@405 *, ,YONGS 'DZIN RDO RJE 'CHANG CHEN PO RJE BTZUN BSKAL BZANG DPAL 'BYOR BZANG BO'I RNAM PAR THAR BA DAD PA'I DPAL BSKYED CES BYA BA BZHUGS SO,, BSKAL BZANG RNAM 'DREN BSTAN PA NYIN MOR BYED, ,DPAL LDAN BKRA SHIS RIS MED PHYOGS KUN TU, ,CHOS 'BYOR BDE SKYID DPAL DU 'DREN MDZAD PA, ,'PHRIN LAS KUN KHYAB BZANG BO'I ZHABS LA 'DUD, ,BSKAL BZANG RNAM 'DREN BZHI BA'I BSTAN PA LA, ,MKHYEN PA'I DPAL DANG BRTZE BA'I 'BYOR BA YIS, ,TSE RABS KUN TU RAB BZANG GOMS PA'I MTHUS, ,BYANG CHUB CHEN PO BRNYES LA DUS KUN 'DUD, ,BSKAL BZANG SANGS RGYAS STONG GI 'PHRIN LAS DPAL, ,RAB 'BYOR GSUNG GI MDZAD PA BZANG BO @406 YIS, ,SNYAN BRGYUD SPEL BA'I MDZAD PA MCHOG DE LA, ,BLO LDAN KUN GYIS BSTOD BSNGAGS ROL MO 'KHROL, ,BSKAL BZANG SANGS RGYAS BZHI BA SH'AKA THUB KYI, ,MDO SNGAGS BSTAN PA'I DPAL LA DBANG 'BYOR BA'I, ,'GRO BA'I MA RIG MUN SEL SNANG BA'I MDZOD, ,BSHES GNYEN NYI MA BZANG BOR GUS PAS 'DUD, , BSKAL BA BYE BAR BSGRUBS PA'I MDZAD BZANG DPAL, ,RAB TU 'BYOR BA'I MDZAD PA BZANG BO DAG ,SKYE BO BDAG 'DRA'I BRJOD PA'I YUL LAS 'DAS, ,'ON KYANG DAM PA'I BKA' BZHIN CUNG ZAD BRJOD, ,DE YANG RIGS DANG DKYIL 'KHOR KUN GYI BDAG PO YONGS 'DZIN RDO RJE 'CHANG CHEN PO ^ RJE BTZUN BSKAL BZANG DPAL 'BYOR BZANG BO'I RNAM PAR THAR BA RGYA MTSO LTA BU LAS CHU THIGS TZAM ZHIG RANG GI BSOD NAMS KYI SKAL BAR BLANGS TE CUNG ZAD TZAM ZHIG BRJOD PA LA, RJE 'DI 'KHRUNGS PA'I YUL NI, YUL MDO SMAD KYI RDO SBIS ZHES BYA BA'I NYIN PA ZHES PA'I YUL TSO'I NANG DU RJE GONG MA'I 'KHRUNGS GZHIR YAB RIN CHEN RGYAL DANG, YUM LHA MO GNYIS KYI SRAS SU, RAB TSES CHU RTA LO'I HOR ZLA BCU GNYIS PA'I TSES BCO LNGAR SKU BLTAMS, KHONG 'KHRUNGS PA'I LO'I DGUN ZLA BA BCU GNYIS PA'I NANG RGYA SGO'I STENG ME TOG SER CHEN CHEN PO ZHIG 'KHRUNGS, GZHON NU'I DUS NAS THUGS SNYING RJE'I DBANG DU GYUR @407 TE SEMS CAN NYAM THAG PA MTHONG NA BSHUM PAR MDZAD, SPRANG BO SOGS LA SPRANG RDZAS YAG PO MA BYIN TSE, LKOG TU SONG NAS BSHUM BSDAD PA DRAN GSUNGS, GZHON NU'I DUS NAS THUGS SNYING RJE'I GZHAN DBANG DU GYUR TE SNYING RJE'I RANG MDANGS PHYI ROL TU MNGON PAR GYUR, DE LTA BU'I BYIS PA YA MTSAN PA ZHIG 'KHRUNGS YOD PA SKYABS MGON SKU PHRENG BZHI BA BSKAL BZANG THUB BSTAN DBANG PHYUG GIS GSAN, KHONG GI YONGS 'DZIN RDO SBIS LHA RAMS PA BSTAN 'DZIN RGYA MTSO THUGS RJE CHEN PO'I SPRUL BA YIN PAS, KHONG GI SPRUL SKU YIN RGYU RED GSUNGS NAS, DGUNG GRANGS BZHI'I STENG RDO SBIS LHA RAMS PA BSTAN 'DZIN RGYA MTSO'I YANG SPRUL DU THUGS THAG BCAD, BLA BRANG BKRA SHIS 'KHYIL DU GDAN SAR BKOD DE, SKYABS MGON THAMS CAD MKHYEN PA'I MDUN NAS DGE BSNYEN DGE TSUL GYI SDOM PA BZHES TE BSKAL BZANG DGE LEGS RGYA MTSO ZHES MTSAN GSOL, DE NAS BZUNG STE SKU MYA NGAN LAS 'DAS PA'I BAR TSUL KHRIMS MIG 'BRAS LTAR BSRUNG BAS, KUN GYIS BTZUN PA MCHOG GI TSAD DU BRTZI, KHYA DGE RAB 'BYAMS PA ZHES PA'I DGE BSHES CHEN PO DGE RGAN DU BSTEN TE, DGUNG LO BCU GCIG STENG BKRA SHIS 'KHYIL DU TSOGS ZHUGS GNANG STE, SKYABS MGON BSKAL BZANG THUB BSTAN DBANG PHYUG MCHOG GI RANG RNAM @408 LAS, RAB TSES CHU 'BRUG LO'I HOR ZLA BCU GCIG PA'I TSES BCU GCIG NYIN, KHO BO'I YONGS 'DZIN RIN PO CHE BSTAN 'DZIN RGYA MTSO'I SBRUL BA'I SKU'I TSOGS ZHUGS LA GRAL MTSAMS SOGS KYIS BKUR BZOS PHUL, ZHES DANG, ZLA BA BCU GCIG PA'I TSES BCU BDUN NYIN, YONGS 'DZIN MCHOG SPRUL RIN PO CHE CHOS GRVAR ZHUGS PA'I NGO STON TSOGS CHEN KHRI RIN PO CHE MI BZHUGS STABS BDAG LA BYAS, BCO BRGYAD LA GSOL DPON MKHAN PO TSANG LA SPRUL BA'I SKU RIN PO CHER 'BUL RGYU'I RGYAN 'JUG GI DPE CHA ZHIG KHYER SHOG CES PAR KHONG NOR TE, RNAM 'GREL DPE CHA ZHIG PHYAG TU BYUNG, DE 'PHRAL KHO BO'I SEMS LA SNGON SKU GONG MA DE NYID NAS NGA RANG LA SGO MANG RNAM 'GREL LA DE TZAM RTZOD PA MED STABS, KHO RANG NAS KYANG RNAM 'GREL LA THOS BSAM YID TSIM PA ZHIG BYED RGYU MA BYUNG BAS, SKYE BA RJES MA TSOR RNAM 'GREL LA 'BREL RE 'JOG THUB RGYU'I SKYABS 'JUG MDZAD DGOS ZHES GSUNGS PAS, DE RING RGYAN 'JUG BTZAL YANG DE'I TSAB TU RNAM 'GREL GYI DPE RNYED PA LEGS SNYAM PA BYUNG NAS SPRUL SKU TSANG LA, YANG DPE CHA DE KA PHYAG TU PHUL, ZHES GSUNGS, DE NAS TSOGS SU ZHUGS TE BLO 'DZIN DANG RTZOD PA HUR THAG PA GNANG, CHOS GRVAR ZHUGS PA'I TSE GZHAN LA SHAGS 'GYED KYI TSIG NGAN BSHAD PA DANG, RANG GZHAN GYI DGE @409 RTZA SREG PA'I TSIG RTZUB SOGS GTAN NAS GSUNG BA MED PAR ZHI ZHING DUL BAS RANG NYID DMAN SAR BZUNG STE GZHAN LA BKUR BA'I BRTUL ZHUGS KHO NA MDZAD, YANG SKU PHRENG BZHI BA'I RANG RNAM LAS, NYER GNYIS LA YONGS 'DZIN RIN PO CHE'I YANG SPRUL BYON NAS, GZHUNG RGYUGS SPROD LOR SONG GSHIS RGYAN 'JUG GI LUNG ZHUS, NGED KYIS DGOS SOGS CHOS BZHI'I RTAGS GSAL 'GA' KHONG LA PHUL, ZHES GSUNGS, TSOGS CHOS GRVA 'GRIM STE SLOB GNYER BYED ZHOR LA, ^ SKYABS MGON THAMS CAD MKHYEN PA SKU PHRENG BZHI BA, SGO MANG RIN PO CHE BLO BZANG TSUL KHRIMS RGYA MTSO, DME SHUL RIN PO CHE TSUL KHRIMS RGYA MTSO, DBAL MANG SPRUL SKU BSTAN 'DZIN RGYA MTSO SOGS BLA MA DU MAR BSTEN NAS MDO SNGAGS KYI CHOS BKA' SHIN TU MANG BO GSAN, YI DAM DANG LHAG LHA DU MA'I BSNYEN SGRUB LA GZHOL, DGUNG LO BCU GNYIS THOG LHA MO'I BSNYEN MTSAMS LA BZHUGS SKABS, DPAL LDAN LHA MO NAM MKHA' NAS BYON TE MI MGO'I PHRENG BA RNYING BA DE KHONG LA PHUL, KHONG GIS MI MGO'I PHRENG BA GSAR BA ZHIG PHUL BA RMIS GSUNGS, DGUNG GRANGS NYI SHU BA LCAGS GLANG LO'I ZLA BA DGU BA'I NYER GNYIS NYIN, GONG SA SKYABS MGON SKU PHRENG BZHI BA BSKAL BZANG THUB BSTAN DBANG PHYUG GI MDUN NAS BSNYEN RDZOGS BZHES TE, BSKAL BZANG DPAL 'BYOR BZANG @410 BO ZHES MTSAN GSOL, BSNYEN PAR RDZOGS NAS BZUNG STE, LTUNG BA SDE LNGA MIG GI 'BRAS BU LTAR BSRUNG, GZHAN YANG SNGAGS KYI GZHUNG MTHA' DAG LA SBYANGS SHING, RGYUD SDE BZHI'I DKYIL 'KHOR GYI THIG RTZA DANG, LAS BZHI'I SBYIN SREG GI THIG RTZA, CHOS SKYONG SO SO'I SROG 'KHOR SOGS KYI THIG RTZA, LHA'I THIG RTZA SOGS THIG RTZA MTHA' DAG LA SBYANGS SHING BYANG CHUB PAR GYUR, SKYABS MGON RIN PO CHE'I RANG RNAM LAS, YONGS 'DZIN SPRUL SKU PHAR PHYIN DAM BCA' MTHAR PHYIN PA'I MJAL 'PHRAD LA 'ONG THOG LUGS BZHIN KA RA SOGS PHUL, YONGS 'DZIN TSANG SGO ME'I KHRIR BSKO BZHAG BYAS, SGO ME DGON GRONG LA KHO BO CAG GI YONGS 'DZIN GYI SPRUL SKU YIN ZHING KHRI'I THOG MA LAGS PAS, BRTZI BKUR SOGS LA RIM DGOS KYI BKOD KHYAB YI GER SPRINGS, ZHES GSUNGS PA LTAR, SGO ME GSANG SNGAGS BDE CHEN, DMU DGE, AA MCHOG CHOS DPAL ZHING, KHO TSE GUR SGAR, MDZOD DGE SGAR SAR SOGS KYI KHRIR RIM PAR BZHUGS, SKABS GANG DU YANG CHOS SRID KYI DBANG CHA THAMS CAD DGE RGAN LA PHUL NAS RANG 'DOD PHRA MO TZAM YANG MI BYED, DGE RGAN YANG THUGS BTZAN ZHING ZHIB CHA CHE BAS, DGE RGAN TSANG GI BKA' LTAR DGON SDE SO SOR KHRIR BZHUGS SKABS CHOS SRID KYI 'GRIG LAM LE SHOR MED PAR GNANG, SKYABS MGON THAMS CAD @411 MKHYEN PAS BKA' SHOG LA SOGS PA GNANG STE, KHONG GI BKA' LTAR BYANG PHYOGS KYI SOG YUL, HAL HA DANG, SO NYID, CHA HAR PHYOGS SU PHEBS TE, DUS 'KHOR DBANG MO CHE SOGS CHOS BKA' SNA TSOGS PA'I SGO NAS DE PHYOGS KYI SEMS CAN RNAMS KYI RGYUD LA THAR BA'I SA BON BSKRUN PAR MDZAD, RI BO RTZE LNGAR PHEBS NAS MJAL SKOR RGYAS PA GNANG STE, 'JAM PA'I DBYANGS KYI BSNYEN MTSAMS LA BZHUGS DER LHA MO SHRA MA nA BSGRUBS, HAL HA NAS BKA' 'GYUR SOGS SOG YUL NAS DPE CHA PO TI BRGYA PHRAG DU MA BLUS, DGE 'DUN GYI SDE LA BSNYEN BKUR DANG, DBUL PHONGS LA SBYIN GTONG MDZAD, GDAN SA RANG DU TSOMS CHEN DANG, BDE YANGS RMAD DU BYUNG BA BSKRUN TE DNGUL GYI MCHOD RTEN DANG, DNGUL GYI KUN DGA' RA BA, DNGUL GYI SGROL DKAR GYI SKU SOGS BZHENGS PA DANG, GSER ZANGS LAS GRUB PA'I RJE, KUN MKHYEN, GNAS BRTAN BCU DRUG SOGS BZHENGS TE, KUN DGA' RA BA SPUS TSAD SHIN TU LEGS PA'I NANG DU LEGS PAR BZHUGS, BKA' BSTAN 'GYUR SOGS MDO DBUS KYI GSUNG 'BUM SOGS DPE CHA YOD TSAD BLUS TE PO TI STONG PHRAG DU MA BZHUGS SU GSOL, GNAS BRTAN BCU DRUG DANG, MA CIG LAB SGRON GYI 'KHRUNGS RABS SOGS THANG SKU BRGYA PHRAG MANG BO BZHENGS TE GONG GSHAM DANG @412 THANG TOG SOGS SHIN TU SPUS LEGS PA BZHENGS, SKYABS MGON BSKAL BZANG THUB BSTAN DBANG PHYUG GIS MDZAD PA'I KHONG GI ZHABS BRTAN GSOL 'DEBS LAS, PHYOGS KYI THA GRU YANGS PA'I 'KHOR LO'I DPYID, ,BSTAN PA RIN CHEN SPEL BA'I DPAL YON CAN, ,ZHES GSUNGS PA LTAR, BYANG PHYOGS KYI HAL HA NAS BZUNG STE, STOD PHYOGS KYI DMU DGE SOGS SU, MI TRA RDOR 'PHRENG SOGS CHOS BKA' BAR MA CHAD PAR GNANG BA YIN TE, DMU DGE, SER BO DGON, BRAG RA DGON, STAG TSA SGAR, SHIS TSANG SGAR SAR, AA MCHOG DGON CHEN, MDZOD DGE DGON SGAR GSAR RNYING SOGS SU YANG YANG ZHABS KYIS BCAGS TE CHOS BKA' BAR MA CHAD PAR GNANG, SKYABS MGON THAMS CAD MKHYEN PAS RGYUD STOD GSAR TSUGS KYI SKABS SU, RGYUD STOD 'DU KHANG SPUS LEGS, GTZANG KHANG DU GSER ZANGS LAS GRUB PA'I BYAMS CHEN THOG SO LAS BRGAL BA BZHENGS, RGYUD STOD GSANG CHEN RDO RJE GLING GI KHRIR LO DRUG BZHUGS, SGROL MA NYER GCIG GNAS BRTAN BCU DRUG SOGS SKU BRNYAN MANG BO BZHENGS, RAB RGYAL SHING SPREL LOR TSOGS CHEN KHRIR BZHUGS TE GDAN RABS GYA GNYIS PA RED ZER, LO GSUM GYI RING LA CHOS SRID KYI BYA BA MTHA' DAG MI NYAMS GONG 'PHEL GNANG, DGE 'DUN MANG GIS BSTOD SNGAGS @413 KYI ROL MO 'KHROL, TSOGS CHEN 'DU KHANG CHEN MOR GSER ZANGS LAS GRUB PA'I SPEN RGYAN DU MA DANG RGYAL MTSAN CHA GCIG SBYOR 'JAGS GNANG, CHOS GRVA'I 'DZIN GRVA GTUGS KYI TSOGS GUR NANG DU GDUGS DANG BA DAN SPUS LEGS TSOGS GUR GANG BA BZHAG GONG SA RIN PO CHER DNGUL GYI MCHOD RTEN BRGYAD KYIS DNGOS 'BUL BTEGS, KHRI'I SKABS SU, DE SNGAR AA LAGS SGANG KHA TSANG GIS LHA KHANG BZHENGS GRUB TZAM DANG, RTA MGRIN GYI SKU RGYU ZANGS LAS GRUB PA SMAD SOG NAS BLUS TE LHU SGRIG MA THUB PAR LUS PA, KHONG GIS LHU BSGRIGS MDZAD DE MTSAMS KUN GZER GYIS MNAN, GZUNGS 'JUG LA SOGS PA KHONG GIS GTZOR BYAS NAS BSGRUBS, SRI MNAN GYI 'KHOR LO SGRUB PA'I SKABS, SKYABS MGON THAMS CAD MKHYEN PA'I ZHAL NAS, KHYED CAG GI SBIS DKAR GYI SGOR RNGA MONG ZHIG BTAGS 'DUG GSUNGS, DAM SRI ZHIG YOD PA RNGA MONG GI GZUGS SU BKUG PA YIN NAM SNYAM, KHONG GIS PHYAG BSTAR TE GZUNGS 'JUG PHUL, RTA MGRIN GYI SKU LA TSON 'BUL BA DANG SBYAN DBYE BA SOGS KHONG GIS PHYAG BSTAR TE GNANG, RDO SBIS NYIN PA'I SGOM GRVA GRVA TSANG GI 'DU KHANG BZHENGS, NANG DU GSER ZANGS LAS GRUB PA'I BYAMS PA, GZUNGS 'JUG LA SANGS RGYAS 'OD SRUNG GI TSEMS SOGS RTEN SNA BSAM GYIS MI KHYAB PA YOD PA BZHENGS, AA @414 MCHOG DGON DU RNAM RGYAL MA'I LHA KHANG RTEN DANG BRTEN PAR BCAS PA GSAR BZHENGS DANG, TSOGS CHEN 'DU KHANG DU GSER ZANGS LAS GRUB PA'I BYAMS SKU THOG TSAD CAN, DUS 'KHOR 'DU KHANG SHING RTZI BCAS GSAR BZHENGS GNANG, DGON DER NANG CHEN GYI GZIM KHANG PHUN SUM TSOGS PA ZHIG BZHENGS, DMU DGE'I DGON DU GSER ZANGS LAS GRUB PA'I GANYDZIR DANG, CHOS KYI 'KHOR LO RI DVAGS PHO MO DANG BCAS PA SBYOR 'JAGS GNANG, RAB RGYAL CHU BYA LOR SLAR YANG DMU DGE'I KHRIR PHEBS TE CHOS SRID KYI 'GRIG LAM DAG THER GNANG, DE'I SKABS SU, BDE GSANG 'JIGS GSUM, GSANG 'DUS 'JIG RTEN DBANG PHYUG TSE DPAG LHA DGU SOGS DBANG CHEN DU MA DANG, 'JAM DBYANGS DKAR SER, LO GYON MA, 'OD ZER CAN MA SOGS KYI RJES GNANG MANG BO GNANG, 'ON KYANG LO GCIG LHAG LAS BZHUGS RGYU MA BYUNG BAR, ^ SKYABS MGON SKU PHRENG LNGA BA DBUS PHEBS KYI DON DU SOG YUL DU 'BUL SDUD LA PHEBS DGOS BYUNG, DE NAS DMU DGE NAS BTEGS TE STAG TSA DGON DU PHEBS, STAG TSA DGON GRONG KUN GYIS ZHUS NGOR, BDE MCHOG DRIL BU LHA LNGA DANG, PHYAG RDOR 'KHOR CHEN GYI DBANG, SENG GDONG GTZO 'KHOR GSUM GYI RJES GNANG SOGS GNANG, DE'I SKABS BDAG KYANG DER YOD, @415 BDAG KYANG BLA BRANG DU GRVA SAR ZHUGS NA LEGS MIN GYI BRTAG PA ZHUS PAS, SHES RAB KYI LHA ZHIG BSTEN NAS GRVA SAR ZHUGS NA LEGS GSUNGS, DE NAS KHONG SOG YUL DU PHEBS TE, PHYIR PHEBS NAS GONG SA MCHOG LA DNGUL RDO TSAD SUM BRGYA PHUL, KHONG DGUNG LO LNGA BCU'I NANG ZHIG TU PHEBS SKABS BAR DGE RGAN DANG 'BRAL MED GNANG STE, 'DI PHYI'I SKYABS SU BLA MA BSTEN NA YANG, , BDEN KHA RANG GIS BZUNG BA YI RE MUG ,CES GSUNGS PA LTAR MA YIN PAR, DBANG CHA THAMS CAD DGE RGAN LA PHUL TE RANG 'DOD SKAD CIG TZAM YANG MA BYAS PAR BSHES GNYEN BSTEN PA RED, BSHES GNYEN BSTEN TSUL SHIN TU LEGS PA'I STABS KYIS CHOS SRID KYI BYA BA THAMS CAD LEGS LAM DU SONG STE, LHUN GYIS GRUB PA RED CES GRVA RGAN RNAMS DANG, DGE BSHES RNAMS KYIS GLENG GIN 'DUG DGE RGAN KHYA DGE RAB RGYAS TSANG DGONGS RDZOGS SU GRVA TSANG LA NYIN ZHAG GCIG GIS BSNYEN BKUR ZHUS, SKYABS MGON THAMS CAD MKHYEN PA GZIM SHAG TU GDAN DRANGS TE 'BUL CHEN BTEGS, DGE RGAN RIN PO CHE'I DGONGS RDZOGS SU DMIGS NAS ZHABS THANG GIS BYANG PHYOGS SU MJAL SKOR LA PHEBS, SKYABS MGON THAMS CAD MKHYEN PA DBUS PHYOGS SU BZHUGS SKABS GDAN 'DREN LA PHEBS, DE'I SKABS SU GRVA SA SE 'BRAS DGE @416 GSUM DANG, SA SKYA DANG BKRA SHIS LHUN PO SOGS SU BLA MA DANG DGE 'DUN RNAMS LA BSNYEN BKUR BLA NA MED PA ZHUS, RTZE SHOD KYI BKA' 'GYUR SOGS DPE CHA PO TI BRGYA PHRAG DU MA GDAN DRANGS, DE'I SKABS SU LHA MO'I BLA MTSO LA MJAL, MTSO NANG NAS RLUNG NAG 'TSUB MA ZHIG GZIGS, LHA MO MTHONG LA KHAD YIN KYANG MTHONG MA THUB GSUNGS, RGYAL BO STAG BRAG PAndI TAS GSUNG BSKUL LTAR, RJE SHES RAB RGYA MTSO'I GSUNG 'BUM SOGS MDO SMAD KYI DPE CHA MANG BO 'BUL ZHU MDZAD, DMU DGE'I KHRIR LAN GNYIS PHEBS, KHRI DANG BO'I SKABS, KUN RIG GI SKYOR LTA DANG, 'JAM DKAR RJES GNANG SOGS RJES GNANG 'GA' ZHIG DANG, 'JAM DPAL MTSAN BRJOD SOGS LUNG KHA SHAS GNANG, GRVA BA NYUNG SHAS SHIG GIS LOG SGRUB BYAS PAR CHOS SKYONG SRUNG MA'I BKA' CHAD MNGON SUM DU BSTAN, KHRI GNYIS PA'I SKABS SU, LAM GTZO RNAM GSUM KYI KHRID SOGS KHRID 'GA' ZHIG DANG, BDE GSANG 'JIGS GSUM GYI DBANG SOGS DBANG DANG RJES GNANG DU MA GNANG, CHU MO LUG GI LOR SLAR YANG DGON PAS GDAN 'DREN ZHUS TE PHEBS NAS, DUS 'KHOR DBANG CHEN GNANG STE, ZLA BA BRGYAD PA'I TSES BCU BZHI LA STA GON, BCO LNGA LA BYIS PA LTAR 'JUG PA'I DBANG, BCU DRUG LA GONG MA GONG CHEN, BCU BDUN LA RDO RJE SLOB DPON @417 GYI DBANG, SHING SPREL LO'I SA GA ZLA BA'I BCO LNGA LA RAB GNAS CHEN MO BTZUGS, DE LTAR LO NGO GNYIS LA BZHUGS NAS CHOS BKA' MANG BO GNANG, ME PHAG LOR SKYABS MGON THAMS CAD MKHYEN PA SKU PHRENG LNGA BA DGONGS PA CHOS DBYINGS SU THIM PA'I TSUL BSTAN PA'I SKABS, GDUNG BZHU PHAB DANG GDUNG KHANG JI LTAR BSGRUB PAR ZHAL BKOD KYI KHUR BZHES PA GTZO BO'I GRAS SU BZHUGS, SKU GDUNG RIN PO CHER DNGUL GYI GDUNG RTEN BZHENGS PAR GSER SRANG NYI SHU PHUL BAR BSHAD, SLAR YANG SER SKYA KUN GYIS GSOL BA BTAB PA BZHIN SA BYI LOR DMU DGE BKRA SHIS 'KHOR LO'I DGON 'DIR PHEBS TE LO NGO GNYIS LA BZHUGS NAS, MI TRA, RDOR 'PHRENG, SGRUB THABS RIN 'BYUNG SOGS DBANG RJES GNANG DU MA DANG, 'GREL BA BZHI SBRAGS KYI BSHAD LUNG SOGS LUNG KHRID DU MA GNANG, 'DI'I SKABS SU BKA' CHOS LA BZHUGS MKHAN BLA GRVA TSANG MA SDE DPON BCAS DANG, PHYOGS GZHAN NAS PHEBS MKHAN STAG TSA RIN PO CHE, YONGS 'DZIN THE BO DGE BSHES DON GRUB TSANG SOGS YOD LA, BSOD GRAGS RIN PO CHE DGON SDE 'DI'I KHRIR BZHUGS SKABS YIN PAS KHONG YANG BKA' CHOS ZHU BA'I GRAS SU YOD, SNGA PHYI GNYIS LA DGE TSUL DANG DGE SLONG BRGYA PHRAG DU MA BSGRUBS, DE NAS GDAN SA BKRA SHIS 'KHYIL DU PHYAG PHEBS, @418 SA MO GLANG GI LO'I STON KHAR, BLA BRANG SA CHAR GUNG DMAG SLEB NYE BA'I SKABS, 'UR GTAM SNA CHOGS KYIS, BLA BRANG DANG NANG KHAG CHES MANG BOS NOM RDZAS GNAS SPOR DANG, BLA GRVA MANG BO NYEN BYOL GYIS DGON PAR SDOD BZOD MI TSUGS PA'I KHA 'KHRUGS BYUNG BAS, BLA SPYI NAS GNAS CHUNG CHOS RGYAL CHEN PO SKU KHOG TU SPYAN DRANGS TE BRTAG LAN DU, SKYON MED, YONGS 'DZIN TSANG LA PHUGS GTOD, CES GRVA TSANG TSOGS PA'I DBUS SU GSUNGS NAS, BLA BRANG DGON PAS BYA BA CHE CHUNG THAMS CAD KHONG NYID LA GTAD DE RIM GRO SGRUB PA DANG, GUNG KHRAN TANG GIS DGON PA LA SKYON MI 'JUG TSUL GSUNGS, AA BLO TSANG BROS BYOL GYI RNAM PAS AA MCHOG SGAR DU PHEBS 'DUG PA, KHONG LA GSUNG BRTAG ZHUS PAS, BROS BYOL BYAS PA'I MI THAR, GUNG KHRAN TANG LA 'GO BTAGS NA LEGS NGO SHAR GSUNGS, GDAN SA RANG NAS SKAL LDAN 'GA' ZHIG LA DBANG BKA' MAN NGAG 'GA' ZHIG GNANG, STAG TSA SPRUL BA'I SKU RIN PO CHE SOGS LA BSNYEN RDZOGS KYI SDOM PA PHOG GZHAN YANG DGE TSUL SLONG KHA SHAS BSGRUBS, BDAG KYANG LAS GRVAR THENGS KHA SHAS ZHUGS, LCAGS PHO STAG GI LOR AA MCHOG DGON GRONG GIS GDAN 'DREN ZHUS TE, DGON CHEN DU PHEBS NAS, MI TRA BRGYA RTZA, RDO RJE 'PHRENG BA SOGS DBANG BKA' MANG BO GNANG, GZHAN YANG @419 MDZOD DGE'I SGAR GSAR RNYING SOGS SU PHEBS NAS, SKAL LDAN RNAMS DAM PA'I CHOS KYIS TSIM PAR MDZAD, LCAGS MO YOS LOR KUN MKHYEN GYI SPRUL SKU GDAN SAR MYUR 'BYON GYI CHED DU RIM GRO ZHU SA YANG YIN, LO DE'I HOR ZLA BCU GCIG PA'I TSES LNGA NAS, KUN MKHYEN 'DI BA'I SKU RTZA MTSO SNGON RKANG TSA KHO TSE'I AA LAGS TSANG GI SGAR DU RGYUN BZHUGS GNANG ZHING, CHU PHO 'BRUG GI LO'I HOR ZLA GNYIS PA'I TSES BCU GCIG NYIN, KUN MKHYEN RIN PO CHE GDAN SAR 'GOD PA'I BAR DU SPRUL SKU RIN PO CHER ZHABS PHYI ZHUS TE THAB TSANG SO SO TZAM LAS LHAN DU BZHUGS, LO 'DIR, PE CIN DANG, LAN GRU BAR GYI LCAGS LAM GRUB PA'I STON THOG TU, BLA SPYI GZHUNG BZHI'I SKU TSAB TU LAN GRUR PHEBS, YANG LO 'DI'I STON MJUG RGYAL KHAB GYIS GRO PHYE GTOS CHE BA ZHIG DRANGS TE, BLA BRANG SGAR GYI NANG CHEN KHAG SGAR MTHA'I LHA KHANG RNAMS KYI KHYAMS SKOR BCAS SU BZHAG SKABS, MI LA LA'I 'CHAL GTAM BSHAD STABS, YONGS 'DZIN 'JAM PA'I DBYANGS RJE DKON MCHOG BSAM 'GRUB DPAL BZANG BO'I ZHAL SNGA NAS, YONGS 'DZIN TSANG LA ZA MA 'DI 'DRA MANG BO DRANGS PAR ZA MKHAN ZHIG 'ONG NGES TSOD 'DUG NA, BLA MA GRVA TSANG LA NYEN YOD MED KYI THUGS BRTAG ZHUS PAR, THUGS LHOD LHOD GNANG CHOG KHONG GIS BRTAG PA LTAR NA SKYON CI YANG MED @420 GSUNGS PA BZHIN, PHYIS NAS KYANG GNAS SKABS BDE BAR GNAS PA BYUNG, BDAG PE CIN NAS RANG DGON DU 'BYOR SKABS, CHU MO SBRUL GYI LOR, YANG GRVA TSANG GIS GDAN 'DREN ZHUS NAS, ZLA BA DGU BA'I NYER GNYIS NYIN DGON 'DIR PHYAG PHEBS, PHYI NYIN GRVA MANG GIS BRTAN BZHUGS PHUL, BDAG GIS BRTAN BZHUGS KYI BSHAD PA ZHUS, DE NAS RI KHROD MTSO LTEM DU PHEBS NAS SGROL MA RDO RJE RNAL 'BYOR MA'I BSNYEN MTSAMS LA BZHUGS, LNGA MCHOD RJES NAS GRVA TSANG MANG LA, LAM RIM CHEN MO'I BSHAD LUNG, SNGAGS RIM CHEN MO'I BSHAD LUNG, GRUB MTHA' CHEN MO'I BSHAD LUNG, SPYOD 'JUG CHEN MO'I BSHAD LUNG, GZHI GSUM CHO GA'I BSHAD LUNG, LJAGS BYIN RLABS KYI KHRID, THUN DRUG BLA MA'I RNAL 'BYOR GYI KHRID, BDE LAM GYI KHRID RGYAS PA, DGA' LDAN LHA BRGYA MA'I KHRID, DGA' LDAN 'PHO KHRID SOGS KHRID RNAMS DANG, GUNG THANG YI DAM SGRUB SKOR GYI LUNG, 'JAM DKAR GTER SGRUB NOR BU'I BANG MDZOD, ZUR RGYAN ZUR 'DEBS DANG BCAS PA CHA TSANG GI LUNG, BKRA SHIS LHUN PO'I SNGAGS PHYOGS POD GNYIS KYI LUNG, BYAMS CHOS SDE LNGA'I LUNG, RDO RJE GCOD PA'I LUNG, MKHAN PO NGAG DBANG THUB BSTAN RGYA MTSOS MDZAD PA'I DPAL RDO RJE 'JIGS BYED DPA' BO GCIG PA'I CHO GA DANG 'BREL BA'I BLA MA'I RNAL 'BYOR GYI @421 SGO NAS TING NGE 'DZIN GYI DBANG BZHI THUN MONG DANG THUN MIN STABS GCIG TU LEN TSUL DANG, DE'I ZUR 'DEBS SGO MANG BLO BZANG TSUL KHRIMS RGYA MTSOS MDZAD PA GNYIS KYI LUNG, KHYIM PA SKOR ZHIG LA BSNYEN PA NAS YAN LAG BRGYAD PA DANG, 'GA' ZHIG LA DGE BSNYEN GYI SDOM PA PHOG BDAG GIS ZHUS NGOR, DBU MA GSAR BA YAN CHAD LA BDE GSANG 'JIGS GSUM GYI BSKYED RDZOGS KYI KHRID, RI KHROD DBANG BO AA KHU CHOS GRAGS KYIS ZHUS NGOR, N'A RO CHOS DRUG DANG NI GU'I CHOS DRUG GI KHRID, SBYIN SREG DNGOS GRUB RGYA MTSO'I KHRID, DE'I BAR DU NGA ZHI LHA SGRON GYIS ZHUS NGOR, NYUNG SHAS SHIG LA PHYAG RDOR 'KHOR CHEN GYI DBANG, BAR ZHING SPRUL SKU'I ZHUS NGOR, BDAG DANG SPRUL SKU GNYIS LA LHA MO SHRA MA nA'I ZUR BKA'I RJES GNANG, SPRUL SKU LA SHRA MA nA'I TZA KA GNANG, BDAG CAG NYUNG SHAS SHIG LA 'JIGS BYED GZHI BSNYEN CHEN MO'I KHRID GNANG, BDAG GIS ZHUS NGOR RGYUD SDE SO SO'I 'KYIL 'KHOR GYI THIG RTZA DANG, LAS BZHI'I SBYIN SREG GI THIG RTZA DANG, SA BDAG LTO 'PHYE'I THIG DANG, MCHOD RTEN BRGYAD KYI THIG RTZA RNAMS PHYAG KHRID GNANG, GDUGS DKAR RGYAL MTSAN 'KHOR LO'I PHYAG KHRID GNANG, SNGA PHYIR BSGRUB BYA BRGYA PHRAG LHAG LA DGE TSUL DANG BSNYEN RDZOGS KYI SDOM PA PHOG DE NAS 'JAM DBYANGS MGON PO NAS @422 BRGYUD PA'I GCOD DBANG NAM MKHA' SGO 'BYED DANG, KHROS NAG GI DBANG, ZHI BA LAM ZAB, KHROS NAG GI CHO GA GDAN THOG GCIG BU MA, PHAt BDUN MA, GDON TSOGS DGU MA, DBAL MANG PAndI TA'I GSUNG GI GCOD GZHUNG BLO GROS MIG 'BYED DANG, BDUD GCOD RAL GRI SOGS DANG, R'A GA AA SYA'I GSUNG GI GCOD KYI 'DUL DKAR NAG GI LUNG SOGS BSTZAL, SLOB MA SKOR ZHIG LA GCOD KYI 'DON RTA DBYANGS SOGS NYIN SHAS LA KHRID, ZLA BA GSUM PAR ZUNG CHU NAS GDAN 'DREN BYUNG BA LTAR, DE PHYOGS SU CHIBS KHA BSGYUR TE, SER BO DGON NAS DUS 'KHOR DBANG CHEN GNANG, GZHAN YANG DBANG DANG RJES GNANG LA SOGS PA CHOS BKA' CI RIGS GNANG STE, DE PHYOGS KYI SKYE 'GRO RNAMS LA THAR BA'I SA BON BZHAG RAB RGYAL SHING RTA LO'I ZLA BA BZHI BA NAS DGON 'DIR, BDE GSANG 'JIGS GSUM GYI DBANG, 'JIGS BYED DPA' CIG PHYAG RDOR 'KHOR CHEN, RTA MGRIN GSANG SGRUB, SGROL MA RDO RJE RNAL 'BYOR MA LHA NYER LNGA, DVAGS PO'I SNYAN BRGYUD BDE MCHOG LHA LNGA, GSANG 'DUS 'JIG RTEN DBANG PHYUG LHA BCU DGU, TSE DPAG LHA DGU, GDUGS DKAR LHA MANG DANG, LHA BCU BDUN MA BYAD GROL DANG BCAS PA, 'JAM DBYANGS CHOS SKOR GYI RJES GNANG CHA TSANG, BLA MA DBU MA BA'I GSUNG GI 'JAM DBYANGS CHOS @423 SKOR GYI LUNG, SNYING ZHUGS MA GTOGS PA'I MGON PO'I BKA' BCU GSUM CHA TSANG, SENG GDONG GTZO 'KHOR GSUM, 'JAM DBYANGS SMRA SENG, RDO RJE MKHA' LDING NAG PO, KHYUNG NAG ME'I SPU GRI, 'JAM DBYANGS NAG PO, LEGS LDAN MCHED GSUM, RIGS BYED MA RNAMS KYI RJES GNANG RNAMS GNANG, BZHI BA'I TSES BCO LNGA'I NANGS PAR GRVA TSANG DANG SER SKYA YONGS LA THEG CHEN GSO SBYONG GNANG, DE'I NYIN GSO SBYONG GI MGON DU PHEBS, DE'I NYIN AA 'PHUR BLA MAS SBYIN BDAG BYAS TE GRVA TSANG LA MANG 'GYED DANG, KHONG RIN PO CHE LA GNAS BCU'I SGO NAS BRTAN BZHUGS PHUL, DE'I TSE BDAG RDO RJE SLOB DPON BYAS TE BRTAN BZHUGS KYI BSHAD PA RGYAS PA ZHUS PAS THUGS MNYES, DE NAS SEMS BSKYED MCHOD PA GNANG, DE SKABS RGYAM KHOS 'BUL CHEN BTAGS TE BDAG GIS MAndAL GYI BSHAD PA ZHUS, DGON GRONG KUN DAD 'DUN SHIN TU CHE BAS, DMU DGE'I SDE SO SO DANG SGER GYI KHYIM TSANG MANG BOS GDAN 'DREN ZHUS TE, 'DOD MOS KYI CHOS DANG RIM GRO SOGS BSGRUBS, RANG NYID KYIS NUS TSOD KYI 'BUL BA PHUL BA RNAMS DNGUL DKAR KHAL BCU GCIG LHAG TZAM 'DUG DMU DGE NOR BAS GDAN 'DREN ZHUS PA LTAR, HOR ZLA DRUG PA'I NANG, LTO 'PHYE'I THIG DANG RGYAGS BRNGAN LHA BSANG BTANG, STON @424 MO LUNG NAS DUS 'KHOR DBANG MO CHE GNANG BA, ZLA BA DRUG PA'I NYI SHU'I NYIN STA GON DANG, NYER GCIG NYIN BYIS PA LTAR 'JUG PA'I DBANG, NYER GNYIS NYIN GONG MA GONG CHEN, NYER GSUM NYIN RDO RJE SLOB DPON GYI DBANG DE'I SKABS SU DMU DGE'I DGON GRONG DANG, AA MCHOG RME BA SOGS DBANG NYAN MKHAN STONG PHRAG KHA SHAS 'DUS, MJUG TU DPAL LDAN DANG BO MA'I LUNG GSUNGS, DE'I SKABS SHIG TSE DBANG LHA GCIG PU MA GCIG GI DBANG DANG, GDUGS DKAR MCHOG GRUB MA SOGS KYI LUNG GNANG, MJUG TU 'TSUB CHA CUNG ZAD BYUNG, KHONG GI ZHAL NAS DUS 'KHOR DBANG CHEN GYI MJUG 'TSUB CHA CUNG ZAD BYUNG BA CHOS NYID YIN GSUNGS, NOR BA'I SDE'I NANG CUNG ZAD MA 'CHAM PAS, DE'I DON DU GZHI TSANG SPRUL BA'I SKU RIN PO CHE DANG, NGED GNYIS GRVA BA BYAS TE NYIN GCIG LA RIGS BYED MA'I SGRUB PA MDZAD, DE'I PHYI NYIN NAS BDAG GIS GYOD BSHAD PAS LEGS 'GRIG BYUNG, DE'I SKABS, LHA RAMS PA DKON MCHOG BSTAN 'DZIN, GZHI TSANG SPRUL BA'I SKU RIN PO CHE, NGED GSUM GYIS KHONG LA RNAM THAR GYI RTZOMS SKUL ZHUS, GSOL TOG GI ZHO'I NANG BU RAM BTAB PA DE'I NANG NAS KHA GZAR GANG RE GNANG STE, NGED GYI RNAM THAR 'DI 'DRA ZHIG RED CES GTZO BO KHA SHAS GSUNGS, DE NAS DMU DGE NAS BTEGS TE @425 MDZOD DGE STAG TSA SGAR DU PHYAG PHEBS, DE NAS RDO RJE PHRENG BA'I DBANG SOGS DBANG BKA' DU MA GNANG, DE NAS BTEGS TE SHIS TSANG SGAR SAR DU PHYAG PHEBS, DE NAS GDAN SA BKRA SHIS 'KHYIL DU PHYAG PHEBS TE, GRVA TSANG LA MANG 'GYED NYIN ZHAG GCIG GIS BSNYEN BKUR ZHUS, GDAN SA NAS SKAL LDAN SKYES BU NYUNG SHAS RE LA, GSANG SNGAGS BKA' RGYA MA SOGS CHOS BKA' CI RIGS GNANG, SHING LUG LO'I HOR ZLA GNYIS PA PHYI MAR, RGYAL DBANG BCU BZHI BA MCHOG GDAN 'DREN ZHU BAR LAN GRUR PHEBS, RGYAL DBANG RIN PO CHE BLA BRANG DU PHEBS NAS, TSOGS CHEN BTZUGS SHING DU THUGS RJE CHEN PO'I DBANG GNANG BAS DBANG GRAL DU BZHUGS, DE RJES PAn CHEN RIN PO CHES BTZUGS SHING DU DUS 'KHOR LHAN SKYES GNANG SKABS KYANG SLOB MA'I GRAS SU BZHUGS, RGYAL DBANG GIS GSUNG BRTAG GNANG BAR, DGON PA'I PHYOGS BZHI'I RI SGANG SA BKRA GANG LEGS SU SA BCUD BUM GTER CI THUB SBAS GSUNGS PA'I BUM PA'I BZO DBYIBS, CHE CHUNG, RDZAS SGRUB, DAR 'CHING, RI MO SOGS YOD TSAD KHONG GIS GTZO BO'I THUGS 'GAN BZHES NAS NAM LANGS SA RUB TU SKU TSEGS CHEN PO'I HA LAM ZLA BA PHYED DANG LHAG LA 'BAD PA GNANG ZHING, THA NA PHYOGS G-YAS G-YON GYI RI SGANG DU MAR PHEBS TE MJUG GRUB PAR MDZAD, @426 BCOS SGYUR GYI SNGON 'TSUB CHA SHIN TU CHE BA'I SKABS, BLA BRANG YIG TSANG GIS GSUNG BRTAG ZHUS PAS, KHONG GI ZHAL NAS NGAS RGYUN DU BRTAG PA BYED KYIN YOD, 'TSUB CHA SHIN TU CHE, 'ON KYANG DA LTA'I SPYI GEGS 'DI BZLOG RGYU MED, SEMS CAN SPYI MTHUN GYI LAS SHIG RED GSUNGS NAS KHA DAR GYI STENG LA KHONG GIS KHA DAR ZHIG BCAS PHYIR PHUL, GTZO BO KUN MKHYEN RIN PO CHE ZHING GI BDAG PO RED, KHONG LA ZHUS ZHES GSUNGS, RAB RGYAL SA KHYI LO'I ZLA DRUG PAR, MTSAN SGROGS SPRUL SKU DANG, BSOD GRAGS TSANG SOGS BLA BRANG GI SPRUL SKU DU MA ZHIG DANG, MI CHEN 'GA' ZHIG DANG MNYAM DU LAN GRUR DRANGS TE SLOB GSO KHANG DU BZHUGS BCUG DE'I SKABS SU MNYAM DU YOD PA GZHAN DAG GIS BSHAD DON, DE DUS NYIN MTSAN MED PAR KHONG DKYIL KRUNG GIS BZHUGS, SKU RGYAB GYANG LA BSNYEL TZAM LAS, SKU GLOR PHAB NAS GZIM PA YE MI GNANG, BZHES PA'ANG CHES NYUNG NGU RE NAM RGYUN MANG NYUNG TSAD 'DRA 'DRAR BZHES, SKU LA SNYUNG ZUG DANG, THUGS NGAL GYI RNAM PA GTAN NAS MED, LA LAS AA LAGS TSANG, NGA TSO THAR DUS SHIG AE YOD ZHUS TSE, KHONG GIS 'DI NI, SPYIR SEMS CAN SPYI'I LAS DBANG ZHIG YIN PAS, SO SO'I SNGO BSAGS LA RAG LAS, LHAG PAR RANG RE'I DGON PA LTA BU LA MTSON NA @427 'BYOR BA RGYAS SONG BA DE MA 'GRIG KUN MKHYEN GONG MAS 'BYOR BA RGYAS NA MI BZANG GSUNGS YOD PAS, DE GNAS CHUNG GI 'PHRUL GYIS MED PAR GTONG NGES, KHYED TSOS 'JIG RTEN PA'I CHOS SKYONG RE'I GTOR BSNGOS 'PHRIN BCOL BTON PAS PHAN MI THOGS, RANG GANG LA DAD PA'I BLA MA'I GSOL 'DEBS CI THUB THON GSUNGS, ZLA BA DGU BA'I MJUG NAS 'DRI ZHIB BYAS KYANG, KHONG LA TSA 'DRI GTAN NAS MA BYAS, SKABS 'GAR STABS 'GRIG TSE, KHONG GI GCUNG 'ON PO RGYA MTSO GRAGS PAS ZHABS BSIL RE PHUL TE BZHUGS, SA KHYI LO'I LO MJUG TU SKU CHAM ZHIG BZHES TSUL BSTAN, DE'I SKABS LAS BYED SOGS KYIS SMAN KHANG DU SKYEL GRABS BYAS, KHONG GIS SMAN KHANG DU MI 'GRO GSUNGS, BTZAN SHED KYIS SNGAGS PA RIN CHEN RGYAL GYI RGYAB TU BKAL SKABS, KHONG GIS GLO BUR DU 'PHO BA GNANG STE, DE LTAR DGUNG GRANGS DON BDUN BZHES PA'I SKABS SU GDUL BYA RDZOGS TE MDZAD PA'I THA MA SKU MYA NGAN LAS 'DAS PA'I TSUL BSTAN TO, ,BSOD GRAGS TSANG GIS GTZO'I KHONG RNAM PAS SKU GDUNG LA BSNYEN BKUR ZHUS TE, SKU GDUNG BYE PHUNG DU SBAS, LO KHA SHAS KYI RJES SU NYE GNAS 'GA' ZHIG SONG DUS SKU GDUNG MA NYAMS PAR YOD 'DUG DE NAS BLA BRANG DU GDAN DRANGS TE ZHUGS LA PHUL, @428 SPYIR RDO RJE 'CHANG 'DI NYID BSKAL BA DPAG TU MED PA'I SNGON NAS SANGS RGYAS PA YIN KYANG, SKU TSE 'DIR DGE SLONG DKYUS MA'I LUGS KYI MKHAS BTZUN BZANG GSUM GYI MDZAD PA MDZAD TSUL NI, MKHAS PA'I MDZAD PA NI, GZHUNG BKA' POD CHEN PO LNGA DANG, RGYUD SDE CHEN PO BZHI LA SBYANGS PA'I 'BRAS RTAGS SU MDO SNGAGS KYI GZHUNG GNAG LA THUG KYANG THOGS PA MED PA DANG, DPER NA RTAGS GSAL GTONG TSUL DANG, SNGAGS KYI CHO GA PHYAG LEN, MCHOD PA BSHAMS TSUL, GTOR MA'I BCA' BSHAMS SOGS ZHIB CING PHRA BA DANG, THIG DANG DKYIL 'KHOR, THA NA CHOS SKYONG SO SO'I SROG 'KHOR 'BRI BA SOGS MA 'DRES PAR ZHIB CING PHRA BA MKHYEN LA, DKYIL 'KHOR DANG GTOR GDAN SOGS PHYAG BZO KHO NA GNANG BA LHA BRIS PA BZANG SHOS KYIS BRIS PA LAS LHAG CING, KHA BYANG GI YI GE SOGS YIG GZUGS LEGS LA DAG CHA SOGS YA MTSAN PA YOD DO, ,THA NA DBYANGS RTA SOGS KYANG GSUNG SKAD SNYAN CING 'JEBS LA ZHIB CING PHRA BA SOGS MKHYEN PA'O, ,BTZUN PA'I YON TAN NI, SDOM PA GSUM GYI BCAS MTSAMS PHRA ZHING PHRA BA DAG LEGS PAR BSRUNGS NAS, SKU 'KHOR DU YUN RING BZHUGS PA RNAMS KYIS CHAGS SDANG GI RTOG PA PHRA MO TZAM YANG SKYE BA MTHONG MA MYONG ZER ZHING, GZUR GNAS MKHAS PA DAG GIS THUN MONG SNANG TSOD @429 LA'ANG DGRA BCOM PA RED ZER TO, ,BZANG BO'I YON TAN NI, CHOS SRID KYI BYA BA GANG BYED KYANG, BSTAN 'GRO KHO NA'I DON LA DGONGS PA LAS RANG DON DU 'KHRO G-YOG DANG, GZHIS KA RGYA BSKYED PA SOGS GTAN NAS MED, 'CHAD RTZOD RTZOM GSUM GYI PHYOGS NAS, 'CHAD PA'I PHYOGS LA, DGON SDE SO SO'I KHRIR BZHUGS SKABS DANG, BKA' CHOS SOGS KYI SKABS, TSIG HA CANG MANG BA MA YIN PAR, TSIG SBYOR LEGS SHING GO BDE LA, GDUL BYA'I BLO NGOR 'CHAR SLA BA SOGS DANG, RTZOD PA'I YON TAN NI, GTZO BO GZHUNG TSIG 'GREL BA, LUNG RIGS KYI SGRUB BYED DANG LDAN PA 'PHEN PA LAS, GZHAN LA KHYAD GSOD DANG ZUR ZA SOGS GTAN NAS MED PAR RTAGS GSAL 'BYAMS KLAS PA GTONG BAS, GZHAN RGYUD LA BLO SKYED CHEN PO 'BYUNG NUS PA DANG, RTZOM PA'I PHYOGS LA SNYAN DNGAGS KYI TSIG SBYOR DANG LDAN PA'I GSOL 'DEBS DANG, TSE RABS RJES 'DZIN GYI SMON TSIG BLA MA'I RNAL 'BYOR, BSANG YIG DKAR CHAG DANG BCA' YIG SOGS KYI 'GO MJUG GI RTZOM SOGS SNYAN ZHING 'JEBS PA, GZHAN YANG GSUNG RTZOM MANG MOD, KHONG GIS PHYAG BRIS LAS, DRUNG YIG MED STABS PHYOGS GCIG TU SGRIG MKHAN MED PAS BOR BRLAG TU MANG BO SONG, MDOR NA BYANG CHUB KYI SEMS RIN PO CHE THUGS RGYUD LA @430 MNGA' BAS, CHOS TSIG BZHI TZAM GYIS PHAN PA RGYA CHER 'BYUNG BA NI, MA RABS RGYUD GYONG BO 'GA' ZHIG GIS ZHAL MTHONG GSUNG THOS PA TZAM GYIS KYANG DAD PA CAN YA RABS SU GYUR PA SHIN TU MANG, GZHAN YANG GZHI BDAG DANG LHA 'DRE GDUG PA CAN BTUL BA NI, DPER NA, DMU DGER KHYIM TSANG ZHIG TU 'JIG RTEN PA'I LHA BSTEN PA, LHA BDUD DU BAB STE 'KHU LDOG BYED PA'I SKABS SU LHA 'DRE DE NYID KHYIM TSANG DE LAS BKAR TE, RTEN THANG DANG MDA' DAR SOGS KHONG GIS KHYER STABS, PHYIN CHAD KHYIM TSANG DE LA LHA 'DRE'I GNOD PA MED PAR GYUR, GZHAN YANG, SOG PO RU BA ZER BA'I SDE BA DE SNGAR GRVA TSANG DANG CUNG ZAD MA MTHUN PA'I STABS KYIS SDE BA YONGS LA RIGS RGYUD 'DZIN PA'I BU MED PAR GYUR STABS, KHONG GDAN 'DREN ZHUS TE RIM GRO BSGRUBS NAS, DENG PHYIN CHAD RIGS RGYUD YOD DO GSUNGS PA LTAR DENG SANG RIGS RGYUD MANG BO 'PHEL, GRVA TSANG LA BYAD PHUR ZHIG GI STABS KYIS, DGE BSHES DAG LA GZA' NAD BYUNG STE PHAL CHER 'DAS, DE'I DON KHONG LA ZHUS PAS, PHYAG RDOR 'KHOR CHEN GYI RTZA SNGAGS KYI RLUNG 'KHOR SA GNAD GNYIS LA BZHAG PAS GZA' NAD DE RBAD KYIS CHAD, DGON PA LA DGRA CHEN PO GSUM BYUNG BA'I SKABS SU KHONG LA ZHUS PAS, RIGS BYED MA'I SGRUB MCHOD CIG BTZUGS, DE MA @431 THAG DGRA DE RNAMS DBANG DU BSDUS TE, DGON PA'I ZHABS 'DEGS MKHAN DU GYUR, SKABS SHIG LUNG BA 'DI LA KLU NAD 'BYUNG DOGS YOD PAS, N'A GA RAKSHA MANG BO THON GSUNGS, DE'I RJES SU LUNG BA DE LA MDZE NAD KHA SHAS BYUNG, DE'I RJES KHONG PHEBS TE, KHYUNG DKAR NAG GI RJES GNANG SOGS GNANG BAS MDZE NAD RBAD KYIS CHAD, SNGAR KHONG LA LOG SGRUB BYED PA 'GA' YOD PA DAG LA BYAMS SNYING RJE'I RANG MDANGS PHYI ROL TU MNGON TE RJES SU BZUNG BAS THAMS CAD KYANG DAD LDAN GYI SLOB MAR GYUR, PHYIR MI LDOG PA'I RTAGS, RTZA MI MNGON DANG MDUD PA MED, CES GSUNGS PA LTAR, DGUNG LO BDUN CU'I NANG SLEBS KYANG, SKU LUS KYI RTZA MI MNGON PA DANG, SKU LUS YANG LA PHEBS BDE BA SOGS DAR MA LTAR YOD PAS YA MTSAN DU YOD DO, ,KHONG GIS RGYUN GYIS NYAMS LEN NI, BDE GSANG 'JIGS GSUM, DUS 'KHOR, KUN RIG SOGS LHAG PA'I LHA DU MA LA BSNYEN PA TSAD LDAN BTANG STE, DE DAG GI BDAG 'JUG RGYUN DU GSUNGS, DUS RGYUN DU NAM GYI CHA STOD SMAD LA MI GZIM PAR RNAL 'BYOR LA BRTZON, SKABS SHIG KHYED SNGA MO BZHENGS PA SHIN TU SNGA 'DUG ZHUS PAS, NAM LANGS PA'I BAR DU BDAG 'JUG TSAR BDUN 'GRO GYIN 'DUG GSUNGS, SKABS SHIG GRVA BA ZHIG LA PRA PHAB TU BCUG @432 PAS, KHONG LA MTSO CHEN PO ZHIG GI NANG DU MCHOD RTEN BCU GSUM YOD KYANG, BCU GNYIS MTHAR PHYIN 'DUG GCIG DA DUNG MTHAR MA PHYIN 'DUG DE NAS NGA LA NYAMS LEN ZHIG YOD PAS DE LA PHOBS GSUNGS PAS, PRA BAS, RI LNGA'I RTZE MO LA LHA KHANG LNGA YOD KYANG, LHA KHANG BZHI LEGS PAR MTHAR PHYIN 'DUG LHA KHANG GCIG MTHAR PHYIN GRABS 'DUG ZER, KHONG GIS CANG MI GSUNG YANG BDAG GIS BSAM PAR, RDZOGS RIM GYI RIM PA LNGA'I DANG BO BZHI MTHAR PHYIN NAS, RIM PA LNGA BA MI SLOB PA'I ZUNG 'JUG GI MTSAMS SU SLEBS PA AE YIN SNYAM, DE NAS KHONG GIS, BSOD GRAGS TSANG LA GCIG PHOBS GSUNGS PAS, BSOD GRAGS TSANG LA, GSER GYI RGYA PHIBS BCU GSUM YOD PA'I DGON PA'I NANG DU PHEBS MA THUB NA SKU GEGS CHE BA BAB ZER, RJES SU KHONG LA NGAS DE CI RED ZHUS PAS, DGON PA DE BKRA SHIS LHUN PO RED, DER PHEBS MA THUB NA SKU GEGS CHE RGYU RED GSUNGS, PHYIS SU DE BZHIN BYUNG, DE'I 'PHROR AA LAGS RIGS GRVA LA GCIG PHOBS GSUNGS PAS, MTSO ZHIG GI NANG DU BYA 'GA' ZHIG YOD PA 'BAB ZER, RJES SU NGAS DE CI YIN ZHUS PAS, BYA NI MTSO NANG DU YUN RING MI SDOD PAR 'PHUR 'GRO BA RED MOD GSUNGS, PHYIS SU DE BZHIN BYUNG, DE'I SNGON DU BKRA SHIS RAB BRTAN DU MTSAMS LA YUN RING BZHUGS, DE'I @433 RJES SU RIGS GRVA DANG NANG CHEN KHA KHA SO SO BYAS, KHONG GI YON TAN NI BSAM GYIS MI KHYAB PAS, PHYOGS BCU'I SANGS RGYAS THAMS CAD KYIS BSKAL BAR BRGYAR BRJOD KYANG ZAD DU MED PA YIN MOD, BDAG GIS MTHONG THOS KYI CHU THIGS TZAM ZHIG BRJOD PA 'DIS KYANG BSHES GNYEN DAM PAS RJES SU 'DZIN PA'I RGYUR GYUR CIG , SMRAS PA, THUGS BSKYED SA BON GRUNG BO SMIN PA LAS, ,BYANG CHUB SPYOD PA'I YONGS 'DU'I KHO LAG RGYAS, ,SKU BZHI'I 'BRAS BU G-YUR DU ZA BA YI, ,DPAG BSAM LJON PA DUS KUN SPYI BOR 'DZIN, , TSOGS GNYIS RIN CHEN SBRANG CHAR BSAGS PA LAS, ,KHYOD KYI YON TAN PHYOGS KYI RGYA MTSO CHE, ,HUB KYIS 'THUNG BA'I BLO STOBS MI MNGA' YANG, ,CHU THIGS TZAM ZHIG DGYES PA'I MCHOD PAR 'BUL, ,BDAG CAG LTOS BCAS TSE RAB THAMS CAD DU, , BSHES GNYEN KHYOD KYI ZHAL GYI BDUD RTZI LA, ,LONGS SU SPYOD PA'I SKAL LDAN RIGS GYUR NAS, BYANG CHUB SPYOD PA MYUR DU MTHAR PHYIN SHOG ,CES YONGS 'DZIN RDO RJE 'CHANG CHEN PO ^ RJE BTZUN BSKAL BZANG DPAL 'BYOR BZANG BO'I RNAM PAR THAR BA DAD PA'I DPAL BSKYED CES BYA BA 'DI NI, GZHI TSANG SPRUL BA'I SKU RIN PO CHE SOGS SLOB MA DAD LDAN 'GA' ZHIG GIS LHA REG DRI MED DANG DNGOS SKYES BCAS YANG YANG BSKUL NGOR, ^ THA SNYAD PA BSAM GTAN RGYA MTSO MI 'JIGS DBYANGS CAN DGA' BA'I BLO GROS @434 SU 'BOD PAS, DMU DGE BKRA SHIS 'KHOR LO'I DGON GYI RANG SHAG BSLAB GSUM NOR BU'I BANG MDZOD DU RAB GNAS LCAGS LUG LO'I CHO 'PHRUL ZLA BA'I DKAR PHYOGS KYI RDZOGS PA GNYIS PA'I NYIN SBYAR BA'I YI GE BA NI MYUG 'DZIN DBANG BO DGE SLONG SHES RAB RGYA MTSO'O, ,, ,