, ,(DGE 'PHEL DGA' LDAN CHOS MDZOD GLING GI NANG TSAN MTSAN NYID GRVA TSANG MKHAS MANG THOS BSAM GLING GI DGE 'DUN PA RNAMS GYI BLANG DOR GTAN CHAGS KYI YI GE THAR PA'I GRONG DU 'JUG PA'I BDE LAM ZHES BYA BA BZHUGS SO, ,
, ,NA MO GU RU MU NI AINDRA YA, PHUN TSOGS YON TAN DKYIL 'KHOR YONGS SU RDZOGS, ,MTSAN DPE'I RI DVAGS SNANG BRNYAN RNAM BKRA BA, ,LEGS GSUNG 'OD DKAR SNANG BAS THAR 'DOD KYI, ,YID MUN SEL MDZAD DE LA MGOS PHYAG 'TSAL, ,LEGS GSUNG SNYING PO 'DUL LUNG SDE BZHI YI, ,GNANG BKAG GNAS KUN JI BZHIN GSAL MDZAD PA, ,'PHAGS MCHOG NYE BAR 'KHOR LA SOGS PA YI, ,RGYA BOD 'DUL 'DZIN RNAMS LA GUS PAS 'DUD, ,ZAB RGYAS CHOS TSUL DKA' GNAD MA LUS PA, , THUGS SU CHUD CING DE DON 'DOMS PA LA, ,GANGS CAN LJONGS SU 'GRAN PA'I ZLA BRAL BA, ,MNYAM MED BTZONG KHA PA LA DANG BAS 'DUD, ,RJE BTZUN BDAG NYID CHEN PO GANG DE YI,,
, ,LUNG RTOGS CHOS KYI SRID LA MNGA' BRNYES PA, ,BSHAD SGRUB RGYAL MTSAN 'DZIN PA'I DPAL YON CAN, ,RIS MED SKYE DGU'I GNYEN MCHOG BSNGAGS PAR 'OS; ;GANG GI DRI MED SROL BZANG SA CHEN 'DIR, ,LEGS PAR SPEL MDZAD BSHES GNYEN TSOGS RNAMS DANG, ,DMU RGOD BDAG BLO CHOS LAM DRANG PO RU, ,'KHRID MDZAD YONGS 'DZIN TSOGS LA'ANG SNYING NAS 'DUD, ,'JAM DPAL GTUM CHEN KHRO TSUL 'JIGS MDZAD DANG, ,PADMA DBANG CHEN BKA' SDOD DREGS PA'I TSOGS, ,MA GCIG SRID GSUM BDAG MO MTHU RTZAL CAN, ,BSTAN BSHIG SGROL CING BSTAN 'DZIN SKYONG BAR MDZOD, ,DGA' LDAN RING KHUGS BZANG PO'I CHOS KYI MDZOD, ,'DZIN PA'I GLING 'DIR THOS BSAM
LHUR LEN PA'I, ,BLO GSAL 'DUS SDE'I SPANG BLANG GTAN CHAGS KYI, ,YI GE NYUNG BSDUS DON GSAL SPEL BAR BYA, ,DE'ANG PHAN BDE MA LUS PA'I 'BYUNG GNAS KUN MKHYEN NYI MA'I GNYEN GYI BSTAN PA'I SNYING PO YAB RJE RGYAL BA GNYIS PA'I RING LUGS DRI MA MED PA LA THOS BSAM SGOM GSUM TSUL BZHIN MDZAD PA'I RIG LDAN DU MA 'DU BA'I DGA' TSAL CHOS SDE CHEN PO DGE 'PHEL DGA' LDAN CHOS MDZOD GLING GI MTSAN NYID GRA TSANG MKHAS MANG THOS BSAM GLING GI DGE 'DUN PA RNAMS KYIS NYAMS SU BSTAR RGYU'I RIM PA YI GER 'GOD PA LA, THOG MAR DGE BA SDE 'DIR 'JUG PA'I TSUL, BAR DU DGE BA ZHUGS NAS NYAMS SU BLANG BYA'I BCA' KHRIMS, THA MAR DGE BA ZHUGS PA'I 'BRAS BU MING BTAGS KYI SKOR RO, ,DANG PO NI, SDE 'DIR 'JUG 'DOD PA'I GANG ZAG SDOM PA ZHU DGOS KYI RIGS SDOM PA SKYE BA DANG GNAS PA SOGS KYI BAR CHAD BZHI DANG BRAL ZHING, MTHUN RKYEN LNGA TSANG BA DE LTA BUS DGE BSNYEN BAR MA RAB BYUNG DGE TSUL RNAMS RIM BZHIN SGRUB, RAB BYUNG SOGS SNGAR NAS BSGRUB ZIN PA YIN NA DGE 'DUN GYI 'KHRUGS SLONG BYAS PA SOGS 'GAL TSABS CAN GYI RIGS PHYOGS GZHAN NAS GNAS DBYUNG MA BYAS PA, PHAM PA BZHI CHANG DANG BCAS PA LA MTHONG THOS DOGS GSUM MED PA, CHOS LA DON GNYER CHE ZHING SDE 'DIR YUN RING SDOD PA'I BSAM PA DANG LDAN PA ZHIG NGES PA LAS KHYI DANG GLO BA 'PHRAD PA LTAR MI BYA, YO BYAD KYI RIM PA YANG, ZLA GAM, GZAN,,
, ,GDING BA, ZHVA SER RNAMS MTHA' GNYIS SU MA LHUNG BA, CHAB RIL, CHAB THUR, PHRENG BA RANG RTZI MA, PHOR PA DKYUS MA YONGS GRAGS DANG, LHAM SPYI MTHUN DGOS SHING, DE LAS GZHAN DU ZHVA SER RDOG MA MED PA DANG, LAG PA DMAR SER KHRA SPEL, ZLA GAM GZAN GDING BA RNAMS HA CANG RNYINGS TE RAL BA DANG, LHAN PA MANG PO PHOG PA DANG, PHRENG BA RGYAN LDAN, LA PHOR SOGS DANG LHAM LCAGS 'DZER CAN, GRI RING DANG GANG SA RNAMS BCANG MI RUNG NGO, ,JI LTAR 'JUG PA'I TSUL LA, GSAR 'JUG RNAMS KYIS MTSAN NYID BLA MA DANG DGE BSKOS LHAN RGYAS KYI DRUNG DU YI GE DKAR NAG DANG 'DI GA'I THUN MONG MA YIN PA'I CHOS SPYOD GTOR 'BUL RNAMS KYI RGYUGS SPRAD THOG ,MDZA' BSHES KYI TSOMS LAS, DMAN PA BSTEN PAS MI DAG NYAMS 'GYUR ZHING, ,THAD KAR BABS PA BSTEN NA SO NA GNAS, ,GTZO BO BSTEN PAS DAM PA THOB PAR 'GYUR, ,DE PHYIR BDAG LAS GTZOR GYUR BSTEN PAR BYA, ZHES GSUNGS PA LTAR PHYAG LEN LA THEBS DGOS PAS GRA PA YON TAN CAN ZHIG DGE RGAN DU BSGO, DE NAS DGE RGAN DES KHRID DE KHRI RIN PO CHE DANG MTSAN NYID BLA MAR MJAL DAR, DE MA JA BCAS PHYAG DBANG ZHU ZHING MJAL KHA GRUB NAS TSOGS CHEN DGE BSKOS GNYIS LA NGO SPROD BYED, BSDUS GRA SNGON SONG YIN NA BLO RTAGS MAN CHAD LA DAM BCA' BZHAG NAS GZHUNG GSAR DANG, DE MIN TSE KHA DOG DKAR DMAR NAS 'JUG ,PHYOGS
GZHAN NAS 'OD BA RNAMS CHOS SPYOD GTOR 'BUL BLO LA MA BZUNG BAR DU GZHI PA BYAS CHOG ,DE PHAN LUS KYIS RKYEN THEG CING SHES RAB YOD BZHIN DU CHOS GRA MI 'GRIM PAR SOS BDAL DU MI SDOD CING, DE YANG TSOGS DANG CHOS GRA GNYIS KYI NANG NAS THOG MAR CHOS GRA LA 'JUG ,DMIGS BSAL CAN RE GNYIS MA GTOGS MA MTHA' LO GSUM MA SONG BAR DGONGS PA ZHUS NAS GZHAN DU MI 'GRO BA'I KHAG KHYAG DGE RGAN DANG, DGE BSKOS SOGS GRA BGRES CI RIGs NAS BYED, GSAR ZHUGS PA RNAMS KYIS THOG MAR GRA JA RE GTONG THUB NA KHEGS,? DE MIN KHA BTAGS SOGS SKYABS 'JUG ZHU RTEN DGE BSKOS KYI NGAG BKOD LTAR BYED, GNYIS PA BAR DU DGE BA ZHUGS NAS NYAMS SU BLANG BYA'I BCA' KHRIMS LA DNGOS DANG, ZHAR BYUNG 'GYED GRA JA DANG BCAS PA'I GTONG SGO'I SKOR RO, ,DANG PO LA, TSOGS CHOS GRA'I SGRIGS LAM THUN MONG PA SPYIR BSTAN PA DANG, THUN MONG MA YIN PA BYE BRAG TU BSHAD PA'O, ,DANG PO NI, DE'ANG SDE 'DIR ZHUGS PA RNAMS RGYAL BA'I GSUNG RAB LA THOS BSAM GYIS BAG CHAGS BZANG PO BZHAG PA'I CHED DU 'ONGS PA'I THAR PA DON GNYER PA SHA STAG YIN GSHIS RGAN GZHON MTHA' DAG GIS THUGS KHUR BZHES TE KUN SPYOD RNAM PAR DAG PA DANG, PHAN TSUN THUGS MTHUN PA'I SGO NAS PO TI LNGA LA BSLAB SBYANGS MTHAR PHYIN PA BYED DGOS SHING, DE'ANG SKABS SU BABS PA'I GZHUNG GI TSIG BLO LA MI 'DZIN PA,
, ,RTZOD GRA MI NUS PA, CHOS GRA DON MED DU 'DA' BA, SKYOR SBYANGS MI NUS PAR SLOB GNYER RGYAG PAR RLOM PA NI, JI SKAD DU, RJE BTZUN DKON MCHOG 'JIGS MED DBANG PO'I GSUNG LAS, DPE CHA MI 'DZIN DPE GLOG TZAM LA RE, ,RTZOD GRA MI NUS CHOS GRA DON MED 'DA', ,SKYOR SBYANGS MI NUS GNYID DANG 'DU 'DZIR CHAGS, ,'DI DAG SLOB GNYER BGEGS KYI GTZO BO YIN, ZHES GSUNGS PA LTAR SLOB GNYER GYI BGEGS DE DAG LAS LOGS SU MI 'DUG PAS LEGS PAR NGO SHES PAR BYAS NAS BE 'BUM LAG MTHIL TZAM GYI GO BA 'TSOL BA LTA BU LAS SLA BO MA YIN PA GZHUNG LUGS CHEN PO MTHA' DAG THOS BSAM GYIS GTAN LA 'BEBS PA LA RIGS PA'I 'GRO LUGS LEGS PAR SHES DGOS PAS THOG MAR RIGS PA'I SGO 'BYED BSDUS GRA DANG BLO RTAGS SOGS LEGS PAR SBYANGS DGOS, DE NAS DBU PHAR 'DUL MDZOD SOGS GZHUNG CHEN MO RNAMS LA THOS BSAM GYIS SGRO 'DOGS GCOD DGOS SHING, DE'ANG SKABS SU GANG BABS KYI THAL PHRENG RNAMS BLO LA 'DZIN CING, RANG RANG GI SPYI DON dIKKA SOGS LA BLTA RTOG ZHIB TU BYAS TE GO BA DPYIS PHYIN PA RNYED PA'I THABS LA 'BAD DGOS KYI, KHO 'DI ZER NA NGA 'DI ZER GYI SHAGS 'GYED PA TZAM DANG, TSIG 'KHRI SKAM POS GZHAN MGO BSKOR BA'I THABS TZAM LHUR LEN PA NI SNYING PO CI YANG MED PAS CHOS RNAM DAG GI GOL SA CHEN POR 'KHYAMS PAR MA ZAD RANG GIS RANG
MGO BSKOR BA'I THABS 'DI LAS THU BA MI 'DUG PAS, RANG GI RGYUD STENG DU BSKOR NAS GZHUNG DON RIGS PA'I LAM NAS DRANGS TE NYAMS SU LEN PA ZHIG DGOS, DE'I RGYU MTSAN STON PA'I GSUNG RAB THAMS CAD THAR PA DANG THAMS CAD MKHYEN PA'I GO 'PHANG 'THOB PA'I CHED DU GSUNGS PA SHA STAG YIN GYI RTZOD PA LHUR LEN PA'I CHED DU GSUNGS PA GNAS MED CING SKABS MED PAS SO, ,THAL PHRENG ZUR BKOL SOGS BLO LA BYANG BAR BZUNG STE, SKYOR SBYANGS NYIN MTSAN KHOR YUG TU BYED PA NI SLOB GNYER GYI RGYU'I GTZO BO YIN PAS, MKHAS PA SLOB PA'I DUS NA SDUG ,CES PA LTAR GNYID DANG TSA GRANG BKRES SKOM GYI NGAL BA KHYAD DU BSAD DE SNYING RUS BSKYED PA DANG, PHAR PHYIN BSDUS PA LAS, BRTZON 'GRUS GCIG PUS BYAS PA NGAL BA'I MTHA', ,SHES RAB GROGS KYIS BSKYANGS NA DON CHEN 'GRUB, CES GSUNGS PA LTAR BRTZON 'GRUS DANG LDAN YANG SHES RAB MED NA SLOB GNYER YANG DAG YONG BA DKA' BAS SHES RAB 'PHEL BA'I PHYIR TSOGS GSOG SGRIB SBYONG DANG, SHES RAB KYI LHA'I SGOM BZLAS LA 'BAD PA DANG, MDO SDUD PA LAS, RIN CHEN CHOS KYANG DKON LA RTAG TU 'TSE BA MANG, ZHES GSUNGS PA LTAR SNYIGS MA'I DUS 'DIR CHOS BYED PA RNAMS LA BAR CHAD KYI RIGS SGO SNA TSOGS NAS 'ONG BAR 'DUG PAS, DE'I GEGS SEL DU GDUGS SHER SGROL MA SOGS DANG, KHYAD PAR DENG SANG RGYAL GDON GYI GNOD PA SHIN TU MANG
, ,BAS RANG GI CHOS MGO THON CHED DU DMIGS BRTZE MA DANG, RTA MGRIN GYI SNYING PO SOGS KHA 'DON LA 'BAD PA DANG, RGYAL PO ZAS GTZANG GI ZHAL NAS, NGA YI BU NI RIGS DAG DANG, ,RUS LA NGO MTSAR 'DZIN MA YIN, ,YON TAN LDAN PA CHOS RNAMS KYI, ,DE LA DE YI YID DGA'O, ,ZHES GSUNGS PA LTAR YON TAN CAN RNAMS LA BKUR BSTI DANG GZOS GANG CHE BYED, BE 'BUM SNGON PO LAS, MAN NGAG THAMS CAD BSDUS PA'I 'GO NI, ,DGE BA'I BSHES GNYEN MI BTANG BA YIN, ZHES GSUNGS PA LTAR DGE PHRUG RNAMS KYIS RANG RANG GI DGE RGAN GANG YIN LA DAD PA DANG GUS PA LHUR BLANGS TE PHYAG DANG SNGON DU LDANG BA SOGS KYI BSNYEN BKUR LEGS PAR BYA, DE'ANG BCA' YIG DANG TSOGS GTAM GYI RGYUN LA TSOGS CHEN DGE BSKOS SOGS LA GDONG THUG BYED SA MED CES YOD PA MA GTOGS BLA MA SLOB DPON MTHONG TSE TZI TZIS ZHE ME MTHONG BA BZHIN DU BROS 'GRO ZER BA MI 'DUG KYANG RANG RE'I DGON PA'I GRA PA GTI THUG RE GNYIS KYIS BLA MAS SPYAN GYIS BTZA' BA'I SA NAS BYOL THABS RANG BYED PA NI MIG LTOS LA GNOD TSABS CHE BAR MA ZAD, SDIG GROGS RANG LA BRTEN NAS BSDAD PA'I 'BRAS RTAGS SU DGE BA'I BSHES GNYEN MIG LAM DU SNANG BA'ANG SNYING LA MI BZOD PA'I ZUG RNGU SKYED PA'I NANG RTAGS PHYIR THON PAR 'KHUMS, 'ON KYANG 'DI RIGS GNA' BO'I SROL LTAR SONG NA DGON PA'I LA RGYA LA
GNAD SRID PAS BLA MA DGE BSKOS SOGS KYIS BSDAM RA BYED, RDO RJE 'CHANG DKON MCHOG BSTAN PA'I SGRON ME'I ZHAL GDAMS LAS, MTHON PO'I SGANG LA CHU BO MI CHAGS PAS, ,DMAN SA BZUNG STE GUS PA'I BRTUL ZHUGS KYIS, ,TSES MTHUN BLO KHA MTHO BA THAMS CAD LAS, ,BLO SKYED GANG LON BRE SOG PHUL SOG GIS, ,SGRO 'DOGS 'PHRAL DANG 'PHRAL DU CHOD CIG AANG, ZHES STZAL BA LTAR RANG LAS YON TAN LHAG PA RNAMS LA BLANG DOR GYI GNAS DANG GSUNG RAB KYI DOGS GCOD SOGS ZHU BA DANG, DGE? RGAN SOGS KYIS KYANG LHAG BSAM RNAM PAR DAG PAS 'GRO 'DUG SPYOD LAM SLOB GNYER GYI RTING BSKUL YANG YANG BYAS TE RNAM DKAR GYI LAM DU BKRI CI THUB BYED, CHOS THOG GI RIM PA SE 'BRAS SOGS SU LO RER ZLA TSES BZHI SOGS CHOS THOG BRGYAD YOD KYANG 'DIR YUL DUS TSA GRANG MI SNYOMS PA SOGS KYIS STABS MI 'GRIG PAS LO GCIG LA MTSON NA, HOR ZLA GNYIS PA'I TSES GNYIS NAS NYI MA BCO LNGA'I CHOS THOG ,DE BZHIN DU, HOR ZLA GSUM PA, BZHI PA, LNGA PA, BDUN PA, BRGYAD PA, DGU PA RNAMS LA NYI MA BCO LNGA'I CHOS THOG ,HOR ZLA BCU PAR NYI MA BCU GSUM GYI CHOS THOG TSUGS PA YIN, CHOS MTSAMS KYI SKABS SU KHRAL CHOS SU MA SONG BA'I SKYOR SBYANGS RU GANG NGA? BYED, DAM CHOS PAD DKAR LAS, MKHAS PA DUS SU SEMS PAR BYED PA NA, ,KHANG PAR ZHUGS NAS DE BZHIN SGO BCAD
, ,NAS, ,CHOS 'DI THAMS CAD LA NI TSUL BZHIN BLTA, ,LANGS NAS ZHUM PA MED PA'I SEMS KYIS SHOD, CES GSUNGS PA LTAR, BSHAG SO SOR SGO BCAD NAS THOS BSAM BYED PA LAS RVA SKOR DU 'TSOGS NAS RTZED MO RTZE BA DANG, SHAG RGYAG PA DANG, LONG GTAM MANG NA CHAGS SDANG SNA TSOGS DRANGS TE DON MED DU NYES PA CHEN PO GSOG PAS SMRA BA NYUNG BAR BYA, GZHAN GYIS NGAN SMRAS BYAS PA PHA ROL PO LA BSHAD DE SEMS MI MTHUN PAR SONG NA BDEN RDZUN LA MA LTOS PAR DBYEN GYI NYES PA 'BYUNG ZHING DGE 'DUN THUGS MI MTHUN PA SOGS KYI DGAG BYA CHE BAS DE 'DRA'I RIGS MI GLENG, LHAG PAR NGAG 'CHAL SNA TSOGS SMRAS TE GZHAN GYI THOS BSAM LA BAR CHAD BYAS NA NYES PA LCI BA'I TSUL, DE BZHIN GSHEGS PA'I YE SHES KYI MDZOD KYI MDO KUN BTUS SU DRANGS PA LAS, CHOS 'DOD PA RNAMS LA RNAM PAR G-YENG BAR BYED PA NI TSIG KYAL PA RNAMS KYI NANG NA CHEN PO YIN NO, ,ZHES GSUNGS PA LTAR YIN PAS PHAN TSUN GYI BSHAG DANG SKOR LAM SOGS SU 'TSOGS NAS LONG GTAM DANG CA CO SGROGS PAR MI BYA, BLA BRANG DANG SPYI SO, YA MUN SOGS 'DU LONG CHE SAR YANG YANG MI 'GRO, RANG DON DU TSONG KHE SBOG BUN 'DZUG PA SOGS MI BYED, 'BRUG PA SANGS RGYAS RDO RJES, RGYU 'BRAS ZHIB TIG NGANG NAS, ,DGON PA'I ZHABS TOG REM NA, ,DE KA CHOS RANG YIN PAS, ,'BAD NA LAGS SO DRUNG CHEN, ZHES PA LTAR
SPYI DON DU BSAM PA RNAM DAG GIS TSONG BSGYUR BYED DGOS NA'ANG, BRE DANG SRANG LA G-YO SGYUS MGO SKOR BA SOGS DGE 'DUN LOG 'TSO LA SBYOR BA'I ZHABS 'DREN BYED MI RUNG STE, ZLA BA SGRON ME'I MDO LAS, LAS GANG SANGS RGYAS KYIS NI RTAG SMAD PA, ,SRANG DANG TSAD LA G-YO SGYU BYED PAR ZHUGS, ,DE 'DRA SDIG PA NYON MONGS LAS BYAS PAS, ,LAS NGAN BYED PA DE DAG NGAN SONG 'GRO, ,ZHES GSUNGS SO,, CHOS THOG GCIG LA YONG MA THUB NA MTSAN NYID BLA MA LA DGONGS PA ZHU, DE PHYIN DGE BSKOS LA ZHUS PAS 'THUS, BLA MAS DGONGS PA MA GNANG BAR DGE BSKOS LA ZHU SA MED, BLA MAS DGONGS PA GNANG KYANG DGE BSKOS NAS BKAG CHOG ,DGONGS PA MA ZHUS PAR ZHE MED BYED PA BYUNG NA RTZAR GCOD PHYI LAM KHEGS PA BYED, RANG YUL DU 'GRO DGOS PA BYUNG NA DPON SLOB LA G-YO SGYU MED PAR DGONGS PA ZHUS BSTUN BABS GZIGS KYI KHROL CHA BYED, BLO GSAL DON GNYER PA DBUS GTZANG DAG PA'I ZHING DU SONG STE GRA SA CHEN POR SLOB GNYER BYAS SHING RGYUD GRA 'GRIM NA DENG SANG SANGS RGYAS KYI BSTAN PA GANG NAS BYUNG BA'I GNAS CHEN SA YI NYI ZLA ZHES GRAGS PA SE 'BRAS KYI ZHABS 'DEGS SU 'GYUR PA DANG, SDE 'DIR YANG LUNG RTOGS KYI YON TAN RDZING NA GNAS PA'I PADMA BZHIN DU RGYAS PA'I GNAD CHE BAS GRA SA CHEN POR 'GRO 'DOD PA RNAMS BLA MAS THOS BSAM DON GNYER YIN MIN BRTAGS TE DON BDUN CU MAN CHAD KYI RTZOD PA SONG BA RNAMS LA DGONGS PA STER, 'ON KYANG RANG
, ,GRA RANG GI BLA MA DANG GRA TSANG LA BRNYAS BCOS KYI BSAM PAS 'GRO BA SHAR NA JI LTAR 'OS PA BAB LTOS BYED, CHOS GRA'I 'GRIG LAM SOGS RDO RJE 'CHANG RVA SGRENG NO MIN HAN DANG, KHRI CHEN RIN PO CHE, CHOS SKYONG KHAG BCAS LA LUNG ZHUS PAR, 'GRIG LAM SE RA BYES JI LTA BA DANG, SE RA RJE BTZUN PA'I YIG CHA'I STENG NAS BRTZI BZHAG GTONG NA LEGS TSOGS CHE ZHES STZAL 'DUG CING, RDO RJE 'CHANG LCANG SKYA RIN PO CHES KYANG, LHA BLA MA'I LUNG BSTAN LA GANG PHEBS PA DE BZHIN BYED NA 'THAD CES GSUNGS PAS 'GRIG LAM SOGS SE RA BYES LA CHA BZHAG PA YI GE 'DI NANG LTAR LAS MDO STOD SMAD G-YUNG DGON SOGS RANG GI SDOD GNAS TZAM RGYU MTSAN DU BYAS PA'I COL CHUNG RNAMS KYI 'DOD SBYAR MI CHOG ,BSDUS TSAD RA BA STOD PA DANG, BTZAN PO PA'I YIG CHA SOGS KHA GSAL GANG BYUNG DANG, BLO RTAGS KUN MKHYEN 'JAM DBYANGS BZHAD PA YAB SRAS KYI YIG CHA GTZO BOR MDZAD, DBU PHAR SOGS BDAG NYID CHEN PO RJE BTZUN PA YAB SRAS KYI YIG CHA TSIG NYUNG LA BSDUS CHE BA BLO DMAN RANG YUL DU SDOD MKHAN G-YENG BA CHE RIGS RNAMS LA BZUNG BDE BA'I KHYAD KYIS BRTZI BZHAG KYANG DE BZHIN GNANG RGYUR BLO RIGS CHE BA RNAMS SGO MANG YIG CHA GSAR RNYING SOGS LA BLTA RTOG ZHIB MO BGYIS TE MKHAS PA RNAMS KYI DGONGS ZAB 'TSOL NAS GO BA LEN CI THUB BYED, 'ON KYANG CHOS GRA'I RTZOD PAR YIG CHA GANG YIN LAS DRANGS MI CHOG
'DI GAR CHOS GRA 'GRIM PA BZHAG NAS SOG YUL GYI CHOS GRA GZHAN DAG LA 'GRAM CHU LDANG NAS 'GRO 'DOD PA TSOR DGONGS PA GTAN NAS STER MI CHOG ,GZHI PA'I DGONGS PA ZHU MKHAN BYUNG TSE BABS 'OS YOD MED LEGS PAR BRTAGs NAS KHROL CHA BYED, BLA MA DGE BSKOS SOGS KYIS PHYOGS LHUNG GI DBANG DU MA SONG BAR GRA BA SLOB GNYER PA RNAMS LA GZENGS BSTOD DANG, TSUL DANG MI MTHUN PA RNAMS TSAR BCAD DE CHOS GRAR THOS BSAM GONG 'PHEL DU 'GRO BA'I BSLAB BYA DANG DO DAM GANG DRAG BYED, DGE BSKOS DANG DBU MDZAD BSKO BZHAG BYED TSE LAS SNE TSOGS THOG NAS BLO GZU BOR GNAS PA'I SGO NAS 'OS THO 'BUL ZHING, KHYAD PAR DU DGE BSKOS LA GRA PA RNYING PA TSOGS CHOS GRA SOGS KYI NYAMS CHE BA SMRA BRJOD BDE BA, 'TSUN CHE BA RE BSGO DGOS, DGE BSKOS GSAR BA LANGS NAS ZHAG GSUM SONG MTSAMS TSOGS GTAM GTONG, BLA MAS THOG DRANGS PA'I LAS SNE RNAMS KYIS KYANG NYE KHA PHYOGS SKYOR, NGO DGA' ZOL 'JOG SGER DON SPYI CHED DU MA SONG BA'I SGO NAS SGRIGS GNON NGES BYED CING LCAGS BRDUNGS SAR LCAGS, ZANGS BRDUNGS SAR ZANGS ZER BA LTAR KHRIMS 'GAL CHE CHUNG DANG BSTUN PA'I RTZAR GCOD BYED, MI LA LAS, DA LTA THOS BSAM GYI DUS YIN PAS KHA 'DON DGE SBYOR DANG, NYAMS LEN SGOM SGOM SOGS BYA MI RUNG ZER BA YONG STE, DE CI YANG MI SHES PA'I GTI THUG GI GTAM YIN, CHOS SPONG ZER BA DE 'DRA LA ZER RGYU RED, YANG SO SOR RTOG PA'I
, ,SHES RAB KYI RGYU DAM PA MANG DU THOS PA DOR NAS LUG LTAR LKUG PA'I BLUN RMONGS DAG GI RJES SU 'BRANGS TE GANG YANG MA BSAM PAR BAG YANGS SOS BDAL DU GNAS PA LA SEMS BZANG BA DANG, CHOS BYAS PA DANG, NYAMS LEN BYAS PA SOGS SU RLOM NA RANG GI DAL BA'I RTEN BZANG PO CHUD ZOS SHING SKAL MNYAM GZHAN YANG PHUNG BAR 'GYUR PAS DE LTA BU DANG, CHOS GRAR DBU PHAR SOGS KYI CHOS NYAN PA LA CHOS 'CHAD NYAN GYI BSAM PA MED PAR LHA'I MNGON RTOGS BZLAS LUNG PHRAN BU RE'I DON DU NGAL DUB KYI MTHA' BSTEN PA RNAMS NI CHOS KYI GNAD MA GO BA'I 'BRAS RTAGS YANG DAG YIN PAS, CHOS GRA'I SKABS DMIGS BSAL MA GTOGS GZHAN DU CHOS NYAN DU 'GRO BA DANG, CHOS GRA 'GRIM BZHIN DU SGRA DANG SNYAN DNGAGS DANG RTZIS DANG SMAN SOGS RIGS GNAS GZHAN LA SLOB RGYU MANG NA MI DGA' BAS MTSAN NYID LA DRIL DGOS, CHOS KYI GNAD MI SHES PA 'GA' ZHIG BRTZI BZHAG NYAN PA DON MED CIG TU GO NAS, DE BAS GNAS SKOR DANG PHYAG SKOR SOGS MCHOG TU BZUNG NAS DE LA BRTZON PAR BYED PA NI NYES DMIGS DANG BCAS PAR MA ZAD MI MDZES PA'I DGAG BYA YOD PAS CHOS GRA PA GNAS MJAL DANG BSKOR BAR MI 'GRO, DON MA GO YANG TSIG TZAM SKYOR SBYANGS BYED PA SOGS LA PHAN YON DPAG TU MED PA 'BYUNG BA NI, KUN MKHYEN 'JAM DBYANGS BZHAD PA'I RDO RJE'I ZHAL NAS, BSAM GYIS MI KHYAB KUN
NAS CHES CHE BA, ,STON PAS BGUR DANG SANGS RGYAS THAMS CAD KYIS, ,SKYES BKUR BSNGAGS PA'I SHER PHYIN 'DI LTAR DU, ,NYIN MTSAN SPYOD PA NGO MTSAR AE MA HO, ,ZHES GSUNGS PA LTAR YIN PAS CHOS GRA MA CHAG PA GAL CHE, DE LTAR CHOS GRA 'GRIM PA'I SKABS SU MCHOG DMAN SU THAD NAS LUS KYI PHYI GOS DAR SNAM PHRUG GANG LEGS KYIS DRIS NAS CHANG BZHIN DU BSNYAL, NANG BZA' BTUNG GI RTZOL BA PHAG BZHIN DU GSOS, SLOB GNYER KHA NGOMS GROD PA 'GRANGS PA'I STABS YAGS DUS BYAS, NYES DUS 'JOG PA DBYAR SHI DGUN LANGS KYI RTZA'I 'BU BZHIN BYAS NA THA MAL PA LA SLOB GNYER YAGS PO YONG BA'I DPE MI 'DUG PAS MIG MAR LTAS MA BYAS PAR DKA' SPYAD DANG DU BLANG, SRID KYI BYA BA LA ZHE GTOGS BYED PA SOGS CHOS KYI BAR CHAD YIN PAS SPONG CI THUB BYED, KHYAD PAR GRA SA GRA TSANG? SOGS KYI PHYOGS RIS 'THEN KHYER SOGS LA ZHE GTOGS BYAS TSE, 'DI PHYI GNYIS KA BRLAG PA'I RGYU YIN PAS SHIN TU 'DZEM PA GAL CHE, CHOS BSLAB GYIN RGYUD JE GYONG DANG NGAG JE RTZUB DANG SPYOD PA JE RTZING DU 'GRO BA 'DUG STE BSLAB PA'I CHOS DANG RANG GI RGYUD GNYIS RO KHUR BA LTAR RGYAB BSNOL TU SONG BA'I LTAS YIN, GZHAN DU NA DAG SNANG JE CHE DANG RGYUD JE DUL DANG DGE SBYOR LA JE BRTZON DANG TSE 'DI'I SNANG SHAS JE CHUNG DU 'GRO BAR SNANG NA LHA DANG BLA MA'I BYIN RLABS 'JUG PA DANG, THOS BSAM BYAS PA'I 'BRAS RTAGS MNGON DU GYUR PA'I MGO TSUGS PA YIN PAS NANG PA'I MKHAS PA
, ,TSAD LDAN ZER BA DE 'DRA LA ZER RGYU YIN, DE LTA BU'I TSUL GYIS DON MED PA'I G-YENG BA MTHA' DAG RGYAB TU BSGYUR NAS DPE CHA SLOB GNYER MA GTOGS BSAM RGYU MED PA, KUN GZIGS RGYAL BA'I DBANG PO'I RNAM THAR DU KU LA'I GOS BZANG LAS, LAR MTSAN NYID PA'I DUS 'DIR BLA CHEN GYI BZANG RDZU, MI CHEN GYI SGRIGS MA, SGOM CHEN GYI SBUBS LDIR, SNGAGS PA'I BRTUL ZHUGS, BLO CHUNG GI MI CHOS SOGS RE DOGS GANG YANG MI DGOS, DGE 'DUN GYI SPYI KHRIMS DANG MI 'GAL ZHING DPE CHA RIGS LUNG NUS PHYIN RNAM GRANGS MANG PO'I G-YENG BA'I RDO ZHA DANG SO PHAG GI KHRES PO NI MED, SNANG BA GDONG GTAD KYI NYAMS 'CHAR, 'PHRAL BLO BDE, PHUGS ZHE GTZANG, CHOS SPYOD KYI GDANGS DANG THAL SKAD KYI SGRA THOS TSE SNYING KHUNG BDE SING SING YONG BA'I CHOS PA'I YANG RTZER YOD DO, ,ZHES GSUNGS PA JI LTA BA BZHIN, DAM PA TSAD LDAN RNAMS GYI MDZAD SPYOD LA MIG YAR LTAS BYAS TE YON TAN MA BYUNG NA'ANG BYED LUGS SKYON MED BSTAN PA'I MIG RKYEN LA PHAN PAR MDZAD PA ZHIG CI NAS KYANG BSKYANG DGOS, 'DIR MI GSAL BA RNAMS DGA' LDAN CHOS MDZOD GLING GI BCA' YIG CHEN MO'I DGONGS DON LTAR PHYAG LEN DU THEBS PAR MDZOD, GNYIS PA THUN MONG MA YIN PA BYE BRAG TU BSHAD PA LA, CHOS GRA'I SGRIGS LAM, TSOGS KYI SGRIGS LAM BSHAD PA GNYIS, DANG PO NI, CHOS THOG GANG YIN KYANG TSUGS
BA'I DGONGS MO SKOR 'TSOGS BYAS TE RTZOD PA YUN RING BYED, DE RJES 'KHAR RNGA BTANG 'PHRAL SGROL 'DON LA 'TSOGS TE, SGROL MA TSAR BDUN, SHER SNYING TSAR GCIG BZLOG 'GYUR DANG BCAS PA, RGYAL BYE MA, LO MA 'GYON MA'I GZUNGS DANG TSE GZUNGS NYER GCIG RE, KA DAG LHAN SKYES MA, RNAM DAG SMON LAM MA GDANGS MA, BSTAN 'BAR MA DANG BKRA SHIS KYI TSIGS BCAD RNAMS GSUNG, BLA MAS TSOGS GTAM GTONG, BLA MA PHEBS 'PHRAL DH'I:SKAD BTANG NAS GNYIS CHA BYAS TE RTZOD PA DKYUS LTAR BYED, DE NAS NYI MA GSUM GYI RING SNGA DRO CHOS 'DON, SHER SNYING TSAR RE, DE'I PHYI NYIN NAS BZUNG STE ZHOGS KHA'I CHOS THUN LA, SHER SNYING TSAR GSUM, SHES BYA MKHA' DBYINGS MA, RJE BTZUN BLA MA RNAMS 'DON, ZHOGS KHA BRTZI BZHAG YOD SKABS MANG JA GROL 'PHRAL 'KHAR RNGA BTANG BA DANG LHAM PHUD NAS BLA MA'I DRUNG DU 'GRO, GZHAN MA RANG RANG GI GO SAR DBU ZHVA BZHES TE BZHUGS, 'KHAR RNGA BTANG TSAR BA DANG 'DZIN GRA GONG MAS BRTZI BZHAG GSAN PA'I SNYAN GSAN GI TSUL DU PHYAG GSUM 'TSAL TE BRTZI BZHAG NYAN PA, MANG MAS GNYIS CHA BYAS TE RTZOD PA TSUGS PA DUS MNYAM, BRTZI BZHAG LEN PAR YAR 'GRO DUS MGYOGS PAR 'GRO, BRTZI BZHAG MNYAN PA'I TSE, RNAM BSHAD RIGS PA LAS, NGA RGYAL DANG NI MA DAD DANG, ,DON DU GNYER BA MED PA DANG, ,PHYI ROL RNAM G-YENG NANG BSDUS DANG, ,SKYO BA MNYAN
, ,PA'I DRI MA YIN, ZHES GSUNGS PA LTAR KUN SLONG KUN SPYOD SPYI DANG BYE BRAG GSAL GDAB NAS TSUL LDAN GYIS NYAN PAR BYED, BLA MAS TSAR GSUM BZLAS PA DANG, SKYOR DPON GYIS TSAR GCIG SKYOR NAS BKA' DRIN GTANG RAG TU PHYAG GSUM 'TSAL NAS MAR DAL BUS PHEBS TE SKYOR DBON GYIS TSAR GSUM, DE NAS MANG MAS SKYAR, DE'I TSE SEMS CAN THAMS CAD RANG GI MDUN DU 'KHOD PAR BSAMs NAS DE DAG LA CHOS KYI SBYIN PA BYIN PAR BSAM TE 'DON, BRTZI BZHAG SKYOR SKABS DGE BSKOS KYIS BLTA RTOG ZHIB TU BYED, DE NAS BRTZI BZHAG ZIN PA DANG SKOR 'TSOGS BYAS TE RTZOD PA RGYUN RING BYED, 'DI SKABS BRTZI BZHAG NYAN RJES DANG, CHOS 'DON DANG SKU RIM GYI TSE SHER SNYING SKABS DGE BSKOS GRA JA'I CHU TSOD LA 'GRO, NYI TSOD DANG BSTUN CHAB RIL GYIS BRDA BYAS PA DANG, DGE BSKOS 'KHAR RNGA GTONG SAR 'GRO, 'DZIN GRA YAS RIM NAS MNGON CHUNG GIS PHEBS, 'KHAR RNGA BTANG BA DANG 'TSOGS NAS 'DON CHA RNAMS LEGS PAR GSUNGS TE GROL, DE NAS CHER MA 'GYANGS PAR GUNG TSIGS CHOS GRA 'TSOGS PA'I TSE KHA DOG DKAR DMAR GYI 'DZIN GRA SOGS MAS RIM NAS PHEBS TE GCIG GIS THOG MAR THAL SKAD KYI BRDA RGYAG PA DANG, GSUM BYUNG TSE GCIG GIS DAM BCA', GCIG GIS DPANG PO BYAS TE GCIG SHOS KYIS BGRO GLENG BYED, MTSAMS MTSAMS SU 'DZIN GRA 'OG MA 'OG MA RNAMS BLO SKYID? LEN PA'I
CHED GONG MA GONG MAR DAM BCA' LA 'GRO ZHING, GONG MA RNAMS KYIS KYANG TSIG TZAM LA MA SONG BAR GZHUNG THOG NAS BLO SKYED STER, YAR 'TSOGS KYI DAM BCA' 'DI SHIN TU GAL CHE BAS RGYUN RING TZAM BYED, DE NAS NYI TSONG DANG BSTUN 'KHAR RNGA GTANG BA DANG MNYAM DU ZLA GAM SA LA BTING BA LTAR 'TSOGS, SHER SNYING GDANGS MA TSAR GCIG SENG GDONG PHRENG SKOR DGU BZLOG DANG BCAS PA, RAB 'BYAMS RGYAL BA MA'I LTA, BGEGS RIGS MA BCAS DAL BREL RAN PAR 'DON, BRTZI BZHAG YOD TSE BLA MAS SHER SNYING GI 'GO BSKUL, DE NAS BLA MAS YE SHES YON TAN BZANG PO'I BSTOD PA, AA RA PA TZA NA PHRENG SKOR RE, LAM RIM BRGYUD 'DEBS BSDUS PA, LAM RIM GYI GZABS BSHAD RGYUN RING TZAM DANG, DE NAS 'DZIN GRA'I GO RIMS BZHIN BRTZI BZHAG NYAN SKYOR ZHOGS KHA LTAR DANG, 'DZIN GRA GONG MAS BRTZI BZHAG GSAN MA TSAR BAR DU 'OG MA RNAMS KYIS ZLA BO BYED, ZLA BO MA BYUNG TSE DGE BSKOS LA DGONGS PA ZHU, BRTZI BZHAG NYAN TSAR BA DANG ZHVA ZLA GAM 'DZIN GRA'I GO SAR BZHAG STE GSOL TSIGS LA PHEBS, BRTZI BZHAG MED SKABS CHOS GRAR SKOR 'TSOGS BYAS TE 'DON CHA GSUNG, RTZOD PA GNYIS CHA BYAS TE DGE BSKOS NAS SKOR BA TSAR GSUM BYED, DE YANG SKOR BA DANG PO'I CHE ZLA BO, GNYIS PA'I TSE RTZOD PA JI LTAR 'DUG BLTA RTOG BYED, GSUM PA'I TSE ZHVA? MO GYON TE GNANG BA ZHU DGOS YOD NA ZHU, DE NAS DGE BSKOS PHYIR 'GRO BA DANG BSTUN NAS 'DZIN GRA
, ,YAS RIM NAS GO RIM BZHIN BYON PA MA GTOGS 'UR ZHOGS MI BYED, YAR 'TSOGS DANG MAR GROL GYI SKABS BRTZI BZHAG YOD MED LA MA LTOS PAR ZHVA MO MAN BAS NAS PHEBS DGOS, DGONGS KA'I CHOS THUN LA YAR 'TSOGS GUNG TSIGS DANG 'DRA BAR BYAS NAS DAM BCA' 'DZUGS TE RTZOD PA BYED PA'I SKABS RANG GZHAN GYI RGYUD KYI LOG RTOG SEL BA DANG, CHOS 'DI'I DON GO RGYU ZHIG BYUNG NA SNYAM PA'I SGO NAS BYED PA MA GTOGS, KUN SLONG NGAN PA DANG, PHA ROL PO DMA' 'BEBS PA'I BSAM PAS TSIG NGAN SMRA BA SOGS SHES RAB 'CHAL BYED KYI RGYU GRUNG PO YIN PAS SPANG BAR BYA, DE'ANG LAG PA BRDEB LUGS THAL SKAD GTONG LUGS 'KHOR GSUM RGYAG LUGS SOGS DGE BSHES GONG MA RNAMS LA MIG LTOS BYAS TE KUN GYI YID 'PHROG PA'I RNAM DPYOD DANG LDAN PA DGOS, MDO LAS, GANG ZHIG ZAS DANG GOS KYI GTAM TZAM NI, ,DE NI RAB DANG MCHOG CES SEMS MA YIN, , MI YI RNYED PA RAB MCHOG RNYED NAS NI, ,GCIG GIS GCIG LA CHOS KYI GTAM YANG BYA,, ZHES GSUNGS PA LTAR, 'DZIN GRA GONG MA RNAMS NAS GSAR BU PA RNAMS LA BLO SKYED STER BA DANG, RANG GI BRJED PA GSO BA'I PHYIR 'DZIN GRA 'OG MA SO SOR KHUR BLANGS KYIS DAM BCA' LA 'GRO, ,DBU MA YAN CHAD NAS DE MAN GYI 'DZIN GRAR DAM BCA' LA PHYIN TSE TSANG MAS GZAN BEBS SOGS BKUR BZOS BYED, 'KHAR RDA BTANG BA DANG MNYAM DU CHOS GRAR
'TSOGS TE ZHAL 'DON, SGROL MA TSAR NYER GCIG ,LEGS BRIS MA YAN LAG BDUN PA 'DOD GSOL DANG BCAS, SHER SNYING MDZO 'GROS MA GSUM, RGYAL BYE MA BZLOG BSGYUR DANG BCAS PA, LO MA 'GYON MA DANG TSE GZUNGS NYER GCIG RE, KA DAG LHAN SKYES MA, RNAM DAG SMON LAM MA, BSTAN 'BAR MA DANG, DBU ZHVA BZHES TE CHOS RGYAL MA GANG RGYAS, BSLAB PA GSUM LDAN MA LTA GTONG, DH'I:SKAD BTANG NAS GROL TE ZLA BA LNGA PA BDUN PA'I CHOS THOG RNAMS LA ZLA BO RGYUN MI RING TZAM BYAS NAS DAM BCA' 'DZUGS GZHAN MAR DAM BCA' 'DZUGS MI DGOS, DE'ANG RTZOD PA SDONG RGAN LA ME MCHED PA LTA BU, DANG PO TSUGS DKA' BA, BAR DU CHAD DKA' BA, MTHA' MAR 'PHRO CHAD DKA' BA BYAS TE RGYUN RING PO BYED, RTZOD PA 'PHEL BA'I CHED DU DAM BCA' YAR GTONG MAR GTONG 'DZIN GRA GONG 'OG BSREB SOGS DGE BSKOS KYIS BAB BSTUN BYED, MJUG GCOD PA RGYUN RING BSDAD NAS MIG LTOS LA PHAN PA BYED, CHOS THOG GROL PA'I NYIN BLA MAS CHOS MTSAMS SKOR GYI TSOGS GTAM ZHIB RGYAS BTANG STE BLA MA PHEBS PA DANG, THOS BSAM BYAS PA'I DGE RTZA RNAMS CHUD MI ZA BA'I PHYIR BSNGO SMON GYIS RGYAS 'DEBS YANG DAG PA BYA, DE NAS BSLAB PA GSUM MA LTA GTONG, DH'I: SKAD BTANG NAS RTZOD PA BYED DE GROL, DUS GZANG GI NYIN ZHOGS KHA'I CHOS THUN LA CHOS 'DON BSDUS MA BYED CING GUNG TSIGS CHOS GRA DKYUS LTAR BYED, DPYID CHOS RJES MA DANG DBYAR GNAS GNYIS KYI MJUG LA GZHUNG BSDUS GNYIS KYI
, ,DAM BCA' NYI MA GNYIS RE BYED, DPYID CHOS, DBYAR CHOS, STON CHOS RNAMS KYI MTSAMS SU BSDUS GRA PA GSUM LA CHOS SPYOD, RTAGS RIGS PA LA RGYAN 'JUG GI RGYUGS MA CHAD PAR LEN, DPYID CHOS RJES MA LA DON RGYUGS DANG, DBYAR GNAS LA TSIG RGYUGS DBU MA MAN CHAD LA LEN, RGYUGS MA 'PHROD PA BYUNG TSE BAB 'OS KYI CHAD PA 'GEL, 'DZIN GRA 'OG MA 'OG MA GONG MA GONG MAR 'GRO TSUL NI, BSDUS GRA PA GSUM LO RE RE BLO RTAGS GNYIS LO RE SONG MTSAMS 'DZIN GRA GONG MA GONG MAR GO SA SPOR ZHING, GZHUNG GSAR RNYING LO GNYIS, ZUR BKOL GSAR RNYING LO GNYIS, SKABS BZHI PA, SKABS BRGYAD PA RNAMS LO RE SONG MTSAMS GO SA SPOR BA MA GTOGS NGES MED DU SONG MI CHOG ,DBU MA YANG LO GNYIS KYI KHONGS SU RDZOGS PAR BYED DGOS SHING, DE NAS 'DUL BAR 'GRO MTSAMS DANG, 'DUL BA MDZOD PAR 'GRO MTSAMS MTSAN NYID BLA MA DANG DGE BSKOS KYIS BAB LTOS BYED, MDZOD PA'I 'DZIN GRA STON CHOS RJES MA SOGS DANG, DPYID CHOS GNYIS LA CHOS GRA'I DGONGS YANGS BYAS PA YIN ZHING, CHOS THOG GZHAN RNAMS KYI BRTZI BZHAG YOD SKABS DANG, NANG GI DAM BCA' CHE CHUNG, PHYOGS KYI DAM BCA' PA YOD TSE TSANG MA THUGS KHUR BZHES NAS PHEBS DGOS, 'DZIN GRA RNAMS KYIS GZHUNG TSAN SO SO'I RTZOD PA 'GRO TSUL YI GE ZUR GSAL LTAR BYED, MDOR NA SGRIGS LAM GYI RIM PA NYIN GCIG LA CHA BZHAG ZLA BA, ZLA BA LA CHA BZHAG LO,
LO LA CHA BZHAG BSTAN PA RIN PO CHE NAM GNAS BAR GONG 'PHEL DU 'GRO BA'I BAGS? KHUR YANG DAG MDZOD, GNYIS PA TSOGS KYI SGRIGS LAM KUN SPYOD NI, DE'ANG ZHOGS KHA'I CHOS GRA GROL TSAR BA DANG, 'KHAR RDA BTANG MA THAG BAG YOD PA'I SPYOD LAM GYIS TSOGS SU 'DU ZHING, RANG GI GRAL GANG YIN LA BZHUGS TE, DBU MDZAD KYI GDANGS DANG MTHUN PAR ZHAL 'DON GYI SKOR, SKYABS 'GRO, DGA' LDAN LHA BRGYA MA DANG, JO BSTOD, SA GSUM MA, RJE BTZUN PA'I RNAM THAR BCAS GSOL 'DEBS GSUM RE MOS DANG, DUS BZANG LA, SPYAN 'DREN KHRUS GSOL, LAM RIM GSOL 'DEBS 'DON PA DMIGS BSAL YIN, RGYAN 'JUG GANG THON, JA RGYAB SHER SNYING, SENG GDONG PHRENG SKOR DGU BZLOG ,DANG PO GSUM BLA MA DANG BSTAN 'GRO'I SPYI DGRA, BAR PA GSUM DGON GNAS 'DI'I DPON SLOB LA GNOD CING 'TSE BA GRA RGYUN DANG CHOS GZHI DGE 'DUN GYI 'DU SGO 'PHROG PA, THA MA GSUM BLA MA LAS SNE GRA DMANGS KYI BAR DU DBYEN BYED MKHAN LA DMIGS NAS RGYAG ,DE NAS GDUGS DKAR, KA DAG LHAN SKYES MA, BSTAN 'BAR MA BCAS LEGS PAR GSUNGS NAS CHOS KYI RGYAL PO ZHES PA DANG DBU ZHVA BZHES TE DMIGS BRTZE MA RGYANG 'THEN BYAS NAS GROL, GNYIS PA ZHAR BYUNG 'GYED GRA JA DANG BCAS PA'I GTONG SGO'I SKOR NI, CHOS THOG GANG YIN KYANG NYIN STAR GRA JA GSUM RE GTONG, DGE BSKOS KYIS YAGS NYES KYI STANGS 'DZIN BYED,
, ,JA TSUL SKOR YANG, MTSAN NYID BLA MA DANG, DGE BSHES GSUM GYIS GRA JA RE LA DGE 'DUN RE'I BZHES TSAD GNYIS 'PHAR LAS LHAG MI LEN, GNYER PA SOGS KYANG BABS LTOS NAS LEN PA MA GTAGS BAG MED DU GTAN MI LEN, NAD PA SDUG THAG CHOD PA YIN NA DGE 'DUN RE'I BZHES TSAD LAS LHAG MI LEN, TSOGS LA MA 'ONGS PA'I GRA PA SU THAD NAS HAM PA GANG CHES LEN SA MED, GAL SRID MI 'THUS PA 'BYUNG NA DGE BSKOS KYIS CHAD 'GEL BYED, SBYIN BDAG LA JA THUG JA PHRA GANG RE STER, JA 'PHRO LUS KYANG SPRANG PO SOGS LA MI BYIN, JA RO SPUNGS NAS 'JOG ,RUNG KHANG GI RTZAR GTZANG SPRA CHUNG BA'I SKYA SER GANG YIN KYANG MI GTONG, GRA JA'I TSA GRANG, CHU TSOD, GTZANG SPRA SOGS TSUL MTHUN YONG BA JA MAS KHUR DU BLANGS, 'GYED KYI SKOR LA, 'DI GAR SKU SKAL BDUN, T'A BLA MA LA SKU SKAL GSUM, MTSAN NYID BLA MAR SKU SKAL LNGA, TSOGS CHEN DGE BSKOS LA SKAL BA GNYIS, TSOGS CHEN DBU MDZAD LA SKAL BA GCIG ,GRA TSANG DGE BSKOS LA SKAL BA GSUM, GRA TSANG? DBU MDZAD DANG SPYI BA'I GNYER PA LA SKAL BA GNYIS RE, DGON GNYER, CHAB RIL, JA MA BCAS LA SKAL BA RE, THAB G-YOG CHU LEN PA GNYIS LA SKAL PHYED RE GTONG, 'GYED YOD TSE DGE BSKOS LA KHA BTAGS GCIG BYIN NAS SNYAN GSAN PHUL, NAD PA MTSAMS PA YOD CHE THEL RTAGS LEN DGOS, THEL TSE CAN MA GTOGS TSOGS SU MA YONG PHYIN SKAL BA MI GTONG,
GZHAN GYI RIM GRO BYED MKHAN GAL CHEN DANG, NAD G-YOG ROGS RAM BYED MKHAN LTA BU BREL BA CAN YOD TSE DGE BSKOS LA GNANG BA ZHUS NAS 'GYED BLANG CHOG PA BYED, GSUM PA THA MAR DGE BA ZHUGS PA'I 'BRAS BU BSHAD PA LA GNYIS, GNAS SKABS DANG, MTHAR THUG GI 'BRAS BU BSHAD PA'O, ,DANG PO NI, DUS SNYIGS MA LAS KYANG CHES CHER SNYIGS MAR GYUR PAS YUL MTHA' KHOB 'DIR GSUNG RAB KYI GNAD LA GZHAN DRING MI 'JOG PA'I MKHAS PA'I SKYE BO NI NYIN BYED GUNG LA BABS PA'I RGYU SKAR LTAR CHES DKON ZHING, MKHAS RLOM PHAL CHER LEGS BSHAD SMRA BA'I LJAGS THUNG DUR GYUR, 'JIG RTEN BSLU BA'I ZOG PO MI SHES RMONGS PA CHOS LTAR BCOS PA SHIN TU DAR BA LA DGONGS NAS MKHAS PA 'JAM GSAR BAS RMI LAM GYI DGA' MA'I DRI LAN DU, SKABS SHIG TSONG DUS CHEN PO'I DUS STON BLTAS, ,SKYE BO PHAR 'GRO BRGYA DANG TSUR 'ONG STONG, ,BLO LDAN MKHAS PA'I GROGS PO NYIN SKAR TZAM, ,KHO BO TZU TA'I YUL NA RKANG GNYIS PA, ,DE NAS GZHAN STONG 'JIGS MED SENG+GE'I SGRA, ,SNGON DUS BSGRAGS PA'I CHOS GRA CHEN POR SLEB, ,MA BRTAGS BZHAG TSE BSOD NAMS RGYA MTSO'I ZHING, ,BRTAGS NA CHU SHING LTA BU'I SKYE BOS GANG, ,ZHES PA'I DON THOG TU BABS PA'I DUS TSOD 'DIR JI SKAD DU, KUN MKHYEN GNYIS PA DBYIG GNYEN GYIS, STON PA'I DAM CHOS RNAM GNYIS TE, ,LUNG DANG RTOGS PA'I BDAG NYID DO, ,DE 'DZIN BYED PA SMRA BYED DANG, ,SGRUB PAR BYED PA KHO NA YIN, ZHES
, ,GSUNGS PA LTAR RGYAL BA'I BSTAN PA'I NGO BO LUNG GI BSTAN PA SDE SNOD GSUM GYI 'CHANG NYAN DANG, RTOGS PA'I BSTAN PA LAM BSLAB PA GSUM LA NYAMS LEN NAN LTAR MDZAD PA YOD MED KYI RJES SU 'GRO LDOG BYED PAS NA RDO RJE 'CHANG DKON MCHOG BSTAN PA'I SGRON ME'I ZHAL GYI BUM BZANG LAS, SDE DGON PHYOGS RIS TZAM GYI BSTAN PA DANG, ,ZHVA YI KHA DOG TZAM GYI GRUB PA'I MTHA', ,MING DANG GYON PA TZAM GYI SKYA SER LA, ,SNYING PO MA MCHIS RI MO'I STAG G-YAG BZHIN, ZHES DANG, MKHAS GRUB THAMS CAD MKHYEN PAS, GANG DAG RGYAL BA'I GSUNG RAB KYI, ,DGONGS DON SMRA LA NUS MED PA, ,LONGS SPYOD LDAN PA'I SKYE BO NI, ,MANG YANG BSTAN LA DGOS NUS MED, CES GSUNGS PA LTAR ZHVA GOS KYI KHA DOG TZAM DANG, DGE 'DUN GYI ZHAL GRANGS MANG BA DANG, STOBS 'BYOR MNGA' THANG KHA DRAG DBANG CHE JI LTAR YOD KYANG, LUNG DON RIG PAS DPYOD MI NUS PAR LUNG TZAM KHO NA SKYABS SU 'DZIN CING, SHING RTA CHEN PO'I GZHUNG LUGS LTA BA'I MIG DANG BRAL YANG RANG RANG GI YUL PHYOGS KYI RGAN RABS DAG GI ZER SGROS DANG YI GE GANG BYUNG LA TSAD MAR BZUNG STE 'DI KHO NA BDEN GYI GZHAN NI GTI MUG GO ZHES CHOS SPONG BA LA YA MI NGA ZHING TSIG BRLANG POS GZHAN RGYUD SREG PA LA DBANG BA'I GDUG RTZUB CAN MANG DU 'TSOGS KYANG DGON CHEN DANG GRA TSOGS CHE BA'I DGOS PA MI 'GRUB PAS BSTAN PA RIN PO CHER PHAN PA'I GO SKABS MI 'DUG CING,
MKHAS GRUB SMRA BA'I NYI MAS, LEGS BSHAD 'OD BRGYA'I SNANG BA CAN, ,BSHES GNYEN NYI MA GCIG GIS KYANG, ,THUB BSTAN GLING BZHI MA LUS PA, ,GCIG CHAR NYID DU GSAL BAR NUS, ZHES GSUNGS PA DANG, 'JIG RTEN KHA DPER MANG MI DGOS, KHYU GTZO ZER BA LTAR DGE BA'I BSHES GNYEN SDE SNOD 'DZIN PA RE GNYIS TZAM GYIS KYANG THUB BSTAN YONGS SU RDZOGS PA 'DZIN SKYONG SPEL GSUM GYI SGO NAS RANG GZHAN GYI DON RLABS PO CHE BSGRUB NUS PAS DA LTA BU YONG BA YANG THOS BSAM TSAD LDAN BYAS PA LA RAG LUS PAS NA RGYAL BA'I BSTAN PA RIN PO CHER BYA BA BYAS PAR 'GYUR PA DANG, 'JAM MGON RING LUGS DRI MA MED PA 'DI YANG DUS KYI DBANG GIS SMAN PAS BOR BA'I ZUNGS ZAD KYI NAD PA LTAR BDAG BYED MKHAN MED PAR BSTAN 'GRO'I PHAN BDE'I DAR RGUD LA THUGS BREL MDZAD PA'I SEMS DPA' CHEN PO RNAMS NI RABS CHAD RGAN RGON LTAR THUGS KHRAL CHEN PO GNANG GIN 'DUG PA 'DI LTA BU'I DUS SU RANG LUGs MDO SNGAGS KYI GZHUNG DON LA GO BA LAM TZAM CHAGS PA 'BYUNG NA'ANG RANG CAG RNAMS LA THUGS RJE DANG BYIN RLABS KYI 'JUG TSABS BKA' DRIN GANG GI SGO NAS KYANG STON PA THUB PA'I DBANG PO DANG DBYER MA MCHIS PA RJE BDAG NYID CHEN PO'I BSTAN PA'I ZHABS 'DEGS SU GYUR NAS DAM PA RNAMS KYI THUGS DGONGS RDZOGS PA DANG, SDUD PA LAS, RGYAL BA'I SHES RAB PHA ROL PHYIN 'DI RIG SNGAGS CHE, ,SEMS CAN KHAMS MANG MYA NGAN SDUG
, ,BSNGAL CHOS ZHI BYED, ,GANG DAG 'DAS DANG GANG DAG PHYOGS BCU'I 'JIG RTEN MGON, ,RIG SNGAGS 'DI BSLAB SMAN PA'I RGYAL PO BLA MED 'GYUR, ZHES GSUNGS PA LTAR SNGAR BYAS SHING BSAGS PA'I SDIG SGRIB KYI TSOGS BYANG ZHING DAG NAS RANG RGYUD LA BSOD NAMS KYI TSOGS RGYA CHEN PO GSOG PA DANG, THOS BSAM SLOB SBYANGS LA MA 'BAD PAR PHA MA'I BSNYEN BKUR TZAM LA RTZOL BA NI MKHAS GRUB THAMS CAD MKHYEN PAS; PHA MA'I BSNYEN BKUR TZAM LA BRTZON PA NI, ,'JIG RTEN RGAN PO'I RNAM THAR LAGS PAR 'KHUMS, ZHES GSUNGS PA LTAR DRIN GSAB RNAL MAR MI 'GRO BAS NA, PHA MA'I DRIN LAN 'JAL TSUL YANG 'DI LAS LHAG PA MED CING, SHER PHYIN GYI DON ZAB MO 'TSOL BA LA SGO GSUM GYI 'BAD PA LHUR BYED PA LAS MCHOG TU GYUR PA'I DKA' SPYAD DANG CHOS BYED LUGS CIG MI 'DUG PAS MDOR NA 'JAM MGON CHOS KYI RGYAL PO BTZONG KHA PA CHEN PO'I GSUNG LAS, RES DGA' RGYAL LA DANG BA'I DGA' BA RGYAS, ,SKABS 'GAR SHING RTA CHEN PO'I SKU DRIN DRAN, ,GZHAN TSE MKHAS PA'I BSHES LA GUS PA DANG, ,NYAM CHUNG 'GRO LA SNYING NAS BRTZE BA DANG, ,BSTAN PA RIN CHEN RING DU GNAS 'DOD PA, ,'DI DAG PHAN TSUN 'GRAN BZHIN 'PHEL BAR 'GYUR, ZHES RJE BLA MA RANG GI THUGS RGYUD LA RTOGS PA 'KHRUNGS TSUL GSUNGS PA DE DANG CHA 'DRA BAR SEMS KYI 'KHYER SO YAR LDAN DU GOMS PA RGYUN
CHAGS PA NAS THOS BSAM RNAM PAR DAG PA BYAS PA LA BRTEN, RGYAL BA'I GSUNG RAB KYI DGONGS DON SMRA BA LA MKHAS PA'I GO 'PHANG THOB PAR GYUR ZHING, SLOB GNYER MTHAR PHYIN PA'I 'BRAS RTAGS SU DKA' RAB 'BYAMS KYI MTSAN BTAGS BYED PA NI, SNGON DUS DPAL LDAN SA SKYA, GSANG PHU SOGS SU RGYAL TSAB RJES DKA' CHEN BCU'I GRA SKOR MDZAD PAS DKA' BCU'I MTSAN BTAGS KYI THOG MA 'DI DANG, KUN MKHYEN LNGA PAS BSNGAGS BRJOD MDZAD PA 'DUL dIK LUNG RIGS GTER MDZOD RTZOM MKHAN SKYID? TSAL MKHAN PO 'JAM DBYANGS KUN DGA' CHOS BZANG GI BLA MA SA SKYA PA BYAMS CHEN RAB 'BYAMS PA SANGS RGYAS 'PHEL NAS RAB 'BYAMS PA'I MTSAN BYUNG BA PHYIS SU DGE LUGS PA'I GRA SA CHEN PO RNAMS KYI PHYAG SROL DU DAR BAR SNANG BAS, RJE BTZUN DKON MCHOG 'JIGS MED DBANG PO'I GSUNG MGUR LAS, GZHUNG MDO RGYUD KUN GYI TSIG? GCIG KYANG, ,KHAS SMRA RGYU MED PA'I BKA' RAMS DANG, SNGAGS RAB 'BYAMS SMRA BA'I GZUGS BRNYAN GYIS, ,SA MDO STOD MDO SMAD GANG MTHONG TSE, ,BDAG MI BSKYOD RDO RJE SKYO BA SKYES, ,SEMS SKYO BAS RGYANG GLU 'DI LTAR 'THEN, ZHES PA LTAR DAM PA RNAMS KYI THUGS SKYO BA'I RGYAD? GYUR PA ZHIG GIS MI 'THUS PAS GZHUNG DU ZHUGS NAS PHAR PHYIN LA SLOB GNYER BYAS STENG NAS DAM BCA' 'JOG THUB TSE RAB 'BYAMS PA'I MING BTAGS STER, GNYIS PA MTHAR THUG GI 'BRAS BU NI, TSOMS LAS, THOS
, ,PAS CHOS RNAMS SHES PAR GYUR, ,THOS PAS SDIG LAS BZLOG PAR BYED, ,THOS PAS DON MA YIN PA SPONGS, ,THOS PAS MYA NGAN 'DAS PA THOB, CES DANG, SKYES RABS LAS, THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSOGS CHUNG THAR PAR GYUR, ZHES GSUNGS PA LTAR SA BCU LAM LNGA RIM GYIS BGROD DE RNAM PA THAMS CAD MKHYEN PA'I GO 'PHANG RIN PO CHE THOB PAR 'GYUR PA YIN NO,, GONG SMOS SGRIGS LAM GTAN CHAGS KYI YI GE 'DI RNAMS RANG BZO TZAM MA YIN PAR DAM PA RNAMS KYI GSUNG LAS BTUS TE BKOD PA YIN PAS BLA MA LAS THOG PA NA RIM GYIS 'DI LAS GZHAN DU MI 'GYUR BA'I BKOD KHYAB GNANG BA DANG, DGE BSKOS KYIS TSOGS CHOS GRA'I SGRIGS LAM CHE PHRA MTHA' DAG YAR RGYAS SU 'GRO BA'I TSAR GCOD RJES 'DZIN DO DAM GANG DRAG BYED PA DANG, CHOS SRUNG GNYAN PO RNAMS KYIS BLANG DOR GYI DBANG PO MDZAD DE MA RUNGS PA RNAMS TSAR GCOD PA DANG, TSUL BZHIN SGRUB PA RNAMS KYI CHOS LDAN GYI 'PHRIN LAS YID SMON LTAR 'GRUB PA'I SDONG GROGS MDZOD CIG ,SMRAS PA, 'PHAGS PA'I YUL DANG KHA BA'I SMAN LJONGS SU, , MKHAS GRUB RIM BYON RNAMS KYIS 'CHAD NYAN GYI, ,SROL BZANG BTZUGS NAS RIS MED BSTAN 'GRO YI, ,PHAN BDE'I SNANG BA GSAR DNGOMS MDZAD CES THOS, ,TSUL DER RJES SU CHAGS KYANG SKYES SBYANGS KYI, ,YON
TAN BCUD KYIS MA BZUNG AE RAndA'I, ,DPE ZLA BDAG GIS DAM PA'I DRIN DRAN NAS, ,G-YAM RGYUGS TZAM MIN SNYING GI DKYIL NAS GUS, ,BLO GSAL DGA' BSKYED LHA YI SPRINGS YIG NI, ,RMONGS ZHEN TZAM MIN RING DU MTHONG BZHED BZHIN, ,DBU MA'I LAM GNAS GTAM DU BSNYAD PA'I DGES, ,BSHAD SGRUB BSTAN PA CHES CHER 'BAR GYUR CIG (,CES PA 'DI NA CHEN PO HOR GYI RGYAL KHAMS SU GNAS PA'I CHOS TSUL SKAD GNYIS SMRA BA RNAMS KYI KHYU MCHOG TAS GU SHRI RIN PO CHE'I SPRUL PA'I SKU MKHAN PO T'A BLA MA YE SHES SBYIN PA'I ZHAL SNGA NAS KYIS CHOS SDE CHEN PO DGA' LDAN CHOS MDZOD GLING GI NANG TSAN MTSAN NYID GRVA TSANG MKHAS MANG THOS BSAM GLING GI DGE 'DUN PA RNAMS KYI BLANG DOR GTAN CHAGS KYI YI GE RGYAS PA ZHIG MED THABS MI 'DUG PAS 7 RGYAL DBANG YAB SRAS SOGS LA ZHU NA NYUNG BSDUS ZHIG GNANG SHAS CHE YANG BLO DMAN RNAMS LA YOD GO MI CHOD, YONGS RDZOGS BSTAN PA'I MNGA' BDAG GUNG THANG RIN PO CHER ZHU BSAM NA'ANG THUGS DAM NYAMS BZHES DANG RNAM DKAR 'PHRIN LAS RGYA CHE BA'I STABS NAS RGYAS PA ZHIG GNANG AE YONG MI SHES PAS KHRI PA BLA MA'I NGO SKAL GYI BYA BA 'DI LTA BU KHYOD KYIS CI NAS 'DRI DGOS ZHES ZHING KHAMS RGYA MTSO'I BKOD PA BKRA SHIS RI MOS MTSAN PA'I LHA GOS DANG BCAS GSUNG NAN CHEN POS BSKUL BA DANG, NYE CHAR 'DI GA'I MTSAN NYID BLA MA GZHUNG LUGS RAB 'BYAMS SMRA BA'I DBANG PHYUG NGAG DBANG DAR RGYAS, CHOS GRA'I DGE BSKOS DKA' BCU BLO BZANG RAB 'BYOR BCAS NAS YANG BSKYAR DRAN BSKUL BYUNG BAR BRTEN, NGOS RANG NA GZHON DUS DPAL LDAN SE RA THEG CHEN GLING GI MKHAS 'DU
, ,GRA TSANG DU CHOS THOG KHA SHAS CHOS GRVA 'GRIM KHUL YIN KYANG BSGRIGS LAM THUN MONG MA YIN PA CI 'DRA YOD SNANG BA MA BYAS PA'I SKYON GYIS DA LTA PHYOGS GCIG KHO NA BZUNG BA'I NGES NGES MI 'DUG PAR MA ZAD GRA SA CHEN PO'I SGRIGS LAM JI MA JI BZHIN BYUNG NA YUL 'DI LTA BUR GLANG KHAL BE'U LA BKAL BA LTAR LAS MI YONG SNYAM DON DU GANG 'GYUR GTZO CHE BAR BYAS NAS ME BYI HOR ZLA BRGYAD PA'I TSE 13 BZANG POR YI GE'I MA Li KKA SPEL BA PO, 7 BTZUN PA NGAG DBANG BLO BZANG BSTAN PA'I RGYAL MTSAN ZHES BYA BA STE 'DIS KYANG BSTAN PA RIN PO CHE YUN DU GNAS PA'I RGYUR GYUR CIG, RTZOD PA'I TSE THAL NGAG DANG 'KHOR GSUM RKANG STABS DANG LAG STABS SOGS KYI MTSON DON NI, BKA' GDAMS GLEGS BAM RIN PO CHE LAS, 'BREL CHAGS LO RGYUS GTAM GYIS GROL, ZHES PA NAS; RKANG G-YAS SA LA RAB BSNUN PAS, ,NGAN SONG YONG YE YOD MA GYUR, ,RKANG G-YON CUNG ZAD GYEN BTEGs PAS, ,THAMS CAD NGA DANG LHAN CIG TU, ,THAR BA'I GNAS SU PHYIN PAR SHOG ,PHYAG RGYA PHYOGS SU RAB SPUR BAS, ,BKRA SHIS PHYOGS MTHAR RGYAS PAR SHOG ,PHYAG RGYA PHYOGS SU RAB BSKYOD PAS, ,DPAL 'BYOR G-YAD DU 'DU BAR SHOG ,'BROM STON BKA' GDAMS RIN CHEN NGA'I, ,DAM PA'I CHOS KYI JA BSKOL YIN, ZHES GSAL BAR LUNG BSTAN PA BZHIN PHYI RGOL GYI RKANG PA G-YAS PA SA LA BSNUN PAS NGAN SONG GI SGO 'GEG PA DANG, G-YON GYEN DU BTEGs PAS SNGA RGOL SOGS THAMS CAD THAR LAM DU 'DREN PA DANG, LAG PA GNYIS KYIS PHYAG RGYA PHYOGS SU SPUR BA DANG BSKYOD PAS BSHAD SGRUB PHYOGS MTHAR RGYAS PA DANG, DPAL 'BYOR LONGS SPYOD SOGS MTHUN RKYEN RNAMS DANG, SKAL LDAN THAR 'DOD MANG PO DBANG DU 'DU BA MTSON PA DANG, SNGA RGOL
GYIS RTAGS GSAL KHYAB GSUM KA 'KHOR TE KHAS BLANGS SHOR BA NA, PHYI RGOL GYIS 'KHOR GSUM GTONG BA SOGS KYI SROL 'DI NI SDON 'PHAGS BOD GANG DU'ANG MA DAR BA YIN KYANG, GSANG NE'U THOG TU RNGOG LO TZ'A BA BLO LDAN SHES RAB KYIS SLOB MA CHIG KHRI SUM STONG BDUN BRGYA 'DUS PA RNAMS LA PHAR TSAD SPYOD 'JUG SOGS KYI 'CHAD NYAN RGYA CHER MDZAD DE, THUGS SRAS GRO LUNG PA CHEN PO, DE'I SLOB MA CHA PA CHOS KYI SENG GES RANG GI SLOB MA DAR 'BAG SMRA BA'I SENG GE SOGS SLOB MA SENG CHEN BRGYAD DANG, SENG CHUNG BRGYAD SOGS LA THOG MAR SROL LEGS PAR PHYE BA DANG, RTZOD PA THOG MAR 'DZUGS PA'I TSE'ANG, THAL MO BRDABS NAS, KVA YE JI LTAR CHOS 'CHAD, CES SNGA RGOL LA 'BOD PA 'AM, NYAN BAR BSKUL BA NI, SGRA'I RNAM DBYE BRGYAD KYI NANG TSAN RNAM DBYE BRGYAD BA 'BOD PA'I SGRAR GSUNGS PA LTA BU DANG, YANG RNAM PA GCIG TU NA, DH'I:JI LTAR CHOS 'JAL ZHES MI SHES PA DANG MA RIG PA'I GNYEN PO BZHIN LAG GI RNAM PAR SHAR BA RJE BTZUN 'JAM DPAL DBYANGS KYI SNYING PO NGAG TU BRJOD NAS, JI LTA JI SNYED KYI CHOS THAMS CAD RAB TU RNAM 'BYED KYI SHES RAB KYI SRAD LA 'JAL TSUL NI 'DI LTAR RO ZHES BSKUL BAR BSHAD PA'ANG SNANG NGO, ,'DI LTA BU'I MTSON DON RNAMS MTHONG THOS KYI YUL DU GYUR KYANG JI MI SNYAM PAR SDANG ZHUGS SKYE BA DAG NI, JI SKAD DU, DPAL MGON KLU SGRUB KYIS, YON TAN LDAN PA YON TAN LA DGA' YI, ,YON TAN MED PA YON TAN LA MI DGA', ,NAGS KYI BUNG BA MTSO YI PADMAR DGA', ,SBAL PA LHAN CIG GNAS PA DE LTA MIN, ZHES DANG, SA SKYA PAndI TAS, YON TAN MED PA'I SKYE BO RNAMS, ,YON TAN CAN LA LHAG PAR SDANG, ,GANGS KYI YUL DU DGUN SKYES PA'I, ,LO THOG LTAS NGAN YIN
, ,ZHES SGROGS, CES GSUNGS PA LTAR BTZUN GZUGS BSAM RGYU NYON MONGS DANG BYED RGYU SDIG PA LAS MED PA'I DBANG GIS YAR BSKYED LAS MAR BSKYED CHE BA DAG KYANG DAM PA GONG MA BKA' DRIN CAN RNAMS KYI RNAM THAR BZANG PO 'DI DAG LA DAD ZHEN CHEN POS RJES SU 'JUG NA LEGS SO ZHES BRTZE BAS GDAMS SO,,
[BLANK PAGE]