, ,CHOS SDE CHEN PO DGE 'PHEL DGA' LDAN CHOS MDZOD GLING, DGA' LDAN THEG CHEN BSOD NAMS KUN SDUD GLING, DGA' LDAN THEG CHEN BSHAD SGRUB GLING RNAMS KYI SKOR TSAD BZHUGS SO, ,
, ,GANG GI ZHABS RDUL LHA BCAS 'JIG RTEN GYI, ,DO KER RTZE NA RIN CHEN DBANG RGYAL BZHIN, ,MNGON MDZES THUB DBANG MA PHAM 'JAM PA'I DBYANGS, , BRGYUD PAR BCAS LA MI PHYED DANG BAS 'DUD, ,BLO BZANG RGYAL BAS GTAN 'BEBS 'KHRUL BRAL GYI, ,MDO SNGAGS DKA' GNAD LEGS STON SRID ZHI YI, ,GDUNG SEL BSLU MED SKYABS MCHOG RNAM GSUM GYI, ,BDAG NYID BLA MA RNAMS LA PHYAG BTZAL NAS, ,RMAD BYUNG LEGS BYAS G-YAS PHYOGS BSKOR 'GROS KYIS, ,RLABS CHEN BSOD NAMS LAM BZANG MYUR BGROD DE, ,BYANG CHEN GZHAL MED KHANG DU BDE BLAG TU, ,'JUG PA'I THABS TSUL GSAL BYED GTAM 'DI SPEL, ,DE'ANG SNGON BSAGS LEGS BYAS
, ,DU MAS 'PHANGS PA'I DAL 'BYOR GYI RTEN BZANG PO THOB PA'I SKABS 'DIR GTAN BDE BLA NA MED PA THAR PA'I LAM DU 'GYUR NGES PA'I LAS LA MA 'BAD NA LHA MI SOGs SRID PA'I PHUN TSOGS JI LTA ZHIG THOB KYANG DE'I MOD LA 'JIG PAR 'GYUR PAS SNYING PO GANG YANG MED PAS NA NYIN RE BZHIN BSOD NAMS DANG YE SHES KYI TSOGS GNYIS BSAGS PAS RANG RGYUD SMIN PA DANG, BSDU BA'I DNGOS PO BZHI'I NYAMS LEN GYIS GZHAN RGYUD SMIN PAR BYED PA ZHIG DGOS LA, DE'ANG MNYAM MED DPAL LDAN AA TI SHA RGYUN DU BSKOR BA MDZAD PA LA; 'BROM RIN PO CHES, DGE SBYOR BZHUGS NAS MI MDZAD PAR SKOR BA NYE TSE MDZAD PA JI LTAR LAGS ZHUS PAS, KHYED KYIS MA GO BA YIN, 'DI LA LUS NGAG YID GSUm
KA'I LAS YOD PA YIN, SGOM PA LA GCIG LAS MED, 'DI LAS LAS 'KHOS CHE BA MED PA YIN GSUNGS, DER PHYIS RVA SGRENG PA'I SROL NA 'DI LA GTZIGS CHE, 'BROM STON PA NYID KYANG 'DI KHO NA MDZAD, PHYIS ZHABS KYIS MI PHYONG? PA NA YANG KHYOG BYAS NAS GSUM GSUM MA CHAG PAR MDZAD CES BKA' GDAMS GONG MA'I GSUNG SGROS LAS BYUNG BA BZHIN BSKOR BA JI LTAR BYA TSUL SKU RTEN SNANG BRNYAN GYI MDZOD SPU DANG, GSUNG RTEN GLEGS BAM GYI YIG 'BRU DANG, THUGS RTEN GYI BUM PA SOGS LAS 'OD ZER 'PHROS, BLA MA MCHOG GSUM DANG, SKU GSUNG THUGS RTEN SOGS SKOR BA'I YUL PHYOGS BCU NA GANG DAG YOD PA THAMS CAD LUS PA MED PAR SPYAN DRANGS TE RTEN DE DAG DANG DBYER MED DU BZHUGS PAR BSAMS NA GNAS CHEN THAMS CAD LA SKOR BA BYAS PAR 'GRO'O, ,DE NAS RANG GI LUS BRGYA STONG KHRI 'BUM SOGS SU SPRUL BAS SKOR BAR MOS LA, MA SEMS CAN THAMS CAD KYI DON DU SANGS RGYAS KYI GO 'PHANG CI NAS KYANG BSGRUB PAR BYA, DE PHYIR DU SKOR BA SOGS LA 'BAD DO SNYAM PA'I SEMS BSKYED KYIS ZIN PA'I SGO NAS LUS KYIS G-YAS PHYOGS SU BSKOR ZHING, NGAG NAS DE BZHIN GSHEGS PA RIN CHEN RGYAL MTSAN GYI MTSAN DANG, NA MO BHA GA WA TI, RATNE KE TU R'A DZA YA, TA TH'A GA T'A YA, AARHA TE SAm MYAKA SAm BUDDHA YA, TADY'A TH'A, AOm RATNE RATNE MAH'A RATNE RATNA BI DZA YE SV'AH'A, ZHES PA'I
, ,GZUNGS 'DIS SKOR BA STONG 'GYUR DU 'GRO BAR GSUNGS PAS 'DI 'DON PA 'AM BLOR MA CHUB NA MI 'KHRUGS PA'I GZUNGS DANG MA nI SOGS GZUNGS ZAB MO GANG YANG RUNG BA'I BZLAS BRJOD DANG, YID THA MAL BA'I RNAM RTOG RANG GA BAS MA SLAD PAR SKOR BA BYED PA PO DANG, SKOR YUL DANG, BSKOR BA'I DGE RTZA THAMS CAD RANG BZHIN MED PAR THAG BCAD NAS SGYU MA LTA BU'I RNAL 'BYOR GYI NGANG NAS SKOR BA LAN CIG TZAM BYAS KYANG PHAN YON MTHA' GLAS PA 'THOB PA GDON MI ZA BAS DE LTA BU'I THABS MKHAS KYI NYAMS LEN GNAD DU 'KHEL BAS SGO GSUM 'PHYAR G-YENG GI SKYON BSDAMS NAS BSKOR BA BYAS TE SKOR THEBS RE'I MJUG TU DGE BA RNAMS RDZOGS BYANG DU BSNGO BAR BYA'O,, DE LTAR BSKOR BA'I PHAN YON NI, GTZUG LAG KHANG RTEN DANG BRTEN PAR BCAS PA BSKOR BA'I DON DU GOMS PA LAN CIG BOR BA'I BSOD NAMS GSER SRANG STONG PHRAG SBYIN PAR BTANG PA LAS PHAN YON CHE BA DANG, GNAS SKABS SU PHAS RGOL GYIS MI TSUGS SHING DE DAG TSUR 'DUD PA DANG, YON TAN SKYE BA'I SNOD DU 'GYUR PA DANG, SKYE BA KUN TU LONGS SPYOD RGYAS PAR 'GYUR PA DANG, RGYAL RIGS DANG KHYIM BDAG RIGS CHE ZHING MTHO BA DANG, CHOS LDAN GYI RGYAL PO DANG, 'KHOR LOS BSGYUR BA'I RGYAL PO DANG, LHA RNAMS KYI BDAG POR 'GYUR PA DANG, MIR SKYES NA YANG MNGAL DU BDE BAR GNAS SHING BDE BAR BTZAS PA DANG, NYE DU RNAMS
KYIS BYAMS PAS SKYONG BA DANG, BYAD GZUGS BZANG ZHING LUS SKYON CAN DU MI 'GYUR PA DANG, MIG DKYUS RING ZHING MIG MTHON MTHING DU 'GYUR PA DANG, YAN LAG THAMS CAD TSANG ZHING STOBS DANG LDAN PA DANG, SKAD SNYAN PA DANG, MI DANG MI MA YIN GYI GNOD PA MED CING NAD MED PAR 'GYUR PA DANG, DRAN PA NYE BAR BZHAG PA BZHI DANG, RDZU 'PHRUL GYI RKANG PA BZHI LA SOGS PA'I YON TAN RNAMS MNGON DU BYAS TE MTHAR DGRA BCOM PAR 'GYUR PA DANG, TSOGS GNYIS RDZOGS TE MYUR DU MNGON PAR RDZOGS PAR 'TSANG RGYA BA SOGS PHAN YON RGYA CHER 'DUL BA LUNG GZHI DANG, GSAL RGYAL GYIS ZHUS PA'I MDO DANG, MCHOD RTEN BSKOR BA'I TSIGS SU BCAD PA RNAMS LAS GSUNGS BA'I DON RDO RJE 'CHANG D'A NA'I ZHABS KYIS BSDUS TE BKOD PA 'DI BZHIN YIN LA, MDOR NA BSKOR BA'I BSNGAGS PA 'AM PHAN YON BSKAL PA'I BAR DU BRJOD KYANG MI 'DZAD PAR 'PHAGS PA SPYAN RAS GZIGS KYI MDO LAS GSUNGS SHING SNGON SANGS RGYAS 'OD SRUNG GI MCHOD RTEN ZHIG GI MTHA' SKOR DU RTA'I SPANGS YOD PA LA SBRANG BU SPANGS? KYI DRI LA RIM BZHIN 'KHOR BAS MCHOD RTEN LA CHED DU MA BSAMS KYANG BSKOR BA GCIG 'KHOR BA'I MTHU LAS BDAG CAG GI STON PA'I DUS SU KHYIM BDAG DPAL SKYES SU GYUR NAS DGRA BCOM PA'I 'BRAS BU THOB PAR GSUNGS NA BSAM PA RNAM PAR DAG PAS BSAMS BZHIN DRA? DKON MCHOG GI SRI ZHUR BRTZON PA LTA CI SMOS, DES NA BYA SLA LA PHAN YON CHE
, ,BA'I SKOR BA'I LAS LA BRTZON PAR RIGS SO, ,KHA CIG ,PHYAG MCHOD BSKOR BA LA SOGS 'DI DAG CHOS ZAB MO'I NYAMS LEN MI SHES PA'I PHAL BA RNAMS LA BSNGAGS PA YIN GYI, BLO'I NUS PA SHIN TU CHE BA RNAMS LA 'DI MI DGOS SNYAM PA GTAN MI RUNG STE, MDO SDE SA BCU PA LAS SA GONG MA GONG MA'I SKABS SU LUS NGAG GI DGE SBYOR YANG CHES GONG 'PHEL DU 'GRO BAR GSUNGS SHING, BYANG SA LAS KYANG PHYAG MCHOD SKOR BA SOGS RGYAL SRAS KYI NYAMS LEN RMAD DU BYUNG BAR GSUNGS SO, ,LA LAS GSANG SNGAGS PAR 'DI 'DRA MI DGOS PAR SMRA BA YANG LOG PAR RTOG PAS NONGS TE, PAn CHEN N'A RO PA, MAR MI SOGS GRUB CHEN DU MAS PHYAG SKOR THUGS DAM GYI MTHIL DU MDZAD PA'I LO RGYUS MANG DU MCHIS, MAH'A RA TA ZHES SOGS KYI SNGAGS DON LTAR SNGAGS RANG LAM LA SKOR BA BYED TSUL THUN MONG BA LAS KYANG CHES ZAB TU BTANG NAS BYED DGOS PA YIN, 'ON KYANG NYAMS LEN GANG THANG LA'ANG MA MTHA' GSUNG RAB KYI DON LA TSIG SPYI TZAM GYI GO BA CHAGS PA ZHIG BYAS NAS THOS DON BSGRUB PA LA GZHOL DGOS KYI GDAMS PA'I GNAD NGOS MA ZIN PAR NAD GDON ZHI BA DANG RNYED BKUR GYI DON DU SNGAGS GRANGS GSOG PA TZAM DANG, YUL PHYOGS MANG PO BSKOR BA LA NYAMS LEN DPE MED DU BRTZI BA NI CHOS PA'I GZUGS KYIS CHOS MIN KHO NAR MI TSE BSKYEL BAR SNANG, DES NA CI YANG MI SHES PAS GNAS
CHEN GANG DU PHYIN KYANG PHAN GNOD GANG YANG MED, AO RGYAN DANG TZA RI TRA SOGS NA KLA KLO BLUN PO MU STEGS BYED DANG 'BROG PA RNAMS KYIS GANG YOD KYANG DE DAG GRUB PA THOB BAM, SGOM CHEN RTOGS LDAN YUL DER PHYIN PAS MKHA' 'GRO RNAMS KYIS BYIN GYIS RLABS PA'I DGOS PA YOD KYANG GSANG SNGAGS MI SGOM PA'I BLUN PO RANG GA BAS YUL CHEN BGROD PA DON MED YIN, RJE BTZUN MI LAR RAS CHUNG BAS RGYAL KHAMS PHYOGS MED 'GRIM PA DANG, LHA SA BSAM YAS SOGS SKOR BAR DBUS SU 'GRO ZHES ZHUS PAS, RJE BTZUN GYIS BLA MA SANGS RGYAS SGOM DUS RGYAL KHAMS 'GRIM PAS CI LA PHAN ZHES MA GNANG, DE BZHIN DU DAM PA THAMS CAD DGONGS BZHED MTHUN PAR 'DUG PAS BSLAB KHRIMS RNAM PAR DAG PA LA GNAS NAS RANG RANG GI BSTI GNAS SU LAM KHRID SOGS KYI SHAR SGOM DANG KHA 'DON DGE SBYOR GANG YIN LA GTZO BOR 'BAD PA'I THUN GSENG RNAMS SU BKA' GDAMS GONG MA'I PHYAG SROL LTAR RTEN DNGOS SU BSHAMS YOD NA DE LA SKOR BA BYA, RTEN MED NA, BHRUm SER PO LAS BYUNG BA'I DPAG BSAM GYI SHING RGYA CHE BA'I STENG DU SKYABS YUL THAMS CAD BZHUGS PAR MOS LA BZLAS PA SOGS SNGA MA BZHIN DU BYAS PAS 'THUS SHING, LHA KHANG SOGS KYI SKOR BA SKYE BO'I RGYU 'GRUL NYUNG ZHING, SEMS G-YENG RIGS CHUNG BA'I SKABS MA GTOGS PHAL CHE BAR KHA YAN MIG YAN BYAS SGO GSUM 'PHYAR G-YENG GI RGYUR
, ,'GRO BAS, MI RTAG PA MA GO BA'I SKOR BA RKANG PA NA ZER BA LTAR DON MED RANG YIN, DE'I RGYU MTSAN SNGON DGE BSHES BZANG BA ZHIG GIS BLA MA'I DUS MCHOD BCAD PAS DPON PO DGA' BDE ZER BAS KHONG GI SLOB MA ZHIG LA, DA LTA DBUS KYI DGE BSHES TZAM LA KHONG BZANG BAR 'DUG KYANG BLA MA'I DUS MCHOD BCAD PA RANG MI 'THAD DAM ZHES KHREL TSUL BLA MA LA ZHUS PAS, NGA BLA MA LA MOS GUS MED PA 'AM CHA RKYEN PHANGS PA MIN, DE LA DMIGS NAS TSONG PA MANG PO YONG BA DANG, DGE 'DUN RNAMS G-YENGS NAS DGE SBYOR CHAG PA DANG, BTZUN PA GNYEN PO CHUNG CHUNG RNAMS CHUD ZA BAR 'DUG PAS BCAG PA YIN, SDOM GSUM LA NYES LTUNG GIS MA GOS PA ZHIG BYED KYIN YOD 'DIS THUGS DGONGS RDZOGS MCHI GSUNG BA LA, RGYAL SRAS RIN PO CHES DUS MCHOD RANG DE NGOS BZANG BAR 'DUG SHIN TU NGO MTSAR CHE GSUNGS PA DANG TSUL MTSUNGS PAS 'DI RNAMS KYI GNAD BKAG LEGS PAR PHYED DGOS, GANG LA BSKOR BA'I YUL NI, 7 RGYAL BA'I BSTAN PA RIN PO CHE BYANG NAS BYANG PHYOGS SU RGYAS PAR 'GYUR PA LUNG GIS ZIN PA BZHIN CHEN PO HOR GYI RGYAL KHAMS KYI SA'I CHA 'BYOR BA RGYAS SHING DGE MTSAN DAR BA'I YUL 'DIR NGED KYI GONG MA PAndI TA RIN PO CHE DE NYID DANG, PE'I LE DPAL 'BYOR RDO RJE YON MCHOD NAS GSAR DU BSKRUN PA'I DGE 'PHEL DGA' LDAN CHOS MDZOD GLING GI RTEN GTZO STON PA THUB PA'I DBANG PO'I
'JIM SKU NGAD?, RGYAL BA MA PHAM PA'I SNANG BRNYAN GSER ZANGS LAS BZHENGS PA BYIN RLABS KYI GZI 'OD 'BAR BA 'DI GNYIS KYIS DBUS SKU RTEN KHRIR NYE BA DANG, RGYAL BA'I BKA' 'GYUR RO COG TSAR GNYIS SOGS GSUNG RTEN BKA' BSTAN GYI GLEGS BAM BDUN BRGYA TZAM, BDE BAR GSHEGS PA'I MCHOD RTEN BRGYAD SOGS THUGS RTEN GRANGS MANG BAR BZHUGS PA DANG, PHYIS SU KHO BOS LHAG BSAM BZANG POS GSAR DU BSKRUN PA'I DGON SDE BSOD NAMS KUN SDUD GLING DU GRAGS PA'I GTZUG LAG KHANG GI RTEN GTZO JO SH'AKA? RNAM GNYIS DNGUL BSLAD MED LAS BSGRUBS PA, BSKAL BZANG SANGS RGYAS STONG GI GSER SKU SOGS LDER SKU STONG DANG LNGA BRGYA SKOR, THANG GA CHE CHUNG BDUN BRGYAR NYE BA, BKA' BSTAN YONGS RDZOGS SOGS GSUNG RAB KYI PU STA KA STONG DANG NYIS BRGYA SKOR, BKA' GDAMS GDUNG RTEN SOGS MCHOD RTEN MANG BA, MKHAS GRUB MANG PO'I NA BZA' DANG SKU'I NYER SPYAD RIGS KYI NANG RTEN, DGA' LDAN THEG CHEN BSHAD SGRUB GLING DU RTEN GTZO RTA MGRIN SDE BRGYAD ZIL GNON GYI SMAN SKU BYIN RLABS SHIN TU CHE BA, GZHAN YANG BRIS 'BUR GYI SKU GSUNG THUGS RTEN RAB TU MANG BAR BZHUGS PA DANG DGE 'DUN 'DUS PA'I TSOGS DRI GTZANG KHANG DANG BCAS PA YIN CING, SKOR BA'I GRANGS KYI TSAD MTHA' GCIG TU NGES BZUNG MA MCHIS RUNG, DENG SANG GRAGS TSOD LTAR NA DGON SDE GSUM GYI PHYI'I SKOR LAM LA GZHU 'DOM BZHI
, ,BRGYA YOD PAR DGA' LDAN CHOS MDZOD GLING GI RTEN GTZO JO BO'I ZHABS PAD KYI 'KHOR GCIG LA 'DOM GANG KHRU DO YOD PA LA GZHAL BA'I 'BUM 'GRO BAR SKOR BA SUM BRGYA DANG LNGA BCU, DGA' LDAN THEG CHEN BSOD NAMS KUN SDUNG GLING GI RTEN GTZO JO BO SH'AKYA MU NA'I PADMA'I 'KHOR TSAD LA 'DOM NGO KHRU DO MTSON GSUM YONG PAR SKOR BA DRUG BRGYA DANG BCO LNGA, DGA' LDAN THEG? CHEN BSHAD SGRUB GLING GI RTEN GTZO RTA MGRIN SDE BRGYAD TSAL GNON GYI ZHABS PAD LA 'DOM DO KHRU GANG YOD PAR SKOR BA LNGA BRGYA DANG LNGA BCU, DGA' LDAN CHOS MDZOD GLING GI BAR SKOR LCAGS RI'I RGYA TSAD GZHU 'DOM NYIS BRGYA DANG BCU BZHI YOD PAR JO BO'I SNANG BRNYAN? LA GZHAL BA'I 'BU 'GRO BAR SKOR BA DRUG BRGYA DANG NGA LNGA, DGA' LDAN THEG CHEN BSOD NAMS KUN SDUD GLING GI BAR SKOR LCAGS RI'I RGYA TSANG GZHU 'DOM NYIS BRGYA DANG NYI SHU YOD PAR JO BO SH'AKYA MU NE'I SNANG BRNYAN LA GZHAL BAR SKOR BA STONG PHRAG GCIG DANG CHIG BRGYA BCO BRGYAD, DGA' LDAN THEG CHEN BSHAD SGRUB GLING GI BAR SKOR LCAGS RI'I RGYA TSAD GZHU 'DOM NYIS BRGYA DANG NYI SHU YOD PAR SKOR BA STONG PHRAG GCIG DANG CHIG BRGYA, DGA' LDAN CHOS MDZOD GLING GI NANG SKOR LA GZHU 'DOM BZHI BCU ZHE DRUG YOD PAR JO BO'I SKU BRNYAN LA GZHAL BA'I 'BUM 'GRO BAR SKOR BA STONG PHRAG GSUM DANG BZHI BCU ZHE GSUM, DGA' LDAN THEG CHEN BSOD NAMS KUN SDUD GLING GI NANG SKOR LA GZHU 'DOM BZHI
BCU ZHE GNYIS YOD PAR JO BO SH'AKYA MU NE LA GZHAL BAR SKOR BA STONG PHRAG LNGA DANG BDUN BRGYA BCO LNGA, DGA' LDAN THEG CHEN BSHAD SGRUB GLING GI NANG SKOR LA GZHU 'DOM BZHI BCU ZHE GNYIS YOD PAR RTA MGRIN SDE BRGYAD ZIL GNON LA GZHAL BAR STONG PHRAG LNGA DANG NYIS BRGYA BZHI BCU SKOR NA KHA SKONGS DANG BCAS 'GRO BA YIN PAS, DE LTAR TSUL BZHIN BSKOR BAS SNGAR BSHAD PA'I PHAN YON MTHA' YAS 'BYUNG BA LA DBANG RNON RNAMS CHOS NYID KYI RIGS PA'I SGO NAS NGES PA DRANGS TE CHOS KYI RJES SU 'BRANG BA'I DAD PA PHYIR MI LDOG PA BSKYED NA BYIN RLABS DANG DNGOS GRUB SHIN TU MYUR RO, ,DBANG PO RNO BAR RLOM YANG DON GYI GTING MI DPOG PAR RTOG GE'I RIGS PA LTAR SNANG GIS G-YENG STE ZAB MO'I GNAS LA YID MI CHES PA NI SHES RAB 'CHAL BYED DANG DNGOS GRUB KYI GEGS YIN PAS, DE LAS DBANG RTUL LUGS KYI YID CHES PA'I LUNG GI RJES SU 'BRANG STE DAD PA BSKYED NA BYIN RLABS MYUR BA YIN, DES NA RGYAL BA'I BKA' DRI MA MED PA RNAMS NAS LAN CIG MA YIN PAR GSUNGS PA LA NGES PA BRTAN PO BSKYED NAS DAL 'BYOR GYI RTEN BZANG THOB PA DON LDAN DU BYA BA'I PHYIR PHYAG MCHOD SKOR BA SOGS NYAMS LEN RNAM PAR DAG PA LA 'BAD NA 'DI PHYI'I LEGS TSOGS THAMS CAD 'GRUB PAR 'GYUR RO, ,DE LTAR SDIG SGRIB NYES PA'I TSOGS SBYANGS SHING, ,RLABS CHEN BSOD NAMS BDE BLAG
, ,RDZOGS BYED KYI, ,SKOR TSAD RANG GZHAN DGE LA 'DUN PA'I CHED, ,LEGS PAR SPEL BA'I RNAM SMIN CHES DKAR BA, ,JI SNYED BSAGS DES KUN MKHYEN RGYAL BA'I BSTAN, ,PHYOGS RNAMs KUN TU DAR ZHING RGYAS PA DANG, ,BGRANG YAS BRGYUD MAR DRIN GYIS LEGS BSKYANGS PA'I, ,'GRO KUN BDE SKYID DPAL GYIS 'TSENGS PAR SHOG (,CES CHOS SDE CHEN PO DGE 'PHEL DGA' LDAN CHOS MDZOD GLING DANG, DGA' LDAN THEG CHEN BSOD NAMS KUN SDUD GLING, DGA' LDAN THEG CHEN BSHAD SGRUB GLING RNAMS KYI NANG SKOR, BAR SKOR, PHYI SKOR RNAMS LA SKOR TSAD NGES GZUNG BYAS CHOG PA'I GTAN 'KHYOL ZHIG DGOS ZHES RNAM DPYOD LHAG BSAM MI DMAN PA AO THO CHI GU SHR'I THON NGAG DBANG CHOS 'PHEL DANG, DE TSA THUB BSTAN GSAL BYED GNYIS KYIS BSKUL BA LTAR, 7 BTZUN PA NGAG DBANG BLO BZANG BSTAN PA'I RGYAL MTSAN GYIS SHING KHYI SA GA ZLA BA'I YAR TSES 13 DGE BAR SBYAR BA'I YI GE PA NI DRUNG YIG MI PHAM BSHES GNYEN NO,, SKOR TSAD SNGAR BSGRIGS LA DGON GSAR BSHAD SGRUB GLING GI SKOR TSAD SOGS 'PHRI BSNAN 'OS PA 'GA' ZHIG CUNG ZAD BGYIS PA'O,, ,,)
[BLANK PAGE]