@608 RGYAL DGE DGON BKRA SHIS RAB BRTAN GLING GI BYUNG RIM MDOR BSDUS, RNAM 'DREN GSUNG GI RDO RJE NYI MA'I 'OD, ,GCIG TU 'KHYIL BA SNANG MTHA' YAS PA CHE, ,MI YI GAR DU RTZEN PA RIGS BRGYA'I BDAG ,MI SHIGS THIG LE'I DBUS SU RTAG BZHUGS MDZOD, , RGYAL BA'I 'PHRIN LAS DGE MTSAN BKRA SHIS 'BUM, ,'GRO BA'I PHAN BDE'I 'OD STONG RAB SPROS PAS, ,'GRO BA'I BDE SKYID BRTAN PA'I DPAL MNGA' BA, ,CHOS SDE 'DI YI BYUNG BA MDO TZAM 'BRI, , DE YANG RKYANG TSA'I RGYAL DGE DGON BKRA SHIS RAB BRTAN GLING 'DI NYID RVA RONG CHOS GRAGS RGYA MTSOS RAB BYUNG BCU BA'I LO RABS BZHI BCU YAR MAR ZHIG TU BTAB, KHANG SAR DGON DANG 'DI GNYIS BKRA SHIS LHUN POS DKA' CHEN RIM PAR MNGAGS TE BSKYANGS, RVA RONG CHOS GRAGS RGYA MTSO DGUNG LO ZHE GNYIS PA RAB BYUNG BCU BA'I LCAGS SPREL (1620) LOR RGYAL DGE DGON BKRA @609 SHIS RAB BRTAN GYI GTZUG LAG KHANG RGYAL MTSAN MTHON PO'I GZIM KHANG DU RJE'I RTOGS BRJOD THUB BSTAN RIN PO CHE'I MDZES RGYAN SNYAN NGAG ME TOG CHUN PO LJAGS RTZOM GNANG, 'DI BA DGONGS PA RDZOGS SKABS STONG SKOR RIN PO CHE YON TAN RGYA MTSOS GDUNG ZHUGS 'BUL GNANG, GDUNG LA DUNG DKAR GSUM, THUGS LJAGS SPYAN GSUM BAB, RING BSREL MANG DU BYUNG, DE'I SPRUL SKU KUN MKHYEN 'JAM DBYANGS BZHAD PA NGAG DBANG BRTZON 'GRUS KYI DNGOS SLOB MDZOD DGE SKU SKYE ZER BA DE MDZOD DGE SPYI NAS BLUS, 'JIGS BYED KYI BSNYEN PA TSAD DU THINGS, BA LUNG PHUR DGON PA ZHIG BTAB KYANG YUN RING MA GNAS, DE RJES RGYAL DGE DGON GSHAM DU DGON PA BTAB, RAB NYI CHU PHO 'BRUG GI (1712) LOR KUN MKHYEN 'JAM DBYANGS BZHAD PA NGAG DBANG BRTZON 'GRUS DGON PA 'DI GNYIS SU GDAN DRANGS TE BSNYEN BKUR GZAB RGYAS ZHUS, GSAR BTAB KYI DGON PA DE DANG, SNGAR GYI RGYAL DGE DGON GNYIS GCIG TU BSRES, BLA MA 'DI LA SPRUL SKU MA BYUNG, MDZOD DGE KHRI BA ZHIG GI SKU SKYE BYAS NAS, RGYAL DGE SPRUL SKU ZER BA BLUS KYANG DENG SANG DE LA SKYE RGYUD MED ZER, DGON 'DIR BKRA SHIS LHUN PO NAS PAn CHEN RIM BYON GYIS DKA' CHEN BSTAN 'DZIN CHOS GRAGS, KHRI BA BLA MA MER GAN MKHAN PO, NOM @610 CHI MER GAN MKHAN PO DKA' CHEN RNAM RGYAL BRTZON 'GRUS SOGS RIM PAR MNGAGS GTONG MDZAD DE BSKYANGS, TSOGS BSAGS PA BLO BZANG DPAL LDAN, BRAG NAG PA BLO BZANG BSTAN 'DZIN, DKA' CHEN YE SHES DPAL LDAN RNAMS KYIS, SMON LAM CHEN MO DANG, LNGA MCHOD SOGS SNGON MED GSAR TSUGS DANG, SNGAR YOD GNAS PA GONG 'PHEL BYAS SHING, NOM CHI CHOS RJE KHRI RIN PO CHE DKA' CHEN BSTAN 'DZIN CHOS GRAGS KYIS 'KHOR LO BDE MCHOG GI CHO GA CHA LAG TSANG BA LNGA MCHOD CHEN MOR BDUN CHOS SU BTZUGS TE SPYI RDZAS SOGS BZHAG PAn CHEN BLO BZANG CHOS RGYAN NAS BZUNG STE, PAn CHEN CHOS KYI NYI MA'I BAR SKU PHRENG RIM BYON GYIS BKA' SHOG GNANG BA DA LTA YANG MA NYAMS PAR YOD, GTZANG BKRA SHIS LHUN PO NAS MNGAGS PA'I GTZNAG GI BLA MAS BZHAG LDOM GYI KHANG SAR NYIN DANG, RGYAL DGE DGON 'DI GNYIS BDAG BYAS NAS BCOS BSGYUR BAR DU GNAS LA RTEN KHYAD PAR CAN SHIN TU MANG BO YOD, 'DU KHANG DANG RTEN 'GANGS CAN KHA SHAS LHAG YOD PA LAS GZHAN THAMS CAD LHAG MED DU GYUR, RAB RGYAL CHU PHO KHYI'I (1982) LO SNGA GZHUG TU CHOS SGO PHYES MOD, DA LTA GRVA RGAN GSUM LAS MED LA, GSAR ZHUGS SUM CU TZAM RE YOD 'DUG RGYUD SDE 'DON RTA DBYANGS SOGS SNGAR YOD @611 SOR AE CHUD LTA BZHIN 'DUG DGON RNYING YIN PAS BYIN RLABS CHE, GTZANG DGON ZHIG TU GNAS THUB NA LEGS SNYAM, DGON PA 'DI BTAB NAS RAB GNAS SA SBRUL (1989) LO 'DI'I BAR LO BZHI BRGYA DANG BZHI BCU LHAG SONG YOD PAR NGES LA, MDZOD DGE'I DGON PA THAMS CAD KYI MA DGON YIN ZER, ZHES PA 'DI NI DGON DE NYID NAS LHA DAR DANG DNGOS SKYES DU MA BCAS BSKUL NGOR, BSAM GTAN RGYA MTSO MI 'JIGS DBYANGS CAN DGA' BA'I BLO GROS SU 'BOD PAS, RAB GNAS SA SBRUL (1989) LO'I HOR ZLA BCU GCIG PA'I DKAR PHYOGS KYI STONG BA GNYIS PAR SBYAR BA'I YI GE BA NI DGE SLONG SHES RAB RGYA MTSO'O, ,