2\ BSOD NAMS DGA' BA BKRIS CHOS 'KHOR GLING GI; *, ,MKHAN CHEN CHOS KYI RGYAL PO'I GSUNG 'BUM LAS BDE MCHOG GI RAB GNAS SHIN TU BSDUS PA BZHUGSO,
, ,NA MO GU RU, HE RU KA DPAL DUS KYI THA MAR YANG, ,NGUR SMRIG 'DZIN PA'I GAR GYIS RNAM ROL BA, ,KHYAB BDAG DRIN CAN RTZA BA'I BLA MA LA, ,GUS PAS BTUD NAS RAB GNAS MDOR BSDUS BRI, ,'DIR RAB GNAS MDOR BSDUS BYA BAR 'DOD PAS, MCHOD GTOR, NANG MCHOD, KHRUS BUM SOGS MKHO BA'I YO BYAD RNAMS STA GON BYA STE, RANG NYID BDAG BSKYED SNGON DU SONG NA DE KAS 'THUS SHING, MED TSE, ` SKAD CIG GIS RANG NYID HE RU KA SNGON PO ZHAL GCIG PHYAG GNYIS KYIS RDO RJE DANG DRIL BU 'DZIN PA GA-YAS BRKYANG GIS BZHUGS PA LA RDO RJE PHAG MO DMAR
, ,MO ZHAL GCIG PHYAG GNYIS KYIS GRI GUG DANG THOD PA 'DZIN PAS 'KHYUD PAR GYUR PAR BSAMS LA, NANG MCHOD, KHAndA RO HIS BSANG, SVA BHA WAS SBYANGS, STONG PA'I DANG LAS YAm LAS BYUNG BA'I RLUNG GI DKYIL 'KHOR SOGS SGRUB THABS BZHIN DANG, MCHOD PA CHU BZHI NYER SPYOD ROL MO 'DOD YON LNGA RNAMS BYIN GYIS BRLABS, BUM CHU LA, AOm SARBA TA TH'A GA TA AA BHI shE KA TA SA MA YA SHR'I YE A'A:H'Um, ZHES MANG DU BZLAS TE KHRUS BUM BSGRUB, YE DHARMA MANG DU BRJOD CING ME TOG BSGRUB, DE NAS RTEN RNAMS GU GUL GYIS BDUG CING, YUNGS KAR GYIS BRAB LA, AOm SUm BHA NI
SUm BHA H'Um H'Um PHAt, SOGS ZHAL BZHI PA'I SNGAGS DANG, KHAndA RO HI'I SNGAGS BRJOD CING ROL MO DANG BCAS PAS BGEGS BSKRAD BYA, DE NAS RTEN RNAMS, KHAndA RO HIS BSANG, SVA BH'A WAS SBYANGS, STONG BA'I DANG LAS SNA TSOGS PADMA DANG NYI MA'I STONG DU H'Um LAS RDO RJE H'Um GIS MTSAN PA LAS BCOM LDAN 'DAS DPAL HE RU KA SKU MDOG MA THING KA ZHAL BZHI BA'I RTZA ZHAL NAG CES PA NAS, SKAM PO LNGA BCU'I DO SHAL CAN NO, ,YAB KYI SNYING KAR ZLA GDAN LA RDO RJE SEMS DPA'I NGO BO AOm HA DKAR PO, ZHES PA NAS, tA PHAt DUD KHAS MTSAN PAR GYUR, YAB YUM GNYIS KYI SPYI BOR ZLA BA LA AOm DKAR PO, MGRIN PAR PADMA LA A'A:DMAR PO, THUGS KAR NYI MA LA H'Um SNGON POS MTSAN PAR GYUR, DE NAS LAG PA GA-YAS PAS SPOS DANG GA-YON BAS DRIL BU BKROL ZHING DBYANGS DANG BCAS PAS, MA LUS SEMS CAN KUN GYI MGON GYUR CING, ,ZHES PA NAS, YONGS DAG 'KHOR DANG BCAS TE GSHEGS SU GSOL, ,RANG GI THUGS KHA'I H'Um LAS 'OD ZER 'PHROS PAS RAB TU GNAS BYA'I RTEN RNAMS KYI YE SHES PA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS TE MDUN GYI NAM MKHAR BZHUGS PAR
, ,GYUR; BCOM LDAN KHYOD NI BYON PA LEGS, ,BDAG CAG BSOD NAMS SKAL BAR LDAN, ,BDAG LA MCHOD YON BZHES NAS KYANG, ,THUGS LA DGONGS SHING GNANG BAR MDZOD, ,BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG GI MCHOD YON BZHES NAS KYANG, ,'DI NYID DU NI BZHUGS SU GSOL, ,AOm SARBA TA TH'A GA TA GA GA NA SA MA YE SV'A H'A, JI LTAR BLTAMS PA TZAM GYIS NI, ,ZHES PA NAS, SHR'I YE A'A:H'Um, BDAG DANG 'GRO LA THUGS BRTZE'I PHYIR, ,NYID KYI RDZU 'PHRUL MTHU YIS NI, ,JI SRID MCHOD PA BDAG BGYID NA, ,DE SRID BCOM LDAN BZHUGS SU GSOL, ,DZA:H'Um BAm HO: YE SHES PA RNAMS RANG RANG SO SO'I DAM TSIG PA RNAMS DANG GNYIS SU MED PAR GYUR, RANG GI THUGS KHA'I H'Um LAS 'OD ZER 'PHROS PAS, GSHEGS PA DANG GSHEGS MA, SEMS DPA' DANG SEMS MA, KHRO BO DANG KHRO BO'I TSOGS THAMS CAD MDUN GYI NAM MKHAR SBYAN DRANGS, AOm SARBA TA TH'A GA TA AARGHAm PRA T'I TZTSA H'Um SV'AH'A, NAS, SHAPTA'I BAR GYIS MCHOD, RDO RJE CAN GYIS SANGS RGYAS LA, ,'GRO BA SKYOB BA'I CHED DU
DBANG; ;YON TAN 'BYUNG GNAS JA LTAR STZAL, ,DE LTAR 'DI LA'ANG MDZAD DU GSOL, ,ZHES GSOL BA BTAB PAS, DE BZHIN GSHEGS PA RNAMS KYIS DBANG BSKUR BA'I DGONGS PA MDZAD; SPYAN MA LA SOGS PA RIG MA DANG BCAS PA NAM MKHAR BZHUGS PA RNAMS KYIS GDUGS DANG RGYAL MTSAN LA SOGS PA RAB TU GNAS BYA'I LHA RNAMS KYI STENG PHYOGS SU 'DZIN, GLU GAR MDZAD CING ROL MO BRDUNG, ME TOG DANG GUR GUM LA SOGS PA'I CHAR 'BEBS, PHYAG GI CUNG ZAD GA-YO BAR BZUNG BA'I BUM PA DKAR PO BYANG CHUB KYI SEMS KYI BDUD RTZIS GANG PA RNAMS KYIS DBANG BSKUR, GZUGS RDO RJE MA LA SOGS RNAMS KYIS BKRA SHIS PA'I GLU DBYANGS KYIS SHIS PA BRJOD, KHRO BO RNAMS PHYOGS MTSAMS SU 'KHOD NAS BGEGS BSKRAD PAR GYUR, BKRA SHIS GANG ZHIG SEMS CAN KUN GYI SNYING LA GNAS, ,KUN GYI BDAG NYID DAM PA'I RIGS RNAMS KYI NI RJE, ,MA LUS SEMS CAN SKYED BYED BDE BA CHEN PO DE, ,BKRA SHIS DES NI DE RING KHYOD LA DBANG RAB BSKUR, ,KHRUS KYI KHANG BA SHIN TU DRI ZHIM PA, ,SHEL GYIS GZHI GSAL ZHING 'TSER BA LTAR, ,RIN CHEN 'BAR BA'I KA BA YID 'ONG LDAN, ,MU TIG 'OD
, ,CHAGS BLA RE BRES PA DER, ,JI LTAR BLTAMS PA TZAM GYIS NI, ,ZHES PA NAS, SHR'I YE A'A:H'Um, ZHES ME LONG LA GZUGS BRNYAN SHAR BA LA BUM CHUS KHRUS GSOL BYA, DE BZHIN DU, RGYAL BA'I SKU GSUNG THUGS LA NYON MONGS MI MNGA' YANG, ,SEMS CAN LUS NGAG YID GSUM SGRIB PA SBYANG SLAD DU, ,RGYAL BA'I SKU GSUNG THUGS LA KHRUS CHAB 'DI GSOL BAS; ;SEMS CAN LUS NGAG YID GSUM SGRIB PA DAG GYUR CIG, ,AOm SARBA SOGS DANG, RGYAL BA RNAMS NI GTZANG GYUR CING, ,RME BA'I RTOG PA MI MNGA' YANG, ,SRI ZHU'I TSUL GYIS KHRUS CHAB 'DIS, ,BDE GSHEGS RNAMS LA SKU KHRUS GSOL, ,AOm SARBA SOGS, DE DAG SKU LA MTSUNGS MED PA'I GOS, ,GTZANG LA DRI RAB BSGOS PAS SKU PHYI'O, ,AOm H'Um TR'Am HR'I:A'A: AOm SARBA TA TH'A GA TA K'A YA BI SHVA DHA NE SV'AH'A, DE LTAR DBANG BSKUR BAS LUS THAMS CAD GANG, BDE BA CHEN PO MYONG, DRI MA THAMS CAD DAG, CHU'I LHAG MA SPYI GTZUG TU GNAS PA YONGS SU GYUR PA LAS, MI BSKYOD PAS DBU BRGYAN PAR GYUR, PHYI NANG GI MCHOD PAS MCHOD, BSTOD PA BYA, JI LTAR MIG MKHAN RGYAL PO YIS, ,'JIG RTEN RAB RIB GSAL BA LTAR, ,RGYAL BA RNAMS KYIS KHYOD
KYI NI, ,MI SHES PA YI RAB RIB BSAL, ,AOm TZAKshU TZAKshU SA MANTA TZAKshU BI SHO DHA NA YE SV'AH'A, KUN MKHYEN YE SHES SPYAN LDAN SKYON BRAL YANG, ,GUS PAS 'PHAGS PA'I SPYAN NI DBYE BGYIS PAS, , NAM MKHA'I MTHA' GTUGS GYUR PA'I SEMS CAN RNAMS, ,SANGS RGYAS YE SHES SPYAN NI THOB PAR SHOG ,ZHI BA LA SOGS PA'I LAS RNAMS GRUB PA'I DON DU SBYIN BDAG LA SOGS PA LA YE SHES KYIS GZIGS PA LHUR MDZAD PAR GYUR, DE NAS, AOm HR'I:HA HA H'Um H'Um PHAt, CES PA'I NYE SNYING BRGYA RTZA SOGS BZLAS, DPAL HE RU KA YAB YUM YONGS SU GYUR PA LAS BRIS 'BUR GYI SKU GZUGS SO SO DANG, MCHOD RTEN DANG, PO TI YIG 'BRU'I RNAM PAR GYUR PAR BSAMS LA, SLAR YANG, AOm SARBA TA TH'A GA TA AARGHAm PRA T'ITZTSA H'Um SV'AH'A, DE BZHIN DU SBYAR TE, P'A TYAm, A'ANYTZA M'A nAm, PROKshA nAm, PUshPE NAS, SPARSHA'I BAR GYIS MCHOD, SA GZHI SPOS KYIS BYUGS SHING SOGS KYIS MAndAL 'BUL, BSTOD PAR 'OS PA SOGS KYIS BSTOD, DE NAS; AOm SARBA TA TH'A GA TA MA nI SHA TA DIPTI DZVA LA DHARMA DHA TU GARBE SV'AH'A, ZHES LAN GSUM SOGS DANG, YE DHARMA BRJOD CING ME TOG GTOR, RAB YANGS NAM MKHA' TI? GYI GANG BU BZHIN, ,
, ,YONGS SU GANG BA'I BDE MCHOG LHA TSOGS NI, ,ZHES SOGS BKRA SHIS BYA SHING ME TOG GI CHAR 'BEBS, DE NAS ME TOG DANG BCAS THAL MO SBYAR TE, JI LTAR SANGS RGYAS THAMS CAD NI, ,DGA' LDAN DU NI GNAS PA LAS, ,LHA MO SGYU 'PHRUL LHUMS ZHUGS LTAR, ,DE BZHIN GZUGS DANG LHAN CIG TU, ,'DI RU MGON PO RTAG BZHUGS NAS, ,BYANG CHUB SEMS NI BSKYED PA DANG, ,YON GYI BDAG PO'I DON SLAD DU, ,BDAG GI 'BYOR PA NYID KYIS NI, ,CI 'BYOR PA YIS MCHOD PA DANG, ,ME TOG LA SOGS 'DI BZHES SHIG ,BDAG DANG SLOB MAR BCAS PA LA, ,RJES SU BRTZE BAS NYER DGONGS NAS, ,KUN GYI 'DI LA BYIN BRLAB CING, ,'DI NYID DU NI BZHUGS PAR RIGS, ,ZHES DANG, PHYOGS BCU NA BZHUGS? PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, ,JI SRID NAM MKHA'I MTHA' DANG MNYAM PA'I SEMS CAN GYI KHAMS RNAMS MI GNAS PA'I MYA NGAN LAS 'DAS PA'I SA LA MA BZHAG GI BAR DU MYA NGAN LAS MI 'DA' BAR BRTAN PAR BZHUGS SU GSOL, ,PHYO BRAG TU YANG SKU GSUNG THUGS KYI RTEN 'DI LA SA DANG CHU DANG ME DANG RLUNG GI GNOD BSAM ZHIG GI
BAR DE SRID DU SEMS CAN GYI DON DPAG TU MED PA MDZAD CING BRTAN PAR BZHUGS SU GSOL, ,AOm SU PRA TIshthA BADZRA YE SV'AH'A, ZHES LAN GSUM BRJOD, 'DI NI RAB GNAS KYI GTZO BOR BZHED DO, ,DE NAS, BDE GSHEGS KUN BZANG MTHONG BAS BKRA SHIS LTAR, ,RGYAL BA SRAS BCAS DENG 'DIR BDE LEGS SHOG ,NGAN SDIG LOG PA'I TSOGS RNAMS BCOM GYUR NAS,, RGYAL SRAS RIGS 'DZIN TSOGS RNAMS 'PHEL DAR ZHING, ,ZHAL MTHONG TZAM GYIS BDE BA'I MCHOG BRNYES NAS, ,NYI LTAR ZHAL DRO ZLA LTAR 'OD GSAL ZHING, ,BDAG DANG 'GRO LA ZHAL DRO BYIN CHE NAS, ,BSKAL PA'I MTHAR THUG BAR DU BZHUGS SU GSOL, ,JI SRID ME DANG CHU DANG NI, ,RLUNG GIS BSKAL PA 'JIGS BAR DU, ,SEMS CAN KUN GYI DON GYI PHYIR, ,BCOM LDAN KHYOD NI BZHUGS PAR MDZOD, ,YIG BRGYA BRJOD CING, MGON PO BSKAL PA JI BZHIN DU, ,SNA TSOGS GZUGS NI BZUNG NAS KYANG, ,PHYOGS BCU'I 'JIG RTEN KHAMS RNAMS SU, ,DES NI 'GRO BA'I DON KUN MDZOD, ,DE NAS SPYI SGOS KYI CHOS SKYONG LA GTOR 'BUL DANG, PHYOGS SKYONG ZHING SKYONG RNAMS LA, PHEEm RANG GI THUGS KHA'I NYI GDAN LA GNAS PA'I H'Um YIG GI 'OD ZER GYIS
, ,DUR KHROD BRGYAD NA GNAS PA'I PHYOGS SKYONG DANG ZHING SKYONG LA SOGS PA RNAMS SPYAN DRANGS TE PHYOGS 'TSAMS BRGYAD DU 'KHOD PA RNAMS ZHES PA NAS, YID LA 'DOD PA KUN 'GRUB SHOG ,CES PA'I BAR GYIS BSNGO, GZHI BDAG GTOR MA BTANG ZHING, ME DANG SA CHU RLUNG RNAMS LAS, ,SKU GZUGS YUN RING BSRUNG DU GSOL, ,YON BDAG 'DI NI DE SRAS SOGS, , SLOB MA RNAMS DANG BDAG LA YANG, ,KUN NAS ZHI DANG RGYAS PA DANG, ,RTAG TU BKRA SHIS MDZAD DU GSOL, ,MCHOD TSOGS RGYA MTSOS DUS KUN DU, ,SKU GZUGS 'DI LA MCHOD PAR MDZOD, , DE NAS, CHE BA'I MCHE MCHOG MA SOGS BKRA SHIS GANG 'OS BYA'O,, ZHES PA 'DI YANG LAS DANG PO PA 'GA' ZHIG LA PHAN PHYIR BLO BZANG MING 'CHANG BAS SBYAR BA'O,, ,,BKRA SHIS,
[BLANK PAGE]