, ,MKHAN CHEN CHOS KYI RGYAL PO'I GSUNG 'BUM LAS BDE BA CAN GYI 'PHO BA'I GDAMS NGAG BZHUGS SO,, ,,
, ,NA MO GU RU, 'DIR 'CHI BA'I DUS SU NGES PAR 'KHO BA 'PHO BA'I MAN NGAG NYAMS SU LEN PA LA, SNGON 'GRO DANG, DNGOS GZHI SBYANG BA DANG, LAS LA SBYAR BA GSUM LAS, DANG PO NI, DAL 'BYOR RNYED DKA', 'CHI BA MI RTAG PA, LAS RGYU 'BRAS, SPYIR 'KHOR BA DANG, SGOS NGAN SONG GI NYES DMIGS BSAM ZHING, BLA MA DKON MCHOG GSUM LA YID CHES PA'I DAD PA SBYANG BA SOGS LAM RIM NAS GSUNGS PA BZHIN DANG, KHYAD PAR DKON MCHOG GSUM GYI RTEN LA, PHYAG MCHOD SOGS DANG, SMAN BLA DANG, MI 'KHRUGS PA'I GZUNGS YIG BRGYA SOGS GZUNGS KHYAD PA
, ,CAN BZLAS PA DANG, LTUNG BSHAGS, RDO RJE GCOD PA, BZANG SPYOD SMON LAM SOGS KHA BTON LA BRTZON PAR BYA'O, ,GNYIS PA DNGOS GZHI SBYANG BA NI, YID DANG MTHUN PA'I GNAS SU, SANGS RGYAS KYI SKU RTEN SOGS KYI SPYAN SNGAR MCHOD PA LEGS PAR BSHAMS, RANG NYID GDAN BDE BA LA LUS RNAM SNANG GI CHOS BDUN LDAN BYAS LA, SKYABS 'GRO SEMS BSKYED RGYUD NGAS SHES DRONGS PA BYA, DE NAS, RANG GI SPYI BOR RTZA BA'I BLA MA DANG, , DBYER MED PA PAn CHEN THAMS CAD MKHYEN PA YIN PA LA RNAM PA 'OD DPAG MED SKU MDOG DMAR PO, PHYAG GNYIS MNYAM GZHAG GI STENG NA BDUD RTZIS GANG BA'I LHUNG
BZED BSNAMS PA, MTSAN DPES SPRAS PA, CHOS GOS NGUR SMRIG GSOL BA, ZHABS RDO RJE'I SKYIL KRUNG GIS BZHUGS PA'I STENG DU BLA MA RNAMS DANG, THAD KAR YI DAM DKYIL 'KHOR GYI LHA TSOGS, MTHA' SKOR DPA' BO MKHA' 'GRO CHOS SKYONG BSRUNG MA BSAM GYIS MI KHYAB BAS BSKOR BA'I SPYI BOR AOm, MGRIN PAR A'A: THUGS KAR H'Um, DE LAS 'OD ZER 'PHROS PAS RANG BZHIN GYI GNAS NAS BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG THAMS CAD SPYAN DRANGS NAS SPYI BO'I BLA MA LA THIM PAS SKYABS GSUM KUN 'DUS SU GYUR PAR BSAMS LA, ZHING MCHOG DAM PA BLA MA 'OD DPAG MED, ,'KHOR DANG BCAS LA PHYAG 'TSAL MCHOD PA 'BUL, ,SDIG LTUNG BSHAGS SHING DGE LA RJES YI RANG, ,BSKAL PAR ZHUGS NAS CHOS 'KHOR BSKOR DU GSOL, ,'DIS MTSON DGE BA MAR GYUR SGROL PHYIR DU, ,BDE BA CAN DU SKYE BA'I RGYU RU BSNGO, ,ZHES YAN LAG BDUN PA KHA TZAM MA YIN PAR 'BUL, DE NAS RANG GI LUS DRANGS THAD KYI DBUS SU RTZA DBUM MDA' SMYUG TZAM YAR SNA SPYI BO'I TSANGS BUG LA THUG CING, RGYA MTHONG PHYE BA LTAR THAL LE YOD PA, MAR SNA LTE 'OG TU THUG PA'I SNYING KA'I THAD CHU RANG GI RNAM SHES THIG LE DKAR PO
, ,RGYA SRAN? TZAM DKAR ZHING, MTSER LA 'PHUR LA KHAD YOD PA GCIG BSAM LA, SPYI BO'I BLA MA LA DAD GUS THUN MONG MA YIN PA'I DANG NAS, 'DI LTAR GSOL BA MANG DU BTAB BAR BYA'O, ,DUS GSUM BDE GSHEGS KUN GYI SKU GSUNG THUGS, ,GCIG 'DUS GNAS LNGA RIG PA'I PAn CHEN GYI, ,TSUL BZUNG BLA MA MGON PO 'OD DPAG MED, ,GSOL BA 'DEBS SO THUGS RJE SPYAN GYIS GZIGS, ,DGE LEGS YON TAN MA LUS 'BYUNG BA'I GNAS, ,DRI MED BLO BZANG BSTAN BA'I KHANG BZANG RTZER, ,CHOS KYI RGYAL MTSAN 'DZIN PA'I DPAL YON CAN, ,BLA MA 'OD DPAG MED LA GSOL BA 'DEBS, ,GNAD GCOD GSHIN RJE'I 'JIGS LAS BSKYAB TU GSOL, ,BZOD DKA' NGAN SONG GNAS NAS DRANGS DU GSOL, ,'JIGs RUNG BAR DO'I 'PHRAD LAS BSGRAL DU GSOL, ,ZHING MCHOG BDE BA CAN DU 'KHRID DU GSOL, ,ZHES SHUGS DRAG PO'I LAN MANG POR GSOL BA BTAB PAS, BLA MA'I THUGS KA NAS 'OD ZER DKAR PO BA THAG BZHIN DU RANG GI TSANGS BUG NAS MAR BYUNG STE, SNYING KA'I THIG ? DEG? PA'I RKYEN GYIS DBUGS PHYIR 'GRO BA DANG THIG LE YAR SKAR MDA' RGYU BA BZHIN TSA DAS? BUG LA SHUGS CHE BAS REG CING,
DBUGS NANG DU RGYU BA DANG MAR BABS TE SNYING KAR GNAS PAR BSAM STE, DE LTA BU'I TSUL GYIS YANG YANG SBYANG ZHING, MJUG TU BLA MA 'OD DPAG MED, TSE DPAG MED DU BSGYUR NAS, TSANGS BUG NAS MAR THIM ZHING RNAM SHES DANG DBYER MED DU BZHUGS PAR BSAM PA DANG, TSANGS BUG RDO RJE RGYA GRAM GYIS BKAG PAR BSAM PA NI, 'PHO BA LA BRTEN PA'I TSE SGRUB KYI MAN NGAG TU BLA MA RNAMS KYIS BZHED DO, ,DE LTAR YANG YANG NYAMS SU BSGOM PAS, SPYI GTZUG ZA BA DANG, CHU BUR 'DON PA SOGS NI SBYANGS PA'I TSAD DO, ,GSUM PA LAS LA SBYAR BA NI, DES PAR 'CHI BA'I RTAGS BYUNG NA, ,LONGS SPYOD SOGS DGE PHYOGS SU BTANG, ,TSE 'DI GANG LA YANG CHAGS ZHEN SPU TZAM YANG MED PAR BYA STE, BUL KHYIM DU 'GRO BA LTAR DGA' BA BSKYED CING SKYIL KRUNG MI NUS NA GZHOGS PA GA-YAS 'OG TU BCUG CING, SKYABS 'GRO NAS GSOL 'DEBS KYI BAR SNGAR BZHIN BYED, KHYAD PAR GSOL 'DEBS KYI SKABS SU SHIN TU SHUGS DRAG BYA, DE NAS BLA MA'I THUGS KA'I 'OD ZER DE RNAM SHES LA REG MA THAG TU, RNAM SHES NGO BO THIG LE DE HIG ZHES BRJOD PA DANG, YAR MGRIN PAR SLEB, YANG HIG BRJOD PAS SKYE BOR SLEG
, ,DE NAS SHUGS DRAG PO'I HIG BRJOD PA DANG SPYI GTZUG NAS THON TE BLA MA'I THUGS KHAR THIM BAS BLA MA DANG YI DAM RANG SEMS DBYER MED DAM BDE BA CAN DU GSHEGS PAR BSAM MO; ;RGYAS PAR YIG CHA GZHAN NAS SHES PAR BYA'O,, ,,ZHES PA 'DI YANG BLO BZANG MIR 'CHANG BAS BLA MA'I MAN NGAG BZHIN DU BKOD PA'O,, ,,
[BLANK PAGE]