2)? BSOD NAMS DGA' BA BKRIS CHOS 'KHOR GLING GI;
, ,MKHAN CHEN CHOS KYI RGYAL PO'I GSUNG 'BUM LAS RTZA LTUNG RNAM BSHAD MDOR BSDUS PA BZHUGS SO, ,
, ,NA MO GU RU, RDO RJE 'CHANG DANG DBYER MED PA, ,RDO RJE 'DZIN PAR PHYAG 'TSAL NAS, ,RDO RJE THEG PA NAS GSUNGS PA'I, ,RDO RJE'I DAM TSIG BSRUNG TSUL BSHAD, ,'DI LA 'DIR SLOB DPON BHA BI LHAS MDZAD PA'I RTZA LTUNG BCU BZHI PA'I NGOS 'DZIN MDOR BSDUS TE BRI BA LA, SBYOR BA DANG, DNGOS GZHI DANG, MJUG GSUM LAS, DANG PO LA, MCHOD PAR BRJOD PA, RTZOM PAR DAM BCA' BA GNYIS LAS, DANG PO NI, KUN NAS DANG BAS BLA MA YI, ,ZHABS KYI PADMOR RAB BTUD DE, ,ZHES DANG, GNYIS PA NI, RTZA BA'I LTUNG BA BCU BZHI NI, ,RGYUD LAS GSUNGS PA BSHAD PAR BYA, ,ZHES PA GO SLA BAS BSHAD PA MI DGOS SO, ,
, ,` GNYIS PA SO SO'I NGOS 'DZIN LA BCU BZHI LAS, DANG PO NI, GANG PHYIR RDO RJE 'DZIN PA YIS, ,DNGOS GRUB SLOB DPON RJES 'BRANG GSUNGS, , DE BAS DE LA BRNYAS PA NI, ,RTZA BA'I LTUNG BA DANG POR BSHAD, ,DE LA SPYIR LTUNG BA THAMS CAD LA RTEN GYI GANG ZAG NI SNGAGS SDOM THOB NAS MA BTANG BA DANG, SMYO BA LA SOGS BA MA YIN PAR SHES PA RANG BZHIN DU GNAS PA DANG, BYANG CHUB KYI SEMS DOR? BA MA GTOGS BCU GSUM PO LA KUN DKRIS TSANG BA DGOS LA, KUN DKRIS NI, DA DUNG BYA BA DE BYED 'DOD MA LOG PA DANG, BYA BA DE NYES DMIGS SU BLTAS NAS 'GYOD SEMS MED PA DANG, NGO TSA DANG, KHREL YOD MED PA YIN LA, DE GSUM
LAS GANG RUNG GCIG MA TSANG NA RTZA LTUNG DU MI 'GYUR ZHING, YAN LAG MA TSANG BA'I SBOM POR 'GYUR RO, ,DON DNGOS NI, RANG LA SNGAGS KYI RGYUD KYI TSIGS BCAD GCIG YAN CHAD DAM, LAS KYI YAN LAG PHRA MO YAN CHAD KYI MAN NGAG STON PA'AM, DBANG BSKUR BA'I BLA MA GSUM PO GANG YANG RUNG BA LA YON TAN CHE CHUNG DANG, TSUL KHRIMS LDAN MI LDAN SOGS GANG YIN YANG, ZHING MCHOG TU 'DZIN PA'I KHUR BOR NAS BRNYAS PA DANG, DMOD PA SOGS BYAS LA KUN DKRIS TSANG NA RTZA LTUNG DU 'GYUR RO, ,BLA MA LNGA BCU BA'I BSLAB BYA LAS 'DAS PA THAMS CAD LA RTZA LTUNG DANG PO'I CHAR GTOGS KYI SPOM POR 'GYUR RO, ,RTZA LTUNG GNYIS PA NI, BDE GSHEGS BKA' LAS 'DAS PA NI, ,LTUNG BA GNYIS PA YIN PAR BSHAD, ,CES PA, SO THAR DANG, BYANG SEMS, SNGAGS SDOM GSUM GYI BSLAB BYA GANG YANG RUNG BA LA SHES BZHIN DU KHYANG GSOD KYI BSAM PAS 'GAL BAR 'GYUR NA RTZA LTUNG DU 'GYUR RO, ` ,GSUM PA NI, RDO RJE SPUN LA KHROS NAS NI, ,NYES PA BRJOD PA GSUM PA YIN, ,ZHES PA, BLA MA GCIG LAS RGYUD SDE BZHI GANG YANG RUNG BA'I DBANG, RIM GYIS SAM, MNYAM DU THOB PA'I RDO RJE SPUN LA, SNGAGS SDOM DANG LDAN PA DER 'DU SHES PAS KHRO BA'I
, ,SEMS KYIS SKYON BRJOD PA DE RDO RJE SPUN GYIS DON GO NA RTZA LTUNG NGO, ` ,BZHI PA NI, SEMS CAN RNAMS LA BYAMS PA SPONG, ,BZHI PA YIN PAR RGYAL BAS GSUNGS, ,CES PA SEMS CAN GANG YANG RUNG BA ZHIG LA DMIGS NAS BDE BA DANG BRAL NA DGA' BA'I SEMS BSKYED PA'O, ` ,LNGA PA NI, CHOS KYI RTZA BA BYANG CHUB SEMS, ,DE SPONG BA NI LNGA PA YIN, ,ZHES PA BDAG NI SEMS CAN THAMS CAD KYI DON DU BYANG CHUB SGRUB GA LA NUS SNYAM PA'I BSAM PAS SMON SEMS GTONG BA'O, ,'DI LA KUN DKRIS TSANG MI DGOS PAR GONG DU BSHAD DO, ` ,DRUG PA NI, RANG DANG GZHAN GYI GRUB PA'I MTHA', ,CHOS LA SMOD PA DRUG PA YIN, ,ZHES PA RANG GI GRUB MTHA' SNGAGS KYI THEG PA GZHAN GYI GRUB MTHA' PHAR PHYIN THEG PA STE, MDOR NA RGYAL BA'I BKA' GANG YANG RUNG BA LA, 'DI SANGS RGYAS KYI GSUNGS PA'I CHOS MA YIN NO, ,ZHES ZHE NAS SKUR PA BTAB NA RTZA LTUNG NGO, ` ,BDUN PA NI, YONGS SU MA SMIN SEMS CAN LA, ,GSANG BA SGROG PA BDUN PA YIN, ,ZHES PA DBANG MTSAN NYID DANG LDAN PAS RGYUD SNOD RUNG DU MA BYAS PA LA, RJES GNANG DANG BZLAS LUNG DANG, SNGAGS KYI GSANG BA GANG YANG RUNG BA BSGRAGS PA, PHA ROL POS DON
GON? RTZA LTUNG NGO, ` ,BRGYAD PA NI, PHUNG PO SANGS RGYAS LNGA BDAG NYID, ,DE LA BRNYAS BYED BRGYAD PA YIN, ,ZHES PA RANG GI PHUNG PO LNGA SANGS RGYAS LNGA'I RANG BZHIN DU BSGOM PAR BYA BA LA, SDUG BSNGAL BDEN PAS BSDUS PA MI GTZANG BA'I PHUNG PO 'DI SANGS RGYAS SU BSGOM MI RUNG ZHES BRNYAS PA DANG, RANG GI PHUNG PO RGYUD PAR BYA BA'I BSAM PAS SMYUNG BAR GNAS PA SOGS GDUNG BA RTZOM PA GNYIS GANG BYAS KYANG, RTZA LTUNG DU 'GYUR RO, ` ,DGU PA NI, RANG BZHIN DAG PA'I CHOS RNAMS LA, ,SOM NYI ZA BA DGU PA YIN, ,ZHES PA STONG NYID ZAB MO LA YID MA CHES NAS SPANGS PA'O, , ` BCU PA NI, GDUG LA RTAG TU BYAMS LDAN PAR, KHYED BA DE NI BCU PAR 'DOD, ,CES PA DKON MCHOG GSUM DANG, BLA MA LA SMOD PA, BSTAN PA 'JIG PA SOGS MNGON SPYOD BYA BA'I YUL DU GSUNGS PA'I GANG ZAG LA LUS NGAG GIS MDZA' BAR BYED NA RTZA LTUNG NGO, ,SEMS KYI BYAMS PA SPONG? BA NI MA YIN NO, ` ,BCU GCIG PA NI, MING SOGS BRAL BA'I CHOS RNAMS LA, , DER RTOG PA NI BCU GCIG PA, ,ZHES PA SNGAGS SDOM THOB PHYIN CHANG, RANG BLO DANG 'TSAM PAR, BDAG MED KYI LTA BA BTZAL ZHING, LTA BA DE RNYED PHYIN CHAD LTA BA DE'I RTZIS NA RE ZIN PA BYED
, ,DGOS KYI, LTA BA DE MA DRAN PAR NYEN ZHAG 'DAS NA RTZA LTUNG NGO, ,DON 'DI NI MTHA' GNYIS SEL BA LA DGONGS PA YIN NO, ,ZHES MKHAS GRUB RJES GSUNGS SO, ` ,BCU GNYIS PA NI, SEMS CAN DAD DANG LDAN PA YI, ,SEMS SUN 'BYIN PA BCU GNYIS PA, ,ZHES SNGAGS KYI SNOD RUNG GI GANG ZAG, SNGAGS LA DAD CING DON DU GNYER BA LA, DE'I 'DUN PA ZLOG 'DOD KYI BSAM PAS SUN 'BYIN PAR BYAS NAS DE'I 'DUN PA ZLOG NA RTZA LTUNG NGO, ` ,BCU GSUM PA NI, DAM TSIG LA NI JI BZHIN RNYED, ,MI BSTEN PA NI BCU GSUM PA, ,ZHES PA BLA MED RGYUD LA, TSOGS 'KHOR SOGS TSUL BZHIN DU BSTABS PA NA, YID MA CHES PAR MI GTZANG SOGS KYI BSAM PAS DANG DU MI LEN NA RTZA LTUNG NGO, ,RNAL 'BYOR RGYUD LA, NANG GI RNAL 'BYOR KHO NA DGOS PAS, PHYI'I PHYAG RGYA SOGS DGOS PA MED DO CES SPANGS NA RTZA LTUNG NGO, ` ,BCU BZHI PA NI, SHES RAB RANG BZHIN BUD MED LA, ,SMOD PAR BYED PA BCU BZHI PA, ,ZHES PA RDO RJE PHAG MO SOGS 'JIG RTEN LAS 'DAS PA, BUD MED KYI TSUL 'DZIN PA DE LA SMOD NA, BLA MED DANG YO GA GNYIS GA'I RTZA LTUNG DANG, DUD MED GANG YANG RUNG BA'I SGOS KYI SNYON? BRJOD PA MA YIN PAR, BUD MED KYI RIGS 'DI GA-YO SGYU CHE ZER BA
LTA BU NI BLA MED KHO NA'I RTZA LTUNG DU 'GYUR RO, ` ,SNGAGS PAS 'DI DAG SPANGS NA NI, ,DNGOS GRUB NGES PAR THOB PAR 'GYUR, ,ZHES PA BSRUNG BA'I PHAN YON BSTAN, ` ,GZHAN DU DAM TSIG LAS NYAMS NA, ,NYAMS PA BDUD KYIS BZUNG BAR 'GYUR, ,DE NI SDUG BSNGAL MYONG 'GYUR ZHING, ,THUR DU BLTAS TE DMYAL BAR 'GRO, ,ZHES NYAMS PA'I NYES DMIGS BSTAN TO, ` ,DE BSANG RGYAL NGES BCOM STE, ,BDAG NYID MA 'KHRUL SHES PAR BYA, ,ZHES BSRUNG TSUL BSTAN PA RNAMS GO SLA'O, ` MNYAM PAR BZHAG PAS BLA MA LA, ,CI 'BYOR PA YIS MCHOD BYAS LA, ,GSUM LA SKYABS 'GRO NAS BRTZAMS TE, ,BYANG CHUB SEMS SOGS SDOM PA NI, ,GAL TE BDAG LA PHAN 'DOD NA, ,SNGAGS PAS 'BAD DE BSRUNG BAR BYA, ,ZHES PA 'BAD DE BSRUNGS KYANG NYON MONGS MANG PA SOGS KYIS RTZA LTUNG BYUNG NA, BLA MA LA 'BUL BA SOGS KYIS BSNYEN BKUR BYAS NAS SKYABS 'GRO NAS BRTAMS TE DBANG BSKUR BA TSUL BZHIN DU BLANGS NAS SDOM PA SOR CHUD PAR BYA'O, ,'ON KYANG SNGA MA NAS RTZA LTUNG GIS MA GOS PA GCIG SHIN TU DGOS SO, ` ,GSUM PA MJUG DON NI, RDO RJE THEG PA'I RTZA LTUNG ZHES BYA BA SLOB DPON BHA BI LHAS MDZAD PA RDZOGS SO, ,DON NI
, ,GO SLA BAS MA BRIS SO, ,RGYAS PAR RJE BLA MAS MDZAD PA DANG, MKHAS GRUB RJES MDZAD PA'I RTZA LTUNG RNAM BSHAD LAS SHES PAR BYA'O, ,ZHES PA 'DI YANG DANG GUS? THUN MONG MA YIN PA DANG LDAN PA'I THA'I JI? TSE RING DON GRUB KYIS BSKUL BA'I NGOR, LHA'I BTZUN BA 7BLO BZANG BSTAN 'DZIN RGYAL MTSAN GYIS DGON GSAR DGE 'PHEL GYI BLA BRANG DU SBYAR BA'I DGE BAS 'GRO KUN RDO RJE 'CHANG GI GO 'PHANG MYUR DU THOB PAR GYUR CIG, ,,
[BP]