BSOD NAMS DGA' BA BKRIS CHOS 'KHOR GLING GI *, ,MKHAN CHEN CHOS KYI RGYAL PO'I GSUNG 'BUM LAS BDE MCHOG DRIL BU LHA LNGA'I PHYI DKYIL GYI BSKYED RIM MKHA' SPYOD SGO 'BYED CES BYA BA BZHUGS SHO?,, ,,
, ,NA MO GU RU SHR'I TZAKRA SAm BHA RA YA, BDE CHEN MCHOG STZOL RTZA BA'I BLA MA DANG, ,SGRIB BRAL BDE STONG DBYER MED HE RU KAR, ,DENG NAS MCHOG GI GO 'PHANG MA THOB BAR, ,SNYING NAS SKYABS SU MCHIS SO RTAG TU SKYONGS, ,'DIR BCOM LDAN 'DAS 'KHOR LO BDE MCHOG GRUB CHEN DRIL BU PA'I LUGS KYI BSKYED BA'I RIM PA 'CHAD PA LA GNYIS, SNGON 'GRO DANG, DNGOS GZHI LAS, DANG PO NI, 'JIG RTEN THAMS CAD KYI MA 'DRIS PA'I MDZA' BSHES CHEN PO STON PA BLA NA MED PA THUB PA'I DBANG PO DE NYID KYIS GSUNGS PA'I CHOS THAMS CAD BSDU NA RGYU PHAR PHYIN THEG PA DANG, 'BRAS BU RDO RJE'I THEG PA GNYIS SU 'DU ZHING, DE YANG PHAR PHYIN THEG PA'I LAM GYIS SANGS RGYAS PAR BYED PA LA CI TZAM MYUR YAB BSKAL CHEN
, ,GRANGS MED GSUM GYI TSOGS BSAGS DGOS LA, 'BRAS BU RDO RJE'I THEG PA'I LAM GYIS DBANG PO RAB TSE 'DIR, 'BRING BAR DOR, THA MAS KYANG DBANG THOB CING DAM TSIG LEGS PAR BSRUNG NA SKYE BA BCU DRUG TSUN LA NGES BAR SANGS RGYAS BAR RGYUD SDE MANG PO NAS BSHAD LA, RDO RJE THEG PA DE LA RGYUD SDE BZHI YOD PA LAS RNAL 'BYOR BLA NA MED PA'I RGYUD MCHOG TU GYUR PA YIN CING, DE LA YANG PHA? RGYUD MA RGYUD GNYIS YOD PA LAS, MA RGYUD KYI GTZO BOR GYUR BA? DPAL 'KHOR LO BDE MCHOG YIN LA, DE LA RGYA GAR GYI GRUB CHEN L'U DRIL NAG GSUM SOGS KYI LAGS? MANG NA'ANG, 'DIR NI GRUB CHEN DRIL BU ZHABS KYI LUGS KYI LHA LNGA'I BSKYED PA'I RIM BA? JI LTAR BSGOM PA'I TSUL LA, THOG MAR DGE BA'I BSHES GNYIN MTSAN NYID DANG LDAN PA CIG
BSAM SBYOR GNYIS KYI SGO NAS BSTEN CING, DE LAS SPYI DANG BYE BRAG GI LAM GYI RIM PA RNAMS THOS BSAM GYIS GTAN LA PHAB NAS, DAL 'BYOR RNYED DKA',? 'CHI BA MI RTAG PA, LAS RGYU 'BRAS, 'KHOR BA SPYI SGOS KYI SDUG BSNGAL, SEMS CAN THAMS CAD MAR SHES PA NAS BYANG CHUB TU SEMS BSKYED PA SOGS THUN MONG GI LAM LA LEGS PAR SBYANGS DGOS TE, RJE BLA MAS, THUN MONG LAM SBYANGS SNOD DU GYUR PA NA, ,THEG PA KUN GYI MCHOG GYUR RDO RJE THEG ,CES GSUNGS PA'I PHYIR, DE NAS RDO RJE SLOB DPON MTSAN NYID DANG LDAN PA CIG LAS LUGS 'DI'I DKYIL 'KHOR DU DBANG BZHI RNAM PAR DAG PA THOB PA CIG NGES PAR DGOS TE, PHYAG CHEN THIG LE LAS DBANG MED NA NI DNGOS GRUB MED, ,BYE BA BTZIR? YANG MAR MED LTAR, ,GANG ZHIG RGYUD LUNG? NGA RGYAL GYIS, ,DBANG BSKUR MED BAR 'CHAD BYED PA, ,SLOB DPON SLOB MA SHIM THAG ,DNGOS GRUB THOB KYANG DMYAL BAR? 'GRO ZHES DANG, ,GRUB CHEN DRIL BU PAS KYANG, DBANG BSKUR DKYIL 'KHOR SNGON 'GRO BAR, ,RDO RJE 'CHANG GIS BSHAD PA STE, ,ZHES GSUNGS PA'I PHYIR RO, ,DBANG THOB NAS DBANG DUS SU KHAS BLANGS PA'I DAM TSIG DANG SDOM PA MIG GI 'BRAS BU BZHIN DU BSRUNG DGOS TE, DAM TSIG DANG SDOM PA YAL BAR DOR NA DNGOS GRUB MI THOB BAR MA ZAD, DMYAL BA SOGS NGAN SONG DU NGES? BAR 'GRO BA'I PHYIR RO, ,DE LTA BU'I GANG ZAG GIS, MNGON 'BYUNG
, ,LAS, RI SUL DANG NI RI RTZE DANG, ,CHU BO CHEN PO'I DOGS DAG DANG, ,RGYA MTSO CHEN PO'I 'GRAM DAG DANG, ,SHID GCIG DANG NI DGE BA'I GNAS, ,ZHIS SOGS GSUNGS PA'I GNAS SU NYAMS SU BLANG BAR BYA'O,, ` ,,GNYIS PA DNGOS GZHI LA GNYIS, THUN GYI NGO BO LA JI LTAR BYA BA, THUN MTSAMS SU JI LTAR BYA BA'O, ,DANG PO LA GSUM, THUN GYI THOG MAR JI LTAR BYA BA, THUN DNGOS GZHI LA JI LTAR BYA BA, THUN MJUG TU JI LTAR BYA BA'O, ,DANG PO LA GNYIS, SNGON DU JI LTAR BYA BA, RNAL 'BYOR GYI YAN LAG RNAMS JI LTAR SGRUB TSUL LO, ,DANG PO LA, RDOR DRIL BYIN GYIS BRLABS PA, NANG MCHOD BYIN GYIS BRLABS PA, SNGON 'GRO'I GTOR MA GTANG TSUL LO, ,DANG PO NI, SKAD CIG GIS RANG NYID HE RU KA SNGON PO ZHAL GCIG PHYAG GNYIS KYIS RDO RJE DANG DRIL BU 'DZIN PA PHAG MO DMAR MO GRI GUG DANG THOD PA 'DZIN PA LA 'KHYUD PA'I SKUR BSGOM PA LA DGOS PA YOD DE, 'OG NAS 'BYUNG BA'I NANG MCHOD DANG MCHOD GTOR BYIN GYIS BRLABS PA LA THA MAL GYI SNANG ZHEN GYIS BYIN GYIS BRLAB PAR MI NUS PAS, RANG LHA'I RNAL 'BYOR DANG LDAN PA CIG DGOS PA'I PHYIR DANG, RANG NYID LHA YAB YUM DU BSGOM PA NI PHYAG RGYA'I DAM TSIG DANG, RDO RJE DANG DRIL BU BYIN GYIS BRLAB PA NI RDOR DRIL GYI DAM TSIG STE, DAM TSIG GSUM DANG MI 'BRAL BAR SHES PAR
BYA BA'I CHED YIN PA'I PHYIR RO, ,GNYIS PA NANG MCHOD BYIN GYIS BRLAB PA LA, BSANG BA, SBYANG BA, BSKYED PA, BYIN GYIS BRLAB PA BZHI LAS, DANG PO NI, DUM SKYES MA'I SNGAGS KYIS BSAD DGOS TE, RANG HE RU KAR GSAL BA'I THUGS KA NAS SNGAGS BRJOD PA DANG DUS MNYAM DU DUM SKYES MA'I TSOGS DPAG TU MED PA SPROS TE BDUD RTZI DAM RDZAS LA GNAS PA'I BGEGS RNAMS BSKRAD PAR BSAM PA YIN PA'I PHYIR RO, ,GNYIS PA SBYANG BA NI, SVA BH'A WA'I SNGAGS KYIS SBYANG DGOS TE, BDUD RTZI DAM RDZAS RNAMS BDE STONG DBYER MED KYI 'OD GSAL DU BCUG STE, THA MAL GYI SNANG ZHEN BSAL BAR BYA BA YIN PA'I PHYIR RO, ,GSUM PA NI, YAm LAS RLUNG, RAm LAS ME SOGS SGRUB THABS BZHIN BSKYED LA, DE YANG YI GE GSUM LAS MI MGO'I SGYED BU GSUM BSKYED PA NI BDE STONG DBYER MED YE SHES KYI GZHI SGRUB PA PO'I SGO GSUM MTSON, THOD PA'I PHYI DKAR BA RANG BZHIN RNAM DAG DANG, NAD DMAR BA BDE BA CHEN PO MTSO NA, MDOR NA BDE STONG DBYER MED KYI YE SHES YIN PA LA, RNAM PA THOD PA DUM BU GCIG PAR SHAR BA'I MOS PA BYA DGOS PA'I PHYIR RO, ,DE'I NANG DU SHA DANG BDUD RTZI RNAMS BSKYED PA'I DGOS PA YOD DE, DE RNAMS SBYANG RTOGS SBAR GSUM BYAS NAS LHAG PA'I LHA LA 'BUL ZHING, SGRUB PA PO RANG NYID LONGS SPYOD PAS 'CHI BA MED PA'I BDUD RTZI'I GNAS SKU GSUM GYI GO 'PHANG BDE BLAG TU STER BAR BYED PA'I
, ,CHED YIN PA'I PHYIR RO, ,BZHI PA BYIN GYIS BRLAB PA DNGOS LA SBYANG RTOGS SPA?? RA?? GSUM LAS, DANG PO SBYANG BA NI, RLUNG GA-YOS PAS ME 'BAR ZHING RDZAS RNAMS YI GE DANG BCAS PA ZHUBS, DAG PA'I PHUNG PO SOGS MTSON PA'I RIGS LNGA'I SA BON GYIS MA DAG PA'I PHUNG PO SOGS MTSON PA'I SHA LNGA SOGS KYI KHA DOG DRI RO?? NUS PA'I SKYON THAMS CAD SBYANG BAR MOS PA YIN NO, ,GNYIS PA RTOGS PA NI, RDZAS KYI STENG DU RGYAL PA'I THUGS GNYIS SU MED PA'I YE SHES MTSON PA'I H'Um DKAR PO LAS, HE RU KA'I THUGS RGYUD KYI BDE STONG DBYER MED PA'I DON DAM PA'I BYANG CHUB KYI SEMS MTSON PA'I KHA dV'Am KA DKAR PO LHUNG NAS 'DRES PAS RDZAS RNAMS DNGUL CHU'I MDOG CAN DU MOS PAR BYA BA YIN NO, ,GSUM PA SPAR BA NI, MGOR AOm DANG MJUG TU H'Um H'Um PHAt SBYAR PA'I DBYANGS GSAL KHA DOG SNA TSOGS PA LAS AOm A'A:H'Um GI YI GE DKAR DMAR MTHING GSUM SKU GSUNG THUGS MTSON PA LAS 'OD ZER 'PHROS PA SOGS SGRUB THABS BZHIN BYAS LA AOm A'A:H'Um LAN GSUM BRJOD CING BYIN GYIS BRLAB PAR BYA BA YIN NO, ,GSUM PA NI, SNGON 'GRO'I MCHOD PA SNGAR LTAR BSANG SBYANGS, KA P'A LA'I MING YIG DANG PO KA YIG GI STENG DU THIG LES BRGYAN PA KAm LAS BYUNG BA'I THOD PA SNGAR LTAR GYI NANG DU MCHOD RDZAS RNAMS RANG BZHIN BDE STONG DBYER MED, RNAM PA MCHOD RDZAS SO SO'I RNAM PA CAN, BYED LAS 'BUL YUL GYI THUGS RGYUD LA ZAG MED KYI BDE BA CHEN PO BSKYED PA'I NUS
LDAN DU BSAM PAR BYAS LA, YI GE GSUM GYI BAR DU RANG GI MING SBYAR TE BYIN GYIS BRLAB BO, ,SNGON 'GRO'I GTOR MA NANG MCHOD LTAR BYIN GYIS BRLAB LA DE NAS, RJE BLA MAS MDZAD PA'I BDE MCHOG 'DOD 'DZO LAS, MDZUB MO GNYIS MDUD PA STE LU GU BRGYUD DU BYA, GUNG MO GNYIS RTZE MO SBYAR BA DANG, MTHE BONG GNYIS RDO RJE STE MI PHYED PAR BRTAN POR RAB TU SBYAR NAS THUR DU BSTAN, MING MED MTHE'U CHUNG RNAMS BRKYANGS PA, DPRAL BA'I 'BYES KYI DBUS KYI THAD DU BZHAG NAS KUN TU BSGYUR BAR BYA'O, ,JI LTAR NA, 'GREL BA SDOM 'BYUNG LAS, GA-YON DANG GA-YAS SU BSKOR BAR BYA, ZHES GSUNGS PA LTAR 'BAR BA'I PHYAG RGYA DPRAL BAR BSKOR ZHING, DAG DU PHEm BRJOD PA DANG MNYAM DU THUGS KHA'I NYI GDAN LA GNAS PA'I H'Um LAS 'OD ZER LCAGS KYU'I RNAM PA CAN GYIS DUR KHROD BRGYAD NA GNAS PA'I PHYOGS SKYONG DANG ZHING SKYONG RNAMS BKUG NAS 'OD GSAL DU BCUG CING HE RU KA YAB YUM GYI SKUR MOS NAS SNGAGS LAN GNYIS KYIS PHYOGS GA-YON SKOR MTSAMS GA-YAS SKOR DU 'BUL BAR BYA STE GO SLA LA, SNGAGS NI, BOD SKAD DU BSGYUR NA, AOm ZO ZO ZO ZHIG ZO ZHIG GNOD SBYIN THAMS CAD, SRIN PO 'BYUNG PO; YI DVAGS SHAZA SMYO BYED BRJED BYED, RDO RJE MKHA' 'GRO MKHA' 'GRO MA RNAMS LA STER BAS, GTOR MA 'DI BZUNG DU GSOL, DAM TSIG BSRUNG BAR GYIS SHIG, BDAG LA DNGOS GRUB THAMS CAD STZAL DU GSOL,
, ,JI LTAR 'DOD PA, DE LTAR BZA' BA BTUNG BA MYANG BAR GYIS, RIM PA LAS MA 'DA' BAR BDAG GI DGOS PA THAMS CAD BDE BA DAM PA RNAM PAR DAG PA'I GROGS MDZAD DU GSOL H'Um H'Um PHAt PHAt SV'AH'A ZHES PA'O, , DE NAS PHYI NANG GI MCHOD PAS MCHOD, LHA YI TSOGS RNAMS MA LUS DANG, ,SOGS KYIS BSTOD CING, SDE BRGYAD BTZUN MO SRAS DANG GA-YOG BCAS PAS, ,SOGS KYIS 'PHRIN LAS BCOL NAS YIG BRGYA BRJOD CING, BZOD GSOL BYAS TE GSHEGS SU GSOL BAR BYA'O, ,GNYIS PA RNAL 'BYOR GYI YAN LAG RNAMS JI LTAR SGRUB TSUL LA, MCHOD PA BYIN GYIS BRLABS PA, RDOR SEMS BSGOM BZLAS, DAG PA GSUM GYI RNAL 'BYOR, TSOGS ZHING LA TSOGS BSOG TSUL LO, ,DANG PO NI, BDAG BSKYED KYI MCHOD PA CHU BZHI NYER SPYOD ROL MO 'DOD YON RNAMS BYIN GYIS BRLAB PAR BYA STE, SNGAR BZHIN BSANG SBYANG NAS, BSKYED CING, RANG RANG GI MING YIG YI GE GSUM DANG SPEL NAS SNGAR BZHIN BYIN GYIS BRLAB PAR BYA BA'I PHYIR RO, ,GNYIS PA NI, SANGS RGYAS CHOS DANG DGE 'DUN LA, ,SOGS KYIS SKYABS 'GRO DANG, SEMS CAN KUN GYI DON GYI PHYIR, ,SOGS KYIS SEMS BSKYED LAN GSUM BYA, DE NAS RANG GI SPYI BOR RDO RJE SEMS DPA' YAB YUM CHOG BZHIN BSGOM NAS, HE RU KA'I YIG BRGYA NYER GCIG LAS MI NYUNG BAR BZLAS TE, BDAG NI MI SHES SOGS BRJOD NAS
RANG LA THIM PAR BYA BA YIN NO, ,DE YANG STOBS BZHI TSANG BAR BYA DGOS TE, SKYABS SEMS GNYIS RTEN GYI STOBS, BSGOM BZLAS DNGOS GZHI NI GNYEN PO KUN TU SPYOD PA'I STOBS, BDAG NI MI SHES SOGS KYIS RNAM PAR BSUN 'BYIN PA'I STOBS DANG, NYES PA LAS SLAR LOG PA'I STOBS NI SHUGS LA BSTAN PA YIN PA'I PHYIR RO, ,GSUM PA NI, KUN SPYOD LAS, SHR'I NI GNYIS MED YE SHES TE, ,HE NI RGYU SOGS STONG PA NYID, ,RU NI BKOD DANG BRAL BA STE, ,KA NI GANG DU'ANG MI GNAS PA'O, ,ZHES GSUNGS PA'I DON BSAM PAR BYA BA YIN TE, DE LA HE YIG GIS NI RANG GI SEMS LA SOGS PA'I PHUNG PO SOGS KYI CHOS RNAMS RANG BZHIN GYIS GRUB PAS STONG PA'I CHOS KYI BDAG MED DANG, RU YIG GIS NI GANG ZAG RANG BZHIN GYIS GRUB PAS STONG PA'I GANG ZAG GI BDAG MED PA MTSON PAS MDOR NA DE GNYIS KYIS YUL BDAG MED GNYIS MTSON ZHING, KA YIG GIS YUL CAN LHAN SKYES BDE BA CHEN PO'I YE SHES MTSON LA, SHR'I YIG GIS YUL BDAG MED GNYIS DANG, YUL CAN LHAN SKYES BDE CHEN GYI YE SHES TE, YUL YUL CAN GNYIS SU MED PA MTSON PAS, DE'I BDAG NYID DE RA'O?? SNYAM PA'I NGA RGYAL BZUNG BA'O, ,DE LTAR YID DAG PAR BYA BA LA DGOS PA YOD DE, YID BDAG GNYIS SU 'DZIN PA'I KUN RTOG GI DRI MA DAG PAR BYA BA'I CHED YIN PA'I PHYIR RO, ,LUS DAG PA NI,
, ,DE LTA BU STONG PA'I NGANG LAS RANG NYID HE RU KA YAB YUM ZHAL GCIG PHYAG GNYIS PA'I SKUR BSGOMS NAS, SEMS CAN THAMS CAD LA PHAN PA'I SEMS KYIS, SHR'I HE RU KONYAHAm, ZHES LAN GSUM GYIS NGA RGYAL BZUNG BAR BYA'O, ,LUS DAG PAR BYA BA'I DGOS PA YOD DE, THA MAL PA'I LUS KYI BYA BA THAMS CAD DAG PAR BYA BA'I CHED YIN PA'I PHYIR RO, ,NGAG DAG PA NI, MGOR AOm DANG MTHAR H'Um H'Um PHAt SBYAR BA'I DBYANGS GSAL TSAR GSUM BRJOD DE, RANG HE RU KAR GSAL BA'I LTE BA'I PHYOGS SU DBYANGS GSAL GYI SNGAGS PHRENG 'OD ZER LNGA DANG LDAN PA GA-YON SKOR DU LAN GSUM BSKOR TE GNAS PA LAS LHA'I TSOGS SPROS PA RANG GI SNA BUG GA-YAS PA NAS THON TE PHYOGS BCUR SPROS PAS BGEGS THAMS CAD BSKRAD NAS, SLAR 'DUS TE SNA BUG GA-YON PA NAS NANG DU ZHUGS TE LTE BA'I SNGAGS PHRENG LA THIM PAR BSAM MO; ;NGAG DAG PAR BYA BA'I DGOS PA YOD DE, THA MAL GYI NGAG GI BYA BA THAMS CAD DAG PAR BYA BA'I CHED YIN PA'I PHYIR RO,, ,,BZHI PA NI, SPYIR 'TSANG RGYA BAR BYED PA LA BSOD NAMS DANG YE SHES KYI TSOGS BSAG DGOS PAS, BSOD NAMS KYI TSOGS BSAG PA DANG CHOS MTHUN PAR, BLA MA YI DAM LA PHYAG MCHOD, SDIG BSHAGS SOGS KYI SGO NAS BSOD NAMS KYI TSOGS BSAG PAR GSUNGS TE, JI
LTAR BYED TSUL NI, RANG HE RU KAR GSAL BA'I THUGS KAR PAm SER PO LAS SNA TSOGS PADMA'I LTE BAR ZLA BA LA GNAS PA'I SPRIN SGRA'I YI GE H'Um SNGON PO RIGS LNGA DANG YE SHES LNGA'I BDAG NYID CAN LAS 'OD ZER 'PHROS RANG GI LUS THAMS CAD GANG SDIG SGRIB THAMS CAD SBYANGS NAS PHYIR 'PHROS PAS, 'OG MIN NAS BLA MA DANG 'KHOR LO SDOM PA'I DKYIL 'KHOR DANG, GZHAN YANG SANGS RGYAS DANG BYANG SEMS SNGON NAS GRUB PA'I DPA' BO DPA' MO LA SOGS PA RNAMS SPYAN 'DREN PA YIN LA, DE LA BLA MA RDO RJE 'CHANG GI RNAM PA CAN TE GTZO BO DANG THA DAD DU SPYAN 'DREN PA DANG, GTZO BO DANG GNYIS SU MED PAR SPYAN 'DREN PA GNYIS GSUNGS KYANG, DON LA NI KHYAD PAR MED DAM SNYAM MO, ,SPYAN 'DREN PA'I 'OD ZER DE RANG GI SNYING GAR THIM PAR BSAM PA LA DGOS PA YOD DE, LAM RDZOGS RIM GYI SKABS SU RLUNG THAMS CAD SNYING KHA'I MI SHIGS PA'I THIG LE LA BSDUS TE THIM PA LAS BRTEN NAS 'OD GSAL GYI RTOGS PA KHYAD PAR CAN SKYE BA'I DGE RTZA SMIN BYED DU 'GYUR PA'I PHYIR RO, ,DE LTA BU'I TSOGS ZHING LA BSOD NAMS KYI TSOGS BSAG TSUL NI, GANG GI DRIN GYIS SOGS KYI SHLOO KAS BLA MA DANG, HE RU KA DPAL SOGS KYIS YI DAM 'KHOR BCAS LA PHYAG 'TSAL NAS, SNYING GA NAS SPROS PA'I MCHOD PA'I LHA MO RNAMS KYIS MCHOD PAR BSAM STE, CHU GNYIS NYER SPYOD LNGA ROL MO 'DOD YON LNGA DANG, SPRO NA RIG MA BCU DRUG GIS KYANG MCHOD, NANG
, ,MCHOD DANG, GSANG MCHOD DANG, DE KHO NA NYID KYI MCHOD PAS MCHOD CING, DKON MCHOG GSUM LA BDAG SKYABS MCHI, ,SOGS KYIS SKYABS 'GRO, SDIG BSHAGS DGE BA LA RJES SU YI RANG PA, SEMS BSKYED DANG, BGROD DKA' SRID PA'I SOGS KYIS RANG LUS KYANG 'BUL LA, SPRO NA SNGAGS SDOM BZUNG NA BSGRUB PA'I MCHOD PA'I MCHOG TU BLA MAS GSUNGS SO, ,DE NAS TSAD MED BZHI BSGOM ZHING, HE RU KA'I YIG BRGYA BRJOD CING GSOL BA BTAB PAS, TSOGS ZHING RNAMS 'OD KYI RNAM PAR ZHU NAS BDAG NYID KYI SMIN MTSAMS NAS GZHUG CING BYIN GYIS BRLAB PAR BSAM MO, ,DE LTAR BYAS PA LA DGOS PA YOD DE, ,BSOD NAMS KYI TSOGS DPAG TU MED PAR GSOG PA'I CHED YIN PA'I PHYIR RO,, ,,GNYIS PA THUN DNGOS GZHI LA JI LTAR BYA BA LA GSUM, 'CHI BA CHOS SKUR 'KHYER BA'I NYAMS LEN, PAR DO LONGS SKUR 'KHYER BA'I NYAMS LEN, SKYE BA SPRUL SKUR 'KHYER BA'I RNAL 'BYOR YAN LAG DANG BCAS PA BSHAD PA'O, ,DANG PO NI, DE LTAR LAS BSAGS PA'I 'OG TU 'DZAM BU'I GLING GI MI MANG LA SKYES, SA CHU ME RTZA RLUNG THIG LE STE KHAMS DRUG LDAN PA 'CHI BA'I TSE 'BYUNG BA RIM GYIS THIM PA YIN TE, DE YANG DANG PO SA CHU LA THIM, CHU ME LA, ME RLUNG LA, RLUNG RNAM SHES LA, DE SNANG BA LA, DE MCHED PA, DE NYER THOB, DE 'CHI BA'I 'OD GSAL DU GNAS PA DE LA 'CHI BA ZHES
MANG DU BTAGS PA DE DANG CHOS MTHUN PAR SNGAGS GNYIS KYI DON BSGOM PA'I SGO NAS STONG NYID KYI LTA BA LA MNYAM PAR GZHAG GO, DE LA SVA BHA WA'I SNGAGS DON NI, AOm NI RDO RJE GSUM DBYER MED PA MTSON PA'I NOR BU 'DZIN PA'I SNGAGS ZHES MGO 'DREN NO, ,SVA BH'A WA NI RANG BZHIN, SHUDDHO NI RNAM PAR DAG PA, SARBA DHARMA NI CHOS THAMS CAD, SVA BH'A WA NI SNGAR BZHIN LA, SHUDDH'A NYHAm NI BDAG NYID DE NGA'O ZHES BZUNG BA DANG 'DZIN PAS BSDUS PA'I CHOS THAMS CAD KYI RANG BZHIN DAG PA DE NGA'O SNYAM PA'I NGA RGYAL 'DZIN PA'O, ,DE LA DMIGS RIM NI, RANG GI THUGS KHA'I H'Um GI 'OD ZER GYIS BRTAN PA STE SNOD DANG GA-YO BA STE BCUD THAMS CAD 'OD GSAL DU GYUR PA RNAMS RANG LA THIM, RANG YANG ME LONG LA HAS BTAB PA BZHIN STOD SMAD NAS BSDUS TE H'Um LA THIM, H'Um GI AU NAS N'A DA'I BAR BSDUS SHING N'A DA YANG DMIGS PA MED STONG PAR BSAM MO, ,SNGAGS GNYIS PA'I DON NI, AOm BSHAD ZIN LA, SH'U N+YA DA NI STONG PA NYID, DZNY'A NA YE SHES, BADZRA RDO RJE, SVA BH'A WA RANG BZHIN, AATMA KONYAHAm NI BDAG NYID DE NGA'O, ,ZHES, YUL STONG PA NYID DANG YUL CAN BDE BA CHEN PO'I YE SHES DBYER MED PA'I BDAG NYID DE NGA'O, ,ZHES PA'O, ,DE LTAR BSGOMS PA LA DGOS PA YOD DE, SGRUB PA PO RANG NYID KYI DA GZOD 'ONG RGYU'I 'CHI BA SBYONG BA DANG, YE SHES KYI TSOGS BSAG PA DANG, RDZOGS
, ,RIM GYI SKABS SU RLUNG THAMS CAD SNYING GA'I MI BSHIG PA'I? THIG LE LA BSDUS NAS THIM PA'I DPE DON GYI 'OD GSAL MNGON DU BYAS PA DANG CHOS MTHUN, 'BRAS BU'I SKABS SU SANGS RGYAS KYI CHOS SKU DANG CHOS MTHUN ZHING, DE LTA BU'I RTOGS BRGYUD LA SGYE BA'I DGE RTZA SMIN BYED DU 'GYUR BA'I CHED YIN PA'I PHYIR RO,, ,,GNYIS PA BAR DO LONGS SKU'I NYAMS LEN LA GNYIS, GZHI LA MNGAL SKYES KHAMS DRUG DANG LDAN PA'I MI DE 'CHI BA'I 'OD GSAL LAS BAR DO'I LUS RTEN GRUB PA DANG CHOS MTHUN PAR N'A DA LA MNYAM PAR GZHAG PA DANG, 'GAL RKYEN 'GOG PA'I PHYIR BSRUNG 'KHOR BSGOMS PA'O, ,DANG PO NI, DE LTAR SNANG BA THAMS CAD 'OD GSAL DU BSDUS PA'I STONG PA'I NGANG? LAS RANG GI SEMS N'A DA'I GZUGS GYEN DU 'GRENG BA SHIN TU PHRAB SUM 'KHYOG CAN DKAR LA DMAR BA'I MDOG CAN CIG TU BSAM STE, GZHI LA 'CHI BA'I 'OD GSAL LAS BAR DO GRUB PA DANG CHOS MTHUN ZHING, N'A DA SHIN TU PHRA BAS GZHI DUS KYI SROG 'DZIN GYI RLUNG MTSON, LAM DANG 'BRAS BU'I DUS SU LONGS SKU'I SGRUB GZHIR GYUR BA'I SROG 'DZIN GYI RLUNG MTSON, SUM 'KHYOG GIS GZHI DUS KYI BAR DO'I LUS NGAG YID GSUM DANG, LAM DANG 'BRAS BU'I DUS SU LONGS SKU'I SKU GSUNG THUGS MTSON DKAR LA DMAR BA'I MDOG CAN GYIS GZHI DUS KYI BAR DO'I CHAGS PA DANG, LAM 'BRAS KYI DUS SU BDE BA CHEN PO MTSON PA
YIN NO, ,DE LTAR BSGOM PA LA DGOS PA YOD DE, SGRUB PA PO RANG NYID KYI BAR DO SPYOD PA DANG, RDZOGS RIM GYI SKABS SU DPE DON GYI 'OD GSAL LAS DAG MA DAG GI SGYU LUS SGRUB PA DANG, 'BRAS BU'I SKABS SU SANGS RGYAS KYI LONGS SKU 'GRUB PA'I 'BRAS BU LAM BYED KYI TSUL DU BSGOM PAS LONGS SKU 'GRUB PA'I BAG CHAGS 'JOG BYED YIN PA'I PHYIR RO,, ,,GNYIS PA NI, RANG N'A DA'I RNAM PA CAN NAM MKHAR GNAS PA LAS HE RU KA ZHAL GCIG PHYAG GNYIS PA'I RNAM PAR CHAD DE, PHYAG GA-YON PA'I MTHEB MDZUB KYIS SE GOL GTOGS CING SU BHA NI SOGS ZHAL BZHI'I SNGAGS BRJOD PAS SNGAGS DE RNAMS LAS RANG RANG GI KHA DOG CAN GYI 'OD ZER TSANGS PA'I 'JIG RTEN NAS GSER GYI SA GZHI'I BAR KHYAB PAR BSAM PA SOGS SGRUB THABS NAS 'BYUNG BA LTAR BSGOM ZHING, GZHAN RNAMS GO SLA LA, SNGAGS NI, ME DE N'I BADZRA NI RDO RJE'I SA GZHI, BADZRA PR'A KA RA NI RDO RJE'I RAB, BADZRA PANYTZA RA? RDO RJE'I GUR, BI T'A NA BLA RE, S'A RA DZ'A LA MDA', DZVA AA NA L'A RKA 'BAR BA'I ME'O, ,DE LTAR SGRUB THABS BSGOM PA'I SNGON DU BSRUNG 'KHOR BSGOM PA LA DGOS PA YOD DE, LAM BSGOM PA LA SEMS GA-YENG BA SOGS PHYI NANG GI BGEGS KYI BAR CHAD MI 'BYUNG BA'I CHED YIN PA'I PHYIR RO,, ,,GSUM SKYE BSKUL? SKU'I RNAL 'BYOR BSHAD BA LA GNYIS, RTEN DANG BRTEN PA'I DKYIL 'KHOR MNGON BYANG LDAS BSKYED PA DANG, YAN LAG 'PHROS DON
, ,DANG BCAS PA BSHAD PA'O, ,DANG PO NI, DE LTAR BSRUNG 'KHOR GYI DBUS SU YAm LAS RLUNG, RAm LAS ME, BAm LAS CHU, LAm LAS SA, SUm LAS RIN PO CHE'I RI RAB LCOG BRGYAD DANG LDAN PA'I STENG DU SNA TSOGS PADMA CHE BA'I LTE BAR SNA TSOGS RDO RJE, DE'I STENG DU SNA TSOGS PADMA CHUNG BA'I LTE BAR RANG GI 'BRAS SKYABS SU GYUR PA'I SANGS RGYAS KYI MTSAN BZANG PO SUM CU SO GNYIS KYI NGO BO AA LI STE DBYANGS SO GNYIS KHA DOG DKAR PO PHRAG GCIG GA-YAS SKOR DANG PHRAG GCIG GA-YON SKOR DU GNAS PA DANG, SANGS RGYAS KYI DPE BYAD BRGYAD CU'I NGO BO K'A LI STE GSAL BYED BZHI BCU KHA DOG DMAR PO PHRAG GCIG GA-YAS SKOR DANG PHRAG GCIG GA-YON SKOR DU GNAS PAR BSAM MO, ,DE LA GSAL BYED BZHI BCU NI RTZA BA'I GSAL BYED SO BZHI'I STENG DU, DHA dHA BHA YA RA LA DRUG PO BSNAN PAS BZHI BCUR NGES LA, 'DI LA LUGS MI 'DRA BA MANG PO GSUNGS KYANG, 'DI NI PAn CHEN BZANG PO BKRA SHIS DANG; RJE DGE 'DUN RGYA MTSO GNYIS KYIS MDZAD PA'I DRIL BU LHA LNGA'I SGRUB THABS SU GSUNGS PA LTAR YIN NO, ,DBYANGS GSAL DE YONGS SU GYUR PA LAS DBYANGS GSAL GYI GZUGS BRNYAN DANG LDAN PA'I ZLA BA'I DKYIL 'KHOR NYA GANG BA DKAR LA DMAR BA'I MDANGS CAN DU GYUR PA'I ZLA BA'I SNGAR CHA DANG DBYANGS YIG NI RNAM SNANG GI NGO BO ME LONG LTA BU'I YE SHES LAS BYANG CHUB PA DANG, ZLA BA'I DMAR CHA DANG GSAL BYED KYI YI GE NI RIN 'BYUNG GI NGO BO MNYAM PA NYID
KYI YE SHES LAS MNGON PAR BYANG CHUB PA DANG, DE NAS RANG GI RNAM PAR SHES PA N'A DA'I RNAM PAR YOD PA DE ZLA BA DBYANGS GSAL DANG BCAS PA MTHONG BA NA, BDAG GIS SANGS RGYAS YAB YUM GYI BYANG SEMS DKAR DMAR GYI DBUS SU SKYE BA BLANGS LA SEMS CAN THAMS CAD KYI DON BYA'O ZHES SNYING RJE'I BSAM PA DANG LDAN PAS, ZLA BA'I DKYIL 'KHOR GYI DBUS SU GZHUG PAS, N'A DA LAS THIG LE, DE LAS ZLA PHYED, DE LAS HA'I DBU, DE LAS HA'I LUS, DE LAS AU GRUB PA'I H'Um YIG DKAR LA DMAR BA'I MDOG CAN DU GYUR PAR BSAM BA NI 'OD DPAG MED KYI NGO BO SO SOR RTOGS PA'I YE SHES LAS BYANG CHUB BA, H'Um DE'I 'OD ZER LAS LHA'I TSOGS 'PHROS TE, SEMS CAN THAMS CAD HE RU KA'I GO 'PHANG LA BKOD, SNGON NAS GRUB PA'I DPA' BO DANG RNAL 'BYOR MA RNAMS SPYAN DRANGs NAs DE RNAMS SNYOMS PAR 'JUG PAS ZHU NAS H'Um LA THIM PAS, H'Um YIG LHAN SKYES BDE CHEN GYI NGO BOR GYUR BAR BSAM BA NI DON YOD GRUB PA'I NGO BO BYA GRUB PA'I YE SHES LAS BYANG CHUB BA DANG, DE NAS AOm A'A:H'Um AOm SARBA B'I DA SOGS DANG, AOm BADZRA SHUDDHA SOGS SNGAGS TSAN GNYIS BRJOD PA DANG, ZLA BA DANG DBYANGS DANG GSAL BYED DANG H'Um DANG BCAS PA YONGS SU GYUR PA LAS, RTEN DANG BRTEN PA'I DKYIL 'KHOR TE GZHAL YAS KHANG LHA DANG BCAS PA GCIG CAR DU GRUB PAR BSAM PA NI MI BSKYOD PA'I NGO BO CHOS DBYINGS YE SHES LAM BYANG CHUB PA'O, ,DE DAG GI
, ,SBYANG GZHI DANG CHOS MTHUN SBYOR TSUL LA GZHI LAM 'BRAS BU GSUM DANG SBYOR TSUL YOD DE, GZHI LA 'BYUNG BZHI RI RAB DANG BCAS BAS PHA MA'I LUS MTSON, PADMAS RTZA 'KHOR MTSON, AA LIS PHA'I BYANG SEMS DKAR PO DANG, KA LIS MA'I BYANG SEMS DMAR PO MTSON, ZLA BAS DE GNYIS 'DRES PA MTSON, DE LA N'A DA ZHUGS BAS PHA MA'I KHU KHRAG GI DPUS SU RNAM SHES 'JUG PA MTSON, N'A DA LAS THIG LE SOGS LNGA GRUB PA NI MNGAL DU KHU KHRAG, MER MER PO,, LTAR LTAR PO,, GOR GOR PO,, 'KHRANG 'GYUR, RKANG LAG 'GYUS PA STE SKABS LDAS LUS GRUB PA MTSON, H'Um GI 'OD ZER 'PHRO 'DU LAS LHAN SKYES KYI BDE BAS NI LUS YONGS SU RDZOGS PA MTSON, DE RNAMS LAS RTEN DANG BRTEN PA'I DKYIL 'KHOR GRUB PA NI MNGAL NAS PHYER BTZAS PA MTSON PA'I PHYIR RO, ,LAM DANG SBYOR TSUL YOD DE, 'BYUNG BZHI RI RAB DANG BCAS PAS SGRUB PA PO YAB YUM GYI LUS MTSON, SNA TSOGS PADMAS RTZA 'KHOR, DBYANGS GSAL GYIS YAB YUM GYI BYANG SEMS DKAR DMAR MTSON, ZLA BA'I DKYIL 'KHOR GYIS YAB YUM GYI KHAMS DKAR DMAR 'DU 'PHROD LAS BDE CHEN BSKYED BA MTSON, ZLA BA LA N'A DA ZHUGS PA NAS H'Um YIG RDZOGS PA'I PAR GYIS SNYOMS BAR ZHUGS PA'I KHAMS DKAR DMAR GYI 'DU 'PHROD LAS DGA' BA BZHI LUGS 'BYUNG LUGS LDOG TU DRANGS PA MTSON,
DE LTA BUS BSKYED RIM GYI SKABS 'DIR DE LTAR BSGOM PAS, RDZOGS RIM GYI SKABS SU DE LTA BU'I RTOGS PA KHYAD PAR CAN SKYE BA'I SMIN BYED DU 'GYUR BA'I PHYIR RO, ,RDZOGS RIM DANG SBYOR TSUL YOD DE, SNA TSOGS PADMAS GANG LA GNAD DU BSNUN PA'I GNAS LTE BA SOGS KYI RTZA 'KHOR MTSON, KA LIS GTUM MO'I ME DANG, AA LIS BYANG SEMS DKAR PO MTSON, ZLA BAS BYANG SEMS DKAR DMAR GYI 'DU 'PHROD LAS BDE CHEN 'DREN PA MTSON, N'A DA ZHUGS PA NAS H'Um YIG RDZOGS PA'I BAR GYIS LUGS 'BYUNG LUGS LDOG GI DGA' BA BZHIS LHAN SKYES KYI BDE BAS STONG PA NYID BSGOM PA MTSON PA'I PHYIR RO, ,'BRAS BU'I SKABS SU SANGS RGYAS KYI SAR RANG NYID GANG DU LONGS SKUR SANGS RGYAS BA'I TSE, YE SHES RANG SNANG GI GZHAL YAS KHANG DANG RNAM PA MTHUN ZHING 'BRAS BU LAM BYED KYI TSUL DU BSGOMS PAS DE MYUR DU 'GRUB PA'I NUS PA KHYAD PAR CAN 'JOG PA'I PHYIR RO, ,DE LTAR RTEN DANG BRTEN BA'I DKYIL 'KHOR GSAL BTAB BA LA, DE YANG PHYI ROL TU DUR KHROD CHEN PO BRGYAD NI, SDOM 'BYUNG LAS, GTUM DRAG DE BZHIN TSANG TSING DANG, ,RDO RJE 'BAR BA KENG RUS CAN, ,DBANG LDAN DU NI MI BZANG BZHAD, , PHYIN ZA RU BKRA SHIS MCHOG ,MUN PA DRAG PO BDEN BRAL DU, ,RLUNG PHYOGS K'I LI K'I LI'I SGRA, ,ZHES GSUNGS PA LTAR, SHAR DU GTUM DRAG, BYANG DU TSANG TSING 'KHRIGS PA, NUB TU RDO RJE 'BAR BA, LHOR KENG
, ,RUS CAN, SHAR LHOR BKRA SHIS TSAL, LHO NUB TU MUN PA DRAG PO, ,NUB BYANG DU K'I LI K'I LI'I SGRA SGROG PA, BYANG SHAR DU DRAG TU RGOD BA ZHES BYA BA'I DUR KHROD YIN LA, DE LA DUR KHROD KYIS 'CHI BA MI RTAG PA 'KHOR BA'I NYES DMIGS MTSON, CHU BRGYAN KYIS BYANG CHUB KYI SEMS DANG, KLU RNAMS KYIS PHA ROL TU PHYIN PA MTSON, SHING BRGYAD KYIS RTZA DBUM DANG, PHYOGS SKYONG RNAMS KYIS THUR SEL GYI RLUNG DANG, ZHING SKYONG GIS SROG 'DZIN, MES GTUM MO'I ME, SPRIN GYIS BYANG SEMS DKAR PO,, RI RNAMS KYIS BDAG MED RTOGS PA'I SHES RAB, MCHOD RTEN GYIS SKU GSUM GYI GO 'PHANG MTSON, DE THOB PA LA YAS BABS MAS BRTAN GYI DGA' BA BZHI BZHI STE BRGYAD NGES PAR DGOS PAS BRGYAD KYI GRANGS SU SMOS PA YIN PAR GSUNGS SO, ,DE LTA BU'I DUR KHROD BRGYAD KYIS BSKOR BA'I MI RI SNA TSOGS RDO RJE'I RVA PA DANG BCAS PA'I DBUS SU SNA TSOGS PADMA LA GNAS PA'I SNA TSOGS RDO RJE'I LTE BAR GZHAL YAS KHANG GRUB ZHI SGO BZHI RTA BABS BZHING NGA BCAS PA SGRUB THABS NAS BYUNG BA LTAR BSGOMS DGOS LA, DE'I NANG GI DBUS SU SNA TSOGS PADMA'I LTE BAR NYI GDAN LA RANG NYID HE RU KA'I SGRUB SGOM PA YIN TE, DE YANG SGRUB THABS NAS BSHAD PA LTAR PHAL CHER GO SLA ZHING, GAR GYI NYAMS DAG NI SGEG BA NI 'GYING BAG DANG LDAN BA, DPA' BA NI ZHABS KYIS DBANG PHYUG DANG AU
SA MNAN PA, MI SDUG PA NI KHROG NYER BSDUS PA, RGOD PA NI CUNG ZAD BZHAD PA, DRAG SHUL NI MCHE BA GTZIGS BA, 'JIGS SU RUNG BA NI LJAGS 'DRIL BA, SNYING RJE BA NI SPYAN DKYUS RING BA, RNGAMS PA NI SPYAN GDANGS PA, ZHI BA NI SPYAN ZUR GYIS BLTA BA'O, ,DE LTA BU'I HE RU KA'I SKU'I DAG PA DRAN TSUL BYED PA NI, SKU MDOG SNGON PO NI CHOS SKU LAS NAM YANG MI GA-YO BA, THUN MONG MA YIN PA'I BDE STONG DBYER MED KYI YE SHES DE NYID LAM GYI SNYING POR STON PA MTSON PA'I PHYIR DU RDO RJE PHAG MO LA 'KHYUD PA, BDE BA CHEN PO'I RTEN KUNDA LTA BU'I BYANG SEMS SPYI BOR GNAS PA MTSON PA'I DBU'I GA-YON DU ZLA PHYED 'CHANG BA, KUNDA LTA BU'I BYANG SEMS SPYI BO NAS ZHU STE RTZA 'KHOR THAMS CAD DU KHYAB BAR GNAS PA MTSON PA'I MI RUS KYI THAL CHEN LUS LA BYUG PA'O, ,RNAM PAR THAR BA'I SGO BZHI MTSON PA'I ZHAL BZHI PA, RTEN 'BREL BCU GNYIS DAG PA'I PHYAG BCU GNYIS PA, THABS SHIS GNYIS MTSON PA'I RDO DRIL 'DZIN PA, GTI MUG GI BDEN 'DZIN SPANGS PA MTSON PA'I GLANG LPAGS, SANGS RGYAS RNAMS DGA' BA'I SGRAS BSKUL BA'I d'A MA RU, STONG NYID SNYING RJE DBYER MED KYI DON DAM BYANG CHUB KYI SEMS MTSON PA'I KHA t'VAm GA, SGO GSUM GYI SKYON MA LUS PAR GCOD PA'I DGRA STA, THUGS RGYUD LA BDE CHEN GYI ROS GANG BA'I KHRAG GIS GANG BA'I THOD PA, MTHAR 'DZIN GYI RNAM RTOG GCOD PA'I GRI GUG ,
, ,YANG DAG PA'I YE SHES KYIS BCINGS PA'I ZHAGS PA, ,KHAMS GSUM GYI NYON MONGS RNAMS 'BIGS PA'I MDUNG RTZE GSUM, MI GNAS PA'I MYANG 'DAS MTSON PA'I TSANGS PA'I MGO BSNAMS PA, PHA ROL TU PHYIN PA DRUG MTSON PA'I MGUL RGYAN GDU BU, RNA RGYAN, DBU RGYAN, SE RAL KHA 'AM TSANGS SKUD, THAL CHEN STE PHYAG RGYA DRUG GIS BRGYAN PA, DAG PA'I SGYU LUS MTSON PA'I THOD SKAM LDAS DBU RGYAN, YON TAN GYI CHA RNAMS GONG DU 'PHEL BAS RAL PA GYEN DU BRDZES PA, 'PHRIN LAS RNAM BZHIS 'GRO DON MDZAD PAS RAL PA LA SNA TSOGS RDO RJES MTSAN PA, YANG DAG PA'I LTA BA LA GNAS PAS ZHAL RNAM PAR 'GYUR PA, BDUD BZHI 'JOMS PAS MCHE BA BZHI GTZIGS PA, JI SNYED PA'I CHOS THAMS CAD GZIGS PAS SPYAN GSUM PA, RTAG CHAD KYI MTHA' SPANGS SHING 'GRO BA RNAMS ZIL GYIS GNON PAS 'JIGS BYED STE DBANG PHYUG DANG, DUS MTSAN TE AUM MA NAN PA'O, ,DE LTAR MTSON DON DRAN PA'I SGO NAS BSGOM PA'I DGOS PA YOD DE, BSKYED PA'I SKABS SU DE LTAR BSGOMS PAS LAM RDZOGS RIM GYI SKABS SU DAG PA'I MTSON DON GYIS BSTAN PA'I RDZOGS RIM GYI RTOGS PA KHYAD PAR CAN RGYUD LA SKYE BA'I SMIN BYED DU 'GYUR BA'I PHYIR RO, ,DE LTAR MTSON DON CAN GYI HE RU KA'I SKU DANG, YUM DANG PHYOGS BZHIR LHA MO BZHI MA TSAD MED BZHI MTSON PA'I MKHA' 'GRO MA DANG, L'A MA STE MDZES MA DANG,
KHAndA RO HI STE DUM SKYES MA DANG, GZUGS CAN MA STE MKHA' 'GRO MA BZHI DANG, MTSAMS BZHIR LHAN SKYES KYI BDE CHEN MTSON PA'I BUM PA'I STENG DU BYANG CHUB KYI SEMS KYI BDUD RTZIS GANG BA'I THOD PA STE RTEN DANG BRTEN PA'I DKYIL 'KHOR GSAL BAR BSGOM PAR BYA BA YIN NO,, ,,GNYIS PA YAN LAG 'PHROS DON BSHAD PA LA BZHI, LHAN SKYES KYI BDE CHEN 'DREN TSUL, GO BGO BA'I TSUL, YE SHES PA DGUG GZHUG DBANG BSKUR RGYAS BTAB PA, MCHOD BSTOD BYA ZHING NGA RGYAL LA BSLAB TSUL LO, ,DANG PO NI, YAB KYI LTE BAR ZLA GDAN LA AOm BADZRA BEE RO TZA NA SOGS YUM GYI SNYING PO DANG, THUGS KAR ZLA GDAN LA AOm SARBA BUDDHA d'A KI NI SOGS YUM GYI NYE SNYING, YUM GYI MGRIN PAR ZLA GDAN LA AOm BADZRA BEERO TZA NA SOGS YUM GYI SNYING PO, ,SPYI BOR ZLA GDAN LA AOm SARBA BUDDHA SOGS YUM GYI NYE SNYING, YUM GYI LTE BAR NYI GDAN LA AOm SHR'I BADZRA SOGS YAB KYI SNYING PO,, THUGS KHAR NYI GDAN LA AOm HR'I:HA SOGS NYE SNYING, YAB KYI MGRIN PAR NYI GDAN LA AOm SHR'I SOGS SNYING PO DANG, SPYI BOR NYI GDAN LA AOm HR'I:HA SOGS NYE SNYING, PHAN TSUN ZHAL SBYOR ZHING 'OD ZER DANG BCAS PA BSAMs TE, AOm SHR'I MAH'A SU KHA SOGS SNGAGS BRJOD CING, YAB KYI GSANG GNAS H'Um LAS RDO RJE DKAR PO RTZE LNGA PA BY'A DMAR PO LAS BYUNG BA'I NOR BU DMAR PO'I BU GAR THUR SEL GYI RLUNG MTSON PA'I BYA SER POS BKAG PA, YUM
, ,GYI MKHA' A'A:LAS PADMA DMAR PO 'DAB MA GSUM BA? DY'A DKAR PO LAS BYUNG BA'I LTE BA DKAR PO LA DY'A SER BOs MTSAN PAR BSAM LA, RANG HE RU KA YAB YUM DU GSAL BA LHA'I 'DU SHES, MKHA' GSANG BYIN GYIS RLABS NAS YI GE BKOD PA SNGAGS KYI 'DU SHES, THABS 'DIS ZAG MED KYI BDE BA MNGON DU BYA'O SNYAM PA CHOS KYI 'DU SHES TE, 'DU SHES GSUM LDAN GYI SNYOMS PAR ZHUGS LAS, BYANG CHUB KYI SEMS SPYI BO NAS ZHU STE MGRIN PAR SLEB PA'I TSE DGA' BA, DE NAS SNYING KHAR? SLEB P'I TSE MCHOG TU DGA' BA, DE NAS LTE BAR SLEB PA'I TSE KHYAD PAR GYI DGA' BA, DE NAS NOR BU'I RTZER SLEB PA'I TSE LHAN SKYES KYI DGA' BA SKYE, DGA' BDE STONG PA NYID DANG SBYAR TE, LHAN SKYES BDE STONG DBYER MED DU BYAS TE BYANG CHUB KYI PHYOGS KYI CHOS SUM CU SO BDUN GYI NGO BO RTEN DANG BRTEN PAR SHAR BA NAM MKHA'I 'JA' TSON LTA BU SNANG LA RANG BZHIN MED PAR MOS PA YIN NO, ,DE LTAR BSGOM PA LA DGOS PA YOD DE, BSKYED RIM GYI SKABS SU LHAN SKYES KYI BDE BAS BYANG PHYOGS SO BDUN GYI DAG PA BSGOM PAS, RDZOGS RIM GYI LHAN SKYES BDE STONG DBYER MED KYI YE SHES KHYAD PAR CAN SKYE BA'I DGE RTZA SMIN BYED KHYAD PAR CAN DU 'GYUR BA'I CHED YIN PA'I PHYIR RO,, ,,GNYIS PA NI, GO CHA BGO BA LA YAB KYI GO CHA DRUG DANG, YUM GYI GO CHA DRUG DANG, GO CHA CHEN PO DANG, GSUM YOD PA'I DE LA GO CHA'I LHA BSGOM PA DANG, LHA'I NGO BO YI GE BSGOM BA GNYIS SU GSUNGS SHING, LHA BSGOM NA, YAB KYI SNYING GAR ZLA GDAN LA AOm HA LAS RDO RJE SEMS DPA' DKAR PO SOGS BSGOM PA DANG, YI GE BKOD NA, SNYING GANG RDO RJE SEMS
DPA'I NGO BO AOm HA SOGS BSGOM PA GDAM NGA? CAN NO, ,YUM GYI GO CHA NI, GTZO MO'I LTE BAR NYI GDAN LA AOm BAm LAS RDO RJE PHAG MO DMAR PO 'AM, RDO RJE PHAG MO'I NGO BO AOm BAm BSGOM PA SOGS SHES BAR BYA LA, GO CHA CHEN PO NI YAB KYI, SKRA 'TSAMS SPYI BO RNA BA GA-YAS, LTAG PA RNA BA GA-YON SMIN 'TSAMS MIG GNYIS PHRAG PA GNYIS MCHAN KHUNG GNYIS NU MA GNYIS LTE BA SNA KHA MGRIN PA SNYING 'BRAS BU GNYIS MTSAN MA BSHANG LAM BRLA GNYIS BYIN PA GNYIS SOR MO BCU DRUG POL GONG GNYIS MTHE BONG BZHI PUS MO GNYIS TE GNAS NYER BZHIR DPA' BO NYER BZHI'I NGO BO P'Um DZAm AOm AAm SOGS YI GE NYER BZHI BKOD PA NI GO CHA CHEN PO'O, ,DE LTAR BSGOM PA LA DGOS PA YOD DE, LAM BSGOM PA LA PHYI NANG GI BAR CHAD BDUD KYIS CUNG ZAD KYANG GA-YO BAR MI NUS PA'I CHED YIN PA'I PHYIR RO,, ,,GSUM PA NI, LHA THAMS CAD KYI GNAS GSUM DU RDO RJE GSUM GYI NGO BO YI GE GSUM BKOD NAS GNAS GSUM BYIN GYIS BRLAB LA, 'BAR BA'I PHYAG RGYA DPRAL BAR BSKOR ZHING NGAG TU PHEEm BRJOD PA DANG DUS MNYAM DU THUGS KHA'I NYI MA LA GNAS PA'I H'Um GI 'OD ZER GYIS PHYOGS BCU'I 'JIG RTEN NA BZHUGS PA'I DPA' BO DANG DPA' MO THAMS CAD YE SHES KYI 'KHOR LOR GYUR PA RNAMS DANG, GZHAN YANG DBANG GI LHA MCHOD PA'I LHA MO DANG BCAS
, ,PA SPYAN DRANGS LA, DUM SKYES MA'I SNGAGS SAM H'Um ZHES BRJOD PAS PHYI 'BRANG GI BGEGS BSKRAD, 'OD ZER RANG GI SNYING GAR THIM PAR BSAM LA CHU GNYIS NYER SPYOD ROL MO RNAMS 'BUL NAS DZA:ZHES PAS YE SHES PA RNAMS DAM TSIG PA SO SO'I SPYI BOR DGUG H'Um ZHES PAS SO SOL BSTIM BAm ZHES PAS DBYER MED DU 'DRES, HO:ZHES PAS MNYES PAR BYAS NAS, AOm YO GA ZHES SOGS KYI SNGAGS KYIS RANG SPANGS RTOGS THAMS CAD YONGS SU RDZOGS PA'I HE RU KA NGA'O SNYAM BA'I NGA RGYAL BZUNG, ARGHAm PHUL NAS SGRUB THABS BZHIN DBANG BSKUR ZHING RGYAS 'DEBS LA, DBANG GI LHA RNAMS RANG NYID LA BSTIM MO,, ,,BZHI PA LA GNYIS, MCHOD BSTOD BYA BA DANG, LHA'I RNAL 'BYOR LA BSLAB PA'O, ,DANG PO NI, MCHOD PA'I LHA MO RNAMS KYIS MCHOD PAR MOS NAS, CHU BZHI, NYER SPYOD LNGA, ROL MO 'DOD YON LNGA RIG MA BCU DRUG GIS MCHOD PA NI, BUM DBANG DANG 'BREL BA'I PHYI'I MCHOD PA DANG, BYIN GYIS BRLAB PA'I NANG MCHOD BLA MA, YI DAM, MKHA' 'GRO, CHOS SKYONG RNAMS DANG, PHYOGS SKYONG ZHING SKYONG KLU RNAMS DANG SEMS CAN THAMS CAD LHAR GSAL BA LA 'BUL BA NI GSANG DBANG DANG 'BREL BA'I NANG GI MCHOD PA DANG, YAB YUM SNYOMS BAR ZHUGS PA'I LHAN SKYES KYI BDE BAS MCHOD PA NI SHES
RAB YE SHES KYI DBANG DANG 'BREL BA'I GSANG BA'I MCHOD PA DANG, BDE BDE STONG PAR NGES PA'I BDE STONG DBYER MED KYI DON DU NGO SPROD PA'I DBANG BZHI BA DANG 'BREL BA'I DE KHO NA NYID KYI MCHOD PA STE MCHOD PA BZHIS MCHOD NAS, MCHOD PA'I LHA MO RNAMS ZHABS LA BTUGS TE BSTOD PAR BSAMS LA, GTZO BO YAB LUM 'KHOR BCAS KYI SNYING PO NYE SNYING RNAMS BRJOD PA'I SNGAGS MCHED KYANG BYA STE, RKANG BRGYAD SOGS KYIS BSTOD PAR BYA'O,, DE LTAR BYAS PA LA DGOS PA YOD DE, LHA RNAMS MNYES PAR BYED PA DANG, DNGOS GRUB MYUR DU SGRUB PA'I CHED YIN PA'I PHYIR RO,, ,,GNYIS PA NI, BSKYED RIM GYI DGOS PA'I GTZO BO NI GTZO BO NI THA MAL GYI SNANG BA DANG ZHEN PA GNYIS KYI GNYEN PO LA 'BAD PA YIN LA, DE LA THA MAL GYI SNANG BA'I GNYEN POR LHA'I RNAM PA LA BSLAB DGOS TE, THOG MAR GTZO BO'I SKU MDOG ZHAL PHYAG SOGS LA RIM GYIS SBYANGS, DE NAS RIM GYIS YUM DANG 'KHOR GZHAL YAS KHANG DANG DUR KHROD KYI BAR DU BSGOM LA SPYAN GYI DKAR NAG TSUN GYI PHRA BA RNAMS KYANG MNGON SUM DU YOD PA LTA BU'I GSAL SNANG LA BSLAB LA, ZHEN PA'I GNYER POR LHA'I NGA RGYAL LA BRTAN POR SBYANGS TE, NGA LHA DE YIN NO SNYAM PA'I BCOS MA MA YIN PA'I NGES PA RNYAD RNYED KYI BAR DU BSLAB STE, DE GNYIS BSKYED RIM GYI GTZO BO YIN PAS RANG RTZAL CI YOD KYIS BRTZON PAS BSGOM PAR BYA'O,, ,,GSUM PA THUN MJUG TU JI??
, ,LTAR BYA BA LA GNYIS, BZLAS PA DANG, GTOR MA JI LTAR BYA BA'O, ,DANG PO LA, BGRANG 'PHRENG NI, SAm BHU tA LAS, SHEL DANG NYA PHYIS MU TIG DANG, ,KHAMS NI DKAR PO LA SOGS GZHAN, ,ZHI BA'I LAS LA KHYAD PAR DU, ,'PHRENG BA YI NI MTSAN NYID DE, ,GSER DANG DNGUL DANG ZANGS MA DANG, ,PADMA'I SA BON KHYAD PAR DU, ,RGYAS PA LA NI 'PHRENG BA NYID, ,RNAM PAR MKHAS PAS BGRANG BAR BYA, ,GUR GUM LA SOGS DRI SPOS KYI, ,DRI NI THAMS CAD KHYAD PAR DU, ,BSGRUBS SHING RIL BU BYAS PA NI, ,DBANG LA YONGS SU RAB TU GRAGS, ,RU RAKshA DANG LUNG THANG DANG, ,DE BZHIN SKYES PA'I RUS PA NYID, ,DRAG PO'I LAS LA SBYAR BAR BYA, ,MNGON SPYOD LA NI YONGS SU GRAGS, ,ZHI RGYAS DBANG DANG MNGON SPYOD LA, ,BO DE TZE NI LAS KUN BYED, ,CES GSUNGS PA LTAR GYI 'PHRENG BA PADMA GAR DBANG MAR BSKYED PA 'AM, SKAD CIG GIS GSUNG RDO RJE'I NGO BOR BSAM LA BZLAS PAR BYA'O, ,BZLAS BYA'I SNGAGS NI, RTZA RGYUD LAS, SA STENG 'DI NA RIN CHEN BZHI, ,'PHRENG BA'I SNGAGS NI DAM PA YIN, ,ZHES GSUNGS PA'I SNGAGS BZHI NI, SNYING PO, NYE SNYING, GO CHA'I SNGAGS, RTZA SNGAGS RNAMS SO, ,SNYING PO NI, AOm SHR'I BADZRA HE HE SOGS DANG, AOm BADZRA BEE RO TZA NA SOGS SO, ,SNYE SNYING NI, AOM HR'I:HA HA SOGS DANG, AOm SARBA BUDDHA N'A KI NI
SOGS SO, ,GO CHA NI, AOm NA MA SV'A H'A BOO dA H'Um H'Um PHAt, CES PA YAB DANG, AOm BAm HAm YOm HRI MOm HR'I:HR'I HUm H'Um PHAt PHAt, CES PA YUM GYI'O, ,RTZA SNGAGS MA RIG SNGAGS NI, AOm KAR KAR, GU RU BRGYA SOGS BA DANG, AOm BADZRA WA RA HI SOGS YUM GYI RTZA SNGAGS RNAMS SO, ,JI LTAR BZLA TSUL NI, RANG GI THUGS KHA'I H'Um LAS SNGAGS 'PHRENG THON DHU TIR BRGYUD DE, RDO RJE'I LAM NAS YUM GYI PADMAR ZHUGS YUM GYI DH'U TAR BRGYUD DE ZHAL NAS THON RANG GI ZHAL DU ZHUGS TE THUGS KHA'I H'Um LA THIM PAR BSAM NAS BZLAS PA NI DO LI'I BZLAS PA DANG, LHA RNAMS KYI THUGS KAR H'Um GI MTHAR SNGAGS KYIS BSKOR BA LAS LHA'I TSOGS SPROS, 'GRO BA'I DON BYAS, TSUR BSDUS TE H'Um LA THIM PAR BSAM NAS BZLAS PA NI DAM TSIG GI BZLAS BA STE, DE GNYIS GANG RUNG GIS BZLAS SO, ,GTZO BO'I ZHAL BZHI DANG LHA THAMS CAD KYI ZHAL NAS SNGAGS BZLAS PAR BSAM LA, MTHE BONG LCAGS KYUR BAS STE LHA 'GUGS PA'I SBYOR BAS BZLAS PAR BYA'O, ,GRANGS NI, GTZO BO LA 'BUM, 'KHOR LA KHRI, YE SHES 'BEBS PA'I SNGAGS KHRI, KHA SKONG GI SBYIN BSREG DANG BCAS PA NI LAS KUN BYED NUS BAR GSUNGS LA, RAB RTZA SNGAGS DANG, DE MIN SNYING PO LA BSNYEN PA BYA BAR GSUNGS SO, ,MJUG TU LHAG CHAD KHA BSKANG PHYIR YIG BRGYA CI NUS BZLAS LA BSNGO BA SMON LAM BYA'O,, ,,GNYIS PA GTOR MA JI LTAR BYA BA NI, GTOR
, ,MA'I RGYU NI CHANG LA SOGS PA DANG, SNOD NI THOD PA DANG THOD PA'I DBYIBS CAN GYI RIN PO CHE'I SNOD...SOGS LA BYA STE, NANG MCHOD LTAR BYIN GYIS BRLAB NAS 'BAR BA'I PHYAG RGYA DANG BCAS TE PHEEm ZHES BRJOD PA DANG, THUGS KA'I SA BON GYI 'OD ZER GYIS DUR KHROD BRGYAD NA GNAS PA'I PHYOGS SKYONG ZHING SKYONG DANG BCAS PA'I RTEN DANG BRTEN PA'I DKYIL 'KHOR SPYAN DRANGS TE, MCHOD NAS, SPRO NA LAG PA BYIN GYIS BRLABS LA, MCHOD PA'I 'KHOR GSUM PO BDE STONG DBYER MED DU MOS NAS, MGRON RNAMS KYI LJAGS H'Um DKAR PO LAS BYUNG BA'I RDO RJE DKAR PO RTZE GSUM PA NAS 'BRU TZAM 'KHOD PA'I RDO RJE'I 'OD ZER GYI SBU GUS DRANGS TE GSOL BAR BSAMS LA, AOm A'A:BADZRA AA RA LI SOGS KYIS LAN GSUM GYI...DANG POS GTZO BO DANG, GNYIS PAS YUM DANG, GSUM PAS MKHA' 'GRO MA BZHI LA 'BUL, CHU GNYIS NYER SPYOD ROL MO RIG MA BCU DRUG GIS MCHOD, NANG MCHOD 'BUL ZHING RKANG BRGYAD KYIS BSTOD NAS, SRID PA DANG MNYAM SOGS KYIS 'DOD DON LA GSOL BA BTAB LA, 'JIG RTEN PA'I GTOR MA NI SNGON 'GRO'I GTOR MA LTAR BYA LA, MGON PO ZHAL SOGS SPYI SGOS KYI CHOS SKYONG LA GTOR MA 'BUL ZHING, SGRUB PA'I BAR CHAD BZLOG PA SOGS 'DOD PA'I 'PHRIN LAS BCOL BAR BYA'O, ,DE LTAR GTOR MA PHYA BA LA DGOS PA YOD DE,
DAM PA'I CHOS SGRUB PA'I BAR CHAD ZHI BA DANG, SGRUB PA'I GROGS MDZAD PA...SOGS KYI DGOS PA KHYAD PAR CAN YOD PA'I PHYIR RO, ,DE NAS SPYAN DRANGS PA'I MGRON RNAMS JI LTAR BYA TSUL YOD DE, 'JIG RTEN PA RNAMS RANG GNAS SU GSHEGS GSOL BYA ZHING, RTEN DANG BRTEN PA'I DKYIL 'KHOR PA RANG LA BSDU BAR BYA DGOS SO,, ,, GNYIS PA THUN 'TSAMS SU JI LTAR BYA BA LA, NYER BSDU BYA BA, NYAL BA'I RNAL 'BYOR, LDANG BA'I RNAL 'BYOR, KHRUS KYI RNAL 'BYOR, KHA ZAS KYI RNAL 'BYOR, ZHAR BYUNG PHAN YON BSTAN PA DRUG LAS, DANG PO NI, RANG GI THUGS KHA'I H'Um GI 'OD ZER GYIS SNOD BCUD THAMS CAD SBYANGS TE 'OD DU ZHU NAS DUR KHROD LA BSDU, DE RIM BZHIN GZHAL YAS KHANG, 'KHOR YUM RANG DANG, THUGS KHA'I H'Um NAS N'A DA'I BAR DU BSDU ZHING, N'A DA YANG MI DMIGS PA'I DANG DU MNYAM PAR GZHAG GO ,DE LTA BU 'OD GSAL GYI NGANG NAS RANG NYID HE RU KA? YAB YUM GYI SKUR LANGS LA GO CHA BYA ZHING, ZHAL BZHI PA'I SNGAGS LAN GNYIS KYIS PHYOGS MTSAMS RNAMS SU BSRUNG 'KHOR BYA'O,, ,,GNYIS PA NI, NYAL BA'I TSE BSHAD MA THAG PA'I 'OD GSAL DU BSDU BA BZHIN BYA LA DGE SA? DANG LDAN PAS NYAL BAR BYA'O,, ,,GSUM PA NI, 'OD GSAL GYI DANG NAS LHA'I NGA RGYAL GYIS LDANG BAR BYA'O,, ,,BZHI PA NI, LHA LA DBANG BSKUR BA BZHIN DU KHRUS BYA'O,, ,,LNGA PA NI, KHA
, ,ZAS NANG MCHOD LTAR RAM, AOm A'A:H'Um GIS BYIN GYIS BRLAB LA, LHA MCHOD PA'I TSUL LAM, NANG GI SBYIN BSREG GI TSUL DU LONGS SPYOD DO, ,SPYOD LAM THAMS CAD DU LHA'I RNAL 'BYOR DANG YE MI 'BRAL BAR SNOD THAMS CAD GZHAL MED KHANG DANG, BCUD KYI SEMS CAN THAMS CAD YI DAM LHA'I SKUR LTA BAR BYA ZHING, DGE BA RNAMS BSTAN PA RGYAS PA SOGS DANG SEMS CAN THAMS CAD DANG THUN MONG DU BSNGO BAR BYAS LA, GNAS SKABS SU ZHI RGYAS DBANG DRAG GANG 'TSAMS PAS SEMS CAN GYI DON LA RGYA CHEN POR BRTZON PA DANG, KHYAD PAR DU SANGS RGYAS KYI BSTAN PA RIN PO CHE DAR ZHING RGYAS PA'I THABS? LA RGYUN CHAD MED PAR BRTZON PAR BYA DGOS TE, DE NI 'GRO BA THAMS CAD KYI NYON MONGS PA'I NAD KUN 'JOMS PA'I RTZI SMAN MCHOG TU 'GYUR BA YIN BA'I PHYIR TE, ZHI BA LHAS, 'GRO BA'I SDUG BSNGAL SMAN GCIG PU, ,BDE BA THAMS CAD 'BYUNG BA'I GNAS, ,ZHES GSUNGS PA'I PHYIR RO, ,DRUG PA ZHAR BYUNG PHAN YON BSTAN PA NI, RTZA RGYUD LAS, MI MCHOG GANG ZHIG KUN SPYOD PA, ,SDIG PA THAMS CAD RNAM DAG BDAG ,DE BZHIN GSHEGS PA'I SA THOB CING,, SKYE DANG SKYE BAR BDE GSHEGS KYI, ,RIGS SKYE RGYAL PO CHOS LDAN 'GYUR, ,JI LTAR SNGON BSAGS SDIG PA YI, ,MTSAN NYID THAMS CAD DMAN BA STE, ,GANG ZHIG 'DI NI RTAG BSGOM PA, ,SA LA 'DOD PA KUN
DBANG PHYUG ,DPER NA MAR GYIS GANG BA'I SNOD, ,ME YI DBUS SU BZHAG NA NI, ,MAR GSAR STENG DU ZHU 'GYUR ZHING, ,SNOD KYI DRI MA 'JIG PAR 'GYUR, ,DE BZHIN SHR'I HE RU KAS, ,MTSAN GYIS SDIG PA 'JIG PAR 'GYUR, ,BSAM GTAN BSAM PA TZAM GYIS SAM, ,KLOG CING KHA TON BRIS PA YIS, ,MTHO RIS LONGS SPYOD 'THOB 'GYUR BAS, ,YANG NA 'KHOR LOS BSGYUR BA 'THOB, ,RNAL 'BYOR PA RNAMS 'PHO TSE DPAL, ,KHRAG 'THUNG SOGS DPA' RNAL 'BYOR MAS, ,ME TOG SNA TSOGS LAG NA THOGS, ,RGYAL MTSAN BA DAN SNA TSOGS DANG, ,ROL MO'I SGRA NI SNA TSOGS DANG, ,KLU YI MCHOD PA SNA TSOGS KYIS, , MKHA' SPYOD GNAS SU 'KHRID PAR BYED, ,CES GSUNGS PA LTAR, LAM 'DI'I RNAL 'BYOR PAS TSE 'DIR, NAD MED PA DANG, TSE RING ZHING LONGS SPYOD CHE BA, BLO DANG SHES RAB 'PHEL BA DANG, BKUR STI DANG MCHOD PA'I GNAS SU 'GYUR BA DANG, SNGON NAS BSAGS PA'I SDIG PA DAG PA DANG, 'CHI BA'I TSE DPAL HE RU KA YAB YUM DANG, DPA' BO DANG DPA' MO RNAMS KYIS LAG NA ME TOG DANG, SPOS DANG, RGYAL MTSAN DANG, BA DAN DANG ROL MO SNA TSOGS THOGS PA RNAMS KYIS BSU NAS MKHA' SPYOD DU 'KHRID PAR 'GYUR RO, ,RGYUD KYI GLEGS BAM BRIS BA DANG, KLOG PA DANG, MCHOD BAS PHAN YON DE DAG 'THOB NA,
, ,RIM GNYIS KYI RNAL 'BYOR LA BRTZON PA RNAMS LTA CI SMOS, DE BAS NA LAM 'DI NYAMS SU LEN PA'I RNAL 'BYOR PA SHIN TU DKON PAS, 'DI DANG PHRAD NAS NYAMS LEN BYAS YOD DUS SU LE LO SOGS RNAM GA-YENG GI DBANG DU MA SONG BAR THOS BSAM SGOM GSUM GYI SGO NAS, DPAL 'KHOR LO SDOM PA'I LUNG RTOGS KYI BSTAN PA PHYOGS DUS KUN TU DAR ZHING RGYAS PAR MDZOD CES RANG GZHAN GNYIS KAL GSOL BA 'DEBS SO, ,RGYAS PAR RTZA RGYUD BSHAD RGYUD RNAMS DANG, 'PHAGS BOD KYI GRUB CHEN RNAMS KYIS MDZAD PA'I YI GE RNAMS DANG, RJE BLA MAS MDZAD PA'I 'DOD 'JO SOGS LA LTA BAR BYA'O, CES PA 'DI NI RANG GI DAD LDAN GYI SLOB MA DGE SLONG GRAGS BA RGYAL MTSAN DANG, LEGS BSHAD RGYA MTSO GNYIS KYIS 'DI LTA BU TSIG BSDUS PA SDOM LTA BU CIG DGOS ZHES YANG YANG NAN TAN DU BSKUL BA'I NGO MCHOG PAR, RGYAL BA KHYAB BDAG RDO RJE 'CHANG CHEN PO MKHAN RIN PO CHE PAn CHEN THAMS CAD MKHYEN PA DANG, RDO RJE 'CHANG CHEN PO RGYAL BA THAMS CAD MKHYEN PA GNYIS KYI ZHABS PAD SPYI BOR LEN CING, RIGS KUN KHYAB BDAG RDO RJE 'CHANG CHEN PO DKON MCHOG RGYAL MTSAN DPAL BZANG PO'I ZHABS DRUNG DU CHOS 'DI'I BKA' DBANG SOGS THOB PA'I LHA'I BTZUN PA 7?BLO BZANG BSTAN 'DZIN RGYAL MTSAN ZHES BGYI BAS SUG BRIS SU BGYIS BA'I DGE BA'I RTZA BAS SEMS CAN THAMS CAD BDE BA MCHOG GI GNAS SU BGROD PAR GYUR CIG, ,
[BLANK PAGE]