001A *, ,MKHAN CHEN CHOS KYI RGYAL PO'I GSUNG 'BUM LAS BDE MCHOG GI TSOGS 'KHOR GYI CHO GA BDE CHEN ROL PA ZHES BYA BA BZHUGSO, ,
, ,NA MO GU RU TZAKRA SAm BHA R'A YA, 'DIR 'KHOR LO SDOM PA'I SGO NAS TSOGS 'KHOR BYA BAR 'DOD PAS, SDIG PA DANG MA 'DRES BA'I SHA CHANG SOGS TSOGS RDZAS RNAMS GYA NOM PAR BSHAMS, RNAL 'BYOR PA RNAMS GRAL DU 'KHOD NAS, SGRUB MCHOD LTA BU SNGON DU BDAG BSKYED SONG BA YIN NA DE KAS 'THUS SHING, DE MED NA, SKYABS SEMS DANG, DAG PA GSUM GYI RNAL 'BYOR SNGON DU BTANG NAS, KHAndA RO HIS BSANG, SVA BH'A WAS SBYANGS, STONG PA'I NGANG LAS SNOD THAMS CAD BHRUm LAS THAR PA CHEN PO'I GZHAL YAS KHANG MTSAN NYID DANG LDAN PA DANG, BCUD THAMS CAD LHA DANG LHA MO'I
, ,RANG BZHIN RNAM PAR DAG PA 'BA' ZHIG TU GYUR PAR BSAMS LA, NANG MCHOD DANG MCHOD PA RNAMS BYIN GYIS BRLABS, TSOGS RDZAS RNAMS NANG MCHOD LTAR DANG, AOm GA NA TZA? B'U DZA A'A:H'Um, ZHES LAN GSUM BZLAS TE BYIN GYIS BRLABS LA, SGRUB MCHOD MA YIN PAR BLO BUR DU BYED DGOS TSE SPYAN 'DREN PA NI, H'Um; RANG BZHIN BDE BA CHEN PO'I PHO BRANG NAS, ,KHYAB BDAG RDO RJE 'CHANG CHEN NAS BZUNG STE, ,BKA' DRIN GSUM LDAN RDO RJE 'DZIN PA'I BAR, ,RIN CHEN MU TIG 'PHRENG BA LTAR BRGYUD PA'I, ,RTZA BRGYUD BLA MA YI DAM DKON MCHOG GSUM, ,KHYAD PAR BDE
BA MCHOG GI LHA TSOGS DANG, ,'DZAM GLING GNAS MCHOG NYI SHU RTZA BZHI YI, ,DPA' BO DPA' MO BKA' SDOD CHOS SKYONG DANG, ,PHYOGS SKYONG ZHING SKYONG DREGS PA SDE BRGYAD TSOGS, ,GDON BGEGS LAN CHAGS RIGS DRUG LA SOGS PA, ,MCHOD 'OS MGRON RNAMS MA LUS 'DIR SBYON LA, ,SNA TSOGS RNAM 'GYUR STON CING BZHUGS SU GSOL, ,AE HYE HI, PADMA KA MA LA YE STVAm, AOm GU RU TZAKRA SAm BHA RA SARBA BUDDHA BO DHI SA TVA d'A KI NI DHARMA P'A LA SA PA RI W'A RA AARGHAm NAS SHAPTA PRA T'ITZTSA H'Um SV'AH'A, ZHES MCHOD NAS, DNGOS GZHI TSOGS MCHOD BYA BA NI, DBYANGS DANG BCAS, H'Um BDE CHEN KUN BZANG TSOGS KYI MCHOD PA 'DI, ,BKA' DRIN GSUM LDAN RTZA BA'I BLA MAR 'BUL, ,AOm A'A:H'Um, BDE CHEN ZAG MED BDUD RTZIS TSIM GYUR NAS, ,AE MA HO, BYIN RLABS BDE CHEN CHAR LTAR 'BAB TU GSOL, ,BDE CHEN KUN BZANG TSOGS KYI MCHOD PA 'DI, ,BRGYUD LDAN BLA MA'I TSOGS RNAMS MNYES PHYIR 'BUL, , AOm A'A:H'Um, BDE CHEN ZAG MED BDUD RTZIS TSIM GYUR NAS, ,AE MA HO, RNAM THAR JI BZHIN SGRUB PAR BYIN GYIS RLOBS, ,BDE CHEN KUN BZANG TSOGS KYI MCHOD PA 'DI, ,BDE BA
, ,MCHOG GI LHA TSOGS MNYES PHYIR 'BUL, ,AOm A'A:H'Um, BDE CHEN ZAG MED BDUD RTZIS TSIM GYUR NAS, ,AE MA HO, SGRIB BRAL LHAN SKYES SGRUB PAR BYIN GYIS RLOBS, ,BDE CHEN KUN BZANG TSOGS KYI MCHOD PA 'DI, ,YI DAM DKYIL 'KHOR LHA TSOGS RNAMS LA 'BUL, ,AOm A'A:H'Um, BDE CHEN ZAG MED BDUD RTZIS TSIM GYUR NAS, AE MA HO, MCHOG DANG THUN MONG DNGOS GRUB MYUR DU STZOL, ,BDE CHEN KUN BZANG TSOGS KYI MCHOD PA 'DI, ,DKON MCHOG RIN CHEN RNAM GSUM MNYES PHYIR 'BUL, ,AOm A'A:H'Um, BDE CHEN ZAG MED BDUNG RTZIS TSIM GYUR NAS, ,AE MA HO, 'GRO KUN SRID ZHI'I 'JIGS LAS BSKYAB TU GSOL, ,BDE CHEN KUN BZANG TSOGS KYI MCHOD PA 'DI, ,MKHA' 'GRO CHOS SKYONG TSOGS RNAMS MNYES PHYIR 'BUL, ,AOm A'A:H'Um, BDE CHEN ZAG MED BDUD RTZIS TSIM GYUR NAS, ,AE MA HO, PHYI NANG 'GAL RKYEN BAR CHAD ZHI BAR MDZOD, ,BDE CHEN KUN BZANG TSOGS KYI MCHOD PA 'DI; ;PHYOGS SKYONG ZHING SKYONG SDE BRGYAD RNAMS LA 'BUL, ,AOm A'A:H'Um, BDE CHEN ZAG MED BDUD RTZIS TSIM GYUR NAS, ,AE MA HO, 'GAL RKYEN KUN SEL MTHUN RKYEN MA LUS SGRUBS,,
BDE CHEN KUN BZANG TSOGS KYI MCHOD PA 'DI, ,GDON BGEGS LAN CHAGS RIGS DRUG RNAMS LA 'BUL, ,AOm A'A:H'Um, BDE CHEN ZAG MED BDUD RTZIS TSIM GYUR NAS, ,AE MA HO, THAMS CAD GZIGS PA'I GO 'PHANG MYUR THOB SHOG ,CES DBYANGS SNYAN POS BSNGO NAS, LAS KYI RDO RJES GA-YON PAS CHANG DANG, GA-YAS PAS SHA BZUNG NAS, HO; RDO RJE 'DZIN PA DGONGS SU GSOL, ,'DI LA THE TSOM MI BYA STE, ,BRAM ZE KHYI DANG GDOL PA PHAG ,RANG BZHIN GCIG TU DGONGS TE ROL, ,ZHES PHYAG TU PHUL, RNAL 'BYOR PAS, H'Um NGA NI RNAM 'DREN KUN GYI GTZO, ,DPAL CHEN HE RU KA PA DNGOS, ,YE SHES BDUD RTZI MCHOG 'DI NI, ,LHA RNAMS TSIM PAR BYA PHYIR ROL, ,ZHES BRJOD NAS, NANG GI SBYIN SREG GI TSUL DU LONGS SPYAD, LAG MCHOD BYA 'DOD NA GZHAN DU SHES PAR BYA'O, ,RAB TU BYUNG BA RNAMS CHANG CUD ZAD MYANG LA, KHYIM PA YIN NA RA RO MA GYUR BAR 'THUNG BAR BYA'O, ,DE NAS TSOGS LHAG BSDUS TE, NANG MCHOD BRAN LA, GTOR MA LTAR BYIN GYIS RLOBS LA, RANG GI THUGS KHA'I H'Um GI 'OD ZER GYIS DAM CAN ZHING SKYONG TSOGS LHAG LA RE BA THAMS CAD SPYAN DRANGS, AOm AA KA RO MU KHAm SARBA DHARMA nAm AA TYA
, ,NUTPANNA TVONG AOm A'A:H'Um, ZHES LAN GSUM GYIS BSNGOS NAS, BDE CHEN TSOGS LHAG MCHOD SPRIN RGYA MTSO 'DI, ,DAM CAN LHAG LA DBANG BA RNAMS LA 'BUL, , AOm A'A:H'Um, BDE CHEN ZAG MED BDUD RTZIS TSIM GYUR NAS, ,AE MA HO, DAM CHOS SGRUB PA'I 'GAL RKYEN KUN SEL ZHING, ,MTHUN RKYEN STONGS GROGS GNAS PO BZAD POR MDZOD, , CES BRJOD NAS, MGRON RNAMS MI DMIGS PAR RGYAS 'DEBS, BSNGO BA SMON LAM BKRA SHIS BYA'O, ,ZHES PA 'DI YANG DGE SLONG GRAGS RGYAN PAS BSKUL BA'I NGOR LHA'I BTZUN PA CHOS KYI RDO RJES SUG BRIS SU BGYIS PA'O,, ,,BKRA SHIS, ,
[BLANK PAGE]