, ,MKHAN CHEN CHOS KYI RGYAL PO'I GSUNG 'BUM LAS SNYING PO DON GSUM GYI 'KHRID YIG BYAMS MGON PHO NYA ZHES BYA BA BZHUGS SO, ,
, ,NA MO GU RU LO KI SHVA RA YA, 'DIR 'PHAGS PA SPYAN RAS GZIGS DBANG PHYUG GIS GRUB CHEN MI TRA DZVO KIL DNGOS SU GNANG BA'I GDAMs BSNYING PO'I DON GSUM GYI 'KHRID BSHES GNYEN DAM PA RNAMS KYIS GSUNGS PA CUNG ZAD BSHAD PAR BYA BA LA RTZA TSIG GI KHUNGS BKOD PA DANG, DNGOS GZHI NYAMS LEN BSHAD PA GNYIS, DANG PO NI, MI TRA NYID KYIS KHRO PHU LO TZA BA BYAMS PA'I DPAL LA GSUNGS PA'I RTZA TSIG NI, TSE 'DIR RGYUN GYI YI DAM BSGOM, ,'CHI KHAR 'PHO BA'I MAN NGAG BSGOM, ,BAR DOR BSRE BA BSGOM BYA STE, ,RGYUN DU BSGOM PA KUN GYI GNAD, ,MI RTAG SDUG BSNGAL DRAN BYAS NAS, ,SNYING RJE CHEN POR BA BSKYED DE, ,SPYI BOR BLA MA SNYING KAR LHA, ,RANG SEMS
, ,SKYE MED BSGOM PAR BYA, ,RANG LUS MCHOD SBYIN BYAS NAS NI, ,LTOS PA THAMS CAD RAB SPANGS TE, ,'OD KYI SBU GU'I SBYOR BA YIS, ,SEMS NI DGA' LDAN GNAS SU 'PHANG, ,'DI NYID BAR DOR SHES BYA LA, ,PHYI NANG GSANG BA BSGYUR BYAS TE, ,STONG NYID SNYING RJE'I RNAL 'BYOR GYIS, ,MKHAS PAS NYING 'TSAMS SBYAR BAR BYA, ,GANG SHAR NGOS ZIN LTA BA'I GNAD, ,DE LA MA GA-YENG BSGOM PA'I GNAD, ,DRAN PA RO SNYOMS SPYOD PA'I GNAD, ,GRUB THOB CHEN PO'I GDAMS DAG GO ,CES PA'I SHO LO KA DANG POS NYAMS LEN MDOR BSDUS TE BSTAN CING, MI RTAG SOGS SHO LO KA GNYIS PAS TSE 'DI'I NYAMS LEN DANG, RANG LUS SOGS GSUM PAS 'CHI KHA'I NYAMS LEN DANG,
'DI NYID SOGS BZHI PAS BAR DO'I DANG, LNGA PA LO TZA BAS GSUNGS PA YIN PAR MKHAS PA MANG POS BZHED DO,, ,,GNYIS PA NYAMS LEN DNGOS GZHI LA BZHI, TSE 'DI'I NYAMS LEN RGYUN GYI YI DAM BSGOM PA, 'CHI KHA'I 'PHO BA BSGOM PA, BAR DO'I BSRE BA BSGOM PA, DE GSUM KAR DGOS PA'I GNAD BSTAN PA'O, ,DANG PO LA, SBYOR DNGOS MJUG GSUM GYI, DANG PO LA SKYABS 'GRO DANG SEMS BSKYED GNYIS LAS, DANG PO NI, RTZA TSIG LAS, MI RTAG SDUG BSNGAL DRAN BYAS NAS, ,ZHES PA'I DON, PAn CHEN THAMS CAD MKHYEN PAS, RNYED DKA' DON CHEN DAL BA'I RTEN 'DI YANG, ,MYUR DU 'JIG CING NAM 'CHI NGES PA MED, ,SHI NAS SRID PA'I 'GRO BA GAR SKYES KYANG, ,SDUG BSNGAL RANG BZHIN BDE BA'I GO SKABS MED, ,CES GSUNGS PA LTAR, SPYID BDE 'GRO TZAM THOB PA LA DGE BA SNA GCIG SGRUB DGOS SHING, KHYAD PAR DAL 'BYOR THOB PA LA, RGYU TSUL KHRIMS RNAM DAG GIS GZHI BZUNG, SPYIN PA SOGS KYIS GROGS BYAS, SMON LAM DRI MA MED PAS 'TSAMS SBYAR BZHIG DES PAR DGOS PAS, DE BZHIN DU SGRUB BA SHIN TU NYUNG BSAN RGYU'I SGO NAS RNYED PAR DKA' BA DANG, SPYOD 'JUG LAS, RGYA MTSO CHER GA-YENG GNYA' SHING GI ,BU GAR RUS SBAL MGRIN CHUD LTAR, ,ZHES GSUNGS PA LTAR DPE'I SGO NAS RNYED PAR DKA' BA DANG, 'GROL
, ,RIGS DRUG GI DMYAL BA PA LAS YI DVAGS NYUNG BA DANG, DE LAS DUD 'GRO NYUNG, DE LAS LHA MIN NYUNG, DE LAS LHA, DE LAS DAL 'BYOR TSANG BA'I MI LUS SHIN TU NYUNG BAS NA NGO BO'I SGO NAS RNYED PAR DKA', DE LTA BU'I RTEN DE YANG YUN RING DU MI GNAS SHING, GSON RKYEN NYUNG ZHING 'CHI RKYEN MANG LA, DE RING YANG GSON POR GNAS PA'I NGES PA MED DE, RGYAL SRAS THOGS MED KYIS, DE RING TZAM YANG MI 'CHI'I GDENGS MED KYANG, ,RTAG TU SDOD GRABS BYED PA'I NGANG RING PO, ,'CHI KHAR BRANG LAG 'THAB MO 'CHOR NYEN GAD'O, ,ZHES GSUNGS PA LTAR, NGES PAR 'CHI ZHING NAM 'CHI NGES PA MED PAR YANG YANG BSAM LA, DE LTA BU SHI BA'I 'OG TU MAR ME SHI BA BZHIN MED MI 'GRO BAR 'GRO BA RIGS DRUG GANG RUNG GCIG TU NGES PAR SKYE DGOS LA, DE YANG LUS KYI SGO NAS SROG GCOD, MA BYIN LEN, 'DOD LOG GSUM, NGAG GI SGO NAS BRDZUN, TSIG RTZUB PHRA MA NGAG 'KHYAL BZHI, YID KYI SGO NAS BRNAB SEMS, GNOD SEMS LOG LTA STE NAG PO'I CHOS BCU CHEN PO BYAS PAS DMYAL BA, 'BRING YI DVAGS, CHUNG DUS DUD 'GROR SKYE BAR GSUNGS PAS, DMYAL BAR SKYE NA TSA GRANG DANG DES MTSON PA'I SDUG BSNGAL DPAG TU MED PA DANG, YI DVAGS LA BKRES SKOM DANG, DUD 'GROR GCIG LA GCIG ZA SOGS KYI SDUG BSNGAL DPAG TU MED
PA DANG, MIR SKYE NA'ANG SKYE RGA NA 'CHI'I SDUG BSNGAL SPYI DANG, MED PO RNAMS 'TSOL SGRUB GYI SDUG BSNGAL, YOD PA RNAMS? 'TSO SKYONG GI SDUG BSNGAL, DMA' BA RNAMS MTHON POR RE BA'I SDUG BSNGAL, MTHON PO RNAMS DMA' BAR 'GRO DOGS KYI SDUG BSNGAL, RGYAL PO RNAMS RGYAL SRID SHOR DOGS DANG, RAB BYUNG RNAMS KHRIMS MGO MI THON PA SOGS SDUG BSNGAL DANG, GZHAN YANG DA LTA MIG MTHONG LAG ZIN PA'I SDUG BSNGAL GRANGS MED PA RNAMS DANG, LHA MA YIN LA 'THAB RTZOD KYI SDUG BSNGAL DPAG TU MED PA DANG, 'DOD PA'I LHA RNAMS LA 'CHI 'PHO DANG LTUNG BYED KYI SDUG BSNGAL, KHAMS GONG MA GNYIS LA KHYAB PA 'DU BYED KYI SDUG BSNGAL GYIS MNAR BA YOD PAS, MDOR NA, MDO DRAN PA NYER BZHAG LAS, SEMS CAN DMYAL BA DMYAL MES NYAMS, ,YI DVAGS BKRES DANG SKOM PAS NYAMS, ,DUD 'GRO GCIG LA GCIG THAS? NYAMS, ,MI RNAMS 'TSO BA THUNG BAS NYAMS, ,LHA RNAMS BAG MED PA YIS NYAMS, ,'KHOR BA KHAB KYI RTZE TZAM LA, ,BDE BA NAM YANG YOD MA YIN, ,ZHES GSUNGS PA LTAR 'KHOR BA THAMS CAD SDUG BSNGAL GYI RANG BZHIN CAN YIN PAS, BDAG DANG SEMS CAN THAMS CAD SPYIR 'KHOR BA DANG SKOS NGAN SONG GI SDUG BSNGAL LAS SKYOB PA'I SKYABS YUL GCIG DGOS PAS NA SKYABS YUL GSAL BTAB BA? NI,
, ` ,RANG GI MDUN GYI NAM MKHAR PADMA'I SDONG PO 'DAB MA BZHI PA LANGS SHING RGYA CHE BA'I DBUS SU PADMA DANG ZLA BA'I GDAN LA NGO BO RANG GI DRIN CAN RTZA BA'I BLA MA YIN PA LA RNAM PA SPYAN RAS GZIGS KHA SAR P'A nI MNGON RTOGS BZHIN GSAL BTAB, SHAR GYI 'DAB MA LA RDO RJE 'CHANG LA SOGS PA'I YONGS SKU, SH'AKYA THUB PA LA SOGS PA'I SPRUL SKU'I RNAM PA CAN GYI SANGS RGYAS DPAG TU MED PA DANG, LHO'I 'DAB MA LA LUNG RTOGS KYI DAM PA'I CHOS PO TI'I RNAM PAR GDONG DAR KHRA SHIG GE BAR GNAS PA, NUB KYI 'DAB MA LA BYAMS PA 'JAM DBYANGS LA SOGS PA'I THUN MONG MA YIN PA DANG, 'PHAGS PA'I GNAS BRTAN BCU DRUG SOGS THUN MONG BA'I DGE 'DUN DKON MCHOG RNAMS DANG, BYANG GI 'DAB MA LA PHYI NANG GI BAR CHAD SEL BA'I MKHA' 'GRO CHOS SKYONG BSRUNG MA BSAM GYIS MI KHYAB PA, SKYABS YUL THAMS CAD ZHAL RANG LA PHYOGS SHING DGYES BZHIN BZHUGS PAR BSAM LA, RANG GI MTHA' SKOR DU PHA MAS GTZO BO BYAS PA'I SEMS CAN THAMS CAD SA CHEN PO'I DREG PA LTAR SMUG SHIG GEB DE THAMS CAD RANG DANG MGRIN GCIG TU SKYABS SU 'GRO BAR BSAMS SHING, BDAG DANG 'GRO BA NAM MKHA' DANG MNYAM PA'I SEMS CAN THAMS CAD DUS 'DI NAS BZUNG STE, JI SRID BYANG CHUB SNYING PO LA MCHIS KYI BAR DU, BLA MA LA SKYABS SU MCHI'O, ,SANGS
RGYAS LA SKYABS SU MCHI'O, ,CHOS LA SKYABS SU MCHI'O, ,DGE 'DUN LA SKYABS SU MCHI'O, ,ZHES SKYABS 'GRO BZHI SKOR RAM, YI DAM DKYIL 'KHOR GYI LHA TSOGS RNAMS LA SKYABS SU MCHI'O, , DPA' BO MKHA' 'GRO CHOS SKYONG BSRUNG MA RNAMS LA SKYABS SU MCHI'O, ,ZHES SKYABS 'GRO DRUG SKOR LAN MANG PO THA NA NYER GCIG BRJOD LA, BLA MA DANG DKON MCHOG RIN PO CHE RNAM PA GSUM LA PHYAG 'TSAL ZHING SKYABS SU MCHI'O, ,BDAG DANG SEMS CAN THAMS CAD KYI RGYUD BYIN GYIS BRLAB DU GSOL, ZHES LAN GSUM SOGS BRJOD PAS, SKYABS YUL RNAMS KYI SKU'I CHA LAS GDUD RTZI 'OD ZER DANG BCAS PA'I RGYUN BABS NAS RANG DANG SEMS CAN THAMS CAD KYI LUS SEMS LA ZHUGS PAS SDIG SGRIB BAG CHAGS DANG BCAS PA THAMS CAD BYANG ZHING DAG NAS, LUS SPYAN RAS GZIGS KYI SKU DANG, SEMS CHOS SKUR GYUR NAS BYA KHYUL? LA RDO 'PHAD PA BZHIN 'UR DI RI RI DAG BA'I ZHING DU 'PHUR TE GSHEGS PAR BSAM, SKYABS YUL RNAMS 'OD DU ZHU NAS RANG GI SMIN 'TSAMS NAS THIM PAS BYIN GYIS BRLAB PAR BSAM LA DAR GCIG MNYAM PAR BZHAG NAS, BDAG SOGS 'KHOR BCAS TSER BAS THAMS CAD DU, ,SOGS KYIS SMON LAM BTAB PAR BYA'O, ` ,GNYIS PA SEMS BSKYED NI, RTZA TSIG LAS, SNYING RJE CHEN PO RAB BSKYED DE, ,
, ,CES PA'I DON, PAn CHEN THAMS CAD MKHYEN PAS, BDAG NYID JI BZHIN DRIN GYIS BSKYANGS PA'I MA, ,SEMS CAN THAMS CAD SDUG BSNGAL GSUM GYIS MNAR, ,DES NA DE DAG SRID MTSO LAS SGROL PHYIR, ,RDZOGS PA'I SANGS RGYAS GO 'PHANG SGRUB PAR BYA, ,DE YI PHYIR DU SNYING PO DON GSUM GYI, ,GDAMS PA ZAB MO NYAMS SU BLANG BAR BYA, ,ZHES GSUNGS PA LTAR, JO BOAA TI SHAS GSUNGS PA LTAR, SEMS CAN THAMS CAD MAR SHES PA, DRIN DRAN PA, DRIN BZO BA, YID 'ONG GI BYAMS PA, SNYING RJE CHEN PO, LHAG BSAM RNAM DAG, KUN RDZOB BYANG CHUB KYI SEMS TE RGYU 'BRAS MAN NGAG BDUN LA BLO SBYANGS DGOS PAS, NAM MKHA' LA MTHA' MED PA BZHIN DU SEMS CAN LA YANG MTHA' MED, SEMS CAN DE LTA BUS BDAG GI MA MA BYAS PA GCIG KYANG MED CING, BYAS PA YANG GRANGS KYIS MI CHOD, MA NAM BYAS PA'I TSE YANG TSE 'DI'I MA DANG KHYAD PAR MED PA'I DRIN GYIS SKYANGS PAS NA DRIN TSAD MED PA YIN, DE LTA BU'I DRIN CAN GYI MA RNAMS SBYIR 'KHOR BA DANG, SGOS NGAN SONG GI SDUG BSNGAL GYIS MNAR BAS BDE BA'I GO SKABS NI MED, DES NA DE LTA BU'I DRIN CAN RNAMS SDUG BSNGAL GYI 'JIGS PA LAS SKYOB CING BDE BA LA SBYOR BA'I BABS THOB NI BU GCIG PU BDAG LA
YOD NA'ANG, BDAG LA DE LTA BU'I NUS PA NI MED, DA SU LA YOD NA RDZOGS PA'I SANGS RGYAS KHO NA MA GTOGS GZHAN SU LA YANG DE LTA BU'I NUS PA MED PAS NA, BDAG NI SEMS CAN THAMS CAD KYI DON DU THOG MAR RANG NYID SANGS RGYAS KYI GO 'PHANG THOB PAR BYA BA GCIG NGES PAR DGOS PAS DE'I CHED DU LAM ZAB MO SNYING PO'I DON GSUM GYI NYAMS KHRID NYAMS SU BLANG BAR BGYI'O SNYAM PA BDUN SOGS GANG RIS BYA'O, ` ,GNYIS PA DNGOS GZHI LA, RTZA TSIG LAS, SPYI BOR BLA MA SNYING KHAR LHA, ZHES PA'I DON, PAn CHEN THAMS CAD MKHYEN PAS, ` ,RANG GI SPYI BOR SHEL DKAR LAS GRUB PA'I, ,BYANG CHUB MCHOD RTEN SGO STONG LDAN PA'I DBUS, ,BUM PA'I LTE BAR PAD DKAR ZLA BA'I STENG, ,BKA' DRIN BLA MED RTZA BA'I BLA MA DANG, ,DBYER MED RJE BTZUN KHA SARBA nI BZHUGS, ,SGO STONG SANGS RGYAS STONG RNAMS RIGS LNGA'I TSUL, ,RANG NYID 'PHAGS MCHOG SPYAN RAS GZIGS DBANG DU, ,GSAL BA'I SNYING NI PADMA 'DAB STONG CAN, ,LTE BAR RANG GI SEMS DANG YI DAM LHA, ,DBYER MED KHA SAR PA nI TSON GANG TZAM,, 'DAB MA RNAMS LA AA DKAR STONG GIS MDZES, ,SPYI BO'I BLA MA SNYING KHA'I LHA GNYIS KYI, ,RAL PA'I KHROD NA RIGS BDAG SNANG MTHA' YAS, ,BLA MA LHAG PA'I LHA YI GNAS GSUM DU, ,YI GE GSUM MTSAN
, ,KHYAD PAR THUGS KHA'I DBUS, ,ZLA STENG HR'I:YIG MTHA' MAR YI GE DRUG ,CHU SHEL PHRENG BA LTA BUS MDZES PAS BSKOR, ,DE LAS 'OD 'PHROS RTZA RGYUD BLA MA DANG, ,YI DAM LHA TSOGS SKYABS GSUM BKA' SDOD BCAS, ,GSANG SNGAGS RIG SNGAGS GZUNGS SNGAGS MA LUS PA, ,SPYAN DRANGS SO SO'I DAM TSIG PAR THIM PAS, ,KUN 'DUS GSUM GYI BDAG NYID YID BZHIN NOR, , BSLU MED SKYABS MCHOG 'DUS PA'I NGO BOR BSAM, ,ZHES GSUNGS PA LTAR, RANG THA MAL DU GNAS PA'I SPYI BOR SHEL DKAR DRI MA MED PA'I MCHOD RTEN SENG KHRI DANG BANG RIM BZHI BUM PA BRE CHOS 'KHOR GDUGS TOG LA SOGS PA'I MTSAN NYID THAMS CAD TSANG BA'I BUM PA'I DBUS SU PAD ZLA'I GDAN LA BLA MA DANG GNYIS SU MED PA 'PHAGS PA SPYAN RAS GZIGS KHA SAR PA nI SKU MDOG GANGS RI LTAR DKAR BA, ZHAL GCIG PHYAG GNYIS PA; 'DZUM ZHING DGYES PA'I NYAMS CAN, PHYAG GA-YAS MCHOG SBYIN DANG, GA-YON PAS PAD DKAR GYI YU BA THUGS KHAR 'DZIN PA'I 'DAB MA SNYAN GYI THAD DU KHA PHYE BA, MTSAN DANG DPE BYAD KYIS SPRAS SHING, RAL BA'I THOR COG CAN, RIN PO CHE'I DBU RGYAN LA SOGS PA'I RGYAN GYIS BRGYAN CING, DAR SNA TSOGS BYIN? BZA' CAN, RI DAGS KRishnA SA DI'I PAGS PAS NU MA GA-YON PA GAB PA, ZHABS GNYIS SNYOMS PAR BZHENGS PA,
BUM PA'I 'OG GI BANG RIM BZHI LA SGO STONG YOD PA'I SHAR GYI BANG RIM 'OG MA LA SGO RE BRGYAD, DE'I STENG GI BANG RIM GNYIS LA RE DRUG RE STE NYIS BRGYA LA BSKAL BZANG GI SANGS RGYAS RNAM SNANG GI RNAM PA CAN? DKAR PO BYANG CHUB MCHOG GI PHYAG RGYA CAN, LHO'I BANG RIM GSUM LA GRANGS DE BZHIN DU RIN 'BYUNG GI RNAM PA CAN SER PO MCHOG SBYIN MNYAM BZHAG GI PHYAG RGYA CAN, NUB KYI BANG RIM GSUM LA GRANGS DE BZHIN DU 'OD DPAG MED KYI RNAM PA CAN DMAR PO MNYAM BZHAG GI PHYAG RGYA CAN, BYANG GI BANG RIM GSUM LA SNGAR BZHIN LA DON GRUB KYI RNAM PA CAN, LJANG KU SKYABS SBYIN MNYAM BZHAG GI PHYAG RGYA CAN, PHYOGS BZHI'I BANG RIM STENG MA BZHIR PHYOGS RER SGO LNGA BCU RE YOD PA LA MI BSKYOD PA'I RNAM PA CAN SNGON PO SA GNON MNYAM BZHAG CAN, SANGS RGYAS STONG PO THAMS CAD KYANG MCHOG GI SPRUL PA'I SKU'I RNAM PA CAN, CHOS GOS DUR SMRIG GSOL BA, ZHABS RDO RJE'I SKYIL DKRUNG GIS BZHUGS PA, BZHUGS TSUL YANG DKYIL 'KHOR GYI LHA LTA BU ZHAL NANG DU BSTAN PA MA YIN PAR GTZO BO DANG MTHUN BAR ZHAL RANG LA BSTAN PA, DE YANG MDUN MAS ?MYA ? RNAMS SGRIB BA MA YIN PAR PHYIS STAN NANG GSAL, NANG LTAS PHYI GSAL BA THAMS CAD GSAL LER YOD PA DANG, RANG GI SNYING PADMA 'DAB MA STONG GI LTE BAR PAD ZLA'I GDAN LA RANG SEMS KHA SARPA nI
, ,TSON GANG BA, 'DAB MA STONG LA AA DKAR PO RE GSAL BTAB, DE LA KHRID YIG 'GA' ZHIG TU, ,SPYAN RAS GZIGS PHYAG BZHI PA SGOM PA DANG, SANGS RGYAS STONG LA MI BSKYOD PA'I RNAM PA CAN MED PA DANG, SNYING PADMA 'DAB BRGYAD BSGOM PA SOGS CUNG ZAD MI 'DRA BA MANG POR SNANG YANG DON LA KHYAD PAR MED CING, 'DI NI RDO RJE 'CHANG CHEN PO PAn CHEN THAMS CAD MKHYEN PA'I GSUNG DRI MA MED PA JI LTA BA BZHIN DU BRIS PA YIN NO, ,SPYI BO'I BLA MA DANG SNYING KA'I YI DAM GNYIS KA'I SPYI BOR 'OD DPAG MED KYIS DBU RGYAN CING, SPYI BOR AOm DKAR PO, MGRIN PAR A'A: DMAR PO, THUGS KHAR ZLA GDAN LA HR'I:DKAR PO RING CHA TSEG DRAG DANG BCAS PA'I MTHAR MDUN NAS BRTZAMS TE GA-YAS BSKOR DU AOm MA nI PADME H'Um ZHES PA'I SNGAGS CHU SHEL GYI PHRENG BA LTA BUS BSKOR BA LAS 'OD ZER 'PHROS PAS, RTZA RGYUD KYI BLA MA RNAMS DANG, YI DAM DKYIL 'KHOR GYI LHA TSOGS, GSANG SNGAGS, RIG SNGAGS, GZUNGS SNGAGS RNAMS DANG, DPA' BO MKHA' 'GRO BKA' SDOD BSRUNG MA DANG BCAS PA SPYAN DRANGS TE, DAM TSIG PA LA THIM PAS SKYABS GNAS KUN 'DUS KYI NGO BOR BSAMS LA, DE LA GSANG SNGAGS SOGS KYI KHYAD PAR NI, SHES RAB DANG TING NGE 'DZIN MTSUNGS LDAN DANG BCAS PA NI SNYING PO DANG,
SHES RAB DANG SNYING RJE MTSUNGS LDAN DANG BCAS PA NI GSANG SNGAGS, SHES RAB DANG YE SHES MTSUNGS LDAN DANG BCAS PA NI RIG SNGAGS, SHES RAB DANG DRAN PA MTSUNGS LDAN DANG BCAS PA NI GZUNGS SNGAGS DNGOS YIN LA, SLOB DPON KA MA DHE NUS, SHES RAB DANG TING 'DZIN NI SNYING PO'O, ,SHES RAB DANG SNYING RJE'I BDAG NYID NI GSANG SNGAGS SO, ,SHES RAB DANG YE SHES NI RIG SNGAGS SO, , SHES RAB DANG DRAN PA NI GZUNGS SNGAGS SO, ,ZHES GSUNGS SO, ,DE LTAR BSGOM PA'I BLA MA DANG SANGS RGYAS RNAMS LA PHYAG MCHOD SOGS YAN LAG BDUN PA 'BUL BA LA, PAn CHEN THAMS CAD MKHYEN PAS, GANG LA BRTEN NA MCHOG DANG THUN MONG GI ,'DOD RGU'I PHUN TSOGS MA LUS YID BZHIN DU, ,STZOL MDZAD DBANG GI RGYAL PO BLA MA LHA, ,THUGS RJE CHEN PO'I ZHABS LA PHYAG 'TSAL LO; ,SRID ZHI'I MCHOD SPRIN RGYA MTSO LEGS PAR 'BUL, ,SDIG LTUNG KUN BSHAGS DGE LA RJES YI RANGS, ,CHOS 'KHOR BSKOR PHYIR RGYUN DU BZHUGS SU GSOL, ,'DIS MTSON DGE BA BYANG CHUB CHEN POR BSNGO, ,ZHES YAN LAG BDUN PA DANG, GZHAN YANG MAndAL PHUL BA SOGS BYAS NA CHES PHUN SUM CHOGS PA'O, ,DE NAS SPYI BO'I BLA MA DANG SANGS RGYAS RNAMS LA DANG BA? THUN MONG MA YIN PA BA SPU
, ,GA-YO BA DANG, MIG NAS MCHI MA 'KHRUGS PA'I 'DUN PA DRAG POS GSOL BA BTAB PAR BYA STE, PAn CHEN THAMS CAD MKHYEN PAS, MTSAN DPES DPAL 'BAR GZI BRJID PHUNG PO'I SKU, , BRGYAD KHRI BZHI STONG CHOS PHUNG SGROG PA'I GSUNG, ,MKHYEN RTZE NUS PA PHUL DU BYUNG BA'I THUGS, ,GSOL BA 'DEBS SO BLA MA RIN PO CHE, ,GSOL BA 'DEBS SO MGON PO SPYAN RAS GZIGS, ,BYIN GYIS RLOBS SHIG 'PHAGS MCHOG THUGS RJE'I LHA, ,'DI PHYI BAR DO'I 'PHRANG LAS THUGS RJES BZUNG, ,GNAD GCOD BDUD DANG GSHIN RJE'I 'JIGS LAS SKYOBS, ,'KHOR BA NGAN SONG GNAS LAS SGRAL DU GSOL, ,DGA' LDAN GZHAL MED KHANG DU DRANG DU GSOL, ,RGYAL BA KUN GYI THUGS RJE GCIG BSDUS NAS, ,BDAG CAG MGON MED 'GRO BA MA LUS LA, ,RAB 'BYAMS RGYAL BA'I MDZAD PA BSGRUB MDZAD PA, GSOL BA XX DRANG DU GSOL, ,NGAN 'GRO'I TSA GDUNG SEL BA'I RDZOGS LDAN SPRIN, ,BRGAL DKA' SDUG BSNGAL MTSO LAS SGROL BA'I GRU, ,RNAM GROL LAM DU 'KHRID PA'I DED DPON MCHOG ,GSOL BA XX DRANG DU GSOL, ,MTHO RIS THAR PA'I LAM BZANG STON PA'I MIG ,NYON MONGS NAD KUN 'JOMS PA'I SMAN PA MCHOG ,'DOD RGU'I DNGOS GRUB MCHOG STZOL YID BZHIN NOR, ,GSOL BA XX DRANG DU GSOL, ,DE LTAR SHUGS DRAG GSOL
BA BTAB PA'I MTHUS, ,SPYI BO'I BLA MA SANGS RGYAS THAMS CAD LAS, ,BDUD RTZI'I RGYUN BABS RANG GZHAN LUS LA THIM, ,SDIG SGRIB KUN BYANG BYIN GYIS BRLABS PAR BSAM, ,ZHES GSUNGS PA LTAR GDUNG SHUGs DRAG POS GSOL BA BTAB PAS, SPYI BO'I BLA MA DANG SANGS RGYAS THAMS CAD KYI SKU LAS BDUD RTZI DKAR PO 'OD DANG BCAS PA, 'O RKYAL BUG PA BZHIN DU SKYA NAR GYIS BYUNG STE, SNYING KA'I SPYAN RAS GZIGS DANG AA YIG RNAMS LA THIM PAS, DE RNAMS NGO BO RNAM PAR MI RTOG PA'I YE SHES YIN PA LA RNAM PA ZAG MED KYI BDUD RTZI DKAR PO'I RNAM PA CAN BABS TE LUS SNOD 'O MAS GANG BA BZHIN LDEM GYIS GANG BAS, THOG MA MED PA NAS BSAGS PA'I SDIG SGRIB NAD GDON BAG CHAGS DANG BCAS PA THAMS CAD DUD KHU DANG RNAG KHRAG GI RNAM PAR RKANG MTHIL GNYIS DANG 'OG SGO GNYIS NAS NAG 'DUR GYIS PHYIR 'THON NAS DBANG CHEN SA GZHI'I 'OG TU SONG BAS, LUS SHEL KONG PHYIS PA LTAR DKAR SANGS KYIS SONG BAR BSAM PA NI THUN DNGOS GZHI'I NYAMS LEN YIN NO, ,SNOD BCUD SPYONG BA NI, PAn CHEN THAMS CAD MKHYEN PAS, 'JA' TSON LTAR BKRA'I 'OD ZER SPRO BSDU YIS, , SNOD BCUD ZHING SPYOD RGYAL BA'I THUGS RJE BSKUL, ,DE MTHAR SPYI BO'I BLA MA YI DAM DANG, ,SANGS RGYAS STONG YANG AA YIG STONG LA BSTIM, ,MCHOD RTEN MKHA' LA 'JA' LTAR YAL BAR BSGOM, ,RANG SEMS
, ,BLA MA YI DAM DBYER MED DANG, ,'KHYER SO GSUM GYI RNAM 'BYOR LA GNAS PAS, ,MA GA-YENG YIG DRUG BZLAS PA CI NUS BYA, ,ZHES GSUNGS PA LTAR, SPYI BO'I BLA MA DANG SANGS RGYAS RNAMS LAS 'OD ZER DKAR PO 'PHROS SNYING KA'I YI DAM DANG AA YIG RNAMS LA PHOG PAS, DE RNAMS LAS 'OD ZER DKAR PO DPAG TU MED PA PHYOGS BCUR SPROS TE SNOD BCUD THAMS CAD DANG, KHYAD PAR DMYAL BA'I GNAS SU PHOG PAS, TSA DMYAL GYI LCAGS BSREG GI SA GZHI ME'I 'BOS, KHRO CHU KHOL MO LA SOGS PA DANG, GRANG DMYAL GYI 'KHYAG SBUBS DANG, MUN PA'I SMAG RUM SOGS DANG, NYI TSE NYE 'KHOR THAMS CAD KYI MA DAG PA THAMS CAD SBYANGS, DMYAL BA'I SEMS CAN DE DAG THAMS CAD KYI SDUG BSNGAL DANG SDIG SGRIB THAMS CAD SBYANGS TE SPYAN RAS GZIGS KYI SKUR GYUR PAR BSAM, YANG 'OD ZER DE YI DVAGS KYI GNAS SU SONG STE, GNAS SER SKYA SOGS ZANGS KHOG LA NYI MA PHOG PA LTA BU'I MA DAG PA THAMS CAD SBYANGS, YI DVAGS THAMS CAD SPYAN RAS GZIGS SU GYUR PA DANG, DE BZHIN DU DUD 'GRO'I GNAS SU SONG STE, DE DAG GI MA DAG PA'I SDIG SGRIB THAMS CAD SBYANGS SPYAN RAS GZIGS SU GYUR PA DANG, GZHAN YANG MI DANG LHA MIN DANG LHA RNAMS KYI GNAS SU SONG STE, DE RNAMS KYI MA DAG PA'I NYES SKYON SDIG SGRIB BAG CHAGS DANG
BCAS PA THAMS CAD SBYANGS NAS SPYAN RAS GZIGS SU GYUR NAS SNOD THAMS CAD GZHAL YAS KHANG DANG, BCUD KYI SEMS CAN THAMS CAD SPYAN? RAS GZIGS SU GYUR, DE NAS SPYI BO'I BLA MA SNYING KHA'I YI DAM LA THIM, SANGS RGYAS STONG AA YIG STONG LA THIM, MCHOD RTEN MKHA' LA 'JA' LTAR YAL BAR BSAM LA, DE LTAR MIG YUL DU SNANG BA THAMS CAD SPYAN RAS GZIGS SKU SNANG LA RANG BZHIN MED PA NAM MKHA'I 'JA' TSON LTA BU DANG, RNA BAR GRAG TSAD YI GE DRUG PA'I SNGAGS KYI SGRA DANG, SEMS LA SHAR BA'I RTOG PA THAMS CAD STONG NYID SNYING RJE DBYER MED PA STE 'KHYER SO GSUM LDAN GYI DANG NAS YIG DRUG BZLAS PA CI NUS SU BYAS NAS, DGE BA 'DI YIS MYUR DU BDAG ,SPYAN RAS GZIGS DBANG GRUB GYUR NAS, ,SOGS DANG, BYANG CHUB SEMS NI RIN PO CHE, ,SOGS KYIS BSNGO BAR BYA'O, ` ,GSUM PA NI, RTZA TSIG LAS, RANG SEMS SKYE MED BSGOM PAR BYA, ,ZHES PA'I DON, PAn CHEN THAMS CAD MKHYEN PAS, RANG SEMS LA SOGS 'KHOR 'DAS CHOS RNAMS KUN, ,RTOG PAS BRTAGS PA TZAM ZHIG MA GTOGS PA, ,NGO BOS SGRUB PA RDUL TZAM MA MCHIS PAS, ,SPROS BRAL NAM MKHA' LTA BU'I NGANG DU BZHAG ,RJES THOB BZUNG 'DZIN SNANG BA CI SHAR YANG, ,SGYU MA SMIG RGYU RMI LAM CHU ZLA BZHIN, ,SNANG YANG
, ,BDEN PA MED PA'I TSUL RIG NAS, ,SNANG STONG DBYER MED TSOGS GNYIS ZUNG DU SPREL, ,ZHES GSUNGS PA LTAR, DA LTA RANG CAG RNAMS KYI RGYUD LA NGA'O SNYAM PA'I BLO SHUGS DRAG LA DAM SBRID NGE BA MA BCOS PA GCIG 'CHAR LA, DE PHUNG PO LNGA'I STENG DU 'CHAR BA DE 'KHOR BAR 'CHING BYED KYI GTZO BO YIN LA, 'KHOR BA LAS SGROL BYED KYI GTZO BO NI BDAG MED RTOGS PA'I SHES RAB YIN CING DE NYAMS SU LEN TSUL NI, CHOS GANG YANG MING BRDAS PHAR BZHAG PA MA GTOGS, RANG NGOS TSUGS THUB DU GRUB PA CI YANG MED PAS, DPER NA, BYIS PA BKRA SHIS PA'I MING CAN GCIG LA BKRA SHIS ZHES PHAR MA BTAGs GONG DU, DE LA BKRA SHIS SO SNYAM PA'I BLO MI SKYE ZHING, BKRA SHIS ZHES PA'I MING BTAGS PA NAS BZUNG STE, DE MTHONG NA BKRA SHIS SO SNYAM PA'I BLO NGANG GIS SKYE LA, PHYIS DE'I MING SPO NAS BSOD NAMS ZHES BTAGS NA, DE MTHONG BA DANG BSOD NAMS SO SNYAM PA LAS BKRA SHIS SO SNYAM PA'I BLO MI SKYE BA NI BYIS PA DE BKRA SHIS RANG NGOS NAS MA GRUB PAR MING BRDAS BTAGS PA TZAM YIN PAS, DES MTSON CHOS THAMS CAD RANG BZHIN GYIS MA GRUB PA'I YIN LUGS BSGOM PAR BYA STE RGYAS PAR DBU MA'I RNAM BSHAD CHEN MO SOGS SU BLTA BAR BYA'O, ,GONG GI SNOD BCUD SBYANG BA SOGS BSOD NAMS KYI TSOGS DANG, BDAG MED BSGOM PA
'DI NI YE SHES KYI TSOGS TE TSOGS GNYIS ZUNG 'BREL DU GSOG PA'I THABS LAM LA 'BAD PAR BYA'O, ` ,GNYIS PA 'CHI KHA'I MAN NGAG 'PHO BA BSGOM PA LA, SBYOR BA DANG, DNGOS GZHI GNYIS LAS, DANG PO NI, RTZA TSIG LAS, RANG LUS MCHOD SBYIN BYAS NAS NI, ,LTOS PA THAMS CAD RAB SPANGS TE, ,ZHES PA'I DON, PAn CHEN THAMS CAD MKHYEN PAS, ,DE LTAR BSGOMS KYANG TSE 'DIR MA GRUB NA, ,'CHI KHAR 'PHO BA'I GDAMS NGAG 'DI LTAR BYA, ,LUS DANG LONGS SPYOD GNYEN LA MA CHAGS PAR, ,RANG SEMS YI DAM PHYIR THON BEM RIG PHRAL, ,RLUNG ME SGYED BU LA GNAS KA P'A LAR, ,PHUNG PO RNYING PA SBYANGS RTOGS SBAR BYAS TE, ,ZAG MED BDUD RTZIS BLA MA DKON MCHOG DANG, ,SNYING RJE LAN CHAGS MGRON LA MCHOD SBYIN BYA, ,ZHES GSUNGS PA LTAR, 'DI YAN CHAD KYI THEG PA CHEN PO'I LAM TSOGS GNYIS ZUNG 'BREL GYI NYAMS LEN LA 'BAD NA TSE 'DIR GDUL BYA DBANG PO RAB KYIS MCHOG THOB PAR GSUNGS SHING, GAL TE MA GRUB PAR SKYE BA BRGYUD DGOS PA BYUNG NA, PHYI MAR CHOS SGRUB PA'I RTEN KHYAD PAR CAN GYI PHYIR DU RNAM SHES STENG DU 'PHO DGOS PAS, DE YANG TSE 'DI'I LUS LONGS SPYOD GNYEN BSHES SOGS LA CHAGS NA, BYA 'PHUR 'DOD KYANG GSHOG PA LA RDO BTAGS PHA? BZHIN GONG DU 'PHO MI NUS PAS CHAGS ZHEN SPU TZAM YANG MED PA GCIG DGOS LA, DE LA LUS
, ,LA 'BREL THAG BCAD PA NI, BDAG GI THOG MA MED PA NAS LUS GRANGS MED PA BLANGS KYANG, DE THAMS CAD DON MED DU SONG 'DUG PAS, DA LTA LUS 'DI NYID KHANG STONG BSGYUR PA BZHIN DU NGES PAR BOR DGOS PAS, 'DI LA BRTEN NAS BSOD NAMS GSOG PA GCIG BYED DO SNYAM NAS, MDUN GYI NAM MKHAR RIN PO CHE'I KHRI PAD ZLA'I GDAN LA RTZA BA'I BLA MA DANG DBYER MI PHYED PA SPYAN RAS GZIGS, KHA SARBA nI SNGAR BZHIN BSGOM, DE'I STOD KYI CHA LA RTZA RGYUD KYI BLA MA RNAMS DANG, BAR GYI CHA LA YI DAM, SMAD KYI CHA LA MKHA' 'GRO CHOS SKYONG, KHRI ZUR 'OG NA GNOD BYED GDON BGEGS, 'OG TU RIGS DRUG SEMS CAN THAMS CAD SMUG SHIG GE BA YOD PAR BSAM LA, RANG GI RNAM PAR SHES PA SPYAN RAS GZIGS MTSON GANG BA ZHIG SNYING KHA NAS THON TE BLA MA SPYAN RAS GZIGS KYI MDUN DU 'KHOD DE RANG GI PHUNG PO LA MAR BLTAS PAS, LUS CHE LA TSO BA, DKAR LA SNUM PA GCIG MTHONG NAS, BLA MA 'PHAGS PA SPYAN RAS GZIGS BDAG GI LUS 'DI LA BRTEN NAS BSOD NAMS KYI TSOGS RGYA CHEN PO RDZOGS PAR MDZAD DU GSOL, ZHES GSOL BA DRAG TU BTAB PAS, BLA MA YI DAM GYIS AOm A'A:H'Um ZHES GSUNGS PAS PHUNG PO'I MGO CHAD NAS PHYI MA RIM BZHIN SKYE BAS SGYID BU CHEN PO GSUM DU GYUR, BLA MA'I THUGS KA NAS MKHA' 'GRO MA GRI GUG THOGS PA GCIG SPROS TE,
MGO PHYI MA SKYE BA DE'I THOD PA GRI GUG GIS BKOG NAS SGYED BU'I STENG DU BZHAG TE, LUS DUM BUR BTUBS NAS THOD PA'I NANG DU BLUG PAS THOD PA BKANG, BLA MAS AOm A'A:H'Um LAN GSUM BRJOD PA DANG, 'OG TU RLUNG YOD PA DE GA-YOS PAS DE'I STENG DU ME YOD PA DE SBAR NAS THOD PA'I NANG GI LUS KHA DOG DRI RO NUS PA PHUN SUM TSOGS PA ZAG PA MED PA'I BDUD RTZI'I RGYA MTSOR GYUR BAR BSAM LA, DE NAS RANG GI SNYING KHA NAS THON PA'I RANG SEMS SPYAN RAS GZIGS DE MKHA' 'GRO MA DMAR MO THOD PA THOGS PA SHIN TU MANG POR GYUR NAS BDUD RTZI THOD PAS BCUS NAS BLA MA YI DAM RNAMS LA 'BUL BAS ZAG MED KYI BDE BAS TSIM PA DANG, GNOD BYED LA BYIN BAS LAN CHAGS DAG PA DANG, RIGS DRUG LA BYIN PAS SDIG SGRIB BYANG NAS THAMS CAD SPYAN RAS GZIGS KYI GO 'PHANG THOB PAR BSAM MO, ,DE NAS GNYEN BSHES DANG LONGS SPYOD RNAMS TSE SNGA MA NAS 'DIR KHYER BA MA YIN CING, PHYI MAR NYUNG KAR TZAM YANG KHYER DBANG MED LA, DE RNAMS LA CHAGS SHING ZHEN NA 'KHOR BAR SDUG BSNGAL DPAG TU MED PA MYONG BA 'DUG SNYAM NAS 'BREL THAG RBAD DE BCAD PAR BYA'O, ` ,GNYIS PA NI RTZA TSIG LAS, 'OD KYI SBU GUS SBYOR BA YIS, ,SEMS NI DGA' LDAN GNAS SU 'PHANGS, ,ZHES PA'I DON, RJE PAn CHEN THAMS CAD MKHYEN PAS, RANG GI LUS DBUS DBU MA SBA LCAG TZAM, ,YAR SNA TSANGS BUG MAR SNA LTE 'OG
, ,THUG ,SNYING DBUS RANG SEMS SPYAN RAS GZIGS SU BSGOM, ,STENG PHYOGS DGA' LDAN CHOS KYI PHO BRANG DU, ,BYAMS MGON GSER MDOG BZANG PO'I BZHUGS STANGS CAN, ,CHOS 'KHOR PHYAG RGYA MTSAN DPE'I 'OD STONG 'BAR, ,DRAN PA TZAM GYIS SRID ZHI'I 'JIGS 'PHROG PA, ,DGYES PA'I 'DZUM ZHAL MNGON SUM MTHONG BAR MOS, ,ZHES GSUNGS PA LTAR, RANG GI LUS SPYAN RAS GZIGS SU GSAL BA'I DBUS DRANG PO LAS CUNG ZAD SGAL TSIGS LA NYE BAR RTZA DBU MA PHRA SBOM SBA LCAG TZAM YAR SNA TSANGS BUG LA THUG CING RGYA MTHONG PHYE BA LTAR YOD PA, MAR SNA LTE 'OG SOR BZHI TZAM DU YOD PA'I SNYING KA'I THAD DU RANG GI RNAM PAR SHES PA KHA SARPA nI MTSON GANG TZAM BYA SGRO RLUNG GIS KHYER LA KHAD BZHIN DU YOD PAR BSAM, 'DI LA RTZA DBU MA YOD MED KYI BZHED PA MANG NA'ANG, 'DIR BA SO RJE DANG, PAn CHEN THAMS CAD MKHYEN PA'I DGONGS PA BZHIN BYAS PA'O; ,DE NAS STENG GI PHYOGS SU DGA' LDAN CHOS KYI PHO BRANG RIN PO CHE'I KHANG BZANG GIS BSKOR BA'I DBUS SU RIN PO CHE SNA TSOGS LAS GRUB PA'I PHO BRANG PHUN SUM TSOGS PA RGYAL MTSAN MTHON PO ZHES BYA BA'I MDUN DU RJE BTZUN BYAMS PAs SHES RAB KYI PHA ROL TU PHYIN PA'I CHOS GSUNGS PA'I MDUN SA YID DGA' CHOS 'DZIN ZHES BYA BA YANGS SHING RGYA CHE BA'I DBUS SU SENG GE BRGYAD KYIS BTEGS PA'I KHRI'I STENG DU RGYAL BA BYAMS PA MGON PO GSER GYI MDOG CAN NYI MA 'BUM GYI
MDANGS DANG LDAN PA, CHOS 'KHOR GYI PHYAG RGYA CAN, BZANG PO'I BZHUGS STANGS KYIS RANG RE 'DZAM BU'I GLING PA NGOS LA ZHAL PHYOGS PA, 'KHOR LHA'I BU BYANG CHUB SEMS DPA' RNAMS LA SHES RAB KYI PHA ROL TU PHYIN PA'I CHOS, RIGS KYI BU TSUR SHOG SHES RAB KYI PHA ROL TU PHYIN PA 'DI LA SLOB ZHIG KHYOD KYIS LAM 'DI LA BSLAB CING SPYAD NA MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES SOGS KYI TSIG LHANG LHANG 'DOMS PAR MDZAD PA RANG GIS DNGOS SU MTHONG ZHING GSUNG THOS PA LTA BU YID LA NGES NGES BYA, MOS GUS DANG GDUNG SHUGS DRAG POS GSOL BA BTAB PAR BYA STE, PAn CHEN THAMS CAD MKHYEN PAS, SKYON BRAL YON TAN KUN GYI GTER GYUR PA, ,MGON MED NYAM THAG 'GRO BA'I SKYABS GCIG PU, ,THUB PA'I RGYAL TSAB MI PHAM CHOS KYI RJE, ,GSOL BA 'DEBS SO BYAMS MGON THUGS RJE CAN, ,GSOL BA 'DEBS SO GNAD GCOD SDUG BSNGAL SOL, ,THUGS RJES GZIGS SHIG PAR DO'I 'GRANG? LAS SGROL, ,SKYABS MGON MDZOD CIG NGAN SONG 'JIGS PA LAS, ,BYIN GYIS RLOBS SHIG THUGS RJE'I LCAGS KYU YIS, , DGA' LDAN GNAS SU MYUR DU DRANG DU GSOL, ,DE LTAR GSOL BAS BYAMS MGON THUGS KA NAS, ,'OD KYI SBUG BYUNG BDAG GI SPYI BOR ZUG ,YANG GCIG SNGAR LTAR GDUNG BAS GSOL BTAB PAS, ,RJE BTZUN THUGS KA NAS BYUNG
, ,'OD ZER GYI, ,LCAGS KYUS 'OD KYI SPU GU'I NANG BRGYUD DE, ,RANG SEMS 'PHAGS PAR GSAL BA'I RAL PA LA, ,BTAB DRANGS 'DU SHES GSUM LDAN THOGS MED DU, ,SKAR MDA' 'PHAD BZHIN RJE BTZUN THUGS KHAR THIM, ,SLAR 'THON YID DGA' CHOS 'DZIN PADMO LAS, ,SKYE BA BLANGS TE CHOS LA SPYOD PAR BSAM, ,ZHES GSUNGS PA LTAR GDUNG SHUGS DRAG POS GSOL BA BTAB PAS, RJE BTZUN GYI THUGS KA NAS 'OD KYI SPU GU SER PO NAR GYIS BYUNG STE RANG GI RTZA DBU MA'I YAR SNA DANG 'OD KYI SPU GU'I MAR SNA GNYIS BAR MTSAMS MED PAR 'BREL NAS, YANG GSOL BA BTAB PAS, RJE BTZUN GYI THUGS KA NAS 'OD KYI LCAGS KYU YUNG STE 'OD SBUG DANG, DBU MA BRGYUD DE SNYING KA'I RNAM SHES SPYAN RAS GZIGS SU GSAL BA'I RAL PA LA BTAB NAS DRANG BAR BSAM STE, DA LTA SBYONG DUS SU HIG DRAG TU BRJOD CING, 'OD DE LAM GYI 'DU SHES, LAM 'DI LA RANG NYID 'GRO BA'I 'DU SHES; RGYAL BA BYAMS PA'I THUGS KAR 'PHO BA'I 'DU SHES STE, 'DU SHES GSUM LDAN GYIS RJE BTZUN GYI THUGS KHAR REG TZAM BYAS NAS SLAR SNYING KHAR GNAS TH?AR BSAM NAS YANG YANG SBYANGS PA'I SPYI GTZUG ZA BA DANG, SKRANGS PA DANG, CHU SAR 'THON PA SOGS RTAGS RNAMS 'BYUNG NGO, ,'JOG KHAR 'OD SBUG DE RJE BTZUN GYI THUGS KA NAS RBAD DE CHAD NAS BLUG KONG DU GSER BLUG PA LTAR TSANGS BUG SER 'KHYIL LE BKAG PAR
BSAM MO, ,'PHO BA SBYANG DRAG NA THAL NYEN CHE BAS GROGS KYIS RKANG MTHIL GNYIS BRDUR BA SOGS THABS RNAMS BYA'O, ,LAS SBYOR GYI DUS SU RJE BTZUN GYI THUGS KAR THIM, 'OD SBUG YANG RANG DANG MNYAM POR 'DUS TE, SLAR BYAMS PA'I THUGS KA NAS 'THON TE MDUN DU PADMA LAS RDZUS TE SKYES NAS THEG PA CHEN PO'I CHOS LA LONGS SPYOD PAR BSAM MO, ,GSUM PA BAR DO'I NYAMS LEN NI, RTZA TSIG LAS, 'DI NYID BAR DOR SHES BYA LA, ,PHYI NANG GSANG BA BSGYUR BYAS TE, ,STONG NYID SNYING RJE'I RNAL 'BYOR GYIS, ,MKHAS PAS NYING MTSAMS SBYAR BAR BYA, ,ZHES PA'I DON, PAn CHEN THAMS CAD MKHYEN PAS, 'DI LTAR 'BAD KYANG 'PHO BAR MA NUS PA, ,BAR DO GRUB TSE PHYI NANG GSANG BA DAG ,BSGYUR BA'I MAN NGAG 'DI LTAR NYAMS SU LEN, ,DA LTA BZANG NGAN SNANG BA GANG SHAR YANG, , BAR DO 'KHRUL BA'I SNANG BA NYID YIN ZHES, ,RGYUN CHAGS DRAN BA'I NYAMS LEN GOMS BYAS TE, ,DA BZOD BAR DO'I SNANG BA SHAR BA'I TSE, ,MI SDUG YUL RNAMS SHAR TSE DAG PA'I ZHING, ,'JIGS RUNG GSHIN RJE'I SNANG SOGS LHA YI SKU, ,KUN KYANG MA RIG 'KHRUL SNANG TZAM ZHIG LAS, ,BDEN MED SGYU MA LTA BU'I RNAL 'BYOR GYIS, ,CHAGS SDANG BKAG NAS BSAM BZHIN NYID MTSAMS SBYOR, ,ZHES GSUNGS PA
, ,LTAR, DE LA THOG MAR RMI LAM SBYANG BA NI, ,DA LTA NYIN PAR GYI SNANG BA THAMS CAD RMI LAM GYI SNANG BAR 'DUG, RMI LAM RMI LAM DU NGO SHES PAR BYA'O, ,SNYAM PA YANG YANG SBYANG, GNYID LOG KHAR SKYIL KRUNG DAM GLO BA GA-YAS PA 'OG TU BCUG RMI LAM GYI MAN NGAG DANG BCAS PA'I RMI LAM NGOS ZIN PAR BYAS NAS, RMI LAM DU PHYI SNOD KYI SNANG BA THAMS CAD DAG PA'I ZHING DANG, NANG BCUD SEMS CAN GYI SNANG BA THAMS CAD LHA'I SKU DANG, GSANG BA DE THAMS CAD SNANG LA RANG BZHIN MED PA SGYU MA LTA BU LA SBYANGS NAS, DA GZOD BAR DO SHAR TSE BAR DOR NGO SHES NAS SNANG BA BSGYUR NUS PAR 'GYUR RO, ,DE SKYE BA LEN PA'I TSE CHOS SGRUB PA'I RTEN BZANG PO GCIG RNYED PAR PHYOGS PA NA, PHA MA MTHONG NAS PHOR SKYE NA PHA LA SDANG ZHING MA LA CHAGS PA'I SEMS SKYE BA'I TSE PHA LA SNYING RJE DANG MA LA RANG BZHIN MED PAR BSGOM NAS SPYAN RAS GZIGS YAB YUM DU BSGOM BZHIN PAR SKYE BA LEN NAS LAM LHAG MA RNAMS LA BSLAB NAS 'GRO DON RGYA CHEN POR BYA'O SNYAM PAS BSAM BZHIN DU SKYE BA LEN PAR BYA'O, ` ,BZHI PA DE GSUM KAR DGOS PA'I GNAD BSTAN PA NI, RTZA TSIG LAS, GANG SHAR NGOS ZIN LTA BA'I GNAD, ,DE LA MA YENGS BSGOM PA'I GNAD, ,DRAN PA RO SNYOMS SPYOD PA'I GNAD, ,GRUB THOB CHEN PO'I GDAMS DAG GO ,ZHES KHRO PHU LO CHEN GYIS GSUNGS PA DE LA GONG GI NYAMS
LEN THAMS CAD BDAG MED KYI LTA BA'I RTZIS ZIN PAR BYAS PA NI LTA BA'I GNAD DANG, DE LA BYING RGOD SOGS KYI DBANG DU MI GTONG PAR RTZE GCIG MNYAM PAR BZHAG PA NI BSGOM PA'I GNAD DANG, RJES THOB TU GANG SNANG THAMS CAD SNANG LA RANG BZHIN MED PAR SGYU MA LTA BU RO SNYOMS PA'I NGANG NAS RGYAL SRAS KYI SPYOD PA LA BSLAB PA NI SPYOD PA'I GNAD DO, ,DE LTA BU'I LAM ZAB MO 'DI NYIN RER THUN BZHI 'AM THAN THUN RE MA CHAG PAR NYAMS SU LEN NAS, THUN MJUG THAMS CAD DU DGE BA 'KHOR GSUM RNAM PAR DAG PA'I BSNGO BAS RGYAS BTAB NA, DAL 'BYOR GYI MI LUS THOB PA DON LDAN DU BYA BA YIN TE, PAN CHEN THAMS CAD MKHYEN PAS, RGYAL BA'I GSUNG RAB RGYA MTSO LTA BU'I DON, , 'DI DANG 'CHI KHA BAR DO'I NYAMS LEN DU, ,LEGS PAR DRIL BA'I GDAMS PA'I RGYAL PO 'DI, ,BLO LDAN RNAMS KYIS NYIN BZHIN NYAMS LEN CING, ,THUN MTSAMS ROL PA GSUM GYI RNAL 'BYOR DANG, ,MTHAR YANG 'KHOR GSUM YONGS DAG BSNGO BAS BRGYAN, ,TSUL 'DIR 'BAD LAS RNAM DKAR CI MCHIS PA, ,MA RNAMS DON DU BYANG CHUB MCHOG TU BSNGO, ,ZHES GSUNGS PA'I PHYIR RO, ,SMRAS PA, BZANG BZANG GRUB THOB CHEN PO'I ZAB LAM LA, ,SNYAN SNYAN RGYA CHER BSHAD PA'I BLO GROS DMAN, ,'GRIG 'GRIG DON MA NYAMS PAR BRIS PA 'DI, ,ZAB ZAB YIN NO SNYING NOR BGYIS SHIG BU, ,NYES NYES YOD NA MKHAS RNAMS BZOD PAR MDZOD, ,LEGS
, ,LEGS CHA RNAMS BYANG CHUB CHEN POR BSNGO, ,ZHES PA SNYING PO'I DON GSUM GYI 'KHRID YIG BYAMS MGON PHO NYA ZHES BGYI BA 'DI NI, ,RANG GI NYE SLOB DGE SLONG GRAGS PA RGYAL MTSAN PAS YANG YANG NAN GYIS BSKUL BA'I NGO MCHOG PAR, DUS GSUM RGYAL BA THAMS CAD KYI MKHYEN BRTZE MA LUS PA GCIG TU BSDUS PA'I BDAG NYID CHEN PO, DON GYI SLAD DU MTSAN NAS SMOS TE, MKHAN PO RIN PO CHE RDO RJE 'CHANG BLO BZANG CHOS KYI RGYAL MTSAN DPAL BZANG POS MDZAD PA'I YIG CHA GZHIR BYAS, RJE DGE 'DUN RGYA MTSOS MDZAD PA'I DGA' LDAN THEM SKAS KYIS ZUR BRGYAN, LO TZ'A BA BYAMS PA'I DPAL DANG, RJE BA SO BA CHOS KYI RGYAL MTSAN DANG, BYANG SEMS RVA SGRENG PA RNAMS KYI KHRID YIG DANG, GZHAN YANG ZIN BRIS MANG PO YOD PA RNAMS KYIS KHA BSKANG STE LAG LEN SNYING POR DRIL NAS KUN GYI GO SLA BAR JING GIR RIGS KYI LHA'I BTZUN PA 7 BLO BZANG BSTAN 'DZIN RGYAL MTSAN GYIS SBYAR BA'I DGE BAS MAR GYUR SEMS CAN THAMS CAD MI PHAM DBANG POS RJES SU 'DZIN PAR GYUR CIG, ,,MANG+GA LAm,, ,,
[BLANK PAGE]