S12344E · GMLW-006283

A Centering Point for Sages--A Description of the Difference between Allusions and Riddles

GAB TSIG DANG KHED GNYIS KYI KHYAD PAR BRJOD PA DRANG SRONG TSANGS THIG
מחברauthor
MUGAY SAMTEN GYATSODMU DGE BSAM GTAN RGYA MTSO1914-1993
נמצא בfound inCLASSICAL POETRY
מהדורהrecensionnot applicable - a collected works, not a canon edition
צורהformprose
מצב תרגוםtranslationno English of the text
כיסוי המילון לכותרתdictionary coverage of the title100%

הקבציםThe files

S12344E_GAB TSIG DANG KHED GNYIS KYI KHYAD PAR BRJOD PA DRANG SRONG TSANGS THIG_A Centering Point for Sages--A Description of the Difference between Allusions and Riddles_DMU DGE BSAM GTAN RGYA MTSO (1914-1993).TXT/SNYAN NGAG_CLASSICAL POETRY/SNYAN NGAG GI KHED_STUDY OF RIDDLES IN CLASSICAL POETRY
S12344E_GAB TSIG DANG KHED GNYIS KYI KHYAD PAR BRJOD PA DRANG SRONG TSANGS THIG_A Centering Point for Sages--A Description of the Difference between Allusions and Riddles_DMU DGE BSAM GTAN RGYA MTSO (1914-1993).TXT/SNYAN NGAG_CLASSICAL POETRY/SNYAN NGAG GAB TSIG_STUDY OF CONCEALED ALLUSIONS IN CLASSICAL POETRY

הטקסטThe text

טיבטיתTibetanS12344E_GAB TSIG DANG KHED GNYIS KYI KHYAD PAR BRJOD PA DRANG SRONG TSANGS THIG_A Centering Point for Sages--A Description of the Difference between Allusions and Riddles_DMU DGE BSAM GTAN RGYA MTSO (1914-1993).TXT8,169 תוויםcharacters

@622 GAB TSIG DANG KHED GNYIS KYI KHYAD PAR BRJOD PA DRANG SRONG TSANGS THIG CES BYA BA, GANG 'DUL GSER LDAN BU MO'I LTO BA RU, , SO RIG RIG BYED 'OD KYIS 'KHYUD PA NA, , KUN PHAN KHYE'U'I ROL BA 'BUM 'CHAR BAR, , BYED PO ZLA MED DRANG SRONG KHYOD KYIS SKYONGS, , 'DIR SNGA MO ZHIG NAS DOGS GNAS KYI DRI BA MANG BO ZHIG 'BYOR BAS, GAB TSIG DANG, KHED GNYIS KYI KHYAD PAR MDO TZAM BRJOD PA LA, 'BYUNG KHUNGS KYI KHYAD PAR, DUS KYI KHYAD PAR, NGO BO'I KHYAD PAR, THA SNYAD KYI KHYAD PAR BZHI LAS, DANG BO, 'BYUNG KHUNGS KYI KHYAD PAR NI, GAB TSIG GI RGYAN NI, GTZO BO 'PHAGS YUL GYI SNYAN NGAG DAG LAS BYUNG BA YIN TE, SNYAN NGAG ME LONG LAS, 'DI RNAMS GAB TSIG BCU DRUG STE, , SNGON GYI SLOB DPON RNAMS KYIS BSTAN, ,ZHES DANG, GAB TSIG @623 DAG GI RNAM PA YI, ,LUGS KYANG RAB TU BSTAN PAR BYA, ,ZHES GSUNGS SO, ,ME LONG MA BOD DU MA 'GYUR BA'I SNGON GYI BOD GZHUNG DAG NA GAB TSIG GI RGYAN GYI THA SNYAD MI 'BYUNG BAS KYANG, GAB TSIG GI RGYAN GYI 'BYUNG KHUNGS NI SNYAN NGAG GI GZHUNG RNAMS YIN PA SHES SO, , KHED KYI 'BYUNG KHUNGS NI, GTZO BO BON YIN TE, BKA' CHEMS SOGS LAS, BON, SGRUNG, LDE'U GSUM, ZHES PA'I LDE'U NI KHED YIN TE, DEB THER MKHAS PA'I DGA' STON LAS, MNGON PA'I SDE SNOD 'BYUNG BA'I LTAS LDE'U SPYOD, CES PA'I MCHAN DU, SRANG LA THEM GNYER WA BA CAN CI YIN, ZHES 'DRI BA DPER BZHAG PA LTA BU DANG, GZHAN YANG, RGYAL BLON 'DI GNYIS KYI DUS SU ZHANG ZHUNG NAS BON SGRUNG LDE'U GSUM DAR ZHES DANG, CHAB SRID SGRUNG DANG LDE'U BON GYIS BSKYANGS, ,ZHES PA'I LDE'U NI KHED YIN LA, RGYA NAG GI TA'O JA'O ZER BA'I STON PA LO KYUN GYI RANG LUGS PA RNAMS LA'ANG KHED DAR ZHING, CHOS LUGS SU BRTZI ZHES RGYA MI DAG GIS ZER RO, , GNYIS PA, DUS KYI KHYAD PAR NI, GAB TSIG GI RGYAN NI RIG GNAS CHUNG BA LNGA'I YA GYAL GYI SNYAN NGAG DAR NAS BYUNG BA YIN, SPYIR SNYAN NGAG TZAM NI BOD 'DIR SNGA MO ZHIG NAS YOD MOD, RIG @624 GNAS CHUNG BA LNGA'I YA GYAL GYI SNYAN NGAG NI, 'PHAGS YUL GYI MKHAS PA DAG GI LUGS BZHIN DU, SHAR LHO'I LAM LUGS SO SO DANG, THUN MONG LA'ANG, DON RGYAN SGRA RGYAN GAB TSIG GI RGYAN SKYON SEL DANG BCAS PA'I RNAM BZHAG STON PA'I GZHUNG DANG MTHUN PAR RTZOM PA DE YIN LA, DE BSTAN PA PHYI DAR GYI DUS SU BYUNG BA YIN TE, G-YA' SEL LAS, 'ON KYANG SGRA SNYAN NGAG SDEB SBYOR, MNGON BRJOD, ZLOS GAR TE, RIG GNAS CHUNG BA'AM THA SNYAD RIG PA'I GNAS LNGAR GRAGS PA, SA PAn YAN LA MA DAR ZHING, DE NAS THAR LO NYI MA RGYAL MTSAN YAN LA DAR YANG BOD SKAD DU GZHUNG YONGS RDZOGS MA 'GYUR BA LA, ZHES SOGS LTAR YIN, GZHUNG YONGS RDZOGS SHONG STON LO TZ'A BA RDO RJE RGYAL MTSAN DANG, DPANG LO YAB SRAS SKU DRIN CAN RNAMS KYIS ME LONG RTZA 'GREL, DPAG BSAM 'KHRI SHING SOGS BSGYUR PA LA BRTEN NAS, SNYAN NGAG SHIN TU DAR TE, BOD 'GREL SHIN TU MANG MOD, GRAGS CHE BA NI, RIN SPUNGS PA'I SENG GE'I NGA RO, RGYAL DBANG LNGA BA CHEN MO'I DBYANGS CAN DGYES GLU, BOD MKHAS PA MI PHAM DGE LEGS RNAM RGYAL GYI DAN dI'I DGONGS RGYAN DANG, DPE BRJOD SGRA DBYANGS RGYA MTSO'I 'JUG NGOGS SOGS YOD LA, DE DAG GI SKABS SU GAB TSIG GI RGYAN BCU DRUG GI DPE BRJOD DAG KYANG SHIN TU LEGS SHING MDZES @625 PAR BKOD YOD PAS GAB TSIG GI RGYAN ZHES YONGS SU GRAGS PA 'DI BYUNG NGO, , KHED NI, BSTAN PA SNGA DAR MA ZAD, BOD DU SANGS RGYAS KYI BSTAN PA MA DAR BA'I SNGON NAS BYUNG BA YIN TE, DPA' BO GTZUG LAG PHRENG BA'I DEB THER LAS, 'DI YAN GDUNG RABS NYI SHU RTZA BDUN DU, CHAB SRID SGRUNG DANG LDE'U (KHED) BON GYIS BSKYANGS ZHES DANG, BOD RGYAL SPU DE GUNG RGYAL DANG, BLON PO RU LAS SKYES GNYIS KYI DUS SU BYUNG BAR BSHAD DE, MA 'ONGS SNGAGS DANG 'DUL BA 'BYUNG BA'I LTAS, ,GNAM BON GSHEN PO CHE DANG BON GZHUNG BYUNG, ,ZHES DANG, DE'I THAD KYI MCHAN LAS, MDO SDE 'BYUNG BA'I LTAS SU SGRUNG RNAMS DAR, RO LANGS GSER SGRUB KYI SGRUNG DANG, MA SANGS KHA SGRUNG DANG, MCHIL BA'I SGRUNG SOGS NYAN BSHAD DANG, MNGON PA'I SDE SNOD 'BYUNG BA'I LTAS LDE'U (KHED) SPYOD, SRANG LA THEM GNYER WA BA CAN CI YIN, POR MGO MGO CAN SKYED CING RGYAGS CI YIN ZHES 'DRI BA SOGS TE, BON SGRUNG LDE'U GSUM GYI TSUL LHA SA'I GDUNG RNAMS LA BRIS NAS YOD SKAD, CES DANG, MA nI BKA' 'BUM LAS, SRONG BTZAN GYI DUS SU, SKYE BO BLO DMAN PA RNAMS LA LUNG GI CHOS GO BAR BYA BA'I PHYIR GZUNGS KYI SNYE MA SOGS SGRUNG BSLABS, RTOGS PA'I CHOS GO BAR BYA @626 BA'I PHYIR LDE'U (KHED) BSLABS, ZHES GSUNGS PA DANG, DEB THER GZHAN LAS KYANG GSUNGS YOD, DON 'DRA BAS, 'DIR MANG DOGS NAS MA DRANGS, GSUM PA, NGO BO'I KHYAD PAR NI, GAB TSIG NI, SNYAN NGAG GI TSIG RGYAN YIN TE, SNYAN NGAG GI 'GREL BA THAMS CAD LAS, GNYIS PA THUN MONG GI RGYAN LA DON RGYAN DANG, SGRA RGYAN, GAB TSIG GI RGYAN DANG GSUM ZHES GSUNGS SHING, GAB TSIG NI SNYAN NGAG GI RGYAN GZHAN BZHIN DU, BRJOD BYA DANG LDAN PA'I TSIGS SU BCAD PA'I LUS LA SNYAN NGAG GI RGYAN DU 'GRO NGES SHIG LAS, KHED BZHIN DU GANG BYUNG SMRAS PA DAG NI RGYAN DU MI 'GRO STE, SNGON GYI SLOB DPON 'GA' ZHIG GIS GAB TSIG BCU BZHI BSHAD PA DE LA, GAB TSIG GI MTSAN NYID MA TSANG GSUNGS NAS, PAndI TA SLOB DPON DAN dIS KHAS MA BLANGS PA'I PHYIR, SNYAN NGAG ME LONG LAS, GAB TSIG NGAN PA GZHAN DAG KYANG, ,BCU BZHI DE DAG RNAMS KYIS BRJOD, ,NGAN PA MTSAN NYID MED GANG DE, ,SKYON GYIS YONGS BGRANGS BYA MIN PAR, ,RIG NAS SLAR YANG BDAG CAG GIS, ,LEGS PA KHO NA BRJOD PAR BYA, ,ZHES GSUNGS PA'I PHYIR, NGAN PA MTSAN NYID MED GANG DE, ,ZHES BCU BZHI BO DE LA GAB TSIG GI MTSAN NYID MA TSANG BAR BSHAD PA'I PHYIR, DES NA @627 GAB TSIG NI, SNYAN NGAG GI TSIG RGYAN YIN PAR MA ZAD, KUN GZIGS LNGA BA CHEN MO DANG, BOD MKHAS PA SOGS SNGON GYI SNYAN NGAG PA MKHAS DBANG SUS KYANG, GAB TSIG GI DPER BRJOD LA TSIGS BCAD KHO NA LAS, TSIG LHUG BZHAG PA GCIG KYANG MED PA'I PHYIR, KHED NI, SNYAN NGAG GI RGYAN MA YIN TE, DE LTAR 'DOD MKHAN SNGAR SU YANG MA BYUNG LA, DON LA'ANG TSIG RGYAN YIN PAR 'DOD MI RIGS TE, GZHUNG LUGS DANG RIG GNAS LA SBYANGS MA SBYANGS LA LTOS PA MED PAR KHYIM PA DAG DANG, LHAG PAR BYIS PA DAG GIS KU RE BYED CHED, GONG DU BSHAD PA LTAR, SRANG STE RGYA MA LA, THEM GNYER WA BA CAN ZER BA LTA BU, PHA ROL POS AE SHES LTA BA DANG, RI ZHIG GI NGO NA ZO BA GNYIS KHA THUR DU BSTAN NAS YOD, DE CI RED, SNA, RA BA DKAR BO'I NANG DU BA LI MA DMAR MO ZHIG 'PHAG GI 'DUG DE CI RED, LCE, ZHES PA LTA BU, RTZED MO'I DGOS PA TZAM LAS, TSIG GI RGYAN DU 'GYUR TSUL MED PAS, SNGAR GYI MKHAS PA SUS KYANG TSIG RGYAN DU GSUNGS PA MED PA'I RGYU MTSAN DE YIN NO, ,DES NA GAB TSIG DANG KHED GNYIS KYI NGO BO MI 'DRA BA YIN NO, , BZHI BA, THA SNYAD KYI KHYAD PAR NI, GAB TSIG GI MING LA RGYA @628 BOD KYI SNYAN NGAG GI GZHUNG GANG NA'ANG GAB TSIG CES PA LAS KHED DANG, LDE'U'I THA SNYAD BTAGS PA GANG YANG MED PA'I PHYIR, SNGAR MA GRAGS KYANG, KHED DANG DON 'DRA BAS KHED CES BTAGS CHOG GO ZER NA, DE GNYIS KYI DON GYI NGO BO MI 'DRA BA GONG DU BSHAD PA DE LTAR YIN MOD, GAL TE BRTAG PA MTHA' BZUNG GIS DE GNYIS DON 'DRA BA'I DBANG DU BTANG NA YANG, DE GNYIS KYI THA SNYAD BSRE MI RUNG STE, 'DUS BYAS MI RTAG GNYIS DON GCIG YIN KYANG, DNGOS MING SO SOR GO BYA'I CHOS YIN PAS, MING GI THA SNYAD DANG MTSAN NYID SOGS SO SOR 'JOG DGOS PA RIG PA'I GZHUNG LUGS KYI DGONGS PA YIN NO, ,DE GNYIS THA SNYAD GCIG TU BSRES NA RIG PA'I GZHUNG LUGS DANG MI MTHUN PAR MA ZAD, SNYOG GRA BZO BA YIN, DON GYI PHYOGS 'DRA BAS GCIG GI MING DE GCIG LA 'DOGS NA, LUG GI RIL MA LA LUG GI SKYAG PA DANG, RTA LUD LA RTA'I SKYAG PA DANG, LCI BA LA G-YAG GI SKYAG PA SOGS SMOS SHIG DANG, RIG GNAS LA SBYANGS PA DAG MA ZAD KHYIM PA MA SBYANGS PA DAG KYANG BZHAD GAD THAG GE 'GRO'O, , KHED KYI THA SNYAD LA YANG, SNGAR GYI LO RGYUS DEB THER DAG NA LDE'U ZHES BRJOD KYANG, PHYIS SU KHED CES TSANG MAS SMRA BA LAS, DE'I MING LA GAB TSIG CES GANG DU'ANG MA GRAGS PA'I PHYIR, KHED @629 DE, LDE'U ZER BA DE MIN NO ZHE NA, 'O NA LDE'U DE GANG LA BYED SMOS SHIG DANG, BKA' DRIN CHE ZHES ZHU'O, ,DES NA KHED CES PA DE, MI RNAMS KYI RTOG NGO NA YOD PAS, KHED CES BRJOD RUNG BA YIN TE, RI BONG CAN LA ZLA BA ZHES BRJOD RUNG YIN PA BZHIN NO, ,KHED LA GAB TSIG CES BRJOD RUNG BA SGRUB BYED KYI RTAGS, RTOG YUL NA YOD PA'I GRAGS PA'I RTAGS 'GOD MI RUNG STE, SNGAR DE LTAR MA GRAGS PA'I PHYIR RO SNYAM MO, ,DE GNYIS GCIG TU BYAS PA'I DEB CHUNG ZHIG YOD ZER BA LAS, MIG GIS MA MTHONG YANG, SNGA PHYIR DRIS PA'I LAN DU, BAN RGAN MGO DKAR DES RTZED MO'I ZHAR LA SMRAS PA'O, ,

טיבטיתTibetanS12344E_GAB TSIG DANG KHED GNYIS KYI KHYAD PAR BRJOD PA DRANG SRONG TSANGS THIG_A Centering Point for Sages--A Description of the Difference between Allusions and Riddles_DMU DGE BSAM GTAN RGYA MTSO (1914-1993).TXT8,169 תוויםcharacters

@622 GAB TSIG DANG KHED GNYIS KYI KHYAD PAR BRJOD PA DRANG SRONG TSANGS THIG CES BYA BA, GANG 'DUL GSER LDAN BU MO'I LTO BA RU, , SO RIG RIG BYED 'OD KYIS 'KHYUD PA NA, , KUN PHAN KHYE'U'I ROL BA 'BUM 'CHAR BAR, , BYED PO ZLA MED DRANG SRONG KHYOD KYIS SKYONGS, , 'DIR SNGA MO ZHIG NAS DOGS GNAS KYI DRI BA MANG BO ZHIG 'BYOR BAS, GAB TSIG DANG, KHED GNYIS KYI KHYAD PAR MDO TZAM BRJOD PA LA, 'BYUNG KHUNGS KYI KHYAD PAR, DUS KYI KHYAD PAR, NGO BO'I KHYAD PAR, THA SNYAD KYI KHYAD PAR BZHI LAS, DANG BO, 'BYUNG KHUNGS KYI KHYAD PAR NI, GAB TSIG GI RGYAN NI, GTZO BO 'PHAGS YUL GYI SNYAN NGAG DAG LAS BYUNG BA YIN TE, SNYAN NGAG ME LONG LAS, 'DI RNAMS GAB TSIG BCU DRUG STE, , SNGON GYI SLOB DPON RNAMS KYIS BSTAN, ,ZHES DANG, GAB TSIG @623 DAG GI RNAM PA YI, ,LUGS KYANG RAB TU BSTAN PAR BYA, ,ZHES GSUNGS SO, ,ME LONG MA BOD DU MA 'GYUR BA'I SNGON GYI BOD GZHUNG DAG NA GAB TSIG GI RGYAN GYI THA SNYAD MI 'BYUNG BAS KYANG, GAB TSIG GI RGYAN GYI 'BYUNG KHUNGS NI SNYAN NGAG GI GZHUNG RNAMS YIN PA SHES SO, , KHED KYI 'BYUNG KHUNGS NI, GTZO BO BON YIN TE, BKA' CHEMS SOGS LAS, BON, SGRUNG, LDE'U GSUM, ZHES PA'I LDE'U NI KHED YIN TE, DEB THER MKHAS PA'I DGA' STON LAS, MNGON PA'I SDE SNOD 'BYUNG BA'I LTAS LDE'U SPYOD, CES PA'I MCHAN DU, SRANG LA THEM GNYER WA BA CAN CI YIN, ZHES 'DRI BA DPER BZHAG PA LTA BU DANG, GZHAN YANG, RGYAL BLON 'DI GNYIS KYI DUS SU ZHANG ZHUNG NAS BON SGRUNG LDE'U GSUM DAR ZHES DANG, CHAB SRID SGRUNG DANG LDE'U BON GYIS BSKYANGS, ,ZHES PA'I LDE'U NI KHED YIN LA, RGYA NAG GI TA'O JA'O ZER BA'I STON PA LO KYUN GYI RANG LUGS PA RNAMS LA'ANG KHED DAR ZHING, CHOS LUGS SU BRTZI ZHES RGYA MI DAG GIS ZER RO, , GNYIS PA, DUS KYI KHYAD PAR NI, GAB TSIG GI RGYAN NI RIG GNAS CHUNG BA LNGA'I YA GYAL GYI SNYAN NGAG DAR NAS BYUNG BA YIN, SPYIR SNYAN NGAG TZAM NI BOD 'DIR SNGA MO ZHIG NAS YOD MOD, RIG @624 GNAS CHUNG BA LNGA'I YA GYAL GYI SNYAN NGAG NI, 'PHAGS YUL GYI MKHAS PA DAG GI LUGS BZHIN DU, SHAR LHO'I LAM LUGS SO SO DANG, THUN MONG LA'ANG, DON RGYAN SGRA RGYAN GAB TSIG GI RGYAN SKYON SEL DANG BCAS PA'I RNAM BZHAG STON PA'I GZHUNG DANG MTHUN PAR RTZOM PA DE YIN LA, DE BSTAN PA PHYI DAR GYI DUS SU BYUNG BA YIN TE, G-YA' SEL LAS, 'ON KYANG SGRA SNYAN NGAG SDEB SBYOR, MNGON BRJOD, ZLOS GAR TE, RIG GNAS CHUNG BA'AM THA SNYAD RIG PA'I GNAS LNGAR GRAGS PA, SA PAn YAN LA MA DAR ZHING, DE NAS THAR LO NYI MA RGYAL MTSAN YAN LA DAR YANG BOD SKAD DU GZHUNG YONGS RDZOGS MA 'GYUR BA LA, ZHES SOGS LTAR YIN, GZHUNG YONGS RDZOGS SHONG STON LO TZ'A BA RDO RJE RGYAL MTSAN DANG, DPANG LO YAB SRAS SKU DRIN CAN RNAMS KYIS ME LONG RTZA 'GREL, DPAG BSAM 'KHRI SHING SOGS BSGYUR PA LA BRTEN NAS, SNYAN NGAG SHIN TU DAR TE, BOD 'GREL SHIN TU MANG MOD, GRAGS CHE BA NI, RIN SPUNGS PA'I SENG GE'I NGA RO, RGYAL DBANG LNGA BA CHEN MO'I DBYANGS CAN DGYES GLU, BOD MKHAS PA MI PHAM DGE LEGS RNAM RGYAL GYI DAN dI'I DGONGS RGYAN DANG, DPE BRJOD SGRA DBYANGS RGYA MTSO'I 'JUG NGOGS SOGS YOD LA, DE DAG GI SKABS SU GAB TSIG GI RGYAN BCU DRUG GI DPE BRJOD DAG KYANG SHIN TU LEGS SHING MDZES @625 PAR BKOD YOD PAS GAB TSIG GI RGYAN ZHES YONGS SU GRAGS PA 'DI BYUNG NGO, , KHED NI, BSTAN PA SNGA DAR MA ZAD, BOD DU SANGS RGYAS KYI BSTAN PA MA DAR BA'I SNGON NAS BYUNG BA YIN TE, DPA' BO GTZUG LAG PHRENG BA'I DEB THER LAS, 'DI YAN GDUNG RABS NYI SHU RTZA BDUN DU, CHAB SRID SGRUNG DANG LDE'U (KHED) BON GYIS BSKYANGS ZHES DANG, BOD RGYAL SPU DE GUNG RGYAL DANG, BLON PO RU LAS SKYES GNYIS KYI DUS SU BYUNG BAR BSHAD DE, MA 'ONGS SNGAGS DANG 'DUL BA 'BYUNG BA'I LTAS, ,GNAM BON GSHEN PO CHE DANG BON GZHUNG BYUNG, ,ZHES DANG, DE'I THAD KYI MCHAN LAS, MDO SDE 'BYUNG BA'I LTAS SU SGRUNG RNAMS DAR, RO LANGS GSER SGRUB KYI SGRUNG DANG, MA SANGS KHA SGRUNG DANG, MCHIL BA'I SGRUNG SOGS NYAN BSHAD DANG, MNGON PA'I SDE SNOD 'BYUNG BA'I LTAS LDE'U (KHED) SPYOD, SRANG LA THEM GNYER WA BA CAN CI YIN, POR MGO MGO CAN SKYED CING RGYAGS CI YIN ZHES 'DRI BA SOGS TE, BON SGRUNG LDE'U GSUM GYI TSUL LHA SA'I GDUNG RNAMS LA BRIS NAS YOD SKAD, CES DANG, MA nI BKA' 'BUM LAS, SRONG BTZAN GYI DUS SU, SKYE BO BLO DMAN PA RNAMS LA LUNG GI CHOS GO BAR BYA BA'I PHYIR GZUNGS KYI SNYE MA SOGS SGRUNG BSLABS, RTOGS PA'I CHOS GO BAR BYA @626 BA'I PHYIR LDE'U (KHED) BSLABS, ZHES GSUNGS PA DANG, DEB THER GZHAN LAS KYANG GSUNGS YOD, DON 'DRA BAS, 'DIR MANG DOGS NAS MA DRANGS, GSUM PA, NGO BO'I KHYAD PAR NI, GAB TSIG NI, SNYAN NGAG GI TSIG RGYAN YIN TE, SNYAN NGAG GI 'GREL BA THAMS CAD LAS, GNYIS PA THUN MONG GI RGYAN LA DON RGYAN DANG, SGRA RGYAN, GAB TSIG GI RGYAN DANG GSUM ZHES GSUNGS SHING, GAB TSIG NI SNYAN NGAG GI RGYAN GZHAN BZHIN DU, BRJOD BYA DANG LDAN PA'I TSIGS SU BCAD PA'I LUS LA SNYAN NGAG GI RGYAN DU 'GRO NGES SHIG LAS, KHED BZHIN DU GANG BYUNG SMRAS PA DAG NI RGYAN DU MI 'GRO STE, SNGON GYI SLOB DPON 'GA' ZHIG GIS GAB TSIG BCU BZHI BSHAD PA DE LA, GAB TSIG GI MTSAN NYID MA TSANG GSUNGS NAS, PAndI TA SLOB DPON DAN dIS KHAS MA BLANGS PA'I PHYIR, SNYAN NGAG ME LONG LAS, GAB TSIG NGAN PA GZHAN DAG KYANG, ,BCU BZHI DE DAG RNAMS KYIS BRJOD, ,NGAN PA MTSAN NYID MED GANG DE, ,SKYON GYIS YONGS BGRANGS BYA MIN PAR, ,RIG NAS SLAR YANG BDAG CAG GIS, ,LEGS PA KHO NA BRJOD PAR BYA, ,ZHES GSUNGS PA'I PHYIR, NGAN PA MTSAN NYID MED GANG DE, ,ZHES BCU BZHI BO DE LA GAB TSIG GI MTSAN NYID MA TSANG BAR BSHAD PA'I PHYIR, DES NA @627 GAB TSIG NI, SNYAN NGAG GI TSIG RGYAN YIN PAR MA ZAD, KUN GZIGS LNGA BA CHEN MO DANG, BOD MKHAS PA SOGS SNGON GYI SNYAN NGAG PA MKHAS DBANG SUS KYANG, GAB TSIG GI DPER BRJOD LA TSIGS BCAD KHO NA LAS, TSIG LHUG BZHAG PA GCIG KYANG MED PA'I PHYIR, KHED NI, SNYAN NGAG GI RGYAN MA YIN TE, DE LTAR 'DOD MKHAN SNGAR SU YANG MA BYUNG LA, DON LA'ANG TSIG RGYAN YIN PAR 'DOD MI RIGS TE, GZHUNG LUGS DANG RIG GNAS LA SBYANGS MA SBYANGS LA LTOS PA MED PAR KHYIM PA DAG DANG, LHAG PAR BYIS PA DAG GIS KU RE BYED CHED, GONG DU BSHAD PA LTAR, SRANG STE RGYA MA LA, THEM GNYER WA BA CAN ZER BA LTA BU, PHA ROL POS AE SHES LTA BA DANG, RI ZHIG GI NGO NA ZO BA GNYIS KHA THUR DU BSTAN NAS YOD, DE CI RED, SNA, RA BA DKAR BO'I NANG DU BA LI MA DMAR MO ZHIG 'PHAG GI 'DUG DE CI RED, LCE, ZHES PA LTA BU, RTZED MO'I DGOS PA TZAM LAS, TSIG GI RGYAN DU 'GYUR TSUL MED PAS, SNGAR GYI MKHAS PA SUS KYANG TSIG RGYAN DU GSUNGS PA MED PA'I RGYU MTSAN DE YIN NO, ,DES NA GAB TSIG DANG KHED GNYIS KYI NGO BO MI 'DRA BA YIN NO, , BZHI BA, THA SNYAD KYI KHYAD PAR NI, GAB TSIG GI MING LA RGYA @628 BOD KYI SNYAN NGAG GI GZHUNG GANG NA'ANG GAB TSIG CES PA LAS KHED DANG, LDE'U'I THA SNYAD BTAGS PA GANG YANG MED PA'I PHYIR, SNGAR MA GRAGS KYANG, KHED DANG DON 'DRA BAS KHED CES BTAGS CHOG GO ZER NA, DE GNYIS KYI DON GYI NGO BO MI 'DRA BA GONG DU BSHAD PA DE LTAR YIN MOD, GAL TE BRTAG PA MTHA' BZUNG GIS DE GNYIS DON 'DRA BA'I DBANG DU BTANG NA YANG, DE GNYIS KYI THA SNYAD BSRE MI RUNG STE, 'DUS BYAS MI RTAG GNYIS DON GCIG YIN KYANG, DNGOS MING SO SOR GO BYA'I CHOS YIN PAS, MING GI THA SNYAD DANG MTSAN NYID SOGS SO SOR 'JOG DGOS PA RIG PA'I GZHUNG LUGS KYI DGONGS PA YIN NO, ,DE GNYIS THA SNYAD GCIG TU BSRES NA RIG PA'I GZHUNG LUGS DANG MI MTHUN PAR MA ZAD, SNYOG GRA BZO BA YIN, DON GYI PHYOGS 'DRA BAS GCIG GI MING DE GCIG LA 'DOGS NA, LUG GI RIL MA LA LUG GI SKYAG PA DANG, RTA LUD LA RTA'I SKYAG PA DANG, LCI BA LA G-YAG GI SKYAG PA SOGS SMOS SHIG DANG, RIG GNAS LA SBYANGS PA DAG MA ZAD KHYIM PA MA SBYANGS PA DAG KYANG BZHAD GAD THAG GE 'GRO'O, , KHED KYI THA SNYAD LA YANG, SNGAR GYI LO RGYUS DEB THER DAG NA LDE'U ZHES BRJOD KYANG, PHYIS SU KHED CES TSANG MAS SMRA BA LAS, DE'I MING LA GAB TSIG CES GANG DU'ANG MA GRAGS PA'I PHYIR, KHED @629 DE, LDE'U ZER BA DE MIN NO ZHE NA, 'O NA LDE'U DE GANG LA BYED SMOS SHIG DANG, BKA' DRIN CHE ZHES ZHU'O, ,DES NA KHED CES PA DE, MI RNAMS KYI RTOG NGO NA YOD PAS, KHED CES BRJOD RUNG BA YIN TE, RI BONG CAN LA ZLA BA ZHES BRJOD RUNG YIN PA BZHIN NO, ,KHED LA GAB TSIG CES BRJOD RUNG BA SGRUB BYED KYI RTAGS, RTOG YUL NA YOD PA'I GRAGS PA'I RTAGS 'GOD MI RUNG STE, SNGAR DE LTAR MA GRAGS PA'I PHYIR RO SNYAM MO, ,DE GNYIS GCIG TU BYAS PA'I DEB CHUNG ZHIG YOD ZER BA LAS, MIG GIS MA MTHONG YANG, SNGA PHYIR DRIS PA'I LAN DU, BAN RGAN MGO DKAR DES RTZED MO'I ZHAR LA SMRAS PA'O, ,