S12334E · GMLW-006273

Just a Brief, Combined Biography of those Kings among Physicians, the Younger Healers

SMAN PA'I RGYAL PO 'TSO BYED GZHON NU'I THUN MONG GI RNAM PAR THAR BA MDO TZAM BSHAD PA

מחברauthor

MUGAY SAMTEN GYATSODMU DGE BSAM GTAN RGYA MTSO1914-1993

נמצא בfound inBIOGRAPHIES

מהדורהrecensionnot applicable - a collected works, not a canon edition

צורהformprose

מצב תרגוםtranslationno English of the text

כיסוי המילון לכותרתdictionary coverage of the title100%

הקבציםThe files

S12334E_SMAN PA'I RGYAL PO 'TSO BYED GZHON NU'I THUN MONG GI RNAM PAR THAR BA MDO TZAM BSHAD PA_Just a Brief, Combined Biography of those Kings among Physicians, the Younger Healers_DMU DGE BSAM GTAN RGYA MTSO (1914-1993).TXT/RNAM THAR_BIOGRAPHIES/MTSAN THOG_BY PERSON'S NAME/3 KUMARAJIVAS ('TSO BYED GZHON NU)_3 YOUNG PHYSICIANS

S12334E_SMAN PA'I RGYAL PO 'TSO BYED GZHON NU'I THUN MONG GI RNAM PAR THAR BA MDO TZAM BSHAD PA_Just a Brief, Combined Biography of those Kings among Physicians, the Younger Healers_DMU DGE BSAM GTAN RGYA MTSO (1914-1993).TXT/SMAN_MEDICINE/SMAN PA'I RNAM THAR_BIOGRAPHIES OF RENOWNED PHYSICIANS/KUMARA JIVAKA ('TSO BYED GZHON NU, TSOJE SHUNNU)

הטקסטThe text

טיבטיתTibetanS12334E_SMAN PA'I RGYAL PO 'TSO BYED GZHON NU'I THUN MONG GI RNAM PAR THAR BA MDO TZAM BSHAD PA_Just a Brief, Combined Biography of those Kings among Physicians, the Younger Healers_DMU DGE BSAM GTAN RGYA MTSO (1914-1993).TXT34,417 תוויםcharacters

@435 *, ,SMAN PA'I RGYAL PO 'TSO BYED GZHON NU'I THUN MONG GI RNAM PAR THAR BA MDO TZAM BSHAD PA BZHUGS SO, , GNYIS MED YE SHES SGYU MA'I ROL GAR LAS, ,PHYI NANG GSANG BA'I RIMS NAD DGRA SDE'I TSOGS, ,YONGS SU 'JOMS PA'I RGYAL THABS LA ROL BA, ,GNYEN GCIG DRANG SRONG DE YIS SHIS PA STZOL, ,DE LA 'DIR SMAN PA'I RGYAL BO 'TSO BYED GZHON NU ZHES YONGS SU GRAGS PA DE NYID KYI THUN MONG GI RNAM PAR THAR BA MDO TZAM ZHIG BRJOD PAR BYA STE, 'DI LTAR SANGS RGYAS BCOM LDAN 'DAS SH'AKYA THUB PA ZHAL BZHUGS PA'I DUS TZAM NA, 'PHAGS YUL GYI YUL MA GA DH'I'I RGYAL BO BZO SBYANGS GZUGS CAN SNYING BO LA SRAS GSUM YOD DE, KHAB KYI BTZUN MO LAS BTZAS PA RGYAL BU MA SKYES DGRA, YANGS PA CAN GYI AAR MA SKYONG MA LAS BTZAS PA RGYAL BU GZHON NU 'JIGS MED, RGYAL BO'I KHAB KYI KHYIM BDAG CIG GI @436 CHUNG MA LAS BTZAS PA RGYAL BU 'TSO BYED GZHON NU STE GSUM MO, , RGYAL BU GZHON NU 'JIGS MED DANG 'TSO BYED GZHON NU GNYIS CHEN POR GYUR PA NA, 'TSO BYED GZHON NUS, GZHON NU 'JIGS MED LA SMRAS PA, BDAG CAG GI NI BO RGYAL BU MA SKYES DGRA NI RGYAL BOR 'GYUR GYI, BDAG CAG GIS BZO CHUNG ZAD BSLAB NA, BDAG CAG GI PHYI DUS KYI 'TSO BAR 'GYUR RO, ,ZHES DE GNYIS KYIS DE LTAR GROS BYAS PA LAS, GZHON NU 'JIGS MED KYIS SHING RTA BZO MKHAN DAG MTHONG BA'I RKYEN BYAS, BDAG GIS YAB LA ZHUS NAS SHING RTA BZO BA BSLAB SNYAM NAS, YAB GZUGS CAN SNYING BO LA ZHUS PAS, RGYAL BOS BKAS GNANG STE, SHING RTA BZO BA BSLAB PAR BRTZAMS SO, ,'TSO BYED GZHON NUS, SMAN PA GOS DKAR PO GON PA, MI GOS DKAR PO GON PA RNAMS KYIS BSKOR TE RGYAL BO'I PHO BRANG DU ZHUGS PA MTHONG NAS, GZHAN DAG LA DRIS PA, 'DI SU ZHIG RED, DE DAG GIS SMAN PA RED ZER, 'TSO BYED GZHON NUS BSAMS PA BDAG GIS SMAN DPYAD BSLAB PAR BYA SNYAM NAS, DE PHA'I GAM DU SONG STE, LHA GNANG BAR MDZOD CIG BDAG GIS SMAN DPYAD BSLAB LAGS SO, ,ZHES ZHUS, RGYAL BOS SMRAS PA, KHYOD RGYAL BO'I SRAS YIN NA SMAN DPYAD KYIS CI BYA, 'TSO BYED GZHON NUS, RGYAL BO'I BUS NI BZO THAMS CAD BSLAB @437 PAR BGYI LAGS SO ZHUS PAS, PHAS BU GAL TE DE LTA NA SLOBS SHIG CES BKA' THOB STE DES SMAN DPYAD SLOB PAR BRTZAMS TE BSLAB PA NA SMAN DPYAD LOBS NAS MKHAS PAR GYUR NA'ANG, DES KLAD PA'I THOD PA DBYE BA'I DPYAD MA SHES, DES YUL RDO 'JOG NA SMAN PA'I RGYAL BO RGYUN SHES KYI BU ZHES BYA BA YOD PA DES KLAD PA'I THOD PA 'BYED PA'I DPYAD SHES SO, ,ZHES THOS NAS, DE YAB RGYAL BO'I DRUNG DU SONG STE SMRAS PA, LHA RDO 'JOG TU MCHI'O, ,RGYAL BOS CI ZHIG GI PHYIR, DES YUL DE NA SMAN PA'I RGYAL BO RGYUN SHES KYI BU ZHES BGYI BA MCHIS TE, DES KLAD PA'I THOD PA 'BYED PA'I DPYAD 'TSAL BAS DE SLOB TU MCHI'O, ,RGYAL BOS SMRAS PA, BU KHYOD 'DIS 'DIS 'TSO'AM ZER, DES LHA YANG NA NI DPYAD MI BSLAB, YANG NA NI LEGS PAR BSLAB PAR BGYI'O, ,RGYAL BOS BU GAL TE DE LTA NA SONGS SHIG CES DGONGS PA BSTZAL NAS YUL RDO 'JOG GI RGYAL BO PADMA'I SNYING BO LA YI GE SPRINGS PA, BDAG GI BU 'DI SMAN DPYAD SLOB TU RGYUN SHES KYI BU'I DRUNG DU 'ONG GIS, 'DI'I DGOS PA THAMS CAD KHYOD KYIS SBYOR CIG CES BRIS, 'TSO BYED GZHON NU RIM GYIS YUL RDO 'JOG TU PHYIN PA DANG, RGYAL BO PADMA'I SNYING BOS KYANG SPRINGS YIG BKLAGS TE RGYUN SHES KYI BU LA GTAD NAS, RGYAL BO'I BU 'DI KHYOD KYI DRUNG DU CHED DU 'ONGS KYIS 'DI LA SMAN @438 DPYAD SLOBS SHIG CES BSGOS PAS, RGYUN SHES KYI BUS 'TSO BYED LA SMAN DPYAD STON PAR BYED PA NA, SLOB DPON DES NYUNG ZAD CIG BSTAN KYANG 'TSO BYED KYIS KHYAD PAR DANG BCAS PA LOBS SO, , RGYUN SHES KYI BU'I KUN TU SPYOD PA NI GANG GI TSE NAD PA LTAR 'GRO BA'I TSO BRAM ZE'I KHYE'U ZHIG KHRID DE 'GRO BA YIN PAS DUS GZHAN ZHIG NA 'TSO BYED KHRID DE SONG NAS NAD PA LA BLTAS TE DES SMAN 'DI DAG BYIN CIG CES SMRAS NAS SGOR BYUNG NGO, ,'TSO BYED KYIS BSAMS PA, 'DI NI MKHAN POS NYES TE, GAL TE 'DIS SMAN 'DI ZOS NA DENG NYID DU 'CHI BAR 'GYUR TE, MKHAN POS BSTAN PA NI LEGS PA MA YIN PHYIS THABS SHIG BYA'O SNYAM NAS, DE RGYUN SHES KYI BU DANG LHAN CIG TU SGOR BYUNG YANG SLAR NANG DU ZHUGS TE, MKHAN POS 'DI SKAD CES GSUNG NGO, ,KHO BOS SMAN BSTAN PA GANG YIN PA DE MA SBYIN PAR 'DI DANG 'DI DAG BYIN CIG CES ZER RO, ,NAD PA DES DE BZHIN DU BYAS PAS SOS PAR GYUR TO, ,JI TZAM NYI MA GZHAN ZHIG NA RGYUN SHES KYI BU NAD PA DE'I KHYIM DU SONG NAS, NA BA JI LTAR SOS PAR GYUR PA DRIS NAS, SANG YANG SMAN DE NYID BYIN CIG ZER, KHYIM MI DE DAG GIS CI SNGA MA LAGS SAM, 'ON TE SLAD KYIS BSTAN PA LAGS ZHES ZHUS, @439 SMAN PAS CI BDAG GIS SNGA PHYI GNYIS BSTAN TAM ZER, DE DAG GIS SMRAS PA, 'DI DAG NI KHYOD KYIS MNGON SUM DU BSTAN TO, , 'DI NI 'TSO BYED LA 'PHRIN SPRINGS PA RED ZER, DES BSAMS PA, BDAG GIS NYES KYIS 'TSO BYED NI SHES RAB CAN YIN NO SNYAM NAS SMRAS PA, 'TSO BYED KYIS BSTAN PA GANG YIN PA DE BYIN CIG ZER, DE NAS RGYUN SHES KYI BU 'TSO BYED LA DGA' BA SKYES PAS DE GANG DU 'GRO BA DER 'TSO BYED KHRID DO, ,BRAM ZE'I KHYE'U GZHAN RNAMS KYIS SMRAS PA, MKHAN PO KHYOD RGYAL BO'I BU'O SNYAM NAS 'DI LA NI SPRO BAS STON PAR MDZAD KYI, BDAG CAG LA NI MI MDZAD DO ZER, MKHAN POS SMRAS PA, 'TSO BYED NI SHES RAB CAN YIN PAS NGAS BSTAN PA GANG YIN PA DE RANG GIS RNAM PAR 'BYED NUS KYI KHYED CAG GIS NI DE LTA MA YIN NO ZER, DE RNAMS KYIS SMRAS PA, MKHAN POS JI LTAR MKHYEN, MKHAN POS GAL TE DE LTA NA NGAS KHYED CAG GIS MNGON SUM DU RIG PAR BYA'O, ,ZHES SMRAS NAS DUS GZHAN ZHIG NA, MKHAN POS BRAM ZE'I KHYE'U RNAMS LA MI RE RE LA, KHYOD KYIS RDZAS CHE GE MO ZHIG GI RIN DRIS SHIG KHYOD KYIS NI RDZAS GZHAN ZHIG CHE GE MO'I RIN DRIS SHIG CES DE RNAMS TSONG 'DUS SU BTANG, 'TSO BYED LA'ANG KHYOD KYIS KYANG RDZAS CHE GE MO ZHIG GI RIN DRIS SHIG CES BSGOS, DE THAMS CAD TSONG 'DUS SU PHYIN @440 NAS, BRAM ZE'I KHYE'U RNAMS KYIS MKHAN POS JI SKAD BSTAN PA KHO NA'I RIN DRIS KYI GZHAN MA DRIS SO, ,'TSO BYED KYIS KYANG JI SKAD BSTAN PA BZHIN BYAS NAS BSAM PA GAL TE MKHAN POS RDZAS GZHAN GYIS RIN 'DRI BAR BYAS NA BDAG GIS JI SKAD BRJOD PAR BYA, THAMS CAD DU RDZAS THAMS CAD KYI RIN DRI'O SNYAM NAS DRIS SO, ,DE DAG THAMS CAD MKHAN PO'I DRUNG DU SONG NAS, MKHAN POS SNGAR JI SKAD BSTAN PA'I RDZAS DE DAG GI RIN SMRAS SO, ,RGYUN SHES KYI BUS MA BSTAN PA'I RDZAS KYI RIN DRI BAR BRTZAMS TE, BRAM ZE'I KHYE'U ZHIG LA RDZAS CHE GE MO ZHIG GI RIN JI TZAM, DES SMRAS PA MA 'TSAL LO, ,GZHAN DAG LA DRIS PA, SMRAS PA MA 'TSAL LAGS SO, , 'TSO BYED LA DRIS PA DANG DES RDZAS THAMS CAD KYI RIN SMRAS SO, , RGYUN SHES KYI BUS SMRAS PA, BRAM ZE'I KHYE'U RNAMS KYIS THOS SAM, DE DAG GIS THOS LAGS SO ZER, NGAS 'TSO BYED NI SHES RAB CAN YIN TE CUNG ZAD BSTAN NA YANG DE LA RANG GIS RNAM PAR 'BYED NUS SO ZHES SMRAS PA NI DON DE YIN NO, ,GZHAN MKHAN POS YANG MNGON SUM DU BYA'O ZHES DE RNAMS LA SMRAS PA, THANG SHING CAN GYI RIR DONG LA SMAN MA YIN PA DE DAG KHYER TE SHOG CIG DE DAG THANG SHING CAN GYI RI LA DONG NAS, GZHAN RNAMS KYIS SMAN MA YIN SNYAM PA GANG DANG GANG BTUS SO, ,'TSO BYED KYIS BSAM PA SMAN MA @441 YIN PA CUNG ZAD KYANG MED DO SNYAM NAS, DES 'DAM BU MDA' RGYU'I RTZA BA DANG, RDO'I DUM BU ZHIG BLANGS SO, ,JI TZAM NA DE DAG LAM GYI PHYED NA SLEBS TSE, PHYUGS RDZI MO ZHIG GI MIG NA NAS ZHO'I BUM PA DANG PHRUM TSUD ('O MA DANG DAR BA BSKOL BA'I SNYIGS MA,) KHYER TE RGYUN SHES KYI BU'I DRUNG DU 'GRO BA DANG 'PHRAD, 'TSO BYED KYIS GANG DU 'GRO, CES DRIS PAS, DES ZHIB PAR SMRAS, 'TSO BYED KYIS GNAS DE NYID NA YOD PA'I SMAN ZHIG BLANGS NAS DPYAD BYAS PAS, DE MOD LA SOS PAR GYUR TO, ,DE DGA' BA SKYES NAS SMRAS PA, ZHO'I BUM PA DANG PHRUM TSUD 'DI KHYOD SNOMS SHIG 'TSO BYED KYIS PHRUM TSUD BLANGS TE, ZHO'I BUM PA DE NYID LA PHAR BYIN, PHRUM TSUD DE KHYER TE SONG BA LAS JI TZAM NA BRAM ZE'I KHYE'U RNAMS KYIS LAM GYI DBUS NA GLANG BO CHE'I RJES ZHIG MTHONG NAS, DE RNAMS KYIS DE LA BRTAG PAR BRTZAMS PA DANG, 'TSO BYED KYANG 'ONGS NAS SMRAS PA, 'DI CI YIN, GLANG PO CHE'I RJES SO, ,'TSO BYED KYIS 'DI GLANG BO CHE'I RJES MA YIN GYI, 'DI NI BAL GLANG MO'I RJES YIN TE, DE YANG MIG G-YAS PA ZHAR BA DE RING KHO NAR GLANG PO CHE'I PHRU GU 'BYUNG BAR 'GYUR BA ZHIG YIN LA, DE LA ZHON PA NI BUD MED YIN LA, DE YANG MIG G-YAS PA ZHAR BA SPRUM MA DE RING NYID DU BU PHO BTZA' BAR 'GYUR BA ZHIG YIN NO, , @442 ZHES SMRAS, CI TZAM NA DE DAG RGYUN SHES KYI BU'I DRUNG DU 'ONGS NAS GANG GIS GANG KHYER TE 'ONGS PA'I RDZAS DAG BSTAN TO, , RGYUN SHES KYI BUS SMRAS PA, BRAM ZE'I KHYE'U DAG 'DI THAMS CAD NI SMAN YIN TE, CHE GE MO 'DI NI NAD CHE GE MO LA PHAN PA'I SMAN YIN LA DE BZHIN DU GZHAN DAG KYANG 'DI DANG 'DI'I SMAN YIN NO ZHES SMRAS NAS, 'TSO BYED LA DRIS PA KHYOD KYIS CI KHYER TE 'ONGS, 'TSO BYED KYIS SMRAS PA, MKHAN PO THAMS CAD SMAN LAGS TE, SMAN MA LAGS PA NI CI YANG MA MCHIS SO, 'ON KYANG BDAG GIS 'DAM BU RTZA RU'I RTZA BA DANG, RDO'I DUM BU DANG PHRUM TSUD CI 'TSAL TE MCHIS SO, ,'DI DAG CI LA DGOS NA, SDIG PAS, (SDIG PA RA TZA,) ZIN PA LA 'DAM BU MDA' RGYU'I RTZA BA'I DUD PAS BDUG GO ,PHRUM TSUD KYIS NI GLAN PAR BGYI'O, ,RDO'I DUM BU NI STON KHA'I DUS NA ZHO'I BUM PA 'CHAG PAR 'GYUR RO ZER, (ZHO LEGS PAR 'CHAG BYED KYI RDZAS SHIG YIN NAM, ) RGYUN SHES KYI BU 'DZUM PA DANG, BRAM ZE'I KHYE'U RNAMS KYIS BSAM PA, MKHAN PO NI 'DI LA KHROS SO SNYAM NAS DE RNAMS KYIS SMRAS PA, MKHAN PO 'DI GCIG PUS 'DI LTAR SNYAM MAM, BDAG CAG MCHI BA NA LAM GYI DBUS SU GLANG BO CHE'I RJES SHIG MTHONG BA NA 'DI BA LA GLANG MO'I RJES YIN TE, DE YANG MIG G-YAS PA ZHAR BA SPRUM MA DE RING KHO @443 NAR GLANG PO CHE'I PHRU GU 'BYUNG BAR 'GYUR BA ZHIG YIN LA, DE LA ZHON PA NI BUD MED YIN LA DE YANG MIG G-YAS PA ZHAR BA SBRUM MA DE RING NYID DU BU PHO BTZA' BAR 'GYUR RO ZHES MCHI'O, ,RGYUN SHES KYI BUS DRIS PA 'TSO BYED BDEN NAM, MKHAN PO MAD DO, DE BAL GLANG MO'I RJES YIN PA JI LTAR SHES, DES SMRAS PA, MKHAN PO BDAG NI RGYAL BO'I RIGS LAS CHEN POR GYUR PA LAGS NA CI STE MA 'TSAL, GLANG BO CHE'I RJES NI ZLUM MO, BAL GLANG MO'I RJES NI CHUR RING NGO, MIG G-YAS PA ZHAR BA NI JI LTAR SHES, G-YON PHYOGS SU RAN 'TSAL ZHING MCHIS PA LAGS SO, ,G-YON PHYOGS KYI RTZVA LEGS PA DAG ZOS NAS G-YON PHYOGS SU SONG BA'I DON, SBRUM MA JI LTAR SHES, RKANG BA GNYIS GNON CING MCHIS PAS SO, ,DENG KHO NAR 'BRANG BAR 'GYUR BA (BTZA' BA,) JI LTAR SHES, GCIN BE'U SNABS DANG BCAS PA 'BYUNG BAS SO, ,GLANG BO CHE'I PHRU GU PHO YIN PA JI LTAR SHES, RKANG BA G-YAS PA LHAG PAR GNON CING MCHIS PAS SO, ,DE LA BUD MED ZHON PA JI LTAR SHES, BABS NAS RKANG BA'I BAR DU GCUS PA LAS SO, ,DE YANG MIG G-YAS PA ZHAR BA JI LTAR SHES, G-YON PHYOGS SU ME TOG 'THU ZHING MCHIS PAS SO, ,DE YANG SBRUM MA JI LTAR SHES, DE'I RKANG BA'I RTING BA PHAL CHER GNON CING MCHIS PAS SO, ,DENG KHO NAR BTZA' BAR @444 'GYUR BA JI LTAR SHES, GCIN LJAN LJIN DANG BCAS TE 'BYUNG BA LAS SO, ,DE LTAR LAGS, GAL TE MKHAN PO THUGS MI CHES NA MGRON PO DE GNAS PA'I PHYOGS DER BAM ZE'I KHYE'U 'GA' ZHIG BLTA RU MNGAG TU GSOL, MKHAN POS BRAM ZE'I KHYE'U ZHIG BTANG NAS LTAR BCUG PAS, 'TSO BYED JI SKAD SMRAS PA BZHIN DU GYUR TO, , RGYUN SHES KYI BUS BRAM ZE'I KHYE'U RNAMS LA SMRAS PA, BRAM ZE'I KHYE'U DAG KHYED CAG GIS THOS SAM, 'TSO BYED NI DE 'DRA SHES RAB CAN NO,, 'TSO BYED KYI KLAD PA'I THOD PA 'BYED PA'I DPYAD MA GTOGS PA THAMS CAD BSLABS SO, ,JI TZAM NA MI ZHIG KLAD NAD KYIS THEBS NAS RGYUN SHES KYI BU'I DRUNG DU SONG STE SMRAS PA, RGYUN SHES GYI BU, BDAG LA DPYAD MDZOD CIG DES SMRAS PA, KYE NANG RJE DE RING DONG RKOS LA LCI BA DAG STA GON GYIS SHIG DANG SANG BDAG GIS KHYOD LA DPYAD BYA'O, ,'TSO BYED KYIS DE THOS NAS NAD PA DE'I PHYI BZHIN SONG STE, KYE NANG RJE BDAG GIS CUNG ZAD BSLABS PA GANG YIN PA DE THAMS CAD NI SEMS CAN LA PHAN PA'I PHYIR YIN NA, BDAG GIS KLAD PA'I THOD PA DBYE BA MA BSLABS KYIS, SANG KHYOD LA DPYAD BYED PA'I SKABS JI LTAR BYED BLTA DGOS PAS, KHYED KYIS BDAG DBEN PA ZHIG TU ZHOG DES SMRAS @445 PA, DE BZHIN DU BGYI'O, ,DES LKOG TU 'TSO BYED KHRID DE KHYIM GYI PHYOGS DBEN PA ZHIG TU BZHAG DE NAS RGYUN SHES GYI BU 'ONGS NAS MI DE DONG DU BCUG STE THOD PA DBYE BA'I DPYAD KYIS THOD PA PHYE NAS SKAM PAS SRIN BU DE LEN PAR BRTZAMS PA NA 'TSO BYED KYIS, MKHAN PO GZU LUMS SU MA LEN RIGS KYI BU 'DI DENG NYID DU 'GUM PAR 'GYUR RO, ,ZHES SMRAS PAS, MKHAN POS 'TSO BYED 'ONGS SAM, MKHAN PO BDAG MCHIS SO, ,MKHAN POS SROG CHAGS 'DI JI LTAR BLANGS PAR BYA ZER, 'TSO BYED KYIS MKHAN PO SKAM PA TSA BAR MDZAD DE RGYAB TU REG NAS RKANG LAG 'KHUM PAR GYUR BA DANG DE NAS BOR CIG CES SMRAS PA LTAR BYAS PAS NAD PA DE SOS PAR GYUR TO, ,RGYUN SHES KYI BUS SMRAS PA, 'TSO BYED KHO BO SHIN TU MGU BAR GYUR GYIS KHYED KYIS KHRUS BYOS LA SHOG CIG DANG KLAD PA'I THOD PA 'BYED PA'I DPYAD SBYIN NO, ,'TSO BYED KYIS KHRUS BYAS NAS 'ONGS PA DANG DES DE DE LA KLAD PA'I THOD PA 'BYED PA'I DPYAD BYIN NAS SMRAS PA, 'TSO BYED BDAG CAG NI 'DIS 'TSO BA YIN GYIS, YUL 'DIR KHYED KYIS MA BYA ZHIG 'TSO BYED KYIS RGYUN SHES KYI BU LA MKHAN PO DE LTAR BGYI'O ZER NAS RGYUN SHES KYI BU LA PHYAG BYAS NAS RGYAL BO PAD MA'I SNYING BO'I DRUNG DU SONG STE PHYAG BYAS NAS, BDAG GIS SMAN DPYAD BSLABS LAGS KYIS @446 MCHI'O, ZHES SMRAS, DE'I TSE RGYAL BO PAD MA'I SNYING BO DANG MI MTHUN PA MTHA' 'KHOB PA SKYA BSENG ZHES BYA BA DAG CIG YOD, RGYAL POS SMRAS PA, 'TSO BYED BDAG DANG MI MTHUN PA MTHA' 'KHOB PA SKYA BSENG ZHES BYA BA ZHIG YOD, KHYOD NI SHES RAB CAN DANG NUS PA CAN YIN PAS RE ZHIG DE PHOB LA PHYIS SONG ZHIG ZER BA 'TSO BYED KYIS KYANG KHAS BLANGS PA DANG, RGYAL BO DES DPUNG GI TSOGS YAN LAG BZHI BO BSDUS TE BTANG BA LAS DES MTHA' 'KHOB PA SKYA BSENG DE RNAMS PHAB NAS GTE BO BZUNG DPUNG BLANGS TE SLAR BDE BAR 'ONGS NAS KHYER TE 'ONGS PA DE BZHIN DU RGYAL BO LA PHUL BA DANG, DE SHIN TU DGA' NAS RJES SU YI RANGS TE BYA DGA' GNANG BA DAG 'TSO BYED KYIS RGYUN SHES KYI BU LA PHUL TO, ,DE NAS 'TSO BYED 'GRO BAR BRTZAMS TE RIM GYIS GRONG KHYER BZANG BYED DU PHYIN NAS DE NYID DU DBYAR GNAS TE, 'BYUNG PO THAMS CAD KYI SKAD CES BYA BA'I BSTAN BCOS BSLABS, GRONG KHYER BZANG BYED NAS CHAS TE 'GRO BA'I TSE LAM DU MI ZHIG GIS SHING KHUR GCIG 'KHUR NAS GRONG KHYER DU 'JUG PA DE'I RUS PA DANG PAGS PA KHRAG DANG RTZA DANG BCAS PA MTHONG BA, 'TSO BYED KYIS MTHONG NAS, DE LA SMRAS PA, KYE NANG RJE CI ZHIG GIS GNAS SKABS 'DI LTA BUR GYUR, DES SMRAS PA, BDAG GIS KYANG MI SHES SHING KHUR 'DI @447 KHYER NAS BDAG GNAS SKABS 'DI 'DRAR GYUR TO, ,'TSO BYED NI SHING BRTAG PA LA MKHAS PA YIN PAS, KYE NANG RJE SHING KHUR 'DI 'TSONG NGAM, DES 'TSONG NGO, ,RIN JI TZAM, KAR shA PA nA LNGA BRGYA'O, ,'TSO BYED KYIS DE NYOS NAS BLTAS PA NA, SHING DE'I NANG DU 'BYUNG PO THAMS CAD DANG BAR BYED PA ZHES BYA BA'I NOR BU YOD PA MTHONG, DE'I MTHU NI 'DI 'DRA STE, GANG GI TSE NAD PA'I MDUN DU BZHAG PA DE'I TSE MAR ME KHYIM NA YOD PA'I RDZAS BZHIN DU NAD DE LTA BA BZHIN DU SNANG NGO, ,DE RIM GYIS AU DUM WA RAR PHYIN PA DANG, DE NA MI BRES 'BRU 'JAL BA ZHIG YOD PA DES GZHAL NAS BRES MGO LA BSNUN PA 'TSO BYED KYIS MTHONG NAS SMRAS PA, KYE NANG RJE CI'I PHYIR DE LTAR BYED, DES BDAG GI KLAD PA LHAG PAR G-YA' BO ZER, TSUR SHOG BLTA'O ZHES DES DE BSNYAL NAS KLAD PA LA BLTAS, DE NAS 'TSO BYED KYIS 'BYUNG BO THAMS CAD DANG BAR BYED PA'I NOR BU DE KLAD PA'I STENG DU BZHAG PA DANG JI TZAM NA SRIN GYI MED CIG SNANG NGO, ,KYE NANG RJE KHYED KYI KLAD PA NA SRIN GYI MED YOD DO, ,DES 'TSO BYED KYI RKANG BA GNYIS LA GTUGS TE SMRAS PA, BDAG LA DPYAD MDZOD CIG 'TSO BYED KYIS KHAS BLANGS TE BSAMS PA, MKHAN POS JI SKAD BSTAN PA DE BZHIN DU 'DI'I DPYAD BYA'O SNYAM NAS DE LA SMRAS PA, KYE NANG RJE @448 RE ZHIG DE RING DONG RKOS LA LCI BA DAG STA GON BYOS SHIG DANG SANG DPYAD BYA'O, ,DES DE BZHIN STA GON BYAS, 'TSO BYED KYIS DE'I PHYI NYIN 'ONGS NAS DE DONG DU BCUG STE KLAD PA'I THOD PA 'BYED PA'I DPYAD KYIS KLAD PA'I THOD PA PHYES NAS SKAM PA TSA BAS SRIN GYI MED KYI RGYAB LA REG PA BYAS TE DES RKANG LAG 'KHUM PA DANG SKAM PAS BLANGS TE BOR BAS SOS PAR GYUR TO, ,DES 'TSO BYED LA YON KAR shA PA nA LNGA BRGYA BYIN PA DANG DE KYANG RANG GI SLOB DPON RGYUN SHES KYI BU LA BSKUR RO, ,DE NAS 'TSO BYED YUL RO HI TA KA ZHES BYA BAR PHYIN PA DANG, YUL DE NA SKYED MOS TSAL YID DU 'ONG BA ZHIG YOD PA DER SONG NAS BSDAD, DER MI DMU CHU'I NAD GYIS THEBS PA SMAN PA THAMS CAD KYIS THABS MA RNYED PAR SPANGS PA ZHIG YOD, 'TSO BYED KYIS DE LA DRIS PA, NANG RJE KHYOD CI'I PHYIR 'DI LTA BU'I GNAS SKABS SU GYUR, DES 'TSO BYED LA JI LTAR GYUR PA DAG SMRAS PA DANG, 'TSO BYED KYIS DE LA, LA PHUG GI SA BON MAR BYUNG BA'I DAR BAR BTAGS PA 'THUNG DU BCUG STE DPYAD BYAS PAS SOS PAR GYUR TE, MI DES KYANG 'TSO BYED LA KAR shA PA nA LNGA BRGYA BYIN PA DANG, DE YANG RANG GI SLOB DPON RGYUN SHES KYI BU LA BSKUR RO, ,DE NAS 'TSO BYED RIM GYIS BCOM BRLAG TU PHYIN NAS BCOM BRLAG GI PHYI ROL NA SHING ZHIG GI DRUNG DU NGAL GSO ZHING @449 'DUG GO ,JI TZAM NA GYAD KYIS GYAD GCIG BRDABS NAS DE'I NANG KHROL RNAMS 'KHRUGS NAS DE SHI'O ZHES PHYI ROL DU SGRA BYUNG NGO, , DE NAS 'TSO BYED LANGS TE RO'I DRUNG DU SONG NAS, DE GAR GNAS PA'I MI DAG LA DRIS PA, SHES LDAN DAG 'DI CI ZHIG DE RNAMS KYIS SMRAS PA, GYAD KYIS GYAD BRDABS PAS SHI BA RED, 'TSO BYED KYIS SMRAS PA, ZHOG CIG DANG BLTA'O, ,DE RNAMS KYIS BZHAG PA DANG, DE NAS 'TSO BYED KYIS 'BYUNG BO THAMS CAD DANG BAR BYED PA'I NOR BU KLAD PAR BZHAG NAS BRTAGS PA NA, JI TZAM NA NANG KHROL RNAMS 'KHRUGS PAR BYAS PA MTHONG NAS SMYUG MA'I SBUBS SU SMAN GYI PHYE MA BLUGS TE BUS PA DANG PHYE MAS NANG KHROL LA REG NAS SOS PAR GYUR TO, ,GYAD DES KYANG 'TSO BYED LA KAR shA PA nA LNGA BRGYA BYIN PA DANG, 'TSO BYED KYIS YANG RGYUN SHES KYI BU LA BSKUR RO, ,BCOM BRLAG NA KHYIM BDAG CIG GI CHUNG MA GZUGS DANG LANG TSO PHUN SUM TSOGS PA ZHIG YOD PA DE'I MO MTSAN DU SRIN 'BU GDUG PA CAN ZHIG GRUB NAS, DE DANG LHAN CIG DGA' MGUR SPYOD PA THAMS CAD SHI BAS, DE NAS DE DANG DGA' YANG LHAN CIG DGA' MGUR SPYOD PAR MI BYED DO, ,BUD MED DES SMAN PA 'TSO BYED DER 'ONGS SO ZHES THOS NAS DE DE'I DRUNG DU SONG STE SMRAS PA, 'TSO BYED BDAG LA BRO NAD MCHIS KYIS DPYAD MDZOD CIG 'TSO @450 BYED KYIS DE MTHONG ZHING SMRA BA'I TSIG THOS NAS THABS DRAN TE SMRAS PA, KHYOD KYIS DAM ZHIG BCA' BAR BYA DGOS TE, BDAG DANG LHAN CIG DGA' MGUR SPYAD NA DPYAD BYA'O, ,DES SMRAS PA, G-YAR TSA LAGS SO, ,'TSO BYED KYIS SMRAS PA, KHYOD KYI NAD LA PHAN PA'I DPYAD GZHAN NI MED DO, ,BDAG LAS PHANGS PA GZHAN MED PAS DES KHAS BLANGS SO, ,DE NAS 'TSO BYED KYIS MO SGREN MOR PHYUNG STE BZO BCOS BUS NAS MO MTSAN GYI SGOR SHA'I DUM BU ZHIG BZHAG PA LAS, DE NAS SRIN BU DE DE LA CHAGS PA DANG DES DE BLANGS NAS BOR TE SOS PAR GYUR TO, ,DE 'DOD PA'I 'DOD CHAGS LA LHAG PAR ZHEN PAS 'TSO BYED LA BRDA ZHIG SMRAS PA DANG 'TSO BYED KYIS RNA BA GNYIS BKAG STE SMRAS PA, KHYOD KHO BO'I SRING MO DANG 'DRA STE KHYOD KYI DPYAD DE YIN PAS KHO BOS DE LTAR BYAS PAR ZAD DO, ,BUD MED DES KYANG 'TSO BYED LA KAR shA PA nA LNGA BRGYA BYIN PA DANG, DE YANG RGYUN SHES KYI BU LA BSKUR RO, , DE NAS 'TSO BYED RIM GYIS CHU BO YA MU NA'I 'GRAM DU PHYIN PA DANG, DES DE NA MI RO ZHIG YOD PA DE'I RTING BA'I PHYOGS NA RGYUS PA'I BRENG YOD PA NYA RNAMS KYIS DRANGS PA LAS DE'I MIG 'BYED PA DANG 'DZUM PA MTHONG NAS, 'TSO BYED KYIS DE THAMS CAD BRTAGS TE, JI LTAR RGYUS PA DANG LONG MO LA SOGS PA'I TSIGS KYI 'BREL @451 THABS NI DE KHO NA LTAR 'DUG GO SNYAM NAS, DE RIM GYIS YANGS PA CAN DU PHYIN PA DANG, JI TZAM NA GYAD KYIS GYAD GCIG LA THAL MOS BSNUN PAS, MIG GI 'BRAS BU 'PHAGS PA DANG, 'TSO BYED DE'I DRUNG DU SONG NAS, DE'I RTING BA'I RGYUS PA'I BRENG NAS DRANGS PA DANG SLAR TSUD PAR GYUR RO, ,DES KYANG 'TSO BYED LA KAR shA PA nA LNGA BRGYA BYIN PA DANG, 'TSO BYED KYIS RANG GI PHU BO GZHON NU 'JIGS MED KYI MA AAR MA SKYONG MA LA BYIN NO, ,YANGS PA CAN NA MI ZHIG GI RNA BAR SRIN GYI MED ZHUGS TE, DER DE LAS PHRU GU LNGA BRGYA BYUNG BAS DE RNA BA'I NAD KYIS NYEN PAR GYUR NAS 'TSO BYED KYI DRUNG DU SONG STE SMRAS PA, DPYAD MDZOD CIG 'TSO BYED KYIS BSAMS PA, SNGAR NI BDAG GIS MKHAN POS BSTAN PA'I LAS BYAS KYI, DA NI RANG GI BLOS LAS BYA'O SNYAM NAS, DES MI DE LA BSGO BA, KYE NANG RJE SONG LA LO MA'I SPYIL BO BYOS TE RAS SNGON POS G-YOG LA DE'I 'OG TU RNGA ZHIG ZHOG STE SA YANG DRON POR GYIS SHIG MI DES JI SKAD BSTAN PA BZHIN THAMS CAD BYAS SO, ,DE NAS 'TSO BYED KYIS MI DE SA LA BSNYAL NAS SA DER CHUS CHAG CHAG BTAB NAS, DE NAS RNGA BRDUNG BA DANG SRIN BU GYI MED KYIS DBYAR GYI DUS LA BAB PO SNYAM NAS PHYIR BYUNG NGO, ,'TSO BYED KYIS DE'I RNA BA'I DRUNG DU SHA DUM BU ZHIG BZHAG PA DANG, DE SLAR YANG NANG DU @452 ZHUGS TE PHRU GU RNAMS KHRID DE BYUNG NAS PHRU GU RNAMS DANG LHAN CIG SHA'I DUM BU LA CHAGS PA DANG, DE NAS 'TSO BYED KYIS DE'I MOD LA SHA'I DUM BU BOR BA DANG MI DE SOS PAR GYUR TO, ,MI DES KAR shA PA nA LNGA BRGYA BYIN PA DANG, DE YANG 'JIGS MED KYI MA LA BYIN NO, , 'TSO BYED RIM GYIS RGYAL BO'I KHAB TU PHYIN PA DANG, RGYAL BO GZUGS CAN SNYING BOS 'TSO BYED JI LTAR 'ONGS PA THOS NAS, DES GZHON NU MA SKYES DGRA LA BSGO BA, BU KHYOD KYI PHU BO 'ONGS KYIS BSUR SONG ZHIG DE BSUR 'ONG BA DANG 'TSO BYED KYIS MA SKYES DGRA BSUR 'ONGS PA THOS NAS DES BSAMS PA, GAL TE BDAG GIS DES BSUR 'ONGS PA RANG GIR BYAS NA, DE NAM RGYAL BOR GYUR PA DE'I TSE BDAG LA GNOD PA BYED PAR 'GYUR RO SNYAM NAS, DE SLAR LOG STE SGO GZHAN ZHIG NAS ZHUGS SO, , DUS GZHAN ZHIG NA 'TSO BYED SKYE BO'I TSOGS CHEN POS YONGS SU BSKOR TE G-YENG ZHING SONG BA DANG, JI TZAM NA BRAM ZE ZHIG MIG NAD KYIS THEBS NAS 'TSO BYED KYI DRUNG DU SONG STE BDAG LA SMAN STON CIG 'TSO BYED TSIG PA ZA BA'I RNAM PAS THAL BA THOB CIG SMRAS, DE DRANG BO ZHIG YIN PAS MIG LA THAL BA BTAB PA DANG SOS PAR GYUR TO, MIG NAD KYIS THEBS PA GZHAN ZHIG 'TSO @453 BYED KYI DRUNG DU 'GRO BA DE SNGAR GYI BRAM ZE DES MTHONG NAS DRIS PA, KYE NANG RJE GANG DU 'GRO, DES JI LTAR GYUR PA SMRAS PA DANG BRAM ZE DES SMRAS PA, KHYOD LA 'TSO BYED CI DGOS, 'TSO BYED KYIS KHO BO LA GANG BSTAN PA DE BYOS SHIG DE YID CHES PAR GYUR NAS DES MIG LA THAL BA BTAB PA DANG LONG BAR GYUR TO, ,DUS GZHAN ZHIG NA RGYAL BO GZUGS CAN SNYING BO'I SPYI BOR PHOL MIG BYUNG STE, DES BLON PO RNAMS LA BSGO BA, SHES LDAN DAG SMAN PA RNAMS KHUG CIG BLON PO RNAMS KYIS SMAN PA RNAMS BKUG PA DANG, RGYAL POS SMRAS PA, SHES LDAN DAG NGA'I SPYI BOR PHOL MIG BYUNG BA LA DPYAD BYOS SHIG DE RNAMS KYIS SMRAS PA, LHA SMAN PA CHEN PO 'TSO BYED MCHIS NA BDAG CAG GIS BGYI BA CI 'TSAL, RGYAL BOS SMRAS PA, SHES LDAN DAG 'TSO BYED KHUG CIG DE RNAMS KYIS BKUG PA DANG, RGYAL BOS SMRAS PA, 'TSO BYED DPYAD BYOS SHIG 'TSO BYED KYIS SMRAS PA, LHA DAM ZHIG BCA' STE, GAL TE LHA LA BDAG NYID KYIS KHRUS BGYID DU GNANG NA BGYI'O, ,RGYAL BOS DE BZHIN GYIS SHIG GSUNGS PAS, DE NAS 'TSO BYED KYIS SKYU RU RA'I KHU BA BSKUS SHING SMIN PAR 'GYUR BA'I RDZAS DAG BTAB NAS SMIN PAR 'GYUR PA'I RDZAS RNAMS DANG BSRES PA'I CHU BUM PA LNGA BRGYA BLUGS NAS SMIN PA DE TSE NA MA TSOR BAR SPU GRIS REG PAR BYAS PA DANG RDOL TE, @454 'TSO BAR 'GYUR BA'I RDZAS DAG BTAB STE 'TSO BAR 'GYUR BA'I RDZAS RNAMS DANG BSRES PA'I CHU BUM PA LNGA BRGYA BLUGS PA DANG, RMA DE SOS SHING PAGS PA SOR CHUD, SKRA YANG MNYAM PAR GYUR TO, , NYIN GCIG RGYAL BOS KHRUS BYAS MA THAG SMRAS PA, 'TSO BYED DPYAD BYOS SHIG DES SMRAS PA, LHA RE ZHIG BSHOS GSOL CIG RGYAL BOS BSHOS GSOL NAS 'TSO BYED DPYAD BYOS SHIG 'TSO BYED KYIS LHA BGYIS LAGS SO, ,DE YID MA CHES NAS LAG PAS BYUGS NA PHYOGS GANG NA RMA YOD PA MA SHES, ME LONG BLANGS TE BLTAS NA YANG MA MTHONG, BTZUN MO LA DRIS NA DES KYANG PHYOGS GANG NA RMA YOD PA MA SHES SO, ,RGYAL BO MCHOG TU NGO MTSAR SKYES NAS BLON PO RNAMS LA SMRAS PA, SHES LDAN DAG 'TSO BYED SMAN PA'I RGYAL BOR DBANG SKUR CIG MI LONG BA DES RGYAL BO LA SMRAS PA, LHA CI SRAS LA BYAMS PAS SAM, 'ON TE SMAN LA MKHAS PAS DBANG BSKUR BAR MDZAD, RGYAL BOS SMRAS PA, SMAN LA MKHAS SO, ,GAL TE DE LTAR LAGS NA 'DIS BDAG NI SOS PAR MA BGYIS SO, ,'TSO BYED KYIS SMRAS PA, KYE NANG RJE BDAG GIS KHYOD MTHONG YANG MA MTHONG NA SOS PAR LTA GA LA BYAS, DES SMRAS PA, DE NI MAD LA 'ON KYANG KHYOD KYIS GANG LA BSTAN PA DES BDAG LA BSTAN TO, , CI ZHIG BSTAN, CHE GE MO ZHIG GI MIG LA THAL BA BTAB PAS SOS @455 PA DES BDAG LA BSTAN PA LTAR BYAS NAS LONG BAR GYUR TO, , 'TSO BYED KYIS SMRAS PA, DE'I KHAMS KYANG GZHAN LA KHYOD KYI KHAMS KYANG GZHAN YIN GYIS, DA NI 'DI DANG 'DI DAG BYOS SHIG DANG SOS PAR 'GYUR RO, ,DES DE LTAR BYAS NAS SOS PAR GYUR PA DANG, RGYAL BO LA SMRAS PA, LHA 'DI SMAN PA'I RGYAL BOR DBANG BSKUR BAR MDZAD DU GSOL, DE NAS 'TSO BYED GLANG BO CHE LA BSKYON NAS DPAL GYI 'BYOR BA CHEN POS SMAN PA'I RGYAL BOR DBANG BSKUR TO, , YANG RGYAL BO'I KHAB NA KHYIM PA DAG CIG YOD PA SKRAN NAD KYIS THEBS NAS, SMAN PA THAMS CAD KYIS DPYAD BYAS KYANG MA SOS PAS SMAN PA THAMS CAD KYIS SPANGS PA DANG, DE'I BSAM PA LA, 'TSO BYED KYI DRUNG DU 'GRO, DPYAD CIG BYAS NA LEGS, GAL TE MA BYAS NA BDAG NYID 'CHI'O SNYAM NAS, DE 'TSO BYED KYI DRUNG DU SONG NAS, 'TSO BYED BDAG LA DPYAD MDZOD CIG 'TSO BYED KYIS SMRAS PA, KYE NANG RJE KHYOD KYI SMAN 'DI NI RNYED PA DKA'O, ,DES BSAMS PA, 'TSO BYED KYIS KYANG SPANGS NA 'DI LA CI BYAR YOD, DUS LA BAB KYIS BDAG NI 'CHI'O SNYAM NAS, DE DUR KHROD DU SONG, DE NA RO SREG PA'I ME 'BAR BAR NE'U LE GDUG PA ZHIG DANG SROG CHAGS GO DHA TZAN DAN ZHES BYA BA 'THAB STE MER LHUNG BA @456 DANG DE BKRES PAS NYEN PAS DE GNYIS ZOS TE, DUR KHROD DU CHAR BAB PA'I CHU 'KHYIL BA 'THUNGS NAS DUR KHROD DANG HA CANG MI RING BA ZHIG NA GNAG LHAS YOD PA DER SONG STE, KO DRA'I CHAN DANG MAR PHYUNG BA'I ZHO 'THUNGS PAS SKRAN RDOL TE YAR RLON MAR 'KHRUS NAS (SKYUGS BSHAL,) SNGON JI LTA BA BZHIN DU GYUR TO, , DUS GZHAN ZHIG NA BTZUN MO LUS 'PHAGS MO'I 'DOMS KYI PHYOGS SU PHOL MIG BYUNG NGO, ,DES RGYAL BO LA SMRAS PA DANG RGYAL BOS 'TSO BYED LA BSGO BA, MA YAR MO LA DPYAD BYOS SHIG DES KHAS BLANGS NAS, ZAN BYAS TE MA MA LA BYIN NAS KHYOD 'DI STENG DU SDOD CIG DES DE LTAR BSDAD PAS ZAN GYI THOG TU PHOL MIG GI RJES YOD PAS 'TSO BYED KYIS PHOL MIG YOD PA'I PHYOGS DE SHES NAS PHOL MIG SMIN PAR 'GYUR BA'I RDZAS DAG BTAB STE, SMIN PAR SHES PA'I SKABS SU ZAN GYI NANG DU GTZAG BU SBAS TE MA MA LA BSGO BA, KHYOD 'DI'I STENG DU 'DI LTAR SDOD CIG BTZUN MOS DE BZHIN BYAS PAS GTZAG BUS PHOL MIG LA REG MA THAG RDOL BAR GYUR TO, ,DE NAS 'TSO BAR 'GYUR BA'I RDZAS DANG BSRES PA BSKA BA'I CHUS BKRUS TE 'TSO BAR 'GYUR BA'I RDZAS RNAMS BTAB PAS SOS PAR GYUR, DE NAS 'TSO BYED RGYAL BO'I DRUNG DU SONG BA DANG RGYAL BOS SMRAS PA, 'TSO BYED KHYOD KYI MA YAR MO LA DPYAD BYAS @457 SAM, LHA BGYIS SO, ,KHYOD KYIS SGREN MOR PHUD DE MA BLTAS GRANG, LHA MA BLTAS SO, ,JI LTAR BYAS, DES JI LTAR GYUR PA RNAMS SMRAS PA DANG RGYAL BO MCHOG TU NGO MTSAR SKYES NAS, BLON PO RNAMS LA SMRAS PA, 'TSO BYED LAN GNYIS PAR SMAN PA'I RGYAL BOR DBANG SKUR CIG MI SKRAN CAN LA 'TSO BYED KYIS KHYOD KYI SMAN RNYED PAR DKA' 'O ZHES SMRAS PA GANG YIN PA DES RGYAL BO LA SMRAS PA, LHA CI SRAS LA SDUG PAS SAM, 'ON TE SMAN LA MKHAS PAS DBANG BSKUR BAR MDZAD, RGYAL BOS SMRAS PA, SMAN LA MKHAS PAS SO, ,DES GAL TE DE LTAR LAGS NA 'DIS BDAG NI SOS PAR MA BGYIS SO, ,'TSO BYED KYIS SMRAS PA, KYE NANG RJE NGAS KHYOD LA DPYAD NI MA BYAS KYI, 'ON KYANG NGAS KHYOD KYI SMAN NI RNYED PAR DKA' 'O ZHES SMRAS SO, DES SMRAS PA, BDAG GI SMAN JI LTA BU DAG YIN, 'TSO BYED KYIS SMRAS PA, GAL TE ZLA BA MAR GYI NGO TSES BCU BZHI LA MI SER SKYA ZHIG SHI NAS DE DUR KHROD DU SREG PA NA NE'U LE GDUG PA DANG SROG CHAGS GO DHA TZAN DAN 'THABS NAS MER LHUNG BA DANG DE GNYIS KHYOD KYIS ZOS LA DUR KHROD DU CHAR BAB TE 'KHYIL BA'I CHU DE 'THUNGS LA, KO DRA'I ZAS ZOS SHING MAR PHYUNG BA'I ZHO 'THUNGS NA DE LTA NA KHYOD SOS PAR 'GYUR TE, BDAG GIS DE LA BSAMS NAS SMAN RNYED DKA'O ZHES SMRAS PA YIN NO, ,DES @458 SMRAS PA, SHIN TU LEGS PAR SHES TE, DE BZHIN DU BDAG GIS ZOS SO, ,DE NAS MI DE DGA' BAR GYUR NAS RGYAL BO LA SMRAS PA, , LHA 'DIS SMAN PA'I RGYAL BO'I RNGO THOGS KYI DBANG BSKUR DU GSOL, LAN GNYIS SU SMAN PA'I RGYAL BOR DBANG BSKUR TO, ,GANG GI TSE MI DGE BA'I GROGS PO LHAS BYIN GYIS MA SKYES DGRA BSLUS NAS PHA RGYAL BO GZUGS CAN SNYING BO SROG DANG BRAL BAR BYAS PA DE'I TSE MA SKYES DGRA SKRAN GYI NAD KYIS THEBS PAR GYUR, DES SMAN PA RNAMS LA SMRAS PA, NGA LA DPYAD GYIS SHIG SMAN PA RNAMS KYIS SMRAS PA, LHA LHA'I GCEN SMAN PA'I RGYAL BO BLA NA MED PA 'TSO BYED 'DI MCHIS BZHIN DU BDAG CAG GIS DPYAD BGYID PA RNGO GA LA THOGS RGYAL BOS BLON PO RNAMS LA SMRAS PA, SHES LDAN DAG 'TSO BYED KHUG SHOG DE RNAMS KYIS BKUG PA DANG, 'TSO BYED NGA LA SKRAN NAD BYUNG GIS DPYAD BYOS SHIG LHA BGYI'O, 'TSO BYED KYIS BSAMS PA, RGYU GNYIS KYIS SKRAN RDOL BAR 'GYUR TE, LHAG PAR DGA' BA'AM, LHAG PAR KHROS PAS YIN NA SEMS CAN GDUG PA CAN 'DI LHAG PAR DGA' BAR GA LA 'GYUR GYI, RNAM PA THAMS CAD DU KHROS PAR BYA'O BSAMS NAS SMRAS PA, LHA DAM ZHIG BCA' DGOS TE, GAL TE GZHON NU 'CHAR BYED BZANG BO'I SHA GSOL BA LTA NA DPYAD BGYI'O, ,'CHAR BYED BZANG BO NI RGYAL BO MA SKYES DGRA KHO RANG GI @459 BU'O, ,RGYAL BOS THOS NAS KHROS TE SMRAS PA, LEGS SO NGAS NI PHA SROG DANG BRAL, KHYOD KYIS KYANG 'CHAR BYED BZANG BO SROG DANG PHROL, NGA YANG NAD KYIS SHI NAS KHYOD NI RGYAL BOR 'GYUR MOD, DES SMRAS PA, LHA DPYAD NI 'DI LAGS TE, GZHAN GYIS SOS PAR RNGO MI THOGS LAGS SO, ,BDAG DANG 'DRA BA'I PHANGS PA MED PAS RGYAL BOS KHAS BLANGS SO, ,DE NAS 'TSO BYED KYIS GZHON NU 'CHAR BYED BZANG BO RGYAN THAMS CAD KYIS BRGYAN NAS RGYAL BO LA PHUL TE, LHA GZHON NU 'CHAR BYED BZANG BO LA LEGS PAR GZIGS PA DE LTAR MDZAD DU GSOL, PHYIS GZIGS PAR MI 'GYUR RO, ,DE NAS DE LTAR BSTAN NAS KHYIM DU KHRID NAS BZHAG GO, ,DE NAS 'TSO BYED SHA'I DON DU BSIL BA'I TSAL GYI DUR KHROD DU SONG BA LAS BSIL BA'I TSAL GYI DUR KHROD NI ROS STONG BA MA YIN PAS DE NAS RO'I SHA BLANGS TE YO BYAD KYI KHYAD PAR DAG DANG G-YOS BYAS NAS, RGYAL BO'I DRO LA BAB PA'I DUS SU BSTABS SO, ,DE NAS MA SKYES DGRAS SHA KHU'I PHOR BA BLANGS NAS ZA BAR GZAS PA DANG 'TSO BYED KYIS 'PHROGS NAS KLAD DU BSNUN TE SDIG CAN KHYOD KYIS PHA CHOS DANG LDAN PA CHOS KYI RGYAL BO SROG DANG BRAL LA BU'I SHA YANG ZA BAR BYED DAM, DES RNGAM NAS SMRAS PA, GAL TE DE LTA NA CI'I PHYIR GSAD CES MI BZOD PA DRAG PO SKYES PAS DE'I SKRAN RDOL @460 NAS YANG RLAN MAR 'KHRUS TE, KHA NAS KHRAG DANG BCAS PAR BYUNG BA DE KHO RANG GIS MTHONG NAS BRGYAL TE SA LA 'GYEL TO, ,DE NAS CHU GTOR NAS DBUGS SLAR BYUNG BA DANG KHRUS BYAS TE 'PHROD PA'I ZAS BYIN PAS SNGON JI LTA BA BZHIN GYUR TO, ,DE NAS 'TSO BYED KYIS GZHON NU 'CHAR BYED BZANG BO RGYAN THAMS CAD KYIS BRGYAN NAS KHRID DE RGYAL BO'I DRUNG DU SONG NAS RKANG BA GNYIS LA GTUGS TE SMRAS PA, LHA GZHON NU 'CHAR BYED BZANG BO 'DI LAGS TE, BDAG SROG CHAGS GROG SBUR YANG SROG DANG BRAL BAR BGYID MI PHOD NA GZHON NU LTA SMOS KYANG CI 'TSAL, 'ON KYANG THABS 'DIS LHA 'TSO BAR 'GYUR BAS BDAG GIS THABS BSHAMS PAR BGYIS PAS SO, ,RGYAL BO MCHOG TU NGO MTSAR SKYES NAS, BLON PO RNAMS LA BSGO BA, 'TSO BYED SMAN PA'I RGYAL BOR DBANG BSKUR CIG BLON PO RNAMS KYIS 'TSO BYED GLANG BO CHE LA BSKYON NAS DPAL GYI 'BYOR BA CHEN POS LAN GSUM PAR YANG SMAN PA'I RGYAL BOR DBANG BSKUR TO, , DE NAS 'TSO BYED DREGS PA SKYES NAS BDAG DANG MNYAM PA'I SMAN PA 'GA' YANG YOD PA MA YIN TE, BDAG NI LUS KYI DPYAD BYED PA RNAMS KYI MCHOG YIN LA, BCOM LDAN 'DAS NI SEMS KYI DPYAD MDZAD PA RNAMS KYI MCHOG YIN NO SNYAM MO, ,DUS GZHAN @461 ZHIG NA 'TSO BYED BCOM LDAN 'DAS KYI SPYAN SNGAR SONG BA LAS DE DREGS PA'I SNYEMS PAS BDEN PA MA MTHONG NGO, ,BCOM LDAN 'DAS KYIS DGONGS PA, SMAN PA'I RGYAL BO 'TSO BYED KYIS DGE BA'I RTZA BA BSKYED NA CI'I PHYIR BDEN PA MA MTHONG BAR GYUR SNYAM NA, DREGS PA'I SNYEMS PA LAS GYUR PAR GZIGS NAS, DE'I DREGS PA SPANG BAR BYA'O SNYAM NAS, DE NAS BCOM LDAN 'DAS KYIS SMAN PA'I RGYAL BO 'TSO BYED LA BKA' STZAL BA, 'TSO BYED KHYOD KYIS RI'I RGYAL BO GANGS CAN MTHONG NGAM, BTZUN PA MTHONG LAGS SO, , DE NAS BCOM LDAN 'DAS KYIS SMAN PA'I RGYAL BO 'TSO BYED KHRID NAS, RI'I RGYAL BO GANGS CAN GANG NA BA DER GSHEGS PA DANG, DE NA SMAN RNAM PA SNA TSOGS SGRON ME BZHIN DU 'OD 'BAR BA YOD, BCOM LDAN 'DAS KYIS SMAN PA'I RGYAL BO 'TSO BYED LA 'DI SKAD CES BKA' STZAL TE, 'TSO BYED SMAN CI TZAM 'DOD PA LONGS SHIG DE SONG NAS SMAN RNAM PA SNA TSOGS DAG BLANGS NAS BCOM LDAN 'DAS KYI SPYAN SNGAR 'ONGS SO, ,BCOM LDAN 'DAS KYIS BKA' STZAL BA, 'TSO BYED SMAN 'DI'I MING CI YIN, DES GSOL BA, BCOM LDAN 'DAS CHE GE MO LAGS TE, CHO GA 'DIS NAD CHE GE MO ZHIG ZHI BAR 'GYUR, 'DI NI CHE GE MO ZHIG LAGS TE NAD CHE GE MO ZHIG RAB TU ZHI BAR 'GYUR LA, GZHAN RNAMS KYI MING YANG MI SHES @462 SO, ,MA SHES PA GANG YIN PA DE DAG BCOM LDAN 'DAS KYIS BKA' STZAL BA, 'TSO BYED 'DI NI CHE GE MO STE CHO GA CHE GE MOS NAD CHE GE MO ZHIG RAB TU ZHI BAR 'GYUR RO, ,'DI YANG CHE GE MO ZHIG CES BYA'O, ,DE LTAR RE RE BZHIN GSUNGS PAS 'TSO BYED KYIS GSOL BA, BCOM LDAN 'DAS KYIS SMAN DPYAD KYANG MKHYEN LAGS SAM, ZHES ZHUS PAS, DE NAS BCOM LDAN 'DAS KYIS 'TSO BYED LA BKA' STZAL BA, 'TSO BYED SMAN ZUG RNGU 'BYIN PA YAN LAG BZHI DANG LDAN PA DGOS TE, BZHI GANG ZHE NA, NAD LA MKHAS PA, NAD KUN NAS SLONG BA LA MKHAS PA, NAD BYUNG BA SPONG BA LA MKHAS PA, SPANGS PA PHYIS MI 'BYUNG BA LA MKHAS PA'O, ,DANG PO NAD LA MKHAS PA NI, NAD 'DI NI 'DI LTA BU DANG 'DI LTA BU YIN NO ZHES SHES PA'O, ,GNYIS PA NAD KUN NAS SLONG BA LA MKHAS PA NI, NAD 'DI NI RLUNG GIS KUN NAS BSLANG BA'AM, MKHRIS PAS KUN NAS BSLANG BA'AM, BAD KAN GYIS KUN NAS BSLANG BA'AM, BDAG LAS GYUR BA'AM, GZHAN LAS GYUR BA'AM, 'DUS PA LAS GYUR BA'O ZHES SHES PA'O, ,GSUM PA NAD BYUNG BA SPONG BA LA MKHAS PA NI, NAD 'DI NI MIG SMAN NAM, SKU MNYE'AM, SKYUG SMAN NAM, BKRU SMAN NAM, SNAR BLUGS PA'AM, DU BAS BDUG PA'AM, NAN RTZI'I LAS KYIS SPANG BAR 'GYUR BA LA SOGS @463 PA SHES PA'O, BZHI BA NAD SPANGS PA PHYIS MI 'BYUNG BA LA MKHAS PA NI, NAD 'DI LA NI 'PHROD PA'I CHO GA 'DI DANG 'DI LTA BU BYAS TE SPANGS NA PHYIS MI 'BYUNG NGO ZHES SHES PA'O, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YAN LAG BZHI DANG LDAN PA YANG SMAN PA ZUG RNGU 'BYIN PA BLA NA MED PA ZHES BYA'O, ,'TSO BYED BZHI GANG ZHE NA, 'DI NI SDUG BSNGAL 'PHAGS PA'I BDEN PA'O, ,'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GRO BA'I LAM 'PHAGS PA'I BDEN PA'O ZHES YANG DAG PA JI LTA BA BZHIN DU RAB TU MKHYEN TO, ,'TSO BYED DE BZHIN GSHEGS PAS NI SKYE BA'I RTZA BA CAN GYI SDUG BSNGAL RNAMS SPANG BA'I SMAN MKHYEN TO, , RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA'I RTZA BA CAN GYI SDUG BSNGAL RNAMS SPANG BA'I SMAN MKHYEN TO, ,ZHES GSUNGS PA DANG, 'TSO BYED GZHON NU'I RGYUD LA CHOS KYI MIG RDUL MED CING DRI MA DANG BRAL BA SKYES SO, , SMRAS PA, PHRA RAGS RIMS NAD 'JOMS PA'I SMAN MCHOG GIS, ,SKYE 'GRO'I ZUG RNGU MTHA' DAG RAB BCOM NAS, ,GTAN BDE'I BDUD RTZI SMAN MCHOG LA ROL BA'I, ,SKAL BA MCHOG LA SPYOD @464 PA AE MA RMAD, ,CES PA 'DI NI 'TSO BYED GZHON NU'I GDUNG 'TSOB DAM PA SMAN PA BSTAN KHOS BSKUL NGOR THA SNYAD PA BSAM GTAN RGYA MTSOS 'DUL BA LUNG LAS BTUS PA YIN LA, GSAR BU RNAMS RTZOM LUGS SNA TSOGS LA RGYUS MNGA' CHED, TSIG SBYOR 'DUL LUNG BZHIN BYAS SO,, ,,