, ,MKHAN CHEN CHOS KYI RGYAL PO'I GSUNG 'BUM LAS BLA MA MCHOD PA'I 'KHRID DNGOS GRUB KYI CHAR 'BEBS ZHES BYA BA BZHUGS SO,, ,,
[DD: *, ,PAn CHEN BLO BZANG CHOS RKYAN RJE, ,] #, ,NA MO GU RU MANYDZU GHO sh'A YA, BLA MA MCHOD PA'I 'KHRID DNGOS GRUB KYI CHAR 'BEBS ZHES BYA BA, BKA' DRIN MNYAM MED BLA MA RNAMS KYI ZHABS LA GUS PAS PHYAG 'TSAL LO, ,BRTZE BA CHEN POS RJES SU BZUNG DU GSOL, KHYAB BDAG DPAL LDAN RDO RJE 'CHANG DBANG DANG, ,DBYER MED SKU BZHI'I BDAG NYID SNYIGS DUS 'DIR, ,DGE BA'I BSHES GNYEN LNGA RIG PAn CHEN GYI, ,TSUL BZUNG BKA' DRIN MNYAM MED DE LA 'DUD, ,RAB BRJID GSER RI'I DBUS NA LHUN PO BZHIN, ,BSTAN 'DZIN KUN GYI [DD: *, ,SNGAGS 'CHANG DKON MCHOG RGYAL MTSAN RJE,,]
[*, ,BLO BZANG BSTAN PA'I RGYAL MTSAN RJE,,] #, ,DBUS NA LHANG NGE BA, ,RI DVAGS KHROD NA SENG GE DKAR MO BZHIN, ,MKHAS MANG DBUS NA MTHO BA'I DBEN SA PA, , KHYOD KYI MTSAN TZAM RNA BA'I BU GA RU, ,LHUNG TZAM NYID KYIS MNGON MTHO NGES LEGS KYI, ,YID BZHIN NOR BU LAG TU STER MDZAD PA, , BKA' DRIN MNYAM MED RJE BTZUN DBEN SA PA, ,KHYOD ZHAL MTHONG ZHING KHYOD GSUNG THOS PA DANG, ,KHYOD NI YID LA DRAN PAS 'DI PHYI YI, ,DON RNAMS 'BAD MED MYUR DU 'GRUB PAS NA, ,KHYOD NI SANGS RGYAS KUN LAS LHAG PAR GO ,DE PHYIR KHYOD GSUNG SNYING PO GCIG 'DUS PA, ,MDO [*, ,GSUM LDAN RDO RJE 'DZIN PA'I GTZO, ,]
RGYUD MAN NGAG KUN GYI SNYING KHU MCHOG ,BLA MA MCHOD CING GSOL BA'I RNAL 'BYOR GYI, ,RNAM BSHAD DNGOS GRUB CHAR 'BEBS BDAG GIS BSKRUN, ,DE YANG SDUD PA TSIGS SU BCAD PAR, NAD PA'I TSOGS RNAMS GSO PHYIR SMAN PA BSTEN PA LTAR, ,GA-YEL BA MED PAR DGE BA'I BSHES GNYEN BSTEN PAR BYA, ,ZHES BYA BA LA SOGS PA MDO RGYUD DU MA NAS GSUNGS SHING, KHYAD PAR DU SNYIGS MA LNGA BDO BA'I SEMs CAN RNAMS 'BAD MED DU 'DREN PA'I THABS MCHOG TU TSIG NYUNG DON ZAB CING, RGYUN GYI RNAL 'BYOR DU BYA SLA BAR, RJE BTZUN CHEN PO YONGS RDZOGS BSTAN PA'I MNGA' BDAG DON GYI SLAD DU MTSAN NAS SMOS TE, BDAG GI MKHAN PO RIN PO CHE PAn CHEN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO'I ZHAL SNGA NAS KYIS MDZAD PA'I BLA MA MCHOD PA'I CHO GA ZHES RLUNG LTAR GRAGS PA DE'I TSIG DON CUNG ZAD BSHAD PAR BYA'O, ,DE LA MTSAN DON DANG, MCHOD BRJOD LA SOGS PA'I RGYAS BSHAD RNAMS BTANG SNYOMS SU BZHAG NAS, SNYING PO'I BSGOM DON KHO NA BSHAD PAR BYA'O, ,DE LA GSUM, SNGON 'GRO, DNGOS GZHI, MJUG DON GSUM, DANG PO LA, SNOD BCUD BYIN GYIS BRLABS PA, SKYABS 'GRO, SEMS BSKYED, MCHOD PA BYIN GYIS BRLABS PA'O, ,DANG PO
, ,NI, YID DANG MTHUN PA'I GNAS SU DKON MCHOG GSUM GYI RTEN BKRAMS PA'I MDUN DU, 'O MA, SHU DAG DKAR PO, NAS, TIL, 'BRAS YOS, KU SHA SOGS RNAMS KYI PHYE MA BTAB PA'I CHU BZHI, NYER SPYOD LNGA, ROL MO, 'DOD YON LNGA'I DOD DU, ME LONG, BI WANG, DRI'I DUNG CHOS, RO SNA TSOGS PA'I ZHAL ZAS, NA BZA', SMAN SNA TSOGS PA'I RIGS, RGYAL SRID SNA BDUN, BKRA SHIS RTAGS RDZAS SOGS RI MOR BRIS PA SOGS DANG, GSER DNGUL SOGS RIN PO CHE 'AM, THA NA RDO YAM DANG SHING SOGS KYI MAndAL, JA PHUD SOGS GANG 'BYOR, BDUD RTZI'I RIL BU BTAB PA'I NANG MCHOD SOGS MCHOD PA RANG RANG GI 'KHOS DANG BSTUN PAR BSHAMS NAS, RANG NYID GDAN BDE PA LA 'DUG STE, DGE SEMS KHYAD PAR CAN GYI NGANG NAS, RANG GSANG 'DUS SOGS YI DAM LHA'I RNAL 'BYOR DANG LDAN PA'I SKU LAS 'PHROS PA'I 'OD ZER GYIS SNOD BCUD THAMS CAD KYI SKYON SBYANGS NAS, SNOD THAMS CAD GZHAL YAS KHANG DANG BCUD THAMS CAD LHA DANG LHA MO'I RANG BZHIN DU GYUR PAR BSAMS SHING, NGAG 'DON BDE BAR RJE MKHAS GRUB SANGS RGYAS YE SHES KYIS GSUNGS PA LTAR, BDE CHEN NGANG NAS RANG NYID BLA MA LHA, ,GANG DER GSAL BA'I
SKU LAS 'OD ZER TSOGS, ,PHYOGS BCUR 'PHROS PAS SNOD BCUD BYIN BRLABS PAS, ,DAG PA RAB 'BYAMS 'BA' ZHIG YON TAN GYI, ,BKOD PA'I KHYAD PAR PHUN SUM TSOGS PAR GYUR; ;ZHES PA'I TSIG 'DON CING BSAM PAR BYA'O, ,GNYIS PA NI, SPYIR SKYABS 'GRO LA, SKYABS YUL DANG DE'I YON TAN DBYE BA SKYABS SU 'GRO TSUL PHAN YON SOGS MANG DU GSUNGS NA'ANG, DE NI RJE BLA MA'I LAM RIM DANG MKHAS GRUB MANG POS MDZAD PA'I SKYABS 'GRO'I RNAM GZHAG SOGS SU BLTA BAR BYA ZHING, 'DIR NI LAG TU BLANG BA'I RIM PA GO SLA BAR BRJOD PA NI, DE YANG RANG GI MDUN GYI NAM MKHAR 'OG NAS 'BYUNG BA'I TSOGS ZHING LTAR DMIGS PAS GSAL BTAB LA, RANG GI MTHA' BSKOR DU SEMS CAN THAMS CAD YOD PA RNAMS KYANG RANG DANG MNYAM DU SKYABS SU 'GRO BAR BSAMS LA, MKHAS GRUB DAM PA SANGS RGYAS YE SHES KYIS GSUNGS PA LTAR, ,RAB DKAR DGE SEMS CHEN PO'I NGANG NYID NAS, ,BDAG DANG MKHA' MNYAM MA RGAN SEMS CAN RNAMS, ,DENG NAS JI SRID BYANG CHUB SNYING PO'I BAR, ,BLA MA DKON MCHOG GSUM LA SKYABS SU 'GRO, ,NA MO GU RU BHYA:NA MO BUDDHA YA, NA MO DHARMMA YA,
, ,NA MA:SANG+GA YA, ZHES BRGYA STONG NGAM, NYER GCIG BDUN THA NA GSUM LAS MI NYUNG BAR BRJOD PAR BYA'O, ,DE'I TSE SKYABS YUL RNAMS KYI SKU LAS 'OD ZER DPAG TU MED PA BYUNG NAS RANG DANG SEMS CAN THAMS CAD LA PHOG PAS SDIG SGRIB NAD GDON THAMS CAD BYANG ZHING DAG NAS THAMS CAD RDO RJE 'CHANG DU GYUR PAR BSAM MO, ,GSUM PA NI, MNGON RTOGS RGYAN LAS, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS PA LTAR, SEMS BSKYED NI THEG PA CHEN PO'I LAM GYI SROD SHING LTA BU YIN TE, RJE BLA MAS KYANG, SEMS BSKYED THEG MCHOG LAM GYI GZHUNG SHING STE, ,ZHES SOGS GSUNGS PA'I PHYIR, DE LA DBYE BA RNAM GRANGS SOGS MANG DU GSUNGS PA NI LAM RIM DANG BSLAB SPYOD SOGS SU BLTA ZHING, MDOR NA SEMS CAN THAMS CAD MAR SHES PA SOGS RGYU 'BRAS MAN NGAG BDUN LA LEGS PAR SBYANGS NAS, SEMS CAN THAMS CAD KYI DON DU CES PA'I TSIG TZAM MA YIN PAR BSAM PA THAG PA NAS BSKYED PA GCIG DGOS SO, ,DE YANG SKABS 'DIR SEMS BSKYED NI THEG PA CHEN PO'I CHOS THAMS CAD KYI RTZA BA YIN PAS 'DI RGYUD LA SKYE NA SANGS RGYAS KYI CHOS THAMS CAD RANG RGYUD LA SKYE SLA ZHING,
PHAN YON KYANG SHIN TU CHE BA YIN TE, SPYOD 'JUG LAS, BYANG CHUB SEMS NI SKYE NA SKAD CIG GIS, ,'KHOR PA'I BTZON RANG BSDAMS PA'I NYAM THAG RNAMS, ,BDE GSHEGS RNAMS KYI SRAS ZHES BRJOD BYA ZHING, ,'JIG RTEN LHA MING BCAS PA'I PHYAG BYANG 'GYUR, ,ZHES BYA BA LA SOGS PA MANG DU GSUNGS PAS NA, 'DI LA 'BAD PA CHEN POS GANG SKYE THUB RANG BYED PA GAL CHE'O, ,BSDU NA, SEMS CAN KUN GYI DON GYI PHYIR, ,BDAG NI BLA MA LHAR GYUR NAS, ,SEMS CAN THAMS CAD BLA MA LHA'I, ,GO 'PHANG MCHOG LA BKOD PAR BYA, ,ZHES LAN GSUM GYIS SPYI'I SEMS BSKYED DANG MA SEMS CAN THAMS CAD KYI DON DU BDAG GIS TSE 'DI NYID LA MYUR BA MYUR BAR GDOD MA'I SANGS RGYAS BLA MA LHA'I GO 'PHANG MNGON DU BYAS NAS, MA SEMS CAN THAMS CAD SDUG BSNGAL LAS BSGRAL BDE CHEN SANGS RGYAS KYI SA LA BKOD PAR BYA, DE'I PHYIR DU LAM ZAB MO BLA MA LHA'I RNAL 'BYOR NYAMS SU BLANG BAR BYA'O, ,ZHES PAS SGOS KYI SEMS BSKYED BYA ZHING, RGYAS PAR THEG CHEN GYI GZHUNG RNAMS SU BLTA BAR BYA'O, ,BZHI PA NI, GONG DU BSHAD PA LTAR BSHAMS PA 'AM, YE MA 'BYOR NA YID KYIS SPRUL KYANG RUNG STE, GSANG BA 'DUS PA SOGS NAS BYUNG BA LTAR, NANG MCHOD
, ,DANG, MCHOD PA BYIN GYIS BRLABS PA RGYAS PA'AM, MDOR BSDU NA, GZHUNG RANG LAS BYUNG BA LTAR, AOm A'A:H'Um LAN GSUM BRJOD PAS, NGO BO YE SHES LA RNAM PA NANG MCHOD DANG MCHOD RDZAS SO SO'I RNAM PA BYED LAS DBANG PO DRUG GI SPYOD YUL DU BDE STONG GI YE SHES KHYAD PAR CAN BSKYED PAS SA DANG BAR SNANG NAM MKHA'I KHYON THAMS CAD YONGS SU KHYAB PA'I PHYI NANG GSANG BA'I MCHOD SBRIN DAM RDZAS SPYAN GZIGS BSAM GYIS MI KHYAB PAS GANG BAR GYUR PAR BSAM ZHING BRJOD PAR BYA'O, ,RGYUD SDE KUN GYI DON GYI SNYING PO'I MCHOG ,RGYUD MCHOG BLA MED NAS GSUNGS MTHAR THUG LAM; ;RGYUD LDAN RDO RJE 'DZIN PA'I ZHAL SHES 'DI, ,RGYUD 'DZIN RJES 'JUG RNAMS KYI DON DU BRI, ,ZHES PA NI BAR SKABS KYI TSIGS SU BCAD PA'O, ,GNYIS PA DNGOS GZHI LA BDUN, TSOGS ZHING GSAL BTAB PA, YE SHES PA SPYAN 'DREN PA, YAN LAG BDUN PA 'BUL BA, GSOL BA BTAB PA, TING NGE 'DZIN GYI DBANG BZHI BLANG BA, SLAR YANG THEG CHEN BLO SBYONG DANG BSNYUN PA'I DON SMON PA'I SGO NAS GSOL BA, BLA MA RANG LA BSTIM PA'O, ,DANG PO NI, BDE STONG DBYER MED CES PA NAS, DE DAG SGO GSUM RDO RJE GSUM MTSAN ZHES PA'I BAR GSUNGS, DE'I BSGOM
DON? NI, RANG YI DAM LHAR GSAL BA'I MDUN GYI NAM MKHAR PHYI NANG GSANG BA'I MCHOD PA'I SPRIN SNA TSOGS PAS GANG BA'I DBUS SU DGOS 'DOD 'BYUNG BA'I DPAG BSAM GYI SDONG PO YAL GA LO MA ME TOG 'BRAS BU SNA TSOGS PAS RGYAS PA'I 'DAB MA BSAM GYIS MI KHYAB PA'I 'DAB MA 'OG MA LAS GONG MA JE MTHOR SONG BA'I RTZE MOR SENG GE BRGYAD KYIS BTEG PA'I RIN PO CHE'I KHRI MTHO ZHING YANGS PA, DE'I STENG DU 'KHOR BA'I SKYON GYIS MGOS PA'I BRDAR PADMA 'DAB MA BZHI PA LTE BA GE SAR DANG BCAS PA'I STENG DU THABS SHES MTSON PA'I NYI ZLA'I STENG DU GZHUNG RANG LA RANG GI BKA' DRIN GSUM LDAN GYI RTZA BA'I BLA MA YIN PA LA RNAM PA DGE SLONG RDO RJE 'DZIN BA ZHES GSUNGS KYANG BDAG GI DPAL LDAN BLA MA KHYAB BDAG DKON MCHOG RGYAL MTSAN GYI MAN NGAG TU NGO BO YANG RTZA BA'I BLA MA DANG DBYER MED PA PAn CHEN THAMS CAD MKHYEN PA YIN PA LA RNAM PA YANG PAn CHEN THAMS CAD MKHYEN PA NYID DU BSGOM GSUNGS PAS, RJE BTZUN BLO BZANG CHOS KYI RGYAL MTSAN ZHAL GCIG PHYAG GNYIS 'DZUM DKAR 'PHRO, ZHES PA 'DON PA BSGYUR PA MAN NGAG YIN NO, ,DE YANG SKU MDOG DKAR LA DMAR BA'I MDANGS
, ,CHAGS PA SOGS CHO GA BZHIN BSKYED, DE YANG GZHUNG RANG LA YANG NA RDO RJE 'CHANG DU BSKYED GSUNGS KYANG, MAN NGAG TU THUGS KAR RDO RJE 'CHANG YAB YUM BSKYAD GSUNGS PA BZHIN THUGS KAR KHYAB BDAG RDO RJE 'CHANG DBANG ZHAL GCIG PHYAG GNYIS SKU MDOG SNGO, ,ZHES 'DON PA BSGYUR PAR MDZAD DO, ,DE NAS RGYAS PAR NA BLA MA'I SPYI BOR RNAM SNANG SOGS 'DUS PA LTAR GYI LHA RNAMS BKOD PAR GSUNGS LA, 'DIR NI GZUGS DANG, TSOR BA, 'DU SHES, 'DU BYED, RNAM SHES KYI PHUNG PO STE PHUNG PO LNGA RNAM PAR DAG PA RNAM SNANG, RIN 'BYUNG, 'OD DPAG MED, DON YOD GRUB PA, MI BSKYOD PA STE BDE BAR GSHEGS PA RIGS LNGA, SA CHU ME RLUNG GI KHAMS BZHI RNAM PAR DAG PA, SPYAN MA, M'A MA KI, GOS DKAR MO, SGROL MA STE YUM BZHI, MIG GI SKYE MCHED, RNA BA, SNA, LCE, LUS, YID KYI SKYE MCHED DANG, RTZA RGYUS TSIGS RNAMS, SA SNYING SOGS BYANG CHUB SEMS DPA', BA SBU'I BU GA NYI KHRI CHIG STONG NI DGRA BCOM PA NYI KHRI CHIG STONG, LAG SOGS YAN LAG RNAMS GSHIN RJE'I GSHED SOGS KHRO BO'I DBANG PO RNAMS DANG, GZHAN RNAMS GO SLA ZHING, GSANG BA PA NI GNOD SBYIN NO, ,'DI NI RIM LNGA LAS, RDO RJE SLOB DPON LUS 'DI LA, ,RGYAL BA'I
SKU NI RIM BZHIN GNAS, ,ZHES PA'I DON NO, ,MTHA' SKOR DU MDZOD SPU NAS, MGRIN PA'I BAR GYI THAD? DU RTZA RGYUD KYI BLA MA DANG, DE NAS THUGS KA'I BAR GYI THAD DU RGYUD SDE CHEN PO BZHI DANG 'BREL BA'I YI DAM DKYIL 'KHOR GYI LHA TSOGS RNAMS DANG, DE NAS LTE BA'I BAR GYI THAD DU DPA' BO MKHA' 'GRO, DE NAS GSANG GNAS KYI BAR GYI THAD DU PHYAG DRUG MGON PO SOGS CHOS SKYONG BSRUNG MA, BSAM GYIS MI KHYAB PAS BSKOR BAR GSAL BTAB, DE THAMS CAD KYANG SNANG LA RANG BZHIN MED PA 'JA' TSON BZHIN DU BSGOM PAR BYA'O, ,DE THAMS CAD KYI SPYI BOR SKU RDO RJE'I NGO BO AOm DKAR PO, MGRIN PAR GSUNG RDO RJE'I NGO BO A'A:DMAR PO, THUGS KAR THUGS RDO RJE'I NGO BO H'Um SNGON PO DANG, GZHUNG DU MA GSUNGS KYANG MAN NGAG TU LTE BAR YON TAN RDO RJE'I NGO BO SVA? SER PO, GSANG GNAS SU 'PHRIN LAS RDO RJE'I NGO BO H'A LJANG KHUS MTSAN PAR BSGOM DGOS SO, ,GNYIS PA NI, TSOGS ZHING RNAMS DANG KHYAD PAR BLA MA'I THUGS KA'I H'Um LAS 'OD ZER LCAGS KYU'I RNAM PA CAN DPAG TU MED PA SPROS PAS RANG BZHIN GYI GNAS NAS YE SHES PA RNAMS SPYAN 'DREN PA YIN LA, RANG BZHIN GYI GNAS NI, 'OG MIN DANG BDE BA CAN LTA BU GNAS
, ,BYE BRAG PA MA YIN TE, BDE STONG DBYER MED PA'I CHOS SKU YIN LA, DE YANG NAM MKHA' GAR KHYAB TU STONG PA NYID KYIS KHYAB,? STONG NYID GAR KHYAB TU SANGS RGYAS KYI THUGS GNYIS SU MED PA'I YE SHES KYIS KHYAB PAS NA, DE LTA BU'I YE SHES DE DANG STONG PA NYID DBYER MED PA'I CHOS SKU'I NGANG NAS DBYAR KYI NAM MKHA' DVANGS PA LA SPRIN SKYA THOR GYI 'BYUNG PA LTAR BSGOMS PA DANG 'DRA BA'I YE SHES PA RNAMS SPYAN 'DREN PA YIN ZHES BDAG GI BLA MA RDO RJE 'DZIN PAS GSUNGS SO, ,DE YANG PHUN TSOGS BDE LEGS 'BYUNG GNAS DUS GSUM GYI, ,ZHES SOGS KYI TSIGS BCAD MA RDZOGS PAR MDUN GYI NAM MKHAR BZHUGS NAS, RATNA GU RU SARBA BUDDHA BO DHI SATVA SA PA RI W'A RA AE HYE HI BADZRA SA MA DZA:DZA:ZHES BRJOD PA DANG, TSUR DGYES BZHIN DU BYON NAS DZA:H'Um BAm HO: DBYER MED BRTAN PAR GYUR ZHES BRJOD PA DANG, DAM TSIG PA DANG GNYIS SU MED PAR GYUR PAR BSAM MO, ,GSUM PA LA BDUN, PHYAG 'TSAL BA, MCHOD PA 'BUL BA, BSHAGS PA BYA BA, RJES SU YI RANG BA, BSKUL BA, BRTAN PAR BZHUGS PAR GSOL BA, DGE BA BSNGO BA'O, ,DANG PO NI, GANG GI THUGS RJES BDE BA CHEN PO'I DBYINGS, ,SOGS GSUNGS DE LA SHO LO KA
DANG PO GSUM GYIS RTZA BA'I BLA MA LA PHYAG 'TSAL BA DANG, LHAR BCAS STON PA SOGS SHO LO KA GCIG GIS BRGYUD PA'I BLA MA DANG, DUS GSUM PHYOGS BCUR SOGS SHO LO KAS PHYAG 'OS THAMS CAD LA PHYAG 'TSAL BA YIN, DE DAG LA YANG RANG LUS DPAG TU MED PAR SPRUL NAS YAN LAG LNGAS PHYAG 'TSAL BA NI LUS KYI PHYAG DANG, LUS RE RE LA MGO DPAG TU MED PA MGO RE RE LA LCE DPAG TU MED PAR SPRUL NAS TSOGS ZHING RNAMS KYI YON TAN LCE RE RES BRJOD CING DBYANGS NYAN PAS TSIGS SU BCAD PA RNAMS BRJOD PA NI DAG GI PHYAG DANG, BLA MA LHA TSOGS RNAMS KYI YON TAN DRAN PA'I SGO NAS DAD GUS DPAG TU MED PA BYED PA NI YID KYI PHYAG YIN PAR GSUNGS SO, ,GNYIS PA MCHOD PA'I YAN LAG LA, PHYI NANG GSANG BA DE KHO NA NYID KYI MCHOD PA BZHI LAS, DANG PO NI, SKYABS MGON RJE BTZUN BLA MA 'KHOR BCAS LA, ,ZHES SOGS GSUNGS, DON NI, 'BUL LO GANG LA NA, SKYABS MGON RJE BTZUN BLA MA 'KHOR DANG BCAS PA LA'O, ,GANG 'BUL NA, SNA TSOGS MCHOD PA'I SPRIN RGYA MTSO LTA BU 'BUL LO, ,ZHES MDOR BSTAN PA, 'BUL BA'I GO RIM NI, BKOD LEGS SOGS KYIS CHU BZHI DANG, MDZES PA'I ME TOG CES PA NAS 'DOD
, ,YON LHA MOS PHYOGS KUN KHYAB, ,ZHES PA'I BAR NYER SPYOD, ROL MO 'DOD YON LNGA 'BUL BAR BSTAN YUL NI MCHOD YON MDUN DU, ZHABS BSIL ZHABS LA, ZHAL BSIL ZHAL, BSANG GTOR SKU, ME TOG DBU, BDUG SPOS SHANGS, MAR ME SPYAN, DRI CHAB THUGS, ZHAL ZAS ZHAL, ROL MO SNYAN, GZUGS SPYAN, REG BYA SKU LA, GZHAN GSUM NYER SPYOD BZHIN 'BUL LO, ,TSUL JI LTA BUR PHUL NA, RANG GI THUGS KA'I SA BON LAS SPROS PA'I 'OD ZER GYI SNA LA MCHOD PA'I LHA MO MCHOD RDZAS DE DAG BZUNG BA DPAG TU MED PA BYUNG NAS TSOGS ZHING RNAMS KYI GNAS DE DANG DER PHUL BAS ZAG PA MED PA'I BDE BAS TSIM PAR BSAM MO, ,PHYI NANG 'DOD YON LHA MO ZHES PA'I NANG NI NANG MCHOD KYI NANG MIN CING, 'DOD YON LNGA'I MCHOD PA'I NANG GSES KYI PHYI NANG GNYIS SU DBYE BA'I NANG YIN TE, DPER NA GSANG BA 'DUS PA'I DKYIL 'KHOR MCHOD PA'I SKABS SU NYER SPYOD DANG 'DOD YON GYI PHYI NANG GNYIS SU DBYE BA BZHIN NO, ,DE NAS MAndAL NI, GONG DU BSTAN PA LTAR GYI MAndAL LA, BA BYUNG LNGA DANG, DRI BZANG BYUGS, DRI BZANG GIS SBAGS PA'I ME TOG GTZANG MA'I TSOM BU SO BDUN NAM, BDUN SOGS RGYAS BSDUS
DANG BSTUN NAS, BYE BA PHRAG BRGYA'I GLING BZHI LHUN POR BCAS, ,ZHES SOGS KYI TSIGS BCAD RNAMS BRJOD CING 'BUL, DE YANG, STONG GSUM GYI STONG CHEN PO'I 'JIG RTEN GYI KHAMS CHUNG DUR MA SONG BAR MAndAL GYI STENG DU YOD PAR MOS NAS, GZHAN YANG, RGYAL SRID RIN CHEN BDUN, NYE BA'I RIN CHEN BDUN, BKRA SHIS KYI RTAGS RDZAS BRGYAD, GDUGS DANG RGYAL MTSAN BA DAN BEE d'URYA SOGS NOR BU'I RIGS ZA 'OG SOGS DAR ZAB KYI RIGS, MDOR NA, BLA NA YOD MED KYI MCHOD RDZAS MA TSANG BA MED PAR BLOS BLANGS NAS 'BUL LO, ,MAndAL 'BUL BA'I PHAN YON NI, MKHAS GRUB DAM PA SANGS RGYAS YE SHES KYIS GANG DU 'TSANG RGYA BA'I LONGS SPRUL GYI ZHING KHYAD PAR CAN 'GRUB PAR 'GYUR BAR GSUNGS, RJE DE NYID NI LAM RGYUD LA SKYE BA'I RGYU DANG ZHING SPYONG DU'ANG 'GRO GSUNGS PAS SHIN TU PHAN YON CHE BAR GDA'O, ,DE NAS, DNGOS BSHAMS YID SPRUL YID BZHIN RGYA MTSO'I DOGS, ,ZHES SOGS NI, SRID PA DANG ZHI BAS BSDUS PA'I RNAM DKAR GYI YON TAN RNAMS DANG, BSLAB PA GSUM RIM PA GNYIS SOGS 'JIG RTEN DANG 'JIG RTEN LAS 'DAS PA'I YON TAN THAMS CAD DGA' BA'I TSAL DANG DPAG BSAM GYI SHING DU MOS NAS
, ,'BUL BA YIN NO, ,GZHAN YANG KHA DOG DRI RO NUS PA PHUN SUM TSOGS PA'I RGYA JA'I GTUNG BA RNAMS KYANG PHUL LO, ,'OG NAS BYUNG BA'I BZANG PO'I SMAN PHUL RGYU DE PHYI'I MCHOD PA'I KHONGS SU GTOGS SHING 'TSAMS 'DIR 'THAD KYANG GZHUNG RANG GI DGONGS DON LTAR 'OG TU 'CHAD DO, ,GNYIS PA NI, LCAGS KYU LNGA DANG SOGS KYI DON NI, DNGOS GRUB THAMS CAD 'GUGS PAR BYED PA'I LCAGS KYU LNGA STE SHA LNGA DANG, DNGOS GRUB THAMS CAD GSAL BAR BYED PA'I SGRON ME BDUD RTZI LNGA STE, BLA MED NAS BSHAD PA BZHIN SBYANGS RTOGS SBAR GSUM BYAS PA'I BDUD RTZI'I NANG MCHOD KYANG 'BUL LO, ,'BUL TSUL NI, 'DUS PA'I SGRUB THABS RNAL 'BYOR DAG PA'I RIM PA LAS BSHAD PA LTAR, BDAG NYID KYI LAG PA GA-YON PA'I MTHE BONG KshUm LAS ZHES SOGS BYUNG BA LTAR YIN, DE LAS BDUD RTZI THOD BAs BLANGS TE MCHOD PA'I LHA MO RNAMS KYIS 'BUL BAR BSAM MO, ,GSUM PA NI, YID 'ONG LANG TSO'I DPAL 'DZIN SOGS KYI SHO LO KA YIN LA, PHYAG RGYA GZUGS MDZES SHING YID 'PHROG PA, 'KHYUD PA DANG 'O BYED PA LA SOGS PA 'DOD PA'I SGYU RTZAL LA MKHAS PA YIN LA, DE LA SNGAGS SKYES NI BSKYED RIM PA'I SKABS DANG, ZHING SKYES NI DBEN PA GSUM GYI
SKABS DANG, LHAN SKYES NI SGYU LUS YAN GYI PHO NYA MO LA BYA'O, ,'BUL TSUL NI, DE LTA BU'I PHYAG RGYA SPRUL NAS BLA MA'I THUGS KA'I RDO RJE 'CHANG GI YUM LA THIM PAS DE DANG SNYOMS PAR ZHUGS PAS LHAN SKYES KYI BDE BA CHEN PO SKYES NAS THUGS ZAG MED KYI BDE BAS TSIM PAR BSAM MO, ,BZHI PA NI, SGRIB BRAL LHAN SKYES BDE BA'I YE SHES CHE, ,ZHES PAS GSANG BA'I MCHOD PA DNGOS SU BSTAN NAS, CHOS KUN RANG BZHIN SPROS DANG BRAL BA'I DBYINGS, ,ZHES SOGS SBREL PA'I DE KHO NA NYID KYI MCHOD PA YANG DNGOS SU BSTAN PA YIN, ZHES BDAG GI DPAL LDAN BLA MAS GSUNGS SO, ,DE NAS PHYI MCHOD KYI YAN LAG SMAN 'BUL BA NI, NYON MONGS BZHI BRGYA RTZA BZHI SOGS GSUNGS, DE NI MA RIG PA'I RTZA BA CAN GYI NYON MONGS PA 'DOD CHAGS ZHE SDANG GTI MUG GSUM GYI 'BRAS BUR GYUR PA'I RLUNG MKHRIS PAD KAN GSUM LAS GYES PA'I NAD DE, GSO BA RIG PA'I RTZA RGYUD LAS, DE LA 'DOD CHAGS ZHE SDANG GTI MUG GSUM, ,RLUNG MKHRIS BAD KAN RIM PAS BSKYED PA'I RGYU, ,ZHES DANG, BSHAD RGYUD LAS, NAD RNAMS KUN GYI RGYU NI GCIG PU STE, ,BDAG MED DON MA RTOGS PA'I MA RIG CES, ,DPER NA BYA NI MKHA' LA LDING GYUR KYANG, ,
, ,RANG GI GRIB MA DE DANG MI 'BRAL ZHING, ,'GRO KUN BDE BAR GNAS SHING SPYOD NA YANG, ,MA RIG LDAN PAS NAD DANG 'BRAL MI SRID, ,KHYAD PAR RGYU NI MA RIG LAS BYUNG BA'I,, 'DOD CHAGS ZHE SDANG GTI MUG DUG GSUM LAS, ,'BRAS BU RLUNG MKHRIS BAD KAN NYES PA BSKYED, ,CES GSUNGS PA LTAR RO, ,BZHI BRGYA RTZA BZHI NI, NAD LA, NYES PA, GTZO BO, RIGS, GNAS BZHI LA BRGYA RTZA GCIG RE, DE RE RE LA, GZHAN DBANG, KUN BTAGS, YONGS GRUB, LTAR SNANG BZHI BZHIR DBYE BA YIN TE, RGYUD LAS, DE LTAR NYES PA GTZO BO RIGS GNAS BZHI'I,, DBYE BA BZHI BRGYA RTZA BZHI'I NAD YOD DE, ,ZHES DANG, GCIG LA'ANG BZHI SBYAR BZHI BRGYA RTZA BZHIR GYUR, ,ZHES GSUNGS PA LAS, 'DIR NI YONGS GRUB BZHI BRGYA RTZA BZHI LA DGONGS PA'O, ,DE LTA BU'I NAD RNAMS SEL BAR BYED PA'I SMAN AA RU RA RNAM RGYAL, DZA TI, SUKMEL, KA KO LA, LI SHI, CU GANG, GUR GUM SOGS BZANG PO'I SMAN RNAMS KYANG 'BUL LO, ,PHAN YON NI, TSE RABS KUN TU NAD MED PA DANG, ,NAD KYI BSKAL PAR MI SKYE GSUNGS, ,DE NAS, KHYOD MNYES DGYES PHYIR BDAG BRAN 'BUL LAGS NA, ,SOGS RANG GI LUS LONGS SPYOD DUS GSUM GYI DGE BA
THAMS CAD GCIG CHAR DU 'BUL BA YIN GSUNGS, SKABS 'DIR THUN MONG DANG THUN MONG MA YIN PA'I SDOM PA BZUNG NA PHUN SUM TSOGS PA'I YAN LAG TU GYUR TE, DE NI, DKON MCHOG GSUM LA BDAG SKYABS MCHI, ,SOGS LAN GSUM DANG, SANGS RGYAS BYANG CHUB SEMS DPA' KUN, ,BDAG LA DGONGS PAR MDZAD DU GSOL, ,ZHES PA NAS, SEMS CAN MYA NGAN 'DAS LA 'GOD,, CES PA'I BAR LAN GSUM BRJOD PA SGRUB PA'I MCHOD PAR GYUR BAR GSUNGS, SKU BZHI'I BDAG NYID BLA MA DKON MCHOG LA, ,RNAM BZHI'I MCHOD PA 'BUL BA'I DGE BA RNAMS, ,SKYE GNAS BZHI LDAN 'GRO BA MA LUS PA, ,RGYUD SDE BZHI YI LAM GYIS 'DREN PHYIR BSNGO, ,BAR SKABS KYI TSIGS BCAD DO, ,GSUM PA BSHAGS PA'I YAN LAG NI, MTSAMS 'DIR LTUNG BSHAGS, BLA MA RDOR 'DZIN MA, SDOM PA GSUM SO SO'I PHYIR BCOS RNAMS BYA BAR GSUNGS SHING, BSDU NA, THOG MED DUS NAS MI DGE'I SDIG PA'I LAS, ,ZHES SOGS GSUNGS, DE YANG SDIG LTUNG GANG YIN NA'ANG STOBS BZHIS BSHAGS NA MI DAG MI RUNG STE, CHOS BZHI PA'I MDO LAS, STOBS BZHI DANG LDAN PAS BSHAGS NA, BYAS SHING BSAGS PA'I LAS
, ,THAMS CAD 'DAG PAR 'GYUR RO, ,ZHES GSUNGS PA'I PHYIR, DE LA STOBS BZHI TSANG TSUL NI, THUGS RJE CHEN PO DANG LDAN PA'I BLA MA TSOGS ZHING RNAMS KYI SPYAN SNGAR ZHES RTEN GYI STOBS DANG, THOG MED DUS NAS BSAGS PA'I MI DGE BA BCAS PA DANG RANG BZHIN GYI KHA NA MA THO BA'I SDIG PA'I LAS RNAMS 'GYOD PA'I SEMS KYIS ZHES RNAM PAR SUN 'BYIN PA'I STOBS DANG, BSHAGS PA DNGOS NI, GNYEN PO KUN DU SPYOD PA'I STOBS DANG, SLAN CHAD MI BGYID PAR SDOM PA NI, SDIG PA LAS SLAR LOG PA'I STOBS BSTAN NO, ,DE'I TSE DMIGS PA NI, TSOGS ZHING RNAMS KYI SKU'I CHA LAS BDUD RTZI DKAR PO 'OD ZER DANG BCAS PA'I RGYUN BABS, RANG GI SPYI BO NAS ZHUGS LUS THAMS CAD GANG, SDIG SGRIB BAG CHAGS DANG BCAS PA THAMS CAD BA SPU'I BU GA DANG 'OG SGO GNYIS NAS NAG BUN GYI THON NAS PHYIR YAL SONG BAR BSAM MO, ,SDIG PA DAG PA'I RTAGS NI, BSKUL BYED KYI GZUNGS LAS, RMI LAM NA ZAS NGAN SKYUGS PA DANG, ZHO DANG 'O MA 'THUNG BA DANG, SKYUGS PA DANG, NYI MA DANG ZLA BA MTHONG BA DANG, NAM MKHA' LA 'GRO BA DANG, ME 'BAR BA DANG, MA HE DANG MI NAG PO THUB PA DANG, DGE SLONG DANG DGE 'DUN MTHONG BA DANG, 'O MA 'BYUNG BA'I SHING DANG, GLANG PO CHE DANG
KHYU MCHOG DANG, RI DANG, SENG+GE'I KHRI DANG, KHANG BZANG GI STENG DU 'DZEG PA DANG, CHOS NYAN PAR RMIS NA, SDIG PA BYANG BAR SHES PAR BYA'O, ,ZHES GSUNGS PA'I RTAGS 'BYUNG 'BYUNG GI BAR 'BAD PAS BSHAGS PAR BYA'O, ,BZHI PA RJES SU YI RANG BA NI, CHOS RNAMS RANG BZHIN MTSAN MA DANG BRAL YANG, ,SOGS KYI SHO LO KAS BSTAN, DE YANG, RJE TZONG KHA PAS, 'BAD PA CHUNG NGUS RLABS CHEN TSOGS SDUD LA, ,DGE LA RJES SU YI RANG MCHOG TU GSUNGS, ,ZHES GSUNGS PAS PHAN YON KYANG SHIN TU CHE BAR GSUNGS SO, ,DE LA GZHUNG DKYUS BZHIN BSAM PA THAG PA NAS RJES SU YI RANG BA BSGOM MO, ,LNGA PA CHOS 'KHOR BSKOR BAR BSKUL BA NI, SNGON BDAG CAG GI STON PA MNGON PAR RDZOGS PAR SANGS RGYAS NAS ZHAG ZHE DGU 'DAS PA NA, LHA TSANGS PAs GSER GYI 'KHOR LO RTZIBS STONG LDAN PA PHUL NAS, 'GRO LA CHOS KYI 'KHOR LO BSKOR BAR GSOL BA BTAB PA BZHIN DU, BLA MA ZHING MCHOG PHUL DU BYUNG BA'I MKHYEN BRTZE'I CHU 'DZIN TE CHAR SPRIN 'BUM PHRAG MANG PO DKRIGS PA LTA BU LAS, 'GRO BA MTHA' YAS PA'I GNAS SKABS SU PHAN PA DANG, MTHAR THUG BDE BA'I KUNDA'I TSAL LTA BU DE BSKYED PA DANG, YUN RING DU GNAS PAR BYA
, ,BA'I PHYIR, ZAB PA DANG RGYA CHE BA'I CHOS KYI CHAR 'BAB CING BSTAN DU GSOL, ZHES PA'O, ,DRUG PA BRTAN PAR BZHUGS PAR GSOL BA NI, RDO RJE'I SKU LA SKYE 'CHI MI MNGA' YANG; ;SOGS KYIS BSTAN, GZHAN RNAMS GO SLA ZHING, ZA MA TOG NI, NOR BU'I SNOD LA DGONGS PA'O, ,BDUN PA DGE BA BSNGO BA NI, 'DI LTAR BSKRUN PA'I RNAM DKAR DGE BA'I TSOGS, ,ZHES SOGS KYIS BSTAN, DE YANG BLO GROS MI ZAD PAS ZHUS PA'I MDO LAS, JI LTAR RGYA MTSO CHE NANG CHU THIG LTUNG, ,RGYA MTSO MA ZAD BAR DU DE MI 'DZAD ,DE BZHIN BYANG CHUB YONGS BSNGOS DGE BA YANG, ,BYANG CHUB MA THOB BAR DU DE MI 'DZAD, ,CES GSUNGS PAS NA, DGE BA CI BYED PA THAMS CAD SEMS CAN THAMS CAD KYI THUN MONG DU BSNGO BA NI THEG PA CHEN PO'I BKA' DANG BSTAN BCOS THAMS CAD LAS BSHAD CING, RGYAL BA'I YUM LAS, DGE BA'I RTZA BA THAMS CAD BLA NA MED PA'I BYANG CHUB TU YONGS SU BSNGO BAR BYA BA YIN GYI, NYAN THOS DANG RANG SANGS RGYAS KYI SAR BSNGO BAR MI BYA'O, ,ZHES DANG, SDUD PA LAS, 'GRO BA'I DON DU BYANG CHUB PHYIR NI THAMS CAD BSNGO, ,ZHES SOGS MANG DU GSUNGS TE, 'DIR NI MDOR BSDU NA, 'DI LTAR ZHING MCHOG DAM
PA RNAMS LA PHYAG 'TSAL BA, MCHOD PA PHUL BA, SDIG PA BSHAGS PA, DGE BA LA RJES SU YI RANG BA, CHOS STON PAR BSKUL BA, BRTAN PAR BZHUGS PAR GSOL BA, 'DIS MTSON RAB GZHAN SKYA 'PHAGS THAMS CAD KYIS DUS GSUM DU BSAGS PA'I RNAM PAR DKAR BA'I DGE BA JI SNYED PA THAMS CAD MA LUS PA, MAR GYUR SEMS CAN THAMS CAD YANG DAG PA'I DGE BA'I BSHES GNYEN GYIS RJES SU BZUNG STE, DE'I ZHAL GYI GDAMS PA ZAB MO RNAMS NYAMS SU BLANGS PA LA BRTEN NAS ZUNG 'JUG RDO RJE 'CHANG GI SKU TSE 'DIR THOB PA'I RGYU RU BSNGO BAR BYA'O , 'DI LTA BU'I GNAS SKABS THAMS CAD DU TSOGS ZHING SOGS CHOS THAMS CAD RANG BZHIN GYIS MA GRUB PAR RMI LAM MAM SGYU MA BZHIN DU 'KHOR GSUM RNAM PAR DAG PA'I LTA BAS ZIN PA NI SHIN TU GAL CHE BAR GSUNGS TE, MED DU MI RUNG BA'I YAN LAG GE ,SMRAS PA, BKA' DANG BSTAN BCOS KUN LAS LAGS BSNGAGS PA'I, ,BKA' DRIN GSUM LDAN BLA MA ZHING MCHOG GI ,BKA' LAS BYUNG BA'I MAN NGAG BSTAN PA 'DI, ,BKA' BZHIN SGRUB PA'I MCHOD PA'I RGYUR GYUR CIG ,ZHES BYA BA NI BAR SKABS KYI TSIGS BCAD DO, ,BZHI PA NI, GZHUNG RANG LAS,
, ,DE NAS LAG NA RDO RJE DBANG BSKUR BA'I RGYUD LAS, SLOB DPON GYI NI YON TAN GZUNG, ,SKYON NI NAM YANG GZUNG MI BYA, ,YON TAN BZUNG NA DNGOS GRUB 'THOB, ,SKYON RNAMS BZUNG NA DNGOS MI 'GRUB, ,CES GSUNGS PA LTAR, BLA MA'I SKYON RTOG KYI BLO YE MA SHOR BAR BYA'O SNYAM PA'I DRAN SHES YANG YANG BSTEN, ZHES GSUNGS PA LTAR, BLA MA LA SANGS RGYAS DNGOS KYI 'DU SHES BSKYED DE, GAL TE SKYON RTOG GI BLO CUNG ZAD SKYES NA'ANG DE LA 'DI LTAR BSAM PAR BYA STE, GA RE BDAG GI DGE BA'I BSHES GNYEN 'DI SANGS RGYAS DANG 'DRA BAS 'DI LA 'DI 'DRA'I SKYON GA LA SRID DE, BDAG RANG GI SNANG BA MA DAG PAS 'DI LTAR SNANG BA 'DUG PAS, SGYU MA'I 'PHRUL LAS MI RTA LA SOGS PA YE MED BZHIN DU SNANG BA DANG, SGRIB PA SHAS CHE BAS RJE BTZUN BYAMS PA KHYI MOR MTHONG BA DANG, RJE BTZUN RNAL 'BYOR MA MDZE MOR MTHONG BA DANG, MKHRIS PA'I NAD KYIS ZIN PA'I MI LA DUNG DKAR SER POR MTHONG BA LA SOGS PA'I LO RGYUS MANG PO YOD PA BZHIN DU BDAG KYANG 'KHRUL PA'I SNANG PA YIN, DE 'DRA'I 'KHRUL PA'I SEMS KYIS SDIG PA DPAG TU MED PA BSAGS NAS NGAN SONG DU SKYE BA'I RGYU GSOG PAR 'DUG CES RANG LA RNGAN SGRAN
ZHING SEMS DE SPONG GANG THUB BYED, KHYAD PAR RTZA BA'I BLA MA DE NYID KYI MTSAN THOS PA TZAM GYIS BYIN RLABS DPAG TU MED PA 'BYUNG ZHING, GSOL BA BTAB PA TZAM GYIS DNGOS GRUB KYI BKA' DRIN BDE BLAG TU STZOL BAR MDZAD PAS SANGS RGYAS KUN LAS KYANG LHAG STE, SDOM 'BYUNG LAS, 'DI NI RANG BYUNG BCOM LDAN 'DAS, ,LHAG PA'I LHA NYID GCIG PU NYID, ,MAN NGAG RAB TU STER BA'I PHYIR, ,RDO RJE SLOB DPON DE BAS LHAG ,CES GSUNGS PA'I PHYIR DANG, SGOS SU BDAG CAG RNAMS KYI 'DREN PA RJE BTZUN THAMS CAD MKHYEN PA PAn CHEN RIN PO CHE 'DI NYID KYI MTSAN THOS PA DANG, SKU MTHONG BA DANG, YID LA DRAN PA DANG, DAD PAS GSOL BA BTAB PA THAMS CAD NGAN SONG GI SDUG BSNGAL LAS GROL ZHING, BDE BA MCHOG LA GNAS PAR 'GYUR BA SOGS BYIN RLABS SHIN TU CHE BA YIN TE, NYID KYI RDO RJE'I GSUNG LAS, BDAG NYID MTHONG DANG THOS PA DANG, ,DRAN REG GUS PAR BYED PA RNAMS, ,LOG PA'I LAM DU MI LTUNG BAR, ,BDE NAS BDE BAR BGROD PAR SHOG ,BDAG LA DAM PAR 'DZIN PA RNAMS, ,'BRAL MED BDAG GIS RJES BZUNG NAS, ,BDAG NI MNGON PAR 'TSANG RGYA'I TSE, ,'KHOR GYI THOG MAR 'GYUR BAR BGYI, ,
, ,BDAG GI MING TZAM DRAN PAS KYANG, ,'JIGS PA MED PA'I GNAS THOB STE, ,DAM PA'I GROGS DANG MI 'BRAL BAR, ,THAMS CAD MKHYEN GRONG 'JUG GYUR CIG ,CES DANG, BDAG LAS DAM CHOS THOS PA DANG, ,DAD CING MOS PA THAMS CAD KYANG, ,BYANG CHUB SNYING POR MCHIS KYI BAR, ,YID BZHIN NOR LTAR 'DOD PA BSGRUBS, ,ZHES GSUNGS PA'I PHYIR, DE BAS NA, MTSAMS 'DIR BLA MA SANGS RGYAS BYANG SEMS RNAMS KYI GSOL 'DEBS GANG SHES DANG, KHYAD PAR DGE LEGS YON TAN MA 'AM, BKA' DRIN GSOL 'DEBS SOGS BYAS NAS, BLO BZANG CHOS KYI RGYAL MTSAN MKHYEN NO, ,ZHES PA'I TSIG 'DI BRGYA STONG KHRI 'BUM SOGS GANG NUS KYIS BRJOD PAR BYA ZHING, DE NAS GZHUNG RANG LAS BYUNG BA LTAR GSOL BA BTAB PA NI, YON TAN 'BYUNG GNAS ZHES SOGS SHO LO KAS, THUN MONG PA 'DUL BA'I SDE SNOD LAS BYUNG BA'I BLA MA'I MTSAN NYID DANG LDAN PA'I SGO NAS GSOL BA BTAB PA YIN TE, SUM BRGYA PA LAS, TSUL KHRIMS LDAN ZHING 'DUL BA'I CHO GA SHES, ,NAD PAR SNYING BRTZE 'KHOR NI DAG PA DANG, ,CHOS DANG ZANG ZING PHAN 'DOGS LA BRTZON PA, ,DUS SU 'DOMS PA DE NI BLA MAR
BSNGAGS, ,ZHES GSUNGS PA'I PHYIR RO, ,GANG DANG LDAN NA ZHES SOGS KYI SHO LO KAS THEG CHEN THUN MONG BA'I BLA MA'I MTSAN NYID DANG LDAN PA'I YON TAN BRJOD PA'I SGO NAS GSOL BA BTAB PA YIN TE, MDO SDE RGYAN LAS, BSHES GNYEN DUL BA ZHI BA NYER ZHI BA, ,YON TAN LHAG PA BRTZON BCAS LUNG GIS PHYUG ,DE NYID RAB TU RTOGS PA SMRA MKHAS LDAN, ,BRTZE BA'I BDAG NYID SKYO BA SPANGS LA BSTEN, ,ZHES GSUNGS PA'I PHYIR, SGO GSUM LEGS BSDAMS BLO CHEN SOGS SHO LO KAS GSANG SNGAGS RDO RJE THEG PA'I BLA MA'I MTSAN NYID DANG LDAN PA'I SGO NAS GSOL BA BTAB PA YIN TE, BLA MA LNGA BCU PA LAS, BRTAN ZHING DUL LA BLO GROS LDAN, ,BZOD LDAN DRANG LA GA-YO SGYU MED, ,SNGAGS DANG RGYUD KYI SBYOR BA SHES, ,DE NYID BCU NI YONGS SU SHES; ;DKYIL 'KHOR BRI BA'I LAS LA MKHAS, ,SNGAGS BSHAD PA YI SBYOR BA SHES, ,RAB TU BRTAN ZHING DBANG PO DUL, ,ZHES GSUNGS PA'I PHYIR, DE NYID BCU ZUNG NI, PHYIR BZLOG GNYIS KYI CHO GA DANG, ,GSANG DANG SHES RAB YE SHES DANG, ,KHA SBYOR 'BYED PA'I CHO GA DANG, ,GTOR MA RDO RJE'I BZLAS PA DANG, ,DRAG SHUL SGRUB PA'I CHO GA DANG, ,RAB TU GNAS
, ,DANG DKYIL 'KHOR BSGRUB, ,GSANG BA'I DE NYID BCU YIN NO, ,DKYIL 'KHOR TING 'DZIN PHYAG RGYA DANG, ,GAR STABS 'DUG STANGS BZLAS BRJOD DANG, ,SBYIN BSREG MCHOD PA LAS SBYOR DANG, ,SLAR SDUD PA YI RNAM PA NI, ,PHYI YI DE NYID BCU YIN NO, ,ZHES RJE BLA MAS BLA MA LNGA BCU PA'I 'GREL PAR RDO RJE SNYING PO RGYAN GYI RGYUD LAS LUNG DRANGS PA BZHIN NO, ,DE NAS SANGS RGYAS GRANGS MED SOGS SHO LO KA BZHIS PHYI'I YON TAN BRJOD PA'I SGO NAS GSOL BA BTAB PA YIN LA, DE LA, BDE GSHEGS SKU GSUM RGYAN GYI 'KHOR LO NI,, ZHES PA NI, SKU MI ZAD PA RGYAN GYI 'KHOR LO, GSUNG MI ZAD PA RGYAN GYI 'KHOR LO, THUGS MI ZAD PA RGYAN GYI 'KHOR LO LAS, DANG PO LA, SKU'I GSANG BA BSAM GYIS MI KHYAB PA DANG, SKU THAMS CAD PA GNYIS LAS, SANGS RGYAS KYI SKU'I TSAD NI GZHAN SUS KYANG BZUNG MI NUS PA NI DANG PO NI, MCHOG GI SPRUL SKU NAS BZUNG GRU ZAM SOGS SU SPRUL NAS 'GRO DON MDZAD PA NI GNYIS PA'O, ,GSUNG LA YANG GSUNG GI GSANG BA BSAM GYIS MI KHYAB PA DANG, GSUNG THAMS CAD PA GNYIS LAS, SANGS RGYAS KYI GSUNG NI DRUNG NAS NYAN KYANG CHE BA MED CING,
RGYANG NAS NYAN KYANG CHUNG BA MED PA LTA BU NI DANG PO DANG, DE BZHIN GSHEGS PA'I GSUNG GCIG LA SEMS CAN RANG RANG GI SKAD DU GO BA NI GNYIS PA'O, ,THUGS LA YANG, THUGS KYI GSANG BA BSAM GYIS MI KHYAB PA DANG, THUGS THAMS CAD PA GNYIS LAS, SANGS RGYAS KYI THUGS KYIS SHES BYA THAMS CAD MKHYEN PA NI DANG PO DANG, JI LTA JI SNYED MKHYEN PA'I YE SHES NI GNYIS PA YIN LA, DE LA'ANG JI LTA MKHYEN PA NI DNGOS PO'I GNAS LUGS MA BCOS PAR MKHYEN PA DANG, JI SNYED NI TSER MA RNO BA, SRAN MA ZLUM PA, RMA BYA'I MDONGs BKRA SOGS KYI RGYU 'BRAS RTEN 'BREL MA 'DRES PAR MKHYEN PA'O, ,DE YANG RANG GZHAN GYI DON DE GNYIS LHUN GYIS GRUB PAS NA MDZES PA'I RGYAN DANG, MDZAD PA 'PHRIN LAS RGYUN MI 'CHAD PA'I 'KHOR LO ZHES BRJOD PA YIN GSUNGS SO, ,KHYOD KYI PHUNG KHAMS SKYE MCHED YAN LAG RNAMS, ,ZHES SOGS SHO LO KA GNYIS KYIS NANG GI YON TAN DANG, SGRIB MED LHAN SKYES SOGS SHO LO KAS GSANG BA DANG, DE KHO NA NYID KYI YON TAN BRJOD PA'I SGO NAS BSTOD CING GSOL BA BTAB PAR BYA'O, ,DE DAG GI SKABS SU SEMS LA DAD GUS MED PAR KHA
, ,TZAM TSIG TZAM GYIS GSOL BA BTAB PAS MI CHOG STE, BLA MA DKON MCHOG LA BYIN RLABS DANG THUGS RJE CHUNG BA 'AM MED PA NI MA YIN KYANG, GANG ZAG RANG GA? DANG GUS CHUNG BA 'AM MED PA'I DBANG GIS BYIN RLABS MI 'JUG PA YOD PA'I PHYIR TE, MNGON RTOGS RGYAN LAS, LHA YI RGYAL POS CHAR 'BABS KYANG, ,SA BON MI RUNG MI 'KHRUNGS LTAR,, SANGS RGYAS RNAMS NI BYON GYUR KYANG, ,SKAL BA MED RNAMS BZANG MI MYONG, ,ZHES DANG, RJE DGE 'DUN RGYA MTSOS KYANG 'OD ZER STONG LDAN RTA BDUN DKYIL 'KHOR YANG, , GLING BZHI'I MUN PA MA LUS SEL BA LA, ,RTAG PAR KHA NI BYANG BSTAN BRAG PHUG GI ,GRIB MA MI SEL NYI MA'I SKYON MA YIN, ,ZHES DANG, CHOS BCU PA'I MDO LAS, DAD PA MED PA'I MI RNAMS LA, ,DKAR PO'I CHOS RNAMS MI SKYE ZHING, ,ZHES DANG, RMOG COG PA CHEN POS, BSGOM GZHAN GYIS GROL BAR THE TSOM ZA, ,MOS GUS KYIS GROL BAR THE TSOM MED, ,GSUNGS PA DANG, 'JIG RTEN MGON POS KYANG, BLA MA SKU BZHI'I GANGS RI LA, ,MOS GUS KYIS NYI MA MA SHAR NA, ,BYIN RLABS KYI CHU RGYUN MI
'BYUNG BAS, ,SEMS MOS GUS DE LA NAN TAN MDZOD, ,CES PAS SO, ,DE NAS, RJE DE NYID KYIS BLA MA'I RNAL 'BYOR DU GSUNGS PA LTAR, SANGS RGYAS THAMS CAD 'DUS SKU RDO RJE 'CHANG, ,SOGS KYIS KYANG GSOL BA BTAB STE, KHYAD PAR DU, KHYOD NI BLA MA KHYOD NI YI DAM KHYOD NI MKHA' 'GRO CHOS SKYONG STE, ,SOGS KYIS GDUNG SHUGS DRAG POS GSOL BA BTAB PAR BYA'O, ,LNGA PA NI, RJE NYID KYIS RDO RJE 'JIGS BYED KYI BLA MA'I RNAL 'BYOR DU GSUNGS PA LTAR, BLA MA LHAG PA'I LHA YI THUGS KA NAS, ,YUM BZHI RIGS LNGA'I RANG BZHIN BUM PA'I CHU, ,COD PAn RDO DRIL MING GIS DBANG BSKUR BAS, ,SOGS KYIS RGYAS PA BYED DAM, YANG MDOR BSDU NA GZHUNG LTAR, DE LTAR LAN GSUM GSOL BA BTAB PA'I MTHUS, ,BLA MA'I SKU GSUNGS THUGS KYI GNAS RNAMS LAS, ,ZHES SOGS GSUNGS, DE'I BSGOM TSUL NI, BLA MA'I SPYI BO'I AOm DKAR PO LAS BDUD RTZI 'OD ZER DANG BCAS PA SKYA NAR GYIS BYUNG, RANG GI SPYI BO NAS ZHUGS MGRIN PA YAN GANG, LUS KYI SGO NAS BSAGS PA'I SDIG SGRIB SPYI DANG, SKU RDO RJE 'GRUB PA LA GEGS BYED SBYANGS BUM PA'I
, ,DBANG THOB, MCHOG GI SPRUL PA'I SKU 'GRUB PA'I NUS PA KHYAD PAR CAN BZHAG, BLA MA'I MGRIN PA'I A'A:DMAR PO LAS BDUD RTZI 'OD ZER DANG BCAS PA DMAR NAR GYIS BYUNG, RANG GI MGRIN PA NAS ZHUGS, SNYING KHA YAN GANG, NGAG GI SGO NAS BSAGS PA'I SDIG SGRIB SPYI DANG, GSUNG RDO RJE 'GRUB PA LA GEGS BYED SBYANGS, GSANG BA'I DBANG THOB, LONGS SPYOD RDZOGS PA'I SKU 'GRUB PA'I NUS PA KHYAD PAR CAN BZHAG, BLA MA'I THUGS KA'I H'Um SNGON PO LAS BDUD RTZI 'OD ZER DANG BCAS PA SNGO NAR GYIS BYUNG, RANG GI SNYING KHAR ZHUGS, LTE BA YAN GANG, YID KYI SGO NAS BSAGS PA'I SDIG SGRIB SPYI DANG, THUGS RDO RJE 'GRUB PA'I GEGS BYED SPYANGS, SHES RAB YE SHES KYI DBANG THOB; CHOS KYI SKU 'GRUB PA'I NUS PA KHYAD PAR CAN BZHAG, SLAR YANG BLA MA'I GNAS LNGA'I YI GE LAS BDUD RTZI KHA DOG SNA LNGA 'OD ZER DANG BCAS PA GCIG CAR DU BYUNG, RANG GI GNAS LNGAR GCIG CAR DU THIM PAS, LUS THAMS CAD BDUD RTZIS MER GYIS GANG, LUS NGAG YID GSUM GYI SGO NAS BSAGS PA'I SDIG SGRIB BAG CHAGS DANG BCAS PA
THAMS CAD SBYANGS, DBANG BZHI PA TSIG DBANG RIN PO CHE THOB, ZUNG 'JUG RDO RJE 'CHANG CHEN PO'I SKU 'GRUB PA'I NUS PA KHYAD PAR CAN BZHAG PAR BSAM, DE NAS BLA MA'I SKU LAS BLA MA GNYIS PA ZHIG CHAD NAS RANG GI SPYI BOR BYON 'OD DU MER TE ZHU NAS DBU MA'I NANG DU RGYUD, MA LAS THOB PA'I THIG LE DMAR PO DANG, PHA LAS THOB PA'I THIG LE DKAR PO GNYIS GA'U KHA SBYAR GYI TSUL DU YOD PA DE NYID NYI ZLA GDAN DU GYUR PA'I STENG DU RANG GI SHIN TU PHRA BA'I RLUNG SEMS GNYIS DANG DBYER MED DU BYAS NAS BLA MA'I SKUR BZHENGS PAR BSAM PA 'AM, DMIGS PA BDEN SPYI BOR BYON PA'I BLA MA DE NYID DBU MA'I NANG DU BRGYUD SNYING KHA'I DHU TI'I DBUS KYI NYI ZLA'I STENG DU RLUNG SEMS GNYIS DANG NGO BO DBYER MED DU BZHUGS PAR MOS NAS, BLA MA ZUNG 'JUG DANG PO'I MGON PO DE DA'O SNYAM DU NGA RGYAL 'DZIN CING, DE KHA'I NGANG LA SEMS CUNG ZAD 'DZIN, DE LTA BU'I BLA MA'I RNAM PA DE YANG DANG YANG DU GSAL BTAB NAS, DAG SNANG SBYONG ZHING GSOL BA 'DEBS PA SOGS KYI SGO NAS BLA MA'I SNANG BA DANG MA BRAL BAR BYED DE, RMOG COG PA CHEN POS, KHO BO NI BLA MA'I SNANG BA DANG 'BRAL MA MYONG TSE GCIG GI SANGS
, ,RGYAS BYA BA DED YOD YONG 'DRA ZHES GSUNGS PA'I PHYIR RO, ,DRUG PA LA, LAM GYI RTZA BA BSHES GNYEN BSTEN PAR SMON PA, SKYES BU CHUNG NGU DANG THUN MONG BA'I LAM LA SLOB PAR SMON PA, 'BRING DANG THUN MONG BA'I LAM LA SLOB PAR SMON PA, CHEN PO'I LAM LA SLOB PAR SMON PA, RDO RJE THEG PA'I LAM LA SLOB PAR SMON PA, DE DAG GI DON BSDU BA DANG DRUG LAS, DANG PO NI, ZHING MCHOG DAM PA RJE BTZUN BLA MA LA, ,ZHES SOGS SHO LO KA GCIG GSUNGS, DE LTA BU'I ZHING GI MCHOG TU GYUR PA'I BLA MA LA MCHOD PA LA SOGS PA PHUL ZHING GSOL BA BTAB PA'I MTHU DANG NUS PA LA BRTEN NAS BDAG SKYE BA THAMS CAD DU, BDE LEGS THAMS CAD KYI RTZA BA SKYABS MGON MCHOG TU GYUR PA'I BLA MA NYID KYIS DGYES BZHIN DU RJES SU 'DZIN PAR BYIN GYIS RLOBS ZHES PA'O, ,DE'I BSGOM DON NI, DE LTAR GSOL BA BTAB PAS BLA MA'I SKU'I CHA LAS BDUD RTZI'I RGYUN BABS NAS, RANG GI SPYI BO NAS ZHUGS TE, LUS THAMS CAD GANG, TSE RABS 'KHOR BA THOG MA MED PA NAS BSAGS PA'I SDIG SGRIB BAG CHAGS DANG BCAS PA THAMS CAD DANG, KHYAD PAR DU BLA MA LA SMOD PA LA SOGS
PA BLA MA SLOB DPON LA BRTEN NAS, BSAGS PA'I SDIG SGRIB THAMS CAD BYANG ZHING DAG NAS, BLA MA TSUL BZHIN DU BSTEN NUS PA'I BLO KHYAD PAR CAN RGYUD LA SKYE BAR BSAM MO, ,'DI NI GCIG PU 'DIR MA ZAD 'OG MA KUN LA SBYAR ZHING, GZHAN RNAMS 'DRA LA KHYAD PAR DE DANG DE'I BGEGS BYED THAMS CAD SBYANGS, DE DANG DE'I YON TAN RGYUD LA SKYE BAR BSAM PAR BYA'O, , BSHES GNYEN BSTEN TSUL RGYAS PA BLA MA LNGA BCU PA LAS BSHAD PA LTAR NYAMS SU LEN CING, BSAM SBYOR GNYIS KA'I SGO NAS BSTEN DGOS TE, SDUD PA LAS, SLOB MA BZANG PO BLA MAR GUS LDAN DE DAG GIS, ,BLA MA MKHAS PA RNAMS LA RTAG TU BSTEN PAR BYA, ,ZHES DANG, RJE BLA MAS KYANG, DE NAS 'DI PHYI'I LEGS TSOGS JI SNYED PA, ,RTEN 'BREL LEGS PAR 'GRIG PA'I RTZA BA NI, ,LAM STON BSHES GNYEN DAM PA 'BAD PA YIS, ,BSAM DANG SBYOR BA'I TSUL BZHIN BSTEN PA RU, ,MTHONG NAS SROG GI PHYIR YANG MI GTONG BAR; ;BKA' BZHIN SGRUB PA'I MCHOD PAS MNYES PAR BYAS, ,RNAL 'BYOR NGAS KYANG NYAMS LEN DE LTAR BYAS, ,THAR 'DOD KHYED KYANG DE BZHIN BSKYANG 'TSAL LO, ,ZHES
, ,DANG; RIM LNGA LAS, MCHOD PA THAMS CAD YONGS SPANGS NAS, ,BLA MA MCHOD PA YANG DAG RTZAMS, ,DE MNYES PAS NI KUN MKHYEN GYI, ,YE SHES MCHOG NI THOB PAR 'GYUR, ,ZHES MCHOD PA THAMS CAD KYI NANG NAS BKA' BZHIN SGRUB PA'I MCHOD PA MCHOG TU GSUNGS PA'I PHYIR, DE LA RANG GI RTZAL CI YOD KYIS 'BAD PAR RIGS SO,, GNYIS PA NI, LAM SGRON LAS, GANG ZHIG THABS NI GANG DAG GIS, ,'KHOR BA'I BDE BA TZAM DAG LA, ,RANG GI DON DU GNYER BYED PA, ,SKYES BU DE NI CHUNG ZHES BYA; ;ZHES GSUNGS PA'I SKYES BU CHUNG NGU DANG THUN MONG BA'I LAM LA SBYANGS PAR SMON PA NI, LAN CIG TZAM ZHIG RNYED PA'I DAL 'BYOR 'DI, ,ZHES SOGS SHO LO KA GNYIS KYIS BSTAN TE, DE LA DAL BA BRGYAD 'BYOR BA BCU LAS, DAL BA BRGYAD NI, DRAN NYER LAS, DMYAL BA YI DVAGS DUD 'GRO DANG, ,KLA KLO TSE RING LHA DANG NI, ,LOG LTA SANGS RGYAS KYIS STONG PA, ,LKUGS PA DE DAG MI KHOM BRGYAD, ,CES GSUNGS PA DANG, 'BYOR BA BCU LAS, RANG 'BYOR LNGA NI, MI NYID DBUS SKYES DBANG PO
TSANG; ;LAS MTHA' MA LOG GNAS LA DAD, ,ZHES DANG, GZHAN 'BYOR LNGA NI, SANGS RGYAS BYON DANG DAM CHOS STON, ,BSTAN PA GNAS DANG DER RJES 'JUG , GZHAN PHYIR SNYING NAS BRTZE BA'O, ,ZHES PA'I DAL 'BYOR GYI CHOS BCO BRGYAD DANG LDAN PA'I MI LUS 'DI RNYED PAR DKA' ZHING 'JIG PAR SLA BAS NA, DON MED PA TSE 'DI'I RNYED BKUR SOGS BYA BAS MI GA-YENG BAR, DAL 'BYOR DON CHEN SNYING PO LEN PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, DE LTA BU'I MI LUS THOB PA DE YANG MI RTAG PAS NA NGES PAR 'CHI STE, MI RTAG PA'I TSOMS LAS, GANG DU GNAS KYANG 'CHI BAS MI TSUGS PA'I, ,SA PHYOGS DE NI YOD PA MA YIN TE, ,BAR SNANG LA MED RGYA MTSO'I NANG NA MED, ,RI BO RNAMS KYI GSEB TU GNAS NA'ANG MED, ,ZHES GSUNGS PA'I PHYIR, DE LTA BU SHI NAS RANG DBANG MED PAR LAS NYON SPYI DANG, KHYAD PAR MI DGE BA DANG DU BLANGS PA'I MTHUS NGAN SONG DU SKYE NA, DMYAL BA LA TSA GRANG GI SDUG BSNGAL LO KHRI PHRAG MANG POR MYONG DGOS, YI DVAGS SU SKYE NA BKRES SKOM GYI SDUG BSNGAL DPAG TU
, ,MED PA DANG, DUD 'GROR SKYE NA GCIG LA GCIG ZA SOGS KYI SDUG BSNGAL DPAG TU MED PA MYONG DGOS PAS, DE DA LTA ME MUR TSA BA'I NANG DU LAG PA BCUG NAS YUD TZAM BSDAD PA DANG, DGUN GRANG NGAR CHE BA'I DUS SU GOS MED PAR 'KHYAG THOG TU NYIN GCIG TZAM BSDAD PA DANG, BZA' BTUNG GCIG KYANG MED PAR ZHAG 'GA' SDOD PA DANG, TSER MA ZUG PA TZAM GYI NAD LA MI BZOD BZHIN DU, DA NGAN SONG DU SKYE NA SDUG BSNGAL DE LTA BU JI LTAR BZOD ZHES 'JIGS NAS, DA 'JIGS PA DE LAS SKYOBS NUS PA NI, DKON MCHOG RIN PO CHE RNAM PA GSUM LAS GZHAN MED PAS NA, SHI 'AM GSON NAM SKYID DAM SDUG GAM GANG 'DRA BYUNG KYANG, DKON MCHOG GSUM MKHYEN SNYAM PA'I SKYABS 'GRO SNYING THAG PA NAS BYA ZHING DE'I BSLAB BYA BLANG DOR GYI GNAS RNAMS LA BSLAB ZHING, DGE BA BYAS PA LAS BDE BA DANG, MI DGE BA LAS SDUG BSNGAL 'BYUNG BA SOGS DKAR NAG GI LAS RGYU 'BRAS RNAMS LEGS PAR BSAM NAS, SDIG PA'I LAS PHRA MO YANG SPONG ZHING DGE BA'I LAS CI NUS SU BYAS PA LA BRTZON PAR BYED PAR BYA'O, ,DE LTAR RTZON NUS PAR BLA MA LTAS BYIN GYIS RLOBS
SHIG CES PA'O, ,GSUM PA NI, LAM SGRON LAS, SRID PA'I BDE LAS RGYAB PHYOGS SHING, ,SDIG PA'I LAS LAS LDOG?? BDAG NYID, ,GANG ZHIG RANG ZHI TZAM DON GNYER, ,SKYES BU 'DI NI 'BRING ZHES BYA, ,ZHES GSUNGS PA LTAR GYI SKYES BU 'BRING DANG THUN MONG BA'I LAM LA SMON PA NI, LAS DANG NYON MONGS RBA GLONG DRAG TU 'KHRUG , ZHES SOGS SHO LO KA GNYIS KYIS BSTAN, DE YANG, 'KHOR BA'I RGYA MTSO CHEN PO MTHA' MED PA LA, SDUG BSNGAL GYI SDUG BSNGAL, 'GYUR BA'I SDUG BSNGAL, 'DU BYED KYI SDUG BSNGAL TE, SDUG BSNGAL GSUM GYI CHU SRIN GYIS GZIR BA DE LAS THAR BAR 'DOD PA'I BLO SHUGS DRAG PO BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, ZHES PA'O, ,DE YANG 'KHOR BA THAMS CAD SDUG BSNGAL GYI RANG BZHIN NI, DRAN NYER LAS, SEMS CAN DMYAL BA DMYAL MES NYAMS, ,YI DVAGS BKRES SHING SKOM PAS NYAMS, ,DUD 'GRO GCIG LA GCIG ZAS NYAMS, ,MI RNAMS 'TSO BA THUNG BAS NYAMS, ,LHA RNAMS BAG MED PA YIS NYAMS, ,'KHOR BA KHA BA
, ,KYI RTZE TZAM LA, ,BDE BA NAM YANG YOD MA YIN, ,ZHES GSUNGS PA'I PHYIR RO, ,DE LTA BU'I SDUG BSNGAL GYI RANG BZHIN 'BA' ZHIG TU GYUR PA'I 'KHOR BA 'DI, LHA'I DGA' TSAL LTA BUR MTHONG BA'I BLO SPANGS NAS, TSUL KHRIMS DANG, TING NGE 'DZIN DANG, SHES RAB KYI BSLAB PA GSUM LA BSLAB CING, DE NI BRJOD BYAR STON PA'I LUNG SDE SNOD GSUM LA THOS BSAM TSUL BZHIN DU BGYIS TE 'KHOR BA LAS CI THAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, ZHES PA'O, , BZHI PA NI, NYAM THAG 'GRO BA 'DI KUN BDAG GI MA, ,ZHES SOGS GSUNGS, DE YANG BSHES SPRINGS LAS, MA YI THUG MTHA' RGYA SHUG TSI GU TZAM, ,RIL BUR BGRANGS KYANG SA YIS LANG MI 'GYUR, ,ZHES GSUNGS PA LTAR, THOG MA MED PA NAS DA BAR DU SEMS CAN 'DI ZHES BYA BA'I LUS MA BLANG BYA BA DANG, YUL 'DIR MA SKYES BYA BA CANG MED, 'DI LTA BU'I SEMS CAN THAMS CAD KYANG SKYES RES KYI GCIG GIS GCIG LA SKABS SU PHA DANG, SKABS SU MA DANG, DGRA DANG, GNYEN DANG, CHUNG MA DANG, BRAN GA-YOG SOGS MA GYUR PA NI
GCIG KYANG MED, DE LTAR MA GYUR PA'I SKABS THAMS CAD DU LUS BSKYED PA NAS BZUNG STE, DRIN GYIS BSKYANGS PA NI TSAD MED, DE LTA BU'I DRIN CAN GYI SEMS CAN RNAMS LAS DANG NYON MONGS KYI DBANG GIS SPYIR 'KHOR BA DANG, SGOS NGAN SONG GIS SDUG BSNGAL DPAG TU MED PA MYONG PA 'DUG, DPER NA TSE 'DI'I MA DE MER LTUNG, CHUS KHYER BA MTHONG BZHIN DU PHAN MI THOGS PAR BLOS BTANG NA, DE LAS RMONGS TSABS CHE BA MED PA BZHIN DU, TSE THOG MA MUD PA NAS DRIN CAN GYI PHA MA SHA STAG DE, DMYAL MES BSREG PA SOGS KYI SDUG BSNGAL MTHA' YAS PA MYONG BDE SHES BZHIN GYIS BLOS BTANG NA; DE BAS KYANG NGO TSA BA DANG, KHREL MED PA MED SNYAM PA'I SEMS GTING NAS SKYES BA GCIG DGOS, MDOR NA SEMS CAN THAMS CAD MAR SHES PA, DRIN DRAN PA, DRIN BZO BA, YID 'ONG GI BYAMS PA, SNYING RJE CHEN PO, LHAG BSAM RNAM DAG, KUN RDZOB BYANG CHUB KYI SEMS TE, RGYU 'BRAS MAN NGAG BDUN PO LA RIM GYIS LEGS PAR SBYANGS PA SOGS NI, SPYOD 'JUG DANG, BYANG SA DANG, RJE BLA MA'I LAM RIM CHE CHUNG SOGS NAS BSHAD PA BZHIN NGES PAR DGOS SO, ,SDUG BSNGAL PHRA MO TZAM YANG MI 'DOD CING, ,ZHES SOGS NI, SPYIR TSER MA ZUG PA TZAM GYI SDUG BSNGAL YANG MI
, ,BZOD CING MI 'DOD LA, TSANGS PA DANG, 'KHOR LOS BSGYUR PA'I BDE BA LA YANG CHOG SHES MED PAR DA DUNG DE BAS KYANG LHAG PAR 'DOD PA NI, RANG GI DE LTAR 'DOD PA DANG, GZHAN GYI DE LTAR 'DOD PA GNYIS KA LA KHYAD PAR MED PA'I PHYIR, GZHAN GYI BDE BA LA RJES SU YI RANG BA'I DGA' BA BSKYED DGOS PAR BSTAN NO, ,RANG NYID GCES PAR 'DZIN PA'I GCOD NAD 'DI,, ZHES SOGS KYI SHO LO KA LNGAS NI, BDAG GZHAN MNYAM BRJE'I SEMS BSTAN TE, SPYOD 'JUG LAS, GANG ZHIG BDAG DANG GZHAN RNAMS NI, ,MYUR DU SKYAB PAR 'DOD PA DE, ,BDAG DANG GZHAN DU BA RJE BYA BA, ,GSANG BA'I DAM PA SPYAD PAR BYA, ,BDAG BDE GZHAN GYI SDUG BSNGAL DAG ,YANG DAG BRJE BAR MA BYAS NA, ,SANGS RGYAS NYID DU MI 'GYUR CING, ,'KHOR BA NAM YANG BDE BA MED, ,CES PA DANG, SEMS CAN RNAMS DANG RGYAL BA LA, ,SANGS RGYAS CHOS GRUB 'DRA PA LA, ,RGYAL LA GUS BYED DE BZHIN DU, ,SEMS CAN LA MIN CI YI TSUL, ,ZHES BYA BA LA SOGS PA MANG DU GSUNGS SHING, MDOR NA RANG NYID GCES 'DZIN DE, ,NYES PA KUN GYI RTZA BA 'AM KHONG GCONG LTA BU'I SKYON 'BA' ZHIG DANG, SEMS CAN RNAMS RJES SU 'DZIN PA DE, ,YON
TAN THAMS CAD KYI RTZA BA DANG, SMAN LTA BU YIN TE, SANGS RGYAS BCOM LDAN 'DAS THUB PA'I DBANG PO NI, GZHAN GCES 'DZIN KHO NA MDZAD PAS SANGS RGYAS PA DANG, RANG RE RNAMS BDAG NYID GCES 'DZIN KHO NA DANG DU BLANGS PAS SKYON GYIS DA BAR DU 'KHOR BAR 'KHYAMS NAS SDUG BSNGAL DPAG TU MED PA MYONG BA 'DI KA YIN PAS, DA DE RING NAS BZUNG STE, BDAG BLOS BTANG STE SEMS CAN RNAMS GCES PAR 'DZIN PAR BYA'O, ,DE LTAR BLA MA LHAS BYIN GYIS BRLAB TU GSOL, DE YANG RJE BTZUN BLA MA DAM PA'I THUGS RJE DANG BYIN RLABS KYIS BDAG GI BDE PA DANG, DGE BA THAMS CAD SEMS CAN LA SMIN CING SEMS CAN RNAMS KYI SDUG BSNGAL THAMS CAD DANG SDIG PA THAMS CAD BDAG KHO NA'I THOG TU SMIN PAR GYUR CIG ,CES SMON PA'O, ,DE NAS, SNOD BCUD SDIG PA'I 'BRAS BUS YONGS GANG STE, ,ZHES SOGS NI, BLO SBYONG RTZA TSIG LAS, SNOD BCUD SDIG PAS GANG BA'I TSE, ,RKYEN NGAN BYANG CHUB LAM DU BSGYUR, ,ZHES GSUNGS TE, DE LA SNOD BCUD SDIG PA'I 'BRAS BUS GANG BA NI, SEMS CAN RNAMS MI DGE BA'I LAS LA SPYOD PAS, LHA RNAMS KYANG MI DGA' BAR CHAR MA BABS PAS THAN PA DANG, LO NYES DANG, DUS MIN GYI RLUD SOGS LDANG, LTA SRIN SDE BRGYAD MA MO SOGS 'KHRUGS
, ,PAS NAD RIMS SOGS DAR, 'KHRUG PA DANG, CHOM RKUN SOGS MANG ZHING SDUG BSNGAL BA DANG SDUG BSNGAL DE DAG RANG CAG RNAMS KYI THOG TU BABS PA NA 'DI LTAR BSAM PAR BYA STE, GA RE SDUG BSNGAL 'DI DAG MYONG BA NI BDAG GI SNGON MI DGE BA'I LAS BYAS PA'I NYES PA YIN TE, BLO SBYONG MTSON CHA 'KHOR LO LAS, LUS LA MI BZOD SDUG BSNGAL BYUNG PA'I TSE, ,'GRO BA'I LUS LA GNOD PA'I BSKYEL BA YI, ,LAS NGAN MTSON CHA RANG LA 'KHOR BA YIN, ,DA NI NA TSA MA LUS RANG LA BLANG, ,RANG GI SEMS LA SDUG BSNGAL BYUNG BA'I TSE, ,NGES PAR GZHAN GYI SEMS RGYUD DKRUGS PA YI, ,LAS NGAN MTSON CHA RANG LA 'KHOR BA YIN, ,DA NI SDUG BSNGAL MA LUS BDAG LA BLANG, ,RANG NYID BKRES SKOM DRAG POS GZIR BA'I TSE, ,KHRAM DANG RKU 'PHROG SER SNA BYAS PA YI; ;LAS NGAN MTSON CHA RANG LA 'KHOR BA YIN, ,DA NI BKRES SKOM MA LUS DANG DU BLANG, ,ZHES DANG, RIM GRO BYAS TSAD LOG PAR SONG BA'I TSE, NAG PO'I PHYOGS LA RE LTOS BYAS PA YI,, LAS NGAN MTSON CHA RANG LA 'KHOR BA YIN, ,DA NI NAG PO'I PHYOGS LAS BZLOG PAR BYA, ,ZHES DANG, MDOR NA MI 'DOD THOG TU BABS PA RNAMS, ,MGAR BA RANG GI RAL GRIS BSAD PA LTAR,,
LAS NGAN MTSON CHA RANG LA 'KHOR PA YIN, ,DA NI SDIG PA'I LAS LAS BZLOG PAR BYA, ,ZHES GSUNGS SHING, DE BZHIN DU DMYAL BA'I ME DANG GSOD BYED KYI GSHED MA SOGS THAMS CAD KYANG, BDAG RANG GI LAS KYIS BYED DE, SPYOD 'JUG LAS, SEMS CAN DMYAL BA'I MTSON CHA RNAMS, ,SU ZHIG GI NI CHED DU BYAS, ,LCAGS BSREGS GZHI SU YIS BYAS, ,ME SOGS DE DAG GANG LAS BYUNG, ,DE 'DRA DE DAG THAMS CAD KYANG, ,SDIG SEMS BYUNG PAR THUB PAS GSUNGS, ,ZHES DANG, DPER NA DMYAL BA'I BSRUNG MA DANG, ,RAL GRI LO MA'I NAGS TSAL LTAR, ,RANG GI LAS KYIS DE BSKYED NA, ,GANG ZHIG LA NI KHRO BAR BYED, ,CES GSUNGS PA LTAR, ,SPYIR 'KHOR BA LA 'KHYAMS PHYIN CHAD SDUG BSNGAL LAS MA 'DAS TE, BDAG GI BLA MA DKON MCHOG MTSAN CAN GYIS, ,JI SRID 'KHOR BAR 'KHYAMS PA DE SRID DU, ,'DI DANG DE 'DRA'I SDUG BSNGAL GYIS GNOD PA, ,KHO NA YIN PA ZAG BCAS NYER LEN GYIS, ,PHUNG PO NYID 'TSAMS SBYAR BA NYER ZHI PA; ;BDAG GIS THOB PAR BYA'O SRID PA 'DIR, ,'KHYAMS PHYIN SDUG BSNGAL DU MAS GCOS PA NI, ,MI 'OS PA ZHIG BYUNG BA MA YIN GYI, ,'KHOR BA'I DANG TSUL SNYAM DU BSAM PAR BYA, ,
, ,ZHES GSUNGS PA LTAR YIN LA, BSGOM DON NI, DE LTA BU'I SDUG BSNGAL 'BYUNG BA'I TSE, BDAG GIS SDUG BSNGAL 'DI LTA BUS MNAR BA 'DIS BDAG GI THOG MA MED PA NAS BSAGS PA'I LAS KYI SDIG PA THAMS CAD BYANG ZHING ZAD PAR GYUR CIG, DER MA ZAD SEMS CAN THAMS CAD KYI SDUG BSNGAL THAMS CAD KYANG 'DIS GO CHOD PAR GYUR CIG, DE LTA BU GYUR PAR BLA MA LHAS BYIN GYIS BRLAB TU GSOL, ZHES PA'O, ,MDOR NA BZANG NGAN SNANG BCI SHAR YANG, ,ZHES SOGS NI, MDOR BSDU NA, BZANG NGAN SKYID SDUG LA SOGS PA CI 'DRA ZHIG 'BYUNG NA'ANG, DE LA CHOS THAMS CAD KYI SNYING POR GYUR PA STOBS LNGA DANG SBYAR BA'I NYAMS LEN GYIS, BYANG CHUB KYI SEMS SBYOD BA'I LAM DU BSGYUR NAS, YID LA BDE BA 'BA' ZHIG BSGOM PAR BLA MA LHAS BYIN GYIS BRLAB TU GSOL, ZHES PA STE, BLO SBYONG RTZA TSIG LAS, MAN NGAG SNYING PO MDOR BSDUS PA, ,STOBS LNGA DAG DANG SBYAR BAR BYA, ,ZHES GSUNGS PA'I STOBS LNGA NI, 'PHEN PA'I STOBS DANG, GOMS PA'I STOBS DANG, DKAR PO SA BON GYI STOBS DANG, SUN 'BYIN PA'I STOBS DANG, SMON LAM GYI STOBS SO, ,DE LA 'PHEN PA'I STOBS NI, DUS 'DI NAS BZUNG STE, SANGS RGYAS MTHOB PAR
DANG; KHYAD PAR JI SRID 'TSO BAR DANG, SGOS SU DE RING LTA BU LA BYANG CHUB KYI SEMS DANG MA BRAL BAR BYA'O, ,ZHES BSAM PAR BYA'O, ,GOMS PA'I STOBS NI BYANG CHUB KYI SEMS 'BAD PAS SBYOD PA'I,, DKAR PO SA BON GYI STOBS NI, SGO GSUM DGE BA LA DAL MED DU 'BAD PA'O, ,SUN 'BYIN PA'I STOBS NI, DA LAM BDAG 'DZIN 'GONG PO CI NAS KYANG THUL PAR BYA'O, ,SNGAR YANG SDUG BSNGAL 'DI 'DRA LA SBYOR BA KHO BOS BYAS PA YIN, DA YANG KHONG DANG 'GROGS NA SKYID PO GCIG MI YONG, KHONG CI RLAG GCIG BYA'O SNYAM PA'O, ,SMON LAM GYI STOBS NI, DGE BA THAMS CAD KYANG SEMS CAN THAMS CAD 'KHOR BA LAS SGROL BA'I PHYIR BSNGO ZHING SMON LAM 'DEBS SO, ,SBYOR BA BZHI DANG LDAN PA'I THABS MKHAS KYIS, ,ZHES SOGS NI, RTZA TSIG LAS, SBYOR BA BZHI LDAN THABS KYI MCHOG ,'PHRAL LA GANG THUG BSGOM LA SBYAR, ,ZHES GSUNGS TE, SBYOR BA BZHI NI, TSOGS GSOG PA'I SBYOR BA, SDIG BA BSHAGS PA'I SBYOR BA, CHOS SKYONG LA MCHOD GTOR PHUL BA, LHA 'DRE LA GTOR MA SBYIN PA'O, ,BSGOM TSUL NI, GA RE BDAG NI BDE BA 'DOD CING SDIG PA BYAS PA DANG, SDUG BSNGAL MI 'DOD BZHIN DGE BA MA BYAS PA 'DI GO LOG TU SONG BAS BZANG NGAN GANG BYUNG BA DE
, ,TSOGS SOGS SHIG, SDIG PA SBYONGS SHIG CES PA'I BRDAR 'DUG PAS, DA DE LTAR BYA'O ZHES BSAMS PA DANG, CHOS SKYONG LA GTOR MA 'BUL NAS, BDAG NA BA LEGS NA NA BAR MDZOD CIG, SHI BA LEGS NA SHI BAR MDZOD CIG, GSOS PAR LEGS NA GSOS PAR MDZOD CIG, CES 'PHRIN LAS BCOL LO, ,LHA 'DRE LA GTOR MA SBYIN NAS, YANG DE BZHIN DU BSGO BAR BYA'O, ,BLO SBYONG GI DAM TSIG NI, SBYIR SDOM PA GSUM DANG, KHYAD PAR BLO SBYONG RANG GI DAM TSIG DANG MI 'GAL BAR BYA'O, ,DAM TSIG NI, MDOR BSDUN, SDOM GSUM GYI BSLAB BYA'I STENG DU RANG LA BDAG 'DZIN MED PAR GZHAN GYIS GOR RE BA'I THO COR SHOR BA DANG, GNYEN GYI GNOD PA BZOD LA, DGRA'I GNOD PA MI BZOD PA LTA BU PHYOGS RE BA DANG, RANG GCES 'DZIN GYI BLO MA SPANGS PA, GZHAN GYI SKYON BRJOD PA DANG, TSE 'DI'I CHED DU BLO SBYONG BA DANG, GZHAN GYI GNOD PA BYAS PA 'KHON DU BZUNG BA DANG, MI LA TSIG RTZUB SMRA ZHING 'TSANG 'BRU BA LHA 'DRE SOGS LA PHOG PAS RIG SNGAGS BZLA BA DANG, RANG LA BABS PA'I SDUG BSNGAL DANG, DKA' LAS RNAMS THABS KYIS GZHAN LA BKAL BA DANG, LTO BCOS BON GYER BA LA SOGS PA'I LTO LOG BYED PA DANG, BLO SBYONG
BSGOMS NAS RANG RGYUD RENGS PA'I LHA BDUD DU BABS PA LTA BU DANG, RANG SKYID PA'I CHED DU GZHAN LA MI 'DOD PA YONG DU RE BA LA SOGS PA MANG DU GSUNGS SO, ,GTONG LEN RLUNG LA BSKYON PA'I 'PHRUL 'DEGS CAN; ;SOGS NI, GONG DU BSTAN PA'I BYAMS SNYING RJE DE LA SDUG GE SNYING RE RJE ZER NAS BZHAG PAS MI CHOG STE, DE'I SDUG BSNGAL LAS BRAL TE BDE BA LA SBYOR DGOS PA YIN PAS, DE NI RANG GI DBUGS PHYIR 'GRO BA DANG MNYAM DU RANG GI DGE BA DANG BDE BA THAMS CAD SNA BUG NAS DKAR SANGS KYIS SONG SEMS CAN THAMS CAD LA SBYIN PAS SEMS CAN RNAMS DGE BA DANG BDE BA DANG LDAN PAR BSAM, RLUNG NANG DU RDUB PA'I TSE SEMS CAN THAMS CAD KYI SDIG PA DANG SDUG BSNGAL THAMS CAD NAG BUN GYI TSUR 'DUS SNA BUG NAS ZHUGS NAS SNYING KAR THIM PAR BSAM PA YANG YANG SBYONG BAR BYA'O, ,DUS GSUM RGYAL BKUN GYI BGROD GCIG LAM, ,SOGS NI GO SLA'O, ,DE NAS SPYOD PA PHA ROL TU PHYIN PA DRUG LAS SBYIN PA NI, LUS DANG LONGS SPYOD DUS GSUM DGE TSOGS BCAS, ,ZHES SOGS GSUNGS, DE YANG SPYIR SBYIN PA LA, CHOS KYI SBYIN PA, ZANG ZING GI SBYIN PA, MI 'JIGS PA SKYABS KYI SBYIN PA STE, SBYIN PA GSUM DU GSUNGS TE, DE LA ZANG ZING GI SBYIN PA NI, SEMS CAN RNAMS KYI LUS LA PHAN PAR BYED
, ,PA DANG, MI 'JIGS PA'I SBYIN PA NI, SROG LA PHAN PAR BYED PA DANG, CHOS KYI SBYIN PA NI, SEMS LA PHAN PAR BYED PA STE, SBYIN PA'I MCHOG YIN TE, DANG PO GNYIS NI, TSE 'DI'I BDE BA BSGRUB PA TZAM DANG, PHYI MA NI, TSE 'DI PHYI'I GNYIS KA'I PHAN BDE 'GRUB PA'I PHYIR RO, ,DE LA ZANG ZING NI ZAS, GOS SMAN LONGS SPYOD LA SOGS PA, GZHAN LA 'PHRAL PHUGS SU PHAN PA RNAMS SBYIN GYI, DUG DANG MTSON DANG NAD PA LA MI 'PHROD PA'I KHA ZAS, KHRIMS LDAN LA CHANG DANG PHYI DRO'I KHA ZAS LTA BU NI SBYIN DU MI RUNG STE, SA PAn GYIS, CHANG DANG DUG DANG MTSON CHA DANG, ,GZHAN GYI LONGS SPYOD STER BA DANG, ,GSOD PAR PHYUG MA STER BA DANG, ,MCHOG GI NOR NI MCHOG MIN LA, ,STER SOGS MDO LAS DGAG PA'I PHYIR, ,MA DAG PA YI SBYIN PA YIN, ,ZHES GSUNGS LA DE LA YANG, DMIGS GSAL GYI RUNG BA'ANG YOD DE, RIN CHEN 'PHRENG BA LAS, GANG LA DUG NI PHAN GYUR NA, ,DE LA DUG KYANG SBYIN PAR BYA, ,KHA ZAS MCHOG KYANG MI PHAN NA, ,DE LA DE NI SBYIN MI BYA, ,ZHES GSUNGS PA'I PHYIR RO, ,CHOS KYI SBYIN PA NI, 'PHAGS PA SDUD PA LAS, SDUG BSNGAL ZAD PAR BYA PHYIR 'JIG RTEN CHOS STON BYED, ,CES GSUNGS PA'I, MDO RGYUD
NAS BSHAD PA BZHIN GANG LA GANG 'TSAM GYIS CHOS STON PA'O, ,DE YANG ZLA BA'I SGRON ME LAS, SNOD LA BRTAG PAR BYAS NAS BYA, ,'PHRAL DU BRJOD PAR MI BYA'O, ,GAL TE SNOD NI SHES GYUR NA; ;GSOL MA BTAB KYANG BSHAD PAR BYA, ,ZHES GSUNGS PA LTAR RO, ,MI 'JIGS PA NI, BYANGS LAS, MI 'JIGS PA'I SBYIN PA NI, SENG GE DANG, STAG DANG, CHU SRIN DANG, RGYAL PO DANG, CHOM RKUN DANG, CHU LA SOGS PA'I 'JIGS PA LAS SKYOB PAR BYED PA'O, ,ZHES GSUNGS PA BZHIN 'GRO BA SROG DANG BRAL BA LAS SKYOB PAR BYED PA'O, ,GZHAN YANG, SBYIN YUL, SBYIN TSUL, DBYE BA, MCHOG DMAN SOGS MANG DU YOD KYANG GZHAN DU SHES PAR BYA'O, ,'DIR NI GZHUNG RANG LAS BYUNG BA BZHIN RANG GI LUS DANG LONGS SPYOD DUS GSUM GYI DGE BA RNAMS SEMS CAN RANG RANG GI JI LTAR 'DOD PA BZHIN DU YID KYIS SPRUL NAS CHAGS ZHEN MED PA'I SEMS KYIS SBYIN PAR BYA ZHING, SBYIN PA'I PHA ROL TU PHYIN PA'I MTHAR PHYIN PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, ZHES PA'O, ,TSUL KHRIMS NI, SO THAR BYANG SEMS GSANG SNGAGS SDOM PA YI, ,ZHES SOGS TE, DE LA SO THAR NI, RJE TZONG KHA PAS, BSNYEN GNAS DGE BSNYEN PHA MA DANG, ,
, ,DGE TSUL PHA MA DGE SLOB MA, ,DGE SLONG MA DANG DGE SLONG STE, ,SO SOR THAR PA RIGS BRGYAD DO, ,ZHES GSUNGS PA LTAR YIN LA, BYANG SEMS NI, THEG PA CHEN PO'I CHOS THAMS CAD GYI RTZA BA LTA BUR GSUNGS PA BYANG SEMS KYI SDOM PA DANG, GSANG SNGAGS NI, DKYIL 'KHOR DBANG DANG 'BREL BA'I SNGAGS KYI SDOM PA YIN NO, ,BCAS MTSAMS NI, DGE SLONG SOGS SO SOR THAR PA BRGYAD KYI BSLAB BYA, MI TSANGS SPYOD DANG DNGOS PO RKU, ,MI LA GSAD PAR MI BYA BA, ,RDZUN DU SMRA BAR BCAS PA YI, ,CHOS BZHI '?? NI GSUNGS PA YIN, ,ZHES SOGS 'DUL BA'I BSLAB BYA RNAMS DANG; RNYED DANG BKUR STIR CHAGS PA YIS, ,BDAG BSTOD GZHAN LA SMOD PA DANG, ,SDUG BSNGAL MGON MED GYUR PA LA, ,SER SNAS CHOS NOR MI STER DANG, ,GZHAN GYIS BSHAGS KYANG MI NYAN PAR; ;KHROS NAS GZHAN LA 'TSOG PA DANG, ,THEG PA CHEN PO SPONG BYED CING, ,DAM CHOS LTAR SNANG STON PA DANG, ,DKON MCHOG GSUM GYI DKOR 'PHROG PA, ,PHAS PHAM PA YI LTUNG BAR 'DOD,, CES SOGS BYANG SEMS KYI BSLAB BYA RNAMS DANG, GANG PHYIR RDO RJE 'DZIN PA YIS, ,DNGOS GRUB SLOB DPON RJES 'BRANG GSUNGS, ,DE BAS DE LA BRNYAS PA NI, ,RTZA BA'I LTUNG BA DANG POR BSHAD, ,
CES SOGS RGYUD SDE NAS BSHAD PA'I BSLAB BYA RNAMS SROG GI PHYIR DU YANG MI GTONG BAR BSRUNG ZHING, DGE BA'I CHOS CI NUS SU SDUD PA DANG, SEMS CAN GYI DON LA BRTZON PA'I TSUL KHRIMS KYI PHAR PHYIN RDZOGS PAR BLA MA LHAS BYIN GYIS BRLAB TU GSOL, ZHES PA'O, ,BZOD PA NI, KHAMS GSUM SKYE RGU MA LUS KHROS GYUR TE, ,ZHES SOGS GSUNGS, DE YANG SPYOD 'JUG LAS, BSKAL PA STONG DU BSAGS PA YI, ,SBYIN DANG BDE GSHEGS MCHOD LA SOGS, ,LEGS BYAS GANG YIN DE KUN YANG, ,KHONG KHRO GCIG GIS 'JOMS PAR BYED, ,ZHE SDANG LTA BU'I SDIG PA MED, ,BZOD PA LTA BU'I DKA' THUB MED, ,DE PHYIR BZOD LA NAN TAN TU, ,SNA TSOGS TSUL GYIS GOMS PAR BYA, ,ZHES DANG, SEMS CAN MI BSRUN NAM MKHA' BZHIN, ,DE DAG GZHOM GYIS YONGS MI LANGS, ,KHRO BO'I SEMS 'DI GCIG BCOM NA, ,DE DAG THAMS CAD GZHOM PAR 'GYUR, ,SA STENG DE DAG KOS GA-YOGS TU, ,JI SNYED KO BAS GA LA LANGS, ,LHAM MTHIL TZAM ZHIG KO BAS NI; ;DE DAG THAMS CAD GA-YOGs DANG 'DRA, ,ZHES GSUNGS PA LTAR, SDONG DUM LA YANG KHRO BA'I SEMS MI BSKYED PAR BYA BA YIN NO, ,DE LTA BU'I KHAMS GSUM GYI SEMS CAN THAMS CAD BDAG
, ,GI DGRAR LANGS NAS, GSHE BA DANG, BRDEG PA DANG, GSOD PAR RTZOM NA YANG, KHONG KHRO MI SKYE ZHING, GNOD PA'I LAN DU PHAN PA BSGRUB PA'I BZOD PA'I PHA ROL TU PHYIN PA'I MTHAR PHYIN PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, ZHES PA'O, ,BRTZON 'GRUS NI, SEMS CAN RE RE'I PHYIR YANG MNAR MED PA'I, ,ZHES SOGS GSUNGS LA, SEMS CAN GCIG TZAM LA'ANG PHAN PA'I PHYIR DMYAL BA'I MER BSKAL PA 'AM, BSKAL PA LAS LHAG PAR GNAS PAR GYUR KYANG SNYING RJE'I SEMS LA SKYO BA MED PAR GO CHA'I BRTZON 'GRUS DANG, SBYOR BA'I BRTZON 'GRUS DANG, MI ZHUM ZHING CHOG PAR MI 'DZIN PA'I BRTZON 'GRUS KYI MTHAR PHYIN PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, ,ZHAS PA'O, ,BSAM GTAN NI, BYING RGOD RNAM PAR GA-YENG BA'I SKYON SPANGS NAS, ,ZHES SOGS GSUNGS DE YANG, LAM SGRON LAS, ZHI GNAS GRUB PA MA YIN PAS, ,MNGON SHES BYUNG BA MA YIN LA, ,DE NI MNGON SHES STOBs BRAL BAS, ,SEMS CAN DON BYED NUS MA YIN, ,ZHES DANG, SPYOD 'JUG LAS, ZHI GNAS RAB TU LDAN PA'I LHAG MTHONG GIS, ,NYON MONGS RNAM PAR 'JOMS PA SHES BYAs NAS, ,THOG MAR
ZHI GNAS BTZAL BYA ZHES GSUNGS PA LTAR, SEMS BYING RGOD DANG GA-YENG BA MTHA' DAG SPANGS NAS, SEMS RTZE GCIG TU 'JOG PA ZHI GNAS TE, BSAM GTAN GYI PHA ROL TU PHYIN PA RDZOGS PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, ZHES PA STE, RGYAS PAR LAM RIM GYI ZHI GNAS KYI SKABS SU SHES PAR BYA'O, ,SHES RAB NI, DE NYID SO SOR RTOG PA'I SHES RAB KYIS, ,ZHES SOGS GSUNGS, CHOS THAMS CAD KYI DE BZHIN NYID SO SOR RTOGS PA'I SHES RAB KYIS DRANGS PAS SHIN TU SBYANGS PA STE, BDE CHEN DANG 'BREL BA DON DAM MNYAM PAR BZHAG PA NAM MKHA' LTA BU LHAG MTHONG GTING NGE 'DZIN DE SHES RAB KYI PHA ROL TU PHYIN PA MTHAR PHYIN PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, ZHES PA YIN LA, DE YANG, MDO SDUD PA LAS, SHES RAB KYIS NI CHOS KYI RANG BZHIN YONGS SHES NAS, ,KHAMs GSUM MA LUS PA LAS YANG DAG 'DA' BAR 'GYUR, ,ZHES GSUNGS SO, ,ZHI LHAG GNYIS NI RGYAS PAR RJE'I LAM RIM CHE CHUNG DU BLTA BAR BYA STE, DE NI SANGS RGYA BA LA MED DU MI RUNG BA'I YAN LAG GAL CHE SHOS YIN PA'I PHYIR RO, ,PHYI NANG CHOS RNAMS SGYU MA RMI LAM DANG, ,ZHES
, ,SOGS KYI ZHI LHAG ZUNG DU 'BREL NAS MNYAM PAR BZHAG PA LAS LANGS TE, RJES THOB SGYU MA LTA BU'I STONG NYID BSTAN PA'O, ,'KHOR 'DAS RANG BZHIN RDUL TZAM MED PA DANG, ,ZHES SOGS NI, RJE TZONG KHA PAS, 'DI KUN NGO POS STONG PA DANG, ,'DI LAS 'DI 'BRAS BYUNG PA NI, ,NGES PA GNYIS PO PHAN TSUN DU, ,BGEGS MED PAR NI GROGS BYED PA, ,DE LAS NGO MTSAR GYUR PA DANG, ,DE LAS RMAD DU BYUNG BA GANG, ,ZHES DANG, YANG RJE BLA MAS, GANG ZHIG 'KHOR 'DAS CHOS RNAMS THAMS CAD KYI, ,RGYU 'BRAS NAM YANG BSLU BA MED MTHONG ZHING, , DMIGS PA GTAD PO GANG YIN KUN ZHIG NA, ,DE NI SANGS RGYAS DGYES PA'I LAM LA ZHUGS, ,SNANG BRTEN 'BREL BSLUB MED PA DANG, ,STONG PA KHAS LEN BRAL BA'I GO BA GNYIS, ,JI SRID SO SO'I SNANG BA DE SRID DU, ,DA DUNG THUB PA'I DGONGS PA RTOGS PA MED, ,NAM ZHIG RES 'JOG MED PAR GCIG CHAR DU, ,RTEN 'BREL MI BSLUR MTHONG BA TZAM NYID NAS, ,NGES SHES YUL GYI 'DZIN STANGS KUN 'JIG NA, ,DE'I TSE LTA BA'I DPYAD PA RDZOGS PA LAGS, ,ZHES GSUNGS PA DANG, MGON PO GLU SGRUB KYIS, CHOS RNAMS STONG PA NYID SHES NAS, ,RGYU DANG 'BRAS BU
'THAD PA GANG, ,NGO MTSAR BAS KYANG 'DI NGO MTSAR, ,RMAD BYUNG BAS KYANG 'DI RMAD BYUNG, ,ZHES GSUNGS PA LTAR, KLU SGRUB YAB SRAS KYI DGONGS PA'I DON RNAMS PHYIN CI MA LOG PAR RTOGS PAR BLA MA LHAS BYIN GYIS BRLAB TU GSOL, ZHES PA'O, ,LNGA PA NI, DE NAS RDO RJE 'DZIN PA'I DED DPON GYI, ,ZHES SOGS GSUNGS, DE LA BSHES GNYEN BSTEN TSUL NAS BZUNG STE LHAG MTHONG GI PAR GYI LAM RNAMS MTHAR PHYIN KYANG, MTHAR SANGS RGYA BAR BYED PA LA SNGAGS BLA MED KYI LAM DU NGES PAR 'JUG DGOS PAS, GSANG SNGAGS RDO RJE THEG PA'I BLA MA MTSAN NYID DANG LDAN PA LAS, BLA MED KYI DKYIL 'KHOR DU DBANG THOB DE'I DUS SU KHAS BLANGS PA'I DAM TSIG DANG SDOM PA RNAM PAR DAG PA BSRUNG BAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, ZHES PA'O, ,SKYE SHI BAR DO RGYAL BA'I SKU GSUM DU, ,ZHES PA NI, SBYANG GZHI SKYE SHI BAR DO GSUM, RGYAL BA'I SKU GSUM GYI LAM KHYER DU BSGOM NAS SPYOD PAR BYED PA RIM PA DANG PO BSKYED RIM GYI LAM LA SLOB PAR BLA MA LHAS BYIN GYIS BRLAB TU GSOL, ZHES PA'O, ,SNYING KHA'I 'DANG? BRGYAD DHU TI'I DBUS DAG TU, ,ZHES SOGS NI DA LTA BU'I BSKYED RIM PHRA RAGS MTHAR PHYIN KYANG, DNGOS GRUB CHUNG DU DANG 'BRING PO THOB PA MA GTOGs,
, ,MCHOG GI GO 'PHANG THOB PAR MO SRID PAS NA RDZOGS RIM GYI LAM LA SLOB DGOS PAR BSTAN PA GONG BZHIN NO, ,LAM SNA MA ZIN 'CHI BA'I DUS BYED NA, ,ZHES SOGS NI, DE LTA BU'I SNYIGs DUS KYI CHO THUNG GCIG LA SANGS RGYA BA'I NYE LAM KHYAD PAR DU 'PHAGS PA BLA MED KYI LAM LA SLOB KYANG, RNAM PAR GA-YENGS PAS TSE 'DIR LAM SNA MA ZIN NA, BTZAN THABS SU SANGS RGYA BA 'PHO BA'I GDAMS NGANG STOBS LNGA LDAN GYIS MKHA' SPYOD DAM BDE BA CAN SOGS SU SKYE BAR BLA MA LHAS BYIN GYIS BRLAB TU GSOL, ZHES PA'O, ,DE LA BLO SBYONG NAS BSHAD PA'I 'PHO BA STOBS LNGA LDAN PAS NI, RTZA TSIG LAS, THEG CHEN 'PHO BA'I GDAMS NGAG NI, ,STOBS LNGA NYID YIN SPYOD LAM GCES, ,ZHES GSUNGS PA LTAR, SBYONG LAM NI, GZHOGS GA-YAS PA 'OG TU BCUG, LAG PA GA-YAS 'GRAM LA GTAD PA'I SRIN LAG GIs SNA BUG GA-YAS PA BGAG RLUNG GA-YON PAS 'ONG BA BYA, RKANG PA GA-YAS PA'I STENG DU GA-YON PA BKAL, LAG PA GA-YON PA BRLA GA-YON STENG DU BZHAG NAS STON PA MYA NGAN LAS 'DAS PA'I TSUL STON PA'I RNAM THAR DRAN PAR BYAS TE SHI NA NGAN 'GRO'I SGO KHEGS PAR GSUNGS, STOBS LNGA SBYOR TSUL NI, RGYAL SRAS THOGS MED KYIS, DANG PO DKAR PO SA BON GYI LAG LEN NI, YO BYAD THAMS CAD BLA MA DKON MCHOG LA MCHOD PA LA
SOGS PA BSOD NAMS GANG CHA BAR BTANG LA DE RNAMS LA CHAGS ZHEN MED PAR BYA, DE NAS SMON LAM GYI STOBS NI, BLA MA DKON MCHOG LA YAN LAG BDUN PA PHUL LA, BDAG BAR DO BANG TSE RABS PHYI MA THAMS CAD DU, BYANG CHUB KYI SEMS GNYIS SBYONG BAR BYIN GYIS BRLAB TU GSOL, CHOS 'DI STON PA'I BLA MA DANG MJAL BAR BYIN GYIS RLOBS, ZHES GSOL BA DRAG TU GDAB CING, DE NAS SUN 'BYIN PA'I STOBS NI, BDAG GCES 'DZIN GYI RNAM RTOG 'DIS SNGAR YANG SDUG TU BCUG, DA DUNG YANG 'DI DANG MA BRAL NA SKYID DU MI STER BAR 'DUG CING, DA LTA YANG BDAG GI LUS 'DI LA YANG GCES PAR BZUNG BAS SDUG BSNGAL BAR 'DUG LA, BRTAGS NA LUS SEMS GANG LA YANG BDAG TU BZUNG RGYU MI 'DUG SNYAM DU SHES PAR BYAS LA BDAG 'DZIN SPANGS LA BZHAG GO? ,DE NAS 'PHEN PA'I STOBS NI, NGES BAR DOR YANG BYANG CHUB KYI SEMS NI SBYONG BAR BYA'O, ,SNYAM PA'I 'DUN PA DRAG PO YANG YANG BYA'O, ,DE NAS GOMS PA'I STOBS NI, SNGAR GYI BYANG CHUB KYI SEMS GNYIS SBYONG TSUL DE DRAN PAR BYA'O, ,ZHES BLO SBYONG DON BDUN MA'I RNAM BSHAD RGYAL SRAS THOGS MED BZANG POS MDZAD PA LTAR SHES PAR BYA LA, GZHAN YANG 'PHO BA'I MAN NGAG MANG PO YOD PA RNAMS, RJE NYID KYI BKA' 'BUM DANG, 'PHO tIKA CHEN
, ,MO GSER GYI SGO 'BYED SOGS LAS SHES PAR BYA'O, ,DRUG PA NI, MDOR NA SKYE ZHING SKYE BA THAMS CAD DU, ,SOGS KYI SHO LO KA GNYIS KYIS BSTAN TE, GO SLA BAR ZAD DO; ;BDUN PA NI, DE LTAR GSOL BA BTAB PAS BLA MA MCHOG ,CES SOGS KYIS BSTAN, DE LTAR GDUNG SHUGS DRAG POS GSOL BA BTAB PAS BLA MA'I SKU LAS 'PHROS PA'I 'OD ZER GYIS TSOGS ZHING RNAMS PHYI RIM NAS BSDUS TE THIM NAS MTHAR RTZA BA'I BLA MA LA THIM , MCHOD PA RNAMS DPAG BSAM SHING LA THIM, DE SENG KHRI LA THIM, DA BLA MA'I NYI GDAN LA THIM, DE THAMS CAD MTHAR BLA MA LA THIM, BLA MA YANG DGYES BZHIN DU RANG GI SPYI BOR BYON NAS RANG LA THIM PA SOGS NI GONG DU BSHAD PA LTAR RO, ,DE NAS GZHUNG RANG LAS, DE LTAR ZHAG RE BZHIN RGYUN GYI RNAL 'BYOR DU BYAS NA, MDO SNGAGS THAMS CAD KYI SNYING PO NYAMS SU LEN PAR GYUR CING, 'DI PHYI'I LEGS TSOGS THAMS CAD KYI RTZA BA BRTAN PAR 'GYUR BA YIN NO, ,ZHES GSUNGS, DE YANG ZHAG RE LA THUN DRUG GAM, THUN BZHIR NYAMS SU LEN PA YIN NO, ,RTZA BA'I SA BCAD GSUM PA MJUG DON NI, DE LTA BU'I TSUL GYIS BLA MA DANG, LTAG PA'I LHA DANG, RANG GI SEMS GSUM NGO BO DBYER MED DU BYAS TE SPYOD LAM THAMS CAD DU GANG
SNANG BDE STONG GI RANG BZHIN LHA DANG LHA MO'I RNAM ROL DU LTAB SOGS BSKYED RDZOGS ZUNG 'BREL GYI RNAL 'BYOR DANG, LAM GYI RIM PA'AM THEG PA CHEN PO'I BLO SBYONG BA RNAMS YE MI 'BRAL BA'I NYAMS LEN LA BRTZON PAR BYA ZHING, ZHES GSUNGS PA DE NI THUN MTSAMS KYI SPYOD LAM BSTAN TE, NYAL BA DANG, LDANG BA DANG, KHRUS DANG, KHA ZAS KYI RNAL 'BYOR RNAMS RGYUD SDE NAS BSHAD PA LTAR GZHIR BZHAG PA'O; ;DE NAS MJUG TU DGE BA RNAMS BZANG PO SPYOD PA LA SOGS PA SMON LAM GYIS RGYAS 'DEBS SHING, MDOR BSDU NA, ? 'DI LTAR BGYIS PA'I RNAM DKAR DGE PA YANG, ,SOGS KYIS BSNGO BA DANG, DE YI MTHU LAS SOGS KYIS SMON LAM BTAB PAR GSUNGS TE, 'JIG RTEN MGON POS KYANG, TSOGS GNYIS KYI YID BZHIN NOR BU LA, ,SMON LAM GYI BYI DOR MA BYAS NA, , DGOS 'DOD KYI 'BRAS BU MI 'BYUNG BAS, ,RJES BSNGO BA DE LA NAN TAN MDZOD, ,CES GSUNGS PA LTAR RO, ,DE LAS GZHAN GO SLA LA, THEG MCHOG 'KHOR LO BZHI NI, BSHES SP?RINGS LAS, MTHUN PAR GYUR PA'I YUL NA GNAS PA DANG, ,SKYES BU DAM PA LA NI BSTEN PA DANG, ,BDAG NYID LEGS SMON SNGON YANG BSOD NAMS BGYIS, ,'KHOR LO CHEN PO BZHI NI KHYOD LA MNGA', ,
, ,ZHES GSUNGS PA DE YIN, NGES 'BYUNG BYANG SEMS YANG DAG BLTA BA DANG, ,ZHES PA'I NGES 'BYUNG NI, RJE BLA MAS, RNAM DAG NGES 'BYUNG MED PAR SRID MTSO YI, ,BDE 'BRAS DON GNYER ZHI BA'I THABS MED LA, ? ,SRID LA BRKAM PA YIN KYANG LUS CAN RNAMS, ,KUN NAS 'CHING PHYIR THOG MAR NGES 'BYUNG BTZAL, ,ZHES PA DANG, BYANG SEMS NI, NGES 'BYUNG DE YANG RNAM NGAG SEMS BSKYED KYIS, ,ZIN PA MED NA BLA MED BYANG CHUB KYI, ,PHUN TSOGS BDE BA'I RGYU RU MI 'GYUR BAS, ,BLO LDAN RNAMS KYIS BYANG CHUB SEMS MCHOG BSKYED, ,ZHES PA DANG, YANG DAG BLTA BA NI, GNAS LUGS RTOGS PA'I SHES RAB MI LDAN NA, ,DES 'BYUNG BYANG CHUB SEMS LA GOMS BYAS KYANG, ,SRID PA'I RTZA BA BCAD PAR MI NUS PA'I, ,DE PHYIR RTEN 'BREL RTOGS PA'I THABS LA 'BAD, ,CES GSUNGS PA'I LAM GYI RTZA BA RNAM GSUM ZHES GRAGS PA DE YIN NO, ,BDAG GI BLA MAS 'KHRID GNANG BA'I SKABS SU MAN NGAG GI GNAD 'GA' ZHIG ZHAL NAS SHES PAR BYA'O, ,ZHES GSUNGS PA YANG DA LTA 'KHRING KYI SKABS SUM SBAS PAR BSHAD PA YIN NO, ,ZHES GSUNGS SO, ,GZHAN YANG, NGA YI BLA MA BLO BZANG CHOS RGYAN DE, ,DGA' LDAN GNAS SAM BDE BA CAN LA SOGS, ,DAG PA'I ZHIG KHAMS GANG DU
BZHUGS KYANG RUNG, ,BDAG SOGS 'KHOR GYI THOG MAR SKYE BAR SHOG ,SOGS KYIS SMON LAM BYA DGOS SO, ,DE NAS RJE RGYAL BA BLO BZANG DON GRUB KYIS GSUNGS PA LTAR, THUB DBANG RDO RJE 'CHANG DANG TZONG KHAB,, SOGS KYIS BKRA SHIS KYANG BYA'O, ,'DI NI BDAG GI BLA MA DKON MCHOG MTSAN CAN GYIS 'KHRID JI LTAR GNAD BA BZHIN DU BKOD PA YIN NO,, ,,SMRAS PA, TSOGS KYI ZHING MCHOG BLA MA DAM PA LA, TSOGs GSOG 'DOD RNAMS 'BAD PA CHEN PO YIS, ,TSOGS 'KHOR MCHOD PA SOGS KYIS MNYES BYAS NA, ,TSOGS GNYIS MYUR DU RDZOGS PAR GDON MI ZA, ,CI MDZAD LEGS PAR MTHONG BA'I DAG SNANG DANG, ,CI GSUNGS TSAD MAR BZUNG BA'I MOS GUS KYIS, ,CI BYED THAMS CAD BKA' BZHIN SGRUB 'GYUR NA, ,CI LTAR RING NA'ANG BCU DRUG SKYE BAR 'GRUB, ,TSUL BZHIN BSTEN PAR 'OS PA'I BLA MA LAS, ,TSUL KHRIMS DAM TSIG BLANGS PA BSRUNGS BYAS TE, ,TSUL LDAN RIM GNYIS LAM LA BRTZON BYAS NA, ,TSUL DES SANGS RGYAS TSE 'DIR BSGRUB BAR DES, ,TSE 'DI MI RTAG GA-YO BA BAR SNANG GLOG ,LAD? TSO MI RTAG GA-YO BA DBANG PO'I GZHU, ,LONGS SPYOD MI RTAG GA-YO BA ZIL PA 'DRA, ,TSUL 'DI SHES LA LAM 'DIR 'BAD PAR RIGS, ,SKYABS MGON MTHAR THUG RJE BTZUN BLA MA YI, ,GSUNG GI SNYING PO'I MTHAR THUG LAM
, ,'DI LA, ,BKROL ZHING BSHAD PA'I YON TAN MED NA YANG, ,GZHAN DBANG GYUR BAS BDAG GIS 'DI BYAS SO, ,DE YANG MKHAS PA'I DBANG PO GTZANG NAG PAS, ,MKHAS PA'I BSTAN BCOS GONG 'OG BRJE BA'I PHYIR, ,GTZANG NAG BDAG GIS 'DI LTAR BRTZAMS PAR BYA, ,ZHES PA'I DON DU 'DUG NA'ANG BDAG CAG GI ,'DREN MCHOG DPAL LDAN BLA MA DAM PAS KYANG, ,RANG NYID NYAMS LEN MED PAR GZHAN LA 'DOMS, ,YA SHES SPYAN LDAN DRUNG NA NGO YANG TSA, ,'ON KYANG BDE BAR GSHEGS PA'I BSTAN PA NI, ,LUNG TZAM GYIS KYANG DON DANG LDAN NO ZHES, ,ZLA MED STON PA DE YIS BSNGAGS PAS NA, ,ZHES DANG RGYAL BA THAMS CAD MKHYEN PAS KYANG, ,DE LTAR CHOS SRID BLANG DOR RANG NYID LA, ,MI LDAN NE TZO'I 'DON BA? LTA BU'I TSIG ,SMRA LA MKHAS RNAMS KHREL YANG STON ZLA LTAR,, CHES DKAR SEMS BZANG BA LA NYES PA MED, ,CES SOGS GSUNGS PHYIR LHAG BSAM DAG PA YIS, ,GZHAN LA PHAN PHYIR BDAG GIS 'DI LTAR SBYAR, ,NYES PA'I TSOGS RNAMS MKHAS GRUB RNAMs LA BSHAGS, ,BDAG LA SGRIB PA MED PAR BYIN GYIS RLOBS, ,LEGS PA'I CHA RNAMS DUS GSUM DGE TSOGS BCAS, ,'GRO KUN DON DU BYANG CHUB CHEN BOR BSNGO, ,CES BLA MA MCHOD PA'I KHRID
YIG DNGOS GRUB CHAR 'BEBS ZHES BGYI BA 'DI NI, DBU MDZAD BLO BZANG RAB BRTAN DANG, NYE GNAS BLO BZANG RDO RJE GNYIS KYIS SNGA MO NAS BSKUL KYANG RNAM PAR GA-YANG BAS DE? DUNG LUS PAS NA, BYAS? AEM CHI DGE SLONG SANGS RGYAS BKRA SHIS DANG, AOR DU SU'I DGE SLONG NGAG DBANG BSOD NAMS GNYAS YANG 'TSAMS SBYAR BAS, RANG NYID KYANG KHYAB BDAG BLA MA'I ZHAL RGYUN GYI BRJID GSOS SU BSAM TE, DUS GSUM RGYAL BA THAMS CAD KYI MKHYEN PA RTZE MA LUS PA GCIG TU BSDUS PA'I NGO BO BDAG NYID CHEN PO, DON GYI SLAD DU MTSAN NAS SMOS TE, BDAG GI MKHAN PO RIN PO CHE PAn CHEN PHYOGS THAMS CAD LAS RNAM BAR RGYAL BA BLO BZANG CHOS KYI RGYAL MTSAN DPAL BZANG PO DANG, BKA' DRIN MNYAM MED KHYAB BDAG RDO RJE 'CHANG CHEN PO DKON MCHOG RGYAL MTSAN DPAL BZANG PO'I ZHAL SNGA NAS GNYIS KYI BKA' DRIN GYIS 'TSO BA'I LHA'I BTZUN PA 7? BLO BZANG BSTAN 'DZIN RGYAL MTSAN GYIS, STON PA MYA NGAN LAS 'DAS NAS LO GNYIS STONG LNGA BRGYA RE DRUG 'DAS PA, RAB BYUNG BCU GNYIS PA'I SKYES BDAG LCAGS MO LUG GI LO'I RJE DE NYID KYI DUS MCHOD CHEN PO NAG PA ZLA BA'I TSES BCU GSUM LA 'GO BTZUGS TE, STON PA YANG DAG PAR RDZOGS PA'I SANGS RGYAS MNGON PAR RDZOGS PAR SANGS RGYAS PA DANG MYA NGAN LAS 'DAS PA'I DUS
, ,CHEN SA GA ZLA BA'I TSES BCO LNGA'I NYIN RMA CHU'I 'GRAM DU RDZOGS PAR BGYIS PA'I YI GE PA NI DGE SLONG BLO BZANG RAB BRTAN NO, ,'DIS KYANG RGYAL BA'I BSTAN PA SPYI DANG KHYAD PAR DU YANG RGYAL BA GNYIS PA'I BSTAN PA'I SNYING POR GYUR PA RGYAL BA DBEN SA PA CHEN PO'I RING LUGS DAR ZHING RGYAS LA YUN RING DU GNAS PAR GYUR CIG,
[BP]