, (,JO BO BYANG CHUB CHEN PO NGAN SONG KUN SGROL GYI CHE BRJOD PHAN BDE MA LUS 'BYUNG BA'I BSAM 'PHEL NOR BU ZHES BYA BA BZHUGS SO, ,)
, ,NA MO GU RU MU NI AINDRA YA, ZHING 'DI'I GDUL DKA'I 'GRO RNAMS KUN DOR TSE, ,THUGS RJES NYER BZUNG SRAS BCAS RGYAL RNAMS KYIS, ,PAD DKAR LTAR BSNGAGS RNAM 'DREN KUN GYI GTZO; ;STON PA MNYAM MED SH'AKYA'I RGYAL POR 'DUD, ,ZLA MED STON PA DE YI ZHAL SKYIN MCHOG ,BYIN RLABS GZI 'OD 'BAR BA'I SKU'I SNANG BRNYAN, ,MTHONG THOS DRAN PAS SMIN CING GROL MDZAD PA, , BGRANG YAS LUS CAN GTZUG NA RTAG TU RGYAL, ,DGON 'DI'I BSRUNG MA SPYI DANG KHYAD PAR DU, ,NAG PHYOGS DPUNG 'JOMS MTHU LDAN KUN GYI GTZO, ,MA GCIG 'DOD KHAMS DBANG PHYUG 'KHOR BCAS KYIS; ;RNAM PA KUN TU DGE LEGS MTSAN MAS SKYONGS, ,ZHES STON PA'I YON TAN DANG BKA' DRIN RJES SU DRAN PAS BSTOD BSNGAGS KYI ROL MOS LAM YANGS POR BYAS NAS GANG GLENG BAR BYA
, ,BA NI; BDAG CAG SNYIGS MA'I 'GRO BA KUN LA RGYAL DANG RGYAL SRAS THAMS CAD LAS THUGS RJE DANG BKA' DRIN CHE BA MNYAM MED STON PA THUGS RJE CAN 'DI NYID SNGON BSKAL PA DPAG TU MED PA'I SNGA ROL NAS SANGS RGYAS ZIN NA'ANG SLAR YANG SNYIGS MA LNGA CHES CHER BDO BA'I DUS SU ZHING 'DIR MDZAD PA BCU GNYIS KYI RNAM PAR ROL BAS SKU DNGOS KYI GDUL BYA RNAMS SMIN CING GROL BAR MDZAD NAS MYA NGAN LAS 'DAS PA'I TSUL STON PAR DGONGS PA NA 'OD SRUNGS CHEN PO LA BSTAN PA GTAD DE LO LNGA STONG DU GNAS PAR BYIN GYIS BRLABS, SKU GZUGS KYIS 'DUL BAR BYA BA RNAMS KYI DON DU BZO BO SPRUL SKU RNAMS KYIS SKU BRNYAN BRIS 'BUR SNA TSOGS GDUL BYA'I BSOD NAMS KYI ZHING DU BZHENGS PA DANG, STON PA NYID KYI SKU GZUGS GANG DU BZHUGS PA'I
GNAS SU BSTAN PA DAR BA DANG, SANGS RGYAS ZHAL BZHUGS DUS SU SKU DNGOS LA MCHOD PA DANG, MYA NGAN LAS 'DAS PA'I RJES SU SKU BRNYAN DANG MCHOD RTEN LA MCHOD PA BSOD NAMS MNYAM PAR THOB PA SOGS KYI BKA' CHEM MANG DU STZAL ZHING, GZHAN YANG, MDO MYANG 'DAS LAS, RTAG TU DGA' BA'I SEMS BSKYED DE, ,SANGS RGYAS GZUGS SAM RTEN YANG RUNG, ,MTHE BONG TZAM ZHIG GAR BYAS PA, ,MI G-YO ZHING DER SKYE BAR 'GYUR, ZHES DANG, BDE MCHOG SDOM 'BYUNG LAS, SNGAGS PA LAS NI DANG PO PAS, ,GZUGS BRNYAN LA SOGS BYA BA STE, ,BRIS SKU BSGRUB NA MYUR BAR NI, ,DNGOS GRUB RGYA CHEN THOB PAR 'GYUR, ZHES GSUNGS, DE BZHIN DU RMAD DU BYUNG BA'I CHOS KYI RNAM GRANGS, 'JAM DPAL RTZA RGYUD SOGS MDO RGYUD DU MA NAS SKU GSUNG THUGS RTEN BZHENGS PA'I PHAN YON RGYA CHER GSUNGS SHING, DE LA BRTEN NAS RGYA GAR 'PHAGS PA'I YUL DANG, BOD GANGS CAN GYI LJONGS CHEN PO, HOR GYI RGYAL KHAMS SOGS SU PAn GRUB DANG, CHOS RGYAL RIM 'BYON RNAMS KYIS STON PA'I SKU GZUGS SOGS SKU GSUNG THUGS RTEN GTZUG LAG KHANG DANG BCAS PA BZHENGS TE 'GRO BA KUN GYI GTAN BDE'I RTZA BA TSUGS PAS SA STENG THAMS CAD KHYAB PAR MDZAD PA NI SNGON BYUNG LO RGYUS RNAM THAR KHUNGS THUB RNAMS SU GSAL BA LTAR YIN NO, ,DA LAM AOR TU SU TA LAD PES ZE'I SHOG BKRA SHIS THEG CHEN CHOS GLING GI BLA MA KHRI THOG PA BSTAN 'GROR SMAN PA'I SMON LAM GYI MTHU LEGS PAR GRUB CING, SNYING STOBS PHUL DU PHYIN PA'I SKYES MCHOG SPRUL
, ,PA'I SKU BLO BZANG BSTAN 'DZIN NYI MA NAS SNGON BYON DAM PA'I RNAM THAR BDAG GIR MDZAD DE LHA LDAN JO BO RIN PO CHE RNAM GNYIS DANG CHA TSAD MTSUNGS PA'I JO BO RNAM GNYIS GSER ZANGS LAS BZHENGS RGYU'I THUGS 'DUN BYUNG (NAS NGOS) RANG LA BZO BKOD PHUN SUM TSOGS PA YONG DGOS TSUL MOL BYUNG BAR DBU RGYAN DANG STOD G-YOGS SKU'I CHA TSAD SOGS GANG CIR LHA LDAN RTEN GTZO JO BO RNAM GNYIS DANG CHA MTSUNGS PA'I BKOD PA ZHIB TU BYAS NAS MTSO BDUN GYI BZO RIG MKHAS PAR SBYANGS PA'I RGYA BZO 'GA' ZHIG LA BZOR CUG MOD RGYA'I LHA BZO KHA MI NYAN PAS DAG BKOD LTAR MI YOD KYANG DKYUS MA LAS KHYAD THON PA 'DI NI RAB BYUNG BCU BZHI PA'I ME PHO SPRE'U LO'I ZLA(5)? TSES(1) NAS BZO GRVA TSUGS, ME MO BYA LO'I ZLA(8) TSES(15) KYI BAR GANG CIR BZO BKOD PHUN SUM TSOGS PA BYON LEGS PA RGYU DANG BKOD PAS MDZES PAR BSGRUBS SHING, NANG GZHUG LA RING BSREL RNAM BZHI GANG 'DZOM BGYIS PA'I THOG MAR SROG SHING AA KA RU BSHAD TSOD DANG MTHUN PAR BCOS PA'I RTZER RNAM RGYAL MCHOD RTEN, ZHABS LA SNA TSOGS RDO RJE LOGS SU GZUNGS SNGAGS ZAB MO GSER GYIS BRIS PA, CHOS SKU'I RING BSREL THOG MAR 'BRI PAR BTAB PA SOGS NANG DU BZHUGS RGYU THAMS CAD LA BGEGS BSKRAD RAB GNAS GNAD SMIN BYAS, GZUNGS 'BUL DNGOS GZHIR RGYUD DANG DAM BA'I PHYAG BZHES LTAR, DBU'I DBYINGS GTZUG TOR GYI NANG DU DE BZHIN GSHEGS PA'I 'PHEL GDUNG GSUM, RIG PA CHEN MO'I GZUNGS, NOR BU RGYAS PA'I GZHAL MED KHANG GI GZUNGS, BLA MA BRGYUD PA'I MTSAN SNGAGS, SANGS RGYAS
BYANG SEMS NYAN RANG GI MTSAN SNGAGS, GTZUG TOR 'KHOR SGYUR SOGS KYI SNGAGS GANG MANG, MGRIN PAR HAL HA RJE BTZUN DAM PA SKU PHRENG BZHI PA'I PHYAG PHRENG RDOG GSUM DANG AA LI KA LI'I GZUNGS GANG MANG, THUGS KAR YE SHES SEMS DPA'I TSUL DU 'PHAGS YUL LI MA STON PA THUB PA'I DBANG PO'I SNANG BRNYAN MDZUB GANG BYIN RLABS KYI GZI 'OD 'BAR BA KUN GZIGS PAn CHEN BLO BZANG DPAL LDAN YE SHES DBANG PO'I SKU GZAN GYI NA BZA' CAN, SKU STOD LA BYANG SEMS CHOS 'PHAGS KYI TSEMS, BYANG CHUB 'OD KYI SKU SHA, RJE BTZUN DAM PA SKU GONG MAS DRIL GNANG BA'I RGYA BOD KYI PAn GRUB DU MA'I BYIN RTEN KHU BSDUS, 'BROM RGYAL PA'I 'BYUNG GNAS KYI DBU LO, MKHAS GRUB RJE, BA SO PA PAn CHEN CHOS RGYAN GSUM GYI NA BZA', PAn CHEN SH'AKYA SHRI'I SKU CHOS, PAn CHEN N'A RO PA'I BUM CHU, GRUB CHEN AO RGYAN PA'I SGOM THAG ,SGAM PO PA'I DBU LO, BLA MA DAM PA BSOD NAMS RGYAL MTSAN GYI SNAM SBYAR, DPEN SA PA'I DBU LO, MCHIMS NAM MKHA' GRAGS KYI DBU ZHVA, RVA LO TZ'A BA'I NA BZA', PHAm MTHING PA YAB YUM GYI NA BZA', SRAS DAR MA MDO SDE'I NA BZA', SA SKYA BDAG CHEN MTHU STOBS DBANG PHYUG GI DKAR CHAS, CHOS RJE DON GRUB RIN PO CHE'I PHYAG LCAG, KARMA MTHONG BA DON LDAN GYI DBU LO, RGYAL BA BLO BZANG DON GRUB KYI NA BZA', PAn CHEN BLO BZANG CHOS RGYAN GYI DBU LO, RGYAL DBANG BLO BZANG RGYA MTSO'I NA BZA', RGYAL DBANG BSKAL BZANG RGYA MTSO'I NA BZA', DE'I DBU LO, PAn CHEN DPAL LDAN YE SHES KYI NA BZA', RGYAL DBANG 'JAM
, ,DPAL RGYA MCHA'I DBU SDAS, DE'I SKU CHOS, RGYAL BA LUNG RTOGS RGYA MTSO'I DBU LO, DE'I SKU 'GAGS KYI NANG SHA, PAn CHEN PHYOGS LAS RNAM RGYAL GYI NA BZA', GTER BDAG GLING PA'I DBU LO, 'JAM DBYANGS BDE BA'I RDO RJE'I DBU LO; PAD DKAR 'DZIN PA YE SHES RGYA MTSO'I GDUNG THAL, RJE YE SHES RGYAL MTSAN, KLONG RDOL GRUB CHEN GNYIS KYI GDUNG RUS, GDUNG THAL, RDO RJE 'CHANG LCANG SKYA ROL PA'I RDO RJE'I NA BZA', YONGS 'DZIN PAndI TA KHRI CHEN NGAG DBANG SNYAN GRAGS KYI DBU LO, DE'I GDUNG THAL, YONGS 'DZIN YE SHES RGYAL MTSAN GYI NA BZA', DE'I SKE RAGS, DE'I DBU LO, KLONG RDOL RIN PO CHE'I MTHANG GOS KYI TSAL BU, DE'I NA BZA', RJE DRUNG RIN PO CHE'I NA BZA', GUNG THANG RDO RJE 'CHANG DKON MCHOG BSTAN PA'I SGRON ME'I DBU LO, KHRI CHEN BYANG CHUB CHOS 'PHEL GYI DBU LO, RDO RJE 'CHANG 'JIGS MED RIGS PA'I SENG+GE'I DBU LO, SGO MANG MKHAN RIN PO CHE'I SPUR RAS, DON KUN GRUB PA'I RIL BU, RTEN 'DAM SKYE DGU'I SNYING NOR, RIN CHEN RIL BU RNAM GRANGS MANG PO, YANG BSKYAR LAG 'BYOR GRAS JO BO AA TI SHA'I SNAM SBYAR GYI TSAL BU, CHOS RJE DON GRUB RIN PO CHE'I SKU GDUNG GI BDUD RTZI, RJE RIN PO CHE'I SNAM SBYAR GYI TSAL BU, DE'I NA BZA'I TSAL BU, RJE RIN PO CHE DANG, RGYAL BA BLO BZANG DON GRUB GNYIS KYI DBU LO, BU STON RIN PO CHE'I ZHABS BCAGS TSAL BU, BLA MA ZHANG GI ZHABS BCAGS TSAL BU, RGYAL DBANG DGE 'DUN GRUB PA'I DBU ZHVA'I TSAL BU, DE'I BZHUGS GDAN, RGYAL DBANG BSOD NAMS RGYA MTSO'I SKU CHOS KYI
TSAL BU, RGYAL DBANG LNGA PA'I SGOM THAG ,RGYAL DBANG BRGYAD PA'I SKU CHOS, RGYAL DBANG SKU PHRENG GSUM GYI SPUR TSVA, RGYAL DBANG DGU PA'I SKU 'GAGS KYI TSAL BU, DE'I ZHAL PHYIS, SHAR RTZE ZUR BZHUGS RJE BLO BZANG YON TAN GYI DBU LO, DUS 'KHOR PAndI TA YE SHES BSTAN PA DAR RGYAS KYI SKU 'GAGS KYI NANG SHA, BLA MA BLO BZANG SNYAN GRAGS KYI SNE RINGS SBUBS, BLA MA SANGS RGYAS RDO RJE'I SGOM ZHVA SBUBS, GSER GDUNG RIN PO CHE'I NA BZA', YI DAM PADMA DBANG CHEN KYI NA BZA' SOGS, RGYAL DBANG YAB SRAS KYI PHYAG TSVA'I? SKOR LA RJE RIN PO CHE, PAn CHEN CHOS RGYAN, RGYAL DBANG LNGA PA, BKA' GDAMS LHA BZHI(3), THUB PA, MI 'KHRUGS PA(2), 'OD DPAG MED(2), TSE DPAG MED, RDO RJE SEMS DPA'(4), 'JAM DBYANGS, SPYAN RAS GZIGS, RNAM 'JOMS, DBYANGS CAN MA, SGROL LJANG, SGROL DKAR(2), GSANG 'DUS, 'JIGS BYED, RTA MGRIN DBYUG THO CAN, GZHAN BSNYEN RDZOGS THUB PA, 'JIGS BYED RVA PAR MA(2), RJE BTZUN DAM PA'I PHYAG TSVA MKHA' SPYOD MA, GNAS MCHOG BSOD NAMS KUN SDUD GLING GI BLA BRANG NAS BZHENGS PA'I SKU PAR MDUN RGYAB YOD PA'I PADMA 'BYUNG GNAS, AA TI SHA, RJE RIN PO CHE RNAMS DANG, GZHAN YANG RJE BTZONG KHA PA; LCANG SKYA ROL PA'I RDO RJE, PHA DAM PA, MI LA, THUB PA, 'OD DPAG MED, MI 'KHRUGS PA, SMAN BLA, TSE LHA GSUM, TSE DPAG MED, RNAM RGYAL MA, 'JAM DBYANGS, BYAMS PA, RDO RJE SEMS DPA', SGROL(3) LJANG, SGROL DKAR(2),
, ,GDUGS DKAR(2), RDO RJE 'CHANG, DBYANGS CAN MA, 'OD ZER CAN MA, LO MA GYON MA, 'JIGS BYED, 'KHOR CHEN, RTA MGRIN YANG GSANG, RTA MGRIN GSANG SGRUB, PHYAG RDOR, N'A RO MKHA' SBYOD, KU RU KU LLE, GNAS BRTAN BCU DRUG, MGON PO PHYAG DRUG PA, ZHAL BZHI, LHA MO, RNAM SRAS, LCAM SRID RNAMS DANG, DAR CHEN DANG SHOG BU CI RIGS LA PAR MAR BZHUGS PA'I JO BO MAH'A BODHI BRGYA RTZA, JO BO MI BSKYOD RDO RJE NYIS BRGYA, BDE GSHEGS SO LNGA? STONG PHRAG GSUM DANG BDUN BRGYA, SMAN BLA KHRI PHRAG GCIG DANG DGU BRGYA, MI 'KHRUGS PA 'BUM PHRAG GCIG DANG NYIS STONG BZHI BCU, SGROL LJANG NYIS STONG SUM BRGYA BZHI BCU, DON YOD ZHAGS PA LNGA BRGYA BZHI BCU, NYI GZHON 'CHAR KA MA'I TSE DPAG MED BZHI BRGYA, RJE BLA MA SUM BRGYA, LA L'I TA BADZRA LNGA BCU, RJE MI LA BRGYA DANG NYI SHU, 'OD ZER CAN MA BRGYA DANG BZHI BCU, SGROL DKAR KHRI PHRAG GSUM DANG BRGYAD BRGYA, RNAM RGYAL MA KHRI PHRAG GNYIS DANG BRGYAD BRGYA, TSE DPAG MED KHRI PHRAG GNYIS DANG BRGYAD BRGYA RNAMS DANG, SROG SHING BRTAN PA DANG, BLA MED KYI GZUNGS MANG DU BZHUGS, DE'I 'OG KUN RIG SOGS RNAL 'BYOR RGYUD KYI GZUNGS DANG, SKU SKED LA SPYOD RGYUD RNAM SNANG MNGON BYANG DANG, MI 'KHRUGS PA SOGS BYA RGYUD KYI SNGAGS DANG, LTE 'OG GZUNGS CHEN SDE LNGA, YAS MAS THAMS CAD DU 'KHRUG SEL RIG PA PHUG RON GYI GZUNGS GANG MANG, PAD GDAN LA BKRA SHIS KYI TSIGS BCAD DANG BRTAN BZHUGS, CHOS SKYONG BSRUNG MA'I GZUNGS SNGAGS, SENG KHRI'I NANG DU
GNOD SBYIN PHO MO DANG TSOGS BDAG 'KHOR LO, GTER BUM GCIG, GNAS CHEN RNAMS KYI SA SNA RDO SNA SOGS BYIN LDAN BKRA SHIS PA'I RDZAS MANG POS LEGS PAR BKANG STE, JI SKAD DU, RDUL GCIG STENG NA RDUL SNYED SANGS RGYAS RNAMS, ZHES GSUNGS PA LTAR ZUNG 'JUG GI YON TAN LA NGES SHES RNYED PA'I RTOGS PA'I KLOD? RDOL BA RNAMS LA RAB GNAS BYAS MA BYAS KYI KHYAD CHEN PO MED MOD SKYE BO RNAM RTOG NGAN PA CAN RNAMS KYIS YE SHES PA DNGOS SU MI BZHUG SNYAM PA SOGS KYI DOGS PA SEL PHYIR RAB GNAS BYA BAR RGYUD LAS GSUNGS PA LTAR ME BYA ZLA(9) TSES(4) NYIN RAB GNAS TSAD LDAN BYAS SHING 'BUL YON GYA NOM PAS ZHING GI MCHOG RDO RJE SLOB DPON DANG DGE 'DUN PA RNAMS THUGS MNYES PAR BYED PA LAGS, DE LTA BU'I RTEN KHYAD PAR CAN 'DI LA PHYAG MCHOD BSKOR BA SOGS BGYIS NA 'DI PHYI'I GTAN GYI 'DUN MA LHUN GRUB TU 'BYUNG BAS DE'I TSUL LA NGES PA RNYED PHYIR PHAN YON BSTAN PA NI DAM CHOS PAD DKAR LAS, BDE GSHEGS RING BSREL LA NI CUNG ZAD KYANG, ,SIL SNYAN GCIG BRDUNGS PA YI SGRA BYUNG BA, ,ME TOG GCIG TZAM GYIS NI MCHOD PA DANG, ,BDE GSHEGS GZUGS NI RTZIG NGOS BRIS PA LA, ,'KHRUGS BZHIN PA YI SEMS KYIS MCHOD NA YANG; ;DE DAG RIM GYIS SANGS RGYAS BYE BA MTHONG, ,MCHOD RTEN DE LA GANG GIS THAL MO SBYAR, ,YONGS SU TSANG BA'I THAL MO YA GCIG GAM, ,YANG NA MGO BO SKAD CIG BTUD PA DANG, ,DE BZHIN LUS KYANG LAN CIG BTUD PA
, ,DANG; ;GANG GIS RING BSRIL GNAS PA DE DAG LA, ,YENGS PA'I SEMS KYIS SANGS RGYAS PHYAG 'TSAL ZHES, ,TSIG GCIG LAN 'GA' BRJOD PAR BYAS PA YANG, ,DE DAG KUN GYIS BYANG CHUB MCHOG 'DI 'THOB,, CES SOGS GSUNGS PA RNAMS LA NGES PA GTID TSUGS PA RNYED PAR BYA, DE'ANG LHA LAS PHUL BYUNG LAS, SNYING NAS DAD DAM JI LTAR DGA' BA DANG, ,THE TSOM GYIS SAM GZHAN GYI NGOR YANG? RUNG, ,GANG ZHIG THUB DBANG DE LA PHYAG BYED PA, ,DE RNAMS LHA MI'I BDE BA PHUN TSOGS 'THOB, CES PHAN YON MTHA' YAS MU MED GSUNGS PAS MCHOD PA'I DNGOS PO CI 'BYOR PAS MCHOD PA DANG, PHYAG DANG BSKOR BA LA 'GRUS PAR BYA ZHING THA NA SPOS DANG ME TOG NYAG MA RE DANG PHYAG SKOR LAN RE LAS MA BYUNG YANG DE DAG GI TSE CHOS DBYINGS THAMS CAD RIGS GCIG PA'I TSUL DRAN PA SOGS SEMS BSKYED BSNGO BA STONG NYID RTOGS PA'I SHES RAB GSUM GYIS ZIN PAR BYAS NA SANGS RGYAS THAMS CAD LA PHYAG MCHOD BYAS PAR GYUR PA SOGS PHAN YON DPAG TU MED PA BLA LHAG TU 'THOB PAS BDAG LEGS SU 'DOD PA RNAMS KYIS DAL 'BYOR LAN GCIG THOB PA'I DUS 'DIR DE LTA BU'I TSUL LA BRTZON PA LHUR LEN TE RTEN BZANG THOB PA DON LDAN DU 'GYUR PA LA RTZAL CI YOD KYIS 'BAD PA LHUR BYA'O,, SMRAS PA, MDZES SDUG BLTABS MI DOM? BDE GSHEGS SKU, ,MTHONG BA'I MOD LA NYON MONGS DPAL 'JOMS SHING, ,JI SNYED BSKAL BAR BSAGS SDIG DRUNGS 'BYIN NA, ,DE LA BLO LDAN SU ZHIG DAD MI
BYED; ;DE PHYIR 'DI SNANG BYA BAS MI G-YENGS PAR, ,BDAG GI STON PA DNGOS SU BYON 'DRA BA'I, ,SKU GZUGS MCHOG 'DIR MOS GUS DAD SEMS KYIS, ,PHYAG MCHOD SRI ZHU SGRUB LA BRTZON PAR 'TSAL, ,PHAN BDE'I 'BYUNG GNAS GZUGS SKU'I RGYAL MTSAN MCHOG ,NAM MKHA' DE BZHIN GZHAN PHAN RGYA CHE ZHING, ,GANG+G'A'I RGYUN BZHIN GZHAN DON YUN RING BAR, ,DPAG BSAM 'BRAS BZHIN GZHAN PHAN LHUN 'GRUB SHOG ,RTEN 'DIR 'BREL THOGS MCHOG DMAN SKYE BO KUN, ,SKYE BA KUN TU ZLA MED STON PA YIS, ,RJES GZUNG GSUNG GI BDUD RTZI MYONG BA'I MTHUS, ,RNAM 'DREN THUB DBANG DE DANG MTSUNGS PAR SHOG ,CES AOR TO SU TA LAD PES ZE'I SHOG BKRA SHIS THEG CHEN CHOS GLING GI RTEN GTZO JO BO BYANG CHUB CHEN PO NGAN SONG KUN SGROL GYI CHE BRJOD PHAN BDE MA LUS 'BYUNG BA'I BSAM 'PHEL NOR BU ZHES BYA BA 'DI NI, 'JAM MGON BSTAN PA'I GSAL BYED DAM PA SPRUL PA'I SKU RIN PO CHE BLO BZANG BSTAN 'DZIN NYI MAS 'PHRAL DU SGRIGS DGOS ZHES BSKUL MA MDZAD PA LTAR 7 ZHVA SER COD PAN 'DZIN PA RNAMS KYI thA SHAL DUS MTHA'I DGE SBYONG GI GZUGS BRNYAN DGA' LDAN BSTAN PA'I GSAL BYED LCANG LUNG AARYA PAnti TA HO THOG THU NGAG GI DBANG PHYUG BLO BZANG BSTAN PA'I RGYAL MTSAN DPAL BZANG POS ME BYA ZLA(12) TSES(15) LA GNAS MCHOG BSOD NAMS KUN SDUD GLING GI BLA BRANG BKRA SHIS BSAM GTAN PHO BRANG NAS BRIS PA DGE LEGS 'PHEL,,