, (,YI DAM CHOS SRUNG GI GNYER GTAD SOGS ZHUGS, ,)
, ,BDE GSHEGS 'OD MTHA' YAS PA'I SGYU MA'I SNANG CHA SOR RTOG YE SHES KYI NGO BO BDAG 'DZIN 'BYUNG PO'I RU TRA BDAG MED RTOGS PA'I SHES RAB KYI RTA SKAD THENGS GCIG BSGRAGS PAS SKYE MED CHOS KYI DBYINGS SU SGROL ZHING, DE'ANG RANG NYID ZHI BA'I MTHA' LAS SGROL BA'I DPA' BO, RNAM RTOG GDON BGEGS KYI MA TRAm STONG PA'I RANG GDANGS SNYING RJE CHEN POS BSGRAL TE 'KHOR RTZA RTZAD NAS BCAD DE SRID ZHI'I MTHA' LAS 'DAS PA RTA MCHOG KHRO BO'I RGYAL PO YANG GSANG KHROS PA KHRAG 'THUNG LHA DGU BKA' SRUNG GING LNGA GZA' GDONG BEG TZE LCAM DRAL DANG BCAS PA BDAG LA DGONGS SU GSOL, BKA' SRUNG GNYAN PO KHYED RNAMS SNGON RDO RJE 'CHANG DANG RTZA BRGYUD KYI DPAL LDAN BLA MA RNAMS KYIS BSTAN PA DANG BSTAN PA 'DZIN PA'I SKYES MCHOG GIS
, ,GTZOS PA'I DGE 'DUN GYI SDE RTEN GSUM DGON GNAS DANG BCAS PA BSRUNG ZHING SKYONG BAR BKA' BSKOS, DAM TSIG GI GNYER GTAD, RANG GIS KHAS BLANGS DAM BCA' BA RNAMS DRAN PAR MDZOD LA, SKAD CIG TZAM YANG G-YEL BA MED PAR DGE 'PHEL DGA' LDAN CHOS MDZOD GLING, DGE BZANG GLING, BSOD NAMS KUN SDUD GLING, DGA' LDAN BSHAD SGRUB GLING RNAMS NA GNAS PA'I BLA SLOB SPYI SGER LA BSAM NGAN SBYOR RTZUB BYED PA SPYI DANG, BYE BRAG TU RTEN GSUM MCHOD SNA SPYI RDZAS BLA SLOB LHA 'BANGS SU GTOGS TSAD KYI NOR RDZAS RANG GIS 'PHROG GAM BRKUS PA, GZHAN 'PHROG GAM BRKU RU BTZUG PA, GZHAN LA PHYI LAG SPROD PA, BOR ZHING STOR BA SBAS SHING MI MNGON PAR BYED PA, DBANG CHE GSHED CHES DON MED PA'I KHA NGAN
'JOG PA, KHYAD GSOD DANG BRNYAS 'CHOS BYED PA, DE RIGS KYI NGAN RGYA BA BYED PA SOGS BSAM SBYOR NGAN PA'I RIGS SNGA SOR BYAS PA, DA LTA BYED PA, PHYIN CHAD BYED PAR SHOMS PA MTHA' DAG MYUR DU THAL BA'I RDUL PHRAN BZHIN DU BRLAG PAR MDZOD CIG , ` AOm SVASTI, ME TOG NA CHUNG GAR BSGYUR ZHING, ,STAG CHUNG BUNG BA 'KHOR BA'I TSAL, ,SKYE BO'I RGYU 'GRUL MED PA YI, ,DBEN PAR NAM ZHIG CHOS DON SEMS, ,KYE HO 'DI SNANG YUD TZAM ZHIG ;SKYE BA PHYI MA'ANG MYUR DU 'ONG, ,DON MED BYA BAS CI LA PHAN, ,RANG LA BRTZE BAS DBEN PAR GNAS, ,GCIG PUR 'DUG NA DGE SBYOR 'PHEL, ,MTSAMS KYI BCAD RGYAS RANG LA PHAN, ,DBEN PAR NYAMS LEN LA GZHOL NA, ,RANG DANG RANG LTOS KUN SEMS BDE, ,LUS NI YI DAM LHA RU BSGOM, ,NGAG NI GSOL 'DEBS BZLAS BRJOD REM, ,YID NI BLA MA LHA LA GZHOL, ,'DI LTAR SPYOD GANG SKAL BA RMAD, ,BLA MA'I ZHABS TOG 'DI YIS BSGRUB, ,PHA MA'I DRIN LEN 'DI YIS GSOB, ,GNAS SKABS BAR CHAD 'DI YIS SEL, ,MTHAR THUG DON CHEN 'DI YIS BSGRUB, ,'CHI BDAG GLO BUR 'ONG NGES SHING, ,DE TSE CIS KYANG PHAN PA MED, ,SHI NAS GANG 'GRO'I GTOL MED PAS, ,TSE 'DIR ZHEN NAS CI ZHIG BYA, ,NYON MONGS DGRA BO'I DBANG GYUR NAS, ,LAS NGAN TSABS CHEN MANG BSAGS TE, ,MI 'GYANG 'BAD DON BSHUL BZHAG NAS, ,GCIG PUR 'GRO TSUL RTAG TU SOMS, ,SMON GNAS 'DI DAG TSIG TZAM DU, ,MA LUS
, ,DON SMIN YONG BA YI, ,SKYABS 'JUG RTZA BRGYUD BLA MA DANG, ,RGYAL BA ZHI KHRO'I TSOGS LA ZHU, ,BDAG LA PHAN SEMS MDZAD PA DKON, ,DE PHYIR BSLAB BYA MDZAD MKHAN MED, ,DE BAS RANG LA PHAN RE YIS, ,DON LDAN TSIG 'GA' YI GER SPEL, ` SH'AKYA'I RGYAL PO'I DPAL GYI MGUR MCHOG LAS, ,THUB BSTAN RIN CHEN BYANG NAS BYANG PHYOGS SU, ,DAR BAR LUNG ZIN CHEN PO HOR YUL ZHAS, ,GRAGS PA LHA YUL NA YANG GLENG PA DE'I; ;SA YI THIG LE NOR 'DZIN RGYAN GYUR PA, ,LHA MI'I MCHOD SDONG NGO MTSAR BYE BA'I GNAS, ,BKAS BSNGAGS DGE 'PHEL DGA' LDAN CHOS MDZOD GLING, ,BSOD NAMS KUN SDUD GLING ZHES GRAGS PA'I SDE, ,BSHAD SGRUB LEGS BSHAD RGYUN MAR SGROGS PA'I TSAL, ,BLA BRANG BKRA SHIS BSAM GTAN PHO BRANG CHE, ,GZIMS CHUNG RAB ZHI BDE LDAN DGA' BA'I TSAL, ,BDE CHEN RDO RJE'I PHO BRANG MCHOG RNAMS SU, ,JO SH'AKYA? RNAM GNYIS BSKAL BZANG SANGS RGYAS STONG, ,BYAMS CHEN RTA MGRIN SDE BRGYAD ZIL GNON SOGS, ,BDE GSHEGS BYANG SEMS NYAN RANG ZHI KHRO YI, ,BRIS 'BUR SNANG BRNYAN BYIN CAN BYE BA 'BUM, ,RGYAL BA'I BKA' DANG DGONGS 'GREL BSTAN BCOS KYI, ,GLEGS BAM GRANGS MED BDE GSHEGS MCHOD RTEN BRGYAD, ,DAM TSIG RDOR DRIL GYIS MTSON RGYA BOD KYI, ,PAn GRUB DU MA'I NYER SPYAD BSAM LAS 'DAS, ,BSLAB GSUM RNAM DAG BSHAD SGRUB LHUR LEN PA'I, ,'PHAGS TSOGS DGE 'DUN BZHUGS GNAS
DRIG TZANG KHANG, ,LE LAG DANG BCAS DBANG PO'I GZHU RIS BZHIN, ,BSOD NAMS ZHING DU MNGON SUM BZHUGS PA 'DIR, ,'DI SNANG 'DOD SRID? DBANG DU MSONG? BA, ,GYI NA'I NGANG DU MI 'KHYAN BLO GROS CHE, ,LAS BZANG 'DU BYED SBYANG GRUNG SKYE BO RNAMs G-YO MED BSNGAGS 'OS BSAM SBYOR LHUR BLANG NA, ,KHRI MCHOG RNAL 'BYOR NA BZA'I TSAL BU TZAM, ,TSOGS GSOG RTEN MDZAD TSE DER MCHOG BRNYES ZHES, ,BKA' GDAMS GSUNG BGROS LAS BYUNG DE BAS NA, ,RTEN GSUM 'DI MCHOD 'BRAS BU DPAG TU MED, ,DE SLAD ZHING MCHOG KHYAD 'PHAGS 'DI LTA BUR, ,PHYAG DANG MCHOD PA'I PHAN YON RLABS CHE BA, ,BSAM BRJOD YUL LAS 'GONG PA DE YI PHYIR, ,RTAG TU BSAG SBYANG THABS LA 'GRUS PAR MDZOD, ,SA GLANG ZLA 12 TSES 11 LA SPEL,, ` SMRI TI PAn CHEN DZNY'A NA KIRTI YI, ,PHYAG TSVA THUB PA'I DBANG PO THOG THUB MA'I, ,SLAR GZUGS BYIN CAN SKU RGYU'I 'JIM NANG DU, ,BDE GSHEGS RING BSREL 'PHAGS BOD PAn GRUB KYI, ,DBU LO NA BZA'I TSAL BU YOD DO COG ,BZHUGS PA 'DI NYID MGUL DU 'CHANG BA 'AM, ,BRAL SPANGS RTEN DU ZUNGS DANG 'JIGS KUN LAS, ,SKYOB CING DNGOS GRUB STZOL BAR SOM NYI MED, ` SMRI TI PAn CHEN DZNY'A NA KIRTI YI, ,PHYAG TSVA RJE BTZUN SGROL MA THOG THUB MA'I, ,SLAR GZUGS BYIN CAN SKU RGYU'I 'JIM NANG DU, ,BDE GSHEGS RING BSREL 'PHAGS BOD PAn GRUB KYI, ,DBU LO NA BZA'I TSAL BU YOD DO COG ,BZHUGS PA 'DI NYID MGUL DU 'CHANG BA'AM, ,BRAL SPANGS RTEN DU
, ,ZUNGS DANG 'JIGS KUN LAS, ,SKYOB CING DNGOS GRUB STZOL BAR SOM NYI MED,, ` BSOD NAMS KUN SDUD GLING GI BLA BRANG NAS, ,LO RE'I HOR ZLA BZHI PA'I TSES BZANG POR, ,'JIGS BYED PHYAG TSVA RGYAB TU TSA GSUM BRTZIGS, ,YOD 'DI GSAR BSGRUBS SKU RGYU 'JIM PA LA, ,DE BZHIN GSHEGS PA'I RING BSREL PHYE MA DANG, ,RGYA BOD PAn GRUB SHIN TU MANG BA YI, ,GDUNG THAL DBU LO NA BZA' KHRUS RIL SOGS, ,BYIN RLABS RTEN GYI RNAM GRANGS DPAG MED BZHUGS, ,KHYAD PAR RGYAL MCHOG BSKAL BZANG RGYA MTSO DANG, ,'JAM DPAL RGYA MTSO LUNG RTOGS RGYA MTSO'I SDE, ,PHA BONG KHA PA RGYA MTSO MTHA' YAS PA'I, ,SBUR TSVA 'KHRUL BRAL LAG TU SON PA RNAMs,, PHYOGS BSGRIL RANG GZHAN BSAGS SBYANGS BRAL SPANGS KYI, ,RTEN DU DMIGS NAS BZHENGS 'DI'I 'JIM GONG GI ,CHA SHAS MYANG BAS KYANG NI PHAN BDE STER, ,DE BAS DAM MED RNAMS LA RAB GSANGS NAS, ,YI DAM DNGOS KYI 'DU SHES NYER BZHAG STE, ,BSNYEN SGRUB DMIGS RTEN CHED DU SNGAS MGO DANG, ,BAR CHAD BZLOG BYED BSRUNG BAR MGUL LA 'CHANG, ,BYIN RLABS ZHUGS NAS DNGOS GRUB 'THOB PAR NGES, (ZHES PA'ANG 7 BTZUN PA NGAG DBANG BLO BZANG BSTAN PA'I RGYAL MTSAN GYIS BRIS,,) ` BSOD NAMS KUN SDUD GLING GI BLA BRANG NAS, ,ME BYI ZLA 3 TSES 15 NAS BRTZAMS GSAR BZHENGS PA'I, ,RTA MGRIN YANG GSANG SNANG BRNYAN TSVA GSUM CAN, ,'DI YI SKU RGYUR DE GSHEGS RING BSREL DANG, ,
'PHAGS YUL GANGS CAN MKHAS GRUB DU MA YI, ,GDUNG THAL LA SOGS BYIN RTEN DPAG MED DANG, ,KHYAD PAR KUN MKHYEN LNGA PA CHEN PO YI, ,SHANGS MTSAL 'KHRUL MED RGYAL(7) DBANG (8, 9) SKU NA RIM, ,GSUM GYI SBUR TSVA KHYAB BDAG 'KHOR LO'I MGON, ,ROL PA'I RDO RJE'I NA BZA'I CHA SHAS DANG, ,YONGS 'DZIN PAndI TA YI GDUNG NAG THAL, ,KLONG RDOL SEMS DPA' CHEN PO'I DBU LO DANG, ,LHA CHOS BDUN LDAN DGE BSHES THOGS MED KYI, ,SBUR TSVA RJE BTZUN DAM PA'I NA BZA' DANG; ;RDO RJE 'CHANG CHEN RGYA MTSO MTHA' YAS RJE'I, ,SBUR TSVA KHRI CHEN ?? MCHOG GI NA BZA' DANG, ,RNAM 'DREN DKON MCHOG BSTAN SGRON DBU LO SOGS, ,BYIN RTEN SRID NA DKON PA BSAM MI KHYAB, ,PHYOGS BSGRIL 'DI 'DRA RNYED PAR DKA' BAS NA, ,TSOGS GSOG SGRIB SBYONG RTEN DU 'BRAL SPANG MDZOD, (,CES PA'ANG 7 BTZUN PA NGAG DBANG BLO BZANG BSTAN PA'I RGYAL MTSAN GYIS BRIS,,)