BSOD NAMS DGA' BA BKRIS CHOS 'KHOR GLING GI; *, ,MKHAN CHEN CHOS KYI RGYAL PO'I GSUNG 'BUM LAS DPAL 'KHOR LO BDE MCHOG GI LUS DKYIL GYI BSKYED RIM MKHA' SPYOD LDE MIG CES BYA BA BZHUGS SO,, ,,
, ,BCOM LDAN 'DAS DPAL 'KHOR LO SDOM PA'I LUS DKYIL GYI BSKYED RIM MKHA' SPYOD LDE MIG CES BYA WA, BLA MA DANG 'KHOR LO SDOM PA YAB YUM DBYER MI PHYED PA'I ZHABS KYI PADMOR GUS PA CHEN POS PHYAG 'TSAL ZHING SKYABS SU MCHI'O, ,BRTZE BA CHEN POS DUS DANG GNAS SKABS THAMS CAD DU RJES SU BZUNG DU GSOL, ,BLO GROS BZANG ZHING SNOD LDAN GDUL BYA'I ZHING SA LA, ,RDO RJE THEG PA'I DAM PA'I CHOS KYI CHAR RGYUN GYIS, ,RGYAL BA'I SKU GSUM 'BRAS BU LEGS PAR BSKRUN MDZAD PA, ,MTSAN LDAN BLA MA RDO RJE 'CHANG LA SNYING NAS 'DUD, , SANGS RGYAS LAS KYANG CHES CHER DKON PA'I GSANG SNGAGS KYI, ,RGYUD DANG DGONGS 'GREL MCHOG LA 'DOD RGUR DBANG BSGYUR ZHING, ,RGYAL BA'I BSTAN PA'I SNYING PO YID BZHIN NOR BU
, ,MCHOG ,'DZIN MDZAD MTSAN LDAN RDO RJE 'DZIN PA PHYAG GI YUL, ,DAG GI DBANG PHYUG BLO BZANG RGYAL BA GNYIS PA YI, ,DAM PA'I CHOS KYI NAM MKHA'I MDZOD LA MNGA' BRNYES PA, ,BKA' DRIN GSUM LDAN BLA MA KHYAB BDAG RDO RJE 'CHANG, ,DBYER MED ZHABS LA SNYING NAS 'DUD DO BRTZE BAS SKYONGS, ,RAB BRJID BEE d'UR SNGON PO'I LHUN PO LA, ,RAB MDZES PAD RAG 'JA' TSON KLUBS 'DRA BA'I, ,RAB MCHOG 'KHOR LO SDOM PA YAB YUM LA, ,RAB TU GUS PA'I YID KYIS PHYAG 'TSAL LO, ,PADMO'I MTSO LA DANG BA JI BZHIN DU, ,DAM TSIG CAN LA MYUR PA'I SHUGS KYIS NI, ,BYON NAS DNGOS GRUB MA LUS STZOL MDZAD PA'I, ,SNYING PO'I RNAL 'BYOR MA LA GUS PHYAG 'TSAL, ,GLING GI
MCHOG GYUR 'DZAM GLING CHUNG DU GI?, ,GNAS CHEN NYER BZHIR SPRUL PAS? BSDUS PAR, ,RNAL 'BYOR PA LA DNGOS GRUB MCHOG STZOL BA, ,DPA' BO DPA' MO NYER BZHIR GUS BAS 'DUD, ,GZHAL DU MED PA'I MTHU STOBS NUS PA YIS, , SGRUB PA PO LA 'TSE BA'I BAR GCOD KUN, ,DRAN PAS SEL BYED SGO MTSAMS LAM BRGYAD LA, ,SNYING NAS 'DUD DO 'GAL RKYEN ZHI BAR MDZOD, ,SNGON TSE HE RU KA YI SPYAN SNGA RU, ,BSTAN DANG BSTAN 'DZIN RNAL 'BYOR SGRUB PA PO, ,BSRUNG BAR ZHAL BZHES ZHAL BZHI YAB YUM SOGS, ,CHOS SKYONG RNAMS KYIS RTAG TU GROGS MDZOD CIG ,RNAL 'BYOR MA RGYUD RGYA MTSO LAS, ,YONGS 'DZIN DAM PA'I GRU RDZING LA, ,BRTEN NAS RNYED PA'I YID BZHIN NOR, ,SNOD LDAN DAG LA SBYIN PAR BYA, ,DE YANG RJE TZONG KHA PA CHEN POS, 'DZAM BU'I GLING 'DI NYID KYI YUL NYI SHU? RTZA BZHI SOGS NA DPA' BO DANG DPA' MO'I DBANG PHYUG MA'I SPRUL PA'I DKYIL 'KHOR SPRUL PA DA DUNG YANG BZHUGS PAS NUS PA DANG YON TAN THAMS CAD MYUR DU THOB CING, DUS KYI MTHAR YANG NUS PA MI NYAMS BAR THOGS PA MED PAR 'BYUNG BA'I PHYIR BYIN RLABS CAN DU GRAGS PA'I DPAL 'KHOR LO SDOM PA, ZHES CHES CHER BSNGAGS P'I DPAL 'KHOR LO BDE MCHOG LUS DKYIL GYI RIM PA DANG PO'I RNAM GZHAG 'CHAD PA LA GNYIS, BSTAN PA SPYI'I RNAMS ZHAG MDO TZAM BSHAD PA DANG, BYE BRAG TU CHOS 'DI NYID KYI RNAM GZHAG BSHAD PA'O, ,DANG PO NI, SPREL MAR BSTOD PA LAS, ,GTING
, ,MTHA' MED PA'I 'KHOR PA NI, ,RGYA MTSO'I NANG NA RNAM PAR GNAS, ,'DOD CHAGS LA SOGS MI BZAD PA'I, ,CHU SRIN? GYIS NI LUS ZOS PAS, ,DE RING GANG LA SKYABS SU MCHI, ,GANG LA NYAS PA THAMS CAD KUN, ,GTAN NAS YOD YE MI MNGA' ZHING, ,GANG ZHIG LA NI YON TAN KUN, ,RNAM PA KUN TU GNAS GYUR BA, ,GAL TE SAMS SHIG YOD NA NI, ,DE NYID LA NI SKYABS 'GRO ZHING, ,DE BSTOD DE NI BKUR BA DANG; ;DE YI BSTAN LA GNAS PA'I RIGS, ,ZHES GSUNGS PA LTAR THAR 'DOD RNAMS KYI 'JUG PA'I SGO DAM PA NI SANGS RGYAS KYI BSTAN PA KHO NA YIN CING, DE LA 'JUG PA'I SGO LA YANG BSDUN RGYU PA ROL TU PHYIN PA'I THEG PA DANG, 'BRAS BU RDO RJE THEG PA GNYIS SU 'DUS SHING, DE GNYIS KA'I 'BRAS BU SKYON KUN ZAD CING YON TAN KUN RDZOGS PA'I SANGS RGYAS SU 'DOD PA YIN NO, ,'O NA THEG BDE GNYIS LA KHYAD PAR YOD DAM ZHE NA, YOD DE, PHAR PHYIN THEG PA RANG LAM LA BRTEN NAS SANGS RGYAS PAR BYED PA LA CI LTAR MYUR NA BSKAL CHEN GRANGS MED GSUM DU TSOGS BSAGS DGOS, RDO RJE THEG PA RANG LAM LA BRTEN NAS SANGS RGYAS PHAR BYED PA, GANG ZAG DBANG BOR 'TSE 'DIR, 'BRING BAR DOR, THAMS KYANG DBANG THOB CING DAM TSIG LEGS PAR BSRUNG NA SKYE BA BCU DRUG TSUN LA SANGS RGYAS PAR GSUNGS TE, GRUB CHEN DRIL BU PAS, MA BSGOMS GYUR KYANG LTUNG MED NA, ,SKYEB BCU DRUG DAG NA 'GRUB, ,
CES GSUNGS PA'I PHYIR, 'O NA, DE GNYIS LA DE LTA BU LAM BGROD PA'I MYUR BUL GYI RGYU MTSAN GANG YIN CE NA, PHAR PHYIN THEG PA LA 'BRAS BU SANGS RGYAS KYI SA'I YONGS SU DAG PA BZHI BA? RNAM PA MTHUN PA'I LAM BSGOM DU MED CING, SPYOD PA'I RTEN SEMS BSKYED DANG, SPYOD PA PHYIN DRUG LA SLOB PA TZAM LAS MED CING, RDO RJE THEG PA LA 'BRAS BU SANGS RGYAS KYI SA'I SKU DANG LONGS SPYOD DANG GNAS DANG MDZAD BA STE YONGS SU DGE BA BZHI DANG RNAM PA MTHUN PA'I LHA'I SKU DANG MCHOD PA DANG GZHAL YAS KHAR DANG 'OD ZER SPRO BSDUS SEMS CAN GYI DON MDZAD PA RNAMS BSGOM DU YOD PA'I PHYIR MYUR BAR GSUNGS SO, ,DE YANG 'PHAGS PA GSANG BA LUNG BSTAN PA'I MDO LAS, RGYUL SBYOR BA RGYU YI CHOS, ,'KHOR LO NYE BAR BSKOR BYAS NAS, ,'BRAS BU'I THEG PA NYE LAM ZHIG ,MA 'OD SA DUS NA 'BYUNG BAR 'GYUR, ,ZHES GSUNGS PA LTAR RO, ,DE LTA BU'I SNGAGS KYI THEG PA 'AM 'BRAS BU'I THEG PA'AM, RDO RJE THEG PA DE LA 'JUG PA'I SGOM 'DRA BA CI TZAM YOD CEN, RDO RJE GUR LAS, DMAN PA RNAMS LA BYA BA'I RGYUD, ,BYA MED RNAL 'BYOR DE LTAG PA'O, ,RNAL 'BYOR MCHOG NYI SEMS CAN MCHOG ,RNAL 'BYOR BLA MED DE LTAG ??? ,ZHES GDUL BYAD MAN PA LA BYA BA'I RGYUD, DE'I LTAG 'BRING LA SPYOD RGYUD, GDUL BYA MCHOG LA RNAL 'BYOR RGYUD, DE'I LTAG MCHOG GI MCHOG LA BLA MED KYI RGYUR GSUNGS PA YIN TE, BLA MED KYI RGYUD DON
, ,LA 'JUG PA LAS, BYA BA'I RGYUD DANG, SPYOD PA'I RGYUD DANG, RNAL 'BYOR GYI RGYUD DANG, RNAL 'BYOR BLA MED KYI RGYUD CES SPYIR GRAGS PA YIN NO, ,CES GSUNGS PA'I PHYIR RO, ,DE LTA BU'I RGYUD SDE BZHI'I DBYE BA 'BYED TSUL JI LTA BU ZHIG YIN ZHE NA, BYI'I? BYA BA DANG NANG GI LHA'I RNAL 'BYOR GNYIS LAS BYI'I? BYA BA GTZANG SPRAL SOGS PA GTZO BOR SPYOD CING, BSGOMS PA'I LHA MO DANG PHAN TSUN BLTAS PA LAS BYUNG BA'I BDE BA LAM DU BYED PA LA MOS PA'I GDUL BYA LA? GTZO BOR STON PA'I RGYUD DE BYA RGYUD DANG, PHYI'I BYA BA DANG NANG GI LHA'I RNAL 'BYOR GNYIS CHA MNYAM DU SPYOD CING BSGOMS PA'I LHA MO DANG PHAN TSUN BGAD PA LAS BYUNG BA'I BDE BA LAM DU BYED BA LA MOS PA'I GDUL BYA LA GTZO BOR STON PA SPYOD RGYUD DANG, PHYI'I BYA BA LAS NANG GI LHA'I RNAL 'BYOR GTZO BOR SPYOD CING, BSGOMS PA'I LHA MO DANG PHAN TSUN LAG? BCANGS LAS BYUD BA'I BDE BA LAM DU BYED BA LA MOS PA'I GDUL BYA LA GTZO BOR STON PA RNAL 'BYOR RGYUD DANG, PHYI'I BYA BA LAM LTOS PAR NANG GI LHA'I RNAL 'BYOR KHON GTZO BOR SPYOD CING, BSGOMS PA'I LHA MO DANG PHAN TSUN DBANG PO? GNYIS SBYOR GYI BDE BA LAM DU BYED ? MOS? PA'I GDUL BYA LA? GTZO BOR GSUNGS PA RNAL 'BYOR BLA NA MED PA'I RGYUD DE GZHAN GSUM LAS CHES MCHOG TU GYUR PA YIN NO, ,DE YANG YIN TE?, RGYUD SDE SOGS???? GSUM LA, 'BRAS
DUS KYI YONGS SU DAG PA BZHI DANG MTHUN PA'I LAM BSGOMS PA TZAM? LAS, KUN NYON PHYOGS KYI SKYE SHI BAR DO DANG MTHUN PA'I LAM BSGOM PA MED PAS DE TZAM LA BRTEN NAS SANGS RGYAS THOB PAR MI NUS LA, BLA MED KYI LAM LA 'BRAS DUS KYI YONGS SU DAG PA BZHI DANG MTHUN PA'I LAM BSGOM PA YOD PAR MTHAD, KUN NAS NYON MONGS PHYOGS KYI SKYE SHI BAR DO GSUM DANG MTHUN PA'I LAM BSGOMS PA YOD PAS? SNYIGS DU MTSO THUNG GCIG LA'ANG SANGS RGYAS BDE BLAG TU 'THOB NUS SHING, SANGS RGYAS THAMS CAD KYANG MTHAR BLA MED LA BRTEN NAS SANGS RGYAS PA YIN TE, GSANG BA SPYI RGYUD LAS, SKU GSUNG THUGS KYI RDO RJE CAN, ,DUS GSUM 'BYUNG? BA'I SANGS RGYAS RNAMS, ,RDO RJE SNGAGS KYI MTHU YIS NI, , YE SHES MNYAM MED YANG DAG BRNYES, ,ZHES GSUNGS PA'I PHYIR RO, ,DE LTA BU'I BLA MED KYI RGYUD LA DBYE NA, BRGYUD DANG MA RGYUD GNYIS SU YOD DE, THABS SGYU LUS RTZAL DU BTON NAS 'CHAD PA'I RGYUD DNGOS SAM, DE'I SDENG GTOGS PA'I RGYUD LA THABS RGYUD DAM PA RGYUD CES BYA STE, DPAL GSANG BA 'DUS PA LTA BU'O, ,SGYU LUS DE SNANG PHYOGS THABS KYI CHA DANG, GZUGS SKU'I THUN MONG MA YIN PA'I RGYU PA'I MTHON DANG 'DRA BAS DE LTAR BRJOD PA'O, , DON DAM? BDEN PA RO GCIG TU GYUR PA'I 'OD GSAL GYI YE SHES RTZAL DU BTON NAS 'CHAD PA'I RGYUD DNGOS SAM, DER GTOGS PA'I RGYUD LA SHES RAB KYI RGYUD DAM MA RGYUD CES BYA STE, 'KHOR LO SDOM BA LTA BU'O, ,DON GYI 'OD GSAL
, ,DE STONG PHYOGS SHES RAB KYI CHA DANG, GZUGS SKU'I THUN MONG BA'I RGYU, MA'I BON DANG 'DRA BSAN DE LTAR BRJOD PA'O, ,BLA MED KYI RGYUD THAMS CAD BDE STONG DBYER MED KYI YE SHES RTZA LA DU BTON NAS 'CHAD PAS NA GNYIS MED KYI RGYUD DU 'JOG PA RJE TZONG KHA PA CHEN PO'I DGONGS PA YIN NO, ,DE LTAR PA RGYUD DANG, THABS RGYUD DANG, MKHA' 'GRO PA'I? RGYUD RNAMS DON GCIG CING, MA RGYUD DANG, SHES RAB KYI RGYUD DANG, MKHA' 'GRO MA'I RGYUD RNAMS DON GCIG GO, BDE MCHOG GI RGYUD 'DI NI MA RGYUD KYI GTZO BO YIN TE, RJE TZONG KHA PAS, RNAL 'BYOR MA RGYUD DUNG PHYUR PHRAG GCIG DANG, ,BYE BA PHRAG DRUG GSUNGS PA'I NANG NAS NI, ,RGYAL MTSAN TOG LTAR MTHO BA'I RGYUD KYI MCHOG ,DPAL LDAN 'KHOR LO SDOM PA'I RGYUD RGYAL LA, ,ZHES GSUNGS PA'I PHYIR RO, ,RGYAS PAR RJE'I SNGAGS RIM DANG, MKHAS GRUB RJE DANG, RJE PAn CHEN THAMS CAD MKHYEN PAS MDZAD PA'I RGYUD SDE SPYI'I RNAM GZHAG RNAMS SU SHES PAR BYA'O, ` ,GNYIS PA LA SPYIR BDE MCHOG GI SKOR MDOR BSDUS TE BSHAD PA, BYE BRAG TU SKABS 'DIR BSTAN GYI SKOR BSHAD PA'O, ,DANG PO NI, DE LTA BU'I BDE MCHOG GI RGYUD LA RTZA RGYUD RGYAS PA SHLOO KA 'BUM PHRAG GSUM PA, 'BRING PO SHO LO KA 'BUM PHRAG GCIG PA, BSDUS PA LE'U NGA GCIG PA GSUM YOD DE, HE RU KA MNGON 'BYUNG LAS, 'BUM PHRAG 'BUM PHRAG GSUM LAS PHYUNG, ,RGYUD KYI SNYING PO
BSDUS PA YIN, ,ZHES DANG, MKHA' 'GRO RGYA MTSO LAS, DE LTAR NGES BRJOD 'BUM GSUM LAS, ,PHYUNG BA BDE MCHOG NYUNG DU STE, ,AA YIG LA SOGS KshA YIG MTHAR, ,LE'U RNAMS JI LTAR RIM PA YIS, ,DE KHO NA NYID LDAN PAR SBYAR, ,ZHES BSHAD PA LTAR RO, ,BSHAD PA'I RGYUD NI, RDO RJE MKHA' 'GRO, KUN SPYOD, SDOM 'BYUNG, MNGON SPYOD, KHA SPYOR DANG LNGA'O, ,MI THUB ZLA BAS, MKHA' 'GRO 'BYUNG BA KUN SPYOD DANG, ,DE BZHIN MTSAN MCHOG BLA MA'I RGYUD, ,KHA SBYOR RGYUD DANG BZHI PO STE, ,BSHAD PA'I RGYUD DU SHES PAR BYA, ,ZHES GSUNGS PA'I MKHA' 'GRO NI RDO RJE MKHA' 'GRO,, 'BYUNG BA NI SDOM 'BYUNG DANG PHAG MO MNGON 'BYUNG GNYIS GCIG TU BYAS PA DANG, MTSAN MCHOG BLA MA NI MNGON SPYOD BLA MA DANG, KUN SPYOD BZHI NI BDE MCHOG GI BSHAD RGYUD DANG, DE'I STENG DU BDE DGYES THUN MONG PA'I BSHAD RGYUD KHA SBYOR BSNAN PAS LDA'O, ,HE RU KA MNGON 'BYUNG DANG, RNAL 'BYOR MA BZHI ZHAL SBYOR BA'I RGYUD DANG, MKHA' 'GRO RGYA MTSO RNAMS PHYOGS MTHUN GYI RGYUD DO, ,RGYUD DE RNAMS GSUNGS PA'I GNAS NI THOG MAR RI RAB KYI RTZER GSUNGS SHING, PHYIS DPAL LDAN 'BRAS SPUNGS KYI MCHOD RTEN DU GSUNGS, GSUNG PA? PO NI STON PA SH'AKYA THUB PA BDE MCHOG GI RNAM PAR SPRUL NAS YIN TE, MKHA' 'GRO RGYA MTSO LAS, RTZOD PA'I DUS KYI SA'I NANG DU, BCOM LDAN MTHAS YAS PAS 'DI GSUNGS, SH'AKYA SENG
, ,GES GSUNGS BA'I RGYUD, ,CES GSUNGS BA'I PHYIR RO, ,ZHU BA PO NI RDO RJE PHAG MO DANG, PHYAG NA RDO RJE YIN LA, SDUD PA PO NI, RNAL 'BYOR MA RNAMS KYIS AOO RGYAN LA SOGS PAR BSDUS PAR GSUNGS SO, ,DE YANG SNGON 'DZAM GLING 'DIR SNGON NAS GRUB PA'I YUL CHEN NYI SHU RTZA BZHI DANG, DUR KHROD CHEN PO BRGYAD DE GNAS SO GNYIS YOD PA DER, PULLI RA MA LA YA, DZ'A LANDHA RA, AO t'I YA NA, AARPU TA STE GNAS BZHI BO LHA BZA' MI BZHIS BZUNG, DE BZHIN DU, GOO t'A WA RI, RA MI SHVA RI, DE WA KO tI, M'A LA WA STE NYE BA'I GNAS BZHI PO DRI ZA BZA' MI BZHIS BZUNG, K'A MA R'U, AO tI STE ZHING DANG, TRI SHA KU NE, KO SA LA STE NYE BA'I ZHING BZHI BO GNOD SBYIN BZA' MI BZHIS BZUNG, KA LING+KA, LAm PA KA STE TSANDHO HA 'AM 'DUN RTOG DANG, KANYTZI, HI M'A LA YA STE NYE BA'I TSANDHO BZHI PO SRIN PO BZA' MI BZHIS BZUNG PRE TA P'U RI, GRI HA DE WA STE 'DU BA DANG, SOO R'AshtA, SU WARNA D'I PA STE NYE BA'I 'DU BA BZHI KLU BZA' MI BZHIS BZUNG, N'A GA RA, SINDH'U STE DUR KHROD DANG, MA DU, KU LU T'A STE NYE BA'I DUR KHROD BZHI PO LHA MA YIN BZHIS BZUNG, GZHAN YANG DUR KHROD BRGYAD DAM 'THUD GCOD, NYE BA'I 'THUNG GCOD BRGYAD PO MI'AM CI MO BZHI DANG, PHRA MEN MA BZHI STE BRGYAD KYIS BZUNG NAS, 'JIGS BYED DE DAG LHA DBANG PHYUG CHEN PO,, CHUNG MA AU MA, NYE BA'I
CHUNG MA BZHI DANG BCAS PA DPON DU KHUR NAS, DE DAG DPON GA-YOG BZA' MI DRUG CU RE GNYIS KYIS 'DZAM BU'I GLING GI SEMS CAN RNAMS MA RUNG BAR BYAS NAS, ZAS SU SHA, SKOM DU KHRAG, SPYOD PA MI DGE BA 'BA' ZHIG LA SBYOR BA'I TSE, DE RNAMS 'DUL BA'I CHED DU RDO RJE 'CHANG YAB YUM GYIS BDE MCHOG ZHAL BZHI PHYAG BCU GNYIS PA YUM DANG BCAS PAR SPRUL NAS DBANG PHYUG DANG AU MA 'DUL ZHING ZHABS 'OG TU MNAN PA DANG, DE BZHIN DU SPYAN MA, M'A MA KI, GOS DKAR MO,, SGROL MA STE YUM BZHIS NYE BA'I CHUNG MA BZHI BTUL, KHAndA KA B'A LA, MAH'A KANG+KA LA, KANG+KA LA, MCHE BA RNAM PAR GTZIGS PA YAB YUM RNAMS KYIS LHA BZHI BTUL, SU RA BEE RI nA, 'OD DPAG MED, RDO RJE'I 'OD, RDO RJE'I SKU BZHI YAB YUM GYIS DRI ZA BZHI BTUL, DE BRGYAD PO THUGS KYI SPRUL PA'O, ,MYU GU CAN, RDO RJE RAL PA? CAN, DPA' BO CHEN PO,, RDO RJE H'Um MDZAD YAB YUM RNAMS KYIS GNOD SBYIN BZHI BTUL, RAB TU BZANG PO,, RDO RJE BZANG PO,, 'JIGS BYED CHEN PO, ,MIG MI BZANG YAB YUM RNAMS KYIS SRIN PO BZHI BTUL, DE BRGYAD PO GSUNG GI SPRUL PA'O, ,STOBS PO CHE, RIN CHEN RDO RJE, RTA MGRIN, NAM MKHA'I SNYING PO YAB YUM BZHIS KLU BZHI BTUL, HA RU KA, PADMA GAR DBANG, RNAM PAR SNANG MDZAD, RDO RJE SEMS DPA' YAB YUM BZHIS LHA MA YIN BZHI BTUL, DE BRGYAD PO SKU'I SPRUL PA'O, ,LVA
, ,GDONG MA, 'UG GDONG MA, KHYI GDONG MA, PHAG GDONG MA BZHIS MI'AM CI MO BZHI DANG, GSHIN RJE BRTAN MA, GSHIN RJE PHO NYA MO, ,GSHIN RJE MCHE BA MA, GSHIN RJE 'JOMS MA BZHIS PHRA? MEN MA BZHI BTUL NAS, DE LTAR SPRUL PA'I RTEN DANG BRTEN PA'I DKYIL 'KHOR DE DA DUNG YANG MA BSDUS BAR YOD PAS BYIN RLABS CHE ZHING MYUR BAR GONG DU BSHAD PA BZHIN NO, ,DE LTA BU'I LHA THAMS CAD THABS SHES DBYER MED PAS YAB YUM ZHAL SBYOR DU YOD CING, SNYING PO'I RNAL 'BYOR MA BZHI DANG, SGO MA BZHI DANG, MTSAMS MA BZHI RNAMS YAB SBAS BA'I TSUL DU YOD CING, DANG PO BZHI KHA t'Am KA DANG, BAR PA BZHI GDONG BSNYAN DANG, THA MA BZHI PHYED GZUGS SU SBAS PAR GSUNGS SHING, YAB NI DANG PO BZHI'I RNAM SNANG, DON GRUB, 'OD DPAG MED, RIN 'BYUNG DANG, SGOM BZHI'I YAB SHAR NAS GA-YON SKOR DU KHAMS GSUM RNAM RGYAL BDUD RTZI 'KHYIL PA; RTA MGRIN, GSHIN RJE GSHED RNAMS DANG, MTSAMS MA BZHI'I GA-YAS SKOR DU SKU GA-YAS PHYED NI DBYUG SNGON CAN, 'DOD PA'I RGYAL PO, MI GA-YO BA, STOBS PO CHE RNAMS SU BSHAD DO, ,GZHAN YANG DPA' BO NYER BZHI PO'I ZHI BA'I SKU NI, KHAndA KA P'A LA NI KUN DU BZANG PO'O, ,MAH'A KANG+KA LA NI 'JAM DPAL LO, ,KANG+KA LA NI 'JIG RTEN DBANG PHYUG GO, MCHE BA RNAM PAR GTZIGS PA NI SA'I SNYING PO'O, SU RA BEE RI N'A NI PHYAG NA RDO RJE'O, ,
'OD DPAG MED NI BYAMS PA'O,, RDO RJE'I 'OD NI NAM MKHA'I SNYING PO'O, ,RDO RJE'I SKU NI NAM MKHA'I MDZOD DO,, DE RNAMS THUGS KYI 'KHOR LO'I LHA'O, ,MYU GU CAN NI SGRIB SEL LO,, RDO RJE RAL PA CAN NI SPOS KYI GLANG PO'O, , DPA' BO CHEN PO NI BLO GROS MI ZAD PA'O,, RDO RJE H'Um MDZAD NI YE SHES TOG GO, RAB TU BZANG PO NI MYA NGAN MUN PA NGES 'JOMS SO,, RDO RJE BZANG PO NI SPOBS PA BRTZEGS PA'O,, 'JIGS BYED CHEN PO NI NGAN SONG KUN 'DREN NO,, MIG MI BZANG NI DRA BA CAN GYI 'OD DO,, DE RNAMS GSUNG GI 'KHOR LO'I LHA'O, ,STOBS PO CHE NI ZLA 'OD GZHON NU'O,, RIN CHEN RDO RJE NI RDO RJE 'OD DO,, RTA MGRIN NI NYI MA'I SNYING PO'O,, NAM MKHA'I SNYING PO NI RDO RJE 'OD ZER RO,, HE RU KA NI MTHU CHEN THOB PO,, PADMA GAR DBANG NI NOR BZANG NGO,, RNAM PAR SNANG MDZAD NI SA SKYONG NGO,, RDO RJE SEMS DPA' NI BLO GROS RGYA MTSO'O,, DE RNAMS SKU'I 'KHOR LO'I LHA'O, ,DPA' MO RNAMS KYI ZHI BA'I SKU NI, RAB GTUM MA NI RDO RJE PHO NYA MO'O,, GTUM MIG MA NI BSKUL BYED MA'O,, 'OD LDAN MA NI RIN CHEN SGRON ME'O,, SNA CHEN MA NI RDO RJE NYI MA'O,, DPA' BO'I BLO CAN MA NI RDO RJE RO LANGS MA'O,, KHAR PA?? RI NI RDO RJE GZHON NU MA'O,, LANG+KA'I DBANG PHYUG MA NI 'OD ZER CAN MA'O,, SHING GRIB MA NI SANGS RGYAS BYANG CHUB MA'O,, DE RNAMS THUGS KYI 'KHOR LO'I RNAL 'BYOR MA'O, ,SA BSRUNG MA NI YE SHES SGRON ME'O,, 'JIGS BYED CHEN MO NI RDO RJE 'JIGS MA'O, ,
, ,RLUNG SHUGS MA NI DRI LDAN MA'O,, CHANG 'THUNG MA NI RGYA LDAN MA'O, ,SNGO BSANGS LHA MO NI SGROL MA'O,, SHIN TU BZANG MO NI GOS DKAR MO'O,, RTA RNAM NI NYE BA'I SPYAN NO,, BYA GDONG MA NI NYE BA'I MA M'A KI'O,, DE RNAMS GSUNG GI 'KHOR LO'I RNAL 'BYOR MA'O, ,'KHOR LO'I SHUGS CAN MA NI RGYAL MTSAN RTZE MO'I DPUNG RGYAN NO,, DU MA SKYES MA NI SO SOR 'BRANG MA'O,, CHANG TSONG MA NI RMA BYA CHEN MO'O,, 'KHOR LO'I GO CHA MA NI RI KHROD LO MA GYON MA'O,, SHIN TU DPA' MO NI RDO RJE LU GU BRGYUD MA'O,, STOBS CHEN MO NI PHYIR BZLOG CHEN MO STE STONG CHEN MO'O,, 'KHOR LOS BSGYUR MA NI GTZUG TOR DKAR MO'O,, BRTZON 'GRUS CHEN MO NI RDO RJE RAB 'JIGS MA STE SKU'I 'KHOR LO'I RNAL 'BYOR MA'O, ,DE RNAMS NI NGES BRJOD RGYUD KYI 'GREL PA SLOB DPON SHU RAm KA BADZRAS MDZAD PAR GSUNGS SHING, DE YANG SGYU 'PHRUL DRA BA'I LE'U RE BDUN PA LAS GSUNGS PAR BSHAD CING, AINDRA BHO TIS MDZAD PA'I RTZA RGYUD KYI 'GREL PAR YANG DE DANG 'DRA BAR GSUNGS SO, ,DE LTAR RTZA BSHAD KYI RGYUD RNAMS LAS BDE MCHOG GI SGRUB THABS MANG DU GSUNGS SHING, DE LA BRTEN NAS MCHOG GI DNGOS GRUB THOB PA'I GRUB CHEN 'PHAGS YUL LA SOGS PA LA GRANGS MED PA YOD KYANG, GTZO BOR L'U AI PA DANG, DRIL BU PA DANG, NAG PO SPYOD PA GSUM LAS BRGYUD PA MANG ZHING, BOD YUL NA'ANG DE GSUM GYI LUGS SHIN TU DAR BA YIN NO,, ,,GNYIS PA LA GNYIS, LUGS 'DI'I
RGYUD PA BSHAD PA DANG, SGRUB THABS DNGOS BSHAD PA'O, ,DANG PO NI, GDAMS PA 'DI'I BKA' 'BABS NI GRUB CHEN DRIL BU PA YIN CING, RDO RJE GDAN PAS, BU SMAD BCAS SHING DNGOS GRUB BRNYES, ,BHANG+KA LA RU LUNG BSTAN THOB, ,RDO RJE DRIL BU ZHES BYA BA'I, ,BLA MA DE LA PHYAG 'TSAL LO, ,ZHES PA'I BLA MA DE NI, RGYA GAR SHAR PHYOGS N'A REN DRA'I RGYAL PO ZHIG GI SRAS SU 'KHRUNGS, YAB 'DAS NAS RGYAL POR BSGOS PAS, RGYAL SRID LA SNYING PO MED PAR DGONGS TE DPAL N'A RENDRA'I MKHAN PO RGYAL BA'I LHA RAB TU BZANG PO LAS RAB TU BYUNG STE MTSAN BLO GROS SNYING PO'I DPAL ZHES BTAGS, GSAN PA MDZAD NAS RIG GNAS DANG SDE SNOD THAMS CAD LA MKHAS PAR GYUR TE YONGS RDZOGS KYI PAndI TAR GYUR TO, ,DE'I TSE MU STEGS KYI STON PA ZHIG NANG PA'I PAndI TA MANG POS RTZOD PAR MA NUS PA DANG BSTAN PA DBANG DU BTZUGS NAS RTZOD PAS SLOB DPON GYIS RGYAL NAS SANGS RGYAS KYI BSTAN PAR BCUG PAS SLOB DPON DGRA LAS RGYAL BA ZHES GRAGS SO, ,RGYAL PO'I MCHOD GNAS SU BZUNG NAS SDE SNOD MANG PO 'CHAD NAS BZHUGS, DE'I TSE GRUB CHEN YU AI PA'I DNGOS SLOB, SLOB DPON D'A RI KA BA DANG MJAL NAS DPAL 'KHOR LO SDOM? PA'I DKYIL 'KHOR DU DBANG BSDUD,? RIM GNYIS GDAMS PA RNAMS GNANG STE DBEN PAR SGRUBS SHIG GSUNGS PAS, BANG+KA LA'I NAGS KHROD GCIG TU BYON NAS SGRUB PA MDZAD PAS, RE ZHIG NA
, ,NAM MKHA' LA KHYED AOO RGYAN DU SONG ZHIG PHAG RDZI MO ZHIG GIS RJES SU BZUNG BAR 'GYUR RO ZHES PA'I SGRA BYUNG BAS, DER BYON NAS PHAG RDZI MO MTHONG TSAD LA PHYAG BYAS SHING GSOL BA BTAB PAS LAN CI YANG MA BYUNG BAS YID CHAD PA NA, PHAG RDZI MO MDOG MI SDUG LA RES DGOD RES DU BYED PA ZHIG 'DUG PA LA, PHYAG 'TSAL ZHING RJES SU 'DZIN PAR ZHUBS, SNGAGS LA DAD YANG NYAMS SU LEN PA NYUNG BAS SONG GSUNG, DE MKHA' 'GRO MA YIN PAR SHES NAS ZHABS SPYI BOR BLANGS TE PHYAG 'TSAL BAS, RDO RJE PHAG MOR GYUR NAS DPAL 'KHOR LO BDE MCHOG GI DKYIL 'KHOR DU PHYI NANG GI DBANG BSKUR NAS GDAMS PA RNAMS GNANG STE LHO PHYOGS SU BSGOMS SHIG CES LUNG BSTAN PAS, LHO PHYOGS AOO dI BI SHI?? ZHES BYA BA'I YUL GYI NAGS KHROD DBEN PA ZHIG TU SGRUB PA MDZAD CING BZHUGS PA NA, YUL DE'I RGYAL PO SOS KA'I DUS SU SKYO BA SANGS SHING RI DAS RNGON PAR BYON NAS DES SLOB DPON MTHONG STE, DGE SLONG GZUGS SHIN TU RID PA LUS NYI LHAG GIS GDUNG BA MTHONG NAS SNYING RJE SKYES TE, NGAS ZAS SBYIN GYI GRONG KHYER DU SHOG CIG CES SMRAS SO, , DE DUS SLOB DPON RDZOGS RIM GYI SGYU LUS KYI LAS RGYA SGRUB PAR BZHED NAS RGYAL PO LA, DNGOS RNAMS YONGS SU SHES PA'I MKHAS PA RNAMS LA BRNYAS PAR MI BYA STE, ,DE NI RTZA RTZE CHUD BA BAS CHUNG 'BYOR PA RNAMS LA
CHAGS PA MIN, ,RGYUN MI 'CHAD PAR CHAD 'JAG PA YIS 'GRAM PA NAG POR GYUR PA YI, ,GLANG CHEN RNAMS NI PADMA'I SKUD PA PHRA MOS 'KHYIG PAR MI NUS BZHIN, ,GSUNGS PAS RGYAL POS KHROS NAS DMA' PHAB PAR 'DOD DE, NAGS KHROD KYI DGE SLONG DE SUS DMA' PHAB NA DE LANGS BYA DGA' CHEN PO STER RO ZHES DRIL BSGRAGS SO, ,DE'I TSE SMAD CHOD MA ZHIG GI BU MO MDZES MA ZHIG YOD PA DES NGAS DMA' PHAB PAR BYA'O ZHES KHAS BLANGS PAS; DGOS PA'I YO BYAD RNAMS RGYAL POS BYIN TE GRUB CHEN GYI RTZER PHYIN NAS ZHABS TOG BYED PAR ZHUS PAS, PADMA CAN GYI RIGS SU GYUR PA SKAL BA CAN DU MKHYEN NAS GNANG STE DBANG DANG DAM TSIG BYIN TE SNOD RUNG DU BYAS NAS LAS RGYAR? BSTEN TE MCHOG BSGRUBS SO, ,DE NAS SLOB DPON GYIS RGYAL PO SOGS SKYE BO RNAMS KYIS DAD PA BZLOG PA DANG, THUGS RJE CHEN PO SPYAN RAS GZIGS KYI SKU SPYAN DRANG BA DANG YUL DE'I MI RNAMS RDO RJE THEG PAR GZUNG PA'I DGOS PA GSUM? YOD PAR MKHYEN NAS, GRONG KHYER DU BZHUD PAR BZHED CING SLOB DPON GYIS RVA'I SNOD CIG GZUNG NAS SNGAR GYI, DNGOS RNAMS YONGS SU SHES PA'I SOGS KYI TSIGS BCAD RNAMS GLUR LEN CING, MOS CHAD SNOD KHUR, SGRUB PA'I BU BU MO GNYIS GA-YAS GA-YON DU RGYUG CING GRONG KHYER DU BYON PAS, RGYAL BO SOGS GRONG KHYER GYI MI THAMS CAD 'TSOGS NAS, RGYAL POS BOS PA'I TSE MI YOD BAR CHAD TSOD MAS BOS PA'I TSE DE LA BABS NAS YONG BZHES THAL MO
, ,BRDAB CING GAD MO'I SGRA BYAS PAS, SLOB DPON GYIS RVA'I SNOD SA LA BRDAB PAS SA RIM BDUN PHUG NAS DE LAS CHU RDOL TE THAMS CAD CHUS KHENGS PA DANG, SLOB DPON RANG HE RU KAR GYUR, BUD MED RDO RJE PHAG MOR GYUR NAS, BU DANG BU MO GNYIS RDO RJE DANG DRIL BUR MDZAD NAS NAM MKHA' LA LDING ZHING GSHEGS SO, ,DE NAS RGYAL PO SOGS MI RNAMS BZOD BAR GSOL PAS, NAM MKHA' NAS SPYAN RAS GZIGS LA GSOL BA THOB CIG GSUNGS PAS THAMS CAD KYIS, NA MO LO KE? SHVA RA YA, ZHES GSOL BA BTAB PAS CHU'I DBUS NA 'PHAGS PA'I RDO SKU RANG BYON BYUNG STE CHU DE DE LA LAN BDUN BSKOR TE SA 'OG TU SONG NGO SKU DE YANG DING SANGS GI BAR DU YOD CING 'GRO DON YANG CHEN POR YOD PA'O, ,YUL DE'I MI RNAMS RDO RJE THEG PAR BTZUN DE GRUB THOB YANG MANG DU BYUNG NGO, ,SLOB DPON DES MA 'ONGS PA'I GDUL BYA RNAMS LA DGONGS NAS, LUS DKYIL GYI SGRUB THABS GNYIS DANG, LHA LNGA'I SGRUB THABS, LUS DKYIL DU DBANG BSKUR BA'I CHO GA, RDZOGS RIM RIM PA LNGA PA DANG, LHAN SKYES KYI SGRUB THABS RNAMS MDZAD PA YIN NO,, ,,DE'I SLOB MA GRUB CHEN RUS SBAL? ZHABS DANG, DE'I SLOB MA GRUB CHEN DZ'A LANDHA RA STE 'BAR 'DZIN YIN TE, DE NI SKU 'DI NYID KYIS MKHA' SPYOD DU GSHEGS PAR GRAGS, DES GRUB CHEN NAG PO SPYOD PA LA GNANG, DES GRUB CHEN GU HYA MA?, DES GRUB CHEN BI
DZ'A BA STE RNAM RGYAL BA, DE NAS RIM BZHIN, TILLI PA, N'A RO PAn CHEN, PHI THING PA, KLOS SKYA SHES RAB BRTZEGS, MAL LO TZ'A BA BLO GROS GRAGS BA, DE LAS SA SKYA BA? CHEN PO KUN DGA' SNYING PO,, RIG 'DZIN BSOD NAMS RTZE MO,, RJE BTZUN GRAGS PA RGYAL MTSAN, DE LAS SA SKYA PAn CHEN KUN DGA' RGYAL MTSAN GYIS GSAN TE, DE NI STON PA'I DUS SU 'PHAGS MCHOG RAB 'BYOR TE, STON PA'I GSUNGS THEG PA GSUM GYI CHOS THAMS CAD KHONG DU CHUD CING 'KHOR 'DUS PA THAMS CAD KYI MCHOG TU LUNG BSTAN PA? DE NYID SNYIGS DUS KYI GDUL BYA SKAL LDAN RNAMS THEG BA CHEN PO DANG, KHYAD PAR DU RDO RJE THEG PA'I SGO NAS SMIN CING GROL BA'I CHED DU BSAM BZHIN DU, DPAL SA SKYA BA'I RIGS RGYUD DU 'KHRUNGS SHING, RIG PA'I GNAS MTHA' DAG DANG KHYAD PAR MDO SNGAGS KYI GZHUNG LUGS THAMS CAD LA SBYANGS PA'I PHA ROL TU SON TE, RGYA GAR GYI MU STEGS PA RNAMS TSAR BCAD PA DANG, BYANG PHYOGS HOR GYI RGYAL PO JING KIR GYI SRAS GONG MAS SPYAN DRANGS TE, HOR RGYA NAG SOGS DAM PA'I CHOS KYI SGRA THOS MA MYONG BA RNAMS CHOS LA BTZUD DE, SANGS RGYAS KYI BSTAN PA DAR BAR MDZAD CING, 'GRO BA RNAMS THAR BAR 'DREN PA'I DED DPON CHEN POR GYUR PA DE NYID KYIS GSAN, DE LAS NYID KYI SKU TSA CHOS RGYAL 'PHAGS PA ZHES GRAGS PA MTSAN DNGOS BLO GROS RGYAL MTSAN PAS GSAN CING, DE NYID MDO SNGAGS CHOS TSUL
, ,MTHA' DAG LA SBYANGS SHING, HOR KHO BO L'I SI CHEN RGYAL PO'I DBU BLA?? MDZAD NAS RGYA NAG DANG HOR SOGS LA CHOS KYI CHAR BAB CING GROL BAR MDZAD NAS, BOD CHEN CHOL KHA GSUM GYI MNGA' BDAG CHEN POR GYUR BA YIN NO, ,DE LAS ZHANG DKON MCHOG DPAL BSAGS NA, DE LAS PAn CHEN NA BZA' BRAG BUG PAS GSAN, DE LAS BLA MA DAM PA BSOD NAMS RGYAL MTSAN PAS GSAN TE, DE NYID KYANG DPAL SA SKYA PA'I GDUNG RGYUD DU 'KHRUNGS SHING, BOD HOR SOGS KUN GYI MNGA' BDAG TU GYUR, DE LAS RJE BTZUN 'JAM PA'I DBYANGS KYI SPRUL PA CHOS KYI RGYAL PO RGYAL BA TZONG KHA PA BLO BZANG GRAGS PA'I DPAL GYIS GSAN TE, DE NYID RJE BTZUN 'JAM PA'I DBYANGS SNYIGS DUS KYI 'GRO BA RNAMS KYI CHED DU BSAM BZHIN DU MDO SMAD TZONG KHA'I YUL DU RAB BYUNG BDUN PA'I SA MO BYA'I LO LA 'KHRUNGS, DGUNG LO GSUM PA LA RJE KARMA PA ROL PA'I RDO RJE LAS YONGS RDZOGS DGE BSNYEN GYI SDOM PA BZHES, CHOS RJE DON GRUB RIN CHEN GYIS MKHAN PO MDZAD NAS DGE TSUL GYI SDOM PA SOGS SPYI DANG THUN MONG MA YIN P'I CHOS MANG DU GSAN CING, DBUS GTZANG DU BYON NAS, RJE BTZUN RED MDA' PA SOGS DGE BA'I BSHES GNYEN MANG PO BSTEN CING, RIG PA'I GNAS LNGA DANG, KHYAD PAR DU RDO RJE THEG PA'I CHOS SKOR RNAMS DANG, ZAB MO DBU MA'I LTA BA SOGS ZAB CHOS MANG PO RJE BTZUN 'JAM PA'I DBYANGS LA DNGOS SU
GSAN, KHYAD PAR DU DPAL LDAN BLA MA DAM PA BSOD NAMS RGYAL MTSAN LAS BDE MCHOG LUS DKYIL GYI DBANG ZAB MO SOGS BDE MCHOG GI CHOS SKOR MANG DU GSAN TE, YIG CHA YANG SBAS DON KUN GSAL SOGS SHIN TU MANG PO MDZAD CING, MDOR NA GANGS CAN DU SANGS RGYAS KYI BSTAN PA NYI MA LTAR GSAL BAR MDZAD CING, KHYAD PAR DU BDE MCHOG GI SKOR LA NYAMS PA RNAMS SLAR BSOS PA SOGS SHIN TU DAR BAR MDZAD CING DE'I SGO NAS 'GRO BA MANG PO SMIN CING GROL BAR MDZAD PA YIN LA, RGYAS PA RNAM THAR DAD PA'I 'JUG DOGS SOGS SU SHES PAR BYA'O, ,DE LAS MKHAS GRUB DGE LEGS DPAL BZANG POS GSAN, DES RANG GI GCUNG PO BA SO BA CHOS KYI RGYAL MTSAN LA GNANG, DE LAS GRUB CHEN CHOS KYI RDO RJES GSAN, DE LAS RGYAL BA BLO BZANG DON GRUB PAS GSAN, DES MKHAS GRUB SANGS RGYAS YE SHES LA, DE LAS DON GYI SLAD DU MTSAN NAS SMOS TE BDAG GI MKHAN PO RIN PO CHE PAn CHEN BSTAN P'I BDAG PO THAMS CAD MKHYEN PA BLO BZANG CHOS KYI RGYAL MTSAN DPAL BZANG POS GSAN, DE LAS NYID KYI SRAS KYI THU BO RDO RJE 'DZIN PA KHYAB BDAG 'KHOR LO'I MGON PO DKON MCHOG RGYAL MTSAN GYIS GSAN, DE LAS MKHAS SHING GRUB PA'I DBANG PHYUG KHYAB BDAG RDO RJE 'CHANG NGAG DBANG BLO BZANG CHOS LDAN DPAL BZANG POS GSAN TE, BLA MA DE GNYIS LAS BDAG BDE MCHOG LO DRIL GNYIS KYI DBANG DANG, LUS DKYIL GYI DBANG DANG,
, ,RTZA RGYUD KYI LUNG DANG, DRIL BU'I SGRUB THABS RGYA GZHUNG DANG, BLA MA GNYIS KYIS MDZAD PA'I LUS DKYIL GYI SGRUB THABS SOGS DANG, ,BSKYED RDZOGS KYI 'KHRID DANG ZAB MO'I ZHAL SHES SOGS RANG GI GO TSOD DANG BSTUN NAS ZHUS BAS DGYES BZHIN DU GNANG BA YIN NO,, ,,SMRAS PA, RDO RJE 'CHANG GIS GSUNGS PA'I RGYUD SDE'I MCHOG ,RDO RJE THEG PA'I ZAB LAM NYID KHU'I GTZO, ,RDO RJE 'DZIN PA'I LEGS BSHAD BDUD RTZI 'DI, ,RDO RJE SLOB MAS BSKUL PHYIR GSAL BAR BYA, ,ZHES BYA BA NI BAR SKABS KYI TSIGS SU BCAD PA'O,, ,GNYIS PA SGRUB THABS DNGOS BSHAD PA LA GSUM, SGRUB THABS SPYI'I CHINGS BSHAD PA, THUN GYI NGO BO LA JI LTAR BYA BA, THUN SNGA PHYI'I MTSAMS SU JI LTAR BYA BA'O, ,DANG PO NI, RGYUD LAS, GOS DANG PHYAG RGYA LNGA LA SOGS, ,SHES RAB YAN LAG PHUR BU GUR, ,A'A LI K'A LI ZHES BRJOD NAS, ,RGYU SOGS STONG PA SNGON 'GRO BA, ,'JUG PA SGRA LA SOGS PA NAS, ,JI SRID BSDUS PA'I SBYOR LDAN PA, ,BDUD RTZI TSIM BYED MYA NGAN 'DAS, ,LAG PA'I MCHOD PA DBANG BSKUR BA, , GO CHA CHEN POS YANG DAG BSRUNG, ,SNGAGS RNAMS KUN GYIS MCHOD PAR BYA, ,DE LTAR DE NYID BCU BZHI NI, ,MDOR BSDUS NAS NI BSHAD PA YIN, ,ZHES RGYUD DON THAMS CAD BSDUS NAS BSHAD PA'I DE NYID BCU
BZHI 'DI LA, RDZOGS RIM LA SBYAR TE BSHAD PA, BSKYED RIM LA SBYAR TE BSHAD PA GNYIS LAS, 'DIR PHYI MA'I DBANG DU BYAS NA, GOS DANG ZHES SGRUB PA'I GNAS BSTAN PA'I DE NYID, PHYAG RGYA LNGA NI CHAS SU 'JUG PA'I DE NYID, SHES RAB YAN LAG GIS SGRUB PA'I GROGS RIG MA'I DE NYID BSTAN, PHUR BU GUR GYIS BSRUNG 'KHOR GYI DE NYID BSTAN, A'A LI'I DE NYID DANG, K'A LI'I DE NYID DANG, RGYU SOGS STONG PA ZHES PAS TSOGS SOGS SNGON DU 'GRO BA'I STONG NYID BSGOMS PA'I DE NYID DANG, 'JUG PA SGRA SOGS KYIS N'A DA BAR SNANG LA 'JOG PA NAS H'Um YIG BSKYED PA'I BAR GYI DE NYID, BSDUS PA'I SBYOR LDAN PA'I DE NYID NI 'BRAS BU RDO RJE 'DZIN PA NAS, YE SHES KYI 'KHOR LO DANG DBYER MED DU BYAD PA'I BAR BSTAN, BDUD RTZI TSIM BYED KYI DE NYID NI MCHOD PA BZHIS BSTAN, MYANG 'DAS KYI DE NYID KYIS NYER BSDU BSTAN, GO CHA'I DA NYID KYIS YAB YUM GNYIS KYI GO CHA'I LHA DANG YI GE BKOD PA BSTAN, LAG MCHOD NI GA-YON PA'I KUN SPYOD SOGS DAM TSIG GI DE NYID BSTAN, DBANG BSKUR BA NI SLOB MA DANG LHA LA DBANG BSKUR BA'I DE NYID, SNGAGS MCHOD NI RGYUD 'DI'I THUN MONG MA YIN PA'I KHYAD CHOS SNGAGS MCHOD KYI DE NYID BSTAN PA YIN NO, ,DE LTAR SPYI'I CHINGS DE NYID BCU BZHI 'DI BLO LA NGES PAR BYAS NAS CHO GA BZHIN NYAMS SU LEN PAR BYA'O, ,GNYIS PA LA GSUM, ,
, ,THUN GYI THOG MAR JI LTAR BYA BA, THUN DNGOS GZHI LA? JI LTAR BYA BA, THUN MJUG TU JI LTAR BYA BA'I TSUL LO, ,DANG PO LA GNYIS, THOG MA JI LTAR BYA BA'I RIM PA BSHAD PA, RNAL 'BYOR GYI YAN LAG RNAMS JI LTAR SGRUB PA'I RIM PA BSHAD PA'O, ,DANG PO LA LNGA, SBYOR BA'I STA GON, RDOR DRIL DANG NANG MCHOD BYIN GYIS BRLAB PA, SNGON 'GRO'I GTOR MA JI LTAR BYA TSUL, BDAG BSKYED MCHOD PA BYIN GYIS BRLAB TSUL, RDO RJE SEMS DPA'I BSGOM BZLAS BYED TSUL LO, ,DANG PO NI, MDO SNGAGS THUN MONG PA'I LAM RNAMS SNGON DU SONG BA CIG DGOS TE, RJE BLA MAS, THUN MONG LAM SBYANGS SNOD DU GYUR PA NA, , THEG PA KUN GYI MCHOG GYUR RDO RJE THEG ,CES GSUNGS PA'I PHYIR RO, ,DE NAS RDO RJE THEG PA'I BLA MA'I MTSAN NYID TSANG BA CIG LAS 'KHOR LO SDOM PA'I PHYI DKYIL GYI DBANG BZHI TSAD LDAN THOB CING, DER MA ZAD NANG LUS DKYIL GYI DBANG BZHI THOB NAS, DAM TSIG RNAM PAR DAG PA NGES PAR DGOS LA, DE LTA BU'I GANG ZAG GIS RGYUD 'GREL DANG THA NA BSKYED RDZOGS LA THOS BSAM GYIS GTAN LA PHAB NAS, RTZA RGYUD LAS, RI BO TSANG TSING SMAN LJONGS SAM, ,RGYA MTSO CHEN PO'I NGOGS DAG DANG, ,GDOD NAS GRUB PA'I DUR KHROD DU, ,CES GSUNGS PA LTA BU GNAS DPEN? CING NYAMS DGA' BAR BRIS SKU SOGS BKRAM NAS, MCHOD GTOR, NANG
MCHOD, RDOR DRIL, d'A MA RU SOGS MKHO BA'I YO BYAD? RNAMS STA GON BYAS NAS, KHA LHOR BSTAN TE BDUD RTZI RIL BU 'AM, BYIN GYIS BRLAB BA'I NANG MCHOD KYIS BDAG PAR BYAS NAS NYAMS SU LEN PAR BYA'O, ,GNYIS PA NI; RANG NYID SKAD CIG GIS HE RU KA ZHAL GCIG PHYAG GNYIS YUM BCAS SU BSGOM DGOS TE, BSGOM PA'I THOG MA NAS BZUNG STE, DAM TSIG GSUM DANG MI 'BRAL BA CIG DGOS PA SHES PA'I CHED DANG, NANG MCHOD SOGS BYIN GYIS BRLAB PA LA THA MAL PA'I SNANG ZHEN GYIS MI NUS PAS RANG LHA'I NGA RGYAL DANG LDAN PA CIG DGOS PA'I PHYIR RO, ,RANG HE RU KA YAB YUM DU BSKYED PA NI PHYAG RGYA'I DAM TSIG DANG, RDOR DRIL BYIN GYIS BRLAB PA NI RDO RJE DANG DRIL BU'I DAM TSIG YIN PAR SHES SHING DRAN PAR BYA'O, ,