 'GYUR RO, ,ZHES PA'I GZHUNG 'DIS NYI LDOG DNGOS SU BSTAN PA'I PHYIR ZER NA MA KHYAB, 'DIS GZHUNG SNGA MA'I SHUGS LA BSTAN PA'I NYI LDOG DE DNGOS SU BSTAN BA'I PHYIR, DER THAL, 'DIS STON DPYID NYIN MTSAN MNYAM PA'I RJES SU NYIN MTSAN RING THUNG DU 'GYUR BA DNGOS SU BSTAN PA'I PHYIR, GNYIS PA RANG GI LUGS LA, 'JIG RTEN 'DI'I DBANG DU BYAS PA'I PHYI ROL GYI LO ZLA ZHAG

, ,GSUM GYI RTZIS GZHIR GYUR BA'I SKAD CIG MA SOGS DUS KYI THOG MA 'BYUNG TSUL LA DPYAD PA DANG, DUS KYI BYED PO YOD MED LA DPYAD PA DANG, DE LAS BYUNG BA'I LO ZLA ZHAG GSUM GYI RNAM BZHAG LA DPYAD PA DANG, DBYAR DGUN GYI NYI MA LDOG TSUL LA DPYAD PA DANG, ZHAR LA DUS CHEN GYI RNAM BZHAG LA DPYAD PA DANG LNGA LAS, DANG PO PHYI ROL GYI LO ZLA ZHAG GSUM GYI RTZIS GZHI'I SKAD CIG MA SOGS DUS KYI THOG MA BYUNG TSUL YOD DE, SHED BU DANG SHED LAS SKYES SOGS KYIS SA'I ZHAG ZOS PAS LUS LA MKHRANG BZHUGS PAS LUS LCI BA DANG, LUS KYI 'OD NUB PA'I CHOS NYID KYIS MUN PA BYUNG BA NA, DANG POR NYI MA DANG ZLA BA DAG BYUNG ZHING, DE'I RJES SU GZA' DANG SKAR MA DANG DUS TSIGS RNAMS KYANG 'JIG RTEN DU BYUNG BA YIN PA'I PHYIR TE, GDAGS PA LAS, DE'I SEMS CAN DAG GIS SA'I ZHAG ZOS PAS LUS MKHRANG BA DANG, ZHES DANG, MUN PA BYUNG BA NA ZHES PA NAS, BYUNG BAR GYUR TO ZHES BA'I BAR DANG, SANGS RGYAS THAMS CAD KYI YON TAN DANG YE SHES KYI YUL LA 'JUG PA'I MDO LAS ZLA BA'I 'PHEL 'GRIB NI NYI MA'I 'GROS DANG SANGS RGYAS KYI BYIN BRLABS KYI DBANG GIS YIN PAR 'CHAD 'GYUR LTAR DANG, SDOM 'BYUNG SOGS RGYUD DU MA NAS KYANG BSHAD PA'I PHYIR, GNYIS PA BYED PA PO YOD MED LA 'DOD TSUL GNYIS YOD DE DUS 'KHOR NAS BSHAD TSUL DANG, MDO NYI MA'I SNYING PO NAS BSHAD TSUL GCIG DANG GNYIS YOD PA'I PHYIR, DANG PO DUS 'KHOR

KYI LUGS YOD DE, CHOS NYID KYIS MUN PA BYUNG BA YAN CHAD 'DUL LUNG SOGS DANG MTHUN LA, DE'I RJES SU NYI MA DANG ZLA BA SKAR MA RNAMS BYUNG ZHING RGYU SKAR RNAMS KYI BAR THAG DANG GO RIM MI 'CHOL BA NI GO LA DANG, DHRU BA'AM BRTAN PA'I DBANG GIS YIN PA'I PHYIR, GNYIS PA MDO NYI MA'I SNYING PO LTAR NA BSKAL PA DANG PO'I TSE NYI ZLA GZA' SKAR RNAMS LA GO RIM NGES PA MED PAR RGYU BA LA RANG RE'I STON PA'I SKU TSE SNGA MA ZHIG TU DRANG SRONG RNGA BONG ZHES BYA BAR GYUR PA'I CHO GZA' SKAR SOGS KYI GO RIM DA LTA'I DE LTAR BYAS PAR 'DOD DE, DE'I TSE DRANG SRONG DE LO DRUG KHRI'I BAR DU TING NGE 'DZIN KHYAD PAR CAN BSGRUBS TE DKA' THUB MDZAD PA'I TSE NUS MTHU CAN DU GYUR PA NA, TSANGS PA DANG BRGYA BYIN SOGS KYIS 'JIG RTEN GYI KHAMS GZHAN DANG BSKAL PA GZHAN DU GZA' SKAR SOGS KYI GO RIM YOD LA, 'DIR NGES PA MED PAS GO RIM MDZAD DU GSOL, ZHES ZHUS PAS, RE ZHIG DANG POR SMIN DRUG BRJOD, ,CES SOGS DANG, LO NI DRUG KHRI THAM PAR YANG, ,RKANG PA GCIG GIS DKA' THUB GNAS, ,ZHES SOGS GSUNGS PA YIN PA'I PHYIR, GSUM PA DE LAS BYUNG BA'I LO ZLA ZHAG GSUM GYI RNAM BZHAG BSHAD PA LA, MNGON PA NAS BSHAD PA'I TSUL DANG, DUS 'KHOR NAS BSHAD PA'I TSUL DANG, THA SNYAD RIG GNAS GZHAN LAS BSHAD PA'I TSUL DANG GSUM LAS, DANG PO MNGON PA NAS BSHAD PA'I TSUL YOD DE, SKYES BU NAD MED STOBS LDAN GYIS SE GOL GTOGS PA'I YUN LA, CHA DRUG CU RE

, ,LNGAR PHYE BA'I CHA GCIG LA SKAD CIG MA GCIG DANG, DE BRGYA NYI SHU LA DE'I SKAD CIG MA DANG, DE DRUG CU LA THANG CIG DANG, DE SUM CU LA YUD TZAM DANG, DE SUM CU LA NYIN ZHAG DANG, DE SUM CU LA ZLA BA DANG, ZHAG MI THUB PA DANG BCAS PA'I ZLA BA BCU GNYIS LA LOR 'JOG PA'I PHYIR TE, MDZOD LAS, SKAD CIG MA BRGYA NYI SHU LA, ZHES PA NAS, ZLA BA BCU GNYIS LA LO GCIG, CES GSUNGS PA'I PHYIR, GNYIS PA DUS 'KHOR NAS BSHAD TSUL YOD DE, SROG CHAGS RANG RANG GI DBUGS NYI KHRI CHIG STONG DRUG PA RGYAL ZHAG GCIG, DE SUM CU LA ZLA BA GCIG, DE BCU GNYIS LA LOR BYAS TE 'JOG PA YIN PA'I PHYIR TE, PHRA DBUGS ZHES SOGS KYIS 'GRO BA RANG RANG GI DBUGS KYIS RANG LO 'JOG TSUL BSTAN PA'I PHYIR, GSUM PA 'CHI MED MDZOD SOGS NAS BSHAD TSUL YOD DE, MIG 'DZUM BCVO BRGYAD LA MTHAR GNAS GCIG TU BYED PA SOGS CHOS MNGON RIN CHEN 'DREN PA'I SHING RTA LAS BSHAD PA BZHIN YIN PA'I PHYIR, LO LA YANG SGRA SGRUB LUGS KYI DBANG DU BYAS PA'I MING GI RNAM GRANGS DU MA YOD DE, YONGS BGRANGS BGRANGS GZHI RANG SKYOBS 'DOR BYED DANG BZHI RNAMS SU YOD BA'I PHYIR TE, 'CHI MED MDZOD LAS, YONGS BGRANGS BGRANGS GZHI RANG SKYOBS DANG, ,'DOR BYED CES BYA LO YI MING, ,ZHES GSUNGS PA'I PHYIR, RANG GI CHA SHAS SU GYUR PA'I ZLA BA BCU GNYIS TSAD TZAM GYI CHA NAS

BZHAG PA'I DUS KHYAD PAR CAN DE, LO'I MTSAN NYID, DE LA DBYE NA, DUS BZHI 'KHOR TSUL GYIS KHYIM ZLA BCU GNYIS RDZOGS PA'I KHYIM LO DANG, RANG GI RTZIS GZHI'I NYIN ZHAG SUM CU LA ZLA BA, DE BCU GNYIS LA LOR BYAS PA'I NYIN ZHAG GI LO DANG, RANG GI RTZIS GZHI'I ZLA BA'I 'PHEL 'GRIB KYI CHA SUM CU LA ZLA BA, DE BCU GNYIS LA LOR BYAS PA'I TSES LO DANG GSUM RNAMS SU YOD LA, DE YANG, BDE MCHOG BSTOD 'GREL LAS, RAB BYUNG RNAM BYUNG DKAR PO DANG, ,RAB MYOS SKYE BA DAG AANG GIR, ZHES PA NAS, MIG DMAR KHRO BO ZAD BYED DO, ,ZHES PA'I BAR DRUG CU RNAMS SU YOD PA'I PHYIR, RGYA NAG SOGS NAG RTZIS PA LTAR NA BYI BA LO NAS PHAG LO'I BAR BCU GNYIS LA 'BYUNG BA RE RE LA PHO MO GNYIS GNYIS BRTZIS TE, RE RE LA'ANG SHING ME SA LCAGS CHU DANG LNGAS BSGYUR BAS LO BCU GNYIS PHRAG LNGA LAS DRUG CU 'BYUNG BA DE YIN PA'I PHYIR, DE'I NANG NAS ME STAG GI YAR NGO SNGON 'GRO'I DPYID 'BRING NAG PA ZLA BA 'AM, MANG PO SNGON 'GRO'I SA GA ZLA BA'I NANG DU MGO BZUNG ZHING DE'I MJUG RDZOGS PA'I LO DE BDE MCHOG BSTOD 'GREL NAS BSHAD PA'I RAB BYUNG GI LO DANG DON GCIG, LO 'GO 'DZIN TSUL LA, RGYA GAR NAG BOD KYI YIG CHA LAS LO 'GO 'DZIN TSUL MANG DU BSHAD PA YIN TE, SBAL TI SOGS KYIS RTEN 'BREL MDO 'GREL LA KHUNGS BCOS NAS LO 'GO DANG DGUN DUS KYI DANG PO HO ZLA BRGYAD PA NAS 'DZIN PA DANG, RTZANG DBUS KYI MKHAS PA KHA CIG GIS,

, ,MDO NYI MA'I SNYING PO LA BRTEN NAS LO 'GO DANG DGUN DUS DANG PO HOR ZLA DGU PA NAS 'DZIN PA DANG, SA DGE'I MKHAS MANG SPYI DANG 'DUL 'DZIN YONGS GRAGS KYI HOR ZLA BCU PA'I MAR NGO NAS LO 'GO DANG DGUN DUS KYI DANG PO 'DZIN PA DANG, GDAN BZHI DANG RDO RJE MKHA' 'GRO SOGS LAS DGUN ZLA 'BRING PO RGYAL ZLA BA NAS LO 'GO 'DZIN PA DANG, RGYA NAG GI RTZIS GZHUNG SO M'A R'A DZA LTAR NA, HOR ZLA BCU GCIG PA LA LO 'GO 'DZIN PA DANG, RTZANG DBUS KYI NAG RTZIS PA RNAMS KYIS HOR ZLA BCU GNYIS PA NAS LO 'GO 'DZIN PA DANG, HOR DANG RGYA'I RGYAL POS MCHU ZLA BA NAS LO 'GO 'DZIN PA DANG, MDO MYANG 'DAS LTAR NA, DPYID RA NAS LO 'GO 'DZIN PA DANG, DUS 'KHOR LTAR NA, YAR NGO SNGON 'GRO CAN GYI NAG PA ZLA BA NAS LO 'GO 'DZIN PA DANG, MAR NGO SNGON 'GRO CAN GYI SA GA ZLA BA NAS LO 'GO 'DZIN PA'I TSUL GNYIS DANG, GSER 'OD DAM PA NAS DBYAR ZLAR BA NAS 'DZIN TSUL SOGS DU MA BSHAD PA'I PHYIR, KHYAD PAR DANG PO STON PAR BYED PA LA, NYA TSES DBYUG PA GANG YIN PA, ,STON ZLA 'BRING PO ZHES BYA BA, ,DE NI DUS KYI DANG POR BRJOD, ,CES LUNG 'DREN PAR BYED CING, DE RDZUN LUNG YIN PAR RJE SOGS KYIS BZHED PA'I PHYIR, GNYIS PA GRUB STE, MDO NYI MA'I SNYING PO LAS, BDAG GIS RGYU SKAR SMIN DRUG BRJOD, ,STON ZLA THA CHUNG ZHES BYA BA, ,ZHES GSUNGS

PA'I PHYIR, GSUM PA SHIN TU 'THAD DE, 'GREL BSHAD RGYAL SRAS MA LAS, SANGS RGYAS PA RNAMS KYI DUS KYI DANG PO NI DGUN DAG YIN NO, ,GNYIS PA NI DPYID DO, ,GSUM PA NI DBYAR RO, ,ZHES DANG, 'CHI MED MDZOD LAS, MGO NI RI DVAGS MGO YIN TE, ,DE NI DUS KYI DANG POR BRJOD, ,CES GSUNGS PA'I PHYIR, BZHI PA GRUB STE, RDO RJE MKHA' 'GRO LAS, DGUN ZLA 'BRING PO NAS BRTZAMS TE, ,NYI MA BYAD DU BGROD PA'I DUS, ,ZLA BA RNAM PA BCU GNYIS NI, ,RIM BZHIN RIM PA BZHIN DU BZHAG CES GSUNGS PA'I PHYIR, LNGA PA GRUB STE, RTZIS DKAR NAG GI DRIS LAN LAS, DPYID ZLAR BA STAG ZLA DANG SBYAR NAS LO 'GO 'DZIN PA'I RGYU MTSAN BSHAD PA LTAR YIN PA'I PHYIR, DRUG PA GRUB STE, HOR RGYAL POS MCHU ZLA BA STE YONGS GRAGS KYI LO GSAR ZLA BA LA LO 'GO 'DZIN PA YIN PA'I PHYIR, BDUN PA GRUB STE, RGYA LAS 'GYUR BA'I MYANG 'DAS LAS; ZLA BA GSUM NI DPYID KYI DUS, ,ZLA BA GSUM NI DBYAR GYI DUS, ,ZLA BA GSUM NI STON GYI PHYOGS, ,ZLA BA GSUM NI DGUN ZHES BYA, ,ZHES GSUNGS PA'I PHYIR, BRGYAD PA GRUB STE, DUS 'KHOR BAS DUS BZHI'I MTHA'I CHE'I LO DRUG CU SONG BA NA GZA' DANG SKAR MA THAMS CAD STONG BAR 'JUG PA'I RI MO 'CHAR ZHING, DE RJES LO'I DANG POR 'BYUNG, ZLA BA'I DANG PO NAG ZLA, GZA'I DANG PO NYI MA, SKAR MA'I DANG PO THA SKAR RNAMS 'CHAR BA'I PHYIR TE, 'JIG RTEN KHAMS DER 'GRO LA CU

, ,CHEN LAS, DES NA LO SO SO TZAM GYI NYI MA'I LONGS SPYOD DAG PA STE DPYID ZLA 'BRING BO NAS DPYID ZLA 'BRING PO'I BAR DU'O, ,ZHES GSUNGS BA'I PHYIR, KHYAB STE, NAG ZLA DANG POR 'ONGS TSUL YIN PA'I PHYIR, MKHAS GRUB RJE'I RIGS LDAN DRIS LAN DU, DUS BZHI'I MTHAR ZAD BYED KYI LO DPYID ZLAR BA'I GNAM STONG LA GZA' THAMS CAD SKAR MA NAM GRU'I STENG DU STONGS PA LA ZHUGS NAS NGES PA THAMS CAD STONG BAR 'GYUR ZHING, SLAR YANG NANGS PAR NAS NGES PA THAMS CAD KYI 'GO RTZOM BA NA LO RAB BYUNG ZLA BA DPYID ZLA 'BRING PO NAG PAS NYA BA, GZA' NYI MA SKAR MA THA SKAR SBYOR BA RNAM SEL, BYED PA BHA WI RNAMS SHAR NAS NGES PA THAMS CAD RIM BZHIN DU 'BYUNG BA YIN PAS, DE'I PHYIR LO'I DANG POR BA PHYUNG, ZLA BA'I DANG PO NAG ZLA, RGYU SKAR DANG PO THA SKAR, GZA'I DANG PO NYI MA, SBYOR PA'I DANG PO RNAM SEL, BYED PA'I DANG PO BHA WAm DU BYAS PA LAGS, ZHES GSUNGS PA'I PHYIR, LUGS 'DIR DPYID ZLA THA CHUNG DU'ANG YO 'GO 'DZIN TSUL GCIG YOD PAR BSHAD ZIN PA'I PHYIR, DGU PA GRUB STE, GSER 'OD LAS, ZLA GSUM DBYAR TE ZLA GSUM STON DU SHES, ,GSUM NI DGUN TE GSUM NI DPYID YIN NO, ,ZHES GSUNGS PA'I PHYIR, RANG GI RTZIS GZHI'I ZHAG SUM CU RDZOGS TZAM GYI DUS DE, ZLA BA'I MTSAN NYID, DE LA DBYE NA, KHYIM ZLA NYIN ZHAG GI ZLA BA TSES ZLA DANG GSUM, RANG GI RTZIS GZHI'I KHYIM ZHAG SUM CU'I TSANG TZAM GYI DUS DE, KHYIM ZLA'I MTSAN NYID, ZHES

GZHAN GNYIS LA YANG RIGS PA BSGRE, ZLA BA'I 'GO 'DZIN TSUL LA'ANG KHYIM ZLA'I 'GO YAR NGO MAR NGO GANG RUNG LA 'DZIN KYANG, YAR NGO'I TSES GCIG DANG MAR NGO'I CHOS GCIG GANG RUNG LA 'DZIN PA'I NGES PA MED PAR BSHAD ZIN, TSES ZLA'I 'GO 'JIG RTEN PA'I LUGS LA YAR NGO'I TSES GCIG LA 'DZIN PA SHAS CHE YANG MAR NGO'I TSES GCIG LA 'DZIN PA'ANG YONG, 'DUL MNGON RANG LUGS LA MAR NGOR 'DZIN PA YIN TE, RGYAL SRAS MA LAS, SANGS RGYAS PA RNAMS NI MAR GYI NGO SNGA STE, ZHES GSUNGS PA DANG, YAR NGOR 'DZIN PA'ANG ZHIB PAR RGYAL PO'I DRUNG NA GNAS PA'I RTZIS MKHAN RNAMS KYI RJES SU 'BRANG BAR BYA'O, ,ZHES SOGS KYIS GRUB PA'I PHYIR, ZLA BA BCU GNYIS PO RNAMS LA NYA SKAR GYI MING GI RNAM GRANGS MI 'DRA BA DU MA YOD PAS GZHAN DU SHES PAR BYA'O, ,KHYIM ZLA BCU GNYIS PO YANG PHYI ROL PA'I RGYUD LAS CHO GA CHEN MOR DRANGS PA LTAR, LUG RNAMS LUG GU SKYE BA'I DUS ZHES SOGS KYIS BSHAD PA LTAR DANG, ZHAG GI KHYAD PAR YOD DE; RANG RANG GI ZLA BA RE'I SUM CU CHA DE DER 'JOG DGOS PA'I PHYIR, ZHAG GSUM GYI KHYIM ZHAG GI DANG PO YOD DE, KHYIM ZHAG GI THOG MA'I RI MO NAM 'CHAR BA NAS 'DZIN PA'I PHYIR, SA DUM BU BCU GNYIS LA ZLA BA BCU GNYIS 'BYUNG PA'I GO RIM DANG; SO SO'I SNGA PHYI'I TSAD YOD DE, DE BCU GNYIS 'BYUNG TSUL SNGAR BSHAD PA LTAR GNYIS GANG ZHING, LHO GLING 'DIR DPYID ZLA 'BRING PO SHAR NAS CHU TSOD LNGA 'DAS PA NA LHO NUB KYI PHYED LA DPYID THA DANG, DE NAS CHU TSOD LNGA 'DAS PA NA DE'I

, ,PHYED LA DBYAR RA DANG, DE NAS CHU TSOD LNGA 'DAS PA NA NUB GLING DBUS MAR DBYAR 'BRING SOGS LHAG MA 'ANG DE LTAR 'CHAR BA'I PHYIR, DANG PO'I 'GREL CHEN LAS, CHU TSOD LNGA LNGA'I BAR GYI SO SO'I DUM BU SUM CUR BYAS PA'I CHA RNAMS SU NYI MA 'CHAR ZHES PA'O, ,ZHES GSUNGS PA'I PHYIR, NYIN ZHAG GI DANG PO YOD DE, GLING DER NYI MA'I THOG MA NAM SHAR BAR 'JOG PA BZHIN YIN PA'I PHYIR TE, JI SRID 'TSO DANG NYIN ZHAG TU ZHES PA DANG, MI RGYAN RNAMS NI NANGS PAR DU, ,ZHES SOGS RTZA 'GREL GYIS GRUB PA'I PHYIR, NYI MA SHAR PA'I THOG MA'ANG YOD DE, GLING DE'I DBUS SU NYI MA SHAR PAR 'JOG STE, RAS YUG GI PHYOGS GCIG TSIG PA NA RAS YUG TSIG PAR 'JOG BA BZHIN YIN PA'I PHYIR, TSES ZHAG GI DANG PO YOD DE, RAGS PAR NA NYIN ZHAG DANG MTSUNGS KYANG ZHIB PAR NA ZLA PA'I 'PHEL 'GRIB LA LTOS PA'I PHYIR TE, DUS TSIGS LA GSUM DU PHYE BA NAS DRUG TU PHYE BA'I BAR GYI DGOS PA NI CHOS MNGON RIN CHEN 'DREN PA'I SHING RTA LAS BSHAD PA LTAR YIN PA'I PHYIR, 'O NA DE RNAMS KYI DUS MTSAN NYID PA GANG ZHE NA, DUS BZHIR 'JOG PA GTZO CHE STE DUS BZHI LA BYA BA KHYAD PAR CAN RE YOD PA'I PHYIR DANG, GZHAN RNAMS DGOS DBANG GIS YIN PA'I PHYIR TE, GSUM DU PHYE BAS PHYAG DAR KHROD PA SHES PA DANG, LNGAR BYE BAS DBYAR PHYI MA KHAS LEN GYI ZHAG GCIG SHES BA DANG, DRUG TU PHYE BAS GSO SBYONG BCU BZHI PA SHES CHED TZAM YIN PA'I PHYIR, 'ON GSUM DU PHYE BA DANG

BZHIR PHYE BA SOGS KYI DGUN DUS 'GAL LAM ZHE NA MI 'GAL TE, ,RGYAL ZLA BA'I MAR NGO'I TSES GCIG DE DE RNAMS GYI DGUN DUS YIN BA'I PHYIR, ,DE RNAMS KYI ZLA BA NI 'GAL TE DUS TSIGS LA BZHIR PHYE BA'I 'JIG RTEN PA'I ZLA BA YIN NA YAR NGO SNGON 'GRO CAN GYI ZLA BA YIN PAS KHYAB, ,GSUM DU PHYE BA'I THUN MONG MA YIN PA'I ZLA BA YIN NA MAR NGO SNGON 'GRO CAN GYI ZLA BA YIN PAS KHYAB PA'I PHYIR, ,GZUGS KYI CHUNG MTHA' DANG, ,MING GI THUNG MTHA' DANG, ,DUS KYI THUR MTHA' RNAMS BZHAG TU YOD DE, ,RDUL PHRA RAB GZUGS KYI CHUNG MTHA' DANG, ,YI GE AA THUNG LTA BU MING GI THUNG MTHA' DANG, ,DUS MTHA'I SKAD CIG MA LTA BU DUS KYI THUNG MTHAR 'JOG DGOS BA YIN PA'I PHYIR TE, ,MDZOD LAS, ,GZUGS MING DUS MTHA' KHRUL YIG DANG, ,ZHES GSUNGS PA'I PHYIR, ,MING GI THUNG MTHA'I YUN TSAD YOD DE, ,SKYES BU NAD MED KYI MIG 'DZUM BA'I YUN TSAD DAM PHYI MO GCIG GI YUN TSAD LA 'JOG BA YIN PA'I PHYIR TE, ,RNAM 'GREL LAS, ,YI GE'I BDAG NYID KUN MTHA' YANG, ,MIG 'DZUM TSAD DU GNAS BA YIN, ,ZHES GSUNGS PA'I PHYIR, ,DUS KYI THUNG MTHA'I YUN TSAD YANG YOD DE, ,RDUL PHRA RAB GCIG BSGRE LDOG BYED PA'I YUN TSAD LA 'JOG PA'I PHYIR TE, ,RNAM 'GREL LAS, ,RDUL GCIG BSGRE DUS CHUNG BA YI, ,MTHAR THUG DUS KYANG SKAD CIG BRJOD, ,CES GSUNGS PA'I PHYIR, ,DUS MTHA'I SKAD CIG MAL YANG, ,MNGON BA NAS BSHAD BA'I SKAD CIG MA DANG, ,MDO NAS BSHAD BA'I SKAD CIG MA GNYIS LAS, ,MNGON PA NAS SKYES BU NAD

, ,MED KYI SE GOL GCIG GI YUN LA CHA DRUG CU RE LNGAR PHYE BA'I CHA GCIG LA 'JOG TSUL GCIG DANG, MDO NAS SKYES BU NAD MED KYI SE GOL GCIG GI YUN LA CHA SUM BRGYA DANG DRUG CUR PHYE NAS 'JOG TSUL DANG, SUM BRGYA DANG DRUG CU RE LNGAR PHYE NAS 'JOG TSUL GNYIS RNAMS SU YOD PA'I PHYIR, MDO NAS BSHAD PA'I SKAD CIG THANG GCIG YUD TZAM RNAMS KYI YUN TSAD YOD DE, DE YANG SKAD CIG MA BRGYA NYI SHU LA DE'I SKAD CIG MAR 'JOG LA, DE YANG BUD MED BKAL SKYEN PAS SHING BAL GYI 'DAB MA GCIG SMEL PA'I YUN LA 'JOG PA'I PHYIR TE, RNAM 'BYED 'GREL BA LAS, SKAD CIG MA ZHES BYA BA NI DE'I SKAD CIG MA STE DE YANG BUD MED BKAL SKYEN PAS SHING BAL GYI 'DAB MA GCIG SMEL PA'I LAG PAS CI TZAM MNON PA TZAM DU ZAD DO, ,ZHES GSUNGS PA'I PHYIR, THANG GCIG GI YUN TSAD YOD DE, DE'I SKAD CIG MA DRUG CU STE CHU SRANG SUM CU'I YUN LA BYED PA'I PHYIR, ZHES STON PAR BYED PA LA, RNAM 'BYED 'GREL PA LAS, THANG GCIG CES BYA BA NI SKAD CIG MA DRUG CU STE CHU SRAD SUM CU YUN TZAM DU ZAD DO, ,ZHES GSUNGS PA'I PHYIR, YUD TZAM GYI TSAD YANG YOD DE, THANG GCIG SUM CU'I YUN LA BYED PA'I PHYIR TE, RNAM 'BYED 'GREL PA LAS, YUD TZAM ZHES BYA BA NI; THANG GCIG SUM CU STE CHU SRANG KYI YUN TSAD TZAM DU ZAD DO, ,ZHES GSUNGS PA'I PHYIR, DBYAR DGUN GYI NYI MA LDOG TSUL KHYIM DU ZHUGS PA NAS MJUG RDZOGS PA'I RTOGS BYED KYI THABS GZHAN YANG YOD DE, THUR MA SO BDUN GYI SRI MA LA

BRTEN NAS RTOGS BAR BYA BA YIN PA'I PHYIR, DE LA BRTEN NAS RTOGS TSUL YOD DE, NYI MA LHO BGROD MTHAR THUG PA'I TSE GZHU KHYIM NA GNAS PA'I NYI MA'I GUNG GI DUS SU THUR MA SOR BDUN GYI GRIB MA LA SOR DRUG LAS MI 'BYUNG ZHING KHYIM RE RE RDZOGS BA DANG GRIB MA SOR RE RE BRI BA DUS MNYAM PAS DE NAS BZUNG STE BYANG BGROD MTHAR THUG PA'I TSE NYI MA GUNG GI TSE THUR MA SOR BDUN LA GRIB MA MI 'BYUNG BA YIN PA'I PHYIR, THABS GZHAN YANG YOD DE, RGYA MTSO CHU ZLA 44 LA BGOS PA'I NYIN ZHAG GI SNGA DRO'I CHU TSOD KYI CHA LA BRTEN NAS KYANG RTOGS NUS PA YIN PA'I PHYIR, DUS CHEN GYI RNAM BZHAG LA 'DOD TSUL MANG YANG, 'KHRUL PA MED PA NI, THAMS CAD MKHYEN PA DGE 'DUN GRUB PA'I SDOM TSIG LAS, GNYIS PA'I YAR NGO CHO 'PHRUL CHE, ,BZHI PA'I BCO LNGAR RDZOGS SANGS RGYAS, ,DRUG PA'I DRUG LA CHOS 'KHOR BSKOR, ,DGU PA'I NYER GNYIS LHA LAS BABS, ,ZHES GSUNGS PA LTAR YIN ZHING, MYA NGAN LAS 'DAS PA'I DUS CHEN LA, MDO MYANG 'DAS DANG LUNG LAS GSUNGS TSUL MI MTHUN ZHING LHAG MA RAB TU BYUNG BA DANG, SKU BLTAMS PA'I DUS CHEN ZHIB PAR PAD DKAR ZHAL LUNG DANG, DE BA DER GZHON NU DGA' STON LTAR SHES PAR BYA BA YIN PA'I PHYIR, RTZOD PA SPONG PA LA KHO NA RE, NYIN ZHAG GI DANG PO NYI MA SHAR MA THAG PA NAS 'JOG PA MI 'THAD PAR THAL, DE SKYA RENG DANG PO SHAR MA THAG PA NAS 'JOG PA YIN PA'I PHYIR, DE LTAR 'JOG PAR GOS GZHI'I SKABS SOGS DU MAR PA SHAD PA'I PHYIR ZER NA MA KHYAB, RTAGS GONG DU

, ,GRUB ZEN, RTZA BAR 'DOD MI NUS TE, DE MTSAN MO'I DUS YIN PA'I PHYIR TE, DE'I DUS SU MTSAN MO MA ZAD PA'I PHYIR, DER THAL, MTSAN MO ZAD BA DANG NAM LANGS PA NYI MA SHAR PA RNAMS DUS MNYAM PA'I PHYIR TE, MI RGYAN RNAMS NI NANGS PAR DU, ,ZHES PA'I THAD KYI KHA CHE 'DUS BZANG GI MDZOD 'GREL DU, NAM ZAD KYI BAR DU STE NYI MA SHAR BA NA'O, ,ZHES DANG, RDO RJE GCOD PA LAS, NAM LANGS TE NYI MA SHAR PA NA ZHES BRTZA 'GREL SOGS DUS MAS GRUB PA'I PHYIR, NAM MA LANGS PA DANG NYIN MO'I DUS YAN PA NI RANG GI KHAS LEN NANG 'GAL NGO MI SHES PA YIN PA'I PHYIR, KHA CIG, 'DUL MNGON RANG LUGS LA DUS TSIGS LA GSUM KHO NAR 'BYED LA, 'JIG RTEN PA LTAR BZHI SOGS SU 'BYED PA MA YIN PA'I PHYIR TE, 'GREL PA RGYAL SRAS MA LAS, 'JIG RTEN BA LTAR GZHAN LA BRTAN PAR BZHI SOGS SU 'BYED PA MA YIN GYI GSUM DU BSDUS NAS ZHES SOGS GSUNGS PA'I PHYIR NA MA KHYAB, DE NI SGRA DON KHYED PAR LA DGONGS PA YIN PA'I PHYIR, 'ON 'GREL BA RGYAL SRAS MA LAS, STON SMAD NI CHAR 'BABS PAR 'DRA BA'I PHYIR, DBYAR DU BSHAD DE, ZHES BSHAD PA MI 'THAD PAR THAL, STON PA ZHI MA GRUB BA'I PHYIR, 'DOD MI NUS TE, STON YOD PA'I PHYIR TE, STON DBYAR DU BSDUS DGOS PA'I PHYIR, KHA CIG DBYAR DUS DANG STON DUS MI 'GAL TE, SPYIR BTANG GI STON DUS DANG DUS TSIGS LA GSUM DU PHYE PA'I DBYAR DUS MI 'GAL PA'I PHYIR ZER NA MA KHYAB, 'DOD MI NUS TE, DBYAR RJES SU STON 'ONG

DGOS BA YIN PA'I PHYIR, DER THAL, MNGON PA'I MDO BSTAN BCOS DU MA LAS, DBYAR GYI DUS RDZOGS SHING STON DU BABS PA NA ZHES SOGS GSUNGS PA MI 'THAD PAR 'GYUR PA'I PHYIR RO, ,DES NA DUS TSIGS LA BZHIR BZHAG NAS, BCOM LDAN 'DAS KYIS DGE SLONG RNAMS LA GOS PHYAG DAR KHRO DNGOS 'DZIN PA'I PHYIR DU DUS TSIGS LA GSUM DU PHYE BA DANG, DGUN SOGS KYI ZLA BA PHYED DANG GNYIS 'DAS PHAN ZHAG MI THUB KYI GSO SBYONG DE 'BYUNG BA'I DE NGOS 'DZIN PA'I PHYIR DU DRUG TU PHYE PA DANG, DBYAR THUNG NGU'I ZHAG GCIG PO DE NGOS 'DZIN PA'I PHYIR DU LNGAR PHYE BA SOGS MA YIN PAR THAL, KHYOD KYIS DUS DE DAG DUS DE DANG DE MTSAN NYID BAR KHAS LEN PA'I PHYIR, RTAGS KHAS, SMRAS PA, MDO RGYUD GRUB BA'I GZHUNG MANG RIN CHEN TSOGS, SBYOR BA'I BCU GNYIS DUS KHYIM NYIN TSES KYI, ,GSAL BYED RNAM DPYOD 'OD ZER STOR 'BAR PAS, ,DUS TSIGS DKAR GNAD SBUB GROL 'DAB BRGYAR BZHAD, MANG SPROS TSIG GI LO MAS BYIS NYON MONGS, ,HA CANG NYUNG DUS RTZVA'I SGON GNANG MI GSAL, ,'KHRUL PA'I DRI BRAL LEGS BSHAD NOR BU'I 'PHRENG, ,DPYOD LDAN KUN GYI MGUL RGYAN MDZES PAR SBUD, ,LO ZLA NYI TSES SOGS DANG CHU TSOD SRANG, ,SKAD CIG BSKAL SOGS RTZIS KYI BYED PA PO'I, ,MI 'DRA MA SHES ZHAG DANG CHU TSOD SOGS, ,GCIG BYAS 'KHRUL PA'I NGAN SKAD RNA PAR RTZU BA, ,DUS BZHI'I GZER MI BA CHUG PHYIR ZLA SHOL 'DON, ,TSES NYA STONG GSUM DAG CHED NYIN CHAD LHAG ,KHYIM ZLA NYIN ZLA MTHUN CHED NYIN ZHAG LHAG ,LO ZLA TSES DANG BSTUN NAS TSES

, ,GCIG NAS, ,ZHES PA'ANG BAR SKABS KYI TSIGS SU BCAD PA'O,, ,,GNYIS PA DBYAR 'CHAD BAR, DBYAR GNAS PAR KHAS BLANG BAR BYA'O, ,ZHES SOGS BYUNG, 'DI LA SPYI'I DON DANG, MTHA' DPYAD BA GNYIS, DANG PO LA DGU YOD DE, GLENG GZHI DANG, DGOS BA DANG, GNAS DANG, KHAS BLANGS PA'I YUL DANG, KHAS LEN PA'I RTEN DANG, DUS DANG, YUN TSAD DANG, CHO GA DANG, DAM TSIG DANG DGU YOD PA'I PHYIR, GLENG GZHI YOD DE, LUNG GLENG GZHI LAS, STON PA MNYAN YOD NA BZHUGS PA'I TSE DGE SLONG 'GA' ZHIG DBYAR NANG DU LJONGS RGYU ZHING SONG BA NA, MU STEGS CAN GCIG GIS SH'AKYA'I BU DGE SLONG 'DI DAG NI SROG GCOD PA LAS MA LOG PA STE, DBYAR LJONGS RGYU BA NA SROG CHAGS PHRA MO MANG PO BRDZIS NAS SROG DANG BRAL BAR BYAS SO, ,BYI'U KHUG RTA YANG DBYAR ZLA BA BZHING RANG GI TSANG NA ZHUM ZHUM POR BYAS NAS 'DUG NA, MGO REG 'DI DAG GIS KHAS LEN TZAM YANG MI SHES SOGS KYIS 'PHYA BA DE GSOL BAS, DE BAS NA RJES SU GNANG STE DGE SLONG GIS DBYAR GNAS PAR KHAS BLANG BAR BYA'O, ,ZHES GSUNGS, JI LTAR KHAS BLANG MA SHES NAS ZHUS PAS, ZLA BA GSUM DU'O, ,ZHES SOGS BCAS PA'I PHYIR, GNYIS PA DGOS PA DGU YOD DE, DNGOS KYI DGOS PA DBYAR KHAS MA BLANG BA'I NYES PA KHEGS PA DANG, BRGYUD PA'I DGOS PA SROG CHAGS LA GNOD PA SPONG BA DANG, GZHAN MA DANG PA SPANG BA DANG, LUS SROG LA GNOD PA SPANG PA DANG, DON DANG BYA BA NYUNG BA DANG, DGAG DBYE 'BYUNG BA SRA BRKYANG 'BYUNG BA

GNAS 'CHOS BA, THOS BSAM 'PHEL BA DANG DGU YOD PA'I PHYIR TE, RIN CHEN 'PHRENG BA LAS, DGOS BA NI GNAS RAL BA DANG GRUM PA 'CHOS PA DANG GZHAN 'PHYA BA SPANG BA DANG NAS, SRA BRKYANG 'BYUNG BA'I CHED DO, ,ZHES GSUNGS PA'I PHYIR, GSUM PA GNAS YOD DE, BDE PA'I RKYEN GNAS SHING GNOD RKYEN MED PA DANG, STENG G-YOGS DANG BCAS PA GNAS GCIG YIN PA DANG, DGE SLONG GNAS SHING SGO GLEGS DANG BCAS PA DANG, MTSAMS GZHAN MA YIN PA DGOS PA'I PHYIR, DANG PO GRUB STE, DGE SLONG SDE SNOD 'DZIN PA SOGS YOD PAS BDE BA'I RKYEN TSAD LA 'THAB KHROL CAN SOGS MI MTHUN PA'I RKYEN MI GNAS PA DGOS PA'I PHYIR TE, RTZA BAR, 'GYOD BA DANG GZHAN SDUG BSNGAL BA DANG YID MI BDE BA MI SKYID PA NYID DANG SEL BA NYID DAG DANG BDE BA DANG, ZHES SOGS GSUNGS PA'I PHYIR, GNYIS PA GRUB STE, STENG G-YOGS MED NA GNAS MI THUB LA GTZUG LAG KHANG DU MAR BYAS NA BYA BA MANG BAR 'GYUR PA'I PHYIR TE, RTZA BAR, G-YOGS PAR DGE SLONG GI MDUN DU'O, ,GTZUG LAG KHANG DU MAR MI BYA'O, ,ZHES GSUNGS PA'I PHYIR, GSUM PA GRUB STE, DE DAG MED NA LONGS SPYOD SOGS KYI BAR CHAD DU 'GYUR BA'I PHYIR TE, RTZA BAR, GANG NA DGE SLONG MED BA NYID DANG SGO GLEGS MED PA NYID DANG BCAS PAR YANG MI BYA'O, ,ZHES GSUNGS PA'I PHYIR, BZHI PA GRUB STE, GZHAN DANG THUN MONG BA'I GNAS SGO KHANG SOGS YANG MI RUNG BA GANG ZHIG, NAM MKHA' DANG GRU SOGS MTSAMS GZHAN PA YANG MI RUNG BA'I PHYIR, DANG PO GRUB STE, MA SHONG YANG DER DBYAR GNAS MI RUNG BAR

, ,RIN CHEN 'PHRENG BAR BSHAD PA'I PHYIR DANG, RTZA BAR, SGO KHANG DANG THEM SKAS KYI LKOG DANG KHYAMS DANG SOGS GSUNGS PA'I PHYIR, GNYIS PA GRUB STE, RTZA BAR, NAM MKHAR GNAS PAR KHAS BLANG BA MI CHAGS SO, , ZHES DANG, GRU LA NANG DU 'BYAMS PA NYID DU SHES NA MI CHAGS SO, ,ZHES GSUNGS PA'I PHYIR, BZHI PA YUL YOD DE, DGE SLONG CHOS BDUN LDAN GYI MDUN DU KHAS LEN PA YIN PA'I PHYIR, NGES CAN MA YIN TE, DGE TSUL GYI MDUN DU KHAS BLANGS KYANG CHAGS LA NYES PA YOD PA'I PHYIR TE, DGE TSUL 'BA' ZHIG GIS DBYAR KHAS BLANGS NA CHAGS KYANG NYAS BYAS YIN PA'I PHYIR TE, RIN CHEN 'PHRENG BAR, DGE TSUL DANG LO MA TSANG BA SHA STAG DE DAG GIS GNAS BAR KHAS BLANG PA MI 'CHAGS PA NYID MA YIN KYANG BKAG STE, ZHES GSUNGS PA'I PHYIR, LNGA PA KHAS LEN PA'I RTEN YOD DE, RAB BYUNG YIN PA DANG DBYAR KHAS LEN PA'I MTHUN RKYEN TSANG BA DANG SHES PA RANG BZHIN DANG LUS THA MAL DANG GNAS NAS BYUNG BA MA YIN PA STE KHYAD PAR LNGA LDAN GYI RAB BYUNG SDE LNGA THAMS CAD DANG SDOM PA BLANGS KYANG MA CHAGS PA'I DGE TSUL SLONG GI BAR MA DANG THAMS CAD KYIS KHAS LEN DGOS PA'I PHYIR TE, DGE TSUL KHO NA DANG LO MA TSANG BA'I BAR MA KHO NA DANG, DGE SLONG LA'ANG LNGA PHRUG GAM BRTAN MKHAS MA TSANG BA KHO NAS DBYAR KHAS BLANG BA CHAGS KYANG NYES PA 'BYUNG BA'I PHYIR TE, GNAS MED KYI NYES PA 'BYUNG BAS BKAG PA'I PHYIR TE, RTZA BAR, SDE LNGA CHAR GYIS KYANG GNAS PAR KHAS BLANG BAR BYA BA NYID DO,,

DGE TSUL 'BA' ZHIG GIS MA YIN PA'O, ,LO MA TSANG BA DAG GIS KYANG NGO, ,DE DAG LA KHAS BLANG BA MI CHAGS PA NYID NI MA YIN NO, ,ZHES GSUNGS PA'I PHYIR, DRUG PA DE'I DUS YOD DE, DBYAR SNGA MA YAR NGO SNGON 'GRO'I DBYAR ZLA 'BRING PO'I NYA'I PHYI DE NYIN TSES BCU DRUG PA DANG DBYAR THA CHANG GI MAR NGO'I TSES GCIG DANG MAR NGO SNGON 'GRO GRO ZHUN ZLA BA'I TSES GCIG DANG, GSUM GYI GZHI MTHUN PA DER KHAS LEN, DBYAR PHYI MA YAR NGO SNGON 'GRO'I DBYAR ZLA THA CHUNG GI NYA'I PHYI DE NYIN TSES BCU DRUG DANG MAR NGO SNGON 'GRO'I STON ZLAR BA KHRUM STOD ZLA BA'I MAR NGO'I TSES GCIG LA KHAS LEN PA'I PHYIR, DANG PO GRUB STE, RTZA BAR, DBYAR GNAS PAR KHAS BLANG BAR BYA'O, ,TSES BCU DRUG LA'O, ,DBYAR ZLA 'BRING PO'I NYA'I PHYI DE NYIN PAR BGYI'O, ,ZHES DANG, SA GA LHAS, GRO ZHUN ZLA BA'I TSES GCIG NAS, ,SNGA MA'I DBYAR DE GTZO BO YIN, ,ZHES GSUNGS PA'I PHYIR, GNYIS PA GRUB STE, RTZA BAR, DBYAR GNAS PAR KHAS BLANG BAR BYA'O, ,NAS, DBYAR ZLA THA CHUNG NYA'I'O, ,ZHES DANG, SA GA LHAS, DE BZHIN KHRUM STOD ZLA BA YI, ,TSES GCIG NAS NI PHYI MAR GRAGS, ZHES GSUNGS PA'I PHYIR, 'DI LA DPYAD NA RGYA DPER TSES GCIG LA'O ZHES YOD KYANG DON 'GYUR TSES BCU DRUG LA BYAS PAR MNGON, BDUN PA DE'I YUN TSAD YOD DE, DUS DA GNYIS NAS ZLA BA GSUM GSUM KHAS LEN PA'I PHYIR TE, RTZA BAR, DBYAR GNAS PAR KHAS BLANG BAR BYA'O, ,ZLA BA GSUM DU'O, ,ZHES GSUNGS PA'I PHYIR, LUNG LAS BZHIR GSUNGS PAS KYANG MI GNOD DE, DBYAR SNGA PHYI BSDOMS PA'I YUN TSAD YIN PA'I PHYIR, RIN CHEN PHRENG BA LAS, LUNG DU ZLA BA BZHIR GSUNGS PA NI SNGA PHYI'I

, ,DUS BSDOMS PA'O, ,ZHES GSUNGS PA'I PHYIR, BRGYAD PA CHO GA LA, SBYOR DNGOS MJUG GSUM, DANG PO LA, GTZUG LAG KHANG PHYI DOR BYA BA DANG, GNAS MAL STA GON BYA BA DANG, GNAS MAL STOBS PA'I DGE SLONG BSKO BA DANG, DES JI LTAR BYA BA BZHI, DANG PO YOD DE, DBYAR GYI SNGON ZHAG BCU'AM BCO LNGA'I DUS NAS DBYAR GNAS KYI GTZUG LAG KHANG BYI DOR DANG ME TOG SOGS MCHOD RDZAS KYIS BRGYAN PA RNAMS DGOS PA'I PHYIR TE, RTZA BAR, ZHAG BCU'AM ZLA BA PHYED KYIS 'BYUNG BAR 'GYUR BA NYID NA GTZUG LAG KHANG BYI DOR BYA'O, ,ZHES SO, ,GNYIS PA YOD DE, DE KHAS LEN GYI NYI MA SNGA MAR GNAS KHANG DANG MAL STAN DANG GNAS BRTAN SOGS KYI KHRI'AM KHRI'U TSUL SHING NAS CHOL ZANGS YAN CHAD STA GON BYED DGOS PA'I PHYIR, RTZA BAR, NYI MA SNGA MA LA GNAS MAL BSDOG GO ,KHRI'U DANG TSOL ZANGS YAN CHAD DO, ,ZHES SO, ,GSUM PA YOD DE, GNAS DANG GNAS MAL STOBS PA DANG BSKYANGS PA'I PHYIR DU KHYAD PAR BCU GNYIS LDAN PA'I DGE SLONG GCIG GAM GSUM MAM DRUG SOGS SO SOR RIM PAS GSOL GNYIS KYI LAS KYIS BSKO BA'I PHYIR TE, RTZA BAR, DE STOBS PA BSKO BAR BYA'O, ,MI NUS NA DU MA'O, ,ZHES GSUNGS PA'I PHYIR, KHYAD PAR BCU GNYIS YOD DE, RNAM DAG SDOM LDAN DANG, LTA BA DANG MTSAN MTHUN PA, THA SNYAD GSUM DANG LDAN PA, LUS THA MAL DU GNAS PA, SHES PA RANG BZHIN PA, CHOS MIN PHYOGS MIN PA, SA RANG BZHIN DU GNAS PA, BYA BA DANG MI BYA BA DRAN NUS PA, 'GRO BA BZHI DANG BRAL BA, TSOGS SU

MA TSANG BA, SNGAR BSKOS MIN PA, GNAS MAL STOBS PAR MKHAS PA STE BCU GNYIS YIN PA'I PHYIR, 'OG NAS BSKO BA'I LAS THAMS CAD LA KHYAD PAR BCU GCIG DGOS LA PHYI MA'I TSAB LA GZHAN SBYAR ZHING GZHAN GYIS BCUR BSHAD PA TZAM GYIS MI CHOG GO ,BZHI PA DES JI LTAR BYA BA LA, SBYOR DNGOS MJUG GI BYA BA GSUM LAS, DANG PO YOD DE, TSUL SHING NYE BAR BZHAG PA DANG, KHRIMS BRJOD PA DANG, TSUL SHING LEN PA'I GSOL BA'I LAS BYA BA DANG, GRANGS BZUNG BA'I PHYIR TSUL SHING BRIM PA BZHI YOD PA'I PHYIR, DANG PO GRUB STE, BSKOS PA'I DGE SLONG DES CHOS KYI TSUL SHING DRI BZANG BYUGS PA STON PA DGE 'DUN SOGS LAS GRANGS MI NYUNG BA GZEB KYI SPROG MAR RAS DKAR POS G-YOGS PA'I STENG DU BZHAG PA DGE SLONG RGAN PA'I MTHAR BZHAG DGOS PA'I PHYIR TE, RTZA BAR, DES DRI DAG GI BSKUS PA'I TSUL SHING GZEB KYI SPROG MAR RAS DKAR PO BTING BAS DKRIS PA DAG RGAN RIMS SU BZHAG NAS ZHES GSUNGS PA'I PHYIR, GNYIS PA GRUB STE, DES DGE 'DUN GYI GLOG PA THOS BSAM DANG SPONG BA BSAM GTAN LA BRTZON PA'I PHYIR TE, DGE 'DUN BTZUN BA RNAMS GSAN DU GSOL ZHES SOGS KYIS KHRIMS SU BYA BA 'DI DANG 'DI YOD DO ZHES BSGRAGS PAR BYA BA'I PHYIR TE, RTZA BAR, TSE DANG LDAN PA DAG GNAS 'DI NA KHRIMS SU BYA BA 'DI DANG 'DI YOD DO; ;KHYED CAG LAS GANG KHRIMS SU BYA BA 'DI DANG 'DIS GNAS PAR SPRO BA DES NI TSUL SHING LONGS SHIG CES PA NAS, ZHES DGE SLONG RNAMS LA GO BAR BYA'O, ,ZHES GSUNGS PA'I PHYIR, GSUM PA GRUB STE, DES TSUL SHING BRIM PA'I SNGA ROL TU GNAS

, ,BRTAN SOGS KYIS TSUL SHING DANG DBYAR KHAS LEN PA'I CHED DU DGE 'DUN LA GSOL BA 'BA' ZHIG GI LAS BYED DGOS PA'I PHYIR TE, RTZA BAR, GZHAN GYIS BLANGS BA DANG KHAS BLANGS PA'I PHYIR DGE 'DUN LA GSOL BA BYA'O, ,ZHES DANG, t'IKKA LAS KYANG, GNAS MAL STOBS PA'I DGE SLONG DE LAS GZHAN PA'I DGE SLONG GZHAN CIG GI DGE 'DUN GYI TSUL SHING BLANGS PA DANG, DBYAR GNAS PA KHAS BLANGS PA'I PHYIR DGE 'DUN PA GSOL PA 'BA' ZHIG GI LAS GCIG BYA STE; DON DE GNYIS KA 'BA' ZHIG GI LAS GCIG GIS CIG CAR GO BAR BYA'O, ,ZHES GSUNGS PA'I PHYIR, DES NA GSOL BA BYED MKHAN GNAS MAL STOBS PA BO LAS GZHAN DGOS PAS KHA CIG GNAS MAL STOBS MKHAN LA BSHAD PA DANG DE BZHIN LAG LEN BYAS NA NO RAB CHE BA'O, ,BZHI PA LA LEN PA PO'I TSUL DANG, STOBS MKHAN GYI TSUL GNYIS, DANG PO YOD DE, DE'I TSE GNAS BRTAN NAS RGAN PAS DANG POR STON PA SANGS RGYAS KYI TSUL SHING LEN, DE NAS STAN LAS PHYED 'THAGS TE RANG RANG GI TSUL SHING SO SOR LEN, DE RJES DGE TSUL RNAMS KYI TSUL SHING RANG NGAM MKHAN SLOB GANG RUNG GIS LEN, MJUG TU GZHIB DAG GNYUG MAR GNAS PA SOGS RNAMS KYI SKAL PA LEN PA'I PHYIR TE, RTZA BAR; TSUL SHING 'BRIM MO, ,DANG POR STON PA'I BLANG NGO, ,GZHAN DAG GIS NI STAN LAS PHYED 'PHAGS PAS SO, ,DGE TSUL RNAMS KYIS NI SLOB DPON DANG MKHAN PO DAG GIS SO, ,MJUG TU GNYUG MAR GNAS PA RNAMS KYI YANG NGO, ,ZHES SO, ,

GNYIS PA YOD DE, DES TSUL SHING BKRAM ZIN RJES SU DGE SLONG SO SO'I TSUL SHING NGAL PUS SGRA MED BAR BZHAG CING BSDUS LA GRANGS SU BYA STE, DGE SLONG 'DI SNYED CES BRJOD PA DANG, DE BZHIN DU DGE TSUL GYI BSDUS LA DGE TSUL 'DI SNYED KYIS DBYAR BZHES SO, ,ZHES DGE 'DUN LA GO BAR BYED CING, 'KHOD PA RNAMS KYIS KYANG RE RE NAS SHIN TU BZHES SO LEGS PAR BZHES SO ZHES BRJOD PA DE YIN PA'I PHYIR TE, RTZA BAR, DAL BUS BZHAG PAR BYA'O, ,BGRANG NAS GNAS 'DIR DGE SLONG 'DI SNYED KYIS TSUL SHING BLANGS SO ZHES GO BAR BYA'O, ,ZHES SO, ,GNYIS PA GNAS MAL STOBS PA'I DNGOS GZHI YOD DE, DGOS PA RANG BDE BA DANG GZHAN SBYIN BDAG BSOD NAMS 'PHEL BA'I CHED DU YUL RAB BYUNG SDE LNGA'I DGE 'DUN KHYAD PAR BRGYAD LDAN LA GNAS STOBS BA DANG MAL SOGS STOB PA DANG, DE LA LONGS SPYOD TSUL GSUM YOD PA'I PHYIR, DANG PO YOD DE, GTZUG LAG KHANG DANG DE'I NYE 'KHOR LJON PA DANG NE'U GSING SOGS THAMS CAD RGAN RIM NAS GTONG BA'I PHYIR TE, RTZA BAR, GNAS KYI GZHI BSTAB PAR BYA'O, ,ZHES SOGS DANG, SHING LJON BA'I DRUNG DANG NE'U GSING GI GZHI DAG LA YANG RGAN RIM BZHIN DU BGO BAR BYA'O, ,ZHES GSUNGS PA'I PHYIR, GNYIS PA YOD DE, DGOS PA DE GNYIS KYI CHED DU YUL DE DAG GI GNAS BRTAN SOGS LA KHRI DANG KHRI'U GZHAN RNAMS LA 'DUG PA DANG NYAL BA'I SNYAN CHOS GOS SOGS BZHAG PA'I GNAS TSUN CHAD STOBS PA'I PHYIR TE, RTZA BAR, GNAS MAL SOGS PA SBYIN NO, ,YOD PA NYID NA DU MA YANG NGO, KHRI CHEN PO DAG KYANG 'GO BAR BYA BA NYID YIN NO, ,STAN DAG KYANG NGO, ,ZHES GSUNGS PA'I PHYIR, STEN TSUL SO SOR MI DGOS

, ,SO; ;GSUM PA YOD DE, DGE 'DUN GYIS KYANG DGOS PA DE DAG GI CHED DU DE THAMS CAD 'BUL BA LTAR SPYOD LAM BZHI DANG THOS SOGS KYI SGO NAS SPYOD PA'I PHYIR TE, RTZA BAR, THAMS CAD YONGS SU SBYANG BAR BYA'O, ,LA LAR KLOG PA DANG KHA DON DANG 'DUG PA DANG BCAS PA DAG LAS GANG YANG RUNG BAR BYA, LA LAR LHUNG BZED DANG CHOS GOS DAG BZHAG BAR BYA, LA LAR MTSAN MO NYAL BAR BYA, LA LAR SNGA DRO DANG GUNG TSIG PA DANG PHYI DRO 'DUG PAS DE LA SBYAR BAR BYA'O, ,ZHES GSUNGS PA'I PHYIR, GSUM PA GNAS MAL STOBS PA'I MJUG GI BYED TSUL YOD DE, GNAS MAL LOG PAR SPYOD PA BKAG PA'I PHYIR, CHED DU GDING BA DANG BCAS PAR LONGS SPYOD PAR BRJOD PA DANG, DBYAR DNGOS GZHI'I SNYAN GSAN 'BEBS PA GNYIS YOD PA'I PHYIR, DANG PO GRUB STE; RTZA BAR, KHYED CAG GANG GIS KYANG DGE 'DUN GYI GNAS MAL LA GDING BA MED PAR LONGS SPYOD PAR MI BYA SOGS BYUNG, GNYIS PA GRUB STE, RTZA BAR, DGE 'DUN SANG SBYIN BDAG CHE GE MO DANG ZHAL THAB CHE GE MO DANG, SPYOD YUL GYI GRONG CHE GE MO DANG NAD G-YOG CHE GE MOS GNAS PAR ZHAL GYIS BZHES PAR 'GYUR RO ZHES BRJOD PAR BYA'O, ,ZHES SO, ,GNYIS PA LA SPYIR BTANG, DMIGS BSAL GNYIS, DANG PO YOD DE, TSES BCU DRUG GI THO RANGS SNGA BAR SBYOR BA RGAN NA PHYAG DANG GZHON NA BDUD PA BCAS TE; TSE DANG LDAN PA'AM GNAS BRTAN DGONGS SU GSOL, BDAG MING 'DI ZHES BGYI BA NANG MTSAMS DANG BCAS PA'I GNAS 'DIR GNAS RAL BA DANG 'GRUM PA 'CHOS PA'I SLAD DU DBYAR ZLA BA GSUM GNAS PAR KHAS BLANG NGO, ,BDAG DBYAR 'DI NA

MCHIS SHING BDAG GI DBYAR GYI GNAS NI 'DI LAGS SO, ,ZHES SNGAGS LAN GSUM BRJOD, MJUG THABS LEGS BYA BA'I PHYIR, DMIGS BSAL YOD DE, CHO GAS KHAS LEN MA GRUB KYANG SNGON NAS GNAS 'DIR ZLA BA GSUM GNAS PAR BYA'O SNYAM DU DAM BCAS PAS KYANG DBYAR GNAS KYI GO CHOD PA'I PHYIR, RTZA BAR, GNAS PAR KHAS MA BLANGS PAS GNAS MI GTONG NA GNAS PA NYID YIN NO, ,ZHES GSUNGS PA'I PHYIR, DGU PA DAM TSIG LA GNAS MAL STOBS PA'I DAM TSIG DANG, DGE 'DUN SPYI'I DAM TSIG, DBYAR RAL BA'I RGYU SPANG BA GSUM LAS, DANG PO YOD DE, ZLA BA PHYED PHYED NA GNAS MAL SOGS BRTAGS NAS LOG PAR SPYAD PA SPONG BA DE YIN PA'I PHYIR TE, RTZA BAR, ZLA BA PHYED PHYED CING SO SOR BRTAG PAR BYA'O, ,ZHES SOGS SO, ,GNYIS PA YOD DE KLOG PA THOS BSAM DANG SPONG BA BSAM GTAN LAS GZHAN PA'I DON DANG BYA BA MANG BA DANG, 'KHRUG LONG GI RGYU LTUNG GLENG RNYED PA BGO BA DANG 'THAB RTZOD RNAMS SPANGS BA DANG GNAS RAL 'GRUM SOGS 'CHOS PA SOGS YIN PA'I PHYIR, SNGAR DAM TSIG BRJOD PA DANG LUNG GLENG GZHI LAS, SUS KYANG DBYAR GYI NANG DU GLENG DRAN MI BYA'O, ,ZHES GSUNGS PA'I PHYIR, GSUM PA YOD DE, RTZA BAR, BYIN GYIS MA BRLABS PAR MTSAMS KYI PHYI ROL TU SKYA RENG 'CHAR BAR MI BYA'O, ,ZHES GSUNGS PA'I PHYIR, MTSAMS KYI PHYI ROL TU PHYIN KYANG MI 'DRAL BA'I THABS YOD DE, BYIN GYIS RLABS PA DANG GNANG BA BYIN PA GNYIS YOD PA'I PHYIR, DER THAL, DE YANG CHOS LDAN MIN NA BYIN RLABS MI CHAGS SHING, GNANG BA MA THOB PA'I ZHAG BDUN DANG, GNANG BA THOB NA ZHAG BZHI BCU YANG

, ,RUNG BA GANG ZHIG, MTHA'I ZHAG DRUG LA'ANG MI RUNG BZHI BCU LAS MANG YANG MI RUNG, DGOS BA DKON MCHOG TU MA ZAD GANG ZAG PHAL BA'I DON DU YANG RUNG BA'I PHYIR, DANG PO GRUB STE, RTZA BAR, 'DI LA MTHAR THUG BA'I MTHA' NI ZHAG BDUN NO, ,GZHAN GYI NI ZHAG BZHI BCU'O, ,ZHES GSUNGS PA'I PHYIR DANG, ZHU BA LAS KYANG, ZHAG BCU BZHI BCU BSKO BAR BYA'O ZHES GSUNGS NA ZHAG SUM CU RTZA DGU 'AM ZHAG GSUM CU 'AM ZHAG NYI SHU SKOR RUNG NGAM, AU BA LI RUNG NGO; ;ZHES GSUNGS PA'I PHYIR, GNYIS PA GRUB STE, YUN THUNG BDE MI CHAGS PAR BKAS BCAD KYI DBANG GIS YIN PA'I PHYIR, DBYAR SNGA PHYI KHAS LEN BZHIN, RTZA BAR, MTHA'I ZHAG DRUG LA BYIN GYIS RLABS PA MI CHAGS SO, ,ZHES GSUNGS PA'I PHYIR, LUNG LAS KYANG NGO, ,GSUM PA GRUB STE, ZHU BA LAS, ZHAG BZHI BCU'I STENG DU ZHAG BDUN DU BYIN GYIS RLAB TU RUNG NGAM, AU BA LI MI RUNG NGO, ,DE CI'I PHYIR ZHE NA, MTSAMS KYI NANG DU NI ZHAG MANG DU GNAS PAR BYA'O, ,MTSAMS KYI PHYI ROL TU NI ZHAG NYUNG NGO, ,ZHAG SUM CU RTZA DGU'I STENG DU ZHAG BDUN DU BYIN GYIS RLAB TU RUNG NGAM, AU PA LI MI RUNG NGO, ,ZHES GSUNGS PA'I PHYIR, BZHI PA GRUB STE, LUNG MA MO LAS, DGE SLONG GI DON NAM DGE SLONG MA'I DON NAM DGE BSNYEN DANG DGE BSNYEN MA'I DON KYANG RUNG STE, MU STEGS CAN KUN TU RGYU BA GZHAN GYI DON LA YANG RUNG ZHAG BDUN NAM ZHAG BZHI BCUR BYIN GYIS RLABS LA 'GRO BAR BYA'O, ,ZHES DANG, ME TOG PHRENG RGYUD LAS KYANG, LHAG PAR BU DANG BU

MO RNAMS, ,BAG MAR GTONG LEN LA SOGS DANG, PHA MA DKON MCHOG GSUM DANG NI, ,SLOB DPON LA SOGS DGOS SGRUB LA, ,ZHAG BDUN BRLABS SAM LHAG PA'ANG RUNG, ,MTSAN MO NYI SHU SUM CU'AM, ,NYIN ZHAG BZHI BCU YANG NI RUNG, ,ZHES GSUNGS PA'I PHYIR, DE BZHIN DU RTZA BA DANG ZHU BA SIL BU LAS KYANG DKON MCHOG GSUM GYI CHED DU BSHAD DO, ,'DI RNAMS KYI CHO GA SOGS RJE BLA MA'I PHYAG LEN LTAR RJE 'DUL 'DZIN GYI GZHI GSUM CHOG DANG RIN CHEN PHRENG BAR SHES PAR BYA, DBYAR BYIN RLABS KYI 'JIG RGYU YOD DE, ZHAG GI 'PHEN PA ZAD PA DANG, BYA BA MED BAR SHES PA DANG, DE CHOS MIN DU SHES BA, RTEN ZHING MIN PAR GYUR PA RNAMS YIN PA'I PHYIR, ZHAG BZHI BCUR BYIN GYIS RLABS TSUL LA YANG TSE GUR BYIN GYIS RLABS PA DANG, CIG CAR BYIN GYIS RLABS PA GNYIS YOD CING DON YANG YOD DE, TSE GUR BYIN GYIS RLABS PA NI ZHAG BDUN BYIN GYIS RLOB PAS NA LNGA BYAS TE DE'I 'OG TU ZHAG LNGA BYIN GYIS RLABS PA DANG, BZHI BCU CIG CAR BYIN GYIS RLOB PA GNYIS YOD PA'I PHYIR TE, t'IKKA LAS, TSE GUR BYIN GYIS RLABS PAS KYANG RUNG, CIG CAR BYIN GYIS RLABS PAS RUNG, ZHES GSUNGS PA'I PHYIR, TSE GUR GYI RGYU MTSAN DANG SHES BYED DE YOD DE, RGYU MTSAN BDUN LNGA SUM CU RTZA LNGA'I STENG DU LNGA LAS BDUN GYI BYIN RLABS MI RUNG LA, SHES BYED KYANG ZHU BA LAS, ZHAG BZHI BCU'I STENG DU BDUN BYIN GYIS RLAB TU RUNG NGAM, AU PA LI MI RUNG NGO, ,ZHES PA DANG, YANG DE NYID LAS, ZHAG SUM CU RTZA DGU'I

, ,STENG DU ZHAG BDUN DU BYIN GYIS BRLAB TU RUNG NGAM, AU PA LI MI RUNG NGO, ,ZHES GSUNGS PA'I PHYIR, MTHA' DPYAD BA LA KHA CIG NA RE, NAM MKHAR DBYAR GNAS RUNG BAR THAL, LHA'I GZHAL MED KHANG DANG NAM MKHAR KHANG PAR DBYAR KHAS BLANG PAR DBYAR GNAS RUNG BA'I PHYIR NA MA KHYAB, RTAGS GRUB STE, ZHU BA LAS, DGE SLONG GIS STENG GI NAM MKHA' LA GZHAL MED KHANG DU DBYAR TSUL DU ZHUGS NA ZHUGS PA ZHES BGYI'AM, AU PA LI TSUL DU ZHUGS PA ZHES BYA'O, ,ZHES GSUNGS PA'I PHYIR, RTZA BAR 'DOD MI NUS TE, RTZA BAR, NAM MKHA' LA GNAS PAR KHAS BLANG BA MI CHAGS SO, ,ZHES PA DANG, ZHU BA LAS KYANG, DGE SLONG GIS STENG GI NAM MKHA' LA DBYAR TSUL DU ZHUGS NA TSUL DU ZHUGS PA ZHES BGYI 'AM, AU PA LI MA YIN NO, ,ZHES SO, ,YANG KHA CIG NA RE, CHU MTSAMS GZHAN DU 'DOD PA MI 'THAD PAR THAL, CHU CHEN PO'I PHAR KHA YANG MTSAMS SU GTOGS PA GCIG YOD PA'I PHYIR NA MA KHYAB STE, CHUS MI 'KHYER BA'I ZAM PA BRTAN PO DANG 'BREL BA'I PHA RI YANG MTSAMS NANG DU BYAS CHOG PA'I PHYIR TE, LUNG LAS, BTZUN PA CHAB KYI MTSAMS LAS 'DA' BAR RUNG NGAM, NYE BAR 'KHOR MI RUNG NGO, ,GAL TE ZAM PA BRTAN PO YOD NA NI RUNG NGO, ,ZHES GSUNGS PA'I PHYIR, 'DI LA 'KHRUL NAS KHA CIG NA RE, ZAM PA DANG MA 'BREL BA'I CHU BO'I PHA RI LA MTSAMS GZHAN GYIS KHYAB ZER NA, DANG PO ZAM PA YOD DUS MTSAMS PO CHE BCAD CING BAR SKABS;

CHUS ZHIS KYANG PHYIS BYED 'DOD KYI BAR SKABS KYI CHU BO'I PHA RI DE CHOS CAN, MTSAMS GZHAN YIN PAR THAL, ZAM PA DANG MA 'BREL BA'I CHU BO'I PHA RI YIN PA'I PHYIR, 'DOD MI NUS TE, DE MYUR DU BYED 'DOD KYI SBYOR BA MA BTANG NA MTSAMS GCIG PA'I BYA BA 'JUG PA'I PHYIR, DER THAL, ZHAG BDUN LAS RING BAR MI 'JUG LA DE TSUN LA 'JUG PA'I PHYIR TE, RTZA BAR, DE ZHIG PA YANG PHYIR BYAS NA DE RJES SU 'JUG GO ,SBYOR BA MA BTANG BA NYID DO, ,ZHAG BDUN PHAN CHAD NI MI 'JUG GO ;ZHES PA DANG, t'IKKA LAS, ZAM PA ZHIG NAS YANG PHYIR BYA BA'I SBYOR BA MA BTANG BA GANG YIN PA DE YANG PHYIR BYAS NA DE'I TSE MTSAMS NYID RJES SU 'JUG GO ,ZHES GSUNGS BA'I PHYIR, MI SHES PA KHA CIG NA RE, GLO BUR DGAG DBYE MI RUNG BAR THAL, DBYAR ZLA BA GSUM KHO NAR KHAS LEN DGOS PA'I PHYIR NA MA KHYAB STE, DE LAS THUNG KHAS LEN PA'I MDO BSTAN BCOS TSAD MA MED PA'I PHYIR, 'DOD MI NUS TE, ZAS MED PA'AM GNAS MED PA 'AM NAD G-YOG MED DAM SROG GAM CHOS KYI BAR CHAD DANG DGE 'DUN MI MTHUN PA 'AM, 'THAB KHROL CAN BYUNG NA DBYAR KHAS BLANGS PA LAS 'DAS KYANG NYES PA MED NA GLO BUR DGAG DBYE LTA CI SMOS PA'I PHYIR TE, RTZA BAR, ZAS DANG SMAN DANG G-YOG DAG MED PAR 'TSO MI NUS NA DE LAS 'DA' BAR BYA'O, ,NAS, TSIG BRJOD PA DAG BYUNG NA'O, ,ZHES GSUNGS PA'I PHYIR, YANG KHA CIG NA RE, MTHA'I ZHAG DRUG LA'ANG BDUN MI 'CHAGS KYANG LNGA SOGS CHAGS ZER NA DE MI 'THAD PAR THAL, DE LA BYIN

, ,RLABS GTAN NAS MA GNANG PA'I PHYIR, KHYAB STE, DE CHAGS MI CHAGS BCAS PAR LTOS PA'I PHYIR DANG, MA KHYAB MTSAMS KYI RTAGS GRUB STE, MTHA'I ZHAG DRUG NAS GCIG GI BAR LA DE BKAG PA'I PHYIR TE, t'IKKAR DRANGS PA'I ZHU BA LAS, GAL TE DGUNG DRUG NA'AM LNGA'AM GCIG NA DGAG DBYE 'BYUNG BAR 'GYUR BA'I TSE BYIN GYIS RLABS TE MCHIN DBYAR RAL BAR BRJOD PAR BGYI'AM, NYE BAR 'KHOR, RAL BAR BRJOD PAR BYA'O; ;ZHES GSUNGS PA'I PHYIR, RTZA BAR YANG DE BZHIN BSHAD LA DE BYIN RLABS RUNG BA'I TSAD LDAN GYI GZHUNG MED PA'I PHYIR, SMRAS PA, SKYE DGU'I BSOD NAMS MYU GU G-YUR DUD CHE, ,RGYAL BA'I CHOS TSUL ZHING BZANG 'BUM GNANG BA'I, ,GZHI RTZE 'GRO KUN BSOD NAMS SNGON MED 'BUM, ,SKYED PA'I THABS 'DI MI SLOB LA BZHIN GSUNGS, ,LEGS BAR SMON PA'I SEMS KYI NAM MKHA' DANG, ,BSOD NAMS BYAS PA'I BLO GROS 'OD STONG GIS, ,MI SHES MUN SANGS LAS NYON LDAN LJIN KUN, ,SKEM ZHING LUNG RTOGS 'DAB BRGYA CHES CHER BZHAD, ,CES PA'ANG BAR SKABS KYI TSIGS SU BCANG PA'O, ,GSUM PA CHOS RNAM PAR DAG PA'I PHYIR DGAG DBYE 'CHAD PAR, DBYAR GNAS PA'I DGE 'DUN LA MTHONG BA DANG THOS BA DANG DGOS PA DAG GIS DGAG DBYE BYA'O, ,DBYAR RNAMS KYI THA MA'I NYI MA LA'O, ,ZHES GSUNGS, 'DI LA SPYI'I DON DANG, MTHA' DPYAD PA GNYIS, DANG PO LA SPYIR BSTAN PA DANG, DMIGS KYIS

BSAL PA GNYIS, DANG PO LA DGU YOD DE, DGOS PA DANG, YUL DANG, RTEN DANG, GANG LA GO BAR BYA BA DANG, DNGOS PO DANG, GNAS DANG, DUS DANG, JI LTAR BYED PA'I CHO GA DANG SGRA BSHAD PA RNAMS SU YOD PA'I PHYIR, DANG PO SNGAR BSHAD ZIN, GNYIS PA YOD DE, YUL PHYOGS BCU'I DGE 'DUN DBYAR KHAS BLANGS SHING RAL MAR LA MTHA' DAG LA DGAG DBYE BYED PA YIN PA'I PHYIR TE, GANG ZAG LA 'JOG PA DMIGS BSAL YIN PAS, MTHA' DAG LAS GZHAN DU NA DGOS PA RDZOGS PAR MI 'GYUR PA'I PHYIR TE, RTZA BAR, DBYAR GNAS PA'I DGE 'DUN LA SOGS DANG, t'IKKA LAS, DGE 'DUN LA GNAS GSUM GYI DGAG DBYE BYA STE, ZHES SO, ,GSUM PA RTEN KHYAD PAR DRUG LDAN DGOS TE, RAB BYUNG SDE LNGA GANG RUNG GI SDOM PA GSO RUNG YAN CHAD DANG LDAN BA DANG SHES PA RANG BZHIN DU GNAS BA LUS THA MAL DU GNAS BA, GNAS NAS PHYUNG BA MA YIN PA DGAG DBYE BZHAG PA MA YIN PA, DBYAR KHAS BLANG BA DANG DRUG TSANG DGOS PA'I PHYIR, BZHI BA YOD DE, DGAG DBYE GO BAR BYA BA'I YUL NI, DGAG DBYE BYED PAR BSKOS PA'I DGE SLONG LA GO BAR BYED DGOS PA'I PHYIR TE, RTZA BAR, DGAG DBYE BYED PA PO BSKO BAR BYA'O, ,ZHES DANG, t'IKKA LAS, LAS KYI DANG PO KHO NAR DGE SLONG DGAG DBYE BYED PA PO SPRO BAR BYAS NAS GSOL BA DANG GNYIS KYI LAS KYIS BSKO BAR BYA'O, ,ZHES GSUNGS PA'I PHYIR, DGE 'DUN MANG NA BYED PA PO SU MTSAN DU SNGA PHYIR BSKOR RUNG STE, RTZA BAR, MI NUS NA DU MA'O, ,ZHES SO, ,LNGA BA DNGOS

, ,GANG GIS DGAG DBYE BYA BA YOD DE, LTUNG BA'I DGAG DBYE RANG GI BSLAB BA'I GZHI MTHA' DAG LA BYED, RDZAS KYI DGAG DBYE KHA BA SOGS GANG RUNG GIS BYED PA'I PHYIR, RANG PO GRUB STE, NGANG GI LTUNG BA SDE LNGA GANG RUNG LA MTHONG THOS DOGS PA 'DUL PA BZHIN GYIS SHIG CES PA'I DON YIN PA'I PHYIR TE, RTZA BAR, DGE 'DUN LA MTHONG BA DANG THOS PA DANG DOGS PA DAG GIS DGAG DBYE BYA'O, ,ZHES GSUNGS PA'I PHYIR DANG, SNGAGS TSIG GIS KYANG GO NUS PA'I PHYIR, GNYIS PA GRUB STE, RTZA BAR, RANG GI RDZAS GANG YANG RUNG BA THAN KHA BA TZAM GYIS KYANG DGE 'DUN LA RDZAS KYI DGAG DBYE BA RTZAM PAR BYA STE, ZHES GSUNGS PA'I PHYIR, DRUG PA GNAS YOD DE, MTSAMS PO CHE BCAD PA DANG, BLO MTHUN BYAS PA, GTZANG ZHING YANGS PA DANG 'JIGS PA'I GNAS MA YIN PA RNAMS DGOS PA'I PHYIR TE, LUNG LAS, MTSAMS PO CHE BCAD PA'I GNAS DER DGE SLONG RNAMS KYIS 'DUG STE GSO SBYONG DANG DGAG DBYE BYA'O, ,ZHES DANG, LAS GZHAN GYI GNAS KYANG DE YIN NO, ,ZHES DANG, RTZA BAR, 'JIGS PA DANG BCAS PA NYID YIN NA GNAS MDZES PA 'DOD PAS GRONG DANG MI NYE BAR GSO SBYONG BYAR MI RUNG NGO, ,ZHES GSUNGS PA'I PHYIR BDUN PA DUS YOD DE, SPYIR BTANG LA DBYAR SNGA MA YIN NA STON ZLA 'BRING PO'I NYA DANG PHYI MKHAS BLANGS PA YIN NA STON ZLA THA CHUNG GI NYAL BYA BA YIN PA'I PHYIR TE, RTZA BAR, DBYAR RNAMS KYI THA MA'I NYI MA LA'O, ,ZHES DANG, t'IKKA

LAS KYANG, DBYAR GNAS PA ZLA BA GSUM GYI NYI MA THA MA STE STON ZLA 'BRING PO'I NYA 'AM STON ZLA THA CHUNG GI NYA'I NYI MA DE LA'O, ,ZHES GSUNGS PA'I PHYIR, BRGYAD PA JI LTAR BYED PA'I CHO GA YOD DE, SBYOR BA DNGOS GZHI MJUG GSUM YOD PA'I PHYIR, DANG PO LA GSUM YOD DE, ZHAG BCU'AM ZLA PHYED NA BYED TSUL DANG, TSE BCU BZHI LA SGRUB TSUL DANG, TSES BCO LNGA'I LAS KYI SNGA ROL GYI BYED TSUL GSUM YOD PA'I PHYIR, DANG PO YOD DE, ZHAG 'DI TZAM NA DGE 'DUN DGAG DBYE MDZAD DO ZHES SPYOD YUL GYI SBYIN BDAG SOGS LA BRJOD PA DANG, GTZUG LAG KHANG BRGYAN PA DANG GSAR DU RTZIGS PA MCHOD RTEN GSO BA SOGS BYED PA DANG, NANG ZHE 'KHON YOD NA BZOD GSOL BYED PA RNAMS YIN PA'I PHYIR, RIM BZHIN DU, RTZA BAR, SPYOD YUL DU BRJOD PAR BYA'O, ,ZHES SOGS DANG, GTZUG LAG KHANG BRGYAN PAR BYA'O SOGS DANG, NANG DANG BCAS PAS BZOD PA MA GSOL BAR DGAG DBYE MI BYA'O, ,ZHAG BCU'AM ZLA BA PHYED KYIS DE 'BYUNG BAR 'GYUR BA NYID NA DE'I DUS YIN NO, ,ZHES GSUNGS PA'I PHYIR, GNYIS PA BCU BZHI'I DUS BYED TSUL YOD DE, CHOS BSHAD PA'I SENG GE'I KHRI SOGS BSHAMS PA DANG, CHOS NYAN BSHAD 'BYUNG BA SPYOD YUL LA BRJOD PA DANG, MTSAN THOG THAG TU CHOS NYAN BSHAD BYED PA RNAMS YIN PA'I PHYIR, DANG PO GRUB STE, RTZA BAR, SENG GE'I KHRI BRGYAN PAR BYA'O, ,ZHES GSUNGS PA'I PHYIR, GNYIS PA GRUB STE, RTZA BAR, DER TSE DANG LDAN PA DAG GIS TSEGS PAR SBYIN PAR BYA'O,

, ,ZHES SPYOD YUL DU BRJOD NAS ZHES GSUNGS PA'I PHYIR, GSUM PA GRUB STE, RTZA BAR, GSOL BA BTAB PA DAG GIS TSES BCU BZHI'I MTSAN THOG THAG TU CHOS NYAN PA SBYIN PAR BYA'O, ,ZHES GSUNGS PA'I PHYIR, 'DI GANG ZAG GCIG KHO NAS BSHAD PAR MI SNANG 'CHAD MKHAN DU MAS SO, ,GSUM PA TSES BCU LNGA'I LAS KYI SNGON DU JI LTAR SGRUB TSUL DU MA YOD DE, DGE 'DUN 'DUS PA NA PHYAG SOGS KYIS KUN DGA' BAR BYED PA DANG, DGAG DBYE'I LAS KYIS PAR MTSAN THOG THAG CHOS GTAN LA DBAB PA DANG, DGAG DBYE BYED PA PO BSKO BA DANG, DES RTZA DUR BA BRIM PA DANG, BSKOS PA LAS GZHAN PA'I DGE 'DUN DANG GNAS BRTAN GYIS DGAG DBYE BYA BA'I CHED DU GSOL BA 'BA' ZHIG GI LAS BYA BA RNAMS SU YOD PA'I PHYIR, RTAGS DANG PO GRUB STE, RTZA BAR, DE'I TSE 'DUS PA THAMS CAD KYIS PHAN TSUN KUN DGA' BAR MA BYAS PAR MI BYA'O, ,ZHES GSUNGS PA'I PHYIR, RTAGS GNYIS PA GRUB STE; RTZA BAR, GZHAN LA NI DE DAG GI LAS KYI MDUN ROL TSUN CHAD DU CHOS DANG LDAN PA'I GTAM RNAM PAR GTAN LA DBAB PAS, ZHES GSUNGS PA'I PHYIR, RTAGS GSUM PA GRUB STE, RTZA BAR, DGE SLONG DGAG DBYE BYED PA BSKO PAR BYA'O, ,ZHES SO, ,RTAGS BZHI PA GRUB STE, RTZA BAR, DES DUR BHA BRIM PAR BYA'O, ,ZHES GSUNGS PA'I PHYIR, 'DIR LUNG LAS 'JAG MA BRIM ZHES GSUNGS LA, GZHI 'GREL LAS KU SHA BRIM ZHES BSHAD LA, KHA CHE

DZNY'A NA SHR'IS RAM PA'I LDANG BA YIN GSUNG LA SNGA MA DAG 'GYUR KHYAD DANG RAM BA DOD YIN NO, ,RTAGS LNGA PA GRUB STE, RTZA BAR, DGAG DBYE BYA BA'I PHYIR GZHAN GYIS DGE 'DUN LA GSOL BAR BYA'O, ,ZHES GSUNGS PA'I PHYIR, DGAG DBYE BYED BA BSKO TSUL YOD DE, BSKO YUL GYI KHYAD PAR TSANG PA'I STENG DU DGE SLONG PHA YIN PA GCIG DGE 'DUN KHYAD PAR BZHI LDAN GYIS CHO GA GSOL GNYIS KYI LAS KYIS BSKO BA'I PHYIR, 'DIS BZHI TZAM GYIS DGAG DBYE SPYIR KHEGS SHING DGE SLONG PHA DGOS PA YIN TE, BSKO YUL LAS GZHAN PA'I DGE 'DUN MA TSANG NA LAS MI CHAGS SHING, BUD MED NI RTEN DMAN PAS DGOS PA MI RDZOGS PA'I PHYIR TE, RTZA BAR, BUD MED LA NI MA YIN NO, ,ZHES SO, ,GNYIS PA DNGOS GZHI LA GNYIS YOD DE, LTUNG BA'I DGAG DBYE DANG RDZAS KYI DGAG DBYE GNYIS YOD PA'I PHYIR, DAD PO BYED TSUL YOD DE, SPYOD LAM SNGAR BZHIN BYAS NAS BSKOS PA'I DGE SLONG GSUM SOGS KYI MDUN DU BSDAD DE RTZVA DUR BHA RTZE PHAN TSUN BSNOL BA'I RTZE MO GZHAN GYIS RTZA BA RANG RANG GIS RKANG BAS MNAN NAS SNGAGS, GNAS BRTAN DGONGS SU GSOL, DENG DGE 'DUN GYI DGAG DBYE BCO LNGA PA LAGS LA SOGS LAN GSUM DANG, MJUG THABS LEGS BYA BA YIN PA'I PHYIR TE, RTZA BAR, DGAG DBYE BYAS ZIN PA'I BAR DU DGE SLONG RE RE'I MDUN DU 'DUG PAR BYA'O, DE LA DGAG DBYE GO BAR BYA BA NI LAN GSUM MO, ,ZHES GSUNGS PA'I PHYIR, RTZVA DUR BA'I 'DZIN TSUL DANG DGOS PA YOD DE, 'DZIN TSUL

, ,LUNG GSUM GYIS GRUB, DGOS PA PHAN TSUN GUS PA'I BRDA YIN PA'I PHYIR, DANG PO GRUB STE, t'IKKA LAS, DGAG DBYE BYA BA DANG BYED PA GNYIS KAS LAG PAS PHAN TSUN BZUNG BAR BYA'O, ,ZHES DANG, 'DUL BA BSDUS PA LAS, RTZVA KU SHA CUNG ZAD LAG PAS BZUNG BAR BYA'O, ,RTZVA BTING BRKANG BAS MNAN TE, ZHES GSUNGS PA'I PHYIR, GNYIS PA GRUB STE, GZHI 'GREL LAS, RTZA DUR BHA PHAN TSUN DUD PA YOD PAS DGE 'DUN PHAN TSUN SEMS DRANG ZHING 'DUD PA DE MTSON PAR GSUNGS PA'I PHYIR, DE NAS SKOS PAS RTZVA RNAMS BSDUS TE GRANGS SU BYAS TE 'DUD PA BYAS, DGE 'DUN BTZUN PA RNAMS GSAN DU GSOL, BKRA SHIS PA'I GNAS 'DIR DGE SLONG 'DI SNYED KYIS DGAG DBYE MDZAD DO, ,ZHES BRJOD CING, GZHAN GYIS LEGS PAR MDZAD DO, ,SHIN TU MDZAD DO, ,ZHES BRJOD DGOS PA'I PHYIR, DES DGE TSUL LA'ANG 'DRA, GNYIS PA RDZAS KYI DGAG DBYE YOD DE, BSKOS PA'I DGE SLONG GIS RDZAS KHAB DANG SKUD PA SOGS YAN CHAD THOGS TE DGE 'DUN LA TSIG GIS GO BAR BYAS TE, DGAG DBYE BYED PA YIN PA'I PHYIR TE, RTZA BAR, DE BLANGS NAS TSIG GIS SO, ,ZHES GSUNGS PA'I PHYIR, DGU BA SGRA BSHAD YOD DE, DBYAR NANG DU LHUNG BA GLENG DRAN DANG NAN TUR SOGS BYED PA DGAG PAR BYAS PA 'BYED PAS NA LHUNG BA'I DGAG DBYE DANG, DER RNYED PA PA GO PA DGAG BAR BYAS PA DBYE BAR BYAS PAS NA RDZAS KYI DGAG DBYE DANG, DBYAR NANG DU

DE DAG DANG MTSAMS LAS 'DA' BA BZHI DGAG PAR MDZAD PA 'DI NAS DE DBYE BAR BYAS PAS NA DGAG DBYE ZHES BRJOD PA YIN PA'I PHYIR, GNYIS PA DMIGS BSAL YOD DE, YUL GYI DANG, DUS DANG YUN GYI DANG, GNAS KYI DANG, RTEN GYI DANG, CHO GA'I DMIGS BSAL RNAMS SU YOD PA'I PHYIR, YUL GYI DE GSUM YOD DE, GZHI BZHAG PA LTUNG BA LHAG MA DANG SPANG LTUNG MA GLENG ZHES 'JOG PA DANG, GANG ZAG BZHAG PA LHA SBYIN LAM GLENG LTA BU DANG, GZHI DANG GANG ZAG GNYIS 'JOG PA LHA SBYIN GYI LTUNG BA MA GLENG ZHES PA LTA BU RNAMS YIN PA'I PHYIR, GZHI LA'ANG LHAG MA TSUN CHAD YIN GYI PHAM PA BZHAG MI RIGS PA'I PHYIR TE, RTZA BAR, GZHI'AM GANG ZAG GAM GNYIS KA BZHAG NAS KYANG NGO, ,DE DAG NOD PAR BYA'O BZHAG PAR BYA BA MTHA' MA GTOGS PA NYID KHAS BLANG PAR BYA'O, ,ZHES SO, ,GNYIS PA DUS DANG YUN TSAD GSUM SOGS YOD DE, DE MTSAN MA BYED KYANG 'DAS NA NYI MA MA SHAR TZAM DANG, DGAG DGOS KYIS DUS SNGAR BYED BA DANG, SNGAR GZHAN DU PHYIN NAS SLAR DUS SU BYED PA DANG, DUS SU MA GRUB PA PHYIS SU BYED PA SOGS YOD PA'I PHYIR TE, RTZA BAR, GNAS PAR MI NUS PA NYID YIN NA SPYOD YUL DU GYUR BA'I DGE SLONG LA TSOGS KYI DGAG DBYE GO BAR BYA'O, ,SOGS DANG, YANG GSO SBYONG GNYIS SAM GSUM THAL BAR GYUR NA DGAG DBYE BYA'O, ,ZHES DANG, GSUM PA'I SHES BYED, RTZA BAR, BDAG NYID KYI DNGOS POR MA GRUB NA DKYIL 'KHOR PA DAG TU GSO SBYONG BYA'O, ,NAS, DONG BA DAG NA DGAG DBYE BYA'O

, ,ZHES GSUNGS PA'I PHYIR, KHYAB STE, DGAG DBYE'I DUS GSO SBYONG BYAS NAS DE DAG SONG BA DANG RJES SU GSO SBYONG GI DUS GCIG TU DGAG DBYE BYED PA'I PHYIR TE, t'IKKA LAS, 'THAB KROL BYED PA DE DAG GNAS DE NAS DONG PA'I 'OG TU GSO SBYONG GI DUS SU DGAG DBYE BYA'O, ,ZHES GSUNGS PA'I PHYIR, GSUM PA GNAS KYI GNYIS SOGS YOD DE, MTSAMS MA BCAD PAR DANG, GZHAN GYI DBYAR GNAS SU BYED PA GNYIS YOD PA'I PHYIR TE, RTZA BAR, MA GRUB NA DKYIL 'KHOR BA LNGA'AM DRUG TU BLO MTHUN PAR BYA'O, ,ZHES DANG, t'IKKA LAS, DGAG DBYE BYED PA'I TSE DKYIL 'KHOR PA'I MTSAMS LNGA'AM DRUG TU BLO MTHUN PAR BYA ZHING DGAG DBYE BYA'O, ,ZHES SO,, BZHI PA RTEN GYI YOD DE, BSKOS PA DES BSKOS PA GZHAN MED NA DGE SLONG GZHAN GCIG GI MDUN DU DGAG DBYE BYAS KYANG CHOG PA'I PHYIR TE, RTZA BAR, MED NA GZHAN LA'O, ,ZHES GSUNGS PA'I PHYIR, KHYAB STE, DGE SLONG DE DE'I DGAG DBYE BYED PA PO YIN PA'I PHYIR TE, RTEN GYI DMIGS BSAL LO, ,LNGA PA CHO GA'I BZHI SOGS YOD DE, CHO GA SNGAGS GSUM DANG GNYIS DANG GCIG DANG TSOGS KYI DGAG DBYE'I TSIG NYUNG DU DANG DGAG DBYE BYIN RLABS SOGS YOD PA'I PHYIR TE, RTZA BAR, DGAG DBYE GO BAR BYA BA LAN GSUM MO, ,ZHES DANG, GNOD PA BYUNG NA GNYIS SO, ,DE TZAM GYIS NA YANG LAN GCIG GO ,ZHES DANG, LUNG GZHI LAS, DGAG DBYE LAN GCIG BZLAS PA YOD,

DGAG DBYE LAN GNYIS BZLAS PA YOD, DGAG DBYE LAN GSUM BZLAS PA YOD, TSOGS KYI DGAG DBYE YOD DO, ,ZHES GSUNGS PA'I PHYIR, TSOGS KYI DGAG DBYE BSDUS PA NI, LUNG GZHI LAS, TSE DANG LDAN PA DAG DENG DGE 'DUN GYI DGAG DBYE BCO LNGA PA YIN MOD KYI GANG GI TSE DGE 'DUN MTHUN BA RNYED PA DE'I TSE DGAG DBYE BYA'O, ,ZHES BRJOD NAS 'DOD PAR BYA'O, ,ZHES GSUNGS PA'I PHYIR, t'IKKAS SNGAGS RANG GIS GSUNG LA 'DI LTAR YANG RUNG STE, t'IKKA LAS KYANG, GNAS PAR MI NUS NA DGE SLONG DAG DANG PHRAD PA LA TSOGS PA'I DGAG DBYE BYA BAS GO BAR BYA BA'AM, PHAN TSUN GO BAR BYA BAS DGAG DBYE GO BAR BYA STE, 'GRO BAR BYA'O, ,ZHES GSUNGS PA'I PHYIR, MTSO t'IKKA GI DGONGS PA'O, ,DGAG DBYE'I GO RIM YOD DE, DANG POR DGE SLONG DE RJES DGE TSUL DE RJES DGE SLONG MA RNAMS KYIS DGAG DBYE BYED PA'I PHYIR TE, RTZA BAR, DE'I 'OG TU DGE TSUL RNAMS LA DGAG DBYE BYA'O, ,DE'I 'OG TU DGE SLONG MA RNAMS LA'O, ,ZHES GSUNGS PA'I PHYIR, MTHA' DPYAD PA LA KHA CIG NA RE, DBYAR KHAS MA BLANG BA RNAMS KYIS KYANG DGAG DBYE BYA DGOS ZER NA DE MI 'THAD PAR THAL, DE LA DGAG RGYU DBYE RGYU GNYIS GANG YANG MED PA'I PHYIR, DER THAL, DES DBYAR NANG DU LTUNG BA GLENG DRAN DANG RNYED PA BGO BA DANG MTSAMS LAS 'DA' BA DAG MA BKAG PA'I PHYIR, DER THAL, DES DBYAR KHAS MA BLANG BA'I PHYIR, MA KHYAB NA, KHYIM PA DAG DANG DBYAR PHYI MKHAS LEN BDAG LA'ANG SNGA MA LTAR 'BYUNG BAR 'GYUR LA, RTZA BAR YANG, DBYAR

, ,GNAS BA'I DGE 'DUN LA MTHONG BA DANG ZHES SOGS KYIS DMIGS KYIS BSAL BA MI 'THAD PAR THAL, 'DIS PHYOGS BCU'I DGE 'DUN LA DNGOS SU MIN PAS MI GNOD KYANG RTZA 'GREL DANG RIN CHEN 'PHRENG BAR MI SNANG NGO, ,YANG KHA CIG NA RE, DBYAR KHAS LEN GYI GNAS KHO NAR DGAG DBYE DGOS ZER NA MI 'THAD PAR THAL, BYIN GYIS RLABS TE GZHAN DU SONG BA DE'I DBYAR GYI DGAG DBYE BYED PA DANG LHAN CIG BYAS PA YANG RUNG BA'I PHYIR TE, DMIGS BSAL DAG GIS GRUB PA'I PHYIR RO, ,ZHIB CHA CHO GA SOGS DU MA YOD DO, ,SMRAS PA, THUB DBANG MDZES PA'I GTER CHEN DE 'DZUM ZHAL, ,'OD ZER TSON BRGYAS PHYE BAS SNYING RJE'I SPYAN, ,ZHI BAS GZIGS NAS LUS CAN PHAN BA DE'I SGO, ,STONG PHYE BSOD NAMS PHO BRANG 'DI RMAD BYUNG, ,SANGS RGYAS DPAL 'BYOR CHOS KYI YON TAN MDZOD, ,DGE 'DUN KHYAD 'PHAGS 'JIG RTEN LEGS BYAS KYANG, ,TSUL KHRIMS 'DZIN MA'I GZHI BYAS LO TOG LTAR, ,SKYED PA'I TSUL 'DIS DUS GSUM 'PHAGS RNAMS GSHEGS, ,ZHES PA'ANG BAR SKABS KYI TSIGS SU BCAD PA'O,, ,,GNYIS PA BDE BAR GNAS PA'I RKYEN BRTEN PA LA GOS GZHI DANG, SMAN GZHI GNYIS, DANG PO LA BAG YANG DANG 'BREL BA'I SRA BRKYANG DANG, 'TSO BA'I YO BYAD DANG 'BREL BA'I GOS GZHI DANG, DMIGS BSAL DANG 'BREL BA'I KO LPAGS KYI GZHI GSUM LAS, DANG PO 'CHAD PAR SRA BRKYANG 'DING BAR BYA'O, ,ZHES

SOGS BYUNG, SPYI'I DON DANG, MTHA' DPYAD PA GNYIS, DANG PO LA, DGOS PA DANG, GANG ZAG GANG GIS 'DING BA DANG, GNAS DANG, DNGOS PO DANG, GDING BA'I BYED PA PO DANG, BSAM PA DANG, CHO GA DANG, DUS DANG, YUN TSAD DANG, SGRA BSHAD DANG, BRKYANG BA DANG, DBYUNG BA DANG BCU GNYIS LAS, DANG PO DGOS PA'AM PHAN YON YOD DE, DGE 'DUN GYI GNAS GCIG TU BSDU BA'I DGOS PA DANG, 'CHAD 'BRAL 'JOG GSUM DANG GOS SLONG BA DANG YANG YANG ZA BA DANG, 'DUS SHING ZA BA DANG, MA SMRAS PAR KRONG DU 'GRO BA SOGS LA LTUNG BA MI 'BYUNG BA'I DGOS PA YOD LA, SBYIN BDAG GI GOS THAMS CAD KYIS LONGS SPYOD PA'I BSOD NAMS CHEN PO 'BYUNG BA'I PHYIR, DANG PO GRUB STE, KARMA SHA TAm DANG, t'IKKA LAS; GNAS BSDU BA DANG, DGE SLONG RNAMS BDE BAR GNAS PAR BGYI BA DANG, SBYIN PAR BYA BA'I CHOS RNAMS YONGS SU SPYAD PAR BYA BA'I SLAD DU, ZHES GSUNGS PA'I PHYIR, GNYIS PA GRUB STE, RTZA BAR, SRA BRKYANG BTING NA NI YANG MANG ZA BA DANG 'DUS SHING ZA BA DANG, MA SMRAS PAR GRONG DU 'GRO BA DANG, ZHES SOGS SO, ,GSUM PA GRUB STE, RANG GI RNAM BSHAD LAS, NGO BO GCIG PA'I GDING BAR 'GYUR BA DE 'DIR GTOGS PA'I DGE 'DUN MTHA' DAG LA KHYAB PAR BYED PA, ZHES GSUNGS PA'I PHYIR, GNYIS PA GANG ZAG GANG GIS 'DING BA YOD DE, CHOS BCU GCIG DANG LDAN PA'I DGE SLONG GIS 'DING PA'I PHYIR, CHOS BCU GCIG YOD DE, BSNYEN RDZOGS KYI SDOM PA RNAM DAG DANG LDAN PA LTA MTSAN

, ,MTHUN PA DANG, PHYE TSE CHOS MIN PHYOGS MA YIN PA, THA SNYAD GSUM DANG LDAN PA, SA GZHAN NA GNAS PA MIN PA, SA GZHAN NA GNAS PA'I RGYU LA GNAS PA MIN PA STE LAS THAMS CAD LA DGOS PA'I THUN MONG GI CHOS BDUN DANG, DBYAR KHAS BLANG BA DANG, MA RAL BA DANG, DBYAR SNGA MA KHAS BLANG BA DANG, GNAS DER KHAS BLANG BA STE 'DI'I THUN MONG MA YIN PA BZHI DANG BCU GCIG YOD PA'I PHYIR, DANG PO LNGA GRUB ZIN, PHYI MA DRUG GRUB STE, RTZA BAR, DBYAR GNAS PAR KHAS MA BLANG BA DANG, DBYAR RAL BA DANG DBYAR PHYI MAR GNAS PAR KHAS BLANG BA DANG, DBYAR GNAS GZHAN DU GNAS PAR KHAS BLANG BA DAG LA DE MI 'BYUNG NGO, ,SA GZHAN NA GNAS PA DAG LA YANG NGO, ,DE DAG 'THOB PA YIN NA MI 'BYUNG NGO, ,ZHES GSUNGS PA'I PHYIR, GSUM PA GNAS YOD DE, DBYAR SNGA MKHAS BLANG BA'I GNAS DER 'DING BA'I PHYIR RO, ,DMIGS BSAL YOD DE, GTZUG LAG KHANG SO SOR KHAS BLANG KYANG SRA BRKYANG MTSAMS PO CHE GCIG BCAD DE GNAS DE GNYIS GANG RUNG DU GCIG BTING BAS CHOG PA YOD PA'I PHYIR TE, RTZA BAR, DE NI BTING BA'I TSE DE NA GNAS PA DE NYID YIN NO, ,ZHES GSUNGS PA'I PHYIR, BZHI PA DNGOS PO KHYAD PAR BZHI LDAN DGOS TE, RGYU'I KHYAD PAR, NGO BO'I KHYAD PAR, GRANGS KYI KHYAD PAR, BDAG PO'I KHYAD PAR BZHI DGOS PA'I PHYIR, DANG PO YOD DE, DBYAR NAS SRA BRKYANG TSUN TSAD DU RNYED PA DANG, GOS KYI RNYED PA YIN PA DANG,

DGE 'DUN SPYIR DBANG BA'I RUNG BA TSAD LDAN GYI CHOS GOS GSUM DGOS PA'I PHYIR TE, RTZA BAR, DNGOS GZHI'I DUS KYI DGAG DBYE'I MTHAR DBYAR GYI RGYU LAS BYUNG BA GDING PA'I NYI MA'I MTHA' GRUB PA GOS KYI RNYED PAR GRUB PA'I CHOS GOS GSUM MO, ,DGE 'DUN GYI'O, ,ZHES GSUNGS PA'I PHYIR, GNYIS PA NGO BO'I KHYAD PAR YOD DE, RUNG BA DANG TSAD DANG LDAN PA GNYIS DGOS PA'I PHYIR, RUNG BA GSUM LDAN DGOS TE, RGYU DBYIBS KHA DOG GSUM GYI SGO NAS RUNG BA ZHIG DGOS PA'I PHYIR, DANG PO GRUB STE, RGYU SPANGS PA BYUNG BA DANG, MA BRTAGS PA DANG, BRAL PHRAD GSUM MA YIN PA ZHIG DGOS PA'I PHYIR TE, RTZA BAR, SPANGS BA DANG RGYU MA BRTAGS PA DANG BRAL PHRAD MA YIN PA'O, ,ZHES GSUNGS PA'I PHYIR, GNYIS PA DBYIBS KYI RUNG BA YOD DE, BSHAD BRDAB MA BYAS PA'I SKUD CAN NYER NYER DANG YA YO DANG BAR DMUGS PA DANG ZEGS PA DANG DE DAG MIN PA'I LHA CAN LA SOGS PA RNAMS KYANG MI RUNG BA'I PHYIR TE, RTZA BAR, BSHAD BRDAB MA BYAS PA DANG YA YOR MA GYUR PA DANG, MA DMUGS PA DANG MA ZEGS PA'O, ,ZHES DANG, YANG DE NYID LAS, MTHUD MA CAN DANG LHAN RING CAN DANG LHAN PA CAN DANG CHAG CAN DANG GZUNGS CAN MIN PA'O, ,ZHES GSUNGS PA'I PHYIR GSUM PA KHA DOG RUNG BA YOD DE, RUNG BA'I KHA BSGYUR BA DGOS PA'I PHYIR TE, RTZA BAR, KHA BSGYUR BA'O, ,ZHES GSUNGS PA'I PHYIR, GNYIS PA TSAD YOD DE, CHOS GOS GSUM GYI CHE TSAD DAM DE LAS LHAG PA'ANG RUNG BA'I PHYIR TE, BAG

, ,YANG GI GOS YIN PA'I PHYIR TE, RTZA BAR, CHOS GOS GSUM MO, ,ZHES DANG, DRAS SHING DRUB PA'I'O, ,ZIN PA'O, ,LNGA PA'O, ,LHAG PA YANG NGO, ,ZHES GSUNGS PA'I PHYIR, KHYAB STE, TSAD LHAG PA'ANG YOD PA'I PHYIR TE, t'IKKA LAS, LNGA PA'O ZHES PA NI SRID DU KHRU LNGA PA STA, NAS, LHAG PA YANG ZHES BYA BA NI KHRU TSAD LHAG PA DANG SUM PHRUG LHAG PA YANG RUNG STE, ZHES GSUNGS PA'I PHYIR, GRANGS YOD DE, PHA'I NI CHOS GOS SUM PHRUG GCIG NAS DU MA YANG RUNG LA MA'I YANG CHOS GOS LNGA PHRUG GCIG NAS DU MA'I BAR RUNG BA'I PHYIR, DER THAL, DE DAG LAS GRANGS MANG BA SBYIN BDAG GI SLAD DU RUNG BA'I PHYIR TE, RTZA BAR, LHAG PA YANG NGO ZHES PA'I LHAG PA LA GRANGS LHAG PA YANG YOD PA'I PHYIR TE, t'IKKA LAS, SUM PHRUG LHAG PA YANG RUNG BA STE, ZHES DANG, t'IKKA LAS, DGE 'DUN NANG NA NYUNG BA DGE SLONG BZHI YOD NA DE'I PHYIR, DGE SLONG BZHI'I TSAD KYI CHOS GOS SUM PHRUG BZHI MAN CHAD GDING BAR BYA'O; ;NAS, DE LTA BAS NA CHOS GOS SUM PHRUG JI SNYED 'BYOR BA DE SNYED KYANG GDING DU RUNG NGO, ,ZHES GSUNGS PA'I PHYIR, BZHI PA BDAG PO'I KHYAD PAR DGE 'DUN GYI YIN PA DGOS TE, GANG ZAG GI CHOS GOS MI RUNG BA'I PHYIR TE, LUNG GZHI LAS, BTZUN PA GANG ZAG GI SNAM SBYAR CHOS GOS GTAN PAR RUNG NGAM, NYE BAR 'KHOR MI RUNG NGO, ,GAL TE DGE 'DUN LA PHUL NA RUNG NGO, ,BLA GOS DANG, MTHANG GOS YANG DE BZHIN NO, ,ZHES GSUNGS PA'I PHYIR, LNGA PA BYED

PA PO YOD DE, DGE SLONG KHYAD PAR BCU GCIG DANG LDAN PA GSOL GNYIS KYI LAS KYIS BSKOS PA DES SRA BRKYANG 'DING BAR BYED PA'I PHYIR, BYED PA PO'I GRANGS YOD DE, CHOS GOS SUM PHRUG JI SNYED BTING BA DE SNYED KYI BYED PA PO BSKO PA'I PHYIR TE, RTZA BAR, DE SNYED PA'I 'DING BA BYED PA'O, ,ZHES DANG, t'IKKA LAS, CHOS GOS GUM PHRUG DE JI SNYED YOD PA DE SNYED KYI GDING BAR BYED PA'I DGE SLONG YANG BSKO BAR BYA'O ZHES BYA BA'I THA TSIG GO ,ZHES GSUNGS PA'I PHYIR, DRUG PA BSAM PA YOD DE, SBYOR BA'I DUS SU 'DING BAR 'GYUR RO SNYAM PA DANG, DNGOS GZHI'I DUS SU 'DING NGO SNYAM PA DANG, MJUG TU DE BTING NGO SNYAM DU SEMS BSKYED PA DE YIN PA'I PHYIR TE, RTZA BAR, MNOS PA DANG RANG BYED PA DANG DE'I MJUG DAG TU GO RIM BZHIN DU GDING BAR 'GYUR RO, ,GDING NGO, ,BTING NGO SNYAM DU SEMS BSKYED PAR BYA'O, ,ZHES GSUNGS PA'I PHYIR, BDUN PA CHO GA LA SBYOR DNGOS MJUG GSUM LAS, SBYOR BA LA GSUM YOD DE, GANG ZAG SO SO'I DANG, TSOGS PA'I DANG, GDING BAR BSKOS PA'I BYA BA'I CHO GA GSUM YOD PA'I PHYIR, DANG PO GRUB STE, TSES BCU DRUG LA DGE SLONG RNAMS RANG RANG GI CHOS GOS KYI BYIN RLABS DBYUNG BAR BYED PA YIN PA'I PHYIR, RTZA BAR, DE NI CHOS GOS GZHAN BYIN GYIS RLABS PA YIN PAS, ZHES GSUNGS PA'I PHYIR, RTAGS GNYIS PA GRUB STE, DE LA BYA BA BZHI YOD PA'I PHYIR, DER THAL, ZHAG MA LON PAR TSOGS PAS MOS PAR BYA BA DANG, MTSAMS NANG DU BLO MTHUN BYA BA DANG, GSOL

, ,GNYIS KYI LAS KYIS SRA BRKYANG GDING BA BSKO BA DANG, GSOL BA 'BA' ZHIG BA'I LAS KYIS DER GTOD PA RNAMS YOD PA'I PHYIR TE, RTZA BAR, ZHAG MA LON PAR TSOGS BAG MOS PAR BYA'O, , MTSAMS KYI NANG DU BLO MTHUN BYA'O, ,GDING BA YANG NGO, ,GANG LA DE 'BYUNG BA'O, ,DE LA GTAD PAR BYA'O, ,GSOL BA BYAS TE'O, ,ZHES GSUNGS PA'I PHYIR, RTZA RTAGS GSUM PA GRUB STE, DGE SLONG BSKOS PA DES BKRU DRUB KHA SGYUR BA'I LAS GSUM DANG SRA BRKYANG GI SEMS GSUM SKYED PA DANG, SRA BRKYANG 'DING BAR DGE 'DUN LA BRJOD PA DANG, DGE 'DUN 'DU BA'I SKABS SGRUB PA BZHI YOD PA'I PHYIR TE, RTZA BAR, BKRU BA DANG DRUB PA DANG KHA BSGYUR BA DAG LA DES SNGON DU 'GRO BAR BYA'O, ,ZHES DANG, 'DING BAR 'GYUR RO, ,SOGS DANG, TSE DANG LDAN PA DAG BDAG SANG SRA BRKYANG GDING BAR 'GYUR GYI KHYED CAG RANG RANG GI CHOS GOS RNAMS DBYUNG BAR BYA'O ZHES TSOGS PA LA BRJOD PAR BYA'O, ,'DU BA'I SKABS RJES SU BSGRUB PAR BYA'O, ,ZHES GSUNGS PA'I PHYIR, GNYIS PA DNGOS GZHI'I CHOG BYED TSUL YOD DE, TSES BCU DRUG GI SNGA DRO GTZUG LAG KHANG BYI DOR BYAS PAR BSKOS PA DES GAndI BRDUNG NAS DGE 'DUN 'DU BA'I BYA BA SGRUB PA YAN CHAD BYAS TE, BSKOS PA DES GZEB KYI SBROG MAR BTING BA'I SRA BRKYANG DE NYID ME TOG DANG DRI DANG BDUG PA'I MCHOD PA DANG LHAN CIG PHANG BAR THOGS TE DGE 'DUN LA DANG POR 'DI 'DING NGO, ,ZHES

SNGAGS LAN GSUM BZLAS PA YIN PA'I PHYIR, SNGAGS YOD DE, BTZUN PA RNAMS GSAN DU GSOL, CHOS GOS 'DI NI SRA BRKYANG DU BLO MTHUN PAR BGYI BA LAGS, BDAG DGE SLONG MING 'DI ZHES BGYI BA NI SRA BRKYANG 'DING BAR BSKOS PA LAGS TE; 'DI LTAR GNAS BSDU BA DANG, DGE SLONG RNAMS BDE BAR GNAS PAR BGYI BA, SBYIN BA PO RNAMS KYI SBYIN PAR BYA BA'I CHOS YONGS SU SPYAD PA'I SLAD DU, BDAG SRA BRKYANG 'DING BA DGE SLONG MING 'DI ZHES BGYI BAS CHOS GOS 'DI DGE 'DUN GYI SRA BRKYANG DU GDING BAR BGYI'O, ,GNAS GANG DU SRA BRKYANG BTING BAR CHOS GOS RNYING BA RNAMS DANG YANG 'DRAL BAR MI 'GYUR NA GSAR BA RNAMS LTA CI SMOS ZHES PA DE YIN PA'I PHYIR TE, RTZA BAR, DRI DANG ME TOG GIS MCHOD CING BDUG SPOS DRI ZHIM POS BDUG PA DU MA GZEB KYI SPROG MAR LHAN CIG BZHAG PA THOGS TE RGAN RIMS SU GDING BA BSGRUB BAR BYA'O, ,NAS, LAN GSUM BZLAS PAS SO, ,GDING NGO, ,ZHES SO, ,ZHES GSUNGS PA'I PHYIR, GSUM PA MJUG CHOG YOD DE, DE'I 'OG TU BSKOS PA'I DGE SLONG DES SRA BRKYANG BTING BA'I SPROG MA PHANG DU RGAN RIM NAS RIM PAS DGE SLONG RE DE'I MDUN DU SNGAGS DE'I SRA BRKYANG BTING LAGS TE ZHES PAR BSGYUR, LAN GSUM GSUM BZLAS SHING, DGE SLONG RE RES KYANG LEGS PAR BTING NGO, ,'DI LA RNYED PA DANG PHAN YON GANG YOD PA DE BDAG GI YANG YIN NO SNYAM DU YI RANG DANG BA SNGAGS BRJOD DGOS PA'I PHYIR TE, ,RTZA BAR, DGE SLONG RE RE'I MDUN DU 'DUG STE BTING NGO ZHES GO PAR BYA'O, ,NAS, 'DI

, ,LA RJES SU YI RANG BA NI NYAMS SU MYONG BA DANG 'DRA'O, ,ZHES GSUNGS PA'I PHYIR, LA LAS DNGOS MJUG NOR 'DUG GO, ,BRGYAD PA DUS YOD DE, STON ZLA 'BRING PO'I NYA'I PHYI DE NYIN YAR NGO SNGON 'GRO'I TSES BCU DRUG LA 'DING BA'I PHYIR TE, RTZA BAR, TSES BCU DRUG LA'O, ,STON ZLA 'BRING BO'I'O, ,ZHES GSUNGS PA'I PHYIR, DGU PA YUN TSAD YOD DE, SMIN DRUG ZLA BA'I MAR NGO SNGON 'GRO'I MAR NGO'I TSES GCIG NAS, DBO ZLA'I NYA'I BAR ZLA BA RIL PO LNGAR BTING BA'I PHYIR NYE, ME TOG PHRENG RGYUD LAS, SMIN DRUG NAS NA KHRA YI BAR, ,SRA BRKYANG GDING BA'I DUS SU GSUNGS, ZHES DANG, LUNG GZHI LAS, JI SRID DU CHOS GOS GTAN PAR GDING BAR BGYI; ZLA BA LNGA'I BAR DU'O, ,ZHES GSUNGS PA'I PHYIR, BCU PA SGRA BSHAD YOD DE, SRA BA'AM GTAN BA NI 'OG GZHI SPANG LEB BAM SBROG MA LTA BU GTZO BO YIN LA, DE'I STENG DU CHOS GOS GSUM BRKYANGS PAS NA SRA BRKYANG ZHES BRJOD PA'I PHYIR, 'OG GZHIR MA ZAD CHOS GOS LA YANG SRA BA 'JUG STE, BRAM ZE BU MOS ZHUS PA LAS, GOS ZHIG PA GTAN PAR BTING NA GTAN PA MA YIN PA'O, ,ZHES GSUNGS PA'I PHYIR, DES NA CHOS GOS GSUM LA SRA BRKYANG ZHES PA'I MING BTAGS NAS 'JUG STE, 'DI'I SRA BA DANG GTAN PA PHAL CHER DON GCIG CING, DE GNYIS DGE 'DUN SPYI'I BYIN GYIS RLABS PA'I CHOS GOS GSUM LA GTAN PA ZHES BTAGS NAS 'JUG PA'I PHYIR, DANG PO GRUB STE, RTZA BAR

SA LA CHOS GOS BTING BAR MI BYA'O, ,DE'I DON DU GTAN PA BYA'O, ,SHING LAS BYAS PA'AM SOGS GSUNGS PA'I PHYIR, GNYIS PA GRUB STE, ZHU BA LAS, GTAN PA ZHES BYA BA'I DON JI LTA BU LAGS, GTAN PA NI GOS LA BYA STE, GOS GANG DGE 'DUN GYI GTAN PAR BTING BA'O, ,AU PA LI GOS NI GTAN BA'O, ,ZHES GSUNGS PA'I PHYIR, DE DE LA GDAGS RUNG STE, GTAN PA DANG 'DRA BA'I RGYU MTSAN GYIS YIN PA'I PHYIR, DPER NA SMAN BYA ROG RKANG BZHIN NO, , BTAGS PA'I DGOS PA BZHI YOD DE, BTING BA'I TSE CHOS GOS KHA DOG GCIG PA LTAR GTING BA PO RNAMS BLO GCIG PA DANG, CHOS GOS LA SNAM PHRAN DANG GLEGS BU DU MA GNAS PA LTAR GDING BA PO DU MA'I CHOS GOS DU MA'I BYIN RLABS GNAS PA DANG, DER CHOS GOS GSUM BRKYANG BA LTAR 'DING BA PO LTUNG BA BCU BZHI SOGS LA BAG YANGS BYED PA DANG, GTAN PA DANG CHOS GOS TSAD 'DRA BA LTAR RNYED PA DGE 'DUN LA KHYAD PAR 'DRA BA'I PHYIR, DNGOS LA GNOD BYED YOD DE, SPANG LEB BAM SBROG MA MA YIN PA'I PHYIR, KHYAB STE, GTAN PA 'OG GZHI'I MING DNGOS YIN PA'I PHYIR TE, RTZA BAR, SA LA CHOS GOS GDING BAR MI BYA'O, ,DE'I DON DU GTAN PA BYA'O, ,SHING LAS BYAS PA'AM SMIG MA LAS BYAS PA GRU BZHI GTONG PA'I PHYIR, THA GU GZHUG PA'I BUG GTONG PA NI DE ZHES BYA'O, ,CHOS GOS JI TZAM PAR RO ZHES GSUNGS PA'I PHYIR, BCU GCIG PA SRA BRKYANG BTING BA BSKYANG TSUL YOD DE, GDING BAR BSKOS PA'I DGE SLONG GIS SKYOD LA DE SHI BA

, ,'AM BA BAS NA SRA BRKYANG SRED PA BO BSKOS NAS DES SKYONG BA YIN CING, BSKYANG TSUL DUS DUS SU BSANG BSRAD SBRUGS SOGS BYED PA YIN PA'I PHYIR TE, RTZA BAR, DUS DUS SU BSANG PAR BYA BSRAD PAR BYA SPRUGS PAR BYA'O, ,KHYIM DU BA CAN DANG RDUL CAN DU GZHUG BAR MI BYA'O, ,ZHES SOGS GSUNGS PA'I PHYIR, BCU GNYIS PA DBYUNG PA LA GNYIS YOD DE, BCOS MA'I DBYUNG BA DANG, SRA BRKYANG GI BYIN RLAB RANG ZHIG TU SONG BAS RANG YIN PA RJES SU 'JUG 'BRAL GYI DBYUNG BA GNYIS YOD PA'I PHYIR TE, RTZA BAR, DBYUNG BA NI RNAM PA GNYIS TE RANG 'JUG PA DANG BRAL BA DANG BCOS MA'O, ,ZHES GSUNGS PA'I PHYIR, BCOS MA'I DBYUNG TSUL LA KHYAD PAR DRUG YOD DE; GANG ZAG DGE 'DUN KHYAD PAR GSUM LDAN GYI NGO BO CHOS GOS GSUM LA DGE 'DUN GYI CHOS GOS SU BYIN GYIS RLAB PA DE DBYUNG, GNAS MTSAMS NANG DER BSAM PA DBYUNG NGO SOGS KYIS, CHO GA GSOL GZHI'I LAS KYIS, DUS DBYUNG DUS LAS SNGA BAR DANG, DUS SOGS SU NYA SHI GANG RUNG DANG BSTUN DGOS PA'I PHYIR TE, RTZA BAR, GSO SBYONG GI MTHA' MIN PA LA MI BYA'O, ,DBYUNG BA YANG NGO, ,ZHES GSUNGS PA'I PHYIR, GNYIS PA RANG 'JUG 'BRAL LA GNYIS YANG YOD DE, DGE 'DUN MTHA' DAG GI DANG, GANG ZAG SO SO'I GNYIS YOD PA'I PHYIR, DANG PO LA BDUN YOD DE, SRA BRKYANG MTSAMS KYI PHYI ROL KHYER BA DANG, SRUNG MKHAN MED PAR SKYA RENG SHAR BA DANG, BTING BA'I

DNGOS PO BRLAG PA DANG, BYED PO DGE SLONG MIN PAR GYUR PA DANG, RE BA CHAD PA DANG, DUS MIN PAR SHES NAS GSO SBYONG BYAS PA DANG, 'PHEN PA ZAD PA RNAMS SU YOD PA'I PHYIR TE, RTZA BAR, RANG 'JUG PA DANG BRAL PA NI SRA BRKYANG GIS MTSAMS GZHAN DU PHYIN PA DANG, BYIN GYIS RLOBS PA MED PAR SOGS SO, GNYIS PA GANG ZAG SO SO'I 'JUG BRAL GNYIS SU YOD DE, MA MA SUM BCU'I RANG 'JUG BRAL DANG, GANG ZAG ZHING MIN PAR GYUR PA'I DE GNYIS YOD PA'I PHYIR, DANG PO MA MA SUM CU YOD DE, MTSAMS LA RE BA MED PA'I MA MA BRGYAD, MTSAMS LA YID GNYIS ZA BA'I MA MA BRGYAD, MTSAMS LA RE BA YOD PA'I MA MA BRGYAD, RNYED PAR YID GNYIS ZA BA'I MA MA DRUG RNAMS YOD PA'I PHYIR, DANG PO MTSAMS LA RE BA MED PA'I MA MA BRGYAD YOD DE, SBYOR BAS 'GRO BA'I MA BZHI DANG, NGES PA'I MA BZHI YOD PA'I PHYIR, DANG PO BZHI YOD DE, 'GREL MED GCIG DANG 'BREL BCAS GSUM YOD PA'I PHYIR, 'BREL MED GCIG YOD DE, SRA BRKYANG BTING BA'I DGE SLONG MTSAMS NANG DU LDOG PA'I BSAM BSAM 'GREL BAS MTSAMS LAS 'DAS BAS NA DE'I MA BYUNG BA'I PHYIR, DER THAL, SBYOR BA'I DUS NAS DES NAS 'GRO BA DE SBYOR 'GRO'I MA MA'I DON YIN PA'I PHYIR TE, t'IKKA LAS, SBYOR BAS 'GRO BA ZHES BYA BA NI SBYOR BA DES BAS MTSAMS 'DA' ZHING 'GRO BA, ZHES GSUNGS PA'I PHYIR DANG, 'DI'I 'GREL BA NI MTSAMS KYI RNYED ?PA LA RE BA'I BSAM YIN LA MTSAMS LAS 'DAS PA

, ,NA LUS SEMS GNYIS KA'I 'BREL MED DU 'GYUR PA'I PHYIR TE, RTZA BAR, DES MTSAMS LAS 'DAS BA NA DE 'GRUB PO, ,PHYIR MI 'ONG BSAM PAS SO, ,ZHES GSUNGS PA'I PHYIR, KHYAB STE, 'DIR MDO GNYIS GSUNG BA NI MTSAMS LAS 'DAS KYANG RNYED PA'AM MTSAMS LA RE BA YOD NA MI 'JIG PA DANG MTSAMS MA 'DAS NA'ANG MI 'JIG PA STON PA'I PHYIR TE, RTZA BAR, YOD NA MA CHAD KYI BAR DU'O, ,ZHES GSUNGS PA'I PHYIR; ZHIB CHA 'DI DU MAR SHES DGOS SO, ,SBYOR 'GRO'I MA 'BREL BCAS GSUM YOD DE, DES BDAG ZLA BA LNGAR MTSAMS 'DIR MI LDOG LA RNYED PA LA RE PA YOD PAS GZHAN DU PHYIN NAS, RNYED PA BYUNG BA LTA BU'I BYED PA MTHAR THUG DANG, RNYED PA BRLAG PA LTA BU'I BRTZAMS PA ZHIG PA DANG, RNYED PA MI LEN SNYAM PA LTA BU'I BSAM PHA RGYUN CHAD PAS DE 'BYUNG BA GSUM YOD PA'I PHYIR TE, RTZA BAR, BYED PA MTHAR THEG PA DANG, RTZOM PA ZHIG PA DANG, BSAM PA RGYUN CHAD PA RNAMS LA DE GNAS SO, ,ZHES GSUNGS PA'I PHYIR, KHYAB STE, RNYED PA LA RE BA YOD NA GZHAN RNAMS KYIS SRA BRKYANG DBYUNG YANG DGE SLONG DES MA THOS PAR DU SRA BRKYANG GI PHAN YON 'JUG PA'I PHYIR TE, RTZA BAR, DER NYAMS SU MA MYONG BA DANG LDAN BAS NI MA THOS KYI BAR DU PHAN YON RJES SU 'JUG GO ,ZHES GSUNGS PA'I PHYIR, KHYAB STE, DE LAS GZHAN PA'I 'JIG RGYU MA BYUNG PA'I PHYIR RO, ,DE YANG DU MAR SHES DGOS SO, ,DES BYED MA 'BREL MED GCIG DANG 'BREL

BCAS GSUM YOD DE, KHYAD PAR GZHAN SNGAR DANG 'DRA BA LA MTSAMS KYI PHYI ROL TU DE LTAR NGES PA DE NGES BA'I GO DON YIN LA DE BYUNG BA NAM DE 'BYUNG BA'I PHYIR, DANG PO GRUB STE, t'IKKA LAS, NGES BAR BYED PA ZHES BYA BA NI MTSAMS KYI PHYI ROL TU NGES PA SKYED PAR BYED PA'O, ,ZHES GSUNGS PA'I PHYIR, GNYIS PA GRUB STE, RTZA BAR, MTSAMS KYI PHYI ROL TU DE SKYED NA YANG NGO, ,CHOS GOS BYA BA'I BSAM PA'I RJES SU 'BREL BA MED NA DE'I TSE NYID NA'O, ,ZHES GSUNGS PA'I PHYIR, 'DIS 'BREL MED BSTAN LA, 'BREL BCAS GSUM NI, RTZA BAR BYED PA MTHAR THUG PA DANG SOGS SNGAR BSHAD ZIN PA'I PHYIR, GNYIS PA MTSAMS LA YID GNYIS ZA BA'I MA BRGYAD YOD DE, SBYOR 'GO'I MANG ZHI DANG, THE TSOM ZA BA'I MA BZHI YOD PA'I PHYIR, DER THAL, DER NYIS RE RE LA YANG 'BREL MED GNYIS DANG 'BREL BCAS GSUM GSUM YOD PA SNGA MA BRGYAD DANG THE TSOM MA GTOGS 'DRA BA'I PHYIR TE, RTZA BAR, YID GNYIS NI NGES PAR 'BYIN PAR BYED PA DANG 'DRA'O, ,ZHES GSUNGS PA'I PHYIR DANG, t'IKKA DANG LUNG GI 'ANG DGONGS BA YIN TE, LUNG LAS, MTSAMS KYI PHYI ROL TU 'GRO BA NA DE 'DI SNYAM DU CI PHYIR 'ONG BAR BYA ZHING CHOS GOS BYA'AM, ,'ON TE PHYIR 'ONG BAR MI BYA ZHING CHOS GOS MI BYA SNYAM DU SEMS PAS MTSAMS LAS 'DA' BAR BYED NA DE'I SRA BRKYANG DBYUNG BA RANG 'JUG PA DANG BRAL BA NI MTSAMS KYI MTHA' LAS BYUNG BA YIN NO, ,ZHES GSUNGS PA'I PHYIR, GSUM PA MTSAMS LA RE BA YOD PA'I MA MA BRGYAD

, ,YOD DE, 'BREL MED GNYIS DANG, 'BREL BCAS DRUG YOD PA'I PHYIR, DANG PO GNYIS YOD DE, DGE SLONG DES MTSAMS NANG DU ZLOG SNYAM PA'I RE BA YOD CING RNYED PA MI BYED SNYAM PA'I GZHAN DU SONG BA NA DGOS DBANG GIS DGE 'DUN GYIS SRA BRKYANG DBYUNG BA NA DE'I SRA BRKYANG MI 'JIG PA GANG ZHIG, DE'I MTSAMS KYI PHYI ROL TU THOS PA'I 'BREL MED GCIG DANG, MTSAMS NANG DU THOS PA'I 'BREL MED GCIG STE GNYIS YOD PA'I PHYIR, DANG PO GRUB STE, MTSAMS LA RE BA DE SRA BRKYANG GI RTEN DU YOD PA'I PHYIR TE, RTZA BAR, MA THOS KYI BAR DU PHAN YON RJES SU 'JUG GO ,ZHES DANG, YOD NA MA CHAD KYI BAR DU'O, ,ZHES GSUNGS PA'I PHYIR, GNYIS PA GRUB STE, RTZA BAR, RJES SU 'BREL BA MED NA'O, ,ZHES GSUNGS PA'I PHYIR, MTSAMS LA RE BA YOD PA'I 'BREL BCAS DRUG YOD DE, MTSAMS DANG RNYED PA GNYIS RE BAS DGE SLONG DE GZHAN DU PHYIN PHAN DGE 'DUN GYIS DUS SU PHYUNG YANG DE'I SRA BRKYANG MI 'JIG PA GANG ZHIG, DE LA MTSAMS PHYI NANG GIS DRUG YOD PA'I PHYIR, DANG PO GRUB STE, RTZA BAR, MA THOS KYI BAR DU ZHES SOGS BYUNG, GNYIS PA GRUB STE, DE LA MTSAMS KYI PHYI ROL TU RNYED PA THOB PA DANG, BRTZAM PA ZHIG PA DANG, BSAM PA RGYUN CHAD PA GSUM DANG, MTSAMS NANG DU DE GSUM STE DRUG YOD PA'I PHYIR TE, RTZA BAR, YOD NA BYED PAR 'GYUR BA NYID CHAD NA'O, ,ZHES GSUNGS PA'I PHYIR, BZHI PA RNYED BA LA YID GNYIS ZA

BA'I MA MA DRUG YOD DE, MTSAMS DANG RNYED PA GNYIS KANG YID GNYIS ZA BAS MTSAMS LAS 'DAS PA DANG, DANG PO MED KYANG MTSAMS KYI PHYI ROL TU YID GNYIS ZA BA GNYIS TE GSUM DANG, MTSAMS LA RE BA MED CING RNYED PA LA RE BAS MTSAMS LAS 'DAS PA DANG, MTSAMS KYI PHYI ROL TU DE SKYES PA GNYIS TE GSUM DANG DRUG YOD PA'I PHYIR, RTZA BAR, YID GNYIS NI NGES PAR 'BYIN PAR BYED PA DANG 'DRA'O, ,ZHES GSUNGS PA'I PHYIR, 'DIS MTSAMS LA YID GNYIS KYI BRGYAD DANG RNYED BA'I DRUG BSHAD DO, ,MA MA 'AM MA DE DAG LUNG DU GSUNGS TSUL YOD DE, CHO GAS DANG RANG 'JUG BRAL RNAMS BSDUS NAS BRGYAD DU BSHAD PA'I PHYIR TE, LUNG GZHI LAS, MA MA BRGYAD KYIS SRA BRKYANG PHYUNG BAR 'GYUR TE, SONG BA DANG, RDZOGS PA DANG, NGES BA DANG, NYAMS PA DANG, THOS PA DANG, MTSAMS LAS 'DAS PA DANG, RE THAG CHAD PA DANG, SRA BRKYANG PHYUNG BA NYID DO, ,ZHES GSUNGS PA'I PHYIR, SHES BYA CHOS CAN, DE DAG LA MA 'AM MA MA ZHES BRJOD PA'I RGYU MTSAN YOD DE, SUM CU PO DE DAG GIS SRA BRKYANG DBYUNG BA 'BYIN PA 'AM SKYED BAS NA DE LTAR BRJOD PA'I PHYIR TE, DPER NA MA LAS BU 'BYUNG BA 'AM MA MAS BU SKYED BA BZHIN NO, ,t'IKKA LAS, GANG ZAG DE'I SRA BRKYANG DBYUNG BA RANG 'JUG BA DANG BRAL BAR GYUR BA DAG GI MA DANG 'DRA ZHING MA'I GNAS LTA BU DAG YIN BAS, ZHES GSUNGS PA'I PHYIR, MTHA' DBYAD BA LA KHA CIG NA RE, DBYAR PHYI MA LA YANG SRA BRKYANG RUNG STE,

, ,'GREL BAR, DGE 'DUN THAMS CAD DBYAR PHYI MKHAS LEN PA LA RUNG BAR BSHAD PA'I PHYIR ZER BA DANG, KHA CIG NA RE, DE MI 'THAD PAR THAL, LUNG DE MA DAG BA'I PHYIR ZHES ZER RO, ,DE GNYIS KA MI 'THAD PAR THAL, DE 'DRA'I LUNG GZHI MA GRUB PA'I PHYIR, GZHAN YANG, DE MI 'THAD PAR THAL, DE RTZA 'GREL GYIS, GDING DUS, DBYUNG DUS, BTING BA'I PHAN YON MED PAR BSHAD PA GSUM KA DANG 'GAL BA'I PHYIR, DANG NGO GRUB STE, t'IKKA LAS, DBYAR PHYI MA GNAS PAR KHAS LEN PA DE'I TSE DGE 'DUN LHAN CIG TSOGS PA'I DBYAR GNAS PA DE LA DE MED PAS DE'I PHYIR DE LA SRA BRKYANG GDING BA DE MI RUNG NGO, ,ZHES GSUNGS BA RTZA 'GREL DANG 'GAL BA'I PHYIR, GNYIS BA GRUB STE, DPYID ZLAR BTA'I MDO LA DUS NGES KYI SRA BRKYANG DBYUNG DGOS SHING 'DAS NAS MI RUNG BA'I PHYIR TE, RTZA BAR, DE'I DUS NI DPYID ZLAR BA'I NYA'O, ,MOD LA'O, ,ZHES DANG, t'IKKA LAS, MDO LA 'BYUNG BA'I DPYID ZLA RA BA NYA KHO NA LA SRA BRKYANG DBYUNG BAR BYA'O, ,ZHES GSUNGS PA'I PHYIR, KHYAB STE, DER PHYI MA NI ZLA BA LNGA MA TSANG BAS DUS 'BREL MI RDZOGS PA'I PHYIR, GSUM PA GRUB STE, t'IKKA LAS, DE DAG LA SRA BRKYANG GDING BA MI RUNG ZHING, SRA BRKYANG GI PHAN YON YANG MED DO, ,ZHES GSUNGS BA'I PHYIR, KHA CIG, BAM LNGAR BSHAD ZER BA YANG 'DI DAG MCHAN RNYING DKYUS SHOR MNGON TE, DPE RNYING PHAL CHER LA MI 'BYUNG BA'I PHYIR RO, ,KHA CIG NA RE, BTING PA'I CHOS GOS

YIN NA SRA BRKYANG MA YIN PAS KHYAB ZER NA, MI 'THAD PAR THAL, GTING BA'I CHOS GOS GSUM LA SRA BRKYANG GIS KHYAB PA'I PHYIR, DER THAL, DE GSUM GZHAN GYIS LONGS MA SPYAD BAS NA SRAB DANG GTAN PAR BRKYANG BA GNYIS KA YIN PAS KHYAB PA'I PHYIR, DANG PO GRUB STE, BRAM ZE BU MOS ZHUS PA LAS, GOS ZHIG PA GTAN PAR BTING NA GTAN PA BTING BA MA YIN NO, ,ZHES GSUNGS NA GOS ZHIG PA GANG LAGS, GOS GANG DGE SLONG GI LUS LA DENGS BA'O, ,ZHES GSUNGS PA'I PHYIR, GNYIS PA GRUB STE, t'IKKA LAS, GZEB KYI SPROG MA'I NANG DU BRKYANG BA ZHES BYA BA'I THA TSIG GO ,ZHES GSUNGS PA'I PHYIR, 'DI NI GTAN PA'I SHAN SHOR BA'O, ,YANG KHA CIG NA RE, PHRUG DU MA GDING MI RUNG BAR THAL; DE'I TSE SNAM SBYAR DU MA LA BYIN RLAB GCIG CHAGS PA YANG MI 'THAD, DU MA LA BYIN RLAB YANG DU MA CHAGS PA MI 'THAD PA'I PHYIR ZER NA, DANG PO GRUB CING, GNYIS PA MA GRUB STE, SPYIR BTANG LA 'TSO BA'I YO BYAD RE RE BA LAS BYIN RLAB MI CHAGS KYANG 'DIR BAG YANGS DANG SBYIN BDAG GI CHID DU GNANG BA'I DBANG GIS DU MA'I BYIN RLAB YANG CHAGS PA'I PHYIR, DPER NA 'BRAL SPANG GI BAG YANGS BZHIN, SHES BYED SPROS ZIN CING SLA, KHA CIG NA RE, DGE TSUL DBYAR KHAS BLANGS PA DGAG DBYE BYAS TE, SRA BRKYANG GDING KHAR BSNYEN PAR RDZOGS NA SRA BRKYANG GDING MI RUNG ZER NA, SHIN TU MI 'THAD PAR THAL, DE RUNG BA YOD PA'I PHYIR TE, ZHU BA LAS, DGE TSUL DBYAR TSUL DU ZHUGS

, ,PA BSNYEN PAR RDZOGS TE ZLA BA GSUM 'DAS PAS GTAN PA BTING NA GTAN PA BTING BA ZHES BYA'O, ,ZHES GSUNGS PA'I PHYIR, RTZA BAR, MA SMRAS PAR GRONG DU 'GRO BA'I DON LA KHA CIG NA RE, KHO BO MA 'ONGS PAR DU MA 'BRIM ZHES PA KHO NA ZER BA DANG, LA LAS DUS MIN PAR 'GRO BA KHO NAR BSHAD PA DAG MI 'THAD PAR THAL, DE LA DUS MIN DU 'GRO BA DANG, MGRON DU MA BOS PAR 'GRO BA DANG, GOS (NYANG NGAM KO KHYIM,) SLONG DU 'GRO BA SOGS YOD PA'I PHYIR, DANG BO GRUB STE, 'DUL BA BSDUS PA 'GYUR SNGA MA LAS DUS MA YIN PAR GRONG DU 'GRO BA'I NYES PA MED DO, ,ZHES BSHAD PA'I PHYIR, RTAGS GNYIS PA GRUB STE, LUNG GZHI LAS, KHYIM RNAMS SU MGRON DU MA BOS PAR 'GRO BA MA YIN PA DANG, ZHES GSUNGS PA'I PHYIR, GSUM PA GRUB STE, RNYED PA GCIG PAR BSHAD PA SOGS KYIS GRUB PA'I PHYIR, YANG KHA CIG NA RE, MA LTA BU'I RANG 'JUG BRAL DRUG DANG, BU LTA BU'I RANG 'JUG NYER BZHI, DE DAG LAM BU MTSON TSUL ZER BA SHIN TU RMONGS SKAD YIN PAR THAL, DE'I RANG 'JUG BRAL NYER BZHI MA LTA BU MA YIN PA YAN GSHIN TU MI 'THAD, LUNG RIGS PA, MA BU'I MTSON DON YANG SHIN TU THA CHAD YIN PA'I PHYIR, MA GRUB NA, RTZA BAR, RANG 'JUG PA DANG BRAL BA NI, ZHES PA NAS, NANG DU SKYA RENG SHAR BA DANG DE'I DKYIL 'KHOR GYI KHONGS SU GTOGS PA CHAD PA'O, ,ZHES PA'I DKYIL 'KHOR CHAD PA'AM

BRAL BA'I 'JUG BRAL GYI DBYE BA LAM DRUG SOGS BSHAD PA MA YIN PAR THAL, MA GRUB PA DE'I PHYIR TE, 'DOD MI NUS TE, DE DE'I BYE BRAG YIN PA'I PHYIR TE, t'IKKA LAS, DE'I DKYIL 'KHOR GYI KHONGS SU GTOGS PA CHAD PAR 'GYUR BA DE MA BSTAN PAS DE'I BYE BRAG TU RTOGS PAR BYA BA'I PHYIR, 'DIR SKABS GZHAN BSTAN PAR BYA STE, DE'I PHYIR MA LTA BU'I TSIG DRUG NI SBYOR BAS 'GRO BA DANG, ZHES SOGS GSUNGS PA'I PHYIR, RTZA RTAGS GNYIS PA MA GRUB NA, RTZA BAR, MTSAMS LAS 'DAS PA ZHES PA'I DNGOS BSTAN GYI DKYIL 'KHOR CHAD PA DANG MA'I GZHI MTHUN MED PAR THAL, MA GRUB PA DE'I PHYIR, 'DOD MI NUS TE, DES MA LTA BU DRUG GI 'BYUNG DUS BSTAN PA'I PHYIR TE, t'IKKA LAS, DUS GANG GI TSE MA LTA BU'I TSIG DRUG PO DE DAG GIS DE'I DKYIL 'KHOR GYI KHONGS SU GTOGS PA DE CHAD PAR 'GYUR ZHE NA, DE'I PHYIR MTSAMS LAS 'DAS PAN DE 'GRUB PO ZHES BYA BA SMRAS TE, ZHES GSUNGS PA'I PHYIR, DE BZHIN DU SKYON SHIN TU SLA LAM BRGYAD KYANG MI 'THAD PAR THAL PA SOGS 'PHEN SHES PAR BYA'O, ,GZHAN YANG MA BRGYAD PO DE LA SONG BA'I MTHA' CAN SOGS BRGYAD BYAS NAS DE LA CHOS GOS MA BYAS PA'I NYI SHU DANG CHOS GOS BRTZAM LA MA ZIN PA'I NYI SHU DANG; RE BA YOD PA'I NYI SHU DANG RE BA MED PA'I NYI SHU BSHAD MI RUNG PAR THAL, KHYOD KYIS MA DRUG LA YA GYAL MED PAR BYAS PA'I PHYIR, MA GRUB NA, GRANGS NGES 'GAL, 'DOD MI NUS TE, LUNG GZHI'I SRA BRKYANG 'JUG BRAL GYI SDOM LAS,

, ,MA BYAS BA NI NYI SHU DANG, ,BRTZAM PA DAG NI NYI SHU DANG, ,RE BA YOD PA NYI SHU DANG, ,RE BA MED PA NYI SHU STE, ZHES GSUNGS PA'I PHYIR, GZHAN YANG, RTZA BAR, MA THOS KYI BAR DU SOGS DANG, LUNG GZHI LAS; THOS PA'I MTHA' CAN GYI SRA BRKYANG PHYUNG BA GANG ZHE NA, SOGS KYIS THOS PA'I MTHA' CAN GYI MA MA BSHAD PA MA YIN PAR THAL, MA DRUG LAS MED PA'I PHYIR, 'DOD MI NUS TE, t'IKKA LAS KYANG, MA MA BRGYAD KYI DRUG SNGAR BSHAD PA DANG, THOS PA'I MA MA 'DIS BSHAD PAR BZHED PA'I PHYIR TE, DE'I THAD KYI t'IKKA LAS, 'DI NI SRA BRKYANG DBYUNG BA THOS PA'I MTHA' LAS BYUNG BA YIN TE, 'DI YANG MA LTA BU YIN NO, ,GTZUG LAG LA SRA BRKYANG DBYUNG BA THOS PA'I MTHA' LAM BYUNG BA NI BDUN YIN NO ZHES GSUNGS PA 'DI YIN PAR RIG PAR BYA'O, ,ZHES GSUNGS PA'I PHYIR, SMRAS PA, BYIS PA'I BRTOL GTAM MA SPYAD MI GTZANG DOG GCOD GZHAN, NYER MKHO'I MKHAS GSUNG DOGS PA'I GZER BU'I MGO, LUNG RIGS THO BAS NYER BCOM CHA TZAM GYIS, ,NGAN RTOG RNO BRAL DPYOD LDAN RNAR MI RTZUB, ,THUB PA KHO NA'I BCAS DBANG 'DUL PA'I LUGS, ,LUNG RIGS RLABS PHRENG PHAN BDE'I LBU BA CAN, ,RANG BLO RAL BAR 'CHAD PA'I THIG BTZAM, ,SA GSUM RGUD PA'I DRI MA SEL SLAD BSGRUB, CES PA'ANG BAR SKABS KYI TSIGS SU BCAD PA'O,, ,,GNYIS PA GOS GZHI 'CHAD PAR, MTSON GYIS MA DRAS PA'I GOS SPYAD

PAR MI BYA'O, ,DRAS SHING DRUB BA CHOS GOS NYID DU BYIN GYIS RLAB PAR BYA'O, ,SOGS BYUNG, 'DI LA GLENG GZHI, SPYI DON, MTHA' DPYAD GSUM, DANG PO YOD DE, CHOS GOS GSUM TZAM TSUR SHOG DUS NAS YOD LA SNAM PHRAN SNREL ZHI'I DRAS DRUB NI RGYAL PO GZUGS CAN SNYING POS 'TSO BA PA GOS DUR SMRIG GYON PA LA GLANG PO CHE LAS BABS TE, PHYAG BYAS RKANG PAR MGO BOS GTUGS PAR, 'KHOR GYIS DE STON PA'I NYAN THOS MA LAGS 'TSO BA PA LAGS SMRAS PAS, RGYAL POS STON PAR DGE SLONG GI CHOS GOS LA GZHAN DANG MI 'KHRUL BA'I MTSAN MA MDZAD PAR GSOL BAS, LUS 'PHAGS KYI ZHING LTA BU'I DRAS DRUB BYED PAR GNANG PA'I PHYIR, GNYIS PA LA GOS KYI RGYU RUNG MI RUNG GI DANG, GOS SO SO'I RNAM BZHAG GI TSUL DANG, LOG 'TSO SOGS SPONG TSUL GYI DANG, GOS LA LONGS SPYOD PAR GNANG PA'I RNAM BZHAG DANG BZHI LAS, DANG PO LA MI RUNG PA'I DE YOD DE, MA DRAS PA'I KHA TSAR PHUN TSAR CAN DANG RGYU DPAG BSAM SHING LAS BYUNG BA DANG, RAB LA RNGA BAL LAS BYAS PA DANG, KHA DOG RUNG BAS KHA MA BSGYUR BA DANG, KHRA BO SOGS DANG, TSON CHEN GYIS KHA BSGYUR BA, MU STEGS CHA LUGS SU GTOGS PA'I SKRA'I G-YANG GZHI SOGS MI RUNG BA'I PHYIR, DANG PO GRUB STE, RTZA BAR, SNAM BUM BYAS BA DANG GSO MA NI MI RUNG NGO, ,ZHES SOGS DANG, t'IKKA LAS, KHA TSAR DANG PHUN TSAR MTHA' GCAD DU RUNG GZHES

, ,GSUNGS PA'I PHYIR, RTAGS GNYIS PA GRUB STE, DE NYID LAS, RA PHYAR DANG RDA BAL GYI SNAM BU DANG MU STEGS KYI RGYAL MTSAN YANG NGO, ,ZHES GSUNGS PA'I PHYIR, GSUM PA GRUB STE, KHRA BO MI DUNG NGO, ,ZHES GSUNGS BA'I PHYIR, MI RUNG BA'I TSON CHEN BRGYAD YOD DE, ME TOG PHRENG RGYUD LAS, RGYA SKYEGS LE BRGAN RTZI DANG BTZOD, ,RMA SHING RTZI DANG MTHING SHING MTSAL, ,SINDHU RA DANG GUR GUM STE, ,'DI DAG TSON CHEN BRGYAD DU 'DOD, ,CES GSUNGS BA'I PHYIR, RUNG BA BDUN TE, BAL LAS BYAS BA DANG RTZVA SHAN LAS BYAS PA DANG, NYI 'OG BA'I GOS DANG, RAS GOS DANG, RTZVA THAR MA DANG, RTZVA GO TAM BA LAS BYAS PA DANG, RTZVA DU GU LAS BYAS BA BDUN RUNG BA'I PHYIR TE, ME TOG PHRENG RGYUD LAS, BAL GOS SHA NA NYI 'OG DANG, ,RAS GOS DANG NI ZAR MA DANG, ,GO TAM PA DANG DU GU LA, ,CHOS GOS RGYU NI RNAM PA BDUN, ,ZHES GSUNGS BA'I PHYIR, BAL DANG RAS SOGS SBU CHE BA LA CHOS GOS RNAM GSUM MI RUNG STE, RTZA BAR, SBU CAN CHOS GOS GSUM NYID DU BYIN GYIS RLAB BAR MI BYA'O, ,ZHES BYUNG, YANG RUNG BA'ANG YOD DE, RIN CHEN PHRENG BA LAS, GOS KYI RNAM BA KHA TSAR PHUN TSAR MA BCAD PA LA YANG GZHAN MED NA BYIN GYIS RLAB PA CHAGS SO, ,ZHES GSUNGS PA'I PHYIR, LVA BA DANG BE'U PHRUG SPU CHAD BA DANG PHYING BA SOGS LA CHOS GOS DRAS DRUB MI RUNG YANG LHAN THABS RUNG STE, LUNG GZHI LAS, DGE

SLONG DAG LNGA BO 'DI DAG NI MI DRA BA DAG YIN TE, PHYING BA THAMS CAD DANG, LVA BA THAMS CAD DANG, BE'U PHRUG THAMS CAD DANG, GLAM THAMS CAD DANG, GOS SENG BO THAMS CAD DE LHAN THABS SU KLAN TE BCANG BAR BYA'O,, GLENG GZHI NI MNYAN YOD NA'O, ,ZHES GSUNGS BA'I PHYIR, DE DAG GI DON YANG YOD DE, RNAM BSHAD RIN CHEN PHRENG BA LAS, PHYING BA DANG LVAB BAL LAS BYAS PA SPU CAN DANG BE'U PHRUG SPU CAN TE, GLAM LVA BA 'THUG BO DANG SENG BA GOS PHRA MO STE, DE DAG MI DRA BAR LHAN THABS GLANG CING DRUB BO, ,ZHES GSUNGS BA'I PHYIR, KHA DOG RUNG BA GSUM GANG RUNG GIS KHA BSGYUR DGOS TE, SA GA LHAS, SNGON PO BTZAG DANG DUR SMRIG RTZI, ,'DI DAG RUNG BA'I TSON GSUM STE, , TSON GZHAN DAG GIS CHOS GOS NI, ,KHA BSGYUR BYED PA BKAG BA YIN, ,ZHES GSUNGS BA'I PHYIR, 'DI LA DPYAD BYA MANG YANG MTHA' DPYOD DU 'CHAD DO, ,GNYIS BA GOS SO SO LA 'TSO BA'I DANG, LHAG BA'I DANG, MKHO BA'I GOS GSUM, DANG PO LA MTSAN NYID, DBYE BA, SO SO'I TSAD DANG SGRUB TSUL DANG, BYIN RLABS KYI CHO GA, DGOS BCANG GI KHYAD BAR DANG, BYIN RLABS 'JIG PA'I RGYU DRUG, DANG PO YOD DE, RUNG BA TSAD LDAN RE RE BAR GNANG PA'I YO BYAD RANG MING GIS RLAB BA DE DE YIN BA'I PHYIR, GNYIS PA DBYE NA BCU GSUM YOD DE, RTZA BAR, SNAM SBYAR DANG, BLA GOS DANG, MTHANG GOS DANG, SHAM THABS DANG, SHAM THABS KYI GZAN DANG, RDUL GZAN DANG,

, ,RDUL GZAN GYI GZAN DANG, GDONG PHYIS DANG, RNAG GZAN DANG, G-YAN PA DGAB PA DANG, SKRA BZED DANG, GDING BA DANG, DBYANG GYI GOS RAS CHEN DAG BCANG BAR BYA'O, ,ZHES GSUNGS PA'I PHYIR; GSUM PA TSAD LA CHOS GOS GSUM GYI DANG, LHAG MA'I TSAD GNYIS, CHOS GOS GSUM GYI TSAD YOD DE, BYIN GYIS RLAB TU RUNG GI SNAM SBYAR BLA GOS MTHANG GOS GSUM, CHE TSAD SRID DU KHRU LNGA ZHENG DU KHRU GSUM, DE GSUM GYI CHUNG TSAD DE'I SRID ZHENG GNYIS KAR KHRU PHYED PHYED PHRI BA DANG, DE GSUM GYI 'BRING TSAD DE GNYIS KYI BAR GANG ZHIG, MTHANG GOS SRID DU KHRU LNGA'AM BZHI DANG, ZHENG DU KHRU DO DANG MI G-YOGS NA RAL GA DBUR CHAD BYA BA DANG CHUNG DU RGYAB NAS G-YOGS PAS BUS MO GNYIS LTO BA GSUM KHEB PA YANG YIN PA'I PHYIR, DANG PO GRUB STE, RTZA BAR, BYIN GYIS RLAB TU RUNG BA CHEN PO DAG NI RANG GI KHRU GSUM DANG LNGA DAG GO ,CHUNG DU DAG NI GNYIS KA LAS PHYED PHYED PHRI BA'O, ,'BRING RNAMS KYI TSAD NI BAR MA'O, ,ZHES SO, ,GNYIS PA GRUB STE, RTZA BAR, MTHANG GOS NI DO DANG LNGA YANG YIN LA, DO DANG BZHI YANG YIN NO, ,MI G-YOGS NA RAL KHA DBUD CHAD BYA'O, ,'KHOR GSUM KHEBS PA NYID YAN CHAD KYANG NGO, ,ZHES GSUNGS PA'I PHYIR, SNAM SBYAR LA SNAM PHRAN DANG TSAL BU'I SGOS DBYEN DGU YOD DO, CHUNG DU SKOR GSUM DANG, 'BRING SKOR GSUM DANG, CHEN PO SKOR GSUM RNAMS

YOD PA'I PHYIR TE, RTZA BAR, SNAM SBYAR GYI SNAM PHRAN DAG NI DGU YAN CHAD NYI SHU RTZA LNGA MAN CHAD DE ZUNG MA GTOGS SO, ,ZHES GSUNGS PA'I PHYIR, CHUNG DU GSUM GYI SNAM PHRAN DANG GLEGS BU'I GRANGS YOD DE, SNAM PHRAN DGU PA BCU GCIG PA BCU GSUM PA GSUM DU BYA ZHING, DE GSUM KA'I SNAM PHRAN RE RE YANG GLEGS BU PHYED DANG GSUM PAR BYED PA'I PHYIR TE, BAM LNGA LAS, DANG PO GSUM PA ZHES BYA BA NI, SNAM SBYAR RNAM PA DGU LAS GSUM PA DANG PO LA STE, SNAM PHRAN DGU PA DANG BCU GCIG PA DANG BCU GSUM BDAG LA'O, ,DE DAG GI GLEGS BU PHYED DANG GSUM PA NYID DO, ,ZHES GSUNGS PA'I PHYIR, 'BRING GSUM GYI SNAM PHRAN DANG GLEGS BU'I GRANGS YOD DE, SNAM PHRAN BCO LNGA BA DANG BCU BDUN PA DANG BCU DGU PA GSUM YOD CING, DE GSUM KA'I SNAM PHRAN RE RE'ANG GLEGS BU PHYED DANG BZHI BAR BYED PA'I PHYIR TE, BAM LNGA LAS, GNYIS PA LA NI GLEGS BU PHYED DANG BZHI PA NYID DO ZHES BYA BA NI SNAM SBYAR GSUM PA GNYIS PA LA STE; SNAM PHRAN BCO LNGA PA DANG BCU BDUN PA DANG BCU DGU BA DAG LA'O, ,ZHES GSUNGS PA'I PHYIR, CHEN PO GSUM GYI SNAM PHRAN DANG GLEGS BU'I GRANGS YOD DE, SNAM PHRAN NYER GCIG DANG NYER GSUM DANG NYER LNGA BYED CING, DE GSUM KA'I SNAM PHRAN RE RE'ANG GLEGS BU PHYED DANG LNGA PA BYED PA'I PHYIR TE, BAM LNGA LAS, GSUM PA LA NI GLEGS BU PHYED DANG LNGA PA NYID DO, ,ZHES BYA BA NI SNAM SBYAR GSUM PA GSUM PA LA STE, SNAM PHRAN NYI SHU GCIG PA DANG

, ,NYI SHU GSUM PA DANG NYI SHU LNGA BA DAG LA'O, ,ZHES GSUNGS BA'I PHYIR, BLA GOS CHUNG 'BRING CHE GSUM GYI SNAM PHRAN DANG GLEGS BU'I GRANGS YOD DE, GSUM KA SNAM PHRAN BDUN PA DANG SNAM PHRAN RE RE'ANG GLEGS BU PHYED DANG GSUM BAR BYED BA'I PHYIR TE, BAM LNGAR, BLA GOS NI SNAM PHRAN BDUN DANG GLEGS BU PHYED DANG GSUM BA'O, ,ZHES GSUNGS PA'I PHYIR, MTHANG GOS GSUM GYI SNAM PHRAN DANG GLEGS BU'I GRANGS YOD DE, GSUM KA SNAM PHRAN LNGA PA DANG SNAM PHRAN RE RE'ANG GLEGS BU PHYED DANG GNYIS PAR BYED PA'I PHYIR TE, BAM LNGAR, MTHANG GOS NI SNAM PHRAN LNGA DANG GLEGS BU PHYED DANG GNYIS PA'O, ,ZHES SO, ,CHOS GOS GSUM DRAS DRUB BYED TSUL LA GSUM LAS, DANG PO SNAM SBYAR LA YANG DRA BA DANG DRUB TSUL GNYIS, DANG PO NI, SNAM SBYAR GYI BYED TSUL YOD DE, SNAM SBYAR CHEN PO GSUM GYI DANG PO LA GLEGS BU PHYED BA NYER LNGA GLEGS BU TSANG MA'AM DKYIL 'KHOR NYER LNGA BA BZHI'AM BRGYAR DRA BA DANG, CHEN PO'I 'BRING LA PHYED PA NYER GSUM DANG GLEGS BU TSAD MA NYER GSUM PA BZHI 'AM DGU BCU GO GNYIS SU DRA BA DANG, CHEN PO'I CHUNG NGU LA PHYED PA NYER GCIG DANG GLEGS BU TSANG MA NYER GCIG PA BZHI'AM BRGYAD CU GYA BZHI DRAS LA PHYED PA DANG PHYED PA MNYAM PA DANG GLEGS BU DANG GLEGS BU MNYAM PAR DRA BA DE YIN PA'I PHYIR TE, RTZA BAR, GLEGS BU DANG GLEGS BU PHYED DAG MNYAM BAR BYA'O, ,ZHES DANG, BAM LNGA

LAS; GLEGS BU RNAMS KYANG LOGS SHIG TU MNYAM PAR BYA, GLEGS BU PHYED RNAMS KYANG LOGS SHIG TU MNYAM PAR BYA'O, ,ZHES DANG, KARMA SHATAm LAS, DRA'O, ,BSDE BA PO, ,ZUNGS GDAB PO, ,ZHES DANG, RTZA BAR, YANG DRAS SHING DRUB PA CHOS GOS NYID DU BYIN GYIS RLAB PAR BYA'O, ,ZHES DANG, t'IKKA LAS KYANG, GLEGS BUR DRAS SHING DRUB BA ZHES BYA BA'I THA TSIG GO ,ZHES GSUNGS PA'I PHYIR, DES SNAM SBYAR LHAG MA'I DRAS DRUB KYI SNAM PHRAN DANG GLEGS BU'I GRANGS SHES PAR BYA, SNAM SBYAR LA DRAS DRUB KYIS MA KHYAB KYANG DRAS DRUB DGOS NGES YIN TE, DGOS NGES YIN KYANG RKYEN DBANG GIS MA BYUNG BA YOD PA'I PHYIR, DPER NA NAD PA MA YIN PA'I DGE SLONG GIS NGES PAR DGUNG ZA MI RUNG YANG DE ZA BA YOD PA BZHIN YIN PA'I PHYIR, DES NA SNAM SBYAR MA YIN PA'I BLA GOS DANG MTHANG GOS LA DRAS DRUB NGES PA MED PA'I PHYIR TE, RTZA BAR, SNAM SBYAR MIN PA DAG LA DRAS TE BYIN GYIS BRLAB PAR NGES PA MED DO; ;ZHES DANG, LUNG MA MO LAS, SNAM SBYAR NI NGES PAR DRAS TE BYA'O, ,BLA GOS DANG MTHANG GOS NI NGES PA MED DO, ,ZHES DANG, ME TOG PHRENG RGYUD LAS KYANG, SNAM SBYAR NGES PAR DRAS TE BCANG, ,GZHAN DAG MA NGES GANG GI PHYIR; ;'DOD CHUNG RANG GI CHOS GOS KYIS, ,LAS KYI SKYO BA SKYED PHYIR RO, ,ZHES GSUNGS BA'I PHYIR, GNYIS BA DRUB TSUL YOD DE, SNAM SBYAR RAB LTA BU LA GLEGS BU PHYED DANG LNGA LNGA SBYAR LA TSAL BU BYA SPU NON GYI TSUL 'THUD PA NI SNAM

, ,PHRAN YIN LA, RAB KYI RAB LA GLEGS BU PHYED DANG LNGA SBYAR BA'I SNAM PHRAN NYER LNGA 'BYUNG, RAB KYI 'BRING LA DE 'DRA'I NYER GSUM DANG RAB KYI THA MAR NYER GCIG 'BYUNG BA'I PHYIR, DER THAL, DE LTAR 'THUD PA'I RNAM PA LA SNAM PHRAN DANG TSAL BU ZHES BYA LA, DRAS PA MA 'THUD PA DANG 'THUD PA'I LING TSE SO SO BDAG LA GLEGS BU DANG, DE'I CHE BA LA GLEGS BU DANG CHUNG BAR GLEGS BU PHYED PA ZHES BYA RIGS PA'I PHYIR DANG BO GRUB STE, DE LA SNAM PHRAN DANG TSAL BU DANG GLEGS TSAR ZHES KYANG BYA BA'I PHYIR TE, t'IKKA LAS, 'DIR SNAM PHRAN ZHES BYA BA'I SGRA NI SRID DU BTANG BA'I TSAL BU LA BYA'O, ,ZHES DANG, BAM LNGA LAS, 'DIR SNAM PHRAN ZHES BYA BA'I TSAL BU LA BYA YI GLEGS BU DANG GLEGS BU PHYED LA NI MI BYA'O, ,ZHES GSUNGS PA'I PHYIR DANG, RNAM 'BYED 'GREL BA LAS, 'DI YANG SNAM PHRAN ZHES BYA BA NI GLEGS BU GNYIS DANG GLEGS BU PHYED SBYAR BA'I SNAM PHRAN GYI MTSAN NYID NI SNAM PHRAN YIN PAR SHES PAR BYA'O, ,ZHES GSUNGS PA'I PHYIR, RTAGS GNYIS PA DANG GSUM PA GRUB STE, RNAM 'BYED 'GREL BA LAS, GLOGS BU PHYED DANG GSUM PA ZHES BYA BA NI GANG LA DKYIL 'KHOR PHYED DANG GSUM YOD PA'O, ,ZHES GSUNGS PA'I PHYIR, DES NA GLEGS BU PHYED DANG LNGA SBYAR BA'I SNAM PHRAN GCIG DBUS BYAS LA, DE'I G-YAS G-YON DU SNAM PHRAN BCU GNYIS BCU GNYIS RE SBYAR LA DBUS MA'I GLEGS BU'I 'PHRO PHYI

MA PHYI MA'I STENG DU THON PAR SBYAR BAR BYA STE, DE LTAR SBYAR BAS SNAM PHRAN DBUS MA'I GLEGS BU'I 'PHRO G-YAS G-YON GYI STENG DU THON ZHING G-YAS KYI SNAM PHRAN NAM TSAL RING BCU GNYIS KYI 'PHRO G-YAS DANG G-YON GYI SNAM PHRAN NAM TSAL RING BCU GNYIS KYI 'PHRO G-YON DU PHYOGS BA'I BYA SPU NON MDZES PA ZHIG 'ONG BA'I PHYIR TE, RTZA BAR, DBUS NAS GZHAN DU GLEGS BU'I 'PHRO PHYOGS PHYOGS SU LTA BA NYID DANG, ZHES DANG, t'IKKA LAS, PHYOGS PHYOGS SU ZHES ZLOS BUR BYAS TE, G-YAS PHYOGS KYI GLEGS BU RNAMS KYI 'PHRO YANG G-YAS PHYOGS SU PHYI BRGYUD DU LTA LA, G-YON PHYOGS KYI GLEGS BU RNAMS KYI 'PHRO YANG G-YON PHYOGS SU PHYI BRGYUD DU LTA'O, ,ZHES GSUNGS PA'I PHYIR; SNAM PHRAN GYI GLEGS BU SNREL ZHIR DRUB TSUL YOD DE, SNAM PHRAN DBUS MA'I GLEGS BU PHYED PA DE'I G-YAS G-YON DU GLEGS BU TSANG MA YOD PA'I SNAM PHRAN RE SBYAR, DE BZHIN DU SNAM PHRAN PHYED PA DANG TSANG MA BSNOL PAS SBYAR BAS 'GRUB PA'I PHYIR TE, RTZA BAR, SNAM PHRAN SNREL ZHI NYID DANG, ZHES DANG, t'IKKA LAS, SNREL ZHI ZHES BYA BA NI SNAM PHRAN DE DAG GI TSAL BU RNAMS KYI SNA DRANG THANG DU MA BABS BAR MTHOD MAN MI MNYAM PA NYID KYIS 'GRUS THABS SU 'DUG BA'O, ,ZHES GSUNGS PA'I PHYIR, SNGON GYI BYA 'DUL DANG SA PAN DANG RJE RIN PO CHE SOGS KYI CHOS GOS BYA SPU NON DE LTAR YIN GYI TSAL BU'I, BA YAS MAR MI MTHUN PA MIN ZHES BLA MA MKHAS PA MANG POS

, ,GSUNG NGO; ,SNAM PHRAN SBYAR BA DE'I MTHA' SKOR DU ZHENG CHE CHUNG MNYAM PAS SKOR BA DRAS DRUB LA ZUR DU DGOS TE, RTZA BAR, MTHA' SKOR BA NYID DAG GIS SO, ,ZHES DANG, t'IKKA LAS, MTHA' SKOR BA NYID CES BYA BA NI MTHA' THAMS CAD SKOR BA STE, ZHES GSUNGS PA'I PHYIR, DE MDZES PA'I CHED YIN TE, GOS GZHI'I LUNG LAS, DES SNAM BU RNAMS KHA PHYOGS GNYIS KAR BSTAN NA, 'ON KYANG MTHA' SKOR MED BAS MDZOS BAR MA GYUR NAS MTHA' SKOR BYAS SO, ,ZHES GSUNGS PA'I PHYIR, MTHA' SKOR GYI ZHING TSAD 'GREL CHUNG LAS SOR BZHIR BSHAD, TSAL BU'I ZHENG TSAD CHE 'BRING CHUNG GSUM YOD DE, SNAM PHRAN NA DAM NANG MA PHYI MA PHYI MAR SBYAR SNAM PHRAN NANG MA'I 'PHRO SOR BZHI SOGS MA SBYAR BAR STENG DU THON PA DE DANG GLEGS BU SO SOR 'PHRO DE LTAR THON PA DE LA TSAL BU ZER, DE'I CHE TSAD SOR BZHI DANG, CHUNG TSANG PHYED DANG GSUM MAM GNYIS DANG MTHEB SOR GCIG YIN, DE'I BAR 'BRING TSAD DU 'JOG BA'I PHYIR, DANG PO GRUB STE, SNAM PHRAN DANG GLEGS BU'I TSAL BU THAMS CAD CHAGS SHING GIS TSAD MNYAM PAR BYED DGOS PA'I PHYIR TE, RTZA BAR, TSAL BU DAG KYANG NGO, ,DE'I TSAD KYI CHAGS SHING BCAD PAR BYA'O, ,ZHES GSUNGS PA'I PHYIR, GNYIS PA GRUB STE, RTZA BAR, DE'I CHA TSAD NI SOR BZHI'O, ,BYA ROG GI MTHO GANG YANG NGO, ,ZHES GSUNGS PA'I PHYIR, KHYAB STE, 'DI

GNYIS TSAD MNGAL BYED SO SOR BSHAD BTZAM YIN BA'I PHYIR TE, t'IKKA LAS, DE LTAR BZHAG PA'I MTHEB 'DZUB GNYIS KYI RTZE MO'I BAR GYI TSAD NI BYA ROG GI MTHO GANG ZHES BYA'O, ,DE LA DNGOS SUN SOR BZHI KHO NA YOD DE, RNAM PA GZHAN GYIS BSTAN PA'I PHYIR RO, ,ZHES GSUNGS PA'I PHYIR, GSUM PA GRUB STE, RTZA BAR, CHUNG TSAD NI SOR GNYIS SAM PHYED DANG GSUM MAM MTHEB SOR GCIG GO ,ZHES DANG, BAM LNGA LAS, CHUNG TSAD NI SOR GSUM MAM PHYED DANG GSUM MAM MTHEB SOR GCIG GO ,ZHES GSUNGS PA'I PHYIR DANG, t'IKKA LAS KYANG NGO, ,BZHI BA GRUB STE, BAM LNGA LAS, 'BRING TSAD NI DE GNYIS KYI BAR MA'O ZHES BYA BA DAG NI TSAL BU'I ZHENG TSAD DE, DE NI GOS KYI GZHI PHRAN TSEGS LA SOGS BA'I SKABS NAS BYUNG NGO, ,ZHES GSUNGS PA'I PHYIR, DE YANG LUNG LAS, CHUNG 'BRING TSAD BSHAD TSUL GNYIS SNANG NGO, ,DES SNAM SBYAR LHAG MA RTOGS BAR BYA'O, ,SNAM SBYAR LA YANG LHAN THABS YANG YOD DE, CHOS GOS GSUM KA'I RGYU'I BYIN RLABS SNGAGS LAS YANG NA 'DI LA LHAN THABS SU GLAN NO, ,ZHES GSUNGS PA'I PHYIR, KHYAB STE, GZHI 'GREL LAS, YANG NA 'DI LA LHAN THABS SU KLAN NO, ,ZHES BYA BA NI CHOS GOS MA DRAS BA'I STENG DU GZHAN GYI SNAM PHRAN DANG GLEGS BU DANG, GLEGS BU PHYED KYIS LHAN THABS SU KLAN PAR BYA'O, ,ZHES GSUNGS PA'I PHYIR, LHAN THABS SBYOR TSUL YANG SHIN TU GSAL LO, ,BLA GOS DANG MTHANG

, ,GOS KYI TSAD DANG DRAS DRUB BYED TSUL YOD DE, BYIN GYIS RLABS RUNG DE GNYIS CHE TSAD ZHENG KHRU GSUM DANG MCHUR KHRU LNGA DANG CHU 'CHANG ZHENG DU KHRU PHYED DANG GSUM DANG MCHUR KHRU PHYED DANG LNGA YIN LA DE'I BAR 'BRING TSAD YIN PA'I PHYIR TE, LUNG LAS, BYIN GYIS BRLAB TU RUNG BA CHEN PO DAG NI RANG GI KHRU GSUM DANG LNGA DAG GO ,ZHES DANG, BAM LNGA LAS KYANG, SNAM SBYAR DANG BLA GOS DANG MTHANG GOS BYIN GYIS BRLAB TU RUNG BA CHEN PO DAG NI TSAD GCIG STE, ZHES GSUNGS PA'I PHYIR DANG, t'IKKA DANG, GZHI 'GREL KUN MTHUN PAS SKYOGS BSHAD MI BYA'O, ,BLA GOS KYI MTHA' SKOR MA GTOGS LHAG MA GLEGS BU TSANG MA BCU BZHI BYED PA BDUN DANG, NYER GCIG TU DRAS SHING, GLEGS BU PHYED DANG GSUM PA BYA SPU NON DU SBYAR BA'I SNAM PHRAN BDUN GYI GCIG DBUS DE'I BLOR GLEGS BU'I 'PHRO G-YAS SU LTA BA'I SNAM PHRAN GSUM DANG G-YON DU GLEGS BU'I 'PHRO G-YON DU LTA PA'I SNAM PHRAN GSUM SBYAR DE KUN GYI MTHA' LCAGS RIS SKOR BA YIN TE, BLA GOS LA TSAD GSUM YOD SNAM PHRAN BDUN PA DANG, GLEGS BU PHYED DANG GSUM PA KHO NAR BYIN RLABS SNGAGS LAS BSHAD PA MA GTOGS MA GSUNGS PA'I PHYIR TE, BAM LNGA LAS, BLA GOS NI SNAM PHRAN BDUN DANG, GLEGS BU PHYED DANG GSUM PA'O, ZHES DANG, DE BYIN RLABS SNGAGS LAS, SNAM PHRAN BDUN PAR BGYI STE

GLEGS BU PHYED DANG GSUM PAR BGYI'O, ,ZHES GSUNGS PA'I PHYIR, MTHANG GOS KYI TSAD GZHAN YANG YOD DE, ZHENG DU KHRU DO DANG MCHUR KHRU LNGA DANG ZHENG DU KHRU DO MCHUR KHRU BZHI YANG RUNG ZHING 'KHOR GSUM KHEBS PA YANG YOD PA'I PHYIR TE, RTZA BAR, MTHANG GOS NI DO DANG LNGA YANG YIN LA, DO DANG BZHI YANG YIN NO, ,'KHOR GSUM KHEBS PA NYID YAN CHAD KYANG NGO, ,ZHES GSUNGS PA'I PHYIR, KHYAB STE, YANG SGRA SNGA MAS BYIN GYIS RLAB RUNG GI MTHANG GOS GSUM DU MA ZAD PA YANG BSHAD LA, YANG SGRA PHYI MA GNYIS KYIS SNGA MA SNGA MAR MA ZAD 'DI YANG RUNG BAR BSHAD, DRAS DRUB BYED TSUL YOD DE, LCAGS RIS MA GTOGS PA'I TSAD DE GLEGS BU TSANG MA LNGA DANG, GLEGS BU PHYED PA LNGA STE BCUR DRAS SHING, GLEGS BU CHE CHUNG GNYIS 'THUD PAS SNAM PHRAN LNGA DANG, GLEGS BU PHYED DANG GNYIS PA 'BYUNG BA'I TSUL DU SBYAR ZHING, MTHA' LCAGS RIS SKOR BA DE YIN PA'I PHYIR TE, MTHANG GOS KYI TSAD GSUM SOGS YOD KYANG SNAM PHRAN DANG, GLEGS BU LUGS GCIG LAS MED PA'I PHYIR TE, LUNG GZHI LAS, SNAM PHRAN LNGAR BGYI STE, GLEGS BU PHYED DANG GNYIS PAR BGYI'O, ,ZHES GSUNGS PA'I PHYIR, KHYAB STE, BLA GOS DANG MTHANG GOS GNYIS KYI RNAM PHRAN BYIN RLABS KYI SNGAGS LAS GZHAN DU GSAL BAR MA GSUNGS PA'I PHYIR TE, GZHI 'GREL LAS, DE GNYIS KYI GOS BYIN GYIS BRLAB PA'I SNGAGS DE 'DI LAS SHES PAR BYA YI, BCOM LDAN 'DAS KYIS, BLA GOS DANG MTHANG

, ,GOS GNYIS KYI SNAM PHRAN GYI TSAD NI SNAM SBYAR GYI TSED LTAR GANG DU'ANG BKA' MA STZAL TO, ,ZHES GSUNGS PA'I PHYIR, MTHANG GOS KYIS LUS MI G-YOGS NA RAL GA DPUNG CHAD BYA ZHING MTHA' GCIG TU MA NGES TE, RTZA BAR, MI G-YOGS NA RAL GA DPUNG CHAD BYA'O, ,ZHES DANG, BAM LNGA LAS, GANG GI LUS CHE CHES PAS MTHANG GOS KYI TSAD DE TZAM GYIS MI G-YOGS NA RAL GA DPUNG CHAD BYA STE, KHEBS PAR G-YOGS PAR BYA'O; ;ZHES GSUNGS PA'I PHYIR, LAS CHOG CHEN MOR RAL GA DPUNG TSAD NI TSAD LA NGES BZUNG CHE BA MED KYANG MTHANG SHAM GYI PHYED LAS CHE BA MI RUNG BA 'DRA ZHING, MTSO t'IKA LAS, RAL KHA DPUNG CHAD NI RGYA KHYON JI TZAM YOD PA LOGS SU BYIN GYIS RLAB STE SGRO GU 'AM GZUNGS KYIS 'THUNG PA'O, ,ZHES GSUNGS PA'I PHYIR, 'DI DAG LA ZHIB CHA CUNG DGOS PAR MNGON NO, ,SGRA BSHAD YOD DE, CHOS DON DAM PA'I DGE SBYONG DANG MYA NGAN LAS 'DAS PA DANG MTHUN PA'I GOS YIN LA KHYIM PA MU STEGS SOGS DANG MA YIN PAS CHOS GOS DANG SNAM PHRAN DANG GLEGS BU DU MA SO SOR RAM KUN TU SBYAR BAS NA SNAM SBYAR DANG, BLA STE STOD DAM GONG DU GYON PA'I GOS YIN PAS NA BLA GOS; MTHANG STE SMAD DAM NANG DU GYON PA'I GOS YIN BAS NA MTHANG GOS ZHES BRJOD PA'I PHYIR, RTAGS ZUR DANG PO GRUB STE, MDO LAS, KHYIM BDAG GZHAN DANG, ZHES PA NAS, 'DI DAG NI NYE BAR ZHI BA DANG MTHUN

PA YIN GYI, 'DI DAG NYON MONGS 'BAR BA DANG MTHUN PA MIN PA DANG, NGUR SMRIG 'DI DAG GIS DKRIS SHING G-YOGS NA SDIG PA LAS LDOG PAR BYA BA DANG SOGS LTAR YIN PA'I PHYIR, PHYI MA GSUM t'IKKA LAS BSHAD DO, ,GNYIS PA 'TSO BA'I YO BYAD LHAG MA'I TSAD DANG, SBYONG TSUL YOD DE, SHAM THABS NI NYIN MO MTHANG GOS KYI 'OG TU GYON PA DANG, SHAM THABS KYI GZAN NI MTSAN MO MTHANG GOS KYI 'OG TU GYON PA DANG TSAD MTHANG GOS DANG 'DRA, RDUL GZAN NI NYIN MO STOD DU GYON PA DANG, RDUL GZAN GYI GZAN MTSAN MO STOD LA GYON PA DE GNYIS TSAD BLA GOS DANG 'DRA LA, MA DRAS PA'I STOD G-YOGS CHE BA SRID DU KHRU BCU GNYIS ZHENG DU KHRU GSUM DANG, CHUNG TSAD BLA GOS LTA BU DANG, MA DRAS PA'I SMAD G-YOGS KYI CHE TSAD SRID DU KHRU BDUN DANG ZHENG DU KHRU DO DANG CHUNG TSAD MTHANG GOS LTAR YIN LA, DE GNYIS KHYIM PA'I STOD G-YOGS DANG SMAD G-YOGS ZHES BYA ZHING 'BRING TSAD MI 'ONG BA'I PHYIR, DANG PO BZHI YANG GRUB STE, ME TOG PHRENG RGYUD LAS, RDUL GZAN MTHANG GOS MED PAR NI, ,CHOS GOS CHEN PO LONGS MI SPYAD, ,CES GSUNGS PA'I PHYIR, LNGA PA DANG DRUG PA GRUB STE, SA GA LHAS, KHRU NI BCU GNYIS STOD G-YOGS GSUM, SMAD G-YOGS KYANG NI BDUN DANG GNYIS, RE ZHIG 'DI NI 'JIG RTEN PA'I, ,STOD G-YOGS SMAD G-YOGS ZHES SU GSUNGS, ZHES GSUNGS PA'I PHYIR, KHYAB STE, DES STOD G-YOGS SMAD G-YOGS MA DRAS PA

, ,CHE TSAD DANG THA SNYAD BSTAN CING, CHUD TSAD 'CHAD PAR SA GA LHAS, KHRU NI LNGA GSUM SNAM SBYAR TE, GNYIS RIM STOD G-YOGS DAG KYANG NGO, ,KHRU NI LNGA DANG GNYIS PO DAG ,RE ZHIG BSTAN PA'I SMAD G-YOGS SO, ,ZHES GSUNGS PA'I PHYIR DANG, JI SKAD DU, RJE 'DUL 'DZIN GYI GZHI GSUM CHOG LAS, MA DRAS PA'I STOD GA-YOGS, ZHES PA NAS, MA DRAS PA'I STOD G-YOGS SMAD G-YOGS GNYIS LA 'BRING TSAD NI MED DO, ,ZHES GSUNGS PA'I PHYIR, GZHAN YANG, 'TSO BA'I DE YOD DE, GDONG PHYIS NI GDONG LAG PHYI BA RUNG BAS KHA BSGYUR BA TSAD KHRU GANG SRID ZHENG DU LDAN PA DANG, RNAG GZAN NI DGE SLONG RNAG NAD CAN GYIS SHA LA SBYAR TE, BGO BA'I GOS CI TZAM GYIS CHOG PA DANG, G-YAN PA DGAB PA NI G-YAN PA'I NAD CAN GYIS SHA LA SBYAR TE, BGO BA'I GOS YIN LA TSAD SRID DU KHRU DRUG ZHENG DU KHRU GSUM YIN, SKRA BZED NI SKRA BREGS PA'I TSE GYON PA'I GOS YIN LA SRID DU KHRU GSUM ZHENG DU PHYED DANG GNYIS YOD PA DANG, GDING BA NI GNAS MA LA SKYAB PA'I CHED DU GNANG BA TSAD SRID DU KHRU GSUM ZHENG DU KHRU DO DANG SOR DRUG YIN LA DES MI CHOG NA SRID DU KHRU PHYED DANG DO SKYED PA DANG, DBYAR GYI GOS RAS CHEN NI CHAR SKYABS PA'I CHED DU GYON PA YIN LA, TSAD SRID DU KHRU DGU ZHENG DU KHRU GSUM DANG SOR BCO BRGYAD YOD PA DANG, DE DAG THAMS CAD RUNG BA'I TSON GYIS KHA BSGYUR DGOS PA'I

PHYIR; DANG PO GRUB STE, RTZA BAR, GDONG PHYIS BCAD PAR BYA'O, ,ZHES DANG, SA LHAS, GDONG DANG LAG PA PHYI BA STE, ZHES SO, ,GNYIS PA GRUB STA, RTZA BAR, LUS RNAG 'DZAG PAS RNAG GZAN NO, ,DE CHOS GOS KYI NANG DU BGO'O, ,SOGS BYUNG, GSUM PA GRUB STE, RTZA BAR, GA LA NA BDAG BA BA'I'O, ,KHRU DRUG DANG GSUM MO, ,ZHES GSUNGS PA'I PHYIR, BZHI PA GRUB STE, PHRENG RGYUD LAS, SRUNG BA'I DON DU SKRA BZED NI, ZHING DU KHRU NI PHYED DANG GNYIS, ,SRID DU KHRU NI GSUM YIN TE, ,LHAG PAR RTAG PAR MI BYA'O, ,ZHES SO, ,LNGA PA GRUB STE, RTZA BAR, GDING BA'I'O, ,'DI'I TSAD NI SRID DU KHRU GSUM MO, ,MI CHOG NA KHRU PHYED DANG DO MAN CHAD SKYED DO, ,'DI'I ZHENG DU NI KHRU DO DANG SOR DRUG GO ,ZHES GSUNGS PA'I PHYIR, DRUG PA GRUB STE, RTZA BAR, DBYAR GYI RAS CHEN GYI'O, ,DGU DANG GSUM DANG SOR BCO BRGYAD DO, ,ZHES GSUNGS PA'I PHYIR, BDUN PA GRUB STE, RUNG BAS KHAM BSGYUR BA LHUNG BZED KYI KHA G-YOGS TZAM YANG BCAD NA LTUNG BA 'BYUNG BA'I PHYIR TE, RTZA BAR, SNGON PO 'AM DMAR PO 'AM NGUR SMRIG GI KHA MA BSGYUR BA RANG GI GOS THA NA LHUNG BZED KYI KHA G-YOGS SNOD DANG RKANG PA'I 'BOB DANG SKA RAGS DAG GI BSGO BA LA SOGS PA LA YONGS SU LONGS SPYOD NA'O, ,ZHES GSUNGS PA'I PHYIR, CHAR GOS SOGS KHA MA BSGYUR BA SHIN TU MI RUNG NGO, ,DES NA 'TSO BA'I YO BYAD LA GNYIS YOD DE, DNGOS SNGAR BSHAD BCU

, ,GSUM DANG, 'TSO BA'I YO BYAD PHRAN TSEGS ZHVA SKA RAGS LHAM LHUNG BZED KYI SHU BA KHA G-YOGS RAM PHYIS SAM PHOR PHYIS RNAMS YIN PA'I PHYIR, MJAL BYED KYI KHRU YANG 'DUL BAR GSUM BSHAD DE, RDUL KHRU DANG LUS KHRU LAG KHRU GSUM YOD CING, DES GZHAL BA'I SGO NAS BZHAG PA'I PHYIR, DANG PO YOD DE, RTZA BAR, RDUL PHRA RAB DANG, RDUL PHRA MO DANG, CHU DANG LCAGS DANG, RI BONG DANG, LUG DANG GLANG DANG, NYI ZER GYI RDUL DANG, SRO MA DANG SHIG DANG, NAS DANG SOR RNAMS NI SNGA MA DRUG LAS PHYI MA'O, ,SOR BZHI DRUG LA KHRU GANG NGO, ,KHRU PHYED DANG BZHI LA NI MI'I SRID DO, ,KHRU BZHI LA GZHU'O, ,DE LNGA BRGYA LA RGYANG GRAGS SO, ,DGON PA'I DANG PO NI DE'I MTHA' 'O, ,ZHES GSUNGS PA'I PHYIR, MDZOD DANG 'DI'I DRUG RTZIS DANG BDUN RTZIS NI RAGS ZHIB DANG CHU LCAGS GONG 'OG GI RDUL GNYIS YANG MI GCIG BAR BYA'O, ,GZHAN SLA, GNYIS PA YOD DE, RTZA BAR, KHRU'I DON NI LUS KYI CHA BDUN LAS GNYIS SO, ,ZHES SO, ,GSUM PA NI, t'IKKA LAS, KHRU NI GRU MO NAS GUNG MO'I RTZE MO'I BAR RO, ,ZHES SO, ,BZHI PA GRUB STE; MTSO t'IKA LAS, RDUL KHRU LUS KHRU LAG KHRU STE, ,KHRU GSUM RNAM DBYE SHES PAR BYA, ,RDUL KHRUS GZHAL BAR BYA BA NI, ,KHANG BA'I TSAD DANG KHRI RKANG TSAD, ,GDING BA G-YAN DAG PAR SA CHEN NO, ,DE DAG LAS GZHAN CHOS GOS

RNAMS, ,LUS KHRU'AM LAG KHRUS GZHAL BA STE, ,LUS RING HA CANG LAG THUNG DANG, ,DE LAS LDOG PA'I CHOS GOS RNAMS, ,RANG GI LUS KHRU KHO NAS GZHAL, ,LUS TSAD LAG TSAD 'TSAM PA YIS, ,LAG KHRUS KYANG NI GZHAL DU RUNG, , ZHES SO, ,BZHI PA BYIN RLABS KYI CHO GA YOD DE, YUL DGE SLONG KHYAD PAR BDUN LDAN GYI MDUN DU, PHYAG GAM GUS PAS SNYAN GSAN DANG, DE NAS GOS BLTAB BA RANG GI PHRAG PAR BKAL BA'I SNE NAS GNYIS KAS 'GRENG STE BZUNG NAS, BTZUN PA DGONGS SU GSOL BDAG MING 'DI ZHES BGYI BAS CHOS GOS BGYIS LAGS PA RUNG BA SPYAD PAR 'OS PA 'DI CHOS GOS SNAM SBYAR DU BYIN GYIS RLAB PO GSUM BRJOD DE, THABS LEGS BYA LA, DE BZHIN DU 'TSO BA'I YO BYAD SO SOR BRJES LA BYIN RLAB BYA ZHING LHAG PA RNAM BRTAGS KYI BYIN RLABS YANG BYED PA'I PHYIR TE, SA GA LHAS, RANG DANG CHO GAS BYIN RLABS NAS, DE LAS GZHAN RNAMS BRTAGS NAS TE, ZHES GSUNGS PA'I PHYIR, DE DAG BYIN RLABS KYI DGOS PA YOD DE, DE BYAS PAS 'CHAD 'JOG GI LTUNG BA MI 'BYUNG BA DANG, BYIN RLABS KYI GOS DE MED PA'I NYES PA KHEGS PA'I PHYIR, SNAM SBYAR SOGS DNGOS MED NA RGYU'I BYIN RLABS LA GZHAN SNGAR LTAR BYAS TE, BTZUN PA DGONGS SU GSOL, BDAG MING 'DI ZHES BGYI BAS CHOS GOS 'DI SNAM SBYAR DU BYIN GYIS RLAB BO, 'TSAL LA BAR CHAD MA BYUNG NA SNAM PHRAN DGU PA LA SOGS PAR BGYIS TE,

, ,GLEGS BU PHYED DANG GSUM PA LA SOGS PAR BGYI'O, ,BKRU'O, ,BSKYANG NGO, ,DRA'O, ,BSDEB PO, ,GZUNG GDAB PO, ,DRUB PO, ,KHA BSGYUR RO, ,YANG NA 'DI LA LHAN THABS SU GLAN NO; ;RKYEN DU JI LTA BA BZHIN DU BGYI STE, CHOS GOS 'DI NI RUNG BA SPYAD PAR 'OS PA'O, ,ZHES BA DE YIN LA THABS LAGS KYANG NGO, ,BLA GOS LA SNAM PHRAN BDUN PA DANG, GLEGS BU PHYED DANG GSUM PA ZHES DANG, CHOS GOS BLA GOS SU BYIN GYIS RLAB BO, ,ZHES DANG, MTHANG GOS LA MTHANG GOS SU BYIN GYIS RLAB PO, ,ZHES DANG, SNAM PHRAN LNGA PA DANG, GLEGS BU PHYED DANG GNYIS PAR BYA'O, ,ZHES BYA'O, ,YUL MED NA SH'A RI'I BU MDUN DU DMIGS LA LHA DGONGS SU GSOL, BDAG MING 'DI SOGS BYA, DE BZHIN DU LHAG PA'I YO BYAD DANG MKHO BA'I YO BYAD KYI SNGAG BSKYAR SLA'O, ,LNGA PA DGOS BCANG GI SEMS KYI KHYAD PAR YOD DE, SPYIR 'DU SHES LNGA DANG; KHYAD PAR DU LUS LA RMA DANG NGO TSA BA'I GNAS DANG GOS LA RMA DKRIS DANG NGO TSA SGRIB BYED DANG 'TSO BA'I YO BYAD KYI BYIN RLAB DANG DGE SBYONG GIS DRAN PA GSO BA SOGS DRAN PA DANG, 'TSO BA'I YO BYAD RANG GI YIN PA'I BSAM BAS DANG, LHAG PA'I YO BYAD GZHAN GYI YIN BSAM PA DANG, MKHO BA'I YO BYAD RANG GZHAN THUN MONG DU DBANG BA'I SEMS KYIS 'CHAD PA'I PHYIR, DRUG PA BYIN RLABS 'JIG RGYU BZHI YOD DE, SNGAGS KYIS

DANG; RTEN ZHING MA YIN PAS DANG, GOS ZHING MA YIN PAS DANG, GZHAN LA BYIN PAS 'JIG PA SOGS YOD PA'I PHYIR, LHAG PA'I YO BYAD KYI GOS LA'ANG GNYIS YOD DE, DNGOS NI SNAM SBYAR SOGS BCU GSUM GANG RUNG LHAG PA LTA BU DANG LHAG PA'I GOS PHRAN TSEGS ZHVA DANG SKA RAGS LHAG PA LTA BU YIN PA'I PHYIR, 'DI MED MI RUNG MIN YANG SKYID BDE BA LAS RAB TU BYUNG BA DANG SHIG DANG SROM MANG BA DANG, RDUL DANG DRI MA MANG BA RNAMS KYIS RNAM BRTAGS BYAS NAS 'CHAD PA'I PHYIR, MKHO BA'I YO BYAD LA'ANG DNGOS DANG PHRAN TSEGS GNYIS YOD DE, DANG PO NI, 'TSO LHAG GNYIS GANG RUNG MA YIN PA'I RAS YUG DANG YUG GOS YUG SOGS DANG, RING 'GAG DANG BEM PO SOGS DANG, GOS SU NGES PA MED PA KHRU GANG DU LONGS PA THAMS CAD DANG, GNYIS PA PHRAN TSOGS NI, RAS KHA PHYED DANG DAR KHA PHYED SOGS YIN PA'I PHYIR, DE YANG BLA GOS GSUM YOD NA GCIG 'TSO BA'I DANG, GCIG LHAG PA'I DANG, GCIG MKHO BA'I YO BYAD DU BRLAB DGOS, BYIN RLABS KYI CHO GA GZHI GSUM CHO GA LTAR BYA'O, ,GSUM PA RGYU'I SGO NAS LOG 'TSO LNGA SPANG DGOS TE, TSUL 'CHOS DANG, KHA BSAGS DANG, GZHOGS SLONG DANG, THOB KYIS MJAL DANG, RNYED PAS RNYED PA 'TSOL BA LNGA SMAD PA'I PHYIR TE, RIN CHEN PHRENG BA LAS, TSUL 'CHOS RNYED DANG BKUR STI'I PHYIR, ,DBANG PO SDOM PAR BYED PA STE, KHA

, ,BSAGS RNYED DANG BKUR STI'I PHYIR, ,TSIG 'JAM SNYAN PAR SMRA BA'O, ,GZHOGS SLONG DE NI THOB BYA'I PHYIR, ,GZHAN GYI RDZAS LA BSNGAGS BYED PA, ,THOB KYIS MJAL PA RNYED PA'I PHYIR, ,MNGON SUM GZHAN LA SMOD BYED PA, ,RNYED PAS RNYED PA RNAMS 'DOD PA, ,SNGAR THOB PA LA BSNGAGS BYED PA'O, ,ZHES GSUNGS PA'I PHYIR, BZHI PA LONGS SPYOD PAR GNANG TSUL YOD DE, SNAM SBYAR GYON DUS BRGYAD SOGS DANG, SHAM THABS GYON NAS THAMS CAD RUNG BA DANG, DGE SLONG GIS MIN PAR GOS RE RE BAS ZAS LA SBYANG MI RUNG BA YIN PA'I PHYIR, DANG PO GRUB STE, SA GA LHAS, SNAM SBYAR DGE SLONG 'DUS PA DANG, ,ZAS DANG MCHOD RTEN PHYAG BYED DANG, ,GRONG SOGS 'JUG LA BGO BYA YI, ,GZHAN DAG TU NI DGAG PA MDZAD, ,CES SO, ,GNYIS PA GRUB STE, SA GA LHAS, LNGA PA SHAM THABS LUS GYON NAS, ,BYA BA MTHA' DAG BYED PAR RUNG, ,ZHES SO, ,GSUM PA GRUB STE, SA GA LHAS, ZAS LA NAD PA MA GTOGS PAR, ,GOS GCIG PA NI BKAG PA YIN, ,ZHES SO, ,GOS SOGS LA LONGS SPYOD PAR GNANG TSUL LNGA YOD DE, MI SLOB PA BDAG PO'I TSUL GYIS SPYOD, 'PHAGS PA SLOB PA BYIN PA LEN PA'I DANG, TSUL KHRIMS DAG CING THOS SOGS LA BRTZON PA GNANG BA'I DANG, TSUL KHRIMS LDAN YANG LE LO CAN SOGS KYIS BU LON GYIS DANG, TSUL KHRIMS 'CHAL BAS LCAGS GONG

DMAR 'BAR LA LONGS SPYOD PA'I TSUL GYIS DGOS PA'I PHYIR, DANG PO GSUM GRUB STE, DGE TSUL GYI LO DRI LAS, MI SLOB PA NI BDAG POR BSHAD, ,SLOB PA BYIN PA LEN PA YIN, ,BSAM GTAN 'DON DANG LDAN PA NI, ,RJES SU GNANG RNAMS DKA' THUB CAN, ZHES DANG, RTZA BAR, MYA NGAN LAS 'DAS PA'I BSAM PAS RAB TU BYUNG BA TSUL KHRIMS DANG LDAN PA RNAMS LA NI GOS KARthA PAn STONG PHRAG BRGYA RI BA DANG, ZAS RO BRGYA BA DANG, KHANG PA BRTZEGS PA LNGA BRGYA BA YANG 'OS SO, ,ZHES GSUNGS PA'I PHYIR, BZHI PA GRUB STE, RTZA BAR, LE LO CAN LA NI BLANGS PA DANG NYE BAR SPYAD PA BU LON DU 'GYUR RO, ,ZHES DANG, t'IKA LAS, TSE RABS GZHAN LA SBYIN BDAG DE LA DBYA 'JAL LAM DE'I BRAN G-YOG DANG PHYUGS LA SOGS PAR SKYE BAR 'GYUR RO, ,ZHES BYA BA'I THA TSIG GO ,ZHES GSUNGS PA'I PHYIR DANG, LUNG LAS ZHING PA LNGA BRGYA DANG RMON GLANG LNGA BRGYAR SKYES PAR GSUNGS PA'I GTAM RGYUD LTAR RO, ,LNGA PA GRUB STE, RTZA BAR, TSUL KHRIMS 'CHAL PA LA NI MA YIN NO, ,ZHES DANG, LUNG RNAM 'BYED LAS, LCAGS GONG ME LCE 'BAR PA DAG ,ZOS PAR GYUR PA MCHOG YIN GYI, ,TSUL 'CHAL YANG DAG MI SDOM PAS, ,YUL 'KHOR BSOD SNYOMS ZA BA MIN, ZHES DANG, DKON BRTZEGS LAS, 'CHAL BA'I TSUL KHRIMS CAN DAG GIS, ,CHOS GOS RAB TU GYON GYUR KYANG, ,DAD PAS SBYIN PA CHUD ZOS PAS, ,THU LUM 'BAR BA MING PA 'DRA, ZHES DANG, LUNG GLENG GZHI LAS, TSUL

, ,KHRIMS NYAMS PA NI DGE 'DUN GYI KUN DGA' RA BAR RKANG BA'I RTING PA TZAM YANG YONGS SU LONGS SPYOD PAR MA GNANG NGO, ,ZHES GSUNGS PA'I PHYIR, DE LTA NA YANG TSUL 'CHAL YANG MU STEGS LAS YON GNAS SU LHAG CING TSUL KHRIMS LDAN PAS LONGS SPYOD KYI BAR DU SBYIN BDAG GI BSOD NAMS RAB TU 'PHEL BA'I PHYIR TE, ME TOG PHRENG RGYUD LAS, TSUL LDAN JI SRID LEGS PAR NI, ,CHOS GOS LA SOGS LONGS SPYOD PA, ,DE SRID RGYUN MI 'CHAD PAR NI, ,SBYIN BDAG RNAMS KYI BSOD NAMS 'PHEL, ,ZHES GSUNGS PA'I PHYIR, LUNG MANG NGO, ,MTHA' DPYAD PA LA KHA CIG NA RE, CHOS GOS GSUM TSAD LAS LHAG PA LA CHOS GOS GANG RUNG GI DNGOS KYI BYIN RLABS CHAGS PA MED ZER, YANG LA LA NA RE, CHOS GOS GSUM GANG RUNG DNGOS KYI BYIN GYIS BRLAB RUNG DANG GYON RUNG DON BYA, GCIG PAR BSAM NAS CHOS GOS GSUM TSAD GCIG PAR BSHAD PA BYED DO, ,DANG PO MI 'THAD PAR THAL, SPYIR DE'I LUNG, DNGOS KYI BYIN RLABS MI CHAGS KYANG, DMIGS BSAL CHAGS PA YANG YOD PA'I PHYIR, DANG PO GRUB STE, t'IKKA LAS, GOS JI LTA BU LA DANG TSAD CI TZAM LA BYIN RLABS CHAGS PAR 'GYUR BA DANG, DE LAS LDOG PA LA SPANG BAR 'GYUR BA DE BSHAD PAR BYA STE, ZHES DANG, t'IKKA LAS, GOS TSAD LAS LHAG PA NI SPANGS PAR 'GYUR RO, ,ZHES GSUNGS PA'I PHYIR, GNYIS

PA GRUB STE, SRA BRKYANG LTA BU LA TSAD LAS LHAG PA'I GOS GSUM KAR BYIN RLABS CHAGS PA'I PHYIR TE, RTZA BAR, LNGA PA'O, ,LHAG PA YANG NGO, ,ZHES GSUNGS PA'I PHYIR, GNYIS PA YANG SHIN TU MI 'THAD PAR THAL, BYIN GYIS RLAB RUNG GI CHOS GOS CHEN PO GSUM TSAD GCIG GANG ZHIG ,DE 'DRA'I MTHANG GOS CHEN PO GYON MI RUNG BA'I PHYIR, DANG PO GRUB STE, DE TSAD GCIG PA RTZA BA DANG RGYA 'GREL DU MA'I DGONGS PA YIN PA'I PHYIR TE, RTZA BAR, BYIN GYIS RLAB TU RUNG BA CHEN PO DAG NI KHRU GSUM DANG LNGA DAG GO ,ZHES DANG, DE'I t'IKKA LAS SNAM SBYAR DANG BLA GOS MTHANG GOS BYIN GYIS RLAB TU RUNG BA CHEN PO DAG NI TSAD GCIG STE, ZHENG DU KHRU GSUM DANG MCHUR LNGA'O, ,ZHES DANG, GZHI 'GREL LAS KYANG, DE DAG GI TSAD JI TZAM ZHE NA, SNAM SBYAR DANG, BLA GOS DANG, MTHANG GOS BYIN GYIS RLAB TU RUNG BA CHEN PO DAG NI TSAD GCIG STE, ZHENG DU KHRU GSUM DANG MCHUR KHRU LNGA'O, ,ZHES DANG, BAM PO LNGA BCU PA LAS, DE DAG GI TSAD JI LTA BU ZHE NA, DE'I PHYIR BYIN GYIS RLAB TU RUNG BA CHEN PO DAG NI RANG GI KHRU LNGA DANG GSUM DAG GO ,ZHES BYA BA GSUNGS TE, SNAM SBYAR DANG, BLA GOS DANG, MTHANG GOS BYIN GYIS RLAB TU RUNG BA CHEN PO DAG NI GCIG STE, ZHES GSUNGS PA'I PHYIR, KHYAB STE, BYIN GYIS RLABS RUNG SMOS PA'I RNAM BCAD KYANG YOD PA'I PHYIR, GNYIS PA GRUB STE, DE 'DRA'I MTHANG GOS 'JOL DRAG PAS LTUNG BA

, ,'ONG BA'I PHYIR, BYAS PA LA KHO NA RE, DE MI 'THAD PAR THAL, RTZA BAR, CHEN PO DAG NI ZHES GNYIS TSIG BYUNG BA'I PHYIR NA MA KHYAB STE, LUNG NA MANG PO LA'ANG GCIG TSIG DANG GNYIS TSIG BYAS PA DU MA DANG 'GYUR GYI KHYAD YANG YOD PA'I PHYIR, DE LTAR NA, RTZA BAR, CHUNG NGU DAG NI ZHES PA'ANG SNAM SBYAR DANG, BLA GOS KHO NAR SBYOR BAR THAL LO, ,DAG NI ZHES GNYIS TSIG LAS MA BYUNG BA'I PHYIR, 'DOD NA, t'IKKA LAS, CHOS GOS SNAM SBYAR DANG BLA GOS DANG MTHANG GOS CHUNG NGU DAG GI TSAD NI, ZHES DANG, BAM LNGA LAS, CHUNG NGU DAG NI GNYIS LAS KHRU PHYED PHYED PHRI BA'O, ,ZHES BYA BA NI CHOS GOS SNAM SBYAR DANG, BLA GOS DANG MTHANG GOS CHUNG NGU DAG GI TSAD NI ZHES GSUNGS PA RE RE NAS MI 'THAD PAR THAL LO, ,'DOD NA, SO SOR THAR PA'I MDO YANG MI 'THAD PAR THAL, DE LAS DE LTAR BYUNG BA'I PHYIR, 'KHOR GSUM KHAS, GZHAN YANG, RTZA BAR; SO THAR LAS 'BRING RNAMS KYI TSAD NI BAR MA'O ZHES PA'ANG CHOS GOS SNAM SBYAR DANG, BLA GOS KHO NAR SBYOR BAR THAL, CHE CHUNG LA DE'I PHYIR, 'DOD NA, BAM LNGA DANG t'IKKA LAS, CHOS GOS GSUM LA SBYAR BA DANG RNAMS SGRA MI 'THAD PAR THAL, 'DOD PA'I PHYIR, 'KHOR GSUM KHAS, GZHAN YANG t'IKKA LAS, MTHANG GOS KYI TSAD KYI RNAM PA GZHAN BSTAN PA'I PHYIR, MTHANG GOS NI SOGS DANG, BAM LNGA LAS KYANG DE LTAR BSHAD

PA'I DON MED PAR THAL, MTHANG GOS LA SNGAR BSHAD PA'I RNAM PA GSUM PO DER MA ZAD RNAM PA GZHAN 'GA' ZHIG YOD PA BSTAN PAR BYA, ZHES PA'I DON MA YIN PA'I PHYIR, MA GRUB NA DNGOS SU 'GAL, MA KHYAB NA, MTHANG GOS KYI TSAD, RTZA BAR, MTHANG GOS NI DO DANG LNGA YANG YIN LA DO DANG BZHI YANG YIN NO, ,'KHOR GSUM KHEB PA NYID CES BSHAD PA NYI TSE 'AM KHO NAR THAL, DE'I MA KHYAB PA DE'I PHYIR, 'DOD NA, t'IKKA DANG, BAM LNGAS SNGAR BSHAD PA DANG NYI TSER MA ZAD DO, ,ZHES PA DANG 'GAL LO, ,YANG KHA CIG NA RE, CHOS GOS GSUM RAB DRAS DRUB DANG 'BRING LHAN THABS DANG THA MA THANG THANG PO ZER BA MI 'THAD PAR THAL, CHOS GOS GSUM LA DRAS DRUB DANG LHAN THABS GANG RUNG ZHIG DGOS PA'I PHYIR, DER THAL, DE GSUM GYI RGYU'I BYIN RLABS KYI SNGAGS LAS, 'TSAL LA NAS, BKRU'O, ,BRKYANG NGO, ,DRA'O, ,BSDEB PO, ,GZUNG GDAB PO, ,DRUB PO, ,KHA BSGYUR RO; ;YANG NA 'DI LA LHAN THABS SU, ZHES GSUNGS PA'I PHYIR, KHYAB STE, 'DIS GOS BKRU BRKYANG DRA DRUB, 'TSEM BSDEB KHA BSGYUR TSUN CHAD BYAS NAS DRA BA DANG LHAN THABS GNYIS KYI TSAL SNAM BYED TSUL MA GTOGS BYED TSUL GZHAN MA BSHAD PA'I PHYIR DANG, DE LAS GZHAN LUNG NA MED PAR t'IKKA DAG GIS BSHAD PA'I PHYIR, DES NA DE 'DRA BAR DGONGS NAS, LAS CHOG CHEN MO LAS, 'DUL 'DZIN GRAGS RGYAL GYI BSLAB BYA CHEN MOR

, ,SNAM PHRAN DANG GLEGS BU MED PA'I BLA GOS ME LONG MA LTA BU BZHED KYANG DE NI RAB BYUNG MA YIN PA'I SNGAGS PAR KHAS 'CHE BA 'GA' ZHIG GIS CHOS GOS SU MING 'DOGS PA YIN PAS LUGS 'DI JI LTAR 'THAD BRTAG PAR BYA'O, ,ZHES GSUNGS PA'I PHYIR, 'DI BKOD BA'I DGONGS PAS KYANG MI 'THAD PAR SHES SO, ,YANG KHA CIG, CHOS GOS GANG RUNG LA DNGOS KYI BYIN RLAB CAN GYIS KHYAB PA DANG, 'TSO BA'I YO BYAD LA'ANG DNGOS KYI BYIN RLABS CAN DANG RE RE BAS KHYAB PAR 'DOD PA'ANG 'GAL 'DU YIN PAR THAL, TSIG DON RE RE NAS 'GAL BA ZHUGS PA'I PHYIR, DER THAL, TSIG GI 'GAL BA LHAG PA'I YO BYAD TSIG DANG CHOS GOS SOGS RE RE BA DANG DNGOS KYI BYIN RLAB CAN GYI TSIG 'GAL BA'I PHYIR, DER THAL, DE LHAG MA MED PA'I PHYIR TE, RE RE BA DANG DNGOS KYI BYIN RLABS GCIG LAS MI CHAGS PA'I PHYIR, MA GRUB NA, SNGA MA MA BYUNG BAR PHYI MA MI CHAGS PA DANG 'GAL LO, ,DON LA YANG 'GAL PAR THAL, BLA GOS DRAS DRUB LHAG PA DE BLA GOS YIN PA'I PHYIR, DER THAL, DE BLA GOS KYI DNGOS POR GRUB ZIN PA'I PHYIR, DE'I SNGAGS TSIG LAS CHOS GOS BGYIS LAGS, RUNG BA SPYAD BAR 'OS PA ZHES PA'I DON GRUB PA'I PHYIR, YANG KHA CIG NA RE, SNAM SBYAR LA GLEGS BU PHYED DANG LNGA LAS LHAG PA RUNG BAR THAL, DE LA GLEGS BU BDUN PA DANG DGU PA YANG RUNG PA'I PHYIR, DER THAL, NYAN THOS KYI

SA LAS, CHOS GOS CHEN PO'I DUM BU BDUN NAM DUM BU DGU PA GNYIS SBYAR DU BRTZEGS PA GANG YIN PA DE NI SNAM SBYAR ZHES BYA'O, ,ZHES GSUNGS PA'I PHYIR, MA KHYAB STE, SDE PA GZHAN GYI LUGS TZAM YIN PA'I PHYIR, RTZA BAR 'DOD MI NUS TE, SNAM PHRAN RE GLEGS BU PHYED DANG LNGA LAS MANG DRA MI RUNG PA'I PHYIR, RTZA BAR, DE YAN CHAD NI TSEM BU'O, ,ZHES DANG, GSUM PA GSUM LA PHYED DANG LNGA PA'O, ,ZHES DANG, t'IKKA RNAM 'BYED 'GREL BA BAM LNGA LAS NYER LNGA YAN CHAD MI RUNG BAR BSHAD PA'I PHYIR, YANG SNGON DANG PHYI'I RANG RE'I KHA CIG LHAG PA'I YO BYAD KYI GOS SU BYIN GYIS RLAB RUNG LA RUNG BA CHAD LDAN SNGAR BYIN RLAB MA YIN PA DGOS GSUNG, DE LA KHA CIG NA RE; GOS MI RUNG BA DANG TSAD DANG MI LDAN PA'I GOS LA'ANG LHAG PA'I YO BYAD KYI BYIN RLABS CHAGS PAR THAL, SO THAR 'GREL CHEN LAS, DBYIBS MI RUNG BA ZLUM PO STE, MKHAN PO LA YID GTAD DE BCANG BAR BYA'O, ,ZHES GSUNGS PA'I PHYIR NA MA KHYAB STE, LUNG DES GOS MI RUNG BA RANG GIS SGRUB MI RUNG ZHING, SBYIN BDAG GIS PHUL NA DMIGS BSAL GYIS MKHAN PO 'AM SBYIN BDAG LA YID GTAD DE BCANG RUNG BAR BSHAD TZAM YIN PA'I PHYIR, DES NA LHAG PA'I YO BYAD LA SPYIR RUNG BA DANG TSAD LDAN DANG SNGAR BYIN RLAB DANG MA 'BREL BA DGOS KYANG NGES BZUNG MA YIN BYAS NA 'THAD PAR SEMS TE, SPYIR CHOS GOS KYI TSAD LAS LHAG PAR BYIN RLAB MI RUNG YANG DMIGS BSAL

, ,RUNG BA DU MA YOD PA'I PHYIR TE, KARMA SHA TAm LAS, GOS RUNG BA MA BGYIS PA 'DI RUNG BAR BGYID PAR 'OS PA ZHES GSUNGS PA YANG MI 'GAL BA'I PHYIR, RNYED PAR DBANG TSUL SOGS t'IKKA DANG RIN CHEN PHRENG BAR BLTAS NAS SHES PAR GYIS,, ,,GSUM PA DMIGS BSAL DANG 'BREL BA KO LPAGS KYI GZHI 'CHAD PA LA, YUL DBUS DANG MTHA' 'KHOB KYI SA TSIGS BSHAD PA DANG, MCHIL LHAM GNANG MA GNANG GIS MTSAMS DANG, KO LPAGS RUNG MI RUNG GIS MTSAMS, CHU KLUNG BRGAL BA'I THABS BZHI, DANG PO 'CHAD BAR, YUL DBUS KYI MTSAMS SO, ,ZHES BYUNG, 'DI LAS TSIGS GI DBUS DANG, CHOS KYI DBUS GNYIS YOD DE, DANG PO NI, RDO RJE GDAN DKYIL DU BYAS NAS SHAR DU LI KHA DA'I SHING TSING TSING CAN YOD PA TSUN CHAD DBUS DANG DE PHAN CHAD MTHA' 'KHOB DANG, LHOR CHU KLUNG DE BA ZHES 'DAM BU CAN YOD PA TSUN CHAD DBUS DANG DE PHAN CHAD MTHA' 'KHOB DANG, NUB TU BRAM ZE'I GRONG KA BA DANG NYE PA'I KA BA GNYIS YOD PA DE TSUN CHAD DBUS DANG PHAN CHAD MTHA' 'KHOB, BYANG NA AU SHI RA'I RI YOD PA TSUN CHAD DBUS DANG PHAN CHAD MTHA' 'KHOB YIN PA'I PHYIR TE, YUNG KO LPAGS KYI GZHI LAS, LI KHAR TSING TSING ZHES BYA BA DE NI DBUS SO, ,DE PHAN CHAD MTHA' 'KHOB BO, ,ZHES PA NAS, AU SHI RA'I RI ZHES BYA BA YOD DE, DE NI DBUS SO, ,DE PHAN CHAD NI

MTHA' 'KHOB PO, ,ZHES GSUNGS PA'I PHYIR, AU SHI RI RTZA DRES MA STE, SO THAR 'GREL PA LAS, AU SHI RI ZHES BYA BA DRES MA'I RTZA BA'O, ,ZHES GSUNGS PA'I PHYIR, DGOS PA LNGA TSOGS BCU TSOGS PA'I KHYAD PAR DANG KO LPAGS SOGS SHES PA'I CHED YIN NO, ,GNYIS PA NI GANG DU 'KHOR DGE SLONG PHA MA DGE BSNYEN PHA MA STE 'KHOR RNAM BZHI RGYU BA DA DUS DANG, MI RGYU BA MTHA' 'KHOB TU NYAN SA SOGS LAS BSHAD DO, ,RDO RJE GDAN DANG YUL 'DI BZHI'I BAR DPAG TSAD BCU YOD PAR LO CHEN MANG POS 'DOD KYANG RANG LUGS BCU DRUG YOD PAR BYA STE, NGAL GSO DANG TSA LAM GYI GRANGS KYIS KYANG SHES LA, DE MA BYAS NA 'DZAM GLING GI TSAD MI LONG BA'I PHYIR TE, 'DUL LUNG LAS, RDUL PHRA RAB BDUN LA RDUL LO, ,RDUL BDUN LA SRO MA'O, ,SRO MA BDUN LA SHIG GO ,SHIG BDUN LA NAS SO, ,NAS BDUN LA SOR TSIGS SO, ,SOR TSIGS BCU GNYIS LA MTHO'O, ,MTHO GNYIS LA KHRU'O ,KHRU BZHI LA GZHU 'DOM MO, ,GZHU 'DOM LNGA LA SROG SHING NGO, ,SROG SHING NYI SHU LA NGAL BSO'O, ,NGAL BSO BRGYAD CU LA RGYANG GRAGS SO, ,GZHU 'DOM STONG PHRAG BRGYAD PO DE NA GNAS PA NI DGON PA CHEN PO'O, ,ZHES GSUNGS PA'I PHYIR, 'DUL BAR YANG ZHIB TU NA BDUN RTZIS KYANG 'DI LTAR YANG YOD DO, ,RTZI LUGS MANG NGO, ,GNYIS PA STON PAR MTHA' 'KHOB TU MCHIL LHAM BCAD PAR BYA'O, ,ZHES BYUNG, SPYIR BTANG LA YUL DBUS SU MCHIL

, ,LHAM BKAG KYANG MTHA' 'KHOB TU GNANG BA YIN TE, RDO CAN GYI YUL SOGS RTZUB PAR LHAM RIM PA GCIG PA DANG, DE ZA NGAN LHAN PA DANG, SHA ZA RUNG BA'I KO LPAGS KYI GDAN RUNG BAR KA TYA NAS 'PHRIN LNGA LA BRTEN NAS GNANG PA'I PHYIR, GLENG 'BUM DANG LUNG GZHI LAS SO, ,DMIGS BSAL LA YUL DBUS SU YANG GNANG STE, GDAN MI RUNG BA SPANGS PA'I CHED DU GNANG BA'I PHYIR TE, RTZA BAR, GNAS MAL BSKYAB PA'I PHYIR YANG NGO, ,ZHES SO, ,'O NA MCHIL LHAM GZHAN YANG CI TZAM YOD CE NA DU MA YOD DE, KO LPAGS KYI YU BA BYAS PA'I YU RING DANG, MCHIL LHAM RIM PA MANG PO CAN DANG, BOL KO BA CAN DANG, SNA DANG RTING PA'I SBUB CAN DANG, YU RING SGRO GU CAN DANG, YU BCAD SOGS GNANG BA'I PHYIR, DER THAL, KLU SOG MA MED KYIS DUG CHAR PHABS PAS DGE SLONG RNAMS KYI RKANG PAR RTZAS REG PAS RMA BYUNG BAS KHA CHU CHUS BYUNG NGAM MCHIL LHAM GNANG, DGE SLONG ZHIG LA KHYIM BDAG GIS LHAM RIM PA MANG PO CAN PHUL PAR BRTEN NAS KHYIM PAS GOM BDUN POR PHYIN RUNG BAR GNANG, KUN DGA' BO BAL YUL DU NYE DU LTAR BYON NAS LHAGS PAS ZHABS LA SER KA BYUNG BAR BRTEN NAS KHA BA CAN DU LHA MA SGROG GU CAN YANG GNANG BA'I PHYIR TE, RIM PA MANG PO CAN NI LHAM NGO RIM PA MANG PO YIN NO, ,RTZA BAR, CHU LA CHAB ROM CHAGS PA'I YUL DU ZHVA DANG LHAM SGROG GU CAN YANG NGO, ,ZHES DANG,

BOL KO BA CAN MI RUNG BA NYID MA YIN NO, ,SNANG BA RTING BA'I SBUB CAN BCAD PAR GNANG NGO, ,KHA CHU CHUS BYUNG NGO, ,LHAM YU CHAD KYANG NGO, ,ZHES GSUNGS PA'I PHYIR, YU BA CAN DAR YU THUNG GI KHYAD PAR YOD DE, RKANG MTHIL LAS BUS MOR SLEB PA YU RING DANG, RKANG MTHIL NAS RJE NGAR GYI PHYED DU SLEB PA YU THUNG YIN PA'I PHYIR, DER THAL, PHRAN TSEGS KYI t'IKKA LAS, YU RING NI RKANG PA'I MTHIL NAS BUS MO THUG PA'I LHAM YIN NO, ,YU THUNG NI RJE NGAR GYI PHYED KHYAB PA'I LHAM YIN NO, ,ZHES GSUNGS PA'I PHYIR, MCHIL LHAM ZHES PA SPYI MING BYE BRAG LA THOGS PA YIN TE, SOG MA MED PA'I MCHIL MA'I DUG GAM YANG NA DUG SPRUL GYI DUG SKYOB PA'I PHYIR GNANG BAS NA KHA CHU CHUS BYUNG NGAM MCHIL LHAM ZHES BRJOD PA YIN PA'I PHYIR, GLENG 'BUM SOGS LAS SO, ,GSUM PA 'CHAD PAR, KHYIM GZHAN DU GZHAN MED NA KO LPAGS LA 'DUG PAR BYA'O, ,ZHES PA NAS, SHA LA SOGS BA YANG NGO, ,ZHES BYUNG, SPYIR RAB BYUNG SDE LNGA KAS KO LPAGS SPYAD MI RUNG MTHA' 'KHOB DAG TU SPYAD RUNG STE, MTHA' 'KHOB TU KO LPAGS KYI GDAN LA 'DUG NYAL SOGS RUNG LA DMIGS KYIS BSAL NA, YUL DBUS SU STAN GZHAN MED NA 'DUG RUNG BA DANG, RLUNG NAD MIG NAD GZHAN YANG NAD CAN LA DOM LPAGS BCANG BA DANG GTZUG LAG KHANG GI SGO SOGS SU BTING RUNG BA'I PHYIR TE, RTZA BAR, KHYIM GZHAN DU, NAS, RLUNG NANG CAN GYIS NI 'DUG PA DANG NYAL BAR YANG BYA'O, ,SOGS

, ,BYUNG; DES NA SHA MI RUNG BA DAG GI KO BA DANG RUS PA SOGS MI RUNG BA YIN PA'I PHYIR TE, RTZA BAR, GANG GI KO LPAGS MI RUNG BA NYID YIN PA DE'I RUS PA DANG SO DANG SHA LA SOGS PA YANG NGO,, ZHES GSUNGS PA'I PHYIR, BZHI PA 'CHAD PAR, RTZA BAR, RGYAL BA BSKAB CAN BCANG PAR BYA'O, ,SOGS BYUNG, CHU KLUNG BGROD TSUL YOD DE, DBEN PAR RKYAL BSLAB BAS DANG CHU GTING ZAB NA BA GLANG DMAN PA'I RNGAM BRTEN NAS BGROD MI RUNG KHYU MCHOG GI RNGAM LA BRTEN NAS BGROD BAR BYED PA'I PHYIR, SMRAS PA, DUL DUL DGRA BCOM 'PHAGS PA'I TSOGS KYI GOS, ,LEGS LEGS DRAS NAS GYON TSE LHA DANG KLUS, ,YANG YANG DGA' BAS BLTAS TE SKYE RGU LA, SKYID SKYID DGA' STON THUB PA'I GSUNG BZHIN BYED, ,MANG MANG DUS RING THOG MA MI SNANG NAS, ,DAM DAM SGO GSUM MA BSDAM NYES SPYOD LA, ,'DRIS 'DRIS GOMS CHE'I SKYON GYIS NGAN SONG DU, ,NGAL NGAL SDUG BSNGAL DRAN NAS SEMS SDOM GCES, ,GZHI GSUM GZHI BCU BDUN DANG BCO BRGYAD LA, ,MA NOR MA TSANG MED PAR LEGS BSHAD PAS, ,'PHAGS MCHOG NYE BAR 'KHOR RAM NYAR SBAS SAM, ,YON SH'AKA GANG YIN GZHAN DU SOM NYI CI, ,ZHES PA'ANG BAR SKABS KYI TSIGS SU BCAD PA'O,, ,,GNYIS PA BDE BAR GNAS PA'I RKYEN SMAN GZHI 'CHAD PAR, SMAN BSTEN PAR BYA'O, ,DE NI RNAM PA BZHI'O, ,DUS SU RUNG BA DANG, THUN TSED DU RUNG PA DANG

ZHAG BDUN PA DANG, 'TSO BA'I BAR DU BCAD PA NYID DO, ,ZHES SOGS BYUNG, 'DI LA SPYI'I DON DANG, MTHA' DPYAD PA GNYIS, DANG PO LA, GLENG GZHI, MTSAN NYID, DBYE BA, SO SO'I NGO BO DANG, BYIN GYIS RLAB TSUL, DE LONGS SPYOD PA'I GNAS RUNG KHANG GCOD TSUL, RGYU MTHUN ZAG PA 'DOR TSUL DANG BDUN, DANG PO YOD DE, STON PA RGYAL BYED TSAL NA BZHUGS PA'I TSAD DGE SLONG RNAMS STON KA'I NAD KYIS THEBS PAS SKYA BO SENG SENG POR GYUR PA STON PAS, MKHYEN BZHIN DU KUN DGA' PO LA RGYU DRIS PAS DE LTAR ZHUS PA NA DGE SLONG RNAMS KYIS SMAN RNAM PA SO SOR BSTEN PAR BYA'O, ,ZHES GSUNGS NAS BSLAB PA 'DI BCAS PA'I PHYIR RJES BCAS DU MA YOD, GNYIS PA YOD DE, 'DOD KHAMS PA'I 'TSO BA'I RTEN BYED PA'I DRI RO REG GSUM GYIS BSDUS PA'I KHAM ZAS DE SMAN GYI MTSAN NYID, MDZOD LAS, KHAM GYI ZAS NI 'DOD PA NA, ,SKYE MCHED GSUM GYI BDAG NYID DO, ,ZHES GSUNGS PA'I PHYIR DANG, RTZA BAR, SMAN BSTEN PAR BYA'O, ,ZHES GSUNGS PA'I PHYIR, GSUM PA DBYEN BZHI YOD DE, DUS RUNG GI DANG, THUN TSOD DU RUNG BA'I DANG, ZHAG BDUN PA'I DANG, 'TSO BCANG GI SMAN BZHI YOD PA'I PHYIR TE, RTZA BAR, DE NI RNAM PA BZHI'O,, ZHES GSUNGS PA'I PHYIR, YANG SMAN LA RTZA BAS DBYEN DUS RUNG GI SMAN DANG, DUS MIN DU RUNG BA'I SMAN GNYIS YOD DE, TSAGS LA MA BTZAGS PA'I BZA' BA DUS RUNG GI SMAN DANG, TSAGS LA BTZAGS PA'I BTUNG BA DUS

, ,MIN DU RUNG BA YIN PA'I PHYIR TE, PHRAN TSEGS LAS, BTZUN PA DUS SU RUNG BA NI GANG LAGS, DUS MA YIN PAR RUNG BA NI GANG LAGS, BKA' STZAL BA, NYE BAR 'KHOR TSAGS LA MA BTZAGS BA NI DUS SU RUNG BA'O, ,TSAGS LA BTZAGS CHUS GTOR BA NI DUS MA YIN PAR RUNG BA'O, ,ZHES SO, ,DANG PO BZA' PA THAMS CAD DUS RUNG YIN TE, t'IKKA LAS, DUS SU RUNG BA ZHES BYA BA NI BZA' BAR BYA BA THAMS CAD DUS SU RUNG BA NYID YIN PAS LOGS SHIG TU MI BRJOD DE BYE BRAG MED PA'I PHYIR, NYES DANG, RNAM BSHAD RIN CHEN PHRENG BA'I YANG DGONGS PA YIN PA'I PHYIR, DER THAL, DER MA ZAD 'JIG RTEN NA ZAS SU GRAGS BA THAMS CAD YIN PA'I PHYIR TE, SUM BRGYA PA LAS, NAS CHAN SNAM KHUR 'BRAS CHAN NYA DANG SHA, 'DI DAG SROG GNAS BYA PHYIR BZA' BAR GSUNGS, SDONG BU 'BRAS BU AUTPAL LA SOGS RTZA, DE DAG BCA' BA DUS SU RUNG BA YIN, ,ZHES GSUNGS PA'I PHYIR, GNYIS PA DUS MIN RUNG BA YOD DE, BYIN RLABS KYI SMAN PHYI MA GSUM GANG RUNG LA DUS MIN DU RUNG BAS KHYAB KYANG, DUS MIN RUNG BA LA DE GSUM GANG RUNG GIS MA KHYAB, DUS MIN RUNG BA'I BTUNG BA DANG RTZA BA SDONG BU SOGS KYANG YOD PA'I PHYIR, DANG PO GRUB STE, SUM BRGYA BA LAS, DUS MIN RUNG BA CHUNG SHING 'BRAS BU LA, ,SOGS PA'I BTUNG BA TSAGS BTZAGS RUNG CHUS BSLAD, ,DAR BRTZABS DANG

CHUR KHU SBYAR BA'I TSVA, ,BU RAM SHING KHU DANG BA 'BRU TSVA YIN, ,ZHES GSUNGS PA'I PHYIR, GNYIS PA GRUB STE, 'OD LDAN LAS, DUS MA YIN PAR RUNG BA NI DUS MIN RUNG BA YIN TE, THUN TSOD DU RUNG BA DANG, ZHAG BDUN PA DANG, JI SRID 'TSO BA'O, ,ZHES GSUNGS PA'I PHYIR, KHYAB STE, DE DAG LA BYIN GYIS RLABS PA DANG MA RLABS PA'I RTZA BA SDONG BU SOGS DU MA YOD PA'I PHYIR TE, RTZA BAR, YANG AA RUR LA SOGS PA LNGA YANG NGO, ,ZHES DANG, PHRAN TSEGS LAS, 'BRAS BU LNGA NI DUS SAM DUS MA YIN YANG NA BA'AM MIN PAS KYANG BZA' BAR BYA BA DAG YIN NO, ,LNGA GANG ZHE NA AA RU RA DANG SKYU RUR DANG BA RUR DANG NA LE SHAM DANG BI BI LING NGO, ,ZHES GSUNGS PA'I PHYIR, BZHI PA PHYE BA SO SO'I DON LA BZHI LAS; DANG PO MTSAN NYID, MTSAN GZHI, SGRA DON GSUM, DANG PO NI, SMAN GANG GTZO BOR BKRES PA SEL PA LA ZHUGS PA'I BZA' BA'I RIGS GNAS DE DUS RUNG GI SMAN GYI MTSAN NYID, GNYIS PA MTSAN GZHI BZA' BA BCA' BA RNAMS TE BSHAD ZIN, GSUM PA SGRA DON NI, DE DAG CHOS CAN, DUS RUNG ZHES BRJOD PA'I RGYU MTSAN YOD DE, CHOS 'DI BA'I RAB BYUNG RNAMS KYIS GUNG TSIGS KYI DUS TSUN CHAD KHO NAR SPYAD DU RUNG BAR GNANG BAS NA DE LTAR BRJOD PA'I PHYIR; t'IKKA LAS BSHAD DO, ,THUN TSOD DU RUNG BA LA YANG GSUM LAS, DANG PO NI, SMAN BZHI PO GANG RUNG GANG ZHIG THUN TSOD KYI MTHA' TSUN CHAD DU BYIN GYIS RLABS SHING LONGS SPYOD DU RUNG BAR GNANG BA'I SMAN DE DE'I MTSAN NYID, DBYE

, ,NA DUS RUNG GI RGYU LAS BYUNG PA'I THUN TSED DU RUNG BA DANG, ZHAG BDUN PA'I SMAN LAS BYUNG BA'I DE DANG, JI SRID 'TSO BCANG GI DE GSUM YOD DE, MTSAN GZHI RIM BZHIN RTZAM THANG NGAM RUS THANG SLA BA TSAGS LA BTZAGS PA RUNG CHUS BTAB BYIN GYIS RLABS PA LTA BU DANG PO DANG, BU RAM KHU BA DE 'DRA GNYIS PA DANG, AA BAR SGYUR GSUM GYI KHU BA DE 'DRA GSUM PA YIN PA'I PHYIR TE, RTZA BAR, DE DUS SU RUNG BA NYID YIN NA THUN TSOD KYI MTHA' YIN NO, ,GZHAN NYID YIN NA DE'I GANG YIN PA'O, ,ZHES GSUNGS PA'I PHYIR, GNYIS PA MTSAN GZHI YOD DE, BTUNG BA BRGYAD SOGS DE YIN PA'I PHYIR, DER THAL, THUN TSOD DU RUNG BA LA SLA PAS KHYAB PA GANG ZHIG, DE LA RTZA BA'I DBYE BA BTUNG BA BRGYAD DANG, YAN LAG GI DBYE BA RTZA BA MO LNGA SOGS RE RE LA'ANG DU MA YOD PA'I PHYIR, DANG PO GRUB STE, RTZA BAR, THUN TSOD DU RUNG PA NI BTUNG BA DAG GO ,SHIN TU SLA BGO ZHES GSUNGS PA'I PHYIR, GNYIS PA GRUB STE, SMAN GZHI'I BAR SDOM LAS, CHU SHING 'BRAS DANG KU SHU GO LA DANG, ,AA SHOD THA DANG AU DUM PAR DANG, ,SU RU SHA KA DANG NI RGUN 'BRUM DANG, BRGYAD PA BRA GO DAG NI YIN PAR BSHAD, ,CES GSUNGS, RTZA BAR YANG, TZO TSVA DANG CHU SHING GI 'BRAS BU DANG, RGYA SHUGS DANG AA SHVAD THA DANG, AU DUM PA RA DANG, RTZUB 'GYUR DANG, RGUN CHU DANG, 'BRA GO'I BTUNG BA RNAMS NI THAMS CAD DU RUNG BA'O,,

BCOS PA'I TSVA DANG 'BRU'I TSVA DANG ZHO KHA CHU DANG DAR PA'I DVANGS MA DANG RTZA BA MO CHUS BTAB PA TSAGS KYIS BTZAGS PA SHIN TU SLA BA BZHIN SNANG BA 'DAM BU NYAG MA'I MDOG LTA BU DAG KYANG DE DANG 'DRA'O, ,ZHES GSUNGS PA'I PHYIR, 'DI LUNG GLENG GZHI LAS BSHAD PA'O, ,DE DAG LA THUN TSOD DU RUNG BA ZHES BYA STE DE DAG BYIN GYIS RLABS PA MTSAN MO'I THUN DANG PO 'AM SROD THUN TSUN CHAD DU SPYAD RUNG LA 'DAS NA SPYAD PAR MI BYA BA'I PHYIR TE, SMAN GZHI LAS, BKA' STZAL PA; DGE SLONG BTUNG BA BRGYAD PO 'DI DAG DUS SU BYIN LEN BYAS DUS SU BTZAGS DUS SU BYIN GYIS RLABS NA DUS SU LONGS SPYOD PAR BYA ZHING DUS MA YIN PAR YANG LONGS SPYAD PAR BYA LA NAM GYI THUN DANG PO THAL NAS NI LONGS SPYOD PAR MI BYA'O, ,ZHES GSUNGS PA'I PHYIR, 'DI DUS RUNG LAS BYUNG BA YIN PAS ZHIB CHA DGOS TE, RTZA BAR, GZHAN NYID YIN NA DE'I GANG YIN PA'O, ,ZHES GSUNGS SO, ,SGRA BSHAD 'JUG GNYIS PHAN TSUN GA LA KHYAB STE PHAL CHER LA DOGS PA YANG MA SHAR RO, ,DE'I BYED LAS YOD DE, GTZO BOR SKOM BA SEL BA'I PHYIR RO, ,GSUM PA ZHAG BDUN PA LA YANG GSUM, MTSAN NYID NI, SMAN BZHI PO GANG RUNG GANG ZHIG, ZHAG BDUN PA'I MTHA' TSUN CHAD DU BYIN GYIS RLABS SHING LONGS SPYOD PAR GNANG BA'I SMAN DE DE YIN PA'I PHYIR TE, RTZA BAR, ZHAG BDUN PA DANG, ZHES SO, ,MTSAN GZHI NI, BU RAM 'BRU MAR SBRANG RTZI DANG MAR DANG HVAGS DANG ZHAG LNGA SOGS YIN PA'I PHYIR TE, RTZA BAR, ZHUN

, ,MAR DANG 'BRU MAR DANG SBRANG RTZI DANG BU RAM GYI DBU BA DAG NI ZHAG BDUN PA'O, ,BU RAM DANG HVAGS DANG LI KHAR LA SOGS PA THAMS CAD NI BU RAM GYI DBU BA NYID KYIS 'PHANGS SO, ,BDUD RTZI NI ZHUN MANG DANG 'DRA BA NYID DO, ,ZHAG BSGOL ZHING BTZAGS PA DAG NI 'THU MAR DANG 'DRA BA NYID DO, ,NYA DANG RI BONG GI DANG CHU SRIN GYIS PA GA SOD KYI DANG DOM GYI DANG PHAG GI'O, ,ZHES SO, ,BYED LAS YOD DE, SPYIR BKRES 'DUS GNYIS KA'I NAD DANG KHYAD PAR DU BKRES NAD DANG RLUNG NAD SEL BAR BYED PA'I PHYIR, HVAGS BU RAM GYI PHYE MA'I RDOG PO DANG LI KHA NI KAR ZHES DMAR tIKA LAS BSHAD, BZHI BA 'TSO BCANG GI DE LA GSUM, MTSAN NYID NI SMAN BZHI GANG RUNG GANG ZHIG; JI SRID 'TSO'I BAR DU BYIN GYIS RLABS NAS BCANG DU RUNG BAR GNANG BA'I SMAN DE DE YIN PA'I PHYIR, DER THAL, DUS RUNG MA YIN PA'I SMAN LA 'TSO BCANG GI SMAN GYIS KHYAB PA'I PHYIR TE, RTZA BAR, 'TSO BA'I BAR DU BCANG BA NI RTZA BA DANG SDONG BU DANG 'DAB MA DANG ME TOG DANG 'BRAS BU ZAS KYI DON DU KHYAB PAR BYED PA MA YIN PA'O, ,ZHES GSUNGS PA'I PHYIR DANG, t'IKKA LAS, GANG ZAS KYI DON DU KHYAB PAR BYED PA MA YIN PA DE DAG 'TSO'I BAR DU BCANG BA YIN NO ZHES BYA BA'I THA TSIG GO ,ZHES DANG, 'OD LDAN LAS KYANG, MDOR NA 'GRES BZHI BAR BYA BA'I PHYIR BZA' BAR BYA BA MA YIN PA GANG YIN PA DE NI 'TSO BA'I BAR DU BCANG BA'I SMAN YIN PAR

BSTAN TO, ZHES GSUNGS PA'I PHYIR DANG, DE BCOM LDAN 'DAS KYI YANG DGONGS PA YIN PA'I PHYIR TE, SMAN GZHIR RTZA BA SOGS LA DE LTAR BSHAD PA'I PHYIR TE, SMAN GZHI LAS, GZHAN YANG RTZA BA'I SMAN GYI NANG DU GTOGS PA ZAS KYI DON DU MI 'GYUR BA GANG YIN PA'O, ,ZHES DANG, GZHAN YANG 'BRAS BU'I SMAN GYI NANG DU GTOGS PA ZAS KYI DON DU MI 'GYUR BA GANG YIN PA'O, ,ZHES PA'I BAR GSUNGS PA'I PHYIR, DE'I BYED LAS YOD DE, ,SPYIR NAD DANG KHYAD PAR 'DUS PA'I NAD SEL BA GTZO CHE BA'I PHYIR, DBYE NA RIGS BCU SOGS YOD DE, RTZA BA'I DBYE BA RTZA BA'I DANG, SDONG BU'I DANG, 'DAB MA'I DANG, ME TOG GI DANG, 'BRAS BU'I DANG, TRANG CHU'I DANG, THAL BA'I DANG, LAN TSVA'I DANG, BSGA BA'I DANG, 'GYUR BYED KYI SMAN GYI BAR SOGS YOD PA'I PHYIR TE, SMAN GZHI LAS, 'TSO BA'I BAR DU BCANG BA NI RTZA BA'I SMAN DANG, SDONG BU'I SMAN DANG, LO MA'I SMAN DANG, ME TOG GI SMAN DANG, 'BRAS BU'I SMAN DANG, TRANG CHU LNGA DANG, THAL BA LNGA DANG, LAN TSVA LNGA DANG, BSKA BA LNGA'O, ,ZHES GSUNGS PA'I PHYIR, YAN LAG GIS DBYE NA NGA GSUM SOGS BSHAD DE, RIGS BCU PO GZHAN LA LNGA LNGA DANG; 'GYUR BYED BRGYAD BSHAD PA'I PHYIR, RTZA BA LNGA 'CHAD PAR, GLA SGANG DANG SHU DAG SOGS BYUNG, SDONG BU LNGA 'CHAD PAR, TZAN DAN DANG SPYI MO SOGS BYUNG, 'DAB MA LNGA 'CHAD PAR, BA SHA KA SOGS DANG, ME TOG LNGA

, ,'CHAD PAR, ME TOG NI BA SHA KA DANG SOGS BYUNG, 'BRAS BU LNGA 'CHAD PAR, AA RU RA DANG SOGS BYUNG, TRANG CHU 'AM SPYI BA LNGA 'CHAD PAR, SPYI BA'O 'DI LTA STE SHING KUN DANG SBRANG RTZI DANG SOGS BYUNG, 'DI LA SPYI BYED KYANG ZER, THAL BA LNGA 'CHAD PAR, LUNG LAS, THAL BA LNGA GANG ZHEN NAS KYI THAL BA DANG SOGS DANG 'DIR NI THAL BA'O, ,SHING KAN TZAN DANG KA BI TAN DANG SOGS BYUNG, LAN TSVA LNGA 'CHAD PAR, LAN TSVA'O, ,'DI LTA STE BRGYAM TSVA DANG SOGS BYUNG, BSKA BA 'AM SMAN KHU LNGA 'CHAD PAR, SMAN KHU'O 'DI LTA STE SHING AAMRA DANG SOGS BYUNG, 'GYUR BYED BRGYAD 'CHAD PAR, 'GYUR BYED DO 'DI LTA STE TIL GYI DANG SOGS BYUNG BA'I PHYIR, 'DI YANG MTSON PA YIN LA RGYAS BAR GRANGS MED PA YOD PA'I PHYIR DANG, 'DIR YANG SMAN GYI GO RIM NI DPE'O ZHES SOGS GSUNGS PA'I PHYIR, JI SRID 'TSO BCANG GI DON GNYIS YOD DE, NANG JI SRID 'TSO DANG TSO JI SRID 'TSO'I PAR BCANG BA GNYIS YOD PA'I PHYIR, DANG PO GRUB STE, NAD MA SOS PAR DU BCANG LA SOS NAS 'CHANG MI RUNG BA'I SMAN YOD PA'I PHYIR, DPER NA BYIN GYIS RLABS PA'I SMAN GSUM LTA BU MIN PA'I BYIN RLABS DANG SPYAD MI RUNG BA'I PHYIR, DE BZHIN DU TSIL ZHAG LNGA YANG SO SAN SLONG NA STENG BA 'AM SLONG MED SMAN KHANG DU 'JOG DGOS PA BZHIN YIN PA'I PHYIR TE, RTZA BAR, SOS BA NYID NA DE DAG NAD PA'I PHYIR SLONG NA SBYIN NO, ,MED NA SMAN KHANG

DU'O; ;SMAN KHU DANG MIG SMAN DAG KYANG NGO, ,ZHES GSUNGS PA'I PHYIR, GNYIS PA GRUB STE, RNYED DKA' BA DANG BCAD SLA BA'I SMAN BYIN GYIS MA RLABS PA MA SHI BAR DU BZUNG CHOG PA'I PHYIR TE, SUM BRGYA BA LAS, SBRA TSIL BKRES PA BSAL PHYIR BZA' MI GANG, ,DE DAG MA SHI BAR BCANG SMAN DU GSUNGS, ,ZHES GSUNGS PA'I PHYIR DANG, ZHU BA LAS, BTZUN PA DGUNG BDUN PA'I SMAN JI SRID 'TSO'I BAR DU BCANG BAS KYANG SPANG BA'I LTUNG BYED DU MI 'GYUR BA LTA MCHIS SAM, NYE BAR 'KHOR YOD DE, ZHAG BDUN TSUN CHAD DUS NA'O, ,ZHES DANG, BAM LNGAR 'DI 'DRA'I DON MGO LUNG CHE CHE MA DAG CES SMRA MKHAN YANG BYUNG NGO, ,LNGA BA BYIN GYIS RLABS TSUL LA DGOS PA, DNGOS PO, ,GANG ZAG GANG, DUS, YUN TSAD, CHO GA, LONGS SPYOD TSUL, BYIN RLABS 'JIG PA'I RGYU BRGYAD LAS, DANG PO YOD DE, DUS THUN TSOD DANG ZHAG BDUN NAM JI SRID 'TSO'I BAR DU GSOG 'JOG DANG LAG NYA SOGS MI 'BYUNG BA'I PHYIR TE, RTZA BAR, BYIN GYIS RLABS BA LA 'JOG MI 'BYUNG NGO, ,ZHES GSUNGS PA'I PHYIR, GNYIS PA DNGOS PO SMAN PHYI MA GSUM GANG RUNG GI NGO BOR GRUB CING TSAD DANG LDAN PA DGOS TE, DE GSUM GANG RUNG GI NGO BO YIN KYANG LAG NYA MTSAMS BTZOS SOGS LA BYIN RLABS MI CHAGS PA'I PHYIR TE, RTZA BAR, LAG NYAR BLANGS PA DANG GSOG 'JOG BYAS PA DANG, BYIN LEN MA BYAS PA DANG NANG DU ZHAG LON PA DANG NANG DU

, ,BTZOS PA DANG DGE SLONG GIS BCOS PA DAG LA BYIN GYIS RLABS BA MI CHAGS SO, ,ZHES GSUNGS PA'I PHYIR, GSUM BRTEN GYI GANG ZAG DGE SLONG NAD PA KHO NAS, YUL YOD TSE DGE SLONG DGOS PA'I PHYIR TE, RTZA BAR, DANG PO MA YIN PA NYID DAG NI NAD PA'I PHYIR RO, ,ZHES GSUNGS PA'I PHYIR, BZHI PA DUS NI ZAS SNGA MA DUS RUNG GI DUS SAM SNGA DRO KHO NA YIN TE, RTZA BAR, ZAS SNGA MA'I TSE'O, ,ZHES DANG t'IKKA LAS; BSKOL BA DANG BTZAGS PA GNYIS NI DUS SU BYAS KYANG RUNG DUS MA YIN PAR BYAS KYANG RUNG LA, BYIN LEN DANG BYIN GYIS RLABS PA GNYIS NI DUS KHO NAR BYA DGOS TE, ZHES GSUNGS PA'I PHYIR, TSIL ZHAG LNGA'I SKABS SU LUNG GIS KYANG BSHAD DO, ,LNGA PA YUN TSAD NI SPYIR BTANG SMAN GSUM PO RANG RANG GI DUS KYI MTHA'I BAR DU BYIN GYIS RLABS PA YIN TE, DE LAS LHAG PAR BYIN GYIS RLABS PA MI CHAGS PA'I PHYIR TE, RTZA BAR, RANG GI DUS KYI MTHA'I BAR BYIN GYIS BRLAB PAR BYA'O, ,ZHES GSUNGS PA'I PHYIR, DMIGS BSAL YANG YOD DE, DUS RUNG GI RGYU LAS BYUNG BA'I THUN TSOD DU RUNG BA THUN TSOD KYI MTHA' KHO NA DANG, ZHAG BDUN PA LAS BYUNG BA BU RAM GYI BTUNG BA LTA BU THUN TSOD KYI MTHA' 'AM ZHAG BDUN GYI MTHA' GANG RUNG DANG, 'TSO BCAD LAS BYUNG BA'I THUN TSOD DU RUNG BA NI THUN TSOD DAM JI SRID 'TSO GANG RUNG DU BYIN GYIS

RLABS PA DE YIN PA'I PHYIR TE, RTZA BAR, DE DUS SU RUNG BA NYID YIN NA THUN TSOD KYI MTHA' YIN NO, ,GZHAN NYID YIN NA DE'I GANG YIN PA'O, ,ZHES GSUNGS PA'I PHYIR, DRUG PA CHOG YOD DE, SBYOR BA LAG PA BKRUS BYIN LEN BYAS TE SNYAN GSAN PHAB NAS, DNGOS GZHI YUL DE'I MDUN DU TZOG PUR BSDAD DE GNYIS KAS LAG PA G-YON PA 'OG DANG G-YAS PAS BKAB NAS, BTZUN PA DGONGS SU GSOL, BDAG DGE SLONG MING 'DI ZHES BGYI PAS SMAN THUN TSOD DU RUNG BA 'DI BDAG DANG TSANGS PA MTSUNGS PAR SPYOD PA RNAMS KYI THUN TSOD DU RUNG BA'I SMAN DU BYIN GYIS BRLAB PO, ,LEN GSUM PA MJUG THABS LEGS BYA BA YIN PA'I PHYIR, DE BZHIN DU SMAN ZHAG BDUN PA'AM JI SRID 'TSO'I BAR DU BCANG BA'I SMAN DU ZHES BYA, LHAG MA MTSUNGS SO, ,BDUN PA LONGS SPYOD TSUL YOD DE, SPYIR BTANG LA BYIN RLABS CAN GSUM LHAN CIG BSRES NAS LONGS SPYOD MI RUNG LA DUS RUNG DANG 'DRES NA SO SOR MA PHYE PAR MI RUNG, 'BYED MA THUB NA DUS RUNG LTAR BYED PA YIN PA'I PHYIR, DMIGS BSAL MU GE DANG DE 'DRA'I DUS DANG NA PA'I TSE LAG NYAR BLANGS PA DANG MTSAMS BTZOS DANG ZHAG LON RTEN BTZOS BRTZAMS LDANG GSOG 'JOG SA BON SOGS 'JIG PA, SDANGS ZA DANG BYIN LEN MA BYAS PAR ZAB LA LTUNG BA MI 'BYUNG STE, GNANG BA'I PHYIR NA MI 'BYUNG BA'I PHYIR TE, RTZA BAR, MU GE'I TSE DGE SLONG

, ,GIS BTZOS PA DANG SOGS BYUNG BA'I PHYIR DANG, NAD GSO BA'I PHYIR DU DGOS NA YANG DE DAG DER MA ZAD RANG BZHIN DANG CHANG MA GTOGS PA'I BCAS RKYANG MTHA' DAG DGOS NA GNANG BA'I NYES MED YIN PA'I PHYIR TE, RTZA BAR, GSO BA'I PHYIR NUB MO ZAB NI TSUL DANG MI MTHUN PA MA YIN NO, ,'DI LA BYIN LEN MA BYAS PA DANG SOGS DANG, YANG RTZA BAR, RANG BZHIN GYI KHA NA MA THOB DANG BCAS PA LAS GZHAN THAMS CAD LAS GSO BA'I DON NYID MA GTOGS SO ZHES BYA BA NI LHAG MA'O, ,ZHES GSUNGS PA'I PHYIR, BRGYAD PA BYIN RLABS 'JIG PA'I RGYU YOD DE, BYIN LEN 'JIG PA'I BCU DANG, DUS KYI 'PHEN BZANG PA DANG, SNGAGS KYIS PHYUNG PA DANG NGO BO 'GYUR BA SOGS BCU GSUM SOGS KYIS 'JIG PA'I PHYIR, DRUG PA RUNG KHANG GCOD TSUL LA DU MA YOD DE, DGOS PA, GNAS, RTEN GANG GI, DUS, CHO GA, BYED LAS; SGRA BSHAD, 'JIG RGYU BRGYAD YOD PA'I PHYIR, DANG PO YOD DE, DER MTSAMS BTZOS ZHAG LON SOGS MI 'BYUNG BA'I PHYIR TE, RTZA BAR, RUNG BA NYID DU BYIN GYIS RLABS PAR BTZOS PA DANG GNAS PA DAG NI PHYI ROL DANG 'DRA'O, ,ZHES GSUNGS PA'I PHYIR, GNYIS PA RUNG KHANG GCOD PA'I GNAS BCU BZHI MA YIN PA DANG SNGAR BYIN GYIS MA RLABS PA SOGS KYI KHYAD PAR DANG LDAN DGOS TE, RTZA BAR, SHING DRUNG DANG GLANG PO CHE'I

RAB DANG SOGS LTAR GNAS BCU BZHI MA YIN PA SOGS DGOS PA'I PHYIR, GSUM PA RTEN LA BZHI YOD DE, SPYIR DGE 'DUN GYIS GCOD, RDO BTEGS PA'I MTHA' LAS BYUNG BA'I RUNG KHANG LAG GI BLAS GCOD, SEMS BSDUS PA'I MTHA' LAS BYUNG BA'I RUNG KHANG DGE SLONG MANG PAS GCOD, LAS KYI MTHA' LAS BYUNG BA'I RUNG KHANG NI DGE 'DUN GYIS GCOD, 'PHRAL LAS BYUNG BA'I RUNG KHANG NI DGE SLONG GLO BUR JI SNYED KYIS RUNG BA'I KHANG PAR BRJOD PA'I SGOS GCOD PA'I PHYIR, DANG PO GRUB STE, RTZA BAR, THAMS CAD LA DGE 'DUN GYI LAS KYIS SO, ,ZHES GSUNGS PA'I PHYIR, GNYIS PA GRUB STE, DE LA DGE 'DUN DANG LAG GI BLA DANG GANG ZAG GSUM KYI YOD PA'I PHYIR TE, RTZA BAR, DANG PO GNYIS LA NI GANG ZAG GIS KYANG NGO, ,LAG GI BLAS SO, ,DANG PO SHOS LA NI 'BA' ZHIG GIS KYANG NGO, ,ZHES GSUNGS PA'I PHYIR, GSUM PA GRUB STE, RTZA BAR, GNYIS PA LA NI DGE SLONG RAB TU MANG PO DAG GIS SEMS BSDU BAS SO, ,ZHES GSUNGS PA'I PHYIR, BZHI PA GRUB STE, RTZA BAR, GSUM PA LA NI LAS KHO NAS SO, ,ZHES GSUNGS PA'I PHYIR, LNGA PA GRUB STE, RTZA BAR, BZHI PA LA NI JI SNYED PHYIN PA DE DE SNYED KYIS RUNG PA'I KHANG PA NYID DU BSGRAGS PA'I TSIG CIG CAR BRJOD PAS SO, ,ZHES GSUNGS PA'I PHYIR, BZHI PA DE GCOD PA'I DUS BZHI YOD DE, RDO BTEGS PA'I RUNG KHANG DE SO PHAG 'BRIM DUS GCOD, SEMS BSDUS KYI RUNG KHANG DE LAS GSAR BA BYED

, ,TSE GCOD, LAS MTHA'I RUNG KHANG DE DGE 'DUN DANG MA BRAL PA'I TSE GCOD, 'PHRAL BYUNG RUNG KHANG DE DGE SLONG GNAS DER PHYIN PA'I TSE GCOD PA'I PHYIR TE, RTZA BAR, 'DI LA DUS BZHI YOD DO SOGS BYUNG, LNGA BA CHO GA YOD DE, DANG PO DANG MTHA' MA GNYIS NI GZHI 'DI NI DGE 'DUN GYI DUNG BA'I KHANG BAR 'GYUR RO ZHES PA'I SNGAGS LAN GSUM BRJOD PA DE YIN, GNYIS PA GZHI 'DI NI DGE 'DUN GYI RUNG BA'I KHANG BAR SEMS BSDUS SHIG CES SNGAGS GSUM BRJOD PA DANG, GSUM PA GSOL GNYIS KYI LAS KHO NAS GCOD PA DE YIN PA'I PHYIR TE, RTZA BAR BRJOD PAS SO, ,SOGS BYUNG, RUNG KHANG BZHI BO DE DAG MA GRUB PA'I TSE GZHAN YANG YOD DE, 'PHAGS PA THOGS MED KYI 'DUL BA BSDU BAR BSHAD PA LTAR SHES PA CHUNG NGU'I RUNG KHANG DANG 'JUG PA MI ZHAN PA'I RUNG KHANG GNYIS RUNG BA'I PHYIR, 'DI GNYIS LUNG LAS DNGOS SU MTHON KYANG MDOR BSDUS SBYAR BA YIN PA'I PHYIR, CHO GA GZHI GSUM CHO GAR GSAL LO, ,DRUG PA BYED LAS YOD DE, GTZUG LAG KHANG DU MAR YANG RUNG KHANG GCIG GIS BYAS CHOG PA'I PHYIR TE, LCAGS RI GCIG GI DBUS NA GTZUG LAG KHANG BZHI DANG, GAndI YANG BZHI DANG, BKAD SA YANG BZHI YOD PA'I TSE KUN LA THUN MONG DU RUNG KHANG GCIG LA SGO BZHI DANG THAB KYANG BZHI BYAS NAS ZAS SOGS SO SOR DRANGS PA LA MI MDZES PA MED PA'I PHYIR TE, RTZA

BAR; GCIG GIS GTZUG LAG KHANG DU MA'I BYA BA BYED PA LA MI MDZES PA MED DO, ,ZHES GSUNGS BA'I PHYIR, 'DI LA LUNG LAS BA LANG LHAS LTA BU'I RUNG KHANG DU YANG BSHAD DE, SA GA LHAS KYANG, KUN LAS PA LANG LHAS BZHIN NO, ,ZHES SO, ,BDUN PA SGRA BSHAD YOD DE, ,MTSAMS NANG DU BTZO BA DANG ZHAG LON PAR BZHAG TU RUNG BAS NA DE LTAR BRJOD PA'I PHYIR, BRGYAD PA DE'I 'JIG RGYU YOD DE, BYIN RLABS SNGAM GNAS DE MA ZHIG PAR DU MI 'JIG LA, GZHAN RNAMS MTSAMS 'JIG PA'I RGYU RNAMS DANG LAS KYIS KYANG ZHIG BA YOD PA'I PHYIR, BDUN PA RGYU MTHUN ZAG PA 'DOR TSUL LA, THOG MAR SMAN LA 'JUG TSUL DANG, DE'I RGYU MTHUN ZAG BA 'DOR TSUL GNYIS DANG PO LA, LUS LA BSTEN TSUL, KHAR BSTEN TSUL, BYE BRAG TU RGYU NA PA'I ZAS LA SPYOD TSUL GSUM LAS, DANG PO YOD DE, MIN PAS BSTEN TSUL DANG, NA BAS BSTEN TSUL GNYIS YOD PA'I PHYIR, DANG PO LA DUM YOD DE; BSRO KHANG, KHRUS, DE MA LPAGS, ME TOG DRI ZHIM PO BSTEN PA RNAMS SU YOD PA'I PHYIR, DANG PO NI, RTZA BAR, BSRO KHANG BSTEN BAR BYA'O, ,ZHES SO, ,GNYIS PA NI, RTZA BAR, LEGS PAR SBYAR BA'I KHRUS KYIS BGRU'O, ,ZHES SO, ,PHYI MA GNYIS GRUB STE, RTZA BAR, MIG LA PHAN PA'I PHYIR NGOM LPAGS BCAD DO, ,ZHES DANG, MIG LA PHAN PA'I PHYIR ME TOG DRI ZHIM PO BSTEN PAR BYA'O, ,ZHES SO, ,GNYIS PA NAD BA'I BSTEN

, ,TSUL YANG DU MA YOD DE, MIG SMAN, RENG BU'I DU BA, SNAB SHAL, MTSON GYI GSO BA DANG, 'DOMS KYI GSO BA DANG, BAGS PA DANG, KHAR CHANG GIS BKRUB SOGS YOD PA'I PHYIR DANG PO NI, RTZA BAR, MIG SMAN BSTEN PAR BYA'O, ,ZHES SO, ,GNYIS PA GRUB STE, RTZA BAR, GSO BA'I PHYIR RENG BU'I DUB RDUB BAR BYA'O, ,ZHES SO, ,GSUM PA GRUB STE, RTZA BAR, SNAR BLUGS PA'I LAS BYA'O, ,ZHES SO; ;BZHI BA GRUB STE, RTZA BAR, MTSON GYI GSO BA YANG DE DANG 'DRA'O, ,ZHES SO, ,LNGA PA GRUB STE, RTZA BAR, 'DOMS KYI GSOB BSTEN PAR BYA'O, ,ZHES SO, ,DRUG PA NI, ,ME TOG 'PHRENG RGYUD LAS, SMAN PA'I NGAG GIS BTUNG BAR NI, ,SROG LA BABS KYANG MA GNANG NGO, ,KHA YI NANG DU MKHUR PHUG TU, ,BSREL BA TZAM LA NYES PA MED, ,CES GSUNGS PA SOGS RGYAS PAR RTZA BAR LTOS, ,GNYIS PA KHAR BSTEN TSUL LAS MIN PA'I DANG; NAD PA'I DANG, PHONGS PA'I DUS KYI DMIGS PA SAL GSUM GYI, DANG PO NI 'CHAD PA DANG 'DRA STE NAD PA MA YIN PAS SMAN PHYI MA GSUM BYIN RLABS CAN BSTEN MI RUNG BYIN GYIS MA RLABS PA DUS THAMS CAD DU RUNG BA'I PHYIR TE, t'IKKA LAS, SMAN DAG NI MIN BAS THUN TSOD DU RUNG BA NYID LA SOGS PAR BYIN GYIS RLAB TU YANG MI RUNG LA GZHAN BYIN GYIS RLABS PA DAG KYANG ZA BAR MI RUNG NGO, ,BYIN GYIS MA RLABS BDAG NI DUS MA YIN PAR ZA

BAR RUNG NGO, ,ZHES GSUNGS, LUNG LAS DANG RNAM 'BYED LAS KYANG NGO, ,GNYIS PA NAD PAS BSTEN TSUL SBYOR BZOD NA SPYI DANG 'DRA LA SBYOR BZOD KYANG NAD DRAG SLA BA'I DGOS DBANG DANG MI BZOD PA SOGS LA DUS MIN ZA BA DANG, LAG NYA SOGS GNANG BA'I PHYIR, DANG PO NI, SMAN BYIN RLABS BYED PAS 'GRUB STE, DUS MIN DANG LAG NYA GSOG 'JOG SOGS 'GOG CHED YIN PA'I PHYIR, 'DI MA SHES PAR KHA CIG GIS MTSAN DUS SKOM PA 'OD BZHIG YOD PA'I PHYIR ZER BA RMONGS SKAD YIN, GNYIS PA GRUB STE, RTZA BAR, NAD PA'I CHED DU YONGS SU LONGS SPYAD PAR BYA BA'I PHYIR RANG GI DUS KYI MTHA'I BAR DU BYIN GYIS BRLAB PAR BYA'O, ,ZHES DANG, 'OG TU YANG RTZA BAR, SGREN MO DANG GOS GCIG PAS MI BYA'O, ,NAD PA LA NI LTUNG BA MED DO, ,DE G-YOG DAG GIS BSKYOR BAR BYA'O, ,NUS NA RDUL GZAN LA BSTEN PAR BYA'O, ,ZHES GSUNGS PA'I PHYIR, KHYAB STE, NAD PA LTUNG MED DANG SKYOR DGOS PA LTA BU'I MI NUS NA LTUNG MED DU BSHAD KYIN BA TZAM GYIS MI CHOG PA'I PHYIR, NAS DANG THUG PA'I BTUNG BA SOGS KYIS KYANG, NA MIN THAMS CAD KYI SHA'I SMAN YANG RUNG STE MI DANG GLANG PO SOGS KYI PHYUGS RMIG GCIG PA BYA RGOD SOGS BYA SHA ZA BA'I MI RUNG BA STAG MA DUS RUNG GI SMAN DU GSUNGS PA'I PHYIR TE, SMAN GZHI LAS, DE LA DUS SU RUNG BA NI LE GU DANG 'BRAS CHAN DANG ZAN DRON DANG SNUM KHUR RO, ,ZHES DANG, 'OD LDAN LAS KYANG, BCOM LDAN 'DAS KYIS NAS CHAN DANG 'BRAS

, ,CHAN DANG SHA DANG SNUM KHUR NI BZA' BA YIN PAR GSUNG LA, ZHES GSUNGS PA'I PHYIR, KHYAB STE, DAG PA'I SHA LA RANG BZHIN GYIS DOGS PA MED CING 'JIG RTEN PAS MI SMAD PA DANG NYES PA MED PA LA BCOS PA MI MDZAD PA DGAG SGRUB GNANG GSUM SKABS SU BSHAD ZIN PA'I PHYIR DANG, MKHAS MCHOG SH'AKYA 'OD KYI SUM BRGYA BAR, YA RAB RNAMS KYI SHA DANG NYA GNANG GANG, ZHES DANG, DE'I RANG 'GREL 'OD LDAN LAS, YA RAB RNAMS KYI GNANG ZHES BYA BA 'DI CI'I PHYIR ZHE NA, SKYE BO YA RAB RNAMS KYIS SMAD PA KHO NA DAG LA BCOM LDAN 'DAS KYIS BKAG PA'I PHYIR DE LTAR MDOR BYAS PA YIN NO, ,ZHES DANG, RTZA BAR, YANG RTZA BA DANG SDONG BU DANG ZHES PA NAS, SHA DANG SNUM KHUR DANG 'O MA DANG ZHO DANG MAR DANG SHA SKAM DAG NI MI RUNG BA NYID MA YIN NO, ,ZHES DANG, t'IKKA LAS, RTZA BA LA SOGS PA DE DAG GO ,DGE SLONG RNAMS KYIS BZA' BA'I PHYIR MI RUNG BA NYID MA YIN TE RUNG BA KHO NA'O, ,ZHES GSUNGS PA'I PHYIR, GSUM PA PHONGS PA'I DUS SU SGRA MI SNYAN PA'I 'DU SHES BZHAG LA LAG NYA DANG, BYIN LEN MA BYAS PAR ZA BA DANG MTSAMS BTZOS RDZEN BTZOS GSOG 'JOG PA RTZAM LDANG SA BON DANG SKYE BA 'JIG PA DANG SPANGS ZA SOGS LA NYES PA MED DE, DE 'DRA'I DUS SU GNANG BA'I PHYIR TE, RTZA BAR, MU GE'I TSE DGE SLONG GIS BTZOS PA DANG ZHES PA NAS PADMA'O, ,ZHES GSUNGS PA'I PHYIR, KHYAB STE, DE'I BAR GYI

MDO RNAMS KYIS MU GE'I DUS KYI BYED TSUL BSHAD PA'I PHYIR TE, RTZA BAR, PADMA'O ZHES BYA BA YAN CHAD MU GE'I'O, ,ZHES GSUNGS PA'I PHYIR, GSUM PA RGYUN PA'I ZAS LA 'JUG TSUL DU MA YOD DE, ZAS LA 'JUG TSUL DANG ZAS GYI GRAL DANG, STAN DANG, LEN TSUL DANG, ZAS GANG DANG, DE'I SNOD DANG, DE DUS KYI GOS DANG, ZAS KYI CHO GA DANG BRGYAD YOD PA'I PHYIR, DANG PO YOD DE, BSOD SNYOMS DANG MGRON DU BOS PA'I 'JUG TSUL THUN MONG GI RE GSUM YOD PA'I PHYIR DANG, RTZA BAR, SGRA BSGYUR STE ZAS KYI PHYIR SOGS DANG, GANG LA MGRON DU BOS PA SOGS BYUNG, GNYIS PA YOD DE, RGAN RIM LA BYA LAM NGAN GRAL LNGA BRGYA SOGS BYED PA'I TSE RGAN PA RE GNYIS MGO DANG LHAG MA CI BDE'I GRAL DGE SLONG BSKOS PAS BYED PA'I PHYIR TE, RTZA BAR, MANG BA NYID YIN NA BYA'O, ,GRAL GYI TSAR DU MA NYID KYANG NGO, ,LNGA BRGYA'I TSAR RO, ,RGAN BA'I MTHA' RE RER SPYI BUNGS BYA'O, ,ZHES SO, ,GSUM PA NI GDING BA DANG BCAS STAN NAM RTZA BA MA SOGS LA 'DUG PA'I PHYIR, BZHI PA GRUB STE, ZAS 'BRIM MKHAN GYIS SAM PRA STA ZHES BRJOD NAS DRANGS NA DUG MED PAR 'GYUR LA MANG NA 'DREN MKHAN DU MA BSKOS PA DES BYIN PA CHAD LHAG MED PAR LEN DGOS PA'I PHYIR TE, RTZA BAR, 'DUS PA CHEN PO'I TSE RGAN RIM DU GZHUGS PA'I PHYIR DANG, 'BRIM DU GZHUGS PA'I PHYIR DGE SLONG DAG BSKONG, ,ZHES DANG, LHAG MA KHAM GCIG YAN CHAD LEN PA DANG, ZA BA NI DAD PAS

, ,SBYIN PAR BYA BA CHUD GZON PA YIN NO, ,ZHES GSUNGS PA'I PHYIR, LNGA PA YOD DE, ZAS BZHI GANG RUNG ZHIG DGOS PA'I PHYIR, DRUG PA YOD DE, LHUNG BZANG DU ZA ZHING GO SDER DANG THANG SKYAL DU ZA MI RUNG PA'I PHYIR TE, RTZA BAR, DE DAG GI SNOD KYANG NGE, ,SNOD DU ZAN BZA' BAR RUNG NGO, ,ZHES SO, ,BDUN PA GOS SNGAR BSHAD PA LTAR GOS GCIG SOGS MA RUNG LA, LHAM GO BAR MA ZAD RTZVA'AM RAS LHAM YANG ZA DUS MI RUNG PA'I PHYIR TE, RTZA BAR, MCHIL LHAM DANG BCAS SOGS DANG, PHRAN TSEGS 'GREL BAR YANG, LHAM BKAG PA'I PHYIR RTZVA LAS BYAS PA'I LHAM LA SOGS PA KHYAD PAR BKAG PA STE ZHES PA NAS, GAL TE LHAM TZAM GYIS MI GTZANG BA YIN NA, ZHES GSUNGS PA'I PHYIR, BRGYAD PA CHOG YOD DE, BSAM PA'I DANG, SBYOR BA'I, DNGOS KYI, MJUG GI KHYAD PAR BZHI YOD PA'I PHYIR, BSAM PA'I YOD DE, ZAS KYI RO MNGAR BA SOGS LA ZHEN CHAGS SPANG BA'I CHED DU 'DU SHES BCU DANG, RGYAGS PA SOGS KYI CHED DU MA YIN ZHING LUS RMA LTA BU 'DI YANG YUN RING NA BSOD NAMS CHE BA SKYED PA'I CHED DU DA LTA LUS KYI SRIN BU BRGYAD KHRI ZANG ZING GIS BSDUS LA MA 'ONG BAR CHOS KYIS BSDU SNYAM DU ZAS LA SMAN DANG RANG LAN DPA'I 'DU SHES BYED PA DE YIN PA'I PHYIR TE, SLOB DPON KLU SGRUB KYIS, KHA ZAS SMAN DANG 'DRA BAR BSTEN BGYI STE, ,RGYAGS PHYIR MA LAGS

SNYEMS PA'I PHYIR MA LAGS, ,MTSAG PHYIR MA LAGS LUS GNAS 'BA' ZHIG PHYIR, ,ZHES DANG, SLOB DPON 'PHAGS PA LHAS KYANG, LUS NI DGRA LTAR MTHONG MOD KYI, ,DE LTAR NA YANG DE BSRUNG BYA, ,TSUL LDAN YUN RING 'TSO BA NI, ,DE LAS BSOD NAMS CHEN PO BYED, ,CES GSUNGS LA, 'DU SHES BCU NI, RTZA BAR, BDAG NYID LA NAD PA'I 'DU SHES DANG, ZAS LA SMAN GYI 'DU SHES NYE BAR BZHAG STE BZA' BAR BYA'O, ,DRAN PA DANG YANG NGO, , 'BYUNG BA DANG 'DRA BA DANG, SOGS KYIS BSHAD PA'I PHYIR, SBYOR PA YOD DE, SNGA CHABS BLANGS TE, DKON MCHOG RJES DRAN 'DON ZHING ZAS KYI PHUD CHA GCIG DKON MCHOG GSUM DANG, CHOS SKYONG LA BSHOS DANG, 'PHROG MA BU DANG BCAS PA PHUD LA DBANG PA'I 'BYUNG POR SOR MO LNGA'I RJES DOD PA'I 'CHANG BU DANG, DNGOS GZHI DE NAS SGRA BSKYUNG STE ZA BZHIN DU SMRA BA SOGS MI BYA BAR KHAM CHE CHUNG RAN PAR BZA' ZHING, MJUG TU LHAG MA CHANGS GCIG BZHAG STE JI LTAR 'OS PAR STER BA'I PHYIR TE, RTZA BAR, PHAM DANG NAD PA ZHES PA NAS, GNYUG MAR GNAS PA RNAMS LA GTOR MA SBYIN NO, ,ZHES SOGS DANG, SUM BRGYA BA LAS, KHAM CHUNG BA'AM CHE BA RIGS MIN LA, , KHA KHAM BCAS PAS NAM YANG SMRA MI BYA, ,SOGS DANG, SPYOD BSDUS SGRON MER JO BOS, ZAS LA CHA BZHIR BGOS BYAS LA, ,DANG POR LHA LA BSHOS GTZANG 'BUL, ,DE RJES CHOS SKYONGS SRUNG MA LA, ,GTOR MA BZHIN DU RGYAN TE

, ,BYA; ;RANG GI ZA ZHING 'THUNG BA YI, ,LHAG MA 'BYUNG PO RNAMS LA SBYIN, ,ZHES GSUNGS PA'I PHYIR, GSUM PA MJUG GI KHYAD PAR GYI CHABS BLANGS TE SBYIN PA BSHAD PA DANG, YON BSHAD PA GNYIS BYED DE, SBYIN PA'I PHAN YON DANG, SER SNA'I NYES DMIGS LTA BU DANG, DPER NA MDO LAS, TSOGS BSAGS PA LAS BDE BA 'BYUNG, ,TSOGS NI MI YI YUL DU BSAGS, ,DE BAS YANG DANG YANG DU BSAGS, ,DE NYID PA NI 'DUN PAR BYA, ,ZHES PA LTA BU 'DON PA DANG, YON BSHAD NI DGE BA BYANG CHUB TU BSNGO BA YIN PAS, ,DGE BA 'DI DANG DUS GSUM GYI DGE BA RDZOGS BYANG DU BSNGO LA DE KLU RGYAL DGA' PO NYER DGA' GNYIS BSTAN PA LA DGA' BA'I MING NAS BSNGO BA, DPER NA, KLU RGYAL DGA' BO NYER DGA' BO, ,BSTAN LA DAD PA'I LHA RNAMS DANG, ,RGYAL PO SBYIN BDAG NYID DANG NI, ,SEMS CAN PHONGS BA GZHAN DAG KYANG, ,TSE RING NAD MED PHUN SUM TSOGS, ,GTAN DU BDE BA THOB PAR SHOG, LTA BU BYED PA'I PHYIR TE, SUM BRGYA PA LAS, ZOS PA'I LHAG MA LAS NI CHANGS GCIG BZHAG, CHED DU MI BYA BKAG PA'I RGYU 'DIR KHA, ,'DAG PA'I RDZAS SU RUNG BA'I CHU RNAMS KYIS, ,ZOS NAS KHA YAG BZAS MED PAR BYA, ,ZHES DANG, RTZA BAR, YON BSHAD PA DANG CHOS BSHAD BDAG BYA'O, ,ZHES DANG, YON BSHAD PA DANG DGA' BO DANG NYE DGA' BO DAG GI MING SMROS PAR BYA'O, ,ZHES GSUNGS PA'I PHYIR, GNYIS PA

ZAG PA 'DOR TSUL YOD DE, SGOG PA MIN PAS ZA MI RUNG BA'I NYES PA GLENG GZHI LAS SHES LA, ZOS NAS DRI MED PAR BYED TSUL DANG, DRI MED PAR MA BYAS PAR DU GTZUG LAG KHANG SOGS SU MI 'GROL ZAS GZHAN GYI KHRUS CHU DANG KHA CHU GSHANG GCI YANG GTZUG LAG KHANG GI RTZIGS PA DANG, DGE 'DUN GYI KUN DGA' RA BA DANG, PHEBS LAM SOGS LA MI RUNG BA'I PHYIR TE, GLENG BZHIR KA BA DANG RTZIGS PA LTA BU'I DMYAL BAR SKYES PAR BSHAD PAS SO; ;RTZA BAR, MCHIL MA NI MA BSHAMS PA'I PHYOGS SU MCHIL MA 'DOR BAR MI BYA'O, ,SOGS DANG, GSHANG BA NI, RTZA BAR, SHING LJON PA'I DRUNG DU GSHAD PA DANG GCI BA DAG MI BYA'O, ,SOGS NAS, PHYOGS MA YIN PAR GCI BA MI BYA'O, ,ZHES SOGS GSUNGS PA'I PHYIR, RGYAS PAR GZHUNG DU LTOS LAGS LA, MTHA' DPYAD PA LA, KHA CIG NA RE, PHYI'I DNGOS PO DE SMAN SPYI'I MTSAN NYID YIN TE, LUNG LAS, BRAM ZE KHYE'U DAG 'DI THAMS CAD NI SMAN YIN ZHES RGYUN SHES KYI BSHAD PA BZHIN GSUNGS BA LA BRTEN NAS, KHA CIG, PHYI'I DNGOS MTSO, BOL SMAN GYIS KHYAB ZER NA, PHYI'I GZUGS KYI SKYE MCHED CHOS CAN, DER THAL, DE'I PHYIR, RTOGS GRUB CING, 'DOD MI NUS TE, DES RANG DBANG DU PHAN MI THUB PA'I PHYIR TE, MDZOD LAS, GZUGS KYI SKYE MCHED MA YIN DES, ,RANG DBANG GROL LA MI PHAN PHYIR, ,ZHES GSUNGS PA'I PHYIR, KHA CIG GIS,

, ,DE'I DON DRI RO REG BYA GSUM GANG RUNG GI PHYI'I DNGOS PO ZER NA, 'O NA, PHYI'I DUG HA LA CHOS CAN, DER THAL, DE'I PHYIR, 'DOD MI NUS TE, DE GONG NON DANG MA SBYAR BAR RANG NYID RKYANG BA MI RUNG BA'I PHYIR, BYAS PA LA KHO NA RE, DE SMAN YIN PAR THAL, GZHAN DANG SBYAR NA RUNG BA'I PHYIR NA MA KHYAB, 'O NA ZHO DANG 'O MA YANG PHYI DRO BCAS LDAN DGE SLONG LA RUNG BAR THAL, DE CHU DANG SBYAR BA'I SLA BA DANG JA LA BTAB PA RUNG BA'I PHYIR, YANG KHA CIG, SMAN YIN NA SKYE MCHED GSUM GYIS BSDUS PA'I KHAM ZAS YIN PAS KHYAB ZER NA, DRI KHO NAR GYUR PA'I SMAN CHOS CAN, DER THAL, DE'I PHYIR, DER THAL, YUL LNGA LAS DRI KHO NAR GYUR PA'I SMAN YOD PA'I PHYIR TE, DBANG PO LNGA LAS SNA'I SHES PA KHO NA'I MYANG BYA'I DE YOD PA'I PHYIR TE, RTZA BAR, DU BA RDUB PAR BYA'O, ,ZHES GSUNGS PA'I PHYIR, GZHAN YANG LUS KYI 'BRAS SOGS LA BYUGS LA MI BTUNG BA'I DE CHOS CAN, DER THAL, DE'I PHYIR, 'DOD MI NUS TE, DE'I RIG BYA TZAM GYI SMAN BYAS PA'I PHYIR, GZHAN YANG, SMAN YIN NA DRI RO REG GSUM GYS BSDUS PAS KHYAB PA MI 'THAD PR THAL, DE'I BSDUS TSUL RANG YIN GYIS MA YIN LA, GZHAN LDAN GYIS BSDUS PAR YANG MI RUNG BA'I PHYIR, DANG PO GRUB STE, SMAN YIN NA DE GSUM MA YIN PAS KHYAB PA'I PHYIR TE, DE GSUM GYI YIN PA MED PA'I PHYIR, GNYIS PA MA GRUB NA, GZUGS

KYI SKYE MCHED KYANG SMAN YIN PAR THAL, SMAN YIN NA DE BZHI KA DANG LDAN PAS KHYAB PA'I PHYIR TE, MDZOD LAS, 'DOD NA DBANG PO MED PA DANG, ,SGRA MED PHRA RAB RDUL RDZAS BRGYAD, ,CES GSUNGS PA'I PHYIR, 'DOD NA, MDZOD LAS; GZUGS KYI SKYE MCHED MA YIN, ZHES PA DANG 'GAL LO, ,DES ZHI BA CHA DU MA SHES PAR BYA'O, ,BYAS PA LA KHO NA RE, TZAN DAN GYI DRI CHOS CAN, DRI KHO NAR YOD PAR THAL, YUL LNGA'I DRI KHO NAR GRUB PA'I PHYIR, DER THAL, YUL LNGA'I DRI KHO NA YIN PA'I PHYIR TE, YUL LNGA'I DRI YIN, GZHAN BZHI GANG RUNG MA YIN PA'I PHYIR, RTZA BAR 'DOD NA, CHOS KYI SKYE MCHED DANG DNGOS PO MA YIN PAR THAL, DRI KHO NAR YOD PA'I PHYIR, KHYAB STE, DE'I KHO NA GZHAN LDAN RNAM GCOD YIN PA'I PHYIR, YANG KHA CIG, PHYI MA GSUM GANG RUNG LA BYIN RLABS CAN GYIS KHYAB PAR THAL, DE GSUM BCOM LDAN 'DAS KYIS NAD PA LA GNANG BA'I PHYIR NA SHIN TU MA KHYAB, 'DOD NA, AA RU RA CHOS CAN, BYIN RLABS CAN DU THAL; NAD PAR STON PAS KLU PAn, GNANG BA'I PHYIR TE, JI SRID 'TSO'I BAR DU GNANG BA'I PHYIR, GONG DU 'DOD NA, BYING YIS MA RLABS PA'I THUN TSOD DU RUNG BA'I SMAN MOD PAR THAL, 'DOD PA'I PHYIR, 'DOD MI NUS TE, BYIN GYIS MA RLABS PA'I THUN TSOD DU RUNG BA DNAG ZHAG BDUN PA DANG 'TSO BCANG GI SMAN GSUM KA YOD PA'I PHYIR, DER THAL, t'IKKA LAS, DES NA THUN TSOD DU RUNG BA DANG ZHAG BDUN PA DANG 'TSO BA'I BAR DU BCANG BA'I SMAN NGAG NI MIN PAS THUN TSOD DU

, ,RUNG BA NYID LA SOGS PAR BYIN GYIS RLABS TU YANG MI RUNG LA, ZHES GSUNGS PA'I PHYIR DANG, LUNG LAS KYANG, THUN TSOD DU RUNG BA BRGYAD PO ZHES SOGS GSUNGS PA'I PHYIR, GZHAN YANG DE YOD PAR THAL, THUN TSOD DU RUNG BA BYIN GYIS RLABS PA DANG, THUN TSOD DU RUNG BA BYIN GYIS MA RLABS PA GNYIS YOD PA'I PHYIR, DER THAL, THUN TSOD DU RUNG BA NAD PAS BYIN GYIS RLAB STE SPYOD PA DANG, THUN TSOD DU BYIN GYIS MA RLABS PA NI NA MIN THAMS CAD KYIS DUS THAMS CAD DU RUNG BA'I PHYIR, DANG PO GRUB STE, t'IKKA LAS, 'DIR THUN TSOD DU RUNG BA NAD PAS BYIN GYIS RLABS PAR BYA BA'I GZHUNG NI KHYIM PA 'AM DGE TSUL GYIS SBYAR BA TSAGS KYIS BTZAGS PA DAG NI THUN TSOD DU RUNG BA'O, ,ZHES GSUNGS PA YIN NO, ,ZHES GSUNGS PA'I PHYIR, GNYIS PA GRUB STE, t'IKKA LAS, THUN TSOD DU RUNG BA'I BTUNG BA BYIN GYIS MA RLABS PA THAMS CAD LA RUNG BA'I GZHUNG NI 'BRAS BU BRGYAD PO KHYIM PA'AM DGE TSUL GYIS SBYAR BA TSAGS KYIS BTZAGS BDAG NI DUS SAM DUS MA YIN PAR YANG NA BA'AM NA BA MA YIN PAS KYANG BTUNG BAR BYA BA DAG YIN TE, 'DI LA 'GYOD PAR MI BYA'O, ,ZHES GSUNGS PA YIN NO, ,ZHES GSUNGS PA'I PHYIR, 'DI DAG LA BYIN RLABS CAN GYIS MA KHYAB ZER BA MANG BAS DE'I DBANG DU BYAS SO, ,YANG KHA CIG NA RE, SMAN GANG ZHIG BKRES PA'I NAD SEL BA LA ZHUGS BA DUS RUNG GI DE'I MTSAN NYID, SMAN GANG ZHIG

SKOM PA'I NANG SEL PA LA ZHUGS PA THUN TSAD KYI SMAN GYI MTSAN NYID ZER NA, BKRES SKOM GNYIS KA SEL BA'I BU RAM GYI KHU BA CHOS CAN, DUS RUNG DANG THUN TSOD DU RUNG BA'I SMAN GNYIS KAR THAL, SMAN GANG ZHIG DE GNYIS KA SEL BA LA ZHUGS PA'I PHYIR, 'DOD MI NUS TE, DUS RUNG GI SMAN MA YIN PA'I PHYIR, DER THAL, BTUNG BA BRGYAD PO GANG RUNG YIN PA'I PHYIR, KHYAB STE, RTZA BAR, THUN TSOD DU RUNG BA NI BTUNG BA DAG GO, ZHES GSUNGS PA'I PHYIR, YANG KHA CIG NA RE; BUR SHING DUS RUNG GI SMAN MA YIN ZER NA, 'O NA, BU RAM GYI GONG BU ZHAG BDUN PA 'AM ZHAG BDUN PA'I SMAN RIGS YIN PA LTAR BUR SHING YANG YIN DGOS PAR THAL, DE DUS RUNG MA YIN PA'I RGYU MTSAN YOD PA'I PHYIR, 'DOD MI NUS TE, BUR SHING DUS RUNG GI DANG, DE'I KHU BA THUN TSOD DU RUNG BA'I DANG, BU RAM GYI GONG BU ZHAG BDUN PA'I DANG, BU RAM DANG BUR SHING GI THAL BA GNYIS 'TSO BA CANG GI DUG SMAN YIN PA'I PHYIR TE, LUNG LAS, NYE BAR 'KHOR BUR SHING NI DUS SU RUNG BA'O, KHU BA NI THUN TSOD DU RUNG BA'O, ,BU RAM NI ZHAG BDUN PA'O, ,BU RAM SHING DANG BU RAM GNYIS BSREGS PA'I THAL BA NI 'TSO BA'I BAR DU BCAD PA'O, ,ZHES DANG, t'IKKA LAS, DER THAL BA 'TSO BA'I BAR DU BCANG BA NYID DU GSUNGS PAS THAL BA YANG DUG SMAN GYI KHENGS SU GTOGS PA NYID YIN LA, ZHES GSUNGS PA'I PHYIR, DUG SMAN MANG PO'I NANG TSAN GYI DON DE LA KHO NA RE, 'O NA, BUR SHING GI KHU BA THUN TSOD DU RUNG BA'I SMAN RIGS YIN PAR

, ,THAL; BUR SHING DE DUS RUNG GI SMAN YIN PA'I PHYIR ZER NA SHIN TU 'DOD PA YIN TE, 'OD LDAN LAS, BU RAM SHING GI KHU BA NI THUN TSOD DU RUNG BA YIN NO, ,ZHES GSUNGS PA'I PHYIR, SHES BYED t'IKKAR DRANGS PA'I LUNG DE DRANGS PA'I PHYIR, YANG KHA CIG NA RE, THUN TSOD DU RUNG BA ZHES PA'I THUN TSOD KYI MTHA' NI MTSAN MTHA' LA BYED DE, GZHAN DU NA DGE SLONG SKOM PA'I NAD CAN LA NYIN DUS JI LTAR 'DOD BZHIN MA GNANG BAR THAL; MTSAN MO'I DUS SU DE LTAR MA GNANG STON DANG LUNG, PA'I PHYIR ZER NA MA GRUB PO, ,RTAGS DER THAL, THUN TSOD KYI MTHA' NAM GYI CHA STOD 'DAS NAS DGE SLONG SKOM BA'I NAD CAN LA MA GNANG PHYIR, DER THAL, THUN TSOD KYI MTHA' DE YIN PA'I PHYIR NA MA KHYAB STE, BYIN GYIS RLABS PA NI PHYI DRO TSA DUS KYI SKOM NAD CAN LA GNANG PA YIN PAS SROD THUN GYI DUS 'DAS NAS GNYID DANG SKOM BTUNG BA GNYIS CIG CAR MI 'ONG BA'I PHYIR, DE LAS GZHAN MTSAN RIL BO'I SKOM NAD CAN LA BYIN RLABS LA MA LTOS PAR LONGS SPYOD CHOG PAS SKOM NAD THAMS CAD KYI CHO GA GCIG MA YIN PA'I PHYIR DANG, RTZA BAR, NAD PA LA NI LTUNG BA MED DO, ,ZHES SOGS DANG, RTZA BAR, GSO BA'I PHYIR MTSAN MO ZA BA NI TSUL DANG MI MTHUN PA MA YIN NO, ,'DI LA BYIN LEN MA BYAS PA DANG, GSOG 'JOG BYAS PA DAG MI RUNG BA DAG TU NGOGS PAR MI BYA'O, ,ZHES GSUNGS PA'I PHYIR, DES NA DRUG SDES NUB LHAG NYAL GYI RIGS

PA LTAR SNGA DRO NAS NAM GYI THUN STOD BAR THUN TSOD KYI SMAN BYIN RLABS RUNG NA THUN PAR DANG THUN SMAD CI'I PHYIR MI RUNG ZHES SMRA MI RIGS PAR THAL, STON PAS DE DAG SBYAR BTZAGS BYIN LEN BYIN RLABS SNGA DRO KHO NA DANG, THUN TSOD DU BYIN GYIS RLABS TSUL LAS MA GNANG BA'I PHYIR, DPER NA NUB LHAG NYAL BZHIN NO, ,LUNG GZHI'I SMAN GZHI LAS, BTZUN PA BTUNG BA BRGYAD PO 'DI DAG NI SNGON GYI DRANG SRONG RNAMS KYIS BSTOD CING BSNGAGS LAGS KYI, BCOM LDAN 'DAS THUGS BRTZE BAS NYE BAR BZUNG STE BZHES SU GSOL, BCOM LDAN 'DAS KYIS DRANG SRONG KE NA'I BU LA THUGS BRTZE BAR DGONGS NAS BTUNG BA BRGYAD PO BZHES SO, ,BZHES NAS DGE SLONG RNAMS LA BKA' STZAL BA, DGE SLONG DAG BTUNG BA BRGYAD PO 'DI DAG DUS SU BYIN LEN BYAS DUS SU MNYES, DUS SU BTZAGS, DUS SU BYIN GYIS RLABS NA DUS SU LONGS SPYOD PAR BYA ZHING, DUS MA YIN PAR YANG LONGS SPYOD PAR BYA LA, NAM GYI THUN DANG PO THAL NAS NI LONGS SPYAD PAR MI BYA'O, ,ZHES GSUNGS PA'I PHYIR DANG, RTZA BA LTAR RO, ,YANG 'DI LA HAM CAN KHA CIG NA RE, THUN STOD 'DAS NA BTUNG BA SLAR YANG NAM LANGS PAR DU THUN TSOD KYI SMAN DU BYIN GYIS RLABS CHOG ZER RO, , DE YANG SHIN TU MI LEGS PAR THAL, DE LA BTUNG BA BRGYAD PO DE GANG RUNG ZHIG DUS SU BYIN LEN BYAS RONG, LA, DUS MA YIN PAR MNYES PA DANG, BTZAGS PA DANG, BYIN GYIS RLABS PA YANG MI RUNG, DE GANG RUNG DUS SU BYIN

, ,LEN DANG, DUS SU MNYES PA 'AM BRDUNG LA, DUS MA YIN PAR BTZAGS PA DANG, BYIN GYIS RLABS PA YANG MI RUNG, DE GANG RUNG DUS MA YIN PAR BYIN LEN DANG, MNYES PA DANG, BTZAGS PA DANG, BYIN RLABS BZHI BYAS PA YANG MI RUNG BA'I PHYIR, DANG PO GRUB STE, DE LTAR BYAS PA SPYAD MI RUNG BA'I PHYIR TE, LUNG SNGA MA'I 'PHRO NYID DU SMAN GZHI LAS, BTUNG BA BRGYAD PO 'DI DAG DUS SU BYIN LEN BYAS LA, DUS MA YIN PAR MNYES, DUS MA YIN PAR BTZAGS, DUS MA YIN PAR BYIN GYIS RLABS PA NI LONGS SPYOD PAR MI BYA'O, ,ZHES GSUNGS PA'I PHYIR, GNYIS PA GRUB STE, DE'I 'PHRO NYID DU SMAN GZHI LAS, BTUNG BA BRGYAD PO 'DI DAG DUS SU BYIN LEN BYAS, DUS SU MNYES LA, DUS MA YIN PAR BTZAGS, DUS MA YIN PAR BYIN GYIS RLABS PA NI LONGS SPYOD PAR MI BYA'O, ,ZHES GSUNGS PA'I PHYIR, KHYED LTAR NA 'DI RUNG DGOS PA LA MI RUNG BAR BSHAD PAS SO, ,GSUM PA GRUB STE, DE'I 'PHRO NYID DU SMAN GZHI LAS, BTUNG BA BRGYAD PO 'DI DAG DUS MA YIN PAR BYIN LEN BYAS, DUS MA YIN PAR MNYES, DUS MA YIN PAR BTZAGS, DUS MA YIN PAR BYIN GYIS RLABS PA NI ZAS KYI 'OG TU YANG LONGS SPYOD PAR MI BYA LA, NAM GYI CHA STOD 'DAS NAS KYANG LONGS SPYAD PAR MI BYA'O, ,ZHES GSUNGS PA'I PHYIR, DES NA SMAN GZHI'I ZUR KHOL BYED MKHAN

KHA CIG GIS, DE DAG LA RGYAB RTEN BCOL BA YANG LEGS BSHAD MA YIN TE, 'DUN PAS 'GRO BA TZAM DU ZAD PA'I PHYIR RO, ,RIGS PA DANG SPRO BYA MANG MOD YI GES MI LANGS SO, ,GZHAN YANG THUN TSOD MTHA' DE 'DRAR BYIN GYIS SU, RLABS MI RUNG BAR THAL, THUN TSOD DU RUNG BA'I SMAN BYIN RLABS CAN NI LONGS SPYOD DUS NYIN MO DANG MTSAN MO'I THUN STOD LAS MA BSHAD PA'I PHYIR, LUNG GZHIR MA ZAD THUN TSOD DU RUNG BA'I SKABS KYI MA MO LAS KYANG, MTSAN MO'I THUN DANG PO'I BAR DU BTUNG BAR BYA STE, ZHES DANG, YANG DE'I SKABS KYI MA MO LAS, NYIN BAR DANG SROD KYI BAR DU BTUNG BAR BYA STE, ZHES GSUNGS PA'I PHYIR DANG, BAM LNGA LAS KYANG, MTSAN MO'I THUN DANG PO 'DAS NAS GSOG 'JOG TU 'GYUR RO ZHES DANG, 'GREL CHUNG LAS KYANG, DRO ZOS NAS DMAR THAG MA CHAD TSUN CHAD DU DGE SLONG 'THUNG NGU DBANG, DMAR THAG GI MTSAMS 'DAS TE 'THUNG NGU MI DBANG, ZHES GSUNGS PA'I PHYIR; RANG RANG GI MTHA' TSUN CHAD DU BYIN RLABS BSHAD PAS DUS MIN TU MI CHAGS TE, t'IKKAR BYIN LEN DANG, BYIN RLABS DUS KHO NAR BSHAD PA'I PHYIR, 'DI LA BTUNG BA DE'I RGYU DUS RUNG YIN NA BSNYEN RDZOGS KYIS SBYAR BTZAGS MI RUNG BAR THAL, RGYU DUS RUNG LA BYIN LEN BYAS TE SBYAR ZHING BTZAGS PA NA BTUNG BA DE SMAN RIGS GZHAN DU 'GYUR BAS BYIN LEN SNGA MA ZHIG STE LA GNYER 'GYUR PA'I PHYIR TE, t'IKKA LAS, DGE SLONG GIS TIL BYIN LEN

, ,BYAS TE BTZAGS NA DE'I TIL MAR GZOD BYIN LEN BYA DGOS LA, BUR SHING BYIN LEN BYAS TE BTZIR NA DE'I KHU BA GZOD BYIN LEN BYA DGOS SO, ,ZHES GSUNGS PA'I PHYIR, DES NA RGYU DUS RUNG GI BTUNG BA KHYIM PA 'AM DGE TSUL SOGS KYIS SBYOR DGOS TE, RTZA BAR, BSNYEN PAR MA RDZOGS PAS SBYAR ZHING TSAGS KYIS BTZAGS PAR BYA'O, ,ZHES GSUNGS PA'I PHYIR, DUS MA YIN PAR RUNG BA BU RAM GYI GONG DU LTA BU YIN NA SBYAR BTZAGS BSNYEN RDZOGS KYIS BYAS KYANG SKYON MED PAR THAL, DE LA BU RAM BYIN LEN BYAS PA SBYAR BTZAGS BYAS KYANG DUS MIN RUNG BA MI 'JIG PAS LAG NYAR MI 'GRO PA'I PHYIR TE, RANG GI RNAM BSHAD DANG, t'IKKA LAS, DUS MA YIN PAR RUNG BA NYID YIN NA NI BSNYEN PAR RDZOGS PAS SBYAR ZHING BTZAGS PA LA NYES PA MED DO, ,ZHES GSUNGS PA'I PHYIR, 'O NA, DGE SLONG GIS SNGA DRO BU RAM GYI BTUNG BA SBYOR MI RUNG BAR THAL, BU RAM GYI BTUNG BA SNGA DRO DGE SLONG GIS SBYOR TSE BYIN LEN MA BYAS NA LAG NYAR 'GYUR LA, BYIN LAN BYED NA ZA CHED MA YIN PA'I BYIN LEN YOD PAR 'GYUR BA'I PHYIR NA MA KHYAB STE, ZA CHED MA YIN PAR LAG NYA 'GOG PA'I BYIN LEN YANG SHIN TU GRAGS CHE LA RUNG BA'I PHYIR, DER THAL, DE'I TSE THOG MAR BYIN LEN BYAS PA DE ZA CHED MA YIN PAS LAG NYA 'GOG PA'I BYIN LEN BYAS NAS SBYAR BTZAGS SLAR YANG RUNG CHU BA MA BTANG NA

DUS MIN DU RUNG BAR MI 'GYUR BA GANG ZHIG, CHU BTAB PAS SLAR YANG BYIN LEN BYED PA PHYI MA ZA CHED KYI BYIN LEN YIN PA'I PHYIR TE, BAM PO LNGA BCU PA LAS, GAL TE DUS MA YIN PAR RUNG BA'I RDZAS LAS BTUNG BA DE SBYOR NA NI, BSNYEN PAR RDZOGS PAS KYANG DE NYID BYIN LEN BYAS TE SBYAR ZHING BTZAGS LA, GANG GI TSE 'THUNG PA'I TSE NA CHU GRANG MOS GDAB PA DANG, BYIN LEN BSTABS SU BCUG NAS BTUNG NGO, ,ZHES GSUNGS PA'I PHYIR, DE LTAR RIGS PA DANG SHES BYED GNYIS KA'I RTAGS ZUR DANG PO GRUB STE, BUR SHING DUS SU RUNG BA YIN KYANG BYIN LEN MA BYAS NA BCAS DBANG GIS ZA MI RUNG BA BZHIN DU BTUNG BA DE DUS MIN GYI BTUNG BA YIN KYANG CHU GRANG MOS 'DEBS DGOS PA BCAS DBANG YIN PA'I PHYIR, PHRAN TSEGS LAS, BTZUN PA DUS SU RUNG BA'I BTUNG BA NI GANG, DUS MA YIN PAR RUNG BA'I BTUNG BA NI GANG LAGS, BKA' STZAL PA, NYE BAR 'KHOR TSAGS LA MA BTZAGS PA NI DUS SU RUNG BA'O, ,TSAGS LA BTZAGS CHUS GTOR BA NI DUS MA YIN PAR RUNG BA'O, ,ZHES GSUNGS PA'I PHYIR RO, ,DER MA ZAD TSAGS LA BTZAGS KYANG DUS SU 'AM SNGA DRO SPYAD NA RUNG CHU MI BYED PHYI DRO SPYAD NA BYED DGOS PA KHYAD PAR YIN TE, 'OD LDAN LAS; DE'I PHYIR BTUNG BA TSAGS KYIS BTZAGS PA RUNG BA'I CHUS BSLAD PA ZHES BYA BAS BYE BRAG TU BYAS SO, ,ZHES GSUNGS PA'I PHYIR, 'DI DAG SHIN TU GO DGOS SO, ,YANG KHA CIG, SHA THAMS CAD DUS RUNG DANG MI SHA YANG

, ,DUS RUNG YIN PAR THAL, LUNG LAS, DUS SU RUNG BA NI LDE GU DANG 'BRAS CHAN DANG ZAN DRON DANG SHA DANG SNUM KHUR RO, ,ZHES GSUNGS PA'I PHYIR NA MA KHYAB STE, LUNG DE'I DON YA RABS NYE CHOS SHAS PA'I BRAM ZE DANG RGYAL RIGS KYIS ZA BA'I SHA DANG, ZAN SOGS LNGA BYIN NA DGE SLONG GIS KYANG SNGA DRO'I DUS SU SPYAD RUNG ZHES PA'I DON YIN PA'I PHYIR TE, SUM BRGYA PA LAS, YA RABS RNAMS KYI SHA DANG NYVA GNANG GANG, ZHES DANG, RANG 'GREL 'OD LDAN LAS, 'JIG RTEN NA YA RABS TE RIGS KYI CHOS DANG LDAN PA BYED PA RNAMS KYIS SHA 'AM NYVA SHA BZA' BAR GRAGS SHING GNANG BA GANG YIN PA LHUNG BZED DU 'ONGS PA DE BRTAGS SHING BZA' BAR BYA'O, ,ZHES GSUNGS PA'I PHYIR, RTZA BAR 'DOD NA, MI DANG GLANG PO SBRUL SPRE'U RNAMS KYI SHA YANG CHOS CAN, BCAS LDAN DGE SLONG SOGS RAB BYUNG SDE LNGAS DUS SNGA DRO KHO NAR SPYANG RUNG GI ZAS YIN PAR THAL, DUS RUNG GI SMAN YIN PA'I PHYIR, KHYAB STE, MI PHAL BA LA DUS RUNG BSHAD RGYU MED PA'I PHYIR, DER THAL, DUS RUNG ZHES PA'ANG BCAS PA YIN PA'I PHYIR, MA KHYAB MTSAMS LA 'DOD NA, RTZA BAR, MI'I SHA NI THAMS CAD DU'O, ,NAS, GLANG PO CHE DANG RTA DANG KLU RNAMS KYI SHA MI ZA'O, ,ZHES GSUNGS PA'I PHYIR, SHA ZA RUNG MI RUNG YANG RGYAS PAR THUB BSTAN BYI DOR DU LTOS, YANG KHA CIG, THUN TSOD DU RUNG BA'I SMAN DANG ZHAG BDUN PA'I

SMAN 'GAL BAR THAL, BYIN GYIS RLABS PA'I DE GNYIS 'GAL BA'I PHYIR NA MA KHYAB, RTAGS GRUB STE, DANG PO YIN NA THUN TSOD KYI MTHA' TSUN CHAD SPYAD RUNG DU BYIN GYIS RLABS PAS KHYAB, GNYIS PA LA ZHAG BDUN DU BYIN GYIS RLABS PAS KHYAB PA'I PHYIR, RTAGS GNYIS PA GRUB STA, RTZA BAR, RANG GI DUS KYI MTHA'I BAR BYIN GYIS RLAB PO, ,ZHES GSUNGS PA'I PHYIR, RTZA BAR 'DOD MI NUS TE, BU RAM GYI GONG BU LAS SBYAR BA'I BTUNG BA DE; DE GNYIS KA YIN PA'I PHYIR, DER THAL, DE THUN TSOD DU RUNG BA GANG ZHIG, ZHAG BDUN PA YIN PA'I PHYIR, DANG PO GRUB STE, THUN TSOD DU BYIN GYIS RLABS TE THUN TSOD KYI MTHA' TSUN CHAD DU BCAD BAR GNANG BA'I PHYIR TE; LUNG LAS BTUNG BA BRGYAD PO ZHES GSUNGS PA'I GCIG YIN PA'I PHYIR, KHYAB STE, RANG GI RNAM BSHAD DANG t'IKKA GNYIS LAS, DUS SU RUNG BA MA YIN PA'I RDZAS LAS BYAS PA'I BTUNG BA NYID KYI PHYIR, DUS THAMS CAD PA NYID YIN PAR SHES PAR BYA ZHING, BYIN GYIS RLABS PA'I PHYIR THUN TSOD DU RUNG BA NYID YIN PAR SHES PAR BYA'O, ,ZHES GSUNGS PA'I PHYIR, GNYIS PA GRUB STE, ZHAG BDUN PAR BYIN GYIS RLABS TE, ZHAG BDUN GYI MTHA' TSUR CHAD DU BCAD PAR GNANG BA'I SMAN YIN PA'I PHYIR TE, RTZA BAR, BUR MA YANG NGO, ,ZHES DANG, GZHAN NYID YIN NA DE'I GANG YIN PA'O, ,ZHES GSUNGS PA'I PHYIR, DES GZHAN GNYIS KYANG SHES, 'PHAGS YUL GYI

, ,'DUL 'DZIN KHA CIG NA RE, RO DANG SLA BA GZHAN DU MA 'GYUR NA KHYED 'DOD PA LTAR YIN KYANG RO DANG SLA BA GZHAN DU 'GYUR NA KHYOD KYI DE LTAR MA YIN TE, RO DANG SLA BA GZHAN DU 'GYUR NA GANG TSUN CHAD DU BYIN GYIS RLABS NAS LONGS SPYOD PA'I MTHA' DE NGO BO NAM 'GYUR GYI SKAD CIG MA YIN PA'I PHYIR, ZHES ZER, RTZA BAR, KHA CIG NA RE, MA 'GYUR NA DE YIN GYI 'GYUR NA GANG TSUN CHAD DE YIN PA'O, ,ZHES ZER RO, ,ZHES SO, ,DE LA SLOB DPON 'DIS GSUNGS PA, KHYOD KYI DE 'THAD PA MIN TE, KHYOD LTAR NA ZHAG LNGA NAS RO DANG KHU BA SLA BA GZHAN DU 'GYUR BA'I BU RAM GYI BTUNG BA DE ZHAG BDUN DU YANG BYIN BRLAB MI RUNG BAR 'GYUR PA GANG ZHIG, ZHAG LNGAR BYIN GYIS RLABS MI RUNG BAR 'GYUR PA'I PHYIR, DANG PO GRUB STE, KHYOD LTAR NA DUS LHAG PA LA BYIN RLABS MI BSTEN PA'I PHYIR, GNYIS PA GRUB STE, MNGON SHES MED PAS DE DUS 'GYUR PA MI SHES PAS BYIN GYIS MI RLABS PAR THAL BA'I SKYON YOD PA'I PHYIR TE, RTZA BAR, DE NI MA YIN TE, DUS LHAG PA LA BRTEN NA MI CHAGS PAR 'GYUR BA'I PHYIR DANG, DE 'BYUNG BAR 'GYUR PA PHAL BA RNAMS KYIS BGROD PA MA YIN PA'I PHYIR BYIN GYIS RLABS PAR BYA BA NYID MA YIN PAR 'GYUR BA'I PHYIR RO, ,ZHES GSUNGS, YANG SNGON GYI 'DUL 'DZIN RGYA DANG SHA MI SOGS NA RE, RTZA BAR, BYIN GYIS RLABS PA LA GSOG 'JOG MI 'BYUNG ZHES DANG, YANG RTZA

BAR; RO DANG SLA BA NYID YONGS SU 'GYUR NA GSOG 'JOG BYAS PA NYID YIN NO, ,ZHES GSUNGS PA GNYIS 'GAL LAM ZHE NA MI 'GAL TE, BU RAM GYI BTUNG BA ZHAG BDUN PAR BYIN GYIS RLABS LA ZHAG LNGA NAS RO DANG SLA BA GZHAN DU 'GYUR DES DE RO DANG SLA BA NAM GYUR DUS DER GSOG 'JOG 'BYUNG BA'I PHYIR, DER THAL, DE'I TSE DE'I BYIN RLABS ZHIG LA BYIN LEN MA ZHIG PA'I PHYIR, ZHES PA RGYA SHA MI MTSO SNA BA CHEN PO GSUM GYI LEGS BSHAD DU SNANG NGO, ,'DI LTAR BSHAD RGYU MED PAR MKHAS RLOM KHA CIG NA RE, SMAD NA SMAN GYI DGAG GZHUNG DKA', ZHES GRAGS KYANG DKA' RGYU MED ZER BA RANG NYID KYI MTSAN NYID SGROGS PA'O, ,'DI LA KHA CIG NA RE, BU RAM GYI BTUNG BA ZHAG BDUN PAR BYIN GYIS RLABS PA LAS BAR SKABS SU RO DANG SLA BA GZHAN DU 'GYUR BA CHOS CAN, GSOG 'JOG GI NYES PA RANG MTSAN PA MI 'BYUNG STE, BYIN LEN MED PA'I PHYIR, KHYAB STE, t'IKKA LAS, BYIN LEN MA BYAS PA LA GSOG 'JOG MI 'BYUNG NGO, ,ZHES GSUNGS PA'I PHYIR, GONG GI RTAGS GRUB STE, t'IKKA LAS, SLA BA 'BA' ZHIG YONGS SU 'GYUR NA YANG BTUNG BAR MI BYA STE, BYIN LEN MA BYAS PA'I PHYIR RO, ,ZHES GSUNGS PA'I PHYIR ZER BA LA, SNGA MA RNAMS RTAGS DE BYIN LEN MA BYAS PA DANG 'DRA BA'I DON YIN ZHES GSUNGS YANG BYIN RLABS MA BYAS PA'I PHYIR ZHES PA'I YI GE BYIN LEN MA BYAS PAR NOR BAR MNGON TE, DE LTAR MA YIN

, ,NA DE'I BYIN RLABS ZHIG BA CI YANG MA BSHAD PAR BYIN LEN ZHIG TSUL LAN GNYIS BSHAD PAR 'GYUR BA'I PHYIR RO, ,DE LTAR DOGS PA GCOD RIGS KYANG ZHIB CHA 'OG TU BYA'O, ,YANG KHA CIG NA RE, SKABS 'DI'I RO DANG SLA BA GZHAN DU 'GYUR BA NA BYIN LEN ZHIG PAR THAL, DE'I TSE SMAN GYI DNGOS PO GYUR BA'I PHYIR RO, ,t'IKKA LAS, 'DI GNYIS KYIS NI DE'I NGO BO NYID GYUR BAR BSTAN TE, ZHES DANG, NYANG MCHOMS?, RANG GI RNAM BSHANG LAS KYANG, NGO BO NYID 'GYUR BAR BSTAN TE, ZHES GSUNGS PA'I PHYIR ZER NA, MKHAS PA KHA CIG, SMAN GYI GNAS SKABS KYI NGO BO NYID 'GYUR BAS BYIN RLABS 'JIG KYANG SMAN RIGS KYI NGO BO MA 'GYUR BAS BYIN LEN MA ZHIG ZER BA t'IKKA DANG RIGS PA GNYIS KA DANG MI MTHUN NO, ,DES NA RANG LUGS LA, MTSO, RTZA BAR, BYIN GYIS RLABS BA LA GSOG 'JOG MI 'BYUNG, ZHES PA DANG, YANG RTZA BAR, RO DANG SLA BA NYID YONGS SU 'GYUR NA GSOG 'JOG BYAS PA NYID YIN NO, ,ZHES PA GNYIS DGONGS BA 'GAL BA'I SKYON MED PAR THAL, DE GNYIS SBYIR BTANG DMIGS BSAL YIN PAS TSIG 'GAL BA GANG ZHIG, PHYI MA DMIGS BSAL YIN PAS GTZO BOR BYED DGOS PA'I PHYIR, DANG PO GRUB STE, LUNG DANG BOS ZHAG BDUN PAR BYIN GYIS RLABS PA LTA BU YANG ZHAG BDUN GYI MTHA' TSUN CHAD DU LTUNG BA MI 'BYUNG BAR SPYIR BSHAD KYANG, DE'I DMIGS BSAL ZHAG 'DUN GYI SNGON

DU YANG RO DANG SLA BA GANG RUNG RE 'GYUR NA YANG 'CHANG NA GSOG 'JOG YONG BAR RJES SU BCAS PA'I PHYIR, DANG PO GRUB STE, t'IKKA LAS, GAL TE SMAN ZHAG BDUN PA DANG 'CHO BA'I BAR DU BCANG BAR BYIN GYIS RLABS BAR GYUR NA DE LA DUS DE TZAM GYIS GSOG 'JOG GI NYES PA MI 'BYUNG NGO, ,ZHES GSUNGS PA'I PHYIR, GNYIS PA GRUB STE, BCOM LDAN 'DAS KYIS ZHAG BDUN DU BYIN GYIS RLABS KYANG 'CHANG TSAD RO DANG SLA BA'I NGO BO GNYIS MA 'GYUR BAR DU 'CHANG LA DE NAS 'CHANG MI RUNG BAR BCAS PA'I PHYIR TE, LUNG SIL BU'I BU RAM GYI BTUNG BA'I SKABS LAS, BTZUN PA BCIGS BA DGUNG BDUN PAR BYIN GYIS RLAB TU RUNG NGAM, NYE BAR 'KHOR RUNG NGO, ,BTZUN PA YUN JI SRID DU BZHAG PAR 'CHAL BAR BGYI, NYE BAR 'KHOR, SHIN TU SLA ZHING MI SKYUR LA RANG GI NGO BO NYID MI SBONG BA DE SRID DU'O, ,ZHES GSUNGS PA'I PHYIR, KHYAB STE, NGO BO DE GNYIS 'GYUR NA ZHAG GANG LA BYUNG BA NAS GSOG 'JOG YONG BA'I PHYIR TE, t'IKKA LAS, DES NA BTUNG BA BYIN RLABS BYAS SHING BYIN GYIS RLABS BA RO DANG SLA BA NYID YONGS SU 'GYUR NA, RANG GI DUS KYI MTHA'I MDUN ROL TU GSOG 'JOG BYAS PA NYID DU 'GYUR TE, ZHES GSUNGS PA'I PHYIR, BYIN RLABS DANG BYIN LEN YOD MED GANG YIN KYANG LTUNG BA 'BYUNG BAR BCAS BAS SBYIR BTANG DANG MI 'DRA BA NI BCAS DBANG GIS YIN NO, ,'O NA DE'I TSE BYIN LEN YOD DAM MED CE NA, 'DIR t'IKKA LTAR BYIN LEN MED KYANG GSOG 'JOG GI NYES PA ZHIG

, ,NGES BAR 'ONGS TE, DE'I DUS SU MI 'CHANG BAR THUB DBANG GIS DMIGS KYIS BSAL BA DANG 'GAL BA'I PHYIR, KHYAB STE, LUNG LAS LTUNG BA SDE LNGA KA'I SKABS SU 'GAL TSAB BAM 'DAS PA DANG BCAS PAR GSUNGS PA'I DON YOD PA'I PHYIR, DES NA BYIN LEN KYANG MED PAR MNGON TE, SMAN GYI NGO BO GYUR ZIN PA'I PHYIR TE, RO MNGAR BA LAS SKYUR BA DANG SLA BA LAS SKA BAR GYUR BA'I PHYIR RO, ,BUR SHING DANG DE'I BTUNG BA BTZAGS PA BZHIN NO, ,DES NA BYIN RLABS KYANG DE DUS ZHIG PA YIN TE, BYIN LEN ZHIG PA'I PHYIR DANG, DE ZHIG PA BYIN RLABS KYI 'JIG RGYU YIN PA'I PHYIR, 'DI LA'ANG RO DANG SLA BA CUNG ZAD 'GYUR NA SMAN RIGS NYAMS MI DGOS KYANG, DE GNYIS SHIN TU 'GYUR NA SMAN RIGS NYAMS PAR 'GYUR TE, BU RAM GYI NGO BO DANG BTUNG BA NYAMS PA'I PHYIR RO, ,YANG RENG BU'I DU BA RDUB PA 'DI NANG PA MA YIN PAS MI RUNG BAR THAL, DU BA KHAR RDUB DANG SNAR RDUB PA MU STEGS PA'I BRTUL ZHUGS THA CHAD YIN PA'I PHYIR TE, GZHI 'GREL LAS, MU STEGS KYI DKA' THUB CES BYA BA NI DU BA RDUB BA LA SOGS PA'O, ,ZHES GSUNGS PA'I PHYIR, YANG SMAN GCE'U SMAN THUR GYI MING? YIN LA, 'GREL CHUNG LAS SMYUG MA'I SBU GU BSHAD PA MI 'THAD PAR THAL, PHRAN TSEGS 'GREL BAR PAn CHEN TSUL KHRIMS BSKYANGS KYIS, SMYUG MA'I SBU GUS RDUB PAR MI BYA'O, ,ZHES GSUNGS PA'I PHYIR, YANG PHYI DAR

GYI 'DUL BA 'DZIN PA'I MES PO RGYA DBANG PHYUG TSUL KHRIMS KYIS, SMAN ZHAG BDUN PA NI GANG ZAG LNGAS BYIN GYIS BRLAB TU RUNG STE, LAM DU ZHUGS PA DANG DGE SKOS DANG LAG GI BLA DANG NANG PA STE BZHI DANG, ZAN CHAD PAS KYANG BYIN GYIS RLABS RUNG BA'I PHYIR, BYAS PA LA SNGA PHYI'I MKHAS PA DANG RTOG GE BA DU MA NA RE, ZAN CHAD PAS KYANG BYIN GYIS RLAB TU RUNG BA'I GZHUNG MED CING, BYIN GYIS RLAB TU RUNG BA'I RKYEN DANG MI LDAN PA'I PHYIR RO, ,ZER RO, ,DE DAG MI LEGS PAR THAL, ZAN CHAD KYI CHO GA BYAS BA LA DE DAG MTSO, GNANG DMAR DANG RJES 'BRANG, BAS 'DIR YANG YANG BSHAD PA'I PHYIR TE, RTZA BAR, DE BYIN GYIS RLABS PA BZA' BA LA LAM DU ZHUGS PA DANG DAG SKOS DANG LAG GI BLA RNAMS NAD PA DANG 'DRA BA NYID YIN NO, ,ZAN CHAD BAS KYANG DE DANG DUS SU RUNG BA MA YIN PA BZA' BAR RUNG NGO, ,ZHES DANG, t'IKKA LAS KYANG, DGE SLONG ZAN CHAD PAS KYANG BU RAM BYIN GYIS RLABS PA DE YANG NAD PA DANG 'DRA BA NYID DU BZAR RUNG LA, ZHES GSUNGS PA'I PHYIR, LTUNG BYED SKABS SU YANG BSHAD DO, ,DES NA MANG PO ZHIG NA RE, ZAN CHAD PAS DBANG GIS ZHAG BDUN PA'I SMAN BYIN GYIS BRLAB TU RUNG BA MI 'THAD DE, DE BYIN RLABS KYI DUS SNGA DRO YIN LA, ZAN CHAD PA'I DUS PHYI DRO'I DUS BYIN RLABS MI RUNG BA'I PHYIR, ZER BA'ANG MI 'THAD PAR THAL, 'DI'I ZAN BCAD KYI CHO GA BYAS PA YIN GYI DE LTAR BSHAD PA NGO TSA'I GNAS YIN PA'I PHYIR TE, GSOG 'JOG LTUNG BYED SKABS KYI

, ,RTZA BA LAS, ZAN BCAD PAR BYAS PA'I'O, ,NYI MA DANG PO LA SBAR GANG NGO, ,GNYIS PA LA DE'O, ,GSUM PA LA NI CI TZAM GYIS CHOG PA'O, ,ZHES GSUNGS PA'I PHYIR, KHYAB STE, DES ZAN CHAD KYI CHO GA BSHAD BA LTAR t'IKKA DANG BAM LNGA SOGS KYIS BSHAD BA'I PHYIR, DES BYIN RLABS BYAS CHOG TSUL DRANGS ZIN PA'I PHYIR, YANG KHA CIG NA RE, BU RAM GYI GONG BU CHOS CAN, DUS RUNG GI ZAS YIN PAR THAL; RNAM BSHAD RIN CHEN 'PHRENG PA LAS, BU RAM SOGS NI DUS SU YANG RUNG BA STE, 'GREL BAR, BZA' BA THAMS CAD DUS SU RUNG BA NYID YIN BAS LOGS SHIG TU MA BRJOD DE BYE BRAG MED PA'I PHYIR RO, ,ZHES DUS THAMS CAD DU RUNG BA'I SMAN DU BSHAD PAS, ZHES GSUNGS PA'I PHYIR NA MA KHYAB STE, DE DUS MI RUNG GI SMAN DU BSHAD PA'I PHYIR, RTZA BAR 'DOD MI NUS TE, DUS RUNG GI SMAN MA YIN PA'I PHYIR TE, RNAM BSHAD RIN CHEN 'PHRENG BA LAS; BU RAM BYIN GYIS MA RLABS BA YANG THAMS CAD DU RUNG BAS DANG PO NYID MA YIN NO, ,ZHES GSUNGS PA'I PHYIR, SMRAS PA, BSLAB BA GSUM LDAN THOS BSAM SGOM GSUM LA, ,LEGS SPYOD DGE SLONG SO SO SKYE BO YANG, , PAn 'BUM GYI GOS DANG RO BRGYA'I ZAS, ,KHANG MIG LNGA BRGYA MA SLOB BA BZHIN DBANG, ,SANGS RGYAS BZHUGS DUS SU YANG SDE SNOD GSUM, ,'DZIN SLOB DGE SLONG 'ONGS NA DPAG TSAD DAM, ,RGYANG GRAGS SOGS SU DGE 'DUN GYIS

BSUN, ,GANGS CAN LJONGS NA 'DUN SOGS DBANG GIS ROL, ,KHYAD 'PHAGS NYE BAR 'KHOR DANG DE'I RJES 'GRO, 'PHAGS YUL BOD GNYIS CHOS BSHES DGE LEGS BSHES, ,LJONGS 'DI'I THUB BSTAN BDAG PO RJE YAB SRAS ; ;SKYES RABS NYIN BYED PHRENG BAS SKYE RGU SKYONGS, ,ZHES PA'ANG BAR SKABS KYI TSIGS SU BCAD PA'O, ,SMAN GZHI LEGS PAR BSHAD ZIN TO,, ,,THAMS CAD LA 'JUG PA LAS KYI GZHI 'CHAD PAR, ,CHO GA LAS 'DAS NA LAS MI CHAGS SO, ,'DIR CHO GA NI DGE 'DUN TSANG BA DANG LAS BRJOD PA DANG, LAS BYED PA NYID DO, ,ZHES SOGS BYUNG, 'DI LA GLENG GZHI, DGOS PA, SPYI DON, MTHA' DPYAD PA BZHI LAS, DANG PO YOD DE, DRUG SDES GCIG GIS GCIG GI DANG GCIG GIS GNYIS KYI DANG GCIG GIS MANG PO'I DANG, DE BZHIN DU GNYIS KYIS GCIG GI NAS MANG PO'I DANG GCIG GIS TSOGS KYI LAS KYI BAR BYED, GSUM GYIS KYANG DE BZHIN DANG TSOGS KYIS GCIG NAS TSOGS KYI BAR GYI LAS BYED PA DE GSOL PAS, GCIG GIS GCIG GI MI BYA BA NAS, TSOGS KYIS TSOGS KYI MI BYA'O'I BAR BCAS TE, 'ON KYANG LAS LA DBANG BA'I DGE 'DUN LNGA YOD DE, DGE SLONG BZHI DANG LNGA DANG BCU DANG NYI SHU DANG DE LAS LHAG PA'I DGE 'DUN NO, ,ZHES TSOGS KYI BYA BA BZHIR MA TSANG BAS BYED PA DANG, DE BZHIN DU NYI SHU'I BAR GYI BYA BA DE MA TSANG BAS BYAS NA CHOS DANG 'DUL BA MA YIN PAR BCAS PA'I PHYIR, YANG

, ,MNYAN YOD DU DGE SLONG MA'I DGE 'DUN BZHI SDE LNGA SDE BCU GNYIS SDES LAS THAMS CAD LA GNYIS KA'I DGE 'DUN 'DUS PA KHA DON SOGS LA GNOD PA GSOL BAS, DBYUNG BA DANG, BSNYEN RDZOGS DANG, SPYIS BYA BA'I LAS MA GTOGS PA LA DGE SLONG PHA MA'I LAS SO SOR GYIS ZHES BCAS PA'I PHYIR, GNYIS PA DGOS PA YOD DE, LAS KYI RNAM BZHAG SHES PA LA BRTEN NAS BSNYEN RDZOGS SOGS KYI LAS DE DANG DE CHAGS PAS RANG RANG GI 'BRAS BU BSNYEN RDZOGS SOGS 'GRUB CING BRGYA RTZA'I GRANGS BSHAD BAS LUNG MA DAG PA'I CHO GA MI 'JUG PA'I CHED YIN PA'I PHYIR, GSUM PA LA CHO GA'I RNAM BZHAG DANG, LAS KYI RNAM BZHAG DNGOS GNYIS, DANG PO LA CHO GA'I NGO BO DANG, DE'I KHYAD PAR BSHAD PA GNYIS, NGO BO YOD DE, DGE 'DUN GRANGS TSANG ZHING KHA SKONG 'OS PA'I LAS BYED GYIS LAS GSUM CI RIGS MA 'KHRUL BAR BRJOD NAS NYAMS SU MYONG BA'I THABS DE DE YIN PA'I PHYIR RO, ,RTZA BAR, 'DIR CHO GA NI DGE 'DUN TSANG BA DANG LAS BRJOD PA DANG LAS BYED PA NYID DO, ,ZHES GSUNGS PA'I PHYIR, t'IKKA LAS KYANG, ZHES BYA BA NI CHO GA'I RNAM PA BSTAN TE, ZHES GSUNGS PA'I PHYIR, GNYIS PA DE'I KHYAD PAR LA LAS CHAGS PA'I GZHI'I YAN LAG, BSAM PA'I YAN LAG, LAS BRJOD PA'I NGO BO'I YAN LAG, LAS THOS PA NYAMS SU MYONG BA'I YAN LAG, LAS CHAGS PA'I DUS

KYI YAN LAG LNGA LAS, DANG PO LA GSUM YOD DE, BLO MTHUN GYI GZHI DGE 'DUN RJOD PAR BYED PA'I LAS MKHAN, GANG LA SGRUB PA'I BSGRUB BYA GSUM YOD PA'I PHYIR, DANG PO KHYAD PAR GSUM LDAN DGOS TE, GRANGS TSANG BA, KHA SKONG 'OS PA, MI MTHUN PA GNYIS DANG BRAL BA GSUM DGOS PA'I PHYIR, DANG PO GRANGS TSANG LUGS BCU GCIG YOD DE, RIN CHEN 'PHRANG BA LTAR BZHI BCU'I DANG NYER GNYIS KYI DANG NYI SHU'I DANG BCU GNYIS KYI DANG BCU GCIG GI DANG BCU'I DANG DGU'I DANG BRGYAD KYI DANG DRUG GI DANG LNGA'I DANG BZHI'I DGE 'DUN GRANGS TSANG BA DGOS PA'I PHYIR TE, RNAM BSHAD NYI ZER GYI SDOM LAS, BZHI BCU NYI SHU NYI SHU GNYIS, ,BCU GNYIS BZHI PAR BDUN MA GTOGS, ZHES DANG, RNAM BSHAD LAS, DE YANG GRANGS TSANG TSAN PA BCU GCIG CES GRAGS PA NI, ZHES GSUNGS PA'I PHYIR, DANG PO GRUB STE, YUL DBUS SU DGE SLONG MA'I SPO DBYUNG MGU DBYUNG SOGS KYI DBYUNG BA'I LAS LA; DGE SLONG PHA NYI SHU MA NYI SHU STE BZHI BCU DGOS PA'I PHYIR TE, RNAM BSHAD LAS, MA'I DBYUNG BA LA PHA MA NYI SHU NYI SHU STE BZHI BCU DANG, ZHES GSUNGS PA'I PHYIR, GNYIS PA GRUB STE, DBUS SU MA BSNYEN PAR RDZOGS PA LA DGE SLONG PHA BCU DANG, DGE SLONG MA BCU GNYIS TE NYER GNYIS DGOS PA'I PHYIR TE, RNAM BSHAD LAS, BUD MED DBUS SU RDZOGS PAR BYED PA LA NYER GNYIS DANG, ZHES GSUNGS PA'I PHYIR, GSUM PA GRUB STE, MTHA' 'KHOB TU DGE

, ,SLONG MA DBYUNG BA'I LAS LA DGE SLONG PHA BCU DANG MA BCU STE NYI SHU DGOS BA'I PHYIR DANG, DBUS SU PHA DBYUNG BA LA YANG PHA NYI SHU DGOS PA'I PHYIR TE, RNAM BSHAD LAS, DGE SLONG GI DBYUNG BA LA NYI SHU DANG, ZHES GSUNGS PA'I PHYIR, BZHI PA GRUB STE, DBUS SU SNGA ROL GYI SDOM PA GNYIS TE, DGE SLONG MA DANG TSANGS SPYOD NYER GNAS KYI SDOM BA GNYIS DANG 'KHOR DANG 'KHOR MANG PO 'JOG PA'I GNANG BA'I LAS RNAMS LA DGE SLONG MA BCU GNYIS DGOS PA'I PHYIR TE, RNAM BSHAD LAS, MCHOG SOGS LNGA LA DBUS SU BCU GNYIS DANG, ZHES GSUNGS PA'I PHYIR, LNGA PA GRUB STE, MTHA' 'KHOB TU DGE SLOB MA BSNYEN PAR RDZOGS PAR BYED PA LA DGE SLONG PHA LNGA DANG MA DRUG STE BCU GCIG DGOS PA'I PHYIR TE, RNAM BSHAD LAS, MCHOG LA MTHA' 'KHOB TU BCU GCIG DANG, ZHES GSUNGS PA'I PHYIR, DRUG PA GRUB STE, DBUS SU PHA BSNYEN RDZOGS LA 'DUL BA 'DZIN PA LAS BYED DANG BCAS PA'I BCU DGOS PA'I PHYIR TE, t'IKKA LAS, DBUS SU BSNYEN PAR RDZOGS PA LA NI BCU LA SOGS PA'O, ,ZHES GSUNGS PA'I PHYIR, BDUN PA GRUB STE, MA'I DGAG DBYE LA LAS BYED DANG BCAS PA'I PHA LNGA DANG MA BZHI STE DGU DGOS PA'I PHYIR TE, RNAM BSHAD LAS, MA'I DGAG DBYE LA PHA LNGA DANG MA BZHI STE DGU DANG, ZHES GSUNGS PA'I PHYIR, BRGYAD PA GRUB STE, DGE SLONG MA'I SPO SPYOD MGU SPYOD LAS LA DGE SLONG PHA BZHI MA

BZHI STE BRGYAD TSANG DGOS PA'I PHYIR TE, RNAM BSHAD LAS, MA'I MGU PA LA PHA MA BZHI BZHI STE BRGYAD, CES GSUNGS PA'I PHYIR, DGU PA GRUB STE, MTHA' 'KHOB TU SNGA ROL GYI SDEM PA GNYIS SBYIN PA DANG 'KHOR DANG GSUM PHAN CHAD GYI 'KHOR MANG 'JOG PA'I GNANG BA RNAMS LA MA DRUG DGOS PA'I PHYIR TE, RNAM BSHAD LAS, MCHOG SOGS LNGA LA MTHA' 'KHOB TU DRUG DANG, ZHES GSUNGS PA'I PHYIR, BCU PA GRUB STE, DGE SLONG PHA'I DGAG DBYE BYED PA LA BYED PA PO BSKON PHA LNGA DGOS PA'I PHYIR TE, RNAM BSHAD PAS MTHA' 'KHOB TU PHA CHOG DANG DGAG DBYE LA LNGA DGOS BAR GSUNGS PA'I PHYIR, BCU GCIG PA YOD DE, DGAG DBYE BYED PA MI BSKO BAR DGAG DBYE BYED NA PHA BZHIS CHOG BA'I PHYIR TE, LAS PHAL CHER BZHIS BYED PA'I PHYIR TE, t'IKKA LAS, LAS GZHAN THAMS CAD LA NI BZHI LA SOGS PA'O, ,ZHES DANG, RTZA BAR YANG, LHAG MA DAG LA NI BZHI LA SOGS PA'O, ,ZHES GSUNGS PA'I PHYIR, MA'I SKABS SU YANG, RTZA BAR, LHAG MA DAG GI TSOGS NI BZHI'I, ,ZHES GSUNGS PA'I PHYIR, DES NA BZHI BCU DANG NYI SHU DANG DGU DANG BRGYAD DANG LNGA DANG BZHI'I GRANGS NGES CAN YIN TE, DE MA TSANG NA LAS MI CHAGS PA'I PHYIR TE, NYER GNYIS DANG BCU GNYIS DANG BCU GCIG DANG BCU DANG DRUG GI GRANGS DGOS PAR BSHAD PA DE LAS NYUNG NA LAS CHAGS PA YOD KYANG BYAR MI RUNG STE, BYED PA PO LA NYES BYAS SKYED PA'I PHYIR, GNYIS PA KHA SKONG 'OS PA'I TSES BCU GSUM MA MA BCO LNGA YOD DE, GZHI LAS BSHAD PA BCU ZHU

, ,BA LAS BSHAD PA GSUM STE BCU GSUM MAM, RUNG MTHUN GNYIS DANG BCO LNGA YOD PA'I PHYIR, DANG PO BCU YOD DE, 'GRENG BA MA YIN PA, SBYIN BSKO CHAD PA'I LAS GSUM LA GANG LA BYA BA MA YIN PA DANG, 'DUN PA DANG YONGS DAG PHUL BA MA YIN PA DANG, BSNYEN PAR MA RDZOGS PA MA YIN PA DANG, PHAM PAS NYAMS PA MA YIN PA DANG, MTSAMS MED BYAS PA MA YIN PA DANG, SDIG PA'I LTA NGAN DRUG CU GANG RUNG CAN MA YIN PA DANG, SA GZHAN NYER LNGA GANG RUNG NA GNAS PA MA YIN PA DANG, THA DAD DU GNAS PA MA YIN PA DANG NYES BYAS YAN CHAD 'KHRUL BCAS MA YIN PA RNAMS SU YOD PA'I PHYIR TE, DE SKAD DU, RTZA BAR, MI 'DUG PAR 'GRENG BA NI KHA SKONG BA NYID MA YIN NO, ,GANG LA BYA BA YANG MA YIN NO, ,'DUN PA DANG YONGS SU DAG PA'I CHO GA LAS MA YIN PA NYID DO, ,BSNYEN PAR MA RDZOGS PA DANG NYAMS PA DANG, MTSAMS MED PA LNGA BYAS PA DANG, SDIG PA'I LTA BA CAN DANG SA GZHAN NA GNAS PA DANG THA DAD PAR GNAS PA RNAMS KYANG MA YIN NO, ,'KHRUL PA DANG BCAS PA YANG NGO, ,ZHES GSUNGS PA'I PHYIR, DE DAG GI GZHAN SLA, SA GZHAN PA NYER LNGA YOD DE, SPO SPYOD GSUM, MGU SPYOD GSUM, SPO LDAN GSUM, MGU LDAN GSUM, NGO BO NYID TSOL BA BYIN PA DANG, BSLAB PA BYIN PA GNYIS, BSDIGS SMAD, BSKRAD, PHYIR 'GYED GNAS DBYUNG BDUN TE NYI SHU RTZA LNGA YOD PA'I PHYIR, 'KHRUL BCAS NI NYES BYAS YAN CHAD YIN

TE; RTZA BAR, BSDAM PAR BYA BAS KYANG YIN GYI BSHAGS PAR BYA BA 'BA' ZHIG GIS YIN PAR MA ZAD DO, ,ZHES GSUNGS PA'I PHYIR, GNYIS PA ZHU BA'I GSUM YOD DE, MTSAMS GZHAN MA YIN PA DANG, DKON MCHOG GZHAN MA YIN PA DANG, MTSAN MI MTHUN PA MA YIN PA GSUM YOD PA'I PHYIR, DANG PO GRUB STE, RTZA BAR, MTSAMS GZHAN NA GNAS PA NI GANG GI YAN LAG NYID KYANG MA YIN NO, ,ZHES GSUNGS PA'I PHYIR, GNYIS PA GRUB STE, RIN CHEN PHRENG BA LAS, RGYAL BA DE'I GRANGS KYI KHA SKONG BAR BYED PA NYID MA YIN NO, ,ZHES GSUNGS PA'I PHYIR, GSUM PA GRUB STE, RTZA BAR; 'DI LA MTSAN MI MTHUN PA NYID NI YAN LAG MA YIN NO, ,ZHES GSUNGS PA'I PHYIR, GSUM PA RUNG MTHUN GNYIS DGOS TE, LKUG GLEN SMYO GSUM MA YIN PA'I THA SNYAD GSUM LDAN DANG, LUS THA MAL DU GNAS PA DGOS PA'I PHYIR TE, ZHU BA LAS, SMYON PA DANG SEMS 'KHRUG PA DANG TSOR PAS GZIR BA DANG GLEN PA DANG LKUG PA DANG, 'ON PA DANG GNYID LOG PA DANG SNYOMS PAR 'JUG PA RNAMS KYIS GRANGS SU BSKANG STE, DGAG DBYE BYAS NA BYAS ZHES BGYI 'AM, AU PA LI, DGAG DBYE MA BYAS PA ZHES BYA STE, DGE 'DUN 'DAS PA DANG BCAS PAR RO, ,ZHES GSUNGS PA'I PHYIR, 'DI LA BYIN RLABS DANG GLO BUR DGAG DBYE DANG YONGS DAG 'BUL PA GSUM YOD DO, ,'DI DAG GI ZHIB CHA MTHA' DPYOD DU 'CHANG NGO, ,RTZA BA'I KHYAD PAR GSUM PA MI MTHUN PA GNYIS DANG BRAL DGOS TE, MA 'DUS PA'I MI MTHUN PA DANG, 'DUN

, ,PA PHYIR BZLOG GI MI MTHUN PA GNYIS DANG BRAL DGOS PA'I PHYIR, DANG PO GRUB STE, MA 'DUS PA'I MI MTHUN PA SKYED PA LA LAS DE'I MTSAMS NANG DU GTOGS PA DANG KHA SKONG 'OS PA DANG, LUS SAM 'DUN PA GANG RUNG GIS KYANG MA 'DUS PA STE GSUM DANG, SMYON PA'I GNANG BA MTHOB PA DANG, ZHE 'GRES MA YIN PA DANG, MTSAMS DER YOD PAR DGE 'DUN GANG RUNG YID GNYIS ZA BA YAN CHAD DGOS PA'I PHYIR, DANG PO GRUB STE, RTZA BAR, DE'I MTSAMS KYI KHONGS SU GTOGS PA KHA SKONG BAR 'OS PA, LUS SAM DE LA 'DUN PAS 'DUS PAR RJES SU MA ZHUGS PA NYID DANG, ZHES GSUNGS PA'I PHYIR, GNYIS PA GRUB STE, RTZA BAR, MYOS PA'I GNANG BA THOB BAS MI MTHUN PA NYID DU MI 'GYUR RO, ,ZHES GSUNGS PA'I PHYIR, GSUM PA GRUB STE, RTZA BAR; BSAM PA THAG PA NAS BTZAL TE GO BA LOB MA BYAS PA NI DAG PA'I BYED PA YIN NO, ,ZHES GSUNGS PA'I PHYIR, GONG GI RTAGS GNYIS PA GRUB STE, KHYAD PAR BRGYAD LDAN GYI DGE SLONG GIS LAS 'DI MI CHAGS SAM BYAR MI RUNG SOGS SMRA BA DANG BRAL DGOS PA'I PHYIR, KHYAD PAR BRGYAD YOD DE, DE LAS DE'I MTSAMS KHONGS SU GTOGS PA DANG, CHOS LDAN GYI CHAD LAS BYA YUL MA YIN PA DANG, SPYOD LAM MA NYAMS PA DANG, LUS NGAG RANG BZHIN DU GNAS PA DANG, NGAG BSDAM PA DANG, PHYIR BZLOG CHAGS MI CHAGS MI SHES PA MA YIN PA DANG, YUL DE NANG ZHE 'KHON MED PA

DANG; KHA BSKANG 'OS PA STE KHYAD PAR BRGYAD LDAN ZHIG GIS DE LTAR SMRA DGOS PA'I PHYIR TE, RTZA BAR, PHYIR ZLOG BYED PAR YANG GANG LA LAS DE BYA BA DE LAS GZHAN PAS GAL TE MI MTHUN PA DANG LDAN NA SPYOD LAM LAS MA NYAMS PA DANG, RANG BZHIN DU GNAS PA DANG, NGAG YANG DAG PAR BSDAM PAS MNGON PAR MI SHES PA DANG, NANG DANG BCAS PA MA GTOGS PA NI MI MTHUN PA NYID DO, ,ZHES GSUNGS PA'I PHYIR, GNYIS BRJOD PAR BYED PA LAS MKHAN NI KHYAD PAR BCU GSUM GYI STENG DU LAS DE DANG DE BYED PA LA MKHAS PA ZHIG DGOS TE, MI 'DUG PAR 'GRENG BA NAS 'KHRUL BCAS PAR DANG LDAN PAS DE BYA MI RUNG BA'I PHYIR, DER THAL, DE DAG GI SA LAS BYAS KYANG MI CHAGS PA'I PHYIR TE, RTZA BAR, DE DGE NI BYED PO NYID MA YIN NO, ,ZHES GSUNGS PA'I PHYIR, DMIGS BSAL LA CHAGS PA YANG YOD DE, 'DON PA PO MED NA, SPO SPYOD MGU SPYOD SPO LDAN MGU LDAN RNAMS KYIS KYANG SO THAR GYI MDO 'DON PA CHAGS SHING, DE BZHIN DU MED NA TSANGS SPYOD KYI SDOM PA MA GTOGS PA'I LAS THAMS CAD CHAGS PA'I PHYIR, DANG PO GRUB STE, RTZA BAR, LHAG MA DANG BCAS PA'I PHYIR BCOS PA LA ZHUGS PA NI 'DON PAR BYED PA NYID YIN NO, ,ZHES GSUNGS PA'I PHYIR, GNYIS PA GRUB STE, LUNG LAS, SPO BA BGYID PA'I DGE SLONG GIS GNAS NAS PHYUNG BA BRJOD PAR BGYI 'AM NYE PAR GNAS PA'I SDOM PA MA GTOGS PAR LAS THAMS CAD BYAS PAR BRJOD PAR BGYI'O, ,ZHES GSUNGS PA'I PHYIR, DE DAG LA MKHAS PA DGOS TE, TSIG PHYED KYANG MA

, ,'KHRUL BAR BLO NAS THON DGOS DPE THOG NAS MI RUNG BAR BSHAD PA'I PHYIR TE, RTZA BAR, LEGS PAR THON PAS GDON TE, TSIG PHYED KYANG MA 'KHRUL BA NYID NA'O, ,ZHES PA DANG, t'IKKA LAS KYANG GRUB PO, ,GSUM PA BSGRUB BYA DON GYI GZHI LA GNYIS SU YOD DE, BSGRUB BYA SEMS CAN MIN PA LA BYA BA DANG, BSGRUB BYA SEMS CAN LA BYA BA GNYIS SU YOD PA'I PHYIR TE, 'DUL BA BSDUS PA LAS, DE DAG KYANG GZHI LA BRTEN PA YIN TE, SEMS CAN DU BGRANG BA DANG SEMS CAN DU BGRANG BA MA YIN PA'O, ,ZHES GSUNGS PA'I PHYIR, DANG PO LA BCU GCIG 'DUL BA BSDU BAR BSHAD DE, GSO SBYONG GI GNAS LA BLO MTHUN DANG, GSO SBYONG GNAS KYI SDOM PA SBYIN PA DANG, MTSAMS PO CHE GCOD PA DANG, DE BKROL BA DANG, MTSAMS BU CHUNG GCOD PA DANG, DE BKROL BA DANG, CHUNG KHANG BLO MTHUN BYA BA DANG, DE BKROL BA DANG, MTSAMS LAS MI 'BRAL BA'I GNANG BA SBYIN PA DANG, SRA BRKYANG GDING BA'I BLO MTHUN DANG SRA BRKYANG DBYUNG BA DANG BCU GCIG YOD CING, DE DAG GI GZHIS PHYOGS RUNG BA TSAD LDAN SOGS DGOS PA'I PHYIR, LAS DE DAG GI GZHI'I YUL BSDUS NA GSUM DU 'DU STE, GSOL BA 'BA' ZHIG PA'I YUL DANG, GSOL GNYIS KYI DANG, GSOL BZHI'I YUL GSUM YOD PA'I PHYIR, DANG PO NI, GSOL BA 'BA' ZHIG PA'I LAS KYIS SHI BA'I YO BYAD BYIN GYIS RLOBS BA LTA BU DANG, GNYIS PA NI, GSOL GNYIS KYIS MTSAMS CHE CHUNG BCAD PA DANG GNAS LA BLO MTHUN LTA BU

DANG; GSUM PA NI, GSOL BZHIS SRA BRKYANG 'BYUNG BA LTA BU YIN PA'I PHYIR, GNYIS PA YOD DE, KHYIM PA'I RTEN LA DANG, RAB BYUNG GI RTEN LA BYA BA GNYIS YOD PA'I PHYIR, DANG PO LA LHUNG BZED KHA PHUB PA DANG, DE BSRANG BA DANG, KHYIM GYI BSLAB PA'I SDOM PA SBYIN PA DANG, DE PAG YANGS SU BYA BA DANG, MU STEGS KYI GNAS PA SBYIN PA LNGA YOD CING, DE DAG GI GZHI SO SO'I MTSAN NYID LDAN PA DGOS TE, MA TSANG NA LAS MI CHAGS PA'I PHYIR TE, DPER NA LHUNG BZED KHA PHUB PA'I GZHI KHYIM PA YIN PA RAB BYUNG LA SKUR BA 'DEB CING SPYOD PA YIN PAR DE BZHIN DU GNAS PA, RANG GI PHYOGS GTOGS YIN PA, SNGAR LHUNG BZED PHUB ZIN MA YIN PA DGOS KYI PHUB ZIN LA MI CHAGS PA LTAR LAS THAMS CAD LA 'DRA BA'I PHYIR TE; LUNG LAS, BTZUN PA BSDIGS PA'I LAS BGYIS PA LA BSDIGS PA'I LAS BGYIS NA LAS BGYIS BA ZHES BGYI'AM, AU PA LI MA YIN NO, ,ZHES PA NAS, DE BZHIN DU LAS THAMS CAD KYANG 'KHOR LO BRGYUD BZHIN DU BYA'O, ,ZHES GSUNGS PA'I PHYIR; GNYIS PA YOD DE, BSNYEN RDZOGS KYI RTEN LA BYA BA DANG BSNYEN PAR MA RDZOGS PA'I RTEN LA BYA BA GNYIS YOD PA'I PHYIR, DANG PO RTZA BA'I DBYE NA, SBYIN PA'I DANG, BSKO BA'I DANG, MTHUN PA'I DANG, BYIN GYIS RLABS PA'I DANG, YO BYAD SBYIN PA'I DANG, RJES SU GNANG BA'I DANG, RANG GI DON LA SBYAR BA'I DANG, RAB TU BYUNG BA LA MKHO PA BZHAG PA'I BAR BRGYAD DANG, YAN LAG GI DBYEN BRGYAD DANG NYI SHU YOD DE, SBYIN PA'I LAS ZHE BRGYAD DANG, BSKO PA'I LAS SO GSUM DANG

, ,MTHUN PA'I LAS BCU GSUM SOGS YOD LA, DE DAG GI BSGRUB BYA'I MTSAN NYID KYANG TSANG DGOS PA'I PHYIR, GNYIS PA BSNYEN PAR MA RDZOGS PA'I RTEN LA BYA BA GNYIS YOD DE, SBYIN PA BSNYEN PAR RDZOGS PA'I SDOM PA SBYIN PA DGE SLOB MA'I SDOM PA SBYIN PA SOGS SBYIN BA'I LAS GRANGS GZHUG DANG BZLOG SGO SOGS YOD LA, DE DAG GI BSGRUB BYA LA YANG MTSAN NYID TSANG DGOS PA'I PHYIR TE, LUNG LAS, RAB TU BYUNG ZHING BSNYEN PAR MA RDZOGS PA RNAMS LA YANG DE DAG BYA BA NYID DO, ,ZHES GSUNGS PA'I PHYIR, GNYIS PA LAS CHAGS PA BSAM PA'I KHYAD PAR YOD DE, 'DU SHES DANG KUN SLONG GI KHYAD PAR GNYIS YOD PA'I PHYIR, DANG PO YOD DE; DGE 'DUN DANG LAS BYED KYIS LAS DE RUD PA'I MTSAN NYID DU 'DU SHES PA DANG, SEMS CAN LA BYED PA'I TSE BSGRUB BYAS KYANG PHAL CHER LAS DE BYAS SO SNYAM DU 'DU SHES DGOS PA'I PHYIR, KUN SLONG GI KHYAD PAR YOD DE, LAS BYED DAM DGE 'DUN GAD GTZO TSE LAS DE BYED 'DOD KYI BSAM PA RGYUN MA CHAD PA DGOS PA'I PHYIR TE, RTZA BAR, BZHAD GAD KYI DNGOS PO NI GANG GIR YANG MI 'GYUR RO, ,ZHES DANG, BTANG PA YANG NGO, ,ZHES GSUNGS PA'I PHYIR, GSUM PA LAS BRJOD PA'I CHO GA'I KHYAD PAR GSUM TSANG DGOS TE, BRJOD PA TSANG BA DANG, BRJOD PA MA NOR BA DANG, BRJOD PA MA 'KHRUG PA GSUM DGOS PA'I PHYIR, DANG PO GRUB STE, GSOL PA'I LAS LA GSOL BA TSAD PA DANG,

GSOL GNYIS KYI LAS LA GSOL BA GCIG DANG BRJOD PA GCIG TSANG BA DANG, GSOL BZHI'I LAS LA GSOL BA GCIG DANG BRJOD PA GSUM TSANG DGOS PA'I PHYIR, DER THAL, DE DAG TSAD LHAG PA DANG GNAS LA BLO MTHUN LTA BU'I GSOL GNYIS LA GSOL BZHI BYAS PA LA LAS CHAGS KYANG NYES BYAS 'BYUNG BA'I PHYIR TE, RTZA BAR, BRJOD PA LHAG PA DAG GIS NI MA BYAS PA NYID MA YIN NO, ,NYAMS NA MA BYAS PA NYID DO, ,ZHES GSUNGS PA'I PHYIR, DER MA ZAD DMIGS BSAL YOD DE, LAS GSUM PO RE RE LA YANG TSIG GI GTZO BO MA NYAMS NA YANG YAN LAG NYAMS KYANG CHAGS PA YOD PA'I PHYIR TE, RTZA BAR, DGONGS SU GSOL ZHES BYA BA LA SOGS PA NI PHA ROL GYI SEMS GTANG BA NYID GTZO BO YIN NO, , ZHES GSUNGS PA'I PHYIR, GTZO BO CHAD NA MI SKYE BAR CHO GNYIS MED KYI BSNYEN RDZOGS LA MKHAN PO DANG DGE 'DUN DANG BSGRUB BYA GSUM GANG RUNG GI MING CHAD NA MI SKYE BA LTA BU YIN PA'I PHYIR TE, RTZA BAR, DE GNYIS KYI MI NGAM BRJOD NA YANG MI SKYE'O, ,DGE 'DUN GYI NA YANG DE'I SKYE GNAS KYI MI SKYE'O, ,ZHES GSUNGS PA'I PHYIR, NYES MED KYI LAS CHAGS PA TSIG PHYED KYANG MCHAD PA DGOS SO, ,RTZA RTAGS GNYIS PA BRJOD PA MA NOR BA DGOS PA GRUB STE, LAS GSUM GYI GONG MA GONG MA'I SGRUB RGYU 'BA' ZHIG PA LTA BU 'OG MAS BYAS KYANG MI CHAGS, LAS KYI RIGS NOR NA YANG MI CHAGS, LAS KYI MA BU NOR NA YANG MI CHAGS PA'I PHYIR, DANG PO GRUB STE, RTZA BAR, DES BYA BA LAS MA YIN PAS MI

, ,CHAGS SO, ,ZHES DANG, LUNG LAS, BSNYEN PAR RDZOGS PAR BGYI BA LA GSOL BA DANG BZHI'I LAS MI BGYID NA BSNYEN PAR RDZOGS ZHES BRJOD PAR BGYI'AM, BSNYEN PAR MA RDZOGS ZHES BRJOD PAR BGYI, BKA' STZAL PA BSNYEN PAR MA RDZOGS PAR BRJOD PAR BGYI'O, ,ZHES GSUNGS PA'I PHYIR, 'DI LAS THAMS CAD LA 'DRA, GNYIS PA GRUB STE, LAS KYI RIGS NOR BA RNAM DAG GI LAS LA DMA' DBAB KYI LAS BYAS PA DANG, CHAD PA'I LAS LA RNAM DAG GI LAS MGU DBYING GI LAS BYAS KYANG MI CHAGS PA'I PHYIR TE, LUNG LAS, BTZUN PA MA MTHONG BA'I SLAD DU SPANGS PA'I LAS SU 'OS PA ZHIG LA BSDEGS PA DANG SMAD PA DANG BSKRANG PA DANG SLAR BSDUM PA'I LAS BGYID NA LAS BGYIS PA ZHES BGYI'AM, AU PA LI MA BYAS PA ZHES BYA'O, ,DE CI'I PHYIR ZHE NA, AU PA LI SPANGS PA'I LAS NI GZHAN, DMA' DBAB PA'I LAS NI GZHAN NO, ,BTZUN PA MA MTHONG BA'I SLAD DU SPANGS PA'I LAS SU 'OS PA ZHIG LA CHAD PAS BCAD PA DANG, YID MGU BA DANG DBYUNG BA'I LAS BGYIS NA, BGYIS PA ZHES BGYI'AM, AU PA LI MA BYAS BA ZHES BYA STE, DE CI'I PHYIR ZHE NA, AU PA LI SPANGS PA'I LAS NI GZHAN, RNAM PAR DAG PA'I LAS NI GZHAN NO, ,ZHES GSUNGS PA'I PHYIR, 'DI YANG KUN LA RIGS PA BSGRE, GSUM PA GRUB STE, RNAM DAG GI LAS GYI GSOL PA DANG LAS GZHAN SPANG BA'I BRJOD PA BYAS NA MI CHAGS PA'I PHYIR TE, LUNG LAS, LAS GZHAN

GYI GSOL BA BGYIS LA LAS GZHAN GYIS BSGRAGS NA, LAS BGYIS PA ZHES BGYI'AM, AU PA LI MA BYAS PA ZHES BYA STE, DGE SLONG DE DAG KYANG 'DAS PA DANG BCAS PAR RO, ,ZHES GSUNGS PA'I PHYIR, 'DI LA DER BSAM NAS DE DANG RIGS MTHUN PA GZHAN BYAS NA LAS PHAN TSUN NOR YANG CHAGS LAM BSAM NA MI CHAGS PA'I PHYIR TE, LUNG LAS, BTZUN PA CHAD PAS BCAD PAR 'OS PA ZHIG LA YID MGU BA DANG DBYUNG BA'I LAS BGYIS NA, LAS BGYIS PA ZHES BGYI'AM, AU PA LI BYAS PA ZHES BYA'O, ,DE CI'I PHYIR ZHE NA, AU PA LI 'DI THAMS CAD NI RNAM PAR DAG PA'I LAS SO, ,ZHES GSUNGS PA'I PHYIR, DE BZHIN DU PHA MA'I CHOG PHAN TSUN NOR BA DANG PHA MA'I MING NGAM RTAGS NOR BA SOGS LA'ANG SKYE LA NYES BYAS DANG GTZO BO'I DON LA TSIGS NOR NA'ANG MI SKYE BA DPER NA, BSNYEN PAR RDZOGS PAR MDZAD DO, ,ZHES PA LA BSNYEN PAR RDZOGS PAR MI MDZAD DO, ,BRJOD NA MI SKYE BA LTA BU LHAG MA LA'ANG SKYE TSUL SHES PAR BYA DGOS, RTZA RTAGS GSUM PA BRJOD PA'I CHOG MA 'KHRUG PA LA GSUM DGOS TE, SPYOD LAM MA 'KHRUG PA DANG, LAS KYI GO RIM MA 'KHRUG PA DANG, TSIG MA 'KHRUG PA GSUM DGOS PA'I PHYIR, DANG PO YOD DE, 'DUG PA DANG BLA GOS KYIS PHRAG PA G-YAS MA BTUM BA DANG KHA BTUM SOGS MA YIN PA DANG LAG PA THAL MO BSNOL BA RNAMS DGOS ZHING DE DAG MA BYAS NA SPYOD LAM 'KHRUG PA YIN PA'I PHYIR TE, LUNG LAS, LAS THAMS CAD LA 'DUG LA 'DI SKAD CES BRJOD PAR, ZHES

, ,DANG; RTZA BAR, 'DUG PA NYID KYIS SO, ,ZHES DANG, DGE SLONG DAG 'DUS PA NYID NA BLA GOS PHRAG PA GCIG TU BYAS PA NYID DO, ,ZHES DANG, THAL MO BSNOL TE BCANG NGO, ,ZHES GSUNGS PA'I PHYIR, RTZA BAR, MI 'DUG PAR 'GRENG BA NI KHA BSKONG BA MA YIN TE, DE BRTZAM PA LA 'GRO BA'I SEMS KYIS BTANG BA NI SPYOD LAM LAS NYAMS PA YIN NO, ,ZHES GSUNGS PA'I PHYIR, CHO GA'I DNGOS GZHI MA RDZOGS PAR 'GRENG BAS SPYOD LAM NYAMS NA LAS DE LA GRANGS MA TSANG NA MI CHAGS LA TSANG NA CHAGS TE, RTZA BAR, BYED PA NYID NA SONG NA CHOG MA RDZOGS PA RNAM PAR 'KHRUG PA NYID DO, ,LAS DE LA DGE 'DUN GYI TSAD NGAG DU LONGS PA RNAMS MA LUS PA NYID NA RDZOGS PA'O, ,LUS PA NYID NA MI 'GYUR RO, ,ZHES GSUNGS PA'I PHYIR, 'DI'I DMIGS BSAL LA 'GRO DUS KYANG LAS CHAGS PA YOD PAR BSHAD ZIN, GNYIS PA GRUB STE, LAS KYI NGO BO BRJOD PA DANG BYED PA BRJOD PA'I GONG MA 'KHRUG NA LAS MI CHAGS NYES BCAS YIN LA, DON GYI GO RIM 'KHRUG KYANG GO BA LA MI GNOD NA LAS CHAGS PA'I PHYIR TE, RNAM BSHAD LAS, GO RIM 'KHRUG PA DE NI MI BYA BA NYID DO, ,ZHES DANG, RTZA BAR, DON GYI SKABS DAG GI GO RIM 'KHRUGS PAS NI MI CHAGS PA MA YIN NO, ,ZHES GSUNGS PA'I PHYIR, BZHI PA LAS NYAMS SU MYONG TSUL YOD DE, GANG ZAG GANG GIS, TSAD JI TZAM DU MYONG BA, SHES PA GANG GIS

MYONG BA GSUM YOD PA'I PHYIR, DANG PO GRUB STE, LAS DE LA DGE 'DUN TSAD GANG DGOS THAMS CAD KYIS LAS DE GO MYONG DGOS LA MGON MI CHAGS PA'I PHYIR TE, RTZA BAR, RANG GI 'OS PA'I DGE 'DUN GYIS NYAMS SU MYONG BA MA GRUB PA NYID NAM YIN NO, ,ZHES GSUNGS PA'I PHYIR, 'DIS GRANGS TSAD TZAM GYIS THOS LA LHAG MA'I MTHOS KYANG CHAGS PA 'DRAL 'DUS PA'I MI MTHUN PAR MI 'GRO TSUL SHES SO, ,GNYIS PA GRUB STE, GSOL BA DANG GSOL GNYIS DANG GSOL BZHI GSUM KA'I GSOL BA TZAM DGE 'DUN GYIS GRUB NA GRUB PA YIN TE, BRJOD PA DAG LA YANG GSOL BA'I BRJOD DON GTZO BOR KHYAB PA'I PHYIR TE, RTZA BAR, GSOL BA THOS NA DE GRUB PA NYID YIN NO, ,ZHES GSUNGS PA'I PHYIR KHA CIG GIS 'DI PHYIN CI LOG BYAS SO, ,GSUM PA GRUB STE, RNABS TSIG MTHOS KYANG DON GO NA LAS DE CHAGS PA'I PHYIR TE, SAG LHAS, 'ON PAS KYANG NI GO GYUR NA, ,LAS BRJOD PA NI MI THOS KYANG, ,ZHES DANG, ZHU BA LAS, BTZUN PA GNYID KYIS LOG PA ZHIG LA LAS BGYIS PA, LAS BGYIS BZHES BGYI'AM, AUB LI DE STE, LUS DANG NGAG GIS DMIGS NAS GSOL BA DANG LAS BYED PA'I TSE GNYID KYIS LOG NA LAS BYAS PA ZHES BYA'O, ,DE BZHIN DU MYOS PA DANG, RA ROG DANG SNYOMS PAR 'JUG PA RNAMS LA YANG BRJOD PAR BYA'O, ZHES GSUNGS PA'I PHYIR, 'DI BSGRUB BYA LA MA NGES TE, SEMS CAN MA YIN PA LA BYA BA THAMS CAD DANG, GRAGS PA TZAM GYIS NAN TUR DANG

, ,MNGON DU MA GYUR BA'I LAS BCU DANG 'PHRIN CHOG LA BSGRUB BYAS LAS DE MA MYONG KYANG LAS 'CHAGS PA MI 'GAL BA'I PHYIR RO, ,ZHIB CHA MANG DO, ,LNGA BA LAS CHAGS PA'I DUS YOD DE LAS RANG RANG GI BRJOD PA 'OG MA MED BDE'I TSIG GI SUM GNYIS BRJOD PA'I TSE 'CHAGS PA'I PHYIR TE, RTZA BAR, 'OG MA MED PA LA'O, ,ZHES GSUNGS PA'I PHYIR, KHYAB STE, 'OG MA NI BRJOD PA MIN PA'I TSIG DANG, DON GANG LA'ANG MI RUNG BA'I PHYIR, DE YANG YIN TE, RANG GI 'OG NA BRJOD PA MED PA'I GSOL BA'AM BRJOD PA DE'I NGO BO DANG BYA BA BRJOD PA RDZOGS NAS BYED PA BRJOD PA'I SKABS SU SKYE BA'I PHYIR TE, RTZA BAR, TSIG PHAL CHER BYANG BA NYID NA BYAS PA NYID DO, ,MTSAN MA DAG MA BRJOD PA NYID NA MA BCAD BA YIN NO, ,ZHES GSUNGS PA'I PHYIR, LAS GSUM KAL NGO BO DANG BYA BA DANG BYED PA BRJOD PA'I TSUL SHES PAR BYA'O, ,GNYIS PA LAS KYI RNAM BZHAG BSHAD PA LA LNGA YOD DE, LAS KYI DBYE BA DANG, BSDU BA DANG, SO SO'I DBYE BA, RTEN GANG LA LAS GANG BZHAG PA DANG, LAS KYI GRANGS NGES LA DPYOD PA LNGAR YOD PA'I PHYIR, DANG PO NI, DGE 'DUN GYI SGRUB PA'I LAS BRGYA RTZA GCIG YOD DE, LUR GTAM GYI GZHI LAS, BTZUN PA LAS DU DAG MCHIS, NYE BAR 'KHOR BRGYA RTZA GCIG GO, ,ZHES GSUNGS PA'I PHYIR, GNYIS PA NI, LAS BRGYA RTZA GCIG PO DE DAG BSDUS TSUL GSUM YOD DE, THOGS MED

KYIS BSGRUB BYA'I GZHI'I SGO NAS GNYIS DANG, LUNG LAS NGO BO'I SGO NAS GSUM DANG, DUL LHAS LAS RIGS KYI SGO NAS BCU BZHIR BSHAD PA LTAR 'DU BA'I PHYIR, DANG PO GRUB STE, DE RNAMS BSGRUB BYA'I SGO NAS SEMS CAN DANG SEMS CAN MA YIN PA LA BYA BA GNYIS SU NGES PAR BSHAD ZIN PA'I PHYIR, GNYIS PA GRUB STE, DE RNAMS NGO BO'I SGO NAS GSOL BA DANG, GSOL GNYIS DANG, GSOL BZHI'I LAS GSUM DU 'DU BA'I PHYIR TE, LUNG GTAM GYI GZHI LAS, BTZUN PA LAS RU DANG, GIR, LAS THAMS CAD BSDUS LAGS, NYE BAR 'KHOR GSUM DAG GIS TE, GSUM GANG ZHE NA, GSOL BA'I LAS DANG, GSOL BA DANG GNYIS KYI LAS DANG, GSOL BA DANG BZHI'I LAS SO, , ZHES GSUNGS PA'I PHYIR, GSUM PA GRUB STE, LAS BRGYA RTZA GCIG LAS GSOL BZHI'I LAS SUM CU BO RNAMS CHAD LAS DANG BSGO LAS DANG RTZOD BZHI BA'I LAS DANG, SA GONG MAR SPO BA'I LAS DANG DGE 'DUN LA MKHO BA BZHAG DBYUNG GI LAS LNGAR 'DU BA'I PHYIR TE, DUL LHAS, CHAD PA DANG BSGO BA DANG RTZOD BZHI BAR BYA BA DANG, SA GONG MAR SPO BA DANG, DGE 'DUN LA MKHO BA RNAM PAR BZHAG PA DBYUNG BA DAG LA NI GSOL BA BRJOD PA GSUM DANG BCAS PA'O, ,ZHES GSUNGS PA'I PHYIR, GNYIS PA GRUB STE, GSOL GNYIS KYI LAS ZHE BDUN PO DAG BSKO BA DANG RAB BYUNG LA MKHO BA RNAM PAR BZHAG BA'I LAS GNYIS SU 'DU BA'I PHYIR, DER THAL, BSKO BA'I LAS LA BSKO BA

, ,DANG BLO MTHUN SO GCIG 'DU ZHING, MKHO BZHAG GI LAS LA DKYIL 'KHOR BA'I MTSAMS GCOD PA SOGS BCU DRUG 'DU BA'I PHYIR TE, DUL LHAS, BSKO BA DANG RAB TU BYUNG BA LA MKHO BA RNAM PAR BZHAG BA'I BYA BA DAG LA NI BRJOD PA GCIG DANG BCAS PA'O, ,ZHES GSUNGS PA'I PHYIR, t'IKKA LAS KYANG, BSKO BA ZHES BYA BAS NI BSKO BA DANG BLO MTHUN PAR BYA BA'I LAS SUM CU RTZA GCIG BSTAN TE, ZHES DANG, RAB TU BYUNG BA LA MKHO BA RNAM PAR BZHAG PA'I BYA BA ZHES BYA BAS NI RAB TU BYUNG BA LA MKHO BA RNAM PAR BZHAG PA BCU DRUG BSTAN TE, ZHES GSUNGS PA'I PHYIR, GSUM PA GRUB STE, 'BA' ZHIG PA NYER BZHI PO RJES GNANG DANG, DGE 'DUN GYI BYIN GYIS RLABS PA DANG, SBYIN PA DANG, RANG DON LA SBYAR BA DANG, BGRANG BA DANG, KHYIM PA'I DON LA BZHAG PA DANG, DBYUNG BA'I LAS BDUN GYIS BSDUS PA'I PHYIR TE, DUL LHAS RJES SU GNANG BA DANG, DGE 'DUN GYI BYIN GYIS RLABS PA DANG, SBYIN PA DANG, RANG GI DON LA SBYAR BA DANG, BGRANG BA DANG, KHYIM PA'I DON RNAM PAR BZHAG PA BYA BA DANG, DBYUNG BA DAG NI 'BA' ZHIG GO ,ZHES GSUNGS PA'I PHYIR, GSUM PA NI, LUNG GTAM GYI GZHI LTAR DE GSUM SO SO'I DBYE BA YOD DE, GSOL BA'I LAS NYER BZHI, GSOL GNYIS KYI LAS BZHI BCU ZHE BDUN, GSOL BZHI'I LAS SUM CU YOD PA'I PHYIR, DANG PO GRUB STE, GSANG STON SKO BA'I

LAS DANG, DGE 'DUN GYI NANG DU BAR CHAD DRI BAR GSOL BA'I LAS DANG, GSO SBYONG GI SO THAR 'DON CHED KYI GSOL BA'I LAS DANG, GSO SBYONG GI TSE LTUNG BA BYIN GYIS RLOB BA'I LAS BZHI STE, DGE 'DUN GYI THUN MONG BA DANG YID GNYIS DANG LTUNG BAR RTZOD PA DANG LTUNG BAR NGES KYANG GANG YIN MA NGES PA BZHI BYIN GYIS RLOB PA'I GSOL LAS BZHI DANG, DGAG DBYE LA LNGA STE DGAG DBYE'I LAS DANG DE DUS KYI LTUNG BA BZHI GSOL BAS BYIN RLABS KYI LAS BZHI DANG DBYAR KHAS LEN DANG, TSUL SHING 'BRIM PA GSOL BA GCIG DANG, SHI BA'I RDZAS BGO BA'AM YOD BA BYIN RLABS KYI GSOL BA GCIG DANG, SRA BRKYANG GTANG BA'AM CHOS GOS NGAN PAR DGE 'DUN GYIS GOS STER BA'I GSOL BA GCIG DANG, SDIG LTA CAN GYI GNAS NGAN LEN SPYOD PA KHYIM RNAMS SU SO SOR GO BAR BYED DU GZHUG BA'I GSOL BA DANG, GRANGS GZHUG BZHI STE ZHAL TA BAR SHES NGOR 'PHYA BA'I DANG, ZUR GYIS 'PHYA BA'I DANG, BSGO BA RNAR GZON BA'I DANG, CAD MI SMRA BAS RNAL GZON BA'I GRANGS GZHUG GI GSOL BA BZHI, KHYIM BA'I LONGS SBYONG CHUNG NGUR SONG BA'I SBYIN BDAG GI ZAS MI LEN PA'I BSLAB BA STER BA'I DE DANG, YANG DE 'DRA BA GZHIG PA'I DE DANG, DGE SLONG LA PHAM LHAG GIS SKUR BA'I KHYIM PAR LHUNG BZED KHA PHUB PA'I DE DANG, DE KHA BSRAD PA'I DE RNAMS SU YOD PA'I PHYIR TE, KARMA SHA TI LAS, GSANG DANG NANG DU DRI PHYIR DANG, ,GSO SBYONG DE LA LTUNG BCAS DANG, ,DE LA DGE 'DUN YID GNYIS DANG, ,RTZOD

, ,DANG NGES NYID MA YIN DANG, ,DE YI DON DU LNGA PO DAG ,THAMS CAD DGAG DBYER GTOGS PA YIN, ,DBYAR GNAS KHAS BLANGS NYID DANG NI, ,SHI BA'I RDZAS DANG NOR 'DRA DANG, ,CHOS GOS SRA BRKYANG GTANG BA DANG, ,CHOS GOS SBYIN PAR BYA BA DANG, ,GNAS NGAN LEN NI BRJOD PA DANG, ,GRANGS SU GZHUG PA BZHI DAG DANG, ,KHYIM GYI SNGOM DANG DE GZHIG DANG, ,LHUNG BZED KHANG BU BYA BA DANG, ,DE NYID BZLOG PAR BYA BA DAG ,GSOL BA 'BA' ZHIG LAS YIN NO, ,ZHES GSUNGS PA'I PHYIR, DE DAG NYER BDUN YOD KYANG SNGAR LTAR GNYIS GNYIS GCIG BYAS PA YIN TE, t'IKKA LAS, SHI BA'I RDZAS BYIN GYIS RLAB PA DANG NOR DANG 'DRA BA BYIN GYIS RLAB PA GNYIS NI TSUL GCIG PA'I PHYIR LAS GCIG TU BGRANG NGO, ,SRA BRKYANG GTANG BA DANG RAS YUG CHEN SBYIN PA GNYIS KYANG TSUL GCIG PA'I PHYIR LAS GCIG TU BGRANG NGO, ,TSUL SHING BLANGS BA DANG DBYAR GNAS PAR KHAS BLANGS BA LA SBYOR BA GNYIS KYANG, ZHES GSUNGS PA'I PHYIR, RTZA RTAGS GNYIS PA GSOL GNYIS ZHE BDUN YOD DE, GSO SBYONG GI GNAS LA BLO MTHUN GYI DE NAS, BAG TSOS 'BRIM PA'I DE'I BAR BCO LNGA DANG; PHRAN TSEGS 'BRIM PA'I DE NAS, RGAN PA DANG NAD PAR SNAM SBYAR DANG MI 'BRAL BAR GNANG BA'I BAR BCU DRUG DANG, LHAG MA BCU DRUG YOD PA'I PHYIR, DANG PO GRUB STE, GSO SBYONG GI GNAS LA BLO MTHUN GYI GSOL

GNYIS DANG, DE BZHIN DU MTSAMS CHE CHUNG GCOD PA'I DE DANG, MTSAMS PO CHER CHOS GOS DANG MI 'BRAL BAR GNANG BA'I DE DANG, MYOS PA'I GNANG BA SBYIN PA'I DE DANG, DGAG DBYE BYED PA BSKO BA'I DE DANG, GNAS MAL STONG PA BSKO BA'I DE DANG, RUNG KHANG BYIN RLABS KYI DE DANG, SRA BRKYANG LA BLO MTHUN GYI DE DANG, SRA BRKYANG GDING BA PO BSKO BA'I DE DANG, SPONG BA BA'I ZHAL TA BSKO BA'I DE DANG, LAG GI BLA DANG DE'I DPON BSKO BA'I DE GNYIS GCIG DANG; GNAS SOGS BSKO BA NI GNAS KHANG BSKOB NAS MDZES 'CHOS BSKO BA'I BAR BCU GNYIS KYI GNAS KHANG BSKO BA LA DANG, ,ZAS LA BSKO BA'I DE DANG, THUG PA LA BSKO PA'I DE DANG, BAG TSOS 'BRIM PAR BYA BA'I DE'I BAR YOD PA'I PHYIR TE, KARMA SHA TAm LAS, GNAS DANG MTSAMS NI GNYIS PO DANG, ,MI 'BRAL MYOS DANG DGAG DBYE DANG, ,GNAS MAL STOB PAR BYED PA DANG, ,RUNG BA'I SA BZHI BSKO BA DANG, ,SRA BRKYANG DANG NI DE 'DING DANG, ,SPONG DANG LAG GI BLA DANG NI, ,GNAS KHANG BSKOL SOGS PA DANG, ,ZHES GSUNGS PA'I PHYIR DANG, t'IKKA LAS, GNAS KHANG BSKOL SOGS ZHES BYA BAS NI LAS BCU GNYIS BSTAN TE, ZHES GSUNGS PA'I PHYIR, LAG GI BLA DANG LAG DPON BSKO BA GNYIS KYANG GCIG TU BYAS, t'IKKA LAS, DE LA LAG GI BLA BSKO BA DANG LAG DPON BSKO BA GNYIS NI TSUL GCIG PA'I PHYIR LAS GCIG PAR BGRANG NGO, ,ZHES GSUNGS PA'I PHYIR, RTAGS GNYIS PA GRUB STE, PHRAN

, ,TSEGS 'BRIM LA DE, SNOD SPYAD PA DRUB LA DE, GOS SBED PA LA DE RANG, GOS 'GYED PA LA DE DANG, DBYAR GYI RAS CHEN SBED LA DE DANG, DBYAR GYI RAS CHEN 'GYED LA DANG, MNGAGS GZHUG BSKOL DANG, MDZES 'CHOS BSKOL DANG, DGE 'DUN RTZOD PA MNGON 'DUL GYI GZU BO LA DANG, DE'I TSE MA ZHIN GSAL BA DANG GSAL PA'I GSAL BA BSKO BA'I DE DANG, RTZOD PA SBED PA BSKO BA'I DE DANG, DE'I TSE GANG MANG SHES SLANG TSUL SHING 'BRIM PA BSKO BA'I DE DANG, KHANG PA'I GZHI RUNG BA BSTAN PA'I DE DANG, KHANG CHEN GYI DE DANG, KHYIM SUN 'BYIN PA LA CHOS MIN MANG PO GLENG BA BSKO BA'I DE DANG, NAD PA DANG RGAN PAR CHOS GOS SNAM SBYAR DANG MI 'BRAL BA'I GNANG BA'I DE RNAMS YOD PA'I PHYIR TE, KARMA SHA TAm LAS, GNAS KHANG BSKO LA SOGS PA DANG, ,GZU DANG GSAL DANG SPED PA DANG, ,TSUL SHING 'BRIM PAR BYED PA DANG, ,KHANG BA KHANG CHEN BSTAN PA DANG,, GLENG DANG 'BRAL BAR MI 'GYUR DANG, ,ZHES GSUNGS PA'I PHYIR, GSUM PA GRUB STE, LAG GI BLA LA LO DRUG PAR DU STAN GYI GNANG BA SBYIN PA'I DE DANG, LHUNG BZED 'BREL MED 'BRIM PA BSKO BA'I DANG, DGE SLONG PHA MA SDIG LTA CAN KHYIM SO SOR GO BAR BYED PA'I GANG ZAG BSKO BA'I DANG, DGE SLONG MA'I STON PA BSKO BA'I DANG, SOR BSHAGS MI 'BYUNG BA'I PHYIR DU NAGS NYUL BSKO BA'I DANG, GNAS BYUNG GI DGE SLONG LA DGE SLONG MAS PHYOGS BYA

BA'I SDOM PA SBYIN PA'I DANG, LO BCU GNYIS LON ZHING 'KHOR SKYOD NUS PA'I DGE SLONG MA LA 'KHOR 'JOG PA'I DANG, 'KHOR MANG 'JOG PA'I DANG, RGAN PA DANG NAD PAR MKHAR BA'I GNANG BA SBYIN PA'I DANG, DE DAG LA DRA BA GNANG BA'I DANG, GSO SBYOR THA DAD PA'I GTZUG LAG KHANG GNYIS KYI RNYED PA GCIG TU BYA BA'I DANG, DGE SLOB MA'I BSLAB PA'I SDOM PA SBYIN PA'I DANG, TSANGS SPYOD NYER GNAS KYI SDOM PA SBYIN PA'I DANG, DGE SLONG MA RANG GI BU DANG LHAN CIG NYAL BA'I GNANG BA SBYIN PA'I DANG, MU GE'I TSE DGE SLONG MA NYE DU'I KHYIM DU 'GRO BAR GNANG BA'I DANG, DBYAR GYI MTSAMS KYI PHYI ROL TU 'GRO BA'I GNANG BA STER BA'I GSOL GNYIS GYI BAR BCU DRUG DANG ZHE BDUN YOD PA'I PHYIR TE, KARMA SHA TAm LAS, STAN DANG LHUNG BZED 'BRIM PA DANG, ,MA DAD GO BAR BYED PA DANG, ,STON PA RANG NI NAGS NYUL DANG, ,PHYAG MI BYA DANG MANG PHYIR DANG, ,MKHAR BA DRA BA'I PHYIR DANG NI, ,RNYED PA GCIG TU BYA PHYIR DANG, ,BSLAB PA SBYIN DANG NYER GNAS DANG, BU DANG NYE DU PHYIR 'GRO BA, ,GSOL DANG GNYIS KYI LAS YIN NO, ,ZHES GSUNGS PA'I PHYIR, GSUM PA GSOL BZHI'I LAS SUM CU YOD DE, BSNYEN RDZOGS KYI DANG, MU STEGS GNAS PA SBYIN PA'I DANG, MTSAMS CHE CHUNG GROL BA'I DANG, PHAN TSUN MTHUN PA SBYIN PA'I DANG, MTHUN PA'I GSO SBYONG SBYIN PA'I DANG, NAN TUR GYI LAS BYAS PA'I DANG, NAN TUR BYAS TE BZOD PA GSOL BA'I LAS GCIG STE BDUN DANG, SBO BA GSUM

, ,MGU BA GSUM GYI LAS DRUG DANG, RANG BZHIN DU DBYUNG BA'I GCIG DANG SRA BRKYANG DBYUNG BA'I LAS TE BRGYAD DANG BCO LNGA, DRAN PA'I 'DUL BA SBYIN PA'I DANG, MA MYOS PA'I 'DUL PA SBYIN PA'I DANG, NGO BO NYID TSOL DU GZHUG PA'I LAS TE BCO BRGYAD DANG, MI MTHUN PA BZLOG PA'I BSGO GYUR GYI LAS BCU DANG BSNYIL BA'I LAS GCIG DANG, THUN MONG GI PHAM PA 'CHAB MED LA BSLAB PA SBYIN PA DANG BCU GNYIS TE SUM CU YOD PA'I PHYIR, DE BZLOG PA'I BSGO GYUR GYI LAS BCU DANG BSNYIL BA'I LAS GCIG YOD DE, DGE 'DUN GYI DBYEN DANG, DE'I RJES SU PHYOGS PA DANG, KHYIM SUN 'BYIN PA DANG, BKA' BLO MI BDE BA DANG, SDIG LTA MI GTONG BA DANG, GNAS NAS PHYUNG BA'I RJES SU PHYOGS PA'I DGE SLONG MA DANG, DKON MCHOG GTONG BA'I DGE SLONG MA DANG, 'THAB GROL BYED PA DANG, BDE ZHING GNAS PA DANG, BDE ZHING GNAS SU 'JUG PA BCU LA DE BZLOG PA'I LAS BCU DANG, SDIG LTA MI GTONG BA'I DGE TSUL BSNYIL BA'I LAS DANG BCU GCIG YOD PA'I PHYIR TE, KARMA SHA TAm LAS, BSNYEN PAR RDZOGS PAR BYA BA DANG, ,MU STEGS GNAS DANG MTSAMS GROL DANG, ,MTHUN SBYIN GSO SBYONG BDUN PO DANG, ,BRGYAD DANG DRAN DANG MA MYOS DANG, ,DE NYID TSOL DU GZHUG PA DANG, ,BSKO BAR BYA BA RNAMS DANG NI, ,NYAMS PA SBYIN PAR BYA BA DAG, GSOL DANG BZHI YI LAS YIN NO, ,ZHES GSUNGS

BA'I PHYIR, ,BZHI PA RTEN GANG LA LAS GANG BZHAG PA YOD DE, DGE SLONG PHA'I RTEN KHO NAR BZHAG PA DRUG DANG, MA'I RTEN KHO NAR BZHAG PA BCU GNYIS DANG, DE DAG MA YIN PA'I PHAL CHER PHA MTHUN MONG GI RTEN LA BZHAG PA'I PHYIR, DANG PO GRUB STE, DGE SLONG MA'I STON PAR BSKO BA DANG, DGAG DBYE BYED PA PO BSKO BA DANG, RAS CHEN SBED PA PO BSKO BA DANG, GZU PO BSKO BA DANG, GSAL BA BSKO BA DANG, GSAL BA'I GSAL BA BSKO BA'I LAS YOD PA'I PHYIR, GNYIS PA GRUB STE, PHYAG MI BYA BA'I SDOM PA SBYIN PA DANG, BZLOG PA'I PHAM PA'I SKABS KYI BSGO BA MDZAD PA DANG, 'THAB GROL BYED PA LAS BZLOG PA'I BSGO BA MDZAD PA DANG, DKON MCHO GTONG BA LA BYA BA'I DE DANG, BDE ZHING GNAS PA LA BYA BA'I DE DANG, BDE ZHING GNAS PAR 'JUG PA LA BYA BA'I DE DANG, SNGON ROL GYI SDOM PA GNYIS SBYIN PA'I DE GNYIS DANG, 'KHOR DANG 'KHOR MANG 'JOG GI GNANG BA GNYIS SBYIN PA'I DE GNYIS DANG, BU DANG LHAN CIG NYAL BA SBYIN PA'I DE DANG, NYE DU DANG LHAN CIG 'BREL BA'I GNANG BA SBYIN PA RNAMS SU YOD PA'I PHYIR,, ,,LNGA PA GRANGS NGES LA DPYOD PA LA BCOM LDAN 'DAS KYIS DNGOS SU GSUNGS PA'I LAS LA GTZO CHE BA BRGYA RTZA GCIG TU GRANGS NGES TE, LUNG GZHIR BSHAD PA'I LAS DNGOS GZHI DANG BCAS PA THAMS CAD LA DE LTAR NGES PA YIN PA'I PHYIR TE, GZHI 'GREL LAS, 'DIR LAS BRGYA RTZA GCIG PO GTZO CHER SMOS PAR ZAD KYI, 'DI

, ,LAS BRGYA RTZA GCIG PO NYI TSE BA BZUNG BAR MA ZAD DE, 'DUL BA DANG LDAN BA'I LAS THAMS CAD BSDUS PAR RIG PAR BYA'O, ,ZHES GSUNGS PA'I PHYIR, 'DUL BA NAS BSHAD PA'I LAS YIN NA, 'DIR DNGOS SU BSHAD PA'I BRGYA RTZA GCIG PO GANG RUNG YIN PAS MA KHYAB STE, MDOR BSDUS SAM RUNG MTHUN GYI MANG PO DANG, DBYEN SPANGS PA DANG GANG BAG RLABS PO CHE BSTAN PA LA GZHUG PA'I DON DANG, BSTAN PA 'PHEL CHED KYI BAG YANGS SOGS YOD PA'I PHYIR TE, 'DUL BA PHRAN TSEGS LAS, 'DUL BA SDUD PA BSKO BA GSOL PA DANG GNYIS KYI LAS DANG, MDO SDE SDUD PA BSKO BA GSOL BA DANG GNYIS KYI LAS DANG, MNGON PA SDUD PA BSKO BA GSOL BA DANG GNYIS KYI LAS KYI CHO GA RGYAS PAR GSUNGS PA'I PHYIR DANG, GTAN LA DBAB PA BSDU BA'I SO SOR THAR PA'I SDOM PA GTAN LA DBAB PA'I SKABS LAS, DGE 'DUN GYI DBYEN SPANGS PA'I DON DU BAG YANGS BYA BA GSOL BA DANG BZHI'I LAS DANG, GANG ZAG RLABS PO CHE BSTAN PA LA GZHUG PA'I DON DU BAG YANGS SU BYA BA GSOL BA DANG BZHI'I LAS DANG, BSTAN PA 'PHEL BAR BYA BA'I DON DU BAG YANGS SU BYA BA GSOL BA DANG BZHI'I LAS DANG ZHES SOGS DU MA GSUNGS PA'I PHYIR, LEGS PAR BSHAD YOD DO, ,KHA CIG NA RE, DGE 'DUN BZHI TZAM GYIS KYANG LAS THAMS CAD BYED RUNG ZER NA, DE MI 'THAD PAR THAL, DE LA RANG RANG GI DGE

'DUN GRANGS TSANG BA DANG LAS DE NYAMS MYONG RAB 'BRING THA GSUM GANG RUNG DGOS PA'I PHYIR, DER THAL, DE GNYIS MA TSANG NA LAS DE MI CHAGS PA'I PHYIR TE, RTZA BAR, RANG GI 'OS PA'I DGE 'DUN GYIS NYAMS SU MYONG BA MA GRUB PA NYID NA MA YIN NO, ,ZHES DANG, t'IKKA LAS KYANG, LAS DE LA RANG GI 'OS PA'I DGE 'DUN BZHI'I TSOGS LA SOGS PA'I DGE 'DUN GANG YIN PA DES LAS DE NYAMS SU MYONG BA MA GRUB PA NYID NA, LAS DE BYAS PA NYID MA YIN PA'O, ,ZHES GSUNGS PA'I PHYIR, KHYAB STE, RANG GI 'OS PA'I DGE 'DUN ZHES PA DANG, MA GRUB PA NYID NA ZHES PA'I DON GRUB PA'I PHYIR TE, t'IKKA LAS, GAL TE DGE 'DUN GYIS LAS DE MA THOS NA LAS DE BYAS PA NYID MA YIN NO, ,RANG GI ZHES SMOS PAS NI DGE 'DUN NYUNG BA BSAL TO, ,ZHES GSUNGS PA'I PHYIR, YANG KHA CIG NA RE, GSOL BZHI'I LAS LA BRJOD PA GCIG YAN CHAD MA THOS NA LAS DE MI CHAGS PAS KHYAB ZER NA, DE SHIN TU MI 'THAD PAR THAL, BSNYEN RDZOGS SOGS KYI GSOL BZHI'I LAS LA GSOL BA TZAM BSGRUB BYA DANG DGE 'DUN GYIS THOS NAS DON GO NA YANG LAS CHAGS PAS KHYAB PA'I PHYIR, DER THAL, RTZA BAR, GSOL BA THOS NA DE GRUB PA NYID YIN NO, ,ZHES DANG, t'IKKA LAS; DGE 'DUN DANG NYAN DU GZHUG PA BSNYEN PAR RDZOGS PAR BYA BA LA SOGS PAS GSOL BA TZAM THOS NA YANG NYAMS SU MYONG BA DE GRUB PA NYID YIN TE, DE TZAM THOS PA LAS DE BYAS PA NYID YIN NO, ,ZHES GSUNGS PA'I PHYIR, 'DIS

, ,NI KHA CIG, RTZA BAR, GSOL BA THOS NA DE GRUB PA NYID YIN NO, ,ZHES PA GSOL BA 'BA' ZHIG PAR 'DOD PA YANG KHEGS SO, ,GZHAN YANG DAM BCA' DE 'THAD PAR THAL, DGE SLONG LHAG MA'I LTUNG BA LAS DBYUNG BA'I TSE, GSOL BA BYAS MA THAG DGE 'DUN DE'I DGE SLONG LA LA GNYID DU SONG NGAM LANGS NAS GZHAN DU SONG BA SOGS BYAS KYANG LAS CHAGS PA'I PHYIR, DER THAL, LAS DE'I DON GYI GO RGYU GSOL BAR TSANG BAS DE'I DON GO BA GANG ZHIG, DE'I DON GO NA GLEN PA DANG SMYON PA DANG GNYID DANG SNYOMS 'JUG BYAS KYANG CHAGS LA DON 'DI BYAS TZAM GYI CI YANG MI GO NA LAS RDZOGS PAR THOS KYANG MI CHAGS PA'I PHYIR, DANG PO GRUB STE, LUNG GTAM GYI GZHI LAS, LHAG MA'I NYES PA DBYUNG BA DE DBYUNG BAR LAS KYI TSIG RNAMS BYED DE, GSOL BA BYAS PA DANG DE GNYIS KYIS LOG NAS LAS KYI TSIG GSUM MJUG TU PHYIN PA DANG LANGS PA DE LTA BU NI BYAS PA NYID DANG NYES PA 'BYUNG BA LA GNYID LOG PA BZHIN TSANG BA'O, ,ZHES GSUNGS PA'I PHYIR, 'DI NI GANG ZAG LNGA BSNYEN PAR MA RDZOGS SOGS KYI DMIGS BSAL YIN PAS LAS THAMS CAD LA SHES SO, ,GNYIS PA GRUB STE; ZHU BA LAS, BTZUN PA GNYID KYIS LOG BA ZHIG LA LAS BGYIS NA LAS BGYIS PA ZHES BGYI 'AM, AU PA LI, DE STE LUS DANG NGAG GIS DMIGS NAS GSOL BA DANG LAS BYED PA'I TSE GNYID KYIS LOG NA LAS BYAS PA

ZHES BYA'O, ,DE BZHIN DU MYOS PA DANG RA RO BA DANG SNYOMS PAR 'JUG PA RNAMS LA YANG BRJOD PAR BYA'O, ,ZHES GSUNGS PA'I PHYIR, GSUM PA GRUB STE, DON YANG MA GO NA CHOS MIN PA'I LAS BYAS BA YIN BAS LAS MI CHAGS PA'I PHYIR TE, GZHI 'GREL LAS, CHOS MIN PA SHES BYA BA NI DGE 'DUN MA TSANG BA DANG, LAS BYED PA DGE SLONG NYID MIN PA DANG, LAS NYAMS PA DANG, NYAN PA PO RNAMS KYIS MA GO BA LA SOGS PA'O, ,ZHES GSUNGS PA'I PHYIR DANG, ZHU BA LAS KYANG, BTZUN PA 'PHAGS PA'I SKAD DU SO SOR THAR PA KLAG PA DANG, DGE SLONG DE DAG GIS 'PHAGS PA'I SKAD MA 'TSAL NA GSO SBYONG BGYIS PA ZHES BGYI 'AM, AU PA LI, BGYIS ZHES BYA STE, SO SOR THAR PA'I MDO KLOG PA YANG 'DAS PA PA DANG BCAS PA'O, ,ZHES GSUNGS PA'I PHYIR, 'DI LTAR MA SHES PAR KHA CIG, ZHU BA LAS MTHA' 'KHOB PAS 'PHAGS PA'I SKAD MA 'TSAL NA GSO SBYONG DGAG DBYE MI CHAGS PAR BSHAD PA DANG, YANG ZHU BA LAS MTHA' 'KHOD BAS 'PHAGS PA'I SKAD MA 'TSAL KYANG BSNYEN RDZOGS DANG LAS RNAMS CHAGS PAR BSHAD PA'I SKAD MA 'TSAL TSUL DON GCIG KHO NAR BSHAD MI RIGS PAR THAL, GLEN PA DANG MYOS PA DANG GNYID DANG MTHA' 'KHOB LA SOGS PA DAG LA LAS BYAS PAR YANG MI SHES NA LAS MI CHAGS PA SNGA MA'I DANG, MYOS PA DANG SMYON PA DANG GLEN BA DANG GNYID DANG MTHA' 'KHOB PA SKAD MA GO YANG BDAG LA LAS DE BYAS PAR SHES PA YOD NA LAS CHAGS PA YIN PA'I PHYIR TE, RTZA BAR, SMYON PA'I

, ,STON PA YANG NGO, ,ZHES DANG, ZHU BA LAS, BTZUN PA SMYON PAS LAS BGYIS NA LAS BGYIS PA ZHES BGYI'AM, AU PA LI SMYON PA LA SMYON PA SPYIN PA'I LAS MA GTOGS PA'I LAS LHAG MA NI; DE STE, SLAR DGE SLONG DU 'DU SHES YOD CING, LAS 'DI NI BDAG LA BYED DO BAR SHES NA LAS BYAS PA ZHES BYA'O, ,SEMS 'KHRUGS PA DANG, NAD KYIS GZIR BA DANG GLEN PA DANG LKUGS PA DANG, 'ON PA RNAMS KYANG DE BZHIN NO, ,ZHES GSUNGS PA'I PHYIR, SPYIR BTANG LA BSNYEN RDZOGS LA MTSAN MTHUN PA DGOS KYANG, MI DGOS PA'I DMIGS BSAL DU MA YOD DE, MA LA MI DGOS ZHING PHA LA SPYIR PHA KHO NA DGOS, PHA BSNYEN RDZOGS KYI TSE YANG MTSAN 'GYUR BA DANG, PHA MA PHAN TSUN GYI BSNYEN RDZOGS NOD KYANG SKYE BA'I PHYIR, DANG PO GRUB STE, RTZA BAR, BUD MED LA NI BUD MED DANG SKYES BAS KYANG NGO, ,ZHES GSUNGS PA'I PHYIR, GNYIS PA GRUB STE, RTZA BAR, SKYES PA LA NI SKYES PA KHO NAS SO, ,ZHES GSUNGS PA'I PHYIR, GSUM PA GRUB STE, ZHU BA LAS, BTZUN PA LAS BGYIS PA NA MTSAN 'GYUR NA LAS BGYID PA ZHES BGYI'AM, AU BA LI, BYAS PA ZHES BYA'O, ,JI LTAR LAS BYED PA DE BZHIN DU GRANGS SU BGRANG BAS KYANG BRJOD PAR BYA'O, ,ZHES GSUNGS PA'I PHYIR, KHYAB STE, KHA SKONG LAS BYED GNYIS LA BSHAD PAS SO, ,BZHI PA GRUB STE, DGE SLONG MA'I SDOM PA YANG PHA'I DGE 'DUN GTZO CHE ZHING

MA NI 'DUS PA TZAM YIN LA MCHOG GIS PHA BSNYEN PAR RDZOGS KYANG DGE 'DUN LHAG PA LAS CHAD PA MED PA'I PHYIR TE, LHAG PA NI MI CHAGS PA'I RGYU MA YIN PA'I PHYIR TE, RTZA BAR, DGE SLONG DANG DGE SLONG MA DAG GIS LAS GZHAN BYED PAS MA YIN NO, ,ZHES DANG, t'IKKA LAS, DGE SLONG NYID LA DGE SLONG MA NYID KYIS LAS BYED PA MI CHAGS PA MA YIN LA, DGE SLONG MA NYID LA DGE SLONG NYID KYIS LAS BYED PA YANG MI CHAGS PA MA YIN PA'O, ,ZHES GSUNGS PA'I PHYIR DANG, LUNG SIL BU LAS KYANG, BTZUN PA RE ZHIG DGE SLONG MA'I LAS KYIS BSNYEN PAR RDZOGS PAR BGYID NA, BSNYEN PAR RDZOGS PAR BRJOD PAR BGYI 'AM, NYE BAR 'KHOR BA SNYEN RDZOGS PAR BRJOD PAR BYA STE, ZHES GSUNGS PA'I PHYIR, 'DI LTAR MA GO BAR HAM SHUR BYAS PA MANG PO SNANG, YANG KHO NA RE, CHO GA'I TSIG GANG 'KHRUGS NA YANG MI CHAGS PAR THAL, DE 'KHRUGS NA NYES MED PHUN TSOGS MI CHAGS PA'I PHYIR NA MA KHYAB, RTAGS GRUB STE, RTZA BAR, DE NI MI BYA BA NYID DO, ,ZHES GSUNGS PA'I PHYIR DANG, t'IKKA LAS KYANG, DE NI ZUR CHAGS PA YIN PAS DE LTAR BYED NA NYES BYAS SU 'GYUR RO, ,ZHES GSUNGS PA'I PHYIR, RTZA BAR 'DOD MI NUS TE, TSIG SNGA PHYI DANG PHRAD 'CHUGS PAS DON GO BAR MI BYED NA MI CHAGS LA DON GO NUS NA CHAGS PA'I PHYIR TE, RTZA BAR, DON GYI SKABS DAG GI GO RIM 'KHRUGS PAS NI MI CHAGS PA MIN NO, ,ZHES DANG, t'IKKA LAS, DE YANG TSIG GI PHRAD

, ,SNGA PHYI 'KHRUGS PAS GO BAR BYED PA MIN NA NI MI CHAGS SO, ,GO PAR BYED PA YIN NA NI 'CHAGS SO, ,ZHES GSUNGS PA'I PHYIR, YANG KHA CIG, CHOG LAS 'DAS NA LAS MI CHAGS ZHES PA'I CHO GA DGE 'DUN YIN ZER, YANG KHA CIG, DE'I CHO GA DGE 'DUN GYI BRJOD PA'I LAS YIN ZER, GNYIS KA MI 'THAD BAR THAL, SKABS 'DI'I CHOG NI LAS CHAGS PA DE'I THABS YIN PAS DE LA 'OS PA'I DGE 'DUN GRANGS TSANG BA DANG LAS BYED PA DANG BSGRUB BYA LA DES LAS BRJOD PA GSUM TSOGS DGOS PA'I PHYIR, DER THAL, DE GSUM GYI GCIG MA TSANG NA YANG CHO GA MA TSANG BA DANG CHO GA LAS 'DAS PA'I SKYON YOD PA'I PHYIR TE, RTZA BAR, 'DIR CHO GA NI DGE 'DUN TSANG BA DANG LAS BRJOD PA DANG LAS BYED PA NYID DO, ,ZHES DANG, t'IKKA LAS KYANG, CHO GA GANG GIS LAS BSTAN PA YONGS SU DAG PA DANG DGE 'DUN TSANG BA DANG LAS BRJOD PA DANG LAS BYED PA LA SOGS PA GANG DAG YIN PA'I CHO GA DE DAG LAS 'DAS NA LAS DE BYAS PAR MI 'GYUR ZHING LAS KYI 'BRAS BU YANG 'GRUB PAR MI 'GYUR RO, ,ZHES GSUNGS PA'I PHYIR, GZHAN YANG SNGA MA DE LA 'O NA, LAS BYED PO MED LA GSO SBYONG LTA BU'I LAS DE'I SBYOR BA LA 'DUS PA'I 'OS PA'I DGE 'DUN TZAM GRANGS TSANG BA DE CHOS CAN, GSO SBYONG GI LAS KYI CHO GA TSANG BAR THAL, DE'I DGE 'DUN GRANGS TSANG PA'I PHYIR, 'KHOR GSUM, BYED PA PO DANG

BCAS PA'I GRANGS TSANG ZER NA 'ANG, 'O NA RAB BYUNG GI RTAGS GTAN NAS MED PAR BSNYEN RDZOGS BYED PA'I BSNYEN RDZOGS LTA BU'I MKHAN SLOB DGE 'DUN GRANGS TSANG BA CHOS CAN, DE'I BSNYEN RDZOGS KYI CHO GA TSANG BAR THAL, 'DOD PA'I PHYIR, 'DOD NA, SDOM PA YANG SKYE BAR 'GYUR, GNYIS PA LA GANG ZAG TZAM KYIS BSNYEN RDZOGS SOGS KYI GSOL BZHI BTON PA CHOS CAN, SKABS 'DI'I CHO GA YIN PAR THAL, 'DOD PA'I PHYIR, 'DOD NA, KHYOD LA 'DI'I CHO GA'I MTSAN NYID TSANG BAR THAL LO, ,'DOD NA, ZHU PA'I YUL DGE 'DUN TSANG PAR THAL LO, ,DE BZHIN DU SNGA MA LTAR BSGRUB BYA DANG DGE 'DUN DANG LAS BYED DANG BSGRUB BYA MA TSANG BA DAG RE RE NAS 'PHEN, YANG KHA CIG; DGE 'DUN DANG 'GREL BA'I LAS LA LAS GSUM GANG RUNG GIS KHYAB ZER BA DANG DGE 'DUN GYI LAS KYIS KHYAB ZER NA, GANG ZAG GIS DGE 'DUN LA YONGS DAG 'BUL BA CHOS CAN, DE GNYIS RE RE NAS YIN PAR THAL; DGE 'DUN DANG 'BREL BA'I LAS YIN PA'I PHYIR TE, YUL DGE 'DUN LA ZHU BA'I LAS YIN PA'I PHYIR, DES GZHAN LA'ANG 'DRA'O, ,'DOD NA SLA, YANG KHA CIG, 'DUL BA NAS BSHAD PA'I LAS GSUM GANG RUNG YIN NA; 'DI'I LAS BRGYA RTZA GCIG PO GANG RUNG YIN PAS KHYAB ZER NA, BSTAN PA YUN RING DU GNAS PA'I BKA' SDUD DANG PO'I KUN DGA' BO DANG NYE BAR 'KHOR MDO SDE'I DANG 'DUL BA'I BKA' BSDU BSKOS PA'I PHRAN TSEGS LAS

, ,BSHAD PA'I GSOL BZHI'I LAS GNYIS RE RE NAS CHOS CAN, DER THAL, DE'I PHYIR, RTAGS GSAL SLA, GZHAN YANG, GANG ZAG RLABS BO CHE BSTAN PA LA GZHUG PA'I DON DU BAG YANGS SU BYA BA'I GSOL BZHI'I LAS CHOS CAN, DER THAL, DE'I PHYIR, DER MA ZAD BSTAN PA 'PHEL CHED DU BAG YANGS SU BYA BA'I GSOL BZHI'I LAS KYANG YOD PA'I PHYIR TE, SHING RTA CHEN PO THOGS MED KYIS; GANG ZAG RLABS PO CHE BSTAN PA LA GZHUG PA'I DON DU BAG YANGS BYA BA GSOL BA DANG BZHI'I LAS DANG BSTAN PA 'PHEL BAR BYA BA'I DON DU BAG YANGS BYA BA GSOL BA DANG BZHI'I LAS DANG, ZHES GSUNGS PA'I PHYIR, SMRAS BA, SDE BZHI CHU GTER BZHI YI GTING ZAB MTHAR, ,PHYIN PA'I 'PHAGS PA'I NOR MANG GDUL BYA LA, ,SGRUB BA'I DBANG GI RGYAL PO LEGS BYAS BRGYA'I, ,CHAR 'BEBS LAS BRGYA'I RDZOGS LDAN SPRIN BZANG BSGRUB, ,'JIG RTEN RGAN PO PHYUG DANG THUN MONG GI, SPYAD BYA'I ZANG ZING TSANGS BA'I YUL RGAL BAS, ,THUB DBANG MCHOG KHYOD MI MNYES SGRUB PA LA, ,DGYES 'DZUM BDUD RTZIS BDAG SNYING KUN DA BZHAD, ,PHYOGS BCU'I THUB DBANG YONGS KYI TSUL ZHI BA, ,CHOS KYI GOS GSUM BSNAMS PA'I TSUL KHRIMS DRIS, ,LHA KLU MI RNAMS ZHI BAR BYAS TSUL LA, ,DANG BA'I DRI NGAD YONGS 'DU'I LJON PA BZHIN, ,ZHES PA'ANG BAR SKABS KYI TSIGS SU BCAD PA'O, ,LAS GZHI

LEGS BAR BSHAD ZIN TO,, ,,BZHI PA PHYIR BCOS KYI GZHI LA, LTUNG BA PHYIR BCOS DANG, RTZOD PA PHYIR BCOS GNYIS, DANG PO LA PHYIR BCOS KYI GZHI DNGOS BSHAD PA DANG, DUS DANG DUS MA YIN PA 'BYUNG BA'I GZHI BSHAD PA, SA GZHAN NA GNAS PA SPYOD PA'I GZHI DANG, YONGS SU SBYONG BA'I GZHI DANG, LAS DBYE BA'I GZHI DANG, 'KHOR LO DBYE BA'I GZHI DANG DRUG LAS, DANG PO LA RANG MI SPRO BA LA PHYIR BCOS KYI SBU NAN TUR DANG, RANG SPRO BA MTHOL BSHAGS KYI SGO NAS PHYIR BCOS PA DNGOS GNYIS LAS, DANG PO STON PAR, GZHI MA ZHI BAR SHES NAS GLENG PA POS SO SOR SHES PAR BYAS SHING MNGON SUM DU 'JOG PA LA NAN TUR GYI LAS BYA'O, ,ZHES PA NAS, BYUNG BA NI RIGS SO, ,ZHES BYUNG, 'DI LA GLENG GZHI, NAN TUR GYI MTSAN NYID, DBYE BA, BSDU BA, NAN TUR SNGON 'GRO'I BYA BA LA MDOR BSDUS SBYAR BA, RJES KYI BYA BAR MDOR BSDUS SBYOR BA, NAN TUR GANG LTUNG BA'I RGYUR 'DRA BAR BSTAN PA, DE'I SGRA DON, NAN TUR JI LTAR BYA BA'I TSUL DANG DGU LAS, DANG PO NI, NA BA SO DANG 'GRO MGYOGS KYIS DGE SBYONG GI CHOS MA LAGS PA MANG PO BYAS PA LA NAN TUR BYAS PA'I PHYIR, GNYIS PA NI, NAN TUR KYI MTSAN NYID YOD DE, MI 'DOD BZHIN DU LAS KYIS CHAD PAR BCAS PA LA MJUG BZOD PA GSOL DGOS RUNG DU YOD PA'I LAS DE DE YIN PA'I PHYIR, MI 'DOD BZHIN ZHES PAS NGO BO NYID TSOL BA SEL, LAS KYIS ZHES PAS

, ,GNAS KYIS GNAS PA LA PHAN PA LNGA BYA BAR GSUNGS PA DE DAG SEL, CHAD PAR BCAS ZHES PAS GRANGS SU GZHUG PA GCOD, MJUG BZOD GSOL DGOS RUNG ZHES PAS NAN TUR GZHAN STOBS KYIS GROL BA YANG SDUD PA'I PHYIR RO, ,BRAM ZE BU MOS ZHUS PA LAS, BSKRAD PA ZHES PA'I SGRA'I DON CI LAGS, NYE BAR 'KHOR LAS DE'I MING YIN TE, 'ON KYANG BSKRAD PAR BYA BA NI DGE SLONG KHYIM SUN 'BYIN PA GANG YIN PA DE LA BYA STE, DE 'DIR GNAS PAR MI BYA'O SOGS DANG, GZHI 'GREL LAS, NAN TUR NI CHAD PA'I LAS TE, YONGS SU DAG PA'I, NAS, NYAMS PAR BYAS TE 'OG MAR 'JOG PAR BYED PA'I PHYIR, ZHES GSUNGS PA'I PHYIR, GSUM PA NI, NAN TUR LA SGRAS BRJOD KYIS PHYE NA BCO LNGA YOD DE, BSDIGS PA NAN TUR, SMAD PA NAN TUR, BSKRAD PA NAN TUR, PHYIR 'GYED NAN TUR, MA MTHONG BA GNAS NAS DBYUNG BA'I NAN TUR, PHYIR MI 'CHOS PA GNAS NAS DBYUNG BA'I NAN TUR, SDIG LTA MI GTONG BA GNAS NAS DBYUNG BA'I NAN TUR, 'THAB KROL LA 'BAD PA GNAS NAS DBYUNG BA'I NAN TUR, RNAM PAR GTAN LA 'BEBS PA LAS GYUR BA NYE BAR MA ZHI BA GNAS NAS DBYUNG BA NAN TUR, 'THAB KROL GYI RGYU NYE BAR SGRUB PA GNAS NAS DBYUNG BA NAN TUR, DGE SLONG MA DANG 'DRE ZHING GNAS PA GNAS NAS DBYUNG BA NAN TUR, GSO SBYONG BZHAG PA'I NAN TUR DANG, DGAG DBYE BZHAG PA'I

NAN TUR, DGE TSUL BSNYIL BA'I NAN TUR, LHUNG BZED KHA DBUB PA'I NAN TUR RNAMS SU YOD PA'I PHYIR, DGE TSUL PHAM BSNYIL BA NAN TUR YANG LUNG LAS DNGOS SU GSUNG BAS BCO LNGA BSHAD DGOS SO, ,DANG PO DRUG GI DON RIM BZHIN YOD DE, 'THAB KROL BYED PA LA LAS KYI KHYAD PAR CAN GYI SPYOD PA LNGA SPANGS DGOS PA'I CHAD LAS BKAL ZHING, DE MTHUL NA GNAS NAS 'BYIN PAR BSDIGS PA NAN TUR DANG, LHAG MA'I LTUNG BA MI 'CHOS PAR RGYUN DU BYED PA LA GNYEN PO STOBS CHUNG BA'I SGO NAS SMAD PA NI SMAD PA NAN TUR DANG KHYIM SUN 'BYIN PA LA DE SUN 'BYIN GNAS NAS BSKRAD PA NI BSKRAD PA NAN TUR DANG, KHYIM PAR BRNYAS THABS BYED PA LA MDZA' BCUG GI DNGOS PO BTANG BA'I SGOS PHYIR 'GYED PA NI PHYIR 'GYED PA NAN TUR DANG, LTUNG BA GLENG BA LA SKABS MI 'BYED NA DGE 'DUN DANG LHAN DU GSO SBYONG MI BYED PA NI GSO SBYONG BZHAG PA'I NAN TUR DANG, GSO SBYONG BZHAG PAS DGE 'DUN DANG LHAN CIG DGAG DBYE BYED DU MI 'JUG PA NI DGAG DBYE BZHAG PA'I NAN TUR YIN PA'I PHYIR, GZHAN RNAMS KYANG DES RIGS BSGRES, BZHI PA NI BSDU NA YUL GYI SGOS RAB BYUNG LA BYA BA'I DE DANG, KHYIM PA'I DE GNYIS, CHO GA'I SGO NAS GSOL BZHI'I DE DANG, GSOL BA 'BA' ZHIG PA'I DE GNYIS SU 'DU BA'I PHYIR TE, SNGA MA BCU BZHI NI DANG PO GNYIS DANG, BCO LNGA PA NI PHYI MA GNYIS YIN PA'I PHYIR, NGO BO'I SGO NAS GSUM DU 'DU STE, SMAD PA'I DE, RNAM PAR DAG PA'I DE,

, ,SPANGS PA'I DE RNAMS SU 'DU BA'I PHYIR, SNGA MA BZHI DANG PO DANG, BAR MA GNYIS GNYIS PA DANG, THA MA DGU GSUM PAR 'DU BA'I PHYIR, LNGA PA NAN TUR GYI SNGON 'GRO'I RUNG MTHUN SBYOR TSUL YOD DE, RNAM PAR GTAN LA 'BEB PA LAS GYUR PA GNAS NAS DBYUNG BA MNGON SUM BRGYAD SNGON 'GRO'I CHOS SU GSUNG PA LTAR GNAS DBYUNG GZHAN RNAMS LA YANG BZHAMS BSGO LA SOGS PA'I BZLOG PA SNGON DU 'GRO DGOS BAR RUNG MTHUN SBYOR BA DE YIN PA'I PHYIR TE, RTZA BAR, GNAS NAS DBYUNG BA LA YANG DE BZHIN NO, ,ZHES GSUNGS PA'I PHYIR, DRUG PA RJES KYI BYA BA'I RUNG MTHUN SBYOR TSUL YOD DE, BSDIGS PA NAN TUR BYAS PAS MA LOG NA MJUG TU GNAS NAS DBYUNG BA DNGOS SU GSUNGS PAS SMAD PA DANG BSKRAD PA DANG PHYIR 'GYED NAN TUR RNAMS LA BZLOG KYANG MI GTONG NA MJUG TU GNAS DBYUNG BYA BA YIN PA'I PHYIR TE, 'DIS GNAS DBYUNG BDUN GYI GRANGS NGES DANG MI 'GAL LO, ,BDUN PA NAN TUR GANG LTUNG BA'I RGYUR 'DRA BAR BSHAD DU YOD DE, KHYIM SUN 'BYIN PA'I DGE SLONG LA DGE 'DUN GYIS BSKRAD PA NAN TUR BYAS PAS DE DGE 'DUN LA SKUR PA 'DEBS NA DE'I TSE BZHAMS BSGO SOGS KYIS BZLOG KYANG MA LOG NA MJUG TU LHAG MA SKYED BAR LUNG RNAM 'BYED LAS DNGOS SU GSUNGS PA BZHIN DU KHYIM PAR BRNYAS THABS BYED PA'I DGE SLONG LA DGE 'DUN GYIS PHYIR 'GYED NAN TUR BYAS PAS DES DGE

'DUN LA SKUR PA 'DEBS NA DE'I TSE BZHAMS BSGO SOGS KYIS BZLOG KYANG MA LOG NA MJUG TU LHAG MA SKYED PAR RUNG MTHUN SBYAR BAR BYA BA YIN PA'I PHYIR, DE BZHIN DU BSDIGS SMAD GNYIS LA'ANG RUNG MTHUN SBYOR BA'I PHYIR, 'DIS KYANG LHAG MA BCU GSUM GYI GRANGS NGES DANG MI 'GAL LO, ,BRGYAD PA SGRA BSHAD YOD DE, t'IKKA LAS, NAN TUR ZHES BYA BA NI 'OG TU BZHAG CING BSHUD PA NYID DU RNAM PAR BZHAG CES BYA BA'I THA TSIG GO ,ZHES GSUNGS PA'I PHYIR, BSHUNG PA NI SMAD PA'I BRDA RNYING YIN NO, ,NAN TUR BYA TSUL YOD DE, DE'I DGOS PA DANG, YUL, RTEN, DUS, CHO GA, NAN TUR GYI BSLAB BYA, DE LAS GROL BA'I RGYU DANG BDUN YOD PA'I PHYIR, DANG PO DGOS PA YOD DE; NYES PA LA MA ZHUGS PA MI 'JUG CING ZHUGS PA 'PHRO BCAD PA'I CHED YIN PA'I PHYIR, GNYIS PA NAN TUR GANG LA BYA BA'I YUL RAB BYUNG LA CHOS BCU LDAN DGOS TE, RAB BYUNG LA SDE LNGA GANG RUNG GI SDOM PA GSO RUNG DANG LDAN PA; SHES PA RANG BZHIN DU GNAS PA, LUS THA MAL DU GNAS PA DANG, NAD PA MA YIN PA, GNAS NAS PHYUNG PA MA YIN PA, CHOS MIN PHYOGS MIN PA, TSOGS SU MA TSANG BA, LTUNG BA GLENG DRAN SNGON DU SONG PA, GZHI LEGS PA DANG LDAN PA RNAMS DGOS PA'I PHYIR, KHYIM PA YIN NA CHOS DRUG LDAN DGOS TE, RANG GI SBYIN BDAG TU GTOGS PA'I KHYIM PA DANG, NA BA MIN PA, DGE SLONG SOGS LA RDZUN GYI SGO NAS PHA MA SOGS KYIS SKUR BA 'DEBS PA DANG, GSHE BA DANG SPYO PA

, ,DANG; SNGAR LHUNG BZED KHA SBUB PA DANG MA 'BREL BA RNAMS DGOS PA'I PHYIR, GSUM PA NAN TUR BYED PA'I RTEN YOD DE, DGE 'DUN MTSAN NYID BZHI LDAN GYIS BYED PA'I PHYIR, BZHI PA DE'I DUS YOD DE, DBYAR NANG MIN PA DANG BYA BAS YID MA G-YENG BA'I DUS SU BYED PA'I PHYIR, LNGA PA CHO GA LA SBYOR DNGOS MJUG GSUM LAS, SBYOR BA DGE 'DUN 'DU PA'I SKABS SGRUB PA DANG, LTUNG BA GLENG DRAN BYA BA DANG, GLENG BA PO RANG MA LANGS NA DGE 'DUN GYIS BSKOS BAS GLENG DRAN BYA BA RNAMS YIN TE, RTZA BAR, SLENG BA POS SO SOR SHES PAR BYAS SHING, ZHES PA DANG, t'IKKA LAS, DGE 'DUN THAMS CAD GSHE BA GANG YIN PA DE NI MI RIGS SHING MI MDZES PAS; ZHES GSUNGS PA'I PHYIR, DNGOS GZHI YOD DE, GSOL BZHI'I LAS KYIS SHA TAm LTAR BYED PA'I PHYIR, MJUG GI YOD DE, MJUG SDUD BRJOD PA DANG, 'DI NYID DU LTUNG BA 'DI PHYIR BCOS SHIG DANG KHYOD LA DGE 'DUN GYIS BAG YANGS SU BYED PAR 'GYUR RO, ,ZHES BRJOD PA DE YIN PA'I PHYIR, DRUG PA NAN TUR GYI BSLAB BYA YOD DE, BSDIGS SMAD BSKRAD PHYIR 'GYED BZHI BYAS PAS NI KHYAD PAR CAN GYI SPYOD PA LNGA SPONG BA DANG, BSKRAD PA NAN TUR BYAS PAS GANG NAS BSKRAD PA'I GNAS DER MI GNAS PA DANG, GNAS DBYUNG BDUN DANG BSNYIL BA NAN TUR BYAS PAS KHYAD PAR CAN GYI SPYOD PA LNGA SPONG BA DANG, 'DI BA'I RAB BYUNG RANG BZHIN DU GNAS PA RNAMS DANG CHOS DANG ZANG ZING LHAN CIG

MI SPYOD PA DANG, GSO SBYONG DGAG DBYE BZHAG PAS DE LHAN CIG MI SPYOD PA DANG, LHUNG BZED KHA SBUB PAS NI RAB BYUNG RNAMS KYI CHOS DANG ZANG ZING LONGS SPYOD BYED PA SPANGS PA RNAMS YIN PA'I PHYIR, KHYAD PAR CAN GYI SPYOD PA LNGA YOD DE, GZHAN GYIS PHYAG DANG LDANG BA BYED PA SOGS DANG 'DUD PA'I GUS PAS LAS BDAG GIR BYED PA DANG, SA RANG BZHIN DU GNAS PA DANG 'GROGS NAS 'GRO TSE GOM PA MNYAM PA'AM LHAG PAR 'GRO BA DANG, GZHAN GYI MKHAN SLOB BYED PA LTA BU BLA MA'I GNAS DANG, DGE SLONG MA LA LTUNG BA GLENG DRAN BYED PA LTA BU CHAD PAR GTOGS PA'I BYA BA BYED PA DANG, SA RANG BZHIN PA RNAMS DANG MNYAM 'GROGS BYED PA DANG KHYAD PAR LNGA YIN PA'I PHYIR TE, DE DAG LNGA SPONG BA NI KHYAD PAR CAN LNGA SPONG BA YIN PA'I PHYIR, BDUN PA DE LAS GROL BA'I RGYU THUN MONG MIN PA DANG, THUN MONG BA GNYIS YOD DE, DANG PO NI, GSO DGAG BZHAG PA GNYIS LA, DE BYED PA PO'AM DES BSKOS PA DANG LHAN CIG DE DAG BYAS PA NA DE DAG LAS GROL ZHING, GNAS DBYUNG GI NAN TUR MIN PA'I NAN TUR GZHAN LA NAN TUR GZHAN BYAS PA NA SNGA MA DE LAS GROL BAR 'GYUR BA'I PHYIR, THUN MONG GI GROL RGYU YOD DE, DE LA BZOD PAR GSOL BA DANG BDEN PA MTHONG BA DANG, DGRA BCOM THOB PA NA NAN TUR THAMS CAD LAS GROL ZIN PA'I PHYIR, GNYIS PA RANG SPRO BAS PHYIR BCOS STON PAR, LTUNG BA BCAB PAR MI BYA'O, ,THAN MING GIS SO BAR BYA BA NYID DE, ,NYES BYAS NI GANG YANG

, ,RUNG BAS SO, ,SA RANG BZHIN DU GNAS PA LA'O, ,LTA PA THA MI DAD PA LA'O, ,BSNYEN PAR RDZOGS PA DANG BCAS PA LA'O, ,ZHES SOGS BYUNG, 'DI LA MTHOL BA DANG, BSHAGS PA'I TSUL GNYIS, DANG PO LA KHYAD PAR LNGA YOD DE, YUL, RTEN, DNGOS PO, CHO GA, DGOS PA LNGA YOD PA'I PHYIR, DANG PO YOD DE, DE'I LUS DANG SA RANG BZHIN DU GNAS PA DANG, LTA BA DANG MTSAN MTHUN PA DANG BSNYEN PAR RDZOGS PA LNGA DGOS PA'I PHYIR TE, RTZA BAR, SA RANG BZHIN DU GNAS PA LA'O, ,LTA PA THA MI DAD PA LA'O, ,BSNYEN PAR RDZOGS PA DANG BCAS PA LA'O, ,MTSAN MTHUN PA LA'O, ,ZHES GSUNGS PA'I PHYIR, DER MA ZAD LUS THA MAL DANG THA SNYAD GSUM LDAN DANG MTSAMS NANG DER GNAS PA CHOS DGU LDAN DGOS SHING, CHOS BDUN LDAN GONG 'OG TU BSHAD PA THAMS CAD 'KHYER DGOS SO, ,MTHOL YUL GYI GRANGS YOD DE, BSGO BA LAS GYUR BA'I LTUNG BA RNAMS NI RANG LA BSGO BA'I LAS MDZAD PA'I DGE 'DUN THAMS CAD LA MTHOL DGOS PA'I PHYIR TE, RTZA BAR, BSGO BA LAS BYUNG BA RNAMS NI DGE 'DUN THAMS CAD LA'O, ,ZHES GSUNGS PA'I PHYIR SOR BSHAGS NI GNAS DER JI TZAM TSOGS PA'I DGE SLONG RNAMS LA DGOS TE, RTZA BAR, SO SOR BSHAGS PAR BYA BA NI GNAS DENG TSOGS PA LA'O, ,ZHES GSUNGS PA'I PHYIR, DE LAS GZHAN PA'I LTUNG BA RNAMS NI DGE SLONG CHOS 'DUN

LDAN LA DGOS TE, SNGAR BSHAD ZIN PA'I PHYIR, DMIGS BSAL BDUN LDAN MA RNYED NA DGE BSNYEN SOGS LA'ANG MTHOL RUNG STE, DGE BSNYEN DANG DGE TSUL DANG DGE TSUL MA SOGS MTSAN MI MTHUN PA LA'ANG RUNG BA'I PHYIR TE, RTZA BAR, CHOS 'DI BA LA DE BYAS NA BYAS BA NYID DO, ,ZHES PA DANG, DE'I THAD KYI RANG GI RNAM BSHAD LAS, CHOS 'DI BA ZHES PA BSNYEN PAR RDZOGS PA MTSAN MI MTHUN PA DANG RAB TU BYUNG ZHING BSNYEN PAR MA RDZOGS PA DANG; KHYIM BA DE BZHIN GSHEGS BA'I CHOS KYI LTA BA CAN THAMS CAD BSDUS TE, CHOS 'DI BA DE DAG LA LTUNG BA RIG PAR BYA BA DE BYAS NA YANG BYAS PA NYID DO, ,DE RIG PAR BYAS NA BCAB PAR MI 'GYUR RO, ,ZHES GSUNGS BA'I PHYIR DANG, NYE BAR 'KHOR GYIS ZHUS PA'I GANG ZAG GI GZHI LAS KYANG, DGE SLONG LA BRJOD NA BRJOD BGYI 'AM, NYE BAR 'KHOR BRJOD CES BYA'O, ,DE BZHIN DU DGE SLONG MA DANG, BSLAB PA SBYIN PA DANG, DGE SLOB MA DANG, DGE TSUL DANG DGE BSNYEN DANG DGE BSNYEN MAL BRJOD NA BRJOD CES BGYI 'AM, NYE BAR 'KHOR BRJOD CES BYA'O, ,ZHES GSUNGS PA'I PHYIR, MTSAMS KYI DMIGS BSAL YANG YOD DO, MTSAMS GZHAN DANG SA LA GNAS BA'I DGE SLONG LA BAR SNANG LA GNAS PAS BDAG LA LTUNG BA 'DI BYUNG NGO, ,ZHES MTHOL BA YANG MTHOL BA'I GO CHOD PA'I PHYIR TE, RTZA BAR, MTSAMS GZHAN NA GNAS BA YANG NGO, ,ZHES PA DANG, RANG GI RNAM BSHAD

, ,LAS; 'DIR GZHUNG NI DE BZHIN DU DOGS SA LA MCHIS BA LA NAM MKHA' LA MCHIS PAS DE DAG BRJOD NA BRJOD CES BGYI 'AM, NYE BAR 'KHOR BRJOD PA ZHES BYA STE, BRJOD PA NYES BYAS SU 'GYUR RO, ,ZHES GSUNGS PA'I PHYIR DANG, 'DI'I NYES PA BSDAM BYA PHRA MA ZHIG TU MNGON, GNYIS PA RTEN YOD DE, SDE LNGA'I SDOM PA GSO RUNG YAN CHAD DANG LDAN PA DANG SHES PA RANG BZHIN DU GNAS PA GNAS NAS PHYUNG BA RNAMS MA YIN PA DGOS PA'I PHYIR, DER THAL, GNAS NAS PHYUNG BA MTHOL PA'I RTEN DU MI RUNG BA'I PHYIR TE, DE'I YUL MED PA'I PHYIR, GSUM PA DNGOS PO NI LTUNG BA SDE LNGA GANG RUNG NGAM DER GTOGS PA DANG; RTEN GYI RGYUD DANG 'BREL BAR YOD BA DANG, NGO BO SHES SAM YID GNYIS ZA BA SNGAR MTHOL ZIN MA YIN PA BZHI DGOS TE, SDE LNGA GANG RUNG DU GTOGS KYANG DE GANG RUNG MIN PA YANG YOD PA'I PHYIR, BZHI PA CHO GA JI LTA BUS YOD DE, SBYOR DNGOS MJUG GSUM YOD PA'I PHYIR, DANG PO YOD DE, YUL RGAN NA PHYAG DANG THUGS GTANG ZHU ZHING, LHAM PHUD DE TZOG PUS SPYOD LAM GYIS BYED BA'I PHYIR, DNGOS GZHI YOD DE, SPYIR BTANG LA, BTZUN PA DGONGS SU GSOL, BDAG DGE SLONG MING 'DI ZHES BGYI BA LA LTUNG BA 'DI BYUNG STE, BDAG DGE SLONG MING 'DI ZHES BGYI BAS LTUNG BA DE BTZUN PA'I MDUN DU MTHOL LO, ,MI 'CHAB PO, ,MTHOL NA BDAG BDE BA LA REG PAR

GNAS PAR 'GYUR GYI, MA MTHOL NA MI 'GYUR RO ZHES LAN GSUM BRJOD PA DANG THABS LEGS BYED PA DANG, DMIGS BSAL DGAG DGOS KYI TSE, BDAG LA 'DI LTA BU'I LTUNG BA BYUNG NGO, ,ZHES THA MAL PA'I TSIG GIS BRJOD BAS KYANG CHOG PA DANG BCABS BAS MTHOL BA LA LTUNG BA GCIG NAS DPAG MED KYI BAR DANG ZHAG GCIG NAS MANG PO'I BAR BCABS PA MTHOL BA STE MU BCU DGU YANG YOD PA'I PHYIR TE, RNAM BSHAD RIN CHEN PHRENG BA LAS, DMIGS BSAL NI MING TZAM YANG RIG PAR BYA BA LA SOGS PA'O, ,DE BZHIN DU GNYIS LA DAG DANG, ZHES PA NAS, ZHAG DPAG TU MED PAR BCABS PA MTHOL BA STE MU BCU DGU'O, ,ZHES GSUNGS PA'I PHYIR, LNGA PA DGOS PA YOD DE, LTUNG BA BCABS PA'I NYES PA MI 'BYUNG ZHING DNGOS GZHI PHYIR BCOS PA'I RTEN DU 'GYUR LA BCABS PA MTHOL BAS NYES PA 'PHEL BA RGYUN CHAD PA'I PHYIR, RIN CHEN PHRENG BA LAS, ,DES BCABS NYES 'PHEL BA RGYUN CHAD PAR 'GYUR RO, ,ZHES GSUNGS PA'I PHYIR, GNYIS PA LTUNG BA BSHAGS CHUL 'CHAD PAR, YID KYI DE LAS NI BSDAM PA BYAS NA LDANG NGO, ,NAS, BYUNG BA NI RIGS SO, ,ZHES PA'I BAR BYUNG, DE BSHAGS PA LA DGE SLONG MA YIN PA'I DANG, DGE SLONG GIS BSHAGS TSUL GNYIS, DANG PO YOD DE, SPYI BTANG LA YUL DGE SLONG CHOS BDUN LDAN GYI STENG DU LTUNG BA MI MTHUN PA STE BRGYAD LDAN LA, RTEN BSNYEN RDZOGS MIN PA'I SDOM PA GSO RUNG GI RAB BYUNG THA SNYAD GSUM LDAN DES, DNGOS

, ,PO BSHAGS BYA'I NYES PA RANG RGYUD LA SHES SHING DRAN PA DE CHO GA SBYOR DNGOS MJUG GSUM TSANG BA'I SGO NAS BSHAGS PAR BYA BA YIN PA'I PHYIR, BSNYEN PAR MA RDZOGS PA'I NYES BYAS LA BSHAGS BYAS MA KHYAB STE, BSDAM BYA NI BSHAGS MI DGOS PAR BSDAMS PAS CHOG LA, PHAM 'DRA 'CHAB BCAS BYUNG NA BSNYIL BAR BYA BA YIN PA'I PHYIR, RTZA BAR, YID KYI DE LAS NI BSDAMS PA BYAS NA LDANG NGO, , ZHES GSUNGS PA'I PHYIR, GNYIS PA BSNYEN RDZOGS KYI BSHAGS TSUL YOD DE, DE RJES LTUNG BA DNGOS GZHI'I MTHOL BSHAGS BYED DGOS PA'I PHYIR, BCABS NYES YOD NAM BSHAGS PAR DNGOS GZHI'I LTUNG BA MI 'DAG PA'I PHYIR TE, RTZA BAR, BCABS PA'I NYES PA MED NA DE 'CHAGS SO, ,ZHES PA DANG, t'IKKA LAS, JI SRID DU SPOBS BCABS PA'I NYES PA MED PAR MA BYAS PA DE SRID DU MGU BAR BYA BA MI 'CHAGS SO, ,ZHES GSUNGS PA'I PHYIR, DES NA BCABS NYES BSHAGS PA DANG LTUNG BA DNGOS BSHAGS PA GNYIS, DANG PO LA BSHAGS PA TZAM DANG, ZHAG GI CHAD LAS KYI SGO NAS BSHAGS PA GNYIS, DANG PO YOD DE, YUL CHOS BDUN LDAN LA, RTEN NI SPYI BTANG LA YUL DANG LTUNG BA MING RIGS MI MTHUN PA 'AM, DE MA BYUNG NA LTUNG BA MI GCIG PA ZHIG GIS BSHAGS DGOS, DNGOS PO BSDAM BYA'I NYES PA DANG PHAM LHAG GI BCABS NYES LAS GZHAN YIN PA RANG RGYUD DANG 'BREL

BA SHES SHING DRAN NUS YIN PA DGOS, CHOG SBYOR BA 'DUD PA DANG THUGS GTAD BYAS SHING, DNGOS GZHI SNGAR GYI SNGAGS TSIG GIS BCABS PA'I GRANGS MING RIGS SMOS TE MTHOL BA'I TSAB TU BSHAGS SO ZHES PA'I SNGAGS LAN GSUM BRJOD, MJUG MTHONG SDOM DRI BA DANG THABS LEGS RNAMS BYED PA'I PHYIR, DANG PO GRUB STE, BSHAGS YUL GYI GANG ZAG SA RANG BZHIN DU GNAS PA ZHIG RAB LA DGOS PA'I PHYIR TE, RTZA BAR, DE GCIG BU LTA BA THA MI DAD BA LA'O, ,ZHES GSUNGS PA'I PHYIR, KHYAB STE, DE'I t'IKKA LAS, DE ZHES BYA BA NI RANG BZHIN DU GNAS PA LA SOGS PA SNGAR BSTAN PA'I ZHES GSUNGS PA'I PHYIR, GCIG PUS MANG PO BCAD DO, ,RTEN GYI ZUR DANG PO GRUB STE, RAB YUL DANG RTEN GNYIS KAR LTUNG BA LTUNG BYED BYUNG BA LTA BU'I SDE TSAN YANG MI GCIG PA DGOS PA'I PHYIR TE, RTZA BAR, KHA NA MA THO BA MI MTHUN PA LA'O, ,SDE TSAN LAS SO, ,ZHES GSUNGS PA'I PHYIR, 'DIS NI LTUNG BYED GANG RUNG BYUNG BA LA LTUNG BYED GZHAN BYUNG BA NGES KYANG BSHAGS MI CHOG BAR SBYIR BSTAN TO, ,RTEN GYI ZUR GNYIS PA GRUB STE, DE 'DRA MA RNYED TSE YUL RTEN GNYIS KA LA DUD 'GRO GSOD PA'I LTUNG BYED DAM CHU LA SPYOD PA'I LTUNG BYED MING MI GCIG NA BSHAGS CHOG PA'I PHYIR TE, RTZA BAR, MED NA LTUNG BA LAS SO, ,ZHES GSUNGS PA'I PHYIR DANG, LUNG SIL BU LAS, BTZUN PA LTUNG BA MTHUN PAS LTUNG BA MTHUN PA'I MDUN DU LTUNG BA BSHAGS SU RUNG NGAM, NYE PAR 'KHOR MI RUNG PO RKYEN

, ,DE LTA BU DAG YOD NA RIS MI MTHUN PAR BYAS TE RUNG NGO, ,ZHES GSUNGS PA'I PHYIR, 'DI'I LTUNG BYED LTA BUR MTHUN KYANG RIGS MI MTHUN PA'AM MING MI MTHUN NA ZHES PA'I DON YIN PA'I PHYIR TE, t'IKKA LAS, SDE TSAN LAS KHA NA MA THO BA MI MTHUN PA MED NA, LTUNG BA LAS KHA NA MA THO BA MI MTHUN PA'I MDUN DU BSHAGS PAR BYA'O ZHES BYA BA'I THA TSIG GO ,ZHES GSUNGS PA'I PHYIR, DER MA ZAD RTEN GYIS BSHAGS PA'I CHO YID KYIS SDOM SEMS YOD NA DE LAS LDANG NUS MED NA MI RUNG STE, DE'I RGYU MTSAN GYIS MTHONG SDOM DRI BA'I PHYIR, BSHAGS YUL GTAN MED NA YID KYIS BSHAGS BA GTZO BO YIN PA'I PHYIR, DANG PO GRUB STE, RTZA BAR, YID KYI DE LAS NI BSDAMS PA BYAS NA LDANG NGO, ,GZHAN LAS NI DE DANG BCAS PA'I BSHAGS PA'O, ,ZHES GSUNGS PA'I PHYIR DANG, DE ZHES PA YID KYIS BSDAMS PA LA SNYEGS PA'O, ,GNYIS PA GRUB STE, RTZA BAR, MTHAR DE LA BRTZAL BRKYEN MA 'BYOR PA NYID NA LAS BYAS BA DANG 'DRA'O, ,ZHES GSUNGS PA'I PHYIR, KHYAB STE, 'DI'I GLENG GZHI DGE SLONG LHAG MA BYUNG BA NGO TSA BAS YUL GZHAN DU SONG NAS STAG GIS ZOS PAS, LUNG LAS, BCOM LDAN 'DAS KYIS BKA' STZAL PA, DGE SLONG DE NI LTUNG BA DE LAS LANGS PA YIN TE, DE NI BSAM PAS LTUNG PA LAS LDANG BAR SMRA'I CHANG BA'I LAS KYIS NI MA YIN NO, ,ZHES GSUNGS PA'I

PHYIR, 'DI'I ZHIB CHA DU MAR DGOS SO, ,KHYAD PAR GZHAN SLA, CHO GA'I DMIGS BSAL YOD DE, MTHOL BA SNGON DU SONG NA BSHAGS BA GCIG PU DANG MA SONG NA MTHOL BSHAGS DUS GCIG TU BYED PA'I PHYIR, GNYIS BZHAG GA CHAD LAS KYI SGO NAS BSHAGS BA LA LHAG MA DANG LCI CHES KYI RANG GI LTUNG BA BCABS PA BYUNG NA SPO BA'I SGO NAS BSHAGS DGOS TE, SPONG SPYAD PAS DE GNYIS KYI BCABS NYES MED PAR 'GYUR BA'I PHYIR TE, RTZA BAR, SPOBS DE MED PAR 'GYUR RO, ,ZHES GSUNGS PA'I PHYIR, SPO BA'I KHYAD PAR YOD DE, SPO BA NONG BA DANG SPO BA SPYOD PA GNYIS YOD PA'I PHYIR, SPO BA NOD TSUL LAM LEN TSUL YOD DE, YUL, RTEN, DON GANG GI CHED DU, YUN, CHOG SGRA BSHAD, DGOS PA DANG BDUN YOD PA'I PHYIR, DANG PO YUL YOD DE, DGE 'DUN MTSAN NYID GSUM LDAN LAS NOD PA'I PHYIR, GNYIS PA RTEN YOD DE, BSNYEN RDZOGS KYI SDOM LDAN LHA MTSAN MTHUN PA, SHES PA RANG BZHIN DU GNAS BA, LUS THA MAL DU GNAS PA, GNAS NAS MA PHYUNG BA, TSOGS SU MCHOD BA, SNGAR SNGO BA BLANGS ZIN MA LIN BA DANG BRGYAD LDAN DGOS BA'I PHYIR, GSUM PA DON GANG GI CHED DU NOD PA YOD DE, LHAG MA LTA BU'I BCABS NYES LA RANG GI LHAG MA'I BCABS NYES YIN PA, GANG ZAG KHYAD PAR CAN GYI MIN PA, RANG RGYUD DANG 'BREL BA NGO BO SHES SHING DRAN NUS TE LTUNG BA CHES GSUM LDAN ZHIG GI DON DU LEN PA'I PHYIR, BZHI PA YUN TSAD YOD DE, BCABS

, ,PA'I ZHAG GRANGS DANG MNYAM PA'I SPO BA NOD DGOS PA'I PHYIR, LHAG MA'AM LCI BA'I CHOS LAS 'DAS PA BCABS PA'I ZHAG GRANGS DANG MNYAM PA'I ZHAG GRANGS KYI SPO BA NOD DGOS PA'I PHYIR TE; RTZA BAR, DGE 'DUN LAS DUS DE SRID MA NOS TE'O, ,ZHES GSUNGS PA'I PHYIR, LNGA PA CHO GA YOD DE, SBYOR BA DGE 'DUN 'DU BA SGRUB PA DANG, SPYOD LAM SNGAR BSHAD PA LTA BU BYAS NAS, DNGOS GZHI GSOL BZHI'I LA, KYIS STER SHING, MJUG MJUG SDUD BRJOD PA SHA TAm LTAR YIN PA'I PHYIR, DRUG PA SGRA BSHAD YOD DE, RANG BZHIN DU GNAS PA'I SA LAS GZHAN DMAN PA'I SAR SPO BAS NA SPO BA ZHES BRJOD PA YIN PA'I PHYIR, BDUN PA DE'I DGOS PA YOD DE, DE NOD NAS SPYAD PAS LHAG MA'I BCABS NYES 'DEG PA'I DGOS PA YOD PA'I PHYIR, GNYIS PA SPO BA SPYAD TSUL YOD DE, YUL, GNAS, RTEN, DON, YUN TSAD, SPYOD TSUL, DGOS PA BDUN YOD PA'I PHYIR, DANG PO SPO BA SPYOD PA'I YUL DGE 'DUN SA RANG BZHIN DU GNAS PA DANG GRANGS TSANG NGES PAR DGOS PA'I PHYIR, DANG PO GRUB STE, SA DMAN PAS SA DMAN PA LAS SLONG MI THUB PA'I PHYIR, DPER NA 'DAM DU BYING BAS 'DAM DU BYING BA LA BZHIN, RTZA BAR, RANG BZHIN DU GNAS PA MA YIN PA DAG LA SPO BA DANG MGU BAR BYA BA DANG BSLAB PA SPYOD PA DAG MI CHAGS SO, ,ZHES PA DANG, RANG GI RNAM BSHAD LAS, RANG BZHIN DU GNAS PA MIN PA DE

RNAMS LA DE MI SPYOD PA NYID DO GANG GI PHYIR ZHE NA, DE MI CHAGS PA'I PHYIR RO, ,ZHES GSUNGS PA'I PHYIR, GNYIS PA GRUB STE, RTZA BAR, DGE 'DUN YIN PA LA YANG NGO, ,ZHES PA DANG, DE'I RANG GI RNAM BSHAD LAS KYANG, MU DAG DGE 'DUN DU MA GYUR PA'I GANG ZAG GCIG GAM GNYIS SAM GSUM DAG LA YANG MI CHAGS SO, ,ZHES GSUNGS PA'I PHYIR, DER MA ZAD DGE SLONG RNAM DAG GI DGE 'DUN YOD PA'I MTSAMS NANG DE LAS GU DANG MA ZUR MIN PA DGOS TE, MCHOG DE DAG SPANGS NA MI CHAGS PA'I PHYIR TE, RTZA BAR, GNAS DE NA 'KHOD PA DAG LAS YONGS SU BCAD PA DAG LA YANG NGO, ,ZHES PA DANG, RANG GI RNAM BSHAD LAS KYANG, DE DAG SPANG BAR BYA BA'I GNAS DE NA 'KHOD PA'I DGE SLONG LA SOGS PA LOGS SHIG TU YONGS SU BCAD CING BKAR BA DAG LA YONGS SU GNAS PA LA SOGS PA'I SPYOD PA MI CHAGS SO, ,ZHES GSUNGS PA'I PHYIR, GNYIS PA GNAS KHYAD PAR GSUM LDAN DGOS TE, SPO BA NED PA'I GNAS YIN PA DANG, THO MGU GZHAN SPYOD PA'I GNAS MA YIN PA DANG, SO THAR 'DON NUS KYI GNAS YIN PA RNAMS DGOS PA'I PHYIR, DANG PO GRUB STE, RTZA BAR, DANG PO GNYIS KYIS GZHAN DU SKYA RENGS 'CHAR BAR MI BYA'O, ,ZHES PA DANG, RANG GI RNAM BSHAD LAS, DANG PO GNYIS TE YONGS SU GNAS PA SPYOD PA DANG MGU BAR BYA BA SPYOD PA GNYIS KYIS GNAS GANG DU SPYAD PAR BYA BA YANG DAG PAR BLANGS PA'I GNAS DE LAS GZHAN PA'I MTSAMS SU SKYA RENGS

, ,'CHAR BAR MI BYA'O, ,ZHES GSUNGS PA'I PHYIR, GNYIS PA GRUB STE, SPO BA YANG SPO GZHI NAS SPO BA GSUM DANG DE BZHIN MGU BA DANG YANG MGU SOGS GSUM DANG BSLAB BA SBYIN PA GSUM LHAN CIG GNAS MI RUNG BA'I PHYIR TE, RTZA BAR, GANG NA GZHAN GSUM LA SOGS PA DE DAG GI MING RNAM PA THAMS CAD PA SPYOD PA DER DE SPYAD PAR MI BYA'O, ,ZHES PA DANG, RANG GI RNAM BSHAD LAS, GANG NA 'DI LAS GNAS GSUM LA SOGS PA DE DAG GI MING RNAM PA THA DAD PA SPYOD BA DER DE SPYAD PAR MI BYA'O, ,ZHES BYA BA NI GANG DU GNAS YONGS SU GNAS PA SPYOD PA GSUM YOD PA DER SPYAD PAR MI BYA'O, ,ZHES SOGS GSUNGS PA'I PHYIR DANG, SPO BA LA BSHAD PA LTAR GZHI NAS SPO BA DANG, YANG MGU BA GZHI NAS MGU BA DANG BSLAB SBYIN RNAMS LA MI RUNG BAR BSHAD DO, ,GSUM PA GRUB STE, RTZA BAR, GNAS BRTAN DANG SO SOR THAR BA DANG, BCAS PA NYID DU 'BAD PAR BYA'O, ,ZHES GSUNGS PA'I PHYIR DANG, SPYIR BTANG LA DE LTAR YIN KYANG DMIGS BSAL YANG YOD DE, RANG GI RNAM BSHAD LAS, MA GRUB NA GZHAN DU YANG SPYAD PAR BYA'O, ,ZHES GSUNGS PA'I PHYIR, GSUM PA SPO BA SPYOD PA'I RTEN NI, SPO BA MNOS PA DANG 'GREL BA ZHIG DGOS TE, DE DAR MA 'DREL BAS DE SBYAD BA MI CHAGS PA'I PHYIR, BZHI PA YOD DE, CHOS GSUM LDAN BYI BCAB LTUNG DE DAG CHED DU SPYOD

BA'I PHYIR, LNGA PA YUN TSANG YOD DE, MNOS PA LTAR GYI YUN TSAD DU SPYAD DGOS PA'I PHYIR TE, RTZA BAR, DUS DE SRID DU MNOS TE'O, ,ZHES GSUNGS PA'I PHYIR, DRUG PA SPO BA JI LTAR SPYOD PA YOD DE, SNGAR BSHAD PA LTAR KHYAD PAR CAN GYI SPYOD PA LNGA SPANGS PA DANG, DMAN SPYOD LNGA DANG DU LEN PA DE YIN PA'I PHYIR, DMAN SBYOD LNGA YOD DE, NANG BAR GYI DUS KYI DANG, CHOS STON SOGS KYI DUS KYI DANG, DGE 'DUN 'DUS PA'I DUS KYI DANG, DUS THA DAD PA'I DANG, DGONGS DUS KYI DMAN SBYOD LNGA YOD PA'I PHYIR, DANG PO GRUB STE, NANG BAR SGO 'BYED PA DANG, MAR ME SBAR BA SOGS YIN PA'I PHYIR TE, RTZA BAR, NANG BAR SNGAR LANGS TE SOGS DANG, MAR ME'I SKONG BU GSAL BAR BYA'O, ,ZHES GSUNGS PA'I PHYIR, GNYIS PA GRUB STE, RTZA BAR, BDUG SBOS DANG DE'I BOG PHOR DAG NYE BAR BZHAG GO ,ZHES GSUNGS PA'I PHYIR, GSUM PA GRUB STE, RTZA BAR, SPYI BUNGS BSHAM BAN GAndI BRDUNG NGO, ,ZHES GSUNGS PA'I PHYIR, BZHI PA GRUB STE, RTZA BAR, DE'I GTZUG LAG KHANG THA MAR 'OS BA NYID YIN NO, ,ZHES GSUNGS PA'I PHYIR, LNGA PA GRUB STE, RTZA BAR, DGONGS KHAR DUS DANG MTHUN BA'I CHUS DGE SLONG RNAMS KYI RKANG PA BKRU'O, ,ZHES GSUNGS PA'I PHYIR, BDUN PA DGOS BA YOD DE, BCABS NYES 'DAG PA DANG MGU BA CHAGS PA'I CHED YIN PA'I PHYIR TE, RTZA BAR, SPOBS DE MED PAR 'GYUR RO, ,ZHES DANG, RANG GI RNAM

, ,BSHAD LAS, SPO BA DES BCABS PA'I NYES PA BSAL BAR BYAS PA LA MGU BAR BYA BA 'CHAGS PA'O, ,ZHES GSUNGS PA'I PHYIR, ZHU BA LAS BYANG, CHAD BA'I LAS BGYID PA'I RIGS CAN ZHIG LA MGU BA BRTZAL LAM PHYUNG NA PHYUNG ZHES BYA'O, ,ZHES GSUNGS PA'I PHYIR, DES GZHI NAS SPO GZHI NAS SLAR YANG SLOB SOGS KYI RTEN MA GTOGS CHOG PHAL CHER 'DRA'O, ,GNYIS PA LTUNG BA BSHAGS PA LA DGOS PA DANG, SO SO'I BSHAGS TSUL BSHAD PA GNYIS, LTUNG PA BSHAGS PA'I DGOS PA YOD DE, BSHAGS PAS TSUL KHRIMS RNAM PAR DAG PAR 'GYUR LA, DE LA TSUL KHRIMS RNAM DAG GI PHAN YON GONG MA'I YON TAN THOB PA DANG PHYOGS MTSAMS SU SNYAN PAS KHYAB PA SOGS SNGAR BSHAD PA BCU THOB PA DANG LAS KYI KHA SKONG 'OS PA BSTAN PA'I BDAG POR 'GYUR BA SOGS KYI DGOS PA YOD PA'I PHYIR TE, BAM PO LNGA BCU BA LAS, 'GYOD PA MED PA'I RIM GYIS MCHOG TU DGA' BA SNGON DU 'GRO BA'I CHOS 'THOB PAR 'GYUR BA DANG, ZHES PA NAS, GANG DU SKYE BAR 'GYUR BA LA SOGS PA'I SMON LAM YANG DAG PAR 'GRUB PAR 'GYUR RO ZHES PA'I BAR SNGAR SDE LNGA'I MGOR DRANGS ZIN BA'I PHYIR, GNYIS PA SO SO'I BSHAGS PA BSHAD PA LA, RTZA LTUNG GI BSHAGS TSUL DANG, LHAG MA'I BSHAGS TSUL DANG, DE GNYIS LAS GZHAN PA'I LTUNG BA BSHAGS TSUL GSUM LAS, DANG PO

PA CHAD LAS KYI BSLAB PA NOD PA DANG, BSLAB PA SPYOD TSUL GNYIS, DANG PO NI, RTZA LTUNG 'CHAB BCAS 'CHAB MED GNYIS LAS, 'CHAB BCAS GRUB MTHA' 'OG MA'I SKABS SU BSHAGS KYANG TSE DE LA 'DAG PA MI SRID PAR 'DOD DE, MDO LAS, TSUL KHRIMS 'CHAL BA NGAN SONG NGAN 'GRO LOG PAR LTUNG, ZHES DANG, RTZA BAR, TSUL KHRIMS 'CHAL BA BSKRAD PAR BYA'O, ,ZHES GSUNGS PA'I PHYIR, GRUB MTHA' GONG MA'I SKABS SU STOBS BZHI'I BSHAGS PAS 'BAD NA SDIG PA 'DAG SRID KYANG BYANG SEMS MA YIN PA LA SO THAR GYI SDOM PA SKYE MI SRID PA DANG DGE 'DUN DANG LHAN CIG SPYAD MI RUNG BAR 'DOD DE, RANG GCIG PUR BSDAD NAS SBYANGS DGOS PAR BSHAD PA'I PHYIR, 'CHAB MED 'DAG CHED DU BSLAB PA NOD PA LA, YUL, RTEN, DON, YUN TSAD, CHO GA, DGOS PA DRUG YOD DE, YUL DGE 'DUN MTSAN NYID DANG LDAN PAR NOD, RTEN CHOS BRGYAD LDAN GYIS PHAM PA 'CHAB MED BYUNG BA'I DGE SLONG TSOGS SU MA TSANG BAS NOD, DON 'CHAB MED 'DAG CHED DU, YUN TSAD JI SRID MTSO'I BAR DU CHOG SBYOR DNGOS MJUG GSUM, SBYAR BA 'DRA, DNGOS GZHI GSOL BZHI'I LAS KYIS STER ZHING, MJUG MJUG SDUD BRJOD PA DANG BCAS PA'I PHYIR, CHO GA'I KHYAD PAR RNAMS GRUB STE, RTZA BAR, BSLAB PA SPYOD PAS SO, ,DE THOB BAS SO, ,DGE 'DUN LAS SO, ,LAS KYIS SBYIN NO, ,JI SRID MTSO'I BAR DU'O, ,ZHES GSUNGS PA'I

, ,PHYIR; DGOS PA LTUNG BA DE 'DAG PA'I PHYIR TE, RTZA BAR, BCABS PA'I SEMS MA SKYES NA MTHA' LAS LDANG BAR 'GYUR RO, ,ZHES GSUNGS PA'I PHYIR, 'DI LA'ANG DUS DER SDOM BA BYIN NAS DE RJES CHAD LAS KYIS BSLAB BA SBYIN PAR 'DOD TSUL GYI ZUR 'OD LDAN DU BSHAD PA SNGAR BSHAD ZIN TO, ,LHAG MA GNYIS PA NGES BSLAB PA SPYOD PA'I KHYAD PAR MANG PO BAM LNGAR BSHAD LA KHYAD PAR CAN GYI SPYOD PA SPONG BA DANG DMAN PA'I SPYOD PA LEN PA DGOS SO, ,GNYIS PA LHAG MA'I BSHAGS TSUL LA RTEN KHYAD PAR CAN GYIS BSHAGS TSUL DANG KHYAD PAR CAN MA YIN PAS BSHAGS TSUL GNYIS, DANG PO YOD DE, NYES PAR 'DZIN PA'I NGO TSA DANG LDAN PA GZHIR BYAS LA SDE SNOD 'DZIN PA DANG SHES PA GANG RUNG GI GANG ZAG NI KHYAD PAR CAN YIN LA, DES LHAG MA'I LTUNG BA BSHAGS PA LA CHAD LAS MI DGOS PA'I PHYIR, DANG PO GRUB STE, GANG ZAG DE DAG NI RANG BZHIN GYIS NGO TSA CHE BAS CHAD LAS KYI NGO TSA SKYED MI DGOS, SDE SNOD SHES BAS NYES PA YANG DRAN SHES DANG LDAN PAS GANG ZAG GCIG LA BSHAGS CHOG PA'I PHYIR, TSOMS SOGS LAS KYANG NGO TSA DANG RNAM SMIN LA 'DZEM BA LA SDIG PA YANG BAR BSHAD PA'I PHYIR, NGO TSA BAS GZHAN DU BSHAGS PAR PHYIN PA STAG GIS ZOS BA LTUNG BA LAS LDANG BAR BSHAD PA BZHIN NO, ,RTZA BAR, NGO TSA DANG LDAN PA DANG MDO SDE 'DZIN PA DANG 'DUL BA 'DZIN PA DANG MA

MO 'DZIN PA DANG SHES BAS NI GCIG GI MDUN DU BSHAGS PAS DGE 'DUN LHAG MA LAS 'DAG GO ,ZHES DANG, LUNG SIL BU LAS, DE LTA BAS NA GANG DAG RNAM PA DE LTA BUR RANG BZHIN GYIS NGO TSA DANG LDAN PA DE DAG GIS NI GCIG GI MDUN DU BSHAGS PAR RJES SU GNANG NGO, ,ZHES GSUNGS PA'I PHYIR, GNYIS PA GRUB STE, BSAM PA 'GYOD PA DRAG PO RTZVA BKRAM PA 'AM SDONG PO 'GYEL BA LTA BU DANG NGO TSA SKYES NA 'DAGS KYI CHAD LAS KHO NAS 'DAG PA MA YIN PA'I PHYIR; DPER NA STAG GIS ZOS PAS DNGOS SUM BSHAGS KYANG SEMS 'GYOD BA DANG NGO TSA BAS DAG PAR BSHAD PA'I PHYIR TE, RTZA BAR, BSAM BAS LTUNG BA LAS LDANG GI CHAD PA'I LAS KYIS NI MA YIN NO, ,ZHES DANG, t'IKKA LAS; GAL TE CHAD PA'I LAS MED PAR BSAM PA'I KHYAD PAR SKYEN CHAD PA'I LAS MI DGOS SO, ,ZHES GSUNGS PA'I PHYIR, GNYIS PA KHYAD PAR CAN MA YIN PA'I DE LA MGU BA DANG DBYUNG BA GNYIS, DANG PO LA, MGU BA NOD PA DANG; DE SPYAD PA GNYIS, DANG PO NOD TSUL YOD DE, YUL SPO MGU DBYUNG BA'I YUL BSHAD PA LTAR DANG, RTEN LHAG MA SPYAD CING MA BCABS PA'I DGE SLONG KHYAD PAR BRGYAD LDAN, DNGOS PO MA BCABS PA'I LHAG MA PHAL BA'I RGYUD DANG 'BREL BA, YUN TSAD PAS ZHAG DRUG DANG MAS ZLA PHYED KYI MGU BA CHOG SBYOR MJUG 'DRA, DNGOS GZHI GSOL BZHIS BYED PA'I PHYIR, GZHAN SLA, YUN TSAD DANG YUL RTEN GSUM GRUB STE, RTZA BAR, DGE 'DUN LAS ZHAG

, ,DRUG MGU BAR BYA BA MNOS TE SPYAD PA LA'O, ,DGE SLONG MAS NI ZLA BA PHYED DO, ,LCI BA'I CHOS LAS 'DAS NA YANG DE SPYAD PAR BYA BA NYID DO, ,ZHES GSUNGS BA'I PHYIR DANG, RIN CHEN PHRENG BA LAS KYANG, LTUNG BA BCABS NYES MED PA'I LHAG MA'AM, LCI BA'I CHOS 'DAS CHOS GSUM LDAN NO, ,ZHES GSUNGS PA'I PHYIR, 'DI'I YUL MAS NI GNYIS KA'I DGE 'DUN DGOS TE, RANG GI RNAM BSHAD LAS, DGE SLONG MAS LCI BA'I CHOS LAS 'DAS NA YANG GNYIS KA'I DGE 'DUN LA ZLA BA PHYED MGU BAR BYA BA DE MNOS TE, ZHES GSUNGS PA'I PHYIR, GNYIS PA MGU BA SPYAD BA LA YUL, RTEN, GANG GI DON DU, YUN TSAD, CHO GA, SGRA BSHAD, DGOS BA BDUN LAS, DANG PO YOD DE, PHA LA DGE 'DUN RNAM DAG DANG, MA LA GNYIS KA'I DGE 'DUN RNAM DAG GRANGS TSANG DGOS PA'I PHYIR, SNGAR SPO BA'I SKABS SU BSHAD ZIN TO, GNYIS PA RTEN YOD DE, KHYAD PAR CAN MA YIN PA'I DGE SLONG PHAM KHYAD PAR BRGYAD LDAN DGOS PA'I PHYIR, GSUM PA GANG GI DON DU YOD DE, PHA'I LHAG MA DANG MA'I LHAG MA'AM LCI 'DAS 'DAGS CHED YIN PA'I PHYIR, DNGOS PO DES SHES SO, ,KUN KYANG NOD BA LTAR RO, ,CHO GA NI MGU BA NOD DUS SBYOR DNGOS MJUG GSUM TSANG BA'I GSOL BZHI'I LAS KYIS BYED KYANG KHYAD PAR GZHAN YANG YOD DE, GZHI NAS MGU BA DANG YANG GZHI NAS BSLANG STE MGU BA DAG LA CHO GA GSOL

BZHIR 'DRA YANG BRJOD TSUL MI 'DRA BA'I PHYIR, SGRA BSHAD YOD DE, LHAG MA DANG LCI CHOS LAS 'DAS PA'I NYES BA DAG BA'I DBYUNG BA'I LAS KYI CHED DU DGE 'DUN MGU BAR SPYOD PAS NA MGU BA SPYAD PA ZHES BYA LA MGU BA SPYOD DUS SU LTUNG BA DE BYUNG BAS MGU BA SNGA MA ZHIG BAS GZHI NAS MGU BA ZHAG DRUG PA'AM ZLA BA PHYED PA MNOS PA DGE 'DUN NAM GNYIS KA'I DGE 'DUN LA DE LTAR SPYOD PAS NA GZHI NAS MGU BAR BYA BA ZHES BYA LA, GZHI NAS SPYOD PA'I DUS SU YANG LTUNG BA DE SPYAD NA MGU BA GNYIS PA YANG ZHIG PAS SLAR YANG GZHI NAS MGU BA BSKYAR NAS BLANGS SHING DE LTAR SPYAD BAS NA YANG GZHI NAS BLANGS TE MGU BAR BYA BA ZHES BRJOD PA YIN PA'I PHYIR, DES SPO DBYUNG DRUG GI SGRA BSHAD KYANG SHES PAR GYIS, BDUN PA DGOS PA YOD DE, DES DBYUNG BA'I LAS CHAGS PA'I CHED YIN PA'I PHYIR, MGU BA SPYAD BZHIN BA'I ZHAG GNYIS LTA BU LA LTUNG BA DE BYUNG NA GZHI NAS MGU BA NOD KYANG ZHAG GRANGS 'OG MA TSANG BAS CHOG STE, DE'I TSE DE NOD DGOS BA GANG ZHIG, ZHAG GRANGS LA GNYIS KA'I SKAL BA SO SOR MI DGOS BA'I PHYIR, DANG PO GRUB STE, DE'I TSE MGU BA SNGA MA ZHIG PAS MI CHAGS PAS GZHI NAS LEN DGOS PA DE'I PHYIR, DER THAL, DE BZHIN DU SPO BA DANG GZHI NAS SPO BA SOGS DANG DBYUNG BA DANG, GZHI NAS DBYUNG BA SOGS LA'ANG 'DRA BA'I PHYIR TE, RTZA BAR, DE GNYIS BYED BA NYID NA DGE 'DUN LHAG MA DE BYUNG NA MNOS TE

, ,BYAS BA DE GNYIS ZHIG PAS, ZHES DANG, t'IKKA LAS, GANG GI PHYIR DGE 'DUN LHAG MA'I LTUNG BA SNGA MA DANG 'DRA BA BYUNG NA SPO BA DANG MGU BAR BYA BA MA NOS SHING BYAS PA DE GNYIS NYAMS PA DE'I PHYIR, GZHI NAS BRTZAM PA NYID SPYIN BAR BYA STE, ZHES GSUNGS PA'I PHYIR, KHYAB STE, MA NOS SHING BYAS PA DE GNYIS NYAMS ZHES PAS MGU BA SNGA MA SPYAD PA YANG ZHIG BAR BSTAN PA'I PHYIR, LHAG MA SNGA MA DANG MI MTHUN PA BYUNG YANG MGU BA SNGA MA MI 'JIG PA'I PHYIR TE, t'IKKA LAS, DGE 'DUN LHAG MA'I LTUNG BA SNGA MA DANG MI 'DRA BA BYUNG BAS NI MI NYAMS SO, ,ZHES GSUNGS BA'I PHYIR, RTAGS GNYIS PA GRUB STE; DPER NA LTUNG BA SNGA MA DANG SPO DUS KYIS LTUNG BA ZLA PHYED BCABS NA GZHI NAS ZLA PHYED KYI SPO BAS CHOG CING PHYI MA ZLA BA GCIG BCAB PA YIN NA GZHI NAS ZLA BA GCIG GI SPO BA SPYAD PAS CHOG PA'I PHYIR, ZUR DANG PO GRUB STE, t'IKKA LAS, DES NA GANG LA LTUNG BA SNGA MA BCABS PA'I DUS ZLA BA PHYED YOD LA, LTUNG BA PHYI MA BCABS PA'I DUS KYANG ZLA BA PHYED YOD PA DE LA NI ZLA BA PHYED KHO NA SPO BA SBYIN PAR BYA'O, ,ZHES GSUNGS PA'I PHYIR; ZUR GNYIS PA GRUB STE, t'IKKA LAS, GANG LA LTUNG BA PHYI MA BCABS PA'I DUS ZLA BA GCIG YOD PA DE LA NI ZLA BA GCIG KHO NA SPO BA SBYIN PAR BYA STE, ZHES GSUNGS PA'I PHYIR, GNYIS PA DBYUNG BA'I PHYIR

'CHOS TSUL YOD DE, YUL, RTEN, GANG GI DON DU DANG, CHOG DANG, SGRA BSHAD DANG LNGA'I SGO NAS BSHAD PA'I PHYIR, DANG PO YOD DE, GRANGS MA LA BZHI BCU DANG, PHAL NYI SHU SOGS TSANG BA'I DGE 'DUN MTSAN NYID DANG LDAN PA LAS DBYUNG BA NOD DGOS PA'I PHYIR, GNYIS PA DBYUNG BA'I RTEN YOD DE, THUN MONG GI CHOS BRGYAD KYI STENG DU KHYAD PAR CAN MA YIN PA SPO BA'AM MGU BA SPYAD PA'I DGE SLONG DES NOD DGOS PA'I PHYIR, GSUM PA GANG GI DON DU DBYUNG BA YOD DE, MGU BA SPYAD PA SNGON DU BTANG BA'I GANG ZAG GI RGYUD KYI BCABS NYES DANG MI LDAN PA'I LHAG MA'I LTUNG BA DE DAG PA'I DON DU YIN PA'I PHYIR, CHO GA YOD DE, SBYOR DNGOS MJUG GSUM LAS, DANG PO 'DRA, DNGOS GZHI GSOL BZHI'I LAS KYIS BYED KYANG KHYAD PAR MING NAS POS TE MI GTI MUG CAN KHYOD KYIS SKYON 'DI 'DRA BYAS SOGS KYIS BSDIG DGOS LA, DUS GSOL BA'I RJES SU BRJOD PA DANG PO'I SNGON DU BYED PA'I PHYIR, GNYIS PA GRUB STE, RTZA BAR, DE GNYIS LAS KYIS SBYIN NO, ,DBYUNG BA YANG NGO, ,ZHES SO, ,GSUM PA GRUB STE, RTZA BAR, DER BSDIG PA YANG NGO, ,ZHES DANG, RIN CHEN PHRENG BA LAS, JI LTAR BRJOD PA DE'I MING NAS POS TE, ZHES SOGS GSUNGS PA'I PHYIR, BZHI BA GRUB STE, RTZA BAR, GSOL BA DANG LAS BRJOD PA DANG PO'I BAR DU'O, ,ZHES GSUNGS PA'I PHYIR, GSUM PA MJUG GI KHYAD PAR

, ,YOD DE, MJUG SDUD KYI DE BZHIN DU 'DZIN TO, ,ZHES BRJOD MA THAG GZENGS BSTOD KYANG BYED PA'I PHYIR, DER THAL, DE YANG LTUNG BA DBYUNG DUS RTZ'A BKRAM BA LTAR 'GYEL BA LA KHYOD KYIS LEGS PA MA KHAS PA DGE BA SDIG PA'I RTZVA BRKO BA 'KHOR BA'I RGYUN BZLOG PA BDUD 'DUL BA BDUD KYI RGYAL MTSAN BSNYIL BA CHOS KYI RGYAL MTSAN BSGRENG BA SOGS DU MAS GZENGS BSTOD PA'I PHYIR, RTZA BAR, RTZVA BKRAM PA LTA BUR 'GYEL BA LA'O, ,GZENG BSTOD PA YANG NGO, ,BRJOD PA BYAS MA THAG TU'O, ,ZHES GSUNGS PA'I PHYIR, 'DIS DBYUNG BA GZHAN RNAMS SHES PAR GYIS, LNGA PA SGRA BSHAD YOD DE, LUNG MA MO LAS, CI'I PHYIR DBYUNG BA ZHES BYA ZHE NA, MI DAG PA'I GNAS NAS DBYUNG STE DGE BA'I GNAS SU BZHAG STE DES NA DBYUNG BA ZHES GSUNGS PA'I PHYIR, GSUM PA PHAM LHAG LAS GZHAN PA'I LTUNG BA BSHAGS TSUL DRUG GI YUL GYI KHYAD PAR YOD DE, PHAM PA'I YAN LAG GCIG MA TSANG BA'I SPOM PO LCI BA'I BSHAGS TSUL DANG, DE'I GNYIS MA TSANG BA'I SPOM PO YANG BA'I BSHAGS TSUL DANG, LHAG MA'I LCI BA'I BSHAGS TSUL, LTUNG BYED KYI DANG, SOR BSHAGS KYI DANG, NYES BYAS KYI BSHAGS YUL GYI KHYAD PAR DRUG YOD PA'I PHYIR, DANG PO GRUB STE, DE'I BSHAGS YUL CHOS BRGYAD LDAN GYI MTSAMS BCAD NA THAMS

CAD DANG MA BCAD NA DRUG DGOS PA'I PHYIR TE, LUNG LAS, NYE BAR 'KHOR DE LA PHAM PAR GYUR BA'I KUN NAS BSLANG BA'I NYES PA SPOM PO LCI BA GANG YIN PA DE NI MTSAMS KYI NANG DU DGE 'DUN THAMS CAD KYI MDUN DU BSHAGS BAR BYA'O, ,ZHES GSUNGS PA'I PHYIR, t'IKKA LAS, MTSAMS KYI PHYI ROL TU MA BCAD PA LNGA BAS LHAG PA DRUG GI TSOGS, ZHES GSUNGS PA'I PHYIR, GNYIS PA GRUB STE, RTZA BAR, YANG BDE LAS NI BZHI LA SOGS PA LA'O,, ZHES GSUNGS PA'I PHYIR, GSUM PA GRUB STE, RTZA BAR, LHAG MAR BCAS PAR SOGS DANG, LUNG LAS, DGE 'DUN LHAG MA'I KUN NAS BSLANG BA'I NYES PA SPOM PO LCI BA GANG YIN PA DE NI MTSAMS KYI PHYI ROL TU DGE SLONG LNGA'I MDUN DU BSHAGS SO, ,ZHES GSUNGS PA'I PHYIR, LTUNG BYED DANG SOR BSHAGS DANG BSHAGS BYA'I NYES PA GSUM GYI BSHAGS YUL CHOS BRGYAD LDAN GCIG GI MDUN DU BSHAGS PA'I PHYIR TE, RTZA BAR, GZHAN LA NI DE DANG BCAS PA'I BSHAGS PA'O, ,DE GCIG PU LTA BA THA MI DAD PA LA'O, ,KHA NA MTHO BA MI MTHUN PA LA'O, ,ZHES GSUNGS PA'I PHYIR, BSHAGS PA'I BSAM PA SDOM SEMS GTZO BO YIN LA, KUN SPYOD CHO GA SBYOR DNGOS MJUG GSUM GYI SBYOR BA 'DRA ZHING, DNGOS GZHI'I SNGAGS LA LTUNG BA MING RIGS BRJOD PA GSUM DANG, MJUG MTHONG SDOM DRI, THABS LEGS BYA BA YIN PA'I PHYIR TE, RTZA BAR, MING RIGS DANG LDAN PAR BRJOD NA

, ,LTUNG BA LAS SO, ,ZHES GSUNGS PA'I PHYIR, SPANG LTUNG LA DNGOS PO DE SPANGS PA SNGON DU GTONG DGOS, SNGAGS YOD DE, DGE 'DUN NAM BTZUN PA DGONGS SU GSOL, BDAG DGE SLONG CHO GE ZHES BGYI BA LA LTUNG BA'I SDE TSAN LAS LTUNG BA CHE GE BYUNG STE, BDAG DGE SLONG CHE GE ZHES BGYI BAS LTUNG BA DE DGE 'DUN BTZUN PA RNAMS KYI MDUN DU 'CHAGS SO, ,BSHAGS NA BDAG BDE BA LA REG PAR GNAS PAR 'GYUR GYI MA BSHAGS NA NI MI 'GYUR RO, ,ZHES BRJOD PA DE YIN PA'I PHYIR, BZHI BA DKA' GNAS MTHA' DPYAD PA LA, KHA CIG NA RE, GNAS DBYUNG LA GNAS DBYUNG BDUN GANG RUNG GIS MA KHYAB PAR THAL, KHYOD KYIS GNAS DBYUNG BDUN GYI STENG DU BSKRANG SMAD PHYIR 'GYED KYI NAN TUR BYAS KYANG MA LOG NA RUNG MTHUN GYI GNAS DBYUNG GSUM BYED PA'I PHYIR, RTAGS GRUB STE, RTZA BAR, MI RUNG BA DANG MTHUN LA ZHES SOGS KYI RUNG MTHUN SBYOR TSUL YONG BA'I PHYIR, 'DOD NA, DMAN PA NAN TUR GYI RIGS DE LA SDIG SMAD BSKRAD PHYIR 'GYED BZHIR GRANGS MA NGES PAR THAL, 'DOD PA'I PHYIR NA 'DIR MA KHYAB, YANG KHA CIG, LTUNG BZED KHA SGRUB GYI LAS DE NAN TUR MTSAN NYID PA YIN ZER BA DANG BCO LNGA PO LA DNGOS KYIS KHYAB ZER NA, DE MI 'THAD PAR THAL, KHYIM PA LA DGE 'DUN MI DBANG BA'I PHYIR, KHYAB STE, DE MI DBANG BA'I RGYU MTSAN GYIS NAN TUR MI RUNG BA'I PHYIR TE, RTZA BAR,

KHYIM BA LA DE MI BYA'O, ,ZHES DANG, RANG GI RNAM BSHAD LAS, KHYIM PA LA NAN TUR GYI LAS DAG MI BYA STE, DE LA DGE 'DUN MI DBANG BA'I PHYIR RO, ,ZHES GSUNGS PA'I PHYIR DANG, RIN CHEN PHRENG BA LAS KYANG, KHYIM PA LA NAN TUR BYA'AM ZHEN KHYIM PA LA NAN TUR MI BYA STE, DE LA DGE 'DUN MI DBANG BA'I PHYIR, ZHES GSUNGS PA'I PHYIR, YANG KHA CIG, KHYIM PA YIN NA DGE 'DUN GYI CHAD LAS SPYAD PA'I YUL MA YIN PAS KHYAB ZER NA, DE YANG MI 'THAD PAR THAL, DGE SLONG SOGS LA GSHEB DANG RTZA LTUNG GI SKUR BA 'DEBS PA'I KHYIM PA DANG LHUNG BZED KHA DBUB KYI CHAD LAS SPYAD PA'I GZHIR 'GYUR BA'I KHYIM PA'I GZHI MTHUN YOD PA'I PHYIR TE, RANG GI RNAM BSHAD LAS, GSOL BA 'BA' ZHIG BA'I LAS KYI LHUNG BZED KHA DBUB BYA'O ZHES BYA BAR SBYAR RO, ,SU LA KHA DBUB CE NA DE'I PHYIR YANG DAG PA MA YIN PAS SKUR BA'I KHYIM PA LA'O, ,ZHES GSUNGS PA'I PHYIR DANG, RIN CHEN PHRENG BA LAS KYANG, KHYIM BA THAMS CAD DU CHAD LAS MI BCAD DAM ZHES SOGS SO, ,KHA CIG, SMAD BA NAN TUR BYA DGOS PA'I DGE TSUL YOD ZER NA MI 'THAD PAR THAL, DE LA LHAG MA'I LTUNG BA MI 'BYUNG BAS KHYAB PA'I PHYIR TE, RIN CHEN PHRENG BA LAS, DE LA SMAD PA NAN TUR MI BYA STE, DE LA LHAG MA MI 'BYUNG BAS PHYIR, ZHES GSUNGS PA'I PHYIR, LTUNG BA DAG LUGS LA SNA TSOGS SMRA STE, KHA CIG NA RE, LTUNG BA'I NGO BO MI 'DAG PAS KHYAB LA 'PHEL KHA CHAD TZAM YIN PAR

, ,THAL; LTUNG BA BYUNG PA'I DGE SLONG GIS YUL LA BSHAGS KYANG PHYI MAR PHYAGS MA LTA BU'I DMYAL BAR SKYE BAR BSHAD PA'I PHYIR NA MA KHYAB, DE LA GZHAN DAG NA RE, LTUNG BA MTHOL BA LAS BSHAGS PA LA DGOS PA MED PAR THAL, DE GNYIS KAS 'PHEL KHA CHAD TZAM LAS DAG MI DAG KHYAD PAR MED PA'I PHYIR, ZHES ZER RO, ,DE DAG LA THEG PA THUN MONG GI LUGS BYAS NAS 'O NA, NGO BO MA DAG NA RNAM SMIN 'BYIN PAS KHYAB PAR THAL, ,BYED GNYIS KAS NGO BO MA DAG NA CHO GA'I LAS LA SGRIB PA DANG RNAM SMIN 'BYIN NGES GONG 'OG TU MAR BSHAD PA'I PHYIR, 'DOD NA, DMYAL BAR SKYE BA'I MA NGES PA'I LAS CAN SBYOR LAM BZOD PA BA'I RGYUD KYI DE CHOS CAN, DER THAL, DE YOD PA'I PHYIR, RTAGS SLA, 'DOD MI NUS TE, GNYEN POS RNAM SMIN KUN BCOM PA'I LAS YIN PA'I PHYIR, RTAGS GRUB STE, SBYOR LAM BZOD PA PA'I RGYUD KYI NGAN 'GRO'I LAS YIN PA'I PHYIR, RTAGS GRUB CING, 'DOD MI NUS TE, NGAN 'GROR SKYE BA'I SO SOR BRTAGS MIN GYI 'GOG PA GNYEN PO'I STOBS KYIS THOB BA'I GANG ZAG YIN PA'I PHYIR TE, SBYOR LAM BZOD PA THOB PA'I GANG ZAG YIN PA'I PHYIR TE, MDZOD LAS, BZOD THOB NGAN SONG YONGS MI LTUNG, ZHES GSUNGS PA'I PHYIR, DES NA KHA CIG NA RE, DGRA BCOM PA'I RGYUD LA MI DGE BA'I LAS MED KYANG DE'I RNAM SMIN DGRA BCOM PAS MYONG BA BYE SMRA'I LUGS ZER BA YANG SHIN TU MI 'THAD PAR

THAL; DGRA BCOM PA DAG LA 'ANG DGE MI DGE BA'I LAS GNYIS NGES MA NGES DU MA YOD KYANG DA LTAR 'PHEN BYED KYI RNAM SMIN 'BYIN MI NUS PAR BYE MDO GNYIS KAS 'DOD PA'I PHYIR TE, 'GREL BSHAD DON GSAL LAS, DGRA BCOM PA LA YANG SNGON SO SO SKYE BO'I GNAS SKABS SU BSAGS PA'I LAS NGES PA DANG MA NGES PA DAG YOD MOD KYI SRID PA MNGON PAR 'GRUB PAR MI NUS TE, LHAN CIG BYED RKYEN SRED PA'I RLAN DANG BRAL BA'I PHYIR, ZHES DANG, RNAM 'GREL LAS; SRID PA'I SRED LAS RNAM BRGAL BA'I, ,LAS GZHAN 'PHEN NUS MA YIN TE, ,LHAN CIG BYED PA ZANG PHYIR RO, ,ZHES GSUNGS PA'I PHYIR, YANG SNGON GYI MKHYEN PA DANG MI SHES PA MANG PO NA RE, BSHAGS PAS LTUNG BA'I NGO BO DAG GI SA BON MI DAG PA DE'I SA BON GYIS RNAM SMIN 'BYEN PAS KHYAB ZER, 'O NA, DE DAG GI SA BON YOD NA RANG GI RNAM SMIN 'BYIN PAS KHYAB PAR THAL, 'DOD PA'I PHYIR, 'DOD NA, BSHAGS PAS LTUNG BA DE NGO BO DAG NGES BYAS TSE SA BON MA SPANGS KYANG RMAS PA MA YIN PAR THAL, DE'I SA BON DE RANG GI RNAM SMIN GYI 'BRAS BU TSANG MA 'BYIN NGES YIN PA'I PHYIR, KHYAB STE, DE RMA BYUNG BA 'AM RMAS NA CI TZAM RMAS PA TZAM GYI 'BRAS BU MI 'BYIN PAS KHYAB PA'I PHYIR, RTAGS GRUB CING 'DOD MI NUS PA GNYIS KA YIN PAR THAL, DPER NA, NAS SOGS KYI SA BON LA RMA BYUNG BA'AM SNUM GYIS GOS SAM TSIG PA GSUM GANG RUNG BYUNG NA 'BRAS BU 'BYIN MI THUB PA LTAR DGE MI

, ,DGE'I LAS DE YANG DGE MI DGE GANG RUNG GIS BCOM NAS RMAS BA'AM BYIN GYIS RLABS BAS SNUM BYUGS PA BZHIN BYAS BA'AM GNYEN PO ZAG MED DANG STOBS BZHIS BSREGS PA LTAR GTAN MED BYAS PA GSUM KA'I 'BRAS BU GANG BCOM PA MI 'BYIN PA'I PHYIR, DER THAL, DE LTAR DU SHING RTA CHEN PO THOGS MED SKU MCHED LAGS LDAN 'BYED DANG SLOB DPON SENG GE BZANG PO DANG, AA BHYA GA RA DANG, LHA DBANG GLO SOGS DANG RJE YAB SRAS BZHED PA'I PHYIR, DANG PO GRUB STE, LTUNG BA LAS NGES PAR 'BYUNG BA'AM DAG TSUL BDUN BSHAD PA'I PHYIR TE, MDO SDE RGYAN LAS, LTUNG DANG 'BYUNG DANG LDANG BA DANG, ,NGES PAR 'BYUNG DANG, ZHES PA'I DBYIG GNYEN GYI 'GREL BA LAS, LDANG BA BSAM PAS YIN GYI CHAD LAS KYIS NI MA YIN NO, ,NGES PAR 'BYUNG BA NI RNAM PA BDUN TE, BSHAGS PHA DANG BSLAB PA SBYIN PA LA SOGS PA CHAD PA'I LAS KHAS LEN PA DANG, BSLAB PA BCAS PA LA RNAM GRANGS KYIS GNANG BA'I PHYIR KLOD PA DANG BDEN PA MTHONG BAS LTUNG BA PHRA MO YANG MED PA'I CHOS NYID THOB PA'I PHYIR CHOS KYIS THOB PA'O, ,ZHES GSUNGS PA'I PHYIR, GNYIS PA GRUB STE, RTOG GE 'BAR BA LAS, RKYEN NYE BAR GNAS SU ZIN CING SA BON TSIG GAM, RUL LAM SNAD PA LAS KYANG MA YIN LA RKYEN GANG YANG RUNG BA ZHIG MA TSANG NA YANG MYU GU MNGON PAR 'BYUNG BAR 'GYUR BA MA YIN NO, ,DE BZHIN DU DGE MI DGE'I LAS ZHES PA

NAS, GANG GI TSE DGE BA YANG LTA BA LOG PA DAG GNOD SEMS KYIS NYAMS PAR GYUR PA'AM MI DGE BA YANG SMOD PA DANG SDOM PA DANG 'CHAGS PA LA SOGS PA'I GNYEN POS STOBS NYAMS PAR GYUR BA DE DAG NI RKYEN TSOGS PA YOD DU ZIN KYANG DGE BA DANG MI DGE BA'I SA BON GYI NUS PA NYAMS BAS GANG LAS 'BRAS BU GANG ZHIG 'BYUNG BAR 'GYUR, ZHES GSUNGS PA'I PHYIR, GSUM PA GRUB STE, BRGYAD STONG 'GREL CHEN LAS, 'DI LTAR GANG GNYEN PO'I PHYOGS NYE BA NA 'GRIM PA'I CHOS CAN, ZHES PA NAS, LTUNG BA'I GNAS NI MA LUS PA ZAD PAR 'GYUR BA YIN NO, ,ZHES GSUNGS PA'I PHYIR, DE BZHIN DU LHA DBANG BLOS KYANG BSHAD DO, ,BZHI PA GRUB STE, THUB DGONGS LAS, 'ON BYAS SHING BA SOGS PA'I LAS STOBS DANG LDAN PA LA YANG CI YONGS SU SPYOD PA YOD DAM ZHEN YOD DO, ,ZHES GSUNGS PA'I PHYIR, RTAGS LNGA PA GRUB STE, LAM RIM LAS, SDIG PA 'DAG LUGS NI NGAN 'GROR SDUG BSNGAL CHEN POR SKYE BA'I RGYU RNAMS SDUG BSNGAL CHUNG BAR SKYE BA'I RGYUR 'GYUR BA'AM NGAN 'GROR SKYES KYANG DE'I SDUG BSNGAL MI MYONG BA'AM DA LTA'I RTEN LA MGON PA TZAM GYIS DAG NAS 'GRO BA DANG DE BZHIN DU RGYUN RING POR MYONG DGOS PA RNAMS YUN THUNG NGU'AM GTAM MI MYONG BAR 'GYUR TE, ZHES GSUNGS PA'I PHYIR, BYAS PA LA KHO NA RE, MA NGES PA'I LAS LA DE LTAR YIN KYANG NGES PA'I LAS LA DE LTAR MI 'THAD PAR THAL, NGES PA'I LAS YIN NA, RNAM SMIN 'BYIN PAR

, ,NGES PAS KHYAB PA'I PHYIR TE, RNAM BSHAD RIN CHEN PHRENG BA LAS, LAS NGES PA RNAMS KYIS NI RNAM SMIN 'BYIN TE RNAM PAR SMIN PAR NGES PA'I PHYIR RO, ,DES NA PHYAGS MA LTA BU'I DMYAL BA LA SOGS PA YIN NO, ,ZHES GSUNGS PA'I PHYIR ZER NA MA KHYAB STE, BSHAGS KYANG MYONG NGES MA LOG PA'I LAS YIN NA ZHES PA'I DON YIN PA'I PHYIR DANG, DE NYAN THOS SDE BA'I LUGS LA YANG SBYAR CHOG LA, RANG RES MDO'I DGONGS PA GONG 'OG THUN MONG DU, BSHES SPRINGS LAS, GANG ZHIG SNGON CHAD BAG MED GYUR PA LAS, PHYIS NAS BAG DANG LDAN PAR GYUR TE YANG, ,ZLA BA SPRIN BRAL LTA BUR RNAM MDZES TE, DGA' BO SOR 'PHRENG MTHONG LDAN BDE BYED BZHIN, ZHES GSUNGS PA LTAR BSHAD PA'I PHYIR RO, ,GZHAN YANG, BSHAGS PAS 'DAG TSUL DE MI 'THAD PAR THAL, BSHAGS PAS LTUNG BA 'DAG PA LA RAB 'BRING THA GSUM SOGS YOD PA'I PHYIR, DER THAL, SBYONG MKHAN KUN GYI SEMS SHUGS CHE CHUNG YUN RING THUNG GCIG KHO NA MA YIN PA'I PHYIR, KHYAB STE, DE'I RGYU MTSAN GYIS 'DAG TSUL DU MA MTHONG BA'I PHYIR, DES NA SKABS 'DIR LTUNG BA 'DAG PA'I RGYU BDUN DANG 'DAG TSUL BDUN YOD PAR THAL, MING RIGS SGO NAS PHYIR BCOS TSUL BZHIN BYAS PA DANG, MTHAR BTZAL BAS RKYEN MA 'BYOR BA DANG, MTSAN 'GYUR BA DANG, DGRA BCOM PA'I GO 'PHANG THOB PA DANG, 'PHAGS PA'I BDEN PA MNGON DU BYED

'DANG; RNAM THAR SPO GSUM RTOGS PA DANG, THEG CHEN LTAR NA BYANG CHUB KYI SEMS BSGOM PA BDUN GYIS 'DAG PA'I PHYIR, DANG PO DANG GNYIS PA BSHAD ZIN, GSUM PA GRUB STE, THUN MONG MA YIN PA'I BCAS KYANG GI LTUNG BA'I 'DAG RGYU YIN PA'I PHYIR TE, MDO SDE RGYAN GYI 'GREL PA LAS, DGE SLONG DANG DGE SLONG MA DAG PHO MO'I MTSAN 'GYUR NA, LTUNG BA THUN MONG MA YIN PA NI RTEN YONGS SU 'GYUR BA DANG, ZHES GSUNGS PA'I PHYIR, 'DIS KYANG DE LA BRTEN NAS SDIG PA MA BSHAGS KYANG DAG BAR BSHAD PA MA YIN NO, ,BZHI PA GRUB STE, DGRA BCOM THOB TSE LTUNG BA THAMS CAD DAG BAS BSLAB SBYIN YANG RANG GRAL DU BSDAD CHOG PA'I PHYIR TE, PHRAN TSEGS LAS, GANG GIS DGRA BCOM PA THOB PA DE'I TSE SNGON GYI GRAL LA 'DUG PAR BYA'O, ,ZHES GSUNGS PA'I PHYIR, LNGA PA GRUB STE, DE'I TSE LTUNG BA PHRA MO'I YANG PHRA MO TSUN CHAD DAG PA'I PHYIR, DE'I RGYU MTSAN GYIS MTHONG LAM NAS DON DAM PA'I DGE SLONG CHOS BCUS BSHAD PA'I PHYIR TE, MDO SDE RGYAN GYI 'GREL BA LAS, CHOS KYI SDOM GYI RNAM PAR SO SOR RTOG PA'I KHYAD PAR DE YANG DAG PAR SO SOR RTOG PA DANG, BDEN PA MTHONG BAS LTUNG BA PHRA MO'I YANG PHRA MO MED PA'I CHOS NYID THOB PA'I PHYIR CHOS KYIS THOB PA'O, ,ZHES GSUNGS PA'I PHYIR, 'DI THEG PA THUN MONG DU RUNG NGO, ,DRUG PA YANG DES GRUB CING MA SKYES DGRA'I 'GYOD PA BSAL BA'I MDO LAS KYANG GRUB BO, ,BDUN PA GRUB STE, DGE SLONG

, ,DPA' SBYIN GYIS BUD MED MCHOG LA SPYAD CING DE'I BDAG PO DUG GIS BSAD PAS 'GYOD PA BYANG SEMS NGO MTSAR BLA MAS CHOS BSHAD BYANG CHUB TU SEMS BSKYED PAS MI SKYE PA'I BZOD PA THOB PAR THUB DGONGS LAS BSHAD PA'I PHYIR, GONG 'OG GI DE BZHIN DU MA SHES SO, ,SMRAS PA, RAB TU BAG MED BRLANG SPYOD SDIG LTUNG SPRIN, ,PHYIR BCOS BYIN RLABS STOBS BZHI'I RLUNG SHUGS KYIS SEMS RGYUD MKHA' NGOS KUN DAG LUNG RTOGS KYI, ,NYI MA SPRIN BRAL BZHIN GSAL LHA MA ME'O, ,RTZAB HRAL RTZING SPYOD MI GTZANG DRIS BSGOS PA, ,DAG BYED SPONG SDOM CHU LAS THABS GZHAN 'GA', ,THUB DBANG MKHYEN PAS BTZAL YANG RNYED DKA' BA'I, ,DAG BYED LEGS SPYOD GANG G'A'I CHU RGYUN BSTEN, ,CES PA'ANG BAR SKABS KYI TSIGS SU BCAD PA'O,, ,,GNYIS PA DUS DANG DUS MIN GYI GZHI LA GZHI SOGS KYI BSHAD TSUL 'CHAD PAS 'DI LA DGE 'DUN LHAG MA MI SHES PA NYID DANG, ZHES PA NAS, BCABS PA NYID YIN NA MGU PAR BYA BA MI SRID DO, ,ZHES BYUNG, ZHU BA SOGS KYI BSHAD TSUL 'CHAD PAR, NYIN MTSAN GYI THA MA'I CHA MA YIN PA LA 'CHAB PA MI 'BYUNG NGO, ,NAS, NYES PA MED DO, ,ZHES PA'I BAR BYUNG, 'DIS LHAG MA'I GZHI BSAM PA MTHAR THUG GI DUS RNAMS BSHAD DE, RTOGS SLA, DUS DANG DUS MIN GYI GZHI BSHAD ZIN TO, ,GSUM PA SA GZHAN NA GNAS

PA GZHI LAS BSHAD TSUL, RTZA BAR, SPO BA DANG MGU BAR BYA BA SPYOD PA DAG GIS DGE SLONG RANG BZHIN DU GNAS PA LAS MNGON PAR SMRA BA DANG PHYAG DANG MNGON DU LDANG BA DANG THAL MO SBYAR BA DANG GUS PA'I LAS DAG BDAG GIR MI BYA'O, ,NAS, 'JIGS PA DANG BRAL NA DE NYID DU BLANG BAR BYA'O, ,ZHES BYUNG, ZHU BA LAS BSHAD TSUL 'CHAD PAR, SPO BA DANG MGU BAR BYA BA SPYOD PA RANG BZHIN DU GNAS PA DANG, NAS, DER LHAN CIG PA LA NYES PA MED DO, ,ZHES BYUNG, 'DI LA SA GZHAN NA GNAS PA LA MTSAN NYID DBYE BA BSDU BA BSLAB BYA SGRA BSHAD GROL BA'I DUS DANG DRUG LAS, DANG PO YOD DE, DMAN PAR BYED PA'I TSOGS KHYAD PAR CAN GYI SPYOD PA 'DOR DGOS RUNG GI RIGS GNAS DE DE YIN PA'I PHYIR; GNYIS PA YOD DE, RAGS RIM GYIS PHYE NA BCU GNYIS DANG NYER DRUG YOD, ZHIB PAR PHYE NA ZHE BZHI YOD PA'I PHYIR, DANG PO BCU GNYIS DANG NYER DRUG YOD DE, SPO SPYOD GSUM MGU SPYOD GSUM SPO LDAN GSUM MGU LDAN GSUM STE BCU GNYIS DANG, BSDIGS PA DANG SMAD PA DANG BSKRAD PA DANG PHYIR 'GYED BZHI GNAS DBYUNG BDUN DGE TSUL BSNYIL BA DANG NGO BO NYID TSOL BA DANG, BSLAB PA BYIN PA STE NYER DRUG YOD PA'I PHYIR, GNYIS PA ZHE BZHI YANG YOD DE, SPO BA SPYOD PA DANG GZHI NAS SPO BA SPYOD PA DANG YANG GZHI NAS BSLANG STE SPO BA SPYOD PA GSUM, MGU BA SPYOD PA GZHI NAS MGU BA SPYOD PA YANG GZHI NAS BSLANG STE MGU BA SPYOD PA GSUM, SPO BA SBYANG NAS MGU BA SPYOD PA GSUM, GZHI

, ,NAS SPO BA SPYAD NAS MGU BA SPYOD PA GSUM, YANG GZHI NAS BSLANG STE SPO BA SPYAD NAS MGU BA SPYOD PA GSUM DANG BCO LNGA, SPO LDAN GSUM MGU LDAN GSUM SPO BA SPYAD NAS MGU BA DANG LDAN PA GSUM, GZHI NAS SPO BA SPYAD NAS MGU BA DANG LDAN PA GSUM, YANG GZHI NAS BSLANG STE SPO BA SPYAD NAS MGU BA DANG LDAN PA GSUM, BSDIGS PA SOGS BZHI GNAS DBYUNG BDUN BSNYIL BA NAN TUR NGO BO NYID TSOL BA BSLAB BA BYIN PA STE DNGOS BTAGS BSDOM NA ZHE BZHI YOD PA'I PHYIR, GSUM PA BSDU TSUL GSUM YOD DE, NGO BO'I SGO NAS GSUM DANG, RNAM GRANGS SGO NAS GNYIS DANG, BSLAB BYA'I SGO NAS GNYIS SU 'DU BA'I PHYIR, DANG PO GSUM YOD DE, SPANGS PAS GZHAN DANG, SMAD PA SA GZHAN DANG, RNAM PAR DAG PAS GZHAN PA DANG GSUM YOD PA'I PHYIR, GNAS DBYUNG BDUN DANG BSNYIL BA NAN TUR DANG PO DANG, BSDIGS SOGS BZHI GNYIS PA, GZHAN RNAMS GSUM PA YIN, RNAM GRANGS KYIS GNYIS SU 'DU STE, SA GZHAN NA GNAS PA LA NAN TUR BYAS PA DANG MA BYAS LA GNYIS SU 'DU PA'I PHYIR TE, BSDIG PA SOGS BZHI DANG, NAN TUR BDUN BSNYIL BA RNAMS DANG PO DANG; GZHAN RNAMS GNYIS PAR 'DU BA'I PHYIR, GSUM PA YOD DE, SA GZHAN PA CHE CHUNG GNYIS SU 'DU PA'I PHYIR, BZHI PA BSLANG BYA YOD DE, SA GZHAN NA GNAS PA CHEN POS KHYAD PAR CAN GYI SPYOD PA LNGA SPANGS PA DANG

DMAN PA'I SPYOD PA LNGA DANG DU LEN DGOS, CHUNG NGU RNAMS KYIS KHYAD PAR CAN GYI SPYOD PA LNGA SPONG YANG DMAN SPYOD DANG DU LEN MI DGOS PA'I PHYIR, SHES BYED GZHI 'DIR SHIN TU GSAL LO, ,LNGA PA SGRA BSHAD YOD DE, RANG BZHIN DU GNAS PA'I SA LAS GZHAN DMAN PA'I SAR GNAS PAS DE LTAR BRJOD PA'I PHYIR, DRUG PA GROL DUS YOD DE, GNAS DBYUNG MA GTOGS NAN TUR PHYI MA BYAS PAS SNGA MA LAS GROL, BZOD PA GSOL BAS NAN TUR LAS GROL, SRO MGU 'KHOR BAS SPO MGU SPYOD PA LAS GROL, MGU BA NOD PAS SPO LDAN LAS GROL, DBYUNG BA NA DANG SA MGU LDAN LAS GROL, DGRA BCOM THOS PAS SA GZHAN PA THAMS CAD LAS GROL BA'I PHYIR TE, RTZA BAR, SNGA MA NI BZOD PA GSOL PAS RANG BZHIN DU GNAS PA THOB BO, ,'OG MA NI DGRA BCOM PA NYID KYIS SO, ,ZHES GSUNGS PA'I PHYIR, SA GZHAN GYI GZHI BSHAD ZIN TO, ,BZHI PA YONGS SBYONG GI GZHI LA GZHI DANG ZHU BA LAS BSHAD TSUL GNYIS, DANG PO 'CHAD PAR; MA GRAGS PA NI GZHI NYID MA YIN NO, ,ZHES PA NAS, YID MA CHES PA NI GZHI MA YIN NO, ,ZHES BYUNG, GNYIS PA 'CHAD PAR, SHES PA DU MA NYID YIN NA GLENG BA LA SOGS PA LA 'DOD PAS SO, ,NAS, DE GNYIS KYI YANG MA YIN NO, ,ZHES BYUNG, 'DIS SNGAR BSHAD PA'I LTUNG BA GLENG DRAN DANG SOGS KYIS BYED TSUL YIN PAS RTAGS SLA ZHING PHAL CHER BSHAD ZIN, YONGS SBYONG BSHAD ZIN TO, ,LNGA PA LAS DBYE BA GZHI LAS BSHAD TSUL DANG, ZHU BA DANG

, ,BRAM ZE BU MOS ZHUS PA LAS BSHAD TSUL GNYIS, DANG PO 'CHAD PAR, DGE 'DUN THA DAD PA NYID DU NUS PA LA MI 'DOD PAR GLENG BA DANG GLENG BAR BYED PA NA LEG PAR MI BYA'O, ,NAS, 'DI LA DUS DE KHO NA'I RGYU NYID DU'O, ,ZHES BYUNG, GNYIS PA 'CHANG BAR, CHOS MA YIN PAR SMRAS PA DAG GIS DBYE BA'I SEMS KYIS MTSAMS KYI NANG DU LAS THA DAD PAR BYAS NA DE PHYE BA YIN NO, ,NAS, DGE 'DUN LAS MA YIN NO; ;ZHES BYUNG, 'DIR DBYE 'DOD KYI DGE SLONG GIS GNAS SGRA MI SNYAN MA YIN PA'I GLING GSUM GANG RUNG DU MTSAMS GCIG PA'I NANG DU KHA SKONG BAR 'OS PA'I DGE 'DUN BRGYAD YAN CHAD KYI GRANGS TSANG LA 'BYED PA PO SO SO SKYE POS BSAM PA CHOS MIN DER 'DU SHES SHING KUN SLONG DBYE BAR 'DOD PA RGYUN MA CHAD PA MTHAR THUG LAS THA DAD DU BYED PA NA GRUB PA'I PHYIR TE, RTZA BAR, CHOS MA YIN PAR SMRAS PA DAG GIS DBYE BA'I SEMS KYIS MTSAMS KYI NANG DU LAS THA DAD PAR BYAS NA DE PHYE BA YIN NO, ,ZHES GSUNGS PA'I PHYIR, DE ZHI BAR BYED TSUL YOD DE, LAS KYIS BSDUM STE MTHUN PA DANG BKRA SHIS KYI GSO SBYONG BYED PA DE YIN PA'I PHYIR TE, RTZA BAR, GSO SBYONG MED PAR RANG BZHIN DU GNAS PA NYID MI THOB BO, ,DE BYIN NAS BYA'O, ,DE NI LAS KYIS SO, ,SNGA MA YANG NGO, ,MTHUN PA DANG BKRA SHIS PA DANG GNOD PA BYUNG BA'I DON DU GSO SBYONG BYAR RUNG NGO, ,ZHES GSUNGS PA'I PHYIR, DRUG PA 'KHOR

LO'I DBYE BA'I GZHI 'CHAD PAR, CHOS LAS THA DAD PA'I DNGOS POR GSOL BAS SAM, DE NA DES TSUL SHING LEN DU GZHUG PAS SO, ,NAS, DBYEN LA CHOS SU 'DU SHES PAS KYANG NGO, ,ZHES BYUNG, DE'I TSUL YOD DE, STEN PA'I DUS SU BYED PA PO DGE SLONG GIS STON PA DANG, LAM GZHAN DU BSHAD PA LTAR DGE 'DUN DU LONGS PAS BZOD PA NA PHYE BA YIN LA, DE YANG DUS ZHAG GCIG LAS MI GNAS, MCHOG ZUNG GIS 'DUM PAR BYED PA'I PHYIR, DANG PO GRUB STE, MDZOD LAS, DE NI 'KHOR LO'I DBYEN DU 'DOD, ,'DZAM BU'I GLING NA'O DGU SOGS KYIS, ,DANG PO MTHA' SKYON ZUNG GCIG GI, SNGA ROL THUB PA NONGS PA DANG, ,MTSAMS MA BCAD PA DAG TU YANG, ,'KHOR LO'I DBYEN NI MI 'BYUNG NGO, ,ZHES BYUNG, LHAG MA RNAMS GRUB STE, MDZOD LAS, DGE SLONG LTA SPYOD TSUL LDAN PAS, ,'BYED DO GZHAN DU'O BYIS PA RNAMS, ,STON DANG LAM GZHAN LA BZOD PA, ,PHYE BA'O ZHES BYUNG, KHYAD PAR PHYI MA GNYIS GRUB STE, MDZOD LAS, DE NI MI GNAS SO, ,ZHES GSUNGS PA'I PHYIR, 'KHOR LO BYE BA BSHAD ZIN TO, ,GNYIS PA CHOS LDAN GYI RTZOD PA PHYIR BCOS TSUL GZHI DANG ZHU BA LAS BSHAD TSUL GNYIS LAS, DANG PO 'CHAD PAR, 'KHRUG LONG GI RGYU BZHI'O, ,NAS, NYE BAR ZHI BAR BYA BA'I PHYIR 'BAD PA MI BSKYED PAR MI BYA'O, ,ZHES BYUNG, GNYIS PA 'CHAD PAR, ZHI BA THAMS CAD NI BYA BA'I PHYIR RTZOD PAR 'JUG GO ,NAS, DON SBYIN PAR

, ,BYED PA 'AM MNGON PAR BRTZON BA'O, ,ZHES BYUNG, 'DI LA ZHI BYA DANG, ZHI BYED GNYIS, DANG BO YOD DE, CHOS SOGS LA RTZOD BA'I NANG GI KUN SLONG DANG PHYI'I LUS NGAG GI 'KHRUG LONG BZHI YOD PA'I PHYIR, DANG PO YOD DE, RTZA NYON NYE NYON THAMS CAD DE YIN PA'I PHYIR, GNYIS PA PHYI'I BZHI YOD DE, 'GYED PHYIR RTZOD PA DANG, MI GDAMS PA'I PHYIR RTZOD PA DANG, LTUNG PA'I PHYIR RTZOD PA DANG, LAS KYI PHYIR RTZOD PA BZHI YOD PA'I PHYIR TE, RTZA BAR, 'KHRUG LONG GI RGYU BZHI'O, ,DNGOS PO'I DE BZHIN NYID LA LOG PAR SGRUB PA DANG, SPONG BA DANG, LTUNG BA DANG BCAS PA NYID DANG, LAS LA MTHUN PA MI SBYIN PA'O, ,ZHES GSUNGS PA'I PHYIR, DANG PO YOD DE, PHUNG BOR BDAG YOD MED LA SNGA RGOL PHYI RGOL GYIS RTZOD PA DE YIN PA'I PHYIR, GNYIS PA YOD DE, tIKKA LAS, GDAMS NGAG LA SOGS PA 'JOG PAR 'GYUR BAS GZHAN SPONG BA STE, ZHES DANG, BAM LNGA LAS GDAMS NGAG 'JOG PA DANG GSO SBYONG 'JOG PA DANG, DGAG DBYE 'JOG PA'I RIM PA NGES GANG BAG LTUNG PA 'BYIN BA PO GZHAN DE DGE 'DUN RANG BZHIN DU GNAS PA LAS LOGS SHIG TU SPANG BAR BYED PA'O, ,ZHES GSUNGS PA'I PHYIR, GSUM PA YOD DE, BAM PO LNGA BCU PA LAS, LTUNG BA SDE LNGA'I LHAG MA DANG BCAS PA GANG YANG RUNG PA'O, ,ZHES GSUNGS PA'I PHYIR, BZHI BA YOD DE, LAS LA 'DU BA MI STER BA DE YIN PA'I PHYIR, GNYIS BZHI BYED LA SO SONG PHYE

NA MANG YANG BSDUN BDUN YOD DE, DGE SLONG GI LO DRI LAS, RTZOD PA ZHI BAR BYED BA'I CHOS BDUN TE, MNGON SUM DRAN PA MA SMYOS DANG, ,DE BZHIN GANG MANG NGO BO NYID, ,RTZA RNAMS BKRAM PA LTA BU DANG, KHAS BLANG BAR YANG BYA BA'O, , ZHES GSUNGS BA LTAR BDUN GYIS THAMS CAD 'DUL BA'I PHYIR, MNGON SUM RNAM PAS 'DUL TSUL YOD DE, PHUNG SOGS MI RTAG SOGS SU PHYIR 'GYED PAR RTZOD PA LA MNGON SUM GYIS 'DUL BA SBYIN PA'I PHYIR TE RNAM 'BYED LAS, MNGON SUM 'DUL BAR 'OS PA LA MNGON SUM GYIS 'DUL BA SBYIN NO, ZHES DANG, DUL BA LHAS DE LA RTAG PA DANG MI RTAG PA DANG YOD PA DANG MED PA DANG SDUG BSNGAL DANG SDUG BSNGAL MA YIN PA LA SOGS PA DNGOS PA'I NGO BO NYID KYI SKABS SU 'GYED PA'I PHYIR RTZOD PA BYUNG NA, MDO SDE DANG 'DUL BA DANG MA MO 'DZIN BDAG GAM MKHAN BO DANG SLOB DPON DAG GAM DGE 'DUN THAMS CAD DAM, GZHAN GYI DGE 'DUN NAM GNAS BRTAN GTZO POS NGES PA SKYED PAS RTZOD PA NYE BAR ZHI BAR 'GYUR PAS ZHES GSUNGS LA DE BZHIN DU GZHAN BDUN LA'ANG BSHAD PA'I PHYIR RO, ,LNGA PA DE THAMS CAD KYI RTEN GNAS MAL GYI GZHI 'CHAD PA LA, PHYAG 'OS KYI KHYAD PAR DANG, GTZUG LAG KHANG GI KHYAD PAR DANG GNYIS DANG PO 'CHAD PAR, SO SOR THAR BA'I SDOM PAS MCHOG LA RAB TU BYUNG BAS PHYAG BYA'O, ,ZHES PA NAS, THAMS CAD KYI SANGS RGYAS LA'O, ,ZHES GSUNGS, 'DI'I PHYAG GI YUL YOD DE, DGE SLONG RAB BYUNG SDE LNGA KHYIM PA'I PHYAG GI YUL

, ,YIN PA'I PHYIR TE, RTZA BAR, KHYIM PAS RAB TU BYUNG BA LA'O, ,ZHES GSUNGS, RAB BYUNG SDE LNGA'I PHYAG GI YUL YOD DE, SANGS RGYAS DANG DGE SLONG PHA LTA BU BSLAB TSIGS MNYAM NA RANG RANG GI BSLAB PA RGAN PA RNAMS YIN PA'I PHYIR TE, RTZA BAR, SO SOR THAR PA'I SDOM PA'I MCHOG LA RAB TU BYUNG BAS PHYAG BYA'O, ,MNYAM NA RGAN PA LA'O, ,ZHES GSUNGS PA'I PHYIR, DE YANG MA RGAN KYANG YUL MA YIN TE, LCI BA'I CHOS BRGYAD KYI BCAS PA DANG LDAN PA'I PHYIR, RTZA BAR, MTSAN THA MI DAD PA LA'O, ,ZHES SO, ,SPYIR PHYAG GI YUL YIN KYANG YUL DUS SPYOD LAM GYIS PHYAG MI RUNG BA YOD DE, RANG GI MKHAN PO SOGS LA'ANG SA GZHAN SOGS DANG NYAL BA DANG SNYOMS 'JUG DANG BREL DUS DANG SEMS GZHAN DU G-YENG BA DANG, RGYAB KYIS PHYOGS PA DANG KHYIM GZHAN NA 'DUG PA DANG, ZAS DANG MI GTZANG BAS SBAGS PA GNYIS DANG, GCER BU DANG GOS GCIG PA RNAMS SOGS SO GNYIS LA PHYAG MI RUNG BA'I PHYIR DANG, DE DAG CI RIGS KYIS PHAR YANG PHYAG BYED MI RUNG BA'I PHYIR TE, RTZA BAR, SA GZHAN NA GNAS PA DANG, NAS, ZAS KYI GRAL NA 'DUG PA MA GTOGS SO, ,ZHES DANG, YANG RTZA BAR, 'BAGS PA LA PHYAG MI BYA'O, ,'BAGS PAS PHYAG MI BYA'O, ,NAS, 'DI LAS GCER BU NYID DANG GOS GCIG PA NYID NI 'BAGS PA DANG 'DRA'O, ,ZHES GSUNGS PA'I PHYIR DANG, LUNG LAS KYANG, BTZUN PA PHYAG MI BGYI BA DU MCHIS, NYE BAR

'KHOR SUM CU RTZA GNYIS TE, SDIG PA'I LAS BYAS PA DANG, SMAD BA'I LAS BYAS PA DANG, ZHES PA NAS, GCER BU DANG DGOS GCIG PA DANG NYAL BA DANG SNYOMS PAR 'JUG PA DANG, RGYAB KYIS PHYOGS PA DANG SO SHING ZA BA DANG GSHAR BA BYED PA DANG, GCI BA BYED PA DANG KHYIM GZHAN NA 'DUG PA'O, ,ZHES GSUNGS PA'I PHYIR, PHYAG GNYIS SOGS BSHAD ZIN TO,, GNYIS PA GTZUG LAG KHANG GI KHYAD PAR 'CHAD PA LA, GTZUG LAG KHANG BYA'O, ,ZHES PA NAS, RAB TU BYUNG BA'I GNAS SU DUS STON BYA BA CHOS DANG MTHUN NO, ,ZHES GSUNGS, 'DIR SPYI'I DON LA KHYAD PAR DU MA YOD DE, GLENG GZHI DANG, DGOS PA DANG, GTZUG LAG KHANG GI KHYAD BAR DANG, DE SKYONG TSUL DANG, DE BZHENGS PA'I PHAN YON LNGA YOD PA'I PHYIR, GLENG GZHI DU MA YOD DE, MGON MED ZAS SBYIN GYIS RGYAL BYED TSAL BZHENGS PA SOGS DU MA YOD PA'I PHYIR, GNYIS PA DGOS PA YOD DE, DGE 'DUN THOS BSAM 'PHEL BA DANG, ,SBYIN BDAG GIS BSOD NAMS DPAG MED THOB PA SOGS KYI DGOS PA YOD PA'I PHYIR, GSUM PA GTZUG LAG KHANG GI KHYAD PAR DU MA YOD DE, GNAS KYI DANG, BSGRUB TSUL GYI DANG, RGYA DBYANGS KYI DANG, DBYIBS KYI DANG, YAN LAG GI DANG, RI MO'I DANG, GANG GI DON GYI KHYAD PAR DRUG YOD PA'I PHYIR, DANG PO GNAS KYI KHYAD PAR GNYIS YOD DE, SKYE BO MANG BOS MCHOD PA'I CHED DU YIN NA, SKYE BO MANG PO 'GRO 'ONG GI GNAS SU GTZUG LAG KHANG BYED LA, DGE 'DUN GYI THOS BSAM SGOM PA 'PHEL BA'I CHED

, ,DU YIN NA, DBEN GNAS SU GTZUG LAG KHANG BYED PA YIN PA'I PHYIR, DANG PO GRUB STE, SKYE BO MANG POS PHYAG MCHOD BYED SLA BA'I PHYIR, RTZA BAR, LAG GI BLAS 'GRO BA DANG 'ONG BA DANG LDAN PA'I GZHIR GTZUG LAG KHANG RAB TU GNAS PAR BYA'O, ,ZHES DANG, 'GREL CHUNG LAS, DGE SLONG GI DGE 'DUN GYI PHYIR GTZUG LAG KHANG BRTZIGS NA DGON PA DANG DBEN PAR MI RTZIGS KYI MI MANG PO 'DU ZHING PHYAG 'TSAL BA'I GNAS SU RTZIGS ZHES GSUNGS PA'I PHYIR, GNYIS PA GRUB STE, SKYE BO MANG PO YANG YANG 'DU BA'I RGYUN LUGS DANG RANG DBANG DU GTAM ZER BA'I GLAG CHOR DANG, BRAM ZE'I KLOG PA DANG, RTA GLANG PO SOGS KYI SGRA DANG, RDZA RNGA SEGS KYI SKAD NI TUG RING STE, DE BZHI NYUNG BA'I GNAS SU GTZUG LAG KHANG BYED PA'I PHYIR TE, RTZA BAR, RGYUN LUGS DANG GLAG CHOR DANG SGRA DANG TUG RING CHUNG BAR RO, ,ZHES GSUNGS PA'I PHYIR DANG, SNGAR ZHI GNAS KYI GSO SBYONG DU BSHAD PA DANG, MDO SDE RGYAN LAS; BLO LDAN GANG DU SGRUB PA'I YUL, ZHES SOGS DANG MTHUN PA DE'I PHYIR, GNAS DE DAG TU YANG GTZUG LAG KHANG BYED PA'I THOG MAR SA 'DUL DU GRAGS PAR BKRA SHIS PA'I GSO SBYONG DANG MTHUN PA'I GSO SBYONG LAN DU MAR BYAS SHING CHOS NYAN BSHAD BYAS NA LEGS PA YIN TE, SNGON STON PA'I DUS SU YANG CI RIGS BYAS TSUL GSO SBYONG SO SO'I GLENG GZHI LUNG LAS BYUNG BA DANG, DE RJES SU YANG DGRA BCOM PA DANG TSAD LDAN DU MAS MDZAD PA DANG

CHU LEN PA DANG SHING GCOD SAR BKA'I TSIGS BCAD KYI CHOS SBYIN STER BAR BSHAD PA DE'I PHYIR, DES NA RTZA BA'I LUNG LTAR SNGAR BSHAD PA 'DIR YANG MA BSHAD KYANG SBYAR NA LEGS SO, ,GSUM PA SGRUB TSUL LA BSGRUB BYA'I SGO NAS GNYIS YOD DE, RNYING GRUM CHUNG SOGS KYI ZHIG GSOS DANG, SNGAR MED GSAR SGRUB KYI TSUL GNYIS YOD PA'I PHYIR, DANG PO LA YANG DU MA YOD DE, RANG GI GTZUG LAG KHANG CHE CHUNG GANG BYAS KYANG RUNG, MCHOD RTEN DANG SKU GZUGS BSKYED PA'I CHED DU BSHIGS NAS BCOS PA LA NYES PA MED, BSKYED PA'I CHED MA YIN NA MI RUNG, RNYING BA NYAMS PA'AM NYAMS GRAB BYUNG NA BSKYED MI THUB BAR TSAD MNYAM BYED PA'I CHED DU BSHIGS KYANG RUNG, GDUGS SOGS PHYOGS RE RNYING BA GSO BA'I CHED DU PHYOGS RE BSHIGS NAS BCOS PA'ANG RUNG BA'I PHYIR, DANG PO GRUB STE, RTZA BAR, DE DAG LCI BAS 'JIG PA NYID YIN NA BRTZEGS PA GZHIG PA LA KHA NA MA THO BA MED DO, ,BRTZAM PA BSKYED PA'AM BSGYUR BAR BYA BA'I PHYIR GZHIG BA LA YANG NGO, ,ZHES GSUNGS PA'I PHYIR, GNYIS PA GRUB STE, RTZA BAR, MCHOD RTEN DANG SKU GZUGS DAG NI BSKYED PA NYID KYI PHYIR RO, ,ZHES DANG, t'IKKA LAS, ZIN PA DE DAG BSKYED PA 'BA' ZHIG GI PHYIR BSHIGS PA LA KHA NA MA THO BA MED PAR MA DAD KYI ZHES GSUNGS BA'I PHYIR, RIN CHEN 'PHRENG BAR YANG NGO, ,GSUM PA GRUB STE, SNYAN PA BZANG LDAN GYI GTAM RGYUD KYIS KYANG SHES PA'I PHYIR TE, t'IKKAR, DE GNYIS BRTZAM PA BSGYUNG BA'I PHYIR BSHIGS PA NI

, ,KHA NA MA THO BAR MI 'GYUR RO, ,ZHES DANG, RIN CHEN PHRENG BAR, MCHOD RTEN DANG SKU GZUGS DAG NI BRTZAM BA NAS BSKYED BA'I PHYIR BSHIGS NA KHA NA MA THO BA MED KYI BSKYUNG BA'I PHYIR BSHIG TU MI RUNG NGO; ;ZHES GSUNGS BA'I PHYIR, BZHI BA GRUB STE, RTZA BAR, RNYING BA NYID KYI PHYIR NI ZIN KYANG MNYAM BA'I PHYIR YANG NGO, ,ZHES DANG, t'IKKAR LUNG GRANGS PA LAS KYANG, SKYANG NUL GYI SKU GZUGS DAG RNYING BAR GYUR PA NA, DGE SLONG DAG 'GYOD PAS PHYIR 'CHOS PAR MI BYED PA DANG, BCOM LDAN 'DAS KYIS BKA' STZAL PA, LHAG PA'AM MNYAM PAR BYA'I CHUNG BAR NI MI BYA'O, ,ZHES GSUNGS PA'I PHYIR, LNGA PA GRUB STE, RTZA BAR, PHYOGS GCIG PHYIR BCOS PA'I PHYIR YANG NGO, ,ZHES DANG, t'IKKA LAS, MCHOD RTEN DANG SKU GZUGS DAG GI PHYOGS GCIG RNYING PA PHYIR BCOS PAR BYA BA'I PHYIR BSHIGS PA LA YANG KHA NA MA THO BA MED DO, ,ZHES GSUNGS PA'I PHYIR, DE BZHIN DU GLEGS BAM GYI YI GE LA'ANG 'DRA BAR BSHAD NGO; ;RTZA RTAGS GNYIS PA SNGAR MED GSAR DU SGRUB TSUL LA YANG DU MA YOD DE, 'OG GZHI'I SGRUB TSUL, KA BA 'DZUG TSUL, GDUNG LCAM GRAS MA GSUM GYI 'GEBS TSUL DANG GTZANG KHANG GI SGRUB TSUL, KHYAMS KYI SGRUB TSUL, SGO DANG RTA BABS KYI SGRUB TSUL RNAMS SU YOD PA'I PHYIR, DANG PO GRUB STE, 'OG GZHI BRTAN PA DANG KA BA SOGS SLAR BABS MI 'GRO BA'I CHED DU GTZUG LAG KHANG GI RMAD NGAM 'OG GZHIS BRUS SAR SO BTANG PA'I PHAG RIM PA

BDUN NAM BRGYAD BRTZEGS BYED PA'I PHYIR TE, RTZA BAR, SO PHAG GI GCAL BDUN NAM BRGYAD GZHUG GO ,ZHES DANG, t'IKKA LAS, GNAS KHANG RTZIGS PA'I 'OG GZHI'I GCAL DU SO PHAG RIM PA BDUN NAM BRGYAD GZHUG PAR BYA'O, ,ZHES GSUNGS PA'I PHYIR, RTZA RTAGS GNYIS PA GRUB STE, SOL GA GI GCAL DE'I STENG DU PHYOGS SO SOR KA GDAN SRA BA'I SHING SPANG LEB KYI PHRENG DANG, DE SO SO'I STENG DU KA BA'I PHRENG DANG, DE SO SO'I STENG DU KA GZHU DAG PHYOGS SO SOR JI LTAR DGOS PA TSAR RAM PHRENG DU DGOD PA'I PHYIR TE, t'IKKA LAS, SO PHAG GI GCAL DE'I STENG DU KA RTEN GYI SPANG LEB GZHUG PAR BYA'O, ,ZHES DANG, RIM BZHIN DU RTZA BAR, DE'I STENG DU KA RTEN GYI SPANG LEB BO, ,DE'I STENG DU KA BA'I TSAR DAG GO ,DE DAG GI STENG DU KA GZHU'I MDAB MA DAG GO ,ZHES GSUNGS PA'I PHYIR, RTZA RTAGS GSUM PA GRUB STE, GZHU DE DAG GI STENG DU GTZANG KHANG DBUS MA SOGS LA GDUNG MIG MANG RIS DANG GZHAN KHYAMS CHAR SOGS LA PHYOGS SO SOR GDUNG RGYU BAS PA SOGS GANG 'OS BTANG BA'I STENG DU LCAM MGO MJUG MA BSNOL PA LCAM KHANG DANG BCAS PA LAG LEN LTAR BKAL BA'I STENG DU SHING LEB BAM GRAS MA DE'I STENG DU SO PHAG 'GREM ZHING SO PHAG GI 'DAG PAS MTSAMS SBYOR BAR BYED PA'I PHYIR; RDZA 'DAG 'DI LA RGYAN SBYOR TSUL LEGS PA ZHIG YOD, RTZA BAR, DE DAG GI STENG DU GDUNG MA DAG GO ,DE DAG GI STENG DU LCAM DAG GO ,DE DAG GI STENG DU SPANG LEB DAG GO ,DE DAG GI STENG DU SO PHAG DAG DGRAM MO, ,DE DAG GI

, ,STENG DU SO PHAG GI PHYE MA'I 'JIM PA'O, ,ZHES GSUNGS PA'I PHYIR, DE LTAR BSHAD PA NI DES BZUNG DANG MED MI RUNG GI GDUNG LCAM KA BA 'DZUG TSUL YIN LA, PHUN SUM TSOGS PAR BYED NAG GDAN NAS STENG GI BAR BRTZEGS BCO LNGA SOGS YANG RUNG STE, RGYAL BA DGE 'DUN GRUB SOGS KYIS BKRA SHIS LHUN PO SOGS BZHENGS DUS KA GDAN DANG KA BA DANG BRE GANG NA DANG BRE DANG GZHU DANG GDUNG STAN DANG GDUNG DANG GDUNG KHEBS DANG MCHOD CHOGS DANG KHEBS DANG PAD MCHOD SOGS LHA'I KHANG PA BZHIN SGRUB PA'I PHYIR, BZHI PA GTZANG KHANG GI KHYAD PAR YOD DE, GTZUG LAG KHANG DE'I PHUG GI NGOS SAM, PHUG GI PHYOGS GCIG TU DRI GTZANG KHANG NGAM SKU GSUNG THUGS KYI RTEN BZHENGS PA'I KHANG PA GLO G-YAS G-YON DU GNAS KHANG BYED PA YIN PA'I PHYIR, DE BZHIN DU GTZANG KHANG GSUM BYED NA MDZES PA'I PHYIR DU NGOS DE'I DBUS DANG G-YAS G-YON DU RE RE STE DGU BYED LA DE'I SGO GTZUG LAG KHANG GI PHYI SGO DANG MTHUN PAR BYAS NA MUN PA CHUNG PA'I PHYIR, ZUR DANG PO GRUB STE, RTZA BAR, NGOS GCIG GI DBUS SU DRI GTZANG KHANG BYA BA NYID DO, ,ZHES DANG, t'IKKA LAS, 'DIR NGOS ZHES BYA BA NI PHYOGS TE, ZHES GSUNGS PA'I PHYIR DANG, LUNG LAS KYANG, GAL TE GNAS KHANG GSUM PA BYED DU BCUG NA DBUS SU DRI GTZANG KHANG BYED DU GZHUG CING GLO GNYIS SU GNAS KHANG GNYIS SO SOGS GSUNGS PA'I PHYIR, GNYIS PA GRUB STE, RTZA BAR, DE'I MDUN DU SGO KHANG NGO, ,ZHES GSUNGS PA'I PHYIR, LNGA PA KHYAMS KYI KHYAD PAR YOD DE,

KHYAMS GCIG PA DANG KHYAMS GSUM PA YANG YOD BA'I PHYIR, DER THAL, DRI GTZANG KHANG GCIG LA G-YAS G-YON DU GNAS KHANG RE BYAS NA KHYAMS GCIG BYED, DE 'DRA'I DRI GTZANG KHANG GSUM DANG KHANG MIG DGU YIN NA, KHYAMS GSUM PA BYED PA DANG, DE BZHIN DU BZHI PA BYED PA SOGS YIN PA'I PHYIR TE, RTZA BAR, KHYAMS GSUM PA YANG NGO, ,ZHES DANG, LUNG LAS KYANG, GAL TE GNAS KHANG GSUM PA BYED DU 'JUG NA DBUS SU DRI GTZANG KHANG BYED DU GZHUG CING GLO GNYIS SU GNAS KHANG GNYIS SO, ,KHYAMS GSUM LA NI DE BZHIN DU GNAS KHANG DGU DAG GO ,KHYAMS BZHI LA NI DBUS SU SGO KHANG GI BYANG GTANG DU DI GTZANG KHANG NGO, ,SGO KHANG GI NGOS GNYIS SU GNAS KHANG GNYIS SO, ,ZHES GSUNGS PA'I PHYIR, DRUG PA SGO DANG RTA BABS KYI SGRUB TSUL YOD DE, SGO LA SGO KHANG DANG DE'I SGOR SHING RING PO GNYIS SGRENG PA'I STENG DU SHING RING PO GCIG GIS BKAB PA DE'I STENG DU RGYAN MANG POS MDZES PAR BYAS PA DE'I MING LA RTA BABS DANG SGO DANG PO DANG LAM PO CHE'I SGO SOGS SU GRAGS PA DE YIN PA'I PHYIR, LUNG LAS, MCHOD RTEN LA LAN BKAN GYIS BSKOR BA DE LA RTA BABS MED PAS MI MDZES PAR GYUR NAS, BKA' STZAL PA, RTA BABS SGRENG BAR BYA'O, ,ZHES DANG, RNAM 'BYED 'GREL BA DANG GZHI 'GREL LAS, RTA BABS ZHES BYA BA NI LAM PO CHE'I SGO MTHON PO SGRENG BA'O, ,ZHES DANG, PHRAN TSEGS 'GREL BA LAS, RTA BABS NI RTZA PA'I SGO'I PHYI ROL GYI RTZIGS PA MA GTOGS PAR SHING GNYIS SGRENG BA LA SHING GCIG GIS STENG NAS BKANG PA SGO'I RNAM PA LTA BU YIN TE,

, ,'DI'I MING GZHAN NI SGO DANG NGO ZHES BYA BA YIN NO, ,ZHES GSUNGS PA'I PHYIR, 'GREL CHUNG GIS RTA BABS RDO RING DU BSHAD PA NOR RO, ,LAN BKAN NI SHING THAG YIN TE, SHING GI DBYUG PA RING PO 'PHRENG LA THAG PA LTAR BTANG BA NI LAN BKAN DANG, DE MI 'GUL BA'I CHED DU SHING THUNG DU GYEN LA 'GRENG BA DANG SBREL BA NI SHAR BU 'AM SHAR BZHES BSHAD PA'I PHYIR TE, DE LTAR BA GSAL SOGS LA SHING GI DRA MIG GAM SHING THAG BYAS PA LTA BU YIN PA'I PHYIR TE; RTZA BAR, MI LTUNG BAR BYA BA'I PHYIR LAN BKAN BYA'O, ,MI 'GUL BAR BYA BA'I PHYIR SHAR PA BZHAG GO ,ZHES DANG, t'IKKA LAS, 'DIR SHAR PA ZHES BYA BA NI LAN BKAN GYI SHING RING PO RNAM PAR BZHAG PA'I BAR DU GSUNGS KYI SHING THUNG DU GANG DAG 'DZUD PA DE DAG LA BYA'O, ,ZHES GSUNGS PA'I PHYIR DANG, 'GREL CHUNG LAS KYANG NGO, ,GSUM BRGYA DPANGS KYI KHYAD PAR GNYIS YOD DE, DGE SLONG PHA'I GTZUG LAG KHANG GZHAN LNGA BRTZEGS DANG GTZANG KHANG DANG SGO KHANG GNYIS RAB GSAL LTA BU BDUN BRTZEGS BYED, DGE SLONG MA'I GTZUG LAG KHANG GZHAN SUM BRTZEGS DANG GTZANG KHANG SGO KHANG GNYIS RAB GSAL LTA BU LNGA BRTZEGS BYED CING RGYA TSAD KYANG DES DPYAD RIGS PA'I PHYIR, DANG PO GRUB STE, RTZA BAR, GTZUG LAG KHANG DAG GI BRTZEGS MA NYID KYI MTHA' NI LNGA'O, ,ZHES DANG, LUNG SIL BU LAS, DGE SLONG RNAMS KYI GTZUG LAG KHANG NI LNGA BRTZEGS SU BYA'O, ,DRI GTZANG KHANG NI BDUN BRTZEGS SO, ,SGO KHANG STENG GI BSIL KHANG YANG BDUN BRTZEGS SO ZHES GSUNGS PA'I PHYIR, GNYIS PA

GRUB STE, RTZA BAR, DGE SLONG MA RNAMS KYI BRTZEGS MA NYID NI GSUM SO, ,ZHES DANG, LUNG SIL BU LAS, DGE SLONG MA RNAMS KYI GTZUG LAG KHANG NI SUM BRTZEGS SU BYA'O, ,DRI GTZANG KHANG NI LNGA BRTZEG GO ,SGO KHANG STENG GI BSIL KHANG YANG LNGA BRTZEG GO, ZHES GSUNGS PA'I PHYIR, BZHI PA DBYIBS KYI KHYAD PAR DU MA YOD DE, GTZUG LAG KHANG GI DBYIBS SU GRU BZHI BZANG LA ZUR BRGYAD ZLUM PO SOGS KYANG RUNG, KHYAMS YANG GTZUG LAG KHANG GRU BZHI PA LA BYANG MA YIN PA'I NGOS GSUM DU KHYAMS DBUS MTHONG CHE BA MA GTOGS KA TSAD BYAS THOG 'BUB PA LA KHYAMS MDUN NGOS SU PHYI NANG RIM GSUM SOGS DANG, PHYOGS BZHI NAS KHYAMS BTAGS PA SOGS KYANG RUNG PA'I PHYIR, DANG PO GRUB STE, RTZA BAR, GRU BZHI BZANG BA NYID DE ZHES DANG, t'IKKAR YANG, GTZUG LAG KHANG GI DBYIBS GRU BZHI PA NYID BZANG STE RNAM PA GZHAN YANG BKAG PA NI MED DO, ,ZHES DANG, BYA BA BSDUS PA LAS KYANG, ZLUM BU'I DRI BZANG KHANG GI LAS, ,YANG NA GRU BZHI'I LAS CAN TE, ,NAS, JI SNYED SUM CU RTZA DRUG PA'I, , SHIN TU ZLUM PO'I GZUGS CAN BYA, ,GANG GANG DRI YIG TZANG KHANG 'DI, ,GRU BZHI PAR YANG LTA BAR BYA, ,DE LTA'I GZUGS RNAMS MNGON 'DOD PAS, ,DE SNYED CHA SHAS RNAMS KYANG BYA, ,ZHES GSUNGS PA'I PHYIR, RTAGS GNYIS PA GRUB STE, ME TOG 'PHRENG RGYUD LAS, PHAL CHER G-YOGS SHING KUN NAS BSKOR, ,NGOS BZHI PA YI KHYAMS BZHIN BRTAGS, ,THAMS CAD G-YOGS SHING PHAL CHER BSKOR, ,NGOS GNYIS PA YI KHYAMS BZHIN TE, ,ZHES DANG, RTZA BAR YANG, KHYAMS GSUM PA YANG

, ,NGO; ;ZHES DANG, t'IKKA LAS, GRU BZHI LA NGOS GSUM NAS KHYAMS BRTAGS PA BZANG NGO, ,ZHES GSUNGS PA'I PHYIR, LNGA PA GTZUG LAG KHANG KHYAMS DANG BCAS PA'I YAN LAG GI KHYAD PAR YOD DE, DE DAG LA THUN MONG DU STENG DU 'DZEG PA'I RDOS SHING GI THEM SKAS GSUM DANG SHING SMIG MA THAG PA'I YA GAD GSUM GANG RUNG BYED LA, KHYAMS KYI DBUS SU SENG GE'I KHRI RGYAN DANG RKANG RTEN DANG BCAS, STENG DU BLA RE DANG DBYANGS, GNAS DE DAG GI 'KHOR GYI KHYAMS ZLUM BO DANG, BSIL BA'I CHED DU PHYI RTZIGS PAS BSKOR BA KA TSAR GYIS THOG PHUG CING BSER BU LDANG BA'I CHED DU SKAR KHUNG DRA BA 'AM SGE GLEGS CAN CHU'I RDZING BU SOGS BYED, RAB BYUNG GI KUN DGA' RA BRTZIG PAS BSKOR BA DANG, DE'I PHYI ROL TU SHING BTZUG PA'I GTZANGS DANG 'OBS SOGS BYED PA'I PHYIR, DANG PO GRUB STE, RTZA BAR, 'JOG PA'I PHYIR THEM SKAS BYA'O, ,'OG TU RDO LAS BYAS BA BAR DUS LAS BYAS PA STENG DU SHING LAS BYAS PA'O, ,YA GAD LAS GZER BAR BYA'O, ,SHING DANG SMIG MA DANG THAG MA LAS BYAS PA'O, ,ZHES GSUNGS PA'I PHYIR, YA SHING GCIG LA RKANG BA 'JOG BA DE GSUM GYIS BYAS PA YIN PAR PHRAN TSEGS 'GREL BAR BSHAD, GNYIS PA GRUB STE, RTZA BAR, SENG GE'I KHRI GRU BZHI BYA'O SOGS DANG, STENG DU BLA RE'O, , DBYANGS PA DAG GO ,ZHES GSUNGS PA'I PHYIR, GSUM PA GRUB STE, RTZA BAR, 'KHOR GYI KHYAMS BYA'O, ,ZHES GSUNGS PA'I PHYIR, BZHI PA GRUB STE, RTZA BAR, GNAS BSIL BAR BYA BA'I PHYIR PHYI ROL RTZIG PAS BSKOR RO, ,NAS, DRA BA DANG SGO GLEGS DAG GZHUG SO,

ZHES SO, ,LNGA PA GRUB STE, RTZA BAR, RAB TU BYUNG BA'I KUN DGA' RA BRTZIG PA'I BSKOR BA NYID KYANG NGO, ,RTZIG PA LA CHU KHUNG GDOD PA NYID KYANG NGO, ,GTZANGS DANG 'OBS DAG KYANG NGO, ,ZHES GSUNGS PA'I PHYIR, 'DI DAG GI SGO GLEGS KYI KHYAD PAR RTZA BAR GSAL BSAM SPROS SO, ,DRUG PA RI MO'I KHYAD PAR YOD DE, GTZUG LAG KHANG GI KHYAMS SU STON PA'I SKYES RABS SOGS SKYES RABS KYI SDE NAS BYUNG BA'I RI MO DANG, DBANGS MTHO BA'I KHANG BAR SH'A RI'I BU SOGS BRI BA DANG, DRI GTZANG KHANG GI SGOR GNOD SBYIN PHRENG THOGS BRI PA NAS, CHU KHANG DU KLU'I BU MO BRI BA'I BAR DANG, SGO KHANG GI KHOR YUG TU CHO 'PHRUL CHEN PO DANG, BDUD BCOM TSUL DANG, MCHOD RTEN BYED TSUL DANG, DGE 'DUN GYI GTZUG LAG KHANG DANG GANG ZAG GI GNAS KHANG LA YANG ZAD PAR GYI TING NGE 'DZIN BZHI SKYES PA'I CHED DU KHA DOG SNGO SER DMAR DKAR BYED CING BDEN BZHI'I MTSAN MA BRI BA RNAMS YIN PA'I PHYIR, DANG PO GRUB STE, RTZA BAR, KHYAMS SU SKYES RABS DAG GO ,ZHES SOGS DANG, ME TOG PHRENG RGYUD LAS, KHANG BZANG MCHOG GA NGOS DAG TU, THUB PA'I SNGON GYI SKYES PA'I RABS, ,ZHES SOGS GSUNGS PA'I PHYIR, GNYIS PA GRUB STE, RTZA BAR, DBANGS MTHO BA'I KHANG BAR GNAS BRTAN GYI GRAL DAG GO ,ZHES GSUNGS PA'I PHYIR, DBANGS MTHO BA NI TSOGS BA YIN TE, ME TOG PHRENG RGYUD LAS, KUN LAS 'DU PA'I KHANG PAR NI, ,BRTUL LDAN RGAN ZHING RGAN PA RNAMS, ,CHOS DANG MNGON BRJOD 'CHAD PAR NI, ,BYED BA MNGON PAR GNAS PA BRI, ,ZHES GSUNGS PA'I PHYIR, GSUM PA GRUB STE, RTZA BAR, DRI GTZANG KHANG GI SGOR ZHES PA NAS, KLU'I BU MO CHU 'BRIM

, ,PAR BYED PA DAG GO ,ZHES SO, ,BZHI PA GRUB STE, RTZA BAR, DE'I KHOR KHOR YUG TU CHO 'PHRUL CHEN PO DANG BDUD BCOM BA DAG GO ,ZHES SO, ,LNGA PA YOD DE, STON PA 'DAS NUS DBU BYANG DU STON PA GNANG BA'I RGYU MTSAN DANG, SANGS RGYAS SOGS KYI MCHOD RTEN GYI KHYAD PAR GNYIS YOD PA'I PHYIR, DANG PO GRUB STE, PHRAN TSEGS 'GREL BA LAS, BCOM LDAN 'DAS KYIS 'DI SKAD DU, NGA YONGS SU MYA NGAN LAS 'DIR, BYANG PHYOGS KYI RTOGS PA DANG, BSAM GTAN DANG ZLOS TE KLAG PA'I SGO NAS, NGA'I BSTAN PA RAB TU GSAL BAR 'GYUR RO, ,ZHES RGYAS PAR RGYU MTSAN BSTAN TO, ,ZHES GSUNGS PA LTAR YIN PA'I PHYIR, GNYIS PA MCHOD RTEN GYI KHYAD PAR YOD DE, NGO BO CHOS SKUR MTSON PA'I THUGS KYI RTEN DANG, DBYE NA BUM PAR GTZANG KHANG NGAM LHA KHANG YOD PA'I GTZANG KHANG CAN DANG, DE MED PA'I KA BA LTA BU GNYIS DANG, YUL GYIS PHYE NA SANGS RGYAS KYI MCHOD RTEN BANG RIM NAS CHAR KHEBS PAR TSANG BA DANG, CHAR KHEBS MED PA'I RANG SANGS RGYAS KYI DE DANG, SO SKYE LA GDUGS MED PA DANG, RGYUN ZHUGS KYI GDUGS GNYIS CAN DANG, PHYIR 'ONG GI GSUM CAN DANG, PHYIR MI 'ONG GI BZHI CAN DANG, DGRA BCOM PA'I GDUGS LNGA PA'I BAR YOD PA'I PHYIR, SHES BYED RIM PA BZHIN DU, ZHU 'GREL LAS, MCHOD RTEN GYI GNAS NI CHOS KYI SKU STE; DE BZHIN GSHEGS PA'I CHOS KYI SKU'I BDAG NYID DRAN PA NYE BAR BZHAG PA DANG, RDZU 'PHRUL GYI RKANG PA DANG, DBANG PO DANG STOBS LNGA DANG, BYANG CHUB KYI YAN LAG DANG, MKHYEN PA DANG, STOBS BCU DANG, THUGS RJE CHEN PO LA SOGS PA'I THUGS KYI YON TAN RNAMS

KYI GZUG CAN NYID DU SLANGS BA YIN PA'I PHYIR RO, ,ZHES DANG, RTZA BAR, MCHOD RTEN NI RNAM PA GNYIS TE, GTZANG KHANG CAN NYID DANG, KA BA LTA BU NYID DA, ,NAS, 'PHAGS PA LA NI MCHOD RTEN GYI DUS STON RIGS SO, ,ZHES GSUNGS PA'I PHYIR, DRUG PA YOD DE, RTZA BAR, SNGON PO LA SOGS PA ZAD PAR GYI MTSAN MA MNGON DU BYA BA'I PHYIR GNAS KHANG GI RTZIG BA DAG SNGON PO LA SOGS PA RNAM PA BZHIR BYA'O, ,ZHES GSUNGS PA'I PHYIR, BDUN PA GRUB STE, RAB BYUNG RNAMS KYI RANG GI GNAS KHANG GTZUG LAG KHANG GI SGOR BDEN BZHI SGOM PA'I MTSAN MA BRI BAR GSUNGS PA DE YIN PA'I PHYIR, DE BRI TSUL YOD DE, SDUG BDEN KYI DANG, KUN 'BYUNG BDEN PA'I DANG, 'GOG BDEN GYI DANG, LAM BDEN GYI MTSAN MA BRI TSUL BZHI YOD PA'I PHYIR, DANG PO YOD DE, MI RTAG PA'I SRIN PO'I LTO BAR RAM, BANG BAR SRID PA'I 'KHOR LO RIM BA GSUM PA'I RIM PA GNYIS PA LA CHA LNGAR BYAS PA'I STENG DU LHA MI GNYIS 'OG MA GSUM LA NGAN SONG GSUM BRIS, MI'I GNAS SU GLING BZHI SRID PA BAR MA BRGYUD NAS SKYE BA YANG 'BRI BA DE YIN PA'I PHYIR TE, RTZA BAR, SGO KHANG DU 'KHOR PA'I 'KHOR LO'O, ,CHA LNGA PAR BYA'O; STENG DU LHA DANG MI RNAMS SO, ,GLING BZHI BDAG GO ,RDZUS TE SKYES PA'I SEMS CAN THO CHUN GYI 'KHYUD MO BZHIN DU 'CHI 'PHO BA DANG SKYE BA DAG KYANG NGO, ,ZHES GSUNGS PA'I PHYIR, GNYIS PA YOD DE, DBUS KYI LTE BAR KUN 'BYUNG GI GTZO BO 'DOD CHAGS PHUG RON DANG ZHE SDANG SPRUL GNYIS KYI MJUG MA GTI MUG PHAG GIS ZA BAR BRIS PAS DUG GSUM GTZO BO DE YANG MA RIG PA GTZO CHE BAR SHES PA'I PHYIR TE, RTZA BAR, DBUS SU 'DOD CHAGS DANG ZHE SDANG DANG GTI MUG DAG PHUG RON DANG SBRUL DANG PHAG GI RNAM PAR RO, ,SNGA MA DE GTI GMUG GIS ZA BAR RO,,

, ,ZHES GSUNGS PA'I PHYIR, DUG GSUM DE'I DBANG GIS 'KHOR BAR 'KHOR TSUL YAN LAG BCU GNYIS KYI MTSAN MA YOD DE, RIN CHEN PHRENG BA LAS, MA RIG PA BUD MED MA 'DRES PA SOGS BRI BAR BSHAD, RNAM 'BYED 'GREL PAR BYE BRAG BSHAD MTSO DRANGS PA LAS, MA RIG PA NI BUD MED BRI BAR BYA'O, ,'DU SHES RDZA MKHAN SNOD BYED BA'O, ,RNAM PAR SHES PA NI SPRE'U'I GZUGS SO, ,MING DANG GZUGS NA SKYES PA DANG BUD MED DO, ,SKYE MCHED DRUG NI SKYE MCHED DRUG PO DE DAG YUL THA DAD PA LA CHAGS PA DAG GO, REG PA NI BUD MED DANG SKYES PA'I LUS KYIS REG PA KUN TU SPYOD PA'O, ,TSOR BA NI SKYE BA SDUG BSNGAL GYI TSOR BA MYONG BAR BYED PA'O, ,SRED PA NI BUD MED BU 'TSO BA'O, ,LEN PA NI BUD MED LA MNGAL NA GNAS PA 'JUG PA'O, ,SRID PA NI MNGAL NA GNAS PA DE NYID SKYE BA'O, ,RGA BA NI SKYES PA RGAS SHING 'KHOG PA'O, ,SHI BA NI MI SHI BA'I GZUGS SU BRI BA'O, ,ZHES GSUNGS PA'I PHYIR, YANG MA RIG PA RGAN MO LONG BA DANG, 'DU BYED RDZA BYED PA RNAM SHES SPRE'U MING GZUGS GRU MKHAN SKYE MCHED GRONG STONG SOGS BSHAD, SPRUL PA'I GLEGS BAM LTAR DENG DUS PHYAG LEN GTZO BOR BYAS SNANG NGO, ,DE SKAD DU, RTZA BAR, KHO RA KHOR YUG TU YAN LAG BCU GNYIS THAMS CAD MI RTAG PA NYID KYIS BZUNG BAR RO, ,ZHES GSUNGS PA'I PHYIR, GSUM PA YOD DE, 'GOG BDEN MTHAR THUG MYANG 'DAS MTSON PA'I DKYIL 'KHOR DKAR PO DRI MA MED PA MUN PA SEL BA'I 'OD CAN MI RTAG PA'I SRIN PO'I STENG DU PHRIS TE, DE STON PA SANGS RGYAS KYI GZUGS BRI DGOS PA'I PHYIR, RTZA BAR, STENG DU MYA NGAN LAS 'DAS PA'I DKYIL 'KHOR NYE BAR STON PA'O, ,

ZHES GSUNGS PA'I PHYIR, BZHI PA YOD DE, LAM BDEN BSGOM PA'I MTSAN MA THAR PA DE'I 'OG TU, BRTZAM PAR BYA ZHING DBYUNG BAR BYA, 'DAM BU'I KHYIM LA GLANG CHEN BZHIN, ,ZHES SOGS TSIGS BCAD GNYIS BRI DGOS PA'I PHYIR, RTZA BAR, 'OG TU BRTZAM PAR BYA ZHIG ZHES BYA BA'I TSIGS BCAD GNYIS PO DE STON PAR BYED PA BZHAG PAR BYA'O, ,ZHES GSUNGS PA'I PHYIR, DRUG PA GANG GI DON GYI KHYAD PAR YOD DE, DGE 'DUN DANG GANG ZAG GI CHED DU BYAS PA SOGS YOD PA'I PHYIR, BZHI PA DE SKYONG TSUL GYI KHYAD PAR YOD DE, RGYUN GYI TSOGS BSAG THABS MCHOD PA'I SGO NAS SKYONG TSUL DANG, THAMS CAD KYI BSOD NAMS RLABS CHEN SOGS PA DUS STON GYI SGO NAS SKYONG TSUL SOGS YOD PA'I PHYIR, DANG PO 'CHAD PAR, RTZA BAR, KHANG SKYONG GI GTZUG LAG KHANG NYI MA RE RE ZHING PHYAG DAR BYA'O, ,ZHES SOGS DANG, 'OG CHU YANG RTZA BAR; RGYAL MTSAN DAG GZUG GO, DE NI RNAM PA BZHI'O, ,SENG GE'I RGYAL MTSAN DANG, CHU SRIN GYI RGYAL MTSAN DANG, KLU'I RGYAL MTSAN DANG, KHYU MCHOG GI RGYAL MTSAN NO, ,ZHES PA NAS, RIN PO CHE LAS BYAS PA'I PHRENG BA DBUL LO, ,SOGS GSUNGS PA'I PHYIR, GNYIS PA GRUB STE, SKU BLTAMS DUS, GTZUG PHUD BZHAG DUS, DBU SKRA BCAD DUS, MNGON PAR BYANG CHUB PA'I DUS DAG TU DUS STON BYED PA'I RNA RGYAN DANG RKANG RGYAN MIN PA'I RGYAN THAMS CAD KYIS BRGYAN TE, LHA MI DRI ZA SOGS KYI CHA BYANG GLU GAR SO SOR BYED CING, RNGA BO CHE RNGA BA tA HA SOGS KYI ROL MO DANG KHYOGS SAM KHANG BZANG DU SKU GZUGS GDUGS DU MA RGYAL MTSAN DU MAS BRGYAN TE GRONG SO SOR 'KHYER BAR BYED PAS CHOS DANG 'JIG RTEN GYI BDE LEGS THAMS CAD PHYOGS THAMS CAD DU 'BYUNG BA DE YIN PA'I PHYIR TE, RTZA BAR,

, ,SANGS RGYAS KYI SKU GZUGS BYA'O, ,DE LA DUS STON BYA'O, ,BLTAMS PA DANG GTZUG PHUD DANG DBU SKRA DANG BYANG CHUB PA'I DUS STON DAG KYANG NGO, ,ZHES PA NAS, DE LA ROL MO BYED PA DAG GIS ROL MO BYA BA DANG, BKUR STI CHEN PO GZHAN YANG BZANG NGO, ,ZHES DANG, MGON PO ZHI BA LHAS, 'GRO BA'I SDUG BSNGAL SMAN GCIG BU, ,BDE BA THAMS CAD 'BYUNG BA'I GNAS, ,BSTAN PA RNYED DANG BKUR STI DANG, ,BCAS TE YUN RING GNAS GYUR CIG, CES GSUNGS PAS SO, ,SMRAS PA, RGYA MTSO BZHI LAS CHU 'DZIN SNA TSOGS THAMS CAD DAM, ,MA DROS MTSO LAS 'DZAM GLING KLUNG RNAMS 'BYUNG BA BZHIN, ,ZLA MED SRID ZHI'I BLA MA SH'AKYA SENG GE'I BSTAN, ,SRID ZHI'I CHU 'DZIN GLUNG GI RGYUD DER DA GDOD 'TSAL, ,BRGYAD KHRI'I NYER 'TSE BCOM DANG MA LUS CHOS MKHYED CHOS SKU'I RGYA MTSO'I RLABS, ,GANG 'DUL 'PHRIN LAS SNA TSOGS RIN CHEN PHANG PHUNG 'GRO BSOD GLING DU 'PHYUR, ,THEG GSUM 'PHAGS TSOGS DON MTHUN BYANG CHUB PHYOGS KYI GRUR ZHUGS LAM KUN, ,LEGS BGROD SKYE RGU'I BANDHU THUB DBANG RIN CHEN GLING DER MGOS PHYAG 'TSAL, ,CHOS 'DUL BLTAS NA MDZES LA SPYAD NAR BZHI'I CHOS, ,SPEL BSHAD MKHAN BRGYUD KUN DANG STON MCHOG ZHAL BZHAD DUD, ,LEGS GTAD GNAS 'KHOR LUNG BSTAN RGYAL BA GNYIS PA'I ZHABS, ,YAB SRAS SKYES RABS NYIN BYED PHRENG BA SNYING DBUS BZHUGS, RANG BZHIN SKYE 'PHAGS DGE TSOGS KUN 'DUS MTHUS, ,CHOS 'DI LHUN PO GLING BZHI RGYA MTSO BCAS, ,LHA DANG MI YIS ROL DANG BRTEN GYI BAR, ,NYI ZLA BZHIN DU SDE BZHI'I LUNG GSAL SHOG, MKHA' KHYAB RDUL BRAL SKU CAN RGYAL RNAMS DANG, ,SGRIB

GNYIS SGRIB GSUM RTOG PA'I DRI BRAL CHOS, ,THEG GSUM 'PHAGS TSOGS LHA DANG CHOS BSRUNG MTHUS, ,LEGS BSHAD 'DIS KYANG SKYE RGU'I RE SKONG SHOG, ,,CES 'DUL BA'I DKA' GNAS RNAM PAR DPYAD PA 'KHRUL SPONG BLO GSAL MGUL RGYAN TZINDA MA nI'I PHRENG MDZES SKAL BZANG RE BA KUN SKONG ZHES BYA BA 'DI NI, MANG THOS DANG LO RGYUS SMRA BA LA DE BSNGON PA LTA BU'I GSER KHANG CHOS RJE GU nA MA TI DANG, SNGAGS RAM PA DPAL 'BAR GNYIS KYIS BSOD NAMS KHA BTAGS STENG KHEBS DANG BCAS CHOS GRVA NAS CHAB SHOG SNYAN TSIG BRJOD 'OS 'BREL BCAS BSKUL ZHING, MKHAS MANG BLO GSAL GLING GI GZHUNG LUGS RAB 'BYAMS SMRA BA LEGS LDAN GYIS BU STON CHOS 'BYUNG SOGS DANG GSER GYI RTAGS BRGYAD KYIS SPRAS PA'I GCOD LDAN YUG BCAS BSKUL BAS, NGA LUS KYIS MI LCOGS ZHES KHAS MA BLANGS KYANG, SLANG NAS KYANG GRVA TSANG GI GNYER BA DANG DGE RGAN RNAMS DANG, GZHUNG LUGS RAB 'BYAMS SMRA BA'I PHO KHANG DPON SLOB BSOD NAMS MCHOG GRUB SOGS DANG DGE 'DUN TSANG MAS MAndAL BCAS LAN GNYIS BSKUL BA'I DOR 'BRI BAR BRTZAMS PA NA, LHAG BSAM DANG MKHYEN RAB LHUN POR GRUB PA BDE THANG SPRUL SKU BLO BZANG TSANGS DBYANGS PHYOGS LAS RNAM RGYAL AER TE NI PAntI TA HO THEG THUS KYANG MA RIG GNYID SANGS SOGS KYI SKYES DANG BCAS PA SKUL BAS RNGA DANG RNGA YOG BZHIN DU 'DUL BA LUNG SDE BZHI DGONGS 'GREL DANG BCAS BOD DU 'GYUR BA KUN SOGS SNGA SOR NAS RGYUS YOD KYANG, BOD YIG RIS DOGS GCOD DGOS NGES LA DPYAD TSUL NGES 'DRO BA DANG, GZHAN DGAG PA'I SPROS PA BSDUS TE DKA' GNAD RNAMS LA LUNG RIGS GSAL BAS BRGYAN TE, ME MKHA' RGYA MTSO LA 'DAS LO RAB

[DD1] *, ,BYUNG BCU GNYIS PA'I STENG NAS LO LNGA 'DAS SHING DRUG PA SHING SPRE'I LO NAG BA ZLA BA'I RGYAL PO ZLA BA BZANG PO LA BCOM LDAN 'DAS KYIS DANG PO'I SANGS RGYAS KYI CHOS 'KHOR BSKOR BA'I DUS SU, RGYAN DRUG LTA BU'I MKHAS GRUB BYE BA'I 'BYUNG GNAS DPAL LDAN BKRA SHIS SGO MANG GI BLA BRANG THEG CHEN CHOS KYI GTER MDZOD RAB GSAL YID DGA' CHOS 'DZIN DU, SDE SNOD GRUB MTHA' RAB 'BYAMS SMRA BA SH'AKYA'I DGE SLONG 'JAM DBYANGS BZHAD PA'I RDO RJES SBYAR BA'I YI GE BA NI RGYA BOD SOG GSUM GYI YIG RIS DU MA SHES PA DKA' CHEN BCU PHRAG SMRA BA SOG PO NGAG DBANG BLO BZANG GIS SUG BRIS BGYIS PA 'DIS KYANG RGYAL BA'I BSTAN PA PHYOGS DUS THAMS CAD DU DAR ZHING RGYAS PAR GYUR CIG, ,,MANGGA LAm,, ,, [DD2]