, (,MYOS 'GYUR 'THUNGS PA'I SKYON MTSANG LEGS PAR BSHAD PA SMYO CHU SUN 'BYIN ZHES BYA BA BZHUGS SO, ,)
, ,MANYDZU SHRI NA NE MA SARB'A SMI MANG+GA LAm SHE YA PRA YA TZTSA, DPAL LDAN TSOGS ZUD ZLA BA'I MA MA LAS, ,NYER 'KHRUNGS DUS GSUM MKHYEN PA CHU SHEL DBANG, ,THUGS RJE'I 'OD KYIS LEGS BYAS DGA' BA'I TSAL, ,RGYAS PAR MDZOD CIG RNAM 'DREN ZAS GTZANG SRAS, ,DRAN SHES KYO BAS GZHAR YANG MA 'THUL ZHING, ,DUG GI SNYING PO MYOS CHU 'THUNGS PA YIS, ,MI BZAD DMYAL BA'I G-YANG KHAR LHUNG BA LA; ;CI YANG MI SEMS BLUN RMONGS SNYING RJE'I GNAS, ,BLANG DOR CHOL BAR SPYOD RNAMS SPA BKONG ZHING, ,LEGS NYES 'BYED PA'I MKHAS MANG DGA' BSKYED PA'I, ,SNGON MED RIN CHEN PHRENG MDZES 'DIR SPEL GYI, DGA' BZHIN MGU BAS MGUL BA'I RGYAN DU LONGS, 'DIR 'O SKOL GYI STON PA THUGS RJE CAN DANG DE'I RJES 'JUG RGYA BOD KYI MKHAS GRUB SNGA PHYIR BYON PA RNAMS MGRIN GCIG DBYANGS GCIG GIS BDAG CAG MUN PA'I
, ,GLING DU CHUD PA RNAMS LA LEGS PAR BSHAD PA'I SKYES RIN PO CHE LTA BU MANG DU STZAL BA LAS CHANG GI NYES DMIGS GSUNGS PA RNAMS MDO TZAM ZHIG BSDUS TE BRJOD PAR BYA'O, ,DE'I BYUNG KHUNGS NI; ;RJE BDAG NYID CHEN PO SLOB DPON RIN PO CHE PADMA K'A RA'I ZHAL NAS, PHUD KROL KUN GYI RTZA BA CHANG ZHES GRAGS PA 'DI NI, SNGON BSKAL BA BZHI STONG SUM BRGYA BRGYAD CU RTZA DRUG 'DAS PA NA, DE BZHIN GSHEGS PA ZLA BA'I 'OD CES BYA BA 'JIG RTEN DU BYON NAS, CHOS 'KHOR BSKOR BA DE'I DUS SU SANGS RGYAS LAS CHOS NYAN BA'I SEMS CAN LHA DANG, LHA MA YIN DANG, MI DANG, MI 'AM CI DANG, DRI ZA DANG, LTO 'PHYE DANG, KLU LA SOGS PA 'KHOR DANG BCAS PA THAMS CAD 'DUS TE, DE BZHIN GSHEGS PA LAS CHOS NYAN PA DE'I DUS SU, SEMS CAN LA GNOD PA BYED PA'I RGYAL PO BDUD SDIG CAN ZHES BYA BA ZHIG MA BZOD NAS, DE BZHIN GSHEGS
PA LA SEMS CAN MANG PO 'DI LTAR 'DUS PAR GYUR NAS, NGA LA SEMS CAN MANG PO MI YONG BA 'DI CI YIN SNYAM NAS SMRE SNGAGS 'DON TE MNAL BA'I TSE, RGYAL PO BDUD SDIG CAN DE'I BSRUNG MA LHA GTUM CHEN NAG PO ZHES BYA BAS, RGYAL PO'I RMI LAM DU RGYAL PO KHYED MYA NGAN MA BYED CIG ,NGAS KHYOD LA GDAMS PA BYIN PAR BYA YI ZHES 'DI SKAD SMRAS SO,, SENG GE SMYON PA'I KLAD PA, GLANG CHEN SMYON PA'I KHA CHU, DUG SPRUL GYI LCE, SBRANG SMYON, KHYI SMYON PA'I KHA LUNG, BDUD KYI BRO MKHAN DGU'I RKANG MAR, RO ZA BA'I SPYANG GI MIG 'BRAS, DUN GYI SHA ,SRIN MO'I MNGAL KHRAG STE RDZAS DGU PO DE DAG BSGRUB PA'I DUS SU DMOD SDAGS BZLAS SHING LDE GU BYAS NAS BSGRUB NA CHANG ZHES BYA BA DUG GI KLUNG CHEN PO 'BYUNG NGO ZHES RMIS SO, ,RGYAL PO BDUD SDIG CAN DE GNYID SAD NAS RAB TU DGA' STE, RDZAS DE DAG THAMS CAD 'TSOG PAR BYAS NAS BRAG RI CHEN PO'I SPO LA RDO'I PHRU BA LEGS PAR BCOS TE, RDZAS DE DAG BSGRUBS PAS CHANG GI BCUD KLUNG CHEN PO 'BAB PAR GYUR TO, ,DE'I TSE SANGS RGYAS LAS CHOS NYAN PA'I SEMS CAN THAMS CAD DE CHU SNYAM NAS 'THUNGS BAS MYOS SHING RAB TU RMONGS PAR GYUR TO, ,CHANG DE'I DUG SA LA THIM PAS 'BRU'I CHANG DANG BCOS PA'I CHANG GNYIS PO BYUNG NGO, ,RGYAL PO BDUD SDIG CAN DE DGA' ZHING, SANGS RGYAS KYI DRUNG DU 'DUS PA DANG, BDUD RANG LA 'TSOGS PA'I SEMS CAN GYI MANG NYUNG JI SNYED CIG YOD SNYAM 'GRAN PAR BLTAS PAS, CHA GNYIS LAS PHAL CHE BA NI SANGS RGYAS KYI DRUNG DU 'DUS SHING CHA GCIG GI NYUNG BA NI BDUD LA 'TSOGS PAS BDUD KYI RGYAL PO DE'ANG MYA NGAN GYIS MNAR BAS NYAM THAG PAR GYUR TE 'DUG PA LA, BSRUNG MA LHA GTUM CHEN NAG PO NA
, ,RE; KHYOD MYA NGAN MA BYED CIG ,BSKAL PA 'DI'I SEMS CAN GYI TSE LO 'BUM PHRAG GCIG DANG, BSOD NAMS CHE BA YIN PAS KHYOD LA 'TSOGS PA NYUNG BA YIN MOD, MA 'ONGS PA NA TSE THUNG BA'I BSKAL BA MANG PO 'BYUNG BA'I TSE, SANGS RGYAS KYI BSTAN PA LAS KHYOD KYI BDUD LAS LHAG PAR RAB TU RGYAS PAR 'GYUR RO, ,ZHES SMRAS PAS, RGYAL PO BDUD SDIG CAN GYIS DENG PHYIN CHAD BSKAL PA TSE THUNG BA RNAMS LA, SANGS RGYAS KYI BSTAN PA LAS BDUD LAS RAB TU RGYAS SHING SEMS CAN NGAN SONG GSUM GYI SDUG BSNGAL MYONG ZHING KHYAD PAR RDO RJE DMYAL BA LA LHUNG BAR GYUR CIG ,CES SMON LAM LOG PA BTAB PA LA, SANGS RGYAS KYIS BDEN PA'I GSUNG GIS ZLOG THABS MDZAD DO, ,ZHES GSUNGS, GSO RIG BSTAN BCOS LAS, SNGON RGYA MTSO BSRUBS PA LAS LHA MO MDZES SDUG MTHONG TSAD CHAGS PAS MYOS NAS BRGYAL 'GRO BA ZHIG BYUNG BA TSANGS PAS DUG GZIR DUS CHANG GI LHA MO DE ME TOG DKAR PO 'DAB MA LNGA PAR GYUR PA NI CHANG RTZI ME TOG CES CHANG LA GDAB NA CHANG DU LANGS PAR BYED PA 'DI YIN, DE LAS MA MA BYAS NAS CHANG RTZI PHABS 'DI 'CHOS PA YIN PAS CHANG 'THUNG NA NYES PA YONG BA'I RGYU MTSAN KYANG 'DI LA BRTEN NAS CHAGS PA'I LHA MOS NGAN SONG DU 'KHRID PA YIN NO, ,ZHES GSUNGS SO,, CHANG 'THUNGS PA'I SKYON MTSANG DNGOS 'CHANG PA LA; BDAG CAG GI RNAM 'DREN STON PA SH'AKYA THUB PA SNGON RGYAL SRAS KYI SPYOD PA LA SLOB PA'I TSE BAG MED PA'I GNAS CHANG SPONG BA'I TSUL KHRIMS RANG GIS BSRUNG ZHING GZHAN DAG KYANG CHANG 'THUNG BA LAS ZLOG PAR MDZAD PA'I TSUL BSHES GNYEN DAM PA RNAMS KYI
ZHAL LAS 'DI LTAR THOS TE, CHANG 'THUNG BA NI, NYES PA DU MA 'BYUNG ZHING SHIN TU MA RUNGS PAR 'GYUR BA'I PHYIR DGE BA RNAMS NI GZHAN DAG KYANG 'DI LAS ZLOG PAR BYED NA, BDAG NYID LTA SMOS KYANG CI DGOS, DE YANG 'DI LTAR BYANG CHUB SEMS DPA' SNYING RJE CHEN PO YONGS SU BSGOMS PA'I BLO CAN GZHAN LA PHAN ZHING BDE BAR BYED PA LA DGA' BA, SBYIN PA DANG DUL BA DANG ZHI BA LA SOGS PAS BSOD NAMS SPEL BA NYAMS SU LEN PA DE RE ZHIG CIG LHA RNAMS KYI DBANG PO BRGYA BYIN DU GYUR TO ZHES GRAG GO , DE LHA'I LONGS SPYOD KYI BDE BA RNAMS PHUN SUM TSOGS KYANG SNYING RJE'I DBANG DU GYUR PAS 'JIG RTEN GYI DON BYA BA LA BRTZON PA LHOD PAR MA GYUR TO, ,'JIG RTEN YONGS KYI PHAL CHER DPAL LDAN NA, ,CHANG GIS MYOS BZHIN BDAG GI DON YANG 'DOR, ,BAG YOD RNAMS NI GZHAN GYI DON LA YANG, ,LHA DBANG DPAL DANG LDAN YANG DES MI MYOS, ,SDUG BSNGAL MANG POS GDUNGS PA'I SEMS CAN LA, ,GNYEN BSHES SDUG PA RNAMS LA BYAMS PA BZHIN, ,BRTAN CING DPAL GYI RANG BZHIN SHES PA NA, ,DE NI GZHAN GYI DON SPYOD YOD MI BRJED, DE NAS RE ZHIG CIG BDAG NYID CHEN PO DE MI'I 'JIG RTEN DU NYUL PA'I TSE, SNYING BRTZE BA DANG BYAMS SHING MTHU CHE BA'I MIG GIS MTHONG BA NI, THAMS CAD KYI MDZA' BO ZHES BYA BA'I RGYAL PO ZHIG MI DGE BA'I BSHES GNYEN LA BSTEN PA'I SKYON GYIS, BLON PO DANG 'BANGS SU BCAS PA CHANG 'THUNG BA LA DGA' BAR GYUR TE, DE LA SKYON DU'ANG MI BLTA BAR GYUR PA LA CHANG 'THUNGS PA LA'ANG SKYON CHE BAR MTHONG NAS, BDAG NYID CHEN PO DE SNYING RJE CHEN POS SNYING MI DGA' BAR GYUR TE BSAMS PA,
, ,KYE MA'O 'JIG RTEN 'DI DAG NI RAB TU MA RUNGS PAR GYUR ZHING 'KHOD DO SNYAM NAS, 'THUNG NA THOG MAR RAB TU ZHIM, ,SKYON DU BLTA BA RMONGS PAR 'GYUR, ,LEGS PAR 'GYUR BA MED PAR BYAS, ,LOG PA'I LAM NI BZANG PO BZHIN, DE LA 'DI JI LTAR BYAS NA RUNG SNYAM PA DANG, MTHONG BA DON YOD DO SNYAM NAS, GTZO BOR GYUR PA RNAM PAR GANG? SPYOD PA, ,SKYE BO RNAMS KYANG DE YI RJES SU 'JUG ,DE BAS 'DIR NI RGYAL PO NYID BCOS NA, ,'JIG RTEN DAG NA DGE SDIG DE LAS 'BYUNG, DE LTAR RNAM PAR NGES PAR BYAS NAS SEMS DPA' CHEN PO DE GSER BTZO MA'I MDOG LTAR YID DU 'ONG BA, SKRA'I THOR TSUGS CUNG ZAD RTZUB LA 'KHYIL BA CAN SHING GI SHUN LPAGS DANG, RI DVAGS AA DZI NA'I PAGS PA GYON PA, TSANGS PA'I LUS GZI BRJID DANG LDAN PA ZHIG TU MNGON PAR SPRUL NAS CHANG GIS GANG BA'I BUM PA HA CANG YANG MI CHE BA ZHIG NI LAG PA G-YON PA NA THOGS TE 'ONGS PA DANG, DE NAS THAMS CAD KYI MDZA' BO'I RGYAL PO 'KHOR GYI NANG DU 'DUS TE, 'BRU'I CHANG DANG, SBRAD CHANG DANG, BU RAM SHING GI CHANG DANG, CHANG BCOS MA DANG, RGUN CHANG GI GTAM GYI SKABS GLENG BSLANG BA'I TSE MDUN GYI NAM MKHA' LA BYUNG STE 'DUG PAR GYUR TO, ,DE NAS SKYE BO DE DAG NGO MTSAR CHE ZHING RAB TU GUS PAS LANGS TE THAL MO SBYAR TE RIM GRO BSKYED PA DANG; CHAR SPRIN 'BRUG SGRA ZAB MO'I SGRA 'BYIN PA BZHIN DU BSANG BSTOD DE SMRAS PA, ME TOG PHRENG BA MGUL NA BKOD, ,MGRIN PA MAN CHAD RAB TU GANG, ,BUM PA'I RGYAN GYIS BRGYAN PA YI, ,BUM PA 'DI NI SU NYO 'DOD, ,ME TOG PHRENG BAS GDU BU
BTAGS PA BZHIN, ,BUM PA'I KHA RGYAN LDUM BUS BRGYAN PA DAG ,RLUNG GIS BSKYOD PAS RAB TU G-YO BA YI, ,BUM PA 'DI NI RIN GYIS SU NYO 'DOD, DE NAS DE LA RGYAL PO DE YANG YA MTSAN DANG NGO MTSAR CHER GYUR TE, RAB TU GUS PAS BLTA ZHING THAL MO SBYAR TE SMRAS PA, GZI CHEN NYI MA 'CHAR 'DRA MDZES PA ZLA BA BZHIN, ,KHYOD KYI SKU MDZES THUB PA 'GA' ZHIG LAGS PAR GDA', ,DE BAS 'JIG RTEN KUN GYIS 'TSAL BAR GSUNG BA'I RIGS, ,KHYOD KYI YON TAN MTSAR ZHIG MCHIS PAR BDAG CAG RE, BRGYA BYIN GYIS SMRAS PA, NGA NI SU YIN SHES? KYANG SHES 'GYUR GYI, ,KHYED CAG 'JIG RTEN GZHAN LA MI 'JIGS SHING, ,TSE 'DI LA YANG BRLAG PAS MI 'JIGS NA, ,BUM PA 'DI NI NGA LAS NYO BAR GYIS, RGYAL POS SMRAS PA, AE MA'O KHYOD KYI TSONG ZOD BTZONG BA 'DI NI SNGON MA BYUNG BA ZHIG GO ,'JIG RTEN NA NI TSONG ZOD RNAMS, ,GANG LA NGAN YANG YON TAN BRJOD, ,NYES PA'I SKYON NI BCAB PA YIN, ,TSONG ZOD? BTZONG BA DE LTAR GRAGS, ,RDZUN DU SMRA BAS 'JIGS PA RNAMS, ,KHYOD LTA BU YI TSUL 'DZIN TE, ,DGE BA RNAMS NI BDEN PA DAG ,PHONGS PAR GYUR KYANG MI GTONG NA, ,BUM PA 'DI NI CI YIS GANG, ,KHE SPOGS CHEN PO CI YOD NA, ,KHYOD LTA BU YANG NGED LA TSONG, ,BDAG NYID CHEN PO DE SMROS SHIG ,BRGYA BYIN GYIS SMRAS PA, RGYAL PO CHEN PO GSON CIG ,'DI NI CHU DANG ZHO DANG DAR BA'AM MU STEGS CHU YIS GANG BA MIN, ,GE SAR DRI ZHIM KHU BA'I CHU DANG MAR GYIS GANG BA'ANG MA YIN LA, ,KU MU DA DANG SPRIN MED ZLA 'OD 'DRA BA'I 'O MAS GANG BA'ANG MIN, ,SDIG PA'I RANG
, ,BZHIN CAN GYIS GANG BA'I BUM PA 'DI YI YON TAN NYON, ,GANG ZHIG 'THUNG NA RA RO SLONG NAS GOMS PA'ANG DBANG MED 'DOR ZHING 'GRO, ,YUL PHYOGS MA 'DRIS PAR YANG 'KHYAM ZHING RDEG 'CHOS DRAN PA NYAMS PAR 'GYUR, ,BZA' DANG MI BZA' DPYAD PA MED PAR DE DANG DE DAG ZAR 'GYUR BA, ,DE DANG DE YIS GANG BA'I BUM PA THA SHAL 'DI NYOS SHIG ,GANG GIS BDAG GI SEMS LA DBANG MED BLO NYAMS RNAM PAR 'KHYAM, ,PHYUGS DANG 'DRA BAR BLUN ZHING DGRA BOS 'PHYAS KYANG BYAS PAR 'GYUR, , GANG GIS 'DUN SAR GAR BYED 'GYUR ZHING RANG GI KHA RNGA BRDUNG, ,DGE BA MED PA BUM PA'I CHANG 'DI KHYOD KYIS NYO BA'I RIGS, ,'THUNG NA GANG GIS BDAG GI NGO TSA 'OS PA 'DOR, ,GOS DANG BRAL ZHING GCER BUR BYUNG YANG MI DGA' MED, ,GRONG KHYER SKYE BO MANG PO'I LAM DU YID RTON 'GRO ,BUM PA 'DIR NI BTZONG BAR 'OS PA DE BLUGS SO, ,GANG 'THUNG NA NI SKYUGS PA'I ZAS KYIS GOS 'GYUR ZHING, ,KHYI YIS KHA YANG DOGS PA MED PAR LDAG PAR 'GYUR, ,DRAN PA MED PAR LAM PO CHE NA'ANG NYAL 'GYUR BA, , BTZONG NA BRIN PA DE NI BUM PA 'DIR BLUGS SO, ,GANG ZHIG 'THUNG NA MYOS TE DBANG MED PAR, ,PHA MA DAG KYANG SHING LA 'CHING BAR BYED, ,NOR GYI BDAG PO DAG KYANG KHYAD DU GSOD, ,PHAN RLAG DE NI BUM PA 'DIR BLUGS SO, ,GANG ZHIG 'THUNG NA MYOS PAS DRAN BRLAG STE, ,PRishthA AAN DHA DAG KYANG DME BYUNG NAS, ,DBYIG CHEN THOGS TE PHAN TSUN THAL MAR PHYUNG, ,MYOS 'GYUR DE NI BUM PA 'DIR BLUGS SO, ,GANG LA CHAGS NA DPAL GYI GZHIR 'GYUR RIGS, ,JE MTHO JE MTHOR 'GYUR BA'ANG BRLAG
PAR 'GYUR, ,NOR GYI DBYIG LDAN RIGS KYANG PHUNG 'GYUR BA, ,BTZONG RGYU DE NI BUM PA 'DI NA 'DUG ,GLO BUR DU ZHING 'DUG LA DGOD CING MA NGES SMRA, ,GDON GYIS ZIN PA BZHIN DU MIG NI MCHI MAS GANG, ,SMAD CING BRNYAS PAR 'GYUR BA'I GNAS SU NGES 'GYUR BA, ,BLO NYAMS 'GYUR BA 'DI NI BUM PA 'DI NA YOD, ,RGAS PAR GYUR KYANG GANG GIS SEMS NYAMS SHING, ,BDAG LA PHAN PA'I LAM DU MI 'JUG LA, ,MA BRTAG MANG DU SMRA BAR NGES 'GYUR BA, ,BTZONG RGYU DE NI BUM PA 'DI NA YOD, , GANG GI NYES BAS SNGON GYI LHA RNAMS MYOS, ,LHA YI RGYAL PO'I DPAL NI NYAMS BYAS NAS, ,SKYABS 'DOD PHYIR NI RGYA MTSO'I NANG DU GAB, ,DE YIS GANG BA'I BUM PA 'DI NYOS SHIG ,MI BDEN PA YANG BDEN PA BZHIN DU NGO MTHONG SMRA, ,MI BYA BA YANG BYA BA BZHIN DU DGA' BZHIN BYED, ,GANG GI LAN GYIS YOD MED PHYIN CI LOG TU SHES, ,DE NI DMOD PA'I LUS BZHIN BUM PA 'DI NA 'DUG ,MYOS 'GYUR RIG SNGAGS SDUG BSNGAL RGYUR 'GYUR BA, ,SDIG PA'I MA MO'I BYUR NGAN MNGON SUM BZHIN, , RTZONG PA'I LAM DANG THA DAD MA YIN PA, ,SNYING GI MUN PA MI BZOD DE NYOS SHIG ,GANG GIS BLO NI RAB TU NYAMS GYUR NAS, ,PHA MA NYES PA MED PA'ANG GSOD 'GYUR ZHING, ,BDE LA MA CHAGS DKA' THUB CAN YANG GSOD, ,BTZONG BA'I CHO GAS RGYAL LA PHUL BA BZHES, ,MI YI BDAG POS CHANG NI DE 'DRA YANG, ,'JIG RTEN NA NI LHA ZHES RAB TU GRAGS, ,YON TAN LA NI GANG DAG MI DGA' BA, ,DE DAG CHANG 'DI NYO LA 'BAD PAR GYIS, ,GANG ZHIG BSTEN NA NGAN PA SPYOD PAR 'GYUR, ,RAB TU
, ,'JIGS PA'I SEMS CAN DMYAL BAR LTUNG, ,DUD 'GRO'I GNAS DANG YI DVAGS DBUL 'GYUR BA, ,MTHONG BAR 'DOD PA'ANG DE NI SU ZHIG YOD, ,CHANG DE NYUNG DU 'THUNGS KYANG RNAM PAR SMIN PA NI, ,MI YI GNAS SU SKYES KYANG TSUL KHRIMS LTA BA NYAMS, ,GANG GIS PHYIS KYANG MNAR MED 'BAR BAS BSREG PAR 'GRO ,YI DVAGS YUL DANG DUD 'GRO DMAN PAR GNAS PAR 'GYUR, ,TSUL KHRIMS NYAMS PAR 'GYUR ZHING GTAM NGAN MNGON DU 'BYUNG, ,NGO TSA MED CING BLO GROS DRI MA CAN DU 'GYUR, ,GANG ZHIG 'THUNG NA YON TAN DE DANG DE DAG NYAMS, ,DE BAS RGYAL PO KHYED KYIS CHANG 'THUNG GA LA RIGS, DE NAS RGYAL PO DE SNYING LA BAB PA'I TSIG RNAMS KYIS CHANG 'THUNGS PA'I NYES PA KHONG DU CHUD PAR BYAS PA DANG, CHANG 'THUNG BA LA CHAGS SHING ZHEN PA MED PAR GYUR NAS, BRGYA BYIN LA 'DI SKAD CES SMRAS SO,, BYAMS PA'I PHA 'AM 'DUL BAS MNYES BYAS BLA MA BZHIN, ,TSUL DANG TSUL MIN MKHAS PA'I THUB PAS SMRAS PA BZHIN, ,KHYED KYIS BDAG LA PHAN PHYIR LEGS PAR GDAMS PA DE, ,SPYOD PA NYAMS SU BLANGS TE TSUL BZHIN MNYES PAR BGYI'O,, LEGS PAR SMRAS PA'I LAN DU MCHOD PA 'DI BDAG LAS KHYOD KYIS BZHES PA'I RIGS SO, ,YUL GRU BZANG PO LNGA YANG KHYOD LA 'BUL, ,BRAN MO BRGYA DANG BA BZHON LNGA BRGYA 'BUL, ,RTA MCHOG SBYAR BA'I SHING RTA 'DI BCU BZHES, ,BDAG GI BLA MA PHAN PA STON PAR 'GYUR, GZHAN YANG BDAG GIS GANG DANG GANG BGYI BA 'DIR SPRING ZHING SLAN CHAD KYANG BDAG LA SPYAN RAS KYIS BTZA' BAR GSOL, BRGYA BYIN GYIS SMRAS PA,
YUL GRU MCHOG LA SOGS PA'ANG NGA? MI 'DOD, ,LHA DBANG NGA YIN RGYAL POS SHES PAR BYOS, ,PHAN PAR SMRA LA MCHOD PA BYA BA NI, ,BSGO BA'I TSIG BZHIN NYAMS SU LEN PA YIN, ,GRAGS DANG DPAL GYI LAM NI 'DI YIN TE, ,TSE RABS GZHAN LA BDE BA DE YANG 'THOB, ,DE BAS CHANG LA CHAGS PA RAB SPANGS LA, ,CHOS LA GNAS PAS NGA YI YUL LA BSTEN, DE SKAD CES SMRAS NAS, BRGYA BYIN DE NYID DU MI SNANG BAR GYUR TO, ,RGYAL PO DE YANG BLON PO DANG 'BANGS SU BCAS PA CHANG MI 'THUNG BAR GYUR TO,, DE LTAR NA CHANG 'THUNG BA NI NYES PA DU MA 'BYUNG ZHING SHIN TU MA RUNGS PAR 'GYUR BA'I PHYIR DGE BA RNAMS NI GZHAN DAG KYANG 'DI LAS ZLOG PAR BYED NA BDAG NYID LTA SMOS KYANG CI DGOS, ZHES GSUNGS PA THOS SO, ,'DI'I DON ZHIB TU SHES PAR 'DOD NA KHO BOS BRIS PA'I BRGYA BYIN BUM PA CAN GYI RTOGS BRJOD KYI 'GREL PA LEGS BSHAD SGRON ME LA BLTA RTOG MDZAD NAS THUGS SU CHUB PAR MDZOD,, DGA' BA CAN GYIS ZHUS PA'I MDO LAS, CHANG 'THUNGS PA LA SKYON SUM CU RTZA LNGA GSUNGS TE, CHANG 'THUNGS PA'I SKYON SUM CU RTZA LNGA NI, NOR ZAD PAR 'GYUR BA DANG, NAD MANG BAR 'GYUR BA DANG, 'THAB MO DANG RTZOD PA MANG BAR 'GYUR BA DANG, MI SNYAN PA GRAG PAR 'GYUR BA DANG, SBA BA STON PA DANG, SHES RAB NYAM CHUNG BAR BYED PA DANG, LONGS SPYOD MA THOB PA MI 'THOB PA DANG, DE'I LONGS SPYOD THOB PA ZAD PAR 'GYUR BA DANG, GSANG BA'I TSIG MI THUB PAR 'GYUR BA DANG, DE'I LAS KYI MTHA' NYAMS PAR 'GYUR BA DANG, LUS NYAM CHUNG BAR 'GYUR BA DANG, MAR MI 'DZIN PAR 'GYUR BA DANG, PHAR MI 'DZIN PAR
, ,'GYUR BA DANG, RGAN RABS LA RIM GRO MI BYED PAR 'GYUR BA DANG, SANGS RGYAS LA MI GUS PAR 'GYUR BA DANG, CHOS LA MI GUS PAR 'GYUR BA DANG, DGE 'DUN LA MI GUS PAR 'GYUR BA DANG, BSLAB PA LA MI GUS PAR 'GYUR BA DANG, DBANG PO MI SDOM PAR 'GYUR BA DANG, BUD MED LA BAG MED PAR SPYOD PAR 'GYUR BA DANG, MDZA' BSHES LA SOGS PAS SPONG BAR 'GYUR BA DANG, SKYE BO MANG PO'I YID DU MI 'ONG BAR 'GYUR BA DANG, DGOS PA ZHIG YOD NA'ANG DE LA MI 'DRI BA DANG, MYOS PAR 'GYUR BA DANG, TSUL KHRIMS 'CHAL? BAR 'GYUR BA DANG, DGE BA'I BSHES GNYEN GYIS YONGS SU SPONG BA DANG, DE'I MI DGE BA'I CHOS YONGS SU 'PHEL BAR 'GYUR BA DANG, DGE BA'I CHOS NYAMS PAR 'GYUR BA DANG, MKHAS PA RNAMS KYIS DE LA YID CHES PA'I GNAS SU MI BYED PA DANG, MYA NGAN LAS 'DAS PA'I LAM THAG RING DU 'GYUR BA DANG, BAB COL CAN DU 'GYUR BA DANG, SMYON PAR 'GYUR BA'I LAS BYED CING GSOG PA DANG, MYOS BZHIN DU 'CHI BA'I DUS BYED PAR 'GYUR BA DANG, SHI NAS NGAN SONG NGAN 'GRO LOG PAR LTUNG BA SEMS CAN DMYAL BAR SKYE BA DANG, MIR SKYES KYANG SMYO BA'AM BRJED NGES? PAR 'GYUR BA'O, ,ZHES DANG, CHANG 'THUNG BA LA MNGON PAR DGA' BA'I MI, ,BDAG LA PHAN DANG GZHAN LA BDE MI NUS, ,RMONGS DANG MDOG NGAN BYED PA CHANG YIN TE, ,JI LTAR HA LA'I DUG BZHIN DE MI BTUNG, ZHES GSUNGS, MDO DRAN PA NYER BZHAG LAS, CHANG GIS KUN TU G-YENGS PA'I YID, ,BYA DANG MI BYA MI SHES PA, ,MI DE PHYUGS DANG 'DRA BA YIN, ,DE LTA BAS NA CHANG SPONGS SHIG ,
CHANG GIS G-YENGS PA'I MI DAG NI, ,GSON YANG SHI BA DAG DANG MTSUNGS, ,GANG ZHIG RTAG TU GSON 'DOD PAS, ,RTAG PAR CHANG NI RNAM PAR SPONG, ,CHANG NI NYES PA KUN GYI GZHI, ,RTAG PAR DON KUN MED PAR BYED, ,NGAN SONG KUN GYI THEM SKAS TE, , MUN GNAG GNAS NI CHEN PO YIN, ,CHANG GIS SEMS CAN DMYAL BAR 'GRO ,DE BZHIN YI DVAGS 'JIG RTEN DANG, ,CHANG GI SKYON GYIS BSLUS PA NI, ,MI DAG DUD 'GRO RNAMS SU 'GRO ,DUG GI NANG NA DUG NI CHANG, ,DE BZHIN DMYAL BA'I NANG NA DMYAL, ,NAD KYI NANG NA NAD MCHOG NI, ,CHANG ZHES MKHAS PA RNAMS KYIS BSHAD, ,BLO DANG DBANG PO NYAMS BYED CING, ,RIN CHEN CHOS NI ZAD BYED PA, ,TSANGS PAR SPYOD PA 'JIG BYED PA'I, ,MI BZAD CHANG NI SKYE GNAS GCIG ,RGYAL PO DANG NI BSTAN BCOS MKHAN, ,CHANG GIS YANG BAR BYED 'GYUR NA, ,THA MAL MI DAG CHANG 'THUNG BA, ,BSLUS PAR 'GYUR BA CI ZHIG SMOS, ,MI DAG CHANG LA BRTEN PA NI, ,CHOS RNAMS KUN GYI STA RE YIN, ,NGO TSA MED PAR BYED PA'I MCHOG ,YANG BDAG TU NYE BAR BSTAN, ,CHANG GIS PHROGS PAR 'GYUR BA'I SEMS, ,BYA BA DANG NI MI BYA BA, ,MI SHES RNAM PAR MI SHES SHING, ,THAMS CAD MI YIS MI SHES SO, ,GANG ZHIG CHANG LA BRTEN BYED PA'I, ,SKYE BO RES 'GA' DGA' BYED CING, ,RES 'GA' YONGS SU GDUNG BYED PA, ,RES 'GA' SDIG PA BYED PA YIN, ,BLO NI SHIN TU RMONGS BYED CING, ,'JIG RTEN GNYIS NI RNAM 'JIG BYED, ,THAR PA'I CHOS LA ME LTA BU, ,SREG BYED KHO NA CHANG YIN NO, ,MI GANG DAG NI CHANG SPONG BA, ,CHOS KYI NGANG TSUL MNYAM PAR BZHAG ,
, ,GANG NA 'CHI BA MED PA YI, ,GNAS MCHOG DAG TU DE 'GRO'O, ,CHANG 'THUNG BA YIS BSLUS PA DAG ,DE NI BYED PA DMAN PA YIN, ,MI BZAD SEMS CAN DMYAL BAR LHUNG, ,DON MED CI ZHIG YONGS SU GDUNG, ,'THUNG BA'I TSE NA CHANG ZHIM STE; ;RNAM SMIN TSE NA MCHOG TU TSA, ,KIM PA KA NANG KIM PA KA ,CHANG ZHES MKHAS PA RNAMS KYIS BSHAD, ,BDAG LA 'DI YIS MI GNOD CES, ,BLO LDAN CHANG LA YID MI RTON, ,MYONG NA BSIL YANG RNAM SMIN TSA, ,CHANG GIS DMYAL BAR 'GRO BAR BYED, CES DANG; YANG MDO DE NYID LAS, MTHONG DANG REG DANG BSNAMS PA LAS, ,CHANG GIS MI RNAMS RMONGS PAR BYED, ,DE BAS KUN TU ZHAGS PA YIN, ,DE NI RINGS PAR YONGS SU SPONG, ,MTHONG BA LAS NI CHAGS PA SKYE, ,REG PA LAS NI DRI 'BYUNG LA, , DRI LAS RO LA CHAGS PA 'BYUNG, ,RO RNAMS KYIS NI THA MAR 'GRO ,JI LTAR CHANG LA NGES BSTEN NA, ,DE LTAR MING DANG GZUGS 'JIG STE, ,ZHAGS PA'I NANG NAS THA MA NI, ,CHANG ZHES MKHAS PA RNAMS GSUNGS SO, ,ZHES DANG, RGYUD RDO RJE RTZE MO LAS; PHUNG KROL KUN GYI RTZA BA STE, ,CHANG NI RNAM PAR SPANG BAR BYA, ZHES DAM TSIG BSGRAG PA'I SKABS SU GSUNGS SHING, DE NYID BLA MED KYI DKYIL CHOG TSAD LDAN DU MAR YANG GSUNGS, DUS 'KHOR NAS KYANG DNGOS SU DGAG PA DMIGS PHUG PA MDZAD DO, ,TSOGS 'KHOR GYI SKABS SU CHANG MA 'THUNG NA, DAM TSIG LA NI JI BZHIN RNYED, ,MI BSTEN PA NI BCU GSUM PA, ZHES PA'I NYES PA 'BYUNG BA YIN NO ZHE NA, DAM RDZAS KYI GTZO BO BSHANG GCI KHYI SHA SOGS ZAS GZHAN LA SHA LNGA BDUD RTZI LNGAR
BSGOM PA DANG, BDUD RTZI RIL BU BTAB NAS LONGS SPYOD PAS GO CHOD NA, CHANG LA'ANG TSUL DE NYID CI'I PHYIR MI MTSUNGS TE, DAM TSIG GI RDZAS SU MTSUNGS PA LA BSHANG? GCI PHOR BE GANG LONGS SPYOD MI DGOS PAR BSGOM PA 'AM BDUD RTZI RIL BU TZAM GYIS CHOG LA, CHANG LCE LA REG PA TZAM GYIS MI CHOG PAR MYOS PAR GYUR GYI BAR DU 'THUNG BA NI, BLUN PO RANG GI 'DOD PAS SANGS RGYAS KYI BSTAN PA BSHIG PA'I BDUD LAS YIN NO, ,BRTAG GNYIS LAS, SHA NI RAB TU BZA' BAR BYA, ,KHYAD PAR DU YANG CHANG NYID DO, ,ZHES GSUNGS PA CI YIN ZHE NA, SNGAGS PA BDE BA CHEN PO'I YE SHES GONG NAS GONG DU RGYAS PAR 'DOD PAS BDE BA'I RTEN KUNDA LTA BU'I KHAMS RGYAS PAR GYUR PA LA BRTEN NAS BDE CHEN GYI YE SHES RGYAS PAR BYED NUS PA'I DGOS PA KHYAD PAR CAN DANG LDAN PA'I GANG ZAG KHYAD PAR BA 'GRO BA'I MGON PO KHYAB BDAG LCANG SKYA ROL PA'I RDO RJE'I ZHAL SNGA NAS LTA BU LA DGONGS NAS GSUNGS PA YIN GYI, DA LTA DAM SDOM MTHA' DAG RAS SU BOR NAS BDE CHEN YE SHES ZHES PA NAM YANG THOS MA MYONG BA SNGAGS PAR RLOM PA'I RAB BYUNG RNAMS CHANG RANG DGAR 'THUNG BA BSTAN PA NYAMS DMA' BA'I LTAS SO, ,GRUB CHEN CHANG BSTEN PA NI, THA MAL GYI SNANG ZHEN TING NGE 'DZIN GYI ZIL GYIS GNON PA PAndI TA KU MA RA SHR'I DANG, RJE BTZUN GRAGS PA RGYAL MTSAN LTA BU RNAL 'BYOR PA'I CHA BYAD CAN GYIS DNGOS SU CHANG DANG, RIG MA BSTEN CING, DE LA MA DAD PA RNAMS RDZU 'PHRUL GYIS 'DUL BAR NUS PA DAG GI SPYOD TSUL YIN GYI, CHAGS SDANG SOGS THA MAL PA DANG KHYAD PAR YE MED KYANG GRUB CHEN
, ,LTAR 'CHOS PA DAG NI, RDZUN CHEN POS 'JIG RTEN BSLU ZHING BSTAN PA NYAMS PAR BYED PA'I SGO NAS 'JIG RTEN PHA ROL BTANG BA'I CHOS LOG KHO NA YIN PAR THAG BCAD PAR BYA'O, ,ZHES PA 'DI RNAMS NI TSIG RE GNYIS TZAM BSNAN PA MA GTOGS RJE BTZUN 'JAM PA'I DBYANGS KYI RNAM SPRUL BSTAN PA 'DI LA RGYAL BA GNYIS PAR GRAGS PA DON LDAN LNGA BRGYA PA RNAMS KYI GTZUG GI NOR BU RJE BLA MA BTZONG KHA PA CHEN PO'I NANG THUGS KYI SRAS GCIG PU MKHAS GRUB THAMS CAD MKHYEN PA'I RDO RJE'I GSUNG BSTAN PA 'BA' ZHIG THUGS LA BRNAGS NAS STZAL BA'I GDAMS NGAG GI GNAD KHYAD PAR 'PHAGS PA STON PA'I GZHUNG RTZIS PO CHER BZUNG 'OS PA DA LTA KUN LA KHYAB GDAL DU BZHUGS PA MKHAS GRUB MTHA' DAG GI THUGS YUL DU GSAL BA DE BZHIN YIN PAS MCHOG DMAN KUN GYIS BLO GZU BOR GNAS PAS DGONGS PAR MDZOD CIG ,DAM PA 'GA'I GSUNG RIGS SU, SO THAR LA GZUGS BRNYAN TZAM 'DUG ,SNGAGS LA GZUGS BRNYAN YANG MI 'DUG GSUNGS PA 'DI DANG 'DI LTA BU LA DGONGS PAR SNANG, LEGS BSHAD NYIN BYED SNANG BA SHAR BA NA, ,MKHAS MANG 'DAB BRGYA'I DGA' TSAL RGYAS PA DANG, ,RMONGS BRTUL 'BYUNG BYA'I TSOGS RNAMS SDANG ZHUGS KYI, ,MUN KHUNG YIB PA RTEN 'BYUNG CHOS NYID YIN, ,DON MED TSE 'DI'I BYA BYED DMAN PA YIS, ,G-YENG RNAMS YIN LUGS MI RTON BLUN RGAN GYI, ,RDZUN TSIG BDEN PAR BZUNG NAS 'DI PHYI GNYIS, ,THAL BAR BRLAG MKHAN DENG SANG 'DI NA MANG, ,BAR SNANG GLOG 'GYU LTA BU'I TSE GZHUG 'DIR, ,DON MED GZHAN LA TSER MA
ZUG 'DOD KYIS, ,GZE MA RA MGO BSTAR LA BRGYUS 'DRA BAS, ,G-YENGS NAS CI BYED BLA MA RGYANG 'BOD 'BUNG, GSO GZHUNG LAS, CHANG NI MNGAR SKYUR KHA LA ZHU RJES SKYUR, ,RNO DRO RTZUB LA CUNG ZAD THUR DU 'KHRU, ,DROD 'BAR SPOBS SKYED GNYID 'PHEL BAD? RLUNG SEL; ;THAL DRAG SEMS SGYUR BAG MED NGO TSA 'JIG ,RA RO DANG PO BAG MED GNAS LA GNAS, ,RNAM RTOG NGAN BCOM BDE BA YIN SNYAM SEMS, ,RA RO GNYIS PA GLANG CHEN SMYON PA LTAR, ,KHA NA MA THO TSUL KHRIMS 'CHAL BA'I GNAS, ,RA RO THA MA SEMS MED RO LTAR NYAL, ,GANG YANG MI SHES MUN PA'I GNAS SU 'GYUR, ZHES SO, ,'PHAGS YUL GYI PAn GRUB RNAMS KYIS CHANG GI NYES DMIGS GSAGS PA SHIN TU MANG YANG DON PHAL CHER MDO RGYUD KYI BSHAD PA LAS LHAG PA MI 'DUG PA MA ZAD 'DIR BRIS NA YIG TSOGS HA CANG MANG BAR 'GYUR BAS SLAR SKABS SU 'BAB NA SPRO BAS CHOG ,GANGS CAN GYI SNYAN NGAG MKHAN CHEN PO GZHAN LA PHAN PA'I SDES KYANG, SDIG PA'I RTZA BAR GYUR PA'I CHANG ZHES BYA BA 'DI NI 'THUNGS PA'I DBANG GIS NYON MONGS 'DOD CHAGS DANG ZHE SDANG LA SOGS PA RNAMS LHAG PAR RGYAS TE LAS NGAN PA SNA TSOGS BSAGS PAS PHYI MA NGAN SONG GI SDUG BSNGAL DPAG TU MED PA MYONG BA LTA ZHOG GI ,TSE 'DI LA'ANG NYES PA DU MA DANG LDAN PA'I PHYIR THUB PA'I DBANG POS KYANG BSTAN PA'I SGOR ZHUGS PA RNAMS LA CHU'I THIG PA TZAM YANG 'THUNG BAR MA GNANG STE DE DAG GSAL BAR STON PA NI 'DI SKAD DO, ,DGE SLONG KHAS 'CHES CHANG 'DI 'THUNGS PAS TSUL KHRIMS 'PHAGS PA'I NOR DANG BRAL, ,MKHAS PA RNAMS KYANG
, ,'DI 'THUNGS TSE NA BA LANG LAS KYANG CHES CHER BLUN, ,BZANG POR 'DOD PA'ANG CHANG 'DI 'THUNGS TSE NGA RGYAL PHRAG DOG LHAG PAR 'PHEL, ,DE LTAR BSTAN PA'I BYA BA GNYER RNAMS CHANG 'DI DUG BZHIN SPANG BAR BYA, ,GRUNG POR 'DOD PA'ANG CHANG 'DI 'THUNGS PAS YID LA GANG SEMS GZHAN LA SMRAS, ,LONGS SPYOD LDAN PA'ANG CHANG 'DI 'THUNGS PAS MTHA' MA SPRANG PO'I MING CAN 'GRO ,SGRIM POR RLOM PA'ANG CHANG 'DI 'THUNGS PAS RANG GI KHA ZAS ZOS PA'ANG BRJED, ,DE SLAD LUGS KYI BYA BA GNYER RNAMS CHANG 'DI DUG BZHIN SPANG BAR RIGS, ,RANG GI PHA LA'ANG MTSON GYIS 'DEBS SHING MA LA'ANG CHAGS PA'I CO 'DRI BYED, ,GOS RNAMS G-YAS DANG G-YON LA GNAR ZHING SBA BYA'I GNAS KUN GSAL POR STON, ,MKHAN SLOB DPON RIGS KHYAD DU GSOD CING GLO BUR MCHI MA'I CHU RGYUN 'KHRUGS, ,NYES PA DE DANG DE DAG LDAN PHYIR CHANG 'DI 'THUNG BA GA LA RIGS, ,RTZIG PA'I NGOS LA'ANG 'DOM GYIS 'JAL ZHING MIG NI SBAL BA BTZIR BA 'DRA, ,SANG GI BYA BA GNANGS SU LUS SHING GLO BUR TSE 'DI'I SROG 'PHROG BYED, ,LAM PO CHER YANG GNYID KYIS LOG CING SDONG DUM BRUD 'PHRO SGYUR BA BZHIN, ,SKYUGS PA'I CHAL CHIL RAB TU G-YO ZHING 'THUR SEL RLUNG NI 'BRUG BZHIN SGROG ,NYES PA DE DANG DE DAG LDAN PHYIR CHANG 'DI 'THUNG BA GA LA RIGS, ,NYES PA'I RTZA BA GRAGS MIN 'PHEL BA'I RGYU, ,SNGAR SHES YON TAN RING DU 'DOR BA'I SGYOGS, ,MA 'ONGS YON TAN GEGS PA'I SGO MO STE, ,SKYE BO CHANG LA SRED PA'I MI DE 'KHRUL, ,GRUB CHEN BDUD RTZIR BRLABS NAS ROL
MOD KYI, ,THA MAL SKYE BOS 'THUNG NA DUG CHU SE?, ,CHANG DANG DUG MTSUNGS DANG PO 'THUNG NA BDE, ,CHANG DANG DUG MTSUNGS RNAM SMIN SDUG BSNGAL MYONG, ,MDOR NA 'DI PHYI'I BDE BA 'JOMS BYED CING, ,LUS DANG SEMS KYI RANG DBANG NYAMS BYED LA, ,NGAN SONG LAM DANG THA DAD MA YIN PA, ,CHANG LA YON TAN MOD PAR MA SMRA ZHIG ,CES GSUNGS, SNGON GYI GLENG GZHIS KYANG NGES PA BSKYED PAR BYA STE, 'DUL BA LUNG LAS, 'PHAGS PA LEGS 'ONGS ZHES BYA BA SRID PA LAS GROL BA, GSER DANG BONG BAR MNYAM PA, NAM MKHA' DANG LAG MTHIL DU MNYAM PA'I RTOGS PA BRNYES NAS DGRA BCOM PA'I GO 'PHANG MNGON DU MDZAD DE STON PA'I BKAS KLU AA SMRA'I CHU NGOGS PA'I GNAS SU SONG BA DANG KLU DES MTHONG NAS, DGE SLONG 'DIS BDAG SHI BAR THOS SAM, CI'I PHYIR BDAG GI GNAS SU 'ONG, 'DI NI GLO BUR BA YIN GYIS 'ONG DU CHUG CIG SNYAM LO, ,LEGS 'ONGS KYIS CHU BCAGS, LHUNG BZED BKRUS, RKANG PA BKRUS, ZAS KYI BYA BA BYAS NAS, KLU GDUG PA NI 'KHRUG PAR MA BYAS NA MA THUL LO SNYAM STE, LHUNG BZED BKRUS PA'I CHU DER 'PHO BAS KLU DE 'KHRUGS NAS, DGE SBYONG 'DI 'ONG BA DANG ZA BA'ANG YAL BAR BOR NA, BDAG LA BRNYAS TE KHRUS KHU LDUGS PAR BYED PAS 'DI NI NYE BAR MA ZHI BA ZHIG YIN NO SNYAM NAS STENG GI NAM MKHA' LA 'PHAGS TE 'BRUG SGRA CHEN PO PHYUNG, RDO RJE RTZE GCIG PA LA SOGS PA'I MTSON CHA SNA TSOGS DBAB PAR BRTZAMS PA DANG, LEGS 'ONGS BYAMS PA'I TING NGE 'DZIN LA ZHUGS PAS MTSON CHA DE DAG ME TOG GI CHAR DU GYUR, ME MDAG GI CHAR PHAB PAS KYANG ME TOG GI CHAR DU GYUR, PHYAG DAR GYI CHAR PHAB PAS
, ,BDUG SPOS SU GYUR, DES DU BA 'THUL BAS LEGS 'ONGS KYIS KYANG DU BA 'THUL, DES ME SPAR BA DANG, LEGS 'ONGS ME'I KHAMS LA SNYOMS PAR ZHUGS SO, ,DE NA SNANG BA CHEN PO BYUNG NAS CHU SRIN BYIS PA GSOD KYI RI PA'I BRAM ZE DANG KHYIM BDAG RNAMS KYIS SMRAS PA, 'DI NI STON PAS KLU 'DUL BAR MDZAD PA YIN NO, ,STON PAS, NGA'I NYAN THOS ME'I KHAMS LA SNYOMS PAR 'JUG PA RNAMS KYI NANG NA LEGS 'ONGS 'DI MCHOG YIN NO, ,ZHES GSUNGS SO,, KLU DES MTSON THAMS CAD ZAD NAS 'BROS PAR BRTZAMS PA DANG, PHYOGS THAMS CAD MES 'KHOR NAS LEGS 'ONGS KYI RKANG PA'I DRUNG 'BA' ZHIG ZHI BAR MTHONG STE DER 'KHOD DO, ,BTZUN PA LEGS 'ONGS, CI'I PHYIR BDAG LA MTHO 'TSAM, KHO BO KHYOD LA MTHO MI 'TSAM GYI, KHYOD KHO BO LA MTHO 'TSAM STE, KHO BOS YON TAN 'DI LTA BU MA THOB NA KHYOD KYIS KHO BO MING LAS LHAG MA MA LUS PAR BYED DO, ,BDAG GIS CI BGYI, STON PA'I SPYAN SNGAR SKYABS SU 'GRO BA DANG BSLAB PA'I GZHI LONGS SHIG ,DE BTUL NAS LHUNG BZED DU BCUG STE STON PA LA PHUL PAS, DE'I GROGS BRAM ZE ZHIG GIS LEGS 'ONGS KLU BTUL BA THOS NAS LEGS 'ONGS SPYAN DRANGS NAS ZAS BZANG POS TSIM PAR BYAS TE KHA ZAS MI ZHU SNYAM GLANG PO'I CHANG 'DZUB MOS DKRUGS TE PHUL BAS DGRA BCOM PA RNAMS NI MA BSAMS PAR SHES PA MI 'JUG PAS DE 'THUNG STE SONG NGO?, ,DE MNYAN YOD KYI SRANG LAS THAL NAS NYI MAS LUS LA PHOG PAS CHANG GIS RA RO NAS 'GYEL LO, ,STON PA DER GSHEGS NAS DGE SLONG RNAMS LA 'DI KLU AA SMRA'I CHU
DOGS PA BTUL BA DE YIN NA, 'DIS DA LTA KLU'I PHRUG GU ZHIG KYANG 'DUL BAR NUS SAM, RNGO MI THOG GO ,NYES DMIGS 'DI DANG GZHAN YANG MYOS PAR 'GYUR BA 'THUNGS PA LAS BYUNG BAS, NGA LA STON PA SKYABS GNAS SO ZER BA RNAMS KYIS CHANG THA NA RTZVA'I RTZES KYANG MI BTUNG BLUD PAR MI BYA'O, ,ZHES GSUNGS SO,, 'DI LTAR GSUNGS PA MTHONG ZHING THOS KYANG SHES BZHIN DU KHYAD DU GSOD NAS RNAM SMIN MYONG BAR NGES PA'I LAS RGYAL BLON KHYIM PA RNAMS DANG, KHYAD PAR DU RAB TU BYUNG BA RNAMS SH'AKYA'I DGE SLONG, SH'AKYA'I DGE SBYONG, SH'AKYA'I SRAS SU KHAS LEN BZHIN DU RANG GI STON PA NYAG GCIG GI GSUNG CI MI SNYAM PAR RDOG BRDZIS BYED PA NGO TSA BA'I GNAS LA NGO MTSAR YA MTSAN DU 'DZIN NAS RANG YANG CHANG NGOM MED DU 'THUNG ZHING, RANG DANG RIS MTHUN PA'I SER MO PA DAG LA, CHANG DAM RDZAS YIN PAS NGES PAR BSTEN DGOS ZHES NAN GYIS BLUD PA RNAMS NI BSTAN PA LA GNOD PA'I SGO CHE SHOS YIN PAS 'DI LTA BU 'DZEM NA LEGS ZHES STON PA'I BKA' LA TSAD MAR BZUNG BA'I YID CHES KYI DAD PAS CHOS KYI RJES SU 'BRANG NAS CHOS DANG MTHUN PAR SMRAS PA LA MKHAS PA RNAMS DGYES PAR MDZOD CIG ,THUB DBANG RDO RJE 'CHANG YONGS 'DZIN PAndI TA CHEN PO'I ZHAL SNGA NAS, DGE SLONG NAD PA STON PA'I GSUNG LA YID CHES PAS CHANG? 'DZEM NAS MA 'TSO YANG SHI MA THAG LHAR SKYES NAS BDE BA PHUN SUM TSOGS PA NYAMS SU MYONG, (CHOS KYI SPYAN LDAN) YID MI CHES PAS CHANG 'THUNGS NAS SROG RNYED KYANG SHI MA THAG DMYAL BAR SKYES NAS SDUG BSNGAL GYIS MNAR BA YIN GSUNG BA DNGOS SU THOS, RJE RATNA DHVA DZA'I ZHAL NAS, DA LTA
, ,SNYIGS MAR SONG BA'I DBANG GIS, SKYA RING PO BZHAG CING DOR MA GYON, RAS DKAR DANG CHOS GOS SBRAGS, dA RU RKANG GLING DANG THOD PHOR THOGS, CHAD 'DZEM MED DU 'THUNG ZHING SBYOR SGROL SOGS NGO SOR 'KHYER, RJE MI LA'I MTSAN BZUNG, THO CO'I SPYOD PA GCOD YUL GYI CHOS LUGS SU SGROGS, DGE TSUL SLONG GI GRAL LA 'TSANG, GRUB THOB TU BRDZUS NAS GZHAN MGO SKOR MKHAN RNAMS GSAR RNYING GANG DANG YANG MI MTHUN, ZHES GSUNGS PA BZHIN RTAGS CHA LUGS YA MA ZUNG SKYA MIN SER MIN DGE SBYONG GI BSLAB BYA'I GNAS LAS LDOG PHYOGS KHO NA SPYOD PA LA BAG TSA BA DANG YA NGA BA CUNG ZAD KYANG MED PAR GANG DRAN LAG LEN DU 'DEBS PA DE LTA BU DAG NI RIN PO CHE'I PHUNG PO'I MDO LAS, DGE SBYONG SDIG PA CAN DAG BSTAN PA NUB PAR BYED PA LTA BU LTA NGAN DGU BCU RTZA LNGA DANG, PHAS KYI RGOL BAS NUB PAR MI NUS SO, ,DPER NA SENG+GE SHI BA'I RO GCAN GZAN NAM BYAS ZA MI NUS KYI DE NYID KYI SRIN BUS ZA BA LTAR, BSTAN PA 'DI YANG BLUN PO LHOD PA BRDZUN DU SMRA BA DAG GIS NUB PAR BYED DO, ,ZHES GSUNGS, GSER 'OD LAS, SANGS RGYAS MYA NGAN YONGS MI 'DA', ,CHOS KYANG NUB PAR MI 'GYUR TE, ZHES GSUNGS PA LTAR SPYIR BSTAN PA NUB PA MI SRID KYANG RANG RGYUD KYI THUB BSTAN RLUNG LA BSKUR NA SGOS KYI BSTAN PA NUB PAS DE LA BSTAN DGRA ZER BA YIN NO, ,SHING GI BSTAN BCOS LAS KYANG, NAGS NA GNAS RNAMS KHANG BZANG DANG, ,DER GNAS SKYED MOS TSAL LA DGA', ,'TSO BAS DBUL BA RAB BYUNG DANG, ,RGYAGS PAS MYOS PA KHYIM LA PHYOGS, ZHES STZAL BA'I DON THOG TU 'BABS PA 'DI LTA BU NI DENG SANG DUS KYI DBANG GIS SA CHA GANG DU'ANG SHIN TU
MANG BAR SNANG, SA PAn GYI LEGS BSHAD LAS, SKYE BO NGAN PA'I MTSAN NYID LA, ,BRJOD RGYU DU MA YOD MOD KYANG, ,NGAN SKYUGS KHRON PA SU ZHIG SLONG, ,SKYUGS PA MKHAS PA SU ZHIG MYANG, ZHES GSUNGS PA LTAR BRJOD PAR BYA BA MANG YANG SA'I SNYING PO 'KHOR LO BCU PA'I MDO LAS, TZAM PA KA YI ME TOG SNYIGS GYUR KYANG, ,ME TOG RNAM PA GZHAN PAS SHIN TU LHAG ,NGA YI DGE SLONG TSUL KHRIMS NYAMS GYUR KYANG, ,MU STEGS CAN DAG THAMS CAD KUN PAS MCHOG ,CES GSUNGS PA BZHIN RAB BYUNG GI GZUGS BRNYAN YAN CHAD LHA DANG BCAS PA'I 'JIG RTEN GYI MCHOD GNAS DANG SKYABS SU 'GRO BA'I YUL GNYAN PO YIN PA LA DGONGS NAS BDAG GI BLA MA RDO RJE 'CHANG ROL PA'I RDO RJE'I ZHAL SNGA NAS BANDE MTHE BONG TZAM LA'ANG DAG SNANG GNANG GI YOD PAS PHRAN MDO MED COL CHUNG ZHIG LA DO GAL CHUNG BAS RANG DGAR KHA SLEB LAG SLEB BYAS NA RNAM SMIN YID DU MI 'ONG BA BRNAG PAR DKA' BA'I SDUG BSNGAL GYIS MNAR BA'I RGYUR 'GYUR BAR BSAMS NAS DE TZAM LAS MA SPROS SO, ,BDAG NI NYES SPYOD MANG POS G-YENGS BZHIN DU, ,GZHAN SKYON GLENG 'DOD THA SHAL GSHIS NGAN RTAGS, ,'ON TAD? RNYED DANG BKUR STIR CHAGS PA YIS, ,BDAG BSTOD GZHAN LA SMOD PA'I BSAM PAS MIN, ,STON PAS GRANGS MED BSKAL BAR DKA' SPYAD KYIS, ,LEGS BSKRUN SKYE DGU'I BDE SKYID 'BYUNG BA'I GNAS, ,BSTAN PA RIN CHEN YUN DU GNAS PA DANG, ,PHYOGS DUS KUN TU DAR ZHING RGYAS PHYIR YIN, ,LHAG PAR YAB RJES THUB PA'I DGONGS PA BZHIN, ,DAG TER MDZAD PA'I DRI MED RING LUGS 'DI, ,DBYAR MTSO BZHIN DU 'PHEL NA CI MA RUNG, ,SNYAM DU SMON NAS BRIS PA DKON
, ,MCHOG DPANG, 'PHAGS PA THOGS MED KYI GCUNG KUN MKHYEN GNYIS PAR GRAGS PA SLOB DPON DBYIG GNYEN GANGS LJONGS SU BSTAN PA DAR BAR BZHED NAS BAL YUL DU PHEBS PA'I LAM DU HANG DU ZHES RAB BYUNG GI CHA BYAD 'DZIN PA SDOM KHRIMS LA MI GNAS PA ZHIG LAG NA CHANG BUM THOGS PA GZIGS NAS BSTAN PA 'DI LTAR NYAMS 'DUG GSUNG NAS THUGS SKYO BA SKYES TE RNAM RGYAL MA'I GZUNGS ZLOG STE BTON NAS GSHEGS PA'I MCHOD RTEN DENG SANG YANG BAL YUL NA YOD CES GRAG GO ;RGYAL PO GLANG DAR MA GDON GSOL TE, RAB TU BYUNG BA KUN PHAB, BTZUN PA'I RTAGS BOR DU MA 'DOD PA KUN MDA' GZHU RNGA GSHANG BSKUR NAS RNGON PA LA BTANG, MI NYAN PA RNAMS BSAD, JO BO RIN PO CHE BSGUL MA NUS PAR BYE THEMS SU BCUG STE SBAS, SGO BRTZIGS TE ZHAL ZHAL BYAS NAS BSTAN PA BSNUB PA'I RKYEN DU 'DIS GNOD PA LTA BU GZHAN MED CES BTZUN PA CHANG 'THUNGS PA'I RI MO BRIS TE BZHAG GO ,LHA LUNG DPAL GYI RDO RJES BSTAN PA NUB PA THUGS KYIS MA BZOD CING, RGYAL PO SDIG CAN LA SNYING RJE CHER BSKYED? NAS LCAGS KYI MDA' GZHU 'KHYER TE, RGYAL PO GLANG DAR MA LHA SA'I RDO RING GI YI BE KLOG YOD PA'I SNYING LA MDA' SNUN TE BSAD DO, ,PAn CHEN BSOD NAMS GRAGS PA RNAM DPYOD YANGS PA'I SDES, LUS CAN BSOD NAMS 'GRIBS PA DANG, ,NAG PO'I PHYOGS NI STOBS LDAN PAS, ,MNGA' BDAG SO DRUG BZHES PA'I LO, ,SDIG BLON GNYIS KYIS CHOS RGYAL BKRONGS, ,MNGA' BDAG RAL PA CAN 'DAS LO, ,BTZAN PO DAR MAS SRID BZUNG STE, ,THUGS LA GDON CHEN GSOL BA
LAS; ;SANGS RGYAS BSTAN PA RMANG NAS BSNUBS, ,DGOS 'DOD THAMS CAD 'BYUNG BA'I GNAS, ,RGYAL BA'I BSTAN PA RIN PO CHE, ,LHA BCAS 'GRO 'DIS GUS MCHOD NA, ,RGYAL PO NGAN PA'I SPYOD TSUL MTSAR, ,TSUL 'DI THUGS KYIS MA BZOD NAS, , LHA LUNG DPAL GYI RDO RJE YIS, ,SNYING RJES LCAGS KYI MDA' 'PHANGS TE, ,SDIG CAN BTZAN PO LHA SAR BKUM, ,RNAM SMIN LCI BA'I SNGA LTAS GANG, ,MTHONG CHOS NYID LA SMIN PA 'DI, ,LAS 'BRAS BSLU BA MED DO ZHES, ,'GRO LA GSAL BAR BYED PA BZHIN, ,BSTAN PA NYI MA'I 'OD CHEN PO, ,MDZUB MOS SGRIBS PA'I NOR ZONG GIS, ,DPRAL BAR LCAGS GZER THOB PA YI, ,NYO TSONG RGYAL PO NGAN PA'I LUGS, ,RGYAL PO SKAD CIG DE NYID DU, ,DMYAL BAR LHUNG BAS SNYING RJE MOD, ,SA STENG 'KHOD PA'I SDIG BLON LA, ,LTAD MO DE DAG 'OS PA NYID, CES THUGS TSIMS PA'I GSUNG STZAL BAR SNANG, DE NAS LHA LUNG DPAL RDOR GYIS KARMMA SHA TAM SOGS 'KHYER TE KHAMS SU BROS SO, ,DE'I TSE PAndI TA RNAMS KYANG SDIG BLON RNAMS KYIS SPYUGS, LO TZTSA BA PHAL CHER BROS, 'GA' ZHIG SDIG BLON RNAMS KYIS ZIN NAS BSAD DE, BOD KHAMS SU RAB TU BYUNG BA GCIG KYANG MED PAR BSTAN PA BSNUBS NAS LO BDUN CU'I BAR BOD MUN GLING DU GYUR CES SNGON BYON DAM PA MANG PO'I GSUNG LAS BYUNG NGO, , SLOB DPON PADMA SAm BHA WA'I ZHAL NAS, RDZAS KYI NUS PA BSAM GYIS MI KHYAB PAS SENG+GE SMYON PA'I KLAD PA SOGS RDZAS NGAN PA DGU 'DZOMS LAS BYUNG BA'I CHANG 'THUNGS PA'I MI LA TSE 'DIR NYES DMIGS 'DI DAG 'BYUNG NGO, ,DKON MCHOG LA BRNYAS SHING
, ,SMOD PAS DMYAL SOGS NGAN SONG DU LHUNG BA'I LAS GSOG ,RGYAL PO SOGS LA SKUR BA 'DEBS PAS RGYAL KHRIMS KYIS MNAR BAR 'GYUR ZHING, GROGS TSANGS PA MTSUNGS PAR SPYOD PA RNAMS KYI SMOD PA'I GNAS SU 'GYUR(1), CHANG LA MI DGA' BA'I MI LA MA DGA' ZHING, CHANG LA DAD PA'I MI LA BSTOD RA BTANG(2), YANG YANG 'THUNG NA SNYAM PA'I LOG SEMS(3) SKYE, MI LA GTAM NGAN GLENG ZHING MTSANG 'BRU BAR BYED(4), RO LA CHAGS NAS SPONG MI THUB(5), GZHAN DANG 'THAB PA DANG, BRDEG PA DANG, 'TSOG PA DANG, SHA RUS PAGS PA SOGS DRAL NAS SDUG BSNGAL BAR BYED(6), RKANG LAG TSA RUM NAS 'DUG MI BDE, NYAL YANG MI BDE BAS KE RE LANGS SHING DON MED DU KU CO 'DON NAS GAD PA DANG, NGAM GROG ,BRAG DANG, CHU KLUNG SOGS LA LTUNG NAS SHI BAR 'GYUR(7), MIG MI GSAL ZHING 'BYED 'DZUM MI NUS, GANG YANG NGO MI SHES PAS BLO 'THUMS PAR BYED(8), 'GO BA'I LHA LNGA SOGS BROS TE SKYABS MED MGON MED DU GYUR PAS DE'I RGYUD LA BDUD ZHUGS NAS SEMS RGYUD MA RUNGS PAR GYUR TE MI DGE BCU, MTSAMS MED LNGA SOGS LAS NGAN TSABS PO CHE BSAGS NAS PHYI MAR NGAN SONG GSUM DU SDUG BSNGAL SNA TSOGS MYONG BAR 'GYUR(9) RO, ,ZHES GSUNGS, GONG DU DMYAL BAR 'GRO ZHES PA'I DMYAL BA NI, 'BRU'I CHANG DANG BCOS PA'I CHANG MYOS PAR 'GYUR BA 'THUNGS PA DAG PHAL CHER TSA DMYAL DU 'BOD DU LCAGS KYI SA GZHI LA NAGS 'THIBS POR MTHONG STE SKYABS 'TSOL ZHING BRGYUGS PA NA, LCAGS KYI KHANG PAR ZHUGS PA'I PHYOGS BZHI DANG STENG 'OG NAS MES BSREGS PA'I NAGS SU
BROS PA DANG, ME DES SA GZHI DANG NAGS TSAL DANG SEMS CAN RAB TU 'BAR BAS ME 'BA' ZHIG LAS GZHAN MI SNANG BA NA DU ZHING NYAM THAG PA'I SKAD 'BYIN PA'O, ,DE'I PHYOGS BZHI'I RTZIG NGOS LA SGO BZHI YOD LA LCAGS KYI RA BAS BSKOR BA'O, ,SGO GCIG PHYE NAS BROS PAR 'DOD PA NA YANG CHOD DE PHAN TSUN RTZVA DANG SHING LTAR SPUNGS SHING BSREG GO ,YUN RING ZHIG NA DE PHYE NAS BROS PA NA, DRUNG DE NYID NA ME MA MUR PUS NUB TZAM DPAG TSAD MANG PO KHYAB PAR RKANG PA BZHAG NA NI PAGS PA DANG SHA DANG KHRAG KUN 'JIG LA, BTEG NA NI YANG SKYE BAS LO DU MA 'JUG DGOS SO, ,DE'I DRUNG NYID NA PHYI SA'I 'DAM RO MYAGS LTAR MNAM PA MI 'GRENG TZAM DPAG TSAD MANG PO DRI NGA ZHING BTZOG PAR 'BOG PA NA DER 'GYEL TE MGO DANG RKANG LAG DANG BCAS PA BYING NGO, , DE NA 'BU MCHU RNON THAL KAR MGO NAG PA MCHU KHAB 'DRA BA YOD PAS, PAGS PA DANG SHA DANG RGYUS PA DANG RUS PA PHUG NAS LHA BA 'DRU'O, ,DE'I DRUNG NYID NA SPU GRI GTAMS PA'I LAM, LO MA RAL GRI LTA BU'I TSAL DANG, SHAL MA LI'I TSAL DANG BCAS PA YOD DE, SPU GRI'I LAM DU BRGYUG PA DANG RKANG PA BZHAG NA SHA PAGS THAMS CAD GCOD LA, BTEG NA YANG SKYE BAR LO MANG PO'O, ,DE'I DRUNG GI TSAL DE AA MRA SNGON PO'I TSAL 'DRA BAR SNANG NAS ZHUGS PA NA RLUNG TSA BAS RAL GRI DE DAG STENG DU LHUNG STE YAN LAG DANG NYING LAG THAMS CAD GCOD DO, ,DER 'GYEL BA NA KHYI SRE BO DAG GIS SPYI BO SA LA BRDABS TE GLO GNYIS NAS BSHUS SHING, BSHUL SHA DANG RGAL TSIGS KYANG PHYUNG NAS ZA'O, ,DE'I DRUNG NA LCAGS KYI SHING SHAL MA LI'I TSAL MI
, ,'GRENG SA YA TZAM DU MTHO BA TSER MA RNON PO SOR BCU DRUG PA TSAL SNGON PO'I PHRENG BAR SNANG BA LA 'JOG NA KHA THUR DU LTA LA, BABS NA GYEN DU LTA BAS YAN LAG THAMS CAD 'BIGS SHING GSHAG GO ,KHVA LCAGS KYI MCHU CAN DAG KYANG PHRAG PA 'AM MGOR BABS TE MIG DANG KLAD PA 'DRU'O, ,LCAGS KYI RDZA BUM DANG, ZANGS BA TSA'I CHU KHOL BAS GANG BAR YANG 'TSED DO, ,SHAL MA LI'I DRUNG NYID NA 'GYUR BYED KYI CHU KHOL MAS GANG BA'I KLUNG RABS MED DU LHUNG NAS BSKOL BAS STENG 'OG TU 'PHYO ZHING 'TSED PA NI ZANGS CHUS BKANG BA LA ME CHEN PO SPAR BAR MON SRAN GRE'U LA SOGS PA 'TSED PA BZHIN NO, ,'GRAM GNYIS NA NI GSHIN RJE RAL GRI LA SOGS PA THOGS PAS 'BYUNG DU MI STER BAR 'TSED DO,, DER SKRA DANG SPU THAMS CAD NI 'BYI, SHA KHRAG THAMS CAD NI 'JIG PAS RUS PA NYID LUS PAR ZAD DO, ,YANG LCAGS KYI MCHIL BA DANG NYA RGYAS NYA LTAR BCUS TE SA GZHI 'BAR BA LA GAN RKYAL DU BZHAG NAS KHYED CI 'DOD CES SO, ,BDAG CAG NYID KYANG MI SHES MI MTHONG MOD KYI, 'ON KYANG BKRES SO ZHES SO, ,DE DAG GIS LCAGS KYI 'BYED SPYAD KYIS KHA PHYE NAS THU LUM 'JUG CING ZANGS KHOL MA BLUD PA YANG SNGA MA BZHIN NO, ,DE NAS YANG LDOG TE KLUNG RABS MED DANG, SHAL MA LI'I TSAL DANG, RAL GRI'I LAM DANG, SPU GRI'I LAM DANG, RO MYAGS KYI 'DAM DANG, ME MA MUR GYI 'OBS NAS YANG SGO DE NYID DU 'JUG GO ,PHYOGS GZHAN NAS KYANG DE KHO NA BZHIN 'KHOR LO LTAR 'KHOR BAR BYED DO, ,SNGON RGYAL PO ZHIG GIS,
DON MTHUN SKOM PAS GDUNGS PA LA CHANG BLUD PAS DMYAL BA DU 'BOD CHEN POR SKYES PAR GSUNGS SHING, SPYIR MI PHAL BA CHANG 'THUNG TSAD DU 'BOD DANG, RAB BYUNG GIS 'THUNG NA DU 'BOD CHEN PO, DGE TSUL GYIS 'THUNG NA TSA BA'I DMYAL BA, DGE SLONG GIS 'THUNG NA RAB TU TSA BA'I DMYAL BAR SKYE, SDOM LDAN YIN MIN LA MA LTOS PAR CHANG BLUD MKHAN MTHA' DAG MUN PA NAG PO'I DMYAL BA DANG, DU 'BOD RNAMS SU SKYES NAS LO GRANGS MED DPAG TU MED PAR SDUG BSNGAL GYI TSOR BA DPAG TU MED PA NYAMS SU MYONG BA NI SANGS RGYAS KYI BKA' BSLU BA MED PAS NGES PA YANG DAG PA'O, ,'DI LTA BU LA MANG DU SO SOR RTOG PAR BYED PA NI, MCHOG TU DPA' BA,? BDUD KYI SDE CHEN PO 'JOMS PA, 'KHOR BA'I RGYA MTSO LAS SGROL BA, TSUL KHRIMS KYI CHUS 'DOD PA'I ME GSOD PA, BYAMS PA'I CHU'I BUM PAS ZHE SDANG GI ME GSOD PA, RTEN CING 'BREL BAR 'BYUNG BA'I SGRON MES GTI MUG GI RAB RIB SEL BAR BYED DO, ,ZHES GSUNGS SO,, SNYIGS DUS RAB BYUNG GZUGS BRNYAN 'GA' ZHIG DANG, ,DKON MCHOG BLA MAR 'DZIN PA'I KHYIM PA RNAMS, ,DMYAL CHU LAS KYANG CHES CHER 'JIGS 'OS PA'I, ,MYOS BYED BTUNG BA BSTEN PA GA LA RIGS, ,SMAD PAR 'OS PA'I SDIG PA CHES MANG YANG, ,BZOD DKA'I SDUG BSNGAL RTZA BAR NYER DGONGS NAS, , STON PA THUGS RJE CAN GYIS NAD PA LA, ,BCAS RKYANG PHAL CHER GNANG YANG MYOS 'GYUR CHANG, ,SROG GI PHYIR DU'ANG MA GNANG DE YI PHYIR, ,YA RABS SPYOD TSUL LDAN PA'I SKYE BO KUN, ,DMYAL BA'I KHRO CHUS BSKRUN MED ZHIM MNGAR CHANG, ,SROG BSDOS
, ,MDZAD NAS 'DZEM CES MA THOS SAM, ,THOS NAS SHES KYANG CHANG LA SRED PA'I MI, ,RAB BYUNG RNAMS LA CHOS SRUNG BKA' TSAD DANG, ,KHYIM PA LA YANG MI SHIS BYUR SNA 'DREN, ,PHYI MAR DMYAL BA DU 'BOD CHEN POR 'TSED, ,DE PHYIR MI GZUGS BYOL SONG MA YIN NA, ,MYUR DU SROG 'PHROG DUG CHEN 'DI SPONG LA, ,CHU BUR LTA BU'I LUS 'DI NAM 'DOR BA'I, ,NGES PA MED PAS LA GOR MA nI 'DREN, MYOS 'GYUR 'THUNGS PA'I SKYON MTSANG LEGS PAR BSHAD PA SMYO CHU SUN 'BYIN ZHES BYA BA 'DI NI, BYANG PHYOGS CHEN PO HOR YUL GYI BKA' GDAMS DGON CHEN DGE 'PHEL DGA' LDAN CHOS MDZOD GLING GI BLA MA GONG MA RIM BYON RNAMS NAS CHANG KHRIMS DAM PO MDZAD PA'I DRIN GYIS SU RA SHIN TU 'DZEM BZHIN PA YIN KYANG, DUS SHIN TU SNYIGS PA'I STABS NAS SER MO PA'I GRAL DU CHUD PA 'GA' ZHIG GIS BYES LAM SOGS SU 'THUNG BA'I NGES PA MED PAS DE DAG DGOG PA'I CHED DU 'DI LTA BU ZHIG 'BRI DGOS ZHES TSOGS CHEN ZHAL NGO LHA LDAN RAB 'BYAMS PA MKHAS PA'I DBANG PO 'JAM DPAL GZHON NU, TSOGS CHEN DGE BSKOS RAB 'BYAMS PA YE SHES BSAM GRUB, TSOGS CHEN DBU MDZAD SKAL BZANG DBANG PHYUG SOGS LAS SNE THUN MONG NAS MGRIN GCIG TU BSKUL BA LA BRTEN NAS, 7 ZHVA SER COD PAN 'CHANG BA'I THA SHAL DGA' LDAN BSTAN PA'I GSAL BYED LCANG LUNG AARYA PAndI TA NGAG GI DBANG PHYUG BLO BZANG BSTAN PA'I RGYAL MTSAN DPAL BZANG POS RNAM 'PHYANG ZHES PA SA PHO KHYI LO'I RGYAL ZLA BA'I GANG BA PHYOGS KYI RDZOGS PA GSUM PA'I NYIN BKA' BSTAN BCOS
KYI GLEGS BU MNGON PAR 'KHRIGS PA'I LDING KHANG DU BRIS PA 'DIS KYANG THUB BSTAN SPYI DANG, KHYAD PAR DPAL MNYAM MED RI BO DGE LDAN PA'I RING LUGS DRI MA MED PA 'DI NYID PHYOGS DUS KUN TU DAR ZHING 'GRO KUN BDE SKYID KYI DPAL LA SPYOD PA'I RGYUR GYUR CIG , ` 'JAM MGON BLA MA'I BSTAN PA'I ZHABS 'DEGS SU, ,DMIGS NAS DGE BSHES BLO BZANG BSHES GNYEN NAS,, CHOS SBYIN 'DZAD MED PAR GYI YON SBYAR TE, ,BSGRUBS PA'I DGE TSOGS THUB BSTAN RGYAS PHYIR BSNGO,,
, ,KO TAM BSTAN PA'I ZHABS 'DREN AA RI KHI, ,KHO THAG CHOS LA GCOD BYED AA RI KHI, ,GO RIG DRAN PA NYAMS BYED AA RI KHI, ,NGO TSA KHREL 'DZEM 'DOR BYED AA RI KHI, ,CO 'DRI BSLU BRID SNA 'DREN AA RI KHI, ,CHO RIGS BZANG PO SLAD BYED AA RI KHI, , JO BZANG MIN PA'I NGAN RTAGS AA RI KHI, ,NYO LE DGE SBYOR 'JOMS BYED AA RI KHI, ,TO GER TSUN CHAD DRI MNAM AA RI KHI, ,THO CO'I SPYOD PA'I MTHAR ZAD AA RI KHI, ,DO GAL CI YANG MED PA AA RI KHI, ,MNO BSAM CI YANG MA MTHONG 'DI 'THUNG DGA', ,PO TI LNGA LA MKHAS PA'ANG 'DI YIS 'PHUNG, ,PHO RAB SNYING STOBS CAN YANG 'DI YIS 'PHUNG, ,BO DHI SGRUB BRTZON 'GA' YANG 'DI YIS 'PHUNG, ,MO BTZUN GTZANG SBRA CAN YANG 'DI YIS 'PHUNG, ,TZO RAS TZAM YANG TSA GRANG SKYOB MI NUS, ,TSO SNUM ZAS BZHIN LUS ZUNGS SKYED MI NUS, ,DZO KI'I SPYOD BZHIN GROGS SU 'KHYER BA DKA', ,WO RGYAL DON MED MIG CHU 'DZAG PAR ZAD, ,ZHO SOGS ZHIM DGU BSTEN KYANG BRO BA BSLAD, ,ZO MDOG MI BDE GDON DANG NAD RIMS SLONG, ,'O 'DOD BOS KYANG LHA SRUNG 'KHOR MI NUS, ,YO DONG G-YANG SA LTA BU 'DI SPONGS SHIG ,RO LANGS GDON GYI SNA 'DREN 'DI SPONGS SHIG ,LO THOG LA SOGS NYAMS BYED 'DI SPONGS SHIG ,SHO DANG KHRAM LA 'DEB BYED 'DI SPONGS SHIG ,SO SO'I SEMS RGYUD NAG BYED 'DI SPONGS SHIG ,HO HO ZER GYIN MYOS BYED MA 'THUNG BAR,, AOO dYA YA NAR SKYE BA'I RGYU TSOGS SGRUBS, (,RIGS BRGYA'I BDAG PO SARBA DZNY'A, ,RATNA SH'A NAS SYA D'I BAm SHRI, ,BHA DRA'I LEGS BSHAD GSUNG ZUR TZAM, ,SU RAR? SBYAR TE GONG? BSTUN BRIS, ,'DIS KYANG KUN LA PHAN THOGS SHOG, ,,)
[BLANK PAGE]