, (,DGA' LDAN THEG CHEN BSHAD SGRUB GLING GI BCA' YIG CHEN MO'I ZUR 'DEBS DRAN GSO'I BRJED BYANG BZHUGS SO, ,)
, ,AOm SVASTI, RGYAL BA GNYIS PA YAB RJE BTZONG KHA PA'I, ,DRI MED RING LUGS 'DZIN SKYONG SPEL MDZAD PA, ,DGA' LDAN THEG CHEN BSHAD SGRUB GLING MCHOG GI ,MKHAS MANG BCA' KHRIMS ZUR RGYAN 'DI NA SPEL, ,BLUN PO BKA' BLO MI BDE KHA CIG DANG, ,RANG MTHONG CHE BA'I MKHAS MIN MKHAS RLOM 'GAR, ,CI BYAS DON DU 'GYUR BA DKA' NA YANG, ,GZUR GNAS BLO GSAL TSOGS RNAMS DGYES SLAD DU, ,SNGON BYON MKHAS GRUB GANGS RI LAS 'ONGS PA'I, ,LEGS BSHAD SKAL LDAN SHING RTA'I RGYUN BZANG PO, ,BDAG BLO'I RIN CHEN YOL GOR 'KHYIL BA LAS, ,CHU THIG TZAM ZHIG SPEL 'DI GSAN PAR RIGS, DE LA 'DIR RGYAL BA'I BSTAN PA RIN PO CHE LA THOS BSAM SGOM GSUM TSUL BZHIN MDZAD PA'I CHOS SDE CHEN PO DGE
, ,'PHEL DGA' LDAN CHOS MDZOD GLING GI MTSAN NYID GRA TSANG LEGS BSHAD BRGYUD MAR SGROGS PA'I DGA' TSAL LAM DGA' LDAN THEG CHEN BSHAD SGRUB GLING ZHES SNYAN PA'I BA DAN DKAR PO SA GSUM NA CHES CHER GRAGS PA 'DI NYID KYI DGE 'DUN PA RNAMS KYIS THUGS NYAMS SU BSTAR RGYU'I RIM PA SE RA BYES MKHAS MANG GRA TSANG RIN PO CHE'I BSGRIGS LAM JI LTA BA BZHIN DGE BSKOS RIM BZHIN NAS TSOGS GTAM 'BUL BA'I RIM PA LA, TSOGS GTAM 'BUL BA PO RTEN GYI GANG BRAG ,'BUL BA'I YUL, DE GSAN PA'I TSUL, JI LTAR 'BUL BA'I TSUL; 'BUL RGYU'I TSOGS GTAM GYI NGO BO DANG LNGA, DANG PO 'BUL PA PO RTEN KYI GANG ZAG LA BLA MA DANG DGE BSKOS GNYIS SU GRANGS NGES, DE LAS GRANGS MANG MI DGOS, NYUNG NA MI 'DU BA ZER
BA 'DI YIN, GNYIS PA 'BUL BA'I YUL NI, 'DUS TSOGS RIN PO CHE 'DI NYID YIN, GSUM PA GSAN PA'I TSUL NI, BLA MA DGE BSKOS GNYIS KYI TSOGS GTAM CHEN MO'I SKABS SU, ZAB MO STONG PA NYID LA MNYAM PAR BZHAG YONG NA YANG LDANG NAS PHEBS DGOS NA GZHAN RNAMS LTA CI SMOS, PHEBS PA TZAM DU MA ZAD TSOGS PA TSANG MAS ZHAL G-YENG SPYAN G-YENG LA MA SONG BAR BGRES PA RNAMS DBANG PO'I TSUL, BAR SHAR PA RNAMS GSOL 'DEBS KYI TSUL, GSAR BU PA RNAMS MA NGES PA NGES PA KHO NA'I CHED DU GSAN DGOS SHING, DE LTA BU'I BGRES PA DE YANG KHA DOG DKAR DMAR NAS BZUNG MDZOD 'DUL GYI BAR CHOS GRA 'GRIM PA, BSGRIGS LAM KUN SPYOD KYI RIM PA JI LTA BA BZHIN NGES PA, GRA TSANG 'DI NYID LA ZHUGS NAS MA MTHA' LO BCO LNGA LON PA SOGS KHYAD CHOS DU MA DANG LDAN PA ZHIG MA GTOGS, SKRA DKAR PO, GNYER MA MANG BA, LO LON BA TZAM GYIS BGRES PA'I GRANGS SU MI GZHUG CING, DE TZAM DU MA ZAD, CHOS GRA TSUL BZHIN DU MA 'GRIM NA GRA TSANG 'DIR ZHUGS NAS LO BRGYA LON NA YANG DA DUNG GSAR PA'I GRAS YIN, DPANG PO'I TSUL DU GSAN TSUL YANG, BLA MA DGE BSKOS KYI TSOGS GTAM SNGAR RGYUN BZHIN YIN MIN GYI ZHUS DAG BYED NAS, YIN MIN GYI DPANG PO PHER NGES PA ZHIG DGOS, DE NAS BAR SHAR PA ZER BA DE YANG GRA TSANG 'DIR ZHUGS TE LO GSUM NAS LO BCO LNGA MA LON BA BSGRIGS LAM THUN MONG MA YIN PA MA NGES PA 'AM, NGES KYANG PHA YUL DU SONG NAS LO KHA SHAS SONG BA'I STABS KYIS BRJED PA RNAMS GSOS 'DEBS KYI
, ,TSUL DU GSAN DGOS, GSAR BU PA RNAMS GRA TSANG 'DI NYID LA ZHUGS NAS LO GSUM MA LON NA LUNG RTOGS KYI YON TAN JI LTAR CHE YANG GSAR PA'I GRAS YIN PAS MA NGES PA RNAMS NGES PA KHO NA'I CHED DU GSAN DGOS, BZHI PA JI LTAR 'BUL BA'I TSUL NI, CHU BUM PA GANG 'BYO'I TSUL DU 'BUL BA, ZHE SA SNYAN NGAG GI SGO NAS 'BUL BA, RDO LAG BRGYUD KYI TSUL DU 'BUL BA DANG GSUM, DANG PO CHU BUM PA GANG 'BYO'I TSUL ZER BA SPYIR BUM PA LA GSER DNGUL ZANGS SOGS KYI BUM PA MANG PO YOD RUNG NANG DU BLUG RGYU'I CHU LA NGO BO MI 'DRA BA'I DBYE BA MED PA BZHIN DU TSOGS GTAM 'BUL BA PO BLA MA DANG DGE BSKOS GNYIS LA RTOGS PA MTHO DMA' DANG RIGS BZANG NGAN SOGS DBYE BA MANG PO YOD RUNG BTANG RGYU'I TSOGS GTAM LA MI 'DRA BA'I KHYAD PAR MED PAS CHU BUM PA GANG 'BYO'I TSUL ZER BA YIN, GNYIS PA ZHE SA SNYAN NGAG GI SGO NAS 'BUL ZER BA'I ZHE SA ZHES BYA BA DE YANG 'DUS TSOGS RIN PO CHE NI BSNYEN BKUR BA'I ZHING MCHOG TU GYUR PA YIN PAS CHE BRJOD MED PA ZLA GAM ZHVA MO ZER BA LTA BU MA YIN PAR ZHVA MO LA DBU ZHVA, STONG 'GAG LA SKU 'GAG ,SHAM THABS LA SKU SHAM, GZAN LA SKU GZAN, LHAM LA ZHABS CHAG ZER BA LTA BU MDOR NA DGE 'DUN DMANGS KYI THAD KAR GANG ZHUS KYANG GUS PA'I TSUL GYIS CHE BRJOD BYAS PA DE YIN ZHING, SNYAN NGAG CES BYA BA NI, RIG BYED KYI BSTAN BCOS SOGS NAS BSHAD PA'I SNYAN NGAG MNGON BRJOD LTA BU MA YIN PA GRA TSANG 'DI SNYING RJES RAB TU PHYE BA'I GRVA TSANG YIN PAS
BSGRIGS LAM DANG 'GAL BA'I RIGS BYUNG TSE DANG PO NAS GSAL PO MA YIN PA GAB TSIG GI SGO NAS RGAN PA'I GRAL LA 'DUG NA GZHON PA'I GRAL LA 'DUG GO ZER NAS RGAN GZHON GO LDOG BYAS NAS BTANG BA DANG, GRAL SHAR NA YONG NA NUB NA YOD DO ZER NAS SHAR NUB GO LDOG NAS SBAS PA'I TSIG GIS 'BUL BA LA SNYAN NGAG ZER, GSUM PA RDO LAG BRGYUD KYI TSUL DU 'BUL TSUL NI, RDO BZO BA MI MANG GIS MTHA' NAS RDO GCIG LAG PA BRGYUD DE YAR BTANG NA 'GA' ZHIG GI LAG TU RDO DE LCI, 'GA' ZHIG GI LAG TU RDO YANG DU 'GRO RGYU MED THAMS CAD KYI LAG TU LCI NA LCI MNYAM, YANG NA YANG MNYAM BZHIN DU GRA TSANG 'DIR ZHUGS NAS BSGRIGS LAM KHUR PA LA RGYAL PO'I SRAS DBU LA GDUGS PHUB 'DO LI LA BTEGS NAS PHEBS PA DANG, SPRANG PO'I BU DBYUG PA BZUNG NAS RKANG THANG LA YONG BA GNYIS BSGRIGS LAM KHUR BA LA KHYAD MED PA YIN, LNGA PA 'BUL RGYU'I TSOGS GTAM GYI NGO BO LA, GSAR BU PA ZHUGS PA'I RIM PA, ZHUGS NAS BSGRIGS LAM NYAMS SU LEN PA'I RIM PA, MTHAR SGRUB PA'I RGYAL MTSAN 'DZUGS PA'I RIM PA DANG GSUM, DANG PO NI, 'DI PA 'AM GZHIS DGON PHAN TSUN DU RAB TU BYUNG ZIN PA GNAG YIN KYANG DGE 'DUN GYI SDE 'KHRUGS BYED PA, PHAM PA BZHI CHANG DANG BCAS PA LA MTHONG THOS DOGS GSUM DANG BCAS PA, GNAS DBYUNG BTANG BA LTA ZHOG LAS SNE TSAD LDAN GYI TSOGS GTAM GYI ZUR TZAM MA PHOG PA HA CANG RGAS DRAG NAS BSGRIGS LAM KHUR MI THEG PA, BYA ROG SKROD MI NUS PA LTA BU
, ,HA CANG CHUNG DRAG NAS BLANG DOR 'BYED MI SHES PA SOGS 'GAL RKYEN DANG BRAL ZHING 'DI GA'I THUN MONG MA YIN PA'I CHOS SPYOD ZIN PA, YO BYAD TSANG BA LTA BU MDOR NA GANG GI THAD NAS 'JUG TU RUNG BA ZHIG 'DUG NA, DGE RGAN RGAN PA ZHIG GIS SKU ZHABS RIN PO CHE DANG MTSAN NYID BLA MA LA SNYAN GSAN NANGS BRDA BZHI BRDA BYAS NAS BABS, BLA MAS KYANG 'DI TZAM LA KHRID SHOG GSUNG BA DANG BSTUN GRVA PA BGRES PA TSAD LDAN ZHIG GIS KHAG PHYAG GI TSUL DU GSAR PA LA PHRENG BA CHAB RIL YAN CHAD RAB BYUNG GI RTAGS CHA LUGS TSANG MA BSGRIGS, DEM JA SPUS LEGS, MJAL DAR KHA BTAGS YA MTHA' TSAD MED, MA MTHA' SKAR MA LNGA RE NGES SHES SHIG SLA CHOS KHRAL CHOS SU MA SONG BAR RTEN 'BREL GYI SGO DANG PO MA 'PHYUG PA ZHIG BYED DGOS TE, RJE 'JAM MGON BLA MA'I GSUNG LAS, DE NAS 'DI PHYI'I LEGS TSOGS JI SNYED PA'I, ,RTEN 'BREL LEGS PAR GRIGS PA'I RTZA BA NI, ,LAM STON BSHES GNYEN DAM PA ZHES GSUNGS PA LTAR RO, ,BLA MA'I MJAL KHA ZHU SKABS BLA MAS GSAR PA LA BKA' GANG 'DRA ZHIG PHEBS KYANG GSAR PA KHO RANG GIS LAN 'DEBS PA MA GTOGS GZHAN SU GANG GIS LAN MI 'DEBS, 'KHRID MKHAN LA BKA' PHEBS NA 'KHRID MKHAN NAS LAN 'DEBS DGOS, MTSAN NYID BLA MA'I MJAL KHA'I SKABS BLA MA DGE BSGOS LHAN RGYAS NAS THUN MONG MA YIN PA'I CHOS SPYOD GTOR 'BUL, YI GE DKAR NAG GI RGYUGS RNAMS SLA CHOS KHRAL CHOS SU MA SONG BAR
ZHIB TSAGS BYED, RGYUGS 'BUL MA THUB TSE, CHOS GRVAR 'JUG RGYU MED PA'I THOG NAS 'KHRID MKHAN DANG DGE RGAN BCAS LA RGYU MTSAN BYED, RGYUGS SPROD LEGS PAR TSAR NAS MKHAN POS CHOS GRVA BSGRIMS LUGS KYI KHE NYES DMIGS KYI BSLAB YAR GNANG, DE NAS TSOGS CHOS GRVAR PHYIN CHOG PA T'A BLA MA, ZHAL NGO GNYIS, GRA TSANG DGE BSKOS BCAS LA NGO SBYOR BYED, GSAR ZHUGS DMIGS BSAL CAN SPRUL SKU CHE KHAG WANG PES LE PES ZE SOGS DPON CHEN GYI RIGS NAS GRAL 'GO CHOS MDZAD BYED TSE SKU ZHABS RIN PO CHER MAndAL RTEN GSUM, MTSAN NYID BLA MAR MAndAL, TSOGS PA YONGS LA JA THUG GNYIS KYIS BSNYEN BKUR THOG DGE 'DUN RE LA DONG RTZE SUM BRGYA'I SKU 'GYED BCAS MA MTHA' NGES PAR DGOS SHING, DE MIN GRAL GZHUG CHOS MDZAD BYED NA DGE 'DUN RE RER DONG RTZE LNGA BCU RE'I SKU 'GYED DANG, GZHAN RNAMS GONG 'DRA, DE MIN GSAR ZHUGS PA RNAMS KYIS GRA JA RE GTONG THUB NA LEGS, MA MTHA' KHA BTAGS SOGS SKYABS 'JUG ZHU RTEN DGE BSKOS KYI NGAG BKOD LTAR BYED, GSAR ZHUGS GANG YIN KYANG CHOS GRVA'I DBU DANG 'DZIN GRA KHA DOG DKAR DMAR NAS 'JUG ,RTZOD PA SNGON SONG YIN NA CHOS THOG GCIG LA BSDUS CHUNG LA SDOD NAS DAM BCA' BZHAG STE, GZHUNG GSAR SOGS 'DZIN GRVA GONG MAR PHYIN CHOG CING, DE MIN SPOR MI CHOG ,PHYOGS GZHAN NAS 'ONG BA RNAMS CHOS SPYOD GTOR 'BUL BLO LA MA BZUNG BAR DU GZHI PA BYAS CHOG ,DE PHAN LUS KYIS
, ,RKYEN THEG CING SHES RAB YOD BZHIN DU CHOS GRVA MA 'GRIM PAR SOS GDAL DU MI SDOD PA DANG, MA MTHA' LO GSUM MA LON PAR DGONGS PA ZHU NAS GZHAN DU MI 'GRO BA'I KHAG KHYAG DGE RGAN SOGS GRA BGRES CI RIGS NAS BYED, ZHUGS MA THAG DGE RGAN TSAD DANG LDAN PA ZHIG BSTEN DGOS, GANG LA BSTEN PA'I DGE RGAN DES KYANG GSAR PA'I 'GRO LUGS SDOD LUGS ZA LUGS DPE CHA 'DZIN SKYOR BYED LUGS KYI RTING BSKUL GANG DRAG JI LTAR BYAS PA BZHIN NYAMS SU LEN BA MA GTOGS GSAR PA KHO RANG GIS SNANG BA GANG DRAN BYED MI CHOG ,BSTEN RGYU'I DGE RGAN DE YANG SLOB MA LAS YON TAN LHAG PA, BRTZE BA SNYING RJE CAN, LUNG GI YON TAN PHYUG PA SOGS MTSAN NYID DANG LDAN PA ZHIG BSTEN NA YON TAN CHU NANG GI PADMO BZHIN DU 'PHEL ZHING RGYAS PAR 'GYUR LA, MI DGE BA'I BSHES GNYEN DANG SDIG GROGS LA BSTEN NA NI TSVA SGO CAN GYI ZHING GI LO TOG BZHIN DU YON TAN SNGAR MA SKYES PA MI SKYE, SKYES PA RNAMS NYAMS PAR 'GYUR BA NI, 'DUL BA 'OD LDAN LAS, TSUL DE LTA BU'I CHO GAS BSNGAGS PA'I BLA MA LA BSTEN NA CHU NANG GI PADMO BZHIN DU CHOS DGE BA RNAMS 'PHEL BAR 'GYUR RO,, MTSAN NYID DE DAG MA TSANG BA LA GNAS PA NI ZHING TSVA SGO CAN LA SA BON BTAB PA DANG 'DRA BAR GNOD PA LA BSTEN PAR 'GYUR RO,, ZHES GSUNGS PA LTAR RO,, GSAR PA CHOS GRVAR GSAR DU ZHUGS PA'I CHOS THOG DE LA TSOGS THENG GCIG TZAM ZHIG GI GNANG BA YANG ZHU MI CHOG ,NAD PA YIN NA DGE RGAN GYIS ZHUS CHOG PA DMIGS BSAL YIN, GNYIS PA ZHUGS NAS
BSGRIGS LAM NYAMS SU LEN PA'I TSUL LA, CHOS THOG DANG CHOS MTSAMS GNYIS, DANG PO LA, CHOS GRVA DANG GRVA JA'I SKOR GNYIS, DANG PO LA, DNGOS DANG ZHAR BYUNG GNYIS LAS, DANG PO NI, ZLA BA GNYIS PA, GSUM PA, BRGYAD PA RNAMS KYI TSES GNYIS NAS NYER GNYIS KYI BAR DANG, BRGYAD PA'I NYER DGU NAS DGU PA'I BCU DGU'I BAR NYI SHU'I CHOS THOG RE, ZLA BA BZHI PA DANG BCU PA GNYIS KYI TSES GNYIS NAS BCU DRUG GI BAR BCO LNGA'I CHOS THOG RE, ZLA BA BZHI PA'I NYI SHU LNGA NAS LNGA PA'I NYER LNGA'I BAR DANG, DRUG PA'I NYI SHU NAS BDUN PA'I NYI SHU'I BAR ZLA CHOS RE BCAS LO RER CHOS THOG BRGYAD NGES PAR 'TSOG DGOS SHING, ZLA BA GNYIS PA'I SMON LAM DANG, ZLA BA DGU PA'I BKA' BSTAN GYI SKABS SU CHOS GRVA MED NA'ANG TSOGS PAR 'DZIN GRVA SO SOR RTZOD PA HUR PO BYED DGOS, ZLA CHOS LA SHING SLONG GNYIS DANG NYI SHU'I CHOS THOG LA SHING SLONG GCIG GTONG BA DMIGS BSAL YIN PAS DE MIN PA CHOS GRVA'I SA KHUNGS LA SBYIN BDAG DBANG CHE SOGS LA BSNYAD NAS CHOS GRVA DUS GSUM DANG GRVA JA BCAD PA SOGS GTAN NAS MI RUNG, SBYIN BDAG GI SKU RIM GAL CHE YIN NA DGUNG TSIGS KYI BAR RGYAB LA GRVA JA 'TSOGs NAS SGRUB CHOG CING, MDOS GTOR ZLOG CHEN LTA BU RNGA SDUB DGOS PA'I RIGS YIN NA ZUR DU SGRUB PA MA GTOGS GRVA KHANG NANG LA SGRUB MI CHOG, GRVA TSANG SPYI SGER GYI MTSAN DON LA MI GNOD PA GAL CHE'O,, DE'ANG CHOS THOG GANG TSUGS PA'I THOG MAR GRVA PA TSO RANG GI GZIMS BSHAG LA GSOL TSIGS
, ,BZHES TE DGUNG YOL TZAM LA ZHVA ZLAM BSNAMS TE RIM GYIS PHEBS NAS 'DZIN GRVA SO SOR ZLA BO GNYIS GSUM TZAM 'TSOG PA NA DKA' RAMS PA'I 'DZIN GRVA NAS BZUNG GZHUNG GSAR GYI BAR BSDUS GRVA GSUM BCAS SO SOR DAM BCA' BTZUGS NAS RTZOD PA HUR PO BYED, DGE BSKOS PHEBS NAS 'DZIN GRVA SO SOR BSKOR BA YANG BYA, RTZOD PA YUN RING TZAM SONG BA'I JI LTAR 'TSAM PA ZHIG LA MKHAR RNGA BTANG BA DANG, ZHVA ZLAM BZHES TE PHEBS TSOGS BYAS DBU MDZAD DKYIL LA BZHUGS, DE'I PHYI LA SPRUL PA'I SKU RNAM PA TSO, DKA' RAMS DGE BSHES GRVA PA BAR SHAR PA GSAR PA RNAMS RIM GYIS GRAL MTHA'I BAR DU BZHUGS, TSOGS TSAR BA DANG, MKHAR RNGA CHOD PA, DBU MDZAD NAS ZHAL 'DON GYI DBU TSUGS PA DUS MTSUNGS, SGROL MA GSUNG BA'I SGANG LA BREL BA DMIGS BSAL MA BYUNG TSE GRVA TSANG MKHAN PO CHOS GRVAR PHEBS, SGROL SHER CHOS SPYOD GTOR 'BUL NAS MJUG GI TSIGS BCAD BAR RDZOGS MTSAMS SU BLA MAS DGE 'DUN RNAMS KYI NYAMS BZHES SU BSTAR RGYU'I BSGRIGS LAM KUN SPYOD KYI RIM PA GSUNG CHOS DANG 'BREL BA ZHIG ZHIB RGYAS GNANG DGOS SHING, DE SKABS MANG MAS KYANG GONG DU ZHUS PA LTAR LUS NGAG YID GSUM GYI SGO NAS BYANG CHUB LAM RIM DANG KHYAD MED PAR GSAN DGOS, DE NAS CHOS THOG GI 'GOR ZHOGS PA CHOS 'DON NYI MA GSUM, GROL KHA'I ZHOGS PA GNYIS SGROL MA TSAR LNGA BCU RE 'DON DGOS, DE MIN THAMS CAD RTZIS BZHAG
YOD PA'I SA LUNGS YIN, ZHOGS KHA CHOS GRVA CHOS 'DON YIN NA MANG JA MA GROL GONG DU DGON GNYER NAS GLEGS BAM SO SO'I GLEGS THAG BA SHIG NAS BZHAG ,MANG JA GROL BSTUN MKHAR RNGA BTANG BA DANG, DGE 'DUN RNAMS CHAB GSANG GNANG NA CHOS GRVA'I NYE 'KHOR MA YIN PA RGYANG SE ZHIG LA CHAB GSANG GNANG STE THUGS RGYAG THAG TZAM NAS BGRES RIM GYIS PHEBS, ZLA GAM THANG LA 'DING BA LTAR SKOR TSOGS BYAS TE, SO SO'I GRAL GYI THAD DU BZHUGS ZIN PA MKHAR RNGA CHOD PA, CHOS 'GRIM PA'I 'GO TSUGS PA, DGE 'DUN PA RNAMS KYIS CHOS SHOG KLOG PA DUS MTSUNGS, CHOS KLOG PA'I TSE SGRA DAG GSAL GSUM GYI SGO NAS KLOG PA MA GTOGS, KLOG BAR DU DON MED KYI NGAG 'KHYAL, RTZED MO BZHAD GAD; 'THAB MO RTZOD GLENG SOGS BYED SA MED, LHAG PAR TU RGYAL BA'I GSUNG RAB LA MA GUS PA'I RIGS 'O BRGYAL SAR BZHAG PA, PHAR YUG TSUR YUG BYED PA, YI GE 'BRI BSUB, SHOG GU RAL BA DANG CHAD PA SOGS CHOS SPONG GI NYES PAR 'GYUR BA SHIN TU BKA' GNYAN PAS RNAM DPYOD DANG LDAN PA RNAMS KYIS TSUL 'DI LA SNYING NAS GZAB DGOS TE, TING NGE 'DZIN RGYAL PO'I MDO LAS, GANG GIS GANG+G'A'I BYE SNYED KYI, ,DGRA BCOM BSAD PAR GYUR PA BAS, ,GANG GIS MDO SDE SPONG BYED PA, ,SDIG PA 'DI NI CHES KHYAD 'PHAGS, ZHES GSUNGS PA LTAR RO,, GRAL 'GOR BZHUGS PA RNAMS KYIS CHOS KYI GRANGS YIG MA NOR BA RUNG PO BYED, CHOS 'DON TSAR BA DANG DBU MDZAD KYIS DBU BSKUL TE, SHER SNYING
, ,TSAR GCIG ,DE NAS DBU ZHVA BZHES TE, RJE BTZUN BLA MA'I SGRA CHEN GTONG NAS DH'I:SKAD BTANG TE GROL, GNYIS CHA GNYIS CHA BYAS TE RTZONG PA HUR PO BYED, CHOS THOG DE LA GSAR DU ZHUGS NAS SNGAR RTZOD GRVA BYED MA MYONG BA ZHIG YIN NA, RTZIS BZHAG GSUM MA SONG BAR DU ZLA BO MED PA BSDAD CHOG ,TSAR GSUM SONG NAS ZLA BO MED PAR GYA TSOM DU SDOD SA MED, CHA MA 'GRIG NA GCIG MA GTOGS GNYIS YOD SA MED, GCIG PO DE DGE BSKOS LA DGONGS PA ZHU GNANG BYED, DGE BSKOS KYIS SKOR BA GSUM BYED PA'I DANG PO'I SKABS SU ZLA BO 'GRIG MI 'GRIG BLTA, GNYIS PA'I SKABS SU RTZOD PA BYED TSUL BLTA, DE NAS GRVA JA'I TSA GRANG CHU TSOD JA THON MA THON SOGS LEGS NYES KYI STANGS 'DZIN LA PHEBS NAS GRVA JA TSOGS RAN PA'I SKABS SU ZHVA MO BSNAMS TE BSKOR BA BYED, MTSAMS 'DIR GRVA JA'I DGONGS PA ZHU DGOS PA YOD NA MNGON CHUNG GIS ZHU, DGE 'DUN MANG MAS KYANG THUGS KHROL LA RGYANG RING TZAM PHEBS, DGE BSKOS NAS RDO BCAL THOG MKHAR RNGA BTANG BA NA RTAGS GSAL KHYAB SKOR GCIG LA 'KHOR GSUM BRGYA THAM PA 'GRO SA YOD NA YANG RTZOD PA'I 'PHRO BCAD DE, 'DZIN GRVA MTHO DMAN DANG BGRES RIM GYIS DMIGS BRTZE MA GSUNG BZHIN DU TSOGS LA PHEBS DGOS, 'ON KYANG RDO BCAL SGANG LA MA SLEB NA KHAS LEN DRI BA DRIS BSHAD YOD KYANG SLEB NA MED PA YIN, GRVA JA'I TSOGS GTAM SANG NYIN GRVA JA LA ZHU CHOG PAS DA RES DE TZAM ZHU, 'DI NI ZHOGS PA CHOS
'DON YOD PA'I DBANG DU BTANG BA YIN LA, ZHOGS PA CHOS 'DON DANG RTZIS BZHAG MED NA MKHAR RNGA BTANG BA DANG BSTUN SKOR TSOGS BYAS TE BZHUGS, SHER SNYING TSAR GSUM, SHES BYA MKHA' DBYINGS MA SGRA DANG BCAS PA SONG MTSAMS SU DBU ZHVA BZHES NAS, RJE BTZUN BLA MA'I SGRA CHEN GTONG STE DH'I:SKAD BTANG NAS GROL ZHING GZHAN RNAMS GONG DANG 'DRA, ZHOGS PA CHOS GRVAR RTZIS BZHAG YOD NA, MANG JA MA GROL GONG DU DGON GNYER NAS MKHAN PO'I BZHUGS KHRI BSHAM, GZIMs CHUNG GI SGO MDAR DGE BSKOS KYI BZHUGS GDAN 'DING BLA MA KHRI THOG LA PHEBS RJES MKHAR BRDA BYUNG BA DANG BSTUN MDZOD PA RNAMS BLA MA'I MDUN DU PHEBS TE PHYAG GSUM RE 'TSAL NAS SKOR TSOGS BYAS BZHUGS, 'DUL BA NAS BSDUS CHUNG BA'I BAR RANG RANG GI 'DZIN GRVA'I THAD DU DBU ZHVA BZHES NAS BZHUGS, MKHAR RNGA THAG CHOD PA DANG, BLA MAS MDZOD PA LA RTZIS BZHAG GI DBU TSUGS PA, 'DZIN GRVA SO SOR DH'I:SKAD BTANG NAS RTZOD PA TSUGS PA DUS MNYAM DGOS, BLA MAS RTZIS BZHAG TSAR GSUM GNANG BA RDO RAMS PA SOGS SKYOR RES GANG YIN PA YAR SKYOR TE, PHYAG GSUM 'TSAL NAS 'DZIN GRA'I GO SAR PHEBS, SDEBs SBYOR BYAS NAS RDO RAMS PA SOGS DAM BCA' RE MOS 'JOG ,BGRES RIM GYIS RIGS LUNG THONG, 'DUL BA NAS BSDUS CHUNG BA'I BAR SKYOR DBON SO SOS BLTA RTOG BYA, RNGA BTANG BA DANG CHOS KYI CHE BA BYAS NAS SKOM PAS CHU DON DU GNYER BA 'DRA BA BLA MA'I MDUN DU RGYUGs RGYUGs PHEBS NAS PHYAG GSUM RE
, ,'TSAL, ZHAG SNGA MA'I RTZIS BZHAG YAR SKYOR, RTZIS BZHAG TSUR GNANG BA YAR SKYOR NAS PHYAG GSUM BTZAL TE MAR DAL BUS LEGS PAR SOMS BZHIN PHEBS, 'DZIN GRVA LA SKOR TSOGS BYAS TE SKYOR DPON GYIS TSAR GSUM SKYOR, MANG MAS SKYOR BYAS TE DAM BCA' 'DZUGS PA SOGS 'DUL BA NAS BSDUS CHUNG BA'I BAR KHYAD MED PA YIN, GZHUNG GSAR MTSAMS NAS DGE BSKOS CHU TSOD LA PHEBS, 'DZIN GRVA SO SOR DGE BSKOS SKOR BA YANG YANG BYED, BLA MA PHEBS RJES DGE BSKOS NAS MDZOD PAR BRDA RGYAB PA DANG 'DZIN GRVA RIM BZHIN CHAB GSANG LA PHEBS, NYI TSOD DANG BSTUN DGE BSKOS NAS MDZOD PA'I 'DZIN GRA LA ZHVA BRDA PHUL TE MKHAR RNGA BTANG BAR PHEBs, DBU MDZAD KYIS SNA 'DREN MDZOD PA PA RNAMS DANG 'DZIN GRVA GO RIM BZHIN PHEBS PA GONG DANG 'DRA, GRA JA GROL NAS SO SO'I 'DZIN GRVA LA ZHVA ZLAM BZHAG ,CHAB GSANG LA THUGS BCAG THAG CAM PHEBS TE RTZOD PA RANG LA GNYIS SNANG NUB NAS BZHUGS PA MA GTOGS, DBYAR KHA BSIL GRIB DGUN KHA NYI MA DRO SAR BZHUGS NAS RTZED MO, BZHAD GAD, DON MED PA'I NGAG 'KHYAL BYED MI CHOG ,DGE BSKOS NAS KYANG 'DZIN GRVA GONG 'OG LA DAM BCA' YAR MAR LA BTANG BA DANG RTZOD PA YAGS PO YONG BA'I BLTA RTOG YANG YANG BYED, 'DI DANG DGONGS MO'I CHOS GRVA'I DAM BCA' GNYIS PO RGYUN RING BYED DGOS, BLO GROS KYI RTZAL DANG LDAN PA RNAMS KYIS SHING RTA CHEN PO'I GZHUNG GI DON ZAB MO LA DPYOD PA'I RIGS
PA'I 'GROS RNYED PAR BYAS LA, SHING RTA CHEN PO RNAM GNYIS KYI GZHUNG CHEN MO RNAMS KYI DON 'TSOL BA LA 'BAD NA KHYAD PAR DU 'PHAGS PA ZHIG YONG, LHAG PAR MGON PO KLU SGRUB KYIS ZAB MO'I LTA BA RIGS PA'I RNAM GRANGS MTHA' YAS PA'I SGO NAS GTAN LA PHAB PA RIGS TSOGS NAS BYUNG BA'I RIGs PA'I MIG RNAMS RNYED PAR BYAS LA DBU TSAD KYI RIGs PA PHRA MO RNAMS LA BRTEN NAS ZAB MO'I DON 'TSOL BA LA 'BAD DGOS, BLO GROS KYI RTZAL CHUNG BA DAG GIS THOG MA NAS DBU TSAD KYI RIGs PA PHRA MO RNAMS KYANG CHES SHIN TU RNYED DKA' BAS SNGON BYON DAM PA RNAMS KYIS THOG MAR RIGs PA'I SGO 'BYED DU JI LTAR 'TSAM PA RE STON PAR MDZAD PA RNAMS LA SBYANGS NAS GZHUNG LUGS DPYOD PA'I RIGs PA'I SGO RNYED DE, DBU PHAR 'DUL MDZOD TSAD MA RNAM 'GREL SOGS KYI GZHUNG CHEN MO RNAMS LA SBYANGS TE LOG PAR RTOG PA DANG PHAS KYI RGOL BA SOGS GZHAN KYIS BSGYUR MI THUB PA'I BLO'I STOBS RTZAL DANG RIGs PA'I MIG RNYED PA ZHIG BYA BA LA 'BAD DGOS KYI, DE 'DRA MA YIN PAR GZHAN DAG KHA BSHAG 'GYED PA LA SMRA BA BZANG BA TZAM SGRUB PA DANG, 'GRAN ZLA ZIL GYIS GNON PA'I PHYIR G-YO SGYU'I BSAM PAS RTZOD PA LHUR LEN PA NI KHA NAS CHOS KYI TSIG BRJOD DE RANG GZHAN GYI RGYUD BSREG PAR BYED PA'I LAS NGAN TSABS PO CHE GSOG PA DE 'DRA BA'I DBANG DU MA SONG BA ZHIG CIS KYANG GAL CHE STE, MKHAS GRUB THAMS CAD MKHYEN PAS KYANG, GZHUNG LUGS BSHAD PA RTZVA LTAR DOR BYAS NAS, ,
, ,BSDUS PA'I THAL PHRENG MDZUB KHRID KHO NA YANG, ,DON CHUNG LAS LA TSE ZAD 'GYUR MTHONG NAS, ,BDAG NI 'DI LA 'JUG PA LHOD PAR GYUR, CES GSUNGS PA LTAR RO,, DGUNG TSIGS CHOS GRVA LA RTZIS BZHAG YOD NA CHOS GRVA MA 'TSOG GONG DU BLA MA'I SHO KA LI CHOS GRVA'I KHRI THOG LA BSKYEL, MKHAR RNGA BTANG BA DANG DGE BSKOS ZHVA MO PHRAG LA BKAL NAS BSDAD PA DE BLA MA'I CHE BA BYAS PA YIN, THAMS CAD KYIS ZHABS CHAG PHUD DBU ZHVA MA BZHES PAR GRAL LA BZHUGS TE BRGYAD STONG PA GSUNG SGROGS MDZAD PA'I SGANG LA MKHAN PO KHRI THOG LA PHEBS PA DANG CHOS YAR BSDU, BLA MAS SHER SNYING GI 'GO BSKUL, YE SHES YON TAN BZANG PO'I BSTOD PA, AA RA PA TZA NA PHRENG SKOR RE, LAM RIM BRGYUD 'DEBS BSDUS PA, LAM RIM GYI GZAB BSHAD RGYUN RING TZAM GNANG, 'DI SKABS BGRES GZHON THAMS CAD KYIS DBU ZHVA'I THOG LA CHAB RIL PHRENG BA 'JOG ,DGE BSKOS NAS PHRENG BA CHAB RIL YOD MED CHOS NYAN TSUL MTHUN BYED MI BYED BLTA RTOG BYED, MJUG TU LJAGS BSNGO BYAS TE, CHOS BSHAD PA LAS BYUNG BA YI, ZHES GSUNG BA DANG MDZOD PA RNAMS BZHUGS, 'DUL BA NAS BSDUS CHUNG BA'I BAR YAR BZHENGS PHYAG GSUM RE BTZAL TE GNYIS CHA BYAS NAS RTZOD PA BYED, MDZOD PA RTZIS BZHAG ZIN PA DANG 'DUL BA NAS BSDUS CHUNG BA'I BAR BLA MA'I MDUN DU PHYAG GSUM 'TSAL TE RTZIS BZHAG NYAN RJES RANG RANG SO SO'I 'DZIN GRVA'I GO SAR RTZIS BZHAG SKYOR LUGS MDZOD NAS BSDUS
CHUNG BA'I BAR ZHOGS CHOS RTZIS BZHAG YOD PA DANG MTSUNGS, BLA MA PHEBS PA DANG DGE BSKOS MDZOD BA NAS GZHUNG GSAR GYI BAR BRNGA RGYAB NAS 'DZIN GRVA RIM BZHIN GROL, DE NAS DGE BSKOS GSOL TSIGS LA PHEBS PA DANG DON BDUN CU NAS BSDUS CHUNG BA'I BAR RIM GYIS GROL BA MA GTOGS GYA TSOM DU PHEBS MI CHOG ,DGUNG TSEGS LA RTZIS BZHAG MED NA, GRA JA GROL NAS 'DZIN GRVA SO SOR RTZOD PA BYED TSUL GONG DANG 'DRA, MKHAR RNGA BTANG BA DANG DGE BSKOS DBU ZHVA PHAB NAS BZHUGS PA DGE 'DUN GYI CHEB BYAS PA YIN, TSOGS MANG MAS DBU ZHVA BZHES NAS PHEBS GRAL LA BZHUGS TE, SHER SNYING TSAR GCIG, SENG GDONG MA'I SNGAGS PHRENG SKOR DGU BZLOG DANG BCAS PA; RAB 'BYAMS RGYAL BA MA'I SGRA, DBU ZHVA BZHES NAS BGEGS RIGS PA'I SGRA CHEN GTONG STE DH'I:SKAD BTANG NAS ZLA PO BYAD, DE'I TSE SKOR BA LAN GSUM BYED, DANG PO GNYIS KYI DUS SU ZLA PO YONG MED DANG RTZOD PA LA BLTA RTOG BYED PA GONG DANG MTSUNGS, GSUM BAR GZAN RKYANG PHEBS SKABS GNANG BA ZHU MKHAN YOD NA MNGON NUNG BYAS NAS ZHU, DGE BSKOS BSHAG LA BEBS NAS GSOL JA BZHES PHOR GANG BZHES PA'I TSOD LA BGRES RIM GYIS GDING BA BSNAMS TE 'DZIN GRVA SO SOR ZHVA ZLA MA BZHAG NAS GROL, SO SO'I BSHAG LA PHEBS DGE TSUL SLONG THAMS CAD 'DUL BA DANG MTHUN BAR DGUNG TSIGS THUGS RGYAG THA SKRA TZAM GNANG NAS CHOS GAR PHEBS PA LAS DOD MED DU PHAN TSUN 'GRO SA MED,
, ,CHOS GRVAR 'DZIN GRVA GCIG LA GRVA PA GSUM 'DZOM PA NA GCIG GIS DAM BCA', GCIG GIS BGRO GLENG, GCIG SHOS KYIS DPANG PO BYAS TE DAM BCA' TSUGS PA MA GTOGS 'DZIN GRVA GCIG LA SPUNGS NAS BSDAD PA PHAR TSUR RGYUGS PA LONG GTAM SMRA BA SOGS 'DU 'DZI'I RIGS GTAN NAS MI BYED, DGE BSKOS NAS KYANG MA 'GYANGS PAR PHEBS TE 'DZIN GRVA SO SO'I DAM BCA' DANG RTZOD BA'I RTING BSKUL GYI SKOR BA YANG YANG BYED DGOS YOD, DE SKABS DAM BCA' LA RJES LUS RGYAB PA DANG PHYI ROL TU 'KHYAMs PA SOGS LA BLTA RTOG ZHIB DU BYAS NAS PHYI LAM KHEGS PA BYED, 'DZIN GRVA'I NANG NA YANG RTZOD PA MI BYED MKHAN RNAMS KYI PHRENG BA BSDUS NAS BGRO GLENG BYED DU 'JUG PA SOGS NYIN RE LA THAMS CAD BZHENGS GRUB PA'I DO DAM GANG DRAG BYED, CHOS GRVA TSOGS RAN PA NA 'DZIN GRVA YAS RIM GYIS CHAB GSANG LA PHEBS PA LAS GANG 'DOD DU PHEBS SA MED, DE NAS DGONGS MO'I CHOS GRVA'I MKHAR RNGA BTANG BA DANG THAMS CAD KYIS DBU ZHVA BZHES NAS PHEBS DKYIL LA DBU MDZAD, DE'I MTHA' SKOR DU SPRUL SKU DKA' RAMS PA DGE BSHES GRVA PA RGAN PA RNAMS RIM BZHIN SKOR TSOGS MDZAD NAS GRAL LA BZHUGS TSAR BA DANG, MKHAR RNGA CHOS BA, DBU MDZAD KYIS SGROL MA'I DBU BSKUL BA DUS MTSUNGS, SGROL MA BYA PHUR MA NYER GCIG PHAN YON YAN LAG BDUN PA 'DOD GSOL DANG BCAS PA, LEGS BRIS MA SGRA BTANG, SHER SNYING MDZO 'GROS MA
GSUM BZLOG PA DANG BCAS, RGYAL BA BYE BA MA SGRA BTANG, LO MA GYON MA'I GZUNGS DANG, TSE GZUNGS NYER GCIG RE, GTOR 'BUL RNAM GSUM, BSTAN 'BAR MA, DGE LDAN BSTAN PA RGYAS PA'I SMON LAM BCAS, DBU ZHVA BZHES TE CHOS RGYAL MA, DE NAS BDAG GZHAN MA DANG BSLAB PA GSUM LDAN MA RGYANGS 'THEN BYAS TE DH'I:SKAD BTANG NAS ZLA BO TSUGS, ZLA BA LNGA PA DANG BDUN PA'I CHOS THOG LA RGYUN MI RING CAM BYAS NAS DAM BCA' 'DZUGS DGOS SHING GZHAN MAR MI DGOS, RTZOD PA DE YANG SDONG RGAN LA ME RGYAB NA DANG POR 'BAR DKA' BA, BAR DU 'BAR TSABS CHE BA, MTHAR GSOD DKA' BA LTAR RIGS LUNG RTZOD PA DANG POR TSUGS DKA' BA, BAR DU 'PHRO TSABS CHE BA, MTHAR 'PHRO CHAD DKA' BA BYED ZER BA YIN PAS MTSAN 'PHYONGS DAM BCA' MA THUG BAR DU RTZOD PA GNAD DU SMIN PA BYED DGOS, DAM BCA' YIN NA DGE BSKOS KYIS GZHUNG GSAR GYI BAR BRDA RGYAB STE GROL TSUL GONG DANG 'DRA, ZLA PO YIN NA DGE BSKOS DMIGS BRTZE MA PHRENG SKOR RE TSAR NAS SKOR BA RE BYED, GSUM PA'I SKABS SU DBU ZHVA BZHES NAS BSHAG LA PHEBS PA'I TSE SANG NYIN CHOS GRVA'I GNANG BA ZHU DGOS NA ZHU, DGE BSKOS BAB LTAS BYAS NAS DGONGS PA STER TSUL BYED, DGE BSKOS BSHAG LA PHEBS TSOD LA GRA PA BGRES RIM GYIS PHEBS PA MA GTOGS SDEBS GCIG LA GROL SA MED, DBYAR KHA YIN NA DGONGS MO'I CHOS GRVA GROL MA THAG MTSAN 'PHYONGS DAM BCA' 'DZIN GRVA RES MOS KYIS DGONGS
, ,MO RE 'DZIN GRVA BZHI LNGA MA MTHA' MTSAN PHYED BAR DU 'DZUGS DGOS SHING, GZHUNG GSAR PA MTSAN PHUD, GRVA TSANG DGE BSKOS BZHI, RGAN PA DGE RGAN DANG BCAS PA RE MOS DANG, CHOS GRVA DGE BSKOS BREL BA MA BYUNG TSE DGONGS MO MA CHAD PAR SKOR YONG LA PHEBS, DAM BCA' LA MI PHEBS MKHAN DANG RIGS LUNG MI GTONG BA RNAMS RTZAD CHOD ZHIB TU BYAS TE RIGS LUNG GTONG BA DANG, DAM BCA' SDOD BCUG SOGS RTZOD PA'I RTING BSKUL GANG DRAG BYED, MTSAN 'PHYONGS DAM BCA' MED NA DPE KLOG SKYOR SBYANGS MTSAN PHUD DANG MTSAN PHYED BAR DU MA CHAG PA BYED, TSOGS CHEN ZHAL NGO DANG, CHOS GRVA DGE BSKOS GRVA TSANG DGE BSKOS, DGE RGAN RGAN PA DANG BCAS PAS SKYOR SBYANGS LA YOD MED DANG RANG DGAR SDOD PA SOGS BLTA RTOG RU NGA PO BYED, GNYIS PA ZHAR BYUNG LA 'TSO BA'I YO BYAD KYI SKOR, GNANG BA ZHU GNANG GI SKOR, DAM BCA' CHE CHUNG TSOGS LANGS BSHAD PA DANG BCAS PA'I SKOR BCAS MANG DU YOD PA LAS, 'TSO BA'I YO BYAD LTA BU LA MTSON NA, CHOS GOS SOGS 'TSO BA'I YO BYAD STON PA THUGS RJE CAN GYIS JI LTAR GNANG BA RNAMS TSUL DANG MTHUN PAR BCANGS DGOS PA LAS, YOD BZHIN DU CHOG SHES MED PAR 'DOD ZHEN CHEN POS MANG DU 'TSOL BA DANG, LONGS SPYOD MI NUS PAR NGAN NGON DANG HRUL PO BYIN RLABS MI CHAGS PA MI GYON PAR DBU ZHVA NAS ZHABS CHAG GI BAR MTHA' GNYIS SU MA LHUNG BA DGOS SO, ,DE YANG DBYAR KHA'I DGE BSKOS THOG TSANG MAS GRA CHAS BZHES DGOS LA
DE'ANG GOS CHEN GYI STOD 'GAGS DANG STOD GOS, SNAM THER GYI GZAN, THER SHAM SOGS DKA' RAMS PA TSO MA GTOGS GANG 'DOD GYON MI CHOG ,GRA PAR? MANGS MAS RAS ZAM GYI STOD SHAM SOGS YO BYAD GANG YANG RUNG BA RIN CHUNG ZHING RNYED SLA BA'I RIGS MA GTOGS GOS CHEN SOGS RIN CHE BA RNAMS DBYAR DGUN GANG LA YANG GTAN NAS GON SA MED, ZHVA SER RDOG PA DANG ZHVA LAG MED PA 'AM DMAR SER KHRA SPEL, HA CANG NAG PO DANG DKAR PO SOGS MA YIN PA SER GTZANG NGES PA ZHIG DGOS, ZLA GAM GZAN GDING RNAMS HA CANG RNYING STE RAL BA DANG LHAN PA MANG PO PHOG PA DANG, ZHABS CHAG MDZER CAN KO DANG GOS CHEN SOGS MI RUNG ZHING RAS ZAM LTA BU SPYI MTHUN DGOS, CHAB RIL CHAB THUR, PHOR PA DKYUS MA YONGS GRAGS LTAR LAS MGO SNAM GOS CHEN GYI CHAB SHUB GSER DNGUL GYI CHAB RIL THUR MA, LA PHOR SOGS GTAN NAS MI RUNG, PHRENG BA RANG RTZI MA MA GTOGS RGYAN LDAN SOGS MI RUNG ZHING 'DZIN GRVA 'DUL BA MA SLEB NA BCU SHAD 'DOGS PA DANG PHYI ROL NA PHYAG LA PHRENG BA BSNAMS SA MED, 'DUL BA SLEB NA BCU SHAD GCIG DANG MDZOD SLEB NA BCU SHAD GNYIS GSUM SOGS BTAGS CHOG ,SKRA DANG KHA SPU TSAD LAS LHAG MI 'JOG ,DE YANG DGON PAR GNAS PA YIN NA SKRA DANG KHA SPU SOR GNYIS TZAM, GRONG PA YIN TSE SOR PHYED GNYIS KYI TSAD TZAM, TSAD DE GNYIS LAS LHAG PAR 'JOG NA SKRA DANG KHA SPU NYAG MA'I GRANGS JI SNYED KYI NYES
, ,BYAS BSKYED PAR GSUNGS PA YIN, GNANG BA ZHU GNANG GI SKOR LA GRVA SAR ZHUGS NAS LO GSUM MA SONG BAR GRVA SA'I DGONGS PA ZHU SA MED, CHOS GRVAR ZHUGS NAS CHOS THOG GSUM MA SONG BAR CHOS THOG GNANG BA ZHU SA MED, CHOS THOG GCIG LA GNYIS GSUM LAS LHAG GNANG BA ZHU SA MED, ZHAG BZHI YAN CHAD KYI GNANG BA DANG, CHOS THOG DGONGS PA MTSAN NYID BLA MA DANG, T'A BLA MA LA ZHU DGOS, SNGA PHYI'I GNANG BA ZHOGS KHA RTZIS BZHAG YOD NA MDZOD PA RTZIS BZHAG ZHUS MA ZIN NA YOD ZHUS ZIN NA MED PA YIN, RTZIS BZHAG MED TSE CHOS 'DON LA SHOG GU GSUM 'DON MA TSAR BAR DANG, SGROL 'DON LA SGROL MA TSAR GSUM MA 'DON BAR DU SNGA PHYI'I GNANG BA YOD, TSAR NAS MED PA YIN, DGUNG TSIGS CHOS GRAR RTZIS BZHAG YOD NA BLA MA KHRI THOG LA MA PHEBS GONG LA SNGA PHYI'I GNANG BA YOD, RTZIS BZHAG MED NA DGE BSKOS KYI PHYAG LA SPOS YOD NA SNGA PHYI'I GNANG BA YOD, SPOS MED NA MED PA YIN, DGONGS MO'I CHOS GRVA LA SGROL MA TSAR GSUM MA SONG GONG LA SNGA PHYI'I GNANG BA YOD PA YIN, SNGA PHYI'I GNANG BA YOD NA PHYAG GSUM 'TSAL TE DGE BSKOS LA GNANG BA ZHUS NAS BSNGAD? CHOG ,SNGA PHYI'I GNANG BA MED NA BRGYA PHYAG 'TSAL, DGE BSKOS NAS BRDA NAM BTANG BA DANG TSOGS LA BSDAD CHOG PA LAS DGE BSKOS LA DGONGS ZHUS MI BYED, THAG RING GI GRA RIGS NAS 'KHOR ZHAG DGONGS PA ZHUS TSE ZLA GRANGS ZHAG GRANGS MA NGES PAR ZHU SA MED CING, ZLA GRANGS NGES PA DANG,
GRVA TSANG GI DGONGS PA ZHU NA MI TSANG SO SO'I DGE RGAN DANG LHAN DU RGYU MTSAN RNAMS GSAL BAR BYAS NAS ZHU BA MA GTOGS, RANG RKYANG GIS GANG 'DOD KYIS THABS TSUL GTAN NAS MI RUNG, DE'ANG ZHAG MA GCIG LA 'KHOR MI THUB TSE, MTSAN NYID BLA MA, T'A BLA MA, TSOGS CHEN ZHAL NGO BCAS LA MA ZHUS PAR 'GRO MI CHOG ,GAL SRID YANG BSKYAR MA ZHUS PAR ZLA ZHAG GI GRANGS LAS THAG NYE RING GI STABS KYIS ZLA NGO GCIG GNYIS 'DAS PA BYUNG NA GRVA JA GCIG DANG BRGYA PHYAG SOGS CHAD PA 'GEL DGOS SHING, T'A BLA MA, ZHAL NGO, GRVA TSANG DGE BSKOS GSUM NAS DGONGS PA ZHU MKHAN GYI MTSAN THOR ZLA ZHAG GI GRANGS MA 'PHYUG PAR THEBS NAS NYAR DGOS, GNANG CHEN DGONGS PA SPRUL SKU CHE KHAG RDO RAMS PA RNAMs DANG DKA' RAMS PA'I DAM BCA' PAS GNANG CHEN ZHUS CHOG DE MIN ZHU MI CHOG ,NAD PA TSABS CHE BA LANGS MI THUB PA LTA BU DGONGS PA LAN BSKUR CHOG ,GZHAN MI CHOG ,DGONGS PA ZHUS TSE, TSOGS BRDA MA BTANG BA YIN NA GZAN RKYANG GIS ZHUS CHOG ,TSOGS BRDA BTANG TSAR BA YIN NA DGONGS PA STER MI STER MI SHES PAS, ZLA GAM BSGON ZHVA MO BSNAMS NAS ZHU DGOS, STON CHOS PHYI MA DANG DPYID CHOS DANG PO GNYIS LA MDZOD PA RNAMS LA DGONGS YANGS YOD, GZHAN MTHO DMAN DRAG ZHAN SU THAD NAS DGONGS PA MA ZHUS PAR BSNGAD SA MED PA YIN, DGE BSKOS LA DGONGS PA ZHU TSUL, DGE BSKOS BZHENGS YOD NA LANGS NAS ZHU, BZHUGS YOD NA BSDAD NAS GZAN
, ,PHAB GUS PA'I TSUL GYIS RGYU MTSAN LABS NAS ZHU BA MA GTOGS RGYU MTSAN MED PAR DGONGS PA GNANG ROGS SOGS SPYOD LAM GANG DRAN BYED MI CHOG ,DAM BCA' TSOGS LANGS DANG BCAS PA'I SKOR, ZLA BA GSUM PA DANG BRGYAD PA'I TSES PA GSUM BZHI LA BSDUS GZHUNG GNYIS KYI DAM BCA' GNYIS RE, ZLA BA BZHI PA DANG LNGA PA'I TSES GSUM BZHI LA DKA' RAMS PA'I DAM BCA' GNYIS RE, ZLA BA LNGA PA'I TSES BCU DRUG NAS RDO RAMS PA'I DAM BCA' NYIN GNYIS BZHAG DGOS, DKA' RAMS PA DBU PHAR GYI BSHAD PA DANG DAM BCA' GTZO BO, RDO RAMS PA PO TI LNGA'I DAM BCA' GTZO CHE, BSDUS GZHUNG PA RTZOD PA SONG BA RNAMS GTZO BOR 'JOG ,DKA' BCU RAB 'BYAMS PA'I DAM BCA' BSHAD TSAD DBU MA RTZIS BZHAG YIN NA RING SONG CHE BA, 'GREL PA YIN NA SKABS BZHI PAR SLEB DGOS, 'JUG dIK RNAM BSHAD LTA BU LA DE'I TSOD BLTA, SGRA DAG GSAL GSUL GYI SGO NAS MGYOGS TZAM SKYOR DGOS, RIGS LUNG GTONG MKHAN RNAMS MING BTAGS SNGA PHYI DANG, TSOGS LANG GI RIM PAS GANG TSA TSA GTONG DGOS, LAN RGYAB PA'I TSE G-YO SGYU KHRAM GSUM MA BYAS PAR SKAD MTHON POS MA 'GAGS PAR SHAR SHAR RGYAB, DE NAS MDZOD 'DUL GYI RGYUGS, RTZOD PA PHUL PHYIN SONG BA'I STENG, DRANG NGES RNAM 'BYED, GZHI SMAD, THAL BZLOG ,RNAM 'GREL BCAS TSOGS LANGS CHE BA LAN KHA SHAS THOB ZIN PA NA MTSAN NYID BLA MA SOGS LAS SNE THUN MONG NAS MING BTAGS
CHE KHAG GI 'OS THO, SKU ZHABS RIN PO CHER 'BUL DGOS SHING, DE TSE SU LA GNANG YANG MING BTAGS CHE RIM NAS DAM BCA' RTZOD PA RTZIS BZHAG MTSAN 'PHYONGS DAM BCA' BCAS LA RJES LUS MA BYAS PAR PHEBS DGOS, RDO RAMS PA DANG BSDUS GZHUNG GI DAM BCA' 'JOG TSUL DANG LAN BTAB TSUL SOGS GONG DANG 'DRA, DAM BCA' TSEN MO'I SKABS SU DGONGS PA ZHU SA MED, RIGS CHE CHUNG GI TSOGS LANGS PA'I RIM PA DGE BSKOS NAS RIGS CHEN TSOGS LANGS GSAR DU 'BAB RGYU'I 'DZIN GRVA SOGS GONG MA GANG RIGS NAS, GZHUNG GSAR PA LA DAM BCA' BTANG NAS RIGS LUNG RGYUGS ZHIB DPYAD THOG ,DPE CHA TSOGS CHOS GRVA 'GRIM PA GANG THAD NAS PHUN SUM TSOGS PA ZHIG LA RIGS, DE NAS RIM PA LTAR SBYOR LAM SOGS JI LTAR 'OS PA BAB LTOS KYIS STER, RIGS CHEN TSOGS LANGS PA'I SKOR, MING BTAGS CHE CHUNG GANG BYAS KYANG RIGS CHEN LANG DGOS PAS GONG GSAL LTAR AANG KI 'GRIGS NAS STER DGOS, RIGS CHE CHUNG GI TSOGS LANGS GSAR DU BYUNG BA SU YIN PA DE, 'DZIN GRVA YAS MAS DANG MI TSAN SO SOR DAM BCA' SLA CHOS KHRAL CHOS SU MA SONG BAR BZHAG DGOS SHING, GRA DMANGS TSANG MAS KYANG THUGS KUR BZHES NAS RIGS LUNG 'GRO GANG THUB HUR THAG BSKYED, TSOGS LANGS PA TSO BSHAD PA, 'GRIG MA GANG CI'I THAD NAS BSTAN PA'I DMIGS RGYAN DU 'GRO NGES PA ZHIG BYED DGOS, DE MIN 'DZIN
, ,GRVA GONG 'OG YAR MAR DAM BCA' PHEBS DGOS, GONG MA NAS 'OG MAR PHEBS NA 'OG MA RNAMS KYIS GZAN BAB LDANG PA SOGS BSNYEN BKUR BYED, RIGS LUNG BTANG BA'I TSE YANG RJE BTZUN PA YAB SRAS KYI YIG CHA DANG LAN GSUM MI 'GAL NA 'JING PA BZHON PA SOGS MI RUNG, DE TSE 'DZIN GRVA 'DI LAS GZHAN LA DAM BCA' 'GRO SA MED, 'OG MA NAS GONG MAR 'GRON SNYAN GSAN MA 'BUL BAR PHYIN MI CHOG ,GONG 'OG GI DAM BCA' GANG YIN KYANG 'DZIN GRVA DE GA'I GRVA PA TSO THUGS KHUR BZHES NAS RIGS LUNG GANG YAGS MDZOD, MDOR NA SGRIGS LAM GYI RIM PA NYIN GCIG LA CHA BZHAG ZLA BA, ZLA BA LA CHA BZHAG LO, LO LA CHA BZHAG BSTAN PA RIN PO CHE NAM GNAS BAR GONG 'PHEL DU 'GRO BA'I THUGS KHUR YANG DAG MDZOD, GSUM PA MTHAR SGRUB PA'I RGYAL MTSAN 'TSUG PA'I RIM PA LA, GNAS SKABS DANG, MTHAR THUG GI 'BRAS BU GNYIS LAS, DANG PO NI, GRVA TSANG 'DIR ZHUGS NAS TSOGS CHOS GRVA TSUL BZHIN DU 'GRIM STE PO TI LNGA LA SLOB GNYER MTHAR PHYIN PA'I 'BRAS RTAGS SU DKA' RAB 'BYAMS KYI MTSAN BTAGS 'BYUNG BA DANG, BSTAN PA DANG 'GRO BA'I DON RGYA CHER MDZAD PA SOGS YIN NO,, GNYIS PA NI, SKYES RABS LAS, THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSEGS CHUNG THAR PAR 'GYUR, ZHES GSUNGS PA LTAR SA BCU LAM LNGA RIM GYIS BGROD DE RNAM PA THAMS CAD MKHYEN PA'I GO 'PHANG RIN PO
CHE THOB BAR 'GYUR BA YIN NO,, RGYAL BAS MDO RGYUD DANG RGYA BOD MKHAS GRUB MANG POS DGE 'DUN GYI SDE GNAS GZHI 'DZUGS PA LA PHAN YON BSAM GYIS MI KHYAB PA GSUNGS PA DE NI RGYAL BA'I BSTAN PA RIN PO CHE LA RAB TU BYUNG STE KHAS BLANGS PA'I TSUL KHRIMS MIG 'BRAS LTAR BSRUNG BA GZHIR BZHAG NAS, 'JIG RTEN PHYI MA'I DON DU THOS BSAM SGOM GSUM LA TSUL BZHIN DU SLOB PA'I DGE TSUL SLONG RNAM PAR DAG PA'I TSOGS SHIG LA BRJOD PA YIN GYI, TSE 'DI'I SNANG SHAS TZAM YANG KHA MA PHRI BAR LTO GOS 'PHYID PA'I THABS TZAM DU SKRA BREGS SHING GOS BSGYUR BAS NI DGE 'DUN GYI GRANGS SU MI 'GRO BAS, DE 'DRA'I GZUGS BRNYAN KHRI PHRAG TSOGS KYANG THUB PA'I BSTAN PA GNAS PA'I GRANGS SU MI 'GRO BAR GSUNGS PAS NA, RJE BDAG NYID CHEN PO YAB SRAS KYI RNAM THAR GTZANG MA'I RJES SU ZHUGS TE, GZHI 'DUL BA'I BCAS KHRIMS RNAM PAR DAG PA ZHIG LA GNAS NAS, MDO SNGAGS KYI LAM YONGS SU RDZOGS PA LA SKYES BU'I RTZAL CI YOD KYIS SLOB DGOS PA LA RGAN GZHON DREGS ZHAN SPYI DANG KHYAD PAR DU SDE 'DIR GNYUG MAR GNAS PA RNAMS BLA LHAG TU BRTZON DGOS PA YOD DO, ,GRVA TSANG RIN PO CHE'I BSGRIGS LAM KUN SPYOD KYI RIM PA RI RAB LAS KYANG DBANG MTHO BA, RGYA MTSO LAS KYANG GTING ZAB PA, 'DUL BA'I BCAS MTSAMS KYI BLANG DOR GYI RNAM BZHAG CHES SHIN TU PHRA BA LA KHO BO LTA BU SKYES THOB KYI SHES RAB, SBYANGS STOBS KYI YON TAN, BSOD NAMS
, ,KYI MTHU SHIN TU DMAN PA SO SO'I SKYE BO 'CHING BA KUN LDAN ZHIG LA JI LTA BA BZHIN DU 'THON PA DKA' MOD KYANG RAGS RIM TZAM ZHIG ZHUS ZIN PA DE YIN PAS TSANG MAS BLA MA DGE BSKOS RIGS MTHO DMAN YON TAN CHE CHUNG LA MA LTOS PAR BLA MA DKON MCHOG LAS RGYU 'BRAS DBANG DU BZHAG NAS DGONGS PA ZHUS GNANG YAN CHAD BSGRIGS LAM KUN SPYOD RANG KHUR GYI TSUL DU BKA' DRIN BSKYANG BA DANG, 'DI DANG 'GAL BA'I RIGS YOD NA DRANG DON GYI BLA MA DGE BSKOS NAS MI SHES RUNG, NGES PA DON GYI DGE BSKOS YI DAM PADMA DBANG CHEN GYIS DUS GSUM MKHYEN PA'I YE SHES KYI SPYAN GYIS GZIGS NAS TSAR GCOD PA DANG, TSUL BZHIN DU SGRUB PA RNAMS 'PHRIN LAS RNAM BZHI'I SGO NAS RJES 'DZIN MDZAD NGES PAS DE RNAMS DGONGS 'JAGS GNANG BA DANG, ZHU BA PO NGAS ZHUS MI SHES RUNG GSAN PA PO RNAMS KYIS GSAN DGONGS RNAM PAR DAG PA SKAL LDAN DANG BA 'DREN PA'I DMIGS RKYEN, 'BYOR LDAN BSOD NAMS GSOG PA'I ZHING SAR 'BYOR NGES PA ZHIG CI NAS KYANG BKA' DRIN BSKYANG BAR ZHU, GNYIS PA GRVA JA'I SKOR LA, DNGOS DANG ZHAR BYUNG GNYIS LAS, DANG PO NI, DE YANG GRVA JA MA 'TSOG GONG DU DGON GNYER DANG CHAB RIL PA GRVA KHANG PHYI NANG GI GANG BDAR RGYAB RGYU YON CHAB DANG MCHOD ME SOGS MCHOD PA 'BUL RGYU RNAMS GTZANG ZHING YID DU 'ONG BA LEGS PAR TSAGS SU CHUD NAS GRVA JA 'TSOG RAN PA NA, DGE BSKOS LA BRDA 'BUL DGOS SHING, DGE BSKOS NAS KYANG DBU ZHVA
BZHES TE RDO BCAL SGANG LA MKHAR RNGA BTANG BA DANG BSTUN, DGE 'DUN DMANGS MAS KYANG RTZOD PA'I 'PHRO BCAD DE DBYAR KHA'I DGE BSKOS THOG YIN NA ZHABS CHAG BSI? GA?, DBU MDZAD DANG DKA' RAMS PA DGE BA'I BSHES GNYEN RNAMS KYIS SNA 'DREN 'DZIN GRVA MTHO DMAN DANG BSLAB PA BGRES RIM GYIS DMIGS BRTZE MA 'UR CHEM CHEM GSUNG BZHIN PHEBS PA MA GTOGS BSHAG RGOD RTZOD MO SKAD LOG SOGS KUN SPYOD MI MDZES PA'I RIGS GTAN NAS MI RUNG, RDO BCAL SGANG LA CHAB RIL NAS SNGA CHAB BLANGS TE SO SO'I GRAL 'DZIN LA PHEBS PA LAS GRAL NANG PHAR TSUR 'GRO SA MED, SGO 'CHOR 'OG LA SLEB NAS MKHAR RNGA DGON GNYER GYIS BRDUNG BA, MKHAR RNGA CHOD PA, DBU MDZAD KYIS ZHAL 'DON 'GO BSKUL BA, TSOGS DMANGS GRAL LA 'KHOD ZIN PA DUS MTSUNGS DGOS, DGE BSKOS DANG CHAB RIL PA NAS GRAL BZHIGS RGYAB, GDONG GRAL CHEN MO'I GRAL 'GOR SPRUL SKU CHE KHAG ,DKA' RAMS PA, LAS SNE THON ZIN RNAMS DANG; DE'I GSHAM SKAD BZANG BA 'DON BZANG BA BZHUGS TSUGS PA, RIGS CHE CHUNG GI TSOGS LANGS THON PA, RGYAN 'JUG GNYIS GSUNG RGYU YOD PA BCAS KHYAD CHOS MANG PO DANG LDAN PA ZHIG BZHUGS PA MA GTOGS GANG 'DOD KYIS BZHUGS SA MED, GDONG GRAL SHAR NUB KYI GRAL 'GOR SPRUL SKU CHUNG KHAG DBON CHOS MDZAD GRVA PA BGRES PA RNAMS 'DZIN GRVA MTHO DMAN DANG BSLAB GRAL GO RIM GYIS BZHUGS, DE PHAN GYI GRAL RNAMS LA SKYOR DBON 'GOR BZHUGS
, ,'DZIN GRVA GONG 'OG GI RIM PAS BZHUGS PA MA GTOGS RKANG PA SU MGYOGS KYIS BSDAD MI CHOG ,BLA SPRUL CHE CHUNG DPON CHEN RIGS SOGS CI 'DRA ZHIG YIN RUNG CHOS MDZAD MA BYAS TSE GRAL 'GOR BZHUGS SA MED CING SKYOR DPON GYI LTAG LA ZHUGS CHOG PA DMIGS BSAL YIN, CHOS THOG SO SOR GRAL DANG GRAL MTSES PA BRJE DGOS, ZAS DANG GNAS MAL LONGS SPYOD PA'I DUS SU GDING BA MED PAR LONGS SPYOD MI CHOG PAS THAMS CAD KYIS 'KHOR GSUM KHEBS PA'I GDING BA ZHIG BSNAMS DGOS SHING, GRAL LA MU TIG DAR LA BRGYUS PA LTAR 'KHOD NAS LUS RNAM SNANG GI CHOS BDUN DANG LDAN PA 'AM, DBU LO YAGS KYI SNYE MA LTA BU, RGYAB LA BLTAS NA AA LONG BSKOR BA LTA BU, MDUN NAS BLTAS NA GRIS BCAD PA LTA BU MA GTOGS KHA 'THUM GZHOG BCUS, GNYID DANG GLING MO, YAR BLTA MAR BLTA, KA BA DANG ZHAL BA MNYE BA GRAL 'DZIN PA YAS MAS ZLA GAM GYIS NGO SHES PA TZAM MA GTOGS PHAN TSUN BLTA REs BYED SA MED, DBU MDZAD NAS GDANGS 'DUR DBYANGS GSUM GANG BSKUL KYANG, THAMS CAD KYIS MGRIN GCIG DBYANGS GCIG GIS GSUNG BA MA GTOGS G-YAS 'THEN G-YON 'THEN, RA SKAD LUG SKAD RGYAG SA MED, 'DON PA YANG DMIGS BSAL MED NA SKYABS 'GRO, DGA' LDAN LHA BRGYA MA DANG 'BREL BA'I DMIGS BRTZE MA NYER GCIG DENG NAS MA DANG BCAS, ZHABS BRTAN GSOL 'DEBS, JO BSTOD, SA GSUM MA, RJE BTZUN PA'I RNAM THAR, SKYES RABS
GSOL 'DEBS BCAS, GSOL 'DEBS BZHI RES MOS GANG RIGS SHIG LA GRVA JA GTONG BA'I TSE PHYAG BDE BZHENGS 'OS RNAMS PHYAG BDE LA PHEBS TE ZHAG RTZI MA NYAMS PA, MCHOD RDZAS DANG, LDEB BRIS DANG, GRVA PA'I NA BZA' ZHUGS GDAN BCAS LA MA 'THOR BAR GUS PA'I TSUL GYIS NAS 'BRU LTA BU DANG POR PHRA BA, BAR DU SPOM PA, MTHAR PHRA BA BCAS BYIN LEN CHAGS NGES SHES PA ZHIG ZHU DGOS, BZHES MKHAN NAS KYANG BAG YOD TSUL MTHUN GYIS BZHES CHAS BZED NAS BZHES PHOR GANG BA'I TSOD LA LAG BRDA MDZAD NAS MTSAMS GCOD PA MA GTOGS KHA NAS DBYUNG TSOD BYED SA MED, ZHU MKHAN PHYAG BDE BA'I JA ZHUS TSUL LA CUNG MI 'DOD PA BYUNG TSE MIG LOG BTANG BA KHA 'DZINGS BYED PA MI MDZES PA'I RNAM 'GYUR SNA TSOGS BYED NA, 'DUL BA LUNG LAS GSUNGS PA'I DGE 'DUN 'TSO DANG RNA BA BYE BA RI'I RTOGS BRJOD LAS BYUNG BA'I RNAM SMIN MYONG TSUL LA THUGS BSAM BZHES TE BLO GROS DANG LDAN PA RNAMS KYIS BAG YOD TSUL MTHUN BYED, DAD ZAS GSHIN ZAS LA LONGS SPYOD TSUL YANG, DGRA BCOM PA RNAMS NI BDAG PO'I TSUL GYIS LONGS SPYOD PA DANG, SLOB PA 'PHAGS PA RNAMS BYIN PA LEN PA'I TSUL DANG, TSUL KHRIMS DANG LDAN PA RNAMS NI RJES SU GNANG BA'I TSUL DANG, LE LO CAN RNAMS BU LON GYI TSUL DANG, TSUL 'CHAL BA RNAMS NI LCAGS SREG ZA BA'I TSUL GYIS LONGS SPYOD PA YIN TE, DE RNAMS KYI NANG NAS LNGA PA 'DI RNAM SMIN SHIN
, ,TU LCI BA NI LUNG RNAM 'BYED LAS, LCAGS GONG ME LCE 'BAR BA DAG ,THOS PAR GYUR PA MCHOG YIN GYI, ,TSUL 'CHAL YANG DAG MI SDOM PA, ,YUL 'KHOR BSOD SNYOMS ZA BA MIN, ZHES GSUNGS PA LTAR RO, , ZAS LA LONGS SPYOD PA'I TSE HUB CAG GI SGRA CHEN PO MI BYED, PHOR PA LCES BLDAG PA SOGS GTAN NAS MI RUNG, THOG KHA NAS RDO CHUNG ZHIG ZHAL BA'I STENG NA LHUNG BA'I SGRA RNA BA LA GO NGES PA ZHIG DGOS ZER BA YIN, PHYAG BDE PA RNAMS KYIS GRA JA GRAL SO SO'I PHYED TZAM SLEB TSOD LA DBU MDZAD NAS JA MCHOD BSKUL, DE NAS TSOGS GSOG PA RNAMS KYIS MDZOD 'DUL DBU PHAR RNAM 'GREL RGYA BOD KYI GZHUNG CHEN PO DANG, BSDUS GRVA TSANG MA 'BUL BA MA GTOGS, RGYAN 'JUG LTA BU 'DZIN SLA BA'I RIGS SKYOR MI CHOG ,CHOS THOG GCIG DANG BZANG SPYOD SMON LAM LA YANG CHOS THOG SNGA MA'I TSOGS GSOG PA MA GTOGS BRJE SA MED, GANG LTAR YANG SGRA DAG GSAL GSUM GYIS SKYOR DGOS, JI LTAR 'TSAM PA ZHIG LA DGE BSKOS NAS JA GNANG DANG SKYABS 'JUG ZHU, DGE 'DUN PA RNAMS KYIS GSOL JA BZHES SPYAD GSUM PA BZHES TSAR BA DANG SHER SNYING TSAR GCIG SENG GDONG MA'I SNGAGS PHRENG SKOR RE BZLOG PA DGU BZLOG DANG BCAS PA, DE'I SPYAN DMIGS NI, DANG PO GSUM SANGS RGYAS KYI BSTAN PA'I SPYI DGRA, DPAL LDAN BLA MA'I SKU DGRA, DGE 'DUN YONGS LA 'TSE BAR BYED PA MDOR NA BLA MA DANG BSTAN 'GRO'I SPYI DGRA LA DMIGs NAS RGYOB, BAR PA GSUM, MANG
JA GRVA JAR BSGYUR BA, GRVA JA TSOM JAR BSGYUR BA, TSOM JA RANG RANG SO SO'I LTO GOS LA BSGYUR BA SOGS MDOR NA DGON GNAS 'DI'I DPON SLOB LA GNOD CING 'TSE BA GRVA RGYUN DANG CHOS GZHI DGE 'DUN GYI 'DU SGO 'PHROG PAS DMIGS NAS RGYOB, THA MA GSUM, BLA MA LAS SNE'I BAR LA DKRUGS SHING BYED PA, DGE 'DUN MANG GI BAR LA DKRUGS SHING BYED PA, DGE DGE PHRUG GI BAR LA DKRUGS SHING BYED PA RNAMS LA DMIGS NAS RGYOB, DBU MDZAD NAS CHOS SPYOD GANG YANG RUNG BA GCIG GI SGRA GTONG LA SBYIN BDAG GI DMIGS BSAL SKU RIM GANG 'OS SGRUB, DE NAS GDUGS DKAR, KA DAG MA BSTOD PA BCAS, RGYAS PA'I 'PHRIN BCOL, RGYAN 'JUG GNYIS CHOS THOG RE RER TSAR RE, BSTAN 'BAR MA GZUNGS DANG BCAS, DGE LDAN BSTAN 'BAR MA RDZOGS MTSAMS DBU ZHVA BZHES TE CHOS RGYAL MA BDAG GZHAN MA RGYANG 'THEN BYAS NAS DMIGS BRTZE MA GSUNG BZHIN GROL, 'TSOG DUS GRAL 'GO NAS 'TSOG ,GROL DUS GRAL GZHUG NAS GROL ZER BA BZHIN GRAL GZHUG NAS RIM PA BZHIN PHEBS PA MA GTOGS GRAL DKYIL NAS SBO LUG RGYAB PA, GRAL GYI RKE GCOD PA, TSANG KA RGYAG PA SOGS BYED MI 'JUG PA DGE BSKOS DANG CHAB RIL PAS DO DAM BYED, DGUNG TSIGS CHOS GRVA DANG DGONGS MO'I CHOS GRVA'I DGONGS PA ZHU TSE RDO BCAL SGANG LA DGONGS PA ZHU GNANG BYED CHOG ,DUS BZANG YIN NA MA 'TSOG GONG DU DKON GNYER SOGS KYIS GAD BDAR BYED PA GONG DANG 'DRA, GRVA JA SNGA MA LA CHOS SPYOD BLA MA'I RNAL 'BYOR BCAS
, ,GDANGS 'DUR CI RIGS PA DAL BUS 'DON DGOS, GRVA JA PHYI MA DGUNG TSIGS RGYAB LA DGE BSKOS NAS MKHAR RNGA GTONG BA DANG PHEBS LUGS BZHUGS LUGS GONG DANG MTSUNGS, SKYABS 'GRO BLA MA'I RNAL 'BYOR DANG 'BREL BA'I DMIGS BRTZE MA BCAS, SPYAN 'DREN KHRUS GSOL RGYAS PA, YAN LAG BDUN PA DANG BCAS PA, LAM RIM GSOL 'DEBS SGRA GTONG, GTOR 'BUL SOGS GSUNG NAS GROL BA GONG DANG MTSUNGS, ZHAR BYUNG LA GRVA JA 'GYED GTONG SGO DMIGS BSAL DANG BCAS PA'I SKOR, BLA MA LAS SNE THUN MONG GI SKOR, GNYER TSANG RUNG KHANG KHANG GNYER DGON GNYER DANG BCAS DU MA YOD PA LAS, GRVA JA LTA BU LA MTSON NA, CHOS THOG GANG YIN KYANG NYIN STAR GRVA JA GSUM RE GTONG, DGE BSKOS NAS YAGS NYES KYI STANGS 'DZIN BYED, JA TSUL SKOR YANG, BLA BRANG LA DEM JA, MTSAN NYID BLA MA LA DEM JA GANG RE, TSOGS CHEN ZHAL NGO DANG, TSOGS CHEN DBU MDZAD BCAS LA DGE 'DUN RE'I BZHES TSAD RE; SBYIN BDAG LA JA THUG PHRA GANG RE STER, NAD PA SDUG THAG CHOD PA YIN NA MA GTOGS TSOGS LA MA 'ONGS PA'I GRVA PA SU THAD NAS HAM PA GANG CHES LEN SA MED CING RUNG KHANG NANG DU PHEBS NAS GSOL JA BZHES SA YANG MED, BZANG SPYOD SMON LAM GYI JA THUG LAS PHYI ROL TU GTONG MI CHOG ,CHOS THOG RE RE LA DGUNG TSIGS BZHI RE DANG DMIGS BSAL ZLA BA BDUN PA'I TSES DGU LA TEM CHI RIG GROL GYI CHED DU BZANG SMON GSUNG RGYU'I THEBS THOG NAS DGUNG TSIGS RE
DANG; ZLA BA DGU PA'I TSES NYER GNYIS KYI DUS BZANG DANG BSTUN, AA PA KA WANG GI SHOG DANG LDAN DGE TSUL SHES RAB DANG BDE MCHOG BKRA SHIS RNAMS NAS DRIN CAN MA RGAN BDE 'GRO 'THOB PHYIR DMIGS NAS RNAM RGYAL STONG MCHOD 'DZUGS PA'I GTONG THEBS NAS JA THUG GNYIS RE MA CHAD PAR GTONG DGOS, SKU 'GYED LTA BU LA MTSON NA, GRVA JAR 'GYED YOD NA DGE BSKOS LA KHA BTAGS GCIG PHUL NAS SNYAN GSAN PHAB, DGE BSKOS NAS GRVA JA 'AM DGONGS MO'I CHOS GRVAR SNYAN GSAN PHUL DE MA THUB TSE MANG JA LA CHOS GRVAR SKU 'GYED YOD CES SNYAN GSAN 'BUL DU BCUG DGOS SHING, NAD BA MTSAMS PA BLA BRANG SPYI SO'I LAS BYED MKHAN LTA BU TSOGS LA PHEBS MI THUB PA NGES NGES YIN NA THEL RTAGS LEN DGOS, DE MIN NA GNANG CHEN DGONGS PA CAN MA GTOGS TSOGS LA MI PHEBS TSE SKAL BA MI GTONG, CHOS THOG LA YOD NA RDO RAMS PA DKA' RAMS PA'I DAM BCA' PA CHOS THOG DE GA'I TSOGS GSOG PA MA GTOGS ZHOGS CHOS MED PAR GRVA JA LA PHEBS MI CHOG CING, GRVA JA LA 'GYED YOD NA DGONGS PA LOG NAS PHEBS CHOG PA DMIGS BSAL YIN, CHOS THOG LA MED PA DANG YOD KYANG NYI MA BCU DUS BZANG DANG BCAS PAR MA PHEBS NA MTHO DMAN DRAG ZHAN SU YIN YANG PHOG MI 'THOB, ZLA 'GYED LA CHOS GRVAR MA PHEBS PA DANG, CHOS THOG GROL KHAR YONG BA TSO LA SKAL BA MI GTONG ZHING TSOGS LA PHEBS SA YANG MED DO, ,BLA BRANG LA SKU SKAL BDUN, T'A BLA MA LA SKU SKAL GSUM, MTSAN
, ,NYID BLA MA LA SKU SKAL LNGA, GRVA TSANG T'A BLA MAR SKU SKAL BZHI, TSOGS CHEN DGE BSKOS LA SKAL PA GNYIS, TSOGS CHEN DBU MDZAD LA SKAL BA GCIG ,GRVA TSANG DGE BSKOS LA SKAL BA GSUM, GRVA TSANG DBU MDZAD DANG SPYI PA'I GNYER PA LA SKAL BA GNYIS RE, DGON GNYER, CHAB RIL, JA MA BCAS LA SKAL BA RE, THAB G-YOG CHU LEN PA GNYIS LA SKAL PHYED RE GTONG, BZANG SMON GYI RGYUN 'GYED NAS DGON GNYER DUNG PA SOGS LA SKAL BA GNYIS RE STER BA DMIGS BSAL, 'DI GA'I THAG RING GI GRVA RIGS DBUS GTZANG DU SLOB GNYER DON DU GNYER NAS PHEBS PA TSO 'DI GAR STON MO THON ZIN DANG MA THON NA'ANG 'DI GA'I 'DZIN GRVA STON MO BYAS PA NA 'GYED KYI SKAL BA LO STAR MA CHAD PA BSKUR DGOS, KHONG RNAMS NAS MAR PHEBS PA NA RANG YUL DU MA BSDAD PAR 'DI GAR DAM BCA' GNANG STE GRVA TSANG RANG DU BZHUGS NAS 'KHOR LO GSUM GYIS BSTAN PA SPYI SGOS KYI ZHABS 'DEGS LA THUGS KHUR BZHES NAS, GRVA TSANG GI 'PHRIN LAS DAR RGYAS SU BYUNG BA'I THABS TSUL SGO DU MA NAS 'BAD PA TSANG MAS THUGS YUL DU BSTI BA MDZOD, DE MIN RANG YUL LA SOS GDAL DU BSDAD NA MI 'THUS PAS, DE LUGS KYI RGYU MTSAN CHAD 'GEL SOGS BAB LTOS BYED, LO STAR ZLA BA GSUM PA DANG BDUN PA'I TSES NYER GNYIS NAS BZANG SPYOD SMON LAM CHEN MO'I GRAL 'DZIN MDZAD DE NYIN LNGA'I BAR 'TSOG DGOS SHING, DE YANG GRAL 'DZIN NYIN GSOL TSIGS RGYAB RKYANG TZAM
SONG BA NA DGE BSKOS NAS BLA BRANG LA SNYAN GSAN ZHU, DGON GNYER SOGS NAS GANG BDAR MCHOD PA SOGS GRA GRIGS TSAGS SU CHUD PA NA DUNG CHEN GTONG BA DE YIN, DE'I SKABS DGE 'DUN DMANGS MAS KYANG SPYOD LAM ZHI DUL GYIS RDO BCAL SGANG LA PHAL CHER PHEBS ZIN PA NA DBU MDZAD NAS DMIGS BRTZE MA'I DBU BSKUL, GSUM PA RDZOGS PA DANG DGE BSKOS KYIS SGO PHYE BA, DBU MDZAD NAS SNA 'DREN 'DZIN GRVA'I GO RIM GYIS PHEBS TSUL GRAL 'DZIN MDZAD LUGS SOGS GRVA JA DANG 'DRA ZHING SGO RGYAB PA TSE RABS KUN TU MA 'THEN PA SOGS SMON LAM CHEN MO DANG MTSUNGS, 'DON CHA'I SKOR YANG SKYABS 'GRO, DGA' LDAN LHA BRGYA MA, GDUGS SHER SGROL GSUM, ZHABS BRTAN GSOL 'DEBS GTOR 'BUL DANG BCAS GSUNG NAS GROL BA DE YIN, SANG NYIN NAS SNGA JAR BLA MCHOD KYI BSHAGS PA'I MTSAMS PHUNG PO GSUM PA'I MDO TSAR GSUM RE, ZHING MCHOG MA'I BAR GDANGS 'DUR CI RIGS PA DAL BUS GSUNG ZHING DBU MDZAD BZHENGS NAS GTOR 'BUL GSUNG RJES BLA BRGYUD GSOL 'DEBS SGRA GTONG, BZANG SPYOD SMON LAM BAR SGRA DANG BCAS GSUM, BYAMS PA'I SMON LAM BAR SGRA BTANG SKABS CHAB RIL BTANG STE GROL, TSA RTING MA SOGS BZHI LA LTUNG BSHAGS TSAR GSUM RE BZANG SMON SGRA DANG BCAS TSAR GSUM RE, BYAMS SMON TSAR RE DANG BCAS DGONGS JAR TSOGS ZHING BSDUS TE BLA MCHOD MJUG BSTAN 'BAR MA GNYIS DANG BCAS PA GSUNG NAS DMIGS
, ,BRTZE MA GSUNG BZHIN GROL TSUL 'DRA, GROL NYIN DGONGS JAR LHAG PA'I LHA GCIG RTA MGRIN YANG GSANG GI BLA BRGYUD GSOL 'DEBS RGYAS PA SNGON DU BTANG STE LAS BYANG SNYING PO NYER BSAGS KYI STENG NAS BSKANG BSHAGS TSAR GSUM RE BAR SGRA DANG BCAS BKA' SRUNG GI GSOL MCHOD, TSOGS 'KHOR BSGRAL MCHOD MTHA' RTEN SMON LAM SHIS BRJOD KYI BAR GANG RGYAS RGYAS 'DON, SGRA DBYANGS RNGA CHINGS SOGS THUN MONG DANG, THUN MONG MA YIN PA RNAMS MA NOR MA CHAD PAR GSUNG DGOS SHING, DE NAS DGE RTZA SPYI BYE BRAG BSTAN 'GRO SPYI SGOS KYI SMAN YON DU 'GYUR BA'I PHYIR THUGS SMON MTSAMS SBYAR GNANG STE, BSTAN 'BAR MA GNYIS, SHIS BRJOD BCAS GSUNG NAS GROL BA GONG DANG 'DRA, LO NANG TSAG PHAR PHYIN STON MOR 'DZIN GRVA SO SO NAS 'TSOG DGOS, DE YANG SE RA BYES NANG LTAR LAS RANG 'DOD SBYAR MI CHOG ,LAS SNE'I SKOR LA, LAS SNE THUN MONG NAS DPYID RGYUGS CHEN MO'I SKABS MDZOD PA NAS BSDUS CHUNG BA'I BAR TSANG MA LAS TSIG RGYUGS ZHIB RGYAS LEN DGOS SHING, DE'ANG RTZOD PA SO SO'I THAD KA'I DPE CHA DANG, RGYA BOD KYI GZHUNG CHEN MO RNAMS KYI RGYUGS BSTAN PA'I DMIGS LTOS LA PHAN PA ZHIG NGES PAR PHUL BA RNAMS LA BDAG RKYEN GZENGS BSTOD GNANG BA DANG, DE MIN THAD KA'I DPE CHA TZAM GYI RGYUGS MED PA TSO LA BAB 'OS KYI CHAD PA 'GEL DGOS, RGYUGS SPROD LEN GYI SKABS SU PHA MA NA BA DANG, RANG GI NAD GZHI SOGS LA BSNYAD 'DAGS BYAS NAS MA 'ONGS
BAR BSDANG MI CHOG CING, GAL SRID BYUNG NA DE RNAMS KYI RGYUGS LE SHOR MED PA LEN DGOS TE, STON CHOS DANG PO'I SKABS RGYUGS SPROD PA DANG LEN PA GONG DANG 'DRA, GRVA TSANG MKHAN RIN PO CHE NAS GTZO CHER CHOS 'CHAD NYAN RTZI BZHAG GNANG LUGS GRVA TSANG PHYI NANG GI LAS TSAN MING BTAGS CHE CHUNG STER LUGS DGE BSKOS SOGS LAS SNE BSGO BZHAG GNANG BA 'DZIN GRVA'I RTZOD PA 'GRO TSUL, RTZOD PA RGYUGS 'DZIN SKYOR SBYANGS SOGS GANG DRAG GNANG BA GZHIR BZHAG, T'A BLA MAS KYANG GRVA TSANG 'DI'I CHOS 'JIG RTEN GNYIS KA'I DO DAM GANG YAGS GNANG BA DANG, DGE BSKOS KYANG GTZO CHER CHOS GRVA DANG TSOGS KYI BSGRIGS LAM DPE CHA 'DZIN SKYOR SBYANGS SOGS GONG 'PHEL DU 'GRO BA'I THABS LA RTZAL CI YOD KYIS 'BUNGS DGOS, DBU MDZAD NAS KYANG GRVA TSANG 'DI'I THUN MONG MA YIN PA'I 'DON SGRA DBYANGS CHOS GRVA DANG BZANG SMON GYI 'DON CHA SOGS SNGAR LAS MA NYAMS PAR GONG 'PHEL DU YONG BA BYED DGOS, GNYER PA NAS SU RUG MI SER DO DAM RGYAB RGYU, RGYUN DANG DMIGS BSAL GYI GTONG SGO SOGS GANG GI THAD LA SNGAR LAS LHAG PA ZHIG MA BYUNG YANG CHAD PAS GA LA 'THUS, GRUB DBANG BLO BZANG RNAM RGYAL GYIS, DGE 'DUN GYI RDZAS LA GTONG PHOD CHE MDOG KHA MO MA RABS NGAN PA LAS 'BRAS MI SHES PA'I SPYOD TSUL YIN, DA LTA NGA LA MI TSOS DAG SNANG BYED PA 'DRA ZHIG SLAR AE YONG MI SHES, DE BAS DA LTA 'TSAM 'TSAM PA BYAS NAS RE ZHIG RGYUN JA 'DI MA CHAD TZAM RE BYAS TE BSTAN RGYUN LA
, ,PHAN BA BYED DGOS GSUNGS BA LTAR RTZIS GZHI LTAR BYAS NAS TSOGS THENGS GCIG LA MI GCIG MED PA BYUNG YANG JA MAR NAS MI SKAL GCIG PHRI STE RGYUN GTONG GI THOG TU PHAN PAR BYED PA GAL CHE, LAS BYED RNAMS DGE 'DUN GYI LAS BYED PAR RLOMS TE GRA DMANGS LAS LHAG PA JA THIGS PA GCIG TZAM YANG SGER DU LONGS SPYOD MI NYAN PA YIN, RANG MGO THON PA TZAM GYI THUGS BSAM MA BZHES PAR GRVA TSAR RIN PO CHE'I SPYI RDZAS SOGS GONG 'PHEL YONG BA'I THABS LA SGO DU MA NAS 'BAD DGOS, KHANG GNYER DANG DGON GNYER RNAMS NAS SKU GSUNG THUGS RTEN MCHOD RDZAS DPE MDZOD SOGS LA DO DAM 'DU KHANG STENG SHOD KYI CHU THIG TSON RTZI SO PHAG SHING CHA ZHIG GSO'I RTING BSKUL, CHOS GRVA'I PHYI NANG GI GAD BRDAR GTZANG SBRA ZHVA ZLAM ZHABS CHAG BCAS BSRUNG DOM BYED RGYU SOGS LA LE SHOR MED PA DGOS SHING, LAS SNE THUN MONG NAS GNANG BA MED PAR MCHOD RDZAS DPE CHA SOGS G-YAR MI CHOG RLAG BOR GYI RIGS RNYED PA 'BYUNG TSE DGE BSKOS DANG CHAB RIL PA LA STER DGOS, DE YANG TSOGS LA 'GRIM NAS BDAG PO NGO SPROD PA 'BYUNG TSE STER, MA 'BYUNG NA SPYI RDZAS LTA BUR 'JOG ,CHOS GRVA DGE BSKOS DO DAM PA DGON GNYER BCAS NAS CHOS GRA'I DPE MDZOD KYI YIG CHA BSDU 'GRAM BYED SKABS RLAG BOR 'BYUNG NA BDAG PO NGO SPROD NA GSAB TU 'JUG DGOS, MA 'BYUNG TSE TSOGS GTAM BTANG STE MDO SGRUB 'DZUGS, RUNG KHANG GI SKOR RUNG KHANG NI DGE 'DUN GYI 'DU SGO 'BYUNG BA'I GNAS YIN PAS GTZANG SBRA GANG CHE'I THOG JA MA NAS KYANG BLA MA YI DAM DGE
'DUN SNYING LA BCANGS TE BSAM PA RNAM DAG GI SGO NAS GUS PA LHUR BLANG STE DGE 'DUN LA PHUL BA'I DAD ZAS CHUD ZOS SU MA SONG BA GAL CHE, RUNG KHANG NANG JA MA ME GTONG CHU LEN SBYIN BDAG MA GTOGS SKYA SER SU YIN BTANG MI CHOG ,JA THUG LHAG MA SO SO'I NANG LA 'KHYER BA DANG TSONG PA SOGS GTAN NAS MI RUNG, ME GTONG CHU LEN PAS 'THUNG RGYU TZAM LAS LHAG MI CHOG ,CHOS GRVAR ZHUGS NAS LO GSUM LHAG SONG NA YANG RTAGS GSAL NGO MI SHES PA PHOG 'GYED MA GTOGS CHOS GRVA DON DU MI GNYER BA TSO DGE BSKOS NAS DON RGYUGS BLO RGYUGS ZHIB DPYAD BLANG STE GANG YANG MED NA CHOS GRA NAS BUD, DE MIN BLO RIGS BZANG BA 'GRIG TZAM 'DUG NA 'DZIN GRVA BAB PA SOGS SLOB GNYER YONG BA'I THABS BYED, CIS KYANG MI 'DUL NA CHOS GRVA NAS PHUD PA LAS KA BYED MI LA 'JUG PA SOGS BAB LTOS BYED, SHOG KHA 'DI BA 'AM NYE 'KHOR NAS CHOS GRVAR 'JUG TSE DGON SPYI'I 'DON PA NGOS GTZANG BA'I STENG THUN MONG MA YIN PA'I CHOS SPYOD GTOR 'BUL RGYAN 'JUG PHAL CHER THON PA MA GTOGS GYA TSOM DU MI 'JUG PA'I DO DAM DGE RGAN RGAN PA RNAMS NAS YANG YANG BYED, GRVA TSANG 'DI'I BSGRIGS LAM KUN SPYOD KYI RIM PA 'DI KHA SANG GONG DU ZHUS PA LTAR ZAB CING RGYA CHE BAS KHO BO LTA BU 'CHING BA KUN LDAN GYIS JI LTA JI SNYED 'THON PA GA LA SRID, 'ON KYANG BCA' YIG RIN PO CHE GZHIR BZHAG BLA MA LAS SNE GONG MA RNAMS DANG DKA' RAMS PA DGE BA'I BSHES GNYEN LAS RGYU 'BRAS DANG 'GRIG LAM GYI BDAG PO TSO LA BKA' DRI ZHUS NAS PHRAN
, ,RANG GI BLO LA GANG NGES PA PHAL CHER ZHUS ZIN PA YIN BSAM PA YOD RUNG, 'ON KYANG 'DUS TSOGS RIN PO CHE GZI BRJID CHE, PHRAN RANG NYID BSOD NAMS DANG SPOBS BA CHUNG BA'I STABS LE LUS 'DRA YOD PA GZHIR BCAS, SPYIR NA CHOS THOG GCIG LA TSOGS GTAM CHEN PO'I DUS GNYIS MA GTOGS MI RUNG ZHING DGOS PA GAL CHEN THAD KAR DON DU 'GYUR BA ZHIG 'DUG NA BAR BAR GRA JA LA TSOGS GTAM 'BUL CHOG PA GAL PO CHE LA NAN TAN DAM PA'I CHOS LA BRGYA TSAR ZER BA LTAR YIN PAS 'BUL RTZIS YIN ZHING DE MIN DGONGS MO'I CHOS GRVA LA SKU 'GYED KYI SNYAN GSAN TZAM LAS MI RUNG MDOR NA RDO CHE CHE LA KHA BA CHE CHE RDO CHUNG CHUNG LA KHA BA CHUNG CHUNG GI DPE DON LTAR, LAS SNE RNAMS DANG GRA DMANGS NAS KYANG RANG RANG SO SOR SKABS SU GANG BABS DE BSTAN PA SPYI DANG BYE BRAG GI ZHABS 'DEGS SU 'GYUR BA ZHIG THUGS KHUR YANG DAG MDZAD DGOS SHING, DE MIN 'GRIG LAM MNAN MKHAN GYIS MA MNAN NA BSTAN BSHIG KHUR MKHAN GYIS MA 'KHUR NA BSTAN BSHIG YIN ZER BA LTAR MA SONG BA GAL CHE BAS BGRES GZHON THAMS CAD KYIS BAG YOD TSUL MTHUN GNANG BA DGONGS 'JAGS DANG, GANG ZHUS DE DAG THAMS CAD KHUR DU MA 'DZIN PAR RGYAN DU SONG BA ZHIG BKA' DRIN BSKYANG BAR ZHU, CHOS MTSAMS KYI SKOR, CHOS THOG GI SGANG LA DGE 'DUN DMANGS MAS DAM BCA' RING THUNG LA PHEBS RGYU DANG, RTZOD PA, 'DZIN SKYOR SBYANGS, TSOGS CHOS GRVA 'GRIM LUGS SOGS GANG THAD NAS PHUN SUM TSOGS
PA GANG YAGS BYUNG THUGS RJE CHE BKA' DRIN CHE ZER BA LTA BU'I GZENGS BSTOD DANG, DE MIN TSOGS CHOS GRVA TSUL BZHIN MA BSTEN PA RNAMS KYANG DA RES MIG 'OG TU BCUG NAS BZHAG YOD PAS PHYIN CHAD DE 'DRA MI YONG BA'I DO DAM DGE RGAN RNAMS NAS BYED DGOS SHING, DE TZAM DU MA ZAD, MTSAN NYID BLA MA NAS CHOS 'CHAD NYAN RTZOD PA SOGS LA DO DAM GNANG LUGS, T'A BLA MA DGE BSKOS DBU MDZAD SOGS GNYER PA DGON GNYER KHANG GNYER ME GTONG CHU LEN PA YAN CHAD KYIS RANG RANG SO SO'I LAS DON GNANG LUGS GTONG SGO GTONG LUGS TSUL MTHUN BYED MI BYED YAGS NYES BYUNG BA RNAMS LA GO SA MTHO DMAN DBANG CHE CHUNG SU GANG GI NGO LA MA LTOS PAR SGRA DRANG BZHAG GI SGO NAS SKYABS 'JUG ZHIB RGYAS ZHU DGOS, DE NAS CHOS THOG LA RTZOD PA GTZO BO, CHOS MTSAMS LA 'DZIN SKYOR SBYANGS, DPE KLOG DPE KHRID GTZO BO ZER BA YIN PAS RNGA BRDA MA BTANG GONG LA THAMS CAD KYIS SGO BCAD NAS DPE CHA 'DZIN PA DANG KLOG PA SOGS THOS BSAM LHUR LEN PA LAS, DON MED KYI GNYID DANG RNAM G-YENG GIS PHYI ROL 'DU LONG CHE SA DANG SPYI KHANG GI BAR DU 'KHYAMs PA SOGS LTA ZHOG BSHAG MTSES LA 'GRO SA MED CING DPE KHRID ZHU BA LA'ANG PHYIN MI CHOG ,DE MIN DON MED 'KHYAMS PA SOGS LA GRA SA GRA TSANG GI LAS SNE DANG GRA PA BGRES PA TSO PHAR ZHOG GSAR PA BU GU MTHEB RDOG TZAM YIN NA YANG RDZIG RDZIG DMOD MO BTANG DGOS SHING DE LA KHA LAN LAG LAN BYED SA MED, RNGA RDA MA BTANG GONG ME GTONG
, ,MI CHOG PAS RNGA BRDA BYUNG BA DANG BSTUN 'DUL BA DANG MTHUN PAR DGUNG TSIGS SOGS BYAS TE SO SO'I DGE BA'I BSHES GNYEN GYI DRUNG DU DPE KHRID KHRAL CHOS SU MA SONG BAR TSUL MTHUN ZHU DGOS SHING, DGE RGAN TSO YANG CHOS 'CHAD NYAN GYI PHAN YON THUGS LA BZHAG NAS TSIG DON THAMS CAD LA GO RIGS PHU THAG CHOD PA NYI MA 'PHUL THABS SU MA SONG BA GNANG RGYU DANG, DPE KHRID LA MI YONG MKHAN RNAMS SKAD BTANG CHAD 'GEL SOGS 'CHAD NYAN GONG 'PHEL 'GRO BA'I THABS RNAMS GANG DRAG BYED, DGONGS JA GROL MA THAG DBU MA MAN CHAD SO SO'I 'DZIN GRVA'I SKYOR SBYANGS BYED SAR TSIG DON 'PHROD NGES KYI SKYOR SBYANGS RGYUN RING DANG, TSUR PHEBS PA NA GZIMS MI BZHUGS PAR SO SO'I RVA SKOR GYI MTHIL LTA BUR SPYOD LAM 'CHAG 'DUG CI RIGS PAS SKAD MTHON POS NAM PHYED DANG NAM LANGS BAR DU SKYOR SBYANGS RU GANG NGA GNANG DGOS, ZHAL NGO GNYIS NAS KYANG CHOS THOG CHOS MTSAMS THAMS CAD DU SKYOR SBYANGS LA SKOR YONG BYED PA DANG, RTZOD PA CHOS 'CHAD NYAN GYI RTING BSKUL DGONGS PA ZHU GNANG DANG GSAR ZHUGS SOGS CHOS DANG 'JIG RTEN GNYIS KA'I DO DAM GANG DRAG MDZOD, MANG JA'I DGE BSKOS RES MOS GANG YIN DANG CHOS GRVA'I DGE BSKOS BCAS NAS RNGA BRDA MA BTANG GONG SPYI KHANG DANG BSHAG SO SOR SGO BCAD NAS BSDAD MI BSDAD DANG DGONGS RNGA GROL RJES SKYOR SBYANGS LA YONG MIN SKYOR SBYANGS BYED MI BYED KYI SKOR BLTA RTOG LE SHOR MED PA DGOS, 'DI LTAR CHOS 'GRIM SKABS
CHOS THOG CHOS MTSAMS GANG YIN KYANG GZHUNG CHEN MO RNAMS DANG, CHOS GRVA'I YIG CHA GTZO BOR MDZAD PA LAS 'DUL BA MAN CHAD KYIS SNGAGS PHYOGS DANG SMAN RTZIS SNYAN NGAG SDEBs SBYOR SOGS LA SLOB MI CHOG CING, DPE CHA GZHAN MA SHO KA LI'I NANG LA BZHAG SA YANG MED, MDOR NA RGYAL BA'I GSUNG RAB DANG RGYA BOD KYI GZHUNG CHEN PO RNAMS LA GDAMS PA'I MCHOG TU 'DZIN CING, SGO GSUM GYI BYA BA LA ZHUS DAG BYED DE MCHIL MA DOR BA YAN CHAD SPYOD LAM GANG BYED KYANG DON LDAN DANG RNAM PAR DAG PA GZHIR BZHAG GI STENG THOS BSAM SGOM GSUM YA MA BRAL BAR RTZOD PA 'DZIN SKYOR SBYANGS TSOGS CHOS GRA 'GRIM PA SOGS LA 'BAD PA NI NGAL 'BYOR GYI RTEN LA SNYING PO LEN PA'I THABS GONG NA MED PA YIN PAS THAMS CAD KYIS THUGS LA NGES SHES GANG DRONGS DRONGS GNANG NAS CHOS GRA RANG LA NYAMS LEN CHIG 'DRIL DU YOD PA GNAD CHE BAS GO BA GYIS, LAS SNE SOGS LA GUS ZHABS BYED DGOS PAS DPER NA RANG GI DGE PHRUG ME GTONG CHU LEN BYED MKHAN LTA BU ZHIG DGE BSKOS LANGS NA YANG ZHVA GZAN BAB PA MGO SGUR BA MNGON DU LDANG BA SOGS BYED DGOS PA YIN NA GZHAN LA SMOS CI DGOS, 'DZIN GRVA MTHO DMAN DANG 'DZIN GRVA'I NANG NA YANG BLO KHA MTHO DMAN DANG CHOS GRAR ZHUGS PA SNGA PHYI ZHOGS KHA CHOS GRAR ZHUGS PA LA PHYI DRO CHOS GRAR ZHUGS PAS BSNYEN BKUR BYED DGOS PA YOD DO, ,SBYIR NA RANG DANG RGYUD THA DAD YIN TSAD LA GUS PA BYED DGOS PA NI, SEMS CAN RNAMS DANG RGYAL BA LAS, ZHES SOGS GSUNGS PA LTAR YIN PAS GRA TSANG
, ,GCIG DGRA? PA CHOS DANG 'JIG RTEN GNYIS KA'I 'BREL BA CAN YIN PAS PHAN TSUN MI 'TSAM PA BYED PA DANG CUNG ZHIG BYED PA'ANG MI BZOD PA BYAS PAS MI 'THUS PAR MA ZAD, GCES SBRAS BYED KHUL GYIS DGE DGE PHRUG NANG PHAN TSUN MTSANG 'GROGS SU SONG NA BSTAN PA LA GNOD TSABS CHE BAR MA ZAD 'JIG RTEN LA YANG 'DI LAS THABS SDUG PO MI 'DUG PAS, BGRES GZHON THAMS CAD KYIS MGO GZHUG YOD PA'I STENG GUS PA DAG SNANG DANG BLANG BYAS TE, GZHON PA RNAMS KYIS BSNYEN BKUR ZHABS TOG TSUL MTHUN DANG RGAN PA RNAMS KYANG DGE PHRUG TSO LAG G-YOG BSGO SHES PA TZAM LA MA SONG BAR CHOS 'JIG RTEN 'DI PHYI KUN TU PHAN PA'I DO DAM LABS YAR GANG DRAG BYED PA SOGS DGE RGAN GTI RGAN LA MA SONG BA DGE PHRUG SDIG PHRUG LA MA SONG BAR MING DON MTHUN PA BYED PA NI, 'GRIG LAM GYI GZHI RTZA MTHAR THUG YIN PAS THAMS CAD KYIS GNAD KYI DON POR NGES PA GYIS SHIG ,MDOR NA BLA MA LAS SNE DKA' RAMS PA DGE BA'I BSHES GNYEN GRA PA BGRES PA DGE 'DUN MANG LA ZHU CI DGOS, THA NA'ANG CHOS THOG 'DIR ZHUGS PA'I GSAR PA ZHIG YIN YANG KA KHA KLOG 'DON SHES PA, KHA DOG YIN NA DMAR PO YIN PAS KHYAB MA KHYAB SHES PA YAN CHAD BLA MA DKON MCHOG DANG GRA SA GRA TSANG GI DRIN YIN PA LA YIN PAR NGO SHES TE BKA' DRIN GZO THABS SU GRA TSANG RIN PO CHE'I BSGRIGS LAM 'DI NYID SNYING GI DKYIL DU 'DZIN TE RANG GIS KYANG MIG 'BRAS LTAR BSRUNG BA DANG, GZHAN LA'ANG TSUL BZHIN DU
'DOBS PA'I SGO NAS MI NYAMS GONG 'PHEL DU 'GRO BA'I THABS LA SKYES BU'I RTZAL CI YOD KYIS 'BAD PA LAS THABS GZHAN MED PAS RGAN GZHON TSANG MAS KHUS SROG LEGS NYES SKYID SDUG JI LTAR 'GYUR YANG RUNG, GONG GSAL LTAR GYI BSGRIGS LAM KUN SPYOD KYI RIM PA 'DI NYID LA THUGS DAM GYI MTHIL MDZAD PA ZHIG DGONGS PA'I YUL DU CI NAS KYANG BKA' DRIN BSKYANG BAR ZHU, 'DI LTAR CHOS GRVA GRA JA CHOS MTSAMS KYI TSOGS GTAM 'BUL SKABS BCA' YIG RIN PO CHE RTZA BA LTA BUR GZHIR BZHAG ,RAB GSAL ME LONG GIS KHA SKONG BA'I 'GREL PA LTA BU DANG YI GE 'DIS 'GREL BSHAD LTA BU ZUR RGYAN BYAS TE TSOGS GTAM DNGOS GZHI DKYUS MA 'DI NANG LTAR LA, DGAG SGRUB KYI RGYU MTSAN DANG, DGOS PA, SGRUB BYED RIGS PA, SHES BYED MDO BSTAN BCOS KYI LUNG BCAS GONG MA GNYIS NAS DRANGS TE 'BUL NA RGYAS BSDUS GANG BYED KYANG LAS SLA BAS 'DIR LUNG RIGS SOGS RGYAS PAR MA BKOD MOD, DGE BSKOS SNGA RTING RIM BZHIN NAS CHOS THOG RE RER SLA CHOS KHRAL CHOS SU MA SONG BAR TSOGS GTAM GYI DKYUS MA LUNG DANG RIGS PA BCAS CHA TSANG BA RE SONG BA GAL CHE BAS DE LTAR YONG BA'I THUGS KHUR GANG CHE CHE GNANG DGOS PA THUGS YUL DU BSTI BA MDZOD, ` DE LTAR MTSAN NYID GRA TSANG RIN PO CHE 'DI GA'I BCA' YIG LE TSAN GYI DGONGS DON GZHIR BZUNG GANG CI'I BSGRIGS LAM GYI RIM PA ZHIB TU BTANG NA LEGS TSOGS CHE BA YONG 'DUG PAS TSOGS CHOS GRA RGYUN RING BSGRIMS SHING BLO LA NGES PA YOD PA'I
, ,KHYAD NAS GRA TSANG 'DI GA'I DGE BSHES MKHAS PA'I DBANG PO LHA RAMS PA 'JAM DPAL GZHON NU LA ZIN THO GYIS NAS SPROD DGOS TSUL RMED PA BZHIN KHONG GIS YI GER BKOD PA 'DI YIN LA, PHRAN GANGS LJONGS NAS PHYIR 'KHOR YONG DUS 7 'PHAGS PA CHOS 'PHAGS KYI RNAM SPRUL DUS GSUM MKHYEN PA RJE KLONG RDOL GRUB PA'I DBANG PHYUG ,NGES PA DON GYI MKHAS GRUB CHEN PO RDO RJE 'CHANG PHA BONG KHA PA, BKA' GDAMS BSTAN PA'I SGRON ME SE RA RTZE DGE BSHES THOGS MED GSUM CHAR GYIS RANG YUL DU 'BYOR NAS GZHIS DGON LA RTEN 'BREL 'DZOM PA ZHIG NAM BYUNG DUS RTZOD PA'I GRA TSANG TSUGS THUB NA BSTAN PA SPYI DANG KHYAD PAR ZHVA SER BSTAN PA'I ZHABS 'DEGS SU 'GRO TSUL MGRIN GCIG DBYANGS GCIG GIS LUNG BSTAN STZAL BA BZHIN, DNGOS PO ZHES PA SHING KHYI LO GRA TSANG 'DI GSAR DU TSUGS PA YIN, DE'ANG SNGON RJE BLA MA BTZONG KHA PA CHEN PO'I DNGOS SLOB SKYES MCHOG MKHAS SHING GRUB PA'I DBANG PHYUG GNAM GYI SKAR TSOGS LTA BU BYON PA'I NANG NAS 'PHRIN LAS NAM MKHA' DANG MNYAM PA'I BU CHEN BZHI'I YA GYAL 'JAM DBYANGS CHOS KYI RJE BKRA SHIS DPAL LDAN PA'I ZHAL CHEMS LA, CHOS SDE CHEN PO 'BRAS SPUNGS PA'I BGRO GLENG MA NYAMS PA BYAS NA NGA'I GDUNG MCHOD YIN GSUNGS PA DANG, RONG STON SHES BYA KUN RIG SH'AKYA RGYAL MTSAN GYIS NA LENDAR SKYOR SBYANGS KYI SGRA MA NYAMS NA NGA'I BSAM PA RDZOGS PA YIN GSUNGS PA DANG, 'JIG RTEN GYI KHAMS SU BSTAN PA RIN PO CHE YUN RING GNAS
PA MTSAN NYID KYI 'CHAD NYAN LA RAGS LAS PAR DGONGS NAS RJE BLA MA'I NANG THUGS KYI SRAS GCIG PU MKHAS GRUB THAMS CAD MKHYEN PAS PHA BLA MA'I GDAN SA DGA' LDAN RNAM PAR RGYAL BA'I GLING DU MTSAN NYID GRA TSANG RTZAL DU BTON NAS TSUGS, DE MTSUNGS RJE BLA MA'I DNGOS SLOB DANG YANG SLOB BSAM GYIS MI KHYAB PAS DBUS GTZANG KHAMS GSUM GYIS MTSON PA'I YUL GRU MTHA' DAG LA 'CHAD NYAN GYI GRA TSANG 'DZUGS PA LA BRTEN NAS RJE BLA MA BTZONG KHA PA CHEN PO'I BSTAN PA DUS DA LTA'I BAR DU GRA MA CHAG GRU YANG MA NYAMS PAR GNAS PA 'DI YIN PAS, PHAN BDE LEGS TSOGS MA LUS PA'I 'BYUNG GNAS RGYAL BA'I BSTAN PA RIN PO CHE PHYOGS DUS KUN DU DAR ZHING YUN DU GNAS PA'I GZHI RTEN RMANG RDO 'DI LTA BU LA MCHOG DMAN SKYA SER SU THAD NAS PHAN PA SGRUB PA LAS GNOD 'GAL GYI RIGS BYUNG NA BSTAN SRUNG MTHU RTZAL CAN RNAMS KYI BKA' CHAD KYIS 'DI DANG PHYI MAR SDUG BSNGAL SNA TSOGS KYIS MNAR BAR 'GYUR BA GDON MI ZA BAS KUN GYIS BAG YOD PA BRTEN NA LEGS SO,, 'DIR GTAM PA, 'CHI MED SKYID TSAL LTA BU'I 'CHAD NYAN GYI, ,LDUM RVAR LEGS BSHAD GTAM GYI ME TOG TSOGS, ,RNAM PAR BKRA YANG LEGS NYES MI PHYED PA'I, ,THA SHAL LUG BONG DAG GI SPYOD YUL MIN, ,YAN LAG BRGYAD LDAN RTZOD GRA'I MTSO CHEN 'DIR, ,RANG GZHAN BLO MUN? SEL BYED SNYAN PA'I DBYANGS, ,DUS KUN SGROG PA BLO GSAL NGANG MO'I TSOGS, ,RTAG TU DGA' BDES RTZEN PA CHOS NYID
, ,YIN; ;'DI BRIS DGE BAS YAB RJE BTZONG KHA PAS, ,BSREG BCAD BRDAR BA'I GSER BZHIN DPYAD GSUM GYIS, ,BYI DOR MDZAD PA'I DRI MED RING LUGS 'DI, ,RTAG TU BRTAN CING 'DZAM GLING KUN KHYAB SHOG ;CES PA 'DI YANG ZHVA SER COD PAN 'DZIN PA LCANG LUNG AARYA PAndIR GRAGS PAS BRIS PA DGE,
[BLANK PAGE]