@713 BCU PHRAG NOR BU'I 'OD ZER, BGRANG YAS KUN BZANG LHAN SKYES DGA' BA'I DPAL, , GCIG GYUR RMONGS PA'I DGRA GYUR DE YI MTHU, ,SNYING LA SIM PAS DPAL LDAN 'BRAS BZANG GIS, ,YANGS PA'I SA CHEN YONGS SU KHYAB GYUR CIG ,CES SHIS PAR BRJOD PAS SMRA BA'I SGO PHYES TE GLENG BAR BYA BA NI, JI SKAD DU KUN GZIGS LNGA BA CHEN PO'I ZHAL NAS, DPYID KYIS BSKYANGS PA'I CHU 'DZIN LANG LONG DBUS, ,DBYAR SKYES RNGA GSANG DAL GYIS SGROGS PA'I TSE, ,RMA BYA'I SGRO GSHOG ZLUM POR LEGS BYAS NAS, ,ZLOS GAR BSGYUR BA RANG GI NGANG TSUL YIN, ,ZHES GSUNGS PA LTAR DENG SKABS DGE MTSAN DPYID KYI DPAL MO'I 'DZUM ZHAL SLAR YANG NGOM PA'I TSE RGAN PO'ANG DGA' BA'I 'DZUM MDANGS DANG BCAS TE SMRA BA LA 'JUG GO, , DE YANG BSIL LDAN KHA BA'I YUL LJONGS CHEN PO 'DIR YONGS SU GRAGS PA'I RIG GNAS BCU PHRAG GCIG YOD PA'I CHE BA LNGA NI, SGRA RIG PA, TSAD MA RIG PA, BZO RIG PA, GSO BA RIG PA, @714 NANG DON RIG PA STE LNGA'O, , DE'I DANG BO SGRA RIG PA NI RANG RE'I BOD SKAD KYI DBANG DU BYAS NA SGRA RIG PA'I GZHUNG NI THON MI BKA' DRIN CAN GYIS MDZAD PA'I THON MI'I MDO RDZI'I SGRA MDO LA SOGS PA'I BRDA SPROD PA'I BSTAN BCOS BRGYAD YOD PA YIN MOD, RGYAL BO GLANG DAR MA'I LOG PAR SPYOD PA'I BYED LAS KYI DBANG GIS BSTAN BCOS GZHAN RNAMS NUB NAS DA LTA MED LA, SUM CU BA DANG RTAGS KYI 'JUG PA GNYIS NI DA LTA RANG RE'I BRDA SPROD PA'I GZHUNG GI RTZA BA YIN NO, ,DE GNYIS KYI DGONGS 'GREL YANG, ZHA LU BA CHOS LEGS KYI 'GREL BA MKHAS PA'I YID 'PHROG LO CHEN NAM BZANG GI 'GREL BA BSTAN PA'I SGRON ME, SNAR THANG LO TZ'A BA'I SUM RTAGS MCHAN t'IKA SOGS SHIN TU MANG LA DENG DUS GRAGS CHE BA PRA STI RIN CHEN DON GRUB KYI 'GREL BA KUN BZANG DGONGS RGYAN, SI TU PAn CHEN GYI 'GREL BA MU TIG PHRENG MDZES SOGS DANG, DAG YIG SKOR LA YANG ZHA LU LO CHEN GYI DAG YIG ZA MA TOG DPAL KHANG LO TZ'A BA'I DAG YIG NGAG SGRON, SOGS DAG YIG SKOR YANG SHIN TU MANG, SGRA RIG PA SLOB PA LA GZHUNG DE DAG CHA LAG DANG BCAS PA LA SLOB DGOS PAR MA ZAD, SNGON GYI MKHAS DBANG DAG GIS BOD RANG GI SPYI SKAD KYI LAM LAS DRANGS @715 PA'I GZHUNG RNAMS LA'ANG LEGS PAR BRTAGS SHING, TSIG GI BSGRIG TSUL, RNAM DBYE TSIG PHRAD, RTZOM GYI NYAMS DOD TSUL, RGYAN GYIS SPRAS TSUL SOGS RIM GYIS NGES PAR BYAS TE DE NAS SGRA RIG PA'I YAN LAG SNYAN NGAG LA'ANG SBYANG BAR BYA'O, , SGRA RIG PA SLOB PA'I TSE RANG SKAD SPYI SGROS KYI SGRA RIG PA'I GZHUNG LA SBYANG DGOS PAR MA ZAD, BOD KYI BRDA SPROD PA'I RIG PA DE BRDA SPROD PA'I GZHUNG GANG GI RIG PA LA BRTEN NAS BZOS PA'I RIGS 'GRE BYED SA'I GZHUNG KA TZAN DBYANGS GSUM SOGS LEGS SBYAR GYI SGRA GZHUNG LA'ANG SBYANG DGOS TE, DE MA SBYANGS NA BRDA SPROD PA'I SKOR LA RIG PAS BRDAR SHA MI CHOD PAS DON GO BA LA'ANG SHUGS RKYEN NGES CAN ZHIG YOD PA DANG, RANG RE'I SMAN GZHUNG, LO RGYUS, RTZIS RIG MNGON BRJOD, SNYAN NGAG NANG DON RIG PA'I DMO DANG SNGAGS KYI GZHUNG RNAMS SU LEGS SBYAR GYI SKAD DANG SGRA SGRUB MI NYUNG BA RE YOD PAS, LEGS SBYAR MA SHES NA DE DAG LA THOS BSAM ZHIB 'JUG BYED PA'I MTHUN RKYEN MA TSANG BAR 'GYUR RO, , GNYIS PA TSAD MA RIG PA NI 'PHAGS YUL DU PHYI ROL BA'I TSAD MA RIG PA'I GZHUNG MANG BO YOD LA, NANG BA SANGS RGYAS PA'I PAn dI TA CHEN PO SLOB DPON PHYOGS KYI GLANG BOS MDZAD PA'I TSAD @716 MA KUN BTUS DANG, SLOB DPON CHOS KYI GRAGS PAS MDZAD PA'I TSAD MA SDE BDUN, DE DAG GI 'GREL BA 'GREL BSHAD SHIN TU MANG BO LO PAn BKA' DRIN CAN RNAMS KYIS BOD SKAD DU BSGYUR NAS DA LTA BSTAN 'GYUR KHROD DU POD NYI SHU YAS MAS YOD LA DE DAG GI DGONGS 'GREL BOD RANG GIS BRTZAMS PA NI SA SKYA PAn CHEN GYI RIGS GTER SOGS GRUB MTHA' RIS MED KYI MKHAS PA RNAMS KYIS BRTZAMS PA'I GZHUNG MANG MOD, KHYAD PAR DU RJE BDAG NYID CHEN POS MDZAD PA'I SDE BDUN YID KYI MUN SEL, RGYAL TSAB DAR MA RIN CHEN GYIS MDZAD PA'I RNAM BSHAD THAR LAM GSAL BYED, SMRA BA'I NYI MA MKHAS GRUB DGE LEGS DPAL BZANG BOS MDZAD PA'I t'IKA CHEN RIGS PA'I RGYA MTSO DANG, SDE BDUN YID KYI MUN SEL, RJE DGE 'DUN GRUB KYIS MDZAD PA'I RNAM 'GREL SPYI DON RIGS RGYAN, DE DAG GI RJES 'BRANG GRVA SA SE 'BRAS DGE GSUM GYI GRVA TSANG SO SO DANG, MDO DBUS GTZANG GSUM GYI MKHAS PA SO SOS MDZAD PA'I TSAD MA'I GZHUNG SHIN TU MANG, DE DAG NI RGYA GZHUNG DANG BOD SNGA MA'I GZHUNG DANG MI 'DRA BAR KHA GSAL ZHING ZHIB CHA CAN YIN, TSAD MA'I GZHUNG GI DGONGS PA CUNG RTOGS DKA' BAS DE'I DGONGS PA RTOGS PA'I THABS DAM PA BSDUS GRVA ZHES PA 'DI NI CHA BA CHOS KYI SENG GE YAB @717 SRAS KYIS GSAR GTOD MDZAD PA YIN ZHING, 'DI NI TSAD MA RIG PA STE GTAN TSIGS RIG PA'I DGONGS DON BDE BLAG TU LON THUB PA'I THABS DAM PA YIN NO, ,DES NA TSAD MA RIG PA STE GTAN TSIGS RIG PA LA SBYANG TSE GZHUNG 'DI DAG LA SBYANG DGOS MOD, THOG MAR BSDUS GRVA'I GZHUNG KHA GSAL NYUNG BSDUS SHIG LA SBYANG DGOS PA DANG, DE NAS BSDUS GRVA'I GZHUNG RGYAS PA DGAG GZHAG SPANG GSUM DANG LDAN PA ZHIG LA SBYANG BRTZON GYIS RIGS LAM LA CUNG ZAD BYANG CHUB PAR GYUR RJES TSAD MA RNAM 'GREL GYI 'GREL BA RGYAS BSDUS CI RIGS DANG, TSAD MA'I SPYI DON SOGS LA SBYANGS TE GO BA GTING TSUGS PAR BYA'O, , DE LTAR GTAN TSIGS RIG PA'AM TSAD MA RIG PA SBYANG BA'I DGOS PA NI GNAS SKABS RIG PAS BRDAR SHA CHOD CING, BLO GROS KYI 'JUG PA GSAL ZHING MYUR BAR GYUR NAS GZHUNG LUGS GANG LA THOS BSAM GYIS 'JUG PA NA DGONGS PA BDE BLAG TU RTOGS PAR 'GYUR RO, ,MTHAR PHYI'I DNGOS PO DANG NANG GI SEMS KYI RANG BZHIN GSHIS LUGS LA DPYOD PAR BYED PA NA BLUN PO ZER SGROS KYI RJES SU 'BRANG BA LTA BU MA YIN PAR RANG GI RIG PA'I RTZAL GYIS PHYI NANG GI DNGOS PO'I GNAS LUGS JI BZHIN RTOGS TE RANG GI BLO NGOR LUNG RIGS GANG RUNG LA BRTEN NAS DE LAS GZHAN DU 'DA' @718 MED PA'I GRUB MTHA' 'JOG NUS SO, , LOG SMRA TSAR GCOD SGRA DANG TSAD MA DANG, ,ZHES GSUNGS PA LTAR LOG PAR SMRA BA'I TSIG GI 'KHRUL BA SEL BA LA SGRA RIG PA NGES PAR DU DGOS PA DANG, DON GYI 'KHRUL BA SEL BA LA TSAD MA RIG PA NGES PAR DGOS PA'I RGYU MTSAN GYIS LOG SMRA TSAR GCOD PA'I YAN LAG SGRA RIG PA DANG TSAD MA RIG PA ZHES SNGON GYI MKHAS PA RNAMS LA RLUNG LTAR GRAGS PA YIN NO, , GSUM PA BZO RIG PA NI BZO LAS KYI RIG PA YIN LA DE'I GZHUNG NI BSTAN 'GYUR KHROD KYI BZO PA TRA ZHES PA'I GZHUNG DANG, 'JU MI PHAM GYI GSUNG GI BZO PA TRA SOGS DANG, GZHAN YANG BKA' 'GYUR DANG BSTAN 'GYUR GYI GZHUNG RNAMS SU BZO LAS KYI SKOR THOR BU THOR BU YOD PA, DPER NA DUS 'KHOR RGYUD DU 'BRU MAR GYI SGYOGS BZO TSUL, RKYAL GRU BZO TSUL, ME TOG LDUM RAR CHU 'DREN BYED KYI SHING GI SBU GU BZO TSUL SOGS YOD PA DANG, GZHAN YANG GSER 'GYUR GYI RTZI DANG LCAGS ZANGS LA GSER CHU BYUGS TSUL SOGS, BE'U BUM DANG, DKYIL 'KHOR, MCHOD RTEN, SKU GZUGS SOGS KYI THIG 'DEBS TSUL, RIN PO CHE BRTAG PA, RTA SOGS DUD 'GRO BRTAG TSUL SOGS KYI GZHUNG DAG LA SBYANGS NAS LAG LEN DANG 'GREL BA'I ZHIB 'JUG BYAS TE DGOS @719 MKHO DANG BSTUN NAS LAG LEN BYED PA GAL CHE'O, , 'TSO BA'I DGOS MKHO DANG MTHUN PA'I BOD KYI LAG SHES BZO LAS DAG NI DENG DUS KYI 'PHRUL 'KHOR BZO LAS LA BLTAS NA RJES LUS YIN MOD, 'ON KYANG MI DMANGS MANG TSOGS KYI 'TSO BA'I DGOS MKHO DANG BSTUN NA MED DU MI RUNG BA ZHIG YIN TE, DPER NA, RDO BZO, SHING BZO, LCAGS BZO, DNGUL BZO, GSER BZO, LHA BZO, GSER RTZI RGYAG PA, TSON RTZI RGYAG PA, PAR RKO BA, YUL THABS KYI AAR LAS, 'DAM LAS, SNAM PHRUG DANG THER MA BZO BA, SA GDAN DANG RKYONG GDAN KHA GDAN BZO BA, KO PAGS DANG TSA RU MA NYED PA, BAL LAS PHYING 'JOG SOGS NI MED DU MI RUNG ZHING, GAL CHE BA'I BZO LAS YIN PAS BZO RIG DE DAG DAR RGYAS GTONG 'OS PA YIN, DE'I STENG DU DENG DUS KYI 'PHRUL 'KHOR BZO LAS DANG LAG RTZAL SNA TSOGS PA DAG LA BSLABS NAS YUL THABS DANG PHYI THABS ZUNG 'BREL GYIS DPAL 'BYOR GONG DU SPEL TE MI DMANGS MANG TSOGS PHYUG POR 'GYUR BA'I THABS LA 'BAD DGOS PA'I BZO RIG PA NI GAL CHE'I RIG PA ZHIG YIN NO, , BZHI BA GSO BA RIG PA NI PHYI NAS BSGYUR BA'I GSO BA RIG PA'I GZHUNG BSTAN 'GYUR KHROD DU POD BCU PHRAG TZAM YOD PA DE DAG DANG, BOD GZHUNG LA MTSON NA'ANG MDO DBUS GTZANG GSUM @720 GYI MKHAS PA SHIN TU MANG BOS SMAN GYI RGYUD BZHI GZHIR BZUNG STE RANG GI NYAMS MYONG DANG SBRAGS NAS BRTZAMS PA'I GZHUNG SHIN TU MANG STE, DPER NA G-YU THOG GSAR RNYING GIS BRTZAMS PA'I GZHUNG NI BDAG GIS BRTZAMS PA'I G-YU THOG GSAR RNYING GI RNAM THAR NANG DU BKOD YOD PA DE LTAR LA, GZHAN YANG BYANG ZUR GYI MKHAS PA RNAM GNYIS KYIS MDZAD PA'I GZHUNG RNAMS DANG, BEE SNGON SOGS RGYUD BZHI'I 'GREL BA 'GREL BSHAD MCHAN SOGS DANG, MAN NGAG LHAN THABS DANG, ZIN TIG LA SOGS PA RANG GI NYAMS MYONG DANG SBRAGS PA'I SMAN GZHUNG MANG BO BRTZAMS YOD, DE LTAR GZHUNG MANG YANG DPE KHROD DU RDUL GYIS KHEBS NAS YOD PA TZAM LA DGOS PA CHER MI 'DUG PAS NGES PAR SBYANG DGOS PA GAL CHE, DE LA THOG MAR RGYUD BZHI BLO LA BZUNG NAS BYANG CHUB PAR BYED DGOS TE, RJE BDAG NYID CHEN POS SMAN SBYANG SKABS RGYUD BZHI BLO LA BZUNG BA RNAM THAR DU GSUL BA LTAR RED, DE LTAR BLO LA BZUNG BA TZAM GYIS MI CHOG PAR SLOB DPON MKHAS PA BSTEN TE, DNGOS SHUGS KYI BSTAN BYA MAN NGAG DANG BCAS PA KHONG DU CHUD PAR BYED CING, MAN NGAG GI GZHUNG GZHAN DAG LA'ANG SBYONG BA BRTZON PA CHU BO'I RGYUN BZHIN BSTEN NA MING DANG DON MTHUN PA'I LHA RJER GYUR TE SNYAN GRAGS KYI DRI BSUNG PHYOGS SU 'THUL BAR 'GYUR RO, , @721 BOD KYI GSO BA RIG PA 'DI NI BAR SKABS NYAM DAMS SU GYUR TE SMAN RDZAS BSDU LEN, SDEB SBYOR, LAG RTZAL SOGS GANG THAD NAS LAG LEN JI BZHIN MA NUS PA MA GTOGS GSO RIG 'DI'I NGO BO TSAN RIG PA YANG DAG PA ZHIG YIN TE PHYI LUGS KYI SMAN DPYAD KYIS BCOS MA THUB PA, BOD KYI SMAN PAS DPYAD KYIS THAG BCAD PA DU MA ZHIG MTHONG, PHYI LUGS KYI SMAN DPYAD DMAN ZER BA GA LA YIN TE, 'ON KYANG DAL BA'I RANG BZHIN CAN GYI NAD DU MA ZHIG LA PHYI LUGS KYI SMAN LAS BOD LUGS KYI SMAN GNAD DU 'GRO BA DU MA ZHIG YOD PAR SNANG NGO, ,DES NA RANG LAG GI NOR BU LTA BU'I RIG PA 'DI'ANG DON MED DU LAG NAS MI 'CHOR BAR BRTZON SBYANG BYI DOR GYIS 'OD 'TSER BA ZHIG BYED PAR ZHU ZHES LAG PA'I PAD MO SNYING GAR ZUM STE ZHU'O, , BZO RIG PA DANG SO BA RIG PA 'DI GNYIS NI SKAL LDAN RJES SU 'DZIN PA'I YAN LAG YIN GSUNGS PA LTAR BZO LAS KYIS SKAL BA DANG LDAN PA'I RANG BZHIN RNAL DU GNAS PA'I MI DANG MI DMANGS, MI RIGS DANG RGYAL KHAB KYI DPAL 'BYOR DANG 'TSO BA GONG DU SPEL TE BDE ZHING SKYID PA'I GNAS SU BKOD NAS MTHAR SPYOD BZANG SEMS BZANG BLA NA MED PA'I GO 'PHANG DU 'GOD PA DANG, GSO BA RIG PA NI SKYE 'GRO'I NAD KYI ZUG RDU THAMS CAD @722 'JOMS PAR BYED CING, DUS MIN 'CHI BA'I 'CHING ZHAGS BCAD DE LUS SEMS KYI BDE BA MTHAR THUG PA LA 'GOD PA'I THABS DAM PA YIN NO, , LNGA BA NANG DON RIG PA NI GTZO BO NANG SEMS 'DUL BA'I THABS TE, 'DI LA GZHUNG SDE SNOD GSUM YOD PA NI 'DUL BA'I SDE SNOD, MDO SDE'I SDE SNOD, MNGON PA'I SDE SNOD DE GSUM YOD, 'DUL BA'I SDE SNOD KYI BRJOD BYA NI TSUL KHRIMS KYI BSLAB PA GTZO BOR STON PA STE, LTA SGOM SPYOD GSUM LA SBYAR NA SPYOD PA GTZO BOR STON PA'I GZHUNG YIN, MDO SDE'I SDE SNOD KYI BRJOD BYA NI TING NGE 'DZIN GYI BSLAB PA GTZO BOR STON PA STE, LTA SGOM SPYOD GSUM LA SBYAR NA SGOM PA GTZO BOR STON PA'I GZHUNG YIN, MNGON PA'I SDE SNOD NI SHES RAB KYI BSLAB PA GTZO BOR STON PA STE, LTA SGOM SPYOD GSUM LA SBYAR NA LTA BA GTZO BOR STON PA'I GZHUNG YIN, DES NA SDE SNOD GSUM NI GZHUNG YIN LA BSLAB PA GSUM NI SDE SNOD GSUM GYI BRJOD BYA YIN NO, ,'DUL BA'I SDE SNOD CES PA NGES TSIG GIS BSHAD NA, RANG SEMS 'DUL BA'I THABS STON PA'I GZHUNG YIN PAS 'DUL BA'I SDE SNOD CES BYA LA SDE SNOD CES PA'ANG GZHUNG LA BYA STE BRJOD BYA LA SDE KHAG GSUM BYAS PA'I NANG GI TSUL KHRIMS KYI SDE STON PA'I SNOD LTA BU'I GZHUNG YIN PAS SDE SNOD CES BYA STE GZHAN @723 GNYIS LA'ANG RIGS 'GRE, 'DUL BA'I SDE SNOD LA SLOB SBYONG BYAS TE TSUL KHRIMS KYI BSLAB PA KHONG DU CHUD PAR BYED DGOS, TSUL KHRIMS ZHES PA NI TSUL DANG MTHUN PA'I KHRIMS SHIG LA GO DGOS, RANG NYID TSUL DANG MTHUN PA'I KHRIMS LA GNAS PA STE SPYOD STANGS BZANG BO LA GNAS TE RANG GZHAN GYI DON BSGRUB PA LA 'JUG DGOS, SPYIR TSUL KHRIMS ZHES PA PHYI ROL PA DAG LA'ANG RANG RANG LUGS KYI TSUL KHRIMS RE SRUNG LUGS YOD MOD, 'DIR NANG BA SANGS RGYAS PA'I DBANG DU BTANG NA SO THAR GYI TSUL KHRIMS DANG, BYANG SEMS KYI TSUL KHRIMS, GSANG SNGAGS KYI TSUL KHRIMS TE GSUM YOD DO, , MDO SDE'I SDE SNOD LA THOS BSAM RNAL MA BYAS TE TING NGE 'DZIN GYI RNAM GZHAG KHONG DU CHUD PAR BYAS NAS RANG SEMS 'DUL BA'I THABS KYI GTZO BO TING NGE 'DZIN SGOM PA LA 'JUG PAR BYED, RANG SEMS MA ZHI BA SKAD CIG MA GCIG DANG GNYIS LA'ANG GNAS MI THUB PAR RTA RGOD 'PHYO BA BZHIN DU 'PHRO BAR 'GYUR BA DE NYID ZHI BAR GNAS PA'I THABS SEMS GNAS KYI GDAMS NGAG SLOB DPON LAS BLANGS TE BSGOMS NAS RANG SEMS LA DBANG 'BYOR TE SEMS CI 'DOD DU GNAS THUB PA NA SGOM BZANG BO GRUB PA'AM ZHI GNAS THOB ZER, TSUL KHRIMS TSUL BZHIN BSRUNG BA'I STENG NAS GZHUNG @724 LUGS LA THOS BSAM BYAS TE TING NGE 'DZIN SGOM PA LA 'JUG PAR BYA BA YIN TE, TSUL GNAS THOS DANG SEMS LDAN PAS, ,SGOM PA LA NI RAB TU SBYOR, ,ZHES GSUNGS SO, , MNGON PA'I SDE SNOD LA THOS BSAM YANG DAG PA BYAS TE SHES RAB KYI BSLAB PA KHONG DU CHUD PAR BYAS NAS RANG SEMS 'DUL BA'I THABS MTHAR THUG PA CHOS THAMS CAD KYI GNAS LUGS JI LTA BA BZHIN DU RTOGS PA'I SHES RAB RANG RGYUD LA SKYE BAR BYED PA'O, , SPYIR SHES RAB LA KUN RDZOB RIG PA'I GNAS LNGA SHES PA'I SHES RAB DANG, DON DAM GNAS LUGS SHES PA'I SHES RAB GNYIS LAS 'DIR NI PHYI MA'O, ,BSLAB PA ZHES PA NI BSLAB BYA'I YUL DE LA BSLAB PA ZER ZHING, SHES BYA'I YUL DE LA SHES BYA ZER BA YIN MOD, DENG SANG 'GA' ZHIG GI BSHAD TSUL LA YUL DANG YUL CAN GNYIS GO LOG NAS SHES BYED KYI YON TAN LA SHES BYA ZER TE, SHES BYA YOD MKHAN GYI MI ZER BA LTA BU, SHES BYA MED MKHAN GYI MI MED DE GZHI GRUB NA SHES BYA YIN PAS KHYAB PA'I PHYIR RO, , GZHAN YANG MTSAN NYID KYI GRVA SA RNAMS SU NANG DON RIG PA DE GZHUNG PO TI LNGA'I NANG DU BSDUS TE SLOB PAR BYED DE RNAM 'GREL, PHAR PHYIN, DBU MA, MDZOD, 'DUL BA STE LNGA LA SBYANG BAR BYED, RNAM 'GREL GYI SKABS SU TSAD MA RNAM 'GREL RTZA BAR BYAS @725 TE TSAD MA RIG PA LA BRTEN NAS RIG PA'I SGO YANGS POR PHYES TE LEGS NYES 'BYED PA'I RIG PA RNO ZHING GSAL BAR BYED, DE NAS MNGON RTOGS RGYAN RTZA BAR BYAS TE PHAR PHYIN SLOB PA LA ZHUGS TE MDO SDE'I SDE SNOD KYI BRJOD BYA TING NGE 'DZIN GYI BSLAB PA SOGS RGYA CHE BA'I LAM GYI RIM PA LA SLOB PAR BYED, DBU MA 'JUG PA RTZA BAR BYAS TE MNGON PA'I SDE SNOD DBU MA'I GZHUNG LA SBYANGS NAS CHOS THAMS CAD KYI GNAS LUGS MTHAR THUG PA RTOGS PA'I DBU MA'I LTA BA GTAN LA 'BEBS, CHOS MNGON PA'I MDZOD KYI TSIG LE'UR BYAS PA RTZA BAR BYAS TE MNGON PA'I GZHUNG LA SBYANGS NAS KHAMS KYI RAB DBYE GTAN LA 'BEBS, 'DUL BA MDO RTZA RTZA BAR BYAS TE CHOS 'DUL BA'I GZHUNG LA SBYANGS NAS SO THAR GYI TSUL KHRIMS GTAN LA 'BEBS PAR BYED DO, , RIG GNAS CHUNG BA LNGA NI, SNYAN NGAG SDEB SBYOR, MNGON BRJOD, ZLOS GAR, SKAR RTZIS TE LNGA YIN LA, DANG BO, SNYAN NGAG NI LEGS SBYAR LAS BSGYUR BA SNYAN NGAG ME LONG, DPAG BSAM 'KHRI SHING, SKYES RABS SO BZHI BA SOGS DANG, BOD RANG LA MTSON NA KUN GZIGS LNGA BA CHEN PO SOGS KYIS MDZAD PA'I ME LONG MA'I 'GREL BA DANG, DPE BRJOD SOGS SNYAN NGAG GI GZHUNG RGYAS BSDUS SNA TSOGS PA YOD PA DAG LA SBYANGS NAS TSIGS @726 BCAD DANG, TSIG LHUG BCAD LHUG SPEL MA DAG RTZOM PA LA BYANG BAR BYED DGOS, SNYAN NGAG MED NA GRONG TSIG TU SONG NAS MI MDZES SHING MKHAS PA'I MDUN SAR RTZIS SU MED DE ZUR MKHAR BLO GROS RGYAL BOS, RGYAL BO LANG TSOS DREGS GYUR KYANG, ,RGYAN MED PA NA SKYE BOS GLENG, ,DE BZHIN SNYAN NGAG MI LDAN PA'I, ,BSTAN BCOS MKHAS LA RTZIS SU MED, ,CES GSUNGS, GZHAN YANG GONG 'OG TU YI GE BSKUR BA LTA BU LA MTSON NA, DNGOS SU BSHAD NA MI 'GRIG PA SHUGS LA STON DGOS PA DANG, ZUR GYIS GO DGOS PA DANG, TSIG GI NUS PA 'DON DGOS PA SOGS LA SNYAN NGAG MED NA DE TZAM GYI NUS PA MI THON, SNYAN NGAG GI RGYAN DANG LDAN NA LTA MKHAN DANG NYAN MKHAN GYI SEMS KYANG SPRO SENG NGER 'GRO BA SOGS KYI YON TAN YOD LA SNYAN NGAG CHEN PO SHES PAR MA ZAD CUNG ZAD SBYANGS PA DAG LA'ANG SNYAN GRAGS YOD PA DANG, MKHAS PA'I GRANGS SU 'GRO STE, SNYAN NGAG ME LONG LAS, SNYAN NGAG CHUNG NGU LA YANG NGAL BYAS MI, ,MKHAS PA'I MDUN SA DAG TU 'DUG LA DBANG, ,ZHES GSUNGS SO, , GNYIS PA SDEB SBYOR NI SGRA STE LEGS SBYAR GYI BRDA SPROD PA'I GZHUNG KA L'A PA DANG DBYANGS CAN MA LTA BU BSLABS NAS DE RJES SDEB SBYOR RIN CHEN 'BYUNG GNAS KYI 'GREL BA KHA GSAL ZHIG GI @727 STENG NAS LEGS SBYAR SKAD KYI SDEB SBYOR BSGRIG TSUL BSLAB, DE NAS BOD RGYA SHAN SBYAR GYI STENG NAS SDEB SBYOR LCI YANG BSGRIG STE LANYTSA DANG WARTU BOD YIG BCAS SUM RKANG BSGRIG PA NI SDEB SBYOR GYIS MDZES PAR BYED PA YIN PAS SNYAN NGAG GI YAN LAG YIN LA, GZHAN YANG SNGON GYI LO TZ'A BA RNAMS LTAR LEGS SBYAR LAS GZHUNG MCHOG TU GYUR PA RNAMS BOD SKAD DU BSGYUR BA, SNGAR BSGYUR ZIN PA DAG LA SGYUR BCOS BYED PA LTA BU'I SGO NAS RIG PA'I GNAS DAR ZHING RGYAS PAR BYED PA DE YIN NO, , BOD RANG SKAD LA MTSON NA, BRiTTA DANG DZ'A TA'I SDEB SBYOR JI LTA BA BZHIN MED MOD, BOD YIG LA LCI YANG YOD DE LCI YANG GI KHYAD PAR NI, SNGON GYI MKHAS PA DAG GI LUGS BZHIN DU KHO BOS SNYAN NGAG YANG GSAL SNANG MDZOD DU BKOD YOD, NGAL GSO'AM 'JOG MTSAMS NI DPER NA, PADMA YI LTE BA RU, ,GE SAR GYI LANG TSO NGOM, ,RKANG DRUG GI GSHOG GLU DE, ,RNA BA YI DPAL DU GRUB, ,CES PA'I GOR RTAGS CAN RNAMS NI NGAL GSO YIN LA, MGUR TSIG TSIG RING LA SBYAR BA, DPER NA, SPRIN DKAR LANG LONG G-YO BA YI GSEB NAS, ,G-YU 'BRUG GAD MO LHANG LHANG DU BSGRAGS PAS, ,MDONGS MTHA' DGA' BA'I SGRO GUR DE PHUB NAS, ,BRO GAR BSGYUR BA'I LTAD MO LA BLTA'O, ,ZHES PA LTA BU @728 DANG, YANG NGAL GSO MI ZER KYANG TSIG YA GCIG TSIG MGO LA THON PA DPER NA, DGUNG SNGON MO'I DBYINGS RIM NA, ,BYA RGOD POS GSHOG RTZAL 'GRAN, ,THANG YANGS MO'I THANG DKYIL NA, ,RTA MGYOGS PO'I BANG RTZAL 'GRAN, ,ZHES PA LTA BU, GZHAN YANG YI GE 'JAM PA SHAS CHE BAS TSIG MNYEN PA'I NYAMS DANG LDAN PA RJE'I GSUNG GI THUB BSTOD SKABS GSUM PA LTA BU, YI GE RTZUB PA SHAS CHE BAS TSIG BRJID PA'I NYAMS DANG LDAN PA CHOS RGYAL BSTOD PA BRKYANG BSKUM MA LTA BU'O, ,DE LTAR GANG LA GANG 'TSAM GYI TSIG SDEB PA NI SNYAN NGAG GI CHAR GTOGS SDEB SBYOR YIN NO, , GSUM PA MNGON BRJOD NI MING GI RNAM GRANGS MANG BO YOD PA LA ZER TE, DPER NA NYI MA LTA BU LA'ANG MING BCU PHRAG DU MA YOD, SGRA, SNYAN NGAG SMAN RTZIS SOGS GZHUNG THAMS CAD KYI NANG DU MNGON BRJOD KYIS BCINGS PA'I MING DANG TSIG MANG BO YOD PAS MA SHES NA GZHUNG DE DAG SHES PA'I GEGS SU 'GYUR, DPER NA, NYI MA ZHES PA KUN GYIS SHES MOD, RTA BDUN DBANG BO DANG, SNA TSOGS 'OD CAN ZHES PA YOD PA'I TSIG DANG 'PHRAD TSE, DE NYI MA'I MING YIN PAR MA SHES NA TSIG DE'I DON GO BA'I GEGS SU 'GYUR RO, ,GZHAN YANG RANG GIS SNYAN NGAG GI RGYAN DANG LDAN PA'I GZHUNG RTZOM PA LA MNGON BRJOD MED DU MI RUNG BA YIN TE @729 DPER NA, TSIG DE'I NANG DU PADMA ZHES BRJOD TSE DE TZAM MI MDZES NA MTSO SKYES ZHES BRJOD CHOG PA DANG, DE SKYANG TSIG GI KHA MA GANG TSE DE LAS RING BA'I PAD MA'I MING SBRANG RTZI'I RGYAL MTSAN ZHES BRJOD CHOG PA LTA BU'O, , MNGON BRJOD KYI GZHUNG NI LEGS SBYAR LAS BSGYUR BA MNGON BRJOD 'CHI MED MDZOD DANG, BOD RANG GI MKHAS PAS BRTZAMS PA MNGON BRJOD MKHAS PA'I RNA RGYAN, MNGON BRJOD MKHAS PA'I RNA CHA SOGS YOD PAS DE DAG LTA GZHIR BZUNG STE SBYANG DGOS, SBYONG TSUL YANG GZHUNG GZHAN LTAR CHED DU GNYER NAS MA SBYANGS KYANG SNYAN NGAG GI GZHUNG DANG, SNYAN NGAG GIS BCINGS PA'I GZHUNG DAG SBYANG BA DANG LTA KLOG BYAS NA DE DAG GI NANG DU MNGON BRJOD MANG BO YOD PAS RIM GYIS BYANG BAR 'GYUR RO, , DE MTSUNGS GTAM RGYUD DAG KYANG SHES DGOS TE, GTAM RGYUD LA SBYAR NAS BRTZAMS PA'I SNYAN NGAG MANG BO YOD PAS DE DAG SHES PA LA PHAN PA DANG, RANG GIS KYANG SNYAN NGAG RTZOM PA LA MKHO'O, , DPER NA, KHYAB 'JUG GI 'JUG PA BCU DANG, R'A MA nA'I GTAM RGYUD LTA BU, BSTAN 'GYUR KHROD KYI KHYAD PAR 'PHAGS BSTOD DANG, LHA LAS PHUL BYUNG GI BSTOD PA'I 'GREL BA'I NANG DU PHYI ROL BA'I GTAM RGYUD MANG BO YOD PAS DER BLTA BAR BYA LA NANG BA SANGS @730 RGYAS PA'I GTAM RGYUD DAG LA'ANG SBYANG BAR BYA'O, , BZHI BA ZLOS GAR NI SNGAR SA SKYA PAn CHEN GYIS GSUNGS PA'I GZUGS KYI NYI MA DANG, BHA RA TA LA SOGS PA DANG PHYIS SU YANG LEGS SBYAR LAS BOD SKAD DU BSGYUR BA KLU KUN TU DGA' BA'I ZLOS GAR DANG, 'JIG RTEN KUN TU DGA' BA'I ZLOS GAR SOGS YOD LA RGYA GZHUNG GI KHUNGS DANG LDAN PA DAG LA BOD RANG GIS LEGS BCOS BYAS NAS 'CHAM BZHIN PA CHOS RGYAL NOR BZANG, DRI MED KUN LDAN SOGS DANG, BOD RANG GI ZLOS GAR SRONG BTZAN SGAM PO, KHRI SRONG LDE BTZAN, SENG CHEN NOR BU DGRA 'DUL GYI SKOR SOGS YO DPA RNAMS DA LTA SLAR GSO BYED BZHIN PA'O, , LNGA BA SKAR RTZIS NI DUS 'KHOR RTZA RGYUD LAS GSUNGS PA'I SKAR RTZIS KYI RNAM PAR GZHAG PA LA BOD KYI MKHAS PA RNAMS KYIS LEGS PAR BRTAGS SHING DPYAD DE GTAN LA PHAB PA'I RTZIS LA BOD RTZIS ZHES GRAGS PA DANG, RGYA NAG GSER RTZIS LAS BSGYUR BA BOD RANG GI BRTZI LUGS SU BCOS TE RANG SA'I GNAS TSUL DANG MTHUN PAR GTAN LA PHAB PA LA RGYA RTZIS ZHES GRAGS, RTZIS DE DAG LA BRTEN NAS NYI ZLA GZA' SKAR 'KHOR TSUL, DUS BZHI DANG DUS TSIGS NYER BZHI, NYI ZLA GZA' 'DZIN SOGS LA MI 'CHUG PA'I GZER THEBS PA'I TSAN RIG GI LAG LEN 'DI LAGS LA RIG PA'I @731 GNAS 'DI SBYONG TSE SA RIS KYI RI MO BYANG BA TZAM MA YIN PAR GO DON DANG SBYAR NAS ZHIB 'JUG BYED PA GAL CHE'O, , DE LTAR RIG GNAS 'GANGS CHEN 'DI DAG LA SBYANGS TE RIG GNAS KYI RMANG GZHI 'THUG PO BTINGS NAS TSAN RIG LAG RTZAL GONG DU SPEL TE MES RGYAL DAR ZHING RGYAS PA LA 'BAD DGOS SO, , LEGS BYAS NYI MA GZHON NU'I RTZE DGA' YIS, ,BDE SKYID PAD MA GZHON NU'I 'DAB GROL TE, ,SDE BZHI'I GE SAR GZHON NU'I ZIL MNGAR LA, ,SKYE DGU BUNG BA GZHON NUS ROL GYUR CIG,