2\ BSOD NAMS DGA' BA BKRIS CHOS 'KHOR GLING GI, , *, ,MKHAN CHEN CHOS KYI RGYAL PO'I GSUNG 'BUM LAS BDE MCHOG DRIL BU LHA LNGA'I PHYI DKYIL GYI DBANG GI BSHAD PA BSDUS PA BZHUGS SO, ,
, ,NA MO GU RU TZAKRA SAm BHA R'A YA, ,YID BZHIN NOR LAS DKON PA'I LAM BZANG GI ,SMIN GROL RGYAS BYED KUN GYI MCHOG GYUR ZHING, ,MKHAS MANG DBUS NA RGYAL MTSAN TOG LTA BUR, ,MNGON PAR MTHO BA'I RDO RJE 'DZIN LA 'DUD, ,'DIR DPAL 'KHOR LO SDOM PA DRIL BU LUGS KYI SMIN BYED DBANG GI CHO GA'I TSIG DON CUNG ZAD BSHAD PAR BYA BA LA, DKYIL 'KHOR DU 'JUG PA'I CHO GA DANG, ZHUGS NAS DBANG BSKUR PA'I CHO GA'O,, DANG PO LA YOL BA'I PHYI ROL DU GZHUG PA DANG, YOL BA'I NANG DU GZHUG PA'O, ,DANG PO NI, 'OG TU 'BUL RGYU'I CHU GNYIS NYER SPYOD ROL MO RNAMS BYIN GYIS
, ,BRLAB NAS, MAndAL PHUL, DGA' CHEN KHYOD BDAG STON PA STE, ,SOGS KYIS GSOL BA LAN GSUM BTAB, DE'I DON NI, DMIGS PA MED PA'I THUGS RJE CHEN POS SEMS CAN GYI DON LA RJES SU CHAGS PA'I DGA' BA CHEN PO KHYOD NI BDAG GI RGYUD 'CHOS SHING LAM STON PA'I STON PA YIN LA, BDAG GIS GSOL BA 'DEBS PA'I TSIG 'DI LA KHYED THUGS RJE CHEN POS DGONGS PAR MDZAD DU GSOL, BYANG CHUB CHEN PO NI RDZOGS PA'I SANGS RGYAS KYI BYANG CHUB PO, ,TSUL ZHES PA LA DON MANG YANG 'DIR NI SANGS RGYAS SU BGROD PA'I LAM MO, ,BRTAN PA NI MI BSHIG PAS MI PHYED PA'O, ,
MGON PO CHEN PO ZHES BLA MA LA BOS NAS, BDAG 'TSAL LO ZHES GONG DU BSHAD PA DED? GANGS? 'DOD DO ZHES PA'O, ,DAM TSIG SOGS NI RDZOGS PA'I BYANG CHUB BSKYED PA LAS MI 'DA' BA'I DAM TSIG STE, SNGAGS DANG RGYUD DANG PHYAG RGYAL SOGS PA'I DE NYID BDAG LA STZOL ZHES PA'O, ,BYANG CHUB SEMS KYANG SOGS NI SMON 'JUG GI BDAG NYID CAN GYI BYANG CHUB KYI SEMS KYANG BDAG LA STZOL, SANGS RGYAS SOGS NI, DKON MCHOG GSUM LA SKYABS SU 'GRO BA'I SKYABS 'GRO RNAM DAG KYANG BDAG BSTZOL ZHES BA'O, ,THAR PA CHEN PO SOGS NI, THAR PA CHEN PO MI GNAS PA'I MYA NGAN LAS 'DAS PA'I GO 'PHANG RNYED PA'I DAM PA RNAMS KYI GRONG KHYER RAM GZHAL YAS KHANG MCHOG TU, KHYOD KYIS BDAG GZHUG TU GSOL ZHES BA'O, ,AOm NI GO BAR ZAD LA KHAntA RO HI DUM SKYES MA'O, ,A'A:'OD DPAG MED KYI SA BON, KHAm DON GRUB KYI SA BON, B'I RNAM SNANG GI MING YIG DANG PO, RA RIN 'BYUNG GI MING YIG DANG PO, H'Um MI BSKYOD PA'I SA BON NO, ,BLA MAS DKYIL 'KHOR DU PHYAG STONG PAR 'JUG MI RUNG PAS, RIGS LNGAS MTSON PA'I KHA DOG SNA LNGA PA'I ME TOG GI 'PHRENG BA BYIN PAR MOS SO, ,SPYAN DAR? 'CHING BA'I SNGAGS NI, TZAKshU NI
, ,MIG ,BANDHA NI 'CHING BA, W'A RA MCHOG TU, MAN YA YID KYI CHED DU ZHES PA STE, YID MCHOG TU BYA BA'I PHYIR MIG 'CHING BA YIN ZHES PA'O, ,LAS BUM GYI CHUS BGEGS RNAMS BSANG LA, DBANG BSKUR BA'I SKABS SU SLOB MA DANG, BDAG 'JUG GI SKABS SU RANG NYID SBYOR BA 'OG MA KUN LA SHES PAR BYA LA, HE RU KA ZHAL GCIG PHYAG GNYIS PAR BSKYED, GNAS GSUM DU YI GE GSUM 'OD ZER DANG BCAS PA GSAL BTAB, BLA MAS KYI KHYOD SU YIN CI LA DGA' ZHES DRIS PA'I LAN DU, SKAL BA BZANG PO RGYAL BA'I SBAS PO BDAG BDE BA CHEN PO SNGAGS KYI LAM LA MOS SO ZHES LAN 'DEBS, YANG BLA MAS, SKAL BZANG KHYOD SNGAGS LAM LA MOS NAS DES CI ZHIG BYA ZHES DRI BA LA, DE'I LAN DU LAM DES KYANG SANGS RGYAS KYI DAM TSIG MCHOG BGYI 'TSAL ZHES LAN 'DEBS, DE NAS SDOM BZUNG LA, THUN MONG BA BYANG SDOM DANG, THUN MONG MA YIN PA SNGAGS SDOM BZUNG BA NI GZHAN DU SHES PAR BYA'O, ,DE NAS SEMS CAN THAMs CAD KYI DON DU SANGS RGYAS THOB PAR BYA'O SNYAM? PA KUN RDZOB BYANG CHUB KYI SEMS KYI NGO BO SNYING KHAR ZLA BA DANG, CHOS THAMS CAD RANG BZHIN MED PA'I STONG PA NYID RANG SEMS DANG DBYER MI PHYED PA DON DAM BYANG SEMS
KYI NGO BO RDO RJE DKAR PO RTZE LNGA PA GNYIS THABS SHES ZUNG 'BREL DU BSGOM MO, ,SNGAGS NI, SARBA THAMS CAD, YOG RNAL 'BYOR, TZITTA SEMS, AU BA TA YA MI NI BSKYED PAR BGYI'O ZHES PA'O,, DE'I BRTAN BYED DU, BLA MA'I THUGS KHA'I ZLA BA RDO RJE DANG BCAS PA LAS DE 'DRA GNYIS PA MAR ME LAS GNYIS CHAD KYI TSUL DU BYUNG NAS, SNYING GA'I ZLA BA RDO RJE DANG BCAS PA LA THIM PAR BSAM MO, , SNGAGS NI, SU RA TI SHIN TU DGA' BA, SA MA YA DAM TSIG, STVAm SIDDHI NI KHYOD BSGRUB PAR BYA'O, ,BADZRA NI RDO RJE, YA THA NI JI LTAR, SU KHAm NI BDE BAR, ZHES PA YIN NO, ,DKYIL 'KHOR GSANG BAR GDAMS PA NI DENG KHYOD SOGS SO, ,DE BZHIN GSHEGS PA NI RNAM SNANG SOGS SO, ,MA DAD PA NI, DBANG THOB TU ZIN KYANG SNGAGS LAM DAD PA RNAMS SO, ,DE YAN CHAD PHYAG LEN LA YOL BA'I PHYI 'JUG DANG, DON LA DKYIL 'KHOR GYI PHYI 'JUG YIN NO, ,GNYIS PA NI, H'Um DZA:H'Um ZHES BRJOD CING, BLA MA'I THUGS KHA'I H'Um GI 'OD ZER LCAGS KYU LTA BUS BCUG NAS DKYIL 'KHOR GYI SHAR SGO'I NANG DU 'KHRID PAR MOS LA, DE NAS RTZIG PA'I NANG DANG LHA RNAMS KYI PHYI ROL NAS GA-YON BSKOR DU BSKOR BAR MOS LA, MAH'A RA TA SOGS BRJOD LA, SNGAGS NI, MAH'A RA TA
, ,DGA' BA CHEN PO, SU tI TA? SHIN TU BRTAN? PA?, SU TO shO SHIN TU DGYES PA, SU SU shO SHIN TU BDE BA, BADZRA SATVA RDO RJE SEMS DPA', AA DHYA SIDDHI YA MAm, DE RING GRUB BAR MDZOD CES PA'O, ,DE NAS NA MA TE SOGS PHYAG SNGAGS BRJOD CING PHYAG GSUM 'TSAL BA'I MOS PA BYED DO, ,DE NAS SHAR SGO NAS GSOL BA 'DEBS PA'I SNGAGS NI, SARBA NI THAMS CAD B'IDA? DPA' BO, YO GI N'I BHYA RNAL 'BYOR MA RNAMS LA, P'U DZA MCHOD PA, AU PA STH'A N'A YA BSNYEN BKUR BA'I PHYIR, A'ADM'A n'Am NIRYA TA YA MI NI BDAG YONGS SU 'BUL BAS, t'A KI NI NIRY'A AA DHI TIshthANTU MAm NI MKHA' 'GRO MA RNAMS BSNYEN BKUR BA'I NUS PA CAN DU BYIN GYIS BRLAB TU GSOL, ZHES PA'O, ,DE BZHIN DU BYANG GI SNGAGS NI, AA BHI shE K'A YA NI, DBANG BSKUR BA'I PHYIR ZHES PA DANG, L'A MA HYA? AA BHIshINYTZANTU MAm NI MDZES MAS DBANG BSKUR BA'I NUS PA CAN DU SOGS 'GRE, NUB KYI SNGAGS NI, P'U DZA PRA WARTA YA MCHOD PA RAB TU BSKOR BA'I PHYIR, KHAndA RO HI TYA PRA WARTA YANTU MAm NI, DUM SKYES MAS MCHOD PA DANG CHOS 'KHOR BSKOR BA'I NUS PA CAN DU SOGS, LHO SNGAGS NI, P'U DZA KARM'A? nAm? NI MCHOD PA'I LAS KYI PHYIR, R'U DE? DYA? KARM'A KARYANHU? MAm NI GZUGS CAN MAS LAS RNAMS PHUN SUM
TSOGS PAR SOGS DANG, YANG, SHAR SGOR BLA MA LA PHYAG BYA BA, GU RU TZA RA n'A SOGS NI, BLA MA LA MCHOD PA DANG BSNYEN BKUR BA'I PHYIR BDAG 'BUL LO ZHES DANG, SARBA SATVA PA RI SOGS NI, SEMS CAN THAMS CAD YONGS SU SBYONG BA'I PHYIR BDAG GI LUS 'BUL LO ZHES PA'O, ,GZHAN RNAMS GO SLA'O, ,DES BSKOR PHYAG RNAMS BSGRUB, DAM LA 'JOG PA LA, PHAN YON GYI SGO NAS DAM LA 'JOG PA NI; DENG KHYOD CES PA NAS GYUR TA RE ZHES PA'I BAR RO, ,DON NI, DENG ZHES PA NI, DA LTA NYID DU ZHES PA'O, ,KHYOD DE BZHIN GSHEGS PA'I RIGS TE SA BON DU GYUR PA YIN PAS, NGAS KHYOD LAS DANG PO'I YE SHES KYI RANG BZHIN CAN SOGS YE SHES BSKYED PAR BYA YI, DE'I PHAN YON NI, DE BZHIN GSHEGS PA THAMS CAD KYI MCHOG GI DNGOS GRUB MYUR DU THOB PAR 'GYUR NA THUN MONG GI DNGOS GRUB SMOS CI DGOS, DE BAS NA KHYED KYIS DKYIL 'KHOR GYIS MTSON PA'I GSANG SNGAGS KYI GSANG BA MTHA' DAG 'DI, DKYIL 'KHOR DU CHO GA RNAM PAR DAG BA? TSAD LDAN GYIS DKYIL 'KHOR DU ZHUGS PA MA GTOGS PA RNAMS KYI MDUN DU MA SMRA ZHIG, GAL TE SMRAS NA DAM TSIG NYAMS PAS, NAD LA SOGS PAS SDUG BSNGAL ZHING SHI NAS DMYAL BA SOGS SU 'GRO BAR 'GYUR RO, ,ZHES PA'O, ,NYES DMIGS KYI SGO NAS DAM
, ,LA 'JOG PA NI, SPYI BOR RDO RJE BZHAG STE, 'DI NI KHYOD KYI ZHES PA NAS, DRAL TE GSHEGS? ZHES PA'I BAR RO, ,DON NI, GSANG BA MI SGRAGS PA 'DI 'DAR MI RUNG BAS NA DAM TSIG ,GZHAN GYIS MI PHYED PAS NA RDO RJE ZHES BYA LA, MGO BOR BZHAG PA'I RDO RJE LA MI BYED DO, ,'GA' ZHIG CES PA DKYIL 'KHOR DU MA ZHUGS PA SOGS SNGAR BZHIN NO, ,TSUL 'DI SMRAS NA NI MGO 'GAS PA NI LUS LA 'BYUNG BA'I NYES DMIGS SO, ,YANG RDO RJE SNYING GAR BZHAG CING, DENG DPAL HE RU KA KHYOD KYI SNYING LA YANG DAG PAR ZHUGS ZIN PA YIN NO, ,NAM ZHUGS PA YIN ZHE NA, PHYAG BZHI'I SKABS LHA MAR ME GCIG LAS GNYIS CHAD KYI TSUL DU THIM PA'I TSE ZHUGS PA YIN, DE GSANG THUB NA 'BRAL MED DU BZHUGS NAS BYIN GYIS BRLAB CING DNGOS GRUB SGRUB LA, GSANG MI THUB PAR SNOD MIN SOGS LA SMRAS NA DE MA THAG TU DRAL TE SNYING KHA NAS PHYIR GSHEGS TE RJES SU 'DZIN PAR MI 'GYUR RO, ,PHAN YON DANG NYES DMIGS GNYIS KYI SGO NAS DAM LA 'JOG PA NI, DUNG CHOS KYI CHU MTHEB SRIN GYIS GZUNG LA YI GE GSUM GYIS SNGAGS TE KHAR BLUD LA, 'DI NI BU KHYOD CES PA NAS, BU ZHES 'BOD NAS KHYOD KYIS 'THUNG BA'I CHU 'DI NI, GSANG SNGAGS KYI DAM TSIG MA BSRUNG NA TSA DMYAL SOGS SU SREG PA'I KHRO CHU LTA BU DANG, DAM
TSIG BSRUNG NA BDUD RTZI LNGA'I CHUR 'GYUR NAS DNGOS GRUB MYUR DU 'GRUB PAR 'GYUR RO, ,BADZRA AU DA KA NI RDO RJE CHU ZHES PA'O, ,KHYAD PAR RTZA LTUNG DANG PO LA DAM 'JOG BYED PA NI, KHYOD KYIS SMAD PAR MI BYA STE ZHES PA NAS, DMYAL BAR LTUNG BAR GYUR TA RE, ZHES PA NI, RDO RJE SLOB DPON LA SMAD PAR MI BYA BA DANG, BLA MA'I BKA' LA NYAN PA SOGS YIN LA GO SLA'O, ,YE SHES 'BEBS PA LA, DPA' BO DANG SOGS KYIS GSOL BA BTAB LA, CHO GA BZHIN GYI DMIGS PA BRTAN PAR BYA STE, BUD MED KYI ZLA MTSAN GYIS GOS PA'I GOS BTUBS PA LA, BYI LA'I BRUN, BDUD RTZI LNGA, GU GUL BSRES PA'I DU BAs BDUG CING, YAB YUM GYI SNYING PO'I MJUG TU TIshthA MAH'A KRO DHA SOGS KYI SNGAGS BTAGS PA MANG DU BRJOD CING, ROL MO'I SGRA DANG BCAS PAS 'BEBS PAR BYA'O, ,RTAGS NI KLU BYANG GIS, SNYING 'DAR DGA' BA CHES PA DANG, ,BRGYAL BA DANG NI GAR BYED DANG, ,'GYEL DANG GYEN DU 'PHAR BA NI, ,BABS PA'I MTSAN NYID DU SHES BYA, ,ZHES PA LTAR LA, YE SHES BABS PA'I TSE, RGYUD LA LHA RNAMS KYIS BYIN GYIS BRLAB PAS, SA DANG PO LA SOGS PA'I RANG BZHIN GYI YE SHES BSKYED PA'I MOS PA BYED DGOS SO, ,YIG BRGYA 'AM, TIshthA BADZRA ZHES BRTAN PAR BYA'O, ,DE NAS, YANG DAG PA YI DKYIL
, ,'KHOR 'DIR, ,SOGS KYI DON NI, YANG DAG PA'I DKYIL 'KHOR 'DIR SLOB MA RNAMS ME TOG GTOR BA'I PHYIR 'JUG LAGS PAS SLOB MA 'DI LHA GANG GI RIGS YIN PA DANG, BSOD NAMS KYI MTHU YANG JI LTAR YOD PA DANG, DNGOS GRUB RAB 'BRING THA MA GSUM JI LTAR 'GRUB, LHA GANG GI RIGS KYI SNOD DU GYUR PA SOGS DKYIL 'KHOR DU ME TOG DOR BA LAS STON PAR SHOG CIG CES PA'O, ,SNGAGS NI, GZHAN RNAMS GO SLA LA, KLU LA BI SHO DHA NE NI RIGS RNAM PAR DAG PA ZHES PA'O, ,ME TOG 'PHRENG BA GTZO BO'I DBU LA 'BUL BAR BSAM TE, PRA T'ITZTSA BADZRA HO: SO SOR BZHES SU GSOL RDO RJE KYEE ZHES PA'O, ,PRA TI GHRIHNA SO SOR GZUNGS SHIG ,STVAm KHYOD KYIS AE MAm 'DI, SATVA MAH'A TH'A LA SEMS DPA' STOBS PO CHE ZHES PA'O, ,SNGAGS PHYI MA 'DI BLA MAS GSUNGS SHING, ME TOG 'PHRED BA SLOB MA'I DBU LA BCINGS PAS, ME TOG 'PHRENG BA'I RIGS LNGA'I YI GE LAS BDUD RTZI 'OD ZER DANG BCAS PA'I RGYUN BABS PAS LUS GANG SDIG SGRIB MA LUS PA SBYANGS PAR MOS PA BYA'O, ,LHAG PA'I LHAS TSE RABS THAMS CAD DU RJES SU BZUNG BA'I THABS KHYAD PAR CAN YIN NO, ,'DI YAN GDONG GA-YOG DAD BCAS TE GZHUGS PA'I SKOR RO, ,DA? DKYIL 'KHOR MTHONG BA'I BDAG NYID CAN DU
'JUG PA NI, SLOB DPON DRIL BU PAS, H'Um GIS BSGUL, RAm GYIS BSREG ,AOm GYIS 'OD GSAL BAR BYAS, ZHES GSUNGS PA LTAR, SNYING GAR NYI MA LA H'Um BSGOM DE LAS 'OD ZER 'PHROS, DPRAL BAR RAm BSGOM PA LA PHOG PAS DE LAS ME 'OD RAB TU 'BAR BA 'PHROS NAS, MIG 'BRAS SU MIG 'BRAS KYI NGO BO AOm DKAR PO MOG MOG POR BSGOM PA LA PHOG PAS, MA RIG PA SOGS SDIG SGRIB THAMS CAD BSREGS? TE AOm YIG GI MOG MOG PO THAMS CAD SANGS TE DVANGS GSAL 'OD KYI RANG BZHIN DU GYUR PAR BSAM LA, DPAL HE RU KAs DA LTA KHYOD KYI MIG PHYE BA LA BRTZON PAR MDZAD CING, DE LTAR PHYE BAS GZUGS CAN GYI SHES BYA THAMS CAD MNGON SUM DU MTHONG PA'I RDO RJE'I MIG SANGS RGYAS KYI YE SHES KYI SPYAN DANG 'DRA BAR BLA NA MED PA'O, ,ZHES PA'O, ,SNGAGS NI, BADZRA NEE TRA NI RDO RJE'I MIG ,AA PA HA RA SOL CIG , PA tA LAm SGRIB GA-YOG GAM LING TOG STE, DE KHO NA NYID MTHONG BA LA SGRIB PA'I SGRIB PA'O, ,HR'I:SHER PHYIN MTSON PA PADMA'I SA BON NO, ,DA NI DAD PA'I SHUGS SOGS NI, DE LTAR PHYE BAS DAD PA'I SHUGS BSKYED DE DKYIL 'KHOR 'DI LA LTOS SHIG ,KHYOD SANGS RGYAS KYI RIGS SU SKYES SHING, PHYAG RGYA DANG SNGAGS KYIS BYIN GYIS BRLAB ZIN PAS, DNGOS GRUB PHUN SUM TSOGS PA SGRUB PA'I PHYIR DAM TSIG MCHOG TU SKYONG
, ,BAR BGYI, RANG GI RDO RJE DANG PHYAG RGYA'I PADMA MA NYAM PAR SBYAR NAS ROL PA ? GSANG SNGAGS KYI LAM LA SGRUB PA SNYING POR GYIS SHIG ,CES GDAMS PA'O, ,HE NI KYEE ZHES SLOB MA LA 'BOD PA'O, ,BADZRA RDO RJE LA, P'A SHYA LTOS SHIG STE, KYEE RDO RJE DKYIL 'KHOR 'DI LA LTOS SHIG CES PA'I DON NO, ,DKYIL 'KHOR MTHONG BA'I PHAN YON NI, RNAM SNANG MNGON BYANG LAS, BSKAL PA BYE BA DU MA RU, ,SDIG PA GANG ZHIG SNGON BYAS PA, ,DKYIL 'KHOR 'DI 'DRA MTHONG BA YIS, ,DE DAG THAMS CAD ZAD 'GYUR NA, ,ZHES DANG, 'JAM DPAL RTZA RGYUD LAS, MTSAMS MED PA DANG SDIG CAN YANG, ,RAS BRIS MTHONG BA TZAM GYIS NI, ,SKAD CIG GIS NI GROL BAR 'GYUR, ,ZHES GSUNGS SO, ,DE NAS PHYI RIM NAS RTEN DANG BRTEN PA'I DKYIL 'KHOR RNAMS LEGS PAR NGO SPROD PAR BYA STE GO SLA'O, ,DKYIL 'KHOR DU 'JUG PA'I SKOR BSHAD ZIN TO,, ` GNYIS PA BCUG NAS DBANG BSKUR BA LA BZHI, BUM PA'I DBANG, GSANG BA'I DBANG, SHES RAB YE SHES KYI DBANG, TSIG GI DBANG DANG BZHI, DANG PO LA BCU GCIG STE, MI BSKYOD PA CHU'I DBANG, RIN 'BYUNG COD PAn GYI DBANG, 'OD DPAG MED RDO RJE'I DBANG, DON GRUB DRIL BU'I DBANG,
RNAM SNANG MING GI DBANG, SNGAGS BZLAS LUNG GI DBANG, RDO RJE'I BRTUL ZHUGS KYI DBANG, THUN MONG MA YIN PA'I BRTUL ZHUGS KYI DBANG, LUNG BSTAN DBUGS DBYUNG BA'I DBANG, RDO RJE SLOB DPON GYI DBANG; SPYOD PA RJES SU GNANG BA'I DBANG DANG BCU GCIG LAS, DANG PO NI, MAndAL PHUL LA, RIG PA YE SHES LNGA'I DBANG GI DON DU, CHOS BDEN BDAG NYID SOGS KYIS GSOL BA LAN GSUM BTAB; BLA MAS LAS BUM GYI CHUS GTOR ZHING, LAS SNGAGS KYIS BSANG, SVA BH'A WAS SBYANGS, SLOB MA DANG, RNAM RGYAL BUM PA'I CHU NAS DUNG CHOS SOGS SNOD DU BLANG BA GNYIS KA ,MI BSKYOD PA YAB YUM DU BSKYED LA, YE SHES PA DGUG GZHUG ,DBANG RDZAS KYI LHA LA DBANG BSKUR RDO RJE SEMS DPAS DBU BRGYAN PAR BSAM LA, MCHOD CING, DBANG RDZAS KYI LHA YAB YUM SNYOMS PAR ZHUGS PA'I RKYEN GYIS BDE BA CHEN PO'I NGO BOR ZHU BA YONGS SU GYUR PA LAS BUM CHUR BSAM PA NI, 'OG NAS 'BYUNG BA, COD PAn, RDO RJE, DRIL BU LA YANG SBYAR LA, DBANG BSKUR BA NI, BLA MA'I THUGS KHA'I H'Um GI 'OD ZER GYIS DBANG GI LHA 'KHOR LO SDOM PA'I LHA TSOGS THAMS CAD SPYAN DRANGS TE, MCHOD NAS, RDO RJE CAN GYI SOGS KYIS GSOL BA BTAB, DE'I DON NI, RDO RJE CAN NI RDO RJE 'CHANG NGO, ,SANGS RGYAS NI MI BSKYOD PA
, ,SOGS SO, ,'GRO BA RNAMS 'KHOR BA'I SDUG BSNGAL LAS SKYOB PA'I CHED DU, YON TAN THAMS CAD KYI 'BYUNG GNAS SU GYUR PA'I DBANG JI LTAR STZAL ZHING BSKUR BA, DE LTAR KHYOD DBANG LHA RNAMS KYIS SLOB MA 'DI LA DBANG BSKUR BAR MDZAD DU GSOL, ZHES PA'O, ,ZHES GSOL BA BTAB PAS, MDUN GYI 'KHOR LO SDOM PA'I DKYIL 'KHOR GYI KHVA GDONG MA, 'UG GDONG MA, KHYI GDONG MA, PHAG GDONG MA STE SGO MA BZHI DANG, GSHIN RJE BRTAN MA, GSHIN RJE PHO NYA MO, GSHIN RJE MCHE BAM, GSHIN RJE 'JOMS MA STE MTSAMS MA BZHI STE BRGYAD KYIS BGEGS BSKRAD PA'I 'PHRIN LAS MDZAD, KHAndA KA P'A LA DANG MAH'A KANG+KA LA LA SOGS PA'I DPA' BO NYER BZHI RNAMS SHIS BRJOD BYA, RAB GTUM MA DAD GTUM MIG MA LA SOGS PA DPA' MO NYER BZHIS RDO RJE'I GLU DBYANGS LAN, GZUGS RDO RJE MA LA SOGS PAS MCHOD PA BYAS, GTZO BO DANG BSGRUB PA'I DKYIL 'KHOR PA RNAMS KYIS DBANG BSKUR BA'I DGONGS PA MDZAD, YUM BZHI PHAG MO DANG LNGAS BDUD RTZIS GANG BA'I BUM PA THOGS TE DBANG BSKUR BAR MOS NAS, BKRA SHIS GANG ZHIG SOGS KYIS SHIS PA BRJOD CING, DBANG BSKUR RDO RJE CHEN PO STE, ,SOGS NI, DBANG BSKUR BA LA RDO RJE CHEN PO ZHES PA'I RGYU MTSAN NI, DOR DU MI RUNG BAS NA RDO RJE, KHAMS GSUM GYI
RGYAL POR GYUR PAS NA CHEN PO, KHAMS GSUM KUN GYIS PHYAG 'OS SU GYUR PAS NA PHYAG BYAS PA, RDO RJE 'CHANG GI SKU GSUNG THUGS GSANG GSUM DBYER MED PA'I GNAS LAS BYUNG BA DE KHYOD LA SBYIN PAR BYA'O ZHES PA'O,, TZAKRA P'I RA, DPA' BO'I 'KHOR LO ZHES PA'O, ,DE LTAR DBANG BSKUR BA SOGS NI GO SLA LA, DBANG LHA MI BSKYOD PA YAB YUM GYI RNAM PAR BKUG NAS BSTIM PAS MI BSKYOD PA'I NGO BOR BSAM LA, MCHOD PAR BYA'O; ;DAG PA BRJOD PA NI, RIGS LNGA'I DBANG GI NANG NAS MI BSKYOD PA CHU'I DBANG THOB, DUG LNGA'I NANG NAS ZHE SDANG STE, RANG BZHIN GYIS DMIGS PA LA KUN NAS MNAR SEMS PA'I RNAM PAR 'JUG PA'I SEMS BYUNG GI DRI MA SBYANGS, PHUNG PO LNGA'I NANG NAS RNAM SHES TSOGS DRUG GI PHUNG PO GNAS BSGYUR, YE SHES LNGA'I NANG NAS 'BRAS DUS KYI CHOS DBYINGS YE SHES MNGON DU BYAS, RGYAL BA RIGS LNGA'I NANG NAS MI BSKYOD PA DANG DE'I RIGS LA DBANG BAR BYAS SO, ,ZHES BRJOD, DE NI 'OG MA BZHI LA YANG SBYAR LUGS SHES DGOS SO, ,DGOS PA KHYAD PAR BA NI, CHU'I DBANG GIS GANG GI RIGS CAN DU SONG BA'I RIGS DE LA SGRIB PA MA RIG PA'I DRI MA 'KHRUR PA'I BAG CHAGS 'JOG GO, ,,GNYIS PA COD PAn GYI DBANG LA, MI BSKYOD PA YAB YUM ZHES PA SOGS RIN 'BYUNG SOGS SU BSGYUR BA MA GTOGS PHAL CHER SNGA MA 'DRA LA
, ,KHYAD PAR NI, DBANG BSKUR BA'I SKABS SU, MDUN GYI NAM MKHAR SPYAN DRANGS PA'I RGYAL BA DPA' BO YAB YUM RNAMS NGO BO RIN 'BYUNG LA RNAM PA GSER SBYANGS LAS GRUB PA'I COD PAn DAR DBYANGS DANG BCAS PA BZUNG BA MANG PO GCIG LA GCIG THIM PA'I MTHAR BLA MA, LAS KYI RDO RJE LA BSDUS NAS, BLA MAS SLOB MA'I MGOR BSKYON BYUNG SNYAM PA DANG, SNGAGS NI YUM BZHI PHAG MO LNGA'I NYE SNYING NGO, ,SNGAGS BRJOD CING COD PAn BSKON DUS, COD PAn LAS BDUD RTZI LNGA'I RGYUN BABS PAS LUS GANG ZHING SDIG SGRIB BAG CHAGS DANG BCAS PA DAG PAR BSAM MO, ,CHU DBANG NI GONG LTAR RO, ,DAG PA'I SKABS SU RIN 'BYUNG COD PAn GYI DBANG, DRI MA NGA RGYAL DANG SER SNA, PHUNG PO TSOR BA, 'BRAS DUS KYI MNYAM NYID YE SHES SO, ,KHYAD PAR CAN NI, COD PAn GYI DBANG GIS MA 'ONGS PA NA RIGS BDAG GANG GIS BYED PA DANG; GTZUG TOR BSKYED PA'I NUS PA 'JOG GO, ,,GSUM PA RDO RJE'I DBANG LA, 'OD DPAG MED YAB YUM DU BSKYED PA SOGS SNGAR BZHIN, DBANG BSKUR BA'I SKABS SU, MDUN GYI NAM MKHAR SPYAN DRANGS PA'I RGYAL BA DPA' BO YAB YUM PHYAG NA 'OD DPAG MED KYI NGO BO GSER GYI RDO RJE RTZE LNGA PA BSNAMS PA RE DPAG TU MED PA GCIG LA GCIG THIM PA'I MTHAR RDO RJE GCIG TU GYUR PAS DBANG BSKUR BAR
BSAM MO, ,TSIGS BCAD KYI DON NI, HE RU KA STE DKYIL 'KHOR GYI GTZO BO DANG, DPA' BO RNAMS DANG SOGS SGRAS DPA' MO RNAMS KYIS DER STE DA LTA KHYOD RIGS KYI BDAG POR DBANG BSKUR BAS NA, DBANG 'DI NI SANGS RGYAS DE DAG THAMS CAD KYI NGO BO NYID KYI YE SHES 'GRUB PA'I RGYU YIN PAS DE'I PHYIR RDO RJE 'DI BZUNG ZHIG CES PA'O, ,GZHAN RNAMS SNGAR BZHIN LA, RDO RJE LAG PA GA-YAS SU BTANG CING, SNYING MGRIN SPYI BOR REG PA'I TSE, RDO RJE LAS BDUD RTZI BABS PAS SDIG SGRIB DAG PAR BSAM MO, ,DAG PA'I SKABS SU, 'OD DPAG MED RDO RJE'I DBANG, NYON MONGS PA 'DOD CHAGS, PHUNG PO 'DU SHES; YE SHES NI 'BRAS DUS KYI SOR RTOG YE SHES SO, ,KHYAD PAR CAN NI, RDO RJE'I DBANG GIS THOB BYA SANGS RGYAS DE'I THUGS GNYIS SU MED PA'I YE SHES BSKYED PA'I NUS PA 'JOG GO, ` ,, BZHI PA DRIL BU'I DBANG LA, DON GRUB YAB YUM DU BSKYED PA MA GTOGS PHAL CHER GONG BZHIN LA, DBANG GI SKABS SU, MDUN GYI NAM MKHAR BZHUGS PA'I DPA' BO YAB YUM RGYAL BA RNAMS KYIS DON GRUB KYI NGO BO YIN PA LA RNAM PA DNGUL DKAR GYI DRIL BU BSNAMS PA GRANGS MED PAS GCIG LA GCIG THIM PA'I MTHAR, DON GRUB KYI NGO BO DRIL BU GCIG TU GYUR PAS DBANG BSKUR BAR BSAM LA, DRIL
, ,BU LAS BDUD RTZI'I RGYUN BABS PAS LUS THAMS CAD GANG SDIG SGRIB BYANG BAR BSAM PA SNGAR BZHIN LA, DRIL BU LAG PA GA-YON DU GTAD, TSIGS BCAD NI, RNAL 'BYOR MA THAMS CAD KYI SHES RAB NI STONG PA NYID LA DMIGS SHING, RANG GI LHUN GYIS GRUB PA'I DBYANGS KYIS 'GRO BA LA CHOS STON PAR BYED DO, ,DRIL BU 'DI YANG DE DANG 'DRA STE, DBYANGS KYI RJES SU 'GRO BA'I SHES RAB NYING STON PAS SO, ,KHYOD KYIS KYANG DON DRAN PA'I SGO NAS DRIL BU DKROL ZHIG ,DE LTAR BYAS NA BYANG CHUB MCHOG TU 'GYUR BAR RGYAL BA BZHED DO, ,DPA' BO ZHES 'BOD NAS, RDO RJE DRIL BU LAG TU BZUNG BAR GYIS SHIG ,DE YANG RANG NYID RANG BZHIN GYIS MDZES PA'I LHA'I SKU PHYAG RGYA CHEN POR BYIN GYIS BRLOBs PAR GYIS SHIG ,CES PA'O, ,RDO RJE DRIL BU ZHES PA DRIL BU GCIG CIG LA RDO RJE DRIL BU ZHES PA YIN LA, RAL GRI GCIG LA RDO RJE RAL GRI ZER BA LTA BU'O, ,DAG PA'I SKABS SU, DON GRUB DRIL BU'I DBANG, NYON MONGS PA PHRAG DOG ,PHUNG PO 'DU BYED, 'BRAS DUS KYI BYA GRUB YE SHES SO, ,KHYAD PAR CAN NI, DRIL BU'I DBANG GIS THOB BYA SANGS RGYAS DE'I CHOS LUNG BRGYAD KHRI BZHI STONG 'DOMS PA'I GSUNG GI NUS PA 'JOG GO, ,,LNGA PA RNAM SNANG MING GI DBANG LA,
'DI LA DBANG RDZAS MED PAS, RANG NYID RNAM SNANG YAB YUM DU BSKYED PA NI GONG BZHIN LA, DBANG BSKUR BA'I SKABS SU, MDUN GYI NAM MKHAR BZHUGS PA'I RGYAL BA DPA' PO DPA' MO RNAMS MGRIN GCIG TU KYEE ZHES 'BOD NAS, ME TOG PHOG PA'I DE BZHIN GSHEGS PA'I RIGS KYI MTSAN NAS 'BOD DE MING GIs DBANG BSKUR BAR BSAM LA, SNGAGS NI, BADZRA SATVA STVAm NI RDO RJE SEMS DPA' STE RDO RJE 'CHANG GIS KHYOD LA, BADZRA N'A MA: RDO RJE MING GI ZHES PA'O, ,AA BHI shE KA TA NI DBANG BSKUR RO, ,ZHES PA'O, ,DBANG JI LTA BU ZHIG NA RANG RANG GI RIGS KYI MING GIS DBANG BSKUR RO, ,ZHES PA'I DON NO, , DAG PA'I SKABS SU, RNAM SNANG MING GI DBANG, NYON MONGS PA GTI MUG ,PHUNG PO GZUGS PHUNG, 'BRAS DUS KYI ME LONG LTA BU'I YE SHES SO, ,KHYAD PAR CAN NI, MING GI DBANG GIS GANG DU 'TSANG RGYA BA'I SANGS RGYAS KYI MTSAN GYI NUS PA KHYAD PAR CAN 'JOG PA'O, ,DE YAN THUN MONG BA RIG PA YE SHES LNGA'I DBANG NGAM, RDO RJE SLOB MA'I DBANG ZHES BYA'O,, ,,DRUG PA SNGAGS BZLAS LUNG GI DBANG LA, GZHAN RNAMS GO SLA LA, H'Um GI MTHAR 'KHOD PA'I SNGAGS 'PHRENG LAS BDUD RTZI 'OD ZER DANG BCAS PA'I RGYUN BABS PAS LUS THAMS CAD GANG, SDIG SGRIB THAMS CAD DAG PAR
, ,BSAM MO, ,'DI NI SOGS TSIGS BCAD NI, SNGAGS KYI DBANG 'DI NI SANGS RGYAS THAMS CAD KYI SNYING PO YIN CING, YE SHES MCHOG SKYED PAR BYED PA DANG, SANGS RGYAS THAMS CAD KYI DNGOS GRUB BSDU PAR BYED PA YIN PAS KHYOD KYIS KYANG RTAG TU BCANG BAR BYOS SHIG PA'O,, ,,BDUN PA RDO RJE BRTUL ZHUGS LA, SLOB MA DANG, RDO RJE GNYIS KA RDOR SEMS YAB YUM DU BSKYED NAS RDO RJE SEMS DPA' 'OD DU ZHU NAS GSER GYI RDO RJE RTZE LNGA PA 'OD SHIN TU 'PHRO BAR GYUR PAR BSAM LA, 'DI NI SOGS NI RDO RJE 'DI NI SANGS RGYAS THAMS CAD KYI THUGS GNYIS SU MED PA'I YE SHES KYI MTSON BYED YIN PAS SO, ,HE RU KA'I PHYAG NA YANG 'DI LTA BU YOD PA YIN ZHES PA DANG, HE RU KA'I BRTUL ZHUGS YIN PAS, KHYOD KYIS KYANG RTAG TU BCANG BAR BYA'O, ,CI'I PHYIR NA HE RU KA'I BRTUL ZHUGS BRTAN PA'I PHYIR DU'O, ,ZHES PA'O, ,SNGAGS NI, DE BZHIN GSHEGS PA THAMS CAD KYI GRUB PA'I RDO RJE'I DAM TSIG 'DI BDAG LA ZHUGS SHIG RDO RJE SEMS DPAR BZUNG BAR BGYI'O, , HA BZHI DANG HI LNGAS YE SHES LNGA MTSON PA'O, ,DE'I RTAGS SU SNYING GAR RDOR SEMS YAB YUM ZHUGS PAR BSGOMS LA, BLA MAS YE SHES LNGA MTSON PA'I RDO RJE DANG MI 'BRAL BAR GYIS SHIG PA'I BKA'
BSGO BA'O,, ,,BRGYAD MTHUN MONG MA YIN PA'I BRTUL ZHUGS KYI SKABS SU, BDE MCHOG YAB YUM DU BSKYED LA, BRTUL ZHUGS RNAMS BYIN NO, ,HE RU KA DPAL PHYAG RGYA NI, , SOGS NI, DPAL HE RU KA'I PHYAG RGYA STA RTAGS NI, PHYI NANG GNYIS KAR YANG DAG PAR GNAS SO, ,PHYI NI, KHA tV'Am KA DANG, CANG TE'U STE t'A MA RU, LHUNG BZED STE THOD PA, TSANGS SKUD RNAMS YIN, DPA' BO ZHES 'BOD NAS KHYOD KYIS BLANG BAR GYIS SHIG CES PA'O, ,NANG NI KHA tV'Am KA HE RU KA'I THUGS GNYIS SU MED PA'I YE SHES THABS BDE BA CHEN PO MTSON, t'A MA RU BDAG MED RTOGS PA'I SHES RAB STONG PA NYID DANG, THOD PA DE GNYIS GNYIS SU MED PAR RTOGS SHING SKYONG BA, TSANGS SKUD RNAM PAR MI RTOG PA'I THUGS MTSON PA'I MTSON BYED DU BCANG BAR GYIS SHIG PAR GDAMS PA'O, ,DE'I MTSON BYED DU SNYING KAR HE RU KA YAB YUM BSGOM PAR BYA'O,, ,,DGU PA LUNG BSTAN DBUGS PHYUNG BA'I DBANG LA, SNGON STON PA YANG DAG PAR RDZOGS PA'I SANGS RGYAS KYIS RANG GI 'KHOR RNAMS LA LUNG STON PA'I CHA LUGS SU BYAS NAS LUNG STAN PA DGOS PAR GSUNGS PAS, CHOS GOS KYI GRVA LAG PA GA-YON PAS SENG+GE'I RNA BA LTAR BYAS TE SNYING GAR BZUNG, GA-YAS MCHOG SBYIN GYI PHYAG RGYA BCAS TE, MDUN GYI
, ,NAM MKHAR GNAS PA'I RGYAL BA SRAS BCAS THAMS CAD DANG BCAS PAS MGRIN GCIG TU SLOB MA LA KHYOD CES POS NAS, 'KHOR LO GSUM GYI BDAG NYID DU GYUR PA BLA MA HE RU KA NGAS LUNG 'DI LTAR DU BSTAN NO, ,JI LTAR NA SANGS RGYAS KUN GYI RANG BZHIN HE RU KA SOGS ME TOG GANG LA PHOG PA'I DE BZHIN GSHEGS PAR 'GYUR BA YIN NO ZHES PA'O, ,SHR'I HE RU KA NI DPAL KHRAG 'THUNG NGO,, d'A KI NI MKHA' 'GRO MA, N'A MA ZHES BYA BA, TA TH'A GA TA DE BZHIN GSHEGS PA, SIDDHI GRUB PA, SA MA YA RTOGS PA, STVAm KHYOD, BHUR NI SA 'OG ,BHU WAS STENG, SVA MTHO RIS SO, ,AA NI DE RNAMS KYI CHOS NYID LA 'JUG PA YI NO, ,KHAMS GSUM SOGS NI DPAL HE RU KA'I DKYIL 'KHOR DU LUNG BSTAN THOB PAS KHYOD KYIS KHAMS GSUM THAMS CAD KYI CHOS KYI RGYAL SRID CHEN PO DPAL DANG LDAN CING YON TAN MA LUS PA 'BYUNG BA'I GNAS SU GYUR PAS, BDUD KYI TSOGS THAMS CAD LAS RNAM PAR RGYAL ZHING, THAR PA'I GRONG KHYER MCHOG TU ZHUGS PA YIN NO, ,ZHES DBUGS PHYUNG PA'O,, ,,BCU PA RDO RJE SLOB DPON GYI DBANG LA, MAndAL PHUL, GSOL BA LAN GSUM BTAB, DKYIL 'KHOR GYI SHAR PHYOGS SU ? STEGS RDUL TSON GYIS PADMA 'DAM PA BRGYAD PA BRIM PA'I STENG DU SHING GDAN LA GNAS PA'I RIN
PO CHE'I SENG GE'I KHRI'I STENG DU RIN PO CHE'I RGYAN DANG DAR SNA TSOGS KYIS KLUBS SHING, STENG DU GDUGS DKAR PO GSER GYI YUB CAN, GA-YAS SU RGYAL MTSAN, GA-YON DU BA DAN TE 'PHAN, MTHA'I PHYOGS KUN DU DUNG GA-YAS 'KHYIL, 'KHOR LO, PADMA, BRUM PA SOGS MCHOD PA'I SPRIN DANG BCAS PAR BSAMS NAS, BSANG SBYANGS SNGON DU BTANG BA'I PADMA DANG NYI MA'I STENG DU RDO RJE 'CHANG YAB YUM DU BSKYED NAS DAM TSIG GSUM SBYIN PA LA, RDOR DRIL BSANG SBYANGS RDOR SEMS YAB YUM DU BSKYED PA ZHUB LAS BYUNG BA'I RDOR DRIL DU BSAMS NAS, 'DI DE SANGS RGYAS SOGS NI GONG BZHIN LA, THOG MTHA' MED PA'I SOGS NI, BYANG CHUB SEMS DPA' RNAMS KYIS THOG MA DANG, THA MA MED PA'I SEMS KYI RGYUN RANG BZHIN GYIS RNAM PAR DAG PA BSGOM PAS, SA RNAMS RANG RANG GI NGO SKAL GYI BLO BUR BA'I DRI MA RIM GYIS SPANGS TE MTHAR THUG CHOS SKU DANG LDAN PA'I RDO RJE SEMS DPA' DGA' PA CHEN PO NI CHOS KUN GYI BDAG NYID CHOS KYI DBYINGS KUN TU BZANG PO LAS BYUNG BA'O, ,RDO RJE 'CHANG DE RDO RJE SNYEMS MA 'AM RDO RJE DBYINGS KYI DBANG PHYUG MA'I BDAG PO RDO RJE SEMS DPA'I BDAG NYID DU MOS PAR BYA'O, ,LHA ? PHYAG RGYA CHEN POR BSKYED PA'I RGYU CHOS KYI DBYINGS LA BCOM LDAN 'DAS? DPAL MCHOG DANG PO'I SKYES BU'O ZHES RDO RJE 'CHANG NGO, ,MAH'A
, ,BADZRA NI RDO RJE CHEN PO ZHES PA'O, ,STONG PA NYID DANG DBYER MED PA'I RGYAL BA'I THUGS RGYUD KYI YE SHES NI NGES DON GYI RDO RJE YIN LA, DE DRAN PA'I CHED DU DRANG DON GYI PHYAG TSAD DANG LDAN PA'I RDO RJE 'DI ZUNGS SHIG CES PA'O, ,DRIL BU'I SKABS KYI TSIGS BCAD DANG PO NI GONG LTAR LA, SRID PA NI 'KHOR PA'O, ,'KHOR BA DER SKYE BA'I RGYU NGO BO NYID DE RANG BZHIN GYIS DAG PA'O, ,DE LTAR DAG PAR RTOGS PA'I SHES RAB KYIS NGO BO NYID KYIS GRUB PAR 'DZIN PA'I SRID PA DANG BRAL BAR BYAS PA'O, ,BYANG CHUB SEMS DPA' MCHOG NI RANG BZHIN GYIS DAG PA'O, ,JI LTAR DAG NA, DE LA BDEN PAR ZHEN PA ZAD PAR MDZAD NAS, SRID PA DAM PA STE MI GNAS PA'I MYANG 'DAS KYI RANG BZHIN DU MDZAD DO, ,PHYAG RGYA'I DAM TSIG GI SKABS SU, YID KYI LUS RDO RJE SLOB DPON GYI DBANG GI NGO BOR GYUR PA'I BDE STONG DBYER MED KYI YE SHES DE BRTAN PAR BYA BA NYID KYI CHED DU PHYAG RGYA'I DAM TSIG RAB TU BRJOD, SGRUB PA PO GANG GIS YE RGYA'I LUS NI RNAM PA THAMS CAD DU BRTAN PAR BYAS PA DES NA PHYAG RGYAR RAB TU SGRAGS ZHES RDO RJE 'CHANG YAB YUM KHA SBYOR DU SBYAR BA'I RIM PAS BYIN GYIS BRLAB NAS 'KHYUD PA'I TSUL DU BYAS PA'O, ,SHES RAB BCU DRUG SOGS KYI TSIG GO SLA ZHING, DON NI, RDO RJE DRIL BU PHYAG RGYA GSUM NI RDO RJE SLOB DPON GYI DBANG DNGOS YIN LA, DE YANG 'KHYUD PA TZAM GYI BDE BA STONG NYID DU SBYAR NAS
BSGOM PA YIN GYI, SNYOMS PAR 'JUG PA SOGS NI MA YIN NO, ,'DI'I SKABS SU DOGS GCOD MANG DU YOD KYANG YI GE MANG BAS DE TZAM MO, ,CHU DBANG GONG BZHIN BSKUR NAS DBANG LHA SBYI BO NAS THIM ZHING, SU PRA TIshthA'I SNGAGS KYIS BRTAN PAR BYAS LA, MCHOD PAR BYA'O,, ,,BCU GCIG PA RJES SU GNANG BA'I DBANG LA, 'DOD YON LA LONGS SPYOD PA'I RJES GNANG, LHA MCHOD PA'I RJES GNANG, SEMS CAN GYI DON BYED PA'I RJES GNANG LA, DE NYID RIG PA'I SOGS DANG, BDAG NYID DPA' PO SOGS, RTEN CING 'BREL BAR SOGS TSIGS BCAD KYI DON NI, RIM PA BZHIN, BDE STONG DBYER MED PA'I DE NYID RIG PA'I SGO NAS 'DOD PA'I YON TAN LA SPYAD PAR BYA'O, ,ZHES DANG, RANG NYID DPA' BO DANG RNAL 'BYOR MA THAMS CAD 'DUS PA'I BDAG NYID HE RU KAR BLTAS LA BDAG NYID MCHOD PAR BYA'O, ,ZHES DANG, SNOD BCUD THAMS CAD SGYU MA LTAR SHES PAR GYIS LA SEMS CAN GYI DON BYOS SHIG ,CES PA'O, ,DBANG BCU GCIG PO DES BUM PA'I DBANG THOB, GTZO BOR LUS KYI DRI MTHUN MONG PA SROG GCOD, MA BYIN LEN, 'DOD LOG SOGS KYI SDIG SGRIB DANG, THUN MONG MA YIN PA LUS THA MAL DU SNANG ZHING ZHEN PA'I DRI MA 'KHRUD, BSKYED RIM ZAB MO BSGOM PA LA DBANG, 'BRAS BU SPRUL SKU 'GRUB PA'I NUS PA KHYAD PAR CAN BZHAG PA YIN ZHES PA
, ,NI DBANG GI DAG PA'O,, ,,GNYIS PA GSANG BA'I DBANG LA, PHYAG DANG, MAndAL PHUL LA, BLA MA LA RIG MA MTSAN NYID DANG LDAN PA PHUL BA'I MOS PA YANG BYA, SKYOB MED SKYOB PA SOGS KYIS GSOL BA BTAB, YI GE GSUM GYIS BSRUNG LA SLOB MA 'OD DPAG MED DU BSKYED, BLA MA HE RU KAR GSAL BA, SNGAR PHUL BA'I RIG MA DE BSANG SBYANGS, RDO RJE PHAG MOR BSKYED BLA MA YAB YUM GYI MKHA' GSANG BYIN GYIS BRLAB LA SNYOMS PAR ZHUGS PA'I DGA' BA'I SGRAS DPA' BO DANG, DPA' MO RNAMS BKUG NAS CHOG BZHIN BYAS LA, DGA' BA BZHI RIM GYIS BSKYED DE NOR BU'I RTZER 'PHO MED DU BZUNG BDE MTHEB SRIN GYIS BTZIR TE BLANG NAS SLOB MA'I LCE THOG TU BZHAG PA'I MOS PA BYED DGOS LA, GSANG RDZAS BYIN GYIS BRLAB CING, 'DI DE DPA' PO SOGS BRJOD LA, SANGS RGYAS THAMS CAD 'DUS BA'I NGO BO RANG GI LUS LA GNAS PA'I RGYAL BA RNAMS TSIM PAR BYA BA DANG, BYANG CHUB KYI SEMS LAS MI GA-YO BA'I BSAM BAS MYANG LA, GSANG BA'I RDZAS DAM PA 'DI, DPA' BO LHA MO RNAMS KYI DAM TSIG CHEN PO RMAD DU BYUNG BA, SA KHAMS RNAM PAR DAG BA SOGS KHAMS LNGA RNAM PAR DAG PA DANG, RO RTOGS PAR BYED PA'I BDE BA CHEN PO YIN PAS MYANG BAR GYIS SHIG ,JI LTAR SNGON RDO RJE 'CHANG LA SOGS PA SANGS RGYAS RNAMS KYIS, RANG GI RGYAL SRAS RNAMS LA DBANG
BSKUR BA BZHIN DU, BYANG CHUB KYI SEMS BZANG PO GSANG BA'I DBANG 'DI SLOB MA KHYOD LA BSKUD RO, ,SNGAGS NI, KYE MA BDE BA CHEN PO ZHES PA'O, ,DE LTAR MYANGS BAS BDE BA DPAG TU MED PA SKYE ZHING, BDE BDE STONG PAR NGES PA'I BDE STONG DBYER MED DU SBYAR BA NI GSANG DBANG GI NGO BO YIN LA, BRTAN BYED DU BLA MA'I THUGS KA NAS HE RU KA YAB YUM BYON TE MGRIN PAR THIM BAS, GSANG DBANG GI BDE STONG DBYER MED DE SHIN TU RGYAS SHING BRTAN PAR GYUR PAR MOS LA YI GE GSUM BRJOD PAR BYA'O, ,DAG PA NI, KUN RDZOB BYANG CHUB KYI SEMS KYI DKYIL 'KHOR DU GSANG BA'I DBANG THOB, GTZO BOR NGAG GI DRI MTHUN MONG BA BRDZUN, TSIG RTZUB, PHRA MA, NGAG 'KHYAL SOGS DANG, THUN MONG MA YIN PA RLUNG SNGAGS SO SOR SNANG ZHING ZHEN PA'I DRI MA 'KHRUD, LAM KUN RDZOB SGYU LUS BSGOM PA LA DBANG, 'BRAS BU LONGS SKU 'GRUB PA'I NUS PA KHYAD PAR CAN BZHAG GO ,DBANG 'DI KA'I THOG MAR SLOB MA RTOG PA CAN GYIS GSANG RDZAS LAM DAD PA SKYE BA'I DOGS PAS MIG DAR 'CHING BAR GSUNGS PA YIN LA, 'DI GSANG DBANG DNGOS SU BSKUR RGYU MA YIN PAS BCING BA'I DGOS PA CHUNG YANG, PHYAG LEN LA BCING BA'I LAG LEN YOD PA LTAR AOm HR'I:HA HA HUm H'Um PHAt BRJOD CING 'CHING BAR BYA'O,, ,,GSUM PA SHES RAB YE SHES KYI DBANG LA, MAndAL PHUL, GSOL BA? LAN GSUM BTAB, BYIN GYIS BRLAB
, ,LA; MIG DAR LAS RGYA'I SKABS SU NGO TSAB SKYE BA DGAG PA'I PHYIR YIN NA'ANG LAG LEN SNGAR BZHIN SHES, DE NAS BLA MAS PHYOGS BCU'I SANGS RGYAS RGYAL SRAS THAMS CAD DPANG DU BZHAG STE, PADMA CAN SOGS PHYAG RGYA MTSAN NYID DANG LDAN PA 'DI NI MTHA' YAS PA STE DPAG TU MED PA'I BDE BA SBYIN PAR BYED PA'I LHA MO 'DI NI KHYOD KYIS RNAM PA KUN DU BLANG BAR GYIS, BLANGS NAS KYANG BLA NA MED PA'I BDE BA CHEN POS MCHOD PAR GYIS SHIG CES PA'O, ,DE NAS RIG MA DES, DPA' BO BYANG CHUB SEMS ZA BAR, ,SOGS KYIS DRI BA BYAS PA LA, JI LTAR GSUNGS PA'I DAM TSIG SOGS, ,ZHES SOGS KYIS LAN BTAB PAS DGYES SHING, PADMA'I DBUS KYI RTZA BDE BA CHEN PO'I 'BYUNG GNAS DE BSTAN CING, AE MA BDAG GI PADMA 'DI, ,SOGS BRJOD PAR BSAM STE, DON NI, AE MA NI NGO MTSAR RO, ,NGA'I GSANG GNAS PADMA 'DI; BDE BA THAMS CAD DANG YANG DAG PAR LDAN CING, CI ZHIG CHO GA JI LTA BA BZHIN DU BSTEN PAR BYED PA'I SGRUB PA PO DE'I MDUN DU BDAG GNAS SO, ,SANGS RGYAS BSTEN PA STE MNYES PAR BYA BA DANG, LA SOGs PAS SA LAM BGROD PAR BYED PA CI YIN PA THAMS CAD PADMAR SNYOMS PAR 'JUG PA'I BDE BA CHEN POS MYUR LAM LA BSTEN PAR GYIS SHIG ,BDE BA BZHI'I NANG NAS RGYAL PO LTA BU 'DI NYID DU NI YANG DAG PAR ZHUGS CING GNAS
PAR BGYI, PADMA BHANYDZ'A HO:NI KYE PADMA BSTEN CIG CES PA'O, ,SLOB MA HE RU KA DANG, RIG MA RDO RJE PHAG MOR BSKYED LA, DE LTAR LHA YAB YUM DU SHIN TU BRTAN PAR BSGOM PA LHA'I 'DU SHES, MKHA' GSANG BYIN GYIS BRLAB NAS YI GE BSGOM PA SNGAGS KYI 'DU SHES, THABS 'DIS ZAG MED KYI BDE BA STE SANGS RGYAS KYI GO 'PHANG MNGON DU BYA STE THOB PAR BYA'O SNYAM BA CHOS KYI 'DU SHES TE, 'DU SHES GSUM DANG LDAN PA'I SGO NAS SNYOMS PAR ZHUGS PAR MOS SO, ,BLA MA'I THUGS KHA'I H'Um GI 'OD ZER GYIS SPYAN DRANGS PA'I RGYAL BA YAB YUM SLOB MA'I LUS LA ZHUGS PA CHAGS PA CHEN PO'I MES ZHU NAS DGA' BA BZHI RIM GYIS BSKYED, BYANG SEMS PHYIR 'PHO MED DU BZUNG BAS, RIG MA YANG BDE BA DPAG TU MED PAS DGA' NAS, RIG MAS LAG PA GA-YON PA MGO LA BZHAG STE, DENG NAS BZUNG STE BU KHYOD KYIS SANGS RGYAS MA THOB KYI BAR DU CHOS THAMS CAD BDEN PAR MED PA'I RMI LAM LTA BUR SEMS CAN GYI DON DPAG TU MED PA GYIS SHIG CES PA'O, ,SKABS 'DIR DBANG THOB LUGS DANG, MCHOG DANG, DMAN PA'I BRJOD RGYU MED NA'ANG RE SHIG DE TZAM MO, ,DE LTAR RIG MA'I BHA GA'I DKYIL 'KHOR DU DBANG GSUM BA THOB, GTZO BOR YID KYI DRI MA THUN MONG BA BRNAB SEMS, GNOD SEMS, LOG LTA SOGS KYI DRI MA 'KHRUD, THUN MONG MA YIN PA GANG SNANG KUN BDE STONG DBYER MED DU 'CHAR
, ,BA LA SGRIB BA'I DRI MA SBYANGS, 'BRAS BU CHOS LHU? 'GRUB PA'I CHUB PA KHYAD PAR CAN BZHAG GO, ,,BZHI PA TSIG DBANG NI, MAndAL PHUL ZHING GSOL BA LAN GSUM BTAB LA; DBANG BZHI PA LA, DBANG RDZAS SOGS LA BRTEN NAS BSKUR BA'I CHO GA GZHAN MED CING ZUNG 'JUG GI GO BA SLOB MA LA NGO SPROD NAS, DE LA GO PA CHAGS PA LA TSIG DBANG THOB PAR 'JOG STE, RJE BLA MAS, BZHI PA ZUNG 'JUG DON LA NGO SPROD PHA'I, ,MTHAR THUG DON LA SGRO 'DOGS CHOD PAR SHOG ,CES PA'I SMON LAM GSUNGS PA BZHIN YIN PA'I PHYIR, DE LA NGO SPROD PA'I TSIG NI, KHYOD KYI DBANG GSUM PA'I SKABS SU SOGS CHO GA BZHIN YIN LA, DE LA DBANG GSUM PA'I SKABS SU, RANG DANG RIG MA GNYIS KYI LUS HE RU KA YAB YUM GYI SKUR DNGOS GNAS LA GRUB PA MED KYANG, YID NGOR GSAL BTAB PA DE BSGOM BZHIN PA'I NGANG NAS, SEMS DE KHO NA NYID LA ZHUGS PA'I BDE BA CHEN PO GNYIS YID NGOR MNYAM DU BYUNG BA DE BZHIN DU, LAM DUS SU LUS LA GNAD DU BSNUN PAS BSGOM PA LA BRTEN NAS, RIM PA BZHI PA'I 'OD GSAL GYI MTHAR, SEMS YUL YUL CAN GNYIS SNANG MED PA'I DAG PA'I 'OD GSAL DANG, LUS RLUNG SEMS PHRA MO LAS GRUB PA'I 'JA' LUS RDO RJE'I SKUR SONG BA GNYIS NGO BO GCIG PA'I ZUNG
'JUG DE SLOB PA'I ZUNG 'JUG YIN LA, DE'I RIGS 'DRA'I RGYUN GOMS PA LAS 'BRAS BU DE DANG MTHUN PA'I MI SLOB PA'I ZUNG 'JUG KHA SBYOR YAN LAG BDUN LDAN GYI? GO 'PHANG BSGRUB TSUL LA NGO SPROD PAR DGOS PA DE NI, RJE TZONG KHA PAS, RMAD BYUNG MTSAN DPE'I DPAL 'BAR LONGS SPYOD RDZOGS, ,KHA SBYOR BDE STONG RO LA RTAG ROL ZHING, ,DMIGS MED THUGS RJES ZHI BA'I MTHA' SPANGS PA, ,RGYAL BA YAN LAG BDUN LDAN, ZHES GSUNGS PA LTAR, SKU MTSAN SO GNYIS DANG DPE BYAD BRGYAD CUS SPRAS PA'I LONGS SKU, DE YANG YAB RKYANG PA MA YIN PA THABS SHES YAB YUM KHA SBYOR BA, ZAG MED KYI BDE BA DE 'KHRIG PA'I BDE BA DKYUS BGROS LAS 'DAS PA, BDE BA DE YANG RTAG BRTAN THER ZUG MA YIN PAR RANG BZHIN GYI STONG PA DANG RO GCIG PAS RTAG TU ROL PA STE NAM YANG 'DA' MI SRID PA, DMIGS PA MED PA'I THUGS RJE CHEN PO THEG DMAN DGRA BCOM PA BZHIN DU SDUG BSNGAL NYER ZHI'I 'GOG PA TZAM LA MI GNAS PAR RTAG TU 'GRO DON MDZAD PA, MCHOG GI SPRUL SKU LTAR MYA NGAN LAS 'DAS PA'I TSUL MI STON PAR 'KHOR BA MA STONG BAR DU BZHUGS PA YIN NO, ,DAG PA NI, DON DAM BYANG CHUB KYI SEMS KYI DKYIL 'KHOR DU DBANG BZHI PA THOB, LUS NGAG YID GSUM GYI SGRIB PA'I BAG CHAGS 'KHRUD PA'I NUS PA BZHAG ,ZUNG 'JUG BSGOM PA LA DBANG, 'BRAS BU MI SLOB PA'I ZUNG 'JUG KHA SBYOR BDUN LDAN RDO RJE 'CHANG GI GO 'PHANG
, ,MNGON DU BYED PA'I SKAL BA CAN DU BYAS SO, ,RIG MA'I BRTUL ZHUGS SBYIN PA NI, 'DI NI RANG BZHIN SOGS KYI TSIG DON NI, BRTUL ZHUGS RNAMS KYI BLA MA'I BLA STE MCHOG TU GYUR PA, RIG MA'I BRTUL ZHUGS 'DI LA BU YIS SPYOD CIG ,JI LTA BU NA RANG BZHIN GYIS MA GRUB PA'I STONG PA'I LTA BA LA GNAS BZHIN PAR MDZES MA STE RIG MA 'DI LAS PHYI ROL DU GYUR PA SPANGS LA BSTEN CIG ,CI'I PHYIR NA, RIG MA 'DI LAS GZHAN PA'I SANGS RGYAS KYI GO 'PHANG BSGRUB PA'I THABS MED PAS SO, ,ZHES BRJOD PA'I DON NO, ,DE NAS DBANG THOB PAR MA ZAD DBANG DUS SU KHAS BLANGS PA'I DAM TSIG BSRUNG DGOS PAS, DE LA RTZA LTUNG BCU BZHI SOGS BSLAB BYA THAMS CAD LA BSLAB CING, SROG DANG BSDOS TE BSRUNG BAR BYA'O SNYAM PAS, GTZO BOS JI LTAR SOGS LAN GSUM BRJOD LA PHYAG DANG MAndAL, BKA' DRIN BSAB PA'I GTANG RAG TSOGS 'KHOR SOGS KYIS BLA MA MNYES PAR BYA STE, 'DI NI DNGOS GRUB MYUR DU 'GRUB PA'I THABS KHYAD PAR CAN YIN NO, ,'DI NI LAS DANG PO BA LA GO BDE BAR MDOR BSDUS TE BRJOD PA YIN LA, RGYAS PAR SNGAGS RIM DANG, MKHAS PA RNAMS KYIS MDZAD PA'I
YIG CHA RGYAS PA LAS SHES PAR BYA'O, ,RGYUD DON RDO RJE'I TSIG RNAMS RTOGS DKA' BAS, ,BDAG 'DRAS 'GREL PA'I 'OS SU MA YIN KYANG, ,DANG PO'I PAS CAN 'GA' LA PHAN SNYAM DANG, ,SLOB MAS BSKUL PHYIR CUNG ZAD BSHAD PA LA, ,NYES PA'I TSOGS RNAMS JI SNYED MCHIS PA RNAMS, ,DPA' BO RNAL 'BYOR MA RNAMS BZOD PAR GSOL; ;LEGS CHA CUNG ZAD YOD PAS MTSON NAS NI, ,BDAG GIS DUS GSUM BSAGS PA'I DGE BA'I MTHUS, ,RGYAL BA'I BSTAN BA PHYOGS DUS KUN DU RGYAS, , THABS MKHAS 'DI YIS 'GRO KUN SGROL BAR SHOG, ,,CES PA 'DI NI RANG GI GUS LDAN GYI SLOB MA DGE SLONG BLO BZANG RAB BRTAN DANG, LHA BTZUN BLO BZANG PHUN TSOGS GNYIS KYIS 'DI LTA BU ZHIG NGES PAR DGOS ZHES NAN CHER BSKUL BA'I NGOR DON GYI SLAN DU MTSAN NAS SMOS TE MKHAN PO RIN PO CHE PAn CHEN THAMS CAD MKHYEN PA 7BLO BZANG CHOS KYI RGYAL MTSAN DPAL BZANG PO'I ZHAL LDANS? KYI ZHABS KYI PADMO SPYI BOR LEN CING, RIGS KUN KHYAB BDAG RDO RJE 'CHANG CHEN PO MKHAS SHING GRUB PA'I DBANG PHYUG DKON MCHOG RGYAL MTSAN DANG MKHAS BZANG PO'I? BKA' DRIN GYIS NYE BAR 'TSO BA'I LHA'I BTZUN PA
, ,7BLO BZANG BSTAN 'DZIN RGYAL MTSAN GYIS SBYAR BA'I DGE BAS DPAL 'KHOR LO SDOM PA'I BSHAD SGRUB KYI BSTAN PA DAR ZHING RGYAS LA YUN RING DU GNAS PAR GYUR CIG, ,, MANG+GA LAm,, ,,
[BLANK PAGE]