, ,ZHING MCHOG SHAMBHA LA'I 'PHO 'KHRID MYUR LAM GSAL BYED CES BYA BA BZHUGS SO,,
, ,NA MO GU RU SHR'I K'A LA TZAKR'A YA, STONG GZUGS PHYAG RGYA CHEN PO DANG, ,'PHO MED BDE BA'I BDAG NYID CAN, ,BLA MA DUS KYI 'KHOR LO LA, ,GUS PAS 'DUD DO THUGS RJES DRONGS, (,'DIR RANG GI RTZA BA'I BLA MA DANG DPAL DUS KYI 'KHOR LO DBYER MED KYI RNAL 'BYOR LA BRTEN NAS MI'I MKHA' SPYOD DPAL LDAN SHAMBHA LAR BGROD PA'I MAN NGAG NYAMS SU LEN PAR 'DOD PAS, DBEN ZHING YID DANG MTHUN PA'I GNAS SU SKU GSUNG THUGS KYI RTEN SPYI DANG KHYAD PAR DUS 'KHOR GYI SKU BRNYAN NAM SHAMBHA LA'I ZHING BKOD CI RIGS BKRAM ZHING, DE'I MDUN DU MCHOD PA'I BYE BRUG CI 'BYOR PA G-YO MED CING BKOD PA MDZES PAR BSHAMS, RANG NYID STAN BDE BA LA LUS TSUL MTHUN DU 'DUG STE THOG MAR SKYABS 'GRO SEMS BSKYED BYA BA NI,) MDUN DU SENG KHRI PAD ZLA NYI MA'I STENG, ,RTZA BA'I BLA MA DUS KYI 'KHOR LO CHE, ,DNGOS BRGYUD BLA MA LHAR BCAS DKON MCHOG GSUM, ,BDAG SOGS MGON DU DGYES BZHIN BZHUGS PAR GYUR, (,ZHES SKYABS YUL GSAL LEGS PAR GDAB;) THOG MA MED NAS SRID 'DIR CHES MNAR YANG, ,DA DUNG SDUG BSNGAL GTING MTHA' MI MNGON PAS, ,DA NI BSLU
, ,MED MCHOG GSUM LA BRTEN TE, ,CIS KYANG BTZAN SA ZIN PAR BYED DGOS PAS, (,ZHES RGYU BSAM PA KHYAD PAR CAN YID DUNGS PA BSKYED,) RTZA BRGYUD BLA MA RNAMS LA SKYABS SU MCHI, ,BSLU MED DKON MCHOG GSUM LA SKYABS SU MCHI,, DUS 'KHOR LHA TSOGS RNAMS LA SKYABS SU MCHI, ,CHOS RGYAL RIGS LDAN RNAMS LA SKYABS SU MCHI, (,ZHES GSUM SOGS KYIS SKYABS 'GRO NAN TAN DU BYA ZHING, DE DAG GI SKABS SU GANG LA SKYABS SU SONG BA'I SKYABS YUL DE DANG DE LAS BDUD RTZI'I RGYUN BABS, RANG GI LUS LA ZHUGS PAS THOG MED NAS BSAGS PA'I SDIG SGRIB SPYI DANG KHYAD PAR DU BLA MA LA SOGS LA BRTEN NAS BSAGS PA'I SDIG SGRIB THAMS CAD BYANG ZHING DAG , DE DANG DE'I SKYABS 'OG TU CHUD PAR BSGOM,) SANGS RGYAS CHOS DANG TSOGS KYI MCHOG RNAMS LA, (,ZHES SOGS LAN GSUM BDUD RTZI 'BEBS SBYANGS DANG BCAS PAS 'BRAS BU'I SKYABS 'GRO DANG, SEMS CAN THAMS CAD KYI DON DU SANGS RGYAS THOB PAR BYA'O SNYAM DU BYANG CHUB TU SEMS BSKYED,) SEMS CAN THAMS CAD BDE BA RGYU BCAS DANG, LDAN ZHING SDUG BSNGAL RGYU BCAS BRAL GYUR CIG ,ZAG MED
BDE DANG MI BRAL CHAGS SDANG DANG, ,BRAL BA'I BTANG SNYOMS LA NI GNAS GYUR CIG (,CES LAN GSUM GYIS TSAD MED BZHI BSGOM;) MKHA' MNYAM MAR GYUR SEMS CAN KUN DON TU, ,BDAG GIS SANGS RGYAS GO 'PHANG MYUR THOB PHYIR, ,ZHING MCHOG SHAMBHA LA RU NGES BGROD PA'I, ,'PHO BA'I MAN NGAG NYAMS SU BLANG BAR BYA, ,ZHES LAN GSUM GYIS KHYAD PAR GYI SEMS BSKYED BYA ZHING, TSOGS KYI ZHING RNAMS MTHA' NAS 'OD DU ZHU, ,BLA MA DUS KYI 'KHOR LO NYID LA THIM, ,DE NYID RANG GI SPYI BO NAS ZHUGS TE, ,SNYING DBUS RANG GI SEMS DANG RO GCIG GYUR, (,PAR BSGOM PA NI GNAD KYI DON PO YIN LA, DE NAS DMIGS PA BRTAN POS 'PHO BA'I ZHING GSAL GDAB PA NI,) RANG GI DH'U TI'I YAR SNA SPYI BO'I STENG, ,DANG PO'I SANGS RGYAS RTZA BA'I BLA MA MCHOG ,SKU MDOG DKAR DMAR DGYES PA'I 'DZUM ZHAL CAN, ,CHOS GOS GSUM DANG GSER MDOG PAn ZHVAS MDZES, ,PHYAG GNYIS RDO DRIL CANG TE'U KHROL TSUL MDZAD, ,ZHABS GNYIS RDO RJE SKYIL KRUNG GIS
, ,BZHUGS PA'I, ,SKU YI DANG POR RTZA CHEN DBU MA'I NANG, ,SNYING THAD NOR BU'I PHO BRANG K'A LA BAR; ;NGO BO DUS KYI 'KHOR LO RNAM PA NI, ,RNAM BCU DBANG LDAN YI GE'I GZUGS SU GNAS, ,GNAS GSUM 'BRU GSUM GYIS MTSAN H'Um YIG GI ,'OD KYIS PHYOGS BCU'I ZHING KHAMS RAB 'BYAMS NAS,, RGYAL BA SRAS BCAS THAMS CAD SPYAN DRANGS TE, ,BSTIM PAS SKYABS GNAS KUN 'DUS NGO BOR GYUR,, (ZHES DAM YE BSKYED BSTIM DANG,) SGO GSUM GUS PA'I SGO NAS PHYAG 'TSAL ZHING, ,DNGOS BSHAMS YID SPRUL MCHOD PA MA LUS 'BUL, ,SDIG LTUNG BSHAGS SHING DGE LA RJES YI RANG, ,ZAB RGYAS CHOS KYI 'KHOR LO BSKOR DU GSOL, ,MYA NGAN MI 'DA' BRTAN PAR BZHUGS GSOL 'DEBS, ,DGE BA BLA MED BYANG CHUB CHEN POR BSNGO, (,ZHES YAN LAG BDUN PA'I BSAGS SBYANG BYAS LA, MAndAL RGYAS PAR RAM BSDU NA,) SA GZHI SPOS BYUGS MAS
PHUL TE;) DPAL LDAN BLA MA DUS KYI 'KHOR LO LA, ,GUS PAS PHYAG 'TSAL MCHOD CING SKYABS SU MCHI,, BDAG NI MYUR DU ZHING MCHOG SHAMBHA LAR, ,'PHO BA NUS PAR BYIN GYIS BRLAB TU GSOL, , (ZHES GDUNG SHUGS DRAG POS GSOL BA MANG DU GDAB PO, ,DE NAS RTZA'I GSAL SNANG BSGRUB PA NI,) RANG GI LUS NI SHEL GYI SGO DE LTAR, , PHYI NANG DVANGS LA STONG ZHING GSAL BA YI, ,G-YAS G-YON GNYIS LTOS DBUS DANG RGYAB MDUN LA,, LTOS PA'I RGYAB LA CUNG ZAD NYE BA'I CHAR, ,AA LVA DH'U TI SPOM PHRA SBA LCAG TZAM, ,YAR SNA SPYI BO TSANGS PA'I BU GA DANG, ,MAR SNA LTE 'OG SER BZHIR GNAS PA'I SBUBS, ,DKAR ZHING 'KHYIL BA'I 'OD ZER GYIS BKAG PA'I, ,KHYAD CHOS BZHI LDAN RAG DUNG ZHABS LDOG LTAR, ,TSANGS PA'I BU GA DKAR THAL GYIS GNAS PA, ,DE LTA'I SNYING DBUS DH'U TI'I NANG NYID DU, ,RANG GI RLUNG SEMS H'Um YIG
, ,RGYA SRAN TZAM, ,SNGO 'TSAR 'DAR ZHING 'PHAR LA KHAD PA DES, ,BLA MA'I THUGS KAR 'PHO LA RINGS LTAR GYUR, (,PAR BSGOM MO, ,DE NAS SEMS SHIN TU PHRA BA DE NYID KYIS DAD 'DUN SHUGS DRAG POS ZHING MCHOG DER BSGROD PA DANG 'PHO BA'I LAM SNA ZIN PA'I PHYIR SNYING KHONG RUS PA'I GTING NAS GSOL BA 'DEBS PA NI,) BSLU MED DKON MCHOG GSUM GYI NGO BO NYID, ,NGAN SONG 'JIGS LAS SGROL BA'I DPA' BO STE, ,DAG PA'I ZHING TU 'KHRID PA'I NGED DPON MCHOG ,BLA MA DUS KYI 'KHOR LOR GSOL BA 'DEBS, ,GNAD GCOD GSHIN RJE'I 'JIGS LAS BSKYAB TU GSOL, ,'JIGS RUNG BAR DO'I 'PHRANG LAS BSGRAL DU GSOL, ,BZOD DKA' NGAN 'GRO'I G-YANG LAS DRANG DU GSOL, ,RIGS LDAN ZHING DU 'KHRID PAR MDZAD DU GSOL, ,'DI PHYI BAR DE'I GNAS SKABS GANG DU YANG, ,RE SA GZHAN NA MED DO THUGS RJES DRONGS, (,'DI'I SKABS SU SPYI BO'I BLA MA DUS KYI 'KHOR LO'I THUGS KA NAS 'OD
ZER LCAGS KYU LTA BU BYUNG, RANG GI SPYI BO NAS ZHUGS TE SNYING GA'I H'Um GI THIG LE LA BTAB NAS DRANGS PAS, DE NYID SPYI BO NAS ZHUGS PA'I BLA MA DUS KYI 'KHOR LO'I DH'U TI'I MAR SNA RANG GI DH'U TI'I YAR SNA DANG RAG DUNG ZHAL SPROD LTA BUR GNAS PA LA REG TZAM BYUNG BAR MOS NAS, 'OG RLUNG DRAG TU 'THEN PAS HI KA CES BRJOD CING, KA BRJOD PA DANG MNYAM DU SLAR YANG SNYING GAR H'Um YIG PHAB, DE LTAR THUN RE LA LAN NYER GCIG RE SBYONG ZHING, THUN GYI MTHAR YANG, BSLU MED DKON MCHOG GSUM GYI NGO BO NYID, (,CES PA NAS,) RE SA GZHAN NA MED DO THUGS RJES ZUNGS, (,ZHES GSOL BA BTAB PAS, BLA MA DUS KYI 'KHOR LO 'OD DU LTIM GYIS ZHU NAS TSANGS PA'I BU GA 'KHYIL GYIS DAM POR BKAG PA LAS BDUD RTZI'I RGYUN BABS PAS TSE RING DU SPEL BAR BYIN GYIS BRLABS PA'I MOS BYA BA GNAD CHE'O, ,TSUL 'DIS 'PHO BA LEGS PAR 'BYONGS PA'I RTAGS SPYI BO ZA BA DANG 'PHREG PA SOGS DANG KHYAD PAR 'CHI BA LA MI 'TSER PA'I GDENG THOB NA GNAD DON RNAMS MA BRJED PAR BYA BA MA GTOGS YANG YANG MI SBYOR, THUN MTSAMS RNAMS SU YANG RANG GANG DU 'DUG PA'I GNAS KYANG BYANG SHAMBHA LA'I ZHING, GANG DU 'GRO YANG SHAMBHA LAR 'GRO BA'I MOS PA, GANG DU SLEB KYANG SHAMBHA LAR SLEBS PA'I MOS PA BYA ZHING, NYAL
, ,BA'I DUS SU'ANG SHAMBHA LA'I ZHING DU NYAL BA'I 'DUN PA DANG MA 'BRAL BAR BYA BA NI GNAD DO, ,DE LTAR NYAMS SU BLANGS NAS 'THAR 'CHI LTAS 'BYUNG BA NA SGROL DKAR DANG TSE DPAG MED KYI BZLAS BSGOM SOGS LA BRTEN NAS 'CHI LTAS BZLOG PA'I THABS YANG DAG PA BYA ZHING, DES BZLOG NA LEGS, GAL TE MA BZLOG NA THEG CHEN BLO SBYONG GI STOBS LNGA'I NYAMS LEN DANG 'BREL BAR ZHOR THAMS CAD DGE PHYOGS SU BTANG, BLA MA DKON MCHOG GSUM LA MCHOD PA DANG MAndAL PHUL NAS 'PHO BA THEBS PA'I GSOL BA YANG YANG GDAB, CHOS SRUNG RNAMS LA'ANG BAR CHAD MI 'BYUNG BA'I 'PHRIN LAS BCOL, GNAS DBEN PAR LUS RNAM SNANG CHOS BDUN NAM; YANG NA SENG GE'I NYAL STABS KYIS NYAL, 'PHO RDZAS YOD NA SPYI BOR BYUGS, CHO GA SNGAR BZHIN BTANG BA'I DNGOS GZHI'I SKABS SU TSAM TSOM MED PA HIKA RGYAB NAS, RANG GI SPYI BO'I BLA MA'I THUGS KAR GNAS PA'I K'A LA BA'I GRONG DU 'PHOS TE RNAM BCU DBANG LDAN DANG RO GCIG TU 'DRES, BLA MA YANG SKAR MDA' 'PHANGS PA LTAR BYANG SHAMBHA LA'I GNAS SU GSHEGS NAS RIGS LDAN KHRI THOG PA LA THIM, RANG GI RNAM SHES DE'I THUGS KA NAS PHYIR PHYUNG STE, KHONG GI NYE SRAS ZHIG TU SKYE BAR 'GYUR PA'I MOS 'DUN BSKYED PA'I MU NAS 'CHI THUB NA MAN NGAG GI NYID DGOS 'GRUB PAR GDON MI ZA STE, JI SKAD DU MDO LAS,
CHOS RNAMS THAMS CAD RKYEN BZHIN TE, ,'DUN PA'I RTZA LA RAB TU GNAS, ,GANG GI SMON LAM CI BTAB PA, ,'BRAS BU DE 'DRA THOB PAR GYUR, , ZHES DANG, RGYUD LAS, SKYES BU GANG ZHIG 'CHI BA'I TSE, ,BLA MA SKAD CIG DRAN 'GYUR NA, ,'PHO BA RNAMS KYI MCHOG TU GYUR, ,SKYES BU DE NI MNGON SANGS RGYAS, ,ZHES GSUNGS PA'I PHYIR, DE LTA BU'I RNAL 'BYOR PAS GZHAN GYI DON BYED PAR 'DOD NA, GANG ZAG SHI PA'I PHUNG PO'I THAD TU 'GRO BA'AM, YANG NA THAG RING PO NAS TSE 'DAS KYI RNAM PA YID LA BYAS PAS KYANG RUNG ZHING ZHAG 'GA' SONG BA YIN NA, SPYANGS CHOG GI SKABS 'BYUNG BA BZHIN GYI DGUG GZHUG BYA, 'PHO BA DNGOS GZHI 'DEBS PA'I SKABS SU CHO GA'I TSIG LA RANG GI ZHES DANG, BDAG NI ZHES SOGS RNAMS LA TSES 'DAS ZHES SBYAR PAR BYA ZHING, TSES 'DAS KYI SPYI PO'I BLA MA LHA'I THUGS KA NAS 'OD ZER PHU TUNG LTA BU LA DKYIL TU LCAGS KYU LTA BU YOD PA ZHIG BYUNG BA TSE 'DAS KYI SPYI BO NAS ZHUGS, SNYING DBUS KYI THIG LE'I MTHA' SKOR GYI SDIG SGRIB KYI NGO BO 'OD KHA DOG NAG PO RNAMS 'OD ZER GZHAN RNAMS KYIS MNAN CING SBYANGS; 'OD ZER LCAGS KYU LTA BUS H'Um YIG LA BTAB, SPYI PO NAS DRANGS PAR MOS PAS HIKA RGYAB CING BLA MA DUS KYI 'KHOR LO'I THUGS KAR BSTIMS
, ,NAS DE NYID SKAR MDA' 'PHANGS PA BZHIN DU BYANG SHAMBHA LAR GSHEGS PAR BSGOM PA SOGS SNGAR LTAR BYA'O,, RANG GIS 'PHO BA SBYONG BA DANG GZHAN LA 'PHO BA THEBS GNYIS KA LA MJUG TU BSNGO SMON TRI MA MED PAS MTSAMS SBYOR PA GNAD SMIN TU BYA DGOS SO,, SPYIR SDIG CAN BTZAN THABS SU 'TSANG RGYA BAR BYED PA'I THABS DAM PA ZAB LAM 'PHO BA'I NYAMS LEN LA MOS PA DAG GIS THOG MA NYID NAS LAM BLO'I NYAMS LEN SPYI DANG, SGOS SU 'DU SHES BCU GCIG GI MDO DANG 'DA' KA'I YE SHES KYI MDO'I DON NYAMS SU LEN PA DANG 'BREL NA 'PHO BA'I MAN NGAG GNAD DU 'GRO BA DANG, DE LAS GZHAN DU CHES DKA' BA'I TSUL LA NGES SHES RNYED PA GAL CHE'O ZHES BLA MA MKHAS PA TSAD THUB RNAMS GSUNG GIN 'DUG STE, DON DE'ANG SHES LDAN RNAMS KYIS SNYING LA BCAGS PAR MDZAD NA LEGS SO,, ,, SHAMBHA LA YI 'PHO 'KHRID CES, ,SNGON CHAD GRAGS TSAD CHUNG NA YANG, ,ZHI BA SHRE THU'I SPRUL SKU YIS, ,'KHRID RGYUN ZUR YIG BCAS PAR SPEL, ,BLA MA LHA YI RNAL 'BYOR DANG, ,'BREL BA'I 'PHO BA ZHIG SPYANGS NA, ,GAR MOS
ZHING DER 'PHO NUS PHYIR, ,SHAMBHA LAR YANG SPYAR RUNG SNYAM, ,GZHUNG DE'I SNYING PO'I DON BLANGS SHING, ,MAN NGAG GZHAN GYIS GNAD GSAL NGOS, ,CHOG BSGRIGS DGE BAS 'BREL THOGS KUN, ,RIGS LDAN ZHING TU NGES BGROD SHOG , CES ZHING MCHOG SHAMBHA LA'I 'PHO 'KHRID MYUR LAM GSAL BYED CES BYA BA 'DI NI, MAN NGAG 'DI LA MOS LDAN SPYI 'GRO LA CHO GA 'DI 'DRA RE BYUNG NA PHAN TSABS CHE 'AM SNYAM DU BSAMS NAS, ^ BLA RGAN BHU SU KU BA ZHIG GIS DBEN PA'I BSTI GNAS BKA' GDAMS CHOS SDINGS SU RAB RGYAL DPAL GDONG SA NA ZLA'I DKAR PHYOGS RGYAL BA GSUM PA'I NYIN DGE BAR SUG BRIS SU BGYIS PA STE, 'DIS KYANG YUL DANG TUS MTHA'I SKYE 'GRO LA SMAN YON RGYA CHER SGRUB NUS PAR GYUR CIG, ,,SARBA MANGGAm,,