, ,CHOS SDE CHEN PO DGA' LDAN THEG CHEN BSHAD SGRUB GLING GI DKAR CHAG DRI MED SHEL DKAR ME LONG ZHES BYA BA BZHUGS SO, ,
, ,LHA MI'I RNAM 'DREN BGRANG MTHA' YAS PA YI, ,RIGS BDAG YE SHES BSTAN PA'I SGRON ME SOGS, ,BSLU MED LAM STON YONGS 'DZIN TSOGS RNAMS KYI, ,BKA' DRIN RJES SU DRAN PAS GUS PHYAG 'TSAL, ,BSIL LJONGS MKHAS BTZUN GRUB PA BYE BA'I DBUS, ,RMAD BYUNG LUNG RTOGS BSHAD SGRUB MDZAD 'PHRIN GYIS, ,KUN NAS MNGON MTHO THUB BSTAN RIN CHEN GYI, ,MNGA' BDAG BLO BZANG RGYAL BA'I DBANG POR 'DUD, ,RAB 'BYAMS STOBS BCU MNGA' BA'I THUGS KYI BCUD, ,MDO SNGAGS ZAB GNANG RGYAL BA'I DGONGS PA BZHIN, ,LEGS PAR 'DOMS MDZAD RTZA BA'I YONGS 'DZIN MCHOG ,RJE BTZUN D'A NA'I ZHABS LA GUS 'DUD
, ,NAS; ;BSHES GNYEN DAM PA RNAMS KYI ZHABS BRTAN CING, ,RGYAL BSTAN RIN CHEN PHYOGS MTHAR RGYAS PA DANG, ,'GRO BA'I SDUG BSNGAL MA LUS GCIG CHAR DU, ,GZHIL NAS BDE BA'I DPAL LA SPYOD PA'I PHYIR, ,DGA' BA BRGYA LDAN THEG CHEN BSHAD SGRUB GLING, ,GSAR BSKRUN CHE BRJOD BSTOD BSNGAGS LTAR SNANG GIS, ,BSLAD MIN GNAS TSUL DRANG POR BRJOD PA'I GTAM, ,MCHOG DMAN KUN GYIS RNA BA GTOD DE NYON, ZHES MCHOD PAR BRJOD PA DANG MNYAN PAR BSKUL BA'I TSIG GIS SDUN BSUS NAS GLENG BAR BYA BA NI, JI SKAD DU, RGYAL SRAS ZHI BA LHAS, 'GRO BA'I SDUG BSNGAL SMAN GCIG PU, ,BDE BA THAMS CAD 'BYUNG
BA'I GNAS, ,BSTAN PA RNYED DANG BKUR BSTI DANG, ,BCAS TE YUN RING GNAS GYUR CIG ,CES GSUNGS PA LTAR, LUS CAN KUN GYI PHAN BDE MA LUS PA 'BYUNG BA'I SGO NI, RGYAL BA'I BSTAN PA NYAG GCIG KHO NAR DES? SHING DE NYID 'DZIN SKYONG SPEL BAR BYED PA YANG BSTAN 'DZIN DAM PA'I SKYES MCHOG RNAMS LA RAGS LAS PAS NA DE DAG GI SKU TSE BRTAN CING MDZAD 'PHRIN RGYAS PA DANG, 'JIG RTEN KUN TU NAD MUG 'KHRUGS RTZOD ZHI ZHING CHOS 'BYOR BDE SKYID DBYAR MTSO LTAR 'PHEL BA'I CHED DANG, LHAG TU JING GIR RGYAL PO'I RIGS LAS SON PA'I BANDE RANG BZHIN 'DU SHES GSUM PA, YONGS GRAGS KYI MING NGAG DBANG BLO BZANG BSTAN PA'I RGYAL MTSAN DPAL BZANG PO, MING GZHAN PADMA DRAG PO RTZAL LAM AA MO KA BADZRA SOGS GZHI GCIG LA BRDA SNA TSOGS SU BTAGS PA'I ZOG PO DGE SBYONG LTAR TSUL 'CHOS PA BDAG NI, SNGON BSAGS RNAM DKAR MI DMAN PA'I MTHU LAS TSE 'DIR RJE BDAG NYID CHEN PO YAB SRAS RNAMS DANG ZHAL MI GNYIS PA'I MKHAS GRUB KYI 'KHOR SGYUR DU MA'I ZHABS ZIN NAS DAM PA'I CHOS KYI SGRA SNYAN PO LAN CIG MIN PAR THOS PA'I SKAL BA SBOM POR GYUR NA'ANG, NA TSOD PHRA MO'I DUS NAS BLA MA'I GZUGS SU BYAS SHING, SKU SKYER SGRO BTAGS PA'I RI BONG CAL SGROG GI SNYAN GRAGS KYIS BSLUS PA'I GRA RIGS SBYIN BDAG DAD ZHEN CAN MI NYUNG TZAM DANG, MI PHAN
, ,PHAN DU RE BA'I RTOG PA 'OG 'GYU'I BLO CAN SOGS KYIS BSNYEN BKUR BYAS PAR BRTEN, SGO GSUM DKOR GYIS 'BAGS TE NGANG? BRTZON SHES RAB NI 'GRIB, CHAGS SDANG GTI MUG SOGs DBYAR MTSO LTAR 'PHEL BZHIN PA 'DI GA'I MUR DBUGS KYI RGYU BA CHAD SONG NA DMYAL BA BYA BA SOGS MI KHOMS PAR GYUR NAS GSOR MI RUNG PA ZHIG YONG BGRANG SNYAM SEMS BLONG BLONG POR GYUR NAS BSAM MA NO BTANG TSE SPYIR TSOGS GSOG SGRIB SBYONG GI THABS STON PA THUGS RJE CAN GYIS GSUNGS PA JI SNYED CIG MCHIS PA LAS 'DIR SKABS SU BABS PA BCOM LDAN 'DAS KYIS, 'PHAGS PA BSKUL BYED LA RDZAS LAS BYUNG BA'I BSOD NAMS BDUN BKA' STZAL TE, PHYOGS BZHI'I DGE 'DUN LA KUN DGA' RA BA PHUL BA DANG, DER GTZUG LAG KHANG BRTZIGS TU 'JUG PA DANG, GNAS MAL 'BUL BA DANG, RJES SU MTHUN PA'I YO BYAD 'BUL BA DANG, GLO BUR DU 'ONG BA DANG 'GRO BAR CHAS PA LA SBYIN PA DANG, NAD PA DANG NANG G-YOG LA SBYIN PA DANG, YUL NGAN DANG CHAR MI 'BAB PA'I TSE SBYIN PA'O ZHES RDZAS LAS BYUNG BA'I DGE BA'I NANG NAS KYANG GTZUG LAG KHANG BRTZIGS PA NI, MDO SDE RIN PO CHE LAS, BCOM LDAN 'DAS LA KHYIM BDAG MGON MED ZAS SBYIN GYIS MNYAN YOD DU GSHEGS PAR GSOL BA BTAB PA NA, DE NA GTZUG LAG KHANG YOD
DAM ZHES BKA' STZAL BAR KHYIM BDAG GIS MA MCHIS SO ZHES ZHUS PAS GANG DU GTZUG LAG KHANG YOD PA DER DGE 'DUN RNAMS 'ONG BA DANG, 'GRO BA DANG, GNAS PAR SEMS SO ZHES BKA' STZAL PAS KHYIM BDAG GIS KYANG GTZUG LAG KHANG RTZIG GO ZHES ZHUS NAS SH'A RI'I BU GROGS SU ZHUS TE, RGYAL PO RGYAL BYED KYI TSAL LA GSER GYI BYE MAS G-YOGS NAS NYOS TE GTZUG LAG KHANG RTZIGS PAR BRTZAMS PA NA SH'A RI'I BU DANG KHYIM BDAG GIS THIG SKUD BZUNG NAS THIG DANG PO BTAB PA NA SH'A RI'I BU 'DZUM PAR MDZAD PAS KHYIM BDAG GIS RGYU ZHUS PAR DGA' LDAN GYI GNAS SU'ANG GSER GYI KHANG PA DPAG TSAD BZHI BCU PA GRUB PO ZHES BSNGAGS PA RGYA CHER MDZAD PA BZHIN DKON MCHOG GSUM GYI PHO BRANG DANG DGE 'DUN GYI CHOS GZHI BZHENGS PA'I PHAN YON RGYA CHEN PO DE LTA BU DANG GZHAN YANG DGOS PA KHYAD PAR CAN MANG PO MTHONG NAS JI SKAD DU, 'JAM DPAL RTZA RGYUD LAS, YI GE HA BYA DGE DANG LDAN, ZHES DPAL MNYAM MED RI BO DGE LDAN PA'I RING LUGS DRI MA MED PA BYANG NAS BYANG GI PHYOGS MTHAR DAR BAR LUNG BSTAN PA BZHIN GYI DUS LA BABS PA NA, DPAL PHRENG SENG GE NGA RO'I MDO LAS RGYAL SRAS KYI SMON LAM MTHA' KLAS PA SMON LAM CHEN PO GCIG GI NANG DU 'DUS SHING CHUB PA NI DAM PA'I CHOS 'DZIN PA'I SMON LAM DU GSUNGS PA DANG, LUNG GZHAN LAS KYANG,
, ,DE TSE GRAGS CHEN RGYAL SRAS RNAMS PHYOGS DER BSTAN PA 'DZIN PAR SMON, ZHES GSUNGS PA LTAR, RGYAL SRAS BDAG NYID CHEN PO RNAMS NI YUL DANG DUS GANG NA SANGS RGYAS KYI BSTAN PA DAR BA DER BSAMs BZHIN SKYE BA BZHES NAS GDUL BYA'I SKAL BA DANG 'TSAMs PAR THEG PA GSUM GYI BYANG CHUB TU BKRI BAR MDZAD PA NI RGYA MTSO'I RLABS BZHIN DUS LAS YOL BA NAM YANG MI SRID PAS, BDAG NYID CHEN PO LUNG DANG MNGON PAR RTOGS PA'I YON TAN RIN PO CHES THUGS KYI BUM BZANG LEGS PAR GTAMS SHING, ZAB RGYAS CHOS KYI CHAR ZIM BUS BYANG PHYOGS KYI SKYE 'GRO RNAMS SMIN GROL GYI LAM BZANG PO LA 'KHRID PA'I 'DREN MCHOG DGON SDE 'DI NYID DANG RANG CAG RNAMS LA BKA' DRIN 'KHOR MTHA' MA MCHIS PA 'JAM MGON BSTAN PA'I NYIN BYED RIG GNAS CHEN PO LNGA LA MKHAS PA'I PHA ROL TU PHYIN PA RJE BTZUN BLA MA MAH'A PAndI TA BLO BZANG DPAL 'BYOR LHUN GRUB RAB RGYAS DPAL BZANG PO'I ZHAL SNGA NAS DANG, BDE BAR GSHEGS PA'I MDO SNGAGS KYI GZHUNG LUGS RAB 'BYAMS KYIS MGRIN PAR BRGYAN PAS 'JIG RTEN KUN GYI MIG TU GYUR PA RJE NGAG DBANG BSTAN 'PHEL BA'I ZHAL SNGA NAS DANG, RGYAL BA'I GSUNG RAB RAB 'BYAMS LA MKHAS SHING SDOM GSUM GYI BCAS MTSAMS LAS NAM YANG MI 'DA' BA'I BRTUL ZHUGS CAN RJE NGAG DBANG BSTAN PA DPAL BZANG PO DANG, MDO SNGAGS KYI BSTAN
PA'I MNGA' BDAG BSKYED RDZOGS ZAB MO'I RTOGS PA KLONG DU GYUR PA'I RDO RJE 'DZIN PA CHEN PO NGAG DBANG DPAL 'BYOR PA'I ZHAL SNGA NAS DANG, SDE SNOD RGYA MTSO LTA BU'I PHA ROL TU SON CING SGRUB PA'I RGYAL MTSAN BTZUGS PAR MDZAD NAS GRUB PA'I GO 'PHANG MTHON POR GSHEGS PA RDO RJE 'CHANG LHA BTZUN RIN PO CHE NGAG DBANG SBYIN PA DPAL BZANG PO SOGS DAM PA GONG MA ZAM MA CHAD PAR BYON PA SLOB BRGYUD DANG BCAS RMAD BYUNG THUGS BSKYED RTA LJANG SHING RTA BDUN GYIS DRANGS TE, SKAL BZANG GDUL BYA'I BSOD NAMS YANGS PA'I LHA LAM NGOS LA YANG YANG MNGON PAR SHAR NAS, SKYE DGU'I LEGS BYAS KYI PAD TSAL CIR YANG BZHAD PAR MDZAD CING, KLOG PA THOS BSAM, SPONG BA BSAM GTAN, BYA BA LAS KYI 'KHOR LO GSUM GYIS SDE 'DI 'DZIN SKYONG SPEL BA'I 'PHRIN LAS KYIS RLABS CHER BSKYANG BA DANG, DE NAS DUS KYI DBANG GIS GDAN SA'I KHUR BZUNG BA'I RIS MOS SU SON PA MTHO YOR MI GRAL DU CHUD PA LTA BU BDAG NI 7 'KHON STON CHOS KYI RGYAL PO'I RANG BSTOD MCHOG THUN MAR, DE DAG KUN DANG LAS SMON 'BREL CHES PAS, ,THAR PA SGRUB PA'I RTEN BZANG 'DI THOB PAR,, SKYE BA RIM PAR BRGYUD PA KHYOD YIN ZHES, ,'GA' YIS RAB BTAGS MDZAD LA GSOL BA 'DEBS, ZHES GSUNGS PA LTAR RANG NYID DAM PA DE DANG DE DAG GI SKYE ZLA MIN PA RANG BLO RANG LA LKOG TU MA GYUR PAS THAG CHOD KYANG,
, ,KHANG STENG CHOS KYI 'KHOR LO RI DVAGS PHO MO DANG BCAS PA SOGS GANG CI NAS PHUN SUM TSOGS SHING, KHYAD DU 'PHAGS PA YOD PA'I RGYU SONG RIN GONG DNGUL THOG TU PHABS PAR RIN CHEN GNYIS PA SRANG CHIG KHRI DRUG STONG LNGA BRGYA ZHO GANG BYUNG NGO,, SMRAS PA, STON PAS RDZAS LAS BYUNG BA'I BSOD NAMS BDUN, ,ZHES BSNGAGS NANG NAS MCHOG GSUM BSTI BA'I GNAS, ,GTZUG LAG KHANG CHEN GRA BSHAG GRANGS MANG BCAS, ,RGYAL BYED TSAL GYI DPE ZLAR 'OS PA 'DI, ,NYER BSKRUN DGE BAS THUB BSTAN YANG SNYING PO, ,GSER ZHUN COD PAN 'DZIN PA'I RMAD BYUNG BSTAN, ,PHYOGS DUS KUN TU DAR ZHING DE 'DZIN PA'I, , SKYES MCHOG RNAMS KYI MDZAD 'PHRIN RGYAS GYUR CIG ,MKHA' MNYAM LUS CAN MTHA' DAG RDZOGS LDAN GYI, ,DPAL LA DGYES DGUR SPYOD CING 'DI BYED PO'I, ,SROG GI KA BA BRTAN CING SKYE PHRENG DU, ,'GRO KUN 'DI PHYI'I BDE BA SGRUB NUS SHOG ,CHE BRJOD 'DI YANG DNGOS PO'I 'DU SHES KYIS, ,BDAG BZUNG DPE KHRI'I RGYAN DU MI 'DZIN PAR, ,BRJOD DON NYAMS SU BLANG NAS GANDHO LA'I, ,SRI ZHU BSNYEN BKUR DAG LA BRTZON GYUR CIG ,'DIR GNAS MCHOG DMAN GANG YANG DKON MCHOG GI ,RDZAS LA SBAGS? PA DKOR ZAN TSOGS 'DUS PA'I, ,MI SNYAN GTAM GYIS GZHAR YANG MI GNOD PA, ,BLANG DOR TSUL
BZHIN BYED PAS GANG GYUR CIG (,CES CHOS SDE CHEN PO DGA' LDAN THEG CHEN BSHAD SGRUB GLING GI DKAR CHAG DRI MED SHEL DKAR ME LONG ZHES BYA BA 'DI 'ANG GNAS MCHOG BKRA SHIS BSAM GTAN PHO BRANG GI GZIMS CHUNG RAB ZHI BDE LDAN DGA' TSAL DU ZLA 9 TSES 10 BZANG POR SPEL BA'O,, ,,