The Sections on theBeliefs of the Consequence and Independent Groups [of the Middle-Way School], from 'Fulfilling Every Hope of All Living Beings, An Ocean of Scriptural Authority and Reasoning, the Sun of the Paradise of Perfection which Illuminates Perfectly the Philosophies of Our Own and Others’ Schools, as well as that Deepest Truth: An Explanation of Comparative Philosophy'

, ,GRUB MTHA'I RNAM BSHAD RANG GZHAN GRUB MTHA' KUN DANG ZAB DON MCHOG TU GSAL BA KUN BZANG ZHING GI NYI MA LUNG RIGS RGYA MTSO SKYE DGU'I RE BA KUN SKONG ZHES BYA BA LAS THAL RANG GI SKABS BZHUGS SO,,

, ,NAM: SVA RA SVA STYEE GUR BE TZA DZNY'A NA MAH'A NI DH'I D'I TI YE BHYA: 'DIR BRGYA BA LAS, THA MAR LTA ZHIG KUN BZLOG PA, ,GANG GI SHES DE MKHAS PA YIN, ZHES GSUNGS PA LTAR LTA BA'I SPROS PA MTHA' DAG GCOD PA'I MKHAS MCHOG DBU MA BA LA, MTSAN NYID, SGRA BSHAD, DBYE BA, BYUNG RIM, SO SO'I LUGS DANG LNGA LAS, DANG PO NI, MTHA' BRAL DBUS SMRA NGO BO NYID MED PAS, ZHES PA CHOS GANG YANG DON DAM PAR GRUB PA'I RTAG MTHA' 'AM YOD MTHA' DANG, THA SNYAD DU YANG MED PA'I CHAD MTHA' 'AM MED MTHA' DAG ZHE THAG PA NAS 'GOG CING, BDEN MED SGYU MA LTA BUR CHOS RNAMS GRUB PAR 'DOD PA'I RANG SDE DE DBU MA BA YIN TE, DNGOS 'DZIN GYI NAD KYI GNYEN POR BDAG MED SENG GE'I SGRA SOGS THUB PAS GSUNGS PA ZHAL GYIS BZHES NAS 'CHAD PA DANG RTZOD PA'I TSE NA'ANG THUB DBANG DANG MTSUNGS PAR MU STEGS [DD1] (RGYAL BA GNYIS PA BLO BZANG GRAGS,,) [DD2] (KUN MKHYEN 'JAM DBYANGS BZHAD PA'I RJE,,)

, ,KYIS MTSON PAS RANG GZHAN GYI DNGOS SMRA'I RI DVAGS RNAMS SKRAG PAR BYED PA'I BDEN MED KYI SENG GE'I SGRA SGROG ,GZHAN DANG MI MTSUNGS PA'I DAM PA'I CHOS KYI RDA BRDUNG, CHOS RNAMS LA NGO BO NYID MED CES PA'I SGRA CHEN POS SA GSUM KHYAB PA'I CHOS KYI DBYINGS KYI DUNG 'BUD, NYON MONGS PA'I NAD THAMS CAD KYI GNYEN PO CHOS RTEN 'BYUNG ZAB MO STONG PA NYID KYI BDUD RTZI 'GRO BA KUN LA 'GYED PAR BYED PA YIN PA'I PHYIR TE, BSAM GYIS MI KHYAB PAR BSTOD PA LAS, DNGOS 'DZIN 'JIGS PA GCOD BGYID CING, ,MU STEGS RI DVAGS 'JIGS BGYID PA, ,BDAG MED SENG GE'I NGA RO'I SGRA; ;RMAD BYUNG DE NI KHYED KYIS GSUNG, ,STONG PA NYID DANG CHES ZAB PA'I, ,CHOS KYI RNGA CHEN BRDUNGS PA LAGS, ,NGO BO NYID MED SGRA BO CHE'I, ,CHOS KYI DUNG NI BUS PA LAGS, ,SANGS RGYAS BSTAN PA [DD1] (THAL 'GYUR SROL 'BYED SANGS RGYAS BSKYANGS,,) [DD2] (MTHAR 'DZIN GDUNG SEL ZLA BA'I ZHABS,,)

'DUD RTZI YIS, ,CHOS KYI RDZAS NI GSUNGS PA LAGS, ZHES SO,, GNYIS PA NI, DBU MA PA DANG NGO BO NYID MED PA ZHES SMRAS TE, G-YANG SA CHEN PO BZHIN GANG DU LHUNG NA LHUNG BA DE PHUNG PAR 'GYUR BA'I GNAS RTAG MTHA' DANG CHAD MTHA' GNYIS BKAG NAS DE GNYIS DANG BRAL PA'I DBUS ZAB MO RTEN 'BYUNG GI DON NI, MADHYA MA KA STE DBU MA'AM DBUS ZHES BYA STE, MTHA' SPANGS PA'I DKYIL LTA BU YIN PA'I PHYIR TE, KLU SGRUB SRAS MCHOG LEGS LDAN ZHABS KYIS, MTHA' GNYIS RNAM PAR SPANGS PA'I DBUS DANG 'DRA BAS NA DBU MA STE DBUS NYID DBU MA'O ZHES RANG GI DON DE LA PHAN PA NI [?] BRJOD PA'O, ZHES DANG, DKON MCHOG BRTZEGS PA LAS, 'OD SRUNGS YOD CES BYA BA NI MTHA' GCIG GO ,MED CES BYA BA NI MTHA' GNYIS SO, ,DE GNYIS KYI DBUS GANG YIN PA DE NI DBU MA'I LAM MO, ZHES DANG, DBU MA SNANG BA LAS KYANG DBU MA'I LAM MTHA' GNYIS DANG BRAL BA RAB TU BSTAN PA'I PHYIR DES PA'I DON KHO NA GZHUNG 'DZUGS PAR MDZAD PA YIN NO, ZHES DANG, RTZA SHE LAS KYANG, YOD CES BYA BA RTAG PAR 'DZIN, ,MED CES BYA BA CHAD PAR 'DZIN, ,DE PHYIR YOD DANG MED PA LA, ,MKHAS PAS GNAS PAR MI BYA'O, ZHES SOGS SHIN TU MANG, DES NA STONG NYID DANG RTEN 'BYUNG ZHES PA RNAMS MING MI 'DRA YANG DON MYA NGAN MTHA' GNYIS DANG BRAL BA'I LAM DU DON THA DAD PAR MI 'GRO STE, DE GNYIS KYI DON BDEN PAR MED PA DANG, BDEN GRUB KYI TSUGS THUB BAM RDZAS YOD MIN PAR 'GRO BA'I PHYIR TE, CHOS THAMS CAD KYANG GDOD NAS MTHA' DE GNYIS DANG BRAL BAR GNAS PA'I PHYIR TE, DPER NA SMIG RGYU LA GDOD NAS, CHU MED PAS DE CHUR GRUB BA'I RTAG CHAD DANG BRAL BA BZHIN

, ,NO; ;JI SKAD DU BSAM GYIS MI KHYAB PAR BSTOD PA LAS, ,JI LTAR RI DAGS SKOM CHU NI, ,CHAD MED RTAG PA YOD MA YIN, ,DE BZHIN 'GRO BA THAMS CAD KYANG, ,CHAD MED RTAG PA MED PAR GSUNGS, ZHES DANG, YANG SLOB DPON KLUS, YOD DANG MED LAS RNAM PAR 'DAS GANG ZHIG BLO YI RTEN MED PA, ,ZAB MO DE NI DMIGS BA MED, ,SKYON KYIS DON LA RNAM PAR SKOM, ZHES DANG, GANG GIS STONG DANG RTEN BYUNG DAG ,DBU MA'I LAM DU DON GCIG PAR, ,GSUNG MCHOG CES SOGS SO DBUS DE STON PAR BYED CING SGRAG PAR BYED PAS NAG ZHES BYA STE, SKAD KYI BYINGS KYI SGO NAS BSHAD NA DE LTAR THOB PAS SO, ,DE LTAR NA DBU MA'I BSTAN BCOS DANG, DBU MA ZHES PA'I MING GANG LA YOD PA'I GANG ZAG LA'ANG DBU MA STE, MADHYA MA KA ZHES BYA BA'AM YANG NA DBU MA'I GRUB MTHA' LA DBU MA ZHES SBYIR BTAGS CHOG PA'I PHYIR TE, JI SKAD DU SLOB DPON BHA BYAS, DBU MA'I LAM DE STON PAR BYED CING SGROG PAR BYED BAS NAG ZHES BYA STE, SKAD KYI BYINGS KYI SGRAL BSTAN BTZAS BYA BA'AM, DBU MA ZHES BYA BA'I MING GANG LA YOD PA DE NI DBU MA STE, YANG NA KA ZHES BYA BA'I MANG GIS BRJOD PA YIN PAS DBU MA ZHES BYA BA STE, DBU MA'I GRUB PA'I MTHA' 'O, ZHES SO, ,DES NA DE DAG GI DON GSUM GSAL BA MDOR BSDUS NA, RTZA SHE CHOS CAN, DBU MA ZHES BYA STE, DON DBU MA'I LAM MTHA' GNYIS SPONG BA GTZO BOR STON PA'I BSTAN BCOS YIN PA'I PHYIR, DPER NA SUM SHER PHYIN BRJOD BYAR BYED PA'I GA SHUNG LA SHER PHYIN DU BTAGS PA BZHIN NO, ,SLU SGRUB YAB SRAS CHOS CAN, DBU MA BA ZHES BYA STE, MTHA' GNYIS SPANG

BA'I DBU MA'I LAM GTZO BOR 'CHAD CING 'DZIN PA'I GANG ZAG YIN PA'I PHYIR, DPER NA SHES BYA RNAM PAR RIG TZAM DU SMRA BAS RNAM RIG PA BZHIN NO, ,DBU MA'I LAM MTHA' GNYIS SPANGS BAR SGRUB PA'I RIGS PA DANG GZHI LAM 'BRAS GSUM CHOS CAN, DBU MA ZHES BYA STE, DON MTHA' GNYIS DANG BRAL BAR RIGS PAS GRUB PA'I PHYOGS SAM CHA YIN PA'I PHYIR, DPER NA G-YANG KHA DANG BRAL PA'I SA'I DKYIL [?] GYI CHAL DBUS ZHES BRJOD PA BZHIN NO, ,'DIR MTHA' GNYIS DANG BRAL TSUL LHUNG CHUL DAG 'OG TU 'CHAD DO, ,DE LTAR YIN NA TING NGE 'DZIN RGYAL PO LAS, YOD DANG MED CES BYA BA GNYIS GA MTHA', ,GTZANG DANG MI GTZANG 'DI YANG MTHA' YIN TE, ,DE PHYIR GNYIS KA'I MTHA' NI RNAMS SPANGS NAS, ,MKHAS PA'I DBUS LA'ANG GNAS PAR YONGS MI BYED; CES DBUS LA'ANG MI GNAS PAR BSHAD PA'I DON JI LTAR ZHEN, 'DI NI RNAM RIG BA LTAR YOD MED KYI MTHA'I PHYOGS NYI TSE BA RE BKAG PA'I DBUS BDEN PAR BZUNG BA LTAR GNAS PAR MI BYA BA'I DON YIN GYI YOD MED KYI MTHA' THAMS CAD BKAG PA'I DBUS MED PAR GA LA STON, CHOS RNAMS LA BDEN GRUB KYI NGO BO NYID MED PAR SMRA BAS NGO BO NYID MED PAR SMRA BA ZHES GRAGS TE, 'GREL PA BUDDHA B'A LI TA LAS, DE LTA BAS NA SLOB DPON GYIS DNGOS PO RNAMS KYI NGO BO NYID MED PA NYANG RAB TU BSTAN PA'I PHYIR 'DI BRTZAMS SO, ZHES DANG, SLOB DPON GYIS, NGO BO NYID MANG SGA BO CHE'I, ,CHOS KYI DANG NI BAS BA LAGS, ZHES PA LTA BU'O, ,GNYIS PA LA, DBYE BA DANG DE DAG DBU MA PAR BSHAD PA GNYIS, DANG PO NI, DBYE BA THAL RANG GNYIS DANG GZHAN MING

, ,TZAM; ZHES PA DBUM BA LANG BYEN 'CHAD 'GYUR THAL 'GYUR BA DANG, RANG RGYUD BA GNYIS YOD KYI, DE YAS GZHAN BDAG NI MING GI DBYE BA TZAM LAS DON MI RUNG LA, DE YANG GANG YIN NA, 'PHAGS YUL GYI'ANG DBUM PAR KHAS 'CHE BA'I SEMS TZAM PA MAN CHED KYI RANG GZHAN GYI SDE PA RNAMS DANG, BOD KYI CI YANG MED PAR 'DOD PA SOGS NI DE MA YIN TE, MTHAR LHUNG BA'I PHYIR, DES NA DBU MA BA LANG BYE NA, PHYI DON 'DOD MI 'DOD GNYIS DANG, ZAB MO'I LHA BRGYUD LA SKYE TSUL GYI SGO NAS THAL RANG GNYIS SU NGES PA'I PHYIR TE, JI SKAD DU RJE BDAG NYID CHEN PO'I GSUNG LAS DES NA THA SNYAD DU PHYI ROL 'DOD MI 'DOD GNYIS SU NGES LA DON DAM PA STONG PA NYID NGES PA'I LHA BRGYUD LA SKYE TSUL GYI SGRO NAS MING 'DOGS NA'ANG THAL RANG GNYIS SU NGES PA YIN NO, ZHES SO, ,GNYIS BA NI, THA SNYAD DU YANG YOD MIN MED MTHA' DANG, ,BDEN DNGOS RTAG MTHA' BKAG NAS RTEN 'BYUNG CHOS, ,DBU MAR 'DOD MTSUNGS GNYIS KA DBU MA BA, ,PHRA MO'I MTHA' KUN BRAL DE THAL 'GYUR LUGS, ZHES PA RANG RGYUD PA RNAMS DBUM PAR 'DOD PA MI 'THAD DE, DBU MA BA YIN NA RANG RGYUD BYA MI RIGS PAR TSIG GSAL LAS GSUNGS PA'I PHYIR DANG 'DI DAG GIS MTHA' GNYIS BKAG NAS THAL 'GYUR BA DANG KHYAD MED DU YANG 'GYUR NGO SNYAM NA BSHAD PAR BYA STE, DE LTAR BSHAD KYANG 'DI DAG KYANG DBUM PAR BZHAG PA LA SKYON MED DE, 'DIR DBU MTHAL RANG GNYIS KAS THA SNYAD DU YOD PA MIN PA'I MED MTHA' DANG, DON DAM PAR RAM BDEN PAR GRUB BA'I DNGOS PO'AM RDZAS YOD KYI RTAG MTHA' DAG RGYAS PAR BKAG NAS

RTEN 'BYUNG SGYU MA RMI LAM LTA BU'I RNAM BZHAG RAGS PA PHAL CHER 'DOD TSUL MTSUNGS PA'I PHYIR DANG, DES NA GNYIS KA'ANG DBUM PAR BZHAG DGOS LA, DER MA BZHAG NA GRUB MTHA' GZHAN DU'ANG 'JOG MI THUB STE, SEMS TZAM PA LAS KYANG CHES SHIN TU LTA BA MTHO BA'I RANG SDE YIN PA'I PHYIR RO, ,SPYAN RAS GZIGS BRTUL ZHUGS KYIS KYANG, THA SNYAD DU PHYI NANG GI RTEN 'BREL SGYU MA TZAM DU BYA BA BYED NUS SU YOD CING, DON DAM PAR NGO BO NYID MED PAR SHES PA NI, 'PHAGS PA YAB SRAS DANG, LEGS LDAN 'BYED DANG; SANGS RGYAS BSKYANGS LA SOGS PA DBU MA'I LAM SMRA BA RNAMS KYIS SHES RAB KYI PHA ROL TU PHYIN PA'I TSUL BSTAN PA'O, ZHES DANG, JO BOS KYANG, DBU MA PA LA MI MTHUN MED, CES BSHAD PA LTAR GNAS PA'I PHYIR RO, ,DE'I PHYIR BCOS LDAN DGE SLONG GIS NYES BYAS SPYAD MI RIGS KYANG, DE SPYAD PA'I DGE SLONG YOD PA MI 'GAL BA BZHIN NO, ,DES NA DBUM RANG RGYUD PA 'DI DAG GIS MTHA' GNYIS BKAG PA NI, SEMS TZAM PA DANG CHES MI 'DRA BAR 'PHAGS PA YAB SRAS KYI RIGS LAM NAS DRANGS TE MTHA' GNYIS SPONG LUGS THAL 'GYUR BA DANG SHIN TU NYE BA GCIG YOD LA, DE'I NANG NAS KYANG SLOB DPON LEGS LAN YAB SRAS KYIS MI GTZANG BAS SPAGS NAS 'KHRUB LAS MA SPAGS PA BZANG BA LTAR, SEMS TZAM PA DANG MA BSRES PAR DBU MA RANG RGYUD BKRAL BA 'DI THAL 'GYUR BA'I SKABS SU 'ANG DPAL LDAN ZLA BA GRAGS PA'I GSUNG DANG PHAL CHER SHIN TU MTHUN PA'I GNAD KYI 'JIG RTEN GYI MIG GCIG BU MNYAM MED JO BO CHEN POS KYANG, RGYA GAR DU'ANG RTOG GE 'BAR BA LAN MANG DU

, ,GSUNGS SHING, BOD DU'ANG DE LTAR GSUNGS LA, RJE RIN PO CHES KYANG DE LTAR DGONGS PAS SO, ,DE LTA NA'ANG BUM PA'I GDAGS GZHI DANG BUM PA'I TSOGS TZAM DANG DBYIBS KHYAD PAR BA GCIG BUM PAR 'JOG PA LTA BU'I RANG NGOS NAS GRUB PA DANG RANG BZHIN GYIS GRUB BA 'DOD PAS BDEN GRUB PHRA MO'I MTHA' KUN BRAL BA DE THAL 'GYUR BA'I LUGS LAS GZHAN LA MED PA'I PHYIR RO, BZHI PA NI THEG CHEN GYI BSTAN PA BYUNG RIM NI, BYUNG RIM THUB RJES BZHI BRGYA'I DUS NA KLUS, ,THEG CHEN SPYAN DRANGS DBU MAR BKRAL SROL PHYE, ZHES BA STON PA SANGS RGYAS PA'I TSUL BSTAN PA'I LO DE NAS MDO SDE SA BCU PA SOGS BYUNG BAS THEG CHEN GYI BKA' BYUNG BA YIN TE, RJE BTZUN BYAMS PAS, SNGAR LUNG MA BSTAN LHAN CIG BYUNG, ZHES THEG PA CHE CHUNG GI BKA' LHAN CIG BYUNG BAR BSHAD PA LTA BU DAG GIS SO, ,STON PA 'DAS NAS LO BZHI BCU'I BAR DU MI YUL DU THEG CHEN GYI MDO SDE DAG GNAS PA DANG, DE NAS DUS 'KHRUGS SOGS KYIS NUB PA YIN TE, MDO KHA CIG LAS KUN DGA' BO STON PA 'DAS NAS KYANG LO BZHI BCU'I BAR BSTAN PA SKYONG BAR BSHAD PA DANG, MDO SDE SPRIN CHEN YANG DE LTAR GNAS PAR BZHED PA'I PHYIR TE, MDO SDE SPRIN CHEN LAS LHA'I BU DAG NGA 'DAS PA'I 'OG TU DGE BA'I RTZA BA BYAS PA RNAMS DANG, SANGS RGYAS MANG PO LA BSNYEN BKUR BYAS PA DE DAG MDO 'DI LTA BU 'DI DAG 'CHAD PAR 'GYUR TE, GZHAN DAG LA YANG RGYA CHER STON PAR 'GYUR RO, SPRIN CHEN PO'I MDO YANG LO BZHI BCU'I BAR DU 'DZAM BU'I GLING NA SPYOD PAR 'GYUR TE, RGYAS PAR YANG 'GYUR RO, DE'I 'OG

TU PHYI MA'I DUS LA DAM PA'I CHOS SPONG BA DANG, RGYAL PO 'KHRUG PA DANG, DAM PA'I CHOS NUB PAR 'GYUR BA, ZHES SOGS DANG, 'CHAD 'GYUR LTAR THEG CHEN SPYAN DRANGS PA DANG BKAR SGRUB DGOS BDE'I PHYIR, STON PA 'DAS NAS LO BRGYA NYI SHU NA DE BZHIN GSHEGS PA'I RING BSREL YOD MED LI TZA BYI DANG SMRA BA'I BRAM ZE KO'I DI N+YA SLAR YANG CHOS RGYAL AA SHVA KA ZHES PAR GYUR BA BYUNG ZHING, DKON MCHOG GSUM DANG CHOS LA MCHOD PA DANG RIM GRO CHAR BYAS PA YIN TE, SBRIN CHEN LAS LHA MO SLOB DPON LUNG STON PA BRAM ZE KO'U DI N+YA YANG NGA 'DAS PA'I 'OG LO BRGYA NYI SHU LON PA NA MO'U RGYA'I RIGS ZHES BYA BA PHYED KYI 'KHOR LO SGYUR BA'I RGYAL RIGS SU SKYE BAR 'GYUR TE NAS LHA MO DGE BSNYEN GYI RGYAL PO MYA NGAN MED CES BYA PAR 'GYUR TE, LHA MO KHYED KYI 'KHOR LA SGYUR BA'I RGYAL PO MYA DAM MED CES BYA BA DES CHOS KYIS BSTAN CHOS BA'I SENG GE'I SGRA CHEN PO THOG MAR SGROGS SHING MNGON PAR MCHOD PAR BYED DO, ZHES SO, 'DI DUS DGRA BCOM PA MANG YANG THEG CHEN MED PAR MNGON, STON PA 'DAS NAS LO BZHI BRGYA LON BA NA, SNGON GYI DE BZHIN GSHEGS PA KLU RIGS SGRON ME'I DUS KYI RGYAL PO BRTZON 'GRUS CHEN PO'I KLU ZHES PA STON PA ZHAL BZHUGS DUS KYI BRAM ZE KO'U DI N+YA LA RING BSREL GYI GTAM BYED PA'I LI TZA BYI MTHONG NA DGA' BA SLAR SH'AKYA'I RIGS LHO PHYOGS KYI RGYUD DU SNGAR BSHAD PA LTAR 'KHRUNGS SHING LO DRUG BRGYA BZHUGS PA YIN TE, SPRIN CHEN LAS RGYAL PO BRTZON 'GRUS CHEN PO'I KLU DE NI DE LTA LI TZA BYI GZHON NU 'JIG RTEN THAMS CAD KYIS MTHONG NA DGA' BA 'DI YIN NO, ,ZHES DANG,

, ,'JAM DPAL RTZA RGYUD LAS, DE BZHIN GSHEGS PA NGA 'DAS NAS, ,LO NI BZHI BRGYA LON PA NA, ,DGE SLONG KLU ZHES DE 'BOD 'BYUNG, ZHES DANG, LO NI DRUG BRGYA DAG TU 'TSO, ZHES DANG SPRIN CHEN GYI MDO STONG PHRAG BCU GNYIS PA LAS, KUN DGA' PO LI TZA BYI GZHON NU MTHONG NA DGA' BA 'DIR MYA NGAN LAS 'DAS NAS LO BZHI BRGYA LON BA NA KLU ZHES BYA BA'I DGE SLONG DU GYUR NAS NGA'I BSTAN PA RGYAS PAR BYAS TE, MTHAR GYIS DANG BA'I 'OD CES BYA BA'I 'JIG RTEN GYI KHAMS SU DE BZHIN GSHEGS PA YE SHES 'BYUNG GNAS 'OD CES BYA BAR 'GYUR RO, ZHES DANG SLOB DPON BYANG CHUB BZANG POS KYANG, BCOM LDAN 'DAS KYIS NGA YONGS SU MYA NGAN LAS 'DAS TE LO BZHI BRGYA LON BA NA LHO PHYOGS KYI RGYUD DU, ZHES SO, MI RNAMS LO BRGYAD CU BA'I DUS SU SLOB DPON 'DI 'KHRUNGS PAR 'DOD PA DANG, LO BRGYA LAS MA BZHUGS PAR 'DOD PA DAG MI 'THAD DE, LO BRGYAD CU PA'I DUS DE SLOB DPON MI YUL DU LAN GSUM CHOS KYIS SGRA CHEN PO BSGRAGS PA'I THA MA'I DUS YIN LA; LO BRGYA YANG CHOS DE 'CHAD PA'I YUN TSAD YIN PA'I PHYIR TE, RNAM BSHAD RIGS PA'I RGYA MTSO LAS KYANG, RNGA BO CHE LAS DE LTAR LUNG BSTAN PA DE LHO PHYOGS SU 'BYUNG BA'I THA MA GCIG YIN PAR GSUNGS PAS, ZHES GSUNGS PA'I PHYIR DANG; LO BRGYA LAS MA BZHUGS NA SLOB DPON LEGS LDAN GYIS KYANG SLOB DPON GYI ZHABS MA ZIN PAR KHAS LEN DGOS PA SOGS GNOD BYED MANG NGO, ,SLOB DPON 'DIS RTOGS PA NGA RNYES PA'I TSUL NI TSE DE LA SNGAGS LUGS LTAR NA

SANGS RGYAS SHING, MDO LTAR NA'ANG SA BRGYAD PA THOB CING, MTHAR RANG GI SRAS KYI THU BOS BRGYAD PA THOB PA'I 'PHAGS PA LHA DANG LHAN CIG MYA NGAN LAS 'DAS TE BDE BA CAN DU RNAM SMIN GYI LUS BZHAG NAS SPRUL BA DU MAS GCIG GIS BYAMS PA MGON PO LA CHOS NYAN PA DANG, MA 'ONGS PA NA SLAR YANG 'TSAD RGYA TSUL STON PA YIN TE, SGRON GSAL LAS SANGS RGYAS BAR BSHAD PA DANG, RNGA BO CHE LAS, DE NI NGAS SA BDUN PA LA BZHAG STE MI PHAL BZHIG TU BYIN GYIS RLABS LO BRGYAD CU PA LA ZHES SOGS DANG, DE NAS LO BRGYA LON PA'I 'OG TU SHI NAS 'JIG RTEN GYI KHAMS BDE BA CAN DU SKYE BAR 'GYUR RO, ,DE'I TSE KHYOD KYIS RDZU 'PHRUL CHEN PO MANG DU 'BYIN PAR 'GYUR ZHINGS BRGYAD PA LA GNAS TE LUS GCIG GI NI BDE BA CAN NA 'DUG, LUS GCIG GI NI SPRUL TE DGA' LDAN DU BZHAG NAS MGON PO MI PHAM PA LA MDO 'DI 'DRI BAR 'GYUR RO, ZHES SO, 'DI LTAR NAS BDUN PA BZHIG PHAL BA SO SKYE'I TSUL BZUNG NAS SA RAB DGA' GSAR DU THOB TSUL BSTAN BYAS NA MI PHAL BA ZHIG TU ZHES PA DANG 'BYOR LA, SBYAN RAS GZIGS BRTUL ZHUGS KYIS BSHAD PA DANG, LANG GSHEGS 'JAM DPAL RTZA RGYUD DAG KYANG SNANG TSUL GYI LUNG BSTAN BYAS NA SHIN TU 'GRIG CING, TSE DE LAS BRGYAD PA GSAR DU THOB CES PA 'DI MDO LUGS SPYI DANG MTHUN PAS LEGS PAR SEMS YANG RNGA BO CHE LAS, DE PHYIS SANGS RGYAS SU 'GYUR TE, SANGS RGYAS STONG YONGS SU MYA NGAN LAS 'DAS NAS BSKAL PA DRUG CU RTZA GNYIS 'DAS, RANG SANGS RGYAS 'BUM YONGS

, ,SU MYA NGAN LAS 'DAS SHING, GZHAN YANG MGON PO BRGYAD YONGS SU MYA NGAN LAS 'DAS NAS, DE'I 'OG TU NGA'I MING 'CHANG BA'I DGE SPONG 'JIG RTEN THAMS CAD KYI MTHONG NA DGA' BA 'DI SANGS RGYAS KYI ZHING 'JIG RTEN DE NYID DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YE SHES 'BYUNG GNAS 'OD CES BYA BAR 'GYUR RO, ZHES DANG, SPRIN CHEN LAS RIGS KYI BU BSKAL BA BZANG PO 'DI 'DAS TE SANGS RGYAS STONG YONGS SU MYA NGAN LAS 'DAS BA'I 'OG TU BSKAL PA DRUG CU RTZA GNYIS SU SANGS RGYAS 'BYUNG BAR MI 'GYUR TE, RANG SANGS RGYAS BYE BA PHRAG 'BUM 'BYUNG BAR 'GYUR RO, ,RIGS KYI BU BSKAL BA DRUG CU RTZA GNYIS PO DE DAG 'DAS NAS SANGS RGYAS GZHAN BDUN 'BYUNG BAR 'GYUR RO, ,DE NAS BDUN PA YONGS SU MYA NGAN LAS 'DAS PA DE'I TSE DE'I DUS NA 'JIG RTEN GYI KHAMS 'DI 'JIG RTEN GYI KHAMS MNGON PAR DANG BZHES BYA BAR 'GYUR TE, 'JIG RTEN GYI KHAMS MNGON PAR DANG PAR 'DI BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YE SHES 'BYUNG GNAS 'OD CAS BYA BAR 'GYUR RO, ZHES GSUNGS SHING, DE BZHIN GSHEGS PA DE'I SKU TSE'I TSAD BAR BSKAL BCO LNGAR GNAS SHING CHOS LA MNGON PAR DGA' BA SOGS SA DER SKYE BA DANG ZHING DER NYAN RANG DANG MU STEGS MED PA DANG, MI KHOM PA MED PA DANG, DER BYANG SEMS MANG BA DANG, SGRA SNYAN PAS RTAG TU BRGYAN PA DANG, DE 'DAS NAS KYANG BSTAN BA LO BYA BA PHRAG STONG DU

GNAS PAR GSUNGS SO, ,SLOB DPON 'DIS THEG CHEN GYI CHOS BLANGS TSUL NI SPRIN CHEN POS DE BZHIN GSHEGS BA KLU RIGS SGRON ME'I MDUN DU SH'AKA THUB BSTAN BA LA DAM BA'I CHOS KYI SGRAL NA GSUM SGROGS PA SOGS KYI SMON LAM LTAR 'DIR DAM BA'I CHOS KYI SGO GSUM BSGRAGS BA YIN TE, SPRIN CHEN LAS, GZHAN YANG DE'I NYAN THOS DE BZHIN GSHEGS PA DANG MING MTHUN PA'I DGE SLONG CHOS KYI SGRA CHEN PO LAN GSUM MNGON BAR BSGRAGS NAS 'CHI BA'I DUS BYED PAR 'GYUR BA'I CHE BA LA LTOS, ZHES SO, DANG POR MKHAN PO SGRAG CAN 'DZIN LAS RAB BYUNG DANG, BSNYEN RDZOGS MDZAD NAS, MTSAN DPAL LDAN BLO 'CHAD ZHES BTAGS SHING, NA LENDRAR [?] DGE 'DUN GYI GNYER MDZAD NAS GSER 'GYUR RTZIS DGE 'DUN MU GE'I 'JIGS PA LAS BSKYABS SHING, DGE SLONG BDE BYED LA SOGS PA BSLAB PA LA G-YEL BA LA LAR CHOS SBYANGS YON BCU GNYIS SOGS 'DOMS PA DANG, 'CHAL BA RNAMS BSKAD NAS CHOS KYI SGRA CHEN PO DANG PO BSGRAGS PA YIN TE ,SPRIN CHEN LAS, DAM PA'I CHOS YONGS SU NYAMS PA'I DUS NA 'OD SRUNG CHEN PO DANG 'DRA BA'I 'DZAM BU'I GLING DU SKYE BAR 'GYUR TE, NGA'I NYAN THOS KYI NANG DU BYUNG NAS RIM GYIS MU GE'I MGO BYI BA GDUL DKA' DMU RGOD RNAMS KYI NANG DU DE BZHIN GSHEGS PAS GSUNGS PA'I MDO RNAMS KYI BSNGAGS PA BRJOD CING, NAS DGON PAN GNAS DANG, 'DUL BA'I BSNGAGS PA BRJOD CING, MDUL BA TSAR GCOD PAR 'GYUR RO, ZHES DANG, RNGA BO CHE LAS, DE NI NGAS SA BDUN PA LA BZHAG STE PHAL BA ZHIG TU

, ,BYIN GYIS BRLABS NAS, GANG GI TSE LO BRGYAD CU BA LA BSTAN PA NYAMS PAR GYUR PA DE'I TSE LHO PHYOGS SU YUL RU MUN DE ZHES BYA BA NA CHU BO'I 'GRAM LA BRTEN PA'I GRONG KHYER DMAG GIS MI TSUGS PA ZHES BYA BA DANG NYE BA'I GRONG PHRENG BA CHEN PO RTEN ZHES BYA BAR, KA YO RI ZHES BYA BA'I RIGS BRGYUD DER SKYES NAS, NGA'I MING 'CHANG PA'I DGE SLONG ZHIG TU GYUR TE ZHING BSRUNG PA'I THABS MKHAS PAS, DA'I DGE SBYONG G-YEL BA RNAMS KYI NANG DU RAB TU BYUNG NAS, DE DAG BSDU BA'I DNGOS POS BSDUS TE MDO 'DI RNYED NAS LUS LA BCANGS TE, DGE 'DUN DAG PAR BYAS NAS, DANG PO RUNG BA MA YIN PA'I GZHI CHEN PO YONGS SU SPANGS TE CHOS SGRA CHEN PO SGROGS PAR 'GYUR, RNGA BO CHE CHEN PO'I MDO LAS GSUNGS PA'I CHOS KYI DUNG DANG CHOS KYI RGYAL MTSAN SGROGS PAR 'GYUR RO, ZHES PA'I DANG PO RUNG PA MA YIN PA'I GZHI CHEN PO YONGS SU SPANGS TE CHOS SGRA CHEN PO SGROGS PA SHES BYANG DNGOS YIN LA LO BRGYAD CU PA DANG, RNGA BO CHE RNYED PAR BSHAD PA PHYIS LA DGONGS 'DI DUS NAS YIN NA CHOS SGRA CHEN PO GSUM RIM GYIS SGROGS PAR BSHAD PA DANG 'GAL BAR 'GYUR BAS SO, ,RNAM BSHAD RIGS PA'I RGYA MTSO LAS, BZHI BRGYAN BYON BA NI LHO PHYOGS SU 'BYUNG BA'I TSUL GNYIS PA'O, ZHES GSUNGS PA LTAR STON PA 'DAS NAS LO BZHI BRGYA LON PAS LNGA BRGYA MA LON TZAM GYI BAR SLOB DPON GYI DGUNG LO BRGYA MA LON TZAM NA ,'BUM SOGS SHER PHYOGS KYI MDO RNAMS KLU YUL NAS SPYAN DRANGS NAS DGONGS 'GREL GYI BSTAN BCOS RTZA BA SHES RAB

SOGS RIGS TSOGS RNAMS BRTZAMS NAS, MTHA' GNYIS SPANGS PA'I DBU MAR DGONGS BA BKRA PA NAS SHING RTA'I SROL PHYE ZHING, MTSAN LA 'DI KLU SGRUB CES 'BOD CING, ZAB MO STONG PA NYID KYI SGO NAS CHOS SMRA CHEN PO GNYIS PA BSGRAGS PA YIN TE, DE'I CHO SLOB DPON GYIS SKYE BO MANG PO LA SDE SNOD GSUM 'CHAD CING YOD PA'I TSE BYIS PA GNYIS CHOS NYAN DU BYUNG BAS KUN TU DRI BZANG POS KHYAB CING, DE GNYIS SONG BA NA DRI MED PAR GYUR PA'I RGYU MTSAN DRIS PAS, DE DAG NA RE KLU'I RGYAL PO 'JOG PO'I PRA YIN; MI YUL DU 'OD DA'AR [?] TZAN DAN GOR SHA'I BSRUNG BA BYAS ZER SLOB DPON GYIS TZAN DAN DE BLANG DU YONG DAM DRES PAS YAB LA 'DRI ZER, YAB LA DRIS PAS, SLOB DPON KLU'I YUL DU 'BYON NA 'BUL ZER BAS, DE LA BRTEN CING, GTZO BOR SHER PHYIN SPYAN 'DREN ZHING, KLUR 'DAM LAS MCHOD RTEN MANG PO BZHENGS PA'I CHED DU PHEBS NAS, KLU RNAMS LA CHOS BSTAN CING BSOD SNYOMS PA ZHES PAS, KLU RNAMS KYIS BZHUGS PAR GSOL YANG MA BZHUGS PAR 'BUM SOGS SHER MDO RNAMS DANG; KLU 'DAM BSNAMS NAS MI YUL DU BYON TE MCHOD RTEN BYE BA MA LONG TZAM DANG, SKU GZUGS DU MA BZHENGS PA SOGS MDZAD PA'I PHYIR TE, RNGA BO CHE'I MDO LAS GNYIS PA THEG PA CHEN PO'I MDO STONG PA NYID KYI GTAM SMRA PAR 'GYUR RO, ZHES DANG; 'JAM DPAL RTZA RGYUD LAS BSTAN CHOS DU MA DANG, DNGOS MED DON GYI DE NYID RIG ,CES DANG, LANG GSHEGS LAS, YOD DANG MED PA'I PHYOGS 'JIG CING, ,NGA YI THEG PA BLA MED 'DI, ,'JIG RTEN RNAMS LA RAB STON CING, ZHES SO,,

, ,KLU SGRUB KYI SKAD DOD, N'A GARDZU NA'I N'A GA KLU DANG, AARDZUN SRID SGRUB LA 'JUG CING, KLU LA RGYA MTSOR GNAS PA DANG, YID BZHIN GYI NOR BU SOGS NOR GYI MDZOD LDAN PA DANG, KHA NAS DUG GI MES BUD SHING BSREG CING, GZHAN GSAL PAR BYED PA GSUM DU YOD PA BZHIN DU SLOB DPON LA'ANG GNYIS SPANGS ZAB MO'I BLO MNGA' BA CHOS ZAB MO'I MDZOD DANG LDAN PA LTA NGAN GYI BUD SHING YID KYI MUN PA SEL BA GSUM YOD DE, JI SKAD DU TSIG GSAL LAS, GANG ZHIG MTHA' GNYIS GNAS LA GNAS GSAL ZHING, ,RDZOGS SANGS RGYAS BLO RGYA MTSOR SKYE BA BRNYES, ,DAM CHOS MDZOD KYI ZAB MO NYID JI LTAR, ,RJES SU RTOG CING THUGS RJES STON PAR MDZAD, ,GANG ZHIG LTA BA'I MES DAG GIS, ,DA DUNG PHAS RGOL GZHUNG LUGS KYI, ,BUD SHING DANG NI 'JIG RTEN GYI, ,YID KYI MUN RNAMS 'JOMS PAR MDZAD, CES SO, ,SRID SGRUB KYIS RGYAL SRID BSKYANGS PA DANG, DGRA 'DUL BA BZHIN DU SLOB DPON GYIS GYANG CHOS KYI RGYAL SRID BSKYANGS PA DANG 'KHOR BA'I DGRA SDE 'JOMS PAR MDZAD PA YIN TE, DE NYID LAS, GANG GIS GNYIS MED GSUNG PA MDZAD PA'I TSOGS, ,LHA DANG BCAS PA'I GDUL BYA'I 'JIG RTEN LA, ,KHAMS GSUM DAG TU RGYAL THABS LEGS MDZAD PA, ,SRID PA'I DGRA SDE MA LUS 'JOMS MDZAD PA, ,KLU SGRUB DE LA PHYAG 'TSAL, ZHES SO, 'DI LTAR BYAS NA SLOB DPON GYIS DNGOS GRUB BRNYES PA'I MTSAN GRU SGRUB CES AA BHYAS GSUNGS PA'ANG 'THAD PAR 'GYUR RO, ,SLOB DPON GYIS CHOS KYI SGRA CHEN PO GSUM PA BSGRAGS TSUL YOD DE, SPRIN CHEN LAS LHA MO DRI MED 'OD 'DI NI THABS KYI YONGS SU

MYA NGAN PAS 'DAS PA'I 'ON TU LO BDUN BRGYA LON PA NA LHO PHYOGS KYI RGYUD DU YUL 'KHOR MUN ZHES BYA BA ZHIG BYUNG STE, YUL 'KHOR MUN CAN DE NI CHU KLUNG NAG PO BZANG ZHES BYA BA ZHIG YOD BDE'I LHO PHYOGS KYI 'GRAM NA GRONG KHYER DPAL YON CAN NGES PA ZHES BYA BAR KHAMS KYI RGYAL PO BDE SPYOD CES BYA BA'I RIGS SU 'BYUNG BAR 'GYUR TE, ZHES SOGS KYIS STON PA 'DAS NAS LO BDUN BRGYA LON PA NA RGYAL PO BDE SPYOD DANG, DE'I RGYAL RABS GSUM LON PA NA RGYAL PO DPAL 'PHEL GYI BU MO LO TOG 'BYER MAR LHA MO DRI MA MED PA'I 'OD 'KHRUNGS PAR BSHAD PA BZHIN DU STON PA 'DAS NAS LO BDUN BRGYA SONG ZHING SLOB DPON GYIS LO SUM BRGYA LON PA'I SGRA MI SNYAN DU GSHEGS PA'I LAM KAR GRONG KHYER DPAL YON CAN NGES PA ZHES BYA BAR BYIS BADZRA TA KA'I LAG RIS LA RGYAL POR LUNG BSTAN TE SGRA MI SNYAN DU LO NYIS BRGYAR 'GRO BA'I DON BYAS TE, SLAR 'DZAM BU'I GLING DU PHEBS TE, MI RNAMS LO BRGYAD CU PAR SONG BA SLOB DPON GYIS LNGA BRGYA BA ZHES PA'I TSE RNGA BO CHE'I MDO DANG, SPRIN CHAN SOGS DE BZHIN GSHEGS PA'I SNYING PO KHAMS CHOS DBYINGS RTAG PA SEMS CAN THAMS CAD LA YOD PAR STON PA'I CHOS DBYINGS BSTOD PA SOGS MDZAD NAS, CHOS KYI SGRA CHEN PO GSUM PA BSGRAGS SHING LO BRGYA'I BAR DU BSHAD NAS MTHAR LHO PHYOGS SU MYA NGAN LAS 'DAS PA YIN TE, RNGA BO CHA'I MDO LAS, GANG GI TSE 'JIG RTEN GYI KHAMS MI MJED 'DIR MGON BA SH'AKYA THUB PA ZHES BYA BA BYUNG BA DE'I TSI KHYOD LI TZA BYI GZHON NU MTHONG NA DGA' BAR 'GYUR, DE NAS 'JIG RTEN

, ,KHAMS DER MGON PO YONGS SU MYA NGAN LAS 'DAS PA'I 'OG TU BSTAN PA NUB PA'I DUS KYI TSE LO BRGYAD CU PA NI, DGE SLONG BLO 'CHANG ZHES PAR GYUR NAS RANG GI SROG LA MI LTA BAR MDO 'DI 'BYIN PAR 'GYUR RO, ,DE NAS LO BRGYA LON PA'I 'OG TU SHI NAS ZHES SNGAR LTAR SPRUL PA STON TSUL DANG, YANG MDO DE LAS, GSUM PA SEMS CAN GYI KHAMS BRTAGS PA'I GTAM DANG, RNGA BO CHE'I MDO'I GTAM SMRA BAR 'GYUR, ZHES PA NAS, PHYIS MDO 'DI THOS NAS DE NA TSOD CHEN POR GYUR TE LO BRGYAR MDO 'DI'I GTAM SMRA ZHING, CHOS KYI CHAR 'BEBS PAR 'GYUR RO, ,LO BRGYA 'DAS PA'I 'OG TU DE LHO PHYOGS DER MI RNAMS KYI NANG DU RNAMS PAR 'PHRUL PA CHEN POS RNAM PAR 'PHRUL ZHING YONGS SU 'DAS PA STON PAR 'GYUR RO, ZHES DANG 'JAM DPAL RTZA RGYUD LAS, KHAMS STON BSTAN BCOS DU MA DANG, ZHES GSUNGS PA'I PHYIR RO, ,'DIR CHOS DBYINGS BSTOD PA RGYUD BLA MA GZUNGS RGYAL GYI MDO RNAMS KYI DON STON LUGS 'DRA BAR KHO BO SMRA LA DE YANG 'DI RNAMS KYIS SEMS CAN THAMS CAD LA 'CHID RGYA BA'I KHAMS YOD CING, DE YANG STONG NYID LA 'JOG PA DANG, MTHAR THUG THEG PA GCIG TU BSGRUB PAS 'KHOR LO BAR PA DANG MTHUN KYANG SANGS RGYAS LA RGYUN GYI RTAG PA DANG, MYA NGAN LAS NGES DON MI 'DA' TSUL BYAS PAR CHOS KYI SGRA GNYIS PA LAS ZUR DU GSUM PAR BYAS SO, ,DGU BRGYAR SEMS TZAM SROL PHYE THOGS MED KYIS, ZHES PA STON PA 'DAS NAS LO DGU BRGYA LON PA NA SLOB DPON KLU SGRUB KYIS CHOS SGRA CHEN PO GSUM PA SGROGS PA DANG DUS RAGS PA

MTSUNGS PAR SLOB DPON 'PHAGS PA THOGS MED BYON NAS DRANG DON DGONGS 'GREL GYI MDO LA SOGS PA'I DO NAS SDE LNGA SDOM GNYIS LA SOGS PAR BKRAL ZHING, NGES DON GZUNGS RGYAL GYI MDO SOGS SNYING PO'I MDO SOGS KYI DGONGS PA THAL 'GYUR BA DANG MTHUN PAR RGYUD BLA MA'I 'GREL PAR BSHAD CING, GTZO POR SEMS TZAM PA'I SHING RTA'I SROL PHYE ZHING LO BRGYA LNGA BCUR BZHUGS PA YIN TE, 'JAM DPAL RTZA RGYUD LAS, NGA NI MYA NGAN 'DAS 'OG TU, ,LO NI DGU BRGYA LON PA NA, ,THOGS MED CES BYA'I DGE SLONG NI, ,BSTAN BCOS DE NI DON LA MKHAS, ,MDO SDE NGES DON DRANG BA'I DON, ,RNAM PA MANG PO RAB TU 'BYED, CES SO, DES NA SLOB DPON KLU SGRUB DANG, SLOB DPON THOGS MED 'DI GNYIS KYIS GTZO BOR DBU SEMS KYI SHING RTA'I SROL PHYE ZHING, ZHAR LA THEG DMAN GYI MDO'I DGONGS PA'ANG DBU SEMS KYI LUGS SU BKRAL BA YIN TE, SLOB DPON KLU SGRUB KYIS RIN CHEN PHRENG BAR, THEG PA CHE LAS SKYE MED BSTAN, ,GZHAN GYI ZAD PA STONG PA NYID, ,ZAD DANG MI SKYE DON DU NI, ,GCIG PA DE'I PHYIR BZOD PAR GYIS, ZHES THEG DMAN GYI PHUNG PO MA LUS PA SPANGS PA SOGS NI SLOB DPON GYIS LHAG MED MNYAM BZHAG GI DOR DGONGS PAR BSHAD PA DANG, GZUGS NI DBU BA BRDOS PA 'DRA, ZHES SOGS KYIS THEG DMAN LAS KYANG DBU MA PA'I BDAG MED BSTAN PAR BSHAD PA LTA BU SOGS MANG LA, SLOB DPON THOGS MED KYIS KYANG SNGAR LTAR THEG BSDUS SU, RTZA BA'I RNAM SHES ZHES SOGS KYIS KUN GZHI SOGS BSTAN PAR BSHAD, BYANG SAR MTHA' GNYIS 'GOG

, ,SKABS NYAN THOS SDE BA'I LUNG GSUM DRANGS PA DANG, RNAL 'BYOR SPYOD PA'I SAR PHAL CHER THEG CHEN GYI MDO MANG PO DRANGS SHING SEMS TZAM DU BKRAL BAS SO, ,RTZA BA SANGS RGYAS BSKYANGS KYES THAL 'GYUR BKRAL, ZHES PA SLOB DPON THOGS MED GLING 'DIR BYON NAS SEMS TZAM GYI SROL PHYE BA'I RJES TZAM LA SLOB DPON SANGS RGYAS BSKYANGS KYIS DBU MA RTZA BSHES RAB LA 'GREL PA MDZAD NAS THAL 'GYUR GYI SROL PHYE BA YIN TE, SPYIR RTZA SHEL 'GREL PA BRGYAD YOD CING, 'GREL PA GZHAN DRUG GIS PHAL CHER SBYOR NGAG MDZAD KYANG SLOB DPON 'DIS THAL 'GYUR MANG PO 'PHEN PAR MDZAD PA YIN PA'I PHYIR, 'GREL PA GA LES 'JIGS MED DANG, TSIG GSAL GNYIS MIN PA'I SLOB DPON GZHAN GYI 'GREL BA PHAL CHER GYI BSHAD PA SHES RAB SGRON MER BKAD BDAG KYANG SBYOR DAG GI PHYOGS SU SNANG ZHING, TSIG GSAL LAS KYANG, 'ON TE SBYOR BA'I NGAG RGYAS PAR BRJOD PAR BYAD PA 'DI NI 'GREL PA MKHAN PO RNAMS KYI LUGS YIN NO ZHEN, ZHES SO, ,'DIS RTZA SHE SBYOR DAG MI GSAL YANG RTZA BA'I DBANG GIS YIN LA SBYOR NGAG RGYAS PAR 'GOD PA 'DI'I 'GREL PA DAG GIS MDZAD LA SANGS RGYAS BSKYANGS KYIS KYANG CI'I PHYIR MA MDZAD CES PA'O ,SLOB DPON SANGS RGYAS BSKYANGS KYIS MTHA' BZHI'I SKYE BA RE RE NAS THAL PAS BKAG CING, DE BZHIN DU THAL 'GYUR MANG PO MDZAD NAS BKRAL BA YIN TE, BUDTA B'A LI TA LAS, DE LA RE ZHIG DNGOS PO BDAG LAS SKYEB MED DE, DE DAG GI SKYE BDON MED PA NYID DU 'GYUR BA'I PHYIR DANG,,

SKYE BA THUG PA MED PAR 'GYUR BA'I PHYIR RO, ,'DI LTAR DNGOS PO BDAG GI BDAG NYID DU YOD PA RNAMS LA YANG SKYE BA LA DGOS PA MED DE, GAL TE YOD KYANG SKYE NA MI SKYE BAR MI 'GYUR BAS DE YANG MI 'DOD DE, DE'I PHYIR RE ZHIG DNGOS PO RNAMS BDAG LAS SKYE BA MED DO, ,GZHAN LAS KYANG SKYE BA MED DE, CI'I PHYIR ZHEN, THAMS CAD LAS THAMS CAD SKYE BAR THAL PAR 'GYUR PA'I PHYIR RO, ,BDAG DANG GZHAN DANG GNYIS KA LAS KYANG SKYE BA MED DE GNYIS KA'I SKYON DU BRAL BAR 'GYUR BA'I PHYIR RO, , RGYU MED LAS KYANG SKYE BA MED DE, RTAG TU THAMS CAD LAS THAMS CAD SKYE BAR THAL BAR 'GYUR BA'I PHYIR DANG, RTZOM PA THAMS CAD DON MED PA NYID KYI SKYON DU 'GYUR BA'I PHYIR RO, ZHES PA LTA BU MANG NGO, ,SLOB DPON SANGS RGYAS BSKYANGS 'DI NI RJE BTZUN 'JAM DBYANGS GRUB PA BSTAN BCOS DU MA'I RNAM BSHAD MDZAD CING RIG 'DZIN GYI SAR GSHEGS PA YIN TE, RNAM BSHAD LAS, RJE BTZUN 'JAM DPAL DBYANGS KYI BKA' GRUB CING, ,GRUB PA'I RIG 'DZIN GNAS SU GSHEGS GYUR PA, , SANGS RGYAS BSKYANGS ZHES DANG, 'GREL PA'I 'GYUR BYANG LAS, 'JAM DPAL GZHON NU'I BKA' RGUB PA BSTAN BCOS DU MA'I RNAM BSHAD MDZAD PA, THEG PA CHEN PO LA YANG DAG PAR ZHUGS PA, RIG SNGAGS 'CHANG GRUB PA'I GNAS KHYAD PAR CAN DU GSHEGS PAS MDZAD PA ZHES SO, ,BHA BYAS SKYON BZUNG DBU MA DANG RGYUD PHYE, ZHES PA, DE NAS SLOB DPON BHA BYA KAR STE LEGS LDAN 'PHYED DANG, 'GYUR LA LAR SKAL LDAN DU'ANG BSGYAR, SLOB DPON SNANG BRAL YANG JER BRGYUD SDE SPYI RNAM

, ,CHEN MO LTAR NA SKU TSE DE LA RDO RJE GDAN SGRUB PAR DAM BCAS KYANG, SKU TSE PHYI MA LA RDO RJE DRIL BU BAR GYUR NAS MCHOG GI DNGOS GRUB BRNYES PA DES SPYIR BSTAN BCOS MANG PO DANG KHYAD PAR DU DBU MA RTZA BA SHES RAB KYI SNYING PO BSDUS PA LTA BU RANG GZHAN GYI 'DOD TSUL RGYAS PAR STON CING, GTZO BOR BYANG SEMS DANG ZHI LHAG SOGS GZHI LAM 'BRAS GSUM GYI ZAB RGYAS GNYIS CHAR STON PA DBU MA SNYING PO DANG, DE'I RANG 'GREL RTOG GE 'BAR BA DANG RTZA BA SHES RAB KYI 'GREL BA SHES RAB SGRON ME MDZAD SLOB DPON MANG PO'I 'DOD TSUL DANG SLOB DPON SANGS RGYAS BSKYANGS KYIS MTHA' BZHI'I SKYE 'GOG GI SKABS LA SOGS PA'I THAL BA RNAMS LA RE RE NAS SKYON BZUNG NAS DGAG PA RGYAS PAR BRJOD PAR MDZAD DE, SEMS TZAM PAS KUN BTAGS RANG BZHIN GYIS MA GRUB BAR 'DOD PA SOGS BKAG NAS DON DAM PAR MED KYANG, THA SNYAD DU RANG BZHIN DANG RANG MTSAN GYIS GRUB PA'I DBU MA'I SROL CHEN PO GSAR DU BTOD DE, SLOB DPON 'DI DE BA SHAR MA'I 'GREL PA DKAR [?] PO RNAM PAR 'CHAD BA'I RJES SU 'BRANG BAR BSHAD KYANG DBU MA RANG RGYUD PA'I SHING RTA'I SROL 'BYED 'DI KHO NA YIN TE, SLOB DPON 'PHAGS PA YAB SRAS KYI RJES SU SEMS TZAM PA MI 'THAD LA, DBU MA'I TSUL 'THAD TSUL RGYAS PAR SROL 'BYED PA SLOB DPON 'DI SNGA PA'I PHYIR TE; SLOB DPON YE SHES SDES KYANG, DE'I 'OG TU SLOB DPON LEGS LDAN 'BYED KYIS RNAM PAR RIG PA TZAM GYI LUGS SUN PHYUNG STE, THA SNYAD DU PHYI'I DON YOD PA'I LUGS RNAM PAR

BZHAG PA MDZAD DE; ZHES GSUNGS PAS KYANG SHES SO, ,SLOB DPON ZHI 'TSO YANG DON DAM PAR MED PA THA SNYAD DU RANG BZHIN GYIS GRUB PA SLOB DPON 'DI'I LUGS LTAR BYAS SHING SHES BYED KYANG BLANGS PAS SO, ,THAL 'GYUR SO SO LA SKYON BZUNG TSUL NI, BDAG LAS SKYE BA MED PAR GRUB PA'I THAL BA LA SHES RAB SGRON ME LAS, DE NI RIGS PA MA YIN TE, GTAN TSIGS DANG DPE MA BRJOD PA'I PHYIR DANG, GZHAN GYIS SMRAS PA'I NYES PA MA BSAL BA'I PHYIR RO, ,THAL BAR 'GYUR BA'I TSIG YIN PA'I PHYIR SKABS KYI DON LAS BZLOG PAS BSGRUB PAR BYA BA DANG, DE'I CHOS BZLOG PA'I DON MNGON PAS DNGOS PO RNAMS GZHAN LAS SKYE BAR 'GYUR BA DANG, SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA YOD PAR 'GYUR BA'I PHYIR GRUB PA'I MTHA' DANG 'GAL BAR 'GYUR RO, ZHES SO, ,'DI GRAGS CHE LA, DON BDAG SKYE MED PAR SGRUB NUS KYI GTAN TSIGS DANG DPE MA BRJOD CING, GZHAN GYI KUN RDZOB DANG DON DAM GANG YIN 'DRI BA'I NYES PA MA BSAL BA DANG, BSGRUB BYA BDAG SKYE MED PA MED DGAG TU 'GYUR BAS SHER MDO DANG, RTZA SHES KYI GRUB MTHA' 'AM LUGS DANG 'GAL BA'I DON NO, ,GZHAN SKYE 'GOG PA'I THAL BA'ANG SKYON BRJOD DE, TSIG GSAL LAS, 'DI LA SLOB DPON LEGS LDAN 'BYED NI, DES NA DE LA THAL BAR 'GYUR BA'I NGAG YIN PA'I PHYIR BSGRUB PAR BYA BA DANG SGRUB PAR BYED PA BZLOG PAR BYAS NA, DNGOS PO RNAMS BDAG GAM GNYIS SAM RGYU MED PA LAS SKYE BAR 'GYUR BA DANG, 'GA' ZHIG LAS 'GA' ZHIG SKYE BAR 'GYUR BA'I PHYIR PHYOGS GONG MA DANG

, ,'GAL BAR 'GYUR RO, ,GZHAN DU NA'ANG THAMS CAD THAMS CAD LAS SKYE BAR 'GYUR BA'I PHYIR RO, ,DE BAS NA DE LA BSGRUB PA DANG SUN 'BYIN PA NYID MED PA'I PHYIR DE NI DON 'BREL MED PA YIN TE, ZHES SUN 'BYIN SMRA'O, ZHES SO, ,DON NI DNGOS ZIN GYI BSGRUB BYA SBRUB BYED MI BZLOG NA THAMS CAD THAMS CAD LAS SKYE BAR 'GYUR BRTAGS SU MI RUNG BAS RANG PHYOGS SGRUB PA MED LA, GZHAN SKYE BAS BLANGS PA LA MNGON SUM LA SOGS PA'I GNOD PA GANG YANG MA BSTAN PAS GZHAN PHYOGS SUN 'BYIN PA'ANG MED PAS 'BREL MED LA BZLOG NA NI RTAGS KYI BZLOG DON 'GA' ZHIG LAS 'GA' ZHIG SKYE BA YIN LA GZHAN SKYE MED BA'A BZLOG DON GZHAN SKYE YOD PA LA MI RUNG STE DON DAM BAR DE MED PAR STEN PA'I LKABS YIN PAS SO, ,DES NA 'GA' ZHIG LAS 'GA' ZHIG SKYE BA'I RTAGS KYIS GZHAN SKYE BKAG TZAM LO GNAS BDAG GAM GNYIS SAM RGYU MED LAS SKYE BA SGRUB DGOS PAS, PHYOGS GONG MA RTZA BA'I GZHAN LAS SKYE BA MIN ZHES PA'I MED DGAG TU 'DOD PA DANG 'GAL ZHES PA'O, ,RGYU MED PAS SKYE BA 'GOG PA'I THAL PA YANG SKYON BRJOD DE, TSIG GSAL LAS, 'DI LA YANG SLOB DPON LEGS LDAN 'BYED, DE LA YANG THAL BAR 'GYUR BA'I NGAG YIN BA'I PHYIR, GAL TE BSGRUL [?] BAR BYA BA DANG SGRUB BAR BYED PA GSAL BDAG GI DON DU MNGON PAR 'DOD NA, DE'I TSE 'DI SKAD DU DNGOS PO RNAMS RGYU LAS SKYE BAR 'GYUR BA DANG, LAN 'GA' KHA CIG LAS KHA CIG SKYE BAR 'GYUR BA DANG,

RTZOM PA 'BRAS BU DANG BCAS PA NYID DU 'GYUR BA'I PHYIR RO, ZHES BSTAN PAR 'GYUR NA, BSHAD BA, DE NI MI RIGS TE SNGAR SMOS PA'I SGYON DU 'GYUR BA'I PHYIR RO, ZHES SUN 'BYIN BA SMRA'O, ZHES SO, ,DON NI DNGOS ZIN LA BZLOG PA MI RUNG LA, THAL BDE'I BSGRUB BYA RGYU MED LAS SKYE BA MED PA'I MED DGAG GI BZLOG DON RGYU LA SA SKYE BSHUGS LA STON CING, SGRUB BYED RTAGS GNYIS KYI BZLOG DON RIM BZHIN LAN 'GA' ZHIG KHA CIG LAS KHA CIG SKYE BA DANG, RTZOM PA 'BRAS BU DANG BCAS BAR 'GYUR BA'I PHYIR, ZHES 'GOD DGOS PA'I MTHA' BZHI'I SKYE BA MED PA MED DGAG TU 'DONG PA DANG 'GAL BA'I SKYAN YOD CES PA'O, ,LEGS LDAN RANG NYID KYIS RANG RGYUD KYE SBYOR BA MIG CHOS CAN, DON DAM BAR BDAG LAS MI SKYE STE, YOD BA'I PHYIR, DPER NA BUM PA BZHIN, MIG GI RGYU KHU KHRAG DANG, 'THAS BU MIG SOGS RGYU 'BRAS GANG DANG GANG GIS STONG PA DE DAG CHOS CAN NGO BO NYID KYIS DON DAM PAR GZHAN LAS MI SKYE STE, GZHAN MIN PA'I PHYIR, DPER NA 'JIS PA LAS SNAM BU BZHIN, DE CHOS CAN, DON NGES PAR GNYIS KA LAS KYANG MI SKYE STE GNYIS KAL SKYON BSHAD PA DE 'ONG PA'I PHYIR, MIG CHOS CAN, RGYU MED PAR GLO BUR DU SKYE BA MIN TE, SPYI'I MTSAN NYID DANG KHYAD PAR GYI MTSAN NYID DAG DANG LDAN PA'I PHYIR, DPER NA BUM PA BZHIN, ZHES PA LTA BU'I SGOS RGYA CHER 'GOG STE SHES BYED DANG BCAS CUNG ZAD 'OG TU 'CHAD DA ,LEGS LDAN GYIS 'DI LTAR GROL PHYE BA 'DI THOGS MED SKU MCHED KYI RJES SEMS TZAM PA'I LUGS RGYA CHER NGAR BA'I

, ,SKABS YIN TE, DBU MA SNYING PO'I LE'U LNGA BA LAS, RANG GI LUGS KYI NGA RGYAL GYIS, ,MKHAS PAR RLOM GZHAN 'DI SKAD SMRA, ,DE NYID BDUD RTZIR 'JUG PA YANG, ,RNAL 'BYOR SBYOD PAS LEGS PAR BSTAN, ZHES DANG, DE'I RANG 'GREL LAS, THEG PA CHEN PO NYID KYI SLOB DPON [?] THOGS MED DANG, DBYIG GNYEN LA SOGS PA GZHAN NGAG NI DE BZHIN GSHEGS PAS LUNG BSTAN ZHING, SA RAB TU BSNYEN PA'I 'PHAGS PA RNAMS KYIS YANG DAG PAR RTOGS PA'I DON GYI LUGS GZHAN TU 'DREN PAR BYED CING, NGO TSA DANG KHREL MED PA DON RNAM PAR MI SHES BZHIN DU RNAM PAR SHES SHING, MKHAS PAR NGA RGYAL BYED PA DAG 'DI SKAD SMRAS TE, ZHES SO, ,DES NA BYANG CHUB SEMS 'GREL SOGS SLOB DPON GYIS SEMS TZAM PA BYUNG NAS BRTZAM PAR MNGON PAS, SLOB DPON LEGS LDAN DANG SLOB DPON ZLA BA GNYIS PHYI TSAR GYI SLOB MAR 'THAD CING LO DRUG BRGYAR BZHUGS PA'ANG LEGS PAR GRUB BO, ,ZLA BAS LEGS BKAG THUN MONG MIN PAR BSGRUBS, ZHES PA LEGS LDAN GYIS DBU MA RANG RGYUD PA'I SROL PHYE BA DE'I RJES SU SLOB DPON ZLA BA GRAGS PAS SLOB DPON LEGS LDAN LUGS KYI RANG RGYUD BKAG STE, DE YANG BKAG TZAM MIN PAR LEGS BAR BKAG NAS, THAL 'GYUR PA'I LUGS RANG RGYUD BA MAN CHAD DANG THUN MONG MA YIN PAR SGRUB PA YIN TE, SANGS RGYAS BSKYANGS KYIS THAL 'GYUR BA'I SROL TZAM PHYE YANG RANG RGYUD BZHED ME BZHED MI GSAL BA LAS, ZLA BAS SANGS RGYAS BSKYANGS RANG RGYUD MI BZHED BA DANG,

DBU MA BAS RANG RGYUD BYA MI RIGS PA'I SGRUB BYED DANG, BZLOG PHYOGS RANG RGYUD KYI SBYOR BA DANG, RANG MTSAN LA GNOD BYED MANG DU BSTAN NAS THUN MONG MA YIN PAR SGRUB BA'I PHYIR TE, 'JUG 'GREL LAS LUGS 'DI NI THUN MONG MA YIN PA'O ZHES MKHAS BA RNAMS KYIS NGES PAR MDZAD DU GSOL, ZHES PA LTA BU'O, ,DE LA DANG PO NI SANGS RGYAS BSKYANGS KYIS GRANGS CAN LA RANG GI BDAG NYID DU YOD BA'I SA SOGS KYI RGYU MTSAN GYIS SLAR YANG SKYE BA DON MED DANG THUG MED DU THAL BA 'PHANGS TE PHA ROL PO LA NANG 'GAL BSTAN NA CI'I PHYIR PHA ROL BO MI BZLOG ,GAL TE NANG 'GAL MTHONG YANG BSNYON 'DINGS NA DE LA RTAGS SBYOR BKOD KYANG MI BZLOG LA, PHA ROL BO LA 'GAL BA MTHONG BTZAM THAL RTAGS GNYIS KAS BSKYID NUS BA'I PHYIR RANG RGYUD NI SANGS RGYAS BSKYANGS MI BZHED LA KHYOD RANG RGYUD LA DGA' BA TZAM DU ZAD DO ZHES 'GOG PA NI, TSIG GSAL LAS, SKYON 'DI DAG THAMS CAD NI RIGS BA MA YIN PAR KHO BO CAG GIS MTHONG NGO, ,ZHES DANG BDAG NYID RJES SU DBAG [?] BA LA DGA' BA NYID MNGON BAR BYED PA YIN NO, ZHES SO, ,DBU MA BA YIN NA RANG RGYUR BYA MI RIGS PAR THAL DE KHAS LEN NA PHYOGS BZHI GANG RUNG KHAS LEN DGOS KYANG DBU MA PAS PHYOGS BZHI GANG YANG KHAS BLANGS BA MED PA'I PHYIR DANG, DE 'PHAGS BA YAB SRAS KYI DGONGS BA YIN PA'I PHYIR DANG, SANGS RGYAS BSKYANGS KYIS MIG DON DAM BAR BDAG LAS SKYE BA MED DE, YOD PA'I PHYIR ZHES PA LTA BU'I RANG RGYUD ME 'DOD PAS RTAGS DE PA

, ,GZHAN GYIS SMRAS PA'I NYES PA BSAL YANG MI DGOS, GZHAN GRAGS KYI RTAGS DPE BRJOD DGOS NA'ANG BRJOD LA, THAL BA'I BZLOG DON PHA ROL BO KHO NAS KHAS BLANGS PAS KHO BO LA GRUB MTHA' DANG 'GAL BA SOGS GAL YOD CING THAL 'GYUR GYIS GZHAN PHYOGS SEL BA 'ANG 'PHAGS PA'I DGONGS PA YIN LA, 'GREL PA MDZAD KYANG 'PHAGS PAS SBYOR NGAG MA MDZAD PAS DBU MA PA YIN NA RANG RGYUD BYA MI RIGS PA LEGS PAR GRUB CES PA NI, TSIG GSAL LAS; DBU MA PA YIN NA RANG RGYUD KYI RJES SU DBAG PA BYA BAR RIGS PA YANG MA YIN TE, PHYOGS GZHAN KHAS LEN PA MED PA'I PHYIR RO, ,ZHES PA NAS DE YOD PA MA YIN TE RTZOD PA BZLOG PA'I 'GREL PA MDZAD PA NA SLOB DPON GYIS KYANG SBYOR BA'I NGAG MA GSUNGS PA'I PHYIR RO, ZHES SO, ,RANG RGYUD KHAS MI LEN PA'I DBU MA PA'I BZLOG PHYOGS KHAS LEN PA 'DI LA NI NYES BA DU MA ZHIG GI GNAS YOD PA YIN TE, BDAG SKYE LA DON DAM PAR SBYAR BA'I SKYON DANG, CHOS NA DANG PHYOGS RTAGS SOGS RE RE NAS MA BRUB PA SOGS KYI SKYON YOD CING KHO BO CAG THAL 'GYUR BA LA SKYON DE DAG MED DO ZHES BZHED PA'I PHYIR TE, TSIG GSAL LAS, GZHAN YANG RTOG GE PA 'DIS BDAG NYID RTOG GE'I BSTAN BCOS LA SHIN TU MKHAS PA TZAM ZHIG BSTAN PAR 'DOD PAS, DBU MA'I LTA BA KHAS LEN BZHIN TU YANG RANG RGYUD KYI SBYOR BA'I NGAG BRJOD PA GANG YIN PA DE NI CHES SHIN TU NYES PA DU MA'I GNAS GU RTOGS TE, ZHES PA NAS, DE SKAD DU MA SMRAS PA'I

PHYIR RO, ZHES GZHAN LUGS SU NANG BYUNG NAS, GZHAN GRAGS KYI RTAGS LA MI MTSUNGS PA NI, GAL TE GZHAN GYI RJES SU DPAG BDAG LA SKYON JI SKAD SMRAS BDE BZHIN DU RANG GI RJES SU DPAG PA LA YANG JI SKAD SMRAS BA'I NYES PAR THAL BAS ZHES PA NAS; SANGS RGYAS RNAMS KYIS RANG LA JI LTAR GRAGS PA'I 'THAD PAS DE KHO NA MI SHES PA'I GDUL BYA'I SKYE BO 'PHAN BTAGS PA'I PHYIR RO, ZHES SO, ,SLOB DPON 'DI NI STENG PHYOGS KYI 'JIG RTEN GYI KHAMS GCIG NAS SA BCU'I DPAR PHYUG GCIG 'PHAGS PA KLU SGRUB KYI LUGS SPEL PA'I CHED DU BSAM BZHIN DU SKYE BA BZUNG BA YIN PAR RJE BTZUN 'JAM PA'I DBYANGS KYIS RJE [?] BDAG NYID CHEN PO LA GSUNGS SHING, 'DI LA RNAM PA THAMS CAD DU 'CHAD PA'I TSE CHAD MAR BZUNG CHOG GSUNG LA LTAR YIN TE, SLOB DPON 'DI LA 'PHAGS YUL NA LEGS LDAN RJES 'BRANG SOGS SUS KYANG MCHAN SMOS NAS DGAG PA BYAS PA MED CING SLOB DPON 'DI NYID KYIS SLOB DPON LEGS LDAN SLOB DPON CHOS SKYONG SLOB DPON PHYOGS GLANG SAGS [?] KYI MTSAN SMOS NAS DGAG PA MDZAD KYANG DBU SEMS GANG GIS KYANG RANG DANG MI MTHUN KYANG SNGAR LTAR [?] MI NUS PA'I PHYIR DANG, RI MO'I BA LAS 'OM BZHES NAS BDEN ZHEN BZLOG BAR MDZAD CING SKU LUS RAGS BA DES KYANG LO SUM BRGYAR MI YUL DU BZHUGS SHING 'JA' LUS BRNYES NAS DA LTA'ANG BZHUGS BAR BLA MA RDO RJE GDAN PA'I GSUNG PA TSAB KYIS BSGYUR BA SOGS LAS BSHAD PAS SO, ,PHYI DON MED PA'I DBU MA RANG RGYUD PA'I SHING RTA' SROL PHYE TSUL NI, DE RJES ZHI 'TSOS

, ,RANG RGYUD GNYIS PA BYAS, ZHES PA BONG KHA CIG SLOB DPON YE SHES SDE'I GSUNG LA 'KHRUL NAS SLOB DPON ZHI 'TSO YAN CHAD DU PHYI DON MED CING, CHOS THAMS CAD THA SNYAD DU GRUB CING DON DAM PAR MA GRUB PAR 'DAD PA'I DBU MA, PA MA BYANG BAR 'DOD PA MI 'THAD DE, DE'I SNGEN NAS MNGON RTOGS RGYAN MI YUL DU BYUNG ZIN PA'I PHYIR DANG, 'GEL PA DON GSAL LAS, DES BYAS BYAS BA MI MTHONG NAS, ,DBU MAR GNAS PA'I BLOS RNAM PHYE, ZHES GSUNGS PA LTAR 'PHRAG BGROL SDES KYANG DE'I DON DBU MAR BKRAL ZHING, RTZA BAR GZUNG DON RTOG PA SPONG PHYIR DANG, ,'DZIN PA MI SPONG PHYIR DANG NI, ZHES DANG, NYAN THOS BSE RU LTA BU DANG, ,BCAS PA DAG LAS KHYAD PAR 'PHAGS, ZHES PA LTAR THEG PA GSUM GYI RTOGS RIGS THA DAD PAR BSHAD PA'I PHYIR DANG, SLOB DPON LEGS LDAN GYIS KYANG PHYI DON 'GOG PA'I DBU MA BA PHYOGS SNGAR BLANGS PA LA'ANG SNGON LA PHYI DON MED CING SEMS BDEN GRUB KHAS LEN DU BCUG NAS SLAR SEMS DE YANG BDEN MED DU 'CHAD CES PA LA THOG MAR MI GTZANG BAS SPAGS NAS BLAR BKRUB BAS DANG PO NAS MGOS PA BZANG BA'I DBES DANG PO SEMS TZAM BSTAN NAS PHYIS DBU MA STON PA PAS DANG PO NAS DBU MA STON PA BZANG BAR BSHAD PA'I PHYIR TE, SHES RAB SGREN ME LAS DANG PO RNAM PAR RIG PA TZAM BLANGS PHYIS DE YONGS SU GTONG BAR 'DOD NA'ANG 'DAB RDZAS KYIS SPAGS NAS 'KHRUB LAS DANG PO NAS MI REG PAR THAG BSRID BA BZANG STE, PHYI ROL GYI NGO BO NYID MED PAR RTOG PA

BZHIN DU RNAM SHES KYANG BDAG MED PA DANG SKYE BA MED PAR RTOG PAR BYA BAR DUNG NGO, ,ZHES GSUNGS SO, ,'DI 'GREL BSHAD KYIS SEMS TZAM PA LA SBYAR ZHING, DE YANG RTOG GE 'BAR BAR SEMS TZAM PA'I SKABS SU DE 'DRA ZHES BSHAD PA LA DGONGS PA 'DRA YANG, LUNG DE'I DON SEMS GANG ZAG GI BDAG MED DANG, BDEN PA'I SKYE MED RTOG RUNG ZHES PAR SNANG BA'I PHYIR DANG, RTOG GI 'BAR BA LAS KYANG, GAL TE GZHAN DGAN RE ZHES SOGS KYIS GZHAN DAG CES SEMS TZAM BA LAS ZUR DU DGAR TSIG YOD PA'I PHYIR DANG, DER SEMS TZAM PA'I 'DOD PA GZHAN BRJOD PA LA 'DI SMRAS PA DANG, GAL TE LTA BU TZAM LAS MI SNANG BA PI PHYIR RO, ,DE'I PHYIR SLOB DPON ZLA GRAGS YAN CHANG DU DE 'DRA'I DBU MA BAM BYUNG ZER PA 'ANG LEGS PAR KHEGS SO, ,GZHAN YANG ZHI 'TSO'I SNGON NAS PHYI DON 'DOD MI 'DOD KYI DBU MA PA GNYIS KA BYUNG STE , PHYI DON MED PA'I DBU MA BSLOB DPON LEGS LDAN GYIS BKAG PA LAS ZHI 'TSOS DE GNYIS DBYANG NAS DBU MA BSDAM MA'I LUGS KHAS BLANGS PA'I PHYIR TE, DBU MA RGYAN RANG 'GREL LAS, GANG DAG GIS RGYU DANG 'BRAS BU'I DNGOS PO NGAM BCAS PAS RGOL BA DAN PA THAMS CAD KYIS LAN GANG PA BAR 'DOD PA'I KUN LDOB [?] KYI DNGOS PO GANG YIN PA DANG [?] BYED [?] PAR BYA'O, ZHES DANG, DE'I DKA' 'GREL LAS, DE DPYAD PAR BYA'O ZHES BYA PA NI DBU MA'I LAM RNAM PA GNYIS DPYOD PAR BYED PA YIN NO, ZHES PA NAS, 'DI SLOB DPON SKAL LDAN GYIS DBU MA 'A [?] SNYING PO LAS

, ,GSUNGS SO, ,GZHAN DAG SEMS PA NI ZHES BYA BA NA PHYOGS SNGA MA KHO NA RIGS PAR MTHONG BA RNAMS SO, ZHES GSUNGS PA'I PHYIR, DES NA DBU MA'I LAM GNYIS ZHES BA LTAR DBU MA PA'I LUGS YIN TE, SEMS TZAM PAS RANG LA DBU MA PAR 'DOD KYANG, DBU MA PA SUS KYANG SEMS TZAM PA PA DBU MA PAR MI 'BOD PA'I PHYIR DANG, GZHAN DAG CES PA'I GNYIS TSIG DANG, MTHONG BA RNAMS SO ZHES PA'I RNAMS SGRAS GZHAN DAG LA DU MA YOD PAR BSHAD PAS ZHI 'TSO DE'I MTSAN GZHI YIN PA RJE'I DGONGS PA YIN KYANG, DE LA ZHI 'TSOS MA KHYAB PA'I PHYIR RO, ,DES NA DE DUS NAS RNAL 'BYOR SPYOD PA DANG MTHUN PA'I DBU MA PA TZAM YOD MOD KYANG, RNAL 'BYOR SPYOD PA'I DBU MA RANG RGYUD PA'I SHING RTA'I SROL 'BYED NI SLOB DPON ZHI 'TSO KHO NA YIN TE, SLOB DPON 'DIS ZLA GRAGS KYI 'ANG RJES TZAM NA DE 'DRA'I LUGS STON PA'I DBU MA RGYAN RTZA 'GREL SOGS GZHUNG RGYAS PAR BRTZAMS NAS SROL CHEN PO BTOD PA'I PHYIR RO, , DE'I SNGON NAS KYANG SROL TZAM YOD KYANG MI GNOD DE, 'JIG RTEN NA SHING RTA CHEN PO 'GRO SA'I LAM LA LAM YOD TZAM GYIS MI CHOG GI ,LAM SROL YANGS LA CHE BA DGOS PA BZHIN YIN PA'I PHYIR TE, SLOB DPON YE SHES SDES KYANG; JI SKAD DU, DE NAS SLOB DPON ZHIB 'TSOS RNAL 'BYOR SPYOD PA'I GZHUNG LA BRTEN NAS THA SNYAD DU PHYI ROL MED PA DANG, DON DAM PAR SEMS RANG BZHIN MED PAR STON PA'I DBU MA'I TSUL MI 'DRA BA ZHIG MDZAD PAS DBU MA PA RNAM PA

GNYIS SU BYUNG ZHING, ZHES SO, ,'DI NI RJE BDAG NYID CHEN PO'I YANG DGONGS PA YIN TE, LEGS BSHAD SNYING PO LAS, DES NA 'DI 'DRA BA'I LUGS KYANG RE RE TZAM BYUNG MOD KYANG, GZHUNG RGYAS PAR BRTZAMS NAS THA SNYAD DU PHYI ROL MED PA'I TSUL GYIS DBU MA'I GRUB MTHA' NI SLOB DPON ZHI BA 'TSOS SROL PHYE BAR SLOB DPON YE SHES SDES BZHED PA LTAR LEGS SO, ZHES SO, ,'ON KYANG BOD KHA CIG LEGS LDAN YAN CHAD DU 'PHAGS PA YAB SRAS SOGS DBU MA BA SUS KYANG SEMS TZAM PA MA BKAG STE, SLOB DPON YE SHES SDE'I GSUNG LAS, 'PHAGS PA YAB SRAS KYIS DBU MA'I BSTAN BCOS MDZAD PA LAS PHYIS DON YOD MED KYI TSUL GSAL BAR MA MDZAD LA, DE'I 'OG TU SLOB DPON LEGS LDAN ZHES SO GSUNGS PAS SO, ,SNYAM PA MI 'THAD PAR THAL, SLOB DPON 'PHAGS PA KLU SGRUB KYIS KYANG SEMS TZAM PA GSAL BAR BKAG PA'I PHYIR TE, BYANG CHUB SEMS 'GREL LAS, MU STEGS RNAMS KYIS GANG BRTAG PA'I, ,BDAG DE RIGS PAS RNAM DBYAD NA, ,PHUNG BO KUN GYI NANG RNAMS NA, ,GANG ZHI GNAS KYANG RNYED MIN NYID, CES PA NAS, 'DI DAG THAMS CAD SEMS TZAM ZHES, ,THUB PAS BSTAN PAR GANG MDZAD DE, ,BYIS PA RNAMS KYI SGRAG PA NI, ,SPANGS BA'I PHYIR YIN DE NYID MIN, ZHES SOGS KYIS GZHAN SDES 'DOD PA'I BDAG DANG, NYAN THOS SDE PAS 'DOD PA'I RDUL CHA MED DANG SEMS TZAM PAS 'DOD PA'I MTSAN NYID GSUM DANG KUN GZHI SOGS RE RE NAS BKAG PA'I PHYIR RO, ,DES

, ,NA SLOB DPON YE SHES SDE'I GSUNG LEGS LDAN DANG ZHI 'TSOS SROL PHYE BA'I SNGA PHYI TZAM 'THAD KYI TSIG ZIN LA BSHAD PA KUN DE LTAR ME 'THAD PA RJE BDAG NYID CHEN PO'I YANG DGONGS PA YIN TE, LAM RIM LAS, ZHES BSHAD PA NI BYUNG BA'I RIM PA DE LTAR DU MNGON NO; ;'ON KYANG ZHES SOGS GSUNGS PA'I PHYIR RO, ,SMRAS PA, SPYI BOR BLA MA SNYING LA 'JAM DPAL GNYIS, ,LCE LA TSANGS SRAS BKOD NAS DBU MA'I LAM, ,DBYANGS CAN PHANG 'GRO'I RGYUD DU BKUG PA YIS; ;RGYAL DANG DE SRAS MKHAS RNAMS DGYES 'DZUM BZHAD, ,LNGA PA SO SOR BSHAD PA LA, 'KHRUL LDAN DGAG PA DANG, DON LDAN DBU MA'I LUGS SO SOR BSHAD PA GNYIS, DANG PO LA, 'KHRUL LDAN GYI DBYE BA SBYIR DGAG PA DANG, 'GAL 'DU'I PHUNG PO BYE BRAG TU DGAG PA GNYIS, DANG PO NI, CI YANG MED DANG GZHAN STONG RTAG BDAG SMRA, ,BDEN GNYIS MI 'DOD LUGS MED TSAD GRUB MED, ,LA SOGS MTHAR LHUNG DBU MAR RLOM KYANG MIN, ZHES PA AINDRA BODHIS YE SHES GRUB PA'I LE'U BZHI PA LAS, DES NA KHYOD KYIS GANG SMRAS PA, ,BYIS PA BRID PA'I THABS YIN TE, ZHES GSUNGS PA LTAR MA SBYANGS PA'I BLUN PO RNAMS KYIS SKYE BO BLANG DOR LA RMONGS PA SHED MA PHYED PA'I BYIS PA LTA BU DAG GIS MGO BO BSKOR BA'I LHA NGAN SNA TSOGS SHIG SMRAS PA DE RNAMS NI, YE SHES GRUB PA'I LE'U BCU GSUM PA LAS, RMONGS PAR GYUR PA MTHONG NA YANG, ,SBYIN PA DAG NI 'DI 'DRA BAS, ,BDE GSHEGS LAM NI KUN SPANGS TE, ,DMYAL PA'I LAM LA

BRTEN PAR SNANG, ,LONG BA'I MI NI LA LA ZHIG ,GZHAN DAG LA NI RAB STON BYED, ,GANG DANG GANG DAG DE DANG DE, ,'DRI BAR BYED RNAMS DE MI 'DRI, ,GAL TE RMONGS PA'I LAM GYI DBANG, ,MI MTHONG DE NI RTOG BYED KYANG, ,SDIG CAN GYIS NI LAM DE YIS, ,BGROD PA NYAMS PA THOB PAR 'GYUR, ZHES SOGS KYIS LONG BAS LAM BSTAN PAS GZHAN PHUNG BAR BYAS PA BZHIN DU SDIG CAN CHOS MI SHES PAS KYANG BSTAN PA LTAR 'DZIN PA PO PHUNG BAR BSHAD LA, DE YANG BKA' GDAMS GONG MA'I GSUNG LTAR LUNG RIGS LA SBYANGS PA ZHIG GIS LUNG RIGS KYIS LEGS PAR BKAG DGOS TE, YE SHES GRUB PA'I LE'U BCU GCIG PA GRUB DON BSHAD PA LAS, LEG PA'I SHES PA THAMS CAD NI, ,LUNG DANG RIGS PA LEGS LDAN PAS, ,NYES PA KUN GYI 'BYUNG GNAS NI, ,DE RNAMS RIM GYIS BKAG PA YIN, ZHES GSUNGS PA LTAR LUNG RIGS KYIS LEGS PAR BKAG DGOS LUNG RIGS GANG YANG MED PAR BOD RGAN BLUN POS SMRAS TSAD SUS ZLOS PAR BYED 'DI NI DGE SLONG MA DPAL MO'I MING PO AINDA BODHI DANG MTSAN GZHAN LVA BA PA YANG ZER MOD, SANGS RGYAS LA MJAL BA AINDRA BH'U TI DE GA LA YIN LA, 'DI GNYIS MING DANG MDZAD PA MI 'DRA MOD BOD DAG GNYIS KAR AINDRA BH'U TI ZER PA NI DPE YANG MA MTHONG BAR ZAD DO, ,DE 'DRA'I RTAG CHAD SMRA BA DBU MA PA'I MING CAN CI 'DRA YOD SNYAM NA 'JAM MGON SA SKYA PAndI TA'I SDOM GSUM LAS, DA LTA'I PHYAG RGYA CHEN PO DANG, ,RGYA NAG LUGS KYI RDZOGS CHEN LA, ,YAS BABS DANG NI MAS 'DZEG GNYIS, ,RIM GYIS PA

, ,DANG CIG CAR BAR, ,MING 'DOGS BSGYUR BA MA GTOGS PAR, ,DON LA RNAM PAR DBYE BA MED, CES GSUNGS PA LTAR GZHI LA KUN RDZOB THAMS CAD RI BONG GI RVA DANG RAB RIB KYI NA MA MKHA'I SKRA BSHAD LTAR GZHI CIR YANG MA GRUB KYANG BLO 'KHRUL BA'I DOR YOD PA KUN RDZOB TU YOD PA'I DON DU 'DOD LA, LAM SGOM TSE YID LA GANG BYAS THAMS CAD MTSAN 'DZIN BDUD LAS SU BSAMS NAS SHES RAB KYI CHA KUN 'GOG CING SBYOD PA'I TSE CHOS SPYOD BCU DANG PHAR PHYIN LNGA SOGS THAMS CAD BLUN PO MAS 'JOG GI CHED YIN PAS 'GOG PAR BYED PA'I RGYA NAG GI MKHAN PO HVA SHANG GI RDZOGS PA CHEN PO'I SKOR DANG, DE'I RJES 'BRANGS MING DON BYA SPYOD SOR BZHAG BYED PA 'GA' ZHIG DANG BKA' BRGYUD GONG MA MAR MI DAG GI PHYAG CHEN NI MTSAN NYID PA YIN MOD BAR SKABS NAS CHOS LUGS SNA TSOGS NYAN MKHAN MANG POS GRUB SNYING SKOR NAS, SA RDO SHING GI RANG BZHIN GYI, ,GLEGS BAM DAG LA PHYAG MI BYA, ZHES SOGS DANG, BLA MED RDZOGS RIM GYI MNYAM BZHAG NA RNAM RTOG BYA MI RUNG PAR BSHAD PA RNAMS LAS DANG PO BA'I DBANG RNON GYI NYAMS SU LEN LUGS YIN PAR BSAMS SHING, HVA SHANG GI LUGS DANG MTHUN PAR GO NAS, HVA SHANG GI YAS BABS LA CIG CAR DANG MAS 'DZEG LA RIM GYIS PA BTAGS NAS GZHI LAM LTA SPYOD DE LTAR BYAS LA GZHAN YANG, DRI BA LHAG BSAM RAB DKAR GYI NANG LTAR RES RNAM RTOG CHOS SKU DANG NYON MONGS YE SHES YIN ZER BA DANG, RES RNAM RTOG GANG YIN MTSAN 'DZIN DANG BDUD LAS

SU 'DONG PA GNYIS LTA BU'I LTAG SPROD KYI 'GAL BA MANG YANG DE MA GO BAR BLUN PO RNAMS CAL RGYUGS BYED PA NI MI GTZANG BA MI GTZANG BA DANG MTHUN PA BZHIN YIN TE, MDO TING NGE 'DZIN RGYAL PO LAS, BYIS PA DANG NI BYIS PA'I MTHUN 'BYOR BA,, JI LTAR MI GTZANG BA DANG MI GTZANG BZHIN, ZHES GSUNGS PA LTA BUS SHES LA DUS PHYIS YANG LA LAN RE KHYOD RANG KHYI'AM SENG GE GANG DU 'DUG LTOS LA KHYOD DE GNYIS GANG RUNG DU MA GRUB PA DE KHYOD KYI STONG NYID YIN ZER MKHAN YANG SNANG NA, DE NI BLUN SMRAS LA TSAD CI YOD, LTA BA LOG PA DE 'DRA STON MKHAN DANG NYAN MKHAN DE GNYIS NGO MTSAR CHE, 'DI DAG LA MKHAS SHING GRUB PA'I DBANG PHYUG DU MAS DGAG PA RGYAS PAR MDZAD PAS 'DIR RGYA CHER MI SPRO LA, MDOR BSDUS GCIG SMRAS NA, KHYED CAG GI LUGS DE'I KHRID TSUL DANG, YUL GTAN LA DBAB TSUL DANG, SGOM TSUL DANG, MING DON DANG, BSGOM PA'I 'DRAS BU'I KHYAD PAR LDE KA MI 'THAD DE, 'DI LTAR THOG MA NAS BLUN PO LA STONG NYID 'CHAD PA MDO SNGAGS GNYIS DANG 'GAL BA DANG, YUL LA MA DBYAD PAR STONG BA RTOGS PAR 'DOD PA'ANG MDO SNGAGS GANG DANG YANG MI MTHUN PA DANG, STONG NYID MI SGOM PAR SEMS HAD POR 'DZAG PA YANG MDO DANG GRUB SNYING SKOR KUN DANG YANG 'GAL LA, SNGAGS LUGS KYI PHYAG RGYA CHEN PO'I DON DANG MING MDO LUGS LA BYED PA'ANG PHYAG RGYA'I SGRA DON LA RMONGS RTAGS YIN LA 'BRAS BU YANG THOB BYA MED PAR BLO ZAD CHOS ZAD DU 'DOD PA MDO SNGAGS RNAM DAG DANG RGYAB 'GAL YIN PAS SO, ,KHYAD

, ,PAR DANG PO YIN TE, BLUN PO LA THOG MA NAS STONG NYID BSTAN NA GTI MUG CHER 'PHEL NAS PHUNG 'GRO BAS DE LTAR MI STON PA NI 'PHAGS PA'I SKYES BU DAM PA THAMS CAD BZHED PA'I PHYIR TE, RIGS PA DRUG CU PA LAS, DE NYID TSOL LA THOG MAR NI, ,THAMS CAD YOD CES BRJOD PAR BYA, ZHES DANG, DE'I 'GREL PAR ZLA BA'I ZHABS KYIS, SKYE BO BLO GROS MA BYANG BA LA THOG MA KHO NAR STONG PA NYID KYI LTA BA RAB TU SBYANG BA NA, SHIN TU RMONGS PA SKYE BAR 'GYUR TE, DE'I PHYIR 'PHAGS PA RNAMS THOG MA KHO NAR STONG PA NYID MI STON TO, ZHES DANG, GRUB SNYING KUN GYI PHYI MO GSANG BA GRUB PA LAS KYANG, DPAL LDAN 'DUS PAR YONGS GSANG BA, ,'GRO BA'I MGON GYIS GANG GSUNGS PA'I, ,GONG MA GONG MA'I LAM NYID KYIS, ,BSGOM PAR BYA BA BZHI PO NYID, CES BSKYED RIM DANG RANG BZHIN DANG YE RGYA DANG DE NAS PHYAG CHEN TE BZHI PO RIM PAS SGOM DGOS PAR BSHAD PA LTA BU MANG BA'I PHYIR DANG, DE'I RGYU MTSAN RMONGS PA'I BLO DON PHUNG SOGS 'GA' MI 'CHAR BAR MTSAN MO'I NAM MKHA' LTA BU GCIG YOD PA LA DE'I STENG DU SHES BYA'I RAB DBYE LA MA SBYANGS PAR BSHAD NA DE 'DRA'I GTI MUG GIS STONG NYAMS CHER 'PHEL NAS KHYAD GZHI MA NGES PAR KHYAD CHOS STONG NYID NGES DKA' BAS THOG MAR PHUNG SOGS THAMS CAD STON DGOS TE, BYANG CHUB SEMS 'GREL LAS, CHOS CAN YOD NA CHOS RNAMS LA, ,'JIG RTEN NA NI SPYOD PA 'JUG ,CES DANG, ZLA BA'I ZHABS KYIS, DE KHO NA NYID

TSOL BAR 'DOD PA DE LA BLA MA PHAN PAR 'DOD BAS CI ZHIG BYA ZHE NA, THAMS CAD YOD CES BRJOD PAR BYA'O, ,BRAM ZE THAMS CAD THAMS CAD CES BYA BA NI PHUNG PO LNGA DANG SKYE MCHED BCU GNYIS DANG KHAMS BCO BRGYAD KYI BAR RO, ZHES GSUNGS TE, DE'I SHES PA LA LTOS NAS PHUNG PO LA SOGS PA 'DI YOD DE ZHES BRJOD PAR BYA'O, ,ZHES DANG, GRUB DBANG YAN LAG MED PA'I RDO RJES THABS SHES GRUB PAR MAR ME 'BAR BA BSAD RUNG GI ,SHIN CI YANG BYAR MED LTAR, ,DNGOS POR 'DZIN PA NYID RUNG GI ,DNGOS MED 'DZIN PA DE LTAR MIN, ZHES PA LTA BU MANG BA'I PHYIR, KHYAD PAR GNYIS PA MA DPYAD PAR YUL GTAN LA 'BEBS TSUL DE YANG MDO SNGAGS DANG RGYAB 'GAL YIN TE, MDO SNGAGS KUN MTHUN PAR YUL GTAN LA 'BEBS PA LA DPYAD DGOS PAR GSUNGS PA'I PHYIR TE, 'JUG PA LAS, BSTAN BCOS LAS DPYAD RTZOD LA CHAGS PA'I PHYIR, ,MA MDZAD RNAM GROL PHYIR NI DE NYID BSTAN, ZHES DANG, MDZOD LAS KYANG CHOS RNAMS RAB TU RNAM 'BYED MED PAR NYON MONGS RNAMS, ,GANG PHYIR NYE BAR ZHI BAR BYA BA'I THABS MED LA, ZHES DANG, RNAM 'GREL LAS, 'DI YUL SUN PHYUD MED PAR NI, ,DE SPONG BAR NI NUS MA YIN, ZHES SOGS 'DI PAn GRUB DU MAS SNGAGS LA DRANGS NAS BSHAD PA SOGS CHES MANG ZHING, SAM BU tA LAS, DANG POR STONG NYID RNAM BSAMS NAS, ,LUS CAN KUN GYI DRI MA BKRU, ,GZUGS KYI KHAMS NI STONG PA'O, ,SGRA LA DE NYID KYANG NI BYA, ,NAS, YID LA

, ,DE NYID KYIS NI BYA, ZHES BSHAD NAS DE'I DGOS GCOD DU DE NYID LAS, MIG GI RANG BZHIN STONG BA YI, ,NANG DU RNAM SHES JI LTAR LAGS, ,RNA BA'I RANG BZHIN STONG BA YI, ,NANG DU RNAM SHES JI LTAR LAGS, ,NAS, YID KYI RANG BZHIN STONG PA YI, ,NANG DU RNAM SHES JI LTAR LAGS, ZHES RTEN DBANG PO BDEN PAR MED NA BRTEN PA RNAM SHES JI LTAR GRUB DRIS PA'I LAN DU YUL RTEN BRTEN PA GSUM GA BDEN PAR MED PAR GSAL BAR BSHAD DE, DE NYID LAS; DE'I PHYIR GZUGS MED LTA BA MED, ,SGRA MED THOS PA PO YANG MED, ,DRI MED SNAM PA PO YANG MED, ,RO MED MYONG PA PO YANG MED, ,REG MED REG PA PO YANG MED, ,SEMS MED SEMS LAS BYUNG BA'ANG MED, CES GSUNGS PA LTAR GDAN BZHI SOGS LAS KYANG DPYAD NAS GTAN LA PHAB CING GSANG 'DUS RTZA RGYUD DANG, DE'I BSHAD RGYUD LUNG STON LAS KYANG DPYAD NAS GTAN LA PHAB PA DE BZHIN DU GUR DANG BDE MCHOG RTZA BSHAD DANG, DE DAG GI 'GREL PA RNAMS DANG GRUB SNYING SKOR NAS KYANG DPYAD NAS GTAN LA PHAB PA YIN TE, DO HA LAS KYANG, DE NYID MI SHES BRAM ZE NI, ,GYI NA RIG BYED BZHI DAG 'DON, ,SOGS KYIS TSANGS PA BKAG ,DE NYID LAS, DBYUG GU RTZE GSUM LEGS LDAN GZUGS, ,SOGS KYIS DBANG PHYUG BKAG ,DE NYID LAS, AE NA RE THAL BAS LUS LA BYUG NAS SU, ,SOGS KYIS KHYAB 'JUG PA BKAG ,DE NYID LAS, SEN MO RING LA MA LUS DRI MAS G-YOGS, ZHES SOGS KYIS ZAD

BYED PA BKAG CING, DE NYID LAS, BDE BA'I DE NYID DANG NI BRAL GYUR CING, ZHES SOGS KYIS RANG SDE GONG 'OG GI LUGS MI LEGS PA DAG BKAG PAS MTSAN NYID LAS KYANG 'DI LAS LHAG CI DPYAD, GSANG BA GRUB PA LAS KYANG, SRID PA'I RTZE MO MTHAR THUG PA, ,KHAMS GSUM 'DI DAG THAMS CAD NYID, ,LAM GYI SO SOR BRTAGS BYAS NA, ,PHUNG PO BDEN PA YOD MA YIN, ,SU ZHIG GIS NI SO SOR RTOG ,'DI NI GANG LA BRTAG PAR BYA, ,'BAD PAS DE NYID DE KHO NA, ,JI SRID PAR DU BRTAGS BYAS PA, SOGS KYIS 'BAD NAS THOS BSAM GYIS YUL DBYAD DGOS PAR BSHAD CING DBYAD TSUL YANG GTAN TSIGS GCIG DU BRAL SOGS KYIS DBYAD DGOS TE, DE NYID LAS, GCIG DANG DU MA MA YIN ZHING, , GCIG DANG DU MIN NA'ANG MA YIN LA, ,BRLABS MAD SNANG BA MED PA DANG, ZHES SOGS DANG, GRUB DBANG YAN LAG MED PA'I THABS SHES GRUB PA LAS KYANG, SDUG BSNGAL MA LUS ZAD PA'I GO CHA BGOS NAS NI, ,RDZOGS SANGS RGYAS KYI BDE MCHOG THOB PAR 'DOD PA YIS, ,SEMS NI BRTAN PAR BYA STE DE LA 'BAD DE DPYAD BYAS LA, ,DE YI RANG BZHIN BDAG GI RANG BZHIN NYID DU BYA, ZHES SDUG BSNGAL ZAD PA'I NGES 'BYUNG DANG RDZOGS SANGS RGYAS KYI BDE GSHEGS THOB 'DOD KYI SEMS GNYIS BRTAN POR BYAS NAS DE RJES SU 'BAD PAS DPYAD NAS BDAG KYANG STONG PAR GTAN LA 'BEBS PAR BSHAD LA, AINTRA PO DHIS RNAM BCAS RNAM MED GNYIS DANG BSAM DU MED PA'I RMONGS BA SOGS STONG NYID

, ,SGOM PAR 'DOD PA LE'U SO SOS BKAG CING DE YANG LUNG RIGS KYIS RGYAS PAR 'GOG DGOS PAR SNGAR DRANGS PA LTAR BSHAD LA, DE BZHIN DU BYANG CHUB SEMS 'GREL DANG, YE SHES GRUB PA SOGS DANG, DE NYID BCU PA LAS KYANG, DE BZHIN NYID NI SHES 'DOD PAS, ,RNAM BCAS MA YIN RNAM MED MIN, ,BLA MA'I DAG GIS MA BRGYAN PA'I, ,DBU MA'ANG 'BRING PO TZAM DU GNAS, ZHES RANG RGYUD PA MAN CHAD SO SOR DPYAD NAS STONG PAR GTAN LA PHAB PA SOGS MDO SNGAGS GCIG DANG YANG KHYED CAG MI MTHUN NO, ,DES NA THOS BSAM DUS DPYAD NAS GTAN LA PHAB PA DE NYID BSKYED RIM MAN LA DPYAD SGOM GYIS LTA BA [?] SKYONG YANG RDZOGS RIM LHAN SKYES SKABS SU DE LTAR MI RUNG BA'I SHES BYED DE HO SOGS LAS DANG PO LA SBYANG BA NI LJON SHING GI TSAR, DE'I MYU GU LA BYAS PA LTA BUR SNANG BAS DA DUNG BSHES GNYEN DAM PA CIG BSTEN PAR GYIS MDOR NA 'DI DAG GI GDUL BYAS DE LTAR DPYAD MI DGOS NA RGYUD DANG BSTAN BCOS 'DI DAG TU BSHAD PA DE SU LA DGOS SNYAM DU BSAM PAR GYIS SHIG ,KHYAD PAR GNYIS PA SAM BU tA LAS, STONG PA BSGOM PAR MI BA STE, ZHES SOGS LA 'KHRUL NAS MDO SNGAGS GNYIS KA'I SKABS SU STOD NYID MI SGOM PA SOGS 'DOD PA YANG MDO SNGAGS KUN DANG RGYAB 'GAL YIN TE GDAN BZHI DANG SAM BU tA GNYIS LAS, DON DAM PAR RNAM PA DANG RE [?] DOGS DANG 'DOD SDIG THOG MTHA' SOGS SU BDEN PAR 'DZIN PA'I YUL MED TZAM NAM MKHA' LTA

BUR BSGOM PAR BSHAD PA'I PHYIR TE, SAM BU tA LAS, RNAM PA MED CING DOGS PA MED, ,'DOD PA MED CING SDIG PA BRAL, ,THOG GAM THA MA'I RTOG LAS GROL, ,NAM MKHA' LTA BUR MKHAS PAS SGOM, ZHES DANG, DPAL BDE BA CHEN PO'I MGON POS KYANG, DE LTAR DE NYID SHES BYAS LA, ,PHYAG RGYA CHEN PO RNAM PAR BSGOM, ZHES DANG, YE SHES GRUB PA LAS KYANG, DE LTAR SHES MCHOG THABS DANG NI, ,BCAS PAR YANG DAG SGOM PA NI, ,SHIN TU DRAG PO'I BDAG NYID CAN; ;SKYE BA GCIG GIS 'GRUB PAR 'GYUR, ZHES THABS DANG BCAS PAS YANG DAG PA'I STONG NYID DRAG TU BSGOM NA TSE DE LA MCHOG 'GRUB PAR BSHAD PAS GRUB SNYING GZHAN LAS KYANG GSUNG LA, 'DIS KYANG CHOS DBYINGS BSTOD PA'I LUNG DRANGS NAS BSHAD CING, BYANG CHUB SEMS 'GREL LAS KYANG, DE'I PHYIR CHOS RNAMS KUN GYI GZHI, ,GNAS MED SGYU MA DANG MTSUNGS PA'I, ,ZHIB SRID BA 'JOMS BYED PA'I, ,STONG PA NYID 'DI RTAG TU BSGOM, ZHES THEG GSUM SBANGS RTOGS KUN GYI GZHIR GYUR PA CHOS GANG YANG RANG NGOS NAS MED KYANG DER SNANG BA SGYU MA CHOS DBYINGS DE'I DON [?] SGA [?] RTOG GCIG THA DAD SOGS SPROS PA THAMS CAD ZHI BA SRID PA 'JOMS BYED KYI STONG PA NYID 'DI RTAG TU BSGOM ZHES BSHAD LA, MEE TRI PAS KYANG DE NYID BCU PA LAS, DE LTAR CHOS RNAMS RO GCIG STE, ZHES SOGS DANG, DE'I 'GREL PAR PAntI TA LHAN SKYES RDO RJES KYANG, DE LA DANG POR THOS PA LAS BYUNG BA'I SHES RAB BSKYED PAR BYA STE LUNG GI DON

, ,NGES PAR BYA'O, ,DE NAS BSAM PA LAS BYUNG BA'I RIG PA DANG LUNG NGAG SO SOR BRTAGS TE NGES PA DRANG PA'I DON LA NGES PA YANG DAG PA'I DON BSGOM PAR BYA'O, ZHES GSUNGS PA LTA BU MANG PA'I PHYIR, 'O NA STONG BAM BSGOM PAR 'DOD DAM BSGOM PAR 'DOD KYANG CI YANG YID LA MI BYA BAR BSAM RGYU MED PAR SEMS HAD DE BSGOM NA CI 'DRA 'ONG SNYAM NA, DE NI THA CHAD YIN TE, DE NI MA RIG PA'I BSGOM TSUL YIN LA DE MANG DU BSGOM NA DUD 'GROR SKYE BAR BSHAD PA'I PHYIR TE, AINTRA BO DHIS YE SHES GRUB PA LAS, DE LTAR NYES PA'I TSOGS 'GYUR BA, ,DE BAS RNAM MED DE NYID YIN, ,DES NA SEMS MED DE NYID NI, ,DE NI RAB TU DGAG PAR BYA, ,SHIN TU RMONGS SKABS YE SHES SU, ,RNAL 'BYOR PA NI LA LA 'DOD, CES RNAM PA 'DZIN RGYU MED PA'I SEMS DE CHAGS SOGS NYES PA KUN GYI RGYUR GYUR PA RGYU MTSAN DE BAS NANG DE DGAG PAR BYA ZHES DAM BCAS NAS BLO LA RNAM PA GANG YANG 'CHAR BA'AM 'DZIN RGYU MED PA'I SKABS DE 'DRA RNYED NA, DE KHO NA NYID RTOGS PA'I YE SHES SAM SHES PAR RNAL 'BYOR PA LA LA 'DOD CES RGYA GAR DU YANG SNGAR DE 'DRA PA BYUNG BA PHYOGS SNGAR BKOD NAS DE NYID LAS, RMONGS PA BSGOM PAS RMONGS PA NI; ;TSUL NGAN RNAMS KYIS THOB PAR 'GYUR, ,ZHES GSUNGS PA, 'DIS RMONGS PA BSGOM BAS ZHES MA RIG PA BSGOM PAR BSTAN NAS LHAG MAS 'BRAS BU BSHAD PA'I PHYIR, DES NA SNGAR ZHIG NAS MA GRUB PA GCIG GIS

'DI 'DRA'I RMONGS PA DE BSGOM PAS GZUGS MED KYI SNYOMS 'JUG YANG MI 'GRUB STE, ZHI GNAS DANG BSAM GTAN GYI TING NGE 'DZIN BZHI RIM BZHIN MA GRUB PAR DE 'GRUB MI SRID PA'I PHYIR DANG, SNYOMS 'JUG BRGYAD KA DGE BA YIN LA 'DOD PA'I SAS BSDUS KYI RMONGS PA DE 'DRA MI DGE BA YIN PA'I PHYIR, DE TZAM BSGOM PAS DGE BA YANG YOD PA MI SNANG NGO, ,'O NA SDOM GSUM LAS, BLUN PO PHYAG RGYA CHER BSGOM PA, ,PHAL CHER DUD 'GRO'I RGYU RU GSUNGS, ,MIN NA GZUGS MED KHAMS SU SKYE, YANG NA NYAN THOS 'GOG BAR LTUNG, ZHES GSUNGS PA DANG MI 'GAL LAM SNYAM NA RGYAL BA'I GSUNG RAB DANG MI 'GAL NA 'DI DAG DANG 'GAL KYANG 'DI DAG GI SKYON DU 'GYUR MOD KYANG 'DI DANG MTHUN TE BLUN PO ZHI GNAS SOGS MA THOB PAS RMONGS PA BSGOM PA PHAL CHER RAM MANG SHOS DE DUD 'GROR SKYE BA DANG, ZHI LHAG GAM BSAM GZUGS THOB PA GCIG GIS GZUGS SNANG BKAG TZAM GYI NAM MKHA' BSGOM NA GZUGS MED DU SKYE BA DANG, ZHI LHAG SKYON MED GCIG DANG STONG RKYANG BSGOM NA NYAN THOS KYI 'GOG PAR LTUNG LA PHYI MA 'DI NI SRID MTHAR SNANG STE, LAM GYI GTZO BO RNAM GSUM GYI DGONGS 'GREL LUNG RIGS GTER MDZOD LAS, RTOG PA NAD DU KHA CHOM PA'I, NAS ZHI GNAS SKYON MED GCIG DANG ZUNG DU 'BREL TE BSGOM NA, ZHES GSUNGS PA'I PHYIR, TING 'DZIN SGRUB TSUL SKYON MED TZAM YANG SGOM TSUL DE LAM MTHONG LA AINTRA PO DHIS RGYAS PAR BKAG 'DUG PAS BLO LDAN RNAMS

, ,KYIS BAG BYA BA'I GNAS SU SNANG NGO, ,KHYAD PAR BZHI PA MDO SNGAGS PHYAG RGYA ZHES PA KUN DON GCIG PAR 'CHAD PA NI MA RIG PA TSAN CHE RTAGS YIN TE, PHYAG RGYA CHEN PO ZHES PA BUD MED KYI MING BRTAGS PA YIN LA PHAR PHYIN GYI PHYAG RGYA ZHES PA LAG RTAGS LA DPE BYAS NAS DE'I MING BTAGS YANG PHYAG RGYA CHEN PO'I SGRA DON GANG YANG MED PA'I PHYIR, DANG PO YIN TE, SAM BU tA LAS, DE PHYIR YE SHES BSKYED PA YI, ,PHYAG RGYA BZHI NI SBYAR BAR BYA, ZHES GSUNGS PA'I DON LA BOD DAG GIS 'DRA MIN MANG YANG RGYUD RDO RJE PHRENG BAR SHIN TU GSAL ZHING DE LTAR DGOS TE, PHA MA GNYIS KA'I PHYAG RGYA'I DON 'DIR RGYAS PAR BSHAD PA'I PHYIR TE, RDOR PHRENG GI ZHE BZHI PA LAS, PHYAG RGYA'I DBYE BA BLA NA MED, , CHOS DANG LAS DANG DAM TSIG DANG, ,PHYAG RGYA CHEN PO MNGON PAR BRJOD, ,CES LAS RGYA DANG, CHOS KYI PHYAG RGYA DANG, DAM TSIG GI PHYAG RGYA DANG, PHYAG RGYA CHEN PO BZHI'I DBYE BA BSTAN NAS NGOS 'DZIN YANG RIM PA BZHIN DU, DE NYID LAS, LAS KYI RNAM SMIN NGES PA YIS, ,KUN NAS RGYAS BTAB LTA BUR GNAS, ZHES DANG, CHOS RNAMS RANG BZHIN MED PA NYID, ,RANG BZHIN GYIS NI RGYAS BTAB NAS, ZHES DANG, DAM TSIG RANG GI YON TAN DNGOS, ,RGYAL SRAS RNAMS KYIS RGYAS BTAB PA, SOGS DANG, DE BZHIN GSHEGS PA'I DAM TSIG NI, ,YONGS DAG PA YI MDZAD PA'I SA, ,DE YI RANG BZHIN RANG BZHIN MED, ,PHYAG RGYA CHEN PO ZHES NI BRJOD, ,CES GSUNGS PA LTAR STONG NYID LA PHYAG RGYA CHEN POR

BSHAD LA DE LTAR BSHAD PA'I RGYU MTSAN NI, DRIL BU ZHABS KYIS, KHAMS GSUM LA KHYAB PA'I STONG PA NYID KYI PHYAG RGYA CHEN PO DANG, 'KHYUD PAS BSAM GYIS MI KHYAB PA'I RANG BZHIN, ZHES DANG, SBAS DON LTA BA'I MIG 'BYED LAS, THEG PA BLA NA MED PA 'DIR CHOS NYID LA BTZUN MO DANG PHYAG RGYA MA'I MCHOG TU GSUNG BA DU MA ZHIG 'DUG PA'I NGES DON MI SHES PAR SNANG STE, ZHES SOGS GSUNGS PA'I PHYIR DANG, DES NA PHYAG CHEN LA STONG NYID DANG RNAM MED LHAN SKYES KYI BDE CHEN DANG RNAM BCAS STONG GZUGS KYI PHYAG CHEN GNYIS DUS 'KHOR NAS BSHAD PA SOGS DANG RGYUD SDE SO SO'I BSHAD PA SHES DGOS KHYAD PAR GNYIS PA YIN TE GZUNGS RGYAL GYI MDO LAS, PHYOGS BCU DAG NA SANGS RGYAS BCOM LDAN 'DAS CHOS STON PA'I GSUNG GI 'PHRIN LAS JI SNYED 'JUG PA DE DAG BYANG CHUB SEMS DPA'I KHA'I SGOS RGYAS BTAB PA DANG MTSUNGS PAR 'BYUNG NGO, ,BYANG CHUB SEMS DPA' DE BZHIN GSHEGS PA'I PHYAG RGYAS BTAB PA ZHES GSUNG LA BKAR BRTAGS KYI PHYAG RGYA BZHIS RGYAS BTAB TSUL YANG DE LTAR YIN NO, ,MDO TING NGE 'DZIN RGYAL PO LAS, CHOS RNAMS KUN GYI RANG BZHIN PHYAG RGYA STE, ZHES PAS RGYAS 'DEBS YUL STONG NYID BSTAN KYANG PHYAG RGYA CHEN PO'I MING MA BSTAN LA PHYAG RGYA ZHES PA TZAM LA 'KHRI 'DOD NA MDO GZHAN RGYAS TE, GZUNGS RGYAL GYI MDO 'DI NA'ANG PHYAG RGYA ZHES PA MANG DU BSHAD PA BZHIN SHER MDO SOGS NA SHIN TU MANG PA'I PHYIR TE, MDO DE NYID LAS, DE LA PHYAG RGYA

, ,BSTAN PA NI 'DI YIN TE, 'DI LTA STE, AA ZHES BYA BA NI MNGON PAR 'DU BYED PA MED PA'I PHYAG RGYA'O, ,RA ZHES BYA BA NI CHOS THAMS CAD LA 'DOD CHAGS DANG BRAL BA THOB PA'I PHYAG RGYA'O, ,PA ZHES BYA BA NI DON DAM PA BSTAN PA'I PHYAG RGYA'O, ,TZA ZHES BYA BA NI MIG RNAM PAR DAG PA'I PHYAG RGYA'O, ,NA ZHES BYA BA NI MING DANG GZUGS THAMS CAD YONGS SU SHES PA'I PHYAG RGYA'O, ,ZHES SOGS LTAR BSHAD DGOS LA, STONG NYID LA YUM GYI THA SNYAD BYAS KYANG CHUNG MA'I THA SNYAD MIN LA, KHYED CAG GIS GRUB SNYING GI PHYAG CHEN DU 'DOD PA DANG PHYAG DANG RGYA SOGS PHRAL NAS BSHAD TSUL DE MDO SNGAGS GANG DANG YANG MI MTHUN PA'O, ,'O NA 'DIR YANG STONG NYID LA PHYAG CHEN DU BSHAD PAS DE DANG MTHUN SNYAM NA MA RUNG STE, NYAN THOS KYI SDE SNOD LAS SBYIN PA BSHAD TSAD MING MTHUN KYANG BYANG SEMS DANG THEG CHEN GYI SBYIN PAR BSHAD PA DANG MI MTHUN PA BZHIN NO, ,KHYAD PAR LNGA PA 'BRAS BU'I TSE BLO DANG PHUNG SOGS GTAN MED DU 'GRO BAR 'DOD PA MI 'THAD DE, SANGS RGYAS DANG MYANG 'DAS THOB MKHAN YOD PA'I PHYIR DANG, SKYON KUN ZAD YON TAN KUN RDZOGS KYI STON PA YOD PA'I PHYIR DANG, YAN LAG BDUN DANG DBANG PHYUG BRGYAD LDAN GYI RGYAL BA YOD PA GRUB SNYING SOGS KYI DGONGS PA YIN PA'I PHYIR DANG, STONG NYID BSGOM PAS KHYOD KYI ZHE 'DOD LTAR SEMS KYANG ZAD MI 'GRO BAR DRI MA ZAD KYANG SEMS KYI KHAMS ZAD PAR MI BYED DE, SEMS DANG SEMS KYI DRI MA CHAGS

SOGS 'BRAL RUNG YIN PA'I PHYIR TE, DRI MA SEMS LA GNAS KYANG RANG BZHIN LA MA ZHUGS PAS DES SEMS KYI RANG BZHIN 'OD GSAL PA ZHES MDO DU MAR YANG YANG BSHAD PA'I PHYIR TE, CHOS DBYINGS BSTOD PA LAS, SA BON GYUR BA KHAMS DE NYID, ,CHOS RNAMS KUN GYI RTEN DU 'DOD, ,RIM GYIS SBYANGS PAR GYUR PA LAS, ,SANGS RGYAS GO 'PHANG THOB PAR 'GYUR, ZHES SA BON RIM GYIS SBYANGS PA'I 'BRAS BU THOB PAR BSTAN NAS, SBYOD BYED KYANG, DE NYID LAS, MI RTAG SDUG BSNGAL STONG PA ZHES, ,BYA BA GSUM POS SEMS SBYOD BYED, ,MCHOG TU SEMS NI SBYOD BYED PA'I, ,CHOS NI RANG BZHIN MED PA YIN, ZHES DANG, DE NYID LAS, JI LTAR ME YIS DAG PA'I GOS, ,SNA CHOGS DRI MAS DRI MA CAN; ;JI LTAR ME YI NANG BCUG NA, ,DRI MA 'TSIG 'GYUR GOS MIN LTAR, ,DE BZHIN 'OD GSAL BA YI SEMS, ,'DOD CHAGS LA SOGS DRI MA CAN, ,YE SHES ME YIS NYON MONGS SREG ,DE NYID 'OD GSAL MA YIN NO, ZHES DANG, STONG PA NYID NI STON BA'I MDO, ,RGYAL BAS JI SNYED GSUNG BA GANG, ,DE DAG KUN GYI NYON MONGS LDOG ,KHAMS DE NYAMS PAR BYED MA YIN, ZHES GSAL PAR GSUNGS SO, ,'ON MDO RGYUD SNGA 'GYUR PHYIS 'GYUR DU MA LAS BLO ZANG CHOS ZAD LA; BSNGAGS PA DE'I DON GANG YIN SNYAM NA, DE NI DRI MA SEMS KYI RANG BZHIN LAM ZHUGS PA DANG, RANG BZHIN GYI 'OD GSAL BA DANG DON DAM PAR SRID ZHI RO GCIG BA RNAMS KYI GO DON DANG GCIG YIN TE, CHOS DBYINGS KYI DON NYON

, ,MONGS PA DANG, DA GDOD DE DANG BRAL BA DANG SKYE 'CHI DANG 'KHOR 'DAS KYI BYA BYED KUN ZAD PA MYANG 'DAS LTA BUR GDOD NAS GNAS PA'I PHYIR NA RANG BZHIN GYI MYANG 'DAS DANG, RANG BZHIN GYIS DE LTAR DRI MA DANG BRAL BSAN RANG BZHIN GYIS 'OD GSAL BA DANG, DE'I 'KHOR BA DANG DE SPANGS PA'I CHA GANG YANG MED PAS SRID ZHI RO MNYAM SOGS YIN PA'I PHYIR TE, MDO YAB SRAS MJAL BA LAS, CHOS GANG LA RANG BZHIN MA MCHIS PA DE NI DNGOS PO MA MCHIS PA'O, ,DNGOS PO MA MCHIS PA DE NI YONGS SU MA GRUB PA'O, GANG YONGS SU MA GRUB PA DE NI MI SKYE BA'O, GANG MI SKYE BA DE NI MI 'GAG PA'O, ZHES SOGS DANG, DKON MCHOG SPRIN LAS, CHOS KYI 'KHOR LO BSKOR BA NA, ,GZOD NAS ZHI ZHING MA SKYES DANG, ,RANG BZHIN MYA NGAN 'DAS PA ZHES, ,MGON PO KHYED KYIS CHOS RNAMS BSHAD, CES DANG, BSAM GYIS MI KHYAB PAR BSTOD PA LAS, GDOD MA NYID NAS MNYAM GYUR BA, ,RANG BZHIN GYIS KYANG MYA NGAN 'DAS, , YANG DAG PAR NI MA SKYES LAGS, ,DE SLAD CHOS RNAMS KHYOD KYIS GSUNGS, ZHES DANG, RGYUD BLA MA DANG RIN CHEN PHRENG BA SOGS DU MAS DE LTAR BSHAD DO, ,KUN MKHYEN JO NANG PA CHEN POS SNYING PO'I MDO BCU DANG RGYUD BLA MA DANG DUS 'KHOR DGONGS PAR BYAS NAS GZUGS DON DAM DPYOD BYED KYIS DBYAD TSE GZUGS GZUGS KYIS STONG BA RANG STONG DANG DE DUS 'KHOR NAS BSHAD PA'I CHAD STONG YIN LA DES NA CHOS GANG YANG RANG GI NGO BO BDEN STONG YANG DE DANG 'DRA BAS STOD

TSUL GNOD 'JOMS LTAR YONGS GRUB NI GZHAN DBANG GUN BTAGS GNYIS MA YIN PA'I TSUL GYI STONG BDE DUS 'KHOR SOGS KYI RNAM KUN MCHOG LDAN GYI STONG BAR 'DOD LA, BDE GSHEGS SNYING PO'I MDO'I TSIG ZIN LTAR SEMS CAN THAMS CAD KYI RGYUD LA MTSAN DPE GSAL RDZOGS KYI SKU RTAG BRTAN THER ZUG NGO BO DRI BRAL DANG GSUNG RNAM PA THAMS CAD PA DANG THUGS ZAG MED YE SHES STOBS SOGS THAMS CAD KYANG DON DAM PAR GRUB CING DON DAM BDEN PA DANG GLO BUR DRI MAS BTUM STE GNAS ZHES DES DON RGYA MTSO DANG 'BUM MCHAN SOGS LAS BSHAD LA, DE DANG CHA 'DRA BA CHEN PO SH'AKA MCHOG GIS KUN RDZOB TSAD MAS MA GRUB PAR RTOG PO TZAM DU THA SNYAD DU YOD PA'I DON DANG DON DAM BDEN GRUB JO NANG BA LTA DU GANG LA'ANG MA LTOS PA'I RDZAS YOD DANG SGOM DUS STAG TSANG PA'I GRUB MTHAR 'KHRUL NAS GANG LA MI SEMS MI GNAS PA'I SPROS DRAL SGOM PA YIN ZHES DBU MA RNAM DES SU BSHAD LA GZHAN YANG KUN BTUS DANG PAR tIKA RTZA tI KA SOGS DANG NYI SHU PA SUM CU PA SOGS KYIS BSHAD PA HROL BRGYA BOD SU DANG MI BSTUN RE BRIS NAS DE THAMS CAD NA RJE RIN PO CHE'I LUGS LA DGAG KHUL GYIS BRTZON PAR BYAS SNANG, CHEN PO GO BOS KYANG 'JUG tIKA TU LUNG RIGS PRAL BA'I DGAG PA DANG CHANG KYU BA'I GLU BRO LTA BU BRIS PA BLTAS NA BLUN PO DANG SMYON PA 'ANG SNYAM PA DRIS SNANG BA 'DI DAG NI LUNG RIGS SMRA BA'I DBANG PHYUG MKHAS GRUB CHEN PO 'JAM DBYANGS DGA' BA'I BLO GROS DANG

, ,GZHUNG LUGS RGYA MTSO LA NANG BYAN TSUD PA'I DON GYI PAn CHEN RJE BTZUN CHOS KYI RGYAL MTSAN YAB SRAS DANG BCAS PA'I LUNG RIGS KYIS DGAG GZHAG 'PHAGS YUL PAn CHEN LTA BU BYAS NAS SMRA NGAN TI 'OD DANG PHRAD PA'I MUN PA LTAR BYAS LA CHEN PO GO SH'AKYA GNYIS KAS RJE'I RTZA LTUNG RNAM BSHAD DNGOS GRUB SNYE MA SOGS LA DGAG PA THAN THUN GYI LAN SMRA BA'I DBANG PHYUG 'JAM MGON MTSUNGS MED PAn CHEN BSOD NAMS GRAGS DPAL RNAM DPYOD MCHOG GI SDES SDOM GSUM RNAM BZHAG TU SDOM GSUM RAB DBYE TSUN CHAD LA BRTAG DPYAD MDZAD 'DUG PAS DE DAG LA DGAG PA 'DIR MI SPRO LA KARMA MI BSKYOD RDO RJES PHAR 'JUG GI BSHAD PA DANG 'BRI GUNG DGONGS GCIG GI tIKA SOGS LAS RJE RIN PO CHE LA DSAG [?] SMRAS 'SA' MDZAD KYANG GZHAN DPANG YIN PAR CHAB SHOG DANG GSUNG MGUR LAS BSHAD CING RJE RIN PO CHE'I LUGS MCHOG TU YANG YANG SKYON MED PAR GSUNGS PA'I 'DIR DGAG MI DGOS RJE BTZUN PA DANG PAn CHEN GNYIS KAS KYANG KAR LAN RE BYAS SO, ,JO NANG PA'I 'DOD BA DE BU STON RIN PO CHE DANG RJE BTZUN RED MDA' PA DANG GNAS RNYING PA DANG YAR 'BROG PA SOGS DU MAS BKAG PA'I GZHAN RNAMS GRAGS CHE LA SHING RTA CHEN PO RED MDA'I RGYUD BLA'I DKA' 'GREL DGONGS ZAB SNANG BAR, GANG DAG TSE 'DIR SANGS RGYAS KYI BSTAN PA LA ZHUGS SU ZIN KYANG SNGON LAN GCIG MIN PAR MU STEGS KYI LTA BA LA GOMS PAR BYAS PAS, DUG SBRUL GYIS GLA

RTZI'I DRI TSOR BA LTAR STONG NYID KYI SGRA THOS PA TZAM GYIS SEMS KHONG NAS 'KHRUG PA DAG NA RE KHAMS BDE BAR GSHEGS PA'I SNYING PO ZHES BYA BA KUN RDZOB KYI CHOS RNAMS LAS LOGS SU DON DAM PAR GRUB PA RTAG PA DANG GTZANG BA DANG BDE BA SOGS KYI PHA ROL TU PHYIN PA THAMS CAD MKHYEN PA'I YON TAN THAMS CAD RANG CHAS SU LDAN PA YE SHES KYI RANG BZHIN BRTAN G-YO THAMS CAD LA KHYAB PAR GNAS SO, ZHES ZER 'DI NI MU STEGS GRANGS CAN PA DANG; SPYOD PA BA DANG GSANG BA PA DAG MYONG PA'I NGO BOR GYUR PA'I BDAG BRTAN G-YO THAMS CAD KHYAB PAR 'DOD PA DANG MU STEGS KHYAB 'JUG PA DAG KHYAB 'JUG CES BYA BA DBANG PHYUG LTA BU RANG BYUNG GI THAMS CAD MKHYEN PA LUS CAN MIN PA DANG, BRTAN G-YO THAMS CAD LA GDOD MA NAS KHYAB PAR 'DOD PA DANG, RIG BYED GSANG MTHA' SMRA BA DAG DRANG SROD CHEN PO NYI MA'I MDOG CAN ZHES KYANG BYA, DBANG PHYUG CHEN PO ZHES KYANG BYA, TSANGS PA ZHES KYANG BYA, GDOD MNAS RANG BYUNG GI THAMS CAD MKHYEN PA BRTAN G-YO THAMS CAD LA KHYAB PA GANG GIS RNAL 'BYOR PAS RNAL 'BYOR SGOM STE LHA'I MIG GIS DE NYID MNGON SUM MTHONG BA DE'I TSE THAR PA THOB PAR 'DOD PA DAG GI LUGS YIN GYI BDE BAR GSHEGS PA'I BSTAN PA'I RJES SU 'DRANGS PA LA 'DI LTA BU'I GRUB MTHA' KHAS LEN PA NI SNGON CHAD RGYA BOD BAL GSUM GANG DU YANG BYUNG BA MED DO, ZHES DANG, MJUG TU YANG DE NYID LAS, THER ZUG RNAM PAR LTA PA'I MNGON ZHEN CAN, ,STONG NYID DNGOS PO'I BLO CAN

, ,SO SKYE DE, ,NAS, LTA NGAN DMAN PA'I THANG LA MNGON ZHEN CAN, ,RTAG CHAD MTHAR LTA'I WA SKAD CHER SGROGS PA, ,DE DAG NGUR SMRIG RGYA MTSAN 'CHAD NA YANG, ,THUB PA'I BSTAN LA MU STEGS THAN SKYEL YIN, ZHES SOGS KYIS SMAD PAR BYAS SO, ,BDER GSHEGS SNYING PO'I MDO'I TSIG ZIN LTAR BZUNG NA MU STEGS PA'I LTA BAR 'GYUR BA 'DI BCOM LDAN 'DAS KYIS DGONGS PA YIN TE, LANG GSHEGS LAS, DE BZHIN GSHEGS PA'I SNYING PO GSUNGS PA DE, BCOM LDAN 'DAS KYIS RANG BZHIN GYIS 'OD GSAL BA RNAM PAR DAG PAS THOG MA NAS RNAM PAR DAG PA NYID MTSAN SUM CU RTZA GNYIS DANG LDAN PA SEMS CAN THAMS CAD KYI LUS KYI NANG NA MCHIS PAR BRJOD DE, ZHES PA NAS, RTAG PA BRTAN PA THER ZUG PA NI BRJOD NA, BCOM LDAN 'DAS DE BZHIN GSHEGS PA'I SNYING PO SMRA BA 'DI NI MU STEGS BYED KYI BDAG TU SMRA BA DANG JI LTAR 'DRA BA MA LAGS, ZHES SOGS KYIS DRIS PA'I LAN DU, DGONGS GZHI RNAM THAR SGO GSUM LA DGONGS NAS, DGOS PA MU STAGS PA'I LTA BA LA ZHEN BA KHA DRANG BA'I CHED DANG BYIS PAS STONG NYID LA SKRAG PA SBANGS PA'I CHED DU TSIG GIS MU STEGS PA LTAR BSTAN PA YIN, DNGOS LA GNOD BYED MU STEGS PA LTAR 'GYUR NA, MA 'ONGS PA DANG DA LTAR GYI RGYAL SRAS KYIS TSIG ZIN LTAR GYI BDAG GAM GANG ZAG TU ZHEN MI RUNG NGAR BSHAD PA'I PHYIR, DGONGS GZHI NI, DE NYID LAS, STONG BA NYID DANG YANG DAG PA'I MTHA'I DANG MYA NGAN LAS

'DAS PA DANG MA SKYES PA DANG, MTSAN MA MED PA DANG SMON PA MED PA LA SOGS PA'I TSIG GI DON RNAMS LA DE BZHIN GSHEGS PA'I SNYING PO BSTAN PA BYAS NAS ZHES DANG, DGOS PA NI, DE NYID LAS, BYIS PA RNAMS BDAG MED LAS 'JIGS PAR 'GYUR BA'I GNAS SPANGS PA'I CHED DU DE BZHIN GSHEGS PA'I SNYING PO'I SGO BSTAN PA, ZHES DANG, BLO GROS CHEN PO DE LTAR DE BZHIN GSHEGS PA RNAMS KYIS MU STEGS BYED BDAG TU SMRA BA LA MNGON PAR ZHEN PA RNAMS DRANG BA'I PHYIR DE BZHIN GSHEGS PA'I SNYING PO BSTAN NAS, ZHES DANG, DNGOS LA GNOD BYED NI, DE NYID LAS, BLO GROS CHEN PO MA 'ONGS PA DANG DA LTAR BYUNG BA'I BYANG CHUB SEMS DPA' CHEN PO RNAMS KYIS BDAG LA MNGON PAR ZHEN PAR MI BYA'O, ,ZHES GSUNGS SO, ,'O NA DBYIG GNYEN GYIS MDZAD PAR GRAGS PA YUM GSUM GNOD 'JOMS LAS, DE LA MIG CES BYA BA NI CHOS NYID KYI MIG GO ,MIG GIS ZHES BYA BA NI KUN BRTAGS DANG RNAM PAR BRTAGS PA'I MIG GIS SO, ,STONG ZHES BYA BA NI BRAL ZHES BYA BA'I THA TSIG GO ,DE BZHIN DU RNA BRNA BAS STONG ZHES BYA BA LA SOGS PA LA YANG SBYAR BAR BYA'O, ,ZHES MIG GIS YONGS GRUB STONG GZHI BYAS NAS GZHAN DBANG KUN BTAGS GNYIS KYIS STONG BAR BSHAD PA YANG MI 'THAD DAM ZHE NA, DE SHIN TU MI 'THAD DE, DE'I STONG GZHI DANG STONG TSUL THAMS CAD DBU SEMS KYI SHING RTA CHEN BO DAG DANG MI MTHUN LA GRANGS CAN GYI STONG TSUL YIN PAS STONG TSUL

, ,THA SHAL LAM SDUG SHOS YIN PAR STON PAS GSUNGS LA MKHAS PA DUMS KYANG SMAD PA'I PHYIR TE, LANG GSHEGS LAS, BLO GROS CHEN PO GCIG GIS GCIG STONG PA 'DI NI THAMS CAD PA'I THA CHAD YIN PAS DE NI KHYOD KYIS SPANG PHAR BYA'O, ZHES DANG, DBUS MTHA'I 'GREL BSHAD LAS KYANG, GTZUG LAG KHANG DGE SLONG LA SOGS PAS STONG PA LTAR MIN GYI THAG PA SBRUL GYIS STONG PA LTAR YIN PAR GSUNG BA DANG, DBU MA SDANG BA LAS KYANG, DNGOS PO RNAMS NI GCIG GIS GCIG STONG PA NYID GANG YIN PA DE NI DON DAM PA YIN GYI 'ON KYANG THA SNYAD KYI BDEN PA YIN NO, ,ZHES SO, ,'DI LEGS BSHAD SNYING PO'I DGONGS PA YIN LA RGYAS PAR RJE YAB SRAS KYI GSUNG RAB RGYUD BLA MA'I tIKKA SOGS SU SHES PAR BYA'O, ,YANG THANG SAG PA SOGS KYIS LAM RIM LAS DGAG BYA KHYAB CHES PA BKAG PA'I SKABS LTAR CHOS THAMS CAD DON DAM PAR MA GRUB CES DON DAM GYI KHYAD PAR SBYOR BA RANG RGYUD PA'I LUGS TE, DE MI 'THAD PAR BSHAD PA THA SNYAD DU YANG THAMS CAD MED PAR 'DOD PA DANG, BSTAN 'DZIN CHEN PO LA LAS DON DAM BDEN PA YOD NA RIGS SHES KYI RNYED DON DANG, DE YIN NA DPYAD BZOD DU 'GYUR SNYAM NAS DON DAM BDEN PA SHES BYAR MI 'DOD PA DANG, YANG THANG SAG PA'I RJES 'BRANG KHA CIG GIS RTOG NGOR YOD PA DANG THA SNYAD DU YOD PA DON GCIG PAR BSAMS NAS BDEN GNYIS THA SNYAD DU YOD KYANG DES YOD GO MI CHOD PAS YOD PAR MI 'DOD PA

DAG SBYING DBU MA'I LUGS DANG KHYAD PAR DU MTHA' THAMS CAD DANG BRAL BA'I ZLA BA'I LUGS MIN TE CHAD MTHAR LTUNG BA'I PHYIR DANG, KHYED CAG GIS LTA NGAN THAMS CAD 'GOG BYED RTEN BYUNG YANG BKAG LA KLU SGRUB YAB SRAS KYIS DE GTZO BOR BSHAD PA'I PHYIR TE, RTZA SHE LAS, GANG LA STONG PA NYID RUNG BA, ,DE LA THAMS CAD RUNG BAR 'GYUR, ,GANG LA STONG NYID MI RUNG BA, ,DE LA THAMS CAD MI RUNG 'GYUR, ZHES DANG, RTZOD BZLOG LAS KYANG, GANG LA STONG NYID 'DI SRID PA, DE LA DON RNAMS THAMS CAD SRID, ,GANG LA STONG NYID MI SRID PA, ,DE LA CI YANG MI SRID DO, ,GANG ZHIG STONG DANG RTEN BYUNG DANG, ,DBU MA'I LAM DU DON GCIG PAR, ZHES DANG, RIGS PA DRUG CU PA LAS, GANG DAG BRTEN NAS DNGOS PO RNAMS, ,CHU YI ZLA BA LTA BUR NI, ,YANG DAG MA YIN LOG MIN PAR, ,'DOD PA DE DAG LTAS MI 'PHROG ,CES DANG, TSIG GSAL LAS KYANG, KHO BO CAG NI MED PA BA MIN TE KHO BO CAG NI YOD PA MED PA GNYIS SU SMRA BA BKAG NAS GNYIS SU MED BA'I LAM MYA NGAN LAS 'DAS PA'I GRONG KHYER DU 'GRO BA GSAL BAR BYED PA YIN NO, ,KHO BO CAG NI LAS DANG BYED PA PO DANG 'BRAS BU LA SOGS PA MED DO ZHES SMRA BA YANG MIN TE, 'ON CI ZHEN 'DI DAG RANG BZHIN MED DO, ZHES RNAM PAR 'JOG PA YIN NO, ZHES GSAL BAR BSHAD PA'I PHYIR, 'DI DAG MI 'THAD TSUL DANG 'PHAGS PA YAB SRAS DANG RJES 'BRANG CHEN PO DAG GI LUGS MIN TSUL SOGS RGYAS PAR LAM RIM GNYIS DANG,

, ,SKAL BZANG MIG 'BYED SOGS LAS SHES PAR BYA LA BA TSE [?] BA LO CHEN RIN PO CHE'I BZHED PA GTAN MIN TE, DGE BSHES SHAR BA'I DRIS LAN TU GZHI LA BDEN GNYIS DANG LAM LA TSOGS GNYIS DANG THABS SHES GNYIS DANG 'BRAS BU LA SKU GNYIS DGOS PAR LEGS PAR GSUNGS PA'I PHYIR RO, YANG BYANG BRTZON DANG GANGS GNYAN GANGS RGYA DMAR SOGS DBU MA RTZA 'GREL LA PHYEGS RGYUGS BYED PA DAG NA RE, ,RTZOD BZLOG LAS, GAL TE NGAS DAM BCAS 'GA' YOD, ,NGES NA NGA LA SKYON DE YOD, ,NGA LA DAM BCA' MED PAS NA, ,NGA NI SKYON MED KHO NA YIN, ZHES GSUNGS PAS DBU MA PA LA RANG PHYOGS KHAS BLANGS RGYU'I LTA BA CI YANG MED CING, DE NYID KYIS SGRUB PAR BYED PA'I TSAD MA YANG MED LA GZHAN GCIG TU YOD MED KYI MTHA' THAMS CAD NANG 'GAL THAL 'GYUR GYIS 'GOG PA YIN ZHES SMRA TSUL TSIG GSAL GYI BSHAD PA MANG PO DANG DBU MA'I STONG THUN DAG LAS BSHAD PA LTAR RO, ,DE DAG DANG BAR SKABS KYI RANG LUGS MED PAR 'DOD PA LAM RIM LAS BSHAD PA TSAD GRUB MED PAR 'DOD PA YANG, LAM RIM LAS BSHAD PA RNAMS DANG, RTOG GE THO BA RTZA 'GREL LA BRTEN NAS TSAD MA'I MING DON SOGS GANG YANG MI 'THAD PAR 'DOD PA SOGS KYANG DBU MA BAR MI RUNG STE, MTHAR LTUNG BA'I PHYIR RO, ,DE DAG MI 'THAD DE, DBU MA PA LA RANG LUGS MED NA KHYOD KYI DE DBU MA PA'I LUGS MIN PAR 'GYUR BAS DE LAS GZHAN PA'I LUGS SU 'GYUR NA DE YANG

MI 'DOD LA DAM BCA' BZHI BZHAN NAS DE SGRUB PAR BSHAD PAS DAM BCA' MED PA'ANG MI 'THAD LA DAM BCA' DANG KHAS LEN MED DGOS PA LA KHAS LEN DANG 'DOD TSUL CHES MANG DU GSUNGS PA'I PHYIR TE, RTZOD BZLOG LAS, THA SNYAD KHAS NI MA BLANG BAR, ,DED CAG 'CHAD PAR MI BYED DO, ZHES DANG DRUG CU BA LAS, DE BZHIN DAM PA RNAMS KYIS KYANG, ,SGYU MA BYAS LTA'I 'GOG PA BZHED, CES DANG, GANG DAG BRTEN NAS DNGOS PO RNAMS, ,CHU YI ZLA BA LTA PHUR NI, ,YANG DAG MA YIN LOG MIN PA, ,'DOD PA DE DAG LTAS MI 'PHROG ,CES DANG, 'JIG RTEN 'DAS BSTOD LAS, GANG DAG RGYU LAS BYUNG BA RNAMS, ,DE MED PAR NI YOD MIN PAS, ,GZUGS BRNYAN NYID DANG MTSUNGS PA RU, ,GSAL BAR CI YI PHYIR MI 'DOD, CES DANG, TSOR PA DE YANG RANG BZHIN GYIS, ,YOD PA MIN PAR KHYOD KYIS BZHED, ,CES DANG, PHAN TSUN LTOS PA CAN NYID DU, ,GRUB PAR KHYOD KYIS BZHED PA LAGS, ,MA ZHIG LAS MIN RMI LAM DANG, ,'DRA BA'I SKYE BA KHYOD NYID BZHED, ,CES DANG, RTEN CING 'BREL PAR GANG 'BYUNG BA, ,DE NYID KHYOD NI STOD PAR BZHED, ,CES DANG, 'JUG 'GREL LAS, MKHAS PA DAG GIS PHYOGS 'DI NI SKYON MED CING PHAN, YON DANG BCAS PA'O SNYAM DU BSAMS TE GDON MI ZA BAR KHAS BLANGS PAR BYA'O, ,KHO BO CAG GI PHYOGS LA THA SNYAD THAMS CAD CHAD PAR THAL PAR MI 'GYUR LA PHA ROL PAS KYANG 'DI NYID KHAS BLANGS BAR BYA BAR 'OS PA YIN NO ZHES

, ,DANG, TSIGS GSAL LAS, RKYEN NYID 'DI BA TZAM GYIS KUN RDZOB KHAS LEN GYI PHYOGS BZHI KHAS BLANG BA'I SGO NAS MIN NO, ZHES DANG, RIGS PA DRUG CU PA'I 'GREL PA LAS KYANG, 'DI LTA STE PHAN TSUN LTOS PA DAG RANG BZHIN GYIS MI SKYE MI 'GAG CES BYA BA 'DI NYID NI RTEN CING 'BREL BAR 'BYUNG BA STE, 'DI NI STONG PA NYID DU SMRA BA RNAMS 'DOD PA KHO NA'O, ZHES DANG, BUDHA B'A LI TA LAS, 'DI LTAR RTEN CING 'BREL BAR 'BYUNG BA RJES SU STON PAR BZHED PA, ZHES DANG, DRUG CU PA'I 'GREL PA LAS, 'GRO BA SGYU MA BZHIN DU SNANG ZHES GANG GSUNGS PA DE LA MKHAS PA RNAMS KYIS THE TSOM SPANGS TE MOS PAR BYA'O, ZHES DANG, GANG ZHIG SGYU MA LTA BUR MI 'GYUR BA DE YOD PA MA YIN PA KHO NA'O SNYAM DU DGONGS SO, ,'DI NI GDON MI ZA BAR DE LTAR KHAS BLANG BAR BYA'O, ZHES DANG, DKON BRTZEGS KYI LE'U DANG PO SDOM PA GSUM LDAN LAS GANG 'JIG RTEN NA YOD PAR GRAGS PA DE NGA YANG YOD PAR SMRA'O, GANG 'JIG RTEN LA MED PAR GRAGS PA DE DA YANG MED PAR SMRA'O, ZHES SOGS DANG, 'DI SHES BYED DU BYAS NAS BU DHA P'A LI TA LAS JI LTAR BCOM LDAN 'DAS KYIS KYANG NAS, ,DE'I PHYIR GANG GI TSE 'JIG RTEN GYI THA SNYAD BYA BA DE'I TSE NA GANG 'JIG RTEN LA YANG DAG PA NYID DU GRAGS PA DE BCOM LDAN 'DAS KYIS GSUNGS ZHES GSUNGS SO, ZHES SOGS LTA BU DU MA YOD PA'I PHYIR NGAN SKAD MANG BYUNG ZHIG ,GNYIS PA 'GAL 'DU'I PHUNG PO BYE BRAG TU DGAG PA LA

BSTER BSHAD 'KHRUL RGYU NGOS BZUNG BA GSUM, DANG PO NI, KHYAD PAR ZLA BA'I LUGS RLOM KUN MKHYEN LA, ,KUN TU DGRAR 'DZIN KHYOD LA 'GAL 'KHRUL MANG, ZHES SMRAS TE 'DIR SNGAR GYI NYES SMRA DE DAG LAS KYANG KHYAD PAR DU STAG LO NI MA RIG PA'I BRJED BYED KYI GDON GYIS ZIN NAS BRLAB BRDOL SNA TSOGS SMRA 'DUG PAR ZAB MO DBU MA'I LTA BA YUM CHEN MO'I RIG SNGAGS RNON BOS BZLOG PAR BYA'O, ,'DIS NI ZLA BA'I LUGS 'CHAD PAR RLOM KYANG ZLA BA'I KHYAD CHOS BRGYAD DANG TSAD MA BZHI SOGS GSAL PAR BSHAD PA'I RGYA CHER 'GREL RNAMS KYIS TSIG DRANGS NAS THAMS CAD MKHYEN PA RJE BTZUN BTZONG KHA PA CHEN PO'I LUGS LAS MI 'DA' BAR SHES NAS DE DAG MI 'DREN PAR BYANG CHUB SEMS 'GREL CHOS DBYINGS BSTOD PA'I LUNG THOR TZAM BRIS NAS BSHAD LA, LAM RIM SOGS KYIS RGYA CHER LUNG RIGS GNYIS KAS BKAG PA'I THANG SAG PA SOGS KYI LUGS DE BSKYAR NAS LAM RIM SOGS KYI GNOD BYED KYI LUNG DON DANG RIGS PA LA LAN MI THEBS PAS MA MTHONG BA LTAR BYAS NAS TSUR 'GAL BA YOD DO ZHES RTZA BAR RNGAM MDOG BYAS KYANG 'GREL PAR 'GAL BA 'DI DANG 'DI KHAS MA BLANGS ZHES RKANG RJES GYIS LAG RJES BZHIN RANG TSIG PHYI MAS SNGA MA SUN PHYUNG SNANG LA GRUB MTHA' GONG 'OG DANG DUS 'KHOR SPYI DON SOGS DU MAR KUN MKHYEN MED PAR SMRAS SHING, DE 'DOD MKHAN GYI RGYA BOD LA KUN TU DGRA LTAR 'DZIN PA LA RGYUD SDE'I DON BSLAD TSUL SOGS BRIS NA CHES MANG LA GRUB MTHA'

, ,GCIG PU 'DI LA'ANG SNGAR LTAR MANG MOD DA DUNG YANG 'GAL BA CHE BA 'DI TZAM YOD DO ZHES PA'O, ,GNYIS PA LA NYER BDUN LAS DANG PO NI, THAMS CAD MKHYEN YANG JI SNYED MI MKHYEN 'GAL, ZHES SMRAS TE, 'DIR DE'I GRUB tIKA LAS, KUN RDZOB BDEN PA DPYOD BYED KYI TSAD MA SANGS RGYAS KYI JI SNYED PA MKHYEN PA'I YE SHES LA BYED PA 'DI 'GAL 'DU KUN GYI RTZA BA YIN TE, ZHES PA NAS, SANGS RGYAS RNAMS LA NI KUN RDZOB BDEN PA LHA ZHOG KUN RDZOB TZAM YANG 'JOG BYED MED PAR GSUNGS TE, ZHES PA JI SNYED BA GCIG KYANG MI MKHYEN BAR 'DOD PA DANG, 'JUG PA LAS, RNAM KUN MKHYEN NYID YE SHES NI, ,MNGON SUM MTSAN NYID CAN DU 'DOD, ,GZHAN NI NYI TSED NYID KYIS, ,MNGON GSUM ZHES BYAR MI 'DOD DO, ZHES PA LTAR THAMS CAD MKHYEN PAR 'DOD PA GNYIS DNGOS SU 'GAL BA BLUN BOS KYANG SHES SO, ,KHO NA RE, 'JUG BA'I DE JI LTA BA'I DBANG DU BYAS ZER BA NI DE BAS CHES SHIN TU 'GAL BLUN BOR BSTAN TE; 'DI DRED MONG LAM CHUNG GCIG BYUNG NA DE 'GEBS 'DOD NAS LPAGS BA GZHAN DANG GZHAN GCAD PAS RMA MAD DU DANG CHER BYED PA BZHIN YIN PA'I PHYIR TE, KHYOD KYIS BUM BA'I GNAS LUGS YIN NAKA PA SOGS KYI DE MIN BAR 'BUD THUB DGOS ZER ZHING CHOS KUN GYI GNAS LUGS KHYAB MNYAM BYAS BA DANG DNGOS SU 'GAL TE, DES MNGON SUM DU RTOGS PA'I GNAS LUGS CHOS THAMS CAD KYI GNAS LUGS YIN PA'I PHYIR, 'KHOR GSUM KHAS GAL TE

DNGOS 'GAL CHE YANG GNAS LUGS MNGON GYUR GCIG CHAR MI 'DOD CEN AE MA SMYON PA'I RKANG RJES CHES MANG DU SONG 'O NA MDO LAS, GANG GIS DNGOS GCIG DE BZHIN NYID MTHONG BA, ,DE YIS DNGOS KUN DE BZHIN NYID DU MTHONG, ZHES GSUNGS PA DANG 'GAL LO, ,'KHOR GSUM MO, ,GZHAN YANG, 'JUG PA'I LUNG DON RNAM PA THAMS CAD MNGON SUM DU MKHYEN PA'I YE SHES NI SKAD CIG MA GCIG GIS KYANG CHOS THAMS CAD LA MNGON SUM TSAD MAR SONG BA YIN LA; DE LAS GZHAN BYANG SEMS MAN CHAD KYI YE SHES NI JI LTA JI SNYED NYI TSE BA STE PHYOGS RE 'JAL BYED YIN PAS, CHOS THAMS CAD LA MNGON SUM TSAD MAR SONG BAR ME 'DOD CES PA YIN LA DON 'DI NI THAL RANG PAn GRUB THAMS CAD DANG RGYAL BA'I ZAB DON CAN RNAMS KYI DGONGS BA 'KHRUL BRAL YIN TE, 'JUG PA RANG 'GREL LAS, DER MNGON BAR RDZOGS PAR 'TSANG RGYA BAN BCOM LDAN 'DAS KYIS SKAD CIG MA GCIG KHO NA LA THAMS CAD MKHYEN PA'I YE SHES BRNYES SO ZHES BYA BA 'DI BSTAN PA'I PHYIR BSHAD PA, JI LTAR SNOD KYI MKHA' LA DBYE BA MED DE LTAR, ZHES BA NAS, BCOM LDAN 'DAS KYI MKHYEN PA'I SKAD CIG MA GCIG KHO NAS THAMS CAD MKHYEN BA'I YE SHES BRNYES SO; ZHES DANG, BDEN GNYIS LAS KYANG, MKHYEN PA'I SKAD CIG GCIG GIS KYANG, ,SHES BYA'I DKYIL 'KHOR KUN KHYAB CAN, ZHES DANG, GZUNGS RGYAL GYI ZHUS PA'I MDO LAS KYANG 'DI NI BDAG DANG DE BZHIN GZHAN DAG GIS

, ,SNGON GYI MTHA' NI BYE BA KHRAG KHRIG DAG, THOGS PA MED PA 'JIG RTEN SGRON ME'I DRAN, ,SKYU RUR LNGA PHYAG MTHIL BZHAG PA BZHIN, ZHES DANG, DE BZHIN DU MKHYEN PAR MDO TING 'DZIN RGYAL PO LAS KYANG, LAG MTHIL SKYU RU 'BRU LNGA BKOD BA BZHIN, ,MA 'ONGS PA NA GANG LA MCHOD 'GYUR BA, ,SANGS RGYAS BYE BA DAG NI PHRAG STONG DANG, ,DE LAS LHAG PA GANGG'A'I BYE SNYED SHES, ZHES DANG, 'CHI 'PHO MKHYEN STOBS KYI RANG 'GREL LAS KYANG, 'JIG RTEN KHAMS MA LUS BA'I 'CHI 'PHO DANG SKYE NGA NAM MKHA'I KHAMS KYI MTHAS GTUGS PA, LAS SHIN TU SNA TSOGS PAS BZOS SBYAR BA GANG DAG YIN PA DE DAG BCOM LDAN 'DAS KYIS SKAD CIG GCIG KHO NA LA LHUN GYIS GRUNG PAR YANG DAG PA JI LTA BA BZHIN DU MKHYEN LA, ZHES DANG, BSLAB BTUS SU SGRA JI BZHIN PAR YANG YANG DRANGS PA'I MDO DKON MCHOG SPRIN LAS, RIGS KYI BU GAL TE SEMS CAN GYI KHAMS MA LUS PA SO SOR RNAM PAR RTOG PA RJES SU RNAM PAR RTOG CING BSAM BA SNA TSOGS BYES SU SEMS LA SO SO NA LAS SNA TSOGS BYED NA ZHES BA NAS, DE YANG DE BZHIN GSHEGS PAS DUS GSUM CHAR LA YANG THOGS PA MED PA'I YE SHES KYIS SKAD CIG THANG GCIG YUD TZAM GCIG LA RAB TU MKHYEN TO, ZHES DANG, SANGS RGYAS THAMS CAD KYI YON TAN DANG YE SHES LA 'JUG PA'I MDO LAS, 'JAM DPAL PHYOGS BCU'I 'JIG RTEN GYIS, ZHES PA NAS, SEMS CAN DE DAG GI SPYOD PA DANG,

SPYOD LAM DANG, BYA BA LA 'JUG PA'I GNAS GANG DAG BYUNG BA DANG 'BYUNG BA DANG, 'BYUNG BAR 'GYUR BA DE DAG DE BZHIN GSHEGS PAS LHUN GYIS GRUB PA'I YE SHES KYIS RNAM PAR MI RTOG PAR SKAD CIG THANG CIG YUD TZAM GCIG LA YANG DAG PA JI LTA BA BZHIN DU RAB TU MKHYEN TO, ZHES DANG, DKON MCHOG SPRIN LAS, RIGS KYI BU DE BZHIN GSHEGS PA'I LHA'I SPYAN GYI YUL TSAD MED DE, ZHES PA NAS, BSAM LAS 'DAS PA'I 'JIG RTEN GYI KHAMS KYI SEMS CAN MA LUS PA KUN DE 'DRA BAR GYUR KYANG DE BZHIN GSHEGS PA'I PHYAG GI MTHIL NA SKYU RU RA'I 'BRAS BU LTAR YANG DAG PA JI LTA BA BZHIN DU GZIGS SO, ZHES DANG, GZHAN YANG, RGYA ROL, YAB SRAS MJAL BA SOGS MDO DU MA DANG SLOB DPON 'PHAGS PA LHAS KYANG BLA NA MED PAR BSTOD PA LAS, GANG GI TSU ROL PHA ROL SPANGS, ,SHES BYA'I RANG GI NGO BO MCHOG ,YE SHES RDZU 'PHRUL STOBS KYIS GSAL, ZHES DANG, YANG DE NYID LAS, GANG ZHIG GCIG BU YE SHES GSAL, ,MA LUS SHES BYA YONGS SU GCOD, CES SHES BYA THAMS CAD GSAL BAR YONGS SU GCOD PA DE BZHIN GSHEGS PA GCIG PUR BSHAD PA DANG MTHUN PAR SLOB DPON DPA' BOS KYANG 'JUG PA LTAR, KHYOD 'BA' ZHIG GI YE SHES KYIS, ,SHES BYA THAMS CAD KHYAB LAGS KYI, ,KHYOD LAS GZHAN PA THAMS CAD KYI, ,SHES BYA KHO NA LHAG PA LAGS, ZHES DANG, RGYAL TSAB BYAMS PAS KYANG RGYUD BLA MA LAS, SHES RAB YE SHES RNAM GROL RNAMS,,

, ,GSAL DANG 'PHRO DANG DAG PHYIR DANG, ,THA DAD MED PHYIR 'OD DANG ZER, ,NYI MA'I DKYIL 'KHOR RNAMS DANG MTSUNGS, ZHES DANG, DE'I 'GREL BAR THOGS MED KYIS, DE LA SANGS RGYAS KYI RGYUD LA MNGA' BA'I 'JIG RTEN LAS 'DAS PA RNAM PAR MI RTOG PA'I SHES RAB NI SHES BYA'I DE KHO NA NYID DAM PA'I MUN PA SEL BAR NYE BAR GNAS PA'I PHYIR, 'OD GSAL BA DANG CHOS MTSUNGS SO, ,DE'I RJES LA THOB PA SHES BYA THAMS CAD KYI YE SHES NI SHES BYA'I DRONGS PO MA LUS PA RNAM PA THAMS CAD LA 'JUG PAS NA 'OD ZER 'PHRO BA DANG CHOS MTSUNGS SO, ZHES RNAM GROL NYI MA'I DKYIL 'KHOR DANG JI LTA BA MKHYEN PA'I MNYAM BZHAG MI RTOG PA'I SHES RAB 'OD LTA BU DANG, RJES THOB JI SNYED PA'I SHES BYA THAMS CAD MKHYEN PA'I YE SHES 'OD ZER LTA BU STE 'OD DANG 'OD ZER NGO BO GCIG PA LTAR MNYAM RJES NGO BO GCIG PAR YANG BSHAD LA DE BZHIN DU PAn GRUB DU MA DANG RGYUD DU MAS KYANG BSHAD PAS NA SNOD STONG LA LAG PA BRDAB PA'I SGRA BZHIN DU KHYED RANG GI LEGS BSHAD DES KHYED KYI BLO GROS KYI BCUD BSTAN SNANG NGO, ,'DI DAG SGRA JI BZHIN PA MIN PAR YANG SMA MI NUS TE, KLU SGRUB DANG ZHIB LHA'I MDO BTUS GNYIS DANG ZLA BAS RTZA SHI 'DUG PA RIGS DRUG CU BA BZHI BRGYA BA RNAMS KYI RGYA CHER 'GREL DAG TU'ANG MDO DE DAG SKABS LA GANG BA'AS [?] SU DRANGS PA DANG MA DRANGS YANG DON DE JI BZHIN DU 'CHED LA SGRA JI BZHIN MI RUNG BA'I ZUR TZAM YANG MI SNANG BAR MNGON GSUM GYIS RANG RE GNYIS KAS GRUB PA'I

PHYIR DANG, STONGS SOGS MI 'DOD PA DGAG PA NI 'GAL BRJOD GNYIS PAR BSHAD PAR 'GYUR RO, ,YANG GRUB MTHA'I tIKKA LAS, LAS NYON CAN GYI GANG ZAG LA SNANG BA'I SNOD BCUD 'DI RANG RGYU LAS NYON GYIS BSKYED PA MA YIN PAR THAL BA DANG 'KHRUL RGYU LAS NYON DBANG GIS SNANG BA MA YIN PAR THAL BA DANG, RDZOGS BA'I SANGS RGYAS LA MUN PA GZUGS GZHAN SGRIB BYED DU DANG, MTSAN CHA'I CHAR BA RNAMS SKU LUS GTUB BYED SOGS SU SNANG BAR 'GYUR TE, 'DI DAG BDEN PAR MI SNANG BA TZAM MA GTOGS SO SKYE LA RDOS BCAS SOGS SU SNANG BA 'DI SNANG BA LTAR DU TSAD MAS GRUB CING, DE YANG GTZO BOR SANGS RGYAS KYI TSAD MAS GRUB PA'I PHYIR RO, ZHES SMRA'O, ,'DI GNOD BYED YANG DAG TU BSAMS NAS DUS 'KHOR SPYI DON DU YANG 'DI KA RANG SMRAS SO, ,SO SKYE LA RDOS BCAS SOGS SU SNANG BA TZAM GRUB KYANG KHYOD KYIS SNANG BA LTAR TSAD MAS GRUB BA RTAGS MA GRUB STE, DPER NA ME LONG NANG GI BYAD BZHIN GYI GZUGS BRNYAN GYI CHA THAMS CAD LA BYAD BZHIN DU SNANG BSAM SLAD PA MED PAS SNANG BA LTAR MA GRUB PA BZHIN DU, SNGON PO YANG RDOS BCAS SU SNANG BA LA YANG BDEN SNANG LAS LOGS SU SO SKYE LA SNANG BA PHRAR BTZAM DU YANG MED PAS SNANG BA LTAR GRUB PAS STONG PA YIN PA'I PHYIR TE, RNAM BSHAD DGONGS PA RAB GSAL LAS, DE YANG BYAD BZHIN DU SNANG BA'I GZUGS BRNYAN LTA BU DE LA SNANG BA'I STENG NAS CHA 'DI TZAM ZHIG BYAD BZHIN DU SNANG LA, 'DI TZAM BYED BZHIN DU MI SNANG NGO

, ,ZHES RNAM PA THAMS CAD DUNG BYE MI NUS LA, BYAD BZHIN GYI GANG SNANG GI CHA THAMS CAD NAS SNANG BA LTAR DU YOD PAS STONG YANG, RANG GI RGYU LA BRTEN NAS SKYE BA MI 'GAL BA DPER BYAS NAS, DE BZHIN DU SNGON PO RANG GI MTSAN NYID KYIS GRUB PAR SNANG BA NA YANG SNGON PO'I STENG NAS RANG BZHIN GYIS GRUB PAR SNANG MI SNANG GI CHA GNYIS DBYER MED PAR SNANG LA, DE LTAR SNANG BA YANG GANG SNANG GI CHA THAMS CAD NAS SNANG BA LTAR DU YOD PAS STONG YANG, RANG GI RGYU LAS BSKYED PA MI 'GAL BAR SGRUB PA YIN TE, ZHES SOGS GSUNGS PA'I PHYIR DANG, 'DI NI YAB SRAS MJAL BA LAS, ME LONG SHIN TU YONGS DAG LA, ,JI LTAR RANG BZHIN MED PA YI, ,GZUGS BRNYAN SNANG BA DE BZHIN DU, ,LJON PA CHOS RNAMS SHES PAR GYIS, ZHES PA LTA BU DU MA'I DGONGS PA'O, ,KHYOD KYIS GTAN TSIGS DE NI SMIG RGYUS SGRAG STE BRGAL BA'I GRU BZOS PAR SNANG NGO, SNANG BA LTAR MI ZER BAR TSAD MAS GRUB PA'I PHYIR ZER NA MA NGES PA CHEN BOR SNANG STE, LAS NYON GYIS BSKYED PA DANG DE GZIGS PA'I KUN MKHYEN YANG YOD PAR BSHAD ZIN NA TSAD MA LTA CI SMOS RNAM MKHYEN LA MA DAG PA'I 'KHRUL SNANG GI BDEN SNANG LTA BU'I SNANG BA SNANG YANG RNAM MKHYEN LA BDEN SNANG MED PAS MA 'KHRUL PAR 'DOD RIGS TE, 'KHRUL SNANG YOD LA YOD PA THAMS CAD MKHYEN PAR STOBS SOGS SKABS SU ZLA BAS YANG YANG BSHAD PAS GRUB LA, SANGS RGYAS RANG GI DBANG DU BYAS PA'I GZIGS SNANG LA 'KHRUL SNANG THAMS

CAD ZAD KYANG, GDUL BYA LA LTOS NAS DE DAG YOD PAS GZIGS PA SHIN TU 'THAD PA'I PHYIR, DPER NA GANGS RI SNGON POR SNANG CAN GYIS DE SNGON POR SNANG BA MED PA LA SNANG TSUL BRJOD PA NA DE LA'ANG DE'I RNAM PA SNANG BA 'CHAR YANG RA RAL GANGS RI SNGON POR MED PA BZHIN YIN PA'I PHYIR TE, SANGS RGYAS RANG SNANG GI DAG TSUL ZAG ZAD MKHYEN STOBS KYI RANG 'GREL LAS, DE'I PHYIR NYON MONGS PA'I BAG CHAGS LHAG MA MA LUS PAR SPANGS PA DAD BAG CHAGS KYIS MTSAMS SBYOR BA'I NYON MONGS PA SPANGS PA DE LA SANGS RGYAS RNAMS KYI MKHYEN PA GANG ZHIG THAMS CAD DU THOGS PA MI MNGA' BDE NI ZAG PA ZAD PA'I MKHYEN PA'I STOBS SU BZHAG STE, ZHES DANG, DE'I THAD DU MDO DRANGS PA LAS, DE BZHIN GSHEGS PA LA LAS KYI BAG CHAGS MED, NYON MONGS PA'I BAG CHAGS MED, SPYOD LAM 'KHRUL PA'I BAG CHAGS MED DO, ,'DI LTA STE, DPER NA NAM MKHA' RANG BZHIN GYIS YONGS SU DAG PAS RDUL DANG DU BA DANG LHAN CIG MI GNAS PA DE BZHIN DU; ZHES SOGS KYIS 'KHRUL RGYU ZAD PAS 'KHRUL SNANG MI 'ONG BAR BSHAD LA, BSAM GTAN SOGS MKHYEN PA'I STOBS KYI MDO LAS, JI LTAR RAB TU SHES ZHE NA, SEMS CAN RNAMS KYI KUN NAS NYON MONGS PA SKYE BA'I RGYU GANG YIN PA DANG; RKYEN GANG YIN PA DE BZHIN GSHEGS PAS RAB TU SHES SO, ZHES DANG, SKYABS 'GRO BDUN CU PA LAS, RGYAL BAS DNGOS PO DE RNAMS NI, ,GZUGS CAN DANG YANG 'DRAR MKHYEN PAS, ZHES DANG, RIGS PA DRUG CU PA LAS, DNGOS

, ,LA MKHAS PA RNAMS KYIS NI, ,DNGOS PO MI RTAG SLU BA'I CHOS, ,SOGS KYI 'GREL PAR, 'PHAGS PA MDZAD PA MTHAR PHYIN PA RNAMS KHO NAS DE LTAR GZIGS PAR MA ZAD KYI ZHES SOGS KYIS DBAM DAG GI KUN RDZOB GZIGS PAR BSHAD PAS DE DAG MA GZIGS ZER MI THUB LA, KUN RDZOB PA'I CHOS KUN BDEN 'DZIN GYI NGOR BDEN PA DE LA LTOS NAS GZIGS TSUL YAB SRAS MJAL BA LAS, DE LA KUN RDZOB NI 'JIG RTEN GYI SPYOD PAR DE BZHIN GSHEGS PAS GZIGS SO, ZHES GSUNGS PA'I PHYIR, DE LTAR THUGS LA BZHAG NAS, JI SKAD DU LAM RIM LAS, SANGS RGYAS KYI JI SNYED PA MKHYEN PA'I YE SHES LAM RIG PA MA SPANGS PA'I NGOR GZUGS SGRA SOGS RANG GI MTSAN NYID KYIS MA GRUB BZHIN DU, NGER SNANG BA'I DON RNAMS SNANG BA NI, MA RIG PAS BSLAD PA YOD PA'I GANG ZAG LA DE DAG SNANG BA KHO NA'I SGO NAS SANGS RGYAS LA SNANG BA YIN GYI GZHAN LA DE LTAR SNANG BA LA MA LTOS PAR SANGS RGYAS KYI RANG NGOS NAS SNANG BA MIN NO, ZHES RGYAS PAR BSHAD PA DPYAD GSUM GYIS DAG PA'I LUNG YIN NO, ,'DI SKOR RGYAS PAR DBU MA'I MTHA' DPYOD LUNG RIGS GTER MDZOD ZAB RGYAS KUN GSAL SKAL BZANG 'JUG DOGS DANG SKABS BRGYAD PA SOGS SU LEGS BAR SPROS ZIN TO, ,YANG SANGS RGYAS LA MUN PA MUN PAR SNANG NA GZUGS GZHAN SGRIB BYED DU THAL BA SMRA BAS NI RANG NYID GZHUNG LUGS GANG LA'ANG KHA MTHONG SNA MTHONG TZAM LAS MED DO ZHES PA'I SMRE SNGAGS THAL 'GYUR ZOL GYIS BTON

PA YIN TE, CHOS MNGON PA LAS, MIG GIS GZUGS RNAMS MTHONG RTEN BCAS, ,DE LA BRTEN PA'I RNAM SHES MIN, ,GANG PHYIR BAR DU CHOD PA YI, ,GZUGS RNAMS MTHONG BA MIN ZHES MUN BA SOGS KYIS BAR BCAD PA'I YUL LA MIG SHES MI SKYE BA BEM PO'I RANG BZHIN GYI DBANG PO'I STOBS YIN GYI YID SHES LA MUN SOGS KYIS SGRIB MI THUB PAR BSHAD PA TZAM YANG MA GO BA DANG, RNAM 'GREL LAS, DBANG PO'I SEMS NI NGES PHYIR DANG, ZHES DANG, BZHI BRGYA PA LAS, MIG NI 'BYUNG GYUR RNA DE BZHIN, ,MIG GIS MTHONG GI GZHAN GYIS MIN, ZHES DANG, DE'I 'GREL PAR 'DI NA MIG LA SOGS PA LNGA PO RNAMS SPYIR 'BYUNG BA LAS GYUR PA NYID DU NYE BAR STON LA, DE RNAMS KYI BYA BA NI YUL THA DAD PAS THA DAD BA ZHIG GO ,'DI LTAR MIG GIS GZUGS KHO NA MTHONG GI SGRA MI THOS LA, RNA BAS KYANG SGRA THOS KYI GZUGS MI MTHONG NGO, ZHES SOGS DANG, TSAD MA KUN BTUS LAS, THUN MONG MA YIN RGYU YI PHYIR, ,DE YI THA SNYAD DBANG POS BYAS; ZHES THUN MONG MA YIN PA'I RGYU BYED TSUL SOGS LA DON SPYI YANG MA SHAD BA NI TZO'I MA nI 'DON PA LTAR 'DUG PA, CI SANGS RGYAS KYI SPYAN BEM PO YIN NAM YANG MTSAN MO MUN PA'I NANG GI GZUGS BUM SOGS RGYUS YOD PA RNAMS LA MUN PA DANG BUM PA GNYIS CIG CAR YID SHES LA 'CHAR MI RUNG NGAM, PHYUGS RJI LAS KYANG BLUN KYANG DA RUNG SANGS RGYAS KYI BSAM GYIS MI KHYAB PA'I YE SHES LA DPYOD 'DOD 'DUG GO ,GZHAN YANG, LHAN CIG DMIGS

, ,NGES SKABS SU RNAM NGES KYI RANG 'GREL LAS, YANG NA SNANG BA 'BA' ZHIG KYANG MTHONG BA'I PHYIR DANG, SNANG BA MED PA'I GZUGS KYANG SROG CHAGS KYI BYE BRAG 'GA' ZHIG GIS MTHONG BA YIN PA'I PHYIR, DE DAG LA NI LHAN CIG DMIGS PA'I NGES PA YOD PA MA YIN GYI, ZHES DANG, DE'I 'GREL BSHAD 'THAD LDAN LAS GZUGS DANG BRAL BA'I SNANG BA 'BA' ZHIG KYANG MTHONG BA'I PHYIR DANG SNANG BA MED PA'I GZUGS KYANG BYI BA LA SOGS PA'I SROG CHAGS KYI BYE BRAG 'GA' ZHIG GIS MTHONG BA'I PHYIR ZHES SNANG BA MED PAR MUN PA DANG BCAS BZHIN DU BYI BA ZHUM BU SOGS KYIS GZUGS MTHONG BAR BSHAD PA'I GZHUNG GONG 'OG TU MA DANG YANG 'GAL MOD YI GES MI LDANG YANG GCOD BYED KYI MTSON CHA MTSON CHAR SANGS RGYAS LA SNANG NA DES SKU LUS LA REG PA GCOD BAR THAL BA DANG ME CHE BAR SANGS RGYAS KYIS GZIGS NA MES SANGS RGYAS KYI SKU SREG BAR THAL BA 'PHEN PA NI KHO BO LA RGYAL BA'I GSANG GSUM LTA CI MDO SNGAGS GANG LA YANG DPE KLOG TZAM YANG MTHONG MYONG MED PA'I GLEN PA'O, ZHES DRANG POR SMRAS PA YIN TE, 'DIR LUNG BRIS NA MANG 'GRO YANG SBYIR CHOS DBYINGS BSTOD PA LAS, JI LTAR ME YI NANG BCUG NA, ,DRI MA TSIG GYUR GOS MIN LTAR; ZHES MES TSA BAR BYAS KYANG MI 'TSIG BRDO RGYUS KYI GOS LTA BU DANG, BSREG KYANG TSA BA TZAM YANG MI THUB PA MI 'TSIG PA'I RIG SNGAGS BTAB PA'I GOS RAS LTA BU DANG, RDZAS 'GA' TSIG GIS MI 'TSIG PA DANG, ,MDO LAS,

BSKAL PA BRGYA PHRAG MANG POR RAB BSREGS KYANG, ,NAM MKHA' SNGON CHAD NAM YANG MA TSIG BZHIN, ,CHOS RNAMS NAM MKHA' MTSUNGS PAR RNAM RIG PA, ,DE NI GZHAN YANG ME NANG YONG MI 'TSIG ,CES DANG, TING 'DZIN RGYAL PO LAS, MI GANG TING 'DZIN MCHOG 'DI 'DZIN PA NI, ,DE DAG ME DANG CHUR YANG MI 'CHI ZHING, ,DE LA DUG DANG MTSON GYIS MI TSUGS TE, ZHES DANG, TSIG GSAL LAS KYANG DUS MTHA'I MES KYANG MI 'TSIG PAR BSHAD PA LTAR STONG NYID LA MNYAM PAR BZHAG PA LA BSKAL PA'I MES KYANG MI 'TSIG PAR BSHAD NA, SANGS RGYAS NI MNYAM BZHAG DE LAS MI LDANG BA LA DE LTAR SMRA'AM, GZHAN YANG, DAG SA LA GNAS PA NAS RDO RJE'I SKU THOB PAS MES MI TSIG MTSON GYIS MI CHOD NA RGYAL BA'I RDO RJE'I SKU LA LTA CI SMOS TE, GSANG BA BSAM GYIS MI KHYAB PA LAS, ZHI BA'I BLO GROS BYANG CHUB SEMS DPA'I LUS NI MI SHIGS PA SRAB BRTAN PA, 'CHI 'PHO MED PA ZHES PA NAS, THAMS CAD KYI THAMS CAD DU MI 'JIG STE MES MI 'TSIG ,MTSON GYIS MI TSUGS SHING RDO RJE LTAR SRA ZHING BRTAN TE MI SHIGS PA'O, ZHES DANG, BLO GROS MI ZAD PA LAS, BDAG GIS DE BZHIN GSHEGS PA'I SKU CHOS SKU RDO RJE'I SKU MI SHIGS PA'I SKU, BRTAN PA'I SKU KHAMS GSUM THAMS CAD LAS BYE BRAG TU 'PHAGS PA'I SKU DE BDAG GIS BSGRUB PAR BYA'O, ZHES DANG, DKON MCHOG SPRIN LAS, GANG 'DI DE BZHIN GSHEGS PA'I CHOS KYI SKU DANG, ZHI BA'I SKU DANG, MI MNYAM PA'I SKU DANG, MI MNYAM

, ,BA DANG MNYAM PA'I SKU DANG, TSAD MED PA'I SKU DANG, PHAL BA MED PA'I SKU DANG, RDO RJE'I SKU THOB PA 'DI NI YANG DAG PA'O, ZHES DANG, DE BZHIN DU GSANG BA BSAM GYIS MI KHYAB PA DANG, RNGA BO CHE DANG, SPRIN CHEN BYANG CHUB SEMS DPA'I SDE SNOD SOGS DU MA LAS BSHAD DO, ,'DIR DUS 'KHOR LAS SKU RAGS PA BEM PO GCIG DANG PHRA BA BEM MIN DU BSHAD MDO JI BZHIN SHES PA LA DPAL GSANG BA 'DUS PA'I GSANG LUGS 'DUS LUGS SHES DGOS KHYED LA DE'I RE BA MI SEMS SO, ,DA NI DPAL CHOS GRAGS KYIS, LOG PA'I LAM LA MTHA' MED PHYIR, ,DE DAG 'DIR NI SPRO BYA MIN, ZHES DANG, LAN NI 'BREL MED BZHAD GAD DE, ZHES PA LTAR DGAG PA PHAL CHER LA DOGS GNAS TZAM YANG MI SNANG BAS BZHAD GANG MTSON TZAM RE BYAS NA YANG 'GREL PA DE LAS TSUGS THUB MA SMRAS SO ZHE NA RANG TSUGS MI THUB NA TSAD MAS GRUB PA GAL TE SOGS SMRA BA YANG GRUB MTHA' THAMS CAD DANG RGYAB 'GAL YIN TE, BYE MDO SEMS TZAM PA RNAMS KYIS KYANG RDZAS YOD MIN PA'I BTAGS YOD THAMS CAD TSAD GRUB TU 'DOD PAR SHIN TU GRAGS LA BSGRUBS ZIN PA'I PHYIR DANG, GZHI GRUB BYAS NA BDEN GRUB TU 'GYUR BA DANG, BDEN PAR MED NA MED PAR 'GYUR 'GRO LA DE DAG SO SOR 'BYED MI THUB PA NI DBU MA'I LTA BA MGO BA'I RMONGS YUS YIN TE, BRGYA'I BGREL BA LAS, DNGOS PO YOD PAR SMRA BA'I LTAR NA NI JI SRID DU DNGOS PO DE'I YOD PA NYID YIN PA DE SRID DU DE LTAR RANG GI NGO BO YANG YIN PA NYID LA GANG GI

TSE RANG GI NGO BO DANG BRAL BA DE'I TSE DE LA DNGOS PO DE RNAM PA THAMS CAD DU MED PA'I PHYIR, BONG BU'I RVA DANG 'DRA BAS, ZHES GSUNGS PA'I PHYIR DANG, BDEN MED MA RTOGS PAR DU RDZUN PAR GRUB PA DANG THA SNYAD DU GRUB BA DANG STONG NYID RNAMS MI SNANG BAR BSHAD PA'I PHYIR DANG, KHYOD KYIS KYANG SMRAS PA'I PHYIR RO, ,YANG DE LAS, KUN RDZOB LA 'JIG RTEN SBYAR BA NUS MED DU THAL BA ZHES DANG, KUN RDZOB KYI BDEN PA NI GTI MUG GI MING YIN 'JIG RTEN NGAR 'DZIN LHAN SKYES KYIS 'JOG LA ZHES DANG, 'DIR 'JIG RTEN ZHES PA GRUB MTHA' LAM ZHUGS PA'AM, 'PHAGS LAM MA THOB PA'AM, RAB BYUNG MA BYAS PA SOGS LA MI BYA BA'I, ZHES DANG, THOG MA MED PA NAS ZHUGS PA'I 'JIG RTEN NGAR 'DZIN LHAN SKYES ZHES BYA BA MA BRTAGS MANG BYAD PAR SNGA PHYI GCIG TU 'DZIN PA'I BLO 'DI LA SKABS 'DI'I 'JIG RTEN ZHES BYA LA ZHES 'JIG RTEN KUN RDZOB BDEN PA DANG 'JIG RTEN GYI THA SNYAD DU YOD CES 'JIG RTEN SBYAR BA'I RNAM BCAD KYIS THAL 'GYUR BA'I DE DAG MI 'DOD PA 'JUG PA'I GONG 'OG GI SKABS 'DI DAG GI 'JIG RTEN ZHES PA LA GANG ZAG SKYE 'PHAGS SAM GRUB MTHA' LA ZHUGS MA ZHUGS DANG RAB BYUNG YIN MIN GANG YANG MI 'JOG ,DE LA THOG MED NAS ZHUGS PA'I SNGA PHYI GCIG 'DZIN GYI NGAR 'DZIN LA 'DOD CES 'JUG PA'I GONG 'OG GI 'JIG RTEN DANG GTI MUG CES PA'I TSIG 'GA' DRANGS, ,'DI NI GLEGS BAM TZAM YANG MA BKLAGS PA'AM BKLAGS KYANG MA GO BA LDER BZO'I LAG GI PO TI LTA BU'I RMONGS RTAGS BSTAN PA YIN TE, RTZA

, ,SHE LAS, 'JIG RTEN KUN RDZOB BDEN PA DANG, ZHES PA'I 'JIG RTEN SBYANG 'DE 'JIG RTEN PA'I KUN RDZOB GCIG DANG SANGS RGYAS SAM BYANG SEMS LTA BU'I 'JIG RTEN PA MA YIN PA'I RNAL 'BYOR PA'I KUN RDZOB GCIG STON 'DOD PA SOGS MIN SHING DNGOS PO LA GNAS TSOD DU GRUB PA BSTAN BA'I CHED YIN GYI DE LAS GZHAN PA'I DPYAD PA'I CHED MA YIN PA'I PHYIR TE, TSIG GSAL LAS, CI 'JIG RTEN KUN RDZOB CES GANG LAS DE LTAR KHYAD PAR DU BYED PA 'JIG RTEN MA YIN PA'I KUN RDZOB KYANG YOD DAM ZHE NA, 'DI NI DNGOS PO JI LTAR GNAS PA RJES SU BRJOD PA YIN GYI 'DIR DBYAD PA DE MI 'JUG GO ,ZHES GSUNGS PA'I PHYIR, GAL TE 'JIG RTEN ZHES PA'I RNAM BCAD GCIG 'JOG NA'ANG 'JIG RTEN GYI DNGOS PO GNAS TSOD MA YIN PA'I RAB RIB YUL BCAS SOGS 'JOG RIGS TE, TSIG GSAL LAS, RNAM PA GCIG TU NA YOD DE, RAB RIB DANG LING THOG SNGON SONG MIG SER LA SOGS PAS DBANG PO NYAMS PAS MTHONG BA PHYIN CI LOG LA GNAS PA DE DAG NI 'JIG RTEN MA YIN TE, ZHES GSUNGS PA SOGS MANG LA, KHYOD KYIS DRANGS PA'I LUNG DON LAM RIM LAS RGYAS PAR BSHAD PA LA GNOD BYED MA BSTAN BAS DAM BCA' DES CI YANG MI 'ONG STE, DPA' POS DAM BCA' TZAM GYIS 'DI LA CI ZHIG GNOD, CES SO, ,YANG 'JIG RTEN LA GANG ZAG GCIG KYANG MI 'JOG PAR NGAR 'DZIN GCIG KHO NA 'JOG PA NI, MDO SDE RGYAN LAS, YOD PA MI MTHONG MED MTHONG BA, ,'DI 'DRA'I MUN NAG RNAM

PA LA; ZHES BA'I MUN TSOGS 'THIB PA YIN TE, TSIG GSAL LAS, BDEN PA GNYIS GANG ZHEN 'JIG RTEN GYI KUN RDZOB BDEN PA DANG DON DAM PA'I BDEN PA'O, ,DE LA 'JIG RTEN PHUNG POR RAB GRAGS PA, ,DE LA 'JIG RTEN NGES PAR BRTEN, ZHES BYUNG BA LAS NI PUNG PHOL BRTEN NAS BTAGS PA'I GANG ZAG LA 'JIG RTEN ZHES BRJOD DO, ZHES DANG, 'JUG 'GREL LAS KYANG, GZHAN NI SO SO SKYE BO MA RIG BA'I RAB RIB KYI LING THOG GIS BLO'I MIG MA LUS PAR KHEBS BA RNAMS GYI MTHONG BRDZUN PA'I, ZHES DANG, SBYOD 'JUG LAS KYANG, DE LA 'JIG RTEN RNAM GNYIS MTHONG, ,RNAL 'BYOR PA DANG PHAL BA'O, ZHES GSUNGS PA'I PHYIR, 'DI'I TSIG ZUNG GYI 'JIG RTEN LA NGAR [?] 'DZIN GYI MA RIG PA 'JOG BA NI 'JIG RTEN DANG ZHUN RDZOB GNYIS KYI MTSAN GZHI MA PHYED PA'I RMONGS PA YIN LA RI DANG CHU SOGS KUN RDZOB PA THAMS CAD NGAR 'DZIN GYIS 'JOG PA MCHOG TU RNAM DPYOD BZANG DRAG CING MI RTAG SDUG BSNGAL STONG BDAG MED RAGS PA'I KUN RDZOB BZHI THOG MDAN MA ZHUGS PA'I SNGA PHYI GCIG 'DZIN MA BRTAGS MA DBYAD PA'I NGAR 'DZIN GYIS 'BYED THUB BA 'DI 'PHAGS PA LHAS MA DGONGS PAR BZHI BRGYA BAR LE'U BZHI LAS DPYAD 'DUG CING, DE DAG GZHAL BYA'I GNAS GNYIS PA YANG MIN PAR 'GYUR LA MDO DANG RGYAN SOGS DGONGS 'GREL DU MAS RGYAS PAR DBYAD PA MI 'THAD PAR 'GYUR RO, ,LHAG MA LA BRJOD BYA CI YANG MI SNANG NGO, ,DE LTAR 'DOD PA LA DE DAG TU MA ZAD 'GAL 'DU GNYIS PA BRJOD PA'I PHYIR SMRAS PA, DE MED

, ,ZAD SPYOD LUGS NGAN DBU MAR 'KHRUL, ZHES PA NI YANG 'GREL NGAN DE LAS, SEMS 'GAG BA DE LA ZHES PA NAS ZHES KHYAB PA MA GRUB KYI LAN MDZAD KYI SEMS MED PA MA GRUB BO ZHES MA GSUNG NGO ZHES SANGS RGYAS LA SEMS MED PAR BSHAD LA YANG DE LAS YE SHES DE SEMS DANG SEMS BYUNG DU YOD DGOS TE, 'GREL CHUNG DON GSAL LAS, GNYIS SU MED PA'I SEMS DANG SEMS LAS BYUNG BA GDON MI ZA BAR KHAS BLANGS DGOS PA RNAMS JI LTAR BSDU ZHES BSHAD PA BZHIN NO ZHE NA, DE NI RANG RGYUD PA'I GZHUNG YIN PAS ZHES SOGS KYIS SANGS RGYAS LA SEMS SEMS BYUNG MED PA DANG STOBS SOGS BSHAD PA YANG GDUL BYA'I SNANG NGO YIN PAS SANGS RGYAS LA DE DAG MED YANG DES RGYU MTHUN GYI SBRUL PA'I SKU NI, SANGS RGYAS KYI SBRUL PA'AM, SKU 'DRA TZAM YIN ZHES SOGS SMRAS SO, ,DE LTAR NA ZAD BYED PA NI GCER BU BA DANG SPYOD BA PA NI RGYAL DPOGS PA DAG GIS DRI MA SEMS KYI RANG BZHIN LA ZHUGS PAS DE ZAD NA SEMS KYANG BZLOG DGOS PAR 'DOD PA'I LUGS NGAN DBU SEMS KYI RIGS PA'I DBANG PHYUG RNAMS KYIS THAMS CAD MKHYEN PA YOD PAR SGRUB PA'I PHYOGS SNGA MTHAR LTA CHE SHOS KHAS LEN MKHAN YIN 'DUG BAS MTHA' GNYIS BKAG PA'I LUGS MCHOG DBU MA PA'I NANG DU 'GRO 'DOD KYANG CHAD PAR LTA BA'I G-YANG CHEN BOR LHUNG STE 'KHRUL BA'I CHO DE BTON KYANG 'GAL 'DU'I PHUNG BO LAS G-YO MA NUS BA YIN TE STOBS BCU SOGS MED NA CHAD LTA YIN CING THEG

CHEN GYI GSUNG RAB MDO SNGAGS KUN DANG 'GAL LA YOD KYANG BOD SNGA MA KHA CIG LTAR GDUL BYA'I RGYUD KYIS BSDUS NA, 'JUG PA LAS, SNGON TSE STOBS BCU BSKYED PA'I SA LA KHYOD KYIS SLAR YANG 'BAD GYUR CING, ,'OG MIN DU NI GANG GI DON DU 'BAD GYUR ZHES BA RTZA 'GREL GYIS SA BCU'I MTHAR YANG STOBS BCU'I DON DU 'BAD RTZOL BYED PAR BSHAD PA DANG 'GAL LA, RGYUD BLA MA LAS, STOBS NYID MA RIG SGRIB LA RDO RJE BZHIN, ,MI 'JIGS NYID NI 'KHOR DU SENG GE BZHIN, ZHES PA'I BSHAD BYA'I MDO DANG RTZA 'GREL KUN DANG YANG 'GAL ZHING, GSANG BA BSAM GYIS MI KHYAB PA LAS, DE'I STOBS BCU DANG MI 'JIGS PA BZHI DANG SANGS RGYAS KYI CHOS MA 'DRES PA BCO BRGYAD MKHYEN PA YANG BSNYEL BA MI MNGA' STE, DE BZHIN GSHEGS PA'I CHOS DE DAG NI LHUN GYIS GRUB CING ZHES SOGS LAS LHAG PA'I GSANG BA BSHAD RGYU MI SNANG LA DE'I RNAM RTOG GI DANG 'BAD RTZOL GYI SEMS YID RNAM SHES BRAL YANG SEMS LHUN GRUB TU 'JUG PAR BSHAD BA DANG YANG 'GAL DE BZHIN DU BLO GROS MI ZAD PA SOGS DU MA DANG 'GAL GZHAN YANG, RGYAL BA LA SEMS SEMS BYUNG MED PAR 'DOD PA NI, ZLA BAS STOBS BCU BSHAD PA'I MDO LAS, RIGS KYI BU DE BZHIN GSHEGS PA NI YE SHES DANG LDAN PAS 'DOD PA RNAMS LAS DBEN, ZHES BA NAS, RNAM PAR THAR PA BRGYAD LUGS DANG MTHUN PAR YANG SNYOMS PAR 'JUG GO ,LUGS DANG MI MTHUN PA DANG SNREL ZHING YANG NGO, TING 'DZIN NI SNYOMS PAR 'JUG PAR STON SNYOMS BAR 'JUG PA NI TING NGE

, ,'DZIN DU STON KYANG DE BZHIN GSHEGS PA'I TING NGE 'DZIN LA 'DRES PA GANG YANG MED CING ZHES BSAM GTAN GYI YAN LAG BSHAD BA DANG 'GAL LA, GAL TE MNYAM BZHAG LAS BZHENGS PA MED PAS RNAM THAR LA LUGS MTHUN MI MTHUN SNYOMS 'JUG MI 'THAD SNYAM NA, DE MA YIN TE DE BZHIN GSHEGS PA TING NGE 'DZIN GCIG GIS THAMS CAD LA SNYOMS PAR 'JUG KYANG TING NGE 'DZIN DE LAS LDANG YANG MI DGOS TING 'DZIN PHAN TSUN 'DRES PAR YANG MI BYED BA SANGS RGYAS KHO NA'I KHYAD CHOS DANG BSAM GYIS MI KHYAB BA YIN PA'I PHYIR TE, MDO DE NYID LAS, DE BZHIN GSHEGS PA NI TING NGE 'DZIN GCIG LAS MA LANGS BAR TING NGE 'DZIN THAMS CAD LA SNYOMS PAR 'JUG KYANG DE BZHIN GSHEGS PA LA SEMS GCIG NAS GCIG TU 'JUG PA MED CES GSUNGS PA'I PHYIR DANG, BSAM GYIS MI KHYAB PAR YANG, RANG 'GREL LAS, DE LTAR GANG DAG [?] RNAM PA THAMS CAD DU YONGS SU RDZOGS PA NYID LAS DE BZHIN GSHEGS PA YE SHES KYI YUL BSAM GYIS MI KHYAB PA MNGA' BA ZHES PA NAS, STOBS BCU PO 'DI DAG NI SANGS RGYAS KYIS KUN TU 'OD DU RNAM PA THAMS CAD DU YONGS SU DAG PAR 'GYUR RO, ZHES GSUNGS PA'I PHYIR, MDO DE NYID LAS, MA 'DES PA'I SKABS SU 'DI LTAR MNYAM BAR BZHAG PA'I GNAS MI 'DOR ZHING SANGS RGYAS KYI BYA BA THAMS CAD BYED KYANG SEMS DER MI GTONG ZHES BA'I SEMS YANG YOD LA, MDO DE NYID LAS, DE BZHIN GSHEGS PA'I 'DUN PA NYAMS PA MED DO,

DE LA BDUN PA GANG ZHE NA, 'DI LTA STE, DGE BA'I CHOS LA 'DUN BA'O, ZHES DANG, DE BZHIN GSHEGS PA'I SHES RAB NYAMS BA MED DO, ,SHES RAB GANG ZHE NA ZHES SOGS RTZA SHED [?] DANG [?] RAB ZHI'I MDO LAS DE BZHIN GSHEGS PA LA PHUNG PO LNGA'I DPYAD BA MDZAD PA DANG, SEMS BYUNG YANG YOD PAR MDO BSTAN BCOS DU MAS GRUB MOD NGAL BA MA BYAS SO, ,'O NA SEMS 'GAG PAS DE SKU YI MDON SUM MDZAD, ,GSUNG BA CI ZHEN, MDO RNAMS LAS 'GOG PA LUS KYIS MNGON DU BYED PAR BSHAD PA'I DGONGS PA 'GREL BA'I CHED DU SEMS SEMS BYUNG GI RGYU BA'AM RNAM RTOG GI SEMS SEMS BYUNG 'GAG NAS YUL CHOS NYID DAD YUL CAN YE SHES CHOS KYI DBYINGS SU 'GAG PAS NA SEMS KYIS MNGON DU BYAS MI ZER PAR LUS KYIS MNGON DU BYAS BAR BSHAD PA'I PHYIR TE, DKON MCHOG SPRIN LAS, BCOM LDAN 'DAS SHES RAB KYIS MNGON DU BGYI BDE, RANG GIS RIG PA KHOD DU CHUD PA NYID MA LAGS SAM, BCOM LDAN 'DAS KYIS BKA' STZAL, RIGS KYI BU MA YIN NO, ,DE CI'I PHYIR ZHE NA, SHES RAB KYIS NI CHOS RNAMS YANG DAG PA JI LTA BA BZHIN DU MTHONG NGO, ,LUS KYIS NI MNGON DU BYED DO, ZHES DANG, DE LTAR SEMS 'GAG NA BYA BA MI 'THAD PAR BRTZAD BA'I LAN DU YANG RANG 'GREL LAS, YANG JI LTAR SEMS DANG SEMS LAS BYUNG BA MED PA'I RANG BZHIN RNAM PAR RTOG PA MED PA NI, ZHES DANG, SANGS RGYAS RNAMS LA NI CHOS THAMS CAD RNAM PA THAMS CAD DU MNGON PAR RDZOGS BAR BYANG CHUB

, ,PA'I PHYIR SEMS DANG SEMS LAS BYUNG BA'I RGYU BA GTAN LOG PA YIN NO, ZHES DANG, TSIG GSAL LAS, RNAM PAR RTOG PA NI SEMS KYI RGYU BA YIN NA DE DANG BRAL BA'I PHYIR, DE KHO NA NYID NI RNAM PAR RTOG PA MED PA YIN NO,, ZHES GSUNGS PA'I PHYIR, RNAM RTOG GI SEMS SEMS BYUNG MED KYANG MDZAD PA 'KHOR LO DANG RIN PO CHE SOGS DPER BKOD NAS BSHAD PAS SO, ,STOBS SOGS SANGS RGYAS RANG NGOR MED NA SO SOR RANG RIG BSAM GYIS MI KHYAB PA MED BAR THAL BA DANG, TSOGS GNYIS GO LOG BAR 'GYUR BA SOGS 'GAL 'DU'I PHUNG PO SPROS PAS CHOG ,TSAD GRUB KYI DON TSUGS THUB TU GRUB PAR 'DOD PA LA 'GAL BRJOD GSUM PA SMRAS PA, DON DAM RTEN 'BYUNG TSUGS THUB GRUB CHES 'GAL, ZHES BYA BA NI, 'GREL PA DE LAS, RANG TSUGS MI THUB NA TSAD GRUB 'GAL TE TSAD GRUB KYI DON NI BSLU MED DANG, BSLU MED KYI DON NI TSUGS THUB LAS MA 'DAS PA'I PHYIR RO, ZHES TSAD GRUB DANG BSLU MED DANG TSUGS THUD TU GRUB PA RNAMS DON GCIG BYAS PA DANG, YANG RTZA BAR, SKYE MED BDEN PA SLU MED YUL GYI MCHOG ,DE 'JAL TSAD MAR THA SNYAD TZAM DU GRUB, CES BDEN PA'I SKYE BA MED PA TSAD GRUB DANG TSUGS THUB TU GRUB PAR 'DOD PA NI NAM MKHA' ZA BAR 'DOD PA YIN TE, SKYE BA BDEN STONG CHOS CAN, RTEN NAS BYUNG BA MA YIN PAR THAL, TSUGS THUB TU GRUB PA'I PHYIR, 'KHOR GSUM LA SANGS RGYAS KYIS KYANG LAN MI THUB MA KHYAB NA, DE CHOS CAN TSUGS THUB TU MA GRUB PAR

THAL; GZHAN LA LTOS PA'I PHYIR, 'KHOR GSUM KHAS, YANG DE CHOS CAN, RANG DBANG DU GRUB BAR THAL, TSUGS THUB TU GRUB PA'I PHYIR, 'KHOR GSUM, YANG DE CHOS CAN, RTOG PA'I BTAGS TZAM MA YIN PAR THAL, TSUGS THUB TU GRUB PA'I PHYIR; MA KHYAB SMRA MKHAN NAD PA GCIG KYANG MI 'ONG, YANG DE CHOS CAN, BDEN BAR DANG YANG DAG PAR GRUB PA DANG RANG NGOS NAS GRUB PA SOGS YIN PAR THAL, GZHAN LA RAG MA LAS PAR GRUB PA'I PHYIR, MA GRUB NA DNGOS, KHYAB CING, 'DOD MI NUS PA YIN TE, RTEN BYUNG MIN PA'I CHOS MED LA MYANG 'DAS KYANG RTEN BYUNG DANG GZHAN LA LTOS NAS GRUB PA YIN CING, RANG GI NGO BOS GRUB PA DANG, RANG BZHIN GYIS GRUB PA DANG, RANG DBANG DU GRUB BA SOGS GO DON GCIG YIN PA'I PHYIR TE, SANGS RGYAS KYI GSUNG SHING RTA CHEN PO YAB SRAS KYIS BKRAL BA'I PHYIR TE, CHOS YANG DAG PAR SDUD PA LAS, 'DI DAG THAMS CAD NI RTEN CING 'BREL BAR 'BYUNG BA TZAM DU ZAD DE, RTEN CING 'BREL BAR 'BYUNG BA LAS RNAM BAR GROL BA'I CHOS GANG YANG MED DO, ,GANG RTEN NAS 'BYUNG BA'I CHOS DE GANG ZHE NA, GANG RTEN NAS 'BYUNG BA NI MA SKYES BA STE, NGO BO NYID KYIS YONGS SU GRUB PA'I CHOS DE GANG YANG MED DE, GZHAN DU NA BSTAN PA TZAM DANG, THA SNYAD TZAM DANG, BTAGS PA TZAM DANG, BRDA TZAM DANG, DON DAM PAR MNGON PAR 'BYED PA TZAM NI MED PA MA YIN NO SNYAM MO, ,'DI NI STON PA PO'I CHOS YANG DAG PAR 'DZIN PA STE, SANGS RGYAS THAMS CAD KYI CHOS STON PA'I SNYING PO LAGS SO

, ,ZHES CHOS YANG DAG PAR BYANG SEMS CHEN PO RNAMS KYIS 'DZIN TSUL BSHAD PAS KHYED 'DI'I PHYOGS SNGAR SNANG LA, BZHI BRGYA PA LAS KYANG, GANG LA RTEN NAS 'BYUNG YOD PA, ,DE NI RANG DBANG MI 'GYUR RO, ,'DI KUN RANG DBANG MED PA STE, ZHES DANG, DE'I 'GREL PAR, 'DI NA GANG RANG GI NGO BO DANG, RANG BZHIN DANG, RANG DBANG DANG GZHAN LA RAG MA LAS PA NYID YIN PA DE LA NI RANG LAS MA GRUB BA RTEN CING 'BREL PAR 'BYUNG BA YOD BA MA YIN TE; ZHES GSUNGS, MDO SHER PHYIN LAS KYANG TSE DANG LDAN PA RAB 'BYOR MYA NGAN LAS 'DAS PA YANG SGYU MA LTA BU RMI LAM LTA BU ZHES SMRA'AM, SH'A RI'I BU GAL TE MYA NGAN LAS 'DAS PA BAS CHES LHAG PA'I CHOS SHIG YONG NA YANG DE YANG SGYU MA LTA BU RMI LAM LTA BU'O, ,ZHES PA 'DI DRANGS NAS RIGS PA DRUG CU PA'I 'GREL PA LAS, GAL TE DE 'KHOR BAR RTOG PA LA LTOS PAR MI 'GYUR NA NI DE SGYU MA LTA BU NYID LA BRTEN PAR MI 'GYUR ZHES SOGS KYIS MYANG 'DAS YANG 'KHOR BA LA LTOS PA SOGS BSHAD PA'I LUNG MANG LA GSAL BA 'DI DAG GCIG KYANG MI 'DREN PA NI GDUL BYA BSLU 'DOD PA KHO NAR SNANG GAL TE NYUNG NGUR BSHAD 'DOD SNYAM NA MIN TE, THOGS MED DANG BA TSAB BU BZHI SOGS DANG SHES BYED LUNG RIGS GANG YANG MED BAR JO BO PA TSA BA TU SKYE TSUL NYOG NYOG PO SOGS BSHAD MI DGOS PA MI 'THAD PA MANG PO SMRAS SO, ,RIGS PA DRUG CU LAS KYANG, DE BZHIN DAM PA RNAMS KYIS KYANG, ,SGYU MA BYAS LTA'I 'GO GANG BZHED

CES DANG, NYE BAR 'KHOR GYI ZHUS PA LAS, SNA TSOGS ME TOG YID DGA' KHA BYE ZHING, ,GSER GYI KHANG MCHOG 'BAR BA YID 'ONG BA, ,'DI LA DE LA BYED PA 'GA' MED DE, ,DE DAG RTOG PA'I DBANG GIS BZHAG PA YIN, ZHES DANG, MDO LAS; CHOS 'DI SNGA NAS BDAG MED SEMS CAN MED, ,DE DAG RAB TU STON KYANG ZAD MI 'GYUR, ,BTAGS PA TZAM DU BRTAGS NAS BRJOD PA YIN, ZHES DANG, TING 'DZIN RGYAL PO LAS, MYA NGAN 'DAS PAR BA'I PAR YANG, ,SGRA YIS RAB TU BSTAN PA LTAR, ,MYA NGAN 'DAS PA MI RNYED DE, ,DE YI SGRA YANG MI RNYED DO, ZHES DANG, YAB SRAS MJAL BA LAS, DRI ZA'I GRONG KHYER JI LTAR SNANG GYUR KYANG, ,GRONG KHYER PHYOGS BCUR YOD MIN GZHAN NA'ANG MED, ,GRONG KHYER MING TZAM ZHIG GIS RAB TU BZHAG ,CES DANG SHER MDO LAS 'DI LTA STE SHES RAB KYI PHA ROL TU PHYIN PA ZHES BYA BA 'DI NI MING TZAM MO, ,'DI LTA STE, GZUGS DANG TSOR PA DANG 'DU SHES DANG 'DU BYED RNAMS DANG RNAM PAR SHES PA ZHES BYA BA 'DI NI MING TZAM MO ZHES SOGS GSUNGS PA'I PHYIR, 'DI LTAR MING TZAM PHAR BTAGS LAS MED BAR BSHAD KYANG DA DUNG TSUGS THUB DANG RANG DBANG DU GRUB PAR 'BAD NAS SMRA BA NI MA RIG PA'I SPRIN NAG POS BLO MKHA' KHYAB CING NAM MKHA' LAS KYANG CHE'I RTAGS NGAN NO, ,'ON DBU MA LAS, RANG BZHIN DAG NI BCOS MIN DANG, ,GZHAN LA LTOS PA MED BA YIN, ZHES PA JI LTAR SNYAM NA, 'DI NI 'DU BYAS LTAR GSAR BYUNG GI BCOS MA DANG, RGYU RKYEN GZHAN LA MI LTOS

, ,PAR BSHAD PA YIN TE, BUDHA P'A LI TA LAS BSHAD PA, NGO BO NYID NI BCOS MIN YANG, ,GZHAN LA LTOS PA MED PA YI, ,GANG BYA BAS BSGRUB PAR MI 'GYUR BA DANG RGYU DANG RKYEN LA YANG LTOS PAR MI 'GYUR BA DANG, ZHES SOGS DANG, SVA BHA WA T'A NGO BO NYID DANG RANG BZHIN GNYIS KAR 'JUG PAS 'GYUR KHYAD YIN LA, TSIG GSAL LAS KYANG, GANG GI PHYIR DE LTAR BCOS MA DANG GZHAN LA LTOS PA NI RANG BZHIN NYID DU MI 'DOD PA DE NYID KYI PHYIR TSA BA NYID ME YI RANG BZHIN YIN NO ZHES BYA BA 'DI NI MI RIGS TE RGYU DANG RKYEN LA RAG LAS PA'I PHYIR DANG SNGAR MA BYUNG BA LAS PHYIS BYUNG BAS BYAS PA YIN PA'I PHYIR RO, ZHES LTOS MA LTOS RGYU RKYEN LA SBYAR BA'I PHYIR RO, KHO BO YANG RGYU RKYEN LAM LTOS PAS TSUGS THUB SMRA SNYAM NA GTAN NAS MI 'THAD DE 'DI NI RGYU RKYEN LA MI LTOS PA'I RANG DBANG BA TZAM YIN KYANG, DES RANG DBANG BAR MI 'GYUR BA'I PHYIR DANG, GZHAN DU NA RTAG PA THAMS CAD DER GYUR PAS DON SPYI SOGS KYANG RDZAS YOD DU 'GYUR BA'I PHYIR TE, TSIG GSAL LAS KYANG, DUS GSUM DU'ANG ME LA MI 'KHRUL PA GNYUG MA'I NGO BO MA BCOS BA ZHES GSUNGS PA 'DIS MA BCOS TSUL DANG YANG DE NYID LAS, GANG ZHIG SNGAR MA BYUNG BA LAS PHYIS 'BYUNG BA MA YIN PA CHU'I TSA BA'AM TSU ROL DANG PHA ROL LAM RING PO DANG THUNG DU LTAR RGYU DANG RKYEN LA LTOS PA DANG BCAS PAR MA GYUR PA GANG YIN PA DE RANG BZHIN YIN PAR BRJOD DO, ZHES GSUNGS PA 'DIS GNAS LUGS GZHAN LA MI

LTES TSUL GSAL BAR BSHAD PAS 'JUG 'GREL YANG SHES DGOS SO, ,DE LTAR MA ZAD LUNG RIGS DU MA DANG 'GAL ZHING NAM MKHA' SOGS RTAG PA THAMS CAD TSUGS THUB TU KHAS LONG LA NYAN THOS SDE PA LAS KYANG CHOS KYI BDAG 'DZIN CHER GYIS SHIG SPROS PAS CHOG GO ,TSAD MA RGYUD LDAN GYI RIGS DRUG MI 'DOD PA LA 'GAL BRJOD BZHI BA SMRAS TE, LAS 'BRAS 'DOD DANG RNAM SMIN GTAN MED 'GAL, ZHES BYA BA NI RTZA BA LAS, PHYI DON TSAD GRUB RDUL PHRAN CHA BCAS 'GAL, ,RIGS DRUG TSAD MA RDOS BCAS TSAD GRUB 'GAL, ,SKRA SHAD MED DANG KLUNG RNAG YOD BA 'GAL, ZHES PA'I 'GREL PAR CHER SMRA RGYU MI SNANG LA, RDUL PHRAN CHA MED DU 'DIR YANG YANG SMRAS PA NI DRAN PA MI GNAS PA STE, RDUL PHRA RAB BDUN 'DUS PA LA CHA MED ZER BA'I NANG PA MI 'OD BZHI BRGYA'I 'GREL BAR RDUL PHRAN ZHES PA RDUL PHRA RAB TU BSHAD PAS, RDUL PHRA 'AM PHRA RDUL LA YI GE NOR TZAM DU SNANG BAS 'KHRUL PA NGO MTSAR MA BYED, DES NA DGE BA BCU DANG MI DGE BA BCU DANG GZHAN YANG LAS 'BRAS THOR TZAM 'OG TU KHAS BLANGS YANG, SKABS 'DIR RIGS DRUG GI DMYAL BA'I ME DANG KHRO CHU SKOL BA DANG GRANGS DMYAL GYI KHA BA DANG MUN PA SNANG LA SEMS CAN DE DAG GIS LONGS SPYOD PA'I SHES PA TSAD MAR MI 'DOD LA YUL DE DAG KYANG GDAGS GZHI'I STENG NA MED PA NAM MKHA' SKRA SHAD LTA BU DANG, DE BZHIN DU YI DVAGS LA RNAG KHRAG SOGS DANG, LHA LA BDUD RTZI DANG MI LA YOD 'ONG MI 'OD DANG ME CHU SOGS DANG, DUD 'GRO LA

, ,LA'ANG DE LTAR YANG LTA MIN LA'ANG DE LTAR TE MDOR NA YUL LNGAR RIGS DRUG LA GANG SNANG TSAD MAS KYANG MA GRUB LA, RMI LAM GYI ME DANG ME GNYIS LA'ANG THA SNYAD DU DON BYED MI NUS SMRA NA THAL 'GYUR BAR MI RUNG BAR 'DOD DE, 'GREL PA LAS, PHYI DON SOGS NI TSAD MAS MA GRUB PA'I 'KHRUL SNANG MA BRTAGS MA DPYAD PA LA GANG YANG SRING MONG NAS RMI LAM GYI MES DON BYED MI NUS LA SAD PA'I MES NUS PAS TSAD MA SAM GRUB PA DANG GRUB PAR 'JOG GO ZHES SMRA BA YANG 'GAL 'DU CHE SHOS YIN TE, ZHES DANG, YANG GANG ZHIG SKRA SHAD MED PAR 'DOD PA DANG CHU KLUNG GI GZHIR RNAG TSAD GRUB TU YOD PAR 'DOD PA 'GAL BAS SO, ZHES SO, ,DGE MI DGE'I RNAM SMIN MDO SDE DU MA DANG RIN CHEN PHRENG BA DANG BSLAB BTUS MDO BTUS KUN TU BSHAD PA KHAS MI LEN PAR GTAN MED 'DOD PA LA 'GAL BA DU MA YOD CES PA STE, 'DI LTAR BOD SNGA MA DAG GIS GZUGS SOGS GANG YANG MED PAS BLOS GANG BZOS YIN ZER BA LTAR MA BRTAGS MA DBYAD PA'I BLO NGOR GANG YANG SRID CES KUN RDZOB TU GANG BZOS YIN SNYAM PA MI 'THAD DE, KUN RDZOB TU YANG YOD MED DANG BDEN RDZUN GYI RNAM BZHAG 'PHRAL GYIS 'KHRUL RGYUS MA SLAD PA'I GZUGS SOGS YUL DRUG DANG PHUNG PO LNGA KHAMS BCO BRGYAD SOGS YOD DE DAG BDEN GRUB DANG RTAG GCIG RANG DBANG CAN DU GRUB PA DANG DBANG PHYUG RTAG PA SOGS MED CES YUL GYI GNAS TSUL JI LTA BA BZHIN RTOGS PA'I BYANG 'PHAGS RNAMS KYIS

KYANG ZHAL GYIS BZHES PA'I PHYIR TE, GSANG BA BSAM MI KHYAB PA LAS GSANG BA PA'I BDAG PO TSUL BZHIN LA BRTZON PA'I BYANG CHUB SEMS DPA' NI GANG YOD PA DE YANG YOD PAR RAB TU SHES SO, ,GANG MED PA DE YANG MED PAR RAB TU SHES SO, ZHES PA NAS, GZHAN YANG, MI RTAG PA DANG SDUG BSNGAL BA DANG 'GYUR PA'I CHOS CAN GYI GZUGS NI YOD DO, ,RTAG PA DANG BRTAN PA DANG, THER ZUG DANG MI 'GYUR BA'I CHOS CAN DANG, YANG DAG PAR DE BZHIN NYID DU GNAS PA'I GZUGS DE NI MED DO, ZHES DANG, 'JUG PA LAS, GZHAN LAS SKYE BA 'JIG RTEN LAS KYANG MED, CES PA LTA BU DU MA ZHIG GIS GNOD PAR RTOGS SLA, RMI LAM GYI ME DANG ME DNGOS GNAS GNYIS DANG RTA DANG SGYU MA'I RTA RNAMS LA BDEN RDZUN DANG DON BYED NUS MI NUS MED PAR 'DOD PA YANG, RGYAL BA'I GSUNG RAB DANG NANG PA'I LUGS MTHA' DAG LAS PHYI ROL TU GYUR BA YIN TE, THAL 'GYUR BAS KYANG DE DAG RIGS NGOR MED BAR 'DRA YANG THA SNYAD DU TSAD MAS GNOD MI GNOD KYI KHYAD PAR 'DOD PA'I PHYIR TE, 'JUG PA LAS, MI SHES GNYID KYIS RAB BSKYOD MU STEGS CAN, ,RNAMS KYIS BDAG NYID JI BZHIN BRTAG PA DANG, ,SGYU MA SMIG SGYU SOGS LAS BRTAG PA GANG, ,DE DAG 'JIG RTEN LAS KYANG YOD MIN NYID, CES MU STEGS PA'I BRTAGS PA'I BDAG DANG SGYU MA'I BRTAGS PA LTAR GYI RTA DANG SGYU MA'I BRTAGS DON GYI ME SOGS 'JIG RTEN THA SNYAD DU YANG MED PAR BSHAD LA SBYOD 'JUG LAS, SGYU MA'I SKYES BU BSAD SOGS LA, ,

, ,SEMS MED PHYIR NA SDIG MED DE, ,SGYU MA'I SEMS DANG LDAN PA LA, ,BSOD NAMS DANG NI SDIG PA 'BYUNG, ZHES DE GNYIS LA BSAD MA BSAD KYI KHYAD PAR BSHAD PA DANG, BUDHA P'A LI TAS, 'JIG RTEN GYI THA SNYAD BYA BA DE'I TSE NA 'JIG RTEN LA YANG DAG PA NYID DU GRAGS PA DE BCOM LDAN 'DAS KYIS KYANG YANG DAG PA NYID DO, ZHES GSUNGS SO, ,GANG 'JIG RTEN LA YANG DAG PA NYID MA YIN PAR GRAGS PA DE BCOM LDAN 'DAS KYIS KYANG YANG DAG PA MIN PA NYID DO, ZHES GSUNGS SO, ZHES DANG, DE DAG LA BDEN RDZUN MED BYAS NA LAM KHRID 'JAM DPAL ZHAL LUNG LTAR 'JIG RTEN GYI GRAGS PAS GNOD DE 'JIG RTEN DE DAG LA RTA DANG ME YIN MIN SO SOR MNGON SUM DU GRAGS PA'I PHYIR DANG, RIGS PA DRUG CU PA'I 'GREL PA LAS KYANG GTZANG BDE RTAG BDAG BZHIR 'DZIN PA MI BDEN PA DANG, MI RTAG SDUG BSNGAL MI GTZANG BA BDAG MED BZHIR LTA BA BDEN PAR GSUNGS PA DANG YANG 'GAL BA'I PHYIR DANG, 'JUG PA LAS, GAL TE KHYOD LA 'JIG RTEN MI GNOD NA, ,'JIG RTEN NYID LTOS 'DI NI DGAG PAR GYIS, ,NAS, PHYIS NAS STOBS LDAN BDAG GIS BRTEN PAR BYA, ZHES DANG, DE'I RANG 'GREL LAS, DE'I TSE SHIN TU STOBS DANG LDAN PA'I 'JIG RTEN NYID LA BRTEN PAR BYA'O, ZHES DANG, THA SNYAD BDEN PA KHAS MI LEN PA NI, 'PHAGS PAS, THA SNYAD KHAS NI MA BLANG BAR, ,NGED CAG 'CHAD PAR MI BYED DE, ZHES SOGS DU MA LAS PHYI ROL TU GYUR CING 'GAL BA

CHOS MANG BAR SNANG BAS KHO BO'I LUGS LA BRTEN NA CHAS MDZES SO, ,RAB RIB KYI SKRA SHANG DANG CHU KLUNG LA YI DVAGS LAS NGAN PA CAN GYIS SPYAD PA'I RANG GNYIS YOD MED MTSUNGS PAR 'DOD PA NI DBU SEMS SOGS NANG PA KUN GYI LUGS LAS PHYI ROL TU GYUR PA YIN TE, NAM MKHA'I SKRA SHAD NI DBANG PO 'PHRAL 'KHRUL GYI SNANG BA MED NGES YIN LA, DES SPYAD PA'I RANG NI LAS SMIN GYIS CHU RANG TU GYUR PA YIN PA'I PHYIR TE, SNGA MA MED PAR BSHAD ZIN; PHYI MA NI BSLAB BTUS SU MDO DRANGS PA LAS, 'OD SRUNG DGE SLONG ZHAL TA BYED PA GANG LA DGE 'DUN GYI RNYED PA 'DUS SHING 'DUS PA BZHAG STE DUS SU MI SBYIN ZHING MTHO BRTZAM LA GTZES NAS BYIN PA DANG KHA CIG LA MA BYIN NA NI MI DGE BA'I RTZA BA DES YI DVAGS SKYE GNAS SKYAG 'JIM BYIN PA NUB CES BYA BA DER SKYE BAR 'GYUR RO, ,NAS JI STE BRGYA LA BRGYA LAM NA ZAS DE THOB KYANG NGAN SKYUGS DANG RANG TU 'GYUR RO, ZHES ZAS SNOM THOB PA RANG TU 'GYUR BAR BSHAD LA CHU KLUNG MI MTHONG BA NI CHU DE DBANG PO LNGA'I LONGS SPYAD PA'I LAS MED PAS MA MTHONG BA DPER NA GANG G'A'I 'GRAM GYI GZHI GCIG NA LHA MI YI DVAGS LTO BA RI YI GTOGS TZAM PA LAS RLABS CHE BA GCIG DANG GSUM 'DUS TSE MIS GZHAN GNYIS MA MTHONG KYANG MED PA MIN PA DANG SHING RTA'I 'PHANG LO TZAM GYI KHYON NA MI PHAL LA MI SNANG LA LHA'I DRANG SRONG MNGON SHES LNGA LDAN GYIS MTHONG BA 'DZAM BU GLING GI MI LA SNANG BA'I 'GRO BA LAS KYANG MANG BA DE BZHIN DU NYAN THOS RANG RGYAL BYANG

, ,'PHAGS SANGS RGYAS RNAMS LA SNANG BAR MDO DU MA LAS BSHAD PA DANG, SEMS CAN DE DAG KHO NA LA SNANG LA MA GRUB PA YANG MA YIN TE, 'PHAGS PA CHAN PO DAG GIS KYANG GZIGS NAS DGE SLONG GZHAN LA BZLAS PA'I PHYIR TE, SA'I DNGOS GZHI LAS, NYI TSE'I SEMS CAN DMYAL BA DE DAG KHA CIG NI MI RNAMS KYI NANG NA YANG DMIGS TE GNAS BRTAN MO'U 'GAL GYI BUS JI SKAD DU, NGAS SEMS CAN 'BAR ZHING RAB TU 'BAR LA KUN TU MCHED CING RAB TU 'BAR TE ME LCE GCIG TU GYUR PA MTHONG NGO, ZHES DANG, BSLAB BTUS SU LUNG DRANGS PA, DGE 'DUN SRUNG KHYOD KYIS SEMS CAN SHING LTA BU DANG LO MA LTA BU DANG 'BRAS BU LTA BU GANG DAG MTHONG BA DE DAG KYANG SNGON DGE SLONG YIN TE, DE DAG GIS DGE 'DUN GYI SHING DANG LO MA DANG 'BRAS BU GANG ZAG GIR YONGS SU SPYAD PAR SPYAD PAS NA DE'I PHYIR SHING DANG LO MA DANG ME TOG DANG 'BRAS BU LTA BUR, ZHES DANG, RTOG GE 'BAR BA LAS KYANG, BYANG CHUB SEMS DPA' SMON LAM LAS YONGS SU GYUR PA'I NOR GYI CHAR BABS PAR GYUR KYANG DGE BA'I RTZA BA MA BSAGS PA'I SEMS CAN RNAMS KYI KHAMS RNAMS LA 'BAB PAR MI 'GYUR TE, NAM MKHA' NYID DU MED PAR GYUR PA'AM THOG LA SOGS PA'I NGO BOR GYUR NAS 'BAB PAR 'GYUR TE, ZHES SOGS LTA BU DANG, GANG ZAG GCIG GIS LAS KYIS SPYI MTHUN LAS LAS GRUB PA'I CHU'I CHA SHAS GCIG RANG TU 'GYUR BA SOGS MI SRID SNYAM PA NI, PHA ROL GYI DBANG GI 'BRAS BU LA

RMONGS PA CHEN PO YIN TE, BYANG SEMS DANG 'KHOR SGYUR DANG BYAMS PA'I RNAL 'BYOR PA DANG SANGS RGYAS KYI DBANG GI 'BRAS BUS GZHAN GYI LAS NGAN PA'I NAD RIMS MU GE SOGS ZLOG PAR BSHAD PA DANG, BSKAL PA DANG PO'I SA'I RO SOGS GANG ZAG RE GNYIS KYIS NYES SPYAD KYIS NUB PAR BSHAD PA SOGS BSAM GYIS MI KHYAB PA'I PHYIR TE, DKON BRTZEGS LAS, GROGS PO DAG DE BZHIN GSHEGS PA'I BSAM GYIS MI KHYAB PA 'DI BZHI GSUNGS TE LAS BSAM GYIS MI KHYAB PA DANG, SOGS DANG, KUN BTUS LAS, BSAM GYIS MI KHYAB PA NI JI LTA BU ZHEN LAS DGE BA'I RNAM PAR SMIN PA LHA DANG MI RNAMS KYI NANG DU 'DOD PA NI BSAM GYIS MI KHYAB PO, MI DGE BA'I LAS KYI RNAM PAR SMIN PA SEMS CAN DMYAL BA DANG DUD 'GRO DANG YI DVAGS DANG NGAN SONG NGAN 'GRO LOG PAR LTUNG BA RNAMS SU MI 'DOD PA ZHES BYA BA BSAM GYIS MI KHYAB PA'O, ,LAS 'DIS LUS SNA TSOGS SU 'GYUR BA BSAM GYIS MI KHYAB PA'O, ,LAS DGE BA DANG MI DGE BA DE NYID GNAS DANG DNGOS PO DANG RGYU DANG RNAM PAR SMIN PA DANG RAB TU DBYE BA NI BSAM GYIS MI KHYAB STE, ZHES DANG, LAS 'BRAS RNAMS LA SEMS PA'ANG DGAG PA MDZAD, CES PA RTZA 'GREL DANG BZHI BRGYA PA RTZA 'GREL SOGS DU MAR BSHAD LA RGYAS PAR GZHAN DU SPROS ZIN PAS DER SHES PAR BYA'O, ,YANG ZHIG PA DNGOS POR MI 'DOD LA DPYAD NGO'I LAS MA ZHIG KYANG 'BRAS BU SKYES PAR 'DOD PA LA 'GAL BRJOD LNGA PA SMRAS TE, MA ZHIG LAS KYIS

, ,'BRAS SKYED DUS MNYAM 'KHRUL, ZHES BYA BA DANG, 'GAL BRJOD DRUG PA MNGON SUM LA SMYON PAR BSTAN PA NI, BSKAL BAR MI 'JIG LAS DANG DBU MA 'GAL, ZHES PA GNYIS SMRAS TE, 'DI LTAR, YAN LAG LA DPYAD BUM PA MI RNYED DANG, ,SKAD CIG LA DPYAD ZHIG PA RNYED PA 'GAL, ZHES DANG, KHO RANG GI LUGS LA MA BRTAGS 'KHRUL NGOR 'BRAS TSE RGYU GNAS PAS, ZHES DANG, 'GREL PAR LAS MA ZHIG PAR GSUNGS PA'I PHYIR TE, GANG GI LTAR NA LAS BDAG NYID KYIS MA SKYES PA DE'I LTAR NA NI, DE'I LAS 'GAG PA YOD PA MA YIN ZHING MA ZHIG PA LAS 'BRAS BU 'BYUNG BA MI SRID PA YANG MA YIN PAS NA ZHES DRANGS TE, 'DIR SMRA TSUL DANG LUNG GI PHYED BCAD NAS 'DREN TSUL LA BLTAS NA SHIN TU G-YANGS LA KYE MA KYI HUD KHYOD KYIS GDUL BYA LA CUNG ZAD KYANG SNYING MI BRTZE 'AM BSTAN PA 'DI LTAR DKRUG PAR YANG BAR MI 'GYUR RAM, 'DI LTAR LAS RANG BZHIN GYIS 'GAG NA RANG BZHIN NI GNAS LUGS YIN PAS GNAS LUGS 'GYUR LDOG MI 'THAD PAS RTAG CHAD GNYIS PA'I MTHAR LTUNG YANG ZLA BA'I ZHABS KHO BO NI RANG BZHIN GYIS LAS 'GAG PAR YANG MI 'DOD PAS KUN GZHI DANG LAS CHUD ZA BA SOGS MED KYANG BRGYUD RGYU'I LAS SNGA MA ZHIG KYANG ZHIG PA DNGOS POR 'DOD PA'I DE'I NGO BOR GYUR PA'I LAS LA BRTEN NAS YUN RING PO SONG YANG 'BRAS BU 'BYIN PA 'THAD CES PA YIN TE, 'JUG PA LAS, GANG PHYIR RANG BZHIN GYIS DE MI 'GAGS PA, ,DE PHYIR

KUN GZHI MED KYANG 'DI NUS PHYIR, ,LA LANG LAS 'GAG YUN RING LON NAS KYANG, ,'BRAS BU YANG DAG 'BYUNG BA RIG PAR GYIS, ZHES GSAL BAR BSHAD CING 'DI'I THAD DU BSTAN BCOS LAS, GANG PHYIR LAS NI SKYE BA MED, ,DE LTAR RANG BZHIN MED DE'I PHYIR, ZHES DANG, MDO DRANGS BA LAS KYANG, LAS ZAD CES NI GANG SMRAS PA, ,STONG PA'I TSUL DU ZAD PA MED, CES GSUNGS PAS KYANG GSAL BAR BSHAD LA, DE YANG SPYIR RGYU LAS 'GAG PA DANG 'BRAS BU RNAM SMIN 'BYUNG BA DUS MNYAM YANG, DPER NA TSIG RTZUB LTA BU'I BRGYUD RGYU 'GA' ZHIG DANG LAN GRANGS GZHAN LA MYONG 'GYUR LTA BU'I LAS SNGA MA 'GAG NAS YUN RING SONG BA'I DOGS GCOD YIN BSAL LAR LAS 'GAG SOGS GSUNGS YIN LA RANG 'BREL [?] LAS KYANG, LAS RANG GI BDAG NYID KYIS MA SKYES PA DE'I LTAR NA ZHES SKYE 'GAG BDAG NYID KYIS MI BYED PAR BSHAD PA LA THA SNYAD DU YANG MI BYED PAR BSHAD PA LAS LONG BA SU YOD, LAS DE'I 'BRAS BU'I DUS SU GNAS PA 'JIG RTEN GYI THA SNYAD LA YANG MI 'THAD DE, 'JUG PA LAS, GANG PHYIR RGYU ZHIG NA YANG DE YI 'BRAS BU MTHONG BA'I PHYIR, ,DE DAG GCIG PA YIN ZHES 'JIG RTEN GYIS KYANG KHAS MI LEN, ZHES PA'I RANG 'GREL LAS, RGYU SA BON ZHES BYA BA 'GAG ZIN KYANG 'BRAS BU MYU GU ZHES BYA BA MTHONG BA DE'I PHYIR 'JIG RTEN GYIS KYANG ZHES SOGS DANG, RGYU LAS DE MA 'GAG PAR DE BAR DU GNAS NA RTAG PAR YANG 'GYUR TE, DBU MA LAS, GAL TE SMAN BA'I

, ,DUS PAR DU, ,GNAS NA LAS DE RTAG BAR 'GYUR, ZHES SO, ,RGYU DANG LHAN CIG YOD NA RGYU 'BRAS MI RUNG STE, STONG NYID BDUN CU PA'I RANG 'GREL LAS, 'ON TE RGYU DANG GCIG PAR YIN BAR BRTAGS NA NI RGYU DANG 'BRAS BU CIG CAR SKYES PA GNYIS GANG GI RGYU GANG YIN, GANG GI 'BRAS BU GANG YIN ZHES SO, ,DES NA RGYU ZHIG PA DANG 'BRAS BU DUS MNYAM PAS RGYU ZHIG PA LAS KYANG MIN LA, RGYU MA ZHIG PA LAS 'BRAS BU BYUNG NA DUS MNYAM DU 'GYUR BAS NA, DON DAM DBYOD BYED KYIS MA BRTAG PAR RGYU 'GAG PA DANG 'BRAS BU SKYE BA GNYIS SRANG MDA'I MTHO DMAN LTAR CIG CAR DU SGYU MA LTAR 'BYUNG STE, DBU MA LAS, SA BON ZHIG DANG MA ZHIG LAS, ,MYU GU 'BYUNG BA MA YIN PA, SOGS DANG, 'JIG RTEN 'DAS PAR BSTOD PA LAS, ZHIG DANG MA ZHIG PA DAG GIS, ,RGYU LAS 'BRAS BU 'BYUNG BA DAG ,SGYU MA 'BYUNG BA BZHIN DU 'BYUNG, ZHES DANG, SA LU LJANG PA'I MDO LAS, THA MA 'CHI BA'I PHUNG PO RNAMS KYANG 'GAG LA, DE NYID KYI TSE SKYE BA'I CHAR GTOGS PA'I PHUNG PO RNAMS SRAD MDA'I MTHO DMAN BZHIN DU 'BYUNG BAR 'GYUR TE, ZHES SO, ,BAR DO RGYU DUS YIN LA LAS DE ZHIG PA LAS 'BRAS BU 'BYUNG TSUL SRID PA 'PHO BA'I MDOR BSHAD PA BSLAB BTUS 'JUG 'GREL SOGS SU RGYA CHER DRANGS PA LAS SHES SO, ,DAS NA LAS DE BYAS NAS BSKAL PA SONG NAS 'BRAS BU 'BYIN PA YANG YOD PAS DE'I BAR DU LAS DE MA ZHIG PAR

GNAS PAR LTA BA RTAG LTA YIN PAS DE DBU MAR 'DOD PA LA BYE SMRA YAN CHAD KYI LUNG RIGS BYE BA DANG 'GAL BA'I KHUR BO SRID PA GSUM LAS BRGAL BA YOD PAR KUN LA NYI ZLA LTAR GRAGS PAS MA SPROS SO, ,GAL TE MA BRTAGS PA'I 'KHRUL NGOR SNYAM NA MA YIN TE, SNGAR GZHAN LA TSIG RTZUB SOGS SMRAS PA DA LTA DRAN NAM, GNYID LOG PA'I RMI LAM LTAR DRAN PA'ANG LAS DE DANG SNANG BA MUN PA LA BLO 'GRO BA TZAM YIN NO, ,DE'I 'OG TU BDEN GNYIS LA 'GAL BA BSDUS NAS BZHIR BRJOD PA'I KUN RDZOB 'DOD TSUL DANG DBYE BA LA 'GAL BRJOD BDUN PA SMRAS TE, RANG LUGS ZAB RGYAS MI 'DOD DBU MA 'GAL, ZHES BA NI GRUB MTHA' DES KUN RDZOB LA 'JIG RTEN SBYAR BA NUS MED DU THAL BA DANG TSAD MA BZHI PO 'JIG RTEN GYI LUGS BKOD PA YIN GYI RANG LUGS BZHAG PA MA YIN TE, NAS, DES DE LTAR MI 'GRUB NA SOGS DANG, GZHI PHUD KHAMS SKYE MCHED DAM LAM SPYOD PA THABS PHYOGS 'BRAS BU SKU GSUNG 'PHRIN LAS LA SOGS PA NI MA BRTAG MA DPYAD PAR THA SNYAD KYI RNAM BZHAG DANG SBYAR, ZHES SOGS DANG, 'JIG RTEN KUN RDZOB DANG RNAL 'BYOR KUN RDZOB GNYIS KYI DANG PO LA YANG LOG BYED KYANG DE RANG LUGS MIN SOGS SGYU MA'I RTA DANG RTA GNYIS LA RTA YIN MIN MED PAR 'DOD PA DANG 'JIG RTEN GYI NGOR YOD CES PA DANG 'JIG RTEN GYI THA SNYAD DU YOD CES PA SOGS THAMS CAD THAL 'GYUR BAS MI 'DOD ZER BA DANG, YANG 'JIG RTEN 'PHAGS SHES 'JOG PA SOGS

, ,NI; 'JUG PA LAS, BDEN GNYIS RNAM DBYE GANG GIS MI SHES PA, ,DE NI RNAM RTOG LOG PA'I LAM NGAN ZHUGS, ZHES PA DE YIN PAS ZAB PA DANG RGYA CHE BA 'JOG PA LA MKHAS PA'I DBU MA PAR 'DOD PA LA LUNG RIGS DU MA DANG 'GAL PA'I PHUNG POS CHEN PO LTA BU YOD DE, DE LTAR NA GZUGS NAS RNAM MKHYEN GYI BAR GYI CHOS THAMS CAD GANG YANG THAL 'GYUR BAS RANG LUGS LA MI 'THAD PA DANG KHAS BLANGS MI RUNG BAR 'GYUR TE, YUM LAS, BYANG CHUB SEMS DPA' SEMS DPA' CHEN PO NI, 'JIG RTEN GYI BTAGS PA LA BRTEN NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA YI DON DAM PAR GANG BYANG CHUB PAR BYA BA'I PHYIR SPYOD PAR 'GYUR BA GZUGS SAM TSOR PA 'AM, 'DU SHES SAM 'DU BYED DAM, RNAM PAR SHES GANG CUNG ZAD KYANG YOD PA MIN LA, DE BZHIN DU KHAMS BCO BRGYAD DANG REG PA DRUG DANG ZHES PA NAS 'BRAS BU BZHI DANG LAM SHES PA NYID DANG, BLA NA MED PAR YANG DAG PAR RDZOGS PA'I BYANG CHUB KYANG MED DE, CHOS 'DI DAG THAMS CAD NI 'JIG RTEN GYI THA SNYAD LA BRTEN NAS BTAGS KYI DON DAM PAR NI MA YIN NO, ZHES DANG, YAB SRAS MJAL BA DKON BRTZEGS KYI LE'U PHAL CHER DANG CHOS YANG DAG PAR SDUD PA SOGS DU MAS 'JIG RTEN GYI THA SNYAD TZAM DU YOD KYI DON DAM PAR MED PAR BSHAD PAS 'JIG RTEN GYI NGOR RAM 'JIG RTEN GYI THA SNYAD TZAM DU BYAS TSAD THAMS CAD RANG LUGS

LA MI 'DOD PA GAR YIN TE, DBU MA PA 'PHAGS PA GZHAN GYIS KUN RDZOB KHAS BLANGS PAR MA ZAD DE BZHIN GSHEGS PAS KYANG SGYU MA LTA BU'I SKYE BA BZHED PA'I PHYIR TE, 'JIG RTEN 'DAS PAR BSTOD PA LAS, PHAN TSUN LTOS PA CAN NYID DU, ,GRUB PAR KHYOD KYIS BZHED PA LAGS, ZHES DANG, MA ZHIG LAS MIN RMI LAM DANG, ,'DRA BA'I SKYE BA KHYOD NYID BZHED, CES DANG, GZUGS BRNYAN NYID DANG MTSUNGS PAR RU, ,GSAL BAR CI YI PHYIR MI 'DOD, ,LTA BU MANG PA'I PHYIR RO, ,'DI'I 'JIG RTEN LA SKYE 'PHAGS GNYIS YOD PAR SPYOD 'JUG RTZA 'GREL SOGS LAS BSHAD DE, SPYOD 'JUG LAS, DE LA 'JIG RTEN RNAM GNYIS MTHONG, ,RNAL 'BYOR PA DANG PHAL PA'O, ,DE LA 'JIG RTEN PHAL PA NI, ,RNAL 'BYOR 'JIG RTEN GYIS GNOD CING, ,RNAL 'BYOR PA YANG BLO KHYAD KYIS, ,GONG MA GONG MA RNAMS KYIS GNOD, CES DANG, 'GREL CHEN LAS, 'JIG RTEN NI SO SKYE YIN LA DE NI RNAM PA GNYIS YIN TE, KUN RDZOB DANG DON DAM PA'I BDEN PA RTOG PA DAG GO ZHES PA LTAR 'DOD DGOS PA NI BRTZAD TSUL GYIS SHES TE, DE NYID LAS, RNAL 'BYOR PA DANG 'JIG RTEN RTZOD, CES SO, ,RNAL 'BYOR PA'I 'JIG RTEN LA SKYE 'PHAGS YANG YOD DE, 'GREL CHEN LAS, RNAL 'BYOR PA LA YANG RNAL 'BYOR PA GZHAN DANG GZHAN GYIS GNOD DE, ZHES PA NAS, 'DI LTAR SA DANG PO RAB TU DGA' BAR GRAGS PA THOB PA'I BYANG CHUB SEMS DPA' LA SOGS PA'I YON TAN LA LTOS NAS, DE'I GONG MA DRI MA MED PAR BRJOD PA NAS,

, ,DE BZHIN DU SA GONG MA GONG MA GZHAN THOB PA RNAMS LA YANG RIG PAR BYA'O, ZHES SOGS DANG, TSIG GSAL 'JUG 'GREL SNGAR DRANGS PA LTA BUS SGRUB LA, 'JIG RTEN DE LA SHES PA GNYIS SNANG CAN YANG YOD PA NI, RANG 'GREL LAS, MI DMIGS BA NI 'JIG RTEN LAS 'DAS PA'I PHYIR LA, DMIGS PA NI THA SNYAD KYI BDEN PAS BSDUS PA NYID KYIS 'JIG RTEN PA NYID YIN PA'I PHYIR RO, ZHES GSUNGS PAS SGRUB LA GNYIS SNANG CAN GYI SHES PA 'JIG RTEN PA DE LA DBYE NA, SBYOD 'JUG LAS, 'BRAS BU'I DON DU MA SPYAD PHYIR, ,'JIG RTEN PA YI DNGOS MTHONG ZHING, ZHES DANG, 'JUG PA LAS, BDAG GI BU 'DI BSKYED CES SMRA BYED CING, ,SHING YANG BTZUGS SO SNYAM DU RTOG DES NA, ZHES PA GNYIS SOGS KYIS BSTAN PA'I BU'I SA BON DANG LJON PA'I SA BON TZAM BTAB PA LAS BU DANG LJON PA SKYES PA LA SO SOR MI PHYED PAR THA SNYAD RAGS PAS GCIG TU BYAS PA DANG, MI'I LUS LA BRTEN NAS MI LA RIG PA DANG SNGO BSANG DANG DKAR SHAM LTA BU'I THA SNYAD BYED PA'I MA BRTAGS PA'AM MA DPYAD PA'I SHES PA DANG, 'JUG PA LAS, MI SHES GNYID KYIS RAB BSKYOD MU STEGS CAN, ,NAS, DE DAG 'JIG RTEN LAS KYANG YOD MIN NYID, CES DANG, LHAG MA NI, 'JIG RTEN NYID LAS LOG PAR RNAM PAR BZHAG ,CES DANG, RANG 'GREL LAS, YID KYI GNOD PAR BYED PA NI DE DAG DANG YANG DAG PA MIN PAS BYAS PA'I GRUB PA'I MTHA' LA SOGS PA DAG DANG RJES SU DPAG PA LTAR SNANG BA DAG STE,

ZHES PA NAS, YUL GYI NGO BO NYID DU SNANG BA DE NI 'JIG RTEN NYID LA LTOS NAS LOG PA YIN NO ZHES PA'I RTAG GCIG RANG DBANG CAN DANG, RANG SKYA THUB PA'I RDZAS YOD DANG GTZANG BDE RTAG BDAG BZHI MED PAR RTOGS PA'I THA SNYAD DPYOD BYED KYI BLO DANG; SPYOD 'JUG LAS, GZHAN DU BUD MED MI GTZANG BAR, ,DES RTOG 'JIG RTEN GYIS GNOD 'GYUR, ,SOGS KYI DNGOS BSTAN GYI DE 'DRA'I THA SNYAD DPYOD PA'I BLO GNYIS YOD LA, DE LTA BU'I DPYOD MI DPYOD PA'I 'JIG RTEN PA'I BLO RE RE LA'ANG SO SKYEN SA SANGS RGYAS PA'I BAR RTZING BA DANG ZHIB PA GNYIS RE YOD DE SKYE 'PHAGS DE DAG GI THUGS RGYUD LA YANG RTOG DPYOD GNYIS KYI RTOG PA LTA BU'I 'JIG RTEN GYI THA SNYAD RAGS PA RE DANG RTOG DPYOD GNYIS KYI DPYOD PA LTA BU'I PHRA BA'I MI RTAG PA DANG STONG BDAG MED RAGS PA SOGS 'JOG PA'I 'JIG RTEN BA'I THA SNYAD PHRAB RE STE GNYIS GNYIS YOD BA'I PHYIR, DE 'DRA BA'I BRDA DANG THA SNYAD GNYIS KA LAN DU MAR BYAS BAR 'JIG RTEN NA GRAGS PA'I PHYIR DANG, LUNG YANG SDOM PA GSUM LDAN LAS 'JIG RTEN PA DANG LHAN CIG RTZOD KYI, DA NI 'JIG RTEN DANG LHAN CIG MI RTZOD SOGS DANG, SHAR RI'I SDE'I TSIGS BCAD LAS, GAL TE 'JIG RTEN RNAM 'DREN RNAMS, ,'JIG RTEN MTHUN PAR MI 'JUG NA, ,SANGS RGYAS CHOS NYID GANG YIN DANG, ,SANGS RGYAS SUS BYAD SHES MI 'GYUR, ZHES SOGS DANG, BRGYA PA LAS, JI LTAR KLA KLO SKAD GZHAN GYIS, ,BZUNG BAR MI NUS DE BZHIN DU, ,'JIG RTEN PA YI MA GTOGS PAR, ,'JIG RTEN BZUNG BA

, ,NUS MA YIN, ZHES SOGS LTA BU CHES MANG PO ZHIG GIS GRUB PAS NA STAG TSANG PAS 'JIG RTEN GYI NGOS 'DZIN YANG MA BRTAG MA DBYANG PA'I BLO YIS MTSAMS SOGS THAMS CAD SMIG RGYU'I CHU 'THUNG BA'I GTAM KHO NA YIN NO, ,DES NA LEGS BSHAD SNYING PO LTAR THAL RANG SU'I LUGS LA'ANG BTAGS DE NA DPYAD NA MI RNYED PAR 'DRA YANG, DE'I DPYAD MTSAMS LA DGAG BYA'I DBANG GIS GNYIS YOD LA, KUN RDZOB GANG YIN THAMS CAD LA CI YANG MI DPYOD PAR 'JOG THUB NA BDAG MED RAGS PA SOGS KUN RDZOB PA CHES MANG PO DANG MI RTAG SOGS BCU DRUG RNAM THAR SGO GSUM DU NGES DON GYI MDO DU MAS KYANG BSHAD PA MDO SDE RGYAN SOGS BYAMS CHOS RJES 'BRANGS BCAS PA DANG, BZHI BRGYA PA'I LE'U DANG PO BZHI SOGS KYIS MI RTAG SOGS BZHI DPYAD PA'I DPYAD PA ZHIB PO THAMS CAD DON DAM DPYOD BYED DANG, DPYOD PA'I RNYED DON RNAMS DON DAM BDEN PAR THAL BA SOGS GNOD PA MI ZAD PA 'BAB TSUL SPRO SLA LA DGU MA RANG LUGS LA YANG LOG MI BYED CES PA'I RGYU MTSAN 'PHAGS PA'I MNYAM BZHAG GI GZIGS YUL DE DBU MA YIN LA DBU MA DE RIGS TSOGS SU GTAN LA 'BEBS PA YIN PAS DE DPYOD BYED KYI BLO LA LTOS NAS RMI LAM GYI SNGON PO DANG SNGON PO GNYIS LA'ANG BDEN RDZUN MI 'ONG BAS DBU MA RANG LUGS SAM DBU MA PA'I LUGS THUN MONG MA YIN PA LA KUN RDZOB LA YANG LOG MI 'JOG BYAS PA YIN TE, RANG 'GREL LAS, DBANG PO DRUG CAR GYIS BZUNG

BAR BYA'I DON RTOG PA DE NI 'JIG RTEN NYID LAS BDEN PA YIN GYI 'PHAGS PA LA LTOS NAS NI MA YIN NO, ZHES DANG, DE'I DON DU JI SKAD DU TSIG GSAL LAS, GAL TE KHO BO CAG LA NGES PA 'GA' ZHIG YOD PAR GYUR NA NI ZHES PA NAS, BRJOD PAR BYA STE, NGES PAR GYUR PA'I NGAG 'DI NI 'JIG RTEN LA YOD KYI 'PHAGS PA RNAMS LA NI MA YIN NO, ,CI 'PHAGS PA RNAMS LA RIG PA MI MNGA' 'AM ZHE NA YOD PA'AM MED PA 'DI SUS SMRAS, 'PHAGS PA RNAMS KYI DON DAM PA NI CANG MI GSUNG BA YIN TE, ZHES SOGS KYIS BRTZAD TSUL GYI SHES LA DE'I DON GYIS RJES THOB LA'ANG SNANG BA LTAR YOD MED LA BDEN RDZUN MI 'BYED KYANG, SNANG GZHI'I DON YOD MED KYI SGO NAS BDEN RDZUN YOD MED SO SOR SHIN TU KHAS LEN TE, SGYU MA'I RTAL SNANG GZHI RDE'U SHING BU LTA BU LA RTA'I CHA CI YANG MED PAR MIG SHES MA SLAD PA'I MNGON SUM GYIS GRUB LA RTA'I GDAGS GZHI PHUNG PO NI RTA'I GDAGS GZHI'I MGO YANG RTA'I MGOR YOD PA SOGS YIN LA, DE DON DAM DPYOD BYED GYIS MI RNYED KYANG DE'I YUL MIN, THA SNYAD DPYOD BYED GCIG GIS KYANG GNOD PA MED PA'I PHYIR RO, ,DE LTAR MIN NA DBU MA PA DANG 'JIG RTEN PA THUN MONG GI KHAS LEN DANG THUN MONG GI LUGS GCIG MED PAR 'GYUR BAS DE KHAS LEN NA DE'I THUN MONG MIN PA'I LUGS SU KHAS LEN DGOS PA LAS LHAG PA'I BLUN SKAD CI ZHIG 'BYIN LA BYANG CHUB SEMS DPA'I 'GREL BSKOR GSUM DANG DUS RGYUD SOGS DU MAR GZUGS SOGS DANG DNGOS GRUB BRGYAD DANG ZHI SOGS KYANG

, ,PHYI NANG THUN MONG DANG STONG NYID THUN MONG MIN PAR BSHAD PA SOGS DU MA DANG 'GAL BA LTAG SPROD YIN NO, ,GZUGS 'PHAGS PA DAG GI NGOR KUN RDZOB TZAM YIN GYI KUN RDZOB BDEN PA MA YIN PA YANG 'GAL BA BRGYA PHRAG SDUD PA'I KHE SPOGS YIN TE, BYANG 'PHAGS DE DAG GIS GZUGS BDEN 'DZIN YOD PAR SHES PA'I PHYIR DANG, DES DE BDEN PAR 'DZIN PA DANG 'DZIN BYED DE'I NGOR MI BDEN PA YANG LTAG SPROD DANG BLO DES BDEN PAR MA GZIGS KYANG BLO DE 'DON GZHAN GYI BLOS BDEN PAR BZUNG BA MTHONG BA LA 'GAL BA MED PA'I PHYIR DANG, LUNG GIS KYANG GRUB STE, GZUNGS RGYAL GYIS ZHUS PA LAS, CHOS THAMS CAD NI STONG PA YIN NA SEMS CAN RNAMS NI LTA BA LA ZHEN TO ZHES DE'I PHYIR DE BZHIN GSHEGS PA'I THUGS RJE CHEN PO SKYE'O, ,CHOS THAMS CAD NI MTSAN MA MED PA YIN NA SEMS CAN RNAMS NI MTSAN MA LA SPYOD DE ZHES SOGS DANG, MDO DKON MCHOG SPRIN LAS KYANG DE LTAR BSHAD PAS SO 'ON RANG 'GREL LAS, DE LTAR NA RE ZHIG BCOM LDAN 'DAS DES KUN RDZOB KYI BDEN PA DANG KUN RDZOB TZAM GSUNG BA YIN NO ZHES KUN RDZOB BDEN PA DANG KUN RDZOB TZAM GNYIS BSHAD PA SKYE 'PHAGS SO SOR MI SPYOD NA DE GNYIS JI LTAR 'JOG SNYAM NA, BLUN PO DANG MKHAS RLOM MANG PO 'KHRUL TE, CAL RGYUGS BYED PAR SNANG LA THAMS CAD KYI 'DI'I KUN RJOB TZAM ZHES PA LA'ANG KUN RDZOB KYIS KHYAB SNYAM PAR SNANG NGO, ,RANG 'GREL GYI LUNG DE'I DON NI,

BCOM LDAN 'DAS KYIS MA RIG PA'AM KUN RDZOB DE'I NGO TZAM DU BDEN PA DANG, GZUGS NAS THAMS CAD MKHYEN PA'I BAR KUN RJOB TZAM DANG BRDA TZAM DANG MING TZAM DU BSHAD PAS NA BDEN PAR GRUB PA DANG RANG GI NGO BOS MED CES PA YIN TE, MA RIG PA LA KUN RDZOB BYAS NAS DE'I NGOR BDEN TSUL NI, LANG GSHEGS LAS, DNGOS RNAMS SKYE BA KUN RDZOB TU, ,DAM PA'I DON DU RANG BZHIN MED, ,RANG BZHIN MED LA 'KHRUL PA GANG, ,DE NI YANG DAG KUN RDZOB 'DOD, CES PA'I RKANG PA PHYI MA GNYIS KYI DON 'JUG PA 'DIR, GTI MUG RANG BZHIN SGRIB PHYIR KUN RDZOB STE, ,DES GANG BCOS MAR BDEN PAR ZHES RTZA 'GREL GYIS BSHAD LA KUN RDZOB DANG BRDA TZAM MING TZAM SOGS SU CHOS THAMS CAD 'JOG TSUL YANG; YAB SRAS MJAL PA LAS, DE LTAR CHOS THAMS CAD MI DMIGS NA 'DI LA SANGS RGYAS NI GANG, BYANG CHUB SEMS DPA' NI GANG, ZHES PA NAS, 'DI DAG NI THA SNYAD TZAM MING TZAM BRDA TZAM KUN RDZOB TZAM BRJOD PA TZAM GDAGS PA TZAM STE, ZHES DANG, DKON MCHOG 'BYUNG GNAS LAS, NYI MAS BYIN 'DI LTA STE, DPER NA NAM MKHA' LA NI RI MO BYUNG BAR MA GYUR NAS MNGON PAR MA GRUB PA BRJOD DU MED PA YIN PAS THA SNYAD TZAM DANG KUN RDZOB TZAM DU ZAD DO, ,NYI MAS BYIN DE BZHIN DU GZUGS NAS RNAM PAR SHES PA'I BAR DU BYUNG BAR MA GYUR BAR 'BYUNG BAR MI 'GYUR TE, MA BYUNG MA 'GAGS PA 'GRO BA DANG 'ONG BA MED PA MNGON PAR MA GRUB PA BRJOD DU MED PA YIN PAS, THA SNYAD

, ,TZAM DANG KUN RDZOB TZAM DU ZAD DO, ZHES DANG, SHER MDO SOGS DU MAS BSHAD PAS GZUGS SOGS GANG ZAG DE'I NGOR MING TZAM BRDA TZAM YIN PA DANG GZHAN GYI BDEN 'DZIN NGOR BDEN PA MI 'GAL BA DE YIN NO; ;'DIR LEGS PAR BSHAD PA'I GDONG LNGA'I NGA RO GCIG GIS LOG PAR RTOG PA'I RI DVAGS BYE BA RGYANG RING DU BSKRAD PA YIN NO, ,BDEN GNYIS DBYE GZHI LA 'GAL BRJOD BRGYAD PA SMRAS TE, MA DBYAD DBYE GZHID DBYAD DON DBYE BA 'GAL, ZHES PA NI 'GREL PA DES KUN RDZOB RIGS NGO'I SHES BYA DANG, DON DAM 'KHRUL NGO'I SHES BYA MIN YANG MA PHYE PAR MA BRTAGS MA DBYAD PA'I DOR SHES BYA TZAM 'DI BDEN GNYIS KYI DBYE GZHI NYID DU MDO LAS GSUNGS TE, ZHES SMRA BA NI 'GAL BA BYE BA 'DRA BA'I GRONG KHYER DU SNANG STE, BUM PA BDEN STONG CHOS CAN, MA BRTAGS MA DBYAD PA'I NGOR SHES BYA YIN PAR THAL, BDEN GNYIS GANG RUNG YIN PA'I PHYIR, 'KHOR GSUM KHAS, 'DOD NA DE CHOS CAN; MA BRTAGS MA DBYAD PA MI 'THAD PAR THAL, BRTAGS DON DPYOD PA'I RIGS SHES KYI RNYED DON YIN PA'I PHYIR, YANG 'KHOR GSUM KHAS, MA GRUB NA DNGOS SU 'GAL ZHING, DON DAM DPYOD BYED MED PAR THAL LO, 'KHOR GSUM LAS, DE BZHIN DU STONG NYID NYI SHU DANG SKYE MED SOGS 'PHEN LA, YANG GANG ZAG PHUNG PO RJE KHOL LTAR 'DZIN PA'I RDZAS YOD KYIS STONG PA CHOS CAN, MA BRTAGS MA DPYAD PA'I NGOR SHES BYA YIN PAR THAL, DE GNYIS GANG

RUNG YIN PA'I PHYIR, 'KHOR GSUM KHAS, 'DOD NA DE CHOS CAN, MA BRTAGS MA DPYAD PA MI 'THAD PAR THAL, THA SNYAD DPYOD BYED KYI RIG PA'I GRUB DON YIN PA'I PHYIR, 'KHOR GSUM KHAS SOGS BYA LA DE BZHIN DU MI RTAG SOGS BCU DRUG SOGS DANG BDEN STONG SGYU MA SOGS DPE BCU LTA BU RE RE NAS 'PHEN LA 'GAL 'DU SNA TSOGS BSDUS TE 'GAL KHUR GYI PHUNG PO 'DI TZAM THEG PA'I GLANG RGAN GYI MCHOG TU BZHAG LA AE MA KHUR CHEN PO KHUR CHEN PO RNYED 'DUG CES BZHAD GAD BYA'O, ,STONG NYID NGES 'DZIN DANG SGOM TSUL LA 'GAL BRJOD DGU PA DANG BCU PA GNYIS SMRAS TE, STONG MIN THAR LAM ZHI SGO GNYIS MED 'GAL, ,CI YANG MA BSGOM STONG NYID BSGOM PA 'GAL, ZHES PA NI KHOS DON DAM CUNG ZAD DPYAD PA'I RIGS SHES NGOR, ,SPROS BRAL LEGS PAR DPYAD PA'I BRJOD MED DOR, ZHES SOGS DANG, DES NA BDEN STONG DON DAM BDEN PA DANG, DE YOD THA SNYAD BDEN PAR 'THAD MOD KYI LEGS PAR DPYAD MTHAR 'DOD PA DANG; RNAM GRANGS DON DAM DU 'DOD GNYIS GA 'KHRUL, ZHES PA RTZA 'GREL GYIS STONG NYID KYI LTA BAR MA GTOGS PA'I BDAG 'DZIN SUN 'BYIN PA'I THAR LAM RIGS SHES KYI LEGS PAR DPYAD NGO'I SPROS BRAL ZHES PA CI YANG MIN BA GCIG 'DOD PA NI, 'GREL PA LAS, BDEN GNYIS KYI NANG DU 'ONG DON MED DE, GZHI MA GRUB PA'I PHYIR RO DANG, ZHES SMRA BA DANG, BYANG CHUB SEMS 'GREL LAS, GANG GIS STONG NYID MA SHES PA, DE LA THAR PA'I SKAL BA

, ,MED; CES DANG, BRGYA BA LAS, YUL LA BDAG MED MTHONG NA NI, SRID PA'I SA BON 'GAG PAR 'GYUR, ZHES DANG, ZHI SGO GNYIS PA MED PA DANG, ZHES ZHI SGO GCIG BUR BSHAD BRTZA 'GREL DANG 'GAL LA, YUM LAS; DNGOS PO'I 'DU SHES CAN LA THAR BA MED PAR BSHAD PA DANG DE BZHIN DU RIGS PA DRUG CU BA'I RLOM SEMS DANG, SPYOD 'JUG LAS, GANG PHYIR LUNG LAS LAM 'DI NI, ,MED PAR BYANG CHUB MED PAR GSUNG, ZHES SOGS DU MA DANG 'GAL MOD RE RE NAS YI GES MI LDANGS, YANG KHYOD KYIS 'GREL PAR DON DAM BDEN PA LEGS PAR DPYAD DOR MED LA CUNG ZAD DPYAD DOR KHO NAR 'JOG PA'I KHUNGS, DPA' BOS, SEMS NI BDEN PA'I DE NYID LA, , 'DI LTAR CUNG ZAD RNAM DPYAD NA, ZHES 'DREN PA NI RANG GI BLO GROS KYI MTSANG STON ZHING 'GAL 'DU 'BOD PA'I G-YAB MO YIN TE, LUNG DES NI 'DIR RGYAS PAR MI 'CHAD KYI BSDUS NAS SEMS BDEN BRUB LA MTHA' BZHI 'GOG BYED KYI CUNG ZAD DPYAD NA ZHES PA YIN PAS LEGS PAR MI DPYOD PA MIN TE, BSDUS NAS LEGS PAR DPYAD BA YIN PA'I PHYIR DANG, DE GNYIS MI 'GAL BA'I PHYIR DANG, 'THAD LDAN GYI DPYAD PA THAMS CAD LEGS PAR DPYAD PA YIN PA'I PHYIR, GZHAN DUN LOG PAR DPYAD PAR 'GYUR RO, ,GAL TE 'BUM DANG RTZA SHE LTAR RGYAS PAR MA DPYAD PAR DU LEGS PAR DPYAD PA'I SBROS BRAL MI 'OD PAR 'DOD NA GSUNG RAB THAMS CAD DANG 'GAL BAR 'GYUR TE,

NYAN RANG RNAMS RANG BZHIN GYIS DBANG PO RTUL 'BRING YIN PAS BDEN GNYIS LA RGYAS PAR MI DPYOD PA GSUNG RAB SPYI DANG MKHAS MANG SPYI LUGS YIN PA'I PHYIR, KHYAD PAR DU 'PHAGS PA YAB SRAS KYI GSUNG KUN LAS PHYI ROL TU 'GYUR TE, THEG DMAN GYI MDO LAS, ZAB ZHI SPROS BRAL 'OD GSAL 'DU MA BYAS, ZHES SOGS DANG SRID PA 'PHO BA'I MDO SOGS LTAR STOD NYID LA SPROS PA THAMS CAD LOG PA'I MNYAM BZHAG SPROS BRAL NI THEG PA GSUM GYI 'PHAGS PA THAMS CAD KYI THUN MONG MA YIN PAR GRAGS SHING KHAS KYANG YANG YANG BLANGS PA'I PHYIR, STONG NYID DPYAD PA YONGS SU TSANG BA DANG RDZOGS PA YOD MED THEG PA CHE CHUNG GI KHYAD PAR YAB SRAS KYIS GSUNGS PA'I PHYIR TE, RANG 'GREL LAS, CHOS KYI BDAG MED PA GSAL BAR BYA BA'I PHYIR THEG PA CHEN PO BSTAN PA YANG RIGS PA NYID DE, RGYAS PAR BSTAN PA BRJOD PAR 'DOD PA'I PHYIR RO, ,NYAN THOS KYI THEG PA LAS NI CHOS KYI BDAG MED PA MDOR MTSON PA TZAM ZHIG TU ZAD DO, ,JI SKAD DU SLOB DPON GYI ZHAL SNGA NAS KYIS, MTSAN MA MED PAR MA RTOGS PAR, KHYOD KYIS THAR PA MED PAR GSUNG, ,DE PHYIR KHYOD KYIS THEG CHEN LAS, ,DE NI TSANG BAR BSTAN PA LEGS, ZHES DANG, 'JUG PA LAS, BDAG MED 'DI NI 'GRO BA RNAM GROL PHYIR, ,CHOS DANG GANG ZAG DBYE BAS RNAM GNYIS GSUNG, ZHES PA'I RANG 'GREL LAS, NYAN THOS DANG RANG SANGS RGYAS RNAMS KYIS KYANG RTEN

, ,CING 'BREL 'BYUNG BA RKYEN NYID 'DI PA TZAM MTHONG MOD KYI, DE LTA NA YANG DE DAG LA CHOS KYI BDAG MED PA YONGS SU RDZOGS PAR SGOM PA MED DE, ZHES PA NAS, DE DAG LA GANG ZAG GI BDAG MED PA MA LUS PAR SGOM PA NI YOD PAR RNAM PAR BZHAG GO ,ZHES PA LTA BU BSTOD TSOGS, RIN CHEN PHRENG BA SOGS YOD PAS, DES NA KHYED RANG SHANGS LA MDZUB MO BTZUGS NAS, DPYAD TSUL 'DI PHYIN CI LOG TU SONG BAS, LEGS PAR DPYAD TSUL MIN SMOS LA, DPA' BO LA DE LTAR MI SMRA BAR MDZOD, YANG KHYOD KYI 'GREL BAR THA SNYAD TZAM DU YANG MTHA' BZHI LAS BRAL TSUL YOD PA MA YIN MED PA MA YIN, YOD MED GNYIS KA MA YIN GNYIS KA'I BDAG NYID MA YIN PA MA YIN, ZHES SMRA 'DOD NAS, YE SHES KUN BTUS DANG 'JAM GRAGS KYI GZHUNG, YOD MIN MED MIN YOD MED MIN, ,GNYIS KA'I BDAG NYID MIN PA'ANG MIN, ,DANG RTZE SHE LAS GAL TE STONG MIN CUNG ZAD YOD, , SOGS DRANGS PA DANG, YOD PA MIN NA MED PA YIN MI DGOS DE LTAR 'DOD PA CHA BSDUS KHO NA'I LUGS YIN SNYAM PA SOGS NI NYES PA DPAG MED KYI 'BYUNG GNAS SU GYUR PA YIN TE, DNGOS 'GAL MED NA DGAG GZHAG GTAN MI 'THAD PAR 'GYUR LA DNGOS 'GAL SOGS KYI RIGS PA NI RIGS PA'I DBANG PHYUG CHE BA'I SNGON NAS RGYAL BAS KYANG MDZAD DE, LUNG LAS KUN TU RGYU SDOD RING GIS KHO BO CI YANG MI BZOD DO ZHES ZHUS BAR KHYOD CI YANG MI

BZOD PA DE YANG MI BZOD DAM ZHES DNGOS 'GAL BSTAN PA DANG, SLOB DPON 'PHAGS PAS KYANG, RANG BZHIN MED PA NYID LOG NA, ,RANG BZHIN NYID DU RAB GRUB 'GYUR, ZHES DANG, STONG NYID BDUN CU PA LAS, CHOS MI MTHUN PHYIR YOD MED MIN, ZHES PA'I RANG 'GREL LAS KYANG, 'DI LTAR YOD PA DANG MED PA PHAN TSUN 'GAL BA'I CHOS CAN YIN PAS, ZHES DANG, YANG DE NYID LAS, YOD MIN MED PA YIN NA 'GAL, ZHES PA'I RANG 'GREL LAS KYANG, 'BRAS BU YOD PA YANG MA YIN MED PA YANG MA YIN PA NI 'GAL TE ZHES YOD PA MIN PA DANG MED PA MIN PA 'GAL BAR BSHAD PA'I PHYIR, TSIG GSAL LAS KYANG, RE ZHIG GAL TE 'DI THAMS CAD STONG PA STE THAMS CAD YOD PA MA YIN NO, ,ZHES RTOG NA NI, DE'I TSE 'DI LOG PAR LTA BAR 'GYUR TE ZHES BUM PA YOD PA MIN PAR BZUNG BA DANG DE MED PAR BZUNG BA DON GCIG PAR BSHAD PA DANG, SANGS RGYAS BSKYANGS KYIS KYANG DE LTAR SMRAS NA TSIG BCOS PA LAS KHYAD MED PAR BSHAD, YE SHES KUN BTUS 'GREL PA LAS, RNAL 'BYOR SPYOD PA'I MTHAR THUG PA NI YOD PA STE, DE YANG 'DOD PA MIN LA, 'JIG RTEN RGYANG 'PHEN LA SOGS PA NI MED PA STE, DE YANG 'DOD PA MIN LA, ZHES SOGS KYIS SEMS TZAM PA SOGS KYI 'DOD PA LTAR YOD PA MIN PA DANG RGYANG PAN LTAR THA SNYAD DU'ANG MED PA MA YIN YOD MED GANG YANG MIN PA'I PHUNG GSUM MIN YOD MED GNYIS KA'ANG [?] MIN PAR BSHAD PA DANG, DZE T'A RIS

, ,KYANG; 'DI LTAR YOD MIN TE YOD PA'I BDAG NYID MIN TE ZHES BDAG NYID KYI YOD PA MA YIN PAR BSHAD LA, YANG DE NYID LAS MED MIN KUN RDZOB TU YANG MED PA MIN TE, ZHES DANG, YOD DANG MED PA'I BDAG NYID KYIS GNYIS KA'I NGO BO MIN LA, ZHES DANG, YOD DANG MED PA LAS GZHAN PA GNYIS KA MIN PA'I RANG BZHIN YANG MIN TE, ZHES BSHAD DE BZHIN DU TSIG 'JAM DPAL ZHAL LUNG NA YOD PA LA'ANG 'GREL PA LAS KHYAD PAR SO SOR BSHAD CING BRGYA PA LAS, YOD DANG MED DANG YOD MED DANG, ,YOD MED MIN ZHES BYA BA'I TSUL, ,'DI NI MKHAS PAS GCIG NYID SOGS, ,NGAG LA RTAG TU SBYANG BAR BYA, ZHES YOD MIN MED MIN ZHES SOGS LA GCIG NYID SOGS KYI KHYAD PAR CI RIGS SBYAR DGOS PAR BSHAD LA 'GREL BA LAS KYANG SBYAR LA MDOR NA RIGS TSOGS DANG BRGYA BA LAS YOD PA MIN PAR BSHAD PA THAMS CAD LA DGAG BYA'I KHYAD PAR SBYAR MA SBYAR CI RIGS SGO NAS MED PAR BSHAD PAS NA KHYOD KYIS MTHA' BZHI'I DNGOS 'GAL DE 'DRA DBU SEMS SU YANG MI 'CHAD LA BYAMS CHOS DANG DBU MA'I YOD MIN MED MIN TSIG DE 'DRA LA KHYAD PAR CI YANG MA SBYAR BA'I 'GREL PA GCIG KYANG YOD PA MIN BSAN NGAN SKYUGS BZHIN DU DOR BAR BYA LA YANG 'PHAGS PA'I MNYAM BZHAG MI RTOG PA'I YUL STONG NYID LA MI 'JOG PAR SHES BYA SOGS SEMS LA DRAN PA GANG YANG MIN PA'I SPROS BRAL DU 'DOD PA NI SEMS CAN THAMS CAD KYI YE SHES

KYI MIG 'BYIN PA DANG THAR PA'I SROG GCOD PA'I SRID PA GSUM GYI CHOM RKUN CHEN PO YIN TE, STONG NYID NI SPROS BA MTHA' DAG GCOD BYED YIN PA'I PHYIR DANG, STONG NYID NI 'PHAGS PA'I MNYAM BZHAG GI YUL SO SO RANG RIG YIN PA'I PHYIR DANG, DON DAM PA NI MTSAN NYID LNGA LDAN YIN PA'I PHYIR DANG, SHES BYED KYANG RIM PA BZHIN DU RTZA SHE LAS, DE DAG SPROS LAS SPROS PA NI, ,STONG PA NYID KYIS 'GAG PAR 'GYUR, ZHES DANG, BRJOD BAR BYA BA BZLOG PA STE, , SEMS KYI SPYOD YUL BZLOG PAS SO, ZHES PA DE DAG GI 'GREL PA GNYIS DANG TSIG GSAL LAS, DE'I PHYIR SPROS PA MA LUS PA NYE BAR ZHI BAR BYA BA'I PHYIR STONG PA NYID NYE BAR STON PA YIN TE, ZHES SOGS DANG, YANG DE NYID LAS; DE DAG KYANG SPROS PA SNA TSOGS PA, 'KHOR BA THOG MA MED PA NAS GOMS PA SHES PA DANG SHES BYA DANG, BRJOD BYA DANG RJOD BYED DANG BUM PA DANG SNAM BU DANG SHING RTA DANG GZUGS DANG TSOR BA DANG SKYES PA DANG, BUD MED DANG, RNYED PA DANG, MA RNYED PA DANG, BDE BA DANG, SDUG BSNGAL DANG, GRAGS PA DANG, MA GRAGS PA DANG, BSTOD PA DANG SMAD PA LA SOGS PA'I MTSAN NYID CAN LAS SKYE BAR 'GYUR NA, 'JIG RTEN PA'I SPROS PA DE YANG MA LUS PAR STONG PA NYID KYIS TE, DNGOS PO THAMS CAD STONG PA NYID DU LTA BAS 'GAG PAR 'GYUR RO, ZHES DANG BUDHA P'A LI TA LAS, DA LTA BAS NA SPROS PA NI STONG PA NYID KYIS 'GAG PAR 'GYUR TE, ZHES DANG, RANG 'GREL LAS, DE KHO NA NYID DE LA DE'I

, ,YUL CAN DNGOS PO DANG DNGOS PO MED PA DANG, RANG GI DNGOS PO DANG, GZHAN GYI DNGOS PO DANG SOGS DANG, MDO DE LAS, 'ON KYANG LHA'I BU DON DAM PAR NA DON DAM PA'I BDEN PA NI THA SNYAD THAMS CAD LAS 'DAS PA SOGS LTA BU'I MDO BSTAN BCOS CHES MANG NGO, ,YANG DE SO SO RANG GIS RIG TSUL DANG MTSAN NYID LNGA DANG LDAN TSUL YANG, DBU MA LAS, GZHAN LAS SHES MIN ZHI BA DANG, ,SPROS PA RNAMS KYIS MA SPROS PA, ,RNAM RTOG MED DON THA DAD MIN, ,DE NI DE NYID MTSAN NYID DO, ZHES DANG, BUD DHA B'A LI TA LAS, DE KHO NA'I MTSAN NYID GANG YIN BSHAD PA NAS GZHAN LAS SHES MIN ZHES GSUNGS PA NI 'DI LA GZHAN LAS SHES PA MED PA STE, LUNG MED PAR BDAG GIS MNGON SUM DU 'GYUR ZHING BDAG NYID KYI MNGON SUM ZHES BYA BA'I THA TSIG GO ZHES SOGS DANG, TSIG GSAL LAS KYANG, GZHAN GYIS BSTAN PAS RTOG PAR BYA BA MA YIN GYI RANG NYID KYIS RTOGS PAR BYA BA YIN NO, ZHES SOGS DANG, 'JUG 'GREL LAS, DE KHO NA NYID BSAM PA LA 'PHAGS PA RNAMS KHO NA TSAD MA YIN GYI, SOGS DANG, YANG DE NYID LAS, DNGOS PO BYAS PA CAN LAM REG PAR RANG BZHIN 'BA' ZHIG MNGON DU MDZAD DE, ZHES SOGS DANG, SANGS RGYAS RNAMS KYI DON DAM PA NI RANG BZHIN NYID YIN ZHING, DE YANG BSLU BA MED PA NYID KYIS DON DAM PA'I BDEN PA YIN LA, DE NI DE RNAMS KYIS SO SO RANG GIS RIG PAR BYA BA YIN NO, ZHES SOGS LTA BU DU MA'I

MDO BSTAN BCOS YOD PA'I PHYIR RO, ,YANG THOS BSAM BSGOM BA'I BLO GSUM LAS SGOM PA'I SKABS SU STONG NYID SGOM MI RIGS TE, BDEN PA'I SKYE BA MED DO, ZHES DANG, BDAG MED DO ZHES SGOM PA NI BDAG SGOM PA YIN PA'I PHYIR; BYANG CHUB SEMS 'GREL LAS, ,SKYE MED CES DANG STONG ZHES DANG, ,BDAG MED CES PAS STONG PA NYID, ,DMAN PA'I BDAG NYID GANG BSGOM PA, ,DE NI 'DI NA BDAG SGOM PA'O, ,ZHES PAS BSTAN ZER BA NI 'PHAGS PA LHAS; DAM CHOS 'DI YI MING LAS KYANG, ,DAM PA MIN LA 'JIGS PA SKYE, ZHES PA LTAR CHOS 'DI SGOM PA LTA CI MING LA'ANG SKRAG PA'I CHO DE YIN TE, DE'I RGYU MTSAN GYIS STONG NYID BSGOM NA CHAD STONG DU 'GYUR PAS SEMS SKYU MA LTA BUR SGOM ZHES DANG, SEMS GSAL LA NGOS BZUNG MED BA SGOM, ZHES DANG, HVA SHANG LTAR YUL GANG DU'ANG 'DI'O ZHES GSUNG NA BDAG 'DZIN DU 'GYUR BAS CI YANG YID LA MI BYED, CES SOGS LTANG NA GYI SPROS PA SNA TSOGS SMRAS NGA PHAL CHER BKAG ZIN LA 'DI NI DBU MA'I LUGS LTAR GYI SKYE MED DANG, STONG NYID DANG, BDAG MED GSUM LTAR MA YIN PA DE LAS DMAN PA'I BDAG NYID DE RANG BZHIN NAM GNAS LUGS SGOM PA NI BDAG PA SGOM PA'AM MTHAR LTA BSGOM ZHES PA YIN GYI, DE LTAR MI 'THAD NA BYANG CHUB SEMS 'GREL LA NANG 'GAL YOD PAR SMRA DGOS PAR 'GYUR TE, DE LAS STONG NYID SGOM PAR YANG YANG BSHAD PA'I PHYIR TE, DE NYID LAS, BDAG NYID CHEN

, ,BO SANGS RGYAS DANG, ,BRTZER LDAN KUN GYIS DUS KUN TU, ,STONG BA MKHA' DANG MTSUNGS PAR MKHYEN, ,DE PHYIR CHOS RNAMS KUN GYI GZHI, ,ZHI ZHING SGYU MA DANG MTSUNGS PAR, ,BZHI MED SRID BA 'JIG BYED PA'I, , STONG NYID 'DI NI RTAG TU SGOM, ,SKYE MED DANG NI STONG NYID DANG, ,BDAG MED CES BYA STONG PA NYID, ,BDAG NYID DMAN PA GANG SGOM BA, ,DE DE SGOM BAR BYED PA MIN, ZHES RAB ZHI'I 'GYUR LA BA TSAB KYIS BCOS PA LAS BYUNG LA, YANG DE NYID LAS, SEMS LA DMIGS PA MED PA YI, ,GNAS PA NAM MKHA'I MTSAN NYID YIN, ,DE DAG STONG NYID SGOM PA NI, ,NAM MKHA' SGOM PAR BZHED PA YIN, ZHES STONG NYID MNYAM BZHAG NAM MKHA' LTA BUR SGOM PAR BSHAD PA DANG, YANG DE NYID LAS, GANG DAG STONG NYID MI SHES PA, ,DE DAG THAR PA BRTEN MA YIN, ,'GRO DRUG SRID PA'I BRTZON RAR NI, ,RMONGS PA DE DAG 'KHOR BAR 'GYUR, ,DE LTAR STONG BA NYID 'DI NI, ,RNAL 'BYOR BA YIS SGOM BYAS NA, , GZHAN GYI DON LA CHAGS PA'I BLO, ,'BYUNG BAR 'GYUR BAR THE TSOM MED, CES PA LTA BU BSTAN BCOS RE RE NA'ANG DU MA MTHONG STE, SPYOD 'JUG LAS, STONG PA NYID DANG BRAL BA'I SEMS, ,'GAG PA SLAR LANG SKYE 'GYUR TE, ,'DU SHES MED PA'I SNYOMS 'JUG BZHIN, ,DES NA STONG NYID BSGOM PAR BU, ZHES DANG, YANG DE NYID LAS, DE LTAR STONG PA NYID PHYOGS LA, ,SUN 'BYIN PA NI 'THAD MA YIN, ,DES NA THE TSOM MI ZA BAR, ,STONG BA NYID NI BSGOM BAR BYA, ,

ZHES DANG, YANG DE NYID LAS, NYON MONGS SHES BYA'I SGRIB PA YI, ,MUN PA'I GNYEN PO STONG PA NYID, ,MYUR DU THAMS CAD MKHYEN 'DOD PAS, ,DE NI JI LTAR SGOM MI BYED, CES SOGS DANG, RDO RJE SNYING PO RGYAN GYI RGYUD LAS KYANG, RNAL 'BYOR GCIG GCIG SHES BYAS NAS, ,DPEN PAR SONG STE RAB 'BAD NA, ,SDIG DAG TSE 'DIR SANGS RGYAS 'GRUB, ,CHOS BDAG MED PAR RAB BSGOM PAS, ,THAMS CAD MKHYEN BA KHONG DU CHUD, CES SPYOD 'JUG DANG MTHUN PAR BSHAD LA, MDO TING 'DZIN RGYAL BO LAS KYANG SNGON GYI SANGS RGYAS DANG GZHAN YANG RGYAL BA RANG NYID STONG NYID BTZOL TSUL DANG SGOM TSUL SOGS BSHAD NAS STONG NYID SGOM TSUL YANG YANG NAN TAN DU GSUNGS TE, MDO DE NYID LAS, SU DAG NAGS KHROD MNGON PAR DGA' BA YI, ,DGE SPYOD DE NI SHIN TU BDE BA MYONG, ,SU DAG CI LA'ANG BDAG GIR BYA BA MED, ,YONGS SU 'DZIN PA RNAM PA KUN TU SPANGS, ,BSE RU BZHIN DU 'JIG RTEN 'DI NA GNAS, ,NAM MKHA' LA NI RLUNG DAG RGYUB BZHIN, LAM RNAMS BSGOM ZHING YE SHES RAB TU ZHUGS, ,CHOS RNAMS THAMS CAD STONG BA BDAG MED BAR, ,CHOS RNAMS 'DI DAG GANG GIS RAB BSGOM PA, ,DE YI SPOBS PA DAG NI MTHA' YAS 'GYUR, ZHES YON TAN MANG PO YOD TSUL DANG, YANG DE NYID LAS, GANG GIS CHOS 'DI STONG PAR GOMS BYAS PA, ,DE DAG 'OD ZER BYE BA STONG RNAMS RTAG TU 'GYED, ,NYI MA'I DKYIL 'KHOR DAG KYANG THAMS CAD GZI MED BYAS, ,DPA' BO DE DAG MI RING 'DREN PAR 'GYUR, ,ZHES BSGOM

, ,NA SANGS RGYAS THOB PA DANG, YANG DE NYID LAS, NGAS SNGON SPYOD YUL ZHI BA 'DI NI RAB TU BSGOM, ,BSKAL PA MANG PO BYE BA KHRAG KHRIG STONG DU YANG, ,LAM 'DIR DAS NI NAM YANG BRTZON 'GRUS RGYUN MA BCAD, ,DE TSE MAR ME MDZAD KYIS RGYAL BAR LUNG YANG BSTAN, ,MDO SDE 'DI LA KHYED KYIS NGA YI RJES SU SLOBS, ZHES RGYAL BA RANG NYID KYIS KYANG STONG PA NYID SPROS PA THAMS CAD ZHI BA BRTZON 'GRUS KYIS BSKAL PA DU MAR BSGOM PA LTAR NGA YI RJES SU SLOBS, ZHES GSUNGS PA LTAR RIGS KYI MDO DE NYID LAS, NGA NI MYA NGAN 'DAS GYUR PHYI MA'I TSE, ,DAM PA'I CHOS NI RNAM PAR 'JIG PA NA, ,DGE SLONG MU STEGS BLO LA BRTZON PA DAG ,DE DAG NGA YI ZHI BA'I CHOS LA SPONGS, ZHES DANG, DE DAG 'JIGS SHING SKRAGS NAS KHYIM SPANGS TE, ,RAB TU BYUNG NAS SHIN TU DAM DU 'DZIN, ,SKYES BU DAM PA'I THEG PA SPANGS BYAS NAS, ,BYE BRAG LHAG PAR 'DOD PA BRLAG PAR 'GYUR, ZHES SOGS KYIS LUNG BSTAN PA LTAR STONG NYID SGOM ZER MKHAN GYI LUGS SPONGS PA DANG DGRA LTAR 'DZIN PAR MA BYED CIG ,'ON KYANG KHYED KYIS 'GREL PA DER DENG SANG NI BSHAD MA THAG PA'I DBU MA CHEN POR GRAGS PA DAG GIS PHYOGS KUN GANG BAR 'GYUR BAS, NAS, MDO SNGAGS KUN NAS 'DI SHIN TU RTOG DKA' BAS KHONG DU CHUD PA MANG PO MI 'BYUNG BAR BSHAD PA'ANG MI 'THAD PAR 'GYUR TE, DBU MA CHEN PO'I DON KHONG DU CHUD NAS PHYOGS KUN GANG BA'I PHYIR RO, ZHES DANG, SHOG GU'I MKHA' NGOS KUN SNAG TSAS

NAG POR BYAS NAS, ZHES SOGS LA BLTAS NA PHRAG DOG GI MES RANG RGYUD THAL BAR BYAS TSUL LA YANG LA GANG LTAR ZANG MO MA SPONGS SHIG ,KHYOD KYIS THAL 'GYUR DE NI RGYAL BA DANG MDO RGYUD DES DON DU MA LA 'GAL BRJOD DU SNANG STE, BCOM LDAN 'DAS KYIS SU LA BSTAN KYANG GO BAR MI NUS PA'I, MI SMRA ZHES GSUNGS PA MI 'THAD PAR THAL, MDO TSAN RE RE'AM TSIGS BCAD RE GSUNG BA NA'ANG BYE BA KHRAG KHRIG DU MAS BDEN PA MTHONG BA DANG YANG DE SNYED KYIS DGRA BCOM THOB PAR BSHAD PA'I PHYIR DANG, GSANG 'DUS LAS RGYUD BSHAD MA THAG NAM MKHA'I KHAMS GANG BA TZAM GYIS SANGS RGYAS GSAR THOB BSHAD PA'I PHYIR DANG, GSUNG MKHAN DANG CHOS DE DAG MI 'THAD SMRA'AM, YANG NA RDZOGS SMIN SBYANGS GSUM MI DGOS PA DANG YON TAN GANG YANG MED PA'I BOD KYI SANGS RGYAS LTA BU GCIG 'DOD DAM, YANG SA DANG PO'I SKABS SU'ANG SKAD CIG MA THUNG SHOS GCIG LA 'JIG RTEN KHAMS BRGYAL 'GRO, SEMS CAN BRGYA SMIN BA SOGS BRGYA PHRAG BCU GNYIS THUB NA BYANG SEMS GONG MA DAG BSAM GYIS KHYAB BAM, DE DUS DBU MA CHEN POS PHYOGS KUN GANG BA BDEN YANG NGO MI MTSAR TE, BYANG SEMS DAG LA 'ANG MTHU DE LTAR YOD NA KHO BO'I RJE BLA MA RGYAL BA GNYIS PA NI RGYAL BA THAMS CAD KYI YAB GCIG 'JAM PA'I DBYANGS SU DES DON DU GNAS LA DRANG DON GYI TSUL BYAS NA'ANG MDO KUN BTUS LAS, SNGON BSKAL BA DPAG TU MED PA BRJOD KYIS MI LANGS PA'I SNGON ROL TU 'JIG

, ,RTEN GYI KHAMS 'DIR 'JIG RTEN GYI KHAMS DANG BA'I 'OD CES BYA BAR RGYAL PA DBANG PO'I TOG CES BYA BA BYUNG BAR BSHAD PA LTAR RGYAL BA DE'I 'KHOR RGYAL SRAS RGYA MTSO LTA BU'I DBUS SU'ANG ZAB MO SPEL PA LAS MTHON PO DAG GIS 'GRAN MI NUS PA DANG LUNG BSTAN BSNGAGS BRJOD DPAG MED MDZAD NA DENG DUS LTA CI SMOS, DES NA ZAB MO STONG NYID NYAN BSAM SGOM GSUM LA RANG GI LUS SROG LONGS SPYOD BSKAL PA DU MAR GTONG BA LA NGO MTSAR CI CHE GZHAN GYI 'DI'I TSIG SPYI TZAM 'CHAD PA PO RANG GI BLA MA MIN PA LA YANG SANGS RGYAS LTAR GUS SHING DE'I SKU GSUNG THUGS LA SNGON RABS KYI GTAM LTAR 'BAD NAS DUS KUN TU NYIN MTSAN MED PAR SGRA DBYANGS SRAS PO'I SHER PHYIN BTZAL BA LTAR RIGS TE, SKYON THAMS CAD 'GOG BYED DANG KHAMS GSUM GYI BTZON LAS SGROL BYED 'DI KHO NAR NGES BA'I PHYIR DANG, BCOM LDAN 'DAS KYIS KUN DGA' BOR GSUNG RAB GZHAN KUN NUB PA LAS SHER PHYIN GYI TSIG GCIG NUB PA GNOD PAR BSHAD PA SOGS KYI PHYIR TE, RJE BDAG NYID CHEN POS, BRTEN NAS 'BYUNG BA'I DE NYID GSAL MDZAD PA, ,THUB PA'I LUGS BZANG SKYE BA THAMS CAD DU, ,LUS DANG SROG KYANG BTANG NAS 'DZIN PA LA, ,SKAD CIG TZAM YANG LHOD PAR MA GYUR CIG ,SOGS DANG, TING 'DZIN RGYAL PO LAS, ZAS LA MI CHAGS MI SKAM ZA BA YIN, ,LUS DANG SROG LA LTA BAR BA SPONGS LA, ,STONG BA SHIN TU ZHI BA BSGOM PAR GYIS, ZHES DANG, TSIGS GSAL LAS

KYANG; GANG GI PHYIR 'DI DE LTAR YIN PA DE'I PHYIR SHES RAB CAN RNAMS KYIS SROG DAG KYANG YONGS SU BTANG STE DE KHO NA NYID BTZAL BAR 'OS PA YIN TE, BYANG CHUB SEMS DPA' RTAG TU DUS BCOM LDAN 'DAS MA JI LTAR BTZAL BA BZHIN NO; ZHES SO, ,GZHAN YANG STONG NYID RTOGS BA'I BSAM BYUNG SNGON DU BTANG NAS DE RJES SU STONG NYID MI SGOM PAR SEMS DMIGS PA MED PA'I HAD 'JOG HVA SHANG DANG MI 'DRA ZER BA 'ANG MI 'THAD DE, DE'I SBYOR BA MI 'DRA BA BDEN YANG DNGOS GZHI'I SKABS SU SHIN TU MTHUN TE, HVA SHANG GIS GANG LA DMIGS SAM BZUNG NA MTSAN 'DZIN DU 'GRO BAS GANG YANG YID LA MI BYED ZER LA KHYOD KYIS STONG PA'O BDEN MED DO DANG BDAG MED DO ZHES BZUNG NA BDAG 'DZIN DU 'GRO BAS YOD MED YIN MIN GANG YANG MI BSAMS PA'I SHES BYED DU CHOS NYID SPROS DANG BRAL BA LA, SHES PA'ANG SPROS DANG BRAL BAR BZHAG ,CES DRANG BA'I PHYIR, 'DI SHIN TU THA CHAD YIN TE, SO SO SKYE BO'I SEMS GCIG YOD PHYIN CHAD DMIGS PA GCIG LA MI DMIGS PA MI SRID PA'I PHYIR DANG, YANG SEMS MED NA CI YANG MED PA'I SGROS MED SGOM PA'ANG MI 'THAD PA'I PHYIR DANG, BSAM GTAN BZHI BA MA THOB PA'I SO SKYE LA SEMS CI YANG MED PA'I SEMS DGAG PA MDO GONG 'OG GANG NAS KYANG MA BSHAD PA'I PHYIR DANG, SHER MDO SOGS LAS DMIGS MED DANG YID LA MI BYED PAR BSHAD PA NI DE BZHIN NYID LA DPYAD NA KUN RDZOB KYI GNYIS SNANG MED PA BYED PAR SHER MDO RANG LAS GSUNGS

, ,PA'I PHYIR TE, JI SKAD DU SGOM RIM THAM LAS, GAL TE YID KYI RNAM PAR SHES PA YOD NA NI DE'I TSO DES GDON MI ZA BAR CI ZHIG LA DMIGS DGOS TE, SO SO SKYE BO RNAMS KYIS SHES PA NI GLO BUR DU DMIGS PA MED PAR MI 'GYUR RO, ZHES DANG, YANG DE NYID LAS, JI STE MED NA NI DE'I TSE JI LTAR CHOS RNAMS KYI NGO BO NYID MED PAR RTOG PAR 'GYUR, ZHES DANG, DE NYID LAS, BSAM GTAN BZHI PA MA THOB PA'I SO SO SKYE BO'I SEMS NI 'GOG PAR 'GYUR MI SRID DO, ZHES DANG, DE NYID LAS, DE LTA BAS NA DAM PA'I CHOS LAS DRAN PA MED PA DANG YID LA BYED PA MED PA 'BYUNG BA DE YANG, YANG DAG PAR SO SOR RTOG PA SNGON DU 'GRO BA YIN PAR BLTA BAR BYA STE, GANG GI PHYIR YANG DAG PAR SO SOR RTOG PA NYID KYIS DRAN PA MED PA DANG YID LA BYED PA MED PAR NUS KYI GZHAN DU MA YIN NO ZHES PA BZHI RTAGS ZUR BZHI DANG SPYAR BAR BYA LA DMIGS PA DANG MI DMIGS PA'I DON YANG SHER MDO MDO BTUS SU DRANGS, BCOM LDAN 'DAS KYIS BKA' STZAL BA JI TZAM DU GNYIS PA DE TZAM DU DMIGS PA'O, ,MI GNYIS PA NI MI DMIGS PA'O, ZHES GSUNGS PA'I PHYIR DANG, DE LTA MIN NA LTA BA LA DPYAD PA SNGON DU BTANG BA'I GNYID 'THUG PO'ANG LTA BA'I SGOM YIN PAR 'GYUR LA, DE LTA NA AINTRA BODHI SA YE SHES GRUB PA DANG, DUS 'KHOR LAS YID LA MI BYED PA'I DON DE LTAR MIN PAR BSHAD PA DANG 'GAL LA SGOM RIM GSUM SOGS DANG YANG 'GAL BAR 'GYUR RO,

KHYOD KYIS LUNG DES NI SHES PA SPROS BRAL LA 'JOG PAR BSHAD LA DE LA SHES PA 'JOG PA DANG GNAS PA NI 'DZIN STANGS SGO NAS 'JUG GNAS SOGS DGOS KYI, DE DAG MED PAR MI STAN LA SDOD PA LTA BU'I GNAS TSUL MED PA'I PHYIR DANG, SRID ZHI LA GNAS MI GNAS BSHAD PAS SO, ,LUNG DE GNYID DUS KYI SBYOD LAM LA'ANG SBYOR DGOS PAS NYIN MO'I SGOM DANG MI 'BREL PA, THOS BSAM DUS SU BDAG MED KYI LTA BAS DPYED KYANG SGOM DUS LTA BA MI SGOM PAR MI RTOG PA'I SGOM ZER BA NI PHYIN CI LOG YIN PAR JO BO YAB SRAS BZHED DE, PO TO BA'I BI BUM LAS, KHA CIG THOS BSAM DUS NA RIGS PAS, ,RANG BZHIN MED PAR GTAN LA PHAB NAS, ,SGOM DUS MI RTOG 'BA' ZHIG SGOM ZER, ,DE LTA NA NI 'BREL MED STONG NYID LOGS SU SGOM PHYIR GNYEN POR MI 'GYUR, ZHES SOGS RTZA 'GREL DANG, JO BO'I LAM SGRON LAS, STONG NYID BDUN BCU'I RIGS PA DANG, NAS, SGOM PA'I PHYIR NA RAB TU BSHAD, ,DE BAS CHOS RNAMS MA LUS PA'I, ,RANG BZHIN DAG NI MI DMIGS PAS, ,BDAG MED PA NI SGOM GANG BZHIN, ,DE NYID SHES RAB SGOM PA YIN, ZHES SHER PHYIN RIGS TSOGS LTAR SGOM PAR BSHAD PA DANG DER MA ZAD 'JOG SGOM DUS SU YANG DPYAD NAS RANG BZHIN GYIS GRUB PA CUNG ZAD MA MTHONG BAR BDAG MED DU STONG CHAM GYIS SONG BDE LA MI RTOG MI DPYOD PAR MNYAM BZHAG NAM MKHA' LTA BUR SGOM PAR BSHAD PA'I PHYIR TE, BYANG CHUB LAM SGRON LAS, SHES RAB KYIS NI CHOS RNAMS KUN, ,GANG GI RANG BZHIN

, ,MA MTHONG ZHING, ,SHES RAB DE NYID RIGS DPYAD PA, ,RNAM RTOG MED PAR DE SGOM BYA, ZHES PA NAS, RTOG MED TING 'DZIN LA GNAS PA, ,NAM MKHA' BZHIN DU RTOG MED GSAL, ZHES SHES BYED DANG BCAS PA DANG, DBU MA'I MAN NGAG LAS KYANG, DE KHO NA GTAN TSIGS CHEN PO RNAMS KYIS GZHIG CING BTZAL NA, SKRA RTZE MO BRGYAR GSHAGS PA'I TSAD TZAM KYANG GZUNG DU MED DO ZHES NGES PAR KHONG DU CHUD PAR BYA'O, ,NAS, DE LTA BU LA SHES PA GNAS PAR BYA'O ZHES DBU MA'I DON DE LTA BU LA SHES PA GNAS PAR BSHAD PA LTAR MCHAN RNYING DU MAS KYANG BSHAD PA LAM SGRON DANG MTHUN PA'I PHYIR TE, LAM SGRON LAS, LUNG DANG RIGS PA DAG GIS NI, ,CHOS RNAMS THAMS CAD SKYE MED PA'I, ,RANG BZHIN MED PA NGES BYAS NAS, ,RNAM PAR RTOG MED SGOM PAR BYA, ,DE LTAR DE NYID SGOM BYAS NA, ,RAB DGA' LA SOGS THOB PAR 'GYUR, ,SANGS RGYAS BYANG CHUB YUN MI RING, ZHES SANGS RGYAS PAR DU MNYAM BZHAG NAM MKHA' LTA BUR SGOM PAR GSUNG BA'I PHYIR DANG, DE LTAR DU SNYING PO BSDU PA DANG NOR BU'I PHRENG PA SOGS DU MAS BSHAD DO, ,YANG GZHAN SKYE 'DOD PA LA 'GAL BRJOD BCU GCIG PA, DE GZHAN TZAM GYIS GZHAN SKYED BAS LEN DANG, ,BDAG 'DOD TZAM GYIS BDAG SKYE MI 'DOD 'GAL, ZHES SMRAS TE, KHO NA RE, RDZAS GRUB MED DANG DNGOS PO YOD PA 'GAL, ,GZHAN SKYE MED DANG SA MYUG RDZAS GZHAN 'GAL, ZHES RTZA PAR 'GAL BA YOD KHUL LA 'GREL PAR RDZAS YOD MI 'DOD

PAR BTAGS YOD KYIS KHYAB PAR SMRA NA DE BZHIN NO, ZHES SMRAS NAS RANG RE'I LUGS LA BDEN KHA BYIN LA RDZAS TZAM YOD MED DPYOD PA NI KHO BO NI RANG 'GREL LA LTA TZAM YANG MYONG RI ZHES RANG MTSANG SGROGS PA STE, BUM PA PHROG PA LA RDZAS PHROG PA'I THA SNYAD SUN 'BYIN MI RUNG BAR BSHAD PA'I PHYIR, DE 'DRA LA LAN LTA CI RJES 'JOS [?] YANG MI 'OS SO, ,'GREL PA DES SA MYUG RDZAS GZHAN KHAS MI LEN NA NI, ZHES PA NAS, RDZAS GZHAN BSKYED BYA SKYED BYED LA GZHAN SKYER MI BYED PA'ANG 'JIG RTEN GYI TSAD MA RANG LUGS LA KHAS LEN PA 'GAL BA YIN NO, ,ZHES SO, ,'O NA, GZHAN SKYE'I GZHAN DE YOD PAR THAL, DES MYUG THA SNYAD DU RDZAS GZHAN YIN PA TZAM LA BYED PA'I PHYIR, 'KHOR GSUM SONG, 'DOD NA, DNGOS PO THAMS CAD GZHAN GYIS BYAS PA DANG SKYED PAR 'GYUR ZHING, DE LTA NAS LU LJANG PA'I MDO LAS, MIG SOGS BDAG GIS MA BYAS GZHAN GYIS MA BYAS PAR BSHAD PA SOGS DANG 'GAL LA, 'PHAGS PAS, SDUG BSNGAL RANG GIS BYAS PA DANG, ,GZHAN GYIS BYAS DANG GNYIS KAS BYAS, ,RGYU MED PAR NI RTOG GE 'DOD, ,KHYOD KYIS BRTEN NAS 'BYUNG PA GSUNGS, ZHES PA DANG 'GAL LA, TSIG GSAL LAS, DNGOS PO RNAMS GZHAN LAS SKYE BA MA YIN TE, GZHAN MED PA'I PHYIR RO, ZHES PA DANG, MTHA' BZHI KHAS MI LEN PAR BSHAD PA SOGS DU MA DANG 'GAL PA'I PHYIR DANG, DNGOS PO SKYE'O ZHES BA'I THA SNYAD TZAM GYIS DE TZAM GYIS 'JOG MI THUB PAR THAL, DE SKYE NA BDAG LAS SAM GZHAN

, ,LAS SAM GNYIS LAS SAM RGYU MED LAS SKYE ZHES DPYAD PA'I TSE RNYED PA'I PHYIR TE, DE'I TSE GZHAN SKYE RNYED PA'I PHYIR, 'KHOR GSUM KHAS BLANG, 'JUG PA LAS, GZHAN LAS SKYE BA 'JIG RTEN LAS KYANG MED, CES GSUNGS PA'ANG MI 'THAD PAR THAL, GZHAN SKYE THA SNYAD DU YOD PA'I PHYIR, 'KHOR GSUM KHAS, SA BON DANG MYU GU RDZAS GZHAN YIN BAS GZHAN SKYE CIS KYANG DGOS NA 'O NA, BU DANG BTZUGS PA'I LJON PA GNYIS KYANG BDAG LAS SKYES PAR THAL; 'JIG RTEN PA'I THA SNYAD LA BDAG GIS BU 'DI BSKYED SHING 'DI BTZUGS ZHES SMRA ZHING GRAGS PA'I PHYIR, 'KHOR GSUM LA LAN MED DO, 'JUG PA LAS, GANG PHYIR 'JIG RTEN SA BON TZAM BTAB NAS, ,BDAG GIS BU 'DI BSKYED CES SMRA BYED CING, ,SHING YANG BTZUGS SO SNYAM DU RTOGS DES NA, ZHES GSUNGS PA SOGS DU MA DANG 'GAL BAR 'GYUR RO, ,YANG KHO'I THAMS CAD MKHYEN PA MKHYEN PAR MI 'DOD PA DANG LAM BGROD LUGS LA 'GAL BRJOD BCU GNYIS PA DANG, BCU GSUM PA NI, BSKAL MANG GNAS KUN BSLAB KYANG 'BRAS DUS NA, ,JI SNYED GCIG KYANG MI SHES LAM RIM 'KHRUL, ,LHAG MED GZUGS RIG GTAN MED SKU BZHI 'GAL, ZHES SMRAS TE, 'DI NI SNGAR LTAR SANGS RGYAS LA JI SNYED BA GCIG KYANG MKHYEN PA'I YE SHES MED PAR 'DOD PA 'GAL BA SNGA MA DANG KHO RANG GI RTZA BAR, 'PHRIN LAS BSAM YAS GZHAN SNANG RNAM ROL RNAMS, ZHES DANG, DE'I 'GREL PAR SANGS RGYAS KYI GZUGS SKU DANG 'PHRIN LAS

BSAM YAS BRJOD KYIS MI LANGS PA RNAMS NAS, GDUL BYA'I LAS BZANG BO'I DBANG GIS GDUL BYA DANG DE'I GZHAN SNANG GI RNAM ROL KHO NA YIN PAR BZHED DE ZHES SKU BZHI 'PHRIN LAS GDUL BYA'I GZHAN SNANG LAS MED PAR 'DOD PA LA 'GAL BA GNYIS PA BYAS TE, SA BCU PA LAS, DE KHYAD PAR CAN GYI TSES YONGS SU TSOL BA LA MNGON PAR BRTZON BAS 'JIG RTEN NA YI GE DANG BSTAN BCOS DANG RTZIS DANG RGYA DANG, ZHES SOGS LTAR BSKAL BA GRANGS MED DU MAR RIGS PA'I GNAS KUN BSLAB KYANG 'BRAS DUS JI SNYED GCIG KYANG MI SHES PA'I LAM BGROD LUGS KYI RIM BA MDO SDE RGYAN SOGS MDO BSTAN BCOS DU MA DANG RANG TSIG YANG 'GAL LA, LHAG MED SANGS RGYAS KYIS NA SEMS MED NA SEMS BYUNG YANG LDOG DGOS, DE LOG NA DE GNYIS LAM GTOGS PA'I SHES PA NANG PA'I GRUB MTHA' SU YANG MI 'DOD BAS YE SHES KYANG MED DGOS LA SEMS DANG SEMS BYUNG NGAM YE SHES KYI SKU MED NA GZUGS SKU GNYIS KYANG MED DGOS PAS SKU BZHI 'DOD BA NANG 'GAL DANG GSUNG RAB KUN DANG RGYAB 'GAL YIN LA, YANG RGYU MTHUN SPRUL SKU SKU 'DRA TZAM YIN ZER BA NI RANG GI STON PA BEM PO DANG BSTAN PA DE STON PA'I GZUGS BRNYAN GYI BSTAN PA DANG RANG NYID STON PA'I GZUGS BRNYAN GYI BSTAN PA LA ZHUGS PAR SMRA BA LAS KHYOD RANG DMA' 'BAB LUGS LHA 'DRE STONG GIS KYANG CI BYED, DES NA 'DI GNYIS KA RGYAL BA'I GSUNG RAB KYI LAM BGROD LUGS MTHA' DAG DANG, SGRIB PA SPANGS LUGS THAMS CAD

, ,DANG, YON TAN THOB LUGS THAMS CAD DANG RE RE NAS RGYAB 'GAL BYE BA'I PHUNG BO YIN TE, DE RE RE NAS SU ZHIG GIS YI GER NUS GSUNG RAB GCIG DANG YANG MTHUN MI MTHUN BLTAS NA SHES LA, 'DIR THAL 'GYUR BA'I LUGS KYI LAM BGROD LUGS SOGS DANG 'GAL TSUL MDO TZAM BSTAN NA, CHOS DBYINGS BSTOD PA LAS, SA BON GYUR PA KHAMS DE NYID, ,CHOS RNAMS KUN GYI RTEN DU 'DOD, ,RIM GYIS SBYANGS PAR GYUR BA LAS, ,SANGS RGYAS GO 'PHANG THOB PAR 'GYUR, ZHES DANG, JI LTAR CHOS PA'I ZLA BA LA, ,SKAD CIG SKAD CIG RGYAS BAR MTHONG, ,DE BZHIN SA LA ZHUGS RNAMS KYIS, ,RIM GYI RIM GYIS RGYAS BAR MTHONG, ,JI LTAR YAR DO'I BCO LNGA LA, ,ZLA BA RDZOGS BAR 'GYUR BA LTAR,, DE BZHIN SA YI MTHAR THUG NA, ,CHOS KYI SKU YANG RDZOGS SHING GSAL, ZHES KHAMS RGYAS BYED CHOS RNAMS KYIS SBYANGS PA'I SBANGS RTOGS KYI CHOS SKU YAR NGO'I ZLA BA RDZOGS SHING GSAL ZHES PAS YE SHES KYIS THAMS CAD GSAL BAR BSHAD PA DANG 'GAL LA, DE BZHIN DU MDO DKON MCHOG SPRIN LAS, RIGS KYI BU 'DI LTA STE, DPER NA BYI DOR MA BYAS PA'I NOR BU RIN PO CHE DANG BYI RDOR BYAS PA'I NOR BU RIN PO CHE NI 'DI LTA STE, ZHES SOGS KYIS NOR BU DRI MA DAG PA DANG DE BZHIN GSHEGS PA'I CHOS SKU DANG, SA BCU LA LUS MNYAM BA SOGS BCUS MA RDZOGS PA'I BYANG CHUB SEMS DPA'I LUS CHOS SKU MA DAG CES BSHAD BA DANG, MDO DE NYID LAS, RIGS KYI BU 'DI LTA STE, DPER NA TSES GNYIS KYI

ZLA BA NI ZLA BA ZHES BYA BA'I GRANGS SU 'GRO BA NAS ZLA BA NYA'I BAR GYI ZLA BA YANG ZLA BA ZHES BYA'I GRANGS SU 'GRO MOD KYI CHOS GNYIS KYI ZLA BA JI LTAR DE LTA BUR NI ZLA BA NYA BA MA YIN NO ZHES SOGS BYANG SEMS KYI YON TAN BSAGS PA'I LUS MA RDZOGS PA ZLA BA MA GANG BA DANG BDEN GNYIS LTAR SANGS RGYAS KYI YON TAN BSAGS NAS RDZOGS PA ZLA BA NYA BA LTA BUR BSHAD PA DANG, DPA' BAR 'GRO BA'I TING 'DZIN MDO LAS, 'PHONG GI SLOB MA NI SKRAS MTSON PA LA PHOG BAR BYED PAR GNAS PAS PHYIS GANG DU'ANG MI SLOB BO, NAS, BLO GROS BSTAN PA DE BZHIN DU DPA' BAR 'GRO BA'I TING NGE 'DZIN LA GNAS BA'I BYANG SEMS KYIS KYANG CHOS GANG LA YANG BSLAB PAR MI BYA'O, ,DE CI'I PHYIR ZHE NA, DE SNGON LEGS PAR BSLAB PA'I PHYIR TE, TING NGE 'DZIN THAMS CAD DANG, SNYOMS PAR 'JUG PA THAMS CAD DANG, RNAM PAR THAR BA THAMS CAD DANG, BYANG CHUB SEMS DPA'I YON TAN GYI CHOS THAMS CAD DE LA MNGON DU 'GYUR RO, ,ZHES DBER NA 'PHONG GI SLOB MAS DANG PO BA LANG GI GO BA NAS MTHAR SKRA BCU DANG, SKRA GCIG LA PHOG BAR BSLABS BAS SKRAS MTSON BA LA PHOG LA DES DE GANG 'DOD LA PHOG PA LTAR RGYAL SRAS KYIS KYANG THOG MAR BSAM PA DANG DE NAS SBYOR BSTE RNAL 'BYOR DANG, DE NAS LHAG BSAM DANG, DE NAS BYAMS SOGS BZHI LA RIS BZHIN DANG DE NAS MNGON SHES LNGA LA LOB BAS PHYIN DRUG TSAR PHYIN NAS, DE NAS THABS MKHAS LA DANG, DE NAS BRGYAD BA'I BZOD PA DANG LUNG BSTAN LA DANG, DE NAS ZHING BKOD DANG,

, ,DE NAS BCU BAR SANGS RGYAS THAMS CAD LA DBANG BSKUR THOB PA DANG DPA' BAR 'GRO PA'I TING NGE 'DZIN THOB PAS CHOS GANG LA GSAR SLOB MI DGOS LA DE BAR DU BSLAB DGOS SHING MDO GZHAN LAS SA SO SO LA YON TAN STONG 'GYUR SOGS SU GONG 'PHEL DU BSHAD PA MTHA' DAG MI 'THAD PAR THAL, SANGS RGYAS SA NA YON TAN MTHA' MED DE DAG GCIG KYANG MED PA'I PHYIR, 'KHOR GSUM KHAS, 'DIS SKU GSUNG THUGS KYI YON TAN GONG 'PHEL DU BSHAD PA THAMS CAD DANG BYANG SEMS DANG SANGS RGYAS NAM MKHA' DANG KHA BA MI GTZAM DU BSHAD BA SOGS KYIS KYANG DGAG BAR BYA'O, ,YANG GSUNG RAB NAS SGRIB PA JE DAG TU SONG GI SKU GSUNG THUGS KYI YON TAN CHE RU DANG THUGS YANG GSAL DU 'GRO BAR BSHAD PA RNAMS DANG, KHYAD PAR DU RGYUD BLA MA LAS, NYON MONGS SHES BYA'I SGRIB PA DER, ,SPRIN DANG 'DRA PAR BRJOD PA YIN, ,SGRIB BA GNYIS DANG BRAL BA YI, ,RGYU NI YE SHES GNYIS YIN TE, ,MI RTOG DANG NI DE YIN, ,RJES THOB DE NI YE SHES 'DOD, CES GSUNGS PA LHAR SHES SGRIB DE SHES BYA THAMS CAD YONGS SU GCOD PA'I SGRIB PA NYI MAS SA KUN GSAL BAR BYED PA LA SGRIB PA'I SPRIN LTA BU DANG, DE DANG BRAL BA NA DON DAM MKHYEN PA'I MNYAM BZHAG MI RTOG YE SHES DANG JI SNYED THAMS CAD MKHYEN PA'I YE SHES GNYIS 'BYUNG BAR BSHAD PA DANG 'GAL TE KHYOD LTAR NA SANGS RGYAS PA DANG NYI MA NUB STE MUN 'THIBS PA STONG NYID TZAM LAS GANG YANG MI SHES PA'I PHYIR DANG, CHOS DBYINGS BSTOD PA

LAS; JI LTAR MAR ME BUM NANG GNAS, ,CUNG ZHIG SNANG BA MI 'GYUR BA, ,NAS, GANG TSE TING 'DZIN RDO RJE YIS, ,BUM PA DE NI BCAG GYUR PA, ,DE TSE DE NI NAM MKHA' YI, ,MTHAR THUG BAR DU SNANG BAR BYED, CES BUM NANG DU RIN PO CHE'I SGRON ME BZANG PO YOD KYANG GZHAN MI GSAL BA LTAR, NYON MONGS PA'I SGRIB BAS MI GSAL BA BUM PA LTA BU BUG CUNG ZAD BYAS PAS PHYOGS RE GSAL BA LTAR SEMS CAN GYI SGRIB PA CUNG ZAD RE SPANGS PAS PHYOS SA RE'I SHES BYA MKHYEN LA RDO RJE LTA BU'I TING NGE 'DZIN GYIS NYON MONGS PA'I BAG CHAGS SHES SGRIB BUM PA LTA BU DE BCAG PA NA NAM MKHA'I MTHAR THUG PA'I SHES BYA GANG YOD LA MKHYEN PA'I 'OD KYIS KHYAB PAR BSHAD PA DANG 'GAL TE KHYOD KYIS DE LTAR MI 'DOD PAR BUM PA BCAG PA DANG 'OD MED PAR 'DOD PAS SO, ,SHES SGRIB ZAD KYANG SHES BYA THAMS CAD MI MKHYEN NA SHES SGRIB KHAS BLANGS NAS CI, BDEN GNYIS NGO BO THA DAD DU 'DZIN PA'I SGRIB PA MED NA SEMS CAN THAMS CAD LA BDEN GNYIS CIG CAR DU MNGON DU 'GYUR LA, YONG NA DE ZAD PAR SPANGS YANG BDEN GNYIS NGO BO CIG CAR MI MKHYEN PA YANG SPANGS GNYEN LA SGRA SBYI LAS MI SHES PA'I SNOD STONG BAR LEG PA BRDAB PA'I SGRA YIN NO, ,DENG ZHIN DU 'JUG 'GREL LAS SANGS RGYAS KHO NA LA DUG GSUM GYI BAG CHAGS SHES BYA YONGS SU GCOD PA'I SGRIB PA SPANGS TSUL DANG MDO DU MA SPYOR SLA'O, ,YANG JI SNYED CIG KYANG MI MKHYEN PA DANG SANGS RGYAS RANG RGYUD KYI SKU BZHI MI 'DOD PA LA DE DAG TU MA ZAD

, ,YON TAN THOB TSUL BSHAD PA'I MDO RGYUD BSTAN BCOS THAMS CAD DANG RGYAB 'GAL YIN TE, DPER NAS BCU BA LAS, RAB TU BYUNG NAS KYANG SKAD CIG THANG CIG YUNG TZAM GCIG LA TING NGE 'DZIN BRGYA RAB TU THOB CING SNYOMS PAR 'JUG PA DANG, NAS, LUS RE RE LA YANG BYANG CHUB SEMS DPA'I 'KHOR BRGYA BRGYA KUN TU STON, ZHES DANG, BCU PA CHOS KYI SPRIN SKABS SU MDO DE NYID LAS, SKAD CIG THANG CIG YUD TZAM GCIG LA SANGS RGYAS KYI ZHING BRJOD DU MED PA BYE BA KHRAG KHRIG BRGYA STONG PHRAG BCU'I RDUL PHRA RAB SNYED KYI TING NGE 'DZIN RAB TU THOB CING SNYOMS PAR 'JUG PA DANG, ZHES SOGS DANG 'JUG PA RTZA 'GREL LAS DE LTAR BSHAD PA DANG, YANG MDO DE NYID LAS, KYE RGYAL BA'I SRAS BYANG CHUB SEMS DPA' RNAMS KYI SPYOD PA'I YUL DANG, BYIN GYIS RLABS 'DI YANG DE LTAR TSAD MED NA, DE BZHIN GSHEGS PA RNAMS KYI SPYOD YUL DANG, YUL LA 'JUG PA CI 'DRA ZHES PA'I LAN DU MI GCIG GIS RDE'U GCIG BLANGS NAS 'JIG RTEN GYI KHAMS MTHA' YAS NA SA'I KHAMS CI TZAM YOD, RDE'U 'DI LAS CI TZAM GYIS CHE DRIS PA KHYAD MED PAR BSHAD PA LTAR YUL LA 'JUG SOGS KYI KHYAD PAR DGOS KYI DE LTAR MA YIN NA RNAL 'BYOR BA YANGS GONG MA GONG MAS 'OG MA ZIL GYIS JI LTAR GNON SANGS RGYAS KYIS NYAN RANG BYANG SEMS THAMS CAD ZIL GYI SENG GE LTAR GNON PAR BSHAD PA SOGS MTHA' DAG DANG 'GAL SANGS RGYAS LA YON TAN DE LTAR 'DOD PA DANG

SKU BZHI GDUL BYA'I RGYUD SNANG 'DOD BA YANG RGYAB 'GAL YIN LA, SANGS RGYAS KYI RGYUD LA LAS NYON ZAD BAS DE'I 'BRAS BU SANGS RGYAS RANG SNANG LA MED ZER NA 'ANG LAS NYON GYIS MA SBAGS PA'I TSOGS GNYIS MTHA' YAS PA MTHAR PHYIN BA'I LAG RJES DAG PA'I SNOD BCUD TZAM YANG RANG SNANG LA'ANG MED PA NI RGYU 'BRAS CHUNG MI BRA BA LA SKUR 'DEBS DANG DUS 'KHOR GYI STONG GZUGS RDZOGS SANGS RGYAS TSUL SOGS MTHA' DAG LAS PHYIR GYUR BA YIN PA SOGS BYA YANG TSAD GRUB MI 'DOD BA LA 'GAL BRJOD BCU BZHI BA DANG, BCO LNGA BA SMRAS TE, MNGON RJES GNYIS 'DOD TSAD MA MI 'DOD 'GAL, ,SGRUB BYED YOD DANG TSAD GRUB DNGOS MED 'GAL, ZHES BYA BA 'DI YANG DE'I RTZA BAR YUL KUN RDZUN DANG YUL CAN SPU MED 'GAL, ,YUL DER 'KHRUL DANG DE LA TSAD MA 'GAL, ,RJES DPAG YOD DANG SGRUB DAG MED PA 'GAL, ,SDE BDUN LAS GSUNGS TSAD MA MI 'DOD KYANG, ,RANG LUGS TSAD MA'I RNAM BZHAG SHES PA 'GAL, ZHES PA RNAMS DANG, KHO RANG LUGS LAM BRTAGS GTAN CHIGS BKOD PAS RANG GZHAN LA, ,RIGS SHES RJES DPAG SKYED LA 'GAL PA MED, ,RTOG GES BRTAGS BA'I RANG RGYUD MI SRID PHYIR, ,RANG RGYUD TZAM YANG MI 'DOD CES SMRA BA, ,THAL 'GYUR LA YANG CI YI PHYIR MI MTSUNGS, ZHES BA DANG, DE'I 'GREL PAR PHYIN CI LOG MANG DU SMRAS PA RNAMS GSUNG RAB THAMS CAD DANG MKHAS PA THAMS CAD KYI LUGS LAS RGYAB 'GAL DU SONG STE, RIGS BA'I DBANG PHYUG GIS,

, ,TSAD MAS MA GRUB DAM BCA' 'GAL ZHES DANG, PHYOGS GLANG GIS MNGON SUM DANG NI RJES SU DPAG, YID CHES GRAGS PA'I RANG RTEN LA 'O, ZHES SGRUB RTAGS KYI RTEN RTZOD GZHIL TSAD MA BZHIS MA BSAL BA DGOS PAR BSHAD PA DANG, BDEN GNYIS LAS, TSAD MAS GNOD NA TSAD MA'I BDAG, YID BRTAN DU NI MI RUNG 'GYUR, ZHES DANG, TSAD CHEN LAS ZHI 'CHOS, SGRO 'DOGS RNAM PAR BCAD PA YIS, ,YUL CAN NYID KYIS TSAD MA YIN, ZHES DANG, DES PAR MI SLU'I MTSAN NYID CAN, ,MTSAN NYID DE LDAN TSAD MA NYID, CES DANG, TSIG GSAL LAS KYANG, DE LTAR TSAD MA BZHI LAS ZHES SOGS DANG, 'JUG PA LAS, 'DI YI YOD PA GANG GIS SHES PAR 'GYUR, ,MA BZUNG [?] BAR YANG YOD CES BYAR MI RUNG, ZHES DANG, DE DANG MTHUN PAR TSAD MA MED NA GZHAL BYA SOGS THAMS CAD MI 'THAD PAR 'GYUR TSUL YANG TSIG GSAL LAS, GZHAN YANG GAL TE GZHAL BYA RTOGS PA TSAD MA LA RAG LAS PA YIN NA, TSAD MA GANG GIS DE GCOD PAR BYED CES BYA BA LA SOGS PA ZHES YANG YANG BSHAD PA DANG BZHI BRGYA PA DANG RIGS PA DRUG CU PA'I 'GREL PA GNYIS SU YANG BSHAD PA DANG RTZOD ZLOG LAS KYANG MNGON SUM LA SOGS PA'I TSAD MA BZHI BSHAD PA DANG, TSAD MA'I THA SNYAD DANG TSAD MA BZHI SOGS NI CHOS GRAGS SOGS KYIS GLO BUR DU BYAS PA 'AM SGRO BTAGS PA MA YIN GYI TSAD MA'I DON MI 'CHAD PA'I

MDO SNGAGS GSUNG RAB GANG YANG MED PAR MA ZAD THA SNYAD YANG 'GYUR KHYAD MA GTOGS LUNG CHOD MA DANG CHOD MA'I SKYES BU DANG CHOD MA BSHAD PA GRANGS KYIS GAR LANGS TE, DPER NA GSER 'OD GCIG PU LAS, SANGS RGYAS BCOM LDAN 'DAS YE SHES SU GYUR PA, SPYAN DU GYUR PA, TSAD MAR GYUR PA MKHYEN PAS GZIGS PA ZHES YANG YANG 'BYUNG NA GZHAN LTA CI SMOS LA DE DANG MTHUN PAR, PHYOGS GLANG GIS TSAD MAR GYUR PA 'GRO LA PHAN BZHED BA, ZHES DANG, RNAM 'GREL LAS, DE LDAN BCOM LDAN TSAD MA NYID, CES DANG, DKON BRTZEGS LAS, CHOS ZAB MO GANG DAG LA 'DI'I BLOS GTING MI DPOG PA DE LA DE BZHIN GSHEGS PA KHO NA TSAD MAR BYAS NAS, ZHES DANG, RIN CHEN PHRENG BA LAS, DON 'DI LA NI RGYAL BA LAS, ,LHAG PA'I TSAD MA GZHAN SU YOD, CES PA DANG, 'JUG 'GREL LAS KYANG, TSAD MAR GYUR PA'I SKYES BUS BYAS SHING LUNG PHYIN CI MA LOG PAR 'CHAD PA MTHONG BA LAS ZHES SOGS LTA BU SHIN TU MANG LA; LUNG TSAD MA DANG YID CHES RJES DPAG KYANG DE DAG GIS KYANG 'GRUB MOD GZHAN YANG TSIG GSAL LAS, DE NYID KYI PHYIR MKHAS PA DAG NI SANGS RGYAS BCOM LDAN 'DAS KHO NA'I GSUNG TSAD MAR GCOD PAR BYED DA, 'THAD PA DANG BCAS PAS MI BSLU BA'I PHYIR RO, ZHES DANG, 'PHAGS PA'I MDO KUN BTUS LAS, SANGS RGYAS 'BYUNG BA SHIN TU RNYED DKA' BAR CIS MNGON ZHE NA, MDO SDE DU MA TSAD MAR GYUR PA LAS SHES TE ZHES DANG, GZHAN DU

, ,PHAR ZHOG ,MDA' BSNUN ZHABS KYIS KYANG, KHA CIG THEG CHEN DE LA SGYU BYED CING, ,DE NI GZHUNG LUGS TSAD MA'I BSTAN BCOS YIN, ZHES PA LTA BU CHES MNGAL, MDO SDE DGONGS 'GREL LAS KYANG, DE LTAR NA 'THAD BA SGRUB PA'I RIGS PA DE NI MNGON SUM GYI TSAD MA DANG, RJES SU DPAG PA'I TSAD MA DANG, YID CHES PA'I LUNG GI TSAD MAS MTSAN NYID LNGA PO DAG GIS YONGS SU DAG PA YIN NO ZHES GSUNG PA LTAR THEG PA CHEN PO'I MNGON PA'I MDON RGYAS PAR YOD PAR CHES GSAL BA'I PHYIR DANG, MDO 'DI NI 'KHOR LO GSUM GA'I DGONGS 'GREL YIN PAS BKA' THAMS CAD KYI DGONGS PAR YANG 'GYUR RO, ,KHYOD KYIS BSHAD TSUL DE NI MDO RGYUD GZHAN DANG BSHAD SROL MI 'DRA BA'I SA BCU'I BYANG CHUB SEMS DPA'I 'GREL PA SKOR GSUM DANG YANG RGYAB 'GAL DU SNANG STE, DRI MED 'OD LAS, DE NI 'JIG RTEN DANG 'JIG RTEN LAS 'DAS PA'I DNGOS GRUB KYI SLAD DU LHA'I DMIGS PA GSUNG BA LHA YI ZHES PA LA SOGS PA STE, 'DIR SEMS CAN RNAMS KYI BSAM PA'I DBANG GIS RNAL 'BYOR PA RNAMS KYIS LHA'I DMIGS PA GANG YIN PA DAG NI MNGON SUM DANG RJES SU DPAG PA RNAM PA GNYIS SU 'GYUR TE ZHES BLA MED KYI RGYUD SDE CHES MANG BA DRANGS TE; DE DAG GIS RIM GNYIS RJES DPAG TSAD MA DANG MNGON SUM TSAD MA'I LAM DU BSHAD CING DE YANG RIM PA DANG PO NI RIGS PA BZHI SOGS KYIS SGOM PA'I RJES DPAG TSAD MA'I LAM PA DANG MNGON SUM LA LTOS

NAS DBU TSAD LTAR LONG PA LAG BRGYUD LTAR MI BRLING BAR BSHAD PA LTAR 'DIR YANG SHI BA'I LUS BZHIN MI BRLING BAR BSHAD DE, DRI MED 'OD LAS, DE KHO NA NYID MIN PAS BSGRUB PA LA MNGON SUM MIN NA, RJES SU DPAG PA SHI BA'I LUS BZHIN DE NYID MIN PA YIS NI BRTAGS PA GANG, DE NI RI MO LA SOGS BLTA BYA ZHES PA NI SANGS RGYAS DANG BYANG CHUB SEMS DPA' RNAMS KYIS RI MO DANG SKU GZUGS BYAS PA DANG BLUGS MA'AM, DKYIL 'KHOR GYI 'KHOR LO BRIS NAS NGES PA'I RNAM PAR LTA BAR BYA STE, BYIS PA'I RNAL 'BYOR PA DMAN PA RNAMS KYIS SGOM PA'I DON DU'O, ZHES PA RNAM PAR RTOG PA SGOM PA'I NGES PA'O ZHES GSUNGS PA DANG NYAN SAR SHING RTA CHEN PO THOGS MED KHYAB MKHAS SPYAD SBYOD GI RNAL 'BYOR BZHI PO THAMS CAD RIGS PA BZHIS SGOM PAR BSHAD PA DANG YANG MTHUN LA RIM PA GNYIS PA TSANGS PAR MNGON SUM TSAD MA 'PHRAL GYIS 'KHRUL RGYUS MA SLAD PAS NA MA 'KHRUL PA DANG, DE LA DBYE NA RANG YIN GYI SPYAN LNGA DANG DBANG YID RNAL 'BYOR GSUM DANG SO SO RANG RIG STE BZHI BSHAD PA'I PHYIR TE, RDO RJE SNYING 'GREL BLO BRTAN SOGS KYI 'GYUR LAS, 'DIR NAM MKHA' DNGOS PO BSGOM BYA NI RMI LAM LTA BU STE RDUL PHRA RAB KYI CHOS NYID LAS 'DAS PA'O; ;DE YONGS SHES PA NI DNGOS PO MED PA BSGOM PAR BYA STE, RNAM PAR RTOG PA DANG BRAL BA'I SEMS KYI SNANG BRNYAN MTHONG BA'O, ,RTOG PA DANG BRAL ZHING MA 'KHRUL BA NI MNGON SUM ZHES BRJOD PAR BYA'O, ,DE NYID RNAM PA BZHI

, ,'BYUNG PO THAMS CAD RTAG TU 'DIR 'GRO BA'AM, 'BYUNG PO THAMS CAD LA RTAG TU 'DIS 'GRO BAS BDAG GO ZHES GSUNGS PA, BH'U TI'AM 'BYUNG PO ZHES PA NI 'DIR SNOD BCUD GNYIS KA LA BYA STE, DE THAMS CAD 'BYUNG SA DANG THIM SA GNYIS KA YIN ZER 'DOD PA'O, ,DE SKAD DU 'ANG, BYUNG GYUR 'BYUNG DANG BYUNG BDAG ,THAMS CAD SKYES BU 'DIR 'DOD DE, ,DE NI PHYI NANG RING BA DANG, ,DE NI NYE DANG DE LAS BYED, CES DANG, RTOG GE 'BAR BA LAS, STENG GI PHYOGS NI 'DI'I MGO BO'O, ,'OG GI PHYOGS NI RKANG PA'O, ,NAM MKHA' NI LTO PA'O, ,PHYOGS RNAMS NI LAG PA'O, ,GZA' DANG RGYU SKAR RNAMS NI SKRA'O, ,RI BO RNAMS NI BRANG NGO, ,RI'I PHRENG BA NI RUS PA'O, ,CHU KLUNG RNAMS NI RTZA'I DRA PA'O, ,NAGS TSAL RNAMS NI SPU DANG SEN MO'O, ,RGYAB NI MTHO RIS KYI 'JIG RTEN NO, ,DBRAL PA NI TSANGS PA'O, ,CHOS DANG CHOS MIN PA NI SMIN MA GNYIS SO, ,KHRO GNYER NI 'CHI BDAG GO ,NYI ZLA GNYIS NI MIG GO ,ZHES SOGS DANG DE BZHIN DU DBUGS 'BYUNG RDUB RLUNG, RI PHRAN SO LCE DBYANGS CAN MA, AOm DANG BA SHA THA'I YI GE GNYIS MCHU, MIG PHYE BTZUM DUS, G-YAS G-YON GYI PHYOGS NI SKYES PA BUD MED, 'JIG RTEN DANG DE MIN BA NI NU BAR, SOR MO RNAMS RI'I BAR, BUS MO GNYIS GSER 'BA' GNYIS, RJE NGAR GNYIS THA SKAR BU GNYIS RKED SMAD NI NYIN ZHAG MA JE [?] RLIG NI DBANG PO DGA' 'BA' RANG BZHIN SKYED DGU'I BDAG PO RKANG PA

KHYAB 'JUG DANG DE BZHIN DU THAMS CAD LA 'JUG PAR BSHAD DO, ,JI SKAD DU, RIG BYED PAS MA BKAG SGRIB MED LHA DE GCIG PU GNAS, ,SKYES BU DE YIS KUN LA KHYAB CING RGYAS, ,PHRA BABS KYANG PHRA ZHING CHE BAS CHE, ZHES SOGS DANG; YANG DE NYID LAS, LUS LUS MED PA'I LUS LA NI, ,KUN TU GNAS MED GNAS PA NI, ,CHEN PO GTZO BO'I BDAG NYID DE, ,SHES NA MKHAS BA MYA NGAN MED, CES DANG, DE BZHIN DU G-YO BA DE YIN MI G-YO DE, ,RING THAD DE YIN NYE BA DE, ,NANG YANG DE YIN THAMS CAD KYI, ,GNYIS KA DE YIN PHYI ROL NYID, CES SO, ,GZHAN YANG, 'CHING GROL GYI BDAG BUM PA LA CHAGS NA, MA CHAGS PA'I NAM MKHA' LTA BU DANG, TSAD MA'I DE NYID LE'U DRUG PA LAS; DBANG PHYUG CHOS MTSUNGS SKYES BU NI, ,'JIG RTEN RGYUR NI RTOG PAR BYED, CES PA LTAR, DBANG PHYUG BZHIN DU SNOD 'BYUNG 'JIG GNAS GSUM GYI RGYU BYED PAR KHAS LEN PA TZAM 'DRA YANG, DE'I 'GREL PA LAS, 'DI TZAM ZHIG NI KHYAD PAR YIN TE, DBANG PHYUG RGYUR SMRA BA RNAMS KYIS NI DBANG PHYUG LAS THA DAD PA GZHAN YANG BDAG LA SOGS PA DANG, 'DU MAL LA SOGS BA RGYUR 'DOD LA, SKYES BU RGYUR SMRA BA RNAMS KYI MA NI SKYES BU KHO NA RGYUR 'DOD DO, ZHES GSUNGS PA LTAR SKYES BU DE KHO NAS SNOD BCUD SKYE GNAS 'JIG GSUM DANG, 'GRO BA 'CHING BA DANG, SOGS KYI SGRAS SGROL BA DANG, BDE SDUG CHE CHUNG SNA TSOGS BYED PAR 'DOD DE, DPER NA BA LAS BA THAG DANG, CHU SHEL LAS CHU

, ,BSHAD DANG DPA' BO'I GZHUNG DANG YE SHES SNYING PO SOGS KYI GZHUNG DANG ZLA BA'I ZHABS RANG GIS KLU SGRUB LAS TSIG DON RNAM PAR PHYE BA'I BSHAD PA RNYED PA GANG YOD PHAN TSUN PA BSDOMS NAS BLO LDAN MKHAS MCHOG RNAMS MGU BYED GNAM LA NYI ZLA GNYIS DANG SA LA GSAL BA RNAM GNYIS ZHES GRAGS PA'I YA GYAL TSIG GSAL BRTZAMS PA'I PHYIR TE, TSIG GSAL BRTZAM TSUL MDZAD BYAD SKABS LAS, MDO SDE KUN LAS BTUS DANG GTAM BYA RIN CHEN PHRENG BA DANG YANG DAG BSTOD PA DANG, ZHES PA NAS, BRGYA PA LA SOGS DE DAG DANG NI DE BZHIN MDO SDE ZAB MO RNAM MANG DANG, ,SANGS RGYAS BSKYANGS KYIS MDZAD PA'I 'GREL PA MTHONG NAS LEGS LDAN 'BYED KYI LEGS BSHAD GANG, ,GCIS NAS GCIG TU BRGYUD LAS 'ONGS DANG BDAG GIS RNAM PAR PHYE LAS RNYED PA GANG, ,DE DAG BSDOM STE BLO CHE LDAN RNAMS MGU BAR BYA PHYIR YANG DAG BSTAN PA YIN, ZHES GSAL BAR BSHAD PA'I PHYIR DANG 'DI THUGS LA BZHAG NAS RJE RIN PO CHES THAL RANG DANG DBU SEMS RANG RANG GI THUN MONG MA YIN BA SO SOR BYAS SHING SGOM TSUL SOGS THUN MONG BA RNAMS ZHAL GANG GSAL RE DRANGS SO, ,YANG 'THAD PA BCUG NAS DPYAD CING BSGRUBS PAS SO, ,ZHES ZHIB DPYOD KUN RDZOB GANG LA'ANG MI RUNG SNYAM PA RMONGS PA'I LONG GTAM YIN TE, 'JUG PA LAS, ZHIB MOR RTOGS LA'ANG SHIN TU MKHAS PA 'THOB, CES PA RTZA 'GREL DANG, TSIG GSAL LAS

KYANG; CI STE ZHIB MOR DPYAD PA 'DIS CI ZHIG BYAS TE ZHES DNGOS SMRA BAS KYANG ZLA BAR DE LTAR SMRAS PA'I LAN DU KHO BO YANG KUN RDZOB LA DE LTAR SMRA LA KHYOD KYIS 'THAD PA LTAR SNANG GI KUN RDZOB KYI PHYOGS GCIG SEL BZLOG PA'I CHED DU DE LTAR DPYAD NAS KHYOD KYI RIGS BZLOG PAR BYED CING KUN RDZOB 'JIG RTEN GYI THA SNYAD LTAR 'THAD PAR SGRUB PO ZHES GSUNGS PA'I PHYIR TE, TSIG GSAL LAS, DPYAD PA ZHIB MO 'JIG RTEN GYI THA SNYAD LA BCUG PA 'DIS CI DGOS ZHES KHO BO CAG KYANG DE SKAD DU SMRA STE, ZHES DANG, KHO BO NI KUN RDZOB BDEN PA RNAM PAR 'JOG PA LA MKHAS PA'I PHYIR 'JIG RTEN PA'I PHYOGS NYID LA GNAS TE KUN RDZOB KYI PHYOGS GCIG BSAL PA'I PHYIR BKOD PA'I 'THAD PA 'THAD PA GZHAN GYIS ZLOG PAR BYED CING, ZHES DANG, DE'I PHYIR GAL TE 'JIG RTEN PA'I THA SNYAD DU YIN NA NI, DE'I TSE MTSAN NYID BZHIN DU MTSAN GZHI YANG GDON MI ZA BAR BYA DGOS TE ZHES MTSAN MTSON GZHI GSUM DANG BYA BYED LAS GSUM DANG RTEN BRTEN PA SOGS LA JI LTAR DPYAD MIG PHYIS LA LTOS SHIG ,YANG YUL DE SLU CHOS YIN NA BLO DE TSAD MAR SONG MI SRID PA'I PHYIR, ZHES PA NI 'GAL KHYAB CHE SHOS YIN TE, 'PHAGS PA RNAMS KYIS DNGOS PO RDZUN PA DANG SLU BA'I CHOS LA RDZUN PA DANG SLU BA'I CHOS SU RTOGS PA NI RTOGS TSUL MI SLU BA DANG YANG DAG PAR SONG BA YIN PAR 'PHAGS PA YAB SRAS BZHED PA'I PHYIR TE, RIGS PA DRUG CU PA LAS, DNGOS LA MKHAS BA DE RNAMS KYIS,

, ,DNGOS PO MI RTAG SLU BA'I CHOS, ZHES BA'I SNGA 'GREL DU ZLA BAS, DE RTOGS PA NA SLU BAR BYED PA'I SEMS LA SLU BAR BYED PA NYID DU YANG DAG PAR RTOGS NAS SKAD CIG KYANG YID MI RTON PA NGES PAR 'PHAGS PAR GYUR PA ZHES SLU BA'I SEMS LA SLU BAR RTOGS PA YANG DAG PAR RTOGS PAR BSHAD PAS NA YANG DAG PA LAS LHAG PA'I MI SLU BAR CAN GCIG NI MI YONGS LA DE BZHIN DU 'JUG PA LAS, BSAM GTAN LHAG CING BLO BZANG BDEN RANG BZHIN, ,ZHIB MOR RTOGS LA'ANG SHIN TU MKHAS PA 'THOB, CES DANG, RANG 'GREL LAS, SHES PA ZHIB MOS KHONG DU CHUD BAR BYA BA'I RANG BZHIN NI RANG BZHIN ZHIB MO STE, ZHES GSUNGS PA'I ZHIB PAR MKHAS TSUL YANG SA LNGA'I MDO DRANGS BAS, 'DI NI SDUG BSNGAL 'PHAGS PA'I BDEN PA'O ZHES YANG DAG PA JI LTA BA BZHIN DU RAB TU SHES SO, ,'DI NI SDUG BSNGAL KUN 'BYUNG BA'O, ,NAS, LAM 'PHAGS PA'I BDEN PA'O ZHES YANG DAG PA JI LTA BA BZHIN DU RAB TU SHES SO ZHES RGYAS PAR BSHAD PA'I BDEN PA, ZHES DANG, YANG DAG PA BYAS TSAD THAMS CAD TSUGS THUB TU GRUB PA'I DON DAM BDEN PA LA BYED DAM, DE BZHIN DU MDO DKON MCHOG SPRIN LAS, 'KHOR BA NI 'DOD CHAGS KYIS 'BAR BA'O ZHES YANG DAG PA JI LTA BA BZHIN DU RAB TU SHES SO, ,NAS, 'DUS BYAS NI MI RTAG PA'I ZHES YANG DAG PA JI LTA BA BZHIN DU RAB TU SHES SO, ,'DU BYED RNAMS NI SDUG BSNGAL BA'O ZHES YANG DAG

BA JI LTA BA BZHIN DU RAB TU SHES SO, ,DE BZHIN DU 'JIG RTEN NI SBROS PA LA MNGON PAR DGA'O ZHES YANG DAG PA JI LTA BA BZHIN DU RAB TU SHES SO, ,CHOS THAMS CAD NI RKYEN LAS BYUNG BA'O ZHES YANG DAG PA JI LTA BA BZHIN DU RAB TU SHES SO; ZHES GSUNGS PA SOGS CHOS DE'I SDOD LUGS SHES PA'AM NGO BO SOGS THA SNYAD PA JI BZHIN DU SHES PA GCIG LA YANG DAG PAR SHES PA DANG MI SLU BAR SHES PA DANG TSAD MAR SONG BA 'DOD RIGS KYI TSUGS THUB KYI BDEN GRUB GCIG DGOS PAR SUS KYANG MA BSHAD PA'I PHYIR TE, YON TAN DANG YE SHES LA 'JUG PA'I MDO LAS, SEMS CAN THAMS CAD KYI SEMS DANG NAS, 'JUG PA'I GNAS GANG DAG BYUNG BA DANG 'BYUNG BA DANG 'BYUNG BAR 'GYUR BA DE DAG DE BZHIN GSHEGS PAS LHUN GYIS GRUB PA'I YE SHES KYIS RNAM PAR MI RTOG PAR SKAD CIG THANG CIG YUD TZAM GCIG LA YANG DAG PA JI LTA BA BZHIN DU RAB TU MKHYEN TO, ZHES DANG, DKON MCHOG SPRIN LAS DAM BCAS PA PHAL LA MED PA DE DAG THAMS CAD RIM GYIS 'PHEL ZHING RGYAS PA DANG, YANGS PAR YONGS SU RDZOGS PAR 'GYUR RO ZHES THOS BA 'DI NI YANG DAG PA'O 'DI NI DE KHO NA'O, ,'DI NI MI SLU BA'O SNYAM STE GNAS 'DI LA NEM NUR THE TSOM MED DE ZHES GSUNGS PA LTAR, CHOS YANG DAG BAR SDUD PA DANG BLO GROS MI ZAD PA LANGS GSHEGS SOGS DANG, DPA' BOS KYANG, DON GZIGS PAS NI MI SLU BA, ZHES GSUNGS PA SOGS MANG NGO, ,YANG DE LTAR TSAD MA BZHIS 'JIG RTEN GYI DON RTOGS PAR ZHES

, ,GSUNGS PAS, TSAD MA BZHI THA LA 'GYUR BAS KHAS MI LEN ZHES DANG, RANG GI TSAD MA'I DON MI SLU BAR 'DOD BA YANG DNGOS SU 'GAL TE, BRGYA PA'I 'GREL PA LAS, MI SLU BA'I SHES PA NI 'JIG RTEN NA TSAD MA NYID DU MTHONG NA, ZHES GSUNGS PA'I PHYIR, 'KHOR GSUM KHAS, GZHAN YANG, KUN RDZOB SLUB MED PA'I BDEN PA DANG, ZHES SMRA BA LA SUN 'BYIN BYED PA YANG RGYAL BA'I BKA' DANG DAM BA'I CHOS DANG LAS RGYU 'BRAS THAMS CAD LA SUN 'BYIN YIN TE, DPA' BOS KUN RDZOB BYANG CHUB SEMS SGOM PADMA SPUNGS PA LAS, NAGS TSAGS RGYU 'BRAS SO SO YIS, ,KUN RJOB [?] SLU BA MED PA STON, ZHES DANG, MDO TING 'DZIN RGYAL PO LAS, NAM MKHA'I KHAMS NI RNAM PA GZHAN 'GYUR YANG, ,KHYOD NI MI BDEN PA YI TSIG MI GSUNGS, ZHES DANG, DPA' BOS SPEL BSTOD KYI GSUNG LA BSTOD PA LAS, KUN LA THUGS THOGS MI MNGA' ZHING, ,DGONGS PA'ANG KUN TU NYER GNAS BA, ,DE SLAD KHYOD KYI LUNG BSTAN KUN; ;THAMS CAD LA YANG BSLU MI MNGA', ZHES DANG, RAB ZHI RNAM NGES MDO LAS, DE BZHIN GSHEGS PA NI BDEN PA YANG DAG PA DE BZHIN NYID, MA NOR BA DE BZHIN NYID, GZHAN MA YIN PA DE BZHIN NYID MA LOG PAR BDEN PAR SMRA BA YANG DAG PAR SMRA BSHES PAR SMRA BA, ZHES DANG, THA SNYAD DU SNANG GZHI'I DON MED PA MA YIN PAR YOD BA LA'ANG BDEN PA'I THA SNYAD THOB CING RTAG PA SOGS LA'ANG BDEN SGRA 'JUG STE, 'CHI MED MDZOD LAS, BDEN GNAD LEGS

GSUNG YOD BA DANG, ,BSNGAGS PA MCHOD POS RNAMS LAS TE, ZHES BDEN PA'I SGAD DO DAS BYA ZHES PA RTAG PA LA'ANG 'JUG LAS BYA DANG S'A DHU BA TYA SOGS SKABS STOBS KYIS BSHAD DGOS SHING DE'I DON GYIS RDZUN LUGS YANG GRUB MTHA' GONG 'OG GIS LA RTZOD TSUL LAS SHES DGOS PA'I PHYIR RO, ,SGRUB DAG MED DANG RJES DPAG YOD PA 'GAL, ZHES PA TZAM LAS 'GRAL BAR YANG SMA RGYU MI SNANG LA RJE YAB SRAS GANG GI GZHUNG NA'ANG SGRUB DAG MED BA'I TSIG ZUR COM YANG GTAN MED PAS NA GNYID KYIS MYOS PA'AM RAB RIB KYI NANG TSAB CHE BAS BRLAB BRDOL YIN NO, ,YANG SDE BDUN GYI TSAD MA'I SGRA DON 'GOG PA DANG RANG LUGS TSAD MA'I RNAM BZHAG 'JOG PA LA 'GAL BA BRJOD PA NI 'PHAGS PA YAB SRAS KYI GRUB MTHA' 'JOG BYED RTZAD NAS DBYUNG 'DOD KYANG RANG NYID LA 'GAL BA'I KHUR BO SNON BYANG CHEN PO YIN TE, 'O NA, TSAD MA'I SGRA DON GANG YANG MI 'THAD PAR THAL, RTOG GI BAS DE GNYIS BKAG PA'I PHYIR, 'KHOR GSUM KHAS, RTAGS GRUB STE, RTOG GI BAS GSAR DU MI SLUB ZHES BA'I GSAR DU DON THOG MTHA' BAR GSUM DPYAD NA MI 'THAD PA NI RTZOD ZLOG LAS, DE YANG DANG PO GRUB MIN LA, ,BAR MA YIN ZHING THA MA MIN, ZHES GSUNGS TSAD MA DE GRUB BYED GZHAN GYIS SGRUB NA, DE NYID LAS, GAL TE TSAD MA GZHAN NYID KYIS, ,SGRUB PO SNYAM NA THUG PA MED, CES THUG MED KYI SKYON 'BYUNG LA, DE NYID LAS, 'ON TE TSAD MA MED PAR YANG, ,DE RNAMS GRUB NA SMRA BA NYAMS, ZHES TSAD MA MED

, ,NA DE RNAMS GRUB PA 'GAL LA DE NYID LAS, DE BZHIN TSAD MA RNAMS KYANG NI, ,RANG GZHAN BDAG NYID SGRUB CES NA, ZHES SOGS KYIS RANG RIG GIS SGRUB NA MES RANG SREGS PA DANG MUN PAS RANG SGRIB PA SOGS MNGON SUM DANG 'GAL BDUM YOD PA'I PHYIR, RTZA BAR 'DOD NA RANG GI KHAS BLANGS DANG 'GAL BAR MA ZAD YANG MDO RGYUD 'PHAGS PA YAB SRAS SOGS DU MAS BSHAD PA DANG 'GAL BRGYA MTSO TZAM YOD CING GZHAN YANG DBANG MDON YID MNGON RNAL 'BYOR MNGON SUM GANG YANG MI RUNG BAR 'GYUR TE, SDE BDUN 'DOD PA LTAR DE GSUM BKAG PA'I PHYIR TE, BRGYA PA'I 'GREL PA LAS, DE YANG SKAD CIG MA NYID KYI PHYIR RANG GI RNAM PAR SHES PA DANG LHAN CIG BKAG BAS SNON PA GA LA SRID, DE PHYIR SHES PA GANG ZHIG DBANG PO DANG DBANG PO LA GAN SA PA DE NI MNGON SUM MO ZHES BYA BA MI RIGS SO ZHES SOGS KYIS DE'I 'DOD PA'I DBANG MNGON RGYAS PAR BA GAG LA, TSIG GSAL LAS, RTOG PA DANG BRAL BA'I SHES PA NYID MNGON SUM NYID DU KHAS BLANGS PA'I PHYIR DANG, DES KYANG 'JIG RTEN PA'I THA SNYAD BYED PA MED PA'I PHYIR SOGS KYIS RTOG GE'I YID MNGON BKAG CING RIGS PA DRUG CU PA'I 'GREL PA LAS GANG YANG RNAL 'BYOR BA RNAMS KYIS DON TZAM MTHONG BA ZHES PA NAS, GAL TE YANG RANG DANG SPYI'I MTSAN NYID DAG THA DAD PAR KHAS BLANGS PA'I PHYIR, SGOM PA'I SBYOR BA SPYI'I RNAM PA CAN RDZOGS PA'I NGO BO NI RANG GI MTSAN NYID KYI YUL CAN NYID DU

MI 'THAD PAS, DE'I TSIG 'DI NI NGES BAR BRTAGS NA 'BREL BA MED PA KHO NA STE ZHES KUN BTUS DANG SDE BDUN GYIS BDAG MED SBYOR LAM SKABS SU BSGOM PAS MTHONG LAM DUS BDAG DE DANG BRAL BA'I RANG MTSAN RNAL 'BYOR MNGON SUM YUL DU BSHAD PA RGYA CHER BKAG NAS RANG LUGS KYI DE GSUM BSHAD PA SOGS DANG 'GAL BA'I PHYIR DANG, RTZA BAR 'DOD NA, MNGON SUM DE DAG YOD KYANG TSAD MA MA YIN PAR BSHAD PA DANG DNGOS SU 'GAL LO, ,YANG TSIG GSAL LAS, LKOG TU GYUR PA'I YUL CAN RTAGS BSGRUB PAR BYA BA LA MI 'KHRUL PA LAS SKYES PA'I SHES PA NI RJES SU DPAG PA'O ZHES GSUNGS PA SGRA JI BZHIN KHAS LEN PA DANG, RJES DPAG TSAD MA MED PA NANG 'GAL CHEN PO YIN TE, RTAGS DE BSGRUB BYA DE SGRUB PA LA MI 'KHRUL PA STE MI SLUB YIN NA, RTAGS DES BSGRUB BYA NGES PA'I RJES DPAG MI SLU BAR MA SONG BA 'GAL BAR BLUN POS KYANG SHES SO, ,YANG DE BDEN MED RTOGS BA'I RJES DPAG LA YIN ZER NA'ANG NANG 'GAL TE, 'O NA RJES DPAG DE CHOS CAN, MI BSLU BA'I SHES PA MA YIN PAR THAL, 'KHRUL SHES YIN PA'I PHYIR, RTAGS SLA LA SONG KHYAB BAS LA GNYIS KHAS, DES NA 'DUS BYAS THAMS CAD BSLU BA'I CHOS, ZHES BSLU LUGS YANG YUL LA SNANG TSUL DANG GNAS LUGS MI MTHUN PA DANG, YUL CAN SHES PAR SBYAR NA LOG PAR BZUNG BZHIG DGOS KYI 'KHRUL TZAM GYIS GA LA CHOG 'DUS BYAS THAMS CAD BSLU BAR BSHAD PA'I DNGOS BSTAN DANG TSAD MA 'GAL NA RNAM MKHYEN CHOS CAN,

, ,DER THAL, DE'I PHYIR, 'KHOR GSUM KHAS, RNAM MKHYEN SNANG BA'I YID MNGON 'OG MA YOD PA'I PHYIR, RTOG GE SDE BDUN GYI MNGON SUM TSANG MA RNAMS RANG GI GZHAL BYA'I SDOD LUGS LA TSAD MAR SONG BA DE GTZO BOR BRGYA PA'I 'GREL PA LAS, GANG YANG 'DI'I DBANG PO'I RNAM PAR SHES PA NI MNGON SUM NYID DU SGRO BTAGS NAS GZHAN TSAD MA NYID DU ZHES SOGS KYIS 'GOG PA MA YIN PAR THAL, RTOG GE SDE BDUN GYI MNGON SUM TSAD MA RANG GI GZHAL BYA'I SDOD LUGS LA TSAD MAR SONG ZHES PA, SDE BDUN LA SKUR 'DEBS YIN PAR KHYOD KYIS SMRAS PA'I PHYIR, RTAGS KHAS, 'DOD MI NUS TE, 'GREL PA DE NYID LAS, RTOG GE PA 'DI NI ZHES PA NAS, DBANG PO'I RNAM PAR SHES PA LNGA NI YUL GYI RANG GI MTSAN NYID BRJOD DU MED PA TZAM ZHIG LA 'JUG PA'I PHYIR MNGON SUM GYI SGRAS BRJOD BAR BYA STE, ZHES GSUNGS PA'I PHYIR, 'KHOR GSUM 'DI DAG RGYAS PAR TSIG GSAL STONG THUN GYI TSAD MA'I RNAM BSHAD TSAD MA'I 'OD BRGYA 'BAR BSKAL BZANG SNYING GI MUN SEL DU LEGS PAR BSHAD ZIN TO, GZHAN YANG, GAL TE RANG GI MTSAN NYID RTEN GYUR NA, ,SOGS KYI RTAGS LA RANG RGYUD PAS LAN THEBS PAR THAL, DE LA LAN 'DEBS PA'I PHYIR, 'KHOR GSUM KHAS 'DOD NA, GRANGS CAN GYIS KYANG DBU MA'I THAL 'GYUR RNAMS LA LAN THEBS PAR 'GYUR BA BZHAD GAD CHE LA RJE YAB SRAS KYIS 'DI RANG RGYUD PA LA DNGOS 'GAL SONG MA GSUNG KYANG RANG

RGYUD PAS 'KHOR GSUM DNGOS SU KHAS MA BLANG YANG 'KHRO GSUM DNGOS 'GAL DU SONG BA YIN TE, 'KHOR GSUM LA LAN RNAM DAG MI THEBS PA'I PHYIR, YANG KHO BO'I MDO SNGAGS GANG DANG MI MTHUN PA'I 'KHOR BA DNGOS GNAS GSUM BZHAG PA LA 'GAL BRJOD BCU DRUG PA, MA 'DRES STOBS THOB 'KHOR PA'I RDZOGS SANGS 'GAL, ,ZHES SMRAS TE, DE YANG RTZA BAR SHIN TU PHRA PA PHAR PHYIN SANGS RGYAS TE, ZHES DANG, DE'I 'GREL PAR 'KHOR BA SHIN TU PHRA BA NI RANG LAM GYI SGRIB GNYIS MA LUS PAR SPANGS KYANG RANG LAM DU SBAS PA SNGAGS LAM DU PHYUNG BA'I PEM CHOS PHRA MO MA SPANGS PA PHAR PHYIN THEG PA RKYANG PA'I SANGS RGYAS BCOM LDAN 'DAS YIN TE, ZHES DANG, DE YANG SRANG BYA NYI KHRI CHIG STONG DRUG BRGYA SOGS KYIS BEM PO'I RANG BZHIN LAS RLUNG DE SNYED YOD PAR BSHAD LA YANG 'BREL MED KYI THAL BA SGOM LAM CHEN PO'I NGOS SKAL GYI SPANGS BYA SPONG MI NUS NA ZHES SOGS BRIS SO, ,'DI LA GNOD BYED DANG RANG LUGS NYUNG GSAL RE SMRAS NA MDO SNGAGS RAB 'BYAMS DKA' GNAD 'GROL CING THUB BSTAN YONGS RDZOGS LA SPYOD 'DOD KYI DPYOD LDAN BLO GROS KYI RLABS CHE BA RNAMS LA KHO BOS 'DI LTAR DPYAD BAR RIGS TE, KHYED KYIS PHAR PHYIN GYI THEG PA CHEN POR BSHAD PA'I BLA NA MED PA YANG DAG PAR RDZOGS PA'I SANGS RGYAS STOBS BCU DANG SANGS RGYAS KYI CHOS BCO BRGYAD SOGS ZAG MED KYI YON TAN MTHAR THUG PA'I SANGS 'PHAGS KYI RGYUD LA SDUG BDEN PHRA MO LAM

, ,'KHOR BA SHIN TU PHRA BA'I RNAM RTOG GI BZHON PA'I LAS RLUNG NYI KHRI CHIG STONG DRUG BRGYA 'JOG PA NI BLA NA MED PA'I RDZOGS SANGS YIN PA DANG DE 'DRA YIN PA RANG TSIG YANG DNGOS SU 'GAL BA'I RMONGS PA'I DBANG PHYUG TU BYAS TE BLA NA YOD MED DANG RDZOGS PAR SANGS RGYAS MA RGYAS DBYAD PA TZAM GYIS SHES LA BOD KYI YIG RNYING RE TZAM MA GTOGS MDO SNGAGS ZAB RGYAS DAG LA DPE KLOG YANG MA BYAS PA'I BLUN RTAGS DANG, DE DAG DANG RGYAB 'GAL CHEN PO YOD TE, PHAR PHYIN GYI THEG CHEN LUGS LA YANG RDZOGS PA'I SANGS RGYAS SKU LA BEM PO MED PA RDO RJE'I SKU DANG SKU LA KHOD STONG DANG SHA KHRAG SOGS MED PA YE SHES KYI RANG BZHIN CAN, RIM LNGA LAS, KHONG STOD KHYOD KYI SKU LA MED, ,SHA DANG DUS PA KHRAG MED KYANG, ,NAM MKHA' LA NI 'JA' TSON BZHIN, ,KHYOD KYI SKU NI STON PAR MDZAD, CES DANG, SPYOD BSDUS LAS, JI LTAR PHYOGS BCUR BZHUGS PA'I RGYAL DBANG PO, ,DE MI SKU LA SHA RUS KHRAG MED KYANG, ZHES DANG, YE SHES LE'UR, LUS NI RDUL PHRAN MNYAM PA NAM MKHA' DANG MTSUNGS MTSAN LA SOGS PA RNAMS KYIS RAB RDZOGS 'GYUR, ZHES PA LTAR BSHAD PA'I PHYIR TE, DKON BRTZEGS LAS, DE BZHIN GSHEGS PA'I SKU NI SRED MED KYI BU LTAR MA KHREGS PA SRA BA, SNYING PO CAN, MI SHIGS PA RDO RJE'I RANG BZHIN NO, ,ZHI BA'I BLO GROS DE BZHIN GSHEGS PA'I SKU LA NI PHO BA DANG LONG KA MED DO, ,RNAG GAM, KHRAG GAM, MCHI MA'AM, NGAR

SNABS SAM, NGAN SKYUGS SAM MI GTZANG BA MED KYI ZHI BA'I BLO GROS DE BZHIN GSHEGS PA'I SKU NI 'DZAM BU CHU BO'I GSER GYI GAR BU LTA BU STE KHONG STONG MIN BU GA MED PA ZHES DANG, DE BZHIN GSHEGS PA'I SKU NI PHUNG POS RAB TU PHYE BA MA YIN; NAS 'BYUNG BA CHEN PO NUR NUR BO LAS BYUNG BA MA YIN SHA DANG KHRAG GIS G-YOGS PA MA YIN, RUS PA CHU BA'I BOG RES SBREL BA MA YIN, SOGS DANG GSER 'OD LAS KYANG, SKU LA SHA RUS KHRAG MED NA, ,RING BSREL YOD PAR GA LA 'GYUR, ZHES DANG, LEGS LDAN GYIS KYANG, YANG NA YE SHES SKAD CIG MA ZHES BYA BA'I DE BZHIN GSHEGS PA DES GZUGS LA SOGS PA DANG STOBS DANG SOGS DANG, DE BZHIN GSHEGS PA'I SKU YE SHES KYI BDAG NYID, CES DANG, DE BZHIN DU SPRIN CHEN SOGS MDO DU MA DANG, SLOB DPON SENG BZANG GIS KYANG YE SHES NYID GZUGS SKUR SHAR BAR BSHAD PA DANG 'PHAGS GROL GYIS SANGS RGYAS KYI MIG SHES KYIS KYANG CHOS THAMS CAD SHES PAR BSHAD PA SOGS THAMS CAD SKU LA BEM PO MED PA'I SGRUB BYED YANG DAG YIN PA'I PHYIR DANG, 'BAD MED LHUN GRUB MA THOB BAR DU STOBS SOGS MI THOB PA SOGS KYANG DE'I SGRUB BYED DANG BZLOG PA LA GNOD BYED BLA MED YIN PA'I PHYIR, YANG RDZOGS PA'I SANGS RGYAS LA LAS RLUNG NYI KHRI CHIG STONG DRUG BRGYAR 'DOD PA NI MDO RGYUD GONG MA'I TSIG ZIN YANG MA SHES PA'I NGAN SKAD YIN TE, PHAR PHYIN THEG PAR YANG RDZOGS PA'I SANGS RGYAS LA RNAM RTOG MED PAR BSHAD PA'I PHYIR, KHYAB STE, RNAM RTOG MED

, ,NA DBUGS 'BYUNG RDUB SOGS KYANG MED DGOS PAR BSHAD PA'I PHYIR DANG, RLUNG SEMS GNYIS RTEN BRTEN PAR RGYUD LAS KYANG YANG YANG BSHAD PA'I PHYIR, DE DAG THAMS CAD DANG 'GAL BAR 'GYUR TE, GSANG BA BSAM GYIS MI KHYAB PA LAS, DE BZHIN GSHEGS PA NI RTAG TU MNYAM PAR BZHAG PA STE, DE BZHIN GSHEGS PA LA DBUGS 'BYUNG BA'AM RDUB PA MI MNGA'O, ,RNAM PAR MI RTOG GO ,RNAM PAR MI DPYOD DO, ,RNAM PAR RTOG PA DANG RNAM PAR DPYOD PA MED PA NA NGAG MI 'BYUNG STE, ZHES GSAL BAR BSHAD PA DANG, RAB ZHI'I MDO LAS KYANG, DE BZHIN GSHEGS PA NI, NAS, THAMS CAD MKHYEN PA THAMS CAD GZIGS PA, STOBS BCU DANG LDAN PA MI 'JIGS PA BZHI DAM PA'I PHA ROL TU PHYIN PA THOB PA, MI RTOG PA RNAM PAR MI RTOG PA MI GOS PA, NAM MKHA' DANG MTSUNGS PA, ZHES DANG, DE BZHIN DU SNGAR DRANGS PA'I MDO DUM DANG BYAMS CHOS RNAMS DANG, BDEN GNYIS LAS KYANG, DE NI MTSAN MA MI 'BYUNG PHYIR, ,GNAS PA BRTAN PHYIR MI BZHENGS SO, ZHES DANG, DE'I RANG 'GREL LAS, BCOM LDAN 'DAS 'DI RTOG PA'I SA BON MTHA' DAG BAG CHAGS DANG BCAS TE RTZAD NAS BTON PA NYID KYI PHYIR, MTSAN MA MI 'BYUNG NA BZHENGS PA LTAG LA YOD CES GSUNGS PA GSUNG RAB KYI GNAD MKHYEN PA'I GSUNG STE MNYAM RJES GCIG TU 'GRO BA LA 'DI 'DRA DGOS, DBU MA SNYING PO LAS, RNAM RTOG GNYID NI SANGS PHYIR DANG, ,RTOG PA MED PAS RGYAS PHYIR RO, ZHES DANG

RTOG GI 'BAR BA LAS, RNAM PAR RTOG PA'I GNYID SANGS PA'I PHYIR DANG, SHES BYA DMIGS SU MED PA RTOGS PA NYID KYIS BLO RGYAS PA'I PHYIR RO, ZHES DANG, DPE MED PAR BSTOD PA LAS, DE LTA'I RNAM RTOG SNA TSOGS KYIS, ,THUGS NI CHAGS PAR GYUR MA LAGS, ZHES DANG, MGON PO SEMS PA MI MNGA' ZHING, ,RNAM RTOG G-YO BA MI MNGA' YANG, ,KHYOD KYI NGANG GIS 'JIG RTEN LA, ,SANGS RGYAS MDZAD PA'ANG 'JUG PAR 'GYUR, ZHES GSUNGS SHING, RGYUD RDOR PHRENG LAS; NYIN DANG MTSAN MO RTAG TU NI, ,BRGYA DANG BRGYAD LHAG GSAL BAR YANG, ,RNAM RTOG RANG BZHIN RLUNG RNAMS NI, ZHES RLUNG BRGYA RTZA BRGYAD DANG, DE NYID LAS, DE NYID GNAS KYI DBYE BA YIS, ,SNA TSOGS PA YI RTOG PAR 'GRO, ,NAS, RTAG TU BRGYA DANG BRGYAD LHAG PAR, ,NYIN DANG MTSAN MO RTAG TU NI, ,RLUNG GI RANG BZHIN RGYU PA YIN, ZHES KUN RTOG BRGYA RTZA BRGYAD BSHAD PA DANG, RANG BZHIN BRGYAD CU SOGS THAMS CAD KYANG MDO LAS BSHAD PA SHA STAG TU SNANG LA SANGS MA RGYAS PAR DU RNAM RTOG DE DAG THAMS CAD SPANGS PA'I MNYAM BZHAG MI 'ONG BA MDO SNGAGS GNYIS KA MTHUN NA 'BRAS BU'I MTHO DMAN GANG YIN, DE LA DBUGS 'BYUNG RDUB TZAM YANG MED NA NYI KHRI CHIG STONG DRUG BRGYA GANG GIS 'JOG, GZHAN PHAR PHYIN GYI SGOM LAM CHUNG NGU'I NGOS SKAL GYI NYON SGRIB CHEN PO SPANGS PA LA RNAM RTOG DANG LAS RLUNG SPANGS DGOS PAR THAL, RDO RJE LTA BU'I SPANG BYA SPANGS PA LA LAS RLUNG DANG RNAM RTOG THAMS CAD SPANGS DGOS PA'I PHYIR,

, ,'KHOR GSUM KHAS KHYOD KYI KHYAB PAR SANGS RGYAS KYIS LAN MI THEBS PA LA LTOS SOGS SPROS PA'I CHOG GO, ,YANG PHAR PHYIN THEG PA'I GDUL BYA SRID PA THA MAR SNGAGS LA ZHUGS PAR MTSAN THOG GCIG LA 'TSANG RGYA BA DES DUS 'KHOR LTAR BAR CHAD MED LAM DANG RNAM GROL LAM RJES THOB GSUM NYI KHRI CHIG STONG DRUG BRGYA RE SKYED DGOS NA 'O NA, DE 'TSANG RGYA PA LA SO GSUM PHYOGS GSUM DGOS PAR THAL, DE DUS 'KHOR LTAR 'TSANG RGYA TSUL DE'I PHYIR, 'KHOR GSUM KHAS, MA KHYAB NA ZHAG GCIG LA DE LTAR BGROD PA DUS 'KHOR RAM MDO SNGAGS GANG 'DRAN NAS BSHAD SOGS BYA'O, ,DES NA RANG LUGS LA THEG CHEN GYI ZAB MDO DGONGS 'GREL DANG BCAS PA DANG SNGAGS GNYIS KA'I LUGS LA LAM 'OG MA'I SKABS SU YANG YID KYI RANG BZHIN GYI LUS GSUM GYI DANG PO GNYIS YOD LA SA BRGYAD PA NAS RDO RJE'I SKU YOD KYANG MDO LUGS LA SGRIB PA'I KUN RTOG LTA CI DGE BA'I RNAM RTOG MA LOG PAR DU MNYAM RJES NGO BO GCIG PA DANG SKU GSUNG THUGS NGO BO GCIG PA DANG SGRIB PA'I ZAG PA MED PA'I BEM MIN RLUNG GI RGYU BYAS PA'I RDO RJE'I SKU YANG MI 'ONG STE, LAS RLUNG MA ZAD PAR DU RNAM RTOG GTAN LDOG MI SRID PA'I PHYIR, LHAN SKYES RLUNG GI NUS PA MTHAR MA PHYIN PAR DU DE ZAD BYED MED, DE MTHAR PHYIN PA LA DE'I NUS PA RGYAS BYED KYI SGOM TSUL GCIG DGOS NA DE'I SGOM TSUL PHAR PHYIN LA MED PA'I PHYIR, 'BRAS BU SANGS RGYAS MTHAR THUG BSTAN KYANG DE'I LAM RAGS PA LAS ZHIB BA'I GNAD

GSANG MTHAR THUG SPAS PA YIN TE, DPER NA PHAR PHYIN LAS 'CHI SEMS PHRA MO LUNG MA BSTAN TZAM LAS DE LA'ANG STONG BZHI SOGS MA BSHAD PA LTA BU STE, DE LTA BU'I SKU GSUNG THUGS NGO BO GCIG PA DANG BEM MIN GYI LHAN SKYES KYI PHUNG PO LNGA DANG RDO RJE'I SKU MTHAR THUG PA DE THOB TSE DBU SKRA RE RES KYANG CHOS THAMS CAD MKHYEN CING TING 'DZIN THAMS CAD LA 'JUG PA DANG SEMS CAN RANG RANG GI SKAD DANG BSAM PA BZHIN CHOS GSUNG YANG 'BAD RTZOL PHRA MO TZAM YANG MED LA DE BZHIN DU SKU'I CHA THAMS CAD KYI RE RES ZHAL GYI DOD GSUNG BA DANG BZHES PA SOGS DANG PHYAG GI DOD YANG BYED LA DE'I TSE BEM PO'I DBANG PO MED PAS MNGON SHES LNGA DANG SPYAN LNGA YANG YE SHES CHOS SKU YIN PA SOGS BSAM GYIS MI KHYAB BAR MOD SNGAGS GNYIS LAS BSHAD PA'I PHYIR TE, GSANG BA BSAM GYIS MI KHYAB PA LAS, SEMS CAN DE DAG JI SNYED PA DE SNYED LA DE BZHIN GSHEGS PA'I SKU'I GZUGS DANG, MDOG DANG, RTAGS DANG, DBYIBS DANG, SPYOD LAM DU SHES SHENG SEMS MOD KYI, DE LA DE BZHIN GSHEGS PA'I SKU 'AM THUGS KYI MDZAD PA MIN TE, DE BZHIN GSHEGS PA SNGON GYI SPYOD PA YONGS SU SBYANGS BA'I KHYAD PAR GYIS LHUN GYIS GRUB PA'I SEMS CAN THAMS CAD KYI BSAM PA TSIM BAR MDZAD PA'I GZUGS DANG, MDOG DANG, RTAGS DANG, DBYIBS DANG, SPYOD LAM GYIS KUN TU BZHUGS SO, ZHES 'BAD RTZOL MED KYANG SKU'I STON TSUL DANG ZHI BA'I BLO GROS NAM MKHAS JI TZAM KHYAB PA DE TZAM DU DE BZHIN GSHEGS

, ,PA'I SKUS KHYAB BO, ZHES DANG, BDEN GNYIS LAS, MKHYEN PA'I SKAD CIG GCIG GIS KYANG, ,SHES BYA'I DKYIL 'KHOR KUN KHYAB CAN, ZHES DANG, KHYOD 'BA' ZHIG GI YE SHES KYIS, ,SHES BYA THAMS CAD KHYAB LAGS KYI, ZHES PA LTAR YE SHES KYIS GANG KHYAB THAMS CAD LA SKU DANG GSUNG GIS KYANG KHYAB PA NI SHIN TU PHRA BA'I RLUNG SEMS NGO BO GCIG TU SONG BAS YIN LA, MDO DE NYID LAS, RTOG PAR MTSAN NYID, RNAM PAR RTOG PAR MTSAN NYID, MI GSUNG MI BRJOD, CES PA NAS, DE BZHIN GSHEGS PA'I TSEMS DANG SGROS DANG ZHAL GYI SNYAN DANG, LJAGS DANG, ZHAL GYI SGO NAS SGA 'BYUNG BA YANG MED LA 'BYUNG BAR YANG GRAG GO ,ZHES GSUNGS PA LTAR 'BAD RTZOL MED PAR SKU'I CHA THAMS CAD DANG NAM MKHA' LAS KYANG 'BYUNG STE MAN SNYER LUNG DRANGS PA'I DAD PA'I STOBS BSKYED PA'I MDO LAS, DE BZHIN GSHEGS PA'I GTZUG TOR GYIS KYANG GZIGS SO, ,DE BZHIN DU MDZOD SPUS KYANG GZIGS SO, , DE LTAR MTSAN RE RES SO, ,DE LTAR DUS CIG CAR DU PHYOGS BCU RNAMS SU 'JIG RTEN GYI KHAMS RAB 'BYAMS THAMS CAD DU GZIGS SO, ZHES DANG, BDE MCHOG RTZA RGYUD LE'U LNGA BCU PA LAS, KUN TU PHYAG DANG ZHABS LDAN ZHING, , KUN TU SPYAN LDAN DBU DANG ZHAL, ,KUN TU GSAN LDAN 'JIG RTEN NA, ,THAMS CAD G-YOGS TE RNAM PAR BZHUGS, ZHES DANG, MTSAN BRJOD LAS, SGRA YANG RDO RJE 'BAR BA STE, SOGS KYIS SKRA YANG RDO RJE LTAR CHOS THAMS CAD LA

THOGS PA MED PAR GSAL BAR 'JUG PAR BSHAD PA DANG, YE SHES LE'U LAS KYANG, SNA TSOGS 'JIG RTEN GSUM PO NYID NI DVANGS SHING SGRIB PA RNAM BAR BRAL BA RMI LAM BZHIN DU SNANG, SKAD NI KUN NAS CHAD PA MED CING, SOGS KYIS KYANG DE LTAR BSHAD LA, DPE MED PAR BSTOD PA LAS KYANG, KHONG STONG KHYOD KYI SKU LA MED, ,SHA DANG RUS PA KHRAG KYANG MED, ,NAM MKHA'I DBANG PO'I GZHU BZHIN DU, ,KHYOD KYI SKU NI STON PAR MDZAD, ,SKU LA SNYAN MED RUS PA'ANG MED,, BKRES DANG SKOM PA 'BYUNG MED KYANG, ,KHYOD NI 'JIG RTEN RJES 'JUG PHYIR, ,'JIG RTEN SPYOD PA'ANG BSTEN PAR MDZAD, CES DANG, BLO GROS MI ZAD PA LAS, BDAG GIS DE BZHIN GSHEGS PA'I SKU, CHOS KYI SKU RDO RJE'I SKU, ZHES PA NAS, SO SOR RTOG PA'I STOBS KYIS 'BYUNG BA CHEN PO'I LUS SPONG STE, ZHES DANG, YON TAN DANG YE SHES LA 'JUG PA LAS, 'JAM DPAL BYANG CHUB SEMS DPA' RNAM THAR DANG TING 'DZIN BSAM GYIS MI KHYAB LA GNAS PA'I LHA'I MIG GIS STONG GSUM GYI STONG CHEN PO'I 'JIG RTEN NA SEMS CAN JI SNYED MTHONG BA DE BAS NI 'JAM DPAL DE BZHIN GSHEGS PA'I LHA'I SPYAN GYIS SHING RTA'I 'PHANG LO TZAM GYI PHYOGS GCIG NA CHES MANG NGO, ZHES STONG GSUM GYI KHAMS NA LTA MI PHAL BAS MTHONG BA LAS DRANG SRONG MNGON SHES LNGA LDAN GYIS SHING RTA'I 'PHANG LO'I KHYON NA GZIGS PA MANG LA, DE BZHIN DU NYAN THOS DANG RANG RGYAL DANG BYANG SEMS BAR LA SBYAR ZHING BYANG SEMS DANG DE BZHIN GSHEGS PA LA DE LTAR

, ,BSHAD PA LTAR GZUNGS RGYAL GYI MDO DANG, GSANG BA BSAM MI KHYAB SOGS DU MA LAS BSHAD DO, ,MDO LUGS LA'ANG RDZOGS SANGS DE LTAR BSHAD PAS NI KHO BO'I THAL BA RNAMS NI THAL BRDUL DU RANG SHUGS KYIS SONG NGO, ,YANG BDAG LTA'I YUL SUN 'BYIN TSUL LA 'GAL BA BCU BDUN PA DANG BCO BRGYAD PA GNYIS TE, 'JIG LTA'I ZHEN YUL SGRUB DANG 'GOG PA 'GAL, ,BDAG MED PHRA RAGS LTA GNYIS YUL GCIG 'GAL, ZHES PA NI KHO'I GRUB MTHA'I MGOR LHAN SKYES 'KHRUL PA'I 'DZIN STANGS SGRUB 'GOG PHYIR ZHES DANG, 'GREL PAR, DE LTAR DNGOS POR SMRA BA'I LTA BA THAMS CAD KYANG LHAN SKYES 'KHRUL PA LA BRTEN NAS BZHAG PAR BSHAD PA 'DIS NI LHAN SKYES DANG KUN BTAGS GNYIS 'DZIN STANGS GTAN MI MTHUN PAR 'DOD PA DANG KUN BTAGS 'GOG PA'I RIGS PAS LHAN SKYES MI KHEGS PAR 'DOD PA'I LOG RTOG GNYIS LEGS PAR BKAG STE, ZHES SOGS GONG 'OG LA 'GAL BA BSDUS NAS GNYIS BYAS TE, DE YANG LEGS BSHAD SNYING PO SOGS LAS LHAN SKYES KYI 'DZIN STANGS MED PA'I GRUB MTHA'I KUN BTAGS PA'I YUL BKAG KYANG LHAN SKYES LA MI GNOD PAR BSHAD PA DANG, YANG GRUB MTHA' 'BA' ZHIG DANG KHO NAS KUN BTAGS PA'I YUL BKAG PAS LHAN SKYES LA MI GNOD CES BSHAD PA LA KHOS DE LTAR SMRAS SO, ,'O NA, 'JIG LTA KUN BTAGS KYI ZHEN YUL RTAG GCIG RANG DBANG CAN DU GRUB PA BKAG

PAS 'JIG LHA LHAN SKYES KYIS NGA BDEN PAR BZUNG BA LA GNOD PAR THAL, KUN BTAGS 'GOG PA'I RIGS PAS LHAN SKYES MI KHEGS PAR 'DOD PA LOG RTOG YIN PA'I PHYIR, 'KHOR GSUM KHAS, 'DOD NA, NGA RTAG GCIG RANG DBANG CAN BKAG PAS NGA BDEN GRUB KHEGS PAR THAL, THAL 'GYUR SNGA MAR 'DOD PA DE'I PHYIR, 'KHOR GSUM KHAS, 'DOD NA, DA RTAG GCIG RANG DBANG CAN DU MA BZUNG YANG NGA BDEN PAR 'DZIN PA'I LHAN SKYES MTHA' YAS PA MED PAR THAL; NGA RTAG GCIG RANG DBANG CAN DU BZUNG BA KHEGS NA NGA BDEN GRUB KHEGS PA'I PHYIR, 'KHOR GSUM KHAS, 'DOD NA, 'JUG PA LAS, GANG DAG DUD 'GROR BSKAL MANG BSKYAL GYUR PA, ,DES KYANG MA SKYES RTAG 'DI MA MTHONG LA; ;NGAR 'DZIN DE DAG LA YANG 'JUG MTHONG STE, ZHES GSUNGS PA NGANG RGYAB 'GAL YIN LA MI 'DOD NA'ANG DNGOS 'GAL LO, ,GZHAN YANG, SEMS TZAM MAN CHAD KYIS NGA BDEN PAR 'DZIN PA'I LHAN SKYES KYI ZHEN YUL BRTAN PAR MI SGRUB PAR THAL, DE DAG GIS GZHAN SDES KUN BTAGS PA'I 'JIG LHA'I ZHEN YUL RTAG GCIG RANG DBANG CAN RGYAS PAR BKAG LA DES LHAN SKYES KYI BDEN 'DZIN LA MI KHEGS NA GZHUNG LUGS CHEN PO RNAMS DON MED DU 'GYUR BAR KHYOD KYIS SMRAS PA'I PHYIR, 'KHOR GSUM KHAS, 'DOD NA, DNGOS SU 'GAL LO, ,KHYOD KYIS 'GREL PAR LHAN SKYES 'KHRUL BA'I SGRUB PAR BYED PA DANG 'GOG PA GNYIS SU 'DUS PA'I PHYIR RO, ZHES SMRAS PA MI

, ,DRAN NAM, DER MA ZAD NGA BDEN GRUB MI 'DOD PA'I DNGOS SMRA BA DE SHIN TU BZANG 'JUG PA LAS, KHA CIG BDAG LTA'I RTEN DU PHUNG PO NI, ,LNGA CHAR YANG 'DOD KHA CIG SEMS GCIG 'DOD, CES PA RTZA 'GREL MI 'THAD PAR THAL BA DANG, GANG ZAG BDEN GRUB 'GOG YUL LA RANG SDE MED PAR THAL BA DANG, LUNG RIGS GNYIS KAS 'GOG MI RIGS PAR THAL BA SOGS 'JUG ,GZHAN YANG, SGRA MI RTAG PA RTOGS PA'I RJES DPAG GIS SGRA BDEN 'DZIN KYI ZHEN YUL KHEGS PAR THAL, GANG ZAG RTAG PA DANG CHA MED KYI GCIG DANG PHUNG PO MA 'BREL BA'I RDZAS YOD DU 'DZIN PA BKAG PAS GANG ZAG BDEN 'DZIN GYI ZHEN YUL KHEGS PA'I PHYIR, 'KHOR GSUM GANG LA LAN BTAB KYANG RANG TSIG DANG 'GAL LO, ,GZHAN YANG 'JUG PA LAS, PHUNG PO MA GTOGS DE'I 'DZIN MA GRUB PHYIR, ZHES GSUNGS PA MI 'THAD PAR THAL, GANG ZAG BDEN 'DZIN LHAN SKYES DANG RTAG GCIG RANG DBANG CAN DU 'DZIN PA'I KUN BTAGS GNYIS KYI 'DZIN STANGS KYI GTZO BO MTHUN PA'I PHYIR, 'KHOR GSUM KHAS, MA GRUB NA, KHYOD KYIS 'GREL PAR 'DZIN STANGS KYI GTZO BO MTHUN PAR BSTAN CING SOGS SMRAS PA DANG 'GAL LO, ,GZHAN YANG, KUN BTAGS GRUB MTHA' LA MA ZHUGS PA'I RGYUD LA'ANG YOD PAR THAL BA DANG, PHUNG PO LA MA GTOGS PA'I RTAG PA'I BDAG KHEGS NA GANG ZAG BDEN GRUB KHEGS PAR THAL BA SOGS KYIS GNOD DE, 'JUG PA LAS, DE PHYIR BDAG

MED SHES PAS BDAG LTA BA, ,DPYIS KYANG 'BYIN ZHES SMRA BA SHIN TU MTSAR, ZHES YA MTSAN MDZAD PA'I PHYIR, 'DI'I DON LA LHAN PA MA THEB PAR LCE SHIN TU THUNG DUR GYUR TSUL BLTAS NA SMYO TSABS CHER SNANG, GZHAN YANG GANG ZAG GI BDAG MED LA CHES RAGS PA 'JUG PA LAS, ZA BO RTAG DNGOS BYED PO MIN PA'I BDAG ,YON TAN BYA MED MU STEGS RNAMS KYIS BRTAGS, ZHES PA LTAR RTAG GCIG RANG DBANG CAN GYI BDAG MED GNAS MA BU BAS KYANG 'DOD PAR SNGAR BSHAD PA LTA BU DANG, DE LAS CUNG ZAD PHRA BA PHYUGS DANG PHYUGS RDZI LTA BU'I PHUNG PO DANG BDAG GNYIS RJE KHOL LAM DBANG BSGYUR BYA DANG SGYUR BYED DU 'DZIN PA'I PHUNG PO DANG MTSAN NYID MI MTHUN PA'I RDZAS YOD, RANG RGYUD MAN CHAD KYIS BDAG 'DZIN LHAN SKYES KYI ZHEN YUL 'DOD PA'I BDAG MED DANG, DE LAS CUNG PHRA BA 'JUG PA LAS, NGANG [?] DU LTA BA DANG 'BREL YONGS SU ZAD, CES PA'I DNGOS BSTAN GYI PHUNG PO DANG BDAG MTSAN NYID MTHUN KYANG RJE KHOL LTAR 'DZIN PAS STONG PA'I GANG ZAG GI BDAG MED DANG, 'DI LA'ANG PHRA RAGS PHYE STE, SNGA MA NI PHUNG PO MTSAN NYID MA MTHUN PHYIN TSIG LA MED KYANG RTAG PAR KHAS BLANGS TE, 'DUS BYAS KYI MTSAN NYID DANG MI LDAN PA'I GANG ZAG TU SMRAS PA'I PHYIR, ZLA BAS, BDAG MED MTHONG TSE RTAG PA'I BDAG SPONGS, ZHES PA'I RGYU MTSAN DE YIN LA SHIN TU PHRA BA GANG ZAG RANG BZHIN MED PA RNAMS DANG, KHYAD PAR DU CHOS DANG GANG ZAG GI BDAG 'DZIN KUN BTAGS DANG

, ,LHAN SKYES KYI YUL MED PA GANG ZAG GI BDAG MED PHRA RAGS GNYIS DANG CHOS KYIS BDAG MED GNYIS DANG GSUM YANG 'DOD BZHIN DU, BDAG 'DZIN KUN BTAGS DANG LHAN SKYES CIG CAR 'DOD PA LAS 'GAL BA CHEN PO JI LTAR 'DOD DE, DE LTAR STON PA'I LUNG RIGS THAMS CAD DANG RE RE NAS 'GAL BA'I PHYIR DANG, DE 'GAL BAR BLO GSAR PA YAN CHAD KYIS BLTAS TZAM NAS SHES PA'I PHYIR RE RE NAS MA BRIS SO, ,YANG KUN GZHI 'DOD PA LA 'GAL BA BCU DGU PA KUN GZHI YOD DANG PHYI DON 'DOD PA 'GAL, ZHES PA NI KHO BO'I SEMS TZAM PA'I SKABS SU RTZA BAR KUN GZHI MI BZHED CING BYANG CHUB SEMS 'GREL GZHUNG DANG 'GAL BAR MTHONG, ZHES DANG, 'GREL PAR DE BZHIN KUN GZHI'I RNAM SHES NI, RDZUN DANG BDEN PA LTA BUR NI, ,'GRO DANG 'ONG BAS RNAM G-YO ZHING, ,RTAG TU SRID PA GSUM PO LEN, ZHES DRANGS SO, ,SKABS 'DIR TSOGS DRUG LAS GZHAN PA'I KUN GZHI 'DOD NA PHYI DON MED PAR THAL BA DANG, SKYE 'CHI MTSAMS SBYOR GYI SEMS KYANG KUN GZHI'I BYED PAR THAL BA DANG, 'JUG 'GREL LAS, DBANG PHYUG LA SOGS PA 'GRO BA'I BYED PO NYID DU SMRA BA DE BZHIN DU KUN GZHI'I RNAM SHES SMRA BA RNAMS KYANG KUN GZHI'I RNAM PAR SHES PA DNGOS PO MTHA' DAG GI DMIGS PA'I SA BON GYI RTEN NYID KYIS SA BON THAMS CAD BA SMRA BAR BYED DO, ZHES DBANG PHYUG PA'I DBANG PHYUG DANG RIG BYED PA'I SKYES BU KHYAD MED PAR

BSHAD NAS SUN PHYUNG BA MI 'THAD PAR THAL, BYANG CHUB SEMS 'GREL LAS, SHES PAS SHES BYA RTOGS PA STE, ,SHES BYA MED PAR SHES PA MED, CES DON SHES YOD MNYAM DU BSHAD PA LTAR 'JUG PAS BSHAD PA MI 'THAD PAR THAL BA DANG, BDAG LTA'I DMIGS YUL LA RNAM SHES GCIG 'JOG PAR THAL BA SOGS GNOD BYED MI ZAD PA 'BYUNG NGO, ,DES NA BYANG CHUB SEMS 'GREL LUNG DE'I DON NI RNAM BSHAD LTAR KUN NYON DANG RNAM BYANG THAMS CAD KYI GZHI YID KYI RNAM SHES NI RDZUN PAR YANG BDEN GRUB LTAR SNANG NAS 'GRO 'ONG DANG SRID PA GSUM DU SKYE BA LEN PA YIN TE, KHAB LEN LA SEMS MED KYANG YOD PA BZHIN LCAGS LA SOGS PA G-YO 'GUL BYED PA BZHIN NO, ZHES GSUNGS PA YIN LA RGYUD LAS RNAM SHES BRGYAD KYI NGAG PAS KYANG MI GNOD DE, GZUGS DANG DBANG PO LNGA YUL LNGA 'BYUNG BZHI'I DAG PA SO SOR BSHAD PA LTA BU YIN PA'I PHYIR RGYAS PAR YE SHES RDO RJE KUN BTUS KYI RNAM BSHAD LAS SHES PAR BYA'O, ,YANG KHO'I BDAG MED PHRA RAGS KYI RNAL 'BYOR MNGON SUM LA 'GAL BA NYI SHU PA DANG NYER GCIG PA, DON DAM RIGS GRUB MNYAM BZHAG YUL MED 'GAL, ,RNAL 'BYOR MNGON MIN BDAG MED MNGON GYUR 'GAL, ZHES BYA BA NI KHO RANG GIS BDEN GNYIS KYI MTSAN NYID 'JOG PAR MTSAN NYID 'KHRUL NGOR RNYED DANG RIGS NGOR RNYED, CES DANG, 'GREL PAR RIM PA BZHIN MA DPYAD 'KHRUL PA'I SHES NGOR RNYED PA'I RNYED DON DANG, MA 'KHRUL

, ,'PHAGS PA'I RIG NGOR RNYED PA'I RNYED DON ZHES SMRAS MTSAN NYID TSIG MANG BA LA ZUR BA DANG, KUN MKHYEN YE SHES CHOS KUN 'JAL BA LA, ,SHES BYA'I PHYED LA TSAD MA MIN PA 'GAL, ,RTZA 'GREL RNAMS DANG, GNAS SKABS GSUM PAR MED DGAG NAN 'DZIN 'KHRUL, ,RTZA 'GREL RNAMS LA 'GAL BRJOD DANG PO STE, ZLA GCIG ZLA GNYIS YIN PA DANG, RAB RIB KYI NAM MKHA'I SKRA SHAD DANG, NAM MKHA'I SBRANG MA RE RE CHOS CAN, KUN RDZOB BDEN PAR THAL, MA DPYAD 'KHRUL PA'I DBANG SHES NGO'I RNYED DON YIN PA'I PHYIR, 'KHOR GSUM KHAS, AE MA 'DOD KYIS YANG MTSAN NYID BZANG NGO, ,'DOD NA, YOD PAR THAL LO, ,GZHAN YANG, BDEN GRUB CHOS CAN, KUN RDZOB BDEN PAR THAL, MA DPYAD 'KHRUL BA'I BDEN 'DZIN LHAN SKYES KYI SHES NGO'I RNYED DON YIN PA'I PHYIR, 'KHOR GSUM 'DOD NA, THA SNYAD DU YOD PAR THAL LO, ,'DOD PA'I PHYIR, 'DOD NA, THA SNYAD DU BDEN MED SGRUB MI RUNG BAR THAL LO; ;'DOD MI NUS TE, GZUGS NAS RNAM MKHYEN PAR GYI CHOS RNAMS 'JIG RTEN THA SNYAD DU YOD KYI DON DAM PAR MED PAR BSHAD PA DANG 'GAL LO, ,GZHAN YANG, MI RTAG STONG PA DAG MED RAGS PA GSUM CHOS CAN, KHYOD LKOG GYUR THA SNYAD DPYOD PA'I RJES DPAG GI GZHAL BYA RE RE NAS MA YIN PAR THAL, MA DPYAD 'KHRUL SHES KYI RNYED DON YIN PA'I PHYIR, RTAGS KHAS, DER THAL, KUN RDZOB BDEN PA YIN PA'I PHYIR, GZHAN YANG, KUN MKHYEN YE SHES DANG

LAS 'BRAS KYI 'BREL BA PHRA MO SOGS SHIN TU LKOG GYUR THAMS CAD RE RE NAS CHOS CAN, SHIN LKOG DANG THA SNYAD DPYOD PA'I YID CHES RJES DPAG GI GZHAL BYA RE RE NAS MA YIN PAR THAL LA MA DPYAD 'KHRUL SHES KYI RNYED DON YIN PA'I PHYIR; RTAGS SLA, SOGS 'KHOR GSUM DANG BDEN STONG SGYU MA LTA BU DANG SOGS KYANG 'PHEN LA DE DAG STON PA'I LUNG RIGS BYE BA DANG RGYAB 'GAL STON PAR GYIS, 'DI NI LEGS BSHAD SNYING PO LAS, DE DAG ZHI BTU 'BYED PA'I DPYAD PA MA RDZOGS PA'I RIGS PA LTAR SNANG RES DON DAM DU GRUB PA BKAG CING, KUN RDZOB TU YOD PA RNAMS 'KHRUL SHES RES YOD PAR BZUNG NA DE'I NGOR YOD PA TZAM GYIS 'JOG NUS TE, DE'I DON NI 'KHRUL NGOR YOD PA TZAM YIN PA'I PHYIR RO, ,SNYAM DU BSAM NA NI ZHES SOGS KYIS BSHAD PA'I SMRA NGAN GYI RI BO 'JOMS PA'I RTZE BRGYA'I CHAR BA YIN NO, ,GZHAN YANG, RNAM MKHYEN DANG LAS 'BRAS KYI 'BREL BA PHRA MO SOGS CHOS CAN, DON DAM BDEN PAR THAL, MA 'KHRUL 'PHAGS PA'I RIG PA YE SHES SU GYUR PA'I RNAM MKHYEN GYI RNYED DON YIN PA'I PHYIR, RTAGS LUNG RIGS 'BUM GYIS GRUB LA, KHYAB PA KHAS, 'KHOR GSUM SONG, DES SPROS SLA, GZHAN YANG, RNAM MKHYEN CHOS CAN, MED PAR THAL, KHYOD MNGON SUM DU RTOGS PA'I YE SHES MED PA'I PHYIR, 'KHOR GSUM KHAS, MA GRUB NA, DON DAM PAR THAL, DE'I PHYIR, RNAM MKHYEN DE MNGON SUM DU RTOGS PA'I SLOB PA YOD PAR

, ,THAL LO, 'KHOR GSUM KHAS, DON DAM BDEN PA CHOS CAN, 'PHAGS PA'I MNYAM GZHAG ZAG MED KYI RNYED DON DU THAL, MA 'KHRUL PA'I 'PHAGS PA'I RIG PA'I RNYED DON GANG SLOB PA'I RJES THOB DANG GNYIS SNANG CAN LA MA 'KHRUL PA MED PA'I PHYIR, AE MA 'KHOR GSUM KHAS 'DOD NA SPROS BRAL LEGS PAR DPYAD PA'I BRJOD MED DOR DANG, GNAS SKABS GSUM PAR MED DGAG NAN 'DZIN 'KHRUL DANG DNGOS SU 'GAL LO, ,MI 'DOD NA 'ANG KHYOD KYI DON DAM BDEN PA'I MTSAN NYID DANG DNGOS SU 'GAL LA ZLA BAS PHYIN CI LOG PA DANG PHYIN CI MA LOG PA THA DAD TSUL BSHAD PA DANG 'GAL, 'JUG PA LAS YANG DAG MTHONG YUL DANG, 'GREL PAR 'PHAGS PA'I YE SHES KYI KHYAD PAR GYIS RNYED PAR BSHAD PA DANG 'GAL BA SOGS YOD DO, ,YANG KHO NA RE, MI RTAG SOGS RTOGS RNAL 'BYOR MNGON SUM DANG, ,DE YIS SBYOR LAM RTOG PAR MI SLEB 'GAL, ,GZHAN SEMS SHES PA YID MNGON YIN PA DANG, ,BDEN BZHI SHES PA RNAL 'BYOR MNGON SUM 'GAL, ZHES SMRAS KYANG 'GREL PAR LAM GZHAN SNGON DU MA SONG BA'I RNAL 'BYOR MNGON SUM RGYUD LDAN GYI TSOGS LAM PA KHAS BLANG PA'I PHYIR DANG, DES NA 'DI RNAL 'BYOR MNGON SUM YIN NA 'PHAGS PA'I YE SHES LAS MA 'DAS KYANG, THA SNYAD PA'I GNAS LUGS PHRA BA'I MI RTAG PA MNGON SUM DU RTOGS PA TZAM DU ZAD PAS YID MNGON LAS MA 'DAS SO ZHES RDO LEB PAR SGYUR TSUL SGYUR GYI AU

TSUGS LAS LUNG RIGS CI YANG SMRA RGYU MA RNYED CING DON LA'ANG MI SNANG BAS 'DI NI KHO BO GSUNG RAB DANG RIGS PA CI YANG MI SHES KYANG MKHAS PA LA PHRAG DOG GIS 'GAL BA YOD DO, ,ZHES SKAD NGAN CHER 'BYIN PA'I LTAS NGAN GYI AULLU KA'O ZHES SMRE SNGAGS BYAS PA YIN NO, ,'DI LA 'GAL BRJOD GNYIS PA BYAS LA, DE YANG TSAD MA MDOR, RNAL 'BYOR RNAMS KYIS BLA MAS BSTAN, ,MA 'DRES PA YI DON TZAM MO, ,ZHES PA'I RNAL 'BYOR ZHI LHA GZUNG 'BREL LA 'JOG CING BLA MA BCOM LDAN 'DAS KYIS GSUNGS PA'I BDEN BZHI'I KHYAD PAR LA SGRA DON GYI SPYI DANG MA 'DRES PA'I DON GSAL BAR MTHONG BA RNAL 'BYOR MNGON SUM DU BSTAN PA LTAR DPAL PHRENG SENG GE'I NGA RO'I MDO LAS, BDEN PA 'DI DAG NI DE BZHIN GSHEGS PA, NAS, MNGON PAR MKHYEN PA SO SOR RTOGS NAS DE MNGON PAR MKHYEN PA'I 'OG TU DE BZHIN GSHEGS PAS MA RIG PA'I SGO NGA'I SPUBS SU BCUG PA'I 'JIG RTEN LA BRTEN CING BRTAGS TE, NAS, 'PHAGS PA'I DON BSHAD PA NI ZAB CING PHRAL BRTAG DKA' BA STE, KHONG DU CHUD PAR DKA' ZHING BRTAG MI NUS LA RTOG GE'I SPYOD PA MA LAGS TE, ZHES SOGS MDO DU MA LAS KYANG BSHAD LA, ZLA BAS KYANG DE 'DRA'I RNAL 'BYOR MNGON SUM MA YIN PAR MI GSUNG BAR MNGON DU GYUR LUGS TZAM ZHIG BKAG STE, RIGS PA DRUG CU PA LAS, DE NI SU LA MNGON SUM GYUR ZHIG SHES PA DE JI LTA BU, ZHES PA'I 'GREL PAR, DNGOS PO MED PA NI MNGON SUM GYI

, ,SHES PAS RTOGS PAR BYA BA MA YIN TE, SOGS KYIS MNGON SUM SNANG YUL RANG MTSAN DANG DNGOS PO DGOS TSUL DANG, YANG DE NYID LAS, RNAL 'BYOR RNAMS KYIS DON TZAM MTHONG BA SOGS KYIS DNGOS SMRA BA'I RNAL 'BYOR MNGON SUM SKYE TSUL DANG BCAS PA BSTAN NAS, YANG DE NYID LAS, GAL TE SPYI'I MTSAN NYID SOGS KYIS MNGON DU GYUR TSUL BKAG GI MI RTAG BSGOMS KYANG MNGON DU MI 'GYUR BA DANG, RNAL 'BYOR MNGON SUM MA YIN PAR YANG MA BSHAD LA, YANG DE NYID LAS, DE'I PHYIR GSUNG RAB LAS SDUG BSNGAL MI SKYE BA SHES PA YANG MNGON SUM NYID DU ZHAL GYIS BZHES PA'I PHYIR LA SOGS KYIS, MDO DU MA LAS, 'GOG PA MNGON DU BYA'O ZHES PA LTA BU DU MAS SDUG BSNGAL BDEN PA'I SKYE MED MNGON SUM SHES PA'I RNAL 'BYOR MNGON SUM ZHAL GYIS BZHES LA, DE 'DRA'I RNAL 'BYOR MNGON SUM LA GNYIS SNANG MED KYANG SEMS KYANG DE BZHIN NYID KYI RNAM PAR ZHUGS PAS NA DE MNGON SUM DU RTOGS PAR 'JOG LA DE 'JIG RTEN GYI THA SNYAD DANG YANG MTHUN TSUL SMIG SGYU LA CHU MED PAR MNGON SUM SHES PAR BSHAD PA DPER BYAS PA'I PHYIR RO, ,DE BZHIN DU CHOS YANG DAG PAR SDUD PA LAS KYANG BSHAD MOD YI GE MANG DOGS LA, YANG DE 'DRA'I RNAL 'BYOR MNGON SUM DANG GZHAN SEMS SHES PA'I MNGON SHES GNYIS SNGOD LUGS LA ZHUGS MA ZHUGS MGO MTSUNGS BYAS PA NI STONG NYID MIN KYANG SPYIR 'PHAGS PA DANG

KHYAD BAR DU BYANG 'PHAGS YAN CHAD MA GTOGS PA'I 'JUG MI THUB PA'I SO SO RANG RIG GI SPYOD YUL BDEN BZHI'I KHYAD CHOS DU MA LA RMONGS PA'I SMYO LA BYIN PAS LAN SOGS MI 'OS LA, 'GREL PA DER ZLA BAS, 'DI LTAR MI RTAG PA NYID NYE BAR RTOGS BZHIN PA RNAMS KYIS SNGA MA DANG PHYI MA'I CHAS STONG PA DNGOS PO TZAM RTOG GO, ZHES PA LTAR RTOGS TSUL PHRAB ZHIG YIN PA DANG, SPYOD 'JUG LAS KYANG, RNAL 'BYOR KUN RDZOB NYES MED DE, ,'JIG RTEN LA LTOS DE NYID MTHONG, ZHES BDEN BZHI'I KHYAD CHOS BCU DRUG NI, THA SNYAD KYI SNGOD LUGS PHRA MO GSUNG RAB NAS BSHAD PA'I RNAL 'BYOR PA'I SO SO RANG RIG GIS YUL YIN LA DE NYID BCU DRUG BO GANG YANG RTOGS PA'I GZHAN SDE GTAN MED PAS SHING RTA CHEN PO THOGS MED SOGS KYIS KYANG GZHAN SDE LA ZHI RAGS KYI RNAM CAN DANG, RANG SDE 'DAS LAM LA KHYAD CHOS BCU DRUG BSHAD CING GZHAN SEMS SHES PA'I MNGON SHES NI ZHI GNAS GRUB PA NAS YOD PAR LAM SGRON DANG MNGON PA GONG 'OG DU MA LAS BSHAD DO, ,'O NA, MDZOD LTAR 'PHAGS LAM KHO NAR RIGS KYI RJES SBYOR LAM MAN CHAD NA'ANG DE 'DRA GCIG BSHAD PA MI 'THAD SNYAM PA NI, MDO DANG SHING RTA CHEN PO'I LUGS MI SHES PA'I BLUN SKAD YIN TE, DE LTAR NA SHER MDO RGYAN GYI RTZE SBYOR GYI NGO BO DANG RTAGS SOGS BSHAD PA DANG 'GAL LA, DE BZHIN DU STONG NYID RTOGS PA'I LHAG MTHONG MA THOB BAR DU SBYOR LAM DROD DU MI 'PHO BAR BSHAD BA DU MA DANG SPYOD 'JUG LAS, NYON MONGS

, ,SPANGS PAS GROL NA DE'I, ,DE MA THAG TU DE 'GYUR RO, ,NYON MONGS MED KYANG DE DAG LA, ,LAS KYI NUS PA MTHONG BA YIN, ZHES MI RTAG SOGS BDEN BZHI'I KHYAD CHOS BSGOM PA'I NYON MONGS RAGS PA LOG PA NA DGRA BCOM PAR 'DU SHES KYANG 'CHI BA'I TSA YANG SRID DU LAS NYON GYIS SKYE BA LEN PA GCIG BSHAD PA DANG 'GAL LA, YANG TSIG GSAL LE'U NYER BZHI PAR BSAM GTAN DPE 'KHYUD KYI MDO DRANGS PA LAS 'JAM DPAL BYIS PA SO SO'I SKYE BO THOS PA DANG MI LDAN PA DE NI CHOS THAMS CAD SHIN TU MYA NGAN LAS 'DAS PAR MI SHES PAS BDAG DANG GZHAN DU DMIGS PAR BYED DO, ,NAS, DE DE BZHIN GSHEGS PA'I BSTAN PA LA RAB TU BYUNG NAS 'DI SNYAM DU SEMS TE, NAS, CHOS 'DI DAG NI SPANGS PAR BYA'O, ,CHOS 'DI DAG NI MNGON DU BYA'O, ,SDUG BSNGAL YONGS SU SHES PAR BYA'O, ,KUN 'BYUNG SPANGS PAR BYA'O, ,'GOG PA MNGON DU BYA, LAM BSGOM PAR BYA'O SNYAM DU RTOG GO ,NAS, DE GCIG PU DBEN PAR SONG NAS CHOS DE DAG YID LA BYED PA ZHI GNAS THOB PAR 'GYUR RO NAS DE 'DI SNYAM TU BDAG SDUG BSNGAL THAMS CAD LAS GROL BAR GYUR TE, YANG PHYIS BYA BA CI YANG MED CING BDAG NI DGRA BCOM PAR GYUR TO ZHES BYA BAR BDAG NYID SHES SO, ZHES MNGON PA LTAR GYI DGRA BCOM PAR DU BGROD PAR BSHAD PA DANG 'GAL, DE 'PHAGS PA LTA CI RTZE MO TZAM YANG MA YIN TE, DE LA LOG PAR LTA BA'I THE TSOM SKYES NAS DMYAL BAR SKYE BAR BSHAD PA'I

PHYIR DANG, MDO DE NYID LAS, DE 'CHI BA'I DUS BYED PA'I TSE BDAG NYID SKYE BAR MTHONG BAS DE SANGS RGYAS KYI BYANG CHUB LA THE TSOM DANG SOM NYID 'GYUR RO, ,DE SOM NYID LTUNG STE 'CHI BA'I DUS BYAS NAS DMYAL BA CHEN POR LTUNG BAR 'GYUR RO,, ZHES GSUNGS ZHING 'DI DANG YANG 'GAL LA, LHAG BSAM BRTAN PAS ZHUS PA LAS GNYIS LA SPYOD PA GANG YIN DE DAG NI YANG DAG PA LA, ZHUGS PA MIN NO ZHES GSUNG BAS, 'PHAGS PA GNYIS SNANG MED PA MA THOB PA YANG GSUNG RAB CHEN PO DU MA DANG 'GAL LA SPYOD 'JUG LAS, SRED 'DI NYON MONGS CAN MIN YANG, ,SOGS DANG, STONG PA NYID DANG BRAL BA'I SEMS, ,'GAG PA SLAR YANG SKYE 'GYUR TE, SOGS DANG 'GAL LA BYANG CHUB SEMS DPA'I SDE SNOD SOGS DANG 'GAL TSUL SHES PAR BYA'O, ,YANG KHO'I 'KHOR BA GSUM DANG 'KHOR RTZA GSUM BLOS BZOS PA LA 'GAL BRJOD NYER GNYIS PA, 'KHOR RTZA GSUM DANG ZHI SGO GCIG PA 'GAL, ZHES BYA BA NI KHO NA RE, 'KHOR BA RAGS PA MA DAG SKYE 'CHI STE, ,DE YI RTZA BA NYON MONGS CAN RMONGS YIN, ,PHRA BA YID LUS DAG PA'I SKYE 'CHI STE, ,'DI YI RTZAB MA RIG BAG CHAGS SA, ,SHIN TU PHRA BA PHAR PHYIN SANGS RGYAS TE, ,'DI YI RTZAB 'PHO CHAGS PHRA MO YIN, ZHES DANG, 'KHOR BA GSUM LA 'KHOR BA DNGOS BTAGS GANG YIN CI YANG MA SMRAS LA, 'GREL PAR, 'KHOR BA PHRA BA'I MTSAN GZHI YID KYI RANG BZHIN GYI LUS KYI THOB PA'I DAG PA RNAM PAR BYED PA'I SKYE 'CHI YIN TE, SOGS KYIS NYAN RANG LHAG MED DU

, ,ZHUGS PA DANG MTHONG LAM THOB PA NAS SA BCU BAR GYI YID LUS THOB PA DANG LAS NYON GYI SKYE 'CHI ZAD PAR SPANGS PAR 'DOD LA, YANG 'KHOR BA 'DI'I RTZA PA BKA' 'KHOR LO THA MAR GSUNGS PA'I MA RIG PAG CHAGS KYI SA'O; ;DES NAM RIG BAG CHAGS KYI SA'I NYON MONGS DANG SOGS KYIS MA RIG BAG CHAGS SA'I NYON MONGS 'KHOR BA PHRA BA'I RTZA BAR BSHAD PA DANG, YANG 'GREL PA DER 'KHOR BA 'DI'I RTZAB NI RLUNG DANG KHAMS 'PHO BA'I CHAGS PA'AM ZHES 'KHOR BSHIN TU PHRA BA'I RTZAB RDZOGS PA'I SANGS RGYAS RGYUD KYI CHAGS PA DANG RLUNG BZHAG GO ,'DI NI GSUNG RAB THAMS CAD DANG 'GAL PAR RTOGS SLA ZHING SNGAR BSHAD PAS KYANG KHEGS LA DBU SEMS KYI SHING RTA CHEN PO DAG GI RIGS PAS KYANG KHEGS TE, 'O NA, BDAG 'DZIN MED PAR CHAGS PA GCIG PUS KYANG 'KHOR RTZA BYAS NAS 'KHOR BAR SKYE BA YOD PAR THAL, 'KHOR RTZA GSUM PA'I 'KHOR LUGS 'THAD PA'I PHYIR, 'KHOR GSUM LA SANGS RGYAS KYANG LAN MI MDZAD PA 'DI 'DRA DGOS LA RE RE NAS KHAS BLANGS, 'DOD NA BZHI BRGYA PA LAS, LUS LA LUS DBANG JI BZHIN DU, ,GTI MUG KUN LA GNAS 'GYUR TE, ZHES PA RTZA 'GREL DANG, TSIG GSAL LAS, NYON MONGS MTHA' DAG GTI MUG LA NI YANG DAG BRTEN PAR RGYAL BA RNAMS KYIS BSHAD, CES DANG, STONG NYID BDUN CU PA LAS, RGYU DANG RKYEN LAS SKYE DNGOS RNAMS, ,YANG DAG PAR NI RTOG PA GANG, ,DE NI STON PAS MA RIG GSUNGS, ,DE LAS YAN LAG

BCU GNYIS 'BYUNG, ,SOGS RTZA 'GREL DANG MDO DU MA DANG 'GAL, RTZA BAR 'DOD NA, GTI MUG MED NA SRED SOGS MI 'BYUNG BAR BSHAD PA DU MA DANG, MDO DAG LAS, MA RIG PA'I MUN BA MED NA SRED PA'I RLAN MED PAR BSHAD PA SOGS DANG YANG 'GAL LO, ,DE LTAR 'KHOR RTZA SHES PA MI 'DRA BA GSUM 'DOD PA DANG BZHI BRGYA PAR ZHI SGO GNYIS PA MED PA SGRA JI BZHIN 'DOD PA'ANG 'GAL TE, 'O NA, MI SDUG PA BSGOM PA'ANG SRID RTZA SUN 'BYIN GYI GNYEN POR THAL, 'PHO CHAGS YANG 'KHOR BA'I RTZA BA YIN PA'I PHYIR, RTAGS SANGS 'PHAGS RGYUD LA 'KHOR RTZA BYED THUB NA, SEMS CAN LA MI THUB PA YANG 'GAL BAS 'GRUB BO, ,'DOD NA TSIG GSAL LAS, DE NI 'DOD CHAGS BSAL BAR BYA PHYIR GSUNGS PAS ZHE SDANG ZAD PAR BYED MI 'GYUR, ,NAS, GTI MUG ZAD BAR BYA PHYIR GSUNG PA GANG YIN DE NI NYON MONGS MA LUS 'JOMS, ZHES DANG, RNAM 'GREL LAS, BYAMS SOGS RMONGS DANG 'GAL MED PHYIR, ,SHIN TU NYES PA TSAR GCOD MIN, ZHES SOGS DU MA DANG 'GAL LO, ,RGYUD BLA MA'I LUNG LA 'KHRUL NAS THEG CHEN 'PHAGS PA LA LAS NYON GYIS SKYE 'CHI GANG YANG MED PAS KHYAB PAR 'DOD PA NI 'KHRUL PA SHIN TU RAGS TE, THEG CHEN SBYOR LAM PA SO SKYE DANG LUS RTEN GCIG GIS BSDUS PA'I THEG CHEN MTHONG LAM PA CHOS CAN, LAS NYON GYI DBANG GIS NYER LEN GYI PHUNG PO 'DOR DGOS MA YIN PAR THAL, THEG CHEN 'PHAGS PA YIN PA'I PHYIR, KHYAB PA KHAS 'DOD MI

, ,NUS TE, LAS NYON GYIS DBANG GIS BLANG BA'I 'KHOR BA RAGS PA RGYUD LDAN YIN PA'I PHYIR TE, DPER NA NYER LEN GYI PHUNG PO RGYUD LDAN GYI LHAG BCAS DGRA BCOM BZHIN YIN PA'I PHYIR DANG, LAS NYON GYIS SKYE 'CHI GANG YANG MI BYED PA LA THEG CHEN 'PHAGS LAM TZAM GYIS MI CHOG GI YID KYI LUS GSUM PO GANG RUNG THOB PA'I BYANG SEMS RNAMS LA DMIGS KYIS BSAL BA LTAR DGOS LA DE 'DRA BA'I MTHONG LAM PA NYER LEN GYI PHUNG PO'I 'KHOR BA MA DAG PA'I RGYUN LA GNAS PA'I PHYIR DANG, BYANG SEMS KYI YID KYI RANG BZHIN GYI LUS DANG 'DOR LEN KUN DAG PA RNAM BYANG GI SKABS LA 'DOD PA DANG, YID KYI RANG BZHIN GYI LUS LEN PA'I RGYU RKYEN MA RIG BAG CHAGS KYIS DANG ZAG MED KYI LAS KHO NAR 'DOD PA RNAMS KYANG MI 'THAD DE, SBYOR LAM MAN CHAD RGYUD BLA MA'I SKABS 'DIR MA DAG SA'I SKABS DANG, THEG CHEN MTHONG LAM NAS SA BDUN PA TSUN CHAD NA SRED PA'I ZAG PA LDAN PA'I LAS YOD BZHIN DU 'KHOR BAR SKYE BA LEN PAS MA DAG PA DANG, THABS SHES RAB STOBS KYIS SEMS KUN NAS NYON MONGS PA MED PA'I PHYIR DAG PA STE, MA DAG PA DANG DAG PA'I SA ZHES BSHAD PA'I PHYIR DANG, NYON MONGS MA ZAD PAR DU MA RIG BAG CHAGS KYI SA TZAM GYIS RKYEN BYED PA YANG MED LA, ZAG MED KYI LAS NI NYON MONGS SA BON GYI ZAG PA ZAD PA'I KUN RTOG GCIG LA 'JOG PA'I PHYIR TE, RGYUD BLA THOGS 'GREL LAS, MA DAG PA DANG DAG PA'I GNAS SKABS NA YID KYI RANG

BZHIN GYI LUS THOB PA'I BYANG CHUB SEMS DPA' RNAMS LA GANG ZHIG SHIN TU SNANG BA MED PAR GYUR PAS GCIG SHOS GTAN 'BAR BA MED PAR RTOGS PA, ZHES DANG, LANG GSHEGS LAS KYANG, BLO GROS CHEN PO YID KYI LUS RNAM PA GSUM STE, RNAM PA GSUM GANG ZHE NA, 'DI LTA STE, TING NGE 'DZIN GYI BDE BA LA SNYOMS PAR 'JUG PA'I YID KYI LUS DANG CHOS KYI NGO BO NYID KHONG DU CHUD PA'I YID KYI LUS DANG, RIS SU LHAN CIG SKYE BA'I 'DU BYED KYI BYA BA'I YID KYI LUS TE, SA DANG PO NAS GONG NAS GONG DU SA'I MTSAN NYID YONGS SU SHES PAS RNAL 'BYOR CAN RNAMS KYIS THOB PAR 'GYUR RO, ZHES YID LUS GSUM GYI DANG PO GNYIS RNAM BSHAD MKHA' 'GRO'I GSANG MDZOD DANG LANG GSHEGS LTAR YID LTAR THOGS PA MED PA DANG MGYOGS PA'I YID LUS ZHES BYA YI YID SHES DANG NGO BO DBYER MED BA'I YID LUS MIN TE, RGYUD BLA MA'I DAR tIKA LTAR SA DANG PO NAS 'KHOR SGYUR DANG BRGYA BYIN SOGS MTSAN DPES BRGYAN PA'I LUS THA MAL BA'I DBANG MNGON TSAD MAS KYANG SGRUB PA GCIG YIN PAS RAGS LA, BAR DO'I LUS DANG BLA MED KYI SGYU LUS NI YID SHES DANG DBYER MED KYI BEM MIN GYI GZUGS PHRA BA STE, 'DI'I YID LUS GSUM PA YANG DE LTAR YIN KYANG DUS 'KHOR LTAR NA KHAMS RAGS PA BZUNG BA'I MCHOG SPRUL GYI SKU SO SKYES MTHONG LA, YANG DE DAG GIS MTHONG BAR BYIN GYIS RLABS PA DANG SPRUL PAR YANG MDO RGYUD BSTAN BCOS DU MAS BSHAD CING, SANGS RGYAS RANG GZUGS NI

, ,MGON PO KLU SGRUB KYIS MDZAD PA'I RGYAL BA KLU'I DBANG PHYUG RGYAL PO'I SGRUB THABS BZHIN NOR BU SHEL DAG LTAR KHA DOG SOGS MI DPOG PA GCIG YIN PAR SNGAR BSHAD PA'I MDO NGAG GIS SGRUB LA SA BRGYAD PAR RDO RJE'I SKU THOB PAR BSHAD PAS RGYAL BA GONG MAS SMON LAM BDUN CU PA'I RNAM BSHAD LTAR SKYE 'CHI MED KYANG GDUL BYA'I SNANG NGOR BSTAN TZAM STE, RGYUD BLA MA LAS, JI BZHIN YANG DAG MTHONG BA'I PHYIR, ,SKYE SOGS RNAMS LAS 'DAS GYUR KYANG, ,SNYING RJE'I BDAG NYID SKYE BA DANG, ,'CHI DANG RGA DANG NA BAR STON, ZHES DANG THOGS 'GREL LAS, SKYE BAR YANG STON LA RGA BA DANG NA BA DANG 'CHI BA YANG NYE BAR STON TO, ,DE DAG LA SKYE BA LA SOGS PA'I CHOS 'DI DAG KYANG MED DE, KHAMS DE NYID SKYE BA MED PA RANG 'BYUNG BA MED PA YANG DAG PA JI LTA BA BZHIN MTHONG BA'I PHYIR RO, ZHES GSUNG LA DGRA BCOM GNYIS DANG BYANG SEMS RGYUD KYI YID LUS DE LA 'KHOR BA DANG MYANG 'DAS ZER YANG 'KHOR BA DANG MYANG 'DAS SU MI RUNG LA SGRA BSHAD TZAM YIN TE, THOGS 'GREL LAS DE NI ZAG PA MED PA'I DAG PA'I RTZA BAS MNGON PAR 'DUS BYAS PA'I PHYIR 'KHOR BA YIN LA, ZAG PA DANG BCAS PA'I LAS DANG NYON MONGS PAS MNGON PAR 'DUS MA BYAS PA YIN PA'I PHYIR MYANG 'DAS YANG DE NYID DO ZHES DANG, MDO LAS KYANG, 'DU BYAS PA DANG 'DU MA BYAS PA'I 'KHOR BA YANG MCHIS LA 'DU BYAS PA DANG 'DU MA BYAS PA'I MYA NGAN LAS 'DAS PA YANG

MCHIS SO, ZHES SO, ,YANG KHO'I RIG GNAS SKABS RNAM 'GREL PHYI NANG THUN MONG GI BSTAN BCOS NANG RIG MIN PAR BSHAD PA LA 'GAL BA NYER GSUM PA, DE 'GOG BSTAN BCOS GANG DE'I LUGS YIN 'GAL, ZHES SMRAS TE, DE YANG KHO'I RIG GNAS RTZA BA LAS, NANG PA'I RIG GNAS BZHI PA STON PA'I GZHUNG, ,SDE BDUN MDO DANG BCAS LAS GZHAN MED PHYIR, ,'DI DAG NANG RIG YIN PAR 'DOD RNAMS 'KHRUL, ,GSUNG RAB SPYI YI DGONGS 'GREL YIN PA'I PHYIR; ;ZER NA SGRA MDO KUN KYANG DAR 'GYUR TE, NAS, TSAD MA MDO'I, MCHOD BRJOD DON TZAM RGYAS PAR BSHAD PA STE, NAS, DE NAS DNGOS BSTAN BSTAN BYA'I GTZO BO NI, GNAS GSUM GZHAL BYA RTOG GE'I TSIG DON BRGYAD YIN PHYIR THUN MONG RIG GNAS NYID DU BZUNG, ZHES DANG, 'GREL BAR CHER 'GA' MA SMRAS LA GTZO BO RIG GNAS LNGA PA NANG RIG YIN NA BZHI PA MED PAR 'GYUR SNYAM PA DANG RTOG GE'I TSIG DON BRGYAD PHYI NANG GNYIS KAS 'DOD LA 'DI LAS BSHAD PA'I GTZO BO YANG TSIG DON BRGYAD DU 'DU SNYAM PA DANG, BDAG MED STON DANG DE MKHYEN BSHAD PA NI, TSAD MA MDO'I MCHOD BRJOD TZAM RNAM 'BREL GYIS RGYAS PAR BSHAD KYI LUS LA MED SNYAM BA RNAMS LOG RTOG GI GTZO BOR SNANG NGO, ,'DI NI RANG 'DOD PHUG 'TSANG GI RDOL GTAM BLUN PO'I RANG MTSANG SGROGS BYED PHA BSAD KYI RGYAL RNGA BRDUNGS PA NYID YIN TE, RIM BZHIN RIGS PAS BKAG NA NANG SEMS RGYUD 'DUL TSUL RIGS LAM NAS DRANG STE STON PA'I

, ,GZHUNG MED PAR THAL, NANG RIG DANG GTAN TSIGS RIG PA'I SDE SNOD GZHI MTHUN MED PA'I PHYIR, 'KHOR GSUM KHAS, 'DOD NA, DBU MA RIN CHEN PHRENG BA DANG, 'JUG PA DANG DBU MA SNYING PO DE DAG GI 'GREL PA DANG BCAS PAS GZHAN LUGS SGRUB DANG SUN 'BYIN GYIS BKAG NAS RANG LUGS GZHI LAM SOGS RGYAS PAR MI STON PAR THAL LO, ,'KHOR GSUM, GZHAN YANG, RIG GNAS GZHAN RNAMS BZO RIG PAR MI 'DU BAR THAL BA DANG MDO DGONGS 'GREL DANG YANG GSHEGS SOGS MANG POS GZHAN LUGS BKAG NAS SA LAM RGYAS PAR MI STON PAR THAL BA DANG, RTZE SHE NANG RIG MIN PAR THAL BA DANG, GTAN TSIGS MI STON PA DANG, RGYU MTSAN RNAM DAG MI STON PA'I GSUNG RAB YOD PAR THAL BA SOGS THAL BA'I PHUNG PO'I KHROD NA TZOG GE DA SDOD CIG ,GZHAN YANG, 'JUG PA CHOS CAN, SEMS TZAM PA DANG THUN MONG GI BSTAN BCOS YIN PAR THAL, KHYOD GANG ZAG DANG CHOS KYI BDAG MED GNYIS RGYAS PAR STON PA'I BSTAN BCOS YIN LA, SEMS TZAM PAS KYANG BDAG MED GNYIS 'DOD PA'I PHYIR, 'KHOR GSUM, DE'I BDAG MED GNYIS MING 'DRA YANG DON GTAN MI 'DRA BAS MA KHYAB SNYAM NA 'O NA MDO DANG RNAM 'GREL GYIS KYANG BSHAD PA RTOG GE'I TSIG DON BRGYAD DU 'DU YANG DON GTAN MI 'DRA BAR DE'I RTOG GE'I TSIG DON SO SO NAS BKAG PAR SNGAR BSHAD ZIN PA'I PHYIR DANG TSAD MA MDO'I RANG 'GREL LAS, GZHAN GYI TSAD MA DGAG

PAR BYA BA'I PHYIR DANG RANG GI TSAD MA'I YON TAN BRJOD PAR BYA BA'I PHYIR DANG, GZHAL BYA RTOGS PA TSAD MA LA RAG LAS BA YIN LA 'DI LA YANG LOG PAR RTOG PA MANG BAS NA'O, ZHES GSUNGS PA'I PHYIR RO, ,DAS NA GZHAN SDE'I LUGS RE RE NAS GTZO BOR 'GOG PA'I BSTAN BCOS GANG YIN PA DE GZHAN SDE DE'I LUGS KYI BSTAN BCOS YIN SMRA BA LAS NGO MTSAR BA'I 'GAL 'DU JI LTAR SMRA GZUR GNAS MKHAS PA RNAMS KYIS DPYOD CIG ,RTZA BAR 'DOD NA, RANG 'GREL LAS, LUGS 'DI NI THUN MONG MIN PA'O ZHES MKHAS PA RNAMS KYIS NGES PAR MDZAD DU GSOL, ZHES PA DANG 'GAL LO DE BZHIN DU PHUNG SOGS STON PA'I MNGON PA RNAMS KYANG GZHAN SDE DANG THUN MONG GI MDOR THAL BA DANG, RGYUD DU MA YANG THUN MONG GI RGYUD DU THAL BA SOGS BYA, GZHAN YANG, GZHAN SDES MDO DANG SDE BDUN GYIS BSHAD PA LTAR MNGON SUM RJES DPAG SGRUB NGAG SUN 'BYIN YANG DAG BZHI 'THAD LDAN DANG LTAR SNANG BZHI 'THAD BRAL DU KHAS LEN PAR THAL, MDO DANG SDE BDUN GYIS DE DAG BSHAD CING, GZHAN SDE DANG THUN MONG GI 'DOD PA TZAM STON BYED YIN PA'I PHYIR, DE BZHIN DU GZHAN SDES MNGON SUM BZHIR 'DOD PAR THAL BA DANG RTAGS TSUL GSUM KHO NAR 'DOD PAR THAL BA DANG 'DUS BYAS LA MI RTAG PAS KHYAB PAR 'DOD PAR THAL BA DANG, RTAG PA LA DON BYED NUS STONG GIS KHYAB PAR 'DOD PAR THAL BA SOGS GNOD BYED KYI THAL 'GYUR GNAM LCAGS PHYE BA'I TSOGS SPRO BAR BYA'O, ,GZHAN YANG, RNAM 'GREL

, ,GYIS BDAG MED STON PA DANG DE MKHYEN PA'I TSAD MA BSHAD PA SOGS RANG SDE'I THUN MONG MIN BA GANG BSHAD GTZO BO THAMS CAD LA TSAD MA MDO'I LUS KYI RGYAS BSHAD CI YANG MED PAR THAL, TSAD MA MDO'I MCHOD BRJOD DON TZAM ZHES SMRAS PA'I PHYIR, 'KHOR GSUM 'DOD NA KUN BTUS KYI LE'U GNYIS PA LAS, RJES DPAG RNAM GNYIS RANG DON NI, ,TSUL GSUM RTAGS LAS DON MTHONG GZHES SOGS KYIS BSHAD PA'I TSUL GSUM YANG DAG TU 'THAD TSUL DANG, RTAGS YANG DAG GI DBYE BA GRANGS NGES SO SO'I RNAM BZHAG BSHAD PAR, RNAM 'GREL LAS, PHYOGS CHOS DE CHAS KHYAB PA YI, SOGS DANG KUN BTUS LAS, TSUL GNYIS PA DANG RE RE PA, ZHES SOGS KYIS GZHAN SDE'I GTAN TSIGS RNAMS GTAN TSIGS LTAR SNANG DU 'CHAD PAR RNAM 'GREL LAS, GTAN TSIGS LTAR SNANG DE LAS GZHAN, ZHES DANG, DE NYID LAS, RTAGS DON GZHAN YANG SUN DBYUNG BYA, ,BLO NI SKYES BU'I RTEN CAN MIN, ,KHAS BLANGS MNGON SUM GRAGS PA DANG, ,RJES SU DPAB BAS CIG CAR GNOD, CES DANG, LUNG 'GAL DRUG SOGS KYI SGO NAS MI 'THAD PAR THAL BA DANG, KUN BTUS MNGON SUM LE'U'I, MNGON SUM DANG NI RJES SU DPAG ,TSAD MA'I MTSAN NYID GNYIS GZHAL BYA, ZHES SOGS KYI DON 'CHAD PAR, RNAM 'GREL LAS, GZHAL BYA GNYIS PHYIR TSAD MA GNYIS, NAS, DE DAG RANG SPYI'I MTSAN NYID BSHAD, CES SOGS DANG, KUN BTUS

LAS MING DANG SOGS KYI MNGON SUM MTSAN NYID 'CHAD PAR, RNAM 'GREL LAS, RNAM RTOG MED PA NYID KYIS NA, ,RANG GI MTSAN NYID LA MNGON SUM, ZHES SOGS DANG, KUN BTUS KYI MNGON SUM BZHI 'CHAD PAR RNAM 'GREL LAS MNGON SUM RTOG DANG BRAL BA NI, ZHES SOGS DANG, KUN BTUS LAS BYA DANG BCAS PA RTOGS PA'I PHYIR, SOGS KYI TSAD 'BRAS 'CHAD BAR, RNAM 'GREL LAS, BYA BA SGRUB PAR BYED NAS TE, ZHES SOGS BYUNG BA MA YIN PAR THAL BA DANG, DE BZHIN DU MDO DANG RNAM 'GREL GYI GZHAN DON RJES DPAG GNYIS KYANG RTZA 'GREL SO SOR SBYAR RGYU MED PAR THAL, KUN BTUS KYI RNAL 'BYOR MNGON SUM 'BYUR [?] LUGS DANG YUL GYI KHYAD PAR DANG, DE'I SPANG BYA'I KHYAD PAR DANG, DE'I GROGS BRTZE SOGS DANG 'BRAS BU MYANG 'DAS GSUM SOGS SGO NAS BSHAD PA MA YIN PAR THAL, DE'I KUN BTUS KYI LUS KYI DON CI YANG MA BSHAD PA'I PHYIR, SOGS DANG, 'DOD MI NUS TE, RNAL 'BYOR MNGON SUM GYI KHYAD PAR RKYAS PAR BSHAD PA'I PHYIR, SOGS GNOD BYED BYED 'BYUNG NGO, ,GZHAN YANG, KUN BTUS DANG RNAM 'GREL DES GSUM CHOS CAN, NANG RIG YIN PAR THAL, NANG SEMS RGYUD 'DUL BYED KYI GTZO BA BDAG MED GNYIS DANG BDEN BZHI'I KHYAD PAR SOGS GTZO BOR BSHAD PA'I PHYIR, DPER NA RTZA SHE DANG SHER MDO BZHIN DE YANG YIN TE, RNAM 'GREL LE'U DANG PO LAS, BDAG DANG SA LA SHES YOD SOGS, ,MED PA RAB SGRUB BYED MIN DA, ZHES DANG

, ,SKYES BU RTAG PA BYED PO NYID, CES SOGS DANG, RIG BYED TSAD MA DANG NI 'GA' BYED SMRA, SOGS DANG, LE'U GNYIS PA LAS, BDAG MIN BYIN GYIS BRLABS PA'ANG MIN ,RGYU MIN BYIN GYIS RLOBS PA'ANG MIN, SOGS NAS, DE NI RTAG RNAMS LA YOD MIN, ZHES PA'I BAR PHAL CHER GYIS RTAG BDAG BKAG ,RNAM 'GREL LAS, GANG ZHIG BDAG MTHED DE LA NI, NAS, DE PHYIR GCIG NYID MTHONG BAS KYANG, ZHES PA'I BAR PHAL CHER DANG, BDAG GI NYID NI MI 'DOD NA, ,DE YI ZA BA PO YANG MED, ,BYA DANG LONGS SPYOD MTSAN NYID CAN, ,DE TSE DE YI BDAG KYANG MED, CES DANG, RTAG LA LTOS PA MED PA'I PHYIR, ,NAS, BYED PO ZA BO NYAMS PHYIR RO, ,NUS PA YANG NI 'GRUB MA YIN, ZHES PA'I BAR DANG, LE'U GSUM PAR, GAL TE RIGS NI THA DAD DAG ,GZUNG 'DZIN MIN NA SKYES BU NI, ,KUN GYIS 'DZIN BYED MI 'GYUR TE, DES NA ZA BA PO NYID NYAMS, SOGS DANG, BDAG YID LDAN PA TZAM LAS NI; SKYE NA'ANG CIG CAR SKYE BAR 'GYUR, ZHES DANG, 'DI LUS SKYES BU BSHAD PA YIN, ,SOGS DANG, LE'U BZHI PA LAS, NGES PA MED NA MI 'BYUNG YIN, ,NGES PA MED PAS SGRUB BYED MED, CES PA NAS, RJES 'GRO CAN MIN LDOG MIN NA, ,BDAG MED MA YIN BDAG BCAS MIN, ZHES PA'I BAR PHAL CHER DANG, GAL TE BDAG NYID GCIG PA YI, ,DU MA 'BRAS BU GCIG BYED NA, ZHES PA NAS, DNGOS RTEN MA GRUB 'DI CHOS SU, ,RIG PA SMRA BAS GSUNGS

PA YIN, ZHES PA RNAMS KYIS 'JIG LTA'I ZHEN YUL GYI BDAG DANG GZHAN SDE'I RTAG BDAG RGYAS PAR BKAG ,GZUNG 'DZIN GNYIS MED KYI CHOS KYI BDAG MED NI RGYAS PAR BSHAD PAR GRAGS YANG CHE LA RNAM BDEN RDZUN SO SO'I GZUNG MED KYI DON YANG RGYAS PAR BSHAD DE, LE'U GSUM PA LAS, JI LTA JI LTAR DON SEMS PA, ,DE LTA DE LTAR RNAM BRAL ZHES, ZHES PA NAS, PHYI ROL SPYOD LA 'JUG PAR MDZAD, CES PA'I BAR GYIS PHYI DON MED TSUL RTZOD SPONG DANG BCAS PA SPYIR BSTAN NAS, YANG DE'I 'PHRO LAS, SHES PA SNGO SOGS SNA TSOGS PA, ZHES SOGS KYIS SNA TSOGS GNYIS MED RGYAS PAR DANG, DE NYID LAS, PHYI ROL DON NI YOD NA YANG, ZHES SOGS DANG, KHYAD PAR DU DE NYID LAS, BLO BDAG RNAM PAR DBYED MED KYANG, ,MTHONG BA PHYIN CI LOG RNAMS KYIS, ,SOGS KYIS GZUGS SOGS RAGS SNANG MI BDEN PA'AM 'KHRUL LUGS KYI DANG, DE NYID LAS, DE LTAR MIN NA SNA TSOGS KYI, ,NGO BO SNANG GZHAN DNGOS GCIG LA, , SOGS KYIS SNANG BA LTAR GRUB PA 'GOG PA'I GCIG DU BRAL RGYAS PAR RTZOD SPONG DANG BCAS TE BSHAD CING, BDAG MED GNYIS PO RGYAS BSHAD 'DI NI KUN BTUS KYI RNAL 'BYOR MNGON SUM YUL GYI SGO NAS RGYAS PAR BSHAD PA MDON RTOGS RGYAN GYI SKABS DANG POS RNAM MKHYEN BZHIN DANG, YUL CAN SGO NAS BSHAD TSUL 'CHAD PAR 'GYUR RO, ,YANG MDO SDE RGYAN LAS, MNGON 'DU'I PHYIR DANG YANG YANG DANG, ,ZIL GNON RTOGS PHYIR MNGON PA'I CHOS, ZHES PA'I YANG YANG DANG

, ,ZIL GNON TSAD DU CHUG KYANG CHOS NYID MNGON DU GYUR TSUL DANG, LAM MNGON PAR RTOGS TSUL MA TSANG STE, TSOGS SBYOR MA BSHAD PA DANG, SGOM RIM MNGON PA LTAR MA BSHAD PA'I PHYIR, ZER BA YANG MA RIG PA'I LONG SKAD YIN TE, 'DI'I KHYAD PAR BZHI KA DNGOS BSTAN DANG DNGOS BSTAN GTZO BO LA MA TSAD NA MNGON PAR MI 'GYUR NA, PHUNG PO LNGA PA DANG PRA KA RA nA SDE BRGYAD PHAL CHER DANG RIGS TSOGS PHAL CHER DE MIN PAR 'GYUR TE LAM LNGA DANG SGOM TSUL MNGON PA LTAR DNGOS BSTAN LA MI RGYAS PA'I PHYIR, 'KHOR GSUM LA LAN MED, BSTAN TZAM LA ZER NA GSUNG RAB THAMS CAD MNGON PAR THAL BA BZLOG TU MED DE, BKA' THAMS CAD BDAG MED LA GZHOL ZHING 'BAB PA DANG SGRUB PA LA GZHOL ZHING 'BAB PA'I PHYIR RO, ,'ON KYANG 'DI'I DNGOS BSTAN LA'ANG BZHI CHED STE, BDAG MED GNYIS SOGS YUL YUL CAN GYI RANG SPYI'I MTSAN NYID NGO BO DANG RNAM GRANGS SOGS KYIS YANG YANG BSHAD PAS YANG YANG DANG ZIL GNON TSANG BAR BSNYON SA MED LA, BDAG MED MNGON DU 'GYUR TSUL YANG MDO SEMS THUN MONG GI LUGS TSOGS SBYOR SKABS SU THOS BSAM GYIS GTAN LA PHAB STE SGOM PA LAS MTHONG LAM SKABS SU BDEN BZHI'I GNAS LUGS RANG MTSAN MNGON DU 'GYUR TSUL, LE'U GNYIS PA LAS, MI SHES STON PAR BYED PA LA, ,'KHRUL PAR DOGS PA CAN RNAMS KYIS, ,DES BSHAD NAN TAN BYA BA'I PHYIR, ,SHES LDAN

'GA' ZHIG TSOL BAR BYED, CES SOGS DANG, BLANG DANG DOR BYA'I DE NYID NI, ,THABS DANG BCAS PA RIG MDZAD PA, ,SOGS KYIS THOG MAR BSHES GNYEN BSTEN NAS THOS BSAM BYED TSUL DANG, THOS BSAM GYIS DPYOD TSUL LE'U DANG PO DANG GSUM PA SOGS LTAR YIN LA, DE LTAR THOS BSAM GYI TSE NA'ANG SDUG BSNGAL SOGS NYES PA THAMS CAD KYI RTZA BA BDAG 'DZIN DU NGO SHES PAR BYED DGOS PA NI, DE NYID LAS, DE PHYIR SROL 'DOD THOG MED PA'I, ,RGYU CAN RIGS MTHUN SA BON LAS, ,BYUNG BA'I 'JIG TSOGS LTA BA DAG ,RTZA BA NYID NAS DBYUNG BAR GYIS, ZHES DANG, BDAG YONG NA NI GZHAN DU SHES, ,BDAG GZHAN CHA LAS 'DZIN DANG SDANG, ,'DI DAG DANG NI YONGS 'BREL PAS, ,NYES PA THAMS CAD 'BYUNG BAR 'GYUR, ZHES DANG, MI SHES SRID PA'I RGYU YIN YANG, ,MA BRJOD SRID PA NYID BSHAD PA, ,RGYUN NI 'PHEN PAR BYED PHYIR DANG, ,DE MA THAG PHYIR LAS KYANG MIN, ,DE YOD NA YOD MED PHYIR RO, ZHES PA LTAR SHES RJES SU DE DAG GI GNYEN PO ZLA MED BAR BDAG MED SGOM RIGS TE, BDEN PA BZHI LA BRTEN PA DANG, BDE DANG NGA DANG NGA'I ZHES SOGS, ,YANG DAG MIN BA RNAM BCU DRUG ,SGRO BTAGS NAS NI YONGS SU SRED, ,LOG RTOG BCU DRUG GIS SRED TSUL, ,DE YI GNYEN PO SGOM TSUL YANG, ,LUNG DANG RIGS PAS RNAM DPYOD PA, ,SDUG BSNGAL NYID KYI KHYAD PAR GYIS, ,SDUG BSNGAL RGYU DANG DE MI RTAG ,LA SOGS RANG BZHIN RTOG PAR MDZAD, CES GSUNGS PA LTAR DANG, DE

, ,NYID LAS, DE NYID LA NI DE 'GAL DON, ,DE NYID RNAM PA RJES RTOGS CAN, ,LEGS BSGOM YANG DAG LTA BA YIS, ,SRED PA RJES 'BRANG BCAS 'JOMS BYED, CES DANG, 'DU BYED SDUG BSNGAL LA DGONGS NAS, , SDUG BSNGAL BSGOM PAR GSUNGS PA YIN, ,NGED KYI DE YANG RKYEN LAS SKYES, ,DE NI BDAG MED LTA RTEN YIN, ,STONG NYID LTA BAS GROL BAR 'GYUR, ,SGOM PA LHAG MA DE DON YIN, ZHES PA LTA BU YANG YANG BSHAD PA RNAMS DANG, ,BRTZE BA SNYING RJE CHEN PO THEG GSUM SO SOR 'BYED BYED BSKAL PA DU MAR SGOM MI SGOM DANG BSGOM NA 'PHEL BA RAB KYIS MTHAR 'GRO TSUL SOGS, DE NYID LAS, BRTZE RANG SA BON LAS BYUNG BA, ,NAS, 'DI LTAR GOMS PA SNGA MA DANG, ,SNGA MA'I SEMS CHOS BRTZE BA DANG, ,CHAGS BRAL BLO SOGS GZHAN DAG GIS, ,GSAL BA YI NI RTZA BA YIN, ZHES SOGS KYIS RGYAS PAR BSHAD PA DANG, RNAM PA DU MAR THABS MANG POR YUN RING DUS SU GOMS PA LAS, DE LA SKYON DANG YON TAN DAG ,RAB TU GSAL BA NYID DU 'GYUR, ,DES NA THUGS KYANG GSAL BA'I PHYIR, ,RGYU YI BAG CHAGS SPANGS PA YIN, ,THUB CHEN GZHAN DON 'JUG CAN GYI, ,BSE RU LA SOGS KHYAD 'DI YIN, ZHES SOGS KYIS MDO SDE RGYAN DANG, SA BCU'I RIG GNAS SLOB TSUL, MDO TING 'DZIN RGYAL PO LAS, KHYOD LA BSGO ZHING KHONG DU CHUD PAR BYA, ,JI LTA JI LTAR SOGS KYI DON RIGS PAS BSHAD DE THAMS CAD MKHYEN PA SGRUB LUGS 'DIS

SANGS RGYAS SA NA KUN RDZOB SHES PA MED PAR 'DOD PA YANG RMEG MED PAR BKAG PA SOGS SHES PAR BYAS LA, CHOS KYI BDAG MED KYI SGOM TSUL DANG RNAL 'BYOR MNGON SUM YANG DPE DANG BCAS PAS RGYAS PAR BSHAD DE, LE'U GSUM PA LAS, RNAL 'BYOR SHES PA SNGAR BSHAD PA, ,DE DAG GI NI SGOM BYUNG YIN, ,RTOG PA'I DRA BA RNAM BSAL BAS, ,GSAL BA NYID DU SNANG BA YIN, ZHES PA NAS, DE PHYIR YANG DAG YANG DAG MIN, ,GANG GANG SHIN TU BSGOM GYUR PA; ;BSGOM PA YONGS SU RDZOGS PA NA, ,DE GSAL MI RTOG BLO 'BRAS CAN, ,DE LA SNGAR BSHAD DNGOS PO BZHIN, ,BSLU BA MED GZHAN GANG YIN TE, ,SGOM BYUNG MNGON SUM TSAD MAR 'DOD, ,CES DANG, GZHAN YANG, SGRIB PA SO SOR SPANGS TSUL SOGS RGYAS PAR BSHAD LA, SDEB SBYOR SOGS KYI MCHOD BRJOD KYI DON LTAR LUS KYIS KYANG MA RIG PA'I MUN PA DANG DE SEL BYED RIG PA YE SHES KYI NYI MA RGYAS PAR BSHAD PAR THAL, KUN BTUS KYI MCHOD BRJOD DU TSAD MAR GYUR PA DANG 'GRO LA PHAN BZHED, CES BSTOD PA LTAR LUS KYIS KYANG CHED MA LA GNYIS DANG MNGON SUM BZHI DANG DE'I YUL GNYIS DANG, RTAG PA'I TSAD MA BKAG NAS GYUR PA BSHAD PA DANG, GZHAN RJES SU 'DZIN PA LA NGAG LHAG CHAD MED CING MA 'KHRUL PA STON BYED GZHAN DON RJES DPAG LE'U DANG, DPE RNAM DAG GIS BSHAD TSUL STON PA DPE YANG DAG DANG LTAR SNANG GI LE'U DANG LTAG CHOD SOGS BSHAD PA YIN PA'I PHYIR, 'KHOR GSUM LA BSNYON DU MED MOD,

, ,'ON KYANG RJE YAB SRAS KYIS BOD SNGA MAS TSAD MA ZHES PA TSIG GI NA YAM 'DOD PA BKAG PA LA PHRAG DOG TZAM DU ZAD KYANG MKHAS PAS KHYED RANG LA KHREL BAR 'GYUR LA, RJE RIN PO CHE'I RTOGS BRJOD KYI KHYAB SGRIGS LA; SPYAN RAS GZIGS KYIS TZANTRA GO MI LA, ,DNGOS SU 'DI RTZOM 'DI NI MA 'ONGS DUS, ZHES RTZA BAR SMRAS PA YANG RJED BYED GDON GYIS BRLAM PA'I RDOL GTAM YIN TE, MKHAS PA'I GSUNG RGYUN DANG BU STON THAMS CAD MKHYEN PA'I CHOS 'BYUNG LTAR SPYAN RAS GZIGS KYIS TZANTRA GO MI LA KHRON BA NAS SGRA MDO THON CIG CES GSUNG GI RTZOM ZHIG CES MA GSUNG LA KHYOD RANG GIS KYANG 'GREL BAR DE LTAR BRIS NAS KHYOD RANG BLUN PAR BSTAN 'DUG PA'I PHYIR, 'DI SNYAN NGAG GI BSTAN BCOS SU YANG KHO BOS LEGS PAR BKAG YOD PAS 'DIR DE TZAM MO, ,YANG KHO'I BDEN GNYIS GTAN LA PHAB PA'I RIGS PA LA 'GAL BA NYER GSUM PA DANG NYER BZHI PA, 'THAD BA BRAL YANG RUNG DANG RIGS PA 'GAL; ;GZHI KUN MED DANG KHYAD GZHI GDAGS GZHI 'GAL, ZHES SMRAS TE, KHO NA RE, 'THAD PA BCUG NAS DPYAD CING BSGRUB BAS SO, ZHES PA RTZA 'GREL GYI NGAN RTOG GZHI NI TSIGS GSAL LAS, DE LTA MIN NA KUN RDZOB 'THAD PA DANG LDAN PA MIN NAM, DES NA 'DI DE KHO NA NYID DU 'GYUR GYI KUN RDZOB TU MI 'GYUR RO, ZHES PA LTA BU'I TSIG GSAL GYI MGO'I TSIG RE GNYIS DANG 'JUG 'GREL GYI RE GNYIS TZAM LA 'KHRUL NAS KUN RDZOB THAMS CAD MA RIG PA

'AM LHAN SKYES KYI SNGA PHYI GCIG 'DZIN KHO NA'I NGOR 'JOG DGOS KYI KUN RDZOB GANG YANG 'JOG BYED KYI 'THAD PA MED SNYAM 'DUG GO ,'DI LA 'GAL BRJOD DANG PO BYAS TE, 'DI NI DON DAM DPYOD PA'I 'THAD PA YIN TE, 'THAD PA DE 'JUG NA DON DAM DU 'JUG PAR BSHAD PA'I PHYIR DANG, DE DANG MTHUN PAR RIGS PA DRUG CU PA'I 'GREL PA LAS KYANG, 'JIG RTEN BA'I THA SNYAD THAMS CAD NI 'THAD PA DANG 'GAL BA'I PHYIR RO, ZHES GSUNGS PA YANG DON DAM DPYOD SKABS YIN PA'I PHYIR, DE'I 'THAD RIGS YIN NO, DE LTA MIN NA GSUNG RAB DU MA DANG YANG 'GAL BA CHES MANG BAR 'GYUR TE, DE 'THAD CES PA DANG DE RIGS DANG DE RUNG DANG, DE CHOG GO DANG DE NUS ZHES PA RNAMS DON GCIG LA MING THA DAD BA TZAM YIN TE, RNAM BSHAD RIGS PA LAS, RIGS PA'I DON LA YANG MTHONG STE, DMAG LDAN KHYOD SOM NYI BA BA NI RIGS PA YIN NO, ,NAS, SKYO BAR RIGS PA YIN NO, ,'DOD CHAGS DANG BRAL BAR RIGS PA YIN NO, , RNAM PAR GROL BAR BYA BA YIN NO, ZHES BYA BA NI RUNG BA ZHES BYA BA'I THA TSIG GO ,ZHES SOGS DANG, MDO LAS LAM 'DI YANG SHES PAR NUS PA MIN ZHES PA'I DON RNAM BSHAD RIGS PA LAS, MI PHOD CING MI NUS SO ZHES BYA BA'I THA TSIG GO ,ZHES DANG, MDO LAS SEMS RAB TU DANG BAS NI CHOG GO ,'DU BYED THAMS CAD KYIS NI CHOG GO ,ZHES SOGS LTA BU YIN PA'I PHYIR DANG, DE LTAR 'DOD PA NI DBU SEMS THAMS CAD LAS PHYIR GYUR PA YIN TE, THAL 'GYUR

, ,BA'I SKABS SU YANG STONG NYID 'THAD PA DANG RUNG BA BZHIN DU BDEN BZHI ZHUGS GNAS BRGYAD DKON MCHOG GSUM SOGS 'JIG RTEN DANG 'JIG RTEN LAS 'DAS PA THAMS CAD 'THAD PA DANG SHIN TU RUNG NGO, ZHES BSHAD PA'I PHYIR TE, RTZA SHES PAS, GANG LA STONG BA NYID RUNG BA, ,DE LA THAMS CAD RUNG BAR 'GYUR, ZHES DANG, BUDDH'A P'A LI TAS, GANG NGO BO NYID STONG PA NYID RUNG BA DE LA 'JIG RTEN PA DANG 'JIG RTEN LAS 'DAS PA THAMS CAD RUNG BAR 'GYUR RO, ZHES DANG, TSIG GSAL LAS, KHO BO CAG GI PHYOGS LA JI SKAD SMRAS PA'I SKYON DU THAL BA MI 'JUG PA 'BA' ZHIG TU MA ZAD KYI 'ON KYANG BDEN PA LA SOGS PA RNAM PAR BZHAG PA THAMS CAD CHES SHIN TU 'THAD PA YIN NO, ZHES BSTAN PA'I PHYIR GSUNG PA ZHES PA NAS, DE'I PHYIR DKON MCHOG GSUM YANG RUNG BAR 'GYUR RO, ,'JIG RTEN PA DANG 'JIG RTEN LAS 'DAS PA'I DNGOS PO THAMS CAD KHYAD PAR DU GTOGS PA THAMS CAD KYANG RUNG LA CHOS DANG CHOS MA YIN PA DAG DANG, DE'I 'BRAS BU DANG 'JIG RTEN PA'I THA SNYAD DAG KYANG RUNG BAR 'GYUR RO, ZHES DANG, PHUNG KHAMS SKYE MCHED THAMS CAD DGOS DBANG YIN GYI GNAS LUGS DBANG GIS MA YIN NO, ZHES 'THAD PA DANG LUNG GNYIS LAS BSHAD PA'I PHYIR TE, RIGS PA DRUG CU PA'I 'GREL PA LAS, YANG DGOS PA'I DBANG GIS PHUNG PO DANG SKYE MCHED DANG KHAMS BSTAN GYI, DE KHO NA NYID KYI DON GYI DBANG GIS NI MA YIN NO, ZHES

BYA BA 'DI LTAR NGES SHEN, 'DI NI 'THAD PA DANG LUNG LAS NGES TE, ZHES DANG 'JIG RTEN NI RTOG PA TZAM NYID DU 'THAD PA KHO NA'O SNYAM DU DGONGS SO, ,ZHES PA LTA BU BRGYA PA'I 'GREL SOGS RE RE NA'ANG MANG BA'I PHYIR RO, ,YANG KHO NA RE, LUGS 'DIS RANG LTA MCHOG 'DZIN HA CANG YANG CHES TE, NAS CHANG PA'I MTHAR LHUNG NGO, ,ZHES SDANG SMRAS KYI DUG GI TSOR MA'I TSOGS CHEN PO YI GE'I SRAD BU LA BRGYUS TE SHOG BU'I MKHA' NGOS NAG PO'I DRA BAS KHEBS PAR BYAS PA MA BZOD PA'I KUN SLANGS TE CUNG ZAD THAL BAR ZAD DE, 'KHRUL PA'I SNANG BA CHAGS SDANG GI 'JA' TSON MDANGS BKRA BA THAMS CAD GZHI MED RTZA BA DANG BRAL BA'I DBANG GIS BZOD PA CHEN PO'I RKYEN GYIS SPROS BRAL CHOS DBYINGS KYI NGANG DU ZHIR GYUR CIG; CES DANG, KUN RDZOB RTEN 'BREL BSLU BA MED PA'I BYIN RLABS DANG, ZHES SOGS DAG BYED DANG, 'KHRUL NGO TZAM LA SOGS DANG, RMI LAM GYI ME DANG DMYAL BA'I ME LTA BU LA'ANG SNANG GZHI DNGOS GNAS PA YOD MED KHYAD PAR MED PAR SMRA BA LA 'GAL BRJOD GNYIS PA BYAS TE, KHYED KYI SMON LAM DANG KUN SLONG DANG RTZOM PA THAMS CAD LA TSOD MI 'DUG ,KHYAD PAR DU THUGS BSAM DANG SPROS BRAL GYIS RTOGS PA MTHO BAS SMON LAM GRUB STE NYID KYI DGON SDE GRVA SLOB YIG RIS THAMS CAD CHAGS SDANG GI MDANGS DANG LHAN CIG TU SPROS BRAL DU GZHI MED RTZA BRAL DU GYUR 'DUG CING, NGED CAG GI RNAM 'DREN KHAMS GSUM CHOS KYI RGYAL PO TZONG KHA PA CHEN PO NI, BCOM LDAN

, ,'ANGS KYIS KUN DGA' PO BSTAN PA GSO BA'I GANG ZAG 'DI LTAR RO, ,DA LTA NGAL SHEL DKAR GYI PHRENG BA BRGYA RTZA BRGYAD PHUL NAS SEMS BSKYED PA, MA 'ONGS DUS KYI SNYIGS MAL, ,'BRI DANG LDAN GYIS MTSAMS SU; ;DGE ZHES BYA BA'I DGON PA 'DEBS, ,BLO BZANG ZHES PA'I MTSAN CAN 'BYUNG, ,'KHOR NI RNAM BZHI RAB BSDUS NAS, ,CHOS SPYOD BCU YI RGYUN 'DZUGS SHING, ,LHA KHANG KAB SHING LO CAN, ,NGA YI SKU GZUGS RNAM GNYIS LA, , DBU RGYAN SGRON CING MCHOD PAR BYED, ,STON PA'I MDO BZHIN GSUNG SGROGS SHING, ,NGA LA GSOL BA RAB BTAB NAS, ,BSTAN PA LO STONG PAR DU GNAS, ZHES SOGS DANG, 'JAM DPAL RTZA RGYUD LAS, YI GE DANG PO BA GRAGS PA; ;SDOM BRTZON THAMS CAD BSGRAGS PA YANG, ,STON PA'I BSTAN PA GSAL BYED PA, ,BSTAN BA DE TSES STENG DU, ,RNAM PAR NYAMS SHING SNANG MED LA, ,BSTAN PA'I GZUGS PA RNYAN YID DU 'ONG, ,BYED PAR 'GYUR BAR THE TSOM MED; ;THAMS CAD BYANG CHUB LUNG BSTAN TE, ,NGA YI BYANG CHUB MCHOG THOB 'GYUR, ,DE NI 'JIG RTEN SBYIN GNAS 'GYUR, ,SRID PA GSUM NI MTHAR YANG BYED, ,SNGAGS DANG RGYUD LA MNGON BRTZON PA, ,GRAGS PA 'DZIN PA SHES PAR BYA, ZHES DANG, SBRUL BA'I GLEGS BAM RIN PO CHE LAS MAR ME MDZAD KYANG GNAS MCHOG 'DIR, ,SGROL MAR BCAS TE SBRUL STONG 'GYED, ,LHAG PAR CHAGS MED BSTOD SNYOMS PAS, ,PHYOGS BZHI'I LAS CAN DBANG DU SDUD, ,NGA YI MCHED

TSOGS RGYAS PAR BYED, ,DAD BA'I DBYANGS KYIS GSOL BA 'DEBS, ,MAR ME MDZAD DANG BYAMS PA YANG, ,KHYOD KYI GROGS BZANG SPEL BAR BYED, ,RING BOR MI THOGS GNAS MCHOG 'DIR, ,MCHOD TSOGS RGYA MTSO 'DU BAR 'GYUR, ZHES PA LTA BU'I LUNG BSTAN CHES MANG MOD KYANG 'DIR SKABS DON NGA LA GSOL BAR BA BTAB DANG SNYAN PA'I DBYANGS KYIS GSOL BA 'DEBS, ZHES SOGS LTAR RIS, DA PA'I MKHA' KHYAB KYI MA RGAN RNAMS KYI DON DU DNGOS BSHAMS YID SBRUL GYI MCHOD SPRIN KUN TU BZANG PO'I RNAM THAR LAS 'BYUNG NGA YUL PHYOGS RE TZAM MA YIN PAR DUS GSUM PHYOGS BCU'I RGYAL BA SRAS BCAS LA PHUL TE, RGYAL BDU MA'I SPYAN SNGAR BSTAN PA RIN PO CHE SPEL BAR DAM BCAS LUNG BSTAN PA LTAR RGYAL BA'I BSTAN PA RIN PO CHE SGO THAMS CAD NAS PHYOGS DUS THAMS CAD DU RGYAS PAR GYUR CIG SNYAM DU DGONGS TE ZHAL NAS KYANG GSUNG RAB DAG GI MJUG TU DE LTAR BRIS SHING, RMAD BYUNG SRAS BCAS RGYAL BA'I BYIN RLABS DANG, ,RTEN 'BREL BSLU BA MED PA'I BDEN PA DANG, ,BDAG GI LHAG BSAM DAG PA'I MTHU STOBS KYIS, ,RNAM DAG SMON PA'I GNAS 'DI 'GRUB PAR SHOG ,CES PA'I BDEN BRJOD DANG BSTAN PA YUN RING 'BAR GYUR CIG ,CES BSTAN 'BAR MAS RGYAS BTAB PA'I RJE BTZUN TZONG KHA PA ZHAL BZHUGS RING LA, DGE DVAGS SA GSUM SOGS KYI DGON SDE CHEN PO DU MA GSAR DU CHAGS SHING MDO SNGAGS KYI 'CHAD NYAN DANG SGOM SGRUB CHOS SBYOD BCU LONGS SPYOD KYI 'DU 'GOD SOGS RDZOGS LDAN MNGON SUM

, ,GYUR CING DA LTAR GONG DU 'PHEL BZHIN PA 'DI LEGS SO, ,KHYOD KYI GZHI MED RTZA BRAL DBUM CHEN PO ZHES PA LA LHAG CHAD NONG 'GAL BZHI DUS GCIG LA 'BYUR BAR 'DUG STE, BSLAB BTUS LAS, GZHI MED PAR KUN RDZOB TU JI LTAR RUNG ZHE NA, ZHES DRIS PA'I LAN DU DE NYID LAS, JI LTAR MI RUNG, NAS, CHOS THAMS CAD NI RTZUB MED PA STE YANG DAG PAR NA RTZA BA MI 'THAD PA'I PHYIR RO, ZHES DANG, DE'I SHES BYED DU DRI MA MED PAR GRAGS PA'I MDO DRANGS PA LAS, SMRAS PA, GANG RTEN MED PA DE'I RTZA BAR GYUR PA CI ZHIG YOD DE, DE LTAR CHOS THAMS CAD NI RTEN MED PA'I RTZAB LA GNAS SO, ZHES GSUNGS PA LTAR GZHI 'AM RTZA BA GANG RUNG GIS CHOG PAR GNYIS KA SMOS PA LHAG SKYON DANG, BSLAB BTUS LAS, SDONG BO DE DON DAM PAR JI LTAR GRUB CES DANG, YANG DAG PAR NA RTZAB MI 'THAD PA'I PHYIR ZHES PA LTAR DON DAM DANG YANG DAG SOGS KYI KHYAD PAR SBYAR RGYU CHAD SKYON DANG, THA SNYAD DU YANG CHOS THAMS CAD KYI GZHI RTZA GANG YANG MED PA DBU MAR 'DOD PA LA RTAG CHAD SGRO SKUR GYI LTA NGAN DUG SPRUL ZUNG GIS CIG CAR RTAG CHAD KYI RMA GNYIS 'BYIN PAR 'GYUR TE, YANG THA SNYAD DU YANG RMI LAM GYI MIR SNANG BLO DANG, SHING GI MER SNANG GI DBANG MNGON GNYIS KYI SNANG GZHI YOD MED 'DRA NA 'ON RMI LAM GYI ME DANG RAB RIB KYI SKRA SHAD GNYIS KYI 'ANG KHYAD GZHI DANG GDAGS GZHI MKHAS PAS 'DI ZHES GSUNG RAB NAS BSHAD PA YOD PAR THAL ME DANG SKRA'I GDAGS GZHI BUD

SHING 'BAR BZHIN PA DANG RDUL DU MA 'DUS PA'I SPU CIG BSHAD PA'I PHYIR DANG, DE BZHIN DU DE DAG GI BYAD GZHI SOGS DU MA BSHAD PA'I PHYIR, SOGS LUNG RIGS DU MA SNGAR BSHAD PA LTAR SPRO BAR BYA'O, ,YANG KHO'I LAM GYIS MTHAR BGROD TSUL LA 'GAL BRJOD NYER DRUG PA DANG NYER BDUN PA, RDZOGS SANGS RGYAS DANG TSOGS LAM SLAR 'JUG 'GAL, ,SHES SGRIB KUN ZAD 'PHO 'GYUR BAG CHAGS 'GAL, ZHES SMRAS TE, DE YANG KHO NA RE, DE PHYIR 'OG MA'I RTOGS PA MTHAR PHYIN KYANG, ,GONG MAR 'JUG TSE DE YI TSOGS LAM BTZAL, ,DE PHYIR NYAN RANG TSOGS LAM NAS 'JUG DANG, ,SA BCU MTHOD LAM NAS 'JUG RNAM BZHAG 'GAL, ZHES PA'I 'GREL BA MI SNANG 'DI LA 'GAL BRJOD GNYIS BYAS TE, PHAR PHYIN GYI RDZOGS PA'I SANGS RGYAS YANG NYAN RANG DGRA BCOM LTAR SNGAGS KYI TSOGS LAM NAS 'JUG PAR 'DOD PA NI LUNG RIGS BYE BA DANG RGYAB 'GAL YIN TE, NYAN RANG DGRA BCOM DANG THEG CHEN THEG PA YANG MI GCIG PAR MA ZAD GONG 'OG SHIN TU CHE ZHING BYANG CHUB KYI SEMS BSGOMS NAS MA SKYES PAR THEG CHEN LAM DU 'JUG TSUL MED PAS THEG CHEN GYI TSOGS LAM KHON NAS 'JUG DGOS PA THEG PA GONG 'OG THA DAD PA'I DBANG GIS YIN PA LTAR PHAR PHYIN DANG SNGAGS LA'ANG THEG PA THA DAD DBANG GIS PHAR PHYIN GYI LAM MTHAR THUG RDZOGS PAR BGROD KYANG SNGAGS KYI TSOGS LAM NAS 'JUG DGOS BAR THAL, RDZOGS PA'I SANGS RGYAS DE DANG NYAN RANG DGRA BCOM LAM GONG MAR 'JUG TSUL MI 'DRAN 'GAL KHUR YOD PA'I

, ,PHYIR; 'KHOR GSUM KHAS, THEG CHEN GYI MDO SNGAGS GNYIS THEG PA THA DAD PAR THAL THOB BYA'I 'BRAS BU LA MTHO DMAN DE LTAR YOD PA'I PHYIR DANG, DPER NA LAM GYI RTOGS PA MTSUNGS KYANG 'BRAS BU LA MTHO DMAN YOD PAS NYAN RANG GNYIS THEG PA THA DAD DU BZHAG PA BZHIN NO, ,YANG RGYUD SDE 'OG MA DANG BLA MED KYI LAM YANG THEG PA THA DAD PAR THAL, LAM 'GROD PA'I 'BRAS BU LA MTHO DMAN CHEN CHEN PO YOD PA'I PHYIR DANG, DE'I RDZOGS PA'I SANGS RGYAS KYANG BLA MED KYI TSOGS LAM NAS 'JUG DGOS PA'I PHYIR, DE DAG LA 'DOD NA, RDO RJE SNYING PO'I 'GREL PA LAS, SANGS RGYAS PA LA BZHI PA DANG, ,LNGA PA THUB PA'I DGONGS PA MIN, ,GSUNG BA MI 'THAD PAR THAL BA DANG, THEG PA GSUM DU MA NGES PAR THAL BA DANG, NYAN THOS 'PHAGS PA CIG CAR PA YANG RANG RGYAL GYI TSOGS LAM NAS 'JUG PAR THAL BA DANG, PHAR PHYIN DANG RGYUD SDE 'OG MA'I 'GROD PA MTHAR PHYIN PA BLA MED LA MI LTOS PAR THAL BA SOGS GNOD BYED MI ZAD PA 'BABS SHING, DER MA ZAD 'JAM DPAL ZHAL LUNG SOGS LAS PHAR PHYIN DANG RGYUD SDE 'OG MAS SNGAGS BLA MED KYI LAM LA SA BCU PA DANG SA BCU PA LA SANGS RGYAS SU BSHAD BA'I BLA NA BCAS PA'I SANGS RGYAS SAM, BLA NA YOD PA'I SANGS RGYAS ZHES GRAGS PA DE NAS 'JUG PAR BSHAD PA MI 'THAD PAR THAL, DE DAG GI YANG RDZOGS PA'I SANGS RGYAS BLA NA MED PA THOB RJES SU 'JUG PA'I PHYIR, 'KHOR

GSUM KHAS 'DOD MI NUS TE; GROL BA'I THIG LE LAS, DE 'DRA RAB MCHOG YE SHES NI, ,MNGON SUM SOGS PAS MI SHES SO, ,DE BZHIN DPYAD MKHAN GYIS MI SHES, ,MI SHES 'KHRUL PA'I RAB G-YOGS PA'I, ,NYAN THOS KYIS KYANG MI SHES SO, ,SPYOD YUL BAG NYAL SHES PA YIS, ,RANG SANGS RGYAS KYIS KYANG MI SHES, ZHES DANG, ZHAL LUNG LAS 'JAM DPAL GYIS, DE 'DRA'I RAB MCHOG YE SHES NI, ,SO SO SKYE BOS GA LA SHES, ,NYAN THOS RNAMS KYIS MI SHES SO, ,RANG SANGS RGYAS KYIS KYANG MI SHES, ,RNAL 'BYOR SPYOD DANG DBUM PA, ,BYANG CHUB SEMS DPAS MI SHES SO, ZHES PHAR PHYIN GYIS BCU PA PAS MI SHES PA DANG, YANG DE NYID LAS, BLA BCAS SANGS RGYAS KUN GYIS KYANG, , 'DI NI CUNG ZAD MI SHES SO, ,ZHES DANG, DE'I 'GREL PAR SMAN ZHABS KYIS KYANG, BYANG CHUB SEMS DPA' NI SA BCU PA LA GNAS PA'O, ,BLA BCAS SANGS RGYAS ZHES PA NI, BYA BA'I RGYUD KYI SANGS RGYAS DANG, SPYOD PA'I RGYUD KYI SANGS RGYAS DANG, RNAL 'BYOR RGYUD KYI SANGS RGYAS SO, ,DE THAMS CAD KYIS KYANG 'DI NI CUNG ZAD MI SHES SO, ZHES DANG, MNGON RTOGS RGYAN LAS KYANG, SA DGU 'DAS NAS YE SHES NI, ,GANG GI SANGS RGYAS SAR GNAS PA, ,DE NI BYANG CHUB SEMS DPA'I SA, ,BCU PA YIN PAR SHES PAR BYA, ZHES GSUNGS PA LTA BU DU MA DANG 'GAL BA'I PHYIR DANG, THEG PA GCIG YIN BZHIN DU THEG PA DE'I 'BRAS BU MTHAR THUG THOB NAS SLAR YANG THEG PA DE'I TSOGS LAM NAS

, ,'JUG 'DOD PA MDO SNGAGS PAn GRUB KYI LUNG RIGS RNAM DAG THAMS CAD DANG 'GAL ZHING RANG GI KHAS BLANGS YANG 'GAL BA YIN NO, ,DES NA RDZOGS PA'I SANGS RGYAS LTA CI, GZHAN YANG, SA BCU'I MTHAR BSKYED RIM LA 'JUG PAR 'DOD NA'ANG LUNG RIGS DU MAS GNOD DE, SPYOD BSDUS LAS, RIM PA 'DI NYID KYIS BCOM LDAN 'DAS SH'AKYA THUB PA LA DE BZHIN GSHEGS PA THAMS CAD KYI SE GOL GYI SGRAS BSKUL BAR GYUR PAS ZHES PA LTAR SNGAGS LA 'JUG PAR SANGS RGYAS KUN GYIS BSKUL LA BSKUL TSUL NI, RIM LDAR, RGYA CHA RE ROL PA'I MDO LAS, ZHES PA NAS, RGYAL BA'I SRAS LA SE GOL DANG, ,DE LA DBYANGS GCIG GI GSUNG BA, ,BSAM GTAN 'DI NI RNAM DAG MIN, , 'DIS NI BYANG CHUB MI 'THOB STE, ZHES PA LTAR BSKUL ZHING, RIM LNGA LAS, NAM MKHA'I NGOS LTAR SOGS KYIS DUS NAM PHYED NA DBANG GSUM PA'I DUS SU 'OD GSAL DANG ZUNG 'JUG GI GDAMS PA BSTAN CING DBANG GSUM PA BSKUR BA NA 'OD ZUNG GNYIS DBANG DANG LHAN CIG THOB TSUL YANG, DE NYID LAS, 'DI LTAR SGRA 'DI GSAN PA DANG, ,RGYAL BA'I SRAS KYIS DE NYID DMIGS, ZHES DANG, THAMS CAD STONG PA RMANG PO CHE, ,DVANGS SHING GSAL BA'I YE SHES CHE, ,BLA MA NYID KYIS DRIN GYIS NI, ,DE NAS DE NI GSAL MTHONG 'GYUR, ZHES DANG, ZHAG DE'I SKYA RENGS DUS SU RDO RJE LTA BUS SGRIB KUN BCAD DE SANGS RGYAS TSUL YANG DE NYID LAS, RDO RJE LTA BU'I TING 'DZIN GYIS, ,SKYA

RENGS 'CHAR BA'I DUS SU NI, ,SOGS DANG, DE BZHIN DU GROL BA'I THIG LE LAS, DE TSE BDER GSHEGS KUN GYIS KYANG, ,THAL 'BYUNG BLO CAN DE BZLOG STE, ,NAM MKHA'I DKYIL LTAR RNAM DAG PA'I, ,ZAB GSAL DRI MED RAB BSTAN TO, ,NAM PHYED DUS SU BRGYAL BA LTAR, ,DE NYID BSGOM PAS THO RANGS DUS, ,SKAD CIG GIS NI YANG DAG RTOG ,NAS, CHOS KYI 'KHOR LO BSKOR BA'O, ZHES DANG, MAN SNYE LAS KYANG, MCHOG TU MTHAR THUG PA NA YANG NGES PAR THABS 'DI LA LTOS SO, ,NAS, SH'AKYA'I MGON PO BYANG CHUB KYI SHING DRUNG NA BYANG CHUB THOB PA'I CHED DU MTSAN PHYED NA LTOS PA BZHIN DANG, ZHES SOGS DANG, DKYIL CHOG DU MAS KYANG BSHAD PA'I PHYIR DANG, DBANG DUS NAS DE LTA BU'I 'OD ZUNG THOB KYANG DA DUNG BSKYED RIM NAS 'JUG PA NI CHU BO'I PHA MTHAR PHYIN KYANG, RIN PO CHE'I RI SOGS KYANG GZINGS KYIS BGROD DGOS SMRA BA DANG, SKAS GDANG GONG MAR PHYIN KYANG SLAR YANG GZHI NAS SKAS GDANG 'OG MA NAS BGROD DGOS PAR SMRA BA LTAR RIGS PA DANG 'GAL BA DANG DE LTAR STON PA'I RGYUD DANG GRUB CHEN GYI GZHUNG DU MA DANG 'GAL TE, MA BCOS PA'I RDZOGS RIM THOB PA'I CHED DU BSKYED RIM BSTEN KYANG, MA BCOS PA'I RIM PA THOB PA NAS GZINGS LTAR 'JOG NA LAM MTHON PO 'OD ZUNG NAS LTA CI SMOS PA'I PHYIR TE, SPYOD BSDUS LAS, THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ZHES DANG, GRUB CHEN NAG PO SPYOD PA'I

, ,DBYID THIG LAS, PHYI ROL BCOS MA RAB BYE BA, ,RANG BZHIN RTOGS PAR BYA PHYIR TE, ,RANG BZHIN RTOGS PAR GYUR PA NA, ,RAB TU BYA BA BYED MIN NYID, ,JI LTAR PHA ROL DON GNYER 'GAS, ,GZINGS LA LEGS PAR SBYOR 'GYUR BA, ,PHA ROL PHYIN PAS 'DOR BA LTAR, ,RAB TU BYA BA'ANG DE BZHIN NO, ZHES DANG GROL BA'I THIG LE LAS, RANG BZHIN YONGS SU SHES PA LA, ,BYED PA MED CING BYA BA'ANG MED, ,DPER NA MI GANG CHU KLUNG GI , PHA ROL TU NI 'GRO BA DAG ,RTZA DANG SHING SOGS BSDU BYAS NAS, ,DE LAS BRGAL PA'I GZINGS BYAS TE, ,'JUG TU RAB TU BRGAL BYAS NAS, ,'OR NAS BDE BAR 'GRO BA LTAR, ZHES SOGS DANG, RGYUD BLA MA LAS, SPANGS PHYIR SLU PA'I CHOS [?] CAN PHYIR, SOGS DANG, MDO SDE RGYAN LAS KYANG, DON SHES PA NI CHOS RNAMS KUN, ,GZINGS DANG 'DRA BA NYID DU BSTAN, ZHES DANG, 'PHONGS KYIS KYANG BSLAB ZIN BA'I RIGS PA LA NGA MI SLOB SOGS DANG, GRUB SNYING LAS DE LA DMIGS PHUG NAS BKAG PA SOGS KYIS GNOD PA'I PHYIR, GZHAN YANG, PHAR PHYIN THEG PA CHEN POS BSHAD PA'I SHES SGRIB KUN ZAD PA'I SANGS 'PHAGS RGYUD LA CHAGS PA PHRA MO LTA CI KHAMS 'PHO BA SOGS YANG LTA CI SMOS BAG CHAGS NGAN PA TZAM YANG 'DOD NA NAM MKHA'I PADMA 'DOD PA DANG 'DRA LA 'PHAGS PA YAB SRAS SOGS KYI LUNG RIGS DU MA DANG RGYAB 'GAL YIN TE, DUG GSUM GYI BAG CHAGS MA LUS RDZOGS PA'I SANGS RGYAS

KYIS SPANGS PAR ZLA BAS MDO DU MAS SPRUB CING, RGYAL BA BYAMS BAS KYANG BSHAD CING THOGS MED KYIS KYANG BKRAL BA'I PHYIR TE, 'JUG 'GREL LAS, DE LA NYON MONGS PA DAG NI MA RIG PA DANG 'DOD CHAGS LA SOGS PA DAG STE ZHES PA NAS, 'DI LTAR NYON MONGS PA SPANGS KYANG BAG CHAGS YOD PAS DGRA BCOM PA SNGON SPRE'UR GYUR BA MCHOD ZHING ZHES PA NAS, BAG CHAGS DE YANG RNAM PA THAMS CAD MKHYEN PA DANG SANGS RGYAS KHO NA LA LDOG PAR 'GYUR GYI GZHAN DAG LA NI MA YIN NO, ZHES SOGS DANG, DE'I SHAS BYED DU GZUNGS RGYAL GYI MDO DRANGS PA LAS, DE BZHIN GSHEGS PA LA LAS KYI BAG CHAGS MED NYON MONGS PA'I BAG CHAGS MED SPYOD LAM 'KHRUL PA'I BAG CHAGS MED DO, ,'DI LTA STE DPER NA, NAM MKHA' LA RANG BZHIN GYIS YONGS SU DAG PAS RDUL DANG DU BA DANG LTAN CIG MI GNAS SOGS DANG, RDZOGS PA'I SANGS RGYAS LA SPRIN CHEN DANG RNGA BO CHE SOGS LAS RTAG PA DANG BRTAN PA DANG ZHI BA DANG G-YUNG DRUNG SOGS GSUNG BA YANG YID LUS GNYIS MED PA DANG, KUN RTOG PHRA MO DANG, BAG CHAGS NGAN BA PHRA MO TZAM YANG MED PA GCIG DGOS PA'I PHYIR TE, RGYUD BLA MA LAS, DE NI RTAG DANG BRTAN PA'I PHYIR, ,ZHI BA'I PHYIR DANG G-YUNG DRUNG PHYIR, ZHES MDOR BSTAN NAS, DE NI YID KYI RANG BZHIN GYI, ,LUS KYI SKYE MED RTAG PA'I PHYIR, ,BSAM GYIS MI KHYAB BSGYUR BA YI, ,'CHI 'PHO BRTAN PHYIR DE MI 'CHI, ,BAG CHAGS PHRA MO'I NANG RNAMS KYIS, ,

, ,GNOD MED ZHI BA NYID KYI PHYIR, ,ZHES SOGS DANG, MI ZAD YON TAN DANG LDAN PHYIR, ,NAS, RNAM PAR MI RTOG RANG BZHIN PHYIR, ,GNYIS MED CHOS NYID ZHI BA'I DON, ,SOGS DANG, MDO DRANGS PA LAS, SH'A RI'I BU MI ZAD PA'I CHOS NYID KYIS NA GZHAN DU MI 'GYUR PA'I CHOS KYI SKU 'DI NI RTAG PA'O, ,NAS, SH'A RI'I BU RNAM PAR MI RTOG PA NYID KYIS GNYIS SU MED PA'I CHOS KYI SKU 'DI NI ZHI PA'O, ,SH'A RI'I BUM BCOS PA'I CHOS NYID GYI 'JIG PA MED PA'I CHOS KYI SKU 'DI NI G-YUNG DRUNG NGO, ,ZHES GSUNGS PA'I PHYIR DANG, DPAL PHRENG SENG GE'I NGA RO'I MDO DANG ZAG MED STOBS KYI MDO LAS DE BZHIN GSHEGS PAS SKYE BA ZAD BAR GSUNGS PA SOGS NYAN RANG BYANG SEMS SOGS DANG MI 'DRA BAR BSHAD PA SOGS SHES DGOS MOD, MDO RGYUD BSTAN BCOS GCIG KYANG MI LTA MI BSTUN PAR BLUN PO KHYOD KYIS KHA TSON DE 'DRA BCANG CING, RGYAN DRUG SOGS KYIS KYANG SNGON CHAD MA THON PA'I RLOM SEMS DE 'DRA BYAS SO, , GSUM PA KHO DE LTAR 'KHRUL PA'I RGYU NI, BRJOD BRAL KHA BYANG SGOM NGAN KHYOD 'KHRUL RGYU, ZHES SMRAS TE, DE YANG SHER MDO LAS, MI GNYIS PA NI MI DMIGS PA'O, ,ZHES PA LTAR BDEN GRUB MA ZAD GNYIS SNANG GI CHOS LA DMIGS PA DANG DE SEMS PA LA DMIGS PAR SEMS PA DANG, DE SGOM PA LA DMIGS PAR SGOM PA SOGS BSHAD LA, GNYIS SNANG MED PA'I CHOS NYID KYI MING GI RNAM GRANGS DMIGS MED DANG SNANG MED DANG SPROS BRAL SOGS

BSHAD LA, DE SEMS PA LA MA DMIGS PA SEMS PA DANG GNYIS SNANG GIS YID LA MI BYED BAS YID LA MI BYED PA SEMS PA DANG BDEN GRUB DANG GNYIS SNANG GI MTSAN MA MED PAS MTSAN MAR MI SPYOD PA DANG, DBUS MTHA' LTAR GNYIS SNANG GI RTOG PA SGO LNGA'I RNAM SHES SOGS RTOG PA DE DAG MED PAS MI RTOG PAR GSUNGS PA SOGS DGAG BYA DANG SPROS PA DANG GNYIS SNANG SOGS YUL LA DANG RJES DPAG SOGS YUL CAN LA RANG BRJOD BYED LA DANG, BDAG MED GNYIS RAGS PA SOGS LTAR MI SGOM PA SOGS LA SBYAR TSUL DU MA SHES DGOS PA GCIG KYANG MA SHES PAR SNGAR LTAR HVA SHANG GIS YID BYED THAMS CAD BKAG PA'I YIG CHA DANG MTHUN PA'I BOD KYI SGOM YIG NGAN PA DU MA DANG BRJOD BRAL DANG BLO 'DAS SOGS KYI KHA BYANG SGOM PA DANG, RDO RJE GDAN PA SOGS MI CHEN 'GA'I NGO 'DZIN DANG RNYED BKUR CUNG ZAD DANG, 'PHAGS PA YAB SRAS KYI GRUB MTHA' BRJE TSANG BYAS SHING, DE LA SMOD PA BSOD NAMS RE CHUNG NA'ANG SNYAM PA LAGS SO, ,GNYIS PA DON LDAN DBU MA PA LA, RANG RGYUD PA DANG THAL 'GYUR PA'I LUGS BSHAD PA GNYIS DANG PO LA MING DON MTSAN NYID DANG BCAS PA DANG, DBYE BA DANG SO PO'I LUGS GSUM LAS; DANG PO NI, RANG RGYUD RTAGS SAM RANG DBANG RTAGS GCIG PHYIR, ,TSUL GSUM CHOS CAN MTHUN SNANG RANG DBANG GIS, ,BSGRUB BYA SGRUB BYED RTAGS 'GOD RANG RGYUD PA, ZHES SMRAS TE, RANG RGYUD KYI DON DANG THAL

, ,RANG GI KHYAD PAR LA DZA YA AA NANTA SOGS RGYA GAR BA RE GNYIS KYI YANG SNA TSOGS SMRAS PA DANG, BA TSAB RIN PO CHE'I GSUNG LAS SLOB DPON KLU SGRUB KYI RJES SU 'JUG PA LA 'THAD SBYOR GYI GANG ZAG GSUM DANG PHYOGS GNYIS DANG RNAM BZHAG CHEN PO BZHI BYUNG BA YIN GSUNGS, DANG PO NI, DANG PO BYON PA SANGS RGYAS BSKYANGS, BAR DU LEGS LDAN DANG, MTHAR ZLA BA GSUM MO, ,GNYIS PA NI, LEGS LDAN RANG RGYUD PHYOGS DANG SANGS RGYAS BSKYANGS [?] DANG ZLA BA'I ZHABS THAL 'GYUR GYI PHYOGS 'DZIN PAS THAL RANG GNYIS PO GSUNG DBU MA THAL RANG GI KHYAD GANG YIN ZHEN, PA TSAB DNGOS PO STOBS ZHUGS KYI TSAD MKHAS LEN PA DBU MA RANG RGYUD DANG DE MI LEN PA THAL 'GYUR BA ZER SKAD DE, DE LTAR NA DNGOS SMRA THAMS CAD DBU MA RANG RGYUD PA DANG, RGYANG PAN DANG, 'DZAM MED PA THAL 'GYUR BAR 'GYUR RO, ,RMA BYANG GI SLOB MA MKHAS PA BSOD NAMS RDO RJE NA RE, 'PHAGS PA'I LTA BA KHAS LEN CING, PHYOGS GNYIS LA DGAG SGRUB RANG RGYUD KYIS BYED PA RANG RGYUD PA DANG PHYOGS GNYIS LA DGAG SGRUB GZHAN GRAGS SAM THAL 'GYUR GYIS BYED PA THAL 'GYUR BA ZER BA'ANG MI 'THAD DE THAL RANG GI DON DES MI SHES PA'I PHYIR DANG, THAL RANG GNYIS KAS KYANG PHYOGS GNYIS KA LA THAL 'GYUR GYIS KYANG DGAG SGRUB BYED PA TZAM 'DRA BA'I PHYIR, SA NA RE, DNGOS PO STOBS ZHUGS KYI TSAD MAS GRUB PA'I RANG RGYUD KYIS DGAG PA BYED PA RANG RGYUD PA DANG, TSUL 'JIG RTEN LA GRAGS PA'I TSAD MAS GRUB

PA'I GZHAN GRAGS THAL 'GYUR GYI RTAGS KYIS BYED PA THAL 'GYUR BA ZER BA LA SLOB DPON PHYOGS GLANG SOGS DBU MA RANG RGYUD PAR THAL LO, ,MKHAS PA BSOD NAMS SNYING PO NA RE, BDAG MED SGRUB PAR TSUL GSUM RGOL BA GNYIS KA LA SGRUB PA DE RTAGS DANG RTAGS LAS 'OD BA'I BLO 'DZIN STANGS MI 'KHRUL BA'I TSAD MAR RLOM BAS GZHAN PHYOGS GCIG TU YOD MED KYI MTHA' BSAL NAS RANG PHYOGS GCIG TU NGES PA'I DAM BCA' SGRUB PA DBU MA RANG RGYUD DANG, DON DAM SGRUB PAR TSUL GSUM PHA ROL GYIS KHAS BLANGS PA'AM KHAS BLANGS KYI MTHAR THUG PA'I RTAGS DANG RTAGS LAS 'ONGS PA'I BLO GZHAN LAS GRAGS PA'I TSAD MAS GZHAN PHYOGS GCIG TU YOD MED KYI MTHA' BSAL NAS RANG PHYOGS GCIG TU DAM BCA' MI SGRUB PA, DBU MA THAL 'GYUR BA'I DON ZER, DE LTAR NA ZLA BA RANG RGYUD PAR 'GYUR LA, RANG PHYOGS MA SGRUB NA RNAM BCAD YONGS GCOD MI 'THAD PAR 'GYUR LA 'DI NI RANG LUGS MED PA'I DON DU BSAM PAR SNANG BAS SNGAR BKAG YANG ZIN TO, ,'ON KYANG DE DAG YANG BLO GSAR BA LA PHYOGS TZAM BSTAN CING DE DAG GIS RANG RGYUD KYI SGRA DON GNYIS BCAR GYIS NGOS MA ZIN PAS NA 'DI LTAR YIN TE, RANG RGYUD KYI RTAGS DANG, RANG DBANG GI RTAGS DANG BDAG DBANG GI RTAGS DON GCIG YIN TE, RANG RGYUD DANG RANG DBANG SOGS DON RNAM GRANGS PA YIN PA'I PHYIR, BYE BRAG RTOGS BYED LAS, BHI NA SVAR 'JIGS PA'I NGANG CAN, SVA TANTA: RANG

, ,DBANG SVA BHA BA NGO BO NYID DAM RANG BZHIN, SVA RU BA MA RANG GI NGO BO 'AM RANG BZHIN DU BSHAD PA'I PHYIR, 'CHI MED MDZOD LAS KYANG, RANG RGYUD RANG DBANG BDAG DBANG DANG, ZHES GSUNGS PA'I PHYIR DAG 'CHI MED MDZOD ZLA BAS KYANG SHES BYED DU MDZAD LA, BDAG DBANG GI SKAD DOD SVEER'I ZHES PA YANG RANG DBANG GI SKAD DOD YANG YIN TE, 'CHI MED MDZOD LAS, SVEE R'I ZHES DANG RANG 'DOD LA, ZHES GSUNGS PA'I PHYIR DANG, SVA RANG DANG AI R'I 'DOD PA SOGS LA 'JUG CING, DBYANGS CAN MA LAS, YI GE GLO BUR BA GLANG DBANG PO SOGS, ZHES DANG, TZANTRA BA LAS, SHAKNDHA LA SOGS PA RNAMS SO, ZHES PA'AM PRishO DA RA SOGS KYIS BAR DU AA YIG A'A GA MA BYIN TE MTSAMS SBYAR BAS SVEE R'I RANG 'DOD LA'ANG 'JUG LA, RANG RGYUD KYI SKAD DOD [?] SVA TANTRA'I TANTRA NI GRUB PA DANG SGRUB PA SOGS LA SNGAR LTAR 'JUG PA'I 'DIR GRUB PAR BYAS NAS RANG GI NGOS NAS GRUB PA DANG SDOD LUGS KYI NGOS NAS GRUB PA DANG RANG DBANG DU GRUB BA RNAMS NI, SKABS 'DI'I RANG RGYUD DANG RANG DBANG GI DON DANG DE 'DRA BA'I GTAN TSIGS DANG RTAGS SBYOR NI RIM BZHIN RANG RGYUD KYI RTAGS DANG RANG DBANG GI RTAGS DANG, RANG RGYUD KYI RJES SU DPAG PA DANG RANG DBANG GI RJES SU DPAG PA'I DON YIN TE, RTZA SHE RAB BYED BCU GSUM PA'I SHES RAB SGRON ME LAS, DA NI SUN 'BYIN PA'I LAN BTAB PA DANG RANG DBANG DU RJES SU DPAG PA'I MTHUS, 'DU BYED RNAMS

RNAM PA LAS NGO BO NYID MED PA NYID BSTAN PA'I DON GYI DBANG GIS RAB TU BYED PA BCU GSUM PA BRTZAMS SO, ZHES DANG, YANG LE'U DE'I 'GREL PA DE NYID LAS, DE LA 'DI RAB TU BYED PA'I DON NI, PHA ROL POS SUN 'BYIN BA'I LAN BTAB PA DANG RANG DBANG DU RJES SU DPAG PA KHA NAM THOB MED PA BSTAN PA'I MTHUS 'DU BYED RNAMS LA NGO BO NYID MED PA NYID DU BSTAN PA YIN NO, ZHES GSUNGS PA'I PHYIR DANG, SHES BYED SGRA DON 'DI LTA BU GSAL MANG YOD BAS NA RJE RGYAL BA GNYIS PAS LEGS BSHAD SNYING POR RANG RGYUD KYI DON NI RANG DBANG GI DON DU GSUNG LA DPAL LDAN ZLA BA'I DGONGS PA YANG YIN TE, DBU MA PA YIN NA RANG RGYUD MI RIGS PAR GSUNGS BA SOGS KYI PHYIR RO,, DE LTAR NA KUN MKHYEN GO SH'AKA GNYIS KYIS RANG RGYUD KYI DON RANG DBANG LA BSHAD PA GANG LA'ANG MED PAR 'DOD CING DE LTAR BRIS PA NI GSUNG RAB BYINGS DANG SGRA SOGS PHAR ZHOG RTZA SHE RTZA 'GREL TZAM YANG KLOG MYONG RI ZHES DGAG PA BYAS TE RANG MING GI MGOR KUN MKHYEN YOD PA'ANG BKRUS NAS BLUN PO ZHES PA'I MTSAN NAN GYIS SBYAR BA YIN LA, MKHAS PA LO CHEN STAG TSANG PAS KYANG, DPAL LDAN THAL 'GYUR BAS KYANG RANG RGYUD BZHED ZER BA YANG THAL 'GYUR BAS NI DON DAM PAR MA SBYAR YANG NGO BO NYID KYIS STONG PA DANG, RANG BZHIN GYIS STONG PA DANG RANG GI NGO BOS STONG PAR 'DOD CES SMRAS KYANG, DE DAG GI TSIG DON GANG YANG MA RTOG PA'I NANG 'GAL BTANG STE, RANG MTSAN GYI MGO'I

, ,LO CHEN DANG MKHAS PA ZHES PA'I YI GE PHYIS PA YIN TE, SHANTI BAS KYANG BZHI BRGYA LNGA BCU'I 'GREL PAR RANG GI NGO BO YOD PA RANG BZHIN DU BSHAD PA DANG, PAn CHEN AA MAR SING HAS, YANG DAG GRUB DANG RANG BZHIN DANG RANG GZUGS NGO BO NYID DANG DNGOS PO ZHES GSUNGS PA LTAR THAL 'GYUR BAS YANG DAG PAR GRUB PA DANG RANG BZHIN GYIS GRUB PA DANG RANG GZUGS TE, RANG BZHIN DANG NGO BO NYID DANG RDZAS YOD KYI DNGOS PO RNAMS DON 'DRA BAR BZHED CING, NGO BO NYID KYI SKAD DOD SBA BHA BA T'A DANG, RANG BZHIN DANG RANG GI DNGOS PO GNYIS KYI SKAD DOD, SVA BHA BA ZHES PA RANG DBANG GI DON YIN LA, DE LA MING GIS PHAR BTAGS TZA MA MI 'GRUB PA'I PHYIR DANG, MED RKYANG BTAGS YOD TZAM LA RANG BZHIN GYIS GRUB PA SOGS MED PA'I PHYIR TE, RTZA SHE LAS, RANG BZHIN YOD PA MA YIN NA, ,GZHAN DNGOS YOD PAR GAL 'GYUR, ZHES DANG, 'GREL BA BUDDHA P'A LI TA LAS, ,RKYEN DE RNAMS NI RANG LAS GYUR BA MA YIN RANG NYID RAB TU GRUB PA MA YIN, RANG GI BDAG NYID MA YIN, RANG LAS BYUNG BA MA YIN TE, NGO BO NYID MED PA YIN NO, ZHES PA LTA BU MANG PA'I PHYIR DANG, RANG RGYUD PAS DPER NA SHING RTA 'JOG TSE NYAN THOS KYI MDO LAS, JI LTAR YAN LAG TSOGS RNAMS LA, ,BRTEN NAS SHING RTA RA BTAGS PA LTAR, ZHES PA DRANGS NAS SHING RTA'I MING DAM THA SNYAD GDAGS PA'I GZHI SROG SHING GZER BU

'KHOR LO LA SOGS 'DUS TZAM MA MA 'DUS TZAM GYI DBYIBS KHYAD PAR BA GANG RUNG ZHIG SHING RTAR 'JOG PAS SHING RTA MING GIS PHAR BTAGS TZAM MIN GYI GDAGS GZHI GANG LA MING DE DNGOS SU 'JUG GZHI DE SHING RTA MIN NA SHING RTA MED PAR 'GYUR SOGS 'DOD LA, DE BZHIN DU GANG ZAG NI PHUNG PO TSOGS TZAM MAM DBYIBS BKOD PA GANG RUNG GANG ZAG YIN ZHING, MCHU ZHABS LTO BA TSOGS TZAM DANG DE'I DBYIBS GANG RUNG BUM PA DANG DE BZHIN DU KVA BA SOGS 'JOG CING; DE LA THAL 'GYUR BA RNAMS NI MDO DE LA BRTEN NAS SHING RTA'I YAN LAG TSOGS TZAM GDAGS GZHIR GRUB KYANG SHING RTA MIN TE, SHING RTAM BSGRIGS PAR YAN LAG TSANG MA SPUNGS PA DE'ANG YIN DGOS PA LA MIN PA'I PHYIR DANG; CHOGS TZAM BSGRIGS PA'I DBYIBS KHYAD PAR ZER NA'ANG, DPYAD NA BSGRIGS MA BSGRIGS KYI YAN LAG SO SO LA DBYIBS LA KHYAD PAR MED PA'I PHYIR DANG, GZHI GCIG LA LTOS NAS GDAGS GZHI GDAGS CHOS 'GAL TE, DE LA LTOS NAS NYE BAR LEN PA PO DANG NYE BAR BLANG BYA 'GAL BA'I PHYIR DANG, DE MI 'GAL NA GZHI GCIG LA LTOS NAS BYA BYED THA DAD MED PAR 'GYUR BA SOGS BZHED PA'I PHYIR RO, ,DES NA BDEN GNYIS RANG 'GREL LAS, JI LTAR BA GLANG RDZI MO LA SOGS PA YAN CHAD KYIS MTHONG BA DE LTAR KUN RDZOB TU BDEN PAR RNAM PAR GNAS KYI ZHES DANG, YANG DE NYID LAS, RGOL BA DANG PHYI RGOL PA'I SHES PA LA SNANG PA'I CHA LA NI RTZOD PA SU YANG MED DO ZHES GSUNGS PA LTAR PHYI RGOL GYI KHAS BLANGS LA

, ,MA 'KHRIS PAR GANG RDZI SOGS NAS SNGA RGOL PHYI RGOL THAMS CAD LA YUL GANG SNANG RANG GI NGOS SAM GDAGS GZHI'I NGOS NAS SAM SNGOD LUGS KYI DBANG GIS GRUB PAR SNANG BA'I SHES PA GNOD MED TSAD MAR KHAS BLANGS SHING, DE'I DON GYI DE 'DRA BA'I TSAD MA'I RNYED DON YIN PAR RGOL BA GNYIS KA'I LUGS LA MTHUN PAS NA CHOS CAN MTHUN SNANG BA GRUB CING, CHOS CAN DE'I STENG DU SNGA RGOL GANG LA DPAG 'DOD DAM GZHAL 'DOD DAM SHES 'DOD ZHUGS PA'I BSGRUB BYA'I CHOS DE SGRUB PA'I SLAD DU SGRUB BYID KYI GTAN TSIGS BKOD PA RANG RGYUD KYI DON DANG, DE LTAR 'GOD PA 'THAD PAR KHAS LEN PA RANG RGYUD PA DANG, DE 'DRA'I DBU MA PA DBU MA RANG RGYUD PA'I DON YIN TE, LEGS BSHAD SNYING PO LAS, PHYI RGOL GYI KHAS BLANGS LA MA 'KHRIS PAR TSAD MA'I DON GYI SDOD LUGS NAS RANG DBANG DU CHOS CAN DANG RTAGS KYI TSUL RNAMS GRUB TSUL NGES PAR BYAS NAS BSGRUB BYA RTOGS PA'I RJES DPAG SKYED PA GCIG RANG RGYUD KYI DON YIN NO, ZHES GSUNGS PA'I PHYIR, GNYIS PA DBYE BA NI, MDO SDE RNAL 'BYOR DBU MA RANG RGYUD GNYIS, ZHES SMRAS TE, 'DIR BDER GSHEGS GZHUNG GI RAB BYED DANG MEE TRI PA'I DBU MA RIN CHEN PHRED PA SOGS NA RANG RGYUD RTZA PA'I DBYE BA MI SNANG LA POD DAG GIS MING DANG DE'I DON BSHAD PA LA 'KHRUL PA CHE BA LAM RIM LAS BKAG CING, DES NA 'DI LA YAN LAG GI DBYE BA 'OG TU 'CHAD LA RTZA BA'I DBYE BA NI MDO SDE SPYOD PA'I

DBU MA PA DANG, RNAL 'BYOR SPYOD PA'I DBU MA PA GNYIS DANG PHYI DON 'DOD PA'I DBU MA RANG RGYUD PA DANG PHYI DON MI 'DOD PA'I DBU MA RANG RGYUD PA GNYIS SU NGES LA PHYI MA GNYIS KYI SGRA DON SLA, SNGA MA GNYIS KYI SGRA DON NI MDO SDE PA LTAR GZUNG 'DZIN RDZAS GZHAN DANG, SKYED MCHED BCU GNYIS SOGS DANG BDEN MED 'DOD PA'I DBU MA PA YIN PAS NA MDO SDE SPYOD PA'I DBU MA BZHES BYA STE, KHA CHE'I MKHAS PA LA KRAMS [?] RIM LNGA'I 'GREL BAR, RGYU DANG RKYEN LAS BYUNG BA'I PHYI'I DON LOGS SU GRUB PA DANG, RNAM PA MED PA'I RNAM PAR SHES PA LOGS SU GRUB PA STE, DE GNYIS KA YANG RANG BZHIN MED PA'O ZHES MDO SDE PA'I DBU MA PA RNAMS KYI DE KHO NA NYID GZUNG BA YIN NO, ,ZHES DANG, MDO SDE BA'I DBU MA PA RNAMS KYI RGYU DANG RKYEN LAS BYUNG BA'I SKYED MCHED BCU GNYIS GZUNGS PA DANG 'DZIN PA'I GZUNGS SU SO SOR YOD PA STE, 'ON KYANG RANG BZHIN MED PA YIN NO ZHES 'DOD DO, ZHES SO, ,'DI LEGS LDAN GZHUNG DANG MTHUN TSUL BSHAD PAR 'GYUR RO, ,PHYI'I DON MED TSUL RNAL 'BYOR SPYOD PA LTAR 'DOD CING, NANG GI SEMS LA YANG BDEN PA'I RANG BZHIN MED PAR SMRAS PAS NA RNAL 'BYOR SPYOD PA'I DBU MA PA ZHES BYA STE, DE NYID LAS, PHYI'I DNGOS PO NI YE SHES KYI RNAM PA KHO NA YIN TE, DE YANG RANG BZHIN MED PA'O ZHES RNAL 'BYOR SPYOD PA'I DBU MA PA RNAMS KYIS DE KHO NA NYID GZUNG BA YIN NO, ZHES DANG, ZHI 'TSOS TSUL GNYIS SHING RTA ZHON NAS SU, ZHES

, ,SOGS SO, ,RNAM BSHAD LAS KYANG RNAL 'BYOR SPYOD PA'I DBU MA PA LTAR NA, ZHES BSHAD PAS BOD KYIS DON BSHAD TSUL MI 'THAD PA TZAM MO, ,GSUM PA SO SO'I LUGS LA MDO SDE SPYOD PA'I DBU MA PA'I LUGS DANG, RNAL 'BYOR SPYOD PA'I DBU MA'I LUGS BSHAD PA GNYIS, DANG PO LA SEMS TZAM 'GOG TSUL DANG, RANG LUGS GNYIS, DANG PO LA, DNGOS SMRA'I MTSAN NYID MDO DON YIN PA 'GOG PA DANG RANG LUGS KYI MTSAN NYID GSUM GYI DON BSHAD PA DANG, THEG PA CHE CHUNG GI SDUD PA PO DANG BDAG MED GNYIS KYI BSTAN TSUL KHYAD PAR DANG, PHYI DON MED PA LUNG RIGS KYIS 'GOG TSUL DANG BZHI, DANG PO NI 'O NA, RANG RGYUD PA GNYIS KYI SEMS TZAM 'GOG TSUL MTHUN NAM SNYAM NA DE'I KHYAD PAR BSHAD PA'I PHYIR, SNGA MAS PHYI ROL DON GRUB PHYI MAS 'GOG RANG MTSAN GYIS GRUB MTSAN NYID GSUM BZHED KYANG, ,BDEN MED LA DGONGS DE DANG DE MED GSUNGS, ZHES SMRAS TE, DE YANG SNGA MA MDO SDE SPYOD PA'I DBU MA'I SHING RTA'I SROL BHA BYA KAR STE LEGS LDAN 'BYED DAM SKAL LDAN BYED, CES DANG, SLOB DPON SNANG BA LA LAM SNANG BA MI 'JAL BAR GRAGS DE'I LUGS SO; ;'DIR SHES RAB SGRON MES KYANG CUNG ZAD BSHAD KYANG, RANG RGYUD PA RANG LUGS KYI GZHI LAM 'BRAS GSUM DANG BSGOM TSUL SOGS RGYAS PAR DBU MA SNYING PO RTZA 'GREL LAS GANG LA MED PAS DE LTAR BSHAD LA RANG RGYUD PA

THAMS CAD KYIS KYANG SHES BYED BLANGS SO, ,DES NA SNGA MA MDO SDE SPYOD PA'I DBU MA PA RNAMS KYIS, DBU MA SNYING PO LAS, RANG GI LUGS KYI NGA RGYAL GYIS, MKHAS PAR RLOM GZHAN 'DI SKAD SMRA, ,DE NYID BDUD RTZIR 'JUG PA YANG RNAL 'BYOR SPYOD LAS LEGS PAR BSTAN, ZHES SOGS RTZA 'GREL GYIS SEMS TZAM PA'I LUGS BKOD DE, DE NYID LAS, GNYIS DNGOS MED PA'I DNGOS PO YANG, ,'GAL PA'I PHYIR NA MI RIGS TE, ZHES SOGS KYIS GZHUNG 'DZIN GNYIS STONG BKAG CING, YANG DE NYID LAS, SEMS TZAM DU NI DMIGS BYED CING, ,GZUGS LA SOGS PA MI 'DZIN NA, ,LUNG DANG GRAGS PA DAG GIS NI, ,JI LTAR DAM BCAS PA LA GNOD, CES SOGS KYIS PHYI DON YOD PAR SGRUB LA, DBU MA RANG RGYUD PHYI MA'I SHING RTA'I SROL 'BYED SLOB DPON SHANTI RA KshITA STE ZHIB 'TSO'AM ZHING SRUNG BA'I DBU MA RGYAN LAS, JI STE THOG MA MED RGYUD KYI, ,BAG CHAGS SMIN PAS SBRUL PA YI, ,RNAM PA DAG NI SNANG BA YI, NOR BAS SGYU MA'I RANG BZHIN 'DRA, ZHES RNAM SHES KYI BAG CHAGS THOG MED NAS BZHAG PA SMIN NAS GZUGS SOGS KYI RNAM PA 'CHAR BA SGYU MA'I RTA GLANG LTAR SEMS KYI RNAM PA DER SNANG BA TZAM MO ZHES BSHAD NAS, DE NYID LAS, DE DGE 'ON KYANG DE DEG [?] GI, DNGOS DE YANG DAG NYID DAM CI, ,'ON TE MA BRTAG GCIG PU NI, ,DGA' BAR KHAS LEN 'DI BSAM MO, ZHES GZUGS SOGS SEMS KYI BDAG NYID DU 'DOD PA DGE 'AM LAGS, DE YANG

, ,DAG BAR GRUB BA MA BRTAGS DON MA DPYAD PA'I KUN RDZOB TU GRUB CES SOGS 'DIS KYANG 'CHAD 'GYUR LTAR PHYI ROL GYI DON 'GOG, SHING RTA CHEN PO DE RNAM GNYIS RJES 'BRANG BCAS PA THAMS CAD KYIS RANG BZHIN GYIS GRUB PA DANG RANG GI MTSAN NYID KYIS GRUB PAR BZHED DE, 'DI DAG GI GZHUNG NA'ANG RANG BZHIN MED DANG MA BRTAGS PA'I DOR ZHES THAL 'GYUR BA DANG KHYAD PAR 'BYED DKA' BA YOD KYANG LEGS LDAN GYIS SNGAR LTAR GANG ZAG GI GDAGS GZHI GANG ZAG TU BZHAG PA DANG MDO SDE PA LTAR RDUL PHRA RAB RDZAS YOD DANG TSOGS PA LA'ANG RDZAS SU YOD MED GNYIS BZHED PA'I PHYIR DANG, KHYAD PAR DU SHES RAB SGRON ME LAS, DE LA GAL TE GZUGS ZHES BYA BAR YID LA BRJOD PA DANG TSIG TU BRJOD PA'I KUN BTAGS PA'I NGO BO NYID GANG YIN PA DE MED DO ZHE NA NI, DNGOS PO LA SKUR BA 'DEBS PA YIN TE, YID LA BRJOD PA DANG TSIG TU BRJOD PA LA SKUR BA 'DEBS PA'I PHYIR RO, ,ZHES KUN BTAGS LA MTSAN NYID NGO BO NYID MED CES PA'I KUN BTAGS DE KUN TU SGRO BTAGS BYED KYI YID LA BRJOD PA STE RTOG PA DANG, TSIG TU BRJOD PA STE MING LA BYED NA DE GNYIS DNGOS PO YIN PAS GZHAN DBANG LA SKUR 'DEBS SU 'GYUR ZHES BSHAD BAS NA, DNGOS PO LA RANG MTSAN GYIS YOD PAR BSHAD DO, SPYAN RAS GZIGS BRTUL ZHUGS KYI 'GREL BSHAD LAS KYANG, GAL TE GZUGS ZHES BYA BAR NGO BO NYID DANG KHYAD PAR DU YID LA BRJOD PA RNAM PAR RTOG PA DANG CHOG TU

BRJOD PA THA SNYAD 'DOGS PA'I NGO BO NYID GANG YIN PA DE MTSAN NYID NGO BO NYID MED PA NYID KYIS NGO BO NYID MED DO ZHE NA NI KUN RDZOB TU GZHAN GYI DBANG GIS DNGOS PO LA SKUR BA 'DEBS PA YIN PAS MI RUNG BAR STON TE ZHES GSUNGS PA'I PHYIR, MDOR BSDUS NA DGONGS 'GREL LAS, KUN BTAGS NI RANG GI MTSAN NYID RNAM PAR GNAS PA MIN BAS NA MTSAN NYID NGO BO NYID MED PA ZHES BYA'O ZHES PA'I KUN BTAGS DE SGRA RTOG LA BYAS NAS RANG GI MTSAN NYID KYIS MI GNAS PA ZHES BSHAD NA DE GNYIS DNGOS PO YIN PAS DGONGS 'GREL LTAR DNGOS PO LA SKUR 'DEBS SU 'GYUR DE LA DON DAM PAR RANG GI MTSAN NYID KYIS GNAS PA MIN PAS MTSAN NYID NGO BO NYID MED PAR 'CHAD NA DBU MA PA'I RIGS PA'I RJES SU ZHUGS PA YIN LA DE LTAR 'JUG DGOS PAR YANG 'DOD DE, SHES RAB SGRON ME LAS, DON DAM PAR DNGOS PO SEL NA DBU MA'I RJES SU SMRA BA YIN TE, ZHES DANG, DES NA NGO BO DANG KHYAD PAR LA KUN BTAGS PA'I KUN BTAGS MTSAN NYID NGO BO NYID MED PAR 'DOD PAS NI DBU MA PA'I RIGS PA 'DOD PAR BYA'O, ,ZHES GSUNGS LA, 'O NA MING BRDAS BZHAG PA DNGOS PO'I SNGOD LUGS YIN PA DANG MING BRDAS BZHAG PA'I YUL DON DAM PAR GRUB PA KHO LA MED PA LA DBUM PA'I RIGS PA NGES PAR DGOS PAS KHYAB BAM ZHE NA DE GNYIS KA MIN TE, LKUGS 'ON SOGS MING BRDA MI SHES PAS KYANG DUM PA LA SOGS PA'I DON SHES LA, BA LANG LA SOGS PAS KYANG

, ,DRI DANG GZUGS SOGS LAS RANG GZHAN GYI BU SHES KYANG DE DAG LA MING 'DI'O DON 'DI'O SNYAM PA'I RTOG PA TZAM YANG MED PAR DBU SEMS GNYIS KA 'DRA BA'I PHYIR, KHYAB PA YANG YOD DE KHYAD GZHI DE LTAR YOD SNANG MED PA DE BDEN GRUB TU 'DZIN PA MI SRID PA'I PHYIR TE, RTOG GE 'BAR BA LAS, NGES NA LKUGS PA DANG 'ON PA LA SOGS PA YI GE DANG BRDA' MNGON PAR MI SHES PAS KYANG BUM PA LA SOGS PA'I DON RAB TU SHES LA, BA LANG LA SOGS PAS KYANG DRI LA SOGS PA'ANG MIG GIS RANG GZHAN GYI BU LA SOGS PA RAB TU SHES SO, ,DE'I PHYIR THAMS CAD DU MING NI DON GYIS STONG PA NYID YIN TE, DE LTA BU NI DNGOS PO'I RANG GI NGO BO BRJOD PHAR BYED PA MIN PAS BDAG CAG GNYIS KA LA 'DRA BA YIN NO, ZHES SO, ,DON NI CHOS DE DANG DE LA MING DANG BRDA BYAS PA DE DANG DE CHOS DE DAG GI SDOD LUGS SU MA SONG STE, DE SDOD LUGS SU SOD NA CHU GCIG PU LA BA NI YA DANG; BA LI LA DANG BIR LA SOGS PAS BRJOD PA LTAR THA DAD PAR 'GYUR DGOS PA'I PHYIR RO, ,DE LTAR NA MTSAN NYID GSUM GA RANG BZHIN GYIS GRUB NA, DGONGS 'GREL LAS, MTSAN NYID NGO BO NYID MED PA DANG SKYE BA NGO BO NYID MED PA DANG, DON DAM PA NGO BO NYID MED PA GSUM GYI DON JI LTAR BSHAD NA STONG GZHI GZHAN DBANG SOGS CHOS THAMS CAD DON DAM PAR KUN BTAGS KYIS SGRO BTAGS PA LTAR RANG GI MTSAN NYID KYIS MED PAS NA MTSAN NYID

NGO BO NYID MED PA DANG JI LTAR NGO BO NYID MED PA DE LTAR MA SKYES PA DANG, DE'I PHYIR MA 'GAG PA DANG DE LTAR GZOD MA NAS ZHI BA DANG, DE LTAR RANG BZHIN GYIS MYA NGAN LAS 'DAS PA ZHES BSHAD PA YIN PA'I PHYIR, DBU MA SNYING PO LAS BRJOD PA'I BDAG NYID STONG PA'I PHYIR, ,DNGOS RNAMS NGO BO MED PA NYID, ,DE NYID DU NA DE MA SKYES, ,MA SKYES PA NI MA 'GAG NYID, CES DANG, NGO BO NYID KYIS SKYES PAR NI, ,DON DAM DU NI DE BKAG PHYIR, ZHES DANG, DBU MA SNYING PO LAS DE'I PHYIR CHOS THAMS CAD MI RTAG PA LA SOGS PA JI LTAR RNAM PAR BZHAG PA'I MTSAN NYID DON DAM PAS STONG PA'I PHYIR, MA SKYES PA YIN NO, ,DE'I PHYIR MA 'GAG PA YIN NO, ,DE'I PHYIR GZOD MA NAS ZHI BA YIN NO, ,DE'I PHYIR RANG BZHIN GYIS YONGS SU MYA NGAN LAS 'DAS PA YIN NO, ZHES DANG, DGONGS 'GREL LAS, GANG RANG GI MTSAN NYID KYIS MED PA DE NI MA SKYES PA'O GANG MA SKYES PA DE NI MA 'GAG PA'O, ,GANG MA 'GAG PA DE NI GZOD MA NAS ZHI PA'O, ,ZHES SOGS DRANGS SO, ZHI 'TSO SOGS KYIS SEMS TZAM PA'I MTSAN NYID GSUM DGONGS 'GREL SOGS KYIS BSTAN DON PHAL BA DANG RANG LUGS KYI MTSAN NYID GSUM DNGOS BSTAN DU BZHED KYANG LEGS LDAN GYIS DE DAG GI DON DU MI BZHED DO, ,GNYIS PA RANG LUGS MTSAN NYID GSUM NI, STONG GZHI BDEN PA RTAGS CHA DANG DES STONG BA, ,RIM BZHIN GZHAN DBANG KUN BTAGS YONGS GRUB STE, ,RANG DBANG MIN PHYIR BRTAGS PHYIR GNAS LUGS PHYIR, ZHES SMRA

, ,TE; TSIG RKANG GSUM GYIS CHOS CAN DANG CHOS DANG RTAGS RNAMS RIM BZHIN SBYAR NAS BSHAD RIGS TE, GANG ZHIG GANG DANG 'BREL BA NI, ,RING NA 'DUG KYANG DE DANG DE, ZHES GRAGS PA'I PHYIR RO, ,STONG GZHI GZUGS SOGS KYI DNGOS PO CHOS CAN, GZHAN DBANG DANG SKYE BA NGO BO NYID MED PA ZHES BYA STE, KHYOD RKYEN GZHAN LA LTOS NAS SKYE BAS NA DON DAM PA RANG BZHIN NAM, DON DAM PAR RANG DBANG GIS SKYE BA MED PAS DE LTAR BRJOD PA'I PHYIR TE, MA DROS PAS ZHUS PA LAS GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG BAR BSHAD, ,GANG ZHIG STONG NYID SHES DE BAG YOD YIN, ZHES DANG RGYA MTSOS ZHUS PA LAS, GANG DAG RTEN CING 'BREL 'BYUNG BA, ,DE DAG NGO BO NYID KYIS MED, SOGS MDO DU MA DANG, 'PHAGS PA'I ZHABS KYIS, RANG BZHIN RGYU DANG RKYEN DAG LAS, ,'BYUNG BAR RIGS PA MA YIN TE, SOGS DANG, DBU MA SNANG BA LAS, DE LA DNGOS PO MA BRTAGS NA, ZHES PA NAS, DE YANG KUN RDZOB TU SGYU MA BZHIN DU GZHAN GYI RKYEN GYI DBANG GIS SKYE YI BDAG NYID KHO NA NI MA YIN PAS, SKYE BA NGO BO NYID MED PA NYID DU RNAM PAR BZHAG STE, ZHES SO, ,GZUGS SOGS LA BDEN GRUB TU BRTAGS PA'I CHA CHOS CAN, KHYOD LA KUN BTAGS DANG MTSAN NYID NGO BO NYID MED PA ZHES BYA STE, GNAS TSUL BZHIN MA YIN PAR SGRO BTAGS PA'I CHA YIN PAS NA KUN BTAGS DANG

GZUGS SOGS DON DAM PAR KUN BTAGS PA'I MTSAN NYID LTAR MA GRUB PAS NA MTSAN NYID NGO BO NYID MED PAR BSHAD PA'I PHYIR TE, LANG GSHEGS LAS, BRTAGS PA'I DNGOS PO MED PA NYID, CES DANG, BLO YIS RNAM PAR GZHIG NA NI GZHAN DBANG MED CING BRTAGS PA'ANG MED, CES DANG, DBU MA SNANG BA LAS MI RTAG PA LA SOGS PA DON DAM PA'I RANG GI NGO BO SGRO 'DOGS PA GANG YIN PA DE NI KUN BTAGS PA'I NGO BO NYID MED DO, ,DE YANG JI LTAR KUN BTAGS PA'I MTSAN NYID DU MA GRUB PA'I PHYIR, MTSAN NYID NGO BO NYID MED PA NYID DU RNAM PAR BZHAG GO ,ZHES SO, ,BDEN GRUB DES STONG PA'I CHOS NYID CHOS CAN, YONGS GRUB DANG DON DAM PA NGO BO NYID MED PA ZHES BYA STE, SGRO BTAGS PA MA YIN PAR GNAS YIN PAS NA YONGS GRUB DANG, DON DAM DPYOD PA'I CHAD MA'I YUL YIN PAS NA DON DAM BA DANG, BDEN GRUB KYI NGO BO NYID MED PAS RAB TU PHYE BAS NA NGO BO NYID MED PA ZHES BSHAD PA'I PHYIR TE, DGONGS 'GREL LAS, DE NI RTAG PA RTAG PA'I DUS DANG THER ZUG THER ZUG GI SOGS DANG, DE NI DON DAM PA YANG YIN LA CHOS RNAMS NGO BO NYID MED PAS RAB TU PHYE BA YANG YIN PAS DE'I PHYIR DON DAM PA NGO BO NYID MED PA ZHES BYA STE, ZHES DANG, DBU MA SNANG BA LAS; CHOS THAMS CAD DON DAM PAR RTAG TU RANG BZHIN GYIS NGO BO NYID MED PA KHO NAR GNAS PA GANG YIN PA DE NI, YONGS SU GRUB BA'I NGO BO NYID YIN TE, DE NI RTAG TU SGRO BTAGS PA MED PA NYID DU GRUB PA'I PHYIR RO, ,DE YANG TSAD

, ,MAS YANG DAG PAR GRUB PA NYID KYIS DON DAM PA ZHES BYA LA, NGO BO NYID MED PAS RAB TU PHYE BA'I PHYIR NGO BO NYID MED PA NYID KYANG YIN NO, ZHES SO, ,GSUM PA THEG PA CHE CHUNG GI SDUD PA PO DANG BDAG MED GNYIS BSTAN TSUL GYI KHYAD PAR NI, SDUD PO MI GCIG MI RTOGS THEG CHEN DON, ,YOD PHYIR DMAN MDOR CHOS KYI BDAG MED MIN, ,THAG 'KHYIL SPRUL 'JIGS LCUGS 'DZIN BLOS BSAL BZHIN, ,BDAG MED RTOGS PAS RMONGS 'JOMS GNAS LUGS MIN, ZHES SMRAS TE, 'DIS NI BKA' THAMS CAD SDUD PA PO LA NYAN THOS KYIS KHYAD PAR 'DOD PA DANG, SDE SNOD GSUM GYI DON DANG, BSLAB PA GSUM SOGS NYAN THOS KYI SDE SNOD LAS BSHAD PA DE TZAM LAS MA GRUB PA'I PHYIR, THEG CHEN BKAR MI 'THAD SNYAM NA DE MA YIN TE, THEG PA THUN MONG GI DBANG DU BYAS NA BKA' SDUD PA POR NYAN THOS KUN DGA' BO NYE BAR 'KHOR 'OD SRUNG DAG YIN BAR RUNG YANG THUN MONG MA YIN PAR BYAS NA DE DAG NYAN THOS MIN PA'AM, THEG CHEN GYI MDO SDE SOGS GSUM PHYAG RDOR DANG, BYAMS PA DANG, 'JAM DBYANGS GYIS BSDUS PA SOGS YIN PA'I PHYIR DANG, NYAN THOS RNAMS KYIS SANGS RGYAS KYIS GSUNGS PA'I CHOS PHUNG THAMS CAD 'DZIN MI THUB PAR BSHAD PA'I PHYIR DANG, PHAL CHEN DANG MDO SDE SA BCU PA GSUNGS PA'I 'KHOR NA BYANG 'PHAGS 'BA' ZHIG MA GTOGS NYAN THOS MED PA'I PHYIR DANG, SDE SNOD BDUN YANG BSHAD PA'I

PHYIR DANG, DGAS GSUM GYI SKABS LTAR NYAN THOS RNAMS KYIS MING YANG BGRANG MI THUB PA'I TING NGE 'DZIN MTHA' YAS PA THEG CHEN GYI MDO SDE LA YOD CING, BYANG SEMS KYI GNAS BDUN BRGYA SOGS STON PA'I 'DUL BA DANG, TSIG DON MTHA' YAS KYIS RANG SPYI 'CHAD PA'I MNGON BA SOGS YOD PA'I PHYIR, SHES BYED MDOR BSDUS NA, RTOG GI 'BAR BA LAS 'DI'I PHYIR YANG THEG PA CHEN PO SANGS RGYAS KYIS GSUNGS PA YIN TE, RTZA BA'I SDUD PAR BYED PA PO KUN TU BZANG PO DANG, 'JAM DPAL DANG GSANG BA'I BDAG PO DANG, BYAMS PA LA SOGS PA RNAMS KYIS BSDUS PA'I PHYIR RO, ,BDAG CAG GI RTZA BA'I SDUD PAR BYED PA NYAN THOS NI MA YIN TE, THEG PA CHEN PO'I GSUNG RAB NI DE DAG GI YUL MIN PA'I PHYIR, JI SKAD DU, SHING SHA BA'I TSAL GYI MDO LAS, KUN DGA' BO SHING SHA BA'I TSAL 'DI LA 'BAD MA JI SNYED YOD PA BAS LHAG PAR MANG PA'I CHES RTOGS PAR GYUR NA YANG KHYOD LA NI NGAS MA BSTAN TE, DE SNYED KYI DON BYA BA BYAS PA'I PHYIR RO, ,DE DAG NYID KYIS KHYED SKYO BAR YANG MI 'GYUR, 'DOD CHAGS DANG BRAL BAR MI 'GYUR, ZHES DANG, BSDUS TSUL DANG GNAS KYANG, GDUGS DGAR 'GREL BA LAS, LCANG LO CAN GYI PHO BRANG NA GNAS BSDUD PAR BYED PA LAG NA RDO RJE LA 'KHOR SA BCU'I BYANG CHUB SEMS DPA' KUN TU BZANG PO DANG, RDO RJE CHOS LA SOGS PAS BLA GOS LNGA BRGYA GDAN TU BTING NAS, CHOS KYI 'KHOR LO BSKOR BA'I MDO, ,BDE BAR GSHEGS PAS GANG DU GSUNGS, ,RDO RJE

, ,'CHANG BA KHYED SMROS SHIG ,SHES RAB SRAS PO KHYED SMROS SHIG ,CES GSOL BA BTAB PA'I RJES LA 'DI SKAD BDAG GIS THOS PA ZHES GLENG SLONG BA GSUNGS SO, ZHES DANG, SGRON GSAL DANG GZHAN YANG BSHAD TSUL YOD LA MDO LAS, BTZUN PA BLA MA BCOM LDAN 'DAS KYI JI SNYED CIG 'DZAM BU'I GLING NA RAB TU GNAS PA THAMS CAD KYI SEMS LA BLTAS NA CHOS KYI RNAM GRANGS 'DI 'DZIN PAR BYED PA NI BTZUN PA BLA MA KHYOD MA GTOGS PA DGE SLONG GCIG KYANG MED KYI ZHES DANG, KUN DGA' PO'I MDO LAS, BCOM LDAN 'DAS BDAG LO NYI SHU LHAG TZAM ZHIG BCOM LDAN 'DAS KYI THAD DU GNAS PAR BGYIS LAGS SO, ZHES DANG YANG DE NYID LAS, CHOS KYI PHUNG PO STONG PHRAG BRGYAD CU ZHIG BCOM LDAN 'DAS KYI THAD NAS BDAG GIS BZUNG NGO, ,GNYIS NI DGE SLONG DAG LAS SO, ZHES GSUNGS SHING, NYON MONGS KYI SPYOD PA BRGYAD KHRI BZHI STONG RE RE'I GNYEN PO CHA TSANG BA RE CHOS PHUNG GI TSAD DU 'JOG BAR PHAL CHER MTHUN KYANG, GNYEN PO'I CHA TSANG TSANG MI MTHUN TE MTHAR THUG THEG PA GSUM DU 'DOD PA LTAR NA ZHE SDANG SHAS CHER SPYOD PA'I GNYEN PO'I SGO BYAMS PA NAS DGRA BCOM BAR GYI LAM CHA TSANG BAS CHO GA LA 'DI 'DRA'I CHOS PHUNG BRGYAD KHRI BZHI STONG NYAN THOS KYIS KYANG BZUNG NUS SRID TSUL BSHAD MA THAG YIN LA THEG PA GCIG TU 'DOD PA LTAR NA ZHE SDANG GNYEN PO BYAMS PA'I SGO BTOD DE DGRA BCOM GYI BAR LA BKOD KYANG DE TZAM GYIS DE'I 'DUL BA'I DRI MA MA RDZOGS PA GZUNGS RGYAL KYI MDO LAS NOR BU'I DRI MA SBYONG

BA'I DPES SHES BAS LUNG GIS BSGRUB CING, RIGS PAS KYANG DE'I ZHE SDANG ZAD KYANG ZHE SDANG GI DRI MA MA ZAD PA'I PHYIR DANG, SPANG BYA'I DGRA MA BCOM DANG GNYEN PO SGOM PA'I BYA BA BYAS MA TSAR BA SOGS GZUNGS RGYAL GYI MDO DANG DPA' PHRE [?] GE'I NGA RO'I MDO SOGS KYI DGONGS PA YIN PA'I PHYIR NA NYON MONGS KYI SPYOD PA RE RE'I DRI MA PHRA MO TSUN CHAD KYI GNYEN PO CHA TSANG BA RDZOGS PA'I SANGS RGYAS BAR GYI LAM STON DGOS PAS DE 'DRA BA'I BRGYAD KHRI BZHI STONG BYANG SEMS SGYU MA LTA BU'I [?] 'DZIN DANG DPA' BAR 'GRO BA'I TING NGE 'DZIN THOB PA DAG MA GTOGS NYAN THOS LA MED PA'I PHYIR TE, DGE 'DUN PHAL CHEN SDE BA'I NANG TSAN DON GRUB PA RNAMS KYI RIG PA 'DZIN PA'I SDE SNOD LAS 'JAM DPAL GZHON NUR GYUR BAS GNAS BA [?] RAB 'BYOR LA 'DI SKAD CES SMRAS SO, ,GNAS BRTAN RAB 'BYOR GANG DE BZHIN GSHEGS PAS SEMS CAN GYI SPYOD PA BRGYAD KHRI BZHI STONG ZHIG MKHYEN PA DE KHYOD KYIS SHES SAM RTOGS SAM, MTHONG DAM DE DAG DANG MTHUN PAR GTAM BRJOD PAR BYED NUS SAM, SMRAS PA 'JAM DPAL DE NI MA YIN NO, ,SMRAS PA GNAS BRTAN TING NGE 'DZIN GANG LA SNYOMS PAR 'JUG CING GNAS NAS SEMS CAN THAMS CAD LA LTA BA DANG, SEMS CAN GYI SPYOD PA BRGYA KHRI BZHI STONG LTA BA BYED PA DANG, SHES PAR GYUR NAS JI LTAR 'OS PA BZHIN DU CHOS STON PAR GYUR BA'I TING NGE 'DZIN DE LA KHYOD MNYAM PAR 'JOG NUS SA MA SMRAS PA, 'JAM DPAL MA YIN NO, ZHES PA NAS, BCOM LDAN 'DAS GYIS BKA' [?]

, ,STZAL PA, ,RAB 'BYOR CHOS THAMS CAD NGO BO NYID KYIS MNYAM PAR RGYAS PA ZHES BYA BA'I TING NGE 'DZIN YOD DE, ,BYANG CHUB SEMS DPA' GANG GIS TING NGE 'DZIN DE THOB PAR GYUR BA'I BYANG CHUB SEMS DPA' 'DI THAMS CAD NI, ,SEMS CAN GYI SBYOD PA BRGYAD KHRI BZHI STONG YANG DAG PAR SHES SHING, ,SEMS CAN GYI SBYOD PA BRGYAD KHRI BZHI STONG DANG MTHUN PAR CHOS STON PAR YANG BYED DE, ,ZHES PA DE BZHIN DU THEG CHEN GYI MDO DKON MCHOG T'A LA SOGS SNGAR DRANGS PA DANG MA DRANGS PA YANG DU MA YOD DO, ,SDE SNOD YANG SKYABS GSUM BDUN CU PA LAS, ,NYAN THOS RNAMS KYI DBANG MDZAD NAS, ,SDE SNOD GSUM DU 'DOD PA YIN, ,BYANG CHUB SEMS DPA'I GNAS SKABS KYI, ,NGES PA DE NI YOD MA YIN, ,'PHAGS PA NUB KYI RIR BSHAD DANG, ,SHAR KYI RI BO'I NYAN THOS KYI, ,BYANG CHUB SEMS DPA'I DBANG BYAS PA, ,SDE SNED GSUM TU BSHAD PA YIN, ,BYANG CHUB SEMS DPA'I SDE SNOD DANG, ,DE BZHIN RIG 'DZIN ZHES BYA DANG, , MDO SDE 'DUL BA CHOS MNGON DANG, ,RGYAS DANG DE BZHIN SKYES PA'I RABS, ,DE LTAR SDE SNOD BDUN PO NI, ,ZHES SHAR RI DANG NUB RI'I LUNG LAM BYAD SEMS KYI DANG RIG 'DZIN GYI DANG BDUL BA'I DANG, ,MDO SDE'I DANG, ,MNGON PA'I DANG, ,RGYAS BA'I DANG SKYES RABS DANG SDE SNOD BDUN BSHAD CING SPYAN RAS GZIGS BRTUL ZHUGS KYIS SHER MDO DON DAM PA'I CHOS MNGON PAR BSHAD CING MDO'I SDE SNOD YANG YIN PA'I PHYIR TE, ,YANG MDO SDE RGYAN LAS, ,RANG GI NYID LA 'JUG PHYIR

DANG; ,RANG GI 'DUL LA SNANG BA'I PHYIR, ,SOGS DANG, ,RTOG GE 'BAR BA LAS, ,THEG BA CHEN PO YANG GZHAN LA PAN PA'I DBANG DU BYAS PA'I ZAB PA NGAD RGYA CHE BA'I TSUL GYIS, ,NYAN THOS KYI MDO SDE LA SOGS PA'I SDE SNOD LA 'GA' ZHIG MI 'JUG TU ZIN KYANG THEG PA CHEN PO'I MDO SDE LA YANG 'JUG ,BYANG CHUB SEMS DPA'I BSLAB PA'I GNAS BDUN BRGYA LA YANG SNANG, ,STONG BA NYID DU BSTAN PA'I CHOS NYID DANG YANG MI 'GAL BA'I PHYIR RO ZHES BA NI NAM MKHA' MDZOD KYI TING NGE 'DZIN SOGS TING NGE 'DZIN MTHA' YAS PA BSHAD PA LTA BU NYAN THOS KYIS MDO SDE LA MI 'JUG KYANG THEG CHEN GYIS MDO SDE LA 'JUG PA DANG, ,DE BZHIN DU BYANG SEMS KYI BSLAB BYA BDUN BRGYA YANG BYANG SEMS KYI 'DUL BAR SNANG LA, ,BDEN STONG NI NYAN THOS KYI GANG ZAG GI BDAG MED RAGS PA'I CHOS NYID DANG 'GAL YANG, ,CHOS KYI BDAG MED PHRA MO'I CHOS NYID DANG MI 'GAL ZHING, ,LHAG MA GZHAN THEG PA GONG 'OG GI THUN MONG PA YANG CHES MANG PA'I PHYIR DANG, ,BLO GROS MI ZAD PA DANG BYANG CHUB SEMS DPA'I SDE SNOD LTAR BYANG SEMS KYI MI ZAD PA BRGYAD CU SOGS YOD PA'I PHYIR ZHES BA'O 'DI PHAL CHER DBU SEMS THUN MONG GI BZHED PA YIN NO, ,THEG DMAN RIGS NGES KYI NYAN RANG 'PHAGS PAS KYANG CHOS KYI BDAG MED MI RTOGS TE; ,THEG DMAN GYI SDE SNOD LAS CHOS KYI BDAG MED GTZO BOR MI STON PA'I PHYIR TE, ,DE'I CHED DU BYA BA'I GDUL BYAS NYON SGRIB TZAM SBONG GI SHES SGRIB MI SPONG BA'I PHYIR DANG, ,CHOS KYI BDAG 'DZIN SHES SGRIB YIN PAS, ,CHOS KYI BDAG

, ,MED GTZO BOR SGOM PA THEG CHEN LAS MED PA'I PHYIR, ,THEG DMAN LAS KHYAD BAR 'BYED BYED THEG CHEN GYI DON ZAB MO YOD PA'I PHYIR NA SANGS RGYAS BSKYANGS SOGS KYIS THEG DMAN GYI SDE SNOD LAS CHOS KYI BDAG MED BSTAN PAR 'DOD BA 'KHRUL ZHES BZHED DE, ,RTZA SHE'I RAB BYED BDUN PA LAS, ,GZUGS NI DBU BA BRDOS BA 'DRA, ,TSOR BA CHU BUR NGAG DANG MTSUNGS, ,'DU SHES SMIG SGYU 'DRA BA STE, ,'DU BYED RNAMS NI CHU SHING BZHIN, ,RNAM SHES SGYU MA LTA BU STE, , NYI MA'I GNYEN GYIS BKA' STZAL TO, ,ZHES PA'I 'GREL BA SHES RAB SGRON ME LAS, ,GZHAN DAG NA RE, ,BCOM LDAN 'DAS KYIS 'DU BYED RNAMS BDAG MED PA'I DPER SGYU MA DANG, ,ZHES PA NAS, ,BDAG MED PA ZHES BYA BA NI NGO BO NYID MED BA'I DON TE BDAG CES BYA BA'I SGRA NI NGO BO NYID KYI TSIG YIN PA'I PHYIR RO, ,ZHES ZER RO, ,ZHES SANGS RGYAS BSKYANGS KYIS LUNG DES CHOS KYI BDAG MED BSTAN PAR BSHAD PA PHYOGS SNGA RA BKOD NAS SHES RAB SGRON ME LAS, ,GZHAN MA YIN BAN RE, ,DE LA 'DIR BDAG TU SNANG BA NI NOR BA'I DE BZHIN NYID YIN PA'I PHYIR DANG, ,BDAG CES BYA BA'I SGRA YANG BDAG GI TSIG YIN PA'I PHYIR DANG, ,DE DAG LA BDAG GZHAN YANG MED LA RANG NYID KYANG MA YIN TE, ,DBANG PHYUG MA YIN PA BZHIN PAS, KHUNGS DE SA NI NYAN THOS KYI THEG BA LA GANG ZAG GI BDAG MED PA'I SGRA'I DON BYE BRAG TU RTOGS PAR BYA BA YIN PA'I PHYIR DANG, ,CHOS BDAG MED BA NYID BSTAN PAR MI NUS SO, ,NUS PAR GYUR NA NI THEG PA GZHAN

YONGS SU BZUNG BA DON MED PA NYID DU 'GYUR RO, ,ZHES ZER RO, ,ZHES GSUNGS DON NI SANGS RGYAS BSKYANGS KYIS CHOS THAMS CAD BDAG MED PA ZHES PA'I BDAG SGRA NGO BO NYID LA 'CHAD PA MI 'THAD DE, BCOM LDAN 'DAS KYI BKA' DE'I DON GANG ZAG GI BDAG MED LA KHYAD PAR DU 'CHAD DGOS PA'I PHYIR DANG, ,BDAG MED DE'I BDAG NI GANG ZAG GI BDAG YIN TE, ,PHUNG PO LNGA LA GANG ZAG GI BDAG GZHAN YANG MED LA PHUNG PO DE DAG KYANG GANG ZAG GI BDAG MIN TE, ,DPER NA DBANG PHYUG MIN PA BZHIN YIN PA'I PHYIR DANG, ,LUNG DES CHOS KYI BDAG MED STON NI THAG PA GZHAN TE THEG CHEN DON MED DU 'GYUR, ,ZHES GSUNGS TE, ,DE'I 'GREL BSHAD LAS, ,'DI SKAD BSTAN TE, ZHES BA NAS, ,CHOS KYI BDAG MED PA NYID BSTAN PAR MI NAS SO, ,GAL TE NUS PAR GYUR NA NI THEG PA CHEN PO GZHAN YONGS SU BZUNG BA DON MED PA NYID DU 'GYUR BA ZHIG NA MI 'GYUR BAS, ZHES SO, ,DES NA DPE LNGA'I DON NI, ,SHES RAB SGRO NA ME LAS, ,DON DAM PAR CHOS THAMS CAD GANG ZAG GI BDAG GI NGO BO NYID MED PA NYID YIN YANG, ,KUN RDZOB TU BDAG DANG BDAG GI NGO BO NYID DU RNAM PA DA LTAR SNANG BA'I PHYIR, ,DE LA MNGON PAR ZHEN PA'I NYON MONGS PAR 'GYUR BAS DE'I GNYEN POR PHUNG PO LNGA PO DAG DBU BA BRDOS PA 'DRA'O,, ZHES GSUNGS PA SOGS KYIS GZUGS DBU BA BRDOS PA DANG 'DRA STE, ,BRTAGS MI BZOD PA'I PHYIR, ,TSOR BA CHU BUR 'DRA STE BYUNG NAS 'JIG CING MED PAR 'GYUR BA'I PHYIR DANG, ,'DU SHES SMIG SGYU LTAR YANG DAG PA MIN KYANG SGRO BTAGS PA'I

, ,PHYIR DANG, ,'DU BYED CHU SHING BZHIN DU SNYING PO MED PA'I PHYER DANG, ,RNAM SHES SGYU MA 'DRA STE NGO BO NYID DMIGS SU MED PA'I PHYIR, ,ZHES BSHAD LA, ,CHOS KYI BDAG 'DZIN GYI SHES SGRIB KYI GNYEN POR RDO RJE GCOD BA LAS, ,SKAR MA RAB RIB MAR ME DANG, ,SGYU MA ZIL BA CHU BUR DANG, ,RMI LAM GLOG DANG SPRIN LTA BUR, ,'DUS BYAS DE LTAR BLTA BAR BYA, ,ZHES GSUNGS PA LA DON DAM BAR CHOS THAMS CAD NGO BO NYID MED KYANG KUN RDZOB TU 'DUS BYAS THAMS CAD SKAR MA SOGS DANG 'DRA STE, ,LUNG 'DIS BDUS BYAS KYI MTSAN NYID BSTAN PA'I PHYIR TE, ,RANG BZHIN GYI DAD RO MYANG PA'I DANG, ,NYES DMIGS RJES SU RTOGS PA'I DANG, ,NGES PAR 'BYUNG BA'I RJES SU RTOGS PA'I MTSAN NYID BZHI BSHAD PA'I PHYIR 'DUS BYAS KYI RANG BZHIN SKAR MA DANG RAB RIB DANG MAR ME GSUM DANG MTSUNGS TE, SKAR MA NI MTSAN MO SNANG LA NYIN MO MED PA LTAR 'DUS BYAS KYANG MA RIG PA'I MUN PA YOD NA SNANG GI CHOS THAMS CAD MNGON SUM DU RTOGS PA'I YE SHES KYI NYI MA'I SNANG BA'I NGO NA MI SNANG BA DANG, ,RAB RIB NI DON MED BA SNANG BA LTAR BDAG 'DZIN GNYIS KYI NGO NA CHOS THAMS CAD BDEN GRUB KYI DON SNANG YANG MED PA DANG, ,MAR ME RAS SNUM LA BRTEN PA LTAR RNAM SHES KYI RTEN 'BREL YANG LAS KYI RAS DANG SRED PA'I SNUM LA BRTEN TE SKYE ZHING 'BAR BA DANG, ,RO MYANG BA'I YUL GYI MTSAN NYID SGYU MA DANG BDRA STE, ,NOR PA'AM 'KHRUL BAR SNANG BA'I PHYIR DANG, ,NYES DMIGS RJES RTOGS GNYIS LAS, ,'DU BYED MI RTAG PAR RJES SU RTOGS PA'I DPE ZIL BA LTAR

RING DU MI GNAS BA DANG, ,SDUG BSNGAL GYI NYES DMIGS RJES SU RTOGS PA'I DBER TSOR PA CHU BUR LTAR DNGOS NGAN CING SDUG BSNGAL BA DANG, ,NGES 'BYUNG RJES SU RTOGS PA'I DPE GSUM LAS RMI LAM RJES SU DRAN PA LTAR 'DAS PA'I 'DUS BYAS THAMS CAD BDAG MED PA GNYIS SU RTOGS PA DANG, ,GLOG BZUNG DU MED PA BZHIN DU, ,DA LTAR BYUNG BA'I 'DUS BYAS RNAMS GCIG DANG DU MAR DPYAD NA BZUNG DU MED BA'I PHYIR BDAG MED PA GNYIS SU RTOGS PA DANG, ,SBRIN LTAR SA BON GYI GNAS NGAN LEN MA 'ONGS PA'I BDAG NYID SBRIN LTA BUS SEMS NAM MKHA' LTA BU LA 'BRAS BU SKYED PA RNAMS GCIG DANG DU MAR DPYAD DE BZUNG DU MED PA'I GANG ZAG DANG CHOS KYI BDAG MED PA RJES SU RTOGS PA DANG, ,DE LTAR DBE DGU PA BDUS BYAS KYI MTSAN NYID LA DE LTAR BLTA BAR BYA ZHES BSHAD DE, ,'GREL BSHAD LAS, ,THEG PA CHEN PO'I LUNG GI TSAD MAS SGRUB PAR BSTAN PA'I PHYIR, ,ZHES SOGS SO, ,GAL TE GANG ZAG GI BDAG MED 'DI GNAS LUGS MIN LA YANG LAM SGOM PA DON DAM PAR SGRUB PA'I SGO NAS SGOM PA MIN NA RDZUN PA'I SGOM PA YIN DGOS BA DE LTAR NA SDONG DU MA LA MING BZUNG BA LTAR 'GYUR BAS NYON MONGS ZLOG PA JI LTAR 'THAD CES DNGOS SMRA PAS BRGAL BA'I LAN DU SKYON DE DAG MED DE, ,DES RDZUN PAS KYANG 'KHRUL BA SEL THUB PA NI THAG KHRAR SBRUL DU 'KHRUL PAS 'JIGS PA 'DI SBRUL DANG THAG PA MIN GYI SHING GI LCAGS MA PHRA MO 'KHYIL BA YIN NO, ,BSTAN PAS DE YIN PAR BZUNG PAS KYANG THAG BA'I SBRUL 'DZIN DANG 'JIGS PA SEL BA

, ,LTAR RE ZHIG GZUGS SOGS KYI GNAS LUGS LA 'KHRUL NAS SBRUL 'DZIN LTAR LTA BA NGAN PA RTOG PA NGAN PAS ZHEN PA 'BYUNG LA SBRUL MA YIN BAR LCUG MAR 'DZIN PA LTAR DE DAG LA GANG ZAG GI BDAG MED RTOGS PA'I YANG DAG PA'I LTA BA SKYID PA NA DE DAG GIS THAG PA LA LCUG MAR BZUNG BA LTAR GNAS LUGS SU MA SONG YANG NYON MONGS LDOG PA'I PHYIR TE, DBU MA SNYING PO LAS, JI LTAR 'GA' ZHIG SKRAG PA YIS, ,THAG PA LA NI SBRUL ZHES 'KHRUL,, 'KHRI SHING BSNGOGS PAR SHES PA NI, ,GNYEN PO'I PHYOGS KYIS SHES PAR 'GYUR, ZHES DANG, DE'I 'GREL PAR, DE LTAR NA JI LTA BA BZHIN MIN PA'I LAM GYIS NYON MONGS PA ZAD PAR BYED PA YANG MED DE, YANG DAG PA MA YIN PA'I PHYIR SDONG DU MA YIN PAR SHES PAS SOGS DANG, DE BZHIN GSHEGS PA'I MDZOD KYI MDO LAS, 'OD SRUNG 'DI LTA STE, SKYES BU 'GA' ZHIG MI BDEN PA'I THE TSOM GYI DUG GIS GDUNGS PAR 'GYUR, BDAG GIS DUG ZOS SO, ,BDAG GIS DUG ZOS SO ZHES ZER CING, DU BAR BYED BRANG BRDUNG BAR BYED PA DE LA SMAN PA THABS MKHAS PAS YANG DAG PA MIN PA'I DUG 'BYIN PA LTAR BYAS PAS, NAS, 'OD SRUNG DE BZHIN DU BYIS PA SO SO'I SKYE BO NYON MONGS PAS NYON MONGS PAR GYUR PA RNAMS LA YANG DAG PA MIN PA'I TSUL GYIS CHOS STON TO, NAS, BCOM LDAN 'DAS 'DOD CHAGS BDEN PA ZHIG TU GYUR NA NI MI SDUG PAS KYANG 'DOD CHAGS DANG 'BRAL BAR MI 'GYUR RO, ,SOGS DRANGS SO, ,'DI BDEN MED LA'ANG SBYAR

CHOG PAS SLOB DPON GYIS GNYIS KAR SBYAR RO,, ,,BZHI PA PHYI DON MED PA LUNG RIGS KYIS 'GOG TSUL NI, DON DAM PHYI ROL MED GSUNGS SEMS GCIG BU, ,GNAS LUS SOGS GSUNGS RNAM PA'O SEMS TZAM SGRAS, ,BYED PO 'GOG PHYIR GZUNG MED MDO DON MIN, ,DBANG SHES RNAM LDAN GZUNG 'DZIN RGYU 'BRAS RIM, ,DMAG SOGS GZHAN 'DUS BTAGS YOD RIGS MTHUN RDUL, ,BSAGS PA'ANG RDZAS YOD RE RE'ANG DMIGS RKYEN RUNG, ,ZLA BA GCIG BRTEN ZLA GNYIS SNANG BA SOGS, ,PHYI ROL MED NA MI SKYE SKUR 'DEBS 'GYUR, ,YUL SNANG MED PHYIR YUL CAN RANG RIG MIN, ZHES SMRAS TE SHO LO KA GCIG GI RKANG PA GSUM GYIS PHYI DON MED PA BKAG NAS RKANG PA BZHI PAS GZUNG 'DZIN RDZAS GZHAN DU BSGRUBS LA, DE NAS RKANG PA GNYIS KYIS RDZAS BTAGS KYI KHYAD PAR DANG, DE NAS GNYIS KYIS PHYI DON MED NA DBANG SHES 'KHRUL PA'ANG MI RUNG BAR THAL BA DANG, DE NAS GCIG GIS RANG RIG BKAG GO ,DON MDOR BSDUS GCIG SMRAS NA, MDO DAG LAS PHYI ROL MED PAR BSHAD PA NI DON DAM PAR YIN TE, LANG GSHEGS LAS, DMIGS PA LA NI BRTEN NAS SU, ,MI DMIGS PA NI RAB TU SKYE, ZHES PA YANG PHYI DON BDEN PA'I DMIGS PA MED PA'I YE SHES SKYE BA'I DON YIN PA'I PHYIR TE, DBU MA SNYING PO LAS, NGO BO NYID KYIS MA SKYES PHYIR, ,RDZAS GU MED PHYIR NYAMS 'GYUR PHYIR, ,GZUGS SOGS STONG PA SGYU MA BZHIN, ,'DI LTAR GOMS PA CHAGS MED 'GYUR, ZHES DANG, DE'I 'GREL BAR,

, ,DE YANG BDAG CAG GIS MI DMIGS PAR GOMS PAR BYA BAR 'DOD DO, ZHES PA NAS, DE LTA BUR MI DMIGS PA GOMS PAR BYAS NA CHAGS PA MED PAR 'GYUR BA YIN GYI THAMS CAD DU PHYI ROL GYI DON MED PAR GYUR BA NI MA YIN NO ZHES DANG, KUN RDZOB TU NI SHES PAS RANG RANG GI NGO BO JI LTA BDE LTAR 'DI NI GZUGS SO ZHES BYA BA LA SOGS PA NYID YIN LA, DE KHO NA NYID DU NI RANG BZHIN MED PA NYID DU RTEGS PAS, SOGS DANG, YANG LANG GSHEGS LAS, PHYI ROL SNANG BA YOD MIN TE, ,LUS DANG LONGS SPYOD GNAS 'DRA BAR, ,SEMS NI SNA TSOGS SNANG BAS NA, ,SEMS TZAM DU NI NGA SMRA'O, ZHES SEMS GCIG BU GNAS LUS SOGS SNANG BAR BSHAD PA MIN NAM ZHEN; SLOB DPON 'DIS RKANG PA DANG POS PHYI ROL GYI DON NGO BO NYID LAS YOD PA MA YIN PA DANG, LHAG MAS LUS DANG LONGS SPYOD DANG GNAS KYI DON DANG 'DRA BAR SEMS SNA TSOGS SU SKYE BA NI LUS SOGS DE DAG GI RANG 'DRA BA'I RNAM PA CAN DU SKYES PA LA SHES RAB SGRON MER BSHAD CING, RKANG PA BZHI PAS SEMS TZAM DANG, SA BCU PA LAS, KHAMS GSUM PO 'DI NI SEMS TZAM MO SNYAM DU SEMS SHING, ZHES PA GNYIS KAS KYANG SEMS TZAM ZHES PA'I TZAM SGRAS MU STEGS BYED KYI RNAM PAR SHES PA MA GTOGS BA'I BYED PA PO DANG, BDUKTA ZHES PA LONGS SPYOD DANG, ZAB GNYIS KA'I SKAD DOD YIN PAS LO CHEN RNAMS KYIS RES LONGS SPYOD PA PO DANG, RES ZAB POR

BSGYUR BA YIN PAS 'DIR ZAB RGYA CHUNG BAS NA DBANG PO DRUG GI SGO NAS YUL DRUG LA LONGS SBYOD BA POR SGRO BTAGS PA DGAG PA'I PHYIR SANGS RGYAS BYANG SEMS RNAMS KYIS SEMS TZAM BSTAN GYI PHYI DON DGAG PA'I CHED MIN PA'I PHYIR TE, SA BCU PA'I MDO LAS, BYANG CHUB SEMS DPA' SA DRUG PA, ZHES PA NAS, MA RIG PA LA SOGS PA YAN LAG BCU GNYIS LAS RAB TU BYUNG ZHING MNGON PAR GRUB PA YIN PAS BYED PA PO DANG TSOR PA PO DANG BRAL BA YIN NO, ,SNYAM MO, ZHES PA NAS, DE YANG 'DI LTAR KHAMS GSUM PO 'DI NI SEMS CAM MO SNYAM DU SEMS SHING, KYE RGYAL BA'I SRAS DAG KHAMS GSUM PO 'DI NI SEMS TZAM MO ZHES PA NAS SEMS KYIS MNGON PAR 'DUS BYAS PA SEMS KYIS BRIS PA YIN GYI SEMS LAS MA GTOGS PA'I BYAD PA PO DANG ZAB PO NI GANG YANG YOD PA MA YIN NO, ZHES GSUNGS PA'I PHYIR DANG, DES NA PHYI DON MED PA RGYAL DANG RGYAL SRAS KYI DGONGS PA MIN PA LTAR MDO DAG GI DGONGS PA MIN TE, RTOG GE 'BAR BA LAS, MU STEGS BYED GZHAN GYI RNAM PAR SHES PA BYED PA PO ZAB POR BRTAGS PA DGAG PA'I PHYIR, SANGS RGYAS DANG BYANG CHUB SEMS DPA' RNAMS KYIS SEMS TZAM BSTAN PA MDZAD KYI PHYI ROL GYI DON DGAG PA'I PHYIR NI MA YIN TE, ZHES GSUNGS PA'I PHYIR DANG, 'OG TU DMIGS BRTAGS KYI LUGS KYI DMIGS RKYEN BKAG PA'I PHYIR, DBANG SHES LNGA'I DMIGS RKYEN GZUGS SOGS LNGA DANG DBANG SHES LNGA DE'I RNAM CAN GYI GZUNG 'DZIN GNYIS GRUB

, ,CING RGYU 'BRAS SU YANG 'DOD DGOS TE, RTOG GE 'BAR BA LAS, DMIGS PA BRTAGS PAR PHYOGS 'DI BSTAN PAR BDAG CAG GIS 'DI LTAR BZHAG ,CES SOGS DANG, DBU MA SNYING PO LAS, SEMS DANG SEMS BYUNG SBYAD YUL CAN, ,RNAM PAR RTOG PA GNYIS PO NI, ,GZUGS LA SOGS PA BKAG NA YANG, ,'JUG PAR 'GYUR BA MI RIGS MIN, ZHES DANG, DE'I 'GREL BAR, KHYOD KYIS GZUGS SOGS PHYI DON THAMS CAD DU BKAG PA BYAS NA YANG, RNAM PAR RTOG PA GNYIS PO 'DI NI 'JUG PAR MI RIGS PA MIN GYIS 'DI LTAR 'JUG RIGS PA KHO NA YIN TE, ZHES SO, ,SHER PHYIN BYAMS ZHUS LAS KYANG, BYAMS PA BYANG CHUB SEMS DPAS GZUGS KYI DBYE BA RNAM PA GSUM DU SHES PAR BYA STE, 'DI LTA STE, 'DI NI KUN BTAGS PA'I GZUGS SO, ,'DI NI RNAM PAR BRTAGS PA'I GZUGS SO, ,'DI NI CHOS NYID KYI GZUGS SO, ZHES SOGS LTAR RNAM PAR BRTAGS DON GYIS STONG YANG, DE BZHIN GSHEGS PA'I SO SOR RANG RIG PA'I CHOS NYID KYI GZUGS KYI DON BDEN PAR YOD NA, SGRO MA BTAGS PA'I DNGOS PO'I DON YOD PA'I PHYIR TE, THAMS CAD DU RNAM PAR SHES PA'I PHYI DON GYIS STONG BA MA GRUB BAR 'GYUR BA'I PHYIR TE, DBU MA SNYING PO LAS, GAL TE RNAM BRTAGS DON STONG BA'I, ,RNAM PAR SHES PA BSGRUB CE NA, ,MA BRTAGS DON DU YOD PA'I PHYIR, DON SPANGS PAR NI 'GYUR MA YIN, ,ZHES SO, ,

YANG DNGOS SMRA BA NA RE, KHAMS GSUM 'DI NI SEMS TZAM YIN TE, GZUGS LA SOGS BA'I DON GYIS STONG BA'I PHYIR DPER NA RMI LAM LA SOGS PA'I SHES PA BZHIN ZHES BYA BA LA BRTAGS NA RMI LAM NA YANG MA BRTAGS PA'I RNAM SHES KYI CHA YOD PAS, DON GYIS STONG PA'I RMI SHES BZHIN NAM, DON GYIS MI STONG PA RANG GI NGO BO LA DMIGS PA LTA BU GANG YIN ZHES GTAN TSIGS MA NGES PAR 'GYUR TE, DBU MA SNYING PO LAS, RMI LAM SHES PA'I NGO BO YID; ;MA BRTAGS NYID LA'ANG THE TSOM ZA, ZHES GSUNGS PA LA RMI LAM GYI DPE 'DIS RNAM PAR SGRO BTAGS BA'I DON 'GOG GI SGRO BTAGS PA'I CHA MI 'GOG PA'I PHYIR, SEMS TZAM MI 'GRUB LA, CHOS NYID GZUGS KYI DON LA DMIGS BA'I PHYIR, DE NYID CES PA YANG MDO LTAR DMIGS MED MIN PA'AM, RMI LAM YANG DAG BAM YIN PA'I DON DAM PA NYID MA YIN PA'I PHYIR DE'I DPER YANG MI DMIGS SO, ,NYAN THOS SDE BAS RDUL PHRA RAB YAN GAR BA YANG DBANG SHES KYI YUL MIN LA, RDUL PHRA RAB DU MA BSAGS PA YANG TSOGS SPYI YIN BAS RDZAS SU MED PA'I PHYIR, DBANG SHES YUL DU MI RUNG BAR 'DOD BA MI 'THAD DE, GZUGS SGRA SOGS BSAGS PA'I SKABS SU MDO SDE PA LTAR DE'I TSOGS BAN YOD PA'I RDUL PHRA RAB RE RES KYANG DBANG SHES KYI DMIGS RKYEN BYED PA DE DAG MI SNANG TSUL YANG MI 'THAD PA'I PHYIR, RNAM PAR SHES PA'I TSOGS LNGA BSAGS BA LA DMIGS PAR BSHAD PAS KYANG GNOD PA'I PHYIR DANG

, ,BSAGS PA'I PHYIR RDZAS YOD MA YIN PAS KHYAB NA RDUL PHRA RAB YANG RDZAS BRGYAD 'DUS BYAS KYI BSAGS PA YIN PAS RDZAS YOD DU 'DOD PA NYAMS LA, 'DUS PA DBANG SHES KYI YUL MIN PAR BDAG KYANG 'DOD LA BSAGS 'DUS GNYIS KYI KHYAD PAR YANG RIGS GCIG BRTEN GCIG LA YOD PA'I RDUL RNAMS BSAGS PA BUM PA SOGS RDZAS YOD DANG, RIG MA THA DAD BRTEN THA DAD KYI TSOGS 'DUS PA DMAG DANG, NAGS TSAL LTA BU NI 'DUS BA STE BTAGS YOD DU RIGS PA'I PHYIR TE, DBU MA SNYING PO LAS, GAL TE BSAGS PA'I DNGOS SHE NA, ,GTAN CHIGS NYID NI MA GRUB STE, ,GZHAN PA'I GZUGS KYI PHAN BYAS NAS, ,BLO LA DER SNANG 'BYUNG PHYIR RO, ZHES DANG; RTOG GE 'BAR BA LAS, RIGS GCIG BA'I RDUL PHRA RAB BSAGS PA NYID LAS BUM PA LA SOGS PA YANG RDZAS SU BDAG CAG 'DOD DE PHRA RAB BZHIN NO, ,ZHES DANG, BDAG KYANG 'DUS PA DMIGS PA YIN PA NYID DU MI 'DOD DO, ZHES DANG, YANG BSAGS BA DANG, 'DUS PA LA KHYAD PAR CI YOD CE NA RTEN GCIG PA'I DBANG DU BYAS PA'I PHRA RAB RNAMS NI BSAGS PA ZHES BYA BAR BSTAN LA, RIGS THA DAD BRTEN THA DAD KYI DBANG DU BYAS PA THA DAD DU BYAS BA'I RDZAS GLANG PO DANG RTA LA SOGS PA RNAMS DANG, DE BA DANG SENG LDENG LA SOGS PA RNAMS LA, DMAG DANG NAGS TSAL LA SOGS PA 'DUS PA ZHES BYA BAR BSTAN TO, ZHES SO, ,DE BZHIN DU SPYI LA BRGAL BRTAGS SOGS

MANG DU MDZAD CING, PHYI DON MED NA ZLA GCIG ZLA GNYIS SU SNANG BA YANG MED BAR 'GYUR TE ZLA GCIG GIS SNANG GZHI BYAS NAS ZLA GNYIS SU 'KHRUL BA BYUNG BA'I PHYIR DANG, ,RMI LAM GYI SHES PA'I YANG DON YOD DE, RMI LAM NA THOG MED NAS GZUGS SOGS GZUNG 'DZIN LA GOMS PA'I BAG CHAGS KYIS GZUGS SOGS SHES PA'I MIG GIS MTHONG PHYIR DPE YANG MA GRUB LA DE BZHIN DU LONG BA LA YANG KHA DOG DBYIBS SOGS KYI GZUGS SOGS SHES PA'I MIG LA SNANG BAR BSHAD PA'I PHYIR DANG, GZUGS SOGS PHYI'I DNGOS PO SPONG NA SKUR 'DEBS SU YANG 'GYUR BA'I PHYIR TE, DBU MA SNYING PO LAS, GZUGS LA SOGS PA'I RNAM SHES NI, ,DON MED PAR YANG MI RIGS TE, ,DE YI SNANG BA 'BYUNG BA'I PHYIR, ,RMI LAM GZUGS SOGS BLO BZHIN NO, ,NAS, DE LTAR DPE YANG MA GRUB LA, ,DNGOS LA SKU RAB BTAB PA'ANG YIN, ZHES DANG, DE'I 'GREL PAR, THOG MA MED PA'I DUS NAS, ZHES PA NAS, DMUS LONG GIS KYANG TSE RABS GZHAN NA MTHONG BA NYID KYI BAG CHAGS KYI DBANG GIS KHA DOG DANG DBYIBS RNAM PA THA DAD BA DU MA NGO BO THA DAD KYI SNANG BA 'BYUNG BAR 'GYUR BA YIN PAS ZHES DANG, MDO LAS BZANG SKYOD DMUS LONG GIS RMI LAM GYI NANG DU GZUGS LA SOGS PA MTHONG BA NI SHES BAS BSDUS PA'I MIG GIS MTHONG BA YIN GYI SHA'I MIG GIS NI MA YIN NO, ZHES GSUNGS BA'I PHYIR RO, ,RANG RIG KYANG MI 'DOD DE, RANG RIG LA CI TZAM DBYAD KYANG YUL

, ,DU CHOS GZHAN RIG PA 'DI LAS GZHAN BA'I RANG LA YUL YUL CAN GYI SNANG BA MI 'CHAR PA'I PHYIR, RANG NYID RANG LA YUL DANG YUL CAN GYI THA SNYAD MI 'THOB BA'I PHYIR DANG, SHEL SOGS RANG RIG GI DPE YANG MI 'GRUB STE, SHEL TSON DANG PHRAD TSE RANG GI NGO BO DVANGS PA 'GYUR NAS DE'I RNAM PA SKYE LA, DE DANG BRAL TSE DVANGS PAR MI SNANG BA'I PHYIR DANG, DE BZHIN DU SEMS KYANG YUL DANG PHRAD PA NA DE'I RNAM PAR SKYE ZHING, YUL DE DANG ZAL CHE DE'I RNAM PA MED PAR SKYE BA'I PHYIR DANG, SHES BYA'I RNAM PA DANG SHES PA MI 'ONGS PA SOGS YIN PA'I PHYIR TE, DBU MA SNYING PO LAS, YUL DU SNANG LAS GZHAN GYUR PA'I, ,SEMS NYID JI 'DRA BA ZHIG SNANG, SOGS DANG; YE SHES SNYING PO'I BDEN GNYIS LAS KYANG, RANG RIG RIG PA MA YIN PHYIR, ZHES DANG, DE'I RANG 'GREL LAS, SHES PA NI BDAG GIS BDAG SHES PA MIN TE, RANG SNANG BAS STONG PA'I PHYIR, SOGS RGYAS PAR KHO POS GZHAN DU BSHAD ZIN CING, SLOB DPON CHEN PO LEGS LDAN LA RJES 'BRANG SHIN TU MANG YANG YE SHES SNYING PO'I BSHAD TSUL LEGS LDAN DANG MTHUN LA RANG GI MTSAN NYID KYIS GRUB PA 'DOD DE, DBANG MNGON RNAMS LA SNANG BA DE SNANG BA LTAR DON BYED NUS PAR 'DOD PA'I PHYIR TE, BDEN GNYIS LAS, SNANG DU 'DRA YANG DON BYED DAG ,NUS PA'I PHYIR DANG, ZHES SO, ,DE BZHIN DU ZHI 'TSO 'PHAGS SENG AA BHYA KA MA LA SH'I LA DZE T'A RI, DBAL

SBAS BYANG BZANG SPYAN RAS GZIGS BRTUL ZHUGS SOGS KYIS KYANG RANG GI MTSAN NYID KYIS GRUB PA DANG RANG NGOS NAS GRUB PA DANG NGO BO NYID KYIS GRUB PA RNAMS 'DOD DE, DE DAG 'GOG PA DON DAM PAR RAM YANG DAG PAR DANG BDEN GRUB GANG RUNG RE SBYAR BA'I PHYIR RO, ,GNYIS PA RANG LUGS LA DGAG BYA NGOS 'DZIN DANG, DE 'GOG BYED KYI GTAN TSIGS DANG, RIGS PAS GTAN LA 'BEBS PA'I GZHI BDEN GNYIS KYI RNAM BZHAG DANG, BDEN GNYIS NGES PA'I TSAD MA DANG, 'BRAS BU THOB DUS DANG, NGO BO'I KHYAD PAR DANG, DE THOB BYED LAM GYI KHYAD PAR BSHAD BA DRUG LAS, DANG PO NI, BDEN NA RIGS NGOR YOD DGOS BDEN GRUB PHYIR, ,DER YONG BDEN GRUB MI DGOS CHOS NYID BZHIN, , RIGS SHES RNYED DON YOD KYANG DES DPYAD BZOD, ,BDEN PAR BZOD DGOS BDEN GRUB LA DPYAD PHYIR, ,RIGS SHES DBYAD BZOD BDEN GRUB 'DIR DGAG BYA, ZHES BYA BA LA DGAG BYA NGOS 'DZIN PA SHIN TU GAL CHE STE, 'DIR BDEN PAR GRUB PA DANG BDEN 'DZIN GYIS BZUNG TSUL GYI DGAG BYA'I SPYI LEGS PAR MA SHAR PAR BDEN PAR GRUB PA DANG BDEN 'DZIN GYI ZHEN YUL DU GRUB PA MI SRID CES DANG, DE LTAR GRUB NA GNOD PA 'DI YOD DANG MA GRUB PA'I SGRUB BYED 'DI'I ZHES PA'I SGRA SPYI MANG DU SMRAS KYANG DON LEGS PAR MI GO BA'I PHYIR, DES NA RANG NGOS NAS GRUB PA DANG RANG BZHIN GYIS GRUB PA DANG NGO BO NYID KYIS GRUB PA DANG RANG GI MTSAN NYID KYIS GRUB PA LAS GZHAN PA'I BDEN GRUB DANG YANG

, ,DAG PAR GRUB PA DANG DON DAM PAR GRUB PA ZHIG 'GOG SNYAM NA, LEGS BSHAD SNYING PO LAS, SLOB DPON 'DI'I GZHUNG GI BSKOR NAS DE LAS GSAL PO MA BSHAD LA SLOB DPON YE SHES SNYING PO'I BDEN GNYIS BSKOR DANG DBU MA RGYAN RANG 'GREL DANG BCAS PA LAS KYANG GSAL BAR DNGOS SU GSUNGS PA MI SNANG NGO, ZHES GSUNGS PA LTAR GZHUNG DE DAG DANG SGOM RIM GSUM DANG LEGS LDAN CHUNG BA DANG L'A BA PA'I PHAR PHYIN TSUL DGU PA GNYIS DANG JO T'A RI BYANG BZANG 'PHAGS SENG GNYIS KYI GZHUNG RNAMS DANG MEE TRI BA'I GZHUNG SOGS NA'ANG DGAG BYA'I TSAD GSAL BAR BSHAD PA MED PAR KHO BOS MNGON SUM DU GRUB PA 'DI YIN NO DE LTAR GSAL PO GZHAN MED KYANG LEGS LDAN DANG DBU MA SNANG BA'I DON DAM DPYOD TSUL LA BRTEN NAS DON DAM DPYOD BYED KYI RIGS PAS DPYAD BZOD DANG THA SNYAD PA'I TSAD MA'I DBANG GIS BZHAG TZAM MIN PAR GRUB PA'I SDOD LUGS DE DON DAM DU GRUB PA SOGS SU BRTAG PA MTHA' BZUNG GIS YIN TE, 'DI DAG GIS RANG RGYUD KYI DON BSHAD PA LTAR 'PHRAL GYI 'KHRUL RGYUS MA SMAD PA'I DBANG PO'I MNGON SUM TSAD MA RNAMS LA SNANG BA LTAR GRUB PAR 'DOD PA'I PHYIR DANG, MNGON SUM DE DAG GIS BZUNG BA LTAR GRUB PA TSAD MAS MI GNOD PAR YANG 'DOD PA'I PHYIR TE, DBU MA SNANG BA LAS, DES KYANG SROG CHAGS THAMS CAD LA YANG DAG PAR DNGOS PO'I BDAG NYID LTA BUR NYE BAR STON PA MTHONG BAR 'GYUR TE, ZHES PAS

BDEN PAR MED KYANG YOD PAR 'KHRUL PA'I BLO MA RIG PA LHAN SKYES DBANG GIS BYUNG TSUL DANG, DE NYID LAS, DE'I PHYIR DE DAG GI BSAM PA'I DBANG GIS DNGOS PO RDZUN PA'I NGO BO THAMS CAD NI KUN RDZOB TU YOD PA KHO NA'O, ,ZHES PAS DE DAG LA SNANG TSUL DE KUN RDZOB TU GRUB PAR BSHAD PAS SHUGS LA DE DAG GI BSAM PA'I DBANG GIS BZHAG PA MIN PA DON DAM PAR GRUB PAR GO NUS PA'I PHYIR, 'O NA 'DI'I DON DAM PAR MED CES PA'I DON DANG DAM PA DANG DER GRUB TSAD JI LTA BU ZHE NA, DBU MA SNYING PO LAS, DON DAM PAR NA 'BYUNG BA YI, NGO BO NYID MIN ZHES PA'I 'DI'I DON ZHES PA MYANG 'DAS LA DON DAM ZHES PA'I DON NI CHED DU 'AM DGOS PA DANG DGOS PA'I MCHOG LA DON DU BSHAD BA DANG MI 'DRA BAR SHES PAR BYA BA'I DON LA BYA STE, DON DE BRTAG PA'AM BSAM PAR BYA BA DANG GO BAR BYA BA'I DON YIN LA, DAM PA'I SKAD DOD P'A RA MA NI MCHOG LA'ANG 'JUG PAS MCHOG STE, DON DANG DAM PA GNYIS KA YUL LA SBYAR NAS SHES PAR BYA BA'I DON MCHOG LA, DON DAM PA ZHES BSHAD BA GCIG YOD PA NI, RTOG GE 'BAR BA LAS, DON DAM PA ZHES BYA BA LA, DON ZHES BYA BA NI SHES PAR BYA BA YIN PA'I PHYIR, DON DE BRTAGS PAR BYA BA DANG GO BAR BYA BA ZHES BYA BA'I THA TSIG GO ,DAM PA ZHES BYA BA NI MCHOG CES BYA BA'I TSIG GI SGRA YIN NO, ,DON DAM PA ZHES PA BSDU BA NI DE DON YANG YIN LA DAM PA YANG YIN PAS DON DAM PA'I ZHES PA'I TSUL GCIG DANG

, ,YANG DON ZHES PA DE DANG 'DRA BA LA DAM PA YUL CAN RNAM PAR MI RTOG PA DANG, DE'I DON YIN PAS NA DON DAM PA STE, RTOG GE 'BAR BA LAS YANG NA DAM PA'I DON TE, RNAM PAR MI RTOG PA'I YE SHES DAM PA'I DON YIN PAS DAM PA'I DON TO, ZHES DANG, YE SHES DE LA DAM PA ZHES PA'I RGYU MTSAN YANG, DBU MA SNANG BA LAS, DE LA GANG GI PHYIR, ZHES PA NAS, YON TAN GYI KHYAD PAR THOB PAR 'GYUR BA DE'I PHYIR DON CHEN PO SGRUB PAR BYED PAS DAM PA'I SGRAR BRJOD PAR BYA BAR 'OS PA NYID DO ZHES TSUL GNYIS PA DANG, YANG STONG NYID RTOGS PA'I THOS BSAM SGOM PA'I SHES RAB RJES THOB BA RNAMS KYANG RANG GI DON YE SHES DAM PA DANG MTHUN PAS DON DAM PAR BZHAG PA STE, RTOG GE 'BAR BA LAS, YANG NA DON DAM PA DANG MTHUN PA STE DON DAM PA RTOG PA DANG RJES SU MTHUN PA'I SHES RAB LA DON DAM PA DE YOD PAS DON DAM PA DANG MTHUN PA'O, ZHES DANG, DBU MA SNANG BA LAS, THOS PA DANG BSAM PA DANG BSGOM PA LAS BYUNG PA'I SHES RAB DE'I RJES SU MTHUN PA GANG YIN PA DE YANG GDAGS PAS DE SKAD DU BRJOD DO, ZHES GSUNGS PA LTAR DON DAM PA GSUM PA'I SKABS 'DIR THOS BSAM GYIS DPYOD DUS RIGS SHES RJES DPAG DON DAM BTAGS PA PA'I NGOR YOD MED LA BYA DGOS TE, DGAG BYA'I DON DAM DANG MNYAM BZHAG DON DAM DANG GNAS LUGS DON DAM GYI DON DGAG SGRUB KYI SBROS

PA ZAD CING MI RUNG PA'I PHYIR TE, RTOG GE 'BAR BA LAS 'O NA DON DAM PA NI GANG DAG BLO THAMS CAD LAS 'DAS PA YIN LA DNGOS PO'I NGO BO NYID DGAG PA NI YE SHES KYI YUL YIN PAS DE'I PHYIR DGAG PA MED PAR MI 'GYUR RAM ZHE NA; ZHES PA NAS, DAG PA 'JIG RTEN PA'I YA SHES ZHES BYA BA SPROS PA DANG BCAS PA 'DIR DAM BCA'I KHYAD PAR NYID DU BZUNG PAS NYES PA MED DO ZHES 'PHAGS PA'I RJES THOB BSHAD PA DANG, DBU MA SNANG BA LAS, YANG DAG PA'I THOS PA DANG BSAM PA DANG BSGOM PA LAS BYUNG BA'I SHES PA THAMS CAD NI PHYIN CI MA LOG PA'I YUL CAN YIN PA'I PHYIR DON DAM PA ZHES BYA STE, 'DI'I DON DAM PA YIN PA'I PHYIR ZHES SOGS DANG, DE BZHIN DU DBU MA RGYAN GYI 'GREL PA LAS KYANG BSHAD PAS NA LAM RIM CHE BA LAS DE KHO NA NYID LA TSUL BZHIN DU DBYOD PA'I THOS BSAM GYI SHES RANG YAN CHAD GZUNG GI ZHES SO, ,DES NA MED TSUL GNAS GZHI LA SBYAR NAS MIN TE, DE LA YOD MED DAM DE LA GNAS MI GNAS DPYAD PA YIN PA'I PHYIR, DES NA YUL CAN DON DAM RIGS SHES DES DPYAD DON MI GNAS PA DANG YOD PA MIN PA LA DON DAM PAR NA DANG, DON DAM DU DANG DON DAM PAR MED CES BSHAD PA YIN PA'I PHYIR TE, RTOG GE 'BAR BA LAS, DON DAM PAR NA ZHES BYA BA NI DON DAM PA NYID DU'AM, DON DEM [?] PAR RO ZHES SO, ,'O NA RIGS SHES KYIS DPYAD NA MI RNYED NA RIGS SHES KYI YUL DANG RNYED DON MED DAM ZHE NA, 'DI NI

, ,'KHRUL PA SHIN TU CHE BAS SKAL BZANG MIG 'BYED LTAR GANGS CAN GYI DMIGS BU BLA MA LO TZA PA CHEN POS KYANG DON DAM SHES BYA MIN PAR BZHED PA DANG, RIGS PA'I DBANG PHYUG CHA BAS DON DAM BDEN GRUB DANG DPYAD BZOD DU BZHED PA DANG, GRO LUNG PA'I BSTAN RIM SOGS LAS RIG PA RJES DPAG GI LDOG BA PHYE NAS YUL YOD MED 'JOG PA DANG, SNGAR BKAG PA'I DBU MA LTAR SNANG DAG BYUNG BAS NA, LEGS BSHAD SNYING PO LAS, RIGS SHES LA GZHAL BYA YOD NA BDEN GRUB TU SOD NAS SNGON GYI MKHAS PA DAG KYANG KHA CIG DE NYID 'DOD LA LA LA RIGS SHES YUL MED DANG, GZHAN DAG RIG PA DANG RJES DPAG GI LDOG PA PHYE NAS YUL YOD MED DU 'JOG GO ZHES GSUNGS PA'I PHYIR, DKA' GNAS 'DI DAG TSAB TSUB MA BYED PAR ZHIB MONG DPYOD DGOS SO, ,DES NA SKAL BZANG MIG 'BYED LTAR CHOS 'DI DAG BDEN PAR GRUB NA DON DAM DPYOD BYED KYI RIGS SHES NGOR YOD DGOS TE DE BDEN GRUB JI LTA BA BZHIN DPYOD BYED YIN CING DE BDEN PAR GRUB PA YIN PA'I PHYIR, RIGS SHES CHOS CAN, KHYOD KYI DOR YOD NA BDEN PAR YOD MI DGOS TE, GNAS LUGS 'JAL BYED KYI BLO YIN PA'I PHYIR, DPER NA BUM PA'I CHOS NYID BZHIN 'O NA DPYAD BZOD DANG RNYED DON KHYAD MED DAM ZHE NA DON DAM DPYOD PA'I RIGS SHES CHOS CAN, KHYOD KYI RNYED DON DPYAD BZOD MI 'DRA STE, KHYOD KYI DNGOS GZHAL YOD PAS RNYED DON YOD KYANG DPYAD TSE BDEN GRUB MI RNYED BAS DPYAD BZOD

MED PA DE YIN PA'I PHYIR, KHYOD KYIS DPYAD BZOD NA BDEN GRUB TU BZOD BA'AM SDOD DGOS PAR THAL KHYOD BDEN GRUB LA YOD MED DPYOD PA'I RIG PA YIN PA'I PHYIR, RIGS SHES KYI DPYAD BZOD DANG BDEN GRUB SOGS 'DIR RIGS PA'I DGAG BYAR SGRUB PO, ,DE 'GOG BYED KYI GTAN TSIGS 'CHAD PAR, RTAGS DANG SGRUB BYA'I CHOS MTHUN DPE SLA PHYIR, ,PHAL CHER DGAG RTAGS 'GAL ZLA DMIGS 'GOD DPER, ,DBANG PO YIN PHYIR MIG NI DON DAM PAR; ;GZUGS LA MI BLTA RNA DBANG BZHIN SOGS 'GOD, CES BYA BA LA SPYIR SLOB DPON 'DIS KYANG 'BRAS RANG MA DMIGS PA'I RTAGS GSUM SOGS RIGS PA'I DBANG PHYUG PHYOGS GLANG CHOS GRAGS LTAR 'DOD PA NI RANG GZHAN GYI 'DOD PA 'GOG PA'I SKABS SU BSHAD PAS SHES SHING BDEN MED GTAN LA 'BEBS BYED KYI GTZO BO RIGS PA GANG BZHED NA, DGAG RTAGS KYIS 'GOG CING, RTAGS 'GA' ZUNG MA GTOGS PA 'GAL ZLA DMIGS PA NYID KYIS 'GOG STE, DBU MA SNYING PO LAS, 'DIR NI SA LA SOGS PA DAG ,DON DAM PAR NA 'BYUNG BA YI, ,NGO BO NYID MIN BYAS PHYIR DANG, ,RGYU LDAN SOGS PHYIR SHES PA BZHIN, ZHES PA NI DON DAM PAR 'BYUNG BA'I NGO BO NYID MIN TE, BYAS PA'I PHYIR DPER NA SHES PA BZHIN ZHES 'GOD LA CHOS CAN ZHES 'GOD DUS MI SMRA YANG SA NI ZHES DGAR TSIG GIS RTZOD GZHIR GO NUS SO, ,SA NI DON DAM PAR 'BYUNG BA'I NGO BO NYID MIN TE, RGYU DANG LDAN PA'I PHYIR,

, ,DPER NA SHES PA BZHIN DE BZHIN DU CHOS CAN DANG CHOS 'DRA BAR SOGS SGRAS DNGOS PO DANG SHES BYA DANG BRJOD BYA SOGS KYI GTAN TSIGS BSTAN LAS LA SOGS KYI SBRAS CHU DANG ME DANG RLUNG RNAMS RTZOD GZHI BYAS NAS SNGAR LTAR BYA STE, RTAGS SOGS KYI 'DOD TSUL YANG RNAM 'GREL LTAR TE, RTOG GE 'BAR BA LAS, 'DIR SA LA SOGS PA DAG CES BYA BA NI CHOS CAN YIN LA DON DAM PAR 'BYUNG BA'I NGO BO NYID MA YIN ZHES BYA BA NI DE'I CHOS SO; ;CHOS DANG CHOS GZHAN BSDUS PA NI PHYOGS MA YIN TE, RIGS PA MKHAS PA DAG NA RE, GZHAN LA GSAL BAR BYED PA'I PHYIR PHYOGS ZHES BYA'O, ZHES ZER RO, ZHES SO, ,'DIR DGAG RTAGS 'GAL ZLA DMIGS PA 'GOD PA NI DE SGRUB KYI MI MTHUN PHYOGS DANG MI MTHUN DPE MED PA'I PHYIR, CHOS MTHUN SBYOR GYI DPE SGRUB SLA BA'I CHED YIN PA'I PHYIR TE, RTOG GE 'BAR BA LAS, TSUL GSUM PA'I RTAGS LAS 'DIR MI MTHUN PA'I PHYOGS LAS BZLOG PA NYID KYI TSUL MA BSTAN PA NI, 'DIR SMRA BAR 'DOD PA'I TSUL GNYIS KHO NA'I GTAN TSIGS KYI THA SNYAD BYED DO, ,PHYOGS KYI CHOS NI MTHUN PA'I PHYOGS KHO NA LA YOD PAR ZAD KYI DE DANG MI MTHUN PA'I PHYOGS LA NGO BO NYID YOD PA GZHAN RDUL PHRA RAB TZAM YANG MED PAS, MI MTHUN PHYOGS NYID MED PA'I PHYIR, DES NA 'DIR MI MTHUN PA'I PHYOGS LAS LDOG PA'I DPE DANG GTAN TSIGS BSTAN PA MA BYAS SO, ZHES DANG, MTHUN PA'I PHYOGS KYI RJES SU 'GRO BA

BSTAN PA NI, GANG DANG GANG BYAS PA NYID YIN PA DE DANG DE DON DAM PAR 'BYUNG BA'I NGO BO NYID MIN TE, DPER NA SHES PA BZHIN ZHES DANG, DBU MA SNYING PO LAS, SA NI SRA BA'I NGO BO MIN, ,'BYUNG BA NYID PHYIR RLUNG BZHIN NO, ,SA YI LAS NI 'DZIN MA YIN, ,BYAS PA NYID PHYIR CHU BZHIN NO, ZHES DANG, GZUGS NI MIG GIS BZUNG MIN TE, ,'BYUNG LAS GYUR PHYIR RANG GZUGS BZHIN, ,BDE LA SOGS 'BYUNG RGYUD PHYIR DANG, ,BRJOD PA YIN PHYIR RO SOGS BZHIN, ZHES DANG, MIG GI DBANG POS DON DAM DU, ,GZUGS LA LTA BA MA YIN TE, ,SEMS DANG SEMS BYUNG LAS GZHAN PHYIR, ,DPER NA RO YI DBANG PO BZHIN, ,SOGS SMRA STE, DON DAM PAR BYAS PA DANG 'BYUNG BA YIN NA, SRA MI SRA SOGS DBANG PO DANG SGRA SOGS DANG 'DRA DGOS TE, BDEN PAR GRUB NA GNAS LUGS SU GRUB DGOS DER GRUB NA GZHAN LA MI LTOS PA'I RANG DBANG BA YIN DGOS PAS, DE LA KHYAD PAR MI 'DRA BA'I GTAN TSIGS MI RNYED PA'I PHYIR, SNYAM DU MGO MTSUNGS BYED PA 'DI 'PHAGS PA YAB SRAS KYI LAM SROL CHE BA GCIG GO ,GSUM PA RIGS PAS GTAN LA 'BEBS PA'I GZHI BDEN GNYIS NI, SHES BYAR BDEN GNYIS DAM PA ZAG MED BLO, ,DON NI DES RNYED MI SLU'I PHYIR BDEN DE, ,SGRIB PHYIR KUN RDZOB DE NGOR BDEN PAS GZHAN, ,SNANG LTAR DON BYED NUS DANG MI NUS CHOS, ,THA SNYAD BDEN PHYIR KUN RDZOB YANG LOG DBYE, ,DANG PO DNGOS RNAMS GNYIS PA GZUGS BRNYAN SOGS, ZHES BYA BA LA

, ,'DIR BDEN GNYIS BSDUS TZAM DANG THAL 'GYUR BA'I SKABS SU SPROS TE BSHAD PAR BYA ZHING, BDEN GNYIS NI MDO DANG 'PHAGS PA YAB SRAS KYIS GSAL CHER PHYE YANG RTOGS DKA' STE RANG SDE SLOB DPON CHEN PO CHOS SKYONG SOGS KYIS KYANG MA RTOGS PA'I PHYIR TE, YE SHES SNYING PO'I BDEN GNYIS LAS, BDEN PA GNYIS PO RNAM PHYE YANG, ,SHING RTA CHE DAG RMONGS NYID NA, ,GZHAN RNAMS SMOS KYANG CI DGOS TE, ZHES DANG, DE'I RANG 'GREL LAS, BCOM LDAN 'DAS KYIS SKYE BO BLO CHUNG LA PHAN GDAGS PA'I PHYIR, BDEN GNYIS LAN MANG DU RNAM PAR PHYE LA, SLOB DPON KLU SGRUB LA SOGS PAS GSAL BAR MDZAD DU ZIN KYANG RANG GI SDE PA CHEN PO DAG KYANG RMONGS NYID, CES DANG, DE'I 'GREL BSHAD LAS, RANG GI SDE PA NI SLOB DPON CHOS SKYONG LA SOGS PA'O, ZHES SO, ,DBYE GZHI LA SGRO BTAGS MANG YANG SHES BYA LA BYA STE, DON DAM BDEN PA YANG, DBU MA SNYING PO'I 'GREL PA LAS, DON DAM SHES PAR BYA BA YIN PA'I PHYIR, ZHES PA LTAR MNYAM BZHAG YE SHES KYIS SHES PAR BYA BA YIN LA KUN RDZOB NI THA SNYAD PA'I TSAD MAS SHES PAR BYA BA YIN PA'I PHYIR RO, ,DES NA SHES BYA LA BDEN GNYIS SU GRANGS NGES TE, DE LA DE GNYIS DBYER YOD CING, DE GNYIS GANG YANG MIN PA'I PHUNG GSUM DANG GNYIS YIN GYI PHUNG GSUM KHEGS PA'I PHYIR TE, DE GNYIS PHAN TSUN DNGOS 'GAL GYI RIGS PA DANG LUNG GIS SGRUB PA'I

PHYIR; RTAGS KHYAB SLA, DON DAM BDEN PA'I MTSAN NYID DANG SGRA BSHAD NI 'PHAGS PA'I MNYAM BZHAG ZAG MED NI DON GNYIS 'BYUNG BYED YIN PAS NA DAM PA YIN PAR MA ZAD DON DAM DPYOD PA'I RIGS PA YANG DAM PA DE SKYE BA DANG MTHUN PAS DAM PA DANG, DES SGRO SKUR GYI MTHA' BSAL TSUL GYIS RNYED PA'I DON NI DON DAM BDEN PA DE YIN NO ZHES GSUNGS TE, SNGAR DRANGS PA DANG, BDEN GNYIS LAS, GZHAN NI GCIG YIN ZHES DANG, DE'I 'GREL PA LAS, DON DAM PA'I BDEN PA ZHES PA'I THA TSIG GO ,ZHES DANG, RIGS PA JI LTA BA BZHIN NI DON DAM PA'I BDEN PA'O ZHES MI RTOG YE SHES KYI DON DANG, YANG DE NYID LAS, DON DAM PAR BDEN PA NI DON DAM PA'I BDEN PA STE, ZHES DANG, BDEN GNYIS LAS, BSLU BA MED PA'I RIGS PA NI, ,DON DAM YIN TE ZHES DANG, DE'I RANG 'GREL LAS, RIGS PA'I STOBS KYIS DON LA NGES PA NI SLU BAR MI 'GYUR TE, DE'I PHYIR TSUL GSUM PA'I RTAGS KYIS BSKYED PA'I RTOGS PA GANG YIN PA DE NI DAM PA YANG YIN LA DON YANG YIN PAS DON DAM PA'O, ,ZHES RIGS SHES RJES DPAG GI RNYED DON NI DAM PA DANG DON GNYIS KAR YANG BSHAD PAS SO, ,KUN RDZOB KYI SKAD DOD SAM PRITTA NI 'DIR GSUM PAS SGRIB BYED LA BYAS NAS, LANG GSHEGS LAS, RANG BZHIN MED LA 'KHRUL BA GANG, ,DE NI YANG DAG KUN RDZOB 'DOD, CES DANG, DBU MA SNANG BA DANG, BDEN GNYIS LAS, GANG ZHIG GIS SAM GANG ZHIG LA, ,YANG DAG SGRIB BYED KUN

, ,RDZOB BZHED, ,CES GSUNGS PA LTAR YANG DAG PA'I DON LA BLO GANG GIS SAM BLO DE YOD PA LIS SGRIB BAS NA KUN RDZOB STE MA RIG PA DANG, BDEN GNYIS LAS, DES NA 'DI KUN BDEN PA STE, ,DAM PA'I DON DU BDEN PA YIN, ZHES PA LTAR MA RIG PA DE'I NGOR BDEN GYI, DAM PA'I DON DU MI BDEN PAS NA DON DAM BDEN PA LAS NGO BOR BYER MED KYANG LDOG PAS 'GAL BA GZHAN DU BYAS PA'I KUN RDZOB BDEN PA ZHES SGRA BSHAD NI, SHER MDO LAS, RAB 'BYOR PHYIN CI LOG MA GTOGS PAR GANG LA 'JIG RTEN GNAS NAS BYIS PA SO SO SKYE BO RNAMS LAS MNGON PAR 'DU BYED PAR 'GYUR BA'I DNGOS PO BDEN PA NI SKRA'I RTZE MO'I CHA SHAS GZIGS PA'I CHED TZAM YANG MED DO, ZHES GSUNGS LA, MTSAN NYID NI KUN RDZOB TU 'JIG RTEN GYI THA SNYAD PHYIN CI MA LOG PA STE, DE'I YUL THA SNYAD BA'I CHOS NI MTHONG BA'I DON YOD PAS NA KUN RDZOB BDEN PAR BZHAG STE, RTOG GA 'BAR BA LAS; KUN RDZOB CES BYA BA NI GZUGS LA SOGS PA'I DNGOS PO KUN RNAM PAR 'BYED PA'I DON GYIS TE 'JIG RTEN GYI THA SNYAD PHYIN CI MA LOG PA'O, ,DE NYID BDEN PA STE, RNAM PAR BZHAG PA THAMS CAD LA 'GRO BA'I TSAD MA YIN PA'I PHYIR RO, ZHES GSUNGS PA LTAR 'DI'I THA SNYAD LA YUL DANG YUL CAN GNYIS BYA STE, MDO DU MA'I DON YIN TE BLO GROS MI ZAD PA'I MDO LAS, DE LA KUN RDZOB KYI BDEN PA GANG ZHE NA, JI SNYED DU 'JIG RTEN GYI THA

SNYAD GDAGS PA DANG, SHES SO, ,BDEN GNYIS KYI DGOS PA TSOGS GNYIS MTHA' YAS BA BSAGS PA'I CHED DANG, KUN RDZOB MED PAR DON DAM RTOGS MI NUS LA DON DAM MA RTOGS PAR SGRIB GNYIS SPANGS MI NUS PA DANG, DE YANG THAMS CAD MKHYEN PA'I RGYU SA LNGA'I SKABS LTAR LEGS LDAN GYIS BSHAD DO, ,DON DAM GYI DBYE BA THAL RANG 'DRA LA KUN RDZOB BDEN PA LA DBYE TSUL GNYIS TE GCIG NI MED KYANG YOD PAR SGRO BTAGS PA MA YIN PAR BRTEN NAS SKYES PA'I DNGOS PO THAMS CAD YANG DAG KUN RDZOB BDEN PA DANG, YANG DAG PAR SKYE BA SOGS DANG SEMS TZAM PA'I DON DANG GRANGS CAN GYI GTZO BO DANG RGYANG PAN GYI SEMS CAN 'BYUNG BA LAS SKYE BA SOGS SU GRUB MTHA'I DBANG GIS BRTAGS PA'AM BLOS BZOS PA THAMS CAD LOG PA'I KUN RDZOB BDEN PA YIN TE, BDEN GNYIS LAS, BRTAGS PA'I DON GYIS DBEN GYUR BA, ,DNGOS TZAM BRTEN NAS GANG SKYES TE, ,YANG DAG KUN RDZOB SHES PAR BYA, ZHES YANG DAG PA DANG, DE NYID LAS, YANG DAG MIN NI KUN BTAGS YIN, ZHES SO, ,'JOG TSUL GNYIS PA NI RANG SNANG PA'I BLO LA SNANG BA LTAR DON BYED NUS PA'I CHOS YANG DAG KUN RDZOB BDEN PA DANG, DE LTAR MI NUS PA'I CHOS KUN RDZOB PA NI LOG PA'I KUN RDZOB BDEN PA STE, CHU DANG RTA DANG SGRA LA SOGS PA DANG PO DANG SMIG RGYU DANG SGYU MA'I RTA DANG BRAG CHA SOGS GNYIS PAR BSHAD CING, BDEN GNYIS LAS, SNANG DU 'DRA YANG DON BYED DAG ,NUS PA'I PHYIR DANG MI NUS PHYIR, ,YANG

, ,DAG YANG DAG MA YIN PA'I, ,KUN RDZOB KYI NI DBYE BA BYAS, ZHES DANG, RANG 'GREL LAS, YANG KUN RDZOB NI RNAM PA GNYIS TE, ZHES SLAR YANG DBYE BA 'DI BSHAD CING, RNAL 'BYOR SPYOD PA'I DBU MA RANG RGYUD PA RNAM BDEN DANG MTHUN PA DANG MDO SDE SPYOD PA'I DBU MA'I 'DI LTAR SNANG BA LTAR DON BYED NUS KYANG, RNAM RDZUN DANG MTHUN PA DAG GI MI RUNG LA, DBYE BA SNGA MA'I SEMS TZAM GYI DON LOG PA'I KUN RDZOB TU RNAL 'BYOR SPYOD PA'I DBU MA PA GNYIS KYI MI RUNG ZHING, LHAG MA 'DRAL AA BHYA'I LUGS SO SO'I DBANG GIS PHYI DON MED PA DANG KUN GZHI YOD PA'ANG BSHAD KYANG, THUB DGONGS SU PHYI DON MED PA ZLA BA LTAR BKAG CING KUN GZHI YANG MI BZHED PA LEGS LDAN DANG SPYAN RAS GZIGS BRTUL ZHUGS DANG YE SHES SNYING PO RNAMS 'DRA STE, DE YANG DBU MA SNYING PO LAS, RNAM SHES ZHES BYA'I RNAM GRANGS KYIS, ,BDAG NI NGES PAR BSTAN PA YIN, ZHES SOGS KYIS KUN GZHI BKAG LA NYON YID KYANG MED PAR BSHAD 'DOD DE, RNAM PAR SMIN PA DANG, DAR SEMS PA DANG, RNAM PAR RIG PA ZHES BYA BA'I RNAM PAR SHES PA 'GAL BA GSUM MED KYI SEMS KYI GNAS SKABS KYI MING NGE CHAGS PAR BZHED PA'I PHYIR TE; RTOG GE 'BAR BA LAS, RNAM PAR SMIN PA DANG, BAR SEMS PA DANG, RNAM PAR RIG PA ZHES BYA BA RNAM PAR SHES PA GSUM GYUR PA DE BDAG CAG GIS MI 'DOD DO, ,'ON KYANG DE NI SEMS KYI GNAS SKABS KYI KHYAD PAR

YIN PAR 'DOD DO, ZHES GSUNGS PA'I RJES SU 'BRANG BA'O, ,BZHI PA BDEN GNYIS NGES BYED TSAD MA NI, MNGON RJES GNYIS DANG MNGON SUM GSUM BZHI RIM, ZHES PA LA RANG RGYUD PA GNYIS KAS MNGON SUM TSAD MA DANG RJES DPAG TSAD MA GNYIS YUL MNGON LKOG SGO NAS DBU MA SNANG BA DANG RNAM NGES LTAR 'DOD LA RANG SPYIS KYANG RUNG TZAM MO, ,MNGON SUM TSAD MA LA MDE SDE SPYOD PA DBANG MNGON YID MNGON RNAL 'BYOR MNGON SUM GSUM 'DOD CING, RNAL 'BYOR SPYOD PA'I DBU MA BAS DE GSUM DANG RANG RIG MNGON SUM DANG BZHIR 'DOD, GZHAL BYA'I GNAS GSUM SOGS KYANG TSAD CHEN RTZA 'GREL LA BLTAS NA MTHUN NO RGYAS PAR DE SOGS SU LTA'O, ,LNGA PA 'BRAS BU THOB DUS SOGS NI, RIGS DES SGRIB GNYIS ZAD DANG RDZOGS BYANG MNYAM, ,SKU GSUM GSANG GSUM MA 'DRES SUM BRGYA SOGS, ZHES SMRAS TE, DE YANG RNAL 'BYOR SPYOD PA'I DBU MA LTAR NA MNGON PA KUN BTUS LTAR THEG CHEN RIGS NGES KYES CIG CAR NYON MONGS PA DANG SHES BYA'I SGRIB PA SPANGS PA YIN LA, LEGS LDAN YAB SRAS LTAR NA THEG CHEN RIGS NGES KYIS MDO SDES BCU BA LTAR SA BRGYAD BA DGRA BCOM PA BZHIN DU NYON MONGS SA BON DANG BCAS PA SPANGS LA NYON MONGS KYI BAG CHAGS DANG BDEN 'DZIN SKOR PHYI MA GSUM SKAD CIG SBYOR GYI MTHAR RDO RJE LTA BU'I TING NGE 'DZIN GYIS SGRIB GNYIS GTAN ZAD DE KUN RTOG SOGS 'KHRUL BA'I NGAG CHAGS MA LUS PA ZAD PA DANG RDZOGS BYANG THOB PA DANG SKU BZHI

, ,MNGON DU MDZAD PA DUS MNYAM STE, RTOG GE 'BAR PA LAS, BSKAL PA GRANGS MED PA GNYIS PA YONGS SU RDZOGS PA'I SA BRGYAD PA LA NI, ZHES PA NAS, SKYE BA MED BA'I CHOS LA BZOD PA THOB BA DE'I NYON MONGS PA'I SGRIB PA SPANGS PA NI DGRA BCON PA DANG 'DRA BA'I BSEL BAR GYUR CING, ZHES DANG, YANG DE NYID LAS, YANG NA YE SHES SKAD CIG MA ZHES BYA BA'I DE BZHIN GSHEGS PA DES GZUGS LA SOGS PA DE DANG STOBS DANG MI 'JIGS PA DANG, NAS, SKU GSUM NYID KYANG SLOB DPON GYIS RANG GI BSTAN BCOS KYI SKABS SU 'DI SKAD BSHAD DE, 'OG MIN GYI PHO BRANG DU MNGON PAR RDZOGS BAR BYANG CHUB PA'I SEMS KYIS MOD LA DE BZHIN GSHEGS PA'I SKU YE SHES KYI BDAG NYID BSKAL BA BYEB KHRAG KHRIG 'BUM PHRAG GRANGS MED PAR BSOD NAMS DANG YE SHES KYI TSOGS DPAG TU MED PA NYE BAR BSAGS PA LAS NGES PAR 'KHRUNGS PA YID BZHIN GYI NOR BU'I RGYAL PO GZUGS SNA TSOGS CAN LTAR RTOG PA MI MNGA' BA, SPROS BA THAMS CAD DANG BRAL BA SGRIB PA RNAM GNYIS SPANGS BA, SA THAMS CAD LA PHAN GDAGS PA'I PHYIR GNAS 'GYUR BA'I MTSAN NYID KYI GZUGS KYI SKU DANG LHAN CIG NYID DU MNGON BAR 'GRUB PO, ,DE BZHIN GSHEGS PA'I SKU RNAM PAR MI RTOG PA DE LAS GZHAN LA PHAN GDAGS PA SGRUB PA'I TSUL KHRIMS KYIS YONGS SU BSGOS PA'I SNGON GYI SMON LAM GYI SHUGS KYI DBANG GIS SPRUL PAS THAMS

CAD LA PHAN 'DOG PAR BZOD BA 'DZAM GLING BYE BA BRAG BRGYA DAG TU DGA' LDAN GYI PHO BRANG NA BZHUGS BA THOG MAR MDZAD DE, 'PHO BA DANG, LHUMS SU 'JUG PA DANG, LHUM NA BZHUGS PA DANG, BLTAMS PA DANG, GZHON NU ROL PA DANG; BTZUN MO'I 'KHOR GYI NANG NA BZHUGS PA DANG, MNGON BANG 'BYANG BA DANG, DKA' BA SPYOD BA DANG, BYANG CHUB KYI SNYING POR GSHEGS PA DANG, BDUD 'DUL BA DANG, CHOS KYI 'KHOR LO BSKOR BA DANG SOGS SO, ,'DIR KHA CIG 'KHRUL NAS NYAN RANG DGRA BCOM PA DGRA BCOM PA MA YIN PA DANG, DE THEG CHEN LAM LA SA DANG PO NAS 'JUG PA'AM BRGYAD PA NAS ZER BA SOGS BYUNG YANG MI 'THAD DE, 'DIR THEG CHEN LAM LA LTOS NAS SNGAR BSHAD PA LTAR DPAL PHRENG GI MDO DANG GZUNGS RGYAL GYI MDO SOGS LTAR BSHAD LA SHES SGRIB BDEN 'DZIN SPONG BA'I LAM LA LHAG BSAM DAG PA'I SA NAS YIN PA DANG, NYON MONGS PA'I SGRIB PA LA SGRAS BRJOD KYIS 'CHING BA DANG, BAG CHAGS GNYIS BSHAD PA TZAM YIN TE, SHES SGRIB LA BDEN 'DZIN DANG BAG CHAGS GNYIS YOD PA BZHIN DU CHAGS SOGS DE'I BAG CHAGS DGRA BCOM PA LA'ANG YOD PAR BSHAD BA'I PHYIR TE, DBU MA SNYING BO LAS, MI SKYE ZAD PA SHES PA NI, ,JI BZHIN DON KYI DON DAM MIN, ZHES DANG, RTOG GI 'BAR BA LAS, DE LTAR NA YANG NYON MONGS PA MED PA'I SHES BYA'I SGRIB PA SPANGS PA'I PHYIR, SANGS RGYAS RNAMS KYIS BSKUL BA NA, RAB

, ,TU SBYOR BAR BYED DE, DES DANG BOR NI LHAG PA'I BSAM PA DAG PA'I SA NAS NYE BAR BZUNG STE, ZHES DANG, SGRIB PA NI GNYIS TE NYON MONGS PA'I SGRIB PA DANG SHES BYA'I SGRIB PA ZHES BYA'O, ,NYON MONGS PA'I SGRIB PA YANG RNAM PA GNYIS TE, 'CHING BAR BYED BA DANG BAG CHAGS KYI NGO BO'O, ,NAS, DE LA NYAN THOS DANG RANG SANGS RGYAS DAG GIS NI NYON MONGS BA'I 'CHING BA TZAM SPANGS KYI NYON MONGS PA'I BAG CHAG KYANG MIN LA SHES BYA'I SGRIB PA GNYIS KA'I NGO BO NYID KYANG MIN PAS, DE'I PHYIR DGRA BCOM PA NI MYA NGAN LAS 'DAS PA ZHES BYA BA MIN TE SGRIB PA YOD PA'I PHYIR, RGYUN TU ZHUGS PA LA SOGS PA BZHIN NO, ,ZHES SO, ,DES NA SNGAR BSHAD PA LTAR CHOS LONGS SPRUL GSUM STE, DE NYID LAS, 'DIR YE SHES KYI SKU NI CHOS KYI SKUR BZHED DO, ,SHES RAB KYI PHA ROL TU PHYIN PA CHEN MOS, DE BZHIN GSHEGS PA DE LA CHOS KYI SKU DANG GZUGS KYI SKU DANG; YE SHES KYI SKU LTAR 'DOD PA SOGS DANG, GSUNG DBYANGS YAN LAG DRUG CU DANG LDAN PA NAS, YE SHES DANG GZUGS DANG GSUNG GI SKU GSUM PO DE NI SDOM PA GSUM LAS NGES PAR 'KHRUNGS PA, LUS DANG NGAG DANG SEMS GNAS GYUR BA'I NGO BO NYID YIN NO, ,ZHES PAS SGO GSUM GNAS GYUR BA'I GSANG GSUM GSANG BA BSAM GYIS MI KHYAB PAR BSHAD BA LTA BU DANG, YANG CHOS SKU NI DBU MA SNYING BO LAS, PHRA BAM YIN CHEN PO MIN,,

GCIG MIN RING MIN NYE BA'ANG MIN, ZHES SOGS KYIS BSHAD, GDUL BYA JI BZHIN SPRUL PA YIS, ,SBRUL BA YIS NI PHYOGS BKOD NAS, SOGS KYIS SBRUL SKU DANG, DBANG PO CHEN PO'I GZHU 'DRA BA, 'DO MA GANG 'OD KYIS KUN NAS SKOR, ZHES SOGS KYIS LONGS SKU LA GNAS PHO BRANG THAMS CAD RGYAS PAR BSHAD CING, DER MDO DRANGS PA LAS, SANGS RGYAS BCOM LDAN 'DAS KYI SKU MTHA' DANG DBUS MED PA YONGS SU DAG PA, ZHES PA NAS, DE BZHIN GSHEGS PA MYUR DU MTHONG BA'I CHOS BCU DANG, SANGS RGYAS KYI TING NGE 'DZIN BCU DANG, DE BZHIN GSHEGS PA'I RNAM PAR DAG PA BCU DANG, THAMS CAD MKHYEN PA'I GNAS PA BCU DANG, SANGS RGYAS KYI RNAM PAR THAR BA BCU STE, SANGS RGYAS KYI CHOS MA 'DRES PA SUM BRGYA BO 'DI DAG NI, DE BZHIN GSHEGS PA BCU BA'I MDO LAS BSTAN TE ZHES SOGS SO, ,DRUG PA DE THOB BYED LAM KHYAD NI, DUG GSUM NYON SGRIB SHES SGRIB BDEN 'DZIN SKOR; ;NYAN RANG LAM MTHUN KHYAD PAR DUS 'BRAS KYIS, ZHES PA'I NYAN RANG GI BSGOM BYA'I BDAG MED GCIG PA'I LAM MTHUN LA DE GNYIS KYIS KHYAD PAR DUS DANG, 'BRAS BU'I SGO NAS 'JOG STE, RANG RGYAL LAS SDE LTAR LAM GYI KHYAD PAR LDA BSHAD LA LHAG MA NI GO BAR ZAD DO, ,GNYIS PA RNAL 'BYOR SPYOD PA'I DBU MA PA LA DBYE BA DANG, DRANG NGES DANG 'KHOR LO GSUM GYI 'DOD TSUL DANG, DGAG BYA 'GOG PA'I RIGS PA DANG, LAM

, ,SOGS KYI KHYAD PAR BZHI, DANG PO LA, DBYE BA DANG, SO SOR BSHAD PA GNYIS, DANG PO NI, RANG RGYUD GNYIS PAR RNAM BDEN RDZUN MTHUN GNYIS, ZHES PA NI, SNGAR RNAM BDEN RDZUN GYI SHES BYED DRANGS PA LTAR RNAM BDEN RDZUN MDO DU MA'I DGONGS PAR GRUB CING, LANG GSHEGS LAS, RGYUD SMIN RJES SU PHYI ROL BDEN MED DANG, DE NAS SEMS KYANG BDEN MED LA 'JUG PAR BSHAD PA LTAR ZLA BAS BKRAL BA MTHONG NAS ZHI 'TSO SOGS RNAL 'BYOR SPYOD PA'I DBU MA LA YANG DBYE NA RNAM BDEN LTAR GYI SEMS KYI RNAM PA 'DOD PA'I DBU MA PA DANG RNAM RDZUN LTAR SEMS KYI SNGO SOGS RNAMS SNANG LTAR MA GRUB PAR 'DOD PA'I DBU MA PA GNYIS YOD DE, MEE TRI PA'I DE NYID BCU PA LAS, DE BZHIN NYID NI SHES 'DOD PAS, ,RNAM BCAS MA YIN RNAM MED MIN, ZHES DANG, DE'I 'GREL PAR PAn CHEN LHAN SKYES RDO RJES, YANG NA, RNAM BCAS MA YIN RNAM MED YIN, ZHES PA NI, RNAM PA DANG BCAS PA'I DBUM PA DANG RNAM PA MED PA'I DBU MA GSAL BAR BYA BA'I GTZO BO 'DI DAG GO ,ZHES SO, ,GNYIS PA DBYE BA SO SOR BSHAD PA LA RNAM BDEN DBU MA DANG, RNAM RDZUN DBU MA BSHAD PA GNYIS, DANG PO NI, DANG PO ZHI 'TSO YAB SRAS RNAM PA DNGOS, ZHES PA NI, LEGS BSHAD SNYING PO LAS, LUGS 'DIS SNGO SER LA SOGS PA'I RNAM PA DNGOS POR 'DOD DE, CHOS KYI GRAGS PA'I BZHED PA YANG DE LTAR 'GREL LA THA SNYAD DU RNAM

BDEN PA LTAR 'DOD PA'I DBU MA PA'O, ZHES GSUNGS PA LTAR YIN TE, SNGO SER SNANG BA'I RNAM PA NI SHES PA'I MNGON SUM TSAD MA'I MYONG BYA YIN PA'I SNANG LTAR GRUB PA'I YANG DAG KUN RDZOB THA SNYAD DU DANG MA BRTAGS MA DPYAD PA'I BLO DOR NYAMS DGA' DGA' LTAR TZAM DU GRUB PAR 'DOD PA'I PHYIR TE, DE NYID BCU PA'I 'GREL PA LAS, GANG GI PHYIR DE SKAD DU ZHIB 'TSO'I ZHAL SNGA NAS LA SOGS PA RNAM PA DANG BCAS PA'I DBU MA NYID DU KHAS LEN PAR BYED DE, DE SKAD DU, BDAG DANG GZHAN SMRAS NGO BO YI, ZHES PA NAS, THEG PA CHEN PO BA NYID 'THOB, CES PA'I BAR DRANGS LA, DE DAG GI NANG NAS, DBU MA RGYAN LAS, MA BRTAGS GCIG PU NYAMS DGA' BA'I, ,SKYE DANG 'JIG PA'I CHOS CAN PA, ,DON BYED PA DAG NUS RNAMS KYIS, ,RANG BZHIN KUN RDZOB PA YIN RTOGS ZHES DANG, DE'I 'GREL PA LAS, KUN RDZOB 'DI NI SGRA'I THA SNYAD TZAM GYI BDAG NYID MA YIN GYI MTHONG BA DANG 'DOD PA'I DNGOS PO RTEN CING 'BREL BAR 'BYUNG BA KHO NA NGAG NI BRTAGS MI BZOD PAS YANG DAG PA'I KUN RDZOB STE SOGS KYIS SGRA'I THA SNYAD BTAGS TZAM MA YIN PA'I YANG DAG KUN RDZOB BSTAN, DBU MA RGYAN LAS, RGYU DANG 'BRAS BUR GYUR PA YANG, , SHES PA 'BA' ZHIG KHO NA STE, ,RANG GIS GRUB PA GANG YIN PA, ,DE NI SHES PAR GNAS PA YIN, ZHES DANG, 'GREL PAR, RANG GIS GRUB PA'I NGO BO NI SHES PA'I NGO BO GZHAN RTOGS PA MED DO, ZHES PA NAS, DE LTA BAS

, ,NA DE DAG MYONG PA NI THA DAD PA MIN PA'I SNGON PO LA SOGS PA'I RNAM BA MYONG BA STE, ZHES GSUNGS PA LTA BUS BSTAN CING DE LTAR DU SGOM RIM GSUM DANG DBU MA SNANG BA SOGS LAS KYANG BSHAD PAS KA MA LA SH'I LA DANG 'PHAGS GROL SOGS KYANG RNAM BDEN LTAR GYI DBU MA PA'O, ,GNYIS PA NI, GNYIS PA RNAM PA DNGOS MED SENG GE BZANG, ,RNAM RDZUN DRI BCAS DANG MTHUN DZE T'A RI, ,RNAM RDZUN DRI MED DANG MTHUN KAMBA LA, , ZHES SMRAS TE, RNAM RDZUN DANG MTHUN PA'I DBU MA PA'I SLOB DPON CHEN PO GSUM STE, SLOB DPON SENG GE BZANG PO DANG DZE T'A RI DANG LVA BA BA'O, ,'GREL CHUNG DON GSAL LAS, MKHAN PO YANG DAG RNAM SNANG MDZAD, ,BLA MA BZANG LA PHYAG 'TSAL NAS, ,CHIG LE'UR BYAS PA'I 'GREL GSAL BA, ,'DI NI SENG GE BZANG POS BYAS, ZHES PA LTAR SLOB DPON SENG BZANG ZHI MTSO'I RJES 'BRANG CHEN PO YIN KYANG RNAM RDZUN DANG MTHUN TE, SKABS LNGA BA'I 'GREL BA LAS, GZUNG BA MED NA 'DZIN PA MED DO SNYAM DU NGES PAR SEMS PAS 'DZIN PA'I RNAM PA'I MTSAN NYID RNAM PAR RIG PA TZAM DE YANG BSAL TE GNYIS SU MED PA'I YE SHES 'BA' ZHIG 'DI YANG DAG PAR YOD PA'I NGO BO YIN NO SNYAM DU NGES PAR BYAS NAS, ZHES DANG, RNAM BSHAD LAS, 'DZIN PA'I RNAM PA'I MTSAN NYID RNAM PAR RIG PA MA 'KHRUL BAR 'DZIN PA TZAM DE YANG BSAL TE, ZHES BSHAD CING SLOB DPON 'DI'I

SKABS 'GA' ZHIG LA DPAG NA, RGYUD BLA DANG THEG BSDUS LAS, CHU KHAMS GSER DANG NAM MKHA' BZHIN, ,DAG PA BZHIN DU DAG PAR 'DOD, CES PA LTAR DRI MA SEMS KYI RANG BZHIN LAM ZHUGS KYANG CHU'I NGO BO SNYOG PAS SLAD PA LTAR SEMS KYI KUN RDZOB PA'I NGO BO DRI MAS SLAD PAR BZHED PAR MNGON PAS RNAM RDZUN DRI BCAS STAR 'DOD PA'I DBU MA PAR BYA LA, GANG DAG LTAG TSANGS PA NA RE, 'GREL CHUNG LAS, GNYIS SU MED PA'I YE SHES 'BA' ZHIG 'DI YANG DAG PAR YOD PA'I NGO BO YIN NO SNYAM DU NGES PAR BYAS NAS, DE YANG RTEN CING 'BYUNG BA YIN PA'I PHYIR SGYU MA BZHIN DU NGO BO NYID MED PA STE ZHES PAS 'PHAGS SENG SOGS KYI MNYAM BZHAG DON DAM RIGS SHES KYIS SGYU MA LTA BU GRUB PAR 'DOD PA NI SHIN TU 'KHRUL TE, RNAM PAR RIG PA TZAM DE YANG BSAL TE YAN CHAD KYIS SEMS KYI BDAG NYID DE MNYAM BZHAG MA 'KHRUL BA'I YUL YIN PA BSAL CING, GNYIS SU MED NAS, NGES PAR BYAS NAS YAN CHAD KYIS DNGOS SMRA'I GNYIS MED YE SHES BDEN GRUB 'DOD PA BSHAD NAS, RTEN CING 'BREL BA SOGS KYIS RTAN 'BREL GYI RTAGS KYIS DE SGYU MA LTA BUR BDEN MED DU BSHAD PAS NA DE LTAR 'DOD PA NI LO CHEN BLO LDAN SHES RAB KYIS GSUNGS PA LTAR RMONGS PA NGO MTSAR SKYED PA MIN NAM, GZHAN YANG, MEE TRI BA DANG DE GNYIS KYIS SGYU MA RIGS GRUB PA'I MING BTAGS PA'I DON YANG MNYAM BZHAG GI YUL LA SGYU MA LTA BU 'JOG

, ,PAR MI 'GRUB STE, THA SNYAD YANG DAG THAMS CAD KYANG RIGS GRUB DANG 'THAD LDAN YIN PAR BSHAD ZIN PA'I PHYIR, SLOB DPON SANGS RGYAS YE SHES KYANG SKU TSONG STONG SMAD MI 'BYED PAR RANG RGYUD PAR BYED BA YANG HAM TSOD YIN TE, SKU TSE'I STOD LA SENG BZANG GI LUGS 'DZIN KYANG, SMAD LA GNAS LUGS CHEN PO RNYED PAR RANG NYID KYIS GSUNGS PA'I PHYIR TE, ZHAL LUNG LAS, DBUS KYI YUL CHEN KHA BIR GRONG KHYER DHO 'JOG TU, ,BZANG PO SENG GE ZHES BYA GRAGS PA RAB THOB PA, ,BLA MA DE NI MNYES BYAS LUNG THOB GZHUNG MANG THOS, ,DE LA RNAM DPYAD RIG 'BYUNG SHI LEN NA LEN TRAR, ,YON TAN BSHES GNYEN ZHES BYA RIGS CAN DE YI NGOR, , BLUN BLOS RAB TU BYED PA PHYOGS 'GA' RTZOM BYED PA'I, ,BROD PAS ZHES DANG, RDO RJE GDAN RGYAB KU BA TZVA ZHES BYA BA'I TSAL, ,STAG DANG DRED SOGS MANG ZHING SHIN TU 'JIGS PA'I SAR, ,ZLA BA DRUG GNAS PA YIS CHOS RNAMS DE NYID RTOGS, ZHES GSUNGS PA'I PHYIR TE, DON ME TRI BA SOGS KYIS BDEN GNYIS LAS, RNAM RDZUN PA DANG SGO BSTUN PA LA GNYIS LAS, DRI MA DANG BCAS PAR 'DOD PA NI SLOB DPON DZE [?] T'A RI STE KUN RDZOB DE LTAR 'DOD PA'O, ,DRI MA MED PA DANG SGO BSTUN PA NI KAM PA LA'O, ZHES GSUNGS PA LTAR DZE TA RGYAL BA AA RING GRA SDE SLOB DPON DGRA LAS RGYAL BA NI, BDER GSHEGS GZHUNG GI RANG 'GREL LAS, 'DI LAS KYANG DBU MA PA YIN TE,

SNA TSOGS SNANG CAN DON RNAMS LA, ,GAL TE GCIG NYID MI RIGS NA, ZHES SOGS RNAM RDZUN PA'I, RNAM 'GREL GYI GZHUNG DRANGS TE, YANG DE NYID LAS, DE LTAR NA BCOM LDAN 'DAS KYI LUNG LAS KHONG DU CHUD CING TSAD MAS YONGS SU DAG PA 'PHAGS PA KLU SGRUB KYI ZHAL SNGA NAS GSAL BAR MDZAD PA SLOB DPON CHOS KYI GRAGS PA'I ZHAL SNGA NAS BZHED PA'I DBU MA'I DE KHO NA NYID 'DI BLO DANG LDAN PA RNAMS KYIS KHAS BLANGS PA DANG GOMS PAR BYA BAR 'OS PA YIN TE, ZHES GSUNGS PAS GRUB LA DRI BCAS SNGAR LTAR DANG, KAM PA LA NI LPA BA PA'I MING STE, LEGS BSHAD SNYING PO LAS, THA SNYAD DU SNGO SER LA SOGS PA'I RNAM PA RNAMS DNGOS POR MED PA RNAM RDZUN PA LTAR 'DOD PA'I DBU MA PA NI SLOB DPON WA BA BAS BKRAL BA LTAR YIN NO, ZHES PAntI TA LHAN CIG SKYES PA'I RDO RJES BSHAD DO, ,ZHES PA LTAR YIN TE, RNAM BA RDZUN TSUL DANG DRI MA MED TSUL NI, DE NYID BCU PA'I 'GREL BA LAS; RNAM PA MED PA'I DBU MA YANG LBA BA'I NA BZA' CAN LA SOGS PAS KHAS LEN TE, DE SKAD DU NGE YIS, NYER LEN LAS SKYES DRI MA YIS, ,BDAG NYED DBYER MED PA BSGRIB STE, ,BLO NI SHEL SGONG RNAM PA LTAR, ,GZHAN GYI GZUGS SU SNANG BA YIN, ,JI LTAR SHIN TU MKHAS PA YIS, ,DE LTAR 'DI NYID GNYIS SU SNANG, ,SEMS KYI RNAM PA 'KHRUL PA'I PHYIR, ,GZUNG DANG 'DZIN PA THA DAD NGO ZHES PA NAS, SGYU MA'I RNAM PA 'KHRUL BYED DE, ,GLANG

, ,CHEN DON DANG DER SNANG BA, ,MKHAS BA LA NI DE DNGOS MED, CES LVA BA PAS MDZAD PA'I PHA ROL TU PHYIN BA'I TSUL DGU PA'I LUNG DRANGS SO, ,RGYAS PAR DE RTZA 'GREL DU LTA'O, ,GNYIS PA DRANG NGES DANG 'KHOR LO GSUM GYI KHYAD PAR NI, 'BUM SOGS NGES DON DON DAM MA SBYAR MDO, ,GNYIS PAR MTSUNGS KYANG DRANG DON DGONGS 'BREL LUGS, ,MTSAN NYID GSUM GYI TSUL 'DRA PHYI DON MED, ,RGYAN STUG DGONGS 'GREL LANG GSHEGS MDO SOGS DON; ;GTZO PHAL CHA GNYIS RIM BZHIN DBU SEMS LUGS, ZHES SMRAS TE, 'DIR SLOB DBON LEGS LDAN SOGS DRANG NGES BSHAD TSUL NI, LEGS BSHAD SNYING BOR DGONGS 'GREL LAS MTSAN NYID GSUM GSUNGS PA'I DON RNAL 'BYOR SBYONG BA BDAG GIS JI LTAR BKRAL BA MDO'I DON MIN PAR DBU MA'I DON DU 'GREL BA'I LAM SROL 'DI NI LEGS LDAN 'BYED KYIS PHYE BA ZHIB TU NI DBUM SNANG BA LAS BSHAD DE TSUL GNYIS KYI MDO'I 'GREL TSUL ZHIB TU SHES NA SHING RTA CHEN BO RNAMS KYI RIGS PA'I RNAM 'GYUR DANG GSUNG RAB 'GREL TSUL DU MA ZHIG SHES SO, ZHES BKA' STZAL BA LTAR GON RGYAL PA'I GSUNG RAB YIN NO COG GI DRANG NGES 'BYED TSUL DANG, LUNG RIGS KYI GNOD MI GNOD KYIS MTSAMS LEGS PAR PHYED NAS NGES DON LA GZHAN GYI BKRI BAR MI NUS SHING GSUNG RABS THAMS CAD GDAMS BAR 'CHAR ZHING MDO SNGAGS GANG GI DON 'GREL YANG 'JIGS PA MED PA'I SBOBS BA ZHIG YOD LA BZLOG NAS SHING RTA CHEN BO RNAM GNYIS

KYIS DNGOS SU BYAMS 'JAM DBYANGS BRTEN NAS 'GREL BYED GZHAN LAM BRTEN PAR MGO BAR GZHUNG CHEN PO LA MA BRTEN PA 'AM BRTEN KYANG ZHI BA TU MA SBYANGS BAR BOD DAG BZHIN RANG LUGS RE BZHAG CING, SNGAR LTAR 'KHOR BA GSUM DANG, THAMS CAD MKHYEN PA MED BA DANG, LUGS MED DANG GZHAN STONG SOGS LUNG RIGS LTAR SNANG DANG SPYAR TE 'CHAD PA NI LONG BAS RANG NYID NYAM NGA BA LA BGROD 'DOD LTAR YIN PA'I PHYIR TE, LEGS BSHAD SNYING PO LAS, DE LTAR SNGAR BSHAD PA'I GSUNG RAB KYI DRANG DES PHYE NAS DE KHO NA NYID GTAN LA 'BEBS PA'I SHING RTA'I SROL GNYIS PO 'DI NI NAS, GSANG SNGAGS KYI GZHUNG 'GREL BA'I BA ntI TA DANG GRUB THOB RNAMS KYIS KYANG DE GNYIS GANG RUNG GCIG DANG MTHUN PAR DE KHO NA NYID KYI DON GTAN LA 'BEBS PA LAS GZHAN PA'I PHUNG GSUM MED PAS, TSUL 'DI NI GSUNG RAB MDO SNGAGS MTHA' DAG GI DE KHO NA NYID GTAN LA 'BEBS PA'I LAM DU SHES PAR BYA'O, ,DE'I PHYIR TSUL GNYIS KYI SHING RTA CHEN PO'I PHROL LA MI BRTEN PAR DE KHO NA NYID 'TSOL BA NI LONG KHRID MED PA'I LONG BA NYAM NGA PA'I PHYOGS SU RGYUG PA DANG 'DRA LA, ZHES SOGS BKA' STZAL TO, ,DE'I PHYIR SLOB DPON LEGS LDAN GYIS, DBU MA SNYING PO'I LE'U LNGA PA LAS; ;MED PA'I DNGOS PO BDAG MED PA, SOGS DANG, DE'I 'GREL BAR RTOG GE 'BAR BA LAS, THEG PA CHEN BA'I DON GYI LUGS GZHAN DU 'DREN PAR BYED CING, NGO TSA DANG KHREL MED PA DON RNAM PAR MI SHES BZHIN DU RNAM PAR SHES SHING

, ,MKHAS PA RANG RGYAL BYED PA DAG 'DI SKAD SMRAS TE ZHES PA NAS, ZHES BYA BA 'DI LTA BU NI RNAL 'BYOR SPYOD PA BA RNAMS KYIS BSKYED PA'I PHYOGS SNGA MA YIN NO, ,ZHES PA SEMS TZAM PA'I MTSAN NYID GSUM DANG RNAM SHES BRGYAD SOGS LUGS RGYAS PAR BKOD NAS, DBU MA SNYING PO LAS, DE LA BRJOD BYA SLU MED PA'I, DE LA BRJOD BYA SLU MED PA'I, ZHES SOGS DANG, DE'I 'GREL BAR RTOG GE 'BAR BA LAS, BDE BAR GSHEGS PA'I GSUNG RAB THAMS CAD NI BDAG CAG LA TSAD MAR GYUR PA YIN TE, BDEN PAR GZIGS NAS DE SKAD GSUNGS PA YIN PA'I PHYIR, ZHES SOGS SO, LNGA BA RIL GYI SEMS TZAM BA'I MTSAN NYID GSUM DANG, MDO'I DON BSHAD TSUL DANG, TSAD MA DANG, SPYI LDOG DANG RDZAS BTAGS DANG SGOM LUGS DANG GROL LUGS MTHA' DAG BKAG LA SHER SGRON LAS KYANG CI RIGS SNGAR LTAR BSHAD BAS DNGOS SMRA'I MTSAN NYID MO PA'I [?] DGONGS DON MIN PAR DBU MA'I DON DU MDO DON SROL 'BYED THOG MA BYAS SHING, DE DAG RE RE NAS LUNG RIGS KYIS ZHIB PAR DE LTAR DU NI KAM LA SH'I LAS BSHAD DE, DBU MA SNANG BA LAS 'DI NI KHA CIG DON DAM PA ZAB MO'I RGYA MTSO'I GTID MI DBOGS NAS, ZHES PA NAS, ZHES ZER TE PHYOGS SNGA MA YIN NO, ,ZHES BA'I SEMS TZAM PAS BRGAL BA STONG SOGS MDZAD NAS, YANG DE NYID LAS, DE LTA BAS NA 'DI LA LAN GDAB PAR BYA STE, ZHES PA NAS, BLO GROS CHEN PO 'DI NI NYAN THOS KYI THEG PA ZHES SOGS MTHAR THUG THEG PA GCIG SGRUB PA

YAN CHAD KYI DE RE RE'I LAN RGYAS PAR BSHAD PAS BLO GROS YOD NA DE GNYIS LA BLTA DGOS LA DE YANG RJE RIN PO CHE'I DBYANG LUGS 'DIS DBYANG NA GO SLAB GCIG YOD PAS LDE MIG MED PAR SGO LCAGS 'BYED PA'I DAL BA MKHAS PAS MI BYA LA RANG RGYUD PA'I SLOB DPON RNAMS KYIS DRANG NGES JI LTAR 'BYED STA MAN PHYI DON YOD MED SKOR SOGS RE RE TZAM MA GTOGS 'DI LTAR YIN TE, BLO GROS MI ZAD PA LAS, NGES PA'I DON GYI MDO SDE LA RTON GYI DRANG BA'I DON GYI MDO LA MI RTON PA DANG, ZHES GSUNGS PA LTAR BRTEN DGOS SHING, NGES DON GANG YIN ZHEN, DON DAM PA'I DBANG DU BYAS NAS DNGOS SU STON PA GCIG DGOS TE, DON DAM LA SGRUB BYED TSAD MA YOD PAS GZHAN DU DRANG MI RUNG BZLOG PA DON DAM PAR SKYE PA SOGS LA TSAD MA MED PA'I PHYIR, DBU MA SNANG BA LAS NGES PA'I DON KYANG GANG LA BYA ZHE NA, TSAD MA DANG BCAS PA DANG DON DAM PA'I DBANG DU MDZAD NAS BSHAD PA GANG YIN PA STE, DE NI DE LAS LOGS SHIG GZHAN GYIS GANG DU YANG DRANG PAR MI NUS PA'I PHYIR RO, ,CHOS THAMS CAD MI SKYE BA TSAD MAS YANG DAG PAR GRUB STE, DE NYID KYI PHYIR DE NI RIGS PA DANG LDAN PA NYID KYIS DON DAM PA ZHES BYA'O, ,CHOS YANG DAG PAR SDUD PA LAS, MI SKYE BA NI BDEN NO, ,SKYE BA LA SOGS PA'I CHOS GZHAN NI MI BDEN TE BRDZUN PA SLU PA'I CHOS CAN NO, ,ZHES DANG, BDEN GNYIS BSTAN PA'I MDO LAS 'KHOR 'DAS GANG LA BDEN PAR MED PA LA KHYAD MED BAR GSUNGS PA DRANGS TE, DNGOS SMRAS MTSAN NYID GSUM LA BDEN PAR GRUB

, ,MA GRUB PHYE BA 'GOG PAR BZHED NAS DE LTAR GSUNGS SO, ,DES NA DON DAM BDEN BA DNGOS SU STON PA NGES DON DANG, SGRA JI BZHIN PA YIN KYANG SKYE BA SOGS KUN RDZOB DNGOS SU STON PA DRANG DON DANG, 'BUM LAS GZUGS 'JIG RTEN THA SNYAD DU YOD KYANG DON DAM PAR GNYIS SU MED PA SOGS DGAG BYA LA DON DAM DNGOS SU SBYAR BA DANG DNGOS SUM SBYAR YANG DON GYIS SBYAR BA RNAMS NGES DON DANG, SHER SNYING DANG, RDOR GCOD LAS, DE'I TSE CHOS KYANG SPANGS NA CHOS MA YIN BA LTA CI SMOS, ZHES DANG, DKON BRTZEGS LAS, GANG DE BZHIN GSHEGS PA MNGON PAR RDZOGS BAR SANGS RGYAS PA'I NUB MO NAS MYANG NA LAS 'DAS PA'I BAR DU TSIG GCIG KYANG MA GSUNGS ZHES PA LTA BU RNAMS DRANG DON DANG DGONGS 'GREL GYI 'KHOR LO BAR BA'I MTSAN GZHI TZAM YIN, 'KHOR LO BAR THA GNYIS BRJOD BYA GANG LA BRTZAMS DANG DGONGS PA GCIG KYANG BAR BAL DON DAM SOGS KYI KHYAD PAR DNGOS SU SBYAR BA DANG, SHUGS LA SBYAR BA DANG, MA SBYAR BA GSUM YOD PA'I DANG PO GNYIS KYIS DGONGS PA BSHAD KYANG NGES DON DU 'GREL BA NI, DBU MA SNANG BA LAS, KHA CIG LAS CHOS THAMS CAD NGO BO NYID MED PA MA SKYES BA, ZHES SOGS GSUNGS PA NI DRANG DON YIN TE, DGONGS 'GREL LA SOGS PA LAS MDO'I DON GYI DGONGS PA BSTAN TO, ZHES BRTZAD PA'I LAN DU, DE NYID LAS, DE'I PHYIR DGONGS PA BSTAN PA YANG NGAS PA'I DON NYID DU 'GAL BAR MI BYED DO, ZHES PAS BSHAD LA 'O NA DGONGS 'GREL LAS

'KHOR LO BAR BA SOGS SU BSHAD PA'I MTSAN GZHIR GANG 'DZIN SNYAM NA, DE'I MTSAN GZHIR SHER SNYING DANG RDOR GCOD KYI TSIG DE DANG, DKON BRTZEGS KYI DE LTA BU SOGS DGAG BYA LA KHYAD PAR MA SBYAR BDAG 'DZIN TE, DE DAG GI DGOS PA NGES DON DU SGRUB PA DANG MI SKYE BA SOGS MTHONG BA CHOS GSUNGS BA MTHONG BA SOGS KYI MNGON SUM DANG RIGS PA DANG 'GAL BA [?] SPANGS PA'I CHED DU DANG SGRAS ZIN LTAR 'DZIN BA BSAL BA'I CHED DU DGONGS 'GREL GYI DGONGS PA BDAG MED LA DGONGS PA DANG DRANG DON DANG BLA NA MCHIS PA SOGS BSHAD PA'I PHYIR TE, DE NYID LAS, DE NYID KYI PHYIR SKYE BA MED BA LA SOGS PA BSTAN PA NGES PA'I DON NYID DU SGRUB PA'I PHYIR DANG, MTHONG BA LA SOGS PA DANG 'GAL PA SPANGS PA'I PHYIR DANG, SGRA JI BZHIN DU DOGS PA BSAL BA'I PHYIR, 'PHAGS PA DGONGS PA NGES BAR 'GREL PA DE NYID LAS DON DAM YANG DAG 'PHAGS NGAS DON DAM BA'I NGO BO NYID MED BA CHOS BDAG MED PAS RAB TU PHYE BA LAS KYANG DGONGS TE, CHOS THAMS CAD MA SKYES PA DANG, ZHES SOGS DRANGS SO DES NA MTSAN NYID GSUM GYI SGRA BSHAD SOGS TSUL 'DRA BA LAS LEGS LDAN GYIS SEMS LAS NGO BO THA DAD BA'I CHOS KUN MED NA SHES BYA LA SKUR 'DEBS CHEN PO STE KHAMS BCO BRGYAD KYI DRUG LTA BU MIN BA'I KHAMS BCU GNYIS MED DGOS PA BZHIN DU SHES BYA'I SUM GNYIS DNGOS SU MED PAR KHAS BLANGS LA YUL MED NA YUL CAN KYANG MED DGOS PAS DON GYIS SHES BYA THAMS CAD LA SKUR 'DEBS 'DI 'DRA MDO GANG GI DON MIN SNYAM BAR MNGON LA, 'DI

, ,DAG RNAMS KYIS SEMS DANG NGO BO THA DAD PA'I DON BKAG KYANG, KHAMS BCO BRGYAD SOGS MI 'GAL BAR BSHAD 'DUG PA LTAR YIN PAS, DGONGS 'GREL DANG, LANG GSHEGS, BLO GROS MI ZAD PA DANG, CHOS YANG DAG BGROD PA'AM SDUD PA STE, 'DI'I SKAD DONG [?] SAM G'I TI BSDUS PA LA YANG 'JUG LA YANG SA MA YANG DAG DANG KUN TU DANG G'I RTI ZHES BYAS NA 'GRO BA DANG MA BYAS NA SMRA BA DANG G'I TI GLU SOGS LA 'JUG PAS SANGS RGYAS DANG BYAMS 'JAM DBYANGS SPYAN RAS GZIGS SOGS RGYAL SRAS DANG, MCHOG ZUNG 'OD SRUNG RAB 'BYOR SOGS MANG PO RNAMS KYIS DRI BA DANG LAN DANG RANG RANG RTOGS PA BRJOD NAS STON PA'I GSUNG RAB MANG PO'I DGONGS PA BKRAL BAS MTSAN DE LTAR BYED PA DANG, RGYAN STUG BA [?] KONG [?] DANG 'OD SRUNG LE'U DANG, MDO TING NGE 'DZIN GYI RGYAL PO DANG, DKON MCHOG 'BYUNG GNAS KYI MDO LTA BU RNAMS NI 'DI BAS DGONGS 'GREL LAS BSHAD PA'I 'KHOR LO THA MA LEGS PHYE DANG, 'KHOR LO BAR BA LA CHA PHYE NAS DON DAM KHYAD PAR SBYAR BA NGES DON DANG MA SBYAR BA SGRA JI BZHIN BA MIN KYANG NGES DON BSHAD BYED YIN LA, BDEN MED KYI DBANG DU BYAS PA'I MTSAN NYID GSUM YOD MED SO SOR GTZO BOR STON CING, CHOS THAMS CAD CIG CAR DU BDEN MED BSHAD RTOGS MI NUS BA'I GDUL BYA PHAL BA SEMS TZAM GYIS MTSAN NYID GSUM BSTAN CING GDUL BYA'I DON ZHAR BYUNG DU SHER MDOS YANG BSTAN LA LEGS PHYE'I MDO DAG GIS KYANG DE LTAR BKRAL BAR 'DOD PA'I PHYIR TE, DBU MA SNANG BA LAS, 'O NA, DE NYID LAS

DON YOD MA YIN SEMS NYID DU, ,NAS 'DI YANG JI LTAR DRANGS DE BZHIN DU 'PHAGS PA DGONGS 'GREL DANG 'PHAGS PA STUG PO BKOD PA LA SOGS PA LAS CHOS THAMS CAD SEMS TZAM GYI LUGS NYID DU BSTAN PA'I PHYIR ZHES SOGS KYIS BRTZAD PA'I LAN DU MDO DE DAG GIS SEMS YOD PAR BSHAD PA BZHIN DU PHYI'I GZUGS KYANG LAN DU MAR BSHAD PAS PHYI'I GZUGS KYANG DON DAM PAR YOD PAR CI'I PHYIR MI BZUNG, DE DON DAM BAR YOD PA LA TSAD MAS GNOD SNYAM NA SEMS LA YANG MTSUNGS LA DES NA SEMS TZAM BSTAN PA NI SNGAR LTAR PHAL BA'I DON DU YIN TE, DBU MA SNANG BA LAS, DE MDO GZHAN LAS KYANG NGO BO NYID MED PA NYID DU BSTAN PA'I PHYIR, DON DAM PA NYID DU MA 'DZIN PAR SEMS TZAM PO NYID DE NI RIM GYIS DON DAM PA'I RGYA MTSOR GZUNG BA'I PHYIR BSTAN PA 'BA' ZHIG TU ZAD DO SNYAM DU ZUNGS SHIG ,'DI LTAR GANG ZHIG CIG CAR CHOS MA LUS PA NGO BO NYID MED PA NYID DU RTOGS PAR MI NUS PA DE RE ZHIG SEMS TZAM LA BRTEN NAS PHYI'I DON NGO BO NYID MED PA NYID LA 'JUG GO ,ZHES DANG, DE'I 'OG TU RIM GYIS SEMS KYI NGO BO NYID LA SO SOR RTOGS NA DE YANG BDAG MED PA NYID DU KHONG DU CHUNG NAS ZAB MO'I DON LA 'JUG PAR 'GYUR TE, ZHES SO, ,GSUM PA DGAG BYA 'GOG BYED KYI KHYAD PAR NI, GNOD MED BLO'I SNANG BZHAG MIN DGAG BYAR MTHUN, ,LANG GSHEGS YAB SRAS MJAL BA LAS GSUNGS PHYIR, ,PHAL CHER 'BRAL ZLA MA DMIGS RTAGS 'GOD DPER, ,BDEN PA'I GCIG DANG DU MA DANG BRAL PHYIR, ,GZUGS SOGS BDEN MED GZUGS

, ,BRNYAN BZHIN BDEN NA, ,GNYIS PO DER NGES KHYAB GRUB PHYOGS CHOS DE'I, ,GCIG MIN CHA BCAS DU MIN GCIG MED PHYIR, ,RDO RJE GZEGS MA YOD MED SKYE 'GOG DANG, ,MU BZHI SKYE 'GOG RTEN 'BREL RTAGS RNAMS GTZO, , ZHES SKRAS TE, DBANG PO 'PHRAL GYI 'PHRUL RGYUS MA SLAD PA LA SNANG BA'I DBANG GIS 'JOG PA TZAM DU CHOS THAMS CAD YOD DE DE'I BZHAG PA MIN PA'I DPYOD YUL DU GRUB PA DON DU GRUB PA DON DAM DU GRUB TSAD DU DBU MA RANG RGYUD KUN BZHED DE, BDEN GNYIS LAS, GAL TE KHYED KYANG RIGS MIN PAR, ,JI LTAR SNANG BZHIN 'DOD NA NI, ,'U BCUG LA DE MTSUNGS NYID, ,RIGS PAR NA NI THAMS CAD 'KHRUG CES DANG, JI LTAR SNANG BZHIN NGO BO'I PHYIR, ,'DI LA DPYAD PA MI 'JUG GO , RNAM PAR SPYAD PA BYED NA DON, ,GZHAN DU SONG BAS GNOD PAR 'GYUR, ,DPYAD NA CHOS RNAMS MI RNYED TSUL BSHAD PA DE BZHIN DU, DBU MA SNANG BA LAS, GAL TE MA BRTAGS PA RTOG PA MED PA YIN NA, ZHES PA NAS, DE KHO NA NYID KYI DON LA RGYAB KYIS PHYOGS PA RDZUN PA'I RNAM PA NYE BAR 'DZIN PA'I SHES PA THAMS CAD NI DE LAS BZLOG PA'I PHYIR MA BRTAGS PA ZHES BYA BA'I RNAM PAR MI RTOG PA'I YE SHES NYID KYANG MA YIN LA RTOG PA MED PA TZAM YANG MA YIN NO, ZHES GSUNGS PA'I PHYIR DGAG BYA BDEN GRUB 'GOG BYED GTZO PO GANG LA BYED NA RTEN 'BREL DANG YOD PA RTAGS SU BKOD PA'I GTAN TSIGS 'GA' ZUNG MA GTOGS PA 'BREL ZLA MA DMIGS PA'I RTAGS LA BRTEN NAS BYED DE, LANG GSHEGS DANG YAB SRAS MJAL

BA 'PHAGS PA YAB SRAS KYIS GCIG DU DRAL GSUNGS PA LA BRTEN NAS DBU MA RGYAN DU GCIG DU BRAL GSUNGS PA'I PHYIR TE, LANG GSHEGS LAS, GCIG DANG GZHAN NYID SPANGS PA YI, ,GZUGS NI JI LTAR ME LONG LA, ,SNANG YANG DE NI YOD MA YIN, ,DE BZHIN DNGOS PO'I NGO BO NYID, CES DANG, YAB SRAS MJAL BA LAS, ME LONG SHIN TU YONGS DAG LA, ,JI LTAR RANG BZHIN MED PA YI, ,GZUGS BRNYAN SNANG PA DE BZHIN DU, ,LJON PA CHOS RNAMS SHES PAR GYIS, ,SOGS DANG, BZHI BRGYA BA LAS DNGOS PO GANG GANG RNAM BRTAGS PA, ,DE DANG DE LA GCIG PA MED, ,GANG LA GCIG PA YOD MIN PA, ,DE LA DU MA'ANG MED PA YIN, ZHES DANG, RNAM 'GREL LAS, GANG GIS DNGOS RNAMS NGES BRTAGS NAS, ,YANG DAG DU NA DNGOS MED CING, , 'DI LTAR DE DAG GCIG BU DANG, ,DU MA'I RANG BZHIN YOD MA YIN, ,SOGS DRANGS LA, DBU MA SNANG BA LAS KYANG RDO RJE GZEGS MA DANG YOD MED SKYE 'GOG DANG, MU BZHI SKYE 'GOG DANG, GCIG DU BRAL YANG GSUNGS LA 'GAL ZLA DMIGS PA'I GTAN TSIGS RTEN 'BREL YANG BSHAD PAS SO, ,DU BRAL GYIS 'DU BYAS MA BYAS KYI CHOS THAMS CAD GTAN LA PHABS PAS NA KHA CIG GI CHA DANG CHA CAN DNGOS PO KHO NA LA RTZIB BLO GROS ZHAN PA'I RTAGS YIN TE, DBU MA RGYAN DANG 'GREL LAS, DE LA KHYAB PA NI NAM MKHA' LA SOGS PA'O, ,MA KHYAB PA NI RAGS PA DANG RDUL PHRA RAB RNAMS SO ZHES PA NAS, NAM MKHA' LA SOGS PA 'DUS MA BYAS MTHA' DAG KYANG SNGAR BSAL ZIN TE KHAMS BCO BRGYAD PO DAG NI RANG BZHIN MED PA NYID

, ,DU PAS LA LO, ZHES SO, ,DNGOS PO 'DI NGAG NI BDEN PAR MED DE, YANG DAG PAR NA GCIG DANG DU MA'I RANG BZHIN DANG BRAL PA'I PHYIR, DPER NA GZUGS BRNYAN BZHIN BDEN NA, BDEN GRUB KYI GCIG DANG DU MA GANG RUNG DU NGES SHING DE GANG RUNG DU MA GRUB NA 'ANG BDEN PAR MED PAS KHYAB STE, DE DAG PHAN TSUN SPANGS 'GAL YIN PA'I PHYIR, DPER NA YOD NA GCIG DANG DU MA GANG RUNG GIS KHYAB PA LTA BU'O, ,DBU MA RGYAN LAS, BDAG DANG GZHAN SMRAS DNGOS 'DI DAG YANG DAG DU NA GCIG PA DANG, ,DU MA'I RANG BZHIN BRAL BA'I PHYIR, ,RANG BZHIN MED DE GZUGS BRNYAN BZHIN, ZHES DANG, KHYAB SGRUB YANG DE'I RANG 'GREL LAS, RANG BZHIN YONG BAR GYUR NA NI, ,GCIG PA'AM GCIG SHOS LAS MI 'DA'O, ,DE DAG GI NI PHAN TSUN SPANGS TE GNAS PA'I MTSAN NYID YIN PAS PHUNG PO GZHAN SEL BAR BYED DO, ZHES SO, ,PHYOGS CHOS YANG GRUB STE, RTAGS DE'I BDEN GRUB KYI GCIG MIN TE, CHA DANG BCAS PA'I PHYIR DANG, RTAGS DE'I BDEN GRUB KYI DU MA MIN TE, BDEN GRUB KYI GCIG MED PA'I PHYIR, RTAGS 'DI MKHAS GRUB THAMS CAD MKHYEN PA DANG MKHAS PA GZHAN YANG RNAM BSHAD DGONGS RGYAN LAS THA SNYAD 'BA' ZHIG SGRUB KYI RTAGS SU GSUNGS PA LTAR 'THAD LA RTZOD PA SPANGS TSUL SOGS GZHAN DU SPROS ZIN KHYAB SGRUB LA NGES GZHI ME LONG GZUGS BRNYAN LA DOGS SBANGS DANG, MI MTHUN PHYOGS LAM NGES PA MED PA YANG RIM PA BZHIN DU, DBU MA RGYAN RANG 'GREL LAS, GTAN TSIGS GRUB TU ZIN KYANG CHOS GNYIS DANG LDAN PA'I DPE MA GRUB

BA MIN NAM, JI LTA ZHEN ME LONG GI NGOS LA MIG GI 'OD ZER PHOG NAS PHYIR LOG BAS RANG GI BZHIN LA SOGS PA DE LTAR DMIGS PA'I PHYIR RO, ,YANG NA ME LONG LA SOGS PA'I NANG DU SOGS DANG, 'DI MTHUN PA'I PHYOGS LA YOD PAR GYUR TU ZIN KYANG MI MTHUN PA'I PHYOGS LAS LDOG PA JI LTAR NGES TE, SOGS SO, ,DBU MA SNANG BA LAS KYANG, RNAM PA GCIG TU NA SNA TSOGS KYI RNAM PA LA SOGS PA'I RTAGS KYI SGO NAS THAMS CAD DU GCIG PA NYID DANG BRAL BA RAB TU BSGRUBS PA KHO NA YIN NO, ,GCIG PA NYID DANG BRAL BA GRUB NA DU MA NYID DANG BRAL BA YANG GRUB PA YIN TE, DE NI DE TSOGS PA'I BDAG NYID YIN PA'I PHYIR RO, ZHES SOGS SO, ,BDAG DANG GZHAN DANG GNYIS KA DANG RGYU MED LAS SKYE BA MED PA'I PHYIR, DNGOS PO RNAMS DON DAM PAR SKYE BA MED PAR SGRUB PA'I RDO RJE GZEGS MA NI DBU MA SNANG BA LAS, 'DI LA GNOD PA CAN GYI TSAD MA MED PAS THA SNYAD SGRUB PA 'DI YANG YOD PA NYID DE, 'DI LTAR GANG DAG DON DAM BAR RANG DANG GZHAN DANG GNYIS KA LAS SKYE BA DANG RGYU MED PA LAS SKYE BA DANG BRAL BDE DAG NI, YANG DAG PAR NA NGO BO NYID MED PA YIN TE, DPER NA NAM MKHA'I PADMA LA SOGS PA LTA BU'O, ,RANG DANG GZHAN GYIS YANG DAG BAR YONG BAR SMRAS BA'I DNGOS PO NYID KYANG DE DANG 'DRA BA KHO NA YIN NO, ,DEBS NA SKYE BAS NGO BO NYID LA KHYAB PA'I PHYIR SKYE BA LOG NA DNGOS PO DE YANG LOG PA KHO NA YIN NO, ,MA LEG TU ZIN KYANG SKYE BA NI GCIG KHO NAR YANG DAG BA NYID DU SGRUB MI NUS TE, RMI LAM LA SOGS PA NA BU LA SOGS PA RDZUN PAR YANG SKYE BAR

, ,SNANG BA'I PHYIR RO, ZHES DANG, DES NA SKYE BA NGO BO NYID KYIS KHYAB TU ZIN KYANG SKYE BA YANG DAG PA'I DNGOS PO NYID DU NI NGES PAR GRUB PA NI MED DE, 'DI LTAR KHYAB PAR BYED PA NYE YANG KHYAB PAR BYA BA GDON MI ZA BAR NYE BAR NI NGES PA MED DE, ZHES PAS KHYAB PA SGRUB CING, DE'I RTAGS SGRUB PA LA BZHI LAS, RANG LAS SKYES NA, DE NYID LAS, DNGOS PO YOD PA DANG MED PA NI BDAG NYID KYI RGYU NYID DU MI 'THAD PA'I PHYIR ZHES PA NAS, DE LTAR NA RE ZHIG THA SNYAD DU RANG LAS SKYES BA MI SRID NGO, ZHES PAS MED PAS SKYED MI THUB PA MO GSHAM GYI BU LTA BU DANG, YOD NA SKYE MI DGOS PA SHES PA LTA BU SOGS KYIS GRUB CING, RGYU 'BRAS LA THA DAD GCIG DGOS SHING DON GCIG LA SHING DANG LJON PAR BRJOD PA LTA BUS MING THA DAD KYIS MI GRUB PAR BSHAD PA SOGS RIGS PA DU MA MDZAD DO, ,GZHAN LAS SKYES NA, DE NYID LAS, GZHAN LAS KYANG MA YIN TE, 'DI LTAR DE LAS DNGOS PO SKYE BAR GYUR NA RTAG PA'AM MI RTAG BZHIG LAS 'GYUR GRANG, ZHES SOGS KYIS RTAG PA LA RIM DANG RIM MIN DANG, PHAN DGOS SOGS DANG LTOS PA'I DON BYED SOGS MI 'THAD LA, DE NYID LAS, MI RTAG PA LAS KYANG MA YIN TE, SOGS KYIS DUS GSUM LAS, 'DAS PA ZHIG NAS DNGOS PO MED LA, MA 'ONGS PA YANG 'DAS PA BZHIN DU DNGOS PO'I NGO BOR MED PAS BYA BYED MED CING, DE NYID LAS, DA LTAR GYI LAS PHYOGS KYANG MIN TE, 'DI LTAR DE LAS 'BRAS BU YANG DAG PAR SKYED NA DUS MNYAM PA

'AM THA DAD PA ZHIG TU SKYE BAR 'GYUR GRANG NA SOGS LTAR DUS MNYAM 'BRAS BU'I SNGON DU MA GRUB PAS MI SKYED CING THA SNYAD MI RUNG LA 'CHOL BAR YANG 'GYUR DUS THA DAD PA LA SKAD CIG GZHAN GYIS PAR CHOD NA 'DAS PAR SKYE BAS MI 'THAD MCHOD PA LA BDAG NYID THAMS CAD KYIS MCHOD NA DUS MNYAM PAR 'GYUR LA, YANG RGYU'I SNGON NA YOD DANG, DUS MNYAM DANG GZHAN GYIS BAR CHOD PA MCHOD PAR SKAD CIG GNYIS PAR SKYE BA'I RNAM RTOG BZHI LAS SNGA MA GNYIS KHEGS [?] LA, BZHI BA THA SNYAD DU RUNG YANG DON DAM PAR MI RUNG BA SOGS KYIS BKAG CING DE THAMS CAD LA DUS KYI CHA'AM YUL GYI CHA'AM SHES PA'I RNAM PA SOGS CHA DU MA MED PA MI SRID PAR BSTAN NAS CHA DU MA DANG LAN PAR GRUB NA CHOS GCIG CHA DU MA'I BDAG NYID DU YOD PA RDZUN PA'I DON LA MI 'GAL YANG DON DAM PAR GRUB PA LA 'GAL BA DU MA STON TSUL DU SNANG NGO, ,GNYIS LAS SKYE BA, DE NYID LAS GRANGS CAN GTZO BO DBANG PHYUG DANG BCAS PAR SMRA PA SOGS KYIS BKAG ZIN BSHAD, RGYU MED LAS SKYE BA NI DE NYID LAS; GZHAN DAG NI TSAR MA SOGS KYIS BKAG PAS PHYOGS GRUB LA DE NYID LAS, DE LTAR BAS RANG GZHAN GYI SMRAS PAS DNGOS PO'I BYE BRAG MA LUS PA DAG GZHOM PA'I PHYIR BDAG NYID CHEN PO RNAMS KYIS RDO RJE'I GZIGS MA THOGS PA MED PA BZHI PO 'DI DAG RAB TU GSUNGS PA'I PHYIR SOGS KYIS BSNGAGS PA DANG SHES BYED BSGRUBS SO, ,YOD MED SKYE 'GOG NI, DE NYID LAS, GANG YANG 'BRAS BU YOD PA SKYE BA 'GAG BAR BYA BA LA SOGS KYIS BDAG NYID THAMS CAD KYIS YOD PA

, ,LA KHYAD PAR BYA BA MED LA, KHYAD PAR DE SKYE RGYU YOD NA KHYAD PAR DE SNGAR MED SKYE BAR 'GYUR LA, MED PA SKYE ZHES PA SKYE BA'I BYA BA DANG LDAN NA MED PAR 'GAL BA SOGS KYIS MI RUNG MU BZHI SKYE 'GOG NI, DE NYID LAS, GAL TE DON DAM PAR MU BZHI'I SKYE BA DANG BRAL BA DE NI, DE KHO NA NYID DU NGO BO NYID MED PA YIN TE, DPER NA NAM MKHA'I PADMA LA SOGS PA LTA BU'I RTZOD PA'I GZHIR GYUR PA'I DNGOS PO THAMS CAD KYANG YANG DAG PAR NA DE DANG 'DRA BA NYID DO, , SOGS KYIS BSHAD, DE BZHIN DU BDEN GNYIS LAS, DU MAS DNGOS PO GCIG MI BYED, ,DU MAS DU MA BYED MA YIN, ,GCIG GIS DU MA'I DNGOS MI BYED, ,GCIG GIS GCIG BYED PA'ANG MIN, ,RTZA 'GREL GYIS SO, ,RTEN 'BREL GYI GTAN TSIGS NI, DE NYID LAS, GANG ZHIG RTEN CING 'BREL PAR 'BYUNG BA DE NI, DON DAM PAR RANG BZHIN GYIS STONG PA YIN TE, DPER NA SGYU MA LA SOGS PA LTA BU'O, ZHES SOGS KYIS SO, ,BZHI PA LAM SOGS KHYAD PAR NI, GANG ZAG BDAG MED BDEN GNYIS RNAM BZHAG MTHUN, ,SHES SGRIB PHRA RAGS BDEN 'DZIN GZUNG 'DZIN SOGS, ,BDEN RNAM BCU DRUG GNYIS STONG BDEN MED RNAMS, ,NYAN RANG THEG CHEN LAM GYI RTOGS RIGS KHYAD, ,MTHONG SGOM MNYAM RJES KHYAD PAR GNYIS KA MTHUN, ZHES SMRAS TE, GANG ZAG GI BDAG MED CHOS THAMS CAD STENG NAS 'JOG PA DANG BDEN GNYIS KYI DBYE GZHI MTSAN NYID, DBYE BA'I DON SOGS RANG RGYUD PA GNYIS MTHUN LA, SHES SGRIB LA SGRAS BRJOD KYI PHRA BA

BDEN 'DZIN DANG, RAGS PA GZUNG BDON 'DZIN DANG, GZUNG 'DZIN RDZAS THA DAD DU 'DZIN PA DANG GNYIS YOD CING SOGS SGRAS NYON SGRIB STE, BYANG SEMS DANG RANG RGYAL DANG, NYAN THOS RIGS CAN GSUM GYI GTZO BOR SPANGS PAR BYA BA GSUM DANG DE SPONG BYED KYI NYAN THOS KYI RTOGS RIGS NI, MNGON RTOGS RGYAN LAS, 'PHAGS PA'I BDEN PA BZHI DAG GI ,RNAM PA MI DMIGS SGO NAS NI, ,NYAN THOS LAM 'DI SHES PAR BYA, ZHES GSUNGS PA LTAR BDEN BZHI'I MI RTAG SOGS BCU DRUG RTOGS PA'I LAM GTZO BOR SGOM, RANG RGYAL BSE RU'I RIGS CAN GYIS GZUNG 'DZIN RDZAS THA DANG 'DZIN PA SPONG BYED KYI RANG RGYAL RTOGS RIGS NI MNGON RTOGS RGYAN LAS, GZUNG DON RTOG PA SPONG PHYIR DANG, ,'DZIN PA MI SPONG PHYIR DANG NI, ,RTEN GYI BSE RU LTA BU'I LAM, ,YANG DAG BSDUS PAR SHES PAR BYA, ZHES BA'I GZUNG 'DZIN RDZAS THA DANG KYIS STONG PAR RTOGS PA'I LAM GTZO BOR SGOM PAS SHES SGRIB RAGS PA SPONG LA, THEG CHEN RIGS CAN GYIS BDEN 'DZIN SPONG BYED MI RTAG SOGS BCU DRUG BDEN MED GTZO BOR SGOM STE, MNGON RTOGS RGYAN LAS, BDEN DANG BDEN LA BZOD PA DANG, ,SHES PA'I SKAD CIG RNAM BZHI YIS, ,LAM SHES NYID LA MTHOD PA'I LAM, ,PHAN YON BCAS PA 'DIR BSHAD DO, ZHES GSUNGS LA 'DIS MTHONG LAM SHES BZOD SKAD CIG MA BCU DRUG MNYAM BZHAG DANG RJES THOB YE SHES KYANG YOD LA, SGOM LAM SKOR DGU SOGS KYIS SGOM SPANGS SPONG TSUL YANG, MNGON RTOGS RGYAN LAS, SA DGUL NI CHEN PO YI, ,CHEN PO LA

, ,SOGS DRI MA YI, ,GNYEN PO CHUNG DU'I CHUNG DU LA, ,SOGS PA'I LAM NI DAG PA YIN, ZHES BSHAD PA 'DI LA RANG RGYUD PA GNYIS MTHUN THEG PA GSUM GYI RNAM DAG GI KHYAD PAR YANG, MNGON RTOGS RGYAN LAS, NYON MONGS SHES BYA LAM GSUM GYI, ,NYAMS PHYIR SLOB MA BSE RU DANG, ,RGYAL SRAS RNAMS KYI DAG PA STE, ,SANGS RGYAS RNAM KUN SHIN TU BA, ZHES NYAN THOS KYI NYON SGRIB DANG, RANG RGYAL GYI GZUNG 'DZIN DANG, BYANG SEMS KYI LAM GSUM GYI SGRIB PA DANG; SANGS RGYAS KYI SGRIB GNYIS GTAN ZAD KYI RNAM DAG BZHI BSHAD PA'I PHYIR RO, ,SMRAS PA, RANG DBANG TSUL GSUM RANG RGYUD RTZE BRGYA BA'I, ,LUNG RIGS SGRA BRGYA'I NGA ROS BDEN ZHEN GYI, ,RI BO'I BGROD BCOM GRAGS SNYAN SRID PA'I RTZER, , BRGAL BA'I LEGS LDAN ZHI 'TSO'I LUGS BZANG RMANG, [?], THUGS NGOR MDO SNGAGS BYE BA'I DRANG NGES BKRA, ,SGYU MA'I ROL PA 'BUM GYI TING 'DZIN SGO, ,'BYAMS KLAS 'JAL BA'I PAn GRUB BGRANG YAS KYI, ,'BYUNG GNAS RANG RGYUD GRUB MTHA' SKYE RGU'I MIG ,GZHIL KUN RJOB LAM LA ZAB DON SGOM, ,'BRAS BU KUN MKHYEN MED SMRAS BLUN PO DE, ,'GAL 'DU LCI BAS GLANG RGAN BZHI NANG LA TE, ,DBYIG SNGON RGYAL PO'I NGA NA SKAD LTAR BTON LHUNG, ,RANG RGYUD LUGS 'DZIN PAn CHEN NYI MA BRGYAS, ,DGAG SGRUB 'OD STONG SPROS KYANG MI SREGS PAR, ,RMONGS PA'I MUN BCOM BSHAD SGRUB 'DAB BRGYA BZHAD, ,GNAS LUGS MKHA' DBYINGS GSAL RNAMS CIG CAR BYAS, ZHES GRUB MTHA'I RNAM BZHAG 'KHRUL SPONG

GDONG LNGA'I SGRA DBYANGS KUN MKHYEN LAM GSAL RIN CHEN SGRON ME'I RNAM BSHAD KYI DNGOS PO BDEN GRUB KYI YOD MTHA' BSAL NAS DBU MA RANG RGYUD DU BSGRUBS PA'I SKABS KYI RNAM BSHAD BYAS ZIN TO,, ,NA MA [?] SVA TYEE TZA GU RU MANYTZA, GHOshA Y'A TZAM, 'DIR RJE BLA MA TZONG KHA PA CHEN POS, 'DZAM GLING MKHAS PA'I RGYUN GYUR 'DI RNAMS KYI, ,LEGS BSHAD KUN LA SNYING NAS GUS MOD KYANG, ,'KHOR 'DAS RTEN 'BYUNG MI SLU'I GTAN TSIGS KYIS, ,MTHAR 'DZIN DMIGS GTAD THAMS CAD 'JIG BYED PA, ,ZLA BA LAS 'ONGS LEGS BSHAD 'OD DKAR GYIS, ,BLO MIG KUNDA'I [?] TSAL RAB PHYE BA'I TSE, ,SANGS RGYAS BSKYANGS KYIS BSTAN PA'I LAM MTHONG NAS, ,KLU SGRUB LUGS BZANG GTZO BOR MI 'DZIN SU, ZHES GSUNGS PA LTAR GZHUNG LUGS DANG GRUB PA'I MTHA' YOD DO COG GI YANG RTZE DUS GSUM GYI 'PHAGS PA THAMS CAD DANG RGYAL BA THAMS CAD KYIS BGROD CING BGROD LA BGROD PAR 'GYUR PA'I PHA ROL TU PHYIN PA'I GZHUNG LAM RGYAL BSRAS BCAS 'PHAGS BZHI THAMS CAD SKYED PA'I YUM CHEN MO ZLA DANG BRAL BA, MTSUNGS PA MED PA, BGROD PA'I LAM GYE DAM PA GCIG PUR GYUR PA, SANGS RGYAS BYANG 'PHAGS THAMS CAD KYIS LUS DANG LONGS SPYOD SOGS LA MI LTA BAR 'BAD BTZAL SGOM SEMS GZHAN LA DGA' STON 'GYED PA'I BDUD RTZI BLA NA MED PA MTHA' DANG MTHAR 'DZIN PHRA RAGS THAMS CAD SEL PA'I ZAB MO DBU MA'I LAM KLU SGRUB KYI DGONGS PA MTHAR THUG SANGS RGYAS BSKYANGS KYIS THAL 'GYUR DU SROL BTOD ZLA PA'I ZHABS KYIS SHING RTA'I

, ,LAM CHEN POR MDZAD PA DBU MA THAL 'GYUR BA'I LUGS 'CHAD PA LA MTSAN NYID SGRA BSHAD DANG BCAS PA DANG, MING GI RNAM GRANGS DANG, DBYE BA DANG, GANG LA BRTEN PA'I GZHUNG DANG, DE'I DRAD NGES DANG, GRUB MTHA' BSHAD PA DRUG LAS, DANG PO NI, RANG RGYUD MI BZHED PHYIR RGOL KHAS BLANGS LA, ,'GAL BRJOD THAL 'GYUR GTZO PHYIR THAL 'GYUR BA, ZHES SMRAS TE, TSIG GSAL LAS, DBU MA PA YIN NA NI RANG GI RGYUD KYI RJES SU DPAG PA BYA BAR RIGS PA YANG MIN TE, PHYOGS GZHAN KHAS BLANGS PA MED PA'I PHYIR RO, ZHES GSUNGS PA LTAR RANG DBANG DU GRUB PA DANG RANG BZHIN GYIS GRUB PA DANG RANG RGYUD DON GCIG DE LTA BU'I TSUL GSUM PA'I RTAGS SBYOR NI RANG RGYUD KYI RJES DBAG YIN PAS DE 'DU KHAS BLANGS NA SKYE BA YANG RANG GIS GRUB PAS, DPYAD PA NA MTHA' BZHI SOGS GANG RUNG GI PHYOGS DANG, DE BZHI GANG RUNG GI PHYOGS KYI DAM BCA' DGOS NA DE YANG MI RUNG STE, DE DAG BSAL BA'I DBU MA'I DON 'DZIN DGOS PA'I PHYIR TE, 'PHAGS PA LTAS, YOD DANG MED DANG YOD MED CES, ,GANG LA PHYOGS NI YOD MIN PA, ,DE LA YUL NI RING PO NA'ANG, ,KLAN KA BRJOD PAR NUS MA YIN, ZHES DANG, RTZOD ZLOG LAS GAL TE NGAS DAM BCAS 'GA' YOD, ,DES NANG LA SKYON DE YOD; ;NGA LA DAM BCA' MED PAS NANG NI SKYON MED KHO NA YIN, ZHES GSUNGS PAS RANG RGYUD THA SNYAD DU MI BZHED LA, DE LTA NA'ANG PHYIR RGOL LA BDEN MED RTOGS PA'I LTA BSKYED BYED SHIN TU YOD DE, PHYI RGOL GYI MTHA' BZHI GANG DU KHAS

BLANGS PA DE LA 'GAL BRJOD KYI THAL 'GYUR YANG DAG BZLOG DON 'PHEN PA DANG MI 'PHEN BA SOGS THAL 'GYUR CI RIGS KYIS 'GAL BA BRJOD NAS 'GOG PA 'OG TU 'CHAD 'GYUR LTAR GTZO BOR 'GOD PA'I DBU MA PA DA DBU MA [?] THAL [?] 'GYUR BA'I MTSAN NYID DANG SGRA BSHAD YANG DES SONG NGO, ,'DIR THAL 'GYUR DANG GZHAN GRAGS BKOD PA GNYIS LA KHYAB CHE CHUNG YOD KYANG SHIN TU MI 'GAL TE, GZHAN GRAGS BKOD PA PHAL CHER THAL 'GYUR DU YANG SNANG BA'I PHYIR RO, ,DPER NA DNGOS PO BDAG GI BDAG NYID DU YOD PA NI YANG SKYE BA LA DGOS PA MED DE, MNGON GSAL GYI BU [?] MA [?] PA BZHIN ZHES PA LTA BU'O, ,GNYIS PA NI, THAL 'GYUR SNANG TZAM MI GNAS DBU MAR GRAGS, ZHES SMRAS TE GZHAN LA LTA BA SKYED BYED THAL 'GYUR GTZO BOR BZHED PAS THAL 'GYUR BA DANG, TSIG GSAL LAS, RKYEN 'DI BA TZAM GYIS KUN RDZOB GRUB PAR KHAS LEN GYI PHYOGS BZHI KHAS BLANGS PA'I SGO NAS NI MIN TE, ZHES DANG, RKYEN NYID 'DI PA TZAM ZHIG KHAS BLANGS NA NI RGYU DANG 'BRAS BU GNYIS PHAN TSUN LTOS PA'I PHYIR, ,NGO BO NYID KYIS GRUB PA YOD PA MIN PAS ZHES PA LTAR MA BRTAGS MA DPYAD PAR RKYEN GYIS SNANG BA 'DI TZAM KHAS LON PA'I DBU MA PA DANG, DPA' PO'I DON DAM BYANG CHUB SEMS SGOM LAS, BDAG MED SENG GE'I SGRA CHEN BSGRAGS, ,STONG PA NYID SOGS RNAM GRANGS SGO, ,SGYU MA 'DRA SOGS DPE MTHA' YAS, ,THEG PA SNA TSOGS THABS TSUL GYIS, ,MI GNAS DBU MA NYE BAR MTSON, ZHES PA LTAR RTAG CHAD KYI MTHA' GANG LA'ANG MI GNAS PAS NA MI GNAS

, ,DBU MA PA DANG RAB TU MI GNAS DBU MA PA ZHES BYA'O, ,GSUM PA NI, DBYE BA PHYI MO PHYOGS 'DZIN MI 'DZIN GSUM, ZHES SMRAS TE, DE LA DBYEN 'PHAGS PA YAB SRAS NI THAL RANG GI SHING RTA'I SROL 'BYED GNYIS SOGS THAMS CAD KYI KHYAD MED DU MDZAD PAS BOD SNGA MA RNAMS KYIS YAB SRAS GNYIS LA GZHUNG PHYI MO'I DBU MA PA ZHES PA DON DANG MTHUN LA, PHYOGS 'DZIN PA SANGS RGYAS BSKYANGS ZLA BA'I ZHABS, ZHI PA LHA RNAMS DANG, PHYOGS MI 'DZIN KYANG LTA BA 'DI 'DZIN PA NI, LEGS BSHAD SNYING PO LAS, DE YANG SLOB DPON DPA' BO DANG KLU'I BYANG CHUB LA SOGS PA MKHAS PA'I DBANG PO MANG PO YOD MOD KYANG ZHES PA LTAR SH'AKYA BSHES GNYAN DANG, KLU BYANG DANG RIGS PA'I KHU PHYUG SOGS 'JOG STE, SH'AKYA BSHES GNYEN GYIS RIM PA GNYIS PA'I SMAD BRTZAMS PAR MDZAD PA'I DON LA LTA BA 'DIR GSAL, KLU BYANG GIS LAS MTHA' RNAM 'BYED SOGS LA DBAG NA'ANG DE LTAR DANG, DPA' BO'I LTA BA 'DIR SHIN TU GSAL KYANG STAG TSANG PAS PHYI MOR 'DOD PA DANG RANG RGYUD DNGOS SU BKAG BAR 'DOD PA 'GAL LA SANGS RGYAS BSKYANGS DANG KLU BYANG SOGS KYIS SHES BYED DRANGS PA MI SNANG LA, LEGS LDAN GNYIS DANG ZLA BA PHYIN CHAD NAS DANG YANG DE TZAM GYIS PHYI MOR MI 'GRUB LA DPA' BOS, SGYU MA'ANG SGYU MA TZAM MIN TE, SOGS KYIS RANG RGYUD BKAG NA PHYOGS 'DZIN PA'I DBU MTHAL 'GYUR BAR MNGON NO, ,'O NA, GZHUNG 'DI DPA' BO'I YIN NA, LEGS BSHAD SNYING PO LAS, 'DI DAG GIS BKRAL BA'I DBU

MA'I BSTAN BCOS 'GYUR BA MI SNANG BAS, ZHES GSUNGS PA DANG MI 'GAL LAM ZHE NA, 'DI SGOM YIG YIN PAS DON DBU MA BSTAN KYANG BSTOD TSOGS DANG RIGS TSOGS SO SOR BSHAD PA BZHIN MDZAD PAS SO, ,BZHI PA NI, GZHUNG NI ZAB MDO RIGS TSOGS BZHI BRGYA PA, ,SPYOD 'JUG MDO BTUS GNYIS DANG LAM SGRON [?] SOGS, ZHES SMRAS TE, MTSAN NYID MED PA'I CHOS 'KHOR SHER PHYOGS YUM SRAS BCU BDUN DANG, BLO GROS MI ZAD PA TING 'DZIN RGYAL PO CHOS YANG DAG PAR SDUD PA KLU'I RGYAL PO MA DROS PAS ZHUS PA RGYA MTSOS ZHUS PA DANG, DKON MCHOG 'BYUNG GNAS DANG, 'JAM DPAL RNAM ROL DANG, DKON BRTZEGS KYI LE'U DANG PO SDOM PA GSUM BSTAN PA DANG, GZHAN YANG 'OD SRUNGS LE'U BYANG CHUB SEMS DPA'I SDE SNOD GSANG BA BSAM GYIS MI KHYAB PA SOGS 'PHAGS PA YAB SRAS KYI NGES DON SHES BYED DU DRANGS PA RNAMS ZAB DON STON PA'I MDOR BYA LA, MDO SDE SA BCU PA DANG SANGS RGYAS THAMS CAD KYI YON TAN DANG YE SHES YUL LA 'JUG PA DANG BLO GROS RGYA MTSOS ZHUS PA DANG, TING 'DZIN BZHI'I MDO BZHI DANG, PHAL CHEN DANG, GZUNGS RGYAL GYI MDO RGYAN STUG SOGS NI ZAB RGYAS GNYIS CHAR STON PA'I MDO YIN LA DGONGS 'GREL RNGA BO CHE DANG, SNYING PO'I MDO DANG DE MTHUN DGONGS 'GREL 'KHOR LO THA MA'I MDO RNAMS DRANG DON YIN KYANG PHYIN DRUG SOGS DE LA BRTEN LA DGONGS 'GREL GYI BSTAN BCOS GANG LA BRTEN NA MTHA' GCIG TU TSAD MAR MDZAD PA'I GZHUNG, TSIG GSAL LAS, MDO SDE KUN LAS BTUS DANG GTAM BYA

, ,RIN CHEN 'PHRENG BA DANG YANG DAG PA STOD PA DANG, ZHES MA DO KUN BTUS DANG GTAM BYA'I RIM PA DBU MA RIN CHEN 'PHRENG BA DANG DON DAM LA BRTZAM PA'I YANG DAG PA'I BSTOD PA LA CHOS DBYINGS BSTOD PA DANG, 'JIG RTEN LAS 'DAS PAR BSTOD PA YANG YANG BKOD LA, GZHAN YANG, SKU GSUM LA BSTOD PA DANG, DPE MED PAR BSTOD PA DANG, BSTOD PA LAS 'DAS PAR BSTOD PA DANG, BSAM MI KHYAB KYI BSTOD PA SEMS KYI RDO RJE LA BSTOD PA SOGS BSHAD LA, YANG DE NYID LAS, 'BAD PAS SHIN TU YUN RING 'PHAGS PA'I BSTAN BCOS LAS BSTAN TSIG LE'UR BYAS DE DANG, ,RIGS PA DRUG CU ZHES BYA RNAM PAR 'THAG BCAS STONG NYID BDUN CU BA DE DANG, ,GANG YANG RTZOD PA RNAM PAR BZLOG PA BKOD PA DE DAG KYANG NI MTHONG GYUR CING, ZHES DBU MA RTZA BA DANG RIGS PA DRUG CU BA DANG RNAM PAR 'THAG BCAS NI ZHIB MO RNAM 'THAG DANG STONG NYID BDUN CU PA DANG RTZOD ZLOG STE RIGS TSOGS LNGA DANG, YANG DE NYID LAS, BRGYA PA LA SOGS DE DAG DANG NI DE BZHIN MDO SDE ZAB MO RNAM MANG DANG, ZHES 'PHAGS PA LHA'I BZHI BRGYA PA DANG SOGS SGRAS 'PHAGS PA LHA'I DBU MA LEGS PA'I TSAD [?] DANG 'KHRUL BZLOG DANG, GZHAN YANG, BYANG CHUB KYI TSOGS SOGS KYI GZHUNG 'GA' RE DANG MDO SDE ZAB MO SNGAR SMOS BA MDO BTUS DANG SLOB DPON 'DIS SHES BYED DU DRANGS PA RNAMS YIN CING SANGS RGYAS BSKYANGS KYI 'GREL BA YAN CHAD GCIG TU TSAD MAR MDZAD CING, YANG DE NYID LAS, SANGS RGYAS BSKYANGS KYIS MDZAD PA'I

'GREL PA MTHONG NAS LEGS LDAN 'BYED KYI LEGS BSHAD GANG, ,GCIG NAS GCIG TU BRGYUD LAS 'ONGS DANG BDAG GIS RNAM PAR PHYE LAS RNYED PA GANG, ,DE DAG BSDOM STE BLO CHEN LDAN RNAMS MGU BAR BYA PHYIR YANG DAG BSTAN PA YIN, ZHES LEGS LDAN SOGS KYIS BSHAD PA YANG DAG GCIG NAS GCIG TU BRGYUD PA RNAMS LA BRTEN DGOS KYI MDO DANG DGONGS 'GREL MED PAR SANGS 'PHAGS RGYUD KYI SGOM SPANGS SKOR DGU SOGS KYI BLO BZOS RGYAL BA'I BSTAN PAR RMA 'BYIN PAR MI BYA JO BO RIN PO CHE DANG STON PA RIN PO CHES JO BO BA SNYING KHAMS CHE MI RUNG LAS 'BRAS 'DI ZAB GSUNG BA DANG, STON PA SANGS RGYAS KYIS KUN DGA' BO LA JI LTAR NAN CHER GTAD LUGS RNAMS BSAMS NAS RANG GZHAN PHUNG LA MI GTONG BAR KUN LA THAL MO SBYOR 'TSAL, YANG DE NYID LAS, ,KLU SGRUB SGRA GCAN 'DZIN NI BZANG PO'I ZHAL SNGA DANG BCAS LHAS KYANG GSUNG RJES SU, ,'BRANGS PAS DE YI TSUL LUGS DUS NI YUN RING ZHIG TU GSAL BAR BSTAN PAR MDZOD, ,DE YI SLOB MA BSTAN BCOS DE LA RNAM PAR 'BYED PAS RNAM DES BLO LDAN PA, ,RNAMS KYIS KYANG NI MU STEGS MA LUS PHAM BYAS THUB MA CHOG BSTAN PA YUN RING BSHAD, CES PAS SLOB DPON 'PHAGS PAS YUN RING DU BSHAD TSUL DANG, DE'I SLOB MA RNAMS KYIS KYANG SLOB DPON GZHUNG GI RNAM BSHAD MANG PO BYAS TSUL DANG MU STEGS TSAR BCAD LUGS BSHAD PAS DE DAG GI BSHAD RGYUN LA'ANG SLOB DPON 'DIS BSTEN PAR MNGON KYANG GZHUNG PHAL CHE BA DE DUS NAS MED PAR BSHAD CING, SLOB DPON ZLA BAS

, ,DBYIG GNYEN PHYOGS GLANG SOGS KYIS MTSAN SMOS NAS BKAG KYANG ZLA BAR SUS KYANG MTSAN SMOS NAS BKAG PA MED SA BCU'I SEMS DPAR GRAGS PA SLOB DPON 'DI'I 'GREL CHEN BZHI SOGS DANG RGYAL SRAS ZHI BA LHA'I SPYOD 'JUG DANG BSLAB BTUS NA SPYIR DPYAD 'JOG GI SGOM DANG BSHES GNYEN BSTEN PA NAS BRTZAMS TE RGYAL SRAS KYI SDOM PA GSUM DANG ZAB DON SGOM TSUL SOGS DANG NYAN BSHAD SOGS RGYAS PAS 'DI GNYIS GCIG TU TSAD THUB DANG, LAM SGRON DANG, SOGS SGRAS DBU MA'I MAN NGAG DANG BDEN GNYIS DANG, DBU MA'I MAN NGAG GI 'GREL PA RNAMS TSAD THUB BYA LA, SPYOD 'JUG 'GREL CHEN DANG LAM SGRON RANG 'GREL SOGS KYI YANG LEGS CHA LEN CING, RGYUD BLA MA RTZA 'GREL TSAD THUB DANG, MNGON RTOGS RGYAN DANG 'PHAGS SENG GI YANG LAM SOGS THAL RANG THUN MONG BA GANG GSAL LEN LA THUN MONG MIN PAR BSRE SLAD MED PAR BYA TSUL RJE BDAG NYID CHEN PO YAB SRAS GSUM GYI LEGS BSHAD LA TSAD MAR BYAS NAS LUR MA BRIS KYANG DON DE KHO NA LTAR BSHAD PAR BYA STE, 'KHRUL PA BRAL ZHING RIGS LAM BYE BAS GSAL POR MDZAD PA'I PHYIR RO, ,LNGA PA DE'I DRANG NGES KYI KHYAD PAR NI, BDEN PA GNYIS STON MDO RIM DRANG NGES TE, ,GZHAN DU DRANG DGOS GNAS TSUL DER NGES PHYIR, ,SGRAS ZIN MI RUNG DRANG DANG SGRAS ZIN DON, ,GRUB KYANG GNAS LUGS MIN PAS DRANG TSUL GNYIS, ,THOG MTHA' DRANG DON BAR BA DES DON MDO, ,LANG GSHEGS DGONGS 'GREL RGYAN STUG MDO TSAN LNGAS, ,BYED PO GZHAN MED

STONG NYID LA DGONGS NAS, ,SEMS TZAM PHYI DON MED DANG SNYING PO RTAG ,KUN GZHI YOD DANG GZHAN DBANG YONGS GRUB BDEN, ,MTHAR THUG THEG GSUM STON LNGA DRANG DON BSGRUB, CES SMRAS TE SLOB DPON 'PHAGS PAS DBU MA'I BSTAN BCOS BRTZAMS TE DRANG NGES PHYE BA LA DGOS BA DU MA YOD DE, BDEN GNYIS LA MI RMONGS PA DANG DE'I DGOS PA SHES PA DANG, YANG DRANG DON DANG NGES DON GNYIS GANG YIN SNYAM PA'I THE TSOM DANG DRANG DON LA GNAS LUGS NGES DON DU 'DZIN PA'I LOG SHES BSAL BA'I CHED DU YIN PA'I PHYIR TE, TSIG GSAL LAS, SLOB DPON GYIS DRANG BA DANG NGES PA'I DON GYI MDO SDE'I RNAM PAR DBYE BA BSTAN PA'I PHYIR DBU MA'I BSTAN BCOS 'DI MDZAD PA YIN NO, ZHES PA NAS, DE KHO NA'I DON CAN GYIS BSTAN PA NI GANG ZHIG YIN, DGONGS PA CAN NI GANG ZHIG YIN SNYAM DU THE TSOM DU 'GYUR BA DANG, GANG ZHIG BLO ZHAN PA NYID KYIS DRANG BA'I DON BSTAN PA LANGS PA'I DON DU RTOG PA DE GNYIS KA'I THE TSOM DANG LOG PA'I SHES PA DAG RIGS PA DANG LUNG GNYIS KA'I SGOS GSAL BAR BYA BA'I PHYIR SLOB DPON GYIS 'DI BRTZAMS SO, ZHES SO, ,DRANG NGES 'BYED BYED YOD DE, RTON PA BZHIS 'BYED PA'I PHYIR DANG, RTZA SHE LAS, BDAG LAS MA YIN GZHAN LAS MIN, ,SOGS RIGS PA DANG; BCOM LDAN 'DAS KYIS CHOS GANG ZHIG ,SLUB DE NI RDZUN ZHES GSUNGS, ZHES SOGS DU MAS LUNG BKOD NAS PHYE BA'I PHYIR, DRANG NGES KYI KHYAD PAR BRJOD BYA'I SGOS BZHAG STE, DON DAM GTZO BOR STON PA DES DON GYI DANG, KUN

, ,RDZOB GTZO BOR STON PA'I MDO DRANG DON DU BSHAD PA'I PHYIR TE, BLO GROS MI ZAD PA'I MDO LAS, DES PA'I DON GYI MDO SDE NI GANG YIN, DRANG PA'I DON GYI MDO SDE NI GANG ZHE NA, MDO SDE GANG DAG KUN RDZOB SGRUB PA BSTAN PA DE DRANG BA'I DON ZHES BYA'O, ,MDO SDE GANG DAG DON DAM PA SGRUB PA BSTAN BDE DAG NI NGES PA'I DON ZHES BYA'O, ZHES SO, ,DE'I KUN RDZOB SGRUB LUGS DANG DON DAM SGRUB LUGS JI LTA BU ZHE NA YOD DE RIM BZHIN DU TSIG DANG YIG SNA TSOGS KYI BYA BYED SNA TSOGS CI RIGS STON PA DANG, DMIGS MED DANG BLO 'DAS SOGS BLTA DKA' BA'I RTOGS DKA' BA'I CHOS BSTAN PA DE YIN PA'I PHYIR TE, MDO DE NYID LAS, MDO SDE GANG DAG TSIG DANG YI GE SNA TSOGS PAS BSTAN PA DE DAG NI DRAD PA'I DON ZHES BYA'O, ,MDO SDE GANG DAG ZAB MO LTA DKA' BA RTOGS PAR DKA' BA BSTAN PA DE DAG NI NGES PA'I DON ZHES BYA'O, ,MDO SDE GANG DAG BDAG DANG SEMS CAN DANG SROG DANG GSO BA DANG SKYES BU DANG GANG ZAG DANG SHED LAS SKYES DANG SHED BU DANG BYED PA BO TSOR PA BO SKAD SNA TSOGS KYI BSHAD PAR BYA BA BDAG PO MED PA LA BDAG PO LTA BUR BSTAN PA DE DAG NI DRANG BA'I DON ZHES BYA'O, ,MDO SDE GANG DAG DNGOS PO STONG PA NYID DANG MTSAN MA MED PA DANG SMON PA MED PA DANG MNGON PAR 'DU BYA BA MED PA DANG, MA SKYES PA DANG SEMS CAN MED PA DANG SROG MED PA DANG GANG ZAG MED PA DANG BDAG PO MED PA RNAM PAR THAR PA'I SGO STON PA DE DAG NI DES PA'I DON ZHES BYA STE, 'DI NI NGES PA'I DON GYI MDO SDE LA STON GYI DRANG BA'I DON GYI MDO SDE

LA MI STON PA ZHES BYA'O, ZHES SO, ,'KHOR LO DANG PO DANG DGONGS 'GREL LTA BU KUN RDZOB STON PA CHOS CAN, DRANG BA'I DON CAN YIN TE, DNGOS BSTAN DON DE LAS GZHAN DU DRANG NAS GNAS LUGS TSOL DGOS PA'I PHYIR, TING 'DZIN RGYAL PO DANG 'BUM SOGS CHOS CAN, DES PA'I DON CAN YIN TE, CHOS KYI GNAS LUGS KHYOD KYI DNGOS BSTAN GYI DON DER NGES PA'I PHYIR TE, GNAS LUGS DE LAS GZHAN DU 'DREN PA LA DPE YOD KYANG DE DGOS PA'I SGOS DRANG TSUL TE DRANG DON PHAL CHER LA DGOS SHING BRJOD BYA'I DRANG TSUL MI RNYED PA SOGS RIGS PAS GNOD, 'DUS BYAS THAMS CAD RDZUN PAR GSUNGS PA BDEN PA GCIG TU GSUNGS PA SOGS LUNG GIS GNOD CING, SGYU MA SOGS DPE DU MA DANG BTZAL NA MI RNYED PA SOGS KYI RIGS PA DANG; ZAB MO SKYE MED STON PA'I LUNG DU MAS GNAS LUGS KYI DON DER NGES PA'I PHYIR TE, 'DIR DRANG DON GYI DRANG TSUL LA GZHUG PA LDEM DGONGS LTA BU'I GDUL BYA KHA DRANG TSUL MA YIN PAS BRJOD BYA'I SGO NAS PHA DANG MA NI BSAD BYA ZHING LTA BU'I SGRAS ZIN MDO DE'I BRJOD BYA TZAM DU YANG MI RUNG BA'I DRANG TSUL DANG, LAS DKAR NAG LAS BDE SDUG 'BYUNG BAR STON PA SGRA JI BZHIN YIN KYANG LAS DKAR NAG LAS 'BRAS BU BDE SDUG 'BYUNG BA NI LAS DE GNYIS KYI GNAS LUGS YIN PAR 'DOD PA LA LAS GNYIS KYI GNAS LUGS DER MI RUNG GI DE LAS GZHAN DU BDAG MED DU DRANG DGOS PA LTA BU'I SGRA JI BZHIN PA YIN MIN GYI DRANG TSUL BSDUS NA GNYIS YOD PA'I PHYIR TE, TING 'DZIN RGYAL PO LAS, STONG PA BDE BAR GSHEGS PAS BSTAN PA LTAR, ,DES

, ,DON MDO SDE DAG GIS BYE BRAG SHES, ,GANG LAS SEMS CAN GANG ZAG SKYES BU BSTAN, ,CHOS DE THAMS CAD DRANG BA'I DON DU STON, ZHES SO, ,DES NA 'KHOR LO GSUM GYI KHYAD PAR YANG, ZAB ZHI SPROS BRAL 'OD GSAL 'DU MA BYAS, SOGS DANG, RTZA SHE LAS DMAN MDE BKOD PA'I MDO DON DAM DNGOS SU STON BA RNAMS 'KHOR LO DANG PO YIN KYANG DRANG DON MIN PAR BSHAD PAS, 'KHOR LO GSUM SO SO LA DGONGS 'GREL GYI 'KHOR LO DANG PO SOGS KYIS MA KHYAB LA, DGONGS 'GREL GYI 'KHOR LO GSUM GYI 'KHOR LO DANG PO BDEN BZHI SOGS RANG MTSAN GYIS YOD PAR BSHAD PA DANG, 'KHOR LO THA MAS KUN BTAGS RANG BZHIN MED PA DANG GZHAN DBANG YONGS GRUB RANG BZHIN GYIS YOD PA DON DAM PAR YOD TSUL BSHAD PA'I MDO GNYIS DRANG DON DANG BAR BA'I SHER SNYING LTA BU YANG RANG BZHIN GYIS STONG PAR LHA'O, ,GSUNGS PAS NGES DON GYI MDO YIN LA TSUL 'DI DGONGS 'GREL DANG MI MTHUN KYANG DGONGS PA MI 'GAL TE, GDUL BYA'I KHYAD PAR SO SOL DE LTAR 'THAD KYANG DGONGS PA MI 'GAL BA'I PHYIR TE, DPER NA NYAN THOS LA LTOS TE, SROG GCOD NAM YANG MA GNANG LA, THEG CHEN GYI KHYAD PAR 'GA' ZHIG LA DGOS DBANG GIS GNANG BA GSUNG BA PO GCIG GI LUGS YIN KYANG MI 'GAL BA BZHIN NO, ,'O NA SKABS 'DIR DRANG DON DU 'GREL RGYUL, DGONGS GZHI DGOS PA DNGOS LA GNOD BYED JI LTA BU SNYAM NA LA LA NA RE, RNAM PA DE LTA'I MDO SDE GZHAN YANG NI, ,DRANG DON NYID DU LUNG 'DIS GSAL BAR BYED, CES PA'I DRANG DON DU 'BREL RGYU LA SEMS TZAM,,

PA'I MTSAN NYID GSUM STON PA'I DGONGS 'GREL DANG KUN GZHI STON PA'I DGONGS 'GREL LE'U GNYIS DANG, 'GREL PA'I SOGS SGRAS PHYI DON MED PAR STON PA'I BYAMS ZHUS DANG, MTHAR THUG THEG PA GSUM DU STON PA'I DGONGS 'GREL GYI LUNG BZHIR NGES ZER BA SOGS YOD DO, ,DE MI 'THAD DE RNAM BSHAD LAS, LUGS 'DIS SNGAR BSHAD PA'I DON TSAN BZHI KA DRANG DON DU 'GRE LA GYI GSUNGS PA, BRJOD DON SGOS BSDUS TE RANG 'GREL GYI DNGOS SU SMOS PA GSUM DANG MDO KUN BTUS KYIS MTHAR THUG THEG GSUM STON PA BRJOD DE NA SGOS GCIG TU BYAS NAS BZHIR GTZO BOR BSHAD KYI, RJOD BYED THA DANG DANG DBYE BA'I SGOS PHYE NA SHIN TU MANG PO YOD PA'I PHYIR, DPER NA MTHAR THUG THEG PA GSUM DU STON TSUL BA RU RA'I MDO DANG DGONGS 'GREL DE LA DGONGS NAS THEG PA GCIG TU BSTAN TE, SEMS CAN GYI KHAMS NA ZHES PA NAS, SEMS CAN GYI RIGS SNA TSOGS DAG KYANG MED PA MA YIN NO, ,LTA BU DANG RIGS BDEN GRUB SO SOR DMIGS PA DANG, SHER MDO LAS, DE DAG 'KHOR BA'I RGYUN GYI MTSAMS BCAD PA'I PHYIR LTA BU DGRA BCOM PA SLAR 'PHOS NAS MI SKYE BA DANG, DGONGS 'GREL LAS, ZHIB BGROD PA GCIG BU BA NI NAS BYANG CHUB TU SEMS BSKYED PA'I MTHU MED DO, ,SOGS DANG, 'JIG LTA SANGS RGYAS KYI GDUD BSHAD PA LTA BU DE DAG GIS CI TZAM BSGOMS KYANG SNYING RJE DANG LHAG BSAM MI SKYE BAR BSHAD PA'I LUNG DUM DANG STON TSUL DU MA YOD PA'I PHYIR DANG, DE DAG RE RE NAS DRANG DON DU 'GREL BYED LUNG SO SO BA MDO KUN BTUS LAS BSHAD PA RNAMS 'DIR MA DRANGS

, ,PA TZAM YIN PA'I PHYIR TE MDO KUN BTUS LAS, THEG PA GCIG LA MOS PA'I SEMS CAN DE DAG NI SHIN TU RNYED PAR DKA' STE, THEG PA GCIG DU ZAD PA NI MDO SDE DU MA LAS GSUNGS PA'I PHYIR DANG, 'PHAGS PA'I DAM BA'I CHOS PADMA DKAR PO LAS, DE YANG THEG PA GCIG LAS BRTZAMS TE, SEMS CAN RNAMS LA CHOS 'CHAD PA SOGS KYIS DUS GSUM GYI SANGS RGYAS THAMS CAD DAD DA LTAR GYI PHYOGS BCU'I SANGS RGYAS THAMS CAD THEG GCIG STON PAR BSHAD PA DRANGS, MDO 'DIR SH'A RI'I BU SOGS BLA MED DU LUNG YANG BSTAN LA, BDEN PA PO'I LE'U LAS, 'JAM DPAL THEG PA GCIG GIS NGES PAR 'BYUNG BA'I PHYIR SOGS KYIS THEG PA THA DAD PA BSTAN NA 'DU SHES PA THA DAD PA SOGS DANG, DPE 'KHYUD KYI SKYON YOD LA THEG PA CHEN PO LA GZHOL BA 'BAB PA SHA STAG TU BSHAD PA DRANGS, SHER MDO LAS, LHA'I BU GANG DAG CES SOGS KYIS DGRA BCOM PAS KYANG SEMS BSKYED NA YID RANG LA BAR CHED MI BYA ZHING SHIN TU KHYAD PAR DU 'PHAGS PA'I CHOS LA DMIGS PAR BYA ZHES DGRA BCOM LA YANG SEMS BSKYED SKYE BA DNGOS SU BSTAN NAS LUNG GSUM PO DRANG DON DU BSHAD, GZUNGS RGYAL GYIS ZHUS PA LAS, SANGS RGYAS BCOM LDAN 'DAS RNAMS NI SOGS KYI NOR BU BKRU BA GSUM GYI DPES DGRA BCOM PA'I YANG SGRIB PA'I DRI MA BKRUS NAS SANGS RGYAS SU 'GOD PAR BSHAD PAS NYAN THOS DGRA BCOM PA LA THEG PA MTHAR THUG MED PA DANG SANGS RGYAS PA'I NUS PA MED PA DRANG DON DU BSHAD, PHYIR MI LDOG PA'I

'KHOR LO'I MDO LAS, 'JAM DPAL GZHON NUR GYUR PAS GSOL BA SOGS KYI THEG PA GCIG LA MI 'JUG PA KHA DRANG BA'I PHYIR DU THEG PA GSUM BSTAN PA BSHAD PA DANG, DPAL PHRENG SENG GE'I NGA RO'I MDO LAS, YONGS SU MYA NGAN LAS 'DAS PA ZHES SOGS KYIS MYANG 'DAS MTHAR THUG SANGS RGYAS MIN PA LA MED PAR BSHAD PA DRANG BA PHYOGS GCIG STE MDO 'DI DAG DRANGS PA'I PHYIR DANG, MDO 'DIR SNGAR LTAR DGRA BCOM 'CHI 'PHO DANG SKYE TSUL BSHAD PAS DGRA BCOM PA SLAR MI SKYE BA DRANG DON DU STON LA, LANG GSHEGS LAS, TING NGE 'DZIN GYI BDE BA LA GNAS PA THOB NAS NYAN THOS RNAMS KYANG RGYAL BA'I SKU'I SKU NYID RAB TU 'THOB PAR 'GYUR RO, ,ZHES DANG, TING NGE 'DZIN GYIS LUS THOB NAS, SOGS KYIS KYANG DGRA BCOM PA SLAR SKYE TSUL DANG, SANGS RGYAS KYIS BSKUL NAS THAG CHEN GYI LAM SGRUB TSUL SOGS MDO MANG YANG MTHAR THUG THEG PA GCIG TU STON PA ZHES GRANGS GCIG BYAS PA LTA BU YIN LA, DER MA ZAD GZHAN YANG RIGS SO SOR BDAN PAR YOD PA'I DRANG DON DU STON PA'I MDO TING 'DZIN RGYAL PO LAS, BDE GSHEGS SNYING POS 'GRO BA YONGS LA DANG, ,'DI NA SKAL MED SEMS CAN 'GA' YANG MED, LTA BU DANG, BDE GSHEGS SNYING PO'I MDO DANG RGYUD BLA MAS SEMS CAN THAMS CAD LA SANGS RGYAS KYI RIGS YOD PAR BSHAD PA RNAMS KYANG THEG PA GCIG STON PAR BSDUS TZAM MO, ,DES NA 'JUG PA LAS, RNAM PA DE LTA'I MDO SDE GZHAN YANG NI, ,DRANG DON NYID DU LUNG 'DIS GSAL BAR BYED, CES PA'I RANG 'GREL LAS, RNAM PA DE LTA BU'I MDO SDE

, ,GANG ZHE NA, JI SKAD DU DGONGS 'GREL PA'I MDO LAS, BRTAGS PA DANG GZHAN GYI DBANG DANG, YONGS SU GRUB PA ZHES GSUNGS PA'I RANG BZHIN GSUM BSTAN PA LAS BTAGS PA MED PA NYID DANG GZHAN GYI DBANG YOD PA NYID DANG; DE BZHIN DU, LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I RGYUN BZHIN 'BABS, ,BDAG TU RTOGS PAR GYUR NA MI RUNG ZHES, ,'DI NI BYIS PA RNAMS LA NGAS MA BSTAN, ZHES BYA BA LA SOGS PA STE 'DI JI LTAR NAD PA NA BA LA, ,SMAN PAS SMAN RNAMS GTONG BA LTAR, ,SANGS RGYAS DE BZHIN SEMS CAN LA, ,SEMS TZAM DU YANG RAB TU GSUNG, ZHES GSUNGS PA'I LUNG 'DIS DRANG BA'I DON NYID DU GSAL BAR BYED DO, ,ZHES GSUNGS PA LTAR, SMAN PAS NAD PA DANG 'TSAM PA'I SMAN SO SOR GTONG PA LTAR SANGS RGYAS KYIS KYANG, GDUL BYA LA SEMS TZAM SOGS STON GSUNGS PA DANG, SEMS CAN GYI BSAM PA'I DBANG TZAM GYIS BSTAN PA THAMS CAD DRANG DON DANG, DE LTAR BZUNG NA 'KHRUL PA SMIG RGYU LA CHUR 'DZIN LTA BUR 'GRO BAS TSIG LA MI CHAGS PAR NGES DON BTZAL DGOS PAR BSHAD PA LANG GSHEGS LAS, MDO SDE NI SEMS CAN GYI BSAM PA BZHIN BSTAN PA DON 'KHRUL PA YIN TE, DE KHO NA'I GTAM MIN NO, ,DPER NA SMIG RGYU NI CHU MED PAS CHUNG ZHEN PA'I RI DVAGS SLU BA BZHIN DU BSTAN PA'I CHOS KYANG BYIS PA MGU BAR BYED KYI 'PHAGS PA'I YE SHES RNAM PAR DGOD PA'I GTAM MIN NO, ,DES NA KHYOD KYIS DON GYI RJES SU 'BRANG BAR BYA YI BRJOD PA LA CHAGS PAR

MI BYA'O, ,ZHES GSUNGS PA LA 'DIS DRANG DON THAMS CAD BSHAD MOD, SO SOR BSHAD NA SKABS 'DIR SEMS TZAM DANG PHYI DON MED PA DANG, DE BZHIN GSHEGS PA'I SNYING PO'I MDO LAS SEMS CAN THAMS CAD KYI RGYUD LA SNYING PO RTAG BRTAN MTSAN DPE CAN BSHAD PA DANG, KUN GZHI BSHAD PA DANG, MTHAR THUG THEG GSUM STON PA'I MDO LNGA DRANG DON DU 'CHAD DE, LANG GSHEGS LAS NAD PA'I DPES SEMS TZAM BSTAN PAR BSHAD PA NGES DGONGS 'GREL BYAMS ZHUS LAS SEMS TZAM DU BSHAD PA DRANG DON DU BSHAD LA, SA BCU PA LAS, KHAMS GSUM PO 'DI NI SEMS TZAM MO ZHES PA MU STEGS KYI BYED PO MED PAR SEMS TZAM ZHIG GTZO BOR BYED PA POR LEGS LDAN LTAR BSHAD DE, 'JUG PA LAS, MNGON GYUR MNGON PHYOGS BYANG CHUB SEMS DPA' YIS, ,SRID GSUM RNAM SHES TZAM DU GANG RTOGS PA, ,RTAG BDAG BYED PO BKAG PA RTOG PHYIR DES, ,BYED PA PO NI SEMS TZAM YIN PAR RTOGS, ,ZHES SA BCU PA RANG LAS BSHAD LA, DER MA ZAD LANG GSHEGS LAS KYANG, GANG ZAG RGYUN DANG PHUNG PO DANG, ,DE BZHIN RKYEN DANG RDUL DAG DANG, ,GTZO BO DBANG PHYUG BYED PO RNAMS, ,SEMS TZAM DU NI NGAS BSHAD DO, ZHES CHOS 'DI PA YIN KYANG GANG ZAG RDZAS YOD DANG, RGYUN DANG PHUNG PO GANG ZAG TU 'DOD PA BYED PO DANG, RKYEN [?] RDZAS YOD BYED PO DANG, BYE BRAG PA RDUL PHRA RAB 'JIG RTEN BYED PO DANG, GRANGS CAN GTZO BO DANG, DBANG PHYUG PA DBANG PHYUG BYED POR SMRA BA BSAL TE, SEMS TZAM ZHIG BYED POR GSUNGS PA'I PHYIR DANG, SEMS

, ,LAS GZUGS MED NA 'DU BYED KYI RKYEN GYIS RNAM SHES GSUNGS SHING MING GZUGS SOGS KYANG BKA' STZAL BAR MI 'GYUR LA SEMS KYI 'JIG RTEN SNA TSOGS BYAS PAR BSHAD PAS, SEMS GTZO BOR MIN PA'I BYED PO BKAG PAR SHES SO, ,'O NA LANG GSHEGS LAS PHYI ROL SNANG BA YOD MIN TE, ,SEMS NI SNA TSOGS RNAMS SU SNANG, ,LUS DANG LONGS SPYOD GNAS 'DRA BA, ,SEMS TZAM DU NI NGAS BSHAD DO, ,ZHES PA YANG DE LTAR BSHAD DAM SNYAM NA MIN TE, 'DIR PHYI ROL MED PA SEMS TZAM ZHES BSHAD CING LUS LONGS SPYOD GNAS SU SNANG BA YANG SEMS KYI NGO BOR BSHAD PA DANG, DGONGS 'GREL SOGS KYIS DE LTAR BSHAD PA GDUL BYA GZUGS SOGS LA CHAGS PA BZLOG PA'I CHED DU DGONGS NGOS [?] GZHI RIGS PA DRUG CU PA LTAR SEMS KYI RNAM PAS BZHAG TZAM LA DGONGS PAR MNGON PAS DE LTAR BSHAD LA LEGS LDAN DANG SLOB DPON 'DI GNYIS KA'I SEMS TZAM BKAG PA 'PHAGS PA'I DGONGS PA YIN TE, BYANG CHUB SEMS 'GREL LAS , 'DI DAG THAMS CAD SEMS TZAM ZHES, ,THUB BA YIS NI GANG GSUNGS PA, ,BYIS RNAMS SKRAG PA SPANGS DON DE ,DE NI DE BZHIN NYID MA YIN, ZHES DANG RIN CHEN PHRENG BA LAS KYANG, BRDA SPROD PA DAG JI LTA BUR, ,YI GE'I PHYI MO KLOG 'JUG LTAR,, DE BZHIN SANGS RGYAS GDUL BYA LA, ,JI TZAM BZOD PA'I CHOS STON TO, NAS; KHA CIG LA NI GNYIS RTEN PA, ,KHA CIG LA NI GNYIS MI BRTEN, ,ZAB MO KHU 'PHRIG CAN 'JIGS PA, ,STONG NYID SNYING RJE'I SNYING PO CAN, ,BYANG CHUB SGRUB PA KHA CIG LA'O,

ZHES GSUNGS PAS 'JUG PAR, MDO SDE GANG LAS PHYI ROL SNANG YOD MIN, ,SEMS NI SNA TSOGS SNANG NGO ZHES GSUNGS PA, ,GZUGS LA SHIN TU CHAGS GANG DE DAG LA, ,GZUGS BZLOG PA STE DE YANG DRANG DON NYID, CES SO, ,DE BZHIN DU LANG GSHEGS LAS, BCOM LDAN 'DAS KYIS MDO BRJOD PA'I DE BZHIN GSHEGS PA'I SNYING PO GSUNGS PA DE BCOM LDAN 'DAS KYI RANG BZHIN GYIS 'OD GSAL BA DE RNAM PAR DAG BAS THOG MA NAS, RNAM PAR DAG PA NYID MTSAN SUM CU RTZA GNYIS DANG LDAN PA SEMS CAN THAMS CAD KYI LUS KYI NANG NA MCHIS PAR BRJOD DO, ,ZHES PA NAS RNAM PA SNA TSOGS KYI STON TO ZHES PAS SNYING PO'I MDO LAS MTSAN DPES BRGYAN PA'I SKU RTAG PA STOBS SOGS DANG LDAN PA SEMS CAN THAMS CAD KYI RGYUD LA YOD PAR BSHAD PA LA DGONGS GZHI DGOS PA DANG, DNGOS LA GNOD BYED GSUM GYIS SNGAR LTAR DRANG DON DU BSHAD LA 'DI DANG KUN GZHI YOD PAR BSHAD BA GNYIS DGONGS GZHI STONG NYID LA DGONGS DNGOS LA GNOD BYED SGRAS ZIN LTAR NA MU STEGS BA LTAR 'GYUR BAS DRANG DON DU RIGS PA GCIG GIS 'GRUB STE, 'JUG PAR, KUN GZHI YOD CING GANG ZAG NYID YOD LA, ,SOGS DANG, RGYAN STUG BKOD PA LAS, SA RNAMS SNA TSOGS KUN GZHI STE, ,BDE GSHEGS SNYING PO DGE PA'ANG DE, ,SNYING PO DE LA KUN GZHI'I SGRAS, ,DE BZHIN GSHEGS RNAMS STON PAR MDZOD, SNYING PO KUN GZHIR GRAGS PA YANG, ,BLO ZHAN RNAMS KYIS MI SHES SO, ZHES SEMS CAN THAMS CAD KYI SEMS BDEN STONG RANG BZHIN GNAS RIGS DANG BDE

, ,GSHEGS SNYING PO DANG SANGS RGYAS KYI RIGS ZHES BYA BA DE DNGOS PO THAMS CAD KYI RANG BZHIN DU RJES SU ZHUGS PAS KUN GZHI DANG 'DIS RNAM PAR SHES PA DANG 'DIR RNAM PAR TE BYE BRAG GAM KHYAD PAR DU SHES PAS NA RNAM SHES ZHES BSHAD PA GNYIS LAS PHYI MA'I DBANG DU BYAS NAS RNAM SHES ZHES BSGRAGS PA'I PHYIR TE, 'JUG 'GREL LAS, DNGOS PO THAMS CAD KYI RANG BZHIN DU RJES SU ZHUGS PA'I PHYIR, STONG NYID KHO NA KUN GZHI RNAM PAR SHES PA'I SGRAS BSTAN PAR RIG PAR BYA'O, ZHES SO, ,'JUG PAR, DE LTAR LUNG GI LO RGYUS SHES BYAS TE, ,MDO GANG DE NYID MA YIN BSHAD DON CAN, ZHES SOGS KYIS SEMS TZAM PA'I MTSAN NYID DANG PO GNYIS KYI YOD MED KYI KHYAD PAR STON PA'I DGONGS 'GREL DRANG DON DU BSHAD DE, DNGOS PO BDEN GRUB SOGS STON PA DRANG DON YIN PAR BLO GROS MI ZAD PA SOGS KYIS BSHAD PA'I PHYIR DANG, MCHON NYID GSUM LA YOD MED KYI KHYAD PAR SHER PHYIN BYAMS ZHUS LTAR GZUGS NAS RNAM MKHYEN GYI BAR DON DAM PAR MED LA, 'JIG RTEN GYI BRDA DANG THA SNYAD TZAM DU YOD PA'I PHYIR TE, NYI KHRI'I BYAMS ZHUS LAS GZUGS SOGS JI LTAR MCHIS ZHUS PA'I LAN DU, 'JIG RTEN GYI BRDA DANG THA SNYAD DU YOD KYI DON DAM PAR NI MA YIN NO, ZHES RNAM MKHYEN GYI BAR LA DE LTAR GSUNGS PA'I PHYIR DANG, DES NA 'JUG 'GREL LAS, PHYOGS TZAM ZHIG NI BRJOD PAR BYA STE, DPER NA SBRUL NI ZHES SOGS KYI TSIG DON NYUNG GSAL BYAS NA, KUN BTAGS TSUL NI RANG

BZHIN GNAS LUGS NI GZHAN DBANG LA SNANG BA MED BZHIN DU SGRO BTAGS NAS SNANG BA YIN TE, GZHAN DBANG RANG GI SDOD LUGS SU MED BZHIN DU YOD PAR SNANG BA SGRO BTAGS PA'I KUN BTAGS YIN PA'I PHYIR TE, DPER NA SBRUL DE THAG PA LA MED BZHIN DU THAG PA SBRUL 'DZIN GYI SGRO BTAGS PA LTA BU YIN PA'I PHYIR TE GZHAN DBANG RANG BZHIN BCOS MIN SOGS KYI DON MA TSANG PA'I PHYIR, BZUNG BZHIN PA'AM MTHONG BZHIN PA'I GZHAN DBANG SNANG TSUL GNAS TSUL MI MTHUN PA'I GZUGS BRNYAN LTA BU'I RANG BZHIN GSHIS LUGS NI SANGS RGYAS KYIS GZIGS PA LTAR YONGS GRUB DNGOS YIN TE, DE LA MED BZHIN DU YOD PAR SGRO MA BTAGS PAR GZIGS PA'I PHYIR, DPER NA SBRUL DE SBRUL DNGOS LA SGRO MA BTAGS PAR BZUNG BA'I DON YONGS SU GRUB PA BZHIN YIN PA'I PHYIR 'DIS YONGS GRUB KYI MTSAN NYID DANG SGRA BSHAD GRUB CING, GZHAN DBANG NI KUN BTAGS KYI SGRO 'DOGS GZHI DANG, YONGS GRUB KYI STONG GZHIR BSHAD DO, ,GAL TE BYAMS ZHUS LAS, BYAMS PA KUN BTAGS PA'I GZUGS DE NI RDZAS SU MED PAR BLTA BAR BYA'O, ,RNAM PAR BTAGS PA'I GZUGS GANG YIN PA DE NI RNAM PAR RTOG PA RDZAS SU YOD PA'I PHYIR, RDZAS SU YOD PAR BLTA BAR BYA STE, RANG DBANG 'BYUNG BA'I PHYIR NI MA YIN NO ZHES GSUNGS PA JI LTAR ZHE NA, 'DI'I RDZAS SU YOD PA NI YOD TZAM YIN TE, DE LAS GZHAN 'DUS BYAS KYI RDZAS DANG RDZAS YOD KYI RDZAS DANG RANG BZHIN GRUB PA'AM BDEN GRUB KYI RDZAS GANG YANG MA YIN PAR MDO LAS SHES PA'I PHYIR TE, MDO DE NYID LAS, 'DU BYED

, ,KYI MTSAN MA'I ZHES SOGS NAS GANG CHOS NYID KYI GZUGS DE NI RDZAS SU MED PA'ANG MIN RDZAS SU YOD PA'ANG MA YIN ZHING DON DAM BAS RANG TU PHYE BAR BLTA BAR BYA'O, ZHES DANG, LEGS BSHAD SNYING PO LAS, DE'I PHYIR BYAMS ZHUS LAS RDZAS SU YOD MED GSUNGS PA'I RDZAS NI GZHUNG GZHAN NAS RDZAS GNYIS BSHAD PA'I RDZAS KYANG MIN LA DBU MA PAS RANG GI MTSAN NYID KYIS GRUB PA LA RDZAS SU BSHAD PA YANG MIN PAS YOD PA TZAM MO ZHES GSUNGS SO,, DES NAS BCU BA LAS KHAMS GSUM PO 'DI NI SEMS TZAM MO, ZHES DANG, THOG MA MED PA'I DUS KYI KHAMS, ZHES SOGS KYI DON SGRA JI BZHIN PAR SKABS 'DIR KHAS LEN PAS SEMS TZAM PAS SGRA JI BZHIN PA'AM NGES DON DU KHAS LEN PA THAMS CAD 'DI PAS SGRA JI BZHIN MIN PAS KHYAB PA DANG, BZLOG NAS KHYAB PA GANG YANG 'DOD PAR MI BYA'O, ,DRUG PA GRUB MTHA' LA, GZHI LAM 'BRAS BU'I RNAM BZHAG GSUM LAS DANG PO LA DGAG BYA'I DANG, 'GOG BYED RIGS PA'I DANG, GZHI BDEN GNYIS KYI DANG, THUN MONG MA YIN PA'I DANG, DE DAG NGES BYED TSAD MA'I KHYAD PAR 'KHRUL SPONG DANG BCAS PA LNGA LAS, DANG PO LA, DGAG BYA'I TSAD DANG, DE'I 'THAD PA GNYIS LAS, DANG PO NI, 'KHOR 'DAS SNANG GRAGS JI LTA JI SNYED KUN, ,MA BRTAGS LHAN SKYES 'JIG RTEN BRA SNYAD DU, ,'JOG PHYIR RTOG PAS PHAR MIN YUL STENG NAS, ,GRUB DANG RDZAS YOD RANG MTSAN RANG NGOS GRUB, ,BDEN GRUB NGO BOS GRUB SOGS DGAG BYAR GCIG, CES SMRAS TE,

'KHOR BA KUN NYON PHYOGS DANG MYANG 'DAS RNAM BYANG PHYOGS KYI GZUGS SOGS CHOS SNANG ZHING YID LA RNAM PA SHAR BA NI YID LA GRAGS PA'I JI LTA BA DANG JI SNYED PAS BSDUS PA KUN, BDEN GRUB TU 'DZIN PA'I SGRO MI 'DOGS PA'I 'JIG RTEN PA'I LHAN SKYES BRTAGS DON MI DPYAD PA'I NGO BOR 'JOG DGOS PA'I PHYIR, JI LTA JI SNYED THAMS CAD SGRA RTOG GIS PHAR BTAGS TZAM YIN TE, DE DAG MING GIS PHAR BTAGS TZAM MA GTOGS CHA RE RE DANG TSOGS TZAM DANG DNGOS PO RNAMS KYI RGYUN SOGS GANG YANG CHOS DE MIN PA'I PHYIR TE, DPER NA MUN PA DANG RAB RIB LA THAG KHRA 'KHYIL PA LA SBRUL RTOG PAS BTAGS PA DANG, RGYANG RING PO NAS THO YOR LA MIR SGRO BTAGS TZAM BZHIN NO, ,RIN CHEN PHRENG BA LAS, GZUGS GYI DNGOS PO MING TZAM PHYIR, ,NAM MKHA' YANG NI MING TZAM MO, ,'BYUNG MED GZUGS LTA GAL YOD, ,DE PHYIR MING TZAM NYID KYANG MED, CES DANG, BZHI BRGYA BA LAS, RTOG PA MED PAR 'DOD CHAGS LA, ,SOGS LA YOD NYID YOD MIN NA, ,YANG DAG DON DANG RTOG PA ZHES, ,BLO DANG LDAN PA SU ZHIG 'DZIN, ZHES DANG, DE'I 'GREL BAR RTOG PA YOD PA KHO NAS YOD PA NYID DANG, RTOG PA MED PAR YOD PA NYID MED PA DE DAG NI GOR MA CHAGS PAR THAG PA BSDOGS PA LA BRTAGS PA'I SPRUL LTAR RANG GI NGO BOS MA GRUB PAR NGES SO, ZHES DANG, YAB SRAS MJAL BA LAS, RGYAL PO CHEN PO SKYES BU GANG ZAG NI KHAMS DRUG PA REG PA'I SKYE MCHED DRUG PA, YID KYI NYE BAR SPYOD PA BCO BRGYAD BA'O, ZHES PA NAS, SA'I KHAMS NI THA SNYAD TZAM MA GTEGS PAR

, ,SA'I KHAMS NYID DU MI DMIGS TE, THA SNYAD DE YANG BUD MED MA YIN SKYES PA MA YIN GYI RGYAL PO DE LTAR YANG DAG PA JI LTA BA BZHIN DU SHES RAB KYIS RTOGS SHIG CES DANG DE BZHIN DU KHAMS RE RE NAS GSUNGS PA'I PHYIR DANG, MDO DE'I DON NI MA DMIGS TE YAN CHAD KYI MING GIS BTAGS TZAM LAS MED PAR BSHAD, THA SNYAD DE YANG BUD MED MIN SKYES PA MIN ZHES PA'I GDAGS GZHI THA SNYAD PA DE YANG GDAGS CHOS BUD MED DANG SKYES PA MIN PAR BSHAD PA'I PHYIR, DE'I DON BSDUS NAS RIN CHEN PHRENG BA LAS, SKYES BU SA MIN CHU MA YIN, ,ME MIN RLUNG MIN NAM MKHA' MIN, ,RNAM SHES MA YIN KUN MIN NA, ,DE LAS GZHAN NA SKYES BU GANG, ZHES GSUNGS TE, RNAM SHES MA YIN ZHES PA YAN CHAD KYIS GDAGS GZHI RE RE MA YIN PAR BSHAD, KUN MIN ZHES PAS GDAGS GZHI TSOGS PA YANG MA YIN PAR BSHAG DE LAS GZHAN NO ZHES PAS GDAGS GZHI LA MA LTOS PA'I YANG MED PAR BSHAD PA'I PHYIR, DES NA RANG RGYUD PA SOGS LTAR MA YIN PAR SHER MDO LTAR MYANG 'DAS DANG STONG NYID KYANG MING DANG RTOG PAS PHAR BZHAG TZAM MA GTOGS GDAGS YUL GYI STENG NAS YOD PA DANG, RDZAS YOD DANG TSUGS THUB TU GRUB PA GNYIS RTEN 'BREL GYI BZLOG ZLA DANG, RANG MTSAN GYIS GRUB PA DANG RANG NGOS NAS GRUB PA DANG, RANG DBANG GIS GRUB PA DANG BDEN PAR GRUB PA DANG NGO BO NYID KYIS GRUB PA RNAMS MING MI GCIG PA MA GTOGS DON 'DRA BAR RTAGS KYI DGAG BYAR DON GCIG PAR BYA STE, BZHI BRGYA PA LAS, 'DI KUN RANG DBANG MED PA

STE; ;DES NA BDAG NI YOD MA YIN, ZHES DANG 'GREL PA LAS, 'DI NA GANG RANG GI NGO BO DANG RANG BZHIN DANG RANG DBANG DANG GZHAN LA RAG MA LAS PA NYID YIN PA DE LA NI, RANG LAS MA GRUB PAS RTEN CING 'BREL BAR 'BYUNG BA YOD PA MIN NA ZHES SO, , GNYIS PA NI, RANG NGOS MED DANG MING RTOG PHAR BTAGS 'DIR, ,BYA BYED KUN 'JOG MTHA' BRAL DBU MA STE, ,'DI LAS RAGS PHRA GANG BYAS RTAG CHAD MTHA', ,ZHES SMOS PA LA DE LTAR DGAG BYA PHRA MO NAS NGOS ZIN DGOS TE, DE NGOS MA ZIN NA DE BKAG PA'I DNGOS MED RNAL MA MI RTOGS PA'I PHYIR TE, SPYOD 'JUG LAS, BRTAGS PA'I NGOS LAM REG PAR, ,DE'I DNGOS MED 'DZIN MA YIN, ZHES GSUNGS PA'I PHYIR DANG, DPER NA SKYE BA SNGA PHYI RANG BZHIN MED PA'I RNAM PA NGOS MA ZIN PAR SKYE BA SNGA PHYI MI SNANG BA'I STONG HA [?] DANG [?] TZAM GYIS STONG NYID MI RTOGS PAR SANGS RGYAS BSKYANGS DANG ZLA BA'I ZHABS DU MAS BZHED PA'I PHYIR TE, BUD DHA B'A LI TA LAS, DE GNYIS LA KHYAD PAR CHE BA DE BZHIN DU 'DI LA YANG 'JIG RTEN 'DI MED DO ZHES BYA BA LA SOGS PA DE LTAR MTHONG BA NI MA RIG PAS KUN TU RMONGS PA'I SEMS DANG LDAN PA YIN GYI, DNGOS PO THAMS CAD NGO BO NYID STONG PA'I PHYIR MA SKYES PA DANG MA 'GAG PAR MTHONG BA GCIG SHOS NI SHES PA SNGON DU BTANG BA YIN PAS DE GNYIS LA KHYAD PAR CHE'O, ,ZHES DANG; TSIG GSAL LAS, 'DIR KHA CIG DBU MA PA NI MED PA DANG KHYAD PAR MED PA YIN TE, SHES PA NAS, DE LTAR NI MA YIN TE, DBU MA PA DAG NI RTEN CING 'BREL BAR 'BYUNG BA SMRA BA YIN TE, RTEN CING 'BREL BAR 'BYUNG BA'I PHYIR 'JIG RTEN 'DI DANG

, ,'JIG RTEN PHA ROL LA SOGS PA THAMS CAD RANG BZHIN MED PAR SMRA BAR BYED DO, ,MED PA BDAG GIS NI DE LTAR RTEN CING 'BREL BAR 'BYUNG BA YIN PA'I PHYIR, RANG BZHIN GYI STONG NYID KYI SGOS 'JIG RTEN PHA ROL LA SOGS PA DNGOS PO MED PAR RTOGS PA MA YIN TE, ZHES GSUNGS SO, ,DE'I PHYIR DGAG BYA PHRA MO RANG NGOS NAS GRUB BA RDUL TZAM MED PAR BKAG KYANG MING TZAM DANG RTOG PAS PHAR BTAGS TZAM 'DIR 'KHOR 'DAS KYI BYA BYED KUN 'JOG SHES PA DE RANG BZHIN GRUB BA SOGS KYI YOD MTHA' DANG RTAG MTHAR MI GNAS LA THA SNYAD DU MING TZAM LA THAMS CAD RUNG BA CHAD MTHA' DANG MED MTHAR MI GNAS PA'I DBU MA YIN TE, 'OD SRUNG GI LE'U LAS, YOD CES BYA BA NI MTHA' GCIG GO ,MED CES BYA BA DE NI MTHA' GNYIS SO, ,DE GNYIS KYI DBUS GANG YIN PA DE NI, DPYAD DU MED PA BSTAN DU MED PA, BSTEN MA YIN PA, SNANG BA MED PA, RNAM PAR RIG PA MED PA GNAS MED PA STE, 'OD SRUNG 'DI NI DBU MA'I LAM CHOS RNAMS LA SO SOR RTOG PA ZHES BYA'O, ,LTA BU DANG RTZA SHE LAS KYANG, DE LTAR GSUNGS PA'I PHYIR DANG, RANG BZHIN SPYAR NAS MED MTHA' YANG SEL LA BTAGS TZAM GYI YOD MTHA' YANG SEL BAS NA RANG RGYUD PA LTAR 'DI LAS DGAG BYA RAGS PA DANG BOD KHA CIG LTAR MING BTAGS TZAM LA'ANG 'JIG RTEN PA'I BDEN RDZUN KHAS MI LEN PAR SGYU MA'I RTA DANG RTA GNYIS LA SNANG BA LTAR GRUB MA GRUB KYANG YOD MED KYI BDEN RDZUN MA BYAS NA, ZLA BAS KHYOD DANG 'JIG RTEN 'DI NI RTZOD GYIS DANG, ZHES DANG, 'JIG RTEN GRAGS

BA'I KUN RDZOB MA BRLA GCIG CES DANG, MTHONG BA RDZUN PA'ANG RNAM PA GNYIS 'DOD DE SOGS DANG, 'GAL ZHING MTHAR 'DZIN LAS MI 'DA' BAR SHES NAS DOR DGOS SO, ,GNYIS PA 'GOG BYED RIGS PA LA, BSTAN BSHAD GNYIS LAS, DANG PO NI NGANG RGYUD PA MAN CHAD DANG BONG KYI THAL 'GYUR BA KHA CIG LTAR BDAG MED GNYIS LA PHRA RAGS DGAG BYA MI 'DRA BAR BYAS NAS RIGS PA SO SOS GTAN LA 'BEBS SAM ZHE NA, DGAG BYA DANG BDAG MED GNYIS LA PHRA RAGS MED KYANG GTAN LA 'BEBS PA'I RIGS PA SO SOR BSTAN PA'I PHYIR, GANG ZAG CHOS STENG BDAG GNYIS DER MED GNYIS, ,BDAG MED GNYIS BZHED CHOS BDAG RDO RJE YI, ,GZEGS MA LA SOGS BZHIS 'GOG GANG ZAG BDAG ,LNGA BDUN GYIS 'GOG GNYIS KA'A [?] BRTEN 'BREL GYIS; ZHES SMRAS TE, DE YANG BRGYA PA'I 'GREL BA LAS, DE LA BDAG CES BYA BA NI GANG ZHIG DNGOS PO RNAMS KYIS GZHAN LA RAG MA LAS PA'I NGO BO RANG BZHIN TE, DE MED PA NI BDAG MED PA'O, ,DE NI CHOS DANG GANG ZAG GI DBYE BAS GNYIS SU RTOGS TE, CHOS KYI BDAG MED PA DANG GANG ZAG GI BDAG MED PA ZHES BYA'O, ,GSUNGS PA LTAR SGRA RTOG SOGS GZHAN LA MA LTOS PA DANG, RAG MA LAS BA DGAG BYA'I BDAG DANG DE GZHI GANG ZAG GI DANG CHOS KYI STENG DU MED PA GNYIS NI RIM PA BZHIN GANG ZAG GI BDAG MED DANG CHOS KYI BDAG MED LA 'JOG STE SLOB DPON SANGS RGYAS BSKYANGS KYI DGONGS PA YIN LA, RDO RJE GZEGS MA SOGS RIGS PA BZHIS CHOS BDAG 'GOG CING, MDO DANG RTZA SHE NAS RNAM LNGA RAB TZAL BA'I RIGS

, ,PA DANG, ,'JUG PAS DE'I STENG DU TSOGS TZAM BDAGS GZHIR BSHAD PA LA BRTEN NAS TSOGS TZAM DANG DBYIBS BDAG TU 'DOD PA 'GOG PA GNYIS TE RNAM BDUN DU BTZAL BA'I RIGS PAS GANG ZAG GI BDAG 'GOG LA, GCIG DU BRAL DANG RTEN 'BREL GYI RTAGS KYIS BDAG GNYIS KA 'GOG STE BSHAD PAR 'GYUR, GNYIS PA LA, CHOS BDAG 'GOG PA'I DANG, GANG ZAG GI BDAG 'GOG PA'I RIGS PA 'KHRUL SPONG DANG BCAS PA GNYIS, DANG PO LA, RDO RJE GZEGS MA DANG, MTHA' BZHI SKYE 'GOG DANG YOD MED SKYE 'GOG GI DANG, MU BZHI SKYE 'GOG 'KHRUL SPONG DANG BCAS PA DANG, CHOS KUN GTAN LA 'BEBS BYED RTEN 'BREL GYI RIGS PA 'KHRUL SPONG DANG BCAS PA BZHI, DANG PO LA, RTAGS 'GOD PA DANG TSUL SGRUB PA GNYIS, DANG PO NI, 'GOD DUS THOG MAR THAL 'GYUR GYIS BDEN ZHEN GYI LOG RTOG GI RTZEM BCOM PAR SGRUB DAG MI BYED PA MDO SEMS DBU MA PA GSUM MTHUN KYANG 'DIR BSHAD SLA BA'I DBANG DU BYAS NAS, BDAG DANG GZHAN DANG GNYIS DANG RGYU MED LAS, ,SKYE BA MIN PHYIR RANG BZHIN SKYE BA MED, CES SMRAS TE, SKYE LDAN GYI DNGOS PO RNAMS CHOS CAN, RANG BZHIN GYIS SKYE BA MED DE BDAG DANG GZHAN DANG BDAG GZHAN GNYIS KA DANG RGYU MED LAS KYANG SKYE BA MED PA'I PHYIR TE, DPER NA, ME LONG GI GZUGS BRNYAN BZHIN, 'JUG PA LAS, GANG GI PHYIR NA BDAG DANG GZHAN DANG GNYIS KA LAS SKYE DANG, ,RGYUL MA LTOS YOD PA MIN PAS DNGOS RNAMS RANG BZHIN BRAL, ZHES DANG, LAM SGRON LAS, DNGOS PO RANG LAS MI SKYE

ZHING; GZHAN DANG GNYIS KA LAS KYANG MIN, ,RGYU MED LAS MIN DE YI PHYIR, ,NGO BO NYID KYI RANG BZHIN MED, CES SO, ,BDEN PAR SKYE BA MTHA' BZHI GANG RUNG DU SKYE DGOS SHING DE BZHI GANG LAS KYANG MA SKYES PA LA BDEN PA'I SKYES PA MI 'ONG BAS KHYAB PA RIGS PAS GRUB PAR MA ZAD BDEN SKYE KHAS LEN MKHAN RNAMS KYIS KYANG 'DOD PHYIR SGRUB MI DGOS SO, ,GNYIS PA RTAGS TSUL SGRUB PA LA BZHI LAS, DANG PO NI, BDAG LAS SKYEN DON MED THUG MED 'GYUR, ,GANG DE DE MIN RGYU 'BRAS RTAG MTHONG 'GYUR, ,'JIG RTEN MTHONG 'GAL BYA BYED KUN GCIG 'GYUR, ZHES PA NI GRANGS CAN NA RE, MYU GU RANG GI BDAG NYID DAM RANG GI SA BON GYI DUS NAS YOD LA SA BON DANG RGYU GNYIS KYI RANG BZHIN CHA MED PA'I GCIG PU YIN KHYAB MNYAM YOD PAS RGYU 'BRAS MI 'TSOL BA DANG SKYE BA 'THAD KYI DE LTAR RGYU DUS NA CI YANG MED NA MED PA MI SKYE STE, SKYEN RI BONG RVA YANG SKYE BAR 'GYUR, ZHES ZER SPYIR MED PA MI SKYE BAS YOD PA CIG SKYE LA DE YANG RANG SKYE BA'I SNGA ROL TU MED PA GCIG YOD PA'I BDAG NYID THOB PA'I PHYIR SKYE BAR MDO SDE BA YAN CHAD MTHUN GRANGS CAN LTAR BDAG NYID LAS SKYE BA DANG SLAR YANG SKYE BA SUS KYANG MI 'DOD PAS SKYE LDAN GYI DNGOS PO CHOS CAN, SLAR YANG SKYE BA DON MED PAR THAL, RANG GI BDAG NYID THOB ZIN PA'I PHYIR, MA KHYAB NA DE CHOS CAN, SKYE BA THUG MED DU THAL, YOD ZIN SLAR YANG SKYE BA DON YOD PA'I PHYIR, 'DI LA'ANG GRANGS CAN GYIS MA KHYAB ZER YANG LAN MI THEBS TE, SNGAR MED PA GSAR SKYE MI 'DOD PA'I PHYIR DANG, RANG NYID RANG NYID LA SKYE BA LA YON TAN 'GA'

, ,YANG MED PAR THAL, RANG GI BDAG NYID SNGAR NAS THOB ZIN PA'I PHYIR DANG, YANG NA SA BON SKYA BO 'BA' ZHIG THUG MED DU BRGYUD PA DANG, YANG NA MYU GU SNGON PO 'BA' ZHIG BRGYUD NAS SKYE BA THUG PA MED PAR THAL LO, ,SKYES ZIN SLAR YANG SKYE BA'I PHYIR DANG, RGYU SA BON SKYA BO LTA BU ZHIG NAS MED KYANG 'BRAS BU MYU GU MTHONG BA'I PHYIR, SA MYUG CIG CAR 'JIG RTEN GYIS KYANG KHAS MI LEN ZHING, MTHONG BA DANG YANG 'GAL BAR 'GYUR LA, RGYU 'BRAS KYI BYA BYED GCIG TU THAL, RANG NYID KYIS RANG NYID SKYED PA'I PHYIR TE, SANGS RGYAS BSKYANGS KYIS, DNGOS PO RNAMS BDAG LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SHIN TU THAL BAR 'GYUR BA'I PHYIR TE, DNGOS PO BDAG GI BDAG NYID DU YOD PA LA NI YANG SKYE BA LA DGOS PA MED DO, ,JI STE YOD KYANG SKYEN NAM YANG MI SKYE BAR MI 'GYUR RO, ZHES DANG 'JUG PAR, DE NYID DE LAS BYUNG NA YON TAN 'GA' YANG YOD MA YIN, NAS, BYA MIN RGYA CHER BSHAD PA'I NYES PAR THAL BAR 'GYUR PHYIR RO; ZHES SO, ,GNYIS PA LA, DNGOS DANG 'KHRUL PA SPANGS PA GNYIS, DANG PO NI, GZHAN LAS SKYE NA ME LAS MUN 'BYUNG ZHING, ,RGYU DANG RGYU MIN KUN LAS KUN 'BYUNG 'GYUR, ,GZHAN PHYIR RGYUD GCIG MI RUNG GRO NAS BZHIN, ,DUS MNYAM DE MED GZHAN LAS GZHAN SKYE CI, ZHES BYA BA LA GZHAN LAS SKYE NA LUNG RIGS DU MA DANG 'GAL TE, RIGS PA NI, ME LCE LAS KYANG MUN PA 'THUG PO 'BYUNG BAR THAL, RANG MTSAN GYIS GZHAN LAS GZHAN 'BYUNG BA'I PHYIR DANG, 'PHAGS PAS KYANG,

RGYU DANG 'BRAS BUS GZHAN NYID DU, ,NAM YANG 'THAD PAR MI 'GYUR RO, ,RGYU DANG 'BRAS BU GZHAN NYID NA, ,RGYU DANG RGYU MIN MTSUNGS PAR 'GYUR, ZHES GSUNGS PA LTAR RGYU DANG RGYU MIN LAS THAMS CAD 'BYUNG BAR THAL, RGYU 'BRAS RANG MTSAN GYIS GZHAN YIN PA'I PHYIR TE, 'JUG BAR, GZHAN LA BRTEN NAS SOGS SO, ,YANG KHO NA RE, THAL BDE'I SKYON MI YONG STE, 'DIR GANG ZHIG 'BRAS BU LA PHAN BAR BYED PA DE NYID DE'I RGYU YIN LA, RGYU NYER LEN DANG 'BRAS BU NI SA BON DE'I RGYUD GCIG TU GTOGS PA'AM RGYUN GCIG PA GCIG DGOS KYI RGYUN THA DAD PA LA NYER LEN SOGS MI RUNG BA, DPER NA NAS KYI SA BON DANG RGYUN GCIG PA'I NAS MYUG GI RGYU YIN KYANG KENG SHU'I MIN PA LTAR RO, ZHE NA, NYER LEN NAS KYI SA BON DANG 'BRAS BU NAS MYUG CHOS CAN, RGYUD CIG MIN PAR THAL, PHAN TSUN RANG MTSAN GYIS GZHAN YIN PA'I PHYIR, DPER NA BYAMS PA DANG NYER SBAS BZHIN DANG GRO NAS BZHIN, SA MYUG RANG MTSAN GYIS GZHAN MA YIN PAR THAL, DUS MNYAM DU MED PA'I PHYIR DANG, DE 'DRA'I GZHAN LA SKYE 'GAG GI BYA BA SOGS KYANG MI 'THAD PA'I PHYIR TE, 'PHAGS PAS, DNGOS PO RNAMS KYI RANG BZHIN NI, ,RKYEN LA SOGS LA YOD MA YIN, ,BDAG GIS DNGOS PO YOD MIN NA, ,GZHAN DNGOS YOD BAR GA LA 'GYUR, ZHES DANG, 'JUG PAR JI LTAR NAS DANG, NAS, RIGS PA'I NGO BO'ANG MIN, ZHES SO, ,'DI LA DBU MA DANG RGYUD PA DAG NA RE, BDEN GRUB GYI GZHAN DANG SKYE 'GAG BYA BA CIG CAR MED PA BDEN MOD, MA BRTAGS PAR RANG NGOS NAS SA BON 'GAG PA'I BYA BA DANG MYU GU SKYE

, ,BA'I BYA BA CIG CAR YOD PAS LU LJANG BA'I MDO'I DGONGS PA MIN NAM, ZHE NA, DE LA YANG SNGAR LTAR GNOD PA 'BAB LA, MDO'I DGONGS PA THA SNYAD DU YIN GYI RANG NGOS NAS MA YIN NO, ,GAL TE MIG DANG GZUGS SOGS DANG TSOR BA LHAN CIG PA KHO NA LA BRTEN NAS MIG GI RNAM SHES SKYE BAS GZHAN SKYE TZAM GRUB BO, ZHE NA, MIG GI RNAM SHES CHOS CAN, RANG GI SKYED BYED GZUGS DANG MIG DANG TSOR SOGS DUS LHAN CIG TU GRUB PA GZHAN LAS MI SKYE BAR THAL, KHYOD DE DAG DANG DUS MNYAM PAR GZHAN DU GRUB ZIN PA'I PHYIR TE, 'JUG PAR, MIG GI BLO LA SOGS SO, ,GNYIS BA NI, SNGA PHYI GZHAN 'GOG LDOG PHUNG GCIG SOGS 'KHRUL, ,MTHA' BZHI MI 'DOD GZHAN SKYE 'JIG RTEN DU'ANG, ,MED PAR BSHAD PHYIR 'DIR 'DOD SMYON PA'I GAR, ZHES PA NI RNAM BSHAD DGONGS PAR BA GSAL LTAR BOD KHA CIG GIS SNGA PHYI GZHAN 'GOG PA DANG, LA LA SNGA PHYI LDOG PHUNG GCIG TU 'KHRUL PAR 'DOD PA SOGS 'KHRUL PAR RTOGS SLA LA STAG TSANG BAS SNGAR LTAR SKABS 'DIR YANG GZHAN SKYE 'DOD BA NI SMYON PA'I RMA BYA GAR BYED PA'I MGO BO BCAD NAS MJUG MAR BTAGS NAS GAR BYED 'DOD PA'I RANG BZHIN KHO NA YIN TE, SA LU LJANG BA LAS, SA BON GYI RGYU LAS BYUNG BA'I MYU GU DE YANG SKYE BA NA, BDAG GIS MA BYAS, GZHAN GYIS MA BYAS, GNYIS KAS MA BYAS, DBANG PHYUG GIS MA BYAS, DUS KYIS MA BSGYUR, PHRA RAB LAS MA BYUNG, NGO BO NYID LAS MA BYUNG, RGYU MED PA LAS MA SKYES, ZHES DRANGS BA DANG, TSIG GSAL LA LAS, 'JIG RTEN PAS NI

BDAG DANG GZHAN LAS ZHES GSUNGS PA'I DE LTA BU LA SOGS PA'I RNAM PAR DBYOD PA'I 'JUG PA MED PAR BYAS NAS, RGYU LAS 'BRAS BU 'BYUNG ZHES BYA BA 'DI TZAM ZHIG RTOGS PA YIN NO, ,SLOB DPON YANG DE LTAR RNAM PAR BZHAG PA MDZAD PA YIN TE; ZHES DANG, 'JUG PAR, GZHAN LAS SKYE BA 'JIG RTEN LAS KYANG MED, CES PA'I LUGS DE KHYOD KYANG 'CHAD 'DOD PAS SO, ,GSUM PA NI, BDAG GZHAN RE RE'I MIN PHYIR GNYIS SKYE'ANG KHEGS, ZHES BYA BA NI DBANG PHYUG RGYUR SMRA BA'I GRANGS CAN DANG GCER BU PA GNYIS KAS BUM SOGS BDAG GZHAN GNYIS SKYED SNGAR LTAR 'DOD PAS DE MI 'THAD DE, DE'I BDAG SKYE LA SNGAR GYI GNOD BYED DANG, GZHAN SKYE BA'I CHA SNGAR GYI GZHAN SKYE 'GOG PA'I RIGS PAS GNOD PA'I PHYIR TE, 'JUG PAR, GNYIS LAS SKYE BA'ANG RIGS PA'I NGO BO MA YIN GANG GI PHYIR, ,BSHAD ZIN NYES PA DE DAG THOG TU 'BAB PA YIN PHYIR RO, ZHES SO, ,BZHI BA NI, RGYU MED SKYE NA 'BAD PA DON MED CING, ,MTHONG DANG 'GAL LA KUN LAS KUN SKYE 'GYUR, ZHES PA NI GNAS SKABS DANG MTHAR THUG GI 'BRAS BU 'BYUNG BA'I CHED DU SA BON 'DEBS PA DANG BTZO SREG BYED PA DANG NYO TSONG SOGS BYED PA DON MED PAR THAL, RGYU MED KYANG 'BRAS BU 'BYUNG BA'I PHYIR DANG, BYA ROG LA RMA BYA'I MDONGS DANG RTA LA RVA DANG SHING BA NAS RANG GI SHING TOG GI RGYU MIN PA DE BZHIN DU, NIM PA DANG AA MRA LA SOGS BA 'BRAS BU CAN GYI SHING RNAMS KYANG RANG GI 'BRAS BU SHING TOG GI RGYU MA YIN PAR THAL BA DANG, AA MRA DANG LA KU RTZVA LA SOGS PA SMIN PA DUS LA MI LTOS PAR

, ,THAL BA SOGS 'GYUR TE, RGYU MED LAS SKYES PA'I PHYIR, 'DOD NA'ANG MI RIGS TE, DE 'DRA 'JIG RTEN GYI MTHOD PA DANG 'GAL BAR MA ZAD, RGYU MED LAS SKYE BA'ANG 'JIG RTEN GYI MTHONG BA DANG CHES 'GAL BA SOGS KYIS GNOD BYED DU MA 'BYUNG BA'I PHYIR TE, 'JUG PAR, RGYU MED KHO NAR SKYE BAR LTA ZHIG 'GYUR NA NI, ,DE TSE MTHA' DAG RTAG TU THAMS CAD LAS KYANG SKYE 'GYUR ZHING, ,'BRAS 'BYUNG CHED DU 'JIG RTEN 'DI YIS SA BON LA SOGS NI, ,BRGYA PHRAG DAG GI SGO NAS SDUD PAR BYED PAR YANG MI 'GYUR, ZHES SO, ,'DI DAG SNGAR BKAG ZIN TO, ,GNYIS PA MTHA' BZHI DANG YOD MED SKYE 'GOG CIG CAR BSHAD PA NI, GZHAN LAS SKYEN YOD MED GNYIS MIN GRANG, , YOD LA CI DGOS MED LA BYA BYED BRAL, ,GNYIS YIN DES BSAL GNYIS BRAL LA DES CI, ZHES PA NI DNGOS PO GANG YANG RANG BZHIN GYIS SKYE 'GAG GNAS GSUM DANG GZHAN SKYE BA GANG YANG MED DE, YOD MED DANG GNYIS DANG GNYIS MIN GANG LA'ANG MI SKYE BA'I PHYIR, KHYAB PA SNGAR LTAR DANG RTAGS TSUL BZHI LAS YOD PA'I BDAG NYID THOB ZIN SLAR MI SKYE STE, BDAG SKYE BA'I GNOD PA RNAMS 'BYUNG BA'I PHYIR, GTAN MED MI SKYE STE, DE LA BYA BA MI 'GRUB PA'I PHYIR; GNYIS YIN MI SKYE STE, YOD MED GNYIS 'GAL BA'I GCIG LA MI 'DU BA'I PHYIR, YOD MED GNYIS KA RE RE NAS MIN PA'ANG MI SKYE STE, DE MA SRID PA'I PHYIR TE, STONG NYID BDUN CU PA LAS, YOD PA YOD PHYIR SKYE MA YIN, ,

MED PA MED PA'I PHYIR MA YIN, ,CHOS MI MTHUN PHYIR YOD MED MIN, ,SKYE BA MED PHYIR GNAS 'GAG MED, CES DANG, DE'I RANG 'GREL LAS, DNGOS PO YOD PA'I PHYIR, NAS SKYES PA MED PA'I PHYIR GNAS PA DANG 'GAG PA YANG MED DO, , ZHES DANG, 'JUG PAR, YOD NA SKYED BYED CI DGOS MED LA'ANG DES NI CI ZHIG BYA, ,GNYIS NYID LA DES CI BYA GNYIS DANG BRAL LA'ANG DES CI BYA, ZHES DANG, 'GREL PAR RTAGS SO SO NAS SGRUB LA LAM SGRON LAS, YOD PA SKYE BA RIGS MIN TE, ,MED PA'ANG NAM MKHA'I ME TOG BZHIN, ,NYES PA GNYIS KA THAL 'GYUR PHYIR, ,GNYIS KA DAG KYANG 'BYUNG BA MIN, ZHES SO, ,'JUG PAS GZHAN SKYES SBYAR LA 'PHAGS PA DANG JO BOS SPYIR BSHAD PAS SKYE BA GCIG PUR MA ZAD GNAS 'GAG SEL BYED YANG YIN, DE YANG YOD PA KHO NA DANG, MED PA KHO NA DANG, GNYIS KA DANG GNYIS MIN ZHES MU RTZI RGYU YOD PAS MU BZHI SKYE 'GOG YANG BYAS CHOG PAS MTHA' BZHI 'GOG PA DANG 'GAL BAR MA SEMS SHIG ,GSUM PA MU BZHI DE LA DNGOS DANG 'KHRUL SPONG GNYIS, DANG PO NI, RANG SDE DNGOS SMRA RNAMS KYIS BDEN BAR MI SKYE BA MI RUNG STE, RGYU SA BON GCIG LAS 'BRAS BU DU MA DANG GCIG SKYE BA'ANG YOD LA, RGYU RKYEN DU MAS KYANG 'BRAS BU DU MA DANG GCIG SKYE BAR BSHAD CING, MTHONG BAS SO ZHES DBU MA SNANG BAR BKOD PA LTAR 'DOD PA'I LUGS DE DGAG BA'I PHYIR, DNGOS PO BDEN BAR RGYU YIS SKYED MIN TE, ,GCIG GIS GCIG MIN DU MAS GCIG MI SKYED, ,GCIG GIS DU MIN DU

, ,MAS DU MA'ANG MIN, ZHES PA NI DNGOS PO RNAMS CHOS CAN, RGYU YIS DON DAM PAR MI SKYED DE, DON DAM PAR RGYU GCIG GIS KYANG 'BRAS BU GCIG MIN, DON DAM PAR RGYU DU MAS KYANG 'BRAS BU DU MA MIN, DON DAM PAR RGYU GCIG GIS KYANG 'BRAS BU DU MA MIN LA, DON DAM PAR RGYU DU MAS KYANG 'BRAS BU GCIG SKYED PA MA YIN PA'I PHYIR DPER NA MIG SHES GCIG LA RGYU DU MAS LAG RJES YOD NA DON DAM PAR RGYU GCIG GIS SKYED PAR MI 'GYUR LA RGYU DU MA LTAR LAG RJES KYIS 'BRAS BU YANG RNAM SHES DU MAR THAR BAR 'GYUR BA SOGS KYI RIGS PA MKHAS PA'I YID 'PHROG PA DAG YOD PA'I PHYIR TE, BDEN GNYIS LAS, DU MAS DNGOS PO GCIG MI BYED, ,DU MAS DU MA BYED MA YIN, ,GCIG GIS DU MA'I DNGOS MI BYED, ,GCIG GIS GCIG BYED PA YANG MIN, ZHES DANG, DE'I RANG 'GREL LAS, 'BRAS BU THA DAD MA YIN YANG, ,BYE BRAG RNAMS NI THA DAD DANG, ,GZHAN MIN KHYED 'DOD DE BAS NA, ,SKYE CI DBANG PHYUG GIS BYAS SAM, ZHES DANG GCIG LA CIG CAR SKYE BA DANG, ,MI SKYE DE BZHIN SKYED BYED DANG, ,SKYED BYED MA YIN YANG DAG PAR, ,CI YI PHYIR NA MI 'GAL SMRAS, ,SOGS DANG, GAL TE BYE BRAG RKYEN RNAMS LAS, ,SKYES PAR 'DOD NA RE RE NI, ,SKYED PAR BYED PA MA YIN 'GYUR, ,YIN NA'ANG 'BRAS BU RGYU MED 'GYUR, ZHES DANG, GAL TE KHYED NI RKYEN RNAMS LAS, ,'BRAS BU SKYE BAR 'DOD NA NI, ,THA DAD THA DAD MA YIN PA, ,SNGA MA BZHIN DU RGYU MED THAL, SOGS SO, ,GNYIS PA NI, GCIG

GIS GCIG SKYED SGRUB PHYIR GZHAN RUNG PHYIR, ,'DIR NI DGAG BYA'I KHYAD PAR MI SPYOR 'KHRUL, ZHES SMRAS TE, 'DI LA YANG STAG TSANG BA NA RE, RGYU GCIG GIS 'BRAS BU GCIG SKYED PA SOGS MU BZHI MED PAS DON DAM DANG RANG BZHIN SOGS KYIS DGAG BYA'I KHYAD PAR MI SBYOR ZER BA MI 'THAD DE, RGYU MIG DBANG SKAD CIG MA GCIG GIS 'BRAS BU MIG GI RNAM SHES SKAD CIG MA GCIG SKYED PAR GZHED PA'I PHYIR DANG, TSIG GSAL LAS, MIG DANG GZUGS LA BRTEN NAS ZHES DON GYI PAR DNGOS SU ZHAL GYIS BZHES SHING MIG GIS DBANG BO GCIG GI RGYU CAN GYI RNAM PAR SHES PA GCIG KYANG SKYE BAR BZHED PA NA BRTEN NAS ZHES BYA BA BLOS PA'I DON NYID YOD PAR GA LA 'GYUR ZHES RTEN 'BREL SKABS DANG, MNGON SUM GYI SGRA DON SKABS SU YANG, DE NYID LAS, ZLOS PA'I DON MED PA'I PHYIR, DBANG PO'I SKAD CIG GCIG GIS RTEN CAN MIG GI RNAM PAR SHES PA GCIG MNGON SUM NYID DU YANG MI 'GYUR LA, ZHES DANG, BZHI BRGYA'I 'GREL BA LAS KYANG, 'O NA RNAM PAR SHES PA'I SKAD CIG MA GCIG JI LTAR MNGON SUM NYID YIN, DE NI DBANG PO DANG DBANG PO LA BRTEN NAS 'JUG PA MA YIN TE, THUN MONG MA YIN PA'I PHYIR DANG, DBANG BO DANG RNAM PAR SHES PA'I SKAD CIG DAG SKYES MA THAG TU 'JIG PA NYID KYI PHYIR, ZHES GSUNGS LA MNGON PA KUN BTUS LTAR LAS GCIG GIS LUS DU MA DANG LAS DU MAS LUS GCIG DANG LAS DU MAS LUS DU MA DANG LAS GCIG GIS LUS GCIG 'PHEN PAR BSHAD PA MDO DAG NAS SO

, ,SOR GSUNGS BA BTUS PA YIN CING, SKABS 'DIR YANG BZHED DE, SPYOD 'JUG LAS, SEMS GSAL GCIG BSKYED 'BRAS BU GANG, ,TSANGS LA SOGS PA YIN PA LTAR, ,LUS NGAG BCAS PA'I 'BRAS BU YANG, ,SBYOD PA ZHAN PA'I DE LTAR MIN, ZHES DANG, SNGAR DRANGS PA LTAR SANGS RGYAS BYANG SEMS LA DAD PA SKAD CIG MA RE RE'I 'BRAS BU DPAG MED DANG RING SREL SNYING PO CAN GYI SA TZTSA GCIG BYAS NA'ANG DE'I RDUL GYI GRANGS DANG MNYAM PA'I 'KHOR SGYUR DU SKYE BAR BSHAD PA SOGS DANG, RTEN NAM SEMS ZHAN PAS DGE SOGS YUN RING SBYAD PAS KYANG 'BRAS BU CHUNG BA YANG, SPYOD 'JUG LAS, BZLAS BRJOD DANG NI DKA' THUB KUN, ,YUN RING DUS SU SBYAD BYAS KYANG, ,SEMS GZHAN G-YONG BAS BYAS PA NI, ,DE NYID RIG PAS DON MED GSUNGS, ZHES DANG GSUNGS TSUL MDO LAS, DGE SLONG DAG 'DOD PA LAS MAS G-YENG BA'I DKA' THUB DANG KHA TON LA SOGS PA NI 'BRAS BU MED PAR 'GYUR RO, ZHES DANG, SPYOD 'JUG LAS; SKAD CIG GCIG BYAS SDIG PAS KYANG, ,BSKAL BAR MNAR MED GNAS 'GYUR NA, ZHES PA LTA BU'I BYUNG BA'I MTHA' DU MA DANG, SKYES PA'I RABS DAG LAS SHES PAR BYAL MDO BTUS SOGS LTA ZHING DON BSDUS NA, DBU MA SNANG BA LAS, GCIG LAS DU MA SKYE BA DANG, DU MA LAS GCIG SKYE BA ZHES BYA BA MTHONG BA MA YIN NAM, DE'I PHYIR 'DI JI LTAR SPANG PAR NUS SHEN, 'DI NI RUNG BA MA YIN TE, KHO BO CAG KYANG 'DI MA MTHONG NGO, ZHES NI MI GRUB PO, ,

ZHES DON DAM PAR MI RUNG BA DANG MNGON SUM MA MTHONG BA MIN, ZHES BSHAD PA DANG, YANG DE NYID LAS, SLOB DPON GYIS KYANG KUN RDZOB TU RGYU DANG 'BRAS BU'I NGO BOR 'DUG [?] PA LA THA SNYAD DU GCIG LAS DU MA SKYE BA DANG, DU MA LAS GCIG SKYE BA JI LTAR GRAGS PA BZHIN MTHONG BA'I PHYIR DANG, MIG LA SOGS PA YANG RJES SU 'GRO BA DANG LDOG PA'I SGO NAS MIG GI RNAM PAR SHES PA LA SOGS PA'I BYE BRAG RTOGS NAS BYIS PA'I SKYE BO BZUNG BA'I PHYIR, 'BRAS BU'I GTAN TSIGS BSTAN PAR BYA BA'I TSE, RGYU THA DAD NA THA DAD PAR 'GYUR BAR SMRAS KYI, DON DAM PAR NI MA YIN PAR RIG PAR BYA STE, ZHES SO, ,BZHI PA RTEN 'BREL LA, DNGOS DANG 'KHRUL SPONG GNYIS, DANG PO NI, RTEN 'BYUNG MIN PA'I CHOS NI 'DIR MED LA, ,RTEN 'BYUNG PHRAD LTOS BRTEN NAS GRUB TZAM PHYIR, ,CHOS KUN TSUGS THUB RANG NGOS GRUB RNAMS MIN, ,ZAB RGYAS MTHA' GNYIS SEL 'DI RIGS PA'I RGYAL, ZHES SMRAS TE, 'DIR DNGOS SMRA BA LTAR MA YIN PAR RTEN 'BYUNG MIN PA'I CHOS MI 'DOD DE; YOD NA LTOS GRUB DANG RANG BZHIN MED PA GNYIS KA YIN DGOS PA'I PHYIR TE, DBU MA SNYING PO LAS, GANG PHYIR RTEN 'BYUNG MA YIN PA'I, ,CHOS 'GA' YOD PA MA YIN PA, ,DE PHYIR STONG PA MA YIN PA'I, ,CHOS 'GA' YOD PA MA YIN NO, ZHES DANG, BRGYA BA LAS KYANG, GANG ZHIG GANG NA NAM GYI TSE'ANG, ,MA BRTEN PAR NI YOD MED GNYIS, ,SOGS DANG, MDO LAS KYANG, RGYU MED RKYEN MED CHOS NYID YOD MA YIN, ZHES DANG, TSIG GSAL LAS, DE LTAR RTEN CING 'BREL BAR 'BYUNG

, ,BA MA YIN PA'I CHOS 'GA' YANG YONG BA MA YIN LA, RTEN CING 'BREL BAR 'BYUNG BA YANG STONG PA YIN PA DE'I PHYIR, STONG BA MA YIN PA'I CHOS YOD PA MA YIN NO, ZHES DANG, DBU MA LAS, RTEN CING 'BREL BAR 'BYUNG BA GANG, ,DE NI STONG PA NYID DU BSHAD, ,DE NI RTEN NAS GDAGS PA STE, ,DE NYID DBU MA'I LAM YIN NO, ZHES DANG TSIG GSAL LAS, YOD PA DANG MED PA'I MTHA' GNYIS DANG BRAL BA'I PHYIR, RANG BZHIN GYIS MA SKYES PA'I MTSAN NYID CAN GYIS STONG NYID DE NYID DBU MA'I LAM STED BU MA'I SHUL ZHES BYA'O, ,DE'I PHYIR DE LTAR NA STONG NYID DANG BRTEN NAS GDAGS PA DANG DBU MA'I LAM ZHES BYA BA 'DI DAG NI RTEN CING 'BREL BAR 'BYUNG BA NYID KYI MING GI BYE BRAG YIN NO, ZHES GSUNGS SO, ,RTEN 'BYUNG GI SGRA DON LA BRDA SPROD PA DAG GIS BRTEN PA DANG PHRAD BA RGYU DANG 'BRAS BU YIN NA RGYU DUS NAS GRUB PAS 'BYUNG BA ZHES PA MI 'THAD PAR 'GYUR LA RGYU DUS NA YOD PAR MI 'DOD PA DANG 'GAL ZHES RTEN 'BYUNG GI SGRA DON GANG YANG MI 'DOD DNGOS SMRA RNAMS KYIS RTEN 'BYUNG LA BDEN GRUB DANG 'DUS BYAS KYIS KHYAB PAS RTEN 'BYUNG GI BDEN MED SGRUB PA 'GAL KHYAB TU 'DOD DE, RTEN 'BREL BSTOD PA LAS, 'GAL BA DANG NI MA GRUB PAR, ,MTHONG BA 'DI YIS KHYOD KYI LUGS, ,JI LTAR KHONG DU CHUD PAR NUS, ZHES DANG, RIGS PA DRUG CU PA'I 'GREL PA LAS, 'DIR SMRAS BA, KHYOD KYI TSIG GI TSUL 'DI NI SNGON MED PA ZHIG GO, RTEN CING 'BREL BAR 'BYUNG BA GSUNGS PA 'DI NI SKYE BA DANG 'GAG PA MED PAR STON PAR BYED PA MI RUNG STE, KHYOD KYI BU SKYES SO ZHES SMRAS

PAS NI KHYOD KYIS BU MA SKYES SO ZHES SMRAS PAR 'GYUR BA MA YIN PA DE BZHIN DU 'DI YANG MI RIGS PA NYID DO, ZHES SO, ,RGYAS PAR MDZOD 'GREL 'GREL BSHAD DANG RTEN 'BREL MDO 'GREL 'GREL BSHAD SOGS SU BLTA LA, SGRA SGRUB LUGS YANG MI 'DRA BAS SNGON GYI LO CHEN RNAMS KYI PHYAG RJES DANG GTZAN BSGRIGS NAS TSIG GSAL GYI DGONGS PA CUNG ZAD BSHAD NA 'THAD PA BZHAG 'KHRUL BA DGAG PA GNYIS, DANG PO NI RTEN 'BYUNG GE SGRA SGRUB BSHAD GNYIS LAS, DANG PO NI, PRA T'I TYA SA MU TV'AD [?] : ZHES PA SGRUB NA, AI nA 'GRO BA LA'O ZHES 'GRO BA'I BYINGS AIn BZHAG ,nA RJES 'BREL YIN PAS PHYIS, AI BZHAG DE'I SNGON DU PRA TI BZHAG ,DE LA SU BYIN MI ZAD PA LAS SU 'JIG ,TZANTRA'I LE'U DANG PO'I RKANG PA GSUM PA LAS, AA LAM DANG KHA LU DAG LA SO SOR RTZOD PA LAKTVA RUNG NGO, ,MING LAS SO, ,BYED PA PO GCIG PA DAG LA SNGA MA LAS SO, ZHES DANG, KA L'A PA'I KRITA LE'U DRUG PAR, AA LAM KHA LU DAG LA DGAG PA LA KTA YANG NA'O, ,MING LAS SO BYED PO GCIG DAG GI SNGA MA'I DUS LA'O ZHES PAS KTVA BYIN, TZA NHRA'I LE'U LNGA PA'I BZHI LAS, NA NYAM YIN PA'I BSDU BA LA KTVA'I LYA PA'O [?], ZHES PA'I KTVA LYA BU RU BSGYUR, KA L'A PA'I KRI TA DRUG PA LTAR KTVA YAB BYED KYANG, TSIG GSAL TZANTRA PA DANG MTHUN NO, ,LYA PA KYI LA DBYANGS DON DANG, PRA YIG TU KA A'A BA MA STER BA'I RTAGS DON YIN PAS PHYIS LA, YA BZHAG TZA LAS, THUNG DU'I TING MA YIN PA LA, PI TA LA TU KRA'O ZHES PAS AI DANG YA'I BAR DU TUKRA BYIN, KRA RTAGS DON, AU BRJOD DON GNYIS PHYIS TRA BZHAG KA LNGA PA'I KRI TA DANG POR

, ,BYINGS KYI MTHA' BRA RJES SU 'BREL BA LA TRA'O ZHES PAS AI RJES SU TA STER, GSAL BYED DBYANGS MENG PHA ROL GYI YI GER DRANGS PAS TYA GRUB, TZAB LAS AA KA NI AA KA LA RING POS, PRA TI DANG AI SBYAR RING POR BYAS, PRA T'ITYA GRUB STE MING YIN, DE LA TZA BA'I BZHI BA'I DANG BOR, DON TZAM LA DANG PO'O ZHES PA'I RNAM DBYE DANG BO'I GCIG TSIG SU BYIN, KA LTAR NA SI NGANG, TZA BA'I GNYIS PA'I DANG POR SU PA'I GRANGS MED LA DBYIL ZHES DANG, KA LAS MI ZA DANG LAS KYANG NGO, ZHES SI PHYIS PAS PRA T'I TYA GRUB STE, PHRAD PA DANG LTOS PA DANG RTEN GSUM LA 'JUG STE, 'DIR SKABS SU GANG BABS KYIS 'CHANG KYI GCIG KHO NAR MI DGOS, YANG PAD 'GRO BA LA 'OS, PAD BZHAG DE'I SNGON DU NYER BSGYUR AUTA DANG, DE'I SNGON DU SAM BZHAG DE GNYIS LA SU BYIN DBYIB SNGAR DANG 'DRA, TZA BA'I DANG PO'I GSUM PAR GTA NYA BYED PA LA YANG NGO, ZHES DANG KRITA LNGA PAR PAD RU DZA BI SHA SPRi SHA AU TZA RNAMS KYI GHA NYA 'O, ZHES PAS BYINGS BAD KYI MTHAR GHA NYRA BYIN, GHA RJES 'BREL NYE 'PHEL BA'I DON GYI RJES 'BREL GNYIS PHYIS GHA'I SROG GI AA BZHAG BYINGS KYI DANG PO 'PHEL BA BYAS RIM BZHIN MTSAMS SBYAR NAS, SAMUT'AD GRUB, DE LA TZAB LAS, DON TZAM LA DANG PO 'OS SU BYIN AU PHYIS, SRA SA DZU BA'I RU 'OS, SUS RU BYAS AU NI TZAB LAS, HA SHAL 'ANG AA SA LAS RU'I 'O, ZHES PA'I AU RTAGS DON YIN PAS PHYIS TZA PA LAS, RE PHA'I RDZOGS PA LA RNAM PAR BCAD PA'O, ZHES PAS RA RNAM BCAD BYAS, SAMU TVAD: GRUB STE 'BYUNG BA

DANG GRUB PA DANG YOD PA LA SKABS 'DIR BSHAD DO, ,GNYIS PA NI, DE LTAR NA DNGOS PO RNAMS KYI 'BYUNG BA RGYU LA LTOS PA NI RTEN CING 'BREL 'BYUNG GI DON YIN TE, PRA TI NI PHRAD PAR SGYUR BYED KYI DON DANG, AI TI STE AIN 'GRO BA'I BYINGS YIN KYANG DE LYAB KYI MTHA' CAN PRA T'EDYA ZHES PA NYER BSGYUR GYIS BSGYUR BAS PRA T'I DYA NI PHRAD PA DANG LTOS PA LA 'JUG CING, SA MU TA GONG NA YOD PA'I P'A DA YANG 'BYUNG BA LA 'JUG CING SKABS GZHAN DU YOD PA DANG GRUB PA LA'ANG BSHAD PA'I PHYIR TE, TSIG GSAL LAS, DE LA PRA TI NI PHRAD PA'I DON TO, ,AI TI NI 'GRO BA'I DON TO, ,LYAB KYI MTHA' CAN PRA T'I DYA'I SGA NI PHRAD PA STE LTOS PA LA 'JUG CES PA NAS, SA MU TRA GONG NA YOD PA'I P'A DA NI 'BYUNG BA'I DON CAN YIN PAS SA MU T'A NGA'I SGRA NI 'BYUNG BA LA 'JUG GO ,DE'I PHYIR DNGOS PO RNAMS KYI 'BYUNG BA RGYU DANG RKYEN LA LTOS PA NI RTEN CING 'BREL BAR 'BYUNG BA'I DON TO, ZHES GSUNGS SO, ,DE LTAR BSHAD PA tIKA BYED MANG [?] POS LYAB KYI SKAD NGOD YIN SNYAM PA DANG PRA TI DANG AI TI ZHES NOR BA RAGS PA MTHONG LA, LO CHEN BLO BRTAN GYI SGRA SGRUB YANG MI GSAL LA, 'DI NGAG MGON TSIG GSAL GYI STOD CHA MI GO BAR MTHONG NAS 'KHRUL BRAL NYUNG GSAL RE SMRAS SO, ,GNYIS PA LA 'GREL BYED GZHAN GYI LUGS DGAG LEGS LDAN GYI LUGS DGAG PA'O, ,DANG PO LA 'DOD PA BRJOD PA DANG DE DGAG PA GNYIS, DANG PO NI SNGON GYI DUS KYI SANGS RGYAS BSKYANGS DANG LEGS LDAN LAS GZHAN PA'I RTZA SHO tIKA BYED LA LA DAG NA RE, PRA TI SGRA SO SO BA'AM DE DE LTA DU'I ZLOS DON

, ,DANG; AI TI STE AInA NI 'GRO BA STE CHAS PA DANG 'JIGS PA'I DON DANG, BYINGS DE LA YANG RKYEN BYIN PA'I AI TYA NI 'GRO BAR RUNG BA YIN LA AI TYA DE PHAN GYI KHYAD PAR DU SBYAR NAS SO SO SO SOR 'GRO ZHING 'JIG PA DANG LDAN PA RNAMS KYI 'BYUNG BA NI ZHES BSHAD DE, TSIG GSAL LAS, GZHAN DAG NI PRA TI NI ZLOS PA'I DON TO, ,NAS BRJOD PAR BYED DO, ZHES DANG, SHES RAB SKRON ME LAS, GZHAN DAG NA RE, SO SO 'JIG PA DANG, SOGS DANG, DE'I 'GREL BSHAD LAS, GZHAN DAG NA RE ZHES BYA BA NI DBU MA PA'I GRUB PA'I MTHA' SMRA BA SOGS SO, ,'DI LTAR SGRA SGRUB NA 'GRO BA'I BYINGS AI nA'I nA PHYIS KVIS BYIN, YONGS RDZOGS PHYIS KAS, BYINGS KYI MTHA' BRJES 'BREL LA TA 'OS PA 'GRO BA'I DON [?] GYIS TA BYIN KAS DER LEGS, PHAN PA LA YANG YE ZHES PAS DE PHAN GYI RKYEN YA BYIN SI BYIN NAS PRA TI DANG SBYAR BAS PRA T'I TYA: LHAG MA 'DRAL RNAM DBYA BYIS PAR 'DOD PA LA'ANG DGAG PA MANG [?] DNGOS [?], GNYIS PA NI DE'I ZLOS DANG, AI TYA DE PHAN MTHA' CAN GNYIS MI 'THAD DE, ZLOS BSHAD DE SPYI TZAM LA 'THAD KYANG BYE BRAG LA MA KHYAB PA'I PHYIR, SUS RTEN CING 'BREL 'BYUNG MTHONG BA DES ZHES SBYAR BTANG [?] MANG PO ZLOS SGRA YANG 'THAD LA, SUS RTEN 'BREL MTHONG BA SOGS LA TSIG SDUD SNANG BAS TSIG SDUD KYI RNAM DBYE PHYI BA 'THAD KYANG BYE BRAG TU MIG DANG GZUGS LA BRTEN NAS MIG GI RNAM SHES 'BYUNG ZHES PA LTA BU BYE BRAG GCIG LA ZLOS PA MA RUNG ZHING, DE LA TSIG SDUS MED PA'I PHYIR, TSIG SDUS MI RUNG STE, MIG DANG GZUGS

LA ZHES PA'I DANG GI SKAD DOD CE DANG GZUGS LA ZHES PA'I AA MA MA PHYIS PA'I PHYIR DANG, RTEN NAS DANG MIG GI BAR DU RNAM DBYE MA MTHONG BA'I PHYIR TE, LYAP [?] KYI MTHA' CAN MI ZAD PAR RIGS PA'I PHYIR TE, TSIG GSAL LAS, DE DAG GI LTAR NA DGE SLONG DAG CES PA NAS, LYAB [?] KYI MTHA' CAN MI ZAD PA KHO NAR BYE BRAG TU BSHAD PAR KHAS BLANG BAR BYA'O, ZHES SO, ,DON NI TZAKshUR TZA R'U BAm BRA T'I TYA TZAKshU ZHES 'BYUNG BA'I PHYIR, ZHES PA'O, ,GNYIS PA NI LEGS LDAN GYIS GZHAN BKAG TSUL YANG MI 'THAD LA, RANG GI LUGS KYI YANG SKRA DON MA TSANG BA'I SKYON GNYIS YOD DE SHES RAB SGRON ME LAS, RTEN CING 'BREL BAR 'BYUNG BA ZHES BYA BA LA KHA CIG NA RE, RTEN CING ZHES BYA BA'I TSIG GI PHRAD NI ZLOS PA'I DON CAN YIN PA'I PHYIR DANG, 'BREL BAR ZHES BYA BA NI PHRAD PA'I DON YIN PA'I PHYIR DANG, 'BYUNG BA ZHES BYA BA'I SGRA NI SKYES PA'I DON YIN PA'I PHYIR RTEN CING 'BREL BAR 'BYUNG PA STE, DE DANG DE LA RTEN CING PHRAD NAS 'BYUNG BA'O, ,ZHES SANGS RGYAS BSKYANGS KYI LUGS BRJOD LA SNGAR LTAR YANG BRJOD DO, ,DE LTAR BSHAD PA DE NI SLOB DPON LEGS LDAN PHYOGS SNGA BRJOD PA LA MI MKHAS SO, ,SNYAM DU ZLA BA BZHED DE, SANGS RGYAS BSKYANGS KYI DGONGS PA LEGS LDAN GYIS BRJOD PA LTAR MA YIN PAR, RTEN CING 'BREL BAR TE PRA T'I TYA NI PHRAD PA'I DON DU BSHAD PAS NA RTEN CING GI SKAD DOD PRA TI ZLOS PA'I DON DU MIN LA, 'BREL BAR TI AI TYA YANG PHRAD PA'I DON MA YIN PA'I PHYIR TE, TSIG GSAL LAS, GZHAN GYI BSHAD PA RJES SU BRJOD NAS ZHES PA NAS PHRAD PA'I DON DU YANG MA YIN NO, ,

, ,ZHES SO, ,'O NA CI ZHE NA SANGS RGYAS BSKYANGS NI RTEN CING STE PRA TI NI PHRAD PA'I DON CAN DANG, 'BREL BAR AI TYA NI 'GRO BA'I DON YIN LA, SO SO LA DE LTAR DON THA DAD YIN KYANG DE GNYIS TSOGS PA NA GANGG'A'I CHU MNGAR BA DE LAN TSVA'I CHU DANG PHRAD PAS LAN TSVA'I CHUR 'GYUR BA BZHIN DU NYER BSGYUR GYI DBANG GIS TSIG 'OG MA'I DON 'GYUR NAS, TSIG GNYIS LAS DON PHRAD PA GCIG PU STON PA'I PHYIR, PHRAD NAS 'BYUNG BA RTEN 'BYUNG GI DON YIN LA, RTEN CING 'BREL 'BYUNG GI SGRA DNGOS PO THAMS CAD LA SBYOR CHO HE TU PRA T'I TYAS MU TV'A DA: ZHES BRJOD PA NA RGYU RKYEN GYI TSOGS PA DE DANG DE PHRAD NAS 'BYUNG BZLOS PA DANG 'BREL BAR BYED LA, BYE BRAG TU MIG DANG GZUGS LA BRTEN NAS ZHES PA LTA BU'I ZLOS PAR SANGS RGYAS BSKYANGS MI BZHED PA'I PHYIR TE, TSIG GSAL LAS, 'ON CI ZHE NA, RTEN CING NI ZHES PA NAS MI MKHAS SO ZHES SO DER MA ZAD GZHAN LUGS BKAG TSUL YANG MI 'THAD DE, RIGS PA MED PAR MI 'THAD CES PA'I DAM BCA' TZAM DU ZAD PA'I PHYIR DANG, 'ON KYANG RNAM SHES GZUGS CAN MA YIN PA'I PHYIR, MIG DANG GZUGS LA PHRAD PA MED DE, PHRAD PA NI GZUGS CAN KHO NA LA YOD PA'I PHYIR, ZHE NA'ANG MI 'THAD DE, MDO LAS, DGE SLONG 'DI NI 'BRAS BA THOB PA YIN NO,, ZHES DGE SLONG DANG 'BRAS BU BZHI PHRAD PA KHAS MI BLANGS PA'I PHYIR LA, PHRAD NAS ZHES PA LTOS NAS ZHES PA'I RNAM GRANGS YIN PA'I PHYIR DANG, RTEN CING 'BREL BA'I SGRA DON NI 'PHAGS PAS, DE DANG DE BRTEN GANG 'BYUNG BA, ,RANG GI NGO BOR

DE MA SKYES, ZHES PHRAD PA'I DON DU KHAS BLANGS PA'I PHYIR TE, TSIG GSAL LAS, DE YANG MI RUNG STE MIG DANG ZHES PA NAS, SKYON YANG MI 'THAD DO ZHES GZHAN DAG ZER RO, ZHES SO, ,GNYIS PA LEGS LDAN RANG LUGS KYI BSHAD TSUL DE YANG MI 'THAD DE, BYE BRAG TU 'CHAD PAR BZHED KYANG RTEN CING 'BREL BAR DANG, 'BYUNG BA'I SGRA DON GYI KHYAD PAR SO SOR MA BRJOD CING 'DI YOD PAS 'DI 'BYUNG LA 'DI SKYES PA'I PHYIR 'DI SKYE BA STE ZHES BYA BA RKYEN 'DI DANG LDAN PA NYID KYI DON NI RTEN CING 'BREL BAR 'BYUNG BA'I DON TO ZHES PA TZAM LAS MA BSHAD PA'I PHYIR TE, TSIG GSAL LAS, GANG YANG 'O NA GANG YIN ZHE NA, 'DI YOD PAS ZHES PA NAS BYE BRAG TU BSHAD PA YANG BRJOD PAR 'DOD PA'I PHYIR RO, ,CI STE YANG DGON PA'I THIG LE ZHES BYA BA LA SOGS ZHES PAS SNGA MA'I GSUNG RGYUN NAS SKAM SKYES PADMAR MTSO SKYES DANG, LANGS PA'I MA HE LA SAR NYAL, ZHES PA LTAR RTEN CING 'BREL BAR 'BYUNG BA'I SGRA NI BSHAD PA'I RGYU MTSAN CAN MA YIN PAR GTING TSUGS PA STE; 'JUG PA'I SGRAR KHAS BLANGS NAS BSHAD CE NA, DE YANG MI 'THAD DE RTEN CING 'BREL BAR 'BYUNG BA'I DON, SLOB DPON 'PHAGS PAS, DE DANG DE BRTEN GANG 'BYUNG BA, ,RANG GI NGO BOR DE MA SKYES, ZHES PA'I DE DANG DE BRTEN DANG, 'BYUNG BA ZHES PA RNAMS KYI SGRA DE'I YAN LAG SO SOR PHYE NAS GSUNGS PA'I PHYIR DANG, CI STE KHYOD RIN CHEN PHRENG BA LAS, 'DI YOD NA NI 'DI 'BYUNG STE, ,THUNG DU YOD NA RING PO BZHIN, ZHES PA LTAR BSHAD 'DOD NA YANG PHRAD PA'I SGRAR BSHAD DGOS PA'I

, ,PHYIR GZHAN SUN 'BYIN PA LA YANG DER 'GYUR RO, ,TSIG GSAL LAS, CI STE YANG DGON PA'I THIG LE ZHES BYA BA, ZHES PA NAS DE'I PHYIR GANG ZHIG SUN 'BYIN PA DE NYID KHAS LEN PAR RIGS PA MIN NO, ZHES SO, ,DES NA BRTEN NAS 'BYUNG BA'I DON NI RANG GI RGYU RKYEN LA LTOS NAS 'BYUNG BA 'DUS BYAS KYI RTEN 'BREL GYI DON DANG, RANG GI CHA SHAS SAM GDAGS GZHI 'AM YAN LAG LA PHRAD PA'AM LTOS NAS GRUB PA RTEN CING 'BREL BAR 'BYUNG PA'I DON YIN TE, 'BYUNG BA'I SKAD DOD SA MU TA P'A DA'I RTEN 'BREL MDO 'GREL LAS SAM 'DU BA DANG, TSOGS PA SOGS DANG, RGYAL SRAS MA LAS, P'A DA YOD PA LA BSHAD PA SOGS KYIS GRUB PA'I PHYIR DANG, PHRAD LTOS BRTEN NAS GRUB TZAM MA YIN PA'I PHYIR, CHOS THAMS CAD TSUGS THUB BAM RANG DBANG GIS GRUB PA MED DE, BRGYA PA'I 'GREL PA LAS, GANG LA BRTEN NAS 'BYUNG YOD PA, ,DE NI RANG DBANG MI 'GYUR RO, ,'DI KUN DANG DBANG MED PA STE, ,DES NA BDAG NI YOD MA YIN, ZHES DANG, 'PHAGS PAS KYANG, DE DANG DE BRTEN GANG 'BYUNG BA, ,RANG GI NGO BOR DE MA SKYES, ZHES DANG, BRGYA PA'I 'GREL PA LAS, BDAG NI DNGOS PO MED PAR SMA BAM YIN TE, RTEN CING 'BREL BAR 'BYUNG BA SMRA PA'I PHYIR RO, ,CI KHYOD DNGOS SMRA BA ZHIG GAM, ZHE NA, MIN TE RTEN CING 'BREL BAR 'BYUNG BA SMRA PA YIN PA'I PHYIR RO, ,KHYOD CI SMRA BA ZHIG CE NA, RTEN CING 'BREL BAR 'BYUNG BA SMRA BA'O, ,YANG RTEN CING 'BREL BAR 'BYUNG PA'I DON GANG ZHIG CEN [?],

RANG BZHIN MED PA'I DON TE, RANG BZHIN GYIS MI SKYE BA'I DON DANG, SGYU MA DANG, SMIG RGYU DANG, GZUGS BRNYAN DANG, DRI ZA'I GRONG KHYER DANG SPRUL PA DANG RMI LAM DANG MTSUNGS PA'I RANG BZHIN GYIS 'BRAS BU 'BYUNG BA'I DON DANG STONG NYID BDAG MED PA'I DON TE, ZHES GSUNGS PA LTA BU DANG, 'DI LA ZAB PA RANG BZHIN MED DE ZHIS PA'I SGRUB CHOS DANG, RGYA CHE BA RTEN 'BYUNG GI GTAN CHIGS LA TSANG TSUL SOGS RGYAS PAR RIGS PA DRUG CU PA RTZA 'GREL STONG NYID BDUN CU PA RANG 'GREL DANG RIN CHEN PHRENG BA DANG DE'I DAR tIKA SOGS SU BTZAL LA, BSHES SPRING LAS, RTEN CING 'BREL BAR 'BYUNG 'DI RGYAL BA YI, ,GSUNG GI MDZOD KYI GCES PA ZAB MO STE, ,GANG GIS 'DI NI YANG DAG MTHONG BA NGES, ,SANGS RGYAS DE NYID RIG PAS RNAM MCHOG MTHONG, ZHES DANG, BLO GROS CHEN POS DE'I 'GREL BA LAS, RTEN CING 'BREL BAR 'BYUNG BA 'DI NI DE BZHIN GSHEGS PA'I GSUNG GI GCES BAR GYUR PA YIN TE, 'DI LTAR GANG GIS 'DI LEGS BAR SHES PA DE, DE BZHIN GSHEGS PA'I BSTAN PA YANG DAG PAR RTOGS PA YIN NO, ,ZAB MO STE ZHES BYA BA NI ZAB MO NYID KHO NA STON PAR BYED PA YIN NO, ,ZHES DANG YANG NA GANG GIS 'DI NI YANG DAG MTHONG ZHES BYA BA LA SOGS PAS NI RGYAL BA'I GSUNG GI MDZOD KYI GCES PA NYID STON PAR BYED DO, ,ZAB PA NYID NI RANG GIS MA BYAS, GZHAN GYIS MA BYAS SOGS LTAR MTHA' GNYIS SU 'DZIN PA MTHA' DAG SEL BA 'DI RIGS PA'I RGYAL PO YIN TE, RJE BLA MAS, STON PA'I NANG NA RTEN 'BREL STON PA DANG, ,SHES RAB NANG NA RTEN

, ,'BREL SHES PA GNYIS, ,'JIG RTEN DAG NA RGYAL BA'I DBANG PO BZHIN, ZHES SO, ,GNYIS PA NI, DE'I PHYIR DON DAM TSUGS THUB NAM MKHA' ZA, ,SUS KYANG TSAD GRUB TSUGS THUB DON MA BYAS, ZHES PA NI STAG LOS SNGAR LTAR DON DAM TSUGS THUB DANG TSAD GRUB GSUM DON GCIG 'DOD PA NI 'PHAGS PA YAB SRAS GSUM GYIS RTEN 'BYUNG LA RANG DBANG BA MA YIN PAR BSHAD PA DE'I PHYIR, DON DAM TSUGS THUB 'DOD PA NI NAM MKHA' ZA BAR 'DOD PA YIN LA; RNAM 'GREL LAS KYANG, GZHAL BYA GNYIS PHYIR TSAD MA GNYIS, ZHES SPYI MTSAN YANG TSAD GRUB TU BYE MDO SOGS 'DOD PAS NA SUS KYANG TSAD GRUB KYI DON LA RANG GI TSUGS THUB DGOS PAR 'DOD PA GCIG KYANG MED PAS BSTAN PAR RMA MI 'BYIN PAR MDZOD CIG, GNYIS PA GANG ZAG GI BDAG 'GOG PA 'DI LA, DNGOS DANG, 'KHRUL SPONG GNYIS, DANG PO NI, RANG DBANG BDAG MED PHUNG MIN DE GZHAN MIN, ,PHUNG PO'I RTEN MIN PHUNG POR RTEN PA'ANG MIN, ,PHUNG DANG MI LDAN DBYIBS MIN TSOGS MIN PHYIR, ,SHING RTA BZHIN DE CHOS RNAMS KUN LA SBYAR, ZHES SMRAS TE, 'DIR NGA DANG NGA YID GNYIS DANG 'JIG LTA GNYIS NGAR 'DZIN PA DANG, DE YI 'DZIN PA'I THA SNYAD PA'I YID MNGON TSAD MA GNYIS DANG GDAGS GZHI GDAGS CHOS SOGS LA LOG RTOG MANG BA GZHAN DU RGYAS PAR BKAGS PAS NA 'DIR DKA' GNAS MTSON TZAM BSTAN NA, MDO LAS, DGE SLONG DAG DGE SBYONG DAM BRAM ZE GANG SU DAG GCIG PA DAG GO SNYAM DU YANG DAG

BAR RJES SU LTA BA DE DAG NI NYE BAR LEN PA'I PHUNG PO LNGA PO 'DI DAG KHO NA LA YANG DAG PAR RJES SU LTA'O, ZHES DANG, RTZA BAR PHUNG PO MA GTOGS DE 'DZIN MA GRUB PHYIR, ZHES DANG, DE NI PHUNG LAS GZHAN BDAG 'GOG PA STE, ZHES SOGS DANG, RANG 'GREL LAS, DE'I DMIGS PA NI BDAG KHO NA YIN TA, NGAR 'DZIN PA BDAG GI YUL CAN YIN PA'I PHYIR RO, ,ZHES 'JIG CING DU MA TSOGS PA'I PHUNG PO LA BRTEN NAS NGAR SNANG BA DANG, BDAG DANG SEMS CAN DANG LHA SOGS SU SNANG BA NI NGA DANG BDAG DANG SEMS CAN DANG LHA SOGS YIN LA, YANG BUDDHA P'A LI TA LAS, 'DI LTAR BDAG CES BYA BA'I GANG YIN PA DE BDAG GI ZHES GSUNGS NA, ZHES GSUNGS PA LTAR BDAG GI DNGOS PO YIN RGYU'I MIG SOGS BDAG GI YIN PAS KHYAD PAR DU BYAS PA'I BDAG GIR BYED PA PO DE BDAG GI BA DANG NGA YI BA DANG SEMS CAN GYI NGA YI BA DANG LHA'I NGA YI BA SOGS SU BZHAG CING DE GNYIS LA DMIGS NAS NGAR BDEN PAR BZUNG BA'I LTA BA DANG, NGA YIR BDEN PAR BZUNG BA'I LTA BA DE GNYIS 'JIG LTA DANG MA RIG PA GNYIS KA YIN TE, 'JUG 'GREL LAS, DE LA 'JIG TSOGS LA LTA BA NI NGA DANG NGA YI SNYAM PA DE LTA BU'I RNAM PAR ZHUGS PA SHES RAB NYON MONGS CAN NO ZHES 'JIG LTA DNGOS SU GSUNGS PA DANG 'JUG NGA LAS, DANG POR NGA ZHES BDAG LA ZHEN GYUR CING, ,BDAG GIS 'DI ZHES DNGOS LA, ZHES DANG, RANG 'GREL LAS, NGAR 'DZIN PAS, NAS, 'DI NI BDAG GI'O SNYAM DU NGAR 'DZIN PA'I YUL LAS GZHAN PA'I DNGOS PO ZHES DANG,

, ,ZHIB PAR RNAM BSHAD RIGS PA'I RGYA MTSO LAS, NGA 'O SNYAM PA SKYE BA'I GZHING LA DMIGS NAS RNAM PA RANG GI MTSAN NYID KYIS GRUB PAR 'DZIN PA NI NGAR 'DZIN GYI 'JIG LTA LHAN SKYES DANG GANG ZAG GI BDAG TU RMONGS PA GNYIS KA'O, ,NGA YIB LA DMIGS NAS RNAM PA RANG GI MTSAN NYID KYIS GRUB PAR 'DZIN PA NI NGA YIR 'DZIN PA'I 'JIG LTA LHAN SKYES DANG GANG ZAG GI BDAG GI BA LA RMONGS PA'I MA RIG PA GNYIS KA'O, ZHES SO, ,DE LTAR NA YANG GANG ZAG DE RGYUD DU MAR MI 'GYUR BA NI NGO BO GCIG LA RTOG NGOR LDOG PAS PHYE TZAM YIN PAS SKYON MED DE, DPER NA 'PHAGS PA KUN DGA' PO'I RGYUD KYI NGA DANG DGE SLONG DANG MI DANG RGYUN ZHUGS DANG SH'AKYA PA DANG RGYAL RIGS YIN PA RNAMS DON THA DAD KYANG RGYUD GCIG PA BZHIN NO, ,NGES NA DE'I RGYUD KYI NGAR 'DZIN YANG DU MA SHES DGOS LA, PHUNG PO LA NGAR SNANG BA DANG PHUNG PO LA BRTEN NAS NGAR SNANG BA NGA YIN KYANG, PHUNG PO PA MA YIN PAR MA ZAD PHUNG PO NGAR SNANG BA YANG NGA MIN TE, NGA RANG NGOS NAS GRUB PAR SNANG BA PA'I DON MA YIN PA'I PHYIR DANG, MIG RNA SOGS NGA YI BA'I GDAGS GZHI DANG, NGA YI YIN RGYU'I MTSAN GZHI YIN KYANG NGA YIR MIN TE, DE NGAG NGA YI CAN DANG NGA YIR BYED PA PO MIN PA'I PHYIR DANG, DE DAG RANG MTSAN DU 'DZIN PA CHOS KYI BDAG 'DZIN YIN LA, DE DAG LA BRTEN NAS NGA YIR SNANG BA DE RANG BZHIN GRUB PAR 'DZIN PA NGA YIR 'DZIN PA YIN PA'I PHYIR TE, RNAM BSHAD RIGS PA'I RGYA MTSO LAS, NGA YI BA'I GZHI MIG RNA SOGS LA DMIGS

NAS DE LTAR 'DZIN PA CHOS KYI BDAG 'DZIN YIN PA'I NGA YI BA LA DMIGS ZHES PA NI DE DAG LA DMIGS PA MIN NO, ZHES DANG, SKAL BZANG MIG 'BYED LAS, RANG RGYUD KYIS BSDUS PA'I MIG RNA SOGS NI NGA YI BA'I MTSAN GZHI DANG GANG ZAG DANG CHOS GNYIS SU PHYE BA'I YA GYAL GYI CHOS KYI MTSAN GZHI GNYIS KA YIN LA, ZHES GSUNGS PAS NI BDAG GI YIN RGYU'I MTSAN GZHI SOGS BSHAD LA, TSIG GSAL LAS KYANG, BDAG LA PHAN PA NI BDAG GI STE, BDAG GI PA'I PHUNG PO LNGA ZHES BYA BA'I DON TO ZHES PAS KYANG BDAG GI PA'I GZHI BSTAN LA, SKAL BZANG MIG 'BYED LAS, CHOS KYI MTSAN GZHI GNYIS KA YIN LA, DE DAG BLO LHAN SKYES LA YUL GYI RANG NGOS NAS GRUB PA'I NGA YI BAR SNANG PA'AM DE DAG BLO LHAN SKYES LA NGA YI BAR SNANG ZHING, DE 'DRA'I NGA YI BA LA DMIGS NAS RANG GI MTSAN NYID KYIS GRUB PAR ZHEN PA NI NGAR 'DZIN LHAN SKYES YIN ZHES GSUNGS PAS NGA YIR 'DZIN PA'I 'JIG LTA SKYE YUL GZHIR BZHAG CING, SANGS RGYAS LA NGA YI BA SNANG BA NA GDAGS GZHI LA BTAGS TZAM DU SNANG GI GDAGS GZHI GDAGS CHOS SU MI SNANG BA DANG 'PHAGS PA 'OG MA LA GNYIS TSOGS SNANG BA SOGS SHES PAR BYA, YANG STAG TSANG PA SOGS NA RE, BDAG 'DZIN SPYOD DUS PHUNG PO DANG THA DANG BA'I BDAG NGOS 'DZIN 'GOG CING, DE RJES SU PHUNG PO BDEN GRUB 'GOG PA MI 'THAD DE, LHAN SKYES LA BDAG PHUNG GCIG TU SNANG BA'I PHYIR TE, RTZA BAR, PHUNG PO MA GTOGS DE 'DZIN MA GRUB PHYIR, ZER NAS LTA KHRID DAG LA ZUR ZA BAR, RANG

, ,PHYOGS KYI RTOG GE BA PHA CIG YANG SMRA'O, ,'DI DAG G-YAG ZHAR GYI RTZVA LTAR PHYOGS MTHONG RE'I NGAN SKAD YIN TE, 'O NA BLO LHAN SKYES LA YANG NGA'I LUS NGA'I SEMS ZHES THA DAD DU 'DZIN PA MED PAR THAL BA DANG, BDAG PHUNG RJE KHOL LTAR 'DZIN PA'I LHAN SKYES MED PAR THAL NGA DE 'DOD NA RTZA BAR, RANG DU LTA BA DANG 'BREL YONGS SU ZAD, CES GSUNGS PA MI 'THAD PAR THAL BA DE'I THAD KYI SA BCU'I SA GSUM PA'I MDO MI 'THAD PAR THAL BA SOGS MANG LA, RTZA BAR, PHUNG PO MA GTOGS DE 'DZIN MA GRUB PHYIR, ZHES PAS PHUNG PO DANG MTSAN NYID MI MTHUN PA'I BDAG DANG PHUNG PO LAM LTOS PA'I RTAG BDAG BKAG KYANG, BDAG PHUNG THA DAD TZAM MA BKAG PA'I KHYAD PAR MI 'THAD PAR THAL, DAM BCA' DE'I PHYIR 'KHOR GSUM 'DOD NA, BDAG PHUNG YOD LA THA DAD BKAG PAS GCIG TU THAL BA DANG, RTZA BAR, DES KYANG MA SKYES RTAG 'DI MA MTHONG LA, ,NGAR 'DZIN DE DAG LA YANG 'JUG MTHONG STE, ,DES NA PHUNG PO LAS GZHAN BDAG 'GA' MED, CES GSAL BAR GSUNGS PA MI 'THAD PAR THAL LO, ,YANG DE LTAR SMRA BZHIN DU MI'I RGYUD KYI NGA'I SNANG TSUL NGA HRANG HRANG BA DANG PHOB PHOB PA LTA BU PHUNG PO DANG DBYER MED DU 'CHAR BAR GSUNG BA LA YANG KHO NA RE, NGA SNANG TSUL DE 'DRA GTAN NAS ME 'THAD PAR THAL, NGA LDAN MIN 'DU BYED YIN PA'I PHYIR DANG, LDAN MIN 'DU BYED DE 'DRA MI 'CHAR BA'I PHYIR SOGS ZER, 'O NA, NGA 'CHAR TSUL MED PAR THAL, NGA'I GDAGS GZHI PHUNG PO'I RNAM PA SHAR BA

NGA'I RNAM PA SHAR BA MA YIN PA'I PHYIR DANG, 'KHOR GSUM, NGA 'CHAR NA LTOS MED KYI NGA GCIG 'CHAR BAR THAL, PHUNG PO'I RNAM PA SHAR BA LA MA LTOS PA RANG GCIG 'CHAR BA DGOS PA'I PHYIR, 'KHOR GSUM LHAN SKYES LA SNANG BA NA GDAGS GZHI PHUNG PO MI SNANG BAR BTAGS CHOS DANG GZUGS DANG SHES PA MIN TZAM GYI SNANG BA 'CHAR BAR THAL LO, ,DAM BCA' 'THAD PA'I PHYIR, 'DOD NA, PHUNG PO MA GTOGS DE 'DZIN MA GRUB PHYIR DANG, YANG 'GAL BAR MA ZAD, LHAN SKYES LA NGA'I GDAGS GZHI GDAGS CHOS 'O CHU 'DRES PA BZHIN DBYER MED PAR 'DRES PA'I PHUNG PO'I NGOS NAS NGA'I SNANG TSUL 'CHAR BA'I PHYIR TE, DE'I TSE GDAGS GZHI PHUNG PO DANG GDAGS CHOS NGA'I SNANG TSUL 'DRES PA'I SGO NAS SNANG DGOS KYI PHUNG PO LAS ZUR DU SHAR NA BDAG LA PHUNG PO'I MTSAN NYID SKYE 'JIG DANG DBYIBS SOGS DANG TSOR BA PO 'DUS SHES PO LAS SOGS 'DU BYED PA PO DANG RNAM PAR SHES PA PO SOGS MI SNANG BAR 'GYUR BA'I PHYIR TE, RTZA SHE LAS GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, ZHES DANG TSIG GSAL LAS, GAL TE BDAG PHUNG PO LAS THA DAD NA DE PHUNG PO MIN PA'I MTSAN NYID CAN DU 'GYUR TE, PHUNG PO LNGA NI GZUGS SU RUNG BA DANG NYAMS SU MYONG BA DANG, MTSAN MA NGA 'DZIN PA DANG, MNGON PAR 'DU BYED PA DANG YUL SO SOR RNAM PAR RIG PA YIN NA, SOGS DANG, BUDDHA P'A LI TA LAS KYANG DE LTAR BSHAD LA RTA DKAR PO DANG BA LANG KHRA BO SOGS MI 'THAD PAR YANG 'GYUR BA'I PHYIR DANG, MKHAN

, ,CHEN RGYAL BA'I DBANG PO'I 'JAM DPAL ZHAL LUNG LAS, 'CHAR TSUL SNA TSOGS SHIG BYUNG PA'I MTHAR LUS SEMS GNYIS PO 'O CHU 'DRES PA BZHIN DBYER MED PA ZHIG GI STENG NAS NGA ZHES PA NAS, DA DE DANG PHUNG PO LNGA RNAMS CHU LA CHU BZHAG PA LTA BU'I TSUL GYIS, ZHES SO, ,'DI NI KLU SGRUB YAB SRAS KYIS GZHUNG DON MYONG THOG NAS BSHAD PA SNGON MED PA'I LEGS BSHAD CIG SNANG NGO, ,DES NA LHAS BYIN LTA BU'I GANG ZAG DE'I BLOS NGA'O SKYE YUL LA RGYUD THA DAD MED KYANG RGYUD GCIG PA'I LHA MI DUD 'GRO SOGS DU MA YOD DE, DE'I RGYUD KYID [?] DANG SEMS NI TSO THOG MA MED PA NAS ZHUGS LA SKYE 'GAG BYED KYANG MI LDOG LA LHA DUD 'GRO SOGS KYI GNAS SKABS LUS 'DOR LEN GYIS GRUB PA DANG LDOG PA SOGS KYI ZHIB CHA SHES DGOS PA'I PHYIR DANG, LHA MI SOGS LUS RTEN GYIS 'BYED PAS LUS KYI STENG NA YOD PA 'DRA BA DANG BTZAM SANGS RGYAS PAR DU 'GRO BA SEMS LA LTOS PAS LA [?] SEMS STENG NA YOD PA LTA BU RNAMS LTA BA PHU THAG CHOD PA GCIG BYED NA RTZA SHE DANG DE'I tIKA CHEN LHAR LEGS PAR DBYAD DGOS PA'I PHYIR TE, RNAM BSHAD RIGS PA'I RGYA MTSO LAS, DES NA NGA'O SNYAM DU THA SNYAD 'DOGS MKHAN GYI MI DANG THA SNYAD GDAGS PA'I GZHI BDAG GNYIS KHYAB MNYAM DU MI BZUNG BAR MI DE BDAG DE'I CHA GCIG YIN PAR SHES PAR BYOS SHIG CES DANG, 'GRO BA SO SO'I BDAG RNAMS NI SNGA MA'I BYE BRAG RE'O, ZHES DANG, RGYAL BA'I DBANG PO'I GSUNG DE NYID LAS, RES LUS KYI STENG NA

YOD PA 'DRA BA RES SEMS KYI STENG NA YOD PA 'DRA NGA, ZHES GSUNGS PA'I PHYIR DANG, RANG 'GREL LAS, 'DI LTAR PHUNG PO MA GTOGS BAR NI 'GA' LA YANG BDAG TU MNGON PAR ZHEN PA MED PAS 'JIG TSOGS LA LTA BA'I RNAM BA LNGA PA MI SRID DO, ZHES GSUNGS PA LTAR 'JIG LTA KUN BTAGS NYI SHU RI'I RTZE MO NYI SHU DANG MTHUN PAR YOD PA DE 'JOMS BYED KYI GNYEN POR ZLABS MDO DRANGS PA LAS, GZUGS BDAG MA YIN, BDAG GZUGS DANG LDAN PA MIN, GZUGS LA BDAG MED BDAG LA GZUGS MED DE BZHIN DU BDAG RNAM PAR SHES PA MA YIN, BDAG RNAM PAR SHES PA DANG LDAN PA MA YIN, RNAM PAR SHES PA LA BDAG MED, CES PA'I BAR GSUNGS PA'I DON DE RTAGS SAM RGYU MTSAN DU BKOD NAS, YANG MDO LAS, CHOS THAMS CAD BDAG MED PA'O, ZHES GSUNGS PA'I PHRA BA'I BDAG MED CHOS THAMS CAD NGO BO NYID MED PAR SGRUB PAS NA, RJE RIN PO CHES KUN BTAGS 'GOG PA LHAN SKYES 'GOG PA'I YAN LAG YIN GSUNGS BA'I DON DE 'DRA DANG CHOS KYI BDAG MED LA MTHA' BKAG PA RTAGS SU BYAS PA STE, MDO DE DAG GI DON DRIL NA DE BZHIN GSHEGS PA DANG BDAG CHOS CAN, RANG DBANG DAM NGO BO NYID KYIS MED DE, KHYOD GDAGS GZHI PHUNG PO YIN PA 'AM DE DANG GCIG YANG MIN LA, KHYOD DE LA MA GTOGS BA'I GZHAN PA'AM DE DANG NGO BO GNAS PA YANG MIN, KHYOD PHUNG PO'I RTEN 'KHAR GZHONG DANG PHUNG PO RGYA SHUG LTAR NGO BO [?] NYID KYIS RTEN DU YANG MED, KHYOD PHUNG PO LA NGO BO NYID MED

, ,PAS DE LTAR PHAR RTEN PA YANG MA YIN, PHUNG PO DANG NGO BO NYID KYIS LHAS SBYIN RNA PA DANG LDAN PA LTA BU'I NGO BO CIG LDAN DANG LHAS SBYIN NOR DANG LDAN PA LTAR NGO BO THA DAD PA'I LDAN PA YANG MED PA'I PHYIR TE, RTZA SHE LAS, PHUNG MIN PHUNG PO LAS GZHAN MIN, ,DE LA PHUNG MED DER DE MIN, ,DE BZHIN GSHEGS PA PHUNG LDAN MIN, ZHES RTAGS DANG, DE BZHIN GSHEGS PA GANG ZHIG YIN, ZHES PAS BSGRUB BYA BSTAN CING, RIN CHEN PHRENG BA LAS KYANG, PHUNG BDAG MA YIN DER DE MIN, ,DE LA DE MIN DE MED MIN, ,PHUNG PO ME SHING LTAR 'DRES MIN, DE'I PHYIR ZHES PAS RTAGS BSTAN LA 'DRES PA NI SNGAR DGAG BYA'I SKABS LTAR TE NGO BO GCIG LDAN GYI DON YIN LA, BDAG NI JI LTAR YOD CES PAS BSGRUB BYA BSTAN CING, RTAGS SO SO NAS SGRUB TSUL YANG DE GNYIS PHUNG PO DANG GCIG NA MI RTAG PAR THAL BA DANG, DU MAR THAL BA DANG, BDAG KHAS BLANGS PA DON MED PAR THAL BA DANG, SKYE BA DRAN PA MI 'THAD PAR THAL BA STE, BUDDHA B'A LITA LAS, RE ZHIG PHUNG PO RNAMS NYID DE BZHIN GSHEGS PA MIN TE, CI'I PHYIR ZHE NA, PHUNG PO RNAMS 'BYUNG BA DANG 'JIG PA'I CHOS CAN YIN PA'I PHYIR, DE BZHIN GSHEGS PA MI RTAG PA NYID DU THAL BA'I PHYIR DANG, NYE BAR LEN BA'I DANG NYE BAR LEN PA DAG GCIG PA NYID DU MI 'THAD PA'I PHYIR RO, ,ZHES DANG TSIG GSAL LAS, DE LA GAL TE PHUNG PO BDAG YIN NO ZHES RTOG NA, SOGS SO, ,DE GNYIS PHUNG PO DAD NGO BO THA DAD [?] NA PHUNG BO MA YIN PAR THAL BA CHOR PA BO

SOGS MA YIN PAR THAL BA DANG, RTAG PAR THAL BA DANG, PHUNG BO LAS ZUR DU BZUNG DU YOD PAR THAL BA DANG, BDAG YOD PA MED BAR THAL BA DANG, BYA BYED MED PAR THAL BA SOGS TE, BUDDHA B'A LI TA LAS, PHUNG PO RNAMS LAS DE GZHIN GSHEGS PA GZHAN PA PHUNG PO MED PA'I CHOS LOGS SHIG NA YANG MED DE, CI'I PHYIR ZHE NA, PHUNG PO MI RTAG PA RNAMS LAS CHOS MI MTHUN PA'I PHYIR, RTAG BA NYID DU THAL BAR 'GYUR BA'I PHYIR DANG, GZHAN NYID YIN NA GZUNG DU YOD PAR THAL BAR 'GYUR BA'I PHYIR SOGS DANG, TSIG GSAL LAS, GAL TE BDAG PHUNG PO LAS THA DAD NA, SOGS SO, ,BDAG DANG DE BZHIN GSHEGS PA GNYIS NGO BO NYID KYIS PHUNG PO'I RTEN BYED PA DANG, DE GNYIS NGO BO NYID KYIS PHUNG PO LA PHAR BRTEN NA YANG PHUNG PO LA THA DAD PA'I SKYON DE DAG 'ONG STE, BU DDHA B'A LI TA LAS, DE BZHIN GSHEGS PA LA PHUNG PO RNAMS GANGS LA SHING LJON BA'I NAGS TSAL BZHIN DU MED DE, CI'I PHYIR ZHE NA, RTEN DANG BRTEN PA GZHAN YIN PA'I PHYIR RTAG PA NYID DU THAL BAR 'GYUR RO, ,PHUNG PO RNAMS LA YANG DE BZHIN GSHEGS PA SHING LJON PA'I NAGS TSAL NA SENG GE BZHIN DU MED DE, CI'I PHYIR ZHE NA, SKYON BSTAN MA THAG PA NYID DU 'GYUR RO, ZHES DANG, 'JUG 'GREL LAS KYANG, GZHAN NYID YOD NA RTEN DANG BRTEN PA'I DNGOS POR RIGS PAR 'GYUR TE, SOGS SO, ,DE GNYIS PHUNG PO DANG NGO BO NYID KYI NGO BO THA DAD DANG THA MI DANG KYI LDAN TSUL GNYIS KYANG MED DE, NGO BO NYID KYIS THA MI DAD PA 'DRES BA'AM SNYING PO LTAR LDAN NA PHUNG PO DANG

, ,GCIG PA'I SKYON MI RTAG PAR THAL BA SOGS 'OD, NGO BO NYID KYIS THA DAD PA'I LDAN TSUL LTAR NA BDAG PHUNG THA DAD PA'I SKYON DE DAG 'BYUNG BA'I PHYIR TE, BUDDH'A B'A LITA LAS, DE BZHIN GSHEGS PA PHUNG PO RNAMS DANG, SHING LJON PA SNYING PO DANG LDAN PA BZHIN DU LDAN PA MA YIN TE, CI'I PHYIR ZHE NA, PHUNG PO RNAMS LAS GZHAN MA YIN BA'I PHYIR, MI RTAG PA NYID KYI SKYON DU 'GYUR BA'I PHYIR RO, ZHES DANG, 'JUG PAR, BDAG NI GZUGS LDAN MI 'DOD GANG PHYIR BDAG ,CES SOGS DANG 'JUG 'GREL LAS, LDAN PA'I RKYEN YANG LHAS SBYIN GZUGS DANG LDAN NO ZHES BYA BA DE NI THA MI DAD PA NYID LA DMIGS LA, BA LANG DANG LDAN NO, ZHES BYA BA NI THA DAD PA YIN NA, SOGS SO DE NA 'DI DAG BSDUS NA GCIG DU BRAL DU 'DU YANG 'JIG LTA'I 'JIG TSUL LA LTOS NAS BKAG PAR CHIG GSAL LAS BSHAD CING, CHOS THAMS CAD LA RIGS PA DES BDAG MED SGRUB THUB STE, PHUB KHAMS SKYE MCHE DBANG LA YANG GDAGS GZHI DANG GDAGS CHOS DPYAD NA RNAM PA LNGAR MED PAS KUN BTAGS KYI ZHEN YUL 'GOG BYED RTAGS SU BYAS NAS LHAN SKYES KYIS GDAGS GZHI'I NGOS NAS GDAGS CHOS YOD PAR 'DZIN PA DGOG PA'I PHYIR TE, RIN CHEN PHRENG BA LAS, SKYES BU KHAMS DRUG 'DUS PA'I PHYIR, ,YANG DAG MA YIN JI LTA BAR, ,DE BZHIN KHAMS NI RE RE LA'ANG, ,'DUS PHYIR YANG DAG NYID DU MIN, ZHES DANG 'BYUNG GSUM SA MIN 'DI LA MIN, ,DE LA 'DI MIN DE MED MIN

RE RE 'ANG DE BZHIN MIN PA'I PHYIR, ,'BYUNG BA RNAMS KYANG BDAG BZHIN RDZUN, ZHES SO, ,YANG RANG SDE DNGOS SMRA DANG RANG RGYUD PA KHA CIG SKYE BA SNGA PHYI LEN MKHAN BYI BDAG SEMS LA DNGOS SU 'JOG CING, LHA DANG MI NI LAS KYIS PHUNG PO'I BKOD PA KHYAD PAR BZHIG GIS 'JOG PA'I PHYIR PHUNG PO'I BKOD PA KHYAD PAR BDE BDAG TU SMRA STE, DE 'GOG PA'I PHYIR DU TSOGS TZAM BDAG MIN PA DANG, DBYIBS BDAG MIN PA'I RTAGS ZUR GNYIS BSNAN TE, 'JUG PAR, SHING RTA RANG YAN LAG LAS GZHAN 'DONG MIN, ,GZHAN MIN MA YIN DE LDAN YANG MIN ZHING, ,YAN LAG LA MIN YAN LAG DAG DER MIN, ,'DUS PA TZAM MIN DBYIBS MIN JI BZHIN NO, ZHES SO, ,RNAM BDUN GYIS DPYAD PA 'DI YANG GZUGS SOGS THAMS CAD BDEN MED DU GTAN LA 'BEBS PA'I RIGS PA'I MCHOG YIN TE, 'JUG PAR, BUM PA SNAM BU RE LDE DMAG DANG NAGS TSAL PHRENG BA LJON SHING DANG, SOGS SO, ,'DI LA'ANG STAG LON RE, MANG BKUR BA SOGS KYIS PHUNG PO LNGA BDAG GI GDAGS GZHI DANG LEGS LDAN SOGS KYIS SEMS KHON [?] GANG GIS GZHIR 'DOD KYI SEMS BDAG TU 'DONG MKHAN GYI RANG SDE MI YONG ZER BA YANG LEGS LDAN GYI GZHUNG DANG ZLA BA'I GZHUNG GANG LA'ANG DPE KLOG TZAM YANG MA BYAS PAR KHA TSON GCOD PAR DPA' BAS RANG GI RMONGS PA'I NANG KHROL PHYIR BSTAN PA YIN TE, 'O NA [?] GZHAN SDES LEGS LDAN LA YID KYI RNAM SHES BDAG YIN PAR SGRUB NA GRUB PA LA SGRUB PA MA YIN PAR THAL BA DANG, LUS DANG DBANG,

, ,BO'I TSOGS BDAG GI GDAGS GZHIR MI 'DOD PAR THAL, LEGS LDAN GYIS YID KYI RNAM SHES BDAG TU MI 'DOD CING, PHUNG PO LNGA'I NANG NAS DE KHO NA GDAGS GZHIR BYED PA'I PHYIR, 'KHOR GSUM, THAL BA GNYIS LA:- 'DOD NA, RTOG GI 'BAR BA LAS, GRUB PA SGRUB PA NYID KYANG YIN TE, 'DI LTAR KHO BO CAG KYANG THA SNYAD DU RNAM PAR SHES PA LA BDAG GI SGRA DNGOS SU 'DOGS TE, 'DI LTAR RNAM PAR SHES PA NI YANG SRID PA LEN PA'I PHYIR BDAG YIN NO, ,ZHES PAS GRUB PA LA SGRUB PAR BSHAD PA MI 'THAD PAR THAL BA DANG, RNAM PAR SHES PA LA BDAG GI SGRA DNGOS SU 'DOGS ZHES BDAG SGRA RNAM SHES LA DNGOS MING DU 'JUG PAR BSHAD PA DANG, YANG SRID LEN PA'I RTAGS KYIS RNAM SHES BDAG YIN PAR SGRUB PA GNYIS KYANG MI 'THAD PAR THAL PA DANG, YANG RTOG GE 'BAR BA LAS, 'DI LTAR RNAM PAR SHES PA SRID PA LEN PA'I PHYIR BDAG YIN NO, ZHES LUS DANG DBANG PO'I TSOGS BDAG LA NYE BAR 'DOGS PA'I PHYIR, ZHES LUS DANG DBANG PO'I TSOGS (LA [?]) BDAG GI GDAGS GZHIR BSHAD PA DANG, DE'I SHES BYED DU, JI SKAD DU, DPER NA YAN LAG TSOGS RNAMS LA, ,SHING RTA ZHES NI DRAN PA LTAR, ,DE BZHIN PHUNG PO RNAMS BRTEN NAS, ,KUN RDZOB TU NI SEMS CAN BRJOD; CES PHUNG PO GDAGS GZHIR STON PA DRANGS PA MI 'THAD PAR THAL BA DANG, ZLA BAS KYANG MDO 'DI DRANGS MAS, PHUNG PO GDAGS GZHI YIN PA BKAG PAR THAL BA DANG,

ZLA BAS SEMS DANG PHUNG PO GDAGS GZHIR MI BZHED PAR THAL PA DANG, LEGS LDAN DANG ZLA BA GNYIS LA RANG MTSAN GYIS GRUB PA 'DOD MI 'DOD KYI KHYAD PAR MED PAR THAL, GDAGS GZHI LA GDAGS CHOS MI 'JOG PAR 'DRA BA'I PHYIR SOGS 'KHOR GSUM GYI PHUNG PO YOD DO, ,GNYIS PA NI, SKABS 'GAR TSUL GSUM MTHUN SNANG TSAD GRUB DANG, ,RTAGS TZAM BZHED KYANG RANG DBANG TSAD MIN PHYIR, ,RANG RGYUD MI 'DOD LUGS 'DIR RANG RGYUD 'KHRUL, ZHES SMRAS TE, STAG TSANG PAS RANG RGYUD THA SNYAD DU 'DOD ZER BA NI GZHAN GRAGS KYI RTAGS DANG RANG RGYUD GCIG PAR 'KHRUL PA CHE SHOS SNGAR LTAR YIN TE, THAL 'GYUR BA NANG PHAN TSUN ZAB MO'I DON LA BRGAL BRTAGS BYED PA'I SKABS 'GAR RGOL PA GNYIS LA TSUL GSUM MTHUN SNANG SGYU MA LTA BU'I TSAD GRUB DANG CHOS CAN DANG, RTAGS MTHUN SNANG BA SGYU MA LTA BU GRUB KYANG RANG DBANG GRUB PA'I TSUL GSUM TSAD GRUB MA YIN PA'I PHYIR DANG, DE THA SNYAD DU YANG MI BZHED DE THA SNYAD DU RANG BZHIN GYIS GRUB PA MED PAR 'DOD PA'I PHYIR RO, ,GSUM PA GZHI BDEN GNYIS KHYAD PAR LA DNGOS DANG ZHAR BYUNG GNYIS, DANG PO LA, GZHI GANG LA DBYE BA DANG, BA BYE [?] BA'I DON DANG, MTSAN NYID DANG, SGRA BSHAD DANG, SO SO'I DBYE BA DANG, THABS DANG THABS BYUNG GI KHYAD PAR DANG, DGOS PA 'KHRUL SBONG DANG BCAS PA DANG, LTA BA NGAN PA'I ZLOG RIM DANG, LTA NGAN ZLOG BYED ZAB MO'I SGOM RIM DANG, RJES THOB ZUNG 'BREL BCAS PA DANG BCU LAS, DANG PO NI, DBYE GZHI SHES

, ,BYAR DBYE NGO BDEN PA GNYIS, ,MANG MIN NYUNG NA MI 'DU DER GRANGS NGES, ZHES PA LA DBYE GZHI PA 'DOD TSUL DU MA YOD DE, THUB BSTAN 'DZIN BA'I SKYES CHEN RDOG LO YAB SRAS GCIG KYANG, DON DAM BDEN BA SHES BYA MIN PAS SKAD TZAM 'DI DBYE GZHIR 'DOD SKAD, DBU MA'I SROL 'DZIN THANG SAG PA SOGS LA LA GZUGS NAS RNAM MKHYEN GYI BAR GYI NGO BO GNYIS GNYIS BSHAD PA'I PHYIR, DE'I BAR GYI NGO BO DBYE GZHIR GSUNG BA MTHONG, RTZA SHE'I tIKA BYED DING DBU TSAD KYI POD PHAL CHER SGROM BTAGS PA'I YUL DBYE GZHI ZER, MKHAS RLOM PA'I STAG LO SOGS MA BRTAGS MA DBYAD PA'I SHES BYA DBYE GZHI ZER, TSIG LA RMONGS BA LA LA NA RE, BDEN PA DBYE GZHI DANG, DE LA 'BYEN, KUN RDZOB BDEN PA DANG, DON DAM BDEN BA GNYIS ZER, LA LA'I DBYE GZHI'I DOGS PA YANG MED PAR DBYE PA'I BDEN GNYIS LA MANG PO SMRAS PA SOGS RNAM BSHAD DANG LAM RIM LTAR SNA TSOGS SNANG NGO, ,DE RNAMS MI 'THAD DE, DON DAM BDEN PA MED NA GZUGS SOGS KYI GNAS LUGS MED PAR THAL PA DANG, DA LTA'I MTHONG PA 'DI GNAS LUGS MTHAR THUG TU 'GYUR BAS SEMS CAN THAMS CAD GROL ZIN PAR THAL BA SOGS KYIS DANG PO KHEGS, BDEN GNYIS GZUGS KYI NGO BO'I YA GYAL MA YIN BA LTAR RNAM MKHYEN GYI BAR LA YIN PA'I PHYIR GNYIS PA YANG KHEGS, SGRO BTAGS PA'I LUGS YOD PA RNAMS KYANG KUN RDZOB YIN PAS GSUM PA 'KHRUL,

SNGAR LTAR BDEN PA GNYIS LA DBYAD DON YANG YOD PAS, BZHI BA NGAN SKAD 'KHRUL SHOS YIN, KUN RDZOB BDEN PA DANG RDZUN PA SOGS DON GCIG PAS LNGA PA KHEGS, DBYE GZHI DANG DBYE TSUL MI SHES NA KHYAD GZHI MED PA'I KHYAD CHOS SU 'GYUR BAS DRUG PA YANG MI BZANG NGO, ,DES NA SHES BYA DBYE GZHIR, YAB SRAS MJAL BA LAS, SHES BAR BYA BA YANG KUN RDZOB DANG DON DAM BA'I BDEN BA GNYIS PO 'DIR ZAD NGO, ZHES PA'I LUNG DANG BLO GNYIS KYI DON NI DE GNYIS KYIS SHES BAR BYA BA DANG BRTAGS PAR BYA BA YIN PA'I RIGS PA GNYIS KYIS SGRUB CING, DBYE NGO NI SHES BYA LA GNYIS SNANG CAN GYI 'JIG RTEN PA'I GANG ZAG DANG GNYIS SNANG CAN GYI 'JIG RTEN PA'I BLO YI SBYOD YUL KUN RDZOB BDEN BA DANG, DON DAM PA'I BDEN PA GNYIS SU DBYE LA DE YANG SHES BYA LA DE GNYIS YIN PA'I PHUNG PO DANG DE GNYIS RE RE NAS MA YIN PA'I PHUNG PO GSUM PA SEL BA'I GRANGS NGES YIN TE, SHES BYA GZHIR BZHAG LA GZHI DE DON DAM LTA BU BDEN GNYIS GANG DUNG GCIG YIN PAR YONGS SU GRUB NA GCIG SHOS KUN RDZOB YIN PA RNAM BCAD LA KHEGS SHING, DE LAS KUN RDZOB LA SBYAR NA'ANG DE LTAR YIN PAS BDEN GNYIS PHAN TSUN SPANGS 'GAL GYI DNGOS 'GAL YIN PA'I PHYIR DANG BDEN GNYIS GANG RUNG GCIG MED NA'ANG SHES BYA THAMS CAD DER MI 'DU LA, DE GNYIS GANG YANG MA YIN PA'I BDEN PA GSUM PA SOGS YANG MED PAR LUNG RIGS GNYIS KYIS GRUB PA'I PHYIR, GRANGS NGES TSUL SGRU BZHI

, ,LTA BU DER 'DUS TZAM LTA BU MA YIN PAR PHUNG PO GSUM PA SEL PA'I GRANGS NGES YIN TE, YAB SRAS MJAL BA LAS SHES BAR BYA BA YANG KUN RDZOB DANG DON DAM PA'I BDEN PA GNYIS PO 'DIR ZAD DO, ZHES DANG, YANG DE NYID LAS, 'JIG RTEN MKHYEN PAS GZHAN LA MA GSAN PAR, ,BDEN PA 'DI GNYIS NYID KYIS STON PAR MDZAD, ,GANG ZHIG KUN RDZOB DE BZHIN DON DAM STE, ,BDEN PA GSUM PA GANG YANG MA MCHIS SO, ZHES DANG, 'PHAGS PA DE NYID NGES PAR BSTAN PA TING NGE 'DZIN GYI MDO LAS KYANG, GANG ZHIG KUN RDZOB DE BZHIN DON DAM STE, ,BDEN PA GSUM PA GANG YANG MA MCHIS SO, ZHES DANG, DE BZHIN DU DBU MA LAS KYANG, SANGS RGYAS RNAMS KYIS CHOS BSTAN PA, ,BDEN PA GNYIS LA YANG DAG BRTEN, ZHES DANG, 'JUG PA'I RANG 'GREL LAS, DE BZHIN DU BDEN PA GZHAN GANG CUNG ZAD CIG YOD PA DE YANG CI RIGS PAR BDEN PA GNYIS KYI KHONGS SU GTOGS PA KHO NAR NGES [?] PAR BYA'O, ZHES SOGS LUNG DANG RIGS PA YANG, DBU MA SNANG BA LAS, SPANGS TE GNAS PA'I MTSAN NYID KYI CHOS DAG NI GCIG SHOS DGAG PA GZHAN SGRUB PA MED NA MED PA'I PHYIR, GNYIS KA MA YIN PA'I PHYOGS SU GTOGS PA YANG RIGS PA MA YIN NO, ZHES DANG, RNAM BSHAD LAS, DE YIN NA SHES BYA THAMS CAD LA KHYAB PAR BYED BAS GNYIS DANG GNYIS MIN GYIS PHUNG GSUM SEL BA YIN TE, ZHES DANG, DBU MA SNANG BA LAS, GANG GIS YONGS SU

BCOD PA'I GANG RNAM PAR BCAD PA MED NA MED PA DE GNYIS NI, PHAN TSUN SPANGS TE GNAS PA'I MTSAN NYID YIN NO, ,GANG PHAN TSUN SPANGS TE GNAS PA'I MTSAN NYID YIN PA DE DAG NI RNAM PA THAMS CAD LA KHYAB PAR BYED PA DAG YIN NO; ;GANG RNAM PA THAMS CAD LA KHYAB PAR BYED PA YIN PA DE DAG NI, PHUNG PO GZHAN SEL BAR BYED PA YIN TE, DPER NA, LUS CAN DANG LUS CAN MA YIN PA LA SOGS PA'I BYE BRAG LTA BU'O, ZHES SO, ,DES NA DBU MA BA DANG THAL 'GYUR BA LA DNGOS 'GAL MED ZER BA SNGAR YANG BKAG ZIN TO, ,GNYIS PA DBYE BA'I DON NI, GNAS LUGS MI RUNG KUN GYIS MNGON SOGS PHYIR, ,BDEN GNYIS NGO BO DBYER MED LDOG PAS 'BYED, CES SMRAS TE, 'DIR THA DAD LUGS JI LTA BU ZHE NA, SNA TSOGS SHIG SMRA BA YOD DE, GRANGS CAN DANG STONG NYID CHEN PO'I MDO LA 'KHRUL NAS RGYA GAR GYI DIshdA SEN DANG, DE'I RJES 'BRAR BOD KYI KUN MKHYEN JO NANG BA SOGS GZHAN STONG SMRA BA RNAMS NI GTZUG LAG KHANG DANG GANG ZAG PHAN TSUN MIN PA'I TSUL GYIS STONG ZHING GNAS PAR 'DOD PAS BDEN GNYIS KYI NGO BO YANG THA DAD PAR 'DOD PA LA DGONGS 'GREL DANG SHER MDO DANG DBU MA'I MAN NGAG GI 'GREL PA SOGS KYI SMYON [?] GSUM SOGS DANG BYANG CHUB SEMS 'GREL GYIS BYAS ME RTAG PAR BSHAD PA DANG SHER SNYING DANG 'OD SRUNGS SOGS DANG 'GAL BAS KHEGS LA BOD KYI BSTAN 'DZIN CHEN PO KHA CIG BDEN GNYIS NI GCIG BKAG PA'I THA DAD TZAM DU 'DOD PA

, ,DANG; LA LAS BDEN GNYIS NGO BO GCIG LA LDOG PA THA DAD DU 'DOD PA LA, GZHAN DAG GIS DE MI 'THAD DE, 'DUS BYAS MA YIN PA LA NGO BO GCIG PA MI YOD ZER NAS 'GOG BA'ANG MI 'THAD DE, 'JUG PAR, CHOS KUN LA NGO BO GNYIS GNYIS BSHAD PA DANG, LAM RIM LTAR THA DAD RGYU GNYIS KA'ANG GANG RUNG GCIG DNGOS MED YIN PA LA YANG NGO BO GCIG PA MI 'GAL BA'I PHYIR TE, DPER NA CHOS THAMS CAD BDAG MED DU NGO BO GCIG PA BZHIN NO, ,DBU MA SNANG BA LAS, GAL TE DNGOS PO KHO NA LA DE'I BDAG NYID KYI 'BREL BA YIN GYI GZHAN LA MIN NO ZHE NA, DE NI RIGS PA MA YIN TE DE'I BDAG NYID NI THA DAD BA MED PA'I RNAM GRANGS YIN PA'I PHYIR LA, DE NI DNGOS MED BDAG KYANG BDAG MED PA NYID DU MTSUNGS PAS 'GAL BA MED PA KHO NA'O, ZHES SO, ,'DI GCIG BKAG PA'I THA DAD DU 'DOD PA'ANG BKAG GO ,GSUNG RAB KYI TSIG TZAM LA 'CHE BA 'GA' ZHIG NA RE, BDEN GNYIS NGO BO GCIG DANG THA DAD GANG YANG MIN TE, DGONGS 'GREL LAS, 'DU BYED KHAMS DANG DON DAM MTSAN NYID NI, ,GCIG DANG THA DAD BRAL BA'I MTSAN NYID DO, ,GCIG DANG THA DAD NYID DU GANG RTOG PA, ,DE DAG TSUL BZHIN MA YIN ZHUGS PA YIN, ZHES GSUNGS PA'I PHYIR ZER NA YANG MI 'THAD DE LUNG DE'I DON NI STONG GZHI DANG STONG NYID GNYIS LDOG PA TZAM YANG SO SOR 'BYED RGYU MED PA'I GCIG DANG, NGO BO TZAM

YANG MI GCIG BA'I THA DAD BAR 'DZIN PA NI LOG PAR ZHUGS BAR BSHAD PA TZAM YIN GYI DE GNYIS NI NGO BO GCIG DANG THA DAD GANG YANG MIN NA DE GNYIS KYI NGO BO MED DGOS BAS DE GNYIS KYANG MED PAR 'GYUR BA'I PHYIR DANG, SHING RTA CHEN BO RNAMS KYIS GCIG DU BRAL RGYA CHER BSHAD PA KUN DANG 'GAL BA'I PHYIR RO, ,NGO BO GCIG PA DANG CHOS DBYINGS KYI NGO BO DBYER MED LUGS LA STAG TSANG BA NA RE, CHOS THAMS CAD KYI CHOS NYID PHAN TSUN YIN KHYAB MNYAM DGOS KYI CHOS THAMS CAD BDEN MED DU NGO BO GCIG PA TZAM GYIS MI CHOG ,DES NA KA BA'I CHOS NYID YIN NA BUM PA'I CHOS NYID YIN DGOS PA LTAR CHOS THAMS CAD LA 'DRA BAS CHOS KYI DBYINGS LA DBYER MED BAR BSHAD PA YIN GYI GZHAN DU NA 'DUS BYAS THAMS CAD LA DBYER MED GSUNGS BAR 'GYUR DGOS PA LA MA GSUNGS PA DANG, DE MED DGAG GI GO DON YIN PAS, BUM PA DANG KHANG BA THAMS CAD KYI NAM MKHA' YANG PHAN TSUN YIN KHYAB MNYAM DGOS ZER RO, , 'DIS SNGAR GRANGS CAN SKABS SU YANG 'DI BA'I 'DOD TSUL THAL 'GYUR BA DANG NYE BA GCIG SNANG ZER BA LTAR GRANGS CAN GYI RANG BZHIN NAM DON DAM CHA MED PA'I GCIG BUR 'DOD PA DE MDOG MA LOG PAR BRIS PA YIN TE, RTZA BA'I RANG BZHIN DES RANG GI GSAL BA'AM KHYAB BYA CHES MANG BO LA KHYAB KYANG CHA DU MAR MI 'GYUR TE, GSAL BA RGYU LA GANG KHYAB DES 'BRAS BU LA YANG KHYAB 'BRAS BU LA GANG KHYAB DES, RGYU LA YANG KHYAB PA'I PHYIR, RTZA BA'I RANG BZHIN GCIG LAS

, ,MI DGOS LA DE LA DBYER MED PAR YANG 'DOD TSUL SOGS SNGAR GRANGS CAN SKABS SU BRIS NAS BKAG PA LTAR RO, ,'DI NI SHIN TU THA CHAD YIN TE, 'DI'I GANG ZAG RDZAS YOD KYI DON TU BUM PA RDZAS YOD DANG GANG ZAG RDZAS 'DZIN DANG GANG ZAG BDEN 'DZIN, BUM PA RDZAS 'DZIN DANG BUM PA BDEN 'DZIN DANG, GANG ZAG BDEN MED KYI DON DU BUM PA BDEN MED SOGS 'DOD DGOS TE, GANG ZAG GI GNAS LUGS BUM PA'I GNAS LUGS YIN PA'I PHYIR, 'KHOR GSUM SONG, DE BZHIN DU DON DAM CHA BCAS MA YIN PAR THAL BA DANG DON DAM LA DBYE BA GNYIS DANG BZHI SOGS BSHAD PA MI 'THAD PAR THAL BA SOGS RIGS PA'I GNOD BYED DANG, MDO TING NGE 'DZIN GYI RGYAL PO LAS, JI LTAR KHYOD KYI BDAG GIS 'DU SHES NI, ,SHES PA DE BZHIN KUN LA BLOS SBYOR BYA, ZHES DANG, DE BZHIN DU 'JUG BRTZA 'GREL DANG RIN CHEN PHRENG BA DANG SPYOD 'JUG SOGS KYIS BDAG MED RIM GYIS GTAN LA 'BEBS BAR BSHAD PA'I LUNG DU MA DANG 'GAL LA CHOS DBYINGS LA DBYER MED CES GSUNGS PA'I DON BSHAD PAR 'GYUR RO, ,DES NA BDEN GNYIS NGO BO GCIG LA LDOG BA THA DAD BA BYAS MI RTAG LTA BU YIN TE, DE GNYIS NGO BO TZAM YANG MI GCIG PA'I THA DAD YIN NA SKYON BZHIR 'GYUR TE, GZUGS BDEN MED GZUGS KYI GNAS LUGS MIN PAR THAL BA DANG, DE BDEN MED RTOGS PAS DE'I MTSAN 'DZIN ZIL GYIS MI GNON BAR THAL BA DANG, RNAL 'BYOR

BAS LAM GONG MA SGOM PA DON MED PAR THAL BA DANG, SANGS RGYAS KYIS KYANG MTSAN 'DZIN GYI 'CHING BA DANG GNAS NGAN LEN GYI DRI MA MTHA' NGAG MA SPANGS BAR THAL BA'I SKYON SOGS YOD PA'I PHYIR TE, DGONGS 'GREL LAS, GAL TE 'DU BYED KYI MTSAN NYID DANG, DON DAM BA'I MTSAN NYID THA DAD PAR YIN PAR GYUR NA NI DES NA 'DU BYED RNAMS KYI BDAG MED PA TZAM DANG NGO BO NYID MED PA TZAM NYID DON DAM PA'I MTSAN NYID YIN PAR YANG MI 'GYUR RO,, ZHES DANG, DE BZHIN DU THA DAD PAR YIN BAR GYUR NA DES NA BDEN PA MTHONG BA RNAMS KYANG 'DU BYED KYI MTSAN MA DANG MA BRAL BAR 'GYUR RO, ,SOGS DANG, DBU MA'I MAN NGAG GI 'GREL BA LAS, THA DAD NA NI CHOS CAN DANG CHOS NYID YANG MI 'GYUR LA, 'DU BYED KYI MTSAN MA ZIL GYIS GNON BAR MI 'GYUR TE, LAM SGOM PA YANG DON MED PAR 'GYUR RO, ZHES GSUNGS PA'I PHYIR DANG, DE GNYIS LDOG PA TZAM YANG SO SOR 'BYED RGYU MED PA'I GCIG YIN NA KUN RDZONG 'KHRUL BA LAS NYON SPONG BA BZHIN DU DON DAM PA DE'I CHOS NYID KYANG SPONG BAR THAL BA DANG, KUN RDZOB LTAR DON DAM LA MI 'DRA BA'I THA DAD PA'I RNAM PA DU MA YOD PAR THAL PA DANG, KUN RDZOB DRI BCAS BZHIN DU DON DAM LA'ANG DREMS BSLAD PA DANG BCOS SU RUNG BAR THAL BA DANG, SO SO SKYE BOS KYANG DON DAM PA MNGON SUM DU SBYOD NUS BAR THAL BA SOGS 'ONGS TE, DGONGS 'GREL LAS, 'DU BYED KYI MTSAN NYID DANG DON DAM PA'I

, ,MTSAN NYID THA DAD PA MIN PAR GYUR NA, 'DU BYED KYI MTSAN NYID KUN NAS NYON MONGS PA'I MTSAN NYID DU GTOGS PA BZHIN DU DON DAM PA'I MTSAN NYID KYANG KUN NAS NYON MONGS PA'I MTSAN NYID DU GTOGS BAR 'GYUR RO, ZHES DANG, DE BZHIN DU THA DAD PA MA YIN PAR GYUR NA, DES NA SO SO SKYE BO THAMS CAD BDEN PA MTHONG BA YIN PAR YANG 'GYUR SOGS DANG, DBU MA'I MAN NGAG GI 'GREL PA LAS, KUN RDZOB SPONG BA BZHIN DU DON DAM PA YANG SPONG BAR 'GYUR, KUN RDZOB THA DAD PA BZHIN DU DON DAM PA YANG THA DAD PA NYID DU 'GYUR, KUN RDZOB DRI MA DANG BCAS PA BZHIN DU, DON DAM PA YANG DRI MA DANG BCAS PAR 'GYUR, ZHES GSUNGS BA'I PHYIR, DES NA BDEN GNYIS BDEN STONG DU NGO BO DBYER MED KYANG, RANG RANG GI LTOS GZHI'I LDOG CHA NAS THA DAD PAR GRUB STE, BYANG CHUB SEMS 'GREL LAS, KUN RDZOB LAS NI THA DAD BAR, ,DE NYID DMIGS PA MA YIN TE KUN RDZOB STONG PA NYID DU BSHAD, ,STONG NYID KHO NA KUN RDZOB YIN, ,MED NA MI 'BYUNG NGES PA'I PHYIR, ,BYAS DANG MI RTAG DAG BZHIN NO, ZHES RKANG PA DANG PO GNYIS KYIS KUN RDZOB LAS NGO BO THA MI DAD PAR BSTAN, DE NAS RKANG PA GNYIS KYIS PHAN TSUN NGO BO GCIG TSUL DANG DE NAS RKANG PA GCIG GIS MED NA MI 'BYUNG GI PHAN TSUN 'BREL BA BSTAN TE SHES BYA DANG BUM PA NGO BO GCIG KYANG SHES BYA BUM PA DANG MA 'BREL BA LTA BU MIN PA NI RKANG PA THAMS

DPES BSTAN CING, SHER MDO LAS KYANG, BCOM LDAN 'DAS KYIS BKA' STZAL PA, RAB 'BYOR 'JIG RTEN GYI KUN RDZOB KYANG GZHAN LA DON DAM PA YANG GZHAN MA YIN TE, 'JIG RTEN GYI DE KHO NA NYID GANG YIN PA DE NYID DON DAM PA'I DE KHO NA NYID YIN NO, ZHES SO, ,'O NA BDEN GNYIS GCIG DANG THA DAD GANG DU YANG MI 'THAD PAR BSHAD PA THAMS CAD DE LTAR 'CHAD DGOS SAM SNYAM NA MIN TE, DE GNYIS GCIG DANG THA DAD GANG DU SBYOD NA'ANG MTSAN MAL SPYOD PAR BSHAD PA DANG, DBU MA LAS, THA DAD DON MIN DON GCIG MIN, LTA BU NI BDEN GRUB KYI GCIG DANG THA DAD GANG YANG MA YIN PAR BSHAD DGOS PA LTA BU'ANG MANG LA, DE GNYIS THA DAD NA GNAS LUGS SU MI RUNG BA SOGS DANG GCIG NA KUN RDZOB LTAR GNAS LUGS KUN GYIS SPYOD PAR THAL BA SOGS KYIS SKYON STON PA DAG SNGAR LTAR BSHAD DGOS SO, ,GSUM PA MTSAN NYID NI, MTSAN NYID RIGS SHES THA SNYAD BLO GANG LA, ,DON DAM THA SNYAD DPYOD SONG DES RNYED RIM, ZHES SMRAS TE, GZHI GANG MTSON PAR BYED PA'I PHYIR NA MTSAN NYID DANG 'THAD SGRUB KYI SHES PA YIN PAS RIGS PA'I SHES PA STE DON DAM DPYOD PA'I RIGS SHES TE BLO'I DNGOS KYI RNYED DON DON DAM BDEN PAR RIGS TE, 'JUG PAR, YANG DAG MTHONG YUL GANG DE DE NYID DE, ZHES DANG, RANG 'GREL LAS, RANG BZHIN DE GNYIS LAS KYANG MTHONG BA YANG DAG PA'I YUL TGANG GANG YIN PA DE NI DE NYID DE, DE NI DON DAM PA'I BDEN PA SOGS DANG DE LA DON DAM PA NI YANG

, ,DAG PAR GZIGS PA SOGS SO, ,'JIG RTEN PA'I BRDA'AM THA SNYAD PA LA 'JUG PA'I BLO NI THA SNYAD PA'I BLO'AM BLO THA SNYAD PA STE, DES DNGOS KYI RNYED DON NI KUN RDZOB BDEN PAR RIGS TE, 'JUG PAR, MTHONG BA RDZUN PA KUN RDZOB BDEN PAR GSUNGS, ZHES DANG, RANG 'GREL LAS, MTHONG BA RDZUN PA'I YUL GANG YIN PA DE NI KUN RDZOB KYI BDEN PA'O, ZHES DANG, GZHAN NI SO SO SKYE BO SOGS SO, ,RNAM BSHAD LAS, BDEN GNYIS KYI MTSAN NYID SNGAR BSHAD PA NI SPYIR BTANG LA DGONGS LA SANGS RGYAS KYI YE SHES KYIS MKHYEN TSUL NI SA BCU PA MAN CHAD DANG THUN MONG MIN PA'I DMIGS BSAL GYI DBANG DU BYAS PA'I PHYIR RO, ZHES PA LTAR 'DI NI SPYIR BTANG GI BSHAD PA RGYUN MTHA' TSUN CHAD MNYAM RJES GCIG TU MA SONG BA THAMS CAD LA KHYAB LA, BLO DE LA YUL DE'I RNAM PA MA SHAR BA LA RNYED PA'I THA SNYAD MI 'ONG BAS SHUGS RTOGS 'DI RNYED DON DU MI RUNG ZHING SKABS 'DIR YANG SNANG YUL ZHEN YUL 'JUG YUL GZUNG YUL SOGS KHAS LEN PA'I 'DI DAG GI KHYAD PAR SHES DGOS SHING, SANGS RGYAS KYI SKU GSUNG THUGS KYI YON TAN BSAM GYIS MI KHYAB PAR BSHAD PAS NA THA SNYAD DPYOD PA'I RNAM MKHYEN GYI RNYED DON LA THA SNYAD DPYOD PA'I RIGS SHES KYI RNYED DON GYIS KHYAB SNYAM PA NI BLUN PO'I RIGS 'GRE YIN PAS RNAM BSHAD LAS, YUL GYIS RNAM PA MA SHAR NA BLO MI 'JUG PA SOGS DANG YANG DE LTAR 'DOD PAS ZHES GSUNGS PA

LTAR, 'DOR YANG MA BZUNG PAR YANG ZHES DANG, BLO MA ZHUGS BAR ZHES BSHAD PAS MNYAM RJES GCIG TU SONG BA'I YE SHES GCIG GIS BDEN GNYIS SO SOR 'JOG PA'ANG BSDU 'DOD NA DON DAM DPYOD BYED KYI RIGS SHES SU SENG BA'I RNYED DON DANG, THA SNYAD DPYOD PA'I RIGS SHES SU SONG BA'I RNYED DON ZHES SBYAR BAR BYA'O, ,GAL TE MTSAN NYID DE LTAR YIN NA, SPYOD 'JUG LAS, KUN RDZOB DANG NI DON DAM STE, ,D'I NI BDEN PA GNYIS SU 'DOD, ,DON DAM BLO YI SPYOD YUL MIN, ,BLO NI KUN RDZOB YIN PAR 'DOD, CES GSUNGS PA DANG BDEN GNYIS LA 'JUG PA'I MDO DANG YAB SRAS MJAL BA SOGS LAS DON DAM PA BLO LAS 'DAS PAR BSHAD PA SOGS DANG JI LTAR MI 'GAL SNYAM NA SHIN TU MI 'GAL TE, SPYOD 'JUG GI DON DAM PA NI BLO YI GNYIS SNANG DANG BCAS PA'I MNGON SUM GYI SPYOD YUL MA YIN PAR RNYED PA DANG, BLO YI GNYIS SNANG DANG BCAS PAR MNGON SUM DU SPYOD PA'I YUL NI KUN RDZOB YIN PAR 'DOD CES BSHAD DGOS KYI, DE LTAR MIN PAR SNGON GYI BOD KYI STOD LUNG RGYA DMAR SOGS LTAR BSHAD NA NYES PA DU MA 'ONGS LA BCOM LDAN 'DAS KYIS BDEN PA LEGS PAR MKHYEN LEGS PAR THUGS SU CHUD BAS SANGS RGYAS SU BSHAD PA BSLAB BTUS SU BKOD PA DANG STOBS BCU RTZA 'GREL SOGS SU SNGAR BSHAD PA LTAR 'GAL ZHING, 'JUG 'GREL LAS, PHUNG SOGS MA GZIGS PA'I TSUL GYIS DE DAG GI GNAS

, ,LUGS GZIGS PA'I SHES BYED DU, BDEN PA GNYIS LA 'JUG PA LAS, LHA'I BU GAL TE DON DAM PAR NA DON DAM PA'I BDEN PA LUS DANG NGAG DANG YID KYI YUL GYI RANG BZHIN DU 'GYUR NA NI DE DON DAM PA'I BDEN PA ZHES BYA BA'I GRANGS SU MI 'GRO STE, KUN RDZOB KYI BDEN PAR 'GYUR RO, ZHES BAS MNYAM BZHAG GIS NGO NA SGO GSUM GYI SPYOD YUL DANG BCAS PAR GZIGS NA YUL DE KUN RDZOB PAR 'GYUR ZHES BSHAD DE, DON DAM PAR NGA ZHES PA DGAG BYA BDEN GRUB LA ZHES PA MIN GYI MNYAM BZHAG GI YUL DON DAM PA LA PHUNG SOGS SGO GSUM GYI SPYOD YUL GYIS SPROS PA STONG GZHI MA GZIGS PAR BSHAD PA YIN PA'I PHYIR DANG, SPROS PA DE TZAM DU MA ZAD GZHAL BYA 'JAL BYED SOGS KYI SPRES PA MTHA' DAG LDOG TSUL LHAG MAS BSHAD PA'I PHYIR TE, MDO DE NYID LAS, 'ON KYANG LHA'I BU DON DAM PAR NA DON DAM PA'I BDEN PA NI THA SNYAD THAMS CAD LAS 'DAS PA, BYE BRAG MED PA MA SKYES PA MA 'GAG PA, SMRA BAR BYA BA DANG SMRA BA DANG, SHES PAR BYA BA DANG SHES PA DANG BRAL BA'O, ,LHA'I BU DON DAM PA'I BDEN PA NI RNAM PA THAMS CAD KYI MCHOG DANG LDAN PA THAMS CAD MKHYEN PA NYID KYI YE SHES KYI YUL GYI BAR LAS 'DAS PA YIN TE, JI LTAR DON DAM PA'I BDEN PA'O, ZHES BRJOD PA LTAR NI MA YIN NO, ZHES PA'I BYE BRAG MED PA NI MI 'DRA BA'I DBYE BA MED PA'I DON

YIN LA RNAM MKHYEN YUL LA 'ANG DON DAM PA GNYIS SNANG TSUL GYIS MI 'JUG PAR BSHAD CING, MDO DE NYID LAS, CHOS THAMS CAD NI SOGS KYIS BDEN PAR MED TSUL DANG DON DAM PA GDUL BYA LA TSIG GIS MNGON SUM GO BAR BYED MI THUB PAR BSHAD LA, YAB SRAS MJAL BA LAS KYANG, DON DAM PA GANG YIN PA DE NI BRJOD DU MED PA STE SHES PAR BYA BA MA YIN PA RNAM PAR SHES PAR BYA BA MA YIN PA YONGS SU SHES PAR BYA BA MA YIN PA MA BSTAN PA RAB TU MA BSTAN PA, MA THOS PA THOS BAR MA BYAS PA, MA SHES PA RNAM PAR MA SHES PA, MA BSTAN PA MA MTHONG BA, MA BRTAGS PA 'DZIN DU MA BCUG PA RTOGS PAR MA BYAS PA THOB PAR MA BYAS PA MA THOB PA, NYE BAR MA BSNYEN PA MA BOR BAM BZHAG PA ,MA SPANGS PA, BYA BA MED PA, BYED PA MED PA, RAB TU ZHI BA MED BA ZHES SOGS KYIS DE BZHIN NYID KYI DON SBRA BLO GANG ZAG GSUM KYIS BYA BYED THAMS CAD DANG, 'JIG RTEN CHOS BRGYAD SOGS KYI SPROS PA THAMS CAD ZAD CING BRAL BAR BSHAD PA YIN TE, 'JUG 'GREL LAS, DE'I PHYIR DE KHO NA NYID LA, DE'I YUL CAN, DNGOS PO DANG DNGOS PO MED PA DANG, BDEN PA DANG BDEN PA MA YIN PA DANG, RTAG PA DANG CHAD PA DANG, RTAG PA DANG MI RTAG PA DANG BDE BA DANG SDUG BSNGAL BA DANG, GTZANG BA DANG MI GTZANG BA DANG, BDAG DANG BDAG MED PA DANG, STONG PA DANG MI STONG PA DANG, MTSAN NYID DANG MTSAN GZHI DANG, GCIG NYID DANG GZHAN NYID DANG, SKYE BA DANG 'GAG PA LA

, ,SOGS PA'I KHYAD PAR DAG SRID PA MIN TE, DE'I RANG GI NGO BO MA DMIGS PA'I PHYIR RO, ZHES DANG, TSIG GSAL LAS KYANG, DON DAM PA LA 'DI DAG YOD PA MIN TE, DE NI SNGAR BRJOD PAR BYA BA LDOG BA STE; SEMS KYI SPYOD YUL LDOG PAS SO, ZHES SOGS DANG, 'OD SRUNG GI LE'U LAS, DE GNYIS KYI DBUS GANG YIN PA DE NI DPYAD DU MED PA, BSTAN DU MED PA RTEN MIN PA SNANG BA MED PA RNAM PAR RIG PA MED PA GNAS MED PA STE, ZHES SOGS DANG, YAB SRAS MJAL BA DANG TING NGE 'DZIN RGYAL PO SPYOD 'JUG RNAMS LAS 'JIG RTEN CHOS BRGYAD KYANG DER MED PAR BSHAD RO, ,BZHI PA SGRA BSHAD NI, DON DANG DAM PA'ANG BDEN PHYIR DON DAM BDEN, ,SGREB PHYIR KUN RDZOB NGOR BDEN KUN RDZOB BDEN, ZHES SMRAS TE, DBU MA LAS, 'JIG RTEN KUN RDZOB BDEN PA DANG, ,DAM PA'I DON GYI BDEN PA'O, ZHES GSUNGS PA RTZA 'GREL SOGS LTAR BSHAD NA, DON DAM BDEN PA'I SKAD DOD P'AR M'ARTHA SATYA ZHES PA'I P'AR MA DAM PA DANG MCHOG SOGS LA 'JUG AARTHA DON DANG, SATYA BDEN PA DANG RTAG PA SOGS LA 'JUG PA LAS SKABS 'DIR DON NI DGOS DON SOGS MIN GYI YE SHES DAM PA'I SHES PAR BYA BA'I DON DANG BRTAGS PAR BYA BA'I DON DANG RNYED PA'I DON YIN PAS NA DON DANG, DE 'DRA'I DON YANG YIN LA DON GYI MCHOG GAM DAM PA YANG YIN PAS NA DAM PA DANG, SNANG TSUL LTAR MI

GNAS BAR GDUL BYA SLU BAR MI BYED PAS SAM, KUN RDZOB RDZUN PA LTAR SNANG TSUL DANG GNAS TSUL MI MTHUN PA MIN PAR SNANG TSUL DANG GNAS TSUL MTHUN PAR GNAS PAS NA BDEN PA ZHES BYA STE, TSIG GSAL LAS, DON YANG DE YIN LA DAM PA YANG YIN PAS NA DON DAM PA'O, ,DE NYID BDEN PA YANG YIN PAS DON DAM PA'I BDEN PA'O, ZHES SO, ,DON NI DGOS DON SOGS LA MI BYED PAR YE SHES KYI RNYED DON LA BYED DE, 'JUG PAR, YANG DAG MTHONG YUL, ZHES SOGS RTZA 'GREL DANG, TSIG GSAL LAS, DON DAM PA DE NI GZHAN LAS SHES PA MA YIN ZHING ZHI BA DANG, 'PHAGS PA RNAMS KYIS SO SO RANG GIS RIG PAR BYA BA DANG, ZHES GSUNGS SO, ,'JIG RTEN KUN RDZOB BDEN PA ZHES PA'I SKAD DOD LOKA: SAm BRi TA SATYA ZHES PA'I LOKA 'JIG RTEN TE SKABS 'DIR GANG ZAG DANG GNYIS SNANG CAN GYI BLO LA YANG BYED DE, SKABS 'DIR GANG ZAG LA YANG 'JOG PA NI, TSIG GSAL LAS; DE LA 'JIG RTEN PHUNG PO RANG GRAGS PA, ,DE LA 'JIG RTEN NGES PAR BRTEN, ZHES 'BYUNG BA LAS NA PHUNG PO LA BRTEN NAS BTAGS PA'I GANG ZAG LA 'JIG RTEN ZHES BRJOD DO, ZHES DANG, 'JUG 'GREL LAS, GZHAN NI SO SO SKYE NGO MA RIG PA'I RAB RIB KYI ZHES SOGS GSUNGS LA 'DI LA BSAMS NAS SKABS KUN TU 'JIG RTEN LA SO SKYE KHO NA 'JOG MI RUNG STE, DE LA SKYE 'PHAGS GNYIS YOD PA SPYOD 'JUG RTZA 'GREL SOGS KYI

, ,DGONGS PA YIN PA'I PHYIR TE, SPYOD 'JUG LAS, DE LA 'JIG RTEN RNAM GNYIS MTHONG, ,RNAL 'BYOR PA DANG PHAL BA'O, ,RNAL 'BYOR PA YANG BLO KHYAD KYIS, ,GONG MA GONG MA RNAMS KYIS GNOD, CES DANG, 'GREL PA DAG LAS SNGAR BKOD PA LTAR YIN PA'I PHYIR 'DI LA DGONGS NAS, RNAM BSHAD LAS, KUN RDZOB RNYED MKHAN SO SKYE RANG DGA' BA LA GSUNGS PA YANG, KUN RDZOB PA'I MTSAN GZHI PHYI NANG GI DNGOS PO RNAMS MA RIG PA'I GZHAN DBANG GIS MTHONG PA'I GTZO BO LA DGONGS KYI 'PHAGS PA'I RGYUD KYI THA SNYAD PA'I TSAD MAS DE RNAMS MI RNYED PAR BZHED PA MIN NO, ZHES SO, ,YANG 'DI DAG LA BSAMS NAS SKABS 'DI'I 'JIG RTEN LA GANG ZAG KHO NA MI RUNG STE, DE LA GNYIS SNANG CAN GYI SHES PA DU MA YOD PAR MDO DANG BSTAN BCOS DU MA'I DGONGS PA YIN PA'I PHYIR TE, YAB SRAS MJAL PA LAS, DE LA KUN RDZOB NI 'JIG RTEN GYI SPYOD PAR DE BZHIN GSHEGS PAS GZIGS SO, ZHES PA'I 'JIG RTEN DES KUN RDZOB LA SPYOD TSUL PHYEN CI LOG MA LOG GNYIS SU SBYAR TSUL YANG 'JUG PAR, 'JIG RTEN NYID LAS BDEN YIN LHAG MA NI, ,'JIG RTEN NYID LAS LOG PAR RNAM PAR BZHAG ,CES GSUNGS PA'I 'JIG RTEN GNYIS KA LA SHES PA KHO NA DGOS PA'I PHYIR DANG, GNYIS SNANG CAN GYI SHES PA LA YANG 'JIG RTEN PA'I THA SNYAD MDO BSTAN BCOS DU MAS BSHAD DE, 'JUG 'GREL LAS, SBYIN PA DE NYID GSUM DU DMIGS PA YOD NA 'JIG RTEN

PA'I PHA ROL TU PHYIN PA ZHES BYA BAR BSNYAD DO, ZHES DANG, SHER MDO LAS, DMIGS PA NI THA SNYAD KYI BDEN BAS BSDUS PA NYID KYIS 'JIG RTEN PA NYID YIN PA'I PHYIR RO, ZHES DANG, BLO GROS MI ZAD PA'I MDO LAS, DE LA KUN RDZOB KYI BDEN PA GANG ZHE NA, JI SNYED DU 'JIG RTEN GYI THA SNYAD YI GE DANG SGRA DANG BRDAS BSTAN PA'O, ZHES GSUNGS PA'I THA SNYAD DANG BRNGA LA SHES PA DANG SHES BYA SOGS YED PA'I PHYIR, SBYIR SAm PRiTA NI, LO CHEN GYIS NYER BSGYUR 'GREL CHEN LAS SAm PRiTA KUN RDZOB DANG YANG DAG PAR BSDAM PA GDANGS PA, BRGYAD PA, DOG PA, GNANG BA, ZLUM PO, ZHOM PA ZHES GSUNGS PA LTAR DU MAR 'JUG KYANG SKYABS 'DIR SAm PRiTA NI KUN RDZOB BAM SA MANTA PRi TA KUN SGRUB BAM YANG DAG SGRUB STE MA RIG PA DANG, DE'I NGOR BDEN PAS NA KUN RDZOB BDEN PA ZHES BYA STE, 'JUG PAR, GTI MUG RANG BZHIN SGRIB PHYIR KUN RDZOB STE, ,DES GANG BCOS MAR BDEN PAR SNANG DE NI, ,KUN RDZOB BDEN ZHES THUB PA DES GSUNG STE, ZHES DANG, LANG GSHEGS LAS, RANG BZHIN MED LA 'KHRUL PA GANG, ,DE NI YANG DAG KUN RDZOB 'DOD, CES DANG, TSIG GSAL LAS, KUN NAS SGRIB PAS NA KUN RDZOB STE, MI SHES PA NI DNGOS PO'I DE KHO NA NYID LA KUN NAS 'GENGS PA'I PHYIR KUN RDZOB STE, ZHES DANG, 'JUG 'GREL LAS, KUN RDZOB DAS GANG ZHIG BDEN PAR SNANG ZHING, ZHES GSUNGS SO, ,DES NA KUN RDZOB KYI SKAD NGOD SAm PRiTA NE, YANG DAG SGRIB DANG KUN NAS SGRIB DANG RANG BZHIN SGRIB LA

, ,'JUG PAR BSHAD ZIN CING, PHAN TSUN BRTEN PA DANG BRDAL YANG 'JUG STE, PHAN TSUN BRTEN PA RDZUN PA'I DON DANG, BRDA NI THA SNYAD DE, DE LA BRJOD BYA DANG RJOD BYED GNYIS DANG, SHES PA DANG SHES BYA SOGS YOD PA'I PHYIR TE, TSIG GSAL LAS, YANG NA PHAN TSUN BRTEN BSAN KUN RDZOB STE, PHAN TSUN BRTEN PA NYID KYIS NA SHES BYA'I DON TO, ,YANG NA KUN RDZOB NI BRDA STE, 'JIG RTEN GYI THA SNYAD LA ZHES BYA BA'I THA TSIG GO, DE YANG BRJOD PA DANG BRJED BYA DANG, SHES PA DANG SHES BYA LA SOGS PA'I MTSAN NYID CAN NO, ZHES SO, 'DI BLO GROS MI ZAD PA SOGS DANG MTHUN NO, ,DES NA 'JIG RTEN PA'I PHAN TSUN BRTEN PA LA KUN RDZOB CES BYA LA PHAN TSUN RTEN PA NYID KYIS YOD PAS NA KUN RDZOB BDEN PA DANG, 'JIG RTEN PA'I BRJOD BYA RJOD BYED DANG 'JIG RTEN PA'I SHES PA DANG SHES BYA 'JIG RTEN PA'I BRDA' MA THA SNYAD YIN PAS DE LA KUN RDZOB CES BYA LA, 'JIG RTEN PA'I BRDA' MA THA SNYAD LA SNANG TSUL DANG GNAS TSUL MTHUN PAS NA KUN RDZOB BDEN PA ZHES BYA STE, TSIG GSAL LAS, 'JIG RTEN GYI KUN RDZOB TU BDEN PA NI 'JIG RTEN KUN RDZOB BDEN PA STE, BRJOD BYA RJOD BYED DANG SHES PA DANG SHES BYA LA SOGS PA'I THA SNYAD MA LUS PA DE DAG THAMS CAD NI 'JIG RTEN GYI KUN RDZOB BDEN PA ZHES BYA'O, ZHES SO, ,'JIG RTEN KUN RDZOB MIN PA'I DBU MA RANG LUGS KYI KUN RDZOB TZAM PO GCIG YOD PAR 'DOD PA GTAN NAS MI 'THAD DE,

'DIR 'JIG RTEN SMOS PA NI 'PHAGS PA MI BZHED PA'AM KUN RDZOB BDEN PA MI 'DOD PA'I DON MIN LA, 'JIG RTEN PA'I BRDA'AM THA SNAD GNOD MED LA DNGOS PO STE YOD PA JI LTAR GNAS PA STON PA'I CHED DU 'JIG RTEN ZHES SMOS SHING, MIG SER SOGS KYIS DBANG PO NYAMS PA'I YUL DU SER PO DANG, NAM MKHA'I SGRA SHAD SOGS 'JIG RTEN NA MED PAR BSHAD PA'I CHED YIN PA'I PHYIR TE, TSIG GSAL LAS, 'JIG RTEN KUN RDZOB CES GANG LAS KHYAD PAR DU BYED PA 'JIG RTEN MIN PA'I KUN RDZOB KYANG YOD DAM ZHE NA, 'DI NI DNGOS PO LA JI LTAR GNAS PA RJES SU BRJOD PA YIN GYI, 'DIR DBYAD BA DE MI 'JUG GO ,RNAM PA GCIG TU NA YOD DE, RAB RI DANG LING THOG SNGON PO DANG, MIG SER LA SOGS PAS DBANG PO NYAMS PAS MTHONG BAS PHYIN CI LOG LA GNAS PA DE DAG NI 'JIG RTEN MA YIN TE, DE DAG GI KUN RDZOB GANG YIN PA DE NI 'JIG RTEN KUN RDZOB MA YIN PAS, 'JIG RTEN KUN RDZOB BDEN PA DANG, ZHES DE LAS KHYAD PAR DU BYAS SO, ZHES GSUNGS PA'I PHYIR DANG, THA SNYAD BDEN PA DANG, THA SNYAD DU YOD CES PA'I THA SNYAD DANG, KUN RDZOB BDEN PA ZHES PA'I KUN RDZOB GNYIS LA MA RIG PAS KHYAB SNYAM PA DANG, 'JIG RTEN PA'I SHES PA LHAN SKYES GCIG DGOS SNYAM PA DANG, KUN RDZOB KYI SGRA BSHAD LA YANG DAG SGRIB KHO NA LA 'CHAD DGOS PAR 'DOD PA DANG KUN THAMS CAD DANG RDZOB NI ZHANG ZHUNG GI RDZUN SKAD KHO NAR 'DOD PA LA SOGS PA DAG NI BLUN BO NGA LANG LTA BU MA RIG PA'I LUNG

, ,POR DPAL LDAN ZLA BA'I LEGS BSHAD DANG, RTZA SHE RNAM BSHAD CHEN POS BSTAN BAS DPYOD LDAN RNAMS KYIS SHES PAR BYA'O, ,'DI YANG KHO BOS LEGS PAR BSHAD KYI BOD SDA PHYI GZHAN GYIS JI LTAR BSHAD MKHAS BSAB LTAS NA SHES PAR 'GYUR RO, ,'DI LA SPRO BYA MANG STE GZHAN DU BSHAD ZIN TO, ,LNGA BA NI, DON DAM DBYE BA GNYIS BZHI BCU DRUG SOGS, ,SKYE 'PHAGS BLO GNYIS YUL BCAS RNAM GRANGS GZHAN, ,DBU MA RANG LUGS KUN RDZOB YANG LOG MIN, ,'JIG RTEN SHES NGOR MI DANG GZUGS BRNYAN SOGS, ,BDEN DANG MI BDEN YANG DAG LOG PA COM, ZHES SMRAS TE, DON DAM BDEN PA LA DBYE NA GANG ZAG DANG CHOS KYI BDAG MED GNYIS DANG, DNGOS PO STONG PA NYID DANG DNGOS PO MED PA STONG PA NYID DANG, RANG BZHIN STONG PA NYID DANG, GZHAN GYI DNGOS PO STONG PA NYID DE STONG NYID BZHI DANG, NANG STONG PA NYID SOGS BCU DRUG DANG SOGS SKRAS STONG BA NYID BCO BRGYAD DANG STONG PA NYID NYI SHU SOGS BSHAD DE, 'JUG PA LAS, BDAG MED 'DI NI 'GRO BA RNAM GROL PHYIR, ,CHOS DANG GANG ZAG DBYE BAS RNAM GNYIS GSUNGS, ZHES GNYIS DANG, SHER MDO LAS, RAB 'BYOR GZHAN YANG DNGOS PO NI DNGOS POS STONG NGO, ,DNGOS PO MED PA NI DNGOS PO MED BAS STONG NGO, ,RANG BZHIN NI RANG BZHIN GYIS STONG NGO, ,GZHAN GYI DNGOS PO NI GZHAN GYI DNGOS POS STONG NGO, ZHES STONG NYID BZHI DANG, 'JUG PAR, SPROS DANG

BCAS PAR STONG PA NYID, ,BCU DRUG BSHAD NAS, ZHES DANG, SHER MDO LAS, RAB 'BYOR GZHAN YANG BYANG CHUB SEMS DPA'I THEG PA CHEN PO NI 'DI LTA STE, NANG STONG PA NYID DANG, PHYI STONG PA NYID DANG, PHYI NANG STONG PA NYID DANG, STONG PA NYID STONG PA NYID DANG, CHEN PO STONG PA NYID DANG, DON DAM PA STONG PA NYID DANG, 'DUS BYAS STONG PA NYID DANG, 'DUS MA BYAS STONG PA NYID DANG, MTHA' LAS 'DAS PA STONG PA NYID DANG, THOG MA DANG THA MA MED PA STONG PA NYID DANG, DOR BA MED PA STONG PA NYID DANG, RANG BZHIN STONG PA NYID DANG, CHOS THAMS CAD STONG PA NYID DANG, RANG GI MTSAN NYID STONG PA NYID DANG, MI DMIGS PA STONG BA NYID DANG, DNGOS PO MED PA'I NGO BO NYID STONG PA NYID DANG, ZHES SO, ,YANG DON DAM LA SGRAS BRJOD KYI DBYE NA, RNAM GRANGS KYI DON DAM MA MDON DAM RJES SU MTHUN PA DANG, RNAM GRANGS MIN PA'I DON DAM GNYIS YOD DE, BDEN GNYIS LAS, SKYE BA LA SOGS BKAG PA YANG, ,YANG DAG PA DANG MTHUN PA'I PHYIR, ZHES DANG, DE'I RANG 'GREL LAS, YANG DAG PAR SKYE BA LA SOGS PAR RTOG PA'I DNGOS PO BKAG PA'I GTAN TSIGS KYIS, YANG DAG PA DANG MTHUN PA'I PHYIR DON DAM PA YIN PAR KHO BO CAG 'DOD DO, ZHES DANG, DBU MA SNANG BA LAS, SKYE BA MED PA NYID YANG DON DAM PA DANG MTHUN PA'I PHYIR DON DAM PA ZHES BYA BA'I DNGOS SU NI MA YIN TE, DNGOS SU NI DE NA DAM PA SPROS PA THAMS CAD LAS 'DAS PA'I PHYIR RO, ZHES DANG, DBU MA RGYAN

, ,LAS; DAM PA'I DON DANG MTHUN PA'I PHYIR, ,'DI NI DAM PA'I DON ZHES BYA, ,YANG DAG TU NA SPROS PA YI, ,TSOGS RNAMS KUN LAS DE GROL YIN, ZHES DANG, DE'I SNGA 'GREL LAS, SKYE BA MED PA LA SOGS PA YANG YANG DAG PA'I KUN RDZOB TU GTOGS PA YIN DU ZIN KYANG, ZHES SO, ,'DI RNAMS KYI DON LA SNGON GYI BOD MANG POS GZUGS DON DAM PAR SKYE BA SOGS BKAG PA'I STONG NYID NI RNAM GRANGS PA'I DON DAM DANG, DE DON DAM BDEN PA BTAGS PA PA DANG, KUN RDZOB BDEN PA MTSAN NYID PA YIN LA, RNAM GRANGS MIN PA'I DON DAM NI BLO GANG GIS KYANG YUL DU BYA MI NUS PAS SHES BYA MA YIN PAR 'DOD DO, ,DE DAG SHIN TU MI 'THAD DE, RNAM GRANGS KYI DON DAM DANG RNAM GRANGS MA YIN PA'I DON DAM RE RE LA'ANG YUL BDEN MED RE YOD PAR MA ZAD SNGA MA LA STONG NYID YUL CAN THOS BSAM GYI BLO GCIG DANG, PHYI MA LA MNYAM BZHAG YE SHES GCIG KYANG YOD PA'I PHYIR DANG, YUL CAN RE YANG YOD DE, BDEN GNYIS LAS, BSLU BA MED PA'I RIG PA NI, ,DON DAM YIN TE, ZHES DANG, DBU MA SNANG BA LAS, YANG DAG PA'I THOS PA DANG BSAM PA DANG BSGOM PA LAS BYUNG BA'I SHES PA THAMS CAD NI, PHYIN CI MA LOG PA'I YUL CAN YIN PA'I PHYIR DON DAM PA ZHES BYA STE, 'DI'I DON DAM PA YIN PA'I PHYIR RO, ZHES DANG, RTOG GE 'BAR BA LAS DON DAM LA MI RTOG YE SHES DANG, DE DANG RJES SU MTHUN PA'I SHES RAB GNYIS

BSHAD PA'I PHYIR, DES NA GNAS LUGS DON DAM PAR SKYE BA MED PA RANG GI NGOR SPROS PA MED KYANG; NGES RTOGS KYI RJES DPAG GIS NGES NGOR SPROS PA LOG KYANG SNANG NGOR GNYIS SNANG GI SPROS PA DANG BCAS TE GZHAL BAS, 'PHAGS PA'I MNYAM BZHAG GI YUL DON DAM DANG MTHUN PAS NA MTHUN BA'I DON DAM ZHES BSHAD LA, DON DAM PAR SKYE BA MED PA MNYAM BZHAG ZAG MED KYI NGES NGO DANG SNANG NGOR YANG SPROS PA'I TSOGS MTHA' DAG ZAD PAS MDON DAM PA DNGOS SAM RNAM GRANGS MA YIN PA'I DON DAM ZHES BSHAD DGOS PA'I PHYIR, RJES DPAG GI RNYED DON BDEN PA'I SKYE MED YANG KUN RDZOB GA LA 'GYUR TE, DBU MA SNANG BAR GCIG DU BRAL GYI RTAGS CHOS GNYIS KA DGAG BYA BCAD TZAM GYI MED DGAG TU GSUNGS SHING, ZHI 'TSO DANG 'PHAGS SENG DAG GIS KYANG MNYAM BZHAG SPROS BRAL DU YANG YANG GSUNGS PA'I PHYIR, CHOS CAN DANG STONG BA GNYIS TSOGS KYI SGYU MA RIGS SHES KYI RNYED DON DU MI BZHED PA'I PHYIR DANG; SNANG BA LA DGAG BYA'I SPROS PA RNAM PAR BCAD PA LA RNAM BCAD DANG, YONGS GCOD GNYIS SU BYAS PA'I PHYI MA RJES DPAG GI GZHAL BYA'I DON TZAM DON DAM DU 'DOD PA'I DBU MA THAL RANG GI CHEN PO SU YANG MED PA'I PHYIR, DES NA DBU MA RGYAN LAS DON DAM PAR SKYE SOGS BKAG PA YANG DAG KUN RDZOB TU BSHAD PA NI, YANG DAG PAR SKYE SOGS BKAG PA LA, 'DIS BKAG PA'I RIGS SHES DANG, DE'I GZHAL BYA GNYIS YOD PAS, SO SOR MA PHYE BA DANG

, ,PHYE NAS RIGS SHES YANG DAG KUN RDZOB TU 'JOG PAR 'DOD DE, DBU MA RGYAN RANG 'GREL LAS, SKYE BA MED PA LA SOGS PA YANG DAG PA'I KUN RDZOB TU GTOGS PA YIN DU ZIN KYANG, ZHES GSUNGS LA, BDEN GNYIS RANG 'GREL LAS, YANG DAG PA'I SKYE SOGS DNGOS PO SNANG BA NA MI SNANG BAS LOG PA'I KUN RDZOB YIN PA BZHIN DU, YANG DAG PA'I SKYE SOGS BKAG PA YANG LOG PA'I KUN RDZOB TU 'GYUR TE, ZHES SOGS KYIS BDEN STONG DANG STONG GZHI'I TSOGS DON SGYU MA LTA BU DBANG SHES LA MI SNANG BAR BRTZAD PA'I LAN DU SNANG BAR BSHAD CING DE KUN RDZOB BDEN PAR BSHAD LA, BDEN GNYIS RANG 'GREL LAS, GZHAN DAG PA KHO NAR 'DZIN PAS YANG ZHES BYA BA NI BSDU BA'I DON TO, ,DE YANG RIGS PAS DPYAD NA KUN RDZOB KHO NA STE, DE CI'I PHYIR ZHE NA, DGAG BYA YOD PA MA YIN PAS, YANG DAG TU NA BKAG MED GSAL, ZHES GSUNGS PA'I DON DAM PA DNGOS SMRA BAS BDEN GRUB TU 'DOD KYANG; 'DIR KUN RDZOB TU GRUB PAR BSHAD PAS BDEN PA'I SKYE MED KUN RDZOB TU BDEN PAR 'DOD PA YANG 'KHRUL LO, ,DBU MA RANG LUGS ZHES PA DBU MA PA'I LUGS THUN MONG MA YIN PA'I DBU MA'I RIGS SHES KYI NGO LA BYED LA, DE LA KUN RDZOB BDEN PA LA SNANG TSUL DANG GNAS TSUL MTHUN PA'I YANG DAG GCIG DANG, DE GNYIS MI MTHUN PA'I LOG PA GNYIS DBYE MI RUNG STE, 'PHAGS PA'I MNYAM BZHAG TU MA ZAD RJES THOB YE SHES KYIS KYANG GZUGS

SOGS SGYU MA LTA BUR GZIGS KYI SNANG TSUL GNAS TSUL MTHUN PAR MA GZIGS PA'I PHYIR DANG, 'JUG 'GREL LAS, 'JIG RTEN NYID LAS BDEN PA YIN GYI 'PHAGS PA LA LTOS NAS NI MA YIN NO, ZHES DANG, TSIG GSAL LAS; 'JIG RTEN LA YOD KYI 'PHAGS PA RNAMS LA NI MA YIN NO, ,CI 'PHAGS PA RNAMS LA RIGS PA MI MNGA' 'AM ZHEN, YOD PA'AM MED PA 'DI SUS SMRAS, 'PHAGS PA RNAMS KYI DON DAM PA NI CAD MI GSUNGS PA YIN TE, ZHES BDEN PAR YOD MED SGRUB PA'I THA SNYAD THAMS CAD LOG BAR BSHAD PA'I PHYIR, DES NA KUN RDZOB BDEN PA LA 'JIG RTEN BA'I SHES PA LHAN SKYES RAGS PA'I NGO LA LTOS TE YANG DAG DANG LOG PA GNYIS BYED DE, 'PHRAL GYI DBANG PO GNOD BRAL DRUG DANG, DE'I GZUNG DON DRUG NI LHAN SKYES RAGS PA'I SHES NGO'I YANG DAG DANG, 'PHRAL GYI GNOD BCAS DBANG PO DRUG GI DANG DE DAG GI GZUNG DON DRUG NI 'JIG RTEN SHES NGO'I LOG PAR 'JOG PA'I PHYIR TE, 'JUG 'GRAL LAS, MTHONG BA RDZUN PA RNAMS LA YANG, MTHONG BA YANG DAG PA DANG RDZUN PA NYID LAS GNYIS NYID YOD PAS, DES GZUNG BAR BYA BA'I DON DANG, SHES PA'I GNYIS NYID BSTAN PA'I PHYIR BSHAD PA ZHES DANG, 'JUG BA LAS, MTHONG BA RDZUN PA'ANG RNAM PA GNYIS 'DOD DE, ,DBANG PO GSAL DANG DBANG PO SKYON LDAN NO, ZHES BAS YUL CAN YANG LOG GNYIS DANG DE NYID LAS, GNOD PA MED PA'I DBANG PO DRUG RNAMS KYIS, ,GZUNG BA GANG

, ,ZHIG 'JIG RTEN GYIS RTOGS TE, ,'JIG RTEN NYID LAS BDEN YIN LHAG MA NI, ,'JIG RTEN NYID LAS LOG PAR RNAM PAR BZHAG ,CES SO, ,'DI LA LOG RTOG MANG PO GZHAN DU BKAG ZIN TO, ,DES NA STAG TSAD PA SOGS KYIS 'JIG RTEN GYI THA SNYAD PA'I SHES NGOR GANG BZHAG DBU MA PAS KHAS MI LEN SNYAM NAS SNA TSOGS SMRAS PA THA CHAD YIN TE, DE LTAR NA GZUGS SOGS DON DAM BAR MED PA YANG THA SNYAD PA'I SHES NGOR SGRUB DGOS PAS DE YANG DBU MA PAS MI 'DOD PAR 'GYUR LA, KUN RDZOB DANG KUN RDZOB BDEN PA YANG 'JIG RTEN GYIS SBYOD BAR BSHAD PAS, DE YANG DBU MA BAS MI 'DOD PAS, DBU MA PA LA BDEN GNYIS MI RUNG BA'I PHYIR TE, 'JUG PA LAS, BDEN GNYIS RNAM DBYE GANG GIS MI SHES PA, ,DE NI RNAM RTOG LOG PA'I LAM NGAN ZHUGS, ZHES GSUNGS PA LTAR 'GYUR BA GNOD BYED SHIN TU MANG NGO, ,DES NA GZUGS SOGS 'JIG RTEN PA'I SHES NGOR YANG DAG TU 'JOG TSUL LA SHES NGO LTAR SNANG TSUL GNAS TSUL MTHUN PAS BZHAG PA GCIG DANG, SHES NGO DER SNANG BA DANG MTHUN BAR YOD PA'AM SNANG GZHI'I DON YOD PA LA YANG DAG BA'AM BDEN BA ZHES BZHAG PA GCIG DBU MA PA YANG 'DOD TSUL, LAM RIM LAS, DBANG SHES RNAMS SNANG YUL LA 'KHRUL BAR 'DRA YANG 'JIG RTEN BA'I SHES NGOR SNANG BA RJES SU MTHUN PA'I DON YOD PA DANG MED PA'I SGO NAS GZUGS BRNYAN

SOGS SNANG BA'I DBANG SHES RNAMS LOG BA'I KUN RDZOB YIN LA, DE LAS GZHAN BA'I DBANG SHES GNOD MED RNAMS YANG DAG KUN RDZOB YIN NO, ZHES DANG, RIGS PA DRUG CU BA'I 'GREL PA LAS, DMIGS PA DE YANG PHYIN CI LOG DANG; PHYIN CI MA LOG PA'O, ,DE LA PHYIN CI LOG NI BDE BA LA SOGS BA NYID DU 'DZIN PA GANG YIN PA STE, KUN RDZOB TU YANG BDAG NYID DER DNGOS PO DE RNAM PAR MIG NAS PA NYID KYI PHYIR RO, ,PHYIN CI MA LOG PA NI SDUG BSNGAL LA SOGS PA NYID DU 'DZIN PA STE, DNGOS BO DE KUN RDZOB TU BDAG NYID DER YOD PA NYID KYI PHYIR RO, SHES GSUNGS BAS DE 'DRA'I YANG LOG DBU MA PA RANG YANG 'RO [?] DAL, YANG DAG SNGA MA RANG LUGS LA THA SNYAD DU MI 'DOD CING, SPYOD 'JUG LAS KYANG; 'JIG RTEN DE NYID MTHONG, ZHES PA YANG RIGS PA DRUG CU PA'I 'GREL PA LTAR YIN NO, ,DE'I PHYIR THA SNYAD DU YOD CES PA'I 'JIG RTEN SHES NGO DANG, 'JIG RTEN GYI THA SNYAD DU YOD CES PA'I 'JIG RTEN SHES NGO DANG, THA SNYAD BDEN BZHES PA'I THA SNYAD DANG 'PHAGS PA'I BDEN PA ZHES PA'I 'PHAGS PA RNAMS THA SNYAD PA'I TSAD MA DANG, 'JIG RTEN NYID LAS BDEN YIN ZHES PA'I 'JIG RTEN SHES NGO LHAN SKYES RANG DGA' BA GCIG YIN LA, GZUGS SOGS KUN RDZOB PA GANG GIS NGOR BDEN PAR 'JOG PA'I KUN RDZOB LAM RIG PA GCIG DGOS PAS KHYAD PAR DE LTAR MA SHES PA'I RANG GZHAN DU MAS 'GAL BA PA RGYA PHRAG SDUD DE, LAM RIM LAS, GZUGS SOGS LA RANG GI NGO

, ,BOS GRUB PA'I RANG BZHIN RIGS PAS 'GOG PA NI DON DAM DU MI RUNG BA'I THA SNYAD DU BYA DGOS LA, DE 'DRA'I THA SNYAD PA'I SHES NGO DER NI DBANG PO'I SHES PA RNAMS 'KHRUL PA YIN LA, ZHES DANG, YANG DE NYID LAS, THA SNYAD DU 'KHRUL SA'I THA SNYAD DANG, SHES PA GANG LA LTOS NAS PHYIN CI MA LOG PAR BZHAG PA'I THA SNYAD PA'I SHES PA GNYIS GCIG YIN NA 'GAL BA YIN KYANG, DE GNYIS SO SO BA YIN PAS ZHES SOGS DANG, RIGS PA DRUG CU PA'I 'GREL PA LAS, DE'I PHYIR 'JIG RTEN GYI DNGOS PO LA YANG GANG GIS RANG GI NGO BO JI LTA BA BZHIN DU GNAS PA LAS MA 'DAS PAR RNAM PAR GNAS PA DES NI 'PHAGS PA'I BRJOD BA THOB BO, ZHES GSUNGS PA 'DIS 'PHAGS PA'I SKAD DOD AARYA'I DON BSHAD LA SGRA MDO LAS KYANG AARYA RJE RIGS LA'ANG BSHAD PAS GANG ZAG KHO NAR BSHAD MI DGOS LA, 'GREL PA DE NYID LAS, DE TZAM ZHIG LA LTOS NAS 'PHAGS PA'I THA SNYAD BZHIN DU 'PHAGS PA'I BDEN PA DAG CES BYA'O, ZHES DANG, STONG THUN LAS, 'JIG RTEN PA'I BLO LHAN SKYES RANG DGA' BAS YANG LOG GNYIS KYI DBYE BA BYED PA'I DON YIN GYI, ZHES GSUNGS PA YANG BLO GCIG LA MI RUNG BAS LHAN SKYES THA DAD GNYIS LA DGONGS LA, DE YANG 'JIG RTEN NYID LAS BDEN YIN ZHES PA'I NGOS 'DZIN GTZO BOR BYAS PA YIN TSUL SOGS SHES PAR BYA STE GZHAN DU BSHAD ZIN TO, ,DRUG PA THABS DANG THABS BYUNG GI KHYAD PAR NI, THA SNYAD RIGS

SHES SNGON GROGS THABS THABS BYUNG, ZHES SMRAS TE, DE YANG PHUNG PO LNGA KHAMS DRUG SKYE MCHED BCU GNYIS KHAMS BCO BRGYAD SOGS BLO NGOR [?] MA GRUB PA'I PHYIR DU DE'I GNAS LUGS BSTAN DU MED DE, KHYAD GZHI MA NGES PAR KHYAD CHOS NGES PAR MI NUS PA'I PHYIR, DES NA DON DAM PA'I RNAM PA 'CHAR BA LA GZHI CHOS CAN GYI RNAM PA SHAR BA SNGON DU 'GRO DGOS PAR MA ZAD KUN RDZOB RTOGS PA'I TSAD MA SNGON DU MA SONG BAR DON DAM DPYOD PA'I RIGS SHES MI 'BYUNG LA THA SNYAD TSAD MA LA GNAS LUGS 'JAL BA'I RIGS SHES 'BYUNG BA'I PHYIR TE, DBU MA LAS, THA SNYAD LA NI MA BRTEN BAR, ,DAM PA'I DON NI RTOGS MI NUS, ZHES DANG, DE'I 'GREL PA TSIG GSAL LAS, DE'I PHYIR MYA NGAN LAS 'DAS PA 'THOB PA'I THABS YIN PA'I PHYIR CHU 'DOD PAS SNOD LTAR THOG MAR GDON MI ZA BAR KUN RDZOB JI LTAR GNAS PA KHAS BLANGS PAR BYA'O, ZHES DANG, BUDHA P'A LI TA LAS, DE LA 'DI SNYAM DU SMRA BAR 'DOD PA'I DON NI CHOS THAMS CAD SKYE BA MED PA ZHES BYA BA DON DAM PA'I BDEN PA DE NYID YIN NA THA SNYAD KYI BDEN PA 'DI CI DGOS SNYAM DU SEMS NA, ZHES DANG, RIGS PA DRUG CU PA LAS, DE NYID TSOL LA THOG MAR NI, ,THAMS CAD YOD CES BRJOD PAR BYA, , DON RNAMS BRTAGS SHING CHAGS MED LA, ,PHYIS NI RNAM PAR DBEN PA'O, ZHES DANG, 'GREL PAR, SKYE BO BLO GROS MA BYANG PA LA THOG MA KHO NAR STONG PA NYID KYI LTA BA RANG TU SBYAR BA NA, SHIN TU RMONGS PA SKYED PAR 'GYUR TE, ,

, ,DE'I PHYIR 'PHAGS PA RNAMS THOG MA KHO NAR THOG MAR STONG PA NYID MI STON TO, ZHES PA NAS, DE LTAR DON RTOGS PA LA DUS PHYIS RNAM PAR DBEN PA NYID RIGS KYI SNGA ROL TU NI MA YIN NO, ZHES RGYAS PAR BSHAD LA; YANG RIGS PA DRUG CU PA LAS, SKYE BA SHES PAS 'JIG PA SHES, ,'JIG PA SHES PAS MI RTAG SHES, ,MI RTAG NYID LA 'JUG SHES PAS, ,DAM PA'I CHOS KYANG RTOGS PAR 'GYUR, ZHES PA RTZA 'GREL SOGS DANG, DKON MCHOG SPRIN LAS, KUN RDZOB KYI CHOS RNAMS MED PAR DON DAM PA BSTAN PAR MI NUS SO, ZHES BA LTA BU SHIN TU MANG LA 'JUG PAR KUN RDZOB THABS DANG DON DAM THABS BYUNG DU BSHAD PA'I DGONGS PA YIN LA, DE BZHIN DU BDEN GNYIS PHAN TSUN GROGS DANG, DE RTOGS KYI BLO PHAN TSUN GROGS SU 'GRO BA DGOS KYI, GCIG KHAS BLANGS LA GCIG SHOS 'DOR DGOS PA MA YIN TE, DE GNYIS PHAN TSUN BDAG NYID GCIG PA'I 'BREL BA 'GRUB PA'I PHYIR TE, BYAS PA DANG MI RTAG PA DANG DUNG DANG DE'I KHA DOG BZHIN, DE SKAD DU BSLAB BTUS LAS, DE LA JI LTAR CHOS THAMS CAD BDAG MED KYANG, LAS DANG 'BRAS BUR 'BREL BA MI 'GAL BA DANG, RANG BZHIN MED KYANG JI LTAR MTHONG BZHIN PA'I CHOS THAMS CAD MI 'GAL BA'I DE LTAR NI, YAB DANG SRAS MJAL BA'I MDOS BSTAN TE, ZHES GSUNGS SHING, 'DIS NI DPYAD NA BDAG MED KYANG LAS DANG DE'I 'BRAS BU'I 'BREL BA 'THAD PA

DANG; RANG BZHIN NAM RANG NGOS NAS GRUB PA MED KYANG MNGON SUM DRUG GIS JI LTAR MTHONG BZHIN PA'I YUL MNGON GYUR DRUG SOGS 'THAD PAR DE DAG MI 'GAL BAR BSHAD PA'I PHYIR RANG BZHIN MED NA TSAD GRUB MI RUNG ZER BA YANG LEGS PAR BKAG 'DUG CING, DBU MA PA'I LUGS LA LAS 'BRAS DANG SKYES BU SOGS THAMS CAD KUN RDZOB THAMS CAD MI 'DOD ZER BA YANG LEGS PAR BKAG STE, KHAMS DRUG REG PA'I SKYE MCHED YID KYI NYE BAR RGYU BA BCO BRGYAD RNAMS KYI KHAMS RE RE SKYE BA'I TSE YANG GANG NAS MI 'ONGS 'GAG PA'I TSE YANG GANG DU YANG MI 'GRO BA SOGS YIN KYANG KHAMS DE DAG LA NANG DU BUD MED DANG PHYI'I SKYES PAR DMIGS NAS CHAGS SDANG DANG 'PHRAD 'DOD KYIS PHRAD DE MER MER NUR NUR SOGS KYI MTSAMS SBYOR YANG KUN RTOG 'KHRUL PA MA GTOGS DPYAD NA SKYES PA SKYES PAS STONG PA SOGS YIN PAS KHAMS DE DAG LA SKYES PA'AM BUD MED MING TZAM BRDA TZAM LAS MED TSUL, MDO DE NYID LAS, RGYAL PO CHEN PO SKYES BU GANG DAG 'DI NI KHAMS DRUG PA SOGS GSUNGS PA 'JUG 'GREL DU'ANG DRANGS SO, ,GANG ZAG DANG LA SOGS CHOS THAMS CAD MING TZAM LAS MED KYANG LAS GSOGS PA DANG RNAM SMIN MYONG TSUL, YANG MDO DE NYID LAS, RGYAL PO CHEN PO DE LTAR NA CHOS GANG YANG 'JIG RTEN 'DI NAS 'JIG RTEN PHA ROL TU 'PHO BA YANG MED LA 'CHI 'PHO DANG SKYE BAR MNGON PA YANG YOD DE, ZHES PA NAS, DE CI'I PHYIR ZHE NA, NGO BO NYID MED PA'I PHYIR TE,

, ,RNAM PAR SHES PA THA MA NI RNAM PAR SHES PA THAMS STONG, LAS NI LAS KYIS STONG, RNAM PAR SHES PA DANG PO NI RNAM PAR SHES PA DANG BOS STONG, 'CHI 'PHO NI 'CHI 'PHOS STONG STE, SKYE BA NI SKYE BAS STONG LA, LAS RNAMS 'BRAS BU MED PAR MI 'GYUR ZHING, RNAM PAR SMIN PA MYONG PAR MNGON PA YANG YOD DE, DE LA MING GI BRDA TZAM MA GTOGS PAR BYED PA PO 'AM ZAB PO GANG YANG MED DO, ,RGYAL PO CHEN PO 'DI LTA STE, DPER NA MI ZHIG NYAL BA'I RMI LAM NI, ZHES SOGS GSUNGS, 'JUG 'GREL DU'ANG, 'JUG PAR, GANG ZHIG RANG BZHIN GYIS DE MI 'GAG PA, ,DE'I PHYIR KUN GZHI MED KYANG 'DI NUS PHYIR, ,LA LAR LAS 'GAG YUN RING LON LAS KYANG, , 'BRAS BU YANG DAG 'BYUNG PA RIG PAR GYIS, ZHES BSHES BYED DU DRANGS PA'I PHYIR, ZHI BA LHA DANG ZLA BA'I ZHABS, DGONGS PA GCIG DANG DBYANGS GCIG PAR SNANG LA, DE BZHIN DU RJE BLA MAS KYANG LAM GYI GTZO BO RNAM GSUM DU KUN RDZOB RGYU 'BRAS SLU BA MED PA DANG, ,STONG PA KHAS LEN BRAL BA'I GOB GNYIS, ,JI SRID SO SOR SNANG BA DE SRID DU, ,DA DUNG THUB PA'I DGONGS PA RTOGS PA MED, ,NAM ZHIG RES 'JOG MED PAR CIG CAR DU, ,RTEN 'BREL MI SLU MTHONG BA TZAM NYID NAS, ,NGES SHES YUL GYI 'DZIN STANGS KUN 'JIG NA, ,DE TSE LTA BA'I DPYAD PA RDZOGS PA LAGS, ZHES DANG, DKON MCHOG SPRIN LAS, 'JIG RTEN PA'I CHOS SU'ANG 'DOD CHAGS LA DON DAM PAR

'JIG RTEN PA'I CHOS RNAMS SU'ANG MI DMIGS SHING MNGON PAR MI CHAGS SO, ,SANGS RGYAS KYI CHOS RNAMS SU'ANG 'DOD CHAGS LA DON DAM PAR SANGS RGYAS KYI CHOS RNAMS SU'ANG MI DMIGS SHING MNGON PAR MI CHAGS SO, ZHES DANG, DE BZHIN DU MDO DU MA DANG, RIN CHEN PHRENG BA LAS KYANG, JI LTAR ME LONG MA BRTEN PAR, ,RANG BZHIN GZUGS BRNYAN MI SNANG LTAR, ,PHUNG PO RNAMS LA MA BRTEN PAR, ,NGAR 'DZIN PA YANG DE DANG 'DRA, ,'PHAGS PA KUN DGA' BO YIS NI, ,DE LTA BU YI DON THOB NAS, ,CHOS LA MIG THOB BDAG NYID KYIS, ,DGE SLONG RNAMS LA BZLAS TE SMRAS, ZHES DANG, JO BO RJE LHA GCIG GI BDEN GNYIS LAS, YANG DAG KUN RDZOB KHYAD BSAD NAS, ,STONG PA NYID LA GOMS BYED NA, ,KUN RDZOB RGYU 'BRAS DGE SDIG SOGS, ,'JIG RTEN PHA ROL BSLUS PAR 'GYUR, ZHES DANG, DES NA RGYU RKYEN SNA TSOGS KYIS, ,BSKYED PAS SNANG BA THAMS CAD GRUB, CES SOGS LTA BU DAG GIS SO, ,BDUN PA BDEN GNYIS BSTAN PA'I DGOS PA 'KHRUL SPONG DANG BCAS PA NI, DGOS PA LTA KUN BZLOG DANG SPANG BLANGS PHYIR, ,GNAS SKABS GSUM PAR STONG MIN SPROS BRAL 'KHRUL, ZHES SMRAS TE, 'DIR STAG LO NA RE, STONG NYID BSTAN PA'I DGOS PA NI, BDAG 'DZIN BZLOG PA'I CHED DANG, STONG NYID MIN PA'I SPROS BRAL ZHES PA YOD PA'ANG MA YIN MED PA'ANG MA YIN, GNYIS KA'ANG MA YIN, GNYIS KA MA YIN PA'ANG MIN PA DES LTA BA BZANG NGAN GANG YIN DANG SPROS PA'AM GANG

, ,DU BZUNG TSAD THAMS CAD BZLOG DGOS PA NI, BZHI BRGYA PAR DANG PO BSOD NAMS MA YIN BZLOG PA BSTAN PA DANG, BAR DU BDAG BZLOG PA DANG THA MAR LTA ZHIG KUN BZLOG PAR BSHAD PA'I DGONGS PAR BYAS LA; SH'AKA MCHOG SOGS DU MAS KYANG DE BDEN SNYAM NAS SPROS BRAL NI STONG NYID ZAB MO'ANG 'GOG BYED DU 'DOD PA MI 'THAD DE, DE LA DBU MA LAS, STONG NYID DGOS DANG STONG NYID DANG, ,STONG NYID DON NI MA RTOGS PAS, ,DE'I PHYIR DE LTAR GNOD PA YIN, ZHES GSUNGS PA LTAR STONG NYID KYI DGOS PA DANG, STONG NYID KYI MTSAN NYID DANG, STONG NYID KYI TSIG LA RANG BZHIN GYIS STONG PA ZHES RANG BZHIN SBYAR BA'I GO DON GSUM MA RTOGS PA'I RMONGS TSABS CHEN PO YIN TE, STONG NYID KYI DGOS PA LTA NGAN KUN DANG LAS NYON 'KHOR BA SOGS SPROS PA MA LUS PA SGOM SPANG BZLOG PA'I PHYIR DU YIN PA'I PHYIR TE, TSIG GSAL LAS, NGES NA STONG PA NYID KYI DGOS PA CI ZHE NA, 'DI NI LAS DANG NYON MONGS ZAD PAS THAR, ,LAS DANG NYON MONGS RNAM RTOG LAS, ,DE DAG SPROS LAS SPROS PA NI, ,STONG PA NYID KYIS 'GAG PAR 'GYUR, ZHES BDAG BRTAGS PAR BSHAD ZIN TO, DE'I PHYIR SPROS PA MA LUS PA NYE BAR ZHI BAR BYA BA'I PHYIR STONG PA NYID NYE BAR STON PA YIN TE, DE'I PHYIR STONG NYID KYI DGOS PA NI SPROS PA THAMS CAD NYE BAR ZHI BA YIN NA, KHYOD KYIS NI STONG PA NYID KYI DON MED PA NYID YIN PAR RTOG CING, SPROS PA'I DRA BA KHO NA SPEL BAR BYED PAS

NA STONG PA NYID KYI DGOS PA MA RTOGS PA YIN NO, ZHES GSUNGS SO, ,DES NA KHYOD KYIS STONG NYID MTSAN NYID KHYAD PAR LNGA LDAN YANG MA GO BA YIN TE, DE GON SPROS BRAL GZHAN DU PHYIN CI LOG DE MI 'CHAD PA'I PHYIR TE, TSIG GSAL LAS, DE NAS STONG PA NYID GANG YIN ZHE NA, DE YANG GZHAN LAS SHES MIN ZHI BA DANG, ,SPROS PA RNAMS KYIS MA SPROS PA, ,RNAM RTOG MED DON THA DAD MIN, ,DE NI DE NYID MTSAN NYID DO, ZHES DE NYID DU BSHAD ZIN TO, , DE'I PHYIR STONG NYID SPROS PA THAMS CAD LOG PA'I RANG BZHIN LA MED PA NYID GA LA YOD, DE'I PHYIR KHYOD KYIS STONG NYID KYANG MI SHES PA YIN NO, ZHES GSUNGS PA'I PHYOGS SNGA'I MTHIL DU KHYED CAG SNANG BAS BAG YOD PAR MDZOD CIG LHAG MA SLA LA, YOD MIN MED MIN DNGOS 'GAL DU SNGAR YANG BSHAD LA DER MA ZAD, DBU MA LAS, STONG PA NYID LA LTA NYES NA, ,SHES RAB CHUNG RNAMS PHUNG BAR 'GYUR, ZHES PA'I SKYON 'BYUNG STE, DE'I 'GREL BA TSIG GSAL LAS, DE NI GNYIS KA LTAR YANG STONG NYID LA LTA NYES PAS PHUNG BAR BYED PA YIN NO, ,JI LTAR ZHE NA, GAL TE THAMS CAD STONG BA STE, THAMS CAD YOD PA MA YIN NO, ZHES RTOGS NA NI, DE'I TSO 'DI LOG PAR LTA BAR 'GYUR TE, JI SKAD DU, CHOS 'DI LOG PAR BZUNG GYUR NA, ,MI MKHAS RNAMS NI CHUD KYANG ZA, ,'DI LTAR MED PAR LTA BA YI, ,MI GTZANG DER NI BYID PAR 'GYUR, ZHES BSHAD DO, ZHES GSUNGS PA'I PHYIR, YOD PA MA YIN PA

, ,DANG MED PA LA KHYAD PAR MI SNANG BAS LUGS NGAN DE DAG LA G-YANG ZA BAR GYIS SHIG ,YANG GANG DAG STAG LO SOGS KHA CIG SNGON DANG DA LTAR STONG NYID RTOGS NA DES CHOG KUN RDZOB KYI LAS 'BRAS LA SPANG BLANG PHRA MO NAS MI DGOS ZER BA YANG BLUN PO'I THA SHAL DANG NGAN SHOS SU GSUNGS TE, RIGS PA DRUG CU PA LAS, RNAM PAR DBEN DON MI SHES LA, ,THOS PA TZAM LA 'JUG BYED CING, ,GANG DAG BSOD NAMS MI BYED PA, ,SKYES BU THA SHAL DE DAG BRLAG ,CES DANG, ZLA BAS DE'I 'GREL BAR, GANG DAG STONG NYID SO SOR RANG GIS RTOGS PA MED PAR STONG NYID KYI SGRA THOS PA TZAM KHO NAS, BYA BA BYAS PA RNAMS SPYOD PA'I LAD MO BYED BA DAG NI MI DGE BA'I LAS NYID LA ZHUGS PA YIN GYI, DGE BA LA NI MA YIN TE, DE NGAG NI NGES PAR SGRO GSHOG RGYAS PA'I BYA'I TSUL, BYI'U PHRUG SGRO GSHOG MA SKYES PA'I RJES SU BYED PA BZHIN DU NYON MONGS PA GCIG PU'I MTHAR 'GYUR RO, ZHES PA NAS, DE NYID KYI PHYIR NYES PA 'DI YONGS SU SPANG BAR BZHED PAS BCOM LDAN 'DAS KYIS NYAN PA PO RNAMS KUN RDZOB KYIS BDEN PA LAS YONGS SU MI NYAMS PAR BYA BA'I DON DU RE ZHIG THOG MKHO NAR, LAS RNAMS 'BRAS BUR BCAS NYID DANG, ,'GRO BA DAG KYANG YANG DAG BSHAD, ,GANG DU GNAS NAS SEMS CAN RNAMS LAS RNAMS BYED PA DANG, DE'I 'BRAS BU YANG NYE BAR ZA BAR 'GYUR BA, 'GRO BA LNGA BO DAG BCOM LDAN BDAS KYIS BSTAN TO, ,

ZHES DANG, SHER MDO LAS KYANG SUM CU RTZA GSUM GYI BYA PHUNG PO CHEN PO GSHOG SGRO MED PA DPER BYAS TE BSHAD PAS NA DE DAG SPANGS TE, 'JUG PA LAS, DE NYID NYE BAR BSTAN PA'I SNOD NI DE YIN TE, ,DE LA DE'I RJES SU 'GRO BA'I YON TAN 'BYUNG, ZHES SOGS LTAR MDZAD 'TSAL, BRGYAD PA NI, 'O NA KHYOD KYI LUGS LA, BZHI BRGYA PA LAS, BSOD NAMS MIN PA DANG POR BZLOG ,BAR DU BDAG NI BZLOG PA DANG, ,THA MAR LTA ZHIG KUN ZLOG PA, ,GANG GIS SHES DE MKHAS PA YIN, ZHES PA'I BZLOG RGYU'I BDAG DANG LTA BA GANG YIN DANG GNAS SKABS KYI KHYAD PAR CI LTA BU ZHE NA, RGYAL BA'I BSTAN PA THABS LA MKHAS SHING GDUL BYA RGYUD SNOD RUNG DU RIM GYIS BYED TSUL RIM PA GSUM DU LAS 'BRAS SOGS GYIS CHAD LTA BZLOG PA DANG, GTZANG BDE RTAG BDAG BZHI'I GNYEN POR MI RTAG SDUL BSNGAL STONG BDAG MED BZHIS RTAG GCIG RANG DBANG BA'I BDAG DANG 'JIG LTA NYI SHU'I 'DZIN STABS KYI BDAG PHUNG PO DANG MTSAN NYID MI MTHUN PA'I RDZAS YOD GNYIS 'GOG PA DANG, DE LTAR BSTAN PAS RGYUD SMIN TE ZAB MO'I SNOD DU RUNG BA NA, SHER MDO SOGS LAS RAGS PA'I BDAG MED DANG RAGS PA'I BDEN MED GNAS LUGS MTHAR THUG TU 'DZIN PA BZLOG PAR MA ZAD BDEN 'DZIN SOGS LTA NGAN GYI SPROS PA YOD DO COG KUN BZLOG PA NI MDO LANG GSHEGS TING NGE 'DZIN RGYAL PO SHER MDO SOGS DANG, RIGS TSOGS RJES 'BRANGS DANG BCAS PA DANG

, ,SNGAGS KYI RGYUD DANG DGONGS 'GREL CHEN PO'I LUGS RNAMS KYI DGONGS PA YIN TSUL BSTAN PA'I PHYIR TSIGS BCAD GCIG SMRAS PA NI, DANG POR LAS 'BRAS SOGS KYIS BSOD MIN BZLOG ,BAR DU MI RTAG SOGS KYIS BDAG GNYIS BZLOG ,THA MAR DE NYID MNGON DU GYUR RIM GYIS, ,LTA KUN DRI BCAS 'JOMS PAR MDO SNGAGS BZHED, CES PA NI, RIN CHEN PHRENG BA LAS, DANG POR MNGON PAR MTHO THOB PAS, ,PHYIS NI NGES BAR LEGS PA 'BYUNG, ZHES BLTAR MNGON MTHO SOGS KYI RGYUD SMIN CHED DU LAS SOGS BSTAN CING, DE MYONG BA'I BDAG YOD PA SOGS BSTAN PA YIN TE, RTZA SHE'I RNAM BSHAD LAS, DE LTAR NA GANG ZAG RANG SKYA THUB PA'I RDZAS YOD DU 'DZIN PA'I YUL SUN MA PHYUNG BAR LAS BSOG PA DANG 'BRAS BU MYONG BA'I BDAG YOD PAR GSUNGS PA NI, NGAN 'GROR MI LTUNG BA DANG BDE 'GRO LA 'GOD PA'I PHYIR DU LAS 'BRAS KYI NGES PA SKYED PA'I PHYIR YIN, ZHES DANG BRGYA PA'I 'GREL PA LAS, BSTAN PA 'DI NI RIM GYIS 'DUS BYAS THAMS CAD BZLOG PAR BYA'O, ,DE LA 'DIR RE ZHIG BSOD NAMS MIN PA'I PHYOGS THAMS CAD BZLOG PA NI DANG POR BYA STE, MTHONG BA DANG MA MTHONG BA'I NYES PA BRGYA PHRAG DU MA'I RGYU YIN PA'I PHYIR TE, SPANGS PAR SLA BA DANG POR BZLOG PAR BYA'O, ZHES DANG, TSIG GSAL LAS KYANG, 'DI NA GANG DAG LTA BA NGAN PA'I RAB RIB KYIS, ZHES PA NAS, BLO NUR NUR PO LA SOGS PA'I

'BYUNG BA CHEN PO YONGS SU SMIN BTZAM LAS BYUNG BA NYID DU SMRA BA SNGON GYI MTHA' DANG, PHYI MA'I MTHA' LA SKUR BA 'DEBS PAR ZHUGS PA 'JIG RTEN 'DI YANG MED LEGS PAR BYAS PA DANG NYES PAR BYAS PA'I LAS KYI 'BRAS BU RNAM PAR SMIN PA YANG MED, SEMS CAN RDZUS TE SKYES PA YANG MED DO, ZHES PA NAS, DE DAG GI YANG DAG PA MA YIN PA'I LTA BDE BZLOG PAR BYA ZHING, GDUL BYA DMAN PA DANG 'BRING BO DANG MCHOG RJES SU GZUNG BAR BZHED PAS, GDUL BYA DMAN PA SDIG PA MI DGE BA BYED PA RNAMS MI DGE BA LAS BZLOG PAR BYA BA'I PHYIR ZHES PA NAS, 'GA' ZHIG TU BDAG GO ZHES KYANG BTAGS GYUR CING STE BZHAG PAR GYUR TO, ZHES GSUNGS LA DE'I RGYU MTSAN GDUL BYA DMAN PA LA BDAG DANG BDAG MED GNYIS LAS BDAG BSTAN PA SHIN TU GAL CHE STE, DE LA BDAG MED BSHAD NA CHAD LTA SOGS GTI MUG 'PHEL BA'I PHYIR TE, DPER NA SPRUL GYIS 'O MA 'THUNG BA BZHIN NO, ,BRGYA BA LAS, DAM PA MIN LA BDAG 'DZIN MCHOG ,BDAG MED STON PA MA YIN TE, ZHES DANG, BSOD NAMS 'DOD PAS STONG PA NYID, ,GUN TSE BRJOD PAR BYA MIN TE, ,GNAS MA YIN PAR SBYAR BA'I SMAN, ,DUG TU 'GYUR BA MA YIN NAM, ZHES DANG, ZLA BAS DRANGS PA, BLUN LA NYE BAR BSTAN PA NI, ,'KHRUG BA'I RGYU YIN ZHI PHYIR MIN, ,LAG 'GRO 'OM 'THUNG BA LAS, ,DUG 'PHEL 'GYUR BA 'BA' ZHIG GO ,ZHES DANG, MDO LAS, DGE SLONG DAG PHUNG PO LNGA NI KHUR RO, ,SOGS DANG,

, ,'OD SRUNG LE'U LAS, GANG ZAG TU LTA BA RI RAB TZAM NI BLA'I, MNGON PA'I NGA RGYAL CAN STONG PA NYID DU LTA BA NI DE LTA MA YIN NO, ,DE CI'I PHYIR ZHE NA, 'OD SRUNG LTA BAR GYUR PA THAMS CAD LAS NGES PAR 'BYUNG BA NI STONG NYID YIN NO, ,GANG STONG NYID DU LTA BA DE GSOR MI RUNG NGO, ZHES GSUNGS SO, ZHES GSUNGS PA DANG LANG GSHEGS LAS DE'I DON BSHAD PA SOGS SO, ,YANG STAG LO SOGS KYIS BAR DU BDAG NI BZLOG CES PA'I BDAG DANG, BDAG DANG BDAG MED LTA BA NI, ,DE'I PHYIR THUB PA CHEN POS BZLOG ,CES PA'I BDAG YANG BDEN GRUB KYI BDAG LA BYED CING, BDAG MED DE YANG BDEN PA'I BDAG MED KYI DON DU BSHAD PA RNAMS NI BLUN PO CI YANG MI SHES PA LTA BU'I RTZING PO'I RTAGS DAN YIN TE, DE PHRA BA'I BDEN GRUB KYI BDAG YIN NA DE 'DRA'I GANG ZAG GI BDAG MED 'JIG LTA'I ZHEN YUL DANG 'JIG LTA DRUNGS NAS 'BYIN BYED YIN DGOS PA LAS, DE NI GDUL BYA BAR BA TSE DE LA KHAMS GSUM LAS RGAL BA'I NUS PA MED PA LA 'JIG LTA SOGS LHOD BYED TZAM YIN PA'I PHYIR DANG, DPER NA BYA SRAD BUS BTAGS PA MI 'GROL BAR RING DU LHOD PA BZHIN YIN PA'I PHYIR DANG, BDAG MED DE YANG 'JIG LTA NYI SHU SUN 'BYIN DU BSHAD PAS BDAG DANG BDAG MED RAGS PA YIN PAR SHIN TU GSAL BA'I PHYIR DANG, 'JIG LTA NYI SHU LA BDEN 'DZIN MED PA'I PHYIR RO, ,RTZA SHE'I RNAM BSHAD LAS, GANG ZAG RANG SKYA THUB PA'I RDZAS YOD DU 'DZIN

PA'I YUL SUN PHYUNG NAS DE 'DRA'I BDAG MED PAR BSTAN CING, PHUNG PO RDZAS SU YOD PAR 'DZIN PA'I YUL SUN MA PHYUNG BA NI, 'JIG LTA LHOD PAR BYA BA TZAM YIN GYIS DRUNGS 'BYIN BYED MA YIN PAS, MI RTAG SOGS BCU DRUG GI STONG PA DANG BDAG MED GANG ZAG RANG SKYA THUB PA'I RDZAS YOD MED PA'I DBANG DU BYAS PA'I LAM RNAMS NYON MONGS ZAD BYED MIN, ZHES DANG, BZHI BRGYA PA'I 'GREL PAR, SDIG PA LAS BZLOG PAS NI PHUNG PO DANG KHAMS DANG SKYE MCHED RNAMS LA BDAG RNAM PA LNGAR YANG MI SRID PA'I PHYIR BDAG TU LTA BA CHA NYI SHU DOR BAR BYA'O, ZHES GSUNGS PAS 'JIG LTA NYI SHU'I YUL GYI BDAG TU BSHAD LA, TSIG GSAL LAS, GANG DAG DGE BA'I LAS BYED CING MI DGE BA LAS LOG PA, BDAG YANG DAG PAR LTA BA MKHREGS PA BYA SRAD BU CHES SHIN TU RING BAS BRTOD PA LTAR SHIN TU RING POR PHYIN YANG KHAMS GSUM LAS SHIN TU 'DAS NAS MYA NGAN LAS 'DAS PA'I GRONG KHYER ZHI BAR 'GRO BAR MI NUS PA GDUL BYA BAR MA DE DAG 'JIG TSOGS LA LTA BAR MNGON PAR ZHEN PA LHOD PAR BYA BA'I PHYIR DANG, MYA NGAN LAS 'DAS PA LA 'DUN PA BSKYED PAR BYA BA'I PHYIR NI, SANGS RGYAS BCOM LDAN 'DAS RNAMS KYIS BDAG MED CES KYANG BSTAN PAR 'GYUR RO, ZHES PA LTA BU DU MA'I PHYIR RO, ,DES NA BDAG DANG BDAG MED BYAS TSAD BDEN GRUB LA SBYOR BA RNAM DPYOD CHE BA ZHIG GO ,YANG STAG LO SOGS SNGAR LTAR GDUL BYA RAB LA BDEN GRUB KYIS STONG PA YANG BKAG PA'I

, ,SPROS BRAL DGOS KYI BDEN GRUB BKAG PA'I STONG PA MED DGAG 'DIR MI 'JOG PA DANG DE LA SDANG SMRAS BYED CING, CI YANG YID LA MI BYED ZER BA DANG, LA LA STONG PA NYID RJES MTHUN PA SGOM MI NUS SHING MI RUNG BAR SMRAS PA DANG GZHAN DAG SEMS GSAL RIG 'JOG PA DANG, KHA CIG SEMS SGYU MA LTA BU DNGOS YUL DANG STONG NYID SHUGS RTOGS BYED PA SOGS BDEN MED LA KUN RDZOB PA'I SGRIB G-YOGS MED PAR LTA MI PHOD PA NI; BRGYA BA LAS, CHOS 'DI YI NI MING LAS KYANG, ,DAM PA MIN PA 'JIGS PA SKYE, ZHES DANG, RIN CHEN PHRENG BA LAS, BYIS PA THOS DANG MI LDAN PA, ,SKRAG PA SKYE BAR RGYAL BAS GSUNGS, ZHES SOGS LTAR YIN PAS SPANG BAR BYA LA, GDUL BYA RAB LA CHOS THAMS CAD LA DNGOS PO STE RTOG BTAGS MA YIN PA'I RDZAS SU LTA BA THAMS CAD BZLOG PA'I PHYIR DU BDEN MED KYI STONG PA ZAB MO BSTAN PA YIN TE, CHOS GZHAN LTA CI SMOS MYANG 'DAS DANG GNAS LUGS BDEN PAR LTA BA TSUN CHAD SPANGS DGOS PAR BSHAD PA'I PHYIR DANG, CHOS GCIG KYANG YONGS SU MI SHES SHING SPANG BYAM SPANGS PAR SDUG BSNGAL MTHAR MI BYED PA'I PHYIR TE, DE SKAD DU RNAM BSHAD LAS, GANG ZAG RANG GI NGO BOS YOD PA DANG DE BKAG PA RANG GI NGO BOS YOD PA GNYIS KA 'GOG PA'I GSUNG RAB NI NYON MONGS PA THAMS CAD ZAD PAR BYED PA'I LAM MO, ZHES DANG, BRGYA PA'I 'GREL PA LAS, PHYI NAS BDAG LA CHAGS PA

YANG DAG PAR BTON PA'I PHUNG PO DANG KHAMS DANG SKYE MCHED DGAL CHAGS PA YONGS SU BTANG BAR BYA BA'I PHYIR DNGOS PO THAMS CAD BZLOG PAR BYA'O, ,DE'I PHYIR DE LTAR NA BLO DANG LDAN PA 'DI LEN PA MED PAR YONGS SU MYA NGAN LAS 'DA' STE, DE LTAR RIM PA 'DI'I SGO NAS GANG ZHIG GIS THAMS CAD BZLOG PA'I THABS SHES PA DE LA NI SANGS RGYAS KYIS BSTAN PA LA MKHAS PA ZHES BRJOD DO, ZHES PA NAS, YANG JI LTAR LEN PA MED PA NYID 'DI THOB DNGOS PO THAMS CAD RANG BZHIN MED PA NYID DU MTHONG BA LAS SO, ZHES GSUNGS 'DIS DNGOS PO BKAG RGYU RDZAS YOD PHRA MOR BYA LA, DER MA ZAD DON DAM DPYOD BYED RIGS SHES KYI NGO BOR BDAG DANG BDAG RAGS BA MED PA'I SNANG BA 'GOG DGOS TE, DE GNYIS KUN RDZOB YIN PAS NA DE'I NGOR GRUB NA BDEN GRUB TU BA GYUR BA'I PHYIR TE, TSIG GSAL LAS, GANG DAG SDON GOMS PA'I KHYAD PAR GYIS ZAB MO'I CHOS LA LHAG PAR RJES SU 'BREL BA'I SA BON YONGS SU SMIN PAR 'GYUR BA MYA NGAN LAS 'DAS PA LA NYE BAR GNAS PA BDAG LA CHAGS PA DANG BRAL BA THUB PA'I GSUNG RAB KYI DON GYI DE KHO NA NYID MCHOG TU ZAB PA'I GTING DBOG PAR NUS PA GDUL BYA MCHOG TU GYUR BDAG LA NI LHAG PAR MOS PA'I KHYAD PAR NGES PAR BZUNG NAS, SANGS RGYAS RNAMS KYIS BDAG DANG NI BDAG MED 'GA' MED CES KYANG BSTAN TE, JI LTAR BDAG TU LTA BA YANG DAG PA MA YIN PA DE BZHIN DU DE'I GNYEN BOR GYUR BA BDAG MED PAR LTA BA YANG

, ,YANG DAG BA MA YIN BA NYID DO, ,DE LTAR NA BDAG 'GA' YANG MED LA BDAG MED PA 'GA' YANG MED DO, ZHES BSTAN TO, ZHES GSUNGS SO, ,'DIS BDAG DANG BDAG MED GNYIS KA BDEN MED DU BSHAD DE, DNGOS SMRA BA'I DE DAG BDEN GRUB TU 'DOD PA 'GOG BYED YIN PA'I PHYIR TE, 'OD SRUNG LE'U LAS, 'OD SRUNG BDAG CES BYA BA 'DI NI MTHA' GCIG GO ,BDAG MED CES BYA BA 'DI NI MTHA' GNYIS PA'O, ,MTHA' DE GNYIS KYI DBUS GANG YIN PA DE NI GZUGS MED PA BSTAN DU MED PA, RTEN MED PA SNANG BA MED PA, RNAM PAR RIG PA MED PA, GNAS MED PA STE, 'OD SRUNG 'DI NI DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ZHES DANG; DE'I DON BSDUS NAS, RIN CHEN PHRENG BA LAS, DE LTAR BDAG DANG BDAG MED PA, ,YANG DAG JI BZHIN DMIGS SU MED, ,SOGS KYIS DGAG BYA'I KHYAD PAR SBYAR BA'I PHYIR DANG, MDO TING NGE 'DZIN RGYAL PO LAS, YOD CES MED CES GNYIS KA'ANG MTHA', ,DAG DANG MA DAG 'DI 'ANG MTHA', ,DE PHYIR MTHA' GNYIS RNAMS SPANGS NAS, ,MKHAS PA DBUS LA'ANG GNAS MI BYED, CES PA LTA BU SOGS DANG, DBU MA LAS, BDAG GO ZHES KYANG BTAGS GYUR CING, ,BDAG MED KYIS KYANG BSTAN PAR 'GYUR, ,SANGS RGYAS RNAMS KYIS BDAG DANG NI, ,BDAG MED 'GA' MED CES KYANG BSTAN, ZHES DANG, RIGS PA DRUG CU PA DANG, RIN CHEN PHRENG BA LAS, BRDA SPROD BA DAG

JI LTA BU, ,SOGS KYI DGONGS PA YIN LA, YANG DBU MA DANG RIN CHEN PHRENG BAS BDAG DANG BDAG MED BZLOG TSUL GRANGS CAN SOGS KYI BDAG GO ZHES BTAGS LA, RGYAD PAN DAG GIS TSE 'DI'I LUS SOGS MNGON SUM MA YIN PA'I SKYE BA SNGA PHYI'I BDAG MED RANG NYID DANG SANGS RGYAS KYIS DE GNYIS BZLOG TSUL LA YANG SPYAR TE GSUNGS SHING, SNGAGS KYI GUR DANG GSANG 'DUS RTZA BSHAD BDE MCHOG SOGS DANG GRUB RNYING SKOR NAS BSHAD TSUL SNGAR CUNG ZAD BKOD PA DANG GZHAN DU SHES PAR BYA'O, ,DGU BLTA NGAN BZLOG BYED ZAB MO'I SGOM RIM NI, SGOM RIM LNGA YOD MKHAS PA'I GSUNG LA LTOS, ZHES SMRAS TE, DE YANG 'PHAGS BA LHAS TSUL KHRIMS LAS NI NYAMS SLA YI, , LTA LAS CIS KYANG MA YIN NO, ZHES DANG, BCOM LDAN 'DAS KYIS KYANG, TSUL KHRIMS NYAMS PA NI BLA YI LTA BA NYAMS BA NI MA YIN NO SOGS DANG, DE'I RGYU MTSAN YANG, 'PHAGS PA LHAS, TSUL KHRIMS KYIS NI BDE 'GROR 'GRO ;LTA BAS GO 'PHANG MCHOG THOB 'GYUR, ZHES DANG, SNGAR LTAR ZHI BA'I SGO GCIG BU ZLA MED PA DON 'GYUR GYI THE TSOM GYIS KYANG SRID PA HRUL BOR BYED PA THOS BSAM SGOM GSUM GYIS TSOL BA LA LUS SROG THAMS CAD BTANG STE RGYAL SRAS CHEN PO RTAG TU DU LTAR 'BAD DGOS RGYUR 'DUG PA LAS SHER MDO LAS BSTAN PA BYANG PHYOGS SU RGYAS PAR 'GYUR LA DE LA'ANG 'DI'I TSIG 'DZIN PA DANG SMRA BA CHES MANG GI SGRUB PA SNYING POR BYED PA CHES NYUNG BAR BSHAD PA SNYIGS MA LNGA'I

, ,DBANG GIS GANGS CAN 'DIR YANG STONG BA SGOM MI 'DOD PAR MING YANG SPROS BRAL LAM SEMS MA BCOS BA SGOM BAR SMRA BA SOGS SNA TSOGS SHIG YOD PA RE RE NAS GRANGS KYIS GAR LANGS DE 'DRA'I DUS SU MGON PO 'JAM PA'I DBYANGS KYIS ZHAL DNGOS SU BSTAN TE, ZAB PA DANG RGYA CHE BA'I CHOS THAR BAR 'DOD PA RNAMS KYI MIG MTHA' YAS PA BTZAL BA LAS MDO RGYUD PAn GRUB MCHOG BRNYES RNAMS KYI LTA BA'I LAM SROL RNAMS BSDUS TE GCES PA SNYING NANG GI KHRAG LTA BU'I LTA BA'I YIG CHUNG, SRAS KYI THU BO BSKAL PA DU MAR ZAB MO LA SBYANGS PA'I LAN RE GSAN NAS KYANG, 'KHRUL MED 'DZIN NUS BA'I RGYAL SRAS SA MTHON BO LA GNAS PA SO SO'I BKOD PA'I GSUNG BKAG RGYA DAM PAS 'DIR DNGOS SU 'DRI MI NUS KYI GO DON TZAM MA NOR BAR BKOD NA LAS DANG PO BA'I LTA BA LA MYONG BA 'DON TSUL DANG, ZHI GNAS RJES MTHUN PA LA BRTEN NAS LHAG MTHONG RJES MTHUN PA SGOM TSUL DANG, ZHI GNAS DNGOS LA BRTEN NAS LHAG MTHONG DNGOS SGOM TSUL DANG, STONG NYID MNGON SUM DU RTOGS NAS SGOM TSUL DANG, SNGAGS BLA MED RIM PA GNYIS PA'I SKABS SU SGOM TSUL LNGA LAS LHAG MA BZHI LA MNYAM BZHAG LTA BU DANG RJES THOB SGYU MA LTA BU'I SGOM TSUL YOD PA, DANG PO LA, DGAG BYA NGOS 'DZIN NAS KHYAB PA NGES PA DANG, DE 'GOG BYED SPYIR MANG YANG GTAN TSIGS SOGS LNGA LAS GCIG DU BRAL LA RTAGS ZUR GNYIS YOD PA'I GNAD

BZHI DGOS, RTEN 'BREL LA DGAG BYA DANG KHYAB PA DANG GTAN TSIGS NGES PA'I GNAD GSUM RNAM BDUN LA GNAD DGU SOGS KYIS DPYAD PAS, NGA DE 'DRA TSUGS THUB PA YUL DUS GANG NA MED PAR STONG CHAM GYIS SOD PA DANG DES NGOR DGAG BYA'I NGA TZAM MA GTOGS SGRUB PA'I YONGS GCOD MED PAR NAM MKHA' THOGS REG BKAG TZAM LTAR BSKYANGS PAS, DES SHES SHUGS ZHAN DU 'GRO BA NA RIGS PA BSDUS PA RE DRAN TE LTA BA'I NGAR YANG YANG 'DON PA GCIG YIN TE, RIGS SHES RJES DPAG GIS YANG NGES NGOR GZHAL BYA GZHAL BYED KYI SPROS PA BZLOG PA'I PHYIR, GNYIS PA NI SEMS GNAS DGU LA ZHI GNAS KYI THA SNYAD YOD KYANG SEMS GNAS DANG PO THOS PA DANG, GNYIS PA BSAM BA'I SKABS YIN BAS SGOM BAR BYED KYANG SGOM MIN LA SEMS GNAS GSUM BA GLAN TE 'JOG PA NAS SGOM PA THOB STE, THOS BSAM LAS 'DAS PA'I BLO'I GOMS PA DANG 'DRIS PA'I DRAN PA'I STOBS THOB PA'I PHYIR, DES NA DPYAD SGOM GANG LA'ANG SEMS MA MTHA' 'DI TZAN NGES BAR THOB DGOS TE, THOS BSAM LTA BU'I BLO DGE BA'I DMIGS PA LA DPYOD PA'I BSAM PA DANG 'DI GNYIS MI 'DRA BA GCIG MED NA DE GSUM SO SOR 'BYED RGYU MED PAR 'GYUR PA'I PHYIR, GTZO BO SEMS GNAS BRGYAD PA NAS MNYAM BZHAG RJES MTHUN PA DANG ZHI GNAS RJES MTHUN PA GNYIS RNAL MA 'ONGS PAS 'DI'I SKABS MNYAM BZHAG GI STOBS KYIS GNAS CHA STOBS LDAN 'ONGS YANG DE GTZO BOR

, ,MI 'DZIN PAR YANG DANG YANG DU DPYAD NAS, DPYAD DON LA NGES SHES DANG, DPYAD MTHAR 'JOG PA GNYIS MNYAM PAR SGRUBS DGOS TE, MA DPYAD NA NGES SHES CHUNG DUR 'GRO LA DPYAD MTHAR MA BZHAG NA TING NGE 'DZIN MI SGRUB PAS GSAL CHA MI RNYED PAR 'GYUR PA'I PHYIR DANG, MNYAM PAR BZHAG NA SHES PAR GSUNGS PA'I DON GO DGOS SO, ,GSUM PA NI, ZHI GNAS GRUB PA GCIG GIS GNAS CHA BRTAN DRAG PAS DPYOD MI 'DOD PA NA MTSAN NYID SO SOR RIG PA LA BRTEN NAS YANG YANG DPYAD PAS GNAS CHA CHUNG PA DANG YANG 'JOG SGOM BYAS PA SHIN SBYANGS DANG ZHI GNAS MYUR DU SKYES PA DANG YANG YANG DRAG TU DPYAD PA DPYAD STOBS KYIS SHIN SBYANGS DANG GNAS CHA NAS DRANGS PA NA LHAG MTHONG THOB CING SBYOR LAM DROD DU SONG PA DANG NYER BSDOGS MOS PA YID BYED THOB PA DUS MNYAM LA, 'DI'I DPYAD PAS GNAS PA BRTAN PO 'DREN CING GNAS PA'I NGANG NAS SO SOR DPYOD PA STOBS CHEN RUS PA'I GNAS CHA CHE BA'I TING NGE 'DZIN DANG, JI LTA BA'I DON SO SOR DPYOD PA'I LHAG MTHONG GNYIS STOBS MTSUNGS YOD PA DANG, DE'I SGOM TSUL SHES DGOS TE, ZHI LHAG ZUNG [?] 'BREL THOB PA'I PHYIR, BZHI PA NI, DE LTAR SGOM PA'I DROD RTZE BAR DU YUL YUL CAN GYI GNYIS SNANG YOD CING NGES MI NUS BZOD BA'I DUS NA MNYAM BZHAG NA SGOM YUL GYI SNANG BA MI NGES KYANG SGOM BYED KYI SNANG BA YOD LA, CHOS MCHOG DUS SU BSGOM BYA SGOM BYED KYI SNANG BA PHRA MO MA LOG

YANG NGES MI NUS LA, DE RJES YUL YUL CAN GYI SNANG BA THAMS CAD CHOS KYI DBYINGS KYIS NGOR ZAD PA NA YUL YUL CAN CHU LA CHU BZHAG TSUL DU SONG ZHING STONG NYID MNGON SUM DU RTOGS PA SOGS YIN PAS DE'I TSE YANG YUL YUL CAN GYI SNANG CHA DANG GZHAL BA'I BYA BYED SOGS BLO DE'I NGOR YOD BAR MI RUNG STE, RNAM GRANGS MA YIN PA'I SPROS PA'O COG DANG BRAL BA YIN PA'I PHYIR TE, SGOM RIM LAS, SHES PA'I SNANG BA CUNG ZAD GSAL BAR BYUNG BA DE'I TSE NGES BAR 'BYED PA'I CHA DANG MTHUN PA DRO BAR GYUR PA YIN NO, ,SOGS DANG LANG GSHEGS SOGS KYI DGONGS PA YIN NO, ,LNGA PA NI, DE'I BDE CHEN SKABS SU DPYAD MI RUNG BAR BLA MED KYI RGYUD DU MA DANG RIM LNGA SPYOD BSDUS SOGS DANG ZHAL LUNG SOGS DANG, GRUB SNYING SKOR NAS YID BYED YANG YANG BKAG PA YIN LA, DE LUGS MCHOG 'DIS BDE BA CHEN PO'I YE SHES SKYE BA'I SGO RGYUD DANG PAn GRUB SO SOS BSHAD PA'I DBYE BA DANG, SGO DE DAG LA BRTEN NAS YE SHES SKYE TSUL GYI MAN NGAG DE LA BRTEN NAS SKYES PA'I BDE CHEN GYI YE SHES MCHOG DMAN GYI KHYAD PAR DANG, BDE CHEN GYI YE SHES DES STONG NYID SGOM TSUL GYI GNAD DANG, YUL CAN KHYAD PAR CAN DES STONG NYID SGOM PA NA PHAR PHYIN THEG PA'I SKABS KYI YE SHES RANG DGA' BAS STENG NYID SGOM PA LAS MCHOG TU GYUR PA'I STONG NYID LA SPROS PA 'GOG LUGS DANG 'OD GSAL SKYE MYUR TSUL SOGS SHES DGOS PA DAG SHES SHING, BOD KYI LUGS SO SO'I

, ,BZHED PA MI 'DRA BA RNAMS KYANG LEGS PAR KHONG DU CHUD PAR BYAS SHING, DE DAG LAS MCHOG TU GYUR BA'I RJE RGYAL BA GNYIS PA YAB SRAS KYI GSUNG GI GSANG BA'I MAN NGAG RMAD DU BYUNG BA LA MCHOG TU SPYOD PA'I SKAL BA THOB MOD, 'DIR SKABS MA YIN LA, BDEN GNYIS GANG SGOM KYANG BLA MED KYI BSKYED RIM MAN CHAD DU ZHI LHAG GI GO RIM NGO BO SGOM TSUL SOGS 'DRA BAR MDO DANG RGYAL TSAB KYI GZHUNG DANG, BYANG SA NYAN SA LEGS LDAN 'BYED KYI DBU MA SNYING PO SOGS DANG ZHI BA LHA'I BSLAB SPYOD DANG, KA MA LA SH'I LA'I SGOM RIM GSUM DANG, SHANTI PA'I SHER PHYIN MAN NGAG BYANG CHUB BZANG PO'I TING 'DZIN LE'U, JO BO'I DE DANG DBU MA'I MAN NGAG LAM SGRON SOGS DANG; YE SHES GRAGS PA'I SGOM RIM, YE SHES SNYING PO'I GZHUNG SOGS DU MA MTHUN PAR SNANG STE BSAM GZUGS KYI MTHA' DPYOD SKAL BZANG 'JUG NGOGS GRUB PA'I GZHUNG LAM DU YANG BSHAD ZIN TO, ,GAL TE KHYOD KYIS 'DI LTAR NA GZUGS BDEN STONG YANG BLOS 'DZIN STANGS BYAS NAS SGOM DGOS LA DE NI MI 'THAD DE SHER PHYIN LTAR BCOS PA'I SGOM TSUL DU BSHAD PA'I PHYIR TE, SHER MDO LAS, DE LA SHER PHYIN LTAR BCOS PA NI 'DI YIN TE, DE DAG GZUGS MI RTAG PAR STON NO, ZHES PA NAS, RNAM PA THAMS CAD MKHYEN PA NYID MI RTAG PA DANG SDUG BSNGAL BA DANG BDAG MED PAR STON TE ZHES SOGS GSUNGS SHING, GZUGS NAS RNAM MKHYEN PAR LA DE LTAR MI LTA

BA SHER PHYIN LTAR BCOS PA MIN PAR BSHAD PA'I PHYIR ZER NA, SHER PHYIN LTAR BCOS PA DBU MA SNANG BAR SEMS TZAM PA LA SBYAR CING BDEN GRUB KYIS KHYAD PAR DU BYAS PA'I GZUGS SOGS LA STONG BDAG MED DANG DBEN MI DBEN DANG RTAG MI RTAG TU YANG BZUNG NA SHER PHYIN LTAR BCOS PA'I DON YIN TE, SNGAR DRANGS BA'I 'JAM DPAL RNAM ROL DANG, LHAG BSAM BSTAN PA'I MDO LAS, RIGS KYI BU 'DI LTA STE DPER NA LA LA ZHIG GIS SGYU MA MKHAN GYI ROL MO BYUNG BA'I TSE, ZHES SOGS KYIS SGYU MA'I BUD MED LA CHAGS PA SKYES PA BZLOG PA'I PHYIR DE LA MI SDUG PA DANG MI RTAG SDUG BSNGAL STONG BDAG MED SGOM PA 'KHRUL BA LTAR BUD MED KYI NGO BO NYID LA RMONGS NAS DE LTAR SGOM PA YANG DE NI MI BLUN PO DE DAG LA LAM SGOM PAR MI SMRA, GSUNGS PA SOGS KYIS SHES SO, ,DMIGS MED DAM YID LA BYED PA MED TSUL YANG GANG YANG YID BYED 'GOG PA'AM MIG BTZUM PA DANG MTHUN PA LTAR MI MTHONG BAR SGOM PA MA YIN GYIS RIGS SHES KYIS DPYAD NAS BDEN GRUB KYI SPROS PA MTHA' DAG BKAG TZAM DE MTHONG NAS BSGOM PA GCIG DGOS TE, DE LTAR BKAG TZAM 'DZIN STANGS SAM 'JUG YUL DU MA BYAS PAR BLOS DE SGOM TSUL MED PA'I PHYIR DANG; STONG NYID LA THOS BSAM SGOM GSUM GYIS 'JUG PAR BSHAD PA THAMS CAD DANG 'GAL BA'I PHYIR DANG, 'DZIN STANGS 'JUG YUL MA BYAS PAR BLO LA DE SNANG BA TZAM GYIS BLO DE YUL DE LA MI 'JUG PA'I PHYIR, DPER NA, NYAN

, ,RANG DGRA BCOM PA'I RGYUD KYI BDEN GRUB SNANG BA'I BLO YOD KYANG BDEN GRUB LA ZHUGS PA'I BLO MED PA'I PHYIR NA, BOD MANG POS LTA BA LA BLO'I 'DZIN STANGS MI 'DOD PA DANG, DE YANG SNANG LA GANG DU MA BZUNG PA ZHES 'DOD PA YANG 'KHRUL PA NGAN SHOS YIN PA'I PHYIR TE, SHER MDO LAS, DE LA SHER PHYIN LTAR BCES PA MA YIN PA GANG ZHE NA, ZHES PA NAS, GZUGS NI GZUGS KYI NGO BO NYID KYIS STONG STE, GZUGS KYI NGO BO NYID GANG YIN PA DE DNGOS PO MED PA'O, ,GANG DNGOS PO MED PA DE SHES RAB KYI PHA ROL TU PHYIN PA'O, ZHES GZUGS BDEN MED DE SNYING PO DON GYI SHER PHYIN DANG, DON GYI SHER PHYIN DE'I NGOR BLANG DOR SKYE 'GAG SOGS MED PAR BSHAD PA'I PHYIR TE; DE NYID LAS GANG SHES RAB KYI PHA ROL TU PHYIN PA DE LA NI, GZUGS RTAG PA ZHE'AM MI RTAG PA ZHES BYA BA MI DMIGS TE, DE LA GZUGS NYID KYANG MA DMIGS NA RTAG PA'AM MI RTAG PA LTA GA LA YOD, RNAM PA THAMS CAD MKHYEN PA NYID KYI BAR DU DE BZHIN NO, ,GANG DE LTAR STON PA NI SHER PHYIN LTAR BCOS PA MA YIN PA STON PA'O, ZHES SOGS MDO KUN BTUS LTAR DRANGS LA SHER MDON 'DI DAG RGYAS PAR YOD CING, SGOM RIM DANG PO LAS KYANG, DE KHO NA DAM PA MTHONG BA GANG YIN PA DE NI, CHOS THAMS CAD SHES RAB KYI MIG GIS BRTAGS TE, YANG DAG PA'I YE SHES KYI SNANG BA SHAR NA CI YANG MTHONG BA MED PA GANG YIN PA'O, ,DE SKAD DU MDO LAS KYANG DON DAM PA MTHONG

BA GANG ZHE NA, CHOS THAMS CAD MTHONG BA MED PA GANG YIN PA'O, ZHES BYUNG NGO, ,'DI DE LTA BU'I MTHONG BA MED PA LA DGONGS TE MI MTHONG NGO ZHES BKA' STZAL GYI, MIG BTZUM PA DANG DMUS LONG LA SOGS PA LTA BU RKYEN MA TSANG BA DANG YID LA MI BYED PAS MI MTHONG PA NI MA YIN NO, ZHES SOGS YANG YANG GSUNGS PA DANG, BYANG SEMS SDE SNOD LAS, JI LTAR NA TSUL BZHIN DU MTHONG ZHE NA, DE 'DI LTAR SLOB STE, GANG GI TSE NA BYANG CHUB SEMS DPA' CHOS THAMS CAD RANG BZHIN GYIS 'GAG PAR MTHONG BA DE'I TSE, TSUL BZHIN MTHONG NGO, ZHES PA NAS, GANG GI TSE CHOS THAMS CAD MA SKYES PAR MTHONG BA DE'I TSE TSUL BZHIN MTHONG NGO, ,GANG GIS CHOS THAMS CAD MA BYUNG BAR MTHONG BA DE'I TSE TSUL BZHIN MTHONG NGO, ZHES SOGS DANG, CHOS KHANG DAG PAR SDUD PA LAS, SKYE BA MED PA NI TSUL BZHIN NO, ,DE 'DRA BA NI TSUL BZHIN MI 'DRA BA'O, ZHES SOGS DANG, DKON MCHOG SPRIN LAS, DE LTAR NA SKYON LA MKHAS PA DE SPROS PA THAMS CAD BRAL BAR BYA BA'I PHYIR, STONG NYID SGOM PA LA RNAL 'BYOR DU BYED DO, ,DE STONG NYID SGOM PA MED PAS, GNAS GANG DANG GANG DU SEMS 'PHRO ZHING SEMS MNGON PAR DGA' BA'I GNAS DE DANG, DE DAG GI NGO BO NYID YONGS SU BTZAL NA STONG PAR RTOGS SO, ,SEMS GANG YIN PA DE YANG BRTAGS NA STONG PAR RTOGS SO, ,SEMS GANG GIS RTOGS PA DE YANG NGO BO NYID KUN TU BTZAL NA STONG PAR RTOGS TE, NGES DE LTAR RTOGS PAS, MTSAN

, ,MA MED PA'I RNAL 'BYOR LA 'JUG GO ,ZHES GSUNGS PA SOGS, MDO BTUS BSLAB BTUS LTA'O, ,BCU PA NI, STONG NYID JI BZHIN THA SNYAD 'JOG MTSAMS DKA', ,BDEN GNYIS GANG LAS NYAMS PHUNG MTHAR LTUNG PHYIR, ,'DI GNYIS NYE RING MI RIGS ZUNG 'BREL GCES, ZHES SMRAS TE, 'DIR MDOR BSDUS GCIG SMRAS NA, DBU MA LAS, DE PHYIR ZHAN PAS CHOS 'DI YI, ,GTING RTOGS DKA' BAR MKHYEN GYUR NAS, ,THUB PA'I THUGS NI CHOS BSTAN LAS, ,RAB TU LOG PAR GYUR PA YIN, ZHES DANG, RGYA ROL LAS, ZAB ZHI SPROS BRAL SOGS DANG, BZHI BRGYA BAR, SANGS RGYAS KUN GYIS YUL GYUR LA, ,SOGS LTAR STONG NYID RTOGS DKA' BA BZHIN DU DGAG BYA PHRA MO NAS BKAG STE, MING TZAM LA BYA BYED 'JOG PA'I THA SNYAD KYI 'JOG MTSAMS SHIN TU DKA' BAS NGO MTSAR BA'I GNAS SU MDZAD DE, BYANG CHUB SEMS 'GREL LAS, 'DI NI NGO MTSAR 'DI BSNGAGS 'OS, , 'DI NI DAM PA'I TSUL LUGS MCHOG ,DE DAG RNAMS KYI RANG LUS DANG, ,NOR RNAMS BYIN PA NGO MTSAR MIN, ,CHOS RNAMS STONG PA 'DI SHES NAS ,LAS DANG 'BRAS BU STEN PA GANG, ,DE NI NGO MTSOR BAS NGO MTSAR, ,RMAD BYUNG BAS KYANG RMAD DU BYUNG, ZHES DANG, DE LTAR GO NAS MING TZAM LAS CHOS RANG RANG GIS BYA BYED MI SLU BA'I SA'I STENG GI CHOS BDEN RDZUN THAMS CAD KYI NGO MTSAR BSKYED PAS NA, BRGYA'I 'GREL BA LAS, CI 'DI KHO NA NGO MTSAR, ZHES PA NAS,

BUM PA LA SOGS PA RANG GI RGYU LAS DE NYID DANG GZHAN NYID DU RNAM PA LNGAR SPYAD PA NA YOD PA MA YIN MOD, DE LTA NA YANG BRTEN NAS BTAGS PAS SBRANG RTZI DANG CHU DANG 'O MA 'DZIN PA DANG 'CHU BA LA SOGS PA'I BYA BA LA RUNG BAR GYUR PA 'DI CI NGO MI MTSAR BA ZHIG GAM, DE'I PHYIR DE LTAR NA, GANG TSE MKHAS LA SA STENG NA, ,NGO MTSAR BYA MIN PA MED PA, ,DE TSE DBANG RTOGS DE 'DRA LA, ,YA MTSAN ZHES BYA CI ZHIG YOD, CES DANG, DPE MED PAR BSTOD PA LAS, RTAG DANG CHAD PA DANG BRAL ZHING, ,MTSAN NYID MTSON BYA RNAM SPANGS PAR, ,GTZO BOS RMI LAM SGYU SOGS BZHIN, ,'KHOR BA NGES PAR RTOGS PA LAGS, ZHES DANG MDO TING NGE 'DZIN RGYAL PO LAS, SGYU MA CHU BUR RMI LAM GLOG 'DRA ZHING, ,CHOS RNAMS THAMS CAD CHU YI ZLA BA BZHIN, ,SHI NAS 'JIG RTEN PHA ROL 'GRO BA YI, ,SEMS CAN SHED LAS SKYES PA MI DMIGS KYANG, ,LAS RNAMS BYAS PA MED PAR MI 'GYUR TE, ,DKAR NAG JI BZHIN 'BRAS BU SMIN PAR BYED, , RIGS PA'I TSUL GYI SGO 'DI BZANG PO STE, ,PHRA ZHING MTHONG DKA' RGYAL BA'I SPYOD YUL YIN, ZHES DANG, TSIG GSAL LAS, KHA CIG DBU MA PA 'DI MED PA DANG KHYAD PAR MED BA, ZHES SOGS KYIS MED PA PAS RTEN 'BREL MI 'DOD DBU MA PAS 'DOD PA DANG, MED PA BAS RANG BZHIN MED PA'I DON MI SHES PA DANG, DBU MA PAS SHES PA SOGS KYIS KHYAD PAR PHYE BA BZHI BUDDHA P'A LI TAS KYANG BSHAD PAS NA KUN RDZOB LA RTZIS MED BYAS NAS DON DAM RDZOGS

, ,'DOD PA NI KHYAD GZHI DOR NAS, KHYAD CHOS 'DZIN 'DOD BA'I BLUN RTAGS CHEN PO'O, ,DER MA ZAD BDEN PA GNYIS LA NYE RING MI RIGS TE, BDEN PA GNYIS GANG LAS NYAMS NA PHUNG BAR YANG 'DRA, MTHAR LTUNG BAR 'DRA, MA NYAMS NA TSOGS GNYIS RDZOGS PA DANG SKU GNYIS THOB PA'I BAR 'DRA BA'I PHYIR TE, KUN RDZOB KHAS MA BLANGS PAR NYAMS NA SKUR 'DEBS KYI MTHAR LTUNG DGE RTZA GCOD 'BRAS BU NGAN 'GROR LTUNG, GZUGS SKU SGRUB BYED DANG DE'I 'BRAS BU LAS NYAMS PAR 'GYUR BA NI, TSIG GSAL LAS, RE ZHIG GAL TE THAMS CAD STONG PA STE YOD PA MA YIN NO, ZHES RTOG NA NI DE'I TSE 'DI LOG PAR LTA BAR 'GYUR TE, ZHES DANG, DE LTAR NA RE ZHIG STONG NYID LA DNGOS PO MED PAR BZUNG BAS NA 'DZIN PA PO PHUNG PAR BYED PA YIN NO, ZHES DANG, RIN CHEN PHRENG BA LAS, CHOS 'DI LOG PAR BZUNG GYUR NA, ,SOGS DANG, RIGS PA DRUG CU PA'I 'GREL PA LAS, MI MKHAS PA'I BLO CAN 'GRO BA 'DI STONG PA'O SNYAM DU RTOG NAS MI DGE BA SPONG PAR MI NUS PA NYID DU GYUR CING, SOGS DANG, GAL TE SKUR BA MI 'DEBS PAR 'DOD NAS ZAB MO'I STONG PA NYID DOR NA 'DI RTAG MTHAR LTUNG LA CHOS SKU DANG THAR PA DANG YE SHES KYI TSOGS LA RGYAB KYIS PHYOGS SHING MNAR MED PAR LTUNG BAR 'GYUR TE, TSIG GSAL LAS, CI STE YANG THAMS CAD LA SKUR BA 'DEBS MI 'DOD, CES PA NAS, DE LTAR SPANGS NAS CHOS KYIS 'PHONGS PAR 'GYUR BA'I

LAS KYIS NGES PAR NGAN 'GROR 'GRO BAR 'GYUR RO, ,JI SKAD DU, RIN CHEN PHRENG BA LAS, GZHAN YANG 'DI NI LOG BZUNG NA, ,BLUN PO MKHAS PA'I NGA RGYAL CAN, ,SPONG BAS MA RUNG BDAG NYID CAN, ,MNAR MED PAR NI SPYI'U TSUGS 'GRO, ZHES DANG DE'I PHYIR DE LTAR NA STONG NYID DNGOS PO'I NGO BOR BZUNG NA YANG 'DZIN PA PO PHUNG BAR BYED DO ZHES DANG, SDOM PA GSUM BSTAN PA LAS RGYA CHER BSHAD PA SOGS MANG NGO, ,DES NA BDEN GNYIS ZUNG 'BREL GCES TE; DE LA MTHAR MI LTUNG BA DANG MI PHUNG PA DANG TSOGS GNYIS DANG DE'I SKU GNYIS THOB PA'I BAR YIN PA'I PHYIR TE, RIGS PA DRUG CU PA LAS, BSOD NAMS YE SHES TSOGS BSAGS SHING, ,BSOD NAMS YE SHES LAS BYUNG BA'I; DAM PA GNYIS NI THOB CES DANG, 'JUG PA LAS, KUN RDZOB DE NYID SOGS DANG, BDEN GNYIS LAS, BDEN GNYIS RNAM DBYE SHES PA DAG ,THUB PA'I BKA' LA MI RMONGS TE, ,DE DAG MA LUS TSOGS BSAGS NAS, PHUN TSOGS PHA ROL 'GRO BAR 'GYUR, ,SOGS SO, ,GNYIS PA ZHAR BYUNG MTSAN NYID GSUM NI, MTSAN NYID GSUM MTSUNGS RANG BZHIN GZHAN DBANG LA, ,BYIS BAR KUN BTAGS RGYAL LA YONGS GRUB BZHED, CES SMRAS TE; SNGAR BSHAD PAS RTOGS SLA'O, ,BZHI PA THUN MONG MA YIN PA LA, MDOR BSTAN RGYAS BSHAD GNYIS DANG PO NI, 'JUG 'GREL LAS, LUGS 'DI NI THUN MONG MA YIN PA'O, ZHES MKHAS PA RNAMS KYIS NGES PAR

, ,MDZAD DU GSOL, ZHES PA'I RANG RGYUD PA MAN CHAD DANG THUN MONG MA YIN PA PHRA MO MANG YANG KHYAD PAR CHE BA DAG BSDUS NA YANG KHYAD PAR CHEN PO ZUNG BRGYAD YOD TSUL RNAM BSHAD DANG 'JUG 'GREL SOGS LAS SHES DGOS LA SNGAR BSHAD PA DANG GZHAN DU'ANG RGYAS PAR BSHAD PAS 'DI MAN CHAD GZHUNG 'GREL TZAM BYAS NA, RANG MTSAN THA SNYAD DU YANG MI BZHED PHYIR, ,KHYAD PAR THUN MONG MIN PA BRGYAD SOGS MANG, ZHES SMRAS TE, SBYIR PHYI DON YOD PA DANG KUN GZHI MED PA SOGS THUN MONG MA YIN PA MIN YANG RANG MTSAN MI BZHED PAS MING RKYANG BTAGS YOD LA DE DANG DE KHAS LEN PA NI THUN MONG MA YIN PA YIN TE, SHER MDO DANG 'PHAGS PA YAB SRAS KYI DGONGS PA BLA NA MED PA'O, ,JI SKAD DU, 'JUG PAR, LUGS 'DI DGE SLONG ZLA GRAGS KYIS, ,DBU MA'I BSTAN BCOS LAS BTUS NAS, ,LUNG JI BZHIN DANG MAN NGAG NI, ,JI LTA BA BZHIN BRJOD PA YIN, ,'DI LAS GZHAN NA CHOS 'DI NI, , JI LTAR MED PA DE BZHIN DU, ,'DIR 'BYUNG LUGS KYANG GZHAN NA NI, ,MED CES MKHAS RNAMS NGES PAR MDZOD, ,CES SO, ,GNYIS PA LA, PHYI DON DANG KUN GZHI YOD MED DANG, BDAG MED GNYIS KYI KHYAD PAR DANG, BCAD SHES TSAD MA DANG THA SNYAD KHYAD PAR DANG, YID MNGON DANG RNAL 'BYOR MNGON SUM KHYAD PAR DANG, BDEN BZHI'I RNAM PA DANG DUS GSUM 'DOD TSUL KHYAD PAR DANG, ZHIG PA DNGOS PO DANG 'BRAS BU'I 'THAD PA RTZOD SPONG DANG BCAS PA DANG,

RANG RGYUD RANG RIG MI BZHED PA DANG, MNGON SUM DANG 'GOG BDEN KHYAD PAR DANG, LHAG BCAS LHAG MED KYI KHYAD PAR DANG, SGRIB GNYIS DANG SPANGS TSUL KHYAD PAR DANG, MTHA' GNYIS SEL TSUL GYI KHYAD PAR 'PHROS DANG BCAS BA BCU GCIG LAS, DANG PO NI, THA SNYAD DPYOD BLOS MI KHEGS MI 'GRUB PHYIR, ,PHYI DON YOD DANG KUN GZHI MED PAR BZHED, CES SMRAS TE, BYANG CHUB SEMS 'GREL DANG SHER MDO LAS BZUNG BA DANG 'DZIN PA GNYIS THA SNYAD DU YOD MNYAM DANG DON DAM DPYOD PA'I SKABS SU MED MNYAM DU GSUNGS SHING, CHOS MNGON PA DAG LAS RGYAS PAR BSHAD PA DANG THA SNYAD DPYOD BLO GANG GIS KYANG MI KHEGS PAS PHYI DON YOD LA, KUN GZHI MDO DU MAS BSHAD KYANG ZAB MDO DU MAS DRANG DON DU BSHAD CING, DE 'JOG PA LA LAS KYI RNAM SMIN GYI SA BON DANG, BTAGS DON MA BTZAL BAR 'JOG MA THUB PAS THA SNYAD RIGS PAS MI 'GRUB PA'I PHYIR KUN GZHI MED DGOS TE, 'DI GNYIS KYANG BTAGS DON DPYAD NAS MED PA LA THUG PA'I PHYIR, THUN MONG MA YIN PA'O, ,DE SKAD DU 'JUG PAR, DE DAG SHES RAB TSUL MDOR SANGS RGYAS KYIS, ,MTSUNGS PAR SPANGS SHING MNGON PA'I CHOS LAS GSUNGS, ZHES DANG, KUN GZHI YOD CING GANG ZAG SOGS SO, ,GNYIS PA NI, DNGOS 'DZIN THAR MIN DE NYON BDAG MED MTSUNGS, ZHES SMRAS TE, SPYOD 'JUG LAS, GANG PHYIR LUNG LAS LAM 'DI NI, ,MED PAR BYANG CHUB MED PAR GSUNGS, ZHES GSUNGS PA LTAR

, ,SHER MDO LAS DNGOS PO'I 'DU SHES CAN LA THAR BA MED PAR BSHAD PAS NA, BDEN 'DZIN DE SEMS NYON MONGS PA LAS GROL TE THAR PA 'THOB PA LA BAR DU GCOD BA'I SEMS NYON MONGS BYED DU KHAS LEN DGOS PAS NA BDEN 'DZIN NYON SGRIB TU 'DOD PA DANG, DE'I RGYU MTSAN GYIS BDAG MED GNYIS STONG TSUL LA KHYAD PAR MED KYANG STONG GZHI'I SGO NAS 'JOG DGOS PAS, BDAG MED GNYIS PHRA RAGS MTSUNGS TE, 'JUG PA LAS, BDAG MED 'DI NI 'GRO BA RNAM GROL PHYIR, ,CHOS DANG GANG ZAG DBYE BAS RNAM GNYIS GSUNGS, ZHES DANG, BZHI BRGYA PA LAS, LUS LA LUS DBANG JI BZHIN DU, ,GTI MUG KUN LA GNAS GYUR TE, ZHES GSUNGS PAS, RANG RGYUD PA MAN CHAD KYIS BDEN 'DZIN GYI CHAGS SOGS MI 'DOD KYANG, 'DIR BDAG 'DZIN RAGS PA'I RNAM PA CAN DU MA ZAD, BDEN 'DZIN GYI RNAM PA CAN GYI DUG GSUM BZHED DE, MA RIG PA LA DE GNYIS YOD PA LTAR SRED SOGS LA YANG DE GNYIS 'DOD PA THUN MONG MA YIN PA YIN PA'I PHYIR TE, SPYOD 'JUG LAS, SRED 'DI NYON MONGS CAN MIN YANG, ,KUN RMONGS BZHIN DU CI STE MED, CES SO, ,GSUM BA NI, MA BSLAD MED DANG GSAR RTOGS MI RUNG PHYIR, ,BYIS SHES KUN KHRUL BCAD SHES TSAD MAR GRUB, CES SMRAS TE, TSIG GSAL LAS, PHYIN CI LOG DANG PHYIN CI MA LOG PA DAG NI THA DAD PA YIN NO, ,DE'I PHYIR GANG GI TSE, RAB RIB CAN GYI SKRA SHAD LA SOGS PA LTAR PHYIN CI LOG GIS

YOD PA MA YIN PA YOD PA NYID DU 'DZIN PA SOGS DANG, 'JUG BAR, RAB RIB MTHU YIS SGRA SHAD LA SOGS PA, ,NGO BO LOG PA GANG ZHIG RNAM BRTAGS PA, ,SOGS LTAR SANGS RGYAS MA THOB PAR DU 'PHAGS PA'I MNYAM BZHAG YE SHES MIN PA'I MA 'KHRUL BA'I SHES PA MED LA DE LAS KYANG BYIS PA STE SO SO SKYE BO LA SBYOR LAM CHOS MCHOG PA'I MNYAM BZHAG GI YANG SNANG BA LA 'KHRUL PAS BSLAD PA'I PHYIR, SO SKYE SHES PA KUN 'KHRUL PA YANG THUN MONG MA YIN LA, RTZOD ZLOG LAS, DE YANG DANG PO GRUB MIN LA, ,BAR MA YIN ZHING THA MA'ANG MIN, ZHES SOGS KYIS GSAR RTOGS BKAG CING RANG RIG DANG GZHAN RIG YANG BKAG NAS DE LTAR DPYAD MI RUNG BA TSIG GSAL LAS BSHAD CING MI BSLU BA'I SHES PA TSAD MA'I MTSEN NYID DU BSHAD PA'I PHYIR, BCAD SHES YANG TSAD MAR GRUB STE THUN MONG MA YIN PA DANG 'DI GNYIS YANG RANG MTSAN KHAS MI LEN PAR THUG GO ,BZHI PA NI, TSOR BA YID MNGON BCU DRUG MNGON GYUR KYANG, ,'PHAGS PA MIN PHYIR RTOG BA'I YID MNGON DANG, ,BDEN RNAM BCU DRUG MNGON GYUR SO SKYE BZHED, CES SMRAS TE, DE YANG BRGYA PA'I 'GREL PAR TSOR PA LTA BUR NYAMS SU MYONG BA'I RNAM PA CAN ZHIG GAM ZHES KUN RDZOB RNAM CAN GYI TSOR PA RANG DGA' BA RNAMS YID MNGON DU BSHAD LA, TSIG GSAL LAS KYANG LUNG LAS KYANG RTOG PA DANG BRAL BA'I RNAM PAR SHES PA KHO NA MNGON SUM NYID DU MIN PAS 'DI NI MI RIGS SO, ZHES GSUNGS PAS MNGON SUM LA RTOG BRAL GYIS KHYAB

, ,PA BKAG PA'I PHYIR RTOG PAR GYUR PA'I YID MNGON BZHED PA DANG, SPYOD 'JUG LAS, NYON MONGS MED KYANG DE DAG LA, ,LAS KYI NUS PA MTHONG BA YIN, ZHES RTAG BDAG SOGS SU 'DZIN PA'I NYON MONGS MED PA'I MNGON PA NAS BSHAD PA LTA BU'I DGRA BCOM PAR 'DOD PA LA SANGS RGYAS LA THE TSOM ZOS NAS LAS NGAN PA'I DMYAL BAR SKYE BA MTHONG BA YIN ZHES PA STE, BSAM GTAN DPE NA KHYUD KYI MDO LAS, DE GCIG PU DBEN PAR SONG NAS, ZHES PA NAS, DE 'DI SNYAM DU BDAG SDUG BSNGAL THAMS CAD LAS GROL BAR 'GYUR TE, YANG PHYIS BYA BA CI YANG MED CING, BDAG NI DGRA BCOM PAR GYUR TO, ZHES BYA BAR BDAG GIS SHES SO; ;DE 'CHI BA'I TSE BDAG NYID SKYE BAR MTHONG NAS DE SANGS RGYAS KYI BYANG CHUB LA THE TSOM DANG SOM NYIR 'GYUR RO, ,DE SOM NYIR LHUNG STE 'CHI BA'I DUS BYAS NAS DMYAL BA CHEN PO DAG TU LTUNG BAR 'GYUR TE, ZHES GSUNGS PA 'DIS SNGAR LTAR BDEN BZHI RAGS PA MNGON DU BYAS KYANG SANGS RGYAS BYANG CHUB LA THE TSOM BA'I DBANG GIS DMYAL BA CHEN POR SKYE BAR BSHAD PAS 'PHAGS PAR MI RUNG BAS BDEN BZHI'I KHYAD CHOS RAGS PA BCU DRUG MNGON 'GYUR RTOGS PA'I RNAL 'BYOR MNGON SUM RGYUD LDAN GYI SO SKYE BZHED DE THUN MONG MA YIN PA'O, ,LNGA PA NI, STONG LA LHAG MTHONG SBYOR LAM DUS MNYAM DANG, ,ZHIG PA DNGOS PHYIR BCU DRUG MNGON SUM GYIS, ,SBYOR LAM

NGANG [?] MI SLEB DUS GSUM DNGOS POR BZHED, CES SMRAS TE, STONG NYID RTOGS PA'I LHAG MTHONG THOB PA DANG SBYOR LAM DRONG DUS MNYAM PAS DE THOB NA LOG PA'I MNGON PA'I NGA RGYAL DE CAM MI SKYE BAS NA BDEN BZHI'I RNAN PA RAGS PA BCU DRUG MNGON SUM RTOGS TZAM GYIS SBYOR LAM TZAM DU YANG MI SLEB PA DANG, SA BCU BA DANG SHER MDO SOGS DU MAS, SKYE BA'I RKYEN GYIS RGA SHI ZHES GSUNGS PA'I PHYIR, SEMS CAN SHI BA DANG, ZHIG PA DANG 'DAS PA DNGOS POR GRUNG BAS SHUGS LA 'DAS PA MA 'ONGS PA DA LTAR BA STE DUS GSUM GA DNGOS POR GRUB STE 'OG TU 'CHAD DO, ,DRUG PA NI, BSKYED PHYIR ZHIG DNGOS LAS 'GAG MANG SONG YANG, ,THOB RGYUN CHUD MI ZA MED 'ANG 'BRAS BU 'BYIN, ,ZHIG DNGOS SMRA PA TZAM DBYAD MIN BUM DNGOS BZHIN, ,DUS SONG NGAG RTZUB MA ZHIG LHAN SKYES LA, ,SNANG NA SNGON BYAS MTHA' DAG MI DRAN CI, ZHES SMRAS TE, 'DI ZHIB PAR MTHA' GCOD DU SHES PAR BYA LA 'DIR DUS GSUM GYI RGYU YOD BAS DUS GSUM DNGOS POR GRUB PA SO SO'I MCHAN NYID TZAM BKOD NA 'DAS MA 'ONGS DA LTAR BA GSUM LAS, 'DAS PA'AM ZHIG PA DNGOS PO YIN TE, DE'I RGYU YOD BAS RGYU 'BRAS GNYIS KA YOD PAR LUNG LAS BSHAD DE, SDE SNOD GSUM PA'I RTEN 'BREL STON PA'I SKABS SU SKYE BA'I RKYEN GYIS RGA SHI, ZHES GSUNGS PA'I PHYIR DANG, 'BRAS BU 'BYIN BAR YANGS BCU PA LAS, 'CHI BA YANG BYA BA GNYIS SU NYE BAR GNAS PA YIN TE, 'DU BYED

, ,'JIG PAR YANG BYED PA DANG, YONGS SU MI SHES PA RGYUN MI 'CHAD PA'I RGYU YANG 'BYIN PA'O, ZHES DANG, DBU MA LAS, DNGOS DANG DNGOS MED 'DUS BYAS YIN, ZHES DANG, YANG SDONG BU ZAD PA'AM ZHIG BA MAR ME SHI BA'I RGYUR GSUNGS PA'I PHYIR TE, RIGS PA DRUG CU PA LAS, RGYU ZAD NYID LAS ZHI BA NI, ,ZAD CES BYA BAR DMIGS PA STE, ZHES DANG, DE'I 'GREL PAR, GNAS PA'I RKYEN MA TSANG NA 'JIG PA'I PHYIR RO, ,DE LTAR NA 'JIG RTEN NA RGYU ZAD PA KHO NAS ZHI ZHING LOG PA GANG YIN PA DE ZAD CES BYA BAR DMIGS TE ZHES DANG, YANG DE NYID LAS, GANG DAG GI DNGOS PO RNAMS KYI 'GAG PA RGYU MED PA KHO NAR RTOG PA DE DAG GI LTAR NA 'GAG PA DE YANG DNGOS PO LA BRTEN PAR MI 'GYUR TE, NAM MKHA'I ME TOG LA SOGS PA BZHIN DU RGYU MED PA NYID KYIS PHYIR RO, ZHES SO, ,ZHIG PA DNGOS POR SGRUB BYED YOD DE, 'DUS BYAS KYI MTSAN NYID DU DE BSHAD PA MI 'THAD PAR THAL BA DANG; GANG YANG RGYU LAS MI SKYE BAR THAL BA DANG, SNGAR MED GSAR SKYE'I RIGS PA DANG, 'JIG RTEN GYI GRAGS PA RNAMS KYIS SGRUB PA'I PHYIR, THAL BA DANG PO NI, TSIG GSAL LAS, GANG ZHIG 'JIG PA RGYU MED PA NYID DU KHAS BLANGS NAS, 'DUS BYAS THAMS CAD SKAD GCIG MAR SMRA BA DE'I LTAR NA ZHES PA NAS, MI 'GRIG PA NYID DU 'GYUR RO, ZHES SO, ,THAL BA GNYIS PA NI, TSIG GSAL LAS, DNGOS PO LA YANG RGYU MED PAR 'GYUR BA MA YIN

NAM; ZHES PA NAS, 'DI NI MI RIGS SO, ZHES SOGS GSUNGS PA'I PHYIR, RIGS PA GSUM PA YOD DE, TSIG GSAL LAS, GZHAN YANG JI LTAR SNGAR MED PA'I PHYIR DANG PHYIS YOD PA'I PHYIR, SKYE BA RGYU DANG BCAS PA YIN PA DE BZHIN DU 'JIG PA YANG YIN PAR 'DOD PAR BYA'O, ZHES GSUNGS PA'I PHYIR, RIGS PA BZHI PA 'JIG RTEN GRAGS PAS KYANG GRUB STE, CHU ZAD NAS MED PAS 'BRU BRLAG PA DANG, ZAS ZAD NAS MED PAS BU BRLAG PA YANG MTHONG BA'I PHYIR DANG, 'JIG RTEN PAS MTHONG BA LA RIGS PAS DPYAD NAS MED PAR BYED MI RUNG BA'I PHYIR DANG, SANGS RGYAS KYIS KYANG DE LTAR ZHAL GYIS BZHES PA'I PHYIR TE, SDOM PA GSUM BSTAN PA'I MDO LAS, GANG 'JIG RTEN NA YOD PAR 'DOD PA DE NGA YANG YOD PAR 'DOD CES DANG, DE BZHIN DU BUDDHA P'A LI TA DANG ZLA BA GNYIS KAS BSHAD CING, 'PHAGS PA LHAS KYANG, 'JIG RTEN PA YI MA GTOGS PAR, ,'JIG RTEN BZUNG BAR NUS MA YIN, ZHES PA LTA BU MANG PO DANG, RIGS PA DRUG CU PA'I 'GREL PA LAS KYANG, 'JIG RTEN PA'I DNGOS PO RNAMS NI RNAM PAR DPYAD CING DPYAD NAS KHAS BLANG BAR BYA BA MA YIN GYI, 'O NA CI ZHE NA, 'JIG RTEN NA GRAGS PA LTAR RO, ZHES DANG, YANG DE NYID LAS, 'JIG RTEN NA MED PA YANG RGYUD NYID DU YOD DE, 'DI LTAR CHU MED NA NGA'I 'BRUM RUNG BAR 'GYUR RO, ,ZAS MED PAS NGA'I BU SHI'O ZHES DE SKAD DU 'BRU DANG BU DAG BRLAG PA CHU DANG ZAS MED PAS BYAS PAR SMRA'O, ,GZHAN YANG, 'JIG RTEN NA GRAGS PA'I DON NI 'JIG RTEN NA GRAGS

, ,PA KHO NAS BZHAG PAR BYA YI 'THAD PAS NI MA YIN TE, 'JIG RTEN PA'I THA SNYAD NI 'THAD PA DANG 'GAL BA'I PHYIR RO, ZHES GSUNGS PA'I PHYIR, DES NA 'DIR ZAS ZAD PA SOGS KYANG MA YIN DGAG YIN GYI MED DGAG MIN TE, CHAGS MED SDANG MED GTI MUG MED PA DANG TSE DPAG MED 'OD DPAG MED PA LTA BU YIN LA DES NA STAG TSANG BAS ZLA BA'I RJES SU 'BRANGS KHUL BYAS KYANG MDO SEMS RIGS PAS ZHIG PA DNGOS PO 'GOG CING HA LAS PAR BYED PA YANG 'JIG RTEN THA SNYAD RAGS PA DANG PHRA BA'I KHYAD PAR GNYIS DGOS PA MA SHES PAS NONGS SHING LUNG RIGS 'DI DAG GANG LA'ANG LAN MI SNANG BAS DPYOD LDAN RNAMS KYIS DUG BZHIN BOR ZHIG MA 'ONGS PA LA'ANG RGYU YOD DE, DE LA RGYU YOD KYANG, SKABS DER 'ONGS PA'I RGYU RKYEN MA TSANG PA DANG MA TSOGS PA'I DBANG GIS YIN PA'I PHYIR TE, DE NYID LAS, DE LA NI 'ON NI RKYEN MA TSANG BA MA 'ONGS PA MI SKYE BA LA RGYUR GNAS TE, GAL TE RKYEN MA TSANG BAR MA GYUR NA NI DE NGES PAR SKYE BAR 'GYUR RO, ZHES GSUNGS PA'I PHYIR, DNGOS PO GZHAN ZHIG SKYES PA'I ZHIG CHA NI 'DAS PA'I MTSAN NYID, MTSAN GZHI MYU GU ZHIG PA LTA BU, BRGYA PA'I 'GREL PA LAS, 'DAS PA NI DE NYID LAS 'DAS PA'O, ZHES SO, ,DNGOS PO GZHAN ZHIG CHA DANG MA 'ONGS PA GANG YANG MIN CING SKYES LA MA 'GAG PA NI DA LTAR BA'I MTSAN NYID MYU GU LTA BU, BRGYA PA'I 'GREL PA LAS, DA LTAR BA NI SKYES LA MA

'GAG PA'O, ZHES SO, ,DNGOS PO GZHAN ZHIG RANG SKYED BYED KYI RGYU YOD KYANG RKYEN MA TSANG BAS MA SKYES PA'I CHA DE MA 'ONGS PA'I MTSAN NYID MYU GU MA 'ONGS PA LA RGYU YOD KYANG MYU GU DA LTAR BA'I DUS SU MA SLEB PA LTA BU YIN TE, BRGYA PA'I 'GREL PA LAS, DE LA MA 'ONGS PA NI DA LTAR BA'I DUS SU MA PHYIN PA'O, ZHES SO, ZHIG PA DNGOS PO YIN PAS BYAS BSAGS KYI LAS ZHIG NAS BSKAL PA DU MA SONG BAS KYANG 'BRAS BU DNGOS SU 'BYIN PAS THOB PA DANG KUN GZHI DANG CHUNG MI ZA BA DANG RGYUN SOGS KHAS LEN MI DGOS PA'I PHYIR TE, BZHI BRGYA PA'I 'GREL PA LAS, BYAS SHING BSAGS PA'I LAS 'GAG NAS YUN SHIN TU RING POR LON PA LA 'GAR YANG GNAS MED MOD KYI, 'ON KYANG 'GAG NAS BSKAL PA DU MAS CHOD PA'I LAS LAS KYANG 'BRAS BU DNGOS SU 'BYUNG BA DANG, ZHES SO, ,DES ZHIG PA DNGOS POR SMRAS TZAM ZHIG PA'I BTAGS DON TSOL BA MA YIN TE, ZHIG PA DNGOS PO DANG DNGOS MED GANG YIN DPYAD TZAM GYIS DON DAM DPYOD PAR MI 'GRO BA'I PHYIR DANG, DPER NA BUM PA DNGOS POR SMRAS PA BZHIN, GZHAN DU NA KHYED RANG GIS ZHIG PA DNGOS MED DU SMRAS PA'ANG BTAGS DON BTZAL BAR 'GYUR BA SOGS GNOD PA DANG 'GAL BA MANG LA SNGAR LTAR ZHIG PA LA RGYU YOD MED DPYAD PA TZAM GYIS KYANG BTAGS DON BTZAL BAR MI 'GRO STE, DES THA SNYAD DU RGYU RKYEN BYED TSUL BSHAD PA TZAM YIN PA'I PHYIR, DPER NA CHOS MNGON PAR 'DUS BYAS KYI RGYU RKYEN BSHAD PA LTA BU'O, ,

, ,NGAG RTZUB SMRAS PA SOGS BYAS PA BSKAL PA MANG PO SONG YANG MA ZHIG PAS 'BRAS BU BSKYED NA DA LTAR BA'I DUS SU'ANG DE DAG 'BRAS BU MA PHYUNG BDAG YOD DGOS PAS SNGON BYAS PA'I LUS NGAG YID GSUM MA ZHIG KYANG MI MTHONG BAR MA ZAD MI DRAN PA CI YIN TE, DE 'DRA SUS BSHAD BYAS PA SNGAR BKAG ZIN TO, ,BDUN PA NI, MA DPYAD MIN PHYIR RANG RGYUD RANG RIG MIN, ZHES PA BTAGS DON DPYAD NAS 'JOG RGYU MA RNYED PAR RANG RGYUD YANG 'JOG MI THUB LA SHES PA'I BTAGS DON DPYAD NA'ANG 'DI LAS LHAG PA DPYOD TSUL MED PAS RANG RIG YANG MED PAR BZHED PA THUN MONG MA YIN PA YIN TE, TSIG GSAL LAS, DBU MA PA YIN NA, SOGS DANG, RTZOD ZLOG LAS, TSAD MA RNAMS NI RANG NYID KYIS, ,'GRUB MIN PHAN TSUN GYIS MIN PA'AM, ,TSAD MA GZHAN GYIS MA YIN LA, ,GZHAL BYAS MA YIN RGYU MED MIN, ZHES DANG, GTZUG NA RIN PO CHES ZHUS PA LAS, DE SEMS KUN TU TSOL BAN; ZHES PA NAS, 'ON TE DMIGS PA GANG YIN PA DE NYID SEMS YIN NA SEMS KYIS SEMS JI LTAR MTHONG BAR 'GYUR TE, 'DI LTA STE, DPER NA RAL GRI'I SO DE NYID KYIS RAL GRI'I SO DE NYID GCOD PAR MI NUS LA, SOR MO'I RTZE MO DE NYID KYIS SOR MO'I RTZE MO DE NYID LA REG PAR MI NUS SO, ZHES DANG, SPYOD 'JUG LAS, 'JIG RTEN GYI NI MGON POS KYANG, ,SEMS KYIS SEMS MI MTHONG ZHES GSUNGS, ,RAL GRI'I SO NI RANG LA RANG, ,JI

LTAR MI GCOD DE BZHIN YID, CES GSUNGS PA SOGS KYIS BKAG LA, MAR MES RANG GZHAN GNYIS GSAL BA LTAR SEMS KYIS RANG GZHAN GNYIS RIG PA YANG BKAG STE, RTZOD ZLOG LAS, ME YIS RANG DANG [?] NGAG [?] GSAL BYED NA, ,'O NA ME YIS GZHAN BZHIN DU, ,RANG NYID SREG PA'ANG BYED PAR 'GYUR, ,GAL TE KHYOD KYI TSIG GIS NI, ,ME YIS RANG GZHAN GSAL BYED NA, ,MAR ME BZHIN DU MUN PA YANG, ,RANG GZHAN BDAG NYID SGRIB PAR 'GYUR, ZHES DANG, DBU MA LAS; MAR ME RANG DANG GZHAN GYI DNGOS, ,GAL TE SNANG BAR BYED 'GYUR NA, ,MUN PAS RANG DANG GZHAN GYI DNGOS, ,SGRIB PAR 'GYUR BAR THE TSOM MED, CES MUN PAS KYANG RANG BSGRIBS NAS MUN PA MI SNANG BAR THAL BA DANG, MAR CHE LAS GSAL BYED GZHAN MI DGOS TE, DE LA MUN PA MED PA'I PHYIR TE, ZHIB MO RNAM 'THAG LAS, MA YIN TE, DPE DANG 'GAL BA'I PHYIR RO, ZHES DANG, MAR ME NI RANG GI BDAG NYID GSAL BAR BYED PA MA YIN TE, MUN PA MED PA'I PHYIR RO, ZHES DANG, SPYOD 'JUG LAS, MAR ME GSAL BAR BYA MIN TE, ,GANG PHYIR MUN GYIS BSGRIBS PA MED, CES SO, ,BRGYAD PA NI, LTOS TSE MNGON SUM YUL YIN YUL CAN MIN, ,'GOG BDEN CHOS DBYINGS 'PHAGS RNAMS BDEN MED GZIGS, ZHES SMRAS TE, SPYIR MNGON SUM TSAD MA YANG MNGON SUM MIN MI ZER KYANG, MNGON SUM GYI SKAD DOD PRA TY'A KAshA MNGON SUM DANG MNGON GYUR PA GNYIS KAR 'JUG PAS

, ,BUM PA DANG DE 'DZIN DBANG MNGON GNYIS PHAN TSUN LTOS TSE BUM PA MNGON SUM DNGOS DANG, DBANG MNGON LA MNGON SUM BTAGS NAS 'JUG PAR 'DOD DE, BRGYA'I 'GREL PA LAS, DE LTAR RNAM PAR SHES PA LA MNGON SUM DU RTOG BAR MI RIGS SO, ,YUL LA NI RIGS TE, ZHES DANG, TSIG GSAL LAS, GZHAN YANG MNGON SUM GYI SGRA NI LKOG TU MA GYUR PA'I DON GYI, ZHES PA NAS, 'DI LA DBANG PO MNGON DU PHYOGS PAS ZHES BYAS NAS, BUM PA DANG SNGON PO LA SOGS PA LKOG TU MA GYUR PA RNAMS MNGON SUM NYID DU 'GRUB PAR 'GYUR LA, DE YONGS SU GCOD PAR BYED PA'I SHES PA NI RTZVA DANG SOG MA'I ME BZHIN DU MNGON SUM GYI RGYU CAN YIN PA'I PHYIR MNGON SUM NYID DU BRJOD DO, ZHES GSUNGS SO, ,'GOG BDEN CHOS DBYINGS YIN PAR BDEN BZHI BDEN GNYIS KYIS BSDUS TSUL GYIS SHES LA, RIGS PA DRUG CU PA LAS, DNGOS DANG DNGOS MED YONGS SHES PAS, ,BDAG NYID CHEN PO RNAM PAR GROL, ZHES PAS 'PHAGS PA RNAMS KYIS STONG NYID RTOGS PAR YANG BSHAD DE, DE'I 'GREL PA LAS, DE GNYIS RANG BZHIN MED PAR YONGS SU SHES PA ZHES PA NAS, 'DI DAG LA BDAG NYID CHE BA MANG BA'I BDAG NYID CHEN PO ZHES BYA STE, 'PHAGS PA RNAMS LA BRJOD DO, ZHES SOGS YANG YANG BSHAD DO, ,DGU PA NI, PHUNG ZAD MI DUNG [?] TSONG 'DU 'JIG BSHAD PHYIR, ,LHAG BCAS LHAG MED 'KHRUL SNANG ZAD MA ZAD, CES SMRAS

TE; BCOM LDAN 'DAS KYIS MYA NGAN LAS 'DAS PA RNAM PA GNYIS TE, PHUNG PO LHAG MA DANG BCAS PA DANG LHAG MA MED PA'O, ,DANG PO NI, NYON MONGS PA SPANGS TZAM MO, ,GNYIS PA NI PHUNG PO RGYUN CHAD PA ZHES SEMS TZAM PA KHA CIG MAN CHAD 'DOD TSUL DANG BRTZAD TSUL GZHAN DU BSHAD LA, 'DIR BSDUS TZAM SMRAS NA MI 'THAD DE, DE LTAR NA MYANG 'DAS MNGON DU BYED PA MED PAR 'GYUR BA DANG, DGRA BCOM PA RE RES KYANG MYANG 'DAS THOB PA ZAG BCAS KYI PHUNG PO MA LUS PAR SPANGS PAR BSHAD PA DANG, SH'A RI'I BUS DE 'DRA'I MYANG 'DAS MNGON DU BYAS NAS RJES ZLOS BSHAD PA'I THEG DMAN GYI MDO YANG YOD PA'I PHYIR TE, DE SKAD DU RIGS PA DRUG CU'I 'GREL PA LAS PHUNG PO RGYUN CHAD PA'I NGO BO LA NI DGA' YANG MI SRID PAS BGOG PA DE SU LA MNGON SUM DU 'GYUR ZHES PA NAS, RE ZHIG JI SRID DU DE'I PHUNG PO'I RGYUN RGYU DANG RKYEN GYIS STOBS KYIS 'PHANGS PA 'BYUNG BDE SRID DU ZAD PAR KHONG DU CHUD PAR MI NUS TE SKYE BA DANG LDAN PA'I PHYIR RO, ZHES DANG, NYAN THOS KYI MDO LAS, GANG SDUG BSNGAL 'DI MA LUS PAR SPANGS PA, NGES PAR SPANGS PA BYANG BAR GYUR BZANG [?] PA, 'DOD CHAGS DANG BRAL BA 'GOG PA NYE BAR ZHIB NUB PA, SDUG BSNGAL GZHAN GYI MTSAMS MI SPYOR ZHING MI 'BYUNG MI SKYE BA 'DI NI ZHI BA, 'DI NI GYA NOM BA STE, 'DI LTA STE, PHUNG BO THAMS CAD NGES PAR SPANGS PAS SRID BZANG PA, 'DOD CHAGS DANG BRAL BA, 'GOG PA MYA NGAN LAS 'DAS PA'O,

, ,ZHES GSUNGS LA, DE YANG MDO 'DI'I DA LTAR GYI MYANG 'DAS DBANG DU BYAS NAS MA LUS PAR SPANGS PA NAS, NUB PA, ZHES BA'I PAR DANG, MA 'ONGS PA'I SDUG BSNGAL BRAL TSUL DBANG DU MDZAD NAS SDUG BSNGAL GZHAN GYIS MTSAMS MI SBYOR BA NAS, MYA NGAN LAS 'DAS PA'O, ZHES PA'I BAR DU BSHAD BAR 'GREL BA DE LAS BSHAD PA'I PHYIR DANG, RJES ZLOS KYI MDO LAS, RJES ZLOS ZHES BYA'I MDO 'DI NI, SH'A RI'I BU YIS MYA NGAN 'DAS, ,MNGON SUM BYAS NAS BSHAD BA YIN, ZHES GSUNGS PA'I PHYIR, NYON MONGS SA BON DANG BCAS PA SPANGS PA NA MYANG 'DAS THOB LA DE YANG NYON MONGS ZAD KYANG DE'I BAG CHAGS KYI 'KHRUL PA'I LHAG MA DANG BCAS PA'I MYANG 'DAS NI LHAG BCAS MYANG 'DAS DANG, 'KHRUL PA'I LHAG MA MED PA'I MYANG 'DAS NI LHAG MED MYANG 'DAS YIN TE, 'DI'I PHUNG PO SOGS ZAD PA NI CHOS DBYINGS SU ZAD PA'I DON YIN PA'I PHYIR TE, MDO 'DI LAS, GANG SDUG BSNGAL 'DI MA LUS PAR SPANGS PA SOGS KYIS SPANGS TSUL DANG, ZAB MO'I MDO DU MA LAS, MA SKYES PA, MA 'GAG PA, GZOD MA NAS ZHI BA, RANG BZHIN GYIS MYA NGAN LAS 'DAS PA'O, ZHES PA'I MDO SNGA MA'I ZAD PA DANG, 'DI'I MI SKYES RNAMS CHOS DBYINGS DGOS PAR 'DRA PA'I PHYIR TE, RIN CHEN PHRENG PA LAS, ZAD DANG MI SKYES DON DU NI, ,GCIG PA DE PHYIR BZOD PAR GYIS, ZHES DANG, RGYUD BLA

MA LAS, NYON MONGS GDOD NAS ZAD PHYIR RO, ZHES DANG, DE'I THOGS 'GREL LAS, DE'I NYE PA'I NYON MONGS PA GDOD MA NAS ZAD CING 'GAG PAR MTHONG BA'I PHYIR RO, ZHES DANG, CHIG GSAL LAS, NANG DANG PHYI'I DNGOS PO MA DMIGS PAS NANG DANG PHYI LA BDAG TU 'DZIN PA DANG BDAG GIR 'DZIN PA RNAM PA THAMS CAD DU ZAD PA 'DI NI 'DIR DE KHO NA NYID DO, ZHES DANG, DE'I DON LAM RIM LAS, PHYI DANG NANG GI CHOS SNA TSOGS PA DE KHO NA MIN BZHIN DU DE KHO NA NYID DU SNANG BA 'DI THAMS CAD BAG CHAGS DANG BCAS PA NYE BAR ZHI BAS BDAG DANG BDAG GIR 'DZIN PA RNAM PA THAMS CAD DU ZAD PA NI, 'DIR THOB PAR BYA PA'I DE KHO NA NYID CHOS KYI SKU'O, ZHES SO, 'DIS 'GOG BDEN DON DAM BDEN PAR BSHAD PA YIN NO, ,BCU PA NI, BAG CHAGS SHES SGRIB NYON MIN MA RIG 'ANG BZHED, ,NYON MONGS MA ZAD SHES SGRIB SPONG MI RTZOM, ZHES SMRAS TE, 'DI BA'I SGRIB GNYIS SPANGS TSUL THUN MONG MIN PA YIN TE, 'JUG 'GREL LAS, DE LAM RIG PA'I BAG CHAGS NI SHES BYA YONGS SU GCOD PA'I GEGS SU GYUR PA YIN LA, ZHES SOGS KYIS DUG GSUM GYI BAG CHAGS SHES SGRIB DANG, 'JUG 'GREL LAS, NYON MONGS DAG NI MA RIG PA DANG; 'DOD LA SOGS PA STE, ZHES PAS DUG GSUM NYON MONGS SU BSHAD KYANG NYON MONGS CAN MA YIN PA'I MA RIG PA DANG SHES SGRIB TU GYUR PA'I MA RIG PA YOD DE, 'JUG 'GREL LAS, NYON MONGS PA CAN MIN PA'I MA

, ,RIG PA KUN TU SPYOD PA'I PHYIR, ZHES DANG, SKYABS 'GRO BDUN CU PA LAS, MI SHES NYON MONGS MIN SPANGS PHYIR, ,PHYIS NAS SANGS RGYAS KYIS BSKUL BAS, ZHES DANG, MA RIG NYON MONGS MED YONG BAS; ;RNAM BA KUN MKHYEN SPANGS PA NYID, ,CES GSUNGS PA'I PHYIR, SHES SGRIB LA SHES BA YIN MIN GNYIS YOD LA, SHES SGRIB DANG THOGS SGRIB DON GCIG, SA BRGYAD PAR NYON MONGS KUN SPANGS BA NA SHES SGRIB SPANGS DGOS KYI DE'I SNGA ROL TU MA YIN TE, NYON MONGS MA SPANGS BAR DU DE'I BAG CHAGS SPANGS THABS MED PA'I PHYIR TE, DPER NA SNUM GYIS GOS PA'I SNUM MA BSAL BAR DE'I GOS PA BSAL MI THUB PA BZHIN YIN PA'I PHYIR TE, 'JUG 'GREL LAS, DE NI BAG CHAGS TE NYON MONGS PA'I MUR THUG PA DANG GOMS PA DANG RTZA BA DANG BAG CHAGS ZHES BYA BA NI RNAM GRANGS SO, ,DE NI ZAG PA MED PA'I LAM GYIS NYON MONGS PA SPANGS KYANG NYAN THOS DANG RANG SANGS RGYAS THAMS CAD KYIS SPANGS PAR MI NUS TE, TIL MAR DANG ZHES SOGS DANG, GZUNGS RGYAL GYIS ZHUS PA LAS, DE BZHIN GSHEGS PA'I ZAG PA ZAD PA SHES PA NI RNAM PAR DAG PA DRI MA MED PA YONGS SU DAG BA 'OD GSAL BA BAG CHAGS KYI MTSAMS SBYOR BA THAMS CAD YANG DAG PAR BCOM PA'O, ,NYAN THOS RNAMS KYI ZAG BA ZAD PA NI TSAD YOD BA BAG CHAGS YANG DAG PAR MA BCOM PA'O, ,SOGS

DANG, RGYUD BLA MA LAS, DRI MED DBYINGS LA CHAGS MED PA, ,THOGS MED PHYIR DE DAG PA YIN, ,YE SHES GZIGS BA DAG BA BAS, ,SANGS RGYAS YE SHES BLA MED PHYIR, ,'PHAGS BA PHYIR MI LDOG PA NI, ZHES DANG, DE'I THOGS 'GREL LAS, MDOR BSDUS NA RGYU GNYIS KYIS NA GCIG SHOS NYI TSE BA'I YE SHES KYIS MTHONG BA LA LTOS NAS, SHIN TU RNAM PAR DAG PA ZHES BRJOD DO, ,GNYIS BO GANG DAG GIS SHE NA, CHAGS PA MED PA'I PHYIR DANG, THOGS PA MED PA'I PHYIR RO, ZHES DANG, DE LTAR PHYIR MI LDOG PA'I SAL GNAS PA'I BYANG CHUB SEMS DPA' RNAMS KYIS GZIGS PA DE NI, ZHES GSUNGS LA, THOGS SGRIB CI RIGS LAS GROL BA'I YE SHES KYI MTHA' PHYIR MI LDOG PA'I SA STE SA BRGYAD BA NAS BZHAG PA'I PHYIR RO, ,DON 'DI 'DRA DU MA LA DGONGS NAS, RNAM BSHAD LAS, SA BON DE LAS GZHAN PA'I BAG CHAGS KYI SGRIB PA SHES SGRIB TU 'JOG PA NI, SA BRGYAD PA MA THOB PAR DU SPONG BA MA YIN PA'I PHYIR RO, ZHES SO, ,'DIR SPRO BYA MANG YANG GZHAN DU SHES BAR BYA'O, ,BCU GCIG PA NI, SNANG BAS YOD MTHA' STONG BAS MED MTHA' SEL, ,DE SOGS THUN MOD MIN MANG DBU MA LTOS, ZHES SMRAS TE, SNGAR RTEN 'GYUR GI SKABS CUNG ZAD BSHAD LA, GRUB MTHA' 'OG MA DANG MI 'DRA BA'I RGYU MTSAN ZHIB PAR SHES DGOS LA, GZHAN YANG, 'GOG SNYOMS KYI KHYAD PAR DANG ZAB MO'I LTA BA SKYED TSUL SOGS 'PHAGS PA YAB SRAS KYI

, ,GZHUNG DANG MDO BTUS GNYIS DANG RNAM BSHAD GNYIS LAM RIM SOGS LAS SHES DGOS SO, ,LNGA BA DE DAG NGES BYED TSAD MA'I KHYAD PAR 'KHRUL SPONG DANG BCAS BA LA, TSAD MA'I KHYAD PAR DANG 'KHRUL SPONG GNYIS, DANG PO LA, GRANGS NGES DANG MNGON SUM GYI KHYAD PAR DANG, RJES DPAG GI KHYAD PAR BSHAD PA GSUM, DANG BO NI, MNGON RJES NYER 'JAL LUNG GI TSAD MA BZHIR, ,BSHAD KYANG GZHAL BYA'I DBANG GIS MNGON RJES GNYIS, ZHES SMRAS TE, 'DIR LUGS 'DI'I TSAD MA'I RNAM BZHAG MDOR BSDUS SHIG SMRAS NA, TSIG GSAL LAS, TSAD MA DAG NI DU ZHIG MTSAN NYID NI GANG, YUL DAG NI DU ZHIG CI BDAG LAS SKYE BA ZHIG GAM GZHAN NAM GNYIS KA'AM RGYU MED PA LAS YIN ZHES BYA BA 'DI BRJOD PAR BYA'O, ZHES GSUNGS PA LTAR, SPYI DON CUNG ZAD BSHAD NA, MI SLU BA'I SHES PA TSAD MA'I MTSAN NYID DE, BRGYA BA'I 'GREL BA LAS, MI SLU BA'I SHES BA NA 'JIG RTEN NA TSAD MA NYID DU MTHONG NA, ZHES GSUNGS PA'I PHYIR, SGRA BSHAD NA, SKAD DOD BRA M'A nA ZHES PA'I BRA BRA THA MA ZHES SOGS BYAS NAS THOG GAM GSAR DU SOGS LA BYAS NAS BSHAD NA MI RUNG STE, RTZOD ZLOG LAS, DE YANG DANG PO 'GRUB MIN LA, ,BAR MA YIN ZHING THA MA'ANG MIN, ZHES DANG, BRGYA BA'I 'GREL BA LAS, 'JIG RTEN PA'I MTHONG BAS DE KHO NA MTHONG BA GSAL BA RIGS PA MA YIN TE,

DE NI 'JIG RTEN KHO NA LAS TSAD MA YIN PA'I PHYIR, ZHES SO, ,DES NA CHOS RAB TU RNAM 'BYED KYI SHES RAB LTA BU NI RAB TU 'JAL BAS NA TSAD MA ZHES BYA STE, BRA RAB TU DANG M'A nA 'JAL BA LA 'JUG PA'I PHYIR DANG, BCOM LDAN 'DAS KYIS KYANG DE LTAR BSHAD PA'I PHYIR TE, BLO GROS MI ZAD PA LAS, DGE BA DANG MI DGE BA'I CHOS RNAMS RAB TU SHES PA NI SHES RAB BO, DES PAR 'BYED PA'I CHOS RNAMS LA RTOG PA NI SHES RAB PO, ,'PHAGS PA'I CHOS MNGON DU GYUR BAS NA, SHES RAB NI TSAD MAR GYUR BA'O ZHES SOGS GSUNGS SO, ,M'A nA SEMS PA LA BYAS NAS BSHAD SNANG STE, PRADZNY'A DANG PRA M'A nA 'BRI SNYEGS SA 'DRA BA'I DON NO, ,TSAD MA LA DBYE NA MNGON SUM TSAD MA DANG, RJES DPAG DANG, YID CHES TSAD MA DANG NYER 'JAL TSAD MA BZHI YOD DE, GZHAL BYA MNGON GYUR DANG CUNG ZAD LKOG GYUR DANG SHIN TU LKOG GYUR DANG, DPE DON MNGON LKOG 'DRES PA STE BZHI YOD PA'I PHYIR TE; TSIG GSAL LAS, DE LTAR TSAD MA BZHI LAS 'JIG RTEN GYI DON RTOGS PAR RNAM PAR 'JEG PA YIN NO, ZHES DANG, TSAD MA'I GRANGS 'JUG PA GZHAL BYA'I GZHAN GYIS DBANG YIN PA'I PHYIR, ZHES DANG, GANG GI TSE DE LTAR GZHAL BYA GNYIS GNAS PA MED PA DE'I TSE LUNG LA SOGS PA, ZHES PA NAS, TSAD MA GZHAN NYID MA YIN PA MA YIN NO, ZHES SO, BZHIR BYED PA 'PHAGS PA DANG SANGS RGYAS KYI DGONGS PA YIN TE,

, ,RTZOD ZLOG LAS, RE ZHIG GAL TE MNGON SUM GYIS, ZHES DANG, RJES DPAG LUNG DANG NYER 'JAL DANG, ZHES DANG, MDO DGONGS 'GREL LAS KYANG, DE LTAR NA 'THAD PA SGRUB PA'I RIGS PA DE NI MNGON SUM GYI TSAD MA DANG RJES SU DPAG PA'I TSAD MA DANG LUNG GI TSAD MA'I MTSAN NYID LNGA PO DAG GIS YONGS SU DAG PA YIN NO, ZHES DANG, RANG RIG GI DPE NYE BAR SBYAR BA'I MTSAN NYID, CES SO, ,YANG DE LA MNGON SUM TSAD MA DANG RJES DPAG TSAD MA GNYIS SU 'DU STE, GZHAL BYA MNGON LKOG GNYIS SU GRANGS NGES PA'I PHYIR DANG, BRGYA PA LAS, SANGS RGYAS KYI GSUNG LKOG GYUR LA, ZHES PA'I 'GREL PAR ZLA BAS, DNGOS PO THAMS CAD MNGON SUM DU SHES PAS GO BAR BYA BA NI MA YIN GYIS RJES SU DPAG PAS RTOGS PAR BYA BA YANG YOD DE, ZHES SO, ,DES DBANG PO DRUG PO CI RIGS KYIS GZUNG BYA DE MNGON GYUR GYI DON YIN TE, MNGON GYUR DANG DBANG PO'I YUL LKOG GYUR MA YIN PA'I CHOS RNAMS DON GCIG PA'I PHYIR TE, 'CHI MED MDZOD LAS, MNGON SUM DANG NI DBANG PO'I YUL, ZHES DANG, DBANG PO MNGON SUM RTOGS PA'I DON MNGON GYUR DU BSHAD PAS SO, ,RTAGS LA BRTEN NAS SAM RTAGS STOBS KYIS RTOGS PAR BYA BA LKOG GYUR GYI DON YIN TE, RJES DPAG GI GZHAL BYA DANG LKOG GYUR DANG DBANG PO'I YUL MIN PA DON GCIG TU 'DIR BSHAD CING TSAD MA PA LTAR MI RUNG BA'I PHYIR TE,

'CHI MED MDZOD LAS, LKOG TU GYUR DANG MNGON SUM MIN, ZHES PA'I MNGON SUM MA YIN PA'I SKAD DOD, AA T'INTRI YAm, ZHES PA DBANG PO LAS 'DAS PA LA YANG 'JUG PA'I PHYIR RO, ,GNYIS PA NI, RTAGS MIN 'DZIN STANGS YUL GYUR MNGON SUM PAR, ,BSLU MED SHES PA MNGON SUM TSAD MAR BZHED, ,DBYE NGO DBANG MNGON YID MNGON RNAL 'BYOR MNGON, ZHES SMRAS TE, RTAGS LA LTOS PA MIN PAR RANG GI 'DZIN STANGS KYI YUL GYI GZHAL BYA MNGON SUM PA LA MI SLU BA'I SHES PA GCIG MNGON SUM GYI TSAD MA'I DON YIN TE, MTSAN GZHI DANG, RANG GI MTSAN NYID GZUGS RUNG LTA BU DANG, SPYI'I MTSAN NYID GZUGS MI RTAG PA DANG GZUGS BDAG MED LTA BU YIN KYANG RUNG; RTAGS LA MA BRTEN PAR 'JIG RTEN TE SHES PA DES DON MYONG STOBS KYIS SNANG BAR YOD NA NI, SKABS 'DIR DE 'DRA GANG YOD THAMS CAD SHES PA DES MNGON SUM DU DMIGS PAR BYA BA DANG, MNGON GYUR PA DANG MNGON SUM PA YIN PA'I PHYIR, YUL DE'I SGO NAS YUL CAN SHES PA DANG GNYIS KA MNGON SUM ZHES BZHAG DGOS PA'I PHYIR, DPER NA SNGON PO'I BLO BZHIN, TSIG GSAL LAS, DE'I PHYIR GAL TE MTSAN GZHI'AM RANG GI MTSAN NYID DAM SPYI'I MTSAN NYID KYANG RUNG STE, 'JIG RTEN NA YOD NA NI, THAMS CAD MNGON SUM DU DMIGS PAR BYA BA YIN PA'I PHYIR LKOG TU MA GYUR PA YIN TE, DE'I PHYIR DE'I YUL CAN GYI RNAM PAR SHES PA DANG LHAN CIG TU MNGON SUM NYID DU

, ,RNAM PAR GZHAG GO ,ZHES SO, ,DER MA ZAD ZLA BA GNYIS 'DZIN DANG SKRA SHAD 'DZAG SNANG CAN GYI SHES PA SOGS LOG SHES RNAMS KYANG RANG GI SNANG BA LA MNGON SUM TSAD MA YIN TE, TSIG GSAL LAS ZLA BA GNYIS LA SOGS BDAG NI RAB RIB CAN MIN PA'I SHES PA LA LTOS NAS MNGON SUM NYID MA YIN LA, RAB RIB CAN LA SOGS PA LA LTOS NAS NI MNGON SUM NYID KHO NA'O, ZHES SO, ,RANG GI SNANG BA LA MNGON SUM TSAD MA YIN KYANG MNGON SUM TSAD MA YIN MI DGOS TE DE DAG MI SLU BA'I SHES PA MA YIN PA'I PHYIR DANG, TSAD MIN GYI SHES PA DON MTHUN DANG DON MI MTHUN DU MA YOD PA'I PHYIR DANG, SHES PA THAMS CAD TSAD MAR 'DOD PA HA CANG THAL BAR BSHAD PA'I PHYIR, 'JUG PAR, MI SHES GNYID KYIS RAB BSKYOD MU STEGS CAN, ,RNAMS KYI BDAG NYID JI BZHIN BRTAGS PA DANG, ,SGYU MA SMIG RGYU SOGS LA BRTAGS PA GANG, ,DE DAG 'JIG RTEN LAS KYANG YOD MIN NYID, CES DANG, BRGYA PA'I 'GREL BA LAS, RNAM PAR SHES PA THAMS CAD KYANG TSAD MA NYID DU THAL BA'I PHYIR RO, ZHES GSUNGS PA'I PHYIR, GANG DAG RTOG NGOR YOD PA LA THA SNYAD DU YOD PAS KHYAB PAR 'DOD PA DANG 'JIG RTEN THA SNYAD LA 'DI YOD DANG 'DI MED MI RUNG 'DOD MKHAN DANG, ZLA BA'I LUGS 'DOD KYANG LOG SHES RANG GI SNANG BA LA MNGON SUM TSAD MAR 'DOD PA LA NGO MTSAR BYED PA DAG DANG RTOG MED KYI SHES PA THAMS CAD TSAD MAR 'DOD PA RNAMS KYIS LUNG 'DI DAG LA MIG PHYIS LA SNYON MA

LDING BAR LTOS SHIG ,DE LA DBYE NA DBANG MNGON YID MNGON RNAL 'BYOR MNGON SUM TSAD MA GSUM YOD PA'I LHAG MA MTHUN PHAL CHER SNGAR BSHAD CING, YID MNGON LA YUL GSAL BAR MTHONG BA'I RTOG BRAL MI DGOS PAR RTOG PA DU MA YOD DE, DRAN SHES RNAMS DANG RJES DPAG GIS DRANGS PA'I BCAD SHES RNAMS DANG, DBANG MNGON GYIS DRANGS PA'I YID SHES TSAD MA RNAMS SOGS YOD DO, ,GSUM PA NI, RTAGS BRTEN LKOG YUL BSLU MED RJES DPAG STE, LKOG GYUR DPE DANG SHIN TU LKOG 'JAL BA'I, ,RJES DPAG NYER 'JAL LUNG GI TSAD MAR BZHED, CES SMRAS TE, RTAGS DANG RGYU MTSAN DANG SHES BYED KYI RGYU RNAMS DON GCIG PAS DE DAG LA BRTEN NAS RANG GI 'DZIN STANGS YUL GYI GZHAL BYA LKOG GYUR LA MI SLU BA'I SHES PA NI RJES DPAG TSAD MA'I DON YIN NO, ,BRGYA BA'I 'GEL PA LAS, DNGOS PO THAMS CAD MNGON SUM GYI SHES PAS GO BAR BYA BA MA YIN GYI RJES SU DPAG PAS RTOGS PAR BYA BA YANG YOD DO, ZHES SO, ,DBYEN DNGOS SU SKYED BYED SGO NAS THAL 'GYUR LA BRTEN PA DANG, GTAN TSIGS LA BRTEN PA GNYIS YOD DE, BDAG SKYE 'GOG PA'I 'GAL BRJOD KYI THAL 'GYUR GNYIS LTA BU 'DOD DON SGRUB PA'I THAL 'GYUR GYIS RJES DPAG SKYED PA RTOGS SLA LA BZLOG PA 'PHEN PA'I THAL 'GYUR GYIS KYANG DBANG RNON LA DNGOS SU RJES DPAG SKYED NUS TE THAL 'GYUR DES GZHAN GYI 'DOD PA MI 'DOD PA'I THAL BA DANG SNGA RGOL GYI 'DOD DON BSGRUB BYA SGRUB PA'I

, ,RGYU MTSAN GNYIS GO THUB PA'I PHYIR TE, DE LTAR MGON PHYI RGOL DES THAL 'GYUR DE'I BSTAN BYA'I GTZO BO MA RTOGS BAR 'GYUR BA DANG, TSIG TZAM LAS MGO BAR YANG 'GYUR LA SNGA RGOL GYI 'DOD PA MGO [?] BA'I RTUL BOR 'GYUR BA'I PHYIR TE, DE LAS THAL 'GYUR DE LAS RTAGS SBYOR MA BKOD PA'I PHYIR TE, TSIG GSAL LAS, KHYED CAG GI RTZOD PA 'DI NI NAS, 'DI DAG TZAM ZHIG GIS BRTZAD PA NA CI PHA ROL PO KHAS LEN PAR MI BYED DAM; ZHES GSUNGS LA, DBANG RTUL LA TSAD MA PA LTAR THAL RTAGS GNYIS KA BKOD TSUL BSHAD ZIN TO, ,RTOGS TSUL SGO NAS DBYE NA, RANG DON SKABS KYI RTAGS LA BRTEN PA DANG, GZHAN DON SKABS KYI RTAGS LA BRTEN PA GNYIS YOD DE, GZHAL BYA'I SGOS DBYE NA GSUM YOD DO, RANG GI 'DZIN STANGS KYI GZHAL BYA LKOG GYUR RTAGS STOBS KYIS DNGOS SU RTOGS PA'I SHES PA CUNG ZAD LKOG GYUR RTOGS PA'I RJES DPAG YIN TE, TSIG GSAL LAS; LKOG TU GYUR PA'I YUL CAN RTAGS SGRUB PAR BYA BA LA MI 'KHRUL BA LAS SKYES PA'I SHES PA RJES DPAG GO ZHES SO, ,'DI GZHAL BYA'I GNAS GNYIS PA RTOGS BYED DO, DE'I STENG NAS DPE DON CHOS MTHUN GZHAL BA'I RJES DPAG NI NYER 'JAL RJES DPAG TSAD MA YIN TE, DPER NA BA LANG DANG BA MIN 'DRAR 'DZIN DANG, MYU GU DANG GZUGS CAN GNYIS RDZUN BAR MTSUNGS 'DZIN LTA BU, TSIG GSAL LAS, 'DRA BA LAS NYAMS SU

MYONG PA'I DON RTOGS PA NI NYER 'JAL BA STE, DPER NA BA MIN NI BA LANG DANG 'DRA'O SNYAM BA LTA BU'O, ZHES SO, ,RANG GI 'DZIN STANGS YUL GYI GZHAL BYA SHIN TU LKOG GYUR RTAGS STOBS KYIS RTOGS PA'I BLO NI YID CHES RJES DPAG DANG LUNG GI TSAD MA STE, DPYAD GSUM DAG PA'I RIN CHEN 'PHRENG BA LA BRTEN NAS SANGS RGYAS KYI MTSAN BZANG DANG DE'I RGYU BLA MA BSU SKYEL SOGS KYI 'BREL BA RTOGS PA LTA BU STE, TSIG GSAL LAS, DBANG PO LAS 'DAS PA'I DON MNGON SUM DU RIG CING YID CHES BAR GYUR PA DAG GI TSIG GANG YIN PA DE NI LUNG NGO, ZHES GSUNGS BAS, LUNG DANG LUNG GI TSAD MA GNYIS KA BSTAN TO, ,DE LTAR NA TSAD MA DANG GZHAL BYA DAG 'JIG RTEN THA SNYAD DU YOD KYI DNGOS SMRA LTAR DON DAM BAR MED DE, PHAN TSUN LTOS GRUB TZAM YIN PA'I PHYIR, THAL 'GYUR BA RANG LUGS LA MI 'DOD PA'I DON GAL YIN TE, TSIG GSAL LAS, DE LTAR TSAD MA BZHIS 'JIG RTEN GYI DON RTOGS PAR RNAM PAR 'JOG PA YIN NA DE DAG KYANG BAN TSUN LTOS NAS GRUB PAR 'GYUR TE, TSAD MA DAG YOD NA GZHAL BYA'I DON DAG TU 'GYUR LA, GZHAL BYA'I DON DAG YOD NA TSAD MDAG TU 'GYUR GYI TSAD MA DANG GZHAL BYA GNYIS NGO BO NYID KYIS GRUB PA NI YOD PA MA YIN NO, ZHES SO, ,GNYIS PA NI, 'DZIN STANGS YUL LA NGES 'DREN DER TSAD MA, ,GZHAN GYIS GNOD BRAL DE LA MI BSLU'I PHYIR, ,'KHRUL YANG TSAD MAR MI 'GAL MI BSLU'I DON, ,SKABS STOBS MANG

, ,BSHAD KUN RDZOB LA YANG BSHAD, ,DE'I PHYIR RDZAS KYI SGRA BZHIN GCIG LA MIN, ZHES SMRAS TE, DE YANG STAG LON RE, KUN RDZOB LA TSAD GRUB MI YONG STE, TSAD GRUB GYI DON BSLU MED DANG BSLU MED KYI DON TSUGS THUB TU GRUB PA YIN PAS ZER BA DE 'GOG BYED YIN KYANG SNGAR LUNG RIGS RNAM DAG GIS BKAG ZIN LA, DON BSDUS NA BUM 'DZIN DBANG MNGON BUM PA LA TSAD MAR SONG BA YIN TE, DES BUM PA YOD PAR BZUNG BA LA DON DAM DPYOD BYED DANG THA SNYAD DPYOD BYED TSAD MA GNYIS GANG GIS KYANG MI GNOD PA'I PHYIR TE, DON DAM DPYOD BYED KYIS KYANG DE MA RNYED KYANG BUM PA YOD PA MI KHEGS PA'I PHYIR, DES NA DE DE LA MI SLU BA'I BLO YIN TE, DE DE 'JAL BYED KYI BLO YIN PA'I PHYIR TE, DPA' BOS SPEL BSTOD LAS, DON DAM GZIGS PAS NA MI SPU BA, ZHES GSAL BAR BSHAD PA'I PHYIR DANG, CHOS YANG DAG PAR SDUD PA LAS KYANG, NGES PAR SEMS PA RIG PA KHONG DU CHUB PA, MNGON BAR RTOGS PA SHES PA SHES BYA LA MI SLU BA STE, ZHES GSUNGS LA, SA BCU PA LAS, 'DI NI SDUG BSNGAL 'PHAGS PA'I BDEN PA'O ZHES YANG DAG PA JI LTA BA BZHIN DU RAB TU SHES SO, ,'DI NI KUN 'BYUNG BA'O, ,NAS, YANG DAG PA JI LTA BA BZHIN DU RAB TU SHES SO, ZHES GSUNGS SHING, YANG DAG PA ZHES PA LAS LHAG PA'I MI SLUB ZHES PA'I RVA CAN ZHIG MI DGOS SEMS BZHI BA PAS GZIGS TSUL DE CUNG ZAD THUGS LA AE LDAN GANG LTAR RANG PHUNG

GZHAN PHUNG MA BYED CIG, DES NA RANG YUL LA 'KHRUL YANG TSAD MAR MI 'GAL TE RANG GI YUL LA 'KHRUL YANG DE GZHAL BA YOD PA'I PHYIR TE, DPER NA RJES DPAG BZHIN SKABS 'DI'I MI SLUB TSUGS THUB LA BYED MI DGOS TE, TSAD MA'I MI SLU BA'I DON TSUGS THUB TU GRUB MTHA' GCIG GIS KYANG MA BSHAD PA'I PHYIR DANG, RANG RANG GI LUGS KYI RDZUN PA TSAD GRUB YOD PA'I PHYIR, MDO BSTAN BCOS NAS MI BSLU BA DANG BDEN PA DANG YANG DAG PA ZHES BSHAD TSAD THAMS CAD DON DAM BDEN PA'AM BDEN GRUB GANG RUNG KHO NAR BSHAD MI DGOS PAR THAL, SKABS STOBS KYIS RIGS PA DRUG CU PA'I 'GREL BAR BZUNG BA'I DON YOD BA LA PHYIN CI MA LOG PA DANG BDEN PA'I THA SNYAD RUNG BAR BSHAD 'CHI MED MDZOD LAS YOD PA RTAG PA MCHOD 'OS SOGS LA BDEN SGO 'JUG PAR BSHAD CING, BLO GROS MI ZAD PA DANG CHOS YANG DAG PAR SDUD BA SOGS LAS SNGAR LTAR BSHAD PA'I PHYIR, DPER NA RDZAS SAM DNGOS PO'I SGRA BZHIN NO, ,SHIN TU SPROS PAS CHOG GO ,GNYIS PA LAM LA, GSUNG RAB THAMS CAD KYI DON RNAMS SKYES BU GSUM GYI LAM DU BSDUS TE THEG PA'I GRANGS NGES BSHAD PA DANG, THEG PA SO SO'I KHYAB PAR BSHAD BA GNYIS, DANG PO LA, GSUNG RAB THAMS CAD MNGON MTHO NGES LEGS KYI THABS GNYIS SU BSDU BA DANG, SKYES BU GSUM GYI LAM DU BSDU BA DANG THEG PA'I GRANGS NGES DANG BCAS PA GNYIS, DANG PO NI, MNGON MTHO NGES

, ,LEGS SGRUB BYED DANG SHES GNYIS, ,SHES RAB SNGON 'GRO DAD PAS SNOD RUNG BYED, ,SHES RAB GROL RGYU MI RTOG DON SGRUB PHYIR, ZHES SMRAS TE, RIN CHEN PHRENG BA LAS, DE LA MNGON MTHO BDE BA DANG, , NGES PAR LEGS PA THAR BAR 'DOD, ,DE'I SGRUB PA MDOR BSDUS NA, ,MDOR NA DANG DANG SHES RAB PO, ZHES DANG, MDO SNGE RGYAN LAS, LONGS SPYOD DANG LUS 'KHOR RTZOM PHUN SUM TSOGS PA MNGON MTHO DANG, ZHES GSUNGS BA LTAR DE PHANG RKANG PA DAD POS MNGON MTHO NI LUS LONGS SPYOD 'KHOR DANG RTZOM PA RNAMS TE, DA SGRUB BYED DANG PA DANG, RES LEGS NI THEG PA CHE CHUNG GI THAR PA GNYIS DANG THAMS CAD MKHYEN PA STE, DE SGRUB BYED SHES RAB YIN PAR MDOR BSTAN NAS RKANG PA PHYI MA GNYIS KYIS RGYAS PAR BSHAD DE, DAD PA DKAR CHOS THAMS CAD KYI SNGON DU 'GRO BA DANG, DAD PAS CHOS KYI SNOD RUNG BYED LAM SO SO YANG THOB PAR BYED DE, RIN CHEN PHRENG BA LAS, DAD CAN NYID PHYIR CHOS LA BSTEN, NAS, DE NI DANG PA CAN ZHES BYA, ,NGES PAR LEGS PA'I SNOD MCHOG YIN, ZHES PA NAS, YID DANG LUS DANG NGAG GI NI, ,MI DGE KUN NAS BZLOG BYA ZHING, ,DGE LA RTAG TU 'JUG BYA BA,, 'DI NI CHOS RNAMS GSUM DU BSHAD, ,CHOS 'DI DMYAL BA YI DVAGS DANG, ,DUD 'GRO DAG LAS RNAM GROL ZHING, ,LHA DANG MI YI NANG NYID DU, ,BDED PA LA RGYAL SRID RGYAS PAR THOB, NAS, DE'I 'BRAS BU MDOR BSDUS

PA'O; ZHES MDON MTHO RGYU BCAS BSHAD LA, DKON MCHOG TU LA LAS KYANG, DAD PA SNGON 'GRO MA LTAR SKYED PA STE, ZHES SOGS KYIS DAD PA SO SO DANG, DE DAG GI LAM DANG SKYE BA DANG BYA BA SO SO LA 'GOD TSUL BSHAD DE, BSLAB BCAS DANG DE'I 'GREL PA'AM MCHAN SOGS LAS SHES DGOS SHING, SHES RAB NI, SPYIR YON TAN THAMS CAD KYI RTZA BA DANG KHYAD PAR DU ZAB MO'I GNAS LUGS LTA BA'I MIG LTA BU YIN TE, MDO SDUD PA LTAR PHAR PHYIN GZHAN RNAMS SANGS RGYAS SAR 'KHRID BYED YANG YIN LA, DE'I RNAM PAR MI RTOG PA'I ZAB MO'I SHES RAB NI ZHI BA'I SGO GCIG BU STE, RIN CHEN PHRENG PA LAS, SHES RAB LDAN PHYIR YANG DAG RIG ,'DI GNYIS GTZO BO SHES RAB STE; ZHES DANG, NGES PAR LEGS PA'I CHOS DAG KYANG, ,ZANG CING PHRA BAR SNANG BA DANG, ,BYIS PA THOS DANG MI LDAN LA, ,SKRAG PA BYED PAR RGYAL BAS GSUNGS, ZHES SOGS RGYAS PAR BSHAD DO, ,GNYIS PA NI, DMAN 'BRING MCHOG GI SKYES BU'I LAM RIM DU, ,CHOS TSUL KUN 'DUS DON GNYIS LAS BRTZAMS PHYIR, ,'BRING LAS NYAN RANG GNYIS DANG DE DAG LAM, ,CHEN POR THEG CHEN THEG PA BZHI MIN 'DIR, SKYES BU GSUM GYI LAM DU RGYAL BAS CHOS TSUL THAMS CAD 'DU STE, RGYAL BA RNAMS KYIS DANG POR THUGS BSKYED PA DANG, BAR DU TSOGS BSAGS PA DANG, MTHAR SANGS RGYAS NAS CHOS 'KHOR BSKOR BA THAMS CAD

, ,GDUL BYA'I GNAS SKABS DANG MTHAR THUG GI DON GNYIS SGRUB PA LA BRTZAM PA SHA STAG YIN PA'I PHYIR, 'KHOR BA'I BDE BA THOB PA'I SBYIN PA DANG TSUL KHRIMS SGOM PA STE, GZHI GSUM SPYOD PA THAMS CAD SKYES BU CHUNG NGU'I LAM LA 'JUG BYA STE, LAM SGRON LAS, GANG ZHIG THABS NI GANG DAG GI ,SOGS DANG, BSDU BA LAS, DE LA'ANG DANG PO NI THA MA YIN NO, ZHES DANG, RTA DBYANGS KYI KUN RDZOB BYANG CHUB SEMS SGOM LAS, MI 'TSE BA DANG BDEN PA DANG, ,BYIN NAS LEN DANG TSANGS PAR SPYOD, ,SBYIN PA THAMS CAD BTANG BA NI, ,'DI NI BDE 'GRO'I SPYOD PA YIN, ZHES SO, ,'KHOR BA ME 'BAR BA'I KLONG NGAM BTZON DONG NAS RANG GCIG BU THAR 'DOD KYI GZHI GSUM SPYOD PA 'BRING GI LAM YIN TE, LAM SGRON LAS, 'KHOR BA'I BDE LA RGYAB PHYOGS SHING, ,SOGS DANG BSDU BA LAS, GNYIS BA NI 'BRING YIN NO, ZHES DANG, BYANG CHUB SEMS SGOM LAS, 'KHOR BA'I SDUG BSNGAL YONGS MTHONG NAS, ,SPANGS PHYIR BDEN PA'I LAM SGOM ZHING, ,KHA NA MA THO GNYIS SPONG BA, ,'DI NI ZHI BA'I SPYOD PA YIN, ZHES SO, ,'GRO KUN MAR MTHONG ZHING SDUG BSNGAL LAS GROL 'DOD KYIS CI BYED GZHAN DON DU BLA MED BYANG CHUB THOB PHYIR DU LAM GSUM SOGS LA RTZOM PA MTHA' YAS SPYOD PA'I BLO LDAN NI SKYES BU CHEN PO'I LAM STE, LAM SGRON LAS, RANG RGYUD GTOGS PA'I SDUG BSNGAL

GYIS; ;SOGS DANG, BSDU BA LAS, GSUM PA NI MCHOG YIN NO, ZHES DANG, DPA' BOS 'DI DAG KUN KYANG BSLAB BYA STE, ,NGES 'BYUNG LAM GYI YAN LAG YIN, ,CHOS KUN STONG BA NYID RTOGS PAS, ,'GRO LA SNYING RJE'I CHU RGYUN 'BYUNG, ,THABS MKHAS SPYOD PA MTHA' YAS PA, ,NGES 'BYUNG MCHOG GI SPYOD PA YIN, ZHES GSUNGS LA, DE YANG NGES PA DANG MA NGES PA'I PHYAG RGYA'I MDO LAS PHYUGS KYI SHING RTA LTA BUS BGROD PA SOGS LNGA BSHAD CING, DE BZHIN GSHEGS PA'I RDZU 'PHRUL LTA BUS 'GROD PA SHIN TU MYUR BA GCIG PHAR PHYIN THEG PAR YANG BSHAD LA, DE YANG BSAM PA STOBS CHE CHUNG GIS BZHAG PAR SNANG BAS, RGYAL BA'I LO TOG LA DUS GSUM DU GAL CHE BA'I SNYING RJE CHEN PO DANG BYANG CHUB KYI SEMS LA SGO GSUM KUN GYIS NUS PA SBRU GNAS BSGOM PA GCIG GSUNG RAB THAMS CAD KYI SNYING PO GCES SHES SU SNANG BAS LAM LTAR SNANG CHA MA TSANG BA'I YAN LAG RE LA MI 'BAD PAR LNGA BRGYA'I GTZUG RGYAN SNANG MTHA'I SGYU 'PHRUL DPAL MNYAM MED AA TI SHA'I THUGS DAM NYING KHU, 'PHAGS PA SPYAN RAS GZIGS MNGON SUM DU MI'I ZLOS GAR MDZAD PA STON PA RIN PO CHE'I PHYAG SROL, SKU MCHED GSUM GYI GSUNG ZIN BRIS RNAMS DANG, KHYAD PAR DU GANGS RI'I LJONGS 'DIR MNGON SUM DU RGYAL PA GNYIS PA'I MDZAD PA BSTAN PA'I RJE BLA MA TZONG KHA PA CHEN PO'I LAM RIM GNYIS DANG SRAS SO SO'I GSUNG RGYUN DANG DE'I NANG NAS BRJOD BYA ZAB LA RGYAS KYANG TSIG NYUNG BA 'JAM DPAL

, ,ZHAL LUNG NI NGO MTSAR BAR YOD MOD, 'DI LA BAR BAR NA DMIGS SKOR SBAS PA DANG SA BCAD BZHAG PA SOGS PHYAG LEN LA SHIN TU LTOS DGOS SHING DKA' GNAD DU MA 'GROL PA LA LAM RIM GNYIS DANG RNAM BSHAD GNYIS SOGS LA SHIN TU MKHAS DGOS LA SNGON MED PA'I NGO MTSAR BA YOD DO, ,DE YANG RJE RIN PO CHE LA 'JAM DBYANGS KYIS GNANG BA BZHIN RJE SHER SENG NAS LTA KHRID DRAN PA BZHIN LDAN DU BRGYUD PA 'DI GSANG CHOS SU BYAS 'DUG LA, 'DI NI MDO SNGAGS ZUNG 'BREL DU NYAMS SU LEN TSUL BYIN RLABS SHIN TU CHE BA PA SOB [?] NAS DBEN SA LUGS LA SHIN TU DAR ZHING MDZAD BYANG MED PA'I KHRID YIG RNYING BA'ANG CHES LEGS PA 'GA' ZHIG 'DUG PA DAG SO SOR SHES DGOS LA SPRUL PA'I GLEGS BAM NAS SGROL MA'I RJES DRAN LNGA BSHAD PA DANG YANG MTHUN ZHING SHIN TU LEGS SO, ,'O NA BRGYA BA'I 'GREL PA LAS, LHA YI THEG DANG TSANGS PA'I THEG ZHES LHA'I THEG PA DANG TSANGS PA'I THEG PA BSHAD LA, 'DIR YANG SKYES BU GSUM GYI LAM RNAMS LAM YIN MIN JI LTAR ZHE NA, LHA DANG TSANGS PAR SKYE BA'I THABS LA DE'I THEG PAR BSHAD PAS THEG BA MA YIN LA THEG PA BZHI RGYAL BA 'DI'I BSTAN PA LA MI RUNG BAR RDO RJE SNYING POS GSUNGS PAS THEG PA GSUM DU NGES SHING, SKYES BU CHE 'BRING LAM LA'ANG CI RIGS YOD CING SKYES BU 'BRING GI THEG PA LA NYAN RANG GI THEG PA GNYIS DANG SKYES BU CHEN PO LA MDO SNGAGS

BGROD BYED KYI LAM LA BYANG SEMS THEG PAS KHYAB PAS SO, ,GNYIS PA THEG PA SO SO'I KHYAD PAR LA NYAN RANG GI THEG PA'I KHYAD PAR DANG, THEG PA CHEN PO'I KHYAD BAR GNYIS, DANG PO NI, 'DIR NYAN RANG RTOGS MTHUN SA BRGYAD DUS 'BRAS DBYE, ZHES SMRAS TE, 'DIR ZHES PA NI THAL 'GYUR BA'I LUGS 'DIR KHYAD PAR DGAR BA'I TSIG GO ,DES NA SKABS 'DIR BGROD BYED KYI MNGON RTOGS MTHUN TE, GNYIS KA'I BGROD BYED LAM LA SHES RAB GANG ZAG GI BDAG MED PHRA MO RTOGS DGOS SHING SNYING RJE CHEN PO YOD KYANG GZHAN DON KHUR DU 'KHYER BA'I SNYING RJE CHEN PO MED PA SOGS DNGOS SMRA'I SKABS LTAR YIN PA'I PHYIR TE, ZLA BAS SKYABS GSUM BDUN CU PA LAS, RANG DON LA GZHOL 'DI DAG NI, , SNYING RJE CHEN PO DANG BRAL BA'I, ,RANG RGYAL RGYAL BA'I GSUNG LAS SKYES, ,THEG PA CHEN POR MI BSNGAGS SO, ZHES RANG RGYAL DANG RGYAL BA'I GSUNG LAS SKYES NI NYAN THOS TE DE GNYIS NI RANG DON LHUR LEN PA SOGS KYIS THEG CHEN GYI MDO LAS BSNGAGS BRJOD MED PAR BSHAD PAS SO, ,'O NA, DE GNYIS THEG PA THA DAD PA MED PAR 'GYUR SNYAM NA, RIGS MI 'DRA BA DANG, NYAN THOS KYI SEMS BSKYED NI SHIN TU SKRAG NAS THAR PA TZAM 'DOD PA DANG, DUS TSE GSUM SOGS DANG, RANG RGYAL GYI SEMS BSKYED NI RANG DON TZAM DU RDZOGS BYANG THOB 'DOD CING, DUS BSKAL PA CHEN PO BRGYAR SANGS RGYAS MNYES NUS PAR BSHAD PA DANG, 'BRAS BU MTSAN DPE RJES MTHUN YOD MED KYI KHYAD

, ,BAR SOGS KYIS THEG PA THA DAD DU SKABS 'DIR YANG YIN TE, SNGAR LEGS LDAN GYIS BSHAD PA LTAR YIN PA'I PHYIR TE, SKYABS GSUM LAS, DE 'DIR THAR BA'I CHA NAS NI, ,BRTZAM STE RTAG TU DGE BA LA, , NYAN THOS NYID PHYIR 'BAD NA NI, ,RIM GYIS NYAN THOS NYID DU 'GYUR, ZHES NYAN THOS KYI SEMS BSKYED DANG, DE NYID LAS, GANG ZHIG RANG BYUNG YE SHES 'DOD, ,RANG RGYAL BYANG CHUB DON GNYER BAS, ,BRTZON PA DE YANG RANG RGYAL GYI, ,BYANG CHUB KHO NA NGES 'THOB BO, ZHES SO, ,NYAN THOS LA MNGON PA LTAR ZHUGS 'BRAS BRGYAD, ZHUGS PA NAS SLOB PAR 'JOG GI SO SKYE SLOB PAR MI 'JOG PA DGRA BCOM NI NYON MONGS ZAD NAS MI SLOB PAR 'JOG PA RNAMS YIN TE, DE NYID LAS, 'PHAGS PA'I BDEN PA RNAM PA BZHI, ,RTOGS NAS SHES TE DAD GYUR PA, ,SKYES BU GANG ZAG ZUNG BRGYAD PO, ,MI PHYED DGE 'DUN ZHES BSHAD DO, ,NYON MONGS GZHOM PHYIR SLOB PAS NA; ;GANG ZAG 'DUN NI SLOB PA YIN, ,NYES BA MA LUS ZAD PA'I PHYIR, ,BRGYAD PA MI SLOB PAR BSHAD DO, ,DE RNAMS 'BRAS BUR GNAS PA BZHI, ,BZHI NI ZHUGS PA PO YIN LA, ZHES DANG, GANG ZHIG 'PHAGS LAM MA SKYES PA'I; ;BYIS RMONGS SO SO SKYE BO DAG ,DE NI SLOB DANG MI SLOB PA, ,MIN ZHES BSTAN BCOS LAS BSHAD DO, ZHES GSUNGS LA RGYUD BLA THOGS 'GREL LAS SO SKYE SLOB PA'ANG BSHAD DO, ,DE DAG GIS DGRA BCOM PA YANG MTHAR

THUG GI THAR PA MA THOB KYANG LAS NYON GYIS MI SKYE BA DANG, ZAG MED DBYINGS NA 'KHOD PA SANGS RGYAS KYIS BSKUL BA SOGS BSHAD DO, ,DE NYID LAS, 'DI DAG SRID PAS YID SKRAG PA'I, ,YID KYI BYANG CHUB GNYIS THOB PA, , NAS, DE YANG 'JIG RTEN 'DREN PAR 'GYUR, ZHES SO, ,GNYIS PA LA MOS SPYOD KYIS DANG, 'PHAGS PA'I SA'I KHYAD PAR GNYIS, DANG PO NI, RTZA BRTAN SEMS BSKYED PHAR PHYIN YAL GA RGYAS, ,TSOGS SBYOR YON TAN RTAGS SGOM NGO BOS 'BYED, CES SMRAS TE, RIN CHEN PHRENG BA LAS, DE YI RTZA BA BYANG CHUB SEMS, ,RI DBANG RGYAL PO LTAR BRTAN DANG, ZHES GSUNGS PA LTAR THEG CHEN SEMS BSKYED BRTAN PA'I TSAD NI GRANGS MED GSUM DU CHOGS BSAGS PA'I MGO BRTZAMS PA NAS 'DZIN CING BRTAN PA'I RGYU MTSAN KHYAD PAR BZHI LDAN YIN TE, THEG PA CHEN PO BSDUS PA LAS, BZANG DANG SMON PA'I STOBS CAN DANG, ,SEMS BRTAN KHYAD PAR 'GRO BA YIS, ,BYANG CHUB SEMS DPA' GRANGS MED GSUM, ,KUN TU RTZOM PAR MDZAD PA, ZHES DANG, DE'I 'GREL PAR, BZANG PO NI DGE BA STE DE STOBS DANG LDAN PAR GYUR BA BZANG PO'I STOBS CAN TE DE DE LA YOD PAS SMON LAM GYI STOBS CAN NO, , DE LA DGE BA'I RTZA BA'I STOBS CAN NI MI MTHUN PA'I PHYOGS KYIS ZIL GYIS MI NON PA'I PHYIR RO, ,SLON LAM GYI STOBS CAN NI RTAG TU DGE BA'I BSHES GNYEN DANG PHRAD PA'I PHYIR RO, ,SEMS BRTAN PA NYID NI MI DGE BA'I GROGS

, ,POS MOS BA BZLOG KYANG BYANG CHUB KYI SEMS YONGS SU MI GTONG BA'I PHYIR RO, KHYAD PAR DU 'GRO BA NI MTHONG BA'I CHOS DANG TSE RABS PHYI MA LA DGE BA'I CHOS 'PHEL BA DANG YONGS SU MI NYAMS PA'I PHYIR RO, , DE LTAR GANG GI TSE DGE BA'I RTZA BA DANG SMON LAM GYI STOBS CAN DANG, SEMS BRTAN TE BAR MDOR KHYAD PAR DU 'GRO BA STE, YON TAN CUNG ZAD KYIS CHOG PAR MI 'DZIN PA DE NAS BRTZAMS TE GRANGS MED GSUM BRTZAMS SO, ZHES SO, ,SEMS BSKYED BRTAN NA PHAR PHYIN MING YANG THOB LA DE DAG RGYAS PAR 'GYUR PA'I GZHUNG SHING LTA BU YIN TE, RJE BLA MAS, SEMS BSKYED THEG CHEN LAM GYI GZHUNG SHING STE, ,SOGS DANG, SHINTA BA'I DAG LDAN LAS, SEMS BSKYED BSAM SBYONG LHAG BSAM DANG, ,PHA ROL PHYIN DRUG TSAD MED DAG ,MNGON PAR SHES DANG BSDU DNGOS BZHI, ,SO SOR RIG RTON TSOGS GNYIS DANG, ,BYANG CHUB PHYOGS MTHUN ZHIG NAS SOGS, ,GZUNGS BZHI CHOS KYI MDO BSHAD DANG, ,BGROD CIG THABS LA MKHAS PA'O, ZHES GROGS MI ZAD PA BRGYAD CU BSHAD CING DES THEG CHEN THAMS CAD BSDUS BAR THUB DGONGS LAS BSHAD PAS SO, ,DES NA GRANGS MED GSUM GYI THOG MA MOS SPYOD NAS 'DZIN PAR BYANG SAR BSHAD LA, DE'I MGO YANG TSOGS LAM NAS YIN PAR KUN BTUS 'GREL PAR BSHAD PA AA BHYA DANG MTHUN PAS, SEMS BSKYED NAM THOB PA NAS TSOGS LAM DANG STONG NYID RTOGS PA'I LHAG

MTHONG GSAR THOB NAS SBYOR LAM DU 'JOG LA, 'DI GNYIS KYI SO SO'I DRAN PA NYER BZHAG SOGS BYANG PHYOGS DANG PO GSUM GYIS TSOGS LAM CHUNG 'BRING CHE GSUM DANG NGANG [?] SOGS DBANG PO LNGA DANG STOBS LNGA NI SBYOR LAM DROD SOGS BZHI'I GNYIS KYI SKABS DANG SBYOR LAM TSOGS LAM BA LA RIGS DANG SNYING RJE SOGS KYI RTAGS DANG DROD SOGS BZHI LA RGYAN LTAR SO SOR YOD LA, TSOGS LAM NGO [?] PO THOS BYUNG DANG BSAM BYUNG GTZO YANG ZHI GNAM YOD PAS SGOM BYUNG YANG YOD LA, SBYOR LAM GYI NGO BO GSUM GA YOD BA SOGS DANG SGOM TSUL YANG MNGON RTOGS RGYAN LTAR DMIGS RNAM SOGS SHES PAR BYA'O, ,GNYIS PA NI, SA BCU MNYAM BZHAG DBYER MED SBYOR RJES KYI, , YON TAN MDZAD SOGS BCU GNYIS GONG NAS GONG, ,RE RE'ANG NGES TSIG DBYE BA YON TAN RTEN, ,RNAM SMIN LTAS GNYIS SPANG GNYEN BRGYAD KYIS BSHAD, CES SMRAS TE, SA BCU PA LAS, JI LTAR BAR SNANG BYA RJES MKHAS RNAMS KYIS, ,BRJOD BAR NUS MA YIN ZHING MI MTHONG BA, ,JI LTAR RGYAL BA'I SRAS KYIS KUN KYANG, ,BRJOD MI NUS NA NYAN PAR GA LA NUS, ZHES GSUNGS BA LTAR SA BCU'I MNYAM BZHAG GI NGO BO LA DBYER MED PA NAM MKHA' LA BYAS BGROD BA'I SHUL LTA BU YIN KYANG GDUL BYAS DON DAM PHAR PHYIN SOGS LA SPYOD PA'I SBYOR BA DANG RJES THOB KYI YON TAN TSAN BA BCU GNYIS PO SO SO'I GRANGS DANG, SGRIB GNYIS SPONG BA'I MTHU DANG, PHAR

, ,PHYIN LHAG TSUL DANG, RNAM SMIN GYI SKYE BA SOGS 'PHEL BA'I KHYAD PAR GYIS SA BCUR 'JOG PA'I PHYIR TE, 'JUG 'GREL LAS, DA YANG GONG NAS GONG DU YON TAN GYI GRANGS DANG MTHU PHUL DU BYUNG BA THOB PA DANG SBYIN BA LA SOGS PA'I PHAR PHYIN LHAG PA DANG, RNAM BAR SMIN PA 'PHEL BA'I BYE BRAG GIS SA RAB TU DGA' BA LA SOGS PA'I RNAM BAR DBYE BAS DBYE BA BCUR BZHAG GI 'DI LA RANG GI NGO BO'I KHYAD PAR GYIS BYAS PA'I DBYE PA NI YOD PA MA YIN NO, ZHES SO, ,SA RE RE YANG KHYAD PAR BRGYAD BRGYAD KYIS BSHAD DE, BLO GROS MI ZAD PA TING 'DZIN RGYAL PO DKON MCHOG SPRIN SA BCU BA SOGS LAS SA DANG PO RAB DGA', GNYIS PA DRI MA MED PA, NAS SA BCU PA CHOS KYI SPRIN GYI BAR BSHAD CING, KHYAD PAR DANG PO NGES TSIG NI, RIN CHEN PHRENG BA LAS, DE DAG DANG PO RAB DGA' BA, ,BYANG CHUB SEMS DPA' DGA' BYED PHYIR, ZHES DANG, GNYIS PA DRI MA MED CES BYA; ;LUS DANG NGAG DANG SEMS KYI LAS, ,BCU CHAR DRI MA MED PA'I PHYIR, ZHES DANG, SA GSUM PA NI 'OD BYED PA, ,YE SHES ZHI BA'I 'OD 'BYUNG [?] PHYIR, ,BZHI PA 'OD 'PHRO CAN ZHES BYA, ,YANG DAG YE SHES 'OD 'BYUNG PHYIR, , NAS; ;BCU PA CHOS KYI SBRIN YIN TA, ,DAM BA'I CHOS KYIS CHAR 'BEBS PHYIR, ZHES DANG, CHOS DBYINGS BSTOD PA LAS, SANGS RGYAS CHOS DANG DGE 'DUN LA, ,NAS, YE SHES RANG BZHIN 'DI YI SKU, ,DRI MED

NAM MKHA' DANG MNYAM PA, ,SANGS RGYAS RNAMS KYIS 'DZIN PA LAS, ,CHOS KYI SBRIN NI KUN TU 'BYUNG, ZHES PA LTA BU DANG, KHYAD PAR GNYIS PA BSLAB GSUM GYI RGYU 'BRAS DANG ZAG MED KYI PHUNG PO LNGA'I SBYONG TSUL GYI DBYE BA NI, MDO SDE RGYAN LAS, CHOS NYID RAB TU RTOGS NAS 'DIR, ,LHAG PA'I TSUL KHRIMS LHAG SEMS DANG, ,SOGS KYIS SA DANG PO DRUG LA BSLAB GSUM SBYAR TSUL DANG, DE NYID LAS, MTSAN MED 'DU BYED DANG BCAS BA, NAS, SA BZHI PO YANG YANG DAG RTEN, ZHES PA NAS SA BDUN PA SOGS BZHI LA BSLAB GSUM GYI 'BRAS BU MTSAN MED 'DU BYED DANG BCAS PA'I 'BRAS BU DANG PO DANG, 'DU BYED MED DANG ZHING DAG PA 'BRAS BU GNYIS PA DANG, SEMS CAN SMIN PA SOGS DANG GZUNGS DANG TING 'DZIN THOB PA'I BAR 'BRAS BU BZHI 'GRUB PA DANG, YANG DE NYID LAS, CHOS NYID RAB TU RTOGS NAS 'DIR, ,TSUL KHRIMS KYI NI PHUNG PO SPONG, ,SOGS KYIS ZAG MED KYI PHUNG PO LNGA SBYANGS NAS 'GRUB TSUL DANG, KHYAD PAR GSUM PA YON TAN GYI GRANGS KYI KHYAD PAR NI, 'JUG PAR, DE TSE 'DI YIS SANGS RGYAS BRGYA MTHONG ZHING, SOGS DANG, SA BCU PA LAS, RAB TU BYUNG NAS KYANG SKAD CIG THANG CIG YUD TZAM GCIG LA TING NGE 'DZIN BRGYA RAB TU 'THOB CING DE DAG LA SNYOMS PAR 'JUG PA DANG, SANGS RGYAS BRGYA MTHONG BA DANG, DE DAG GIS BYIN GYIS BRLABS KYANG YANG DAG PAR SHES PA DANG, 'JIG RTEN GYI KHAMS BRGYA G-YO

, ,BAR BYED PA DANG, ZHING BRGYAR YANG 'GRO BA DANG, 'JIG RTEN GYI KHAMS BRGYA SNANG BAR BYED PA DANG, SEMS CAN BRGYA YONGS SU SMIN PAR BYED PA DANG, BSKAL PA BRGYAR GNAS PAR BYED PA DANG, BSKAL PA BRGYA LA SNGON DANG PHYI MA'I MTHAR 'JUG PA DANG CHOS KYI SGO BRGYA RNAM PAR 'BYED PA DANG, LUS BRGYA KUN TU STON PA DANG, LUS RE RE YANG 'KHOR BYANG CHUB SEMS DPA' BRGYA BRGYA DANG LDAN PAR KUN TU STON PA'O; ZHES GSUNGS PAS DANG PO LA THOB LA, YON TAN DE DAG SA GNYIS PAR STONG 'GYUR DANG, GSUM PAR 'BUM DANG, BZHI PAR BYE BA PHRAG BRGYA DANG, LNGA PA LA BYE BA PHRAG STONG DANG, DRUG PA LA BYE BA BRGYA PHRAG STONG DANG, BDUN PAR BYE BA KHRAG KHRIG 'BUM DANG, BRGYAD PAR STONG GSUM GYI 'JIG RTEN KHAMS 'BUM GYI RDUL PHRA RAB KYI GRANGS DANG, DGU PAR STONG GSUM 'JIG RTEN KHAMS GRANGS MED 'BUM PHRAG BCU'I RDUL PHRA RAB JI SNYED KYI GRANGS DANG, BCU BA LA SANGS RGYAS KYI ZHING BRJOD DU MED PA'I YANG BRJOD DU MED PA'I RDUL PHRA RAB KYI GRANGS DANG MNYAM PA'I YON TAN THOB BAR BSHAD DO, ,KHYAD PAR BZHI PA BRTEN PA PHAR PHYIN GYI LHAG THOB NI, SA BCU LA PHAR PHYIN RIM BZHIN LHAG PA 'THOB KYANG PHAR PHYIN LHAG MA RNAMS KYANG SGRUB PA TZAM LA KHYAD PAR MED PA'I PHYIR TE, DBUS MTHA' LAS, KHYAD PAR CAN DANG KHYAD MED NI, ,SA BCU DAG TU SHES PAR BYA, ZHES SO, ,

KHYAD PAR LNGA PA RNAM SMIN GYI SKYE BA 'DZIN PA'I KHYAD PAR NI, SBYIR BYANG SEMS KYI SKYE TSUL LA, DBANG DANG RNAM SMIN GNYIS TE, DBANG GIS SKYE BDE NI, MDO SDE RGYAN LAS, BLO LDAN RNAMS KYI LAS DANG NI, ,GZHAN YANG SMON LAM DAG DANG NI, ,TING NGE 'DZIN DANG DBANG 'BYOR PA'I, ,DBANG GIS SKYE BAR 'DOD PA YIN, ZHES MOS SPYOD PA 'DOD PAR LAS DBANG GIS DANG, SA THOB PA NGAN 'GROR SMON LAM DBANG GIS DANG, BSAM GZUGS THOB KYANG 'DOD PAR SKYE BA TING 'DZIN DBANG GIS DANG, SPRUL PA'I DGA' LDAN GNAS LA SOGS PAR SKYE BA DBANG 'BYOR BA'I DBANG GIS SKYE BA STE, DBANG GIS SKYE BA BZHI DANG, RNAM SMIN GYI SKYE BA NI SA BCU LA RIM BZHIN PHAL CHER 'DZAM BU'I GLING DANG GLING BZHI DANG, SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'KHRUL DBANG BYED RGYAL PO DANG, STONG GI BDAG PO DANG, STONG GNYIS KYI BDAG PO TSANGS PA DANG GNAS GTZANG LHA'I RGYAL PO RNAMS SU SKYE BA 'DZIN TE, RIN CHEN PHRENG BA LAS, 'DZAM GLING DBANG PHYUG CHEN POR 'GYUR, ZHES PA NAS, DE YIS RNAM PAR SMIN PAS NA, ,STONG GNYIS BDAG PO'I TSANGS PAR 'GYUR, ZHES DANG, DE YIS RNAM PAR SMIN PAS NA, ,GNAS GTZANG LHA YI BDAG POR 'GYUR, ZHES SO, ,KHYAD PAR DRUG PA PHYIR MI LDOG PA'I RTAGS DANG, SA SO SO'I RMI LTAS GNYIS NI, MNGON RTOGS RGYAN LAS, CHOS KYI DON

, ,DU SROG GTONG BA, ,SOGS DANG, GSER 'OD SOGS LTAR, SA DANG PO LA STONG GSUM GYI STONG CHEN PO'I 'JIG RTEN 'DI GTER BYE BA KHRAG KHRIG BRGYA STONG GIS YONGS SU GANG BA RMING SOGS YIN LA DE YANG PHAR PHYIN BCU'I RMI LTAS YIN TE, GSER PHRENG LAS, LTAS 'DI DAG KYANG SA BCU LA PHAR PHYIN SHAS CHE BA DANG, BSTUN PA'I LTAS SU SHES PAR BYA, ZHES SO, ,KHYAD PAR BDUN PA SPANG BYA SPANGS BA'I KHYAD PAR NI MTHONG SPANG LA DBYE NA GTAN LA DBAB PA BSDU BA LTAR NA GO BZHI DANG, MDZOD LTAR NA GYA BRGYAD DANG, SGOM SPANG RTZA NYON LHAN SKYES DRUG LA, KHAMS KYI SGO NAS BCU DRUG DANG, SA SO SO'I SGO NAS ZHE DRUG DANG, DE LA CHE CHUNG GIS PHYEN KHONG KHRO MA GTOGS PA'I GZHAN LNGA LA SA DGU RE RE LA DGU DGU STE GYA GCIG PA LNGA YOD CING KHONG KHRO DGUR PHYE BAS BZHI BRGYA DANG BCU BZHI YOD BDAG DANG, SHES SGRIB GZUNG 'DZIN GYI RNAM RTOG TU GRAGS PA'I GZUNG PA DANG 'DZIN PA BDEN 'DZIN BRGYA RTZA BRGYAD RNAMS SA BRGYAD PA'I THOG MA'I BAR CHAD MED LAM GYIS DNGOS GNYEN BYAS NAS SPONG ZHING BAG CHAGS SHES SGRIB DAG PA SA GSUM GYIS SPONG BA YIN TE, DE LTAR DU SA BCU PA DANG 'JUG PA RTZA 'GREL GYIS BSHAD PA'I PHYIR, KHYAD PAR BRGYAD PA GNYEN PO YONGS SBYONG GI KHYAD PAR YOD DE, MNGON RTOGS RGYAN LAS, YONGS SU SBYONG BA RNAM BCU YIS, ,SA NI DANG PO 'THOB 'GYUR TE,,

SOGS DANG, SHER MDO LTAR RO, ,GSUM PA 'BRAS BU LA MNYAM BZHAG MTHAR PHYIN BA'I RGYU MTSAN DANG, YE SHES GNYIS KYIS GZIGS TSUL DANG, SKU YI DBYE BA 'KHRUL SPONG DANG BCAS PA DANG, SKU BZHI KHYAD BAR DU BSHAD PA DANG, GSANG GSUM SOGS KYI KHYAD PAR DANG, STOBS YON TAN MTHA' YAS PA'I TSUL DANG, 'PHRIN LAS BSAM YAS RGYUN MI 'CHAD PA DANG BDUN LAS, DANG PO NI, 'BRAS BU MNYAM RJES RES MIN NGO BO GCIG ,SEMS KYI RGYU BA RNAM RTOG KUN ZHI BAS, ,GNAS BRTAN BZHENGS MIN RJES THOB BYA BA'ANG MDZAD, CES SMRAS TE, DE YANG CHOS DBYINGS BSTOD BA LAS, ,SA BON GYUR BA KHAMS DE NYID, ,CHOS RNAMS KUN GYI RTEN DU 'DOD, ,RIM GYIS SBYANGS BAR GYUR PA LAS, ,SANGS RGYAS GO 'PHANG THOB PAR 'GYUR, ZHES BA'I KHAMS RANG BZHIN GNAS RIGS SBYONG BYED DRUG CUS SBYANGS PA LAS 'BRAS BU SANGS RGYAS 'THOB DGOS TSUL NI, RGYUD BLA MA LAS, 'DI DAG RANG MTSAN NYID KYI RJES SU 'BREL, ,GO RIM JI BZHIN GZUNGS KYI RGYAL PO'I MDOR, ZHES SOGS KYI THOGS 'GREL LAS, DE YONGS SU DAG PA'I YON TAN GYI YONGS SU SBYONG BA RNAM PA DRUG CU BSTAN NAS SANGS RGYAS KYI KHAMS GSAL BAR MDZAD DE, YONGS SU DAG PAR BYED PA'I YON TAN DANG LDAN NO, DE YONGS SU DAG PA'I YONGS SU SBYONG BA 'THAD PA'I PHYIR, ZHES GSUNGS PA LTAR, BYANG CHUB SEMS KYI BSLAB PA GSUM

, ,GZUNG STE RGYAN BZHI DANG, DRAN BA BLO GROS DANG RTOGS PA SOGS SNANG BA BRGYAD DANG, LTA BA SNA TSOGS 'KHRUGS PA LA BRTZE BA DANG, PHYIN CI LOG BZHIS G-YENG BAR BRTZE BA SOGS SNYING RJE CHEN PO BCU DRUG DANG, GTI MUG GI GNYID SAD BYED DANG, MOS PA DMAN PA RGYA CHEN POR SBYOR BA SOGS BYANG SEMS KYI LAM RNAM PA SUM CU GNYIS TE DRUG CU PO DE THOGS 'GREL LAS, DON GYI DBANG 'DI NYE BAR BZUNG NAS BYANG CHUB SEMS DPA'I SA BCU PO DAG LA YANG SA LE SBRAM YONGS SU SBYONG BA DPER BRJOD PA DANG, ZHES PA LTAR SA BCU LA SBYANGS PA'I 'BRAS BU JI LTA BU ZHIG 'THOB CE NA, SKU BZHI DANG GSANG BA GSUM DANG STOBS BCU SOGS YON TAN DRUG CU DANG, 'PHRIN LAS SO GNYIS RNAMS 'BYUNG BA LAS BOD DAG GIS SANGS RGYAS KYI MNYAM RJES NGO BO GCIG PA'I DON MNYAM PAR BZHAG PA'I NGANG NAS SMRA BRJOD SOGS THUB PA LA 'DOD PA NI 'JUG PA 'DIR SA BCU PA PA LA YON TAN CI 'DRA ZHIG GSUNGS PA BLTAS NA SHES NUS PAR MA ZAD TING NGE 'DZIN GYI RDZU 'PHRUL GZHAN NAS KYANG SHES PAR 'GYUR ZHING, 'DIR MNYAM BZHAG DE BZHIN NYID LA SNANG BA ZAD PA DANG RJES THOB JI SNYED PA KUN MKHYEN PA'I YE SHES MKHYEN PA SKAD CIG MA LA TSOGS PA NI MNYAM RJES NGO BO GCIG BA DANG, DE LTAR GCIG PA'I RGYU MTSAN SANGS RGYAS BAR DU SEMS SKAD CIG MA GCIG GIS SHES BYA YONGS SU

GCOD PA'I SHES SGRIB DANG DE'I RTEN RNAM RTOG DANG DE'I RTEN DANG SKYED BYED LAS RLUNG MA LOG PA'I DBANG GIS YIN PAR GSANG BA BSAM GYIS MI KHYAB PAR BLTAS NA RNAM RTOG MED PA'I RGYU MTSAN DU RLUNG GI RGYU BA MED PAR BSHAD PAS SHES DGOS LA DE'I RGYU MTSAN GYIS RNAM RTOG ZHI BA NA SANGS RGYAS KYI MDZAD BA THAMS CAD 'BAD MED LHUN GRUB TU 'BYUNG BA DANG TING NGE 'DZIN GYI GNAS BA BRTAN PO MTHAR PHYIN PA 'THOB PA'I PHYIR DANG 'DUS MA BYAS PA SOGS KYI YON TAN BRGYAD YANG 'THOB PA'I PHYIR TE, RGYUD BLA MA LAS, GANG ZHIG THOG MA DBUS MTHA' MED ZHI SANGS RGYAS NYID RANG RNAM SANGS RGYAS, ,SANGS RGYAS NAS NI MA RTOGS RTOGS PHYIR 'JIGS MED RTAG PA'I LAM STON PA, ,MKHYEN BRTZE'I RAL GRI RDO RJE MCHOG BSNAMS SDUG BSNGAL MYU GU GCOD MDZAD CING, ,SNA TSOGS LTA THIBS KYIS BSKOR THE TSOM RTZIG PA 'JIG MDZAD DE LA 'DUD, CES DANG, THOGS 'GREL LAS, SPROS PA DANG RNAM PAR RTOG PA THAMS CAD NYE BAR ZHI BO'I PHYIR LHUN GYIS GRUB PA'O, ,SOGS DANG, YE SHES SNANG BA RGYAN GYI MDO LAS, 'JAM DPAL SKYE BA MED CING 'GAG PA MED, 'DI NI DE BZHIN GSHEGS PA'I SOGS KYI 'DUS MA BYAS PA DANG, YANG DE NYID LAS, 'JAM DPAL DE DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYANG G-YO BAR MI MDZAD, SEMS PAR MI MDZAD SPRO BAR MI MDZAD RTOG PAR MI MDZAD RNAM PAR RTOG PAR MI MDZAD CING, RTOG PA MED PA RNAM

, ,PAR RTOG PA MED PA, SEMS PA MED PA YID LA BYED PA MED PA, BSIL BAR GYUR PA, SKYE BA MED PA, 'GAG PA MED PA, BLTAR MED PA, MNYAN DU MED PA, SNAM DU MED PA, MYANG DU MED PA, REG TU MED BA, MTSAN MA MED PA, RNAM PAR RIG PA MED PA SOGS GSUNGS PA DANG, DKON MCHOG SPRIN LAS, RIGS KYI BU DE BZHIN GSHEGS PA NI RTAG TU MNYAM PAR BZHAG PA RGYUN MI 'CHAD PAR MNYAM PAR BZHAG PA'O, ZHES DANG, SKYABS GSUM LAS, SANGS RGYAS NAM MKHA' JI BZHIN DU, ,DE LTAR CHOS NYID LA RAB BZHUGS, ,YID BZHIN NOR BU CI YID NI, ,MI RTOG RTOG PA MED NA YANG, ,'GRO BA'I BSAM PA JI BZHIN DU, ,TSIM BAR BYED PA YIN PAR BSHAD, ,RDZOGS SANGS RGYAS THUGS RIN CHEN NI, ,RANG GI MOS BZHIN DGONGS MDZAD PAS, ,'GRO BA BYA BA DE DANG DE, ,DE BZHIN MDZAD PA GO BA YIN, ZHES DANG, BDEN GNYIS DANG SNGAR GYI MDO DE DAG TU RGYAS PAR SHES PAR BYA'O, ,GNYIS PA NI, CHOS DBYINGS GZIGS NGOR SPROS PA KUN LOG KYANG, ,MA BRTAGS JI SNYED SKYU RU RA BZHIN MKHYEN, ZHES SMRAS TE, CHOS DBYINGS LA GZIGS NGOR GZUGS KYI SPROS PA KUN LOG TSUL NI, 'JUG PAR SEMS 'GAG PAS DE SKU YIS MNGON SUM MDZAD, CES DANG, DE LTAR NA YANG YE SHES DES JI SNYED PA SOGS LA LTOS NAS THAMS CAD GZIGS TSUL NI PHYAG GI SKYU RU RA BZHIN DU

MA 'DRES PAR GZIGS PA STE, 'JUG PAR STOBS BCU SOGS DANG, DE'I MDO DAG DANG, DKON MCHOG SPRIN LAS, RIGS KYI BU DE BZHIN GSHEGS PA'I LHA'I SPYAN GYI YUL TSAD MED DE, NAS, 'JIG RTEN GYI KHAMS KYI SEMS CAN MA LUS PA KUN DE 'DRAR GYUR KYANG DE BZHIN GSHEGS PA'I PHYAG GI MTHIL NA SKYU RU RA'I 'BRAS BU LTAR YANG DAG PA JI LTA BA BZHIN DU GZIGS SO, ZHES SOGS LTA BU SHIN TU MANG NGO, ,GSUM PA NI, SKU GCIG SKU GNYIS GSUM BZHI LNGAR BZHED PHYIR, ,THUB LA RGYA CHE MI MNGA' GZHAN NGOR 'KHRUL, ZHES SMRAS TE, RIGS LDAN GRAGS PAS LTA BA'I 'DOD PA MDOR BSTAN PA LAS, SANGS RGYAS SH'AKYA SENG GE YIS, ,SEMS CAN BSAM PA'I DBANG DAG GIS, ,SKU NI GCIG GNYIS GSUM DANG NI, ,BZHI DANG LNGA RU GSUNGS PA STE, ZHES GSUNGS PA LTAR LNGA LAS, DANG PO NI, DE NYID LAS, SANGS RGYAS THOG MA THA MA MED, ,DANG PO'I SANGS RGYAS RIS MED PA; ZHES PA LTAR NA, NGO BO NYID SKU DANG, YANG NA 'BRAS BU CHOS KYI SKU STE SKU GCIG DANG, DE NYID LAS, JI LTAR GZUGS KYI SKU DANG NI, ,DE LTAR SANGS RGYAS CHOS SKU STE, ZHES DANG, RGYUD BLA MA LAS, RANG DON GZHAN DON DON DAM SKU DANG NI, ,SOGS LTAR RANG DON CHOS SKU DANG GZHAN DON GZUGS SKU STE GNYIS DANG, LEGS LDAN GYIS KYANG YE SHES DANG GZUGS DANG GSUNG GI SKU GSUM PO DE DAG NI, ZHES DANG, DE NYID LAS, THUGS GSUNG

, ,SKU YI DBYE BA YIS, ,SKU GSUM DU NI RAB TU BSGRAGS, ,CHOS DANG LONGS SPYOD SPRUL BA RNAMS, ZHES PA LTAR NA, THUGS CHOS SKU DANG, GSUNG LONGS SKU DANG, SKU SPRUL SKU'AM, YANG NA SKYABS GSUM LAS, THUB DBANG RNAMS KYI SKU GSUM STE, ,CHOS DANG LONGS SPYOD RDZOGS SPRUL PA, ZHES PA LTAR NGO BO NYID SKU DANG LONGS SKU DANG SPRUL SKU STE, SKU GSUM DANG, RGYAN LAS, NGO BO NYID LONGS RDZOGS BCAS DANG, ,DE BZHIN GZHAN BA SPRUL BA NI, ,CHOS SKU MDZAD PAR BCAS PA STE, ,RNAM PA BZHIR NI YANG DAG BRJOD, CES PA LTAR NGO BO NYID SKU DANG YE SHES CHOS SKU DANG LONGS SKU DANG SPRUL SKU STE SKU BZHI DANG, MTSAN BRJOD LAS; SANGS RGYAS SKU LNGA'I BDAG NYID CAN, ZHES PA LTAR YE SHES LNGA'I SKU STE SKU LNGA SOGS DUS 'KHOR 'GREL CHEN SOGS MDO SNGAGS SO SO NAS BSHAD PA'I PHYIR, SANGS RGYAS KYI SAN RGYA CHE BA GZUGS SKU GNYIS SOGS MI MDA' BAR GDUL BYA'I GZHAN NGOR SKYEL DGOS SNYAM ZHING BRIS PA DANG SMRAS PA NI KHYI ZHAR CHAR DRAG GIS BRDUNGS BAS NGAN SKAD BTON PA YIN NO, ,BZHI PA LA, NGO BO NYID SKU DANG, YE SHES CHOS SKU DANG, LONGS SKU DANG, SPRUL SKU BZHI LAS, DANG PO NI, GLO BUR RANG BZHIN RNAM DAG NGO BO NYID, CES SMRAS TE, SANGS RGYAS PA'I DBYINGS RNAM DAG DE GDOD MA NAS BDEN GRUB KYI MYA NGAN GYIS DAG BAS NA RANG BZHIN RNAM DAG DANG

GNYEN POS GLO BUR GYI DRI MA DAG PAR BYAS PAS NA GLO BUR RNAM DAG DANG NGO BO NYID SKU DANG 'GOG BDEN SOGS YIN TE, CHOS DBYINGS BSTOD NGA LAS, GANG ZHIG 'KHOR BA'I RGYUR GYUR BA, ,DE NYID SBYANGS PA BYAS PA LAS, ,DAG BA DE NYID MYA NGAN 'DAS, ,CHOS KYI SKU YANG DE NYID DO, ZHES DANG, NGO BO NYID SKU DE 'DUS MA BYAS PA DANG RNAM DBYER MED PA DANG, MTHA' GNYIS SPANGS PA DANG, SGRIB GSUM LAS GROL BA DANG, RANG BZHIN GYIS 'OD GSAL BA'I MTSAN NYID LNGA DANG LDAN PA NI, RGYUD BLA MA LAS, DE LA SANGS RGYAS RNAMS KYI NI, ,NGO BO NYID SKU MTSAN NYID LNGA, ZHES DANG, 'DUS MA BYAS SHING RNAM DBYER MED, ,NAS, DAG PA'I PHYIR NA 'OD GSAL BA, ZHES DANG, NGO BO NYID SKU [?] DE YON TAN RGYA CHE BAS GZHAL DU MED PA DANG, YON TAN GRANGS 'DI TZAM ZHES BGRANG DU MED PA DANG, RTOG GE'I YUL MA YIN PAS BSAM DU MED PA DANG, DE 'BA' ZHIG LA YON TAN DE YOD BAS MNYAM PA MED PA DANG, SGRIB PA'I BAG CHAGS DANG BCAS PA SPANGS PAS DAG PA'I YON TAN TE, YON TAN LNGA DANG LDAN TE, RGYUD BLA MA LAS, MDOR NA YON TAN LNGA DANG NI, ,LDAN PA NYID DU RIG PAR BYA, ZHES DANG, GZHAL MED GRANGS MED BSAM MED PA, ,MNYAM MED DAG PA'I MTHAR THUG PA, ZHES SOGS SO, ,GNYIS PA NI, YE SHES CHOS SKU SDE TSAN NYER GCIG SOGS, ZHES SMRAS TE, DE YANG CHOS DBYINGS BSTOD PA LAS, DRI MA MED PA'I CHOS SKU,

, ,LA; ;YE SHES RGYA MTSO GNAS GYUR NAS, ,SNA TSOGS NOR BU JI BZHIN DU, ,DE BAS SEMS CAN DON RNAMS MDZAD, CES PA LTAR YE SHES DANG TING NGE 'DZIN RGYA MTSO'I RDUL LTAR YOD KYANG GDUL BYA'I RIGS MTHUN SGO MCHED DU MNGON RTOGS RGYAN LAS, BYANG CHUB PHYOGS MTHUN TSAD MED DANG, ,NAS, CHOS KYI SKU ZHES BRJOD PA YIN, ZHES GSUNGS PA LTAR ZAG MED YE SHES SDE TSAN NYER GCIG DANG THUGS RJE BCU DRUG SOGS YOD DE, ,DE DAG SHER MDO DANG GZUNGS RGYAL GYI MDO SOGS SU LTA'O, ,GSUM PA NI, LNGA LDAN SNANG BA MI SDUD LONGS SPYOD RDZOGS, ZHES SMRAS TE, 'DI MNGON PAR RDZOGS PAR SANGS RGYAS PA'I GNAS GZUGS KHAMS GNAS RIGS BCU BDUN GYI STENG NA GNAS RIGS BCO BRGYAD PA DBANG PHYUG CHEN PO'I GNAS ZHES BYA BAR TSOGS MTHA' YAS PAS BSKYED PA'I RGYA DPANGS LEGS LDAN LTAR NAM MKHA' DANG MNYAM BA'I THEG CHEN GYI MDO DANG THEG BSDUS LTAR RGYA RIS SU MA CHAD PA RIN PO CHE'I RGYAN DANG 'PHYAD 'PHRUL SNA TSOGS DANG KAB 'BAR BA STONG PHRAG DU MAS BTEGS PA'I RIN PO CHE'I THOG PHUB PA'I DBUS SU 'KHOR SA BCU'I RGYAL SRAS MTHA' YAS PA DANG BCAS TE, SKYANGS GSUM LAS, 'OG MIN GZHAL YAS KHANG DU NI, ,YANG DAG MNGON SUM MDZAD PAR 'DOD, CES DANG, SANGS RGYAS KYI NI GZUGS KYI SKU, ,MTSAN DANG DPE BYAD

DAG GIS 'BAR, ,'GRO BA RANG GI MOS PA YIS, ,DBANG GIS SNA TSOGS SKUR 'DZIN GANG, ,BSOD NAMS TSOGS NI TSAD MED LAS, ,'KHRUNGS PA DE NI RGYAL BA'I SRAS, ,SA BCU LA NI GNAS RNAMS KYIS, ,MTHONG BAR GYUR NAS SKU DE NI, ,CHOS GYIS RDZOGS LONGS SPYOD 'DI NI, ,RGYAL SRAS RNAMS KYI SPYOD PA YIN, ZHES GSUNGS LA, 'PHAGS PA'I SKU GSUM LA BSTOD PA LAS, RANG GI 'BYOR BA 'JIG RTEN LAS 'DAS PAS BSAM GYIS MI KHYAB LEGS MDZAD PA RGYA YI 'BRAS BU NI, SOGS DANG, 'JUG PA SOGS MANG LA GNAS DANG GZHAL YAS KHANG SOGS KYANG SHIN TU GSAL BAR BSHAD DE, RTOG GE 'BAR BA LAS, YANG NA STONG GSUM GYI STONG CHEN PO'I 'JIG RTEN GYI KHAMS KYI STENG NA 'OG MIN ZHES BYA BA'I GZHAL MED KHANG SOGS DANG, MDO LAS, RDZOGS SANGS RGYAS RNAMS 'OG MIN GYI, ,PHO BRANG RGYAS PAR SDIG PA KUN, ,RNAM SPANGS DER NI 'TSANG RGYA ZHING, ,SPRUL PA DAG GIS 'DIR 'TSANG RGYA, ZHES DANG, YUM 'BUM BA LAS, BYANG CHUB SEMS DPA' SHES RAB KYI STONG BA NI DBANG PHYUG CHEN PO'I LHA'I 'JIG RTEN DU SKYES SHING GNAS PA MNGON PAR RDZOGS PAR 'TSANG RGYA BA'O, , SHES RAB KYI KHYAD PAR NI BYANG CHUB KYI SNYING POR 'GRO BA NYID DO, ZHES DANG, CHOS DBYINGS BSTOD PA LAS KYANG, SO SO RANG RIG RNAM DAG NA, ,SA RNAMS DE YI BDAG NYID GNAS, ,DBANG PHYUG CHEN PO'I GNAS MCHOG DANG,,

, ,'OG MIN NYID DE RNAM MDZES PA, ZHES DANG, DBU MA SNYING PO LAS KYANG, STENG G-YOGS KA BA 'BAR BAS DGA', ,MU TIG 'PHRENG BA 'PHYANG BA DANG, ,RIN CHEN SNA TSOGS DU MA LAS, ,SNA TSOGS LAS KYIS BZO SBYAR BA, ,RIN CHEN 'BAR BA'I GZHAL YAS KHANG, ,'OD ZER SGRON MA BRGYA SNYED 'BAR, ,SHIN TU MTHO BA MKHA' MNYAM PA, ,RIN CHEN 'OD KYIS PHYOGS KHYAB BYED, ZHES LONGS SKU DE YANG GANG DANG LHAN CIG SPYOD PA 'KHOR DANG GANG DU LONGS SPYOD BA ZHING DANG, GANG GIS SPYOD PA'I SKU DANG, GANG LA LONGS SPYOD PA'I CHOS DANG, GANG GIS MDZAD PA'I KHYAD PAR LNGA DANG LDAN TE, MDO SDE RGYAN LAS, LONGS SPYOD RDZOGS PA KHAMS KUN TU, ,'KHOR YONGS SDUD DANG ZHING DANG MTSAN, ,SKU DANG CHOS RDZOGS LONGS SPYOD DANG, ,MDZAD PA DAG GIS THA DAD DO, ZHES DANG, YANG NA SKU STON PA DANG, GSUNG BRJOD PA DANG, THUGS 'GRO DON RGYUN MI 'CHAD PA DANG, 'BAD MED LHUN GRUB DANG, SNA TSOGS SU BSTAN KYANG DBYER MED PA NOR BU RIN PO CHE LTA BU LNGA DANG LDAN TE, RGYUD BLA MA LAS, SNA TSOGS CHOS KYIS RDZOGS LONGS SPYOD SOGS SO, , RGYAS PAR MDO DANG BSTAN BCOS DE DAG SOGS SU BLTA'O, ,BZHI PA NI, BZO DANG SKYE BA BYANG CHUB SPRUL SKU GSUM, ,SNYAN 'JEBS DRUG CU'I GSUNG GIS MKHA' KUN 'GENGS, ZHES SMRAS TE, DRI ZA'I

RGYAL PO RAB DGA' 'DUL BA'I CHED DU PI WANG RDUNG MKHAN LTA BU DANG MGAR BA DANG YI GE BA SOGS SU SPRUL PA NI BZO BO SPRUL SKU DANG, DKON MCHOG T'A LA LAS DE DAG DGON PAR LJON SHING CHEN POR 'GYUR, ZHES SOGS LTAR LJON SHING DU SPRUL BA DANG RI DVAGS RU RU SOGS SU SPRUL PA NI SKYE BA SPRUL SKU DANG, RGYUD BLA MA LAS, THUGS RJE CHEN POS 'JIG RTEN MKHYEN, ,'JIG RTEN KUN LA GZIGS NAS NI, ,CHOS KYI SKU LAS MA G-YOS BAR, ,SPRUL BA'I RANG BZHIN SNA TSOGS GYIS ,SKYE BA MNGON PAR SKYE BA DANG, ,SOGS LTAR MDZAD PA BCU GNYIS STON PA'I BYANG CHUB CHEN PO'I SPRUL SKU DANG GSUM YOD PA'I PHYIR TE, MDO SDE RGYAN LAS, SANGS RGYAS SPRUL BA DPAG MED BA, , SPRUL PA'I SKU NI 'DOD PA STE, ZHES DANG, BZO DANG SKYE BA BYANG CHUB CHE, ,SOGS DANG DBU MA SNYING PO LAS, GDUL BYA JI BZHIN SPRUL PA YI, ,SPRUL PA YI SA NI PHYOGS BKAD NAS, ,BSTAN PA RIN CHEN CHAR 'BEB PAS,, 'JIG RTEN 'DAS PA'I BDE BA BSKYED, ,SOGS LTAR NYAN RANG BRGYA BYIN TSANGS SOGS SNA TSOGS SU SPRUL NAS SEMS CAN GYI DON BYED PA'I 'OD ZER YANG MI 'DRA BA DU MA GTONG TSUL DKON MCHOG T'A LA DANG, DBU MA SNYING PO SOGS SU SHES PAR BYA, LONGS SKU DANG MCHOG GI SPRUL SKU GNYIS LA MTSAN DPE DANG GSUNG DBYANGS YAN LAG DRUG CU GSANG BA BSAM MI KHYAB DANG, RTOG GE 'BAR BA DANG, MDO SDE RGYAN GYI 'GREL BA RNAM

, ,BSHAD RIGS PA BYANGS NYI KHRI SNANG BA SOGS LTAR DANG, RGYUD BLA MA LAS, MTHONG NA TSIM MDZAD YON TAN GANG, ,SUM CU RTZA GNYIS ZHES BYA BA, ,SPRUL BA CHOS LA RDZOGS PAR NI, ,LONGS SPYOD RDZOGS SKU GNYIS LA BRTEN, ZHES PA LTAR DE GNYIS LA LDAN PAS 'DIR BSHAD LA 'DI NI GSUNG GI GSANG BA YANG YIN NO, ,LNGA PA NI, GSANG GSUM ROL BA KUN KHYAB SKAL BAS MTHONG, ,SKAD CIG BSKAL BAR BZLOG DANG BA SPU RER, ,BRTAN G-YO BKOD KYANG MKHA' BZHIN CHE CHUNG MIN, ZHES SMRAS TE, SKU GSUNG THUGS KYI GSANG BA BSAM MI KHYAB KYI LE'U GSUM LAS SHES DGOS LA KUN LA KHYAB KYANG SKAL BAS MTHONG TSUL SOGS SANGS RGYAS THAMS CAD KYI YON TAN DANG YE SHES YUL LA 'JUG PA SOGS DANG RGYUD DU MA DANG DBU MA SNYING PO RTZA 'GREL SOGS DU MA LAS BSHAD MOD, DPE TZAM BYAS NA RGYUD BLA MA LAS, BRGYA BYIN RNGA SPRA NI TSANGS PA DANG, , NYI MA NOR BU RIN CHEN BZHIN, ,DE BZHIN GSHEGS PA SGRA BRNYAN BZHIN, ,NAM MKHA' DANG NI SA BZHIN NO, ZHES BRGYA BYIN SA GZHI DVANGS PAR MTHONG NAS SMON SOGS LTAR THUB SKU YANG GDUL BYA'I LAS SGRIB BRAL BA'I DANG BA'I NGOR SHAR NAS SMON PA SOGS DANG RGYAS PAR BSHAD PA LTA BU GDUL BYA RANG RANG GI SKAL BAS DE TZAM MTHONG GI SANGS RGYAS BYANG SEMS MA MTHONG BA DE YIS MA BSTAN PA MIN LA DE BZHIN DU SKAD CIG BSKAL BAR

BYIN GYI GA [?] RLOBS PA DANG BSKAL PA SKAD CIG DU BRLAB, RDUL PHRA RAB GCIG DANG BA SPU'I KHUNG BU CIG TU 'JIG RTEN THAMS CAD BKOD KYANG PHAN TSUN CHE CHUNG DU MI 'GYUR LA MI DOGS PA NAM MKHA' LTA BU STE, 'JUG PA LAS, THUB DBANG SKAD CIG KHO NAR DE'I RGYU MTHUN, ZHES PA NAS, DAG PA 'DI NI BZHED PA 'JUG PA YIS, ,RDUL GCIG YUL LA MKHA' GTUGS 'JIG RTEN DANG, ,'JIG RTEN MTHA' YAS PHYOGS KHYAB RDUL STON MOD, ,RDUL RAGS MI 'GYUR 'JIG RTEN PHRA MI 'GYUR, ZHES SOGS LTAR RGYAS PAR 'JUG PA RTZA 'GREL DANG MDO DU MA SOGS LTAR RO, ,DRUG PA NI, STOBS BCU GZHAN DANG MA 'DRES BCO BRGYAD SOGS, ,RMAD BYUNG YON TAN MA LUS RGYAL RNAMS KYIS, , BRJOD LA ZHUGS KYANG MI RDZOGS MKHA'I MTHA' BZHIN, ZHES SMRAS TE, 'DIR DPAL LDAN ZLA BA DANG THOGS MED KYI RGYUD BLA MA'I 'GREL PA DGONGS PA GCIG STE RGYUD BLA MAR YANG RIN PO CHE'I RGYAL PO BKRU BA GSUM DPER MDZAD NAS, MTHAR THUG THEG PA GCIG TU MDZAD LA ZLA BAS KYANG SPRUL SKU'I SKABS SU BSHAD CING THOGS 'GREL LAS BDAG MED GNYIS YANG 'JUG PA LTAR BSHAD CING, GZUNGS RGYAL GYI MDO LA BRTEN NAS STOBS SOGS 'PHRIN LAS SO GNYIS BSHAD PA 'JUG 'GREL DU STOBS DANG MI 'JIGS PA BZHI DANG MA 'DRES PA BCO BRGYAD LA MDO DE DRANGS NAS BSHAD PAS RGYAS PAR DER SHES DGOS SHING 'DIR KHYAD PAR 'GA' SMRAS NA, RGYUD BLA MA LAS, GNAS DANG GNAS

, ,MIN LAS RNAMS KYI, ,RNAM SMIN DANG NI DBANG PO DANG, ,KHAMS RNAMS DANG NI MOS PA DANG, ,KUN 'GRO'I LAM DANG BSAM GTAN SOGS, ,NYON MONGS DRI MA MED PA DANG, ,GNAS NI RJES SU DRAN PA DANG; ;LHA YI MIG DANG ZHI BDAG ,MKHYEN PA'I STOBS NI RNAM PA BCU ZHES GSUNGS TE, GNAS DANG GNAS MIN MKHYEN PA'I STOBS DANG, LAS DANG RNAM SMIN MKHYEN PA'I STOBS DANG, DBANG PO MCHOG DAM NA MKHYEN PA'I DANG, KHAMS SNA TSOGS MKHYEN BA'I DANG, SOS PA SNA [?] TSOGS MKHYEN PA'I DANG, KUN TU 'GRO BA'I LAM MKHYEN PA'I DANG, BSAM GTAN SOGS DANG DRI MA MED PA MKHYEN PA'I DANG, SNGON GNAS RJES DRAN MKHYEN PA'I DANG; ;'CHI 'PHO DANG SKYE SOGS MKHYEN PA'I DANG, ZAG PA MA LUS BZHI BA MKHYEN PA'I STOBS TE STOBS BCU'I GNAS DANG GNAS MIN MKHYEN PA NAS THAMS CAD DU 'AM KUN TU 'GRO BA'I LAM MKHYEN PA'I STOBS DANG PO DRUG GIS NYON MONGS CAN MIN PA'I MI SHES PA SHES SGRIB GO CHA LTA BU 'BIGS [?] PAR BYED PA'I RDO RJE LTA BU DANG, BSAM GTAN RNAM THAR SOGS DRI MED MKHYEN PA'I DANG, SNGON GNAS RJES DRAN MKHYEN PA'I DANG, 'CHI 'PHO SOGS MKHYEN PA'I STOBS GSUM NI SNYOMS 'JUG GI SGRIB BRTZIG PA LTA BU 'JIG PA'I RDO RJE LTA BU DANG, ZAG ZAD MKHYEN PA'I STOBS NI NYON MONGS PA'I SGRIB PA'I SHING RNAMS GCOD PA'I RDO RJE LTA BU YIN TE, RGYUD BLA MA LAS,

STOBS SOGS RNAMS LAS STOBS DRUG DANG, ,GSUM DANG GCIG GIS RIM PA BZHIN, ,SHES BYA SNYOMS PAR 'JUG PA DANG, ,BAG CHAGS BCAS PA KUN BSAL BAS, ,GO CHA RTZIG PA SHING BZHIN DU, ,PHUG DANG GZHIG DANG BCAD PHYIR RO, ZHES SO, ,DE BZHIN DU MI 'JIGS PA BZHI DANG SANGS RGYAS KYI CHOS NYAN RANG SOGS GZHAN DANG MA 'DRES PA BCO BRGYAD DE BRAL BA'I YON TAN SO GNYIS DANG RNAM SMIN GYI YON TAN MTSAN BZANG SO GNYIS TE LDAN CHOS DRUG CU RTZA BZHI RGYUD BLA 'DIR DNGOS SU BSHAD LA DER MA ZAD SOGS SGRAS DPE BYAD BRGYAD CU DANG YANG SOGS SGRAS SANGS RGYAS KYI CHOS MA 'DRES PA'I THA SNYAD BCO BRGYAD KHO NAR ZAD DAM ZHE NA, SANGS RGYAS KYI YON TAN SEMS CAN DANG MA 'DRES PA SUM BRGYA SOGS KYANG YOD LA DE RE RE'I YON TAN YANG NAM MKHA' DANG MNYAM PA MDO SO SO NAS SHES DGOS TE, 'JUG 'GREL LAS, DE LA SANGS RGYAS KYI CHOS MA 'DRES PA NI BCO BRGYAD DE, ZHES PA NAS, DE LTA BU'I SANGS RGYAS KYI CHOS MA 'DRES PA BCO BRGYAD GANG YIN PA DE DAG NI, ZHES SOGS KYIS GZUNGS RGYAL GYI MDO DRANGS NAS BSHAD LA, RTOG GE 'BAR BA LAS, GRANGS MED PA DANG, DPAG TU MED PA DANG, RMAD DU BYUNG BA'I YON TAN GYI BDAG NYID CHEN PO BSTAN PA NI MDO SDE DU MA LAS SNANG STE, 'DI LTA STE, SANGS RGYAS BCOM LDAN 'DAS RNAMS KYI GZUGS KYI SKU MTHA' DANG DBUS MED PA YONGS SU DAG PA ZHES PA NAS, DE DAG NI SANGS RGYAS

, ,GYI CHOS MTHA' DANG DBUNG MED PA BCU YIN NO, ,DE BZHIN DU SKAD CIG MA LA SANGS RGYAS RNAMS KYIS YE SHES BCU MNGON PAR BSGRUB PA STE, SANGS RGYAS RNAMS KYI DUS LAS MI 'DA' BA BCU DANG, SANGS RGYAS RNAMS KYI YUL BSAM GYIS MI KHYAB PA BCU DANG, SANGS RGYAS RNAMS KYIS BYIN GYIS BRLAB MNGON PAR SGRUB PA'I YE SHES BCU DANG, GZHAL DU MED PA'I KHONGS SU GTOGS PA NYID BCU DANG, SHES RAB 'CHAL BAS BSNYEN PAR DKA' BA CHE ZHING RGYAS PA'I CHOS BCU DANG, BDAG NYID CHE BA NYID BCU DANG, SHIN TU RNAM BAR DAG PA BCU DANG, SANGS RGYAS RNAMS KYI MDZAD PA BCU DANG, YE SHES RGYA MTSO'I RIGS PA BCU DANG, SANGS RGYAS KYI 'DREN PA BCU DANG, SANGS RGYAS KYI CHOS BSTAN PA'I SGO MTHA' YAS PA BCU DANG, SEMS CAN GYI SNYING PO'I CHOS BCU DANG, SANGS RGYAS RNAMS KYI MA CHAGS PAR GNAS PA BCU DANG, SANGS RGYAS RNAMS KYI RGYAN BCU DANG, SANGS RGYAS RNAMS KYI DBANG PHYUG LA DBANG BA BCU DANG, SANGS RGYAS RNAMS KYI YONGS SU RDZOGS PAR MDZAD PA BCU DANG, SANGS RGYAS RNAMS KYI THABS LA MKHAS PA BCU DANG, SANGS RGYAS RNAMS KYI DGONGS PA BCU DANG, SANGS RGYAS RNAMS KYI STOBS BCU DANG, CHOS KYIS PHYUG PA'I CHOS BCU DANG, DE BZHIN GSHEGS PA'I GNAS PA BCU DANG, CHOS THAMS CAD MA LUS BAR MKHYEN PA NYID BCU DANG, THAMS CAD MKHYEN PA'I GNAS PA BCU DANG, DE BZHIN GSHEGS PA RJES SU DRAN PA RNAM PAR DAG PA BCU DANG, DE BZHIN GSHEGS PA

MYUR DU MTHONG BA'I CHOS BCU DANG, SANGS RGYAS KYI TING NGE 'DZIN BCU DANG, DE BZHIN GSHEGS PA'I RNAM PAR BZHAG PA BCU DANG, SANGS RGYAS KYI RNAM PAR THAR BA BCU STE, SANGS RGYAS KYI CHOS MA 'DRES PA SUM BRGYA PO 'DI DAG NI DE BZHIN GSHEGS PA BCU PA'I MDO LAS BSTAN TO, NYAN THOS DANG RANG SANGS RGYAS LA SOGS PA DANG THUN MONG MA YIN PA NYID YIN NO, ,GANG YANG GZUNGS KYI DBANG PHYUG RGYAL PO DANG, DKON MCHOG SPRIN DANG, SA BCU PA LA SOGS PA'I MDO DE LAS, DE BZHIN GSHEGS PA'I CHE BA'I BDAG NYID NYE BAR BSTAN PA RNAMS KHYAD PAR DU SHES PAR 'DOD NA, MDO DE DAG NYID KUN TU BLTA BAR BYA'O, ZHES GSUNGS PA DANG, RGYUD BLA MA LAS, YON TAN DRUG CU RTZA BZHI PO, ,'DI DAG SO SOR RGYUR BCAS TE, ,GO RIM JI BZHIN RIN CHEN GYI, ,MDO YI RJES 'BRANG SHES PAR BYA, ZHES DANG, DE'I SNGA 'GREL LAS, DE LTAR DE BZHIN GSHEGS PA'I STOBS BCU DANG, MI 'JIGS PA BZHI DANG, SANGS RGYAS KYI CHOS MA 'DRES PA BCO BRGYAD DANG; SKYES BU CHEN PO'I MTSAN SUM CU RTZA GNYIS PO DE DAG RNAM PA GCIG TU MNGON PAR BSDUS TE DRUG CU RTZA BZHIR 'GYUR RO, ZHES DANG, DES NA SANGS RGYAS KYI YON TAN GCIG GI YANG YON TAN MA LUS PAR SANGS RGYAS THAMS CAD KYIS BRJOD KYANG MTHAR GTUGS PAR MI 'GYUR TE, NAM MKHA'I MTHA' BZHIN NO, ,JI SKAD DU 'JUG PA LAS, NAM MKHA' MED PAS 'DAB CHAGS LDOG PAR MI 'GYUR GYI, ,SOGS DANG, DE'I RANG 'GREL LAS, SANGS RGYAS BCOM LDAN 'DAS RNAMS KYI GZUGS

, ,SKU'I BA SPU'I BU GA RE RE DANG, SKYES BU CHEN PO'I MTSAN DANG DPE BYAD DANG, STOBS DANG, MI 'JIGS PA DANG, SANGS RGYAS KYI CHOS MA 'DRES PA LA SOGS PA YON TAN GYI KHYAD PAR YONGS SU GCOD PAR NI SANGS RGYAS KHO NAS SPYOD LA, GAL TE GSUNGS NA NI RANG NYID KYI YE SHES KYI YUL DU GYUR PA BSKAL PA GRANGS MED PA BSAM GYIS MI KHYAB PAR SKU TSE'I TSAD BYIN GYIS BRLAB CING 'PHRIN LAS GZHAN MI MNGA' BAR SKYEN PA SKYEN PAR GSUNGS PA DE LTA NA YANG YON TAN DAG YONGS SU RDZOGS PAR MI 'GYUR NA BYANG CHUB SEMS DPAS LTA CI SMOS TE, ZHES SO, ,BDUN PA NI, GANG 'DUL LHUN GRUB 'PHRIN LAS RTAG TU STON, ZHES SMRAS TE, DE LA SBYIR SANGS RGYAS KYI YON TAN THAMS CAD LA 'PHRIN LAS RE YOD PA DANG, GTZO BO NI STOBS BCU'I 'PHRIN LAS DANG, MI 'JIGS PA BZHI'I 'PHRIN LAS DANG, MA 'DRES PA BCO BRGYAD KYI 'PHRIN LAS TE 'PHRIN LAS SO GNYIS YOD KYANG DE TZAM DU MA ZAD DE GDUL BYA RE 'DUL BA'I 'PHRIN LAS RE STON PAS BSAM GYIS MI KHYAB PA MNGA' LA DE THAMS CAD 'BAD MED LHUN GRUB DANG PHYOGS THAMS CAD KHYAB PAR DUS THAMS CAD DU 'JUG STE, GZUNGS KYI DBANG PHYUG RGYAL POS ZHUS PA'I MDO LAS, RIGS KYI BU DE LA DE BZHIN GSHEGS PA'I LAS GANG ZHE NA, DE BZHIN GSHEGS PA'I LAS NI SUM CU RTZA GNYIS PO 'DI DAG GO ,ZHES PA NAS, RIGS KYI BU GZHAN YANG DE BZHIN GSHEGS PA'I 'PHRIN LAS GANG YIN PA DE NI TSAD MED PA'O; ;BSAM GYIS MI KHYAB PA'O,,

'JIG RTEN THAMS CAD KYIS RNAM PAR SHES PAR BYA BA MA YIN PA'O, ,YI GE RNAMS KYIS BRJOD PAR BYA BA MA YIN PA'O, ,GZHAN DAG GIS THOB PAR DKA' PA'O, ,SANGS RGYAS KYI ZHING THAMS CAD DU RGYUN CHAD PA MED PA'O, ,SANGS RGYAS THAMS CAD DANG MNYAM PA NYID DU RJES SU SONG BA'O, ZHES SOGS DANG, YANG MDO DE NYID LAS, DE'I PHYIR RIGS KYI BU KHYOD KYIS DE BZHIN GSHEGS PA'I 'PHRIN LAS BSAM GYIS MI KHYAB PA DANG, KUN GYI RJES SU SONG BA DANG THAMS CAD DU KHA NA MA THOB MED PA DANG, DUS GSUM GYI RJES SU SONG BA DANG, DKON MCHOG GSUM GYI GDUNG RGYUN MI GCOD PAR RNAM GRANGS 'DIS RIG PAR BYA STE, NAS, RIGS KYI BU GANG RGYUN CHAD MED PA RGYUN CHAGS PA, RGYUN MI GCOD PA, BYANG CHUB SEMS DPA'I LUNG BSTAN PA'I GTAM RGYUN MI GCOD PA 'DI NI DE BZHIN GSHEGS PA RNAMS KYI 'PHRIN LAS YANG DAG PA'O, ZHES DANG, MNGON RTOGS RGYAN LAS, GANG GI SRID PA JI SRID PAR, ,'GRO LA PHAN PA SNA TSOGS DAG ,MNYAM DU MDZAD PA'I SKU DE NI, ,THUB PA'I SPRUL SKU RGYUN MI 'CHAD, ,DE BZHIN 'KHOR BA JI SRID 'DI'I, ,LAS NI RGYUN CHAD MED PAR 'DOD, CES PA LTA BU MANG NGO, 'DIR SMRAS PA, GANG GI ZEGS MA THE TSOM GYIS SPYAD KYANG, ,'KHOR BA'I RGUD PA KUN 'PHROG 'CHI MED ZAS, ,CI DGAR SPYOD PA'I GRAGS SNYAN 'BYOR PA'I TSOGS, ,RNAM SAD TSAL BZHIN MIG YID RNA BA'I GSOS, ,MING RTOG TZAM LAS NAM YANG CHOS GANG YANG, ,MED KYANG SRID ZHI 'BYOR RGUD THOS BSAM BSGOM, ,'BRAS BUS MI SLU NGO MTSAR RI MO 'BUM, ,BYED PO MED

, ,KYANG RAB BKRA AE MA MTSAR, ,GDOD NAS DAG KYANG RMONGS 'KHRUL SGYU MA YI, ,CHOS BRGYAD 'DOD PA'I YUL LNGAS CHES RMONGS PA, ,RNAM BDUN SNGAGS KYIS BSHIG TSE MING TZAM YANG, ,MA RNYED SA GSUM 'GRO RNAMS CI YIS BSLUS, , BRDZUN SNANG TZAM DANG DMAN PA'I STONG PA LA, ,DBU MAR 'KHRUL MIN MING TZAM RTEN 'BYUNG GI ,DBU MA'I SROL 'BYED 'PHAGS PA YAB SRAS DANG, ,GANGS CAN RGYAL BA GNYIS PA YAB SRAS RMAD, ,ZAB RGYAS GANG LA THUB DBANG DGONGS PA'I GNAD, ,RDUL TZAM MA 'KHRUL DBU MA CHEN PO'I LUGS, ,LUNG RIGS RIN CHEN BYE BAS 'OG MIN CHE'I, ,GZHAL YAS KHANG BZHIN SRID ZHI'I BLA NA 'BAR, ,BAR SKABS KYI TSIGS SU BCAD PA'O, ZHES GRUB MTHA'I RNAM BZHAG 'KHRUL SPONG GDONG LNGA'I SGRA DBYANGS KYI RNAM BSHAD LAS MTHA' THAMS CAD BKAG PA'I DBU MA CHEN PO THAL 'GYUR BA'I LUGS TE SKABS BCU GNYIS PA'I RNAM BSHAD BYAS ZIN TO, ,GSUM PA ZHAR BYUNG 'BRAS BU RDO RJE THEG PA'I DOGS GCOD LA, MDO SNGAGS KYIS SGRIB GNYIS SPONG TSUL 'KHRUL SPONG DANG BCAS PA DANG, LAM MYUR BUL GYI KHYAD PAR DANG, LUS NGAG YID GSUM SHIN TU PHRA BA BLA MED LAS GZHAN DU SBAS TSUL DANG, DE'I DON GYIS BLA MED SPYI DANG KHYAD PAR DU GSANG GSUM STON PA'I RGYUD RGYAL MCHOG TU GRUB PA STE BZHI LAS, DANG PO NI, MDO SNGAGS GNYIS KAS NYON SGRIB KUN ZAD NUS, ,YUL MCHOG BSTAN KYANG YUL CAN MCHOG SBAS BZHIN, ,DRI GTZO BSTAN KYANG GNYEN PO MCHOG SBAS PHYIR, ,SHES SGRIB CHUNG PHRA SNGAGS LAS MDOS MI

NUS; ;DE PHYIR SPANG GNYEN SBAS BA MGO MTSUNGS 'KHRUL, ZHES SMRAS TE, 'DI DAG RGYAS PAR BSHAD NA GSANG SGROGS SU'ANG 'GRO LA SKABS SU YANG CHER MA BABS PAS RGYU MTSAN THUN MONG BA CUNG ZAD RE BSTAN NA, SNGAGS KYI RGYUD SDE 'OG MA GSUM DU MA ZAD PHAR PHYIN THEG PA'I GDUL BYA DMA' BA NYAN RANG GIS KYANG NYON SGRIB DANG BDEN 'DZIN KUN ZAD NUS TE, BDEN 'DZIN 'KHOR BA'I RTZA BA YIN PA'I PHYIR DANG, DE'I DNGOS GNYEN BDEN MED PHRA BA'I LAM SGOM THUB PA'I PHYIR DANG, DE LA THE TSOM DON 'GYUR SKYES NA'ANG THAR PA'I SA BON 'JOG THUB PA'I PHYIR TE, BZHI BRGYA PA LAS, BSOD NAMS CHUNG DUS CHOS 'DI LA, ,THE TSOM ZA BAR YANG MI 'GYUR, ,THE TSOM ZOS PA TZAM GYIS KYANG, ,SRID PA HRUL POR BYED PAR 'GYUR, ZHES DANG, DE NYID SHES PAS GAL TE 'DIR, ,MYA NGAN 'DAS PA MA THOB KYANG, ,TSE RABS GZHAN DU 'BAD MED PAR, ,GROL 'GYUR NGES PA'I LAS BZHIN NO, ZHES DANG, DBU MA LAS, RDZOGS SANGS RGYAS RNAMS MA BYUNG ZHING, ,NYAN THOS RNAMS KYANG ZAD PA NA; ;RANG SANGS RGYAS KYI YE SHES NI, ,BRTEN PA MED PA RAB TU 'BYUNG, ZHES SO, DES NA YUL MCHOG BDEN MED PHAR PHYIN THEG PAR BSTAN KYANG, SHES RAB DE GCIG PUS SHES SGRIB KYI 'CHING BA LAS MI GROL BAS, DRI MA MED PAR GRAGS PAS ZHUS PA LAS, THABS DANG BRAL BA'I SHES RAB NI 'CHING BA SOGS DANG, SAR HAS, SNYING RJE DANG BRAL STONG PA NYID ZHUGS PA, ,DES NI LAM MCHOG RNYED PA MA YIN NO, ZHES SOGS BSHAD LA, DES NA YUL STONG PA MCHOG BSTAN

, ,KYANG YUL CAN BLA MED KYI BDE CHEN NI SNGAGS KYI RGYUD SDE 'OG MA GSUM DU YANG MA BSTAN NA, DE'I RNAM BZHAG DE MAN CHAD DU CI'I PHYIR STON PAS SBAS LA, DE BZHIN DU SPANG BYA DUG GSUM GYI DRI MA'I GTZO BO SHES SGRIB SKOR DGU BSTAN ZHING, DE'I GNYEN PO BAR CHAD MED LAM GSUM SOGS BSTAN KYANG SNGA MA RNAMS LA RNAM RTOG DANG LAS RLUNG GTAN LOG MI DGOS PAR SPANG RUNG LA, SHES SGRIB CHUNG NGU'I CHUNG DU SPONG BA LA DE GNYIS GTAN LOG DGOS SHING, DE LDOG BYED KYI GNYEN PO BLA MED KYI BDE CHEN MA BSTAN PA'I PHYIR, SHES SGRIB CHUNG SHOS PHRA SHOS SNGAGS LAS MDO RKYANG BAS MI NUS SO, ,DO HA LAS, BDE BA'I DE NYID DANG NI BRAL GYUR CING, ,LUS KYI DKA' THUB 'BA' ZHIG TZAM BSTAN PA, ,NAS, PHAL CHER MI MTHUN PHYOGS LA ZHUGS PA YIN, ZHES DANG, YE SHES GRUB PA LAS, MA LUS SBYOR RGYUD LAS GSUNGS PA'I, ,RDO RJE YE SHES BLA NA MED, ,RMONGS PA GANG GIS MI SHES PA, ,DE NI 'KHOR BA'I RGYA MTSOR 'KHYAMS, ZHES SO, RGYU MTSAN DE LTA BU LA SOGS PA DANG SNGAR BSHAD PA LTAR 'PHO CHAGS NI PHAR PHYIN THEG PAR YANG NYON SGRIB YIN LA, DE'I BAG CHAGS SHES SGRIB TU 'JUG 'GREL RGYUD BLA RTZA 'GREL GZUNGS RGYAL GYI MDO SOGS DU MA LAS BSHAD PAS, GNYEN PO BLA MED KYI BDE CHEN DANG SPANG BYA SHES SGRIB SBAS PA MGO MTSUNGS SU STAG LOS SMRA BA YANG 'KHRUL LO, ,STAG LO NA RE, 'DI BA'I LUGS LA BAR CHAD MED LAM GYI NGOS SKAL GYI LAS RLUNG STONG BRGYAD BRGYA PA BCU'AM BCU GNYIS 'GAG DGOS

PAS; DE DAG SGRIB PA SBAS PAR 'JOG STE, DE MA ZAD PAR DU RDZOGS PA'I SANGS RGYAS MI 'THOB PA'I PHYIR ZER NA, 'O NA, SLOB PA'I BYAMS SNYING RJE SEMS BSKYED NYER GNYIS KYI THA MA GNYIS MA GTOGS PA'I RNAM RTOG GI LAM THAMS CAD KYANG DER GYUR PAR THAL, RNAM RTOG MA ZAD PAR DU DE MI 'THOB PA'I PHYIR, DE DAG LDOG DGOS KYANG SPANG BYA'I SGRIB PA MIN SNYAM NA, CIG SHOS KYANG DE KHO NA YIN NO, ,SPROS PAS CHOG ,GNYIS PA NI, THABS ZAB MANG PHYIR LAM LA'ANG MYUR BUL CHE, ZHES SMRAS TE, PHAR PHYIN THEG PAR GDUL BYA THEG CHEN GYI GANG ZAG LA LAM MYUR BUL LNGA YOD PA YANG THABS SEMS BSKYED DANG SNYING RJE SOGS KYI DBANG GIS NGES PA DANG MA NGES PA'I PHYAG RGYA'I MDOS BSHAD LA, SNGAGS LA DE BAS KYANG, TSUL GSUM SGRON ME LAS, DON GCIG NA YANG MA RMONGS DANG, ZHES SOGS LTAR THABS ZAB MO DAM TSIG DANG SDOM PA'I KHYAD PAR DANG SANGS RGYAS RJES SU DRAN TSUL DANG MCHOD SOGS KYI BSAM PA KHYAD PAR CAN MANG ZHING BLA MED LA SHIN TU NAS SKU GSUM LA DMAR 'JUS SU SGRUB LUGS GCIG YOD PAS SNYIGS DUS KYI MI LO NYUNG SHOS LA RDZOGS PA'I SANGS RGYAS 'GRUB PA SOGS YIN PA'I PHYIR TE, KHA SBYOR RGYUD LAS, DE'I PHYIR DE RGYAS CI ZHIG BYA, ,MDOR BSDUS PAS NI SANGS RGYAS NYID, ,BSKAL BA BYE BA GRANGS MED PAS, ,JI SRID SANGS RGYAS GANG THOB PA, ,GANG GI DAM PA'I BDE BAS KHYOD, ,SKYE BA 'DIR NI THOB PAR 'GYUR, ZHES DANG, YE SHES GRUB PA LAS, GANG ZHIG RTOG PA KUN SPANGS PA'I, ,DE NYID LA NI YANG DAG GNAS, ,SGRUB PA

, ,BO DE TSE DE YI, ,BYANG CHUB DAM BAR ZHUGS BAR 'GYUR, ZHES SO, GSUM PA NI, LUS NGAG YID GSUM RAGS PHRA SHIN TU PHRA, ,SBYANGS PHYIR THEG DANG MDO RGYUD GONG NAS GONG, ,'OG MAR GZHAN GNYIS BSHAD KYANG GSUM PA NI, ,DGONGS GZHIR RUNG YANG MDO RGYUD 'OG MAR MIN, ZHES SMRAS TE, GRUB PA'I DBANG PHYUG DPAL N'A RO ZHABS KYIS, ,LUS DANG SEMS KYI GNAS THABS LAS, ,RAGS DANG PHRA DANG SHIN TU PHRA, ZHES GSUNGS PA 'DIS LUS SEMS GNYIS LA RAGS PA DANG PHRA BA DANG SHIN TU PHRA BA GSUM BSHAD CING LUS KYI DES NGAG LA YANG GSUM YOD PAR SHES DGOS SHING, DE DAG SBYANGS BA'I PHYIR NYAN RANG DANG PHAR PHYIN THEG PA DANG RGYUD SDE 'OG MA GSUM GYIS RAGS PA DANG PHRA BA SBYONG LA, SHIN TU PHRA BA NI GZHI DUS LA DE 'DRA YOD PA, RNAL 'BYOR RGYUD MAN CHAD KYI DGONGS GZHIR RUNG YANG DNGOS SUM GSUNGS LA, DE YANG BLA MED DU GSAL BA TZAM GANG NA'ANG MED PA'I PHYIR TE, RGYUD RDO RJE PHRENG BA LAS, DE NAS GZHAN YANG SDOM PA'I DON, ,DE KHO NA NYID BSHAD KYI NYON, ,SDOM BA SRUNG BAR BYED BA GANG, ,DE NI BYANG CHUB SEMS ZHES BRJOD, CES DANG, DE'I DON LUS NGAG YID GSUM SDOM TSUL YANG ZHAL LUS LAS, DE BAS LUS NGAG YID GSUM GYI, , SDOM PA MCHOG LA GNAS BYAS NAS, ,NGA'O SNYAM PA'I GZI BRJID BSKYED, ,SOGS DANG, RGYUD RDO RJE PHRENG BA LAS, BYA BA SPYOD PA'I RGYUD RNAMS DANG, ,RNAL 'BYOR RGYUD NI GANG DU YANG, ,MCHOG TU GSANG BA MA GSUNGS PA, ZHES SO, ,BZHI PA NI

BLA MED SPYI DANG RGYUD RGYAL DAG NA GSAL, ,SKAL LDAN GRUB DBANG BYE BAS RTZER GSHEGS SHUL, ,DUS GSUM RGYAL BA'I GSANG LAM MCHOG TU GRUB, CES SMRAS TE, DE 'DRA'I GSANG GSUM GYI KHYAD PAR ZAB MO GZHI LAM 'BRAS BU GSUM GYI SKABS SU RGYUD CHAGS PAR YOD PAR GSANG SNGAGS BLA MED SPYIN PHYOGS MTSON RE MANG MOD RGYUD THAMS CAD KYI RGYAL BO DPAL SANGS RGYAS THAMS CAD 'DUS PA'I RGYUD NA MCHOG TU GSAL BAS DE NYID STON MKHAN LA SANGS RGYAS THAMS CAD KYIS KYANG 'DI NI BDAG CAG GI PHA'O, ZHES SOGS KYIS BSNGAGS SHING MDO SDE THAMS CAD KYI SNOD DANG, RGYUD SDE THAMS CAD KYI YANG RTZE DUS GSUM RGYAL BA THAMS CAD GSHEGS SHING GSHEGS LA GSHEGS PAR 'GYUR BA'I LAM CHEN YIN PAR 'GRUB STE, RGYUD RDO RJE PHRENG BA LAS, DE NYID MCHOG TU GSANG BA NI, ,GANG DU'ANG NGA YIS MA BSHAD BA, ,SKAL BA MED PA'I BSAM PA'I RGYUS, ,RGYUD RNAMS KUN DU SBAS BYAS PA, ,DE NI NGA YIS BSHAD KYIS NYON, ZHES DANG, MI SHES PA YI MI 'GA' ZHIG, RGYA MTSO BZHI YI PHA MTHA' YI, ,SAL SHIN TU 'GRO 'DOD PA, ,LAM NI GANG YIN MI 'DRI GANG, ,JI LTAR BDAG NYID 'GRO BAR BYED, ,DE BZHIN DKA' BA CHER BYED BA'I, ,MAN NGAG DANG BRAL SGRUB PA PO, ,'BRAS BU MED PHYIR MKHAS PA YANG, ,SGRUB PA PO NI KHONG KHRO SKYE, ,KHONG KHRO SKYES PA'I SKAD CIG LA, ,'BRAS BU MED CING DU 'BOD 'GRO, ,DE BAS 'BAD PA THAMS CAD KYIS, ,DAD PAS BLA MA BRGYUD PA LAS, ,MAN NGAG DAG NI SHES PAR BYA, ,ZHES DANG, GSANG BA GRUB PAR, DE YANG DE NYID

, ,RGYUD GNAS PAR, ,DPAL LDAN GSANG BA 'DUS PAR GSAL, ,SPROS PA DUM RGYAS GYUR PA, ,GZHAN DU SBAS NAS BSTAN PA YIN, ,BYA BA SPYOD PA'I DBYE BA YANG, ,MDO SDE'I SDE SNOD LA SOGS SU, ,MCHOG TU DGA' PA GCIG PU NYID, ,RNAM PA DU MAR RNAM PAR GNAS, ,PHUNG PO RIN CHEN SNOD NYID DU, ,SEMS CAN BSAM PA'I BYE BRAG GIS, ,DE NYID 'BAD PAS SPAS MDZAD NAS, ,SANGS RGYAS MGON POS RNAM PAR BZHAG ,CES DANG, GRUB DBANG KLU'I BYANG CHUB KYIS KYANG, SEMS CAN BAG LA NYAL DBYE BAS, ,YANG DAG MGON POS DE NYID NI, ,'BAD PA'I SPAS NAS PHUNG PO YI, ,RIN CHEN ZA MA TOG TU BZHAG ,CES DANG, SGRON GSAL LAS, THUB PA CHEN POS CHOS PHUNG PO,, BRGYAD KHRI BZHI STONG GSUNGS DE DAG ,DPAL LDAN 'DUS 'DI SNOD YIN TE, ,DE BAS DE NI RGYUD KYI RTZE, ZHES PA LTA BU RGYUD DANG PAn GRUB KYIS BSNGAGS PA'I RGYA MTSO'O, ,'DIR SMRAS PA, MCHOG TU RMAD BYUNG GSANG LAS CHES GSANG THEG, NYON MONGS LAM BYED MYUR DU KUN 'OD SAR, ,'JUG BYED GSANG SNGAGS SPYI DANG BLA MED LA, ,RNAM DAG YID CHES DE YANG RGYAL KUN YAB, CES GRUB MTHA'I RNAM BZHAG 'KHRUL SPONG GDONG LNGA'I SGRA DPYANGS KYI MDO SNGAGS LAM MTHAR THUG GI KHYAD PAR PHYE NAS GSANG LAM MCHOG TU GRUB PA'I SKABS KYI RNAM BSHAD BYAS ZIN TO,, ,,GSUM PA MJUG GI DON LA LNGA LAS, DANG PO BSTAN BCOS KYI KHYAD PAR GZUGS RGYAN DANG, DPE RGYAN SGOS SMRAS PA NI, 'JAM

MGON MKHYEN GZI LAS 'ONGS 'KHRUL MUN BRAL, ,DBYANGS CAN LHA MOS SMRAS BZHIN SNYAN 'JEB 'GRIGS, ,THUB DBANG GSUNG BZHIN THOG MTHA' BAR DU'ANG DGE ,'DZAM GLING RGYAN MCHOG LUGS KUN 'DUS BZHIN BRLING, ZHES SO, ,BOD 'DIR GSUNG RAB MI LTA MI SLOB PAR SGOM CHEN BAR RLOM PA DANG, BLO GROS DMAN PA DANG THAN THUN RE SBYANGS TZAM DANG THUB BSTAN MTHA' DAG LA SBYANGS PA'I KHYAD BAR NI, 'GA' ZHIG MA BSLAB LONG BAS MTHAR BGROD 'DOD, ,LA LA BLO DMAN BYI BAS GLANG KHUR LEN, ,PHAL CHER SBYANGS TZAM RI PHRAN BTEGS PAS SNYEMS, ,THUB BSTAN NOR 'DZIN KUN 'DEGS KURMA SU, ZHES SO, ,ZAB RGYAS KYI KHYAD PAR PHRA MO GNYIS TSOGS RTOGS PA RGYA BOD GNYIS KA NA'ANG SNGAR BSHAD LTAR DKON PA NI; MKHAS LAS CHES MKHAS 'PHAGS BOD MANG POS KYANG, ,THUGS NGOR ZAB RGYAS THAGS MKHAN RKANG PA BZHIN, ,RES KYIS MA BDE SNANG STONG ZUNG 'BREL LAM, ,MA RNYED LUNG RIGS 'KHAR BAS CI YANG BTZAL, ZHES SO, , RANG GZHAN GYI GRUB MTHA'I KHYAD PAR TSOL BA LA RGYA BOD DANG PHYI NANG GI PAn CHEN KUN KYANG 'BAD PA, CHOS GRAGS DANG DPAL LHA GCIG AA TI SHA'I RNAM THAR LTA BU STE DE BSTAN PA'I PHYIR, RANG GZHAN MKHAS MANG KLU DBANG STONG GIS ROL, ,PHAN DANG BDE BA'I RIN CHEN 'PHYUR BUS GANG, ,DGAG SGRUB RLABS 'KHRUG GRUB MTHA'I MTSOR BGROD SLAD, ,DED DPON MKHAS RNAMS GRU RDZINGS CI YANG 'DZUG ,CES SO, GRUB MTHA'I MTHAR MA SON PA'I STAG TSANG PA SNGON 'BYUNG GI RABS

, ,DANG SBYAR ZHING KHONG LA LTOS TE RANG GIS GRUB MTHA'I MTHAR SON PA'I KHENGS GTAM CUNG ZAD BRJOD PA NI, RIGS PA'I GRU RDZINGS DMAN 'KHRUL DANG PO'I RGYUD, ,BRDUNGS PAS TSUL ZHIG 'GAS KYANG GRUB MTHA'I MTSOR, ,PHYIN SNYEMS DREGS SKYUNGS LUGS GNYIS KUN MTHONG PHYIR, ,GRUB MTHA' RGYA MTSO'I PHA ROL KHO BOS PHYIN, ZHES SO, DE NAS SMON LAM GYI KHYAD PAR TSIGS BCAD GSUM STE, BLO BZANG MES BYIN RANG LUGS LAM GSUM 'BABS, ,RNAM DPYOD LHA CHEN RAL 'ONGS RTOG GE YIS, ,BSHUNG BSLAD NOR LHA'I RKANG DRI BKRUS CHAB KYIS, ,RMONGS 'KHRUL DUG CAN RGYUD TSOGS DAG GYUR CIG ,RIN CHEN KHUR LCI MTSO CHEN SKA RAGS G-YO, ,NYI ZLA'I SGRON 'DEGS LHUN PO GNAS DE SRID, ,'DIS KYANG GSAR BSHAD KHUR LCI GRAGS SNYAN G-YO, ,LEGS BSHAD SGRON MES SA GSUM SNANG BYED SHOG ,CHOS DBYINGS GSHIS DANG DKON MCHOG GSUM GYI MTHUS, ,'GRO RNAMS RDZU 'PHRUL BZHIN DUS RIM BGROD, ,NYA RGYAS ZLA LTAR YON TAN KUN RDZOGS NAS, ,NYI MA BRGYAS GSAL KUN MKHYEN MYUR THOB SHOG CES SO, ,SBYAR BYANG GZHAN GO SLA LA, 'JAM MGON BLA MA KHRI RIN PO CHE NGAG DBANG BLO GROS RGYA MTSO'I SRAS KYI THU BO THEG CHEN SBYOR LAM PAR GSUNGS PA'I RGYAL SRAS CHEN PO MDO SNGAGS GNYIS DANG LUNG GI GTER DRIN CAN BLA MDON GRUB RGYA MTSO DANG, MDO SNGAGS KUN DANG LUNG RTOGS GNYIS KA'I MNGA' BDAG RDO RJE 'CHANG CHEN PO DGON LUNG SPRUL SKU

BLO BZANG CHOS LDAN DANG, DKA' CHEN LNGA SOGS RIGS PA SMRA BA LA DENG DUS KYI SA'I STENG NA 'GRAN ZLA BRAL BA RIGS PA'I DBANG PHYUG SHES RAB SBYIN PA STE YAB SRAS BZHI'O, DE YANG RTZA BA 'DI BYED PA'I BSKUL BA PO DE DAG DANG RANG BLO LEGS BSHAD LA GOMS PA 'PHEL BA SOGS DGOS PA SHIN TU CHE LA, RGYAL BA'I DBANG PO THAMS CAD MKHYEN GZIGS MCHOG GI BKA' RTZOM DBU MA'I BSTAN BCOS THEG CHEN RGYA MTSOR 'JUG BA'I GRU RDZINGS LAS, 'DI DAG GI SKABS NAS BZUNG STE SEMS BSKYED DRUG PA'I SKABS KYI BAR DU RNAM BSHAD KYI DGONGS PA 'GA' ZHIG LA STAG TSANG LO TZ'A PAS, NAS, 'GAL BA'I KHUR CHEN BCO BRGYAD BTANG 'DUG PA 'DI LA ZHIG MOR DPYAD TSE GNOD BYED LTAR SNANG TZAM MA GTOGS YANG DAG MA MCHIS BAS DGAG LAN GCIG BYAS NA YONGS BAR 'DUG KYANG, NAS, SKABS BRGYAD PA'I NANG DU RJES 'JUG MKHAS PA'I SKYE BOR RLOM PA'I 'GYING BAG CAN YOD NA LAN GDAB PAR RIGS SO, ZHES BSKUL MA ZHIG BYAS YOD KYANG BYE MA BTZIR BA LA MAR NAG YONGS RIGS SU MI 'DUG PAS, THA SNYAD RIGS PA'I THUGS KHUR BZHES MI DGOS PA'I DGE BA'I BSHES GNYEN 'DRAS LAN 'DEBS MDZAD NA LEGS PAR SEMS SO, ZHES BKA' STZAL PA'I THUGS BZHED BSKANG BA'I CHED DANG, PHYOGS LHUNG DANG RMONGS ZHEN TZAM MA YIN PAR SHER MDO SOGS ZAB MO'I BSTAN BCOS RNAMS DANG, SNGAGS LA'ANG GSAL SGRON LAS

, ,BSHAD PA 'DI NI GANG LAS KHYAD PAR DU 'PHAGS PA'I LAM DANG GRUB MTHA' 'OG MA RNAMS LEGS PAR MI SHES NA, DE LAS KHYAD PAR DU 'PHAGS PA'I LAM DANG GRUB PA'I MTHA' GONG MA'I KHYAD PAR GYI CHOS THUN MONG MA YIN PA PHRA MO RNAMS MI SHES SHING, NAS, DE LA MOS KYANG DAD PA TZAM DU ZAD PAR MTHONG NAS, RANG GZHAN GYI SDE PA DANG, RANG SDE THEG PA CHE CHUNG DANG, SNGAGS DANG PHAR PHYIN GYI THEG PA GNYIS DANG; RDO RJE THEG PA'I RGYUD SDE BZHI'I GZHUNG RNAMS LA SBYANGS SHING, ZHES GSUNGS PA LTAR DGOS SHING, RANG YANG DE LTAR CUNG ZAD SBYANGS NAS, RANG GZHAN GYI GRUB MTHA'I DKA' GNAS RNAMS LA GTZO BOR RNAM PAR BSHAD PA RE BYAS SHING, MKHAS PA STAG TSANG PA'I LAN YANG CUNG ZAD PHYI BA 'DIS MTSUNGS MED RGYAL BA'I DBANG PO YAB SRAS SOGS PHYOGS BCU'I RGYAL BA SRAS BCAS THAMS CAD DANG, RANG GZHAN GYI DAM PA CHE PHRA MTHA' DAG MNYES BAR GYUR CIG GU SNYAM DU BRIS TE, SKYES RABS LAS, YA RABS RNAMS DANG PHRAD NA SKYES KYI MCHOG ,TSOGS KYI NANG NA MKHAS PA MGU BAR BYED, CES DANG, DRIS LAN RIN CHEN PHRENG BA LAS, DRI MED DRIS LAN RIN CHEN PHRENG BA 'DI, ,GANG GI MGUL NA LEGS PAR YOD GYUR BA, ,DE NI SKYES BU MKHAS PA 'DUS NANG DU, ,MGUL GYI MU TIG RGYAN BZHIN MDZES PA YIN, ZHES DANG, MDO SDE RGYAN LAS, MTHONG BA'I DBANG GIS MI RNAMS RAB TU

DGA' BA'I MCHOG SKYED PA, ,NAS, CHOS KYANG DON RNAMS PHYE BAS MKHAS RNAMS 'DI NA DGA' MCHOG SKYED, CES GSUNGS SO, ,SMRAS PA, GANG ZHIG GZHAN GYIS MA SMRAS 'DIR MED KYANG, ,LJONGS 'DI LA LTOS SNGON MED LEGS BSHAD MCHOG ,YIN PHYIR 'KHRUL DANG RANG BZOS MA BSLAD PAS, ,ZLA BA DAG PA BZHIN DU DBYANGS CAN SMRAS, ,BLO GROS MTHANG SON BYE BAS MTHON PAS, ,MDO SNGAGS GRUB MTHA'I DKA' GNAD CHES GSAL BA'I,, LHA RDZAS DVANGS SHEL MCHOG 'DI MKHAS PA BRGYA'I, ,THUGS KA GSAL BYED RGYAN DU BDAG GIS 'BUL, ,MKHAS PA'I GZHUNG BZHIN SBYANG BZHIN LEGS BSAM BZHIN, ,RTZE GCIG DRAN PA MNGON BYAS LEGS SBYAR MOD, , LEGS PAR BSHAD PA BLA MA LHA YIS DRIN, ,NYES PAR NONGS GANG 'PHAGS DANG MKHAS LA 'CHAGS, ,'DI NI KUN BZANG DAG ZHING NYI MA BZHIN, ,RANG GZHAN GZHUNG LUGS DPAG YAS DON GSAL ZHING, ,THEG GSUM GDUL BYA'I DGE TSOGS 'DAB BRGYAR BZHAD, ,SRID PA JI SRID 'GRO RNAMS MIG GYUR CIG ,SLU MED DKON MCHOG RNAM GSUM BYIN RLABS DANG, ,YI DAM MKHA' 'GRO RNAMS KYI THUGS RJE'I 'PHRUL, ,BSTAN SRUNG RGYA MTSO'I TSOGS KYI NUS MTHU YIS, ,DGE LEGS CHAR GYIS KHAMS GSUM KHYAB GYUR CIG ,RGYAL DANG RGYAL SRAS RNAMS KYIS LEGS SMON LTAR, ,LHAG BSAM ZLA RGYAS DAG PA'I BDUD RTZI SPROS, ,DAD PA KUNDA'I

, ,MIG PHYE LEGS SMON PAS, ,DAG PA'I ZHING 'KHOR MDZAD PA LHUN GRUB SHOG ,CES GRUB MTHA'I RNAM BSHAD RANG GZHAN GRUB MTHA' KUN DANG ZAB DON MCHOG TU GSAL BA KUN BZANG ZHING GI NYI MA LUNG RIGS RGYA MTSO SKYE DGU'I RE BA KUN SKONGS ZHES BYA BA 'DI NI, KHAMS RGYAL BA 'PHAGS PA LHA'I SKU MDUN MDZES PAR BYED PA'I CHOS RJE LCANG RA DPON SLOB LUNG RTOGS GNYIS KAS PHYUG PA DES SLAR YANG RANG 'GREL GCIG DGOS ZHES JA G-YU GSER BCAS GCIG DANG YANG NAN BSKYAR GYIS JA GSER BYU RU SOGS DANG BCAS LAN GNYIS BSKUL ZHING, MKHAS MANG GZHUNG BRGYA SMRA BA'I 'DUS SDE BLO GSAL GLING GI BU 'BOR RAB 'BYAMS SMRA BA DBANG LUNG BKA' 'GYUR SOGS THOB PA'I NGAG DBANG DPAL LDAN GYIS ME SHEL MA RIG GNYID SANGS KYIS SPRAS TE BSKUL BA MKHAS PA'I MKHAS PA NGES PAR GZHUNG BRGYA SMRA BA'I DBANG PO NAM MKHA' LHUN GRUB KYIS NYIN BDE CHE LEGS BRIS SHOG SUM BRGYA DANG BCAS RGYU MTSAN SNYAN TSIG GIS DRANGS PA'I BSKUL BA DANG, GZHAN YANG MTHO DMAN DU MAS NGAG GIS KYANG BSKUL BA LAS SA MO YOS KYI LO CHO 'PHRUL ZLA BA'I TSES BCO LNGA LA GZHON NU'I DUS NAS CHOS LA SPRO BA'I MANG THOS SPONG BA PA SH'AKYA'I DGE SLONG 'JAM DBYANGS BZHAD PA'I RDO RJES RDZOGS PAR BRIS PA 'DIS KYANG RGYAL BA'I BSTAN PA RIN PO CHE SGO THAMS CAD NAS PHYOGS DUS THAMS CAD DU RGYAS PAR GYUR CIG ^ ,BSKAL

BRGYAR BSAGS PA'I BSOD NAMS YE SHES GANGS, ,THUGS RJE NYIN BYED DROD KYIS BZHUS PA LAS, ,GRUB MTHA' RNAM BZHI'I KLUNG RGYUN 'PHYUR BA'I SGRAS, ,MU STEGS MTHAR MDZAD THUB PA'I DBANG POR 'DUD, ,DE YI SRAS KYI TSUL BZUNG 'JAM DPAL DBYANGS, ,BZHAD PA'I RDO RJE ZHES SU SA GSUM NA, ,RNAM PAR GRAGS LDAN DE YI GSUNG GI MDZOD, ,GRUB PA'I MTHA' KUN GSAL BYED LEGS BSHAD GTER, ,'DI KO BLO LDAN MIG GI BDUD RTZI DANG, ,RNA BAR SNGON MED LEGS PAR BSHAD PA'I SKYES, ,SNYING GI BUM PAR MI ZAD 'DOD 'JO'I DPYID, ,SKAL BZANG SKYE BO'I BSOD NAMS GSHIS LAS GRUB, ,TSUL 'DIR DPAR GYI 'DU BYED BSGRUBS PA YI, ,DGE BAS MTHUN RKYEN BYED PA'I SKYE BO RNAMS, ,TSE RABS KUN TU DAM PA'I ZHABS BSTEN TE, ,THOS BSAM BSGOM PAS SHES RGYUD SMIN PAR SHOG ,KU SHA'I RTZE LTAR ZHIB PA'I BLO GROS KYIS, ,PHYI NANG GRUB MTHA'I KHYAD PAR PHRA RAGS KUN, ,MA 'DRES SO SOR 'BYED PA'I DPAL THOB NAS, ,RGYAL BA'I BSTAN LA YID CHES RNYED PAR SHOG ,SDE 'DIR KUN MKHYEN 'JIGS MED RGYA MTSO'I SDE'I, ,ZHABS PAD RDO RJE'I KHAMS SU RTAG BRTAN CING, ,MDZAD 'PHRIN 'OD BRGYA'I SNANG

, ,BAS SA GSUM GYI, ,SKYE 'GRO DGA' BDE'I DPAL LA RTAG ROL SHOG ,GSER SBYANGS BTZOM LTA BU'I RANG LUGS 'DI, , 'DZIN SKYONG SPEL NUS DGE 'DUN 'DUS PA'I SDES, ,YANGS PA'I NOR 'DZIN KHYON KUN YONGS GANG STE, ,DGE LEGS SNANG BAS SA GSUM KUN KHYAB SHOG ,CES GANGS CAN MKHAS GRUB YONGS KYI GTZUG RGYAN KUN MKHYEN BLA MA 'JAM DBYANGS BZHAD PA'I RDO RJES MDZAD PA'I GRUB MTHA' CHEN MO 'DI NYID DPAR KHANG BKRA SHIS MTHONG SMON NAS RGYU RKYEN SBYAR TE, DPAR DU BSGRUBS PA'I TSE SMON TSIG DGOS TSUL, DO DAM PA DANG, ZHU DAG PA SO SO NAS BSKUL BA LTAR, ^ BTZUN PA 'JAM DBYANGS THUB BSTAN NYI MAS CHOS GRVA CHEN PO BKRA SHIS 'KHYIL DU SBYAR BA'O,, SHU BHAM STU SARBA DZA GA TAm,, ,, [DD1] !, (,GDUG PA TSAR GCOD MYUR MDZAD MGON,,) [DD2] !, (,'DOD [?] SPYIN RGYAL PO RNAM THOS SRAS,,)

` RANG GRVA KLU 'BUM DGE SLONG BSTAN 'DZIN THOS BSAM BRGYUD, NYI HONG MI RIGS SBYIN BDAG HA YA ZHUS DANG, HA KHO SING, HA YA MA SING NANG MI DANG BCAS PA, THA KHE MO RA SING, PE CIN ZHIN TZE NANG MI DANG BCAS PA, LI NA RI MIN, LE'O SING, SENG GA PUR MI RIGS HONG PHRO YIN BCAS KYI MTHUN RKYEN ROGS RAM GNANG BA LA BRTEN NAS, KUN MKHYEN CHEN PO 'JAM DBYANGS BZHAD PA'I GSUNG PHAR PHYIN SKABS DANG PO NAS BRGYAD PA'I BAR GYI MTHA' DPYOD JA\ NYA\ DANG, GRUB MTHA' CHEN MO PHA\ BCAS POD GSUM SO SO NAS TSAR GRANGS 500 THAM PA RE DPAR BSKRUN ZHUS PA LAGS NA, 'BREL THOG SBYIN BDAG RNAMS 'PHRAL YUN GYI 'GAL RKYEN CI MCHIS BYANG ZHING, SKYE KUN THEG MCHOG BSHES KYIS MNYES BZHIN RJES SU BZUNG STE SA LAM RIM BGROD ZUNG 'JUG SKU BZHI'I DGA' TSAL MCHOG LA MYUR DU BGROD PAR GYUR CIG GU, ,, 1995