, ,MKHAN CHEN CHOS KYI RGYAL PO'I GSUNG 'BUM LAS BSLAB BYA GZHAN PHAN SNYING PO ZHES BYA BA BZHUGS SO,, ,,
, ,NA MO GU RU MANYDZU GHO sh'A YA, SRID GSUM 'GRO BA'I BLA MA ZAS GTZANG SRAS, ,KHA SBYOR BDUN LDAN RGYAL BA RDO RJE 'CHANG, ,SKU BZHI'I BDAG NYID RTZA BA'I BLA MA DANG, ,DBYER MED ZHABS KYI PADMOR GUS PHYAG 'TSAL, ,TSUL KHRIMS RNAM PAR DAG PA'I ZHING SA LA, ,PHYIN DRUG SA BON LEGS PAR BTAB BYAS TE, ,DRI MED SMON LAM CHU YIS BRLAN PA LAS, ,LEGS PAR BSKRUN PA'I 'BRAS BU DAL 'BYOR 'DI, ,DON MED TSE 'DI'I BYA BSAM BTANG BAR, ,DON LDAN SNYING PO LEN PAR BYED PA LA, 7 , LAM GYI RTZA BA MTSAN LDAN BLA MA LA, ,BSAM DANG SBYOR BAS TSUL BZHIN BSTEN BYAS TE, ,DE YI ZHAL GYI BUM BZANG LAS 'ONGS PA'I, ,LEGS BSHAD BDUD RTZI'I CHOS LA THOS BSAM MDZOD,,
, ,DAL 'BYOR 'DI NI SHIN TU RNYED BAR DKA', ,NGES PAR 'JIG CING NAM 'CHI NGES MED DANG, ,PHYI MA GAR 'GRO'I GDENGS MED LEGS BSAMS NAS, , DAM CHOS MYUR BA NYID DU BRTZON PAR RIGS, ,'JIGS RUNG DMYAL BA YI DAGS DUD 'GRO YI, ,MI BZAD SDUG BSNGAL DRAG POS MNAR BA'I TSUL, ,LEGS PAR BSAMS NAS DE RU MI SKYE'I THABS, ,DKON MCHOG GSUM LA SKYABS 'GROR LEGS PAR BRTZON, ,DGE BA'I 'BRAS BUS LHA MIR SKYE NA YANG, ,'GYUR DANG KHYAB PA 'DU BYED SDUG BSNGAL GYIS, ,BDE BA'I GO SKABS MED PA'I TSUL BSAMS NAS, ,'KHOR BA KUN LAS YID NI 'BYUNG BAR RIGS, ,RANG NYID JI BZHIN DRIN CAN MA RNAMS KUN, ,SDUG BSNGAL GSUM GYIS SHIN TU MNAR BA LA, ,
MI BZOD BYAMS DANG SNYING RJES LEGS DRANGS PA'I, ,SMON 'JUG BYANG CHUB SEMS MCHOG BSKYED PAR RIGS, ,SBYIN SOGS PHA ROL PHYIN PA DRUG PO YIS, ,RGYAL SRAS RNAMS KYI SPYOD PA LEGS SBYAD NAS, ,BSDU BA'I DNGOS PO BZHI YIS GZHAN SBYONG ZHING, ,KHYAD PAR ZHI LHAG ZUNG 'BREL LAM LA BRTZON, ,DE LTAR THUN MONG LAM LA LEGS SBYANGS NAS, ,THUN MONG MIN PA RDO RJE SLOB DPON LAS, ,DPAL LDAN BDE BA MCHOG GI DKYIL 'KHOR DU, , PHYI NANG GNYIS KYI DBANG BZHI TSUL BZHIN NOD, ,GANG GI PHYIR NA DBANG BSKUR MA THOB PAS, ,RGYUD SDE'I 'CHAD NYAN BSGOM SGRUB BYED GYUR NA, ,DNGOS GRUB THOB KYANG SLOB DPON SLOB MA GNYIS, ,NGES PAR DMYAL BAR SKYE PAR GSUNGS PA'I PHYIR, ,DE DUS BLANGS PA'I DAM TSIG SDOM PA RNAMS, ,SROG GAM MIG LTAR GCES PAR MA BSRUNGS NA, ,DAM TSIG NYAMS PAS DMYAL BAR SKYE BA SOGS, ,NYES DMIGS MANG PO GSUNGS PHYIR LEGS PAR SRUNGS, ,DE NAS RGYUD DANG 'PHAGS BOD MKHAS PA YI, ,GSUNGS PA'I DGONGS 'GREL RIM GNYIS RNAM GZHAG RNAMS, ,THOS BSAM SGO NAS GTAN LA 'BEBS DGOS TE, ,DE MED LAG RDUM BRAG 'DZEG BZHIN DU GSUNGS, ,DE NAS GA-YENG MED THUN BZHI'I RNAL 'BYOR GYIS, ,SGRUB THABS JI BZHIN BSKYED PA'I RIM PA YIS, ,KUN NYON PHYOGS KYI SKYE SHI BAR DO GSUM, ,RNAM BYANG SKU GSUM SBYOR BA'I NYAMS LEN BSKYANG, ,
, ,KHYAD PAR BSKYED PA'I RIM PA'I GTZO BO NI, ,THA MAL SNANG ZHEN GNYIS KYI GNYEN PO RU, ,LHA YI NGA RGYAL GSAL SNANG GNYIS PO NI, ,SPEL MAR BYA STE BSKYED RIM MTHAR PHYIN BYA, ,DE LTAR RIM PA DANG POS DNGOS GRUB NI, ,ZHI SOGS CHUNG DANG GRUB PA BRGYAD SOGS 'BRING, ,GRUB KYANG MCHOG GI DNGOS GRUB MI 'GRUB PHYIR, ,MCHOG 'DOD SEMS KYIS RDZOGS PA'I RIM PAR 'BAD, ,BDAG BYIN GNYIS DANG SNA TSOGS RDO RJE ZUNG, , NOR BU 'GENGS DANG DZ'A LAN DHA RA YI, ,RIM PAR GOMS PAS SGYU MA'I LUS DE DANG, ,DON GYI 'OD GSAL ZUNG DU 'JUG PA YI, ,BSAM MI KHYAB PA'I RIM PA MTHAR PHYIN NAS, ,BDE BA MCHOG GI GO 'PHANG THOB PAR GSUNGS, ,RNAM PAR GA-YENG BAS TSE 'DIR MA THOB KYANG, ,'CHI TSE DPA' BO DPA' MO LHA RNAMS KYIS, ,ME TOG SPOS DANG RGYAL MTSAN ROL MO YIS, ,BSU NAS MKHA' SPYOD GNAS SU 'KHRID PAR GSUNGS, ,RGYUD KYI GLEGS BAM BRIS DANG BKLAGS PAS KYANG, ,'KHOR LOS BSGYUR BA'I RGYAL POR SKYE GSUNGS PAS, ,RIM GNYIS RNAL 'BYOR BSGOM PAS LTA CI SMOS, ,DE PHYIR LAM 'DIR SHIN TU 'BAD PA'I RIGS, ,THUN 'TSAMS RNAMS SU RTZA SNGAGS BZLAS PA DANG, ,RKANG BRGYAD BZLAS PA RGYUD LA KLOG PA DANG, ,KHYAD PAR TSES BCU RNAM PA GNYIS PO LA, ,MCHOD DANG GTOR MA'I LAS LA BRTZON PAR BYA, ,YUL DUS NYON MONGS
MANG BAS RTZA LTUNG SOGS, ,'BYUNG PHYIR BDAG 'JUG SOGS LA BRTZON PAR GYIS, ,LAG MCHOD ZAS DANG NYAL BA'I RNAL 'BYOR DANG, ,LDANG KHRUS RNAL 'BYOR SOGS LA 'BAD PAR BYA, ,SNYIGS DUS DAM CHOS BAR CHAD MANG BA'I PHYIR, ,SPYI SGOS CHOS SKYONG GTOR MA'ANG RGYUN DU BRTEN, ,PHYI RU 'DUL BA'I KUN SPYOD BSTEN PA DANG, ,NANG DU 'KHOR LO SDOM PA'I RNAL 'BYOR LDAN, ,'PHRAL DU SDIG MED MI CHOS DANG BSTUN NAS, ,BSTAN DANG 'GRO BA'I DON LA BRTZON PAR MDZOD, ,DUS GSUM RGYAL BA'I DGONGS PA'ANG 'DI LAS MED, ,MDO RGYUD KUN GYI DON YANG 'DI YIN TE, ,BLA MA'I MAN NGAG BYA BA'ANG 'DI YIN PAS, ,'DI BZHIN NAN TAN GYIS SHIG SKAL LDAN KUN, ,DE LTAR BRTZE BAS GDAMS PA'I RNAM DKAR MTHUS, ,RGYAL BA'I BSTAN PA DAR ZHING RGYAS PA DANG, ,BSTAN 'DZIN SKYES BU DAM PA'I ZHABS BRTAN ZHING, ,'GRO RNAMS LAM MCHOG 'DI YIS GROL GYUR CIG ,KHYAD PAR 'KHOR LO SDOM PA'I RNAL 'BYOR DANG, ,MTHUN RKYEN SBYOR BA'I SBYIN BDAG LA SOGS KUN, ,GNAS SKABS TSE RING NAD MED 'BYOR LDAN NAS; ;MTHAR THUG RDO RJE 'CHANG DBANG THOB PAR SHOG ,DUS MIN 'CHI BA'I MTSAN MA MTHONG BA NA, ,DE YI MOD LA BDE MCHOG YAB YUM SKU, ,GSAL BAR MTHONG NAS 'CHI BDAG DPA' BCOM STE, ,'CHI MED
, ,RIG 'DZIN MYUR DU THOB PAR SHOG ,CES MDO SNGAGS GNYIS KA'I LAM 'GO SMOS NAS 'KHOR LO BDE MCHOG GI LAM LA SLOB PA'I BSLAB BYA SDOMS SU BYAS NAS BRJOD PA'I BSLAB BYA GZHAN PHAN SNYING PO ZHES BYA BA 'DI, RANG GI SLOB MA YONGS LA PHAN PHYIR LHA'I BTZUN PA 7 BLO BZANG BSTAN 'DZIN RGYAL MTSAN GYIS SUG BRIS SU BGYIS PA'I MTHUS RE BA'I BSAM PA THAMS CAD 'GRUB PAR GYUR CIG, ,,
BLANK PAGE